བོད་ཡིག

e-texts based on the ACIP/ALL Input

A ga ma k+Shu dra ka byA khyA na/ bod skad du/ lung phran tshegs kyi rnam par bshad pa/ byang chub sems dpa' 'jam dpal gzhon nur gyur pa la phyag 'tshal lo/ /dpal ldan gang gi yon tan dag gis nyon mongs dgra yi tshogs rnams ma lus 'dul mdzad cing/ /don rnams ma lus rig pa'i dri med mkhyen ldan bdag nyid thugs rjes 'dul gsung ba'i/ /sangs rgyas zhabs kyi pad+ma lha yi rin chen cod pan zer gyis reg par gyur de la phyag byas nas ni phra mo'i rtogs dka' i de nyid tshig gi rnam bshad 'di brtsam bya/ /phran tshegs kyi gzhi'i sdom zhes bya ba la/ phal cher bslab pa'i gzhi phra zhing kha na ma tho ba chung ba ston par byed pa'i lung gang yin pa de ni phran tshegs zhes bya'o/ /gzhi zhes bya ba ni 'di la bslab pa'i gzhi brjod par bya ba'i dngos po'i sgo nas gnas par byed pa'i phyir gzhi yin te/ don dang ldan pa'i sgra bkod pa zhes bya ba'i don to/ /sdom zhes bya ba ni sgro 'dogs pa bsal ba dang/ rnam par brjed pa spang ba'i don to/ /gnod pa can gyi yul smos pa las btus nas ngag gang la bslab pa'i gzhi brjod cing dpyod pa ni sdom yin te/ mdor bsdu ba byas pa'i don smos pa zhes bya ba'i bar du'o/ /bsdus pa'i sdom zhes bya ba ni bsdus par gyur pa'i sdom gyi tshigs su bcad pa las btus shing ngag gang la khas blang ba 'am/ dum bur byed pa de ni bsdus pa'i sdom zhes bya'o// thams cad du bstan bcos rtsom pa la brjod par bya ba dang/ dgos pa dang 'brel pa dang dgos pa'i dgos pa dag gdon mi za bar brjod par bya ba yin te/ gang gi p hyir brjod par bya ba la sogs pa bzhi po dag dang bral ba'i sgra la yang rtogs pa dang ldan pa yid dga' ba bskyed pas bskyed par mi byed na bstan bcos dag la yang smos kyang ci dgos/ de phran tshegs kyi ming can gyi lung 'di la dge slong dag gi bya ba ni brjod par bya ba yin la/ de yang rnam pa gnyis te/ cung zhig ni dor bar bya ba yin te/ dper na so phag gis lus la bdar bar mi bya'o zhes bya ba lta bu'o/ /bsam gtan dang 'don pa la sogs pa cung zhig ni blang bar bya ba yin te/ dper na dge slong dag rgyags pa med par bsam gtan gyis shig ces bya ba lta bu'o/ /brjod par bya ba gnyis po de bstan cing khong du chud pa ni bcom ldan 'das dang sdud pa po dag gi dgos pa yin no/ /bstan pa de yang phran tshegs kyi ming can gyi sgra'i bkod pa 'dis bsgrub par nus pa de'i phyir sgra'i tshogs 'di brjod par bya ba khong du chud pa'i thabs su gyur ba yin te/ 'di gnyis ni thabs las byung ba'i mtshan nyid kyis 'brel ba yin no/ /rab tu yang dag par 'jug pa'i sdug bsngal la chos shes pa'i bzod pa nas phung po lhag ma med pa'i mya ngan las 'das pa thob pa zhes bya ba ni dgos pa'i dgos pa yin no/ /sangs rgyas bcom ldan 'das zhes bya ba la/ chos thams cad thugs su chud pa'i phyir sangs rgyas yin la/ dbang phyug la sogs pa yon tan drug dang ldan pa'i phyir bcom ldan 'das sam/ 'dod chags dang/ zhe sdang dang/ gti mug bcom pa nyid kyi phyir bcom ldan 'das te/ 'dod chags bcom zhing zhe sdang bcom/ /gti mug bcom zhing zag pa med/ /sdig pa'i chos rnams rnam bcom pa/ /de phyir de ni bcom ldan 'das zhes gsungs pa'i phyir ro// sangs rgyas kyi sgra'i nye ba'i tshig bcom ldan 'das zhes bya ba yin na ni bcom ldan 'das nyid brjod par bya ba ma yin nam/ 'di ltar mdo sde las dus gcig na bcom ldan zhes 'byung ba'i phyir ro zhe na/ de skad du brjod par ni mi nus kyi gzhan dag la yang bcom ldan 'das zhes brjod de/ 'di ltar bcom ldan 'das nor lha zhes bya ba la sogs pa'i khyad par rnam par bcad par bya ba'i phyir sangs rgyas smos pa yin no/ /de lta na ni mdo sde dag la yang sangs rgyas smos dgos so zhe na/ mi bya ste/ nyan thos kyis bshad pa'i mdo sde yang srid pa'i phyir te/ de ltar b slab pa'i gzhi bca' bdag ni nyan thos 'phags pa shA ri'i bu la yang dbang yod pa ma yin pa de'i phyir 'dul ba las bslab pa'i gzhi bcas pa mdzad pa la ston pa gcig tu gtso bor gyur pa yin gyi/ gzhan 'ga' zhig kyang ma yin no zhes bya ba nyid kyi phyir sangs rgyas smos so/ /yangs pa can zhes bya ba ni khyim dang 'byor pa yangs shing rgya che bar gyur pa'i grong khyer ni yangs pa can nam/ mi rnams bsod nams rgya che zhing lha'i phun sum tshogs pa dang ldan pa'i grong khyer 'di la yangs pa can zhes bya'o/ /yangs pa can de na zhes bya ba ni nye bar gyur pa dbang du byed pa'o/ /bzhugs te zhes bya ba la de'i sgra ni 'das pa'i dus ston par byed pa'o/ /'di ltar bzhugs pa yang bzhengs pa dang/ bzhugs pa dang/ gzims pa dang/ 'chag pa tha dad pa'i sgo nas rnam pa bzhi srid pa de lta na yang 'dir bzhugs pa tsam zhig nye bar sbyar ba yin no/ /spre'u rdzing gi 'gram zhes bya ba ni spre'us bskos pa'i chu'i rdzing gi 'gram na'o/ /khang pa brtsegs pa'i gnas zhes bya ba ni gtsug lag khang gi ming ngo/ /drug sde nyid kyis bya ba ni drug po phan tshun sde tshan du mthun pa dag ni drug sde yin la/ drug sde'i dngos po ni drug sde nyid dam gang rnam pa drug po la phan pas na drug sde nyid de/ de dag re re la yang drug sde kho na nyid ces bya ste/ dper na bya lnga pa dang dge slong lnga pa zhes bya ba lta bu'o/ /drug sde nyid ni tshogs la bya'o/ /snga dro ni nyi ma'i thun dang po yin la der bgos nas zhes bya ba ni sham thabs bgos su zin kyang spyod lam spa ba'i phyir dang/ yang mdzes par bya ba ni nyid kyi phyir zhes bya ba'i don to/ /bsod snyoms kyi phyir zhes bya ba ni bsod snyoms blang pa'i don du'o/ /bar ni dbus so/ /yangs pa can zhes bya ba la/ yangs pa can gyi grong khyer na gnas pa gang yin pa de dag ni yangs pa can gyi'o/ /li tsa ba'i zhes bya ba ni li tsa bA'i mi can gyi rgyal rigs dag gi'o/ /skyed mos tshal ni rtsed 'ju'i gnas la bya'o/ /bya sna tshogs skad 'byin pa zhes bya ba ni 'dab chags rnam pa sna tshogs sgra sgrogs pa'o/ /dga' ba'i tshal zhes bya ba ni sum cu rtsa gsum pa dag skyed mos tshal gang la rab tu 'jug na lha dag gi 'byor ba'i tshogs nyams su myong bar gyur pa'o/ /de dang 'dra ba ni de dang cha 'dra ba dag yin no/ /rtsol ba ni lus kyi sgo nas dub par byed pa yan lag rtsol ba gang gis sgrub par byed pa de ni brtsal ba'i cha spyad yin te/ mda' bo che la sogs pa'o/ /gar dang glu dang sil snyan gyi cha spyad ni pi wang la sogs pa dag go /khrus kyi yo byad ni so phag la sogs pa dag go /sum cu rtsa gsum gyi lha zhes bya ba ni rtse ba'i phyir lha sde rtse 'jo byed pa'i phyir lha ste zhes bya ba'i don to// dbang po gcig dang nye ba'i dbang po sum cu rtsa gnyis te/ sum cu rtsa gsum pa de dag ni gsum cu rtsa gsum zhes bya'o/ /dper mdzad na zhes bya ba ni dper gyur pas na dper mdzad pa ste/ ji skad du dge slong dag khyod cag las sum cu rtsa gsum gyi lha mthong bar ma gyur ba gang yin pa des yangs pa can gyi li rtsa bA'i skyed mos tshal gyi gnas su song la ltos shig ces bya ba la sogs pa gsungs pa yin no/ /gtam du byas pa zhes bya ba la/ gtam ni tshig gi sgo nas mngon par 'dod pa'i 'bras bu dpyod par byed pa yin te/ gang gis gtam du byas pa de dag ni gtam du byas pa ste/ mngon par 'dod pa'i 'bras bu 'byor ba bsgrubs nas zhes bya ba'i bar du'o/ /mnga' bo che ni logs gnyis nas lcags kyi mde'u tshad chen po can dbus lag pas? bzung du rung ba mtshon cha'i khyad par dag yin te/ de yang dang yang du 'phags pa las brtsal ba 'grub par 'gyur ro/ /rdo srid bu la sogs pas bcings pa dag ni drang pa'i don gyi rdo ste/ de 'dran pa las kyang brtsal ba 'grub par 'gyur ro/ /bsnron pa'i don gyi rdo ni skyes bu stobs dang ldan pas bteg pa'i rdo yin te/ de bteg nas dor ba las kyang brtsal ba 'grub par 'gyur ba 'am/ gang gis dpung mgo'i phyogs la bsnun par gyur nas ?? ?? 'gyur ba'i phyir bsnun pa'i don gyi rdo zhes bya'o/ /pi wang ni sil snyan gyi khyad par la bya ste/ da ltar ni mi snang ngo/ /kha cig na pi wang du rab tu grags pa la yang pi wang zhes zer ro/ /gling bu ni 'di ma yin la/ rnga ni rdza rnga la bya'o/ /'phang? rnga ni 'khar rda'i sil snyan yin la/ sgra snyan pa'i mchog ni sil snyan yin te nub par gyur to zhes brjod do/ /bzo'i gnas dang/ las kyi gnas zhes bya ba la/ bslab pa'i gnas ni bslab pa'i dngos po khong du chud pa ste/ khal ma byung ba la sogs pa'o/ las kyi gnas ni bslab pa'i rtsol bas bsgrub pa yin te/ glang po che'i gnya' ba dang/ rta'i rgyab dag la zhon pa la sogs pa'o/ /yan lag lnga dang ldan pa zhes bya ba ni brdung bar bya ba sil snyan gyi tshogs la bya la brdung bar bya ba yan lag lnga dag gang la yod pa de ni yan lag lnga dang ldan pa ste/ dper na dpung gi tshogs lan lag bzhi pa lta bu'o/ /brdung bar bya ba'i lan lag dag kyang sil snyan lnga'i khyad par yin te/ rgyud dang/ rnam par rgyas pa dang/ mgo bzang dang/ ma thug pa dang/ 'dren ma'i dbye ba'i phyir ro/ /de la rgyud ni rgyud nyid kyis sgrogs pa te/ pi wang la sogs pa'o/ /rnam par rgyas pa ni pags pas g.yogs pa ste/ rnga bo che dang rdza rnga la sogs pa'o/ /mgo bzang ni 'od ma'i sil snyan no/ /mthug pa ni glu snyan pa la sogs pa dbyangs gyi khyad par ro/ /'dran ni phan tshun rjes su mthun pa sgra 'jam po yid du 'ong ba'i sil snyan dag gi tshogs yin no/ /skyes bu mkhas pas zhes bya ba la sogs pa la/ sgra sna tshogs kyi khyad par sgrog par byed pa la mkhas pa zhes bya'o/ /legs par rab tu dkrol ba zhes bya ba ni rab tu sbyor ba po des yang dag pa phyin ci ma log pa'i rnam pas so/ /kha cig ni sgra yid du 'ong ba can brgyud lnga pa brdung bar bya ba'i khyad par ni yan lag lnga dang ldan pa zhes bya ba dang/ gzhan dag kyang phan tshun rjes su mthun pa sgra yid du 'ong ba can brdung bar bya ba'i khyad par snga? ma yan lag lnga dang ldan pa zhes zer ro/ /yang na sil snyan gyi rjes rgyud dang ldan par bya ba'i pi wang la sogs pa dag ser mo dag gis brdung bar bya ba gang yin pa de dag yan lag gcig yin la/ rgyud kyi khyad par gyi sgo nas grub pa lag pa dang 'brel pa'i shing du drung pa dang/ yongs su drung bas brdung par bya ba gang yin pa de ni gnyis pa'o/ /gling bu la sogs pa kha'i dbugs kyis bud par bya ba gang yin pa de ni gsum pa'o/ /rdza rnga la sogs pa lag pas bsnun pa'i sgo nas brdung bar bya ba gang yin pa de ni bzhi pa'o/ /cha lang la sogs pa phan tshun rdab pa'i sbyor bas dkrol bar bya ba gang yin pa de ni lnga pa'o/ /rna ba byol te zhes bya ba ni sgra de mnyan pa la rna ba dang sems dag rnam par gtod pa'o/ /gar byed pas na gar mkhan no// brtag pas mos pa ni mngon par 'dod pa yin la/ brtag pa'i phyir gzhol zhing 'bab pa'i yid gang la yod pa de la de skad ces bya ste/ sgra de mnyan pa'i phyir gnas der 'gro bar mngon par 'dod pa dang bcas pas zhes bya ba'i tha tshig go/ myur zhing zhes bya ba la sogs pa la/ rings drag tu dong nas so/ /bkren pa ni dman pa 'am yon tan gyis dbul bar gyur pa yin te/ dman pa nyid dang yon tan gyis dbul bar gyur pa yin te/ dman pa nyid dang yon tan gyi dbul bar gyur pas 'ga' zhig la yon tan yod pa dag tu skyes par mi byed do/ /de nyid kyi phyir khyed la bye brag ci yod ces smos te/ khyad par yongs su shes pa'i nus pa med pa yin no zhes bya bar dgongs so/ /dge sbyong rnams kyang 'dod pa'i yon tan gyis zhes bya ba la mkhas pa dka' thub can gyi 'gro ba dag ni dge sbyong yin te/ de dag 'di kun spyod par byed pa'i phyir dge sbyong rnams rtogs pa'i g.yos 'dod pa la yongs su longs spyod pa yin te/ dper na so phag ba dar ba'i g.yos sgra yid du 'ong ba yongs su longs spyod pa dang/ rgya rjes su snang ba las byas pa la sogs pa'i sor gdu ba yongs su longs spyod par byed do zhes bya ba la sogs pa lta bu'o/ /sgra'i don dpyad par bya ste/ 'dod par bya ba yin pa'i phyir 'dod pa ste/ mngon par 'dod par bya ba yin pa'i phyir zhes bya ba'i don to/ /goms par bya ba yin pa'i phyir yon tan te/ 'dun pa'i 'dod chags kyi sgo nas goms par byed ces bya ba'i bar du'o/ /rjes su ston par mdzad pas na ston pa'o/ /spa bkod pa ni lan sbyin pa'i nus ma med par gyur pa yin no/ /srad dang zhes bya ba la sogs pa la/ shing rta bkri bar nus pa'i khri lam gang yin pa de ni srad yin no/ /khri lam ni shing rta bskyod du rung ba'i tshod dus kyi khri lam mo/ /bzhi mdo ni srad gi sna'i lam gyi bzhi mdo dag go / sum mngon srang gi sna'i lam gyi sum mdo'o/ /'das pa dang bcas par 'gyur ro zhes bya ba ni shin tu 'das par byed pa ni 'das ste/ bslab pa'i mtshams las shin tu rgal bar byed pa'o/ /'das pa dang lhan cig 'jug pa na 'das pa dang bcas shing rgal ba dang bcas pa ste/ nyes byas kyi kha na ma tho ba dang bcas par gyur zhes bya ba'i tha tshig go /dri ma'i 'dam ni dri mas nye bar gos pa 'am dri ma'i tshogs la bya'o/ /dag pa ni nyon mongs pa'i dri ma dang bral bar gyur pa'o/ skabs ni gnas skabs la bya'o/ /gang so phag gis lus spyad par mi bya'o/ /zhes gsungs pa ni bcas pa yin la/ gang rkang pa so phag gis spyad par bya'o zhes gsungs pa de'i phyir rjes su gnang ba yin par shes par bya'o/ mdzub res gsum zhes bya ba ni sa zhag dkar pos 'phral ba'i phyogs su ri mo gsum byas pa ni mdzub ris gsum mo/ /'phya bar byed pa ni 'phyar kha gtong bar byed pa'o/ /gsod por smra bas gsod por smra'o zhes bya ba ni gus pa'i tshig zlos pa yin te/ gsod por smra ba ni lus kyi phyag 'tshal ba med pa'i sgo nas mchod pa'i tshig yin no/ /mnyan yod ces bya ba la sogs pa la/ drang srong mnyan yod kyis bsgrubs pa'i grong khyed mnyan yod ces bya'o/ /bslab pa'i tshig 'byung bas na gzhi zhes bya'o/ /gi wang gi thig ler byas te zhes bya ba ni gi wang gi dbral ba'i phyogs su thig ler byas nas so/ /chos ston bsngags par byed ces bya ba ni der bdag gis bza' ba rnam pa sna tshogs zhi ma zhing bsod pa mang pos rnyed par gyur zhes pa'o/ /bram ze dang khyim bdag ni khyim gyi ni skyo bo dam pa dag yin te/ dam pa bzung bas dam pa ma yin pa yang smas pa yin no/ /gsod por smra ba ni gsod por smra bar 'os pa yin pa'i phyir gsod por smra bar bya ba dag yin la/ phyag bya bar 'os pa yin pa'i phyir phyag bya ba dag ces bya'o/ /rgan po ni chod las shin tu 'das pa yin te/ bram ze ni gang yid phyir phyogs pa khyim dag tu gnas pa bsam pa med par gyur pa'o/ /brgyan pa ni spras par gyur pa'o/ /bzhin bzangs zhes bya ba ni snyan pa'i tshig gis 'bod pa'o/ /rang bzhin du gnas pa'i dngos po na rang bzhin du gnas par gyur pa nyid de/ nad med par 'gyur ro zhes bya ba'i bar du'o/ /thugs rje'i spyod pa mnga' ba'i phyir thugs rje can no/ /dris byugs te zhes bya ba ni yang dag par bskus te'o/ /gnas brtan zhes bya ba ni de dag mchod pa'i tshig go /de dag 'phya bar byed ces bya ba la sogs pa la 'phya ba ni ming smos pa'i sgo nas tshul ma yin pa rjod par byed pa'o/ /smos pa ni ming smos pa med par spyir 'ga' zhig 'di ltar byed do ces nyes pa brjod par byed pa'o/ /ngan du zer ba ni de'i skyon brjod pa'i phyir 'dri ba la sbyor ba yin no/ /'dod pa la longs spyod pa zhes bya ba ni 'dod pa la longs spyod pa'i dang tshul can no/ /'ongs shing lhags par gyur pa rnams la zhes bya ba la/ cung zhig sngar 'ongs par gyur pa'i phyis lhags par gyur pa gang yin pa de dag ni 'ongs shing lhags par gyur pa de dag la'o/ /chos ni sangs rgyas kyi bka' yin la/ 'chad pa ni ston par byed pa'o/ /kun tu spyod pa'i chos rnams zhes bya ba la khyad par du bya ba dang rjes su mthun pa'i gdon mi za bar bya ba dag ni bcom ldan 'das kyis dngos sam brgyud pas skabs kyi bye brag la rag lus par bya bar rjes su gnang ba yin pa'i phyir kun tu spyod pa'i chos te/ kun nas rtag tu khyad par du bya ba'i don yin no/ /kun tu spyad pa ni kun tu spyod pa te/ de dang de dag 'dir kun tu spyod pa zhes bya ba yin te/ dper na dgon pa las khyi gso bar byed pa khyad par du bya ba yin la/ de dang rjes su mthun pa yin pa'i phyir bcom ldan 'das kyis bya ba dag tu rjes su gnang ba yin no/ /lag mthil dri dang ldan pas byugs shing ces bya ba ni lag pa dris nye bar bsgos pas bcom ldan 'das kyis mchod rten la'o/ /lag pa'i sor mos rnam par phye ba gzugs brnyan? 'brung ba can ni lag pa'i mthil dri dang ldan pa'o/ /bcom ldan 'das kyi dbu skra dang sen mo dag snying por byas ba'i mchod rten ni dbu skra dang sen mo'i mchod rten no/ /dus dus su zhes bya ba ni dus snga ma dang kun tu 'brel ba'i dus cig shes la dus dus zhes bya'o/ /mig la phan 'dogs par byed pa ni mig la phan pa'o/ /'di la 'gyod pa nyid du mi bya ba'o zhes bya ba ni ngan par byas pas na 'gyod pa yin la/ 'gyod pa'i dngos po ni 'gyod pa nyid do/ /'dir ni de la dmigs pa'i sems las byung ba'i 'gyod pa zhes bya ba'i chos la 'gyod pa nyid du bshad la/ de mi bya ba ni bskyed par mi bya'o/ /srog chags byis pa gsod kyi rnam pas nye bar mtshon pa'i ri ni byis pa gsod kyi ri'o/ /srin po 'jigs par byed pa rnam par gnas pa'i nags ni 'jigs par byed pa'i nags so/ /ri dwags mang po rgyu ba'i phyir ri dwags rgyu ba ste/ shing mang po can chad shin tu mi che ba'i/ shing gzhan dang gzhan dag gis khyab pa'i sa phyogs ni rgyu ba can no/ /yang dag pa 'bras bu gdams pa sgrogs par byed pa'i phyir nyan thos te/ de dag gi dge 'dun ni tshogs yin pas nyan thos kyi dge 'dun no/ /tshe na rtsi brgya ni khams brgya la bya'o/ /chags ba ni zhen par gyur pa'o/ /dus las zhes bya ba la/ dus ni tha ma'i dus te/ des las 'das pa ni nyams su myong bar gyur pa'o/ /gang la ske la lba ba yod pa de ni lba ba can te yi dwags kyi rigs can dag tu'o/ /tshangs pa'i skud pa ni mchod sbyin gyi dag byed do// bca' ba dang bza' ba zhes bya ba la/ bca' ba ni lnga ste/ 'di ltad rtsa ba'i bca' ba dang/ sdong bu'i bca' ba dang/ lo ma'i bca' ba dang/ me tog gi bca' ba dang/ 'bras bu'i bca' ba zhes bya ba'o/ /bza' ba ni lnga ste/ 'di ltar 'bras chan dang/ nas chan dang/ snum khung dang/ nya dang/ sha zhes bya ba'o/ /skud pa gang la sngon po la sogs pa tshon sna lnga yod pa de ni tshon sna lnga pa'i skud pa'o/ /'dus par zan zos nas zhes bya ba ni gang gi tshe khyim pa'i byis pa bcas pa 'am/ me skor byed pa de'i tshe skye ba'i rtsa lag 'dus par gyur pa gang yin pa de la 'dus pa zhes bya ba 'am/ 'dus pa'i rgyu mtshan las byung ba'i zas gsod pa la yang 'dus pa kho na zhes bya ba ste/ de la brten nas 'byung ba nyid kyi phyir ro/ /gzhung gzhan las ni gnod sbyin gyi gtor ma zos nas zhes 'byung ste/ 'dir de'i don ni khyim du gnod sbyin gyi ched kyi gtor ma byas pa gang yin pa de zos shing dbang po tshim par byas pa yin no/ /ska rags ni lus bcing ba'o/ /sbrog ma ni lcag ma las byas pa ste/ me tog la sogs pa rdzas gtsang ma'i gzhir gyur pa'i dngos po'o/ /shA kya'i bu ni dka' thub la gnas pa'i phyir shAkya'i bu'o/ /dge sbyong ni thar pa'i phyir 'jug pa'o/ /rab tu tshig pa ni rnam par nyams par gyur pa'o/ /dge sbyong zhes bya ba ni thar pa'i don du yongs su sbyong ba'o/ /bram ze na lus dang yid kyi nyes bar spyod pa las ldog pa yin gyi/ de dag thar pa'i don du ldog cing yongs su spyod pa ni ma yin te/ gong nyes par spyod pa las ldog pa ma yin pa rgya'i tha snyad kyi sgo nas rgyan yongs su longs spyod pa yin no/ /'dreg mkhan zhes bya ba la/ 'dreg mkhan na skra 'dreg par byed pa yin pa'i phyir 'dreg mkhan te rung bar byed pa la bya'o/ /kun tu spyod pa zhes bya ba ni gdon mi za bar bya ba ni yin pas na nges par yang dang yang du nan tan du byed pa gang yin pa de ni kun tu spyod pa ste/ dper na drug sde dag gis rgyal byed kyi tshal gyi sgor sdod pa lta bu 'am/ gzhan dag kyang rtag tu goms par bya ba'i bya ba sgrub par byed pa lta bu'o/ /zla ba ltar yun ring po zhig lon na zhes bya ba ni ji ltar yar ngo'i tshes gcig gam tshes gnyis pa zla ba mthong bar skye bo thams cad kyis mngon par 'dod par bya ba yin pa de bzhin du khyod kyang yin no/ /'bru'i sna zhes bya ba ni logs gnyis nas rims pa bzhin du bcad cing lhag? ma sen mo'i dbus 'bru'i sna ltar byas pa'o/ /dang ra'i bang rim zhes bya ba ni dang ri'i bang rim bzhin du mtho dman du gyur pa zhes bya ba'i tha tshig go / spu gri'i so dang zhes bya ba ni sen mo thams cad rim pa bzhin du bcad pa ni spu gri'i so lta bu'o/ /mnyam por bcad pa ni ste'u so lta bu yin te/ logs gnyis nas ma bcad pa'i phyir ro/ /nan khugs can gyi dge sbyong zhes bya ba la/ nga rgyal gyi tshul ma yin pa'i bya ba dag kun tu spyod par byed pa gang yin pa de ni na? khugs? can gyi dge sbyong zhes bya'o/ /'phya ba la zhugs pa ni co 'dri ba'i bsam pas zhug pa'o/ /nye bar zhi ba med do zhes bya ba ni rgod pa mngon du sang ba can gyi lus dang ngag gi 'jug pa rnam par ldog pa med do zhes bya ba'i don to/ /bcom ldan 'das kyis dgongs pa zhes bya ba ni 'brel ba rnam par bstan pa'i phyir 'di drug pa yin te/ 'di ltar bcom ldan 'das kyis zhes bcom 'das kyis gsan pa dang 'brel pa'i gtam dgongs pa mdzad pa yin no zhes bya bar dgongs so/ /gcod pa spangs shing gzhan sen mo mdzes par byed pa'i rnam pa ni sen mo'i spyil ba yin te/ sen mo'i dri ma dag par byed pa nyid ni bris shing tshon la sogs pas dri ma bsal ba'o/ /rgyal po'i khab ces bya ba ni khang pa byas shing mi ma yin pa de dag gis bshig par gyur pas phyis gang dang gang gis khang pa de thams cad kyis de dag la rgyal po'i khab ces rgyal po'i ming du byas pas srin po mi srun pas bshig par ma gyur pa'i grong khyer la rgyal po'i khab ces bya ba'i ming du gyur to/ /gzugs can zhes bya ba ni gzugs kyi dpe 'di la yod pa'i phyir gzugs can no/ /snying po ni rgyal srid la brtan pa brtan par gyur pa nyid kyi phyir ro/ /gzugs can yang de yin la snying po yang yin pa'i phyir gzugs can snying po zhes bya'o/ /dus kyi gsar thog ces bya ba ni 'bras bu gang dag dus dang dus su nges par gyur ba dag ni nges par gyur pa dag ste/ thog mar smin par gyur pa'i 'bras bu gang yin pa de ni dus kyi gsar thog go /'bru sar pa dag ni 'bras sA lu la sogs pa gang yin pa de dag las bsgrubs pa'i bza' ba dag go /'bras bu sar pa zhes bya ba ni gsar du rnyed pa 'am/ sngar smin pa'i 'bras bu ste a mra la sogs pa dag go /blon po ni blo'i grogs su gyur pa'o/ /cung zad dgos pa ni rnam par 'dzum pa'o/ /a mra'i shing stong gis nye bar mtshan pa'i skyed mos tshal stong gi skyed mos tshal zhes shes par bya'o/ /dus ston zhes bya ba/ ni mngon par 'dod pa'i lha la mchod pas nye bar mtshon pa'i dga' ston no/ /mtshams so so na gnas par gyur pas na mtshams kyi rgyal po'o/ /'di la 'bras bu kun nas chags par gyur pa de ni 'bras bu chags pa'o ci 'o na zhes bya ba la 'o na'i sgra ni nges pa 'am srid pa'i don no/ /lhags par gyur pa zhes bya ba la lhags pa ni 'dir 'bras bu yongs su nyams par gyur pa'o/ /tshig gu ni rus pa la bya'o/ /mtshan ma rnam par phyed pa ni a mra smin par gyur pa'o/ /'od ma'i mtshal ni 'od ma rab tu mang po yod pa'i sa phyogs de nyid 'od ma'i tshal lo/ /bya ka landa ka rtsa zhing 'bab pa'i gnas ni ka landa ka'i gnas so/ /rtag tu ster ba des na khyims bdag ces bya'i spyir ni ma yin no/ /phyug pa zhes bya ba la phyug pa ni gser la sogs pa nang gi gter gyis so/ /nor che ba ni ma he la sogs pa'o/ /longs spyod che ba ni gro la sogs pa'o/ /chung ma zhes bya ba ni bud med do/ /rtse ba ni rngo 'phen pa dang/ 'khyud pa dang 'o byed pa la sogs pas so/ /dga' ba ni chung ma'i yul la mgu pa'i sems kyis so/ /dga' mgur spyod pa ni 'khrig pa lhag par spyod pa'i sgo nas so/ /sems can dang ldan par gyur pa ni mngal dang ldan par gyur pa'o/ /bcom ldan 'das gal pa zhes bya ba ni bcom ldan 'das gshags pa'i gal bder song ba 'am/ bcom ldan 'das gang na bzhugs pa der sod pa'o/ /rigs sgrogs par 'gyur la zhes bya ba ni phun sum tshogs pa la sgrogs par byed pa'o/ /dgra bcom pa nyid ni zad la mi skye ba'i ye shes yin la de mngon du byed pa ni skyed par byed cing mngon gsum du byed pa'o/ /gcer bu ni nam mkha' i gos can no/ /bslangs na ster ba'i khyim zhes bya ba ni slongs mo rnyed pa'i gzhir gyur pa'o/ /dge sbyong gi ngang tshul dang ldan pa'i phyir dge sbyong ngo/ /gau ta ma'i rigs 'khrungs pa nyid kyi ( gau ta ma zhes bya ba ni drang srong) byed gau ta ma'o/ /rtsis ni skar ma shes pa yin la/ mkhas pa ni blangs pa 'am/ /khong du chud pa de bsrung ? pa'am/ /srid pa 'am dran pa'i ngang tshul 'di la yod pa'i phyir mkhas pa dang ldan pa ste shes par gyur pa'o/ /rjes su bsngags pa ni bcom ldan 'das kyis lung bstan pa dang rjes su mthun par brjod par byed pa'o/ gus pa med pa'i sgo nas bzhan sgyur bar byed pa ni smos par byed pa'o/ /skal pa chung ba ni bsod nams chung ba'o/ /mi dga' ba ni nang na 'gyod pa'o/ /bslab pa yang dag par blangs pa ni bslabs pa'i bzhi yang dag par bzung pa'o/ /tham ste phyi ma 'byung bar 'gyur ba'i srid pa rab tu mi 'byung ba 'di la yod pa'i phyir srid pa tha ma pa'o/ /bar mdo ni dbus su'o/ /'chi ba ni skad cig mas 'jig pa thob par 'gyur ba skad cig ma gzhan la dus byed par 'gyur ba'o/ /khyim tshes ni nye ba'i khyim la dbang byed cing gnas pa'i gnyen bshes dag go /grong la rgyang grags su gyur pa ni dgon pa ste/ skye bo rab tu rgyu ba dang bral ba nyid kyi phyir der gsang pa'i las bsgrub nus par 'gyur ba'o/ /grogs po ni mdza' bo dang ne'u ldangs dag go / kun tu spyod pa dang me skor byir rung ba nyid kyi phyir gnyen no/ /bdun brgyad kyi nang du chud par gyur pa ni pho nu'o/ /dga' ba zhes bya ba la sogs pa la bzhin dang bar 'gyur ba'i phyir dga' ba'o/ /yid dang par 'gyur pa ni mgu ba'o/ dag dang bar byed pa'i phyir rangs pa'o/ /rgyal mtshan ni sing+ga'i rgyal mtshan la sogs pa 'am gos kyis dkris pa 'am/ lcug ma ring po la btags pa'i 'byung po'i gdong can la rgyal mtshan zhes bya'o/ /gos kha dog sna tshogs can lcug ma ring po la btags pa ni ba dan no/ /lo ma ni shing skar gyi shun pa 'am/ lo ma sngon po'o/ /mi mkhyen pa ni ye shes kyis so/ /mi gzigs pa ni spyan gyis so/ /ma rigs pa ni snyan gyi'o/ /rnam par mi mkhyen pa ni yid kyi rnam par shes pas so chos nyid ces bya ba ni sangs rgyas bcom ldan 'das de dag gis gang brjod par 'gyur bar gdon mi za ba mnga' bar gyur pa'o/ /thugs rje chen po dang ldan pa ni thugs rje chen po'i dbang gis gzhan gyi dbang du gyur pa'o/ /'jig rten la phan 'dogs par zhugs pa zhes bya ba ni 'jig rten la phan pa mdzad pa la phan pa la gzhol bar gyur pa'o/ /bsrung ba gcig pa ni nyon mongs pa'i dgra las yongs su skyob par mdzad pa'o/ /dpa' bo gcig pu ni nyon mongs pa las rnam par rgyal ba'i phyir theg pa chen po la bltos pa med par dpa' bar gyur pa'o/ /zhi gnas dang zhes bya ba la zhig nas ni ting nge 'dzin no/ /lhag mthong la zhes bya ba la lhag mthong ni shes rab yin te/ de dag la rtag tu spyod pa'o/ /bslab pa gsum ni lhag pa'i tshul khrims kyis bslab pa dang/ lhag pa'i sems dang/ lhag pa'i shes rab kyis bslab pa ste/ de dag la legs par bslabs par gyur pa'o/ /dul ba'i dngos po gsum ni gcig tu 'jam pa dang/ /gcig tu rtsub pa dang/ 'jam pa dang rtsub pa'o/ /de la mkhas pa ni mkhyen par gyur pa'o/ /chu bo bzhi ni 'dod pa'i chu bo dang/ srid pa'i chu bo dang/ lta ba'i chu bo dang/ ma rig pa'i chu bo dang/ de dag las brgal ba ni pha rol tu byon par gyur pa'o/ /rdzu 'phrul gyi rkang pa bzhi ni 'dun pa gtso bor gyur pa'i 'du byed dang ldan pa'i rdzu 'phrul gyi rkang pa dang/ sems dang/ brtson 'grus dang/ dpyod pa gtso bor gyur pa'i 'du byed dang ldan pa'i rdzu 'phrul gyi rkang pa bzhi po kho na'i zhabs kyi mthil de legs par rab tu gnas par gyur pa'o/ /bsdu ba'i dngos po bzhi ni sbyin pa dang/ snyan par smra ba dang/ don spyod pa dang/ don mthun pa ste/ de dag la yun ring po nas goms par mdzad pa'o/ /mi 'jigs pa bzhi ni kye ma'o bdag yang dag par rdzogs par sangs rgyas pa na zhes bya ba nas 'khor rnams la yang dag par seng+ge'i sgra sgrogs par bgyi ba 'am/ kye ma'o bdag zag pa zad par gyur pa na dang/ gang bdag gis nges par 'byung ba'i lam bstan par bgyi ba 'am/ gang bdag gis bar tu gcod pa'i chos dag bstan pa zhes bya ba'i bar dang/ der bdag la 'ga' zhig rtsod par byed pa'i rgyu mtshan yang dag dag par ma mthong zhing rnyog pa med par gyur pa dang/ 'jigs pa med par gyur pas gnas pa nas 'khor rnams la seng+ge'i sgra bsgrag par bgyi'o zhes bya ba'i bar du'o/ /yan lag lnga ni 'dod pa la 'dun pa dang/ gnod sems dang/ gnyid dang rmugs pa dang/ rgod pa dang 'gyod pa dang/ the tshom dag ste/ srid pa'i rgyu yan lag lnga po de dag rnam par spangs pa ni rnam par dor ba'o/ /rgyud lnga ni dmyal ba dang/ dud 'gro dang/ yi dwags dang/ lha dang/ mi zhes bya ba ste/ de dag tu phyir yang dag par 'jug pa med pa ni shin tu 'das pa'o/ /yan lag drug dang ldan pa ni rdzu 'phrul gyi yul dang/ lha'i rna ba dang/ sems kyi rnam grangs dang/ sngon gyi skye gnas dang/ 'chi 'pho ba dang/ skye ba dang/ zag pa zad par grags pa dag yin no zhes gsungs pa yin no/ /pha rol tu phyin pa drug yongs su rdzogs pa ni sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab kyi pha rol tu phyin pa dag yongs su rdzogs par brnyes par gyur ces bya ba'i tha tshig go / drug la rtag tu spyod pa zhes bya ba ni gzugs dang/ sgra dang/ dri dang/ ro dang/ reg bya dang/ chos zhes bya ba'i yul dag la rtag tu dran pa dang/ shes bzhin dang ldan pa ni drug po la rtag tu spyod pa ste/ mdo sde las mig gis gzugs thong ba na yid bde bar yang mi byed/ yid mi bde bar yang mi byed par dran pa dang shes bzhin gyis rtag tu btang snyoms su spyod par byed do zhes bya ba de lta bu la sogs pa des rtag tu spyod par byed do ces 'byung ngo/ /byang chub kyi yan lag bdun ni dran pa yang dag byang chub kyi yan lag dang/ chos rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms yang dag byang chub kyi yan lag ste/ de dag kho na'i me tog des rgyas pa ni 'byor bar gyur pa'o/ /zag pa med pa 'phags pa'i lam yan lag brgyad pa ni yang dag pa'i lta ba la sogs pa lam gang la yod pa de ni 'phags pa'i lam yan lag brgyad pa ste/ de ston par mdzad pa'o/ /mthar gyis gnas pa'i snyoms par 'jug pa dgu ni bsam gtan bzhi dang/ gzugs med pa bzhi dang/ 'gog pa'i snyoms par 'jug pa la gnas par mdzad pa'i phyir de dag la mkhas pa zhes bya'o/ stobs bcu po'i stobs dang ldan pa ni gnas dang gnas ma yin pa mkhyen pa dang/ bsam gtan dang/ rnam par thar pa dang/ ting nge 'dzin dang/ snyoms par 'jug pa mkhyen pa dang/ las kyi rnam par smin pa mkhyen pa dang/ dbang po mchog dang mchog ma yin pa mkhyen pa dang mos pa sna tshogs mkhyen pa dang/ khams sna tshogs mkhyen pa dang/ kun tu 'gro ba'i lam mkhyen pa dang/ sngon gyis gnas rjes su dran pa mkhyen pa dang/ 'chi 'pho dang skye ba mkhyen pa dang/ zag pa zad pa mkhyen pa dang/ stobs bcu po dag yin te mda' ba' o/ /grags pas phyogs bcur snyoms par grags pa gang la yod pa de dag la de skad ces bya'o/ /brgya phrag bcu ni 'dzam bu'i gling stong dag ste/ spyir phung kyi 'jig rten gyi khams so/ /de la dbang sgyur ba ste/ rang dbang du mdzad pa'i ngang tshul gang la yod pa de ni brgya phrag bcu la dbang sgyur ba can no/ /'khor gyi bdag po tshangs pa chen po de las kyang khyad par du 'phags par gyur pa'o/ yang na brgya phrag bcu la dbang sgyur ba gang yin pa de ni brgya phrag bcu ste/ stong gi grangs? la dbang sgyur ba mdzad pa'o/ /stong smos pa yang mthar thug pa med pa nye bar mtshon par byed pa yin te/ mthar thug pa med pa'i tshangs pa chen po dag las sangs rgyas bcom ldan 'das shin tu khyad par du 'phags pa yin no zhes bya ba'i tha tshig go / nyin lan gsum mtshan lan gsum zhes bya ba ni mtshan mo'i thun dang po dang/ thun par dang/ tha ma dag la mtshan lan gsum du gzigs par mdzad pa yin la/ nyin bar yang snga dro dang/ nyi ma gung dang/ phyi dro dag la nyin lan gsum du gzigs pa mdzad do/ /sangs rgyas kyi spyan ni thams cad mkhyen pa'i ye shes so/ /'jig rten gsum la gzigs pa ni rnam par dpyod pa'o/ /ye shes ni shes par bya ba yod pa yin la/ gzigs pa ni blta bar bya ba'i dngos po yod pa ste/ de'i phyir yang mtshungs pa med pa yod pa zhes bya'o/ /yod pa la yang yod do zhes sangs rgyas bcom ldan 'das kyis gzigs par 'gyur ro zhes bya ba'i don 'dir bstan par 'gyur ro/ /bri ba ni dge ba'i chos rnams las so/ /'phel ba ni dge ba'i chos rnams kyis so/ /dka' ba rnyed pa ni lus kyi sdug bsngal lo/ /nyam nga ba ni gnyen pos gso mi nus pa'i rgyud pa'i 'gyur ba'o/ /gnod par gyur pa ni gnyen pos gso nus pa'i nad do/ /dka' ba dang/ nyam nga ba dang/ gnod par gyur pa ni sngar smos pa kho nar ni bshad pa dag blta bar bya'o/ /gzhol ba ni ngan song gi las la sbyor ba'i dus so/ /'bab pa ni dngos gzhi'i lam yongs su rdzogs pa'o/ / rab tu 'bab pa ni 'jug yongs su rdzogs pa'o/ /mtho ris dang thar pa zhes bya ba ni mthos ris la 'gos par byed pa ni thar pa kho na'i don du khong du chud par bya ste/ gang gi tshe sngon ser skya nyar gyur pa ngan song nas bton nas mtho ris la bkod pa kho na'i phyir yin pa lta bu'o/ /'bras bu ni dge sbyong gi 'bras bu'o/ /dge ba'i rtsa ba ma bskrun pa ni thar pa'i cha dang mthun pa bskrun par ma gyur pa'o/ /yongs su smin par bya ba ni spel bar bya'o/ /rnam par grol bar bya ba ni 'bras bu la sbyor byed pa'o/ /chu srin gnas kyi zhes bya ba la sog pa la sangs rgyas thams cad kyi gdul bya la so sor rtogs pa gdon mi za bar bya ba yin pas na 'da' bar mi 'gyur ba zhes bstan pa yin no/ /rtog cing zhes bya ba ni rtag tu gnyen pa sa srog 'jig pa'i rkyen dag las kyang srog srung bar byed pa de bzhin du/ bcom ldan 'das kyang bu cig pa sdug pa bzhin tu rtag tu gnyen par mdzad pas sems can gyi rgyud 'phags pa'i lam dang 'gal ba'i gnyen las kyang bsrung ba mdzad par 'gyur ro/ /'dis ni skal ba dang ldan pa'i sems kyi rgyud bsrung ba dang/ 'bras bu la sbyor ba rtog pa'i phan 'dogs pa ni mngon sum gyi 'bras bu bstan pa yin no/ /so sor rtag pas phan pa sgrub par byed pa 'di gnyis ni snying rje chen po'i rgyu can yin gyi/ gzhan dag ni ma yin no zhes bya ba bstan par bya ba'i phyir tshigs su bcad pa gsum gsungs pa yin te/ dngos po thams cad rnam pa thams cad du mkhyen pa'i phyir thams cad du mkhyen pa'i thams cad mkhyen pa'o/ /thams cad mkhyen pa'i rgyud la gnas pa'i snying rje'i ba drus ma gang yin pa de gdul bya'i be'u tshol ba la skyo bar mi 'gyur ba ste/ ba be'u gsar bu gtsas pa la 'bad pa chen pos tshol bar byed pa de bzhin du gdul bya dag la snying rje chen po yang yin pa de bas na snying rje chen po'i ba drus ma zhes bya ba dang/ gdul bya'i skye bo'i be'u zhes brdar brtags pa yin no// 'dzum pa ni cung zhig bzhad pa'o/ /sems can dmyal ba'i rgyud gang la sems can khyod ni yang 'tsho bar 'gyur ro zhes bya ba'i sgra sgrogs par 'gyur ba de bas na yang sos so/ /thig nag pos 'debs shing 'gog par byed pas na thig nags go gang du ri bo dag gis bsdus shing 'joms par byed pa de bas na bsdus 'joms so/ /gang du bya ba byas na sems can 'jigs pas du bar byed pa de bas na ngu 'bod do/ /kun nas lhags par gyur pa'i phyir du 'bod chen po'o/ /gang du las kyi mes gdung bar byed pa des na tsha ba'o/ gang gi la sdug bsngal gyi mtshams par skabs med par gyur pa des na mnar med pa'o/ /grang bas na chu bur rdol ba dang 'dra bar yan lag rdol pas na chu bur can no/ chu bur rdol ba'i nags dang 'dra bar bar med par chu bur rdol ba'o/ /grang bas gnod par gyur pa la ji lta bu'i sgra rgyun mi 'chad par sgrogs par byed pa'i sgra des nya bar mtshon par bya ba dag ni so thams thams dang/ kyi hud zer ba dang/ a chu zer ba dag go /grang bas autpa la dang/ pad+ma chung ngu dang/ pad+ma chen po dang 'dra bar yan lag gas par gyur pa gang yin pa de dag gi ming ni de dag yin no/ /bsil bar gyur pa dang dro bar gyur pa zhes bya ba la tsha ba'i dmyal ba dag gis mes gdungs par gyur pa bzlog pa'i phyir 'od zer bsil bar gyur pa 'bab par 'gyur zhing grang ba'i dmyal ba dag gi ni go bzlog pa yin no/ /byed pa'i khyad par ni sdug bsngal ba yin la/ so sor thar par gyur to zhes bya ba ni 'jug pa med par gyur pa'o/ /gal te sangs rgyas kyi sprul pa mthong ba las de dag byed pa'i khyad par las so sor thar pa yin na/ ci'i phyir bcom ldan 'das rtag tu sprul pa de 'gyed par mi mdzad/ bcom ldan 'das ni thugs rje chen po dang ldan par gyur pa nyid kyi phyir dang/ gzhan gyis byas pa'i las kyis kyang gzhan gyis 'bras bu nye bar longs spyod pa thob par 'gyur ba yin no zhe na/ 'dir smras pa/ /dmyal par skyes pa dag la tshogs pa phrad na rnam par smin pa 'byin nus pa dang ldan pa lan grangs gzhan du nyams su myong bar 'gyur ba'i las de ni yod la/ /gang gi tshe de dag gis sangs rgyas kyi sprul pa mthong bar gyur pa na sems can mngon par dad par yang byed pa de'i tshe de dag la las de dang lhan cig byed pa'i rkyen rnyed pa las rnam par smin pa 'byin par byed de/ de'i tshe de dag gi rgyu mthun pa can lus kyi bde ba skye bar 'gyur ba de bas na 'di la nyes pa med do/ /dmyal ba de myong bar las de zad nas zhes bya ba ni dmyal ba'i 'bras bu'i las byas shing nges par bsags pa gang yin pa de ni rnam par smin pa nyams su myong bas zad par 'gyur gyis sems mngon par dad pas byas shing bsags pa'i las nyams par gyur pa ni ma yin la/ lha dang mir skyes pa ni sangs rgyas kyi sprul pa'i yul la mngon par dad pa las 'byor par 'gyur ro/ /rgyal po chen po bzhi po dag gis yin pas na rgyal chen regs bzhi'o/ /dbang po gcig dang nye ba'i dbang po sum cu rtsa gnyis te/ sum cu rtsa gsum po de dag ni sum cu rtsa gsum mo/ /legs par 'thab bral gyi lha'i bu gtso bor gyur pas na 'thab bral lo/ /yongs su dga' ldan gyi lha'i bu gtso bor gyur bas na dga' ldan no/ /sprul pas dga' ba gang la yod pa de dag ni 'phrul dga' o/ /gzhan gyis sprul pa'i 'dod pa dag la dbang sgyur bar byed pa'i phyir gzhan 'phrul dbang byed do/ /tshangs pa'i tshogs kyis gnas pa gang la yod pa de dag ni tshangs 'khor ro/ /tshangs pa'i mdun na 'jog cing 'dzin pa'i phyir/ tshangs pa'i mdun na 'don no/ /tshangs pa chen po'i tshe'i khyad par la sogs pa yod pa'i phyir tshangs chen no/ /sa gong ma la bltos nas lus kyi 'od chung ba'i phyir 'od chung ngo/ /'od shin tu che ba'i phyir tshad med 'od do/ /gsal bar byed pa'i nang tshul yin pas na 'od gsal lo/ /rang gi sa la bltos nas dge ba chung cad? pa? yod pa de ni dge chung ngo/ /dge ba tshad med pa de dag ni tshad med dge'o/ /dge ba rgyas shing khyab pas na dge rgyas so/ /sbyin dang 'dra bas gong nas gong du rnam par 'phrul bas gnas pa med pa gang yin pa de dag ni sprin med do/ /bsod nams rab tu 'phel ba gang la yod pa de ni bsod nams 'phel lo/ /'bras bu che ni gzugs khams kyi so so'i skye bo'i gnas gzhan las khyad par du 'phags pa'i 'bras bu gang la yod pa de ni 'bras bu che'o/ /chen po ma yin pa'i phyir mi che ba yin te/ gtsang ma'i ris la bltos na 'bang rtsol zhan pa nyid kyi phyir ro/ /gdung ba med cing gzhan gyis zil gyis gnan par mi 'gyur pas na mi gdung ba'o/ /sha sa par bya ba bde bar mthong ba gang yin pa de ni gya nom snang ba'o/ /rnam par mi g.yeng bar sgom pa'i rgyu mtshan dge ba gang la yod pa de dag ni shin tu mthong ngo/ /gang las 'di 'og mar 'gyur pa de dag las gzugs can gyi gnas chen por gyur pa gzhan yod pa ma yin pa'i phyir 'og min no/ / //kham po gnyis pa/ /mi rtag pa ni skad cig mas 'jig pa'o/ /sdug bsngal ba ni mi mthun par gyur pa'o/ /stong pa ni bdag gis byin gyis brlabs pa'o/ bdag med pa ni bdag gi rang bzhin med pa zhes 'gro ba ma lus pa la 'od zer sgrogs par byed pa'o/ /brtsam par bya zhing zhes bya ba ni yid kyi bya ba spro ba'i 'du shes can gyis 'byung ba'i phyir brtsam par bya'o/ 'byung bar bya zhes bya ba ni sred pa'i bzos sbyar ba sdug bsngal gyi gze ba las 'byung bar bya ba'o/ /'byung bas ci zhig bya ba zhe na/ smras pa/ sangs rgyas bcom ldan 'das kyis bstan pa 'phags pa'i lam yan lag brgyad kyi mtshan nyid can la 'jug par bya ste/ mngon par sbyor bar bya ba'o/ /gzhom? par bya ba ni tshar bcad par bya ba'o/ /bdag ni bdag nyid kyi'o/ /'chi bdag ni dgra bo'o/ /de ni nyon mongs pa'i ming can yin te/ gang gi phyir nyon mongs pa'i sde can gyi dbang gis yang dang yang du 'chi bar 'gyur zhing pham par 'gyur pa'i phyir ro/ /de bas na 'chi ba dag gi sde/ pham par bya ba'i phyir sangs rgyas kyi bstan pa la 'jug par bya'o zhes gsungs pa yin no// ci'i phyir 'chi bdag gi sde pham par bya ba'i phyir sangs rgyas kyi bstan pa la 'jug par bya zhe na smras pa/ gang gi phyir gang zhig rab tu bag yod pa ste/ bag med pa spangs nas/ chos 'dul ba 'di la spyod par 'gyur ro// chos ni yang dag pa'i lta ba dang/ yang dag pa'i rtog pa dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to/ /'dul ba ni yang dag pa'i las dag dang/ yang dag pa'i las kyi mdza' dang/ yang dag pa'i 'tshol ba'o/ /skye ba'i 'khor ba ste rgyun spangs shing nye bar len pa'i phung po lnga'i mtshan nyid can gyi sdug bsngal tha mar gyur par 'gyur ba de'i phyir sangs rgyas kyi bstan pa la 'jug par bya ba yin no/ /stong gsum gyi zhes bya ba la sogs pa la/ re re dag gi stong dang/ stong dag gi stong dang/ stong stong dag gi stong zhes bya ba gsum po de dag ni gling bzhi po'i 'dod pa'i spyod pa'i lha'i 'khor can tshangs pa'i 'jig rten stong dag gi ched gang la yod pa de ni stong gsum yin la/ stong gi tshad 'di la yod pa'i phyir stong gsum pa'o/ /chen po yang de yin la stong yang de yin pa'i phyir stong chen po yin la/ stong gsum yang de yin la steng chen po pa yin pa'i phyir stong gsum gyi stong chen po yin te/ gling bzhi pa bye ba phrag brgya'i tshad ces bya ba'i tha tshig go /'jig rten gyi khams ni gnas pa'i gnas so/ /'das pa lung ston par bzhed na zhes bya ba ni gang du 'das par gyur pa'i 'bras bu thams cad kho na'o/ /ma 'ongs ba lung ston par bzhed na zhes bya ba ni gang du ma 'ongs pa'i 'bras bu kho na'o/ /lag mthil kha sbyar du byas pas ni thal mo sbyar ba'o/ /zhal gyi nang nas zhes bya ba ni zhal gyi sgo nas so/ /tshogs ni 'od zer gyi tshogs so// rgod pa dang bral zhing zhes bya ba ni rgod ba spangs par gyur pa'o/ /sems yul yul por gyur pa ni zhum pa yin la/ rang dang gzhan gyi yon tan la bltos pa ni rgyags pa yin te/ de dag dang bral ba ni zhum pa dang rgyags pa spangs par gyur pa'o/ /mchog gi rgyur gyur pa zhes bya ba ni mya ngan las 'das pa mchog gi rgyur gyur pa'o/ /dung? dang pad+ma'i rtsa ltar dka' gyur pa zhes bya ba ni dung dang pad+ma'i rtsa ste pad+ma'i skud pa ltar shin tu dri ma med par gyur pa'o/ /dgra thul ni bdud bzhi'i dgra thul ba'o/ /rgyal pa ni dgra las rgyal ba'o/ /rgyu med pa ni rgyu mtshan med par te/ 'di'i rgyu gang yin zhes bya ba'i tha tshig go /'dzum pa ni bzhad pa'o/ /de ni zhes bya ba ni de'i phyir zhes bya ba'i tha tshig go / nyid kyi thugs su chud nas te/ dus mkhyen nas thos par 'chal ba'i 'dod pa dang ldan pa'i nyan thos the tshom bskyed pa dag gi the tshom bsal bar mdzad du gsol ba'o/ /dka' ci 'dra bas she na/ bstan pa zhes bya ba smos te/ bstan pa dang mchog dang dge ba dag gis te/ g.yo ba med pa'i phyir bstan pa yin la/ zab pa la sogs pa dam pa'i don nyid yin pa'i phyir mchog yin zhing mdzes par gyur pa nyid kyi phyir dang/ kha na ma tho ba med pa'i phyir dge ba'o/ /bstan pa'i zhes bya ba ni 'bod pa ste/ bstan pa mchog dang ldan pa'i phyir ro/ /dge sbyong rgyal dbang zhes bya ba ni 'bod pa yin la de la zhugs pa bzhi dang 'bras bu la gnas pa bzhi zhes bya ba brgyad po dag ni dge sbyong rgyal ba dag yin te/ de dag gi dbang po ni gtso bor gyur pa yin pas na dge sbyong rgyal dbang po'o/ /thub pa'i khyu mchog ces bya ba ni 'bod pa nyid yin te/ de la thub pa ni slob dang mi slob pa yin la/ de dag gi khyu mchog ni gtso bo yin pas na thub pa'i khyu mchog go / ci'i phyir thos pa 'tshal bar 'gyur zhe na/ rgyu med ces bya ba la sogs pa smos te/ rgyu med pa ni rgyu med pa nyid du'o/ /lan tshwa'i chu ni rgya mtsho'o/ /ri rgyal ni ri'i rgyal po ri rab ste/ de dag dang 'dra bar bstan pa gang la yod pa de ni lan tshwa'i chu dang ri rgyal bzhin du brtan pa'o/ /de de bzhin te zhes bya ba ni rjes su brjod pa ste gus pa'i don gyi zlos pa'i tshig go /rgyu med pa ni rgyu med pa nyid do/ /rkyen med pa ni rkyen dang bral ba'o/ /dul ba ni yid kyi sgo nas so/ /rtse gcig pa ni nyon mongs pa'i kun tu spyod pa nye bar zhi ba'o/ /zhi ba ni lus dang ngag gi sgo nas so/ /grol ba ni srid pa gzhan spangs par gyur pa'o/ /dbugs 'byin pa ni sdug bsngal med par gyur pa nyid kyi phyir shin tu sbyangs pa'o/ /thul ba ni tshul ma yin pa'i spyod pa med pa'i phyir ro/ /'dod chags dang bral ba ni 'dod pa'i 'dod chags med par 'gyur ba'i phyir ro/ /mdzes pa ni rnam par smin pa'i gzugs kyis mdzes par gyur pa'o/ /khyim na gnas pa rnams kyi khyu mchog dang/ dgon pa na gnas pa dag gi glang po dang/ nags na gnas pa rnams kyi seng ge dang/ chu bo'i ngogs na gnas pa rnams kyi ngang pa dang/ rgya mtsho'i togs na gnas pa rnams kyi nam mkha' lding dang/ 'don par byed pa dag gi bram ze dang/ nad pa rnams kyi sman pa mkhas pa dang/ sngar ma rnams kyi dpa' bo dang/ lam du zhugs pa rnams kyi sa mkhan dang/ don mthun rnams kyi ded dpon dang/ tshong pa rnams kyi tshong dpon dang/ mdza' 'khob na gnas pa rnams kyi mkhar gyi rgyal po dang/ 'dzam bu gling pa'i 'khor los sgyur ba dang/ bla ga ba med pa dag gi zla ba dang/ nyi ma la dad pa rnams kyi nyi ma dang/ ri rab kyi bang rim la gnas pa dag gi rgyal po chen po bzhi dang/ ri gnya' shing 'dzin la gnas pa dag gi thags bzang ris dang/ ri rab kyi steng na gnas pa'i brgya byin dang/ tshangs pa'i 'jig rten na gnas pa dag gi tshangs pa lta bu ste/ gtso bor gyur pa'i phyir dang/ 'khor rnams gus par nyan pa nyid kyi phyir dang/ de dag dang 'dir mtshungs par shes par bya'o/ /mig la sogs pa'i dbang po rgyur gyur pas shin tu dul ba ni legs par dbang tu gyur pa'o/ /spyod lam dang spyod pa ma 'khrul pa ni 'khrul pa med par gshegs pa la sogs pa la sogs pa'o/ /ji lta bur zhe na/ chu gter ltar zhes bya ba la sogs pa smos te/ ting nge ba ni brtan zhing mi 'gyur ba ste/ chu bo rnams kyi chu gter dang/ zhing pa rnams kyi sprin dang/ dgon pa pa rnams kyi glang po che'i gtso bo lta bu'o/ /ma 'dres pa ni thun mong ma yin pa'i dran pa nye bar gzhag pa ste/ ye shes kyis gus par nyan pa dang/ gus par mi nyan pa dang/ gnyi ga ma yin pa dag la kun tu spyod pa rnam pa gsum mo/ /snying rje chen po ni khams gsum gyi sems can la dmigs shing sdug bsngal gyi rnam pa la snyams par 'jug pa'i de bzhin gshegs pa'i thugs kyi rgyud la gnas pa thabs kyis 'jug pa'i 'phags pa'i lam bskyed ba mya ngan las 'das pa thob par byed pa ste/ zag pa dang bcas pa'i blo dang ldan zhing 'byor pa'o/ /nyan thos chen po ni mngon par shes pa la sogs pa'i yon tan gyis slob ma'i gtso bor gyur pa'o/ /gang gi 'od 'dom gang ba nyi ma stong bas lhag par 'phro ba de ni nyi ma stong las lhag pa'i 'ang? mnga' ba ste/ bcom ldan 'das bzhed? par gyur pa ni 'od rab tu 'bar ba dang bri bar 'gyur ba'o/ /'gro ba zhes bya ba ni 'gro zhing rgyu ba'i nus pa dang ldan pa'o/ /bcom ldan 'das ma 'dres pa'i dran pa nye bar gzhag pa dag gi sa 'khor rnams la chos sten pa na/ gus pa nyan pa thams cad dang/ gus bar mi nyan pa thams cad la gcig tu gus par nyan pa dang/ gcig tu gus par mi nyan pa des bcom ldan 'das kyi thugs rnam pa gzhan du mi 'gyur ba'o/ /pha rol gyi dpung gi tshogs 'ong ba rigs par bya ba'i phyir dang/ lam nyam nga ba yongs su bsrung ba'i phyir bzhag pa'i skyes bu ni lag can no/ /chu bo chen po'i pha rol tu 'gro bar bya ba'i phyir rngan? pa ster ba ni gru bcas so/ /bka' lung bstan pa ni dgra bcom pa'i 'bras bu lung bstan pa'o/ /long spyod ni yongs su bgo bar bya'o/ /na tshod? mnyam por gyur bas na ne'u ldangs sam grogs pa'o/ /shi zhing zhes bya ba la ji ltar shi ba yin zhe na/ 'dus las 'das pa zhes smos te/ skal ba nyams pa'i mdza' i skad cig ma'i dus zhes bya ba'i bar du byas na tha ma'i dus thob par gyur ces bya ba'i tha tshig go / nam mkha' i ni mkha' dang bar snang ngo/ /rgya mtsho chen po ni chu 'dzin chen po'o/ /drang srong chen po ni sangs rgyas bcom ldan 'das te/ de dag ni rdzun gsung ba'i nang tshul can du mi 'gyur ba'o/ /bcom ldan 'das mchog tu zhi ba dang ldan pa nyid kyi phyir rgod pa mi mnga' ba dang ltad? mo spangs pa'o/ /skye bo mang po ni skye bo mang po ste skye po'i tshogs kyis bskor ba'o/ /tshogs 'di la yod pas na tshogs can no/ /pha rol yang de yin la tshogs can yang de yin pas na pha rol tshogs can te/ de'i rgol ba ni phas kyi rgol ba'i tshogs can no/ /de 'joms par mdzad pa'i phyir phas kyi rgol ba'i tshogs can 'joms par ro/ /ri dags kyi rgyal po ni seng ge'o/ /mngon sum du phyogs pa ni der gzhol ba 'am brtson pa bcas pa'o/ /'dam? ni nye ba gos pa 'am/ tshogs la bya'o/ /mtho ris kyi gnas gang dag la ?? pa de dag ni lha rnams so/ /nges pa ni gsal por ro/ /rnam par 'phrul gyi rnam par 'phrul pa'o/ /gzhon nu ni gzhon nu rgyal tshab tu dbang bskur ba'o// blon po ni rtag tu thag nye bar gnas pa can blo'i grogs su gyur pa'o/ /grong khyer na gnas pas ma grong khyer gyi mi'o/ /ljongs ni gnas pas na ljongs kyi mi ste/ ljongs na gnas pa'i tshul gyi rgyal po'i pho brang na gnas pa gang la yod pa de ni ljongs kyi mi'o/ /'byung bar brtsams pa ni 'byung ba dang ldan par ro/ /zhal 'dzum pa ni zhal gyi mdog? dri ma med pa 'am/ zhal rab tu bzhad par gyur pa'o/ /gzugs mdzes pa ni kha dog gi sgo nas so/ /blta na sdug pa ni dbyibs kyi sgo nas so/ /skye mched dang bar gyur pa ni bzad pa'o/ /gnas med pa ni mi srid pa'o/ /skabs med pa ni nges par spyod med pa'o/ /nyon mongs par ma gyur pa ni pags pa tshig pa'i sgo nas so/ /gnod par ma gyur pa ni sha tshig pa'i sgo nas so/ /skal pa ni khyims gyi bgo skal yin la/ de la spyod pa'i phyir bgo skal la spyod pa'i phyir bgo skal la spyod pa yin te/ bgo skal las nyams pa 'am/ bgo skal dang bral bar gyur pa ni skal ba chung ba'o/ /bsam pa zhes bya ba la sogs pa la/ bsam pa ni rgya che ba'i chos bshad pa'i rgya chen po nyid la mos shing mngon par 'dod par ro/ /bag la nyal ni nyon mongs pa drag cing? drag pa'i kun tu spyod pa ste/ nyon mongs pa gang dang gang gis gnod par gyur pa de dang de? la rjes su mthun pa'i chos ston pa'o/ /khams ni rigs yin te/ kha cig ni rtsub pa ma yin pa'i chos dang/ kha cig ni rtsub pa'i chos bstan pa 'dul ba'o/ /dmyal ba'i gtam rgyud ni rtsub pa yin la/ mtho ris ? gtam rgyud ni 'jam pa'o/ /rang bzhin ni dad? pa'i dbang po la sogs pa'i rang bzhin te/ odbang po rnon po dang rtul po dbye ba'i phyir ro/ /lam la rjes su shes pa ni rgyun du zhugs pa'i 'bras bu'o/ /bsgom pas spangs? par? bya ba'i kun nas nyon mongs pa'i rnam pa drug pa spangs pa ni lan cig phyir 'ong ba'i 'bras bu'o/ /tha ma'i cha dang mthun pa'i kun tu spyong ba lnga zag pa med pa'i lam gyis spangs pa ni phyir mi 'ong pa'i 'bras bu'o/ /srid pa'i rtse mo nyon mongs pa ma lus bar spangs pa ni dgra bcom pa nyid do/ /drong du gtogs pa'i dge ba'i rtsa ba zhes bya ba ni 'phags pa'i lam gyi me'i snga? ltas yin te/ des bskyed pa ni yongs su mya ngan las 'das pa'i chos su 'gyur ba'o/ /rtse mo dang bzod pa bskyed pa yang de dang 'dra'o/ /nyan thos kyi byang chub tu sems bskyed do zhes bya ba ni nyan thos kyi rigs can las thar pa'i cha dang mthun pa'i dge ba bskyed pa'o/ /de bzhin du rang sangs rgyas dang/ yang dag par rdzogs pa'i sangs rgyas kyi rigs las? zhes bya bar sbyar ro/ /sangs rgyas la gzhol ba zhes bya ba la sogs pa la 'khor de'i nang du chud par gyur pa dag de lta bur gyur pa yin te/ bdag gis yon tan gyi chog pa 'di khong du chud par gyur ba gang yin pa de thams cad ni bcom ldan 'das kyi mthu yin pa de bas na/ bcom ldan 'das 'di ni yon tan gyi tshogs dpag tu med par gyur pa'i gzhi dang 'di nyid 'khor ba'i sdug bsngal ma lus pa las yongs su skyob bar mdzad par spyod pa yin la/ des na bcom ldan 'das la ldog pa med pa'i dad pa bskyed nas kyang bcom ldan 'das de nyid la skyabs nyid du 'dzin pa de'i phyir/ sangs rgyas la gzhol ba zhes bya'o/ /don dam pa'i chos mya ngan las 'das pa thob pa yang skyes bu'i don bla na med pa yin te/ gang gi phyir mya ngan las 'das pa de yang gtsor de dag gis thob pa yin te/ rgyun du zhugs pa'i 'bras bu la sogs pa thob par byed pa yin pa'i phyir chos shes shing dad pa rnyed pa de bas na chos la brten pa zhes bya'o// rgyun tu zhugs pa la sogs pa yang don dam pa'i dge 'dun gyi rang bzhin yin pa'i phyir dang/ thar pa'i cha dang mthun pa la sogs pa skye ba yang tshogs de la brten pa nyid kyi phyir dge 'dun la shes shing dad pa rnyed ba de pas na? dge 'dun la rab tu 'bebs pa zhes bya'o/ /des pa dag pas gzhan des pa ni nges shing nges pa ste/ 'phrel du skyed par byed ces bya ba'i tha tshig go /ma'i ming po ni zhang po'o/ /tha snyad du bya ba'i dngos po ni zad? do?/ /rdzu 'phrul che ba zhes bya ba la sogs pa la/ rdzu 'phrul che ba ni rang bzhin nyid kyi yon tan bsgrubs pa'i sgo nas so/ /mthu che ba ni gzhan la phan pa byed pas so/ /tshul shing brims mo bya ba ni ming byang phyis par gyur pa ste/ gnyen gyi tshogs las phyi rol tu byed ces bya ba'i bar du'o/ /khrag dron mo ni snying gi phyogs na gnas pa srog 'dzin par byed pa yin la/ gang gi phyir 'jig rten pa ni stobs zhes brjod do/ dga' ba'i rgyur gyur pa nyid kyi phyir sdug pa'o/ /skad gcig ma gcig kyang yid yongs su mi gtong ba'i phyir yid du 'ong ba'o/ /sangs rgyas la skabs su song ba zhes bya ba ni mi slob pa sangs rgyas su byed pa'i chos la'o/ /chos la zhes bya ba ni mya ngan las 'das pa la'o/ /dge 'dun la zhes bya ba ni slob pa dang mi slob pa dge 'dun du byed pa la'o/ /gnas brtan rnams kyis zhes bya ba ni sdud pa po rnams kyis so/ /skyes bu'i byed pa la brten nas 'tsho bar byed pa'i skyes pa gang yin pa de ni skyes bu bkur ba'o/ /shing ring po'i rtse mor bzhag nas zhes bya ba la sogs ba la/ skas ni shing dag gis gong nas gong du yang dge bar sbyar ba'o/ /thag skas ni shing ring po la rkang pa bzhag pa'i gnas byas shing the gus bcings pa'o/ /mchil pa ni lcags kyu ste srang bus 'phang bar bya ba'o/ /'bab stegs su nye reg byed pas zhes bya ba ni mngon par 'dod pa'i 'bab stegs ston par byed pas so/ /spangs shing zhes bya ba ni 'das par nyon mongs pa'i dgra spangs pa'o/ /dor? la zhes bya ba ni da ltar gyi'o/ /bskugs? la zhes bya ba ni ma 'ongs pa'o/ /mngon du rgyu ba spangs pa ni so sor dor? ba na'o/ /yang na de dag thams cad spangs pa'i rnam grangs kho na yin no/ /gsol ba ni gzhan g.yo'i sgo nas gsol ba 'debs par byed pa'o/ gang gi tshe zangs ma la sogs pa'i rgyu las byas pa'i lhung bzed dag rnyed par gyur pa de'i tshe/ /de dag sman phor gyi tshul du yongs su longs spyod par bya yi/ de la chags pa bskyed par ni mi bya ste/ bcom ldan 'das kyis rdi? sman? sor du bcang bar bya'o zhes rjes su gnang ba yin no/ /gtum po ni drag po'o/ /gnod sbyin gyi gnas ni lha rten no/ /nyin zhag ni tshes gcig la sogs pa'o/ /tshes grangs ni gza' lhag la sogs pa'o/ /nyi tshad? du sbyar ba ni dge ba'i sbyor ba'o/ /btsong par bya ba'i dngos po thams cad kyis ji ltar rjes su mthun pa'i rin rnyed pa'i gnas ni tshang dus so/ /rang zung gis rjes su mthun pa'i rin mi khugs pa'i phyir tshong dus ma yin par bsgrags tu rung bar 'gyur ba'o/ /mgron po ni gsar du 'ongs pa'i phyir bsnyen bkur bar bya ba'o/ /lhan cig ni rtag tu lhan cig 'dug pa nyid do/ /dbang po rnams bsdus pa zhes bya ba ni yul las te/ dbang po rnams bsdus pa 'am/ btsums pa 'am bzlog par byed pa'o/ /mna' ma rnam shes bya ba ni me las skyes kyi yul la rgyal po sras kyi ming du byas dbang du byas nas mna' ma zhes bya'o/ /ngo mtshar ba ni ya mtshan du gyur pa'o/ /chos gyur pa ni lhag par gyur pa'o/ /bsod nams kyi stobs las byung ba'i rin po che'i ring bzhin gyis gzhi de la 'khrul 'khor gyi sbyor bas nya la sogs pa chu'i srog chags steng na rgyu ba ltar mthong ba'i phyir ro/ /byed ba ni gtso bor bya ba yin la/ bya ba ni gtso bor ma yin pa 'am/ nye ba na gnas pa ni byed pa yin la phyis bya ba ni bya ba yin no/ /skyengs pa ni rnam par zhun pa yin te/ bya ba la smos par gyur ces bya ba'i tha tshig go /sems pa ni tshul ma yin pa'i bya ba byed pa'i sems skyes par gyur pa'o/ /bdag nyid chos spyod pa'i phyir chos dang ldan pa'o/ /chos kyi rgyal srid yongs su skyong bar byed pa'i phyir chos skyong ba'i rgyal po'o/ /g.yon can ni ngo sbed pa'i rkun ma'o bsams nas zhes bya ba ni don du gnyer ba'i sems kyis so// mtshan mo ni nub mo'o/ /rgyal po sdig can zhes bya ba ni sdig pa 'am tshul ma yin pa byed pa can no/ /dman pa ni stobs kyis dman par gyur pa'o/ /mgon med pa ni skyabs med pa'o/ /phongs ni dbul ba'o// rgud ba ni nang kyis gzir bar gyur pa'o/ /mdzes par bshad pa ni legs par gsungs pa ste/ 'brel pa ni brjod pa'o/ /chos 'dul ba gang la yang dag par sgrub pa 'am/ 'bras bu nges par mi 'khrul pa yod pa de ni legs par gsungs pa'o/ /rab tu byung zhing bstan par rdzogs pa'i mtshan nyid ni dge slong gi dngos po'o/ /thob nas zhes bya ba ni thob pa'i phyir ro/ /tshangs pa ni mya ngan las 'das pa yin la de'i rgyu mtshan tshul khrims yongs su bsrung ba la sogs pa'i bya ba ni spyad pa'o/ /de spyod pa ni sgrub pa'o/ /lhung zed dang bum pa thogs pa'i lag pa gang la yod pa de ni lag na lhung zed dang bum pa thogs pa can no// skra dang kha spu bregs nas zhag bdun lon pa ni skra dang kha spu bregs nas zhag bdun lon pa gang yin pa de la de skad ces bya'o/ /bsnyen par rdzogs nas lo brgya lon pa'i dge slong gang yin pa de'i spyod lam ni rab tu zhi bar 'gro ba la sogs pa'o/ /gnas pa ni ldan pa'o/ /tshur shog ces bya ba ni 'dir shog cig pa'o/ /lus la sbyar mas g.yogs pa ni sbyar ma bgos pa'i lus can no/ /dbang po rab tu zhi ba zhes bya ba ni rgod pa'i yul las dbang po ldog pa'o/ /cha lugs ni che? byad do/ /sangs rgyas dgongs bzhin zhes bya ba ni/ sangs rgyas bcom ldan 'das ba zhed pa bzhin du ste/ sbyar mgon pa'i lus zhes bya ba la sogs pa skabs gsum po thams cad la sangs rgyas dgongs bzhin du zhes bya ba sbyar bar bya'o/ /gdams ngag ni lam bsgom pa'i man ngag go /brtson ba ni spro bar byed pa'o/ /'bad pa ni las su bya ba byed pa'o/ /rtsol ba ni bya ba de la nan tan du byed pa'o/ g.yo ba dang mi g.yo bar rig nas zhes bya ba la g.yo ba ni skad cig ma'i rgyun mi rtag pa nyid kyi phyir ro/ /mi g.yo ba ni 'phags pa'i lam med par 'khor ba la ldog pa med pa'i phyir ro/ /'dus byas su gtogs pa thams cad ni dus kyi rnam pa ste/ 'dus byas su gtogs pa de dag zil gyis mnan pa ni tshar bcad pa'o/ /ji ltar zil gyis mnan nas she na/ nyams pa zhes smos te/ nyams pa ni gzhan gyi stobs gyis ?? nyams pa'o/ /ltung ba ni rang gi stobs kyis so/ /rnam par 'thor ba ni 'gyur ba dang bcas par 'jig par gyur pa'o/ /rnam par 'jig pa ni 'gyur ba med par 'jig pa'o/ /nyams pa ni mi dang lha kha cig gi dpe yin no/ /ltung ba ni gzugs dang/ gzugs med pa na spyod pa'i lha dag gi dpe yin no/ /rnam par 'thor ba ni shing la sogs pa'i dpe yin te/ zhi ba gnas thams cad thal bar 'gyur ba de'i phyir 'gyur pa dang bcas pas 'jig pa yin no/ /rnam par 'jig pa ni sems dang sems las byung ba dang/ me mar gyi me lce la sogs pa 'gyur ba med par 'jig pa'i dpe yin no/ /'dus byas su gtogs pa'i chos gang yin pa de dag ni nyams pa dang/ ltung ba dang/ rnam par 'thor ba dang/ rnam par 'jig pa dag gi chos su gdon mi za bar 'gyur bas yin no/ /dgra bcom pa ni mchod par bya ba yin te/ de rgyu mtshan gzhan las ni ma yin gyi/ nyon mongs pa thams cad spangs pa'i phyir ro/ /khams gsum pa'i khams gsum gyi sred pa dang bral bar gyur pa ni 'dod chags dang bral ba'o/ /bong ba dang gser du mnyam pa ni de las dang gser du mtshungs pa ste/ ci ltar nam mkha' la lag thags pa med pa bzhin du de dang mtshungs pa ni de'i sems so/ /ste'u ni lag na ste'u thogs pa'i skyes bu yin la/ tsan dan ni lag na tsan dan thogs pa'i skyes bu ste/ /'di la ste'u thogs pa'i skyes bu dang/ tsan dan thogs pa'i skyes bu mtshungs pa ni phan 'dogs pa dang gnod pa byed pa la rjes su chags pa dang khong khro ba med pa'i phyir ro/ /rigs pa ste yang dag pa'i lta bas so/ /dral bar gyur pa ni phye ba ste/ gang gis ma rig pa'i bdag nyid kyi sgo nga'i spubs dang dral bar gyur pa de la de skad ces bya'o/ /rig pa ni gsum ste/ sngon gyi gnas dang/ 'chi 'pho dang skye ba dang/ zag pa zad pa shes pa mngon sum du byed pa'i ming can no/ /mngon par shes pa ni rdzu 'phrul gyi yul dang/ lha'i rna ba dang/ sems kyi rnam grangs kyi rang bzhin can no/ /so so yang dag par rig pa ni bzhi ste/ chos dang don dang nges pa'i tshig dang spobs pa so so yang dag pa rig pa thob/ so so yang dag par rig pa ni chos dang don dang des ba'i tshig dang spobs pa yongs su shes pa la gzung bar bya'o/ /'dod pa ni chags pa'o/ /rnyed pa ni nor rnyed bar bkur sti ni bsnyen bkur ro/ /rgyab kyis phyogs pa ni yid phyir phyogs pa'o/ /dbang po dang nye dbang du bcas pas/ 'jug pa'i lha rnams kyis mchod pa ni 'dud pa snyan pa'i tshig la sogs pa dag gis gus par byed pa'o/ /brjed? pa ni gos dang bsod snyoms la sogs pa dag gis bsnyen bkur byed pa'o/ /sngon du smra bar gyur pa ni phyag bya bar gyur pa'o/ /the tshom skyes pa ni som nyi skyes par gyur pa'o/ /thams cad mkhyen pa nyid yin pa'i phyir the tshom thams cad gcod par mdzad pa ste bcom ldan 'das la'o/ /byas shing bsags pa ni bsams bzhin du byas pa dang/ rdzogs pa dang/ 'gyod pa med par byas pa dang/ gnyen po ma bsten pa dang/ sbyor ba dang/ mjug dang ldan pa de 'dra ba las kyi rnam par smin pa so sor nges pa gang yin pa de ni bsags pa zhes bya'o/ /tshogs pa rnyed pa ni gzhan rnyed pa'o/ /rkyen yongs su bsgyur ba ni rkyen dag gis nus pa rnyed par gyur pa'o/ /chu bo ltar zhes bya ba ni ldog pa med pa'o/ /nye bar gnas pa ni thag nye ba na gnas par gyur pa'o/ /de ltar gyur pa gdon mi za bar 'bras bu 'byin par byed pa ni 'ga' zhig tu yang ldog par mi 'gyur ba'o// gzhan su zhig gis so sor myong bar 'gyur zhes bya ba ni gzhan gyis byas pa'i las kyis gzhan gyis rnam par smin pa myong bar 'gyur ba ma yin te/ 'dis ni phan tshun rgyu nyid ma yin par bstan to/ /las kyi rnam par smin pa yang phyi rol la ma yin gyi nang gi bdag nyid kho na yin no zhes bstan par bya ba'i phyir/ dge slong dag las byas shing bsags pa zhes bya ba la sogs pa smos pa yin no/ /chud mi za ba zhes bya ba ni las byas shing bsags pa gang yin pa de chud za bar mi 'gyur ba'o/ /gang byas nas 'gyod pa dang/ gnyen po bsten pas nyams pa gang yin pa de ni tshang bar bsags par ma yin pa de ni phyir ma bsags pa'i las kho na zad pa zhes bya'i/ / bsags pa nges par myong bar 'gyur pa yongs su zad pa ni ma yin la/ rgyal po ma skyes dgra sa skye ba gang kho na la byas pa'i las la 'gyod pa dang mthol ba dang bshags pa dang gnyen po bsten pa dag gis nyams par gyur pa ni skye ba de nyid kyi yin pa de'i phyir de ni yongs su rdzogs pa'i rnam par smin pa 'byin nus par mi 'gyur ro zhes bya ba ma bsags pa nyid yin pa'i phyir zad pa zhes gsungs pa yin no/ /sngon byung bar gyur pa ni sngon byung ba 'das pa'o/ /de bzhin gshegs pa de kho na bzhin ma yin pa mi gsungs pa ste/ dngos po ji lta ba de bzhin du gsung ba nyid kyi phyir de ni 'dir ston pa nyid des sangs rgyas bcom ldan 'das so/ /gang de kho na bzhin ma yin pa ston par mi mdzad pa zhes bya ba ni de bzhin gshegs pa nyid do/ /de bzhin gshegs pa nyid gang las she na/ dgra bcom pa yang dag par rdzogs pa'i sangs rgyas zhes smos te/ lha dang bcas pa'i 'jig rten gyis mchod par 'os pa dang/ nyon mongs pa spangs pa nyid kyi phyir dgra bcom pa'o/ /yang dag par rdzogs pa'i sangs rgyas ni 'gro ba ma lus pa mkhyen par gyur pa'i phyir yang dag par rdzogs pa'i sangs rgyas so// 'dis ni bden pa ston pa'i rgyu bstan pa yin te/ gang gi phyir nyon mongs pas zil gyis non pa dang/ mi shes pas zil gyis non pa dag rdzun du smra bar 'gyur la/ nyon mongs pa spangs shing yang dag par rdzogs pa'i byang chub thugs su chud pa de'i phyir 'dis ni bden pa ma yin pa ston par mi mdzad do/ /nyon mongs pa spang ba dang/ yang dag par rdzogs pa'i byang chub kyang gang las she na/ rig pa dang zhabs su ldan pa zhes bya ba smos te/ rig pa ni yang dag par lta ba yin la/ zhabs ni lam gyi yan lag bdun yin no/ /de bas na 'dis ni 'phags pa'i lam yan lag brgyad pa ni nyon mongs pa spangs pa dang yang dag par rdzogs pa'i byang chub kyi rgyu nyid du bstan pa yin no/ /bde bar gshegs pa ni mdzes par gshegs pas na bde bar gshegs pa ste/ yang phyir mi ldog pa'i phyir ro/ /'dis ni phyir mi ldog pa'i ston pa nyid brnyes par ston to/ /skal ba dang ldan pa dang mi ldan pa'i 'jig rten mkhyen pa'i phyir 'jig rten mkhyen pa'o/ /'dis ni ston pa'i mdzad pa dang po bstan pa yin no/ /ston pa'i mdzad pa ni rnam pa gnyis te/ skal ba dang ldan pa dang skal ba dang mi ldan pa so sor rtog pa ni dang po yin la skal ba ji lta ba bzhin du 'don pa ni gnyis pa yin pa de'i phyir 'jig rten rig pa zhes bya ba 'dis dang po bstan pa'o/ /gnyis pa bstan pa'i phyir skyes bu 'dul ba'i kha lo sgyur ba zhes bya ba smos te/ skyes bu kho na gdul bya yin te/ gdul bar 'os pa nyid yin pa'i phyir skyes bu 'dul ba'o/ /de dag gi kha lo sgyur ba ni 'dul bar mdzad pa'o/ /kha lo sgyur ba'i khyad par ni bla na med pa zhes bya ba yin te/ sor phreng can la sogs pa gdul dka' ba 'dul bar mdzad pa'i phyir dang/ 'dod pas bsod nyams la rjes su sbyor ba dang/ bdag nyid la ba'i rjes su sbyor ba yongs su spangs nas bde bar 'dul bar mdzad pa'i phyir dang/ yang phyir zlog pa med par 'dul ba'i phyir kha lo sgyur ba bla na med pa'o/ /'dis ni skal ba ji lta ba bzhin du 'don par mdzad pa ston pa'i phrin las gnyis pa bstan to/ /lha dang mi rnams kyi ston pa zhes bya ba 'dis ni lha dang mi rnams ni ston pa'i gang zag mdzad pa'i snod yin gyi gzhan 'ga' zhig kyang ma yin no zhes ston pa'i phrin las kyi snod bstan to/ /sangs rgyas bcom ldan 'das zhes bya ba la sangs rgyas ni rab tu grags pa'i sangs rgyas te bcom ldan 'das so/ /de bas na don 'dis ni sangs rgyas zhes rab tu grags pa gang yin pa 'di ni ston pa yin te/ sngar smos pa'i yon tan dang ldan pa nyid kyi phyir ro/ /rgyal srid ni bdag po'o/ /de byed du bcug pa ni gzhan blon po la sogs pa'i sgo nas so/ /'byor pa zhes bya ba la ni zhing pa dang phyugs skyong ba yul gyi yon tan dang tshong ba dang rgyal po bsten pa bdag po'i yon tan las grub pa'i rgyal srid gang la yod pa de ni 'byor ba'o/ /rgyas pa zhes bya ba ni tshad med pa dang/ legs par bskyangs pa'i sgo nas gang du nang gi gter mngon par 'phel bar gyur pa de ni rgyas pa'o/ /bdag pos pha rol gyi dpung gi tshogs kyi rnam par 'tsho ba las bsrungs pa ni bde ba'o/ /lo legs pa zhes bya ba ni bdag po dang ljongs kyi mi dag lha dang ldan pa nyid kyis dus ji lta ba bzhin du lhas char 'bebs shing 'bru rgyas pas slongs mos legs par rnyed pa'i phyir rgyal srid lo legs pa'o/ /mi ni gnyen dang rgyal pos nye bar 'tsho ba'i skye bo dang 'khor dang mgron po yangs shing rgya che ba mang por gyur pa gang yin pa de ni skye bo mang po'o/ /gang pa ni mang po dang ldan par gyur ste/ grong la sogs pas ma chad pa'i rgyal srid gang la yod pa de ni mi dang skye bo mang pos gang ba'o/ /'thab mo zhes bya ba la sogs pa la 'thab mo ni bya ba ma yin pa la chags pa 'am/ gtong bar dka' ba'o/ /'thab pa ni skye bo dag khro ba la phyir khro ba'o/ /nang 'khrug ni 'ga' zhig gis rang rang gi tshogs 'khrug pa slong ba gang yin pa de la bya'o/ /phyi'i dgra ni pha rol gyi dpung gi tshogs kyis dkrugs pa'o/ /chom rkun ni rkun po'o/ /phyug pa ni gser la sogs pas so/ /nor che ba ni ma he la sogs pas so/ /longs spyod che ba ni grong la sogs pas so/ /yongs su bzung ba yangs shing rgya che ba zhes bya ba la sogs pa la/ 'di'i yongs su bzung ba yangs shing rgya che ba ste/ 'di'i 'khor mang zhing rgyas pa zhes bya ba'i tha tshig go /nar la grangs med pa nyid kyi phyir rnam thos kyi bu'i nor dang ldan pa'o/ /rtag tu gtong ba'i ngang tshul can nyid yin pa'i phyir rnam thos kyi bu la nor gyis 'gran pa ste/ rnam thos kyi bu'i nor btang bas yongs su zad par mi 'gyur ba bzhin du 'di'i yang btang bas zad par mi 'gyur ba'i phyir 'gran pa'o/ /chos dang ldan pa zhes bya ba la sogs pa la chos dang ma bral ba ni chos dang ldan pa'o/ /bka' mchid kyis yang dag par bstan pa ni bya ba la bstan pa'o// yang dag par 'dzin du bcug pa ni sbyin pa la rnam par bkod pa'o/ /yang dag par gzengs bstod pa ni tshe 'di nyid kyi sbyin pa la sogs pa'i phan yon brjod pa'o/ /yang dag par rab tu dga' bar mdzad pa ni 'jig rten pha rol gyi phan yon ston par mdzad pa'o/ /yang dag par rdzogs pa'i sangs rgyas rnam par gzigs gal ba zhes bya ba la sogs pa la sangs rgyas rnam par gzigs bzhugs pa gal ba ste/ phyogs de logs su thal mo sbyar ba dang lus kyis phyag 'tshal te zhes bya ba'i bar du'o/ /na bza' ni snam sbyar la sogs pa'o/ /gnas mal ni khri dang khri'u la sogs pa ste/ gang la dge stong dag nyal zhing 'dug pa'o// bsnyun ba dag gi rkyen te bsnyun zlog par byed pa'i rgyu mtshan gyi sman no/ /de bas na bsnyung ba'i rkyen yang de nyid yin la sman yang de dag yin pa 'am bsnyung ba'i rkyen te tshad ma dang skyabs dang bstan par bya ba ni bsnyung ba'i rkyen sman dag nyid do/ /'tsho ba la mkho bo de dag thams cad kyang de dag gis srog skyong bar byed yongs su bsrung bar byed ces bya ba'i dbang du byas nas yo byad ces bya'o zhes par ci gnang zhes bya ba ni zhal gyis bzhes par ro/ /cang? mi gsung ba zhes bya ba ni tshig gis gnang ba ni tha mal pa'i rtags yin pa de bas na yang dag par rdzogs pa'i sangs rgyas dang de'i nyan thos rnams ni cang mi gsung bar gnang bar mdzad pa'o/ /lan du ma ni lan mang du'o/ /'dod rgyal du mi gtong ba ni rang dga' mi gtong ba'o/ /bzang po ni mchog yin te/ bzang po kho na bzang po nyid do/ /bshos dag gis bzang po nyid ni bshos bzang po nyid do/ /gang du shin tu khyad par du 'phags shing bsod pa'i zas bsgrub par nus pa gang yin pa der gshos gsol bar bya ba'i don to/ /chu ra ni chus yongs su bkang ba'i snod gtsang ma'i bye brag go /gang la da de'i dus la bab par dgongs su gsol zhes bya ba la/ khyim gyi nang du yang dag par gshegs pa'i mdzad pa gang la nga ni tshogs pa'i dus la bab par mkhyen nas de mdzad pa'i rigs so/ /zhes bya ba la bltos pa'o/ /dge slong gi tshogs kyis yongs su bskor cing zhes bya ba ni 'khor du gyur pa'i dge slong dag gis khyab pa'o/ /'khor 'ga' zhig ni sngon nas kyang 'gro bar byed cing phyi bzhin du yang 'brang bar byed pas bye brag tu byed pa ni mdun du bdar nas zhes bya ba smos to/ /mdun du bdar ba ni mngon du gshegs pa'o/ bkang sa ni der zas thams cad 'dog? par byed par zhes bya ba'i dbang du byas nas bshos gsol ba'i gnas so/ /tshim par byed pa ni dbang po'i 'byung ba chen po tshim par byed pa 'dod pa'i zas stob par byed pa'o// stobs par byed pa ni lhag par 'dod pa stobs par byed pa'o/ /phyag bcabs pa ni phyag bsil bar gyur pa'o/ /stan ches dma' ba ni shin tu dma' ba' o/ /rgyal po'i bkas dril dkrol zhing dam bcas pa gsal por byed pa gang yin pa de ni dril bsgrags pa ste/ dbang phyug gi mchog kho na la 'os pa yin no/ /'tshed pa ni 'phel ba kho nar byed pa ste/ bca' ba la sogs pa mar la sogs pa'i nang du 'tshed par byed pa na chos pa nyid du bsgrub par byed pa gang yin pa de ni 'tshed par byed pa'o/ /de rang gi 'byor pa legs pa'i mdza' can ni zhes bya ba la/ rang gi 'byor pa ni nor yin la/ de'i khyad par ni legs pa'i mdza' can zhes smos te/ 'thab rtsod nye bar zhi ba'i nor la legs pa'i mdza' can zhes bya'o/ /nor la gnas skabs gsum ste/ bsgrub pa dang/ bsrungs pa dang/ yongs su longs spyod pa'i gnas skabs so/ /de la nor gyi tha ma yongs su longs spyod pa 'di la mdzes pa'i mdza' yod pa ni zlog par med par yongs su longs spyod pa ste/ de 'dra ba'i nor ni bde ba thob par byed pa yin no zhes 'byung ngo/ /sems 'khrugs pa la shin tu sdig pa'i 'bras bu dang ldan pa ni rtsub pa'o/ /rdo ni so phag gi dum bu 'am/ rdo yi dum bu'o/ /bong ba ni sa las byas pa'i rkad? rten gyi dum bu 'am bong ba nyid do/ /gyo mo ni rdzas dum so btang ba 'am/ /bam por gyi dum bu'o/ /dri zhim po'i bdug pas bkang ba'i snod ni dri zhim pog? phor ro/ /bzhag pa ni spyangs nang bzhag pa'o/ /dar gyi chun po ste phan tshun yongs su 'brel pa'i dar gyi chun po'i tshogs ni/ dar gyi chun po mang po'o/ /sbyangs pa ni yongs su bskor cing g.yogs pa la bya ste/ dar gyi chun po'i tshogs sbyangs shing yongs su bskor ba rgyal po'i pho brang gang la yod pa de la de skad ces bya'o/ /rgyal mtshan ni seng ge'i rgyal mtshan la sogs pa'o/ /ba dan ni shing la btags pa'i gos kyi bye brag go /bsgreng ba ni bslad bar gyur pa'o/ rin po che'i khri ni gser la sogs pa las byas pa'o/ /be'u ras khra bo la sogs pa'o ges de dag gis mdzes par bsgrub pa ni gdan bsham pa'o/ /'jam pa ni gnyen pa'o/ /rgya che ba ni gtos che ba'o/ shin tu dri zhim pa na dri bzod pa'i dri dang ldan zhing 'byor pa'i zas so/ /yid du 'ong ba dang 'dra ba ni yid dang rjes su mthun pa ston pa'o/ /rgyal po la 'os pa'i gdugs rgya che ba gang la 'od ma'i rtsibs brgya yod pa de ni gdugs rtsibs brgya pa'o/ /gser dang nor bus spras pa'i yu pa can g.yag rnga las byas pa'i rnga yab ni gser dang nor bus spras pa'i rnga yab bo/ /sgor nges par sbyor bas na sgo'o/ /shes pa zhes bya ba la sogs pa la yid kyis shes par bya ba mthong ba ni shes pa'o/ mig gis blta bar bya ba mthong ba ni blta ba'o/ /rigs dang bcas par 'jug pas na rigs dang ldan pa yin la/ kau shi ka'i rigs dang bcas pa ni kau shi ka'i rigs dang ldan ste/ drang song kau shi ka'i rigs las brgyud nas gang skyes pa'o/ /gang gis zag pa med pa'i ye shes kyis sdug bsngal la sogs pa'i bden pa mthong ba dag ni bden pa mthong ba ste/ rgyun tu zhugs pa zhes bya ba'i don to/ /rnam pa ni mchod pa'o/ /tshe'i sgra ni thams cad du 'das pa'i dus brjod pa'o/ /dus ni khyim bdag nyes med kyi gnas skabs nye bar mtshon par byed pa'i dus yin te/ de'i tshe 'di'i dus zhes bya ba'i bar du'o/ /shugs mnyams pa zhes bya ba la sogs pa la shugs ni mgyogs pa ste/ sangs rgyas nyid kyi lam rgyu'i tshogs la snying rje sngon du song ba can gyi 'jug pa ni 'dir la shugs yin te/ bdag rgyu'i tshogs la rab tu 'jug go zhes bya ba'i tha tshig go /stobs mnyam pa zhes bya ba la/ stobs ni 'bras bu phun sum tshogs pa ste/ bdag stobs la sogs pa'i rang bzhin gyi 'bras bu phun sum tshogs pa yang mtshungs so zhes bya ba'i tha tshig go /brtson 'grus mnyam pa zhes bya ba ni gzhan la phan 'dogs pa'i 'byor ba la 'bad rtsol gyi brtson 'grus te/ gzhan la phan pa bskyed pa mtshungs so zhes bya ba'i don to/ /rgyu rnam pa de gsum gyis mnyam zhing mtshungs pa thob par gyur pa'o/ /yi rangs pa ni sems dga' ba'o// mngon par bstod pa ni mngon par gyur pa'o/ /mgar ba ni lcags mgar ro/ /bzhir bzang khyod ces bya ba la/ bzhin bzang kyi sgras ni kha gdong mtshon par byed pa yin la/ khyod ces bya ba ni las byed pa'o/ /rin med pa ni tshig tsam gyis las byed du 'jug pa gang yin pa de la de skad ces brjod do/ /rngam pa ni dga' bzhin du ster ba'o/ /bskyangs pa ni dus zad par byed pa'o/ /mdza' bo ni brtse ba dang ldan pa'o/ /'gro bar byed pas na 'gro ba ste dge slong ngo/ /gnyen gyi khyim ni rigs rgyud kyi tshogs dag gi khyim mo nye bar 'gro ba'i dge slong dang 'dris pa de'i khang pa ni 'dris pa'i khyim mo/ /shes pa ni mkhas pa'o/ /dben pa smos pa ni 'jig rten ma dad pa spang ba'i phyir ro/ /me tog pad+ma ltar dmar ba'i yu ba can zhes bya ba ni kun nas bskor ba las grub pa'i shin tu dang ba ste/ bkra ba dang nye bar bkra ba'i yu ba can zhes bya ba'i bar du'o/ /dge slong zhes bya ba la sogs pa la/ dge sbyong gi kun tu spyod pa gang la yod pa de ni dge sbyong dag go /'dod pa'i yon tan ni 'dod par bya ba yin la/ goms par bya ba yin pa'i phyir yon tan te/ 'dod pa 'am 'dun pa'i 'dod chags kyis goms par bya ba yin pa'i phyir 'dod pa'i yon tan no/ /gzir ba ni gnod par gyur ba ste/ khyed cag gzhan g.yos 'dod pa la longs spyod par gyur ces bya ba'i bar du'o/ /lcags las rnam par bsgyur ba ni lcags las byas pa'o/ /rmongs pa med par lan ldon par nus pa ni spobs pa yin la de med par gyur pa ni nyams par gyur pa'o/ /mtshon cha'i rnam pa lta bu ma gnang ba ni rtse mo rno ba nyid yongs su spangs par bya ba'i phyir ro// bsgrub par bya ba gdags pa'i don dang srad bu dbang du bya ba'i don du bug pa gru bzhi ni sra brkyang zhes bya ba yin te/ de la gos bting ba'i tshad kyi rnam pa spang leb kyi 'khor gyi tshad yin te/ mtshan ma'i rnam pa nas bzung ste 'dra ba'o/ /me longs la sogs pa ni gdong mdzes par byed pa'i thabs su gyur pa'i dngos po bsgrub pa'i rdzas so/ /chu'i snang longs la rma la sogs pa lta ba la nyes pa med par gsungs pa ni skyo ba bskyed par rab tu bstan pa'i phyir ro/ /skra shad par byed pa'i rdzas ni so mangs so/ /rtsa pu shel rtsi la sogs pa las byas pa'i khres po ni bshad spyad do/ /kau shAm+bI ni grong khyer ro/ /phag mo'i mtshan ma'o phug ni phag mo'i phug go / skyed mos tshal ni rtsed mo'i gnas so/ /bar med cing bar chad med par me tog rgyas pa ni kun nas rgyas par gyur ba ste/ gang du me tog dag skyes par gyur pa zhes bya ba'i dbang du byas pa yin no/ /nags kyi 'khor ni nags kyi tshogs so/ /nags nyul ba ni thil po'i phyogs so sor rtog pa'o/ /gnod par byed pa la sogs pa 'ong ba yongs su spang ba'i phyir la gcan dag la bkod pa'o// gang la zhes bya ba la sogs pa la/ las su bya ba gang la sgrub par byed pa'i 'du shes pa zhes bya ba'i tha tshig go /ci ltar 'dod pa bzhin du rab tu rgyu zhing 'khod do zhes bya ba la rab tu rgyu ba ni 'gro ba rnam pa sna tshogs kyi rnam pa'o/ gnas par byed pas na 'khod pa ste/ gnas par byed pa ni bdag nyid kyi 'dod pas rgyug pa dang mchod pa la sogs pa'i bya ba dang/ gnyis kyis log pa la sogs pa'i bya ba dang byed par btsom pa'o/ /bar bar du gos kyi dum bu glan? pa ni tshem bu'o/ /chos gos dang sham thabs ral ba ni rnyings par gyur pa'o/ /gsod pa'i bsam pas mtshon cha 'debs par byed pa ni mtshon 'phyar ba'o/ /srid pa'i rtse mo'i bsgom pas spang bar bya ba rnam pa dgu spangs pas thob pa 'dus byas dang 'dus ma byas kyi 'bras bu gang yin pa de ni dgra bcom pa'i 'bras bu'o/ /'dod pa na spyod pa'i bsgom pas spang bar bya ba'i nyon mongs pa rnam pa dgu zag pa med pa'i lam gyis spangs pas thob pa gang yin pa de ni phyir mi 'ong ba'i 'bras bu'o/ /bsgom pas spang bar bya ba rnam pa drug zag pa med pa'i lam gyis spangs pas thob pa 'dus byas dang 'dus ma byas kyi 'bras bu gang yin pa de ni lan cig phyir 'ong ba'i 'bras bu'o/ /mthong bas spang bar bya ba'i nyon mongs pa zag pa med pa'i lam gyis spangs nas/ shes pa skad cig ma bcu drug 'dus byas dang 'dus ma byas kyi dbye bas tha dad pa thob pa gang yin pa de ni rgyun du zhugs pa'i 'bras bu'o/ /rnam par rtog pa dang rnam par dpyod pa'i dga' ba'i bde ba dang yang dag par ldan pa sems rtse gcig pa'i dge ba ni bsam gtan dang po'o/ / rtog pa dang dpyod pa dang bral ba'i dga' ba'i bde ba dang yang dag par ldan pa sems rtse gcig pa'i dge ba ni gnyis pa'o/ /dga' ba'i 'dod chags dang bral bas dga' ba med pa'i bde ba dang yang dag par ldan pa ni gsum pa'o/ btang snyoms dang gsum pa'i yang dag par ldan pa ni bzhi pa'o/ /thob pa ni mthong ba'i sgo nas thob pa'o/ /bong tshod che ba dang/ rkang lag ring ba'i srin bu ni rnga mo lta bu'i srin bu ste/ rnga mo lta bu'i srin bus gson po nyid du zar bcug pa'i bsam pa de'i lhag pa'i tshig go / rgyal po la yang de'i rigs can gyi srog chags bsdus pa yod pa lon? yin pa de'i phyir 'o na te cig ces smra ba yin no/ /nyes pa yod pa yin pa'i phyir nyes pa med pa'o/ /de gzhan la gnod pa byed par ma brtsams pa nyid kyi phyir gnod pa ma byas pa 'am/ gnod pa byed pa ma yin pa'o/ /gzhan dang 'brel pa'i phyir bdag nyid mngon sum du gnod pa byed pa ma yin pas na gnod pa byed pa ma yin pa can thar par bya'o snyam pa'o// ri dwags gsod pa'i phyir dga' ba ni kun nas 'tshe bar byed pa la'o/ /lhag par rmongs pas kun tu dpyod pa'i skyes bu ni blun pa'o/ /sdug bsngal ba ni lus kyi'o/ /nyam nga ba ni sems kyi'o/ /sor gnyis ni sor gnyis so// sor gnyis su 'jug pa'i phyir sor gnyis kyi tshad de sor gnyis sleb pa zhes bya ba'i tha tshig go / bam po gsum pa// //'dod pa ste gzugs la sogs pa la longs spyod par byed pa'i phyir 'dod pa la longs spyod pa'o// bsten par bya ba ni nyams su myang bar bya'o/ /byi ru ba la zhes bya ba la sogs pa la glo skar gyi rnam pa ni 'di yin te/ de'i phyi rol gyi ngos su rub pa nang gis ngos yangs pa rgya mtsho lta bur byas pa'i dbyibs gang la yod pa de la de skad ces bya ste/ rim bzhin yangs pa zhes bya ba'i bar du'o/ /glo skar ni skar khung dra ba can no/ /sgo glegs ni sgo glegs kyi ming can gyi shing leb ste/ gang gis glo skar gyi sgo gcod par byed pa'o/ /'khor gtan ni sgo glegs phyir mi phyed pa'i thabs su gyur pa ste/ sgo'i sgo glegs kyi dbus kyi phyogs su khru gang gi tshad kyi shing gzed bus sbyar ba de 'dzin pa'i shing de 'khor lo bzhin yongs su bskor nas gzung bar bya ba de la 'jog par byed pa'i phyir 'khor gtan zhes bya'o/ /sgo'i ya phubs la nye bar btags pa'i phur pa la sogs pa ni gnam gzer ro/ /rtsig pa'i bu ga'i nang du chud pa'i shin bu ni re ni phreng gtan zhes bya'o/ ra'i rkang pa'i rnam pa can gyi shing bu ni dbyug gu skam kha ste/ gang gi phyir des glo skar gyi 'phreng gtan 'jud pa dang 'byin par byed pa'o/ /sgo la sgo glegs chug cig ces bya ba ni sgo glegs gdags pa'o/ /lde mig kyog po zhes bya ba ni sgo glegs 'byed pa'i thabs su gyur pa'o/ /lag zungs zhes bya ba ni lcags las byas pa sgo nang du 'dren pa'i thabs su gyur pa'o/ /so phag gi stegs bu ni phug ron gyi phreng ba can no/ /zhal zhal ni rdo thal gyi zhal zhal du rig par bya'o/ /lcags kyi thal phyags ni lcags las byas pa'o/ /mkhris pa la sogs pa'i nyes pas 'khrugs pa ni rmya ba ste/ nang na yod pa'i me nyams su gyur pa'o/ /'bru mar zhes bya ba ni nyungs dkar gyi mar ro/ /so ba btags pa ni phye'o/ /sprus pa ni gnyen por gyur pa'o/ /rtsa bstan ni rtsa mun dza la sogs pa'i snying po'o/ /gyo mo ni kha ma phor la sogs pa'i dum bu'o/ /khrus kyi don gyi khang pa ni khrus khang ngo// lci ba ni lci rlon no/ /tsha khug ni tsha'i snod do/ /g.yo mad pa zhes bya ba la sogs pa la sems rtogs pa med pas kun tu spyod pa ni g.yo med pa'o/ /gzhan slu bar byed pa ni sgyu ste de med pa'o/ /tshig kun la yid ches pa ni drang ba ste/ de nyid kyis rnam pa thams cad du drang ba'i rang bzhin can la rang bzhin gyis drangs pa zhes gsungs pa'i phyir ro/ /nyin re zhing zhes bya ba ni nyin re la 'am nyin re'i tho rangs zhing ngo/ /mi mdzes pa ni mdzes pa ma yin pa'o/ /mi rigs pa ni dge slong gi tshul ma yin pa'o/ /tshangs pa ni mya ngan las 'das pa yin la/ de'i rgyu mtshan ni spyod pa yin pa'i phyir tshangs par spyod pa'o/ /tshangs par spyod pa ma yin pa ni mi tshangs par spyod pa ste/ mya ngan las 'das pa dang 'gal ba'i las su bya ba byed ces bya ba'i tha tshig go / phas pham pa zhes bya ba ltung ba'i rjes su 'gro ba'i ming yin te/ de dang ldan pa'i phyir gang zag la yang phas pham pa zhes bya'o/ /gsol ba dang gnyis kyi las rnam par byed pa'i sgo nas dge slong dag gang gis khyim nas bsod snyoms len par byed pa de la brten nas/ dge slong dag gi lhung bzed kha spug pa ni nges par kha spug pa yin par blta bar bya'o/ /dris pa'i tshig gi zhes bya ba ni gaN+Di brdungs pa na lam gyi phyogs sam/ lam gyi phyogs na gnas pa'i dge slong gis ci'i phyir gaN+Di brdungs pa sngon du song ba can gyi 'dus pa mdzad ces dris pa gang yin pa de la/ dris nas lan du brjod pa de ni dris pa'i tshig yin no/ /des dge slong rnams la yang dag par bsgo ba ste/ rgyu brjod pa sngon du song ba can gyi dge 'dun rnams 'dug cing mthun par gyur pa zhes bya ba'i tha tshig go /mthun pa ni 'dus pa yin la/ 'dus pa sngon du song ba can gyi stan so sor stong par byed pa ni 'dug par gyur pa'o/ /gsol ba ni dge 'dun la go bar byed pa'o/ /gal te dge 'dun gyi dus la bab cing bzod na zhes bya ba de la ni 'dri ba yin te/ gal te dge 'dun gyi skabs la bab cing lhung bzed kha spub pa la rigs par spobs pa ni bzod pa ste/ rigs pas dgongs sam zhes dris pa'o/ /gnang bar mdzod cig ces bya ba ni don du gnyer ba ste/ las byed pas dge 'dun las gnad ba gsol ba ni gal te dge 'dun gyis rigs par spobs pa mdzad na lhung bzed kha spug pa'i phyir/ de dge 'dun gyis gnang bar mdzod cig pa'o/ /gang dag bzod pa zhes bya ba ni gang dag li tsa bI chen po la lhung bzed kha spub par rigs pas spongs pa de dag ni cang mi smra bar 'dug par bya ba yin la/ gzhan dag ni smra bar bya ba yin te/ gang gi phyir dge 'dun mi gsung bar bzhugs pa de'i phyir/ dge 'dun gyi lhung bzed kha spub pa la bzod pa dang las byed pa la dge 'dun gyis gnang ba rtsal ba yin no/ /tshul shing bor ba ni mi bya las ming phyis par gyur pa ste/ dad ba? can gyi nang nas bsal bar gyur ces bya ba'i tha tshig go /mi shes pa ni ci zhig bya ba la sogs rmongs pa'o/ /stan la spyod pa ni 'thad pa 'am rab tu grags pa bzhin du'o/ /gsol ba 'ga' zhig phyogs gang du bzhag na byas par gyur pa las thob pa la sogs pa'i sgra thos par gyur pa de ni thos pa'i nyen 'khor de las bkar ba ni bskrad pa'o/ /mthong ba'i nyen 'khor ni gang du 'dug na dge 'dun mthong bar gyur ba'o/ /gsol ba 'ba' zhig ces bya ba ni las kyi tshig gis gtong bar go bar byed pa'o/ /gsol bas bkag pa la yang kun tu spyod par gnang ba ni slar bzlog pa'o/ /las la phan pa ni las su rung ba ste/ rung ba zhes bya ba'i bar du'o/ /zas kyi bya ba byas nas zhes bya ba la/ zas kyi bya ba byas pa ste yongs su longs spyad nas so/ /phyi ma'i zas ni zas kyi dus las 'og tu'o/ /bsod snyoms las slar log pa ni phyir log pa ste/ /zas kyi lhag ma spang ba'i phyir ro/ /lhung bzed dang chos gos mkhos su bab pa ni bzhag pa'o/ /yid la byed pa ni ting nge 'dzin gyi rnam pa'o/ /sdug bsngal ni lus kyi'o/ /nyam nga ba ni sems las byung ba'o/ /kun nas bzir ba ni mngon par 'dod pa ma yin pa'i gnas skabs so/ /'dod chags kyi rang bzhin pa ni mi gtsang ba ste/ rnam par sngos pa la sogs pa mi gtsang ba'i dngos po la dmigs pa nyid kyi phyir mi gtsang ba zhes bya'o/ /bsgom par bya'o zhes bya ba'i ni yang dang yang mngon du bya ba'o/ /brdeg par bya ba zhes bya ba ni tshul bzhin yid la byed pa'i mangs sems la brdeg par bya ba'o/ /lus la dmigs pa'i dran pa ni lus su gtogs pa ste/ gang gi tshe lus dran pa nye bar gzhag pa thob par gyur pa de'i tshe de bsgoms par 'gyur ro/ /rtse bar byed pa ni 'o dang 'byung pa la sogs pas so/ /dga' bar byed pa ni chung ma'i yul la dga' ba'i sems kyis so/ /dga' mgur spyod pa ni 'khrig pa kun tu spyod pa'i sgo nas so/ /gzugs mdzes pa ni kha dog gis so/ /blta na sdug pa ni dbyibs kyi sgo nas so/ /mdzes pa ni dang ba dang dga' ba'i rgyu can gyi yid du 'ong ba'o/ /sngon dang mi 'dra bar rnam par gyur pas gzugs mi sdug pa'o/ /gnas ni gnas khang du 'jug par bya ba'o/ /mdangs rgyas pa zhes bya ba ni yongs su rgyas par gyur pa nyid do/ /me long ltar zhes bya ba ni ji ltar me long la cung zad tsam gyis mi sdug par 'gyur ba de bzhin du kha gdong dag kyang ngo/ /shor ba ni gang dpa' bor gyur pa 'dir bzang por rigs par bya ste/ de dag gi shor ba'o/ /bca' ba'i rin ni gser la sogs pa'o/ /bdag cag rjes su bzung na zhes bya ba ni kho bo cag la rjes su rtse na'o/ /'phya bar byed pa ni ming smos pa'i sgo nas 'ga' zhig la tshul ma yin pa brjod par byed pa'o/ /smod par byed pa ni ming smos pa med par spyir 'ga' zhig 'di lta bu byed de ces nyes pa brjod par byed pa'o/ /ngan du zer ba ni nyes pa brjod pa'i sgo nas 'dri ba la sbyor ba'o/ /shAkya'i bu'i sdom pa la gnas pa ni shAkya'i bu'o/ /dge slong ni thar pa'i don du 'jug pa'o/ /tshig pa ni rnam par nyams pa'o/ /dge sbyong zhes bya ba ni thar pa'i don du yongs su sbyong ba'o/ /bram ze ni lus dang ngag gi nyes par spyod pa las ldog pa yin gyi/ bya ba ma yin par byed par snang ba gang yin pa de dag ni/ thar pa'i don du yongs su sbyong zhing byed pa ma yin no/ /rnam par brjod pa dran par byed pa ni sbyang pa'o/ /spa bkong par gyur pa zhes bya ba ni skyo bas gdong thur du bltas pa'o/ /de'i tshe zhes bya ba la kha lu'i sgra ni nges par bzung ba 'am/ dag mdzes par bya ba'i don to/ /tshe ni dus yin te/ bdun pa'i don gyi rgyu'i gsum pa yin pa de bas na dus de na zhes bya ba'i don du 'gyur ro/ /dad pa can zhes bya ba la sogs pa la rten cing 'brel pa 'byung ba la sogs pa las dang 'brel pa dang/ gzhan las bskyed par bya ba dang skyed par byed pa'i dngos po skyes par yid ches pa ba ni dad pa'o/ /sdig pa las rnam par bzlog pa'i phyir bzang po'o/ /sems dge ba'i las la brten pa ni dge ba'i bsam pa can no/ /dkon mchog gsum la skyabs su 'gro ba sngon du song ba can gyis dge bsnyen gyi bslab pa'i gzhi lnga la rnam par bkod pa ni nges par 'jog pa'o/ /de dag kyang srog gcod pa las ldog pa la sogs pa nas 'bru'i chang dang bcos pa'i chang myos par 'gyur pa bag med pa'i gnas las ldog pa'i bar du'o/ /lus kyi dang mdangs smad par bya ba ni kha dog ngan pa'o/ /lus kyi chung ba ni lus kyi tshad chung ba'o/ /'dus pa ni thag nye ba na gnas pa'i nye du dag 'dus pa'o/ /lhags pa ni thag ring po na gnas pa dag 'ongs par gyur pa'o/ /nyi ma bdun po'i tshogs ni nyin zhag bdun pa'o/ /gal te yang nyi shu rtsa gcig po bdun p a gsum dag yin pa de lta na yang bdun pa re re yongs su rdzogs pa la skye pa'i tshig yod pa de ma brjod par 'gyur la bdun pa gsum 'ba' zhig brjod na yang bar med pa'i the tshom gyis nyi ma lhag pa srid par 'gyur bas gnyi ga smos pa yin no/ /gsos pa ni khrus dang bsku mnye la sogs pa phyi rol gyi mkho ba'i yo byed kyi sgo nas so/ /bskyed pa ni nang du gtogs pa'i bza' ba'i khyad par dag gis so/ /bsod pa ni yid dang 'thad pa'o/ /bca' ba ni rtsa ba la sogs pa'o/ /bza' ba ni snum khur la sogs pa'o/ /mtshan ma ni sngon sbyin pa dran par byed pa'i thabs so/ /sgra snyan pa ni sgra mdzes pa'o/ /shes par byas nas zhes bya ba ni dbyangs kyi yul la pha rol po'i rnam par shes pa skyed par byed pa'o/ thar pa'i cha dang mthun pa ni thar pa dang rjes su mthun pa ste/ gang zag gang la skyes na nges par yongs su mya ngan las 'da' ba' i chos su 'gyur ba'o/ /pos pa ni nye bar bstan pa 'am go bar byed pa yin te/ gang gi phyir go bar byed pa ni 'bod don yin pa'i phyir ro/ /ri brag ni mdza' 'khob kyi grong ngo/ /bskyod pa ni rab tu bsgul ba'o/ /'byung po gang dag 'dir ni lhags gyur pa zhes bya ba la sogs pa la/ 'byung po gang dag ces bya ba ni nyan pa po'i skye bo dag la nges par sbyor ba'o/ /'byung pos ni snang ba dang mi snang ba'i sems can no/ /'dir zhes bya ba ni chos nyan pa'i sa phyogs su'o/ /lhags par gyur pa ni 'khod pa ste/ chos nyan pa'i phyir gnas par gyur pa'o/ /sa 'am zhes bya ba ni sa la gnas par gyur pa'o/ /'on te bar snang 'khod pa rnams zhes bya ba ni nam mkha' bar snang la gnas pa rnams byams pa ni skye dgu rnams la phan pa'i sems so/ /byed pa ni sgrub par byed pa 'am/ sgom par byed pa'o/ /bsam pa phun sum tshogs pa bstan nas/ sbyor ba phun sum tshogs pa ni nyin dang mtshan du zhes bya ba smos te/ nyin mo dang mtshan mo rtag tu chos de legs par spyad pa spyod par gyur cig pa'o/ /che ba ni dngos po rgya che ba'o/ /mos pa can ni mngon par 'dod pa gang la yod pa de la de skad ces bya'o/ /mdad par rig par 'gyur ba ni nyams su myong ba 'am/ gsal por gyur pa'o/ /rin thang che bar gyur pa'i phyir rin thang che ba 'am/ mi chen po la 'os pa'i phyir chen po la 'os pa'o/ /snyan pa dang yid du 'ong ba las shin tu snyan pas na snyan cing mnyen pa'o/ /'jigs su rung ba ni byang ngan pas skye ba'i gnas su gyur pa'o/ /dad pa 'bri ba ni de la mi phyogs pa ste/ yid dang mi 'thad pa gang la yod pa de la de skad ces bya'o/ /tshigs su bcad pa ni sdeb sbyor gyi rang bzhin gyi bye brag ste tshig gi bkod pa'o/ /gang dag gzugs la zhes bya ba la sogs pa la/ gsal rgyal la sogs pa'i sems can gang dag legs par bshad pa'i sems dang ldan pa yin pa nyid kyi phyir gzugs la tshod 'dzin pa ni pha rol po mthang nas kha dog dang dbyibs tsam gyi sgo nas de mdzes pa dang mi mdzes pa dag la tshod 'dzin par byed pa ste/ yon tan dang skyon dang ldan pa nyid du khong du mchud pa'i phyir ro/ / nga'i zhes bya ba ni 'phags pa bzang snyan bdag nyid smra ba ste/ gang dag gis nga la gzugs su shes pa yon tan gyi sgo nas ma yin no/ /zhes bya ba'i tha tshig go /sgra'i rjes su 'breng ba ni dbyangs snyan pa'i rjes su 'jug pa'o/ /'dun pa'i 'dod chags dbang du ldan pa ni 'dod pa'i 'dod chags kyi 'dod pas byed pa thob par gyur te/ gang gi phyir de gzhan gyi dbang du gyur pas gzugs la sogs pa mdzes pa tshol bar byed de/ /skye bo de yis nga mi mthong zhes bya ba ni 'dod pa'i dbang du gyur pa dag la yon tan gzhan shin tu rtog pa'i nus pa med pa'i phyir ji ltar na de dag gis mi shes par 'gyur ba'o/ /ji ste nang la rnam shes kyang zhes bya ba la sogs pa la gal te nang gi byed pas de tshod 'dzin par byed na phyi rol dag kyang ma mthong ba'i phyir mig gis kyang mi mthong ngo/ /nang gi mnyam par bzhag pa'i 'bras bu ni nang gi 'bras bu ste/ de lta bu'i ngang tshul 'di la yod pa'i phyir de? 'dir nang gi 'bras bu mthong ba'o/ /de yang sgras ni khrid pa yin zhes bya ba ni dag gi sgra'i sgo nas lam la bzhag par gyur pa'o/ /phyi rol 'bras bu mthong bar byed pa ni gzugs can snying por 'dzin pa'i ngang tshul can no/ /kun tu sgrib pa zhes bya ba ni kun nas bsgrib pa 'dis nang dang phyi rol tu bcas pa khong du ma chud pa'i phyir ro/ ci ste nang la'ang zhes bya ba ni gal te yang zag pa med pa'i stobs sam/ sha'i mig gis nang dang phyi rol du bcas pa'i rnam par mthong ba'o/ /bston pa de ni gzhan du dkrir mi 'dod pa ste/ ji lta ba bzhin du khong du chud pa las bskyod par mi nus pa'i phyir ro/ /de nyid las 'byung ba'i shes rab can zhes bya ste/ mya ngan las 'das pa'i 'bras du khong du chud pa'i blo dang ldan pa zhes bya ba'i tha tshig go /'phags pa'i lam gyi stobs kyis shes shing dad ba rnyed pa las nang du mi 'dod pa bshad pa yin no/ /blta bas chog mi shes pa zhes bya ba ni blta bas ngoms par mi 'gyur ba'o/ /yid tshim par byed pa zhes bya ba ni dad pas sems rgyas par byed pa'o/ /ku ku ta ya zhes bya ba ni ku ku zhes sgra 'byin par byed pa ste/ khu byug rab tu dga' ba skyes pa na sgra'i bye brag mi gsal bar ku ku zhes sgrog par byed do/ /las drug la dga' ba zhes bya ba la/ mchod sbyin byed pa ni bdag nyid mchod sbyin byed pa'o/ /mchod sbyin byed du bcug pa ni mkhan por gyur pa'i sgo nas gzhan mchod sbyin byed du bcug pa'o/ /'don pa ni bdag nyid 'don pa'i/ 'don du bcug pa gzhan 'don du bcug pa'o/ /sbyin pa ni bram zes bram ze la'o/ /len pa ni rigs gsum po las bram ze mi len pas na de dag ni las drug yin no/ /de la dga' ba ni mngon par sbyong ba'o/ /dge ba'i las kyi 'bras bu bsngo ba byed pa ni smon lam mo/ /gcig tu gnag pa ste gcig tu mi dge ba dang/ gcig tu dkar pa ste gcig tu dge ba dang/ 'dre na ma ste dge ba dang mi dge ba'i las 'bras par gyur pa'o/ /bslab par bya'o zhes bya ba ni sgrub par bya ba'o/ /skon pa nas rgya shug byog ltar zhes pa ni ci ltar rgya shug gi 'bras bu dag skon bar gyur pa na sgra mi bsal ba dang rnam pa 'khrugs pa snyan pa dang bral ba 'byin pa 'gyur ba de bzhin du tshig gi rim pa snyan pa dang bral ba'i yi ge 'don par byed pa'o/ /dbyangs snyan pa zhes bya ba ni dbyangs mdzes par gyur pa ste/ de goms par bya ba yin pa'i phyir ro/ /don dang mi ldan pa dang 'brel pa med pa'i brjod pa ni ngan? du smra ba'o/ /ston par byed pa zhes bya ba ni slob pa 'dzin du bcug pa'o/ /brjod pa'i don rab tu 'dri bar byed pa ni kun tu 'dri bar byed pa'o/ /glu dang rol mo'i sgra slob par byed pa'i khang pa ni rol mo'i gnas so/ /yon tan brjod pa ni yon tan sgrogs par byed pa'o/ /rgyud gsum pa zhes bya ba la rgyu gsum po dag gi tshogs pa ni rgyud gsum pa ste/ grangs sngon du 'gro ba gnyis pa yin te de yang ma ning gi rtags zhes bya ba'i dbang du byas nas rgyud gsum pa zhes bya ba ste/ rta la sogs pa lta bu'o/ /sangs rgyas la bstod pa ste rgyud dang po dang/ mdo'i don 'dzin par byed pa'i gtam ste rgyud gnyis pa dang/ yongs su bsngo ba'i rgyud yin no/ /rigs pa zhes bya ba ni dus gzhan dag tu yod do/ /gzhon nu zhes bya ba ni de la gsar du zhugs par gyur pa'o/ /chos thams cad mi rtag pa zhes bya ba ni yid la byed pa 'dis bcom zhing zil gyis gnon pa'o/ /lhung zed kyi snod ni lhung bzed gzhug pa'i snod do/ /lung thag ni mtshan khung gi phyogs su dpyang ba'i thabs su gyur pa'o/ /rgyun ni pags pa'i 'brel bu'o/ /rnga ni rdza rnga'o/ /ltebs par mi 'gyur bar bya ba'i phyir bya rog gi rkang ba'i rnam pa ltar skud pas gnan pa ni bya rog gi rkang pa'o/ /bslab pa 'dod pa'i phyir bslab pa 'dod pa ste/ de'i dngos po ni de nyid do bslab pa la gus par byed? ces pa'i bar du'o/ /dra bar 'os pa yin pa'i phyir dra bar bya ba ste de ma yin pa'o/ /gos spu can ni be'u phrug go /phyid pa ni rab tu grags pa'o/ /la ba 'thug po ni klam mo/ /ras seng ba ni gos phra mo ste/ de dag ni dra bar bya ba ma yin la/ dgos pa yod pa ni byin gyis bslab par bya'o/ /rgas pa ni rgas pas gnas skabs gzhan thob pa'o/ /glags bltas pa ni zil gyis mnan par bya bar ro/ /rkun po ni mthus 'phrog par byed pa'o/ /g.yon can ni 'jab? bus rku bar byed pa'o snga ma ni rang gi sems kyis phyung la zhes bya ba ni chos gos de la bltos pa med par bya ba'o/ /ngas sngar bshad pa zhes bya ba ni gso sbyong gi gzhi las dge slong gis gso sbyong gi nyi ma la gnas mal bshams te zhes bya ba la sogs pa thams cad bsgrubs nas gal te gso sbyong byin gyis brlab tu rung ba'i dge slong rnyed par ma gyur pa de'i tshe/ sems kyis gso sbyong byin gyis brlab par bya'o/ /de bzhin du dgag dbye bya ba dang/ gcig pus gos byin gyis brlab pa dang/ med pa'i dus su chos gos dbyung ba dang/ gang zag gis mgron du bos pa la gnyis pa yod na sems kyis dang du blang bar bya'o/ /gdungs pa ni gzer bar gyur ba'o/ /bskal ba ste bskal pa chen po'i bya ba yin la de dag gi stong de la'o/ /dka' bas rnyed par nus pa'i phyir rnyed dka' ba'o/ /'dren pa ni mdun du gshegs par mdzad pa zhes bya ba de'i phyir 'dren pa de la'o/ /snying rje'i bdag nyid can snying rjes dbang du byas pa'i thugs gang gis g.yo med pa'i dgongs pas sems can la thugs rje ba ste/ sdug bsngal dang bral bar bzhed pa'o/ /srid par chags pa zhes bya ba la srid par chags pa ni sred pa ste/ de rnam par spangs pa'o/ /'dis ni sred pa bag chags dang bcas par spangs par bstan pa yin no/ /de'i bstan pa mchog la srog gcod pa las slar zlog pa la sogs pa bslab pa bzung zhing blangs nas srog 'tsho ba ni yongs su btang bar bya'i/ 'on kyang srog bcad par mi bya'o/ /mthu ni 'dir lus kyi nus pa la bya'o/ /rgyal po chen po bzhi dag gi yin pa de dag ni rgyal chen bzhi'i ris te/ de dag tu skye ba ni 'byung bar 'gyur ba'o/ /chos nyid kyis zhes bya ba ni gdon mi za bar 'gyur ba'o/ /yongs su gnas pa ni yongs su gnas pa'i gnas skabs te/ des gang gi tshe mtho ris de na spyod lam bzhi po gang yang rung ba gcig gis yongs su gnas pa de'i tshe yongs su gnas pa bstan par 'gyur ba de skabs sgrub par mi byed pa'i blo can gyi lha'i bu skyes nas yun ring du ma lon pa bcom ldan 'das la blta ba'i phyir nye bar 'gro bar byed do/ /lus rab tu g.yo bar byed pa'i phyir rna cha gdub kor g.yo ba'o/ /dri ma med pa ni shin tu 'tsher ba'o/ /lto ba'i phyogs khyab pa ni ngo shal lo/ /nu ma'i phyogs khyab pa ni se mo do'i 'o/ /brgyan ni spung pa'o/ /lha'i 'byor ba yin pa'i phyir lha'i 'o/ /snang ba ni 'od kyis so/ /bsam pa ni rgya che ba dang/ rgya che ba ma yin pa'i chos bstan pa la mos pa dang mngon par 'dod pa'o bag la nyal ba ni nyon mongs pa drag cing drag pa'i kun tu spyod pa ste/ gang la nyon mongs pa gang gis gnod par gyur pa de la de dang rjes su mthun par ston pa'o/ /khams ni rigs yin te/ 'ga' zhig ni 'jam po dang/ 'ga' zhig ni rtsub pa'i chos bstan pas 'dul bar 'gyur ba'o/ /dmyal ba'i gtam ni rtsub pa yin la/ mtho'i sa kyi gtam ni go bzlog pa'o/ /rang bzhin ni dad pa la sogs pa'i dbang po'i rang bzhin te/ dbang po rno rtul tha dad pa'i phyir ro/ /'phags pa'i bden pa bzhi so sor rtogs par byed pa de ltar zhes bya ba ni 'phags pa'i bden pa bzhi khong du chud pa dang rjes su mthun par ro/ /'jigs tshogs su lta ba zhes bya ba la sogs pa la 'jig tshogs su lta ba'i ri'i rtse mo nyi shu dag gis mtho bar gyur pa ste/ gzugs la sogs pa'i phung po lnga la bdag tu 'dzin pa dang/ 'jigs tshogs su lta ba'i rtse mo lnga la bdag ma rtogs pa phung po lngar yongs su brtags te/ de la rgyan dang 'dra bar 'dzin la cig shos lnga la bran dang 'dra bar 'dzin cing gzhan lnga la snod dang 'dra bar lta bar byed do/ /yang lnga ni ji skad du gzugs la bdag dang bdag gzugs dang ldan pa dang/ gzugs bdag gi yin pa dang gzugs la bdag gnas so shes yang dag par rjes su mthong ngo zhes bya ba de lta bu la sogs pa dag 'byung ba yin no/ /'jig tshogs su lta ba yang nyon mongs pa thams cad skye ba'i rgyu'i gtso bo nyid yin pa'i phyir mthong bas spang bar bya ba dag gi gtso bo yin pa de bas na nyon mongs pa'i gtso bo bcom par bstan pa las mthong bas spang bar bya ba'i nyon mongs pa thams cad bcom zhing spangs par bstan pa yin no/ /khyod mthus te khyod kyis phan 'dogs par mdzad pa'i nus pas bkag par gyur pa'o/ /rab drags ces bya ba ni shin tu drag par gyur pa'o/ /ngan song shul zhes bya ba ni ngan song ba'i las dang nyon mongs pa ni ngan song gi rgyu yin pa'i phyir ngan song shul dang/ srid pa bar mdo'i ngan song de gnyi ga bkag pa yin te/ ngan song ba'i las dang rjes su mthun pa'i nyon mongs pa'i kun tu spyod pa med pa'i phyir dang/ ngan song ba'i snga na med pa'i las ma byas pa'i phyir dang/ byas pa'i lhan cig byed pa'i phyogs zang par gyur pa'i phyir las dang nyon mongs pa bkag pa yin la/ so sor brtags pa ma yin pa'i 'gog pa thob pa'i phyir ngan song ba'i phung po'i srid pa bar mdo'i lam bkag pa yin no/ /mtho ris 'gro ba zhes bya ba ni mtho ris su skyes par gyur pa'o/ /bsod nams bzang po byed pa'i rgyu mtshan gang dag la yod pa de ni/ bsod nams bzang po byed ba'o/ /mya ngan las 'das pa'i shul ni 'phags pa'i lam yan lag brgyad pa'o shin tu rnam dag khyod rten bdag gis ni zhes bya ba la sogs pa la khyod kyi bka' 'di las bdag gis de ring dag pa'i mig ste/ zag pa med pa'i shes rab kyi mtshan nyid thob par gyur pa'o/ /dag pa'i rgyu mtshan ni skyon bral zhes bya ba smos te/ rang gi phyir nyon mongs pa'i nyes pa dang bral bar gyur pa'i phyir ro/ /shin tu rnam dag ces bya ba ni bcom ldan 'das la 'bod pa'o/ /go 'phang zhi ba'i mya ngan las 'das pa ste/ nyon mongs pa'i rgod pa zhi ba'i phyir dang/ 'dus byas mi rtag pa'i rgod pa zhi pa'i phyir ro 'phags pa dgyes ba ni bzhed cing brten par bya ba yin te/ yid la rang yongs su rdzogs pa ni 'phags pa dgyes pa thob pa'o/ /sdug bsngal rgya mtsho'i pha rol brgal bar gyur zhes bya ba ni skye ba gcig na srid pa lan bdun pa las srid pa gzhan med pa'i phyir brgal bar gyur ba'o/ /'gro ba lha min mi dang lhas mchod pa/ skye dang rga dang na 'chi bral ba'o/ /zhes bya ba dang/ srid pa stong du mthong bar rab tu dkon pa zhes bya ba dang/ thub pa zhes bya ba bzhi dag ni 'bod pa'i tshig yin no// de ring khyod mthong ba'i bdag gi 'byor ba gang yin pa de ni 'bras bu dang bcas pa'i skye ba yin te/ bcom ldan 'das kyi zhal mthong ba ni thar pa thob par byed pa'i 'bras bu can yin pa'i phyir ro/ /de shal rab 'chang ba zhes bya ba 'dis ni lus rgyan gyis brgyan pa'i mdzes pa bstan pa yin no/ /dga' ba skyes gyur ces bya ba 'dis ni rangs par gyur pa'i yid kyis mdzes pa ston pa yin no/ /btung? de phyag 'tshal ba zhes bya ba ni mgo bo btud par gyur pas zhabs la mngon par phyag byas pa zhes bya ba'i don to/ /dgra thul g.yas nas yongs su bskor byas te/ zhes bya ba ni khyad par du byed pa yin te/ g.yas phyogs la brten nas song ba'o/ /skyabs gsum rnyed pa'i phyir tshong ba lta bu ste/ gang gi phyir/ gang dag sangs rgyas skyabs 'gro ba/ de dag mi yi rnyed pa yin zhes bya ba la sogs pa 'byung ba yin no/ /yang dag pa'i 'tsho ba'i 'bru 'byor ba'i phyir zhing pa lta bu'o/ /mthong bas spang bar bya ba'i nyon mongs pa las rnam par rgyal bar bya ba'i phyir dpa' o lta bu'o/ /shin tu sdug bsngal gyi nang dang ldan pa'i ngan song gi phung po spangs par gyur pa'i phyir nad thams cad las yongs su thar pa lta bu'o/ /cha lugs gang gis zhes bya ba ni sngar 'ongs pa'i cha lugs dang mthun pa yin mod kyi/ 'dod chags pa dang bral bar gyur pas/ lhag pa 'di la yod pa'i phyir/ zhes bstan par bya ba'i phyir cha lugs gang gis zhes smos pa yin no/ /so sor kun dga' bar mdzad pa ni snyan pa'i tshigs gis so/ /dge slong khyod gang nas 'dir 'ongs zhes bya ba ni mdor bsdus shing/ rang bzhin dang bral ba'i sgras gsungs pa yin gyi rnam pa gzhan du na 'di skad du gang na gnas pa nas 'ongs par gyur zhes brjod par bya ba yin no/ /zag pa med pa'i ye shes kyis dngos po'i rang bzhin yongs su shes pa ni chos nyid mthong ba'o/ /bdag nyid chen po zhes bya ba ni bsod nams dang ye shes kyis tshogs dang ldan pa'o/ /bslab pa ste gdon mi za bar bsrung bar bya ba srog gcod pa las ldog pa la sogs pa gang yin pa de las 'das pa ni rnam par brgal ba'o/ /ril? ba zhabs tshags ni/ ril tshags kyi kha gos kyis g.yogs pa la chu btsag par bya ba'o/ /grol bar byed pa'i ras ni zang zing med pa'i gos kyi dum bu'o/ /nang dang bcas pa ni kho na can no/ /bla ma'i yul la ngo tsha ba ni gus pa'o/ /mngon du phyogs nas 'ongs pa'i lam grogs gnyis pa ni don mthun no/ /brel bar mi 'gyur na zhes bya ba ni rung ba'i chus so/ /drag tu 'bab zhes bya ba ni myur du 'bab pa'o/ /rgyang grags rgyang grags su/ zhes bya ba ni rgyang grags kyi mdza' dang rgyang grags kyi mthar ro/ /bar du zhes bya ba ni rgyang grags kyi bar du'o/ /kun nas 'khrugs pa ni 'dres par gyur pa'o/ /chu len pa'i mjug phyogs ni chu 'gram mo/ /tshul khrims kyis rgud pa ni rang bzhin gyi kha na ma tho ba dang bcas pa las ldog pa'i mtshan nyid kyi tshul khrims nyams par gyur pa'o/ /lta bas rgyud pa ni lta ba kun tu spyod pa'o/ /spyod pas rgud pa ni bcas pa'i kha na ma tho ba dang bcas pa las ldog pa'i mtshan nyid kyi tshul khrims nyams par gyur pa 'am/ 'gro ba dang 'ong ba la sogs pa'i spyod lam gyis rgyu ba'i spyod pa des rgud pa ste/ phyin ci logs kun tu spyod pa'o/ /'tsho bas rgud pa ni log pa'i 'tsho bas 'tsho ba'o/ /khrod pa ni chu dong ngo/ /dus ji srid du ba lang drug dang ldan pa'i shing rta smyug ma can gyi logs nas bskar te/ mjug ma'i gnas su byin par gyur pa'i dus de srid du brtag par bya'o/ /yongs su longs spyod pa'i rjes su 'gro bas na yongs su longs spyod pa las byung ba'o/ /snod spyad sbed par byad pa la sogs pa'i las dag la nges par sbyor ba na snod spyad 'grub pa'o/ /gsol ba dang gnyis kyi las rjes su bsgrub pa ni spro ba'o/ /skabs dbye bar bya'o zhes bya ba ni de nas las la nges par sbyar bar bya'o/ /'khor med pa ni gang zhig lhan cig gnas pa dang nye gnas med pa'o/ /lag pa la thogs pa zhes bya ba ni skad gsangs mthon pos dgos pa ni gang brgyangs so/ /lam du 'gro ba'i tshe/ zhes bya ba la 'das pa la sogs pa'i dus bsal ba'i phyir dang/ 'phags pa'i lam gsal bar bya ba'i phyir lam du 'gro ba'i tshe/ zhes smos pa yin no/ /lhung bzed pa bzung ba ni byin len 'jig par 'gyur ba yongs su spang ba'i phyir ro// gong du zhes bya ba ni bza' bar bya ba'i gong bur byas pa de'i ming yin no/ /mchi ma dang bcas shing mya ngan gyi mchi ma dang ldan par gyur pa'i phyir/ mchi mas brnangs? bzhin du'o/ /ngo tsha ni ngo tsha ba ste ngo tsha ba gang la yod pa de ni ngo tsha ba dang ldan pa ste de la'o/ /ston par mdzad cing phyin ci ma log par rjes su ston par mdzad pa'i phyir ston pa ste ston pa de la'o/ /ngo tsha dang khrel med pa zhes bya ba ni khrus? ras? bgol? ba sgo nas so/ /sgren mo ni 'ding chu'i nang du khrus byed pa la'o/ /thams cad du the tshom skyes par gyur pa'i phyir gang ci la yang dogs par gyur pa'o/ /der song ba ni de rgyur byas nas so/ /chos? dka' ba ni gang mas kyang tshes? par ma grub pa'o?/ /? ba ma yin pa'i sa ni mtshams nang ngo/ /dge ba'i rtsa ba ni thar pa'i chad? pa mthun pa'o/ /rgyu dang rkyen gyi tshogs pa las skyes pa nyid kyi phyir gzugs la sogs pa'i phung po ni 'dus byas so/ /skad cig mas 'jigs la sbyor ba'i phyir mi dge ba'o/ /nang? na byed pa'i skyes bus stong pa'i phyir bdag med pa'o sdug bsngal ma lus pa nye bar zhi ba'i phyir mya ngan las 'das pa zhi ba'o/ /ka sha'i gnas ni ka sha'i 'byung gnas te/ de bzhin du ku sha'i gnas kyang de bzhin no/ /zla ba brgyad dam dgu zhes bya ba la mngal yang dag par smin pa can zla ba dgu 'am bcu nas btsas par 'gyur te/ 'dir yang mngal yongs su smin pa de'i phyir 'ga' zhig tu na zla ba dgu dang 'ga' shig tu ni zla ba bcu nas skye bar 'gyur ba de bas na sdug pa pos zla ba brgyad dam dgu 'das nas shes pa des? pa'i tshig tu mdzad nas/ ring? ba zhes bya ba la sogs pa la ring pa ni sha yongs su zad pa'o/ /nyam chung ba ni bya ba byed pa'i nus pa chung ba'o/ /skabs pa ni gzi med par gyur pa'o/ /lus ma thob pa ni lus kun tu bskyod pa'i nus pa yang med pa'o/ /ri rab? dang 'dra ba ni gang yon tan chen pos so/ /za ba la ring du thogs pa ni bdag nyid 'dod pas dal? gyis za ba'o/ /ba lang rgan po bzhin du ldad? pa skyug cing dal? gyi ldad? pa'o/ /bya ba byas pa ni 'dir nyon mongs pa spangs par gyur pa'o/ /byed pa byas pa ni bral bar gyur? pa bskyed pa'o/ /rtsub pa ni shin tu drag pa'o/ /'jig pa zhes bya ba ni shin tu brgal ba dang gnod pa byas zhes bya ba'i bar du'o/ /bsrabs pa ni de'i sdug bsngal gyi 'bras bu bsrags? pa'i phyir ro/ /yongs su zad pa ni 'ga' zhigs? sdug bsngal gyi mdza' ldog pa'o/ / byed ba ni rnam par smin pa'i sdug bsngal ma lus pa bzlog par gyur pa'o/ /shin tu mthar gyur pas mdza' ste/ gnas pa la thag ring por gyur pa'o/ /de na gnas pa ni de la dad? pa'o/ /lhag par gyur pa'i rgyal po ni rgyal po'i rgyal po yin ? shAkya'i rgyal po'i rgyal po ni shAkya'i rgyal po'o/ /shin tu spyad pa ni las su bya ba'o/ /byas te zhes bya ba ni sems kyis dmigs nas so/ /lhung bzed kyi gzhi ni gzhi 'am rten na/ /'di ni sbyin par byed pa yin la bdag ni len par byed pa yin no snyam pa ni byin len byed pa'i sems so/ /dra ba ni lhung bzed gzhug pa'i snod do/ /tshong 'dus ni gcod par bya ba'i rjes bgram par bya ba'i gnas so/ /'dir bkran? pa'i sgras? ni brnag mi nus pa brjod pa 'am/ yon tan gyis dbul bar gyur pa'o/ /lan ldog pa'i nus pa med pa ni spobs pa med pa'o/ /'dir 'khar ba'i snod bdag gir byed pa bkag pa yin no/ /zhes bya bar rig par bya zhing nad? bzlog pa'i phyir dang/ phul bu'i btung por? rjes su gnang ba yin par rig par bya'o/ /zi zi zhes zer bar gyur pa na zhes bya ba ni/ sbrang ma'i tshogs kyi sgra ste/ zi zi'i sgra de dang 'dra bar sgrogs par byed pa'i phyir sa phyogs su zi zi zhes zer bar gyur pa'o/ /rkang pa bkru ba'i gnas gang yin pa de ni rkang pa bkru ba'i gnas so/ /dbus su mtho ba ni rus sbal gyi rnam pa lta bur ro/ /rtsub po zhes bya ba ni b+hud? b+hud? po ste/ dri ma bsal bar bya ba'i phyir de bshams pa yin no/ /rkang pa bkru ba'i snod ces bya ba de ni chol zangs kyi ming ngo/ /rnga mo'i rnam pa lta bu zhes bya ba ni 'og gi cha rnga mo'i rgyab lta bu'o/ /mi ldeg cing gnas par bya ba'i phyir glang ba cho'i rmig mthil lta bu rjes gnang ba yin te/ 'og gi cha'i mthil glang po che'i rmig mthil lta bur bya'o/ ka dam pa'i me tog 'dra ba ni chol zangs kyi dbus su lte ba mthon por bya ba'o/ /rtsub pa yang hud? hud? po yin te/ rkang pa g.yas gnas pa grub par bya ba'i don du lte ba rjes su gnang ba yin no/ /khang? thog ni khang steng ngo/ /sgo phag tu zhes bya ba ni sgo dang rtsig pa'i bar du'o/ /rlung skyed par byed pa'i thabs su gyur pa ni bsil yab bo/ /yu ba gser la sogs pas rnam par spras pa ni gser la sogs pa las rnam par byas pa'o/ /shing las byas pa yang ngo/ /me tog pad+ma ltar mtsher ba ni 'khor los bsrubs pa'o/ /ri mo rab tu bris pa ni bkra ba dang nye bar bkra ba ste/ bkra ba ni ri mo rags pa gtso bor gyur pa'o/ /nye bar bkra ba ni ri mo phra ba gtso bor gyur pa'o/ /rin po ches spras pa ni rin po ches brgyan pa'o/ /rtsa bal ba dza? las byas pa ni rtsa gres ma'i rigs las bsgrubs pa'o/ /'brum bus gang ba ni khyab par gyur pa'o/ /ldum? bu sha na'i rigs brdungs nas skad? pa'i tshogs dang 'dra ba'i spang? yab? bya'o/ /'dab ma bsdus zhes bya ba ni 'dag ma'i tshogs so// 'dzegs ma ni las la sgrub? dag gi bya ba la 'jug pa'o/ /sha ma thabs kyi 'og gi mdun rgyab gyi mdza' phan tshun bcings pa ni mdud pa dor pa'o/ /'khar ba tshongs shig ces bya ba ni 'khar ba bcangs pa la nyes pa med pa'i nges pa'o/ /sdug bsngal las 'don par byed pa ni brtse ba ste/ bya ba 'di yang rjes su brtse bas mdzad pa nyid yin pa'i phyir rjes su brtsa ba la brten nas dge 'dun gyis bya'i phyir phan 'dogs pa la bltos pas bya ba ma yin pa'i phyir thugs brtse ba can thugs brtse ba'i slad du zhes smos pa yin no/ /rgan po dag las shin tu rgas pas na rgan po rgas pa ste/ gang cung zad rgas shing nyams chung bas skra dkar gcig tsam gyis kyang bdag ring par gyur to snyam du sems pa'o/ /gang dag rlung nyung zad cig gis gnod par gyur pa ni rlung nyung zad tsam gyis gnod par gyur pa na bdag nad pa'o snyam du sems pa'o/ /cig car 'khar ba dang 'dra ba'i gnang ba'i gnang ba sbyin par bya'o zhes bya ba ni 'khar ba dang 'dra ba'i sngags brjod pa'i dus su cig car ming smos par bya'o/ chen po'i chen po ni bsam gtan bzhi pa yin la/ mdza' dang bral ba'i mdza' i rnam pa 'di la yod pas na zhes bya ba'i dbang du byas nas mthar phyin pa'o/ /khom par gyur pa mchog ces bya ba ni mi khom pa brgyad spangs pa ste/ dus kyi bye brag sangs rgyas 'byung ba la sogs pa'i khom pa yang dag par 'byung ba'o/ /dring ba med pa zhes bya ba ni yongs su bral ba'o/ /'dus pa ni gang du skye bo dam pa 'dus par gyur te/ ji ltar gtsug lag khang la sogs pa yongs su longs spyod pa dang/ khyim du nye bar rgyu ba la sogs pa ma gnang ba dag kyang gnang ba ste/ lhag par spyad par bya ba yang yin no/ /slob dpon tshul khrims bskyongs kyis nye bar sbyar ba phran tshegs kyi tshig gi rnam par bshad pa las sgo dang po rdzogs so/ / //phyogs bzhi ni phyogs bzhi'o/ /de la gnas pas phyogs bzhi'i dge slong gi dge 'dun te de la phul bar gyur pa'o/ /ba lang gi spu dag dang ba lang gi spu dang 'dra ba ni ba lang gi spu 'dra ste/ de dang 'dra bar ro/ ji ltar ba lang gi spu 'dra bar sgra 'dreg par byed pa de bzhin du breg par mi bya'o/ /gsang ba'i ni cha? doms? so/ /dge? ba'i sgo? zhes bya ba la dge ba ni mya ngan las 'das pa ste/ thar pa ni don dam par dge ba'o/ /zhes gsungs pa'i phyir ro/ /de'i phyogs ni mi gtsang ba nas brtsams te/ zad pa shes pa'i bar du'o/ /de'i byed pa ni? bsgrub par byed pa 'am/ de'i mngon par sbyor ba'o/ /byin pa dang yan lag brla'i sbu brag nus sam zhes bya ba la sogs pa la/ breg nus sam zhes bya ba ni ku re byed pa ni phan tshun rnam par rtse ba'o/ /yang dag par rtse bar byad pa ni lag pa 'dren par byed pa la sogs pas dga' bar byed pa'o/ /kun nas ca co 'don par byed pa ni sgra mtho la mi gsal ba 'don pa'o/ /lus dang ngag gis 'phyar g.yeng las byed pa ni 'phyar ba yin la de nyid rgyun mi chad par byed pa ni g.yeng ba'o/ /lus la brdeg pa ni kun nas chags pa'i sems kyis lus la bsnun pa'o/ /nyes pa lhag par spyod pa la ngo tsha ba gang la yod pa de ni 'dir ngo tsha ba dang ldan par rig par bya'o/ /bag med pa lhag par spyod pa'i nyes pa la phyir gdung zhing gnyen po byed pa'i ngang tshul can ni 'gyod pa dang ldan pa'o/ /bslab pa yongs su bskyong ba la mngon par dga' ba dang bcas pa gang yin pa de ni bslab pa 'dod pa'o/ /dran pa nye bar gzhag pa ni phan tshun lus la reg pa yongs su spang ba'i phyir ro/ /gtur bu ni chos gos kyi snod do/ /bting ba zhes bya ba ni rtsa la sogs pa'i gzhi la'o/ /gnas ni 'dug par bya ba'i don gyi gzhi'o/ /grang bas nyen par gyur to zhes bya ba ni gnod par gyur pa'o/ ji srid phyin pa'i bar du zhes bya ba ni ji srid du dge slong dag gi lus la khyab par gyur pa'i bar du'o/ /bkab pa ni legs par bkab pa'o/ /gcig tu brtson pa zhes bya ba ni bstan pa la gcig tu nges par brtson pa ste/ 'bad pa dang ldan pa'i skyes bu gang yin pa de ni gcig tu brtson pa 'am/ yang na gcig tu brtson par byed pas na gcig tu brtson par byed pa ste/ gang zag gi yid la gnas pa'i bstan pa de la yang gcig tu brtson pa zhes ba'o/ /bde ba yang dag par skyes pa 'di la yod pas na bde ba dang ldan pa'o/ /chos mngon par brjod par byed pa'i phyir chos smra ba ste/ de dran pa'i yul du 'ongs par 'gyur/ zhes bya ba'i tha tshig go 'phya ba? ni nye bar rjod pa'i tshul gyis so/ /rab tu byung ba las babs sam zhes bya ba ni dge slong gi dngos po yang dag par thob pa yongs su btang bar gyur pa'o/ /rab tu zhes bya ba'i tshig ni lus kyis reg pa yongs su spang bar bya ba'i phyir ro/ /gso ? pa zhes bya ba ni gos 'tshong ba ste/ rang gi khyim du sna lam bkal ba 'am tshong 'dus su byas pa 'am/ 'thag pa'i lag gis gos dag byed pa gang yin pa de la de skad ces bya'o/ /nor rdzas kyis bsgrubs pa'i gtsug lag khang ni rdzas las byung ba de nyid de/ de bsrung bar bya ba'i phyir bcom ldan 'das bzhugs pa'o/ /nang du yang dag par 'jog par bzhed pa zhes bya ba ni dben par snyoms par 'jug pa'i bde bas bzhugs par bzhed pa'o/ /gtsug lag khang de nyid du mngon du phyogs nas bsod snyoms blangs pa gang yin pa de ni bcom ldan 'das kyis bsod snyoms mngon par blangs pa'o/ /khros pa ni zhe sdang gi kun nas dkris pas khyab pa'o/ /zod ni btsong par bya ba'i dngos po'o/ /gdugs ni rab tu grags pa'o/ /yu ba ring ba zhes bya ba ni shin tu gdugs kyi yu ba ring por gyur ba'o/ /nor ?? ni mkhar gyi dbang phyug yin la/ tshong dpon ni tshong ba'i gtso bo nyid du dbang bskur bar gyur pa'o/ /yul nas yul gzhan du don mthun dag gang gis khrid par byed pa de ni ded dpon no/ /kha cig ni lus la brtsibs zhes bya ba de bas na rang gi lus kyi tshang du gdugs kyi yu ba bya'o zhes bya ba dang/ kha cig ni gdugs kyi rtsibs kyi chod? du zhes zer ro/ /rung ba byed du gnang ba ni thag nye ba'i zang zing dang/ reg par 'gyur ba yongs su spang ba'i phyir ro/ /'jig rten rgyang phan ni med pa pa'i gzhung lugs yin la/ de 'don pa'i phyir 'jig rten rgyang phan pa'o/ /rtsod pa ni tshig rnam par dpyod pa'o/ /rtsod pa'i gnas zhes bya ba ni 'dri ba po kun nas tshogs par byed pa'o/ /phyogs dang phyogs cig shos ni phyogs snga ma dang phyi ma'o/ /gsar du lhag pa nyid kyi mchod par byas pa ni gsar du 'ongs pa'o/ /mi rigs pa ni rjes su dpag pa dang 'gal ba'o/ /mi 'dra ba ni snga phyi 'gal ba'o/ /mi 'thad pa ni mngon sum dang/ grags pa dang/ rang gi tshig dang 'gal ba'o/ /byis pa zhes bya ba la sogs pa la mdo sde la sogs pa bya bar ma gyur cing mi khas pas na byis pa'o/ /bslabs par gyur na yang brten par mi nus pa ni glen pa'o/ /gzhan la ston par byed pa'i nus pa med pa ni mi gsal ba'o/ /dngos po de kho na nyid rnam par 'byed pa'i sgo nas rnam par bzhag pa'i phyir nus pa med pa ni mi shes pa'o/ /mi 'dod pa zhes bya ba ni shin tu myur bar 'gro ba'i ngang tshul can no/ /bde ba'i dus ni snga dro'o/ /bde ba sbyor dang go rim sgro btags nas 'don pa'i phyir brtsams so zhes bya ba ni ji ltar bram ze'i rig byed kyi tshig dang go rim gyi rim pa'i tshig de dang go rim de la sgro btags nas rig byed dang 'dra bar 'don pa'i phyir brtsam pa'o/ /bar bar du gzhung brjed pa ni gzhung khral khrul du gyur pa'o/ /nyams pa ni dag? nyams pa'i sgo nas nyams par gyur pa'o/ /nges pa'i tshig ni dper na 'gro ba'i phyir ba la? dag? sa'i? steng du sgra sgrog pa'i phyir rma ba? dang/ gzugs su rung bas na gzugs dang/ rnam par shes par byed pas rnam par shes pa zhes bya ba la sogs pa lta bu'o// yul dang yul gyi nges pa'i tshig gzhan te/ rnam pa gzhan du na yul de na gnas pa dag gis sangs rgyas kyi tshig bstan pa nyid du nus par mi 'gyur ba de'i phyir yul de na rab tu grags pa'i nges pa'i tshig gis sangs rgyas kyi tshig brjod cing bstan par 'gyur gyi/ skad de dag la tshig dang go rim la sogs pa rnam par 'gyur ba de med pa ni de dag la sangs rgyas kyi tshig bstan par mi nus pa de bas na skad de dang rjes su mthun pa'i tshig dang go rim gyis sangs rgyas kyi tshig brjod cing bstan par 'gyur ro/ /bgrod par bya ba ma yin par song ba ni gnas ma yin par 'jug pa ste/ gang gi phyir kho bo cag de dag gis zil gyis gnon par mi 'gyur ba'o/ /mi dga' bar bya'o zhes bya ba ma yin pa la 'jug par bya'o/ /snod spyad mang ba zhes bya ba la sogs pa la gang la 'jog byed pa sprog? ma la sogs pa de dag ni snod spyad do/ /yo byad ni bzhag par bya ba'i rdzas so/ /seng ge ltar brtse ba med pa zhes bya ba ni ji ltar seng ges zos pa'i lhag ma spangs par gyur nas 'ga' zhig tu yang za bar mi byed pa de bzhin du dge slong gis brtse ba med par mi bya ste/ 'on kyang bzod par 'os pa yin pa'i phyir bzod par bya ba yin no/ /mun pa rab tu gnag pa zhes bya ba ni mun pa 'thug po dang ldan par gyur pa na zhes bya ba'i tha tshig go / ngal gyis zhes bya ba ni shin tu drag por mi 'bab pa'i phyir ro/ /cung zad cung zad ces bya ba ni dus kyis chod cing 'bab pa'i phyir ro/ /'bab par gyur pa na zhes bya ba ni brlan par gyur pa na'o/ /chos nyid ces bya ba ni de gnod mi za bar 'gyur ba'o/ /dngos po thams cad thugs su chud pa'i phyir sangs rgyas yin la 'dod chags la sogs pa nyon mongs pa bcom pa nyid kyi phyir bcom ldan 'das so/ /nang du yang dag bzhag pa ni dben par bzhugs pa'o/ /'jigs pa ni sdangs pa'o/ /'jigs su rung ba ni 'jigs pa'i rgyu mtshan no/ /spang ba ni spobs pa nyams pa'o/ /ba spu ldang ba ni 'jigs pa'i rgyu sngon du song ba can gyi ba spu ldang ba'o/ /rnam par dag pa'i chos su 'gyur ro/ /zhes bya ba ni nyon mongs pa'i dri ma dang bral bar 'gyur ba'o/ /gos spu can ni ras spu can la sogs pa'o/ /la ba'i mchog ces bya ba ni yul par rig las byung ba shin tu rin che ba dang mthug pa 'dzub kyi tshad pas lhag pa'i spu can la la ba'i mchog ces tha snyad du btags pa yin te/ shin tu che ba nyid dang/ nyung ba ma yin pa nyid kyis gang zag la bkag pa mtshon par bya ba yin te/ gang gi phyir rung ba ma yin pa ni rang nyid la bkag pa yod pa'i phyir ro 'dzin par byed pa'i thabs su gyur pa de ni sgrog gu'o/ /gang gis 'dzin pa de ni sgrog mdud do/ /ska rags ni shur bur rab tu grags pa'o/ /dra ba'i rnam pa lta bu mig phra mo can ni shur bur phre'u'o/ /srad bu zur bzhi pa ni lcag bod do// // bam po bzhi pa/ zhal ta pa ni bya ba byed pa ste/ grong la sogs pa'i las sems par byed pa'i phyir ro/ /bram ze'i bu zhes bya ba ni bram ze lo bzhi bcu ma lon pa la 'dir bram ze'i bu'i sgras bstan pa yin no/ /dpya? rnar? ma zhes bya ba ni yul las byung bar rab tu grags pa'o/ /gla skyed na sho gam dang gru bcas la sogs pa las byung ba'o/ /nyi ma ni tshes gcig la sogs pa'o/ /tshes gangs ni zla lhag la sogs pa'o/ /myur bar yongs su gcod par byed pa ni sgrin zhing myur ba'o/ /spyir bya ba dang bya ba ma yin pa yongs su gcod pas nam mkhas pa zhes bya ba'o/ /rtsa ba ni gla sgang la sogs pa'o/ /sdong bu ni sle tres la sogs pa'o/ /lo ma ni bal bu'i lo ma la sogs pa'o/ /me tog ni klu shing gi me tog la sogs pa'o/ /'bras bu ni sman a ru ra la sogs pa'o/ /med du btus? te zhes bya ba ni gzhon pa'i phyir dang/ blo dang ldan pas ma lus par btung nas so/ /dga' ba ni yid dga' ba'o/ /mgu ba ni dga' ba'i bye brag go /skal chung ba ni bsod nams chung bar gyur pa'o/ /lag pa'i mthil te lag pa'i dkyil na lcags kyu'i rnam pa dang/ 'khor lo'i rnam pa dang/ phreng ba'i rnam pa lta bu'i ri mo gang la yod pa de'i phyir na rgyal por 'gyur te/ bdag po nyid du 'dzin par byed do/ /shas rgyas pa'i bzhin mtshan thams cad dang ldan pa la zhing dang 'dra ba zhes bya'o/ /gang gi rkang mthil la grong khyer dag rtsig pa'i rnam pa lta bu'i ri mo yod pa'o/ /rta babs ni rtsa ba'i sgo las phyi rol gyi rtsig pa ma gtogs par shing gnyis bsgrengs pa la shing gcig gis steng nas bkab pa sgo'i rnam pa lta bu yin te/ 'di'i ming gzhan ni sgo dang po zhes bya ba yin no/ /dogs? pa med pas song zhig ces bya ba ni bya ba med par gyur pas so/ /reg bya dang ldan pa zhes bya ba ni skye bo gzhan dang thun mong ma yin pa khyad par du 'phags pa la 'dir reg byar bsams pa'o/ /rje bo ni bdag po'o/ /mi snyan pa sgrags par 'gyur gyis zhes bya ba ni grags pa ma yin pa dang ldan pa nyid kyis so/ /gcig nas gcig tu thos te zhes bya ba ni mthar gyis gtam thos par gyur te'o/ /dpung gi tshogs ni dpung gi 'dus pa'o/ /yan lag bzhi ste/ glang po dang/ rta dang/ shing rta dang/ rkang thang gi ming can gang la yod pa de ni yan lag bzhi dang ldan pa'o/ /skye bo mang po'i sgra mi bsal ba ni ca co'i sgra'o/ /khri lam zhes bya ba la sogs pa la lam po che gang la shing rta bskyod par nus pa de ni khri lam mo/ /shing rta snur du rung ba'i lam po che ni tshong dus kyi srang ngo/ /bzhi mdo ni khri lam gyi sna'i lam kha brag bzhi pa'o/ /sum mdo ni khri lam gyi sna'i lam kha brag gsum pa'o/ /dril? bsgrags te zhes bya ba rgyal po'i? bkas dam bcas pa dril dkrol zhing bkrol zhing sgrogs par byed pa gang yin pa de ni dril bsgrubs pa'o grong na gnas pas na grong mi rnams so/ /dpal yang dag par skyes nas zhes bya ba ni dpal che ba nyid dam snga na med pa'i dpal byung nas so/ /chung nyid du byas nas bdag nyid kyi khyim du phyin par byed pa ni khrid bar byed pa'o/ /smad bar bya ba'i bdag po yin pas na khyim thab ste bran mo'i khyim thab bo/ /bu za bar byed pas na bu zan mo ste srin mo'o/ /kha cig ni de'i bu mo mkha' 'gro ma la bu zin mo zhes zer ro/ /de blta bar bgyi zhes bya ba ni de lta bar 'dod pa dang bcas pa'o/ /phan tshun mthong bar mos ni phrad pa'i brtson ba dang ldan pa'o/ /dga' ba ni sred par gyur pa'o/ /dub par gyur ba las ngal ba gang yin pa des bskyed pa'i le lo ni kun nas bskyed pa'i le lo'o/ /nyes dmigs zhes bya ba ni nyes par gyur pa'o/ /khro ba zhes bya ba ni 'khrugs pa'i ngang tshul can te rtsa'i me dang 'dra bas skad cig gis 'bar bar byed pa'i phyir ro/ /khon du 'dzin pa zhes bya ba ni mdud par 'dzin pa'o/ /snying rings ba zhes bya ba ni yid brtan pa 'joms par byed pa nyid kyi phyir ro/ /phan btags pa brjed pa'i phyir byas pa mi bzo ba'o/ /dug rno ba zhes bya ba ni dug phyir gso bar mi nus pa nyid kyi phyir ro/ /bud med kyi yul gyi 'dod chags drag pa ni dug rno ba zhes bya'o/ /dge ba'i rtsa ba bsags ba zhes bya ba ni thar pa'i cha dang mthun pa bskyed pa'o/ /slob pa'i slob dpon ni slob dpon dang mkhan po la bya ste/ de gnyis med par rang gi blo dang nus pas zhes bya ba'i bar du'o/ /byang chub kyi phyogs sum cu rtsa bdun zhes bya ba la/ zad pa dang mi skye ba shes pa zhes ni byang chub yin la de'i phyogs ni de dag gi phyogs su gyur pas na phyogs te yang sum cu rtsa bdun no/ /'di lta ste dran pa nye bar gzhag pa bzhi dang/ yang dag bar spong pa bzhi dang/ rdzu 'phrul gyi rkang ba bzhi dang/ dbang po lnga dang/ stobs lnga dang/ byang chub kyi yan lag bdun dang/ /'phags pa'i lam yan lag brgyad pa zhes bya'o// de mngon du byas pa ni bskyed pa'o/ /mngon sum du byas so zhes bya ba ni ye shes dang thob ba mngon sum du byas pa'o/ /'bar ba ni lus las mi sbyar? ba'o/ /gsal ba ni 'od? 'gro ba'o/ /char 'bab pa ni chu 'bab pa'o/ /glog 'gyur ba ni glog 'phro ba ste/ re res kyang so so'i skye bo'i sems 'phrog par byed cing 'dren par byed pa'i phyir cho 'phrul lo/ /nyon mongs pa'i 'chid? bas bcings pa dag ni 'phags pa dag las tha dad par gyur pa'i phyir so so skye bo dag go /bsod snyoms ni lus gnas ba bsgrub par byed pa'o/ /rje'i sras zhes bya ba la/ khyim bdag gi phal 'dir rje po yin par rig par bya ba yin la de'i bu ni rje'i sras so/ /ye shes dang spangs pa phun sum tshogs pa ni bdag nyid chen po'o/ /brtul zhugs kyi 'bras bu thob pa'i phyir brtul zhugs grub pa'o/ /gso ba ni bskyed pa'o/ /gzugs bzang ba ni kha dog gi sgo nas so/ /blta na sdug pa ni dbyibs kyi sgo nas so/ /mdzes pa ni sems ded? ba bskyed pa'o/ /gzhi brtag ba ni zhing dang khyim dang sa gzhi brtag pa dag? yin te/ sa gzhi bkra shes par spro bar bya ba dang/ bkra shis pa ma yin par spro bar bya ba de bas na brtags par bya ba yin no/ /gos dag yon tan dang ldan pa dang/ yon tan med par 'gyur ba de'i phyir brtag par bya ba yin no/ /shing yang bya ba du ma la mkho ba'i phyir/ nang du ma zhi bar byed pa dang/ gser la sogs pa'i rigs las yod bas na brtag par bya ba yin no/ /glang po dang/ rta dang/ rin po che dang/ skyes pa dang/ bud med brtag par bya ba yin? te/ dgos pa ni rab tu grags pa yin no/ /'byed pa zhes bya ba ni mtshan nyid mthong nas bstan bcos kyi sgor sbyor ba nyid du nus pa'i phyir 'byed pa'o/ /gzhan dag kyang ma lus pa kho 'du chud bas na klog pa'o/ /brtag pa de dag nyid mngon par shes pas na mkhas pa'o/ /las su bya ba thams cad la sgrin bas na spyod pa gsal ba'o/ /rgyud thams cad kyi rgyud la mkhas pa zhes bya ba ni bzo la sogs pa shes pa'i yul thams cad la mkhas pa'o/ /rgyal po zhes bya ba ni rgyal rigs spyi bor dbang bskur zhing rgyal phran? rnams kyi spyi bos phyag byas par gyur pa ste/ dis ni go rim bzhin du thob pa nyid bstan pa yin no/ /ljongs kyi dbang phyug ni gtso bo nyid yin la de'i mthun ni nus pa'o/ /brtson 'grus ni spro ba phun sum tshogs pa'o/ /yan lag thams cad las kyang ljongs kyi yan lag shes rab kyi nus pa dang/ spro bas bsru ba dang/ spel ba dang/ bskyang ba ni gtso bo'i nus pa yin te/ gang gi phyir ljongs kyi rang bzhin yang dag par bskyangs par gyur pa na/ bdag po blon po dang/ chad pa dang/ bang mdzod dang/ mkhar dang/ grogs shes kyi rang bzhin du 'gyur ba de'i phyir ljongs kyi rang bzhin gyi dbang phyug kho na shes rab kyi bdag nyid dang nus pa dang/ brtson pas lhag par spyod par bya'o/ /sa chen po'i dkyil 'khor zhes bya ba ni klog pa dang/ ljongs gyi dbang phyug la gnas pa'i gtso bo nyid dang mkhas pa nyid du bstan pa yin te/ don de nyid 'dir yang shes par bya ste/ de ni 'di skad du ljongs kyi dbang phyug mi'i bdag po dang/ rgyal phran la sogs pa gang yin pa de dag gi sa chen po'i dkyil 'khor nyid gtso bo kho na yin te/ rgyal po'i rgyal po zhes bya ba'i tha tshig go /mngon par rgyal par byas pa ni rgyal bar gyur ba'o/ /gnas ba rnams kyi zhes bya ba ni dbang byed pa dang/ srung bar byed pa dag gi zhes bya bar dgongs so/ /gzo'i gnas zhes bya ba ni slob pa po khong du chud pa'i gzhi ni gzo'i gnas so/ /las kyi gnas ni slob pa dang rtsom pa sgrub pa dag yin te/ gnad la sogs pa lta? phog pa ni bslab pa'i sgo nas bsgrub par bya ba yin la/ glang po che la sogs pa la zhon pa'i bslab pa dang/ brtsal ba'i sgo nas bsgrub par bya ba yin no/ /zhes bya ba de lta bu la sogs pa'i tha dad pa zhes bya ba ni tshul sna tshogs pa'o/ /glang po che dang/ rta dang/ shing rta la zhon pa zhes bya ba ni gnas gcig yin no/ /ral gri'i thabs ni ral gri la sogs pa'i 'dzin stangs te/ de la mkhas pa nyid ni 'dzin stangs shes pa'o/ /gzhu la mkhas pa nyid ni rig pa shes pa ste/ 'dis ni mda'? dang gzhu mtshon cha shes pa ste/ gnas gnyis pa bstan pa yin no/ /phyir bsnur ba ni g.yul las phyir log pa'o/ /mdun du bsnur ba ni rab tu 'jug pa ste/ 'di la mkhas pa nyid ni gnas gsum yin no/ /lcags kyu dang zhags pa dang/ mda' bo che 'dzin pa la mkhas pa nyid ni/ mda' dang mtshon cha shes pa kho na'i nang du 'dul?/ /bcad pa ni go cha'i mdud pa la sogs pa'o/ /dral ba ni ya lang la sogs pa'o/ /dbug pa ni gnad la sogs pa ste/ de dag la mkhas pa yang mda'? dang mtshon cha shes pa'i nang du 'du'o/ /gom stabs kyis g.yul shes pa ni bzhi pa'o/ /de nyid kyang 'dzin stengs dang/ gom stangs dang/ thor tshugs kyi 'dzin stangs la mkhas pa yin to/ pha rol po'i ral gri 'am shang lang gis rab tu bsnun par 'dod pa'i khu tshur ji ltar gzhan gyis brdeg spyad par 'gyur ba de ltar 'dzin pa yin la dpung pa'i g.yul la gom stangs nye bar mkho ba yin no/ /thor tshugs kyi 'dzin stangs ni sku'i 'dzin thabs yin te g.yul mang po kho na yod do/ /sgra'i rjes su 'brangs? nas dag? par byed pa ni sgra grag par phog pa'o/ gnad la rdeg par byed pa ni gnad du phog pa'o/ /'khrul pa med par bsnun pa ni mi 'tshor? bar phog pa'o/ /gting du bsnun pa ni tshabs che ba'o/ /bcang pa la sogs pas mtshon cha ltung bar byed pa shes pa ni gnas lnga yin no gzhan dag ni bcad pa la sogs pa gnas gsum dag yin la/ 'dzin stangs la sogs pa gnas bzhi pa yin zhing/ /dgra la phog pa la sogs pa gnas lnga pa yin par brjod do/ /bram ze'i spyod pa zhes bya ba ni bram ze la rigs pa'i spyod lam dang cha lugs la bya'o/ /cho ga zhes bya ba ni bram ze la rigs pa'i spyod pa dang tshul spyod nyid yin te/ rtag pa dang/ 'dod pa pa nyid dang/ rgyu mtshan gyi las dag la nan tan du byed pa la bya bar man dag brgyud pa las byung ba yin no/ /gtsang sgra zhes bya ba ni gnas skabs dang tshul mthun pa'i yan lag gi gtsang sgra? la bya'o/ /mtshungs par spyod pa zhes bya ba ni bram ze la rigs pa sngon du ldang ba dang/ gsong por smra ba la sogs pa phan tshun kun tu tha snyad du byed pa kho na la bya'o// ril ba'i sgras ni bram ze dag gis gtsang sgra byed pa'i snod yin te/ spyi blugs zhes kyang brjod pa gang yin pa de gnas skabs dang rjes su mthun par 'dzin pa bslab par bya ba yin no/ /thal ba len zhes bya ba ni thal ba'i bya ba gang yin pa de'i don du len bar byang pa ni bram ze la rigs pa nyid yin no/ /sras? kyang gang gi phyir ji srid du ji ltar gtsang sgra'i don du lan par byed pa yin pa de bas na bstan pa yin no/ /yi ge aoM de ni bram zes bsgom par bya ba yin pa de bas na de bsgom pa dang/ rjes su mthun bas na tshig bzung bar bya ba dang/ yi ge b+ho zhes bya ba ni rnal 'byor gyi dus su legs par sbyar bas 'bod pa yin pas na bram ze ji lta ba bzhin du rab tu sbyar bar bya ba yin no/ /des brjod kyi rig byed ni nges? brjod shes pa'i dag gi tshig tshad nges pa dag go / mchod sbyin gyi rig byed ni tshad ma nges pa'o/ /snyan tshig gi rig byed ni brgya byin dang tshangs pa la sogs pa'i bstong pa'i dag go /srid srung gi rig byed na skye dgu bsrung ba'i thabs su gyur pa'i chod du bstan pa ste/ bram zes rig byed bzhi'i sgra'i don yongs su shes bar byed pa yin pa dang/ las dang shes pa la nges par sbyar bar bya ba yin par shes par bya'o zhes bstan pa yin no/ /drang srong garga? dang/ mtha? ra'i? gzhung zhes bya ba ni skar? pa'i bstan bcos yin la/ sa g.yo ba dang 'bras bu'i rnam par bshad pa ni skar ma'i gzhung nyid yin te/ de dag la mkhas pa'o/ /nang zhes bya ba ni bram ze dag gis bsgrag par bya ba ma yin pa'i gzhung yin/ des brjod kyang gzhung de dag nyid kyi bye brag yin te/ de la yang mkhas pa'o/ /mchod sbyin byed pa ni bdag nyid mchod sbyin byed pa'o/ /mchod sbyin byed du 'jug pa ni nges brjod mkhan du gyur pa'i sgo nas gzhan byed du 'jug pa'o/ /'don pa ni bdag nyid klog pa'o/ /'don du bcug pa ni gzhan 'don du bcug pa'o/ /sbyin pa ni bram zes bram ze rnams la'o/ /len pa ni bram zes rigs gsum po dag la te/ drug po de dag ni bram ze'i las yin no/ /brtson pa ni mngon par sbyor ba'o/ /khro ba cher skyes nas zhes bya ba la brnag mi bzod pa'i rang bzhin ni 'dir khro ba yin par rig par bya'o/ /skyes bu gla ba zhes bya ba la glas pas byed pa gang yin pa de ni gla ba'o/ /nam nga'i yab lha nyid du bzhud par gyur pa na zhes bya ba ni ris mthun pa spangs nas mtho ris thob par gyur na'o/ /pha rol gnod pa'i sbyor bas zhes bya ba ni gsod par byed pa'i sbyor bas so/ /dgon pa'i nags kyi gnas zhes bya ba la sogs pa la/ grong las rgyang grags kyi mdza' phan chad ni bshon? pa yin la/ nags kyi gnas ni nags kyi phyogs gcig yin no/ /khyad par du mthar gyur ba ni bas mdza' o/ /rnal 'byor pa 'di la nyal ba'i phyir mal yin la/ 'di la 'dug pa'i phyir stan? yin no/ /gtsang ba zhes bya ba ni rnam par dben pa'am/ dag par dam dga' bar byed pa'o/ /sdig pa'i skye bo ste brgal dka' ba 'am/ smad pa'i las ni sdig pa'i skye bo yin la/ bral ba ni med? par gyur pa ste/ sdig pa'i skye bo gang la yod pa ma yin pa de ni sdig pa'i skye bo dang bral ba'o/ /sems can rgyu ba med pa ni dben pa yin la/ mi rnams kyis dben pa ni mis dben par gyur pa ste/ de'i phyir bsten par bya ba 'am/ nges par sbyar bar bya ba 'am/ gnas par bya ba'o/ /nang du yang dag 'jog ni rnam par dben pa'i sa phyogs su gnas pa'i sems rtse gcig pa nyid do/ /nang du yang dag 'jog dang rjes su mthun pa ni nang du yang dag 'jog dang tshul mthun pa can no/ /gnas mal zhes bya ba ni thams cad du sbyar bar bya ba yin no/ /gus pa sngon du song ba can gyi lus dang dag gi 'jug pa ni bsnyen bkur ro/ /cod pan ni rgyal po'i rtags yin la gtsug tor ni skra bcings pa ste/ spyi bo'i steng du btsug tor gyi rnam pa lta bur byas pa'i cod pan nam/ gtsug tor de bla ma la nye bar gzhol ba'i dus su 'grol bar bya ba nyid do/ /gdugs ni rgyal ba la 'os pa'o/ /rin po ches spras pa g.yag rnga las byas pa'i rnga yab ni nor bu'i rnga yab bo/ /lham ri mo can zhes bya ba ni rin po ches spras pa nyid kyis ri mo can yin gyi tshon gyis ni ma yin no/ /gdong rgyab phyogs su bltas pa ni gcig pus 'jug par 'dod pa ston pa'o/ /gsang ba'i las ni gcig pus bsgrub par bya'o/ /sgo dog pa ni sgo'u chung? ngal gyis zhes bya ba ni shin tu drag par ma yin pa'o/ /cung zad cung zad ces bya ba ni yang dang yang du ma yin pa'o/ /bcom ldan 'das ni bdag gis yun ring po zhig nas mthong ngo/ /bde bar gshegs pa ni bdag gis yun ring po zhig nas mthong ngo zhes bya ba ni gus pa'i phyir lan gnyis brjod pa yin no/ /rgyags pa dang nga rgyal shin tu bcom pa ni 'dir dman pa yin par rig par bya'o/ /chos kyi rjes su 'gro ba can ni chos kyi rgyu can no/ /de bzhin gshegs pa zhes bya ba ni de? ba na bzhin ma yin pa mi gsung ba ste/ dngos po ji lta ba de bzhin du gsung ba nyid kyi phyir dang/ thugs su chud pa nyid kyi phyir ro/ /lha dang bcas pa'i 'jig rten gyi mchod bar 'os pa dang/ nyon mongs pa spangs pa nyid kyi phyir dgra bcom pa'o/ /yang dag par 'gro ba ma lus ma thugs su chud pa'i phyir yang dag par rdzogs pa'i sangs rgyas so/ /khyod kyi chos 'dul ba legs par gsungs pa zhes bya ba ni 'bras bu dang bcas pa ston pa'i chos ni 'dir chos 'dul ba yin par 'dod la/ de khyod kyis legs par gsungs pa ni ji lta ba bzhin du phyin ci ma log pa bstan pa ste/ gang yang bcom ldan 'das kyi rgyun tu zhugs pa'i 'bras bu la sogs pa bsgrub pa'i phyir bya bar gsungs pa'i bya ba de ji lta ba bzhin du khong du chud par gyur pa na 'bras bu'i des pa la 'khrul pa med pa'i phyir legs par gsungs pa'i chos zhes bya ba 'am/ yang na chos ni lam yan lag lnga pa dag ste/ yang dag pa'i lta ba dang/ yang dag pa'i rtog pa dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin zhes bya ba'o/ /'dul ba ni la? yan lag gsum ste yang dag pa'i ngag dang/ /yang dag pa'i las kyi mdza' dang/ yang dag pa'i 'tsho ba zhes bya ba'o/ /bcom ldan 'das kyis nyan thos kyi dge 'dun dag ni legs par zhugs pa zhes bya ba la sdug bsngal la chos shes pa dang/ sdug bsngal myur du shes pa dang/ bde ba la chos shes pa dang/ bde ba myur du shes pa'o/ /zhugs pa ni lam yin te/ bcom ldan 'das kyis rab tu phyung ba'i slab ma dge 'dun dag ni lam la yang dag par brten par byed pa zhes bya ba'i don do/ /kha cig ces bya ba ni 'ba' zhig go /dka' thub pa'i mkhas pa ni dge skyed do/ khyim na gnas pa'i mkhas pa ni bram ze'o/ /mkhas pa zhes bya ba ni bya ba'i phyir mkhas pa'o/ /ci de yang dag par gyur pa'i mkhas pa yin nam zhes na/ smras pa/ mkhas par snyems pa ni bdag nyid mkhas pas sems shing shes pa'i phyir mkhas par snyems pa yin gyi don dam par ni mkhas pa ma yin no/ /rab tu bya ba byas pas zhes bya ba ni khyad par du byas pa ni rab tu bya ba ste/ bya ba yang bstan bcos nyan pa dang/ sems dang/ goms? par byed pa'o/ /rab? tu bya ba gang gis goms par byas pa de ni rab tu bya ba byas pa'o/ /gang du zhe ni/ smras pa/ bshad pa dang gzhan rab tu smra ba dag tu ste/ rang gi grub pa'i mdza' rnam par 'chad par byed pa ni bshad pa yin la/ gzhan rab tu smra ba ni gzhan gyi grub pa'i mdza' smra ba'i bstan bcos te/ bshad pa dang gzhan rab tu smra ba ni bshad pa dang gzhan rab tu smra ba ste/ de dag la mkhas par gyur ces bya ba'i bar du'o/ /byis pas gsal bar phog? pa'i tshul? du skye bo mang pos bkur ba can zhes bya ba la/ phog pa ni bcang ba'o/ gsal bo rnam par gsal bar phog? ba ste gsal por phog pa'o/ /byis pa'i gsal bar phog pa ni byis pas gsal bar phog pa ste/ byis pas gsal bar phog pa'i tshul du khros don phra bar yongs su gcod par byed pa skye bo mang pos bkur ba ste/ 'dod cing mngon par 'dod par bya ba gang yin pa de la de skad ces bya'o/ /yang na byis pa zhes bya ba ni spu'i ming gi bye brag yin la/ de gsal ba ni sgrangs? pa yin te/ de la phog pa ni ring por bkas pa yin no/ /de nyid tshul? de dper byed pa yin pa de'i phyir skye bo mang pos bkur ba te bsngags pa'o/ /bdag nyid kyi shes rab kyi spobs pas zhes bya ba la/ shes rab ni chos rab tu dpyod pa yin te/ dngos po'i de kho na nyid rnam par 'byed pa zhes bya ba'i bar du'o/ /gzhan gyis lta bar gyur pa zhes bya ba ni lta ba'i rnam pa'o/ /rnam par bcos? pa pa ni rnam par bshig par gyur pa'o/ /spyod pa zhes bya ba ni gnas par gyur pa'o/ /'dri ba mngon du byed pa zhes bya ba ni yang dag par sbyor bar byed pa'o/ /rtsod pa'i gzhung gzugs par bya'o zhes bya ba ni rtsod pa'i sgo nas 'bod pa'o/ /mi rigs pa ni rjes su pag? pa dang 'gal pa'o/ /mi 'dra ba ni snga phyi 'gal pa'o/ /mi 'thad pa zhes bya ba ni mngon sum dang/ rang gi tshig dang/ grags pa dang 'gal ba'o/ /thog mar mngon du gyur pa ni gzigs pa'o/ /rgyun gyi rtog pa ni rnam par gzigs pa'o/ /yid dga' ba ni sems yongs su tshim pa'o/ /mngon par rangs pa ni mgu bar gyur pa'o/ /skyabs su song ba ni sangs rgyas bcom ldan 'das la skyob pa nyid du 'dzin pa ste/ de bzhin du chos dang dge 'dun la'o/ /bslab pa'i gzhi ni srog gcod pa la sogs pa las ldog pa'o/ zad pa dang mi skye ba shes pa ni dgra bcom pa'o/ /nyon mongs pa'i sgrib pa dang bral bar gyur pas na rnam par grol ba'o/ /dga' ba ni yid bde ba'o/ /bde ba ni rnam par shes pa'i tshogs lta'o?/ /rnam par grol ba'i dga' ba dang bde ba so sor myong zhing nyams su myong ba la de skad ces bya'o/ /cung zad ni cung zad do/ /nyams pa ni gzhan gyi don bsgrub par mi nus pa'i phyir ro/ /rab tu nyams pa ni rang gi don bsgrub par mi nus pa'i phyir ro/ /skye bos de bseng? po zhes bya ba ni nad las gyur pa'i skams pa zhes bya ba ni sha yongs su zad pa'o/ /rdzud pa zhes bya ba ni bya ba byed pa'i nus pa med pa'o/ /mdangs med pa ni lus mdangs gya nom pa ma yin pa'o/ /dbang po nyams pa ni mdbang po zhom pa'o/ /skye bo mang pos zhes bya ba la sogs pa la/ gzugs yid du 'ong ba nyid yod pa'i phyir skye bo mang po'i mig gis chags pa'i gnas ma yin no/ /zhes bya ba'i tha tshig go /mngon par mi dga' ba zhes bya ba ni khyim gyi gnas la 'dod pa dang bcas pa'o/ /smad par bya ba yin pas na sdig pa yin la 'gro ba 'dod par bya ba ma yin par/ thob par 'dod pas na mi dge ba'o/ /'dod chags kyis gzir ba zhes bya ba ni gzir bal 'chi bar byed pa yin la/ 'chi bar byed pa 'am gzir ba ni 'dod chags yin pa de'i phyir 'dod chags kyi 'ching bas bcings pas/ 'dod chags dang 'ching bas bdag gzir bar gyur pa de bas na kho bo'i gnas skabs 'di 'dra pa 'am/ gzhung gzhan las ni 'dod chags kyi 'ching ba zhes 'byung ba ste/ 'dir don de ni yul gyis dbang po kun nas bskyod pa'i mtshan nyid 'chi ba yin la/ de nyid 'dod chags yin te/ na tshod la sogs pa 'joms pa'i rgyu nyid yin pa'i phyir ro/ /bsags pa ni snga na med pa bdag gir byas pa'o/ /mang du thob pa ni rab tu mang ba dang/ rab tu rgya che ba zhes bya ba'i tha tshig go /mang du thob pa de yang 'ga' zhig tu gyur pa de dgag pa'i phyir smra ba bkag pa med par rnyed pa ste/ sdug bsngal med pas rnyed pa yin te/ rtag tu bdag nyid kyi 'dod pa dang/ bde bas so/ /shin tu mngon par dga' ba ni rab tu dga' ba'i tshul gyis so/ /dbang po tshim par gyur pa ni dbang po rgyas pa'o/ /tshul khrims kyi gzi dang yang dag par ldan pa nyid kyi phyir bzhin gyi mdog gsal ba'o/ /pags pa'i skyon thig le nag po dang/ gnyir ma la sogs pa dang bral ba nyid kyi phyir pags pa'i mdog yongs su dang ba'o/ /'bad pa nyung ba ni bya ba nyung ba'o/ /gzhan la rag lus pas 'tsho ba'i thabs ni gzhan la rag lus pa ste de med pa'o/ /ji srid 'tsho'i bar du zhes bya ba ni ji srid 'tsho'i mthar thug pa'o/ /tshangs pa ni mya ngan las 'das pa yin la/ de'i rgyu mtshan so sor thar pa'i sdom pa'i tshul khrims la sogs pa ni spyod pa yin te/ tshangs par spyod pa dang 'gro bar byed pa yin pa'i phyir ro/ /de spyod par nus pa ni bsgrub par nus pa'o/ /tshangs par spyod pa khyad par ji lta bu zhig ce na/ smras pa/ ral ba med pa nyid kyi phyir yongs su rdzogs pa'o/ /'bras bu bsgrub pa'i phyir dang/ nyes pa ma lus pa dang yongs su spong bar byed pa'i rgyu nyid yin pa'i phyir yongs su dag pa'o/ /yon tan sgrub par byed pa'i thabs nyid yin pa'i phyir yongs su byed pa'o/ /'ba' zhig ces bya ba ni thar pa thob par bya ba'i phyir grogs gzhan la rag lus pa med pa'i phyir 'ba' zhig go /don gyi gnas zhes bya ba ni gang la gnas na rgyal po'i nor skye bar byed pa de ni don gyi gnas so/ /'dod pa'i rgyu ni bag la nyal ma spangs pa'o/ /gzhi ni yul lo/ /dbang ni rten la bya'o/ /rnam par rtsod pa zhes bya ba ni skyes bu khro ba skyes nas smra ba'o/ /log par bzung nas ni sems rab tu 'khrugs pa'o/ /rtsod pa 'byung ste zhes bya ba ni sna tshogs su smra ba ni rtsod pa ste/ smra ba dang phyir smra ba yin la/ de 'byung ba ni thob par gyur pa'o/ /nyes pa ni bsngags pa ma yin pa ste/ 'ga' zhig kho na gnas te skabs su'o/ /kun tu sbyor bar byed ces bya ba ni dge slong dag rtsod par gyur pa'o/ /bslab pa btang ste/ zhes bya ba ni dge slong gi dngos po las nyams pa rjes su thob pa'o/ /'phya zhing smod pa ni 'phya zhing smod par byed pa'o/ /ngan pa zhes bya ba ni yon tan dang bral ba nyid kyi phyir ro/ /grong mi zhes bya ba ni mi bshes pa'i sgo nas smad pa'o/ /dpal med pa zhes bya ba ni 'phags pa'i lam gyi dpal las yongs su nyams pa'i phyir ro/ /bsang par bya ba ni srog dang bral bar bya'o/ /rgya che ba ni 'jig rten thams cad la rab tu grags pa'o/ /rgyal rigs shing sal? chen po ni rgyal rigs kyi mchog tu gyur pa'o/ /bram ze'i rigs shing sal chen po ste mchog tu gyur pa dag mi 'ong zhing mi sdod do/ /gus pa med pa ni bla ma'i yul la gus pa dang bral ba'o/ /bsti stang med pa zhes bya ba ni bla ma'i yul la gtso bo'i blo dang bral ba'o/ /smra ba ni brjod pa yin la sems pa ni shes par byed pa'o/ / gdul bya'i skye bo 'khor brgya phrag mang po gang yin pa de ni 'dir brgya phrag du ma ste de'i'o/ /snyan pa dang gya nom pa dag las shin tu snyan pa ni snyan la 'dzam pa'o/ /sbrang bus rnam par bsgyur ba ni sbrang rtsi ste/ tshigs ma med pa des kha tshim par byed pa lta bur ro/ /rdzu 'phrul chen po 'di la mnga' ba'i phyir rdzu 'phrul chen po'o/ /shin tu ngo mtshar che bar nye bar ston par spyod pas na mthu che ba'o/ /ting nge 'dzin khyad par can rnyed pas na stobs che ba'o/ /chad pas ma yin zhes bya ba ni rdzas dang ngag gi chad pa spangs pas so/ /mtshon chas ma yin zhes bya ba ni mtshon chas tshar gcod pa spangs pas so/ /chos kyis zhes bya ba ni rigs pas so/ /snyoms pas zhes bya ba ni 'dul bar byed pa'i ngan pa spangs pa'i phyir ram/ yang na gzhan gyi sems bsrung ba'i sgo nas so/ /nor gyi dbang du byas pa zhes bya ba ni rdzas gtso bor byed pa ste/ ji srid lo 'am/ ji srid zla ba bcu'i bar du tshangs par spyod pa spyad par bya'o zhes bya ba de lta bu'i rang bzhin gyi sems kyis tshangs par spyod pa spyad pa'i phyir de nor gyi dbang du byas pa 'am/ mtho ris kyi bde ba'i phyir tshangs par spyod pa spyad pa gang yin pa de dag ? nor gyi dbang du byas nas tshangs par spyod pa'o/ /da'i rnam pa zhes bya ba la sogs pa la/ rnam pa ni rab tu byung ba dang rjes su mthun pa'i bya ba ste/ kun tu spyod par grags pa'o/ /rtags ni rab tu byung ba'i cha lugs so/ /mtshan ma ni nyes par spyod pa las zlog pa'o/ /bsnyen pa zhes bya ba ni 'dod pa'i yon tan lnga'i rjes su zhugs pa'o/ /ldan par gyur pa zhes bya ba ni de dag dang shin tu 'byor par gyur pa 'am/ de dag la shin tu chags par gyur pa'o/ /srog gi mdza' ni srog gi mthar gtugs pa'o/ /zhal ta ba drang srong byin dang/ snying po? zhes bya ba la khyim 'am rgyal po'i pho brang na mchog tu yid bstan par bya gang yin pa de ni zhal ta ba zhes bya'o/ /'di gnyis 'tsho ba dang long spyod kyang tshol ba zhes bya ba la/ tshol ba ni yongs su tshol ba yin te/ 'di gnyis kyi srog 'jig pa'i rgyu las yongs su bsrung bar bgyi'o zhes bya ba'i tha tshig go /skra dkar skyes pa ni rgas pa'o rgas bas 'di ba ni 'khogs pa'o/ /rgas pas yan lag gi tshogs shin tu lhod bar gyur pa ni rgog tu gyur pa'o/ /zung zhig ces bya ba klag pa dang/ bcad ba zhes bya ba ni mi brjod pa'i sgo nas so/ /gzhan 'dzin du bcug pa yang don gyi sgo dang/ klog tu bcug pa yang yi ge'i sgo nas so/ /don dang ldan pa la zhes bya ba la/ don dang 'byor pa dang chos dang yang 'byor ba'o/ /tshangs par spyod pa dang rjes su mthun pa'i phyir/ tshangs par spyod pa dang ldan pa'o/ /mngon par shes pa'i phyir te/ zag pa med pa'i ye shes bskyed pa'i phyir ro/ /yang dag par byang chub pa'i phyir te/ phung po lhag ma dang bcas pa'i mya ngan las 'das pa'i phyir ro/ /mya ngan las 'das pa'i phyir/ zhes bya ba ni phung po'i lhag ma med pa'i mya ngan las 'das pa'i phyir ro/ /snying rje skye ba'i rgyu mtshan nyid yin pa'i phyir snying rje yi rgyu can gyi yi ge'i rnam pa des 'du ba dang song ba ni rgyu ba'o/ /rgyal po'i rigs las skyes pa'i phyir rgyal rigs so/ /rgyal phran gyis spyi bos phyag byas pa nyid kyi phyir spyi bor dbang bskur ba'o/ /de bas las khyad par du 'phags pa zhes bya ba ni grong khyer mdzes par byas pa bas lam shin tu khyad par 'phags par ma nges par byas pa'o/ /phyir bcos mi nus pa ni ma zhu ba ste yan lag 'khums pa'o/ /'khor los rnam par bcom pas 'khor los brkos pa'i sa'o/ /ro ni shi ba'i lus so/ shin tu rnam par 'gyur ba ni gzugs mi sdug par gyur pa'o/ /nus pa ji lta ba zhes bya ba la sogs pa la nus pa ni nang gi spro ba'o/ /stobs ni phan par byed pa phun sum tshogs pas so/ /ngan pa ni rigs dma' mor skyes pa'o/ /dman pa ni sdug bsngal bar gyur pa'o/ /snying brtse bar bya bas ni bkren pa nor 'dod pa'o/ /bdag nyid gcig tu so sor sangs rgyas pas na rang sangs rgyas so/ /zas? mdza' i gnas mal la tha dad pa zhes bya ba ni dben pa'i gnas brten par ro/ /sbyin gnas gcig pu zhes bya ba ni 'jig rten du sangs rgyas gnyis cig car mi 'byung ba bzhin du bse ru dang 'dra bar rang sangs rgyas gcig pu kho na 'byung ba'o/ /gzugs mdzes pa zhes bya ba ni lus kyi sgo nas rab tu dad ba skyed par byed pa ste/ lus la sogs pa'i bya ba shin tu zhi ba nyid kyi sgo nas sems rab tu dang ba skyed nyid du yang dag par rjes su dpag pa'o/ /rtsa ba nas bcad pa zhes bya ba ni rtsa ba nges par bcad pa'o/ /rtsub pa ni shin tu drag pa'o/ /khyu mchog gi tshig ces bya ba la sogs pa la 'di la khyu chog gi yin pas na khyu mchog gi ste/ 'jigs pa med pa'i ngag go /gcig tu chad par byas ta zhes bya ba ni gdon mi za bar dam bcas pa'o/ /'khor te skye bo mang po tshogs pa la'o/ /seng ge'i sgra sgrags pa ni seng ge ltar sgrogs pa'o/ /bsad par bya ba ni srog dang bral bar bya'o/ /bya ba ni thag nye bar gyur pa'o/ /byed pa ni dus kyis chos par gyur pa'o/ /go cha bskon pa ni go bgos pa'o/ /shing sha go ta ka shun pa bshus par ri can zhes bya ba la/ phyogs dang phyogs las shun pa gogs par gyur pa'i phyir shun pa bshus pa'o/ /gnas dang gnas su shun pa skams shing rnying pa ni phra bar gyur pa nyid kyi phyir ra ri can te/ shun pa gzugs mi sdug par gyur pa ni ra ri can yin no/ zhes bya ba'i dbang du byas pa'i phyir ro/ /lhag ma tsam chung la srab pa ni lo ma nyung la srab pa'o/ /lo ma srab pa nyid kyi phyir grib ma chung pa'o/ /byams pa ni dgyes pa'o/ /thugs brtse ba ni rjes su brtse bar mdzad pa'o/ /phru ma btab pa ni dmag gi bkod pa byas nas so// bskor ba ni steng nas g.yog par 'dod pa'o/ /'jig rten ni las bdag gir byed pa zhes bya ba la sogs pa la 'jig rten gyi las bdag po yin pa de'i phyir las bdag gir byed pa'o/ /'jig rten gyi las skyed par byed pa'i gnas yin pa de bas na las skyes pa'o/ /rang nyid kyis byas pa'i las kyi 'bras bu la nye bar spyod pa'i phyir/ las kyi bgo skal la spyod pa'o/ /rang gis byas pa'i las la nye bar brten nas 'jug pa'i phyir las la brten pa'o/ /las de myong bar 'gyur ro/ /zhes bya ba ni las byas shing bsags pa'i 'bras bu la gcig tu nye bar spyod pa'i phyir ro/ /gzhu rgyud ni 'dren pa'i thabs su gyur pa'o/ /nan thag ces bya ba ni rta la sogs pa'i go cha 'ching bar byed pa'o/ /'breng ba zhes bya ba ni glang po dag gi 'breng thag go /rna ba'i g.yogs ma ni rna ba'i bug pa rgyan dang bcas pa'o/ /cho ga bshig nas zhes bya ba ni go cha dum bur byas nas so/ /las kyi mthar zhes bya ba ni 'bras sa lu? la sogs pa'i las kyi mdza' o/ /brtson 'grus chen po zhes bya ba la sogs pa la brtson 'grus ni yid kyi spro ba'o/ /stobs ni lus kyi'o/ /pha rol gnon pa ni bya ba byed nus pa'o/ /'ongs pa ni nye bar phyin pa'o/ /ya mtshan du gyur pa ni ngo mtshar du gyur pa'o/ /ngo mtshar du gyis pa de dag gi mig bgrang bas na mig gdangs pa'o/ /kho bo ni de'i bang? chen te/ zhes bya ba na kho bo'i rjes su phan 'dogs pa'i mchog gis sbyor bar gyur pa'o/ /dgon pa bsrung bar byos shig ces bya ba ni ri dwags gsod pa'i gnas shing gis rib mas kun nas bskor ba'i ri dwags 'jug pa'i sa phyogs shig nas byas pa'o/ /dag 'jam pa zhes bya ba la sogs pa la ngag 'jam pa ste/ ngag 'jig rten gyi 'jam pa zhes brjod pa'o/ /sbyin pa ni rjes su sbyin pa'o/ /tshig gi dor sngon du song ba can ni 'byed pa'o/ /kun tu spyod pa ni rigs pa'o/ /gal te bstan ma thag pas don sgrub pa ma grub par gyur pa de'i tshe gser la sogs pa'i chad pa 'dir rigs yin te/ chad pa dbab pa'i sgo nas don bsgrub par bya ba'o/ /stobs ni glang po che la sogs par bsgrub par byed pa'i bye brag go / byas te zhes bya ba ni bsgrubs te'o/ /thob nas bya ba ni rnam pa thams cad kyis yongs su mthar phyin nas so/ /dga' na zhes bya ba ni 'dod na'o/ /lta ba ni thog mar spyod pa'o/ /btsal ba ni rgyun gyis gcod pa'o/ /brtson pa'i mtshon cha zhes bya ba ni shAkya gsong pa la brtson pas mtshon cha 'phyar bar byed pa'o/ /ma'i pha ni 'dir mes po'o/ /tshogs ni 'dus ba yin la/ tshogs kyi phyir rab tu smin pa ni las mthun par byas pa ste/ tshogs kyi 'bras bu nyams su myong bar gyur pa'i las zhes bya ba'i tha tshig go / mal la ba hi ni ri brag gi bye brag go /grong ni rtsig pa dang rib mas yongs su bskor ba'i khyims gyi tshogs so/ /grong brdal ni yul 'khor te rgyal khams kyi khyad par ro/ /rgyal po'i pho brang ni rgyal po khab kyis nye bar mtshon pa'i grong khyer ro/ /e ma'o shAkya ni bsregs so/ /zhes bya ba la sogs pa ni rjes su rtse bas lan gnyis brjod pa'o/ /dong bskos la zhes bya ba la sogs pa la/ shAkya'i gzhon nu ji snyed pa dong de rnyed pa kho na brkos nas shAkya'i gzhon nu dong re rer btug pa re re'i steng du lcags las byas pa'i glang po che'i rkang pa'i rnam pa lta bus g.yog par byas zhing de'i 'og tu glang po ches brdzis na glang po che'i rkang pa lta bus / brdigs pa las de dag phye mar brlag par 'gyur ro// yang na lcags las byas pa'i bshal spyad lcags kyi rkang pa lta bu zhes bya'o/ /du ba 'thul bar byed cing/ zhes bya ba ni du ba 'byin par byed pa'o/ /rtsi ri ri zer nas bya ba ni rtsi ri ri skra cung zad cung zad sgrog pa'o/ /sgra yang 'byin to/ zhes bya ba ni sga shin tu che ba sgrog pa'o/ /phrin las rnam par smin pa ni phrin las gyur pa ste/ phrin las kyi rnam pa zhes bya ba'i tha tshig go /rus ma tshungs pa ni rus dang bcas pa yin la/ drang srong dro ni'i rigs dang bcas pa ni rus dro nar bcas pa'o// rang bzhin gyi nyes pa ma gos pa nyid kyi phyir nyes pa med pa'o/ /gnod pa med pa ni zhes bya ba ni gnod pa byas pa med par ro/ /nyam thag pa'i skad ni sdug bsngal gyis gzir ba rnams kyi ha ha'i sgra mthon pa'o/ /khyad par ram zhes bya ba la sogs pa la mngon sum gyis yongs su bcad par bya ba'i bye brag ni khyad par ro/ /rjes su dpag pa'i shes pas yongs su bcad par bya ba ni bsam pa'o/ /byed pa sna tshogs gsal ba'i tshul gyis rnam pa gzhan nyid do/ /shan pa ni phyugs gsong pa'o mngon par bsgrubs te/ zhes bya ba ni grub par gyur na'o/ spyod par gyur pa zhes bya ba ni skyong bar gyur pa'o/ /khyim bya gsong par byed pas na khyim bya gsong ba'o/ /de bzhin du phag gsod pa yang ngo/ /bya ba zhes bya ba ni bya 'dzin pas 'tsho bar byed pa'i thabs can no/ /rgya ni ri bong 'dzin par byed pa'i thabs te/ des bya ba byed pa'i phyir ri bong la rgya 'debs pa'o/ /slob pa rnams kyi gzi brjid kyis phog par gyur pa/ zhes bya ba ni slob pa'i gang zag rnams la mngon par dad pa'i lhas tshig rtsub pos brdegs pa 'am/ bsgom pas spang bar bya ba'i khong khro ba ma spangs pa'i phyir/ slob pa rnams kyi gzi brjid kyis phog par gyur pa ni tshig rtsub po yongs su brjod pa 'am/ slob pa du ma bsad par gyur pa las sdig pa dpag tu med pa dang ldan pas slob pa rnams kyi gzi brjid kyis phog par gyur pa'o/ /sprul gyis bltas ba bzhin du zhes bya ba ni ji ltar sprul mthong ba'i dug can gyis bltas pa ste/ mthong bas rigs thal bar 'gyur ba de bzhin du ko sa la'i rigs rgyud med par 'gyur ro/ /nya ba ni nya gsod par byed pa'o/ /bcad cing bcad cing zhes bya ba ni bzlos pa'i tshig gnyis yin la bcad ni gtubs pa'o/ /dgra bo phyir zlog pa'i don du gdu bu'i rnam pa'i khang pa sum rtseg gam lnga rtseg gi khang bzangs so/ /skyes pa med par zhes bya ba ni skyes bu dang shin tu bral ba'o/ /rol mo'i tshogs kyis zhes bya ba la/ rol mo ni 'dir gar la bya'o/ /'di na dgar 'gyur zhes bya ba ni 'jig rten 'dir dga' ba nyams su myong bar gyur pa'o/ /gzhan du 'ang dga' bar 'gyur zhes bya ba ni 'jig rten pha rol du'o/ /de ni dgar 'gyur zhes bya ba'i sgra ni nges par gzung ba la te/ de nyid dga' bar 'gyur ba dang de nyid rab tu dga' bar 'gyur ba'o/ /dag gi tshe zhe na/ smras pa/ bdag nyid las kyi rnam par smin pa mthong nas zhes smos so/ /mgu gyur ces bya ba ni mgu ba skyes par gyur pa'o/ /bsngags par 'gyur pas na bde 'gro ste/ gang gi tshe der 'gro bar 'gyur ba de'i tshe phyir 'gro bar 'gyur ro/ /ngom pa ni spyir bdag nyid bstod par byed pa ste/ 'di ltar bdag ni stobs dang/ brtson pa dang/ pha rol gnon pa phun sum tshogs pa zhes dom pa'o/ /rnam par dom pa ni khyad par du bdag dang 'dra bar 'ga' zhig kyang med de/ gang gi phyir kho bo 'dzam bu'i gling gi gtso bor gyur pa'i shAkya rnams brlag par gyur zhes bya ba lta bu'o/ /bslab pa'i 'ching bsdams gyur ces bya ba ni srog gcod pa la sogs las ldog pa'i bslab pa'i gzhis bsdams par gyur pa'o/ /klu rnams bsad bzhin zhes bya ba la sogs pa la/ klu rnams bsad pa ste/ srog dang bral bar gyur na klu'i bu mo dag kyang bsad par bya ba yin te/ khung du zhugs nas gnod par gyur na mi rung ba'o/ /de'i khyad par ji lta bu zhe na/ sbyin gyis g.yogs bzhin dug gis rab gang ba zhes bya ba smos te/ sprin te/ chu 'dzin gyis g.yogs shing khyab pa de bzhin du dug gis kyang/ kun nas gang bar gyur pa de'i phyir bsad par bya ba yin na/ ji ltar de dag bsad par bya ba yin pa de bzhin du shAkya'i bu mo de dag gi yan lag dang/ rkang pa tshod cig pa'o/ /gang gi phyir lag pa dang rkang pa bcad pa las shi bar gyur pa de dag nyid kyi gnyen rnams kyi ni phyi bzhin te/ slad bzhin 'gro bar 'gyur ro/ /sdug bsngal ni mi mthun par gyur pa'o/ /drag pa zhes bya ba ni chen po'o rtsab pa zhes bya ba ni thog ma nyid nas brnag par dka' ba'o/ /cha ba zhes bya ba ni mdza' mar brnag par dka' ba'o/ /yid du mi 'ong ba zhes bya ba ni dran pa'i shes pas yul du byas pa na yang yid mi bde ba bskyed par byed pa'o/ /bsam pa ni yang dag par bskul ba'o/ /'jig rten pa'i thugs zhes bya ba la 'jig rten la phan pas na 'jig rten pa ste/ 'jig rten thams cad kyis thugs shes par gyur cig ces dgongs pa 'dir bskyed pa ni 'jig rten pa'i thugs so/ /de zag pa dang bcas pa 'am/ zag med yin zhe na/ /dus de'i tshe bcom ldan 'das kyi mthus sems can thams cad kyis bde 'gro gzhan gyi sems shes pa thob par 'gyur te/ 'jig rten thams cad kyi thun mong du gyur pa 'am/ zag pa dang bcas pa'i thugs la 'jig rten pa'i thugs so zhes zhes bya ba'o/ /dbugs phyung shing ces bya ba ni dga' ba bskyed cig pa'o/ /las bdag gir gyis shig ces bya ba ni las la brten cig pa'o/ /lung nod pa zhes bya ba ni gdams par len pa'o/ /klog pa zhes bya ba ni ji ltar bzung ba ltar klog pa'o/ /'don pa ni klags pa mi brjed par bya ba'i 'don pa'o/ /nam rmus par gyur pa ni nyi ma sprin dang bcas par gyur pa'o/ /rgyal la nye bar spyod pa zhes bya ba ni rtsa ba'i gnas las phyi rol gyi nye 'khor du gyur pa'i sa ni nye bar spyod pa yin te/ 'chag pa don du gnyer ba rnams nye bar spyod par byed pa'i phyir ro/ /bud med kyi yang rgyan nye bar spyod pa yin te/ skyes bu'i sems dga' bar byed pa don du gnyer ba'i bud med dag rgyan la nye bar spyod cing bsten par nye bar spyod pa'i phyir ro/ /nyi ma dang mthun zhing mthun zhing 'phrod pas na nor bu me shel te nyi ma'i 'od dang yang dag par 'byor pa na me 'byin par byed pa'i phyir ro/ / //bam po lnga pa/ /'di na tshig 'gyur zhes bya ba ni tshe 'dir ro/ /gzhan du 'ang tshig par 'gyur zhes bya ba ni tshe phyi mar ro/ /gnyis kar tshig par 'gyur zhes bya ba ni gang gi phyir 'jig rten 'di dang gzhan du cig car de tshig par 'gyur bas na sdig pa byed pa de dang de dag tshig par 'gyur ba'o/ /gang gi tshe zhe na bdag nyid las kyi rnam par smin pa mthong nas zhes bya ba smos so/ /smad pa 'am dman pa'i 'gro ba ni ngan 'gro'o/ /gdung 'gyur zhes bya ba ni yid kyi gdung bar 'gyur pa'o/ /rgyan spel ma zhes bya ba la sogs pa la/ gser skud kyi lcu gu gsum pa 'am/ bzhi pa'i tshogs kyi bar bar du rin po che sna tshogs kyi phra mdud kyis spras pa la gdu bu spel ma zhes bya ba'o/ /gser gyi phag bu'i dbus grogs mo lta bu can gser skud kyis brgyud pa mdza' nas g.yer ka btags pa can dag las byas pa gser gyi 'og bag? gang yin pa de ni phyang phrul can no// gser las byas pa'i rgyan zla gam thur gsum pa dag las byas pa'i 'og bag? gang yin pa de ni lu gu brgyud gser las byas pa'i skud pa ni brgyan gser skud can no/ /longs spyod de 'dod pa'i longs spyod dag go /bdag kyang yun ring du lon pa ni rgas pa'i gnas skabs thob pa nyid kyi phyir ro/ /drang ba ni tha snyad du bya ba la gsal por byed pa'o/ /g.yo kun tu spyod pa ni las la sogs pas gya gyu spyod pa'o/ /shin tu grags pa'i mi 'jigs pa ni 'jigs pa med pa yin med kyi 'dir bya ba ma yin pa las log pa la rag lus pa'i rab tu byung ba'i mi 'jigs pa rgya che ba dang/ mchog tu gyur pa yin no/ /spobs pa dge'o zhes bya ba'i bdag nyid kyi shes rab skyes pa ni spobs pa yin la/ de dge ba ni yongs su dag pa yin te/ rab tu byung ba'i yul nyid yin pa'i phyir ro/ /phan yon rnam pa lnga zhes bya ba ni yon tan rnam pa lnga'o/ /rang gi don ma 'dres pa zhes bya ba la sogs pa la/ rab tu byung ba mos pa ni rab tu byung bar 'dod pa'o/ /rang gi don ma 'dres pa ni skyes bu'i don thun mong ma yin pa yin te don 'di ni skyes bu'i don kha cig mang po dang lhan cig bsgrub par bya ba thun mong la/ mya ngan las 'das pa'i mtshan nyid 'di ni rang gi don thun mong ma yin pas na gzhan 'ga' zhig gis kyang bsgrub par bya ba ma yin gyi 'on kyang gcig pu kho nas yin no/ /de'i don 'di ni mang po dang lhan cig bsgrubs pa gang yin pa 'di ni don dam par skyes bu'i don ma yin gyi 'on kyang rab tu byung ba thob pa'i sgo nas gcig pus bsgrubs pa gang yin pa de ni thun mong ma yin pa dang/ don dam pa dang/ skyes bu'i don yin no/ rjes su thob par 'gyur ba ni snyed par 'gyur ba'o/ /bran zhes bya ba ni khyim du skyes pa dang/ rnyed pa dang/ nyes pa dang/ phrog pa dang/ khas blangs pa zhes bya ba rnam pa lnga'o/ /mdag gzhug pa zhes bya ba ni nor gyis gsos nas mdag gzhug byed pa'o// bsgo ba zhes bya ba ni nang 'khor dang chos grogs la sogs pa la bya'o/ /gzhan la rag lus pa zhes bya ba ni rang dbang med pa zhad lon la sogs pa'o/ /'dod dgur 'gror med pa ni sna chen po la gtogs pa ste/ gang gi phyir de ni dbang phyug gi mchog gi sa las gzhan du 'gro ba'i nus pa med cing rtag tu rten par yang mi byed pa de'i phyir mdag gzhug pa la sogs pa bzhi po de dag ni phyi ma phyi ma zhing khyad par du 'phags par rig par bya'o/ /mchod pa ni sbyin pa dang bsnyen bkur dang phyag la sogs pa'o/ /ba stong pa ni yon tan smos pa'i sgo nas so/ /bla na med pa ni gong na gzhan med pa nyid kyi phyir ro/ /rnal 'byor gyi bde ba ni ma thob pa thob pa dang thob pa so sor skyo ba'o/ /mya ngan las 'das pa 'khor ba srid du mthong ba phyir mi gtong ba'i phyir khyad par du 'phags pa'i rnal 'byor bde bar byed pa'o/ /ma thob par zhes bya ba ni mya ngan las 'das pa ma rnyed par ro/ /bdag ces bya ba ni tshul khrims kyi yon tan rnyed pa las nyams par ma gyur pa'o/ /nyan thos zhes bya ba ni 'phags pa'i gang zag? brgyad do/ /mchog ni drang srong dag go /yang dag par song ba ni byang chub sems dpa' o/ /skyes bu dam pa rnams kyis zhes bya ba ni so so'i skye bo mkhas pa rnams kyis so/ /'dir mya ngan las 'das pa kho na rang gi don ma 'dres pa ma yin nam/ de bas na ci'i phyir phan yon tan de gnyis su byas she na/ bden te/ mya ngan las 'das pa de nyid ni gcig tu khyim pa dad 'bral pa'i sgo nas thob pa nus pa ni ma yin gyi/ 'on kyang gcig pu kho nas zhes bstan pa'i phyir tha dad par bya ba yin no// rnam pa gzhan du na rang gi don ma 'dres pa kho nar thams cad 'dus pa'i phyir lnga nyid du mi 'thad par 'gyur ba de bas na mya ngan las 'das pa thob pa ni phan yon gcig yin la/ de thob pa'i rgyu mtshan gcig pu nyid rab tu byung bas rnyed pa zhes bya ba ni phan yon gnyis pa yin no/ /gang zhig bdag la mchod pa byed pa de dag la bdag gis mchod pa zhes bya ba ni gsum pa yin la/ mngon par 'dod pa'i mya ngan las 'das pa ma thob kyi bar du mtho ris thob pa ni bzhi pa yin zhing/ skyes bu dam pas rab tu bsngags pa'i lam brten pa ni 'dir phan yon lnga pa yin no/ /bdag nyid kyi spyod yul zhes bya ba ni rang gi spyod yul gyi'o/ /yab byon pa'i yul zhes bya ba ni dge slong gi dngos po/ rab tu skye ba'i gnas yin pa'i phyir te/ bsod snyoms len pas dge slong gi dngos por 'gyur ba yin gyi zas mang po yongs su tshol ba las ni ma yin no/ /chung ma rnying pa zhes bya ba ni khyim pa'i gnas skabs na log par g.yem pa'i las lhan cig byed pa can bya ba ma yin pa thams cad la sems 'jug pa de'i phyir/ khyod kyi sems bsrungs shig ces smos pa yin no/ /reg pa'i dug ces bya ba ni reg ba tsam? gyis 'dod chags kyi dug ldang bar byed pa'i phyir ro/ /rgyags pa'i mun pa zhes bya ba ni rgyags pas rnam par rmongs par gyur pa'o/ /sred pa'i mun pa zhes bya ba ni sred pa pa rmongs par gyur pa'o/ /mgo me tog gi rnam pa lta bu zhes bya ba ni spra ba'i me tog bzhin du mgo dkar por gyur pa'o/ /rgan zhugs bya ba ni na tshod rgas nas rab tu byung ba'o/ /phan pa byas pa shes par gyur pa gang yin pa de ni byas pa bzo ba'o/ /byas pa shes pa zhes bya ba ni 'dis bdag la phan chen po zhes gzhan la sgrog par byed pa'o/ /sbyor ba ni rab tu sbyor ba dang bya ba ste/ das nyams pa ni rgud par gyur pa'o/ /de bas na 'di ltar dge slong dag gis mi tshangs par spyod pa brten par bya ba ma yin no/ /zhes mi shes pa de'i phyir bsam pa ni ma nyams pa'o/ /phas pham pa bzhi ni mi tshangs par spyod pa la ldog pa la sogs pa dag las so/ /bdud ris ni bdud kyi sde yin la gces pa ni gnod pa byas pas so/ /tshangs pa ni mya ngan las 'das pa yin la/ de'i rgyu mtshan du spyod pa ni tshangs par spyod pa ste/ de dang 'gal ba ni mi tshangs par spyod pa'o/ bya ba ma yin pa thams cad tshangs par spyod pa ma yin pa de'i phyir rgya rna ru zhes bya ba smos te/ skyes pa dang bud med kyi kun tu sbyor ba ni 'khrig pa yin la/ de 'byung ba'i las ni rgya rna ru'o/ /skal pa yod na zhes bya ba ni 'phags pa'i lam skyer rung ba'o/ /ngo bzhin gnag cing mchi ma dang bcas bzhin du zhes bya ba ni kha gdong ngan cing mchi mas khyad bzhin du'o/ /bya ba ma yin pa byed pa ni bya ba ma yin pa spyod pa'o/ /rang bzhin te dge slong gi bya ba la gnas pas na rang bzhin du gnas pa'o/ /gsod por smra ba ni lus kyis phyag bya ba ma gtogs ba tshig gis phyag byed pa'o/ /phyag byed pa ni yan lag lngas gtugs pa 'am/ byin pa bcad pa'o/ /thal mo sbyar ba zhes bya ba ni lag pa gnyis thal mo sbyar ba sngon du song ba can gus pa'o/ /'dus pa'i las ni lus kyis phyag byas pa sngon du song ba can no/ /bsu ba zhes bya ba ni gom pa'i rim pa gcig bsnur ba'i sgo nas so/ /mnyan pa dang lung nod pa nye bar gzhag par mi bya'o/ /gzhan rab tu 'byin pa dang dge tshul la gnas sbyin pa'i sgo nas kyang bsdu bar mi bya'o/ /tshul khrims kyi rgud pa ni/ tshul khrims nyams pa'o/ /lta bas rgud pa ni lta ba phyin ci log pa dang smad pa can no/ /cho gas rgud pa ni spyod yul ma yin par 'gro ba dang 'ong ba la sogs pa'o/ /'tsho bas rgud pa ni kha gsag dang/ thob kyis 'jal ba la sogs pa log pa'i 'tsho bas so/ /lci ba shin tu 'jam pos byugs shig ces bya ba ni lci ba sar pa bzang po dang ldan pas bsgrub pa'o/ /dus shes pa zhes bya ba ni zas kyi dus so/ /mthu ni nus pa'o/ /zas bsham pa 'jog par byed pa'i gnas la zas kyi gnas shes bya'o/ /dus shes par byas la zhes bya ba ni nyi ma nub pa'i dus la tshogs pa'i dus so/ /'dug cing zhes bya ba ni byed bzhin du zhes bya ba'i tha tshig go /rgan rims ji lta ba bzhin du zhes bya ba ni bsnyen par rdzogs pa'i rims pa bzhin du'o/ /sos sam zhes bya ba ni khyed kyi khams snyoms sam zhes bya ba'o/ /du ba'i reng dus zhes bya ba ni du ba skyed par byed pa'i thabs yang dag par sbyar ba'o/ /rjes su kha sbyar zhes bya ba ni rje'u kha sbyar du byas pas so/ /gce'u zhes bya ba ni lcags las byas pa can du brdub pa'i thabs su 'gyur ba'o/ /rno ba ni mtshon ltar ro/ /snod ces bya ba ni de 'jog par byed pa'i rdzas so/ /rgyal srid la 'khor los 'jug pa'i ngang tshul can gyi rang bzhin gang yin pa ni 'khor los sgyur ba yin la/ de'i gso ba ni nad zhi bar byed pa'i thabs su gyur pa'o/ /gang gis sna sman gyi las byed pa de ni klugs spyod do/ /brnangs pa ni zos pa'i khams mgrin pa'i phyogs su thobs pa'o/ /gang gis kham thogs pa gal te bsal bar bya ba'i 'phul ba'i spyad kyis btung bar byed pa'i 'phul ba'i btung phor ro/ /khyogs zhes bya ba ni rtag yag rnga'i tshom bus sbyangs pa dang/ dril bu btags pa'i khyogs byas nas so/ /'jig rten la bu bzhin du sems shing zhes bya ba ni ji ltar 'ga' zhig bu'i nang du 'gro bar gyur pa na gus par mi 'gyur ba de bzhin du des gus par 'gyur zhing/ de bzhin du de dag kyang gus par mi 'gyur ba lta bu'o/ /nags dang thag nye ba'i sa phyogs ni shing rtsa'o/ /bshad pa kun tu skyes pas na bshang pa bro bar gyur pa'o/ /gci ba kun tu skyes pas na gci ba bro bar gyur pa ste/ gci ba'i dbang du gyur pa gang yin pa de la de skad ces bya'o/ /tsher mas nye bar mtshon pa tsher ma dang ldan pas na tsher ma can no/ /bshad ba dang gci ba'i skyabs kyis zhes bya ba ni khang pa'i rnam pa lta bur byas pa'o/ /gdung rings ni shing gi gdung ma chen po'o/ /bu gu gtod pa ni phyir phyogs par ro/ /gtsang sbra tha dad pa zhes bya ba ni phan tshun gtsang sbra tha dad pa de'i phyir kho bo ril bas chu btur bar mi bya ba'o/ /snod dben bar brug pa la sogs pa'i bya ba la lhag par sbyar bas na snod sbyang 'brug pa'o/ /chu khang zhes bya ba ni chu bzhag par bya ba'i don gyi gnas so/ /so phag ni phag gu so btang ba yin par rig par bya'o/ /gzhi zhes bya ba ni bum pa mi g.yo zhing brtan par gnas pas sgrub par byed pa'o/ /sa bla'i gnod sbyin rnams kyis zhes bya ba ni sa la gnas par gyur pa'o/ /sgra 'byin cing zhes bya ba ni sgra cung zad 'don par byed pa'o/ /dbyangs rjes su sgrogs pa zhes bya ba ni pha rol po'i rna ba'i rnam par shes pa skyed par byed pa'i sgra mthon po sgrogs pa'o/ /bskal par bzhugs zhes bya ba ni bskal pa chen po'o/ /bar snang la rgyu ba rnams ni nam mkha' la gnas par ro/ /de nas skad cig ces bya ba ni bud med ral bal gyi 'dab ma las myur du 'khal ba'i dpung pa rgyang pa'i mthar thug pa'i dus de tsam la 'dir skad cig mar 'dod de skad cig ma des myur du song nas so/ /thang gcig ces bya ba ni tsa sha ga gnyis la grags pa yin te de'i nang du song nas so/ /yud tsam zhes bya ba ni chu tshod gnyis la grags pa yin te des dal gyi song nas so/ /de nas skad cig thang gcig yud tsam gyi zhes bya ba ni 'dir skad cig ma la sogs pa 'dus pa'i dus gang yin pa de la dal gyis so nas tshangs pa'i 'jig rten gyi bar du sgra byung bar gyur pa'o mang po rnams la bar chad byas shing bya ba ni sgrang thos par gyur pas yid rnam par 'khrugs te dam pa'i chos nyan pa'i bar chad skyes par gyur pa 'am/ yang na bskal bar bzhugs shing ces thos pa las de dag bltos pa dang bcas pa skye bar 'gyur te/ yul 'di la bcom ldan 'das bskal par bzhugs pa de'i phyir thar pa dang/ rjes su mthun pa'i bya ba byed pa'i spro ba chung ba skye bar 'gyur zhing phyis bya'o snyam pas de dag gi bsod nams chen po'i bar chad du 'gyur ro/ /mthun mi phyed ces bya ba la sogs pa chos dang zang zing longs spyod dam phan tshun mthun pa rjes su sbyin pas na mthun mi phyed pa'o/ /dge ba'i phyogs 'phel ba la rab tu dga' bas na kun tu dga' ba'o/ /phan tshun lta bar 'dod pas log pa'i rtsod pa'i tshogs spangs pas na mi rtsod pa'o/ /sems mnyam par ma bzhag pa las rtse gcig pa'i mnyam par bzhag pa yongs su skyong bar byed pas na mchog gcig pa'o/ /so sor thar pa tha mi dad par 'don pas dang/ phan tshun klog par bya ba nyid yan pas na 'don pa gcig pa'o/ /gzhan gyi dring mi 'jog pa nyid kyis na chu dang 'o ma gcig tu 'dres pa'o/ /ston pa ni bcom ldan 'das yin la/ bstan pa ni bka' yin no/ /gsal bar gyur pa ni rab tu gsal bar gyur pa'o/ de la bltas pa kho nas de bzhin gshegs pa la phyag byas nas leg par phyag byas pa yin no/ sru ni yum gyi mched zla ba'o/ /brtson 'grus brtsams shing zhes bya ba ni brtson 'grus de la gzhol bar gyur pa'o/ /bdag rab 'jog ces bya ba ni sems dge ba'i chos bsgom pa la so sor 'jog pa'o/ /brtan pa pha rol gnon pa ni thams cad du dge ba'i bya ba la brtan pa'o/ /lus 'jig pa'i nus pa dang ldan pa'i yongs su mya ngan las 'das pa bdag nyid 'dod pas na brtul te mya ngan las 'das pa 'tshal ba 'am/ gnas pa nyid mi nus pas yongs su mya ngan las 'das par 'tshal ba'o/ /zhes bya ba'i bar du'o/ /lus 'dzin par nus pa de dag gis kyang mya ngan las 'das pa'i yon tan 'khor ba'i nyes dmigs mthong ba'i phyir mya ngan las 'das par 'tshal lo/ /bcom ldan 'das dgyes bzhin du mya ngan las 'das pa'i phyi smra 'am/ zhes bya ba la sogs pa ni lan gnyis brjod pa'o/ /de lta bu'i chos can yin na/ zhes bya ba ni rnam par mthong ba'i chos can no/ /mngon par bstod pa ni sems kyis so/ /rjes su yi rang ba ni dag gis so// rnam par ma 'khrul ba zhes bya ba na bsam pa dang bag la nyal dang khams dang rang bzhin ma 'khrul ba'i sgo nas so/ /lus las 'od zer nges par 'phyung ba'i rgyu can gyi ting nge 'dzin te/ gzi brjid kyi rgyur gyur pa la'o/ /bcod kyi mdog ces bya ba ni 'od zer gyi kha dog bcod kyi rnam pa lta bu'o/ /zung ni phrugs la bya'o/ /bsam gtan dang po la brten nas zhes bya ba ni bsam gtan dang po'i sems kyis de ma thag so sor yongs su mya ngan las 'das pa'o/ /lus la mchod pa lhag par bya ba zhes bya ba zhes bya ba ni lus la mchod pa'i rgyu can no/ /yid brtan pa dang srog byin dang rnying pa zhes bya ba ni grong dang rgyal po'i pho brang du mchog tu yid ches pa gang yin pa de la yid brtan pa zhes bya'o/ /dge slong dag ltos shig ces bya ba ni skye dgu'i bdag mo chen mo'i lus la sogs pa la'o/ /ci'i phyir bcom ldan 'das kyis dge slong rnams la yang dag gi lus ston par mdzad ce na/ 'dir smras pa/ 'khor ba'i nyes pa rab tu bstan pa'i phyir dang/ mya ngan las 'das pa'i yon tan thun mong ma yin pa bstan pa'i phyir dang/ bcom ldan 'das kyis de dag thams cad ni dbang du gyur pa bzhin du lus 'dzin pa'i nus pa dang ldan zhing lus rgas pas nyams pa med do/ gang gi phyir 'di dag gi lus ni gzhon nu ma lo bcu drug lon pa'i lus kyi gnas skabs dang mtshungs pa de'i phyir 'khor ba la tsher skyo bar bya ba dang/ mya ngan las 'das pa'i phan yin chen po mthong ba las mngon par 'dod pa spel bar bya ba'i phyir bstan pa yin no/ /mi rtag pa dang ldan pa zhes bya ba ni 'du byed thams cad mi rtag pa nyid dang/ yid brtan du med pa nyid dang/ chos thams cad ni rnam par 'gyur ba'o/ /zhes bya ba la sogs pa'o/ /sa glangs? pa? ni yongs su bsrung bar bya ba'i don du mgo bo'i phyogs su sa'i tshang pas bskar ba'o/ /gos sngon po can zhes bya ba ni yongs su bgo bar bya ba sngo ba ste phyag na rdo rje'i 'khor nye gnas rtag tu thag nye ba na gnas pa lnga brgya dag gis so/ /mdangs zhes bya ba ni snying gi phyogs na gnas pa srog 'dzin par byed pa'i rdzas kyi bye brag yin la/ de phrogs pa ni gnas nas bskyod pa yin te/ de bskyod pa na skye bo yun ring du gnas par mi 'gyur ro/ /'tsho ba la chags pa ni 'tsho ba'i bsam pa can zhes bya ba'i tha tshig go /nges par zhes bya ba ni nges par byed pas na nges pa ste/ mthong ba'i lam yin te/ yang dag par nges pa'i phung po nges par byed pa'i phyir ro/ /de rtsom pa ni skyed par byed pa yin te/ rtsom pa de dang ldan pa'o/ /khu ba thams cad ni nyam la phan par 'gyur ro zhes bya ba la/ nyam ni 'dir stobs kyi rnam grangs so/ /bskor te zhes bya ba ni phur? ba 'debs pa ltar rko bar byed pa na'o/ /lag zungs bcug na 'khrul zhing zhes bya ba ni lag zungs 'dzin par byed pa'i gzer bus sgo'i sgo glings la klan pa lag pas bskyod pa'o sgo nas te de klan pa nying du 'dod pa'o/ /gsor bu zhes bya ba ni gsor dang 'dra ba'i shing gi yu ba can te srung ba'i thabs yin te/ des bug pa gtod nas la gzungs dang 'brel ba'i lcags kyi gzer bu'i me la bsres nas bug par gzhug par bya'o/ /rlung gis gnod par gyur te/ zhes bya ba ni rlung gi nad kyis so/ /'dir tshad chen po'i nal ze la sman gyi nal zer shes par bya ste/ chu bsror yang gtub pa'o/ /lcag kyi gzer bu ni lcags kyi gzer bu tshen po'o/ /shing gi thal phyags zhes bya ba ni gaN+Di'i the'u'i rnam pa lta bur yun rin po can du byes pa yin no/ /khri ni 'dir khri'u chung ngu la bya'o/ /sngas nang tshangs can ni 'dir nang tshangs kyi dbyibs che ba yin te/ gang gi che nyal ba'i dus na rgyab phyogs su bzhag pa de la bya'o/ /gzong bu ni shing mkhan gyi rdzas yin te/ gang gis shing gcod pa dang/ 'bigs par byed pa'o/ /ste'u ni shing mkhan gyi 'jog pa'i thabs su gyur pa'o/ /skas ni gtsug lag khang la sogs pa brtsams pa'i las sar gyi grogs su gyur pa'o/ /skyes bu chen po'i mtshan sum cu dang ldan pa zhes bya ba ni mdoms kyi spa ba spubs su nub pa dang/ ljags ring la srab gnyis? pa dag ma gtogs pa'o/ /shin tu chags zhes bya ba la sogs pa la 'dod pas 'dod chags dga' mgur spyod pas na chags pa nyid do/ /nye bar 'gro bar 'dun pas na zhan pa nyid do/ /yan lag 'dzin par dun pas na 'chums pa'o/ /gnyis kyis sbyor bar 'dun pas na mdud pa'o/ /sems rnam par rmongs pa 'am/ lus rnam par 'gyur bas na brgyal ba nyid do/ /'khrig pa'i bya ba yongs su rdzogs nas kyang de la zhen pas na lhag par chags pa nyid do/ /lhag par chags par gyur pa ni gzhan dag de la nye bar spyod pa bzlog par 'dod pa'o/ /'od zer ni 'od la bya'o/ /mtshan ma ni bde ba dang/ /mdzes pa phun sum tshogs pa'i don du dpral ba'i phyogs su thig le byas pa'o/ /gsol bar ma nus pa zhes bya ba ni dka' bar de'i zhabs drung du phyin par 'gyur ba'i phyir ro/ /ma spobs pa zhes bya ba ni nye bar phyin nas zhu ba'i skabs dka' ba'i nyid kyi phyir ro/ /stobs kyis 'khor los sgyur ba dang 'dra bar yan lag bzhi po de nyid kyis rgyal srid la dbang sgyur ba'i stobs kyis 'khor los sgyur ba'o/ /'khrig ma zhes bya ba ni gdu bu 'dogs pa'i phyogs so/ /'dir kha cig na re gal te dga' bo dus thams cad du 'bros pa'i bsam pa dang ldan par gyur pa yin na de la ji ltar sdom pa skye bar 'gyur/ sdom pa skye ba bstan pa dang dge ba'i sems la rab tu rag lus pa nyid kyi phyir ro zhes brjod par byed de/ de ni 'dir bla ma'i lung las dga' po ni shin tu 'dod chags drag pas sems bstan pa dang/ sems nyon mongs pa can yin te/ bcom ldan 'das kyi zhabs drung dang dge 'dun dang thag nye bar 'dug pa na de'i sems 'dod chags dang/ kun nas ldan pa ldog pa dang dge ba'i sems mngon sum du gyur pa yin pas/ dge ba'i sems dang sdom pa skye ba zhes bya ba 'di la 'gal ba yod pa ma yin no/ /gtsug lag khang yongs su nyams pa gang yin pa de yang/ zhes bya ba ni dge slong 'ga' zhig gis kyang gtsug lag khang gi kun tu spyod pa'i las/ ma byas pa gang yin pa de dag thams cad khyod kyis gyis shig pa'o/ /skyo ba ni dus pas skye ba'o/ /lan phrin gseb la mo/ /kha dog dang ldan pa zhes bya ba ni kha dog phun sum tshogs pa yongs su rdzogs par gyur pa'o/ /du ru ka'i 'bru mar ni du ru ka'i dri'i rdzas kyis bsgos pa'i 'bru mar ro/ /yid dga' ba zhes bya ba ni sems rab tu dga' ba'o/ /shin tu yid mgo ba ni yid mgu bas so/ /ched du brjod pa ched du brjod de/ zhes bya ba ni mngon par 'dod pa'i dngos po mngon par 'dod pa'i sgo nas gsal bar byed pa'o/ /e ma'o ngo mtshar che'o/ /sangs rgyas bcom ldan 'das yon tan dang ldan pa ngo mtshar che'o/ /de bzhin du ches dang dge 'dun yang ngo/ /legs par gsungs pa'i chos ni 'bras bu nges pa la 'khrul ba med pa nyid do/ /'jog snod ces bya ba ni dbang po rab tu gzhug pa'i phyir brten pa'o/ /de bzhin du bcas pa dang/ zhes bya ba ni yongs su sbyong ba'i las ma byas par ro/ /sun da ri ka la rtog bzhin du/ zhes bya ba ni 'dod chags kyis kun tu sbyor ba dang/ yang dag par ldan pas so/ /sems chags shing zhes bya ba ni skad cig tsam yang de dang 'bral bar gnas pa nyid du mi nus pa'o/ /brgya'i char yang nye bar mi 'gro / zhes bya ba la sogs pa la brgya'i char te grangs su mi 'gro'o/ /brgya'i sgra ni 'dir mang po nyid nye bar mtshon par bya ba'i don to/ /stong gi char yang/ zhes bya ba ni shin tu mang pa nyid nye bar mtshon par bya ba'i phyir ro/ /'bum gyi char yang/ zhes bya ba ni rab tu mang po nyid nye bar mtshon par bya ba'i phyir ro/ /grangs su yang zhes bya ba ni drug cu gnas gzhan lhag par gyur pa la yang grangs su nye bar mi 'gro ba'o/ /char yang/ zhes bya ba ni grangs kyi cha shas su ste/ 'dir cha'i sgra ni cha shas kyi rnam grangs yin no/ /bgrang bar yang zhes bya ba ni don dam pa nyid du bsdus pa ni bgrang ba ste/ spre'u mo 'di ni yang dag pa nyid du gyur pa ma yin te/ sun da ri ka las bltos na/ zhes bya ba'i bar du'o/ /dper yang/ zhes bya ba ni dpe nyid du 'gyur ba'o/ rgyur yang ste/ dpe'i rgyu tsam du yang mi 'gyur ba'o/ /rtse ba ni pi bang la sogs pa rol mo'i khyad par ro/ /bzhin rab tu dang ba'i phyir dga' ba'o/ /yid kyi bde ba ni nyams su myong ba'i phyir mgu ba'o/ /skad rab tu dang ba'i phyir rangs pa'o/ / shin tu khrel ba ni ngo tsha ba'i rgyu mtshan yin pa'i phyir sems kyis yongs su spong ba nyid du 'dod pa'o/ /ngo tsha ni ngo tsha bar gyur pas gzhan gyis bzhin la yang blta ba nyid kyi nus pa med pa'o/ /rnam par 'dor zhing zhes bya ba ni sems kyis ngo tsha ba'i dngos po yongs su spob par byed pa'o/ /smod par byed ces bya ba ni yongs su spangs pa'i 'og tu bdag nyid la smod par byed pa'o/ /dmyal bas khyab pa'i sa phyogs ma yin pa ni gnas mthon pa'o/ /phyung ba ni mig go /bcad pa ni sha'o/ /phug pa ni rus pa'o/ /mtshon mdung thung la sogs pa ni mtshon cha'i bye brag go /'ga' zhig na cung zad 'bar gyur pas na cung zad 'bar ba'o/ /cung zad 'bar ba de nyid 'phel bar gyur pas na rab tu 'bar ba'o/ /rgyun mi 'chad par 'bar ba nyid kyis na kun nas rab tu 'bar ba nyid do/ /'bar ba de dag thams cad gcig tu 'dus par gyur pas na gcig tu 'bar bar gyur pa'o/ /skrag pa zhes bya ba ni mngon par 'dod pa'i dngos po ma yin pa thos pa'i phyir ro/ /skyo ba zhes bya ba ni sems skyo ba dang/ ldan pa skye bar gyur pa'o/ /ba spu ldang ba zhes bya ba ni lus kyi spu ldang bar gyur pa'o/ /dman pa ni zhum pa'o/ /zhan pa ni skyo bar gyur pas bag 'khums pa ste du ba nyid du 'dod pa lta bu'o/ /smon pas zhes bya ba ni mtho ris la sogs pa'i 'bras bu'i don du nges pa'o/ /tshe dang ldan pa mdzes dga' zhes bya ba'i sgra 'di ni de bzhin gshegs pa'i bstan pa la zhugs pa dag la mchod pa yin te/ mngon par 'dod pa'i tshe dang ldan pa nyid yin pa'i phyir ro/ /thog mar zhes bya ba ni 'dzin pa'i dus yin la dge ba zhes bya ba ni bzang po ste/ kha na ma tho med pa nyid kyi phyir ro/ /bar du zhes bya ba ni sems pa'i gnas skabs su'o/ /tha mar zhes bya ba ni bsgom pa'i gnas skabs su'o/ /don bzang po zhes bya ba ni don phyin ci ma log pa dang ldan pa'i phyir ro// tshig 'bru bzang po zhes bya ba ni sgrub par byed pa'i sgra dang ldan pa'i phyir ro/ /'di khyad par du 'phags pa'i dgos pa dang ldan pa nyid du gsungs pa ni ma 'dres pa zhes bya ba la sogs pa gsungs pa yin te/ ma 'dres pa zhes bya ba ni sdug bsngal thams cad zlog par byed pa la theg pa chen po la bltos pa med pa'i phyir ma 'dres pa ste/ tshangs par spyod pa'o/ /yongs su rdzogs pa ni ral pa med pa ste/ 'bras bu ma lus pa sgrub par byed pa yin pa'i phyir ro/ /yongs su dag pa ni nyon mongs pa'i dri ma dang bral ba'i phyir ro/ /yongs su byar ba ni yang srid par 'byung ba'i las spangs pa'i phyir ro/ /'di'i ming gang zhe na/ 'di lta ste/ mngal du 'jug pa zhes bya ba smos pa yin no/ /shin tu legs par nyon la zung zhig ces bya ba'i tshig gsum po de dag ni nyan pa po'i sems bskyed pa'i bye brag la rnam par sbyar ba'i phyir te/ nyan pa po kha cig ni snod kha spub pa lta bu yod la/ kha cig ni snod zhabs rdol lta bu yod cing/ kha cig ni snod mi gtsang ba lta bu yod do/ /kha spub pa la chu mi 'jug la rdol ba la 'jug kyang gnas par mi 'gyur zhing/ mi gtsang ba la 'jug cing gnas kyang btung bar bya ba ma yin par 'gyur ba de bzhin du 'ga' zhig gi yid la chos bshad par gyur pa 'jug par mi 'gyur te/ rtse cig tu nyan pa med pa'i phyir ro/ /'ga' zhig la rab tu 'jug kyang gnas par mi 'gyur te/ brjed ngas pa'i phyir ro/ /'ga' zhig la rab tu 'jug cing gnas su zin kyang log pa nyid du 'dzin par 'gyur te/ tshul bzhin ma yin pa yid la byed pa'i dbang gi phyir ro/ /de ni 'dir bcom ldan 'das kyis snod kha spub pa la sogs pa'i dpes sems gsum pa dag las dge slong dag pa rnam par bzlog cing kha yar lta ba dang sra ba dang/ gtsang ba'i snod kyi dpe can gyi sems la nges par sbyar ba yin te/ legs par zung zhing shin tu zung zhig ces bya ba'o/ /legs par nyan pa ni rtse gcig pa'i phyir ro/ /shin tu nyan pa ni brjed nges pa med pa'i phyir ro/ /yid la bzung zhig pa ni tshul bzhin yid la byed yang dag par 'byung ba'i phyir ro/ /chags pa zhes bya ba ni 'dod chags kyi kun nas spyod pa mngon sum du gyur pa'o/ /'dus par gyur pa na zhes bya ba ni 'khrig pa spyod du rung ba'i gnas skabs rnyed pa'o/ /dge ba nyid ni nad med pa'o/ /zla mtshan dang ldan pa zhes bya ba ni mngal 'dzin par rung ba'o/ /'jug par 'dod pa ni mngal du 'jug par 'dod pa'o/ /zhag gsum ni nyi ma gsum gyi mthar thug pa ste/ zhag lnga dang/ zhag bdun yang de bzhin no/ /rgyu ni nang gi yan lag dang gtso bo'i byed rgyu'o/ /rkyen ni phyi'i yan lag dang gtso bo ma yin pa'o/ zla mtshan dang zla mtshan du yang ldan par 'gyur ro/ /zhes bya ba ni gcig ma rdzogs par zla mtshan gzhan 'byung bar gyur pa'o/ /nyes pas bcom pa mi mdangs dang/ bral ba nyid kyi phyir skyes bu mi 'dod pa de bas na rtog tu de'i sems skyo bas gnas par 'gyur zhing sems 'khrugs pa'i phyir mngal 'dzin par mi 'gyur ro/ nye bar gdungs pa zhes bya ba ni bdag po mtshungs pa'i phrag dog 'gogs? pas so/ /myur du zad cing zhes bya ba ni khrag gi lhag ma dang bshad ba dang gci ba 'gribs pa nyid kyi phyir ro/ /yongs su dengs par 'gyur ro/ /zhes bya ba ni thams cad du yongs su zad par gyur pa'o/ /bde ba mang pos zhes bya ba ni rtag tu bde ba nyid de/ phrag dog la sogs pas nye bar ma gdungs pa'o/ /pham dag par gyur pa zhes bya ba ni sa bon gyi nyes pas so/ /skye gnas zhes bya ba mngal gyis gnas so rlung la sogs pa nye bar gnod par gyur pa ni rlung? la sogs pa gang gis de bzhin du rung ba ma yin pa 'di la mngal gnas par mi 'gyur ro/ khrag gi nye bar gnod pa ni khrag gis khyab par gyur pa 'am/ tshil gyis khyab par gyur pa'o/ /mtshams ni sa bon 'jug pa'i gnas yin te/ gal te shas khengs par gyur na de la sa bon zhugs par mi 'gyur/ /tshangs par gnas pa zhes bya ba ni skye gnas gang la tsha ba ste/ 'tshig par byed pa'i nus pa dang ldan pa ste/ sa bon zhugs mthag tu skam pa'i phyir ram/ yang na sman gyis te rdzas kyi bye brag gis ni rung ba nyid du bsgrubs pa'o/ /dbus nas 'dra ba zhes bya ba ni de ltar nas 'bru'i mdza' gnyis zhum la dbus rgyas pa lta bu'o/ /dbus grog ma 'dra ba zhes bya ba ni ji ltar grog ma'i sked pa phra la mgo dang mjug ma rgya che ba lta bu'o/ /rnga mo'i mchu lta bu zhes bya ba ni rnga mo'i mchu dang 'dra bar gal te mdza' ltod par gyur na'o/ /shing n+ya gro d+ha'i myu gu la 'dus? pa lta bu zhes bya ba la/ shing n+ya gro d+ha'i lo ma sar pa 'byung ba'i tshe ras bal gyi sa bon gyi rnam pa lta bur rnam par gyur pa la myu gu zhes tha snyad du btags pa yin te/ gal te de'i rnam pa lta bu'i sha'i dum du skye gnas kyi sgor skyes par na'o/ /gshol mda'i lta bu zhes bya ba la/ gshol mda' ni gshol la btags pa'i shing ste/ gal te gshol mda' dang 'dra ba'i sha dbyibs ring po can skye gnas kyi sgo'i nang du skyes shing byung bar gyur na'o/ shing rta'i rtsibs lta bu zhes bya ba ni ji ltar shing rta'i logs gsum yangs la gcig dog pa lta bu'o/ /sba lta bu zhes bya ba ni ji ltar spa'i lcug ma 'og gi cha sbom la de nas rim gyi phral ji srid rtse ma'i cha shin tu phra ba ltar gal ta skye gnas de'i rnam pa te lta bur gyur na'o/ /lo ma lta bu zhes bya ba ni gal te pi pi ling gi shing la sogs pa'i lo ma'i rnam pa lta bur gyur na'o/ /nang du mdzer pa skyes pa zhes bya ba ni gal te nang gi logs su sha'i mdzer pa skyes par gyur na'o 'og tu zab pa zhes bya ba ni cha shin tu zab pa'o/ /steng zab pa zhes bya ba ni steng gi cha shin tu yangs pa'o/ /sa bon gyi snod du mi rung ba zhes bya ba ni rang bzhin gyi sa bon 'dzin pa'i nus pa med pa'o/ /khrag 'dzam pa zhes bya ba ni rtag tu 'dzag snying gyur pa'o chung ngu zhes bya ba ni dog pa'o/ /bya rog gi mchu lta bu zhes bya ba ni sgo bya rog gi mchu'i rnam pa lta bu'o/ /g.yon du yangs pa ni g.yas su dog pa'o/ g.yas su yangs pa ni g.yon du dog pa'o/ /steng yangs pa ni 'og tu dog pa'o/ 'og tu yangs pa zhes bya ba ni steng du dog pa'o/ /mtho ba zhes bya ba ni nang gi skabs su sha'i lhag chags par gyur pa'o/ /dma' ba zhes bya ba ni nang nye bar mtshon par byed pa'o/ /'og tu sgur ba zhes bya ba ni kha dog 'og tu bltas pa'o/ /mtshan ma tsam zhes bya ba ni chad tshur ba'o/ /yo ba zhes bya ba ni sa bon 'jug pa'i phyogs 'khyog pa'o/ /nyes pa dang bcas pa zhes bya ba ni bshad ma thag pa'i nyes pa ma gtogs pa'i nyes pa dang ngo/ /ska ba dang bcas pa zhes bya ba ni ska ba'i rdzas kyi btung bas rung ba ma yin pa nyid du gyur ba'o srin bu be sar ka'i rigs zhes bya ba la/ gal te des skye gnas zos par gyur pa na te/ bshad ma thag pa'i nyes pa de dag gis gal te skye gnas nyams par ma gyur pa de'i tshe mngal du 'jug par 'gyur ro/ /bsod nams chen po zhes bya ba la/ khyed la bdag po zhes brjod pa'i rnam pa de dang ldan pa dang/ khyad par du 'phags pa'i rnam pa dang rgya che ba la mos pa'i phyir bdag po chen po zhes bya ste/ bdag nyid chen por grags pa yin la/ gtso bo chen po'i blo ci 'dra bar grags pa gang la yod pa de la de skad ces bya ste/ de la bsod nams chen po zhes bya ba'o/ /de bzhin du bdag po chung ba zhes grags pa yang rnam par bshad par bya ste/ bsod nams chung ba'o/ /bu rnyed pa ste so sor dmigs shing de bsags pa ni skyed par byed pa yin pa'i phyir bu thob pa'i las byas zhing bsags pa'o/ /skyes pa la sems pa zhes bya ba ni bdag skyes pa'o zhes bya ba ni de lta bu'i rnam pa de'i sems bskyed pa de'i tshe pha khong khro ba skye bar 'gyur la mngon rjes su chags par 'gyur ro/ /bud med la sems pa zhes bya ba ni bdag ni bud med do/ /zhes bya ba de ltar du da'i tshe ma zhe sdang skye bar 'gyur la pha ni rjes su chags par 'gyur ro/ /log pa ste phyin ci log gi mngon pa'i nga rgyal gang la yod pa de ni phyin ci log gi mngon pa'i nga rgyal te dri za'o/ /yang dag pa ma yin pa de phyin ci log gi 'du shes bcu thob par 'gyur ro/ /char babs pas nyin mo kun tu spyod par dga' bas na yul rmugs pa'o/ /byung ba dang/ skyes pa dang/ thob pa zhes bya ba na rnam grangs yin la/ yang na snga na med pa skad cig ma dang po la thob pa ni skyes pa yin te/ so sor thob pa yin la/ skad cig ma gnyis pa la thob pa zhes bya'o/ /nang nas skyes par gyur na skye ba ni zhes bya ba la/ rang gi sems la rag lus pa'i sgo nas skyes pa na'o/ /rtsig pa'i bu gu ni rtsig pa'i ser ga'o/ /rtsig ba'i drung ni rtsig pa'i rtsa ba'o/ /rab tu 'jug pa tsam gyi sgo nas dmigs? ba tsam mo/ /rjes su 'jug pa yin pas na brtan pa tsam mo/ /rtsa sngon po las srin bu gzhan du yang zhes bya ba ni rtsa sngon po'i rgyan ma gtogs par srin bu mi skye'o zhes bya ba'i tha tshig go / phra ba ni phyir mngon par nyams par 'gyur/ zhes bya ba ni zad par 'gyur ba'o/ /rnam par brtan pa ni brtan pa nyid du skyes par gyur ba'o/ /'phan pa ni ring po nyid du 'phel bar gyur pa'o/ /skye ba ni zheng nyid du rgyas par gyur pa'o/ /nye bar 'gro ba zhes bya ba ni rnam par shes pa thag nye bar gyur ba'o/ /nye bar bzung ba zhes bya ba ni sems dang sems las byung ba dag gis byin gyis brlabs pa nyid kyis nye bar bzung ba'o/ /khur ba mkhan mkhas pa zhes bya ba ni khur ba rnam pa sna tshogs pa mkhas pa'o// khur ba mkhan gyi slob ma zhes bya ba ni gzo'i slob dpon dang mtshungs par gyur pa'o/ /las nges ma yin zhes bya ba ni las gang gi khu ba dang khrag skyed par byed pa de nyid kyis mer mer bor skyed par byed pa ma yin pa'o/ /rgyu des ma yin zhes bya ba ni khu ba dang khrag skyed par byed pa'i rgyu dag gis so/ /rgyu 'dus shing zhes bya ba ni rgyu gcig tu gyur ba'o/ /tshogs pa ni 'bras bu bskyed par rjes su mthun pa nyid du'o/ 'du bas na zhes bya ba ni 'bras bu thams cad bskyed pa'i bya ba byed par mtshungs pa ste/ rgyu rnam pa gsum po de dag mngon sum du gyur ba las mngal rab tu 'chags par 'gyur/ /phyogs gcig ma grub pa'i phyir ma chags pa'o/ /dud 'gro dang srog chags kyis ma zos pa'i phyir dum bur ma gyur pa'o/ /bug pa ring po med pa'i phyir bu gu ma byung ba'o/ /chu la sogs pas nyams par 'gyur pa ni ma rul ba'o/ /rlung dang nyi ma dag gis nus pa chung ba nyid du ma bskyed pa'i phyir/ rlung dang nyi mas nyams par byas pa'o/ /lo gcig pa nyid yin pa'i phyir sar ba'o/ /nang gi steng po dang ldan pa nyid kyi phyir mkhrags pa'o/ /dus mi bzad pas rjes su gnod par ma gyur pa nyid kyi phyir bde ba'i gnas so/ /me yongs su dbyung bar 'dod pa zhes bya ba ni byed pa 'dod pa 'am bskyed pa nyid du 'dod pa'o/ /kun tu bstan zhes bya ba ni gtad pa'o/ /de las skyes pa zhes bya ba la gzugs de la brtan nas skyes pa ni de las skyes pa ste/ ming la brten pa'i gzugs dang/ gzugs la brten pa'i ming zhes bya'o/ /gzugs 'byung ba dang/ zhes bya ba la sogs pa la 'byung ba ni skye ba yin la/ gnas pa ni skad cig ma tsam gyi gnas skabs yin no/ /mngon par 'phel ba ni bar mdo nyid du 'byung ba yin la/ skye ba ni sngon gyi dus kyi dngos po'i sgo nas so/ /zug rngu dang 'dra bar gdung bar byed pa nyid kyi phyir mngal kho na zug rngu yin la 'bar 'bur dang snod mi gtsang bas gang ba'i nang du song bas lus kyi dbang po ma nyams pa de gdungs shing bsregs pa gang yin pa de la de skad ces bya'o/ /rgal dka' ba nyid kyi phyir nyam nga pa'o/ /'jug par dka' ba nyid kyi phyir dag pa'o/ /gnod pa byed pa nyid kyi phyir sdug bsngal ba'o/ sdug bsngal gyi ro 'ba' zhig pa'i rnam par shes pa zhes bya ba ni gcig tu sdug bsngal nyams su myang ba der phyogs pa'i rnam par shes pa'o/ /'bras kyi rang bzhin zhes bya ba ni chu la 'bras gtsos pa lta bur ro/ /btsos pa ni rlan pa'i sdug bsngal nyams su mongs par 'gyur ba'o/ /rab tu btsos pa ni rgyun gyi sgo nas so/ /smin pa ni bsregs pa'i sdug bsngal nyams su mong bar 'gyur ba yin la/ kun tu smin pa ni rgyun gyi sgo nas yin zhing/ yongs su smin pa ni khyad par du gyur ba'i sgo nas so/ /ri dwags shar b+ha'i rkang ba lta bu can gyi srin bu dmar po can phra mo can la zangs kyi thur ma phra mo zhes bya'o/ /tho ba lta bu ni mjub gang pa'i tshad de/ rdo'i bye brag yin te/ gzong bu bsnun pa'i rngo zhes kyang bya'o/ /bdar lta bu zhes bya ba ni gang du mtshon cha bdar byed pa'o/ /shing gi sdong bu zhes bya ba ni myu gu 'byung ba'i phyogs yin la/ myu gu ni kha 'bus pa'o/ /lag pa'i dra ba nas dpung pa'i rtsa ba'i 'og la dpung ba zhes bya'o/ /rtsa durba'i myu gu ni rtsa durba'i ljang bu'o// lag ngar ni lag pa'i mthil la bya'o/ 'og ma zhes bya ba ni 'og tu 'gro ba'i phyir mtshan ma phra mo 'dod pa'o/ /rgyas pa zhes bya ba ni 'phel bar byed pa'o/ /kun tu rgyas par zhes bya ba ni bye brag tu'o/ /yongs su rgyas pa zhes bya ba ni shin tu khyad par can du'o/ /rgyal ba ni rwa lpags las bsgrubs pa'i chu brgal ba'i thabs su gyur pa'o/ /snod gang ba zhes bya ba ni gos la sogs pa'i rdzas kyis yongs su bkang ba ste/ rkyal bu la sogs pa'i snod do/ /bskyod pa dang/ kun tu bskyod pa dang/ kun tu yongs su bskyod pa ni las su bya ba chung ngu dang/ 'bring dang/ chen po'o/ /rtsol ba chen po dang ldan pa ni dka' ba chen po dang ldan pa'o/ /'gar ba'i spud ba ni gang gis 'bung par byed pa'o/ /g.yo'o/ zhes bya ba ni 'byung bar gyur pa'o/ /nad rol ni tshad che ba yin la/ rgya ma ni phra ba'o/ /khu ba 'dren par byed pas na rtsa'o/ /ming du ma zhes bya ba ni ming mang po can dang/ ming gi rnam pa du ma can no/ /ga dru ni tshon gyi bye brag go /khra bo ni bkra ba dang nye bar bkra ba'i bye brag go /ba spu'i bu ga ni pa spu 'byung ba'i phyogs so/ /'phel lo zhes bya ba ni mig gi rdul phra rab gnas gcig tu sdud par byed pa'o/ /rnam par 'phel bar byed pa ni khyad par du thams cad sdud par byed pa'o/ /rab tu 'jog par byed ces bya ba ni rang gi gnas su 'jog par byed pa'o/ /kun tu 'jog par byed ces bya ba ni mig gi 'bras bu la sogs pa'i dbyibs kyi tshul du rnam par 'jog par byed pa'o/ /so sor 'jog par byed ces bya ba ni bstan par byed pa'o/ /zas ni bza' bar bya ba'o/ /btung ba ni btung bar bya'o// bca' ba ni bca' bar bya ba'o/ /myang bar bya ba ni bzhib? par bya ba'o/ /kun tu dang bar byed pa ni dri ma med par byed pa'o/ /so sor 'jog par byed pa ni dbyibs dri ma med pa bskyed par byed pa'o/ /kun nas 'jog par byed ces bya ba ni rnyog pa med pa brtan pa nyid du byed pa'o/ /sgrib par byed pas na thal ba'o/ /gos kyi dum bu bsgril ba dang ldan pas na phyi ras so/ /'jim pa'i rang bzhin gyi gzugs can sgrub pa la mkhas pas na 'dra gzugs mkhan no/ /dngos po 'di bdag gir gyur cig / gzhan gyir ma gyur ces bya ba ni ser sna yin la/ de'i dngos po ni ser sna nyid de/ de nyid dri ma yin la kun nas dkris pa des khyab pas so/ /sbyin pa'i gnas sdud par byed cing gtong ba nyid du mi 'dod pa gang yin pa de la gya gyus sdus pa zhes bya bar tha snyad du gtags pa yin no/ /de mngon sum du gyur pa zhes bya ba ni rnam par smin pa 'byin pa'i phyir rung ba nyid du gyur pa'o/ /lhan cig ces bya ba ni 'brel ba'o/ /ming du zhes bya ba ni rgyas pa'o/ /sprin pa ni gsal ba'o// rna ba nyams pa zhes bya ba ni thos pa'i nus pa nyams par gyur pa'o/ /sor mo yongs su bcad pas stong bas na lag pa 'byar ba'o/ /dor ba'i chos can zhes bya ba ni skye bo thams cad la yongs su spang ba'i blo skyed par byed pa can no/ /shes par ma gyur pa zhes bya ba ni khong du chud par ma gyur ba'o/ /gzugs bzang po zhes bya ba ni kha dog gi sgo nas so/ /bstan sdug pa zhes bya ba ni dbyibs kyi sgo nas so/ /mdzes pa zhes bya ba ni mdangs dang ldan pa nyid kyi phyir mdzes par gyur pa'o/ /rgyab kyi tshigs par mdun gyis bltas pa zhes bya ba ni mngon sum du phyogs par gyur pa'o/ /ma zhu ba'i gnas kyi khyab par gyur pa zhes bya ba ni rab tu gnon par gyur pa'o/ /chu ba'i gnas kyis phug par gyur pa na/ zhes bya ba ni steng du 'jog pa'o/ /bcings pa lngas bcings pa zhes bya ba ni phur pa lngas rnam par rko ba'i tshul du brkos shing lag pa dang rkang pa dang mgo bo de dag so sor tha dad pa bcom pa gang yin pa de ni bcings pa lnga po nges bcings pa bzhin dang/ gsal shing la bskyon pa nyid du gnas par gyur pa'o// mngal rnam par gnod par 'gyur zhes bya ba ni gdung bar byed pa'o/ /rgyug pa ni myur du 'gro bar byed pa'o/ /mgyogs pa ni shin tu shugs kyis 'gro bar byed pa'o/ /rgal ba ni yur ba la sogs pa'o/ /mchod pa ni steng du mchod par byed pa'o// mi mthun pa nyid yin pa'i phyir sdug bsngal lo/ /shin tu che ba nyid yin pa'i phyir mi bzad pa'o/ /thog mar brnag par dka' ba nyid yin pa'i phyir rtsub pa'o/ /tha mar bzod par dka' ba nyid kyi phyir tsha ba'o/ /phran pa'i shes pas yul du byas pa na yang yid mi bde ba nyid kyi phyir yid du mi 'ong ba'o/ /'du shes brgyad thob par 'gyur te/ zhes bya ba ni mngal la khyim la sogs pa'i 'du shes so/ /nag po zhes bya ba ni spyi tsam yin la/ phyogs gcig gnag pa gsal bar bya pa'i phyir kha dog nag po zhes bya ba smos pa yin no/ /nag po lta bu zhes bya ba ni dngos po nag po dper ram dngos po nag po thams cad dpe nyid du rung ba'o/ /nag por snang ba zhes bya ba ni 'od nag po'o/ /rtswa durba'i myu gu'i mdangs kyi mdog lta bu zhes bya ba ni dmar po snang zhing dkar po'i mdangs kyi mdog can no/ /'dod pa zhes bya ba'i 'byung ba'i phyir spro ba dang bcas pa'o/ /phyin ci ma log pa zhes bya ba ni bden pa'i don no/ /rkang pa log pa zhes bya ba ni rkang pa phyin ci log tu gyur pa 'am rkang pa yo bar gyur pa'o/ / //bam po drug pa/ /de shes pa'i bud med ces bya ba ni las de la bzo ba'o/ /gzhon nu'i gso ba shes pa zhes bya ba ni gzhon nu'i gso ba'i rgyud la mkhas par gyur pa'o/ /de bshad khong dang 'dra ba zhes bya ba la sogs pa la/ dri mi zhim pa dang/ mun pa gnag pa dang/ 'dzings pa'i 'dam ni dri mi gzhim pa mun pa gnag pa 'dzings pa'i 'dam mo/ /srin bu mang po'i rigs stong phrag mang po dag ni srin bu'i rigs stong ste/ de dag gi gnas de la'o/ /sa bon dang khrag dang dri ma dang khrag rlang ni sa bon dang khrag rlang rnams te/ sa bon dang khrag dang dri ma dang khrag rlang de dag gis kun nas te shin tu rnam par rul cing kun nas rul ba ste rnag tu gyur cing zags par gyur pa'o/ /lus kyi bu gu'i rma zhes bya ba ni phyis bshad par bya'o/ /bdag nyid rma sar pa lta bu zhes bya ba ni rma sar pa dang 'dra bar bdag nyid spyod pas rma sar pa lta bu ste/ bdag nyid ma sar pa lta bur spyad pa gang la spyod pa de ni 'dir bdag nyid rma sar pa lta bu'i rnam par gyur pa'o/ /bdag nyid mtshon ma yin pa lan tshon ltar spyod pa ni mtshon lta bu dang/ de bzhin du 'gyur byed lta bu ni mtshon lta bu dang/ 'gyur byed lta bu ste lag pa'i reg pa nyid ni de la 'dir mtshon cha dang 'gyur byed lta bu'i reg pa ni lag pa dag gis bzung pa na'o/ /skyes ma thag tu de la ming gnyis su 'gyur te/ zhes bya ba ni bdag khye'u 'am bu mor shes par 'gyur ba'o/ /shing leb ni spang leb kyi rnam pa'o/ /rtsa gting ba ni rtsa'i tshogs so/ /lus chos pa ni kun nas rnag 'dzag par gyur pa'o/ /de ltar skyes pa zhes bya ba ni nur nur po'i gnas skabs thob pa 'di nyid kyis bstan pa yin no/ /'byung ba zhes bya ba ni mer mer po dang/ nar nar po dang/ gor gor po dang/ rkang lag 'gyus pa'i gnas skabs thob par gyur pa'o/ /mngon par sgrubs pa zhes bya 'dis ni srid pa snga ma'i dus kyi gnas skabs thob par gyur pa'o/ /bskyed pa ni 'o ma bsnun pas so/ /gso ba ni bza' ba dang btung ba la sogs pas/ /bsrings pa ni phyir rol gyi gnod pa bzlog pa'i sgo nas so/ /snying gi phyogs na gnas pa mchin pa lta bu'i sha'i bye brag la sha zhes bya'o/ /gdungs pa zhes bya ba la sogs pa ni kun nas gdungs pa chung ngu la sogs pa nyams su myong ba'o/ /so sor myong ngo zhes bya ba ni khyad par du myong bar 'gyur ba'o/ /snyom pa ni lus kyi zug zer ro/ /lha'i gdon la sogs pa ni gdon gyi rnam pa kun nas lha'i gdon kho na te/ sa bla la spyod pa'i lha rgyal po chen po bzhi la sogs pa'o/ /'chi med kyi gdon ni rdzu 'phrul can gyi lha'o/ /dri za la sogs pa ni yi dwags mthu che ba'o/ /mi 'am ci'i gdon ni dud 'gro'o/ /lto 'phye chen po'i gdon ni 'jog po la sogs pa'o/ /gnod sbyin gyi gdon ni lha rten gyi mchod pa'i gtor ma len pa'o/ /srin po ni gnod sbyin gyi rigs can shin tu dman pa'o/ /yi dwags ni yi dwags su skyes pa'i shin tu ltogs pa'o/ /'dre ni yi dags sha za ba'o/ /'byung po ni gzugs su snang ba mdangs 'phrog par byed pa'o/ /grul bum dang srul po la sogs pa ni tshad chung ba dri za la sogs pa las khyad par du gyur pa can yi dwags kho na'o/ /skyen? byed ni lus skems par byed pa'o/ /smyo byed kyi gdon ni zin pa'i dus su gang gis smyo bar 'gyur ba'o/ /bya'i gdon ni bya'i gzugs can te dud 'gro'i rigs so/ /yang dag par bde ba la gnas na zhes bya ba ni yongs su skyo bar gyur ba na'o/ /mya ngan ni sdug pa dang bral ba las skyes pa'i yid kyi gdung ba'o/ /smre sngags 'don pa ni byas pa de nyid dag tu brjod pa'o/ /sdug bsngal ni lus kyi'o/ /yid mi bde ba ni yid kyi sdug bsngal lo/ /'khrugs pa ni bsdug bsngal ba dang bral ba'i rgyu can gyi lus gdung ba'o/ /sdug bsngal dag las tha dad par bya ba dka' ba nyid kyi phyir gnod pa'o/ /dus nyung ngu re gnas pa nyid yin pa'i phyir nyung ba'o/ /rnam par 'chi ba du ma blangs pa nyid kyi phyir sdug bsngal ba yin la/ ldan pa ni skye ba'i sdug bsngal la sogs pa dang ngo/ /'gro ba 'pho ba ni 'jig rten pha rol du'o/ /byos shig pa ni yang dag par bsgrub par gyis shig pa'o/ /spro ba chung ba ni 'bad rtsol chung ba'o/ /don spyod pa zhes bya ba ni bdag dang gzhan gyi don sgrub par byed pa'o/ /dge ba spyod pa ni lus la sogs pa dge ba la 'jug pa'o/ /sdug ba zhes bya ba la sogs pa la 'dod par bya ba'i yul yin pa'i phyir sdug pa'o/ /'dod par bya ba'i rang bzhin nyid yin pa'i phyir 'dod pa'o/ /dga' bar byed pa'i rgyu nyid yin pa'i phyir mdza' ba'o/ /skad cig kyang yid kyis yongs su dor ba med pa'i phyir yid du 'ong ba'o/ /de dag dang lhan cig yul gzhan du 'gro bar byed pa'i phyir bral ba ni sna tshogs su 'gyur ro/ /'chi ba'i phyir bral ba ni rnam par med par gyur pa'o/ /shin tu bskal pa'i rgyu can gyi khams gzhan du skyes pa'i phyir bral ba'o/ /yongs su mya ngan las 'da' ba' i phyir bral ba ni rnam par bral ba'o/ /bya ba thams cad la nus pa med pa'i phyir nyam chung pa'o/ /dpyod pa'i rang bzhin can yin pa'i phyir dpyod pa'i rang bzhin can no/ /bstan pa nyid kyis mtshams las ma rgal ba yin te/ bya ba ma yin pa mi byed pa'i phyir gzhung la tshul bzhin thob pa'o/ /dgu bcu pa nyid yin pa'i phyir rgyal tshab lta bu'o/ /gas bug pa zhes bya ba ni myur du 'gro ba'i ngang tshul can no// 'chi ba'i chos ni gyes pa'i chos can no/ /so sor yid brtan du med pa'i phyir yid mi brtan pa'o/ /gdos ni rab tu grags pa ste bcing ba'i thabs su gyur pa'o/ /lcags ni rta lcags so/ /ltong ni ske ba nas bcing ba'i thabs su gyur pa'o/ /lag lcags ni shing las byas pa lag pa gnyis bcing ba'i thabs su gyur pa'o/ /'ching ba lnga ni lag pa la sogs pa so sor phur pa dag la btags pa'o/ /re lde la sogs pa reg bya rtsub pa can gyis dkris shing mnyes pa ni re lde'i nang du bsgril ba'i 'o// gsal shing la skyon pa ni gsal shing gi phug pa'o/ /shing gi rtsang gcugs pa ni gzhan gdung bar byed pa'i bye brag go /brdeg pa ni nye 'chi ba'o/ /sha sbrang ni sbrang bu gdug pa can te/ gang ba lang la sogs pa dag la 'dzin par byed pa'o/ /sbrul ni sdig sprul la sogs pa'o/ /yongs su tshol ba'i rtsa bas zhes bya ba ni phan par byed pa'i yongs su tshol ba'i byed rgyu dag gis so/ /'du byed kyi rgyun ni 'dur byed kyi rgyud yin la/ de'i mtshams sbyor ba mtshams sbyor bar byed pa ste/ kun tu 'brel pa'o/ /skad cig ma nyid yin pa'i phyir mi rtag pa'o/ /rgyun rgyud chad pa'i phyir mi brtan pa'o/ /zla ba'i dang lo'i bar du gnas pa'i des pa'i yid brtan du med pa'i phyir brtan du mi rung ba'o/ /skad cig skad cig la rnam pa gzhan dang gzhan du 'gyur ba'i chos can no/ /'dus byas thams cad la skyo bar bya ba shin tu legs par rig pa'o/ /mi 'chags par bya ba zhes bya ba ni nyon mongs par gyur pa rgyun gcod pa'i sgo nas so/ /rnam par grol bar zhes bya ba ni rnam par brol ba thob ba bskyed pa'i sgo nas so/ /rnam par bslu ba zhes bya ba ni blu slu bar byed pa ste/ bde ba nyams su myong ba mngon par 'dod pa sngon du song ba can gyi sdug bsngal mo sor thob pa zhes bya ba ni bar du'o/ /so so'i skye bo kho na mtshungs pa'i phyir so so'i skye bor gyur pa'o/ /rang bzhin te ngo bo nyid kyis tshul khrims dang ldan pa gzhan gyi rjes su mi 'breng ba'i phyir rang bzhin gyis tshul khrims dang ldan par gyur pa'o/ /dge ba ste kha na ma tho ba med pa'i chos mngal yod pa de ni dge ba'i chos can te/ nyi ma re re zhing bsam gtan mngon par 'phel zhing rab tu skye bar 'gyur ro/ /zhes bya ba'i tha tshig go /dge ba'i dngos po la 'dun cing mngon par 'dod pa gang yin pa de ni dge ba la 'dun pa'o/ /mtshungs par spyod par byed pas na mtshungs par spyod pa ste/ tshul khrims rnam par dag pa'i rgyu mtshan gyi lus kyi bya ba'o/ /sdom pa mang po can zhes bya ba ni kha na tho ba byas pa la bshags pa la sogs pas phyir byed pa mang ba'o/ /so so'i rtog ba mang po can zhes bya ba ni tshul khrims kyis mi mthun pa'i phyogs 'tshal pa'i tshul khrims sel bar byed pa mang po'o/ /skye ba gnyis dang gsum thogs pa ni rigs nas rigs su skye bar rig par bya'o/ /skye ba gcig gi lhag ma yod pas na/ skye ba gcig gis thogs pa ste/ lan cig phyir 'od ba'o/ /las bdag gir byed pa zhes bya ba ni las kyi bran du gyur pa'o/ /las las skyes pa zhes bya ba ni las las byung bar gyur pa'o/ /las kyi bgro? skal la spyod pa zhes bya ba ni las las thob pa'i 'bras bu la nye bar longs spyod pa'o/ /las la brten pa zhes bya ba ni las las yongs su thob pa'o/ /shes te zhes bya ba ni bya ba thams cad sems la bltos par gyur pa'o/ /rten cing 'drel? par 'byung ba zhes bya ba ni rkyen gyi skad cig re re la rten cing bltos nas byung ba ste/ de lta bur gyur pa'i mngal gyi gnas su 'jug cing gnas par gyur pa'o/ /gnas kyi rang bzhin ji lta bu zhe na/ las bdag gir byed pa dang/ las las skyes pa zhes bya ba nas khrag dang tshil gyis bka' ba zhes bya ba'i bar du smos pa yin te/ bdud kyi dbang zhes bya ba ni bdud kyi dbang du gyur pa'o/ /bdud ji ltar 'dod pa bzhin du bdag pa'i yul du gyur pa yin pa de'i phyir lus la bdud kyi snod ces bya'o/ /khyim ni gnas kyi bye brag go gnas skabs 'gyur ba'i phyir mi brtan pa'o/ /'jig pa'i chos can zhes bya ba ni phyin ci log tu sems pa dag gi sems 'phrog par byed pa'i rang bzhin can no/ /byis pa smra bar byed pa zhes bya ba ni byis pa spu bar byed pa'o/ /rtswa'i rgyud can ni rtswa'i dra ba yin la de gnyis kyi rgyud rus pa'i 'khrul 'khor gang la yod pa de la rus pa'i 'khrul 'khor rtswa'i dra ba can zhes bya ba'o/ /spubs dang dra bas dkris pa zhes bya ba ni shin tu lhod par g.yog pa la dkris pa zhes bya ste/ spubs kyi dra ba dang rtswa'i dra bas dkris par gyur pa'i gnas te/ she la sogs pas bkab par gyur pa'o/ /rab tu gdungs pa'i bu snod de/ mngal mi gtsang pas bsdus shing bsags pa'i gnas te la'o/ /skra dang so dang ba spu langs pa ste/ 'byung bar gyur pa des rnam par goms shing rnam par 'gyur ba ste/ gsal por gyur pa'o/ /ngar 'dzin gsal po la sogs pa ni nyon mongs pas rang dbang med pa'o/ /rnag dang mchil snabs la sogs pa ni dri nga ba rung bar gyur pa'o/ /zhag la sogs pa ni mi gtsang bas gang bar gyur pa'o/ /chu ser ni chu smin par gyur pa ste/ de ltar gyur pa'i gnas de la mngal gnas par gyur pa'o/ /phyogs gang du gnas par gyur zhe na/ ma zhu ba'i gnas kyi ni 'og ces bya ba la sogs pa smos pa yin no/ /gsos shing zhes bya ba ni rgyas par gyur pa'o/ /gang gis she na zla ba dang zhes bya ba la sogs pa smos te/ zla ba nas zla bar dang/ zla ba phyed nas zla ba phyed dang/ dus dang dus su mngal gyi dri mi 'byung ba nges so/ /kun nas gsos pa zhes bya ba 'phel bar gyur pa'o/ /gang gis she na/ kha zas kyi ros zhes bya ba smos pa yin no/ /kha zas kyi ro khyad par ji lta bus she na/ steng log gi so'i rim pas bcad na lkog ma'i ming par ming pa dang/ 'og gi kha chu mngon par 'dzag pa dang/ steng slad pa'i klang rgyas kyis spags shing khyab pa'i sgo nas so/ /skyug bro ba dang 'dra ba zhes bya ba zas skyug pa dang 'dra bas so/ /zas de gang yin zhe na/ ma'i zhes smos pa yin no/ /gang mngal rgyus par byed pa'i zas de rab tu 'jug pa'i lam gang yin zhe na/ lte ba'i bu gur zhugs nas zhes bya ba smos pa yin te/ nur nur po la sogs pa'i dngos por yongs su 'gyur ba ni sdug bsngal chen po'i tshor ba myong bar 'gyur ro/ /zhes bya bar sbyar bar bya'o/ /mngal de khyad par ji lta bu zhe na/ smras pa/ lag pa dang/ rkang pa dang/ 'gram ba mngal du skye pa'i sha mas bcings par gyur pa ste/ mngal kho na sha ma yin zhing pags pa'i snod des bcings par gyur pa'o/ /stong 'og tu rgyu ba zhes bya ba ni gang 'og tu 'gro bar byed pa'o/ /gang du zhe na/ bshad khang 'dra bar zhes bya ba dri shin tu mi zhim pa/ mun pa gnag pa/ 'greng pa'i mngal du'o/ /zas kyi ro ma'i du ma bu bzhin du gdung ba ni rnam par mngon par brlan par 'gyur ba'o/ /me ma mud ni me'i 'obs so/ /phyi rol gyi rkyen med par mngal nye bar gdungs bar gyur pa yin pa de ni mngal ma brjed pa'o/ /gdung bas g.yeng bar gyur pa zhes bya ba ni btung ba shin tu brten pa'i phyir btung bas zil gyis gnon par gyur pa 'am/ spangs par gyur pa'o/ /'dod pa 'am zhes bya ba ni bdag po 'am gzhan shin tu 'dod par gyur pa'o/ /rus pa'i 'khrul 'khor gnyis kyi sgo nas te/ gci ba'i lam gyi ming can las gzir bar gyur pa na zhes bya ba la sogs pa la/ gnod pa'i rnam pa chung ngu dang/ 'bring dang chen po nye? mas su myong bar 'gyur ba'o/ gnod pa dag pa zhes bya ba ni gnod pa gzhan las shin tu gnod par gyur pas na gdod pa dog pa des so/ /bcad pa la 'gyur byed kyis reg pa ltar zhes bya ba sdug bsngal skyed par byed pa de la reg pa mtshungs pas so/ /ci zhig ces bya ba ni rang gi ngo bo la rtog pa'o/ /ji ltar 'di'i zhes bya ba ni khyad par la rtog pa'o/ /khom pa dang ldan pa zhes bya ba ni khom pa phun sum tshogs pa ste/ sangs rgyas 'byung ba la sogs pa yon tan gyis rnam par brgyan pa'i skye ba yongs su len par byed ces bya ba'i tha tshig go / g.yo zhes bya bas bya ba ni sems kyi gya gyu'o/ /g.yo sgyu can zhes bya ba ni gzhan slu bar byed pa'i ngang tshul can no/ /don spyod pa ni rang dang gzhan gyi don byed pa'o/ /bsod nams spyod pa'i sbyin pa'i rang bzhin gyis bsod nams so/ /dge ba'i spyod pa ni tshul khrims kyi rang bzhin no/ /legs par spyod pa ni lus dang ngag gi kun tu spyod pa kha na ma tho ba med pa'o/ /sbrang bu ni rma la sogs za ba'i sbrang bu'o/ /sems ngan par sems pa dang/ tshig ngan par smra ba dang/ las su bya ba nyes par byed pa can ni byis pa'o/ /thos pa med pa ni lung gi thos pa dang bral ba'o/ /so so'i skye bo zhes bya ba ni rtogs pa dang bral ba'o/ /dka' ba zhes bya ba ni sdug bsngal ba'o/ /'khrug pa zhes bya ba ni rna ba bcad pa la sogs pa sgo nas lus kyi gdung ba'o/ /dge ba'i chos sgrub pa'i bya ba dang bral bas na le lo'o? gnas pa ni khyab par gyur pa'o/ /sdig pa ni smad par bya ba'o/ /mi dge ba ni 'dod pa ma yin pa'o 'bras bu 'byin pa'o/ /'dres pa ni lta ba dang lta ba ma yin pa'i kun nas nyon mongs pa bskyed par gyur pa'o/ /yang srid pa'i zhes bya ba ni yang srid dang rjes su mthun pa'o/ /nang dang bcas zhes bya ba ni kun nas gdung bar byed pa nyid kyi phyir ro/ /sdug bsngal gyi rnam par smin pa zhes bya ba ni dmyal ba la sogs pa'i rgyud kyi sdug bsngal gyi 'bras bu 'byin par byed pa'i phyir ro/ /'jig rten pha rol tu zhes bya ba ni ma 'ongs pa'i 'jig rten du'o/ /skye ba zhes bya ba la sogs pa ni thob par byed pa nyid du rjes su mthun pa nyid kyi phyir ro/ /brtson 'grus brtsams pa zhes bya ba ni gang shin tu brtson 'grus dang ldan par gyur ba'o/ /mthun ston pa dang bzod pa ste/ grang ba dang tsha ba dang khro ba la sogs pas kyang gnas nyams par mi 'gyur pa'i phyir ro/ /brtson 'grus dang ldan pa zhes bya ba ni rtag tu dge ba'i bya ba la brtson pa dang ldan pa'o/ /gong nas gong du mthar 'byung ba'i brtson pa dang ldan pa nyid kyi phyir spro ba'o/ /thams cad bsnyen bkur bya ?? rab du sbyor ba'i phyir mthu brtan pa'o// rtag tu spyad pa'i phyir gces pa mi gtong ba'o/ /'dod pa zhes bya ba khas blangs pa ste/ lus nges par gyur kyang zhes bya ba'i tha tshig go /pags pa zhes bya ba ni pags pa de tsam la thogs pa ste/ lhag mar gyur pa'o/ /gang gi phyir gzhi med par ni ma yin no zhe na/ rgyus pa dang/ rus pa zhes bya ba smos pa yin no/ /yongs su skams nas zhes bya ba ni yongs su skams par gyur pa ste/ gang gi lus kyi sha dang khrag la sogs pa zhes bya ba'i tha tshig go /'on kyang ste gang yang zhes bya ba'i bar du'o skyes bus brtson 'grus brtsams pa'i sgo nas thob par bya ba gang yin pa de ni/ thob pa nyid du mngon par 'dod pa ste/ thar pa dang de'i lam gyi bdag nyid can de ma thob par zhes bya ba la sogs pa nas/ bar ma dor brtson 'grus nyams par mi bya ba ste/ yongs su gtang bar mi bya'o/ /dga' bo nga ni 'jig rten pa dang lhan cig tu mi rtsod do/ /zhes bya ba la sogs pa la/ brjod pa sna tshogs ni rtsod pa yin pa de'i phyir chos smra ba kho bo ni rtsod pa don dang ldan pa ma yin pa de'i phyir mi rtsod kyi 'jig rten pa nyid ni chos ma yin pa smra ba nyid kyi phyir nga dang lhan cig rtsod bar byed do/ /nga ni de lta bu de mi rtsod do zhes bya ba la sogs pa la/ rtsod pa de la de lta bu zhes bya ba'i sgra yang dang yang du 'jug pa gang yin pa de ni de lta bu zhes bya ste/ dper na kho bo'i gzhung ni 'di ltar mdzes pa'o/ /khyod kyi ni 'di ltar mi mdzes pa'o zhes bya ba dang/ gzhan dag kyang de la de ltar brjod par byed do/ /zhes bya ba la sogs pa smra ba dang phyis smra ba brjod pa de 'dis pa mi 'dod pa de'i phyir de lta bu zhes rtsod par mi bya'o// yang na de lta bu zhes bya ba ni ltar 'jig rten par rab tu smra ba dang/ de ltar nam mkha' i gos can dang/ de ltar grangs can dang/ de ltar bye brag pa dang/ de ltar rig byed smra ba dang/ zhes bya ba de dag ni 'di ltar zhes bya ba yin te nges so/ /lta ba ste lta bar gyur ba de la rtogs pa ni dpyod par gyur pa'o/ /dpyod pa de ya bzod par byed pa ni bzod par gyur pa ste/ 'di ltar kho bo'i lta bar gyur pa ni mdzes pa yin no zhes bya ba'i rnam pa 'dis kyang nga mi rtsod pa'o/ /skal ba'i rang bzhin med pa nyid ces bya ba ni shin tu bdag nyid kyi phyogs su gyur pa ni skal pa ste/ rung ba yin pa'i phyir skal ba'i rang bzhin yin la/ de'i dngos po ni skal ba'i rang bzhin nyid de/ des kyang mi rtsod kyi ji tsam ngas mthong ba zhes bya ba la sogs pa de kho na smra bar bya ba yin la/ mthong ba ni mig gis so/ /shes pa ni rna bas so/ /mngon par rdzogs par 'chang rgya ba ni yid kyi rnam par shes pas so/ /mngon du byas pa ni ye shes kyis so/ /rnam par smin pa ni gnyis te zhes bya ba ni bden pa'i don dang/ bden pa'i don ma yin pa'o/ /gnas med pa ni mi srid pa dang sred par mi 'gyur ba zhes bya ba'i bar du'o/ /ci'i phyir mi srid ba zhe na/ skabs med do zhes bya ba smos pa yin te/ rnam par smin pa gnyis pa'i dpe'i tshig srid pa 'di la skabs nyid med pa yin te/ bcom ldan 'das ni bag chags dang bcas pa'i nyon mongs pa spangs pa nyid kyi phyir ro/ /yang dag pa gsung pa zhes bya ba la sogs pa yang dag pa gsung ba zhes bya ba ni yod pa'i dngos po gnas pa bzhin gsung ba'o/ /sdug bsngal la sogs pa'i bden pa thog mar ston par mdzad pa nyid kyi phyir bcom ldan 'das ni bden pa gsung ba'o/ /don dam pa'i chos mya ngan las 'das pa ston par mdzad pa'i phyir chos gsung ba'o/ /kun rdzob kyi bden pa la kun rdzob kyi bden pa nyid dang/ don dam pa'i bden pa la don dam pa'i bden pa nyid du 'doms par mdzad pa'i phyir de kho na nyid gsung ba'o/ /ji skad du lung bstan pa de bzhin du 'gyur ba'i phyir phyin ci ma log par gsung ba'o/ /mngon par 'dod pa'i don bsgrub par mdzad pa nyid kyi phyir don bzhed pa'o/ /sdug bsngal las grol bar mdzad pa nyid kyi phyir phan par bzhed pa'o/ /thar pa'i bde ba rtsol bar mdzad pa nyid kyi phyir bde bar bzhed pa'o/ /ting nge 'dzin gyi bde ba'i rgyu nyid yin pa'i phyir reg par bzhed pa'o/ /yon tan ma rnyed pa rnyed pa ni grub pa yin la/ rnyed ba skyod par byed pa ni bde ba yin te de bzhed pa nyid kyi phyir grub pa dang bde bar bzhed pa'o/ /lam mkhyen pa zhes bya ba la sogs pa la/ gzhan la mkho ba'i lam yongs su mkhyen pa nyid kyi phyir lam mkhyen pa'o/ /rang rig pa nyid kyi rgyud la mnga' ba'i lam yongs su mkhyen pa'i phyir lam rig pa'o/ /thams cad kyi thog mar lam ston pa nyid kyi phyir lam ston par mdzad pa'o/ /rgyud gzhan lam la rab tu 'dzud par mdzad pa nyid kyi phyir lam 'chad pa'o/ /yongs su 'dren par byed cing rab tu 'dren par byed pa'i phyi yongs su 'dren pa yin la/ lam gyis yongs su 'dren pa gang la mnga' ba de ni lam kun tu 'dren pa ste/ lam bshad pa'i 'dren pa'i sgo nas 'dul bya'i skye bo mya ngan las 'das pa'i grong khyer du phyin par mdzad pa'i phyir bcom ldan 'das ni lam gyi 'dren pa'o/ /'jig rten pa ni ma dad pa zhes bya ba ni dad pa'i nor med pa'o/ /dbang po rnams kyi bran zhes bya ba ni dbang po rnams kyi dbang du 'gro ba ste/ dbang po'i dbang gis yul rnams la rab tu 'jug pa'i phyir ro/ /mngon sum gyi dus su 'gyur pa'i dngos po ni de'i tshe nyid yin la/ de'i tshe nyid du tha snyad 'dog par byed pa'i phyir ma rig pa ste/ 'jig rten pha rol gyi 'bras bu la bltos par mi byed ces bya ba'i tha tshig go /lag tu chud pa ni lag par 'ongs pa yin la/ lag par 'ongs pa la lta ba'i ngang tshul gyi rang bzhin gang yod pa de ni lag par 'ongs pa lta ba can te/ lag tu 'ongs pa'i dngos po gang yin pa de brten por 'dzin par byed kyi/ ma 'ongs pa'i ngan song la bltos par mi byed do/ /zhes bya ba'i bar du'o/ /zad pa mang zhing zhes bya ba ni don du mi 'gyur ba mad ba'o/ /bsags pa chung ba zhes bya ba ni don chung ba ste/ gang gi phyir srog gcod pa la sogs pa byas na dmyal ba la sogs par 'gro bar byed pa ste/ sdug bsngal gyi rnam pa mang po nyams su myong bar 'gyur la sha la sogs pa yongs su longs spyod pa'i bde ba ni chung ba nyid yin pa'i phyir ro/ /sla ba ni bde bas bsgrub par bya ba ste/ lus la sogs pa'i legs par spyod pa yin la/ de mi byed pa'o/ /dka' ba ste lus la sogs pa nyes par spyod pas bdag spyod par zhes bya ba ni gnod par byed ba'o/ /dga' bo 'ong bas ni chog go /ces bya ba la sogs pa la/ dga' zhig tu dga' bo la 'di lta bu'i sems skye bar 'gyur te/ 'di ltar lung gi gzhung gi tshad mang ba de'i phyir de la shes rab kyis nyan pa dang/ sems pa la sogs pa'i bya ba byed par mi nus so snyam pa de lta bu'i blo skye ba'i phyir chog go ces pa yin te/ lung gi lus la mngon par sbyor bar bya'o/ /shes rab kyis chog go /ces bya ba ni thos pa dang bsams pa las byung ba'o/ /dngos po gang kho na sha'i mig gis mthong bar gyur pa de kho na tsam la brtag par bya'i/ de la phyin ci log gi blos bde ba dang/ gtsang ba la sogs par 'gyur ba ni yongs su brtag par mi bya'o/ /de las kyang phan yon du 'gyur ba gang yin zhe na/ de'i phyir ji ltar mthong ba brtags pa kho na las thar par 'gyur ro zhes bya ba smos te/ 'di ltar gal te dngos po de mthong ba'i rnam pa de kho na nyid kyis dpyod pa nyid du nus par 'gyur ba de'i tshe de kho na yid la byed pa skyes pa'i phyir 'khor ba las thar bar 'gyur ro/ /dga' ba khyod nga la dad pa'i phyir ma 'gro shig ces bya ba la sogs pa la/ bdag la des brjod pa gang yin pa de bdag gis dad pas gzung bar bya'o zhes bya ba 'di ni dad pa skyes pa yin te/ dad pa'i phyir 'gro bar byed pa'o/ /dka' 'di la kho bo shin tu 'dod do/ /ces bya ba'i rnam pa 'dis tha snyad du byed pa ni mos pa'i phyir 'gro ba'o/ /'di lung gis chen por gyur pa de'i phyir 'di'i lung gzhung bzhin du 'jug par bya'o zhes bya ba de lta bu'i tha snyad du byed pa ni thos pa'i phyir 'gro ba'o/ /sangs rgyas kyi yon tan rjes su dran pa 'di ltar sangs rgyas bcom ldan 'das ni zhes bya ba la sogs pas gzugs la yongs su rtog pa'i sgo nas/ de'i gzhung la rjes su tha snyad byed pa ni gzugs yongs su rtog pa'i phyir 'gro ba'o/ /'dir bcom ldan 'das de mthong ba shin tu mos pa zhes bya ba'i rnam pa 'dis dpyod cing rtog pa yin la/ /rtog pa de la bzod par byed pa ni bzod pa yin te/ de tha snyad du byed pa ni mthong ba la rtog pa'i bzed pa'i phyir 'gro ba'o/ /dge sbyong thams cad la 'di bsnyen bkur bya ba yin pa'i phyir bka' 'di ni gzung bar bya ba yin no zhes bya ba'i rnam pa 'dis tha snyad du byed pa ni dge sbyong la gus pa'i phyir 'gro ba'o/ /thams cad kyi sngon du 'di bdag cag gis ston pa nyid du khas blangs pa yin pa'i phyir bka' 'di ni brjod par bya ba ma yin no/ /zhes bya ba'i rnam pa 'dis tha snyad du byed pa na bla ma la gus pa'i phyir 'gro ba'o/ /gcig pu zhes bya ba 'dis ni lus kyi dben pa bstan pa yin la dben par song la zhes bya ba sems dben pa'o/ /don gyi yid ci spyid dpyod pa ni sems pa'o/ /yon tan dang nyes pa'i sgo nas dpyod par byed pa ni 'jal ba'o/ /phyogs gcig khong du chud pa ni nye bar rtog pa'o/ /yang nas yang so sor rtog pa ni med du byos shig pa'o/ /mngon sum du gyur pa zhes bya ba ni the tshom med par gyur pa'o/ /nye bar bsgrub pa zhes bya ba ni shes pas yongs su rdzogs pa chen po shes nas bya ba'i tha tshig go / bdag gi gling zhes bya ba la sogs pa la sdug bsngal gyi rgyu las yongs su skyob par byed pa'i gling yin la/ sdug bsngal dngos las yongs su bsrung bar byed pa'i phyir skyabs yin no/ /bdag nyid gling dang bdag nyid skyabs gang yin pa de ni bdag nyid gling dang? bdag nyid skyabs so/ /chos ni don dam pa'i chos sam bstan pa'i? chos yin te/ de'i gling dang skyobs gang yin pa de ni chos kyi gling dang chos kyi skyabs so/ /gling yang gzhan ma yin la skyabs kyang gzhan ma yin no/ /zhes bya ba 'dis ni gzhan la rag las pa'i gnas skabs las ldog par ston par byed pa ste/ gzhan la rag las bas gnas par mi bya'i 'on kyang bdag nyid kyi las su bya ba yin no/ /de skad du yang dge slong dag dgon pa'i shing drung 'di na zhes bya ba nas dge slong dag bag med par ma gyur par bsam gtan gyis shig/ phyis 'gyod par gyur ta re zhes 'doms par byed do/ /zhes bya ba'i bar du 'byung ba yin no/ /nang zhes bya ba ni bdag gi dbang du byas nas nang zhes bya ste/ rang gi lus zhes bya ba'i tha tshig go /de la lus kyi rjes su lta ba zhes bya ba ni mi gtsang ba'i tshogs kyi rjes su lta ba yin te/ de ltar yang lus 'di la skra dang kha spu dang zhes bya ba nas klad? pa dang klad? pa'i klad rgyas 'dzag pa zhes bya ba'i bar du 'byung ba yin no/ /so sor rtog pa ni rang gi phyi'i mtshan nyid kyi sgo nas rtog pa'o/ /brtson 'grus dang ldan pa zhes bya ba ni kun nas gdung bar byed pas na/ gdung ba ste brtson 'grus de rtsam pa dang ldan pa zhes bya ba'i tha tshig go /dran pa dang ldan pa zhes bya ba ni shin tu dran pa dang 'byor par gyur pa'o/ /shes bzhin dang ldan pa zhes bya ba ni shes rab dang ldan par gyur pa'o/ /zil gyis gnon pa zhes bya ba ni rengs par byas pa ste/ dus gzhan gyi tshe kun tu rgyu bar 'gyur ba'i phyir ro/ /brnab sems zhes bya ba ni gzhan gyi rdzas kyi yul la smon pa'i mtshan nyid can yin la/ don ma thob pa'i snga rol gyi sems yongs su gdung ba ni yid mi bde ba yin te/ brnab sems dang yid mi bde ba zhes bya ba zil gyis gnon pa'o/ /yul gang la zhe na/ smras pa/ 'jig rten te nye bar len pa'i phung po lnga'i rang bzhin la'o/ /phyi'i lus la zhes bya ba ni pha rol bo'i? rgyud du gyur pa'o/ /phyi nang gi lus la zhes bya ba ni rang gzhan gyi rgyud dang gcig pa 'brel par 'gyur ba'o/ /kun 'byung gi chos la rjes su blta zhing zhes bya ba ni bdag nyis kyi lus 'di la kun 'byung zhes bya ste/ 'di las sdug bsngal kun 'byung ba'i phyir ro/ /zhes bya ba'i dbang du byas nas so/ /zad pa'i chos la rjes su blta zhing zhes bya ba ni lus 'di gdon mi za bar 'jig par 'gyur ba'o zhes dpyod gang byed pa'o/ /lus mi gtsang ba'i tshogs kyi bdag nyid can? yin zhing nang na byed pa'i skyes bus stong ba yin no/ /zhes bya ba de lta bu'i dran pa skyed par 'jog pa can ni legs par so sor 'jog par gyur pa'o/ /ji ltar nye bar 'jog par gyur zhe na/ gang kho na la shes ba tsam dang zhes bya ba la sogs pa smos ba? yin te/ rnam pa des pa 'dzin pa'i phyir shes pa yin la/ mngon sum du 'dzin pa'i phyir mthong ba tsam yin zhing so sor tha dad par ram khyad par du dran pa'i phyir so sor dran pa tsam mo/ /mi gnas pa zhes bya ba ni chags pa med par ro/ /'jig rten cung zhig kyang mi len to/ /zhes bya ba ni dngos po'i rigs cung zad tsam la yang bdag nyid du 'dzin par mi byed pa'o/ /tshor ba la sogs pa dag la rang dang spyi'i mtshan nyid du yongs su rtog pa yang de bzhin no/ /chos rnams la rjes su blta zhing zhes bya ba ni 'di ni chos tsam kho na yin gyi 'di la bdag dang bdag gi yod pa ni ma yin no/ /g.yo med pa ni sems kyi kun tu spyod pa gsal ba'o/ /rgyu med pa ni gzhan slu bar mi byed pa'o/ /tshig thams cad la yid ches ba drang po dang rang bzhin can zhes bya ste/ rnam ba thams cad du drang ba la bya'i phyogs gcig gis ni ma yin no/ /shes par brda sprod par 'gyur ro/ /zhes bya ba ni dgra bcom pa nyid du lung bstan pa'o/ /nga'i legs par gsungs pa'i chos ni zhes bya ba la 'phags pa'i bden pa bzhi ni sangs rgyas bcom ldan 'das kyi chos yin la/ de ni de'i legs par gsungs pa yin te/ ji lta ba bzhin du phyin ci ma log par yang dag par mthong ba la phan pa zhes bya ba yang dag par mthong bar byed pas na yang dag par mthong ba ste/ zag pa med pa'i blo des dpyod pa yin la/ ji lta ba bzhin du rab tu rnam par 'byed pa'i sgo nas mthong ba'i lam gyi tshe bcom ldan 'das kyi bden pa bzhi'i rang bzhin can gyi chos mthong bar byed pa yin pa'i phyir yang dag pa mthong ba la phan pa ste slu bar byed ba spangs pa zhes bya ba'i tha tshig go / nad med pa zhes bya ba ni 'dod chags la sogs pa nyon mongs pa'i nad gdung bar byed pa'i rang bzhin can las rnam par grol ba ste/ bcom ldan 'das kyi chos lam gyi mtshan nyid can no/ /dus kun tu zhes bya ba ni 'di'i rtsom pa dang mthar phyin pa'i dus mtshungs pa'o/ /de ltar yang gang zhig kho na la sdug bsngal la dmigs pa'i lam skyes par gyur pa de nyid du sdug bsngal mthong bas spang bar bya ba'i nyon mongs pa spangs par gyur la/ gang kho na kun 'byung dang/ 'gog pa dang/ lam la dmigs pa'i lam skyes par gyur pa de nyid du kun 'byung dang/ 'gog pa dang/ lam mthong bas spang bar bya ba'i nyon mongs pa spangs pa yin pa'i phyir lam la rtsom pa dang 'bras bu mthar phyin pa'i dus mtshungs pa yin no go bar sla ba zhes bya ba ni thob par byed pa yin pa'i phyir thob par byed pa ste/ 'phags pa'i bden pa bzhi dag stan par mdzad pa na bcom ldan 'das yin la/ da las byung ba ni go bar sla ba ste/ bcom ldan 'das kyi chos lam gyi rang bzhin yin te/ de ltar yang gang gi tshe lam skyes par gyur ba de'i tshe 'phags pa'i bden pa bzhi la the tshom med par gyur to/ /ltos shig ces bya ba ni tshur shog 'phags pa'i bden pa bzhi'i de kho na nyid ltos shig ces 'phags pa'i lam gyi skal ba dang ldan pa'i phyir 'gro ba la tshur shog ltos shig ces ston pa 'phags pa'i lam las skyes pa de kho na nyid la bar chad med ces bya ba'i tha tshig go / mkhas pas so sor rang gis rig pa zhes bya ba la mkhas pa ste/ 'jig rten las 'das pa'i ye shes so sor thob pa'i mkhas pas so sor tha dad pa'i rang gi sems kyi rnam par shes pa yin zhing gzhan gyis ni ma yin no zhes bya ba'i tha tshig go / btung ba'i snying po zhes bya ba la snying po ni mchog ste dri ma dang bral ba yin la/ snying po yang de yin la btung ba yang yin pas na btung ba'i snying po ste/ snying po nyid yin pa'i phyir btung bar bya ba yin pa 'am/ snying po 'am bcud kyis len nam bdud rtsi dang 'dra bar btung bar bya ba zhes bya ba la sogs pa'o/ /gsung rab ces bya ba ni bkar rtogs pa yan lag bcu gnyis pa'o/ /ji ltar btung ba'i snying po yin zhe na/ 'di lta ste ston pa yang zhes bya ba la sogs pa smos pa yin te/ thams cad mkhyen pa ni mngon sum du gyur pa ste/ mthong ba'i yul du gyur cing gnas pa zhes bya ba'i don to/ /chos zhes bya ba ni bstan pa'i chos so/ /ci 'dra ba zhes bya ba ni nye bar zhi bar byed pa zhes bya ba smos pa yin te/ phung po lhag ma dang bcas pa'i mya ngan las 'das pa thob par byed pa'o/ /yongs su mya ngan? las 'das par byed pa ni phung po lhag ma med pa'i mya ngan las 'das pa thob par byed pa'i phyir ro/ /rdzogs pa'i byang chub tu 'gro bar byed pa zhes bya ba ni yang dag par rdzogs pa'i ye shes thob par byed pa'i 'phags pa'i lam thob par byed pa yin pa'i phyir ro/ /bde bar gshegs pas gsungs pa na sangs rgyas kyi bstan pa'o/ /de lta bas na zhes bya ba ni rgyu de kho na nyid kyi phyir de'i ched du bslabs par bya'o zhes bya bar rjes su sbyar bar bya'o/ /rang gi don gyi rjes su bltos la zhes bya ba la bdag gi don 'di ni nam zhig bdag rab tu 'byung bar 'gyur zhes bya ba la sogs pa gang brjod par byed pa'o/ /gdon mi za bar 'gyur/ zhes bya ba ni 'bras bu med pa ma yin pa ste/ ji ltar khas blangs pa bzhin du rjes su sgrub pa'i phyir ro/ /'bras bu dang bcas pa zhes bya ba ni rgyun du zhugs pa'i 'bras bu la sogs pa thob pa'i phyir ro/ /bde bar 'byung ba zhes bya ba ni gzugs na spyod pa'i bsam gtan gyi 'bras bu thob pa'i phyir ro/ /bde ba'i rnam par smin pa zhes bya ba ni 'dod pa na spyod pa'i rnam par smin pa'i bde ba thob pa'i phyir ro/ /ji ltar na gzhan gyi don du 'gyur ba yin zhe na/ gang dag gi zhes bya ba la sogs pa smos pa yin te/ gtong ba po dang sbyin bdag dag gi'o/ /kun tu longs spyod par bya ba ni nye bar longs spyod par bya ba'o/ /gang yongs su longs spyod par bya ba dag gang yin zhe na/ chos gos zhes bya ba la sogs pa smos pa yin no/ /de la mchod pa byas na zhes bya ba mchod pa'i rnam pa 'am/ gtong ba'i chos kyis so/ /tsho ba phun sum tshogs pa 'dzin pa'i phyir 'bras bu chen por 'gyur pa'o/ /nor la sogs pa yo byad phun sum tshogs pa 'byin pa'i phyir phan yon chen po'o/ /nad? pa phun sum tshogs pa 'byin pa'i phyir snang ba chen po'o/ /sdug pa dang phrad pa phun sum tshogs pa 'byin pa'i phyir rgya chen po'o/ /de ltar dga' bo khyod kyi slobs shig ces bya ba ni shes nas sgrub par bya'o/ /thog mar chags pa ni dga' ba'o/ /rgyun gyis chags pa ni mngon par dga' ba'o/ /mya ngan ni nang gi gdung ba'o/ /smre sngags 'don pa ni ngag gi brjod pa'o/ /sdug bsngal ni lus kyi'o/ /yid mi bde ba ni yid kyi sdug bsngal ba'o/ /'khrug pa ni rnam pa bcad pa la sogs pa las skyes pa'i lus can gyi gdung ba'o/ /skad cig mas 'jig pa'i sgo nas yongs su 'gyur ba'o/ /rgyun chad pa'i sgo nas rnam pa gzhan du 'gyur ba'i phyir bdag gi'o/ /zhes khas len pa zhes bya ba ni bdag gi nyid du 'dzin par 'gyur ba'o/ /rnam pa gang gi zhe na/ de'i ni nga'i zhes bya ba smos pa yin te/ 'di ni gzugs la sogs pa'i dngos po yin la/ nga'i zhes bya ban bdag gis stan par byed pa'o/ /de ltar na bdag gang yin zhe na/ de'i phyir 'di ni bdag go /zhes smos pa yin te/ 'di ni bdag yin la/ bdag ces bya ba de ni bdag nyid ston par byed pa'o/ /'di ni nga'i bdag go zhes bya ba ni gzugs la sogs pa chos gzhan la bdag nyid du 'dzin par byed pa ste/ 'di yang bdag ston par byed pa'o/ /yang dag pa'i shes rab kyis zhes bya ba ni zag pa med pa'i shes rab kyis so// thos pa dang ldan pa zhes bya ba ni lung dang ldan pa'o/ /'phags pa'i nyan thos zhes bya ba ni khong du chud pa dang ldan pa'o/ /skyo ba zhes bya ba ni rgyab kyis phyogs par 'gyur ba'o/ /nyon mongs par gyur pa spyad pa'i phyir mi chags pa'o/ /bral bar gyur pa bskyed pa'i phyir rnam par grol ba'o/ /ye shes ni zad pa dang mi skye ba'i ye shes so/ /mthong ba ni mi slob pa'i yang dag pa'i lta ba'o/ /bdag gi skye ba zad do zhes bya ba 'dis ni srid par skye ba zad pa bstan to/ /tshangs par spyod pa spyad do zhes bya ba ni rgyud la 'jog pa ni spyad pa ste/ gang gi tshe nyon mongs pa yang 'byung bar 'gyur pa spangs pa de'i tshe tshangs pa ste/ lam gyi ming can rgyud la gnas par 'gyur ba'o/ /de'i phyir 'dis ni nyon mongs pa rnams yang mi 'byung bar spangs par bstan pa yin no/ /bya ba byas pa zhes bya ba ni nyon mongs pa zad pa dang skye ba spangs pa ni bya ba yin la de byas pa'o/ /'di las srid pa gzhan med do zhes bya ba 'di ni gang gis srid par skye bar 'gyur ba'i las kyi srid pa de ni bdag gis mi shes so zhes las kyi srid pa bkag pa yin no// chos kyi rnam grangs zhes bya ba ni don gcig la brjod par byed pa'i sgra phan tshun bltos pa du ma ni rnam grangs zhes bya ste/ gcig la ni go rim bzhin du du ma'i sgo nas brjod par byed pa'i phyir ro/ /rdul med pa ni gsal por snang ba nyid kyi phyir ro/ /dri ma dang bral ba ni zag pa med pa nyid kyi phyir ro/ /chos rnams te 'phags pa'i bden pa bzhi po dag la'o/ /chos kyi mig gis zhes bya ba ni zag pa med pa'i shes rab kyi mig gis so/ /nye bar len pa med cing zhes bya ba 'dis ni lhag ma med par spangs pa bstan to/ gzhan yang 'di skad bka' stsal to/ /zhes bya ba ni mdor gsungs pa'i don dang rjes su mthun pa'i don tshigs su bcad par sbyar ba'i sgo nas bka' stsal ba'o/ /phung po ni nyon mongs pa'i phung po la sogs pa'o/ /dag pa ni zag pa med pa'o/ /rnal 'byor ni sems mnyam par bzhag pa'o/ /skye ba ni rab tu 'byung bar 'gyur ba'o/ /'jig pa ni snyoms par 'gyur ba'o/ /dag pa rnyed par gyur pa zhes bya ba ni phung po lhag ma dang bcas pa'i mya ngan las 'das pa'i ming can gyi dag pa gang gi tshe thob par gyur pa'o/ /yongs su spongs shig ces bya ba ni skye bo sdug pa dang 'grogs pa dang rnyed pa la sogs pa'o/ /tshogs ni mtshams so/ /lcugs ma las byas pa'i phyi rol dang sas zhal zhal byas pa'i rim pa gcig dang/ gnyis rtseg gam gsum rtseg can 'bras la sogs pa gzhug pa'i gnas ni skon pa'o/ /mya ngan las 'das pa thob pa'i ched kyi bya ba phyir de dag thams cad la shin tu mthar thug pa gyur pa yin pa'i phyir shin tu mthar thug pa'i mya ngan las 'das pa'o/ /yon tan ma rnyed pa thob pa ni grub pa yin la/ rnyed pa yongs su skyong bar byed pa ni bde ba ste/ 'khor ba ji srid du ma rnyed pa'i mya ngan las 'das pa rnyed nas rnyed pa yang mi 'dor ba'i phyir khyad par du 'phags pa ste/ brub? pa dang bde ba gcig pa'o/ spas shing bsrungs pa'i sgo gang yin pa de ni sgo spas pa yin la/ dbang po dag gi sgo spas pa ni dbang po'i sgo spas pa ste/ mig la sogs pa'i dbang po'i sgo nas kha na ma tho ba cung zad tsam yang mi byed pa gang yin pa de ni 'dir dbang po'i sgo spas pa yin no/ /nyon mongs pa'i 'ching ba rnam par grol ba'i dga' ba gang yin pa dang/ zag pa med pa'i bde ba gang yin pa de so sor myong bar byed pa'i ngang tshul can de ni rnam par grol ba'i dga' ba dang bde ba so sor myong ba'o/ /ldong ros zhes bya ba ni 'dir gur gum kyi ming gi rnam grangs yin pa 'am/ dri bzang po'i rdzas sna tshogs sbyar ba yin gyi/ ldong ros ni ma yin te/ dri yid du 'ong ba ma yin pa nyid kyi phyir ro/ /sdong bu ni 'bras bu'i rnam pa'o/ /bsam gtan zhes bya ba la sogs pa la/ bsam gtan ni dang po la sogs pa bzhi'o/ /rnam par thar pa brgyad de/ gzugs can gzugs rnams la lta ba zhes bya ba ni rnam par thar pa dang po'o/ /nang gzhan gzugs ma yin par 'du shes pas phyi rol gyi gzugs la lta ba zhes bya ba ni rnam pa thar pa gnyis pa'o/ /sdug pa'i rnam par thar pa lus kyi mngon sum du byas te rdzogs par byas nas gnas pa zhes bya ba ni gsum pa'o/ /gzugs med pa bzhi dang 'du shes dang tshor ba 'gog pa ste brgyad do// ting nge 'dzin ni gsum ste/ rtog pa dang bcas shing dpyod pa dang bcas pa'i ting nge 'dzin dang/ rtog pa med la dpyod pa tsam gyi ting nge 'dzin dang/ rtog pa med cing dpyod pa'ang med pa'i ting nge 'dzin to/ /snyom par 'jug pa ni mthar gyis gnas pa'i snyoms par 'jug pa dgu ste/ bsam gtan dang po nas 'gog pa'i snyoms par 'jug pa'i bar du'o/ /dri'i lag ris ni dpung rgyan gyi rnam pa lta bus bris pa'o/ /'jam rtsi byos shig ces bya ba ni mas btang ba dang/ 'jam rtsi gyis shig pa'o// sgo steng gi khang pa las khang pa gcig pa 'am gnyis rtseg gcig gis shin tu mthe ba rlung 'jug pa dang 'byung ba dang ldan pa'i khang pa la sgo kha zhes bya'o/ /slob dpon tshul khrims bskyangs kyis nye bar sbyar ba las phran tshegs kyi tshig gi rnam par bshad pa ste sgo gnyis pa'o/ //bam po bdun pa/ /tshal bu'i snas non par ma gyur pa'i phyogs ni glegs bu yin te/ glegs bu glegs bu dang/ glegs bu phyed pa glegs bu phyed pa dang mnyam por bya'o/ /mthe bong dang nye bar gyur pa mdzub mo gang yin pa de'i dbus? ma'i tshigs gang yin pa de'i tshigs kyis logs gang yin pa de'i steng du mthe bo'i tshigs bzhag par gyur pa la mthor grub pa gang yin pa de la 'dir bya rog gi mtho nyid du brjod pa yin la/ bya rog gi rkang pa dang 'dra ba'i sgo nas 'di la yang sor bzhi kho na'i tshad du rnam pa gzhan gyi sgo nas bsgrubs pa yin no/ /rtse mo rnon po zhes bya ba ni bsegs khar bcad pas rnon par gyur pa'o/ /dri ma can du gyur pa zhes bya ba ni rdul gyis khyab par gyur pa'o/ /rnyings pa na dus mang po can no/ /sabs pa ni shin tu dengs par gyur pa'o/ /gsor mi rung ba ni btsoms pa sogs pa'i sgo nas bcos par mi nus pa'i phyir ro/ /tshal bu tshal bu zhes bya ba ni dum bu dum bur nye srog shing la gdags su rung ba'o/ /spu can ni gos gcig pu sdus khebs pa ste bar btang ngo/ /ral ba brtsem pa ni gos kyi dbus zad par gyur pa mdza' gnyis dkyil nyid du byed pa'o/ /rtun ni rdzas btag tu rung pa'i rdol khyad par ro/ /rtsa ba khang pa las phyi rol tu rim pa gnyis pa 'am rim pa gsum pa'i brang khang gi tshogs la khang pa 'khor dang bcas pa zhes bya'o/ /rgyab rings zhes bya ba ni 'dir sprul gyi don dang rjes su mthun pa'i ming ngo/ /me mar gyi bya ba gang gis grub par 'gyur ba de ni me mar gyi 'od khang ngo/ /snga khang ni phyogs gcig ma gtogs par lag ma yongs su bskor ba'o/ /stan dang mnyam pa zhes bya ba ni khri'u la sogs bstan gyi steng gi cha mnyam par ro/ /mtshan ma thob zhig ces bya ba ni de'i rigs can kho na'i tshon gyis chos gos la bris shing mtshan mar byas pa 'am ril chung zhes bya ba ni ril ba chung ngu chus yongs su bkang ba rke ba la skud pas btags brnab la sbyangs pa na/ gang gi tshe gnyid log par gyur pa rab tu g.yo bar gyur pa de'i tshe yongs su bo ba gdong la babs pa des gnyid sad par 'gyur ro/ /byang bu'i rnam pa can du shing bzhogs pa mtho gang gi tshad dang byas pa de yang rnal 'byor gyi dus su skud pas rnab la sbyangs pa'o/ /mgo bo la bzhag na rab tu g.yo ba'i tshe des kyang yan lag gi tshogs la phogs pa las gnyid sangs pa'i thabs yin no/ /pho long gi skud pa'i tshogs zlum por byas pa des gnyid bsal ba'i phan tshun 'phen par byed pa'o/ /brtson pa ni sems kyi 'bad rtsol lo/ /sgrub pa ni lus kyi sgo nas bya ba byed pa'o/ /rtsol po bas zhes bya ba ni bya ba thams cad mthar phyir par byed pas so/ /spyod lam ni skyil mo krung gis 'dug pa la sogs pa'o/ /spyod pa ni spyod yul du 'gro ba la sogs pa'o/ /gang la nan tan du byed pa zhe na/ bslab pa rnams la gus par byed pa nyid do/ /grong gi skye bo mang po rnams kyis zhes bya ba ni grong gi dbang byed rnams kyis so/ /gtam ni ngag gi rnam par gyur pa'o/ /mtshan ma zhes bya ba ni lus rnam par 'gyur ba'i chos can no/ /kun dga' ra ba'i nang na zhes bya ba la nang gi sgra 'di ni 'dir dbus brjod par phyed pa yin no/ /spongs shig ces bya ba ni rang gi dor zhing bsal ba 'am mdag par byed pa'o/ /rnam pa zhes bya ba la sogs rnam pa ni 'dir rang gi ngo bo yin par rig par bya ba yin la/ rtags ni rang gi ngo bo la mi 'khrul ba'i mtshon par byed pa yin zhing/ mtshan ma ni rang gi ngo bo khong du chud par byed pa'i rgyu yin par bstan to/ /yul ma yin pa ni khong du chud par mi 'gyur ba'o/ /skyil mo krung bcas pa ni skyil mo krung gis 'dug nas/ /lus drang po zhes bya ba ni drang por byas nas so/ /ba? spang ba ni lus kyi rked pa'i phyogs nas brtsams nas lus drang por byed pa'o/ /drang ba mngon du zhes bya ba ni bzhin la so sor gtad pas na dran pa mngon du'o/ /rnal 'byor zhes bya ba ni mig drang por blta bas zhugs pa ni bsam gtan byed pa yin no zhes 'jig rten la rab tu grags pa yod de/ mig sna'i rtsem la gtad pa na dran pa yang bsgom par bya ba don de kho na nyid la bzhag pa nyid yin pa de'i phyir 'dis ni brtson 'grus brtsams pa'i rgyu mtshan lus kyi gnas skabs kyi bye brag la ting nge 'dzin gyi yan lag yin no zhes bstan pa yin no/ /kha'i dri ma dag par bya ba'i phyir so shing dor bar bya'o zhes gsungs pa la/ dor ba yang kha'i dri ma sbyangs nas shing gi dum bu yongs su dor bar bya'o/ /mig la phan pa ni mig la phan 'dogs par byed pa'o/ /skye bo mang po 'dus pa'i gnas ni 'dir mi dben pa'o/ /'khams par gyur ba ni rnam par zhum pa ste/ ji ltar bya ba la rmongs par gyur ces bya ba'i tha tshig go / bsod nams brgya phrag du mas bskyed pa zhes bya ba ni mang pos so/ /bsod nams brgya'i tshad kyang gang zhe na/ smras pa/ 'dir kha cig sems brgya la bsod nams brgya zhes bya bar 'thob ste/ sngon du song ba can gyi sems lnga bcu mngon sum du byed cing 'phen par byed la/ de'i mjug gi sgo nas kyang yongs su rdzogs par byed pa lnga bcu mngon sum du byed par 'gyur ro/ /de dag kyang gang zhe na/ las kyi lam bcu la rten pa'i phyir las kyi lam re re la yang lngar 'gyur te/ 'di ltar srog gcod pa las ldog pa'i sems dang/ de la 'god par byed pa'i sems dang/ de'i bsngags pa brjod pa'i sems dang/ de la rjes su yi rang ba'i sems dang/ de'i 'bras bu yongs su bsngo bar byed pa'i sems te sangs rgyas nyid du yongs su bsngo bar byed pa'i phyir ro/ /de bzhin du log par lta ba las slar zlog pa'i bar du brjod par bya ste/ lan gnyis mngon tu byas pa las sems brgyar 'gyur ro zhes bya ba dang/ gzhan dag ni sangs rgyas bcom ldan 'das kyi srog gcod pa las ldog pa ni rgyun rnam pa lnga dang ldan pa nyid yin te/ dngos gzhi'i las kyi lam yongs su dag pa dang/ dbang du byed pa yongs su dag pa dang/ rnam par rtog pa bzhin du bsod pa med pa dang/ dran pas bsam pa nyid du ma yin pa dang/ mya ngan las 'das pa la yongs su bsngo ba nyid ces bya ba de la dmigs par byed pa'i sems lngar 'gyur la/ de bzhin du las kyi lam bcu la dmigs pa'i sems lnga bcur 'gyur te/ de lan gnyis mngon sum du byas pa las sems brgyar 'gyur ro zhes bya ba dang/ kha cig ni sangs rgyas kyi sku ni rnam pa gnyis te/ bskrun pa'i sku dang chos kyi sku'o/ /de la skrun pa'i sku ni skyes bu chen po'i mtshan sum cu rtsa gnyis yin la/ chos kyi sku yang sangs rgyas kyi chos ma 'dres pa bco brgyad yin no/ /de la sangs rgyas la dmigs pa'i yid la byed pa mngon sum du byas pa las sems lnga bcur 'gyur la bdag kyang 'di lta bur gyur cig ces bya ba gzhan lnga bcu ste/ de ltar na bsod nams brgyar 'gyur ro zhes smra'o/ /gzhan dag ni 'dod pa'i khams gnas ris nyi shu dang/ gzugs khams bcu drug dang/ gzugs med pa'i khams bzhi dang/ grang ba'i dmyal ba brgyad ces bya ba zhi bcu rtsa brgyad po ste/ khams gsum po ma lus pa de la dmigs pa'i byang chub sems dpa' i snying rje'i thugs skye ba de dang yang dag par ldan pa'i sems bzhi bcu rtsa brgyad po dang/ de'i rjes thogs su sangs rgyas la dmigs pa'i sems skye bar 'gyur te/ ji ltar 'dis khams gsum po 'di las sems can thar par mdzad do zhes bya ba'i sems 'di dang/ de'i 'og tu sems gnyis pa skye bar 'gyur te/ bdag gis kyang de bzhin du thar par bgyi'o/ /zhes bdag la dmigs pa'i phyir de ltar sems lnga bcur 'gyur zhing/ de yang lan gnyis mngon sum du byas pa las sems brgyar 'gyur ba de ltar na bsod nams brgya zhes smra'o/ /ao ra Ti ka ni lus sogs pa'i bya ba ma dad pa skyed par byed pa'o/ /chol zangs ni 'dir rkang khrus kyi ming ngo/ /gtsug lag khang na gnyug mar gnas pa ni gnod sbyin la sogs pa'o/ /'khru ba ni a ru ra la sogs pa'i rdzas sngon du song ba can gyi 'chug pa'o/ /shing zhes bya ba ni lcug ma'i tshogs dang ldan pa'o/ /gci phye ni gcig skams pa'i phye ma'o/ /dka' bas bslang ba nyid yin pa'i phyir gnas ngan te sdug bsngal gyi rgyu zhes bya ba'i tha tshig go /de khas len pa'i phyir gnas ngan len yin la/ gnas ngan len kun tu spyod pa ste/ lus dang ngag gi spyod pa gang la yod pa de ni gnas ngan len kun tu spyod pa'o/ /don med par byas pa ni dbang du gyur pa'o/ /dad pa yod pa ma yin pa gang yin pa de ni dad pa med par gyur pa'o/ /smad pa'i dngos po la 'chol ba'i phyir le lo can no/ /tshig ngan ni tshig brnag par mi nus pa'o/ /ma gus pa ni gus pad mi byed pa'o/ /sdig pa smad pa'i grogs su gyur pa gang yin pa de ni sdig pa'i grogs por gyur pa'o/ /dben du gtogs pa zhes bya ba ni/ dge 'dun gyi dbyen pa dang 'brel ba'o/ /gzu bo skos shig ces bya ba ni drang por byed pa bsko ba'o/ /yo byad drug po zhes bya ba ni chos gos gsum dang gding ba dang/ lhung bzed dang chu tshags so/ /so phag gi phye ma ni pha gu so btang ba'i phye ma shin tu zhib pa ma yin pa'o/ /kun tu chags par bya ba ni g.yo ba brtan por bya ba'i phyir shing la sogs pas kun nas bcing ba'i thabs su gyur pa'o/ /ka ba'i bar du spang leb kyis chod cig ces bya ba ni 'dir shing leb la spang leb kyi sgras bstan pa yin no/ /bsod nams kyi thabs ni bsod nams kyi 'bab stegs so/ /khrel bar gyur pa'i ngang tshul gyis zhes bya ba ni bcom ldan 'das kyis sa gzhi sbyangs zhing byi dor byas pa'i sdig pa bsngags par gyur pas so/ /tshigs su bcad pa 'don pas zhes bya ba ni sangs rgyas kyis gsungs pa'i tshigs su bcad pa bklag pas so/ /mi shes pa rnam pa thams cad du spangs pa'i phyir rnam pa thams cad mkhyen pa'o/ /yul thams cad mkhyen pa de'i phyir shes bya ste/ shes par bya ba'i dngos po dag la dbang thob pa'o/ rnam pa thams cad khong du chud pa'i phyir bdag po thob par gyur pa'o/ /dad pa ni rten cing 'brel par 'byung ba la sogs pa las dang 'bras bu'i 'brel pa dang/ gzhan yang bskyed par bya ba dang skyed par byed pa'i dngos pos skyes pa yid ches pa'o/ /sdig pa las rnam par ldog pa'i phyir bzang po'o/ /bsam pa dge ba ni dge ba'i chos la 'jug pa'i sems te/ sems can thams cad kyi don du sbyin pa gtong bar byed pa gang yin pa de ni thams cad yongs su gtong ba zhes bya ste/ bdag nyid kyi bde ba la bltos pa med pa'i phyir ro/ /'dod pa ni dad pa'o/ /gser phur dang zhes bya ba ni 'dir gser phur gyi sgras gser to lo 'bum ston to/ /rgyal po zhes bya ba ni grong khyer gyi bdag po'i rgyal po la 'bod pa'o/ /'dod pa'i phyir zhes bya ba ni ji ltar na thos par 'gyur ba kun tu gdungs par gyur ba zhes bya ba ni ma rnyed pas gdungs pa nyams su myong bar gyur ba'o/ /gsang ba pa zhes bya ba ni gnod sbyin gyi ming gi rnam grangs yin la/ gzugs bsgyur nas zhes bya ba ni mig la sogs pa skyed par byed par bsgyur ba dang ldan pa'o/ /chos spyod ces bya ba ni gyis shig pa'o/ /chos la rnam pa mang ba nyid kyi phyir mngon par 'dod pas bya ba legs par spyad pa smros pa yin te/ srog gcod pa la sogs pa ldog pa'i ngo bo dang/ sbyin pa la sogs pa 'jug pa'i ngo bo zhes bya ba'i tha tshig go / nyes par bya ba spyod cig ces bya ba ni nyes par spyod pa'i phyir tshul can gyi chos lhag par spyad par mi bya'o/ /ci'i phyir zhe na/ chos spyod bde bar gnas pa ni/ zhes bya ba smos te/ gang gi phyir legs par spyad pa'i rab bzhin can gyi chos spyod pa gang yin pa de ni 'dir grags pa la sogs pa'i sgo nas bang bar gnas pa dang/ pha rol tu mngon par 'dod pa'i 'bras bu thob par gyur pa de'i phyir 'jig rten 'di dang pha rol tu zhes smos pa yin no/ /me mur dong ni sang ldeng gi me mngag gis yongs su gang bar gyur pa'i me ma mur gyi dong ngo/ /cher 'jigs byed ces bya ba ni cher skrag par byed pa'o/ /nyi ma 'char ga'i dmar po bzhin zhes bya ba ni nyi ma'i dkyil 'khor shar ma thag pa'i 'od dang 'dra ba 'am/ me dang 'dra bar ro/ /chos kyi phyir te chos kyi rgyu mtshan gyis bor ba'o/ /nges pa yid kyis zhes bya ba ni rang bzhin gyis yin gyi/ bcos ma'i sems kyis ni ma yin no/ /'jigs ba med ces bya ba ni skrag pa med pa'o/ /bdag chos nyan pa'i rgyu ma chen gyis lus bor ba gang yin ba de ni bdag gi bsod nams kyi me ma mud gyi dong 'di dge bar 'gyur ba ni me'i gdung ba dang longs su bral ba'o/ tsan dan 'dam ste tsan dan gyi 'di gu des bsgos ba dang/ pad mas chu khebs par gyur pa ni pad ma can no/ /bkur sti bya'o zhes bya ba la sogs pa la bsnyen bkur ni sems kyis chen po nyid du 'dzin pa'o/ /sla mar bya ba ni ston pa nyid du 'dzin pa'o/ /rim gror bya ba ni chos mang po dag las chen por 'dzin pa'o/ /mchod pa ni phyag la sogs pas so/ /mi rigs pa'i gtam ni yang dag pa ma yin pa'i gtam te/ bud med dang/ rkun po dang/ rgyal po ma sogs pa'i gtam dag go /dge ba'i rnam par rtog pa yid la byed pa ni 'phags pa'i mi smra bar gyur pa'o/ /mi brtan pa ni g.yo ba'o/ /bza' ba dang btung ba'i cho ga la zhes bya ba ni bza' ba dang btung ba'i sgrub pa la'o/ /gnas mal gyi cho ga la zhes bya ba ni gnas mal bsham pa'i bya ba la'o// kha zas la chags pa'i rang bzhin can ni skam chags can no/ /rgyags nas zhes bya ba ni gnod sems kyis so/ /srog la 'bab pa ni 'chi ba dang nye bar gyur pa'o/ /gzims pa zhes bya ba ni gnyid log par gyur pa'o/ /gcig ni/ zhes bya ba la sogs pa la dgra bcom pa la skur pa 'debs pa'i lta ba can gang yin pa de ni rtag par lta ba yin te/ dgra bcom pa thob par byed pa'i lam la skur ba 'debs pa las 'jig rten 'di rtag pa yin no zhes rtag par lta ba dang/ 'jig rten pha rol la skur pa 'debs pa gang len? pa de ni 'chi ba las pha rol cung zhig kyang yod pa ma yin no/ /zhes mthong ba'i phyir chad par lta ba'o/ /rgya che ba zhes bya ba la sogs pa la sems can rgya che bas bsten pa nyid kyi phyir rgya che ba yin la/ 'jigs pa med pa nyid kyi phyir khyu mchog yin pa/ khyu mchog dang 'dra ba yin pas na khyu mchog lta bu'o/ /cha gcig gzung ste/ zhes bya ba mi gdon mi za bar 'gyur ba nyid du khas blangs nas so/ /tshig gzhan thams cad de zil gyis gnon pa'i phyir seng ge'i sgra'o/ /pha ma dang 'dra bar zhes bya ba ni pha ma dang mtshungs par ro/ /yongs su skyo ba zhes bya ba ni du ba pa'i gdung ba nyams su mad bar 'gyur ba'o/ /dge ba 'chab pa ni yon tan sbed pa'o/ /nyes pa spro ga pa zhes bya ba ni nyes pa rab tu gsal bar byed pa'o/ /gnas gang la snyoms par 'jug pa zhes bya ba la gnas gang gi phyir snyoms par zhugs pa ni gnas gang la snyoms par bzhugs pa'o/ /'jig rten las 'das pa zhes bya ba dgra bcom pa thob par byed pa'i lam dang bcam? pa nyid la'o/ /bsil khang ni khang pa nyis rtseg gam sum rtseg can steng khang bzangs dang ldan pa'o/ /tshwa khug ni lan tsha 'jogs par byed pa'i snod do/ /ba gca'i nang du bskol la zhes bya ba ni gci dang ba'i chu'i nang du bskol bar byas te'o/ /sman phor zhes bya ba la sman sbyin pa'i phyir 'khar ba las byas pa'i stod? nad pas bdag gir byas pa la nyes pa med pa'o/ /dri dag gis byugs pa ni 'dir bsgos pa yin no/ /seng ras zhes bya ba ni gos seng ba'o/ /snabs ni sna nas 'dzag pa'o/ /mchil ma ni kha nas 'dzag pa'o/ /glang po che'i rmig mthil lta bu zhes bya ba ni 'og gi cha gang po tsha'i rmig mthil lta bu'o/ /zer mas phog nas zhes bya ba ni gos la sogs pa la mchil ma'i dum bu dag babs par gyur pa'o/ /rtse ba ni bud med rnams dang rngo 'phen la sogs pas bsgrub pa'o/ /dga' ba ni mkhyung pa dang po byed pa la sogs pas so/ /mgu ba ni 'khrig pa'i sgo nas so/ /rgyan ni lus mdzes pa sgrub pa na byed pa'o/ /khra bor gyur te zhes bya ba ni bkra ba dang nye bar gyur pa'o/ /'jug pa ni khrus kyi don du'o/ /lcags kyi gzhong rings ni lcags las byas pa'i gzhong pa'o/ /me phyung la zhes bya ba ni bskyed nas so/ /dus ston ni dus tshigs kyi'o/ /sdigs par byed pa ni gshe ba dang bcas pa'i tshig gis zil gyis gnon par byed pa'o/ /mdza' zegs pa zhes bya ba ni mdza' i phyogs nas zad par gyur pa'o/ /zhal lta byos la dkru bar bya'o zhes bya ba ni chos gos nyams pa yongs su spang bar bya ba'i phyir rjes su gnad bar bya'o/ /brdabs te zhes bya ba ni phan tshun brdeg spyad kyis brdabs pa'o/ /rgyun ni mchi la lham gyi sgro gu'o/ dul bar mi byed pa zhes bya ba ni lugs ma yin pa dang/ tshul ma yin pa byed pa'o/ /rnga ma'i srad bu ni rta'i gdub mal sogs pa'i rnga ma la sogs pa las byas pa'o/ /sprul pa ni sprul pa'i cha lugs so/ /gnas ni tshang ngo/ /kha dog shin tu bzang bas zhes bya ba ni mi'i kha dog las shin tu 'das pa ste/ lha'i gzugs su sprul pa'i phyir ro/ /song ba ni rab tu zhugs pa'o/ /gang gis dran par bgyi bar gsol ba ste/ bdag gis byas pa ma yin pa 'di mi bya'o zhes dran pa'i phyir ro/ /mi mdzes shing zhes bya ba bzang po ma yin pa'o// mi rigs pa ni dge slong gi tshul ma yin pa'o/ /shur bu zhes bya ba la sogs pa la skud pa mang po las lhas pa srab pa zheng che bar gyur pa ni shur bu'o/ /lcags phong ni zur bzhi pa'i rnam pa'o/ /rgya che ni steng 'og nas skud pa mang lhas pa nyid do/ /shur bu phre'u ni skud pa phra mo dang ltos pa rim pa? lnga 'am drug tu byas pas dra ba ltar bar bar du 'brel ba can no/ /nags ni thibs po'i phyogs so/ /rdo'i yol go ni rdo las bsgrubs pa'i bza' ba'i snod do/ /'gyod pa skyes nas mo blangs pa na zhes bya ba la/ gang gas? de dag 'dir 'gyod pa skyes par gyur pa yin zhe na/ 'dir smas pa/ dge slong dag la blo 'di skye ste/ 'di ltar bdag cag gis sngar rdo'i snod de dag la zos shing kho bo cag la rang gi lag pas kyang ma sbyangs pa nyi ma phyed las bzhan du khyim pas bkrus nas yang 'ga' zhig tu des zang zing med par ma byas pa srid pa de'i phyir de la 'bags pa'i zang zing nye bar gyur pa'i 'jigs pas de dag 'gyod pa skyes par gyur pa yin no/ /khyim pa ni yongs su dag pa'o/ /zhes bya ba la khyim pa'i snod de dag la 'dir spags pa'i/ longs spyod pa'i kha na ma tho ba 'byung ba med pa de'i phyir ro/ /'o ma can zhes bya ba la sogs pa la/ phib? pa la sogs pa 'o ma can gyi shing gi shun ba chos nyid du nye bar mkho ba yin pa de'i phyir ji srid skams par ma gyur pa de srid du tshon phyin par nus pa ma yin no/ /rams? pa ni nyam spar gyur pa'o/ /nyi grib phyed pa ni nyi ma gos seng bas bar du bcad pa'o/ /grwa nas skud pas thogs la zhes bya ba ni mdza' me'i phyogs la skud pas btags shing skud pa de shing bu la skyon te gzar thag la bzhag par bya'o/ /nyi ma gzhan la chu blugs par bya'o zhes bya ba de ni tshos 'dzag par bya ba'i phyir ro/ /sku zhing byug par bya'o zhes bya ba la phyogs gcig zhal zhal byas pa ni bskus pa'o/ /phyogs kun zhal zhal byas pa ni byugs pa'o/ /legs so legs so zhes bya ba de ni rigs so rigs so zhes bzlog pa'i tshig gnyis yin no/ /bram ze dang khyim bdag gis khyim gyi bza' ba stobs par byed pas na stobs pa ste/ de gang la long pa de ni bsod snyoms pa'o/ /rdzas las byung ba'i bsod nams bya ba'i gzhi bdun zhes bya ba la/ rdzas ni skyed mos tshal dang gtsug lag khang la sogs pa'i don gyi nor yin la/ rdzas las byung ba ni rgyu mtshan gyi 'dun pa'i dbang du byas nas rdzas las byung ba'o/ /dge ba nyid yin pa'i phyir bsod nams yin la/ lus dang ngag gis las kyi rang bzhin nyid yin pa'i phyir bya ba/ yin zhing sems kyi rten gyi dngos po yin pa'i phyir gzhi yin no/ /bdun po gang zhe na/ kun dga' rwa ba 'bul ba dang/ 'dir gtsug lag khang bstabs pa dang/ de nyid du mal stan gyi phyir byin pa dang/ stan gyi rkyen ris bstabs pa dang/ glo bur du 'ongs/ pa dang/ 'gro bar chos pa la byin pa dang/ nad pa dang g.yog la byin pa dang/ rlung langs pa dang/ lhags pa byung ba la sogs pa'i phyir byin pa'o/ /gtsug lag khang gzhan gyi thang bzhin du zhes bya ba ni gang gtsug lag khang gzhan gyi dge slong dag gi thang bzhin du'o/ /sba'i lcug ma dang ko rgyun dang lhas pa ni mkhregs pa nyid kyi phyir bcad par bya'o zhes gsungs pa yin no/ /nad pa la yang pags pa'i stan nyes pa med pa yin no/ /yo ma ltab pa na lo ma'i tshogs phan tshun brtsegs pa'o/ /'bru mar che ba ni yungs dkar ro/ /spags pa ni zing zing la sogs pas nye bar gos pa ste dge slong spags pa la phyag mi bya/ spags pas kyang phyag mi bya/ spags pas phyag bdag gir mi bya/ gtsug tor zhes bya ba ni skra'i tshogs bcings pa'i gtsug tor ro/ /yan lag lnga bkru bar bya'o zhes bya ba ni chu mad par gyur pa dang nad pa cho ga 'di la yang dag par brtan par bya ba nyid yin gyi/ 'on kyang 'dir 'dod pas 'jug pas ni ma yin no/ /sngas su zhes bya ba sngas drung gi rtsig pa la khab bam phur pa btsugs de la gdags par bya'o/ /stan bzangs po zhes bya ba ni stan gru bzhi pa chen po gos gya nom pa dang bcas pa'o/ /shing zur bzhi pa rgyab phyogs su bsgreng ba dang ldan pa'i stan ni rgyab rten dang ces pa'i stan no/ /ngos khung ni lhung bzed bzhag pa'i phyir rtsig ngos la glo dkar gyi rnam pa can gyi bug pa gtod pa'o/ /skom bu kha sbyar ni lcug ma las byas pa lhung bzed bzhag pa'i gnas so/ /'bru mar snod kyi go sku'i bar du shing bcug nos dge tshul dag gi phrag pa la bskyon nas bsod snyoms la zhugs par gyur pa na'o/ /drug phul ni srad brgyad shong ba yin la/ bzhi pa ni drug phul phyed yin te/ drug phul shol ba'i phyir drug phul lo/ /'di gnyis gdon mi za bar mi gtad gis zhes bya ba ni bdag nges par 'di gnyis phyi bzhin 'breng bar bya'o zhes pa'o/ /'jibs par byed pa'i gzugs su sprul pa'i phyir skra gyen du brdzes pa dang thad kar brdzes pa'o/ /bag yod 'chi med gnas yin te/ zhes bya ba la sogs pa la/ bag yod pa ni dge ba'i chos sgom pa'o/ /'chi med gnas yin te/ zhes bya ba 'chi med de srog dang thal ba med pa gang yin pa da ni 'chi med de/ mya ngan las 'das pa zhes bya ba'i don to/ /de'i gnas ni go 'phang yin te/ gang gi phyir bag yod pa la gnas na/ mya ngan las 'das pa rjes su thob par 'gyur ba'i phyir ro/ /bag med pa ni zhes bya ba ni bag yod pa las bzlogs pa'i mtshan nyid can gyi chos yin no/ /'chi ba'i gnas zhes bya ba ni 'chi ba'i go 'phang yin no/ /gang gi phyir bag yod pa la gnas na 'khor bar yang dang yang du 'khor bar mi 'gyur ro/ /bag yod 'chi bar mi 'gyur te/ zhes bya ba ni 'phags pa sha ri'i bu dang maung+gal gyi bu chen po la sogs pa bag yod pa dag 'chi ba med pa'i go 'phang rjes su thob pa dag ni nam yang 'chi bar mi 'gyur la/ ser skya la sogs pa bag med pa dag ni rtag tu 'chi ba nyid du 'gyur te/ 'khor bar yang dang yang du 'khor ba'i phyir ro/ /gtum pa ni drag pa 'am rtsub par gyur ba'o// gnod sbyin gtum po ni lha'i phyogs su gtogs pa'o/ /gtum po mi ma yin pa sha za dang/ grul bum la sogs pa gtum po gnyug mar gnas pa ni des ba can du gnas pa 'byung po'i bye brag go /thog mar glags tshol ba ni glags ? pa'o/ /rgyun gyis ni skabs tshol ba'o/ /chos gos byas shing zin ba zhes bya ba ni chos gos brtsems pa dang kha bsgyur ba la byas pa dang zin pa zhes bya'o/ /glang po che'i sna lta bur gyur nas zhes bya ba ni glang po che'i sna bzhin du mi mdzes par gyur pa'o/ /khyim nas zhes bya ba ni grong tha dad pa'i gzhan rnams lhags pa'o/ /zo ba ni khron pa'i nang nas chu blabs pa'i thabs su gyur pa'o/ /nan gyis zhes bya ba ni stobs sam nan gyis rnam pas tha snyad du byed pa'i phyir ro/ /sen mo gcod pa ni sen mo gcod pa'i lag cha'o/ /smad tsher ni sna la sogs pa'i spu btogs pa'i thabs su gyur pa'o/ /rab tu gzhon pa'i rang bzhin can no/ /ngo bo nyid kyis yin gyi bcos mas ma yin no/ /zhes bya ba'i tha tshig go /dris yongs su bsgos pa'i 'jim pa ni dri dang ldan pa nad zhi bar byed pa can no/ /slob dpon tshul khrims bskyangs kyis nye bar sbyar ba/ phran tshegs kyi tshig gi rnam par bshad pa ste sgo gsum pa'o// //zla ba phyed phyed cing zhes bya ba ni phyed phyed du'o/ /mi nus pa ni nus pa med par gyur pa'o/ gso sbyong ma btang bar zhes bya ba ni gso sbyong gi dus ma bor bar ro/ /slob dpon la sogs pa brgyud pas gnas pa'i gnas rnying pa 'di ni slob dpon la sogs pa la brtags pa yin pa'i phyir dus rtag pa'i phyir te/ 'jig rten na dngos po rnyings par gyur pa la du ba chags pa zhes tha snyad du byed pa de'i phyir kho bo cag gi gnas khang rnying pa 'di yang zhes bya ba'i blo 'dis tha snyad du 'dogs pa ni dus rtag du ba'i phyir ro/ /rgyal byed kyi tshal du ci dgar 'gro zhing zhes bya ba ni rtsa ba'i dang ra med pa'i phyir dang/ yongs su bgrang bar bya ba dag so so tha dad par gnas pa de'i phyir de'i nang du skye bo'i tshogs 'gro bar byed pa'o/ /shing gi rib ma ni shing gi ra ba'o/ /phyogs gcig brdungs pa'i phyir bcags pa yin la/ phyogs bcu gnyis gnas bcags pa'i phyir brdungs pa 'am/ skyes bus bcags pa'i phyir brdungs pa'o/ /ba sos bdar ba zhes bya ba ni blang po che'i sos ji srid du gzugs bsnyan snang bar gyur pa de srid du bdar zhing bsgrubs pa'o/ /'tsher bar gyur pa zhes bya ba ni shin tu mdzes par ston pa lta bu'o/ /'di kha cig ni bcags shing brdungs pa'i chos gos yongs su longs spyod pa mi rung bar brjod la 'ga' zhig ni bcags pa ni rung la/ brdungs pa ni mi rung bar brjod cing 'ga' zhig ni bsos du phyis bsgrubs pa'i chos gos gang ba ni bkag pa yin par brjod do/ /gzhan dag ni brdungs pa dang/ bcags pa la dgag pa yod pa ma yin no zhes smra'o/ /ngo mtshar gsal por byed pa ston par byed pa'i tshig gsang du thos par phyed pa'i gnas gang yin pa de ni 'dun khang yin te/ skye bo mang po 'dus pa'i gnas nyid yin pa'i phyir ro/ /sbyin pa 'dis zhes bya ba la sogs pa la sems kyi rgyan ni gtong ba la goms pa yin te/ gang gi phyir des rgyan gyis brgyan pa'i bzhin dang 'dra bar sems mdzes par byed pa'o/ /yo byad ni phyir rol gyi rnam par 'tshe ba yongs su srung ba la nye bar mkho ba yin la/ 'dir sems kyi yo byad ni ser sna dang bral ba yin te/ gang gi phyir ser sna dang bral bas ni rnam par 'tshe ba byed pa mi dge ba mang po las sems srung bar byed pa'o/ /rnal 'byor ni zhi gnas lhag mthong stobs mtshungs pa de'i don du sbyin pa'i pha rol tu phyin pa drug gi nang du 'dus par gzung ste/ gang gi phyir pha rol tu phyin pa'i nang du 'dus pa'i sbyin pas zag pa med pa'i lam zhi gnas dang lhag mthong skyed par byed pa bsdus pa yin no/ /don gyi mchog ni mya ngan las 'das pa yin pa de'i phyir/ tshig bzhi po 'dis ni gtong ba la goms pa dang/ ser sna ldog pa dang/ 'phags pa'i lam thob pa dang/ mya ngan las 'das pa khong du chud pa ste/ sbyin pa'i 'bras bu bstan pa yin no/ /de'i rnam par smin pa'i 'bras bu gzhan kho na yod pa yin no/ /ma gus pa ni gus pa med pa nyid kyis so/ /sgrog rten ni kun dga' gling de la lhan thabs su btabs pa'o/ /mdud pa ni zlum por rtsegs pa 'dzin par byed pa'i thabs su gyur pa'o/ /yongs su rdzogs pa thob pa ni de'i bya ba yongs su rdzogs par gyur pa'o/ /gzhan gyi nor 'phrog pa'i ngang tshul can ni gzhan gyi nor la phrog pa yin no/ /gzhan gyi nor zhes bya ba la sogs pa la gzhan gyi nor 'phrog pa'i phyir skyes pa ni chags pa'o/ dus drug po dag las dus gzhan zhig du phyin pas na dus zad par gyur pa'o/ /gos zegs pa'i mdza' la sor gnyis kyi ras mas glan pa'i phyir cha ga btab pa'o/ /bstan por ring du brtsems pa 'am/ gnas gnas su gnas pa'i don du brtsems pas na zungs btab pa'o/ /tshul khrims la brten pa zhes bya ba ni 'jug par byed pa nyid kyi phyir ro/ /shes rab kyi yul chen po gang yin pa de ni 'dir shes rab chen po'o/ /spobs pa chen po ni lan thams cad sbyin par nus pa dang ldan pa'o/ /dge ba'i rtsa ba zhes bya ba ni 'dod chags med pa'i dge ba'i rtsa ba zhes bya ba la 'dod do/ /btong ba'i chos yongs su btong ba ni sbyin pa'i dngos po gtong ba yin te chos ni bsod nams yin pa gtong ba'ang de yin la chos kyang rgyu nyid yin pa'i phyir gtong ba'i chos de de'i yongs su gtong ba'i sgo nas so/ /bshan pa byed kyang zhes bya ba la lug gsod pa'i las ni bshan pa yin la byed pa ni sgrub pa'o/ /bsdu ba'i dngos po zhes bya ba la bsdu ba'i phyir dngos po ste/ rten ni bsdu ba'i dngos po'o/ /don spyod pa ni phan pa la 'jug pa'o/ /don mthun pa ni dngos po mtshungs pa yin te/ gang de'i bya ba de bdag gi bya ba dang mtshungs par yongs su sgrub par byed pa'i phyir ro/ /byed par 'dod pa ni lan du phan 'dogs pa 'dod pa'o/ /lam du zhugs pa ni lam gyi rjes su zhugs pa gang yin pa de ni lam du zhugs pa ste/ gang gnas pa nyid du mi 'dod pa'o/ /sngon gyi gnas la gus pa med pa zhes bya ba ni sngon gyi slob dpon la mnyes par mi byed pa'o/ /de ste slob dpon bltos pa dang bcas la zhes bya ba la sogs pa la slob dpon 'di snyam du 'di ltar 'di ni kho bo kho na la gnas shing brten pa yin no/ /zhes sems pa de'i phyir slob dpon bltos pa dang bcas pa'o/ /nye gnas bltos pa med na zhes bya ba ni nye gnas 'di snyam du bdag ni ljong rgyur 'gro bar bya zhing der song nas kho bo gdon mi za bar slob dpon gzhan la gnas dgos pa yin no/ /zhes bya ba'i bsam pa 'dis gang gi tshe nye gnas bltos pa med par gyur pa de la bltos pa med pa yin te/ 'o na yang 'jig par gyur pa ni ma yin te/ slob dpon bltos pa dang bcas pa nyid kyi phyir ro/ /slob dpon bltos pa med pa la zhes bya ba la slob dpon 'di ltar kho bo gtsug lag khang gzhan du gnas pa'i phyir 'gro bar bya'o snyam pa de'i phyir slob dpon bltos pa med pa yin la/ nye gnas kyis ni 'di ltar kho bo'i slob dpon 'gro bar 'dod par mi shes pa de'i phyir 'di bltos pa dang bcas pa yin pas da'i tsha yang gnas mi 'jigs par brjod par bya ba yin la/ slob dpon bltos pa dang bcas shing nye gnas kyang bltos pa dang bcas pa yin na gnas mi 'jig pa brjod par bya'o/ /gang gi che slob dpon bltos pa med par gyur te/ 'di ltar kho bo gtsug lag khang gzhan du 'gro bar bya'o snyam pa la nye gnas kyis kyang shes te/ 'di ltar kho bo'i slob dpon nges par gtsug lag khang gzhan du 'gro 'dod pas bdag kyang gnas gzhan la gnas par bya'o snyam pa de'i tshe gnyi ga bltos pa med par gyur pa yin pas slob dpon dang nye gnas mtshams gcig gi nang na gnas su zin kyang de lta na yang 'jig par rig par bya'o/ /gal te slob dpon yang rkyen gzhan 'ga' zhig gis gtsug lag khang gzhan du 'gro ba ma grub na nye gnas des kyang slob dpon gyi thad dam gzhan dag las gnas blang bar bya ste/ rnam pa gzhan du na gnas med par gnas par 'gyur ro/ /gal te nye gnas myur du ldog pa'i bsam pa med par gtsug lag khang gzhan du 'gro bar spro bas/ slob dpon la 'di skad du gtsug lag khang gzhan du gnas pa'i phyir mchi'o zhes smras pa na/ slob dpon gyis kyang song zhig ces kyang smras par gyur pa de'i tshig nas 'jig pa yin la/ ci ste song nas kyang dus gzhan du yang 'ongs na nye gnas des yang gnas bca' bar bya'o/ /gal te rnam pa thams cad du nye gnas slob dpon med par nyi ma lnga las lhag par gnas pas kyang gal te slob dpon de nyid rnyed par gyur na yang des kyang gnas blang bar bya'o/ /de ste len par mi byed na de'i phyir de mi gnas pa yin no/ /gal te yang gnas gzhan na? gnas pa'i nye gnas kyis phyir yang sngon slob dpon 'dug pa'i gnas su byin par gyur pas yang gnas bzung mi dgos so snyam pa de nyid dam 'on te/ gzhan dag gis sbyin par bya'o zhes gsung ba gang yin pa de don med par 'gyur ba'i phyir 'gyod pa skyes pa 'di nyid la 'brel pa yod pa ma yin no/ /gal te sngar bzung ba'i gnas kho nas gnas par 'gyur ro zhes na/ skabs de nyid kyang bcom ldan 'das kyis 'di ltar dus de srid du des gnas de nyid ces bzung ba de'i phyir de la gnas de nyid ces gsungs pa yin no/ /dus de srid smos pas ni 'di skad du gal te brtan por gnas pa'i sems des gnas 'dzin pas bzung bar bya ba de'i phyir rnam pa gzhan du mi gnas pa yin no zhes bstan par 'gyur ro/ /'di yang bdag gi rang dags smras pa ma yin gyi 'on kyang bla ma mkhas pa'i zhal nas thos pa yin pa de'i phyir 'di la the tsom mi bya'o/ /gal te yang gnas gzung bar bya ba nges pa yin pa de'i phyir sngar slob dpon nyid du gyur pa yang ldog par 'gyur ba de'i phyir ji srid du des kyang gnas ma gzung ba de srid du de la des kyang slob dpon zhes brjod par mi bya'o zhe na/ ma yin te/ bcom ldan 'das kyis ma gsungs pa'i phyir ro// gang gi phyir gnyi ga bltos pa med par gyur pa las gnas 'jig par 'gyur ba bzhin du slob dpon nyid kyang bzlog par ni bcom ldan 'das kyis ma gsungs la/ 'di la rigs pa cung zad kyang med pa de pas na 'di la nyes pa yod pa ma yin no// blo ngan pa dag la gnod par gyur nas zhes bya ba ni yid gzhung ba lung nod pa mang ba nyid kyi phyir ro/ /skabs skabs su zhes bya ba ni bar bar du'o/ /shing khri ni shing gi khri'u yin la gnon pa'i rnam pas thams cad stan len par byed pas na cig car 'khod pa'o/ /rang bzhin te ngo bo nyid kyi kha na ma tho ba dang bcas shing nyes pa dang bcas pa yin pas na rang bzhin gyis kha na ma tho ba dang bcas pa ste/ srog gcod pa la sogs pa dang/ tshang? ma gtogs de las gzhan pas nad pa bskyed par bya'o/ /shing 'di las me tog yang dag skyes na me tog gi shing ngo/ /dbang bskur bar 'os pa yin pa'i phyir dbang bskur bar rig pa ste/ rgyal tsha ba dbang bskur par rigs pa yin pa dbang bskur ba ni rgyal po chen po'o/ /dbang bskur ba thob pa zhes bya ba ni mtshams su phyin par gyur pa'o// bsrung ba ni nang gi rnam par 'tshe ba las so/ /bskyed pa ni nang gi mkho ba'i yo byad kyi bye brag gis so/ /lto dge'o zhes bya ba ni shin tu za ba'i ngang tshul can no/ /bslus te zhes bya ba ni g.yo byas nas/ /rgyal pos bkrabs pa zhes bya ba ni rgyal po'i nang gi 'khor ro/ /shin tu myur bar khro ba skye ba'i phyir ma rungs pa'o/ /dpyod pa med par khro ba'i 'bras bu sgrub par byed pa'i phyir mi rtog pa'o/ /rtag tu khro ba thag nye ba nyid kyi phyir mi srun pa'o/ /lag pa gnyis sam lag pa gcig gi sbyor bas mtshon cha brdeg pa'i phyir rtsub pa'o/ /tshan po che'i stobs zhes bya ba la/ tshan po che'i stobs kyi tshad gang zhe na/ tha mal ba'i glang po che bcu'i stobs gang yin pa de ni spos kyi glang po che gcig gi stobs yin la/ spos kyi glang po che bcu'i stobs gang yin pa de ni tshan po che'i stobs kyi tshad yin no/ /yang ci'i phyir drug sde khros pas rgyal po gsal rgyal gyi khang bzangs g.yo bar rigs she na/ 'dir drug sde la mngon par dad pa'i lha'i mthus mgul pa la drug sde stobs dang ldan pa'i rkang pa la sogs pas bsnun cing brgyab pas g.yo bar 'gyur zhes tha snyad du gdags pa yin no/ /phyi bzhin 'brang bar 'gyur ro/ /zhes bya ba ni 'khor du gyur pa'o/ /gzhon nu'i spong ba zhes bya ba ni gzhon nu dang 'dra bar zil gyis mi non par gnas pa'o/ /btsun mo'i spong ba ni btsun mo dag dang 'dra bar zil gyis mi non par gnas pa'o/ /lha khyod kyi bka' bcag nas zhes bya ba ni bgrang ba med pa nyid du khyad du bsad par gyur nas so/ /bya ba ma yin pa ma byed cig ces bya ba ni tshul ma yin pa'o/ /g.yang gzhi ni ri dags kyi pags pa'o/ /shun lpags na shing shun no/ /bdag gi don sems pa zhes bya ba ni rang nyid la phan pa'i rgyu mtshan gyi yid la byed pa skyed par byed pa na'o/ /dus las 'das pa ni shi bar gyur pa'o/ /dgos pa med pa nyid kyi phyir dor ba'i chos can zhes bya'o/ /na bar gyur pa zhes bya ba ni nad kyi rigs dmar byed kyis khyab pa 'am/ srog chags kyis zos par gyur pa'o/ /ske ba la lba ba yod pa gang yin pa de ni lba ba can te/ yi dwags kyi rigs de dag tu'o/ /mi ma yin pas de rdog pas bsnun nas zhes bya ba la ci'i phyir la ba len par byed pa'i dus su des rdog pas ma bsnun zhe na/ 'dir smras pa/ lan pa'i tshe dga' byed nag po la bsnyad pa'i bsam pas bltos pa dang bcas par gyur pa de'i phyir des rdog pas bsnun ma nus pa yin te/ des pa'i tshul las kyang gtum po dang mi ma yin pas zil gyis gnon par 'gyur te/ gang gi tshe dga' byed nag pos bcom ldan 'das kyi bka' la slar zlo bar gyur pa de'i tshe bag 'khums par gyur pa de'i phyir mi ma yin pas zil gyis non pa yin no/ /gnod sbyin gtum po mang po zhes bya ba ni ro dang dri la chags pa las gtum po rjes su 'jug par 'gyur ba'o/ /lan gzhan du glan no zhes bya ba ni 'brel pa med pa'i lan 'debs par byed pa'o/ /shin tu rnyog pa med pa'i yon tan ni sbyangs pa'i yon tan no/ /lhag ma ni zas kyi ltag ma'o/ /lha ma ma phung par zan bza' bar mi bya'o/ /zhes bya ba ni lham dang bcas pas zan bza' bar mi bya'o/ /lham ma bkag pa'i phyir rtsa ba las byas pa'i lham la sogs pa shin tu khyad par du bkag pa ste/ gang las 'di skad du shAkya'i sras kyi dge sbyong de dag ni mi gtsang ba ste/ gang gi phyir lham dang bcas par zan za'o zhes smos pa yin no/ /gal te lham tsam gyis mi gtsang ba nyid yin na rtsa'i lham la sogs pas shin tu mi gtsang ba nyid ma yin nam/ de bas na thams cad du lham med pas zas bza' bar bya ba yin no zhes bya bar nges pa yin no/ /de dag cher na bar gyur te/ zhes bya ba ni sa rlan dang bcas pa reg par gyur pa'i phyir ro// lhung bzed kyi gnas ni skar khung gi rnam pa can lhung bzed 'jog par byed pa'i bu gu'o/ /bka' bas ldang ba nyid kyi phyir gnas ngan yin la/ de len par byed pas na gnas ngan len te/ de sdig pa la 'jug par byed ces bya ba'i bar du'o/ /lus dang ngag gi bya ba gnas ngan len kun tu spyod pa gang yod pa de ni gnas len kun tu spyod pa'o/ /yo byad rnam pa drug ces bya ba ni chos gos gsum dang/ lhung bzed dang/ gding ba dang/ chu tshags so/ /to lo brgyad kyi tshad kyi srad ni 'bras srad bcu drug brtsos bsran tshong dang tshob ma dang bcas pa shong ba'i lhung bzed de ni dge slong dag gi lhung bzed chung ba yin la bre'u chung ngo las lhag par shong ba gang yin pa de ni lhung bzed chen po'o/ /skya ba ni lhung bzed ma btsos pa'o/ /rgyal mtshan can zhes bya ba ni skye bo thams cad kyis rab tu shes par gyur pa'o/ /rkun pos dngos po blangs pa gang yin pa de ni brkus pa'o/ /tshor ba ni shes par gyur pa'o/ /ri dwags kyis ri dwags mi sos kyis zhes bya ba ni rab tu byung ba ri dwags su gyur pa bdag nyid kyi bya bas 'tsho bar gyur pas so/ /yab byon pa'i yul ni yab kyi yul te/ dge slong gi dngos po skyed par byed pa'i gnas yin te/ gang gi phyir bsod snyoms las dge slong gi dngos por 'gyur gyi bza' ba mang po tshol bar byed pa'i phyir ni ma yin no/ /glags lta ba ni legs par rtog par byed pa'o/ /bya ba rnams nyi ma re re zhing bya ba gang yin pa de ni nyi ma re re zhing bya ba ste/ bcom ldan 'das kyi dkyil 'khor la sogs pa'o/ /dge slong bcal bar bya'o zhes bya ba ni gang gnas sbyin par byed pa'o/ /las res spangs nas zhes bya ba ni yongs su spong bar byed pas na spangs pa ste bor? ba'o/ de'i phyir las re bsko ba'i dus su ngo bor zhing gzhan la las re bskor bar bya'o/ /gnas khang bsko ba zhes bya ba ni sngar de la gnas khang bsko bar bya'o/ /mal stan yang de bzhin du bya'o/ /nad g.yog byed pa spong ba zhes bya ba ni de la dge slong gcig gi bsnyen bkur byin par bya'o/ /rnyed pa spangs te zhes bya ba ni de la rnyed pa dang bcas pa'i gnas khang bsko bar bya'o// gso sbyong gcig la sdong pa ni bzhes par bya'o/ /dpyad nye bar gyur cing stob par byed pa'i phyir dbyar tshul du zhugs pa'o/ /gcig la gcig dri zhing zhes bya ba ni phan tshun dris nas bya ba dag bya'o/ /so sor brtags nas gnas par bya'o/ zhes bya ba ni rab tu shes pas der gnas par bya ba yin gyi/ mi shes pa'i rgyu can tshul ma yin pa'i bya ba sgrub par byed pas ni ma yin no/ /yo byad ni dge slong rnams kyi 'tsho ba'i thabs su gyur pa'o/ /ma byin par len par byed pa gang yin pa de ni ma byin par len pa'o/ /ma gus nas zhes bya ba ni nongs pa la bltos nas bskul ba'o/ /yo byad sbyor ba ni lus gnas bsgrub par byed pa'o/ /gso skyong so sor zhes bya ba ni gso sbyong tha dad pa'o/ /rnyed pa gcig tu zhes bya ni spyir 'tsho ba la sogs pa'i rnyed par dgongs so/ /nyer khor gyi gtsug lag khang dag du mal stan bsham par bya ba zhig gtsug lag khang tha dad par gsol ba dang gnyis kyi las bya'o/ /mal stan ni khri la sogs pa yin la/ snod ni zangs ma la sogs pa'i snod yin no/ /nye bar mkho ba de dag las gzhan la dag ni yo byad yin te/ gos dang rgyan la sogs pa'o/ /'gal tshabs can du 'gyur ro/ /zhes bya ba ni gal te dag la rku sems bskyed par gyur pa de'i tshe sbom por 'gyur la/ 'on te ma yin na nyes byas su 'gyur ro/ /phrag khrur ni lus kyi khur bu yin te/ mdza' gnyis su sgrom la sogs pa'i rdzas 'jog par byed pa'i thabs su gyur pa dbyangs pa'i shing gi khur ba la phrag khur zhes bya ba'o/ /bu mo ni chung ma'o/ /bran ni rnam pa lnga ste/ nyos pa dang/ rnyed pa dang/ phrog pa dang/ khyim du skyes pa dang/ khas blangs pa dag tha dad pa'i phyir ro/ /khran mo yang de dag dang 'dra'o/ /las byed pa ni skyes bu gla pa'o/ /skyes bu byed pa la brten nas 'tsho ba gang yin pa de ni zho shas 'tsho ba'o/ /tshong gi skyes kyis 'tsho bar byed pas tshong pa'o/ /dar gyi thod bcings pas na rgyal po'o/ /lha ni gnyug mar gnas ba ste/ de dag gi gtor ma'i phyir ro/ /mtshun ni sngon shi ba ste/ de dag la dad pas sbyin pa'i phyir ro/ /dge sbyong ni khyims na gnas pa spong ba dang/ mya ngan las 'das pa'i las ma mngon par sbyor ba ste/ de dag la snyoms par rjes su bstab pa'i phyir ro/ /bram ze ni de dag 'jig rten na rigs kyi mchog tu 'dod par rab tu grags pa ste/ de dag la yang sbyin pa'i phyir ro/ / //kham po brgyad pa/ /khyim yongs su spangs nas rab tu byung ba don du gnyer zhing mngon par 'dod pa'i phyir rab tu 'gyur par 'dod pa'o/ /lhung bzed kyi 'brel pas bya ba gzhan byed pa'i nus pa med pa gang yin pa de ni lhung bzed lag na thogs pa ste/ khyim yongs su spangs nas lhung bzed 'dzin pa zhes bya ba'i bar du'o/ /yu ba sgra dang bcas pas na 'khar gsil dkrol ba'o/ /yon tan gyi sgo nas skye bo thams cad la rab tu grags par gyur pa gang yin pa de dag ni rab tu grags pa'i dge slong ngo/ /bsams pa ni shes par 'dod pa'o/ /gnas zhes bya ba la chos bzhi la brten nas nad pa 'tsho bar 'gyur zhing/ chos gsum la brten rang bzhin du gnas pa yin te/ bsod snyoms dang/ mal stan dang gos dag gis ni rang bzhin du gnas par 'gyur la/ sman dang bcas pa dag gis ni nad pa 'tsho ba yin pas don du gnyer ba rnams 'tsho ba'i don du brten par byed pa'i phyir gnas yin no/ /phyag dar khrod ces bya ba la sogs pa la/ 'dir chu bo'i mdza' ni dogs yin te/ de mthar thug pa'i phyir la/ gos kyi mdza' ni phyag dar yin te/ de'i mthar thug pa yin pa kho na'i phyir ro/ /de bas na phyag dar dang 'dra ba dang/ dogs dang 'dra ba'i gos gang yin pa de la phyag dar khrod ces bya ste/ shin tu rnyings pa nyid kyi phyir nye bar mkho ba ma yin pas don du mi 'gyur ba nyid kyis phyag dar du bor ba gang yin pa de la de skad ces bya'o/ /rnyed bla ba zhes bya ba ni 'bad rtsol nyung dus rnyed par 'gyur ba'o/ /rung ba zhes bya ba ni kha na ma tho ba med pa sgrub par byed pa'o/ khyim bdag las zas len par byed pas na bsod snyoms so/ /'di la nyal bar byed pa'i phyir mal te khri la sogs pa'o/ /'di la gnas par byed pas na stan te khre'u la sogs pa'o/ /bkus te bor ba zhes bya ba la bkus ni bkus shing khu ba btser ba yin la/ bor pa ni phyi rol tu bor ba gang yin pa de ni bkus te bor pa'o/ /pha zhes bya ba ni mngal 'dzin pa'i tshe pha'i khu ba dang ma'i khrag phan tshun 'dres pa de las kyang de'i lus 'grub pa yin pa de'i phyir pha zhes bya bar rig par bya'o// skyo bar 'gyur te zhes bya ba ni mdangs zhan cing chung bar 'gyur ba'o/ /'di la gnas par shes nas song ngo zhes bya ba la song ba ni khyim par ro/ /chung ma blangs pa ni me skor byas pa'i phyir de yongs su rdzogs pa nyid do/ /bdag gis ni yo byad drug po rnyed do/ /zhes bya ba ni mig la sogs pa'i skye mched drug po dag gi yul bdag gir brtsal bar bya'o/ /blangs so blangs so zhes bya ba ni 'khrul pa'i tshig gnyis so/ /sbyor ba yongs su rdzogs pa zhes bya ba ni rku ba'i bya ba yongs su rdzogs par gyur pa'o/ /brdeg pa ni srog 'gog par byed pa'o/ /bcings pa ni lcags la sogs pas bcings pa'o/ /bcad pa ni lag pa la sogs pa'o/ /phug pa ni rus ba'o/ /sdug bsngal ba ni yid kyi gdung ba'o/ /rnam pa thams cad rdzogs par byas pa ni rnam pa mang ba byas pas so/ /gci phye ni gci ba skam po'i phye ma'o/ /yid brtan pa lngas blang bar bya'o/ /zhes bya ba ni yid brten pa'i sgo nas len pa'o/ /mdza' bar gyur pa ni dga' i rgyu nyid du gyur pa ste/ rdzas kyi bdag por 'dzin pa'o/ /yid du 'ong ba ni yid dang rjes su mthun pa ste/ thag ring po na gnas su zin kyang sems kyis rtag tu dran pa'i phyir ro/ /bla ma ni slob dpon la sogs pa'o/ /mchod par bya ba nyid du 'gyur ba ni rdzas kyi bdag por 'dzin pa yin te/ zhes bya ba thams cad du sbyar bar bya ba yin te/ yon tan khyad par can dang ldan pa nyid kyi phyir rtag tu yid kyis yon tan 'dran par bya ba yin pas na mchod par bya ba nyid du 'gyur ba'o/ /thos na dga' bar gyur pa zhes bya ba ni 'di ltar bdag gi rdzas che ge mo zhig gis khyer brdzas kyi bdag por thos par gyur pa de'i tshe yongs su mgu bar gyur pa ste/ mchog tu dga' ba bskyed par byed pa'i phyir len par byed pa'i rgyu yid bstan pa lnga po de dag las gcig gis kyang yongs su len pa lam byin par len pa'i nyes pa yod pa ma yin no/ /gtsug lag khang la phyi rol gyi stegs su gyur pa ni bang rim mo/ /rdul gyi phog ste/ zhes bya ba ni rdul gyis khyab par gyur ba'o/ /sas g.yogs pa ni bkab pa'o/ /yongs su sbyangs pa zhes bya ba ni mtshon med par yongs su spyad pa byas so/ /byugs pa ni ba'i lci bas byugs pa'o/ /rdo thal ni rdo'i zhal zhal gyi rnam par rab tu byugs pa'o/ /lus 'phags kyi ri bo zhes bya ba ni ri bo ni rdo'i bye brag can no/ /gdungs pa ni gzir bar gyur pa'o/ /skams pa ni shi bar gyur pa'o/ /de la brtson par byas pa zhes bya ba ni de dang 'brel ba'i bya ba'o/ /dgun zla tha chung dang/ dpyid zla ra ba dag ni dgun zla smad kyi dus so/ /rtswas g.yogs shig ces bya ba ni rtsa'i spyil pos so/ /rabs bskor ba ni rtsig pas bskor ba'o/ /rlung mi 'jug pa ni rlung rab tu rgyu ba dang bral bar gyur pas so/ /slo skar ni nang gi rtsig pa kun nas bug pas gtod pa'o/ /ma rungs par gyur pa ni shin tu 'das par gyur pa yin la/ ma rungs par gyur pas na ma rung bar gyur pa ste/ gal te dus de'i tshe ma byas na dus gzhan gyi tshe bya bar mi nus pa'i phyir las de ma rung bar gyur pa de lta bu'i rnam pas gdon mi za bar las su bya ba byung na gus pa dang bcas pas bsgos te 'gro bar bya'o/ /shing skyes par byed pa ni rung ba byed pa'o/ /rin po che dang 'dra bar shin tu rin che ba nyid kyi phyir dang/ 'od gsal ba nyid kyi phyir rnyed dka' ba'i la ba ni zla ba rin po che'o/ /ngal gyis zhes bya ba ni shin tu drag par ma yin par ro/ /bcas pa ni lus dang ngag gi spyod par tshul mthun pa'o/ /stobs ni lus kyi'o/ /brtson 'grus ni yid kyi spro ba'o/ /mthu ni bya ba byed par nus pa'o/ /rdzu 'phrul chen po gang la yod pa de ni rdzu 'phrul chen po ste/ rdzu 'phrul ni rnal 'byor grub pa yin no/ /mthu che ba ni ngo mtshar rab tu ston par nus pa'o/ /rin che ba 'am skyes bu chen po la 'os pas rin thang che ba'o/ /zos bas mi mkho bar byed pas na 'di la seng seng por gyur pa zhes bya'o/ /shing na me ru ka zhes bya ba ni lcug ma de'i lo ma skams? la phye mar byas pa la ba'i bltab tshigs su gzhug par bya ste/ des srog chags skye bar mi 'gyur ro/ /shing kun gyi shing gi lo ma dang/ ba sha ka'i lo ma ni rab tu grags pa yin no/ /nim pa ni shing 'chi ba bslu ba'i lo ma'o/ /bltab tshigs su bltab mi chog pa de'i tshe gos kyi steng du shing na me ru ka'i le mal sogs pa bcug na de'i dris srog chags skye bar mi 'gyur ro/ /yang na steng stengs su mi reg par btags nas dus dus su sprug pa dang/ skam par byed pa'o/ /bskum pas nyal ba ni lhags pas yan lag bskum par gyur pas so/ shin tu brtson pa zhes bya ba ni gcig tu brtson pas bsgrub par bya ba'i 'bras bu khong du chud pa dang bcas pas so/ /slob dpon tshul khrims bskyangs kyis sbyar ba phran tshegs kyi tshig gi rnam par bshad pa las bsgo bzhi pa rdzogs so// //rim gro gyis shig ces bya ba ni mchod pa gyis shig pa'o/ /rma dang rma'i kha 'khor ni sna'i spubs la sogs pa'o/ /sa rkos la zhes bya ba las ni 'dir ma 'thas pa'i sa yin par rig par bya ste/ dbyar rnams su rgyun mi 'chad par 'bab pa'i phyir sa ma 'thas pa 'thas par 'gyur ro// sa 'thas pa yang 'khrang bar gyur pa ste/ 'jim pa'i gong bu 'thas par gyur pa'o/ /rtsa'i bam po ni rtsa chun gyi tshogs so/ /lo ma dang 'dab mas g.yogs pa ni lo ma'i tshogs so/ /rgyud gsum pa zhes bya ba ni sangs rgyas sam dkon mchog gi bstod pa ni rgyud gcig la/ gzhung gi chos bshad pa ni rgyud gnyis pa yin zhing/ mdo'i don rnam par bshad pa'i gtam rgyud ni rgyud gsum pa yin no/ /yon bsngo ba ni chos kyi sbyin pa la sogs pa las yang dag par byung ba'i bsod nams kyi 'bras bu kun tu bgo bsha' byed pa'o/ /de ltar gyur pa ni de skad smras par gyur pa'o/ /kun nas skyo ba dag gi sems dang bskyed pa'i phyir bcom ldan 'das kyis mchod rten la phyag bya ba ni rjes su gnang ba'o/ /kun tu spyod pa ni gdon mi za bar bya ba nyid kyis goms par bya ba'o/ /dmyal par rgyu ba ni dmyal bar rgyu ba ste/ sems can la phan gdags pa'i phyir 'gro bar byed pa'o/ /yi dwags su rgyu ba la sogs pa yang de bzhin no/ /mtshams ni skabs yin te/ shin tu skabs med pa'i phyir mtshams med pa yin la/ dmyal ba gzhan dag pas sdug bsngal che ba nyid kyi phyir dang/ shin tu tshe ring ba'i phyir dmyal ba chen pa'o/ /ngal bso bar gyis shig ces bya ba ni dmyal ba'i sdug bsngal las dus des srid cig grol bar gyur pa'o// mig tsam zhes bya ba ni shing rta'i 'khor lo'i bug pa'i tshad do/ /bar du skams pa ni mtshams mes yongs? su zad par byas pa'o/ /mos pa las byung ba'i zhes bya ba la/ lhag par mos pa ni mos pa ste/ yang dag pa 'di nyid du ma yin pa la sems kyis yang dag par nyid du sgrub par byed pa yin la/ lhag par mos pa'i phyir 'byung bas mos pa las byung ba ste/ mos pa dang rjes su mthun pa zhes bya ba'i bar du'o/ /'dam du gyur pa ni dbyar gyi chus byas pa'i 'dam du gyur pa'o/ /gnod pa med ces bya ba ni s dug bsngal chung ngur gyur cing rgyu mthun pa'i bde ba myong bar gdod 'gyur ba'i las bsags pa yod ba 'phags pa sha ri'i bu'i ting nge 'dzin gyi mthu'i lhan cig byed pa'i rgyu la rag las pa de nyid ni dus der 'bras bu 'byin pa de'i phyir rang gis byas pa'i las kyis de dag la dbang gi 'bras bu skye bar 'gyur ro/ /de skad du yang/ las rnams bskal pa brgyar yang ni/ chud mi za ba tshogs dang dus/ rnyed na lus can rnams la ni/ 'bras bu dag tu 'gyur ba nyid/ ces 'byung ba yin no/ /kun nas chos log par bstan pa ni phyin ci log gi chos bstan pa ste/ chos ma yin pa la chos nyid du bstan pa'i phyir ro/ /kun nas zhes bya ba ni 'di ltar 'di kho na bden pa yin gyi gzhan ni ma yin no zhes bstan par bzung nas so/ /mthun par spyod pas zhes bya ba ni las de dang rjes su mthun par nan tan byas pas so/ /bslus te zhes bya ba ni rnam par skrod pa'o/ /mchod rten de la mchod pa byas de la rab tu gnod pa ste/ drag po'i tshor ba myong bar ji ltar rigs te/ mchod pa'i las gzhan gyis byas pa nyid kyi phyir ro zhe na/ 'di la yang de nyid kyis lan gdab par bya ste/ gang pos sdug bsngal chen po nyams su myong bar 'gyur ba'i las de nyid sngon byas shing bsags pa long pa mchod rten de la byas mchod pa byas pa'i lhan cig byed pa'i rgyu la rag las pa de'i phyir mchod rten la mchod pa byas pa las gang po la rab tu gnod ba'i tshor ba skye bar 'gyur ba yin gyi/ gzhan gyis byas pa'i las las gzhan gyis rnam par smin pa so sor myong bar gyur pa zhes smras pa ni rigs pa ma yin te/ de yang gal te las rnams 'pho 'gyur na/ de ni nges par khyed nyid kyi/ lhas byin gyi ni rgyu nyid kyis/ thams cad la ni nges 'jug 'gyur/ zhes gsungs pa yin no/ /kun tu rgyu ni brtul zhugs la gnas pa'o/ /dbyig pa dang gtsug phung dang ldan pa zhes bya ba la dbyig pa ni 'khor ba yin la/ gtsug phung ni spyi gtsug ste/ dbyig pa ni gtsug phung dag gis legs par gyur ba ni dbyig pa dang/ gtsug phung dag gis legs par gyur pa ni dbyig pa dang/ gtsug phung kho na can yin la/ dbyig pa dang gtsug phung kho na dang ldan pas na dbyig pa dang gtsug phud can nyid do/ /dge sbyong gi rang gi grub pa'i mdza' i 'bras bu thob pa'o/ /'tsho ba dag la dge sbyong med pa ste/ yod pa ma yin zhing/ shAkya la ni de yod do/ /dgra bcom pa'ang/ chags ldan med/ so so'i skye bo byis min med/ 'on kyang so so'i skye bo thams cad la byis pa kho na zhes bya'o/ /'tsho ba dag la dge sbyong yor zhes bya ba de ltar tshigs su bcad pa'i don de dag gis rtogs par gyur pa'o/ /sngon gyi las kyis zhes bya ba la sogs pa la/ sngon gyi skye bar des las byas shing bags pa gang yin pa de ni las kyi rnam par smin pa nye bar gnas pa ste/ rnam par smin pa 'byin pa'i phyir gsal por gyur pa'o/ /'di la zhes bya ba ni de bzhin gshegs pa'i bstan pa la'o/ /dge sbyong dang po zhes bya ba ni lam ston par mdzad pa'o/ /dge sbyong gnyis pa zhes byas ni lam gyi rgyal ba'o/ /dge sbyong gsum zhes bya ba ni lam gyis 'tsho ba'o/ /dge sbyong bzhi pa zhes bya ba ni lam sun 'byin pa'o/ /de la lam ston par mdzad pa ni bcom ldan 'das yin la/ lam gyis rgyal ba ni rang sangs rgyas dang dgra bcom pa yin zhing/ /lam gyis 'tsho ba ni 'phags pa'i gang zag bdun yin no/ /lam sun 'byin pa ni tshul khrims 'chal ba'o/ /kha cig ni dge sbyong dang po la sogs pa ni rgyun du zhugs pa la sogs pa nas dgra bcom pa'i mthar thug pa yin no zhes zer ro/ /dge sbyong nyid dang ldan pa'i phyir dge slong yin la/ sdig pa gsal ba nyid kyi phyir bram ze yin te/ phas kyi sgol ba dag de dag gis gtong ba yin te/ dge sbyong la sogs pa khong du chud pa'i bya ba dang bral bar gyur ces bya ba'i tha tshig go /mgo reg bya ba ni mgo smad pa dang/ ngan pa yod pa'o/ /ngan pa zhes bya ba ni 'dir gnad la bskul ba'o/ /ngan du zer ba ni yang dag pa ma yin pa'i skyon brjod pa'o/ /lan lag ni lag pa la sogs pa'o/ /nyid lag ni sor mo'i tshigs bcad la sogs pa'o/ /ring zhing thogs so zhes bya ba ni ring por 'gor ba'o/ /g.yos pa ni lan cig ste chung ngu'o// rab tu g.yos pa ni rgyun gyis 'bring du yin la/ kun tu rab tu/ g.yos pa ni rgyun gyis chen por ro/ /rdzu 'phrul che ba ste/ rdzu 'phrul gyis bsgrub par byed pa la mkhas pa dag gi'o/ /mthu che ba pa dag gi nang zhes bya ba ni ngo mtshar rab tu ston par nus pa dang ldan pa dang/ gi nang na'o/ /mi dga' ba ni skyo ba'o/ /grong las rgyang grags kyi mdza' ni dgon pa'o/ /nags 'dab ni dgon pa'i nags kyi phyogs gcig go /bsam thar gnas bcas te yid la byed pa zhes bya ba ni mi rtag pa la sogs pa'i rnam pa dang yang dag par ldan pa'i ting nge 'dzin to/ /rab tu khros pa ni kun nas dkris pa'o/ /btsun mo ni spyad par bya ba'i bud med do/ /gzhon nu ni rgyal tshab tu dbang bskur ba'o/ /blon po ni blo'i grogs su gyur pa'o/ /grong na gnas pas na grong mi'o/ /ldongs na gnas pas na ljongs kyi mi'o/ /mig mchi mas yongs su dkrugs nas zhes bya ba ni mig mchi mas khyab par gyur pa'o/ /snying rje'i tshig ni snying rje bskyed ba dang rjes su mthun pa'i tshig yin la/ yid gdung pa'i tshig ni sdug bsngal ston bar bye pa'i tshig yin zhing/ mi gsal ba'i tshig ni mi gsal ba nyid yin te/ tshig gsum po de dag ni bya ba'i khyad par yin te/ bya ba mi gsal ba khyad par du byed pa'o/ /las rnams bskal pa brgyar yang ni chud mi zab zhes bya ba ni bsams bzhin du byas pa dang/ bsags par gyur ba'o/ /bskal ba brgyar smos pa ni nye bar mtshon pa yin pa'i phyir/ bskal ba bye bar yang las byas shing bsags pa dag chud za bar mi 'gyur ro/ /tshogs ni lhan cig byed pa'i rgyu yin la/ dus ni 'dir 'bras bu de longs spyad du rung ba la 'dod de/ ji ltar 'khor los sgyur ba sgrub par byed pa'i las tshe lo stong phrag brgyad cu'i 'og dang/ yang dag par rdzogs pa'i sangs rgyas sgrub par byed pa'i las tshe lo brgya pa'i 'og tu rnam par smin pa 'byin pa'i nus pa med pa lta bu'o/ /mchi ma phyis te zhes bya ba ni bsal te'o/ /'tsho ba ni 'tsho ba'i thabs su gyur pa'o/ /rdzu 'phrul gyis na bso sor bsal te/ zhes bya ba ni chung ba nyid du byas nas so/ /mdza' ba'i bag chags ni srid pa'i bag chags yin te/ ji ltar me tog gis bsgos pa'i til dag las me tog bsal du zin kyang me tog dri 'byung ba de bzhin du/ 'dod chags la sogs pa'i nyon mongs pa spangs su zin kyang dgra bcom pa la nyon mongs pa'i bag chags yod pa lta bu'o/ /shin tu na bas zhes bya ba ni phyir gso bar mi nus pa'i nad do/ /gnod pa dang ldan yang phyir gnod pa yin yang sdug bsngal skyed par byed pa ni ma yin no zhes bstan to/ /sdug bsngal ni sdug bsngal du 'bying ba'o/ /dge sbyong du ston pa zhes bya ba la dge sbyong gi phyogs gcig nyid yin pa'i phyir dang/ dge sbyong yongs su ma rdzogs pa nyid kyi phyir dge sbyong du ston pa'o/ /yongs su mya ngan las 'das pa zhes bya ba ni nye bar zhi bar gyur pa'o/ /dbang dang ldan pa ni 'dir gnyi ga'i cha las rnam par grel ba la 'dod pa de nyid kyi phyir gang phal cher zhes smos pa byas pa yin la/ 'ga' zhig shes rab kyis rnam par grol ba yod pa yin no/ /so sor bzhag nas zhes bya ba ni gnas ji lta ba bzhin du bzhag nas so/ /btsun pa ni mkhan po'i ming nas smos pa'i nye ba'i tshig yin te/ 'di la bslab pa'i gzhi la rags pa nyid kyi phyir byas pa yin no/ /zhes shes par bya'i/ rnam pa gzhan du ji ltar rigs te/ skul byed kyis bsams bzhin du bslab pa las 'das pa byas pa'i phyir ro/ /ring bsrel ni bsregs pa'i rus pa'o/ /dug skyes te zhes bya ba la sogs pa la/ dug skyes shing 'byung bar gyur ba'i lus gang yin pa de ni dug skyes pa ste/ dug gi khyab par gyur pa'i chos lus las skyes bas bya ba'i tha tshig go /bdag gis phyogs ma 'tshal to zhes bya ba ni sems rnam par 'khrugs pa nyid kyi phyir ro/ /de bas na bdag gis shar la sogs pa'i phyogs 'di ltar 'di ni shar yin la/ 'di ni nub kyi phyogs yin no zhes bya ba'i snang ba ma 'tshal ba'o/ /da ltar mi dran no zhes bya ba ni dran pa'i yul nyid gyur ba med pa'o/ /ci kun dga' bo zhes bya ba la sogs pa'i don ni 'di yin te/ khyod shA ri'i bu rab tu byung ba la nan tan byed pa ni ma yin gyi/ 'on kyang tshul khrims la sogs pa la mngon par sbyor ba'i sgo nas mya ngan las 'das pa la nan tan byed pa de'i phyir ma la gso zhes smras pa yin no/ /tshul khrims kyi phung po bzung ste/ zhes bya ba la sogs pa la/ tshul khrims kyi phung po ni tshul khrims kyi tshogs yin de/ de yang so sor thar pa dang/ bsam gtan dang/ zag pa med pa'i sdom pa'i rang bzhin no/ /ting nge 'dzin gyi phung po ni ting nge 'dzin gyi tshogs yin te/ de las rtog pa dang bcas pa dang/ dpyod pa dang bcas pa la sogs pa'i ting nge 'dzin gyi rang bzhin no/ /shes rab kyi phung po ni shes rab kyi tshogs yin te/ de yang zag pa dang bcas pa dang zag pa med pa la sogs pa dmigs pa'i bye brag gis rnam pa du ma yod do/ /rnam par grol ba ni sems rnam par grol ba ste/ de yang 'dus byas dang 'dus ma byas kyi bye brag gis rnam pa gnyis yin te/ nyon mongs pa spangs pa ni 'dus ma byas yin la/ lhag par mos pa ni 'dus byas yin zhing de yang 'das pa la sogs pa'i dbye bas tshogs nyid yin no// rnam par grol ba'i ye shes mthong ba'i phung po zhes bya ba ni rnam par grol ba 'dus ma byas la dmigs pa'i ye shes dang mthong ba yin te/ de yang zad pa dang mi skye ba'i ye shes dang/ mi slob pa'i yang dag pa'i lta ba la rnam par grol ba las ye shes mthong ba/ zhes bya ba'i dbang du byas nas rnam par grol ba'i ye shes mthong ba'i phung po zhes bya'o/ /ngas zhes bya ba 'dis ni gzhan gyi man ngag la bltes pa med pa nyid ston pa'o/ /mngon par mkhyen pa zhes bya ba ni thams cad mkhyen pa'i ye shes kyis so mngon par rdzogs par sangs rgyas nas zhes bya ba ni de kho na yid ji lta ba bzhin du mkhyen nas so/ /bshad pa zhes bya ba ni bstan pa'o/ /dran pa nye bar gzhag pa bzhi ni/ lus dran pa nye bar gzhag pa dang/ tshor ba dang/ sems dang/ chos dran pa nye bar gzhag pa ste/ 'dis/ yul dag la dran pa nye bar 'jog pa dang/ rab tu 'jug par byed pa'i dbang du byas nas 'dir shes rab la dran pa nye bar gzhag pa zhes bya'o/ /yang dag par spong ba bzhi ni/ sdig pa mi dge ba'i chos rnams ma skyes pa rnams mi bskyed pa'i phyir dang/ skyes pa rnams spang ba'i phyir dang/ dag pa'i chos ma skyes pa rnams bskyed pa'i phyir dang/ skyes pa rnams kyis phyir dbyung ba'i phyir 'dun pa skyed par byed 'bad par byed/ brtson 'grus rtsom par byed/ sems rab tu 'dzin par byed/ yang dag par rab tu 'jog par byed pa'i phyir bzhi'o/ /rdzu 'phrul gyi rkang pa bzhi ni 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang ba dang/ brtson 'grus kyi ting nge 'dzin dang/ sems kyi ting nge 'dzin dang/ dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o/ /rdzu 'phrul ni ting nge 'dzin yin la/ rkang pa ni rten yin no/ /dbang po lnga ni/ drad pa dang/ brtson 'grus dang/ dran pa dang/ ting nge 'dzin dang/ shes rab ces bya ba yin te/ dbang byed pa thob pa nyid kyi phyir de dag la dbang po zhes bya'o/ /stobs lnga ni/ de dag nyid mi rdzi ba nyid kyi gnas skabs gzhan thob par gyur pa la bstan to/ /byang chub ni zad la mi skye ba'i ye shes yin la/ de'i rjes su mthun pa nyid yin pa'i phyir yan lag bdun yin te/ dran pa yang dag byang chub kyi yan lag dang/ chos rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms yang dag byang chub kyi yan lag go /lam gang yin pa de ni yan lag brgyad pa yin la/ 'phags pa yang de nyid la yan lag brgyad pa yang de nyid yin pas 'phags pa'i lam yan lag brgyad pa ste/ zag pa med pa'i lam zhes bya ba'i tha tshig go /yan lag brgyad ni yang dag pa'i lta ba dang yang dag pa'i rtog pa dang yang dag pa'i dag? dang/ yang dag pa'i las kyi mdza' i dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to/ /tshul khrims dang ldan pa ni so sor thar ba'i sdom pa la sogs pa'i tshul khrims dang 'byon pa'o/ /mang du thos pa zhes bya ba ni thos par ldan par? gyur pa'o/ /dngos po chung ngus srog 'dzin par 'dod pa gang la yod pa de ni 'dod pa chung ba'o/ /srog 'dzin pa'i bsod snyoms la sogs pa rnyed pa na shin tu bsad pa dang lhag pa mi 'dod pa nyid kyi phyir mgu bla ba'o/ /rab tu dben pa ni lus dang sems dben pa nyid dang ldan pa'i phyir te/ lus kyi sgo nas skye bo gzhan dang 'dre ba spong ba dang/ sems kyi sgo nas sdig pa can gyi rnam par rtog pa spangs nas zhes bya ba ni dbang du byas pa yin no/ /rtag tu lhag pa'i tshul khrims la sogs pa'i brtson 'grus brtsams pa'o/ /nye bar 'jog pa ste/ rtag tu dran pa mngon du byed pa gang la yid pa de ni dran pa nye bar 'jog pa ste/ sems bran pa nye bar gzhag pa dag la nye bar 'jog par byed ces bya ba'i tha tshig go /shin tu thul ba zhes bya ba ni ting nge 'dzin rtse gcig pa la bya'o/ /shes rab dang ldan pa zhes bya ba ni shes rab 'tshal bar mi 'gyur ba'i yon tan dang 'byor cing ldan par gyur pa'o/ /shes rab myur ba dang/ mgyogs pa dang/ rno ba dang/ nges par byung ba zhes bya ba'i tha tshig bzhi po dag gis shes rab kyi rang bzhin bstan pa yin te/ myur zhing chos myur bar rab tu shes par byed pa'i phyir shes rab myur ba ste/ shes bya'i dngos po thag nye ba na yod pa 'gor ba med par shes par byed ces bya ba'i tha tshig go /yul las yul gzhan su myur bar 'pho bar byed pa'i phyir shes rab mgyogs pa'o/ /dmigs par bya ba ma lus par yongs su dag par byed pa'i shes rab rno ba'o/ /dmigs par bya ba'i mthar thug par 'gro bar byed pa'i phyir shes rab kyis nges par byung ba'o/ /nges par 'byed pa'i shes rab can/ shes rab che ba/ shes rab yangs pa/ shes rab zab pa/ shes rab mtshungs pa med pa/ shes rab rin po che dang ldan pa zhes bya ba'i tshig drug po dag gis yul gyis byas pa'i shes rab kyi dbye ba bstan pa yin te/ des pa la nges pa nyid du 'byed pa ni nges par 'byed pa yin la nges par 'byed pa'i phyir rab tu byung bas na nges par 'byed pa nyid de gang la yod pa de ni nges par 'byed pa'i shes rab can te/ nges pa'i yul la khong du chud par nus pa'i shes rab dang ldan pa zhes bya ba'i bar du'o/ /yul chen pa yongs su gcod par byed pa'i shes rab gang la yod pa de ni shes rab che ba'o/ /sbyor ba la bltos pa med par yul yangs pa yongs su gcod par byed pa'i shes rab gang la yod pa de ni shes rab yangs pa'o// shin tu zab pa'i dngos po yongs su shes pa'i phyir shes rab zab pa yin la/ zab pa ni gting dpag dka' ba'o/ /de bzhin gshegs pa ma gtogs pa gzhan 'ga' zhig la yang de 'dra ba'i shes rab med pa'i phyir shes rab mtshungs pa med pa'o// de skad du yang/ de bzhin gshegs pa ma gtogs pa/ 'jig rten kun gyi shes rab gang/ shA ri'i bu yi shes rab kyi/ bcu drug char yang mi phad? do/ /zhes 'byung ba yin no/ /myur bar rtogs pa las brtsams pa'i yon tan dang ldan pa nyid kyi phyir shes rab de nyid rin po che yin pa dang ldan zhing 'byor pa yin te/ rnyed par dka' ba dang/ nus pa ngo mtshar che bas na rin po che'o zhes bya ba'i dbang du byas nas so/ /mi shes pa dgag? bar byed pa'i phyir yang dag par ston pa yin te/ bya ba yang dag par ston par byed pa'i phyir ro/ /yongs su shes pa dang ldan pa'i sems le los gnod par gyur pa yang dag par 'god pa ste/ dge ba'i bya ba la 'god par byed pa'i phyir ro/ /mos pa dman pa dag dngos po khyad par du 'phags pa la mngon par sbyor ba'i spro ba skyed par byed pa'i phyir yang dag par gzengs bstod pa'o/ /mos pa rgya che ba dag dang/ 'bras bu chen po byed pa la spro ba skyes pa dag la 'bras bu de'i yon tan brjod pa'i sgo nas rab tu dga' ba skyed pa'i phyir yang dag par rab tu dga' bar byed pa'o/ gzhan gyis byas pa de dag la yang rtog tu yon tan brjod par byed pa'i phyir bsngags pa smra ba'o/ /'khor rnam bzhi ni dge slong dang/ dge slong ma dang/ dge bsnyen dang/ dge bsnyen ma dag go /mi nus pa med do/ /zhes bya ba la mi nus pa ni dub pa yin la/ chos bshad pa'i phyir dag gi rab tu 'jug pa dub pa med pas na mi nus pa med pa'o/ /chos dang chos kyi longs spyod dag ces bya ba la/ chos ni tshul khrims dang/ ting nge 'dzin dang/ shes rab la sogs pa'i yon tan yin la/ chos kyi longs spyod ni chos kyis yang dag par rnam par 'god pa'o/ /mya ngan dang zhes bya ba la sogs pa la/ mya ngan ni sdug pa dang bral ba las skyes pa'i nang gi gdung ba'o/ /sdug bsngal ba ni de nyid kyi rgyu can gyi lus kyi gdung ba'o/ /smre sngags 'don pa ni rgyu can kho nas tshig tu smra ba'o/ /'dir de dag gang las thob pa yin zhes bya ba ni rgyu'i khyad par gang las 'di thob par gyur ba'o/ /'di ltar zhes bya ba la sogs pa la/ rgyu ba dag gi skye ba la skyes pa zhes bya la/ ri la sogs pa gnas pa'i dngos po skyes par gyur pa la 'byung ba'i sgras bstan pa yin no/ /gtsug lag khang dang/ khang khyim dang/ rwa ba la sogs pa'i dngos po skyes bu'i 'bad rtsol las grub pa la byas pa'i sgras gsungs la/ rang gi rgyu dang rkyen las grub pa bai DUrya dang shel la sogs pa'i rin po che mdzes par bsgrubs pa'i phyir byi dor byas pa la 'dus byas kyi sgras gsungs pa yin no/ /mngon sum du sems kyis sgrub pa gang yin pa de la sems pa zhes bya ste/ ji ltar lus dang ngag gi las lta bu'o/ /rkyen de dang de'i tshogs pa rnyed nas/ 'du ba'i rgyu las dngos po skyes pa gang yin pa de ni rten cing 'brel par 'byung ba ste/ dngos po de nyid la sogs pa'i bye brag dang ldan par gyur pa rten cing 'brel ba 'byung ba yin no/ /'jig pa ni nyams pa yin la/ de'i chos gdon mi za bar 'gyur ba gang la yod pa de ni 'jig pa'i chos can no/ /kye ma'o de la mi 'jigs pa'i zhes bya ba la/ kye ma'i sgra ni smon pa yin te/ 'jig par ma gyur cig ces smon pa'o/ /'di la gnas med do zhes bya ba ni 'di la srid pa yod pa yod pa ma yin pa'o/ /sngon chad kyang zhes bya ba ni sngar ram/ yang na 'bad pa ste/ rab tu 'bad pas gnas pa la gus par byed ces bya ba'i tha tshig go /bshad pa ni gsungs pa'o/ /thams cad la sdug pa zhes bya ba la sogs pa la/ sdug pa'i sgra ni ma 'ongs pa'i gzugs la sogs pa'i yul 'dod pa la bya'o/ /mdza' ba'i sgra ni de ltar gyi yul la dga' ba'o/ /dga' ba'i sgra ni 'das pa'i yul la dga' ba nyid la bya'o/ /yid du 'ong ba'i sgra ni dus thams cad du yid dang rjes su mthun par gyur pa la bya'o/ /de dag gis sna tshogs su byung bar gyur to/ /zhes bya ba ni tshogs pa sngon du song ba nyid kyi bral ba ni sna tshogs su byung ba'o/ /med par 'gyur ba zhes bya ba ni de dag med par byung ba ste/ thams cad kyis thams cad du 'jig par mi 'gyur ro/ /zhes bya ba'i tha tshig go /shin tu bral ba zhes bya ba ni shin tu bye bar gyur pa gang yin pa de la bya'o/ /dus de srid tsam du byed par gyur pa rab tu bral ba zhes bya ba 'am yang na 'dod pa'i yul nyid yin pa'i phyir 'dod pa yin la/ 'dod par bya ba'i gzugs nyid yod pa'i phyir mdza' ba yin zhing/ sdug pa'i rgyu nyid yin pa'i phyir dga' ba'o/ /yid kyis skad cig tsam yang mi gtong ba'i phyir yid du 'ong ba'o/ /de dang lhan cig yul gzhan du song ba las bral ba ni sna tshogs su 'byung ba yin la/ gzhan dang bral ba ni med par 'byung ba'o/ /shin tu bskal pa'i rgyud khams gzhan du skyes pa las bral ba ni shin tu bral ba yin la/ yongs su mya ngan las 'das pa las bral ba ni rab tu bral ba'o/ /yang na lkog tu yang 'dod pa nyid kyi phyir sdug pa yin la/ dbang po thams cad mngon par dga' ba nyid kyi phyir mdza' ba yin zhing/ skad cig ma tsam yang tha dad par gnas pas skyo bar byed pa'i phyir dga' ba'o/ /yid kyi kun nas mkhyung cing gnas pa'i phyir yid du 'ong ba ste/ de dag dang lhan cig mthong ba'i spyod yul las shin tu 'das pa tsam gyis bral ba ni sna tshogs su 'byung ba yin la/ ldog par nus pa'i yul gzhan du song nas bral ba ni med par byung ba'o/ /yul gzhan du song ba'i sgo nas ldog par mi nus pa'i 'bral ba ni shin tu bral ba yin la/ 'chi ba las bral ba ni rab tu bral ba'o/ /shing chen po zhes bya ba la sogs pa la/ chen? po ni shin tu tshad chen por gyur pa yin la/ de'i rtsa ba shin tu brtan pa nyid kyi phyir rtsa ba dang ldan pa'o/ /yal ga skye ba'i phyogs las 'og tu gyur ba dang/ rtsa ba'i cha las steng du gyur pa ni sdong po'i sgras bstan pa yin te/ de dang ldan pa nyid kyi phyir sdong po dang ldan pa'o/ /shin tu bcad par dka' ba nyid kyi phyir snying po dang ldan pa'o/ /gser la sogs pa'i ri ni rin po che'i re yin la rtse mo ni phung por gyur pa'o/ /shin tu mtho ba'i 'dab ma lhags pa'i phyir dang/ ri'i rtse mo snying pa'i phyir shing dang/ ri de bzhin du yun ring po gnas par mi 'gyur ro/ /de bzhin du shin tu mtho ba'i 'dab ma'i dpe dang/ ri chen po'i rtse mo'i dpes shA ri'i bu yongs su mya ngan las 'das pa yin la/ dpag bsam gyi shing gi dpe dang rin po che'i ri'i dpes ni bcom ldan 'das kyang ring po me thogs par yongs su mya ngan las 'das par 'gyur ro/ /zhes bstan par bya ba'i phyir shing la sogs pa dper mdzad pa yin no/ /phyogs gang du zhes bya ba ni shar la sogs par ro/ /thugs las chung ngur zhes bya ba ni phrin las tshud bar te/ gang gi phyir sems can la phan gdags pa'i mdzad pa ni/ bcom ldan 'das kyi phrin las yin la/ sems can la phan gdags pa yang dge slong shA ri'i bus bsgrubs pa de'i phyir bcom ldan 'das thugs las chung ba yin no/ /ngas? stong bar ma gyur par ma thog pa ni gal te dge slong shA ri'i bus stong par ma gyur ma'i phyogs de ngas kyang sems can la phan gdags par mdzad pa'i phyir stong par ma gyur pa yin no/ /bdag nyid la gling dang zhes bya ba la sogs pa la gling ni sdug bsngal gyi rgyu las yongs su bsrung ba'i nus pa dang ldan pa'o/ /skyabs ni sdug bsngal las yongs su skyob pa nyid de/ bdag nyid gling dang skyabs gang yin pa de la de skad ces bya'o/ /chos ni bstan pa'i chos dang/ don dam pa'i chos yin te/ chos kyi gling dang skyabs gang yin pa de la de skad ces bya'o/ /bdag nyid dang chos ma gtogs pa sdug bsngal las skyob par byed pa med pa'i phyir gling gzhan dang skabs gzhan zhes gsungs te/ don 'di ni gzhan la rag las pas gnas par mi bya'i/ 'on kyang bdag nyid kyi rtsol bas chos la mngon par sbyor ngar bya ba nyid yin no/ /de skad du yang dgon pa pa de dag la zhes bya ba nas dge slong dag bag med par ma gyur pas bsam gtan gyis shig /phyis 'gyod par gyur ta re zhes kho bo 'doms par byed do/ /zhes bya ba'i bar du 'byung ba yin no/ /'on te zhes bya ba ni nga? bzhugs pa'o/ /nga yongs su mya ngan 'das pa'i zhes bya ba ni 'gog par gyur pa'o/ /bslab pa 'dod pa zhes bya ba ni 'dir bslab pa dag la gus par byed pa'o/ /nang gi zhes bya ba ni bdag gi dbang du byas nas nang yin te/ rang gi lus zhes bya ba'i bar du lus kyi rjes su lta ba zhes bya ba ni mi gtsang ba'i tshogs su rjes su blta ba yin te/ de skad du yang/ lus 'di la skra dang ba spu dang sen mo nas klang rgyas 'dzags pa yod do/ /zhes bya ba'i bar bar tu so sor rtos pa 'am/ spyi dang rang gi mtshan nyid kyi sgo nas yongs su brtag par bya'o/ zhes 'byung ba yin no/ /brtson pa dang ldan pa zhes bya ba ni gdung bar byed pas na gdung ba ste/ brtson 'grus yin te/ brtson pa dang ldan pa zhes bya ba'i tha tshig go /shes bzhin dang ldan pa zhes bya ba ni shes rab dang ldan pa'o/ /dran pa dang ldan pa zhes bya ba ni shin tu dran pa dang 'byor par gyur pa'o/ /zil gyis gnan pa ni rangs par byas pa ste/ dus phyis kun tu spyod pa'i phyir ro/ /brnab sems ni rang gzhan gyis yul la chags pa'i mtshan nyid yid mi bde ba ni nor ma rnyed pa sngon du song ba can gyi yongs su gdung ba ste/ brnab sems dang yid mi bde ba dag ni brnab sems dang yid mi bde ba ste/ de dag zil gyis mnon pa'o/ /yul gang la zhe na/ 'jig rten zhes smros te/ 'jig rten ni nye bar len pa'i phung po lnga po'i rang bzhin can no/ /phyi'i lus la zhes bya ba ni gzhan gyi rgyud kyis bsdus pa la'o/ /phyi dang nang gi lus la zhes bya ba ni rang dang gzhan gyi rgyud dang cig car 'brel par gyur pa la'o/ /de bzhin du tshor ba la sogs pa dag la rang dang spyi'i mtshan nyid kyis yongs su brtag par bya'o/ /chos kyi rjes su lta ba zhes bya ba ni 'di ni chos can kho na yin gyi 'di la bdag la sogs pa yod pa ma yin no snyam du'o/ /mngon par bstod pa ni sems kyi'o/ /rjes su yi rang ba ni yid kyis so/ /rab tu chags pa ni lhag par chags par gyur pa'o/ /mngon par 'dod par bya ba ma yin pa'i phyir mi sdug pa'o/ /smad par bya ba yin pa'i phyir ngan pa brjod pa'o/ /brtse ba med pa'i tshig gis bsdigs pa'i phyir spyod pa'o/ /smad pa'i ngag gis spyod pa'i phyir spyod pa ngan pa'o/ /yal bar dor ba ni gus pa med par byed pa'o/ /skar ma bstun te khrus byas pa ni skar ma bzang po la'o/ /sgyu byas pa ni g.yo byas pa'o/ /srid pa tha ma zhes bya ba la sogs pa la/ srid pa ni sngon gyi dus kyi srid pa la bzhed la/ phung po lnga 'dus pa'i lus la lus zhes bya ste/ nad la sogs pa rnam par 'tshe ba'i bye brag du ma'i gnas su gyur pa nyid kyi phyir gnas dang lus zhes bya'o/ /lus ni 'byung ba dang 'byung ba las gyur pa'i tshogs pa gzugs kyi phung po yin te/ 'di bza' ba la rten cing 'brel ba yin no/ /zhes gsungs pa'i phyir ro/ /bdag gi dngos po rnyed pa zhes bya ba ni rang dang gzhan gyi bsam pa nye bar gnan pa dang ldan pa'i bdag nyid kyi dngos po 'dzin pa'o/ /grang ba ni lhags pa'i dus yin la/ dro ba ni dro ba'i dus la gang gi che na rlung ldang ba ste/ rlung rgyu ba dang rlung gis bskyod na zhes bya ba ni rlung gis grangs par gyur ba na'o/ /rlung skam po zhes bya ba la rlung gis chu skams par gyur pa ni chu rlung skams pa'o/ /ji ltar brtse ba na zhes bya ba ni bya ba khyad par byed pa yin pas na gnas pa'i bya ba khyad par du byed pa yin te/ ji srid 'dod pa de srid du gnas zhes bya ba'i tha tshig go /shal ma li zhes bsam mi bya zhes bya ba la shal ma lam ste/ me tog 'di shing shal ma la la skyes pa yin no zhes bsam par mi bya'o/ /'on kyang skams ra pad ma ldan par rlung 'di shes par bya'o/ /ci'i phyir zhe na/ stobs ldan gyis ni nges bzung bas zhes bya ba ste/ stobs dang ldan pas zil gyis mnan cing khyab par gyur pas so// de'i phyir ni nges 'byung rtsol ba ste 'byung bar 'dod pa'o/ /dga' ba'i rgyu nyid yin pa'i phyir mdza' bo yin la/ yid dang rjes su mthun pa nyid kyi phyir yid du 'ong ba'o/ /bsnyen bkur gyi gnas nyid yin pa'i phyir bla ma yin la/ rtag tu yon tan dran pa'i bya ba nyid yin pa'i phyir mchod par 'os pa'o/ /bram ze dang khyim bdag dang pa dag don 'dis zhes bya ba ni bram ze dang khyim bdag dang pa dag ring bsrel mchod pa la sogs pa'i don 'di dang ldan pas mdzes par 'gyur ba yin te/ gang gi phyir de dag sa dge slong gi sdom pa dang/ bsam gtan dang/ zlos pa la sogs pa'i bsod nams la rab tu 'jug pa ni yod pa ma yin gyi/ rab tu byung ba dag ni bsod nams kyi rnam pa du ma la rab tu 'jug pa'i phyir 'di la 'dzin par mi bya'o/ /byas pa ni 'bras bu chen po byed pa'o/ /rab tu byas pa ni phan 'dogs pa yin la/ shin tu byas pa ni lan du phan 'dogs pa'o/ /dge tshul gyi phyir nye bar bzhag pa ni rab tu byung ba gzhan la klog pa dang/ 'don pa la sogs pas phan pa la nye bar 'god pa'o/ /ji ltar 'don pa zhes bya ba ni khyod ji ltar gzhung 'don pa de gzhan la gzhung gi sgo nas klog tu gzhug go / 'dzin du 'jug pa ni don gyi sgo nas so/ /slob tu gzhug pa ni bya ba ma yin pa las zlog pa dang/ bya ba la yang dag par sbyor ba'o/ /bla ma'i gnas ni khyim na gnas pa'i phu bo yin la/ rab tu byung ba dag gi ?? bslab pas rgan pa dang mkhan po gcig la phan 'dogs par byed pa'o/ /ma bcags pa zhes bya ba ni sun phyung ba dang/ ma bsal ba'o/ /khang bzangs zhes bya ba ni khyim bzang po ste/ de rab tu mtho ba'i gnas der ro/ /drin ni gos la bgos pa'o/ /phreng ba ni me? rtog? gi phreng ba'o/ /mchad pa dang brnyen bkur blangs zhes bya ba mi mchod pa'i rgyu can dri la sogs pa de blangs shing bzung nas dul bar gnas shing des 'di la bsnyen bkur bya'o/ /zhes sems kyis bsams nas bsnyen bkur bya ba bstan to/ /go rim bzhin du srog shing la 'phang lo zhes bya ba la sogs pa la dang po ni tshong? chen por bya zhing gnyis ba ni de las cung zhig gis chung ba yin la gsum pa dang bzhi pa yang de bzhin te rim pa ltar 'phang lo zlum por bya'o/ /char las skyob pa'i thabs nyid yin pa'i phyir gdugs yin te/ thams cad kyi steng du bzhag par bya ba rdzas kyi bye brag gi rnam pa kun nas zlum pa'o/ /so so'i skye bo dag nyes pa med pa nyid kyis dge ba de nyid kyis dge ba can te/ nyes byas can gyi kha na ma tho ba yang mi byed pa gang yin pa de la so so'i skye bo dge ba can zhes bya'o/ /byi bo zhes bya ba ni rgyan dang zal ba'o/ /ji ltar bzhugs pa zhes bya ba ni de bzhin gshegs pa yin la de dag gi yang ji ltar de gnyis gral rims kyis 'dug par gyur pa de bzhin du yongs su mya ngan las 'das pa'i rten yang bya'o/ /bcom ldan 'das kyi g.yas phyogs su shA ri'i bu 'dug par gyur la/ g.yon phyogs su ni maung+gal gyi bu zhes brjod par byed pa'o/ /shin tu yid ches par gyis shig ces bya ba ni yid brtan pas so/ /gru bo che legs te zhes bya ba ni rnyed pa dang ldan par gyur pa'o/ /'gro bar byed pa'i don gyis na theg pa yin la/ rdzas 'dzin par byed pa'i phyir snod yin pa de bas na gru zhes bya'o/ /sbyin pa ni rjes su gzung ba'i don la/ bsod nams ni mchod pa'i don yin pa 'am/ sbyin pa ni sbyin pa'i rang bzhin yin la/ bsod nams ni tshul khrims kyi rang bzhin yin no/ /brdung bar bya ba ni brdung du rung ba'o/ /shing 'dzam bu'i grib ma ni shing 'dzam bu'i grib ma la byang chub sems dpa' zag pa med pa dang 'dra ba'i bsam gtan dang po la snyoms par zhugs nas zhugs pa de'i tshe byang chub sems dpa' i lus ci 'dra ba de'i rnam pa dang rjes su mthun par byas pa'i sku gzugs so/ /smad par blta bas na zhes bya bar blta ba ste/ rnam pa gzhan du gnas pa'i dngos po de la rnam pa gzhan du yongs su bcad pa'i phyir ro/ /nyes par thos pa dang/ nyes par dogs pa yang de dang 'dra'o/ /mgo 'og tu bltas pa ni bag tsha ba'o/ /skems pa ni sha yongs su zad par gyur pa'o/ /ring ba ni bya ba byed pa'i nus pa chung ba'o/ /ring ba zhes bya ba ni gzi dang bral bar gyur pa'o/ /lus ma rnyed pa zhes bya ba ni lus 'dzin pa'i nus pa yang med par gyur pa'o/ /rnal 'byor ni ting nge 'dzin grub pa yin la/ yid la byed pa ni ma grub pa yin zhing mi byed pa ni yongs su dor bar gyur pa'o/ /ma brjed pa la dran par byed pa zhes bstan to/ /skabs 'byed pa ni ltung ba gleng ba'i skabs 'byed par byed pas/ dam bca' bar byed pa ni nyes par blta ba la sogs pas sgro 'dogs pa bzlog par ro/ /gdam ngag ni lam sgom pa'i lung phog pa'o/ /sangs rgyas bcom ldan 'das pa ra NA se na zhes bya ba la sogs pa la bcom ldan 'das mngon par rdzogs par sangs rgyas nas ring po ma lon par tshangs pa chen pos gsol ba btab ste/ chos bstan par zhal gyis bzhes par mkhyen nas kun nas 'tsho byed kyi mdun du ba ra NA ser gshegs nas zhes bya ba la sogs pa gsungs pa gang yin pa de ni 'dir chos kyi 'khor lo bskor ba ste/ sngon gyi smon lam gyi dbang gis lnga sde las btsams te/ thog ma med pa'i dus nas rtas pa'i 'jig tshogs lta ba sngon du song ba can gyi nyon mongs pa'i tshogs 'joms par byed pa'i mdo sde 'di gsungs pa yin la/ de la bskal pa grangs med pa gsum dang bgrang bar shin tu dka' ba brgyas bsgrubs pa'i chos kyi gter chen po yin te/ gang gi phyir 'di ni kun shes kauN+Di n+ya la sogs pas yang dag par bgos pa'i phyir ro/ /de bas ni mdo sde bsdus pa'i don brjod pa 'dis ni bcom ldan 'das kyis mdo brjod pa'i dgos pa yang gsal po kho nar mdzad pa yin te/ gang gi phyir bcom ldan 'das kyis bstan pa thams cad ni skye bo gdul bya dag nyon mongs pa'i nyes pa ma lus pa las grol bar mdzad pa yin te/ gdul bya rnams kyis 'jig tshogs su blta ba la sogs pa'i nyon mongs pa'i tshogs drungs ma phyung par kun tu sbyor ba thams cad yongs su zad cing spangs pa'i shes pa thob par mi 'gyur ro/ /de'i phyir bcom l dan 'das kyis lnga sde sngon gyi skye bar goms pa'i thar pa'i cha dang mthun pa'i dge ba'i rtsa ba yongs su smin pa'i phyir mthong bas spang bar bya ba'i nyon mongs pa'i tshogs ma lus par zad par bya ba'i phyir dang pa mchog la sogs pa skyes pa dag la brtsams nas mdo sde 'di gsungs pa yin no/ /mdo sde'i brjod par byed pa'i dgos pa yang dag par bstan nas tshig gi don gyi rnam par dbye ba yang bya ba yin te/ sangs rgyas bcom ldan 'das zhes bya ba ni dgos pa ston pa'o// ba ra NA se zhes bya ba ni chu bo la ba ra NA se zhes bya ste/ gang de ltar ni 'jig rten dag gis ba ra NA se zhes yang dag par shes la/ bcom ldan 'das shAkya thub pa 'khrungs pa'i tshe na ni bar ka zhes ming 'dogs so/ /ba ra NA se de dang thag mi ring ba na yod pa'i khang khyer de la ba ra NA se na zhes bya ste/ thag nye ba dbang du byed pa'o/ /bzhugs te zhes bya ba la te'i sgra ni 'das pa'i dus nyid ston par byed pa'o/ /'di ltar bzhugs pa dang gzims pa'i dbye bas rnam pa yang pa de lta na yang 'dir bzhugs pa tsam la bya ste/ de la bzhugs nas mdo sde 'di gsungs pa yin no zhes bya bar sbyar ro/ /bcom ldan 'das bzhugs nas chos ston par mdzad pa nyid kyis kyang bzhugs gdan shugs kyis thob par 'gyur ro/ /drang srong smra ba zhes bya ba la drang srong ni yang dag par rdzogs pa'i sangs rgyas yin te/ de dag gang du chos gsung bar mdzad pa de ni drang srong smra ba'i gnas yin te/ yang dag par rdzogs pa'i sangs rgyas thams cad kyis kyang ji ltar so sor nges pa'i rdo rje'i gdan kho na la yang dag par rdzogs pa'i byang chub brnyes par mdzad pa de bzhin du so sor nges pa'i yul de nyid la/ mthong bar spang bar bya ba'i nyon mongs pa'i rgyun rnam par gcod par byed pa'i chos kyi 'khor lo bskor bar mdzad pa'o/ /mngon drang srong dag gi spyod pa dang/ spyod yul dang ldan pa nyid kyi phyir gnas kyi mchog de la drang srong smra ba zhes bstan to/ /ri dwags rgyu ba zhes bya ba ni ri dwags dag yid brtan pas spyod cing gnas pa'i don du rgyal pos sa phyogs de btang ba'i phyir ri dwags rgyu ba zhes bya'o/ /de'i tshe zhes bya ba ni 'chad pa'i gnas ston pa ste/ gnas de nyid du bcom ldan 'das kyis mdo sde 'di gsungs pa yin gyi gzhan dag tu ni ma yin no zhes bstan par 'gyur ro/ /bcom ldan 'das zhes bya ba'i don de ni bshad pa yin no/ /dge slong lnga ste dag la zhes bya ba la 'di ltar lnga sde zhes bya ba yang lnga po de dag gi grangs brjod pa yin la de lta na yang yid de dag re re la yang gnas pa yin te/ ji ltar drug sde zhes bya ba lta bu'o/ /de'i phyir 'di skad du/ de'i tshe bcom ldan 'das kyis dge slong lnga sde la bos te zhes lhag ma dang bcas pa 'di gsungs pa yin no/ /bos te zhes bya ba ni bcom ldan 'das kyis sems gtod pa la rnam par sbyor bar mdzad pa'o/ /'di ni sdug bsngal 'phags pa'i bden pa'o zhes bya ba la sogs pa la skye ba la sogs pa'i 'tshe bas gtses pa'i nye bar len pa'i phung po lnga ni sdug bsngal yin pa'i phyir na do? gzhan bshad par 'gyur ba la dgongs nas bcom ldan 'das kyis dge slong dag ngas 'di ni sdug bsngal 'phags pa'i bden pa'o snyam du zhes gsungs pa yin no/ /sngon zhes bya ba ni yang dag par rdzogs pa'i byang chub thugs su chud pa'i gong du'o/ /chos ma thos pa zhes bya ba 'dis ni gzhan gyis lung phog pa med par thugs su chud pa ston pa yin no/ /de la'o snyan du zhes bya ba'i sgra ni sdug bsngal 'phags pa'i bden pa yongs su bcad par gyur pa na rang bzhin gyi rnam pa'i bye brag des pa'i don yin te/ sdug bsngal sdug bsngal zhes bya ba dang/ 'phags pa'i bden pa la 'phags pa'i bden pa zhes nga'i mig skyes so zhes sbyar bar bya ba yin pa'i phyir ro/ /ngas zhes bya ba ni bdag la sbyor ba yin te/ 'di bdag ston pa'i chos bstan pa yin no zhes bya bar rab tu bstan pa'i phyir ro/ /mngon par rdzogs par sangs rgyas nas ring po ma lon par mdo sde 'di gsungs pa de'i tshe na bden pa mthong ba 'am/ dgra bcom par gyur pa gzhan 'ga' yang med pas lam 'dis bcom ldan 'das kyis bden pa gzigs nas dgra bcom par gyur te zhes de nyid kho na la ston par mdzad pa yin te/ gang gi tshe lam 'dis nyan thos gzhan dag gis kyang dgra bcom pa thob par gyur pa de'i tshe gnyi ga la ston pa'i tshe 'phags pa'i bden pa ston par mdzad par 'gyur ro/ /dge slong dag ces bya ba ni 'bod pa'i tshig yin te/ bos pa yang sems mnyam par bzhag pa la sbyar ba'i phyir ro/ /'dir 'di skad brjod par bya ste/ de kho na nyid ma mthong ba dang/ gsol ba dang/ bzhi'i las kyis bsnyen par ma rdzogs pa dag la ci'i phyir dge slong dag ces gsungs she na/ 'di la nyes pa yod pa ma yin te/ slong ba'i phyir dge slong zhes gsungs/ lnga sde de dag kyang chos bzhin gyis slong pa'i spyod pas srog 'dzin par byed pa'i phyir bcom ldan 'das gyis dge slong dag ces bstan pa yin no/ /yang na dge slong gi dngos por gyur pa la dgongs nas/ bcom ldan 'das kyis dge slong lnga sde dag ces bos pa yin no/ /sngon chos ma thos par zhes bya ba 'dis ni slob dpon med par nga la yang dag pa'i shes pa skyes so/ /shes ston par mdzad pa'o/ /tshul bzhin yid la byas pa na zhes bya ba de la tshul ni thabs yin te/ thabs las byung ba'i don thob pa la sbyor ba'i sgo nas 'du zhing 'dres par 'gyur ba'i phyir ram/ tshul ni rigs pa yin te/ sems kyis khong du ma chud pa'i sgo nas 'dres par gyur pa'i phyir ro/ /de bas na thabs sam rigs pas bden? brtag pa yid la byed ces pa 'di ni dag gi don yin no/ /mig skyes zhes bya ba la sogs pa la/ de la mig ni don mngon sum du byed pa'i phyir zag pa med pa'i shes rab yin la/ the tshom med pa'i phyir ye shes yin no/ /yang dag pa'i don nyid yin pa'i phyir rig pa'o/ /rnam par dag pa yin pa'i phyir blo yin no/ /yang na lta ba ngan pa'i gnyen po nyid yin pa'i phyir mig yin la/ the tshom gyi gnyen po nyid yin pa'i phyir ye shes yin no/ ma rig pa'i gnyen po yin pa'i phyir rig pa'o/ /zag pa med pa nyid yin pa'i phyir blo zhes bya'o/ /gzhan dag ni de la mig skyes so/ /ye shes dang/ rigs pa dang/ blo dang byang chub skyes so zhes 'don par byed do/ /de la 'dod pa la 'dun pa'i gnyen po yin pa'i phyir mig yin la/ gnod sems kyi gnyen po yin pa'i phyir ye shes yin no/ /gnyid dang rmugs pa'i gnyen po yin pa'i phyir rig pa yin la/ rgod pa'i gnyen pa yin pa'i phyir blo yin zhing/ the tshom gyi gnyen po yin pa'i phyir byang chub ces bya'o/ /dge slong dag ngas zhes bya ba dang/ 'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam 'phags pa'i bden pa'o snyam du/ ces mdor bsdus nas bstan pa'i tshegs chung ngus legs par bshad pa'o/ /'di ltar sdug bsngal kun 'byung 'di las zhes bya ba yang gang zhe na/ de smras pa/ sdug bsngal gyi kun 'byung ba ni sdug bsngal kun 'byung ba ste/ gang gi phyir nye bar len pa'i phung po lnga'i rang bzhin can gyi sdug bsngal ma lus pa las ma lus 'byung pa'i phyir te/ kun 'byung 'di las zhes bya ba'i dbang du byas so/ /sdug bsngal gyi 'gog pa la zhes bya ba ma 'dir 'gog pa gang yin zhe na/ smras pa/ sdug bsngal thob pa 'gog pa dang/ gzhan gyi skye ba ni bsdug bsngal 'gog pa'o/ /sdug bsngal 'gog par 'gro ba'i lam 'phags pa'i bden pa gang yin zhe na/ sdug bsngal gyi 'gog pa ni sdug bsngal 'gog pa ste/ der 'gro ba'i lam ni lam gyi bden pa sgrub par byed pa yin pa'i phyir ro/ /lan gsum du bskor ba rnam pa bcu gnyis su zhes bya ba la sogs pa la/ 'phags pa'i bden pa bzhi po dag lan gsum du bskor ba re re la rnam pa bzhi bzhir 'gyur ba'i phyir bcu gnyis su 'gyur te/ bskor ba dang po la 'di ni sdug bsngal lo/ /'di ni kun 'byung ba'o/ /'di ni 'gog pa'o/ /'di ni 'gog par 'gro ba'i lam 'phags pa'i bden pa'o/ /zhes de rnam pa bzhi yin la/ bskor ba gnyis pa la sdug bsngal yongs su shes par bya/ kun 'byung spang bar bya/ 'gog pa mngon sum du bya/ lam bsgom par bya'o zhes bya ba de yang rnam pa bzhi yin zhing bskor ba gsum pa la sdug bsngal ni shes kun 'byung ni spangs/ 'gog pa ni mngon sum du byas/ lam ni bsgoms so zhes pa de dag kyang rnam pa bzhi yin pa'i phyir rnam pa bcu gnyis su 'gyur ro/ /yang na sdug bsngal zhes bya ba de bskor ba la mig dang/ ye shes dang/ rigs pa dang/ blo skyes ba zhes bya ba rnam pa bzhi dang/ sdug bsngal shes par bya'o/ /zhes bya ba de bskor ba la mig skyes pa zhes bya ba la sogs pa gzhan rnam pa bzhi pa de nyid dang/ sdug bsngal shes so zhes bya ba bskor ba gsum pa de la mig skyes so/ /zhes bya ba la sogs da? rnam pa bzhi po de nyid du 'gyur ba'i phyir ro/ /de ltar na lan gsum du bskor ba nyid dang rnam pa bcu gnyis nyid yin no/ /bcu gnyis su mtshungs pa'i phyir rnam pa bcu gnyis zhes bstan te/ shing lo ma bdun pa zhes bya ba lta bu'o/ /lan gsum bskor ba rnam ba bcu gnyis smos pas 'dir mthong ba dang sgom pa dang mi slob pa'i lam dag gzung ba yin zhing rig par bya ste/ gang gi phyir mthong ba'i lam la sdug bsngal dang/ kun 'byung dang/ 'gog pa dang/ lam gyi rang bzhin yongs su shes par 'gyur pa 'di ni sdug bsngal zhes bya ba nas 'di ni lam zhes bya ba'i bar du bskor ba ni mthong ba'i lam yin par shes par bya'o/ /bsgom pa'i lam la sdug bsngal yongs su shes par bya/ kun 'byung spang bar bya/ 'gog pa mngon sum du bya/ lam bsgom par bya'o zhes bskor ba 'di yin te/ de la gang gi phyir bsgom pas spang bar bya ba'i bag la nyal spang pa'i don du bden pa mthong ba yang mngon sum du bya ba yin no/ /mi slob pa'i lam la sdug bsngal ni shes so/ /kun 'byung ni spangs so/ /'gog pa ni mngon sum du byas so/ /lam ni bsgoms so zhes bskor ba 'di yin par rig par bya ste/ gang gang gi phyir bag la nyal ma lus par spang ba'i phyir der gnas pa dag la bden pa yang mngon sum du bya ba dgos pa yod pa ma yin no/ /las thams cad kyi thog mar rtsol bar yin par dgongs nas ni mthong ba'i lam la lan gsum bskor ba rnam pa bcu gnyis smos pa byas pa yin no/ /de langs zhes bya ba la sogs pa la mi las lha gtso bor gyur pa'i phyir lha dang bcas pa zhes gsungs pa yin no/ /'dod pa na spyod pa'i lha dag las bdud ni dbang byed pa'i sgo nas gtso bor gyur pa de'i phyir bdud dang bcas pa zhes bya'o/ /tshogs pa de dag las kyang tshangs pa khyad par du 'phags pa yin pa de'i phyir tshangs pa dang bcas pa zhes bya'o/ /mi'i 'jig rten du rnam par bzhag pa las dge sbyong dang/ bram ze gtso bor gyur pa yin pa'i phyir dge sbyong dang bram zer bcas pa zhes bya'o/ /grol lo zhes bya ba ni sbyor pa'i lam gyis te/ sbyor ba'i lam ni nyon mongs pa spong ba'i thabs nyid yin pa'i phyir ro/ /nges par 'byung ngo zhes bya ba ni bar chad med pa'i lam gyis te/ nyon mongs pa'i thob pa gcod par byed pa nyid yin pa'i phyir ro/ /rnam par grol lo zhes bya ba ni rnam par grol ba'i lam gyis te/ bral bar gyur pa skyed par byed pa nyid yin pa'i phyir ro/ /rab tu bral lo zhes bya ba ni khyad par gyi lam gyis te/ nyon mongs pa spangs pa thag ring du bsrid ba'i gnyen po'i phyogs nyid do yin pa'i phyir ro/ /nyon mongs pa spangs pa'i phyir phyin ci log gi sems dang bral bas mang du gnas pa zhes gsungs pa yin te/ nyon mongs pa kho na phyin ci log pa 'am/ nyon mongs pas byas pa phyin ci log yin pa'i phyir phyin ci log tu 'dzin pa yin pa de dang bral ba'i sems kyis mang du ste yang dang yang du 'am/ rgyun gyis gnas pa ste rnam par dpyod pas so/ /bla na med pa yang dag par rdzogs pa'i byang chub ni kun la phan pa'i ye shes yin la/ thugs su chud pa ni mkhyen par gyur pa'o/ /gsal por snang ba nyid yin pa'i phyir rdul med pa yin la/ zag pa med pa nyid yin pa'i phyir dri ma dang bral ba'o/ /chos rnams la zhes bya ba ni 'phags pa'i bden pa bzhi dag la'o/ chos kyi mig ces bya ba ni chos thams cad bdag med par mthong ba'i shes rab kyi mig go / kauN+Di n+ya khyod kyis chos 'di kun shes sam zhes bya ba ni 'dir lan gnyis brjod pa ni dga' ba ston par mdzad pa yin te/ gang gi phyir bcom ldan 'das kyis bskal pa grangs med pa gsum du dka' ba mdzad pa thams cad nyid sems can gyi don bsgrub par bya ba'i phyir yin la/ sems can gyi don grub pa yang de'i tshe rtsom pa de'i phyir bcom ldan 'das kyis bskal pa grangs med pa gsum du bka' ba mdzad pa 'bras bu dang bcas par thugs su chud pa dang 'dra bas na de'i tshe zhes bya ba'i tshig tu byas pa yin no/ /sa la gnas pas na sa bla ste/ sa la gnas pa zhes bya ba'i tha tshig go /sgra bsgrags zhes bya ba ni sgra dal gyis sgrogs par byed pa'o/ /skad che ba zhes bya ba ni pha rol po'i rna ba'i rnam par shes pa skyed par byed pa skad gdangs mthon po sgrogs pa'o/ /tshul bzhin du zhes bya ba ni chos dang ma bral bas tshul yin la/ chos ni mthong ba'i lam yin la/ de yang khams gsum du 'khor lo bzhin du yongs su rgyu ba'i tshul gyis na 'khor lo'o/ /dge sbyong dang bram ze la sogs pa gzhan dag gis bskor bar mi nus pa nyid kyi phyir ma bshad pa zhes bya'o/ /ci tsam zhes bya ba ni tshul gyis so/ /'jig rten 'di dang 'jig rten pha rol tu bde ba nyid yin pa'i phyir phan pa zhes bya'o/ /thar pa'i bde ba skyed par byed pa yin pa'i phyir bde ba zhes bya'o/ /bcom ldan 'das lan du phan btags pa la re ba mi mnga' ba'i phyir 'jig rten la thugs brtse ba'i phyir zhes bya'o/ /bde ba mthong ba'i snod du gyur pa nyid kyi phyir lha dang mi rnams la zhes smos pa yin no/ /don zhes bya ba ni mngon par 'dod pa'i don sgrub par byed pa'i phyir yin la/ phan pa dang bde ba ni snga ma dang 'dra'o/ /lus ni tshogs yin no/ /skad cig ces bya ba la sogs pa la bud med 'gal skyen pa ras bal gyi 'da' ba las dpung pa brkyang ba'i mthar thug pa'i snal ma dus mnyam pa 'di la skad cig mar 'dod de/ skad cig de la myur du song nas tshangs pa'i 'jigs rten gyi bar du sgra grag par byas pa'o/ /thang cig ni tsa sha ka gnyis la rab tu grags pa yin pa'i phyir 'bring du song bar gyur pa yin la/ yud tsam ni chu tshod gnyis la rab tu grag pa yin pa'i phyir dal bus song ba yin pas na skad cig yud tsam thang gcig de la zhes bya ste/ 'dir skad cig ma'i tshogs pa'i dus gang yin pa des shin tu dal gyis song nas tshangs pa'i 'jig rten gyi bar du sgra grag par gyur pa'o/ /mtshan nas bos te zhes bya ba la don thams cad grub pa zhes bya ba 'dis so/ /gdung nas bos pa ni gau ta ma zhes bya bar ro/ /don med pa zhes bya ba ni mngon par 'dod pa'i don mi 'thob pa'o/ /mi phan pa zhes bya ba ni 'jig rten 'di dang 'jig rten pha rol tu sdug bsngal skyed par byed pa nyid yin pa'i phyir ro/ /sdug bsngal ba'o zhes bya ba ni thar pa'i bde ba thob par mi byed pa'i phyir ro/ /gzhon ra bas dag las gzhon nur gyur pa ni gzhon nu phag yin lo/ rgan rabs dag las rgan por gyur ba ni rgan po dag go /ming nas 'bod pa ni nye ba'i tshig med par brjod pa'o/ /rus nas bos pa ni rus smos pa sngon du song ba can du brjod pa yin no/ /ji ltar rnam par 'byed pa las dge slong 'phral ba dang/ dge slong ma gsal ma'i byung ba'i mdza' khyim rnams la so/ so sor go bar byed pa'i blo mthun gyi skabs su bcad par bya ba yin no/ /ku sha'i grong khyer zhes bya ba ni bcom ldan 'das shAkya thub pa ku sha zhes ming du grags pa'i rgyal po 'di nyid du gyur pa de'i tshe des bcal ba'i gro ? ni ku sha'i grong khyer ro/ /gyang ces bya ba ni de skad du ming du grags pa'i rgyal rigs yin la/ nye 'khor zhes bya ba ni grong zhes bya ba ni grong brdal dang thag nye ba'i gnas par byed pa'i gnas yin te/ gang du 'ongs nas gnas pa zhes bya ba'i dbang du byas nas so/ /de dang thag nye ba dbang du byed pa de ni de dang nye ba'i tshal te/ shing sa la gnyis kyis nye bar mtshan pa gang yin pa de la bzhugs so zhes bya bar sbyar ro/ /gnyis kyang de yin las la yang de yin te/ de gnyis kyis nye bar mtshan pa ste/ dga' bar byed pa na'o/ /rnam par 'byed pa la sogs pas 'dul ba rgya cher ni bshad kyi mdor bsdu ba nyid kyi ni skabs ma yin pa'i phyir ro/ /legs par zhes bya ba la sogs pa la legs pa ni skabs sbyin par byed pa yin pa'i phyir ro/ /rab tu bzung ba ni thos pa mi brjed pa yin pa'i phyir ro/ /tshul bzhin yid la byed pa yang dag par 'byung ba'i phyir yid la byed pa'o/ /rung ba ma yin pa bsten la zhes bya ba ni/ rung ba ma yin pa'i phyir phyogs bsten par byed pa'o/ /rung ba spong na zhes bya ba ni rung ba dang lhan cig 'gal bar gyur ba ste/ de lhag par spyod par mi bya'o/ /rung ba bsten la zhes bya ba ni rung ba'i phyogs bsten pa dang/ rung ba ma yin pa dang 'gal ba de ni lhag par spyad par bya'o/ /ji ltar khri rkang pa spras pa can gyi gzhi nyid du gyur pa la bshad pa dang gci ba mi bya ba nyid dang/ longs spyod par mi bya'o zhes bya ba la sogs pa de lta bu'i dgag pa yod cing/ gang tshwa dang 'dres pa'i rgyun chu gtung bar bya ba nyid dang/ kham por la bza' bar bya'o zhes bya ba la sogs pa de lta bu'i gnad ba yod pa de thams cad ni 'dis grub pa nyid yin te/ de skad du gang bcom ldan 'das kyis ma bkag la mi rung ba bsten pa de ni 'dis bkag par bya ba yin la/ gang yang rjes su gnang ba med la rung ba bsten pa ni 'dis rjes su gnang ba yin par rig par bya'o zhes bstan pa yin no/ /spangs pa zhes bya ba ni nges par 'dor ba ni spangs pa yin la/ spang ba'i phyir nus pa yin pas na spangs pa ste/ yongs su dor ba zhes bya ba'i bar du'o/ /rdzas la nges par sbyor bas dge skos te/ gang gtsug lag khang du dge 'dun mngon par gyis nas las su bya ba sgrub par byed pa'o/ /mi shes pa zhes bya ba ni cung zhig kyang yongs su shes pa'i rnam par rtog pa med pa'o/ /yongs su sgo zhig ces bya ba ni/ 'di ltar chos gos 'di phyir yang de la byin cig ces shes par gyis shig pa'o/ /shu ba ni rma'i thon khor gyi khrag skams kyi tshogs yin no/ /sbrang bu bskyab pa'i phyir gos la byas pa can ni sbrang skyabs so/ /lhag ma med par byas nas zhes bya ba ni zhing chung ngus byas pa'o/ /drang por byas ba zhes bya ba ni rnam par gsal ba dang mngon du phyogs pa'o/ /rnol ma zhes bya ba ni ras snol mar sbyar ba'o/ /ngal bar gyur nas zhes bya ba ni chu tshags 'debs par gyur pas so/ /chu blang bar bsams pa dang zhes bya ba ni chu tshags kyi sbyor ba'i sgo nas len par bsams par gyur pa dang/ 'dzin pa'i snod ni chu tshags las phyi rol tu gdags par bya'o/ /mi chags pa ni 'dzin par mi nus pa'o/ /ngal bar gyur pa zhes bya ba ni de dag dran pa rab tu nyams par 'gyur ba dang/ lus gdung bar gyur pa'o/ /grol bar byed pa'i snod ces bya ba ni gang snod bkad pas 'dzud par byed pa la stong pa yang dag par 'byin bar byed pa'i snod la grol bar byed pa'i snod du 'dod de/ de ltar gyur pa la dang zhabs su srad bu gnyis btags pas gzhug par bya ba yin te/ chus khyab par gyur pa na kha la btags pa'i srid bu klod par bya zhing zhabs la btags pa'i srad bu dal gyis steng du drangs pa gang yin pa des kha 'og tu bltas par 'gyur ro/ /grol bar byed pa chu'i nang du lan gsum mam lan gnyis su bkru bar bya ste/ grol bar byed pa'i snod gsungs pa las de dag thams cad thob par 'gyur ro/ /'dis chu sgrogs par byed pa'am 'di la chu sgrogs par byed cing 'gro ba dang ltung ba dang 'jug pa'i phyir sgra sgrog go /bum pa'i tshul du byas la zhes bya ba ni bum pa dang 'dra ba'i rang bzhin gyi dbyibs gang la yod pa de ni bum pa'i tshul du byas pa'o/ /pad ma'i snying po ni lte ba yin te/ lte ba ji lta bo de bzhin du sgra sgog gi dbus bug pa mang po can zlum la mthong bya'o/ /de'i steng du bu gu chen po zhes bya ba la bu gu chen po ni 'dir bum pa'i kha la blta bar bya'o/ /bug bal zhugs pa'i chu bsdu bar bya ba'i don du lca'u gdags par bya'o/ /'di ltar blo mthun pa sngon du zhes bya ba ni sra brgyad gi gzhi las gal te chos gos gsum po ma rnyed par gyur pa de'i tshe thams cad gding bar bya ste/ dge 'dun ni tshogs du ma nyid yin pa'i phyir ro/ /zhes bya ba la chos gos gsum ji tsam de tsam go na'i gtan pa bting ba 'dir shes par bya ba yin no/ /rnam par grol ba'i chos gos bgo ba bya ba kho na yin pas na bgo bar bya ba'o/ /'chi ba'i mthar gyur pas na 'chi mdza' can no/ bsags pa kun gyi mdza' zad cing zhes bya ba la sogs pa la 'tsho ba yo byad 'tsheg chas dang bcas pa 'jig pa'i mdza' tsam yin no/ /zhes bya ba 'di ni bsdus pa'i don yin no/ /bsags pa zhes bya ba ni gser la sogs pa'i gter gyi tshogs yin la/ kun zhes bya ba ni lhag ma med par ro/ /zad pa'i mdza' gang la yod pa da ni mdza' zad pa ste/ nyams pa'i mdza' dang bral ba'i mthar phyin pa'i mdza' zhes bya'o/ /mdza' ltung mdza' 'gyur zhes bya ba ni ltung ba'i mthar phyin pa'o/ /gang yin zhe na/ mthon po kun gyi zhes bya ba smos te/ yang dag pa'i go rim gyis mthon por brtsams pa'i khang pa gang yin pa zhes bya ba'i tha tshig go /gzhan dag ni lus la mthon po kun zhes zer ro/ /lus yang dag par btang ba ni lha'i phyir ma yin/ longs spyod kyi phyir ma yin zhes smon lam gyi tshigs dmigs pa'i phyir ro/ /'du ba zhes bya ba ni bza' ba'i skye bo yang dag par tshogs pa'i phyir ro/ /mthar ni 'bral bar 'gyur zhes bya ba ni bral ba'i sgo nas brlag par 'gyur ba'o/ /mthar 'chi ba yin zhes bya ba ni mdza' mar 'chi bar 'gyur ba'o/ /yang gi sgra ni gang 'dir sngar smos pa 'ba' zhig ni ma yin gyi/ 'on kyang srog kyang zhes bya ba yin mla/ yang gi sgra ni nges par gzung ba yang yin pas 'di thams cad du ji ltar rigs par sbyar bar bya ste/ mdza' zad pa nyid ces bya ba la sogs pa sbyar bar bya ba nyid yin pa'i phyir ro/ /de gang zhe na/ smras pa/ 'tsho ba ste srog go /de'i phyir gang longs spyod par bya ba gter bsags pa dang/ gang du longs spyod par bya ba'i khyim dang/ gang gis longs spyod par byed pa lus dang/ gang dang lhan cig longs spyod pa pha dang/ ma dang bu dang/ chung ma la sogs pa dang/ gang gi don du longs spyod pa srog gi phyir yin pa de dag thams cad mthar 'jig pa yin no/ /zhes khong du chud par bya'o/ /longs spyod bsags pa dang khyim dang lus dang chung ma la 'tsho bas rgyags pa'i dregs pa de spang bar bya ba'i phyir de skad du bstan pa yin no/ /dus ni tha ma'i dus yin te/ chos ni gdon mi za bar 'gyur ba gang yin pa de dus kyi chos de mchi ba yin te/ de dang yang dag par ldan par gyur pa'o/ /shing kyi cho ga ni? dad pas rjes su sbyin pa la sogs pa'o/ /nang gi skye bo zhes bya ba ni nges par khyim na gnas pa'i skye bo'o/ /dka' bar bya bar bya ba nus pa yin pa'i phyir dka' ba byed pa ste/ de ni 'dir bdag la mi slu bar byed pa'o/ /lus 'di de gnyis kyis bsgrubs pa nyid yin pa'i phyir bskyed pa'o/ /gsol ba ni nang gi phan 'dogs par byed pa bza' ba dang btung ba la sogs pas so/ /bsod pa ni nang gi phan bsrings pa ni phyi rol gyi rnam par 'tshe ba las bsrungs pa'i phyir ro/ /khyer ba ni btegs pa'o/ /sa chen po zhes bya ba ni gling bzhi pa'o nor bu ni snang ba'i bdag nyid dug 'joms par byed pa'o/ /man shel ni rin po che'i khyad par yin te/ khyim gang na yod pa der 'byor pa thams cad rgyas par 'gyur ro/ /rin po che dmar po zhes bya ba ni pad+ma rA ga yin no/ /g.yas su 'khyis pa? ni rin po che'i bye brag yin te/ gang na yod pa der dpal 'byor ba la rtag tu gnas par 'gyur ro/ /byas pa zhes bya ba ni phan 'dogs pa'o/ /rab tu byas pa zhes bya ba ni rab tu phan btags pa'o/ /dad pa med pa zhes bya ba ni gang la las dang 'bras bu 'brel ba dang/ rten cing 'brel bar 'byung ba dang/ dkon mchog gsum la mchod par yid ces pa'i dad pa med pa yin par rig par bya'o //tshul khrims 'chal ba ni tshul khrims rgyud par gyur pa ste/ srog gcod pa la sogs pa lnga po dag las ldog pa med pa'o/ /dngos po 'di bdag gi las gzhan gyir ma gyur cig ces bya ba ni ser sna yin la/ de 'di la yod pa'i phyi ser sna yin no/ /shes rab 'tshal ba zhes bya ba ni blo dman par gyur pa'o/ /pha dang ma dang pa med pa dad pa phun sum tshogs pa la te/ dad pa'i 'byor pa dang/ tshul khrims 'tshal ba tshul khrims kyi 'byor ba dang/ ser sna can gtong ba'i 'byor pa ste/ gtong ba'i 'byor pa yang rdzas su gtong ba'i mtshan nyid can dang/ 'khor ba yongs su gtong ba'i mtshan nyid can rnam pa gnyis yin no/ /shes rab 'chal ba shes rab la 'god pa shes rab phun sum tshogs pa la bya ste/ khyad par du 'phags pa'i shes rab kyi rdzas skyed par byed pa la'o/ /yang dag 'god par byed pa dang zhes bya ba ni dad pa phun sum tshogs pa la sogs pa la rab tu 'jug par byed 'phen par byed ces bya ba'i bar du'o/ /'dul bar byed ces bya ba ni ji ltar dad pa phun sum tshogs pa las su bya ba yin pa de bzhin du slob par byed pa'o/ /des par 'jug par byed ces bya ba ni bstan por rab tu 'jug par byed pa'o/ /so sor 'jog par byed ces bya ba ni mthar phyin 'thob par byed pa'o/ /bltos pa dang bcas pa zhes bya ba ni don gyi yul la bltos pa yod pa yin pa'i phyir dang/ /rab tu byung ba ni bltos pa med pa zhes bya ba la/ shi ba'i rdzas grogs tshangs pa mtshungs pa spyod pa bdag po nyid du 'gyur ro/ /zhes bcom ldan 'das kyis gsungs pa de'i phyir dge slong dag ni bltas pa med pa nyid yin la khyim pa nang gi shi ba'i rdzas ni phung po la sogs pa dbang ba nyid yin pa'i phyir khyim pa ni bltos pa dang bcas pa yin no/ /rung bar bya ba'i phyir zhes bya ba ni byin gyis brlab pa ma gtogs par rung ba des gos bcad bar bya ba dag go /khyim par babs na zhes bya ba ni khyim gyi gnas kun nas brten nas so/ /de nyid kyi mngon sum du rung bar mi bya ba ni lkog tu gyur pa la'o/ /'thab krol can zhes bya ba ni yid kyi sdug bsngal skyed par byed pa'o/ /ming la btags pa'i chos gang yin pa de ni 'dir yid brtan par rig par bya ste/ yid brtan pa gang la yod pa de ni yid brtan pa zhes bya'o/ /shin tu bskal pa zhes bya ba ni thag ring por gyur pa'o/ /'dun pa 'bul bar byed pa zhes bya ba ni dge 'dun gyi bya ba chos dang mthun pa'i gnang pa gsol ba'o/ /gcig la gcig ces bya ba ni gcig la gcig gam phan tshun brjod par byed pa'o/ /bcom ldan 'das kyis zla ba phyed phyed ces bya ba la sogs pa la zla ba phyed phyed ces bya ba ni/ phyed phyed de bco lnga pa dang bcu bzhi par ro/ /las dang nyon mongs pa dang skye ba'i kun nas nyon mongs pa dag las na dga' ba med par thar par byed pa'i phyir thar pa yin la/ so sor thar par byed pa'i phyir so sor thar pa'o/ /de nyid mdo yang yin te/ 'dul ba ma lus pa'i don yang dag par bstan pa yin pa'i phyir ro/ /de gdon pa ni brjod pa yin la/ de bya ba ni gdon par bya ba'o/ /yongs su dag pa 'bul ba ni bdag nyid byas de la rung ba nyid du sgrub pa'o/ /gnas gsum gyi skabs dbye bar bya'o/ /zhes bya ba ni bdag la tshe dang ldan pa khyod kyis mthong ba 'am thos pa 'am/ dogs pas nye ba gang yin pa dang brjod par bya'o/ /zhes bya ba de lta bu'i skabs 'byed pa 'ba' zhig ? de ni dge 'dun gyi phyir skabs 'byed pa'o/ /gso sbyong dang 'dra'o// zhes bya ba ni gso sbyong gi cho ga'i 'gres kyi sbyor ba de bzhin du sbyar bar bya'o/ /g.yul la dpa' ba gang yin pa de dag ni 'dir bzang po yin par rig par bya'o/ /stobs ni dpung gi tshogs yan lag bzhi pa yin te/ bzang po dang stobs kyi mchog ni de'i gtso bor gyur pa'o/ /gcig la sogs pa zhes bya ba ni gcig dang gnyis dang gsum la sogs par ro/ /sor mo'i tshogs bgrang bar byed pa'i phyir ram/ sor mos rab tu stan cing rab tu ston pas bgrang bar byed pa'i phyir sor mos bgrang bar byed pa na'o/ dbyar nye zhing stobs par byed pa'i phyir dbyar tshul du 'jug pa'i tsho ste/ dbyar zla 'bring po'i bco lnga 'am dbyar zla tha chung gi bco lnga'o/ /ting nge 'dzin rdzogs pa'i bsgom pa ni 'dir bsam gtan yin la sangs rgyas kyi bka' klog pa ni 'don pa yin zhing ting nge 'dzin ma grub pa yid la byed pa yin te/ de dag gi sbyor ba la mngon par brtson pa ni las su bya ba'o/ /spyod lam zhes bya ba ni spyod lam bzhis 'gro ba dang/ 'chag pa dang 'dug pa dang/ gnas pa'i bdag nyid can gyi spyod lam gyis so/ /spyod pas zhes bya ba ni bsod snyoms la sogs pa la 'jug pa'i sgo nas so/ /yang dag par grub par byed ces bya ba ni thams cad du bslab pa yongs su bsrung zhing yang dag par nan tan byed par ro/ /cung zad tsam zos pa nyid kyi phyir zang zing dang bcas pa'o/ /dge 'dun gyi gnas brtan zhes bya ba ni gang der spyan drangs pa'i dge 'dun gyi gnas brtan du gyur pa'o/ /na ba'i gos sman zhes bya ba ni nad pa dag dang rjes su mthun pa'i yo byad rung ba ste yang a ru ra la sogs pa dang/ phan pa'i zas la sogs pa'o/ /skabs 'byed do// ces bya ba ni/ mgron du gnyer bar byed pa'o/ /gang nad pa'i bsnyen bkur te gnod pa med pa'i g.yog byed pa'o/ /dgos na zhes bya ba ni don du gnyer ba ste/ sman dgos par gyur na zhes bya ba'i tha tshig go /rgyal po'i pho brang du 'gro ba la nyes dmigs bcur 'gyur ro/ /zhes bya ba la/ bcu gang zhe na/ dge slong dag 'di la rgyal po btsun mo dang lhan cig tu 'dug cing? dge slong yang rgyal po pho brang du 'gro bar byed pa de'i tshe btsun mos dge slong mthong nas 'dzum pa 'byin par byed pa na/ de la rgyal po 'di snyam du ji ltar btsun mos dge slong mthong nas 'dzum pa 'byin par byed pa las na/ dge slong gis der na gang sdig pa'i las byed pa 'am/ sdig pa'i las 'ga' zhig bya bar sems par mi 'gyur ram snyam du sems par 'gyur te/ de ni rgyal po'i pho brang du 'gro ba'i nyes dmigs dang po yin no/ /gzhan yang rgyal po btsun mo'i gan du song ba brjed dam sbrum ma btsun mo'i 'khor gyi nang du zhugs par gyur pa na dge slong yang rgyal po'i pho brang du 'gro na de la rgyal po 'di snyam du dge slong rgyal po'i pho brang 'dir 'gro ba las na de'i las ma yin nam snyam du sems par 'gyur te/ de ni rgyal po'i pho brang du 'gro ba'i nyes dmigs gnyis pa yin no/ /gzhan yang rgyal po'i pho brang na rin po che 'am rin po che ram smos pa stong par gyur la dge slong yang rgyal po'i pho brang du 'gro na de la rgyal po 'di snyam du dge slong rgyal po'i pho brang du 'gro ba las na de'i las ma yin nam snyam du sems par 'gyur te/ de ni rgyal po'i pho brang du 'gro ba'i nyes dmigs gsum pa yin no/ /gzhan yang rgyal po'i pho brang las gsang tshig phyi rol du grags par gyur la dge slong yang rgyal po'i pho brang du 'gro na de la rgyal po 'di snyam du dge slong rgyal po'i pho brang du 'gro ba las na de'i las ma yin nam snyam du sems par 'gyur te/ 'di ni rgyal po'i pho brang du 'gro ba'i nyes dmigs bzhi pa yin no/ /gzhan yang rgyal bu gzhon nu rnams la gsod par sems la/ dge slong yang rgyal po'i pho brang du 'gro na de la gang dag yid mi dga' ba de dag la 'di snyam du dge slong rgyal po'i pho brang 'dir 'gro ba las na de'i las ma yin nam snyam du sems par 'gyur te/ 'di ni rgyal po'i pho brang du 'gro ba'i nyes dmigs lnga pa yin no/ /gzhon nu rnams rgyal po gsod par sems pa yang de bzhin no/ /gzhan yang rgyal pos blon po gnas mthon po can dag gnas dma' mor 'jog par byed pa dang/ blon po dma' mo dag gnas mthon po la 'jog par byed la zhes bya ba la sogs pa la de nyid kyang snga ma bzhin no/ /gzhan yang dpung gi tshogs yan lag bzhi go bskon te 'gro ba dang ldog par byed cing zhes bya ba la sogs pa yang snga ma bzhin no/ /de ni rgyal po'i pho brang du 'gro ba'i nyes dmigs dgu pa yin no/ /gzhan yang ma phebs pa phebs par byed cing phebs pa gnas par byed la thob rgyal du bsgrags nas/ de'i 'og tu chad pa chen pos rjes su ston par byed cing dge slong yang rgyal po'i pho brang du 'gro na/ de la gang dag yid mi dga' ba de dag 'di snyam du dge slong rgyal po'i pho brang 'dir 'gro ba las na de'i las ma yin nam snyam du sems par 'gyur te/ de ni rgyal po'i pho brang du 'gro ba'i nyes dmigs bcu pa yin no/ /dge slong dag de ltar na rgyal po'i pho brang du 'gro ba ni/ glang po che'i gnod pa dang rta'i gnod pa dang/ shing rta'i gnod pa dang/ dpung bu chung gi gnod pa 'byung ste/ rung ba ma yin pa tshul dang mthun pa ma yin pa dge slong gi tshul dang mthun pa ma yin zhes rnam par smad pa mdzad do/ /dri dang tha snyad du byed pa'i phyir spos 'tshong gi khye'u 'o/ /khur skam ni nad pa la mkho ba'i khur bskam po'o/ /sha skam ni sha'i dum bu 'am sha skam gyi khu ba'o/ /sha mkhan ni sha 'tshed pa la goms pa'o/ /de ni dge sbyong gi tshul dang mthun pa ma yin/ skye bo chen po gnas pa nyo tshong gi gnas ni tshong dus so/ /'tshe ba ni bskyed la bya'o/ /sbyin bdag la yid brtan pas zhes bya ba ni len pa la sogs pa'i tshe gang gi thad las blangs pa de kho na'i de yin no/ /zhes sems nye bar bzhag pa yin no/ /tshangs par spyod pa zhes bya ba ni mya ngan las 'das pa'i don du spyod pa la mkhas pa'o/ /ji ltar 'dod pas spyod pa ni ji ltar 'dod pas longs spyod pa ste/ 'dod dgar za ba de dag dang ngo/ /dge slong gi 'khor gyi nang du 'dus pa nyid yin pa'i phyir dge tshul yang 'dir dge slong du brjod pa yin no/ /lo gsum gyis mchod pa zhes bya ba ni yongs su rdzogs pa'i lo gsum gyi mchod par gyur pa dang ngo// khri rkang pa mthon po can steng mal stan gyis non pa ni khri'o/ /khri rtswa'i theg pa can zhes bya ba ni mal stan med pa rtswa dang lhas pa'i khri yin te/ de'i tshul can gyi nyes dmigs byed pa 'ang rig? nas pa yin par rig par bya'o/ /spyod pa zhes bya ba ni mi smra ba la sogs pas spyo ba dag gis/ phor bu ni kha phor chung ngu'o/ /yal bar mi dor ba ni 'brel ba dang bcas par ro/ /bslus nas khrid pa zhes bya ba ni bslus nas lam ma yin pa la 'jog pa'o/ /kha drangs pa ni gos la sogs pa sbyin pa'i thabs kyis bdag nyid kyis sgrub par byed pa'o/ /mna' dor ba ni bdag gi tshig 'di bden pa yin no/ /zhes 'dir sgrub par byed pa'i tshig yin no/ /bden pa'i bsam pa ste/ sems rab tu 'byung ba gang yod pa de la 'dir de skad ces bya'o/ /rab tu byung ba smos pa kho nas rab tu byung ba dag ni bden pa smra ba nyid du rtogs pa yin gyi/ mna' dor bar byed pa'i sgo nas ma yin no/ /zhes bya bar dgongs so/ /yal 'dzugs pa zhes bya ba ni rte'u 'dzugs pa yin te/ gal te bdag gi tshig 'di de bzhin du mi 'gyur na bdag gis gos de sbyin par bya'o/ /zhes bya ba la sogs pa lta bu'o/ /khyad par du thob par byed pas na yal 'dzugs pa ste/ bltos pa med par sbyin pa zhes bya ba'i tha tshig go /de 'dzugs pa ni gta' ma'i tshul gyis tha snyad du byed pa'o/ /rul pa ni 'dir stag gi god kyi sha god kyi sha god kyi sha yin no/ /khengs pa zhes bya ba ni mi 'dod pa'i ngang tshul can no/ /nga rgyal can ni lhag pa'i nga rgyal gyis khyad du gyur pa'o/ /gtses pa ni gnas khang du 'drug par byed pas so/ /bzlog par bya'o zhes bya ba ni bya ba ma yin pas bzlog par byed pa'o/ /ci khyed kyis dgongs sam zhes bya ba ni khyod kyis dgongs pa la rigs cung zad kyang yod pa ma yin no/ /zhes bya bar bsams pa'o/ /yang bgo bar bya ba nyid yin pa'i phyir rnyed pa 'god pa'i kun tu spyod pa gang yin pa de ma byas pa'i phyir nye bar bgos pa'o/ /nga sbas te zhes bya ba ni mi snang bar rnam par gnas pa'o/ /rgan pa'i mdza' nas gzhon pa'i mdza' i bar du khyer ba ni brims pa'o/ /gal te 'ga' zhig skal pa len par byed na kun bltas te/ de la sbyin par bya zhing zhes te/ dge 'dun gyis bgo bar bya ba yin no/ /mchog tu 'byor pa ni khyad par du 'phags pa'i phun sum tshogs pa'o/ /glang po che'i 'dul spyod mkhan zhes bya ba ni glang po che slob sbyong gi dbang du byas pa 'am/ glang po che'i gtso bo la zhon pa'o/ /sdod cig ces bya ba ni don med par ston par byed pa'i ngag gi 'gyur ba'o/ /phan pa cher bgyis par 'gyur pa'o/ /zhes bya ba ni las su bya ba chen por byas par 'gyur ba'o/ /glang po che mchog dang mchog ces bya ba ni gtso bo gtso bo dag go /me tog can gyi nags zhes bya ba ni cung zad kha 'bus pa'o/ /glang po che dag gi nang na rin po che dang 'dra ba ni glang po che cang shes te/ gzugs dang yon tan dang yongs su shes pa dang ldan pa'i phyir ro/ /rta cang shes bya ba yang de bzhin no/ /stag gi pags pa'i lham zhes bya ba ni rkang pa skyob pa la lha ma gyi sgras brjod pa yin no/ /slob dpon tshul khrims bskyangs kyis sbyar ba phran tshegs kyi tshig gi rnam par bshad pa ste sgo lnga pa rdzogs so// //pags pa'i 'breng bu ni pags pa'i rgyun no/ /brang lhan zhes bya ba ni sor mo'i rtse mo yongs su bskyabs pa bya ba'i phyir lham gyi mdun gyi cha'i steng du pags pa sor gnyis tsam la srid kyi tshad sor bzhi pa'i pags pas glan pa gang yin pa de ni lham gyi sna gnyis sbyar ba can yin te/ brang lhan zhes pa bstan to/ /de bzhin du rkang pa'i rting pa'i phyogs yongs su bsrung bar bya ba'i phyir dmangs sor gnyis srid du song bzhi pa'i pags pas nad lhan byas pa'i lham de ni rting lhan can zhes gsungs so/ /bol can zhes bya ba ni rkang pa nas long mo'i mthar thug pa khyab pa'i pags pa'i lham rnam pa du ma yod du zin kyang bol can zhes bstan pa yin no/ /lham yu thung ni rje ngar gyi phyed khyab pa'i lham yin no/ /yu rings ni rkang pa'i mthil nas pus mo'i mthar thug par khyad pa'i lham yin no/ /'gyod pa zhes bya ba la sogs pa ni sngar rnam par phye ba byas pa yin pa'i phyir yang mi? bshad do/ /byang chub sems dpa' ste mngon par sems pa gang la yod pa de ni sems dpa' yin la/ byang chub ni zad la mi skye ba'i ye shes dang/ thams cad mkhyen pa'i ye shes so/ /bdud bzhi bcom pas na bcom ldan 'das yin no/ /ji ltar yang byang chub sems dpas bdud bzhi po bcom pa med pa de lta na yang bcom ldan 'das shAkya thub pa 'di nyid byang chub sems dpar gyur pa yin pa'i phyir byang chub dang thag nye ba'i byang chub sems dpa' la bcom ldan 'das zhes gcig tu tha snyad du byas pa yin no/ /gzigs pa rnam pa lngas zhes bya ba ni rus dang/ rigs dang/ yul dang/ rgyud dang/ bud med la gzigs par 'chad par 'gyur ba dag gis so/ /lan gsum yongs su spyad pa byas nas zhes bya ba ni 'dod pa na spyod pa'i lha drug po dag lan gsum gyi bar du yongs su spyad par byas pa ste/ spyad ba byas pa dang rung ba nyid du byas pa yin no/ /byang chub sems dpas byang chub sems dpa' i nus pa des pa dang de'i rjes su 'jug pa yongs su byang chub pa'i snod du rung bar mdzad pa yin gyi/ gzugs na spyod pa'i lha dag mi bden pa'i snod ma yin pa dang/ sangs rgyas 'byung ba ma mthong ba'i phyir yongs su spyad par bya ba ma yin no/ /'gro ba rmi lam la bkra shis par 'dod pa de bas na 'gro ba bdag nyid la bstan par bya ba'i phyir rgya che ba'i snang ba'i 'od mthu chen po'i snang bas khyab par gyur te/ nyi ma'i snang bas lhag pa nyid kyi phyir ro/ /'jig rten ni snod kyi 'jig rten yin la/ 'jig rten gyi bar ni khor yug gis zlum por byas pa bzhi po dag gi yang phrag la bya'o/ /mun pas ma mthong ba'i phyir 'jug pa med par 'gyur pa mun pa'i thad las mun nag tu bcud pa yin gyi/ mig dang bral ba'i phyir ni ma yin te/ mun pas mun gnag tu gyur pa yin gyi/ mun pa gzhan gyis mun pa dang ldan pa ma yin zhing rgyal ba la sogs pas byas pa las mun nag tu 'gyur ba yang ma yin no/ /gang gi phyir rgyal ba la sogs pas byas pas kyang mun par mthong ba'i 'khrul pa de'i phyir mun pa mun nag bye brag tu byas pa yin no/ /rdzu 'phrul chen po ni rang nyid kyi yon tan phun sum tshogs pa kho nas so/ /mthu chen po ni gzhan la phan 'dogs pa kho nas so/ /'ga' zhig bdag nyid kyis phun sum tshogs pa dag ni yod kyi gzhan la phan 'dogs pa dag ni ma yin no zhe na/ de dag ni bdag nyid rdzu 'phrul dang ldan pa yang dang bzhan la phan 'dogs par dag 'gyur ro// 'od kyis zhes bya ba ni 'od zer stong gi gzugs kyis so/ /snang ba ni gsal ba yin la/ byed ma nus pa ni zil gyis gnon par ma nus pa'o/ /gang gi phyir 'od snang bar gyur pas kyang de dag snang bar bya ba nyid du nus pa med pa'o/ /khyab pa dang ni gsal bar gyur pa'o/ /rang gi dpung pa nas zhes bya ba ni thag nye bar nas so/ /lus kyis dbang pos bzung ba dang reg pa na mthong bar yang mi nus na 'on kyang gzhan du lta ci smros/ kye sems can gzhan yang zhes bya ba'i tshig gnyis ni dga' ba yin te/ gang gi phyir de dag dga' bar gyur pa de'i tshe 'gyur te/ sems can gzhan mthong ba'i phyir ram skyo ba yin te/ gzhan dag gis sdug bsngal mthong ba las kyang skyo bar 'gyur ba yin no/ /a ra da'i rgyud yin pas na tshangs sbyin no/ /gzugs can snying po zhes bya ba ni 'di la gzugs dper bya ba yod pas na gzugs can yin la/ snying po ni rgyal srid brtan por btsugs pa nyid kyi phyir ro/ /gsal ba las kyang gsal zhing dri ma med pa ni gsal zhing gsal ba yin te/ gang gi phyir byang chub sems dpa' skyes par gyur pa'i 'od kyis ljongs mun pa gsal bzhin du ma grags pa dang ldan pas na gsal rgyal te gsal bar byas pa zhes bya ba'i bar du'o/ /'jig pa la mkhas pa zhes bya ba ni 'jig rten 'jig pa la mkhas pa ste/ gang gi phyir 'jig pa'i dus su sems can dag bsam pa can cig tu 'du zhing 'tshog pa'i phyir 'jig pa'o/ /'jig rten gyi yang srid ldog pa de'i rnam par dpyad pa shes pa ni mkhas pa'o/ /yang yang zhes bya ba ni yang dang yang du'o/ /chen po ni rgya chen pos so/ /khyab pa gsal bar gyur pas so/ /ci nyi ma bdun cig car shad bar gyur tam/ /de dag gang zhes dogs pa la smras pa/ 'di ltar zhes bya ba la gang gi phyir ri dang/ phug tu bcas pa 'od zer te gyis gsal bar gyur pa yin te/ nyi ma ste snang byed kyi 'od ni rno zhing bsregs pa yin la bsil ba ni 'od 'di ni / dga' ba skyed par byed pa yin no/ /nges pa ni de dag thub pa'i 'od yin pas gsal ba'o/ /de dag gang las she na/ smras pa/ gang gi phyir lus de gzugs 'di la rab tu 'jug pa bzhin du lus thams cad la dga' ba bskyed pa nyid yin pa'i phyir ro/ /gdon mi za ba ni byang chub sems dpa' yum gyi lhums nas 'byung ba'i dri ma med pa'i 'od yin pas shin tu gsol ba'o/ /'od chen po can zhes bya ba ni 'od gang la yod pa de ni byang chub sems dpa' 'od chen po can no/ /gser gyi kha dog lta bu zhes bya ba ni gser bco ma'i mdog lta bus so/ /'jig rten gsum du zhes bya ba la 'jig rten pa'i gzhung gis ni lha dang klu'i 'jig rten dag yin la/ grub pa'i mdza' i tshul gyis ni mi dang 'dod pa na spyod pa'i lha dang gzugs na spyod pa'i lha dag gi gnas skabs ni 'jig rten gsum yin no/ /mthu che ba mthu che ba zhes bya ba ni gtso bo gtso bor gyur pa'o/ /blta bar dka' ba ni blta ba nyid du nus pa ma yin pa'o/ /byang chub sems dpa' i bsod nams kyi dbang gis ser skya'i gnas bsnyen bkur ba la sogs pa skyes pa de dag ni rnam par smin pa'i rang bzhin gyi dngos po gang yin pa de dag thams cad rang gi las kho na las grub pa yin gyi gzhan gyis byas pa'i las kyi rnam par smin pa gzhan gyis nyams su myong bar nus pa ma yin pa'i phyir ro/ / dga' ba skyes pa zhes bya ba ni rnyed pa 'phel bar gyur pa'o/ /don thams cad ces bya ba la 'byor ba thams cad ma bsags par grub pa ste 'byor ba'o/ /las kyi mdza' thams cad ces bya ba 'dis ni phun sum tshogs pa rtsom pa dang grub pa'i rgyu ba stan pa yin no/ /khyogs ni 'degs pa'i khri'o/ /nga rgyal can zhes bya ba ni rigs la sogs pas bdag nyid dang 'dra ba gzhan ma mthong ba'i phyir ro/ /kha drag pa zhes bya ba ni zhum pa med par smra ba'o/ /mi 'jigs pa zhes bya ba'i tshig gi 'jug pa thams cad la gus pa med par spobs pa skye ba'o/ /thub pa zhes bya ba ni dag gi 'jug pa nye bar zhi ba'o/ /gnyug mar gnas pa zhes bya ba ni rtag tu gnas pa'o/ /de'i drung du zhes bya ba ni shAkya'i skyed byed kyi lha stegs la mngon du phyogs pa dag gis so/ /myur ba'i 'gros su song nas zhes bya ba ni mgyogs par song nas so/ /lha rnams kyis kyang mchod pa nyid kyi phyir lha'i lha'o/ /rgyu mtshan gyis tha snyad du byed pa'i phyir mtshan mkhan no/ /skar mkhan ni skar ma'i bstan bcos kyi rnam par dbye ba la mkhas par gyur pa'o/ /skyes bu chen po'i mtshan sum cu rtsa gnyis ni zhabs legs par gnas pa la sogs pa'o/ /rnam pa gnyis su 'gyur ro/ /zhes bya ba ni rnam pa gnyis kyi gnas skabs su 'gyur ba'o/ /khyim pa ni khyim na gnas so/ /khyim gyi nang du gnas na zhes bya ba ni chud ma yongs su len par byed pa'o/ /'khor los rgyal srid sgyur zhing sgrub par byed pa'i ngang tshul gang la yod pa de ni 'khor los sgyur ba'o/ /lhun po la bltos nas gling bzhi pa'i mdza' gang la yod pa de ni gling bzhi pa'i mdza' las so/ /rgyal ba ni rgyal ba'i ngang tshul can no/ /chos spyod par byed pa'i phyir chos dang ldan pa'o/ /chos kyi rgyal po zhes bya ba ni chos kyi rgyal po can yin te/ chos kyi yul sgrub par byed pa nyid yin pa'i phyir ro/ /rin po che ni rnyed dka' ba dang/ mngon par 'dod pa'i don grub par byed pa'o/ /khyim bdag rin po che ni bang mdzod kyi bdag po byed pa'o/ /blon po rin po che ni sde dpon no/ /skra dang kha spu brogs pa zhes bya ba ni na tshod la bab pa'i nang gi spras pa skra dang kha spu rgyags pa skyed par byed pa nyid yin pa'i phyir bregs te'o/ /gos dkar po dri ma med pa phyi rol gyis spras pa yongs su spangs nas gos ngur smrig ste/ ser po bgos nas so/ /yang dag par dad pa kho nas zhes bya ba ni yon tan yongs su shes pa sngon du song ba can gyi dad pa ni yang dag pa'i dad pa kho na yin te/ des rab tu byung bar gyur na'o/ /'dir byung ba ni nges par byung ba dang 'gro ba la 'jug pa yin te/ khyim nas nges par 'byung bar 'gyur zhing khyim med par 'gro bar 'gyur ba yin la/ khyim chung ngu ni khyim yin te/ khyim las nges par byung ba de la chung ma dang 'dre ba zhes bya ba'i khyim chung ngu yang med pa'i phyir khyim med par 'gro bar 'gyur pa'o/ /de bzhin gshegs pa zhes bya ba ni de kho na nyid gsung ba'o/ /nyon mongs pa bag chags dang bcas pa spang ba'i phyir dgra bcom pa'o/ /sgra grags par 'gyur ro zhes bya ba ni thams cad du grags pa gsal bar 'gyur ba'o/ /byang chub sems dpa' i mthus drang srong nag po'i rdzu 'phrul zil gyis mnan nas zhes bya ba la yang dag par sangs rgyas pa'i gnas skabs su bcom ldan 'das kyi thad du drang srong brgya phrag mang po 'dos kyang gcig gi rdzu 'phrul yang zil gyis ma mnan pa ma yin nam/ byang chub sems dpa' i mthu las bcom ldan 'das kyi mthu cher 'phags pa yin pa'i phyir de dag ji ltar rigs she na/ 'di la bla ma dag gtsang ma ris kyi lha'i bu dag gis de'i rdzu 'phrul gyi bar chad byas pa yin te/ gang gi phyir de dag gis drang srong nag po la mngon par dad pa'i lha dang mi'i gtso bor gyur pa mang po dag de la yang ston pa'i blo nyid skyed par byed pa mthong nas de'i rdzu 'phrul zil gyis mnan pa las kyang de la mngon par dad pa dag 'di ni shin tu chen po yin te/ gang gi phyir 'di skyes pas drang srong nag po'i rdzu 'phrul zil gyis mnan pa yin no/ /zhes gus pa chen po skyes par gyur pa mang po dag sangs rgyas kyi bstan pa la 'jug par bya ba'i phyir lha dag gis de ltar byin gyis brlabs pa yin no/ /zhes ston par byed do/ /byang chub sems dpa' i skyes pa'i dus kyi mtshungs pa de ma thag pa nyid yin pa'i phyir byang chub sems dpa' i mthus shes bshad pa yin no/ /bcom ldan 'das zhes bya ba ni mchod pa'i tshig yin no/ /mchod pa ni 'bras yas la sogs pa bkra shis pa ston par byed pa'o/ /rkang pa la mkho ba ni rkang pa la 'os pa'i chu la sogs pa bstabs pa'o/ /thub pa ni nyon mongs pas smra ba nye bar zhi ba'i phyir ro/ /lta bar 'dod pa ni lta bar 'dun pa'o/ /'jig rten ma lus pas mchod par bya ba nyid yin pa'i phyir 'jig rten gtso bo'o/ /skye bo gdul bya khyad par du 'dren par mdzad pa'i phyir 'dren pa'o/ /gang gi phyir 'dir 'gyur ba la thub pa zhes bya ba la sogs pa'i mtshan rab tu sbyar ba yin no/ /nyal ba zhes bya ba ni gnyid lag pa ste tshig de ni bkra shis ston par byed pa yin no/ /mi 'dzum pa zhes bya ba ni phye ba dang 'dzum pa dang bral ba'o/ /rigs dang ldan pa'i zhes bya ba ni rta cang shes kyi yon tan dang ldan pa'o/ /nam phyed kyi phyed ltar zhes bya ba ni thun gcig tsam nyal ba'o/ /dgos pa'i phyir zhes bya ba ni 'bras bu khyad par can byed par 'dod pa'o/ /byang chub pa'i mtshan zhes bya ba ni bla na med pa'i ye shes thob par 'gyur ba'i mtshan no/ /ci tsam na 'chi ba med pa thugs su chud par 'gyur zhes bya ba ni thams cad mkhyen pa'i ye shes sam/ byang chub kyi lam gyis mya ngan las 'das pa thob par 'gyur ro/ zhes bya ba'o/ /'dod pa na spyod pa'i sred pa skye bar 'gyur ro/ /zhes bya ba ni sems skyo bas yongs su zin pa ste/ 'dod pa la yid 'byung ba'i phyir ro/ /mig mchi mas yongs su khyab par gyur te/ zhes bya ba ni mig chus yongs su khyab par gyur pa'o/ /kye pa'i dbang po rtog ge zhes bya ba sogs pa la rtog ge ni skar ma'i rtsis shes pa yin la/ blo ste shes pa 'khrul pa ni yongs su shes pa nyid dang bral ba nyid kyi phyir gang gis 'di la 'khor los sgyur ba nyid du de dag gis lung bstan pa 'khrul yin no/ /de gang las she na/ rtsod dus na ni 'khor los sgyur ba zhes smos te/ ni'i sgra ni gang gi phyir don yin te/ tshe lo brgya pa'i dus yin na de'i tshe ji ltar 'khor los sgyur ba 'byung bar 'gyur/ bsod nams ni sbyin pa dang tshul khrims la sogs pa yin la/ mchog gi dam pa yin pas na bsod nams mchog gi'o/ /chos ni bkar gtogs pa yan lag bcu gnyis pa'o/ /'di chos kyi mdzod dang snang yin pa'i phyir de'i chos kyi mdzod do/ /nyes pa ni 'dod chags la sogs pa yin la/ bcom pa ni 'dod chags la sogs pa bag chags dang bcas pa spangs par gyur nas sangs rgyas dag tu 'gyur ro/ /'di ltar 'dir 'khor los sgyur bar mi 'gyur ba de ci'i phyir zhe na/ mtshan mi gsal ba dag gis zhes bya ba la sogs pa smos te/ mtshan shin tu gsal ba dag gis mtshan pa ni 'khor los sgyur bar mi 'gyur la thub pa'i dbang po dag ni mtshan shin tu gsal ba'i mtshan gyis nye bar mtshon pa yin te/ 'di'i mtshan ni rab tu gsal ba de'i phyir de ni nges par sangs rgyas su 'gyur ro/ /chos kyi 'khor los sgyur ba zhes bya ba ni chos kyi rang bzhin gyi 'khor lo skor ba'i ngang tshul can nyid yin pa'i phyir ro/ /sems dogs par 'gyur ba ni 'di'i sems dogs pa dang bcas par 'gyur ba 'am/ skyo ba thob par 'gyur ba'o/ /gang du phyin na zhes bya ba ni byang chub sems dpa' dang thag nye ba'i gnas su phyin par gyur pa'o/ /dge ba ste kha na ma tho ba med pa'i yan lag gang la yod pa de la de skad ces bya'o/ /ci'i phyir phyung zhes bya ba ni mi? yin pa dag gis sem? zhe'o/ /de 'di nga la myur smros dge bar 'gyur/ zhes bya ba ni de smras na dge ba ste legs par 'gyur ba'o/ /gal te 'di steng zhes bya ba la sogs pa gal te rdo rje byang chub sems dpa' i steng du rab tu gtum pa ste/ shin tu drag po 'bab par gyur kyang ngo/ /byang chub sems dpa' i lus kyi ba spu gcig kyang g.yo bar nus pa ma yin no/ /rlung gi stobs kyis phul ba dang zhes bya ba ni 'phangs par gyur pa'o/ /drag po mi bzad pa'o/ /dug kyang rno la sprul yang gtum pas ni zhes bya ba ni rig pa'i dug gis so/ /zad pa ni nyams pa yin la byed nus yin zhes bya ba ni rung ba nyid ma yin pa'o/ /yang khyod ci'i phyir du bar byed ces dogs pa la/ mi dbang zhes bya ba la sogs pa smos pa yin te/ bdag gi rgud pa ste nyams pa mthong bas gang gi phyir zhi ba ste mya ngan las 'das pa na thob pa de'i phyir/ byang chub sems dpa' 'di'i gnas gan du phyin nas don ma grub par shi bar 'gyur ro/ /zhes du ba yin no/ /skal ldan zhes bya ba ni bsten par bya'o/ /bsod nams ldan zhes bya ba ni sdig pa bral zhing dag byed du gyur pa'o/ /mtshungs pa med pa'i bzhin te gdod gang la yod pa de la de skad ces bya'o/ /dus su zhes bya ba ni rdzogs par sangs rgyas pa'i gnas skabs su'o/ / smra mchog ces bya ba ni smra ba po ma lus pa'i gtso bor gyur pa'o/ /mchog tu zhi bar zhes bya ba na phung po lhag ma med pa'i mya ngan las 'das pa'i dbyings su'o/ /log pa'i lta bas bcom pa zhes bya ba ni phyin ci log gi lta bas gnon par gyur pa'i rgyu can dag go / g.yo sgyu'i kun tu spyod pa las 'jug na zhes bya ba ni lus dang ngag gi gya gyu'i 'gyur ba'o/ /'dod kyi zhes bya ba ni mngon par 'dod pa'o/ /mi mchi ba'i phyir zhes bya ba ni yid kyis so/ /'chi ba med pa rtsol ba ni lus dang ngag gis so/ /bram ze'i rigs kyis bdag ni bram ze yin zhing bram ze dag pa yin pa'i phyir ci'i phyir bdag rig gzhan gyi tshangs par spyod pa spyod par bya zhes bya ba ni rus smras pa yin la/ bdag ni b+ha ra d+hwa dza la sogs pa'i rgyud yin no/ /zhes bya ba ni rgyud smra ba yin no/ /yid kyi 'don pa dang ldan pa spyod pa dang rig byed kyi don la mkhas pa gang yin pa de smra bar mi bya? zhing lhag par spyod par mi bya'o/ /gong nas gong du zhes bya ba la sogs pa la drang srong 'dod pa'i khams kyi 'dod chags dang bral ba'i thabs rnyed nas byang chub sems dpa' 'dod chags dang bral ba dang/ de bzhin du gzugs kyi 'dod chags dang bral ba nas rangs byed kyi bu lhag spyod la cung zad med pa'i skye mched kyi 'dod chags dang bral pa'i lung mnos te/ cung zad med pa'i skye mched las 'dod chags dang bral ba'i bar du'o/ /de yan chad lung 'bog pa med pa'i phyir srid pa'i rtse mo'i 'dod chags dang bral bar ma nus pa de bas na 'ga' zhig tu gzugs med pa'i 'dod chags dang bral ba'i don gyi 'di lam du 'gyur ro// zhes lo zug gi bar du dka' ba spyad pa brtsams pa'o/ /cung zad kyang zhes bya ba la sogs pa la mngon par 'dod pa'i 'bras bu sgrub par byed pa nyid ma yin pa'i phyir ro/ /ji ltar bde bar dbugs phyung ste/ zhes bya ba ni dbugs 'byung ba dang rdub pa 'gro ba par byed pa'i nang gi bum pa'i bsam gtan las ldog par 'gyur ba'o/ /zhal zas rgya chen po zhes bya ba ni til dang 'bras gcig tsam bzhes pa las so sor ldog par gyur pa'o/ /zhun mar dang 'bru mar gyis zhes bya ba ni dra ma dang 'dam 'chad bar mdzad pa'i dka' thub las ldag par gyur pa'o/ /chab dron mos zhes bya ba ni bdag nyid med par gyur pa las ldog par gyur pa yin la/ chu dron po ni cung zad dro ba'o/ /lan bcu drug tu bzlas pa zhes bya ba ni lan bcu drug tu bzlas shing goms par byas pa la bzlas pa zhes bya ba ste/ stong la sogs pa brgyad pa'i mthar phyin pa'o/ /sde tshan brgyad kyi tshoms re re la blud pa dang bzhos pa byas par gyur pa na len bcu drug bzlas pa nyid du 'gyur ro rtswa bkra shis 'tshong zhing rtswas spyod pa gang yin pa de'i thad las rtswa dag bzhes nas so/ /ma 'khrugs pa ni rtsa ba dang rtse mo gcig tu lhag pa yin pa'i phyir ro/ /'thug srab tu ma gyur pa khyab par gnas pa nyid kyi phyir ro/ /gdan bshams pa ni rtswa'i mal bting nas so/ /skyil mo krung bcas pa ni skyil krung bcings pa'o/ /sku drang por bsrangs nas zhes bya ba ni mdzad nas so/ /sku bsrang ba ni rked pa'i phyogs nas brtsams nas lto ba'i bar rgyas par byed pa'o/ /dran pa mngon du phyogs par bzhag ste/ so sor mngon du phyogs pa ni dran pa mngon du phyogs par bzhad pa yin te/ rnal 'byor pas sna'i rtso mo la blta ba'i 'jug pa ni bsam gtan byed pa'o/ zhes 'jig rten pa smra ba yod pas sna'i rtse mo la mig pa gtod na dran pa yang bsgom par bya ba don de nyid la bzhag par 'gyur te/ de bas na 'dir lus kyi gnas skabs kyi bye brag la yang brtson 'grus brtsams pa'i rgyu mtshan ting nge 'dzin gyi yan lag yin no/ /zhes bstan par 'gyur ro/ /thugs bskyed pa zhes bya bas ni thugs brtan por mdzad pa bstan pa yin no/ /gsung brjod pa zhes bya ba ni lha dbang por bzhag pa'i phyir gsung brjod pa'o/ /gzhan gyi don mdzad pas sangs rgyas bcom ldan 'das ni gtso bor gyur pa yin la/ gzhan gyi yang chos bstan pa med par mdzad mi spyod pa de bas na ji ltar na bcom ldan 'das mngon par rdzogs pas sangs rgyas nas kyang chos bstan pa'i phyir tshangs pas bskul ba la gzhes par mdzad/ 'on kyang thog ma nyid du chos ston par mi mdzad ce na/ 'dir smras pa/ tshangs pas bskul pa la gzhes pa yang sems can gyi don kho na yin te/ gang gi phyir gzugs na spyod pa'i lha gcig pa ma yin pa dag 'di ltar tshangs pa la tshangs pa dang/ tshangs pa chen po ldang/ byed pa po dang/ sprul pa po zhes bya ba la sogs pa chen po nyid kyi blo skye bar 'gyur ba dang/ 'dod pa na spyod pa'i lha dang mi gcig pa ma yin pa dag kyang tshangs pa la stan pa'i blo skye bar 'gyur ro/ /gang gi tshe bcom ldan 'das kyi spyan sngar tshangs pa chen po 'ongs nas bcom ldan 'das la phyag 'tshal te chos ston par bskul bar gyur pa de tshe tshangs pa chen po nyid kyi blo skye bar gyur pa dang/ ston pa'i blo kye ba gang yin pa de dag blo de dang bral ba dang/ de dag sangs rgyas bcom ldan 'das la chen po nyid kyi blo dang/ ston pa'i blo skye ste/ yon tan gang gis 'di shin tu chen po yin te/ de la tshangs pa chen po yang phyag 'tshal bar byed pa dang/ chos bstan pa'i phyir bskul lo/ /zhes bcom ldan 'das la gus pa skye bar 'gyur zhing/ bcom ldan 'das las chos thos nas shin tu chi ba'i bye brag khong du chud par 'gyur ro/ /de'i phyir bcom ldan 'das tshangs pas bskul ba la gzhes par mdzad pa yin no/ /rtag tu dus ston chen pos zhes bya ba ni bde ba'i rgyu dus tshigs kyis dga' ston chen po'o/ /rab tu dga' ba ni rab tu mgu ba'o/ /dbang po lnga zhes bya ba ni gtso bo lnga yin la/ nye ba'i dbang po lnga zhes bya ba ni nye ba'i gtso bo lnga yin te/ grong khyer rgya che ba nyid ni gtso bo nyung ngu dag gi gzung bar mi nus pa'i phyir ro/ /ngos bzhi bzhi so phag gis brtsigs pa dang/ bang rim can du bsgrubs pa'i rdzing bu? ni rdzing bu? yin la rdzing dub de dag las kyang chu 'dzin pa'i yur ba rab tu g.yogs pa grong khyer du 'jug pa de'i phyir yur ba lnga brgya po de dag dang ldan pa yin no/ /yan lag gi mchog lnga ni zhes bya ba ni rgyal po'i yan lag gtso bor gyur pa'o// 'byor pa ni rdzas las byas pa'i phun sum tshogs pa'o/ /khams ma snyoms pa'i phyir zhes bya ba ni sa'i khams la sogs pa ma snyoms pa'i gnas skabs yin pa'i phyir ram/ rlung la sogs pa'i 'o/ /gnyid med pa'i nad kyis zhes bya ba ni gnyid med par gyur pa'i nad kho nas so/ /rdzas sna tshogs bsags pa'i bye brag ces bya ba ni gnyid dang rjes su mthun pa'i rdzas rnam pa du ma la sogs pa dang ldan pa'i mar blud par byas na'o/ /mgo bo'i rtsa nas blon par gyur nas zhes bya ba ni thams cad kyi thams cad du mgrin pa'i phyogs nas gcod cing 'dor bar 'gyur ba'o/ /dgra bos 'ongs par dogs pa nyams pa'i gnas la skyes bu nges par sbyar ba ni gcan pa'o/ /bzod pa ni mnags par gyur pa'o/ /thugs gzung du zhes bya ba ni tha snyad du byed pa'i sgo nas sems yongs su mgu bar bya bar ro/ /dgra bo ni phyir rgol ba'o/ /dogs shin skyo nas zhes bya ba ni mi 'dod pa'i dogs pa gang yin pa des sems skyo bar gyur nas so/ /gal te lha yis zhes bya ba ni 'ga' zhig tu rgyal po'i sbyor ba las so/ /la bas dkris te zhes bya ba ni pus mkhyud dang 'dra bar rgyab dang pus mo gnyis dkris te'o/ /blo kun nas nyon mongs pas zhes bya ba ni sems gdug pas dge ba'i dngos po cung zad tsam la yang sems par mi byed pa'o/ /ci ltar 'gyur ram zhes bya ba la ci'i sgra ni smod pa 'am mi srid do snyam pa yin te/ rgyal pos de lta bu'i dngos po yod pa ma yin no snyam pa'o/ /mgo bo la byugs nas zhes bya ba ni mgo bcad par mi 'gyur tam snyam dus mas bar gyur nas so/ sbyor? ba snga ma'i tshul du zhes bya ba ni lan gsum gyi bar du'o/ /khrung khrung ma yin pa zhes bya ba ni 'dir rma bya yin par dgongs so/ /gres ma ni rtswa'i rigs yin la/ de bam tha bas brdungs pa blangs nas zhes bya ba ni tho bas brdungs pa las ma brdungs pa'i gnas skabs snga ma dang 'dra ba de'i phyir mnyam par 'gyur ba yin gyi gzhan du ni ma yin te/ brdungs pa'i gnas skabs shin tu yang bar 'gyur ro/ /gang gi phyir tho bas brdungs pa las rtswa'i rigs snying por ma gyur pa mang po 'byung bar 'gyur ba'i phyir ro/ /nag mo zhes bya ba ni mgo bo'i phyogs gnag pa yin pa'i phyir dang/ spre'u 'i rigs pa la'ang 'jug pa yin pa'i phyir nag mo zhes bya ba yin la/ phal cher ni shing la gnas par byed pa de'i phyir shing gi spre'u zhes bya'o/ /'jug pa ni 'khrigs pa sgrub par byed pa'i bya ba la'o/ /bye mas yongs su gang ba'i bum pa ni bye ma'i bum pa'o/ /yang bye ma'i bum pa la chu de dag tsam ji ltar shong bar 'gyur zhe na/ 'dir smras pa/ bye ma chu las skyes pa yin pa de'i phyir chu dang mtshungs par ldan pa pan? 'khum par 'gyur zhing/ skam po'i gnas skabs su ni mi 'khum par nges pa de'i phyir chu shong bar 'gyur ro/ 'du? ba'i rdzas srad sum cu so gnyis shong ba dang/ skam srad bcu drug gi tshad bre chung yin no/ /zhes bya ba ni bstan bcos las grags pa'i tshad yin la/ 'jig rten pa'i skam po yang srad sum cu rtsa gnyis kyi tshad kho na la bre'u chung ngu 'dod do/ /chu la skyes pa'i phyir zhes bya ba ni lan tshwa chu'i lbu ba'i rang bzhin nyid yin pa'i phyir chu dang 'byor par gyur na khu ba tsam gyi lhag mar gyur pa'i phyir ro/ /mi ska bar 'gyur ro/ /zhes bya ba ni slan te 'gyur ba'o/ /dran pa khyad pa can dang ldan pa la 'dir dran pa dang ldan pa zhes bya'o/ /mdangs 'phrog pa'i phyir ro/ /zhes bya ba ni rlung gi mdangs ni lhag ma'i mdangs yin no/ /zhes bya ba'i dbang du byas nas gzi phrogs pa'i phyir gci bar 'gyur ro/ /sa'i mdangs phrogs pa ni snying po len pa'am za bar byed pa na'o/ /cang mi zer ba ni khas len pa la rab tu sbyor ba yin no/ /'dug pa zhes bya ba ni dgos par med par gyur par ro/ /ba gci zhib mo zhes bya ba ni ba gci'i phye ma'o/ /bdag nyid kyi mngon sum du byas pa ni de la 'jug pa'i sems kyi mos pas mngon sum du nyams su myong bar gyur pa'o/ /khrag gi thigs pa'i lhag ma gnyis sam gsum la lus pa ni zla mtshan dang ldan par gyur pa'o/ /byin pa zhes bya ba ni bka' drin byin nas so/ /nad dang/ de nye bar zhi bar byed pa'i sbyor ba'i rigs pa la mkhas pa'i phyir sman pa'o/ /rtswa ni rta la mkho ba'i zas yin te rung ba'i zas ni rta'i yo byad do dbye bar gyur na zhes bya ba ni chad pa 'bul ba'i zho sha pa'o/ /gang dam de'i don tu zhes bya ba ni nyes pa chung ngu dag gis kyang ngo/ /chang gi kha dog la sogs pa dang 'dra ba'i mar sbyar de bsgrubs nas so/ /dge mtshan zhes bya ba ni bdag po dang bu dang ming po phog pa la sogs pa dge ba'i phyir 'ong ba la sogs pa'i don tu bud med rnams kyis bsrung ba'i skud pa la sogs pa btags pa dang/ lus kyi phyogs gcig la gi wang la sogs pas skud pa'o/ /bkra shis pa zhes bya ba ni shis par byed pa'i zho'i bum pa la sogs pa'o/ /dge legs su 'gyur ba ni bram ze dag zhi bar byed pa'o/ /mdza' bo dang/ ne'u ldang la grogs bshes zhes bya'o/ /gnyen ni me skor dang tha snyad 'bral pa can no/ /phu nu ni bdun brgyud kyi nang du 'dus pa'o/ /snyan pa'i tshig brjod par byed pas na kun nas dga' bar byed pa'o/ /gzo gzigs la zhugs pa nyid yin pa'i phyir chos kyi spun zhes bya'o/ /ji ltar 'dod par 'dod do/ /zhes bya ba ni rang gi 'dod pas 'jug pa'o/ /goms par byed pa zhes bya ba ni yid bstan pa'i bya ba byed par 'jug pa'o/ /yid ches skyed pa'i rgyu mtshan zhes bya ba ni sgyu byas te zhes bya ba ni bslus par gyur te/ 'khrus so/ /zhes bya ba 'khrus pa ni nad do/ /sos par gyis shig ces bya ba ni yongs su rgyas par gyis shig pa'o/ /gos chen po zhes bya ba ni ras tshad shin tu phra ba can phyi rol tu bgo bar bya ba'o/ /chos kyi yab tu gyur te zhes bya ba ni 'phags pa'i lam gyi chos kyi sgo nas 'di ni nga'i yab yin la/ kho bo yang 'phags pa'i lam gyi chos nas skyes pas de'i sras su 'gyur ba yin no zhe'o/ /chos gos gsum ni snam sbyar dang/ bla gos dang/ mthang gos so/ /dbang byed rgyal po gang zhig la zhes bya ba la sogs pa dri ba la drug dang dbang byed rgyal po zhes bya ba'i skabs su des par spyad par bya ba yin pa de'i phyir 'dir ma brjod pa yin no/ /lcang lo can zhes bya ba ni rnam thos sras kyi rgyal po'i pho brang du'o/ /'dzin pa zhes bya ba ni rab tu 'jug pa byas nas so/ /kun chub par byas nas zhes bya ba ni tshig gi dbye ba'i sgo nas nges par byas nas so/ /gser to lo 'bum gyi tshad ni gser phur ro/ /tshong khang dang gzo'i gnas med pa skye bo'i tshogs gnas pa ni grong yin la/ tshong khang dang bzo'i gnas dang ldan pa'i skye bo dam pa mang po gnas pa ni grong brdal yin zhing/ yul gyi tshogs ni yul 'khor yin no/ /rgyal po'i gnas dang ldan pa'i grong khyer dang ni rgyal po'i pho brang 'khor ro/ skye bo mkhas pas spangs pa'i sgo nas smad par bya ba nyid yin pa'i phyir grong khyer ma yin pa dang/ tshong brdal ma yin pa'o/ /bdag nyid mkhas pa snyan pa nyid ces bya ba ni mkhas pa'o snyam du sems pa de'i dngos po ni mkhas pa'o snyam du sems pa de nyid kyis so/ /legs par rung ba nyid du 'dod pa/ zhes bya ba ni shin tu yon tan dang ldan pas na legs par rung ba yin la/ legs par rung ba nyid du 'dod pa ni skye bo mang po blo mthun pa dang mngon par 'dod pa'o/ /dga' ba ni yid bde ba'o/ /mgu ba ni rab tu dga' ba'i bye brag go / skyes bu chen po'i mtshan sum cu rtsa gnyis ni zhabs legs par gnas pa la sogs pa yin la/ dbye byad bzang po brgyad cu ni sen mo zangs ltar dmar ba la sogs pa yin no/ /sku'i 'od zer gyis spras pa ni sku'i 'od kyis so/ /nyi ma stong pas shin tu lhag pa'i 'od 'dom gang la mnga' ba de ni nyi ma stong bas lhag pa'i 'od can no/ /gshegs pa zhes bya ba ni zhabs kyis rgyu ba'o/ /kun nas bzang po zhes bya ba ni kun nas mdzes par ro/ /legs pa ni dge ba'i chos bsgom du rung ba nyid do/ /dge ba'i rtsa ba'i rgyu bsags pa zhes bya ba la/ dge ba'i rtsa ba ni 'dir thar pa'i cha dang mthun pa la 'dod la de bsags pa ni yongs su smin pa thob pa'o/ /bsam pa la sogs pa'i rnam par bshad pa ni sngar byas pa nyid yin no/ /'phags pa'i bden pa bzhi yang dag par rab tu rtogs par 'gyur ba ste/ 'phags pa'i bden pa bzhi khong du chud pa dang rjes su mthun pa'o/ /'jig tshogs su lta pa'i ri'i rtse mo nyi shu'i bshad pa ni snga ma bzhin du rig par bya'o/ /legs bshad rnam shes snying po ste/ zhes bya ba la sogs pa la/ shes shing khong du chud pa'i snying po ste/ don legs par bshad pa gang la yod pa de dag ni rnam shes snying po 'am rnam shes de kho na nyid khong du chud pa'i snying po de legs pa gang la yod pa de la de skad ces bya ste/ gang gi phyir gang las de kho na'i blo skye bar mi 'gyur ba'i legs par bshad pa de ni snying po dang ldan par mi 'gyur ro/ /thos pa'i yang rnam par shes pa dang ting nge 'dzin snying po yin rnam par shes pa'i ye shes dang ting nge 'dzin yin pas snying po ste/ 'bras bu de gnyis thob pa gang la yod pa ste/ gang gis lung phog pa med par legs par bshad pa'i don khong du chud par gyur pa ni rang gi che ba'i dbang du byas nas tshigs snga ma bzhin gyis lung thog? pa'i stobs kyis thos pa yin la/ gal te legs par bshad pa de thos pa'i stobs kyis thos pa las byung ba'i shes pa dang ting nge 'dzin skye bar 'gyur ba/ de'i tshe 'bras bu dang bcas pa'i thos pa skyes pa yin gyi/ rnam pa gzhan du ni ma yin te/ de nyid de dag don chen shes thob med ces smos pa yin no/ /brtabs pa ni thos pa med par spyad pa'o bag med pa ni dge ba la mngon par sbyor ba la rab tu lhod pa yin te/ de dag go rim bzhin du bdag dang gzhan la/ legs par bshad pas yongs su shes pa'i phan yon chen por mi 'gyur te/ de bsgrubs pas 'bras bu sgrub pa med pa'i phyir ro/ /sangs rgyas gsung ni smra yod kyi zhes bya ba la sogs pa la/ sangs rgyas kyi bka' klog mod kyi khyod la skyes bu chen po'i mtshan mi snang ba de'i phyir des de kho bo'i blo rmongs shing kun nas rmongs par 'gyur ro/ /de bas na bdag gi the tshom myur du bcad cing bsal bar gyis shig ces bya ba'o/ /'dir rtsa bcad pa ni yang dag par rdzogs pa'i sangs rgyas 'od srung gi bstan pa la rab tu byung ba e la'i 'dab ma shing gi lo ma bcad pa'i bslab pa'i dus las 'das pa ston par byed pa dang/ bcom ldan 'das 'byung ba'i 'dri bar phyed pa yin par rig par bya'o/ /drug pa bdag po rgyal po ste/ zhes bya ba la sogs pa la/ drug pa ni yid kyi rnam par shes pa yin te/ drug yongs su rdzogs pa nyid yin pa'i phyir de la drug pa ni drug pa kho na te/ drug pa kho na dbang byed pa yin te/ rnam par rtog pa rnam pa gsum dang ldan pa'i phyir ro/ /bdag po zhes bya ba ni stobs dang ldan pa yin te/ khams gsum pa khyab par byed pa yin pa'i phyir ro/ /rgyal po ni dbang sgyur ba yin te/ de ni rnam par shes pa cig shos dag 'phen par byed pa yin pa'i phyir ro/ /chags par gyur te 'dod chags la sogs pa dang 'di mtshungs par ldan par gyur pa na te/ chags pa dang bcas par gyur na/ zhes bya ba ni tshig gi lhag ma'o/ /chags pa na te nyon mongs pa gang la yod pa de ni dri ma can zhes bya ba'i tha tshig go / ma chags gyur na te/ 'dod chags la sogs pa'i ming can gyi rdul drug pa gang la yod pa ma yin pa de 'di? skad ces bya ste/ de ltar gyur pa'i bdag gi dngos po de ni ma chags gyur la/ zhes bya ba yin te/ 'dod chags la sogs pa dang bral ba zhes bya ba'i tha tshig go / rgyud chags pa dang bcas par gyur par nyes pa ci yod ce na/ 'dir ni chags pa byis pa dag tu brjod ces bya ba ni 'dod chags la sogs pas rgyud dri ma can du byas pa'i drug pa byis pa'i sems can yin pa nas byis pa zhes brjod pa yin te/ nyon mongs pa'i dbang du byas pa nyid yin pa'i phyir ro/ /chags bral mkhas pa zhes bya ba ni bdag nyid kyis khong du chud pa'i phyir ma bstan pa de bas na sems 'dul ba kho na zhes bya ba yin te/ de ltar gyur na phyogs med par rnyed pa thob par 'gyur ro/ /zhes bstan pa yin no/ /de ltar zhes bya ba la sogs pa la 'jig rten 'di'i don khong du ma chud pa'i phyir blo dman pa ste/ blo gros ngan pa mya ngan byed la don khong du chud pa'i phyir mkhas pa dag pa ni dga' bar 'gyur ro/ /'di la zhes bya ba ni drug pa yid kyi rnam par shes pa 'dod chags la sogs pas 'byor cing 'brel pa gang yin pa de dang byed par 'gyur ba de dang byed par 'gyur ba'i phyir grub pa dang bde bar 'gyur te/ yon tan ma rnyed pa rnyed pa ni grub pa yin la/ rnyed nas yongs su skyong bar byed pa ni bde ba zhes bya'o/ /gsum rig pa zhes bya ba ni rig byed gsum klog pa yin la/ rig byed gsum ni nges brjod dang/ snyan dngags dang/ mchod sbyin gyi rig byed do/ /rab tu rig byed pa ni gsal bar byed pa 'am/ nyams su myong bar byed pa'o/ /rin po che sna bdun sngon du song ba can gyi zhes bya ba ni 'khor lo rin po che la sogs pa rin po che sna bdun gyi gang la yod pa de la de skad ces bya'o/ /rin po che'i rgyan sna tshogs kyis brgyan pa'i bu stong gis zla ba tshes pa'i rnam pa dang 'dra bar bskor ba ste/ bu lnga brgyas ni g.yas phyogs su/ bu lnga brgyas ni g.yon phyogs nas kun nas bskor bar gyur nas so/ /'dir gter dang ldan la yongs su spyod par byed pa dang bral ba na bkren pa'o/ /dman pa ni dbul ba yin la 'dir mi'i mchog ni mkhar gyi rgyal po yin par dgongs so/ /rin po che'i rtsibs brgya gdugs gang la yod pa de ni rtsibs brgya pa ste/ skye dgu chen po la 'os pa'i gdugs dkar po'o/ /'od zer stong gi snang bas zhes bya ba ni des snang bar byas par gyur pa'o/ /zla ba dang skar ma dang/ gza'i gzhal yas khang bzang po zil gyis gnon pa'i ngang tshul gyi bdag nyid gang la yod pa de ni zla ba dang skar ma dang gzi'i gzhal yas khang bzang po rnams zil gyis gnon pa can te de'i mdzes pa zil gyis gnon par byed pa'o/ /nyi ma'i 'od zer te 'od zil gyis gnon pa ste gsal bar gyur pa'o/ /rnam par rtog pa sna tshogs skyes te/ zhes bya ba ni rnam pa du ma skyes shing byung bar gyur te'o/ /bslab pa'i dus las zhes bya ba ni bslab pa'i mtshams las 'das pa yin te/ bya ba ma yin pa byed pa yin pa'i phyir ro/ /bslu bar 'dod pa ni rnam par bgrod par 'dod pa ste/ lam ma yin pa la 'jug par 'dod pa'o/ /de'i rang gi rang bzhin ni sprul gyi lus su ste/ 'di ltar de'i lus sngon gyi nyes par spyad pas thob pa e la'i shing skyes pas nye bar mtshon pa'i mgo bo des shog cig la ni skye bo'i tshogs chen po skyo ba skyed pa'i don du bcom ldan 'das kyis de skad du gsungs pa yin no// rnag dang khrag 'dzag pa ni kun nas 'dzag par gyur ba'o/ /rnag dang khrag khyad par ji lta bu zhe na/ srin bu'i rigs zhes bya ba la sogs pa smos te/ srin bu'i rigs brgya phrag tu mas gang ba dang/ sbrang bu'i tshegs du mas phur zhing 'bab pas khyab par gyur pa ste/ 'phur ba ni steng du lding ba yin la/ 'bab pa ni 'og tu ltung bar gyur pa'o/ /rab tu mnam pa ni rnag dang khrag shin tu dri nga bar gyur pa'o/ /lta mi 'dod pa ni lta bar 'dod pa ma yin pa'o/ /bltas na mi sdug pa'o/ /zhes bya ba ni bltas pa'i sgo nas 'dod par bya ba ma yin pa'o/ /shin tu 'jigs su rung ba zhes bya ba ni 'jig par byed pa dang smad par bya ba'i gnas yin no/ /'dod chags dang bral ba ma yin pa de dag ces bya ba la sogs pa la nyon mongs pa ma spangs pa la 'jig par byed pa dang/ mya ngan byed pa dang/ skyo bar byed pa'o/ /gas pa ni pags pa gas pa'i phyir ro/ /rtsub pa ni reg par bya ba ma yin pa nyid kyi phyir ro/ /shin tu rtsub pa ni mthong na yid du 'ong ba ma yin pa'o/ /kha dog dum ni sngon po la sogs pa'i rnam pa dang ldan pa yin la/ dbyibs sna tshogs ni kha dog ring po la sogs pa'i 'byor pa dang ldan pa'o/ /bde ba ni 'dod par byed pa'o/ /las ngan pa nyes par mngon par bsgrubs pa/ zhes bya ba ni mi dge ba'i las kyi nyes pa las skyes par gyur pa'o/ /lung bstan du gsol zhes bya ba la sogs pa la shin tu dman pa yin pa'i phyir lan gnyis brjod pa'o/ /bdag dus gang gi tsha na klu'i skye gnas nas thar bar 'gyur zhes bya ba ni de lung bstan du gsol ba'o/ /bcom ldan 'das lung ston par mi mdzad pa/ zhes bya ba ni 'dar rgyud brjod par bya ba yin te bcom ldan 'das thams cad mkhyen pa yin na ci'i phyir lung ston par mi mdzad ce na/ 'dir smras pa/ las byas shing bsags pa chung mi za ba dang/ zhing dam pa la khyad du bsad pa las sdug bsngal drag pa nyams su myong ba bstan par bya bar bzhed pa dang/ 'khor los sgyur ba'i 'byor pa mngon par 'dun pa dag gi 'dod pa dor bar bya ba'i phyir dang/ lhag ma 'khor ba la skyo ba bskyed par bya ba'i phyir bcom ldan 'das kyis lung ma bstan pa yin no/ /sde snod gsum pa ni gzhung don gyi sgo nas 'dzin pa gang la yod pa de ni sde snod gsum pa'o/ /spong ba'i phyir 'jug pa yin pas na spong ba ste/ gang zhig sems 'dul bar bya ba'i phyir brtson par gyur pa'o/ /'di la srog med pa zhes bya ba la srog gi ni 'dir rnam par shes pa la 'dod do/ /'tsho ba ni dbugs 'byung ba dang rdub pa yin no/ /kA tyA ya na'i rgyud yin pas na zhes bya ba ni drang srong kA tyA ya na de'i rgyud du skyes pas na kA tyA ya na zhes bya ngo?/ /'jig rten 'di ni gnyis la brten to/ zhes bya ba la sogs pa la brten pa rnam pa gang gis she na/ yod pa nyid dang med pa nyid ces bya ba smos te/ yod pa ni rtag par lta ba yin la/ med pa nyid ni chad par lta ba yin te/ gcig ni rtag par smra ba yin zhing/ gcig ni chad par smra ba yin no/ /zhes bya ba'i don 'dir 'gyur ro/ /phal cher ni mang du ste/ thams cad de lta bu'i rnam pas ni ma yin no/ /zhes bya ba'i tha tshig go /ci'i phyir yang de ltar rten par byed ce na/ de ni phyir phung po dang nye bar len pa zhes bya bya ba la sogs pa yin te/ gang gi phyir 'jig rten 'di dag gi phung po dang nye bar len pas zin pa de'i phyir gnyis la brten pa zhes bya'o/ /phung po ni nyon mongs pa ma gtogs par skye ba'i phung po la sogs pa yin la/ nye bar len pa ni nyon mongs pa yin te/ phung po dang nye bar len pa ni phung po dang nye bar len pa ste/ de dag gis zin pa ni gzhan gyi dbang du gyur pa 'am/ khyab par gyur pa'o/ /de ltar de ni zhes bya ba ni de ltar nang gi gnyis po de dag 'ga' zhig tu yang nye bar mi 'gro'o/ zhes bya bar sbyar ro/ /gang zhe na/ smras pa/ sems kyi gnas dang mngon par zhen pa'i bag la nyal ba ni 'di ltar yul dag la 'dis 'di ni bdag nyid kyi'o/ /zhes lhag par gnas pas na gnas te srid pa yin no/ /mngon par zhen pa smos pas lta ba dag bzung ba yin no/ /nye bar mi 'gro ba ni 'di ltar de dag la bdag nyid kyis 'gro bar mi byed pa'o/ /nye bar mi len to/ /zhes bya ba ni 'dzin par mi byed pa'o/ /mi gnas pa zhes bya ba ni gnas brtan por mi byed pa'o/ /mngon par zhen pa med do ces bya ba ni 'dzin par mi byed pa'o/ /bdag med pa nyid du bstan pa'i phyir sdug bsngal zhes bya ba smos pa yin te/ 'di ni sdug bsngal tsam mo kho na yin gyi/ bdag dang bdag gi ni ma yin no/ /'di la yang zhes bya ba ni sdug bsngal gyi zhes bya ba'i yul lo// 'dod pa zhes bya ba ni 'dod par byed pas so/ /the tshom du gyur pas zhes bya ba ni the tshom byed pas so/ /phyogs gnyis thos nas gang zhig yid ces pa ni mngon par 'dod pa skyes par gyur pa/ de ni 'dir 'dod pa yin la/ ji de ltar yin nam 'on te ltar ma yin/ zhes don dogs pa ni the tshom du gyur pa yin no/ /gzhan gyi rkyen gyis shes pa kho na ma yin no/ /zhes bya ba ni rim gyis nges pa'i shes pa skye ba'i phyir gzhan la rag las pa ma yin pa'i shes pa grub par gyur te/ bdag nyid mngon sum du byed pa'i sgo nas mngon sum du byas pa nyid kyi phyir ro/ /yang na 'di la/ kA tyA ya na khyod 'dod pa dang gzhan gyi rkyen gyis shes pa ma yin no/ /zhes bya ba ni/ sdug bsngal la sogs pa 'dod pa dang the tshom du 'gyur pa yin te/ yul de la the tshom du gyur pa spangs pa'i phyir ro/ /de bas na shes pa ni de la des par byed pa nyid yin pa'i phyir/ gzhan la rag lus par 'gyur ba nyid ma yin no/ /'di tsam gyis zhes bya ba la sogs pa la 'di tsam gyis 'di ltar bden pa phyin ci ma log par khong du chud pa'i phyir yang dag pa'i lta ba yin no/ /'di tsam la yang de bzhin gshegs pas yang dag pa'i lta bar tha snyad btags pa ste/ tha snyad du mdzad cing rnam par bzhag pa mdzad do/ /de ci'i phyir zhe na/ zhes bya ba ni/ gang las zhes bya ba'i don no/ /'jig rten gyi kun 'byung ba/ zhes bya ba la sogs pa la 'jig rten ni nye bar len pa'i phung po lnga yin la 'jig rten de'i kun 'byung ba ni rab tu skye ba'o/ /de yang dag pa ji lta ba ste/ de kho na nyid ji lta ba bzhin du'o/ /yang dag pa'i shes rab kyis zhes bya ba ni zag pa med pa'i shes rab kyis bltas shing yongs su bcad par byas par gyur na'o/ /'jig rten ni med pa nyid do/ /ces chad pa gang yin pa de ni ma yin te/ gang gi phyi 'di ni nye bar len pa'i phung po lnga'i bdag nyid can gyi chos kyi 'bras bu nyid yin pa'i phyir sdug bsngal yin la/ 'di las kun 'byung ba'i phyir zhes bya ba'i dbang du byas nas ma 'ongs pa'i rgyu nyid yin pa'i phyir kun 'byung ba yin te/ phung po lnga po 'di las gzhan dang de las gzhan du skye par 'gyur ro/ /zhes bya ba de'i phyir med pa spangs pa yin no/ /'gog pa yang yang dag pa ji lta ba bzhin du bltas na yod pa nyid ma yin te/ rtag pa nyid du 'dzin pa ldog pa yin te/ gang gi phyir dngos po rnams 'gog pa mthong ba de'i phyir ro/ /de ltar na de dag ni zhes bya ba la sogs pa la de dag yod pa nyid kyi mdza' can dang/ med pa nyid kyi mdza' can pa gnyis po dag go? spangs te zhes bya ba ni yongs su dor nas de gcig pu yod par bya ba ma yin te/ rtag par smra bar thal bar 'gyur ba'i phyir ro/ /gcig pu med pa nyid du yang ma yin te/ chad par thal bar 'gyur ba'i phyir ro/ /'on kyang dbu ma'i lam gyi chos bshang de zhes bya ba la/ dbu ma'i lam ni shin tu yod pa nyid ma yin zhing shin tu med pa nyid kyang ma yin te/ shin tu yod pa nyid ma yin pa ni skad cig ma nyid yin pa'i phyir dang/ gnyen po rnyed par gyur pa na rgyun gyi mdza' yang chad par 'gyur ba'i phyir ro// shin tu med pa nyid kyang ma yin la skad cig skad cig la yod pa'i phyir dang/ gnyen po rnyed par gyur ba na tshu rol gyi rgyun yod pa nyid kyi phyir ro/ /'di lta ste zhes bya ba de ni nye bar ston par byed pa'o/ /'di yod na zhes bya ba ni rgyu yin la/ 'di yod par 'gyur ro zhes bya ba ni 'bras bur 'gyur pa ste 'dis ni rgyur smra ba bsal ba yin no/ /de lta na ni rgyu rtag pa las 'bras bu skye bar 'gyur ro zhe na/ de'i phyir 'di skyes pa las 'di skye ba ste zhes bya ba smos pa yin te/ 'di zhes bya ba rgyu skyes pa las 'bras bu skye bar 'gyur ro/ zhes bya ba 'dis ni rgyu rtag par smra ba bsal ba yin te/ rgyu skye ba'i chos can nyid yin pa'i phyir ro/ /'di lta ste/ ma rig pa zhes bya ba la sogs pa la sngon gyi skye ba'i nyon mongs pa'i gnas skabs gang yin pa 'dir ma rig pa'i sgra dang las kyi gnas skabs la 'du byed kyi sgra dang/ phung po lnga nying mtshams sbyor ba'i skad cig ma rnam par shes pa'i sgras bstan to/ /rnam par shes pa'i las 'og ji srid skye mched drug skyes par ma gyur pa'i gnas skabs la ming dang gzugs zhes bya'o/ /yul dang dbang po dang rnam par shes pa 'dus pa las gong du ni skye mched drug yin la/ yul la sogs pa 'dus par gyur pa ni reg pa yin no/ /bde ba la sogs pa'i rnam pa yongs su gcod par nus pa ni tshor ba yin la/ longs spyod dang 'khrig pa'i 'dod chags kyi gnas skabs sred pa yin no/ /gang gi tshe longs spyod kyi rgyu mtshan tshol bar rtsom par byed pa dang kun nas rgyug par byed pa de'i tshe len pa'i gnas skabs yin la/ yang srid kyi las kyi gnas skabs ni srid pa yin no/ /ma 'ongs pa'i nying mtshams sbyor ba yang skye ba yin la/ ming dang gzugs dang skye mched drug dang reg pa dang tshor ba ste ma 'ongs pa'i skye ba'i yan lag bzhi po la rga shi zhes bya'o/ /de'i phyir 'du byed kyi rgyu ni ma rig pa yin te/ ma rig pa 'di yod na 'du byed 'byung bar 'gyur ro// de bzhin du ji srid skye ba dang rga shi'i bar gyi rgyu yin te/ skye ba yod na rga shi 'byung bar 'gyur ro/ /ma rig pa 'gags pas 'du byed 'gag ces bya ba nas skye ba 'gag par 'gyur ro/ /de ltar na sdug bsngal gyi phung po 'ba' zhig po 'di zhes bya ba la 'ba' zhig po zhes bya ba ni bdag gi ma gtogs pa sdug bsngal gyi phung po chen po 'gag par 'gyur ro/ /zhes bya ba'o/ /rig byed las bstan pa'i zhi ba'i las bya ba ni zhi ba bgyi ba'o/ /dge ba'i tshul du blo mthun pa zhes bya ba ni shin tu rigs pa byed pa ni dag pa yin par rig par bya ba/ shin tu dge ba ni dge ba'i tshul des skye bo mang po blo mthun pa ste 'dod pa'o/ /dben pa'i gnas zhes bya ba ni gsang la skye bo 'du ba dang bral ba'i sa phyogs las so/ /sngon gyi skyes pa'i rabs kyi rjes su mthun pa'i 'du shes zhes bya ba ni skye ba gzhan du byas pa'i las dang 'dra ba'i 'du shes kyis so/ /dang pa bskyed de zhes bya ba ni dang pa skyes par gyur pa'o/ /dge ba'i bsam pas zhes bya ba ni sems rnyog pa med pa'am/ kha na ma tho ba med pa'i bsam pas so/ /sdig pa spangs na zhes bya ba ni mi tshangs par spyod par byed pa'i sdig pa spangs na'o/ /gsar ba'i rgyan ni spa bar bya ba gang yin pa ste/ rtag tu ba ma yin pa'o/ /phyi rol gyi rgyan ni gang rtag tu ba ma yin pa spa bar bya ba ma yin pa dag yin te/ gang dag go rim bzhin du nyi ma nyi mar longs spyad par bya ba yin pa'i phyi rol gyi rgyan yin no/ /bram ze dbul ba zhes bya ba ni bram ze dag las shin tu dbul ba'o/ /bsod nams chen po zhes bya ba ni bsod nams kyis chen por gyur pa'o/ /sngan med pa'i rtags dang cha lugs 'dzin pa zhes bya ba ni rtags ni sngon mthong bar ma gyur pas na med pa'o/ /mtshan ma ste skra dang kha spu bregs pa la sogs pa'o/ /cha lugs ni gos rnam pa gzhan du 'dzin pa'o/ /mi gsang ba'i phyogs zhes bya ba ni mi dben pa'i phyogs su'o/ /'bras dmar po'i chen ni dri ma can las bsgrubs pa'i 'bras can no/ /gzhan mon sran sde'u la sogs pa dang/ chu 'ba' zhig gis bsgrubs pa lan tshwa la sogs pa dang/ mngon par 'dus byas pa dang bral ba'i sran tshod ni sran tshod yan lag gnyis pa'o/ /rgyal po tha ma zhes bya ba la 'di ni rgyal po kun gyi tha mar gyur cing snying po ma yin par gyur pa'o/ /chos ma yin pa la brten pa zhes bya ba ni tshul ma yin pa la mngon par chags pa can no/ /phyogs gtsang mar zhes bya ba ni dben la chu lung dang bral bar ro/ /rgyal po zhes bya ba la sogs pa la/ skye dgu mgu bar byed/ dga' bar byed pa'i phyir rgyal po yin la/ zad cing gdung bar byed pa las skyob par byed pa yin pa'i phyir rgyal rigs yin zhing/ ya rabs kyi spyi bos phyag byas pa nyid kyi phyir spyi bo nas dbang bskur ba yin no/ /ji ltar mngon par 'dod pa'i zas ni ci 'dod pa'i kha zas so/ /las byed la rag lus pa zhes bya ba la/ las byed ni zas kyi bya ba byed pa'i dbang byed dag go /dge slong dag ni sbyin gnas yin te/ gang gi phyir de dag ni bsod pa dang ngan pa dag las sems 'gyur ba med pa yin te/ sems 'dul ba nyid yin pa'i phyir ro/ /dbang po phab ste zhes bya ba ni yul dag las bsdus nas so/ /gang gis mthong ba 'am/ gang gis thos pa de la gar dang glu bzang pa yin no// bsad par 'os pa yin pa'i phyir bsad par bya ba yin te/ srog dang bral bar bya ba'o/ /mu dang kha nga chad du gang ba zhes bya ba la mu zhes bya ba ni kha'i phyogs yin la de dang mnyam par gyur zhes bya ba'i tha tshig go /ljongs thams cad kyi grong khyer bzang po zhes bya ba ni ljongs thams cad las 'byor pa khyad par du 'phags pa nyid yin pa de'i phyir ljongs thams cad kyi grong khyer bzang po'o/ /bdag cag dge slong gang dang zhes bya ba la sogs pa la/ gar lta ba las ldog pa 'dzin pa dang/ rol mo'i sgra nyan pa las ldog pa'i 'dzin pas bslab pa yongs su blangs nas so/ /'dri bar ma spobs pa ni tshig gis dris pa'i sgo nas spobs par dka' ba'o/ /bde legs su gyur cig ces bya ba'i bde legs su byed pa ni 'dir bu mo don du gnyer bar byed pa ston pa yin par rig par bya'o/ /blangs pa zhes bya ba ni me skor byas pa'o/ /zhim po zhes bya ba la sogs pa la/ zhim po zhes ni bsod pa 'am dri ma med pa'o/ /steng g.yogs ni steng nas bgo bar bya ba yin/ smad g.yogs ni 'og tu bgo bar bya ba yin no/ /kha cig bzang po ni gos yin la/ 'dis gnas par byed/ rten par byed ces bya ba'i dbang du byas nas zas yin no zhes zer ro/ /nyon mongs pa ste 'dod pa des shin tu gzir ba'o/ /skyes bu'i sems 'dzin par byed pa des blta zhing g.yo ba'o/ /ma 'dres pa'i chos lnga zhes bya ba la sogs pa la ma 'dres pa'i chos zhes bya ba ni thun mong ma yin pa yin te/ bud med dga' zhig kho na'i yin gyi thams cad kyi ni ma yin no/ /mkhas pa'i rang bzhin can zhes bya ba ni mkhas pa'i rnam pa dang 'dra ba ste/ skyes bu chags par gyur pa dang chags pa dang bral bar gyur pa nyid zhes bya ba ste/ gnas skabs kyi bye brag shes pa ni dang po'o/ /zla mtshan gyi dus ni mngal yongs su 'dzin pa'i dus yin la zla mtshan zhes bya ba ni khrag gi dri ma 'dzag pa'i lhag ma las khrag gi thigs pa gnyis sam gsum yin te/ bud med kyis de'i dus shes pa ni gnyis pa yin no/ /mngal na gnas pa zhugs pa zhes bya ba ni mngal du sems can zhugs pa shes pa ste gsum pa yin no/ /gang gi thang las zhes bya ba ni skyes bu mang po dag yongs su spyad par gyur ba na mngal skyed pa'i byed pa'i skyes du shes pa ni bzhi pa yin no/ /mngal gyi bye brag khye'u dang/ bu mor shes pa ni lnga pa yin no/ /'dod pa dang bral ba zhes bya ba ni 'dod chags kyi gdung ba dang yongs su bral bar gyur pa'o/ /brtan por gyis shig ces bya ba ni skye ba'i sgo nas sngar bar ma byed cig pa'o/ /stobs dang ldan par zhes bya ba ni stobs dang bcas par ro/ /bcom pa zhes bya ba ni yongs su phregs pa dang bcom pa dang yongs su zad ba zhes bya ba'o/ /rgyal ba zhes bya ba ni g.yul gyi stobs ba shig pa'i phyir ro/ /'jigs pa zhes bya ba ni nus pa bcom par gyur pas skrag pa'i phyir ro/ /bcom pa ni nus pa bcom pa dang spangs pa yin te/ mngon du phyogs pa dang 'gro ba dang bsnun pa'i nus pa med par gyur pa'o/ /bdag po dman par gyur pas sde dpon yang dman par gyur pa'i phyir phab par byas pa'o/ /dgra bo la rgyab kyis phyogs par gang gis byas pa de pha rol la rgyab kyis phyogs par byas pa'o/ /rtsig pa'i khar sgrings te 'khod do ces bya ba ni rtsig pa'i khar dpung bu chung gos phreng ba bzhin du rnam par bskor bas na rtsig pa'i khar sbrengs pa'o/ /dpa' bo bzang po zhes bya ba ni g.yul la dpa' ba' o/ /blon po ni blo'i grogs su gyur pa yin la/ blon po dag las shin tu nang gi yan lag tu gyur pa ni blon po chen po'o phyi phyir zhes bya ba ni yang dang yang du'o/ /sa bskos pa'i 'dab ma bting nas zhes bya ba ni sa snod kyi rnam pa tsam tu bskos nas chu shing la sogs pa'i lo ma'i gzhi bting ba de'i phyir 'dab ma bting ba zhes bya ste/ de la yang 'bras chan dang chod ma la sogs pa gzhan dag nas bza' bar bya ba'i phyir ro/ /skyo ba ni dub pa yin la mi bde ba ni gdung bar gyur pa'o/ /skal pa ngan pa ni dbul ba 'am/ bsod nams chung ba'o/ /gzhung gnyis pa ngan song ba zhes bya ba ni don kyang mtshungs pa yin no/ /gus pa sngon du song ba can gyi shes par byed pa ni smras pa'o/ /kham phor chags pa ni kham phor gyi phyogs gcig chags pa'o/ /shes rab can zhes bya ba ni rigs pas 'jug pa'i phyir shes rab dang ldan pa'o/ /tshul dang ldan pa zhes bya ba ni 'thad pas tha snyad du byed pa'o/ /'dus pa zhes bya ba ni tha snyad du mdza' bor gyur gyis shes bya ba la/ mtshan du nyal bas na shin tu mdza' bor gyur pa ste/ rtag tu snying dang mi 'bral ba zhes bya ba dang/ sdug pa zhes bya ba'i tha tshig go /rta la yang ljang ba ste/ nas so ba la sogs pa tshad du byas pa'i rta'i zas su rung bar bza' bar bya ba rtswa dag go / brang phrad pa ni lus kyis 'khyud pa'o/ /bya rog dogs pa bzhin zhes bya ba ni ji ltar bya rog thams cad la dogs par 'gyur ba de bzhin du kho bo yang ngo/ /bcom pa zhes bya ba ni nor dang phral bar pa'o/ /pham pa zhes bya ba ni g.yul gyi gnas las bros par gyur pa'o/ /rgyal srid phrogs pa zhes bya ba ni dbang byed phrogs par gyur pa'o/ /nyal ba'i khyim zhes bya ba ni rgyal po'i pho brang 'khor na'i gnas pa'i don gyi khang pa'o/ /phal che bas zhes bya ba ni de gsol ba'i byin no/ /zhes bya ba ni gso ba'i don du gtad pa'o/ /bstod pa'i phyir zhes bya ba rab tu gsal bar bya ba'i phyir bstod pa'o/ /brnyas pa ni nga rgyal gyi brnyas pas brnyas pas gyur pa'o/ rigs ngan pa las skyes pa ni rigs med pa las skyes par gyur pas so/ /'das pa ni zhes bya ba ni shin tu 'das par gyur pa'o/ /ci zhig lta zhing 'dug ces bya ba ni gnas skabs ci 'dra bar gyur pa'o/ /de ltar mi nus mod kyi zhes bya ba ni ngas thams cad du khyod kyi bya ba byed par mi nus mod kyi zhes bya ba'i tha tshig go / gyong ma gsol cig ces bya ba ni nyes pa byas pa smra bar mi bya ba'o/ /nyin zhag gi bza' ba bsgrubs nas zhes bya ba ni nyin zhag gnas pa'i bza' ba ni nyin zhag gi bza' ba ste/ gang de ltar bsgrubs nas 'tshe bar byed pa'o/ /ngan kong gis zhes bya ba ni 'jim pa la byas pa'i ri lu sgam po 'phen par rung ba'i phyir ngan kong ngo/ /glan par bya ba ni dgag par bya ba'o/ /skyengs pa ni ngo tsha bar gyur nas so/ /bud med la chags par gyur nas zhes bya ba ni bud med la shin tu skams pa 'gyur pas so/ /sum cu rtsa gsum pas mchod pa dang zhes bya ba ni sum cu rtsa gsum pa'i lha'i ris kyis mchod pa'i lha'i bu me'i gzugs la sogs pa'i bye brag dang ldan du zin kyang bzang mo'i? phyir snang bar nus pa ma yin no/ /ci dang 'dra bar zhe na/ nyi ma'i 'od zer gyi snang bas gzhan skar ma'i gzhal seng khang gi mdzes pa zil gyis gnon pa bzhin no/ /zhes smos pa yin no/ /tha mal pa'i skyes bu ni skyes bu shes par mi 'gyur ba'o/ /de'i kun tu spyod pa ni 'thad pa ste/ gdon mi za bar bya'o/ /sdig pa'i chos kun tu spyod pa ni lus la sogs pa'i bya ba smad pa dag yin no/ /dal bus zhes bya ba ni dogs pa med par ro/ /mi gtsang ba zhes bya ba ni mi gtsang bas khyab par gyur pa'o/ /lcags kyi phur pas btab pa ni bshad pa'i khab pa nas rkun ma 'jug pa bzlog pa'i phyir ro/ /dog pa ni 'jug par dka' ba yin la/ gdon pa ni brgal dka' bar gyur pa'o/ /kun nas nyon mongs par gyur pa zhes bya ba ni gnod pa skyed par byed byed pa'i sgo nas so/ /des rgyal po khros par 'gyur ro zhes bya ba ni tshig des khro ba skyed par byed pa'o/ /rgyal po'i mthul zhes bya ba ni de'i mthus te stobs kyi yul yongs su bsrung bar gyur pa'o/ /rgyal ba dang tshe ring bas zhes bya ba ni rgyal ba dang tshe ring ba 'phel bar gyur cig ces dug med par byas nas so/ /rdo thog go zhes bya ba ni rang gi nus pas rnyed pa'i mchog don du gnyer bar byed pa'o/ /rtag tu la brgyad dang ldan pa'i shing rta ni cang shes kyi shing rta'o/ /rdo leb bzang po ni dri bzang po la sogs pa rtag tu bcad pa'i dbyangs kyis zhes bya ba ni mngon par 'dod pa'i don dang rjes su 'brel ba'i tshigs su bcad ba klog pas so/ /gcig tu zhes bya ba ni lhan cig tu'o/ /gte'u bzung bar gyur nas zhes bya ba ni khye'u dang bu mo la sogs pa gte'u byas pa'i rgyu can gyi chad pa byas nas so/ /dbye nar ma ni rigs pa'i ?? yin la/ gla skyes ni sho gam gyi gnas la sogs pa las byung ba'o/ /shu ba'i ming can gyi g.yan pa'i nad kyis dbang du byas pa ni des btab par gyur pa'o/ /rta skad 'byin pa'i rta'i skad sgrog por yo byad kyi khyad par du 'phags pas bsgrubs par byed pa'i rin po che la sogs pas so/ /gzugs dang ldan par gyur pa zhes bya ba ni gzugs khyad par can gyis nye bar mtshon par gyur pa'o/ /yol bas bskor ba zhes bya ba ni gos kyis bar du bcad par gyur pa'o/ /chags pa dang bcas pas mthong ma thag tu sems 'brel par gyur pas na rab tu chags pa'o/ /ma bslebs par mkhas pa zhes bya ba ni rang bzhin gyis mkhas par gyur pa'o/ /khri dra ba can ni rtswa'i skud? pa las byas pa'i khri yin te/ dra ba dang 'dra bar sbyangs par gyur pa'o/ /nga kho na'i phyir gsol ba byas te zhes bya ba ni gang gi phyir bdag gi don bsgrub par bya ba'i phyir sar ba yin no/ /tshig gu ni rgya shug gi 'bras bu yin la/ byas pa ni bzlas pa la bya la/ byas pa zhes pa ni bsrung ba yin pa'i phyir mkhas pa'o/ /rgya shug tshig gu zhes bya ba la sogs pa la/ rgya shug tshig gu'i rus ltar rnyed 'gyur te/ zhes bya ba ni tshig gu'i rus pas byas pa'i rnam par gces pa dang 'dra bar 'di la yang rnam par gces pa rnyed par gyur pa'o// 'di'i yang kun tu spyod min te/ bdag gis byas pa'i kun tu spyod pa shin tu yan lag mang po'i sgo nas 'dra bar gyur pa yin gyi nyung ngu'i sgo nas ni ma yin no zhes dgongs so/ /rigs dang ldan pa zhes bya ba ni rigs mthon po las skyes par gyur pa yin la/ rigs 'phel ma zhes bya ba ni rigs 'phel bar byed pa'o/ /ngo tsha ba ste skyo bar gyur pas so/ /g.yo ba ni 'gyur ba'o/ /dbang po 'phrog pa zhes bya ba ni nye bar 'phrog par byed pa'i ngang tshul can no/ /dbyad par bya'o zhes bya ba ni shes par bya ba ro/ /rgol ba ni phyogs snga ma yin la/ phyi rol pa ni phyogs phyi ma yin no/ /'du ba'i sgo ni skye ba'i gnas la bya'o/ /sdig pa zhi ba zhes bya ba ni/ sdig pa'i las lhag par mi spyod pa'i sgo nas zhi ba yin te/ nyams pa zhes bya ba'i bar du'o/ /dri dang ldan pa la 'dir snod kyi sgras bstan pa yin te/ dris yongs su bkang ba 'am/ skud pa la sogs pas bcings pa'i gro ba'i snod dag yin no/ /bkren pa ni 'dir gnas ma yin par 'dod pa la mngon par 'jug pa'o/ /de dag de'i rnam pa can yin te zhes bya ba ni 'di ltar bud med de dag gi rab tu 'jug pa ni skyes bu gzhan dang dga' mgur spyod pa'i bdag nyid can no/ /rang bzhin te ngo bo nyid kyis skye ba dran pa yin gyi sman dang sngags la sogs pas ni ma yin no/ /pha rol gyi srog gcod pa ste/ gzhan gyi 'tsho ba 'jig par byed pas so/ /de rta bzang pos shin tu khyad par du 'phags pa'i phyir rta bzang po ste nges so/ /sbal pa'i pags pa las bsgrubs pa'i 'phong shugs mthe bong srung bar byed pa la 'phong shugs bcug pa ste/ sbal pa'i pags pa sra ba nyid yin pa'i phyir 'phong shugs su byas pa nges so/ /phyir khros pa ni smod pa dang kun tu gshe ba'i zhes bya ba'i bar du'o/ /stobs mchog ces bya ba la/ 'dir stobs ni skyes bu'i tshogs yin la/ mchog ni glang po che la sogs pa'o/ /ci bder spyod pa ni lhag pa'i dga' ba'i gnas la'o/ /gsod par bye pa zhes bya ba ni srog dang bral bar byed pa'o/ /mi 'dza' bar bye pa zhes bya ba ni rgyal srid 'phrog par byed pa'i bsams ba can no/ /phas kyi rgol ba ni nor 'phrog pa'i bsam pas dgra bor gyur pa'o/ /don med par byed pa ni ma dpyad par bya ba byed pas na don med par byed pa'o/ /bag yod par zhes bya ba ni bya ba ma yin pa spangs pas so/ /rang bzhin ni gtso bor gyur pa'o/ /mtshams chen po kun nas bstan por bgyi'o zhes bya ba la mtshams ni de'i mtshams yin? ?/ de ltar kun nas brtan por bya ba ni gal te bya ba ma yin pa la 'jug par mi 'gyur bar ro/ /'khrul 'khor gyi bzo byed pa la mkhas pas na 'khrul 'khor gyi sgyu rtsal mkhan gyi slob dpon no/ /dga' bskyed par byed pa'i tshig brjod pas na gtam snyan pa'o/ /rab tu dga' ba ston par byed pa'i rol mo'i bye brag sgra shin tu mtho ba ni rnga bo che yin te/ shin tu sgra dang ldan pa'i phyir 'dir rnga bo che yin par 'dod do/ /bcom pa zhes bya ba ni nor phrogs pa'i sgo nas bshig par gyur pa'o/ /le lo spangs pa'i phyir le lo med pa yin no/ /lus kyi bya ba byed par dud pa nyid kyi phyir brtson 'grus dang ldan pa'o/ /dngos po yongs su gcod pa'i nus pa dang ldan pas nam mkhas pa yin no/ /myur bar yongs su gcod pa'i nus pa dang ldan pas na spyod pa gsal ba'o/ /mtshan ngan pa bco brgyad dang ldan pa zhes bya ba la/ mgo skra byi ba ngan pa dang/ dpral ba chung ba dang/ mdog? ser skya dang/ mig ser ba dang/ smin mtshams ma 'byor ba dang/ sna leb pa dang/ so sngo pa dang/ dig pa dang/ mig zlum pa dang/ mig chung ba dang/ phyi nang du rgur ba dang/ lto'i phye ba dang/ dpung ba dang/ rje ngar thung ba dang/ spu can dang/ lag pa dang/ rkang pa mi mnyam pa dang/ tshigs sbom pa dang/ 'di'i kha dang lus las dri ngan pa 'byung ba'o/ /gtsang ma'i rgyan ni gnod pa'i dus su rngan par sbyin pa'i phyir sbas nas 'jog pa gang yin pa'o// mchod pa ni steng du mchod par byed/ smyo ba'i tshig tu zhes bya ba ni 'dir brjod pa la/ tshig ces bya'o/ /bros par bya ba'i thabs brtsams nas zhes bya ba ni rigs pa brtsams nas so/ /chags pas zhes bya ba ni kun nas 'brel pa ste/ yul thag nye bar phyin pa na zhes bya ba'i tha tshig go / de ltar khyed nyid kyang zhes bya ba ni 'di ltar rigs mthon po can khyod nyid nga'i thabs kyis brkus pa yin no/ /nor brtsi ba'i phyir zhes bya ba ni bsu ba'i phyir ro/ /'dod chags kyi mun pas zhes bya ba ni 'dod chags kyi dbang du/ gyur pas so/ /khyogs zhes bya ba ni khri steng g.yogs dang ldan pa skyes bu bzhis bteg par gyur pa'o/ /yul 'phags rgyal du rab tu zhugs so zhes bya ba ni de dag gis 'di ltar sbams te gal te kho bo cag lam gsal po nas 'gro bar 'gyur na ni de'i tshe myur du bzung bar 'gyur ba de'i phyir yul 'phags rgyal du zhugs pas ji ste tshol bar gyur na de de nyid du tshol bar 'gyur ba'i phyir ro/ /thal mo'i sgra ni lag pa'i thal mo gnyis brdabs pa'i sgra yin no/ /ji ltar sbrang ma dag gis bla ba zos pa tshul ma yin zhing srid pa ma yin pa dang/ nor thams cad kyi bdag po nyid yin pa'i phyir gnam thos kyi sras nor can gyis phrogs pa dang/ 'og tu 'gro bar byed pa'i ngang tshul nyid yin pa'i phyir sa nam mkha' la lding ba tshul mthun pa ma yin pa de bzhin du rgyal po bud med kyis brkus ba yang tshul dang mthun pa ma yin te/ rgyal po la sgrub par byed pa du ma nyid spyod pa'i phyir ro/ /gsar du zhugs pa'i tshong pa tdga' ston la tshig tu blangs pa'i sgras brjod pa yin no/ /rgyud ni rgyus pa'i skud pa yin te/ des me tog phreng ba'i rnam pa lta bur me tog brgyu bar bya ba yin no/ /gnas su tshud par bsgo nas zhes bya ba ni las tha dad pa la rnam par sbyar ba ste/ gang gis 'brel par gyur pa na rgyal po bsad pa shes par mi 'gyur ba'o/ /rang nyid snyan dngags 'don cing gang byed pa gang yin pa de dag gi snyan dngags mkhan du shes par bya'o/ /gos kyi dum bu phan tshun kun nas sbyar ba gos la sogs pa brtsams pa'i gdugs byed cing shes pa gang yin pa de ni gdugs mkhan yin no/ /bsad par rigs nas zhes bya ba ni nyes pa med pa de ston par byed par byed pa'i phyogs rnyed par gyur pa'o/ /dbul ba ni 'dir dge ba'i rtsa ba chung ba'o/ /dman pa ni snying rje bar bya ba'i yul yin no/ /nyes pa med pa ni skyon med pa'o/ /gnod pa ma byas pa ni gnod pa med pa'o/ /sgyu rtsal drug cu rtsa bzhi zhes bya ba la sogs pa la/ sgyu rtsal rol mo'i mtshan nyid dang/ /sgyu ma'i g.yul dang me tog las/ /sde dpon bya dang bdag nyid can/ /g.yos kyi bya ba zhes bya'o/ /gang zhig tshong dang khams smra dang/ rgyan dang lag rtsis bcud len dang/ /'khrul 'khor sbyor dang zhal zhal dang/ /'phong spyad dang ni lce spyang dang/ /yi ge dang ni kha skad dang/ /snyan dngags mtshon cha'i brtags pa dang/ /'khrig thabs dang ni sog le dang/ /sa gsor dang ni rko ba dang/ /'gro dang 'ong ba shes pa dang/ /khyim gyi mtshan nyid dag kyang ngo/ /mdung thung rdo rje brtag pa dang/ /sder so dag gi mtshan nyid dang/ /gzugs rngu 'byin dang mig 'phrul gyi/ /bstan bcos ba ta ra zhes bya/ /bcing ba bsnun dang sdom pa dang/ /de bzhin rdo rje 'phen pa dang/ /sha mtshan dpyad dang drag pa dang/ /chu yi sbyor ba nyid dang ni/ /dung skad de bzhin rig byed 'od na/ /grong brdal dang ni glegs 'dra dang/ /mtshan mo chom rkun shes pa dang/ /byis pa rnams ni gso ba dang/ /mi rnams gnyid ni log byed dang/ /sgo lcags 'byed par byed pa dang// mtshon dang gling bu bud pa dang/ skyes pa bud med glang po ste/ mtshan nyid dang ni gar slob dang/ /'byung po rnams kyis gso ba'o/ /zangs ma khar ba gser dang ni/ /shing dang dung gi ming shes dang/ /ri mo tshon dang so dag gi /las rnams de dag go rim bzhin/ /rgyu skar gtan tshigs rig pa dang/ /ltas dang gzhung gi nges tshig nyid/ /shes pa shes bya de dag ni/ /sgyu rtsal drug cu rtsa bzhir shes/ /nas dang 'bras kyi ljang ba thams cad du gzhom zhing mthar thug pa la ljang pa'i sgrar brjod do lhag pa ni zos pa'i lhag mar gyur pa'o/ /go bskon par gyur pa na/ zhes bya ba ni bstan par gyur pa'o/ /sems can dam pa zhes bya ba ni 'jigs pa med par ro/ /sus kyang rtse mi nus so zhes bya ba ni skabs la bab pa'i las byed pa'i sgo nas so/ /'jigs pa chen po skyes par byed pa yin pa'i phyir rab tu 'jigs shing mi bzad pa'i sgras bstan pa yin no/ /'dir 'di brjod par bya ste/ ji ste rta kho na yin nam/ 'on te srin po yin zhe na/ de srin po yin te/ sbyor ba 'ga' zhig gis de la rag lus pa yin no/ /zhes gnas pa'i sbyor ba 'di kho nas de thar par gyur pa'i yin no/ /zhes bla ma dag ston par mdzad do/ /ba lang skyong gi ma zhi ba yang ji ltar smra bar 'gyur zhe na/ 'di la yang zhi ba la lhas rmi lam du bstan pa'i dus de shes pa des smras pa yin no zhes bstan par 'gyur ro/ /dus shes pa zhes bya ba ni khro bo'i dus la mkhas pa'o/ /mtshan nyid dang ldan pa'i glang po che'i mchan khung gi phyogs su rkang pa bzhag par bya ba'i phyir pags pa'i rgyun gyis bstad pa'i tshe'o/ /skad? phyung ba ni glang po che sgra sgrogs pa'o/ /dpag tshad brgya song ba'i 'og tu byang phyogs kyi rgya mtshor song nas chu btung bar bya'o zhe'o/ /smras pa ni gnad du bsnun pas bsnun par byed pa'o/ /bya'i rigs ti ti ra de rab tu skad 'byin pa'i phyir spyod yul nags thibs po yin pa de bas na spyod yul zhes bstan to/ /'dod pa'i phyir zhes bya ba ni bsad par 'dod pa bdag gir byed pa'o/ /g.yo bar byed ces bya ba ni phyogs gang gnas pa de nyid las cung zhig g.yo bar byed pa'o/ /rab tu g.yo bar byed ces bya ba ni phyogs gzhan du 'phos pas kun tu g.yo bar byed pa'o/ /song ba ni chu nges par 'byung ba'i thabs kyis so/ /go bar byed pa zhes bya ba ni rigs pa'i don khong du chud par byas pas so/ /mngon par gces pa ni rnam par tshe bar byed pa'o/ /nang nas gnas pa zhes bya ba la gnas ni phyi rol gyi skye ba chen po 'dug pa'i gnas yin/ nang ni nang du gyur pa dag yin no/ /rig pa smra ba zhes bya ba ni sngags kyi tshul la mkhas pa'o/ /mi'i lag pa rig pas autpa la sngon po'i lag par byas nas byin to/ mi rtog pa ni ming yongs su sgrogs pa'o/ /grong gi srad ni khang bzangs chen po'o/ /ma mo'i dkyil 'khor zhes bya ba la/ srid mo brgyad lam mor brjod la/ de'i dam tshig ni dkyil 'khor yin te/ de la brten pa'i cho gas dkyil 'khor du 'jug pa'o/ /mngon par 'dod pa'i phun sum tshogs pa skyed par byed pa'i tshig ni shis pa brjod pa'i tshig yin no/ /chos ma yin pas zhes bya ba ni rigs pa ma yin pas so/ /'tsho ba ngan pa zhes bya ba ni/ bdag nyid kyi tsho ba la smod par 'gyur ba'o/ /ma rig pas ni khyer ba'i tshe zhes bya ba ni mi shes pa'i chu bos bslad par gyur pa dang/ gnya' khyed pa ni zhes bya ba ni sems can dmyal ba las thar par 'gyur ba'i gnya' byed pa'o/ /de dang bdag cag bde 'gror 'gro zhes bya ba'i tshigs su bcad pa 'dis ni lhag ma rnams la dbugs 'byin par byed pa'o/ /shis pa byas pas zhes bya ba ni shis pa brjod pa rnyed nas so/ /gdung ma zhes bya ba ni khyim gyi sgo nas dbus su gnas pa'i gdung ma'o/ /snying pho ma yin pa ni snying po ma gtogs par ro/ /rlon pa ni yongs su spangs pa yin la/ zab ste srid pa gang yin pa'i srin bu de ni za zhing slon pa'i srin bu ste/ snying po tsam gyi lhag ma lus pa'i phyir za zhing mngon par 'dod pa ldog par gyur pa yin no/ /phyung la zhes bya ba ni khyim dam pa nyid yin pa'i phyir rlung gis khyed la gnod par ma gyur cig ces bya dir? 'di'i bsam pa yin no/ /tshul khrims ngan pa ni tshul khrims 'tshal ba ste bya ba ma yin pa byed pa'o/ /skams pa ni chu nyung bar 'gyur pa'o/ /chu med cing zhes bya ba ni chu thams cad med par gyur pa'o/ /sbal ba ni sgra ngan no/ /gnas 'di gtong ni mi phod ces bya ba la/ gnas ni khang pa yin no/ /dmus long zhes bya ba ni skyes na long bar gyur pa yin gyi bcos ma yin no/ /bud med tshul gyis zhes bya ba ni grong gi nang nas ba lang 'brog tu song ba na/ glang po che gzhan 'dod chags kyi gzhan gyi dbang du gyur pa grong gi nang du khyer te bcing ba'i gnas su rab tu 'dzud par byed pa'i thabs des drangs pa ni/ bud med kyi tshul du drangs pa zhes bstan to/ /skyabs mgon yang ni med par gyur zhes bya ba ni mgon skyabs yang ni med par gyur pa'o/ /rkang pas reg par byed ces bya ba la ni bza' ba stob pa'i dus su'o/ /de dag bde bar rnyed pa ni spyi'u blugs mtsho'i thad dag las/ chu gang dag ni ror ldan pa'o/ /zhes bya ba la/ spyi blugs kyi ming can gyi mtsho las zhes bya bar dgongs so/ /yul sin du'i dbang byed la 'dir ya ba na'i rgyal por 'dod do/ /khyod dang ba lang skyong gi ma zhi ba nyid kyis shes par 'gyur ro/ /zhes bya ba ni zhi ba'i lag pas 'phags pa'i zho rdze'u spyi bo la 'bab pa'i 'bras bu de zhes bya ba'i bar du'o/ /dga' ba ni 'dir sbyor ba dga' ba nyid yin pa'i phyir ro/ /mgu ba zhes bya ba ni sngon med pa'i 'tsho ba rnyed pa dang 'dra ba'i phyir ro/ /rangs pa zhes bya ba ni snga na med pa'i 'gro ba dang nor rnyed pa'i phyir ro/ /skyes nas zhes bya ba ni stobs kyis gnas skabs thob pa'i phyir ro/ /dga' ba dang yid bde ba skyes nas zhes bya ba ni yang dag mchog lnga'i rnam par 'tsho ba mi snang ba'i phyir te/ dga' ba ni 'dir srid pa'i rnam grangs yin gyi yod mgu ba'i rnam grangs ni ma yin pa re bas na 'dir srid pa dang mtshungs par ldan pa'i yid bde ba smos pa yin no/ /skal ba bzang po ni dge bar gyur pa nyid yin te/ dpal gyi skal pa bzang po ni skal pa bzang po'i dpal yin te/ de dam pas khyad par du 'phags pas 'gro bar byed pas so/ /phan pa ni phan 'dogs par byed pa'o/ /'dod pa thams cad ni 'dod pa'i yon tan lnga po dag gis so/ /rnam pa mang pos phan btags pa byas pa'i phyir mang du mdzad pa'o/ /skye bo mang po ni skye bo'i tshogs yin la/ rjes su brtse ba ni thugs brtse bar gyur pa'o/ /sems sems kyis shes nas zhes bya ba ni yongs su shes pa'i sgo nas phan tshun zhugs zhugs pa'i phyir mnyam pa nyid thob par gyur pa'o/ /longs spyod spel bar bya ba'i phyir zhes bya ba ni 'jig rten pha rol tu gyur pa'i longs spyod 'byor par bya ba'i phyir ro/ /glog 'gyu ba zhes bya ba ni yud tsam 'byin pa'o/ /rigs med pa las skyes pa 'di ni mchog ste zhes bya ba ni rigs dma' ba las skyes par gyur pa'o/ /bsad pa ni srog dang bral bar gyur pa'o/ /'di la cher sems pa yin te/ zhes bya ba ni dga' ba'o/ /tshang zhes bya ba ni gnas yin no/ /yul rmugs par gyur pa na zhes bya ba ni sprin gyis khyab par gyur pa na'o/ /rlung dang nyi mas yongs su skams pa ni rlung dang nyi ma dang ldan par gyur pas so/ /ri mo can zhes bya ba ni sngon po'o rnam pa'i mdangs nyid yod pa'i phyir ro/ /sa brtags spyod ces bya ba ni spyod pa med par byed pa'o/ /bzod par gyis zhes bya ba ni tshig 'jam pos bzod par byed pa'o/ /tshogs can zhes bya ba la/ tshogs ni 'dus pa yin la/ tshogs 'di la yod pa'i phyir tshogs can te sde dpon chen po zhes bya ba'i tha tshig go /mi mkhas pa ni blo dang mi ldan pa'o tshol bar byed pa na rab tu don tu gnyer bar byed pa'o/ /re re'i tshig tu smra ba ni zhes bya ba la sogs pa la gang zag gsum po cha gcig smra bar mngon par 'dod pa yin te/ 'di ltar rgyal po dang/ yon tan dang ldan pa'i bram ze dang/ drang srong gi mchog go /gcig ces bya ba ni rgyal po'i tsho gcig smra bar 'gyur gyi gnyis pa ni ma yin te/ tshig gcig gis rgyal po'i bka' sgrub pa yin no/ /zhes bya ba'i don 'dir 'gyur ro/ /skye dgu 'dul bar byed pa de'i phyir rgyal po de nyid ston pa yin la/ rang gi bdag po gnyis med pa nyid yin pa de'i phyir de nyid gang zag gnyis med pa'o/ /cha gcig smra ba'i blo gros gyis zhes bya ba ni rgyal po nyid dag gi cha gcig brjod cing smra ba gdon mi za bar bya ba'i don ston par byed pa'o/ /gzhan dag ni cig nyid ni bcom ldan 'das yin no/ 'or gcig tshig tu gsung gi lan gnyis su bskor ba ma yin pa dang/ de nyid ston pa yin la de nyid gang zag zla med pa yin te/ de nyid kyang gang gi cha gcig gsung bar 'gyur ba yin no zhes sems so/ /chos kyi tshul la mi gnas pa zhes bya ba ni gang chos la nges par gnas par mi 'gyur pa'o/ /gang yang sdig pa'i lta ba dang zhes bya ba ni sdig pa'i lta ba ngan pa dag lag pa'i lta ba can dang/ gang yang tshul khrims g.yo 'gyur ba'o/ /bud med bdag med de ces bya ba ni bdag pa'i 'go ba dang bral bas zil gyis mnan par gyur pa de la gal te ming po bcu yod par gyur pa na'o/ /ci zhig phan zhes bya ba ni rdzas thams cad dang bral bar gyur pa'o/ /'di gsum cung zad mi dgos pa'o zhes bya ba ni snying po med pa nyid dang dgos pa yod pa ma yin pa'o/ /longs ma spyad par zhes bya ba ni 'dod pa'i yon tan lnga po lnga phal cher yongs su longs ma spyad pa dang/ sol ba dang tha snyad du byed pa'i phyir sol ba pa ste/ gang sol ba byas nas 'tshong bar byed pa 'am/ 'di la sol ba dgos pa'i phyir sol ba ste lcags mgar ro/ /de gang nyams pas 'jigs pas rtag tu gcer bu kho nas las byed pa de'i phyir de'i gos longs ma spyad par zad par 'gyur pa dang/ de bzhin du lham dang btsun mo dag kyang ngo/ /dka' thub ni mi tshangs par spyod pa las ldog pa'o/ /shing rtas bsnyad du byed pa'i phyir shing rta 'dran pa'o/ /gtun shing gis brdeg par 'os pa yin pa'i phyir gtun shing gis brdeg pa'i rigs so/ /rngams cher 'jog pa ni gzhogs mcher 'byin pa'i shing rlag par byed pa'o/ /kha lo sgyur ba ni nyam nga ba la sogs pa spang ba'i phyir rtse gcig tu blta bar bsngags pa yin na gang yang yon por lta bar 'gyur ba gtun shing gis brdeg par 'os pa yin no/ /pho nyas zhes bya ba la sogs pa la rgyal po'i thad las 'phrin blangs pa gang yin pa de bya ba gzhan gyis brel bas gzhan pho nyar gtong bar byed pa de gnyi ga yang gtun shing gis brdeg par 'os pa yin no/ /mdag gzhug pa ni zho shas 'tsho ba yin te/ de bdag pos las la nges par sbyar ba na yang des kyang gzhan sbyor bar byed pa de ni mngags pas mngags pa yin no/ /rigs sun 'byin pa ni bdag pa'i khyim dang/ pha'i khyim du spyod pa ma yin pa lhag par spyod par byed pa'o/ /ba lang rdzi ni nags na spyod pa yin la/ 'dreg mkhan ni grong na spyod pa yin na phyin ci log tu 'jug pa'i phyir gtun shing gis brdeg par rogs pa yin no/ /rgyal pos smras pa lan cig yin zhes bya ba ni 'or gcig yin no/ /bu mo sbyin pa 'ang lan cig yin zhes bya ba ni khyo shi nas yang sbyin par bya ba ma yin no/ /'phags pas gzigs pa lan cig las bsod nams la sogs pa'i don nye bar bsags par 'gyur ro/ /phyogs chung dang zhes bya ba ni 'khor nyu bar gyur pa'o/ /dogs par gyur to zhes bya ba ni bsad par gyur pa zhe 'am/ 'di ltar rgyal srid dang bral bar dogs par gyur pa'o/ /brnyas par ni glen par ro/ /kha cig ni yan lag rgyas par gyur pa'o gang cung zhig ma dpyad par smra bas na 'chal pa'i tshig tu smra ba zhes bya'o/ /gos gyon pa ni 'dir dbul por gyur pa'o/ /bshes ma yin par te 'dris pa ma yin par ro/ /shin tu snang bas na shin tu gtum pa'o/ /lhag par bsten pa ni lhag par bsten par byed pa'o/ /gzhan gyi nor la sems pa ni gang zhig rtag tu gzhan gyi nor la che ge mo 'di la rdzas 'di yang ces gzhan gyi nor la sems par byed cing bdag nyid kyi nor sgrub pa'i 'bad rtsol byed par gyur pa yin no/ /rtag tu bdag nyid la sdug dang zhes bya ba la/ sems pa zhes bya ba rjes su 'jug ste/ gang zhig 'bad rtsol med par bdag nyid la rtag tu sdug pa'i dngos por 'dod do/ /shing rta'i 'khor los bsad par bya ba zhes bya ba ni shing rta'i 'khor los srog dang dpral bar bya ba'o// mtshon gyi dbye ba la mkhas pas na mtshon gtong shes pa'o/ /mtshams ni shing dag gi mtshams rjes su mthun par sbyor ba'o/ /gyang dang lhan cig ji ltar bya ba'i dogs ni rigs pa'o/ /bdag pa nyid kyi tshul du skyes bu gsum brkyang pas yongs su longs spyod pas na lan gsum brgyud pa'i gcig dang gnas pa zhes bya ba ni skyes bu gcig yang yang dag par mgu bar byed pa'o/ /drang por smra ba ni bden par smra ba'o/ /gzhan gyi rgyus zhes bya ba ni 'ga' zhig tu rgyal ba btsun mo ta ra'i don du bsad par gyur to snyam du sems par 'gyur ba de bas na gzhan gyi rgyus zhes bstan pa yin no/ /rgyags zhes bya ba ni des bde ba spel bar byed pa dang sgrub par byed pas na rgyags so/ /'khor bar 'khor zhes bya ba ni 'khor ba dag tu yongs su 'khor bar gyur pa'o/ /tshogs bsags pa zhes bya ba ni bde ba'i longs spyod long spyod pa dang ldan po'o/ /sgong zhes bya ba la sogs pa ni 'bras bu ma skyes pa kho nar 'jig par gyur pa'o/ yon tan med pa ni 'gal ba yin te/ nyin mo dang mtshan ma phan tshun lhan cig mi gnas pa'i mtshan nyid kyi 'gal ba yin no/ /gos rnams brdeg par gyur na zhes bya ba ni bcags pa gyur na'o/ /chud gzan par bya ba'i zhes bya ba ni mthong ba'i lam la yin par bya ba'o/ /skyes bu smad par bya ba yin pas na skyes bu 'ang pa'o/ /mi 'phod pa ni yon tan 'jig par byed pa'o/ /rgyal po rdzun du smra ba tshul dang mthun pa ma yin te/ 'jigs pa yod pa ma yin pa'i phyir ro/ /blo ldan don rnam par dpyod par byed pa'i tshe rmongs par gyur pa tshul dang mthun pa ma yin no/ /don med par zhes bya ba ni dgos pa med par ro nyin par ni nyi ma'i 'od dang nye bar gyur bar ro/ /'drengs la zhes bya ba ni shin tu ngoms par ro/ /gyod rma ni bslu bar ro/ /glang ma dag don du gnyer ba mang? ba gang yin pa de ni mi 'dod pa'o/ /gnyid kyis gnod pa ni gnyid kyis gzir bar gyur pa'o/ /g.yul du dpa' bo blta ba dang zhes bya ba la sogs pa la g.yul ngo gsung pa'i po'i nus pa rab tu gsal bar byed pa'o/ /dug rno ba ni shin tu rno ba ste/ de'i sman gyi nus pa gsal bar byed pa'o/ /bza' btung yod par gyur na bza' ba dang btung ba sbyin par bya ba'i phyir gnyen rnams la blta ba yin no/ /don dang rnam par dpyad pa'i dus gang yin pa la mkhas pa blta bar bya ba'i skabs yin no/ /khyim pa'i le lo ni ma legs pa chen po yin la 'dod ldan la yang ste/ khyim pa la los bcom pa ma legs pa'o/ /ma bslabs shing dbyigs byed pa spang bar bya ba yin te/ lhag par rgyug pa yang skyes mchog la sogs pa la gnod par byed cing gdung bar byed pa gang yin pa de dag kyang spang bar bya ba yin no/ /gnod pa ste bzhos pas be'u la gnod par gyur ba de yang ngo/ /bya sreg pa zhes bya ba nam mkha' yongs su zad pa'i 'jigs pas shin tu mthon por mi 'phur ba dang/ chu skyar 'jigs par bya ba ma yin pas 'jigs par byed pa dang/ rdul 'bigs par byed cing rdul za? bar byed pa'i srin bu de rdul yongs su zad pas 'jigs pa'i phyir shin tu mang du mi za ba dang/ srin bu lham bu chu gsher ni rtag tu 'jigs par bya ba ma yin pa la 'jigs par byed pa'o/ /tshul khrims 'tshal pa ni gzhan gyi chung ma 'jug pa'o/ /rigs kyi phyir ni gcig gtang zhing zhes bya ba ni rigs 'jigs pa yang dag par 'byung bar gyur pa na sems can gcig yongs su gtang bar bya'o zhes bya ba la sogs pa'o/ /rgyal po'i dkor mdzad ma bsams par zhes bya ba la sogs pa la/ rgyal po'i yul gyi rgyal po'i dkor mdzod gang yin pa de ni ma bsams par 'phel bar 'gyur zhing lam song ste don mthun stobs mchog ma bsams par 'ga' zhig tu de'i rkyen gyis de 'jig par 'gyur ba'o/ /sgal ba med pa ni tshul ngan pa'o// blta bas mi doms pa zhes bya ba ni blta bas chog par mi byed pa'o/ /rgyal po ni 'khor los sgyur ba'o/ /ri bo ni ri rab bo/ /rigs ldan zhes bya ba ni rang bzhin gyis 'jam pa'o/ /byis pa dag dang zhes bya ba la sogs pa la/ byis pa ni 'dir byis pa'i khye'u 'o/ /sprul ni brang 'gro'o/ /gnod byed ma ni skyes bu gzhan la rab tu chags par gyur pa'o/ /mi brtan pa ni gang dga' ba yun ring du 'dzin par mi byed pa 'am/ cig shos dga' ba ste/ tha mal pa ston par byed pa'o/ /dpa' bo ni 'dir g.yul dogs su dpa' ba' o/ /gang la zhe na/ smras pa/ shin tu gnod par gyur pa dang shin tu nyam nga bar zhugs pa'i sems can la'o/ /gtam mi bya'o zhes bya ba ni khyod dang gtam mi bya ba'o/ /sbyin pa ma mthong zhes bya ba la sogs pa la/ skyes bu gang zhig la 'ga' zhig gis sbyin pa ma mthong ba de ni 'dir zhe sdang tshul du 'gyur ba'o/ /'phrod pa mi byed pa ni gang zhig tu pha rol po la 'gal ba spyod pa'o/ /mi mthun spyod pa ni gang zhig 'ga' zhig la rjes su mthun par mi spyod cing/ gzhan la rtag tu nye bar spyod pa sgrogs par byed pa'o/ /sbyin pa byin nas yang rim gyis dbri ba nas thams cad kyis thams cad du sbyin par mi byed pa'i bar du'o/ /gnas brtan ni 'dir lo bcu lon par 'dod la/ rgan pa yang lus rings par gyur pa'o/ /tshig ngan ni gang pha rol smra ba brnag par mi nus pa'o/ /smin thabs su smra ba ni shin tu khros pa nyid kyi phyir ro/ /ba spu gyen du bgreng ba ni ba spu gyen du 'jug pa'o/ /bzhin ni gnyer mar ldan pa ni bzhin gnyer mas khyab par gyur ba can no/ /kha spu chung ba ni kha spu byi ba'o/ /'dod chags gcod can zhes bya ba la sogs pa la/ gang zhig lhag par 'dod chags kyi shas dang ldan pa yin no/ /don la sems pa ni gang zhig rtag tu nor sgrub pa'i thabs sems par byed pa dang/ gang zhig tha snyad du byed pa'i sgo nas mngon par sbyor bar byed pa'o/ /'jigs pa zhes bya ba ni sems can dam pa ma yin pa'o/ /ser ba ni thog 'bab pa dang bcas pa'i ser pa'o/ /mi rtag pa ni skad cig mas mi rtag pa nyid do/ /don med par 'dod pa zhes bya ba ni don 'jig par 'dod pa dang 'jig rten 'di dang 'jig rten pha rol tu phan pa ma yin pa byed pas na phan par mi 'dod pa dang bde bar mi 'dod pa zhes bya ba ni bde ba skyes pa 'jig par byed pa'o/ /reg par mi 'dod pa zhes bya ba ni ma skyes pa skyes pa dang gegs byed pa'o/ /grub pa dang bde bar mi 'dod pa zhes bya ba la/ ma thob pa ni grub pa yin la/ yon tan rnyed pa yongs su skyong bar byed pa bde ba yin te/ de yang ma thob pa mi 'thob par bya ba'i phyir dang/ rnyed pa 'jigs par bya pa'i phyir zhugs pa yin no/ /byas zhes bya ba ni 'das pa'i dus yin la/ byed pa ni da ltar gyi dus yin zhing/ byed par 'gyur ba ni ma 'ongs pa'i dus yin no/ /phyin ci log tu gyur pa yin du zin kyang yang dang yang du smra bas na bya rag dang 'dra ba'o mang du don med par smra ba'i phyir mu cor smra ba yin la/ yang dang yang du 'brel ba med pa mi gsal ba smra ba'i ca cor smra ba'o/ /sog pa zhes bya ba ni sog par byed pa'i ngang tshul can no/ /skad 'byin pa zhes bya ba ni don med pa'i skad sgrogs par byed pa'o/ /rigs par mi byed pa ni 'dir phyin ci log gi rnam grangs yin no/ /lho ngos su song zhes bya ba ni lho phyogs su 'gro bar byed pa'i phyir lho ngos su song ba dang gam du song bar gyur pa'o/ /'od ni nyi ma'o/ /mes tshigs pa la zhes bya ba la yang bkra mi shis pa'o/ /zhes bya ba'i dbang du byas nas yang me'i nang du bcug nas sreg par byed pa'o/ /zos pa ni bza' bar bya zhing longs spyod par bya ba'o/ /'thungs pa ni btung pa'o/ /bca' ba ni bca' bar bya'o/ /myangs pa ni a mra la sogs pa bzhib par bya ba'o// thogs pa med pa'i ye shes zhes bya ba la sogs pa la shes par bya ba'i yul 'ga' zhig la chags pa med pa'i thogs pa med pa'i ye shes te/ thams cad mkhyen pa'i ye shes zhes bya ba'i tha tshig go /de nyid stobs yin te sangs rgyas bcom ldan 'das stobs des 'khor los sgyur ba'o/ /de stobs bcu dang ldan pas na khyu mchog gi gnas rgya chen po zhes bya ba la sogs pa smos pa yin te/ sems rgya chen po la brten par bya ba nyid yin pa'i phyir rgya chen po nyid yin la/ 'di khyu mchog gi yin pas na khyu mchog gi'o/ /de gang zhe na/ smras pa/ gnas ni go 'phang zhes bya ba'i don yin te/ bla na med pa yang dag par rdzogs pa'i sangs rgyas kyi brten par mdzad pa'i 'jigs pa med pa'i go 'phang zhal gyis bzhes par gyur pa'o/ /tshangs pa'i 'khor lo bskor bar mdzad cing zhes bya ba ni 'phags pa'i lam gyi 'khor lo rab tu bskor bar mdzad pa'o/ /yang dag par seng ge'i sgra sgrogs so zhes bya ba ni mu stegs can thams cad skrag par byed cing bdag med pa gsal bar byed pa'i bka' sgrogs par mdzad pa'o/ /gnas dang gnas ma yin pa zhes bya ba la sogs pa la/ gnas ni srid pa yin la gnas med pa ni mi srid pa yin te lus la sogs pa'i dge ba las 'bras bu 'dod pa ni srid pa yin la mi 'dod pa ni mi srid pa yin zhing dge ba'i las kyi 'bras bu 'dod pa ma yin pa ni mi srid pa yin te/ 'dod pa ni srid pa dag yin no/ /yang dag pa ji lta ba bzhin du shes so zhes spye? ba ni de kho na nyid ji lta ba bzhin du ste phyin ci ma log pa nyid du'o/ /las dang chos yang dag par blangs pa'i zhes bya ba la sogs pa la las ni rnam pa gsum ste/ lus dang ngag dang yid kyi rang bzhin no/ /de'i dbye ba bzhi la las yang dag par blangs pa zhes bya ste/ ji skad du las nag po dang rnam par smin pa nag po dang/ dge ba dang rnam par smin pa dge ba dang/ gnag la dge ba dang rnam par smin pa gnag la dge ba dang/ gnag pa ma yin la dge ba dang rnam par smin pa gnag pa ma yin la dge ba yod do/ /ces 'byung ba yin no/ /chos yang dag par blangs pa la ni rnam pa bzhir 'gyur te/ chos yang dag par blangs pa da ltar bde ba ma 'ongs pa rnam par smin pa sdug bsngal yod pa dang/ chos yang dag par blangs pa da ltar sdug bsngal zhing ma 'ongs pa na rnam par smin pa bde ba yod pa dang/ chos yang dag par blangs pa da ltar sdug bsngal zhing ma 'ongs pa na yang rnam par smin pa sdug bsngal yod pa dang/ chos yang dag par blangs pa da ltar bde zhing ma 'ongs pa na yang rnam par smin pa bde ba yod pa yin te/ rnam par smin pa yang dag pa ji lta ba bzhin du yang rab tu mkhyen to/ /gnas zhes bya ba ni 'di'i dus te/ tshogs pa 'ga' zhig yod na las dang chos yang dag par blangs pa gang dag gi 'bras bu 'byin par 'gyur ro// zhes de yang dag pa ji lta ba bzhin du rab tu mkhyen to/ /dngos po zhes bya ba ni rten yin te/ lha la sogs pa'i 'gro ba rten 'ga' zhig yod na de dag las nges par 'bras bu 'byung bar 'gyur ro zhes bya ba dang/ rgyu zhes bya ba ni rgyu ji snyed pa dang rkyen ji snyed pa de yod na 'bras bu'i bya ba byed par 'gyur ro/ /zhes yang dag pa ji lta ba bzhin du rab tu mkhyen to/ /bsam gtan dang rnam par thar pa zhes bya ba la sogs pa la/ bsam gtan ni dang po la sogs pa bzhi yin la/ rnam par thar pa ni brgyad yin no/ /ting nge 'dzin ni gsum ste/ stong pa nyid dang/ mtshan ma med pa dang/ smon pa med pa'o/ /snyoms par 'jug pa ni gzugs med pa bzhi dag yin no/ /de la kun nas nyon mongs pa ni snyoms par 'jug pa'i gegs yin te/ chos dag 'di'i bgegs su 'gyur ba'i phyir srid par 'gyur ba'o/ /rnam par gnas pa ni snyoms par 'jug pa gnas par byed pa ste/ chos gang dag gis 'di gnas par bya ba'i phyir srid bar 'gyur ba'o/ /rnam par byang ba zhes bya ba ni chos gang dag gis 'di rnam par dag par bya ba'i phyir srid pa'i 'gyur ba gsum po de dag gis go rim bzhin du spangs pa'i cha dang mthun pa dang gnas pa'i cha dang mthun pa dang/ khyad par gyi cha dang mthun pa bstan pa yin te/ de dag yang dag pa ji lta ba bzhin du rab tu mkhyen te/ sems can gang zag ni rnam grangs yin la/ mchog dang mchog ma yin pa ji lta ba bzhin du mkhyen pa zhes bya ba la/ mchog ni khyad par du 'phags pa yin zhing mchog ma yin pa ni dman pa yin te/ sems can 'di ni dbang po rtul ba yin la/ 'di dbang po 'bring yin/ 'di ni dbang po rnon po yin no zhes bya ba yin no/ /dbang po yang 'dir dad pa la sogs pa yin par 'dod do/ /mos pa sna tshogs ba zhes bya ba ni mos pa ni 'dod pa dang mngon par bsams pa zhes bya ba'i don yin te/ sems can rnams kyi mos pa sna tshogs pa de yang de kho na nyid du ji lta ba bzhin du bcom ldan 'das nyag gcig gis mkhyen par 'gyur gyi gzhan dag gis ma yin no/ /khams sna tshogs zhes bya ba la sogs pa la khams ni bsam pa dang rang bzhin zhes bya ba'i don yin la/ de yang sems can dag gi skye ba gzhan du goms pa'i dbang gis de sems can so so'i rgyud bya? dbye ba las khams sna tshogs zhes smas pa yin no/ /gcig la yang khams du ma srid pa'i phyir khams du ma zhes smos pa yin no/ /thams cad du 'gro ba zhes bya ba ni thams cad du 'gro ba'i ngang tshul 'di la yod pas na de la 'di thams cad du 'gro ba yin la/ dngos po'i bye brag 'dis rtogs par byed pa'i phyir lam yin te/ thams cad du 'gro ba yang 'di yin la lam yang yin pas na thams cad du 'gro ba'i lam mo/ /de yang ye shes yin te/ de 'dir yang dag pa ji lta ba bzhin du mkhyen to/ /sngon gyi gnas zhes bya ba ni sngon gyi skye ba'i gnas so/ /'jig pa'i skal ba zhes bya ba la sogs pa la/ 'jig pa'i bskal pa ni sems can dmyal ba mi srid pa'i phyir snod 'jig pa yin la/ 'chags pa'i bskal pa ni thog mar rlung nas dmyal ba'i bar du srid par gyur pa'o/ /'jig pa ni nyams pa yin te/ sems can rnams kyi bsam pa gcig tu gnas shing 'dus par byed pa'i phyir ro/ /'chags pa yang 'byung ba zhes bya ba ni skye ba'i chos can du gyur pa'o/ /ming 'di zhes bya ba la sogs pa la ming ni chos sbyin la sogs pa'o/ /rus ni bram ze la sogs pa'o/ /rigs ni gau ta ma la sogs pa'o/ /kha zas ni chang zan gyi rnam pa la sogs pa'o/ /bde ba dang sdug bsngal ba ni nyams su myong ba'i ngang tshul can no/ /dus ring por 'tsho ba'i phyir tshe ring ba'o/ /byis pa'i gnas skabs la sogs pa'i dus ring por gnas pa'i phyir yun ring du gnas pa'o/ /ji srid du tshe 'phangs par gnas pa'i phyir 'di ltar de'i tshe'i mthar thug pa ste/ 'dis ni bar ma dor 'chi ba med par bstan pa yin no/ /gnas dang bcas pa ni yul dang bcas pa'o/ /rnam pa dang bcas pas zhes bya ba ni ming dang rus la sogs pa'i rnam pa dang bcas pa yin no/ /lha'i mig ces bya ba la ci lta'i mig spyi 'am 'on te ma yin zhe na/ smras pa/ rnam par dag pa ste/ bsgoms pa las byung bas yin gyi spyi ni ma yin no/ /mi'i las shin tu 'das pa zhes bya ba ni khyad par du 'phags pa'i mi la skyer rung ba nyid kyis so/ /kha dog bzang po zhes bya ba ni mdangs mdzes par gyur pa'o/ /kha dog ngan pa ni mdangs mdzes pa ma yin no ba'o/ /dman pa zhes bya ba ni bsod nams dang mi ldan pa'o/ /gya nom pa zhes bya ba ni bsod nams dang ldan par gyur pa'o/ /las ji lta bar longs spyod pa zhes bya ba ni bdag nyid kyis byas pa'i las kyi 'bras bu la spyod par 'gyur ba'o/ /yang dag pa ma yin pa'i skyon brjod pa ni skur pa 'debs pa'o/ /log par lta ba'i las zhes bya ba la sogs pa la log par lta ba sngon du song ba can gyi las dang/ chos yang dag par blangs pa'i rgyu'i phyir ro/ /de'i rgyu zhes bya ba ni log pa'i lta ba rab tu 'jug par byed pa'i las dang/ chos yang dag par blangs pa'i rgyu'o/ /de'i rkyen ni de nyid dang 'dra'o/ /lus dang bral ba ste 'jig cing shi ba'i 'og tu ngan song la sogs par skye bar 'gyur ba'o/ /ngan par song bas na ngan song ste/ dmyal ba dang/ dud 'gro dang/ yi dwags yin la/ de nyid smad par bya ba nyid yin pa'i phyir ngan 'gro yin zhing/ log par ltung ba'i gnas nyid yin pa'i phyir de nyid log par ltung ba yin no/ /sems can dmyal ba smos pas dmyal ba re re bzung ba yin no/ /ngan song ngan 'gro log par ltung ba sems can dmyal ba ni ngan song ngan 'gro log par ltung ba sems can dmyal ba ste de dag tu'o/ /bde 'gro zhes bya ba la bde 'gro rnam pa gnyis yod na bde 'gro gang la bya zhe na/ mtho ris 'jig rten zhes bya ba smos pa yin no/ /de la yang kha cig tu gnas stong pa dag tu skye bar 'gyur ro zhe na/ lha'i zhes bya ba smos pa yin no/ /zag pa zad pa las zhes bya ba ni 'dod chags la sogs pa spangs par gyur pa las so/ /sems rnam par grol ba zhes bya ba ni sems nyon mongs pa'i 'ching ba las grol bar gyur pa'o/ /shes rab rnam par grol ba zhes bya ba ni shes rab ma rig pa dang nye ba'i nyon mongs pa dang bral bas so/ /mthong ba'i chos kho na la zhes bya ba ni mngon sum du gyur pa'i skye ba la'o/ /bdag nyid kyis zhes bya ba ni lung phog pa med pa'o/ /mngon par shes pas zhes bya ba ni ye shes kyis so/ /mngon sum du byas shing zhes bya bas ni the tshom med cing khong du chud cing ngo/ /zhugs pa zhes bya ba ni thag nye bar byas pa 'am/ de gnyis dang ldan par gyur pa 'am chen po nyid du shes pa'o/ /rab tu shes pas na zhes bya ba ni shes pa gzhan gyis yongs su bcad nas so/ /nga'i skye ba ni zad do zhes bya ba ni bdag gi skye ba'i srid pa rdzogs par gyur par ro/ /skye ba'i srid ba zad pa yang ci'i phyir zhe na/ tshangs par spyod pa ni brten to zhes smos pa yin te/ tshangs pa ni mya ngan las 'das pa yin la/ de la gang gis spyod pa de ni tshangs par spyod pa ste lam yin te/ de la bdag nyid thams cad kyis gnas par gyur pa ni bstan pa yin no/ /gang gi tshe 'phags pa'i lam yongs su rdzogs pa la gnas pa de'i tshe mi mthun pa'i phyogs thams cad ldog par 'gyur ro/ /bya ba byas so zhes bya ba ni nyon mongs pa spangs pa'o/ /'di las srid pa gzhan mi shes so zhes bya ba ni yang srid pa'i las kyi 'bras bu med pa'i phyir ro/ /rgyal pos zhes bya ba la sogs pa la rgyal bas thams cad du rang gi rigs dang 'thad pa'i chos gang yin pa dang/ tshul te tshul khrims gang yin pa de la brtag par bya zhing rjes su 'jug par bya ba yin no/ /de khyad par ji lta bu zhe na/ 'jug dang rjes su 'jug tshul du zhes bya ba smos te/ rang bzhin gyis rjes su 'jug pa ni 'jug pa yin la/ snga mas 'di ltar byas pa de'i phyir bdag kyang rnam pa 'dis bya ba la rjes su 'jug par bya'o zhes bya ba ni rjes su 'jug pa yin no/ /rgyal po bzod pa zhes bya ba la sogs pa la/ rgyal po bzod pa ni chos kyi mchog yin pa'i phyir/ lhas ba lang skyong gi ma'i nyes pa bzod par bya ba yin no/ / 'jig rten 'di na zhes bya ba la sogs pa la/ ji lta bar bya ba ste/ rin po che gang yin pa dang mnyam par bya ba ste/ legs par bshad pa gang yin pa de ni khyed kyis ma mthang ba dang ma thos pa ste/ mthong ba dang thos mod kyi zhes bya bar dgongs so/ /de ltar na yang bdag gtso bo la dad bas cung zhig sdug pa dang mdza' ba dang yid brtan pa'i sgo nas rab tu khros pa nyes pa dang bcas pa ni sdug pas rab tu khros pa yin no/ /zhes brjod par bya ba yin no/ /bdag po'i brtul zhugs zhes bya ba la nye bar longs spyod pa la 'dir brtul zhugs ni sgras brjod pa yin te/ bdag po'i brtul zhugs gang la yod pa de ni 'dir bdag po'i brtul zhugs can te/ bud med la bdag po kho na longs spyod par byed kyi/ skyes bu gzhan dag ni ma yin pa de 'dir 'dod pa yin no/ /gzugs dang yon tan ldan zhes bya ba la yon tan smos pas 'dir sgyu rtsal la mkhas pa nyid bzung ba yin no //chung ma yang me skor byas pa de bas na 'di cig car yongs su spang bar rigs pa ma yin no/ rje'i phyir ni zhes bya ba ni gang gi phyir khyed bdag gi rjer gyur pa de bas na bdag gis gdon mi za bar phan pa gsol ba yin gyi/ bud med kyi rgyu mtshan gyis ni ma yin no/ /don bzang po dang ldan pa nyid kyi phyir legs par bshad pa yin la/ yi ge 'grel ba dang ldan pa nyid kyi phyir legs par smras pa'o/ /ngas legs par smra ba khyod la yul kyang ka n+ya ku bi tsa sbyin zhing zhi ba la yang rnam pa thams cad kyis bzod par bya'o/ /'du zhing 'dug pa'i khyim gang yin pa de ni 'du khang yin te/ skye bo chen po 'du ba'i gnas zhes bya ba'i tha tshig go /'dus pa ni tshogs pa yin te/ las su bya ba'i don gcig kho na las 'dus par gyur pa'o/ /gtam la sogs pa zer ba ni gtam la 'jug pa'o/ /dngos pa 'dod pa gang yin pa de ni 'dod pa che ba'o/ /brtag pa'i phyir zhes bya ba ni dpyad pa'i phyir ro/ /mngon du bya ba ni mngon sum du bya ba'o/ /rnam grangs du ma ni rnam pa du mas so/ /yang dag par gzeng bstod pa ni rab tu dga' ba skyes pa dang rjes su mthun par ro/ /yang dag par rab tu mgu ba ni sdug ba skyed par byed par ro/ /byas nas zhes bya ba ni yongs su rdzogs par byas nas so/ /dul ba ma yin pa'i cha lugs 'dzin pa zhes bya ba ni rgod pa'i cha lugs 'dzin pa'o/ /'jam pa'i sbyor bas zhes bya ba ni dag 'jam pos so/ /dbye ba'i sbyor bas zhes bya bas ni khyed cag 'di ltar mdzes par mi byed pa gang yin pa des ni khyed cag la mngon par dad pa rnams ma dad par 'gyur la/ de dag ma dad pa las ni khyed cag gi bsod snyoms pa rnam par nyams par 'gyur ro/ /zhes bya ba de ni 'byed pa'i tshigs yin no/ /mi mdzes par byas pa ni log par zhugs pa'o/ /yan lag ni lag pa la sogs pa'o/ /nying lag ni sor mo la sogs pa'o/ /zin pa ni skyes bu'i sems 'dzin pa'i las myur bar byed pa'o/ /sgyu rtsal can zhes bya ba la/ sgyu rtsal sa ni gong du rnam par bshad pa'i sgyu rtsal drug cu rtsa bzhi'o/ /spyod pa ni sgeg pa dang bcas pas 'gro ba yin la/ gnas pa ni de kho na dang 'dra'o/ /'jig rten las 'das pa'i lam gyis 'dod chags dang bral ba gang yin pa de 'dod pa la bskyod par mi nus pa de'i phyir drang srong 'jig rten pa'i lam gyis 'dod chags dang bral ba dang zhes smos pa yin no/ /rtsom pa'i rdul thog ma yod pa ma yin pa gang yin pa de ni thog ma med pa yin la/ bsags pa ni goms par byas pa'o/ /nyon mongs pa la sogs pa ste/ 'dod chags la sogs pa'i kun tu spyod pa rgyun du skyes par gyur pa'o/ /de khyim gyi skar khung dra ba can zhes bya ba la sogs pa la de'i 'od bzang po'o/ /bya ba thams cad btang ba'i blos zhes bya ba ni sems so sor bsdus par gyur ba'o/ /yug sa mo ni bdag po shi bar gyur pa'o/ /pha'i? rjes su zhugs pa zhes bya ba ni pha dang mes po brgyud pa la sogs 'ongs par gyur pa'o/ /khyod dag ba la dad pas na zhes bya ba la/ sangs rgyas kyi bstan pa la mngon par dad pas so/ /khyod kyi khyim du su shig 'ongs zhes bya ba ni khyod kyi khyim du gzhan mu stegs can 'jug par mi 'gyur gyi/ gal te de dag 'jug par gyur na ni spyad pa ma yin pa byed par 'gyur la/ dge slong dag 'ongs na ni de dag gi nang na 'ga' zhig gis 'dod chags dang bral ba yin la/ 'ga' zhig ni 'tsho ba'i rgyus kyang bya ba ma yin pa byed par mi 'gyur ba'i phyir dgos pa med par de slongs shig pa'o/ /rdzas kyi snying po bzhag pa'i khang pa'i lde mig dang/ snying po ma yin pa'i rdzas bzhag pa'i lde mig kyog po dag go / bud med kyi g.yo dang zhes bya ba la sogs pa la/ gsum po de dag kyang g.yo'i rnam grangs yin la/ khyad par du ni sems gya gyus 'jug pa dang/ zur mig gis blta ba la sogs pa ni 'dir g.yo yin la/ skyes bu'i sems gzung bar bya ba'i phyir g.yos 'jug pa'i dag gi las nyid ni sgyu yin zhing/ don de nyid la lus kyis 'gyur ba la chu la 'chos zhes bya'o/ /'dod chags kyi gnas bcu zhes bya ba la/ gnas dang po ni 'dod chags kyi dga' ba skyed par byed pa'o/ /gnyis pa ni yid ?chags pa'o/ /gsum pa ni kun tu rtog pa 'phel bar byed pa'o/ /bzhi pa ni gnyid log pa dang gnyid sad pa dang 'dra ba skyed par byed pa'o/ /lnga pa ni lus nyam chung ba bskyed par byed pa'o/ /drug pa ni yul la mngon du phyogs pas 'jug par byed pa'o/ /bdun pa ni ngo tsha sel bar byed pa'o/ /brgyad pa ni 'dod chags kyis dang du gyur par byed pa'o/ /dgu pa ni skyed par byed pa'o/ /gnas bcu pa thob pa na ni lus brgyal bar byed pa yin la/ brgyal ba las kyang 'chi bar 'gyur ro/ /zad pa dang nyams pa med pa'i phyir 'ongs pa'i phyir rnyed pa ni skyes pa yin la/ don thob pa na phyir rnyed pa thob nas so/ /tshul ma yin pa'i gnod pa zhes bya ba ni rigs pa ma yin par 'chi ba'i sdug bsngal du 'gyur na zhes bya ba'i tha tshig go /shin tu mdangs dang ldan pa nyid kyi phyir skyes bu la rab tu mdzes pa'o/ /tshul ma yin par spyad pa zhes bya ba ni mi tshangs par spyod pa'i ming can gyi tshul dang mi mthun pa'i bya bas so/ /mdud pa bar nas zhes bya ba ni bus 'khyud dang 'dra bar chos gos kyis lus dkris nas so/ /mi mang yin pa mang po ste/ gnod sbyin mo drag mos khyab par gyur par ro/ /thor bu ni 'brum bu'o/ /zas kyi cho ga zhes bya ba ni zas kyi rnam pa'o/ /the tshom zhes bya ba ni sems skyo bar ro/ /zil gyis mnan pa zhes bya ba ni shin tu tshar bcad par gyur pa'o/ /dga' bar byas pa ni mchog tu dga' ba la sbyar ba'o/ /mgu bar byas pa zhes bya ba ni mgu pa nyid du sbyar bar gyur pa'o/ /rgyu mthun par skyes pa zhes bya ba ni 'dre la sogs pa'i khu ba dag las skyes pa yin pas na de ni rgyu mthun par skyes pa yin no/ /shin tu mi sdug pa zhes bya ba ni lag pa dang rkang pa la sogs pa'i gzugs ngan pa'o/ /yung dang 'dra ba'i 'tsher ba'i skra gang la yod pa da ni skra ser ba'o/ /rtswa sngon po'i kha dog dang 'dra ba'i skra yod pas na skra sngon po'o/ /khang pa'i bar te khang pa'i bar mtshams su'o/ /grong khyer las phyi rol gyi thibs po dang bcas pa'i phyogs ni nags stug po'i phyogs so/ /mdangs kyis gso ba ni 'tsho ba'i thabs sbyin pa'o/ /gzugs mi gsal ba zhes bya ba ni skyes pa'i phyogs dang/ bud med kyi phyogs su yang gsal bar ma gyur pa'o/ nye bar ston nas zhes bya ba ni 'di'o zhes phyogs su gsal bar ro/ /kun nas mdzes pa ni dang pa skyed par byed pa yin pas na kun nas mdzes pa'o/ /yongs su smra bas na smras pa'o/ /ngan pa ni smad par bya ba'o/ /nor la sogs pa gzi dang bral ba nyid kyi phyir tha ma'o/ /khyad par du 'phags pa'i gnas dgod pa'i sgo nas gdon par bka' ba nyid yin pa'i phyir gnod pa'o/ /sdig pa byed pa las dka' bas bzlog par bya ba nyid yin pa'i phyir gnod par gyur pa'o/ /bza' ba la sogs pa chung ba nyid kyi phyir bza' btung mi 'byor pa'o/ /skra ser zhes bya ba la sogs pa la/ gang dag gi skra nga ba nyid kyis yung gis kha sgyur ba lta bu de dag ni skra ser dag yin no/ /gang dag gi skra seng ge'i lta bu yod pa de dag ni skra ser skya'o/ /gang dag gi skra ngo bo nyid kyis rims kyis kha sgyur ba lta bu yod pa de dag ni skra ljang khu dag yin no/ /gang dag gi skra skyes pa kho na nas dkar por yod pa de dag ni skra dkar ba dag yin te/ phyis skra dkar du gyur pa nyid ni ma yin no/ /gang dag gi skra glang po che lta bu yod pa de dag ni glang chen skra 'dra dag yin no/ /gang dag gi mgo zangs ma'i bum pa ltar 'jam zhing skra med pa de dag ni skra med dag yin no/ /gang dag gi mgo la sul chen po gsum mam bzhi yod la/ gang dag gis 'bar 'bur du mngon pa de dag ni mgo 'bar 'bur can dag yin no/ /gang dag gi mgo la bltos nas mgo'i tshad shin tu che bar mngon pa'i phyir glang po che yin no/ /gang dag gi lus shin tu sbom pa las su mi rung ba ni ha cang sbom pa'o/ /lus glegs pa 'dra ba zhes bya ba ni/ gang dag gi lus 'bras kyi srugs dang 'dra bar leb leb por 'dug pa ste/ dper na 'bras kyi srugs gtun shing gis brdungs pa na leb leb por 'gyur zhing rngams srab pa nyid du 'gyur ba de dag la srugs leb ces brjod do// de dang 'dra bar de dag gi lus sam mgo yang de dang 'dra'o/ /gang dag gi mgo bong bu dang phag gi mgo 'dra ba de dag ni bong bu dang phag gi mgo lta bu yin no/ /gang dag la mgo gnyis yod pa de dag ni mgo gnyis pa dag yin no/ /gang dag la dpral ba yan chad ma tshogs ma med pa de dag ni mgo chung yin la/ kha cig ni mgron pa yan chad med brang la sna la sogs pa yod pa'i phyir rol zhes brjod do/ /gang dag gi rna ba glang po che'i 'dra ba de dag ni glang chen rna 'dra dag yin no/ /gang dag gi rna ba rta'i rna ba 'dra ba yod pa de dag ni rta rna 'dra ba yin no/ /gang dag gi rna ba lang dang spre'u'i 'dra ba yod pa de dag ni ba lang rna ba 'dra spre'u rna 'dra ba dag yin no/ /gang dag gi rna ba bong bu dang phag dang 'dra ba yod pa de ni bong bu rna 'dra phag rna 'dra ba dag yin no/ /gang dag la rna ba gcig yod pa de dag ni rna gcig pa dag yin no/ /gang dag la rna ba med pa de dag ni rna med dag yin no/ /gang dag gi mig tsan dan dmar po ltar dmar ba de dag ni mig dmar ba dag yin no/ /gang dag gi mig tshad las shin tu 'das te tshul dang mthun pa ma yin pa de dag ni ha cang mig che ba dag yin na/ /gang dag gi mig shin tu chung zhing zlum por yod pa de dag ni mig chung ba dag yin no/ /kha cig ni gang dag mig lpags shin tu dmar la rdzi ma med par gyur pa de dag gi mig tshag pa zhes brjod do/ /gang dag gi mig la kha dog dmar po dang ser po 'dren mar yod pa'i phyir de dag gi mig ni ha cang ser ba dag yin no/ /gang dag gi mig nor bu mching bu ltar 'tsher ba de dag ni shel mig dag yin no/ /gang dag gi mig chu'i chu bur ltar phyi rol tu rlo bar gyur pa de dag ni mig chu bur lta bu dag yin no/ /gang dag gi skyes pa nyid nas mig gcig las med pa de dag ni mig gcig pa dag yin te/ de nyid kyi phyir zhar ba la sogs pa las logs shig tu rnam par bzhag pa yin no/ /gang dag la mig med pa de dag ni mig med pa dag yin no/ /gang dag la sna glang po che la sogs pa dang 'dra ba yod pa de dag ni glang chen la sogs sna 'dra yin no/ /gang dag la sna'i spubs gcig yod pa de dag ni sna sbubs gcig pa dag yin no/ /gang dag la kos ko glang po che'i 'dra ba yod pa de dag ni glang chen kos 'dra dag yin te/ de bzhin du rta kos 'dra zhes bya ba la sogs pa yang rig par bya'o/ /gang dag la kos ko g.yas pa'am/ g.yon pa gcig kho na yod pa de dag ni kos smyung dag yin no/ /gang dag la kos ko med pa de dag ni kos ko med dag yin no/ /gang dag gis so glang po che 'dra ba de dag ni glang chen so 'dra dag yin no/ /rta so 'dra zhes bya ba la sogs pa yang de bzhin du rig par bya'o/ /gang dag gi mgul ha cang ring ches pa de dag ni mgul ring ches pa'o gang dag la mgul med cing mgo phrag gong la 'byar ba de dag ni 'jing nu bdag yin no/ /gang dag gi mig mgo bo'i mdun du gugs nyid kyi phyir phrag pa'i phyogs dang mnyam par gyur pa de dag ni phrag mig dag yin no/ /yang na gang dag gi mig phrag pa'i phyogs kho na la yod pa de dag ni phrag mig dag yin no/ /mi sdug par rab tu sgur ba ni ches sgur ba dag yin/ /gang dag gi pho mtshan chad pa de dag ni pho mtshan chad pa dag yin te/ skyes pa'i gcib 'byung ba'i gnas la pho mtshan zhes bya'o/ /gang dag gi rlig pa rlung gis rlugs par gyur pa de dag ni rlugs pa dag yin no/ /gang dag la rlig pa'i 'bras bu gcig kho na yod pa de dag ni rlig gcig pa dag yin no/ /gang dag la rlig pa med pa de dag ni rlig med dag yin no/ /tshad las shin tu 'das pa dag yin pas na ha cang ring ba'o/ /ha cang thung ba shin tu 'bol bu thung ngu gyur pa yin no/ /skem po ni lus skams par gyur pa dag yin no/ /gang dag la 'bad rtsol chung ngus kyang dbugs rtseg pa la sogs pa'i skyon 'byung bar 'gyur ba yod pa de dag ni ma 'ongs par ngal skyen pa zhes bya'o/ /ngal ba ni chad pa'i rnam grangs nyid yin pa'i phyir las cung zad kyang byed par mi bzod ces bya ba'i tha tshig go /tsho zhes pa'i tshil gyis non par gyur pa nyid yin pa'i phyir ha cang sbom por gyur pa'o/ /sha mdog kha dog rnam bzhi dang zhes bya ba ni sngon po dang/ ser po dang/ dkar po dag yin te/ kha dog gi bye brag smad par bya ba gang yin pa de dag 'dir bkag pa yin gyi/ lha rnams kyi gzugs mdzas pa lta bu dag ni ma yin no/ /gyol po ni rkang pa chag pa dag gam rkang pas la drung pa dag yin no/ /gang dag gi rkang pa gnyis shin tu mdangs te 'gro ba de dag ni lus nyams pa dag yin na/ /yang na gang dag gi rkang pa gnyis gcig gi steng du cig 'dor zhing 'gro ba de dag la lus nyams pa dag yin no/ /mdzes par bya zhes bya ba 'dis ni lus yongs su dag par ro/ /yongs su dag pa zhes bya ba 'dis ni las dag pa bstan pa yin no/ /lus yongs su dag pa dang las yongs su dag pa rab tu 'byung ba dang bsnyen par rdzogs pa gnyi ga dag la gnyi ga sbyar bar bya ba yin te/ yongs su dag pa dang mdzes par rab tu 'byung ba dang bsnyen par rdzogs par bya'o zhes bya ba'i tha tshig go /bden pa'i mtshan gang yin pa de ni bden pa'i mtshan te dngos po thams cad thugs su chud pa'i phyir sangs rgyas yin no zhes bya ba'i dbang du byas nas sangs rgyas bcom ldan 'das yin no/ /gtam 'dres pa ni rgyun mi 'chad par mdza' ba'o/ /phebs par smra ba ni ling du mdza' ba'o/ /smos drin ni de yongs su shes par gyur pa'o/ /'grogs bshes ni lam gcig tu 'gro ba la sogs pas shin tu mdza' ba skyes par gyur pa'o/ /dge 'dun gyis dge 'dun bsnyen par rdzogs pa zhes bya ba'i tshig 'dis ni gsal por 'gal ba brjod pa yin te/ gal te dge 'dun gyis dge 'dun bsnyen par rdzogs par byed pa de'i che bsnyen par rdzogs pa dag bsnyen par rdzogs pa mi skye shing bsnyen par rdzogs par byed pa yang 'gal tshabs can du 'gyur ro/ /'di ltar gang sngar 'ongs pa zhes bya ba la/ gang 'ga' zhig sngar 'ongs par gyur pa des rnyed pa sngar blang bar bya ba yin la las phyis bskor bar bya ba yin no/ /dran pa nyams par byas pa ste/ gang dag la las su bya ba'i dus su dran pa'i rigs cung zad skye bar mi 'gyur ba yin no/ /gang dag gis skyes par gyur kyang nyam nyam chung bar gyur pa de dag ni dran pa zhan pa yin no/ /grong khyer chen po drug ni 'di lta ste/ grong khyer tsam pa dang/ grong khyer ba na NA se dang/ rgyal po'i khab dang/ yangs pa can dang/ mnyan yod dang/ ser skya dag yin no// sems kyis chen po nyid du 'dzin pa yin pa'i phyir bkur stir byas pa'o/ /bla mar byas pa zhes bya ba ni lung 'bogs pa'i sgo nas bla ma'i gnas su gyur pa yin no/ /ri mor byas zhes bya ba ni skye bo thams cad las khyad par du 'phags pa'i gnas su bzhag par gyur pa yin no/ /mchod par byas zhes bya ba ni/ lus btud pas phyag byas pa la sogs pas so/ /gang dag gis she na/ rgyal po zhes bya ba la sogs pa smos pa yin te/ rgyal po ni dbang bskur bar gyur pa'o/ /gang gi tshang rgyal po dang 'dra ba tsam du gyur pa gang yin pa de ni rgyal po dang 'dra ba tsam mo/ /rgyal po'i blon po ni blon po dmang ba 'am rgyal tshab yin no/ /khyim bdag ni gang zhig rtag tu mgon med pa dag la zas sbyin pa sbyin par byed pa ste/ dper na khyim bdag mgon med zas sbyin lta bu'o/ /grong brdal gyi gtso bo la 'dir grong brdal gyi mi dang/ ljongs kyi mi gtso bo la ljongs kyi mir 'dod do/ /bye ba phrag brgya'i dbang phyug yin pas na nor can na/ /tshong dpon ni tshong pa'i gtso bor gyur pa'o/ /ded dpon ni gang gis yul nas yul gzhan du don mthun ded par byed pa'o/ /bsnyes pa yang bcom ldan 'das kyis chos gos la sogs pa rnyed par gyur pa'o/ /yun ring po shig las zhes bya ba ni sangs rgyas nyid du goms pa rtsoms pa la sogs pa nas so/ /rdzogs byed la sogs pa ston pa drug ces bya ba la rdzogs byed ces bya ba ni ming yin la/ 'od srungs zhes bya ba ni rgyud yin no/ /kun tu rgyu zhes bya ba ni ming yin la/ gnag lhas kyi bu zhes bya ba ni rgyud yin no/ /yang dag rgyal ba can zhes bya ba yang ming tsam yin la/ smra 'o dod kyi bu mo'i bu zhes bya ba ni rgyud yin no/ /mi pham zhes bya ba ni ming yin la/ skra'i la ba'i cha lugs 'dzin pa nyid kyi phyir skra'i la ba can no/ /nog can zhes bya ba ni ming yin la/ kA tyA ya'i bu zhes bya ba ni rigs yin no/ gcer bu ba zhes bya ba ni dka' thub kyi rigs can 'ga' zhig gi ming yin la/ gnyen gyi bu zhes bya ba ni rigs yin no/ /thams cad mkhyen pa ma yin pa'i ngo bo nyid kyis log pa'i nga rgyal yod pa'i phyir bdag thams cad mkhyen pa yin no zhes de ltar rlom sems pa dag yin no/ /gnas pa zhes bya ba ni de nas bsod snyoms la sogs pa tshol bar byed pa'i phyir ro/ /mi'i chos las bla mar gyur pa zhes bya ba ni mi'i chos tha mal pa las khyad par du 'phags pa nyid yin pa'i phyir mngon par shes pa la sogs pa ni mi'i chos las bla mar gyur pa yin no/ /gang zhig mi'i chos las bla mar gyur pa'i rgyu mtshan rdzu 'phrul gyi cho 'phrul des bdag gis dgug pa ste/ bdag gis mngon par sbyar bar bya'o/ /rdzu 'phrul dang ldan pa zhes bya ba ni snyoms par 'jug pa mngon par bsgrubs pa'o/ /shes pa smra ba zhes bya ba ni bdag la shes pa khyad par du 'phags pa 'di lta bu yod do ces smra ba'i dang tshul can yin no/ /bdag nyid sems pa zhes bya ba ni mngon pa'i nga rgyal gyis shes pa yin gyi don dam pa ni ma yin no zhes bya ba'i tha tshig go / lam gyi phyed ces bya ba la sogs pa la bdag nyid kyis gtsug lag khang las de lam phyed du shog cig bdag nyid kyang rang gi gnas khang las lam phyed du mchi'o/ /de'i gan du bdag dang de'i gtsug lag khang dang bdag gi gnas khang du yang mi 'ong ngo zhes bya ba'o/ /ro dang 'dra ba zhes bya ba la/ 'phags pa'i lam gyi 'tsho ba'i thabs dang bral ba nyid kyi phyir ro yin pa'am bcom ldan 'das kyi thad las khyod ro dang 'dra ba yon tan med pa'i phyir ro dang 'dra ba yin no/ /gcig tu zhes bya ba ni gcig tu mngon par dad pa 'khrul ba med pa'o/ /char bcad pa'i phyir zhes bya ba ni zil gyis mnan par bya ba'i phyir ro kun dga' i phyir zhes bya ba ni mchog tu dga' ba dang ldan par bya bar ro/ /skye bo dam pa ni 'dir thar pa'i cha dang mthun pa la phan pa yang pa yin par 'dod do/ /mgu ba'i phyir zhes bya ba ni/ kun tu mgu ba dang ldan par mdzad par ro/ /dge ba rnams ni bca' bar bya'o zhes bya ba la/ dge ba'i yon tan gyi rnam grangs yin no/ /de'i don ni 'di yin te/ thams cad du yon tan bcab? par bya ba ma yin te/ gang gi phyir da sha dang ka pa la dag gi lta ba rnam par dpyad par bya ba'i phyir cho 'phrul bstan par bya'o zhes gsungs pa dang/ rdzu 'phrul gyis 'gro ba rjes su gnang ba dang/ nyes pa thad du bsgrags par bya ba ma yin te/ 'jig rten ma dad pa rnyed par 'gyur na mi rung ngo/ /gang du yon tan bsgrags par byas par gyur na phan pa chen po 'byung bar mi 'gyur bas de'i tshe gdon mi za bar dge ba bcab par bya ba yin pa dang/ gang gi tshe nyes pa bsgrags po na pha rol po ma dad pa skye bar mi 'gyur ba de'i tshe bsgrags par bya ba yin la/ pha rol ma dad pa skye bar 'gyur na bskrag par bya ba ma yin no zhes bya ba 'di yin no/ /sngon dang tha ma ma yin pa'i sems can la zhes bya ba ni gang sngon byang chub kyi sems skyes pa dang/ bcom ldan 'das ma gtags pa gzhan 'ga' zhig bskyed pa'i nus pa med pa de lta bu la 'dir sngon dang tha ma ma yin pa'i sems can du 'dod do/ /dge ba'i rtsa ba bsags pa zhes bya ba ni gang la bskal pa grangs med pa gsum du goms pa yongs su rdzogs pa yod pa de la 'dir dge ba'i rtsa ba bsags pa yin par 'dod do/ /ji ltar rigs par rjes su bsgrubs shig ces bya ba ni khyod ji ltar 'dod pa de bzhin du mdzes par gyis shig ces bya ba yin no/ /skra dkrar dang stobs med pa'i phyir rgas pa yin no/ /dbang po yongs su nyams pa'i phyir 'khogs pa yin no/ /yan lag dang nying lag thams cad ldog par gyur pa nyid kyi phyir gtugs pa yin no/ /'di ni dgra bcom pa'i yon tan dang ldan pa yin no/ /zhes skye bo mang po blo mthun par gyur pa ni dgra bcom par blo mthun pa yin no/ /mthun par tshangs pa'i rgyu mtshan la spyod pa yin pa'i phyir tshangs pa mtshungs par spyod pa yin no/ /shin tu mi 'thad pa ni rigs pa ma yin pa'o/ /g.yas kun tu spyod pas zhes bya ba ni 'dis bdag cag gi bsam pa shes par ma gyur cig ces bya ba'i bcas pa'i bsam pa'o/ /zag pa zad pa ma gtogs pa mngon par shes pa lnga gang la yod pa de ni mngon par shes pa lnga dang ldan pa dag yin te/ de yang lha'i mig dang/ lha'i rna ba dang/ rdzu 'phrul gyi yul dang/ sngon gyi gnas dang/ 'chi 'pho dang skye ba dag yin no/ /ri'i phrag ni ra skyabs can/ /de dag gis ji ltar na nyi ma bdun gyis sa 'di tsam bskor bar nus shes na/ 'dir kha cig ni bdud kyi stobs la zhes brjod par byed la/ gzhan dag ni rkang mgyogs kyi sman gyi stobs la zhes brjod par byed do/ /mdza' ba dang mi 'dza' ba dang tha mal ba'i zhes bya ba la/ 'jig rten thams cad la phyogs gsum yod pa yin te/ 'di ltar mdza' ba'i phyogs dang/ mi mdza' ba'i phyogs dang/ tha mal pa'i phyogs zhes bya ba'o/ /bden pa'i tshig gsol cig ces bya ba ni bden pa sngon du sang ba can gsol pa ste de ni du gnyer bar byed pa yin no// dbugs phyung ba zhes bya ba ni de dag yid ches pa skyes par gyur pa'o/ /bden pa'i tshig gang gis zhes bya ba la sogs pa la/ bden pa smos pas bcad ma thag pa'i tshig dngos po la gnas pa'i bden pa nyid bstan pa yin la/ bden pa'i tshig smos pas ni mi las bden pa nyid du bstan pa yin no/ /gzugs med pa ni gzugs med pa gsum las skyes pa yin no/ /'du shes med 'du shes med min zhes bya ba ni srid pa'i rtse mor skyes pa yin no/ /'du shes med pa zhes bya ba ni 'gog pa dang 'du shes med pa'i snyoms par 'jug pas 'du shes yang dag pa bsal ba yin no/ /'dod chags dang bral ba zhes bya ba ni don dam pa'i mya ngan las 'das pa yin no/ /thar pa'i thabs khas blangs pa sngon du song ba can gyi mthun pas 'dus pa ni dge 'dun dag yin no/ /'di ltar 'ga' zhig tu blo mi bstan pas 'dus pa ni tshogs dag yin no/ /rigs mthun pas bsdus pa dag yin no/ /mang po dag gi nad nas 'ga' zhig shes pa khong du chud par bya ba'i phyir slob ma nyid du 'dus pa ni 'khor yin no/ /tshul khrims zhes bya ba la sogs pa la/ tshul khrims ni rang bzhin gyi kha na ma tho ba dang/ bcas pa las ldog pa'i rang bzhin la/ brtul zhugs ni dus ma yin pa'i zas la sogs pa bcas pa'i kha na ma tho ba dang bcas pa las ldog pa yin no/ /de dag gis lus gdung bar byed cing mi lnga bsten pa la sogs pa lus gdung bar byed pa'i phyir dka' thub yin no/ /tshangs par spyod pa la gnas pa ni mi tshangs par spyod pa 'ba' zhig las ldog par gyur pa'o/ /'phags pa'i dgyes pa'i zhes bya ba ni zag pa med pa'i 'o/ /bden pa'i tshig gsol ba de'i yan lag dang nying lag ji ltar sngon gyi bzhin du grub par gyur to zhes bya ba de ji ltar rigs te/ rnam par smin pa las skyes pa'i lus zhig nas yang skye ba mi srid pa'i phyir ro zhe na/ 'di la kha cig ni bcom ldan 'das kyis gsungs pa'i bden pa'i tshig gi stobs dang rgyu mthun pa'i 'byung ba chen po bzhi po dag gis lus kyi dbang po de yan lag dang nying lag rab tu bskyed pa yin no zhes brjod la/ kha cig ni sangs rgyas rnams kyi dmigs pa'i khyad par ni bsam gyis mi khyab pa yin pa de'i phyir bcom ldan 'das kyis rdzu 'phrul gyis byas pa 'di la ngo mtshar med ngo ces brjod par byed do/ /ca co'i sgra ni dgad pa'i rnam pa yin te/ ca co'i sgra dbug sgra zhes bya ba sgra char sgrags pa'o/ /'di nas thos ma thab tu bden pa mngon par rtogs nas zhes bya ba ni bden pa khong du chud ma thag tu shin tu dbang pa rna ba nyid kyi phyir phyir mi 'ong ba'i 'bras bu mngon sum du byas pa yin no/ /bar du zhes bya ba ni gtsug lag khang dang thag nye bar ka ba bzhi bsgreng ste/ steng bla res phub pa ni gos kyis bla gab can du byas pa yin no/ /rdo rje la sogs pa la gser las byas pa'i seng ge'i khri rdo rje dang/ baiDUrya dang/ rin po che la sogs pas brgyan pa bshams so gnod pa chung ngam zhes bya ba la sogs pa la gnod pa ni phyi rol gyi rnam par 'tsho bas gzir ba yin no/ /kha na ma tho ba ni lus las skyes pa'i nad kyis gzir ba'o/ /nyam nga ba ni yid skyo ba'i nad yin no/ /bskyod pa yang ba ni lus kyi bya ba le lo med pa nyid yin no/ /'tsho ba ni bsod snyoms kyis gnas pa yin no/ /stobs dang ldan pa ni 'tsho ba'i 'bras bu nus pa nyid yin no bde ba ni lus kyi yin no bde ba la reg par gnas pa ni mngon par dgyes pa dang bcas pa gnas pa yin no/ /gal te ji ste yang rnam pa de dag gis khyim pa dag so sor kun nas dga' bar 'gyur la/ bcom ldan 'das kyang ri mor byas pa des dgyes par 'gyur ba kho na yin no/ /yal ga ni sdong po las gyes pa yin la/ yal ga phra mo yang yal ga las gyes pa yin no/ /des rgyas pa ni yangs par gyur pa'o/ /mngon par 'dus byas pa zhes bya ba ni byas pa dang bcas par ro/ /g.yos zhes bya ba la sogs pas ni chung ngu dang 'bring dang chen por bstan pa yin no/ /gnod pa'i gtam ni ha ha'i sgra 'don pa 'am sgrags par byed pa yin no/ /'di la yang chung ngu la sogs pa'i dbye ba shes par bya'o/ /drang srong de dag gis sangs rgyas bcom ldan 'das zhes bya ba nas mthong ngo zhes bya ba la sogs pa la/ bcom ldan 'das khyad par ji lta bu dang ldan pa zhe na/ nyi ma shar ma thag pa zhes bya ba la sogs pa smos pa yin te/ 'phral du shar ma thag pa ni nyi ma shar ma thag pa yin la/ de'i 'od kyis mdzes pa'i dkyil 'khor gang yin pa dang/ gser bco ma'i mdog ni gser btul ba ste dri ma med pa de btubs pa'i dum bu spungs shing phung por byas pa gang yin pa de dang 'dra bar dmar ba dag yin no/ /me tog ku ran da ka'i tshogs dang/ a sho ka'i phung po ltar dmar ba yin no/ /chu 'dzin chu bcas kyi zab pa'i sgra dang/ rgya mtsho dang/ ston ka'i khyu mchog dang/ rnga bo che'i sgra ltar gsung zab pa yin no/ /shin tu gsal bas na rnam par gsal ba yin la/ thos na bde ba ni rna ba'i rnam par shes pa bde ba skyed par byed pa yin te/ rnam par gsal ba dang/ thos na bde ba dang/ snyan pa'i gsung gang la mnga' ba de la de skad ces bya'o/ /'o ma'i mtsho ni 'o ma'i rgya mtsho yin la/ de'i dbu ba ni dbu ba'i phreng ba yin te/ 'o ma'i mtsho dbu pa'i phreng ba dang 'dra bar dkar ba'i mdzod spu des rnam par spras pa gang la yod pa de la de skad ces bya'o/ /grangs med pa ni bgrang ba'i phyir mi nus pa yin la/ gzhan la ma mthong ba'i phyir ngo mtshar yin zhing bsam par bya ba ma yin pa'i nus pa mnga' ba'i phyir bsam gyis mi khyab pa yin no/ /gnas ni grangs med pa la sogs pa'i yon tan gyi rten yin no srid par dga' ba ste zhe na pa gang yin pa dang/ bde ba gang yin pa dang/ gzhan gyis bkur sti byas pa de dag la re ba ste/ de la mngon par 'dod cing chags pa gang yin pa de nyid dri ma'i 'dam dang nyes pa yin te/ nyes pa de dang bral ba gang la yod pa de la de skad ces bya'o/ /dpag tu med pa'i dus bsags pa zhes bya ba ni bskal pa grangs med pa gsum du bsags pa yin no/ /gang zhe na/ tshogs zhes bya ba smos te/ tshogs des thob par gyur pa'i bla na med pa'i ye shes dam pa gang yin pa de kho na rgyan yin pa de'i phyir snyan pa'i rgyan gang la yod pa de la de skad ces bya'o/ /lha'i dbang po brgya byin de'i cod pan te/ cod pan la rin chen rgyan brtags pa des zhabs gnyis la bris par gyur pa gang la yod pa de la de skad ces bya'o/ /cod pan mdzes par bya ba'i phyir mdza' i phyogs su gser gyi lcu gu dang/ rin po che 'od gsal ba btags pa ni rin po che'i rgyan gyi sgras brjod pa yin no/ /mchod par 'os pa ste/ mchod par bya ba lha la sogs pa rnams kyis sangs rgyas bcom 'das la mngon par mchod pa yin no/ /de bzhin gshegs pa la rgyal po chen po bskul bar byed pa gang yin/ ci'i phyir bcom ldan 'das skul bar byed pa zhal gyis bzhes par 'gyur zhe na/ 'dir smras pa/ bcom ldan 'das kyis 'di skad? du nga ni rdzul 'phrul dang cho 'phrul rab tu bstan pa'i phyir don du gnyer ba ma yin gyi/ gal te skyes bu gtso bo 'ga' zhig skul bar byed pa de'i tshe sems can la phan 'dogs pa chen po sngon du mdzad nas cho 'phrul chen po rnam par bstan par bya'o zhes bstan pa dang/ skyes bu dam pa ni bskul zhes bya ba chen po la 'jug par 'gyur ba ltar bcom ldan 'das sems can thams cad kyi dam par gyur pa de'i phyir gzhan gyis bskul ba zhal gyis bzhes pa yin no/ /don ni mngon par 'dod pa'i don sgrub pa'i phyir ro/ /phan pa ni 'jig rten gnyis dang mi 'gal ba'i 'bras bu 'byor par bya ba'i phyir ro/ /bde ba'i phyir zhes bya ba ni thar pa'i bde ba bskyed par bya ba'i phyir ro/ /ji ltar sems rtse gcig pa'i mnyam par bzhag pa thob nas nyid kyis gdan las mi snang bar gyur te zhes bya ba la sogs pa'i rnam par bshad pa ni snga ma bzhin rig par bya'o/ /bla na med pa'i tshe 'phrul chen po zhes bya ba ni cho 'phrul gang zhig de bzhin gshegs pa ma gtogs pa 'jig rten thams cad kyis bskyed pa nyid du mi nus pa de ni de bzhin gshegs pa'i thun mong ma yin no/ /shing rta'i 'khor lo tsam zhes bya ba la/ shing rta'i 'khor lo tsam gyis ni pad? ma'i ge sar bstan pa yin no/ /sdong bu zhes bya ba ni pad ma'i yu ba yin no/ /dgongs pa'i sems kyis shes nas zhes bya ba ni dus de'i tshe bcom ldan 'das kyi stobs kyis de dag thams cad kyis de ltar bcom ldan 'das kyi thugs yongs su shes pa'i nus pa dang ldan pa'i sems dang ldan par gyur pa'o/ /sangs rgyas kyi tshogs ni mdzes pa'i rgyu yin te/ dper na rna ba l a me tog la sogs pa'i tshogs? btags pa bde ba dang mdzes pa bsgrub par bya ba'i don yin pa de dang 'du bar phyogs mtshams kyi sgo thams cad mdzes pa 'byor par bya ba'i phyir bcom ldan 'das kyis 'og min gyi mthar thug pa'i bar du sangs rgyas kyi tshogs sprul pa mdzad pa ni lha dang mi du ma mtho ris dang thar pa la blo 'jig? par bya ba'i phyir ro/ /bka' lung ston pa ni 'dir gzhan la yon tan khyad par can khong du chud pa brda' sprod pa yin no/ /mig mi 'dzums par zhes bya ba ni 'byed pa dang 'dzums pa spangs pa'i mig gis blta bar byed pa'o/ /rgyun mi 'chad par phyag 'tshal ba zhes bya ba ni ldog pa med par sbyor ba la brtson pa yin no/ /sgra 'byin pa zhes bya ba ni rab tu dga' bar 'gyur ba'i sems kyis rang gi ris dang bskal pa mnyam pa la rab tu grags pa'i yid du 'ong ba'i sgra sgrogs par byed pa'o/ /mchod pa lhag par zhe na pa bya ba ni mchod pa'i rgyu mtshan yin la /spro ba skyes pa ni las su bya ba la'o/ /bskul bar bya ba'i phyir zhes bya ba ni gzhug bar bya ba'i phyir ram/ sprog bskyed par bya ba'i phyir ro/ /btsam par bya zhing zhes bya ba ni spro ba'i ming can gyi yid la byed pa'i bya bas 'byung bar bcom par bya ba yin no/ /dbyung par bya zhes bya ba ni sred pas sbyar ba'i phongs gze ba las dbyung bar gyis shig pa yin no/ /byung nas ji zhig bya ba yin te zhe na smras pa/ sangs rgyas bcom ldan 'das kyi bstan pa 'phags pa'i lam yan lag brgyad pa'i mtshan nyid can la 'jug cing mngon par sbyar bar bya ba yin no/ /kho bo ste bdag gi 'chi ba'i dgra bo'i sde gzhom zhing bcom pa? bya ba yin te/ gang gi phyir nyon mongs pa'i ming can gyi nyon mongs pa'i sde'i dbang gis bdag 'chi bdag gi sdes yang dang yang du pham par 'gyur ba'i phyir ro/ /ci'i phyir 'chi bdag sde pham par bya ba'i phyir sangs rgyas kyi bstan pa la mngon par sbyor bar bya ba yin zhe na/ smras pa/ gang gi phyir gang zhig rab tu bag yod pa ste bag med pa spangs pas chos 'dul ba 'di la spyod par 'gyur ba'o/ /chos ni yang dag pa'i lta ba dang/ yang dag pa'i rtog pa dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin yin la/ 'dul ba ni yang dag pa'i ngag dang/ yang dag pa'i las kyi mdza' dang/ yang dag pa'i 'tsho ba yin no/ /skye ba'i 'khor ba ste rgyun spangs nas nye bar len pa'i phung po lnga'i mtshan nyid can gyi sdug bsngal mthar byed par 'gyur ba de'i phyir sangs rgyas kyi bstan pa la 'jug par bya ba yin no/ /ji srid nyi ma ma shar ba zhes bya ba ni ji srid du nyi ma shar bar ma gyur par ro/ /de srid srin bu me khyer snang zhes bya ba ni de srid du phyogs 'ga' zhig gsal bar byed pa yin no/ /mkha' la snang byed 'char na ni zhes bya ba ni gang gir yang mkha' ste? nam? mkhal? sprin la sogs pa'i sgrib pa med pa'i phyir snang byed shar zhing de gnas par gyur pa ni srin bu me? 'khyer? sngon po nyid du 'gyur ro zhes bya bar sbyar ro/ /snang bar byed pas na snang byed yin te/ mnyam pa dang mi mnyam pa rab tu snang bar byed ces bya ba'i tha tshig gam/ gsal bar byed pa thams cad zil gyis gnon pa'i sgo nas gsal bar byed pa yin pas na snang byed yin no/ /sngon po nyid du 'gyur ba ni nam mkha' la 'od zer stong dang ldan pa can gnas par gyur pa'i tshe srin bu me khyer 'od med par gyur te/ mngon par 'dod pa ma yin pa'i kha dog tsam la gnas pa'i phyir ro/ /'dir de'i rgyu ni gang gi phyir 'od med pa dang/ de'i sngon bzhin du 'bar ba ma yin pas so/ /dpe bstan nas de bsgrub par bya ba'i phyir smras pa/ snang bar gyur ces bya ba ni snang bar byed pas na snang ba ste/ dngos po'i rkyen yin pa'i phyir ro/ /gyur pa ni rang gi grub pa'i mdza' tsam gsal bar byas par ces bya ba'i tha tshig go / gang dag gis she na/ rdzogs byed la sogs pa 'jig rten 'dod gzhung rtog par byed pa'i rtog ge pa dag gis so/ /gang ji srid cig tu zhe na/ smras pa/ ji srid de bzhin gshegs pa me shar ba ste dus ji srid du sangs rgyas bcom ldan 'das 'byung bar ma gyur par ro/ /'jig rten rdzogs sangs rgyas shar ba ces bya ba ni gang gi tshe sangs rgyas bcom ldan 'das 'jig rten du byung bas gdul bya'i 'jig rten gyi pad+ma dang ldan pa'i phyogs de nyid dri ma med par snang ba'i sgo nas rab tu gsal bar byas pa 'am/ rab tu sad par byas pa yin no/ /rtogs ce na nyan thos bcas mi snang zhes bya ba ni mang po de dag las 'ga' zhig kyang mdzes par gyur pa ma yin te/ nyan thos 'di dang rtog ge la 'di'i tshig gi rjes su 'brang bar 'gyur ro/ /dge slong dag mtshan ma bzung shing ces bya ba ni yang dang yang du bsgom par bya ba'i phyir mtshan ma yid la gyis shig ces bya ba yin no/ /mi snang bar gyur to zhes bya ba ni bca' ba'i spangs pa mdzad pa'i sgo nas bskyod pa mdzad pa yin no/ /cang mi smra ba zhes bya ba la sogs pa la/ shin tu zhu ma pa'i phyir cung zad zhig kyang smra ba'i nus pa med pa de bas na cang mi smra ba yin no/ /ngo tsha dang ji ltar bya ba la smongs par gyur pa'i phyir bag 'khums par gyur pa yin no/ /phrag pa phab pa zhes bya ba ni shin tu ngo tsha bas phrag pa'i phyogs 'phyangs par gyur pa yin no/ /gdod smad pa zhes bya ba ni mgo thur du ltas pa yin no/ /spobs pa med pa zhes bya ba ni lan ldon pa tsam gyis nus pa med pa yin no/ /shin tu sems shing zhes bya ba ni bros pa'i thabs sems par gyur pa yin no/ /kun tu bkrad par bya'o zhes bya ba ni cher bskrad pa 'byer bar 'gyur bar bya bar ro/ /skrag pa ni rnam par 'khrugs pa'i sgo nas 'jigs par byed pa yin no/ /'dun khang zhes bya ba ni khyim pa'i lus kyi tshad la sogs pa'o/ /bcom ldan 'das kyis ni ji ltar bcom ldan 'das kyi cho 'phrul gyi 'dun khang dang skye bo chen po'i tshogs cung zhig kyang 'gyur ba med pa de ltar byin gyis brlabs pa yin no/ /ri bo dang ni nags dag dang zhes bya ba la sogs pa la/ skyabs kyis stobs las dri ma med pa'i yon tan rnyed par 'gyur ba'i phyir de nyid mang zhig ces smos pa yin no/ /cho 'phrul chen po bstan pa las/ mu stegs byed 'ga' zhig ni ri bo dang/ gzhan dag nags dang/ kun dga' ra ba dang/ lha'i khang pa dang/ shing drung dag tu gnas pa de mthong nas tshigs su bcad pa lnga po de dag byung ba yin no/ /mang po ni du ma yin la skyabs su song bar gyur pa ni rten 'dzin par gyur pa yin no/ /ri bo ni kha ba can la sogs pa la sa 'dzin no/ /nags ni shing thibs po dag yin no/ /kun dga' ra ba ni khyim dang nye ba'i nags la sogs pa yin no/ /mchod rten dang shing drung zhes bya ba la mchod rten ni lha'i khang pa so phag la sogs pa bsags pa nyid yin pa'i phyir ro/ /shing ni shing gi dbyibs la sogs pa dang ldan pa'am/ so phag la sogs pa bsags pa'i gong? du'i tshul du gang gis rtsa ba'i phyogs shing gi dbyibs su yod pa de ni mchod rten shing zhes bya ba yin no/ /de dag la skyabs su 'gro ba gang dag yin zhe na/ smras pa/ mi dag 'jigs pas bsdigs pa ste/ mu stegs byed la sogs pa 'di gsal? pas ba'i? ma? par gyur pa dag yin no/ /de dag skyabs kyi mchog ma yin te/ de dag mngon par 'dod pa'i ri la sogs pa nye ba'i rten dag ni ngan song dag las skyob pa nyid du nus pa nyid ma yin pa'i phyir dam pa'i skyabs ni de ma yin te/ de dag gi nye ba'i rten gyis 'khor ba yongs su spong ba nyid du mi nus pa nyid kyi phyir ro/ /'di ltar skyabs de dag ni thob gyur pas/ /sdug bsngal kun las tha mi 'gyur/ zhes bya ba de dag ni gsal bas ma bshad do/ /de ltar skyabs gang yin zhe na/ gang gis sangs rgyas rnams dang zhes bya ba las sogs pa smos pa yin te/ sangs rgyas ni sangs rgyas kyi chos ma 'dres pa bco brgyad la sogs pa yon tan gyi phung po can yin no/ /chos ni don dam pa'i chos nyid yin pa'i phyir mya ngan las 'das pa yin te/ dgos pa'i gtso bo nyid yin pa'i phyir ro/ /dge 'dun ni nyan thos kyi rgyud la gnas pa'i 'phags pa'i lam yin no/ /de dag las 'ga' zhig la skyabs su song na yang gsum la skyabs su song ba ma yin no zhes bstan par bya ba'i phyir dang sgra gsum char la gsungs pa yin no/ /de dag phan tshun tha dad pa yin pa'i phyir de tsam gyi skyabs su song ba ni ma yin gyi/ 'on kyang rtogs nas dad? pa rnyed pa las yin te/ de yang bden pa mthob pa las 'gyur ba'i phyir 'phags pa'i bden pa bzhi po la smos pa yin no/ /shes rab ste zag pa med pa'i shes rab kyis so/ /bden pa'i ming brjod par bya ba'i phyir/ sdug bsngal sdug bsngal kun 'byung dang/ zhes smos pa yin te/ shes rab kyis ni mthong gyur pa/ zhes bya ba rjes su 'jug pa yin no// yan lag brgyad ces bya ba la yan lag ni cha yin te/ yan lag brgyad gang yod pa ste/ tshogs pa yan lag dang ldan pa yin te/ yan lag drug dang ldan pa'i phye ma lta bu'o/ /las? ji lta bu gyur pa shes rab kyis mthong ba yin zhe na/ smras pa/ 'jigs pa med pa'i gnas thob par byed pa nyid yin pa'i phyir bde ba yin no/ /de dag kho na la mya ngan las 'das 'gro ba zhes smos te/ mya ngan las 'das pa thob par byed pa yin no/ /sngar bshad pa de dag khas blangs pa'i tshul gyis lam mngon sum du byed pa dang/ de dag nyid skyabs kyi mchog yin pa dang/ skyabs kyi mchog yin pa de dag la brten pas/ sdug bsngal ma lus pa bsal bar 'gyur ba'i phyir ro/ /de'i byin brlabs las zhes bya ba ni cho 'phrul chen po'i gnas las so/ /khyad par chen po khong du chud de zhes bya ba la sogs pa'i tshig gi don gyi rnam par bshad pa ni snga ma bzhin blta bar bya'o/ /'jig rten 'di rtag ces bya ba ni 'jig rten 'gyur ba med pas brtag pa yin no/ /mi rtag pa zhes bya ba ni 'phags pa'i lam med pa rgyun chad par gyur pa yin no/ /rtag pa nyid kyang ma yin zhes bya ba ni gcig tu rtag pa nyid ma yin pa ste/ mu stegs byed kyis kun tu bstags pa'i skye gnas las skyes nas des? kun tu brtags pa'i bde pa dang sdug bsngal nyams su myong zhing 'khor ba'i mthar byed pa yin pa'i phyir ro/ /mi rtag pa yang ma yin zhes bya ba ni gcig tu mi rtag pa nyid ma yin pa ste/ 'khor ba la yun ring du 'khor bar byed pa yin pa'i phyir ro/ /de rtag pa dang mi rtag pa zhes bya ba la/ gang dag gzhan gyis bcam? pa'i sgo nas 'chi ba med pa de dag ni rtag pa nyid yin no/ /gang dag yod pa de dag ni mi rtag pa nyid yin no// mdza' dang ldan pa zhes bya ba ni mu stegs byed kyis kun tu brtags pa'i bde ba dang sdug bsngal nyams su myong nas 'jig pa'i phyir ro/ /mdza' dang mi ldan pa zhes bya ba ni bde ba dang sdug bsngal nyams su myong ba mang pa nyid kyi phyir dang/ yun ring du gnas pa yin? pa'i phyir ro/ /mdza' dang ldan pa dang mi ldan pa zhes bya ba ni pha rol bcom pa'i 'chi ba mdza' dang ldan pa yin la/ pha rol gyi bcom pa 'chi ba med pa ni mdza' dang ldan pa yin no/ /mdza' dang ldan pa yang ma yin la mdza' dang mi ldan pa yang ma yin no/ /zhes bya ba la gcig tu mdza' dang ldan pa ma yin pa ste/ 'khor ba'i dus? ring pa nyid kyi phyir ro/ /mdza' dang mi ldan pa yang ma yin te/ gdon mi za bar chad pa'i phyir ro/ /srog gang yin pa de zhes bya ba la sogs pa la/ srog ni 'dir bdag la 'dod pa yin no/ /bdag 'dir zhes bya ba la sogs pa la/ bdag kyang bdag nyid du 'dod pa yin no/ /med? ces bya ba ni dus cung zhig gnas pa yin pa'i phyir ro/ /med ces bya ba ni dus cung zad gnas nas yang med pa yin no/ /yod pa nyid kyang ma yin zhes bya ba ni gcig tu yod pa ma yin te chad pa yin pa'i phyir ro/ /med pa yang ma yin te/ gcig tu med pa ma yin pas na gnas skabs gzhan dag kyang srid pa yin pa'i phyir ro/ /'di nyid bden gyi zhes bya ba ni don dam par ro/ /gzhan ni gti mug ces bya ba ni gzhan gyi gzhung rdzun pa'o/ /drag tu song ngo zhes bya ba ni mgyogs? bar song ba yin no/ /rwa las gyur pa'i dregs pa ni rwa'i? dregs pa yin te/ rwa'i dregs pa chags pa gang la yod pa de ni rwa'i dregs la chags pa 'dra ba ste/ khyod de dang 'dra bar ro/ /skya bo bsed? bsed pa zhes bya ba ni gzi dang bral zhing mdangs med par gyur ba'o/ /shAkya ni bcom ldan 'das yin la/ de'i chos ni bstan pa'i chos sam/ dam pa'i chos de ma shes so/ /de? tshe? yon tan thams cad kyi rtsa bar gyur pa de med pa gang yin pa de ni 'dzem? med yin no/ /kye? 'dzem med bong? bu bzhin du zhes bya ba ni bong du ji lta ba de bzhin du khyod 'khyam pa ste rgyu bar 'gyur ba yin no/ /bdag gi mdun 'dug khyod ni bdud du nges zhes bya ba la sogs pa la/ gang gi phyir bdag gi mdun du 'dug pa'i 'chi bdag ces? bar tog don? mi za bar lhag ma'i de mtha thag tu gyur pa yin bas na kho bo 'chi ba'i phyir yang dag par gnas par gyur pa yin no/ /mthu? ni lus kyi stobs yin? la brtson pa ni spro ba yin no/ /dngos po kun la zhes bya ba la sogs pa la/ 'ba' zhig 'dus byas kyi dngos por gyur pa gang yin pa de dag thams cad nyid skyid sdug gi skal ba can yin la/ bdag gi kyang bde ba dang sdug bsngal nyams su myong nas/ da ni sdug bsngal las grol ba yin no/ /bde ba'i phyir ni thar pa'i phyir 'gro ba yin no// gzer te 'od zer rab tu tsha bas so/ /de gang gi 'od zer yin zhe na/ nyi ma zhes smos pa yin no/ /mi srun pa ni sems rab tu rtsub pa yin la/ de spangs pa ste yongs su btang nas rdzing bu de dag na yod pa de myur du ston cig ces bya ba yin no/ /chu gtsang ba ni chu yongs su dag pa yin la/ bsil ba nyid kyi phyir gangs kyi chu lta bu'o/ /chu la gnas pa ni dang pa yin la/ pad+ma ni me tog yin te/ pad+ma dang ldan pa ni pad+ma can yin no/ /rab tu gtsan ba ni shin tu gtsang ba'o/ /kye skyes bu tha ma/ kye skyes bu sdig can/ kye skyes bu bden pa med pas so/ /ma ning nyid yin pa'i phyir pho min pa yin la/ skyes pa'i gzugs yod pa nyid kyi spyir skyes pa'i chung ?? yin no/ /rnam pa sna tshogs su ston pa zhes bya ba ni phan tshun 'gal bar lung 'phogs? pa'i phyir ro/ /chos kyi gos kyis g.yogs pa can zhes bya ba ni chos kyi rang bzhin can gyi gos kyis g.yogs par gyur pa'o/ /gzar bu gzig gi zas yongs su longs spyod pa'i brtul zhugs yod pa nyid kyi phyir gzar bu'i zas kyi brtul zhugs can zhes bya ba 'am/ bsod snyoms la zhugs nas ji lta ba bzhin du rnyed pa'i bsod snyoms sbyin bdag gi mngon sum du song bzhin du lag pa kho na za bar byed pa'i phyir gzar bu zas kyi brtul zhugs can yin no/ /de ni song zhes bya ba ni spyir rim pa bzhin ngan 'gro gsum du nges pa yin no/ /da ltar ni dmyal ba par des pa nyid yin pa'i phyir sems can dmyal ba ba yin no/ /rgyu bar byed pas na ngan 'gro ba ste 'gro bar byed pa yin la/ bsod snyoms la lag pa 'phyang ba ste/ lag pa brgyang bas 'gro bar byed pas na lag pa 'phyang zhing 'gro ba can yin no/ /rkang lag skya bor gyur pa yis nye bar mtshon pas chu yis g.yengs par gyur pa yin no/ /de ni chos spyod ces bya ba ni chos byed pa'o/ /'dis mtshon par byed pa yin pas na mtshan te skyes pa'i dbang po yin la/ mtshan de'i mtshan nyid kun nas skyes yin te/ de skyes pa gang la yod pa de ni skyes pa'i mtshan dang mtshan nyid can yin no/ /gnas skabs ni 'di skyes bu'i dbang po byin gyis brlabs pa la bya'o/ /mde'u spu gri'i kha'i rnam pa can yangs pa mda'i rnam pa ni mda'i mde'u kha yin no/ /bcad pa ni dum bur byas pa yin no/ /'di nyid kho na bden pa ste/ gang sngar shi bar gyur pa de kho na nyid do ces rig nas de dag kyang de bzhin du dus las 'das par gyur pa yin no/ /mi'i chos las bla mar gyur pa'i yul la mu stegs can dag gis 'gran pa ste rtsod par gyur pa las so/ /mu stegs can thams cad bcom par byas zhes bya ba ni brtson pa bcom pa nyid kyi phyir ro/ /rab tu pham par byas zhes bya ba ni pha rol gnon pa bshig pa yin pa'i phyir ro/ /rgyab kyis phyogs par byas zhes bya ba ni rab tu bros par byed pa la gzhol bar bsgrubs pa yin no/ /spa bkod bar gyur pa zhes bya ba ni lan glan pa med par byas par gyur pa yin no/ /bsod snyoms bde bar rnyed pa ni lo legs pa yin no/ /nges par skyes pa zhes bya ba ni legs par byed par skyes pa yin no/ bya ba thams cad la spro ba dang bcas pa nyid kyi phyir dpa' bo yin no/ bdag bcom pa med par bya ba la 'jug pa ni brtul phod pa yin no/ /drag pa nyid kyi phyir gtum pa yin la/ bya ba byed par nus pa nyid kyi phyir rnam par gnon pa dang ldan par gyur pa yin no/ /mi dgyes pa zhes bya ba kye ma'o rgyal mo 'di bka' sgrub par byed dam zhes de snyam du mi dgyes par gyur pa'o/ /gdungs par gyur pa ni de'i rgyu mtshan gyis gdungs pa nyams su myong bar gyur pa'o/ /de smras pa/ phyin ci log tu bzung ba'i phyir mi nyan pa yin no/ chung ba zhes bya ba ni 'di nus pa chung ba 'am blo chung bar gyur pa'o/ /ma brnyongs shig cig ces bya ba ni yid ches par ram/ las su bya ba med par ro/ /bu mo las skyes pa'i bu ni bu mo'i bu'o/ /sgrin pa ni skyes bu thams cad kyi gnas ston pa la mkhas pa nyid do/ rtsom pa dang ldan pa zhes bya ba ni rgyal po la mkho ba 'am/ yon tan dag la 'brang pa dang ldan pa'o/ /mthun par skyes pa zhes bya ba ni bdag gi bya ba dang ngo/ /yang na mthun par skyes pa ni mdzes par gyur pa yin no/ /mo gsham ni 'dir skye ba'i chos can med pa yin no/ /sku ma nyo ni sku byug la sogs pa byas pa yin no/ /'jigs pa ni don med par 'gyur ba'i dogs pa skyes pa yin no/ /skrag pa ni ches sdangs pa dang ldan pa yin no/ /sems mi dga' ba ni skyo ba dang bcas pa yin no/ /bde ba zhes bya ba ni skye bo thams mngon par bya bar ro/ /bsngags pa zhes bya ba ni 'jig rten ma lus pa mngon par 'dod pa'o/ /sdug bsngal bzhin du smre ba zhes bya ba ni rang gi sems kyi skyo bsgrog par byed pa yin no/ /brgyal ba ni khyab par gyur pa'o/ /'di la nyal bas na mal stan yin la/ skyes bu chen po la 'os pa yin pas na chen po la 'os pa'o/ /rtsa'i rnam pa las byas pa'i gos ni du gu la'i gos yin te/ gtsang ba dang yang ba bgos na rang gi 'dod pa'i lha mchod pa sgrub par byed pa yin pa de'i phyir de yang mal gyi gam du bzhag par 'os pa rigs pa yin gyi/ chen po la 'os pa ni ma yin no/ /bting bas nye bar mdzes pa zhes bya ba ni chen po la 'os pa'i gos rnam pa sna tshogs kyis g.yogs par gyur pas so/ /gos gcig par zhes bya ba ni sa phyogs gos kyis chod par ro/ /mdangs can zhes bya ba la/ mdangs ni 'dir dregs pa'i rnam grangs yin te/ dregs pa dang bcas pa'i lus kyis zhes bya ba'i bar du'o/ /thag pa ni shing rta dang khyegs? la sogs pa yin no/ /gzhon pa ni glang po che la sogs pa yin no/ /rgyal po bzhin du zhes bya ba ni rgyal po la rung ba yin no/ /'jig rten thob nas zhes bya ba ni khyed kyis 'jig rten thob pa ste/ grub par gyur pa de'i tshe skye dgu mang po skye po'i tshogs kyis thal mo sbyar nas mchod pa yin no/ /byed par gyur pa gang dag gis she na/ rnga sgra drag po dang/ slu dbyangs zhes bya ba la sogs pa smos pa yin no/ /mi'i dbang po'i dbang gi rjes 'gro ba/ zhes bya ba ni rgyal rigs kyi dbang des thob pa'i mtshan nyid 'di yin te/ 'di ltar bde bar gyur pa des dga' bar mi bya ba dang/ sdug bsngal la nang du sems pas gdung bar mi bya ba yin no/ /brtan pa zhes bya ba la sogs pa la/ rus pa dang tshigs lags par 'brel pas rjes su zhugs pa'i phyir brtan pa yin no/ /pha rol po la cher bsnun pa nyid kyi phyir mkhrang ba yin no/ /sha kun nas bsags pa nyid kyis phyir legs par 'brel pa yin no/ /'di lta bu su zhig ces bya ba ni kha zang po 'ga' zhig ces bya'o/ /dga' ba'i gtam zhes bya ba ni phan pa dang bde ba'i tshig shes par byed pa'o/ /ljongs kyi phyogs gcig ni yul yin no/ /ro stod seng ge lta bu zhes bya ba ni lus kyi stong cha seng ge ltar phangs par gyur pa yin no/ /skad gdangs mthon pos du ba ni rab tu du ba yin no/ /du ba ni skad gdangs dma' ba yin no/ /de'i yon tan brjod pa'i ngag gi brjod pa ni smre sngags 'don pa yin no/ /rdzi'u ni phru ba yin no/ /thabs gzhan zhig gis zhes bya ba ni g.yo gzhan zhig gis so/ /gang zhig mgo za bar byed pa gang yin pa de ni rgyal por 'gyur ro zhes smra na/ des mgo zos pa las rgyal por 'gyur ba yin nam 'on te rang gi bsod nams kyis 'gyur zhe na/ smras pa/ rang gi bsod nams kyis 'gyur ba yin te/ mgo za ba ni rgyal srid thob pa'i rgyu mtshan tsam 'am/ lhan cig byed pa'i rkyen du smras pa yin no/ /'jam po'i tshig gis zhes bya ba ni mnyen par gyur pas so/ /tshul ni lus kyi 'gyur ba yin la/ zur ni dag gi rnam par 'gyur ba yin no/ /bya ba dang bya ba ma yin pa yongs su gcod par byed pa ni mkhas pa yin la/ 'dzangs pa ni kun spyod pa la byang bar gyur pa yin no/ /dpyod pa dang ldan pa ni 'bras bu'i mthar thug pa dpyod pa la mkhas pa yin no/ /bsams nas zhes bya ba ni rtsol bar byed pa 'am ches par gyur pa'o/ /pha'i pha ni mes po yin la/ mes po'i rgyal srid ni mes po'i rgyal srid do/ /sman chen po zhes bya ba ni sman thams cad pas yon tan chen po dang ldan pa nyid kyis phyir sman chen po zhes bya'o/ /nya'i rus pa zhes bya ba ni nya nag po'i sgal ba'i dum bu yin no/ /rin chen 'dra bar zhes bya ba la sogs pa smos pa yin te/ de dag rin po che ni? ma yin gyi/ 'on kyang nya'i rus pa bsgyur ba yin no/ /bsgyur ba zhes bya ba ni dmar por gyur pa'o/ /las ni ma byas par zhes bya ba la 'gro ba'i las so/ /mig mi 'dzums pa ni nya nyid do/ /brtag pa zhes bya ba ni dpyad pa'o/ /rnam thos bag med spyod ma yin zhes bya ba la/ rin po che bsdu ba la rnam thos kyi bu bag med pas gnas pa ma yin pa de'i phyir rin po che ma yin no/ /'dug pa zhes bya ba ni 'khod par gyur pa'o/ /bya dkar ni bya'i rigs dkar po'o/ /rnying par gyur zhes bya ba ni kun tu lta ba dang/ 'phur pas gnod par 'gyur ba'i phyir 'dab ma rnyings par gyur pa yin no/ /'phur ba ni nam mkha' la 'gro bar gyur pa'o/ 'khar ba'i snod ni 'khar ba las byas pa'i snod chen po'o/ /bum pa ni ming rab tu grags pa yin no/ /bye'u ni bya'i bye brag yin no/ /lug thug ces bya ba ni ra shin tu che ba'i lug thug yin no/ /khrung khrung zhes bya ba ni chu ngogs na rgyu ba dkar la che ba'i bya'i bye brag yin no/ /rab tu spyod pa'i sa ni 'dir bshad pa'i sa la 'dod do/ /ngan pa zhes bya ba ni khyod gzugs byad mdzes pa la sogs pa'i dngos por yod na zhes smos pa yin no/ /khyod 'gro bas dub pas phyin ci log tu mthong ba yin no zhes bya ba ni rnam pa gzhan nyid du shes par gyur pa yin no zhes bya ba yin no/ /bram ze ma yin pas byas so zhes bya ba ni bram ze la legs pa ni bram ze yin la/ bram zer ma gyur pa ni bram ze ma yin pa ste/ 'dis ni bram ze dang 'gal ba'i kun tu spyod pa yin no zhes bya ba'i bar du'o/ /rdzun ni bden pa ma yin pa'o/ /chung ma ni 'dir me bskor byas pa yin no/ /brtag pa'i phyir zhes bya ba ni dpyad par bya ba'i phyir ro/ /nan gyis shes bya ba ni stobs kyis so/ /ltad mo ni mthong ba nyid du mngon par 'dod pa'o/ /arga ni chu'i nang du 'bras dkar po bcug pa rkang pa'i 'og tu 'jog pa'i sgo nas mchod pa sgrub pa byed pa yin no/ /rkang pa'i mchod pa ni rkang pa la 'os pa'i mchod pa'o/ /phan 'dogs par byed pa zhes bya ba ni 'di bdag la phan 'dogs par 'gyur ro/ /zhes bya ba'i dbang du byas nas so/ /rkun po lnga brgya sa'i dong du bcug pas zhes bya ba ni sa'i thabs su bcug par gyur pas so/ /mthong nas zhes bya ba ni rkun po'i mngon sum du gyur pa yin no/ /mthong bar 'dod de zhes bya ba ni ji ltar gyur kyang rung ste/ bdag gi don bsgrub par nus par 'gyur ro zhes ngag bsgrub par byed pa'i yul la 'dod pa yin par rig par bya'o/ /blo rtsing la zhes bya ba ni blo dman pa yin no/ /spyod pa mi gsal ba zhes bya ba ni yongs su gcod par byed pa bul ba yin no// them pa ni 'dir sgo gtan yin par shes par bya'o/ /pags pa las byas pa bug pa du ma can btsag pa'i thabs su gyur pa ni ko tshogs yin no/ /rtogs pa ni phyogs gcig khong du chud pas don mang po rtogs par nus pa yin la/ sel ba ni don de dag kho na yongs su gcod par byed pa yin no/ /'jig rten gyi tha snyad la byang ba ni tshul dang ldan pa yin no/ /dul bar gyur pa ni cho ga dang ldan pa yin no/ /gang na 'bras bu cun gyi shing yod pa de ni skyed mos tshal yin la/ nags ni 'bras bu med pa'i shing tshogs yin no/ /shin tu gzhon nur gyur pa zhes bya ba ni legs par shin tu gzhon nur gyur pa ste/ sems kyi kun nas slong ba 'am lung 'bogs pa nyid la'o/ /blun te zhes bya ba ni dman par gyur ba'o/ /rgyal pos byin gyis rlabs pa las byung ba ni bsgrubs pa yin no/ /smre zhing zhes bya ba ni tshul ma yin pa'i sgra brjod par byed pa yin no/ /lus la chad pa zhes bya ba ni dros par gyur na dus phyis khyod kyi lus thams cad du gzung bar bya ba'o/ /da ni 'di la mi rung zhes bya ba ni snga ma de dag thams cad la ni thabs nyid yod kyi 'di la ni thabs yod pa ma yin no/ /thag nye bar zhes bya ba ni gam phyi dag tu'o/ /rnam pa bdun du bskor ba byas nas zhes bya ba ni so sor tha dad par bskor ba'i phyir de dag rnam pa bdun du bgom pa yin no/ /btsag la sogs pas skra'i mtshams kyi gnas bsgyur pa dang mar gyis bskus nas so/ /phas bu grags par byed ces bya ba ni rab tu gsal bar byed pa yin no/ /'di'i blo mi 'jigs pa can zhes bya ba ni 'di'i shes rab phun sum tshogs pa dang ldan par gyur pa'o/ /mkhas pa'i rang bzhin can zhes bya ba ni mang du byas pa'i mkhas pa'i las dag la mkhas par gyur pa yin no/ /rig byed bzhi ni nges brjod dang/ snyan dngags dang/ mchod sbyin dang/ srid srung gi rig byed yin no/ /rig byed kyi yan lag drug ni skar ma'i bstan bcos dang/ brda sprod pa dang/ sdeb sbyor dang/ nges brjod la sogs pa yin no/ /gser gi dong rtse mna' ma ni rnying pa yin no/ /sems kyi dogs pas zhes bya ba ni dogs pas bcom par gyur pa'o/ /tshes grangs ni tshes brgyad dang bcu bzhi la sogs pa yin no/ /dus tshigs ni zla ba'i mdza' 'am/ lo'i mdza' 'am/ lha la sogs pa'i nyi ma yin no/ /dga' ston ni 'ba' zhig pa yin no/ /nye reg byas te zhes bya ba ni rig byed las brjed pa snying kha'i phyogs khyab pa can gyi chus tha snyad du byed pa sgra dang bral ba lan gsum byas nas so/ /brda'i tshig tu zhes bya ba ni zol ba'i tshig tu'o/ /mgo rdul gyis 'dres pa zhes bya ba ni mgo bo la brdul bskus nas so/ /mig zur ni 'dir smin ma bskyod pa dang/ zur mig lta ba la sogs pa lus kyi 'gyur ba yin no// rgod pa'i tshig ni 'dir 'dod chags kyis 'jug pa yin no/ /ldan pa ni kun nas 'brel ba'o/ /lhag par 'dri ba ni bsnyen bkur yin no/ /sdig pa zhi bar gyur cig ces bya ba ni bdag rku bar byed pa'i sdig pa zhi bar gyur ba yin pas na kho bo las 'di mi byed do zhes bya ba'i tha tshig go / khyab par gyur ces bya ba ni skye bo thams cad kyi mngon sum nyid du grags pa skyes shing 'phel bar gyur pa yin no/ /blta ba'i phyir zhes bya ba ni blta 'dod pa'i phyir ro/ /dbang du ni shin tu dbang du byed pa'o/ /mi mthun par byos shig ces bya ba ni drang po ma yin par gyis shig pa yin no/ /mi 'jigs zhes bya ba la sogs pa la de dag la 'jigs pa med pa'i phyag rgya dang rnam par 'tshe ba spangs pa'i phyag rgya byin pa yin no/ /dman pa ni dbul ba yin no/ /gter yod pa la longs spyod pa dang bral ba ni bkren pa yin no/ /lus la snyoms par byas pa zhes bya ba ni ji ltar rjes su mthun pa'i longs spyod dag gis 'phel bar byas pa yin no/ /yid brtan par bya ba ni yid ches par bya ba yin no/ /mthong ba ni rgyal po dang 'gal ba'i las so/ /pha la dpyad nas zhes bya ba ni lkog tu skyon pa'i sgo nas nyes pa dang bcas par byed pa'o/ /rigs ngan pa las skyes pa ni rigs chung ba dang ngan pa las skyes pa yin no/ /thams cad las sdug pa zhes bya ba ni blon po thams cad las sdug pa 'am/ rnam pa thams cad du sdug pa yin no/ /don brtag pa'i phyir zhes bya ba ni dngos po brtag par bya ba'i phyir ro/ /ngan song ba ni mchog tu bul ba yin no/ /g.yung po ni dmangs rigs yin no/ /shes pa dang ldan pa smos bas ni blo phun sum pa yin no/ /rnam par shes pa dang ldan pa smos pas ni gtso bo rnam pa sna tshogs bstan pa yin no/ /sa'i bdag por gyur pas nas bdag yin no/ /rgyal srid smos pas ni yul bzung ba yin no/ /stobs smos pas ni mkhar dang 'grogs bshes bzung ba yin no/ /bang mdzod ni dkor mdzod yin no/ /chang ba ni nor yin no/ /gtso bo ni rgyal po bdag nyid kho na yin no/ /blon po sman chen po zhes bya ba ni rgyal srid kyi rang bzhin bdun yin no/ /cha lugs ni rtags yin no/ /g.yang gzhi ni ri dags kyi pags pa yin no rigs mthon po can yin pas na gzugs bzang ba yin te/ rigs mthon po can de'i mtshan nyid des mthon por gyur nas so/ /grong thams cad kyi shing blangs nas 'jog par byed pa gang yin pa ni ji srid du grong gi shing lon par byed pa gang yin pa de thams cad ni de'i don yin no/ /bu gu rna can ni 'dir rna ba gnyis la 'dod pa la bkab pa yang mdzes pa'i phyir yin no/ /grong mi gtso bo yin no/ /zhing thogs te sa bon tshol du song ngo/ /zhes bya ba la/ rang gi bud med kyi dbang po byin gyis brlabs pa ni zhing gi gnas yin la skyes bu'i mi gtsang ba ni sa bon yin pa de bas na skyes bu gzhan gyi thad du song ngo zhes bya ba'i bar du'o/ /thibs po med pa zhes bya ba ni rtsa la sogs pa dang bral bar gyur pa'o/ /bde ba zhes bya ba ni 'tshe ba med pa yin no/ /chu'i rtswa srab mo gyon par byed pa nyid kyi phyir ba bkal cing ma btags pa yin la/ ras bal gyi gos med pa nyid kyi phyir ras bal ma yin pa'i gos gyon pa yin no/ /mig g.yas pa btsums pa nyid kyi phyir g.yon pa'i mig gcig pa yin no/ /gang gis za ba zhes bya ba ni lag pa g.yas pas za ba de'i phyir g.yas nas song zhig ces bya ba yin no/ /gang gis za min zhes bya ba ni g.yon pas za ba ma yin pa de'i phyir g.yon pa'i lam spang par bya ba yin no/ /kham gyi nags can ni nas kyi zhing yin te/ gang gi phyir zas kyi chang bu sgrub par byed pa yin pa de'i phyir ro/ /sa lu'i nags ni sa lu'i zhing yin no/ /tshe sgrub par bya'i don du nas brdes pa yin no/ /ba la sha ni shing pa la sha yin no/ /khros nas zhes bya ba ni khros pa'i tshig gis rung bar byas pa yin no/ /bsnyen pa ni nyung zad kyis so/ /rjes su 'brang bar bya ba zhes bya ba ni sems bzung bar bya ba'i lus dang ngag gi 'gyur ba rjes su mthun par bya ba yin no/ /bstan bcos mang du zhes bya ba ni bstan bcos mang po la blo sbyangs par gyur pa yin no/ /bu mo bla bar byas so zhes bya ba ni rig byed las ji skad du bstan pa bzhin du'o/ /bar du bcings nas zhes bya ba ni gtums pa yin no/ /yid brtan pas len pa zhes bya ba ni yid brtan par gyur pas len pa yin no/ /sbyang zhes bya ba ni nas la sogs pa gzhug pa'i gnas spor rung ba yin no/ /gang du bya ba dang bya ba zhes pa ni 'jog mkhas pa dag dang mtshungs pa yin no/ /grangs kyi cha ni bzhi dag yin zhes bya ba ni grangs dag gi cha bzhi dag yod pa yin no/ /ji ste de'i cha gcig med ces bya ba ni cha gcig byin par ma gyur ba yin no/ /nags kyi sgrog tu gzhug par gyis zhes bya ba ni shing skam po las byas pa'i gdos kyi ming can la gzhug par bya ba yin no/ /de la zhes bya ba ni bram ze de gdos su bcug nas grangs kyis blang bar bya ba yin no/ /gtsang sbra zhes bya ba ni sdig pa thams cad spyod pa yin no/ /nga ma gtogs pa zhes bya ba la sogs pa la/ bdag gcig pu ma gtogs pa nyid ni thams cad kyi mchog kho na yin no zhes bya ba'i tha tshig go /nye bar chod pas zhes bya ba ni bos bar gyur pas so// gcod par bya ba yin zhing tha snyad du bya ba yin pas na zong zhes bya ba yin no/ /rigs pa zhes bya ba la sogs pa la rigs pa ni 'dir skyes bu'i sems mgu bar byed pa la mkhas pa nyid bzung ngo/ /dul ba ni lus ngag gi spyod pa dul ba yin no/ /rgya che ba ni rgya med la mos pa nyid yin no/ /nor byed pa'i ngang tshul can nyid ni mthun pa yin no/ /rtse ba ni rnam par brtse ba yin no/ /kha gsag ces bya ba ni yal 'jug par byed pas na gzhan slu bar byed pa'i tshig brjod pa yin no/ /rdzun ni rdzun du smra bar byed pa'o/ /skyes bu mkhas pa ni 'jig rten gyi tha snyad la byang ba yin no/ /'phyis pa ni yun ring por 'gor ba yin no/ /dpyod pa ni rnam par 'byed pa'o/ /bslus nas zhes bya ba ni nor sbyin pa'i khas blangs pa'i sgo nas chags pa skyes pa ste bslus pa yin no/ /nongs pa zhes bya ba ni rang gi gtso bo la rgyab kyis phyogs pa bas pa yin no/ /nga mi bde'o zhes bya ba ni nga na'o zhe'o/ /tho brtsam par bgyi'o zhes bya ba ni gtses par bgyi ba'o/ /me tog phreng gis zhes bya ba ni me tog gi phreng bas brgyan par gyur nas so/ /kha spu bregs pa ni kha spu bregs pa yin no/ /e ma'o zhes bya ba ni ngo mtshar la 'jug pa yin no/ /glo ba lcogs so zhes bya ba ni blo sgrin pa yin no/ /khyim gyi rgyud ces bya ba ni gnyen gyi 'brel pa yin no/ /dran pa ni sngon byas pa dran pa dang bya ba dran pa yin no/ /shes bzhin ni las su bya ba yongs su gcod par byed pa yin no/ /mkhas pa ni 'dir bya ba la byang ba yin no/ /gsal ba ni rtog pa la mkhas pa yin no/ /yid gzhungs pa ni myur du yongs su shes pa yin no/ /'jig rten gyi chos ni 'jig rten gyi tha snyad du bya ba yin no/ /brtson bzhi? le lo med pa yin no/ /skye gnas gzhan du 'gro bar byed pa'i rnam grangs kyis zhes bya ba la/ ji ltar rig byed las brgyud pas 'ongs pa'i cho ga las skye gnas gzhan las skyes pa la skye gnas gzhan nas skyes pas me skor byas pa yin pa de ltar byas pa yin no/ /de bag med pas logs shig tu song ba las khras khyer te zhes bya ba ni stobs kyis khyer zhing phrogs par gyur pa'o/ /lcag kyi dog le ni khur ba la sogs pa 'tshed pa'i thabs su gyur pa yin no/ /khur ba rnam pa mang po ni khur ba yin no/ /dug dang sbyar ba zhes bya ba ni de dag dug dang bsres par gyur pa yin no/ /grags zin na zhes bya ba ni sgra 'di gsal por gyur pa yin no/ /lto ce ni rang bzhin yongs su bcad par dka' ba yin no/ /blo gros ngan pa zhes bya ba ni bla gros mi bzad par gyur pa yin no/ /mthong ba ni mig gis yin/ /thos pa ni rna bas yin no/ /shes pa ni yid kyis yin no/ /don yongs su sgrub pa zhes bya ba ni 'gro ba'i don bsgrubs pa yin no/ /bdag la ma brnyas shig ces bya ba ni bdag la brnyas pa med par gyur par shog cig ces bya ba yin no/ /yul lus ngan gyi rgyal po'i phyir zhes bya ba ni yul lus ngan gyi rgyal po thag nye bar ro/ /dmag gis bskor nas zhes bya ba ni yul dang nye bar dmag gis bskor ba yin no/ /'thab pa zhes bya ba ni g.yul 'gyed par mngon du phyogs pa yin no/ blo mkhas pa zhes bya ba ni sman chen po'i blo chen por gyur pas so/ /stobs thams cad kyis cig car lhags pa ni dpung ni lhags par gyur pa yin no/ /mngon par sgrags pa ni nyam nga ba'i gnas su bzhag pa'i sgo nas kun nas bsgrags pa yin no/ /phan 'dogs par byed pas khrid nas zhes bya ba ni sman chen pos rgyal po'i mdzod du 'dzud par byed pa gang yin pa de ni de la phan 'dogs par byed pa yin te des so/ /'khor bskyungs pa zhes bya ba ni tshogs spangs pa ste/ gcig pu zhes bya ba'i bar du'o/ /phyung nas zhes bya ba ni tha dad du byas nas pha'i khyim las rgyab kyis phyogs par gyur pa yin no/ /gyod ni nyes pa brjod pa sngon du song ba rtsam gyi 'os su smra ba yin no/ /dam bcas zhes bya ba la sogs pa la/ mna''dor ba sngon du song ba can gyi yid ches pas btang ba yin no/ /gseb ni lha'i gzugs brnyan gyi bu gu yin no/ /lha'i mchod pa byed pa ni sred zhu byed pa ni yin no/ /gtor ma ni 'dir tshon sna tshogs sngon du song ba can gyi las su rnam par stobs pa yin no/ /khur ba la sogs pa'i lta'i bshos sbyin pa ni zas kyis mchod pa yin no/ /byas pa zhes bya ba ni lo ma bshus pa ltar gnod pa yin no/ /lan du byas pa ni 'khor dang bcas pa'i skra dang kha spu bregs pa yin no/ /zas ngan pa ni smad pa'i zas shin tu ngan pa zhes bya ba'i tha tshig go / bdag ltogs dris de'u bkum mo zhes bya ba ni khyim de lta bu'i tshul can gyi tshig brjod pa yin no/ /de'i nus pa 'di yang ci'i phyir zhe na/ 'dir bla ma dag ni khyi de gcig bu dus kyi mthar btags nas bzhag pa dang/ ltogs par gyur pa des rang gi ris dang bskal ba mnyam pa'i khongs su gtogs pa'i sems can ma mthong ba de'i phyir 'di'i sems bdag ni rtag tu ltogs par gyur na nam zhig na bsod pa'i bza' ba rnyed par gyur snyam pa des gzhan goms par gyur pa nyid kyi phyir dus de'i tshe tshig gcig po de nyid mngon du gyur pa yin gyi gzhan ni ma yin no zhes ston par mdzad do/ /sdum zan ni 'brel ba'i sde tshan yin no/ /sngags kyis rengs par byas pa ni sngags kyis rdo'i 'og tu nub par byed pa'i nus pa rengs bar byas pa dang/ rngo bdag nyid 'phyo ba'i nus pa dang/ bya ba byed pa'i nus pa can du bdag nyid skyed pa yin no/ /gtam sngon du song ba can zhes bya ba ni skabs 'byed pa sngon du song ba can yin no/ /rig pa'i gnas bco brgyad la mkhas pa zhes bya ba la rig pa'i gnas bco brgyad ni/ rol mo dang/ 'khrig thabs dang/ so tshis dang/ grangs can dang/ sgra dang/ gso ba dang/ chos lugs dang/ bzo dang/ 'phong dpyad dang/ gtan tshigs dang/ sbyor ba dang/ thos pa dang/ bran pa dang/ skar ma'i dpyad dang/ rtsis dang/ mig 'phrul dang/ sngon gyi rabs dang/ sngon 'byung ba dag yin te/ rig pa bco brgyad de dang de/ /sngon gyi drang srong dag gis bshad/ /myur du khongs su chud par byed pa'i blo gang la yod pa de ni blo rno ba yin la/ /bye brag khong du chud par byed pa ni gsal ba yin no/ /kha dog mig sdug pa bco brgyad ces bya ba ni mtshan ngan pa bco brgyad sngar bshad pa yin no/ /skabs phye'o zhes bya ba ni klag par bgyi'o zhes bya ba ni de khas blangs pa yin no/ /gzi phrogs par gyur pas zhes bya ba ni nyi ma thag nye ba'i srin bu me khyer dang 'dra bar de'i gzugs mdzes pas zil gyis gnan par gyur pa yin no/ /'phral du smre dang sbyar ba'i btung bas tshim par byed pa yin pas na chu sgrog yin no/ /bstan bcos byed pa ni gang gis chos kyi bstan bcos byas pa de 'dir bstan bcos byed par 'dod do/ /drang srong ni dran pa'i bstan bcos byed pa yin no/ /'jam por smra ba zhes bya ba ni yid du 'ong bar smra ba'i ngang tshul can yin no/ /mig mdzes pa gang la yod pa de ni 'dir mig shin tu legs pa yin no/ /nags kyi lha mo ni 'dir lha'i gnas kyi bran mo yin no/ /lha mo ni rang gis sgras gzung bar bya ba yin pa'i phyir ro/ /ngang pa'i sgra ltar yid du 'ong ba'i rkang gdub kyi sgra gang la yod pa de ni 'dir dang pa rkang gdub dbyangs snyan can yin no/ /dper na sprin 'thug po glog 'gyur ba mdzes par gyur ba de dang 'dra bar khyed kyang shing thibs po dag las zhes bya ba yin no/ /lte ba mdzes pa gang la yod pa de ni 'dir lte ba mdzes pa can yin no/ /smin ma 'thug pa 'am ma 'dres pa gang la yod pa de ni 'dir smin ma 'thug pa yin no/ /las byed ces bya ba ni rgyal po'i pho brang na stobs kyi rnam pa las byed pa gang yin pa de las byed ces bya'o/ /rngo zhes bya ba 'di rngo'i ming gi rnam grangs yin yin no/ /gtam gzhan gyis zhes bya ba ni skabs gzhan gyis so/ /de'i tshe de'i chung ma de rgyal po dang lhan cig aug shud rtse ba de la gzhol nas 'dug pa'o/ /des gzhi ni gser las byas pa ste zhes bya ba la sogs pa la/ gser las bsgyur ba ni gser las byas pa yin la/ gser las byas pa'i aug shud rtse ba'i rten du gyur pa'i gzhi ni gser las byas pa ste de la'o/ /gnas brgyad kyi gnas byas pa zhes bya ba ni reg la sogs pas rnam pa brgyad du dgos pa'i phyir ro/ /bzang po dang/ la mi dga' 'am zhes bya ba ni/ da nga la dga' bskyed par mi byed dam zhes bya ba yin no/ /'jog mkhan ni rngo mkhan la bya ba ste/ rnga la mkhas pa'am/ 'jog pa'i las la mkhas pa yin no/ /g.yog gzhan gyis kyang gang 'di zhes bya ba la sogs pa smras pa yin no/ /'dor zhing 'jog par byed pa zhes bya ba la da dag ni aug shud la rab tu chags pa'i spas pa'i tshig yin te/ 'di ltar 'jog par byed pa la rnga dang cun tsa zhes bya ba lta bu'o/ /yang bram zes kyang 'bigs byed ces bya ba la sogs pa smras pa yin/ /gam gA dang nye ba'i nags yin pas na nye ba'i nags yin no/ /yang bud med kyis kyang khyod la dris zhes bya ba la sogs pa smras pa yin no/ /yang bram zes mang thos zhes bya ba la sogs pa smras te/ sna tshogs pa gtam smra la zhes bya ba la gtam mdzes pa rnam pa mang po la mkhas pa la'o/ /gser gyi 'od dang mtshungs pa la zhes bya ba ni gser gyi 'od dang mtshungs pa la'o/ /yang bud med kyi slob dpon drung na zhes bya ba la sogs pa smras pa yin no/ /yang bram zes kyang ri bo'i rtse nas zhes bya ba la sogs pa smras pa yin no/ /yang bud med kyis kyang ri bo'i rtse nas bdag ces bya ba la sogs pa smras pa yin nga 'dod tshe na khyod ma 'dod ces bya ba ni de'i tshe khyod kyis yul la nga 'dod par gyur pa na khyod ma 'dod la da ltar ni khyod 'o dad du zin kyang nga 'dod pa skyes par ma gyur pa yin no/ /rnga chen gnas kyis bcings par gyur ces bya ba ni rnga chen du brdar btags pa'i aug shud kyi cha byad des gnas te rten du bcings par gyur ba yin no/ /de'i bzlos pa zhes bya ba ni rig byed klog pa yin no/ /ma rungs pas mi chugs par bya ba zhes bya ba ni 'di la khyed kyis rtse ba med pa nyid du mi bya zhing 'di la cung zad kyang mi snyan pa'i tshig brjod par mi bya'o/ /sngags kyi stobs zhes bya ba ni sngag kyi nus pa dang ldan pa 'ga' zhig tu yang dkar ba la sogs pa rnam par 'tsher ba'i rgyu cung zad la 'jug par 'gyur ba yin no/ /rnam par rgyal ba'i gnas na lha mo bde sogs bzhin du zhes bya ba las rnam par rgyal ba'i khang bzangs kyi gnas na brgya byin lta bu'o/ /sngags kyis rengs pa bzhin du zhes bya ba ni sngags kyis nus pa phrogs pa ltar ro/ /thams cad las smad pa bya ba'i bran mo chu chun ma yin no/ /rgya cher brjod par bya'o zhes bya ba ni mthar gyis tshul dang mthun par ma yin khang ba rgyas par byas so/ /zhes bya ba la sogs pa yin no/ /sprad po zhes bya ba la/ zas kyi lhag ma ni gong bu yin la/ de len par byed pa'am sdud par byed pa 'am/ phyed zos pa dang/ bor ba yongs su len cing za bar byed pa gang yin pa de ni sbrang po yin no/ /btson ra ni bcing bar byed pa'i khang ba yin no/ /bshang bar byas so zhes bya ba ni lus kyi ngor byas pa yin no/ /'dod pa'i rgyu ni 'dod ba'i yo byad yin no/ /stobs chung bar 'gyur ro zhes bya ba ni gzi chung ba dang/ spro ba chung bar 'gyur ro/ /gcig tu 'dus te zhes bya ba ni gcig tu 'tshogs pa yin no/ /'jig rten gyi spyod pa ni 'dir mi tshangs par spyod pa yin no/ /blon po drug gis rnam pa gzhan gyi sgo nas gtsang gtam gsal por byas pa yin no/ /de'i mtshan ma mthong ste zhes bya ba ni the tshom med par khong du chud par gyur pa yin no/ /gang na bdag mi gnas mi dbang ba zhes bya ba ni gang na bdag gi nus pa yod pa ma yin par ro/ /'tsho ba ni ba tsho ba'i thabs yin no/ /de lta bur gyur ba zhes bya ba ni gzo'i rigs su gyur pa yin no/ /de 'dra ba'i snod ces bya ba la/ de'i bzo bos bsgrub tu rung ba'i snod yin no/ /sen mo bcad pa zhes bya ba ni sen mo gcod par byed pa yin no/ /sum cu rtsa gsum pa'i lha rnams kyi armo nig lta bu'i rngo yeb ni rab tu byung ba dang rjes su mthun pa'i bde ba'i gnas yin no/ /dbyar tshul du zhugs pa zhes bya ba ni dbyar gnas pa nyid du khas blang bar byas pa yin no/ /'khor bzhi zhes bya ba ni dge slong dang/ dge slong ma dang/ dge bsnyen dang/ dge bsnyen ma'i 'khor yin no/ shin tu skom pa zhes bya ba ni bcom ldan 'das kyi zhal mthong ba'i phyir bdag rab tu 'dod pas gnas par gyur pa'o/ /rigs shing legs pa zhes bya ba ni legs te bdag nyi kyis spabs pa la gnod pa ma yin no/ /rdzu 'phrul zhes bya ba ni gang gi tshe bdag cig sum cu rtsa gsum gyi lhar 'gro bar 'gyur ba la'o/ /mthu ni gang gnas 'di nyid nas bdag nyid mngon par sbrul nas bcom ldan 'das la blta bar bgyi ba la'o/ /bsnyen bkur ni rjes su mthun pa'i sgo nas thag nye bar gnas pa yin no/ /legs so zhes ba ni rigs pa yin no/ /bskum pa zhes bya ba ni bsdus pa yin la/ brkyang pa zhes bya ba ni khyab pa 'am yangs par byas ba yin no/ /rang gi 'dus byas pa ni ma yin gyi zhes bya ba ni bdag nyid kyi bya bas ni ma yin no/ /lha rnam pa mang po 'dus pa'i phyir rnam pa sna tshogs yin no/ /sangs rgyas bcom ldan 'das bzhugs pa zag pa med pa'i ye shes kyis shes shing khong du chud pa'i gcig tu dang pa rnyed pa gang yin pa de ni sangs rgyas la shes shing dad pa yin no/ /chos dang dge 'dun dag kyang de bzhin no/ /zag pa med pa'i tshul khrims thob pa'i sgo nas zag pa med pa'i sdom pa zhes bya ba de'i tshe de tshul khrims yin no/ /gcig la dad pa gang yin pa de gdon mi za bar thams cad kho nal yang sangs rgyas kyis gsungs pas lhag par mngon par zhen par 'gyur ba la dgongs nas re re la smos pa mdzad pa yin no/ /lha'i 'khor mi snang bar gyur to zhes bya ba ni ltas gtong ba yin no/ /ci'i phyir yang bcom ldan 'das 'og min gyi mthar thug pa'i bar du gshegs par mdzad ce na/ 'dir smras pa/ 'dod pa na spyod pa dang/ gzugs na spyod pa'i lha ngag gi dge ba'i rtsa ba bskrun par bya ba'i phyir te/ gang gi phyir gzugs na spyod pa'i lha tshe lo bskal ba du mar gyur pa dge ba'i chos rnams las nyams par 'gyur te/ bcom ldan 'das kyi zhal ma mthong ba dang/ dam pa'i chos ma thos pa'i phyir dang gang dag tshangs pa la sogs pa gong ma la chen po'i blo yod pa de dang de dag gi bcom ldan 'das la tshangs pa las sogs pa mchod pa byed pa mthong ba des/ tshangs pa la sogs pa chen pa'i blo skyes pa gang yin pa des nyams par 'gyur ba dang/ bcom ldan 'das la dad pa 'phel bar 'gyur ro/ /dad pa skyes par gyur na 'phags pa'i lam gyi tshogs la 'jug par 'gyur ba de'i phyir de dag khyad par shin tu chen por 'gyur bas bcom ldan 'das 'og min gyi bar du gshegs pa ni don dang bcas pa yin no/ /lus kyi dri ma ni lus dri yin no/ /skad cig mas 'jig pa nyid kyi phyir mi rtag pa yin no/ /rgyun chad pa dang ldan pa'i phyir mi brtan pa yin no/ /yid bstan du rung ba'i dngos po nyid ma yin pa'i phyir yid brtan du med pa yin no/ /skad cig skad cig la rnam pa gzhan dang gzhan du skyes pa nyid kyi phyir rnam par 'gyur ba'i chos can yin no/ /nyon mongs pa'i thob pa gcod pa'i phyir 'dod chags dang dral ba yin no/ /bral ba'i thob pa skyed par byed pa'i phyir rnam par grol ba yin no/ /mi rtag pa'i rnam pas zhes bya ba ni mi rtag pa'i rnam pa gtso bor gyur pa yin no/ /che zhing che ba zhes bya ba ni gtso bor gyur pa yin no/ /ston pa'i spyan sngar dge slong ma dag rdzu 'phrul ston pa bzlog par 'dzad pa ni dge slong ma kun nas nyon mongs pa can dag gis nga rgyal spang bar bya ba'i phyir te/ gal te zlog par ma gyur na de'i tshe gang gis bdag cag gi 'khor gyi nang du 'dus pa kho mo cag 'dra ba yang bcom ldan 'das kyi spyan sngar rdzu 'phrul ston par byed do ces des nga rgyal skye bar 'gyur la/ nga rgyal las kyang tshul dang mthun pa ma yin pa'i bya ba byed par 'gyur ba de'i phyir bzlog pa mdzad pa yin no/ /sa rnams gcig gis thos pa smos pas ni 'khor los sgyur ba'i rgyal srid mngon par 'dod pa dag bzlog pa mdzad pa yin la/ lha rnams su yang 'gro ba zhes bya bas ni lha'i 'jig rten la mngon par dga' ba yin no/ /yang ting nge 'dzin thob pa smos pas ni 'jig rten pa'i snyoms par 'jug pa mngon par 'dod pas bzlog pa mdzad pa yin no/ /chu srin nya lta bu ni chu srin nya'i rigs yin no/ /mthun pa'i rlung gis zhes bya ba ni ka she ru'i gling du phyin par byed pa dang rjes su mthun pa yin no/ /tshul khrims 'chal bar gyur pa zhes bya ba ni skyes bu gzhan la rab tu chags par gyur pa yin no/ /lags kyis zhes bya ba ni mdzes pa'i kun tu spyod pa yin no/ /mi 'jigs bzhin tu skur bar byed do/ /zhes bya ba 'dis ni 'dab bzang dang me tog yongs su longs spyod par byed pa'i tshe/ sbyin sreg gi me 'bar bar byed pa'i rgyu mtshan shing ba la sha la sogs pa khru gang gi tshad du byas pa ni yam shing yin no/ /de la zhes bya ba ni bu la'o/ /'tsho ba zhes bya ba ni 'tsho ba'i thabs su gyur pa yin no/ /bkres pa'i bdud kyis zhes bya ba ni shin tu bkres pa kho na bdud de 'chi bar byed pa des so/ /mnyan gyis zhes bya ba ni sgra'i yul de la rna ba'i rnam par shes pa bskyed pa yin no/ /mchod brgal ba zhes bya ba ni steng du mchod zhing brgal ba yin no/ /'phyis par gyur pa zhes bya ba ni yun ring du lon par gyur pa yin no/ /sems bsang bar gyur pa ni sems dga' ba skyed par byed pa yin no/ /rdo'i sbyor ba byed pa rtsom pa zhes bya ba ni 'dab bzang la mi bas lhag pa'i khur bkur bar khong du chud par bya ba'i don yin no/ /mig zhar ba zhes bya ba ni shin tu drag tu 'gro bas de'i mig zhar bar gyur pa yin no/ /rdo'i sbyor ba byed pa'i glu zhes bya ba ni sha ke ru'i gling du nyams su mong bar gyur pa'i rab rib sel ba'i me tog dang mthun pa yin no/ /bskyod pa na zhes bya ba ni 'phangs shing 'phang bar gyur pa yin no/ /sems dga' bar byed pa yin pa'i phyir gling dga' ba yin no/ /'di nas de las zhes bya ba la sogs pa la/ sa dpag tshad brgya ba 'di las pha rol tu tshad chen po'i rgya mtsho ni chu 'dzin yin te/ de 'das pa'i sha ke ru'i gling yin no/ /yid 'phrog pa zhes bya ba ni yid kyi dga' ba 'phrog par byed pa'i phyir yid 'phrog pa yin no/ /brla ste brla gnyis la dpal gyi be'u zhes bya ba'i mtshan ma yod pa yin no/ /nu ma'i bar la zhes bya ba la/ ba spu phra mo 'khyil ba yod pa yin no/ /grong khyer gyi gnas gang na yod pa ma yin pa de ni grong khyer med pa yin no/ /dogs pa skyes pa ni dogs par gyur pa yin no ba shes min khyod kyis zhes bya ba la sogs pa la/ bshes ni 'dres pa dang shin tu yid brtan pa yin no/ /bshes ma yin pa ste/ bdag gis yun ring por kun nas bsten par nus pa ma yin pa de'i phyir kho bo yang khyod las dngos su yid ches par nus pa ma yin no/ /gnyis ka'i mdza' las nyams pa zhes bya ba ni sha'i mdza' dang nya'i mdza' las so/ /rtsa'i nang na gnas pa gang zhes bya ba ni chu bo dang thag nye bar skyes pa'i rtsa'i rigs su'o/ /sbyar ma ni 'dir nyes pa spyod pa can yin no/ /bdag po'i mdza' las nyams pa dang/ byi bo pa'i mdza' las nyams pa de'i phyir gnyi ga'i mdza' las nyams gyur pa zhes bya'o/ /rigs sun 'byin pa zhes bya ba ni skyes gzhan la zhen pas rag lus pa can yin no/ /slar log cing zhes bya ba ni phyin ci log tu 'bab par gyur pa yin no zho'i kha dog ces bya ba ni dkar po yin la/ shing 'dzam bu dang shing ta la gang gi tshe 'bras bu 'byin par byed pa de'i tshe khyod tshul khrims bzang po dang ldan par 'gyur ro/ /dgun gyi bgo bar gyur pa ni zhes bya ba ni khab bab pa'i dus su nye bar mkho ba yin no// sdong bu ni myu gu yin no/ /legs par yang ni me 'bar la/ zhes bya ba ni gang gi tshe rgya mtsho'i dbus su du ba med pa'i me 'bar bar gyur pa na te/ de ni dper na chu bo gi gA bzlog phyogs su 'bab pa dang/ rus sbal gyi spu bgo bar byed pa la sogs pa'i dngos po de dag srid pa ma yin pa de bzhin du khyod kyi tshul khrims kyang yin no zhes bya ba'i don 'di yin no/ /gsol pa zhes bya ba ni sgra cher bsgrags pa yin no/ /wa'i skad la mkhas pa zhes bya ba ni wa'i ming can gnod sbyin mo'i bye brag gi tshig gi don yongs su shes pa la mkhas pa yin no/ /btang ba na yang su dor ba yin no/ /dmar skya zhes bya ba ni bgo ba dang rjes su mthun pa de'i ming yin te/ skyur rtsi chung ngu'i mdog gi bye brag dang 'dra bar dmar skya yin no/ /ched du zhes bya ba ni gtso bo'i bya ba de nyid kyi dbang du byas nas bsams bzhin du blta bar byed pa yin no/ /glang po che zhes bya ba la sogs pa la glang po che la sogs pa dang 'dra bar phan tshun du g.yul 'gyed pa dang/ gzhan byed du bcug pa yin no/ /bya bar ta ka ni sran mam sha la sogs pa'i zhing na phal cher 'dug pa lus shin tu chung ba ma yin pa'i bya yin no/ /de las lus shin tu chung ba ni bya la bka' yin no/ /bsod snyoms sbyin par bya bar sems pa zhes bya ba ni bsod snyoms sbyin par bya ba'i phyir sems bskyed par 'gyur ba yin no/ /bya ba sems pa zhes bya ba ni phyag la sogs pa'i bsnyen bkur bya ba'i phyir sems kyang bskyed par 'gyur ba yin no/ /mi'i 'gro ba can legs par bshad pa dang/ nyes par bshad pa'i don yongs su shes pa le mkhas pa dang/ rnam pa thams cad du rung ba la 'dir bud med kyi yul du bzhed pa yin no/ /dge sbyong ni 'phags pa'i lam yin la/ de'i 'bras bu ni dge sbyong gi 'bras bu yin no/ /bzhi zhes bya ba ni dgra bcom pa nyid yin la/ thob pa zhes bya ba ni don du gnyer ba la 'jug pa yin no/ /ji srid 'tsho'i bar du zhes bya ba ni tshe'i mthar thug gi bar du'o/ /tshul khrims 'chal ba'i rgyu 'dod pa'i rnam par rtog pa la sogs bsam bcom pa nyid kyi phyir yongs su rdzogs pa yin no/ /'chal ba'i tshul khrims kyis gnod par ma gyur pa nyid kyi phyir yongs su dag pa yin no/ /'chal ba'i tshul khrims kyi mi mthun pa'i phyogs dran pa nye bar gzhag pa la sogs pa bsgom pa dang ldan pa nyid kyi phyir yongs su byang ba yin no/ tshangs pa ni mya ngan las 'das pa yin la/ de'i rgyu mtshan srog gcod pa la sogs pa las ldog pa ni tshangs par spyod pa yin no/ /gcig tu mya ngan las 'das pa'i thabs nyid yin pa'i phyir 'ba' shig yin no/ /don zhes bya ba ni mngon par 'dod pa'i don bsgrub pa'i phyir ro/ /phan pa ni 'jig rten 'di dang pha rol tu mi 'gal ba'i phyir ro/ /bde ba'i phyir zhes bya ba ni thar pa'i bde ba bsgrub pa'i phyir ro/ /shAkya'i bu mo zhes bya ba ni shAkya dag gi bu mo yin no/ /gnas par bya ba yin pas dgongs mal te bcom ldan 'das mnyel bso ba'i gnas yin no/ /dgongs mal gyi rjes su bzhin nam yongs su spangs pas na dgongs mal gyi rjes bzhin no/ /dgongs mal gyi rjes su 'gro ba'i bya ba gang la yod pa de ni 'dir dgongs mal gyi rjes su bzhin 'breng ba yin te des so/ /dgongs mal gcig gi dus phyis dong ngo zhes bya ba'i bar du'o/ drang srong kuny+dzi kas byas pa'i gnas ni kuny+dzi ka'i gnas yin no/ /dal ba skyes pa ni lus dal ba yin la/ shin tu dal ba las snyoms par gyur pa ni lus dub pa yin no/ /lus gug pa sngon du song ba can gyi cher dub pa ni lus bab pa yin no/ /mchi ma phyung ngo zhes bya ba ni sgra med par ngu bar byed ba dag yin no/ /de bzhin gshegs pa thams cad la 'khor rnam bzhi mnga' ba ma yin nam/ ci'i phyir bcom ldan 'das kyi bud med kyi yul rab tu 'byung bar dka' bas gnang bar mdzad ces/ 'di la bla ma dag skye dgu'i bdag mo chen mo la sogs pa shAkya'i bu mo lnga brgya dang bud med gzhan dag skyo ba skyed pa'i phyir te/ gang gi phyir de dag ni 'di snyam du gal te kho bo cag shin tu smad par 'gyur ba ma yin na ci'i phyir sangs rgyas kyi bstan pa sems can thams cad kyi thun mong du gyur pa de la rab tu 'byung ba ni shin tu nyam nga pas rnyed par 'gyur pa de'i phyir de dag 'gyod pa skye bar 'gyur la/ 'gyod par gyur pa las kyang shin tu dka' bas rnyed par gyur pa'i rab tu byung ba'i 'bras bu don med par mi gyur cig ces lam gyi tshogs la khyad par du 'jug par 'gyur bas na bcom ldan 'das kyis lan gsum gyi bar du yang ma gnang ba don dang bcas pa yin no zhes ston par mdzad do/ /rkun po ni tha mal pa'i rkun ma yin la/ mi rku ba ni skyes bu rku bar byed pa yin no/ /kun tu tshoms par 'gyur zhes bya ba ni legs par zil gyis gnon par gyur pa'o/ /rab tu tshoms par 'gyur ro zhes bya ba ni bya ba nyung ngus 'jigs par 'gyur ba yin no/ /de bzhin du sangs rgyas kyi bstan pa yang bud med kyi yul rab tu phyung ba las mi tshangs par spyod pa'i rkyen gyis bya ba nyung dus 'jig par 'gyur ro/ /phun sum tshogs pa zhes bya ba ni rnam pa thams cad du 'byor pa dang ldan pa yin la/ 'khor lo mi bzad pa ni thog 'babs pa can no/ /nyams pa ni 'jig pa'i rnam pa chud du yin te/ lo ma la sogs pa du ma bur lhags par 'gyur pa'i phyir ro/ /rnam par nyams pa ni 'jig pa'i rnam pa 'bring yin te/ 'bras bu la sogs pa dum bur lhag par byed pa'i phyir ro/ /tshul ma yin pas zhes bya ba ni go rim ma yin pas nyams pa yin te/ rtsa ba la sogs pa nyams par 'gyur ba'i phyir ro/ /bud med kyi yul yon tan gyi 'bru nyams par byed pa yin pa'i phyir ser pa'i 'khor lo mi bzad pa dang 'dra ba nyid yin no/ /nad kyi rigs dmar po ni bu ram shing rdo gu la reg dmar por 'gyur ba dang/ de kho na 'jig par byed pa yin te/ bud med kyi yul ni snyan pa'i nad med pa 'jig par byed pa nyid yin pa'i phyir nad dang 'dra ba nyid yin no/ /lci ba'i chos zhes bya ba la lci ba yang de nyid yin la sdug bsngal gyis yongs su brkyang bar bya ba nyid yin pa'i phyir chos kyang yin pas na lci ba'i chos yin pa 'am/ dge slong gi yul la gus pa skyed par byed pa nyid yin pa'i phyir lci ba'i chos yin no/ /dgag pa'i phyir zhes bya ba ni nyes par spyod pa las bzlog par bya ba'i phyir ro/ /mi 'da' bar spyod phyir zhes bya ba ni bslab pa'i mtshams las mi brgal ba'i phyir ro/ /bslab par bya'o zhes bya ba ni ji srid 'tsho ba'i bar du bslab par bya ba dang/ bsgrub par bya'o zhes bya ba'i tha tshig go /bcos ma ma yin par 'bab pa dang rtag tu 'bab pa'i ngang tshul can ni chu bo yin la/ bcos ma dang rtag tu 'bab pa'i ngang tshul can ma yin pa ni yur ba yin no/ /chu lon ni chu bzlog par bya ba'i thabs su gyur pa yin no/ /gdam ngag ni lam gyi tshogs bsgom par lung 'bogs pa yin la/ 'di ni bya ba yin la 'di ni bya ba ma yin no zhes bya ba ni rjes su bstan pa yin no/ /dge s long med pa'i gnas su zhes bya ba ni mtshams po ches bskor ba'i tshul du gal te dge slong ma'i dbyar khang mtshams nang du zhugs par gyur pa de'i tshe dge slong gi gnas dang bcas par mtshams gcig gi khong su gtogs pa nyid kyi phyir dge slong ma'i dbyar khang ni dge slong dang bcas pa'i gnas nyid yin no/ /kha cig ni gal te mtshams kyis bskor ba ma byas su zin kyang de lta na yang ci ste dpag tshad kyi nang du yang dge slong gi gtsug lag khang yod par gyur na gnas skabs 'di la dge slong ma'i dbyar khang ni dge slong dang bcas pa nyid du blta bar bya'o snyam du sems so/ /dge slong gi dge 'dun la 'dun pa phub pas de dag gi gos spyod 'grub par 'gyur ro zhes bya ba'i dbang du byas nas gos spyod brjod par gyur pas skabs 'byed pa 'ba' zhig ni dgag dbye yin no/ /dgag cing zhes bya ba ni bzlog pa yin no// gshe ba ni 'jig rten du rab tu grags pa yin no/ /khro ba bskyed par mi bya ba ni khro ba bskyed par mi bya ba'o/ /tshig rtsub po ni yod/ brjod par byed pa yin no/ /gnyis ka'i dge 'dun zhes bya ba ni dge slong dang? dge slong ma'i dge 'dun gyi gan du'o/ /deng bsnyen par rdzogs ba ni nyi ma de nyid la bsnyen par rdzogs par gyur pa'o/ /shes par 'dod kyis zhes bya ba ni shes pa nyid du 'dod pa yin no/ /skra dang sen mo mdzes par bsgrubs pa ni skra dang sen mo byi byad byas pa yin no/ /yi rangs shing sems mgu ba las rangs par gyur pas na yid dga' zhing rangs par gyur pa yin no/ /bar chad kyi chos zhes bya ba la sogs pa la bar chad ni thar pa'i lam gyi bgegs su gyur pa 'am/ sdom pa skye ba'i gegs su gyur pa yin te/ 'di sdom pa skye ba'i gnas su gyur pa bzung ngo/ /bar du gcod pa'i phyir nus pa ma ning dang/ za ma dang/ mtshan gnyis pa dang/ dge slong ma sun phyung ba la sogs pa gang yin pa de dag dris nas bzung bar bya ste/ yang dag par bzung bar bya ba yin no/ /skyabs kyi don ni sdug bsngal las yongs su bsrung ba'i don yin te/ ji skad du/ de dag la ni skyabs mi 'gro / sdug bsngal kun las grol mi 'gyur zhes gsungs pa yin no/ /sangs rgyas ni sangs rgyas su byed pa mi slob pa'i chos yin no/ /chos ni mya ngan las 'das pa yin no/ /dge 'dun ni dge 'dun du byed pa slob pa dang mi slob pa'i chos yin no/ /rkang gnyis rnams kyi mchog sangs rgyas ni bcom ldan 'das yin te/ phan 'dogs par mdzad pa nyid dang/ yon tan dang ldan pa nyid kyi phyir ro/ /'jig rten pa'i lam gyis thob pa'i 'dod chags dang bral ba las zag pa med pa'i lam thob pa'i 'dod chags dang bral ba ni yongs su nyams pa med pa'i phyir mchog yin no/ /tshogs dag las kyang de bzhin gshegs pa'i nyan thos dang dge 'dun mchog yin te/ yon tan dang ldan pa nyid dang/ phan 'dogs par mdzad pa nyid kyi phyir ro/ /phan 'dogs par mdzad pa nyid kyang de bzhin gshegs pa'i chos ston par mdzad pa dang/ rgyu'i bsod nams kyi zhing nyid yin pa'i phyir ro/ /mchog ni gtso bo yin no/ /mya ngan las 'das pa la bsnyen te gnas pa'i phyir dge bsnyen yin no/ /slob par byed pas na bslab pa yin la/ de'i gzhi ni bslab par bya ba'i dngos po yin pas na bslab pa'i gzhi yin te/ de yang srog gcod pa la sogs pa las ldogs pa yin no/ /lnga zhes bya ba ni srog gcod pa dang/ ma byin par len pa dang/ 'dod pas log par g.yem pa dang/ rdzun du smra ba la sogs pa las ldog pa yin no// ji ltar 'phags pa dgra bcom pa de dag ces bya ba la/ ji ltar sems can thams cad la rjes su brtse ba can gyi dgra bcom na sems can thams cad la dmigs pa'i ldog pa'i bsam pa'i sgo nas ldog pa de bzhin du bdag kyang slar ldog bdag gyi'o/ srog gcod pa ni srog chags dag shin tu gsod par byed cing 'jig par byed pa yin no/ /spangs te zhes bya ba ni yid kyis srog gcod par byed pa spangs pa yin te/ lus dang ngag gis dor ba ni slar ldog pa min te/ yid kyis gang bya ba ma yin par dpyad nas dor ba na bsod nams skye bar 'gyur ba'i phyir ro/ /dgra bcom pa de dag gi bslab pa la zhes bya ba la/ ji ltar dgra bcom pa'i bslab pa thar pa'i bsam pa sngon du song ba can yin pa de'i bzhin du bdag kyang thar pa'i bsam pa sngon du song bas slob pa dang/ thar pa'i bsam pas sems can gcig la yang 'tshe bar mi byed pa de bzhin du bdag kyang zhes bstan par bya ba'i phyir rjes su bsgrub pa zhes smos pa yin no/ /ji ltar dgra bcom pa bcom ldan 'das kyis ston par byed pa yin pa de bzhin du bdag kyang bcom ldan 'das kyis ston par byed pa yin pa'i phyir rjes su bgyid do/ zhes smos pa yin no/ /de'i phyir gnyis ni sems can thams cad la dmigs pa'i sgo nas nyes par spyod pa las slar ldog pa'i bsam pa dang/ thar pa'i bsam pa'i sgo nas sdom pa yin la/ thar pa'i bsam pa yang dkon mchog gsum skyabs su yongs su bzung ba las 'gyur ro zhes bstan pa yin te/ thar pa'i bsam pa med par sdom pa mi 'thob la/ thar pa'i bsam pa yang dkon mchog gsum la skyabs su 'dzin pa med par mi 'gyur ro zhes byar khong du chud par bya'o/ /sbyar ba'i chang ni 'bru las byas pa yin la/ bcos pa'i chang ni me tog la sogs pa las bsgrubs pa yin no/ /de dag myos par byed pa yin pas na myos par byed pa yin la/ bag med pa'i rgyu nyid yin pa'i phyir de nyid bag med pa'i gnas yin no/ /glu dang gar dang rol mo'i sgra zhes bya ba dang/ lus dang? ngag gi 'gyur ba rgod pas byas pa ni glu la sogs pa yin no/ /de las slar ldog pa ni bslab pa'i gzhi gcig yin no/ /phreng ba dang spos nyug pa dang rgyan dang kha dog 'chang ba las slar log pa ni bslab pa'i gzhi gnyis pa yin no/ /lus dri bzang po'i tshon gyis dril phyis byas pa la kha dog gi sgras brjod pa yin no/ /mal mthon po ni bus mo'i tshad las mthon por gyur pa yin la/ mal chen po rin po ches spras pa chen po la 'os pa yin no/ /gser ni sa la sbram yin la/ dngul ni dngul nyid yin te/ de dag ni rin po che gzhan dag gi nye bar mtshon pa yin no/ /de len pa ni bdag gir byed pa yin te/ de las slar ldog pa ni bslab pa'i gzhi gcig yin no/ /khyims so bzung ba lo bcu lon pa dang/ gzhon nu ma lo bco brgyad lon pa la dge slong ma'i bslab pa sbyin par byed pa yin no/ /dang por zhes bya ba la/ dge slob ma'i sdom pa sbyin pa la mdza' 'khob ma yin par bcu gnyis kyi tshogs nyid la dge slong ma'i tshogs kyi mdza' yin par rig par bya zhing/ mdza' 'khob tu ni dge slong ma drug gi tshogs la yang dge slong ma'i bslab pa sbyin par dge slong ma dag gi tshogs yin no/ /gtso bor gyur pa nyid kyi phyir chos kyi sgra drug po dang/ gtso bo nyid ma yin pa'i phyir rjes su byed pa'i chos kyi sgrar bstan pa yin te/ chos kyi de ma thag tu bstan pa'i phyir rjes su byed pa'i chos yin no/ /skyes pa dang ni 'dug mi bya/ zhes bya ba ni steng g.yogs dang stan gcig la sogs pa'i bya ba skyes pa dang lhan gcig bya ba ma yin no/ /smyan du 'gyur ba zhes bya ba la/ smyan byed pas na smyan te/ de'i dngos po 'am las ni smyan byed pa yin te/ de yang pho nya yin te/ skyes pa dang bud med sbyor ba'i rgyu mtshan gyi phrin pa zhes bya ba'i tha tshig go /kha na ma tho ba zhes bya ba ni dge slong ma dag gi nyes par spyod pa mthong ba de la de blos bca' par bya ba ma yin no/ /'doms ni gsang ba'i phyogs yin no/ /gnas par gyur pa la zhes bya ba ni thag nye bar gyur pa la'o/ /tshangs par spyod pa la nye bar gnas pa'i sdam pa zhes bya ba la/ tshangs pa ni mya ngan 'das pa yin la/ de'i don gyi spyod pa ni tshangs par spyod pa ste bsnyen par rdzogs pa yin no// de la nye bar gnas pa ni nye bar bskyed pa ste/ tshangs par spyod pa la nye bar gnas pa'i ched kyi sdom pa ni tshangs par spyod pa la nye bar gnas pa'i sdom pa yin te/ rten la bsnyen par rdzogs pa 'byung ba'i skal ba dang ldan par nges par byas pa ni tshangs par spyod pa la nye bar gnas pa'i sdom pa de sbyin par bya ba yin no/ /chos gos gsum dang/ /rdul gzan dang/ rdul gzan gyi gzan zhes bya ba ni lnga yin no/ /dkyil 'khor ba zhes bya ba ni bsnyen par rdzogs par byed pa'i las kyi gnas yin no/ /drang srong gi gnod ces bya ba la drang srong ste yang dag par rdzogs pa'i sangs rgyas dang/ rang sangs rgyas dang dgra bcom pa dag gi snod ni drang srong gi snod yin pa de'i phyir bslab pa don du gnyer zhing drang srong gi rjes su 'gro ba bdag gi snod du byin gyis brlab cing yang dag par gzung bar bya ba yin no/ /bza' ba kun tu spyod pa zhes bya ba ni bza' ba'i bya ba nye bar longs spyod du rung ba yin la/ slong ba la yang 'dis len par byed pa yin te/ bza' ba'i bya bas zhes bya ba'i phyir ro/ /gsol ba 'ba' zhig ces bya ba ni las brjod pa med pa'i phyir gsol ba 'ba' zhig yin no/ /bden pa'i dus zhes bya ba ni bden pa smra bar bya ba'i 'o/ /byung ba'i dus zhes bya ba ni gang byung ba ni 'das pa yin te/ de'i tshig gi dus yin no/ /go bar bya'o zhes bya ba ni shes par bya ba yin no yang na dor bar bya ba ni byung ba zhes bya ba la/ brjod par bya ba ni da ltar yin te/ dor bar bya ba'i tha tshig go /bra ne mo ni khyim du skyes pa nyid yin no/ /bskus pa ma yin nam zhes bya ba ni rkun ma la sogs pas 'ga' zhig nas khyer te 'ongs nas bdag gir byas pa yin no/ /btsongs pa ni gang 'ga' zhig gis rin las byin par gyur pa yin no/ /rnyed btson ni de ltar rnyed par gyur pa yin no/ /rtsod pa can ni skyin po la sogs pa bsrab pa nyid du mi nus pa'i phyir de bran mor byas pa yin no/ /rgyal pos bsrabs pa ni blo'i grogs byed pa la gtso mor gyur pa'i phyir te/ rgyal srid bskyed pa'i grogs su gyur ces bya ba'i tha tshig go /rgyal po la sdig pa ma yin nam zhes bya ba ni gang zhig rgyal po'i dngos por gnas pa yin gyi/ 'on kyang gnod pa'i las byed pa nyid du rtsom pa ni ma yin no/ /gnod pa'i las byed pa ni gang zhig gnod pa'i las byed pa nyid du rtsom pa yin no/ /byas sam byed du bcug pa ni gang zhig gis sngon byas pa 'am/ da ltar byed pa las ldog pa med pa yin no/ /'thab krol can zhes bya ba ni dag gi spyod pa rtsub par gyur pa yin no/ /mya ngan gyis gzir ba ni bdag po la sogs pa'i mya ngan gyi las su rung ba ma yin pa'o/ /sprum ma zhes bya ba ni sems can dang ldan par gyur pa'o/ /mtshan gnyis pa zhes bya ba ni gang la bud med kyi dbang po dang/ skyes pa'i dbang po yod pa yin no/ /rtag tu zla mtshan 'dzag pa zhes bya ba ni gang gi skye gnas kyi sgo nas rtag tu zla mtshan 'dzag par gyur pa de la bya'o/ /zla mtshan mi 'dzag pa ni skye ba'i chos can med pa yin no/ /mtshan ma tsam yod pa ni mtshan ma yod pa yin no/ /dge slong pha sun phyung ba zhes bya ba ni gang gis mi tshangs par spyod pas dge slong pha sun phyung bar gyur pa yin no/ /mu stegs can zhes bya ba ni lta ba gzhan dang ldan pa yin no/ /gang 'ga' zhig gis de bzhin gshegs pas gsungs pa'i rab tu byung ba yang dag par blangs nas mu stegs can gyi lta bas 'di ba'i chos gos yongs su spangs nas mu stegs can gyi rtags blangs te/ mu stegs can gyi rtags des mu stegs byed kyi gnas der skya reng dang po de nyid du 'chang bar byed na de ni mu stegs can zhugs pa yin par rig par bya'o/ /chom rkun par grags pa zhes bya ba ni chom rkun pa'i rgyal mtshan 'chang ba yin no/ /bdag nyid kyis bsnyen par rdzogs pa'i las ma chags pa kho nar shes bzhin du dge slong ma'i dge 'dun dang lhan cig las gnyis kyi bar du nyams su myong bar byed pa gang yin pa de ni rku thabs su gnas pa yin no/ /tha dad du gnas pa zhes bya ba ni phan tshun tha dad pa dag ni tha dad du gnas pa yin no/ /gnas par mi bya ba zhes bya ba ni pham pa byung bar gyur pa yin te/ de nyid kyi phyir song zhig ces bya ba ni gnas 'di kho na las song zhig pa yin no// brjod pa ni tshul khrims 'chal pa skye ba gcod par byed pa yin no/ /thugs brtse ba can zhes bya ba ni brtse bas dam pa'i yul la gzhug par bya ba yin no/ /snga na med pa'i sdom pa sbyin pa ni rjes su gzung bar bya ba yin no/ /mdze ni rab tu grags pa yin no// tshad chen po'i 'brum bu ni 'bras yin no/ /sha bkra ni mdze'i rnam pa kho na yin te/ lus kyi skabs skabs su'o/ /'brum bu phra mo ni ming rab tu grags pa yin no/ /rnag 'dzag pa ni khyi rngo yin no/ /g.yan pa ni rnag 'dzag pa med pa yin no/ /glog pa ni skya bor gyur pa nyid yin no/ /rkang shu ni rab tu 'pho bar byed pa yin no/ /skem nad ces bya ba ni kha skams pa yin no/ /bkres dab ni bkres pa'i nad yin no/ /nyin mo 'am mtshan mo la lan cig 'ong ba'i rims gang yin pa de ni nyin gcig pa yin no/ /gal te mtshan mo 'ong zhing nyin mo mi 'ong ba 'am/ nyin mtshan du mi 'ong ba gang yin pa de ni nyin gnyis pa yin no/ /nyi ma gcig la 'ong zhing gnyis pa la mi 'ong la/ yang gsum pa la 'ong ba de ni nyin gsum pa yin no/ /nyin bzhi pa ni rab tu grags pa yin no/ /rlung dang mkhris pa dang bad kan lhan cig 'khrugs pa gang yin pa de ni 'dus pa yin no/ /rtag pa'i rims ni gang rtag tu 'dzin par byed pa yin no/ /chos gsum gyis zhes bya ba la/ chos gsum po de dag kyang gang zhe na/ dus snga mar bya ba byas pa nyid ni chos gcig yin la sems mnyes par byed pa ni gnyis pa yin zhing/ bar chad kyi chos yongs su dag pa ni gsum pa yin te/ rgyur gyur pa gsum po de dag gis tshangs par spyod pa la nye bar gnas pa'i sdom pa sbyin par bya ba yin no/ /grib tshod gzhal bar bya'o zhes bya ba la/ shing bu sor bzhi pa thur ma'i ming can ni skyes bu yin la/ de la skyes bu'i grangs kyis grib ma gzhal bar bya ba yin te/ thur ma ji tsam pa'i grib ma de tsam la skyes bu zhes bya'o/ /dgun zla ra ba dang/ 'bring po dang/ tha chung dang/ dpyid zla ra ba zhes bya ba'i zla ba bzhi ni dgun gyi dus yin no/ /dpyid zla 'bring po dang/ tha chung dang/ dbyar zla ra ba dang/ dbyar zla 'bring po ste bzhi po de dag ni dpyid kyi dus yin no/ /dbyar zla tha chung gi zla ba ni dbyar yin no/ /dbyar zla tha chungs kyi tshes bcu drug ni dbyar thung ngu yin no/ /dbyar zla tha chung gi tshes bcu drug dor ba'i ston zla ra ba dang/ ston zla 'bring po dang/ ston zla tha chung zhes bya ba'i zla ba gsum ni dbyar ring po yin no/ /dus zhes bya ba ni 'khor ba'i dus yin no/ /gnas zhes bya ba la/ chos bzhi bsten pas nad pa 'tsho bar byed pa dang/ chos gsum bsten pas rang bzhin du gnas pa yin te/ rang bzhin du gnas pa'i ni bsod nams dang/ gnas mal dang/ bgo ba dag yin la/ nad pa'i ni sman dang bcas pa yin te/ 'tsho ba'i phyir don du gnyer bar bya ba dang bsten par bya ba yin pa'i phyir gnas yin no/ /mkhyen cing zhes bya ba ni zag pa dang bcas pa'i ye shes kyis so/ /gzigs te zhes bya ba ni zag pa med pa'i ye shes kyis so/ /'dir klung gi mthar thug pa ni dogs yin te/ der rdzogs pa'i phyir dang/ gos kyi mthar thug pa ni phyag dar yin te/ der rdzogs pa nyid kyi phyir ro/ /de la phyag dar dang dogs gang yin pa de phyag dar khrod pa yin te/ shin tu rnyings pa nyid kyi phyir longs spyod du mi rung ba phyag dar du bor ba don du 'gyur ba nyid ma yin pa de la de skad ces bya'o/ /rung ba zhes bya ba ni kha na ma tho ba med par grub pa yin no/ /rnyed sla ba zhes bya ba ni 'bad rtsol chung ngus rnyed par 'gyur ba yin no/ /dar ni srin bal gyi rigs kyi bye brag gi rgyu las btags pa yin no/ /dar la ni rgyu dang spun thag ran ma zhag pa mthong ba la sgrib? par nus pa ma yin pa'i gos la bya'o/ /sha na las byas pa ni sha na'i ras yin no/ /mon dar zhes bya ba ni rtswa'i rigs kyi shun pa las byas pa'i gos yin no/ /men gos zhes bya ba ni srin bu'i rnam pa can gyi srogs chags kyis byas pa'i srin bal las yang dag par 'byung ba yin no/ /be'u ras yug chen dang/ be'u ras ni gcig tu ngos gnyis ka nas spu khebs par 'jig rten du grags pa yin no/ /la mar zhes bya ba ni la ba'i rigs de dag srin bu'i kha dog 'dra bar gyur pa yin no// yul ka shi ka'i ras phran ni ka shi gos su rnam par brtags pa yul ba ra NA se nyid du btags pa la bya'o/ /zar ma'i ras phran ni zar ma rnam par btags pa yin no/ /du gu la'i ras phran ni du gu lar rnam par btags pa yin no/ /zar ma dang du gu la dag kyang rtsa'i rigs las byas pa yin no/ /ras bal gyi rgyu dang srin bal gyi spun las gang byas pa'i gos phra mo ni ko taM pa'i ras zhes bya'o/ /rung ba zhes bya ba ni de la rung ba ma yin blang bar bya ba ma yin zhing longs spyod par bya ba ma yin la/ gang blang zhing longs spyad par 'os pa de long la tshod zin par bya ba yin no/ /de la ltag par rnyed par gyur na dus su blang zhing tshod de tshad zin par bya ba yin no/ /dam 'cha''am zhes bya ba ni khas len tam zhes bya ba'i tha tshig go /khyim bdag la bsod snyoms len par byed pas na bsod snyoms yin no/ /spro 'am zhes bya ba ni khas len tam zhes bya ba yin no/ /'bras can ni 'bras khrol la sogs pa'i bza' ba yin no/ /skyo ma ni chu'i bsgral ma yin no/ /thug pa kho na btung bar bya ba yin pa'i phyir thug pa yin no/ /rtag res 'khor ni rtag tu 'byung ba'i ston mo yin no/ /mgron du bos pa ni nges par byas pa'i zas yin no/ /tshes brgyad la nges par sbyor ba'i ston mo ni brgyad ston yin no/ /de bzhin du bcu bzhi ston dang/ nya ston yang shes par bya'o/ /rung ba zhes bya ba la/ rung ba ma yin pa yongs su longs spyad par mi bya zhing rung blangs la tshong zin par bya ba yin no/ /bkus te bor ba zhes bya ba la bkus pa ni bskol ba yin la/ khu ba bkus shing btsir nas phyi rol du bor ba gang yin pa de ni bkus te bor ba yin no/ /ltung ba ni sdom pa 'jig pa yin no/ /ltung ba dang rjes su mthun pas na pham par gyur pa'i chos brgyad po dag ni ltung bar 'gyur ba yin no/ /gang yang rung ba zhes bya ba ni ltung ba gzhan dang gzhan dag ni gang yang rung ba yin la/ gzhan dag las gzhan du brjod par bya ba mang po dag las ma nges pa gcig yin te/ pham par 'gyur ba'i chos brgyad po dag gi nang nas ma nges pa'i chos gcig ni gang yang rung ba yin no/ /dge slong mar mi rung zhes bya ba ni dge slong ma smad pa yin te dge slong ma dang lhan cig gnas pa dang longs spyod pa'i skal ba med pa'i phyir ro/ /dge sbyong ma'i snod du ris mthun pa las skal ba nyid dang mi ldan pa'i phyir dge sbyong mar rung ba ma yin no/ /shAkya'i sras kyi 'brel pa med pas bstan pa de la nyams su len pa med pa'i phyir shAkya'i sras mor mi rung ba yin no/ /'ga' zhig tu phyir bcos pa byas nas kyang dge slong mar 'gyur ram zhe na/ dge slong ma'i dngos po las nyams pa zhes bya ba smos pa yin te/ ji ltar phyir bcos pas kyang dge slong ma'i dngos po yang dag par skye ba'i nus pa med pa de ltar 'dir yang dge slong ma'i dngos po las nyams par 'gyur ba yin pas na dge slong mar mi rung bar 'gyur ro zhes bstan pa yin no/ /ci'i phyir dge slong mar mi rung ba yin zhe na/ de'i dge slong ma'i tshul zhes bya ba la sogs pa smos pa yin te/ 'jig par 'gyur zhing zhes bya ba la sogs pa ni dge sbyong ma'i tshul nyid du mi rung ba brjod par byed pa'i rnam grangs yin no/ la dge sbyong ma thob tu zin kyang thob pa'i phyir rung bar gyur pa'i gang zag da ltar dge sbyong so so thob pa nyid du rung ba las nyams pa de'i phyir 'di la dge sbyong byed pa der rung bar ma gyur pa zhes bya de ni rung ba ma yin pa de nyid kyi phyir rnam grangs me dag gis brjod pa yin no/ /lus dang/ tshul khrims dang/ sems dang/ shes rab ma bsgoms pas yongs su zad pa nyid kyi phyir nyams pa'i chos dang ldan pa rnam grangs yin no/ /sngon par 'gyur ba ni rlon pa nyid du 'gyur ba'o/ /'phel ba ni myu gu skye ba yin no/ /rgyas pa ni srid du 'phel ba yin no/ /yangs par 'gyur ba ni zheng du rgyas pa yin no/ /'dod par bya ba yin pas na 'dod pa dag yin la/ 'dod pa'i yon tan lnga po de dag la 'dun pa'i 'dod pa la sogs pa yin te/ 'dod pa la yon tan du 'dzin par 'dod pa ni 'dun pa yin no/ /'dod pa dag la nyes pa yod du zin kyang bdag gir byed pa ni chags pa yin no/ /sems rtsub pa gsal ba ni 'chums pa yin no/ /nyes pa'i cha 'dor zhing dus yang dang yang du rjes su 'dres pa'i chags pa skyes pa ni sdug pa yin no/ /'dod pa'i yul gzhan la lhag par chags pa ni 'dod pa la gnas pa yin no/ /yul mang po dag la 'dir yul gang yang gang gi ro la dams par byed pa'i chags pa ni yul de la gdon mi za pa yin no/ /yul gzhan thams cad las ldog pa'i yul gang la 'tshogs pa bzhin du chags pa de ni lhag par zhen pa yin no/ /ma 'ongs pa kho na dor ba ni spangs pa yin la/ ma goms pa'i kun tu spyod pa yongs su dor ba ni bor pa yin no/ /sems kyis spangs pa yang bsal ba yin no/ /rgyun du zhugs pas spangs pa gang yin pa de ni zad pa yin no/ /lan cig phyir 'ong ba dang phyir mi 'od bdag ni 'gog pa yin no/ /dgra bcom pa ni nye bar zhi ba yin no/ /phung po lhag ma med pa ni nub pa yin no/ /bstod pa ni yon tan brjod pa'i sgo nas so/ /bkur ba ni dge 'dun dang sbyor ba yin te/ mang po dag gis bzung ba nyid yin pa'i phyir ro/ /bsngags pa ni gzhan gyis dris pa na yon tan brjod par byed pa yin no/ /snyan par brjod pa ni gzhan gyis dris pa na nyes pa sal bar byed pa yin no/ /mig tad de mig gis zhes bya ba la/ gal te 'ga' zhig tu thog mar mig gtang dmig 'bru tshugs su gtang nga'i rgyu des kyang gang gi tshe mig la gtang de lta bar byed pa de'i tshe nyes pa de dag tu 'gyur pa/ gang gi tshe thug phrad du skyes bu'i mig la gtang de lta ba de'i tshe lta ba la nyes pa yod pa ma yin no/ /gnyis te bud med dang skyes ba yin la/ gnyis ni skyes pa dang bud med kyi dbang po yin te/ gang phrad pa ni 'dus par gyur pa yin no/ /tshangs pa ni mya ngan las 'das pa yin la/ gang gis de la spyod pa de ni tshangs pa spyod pa de la ma yin la/ de dag 'gal ba ni/ mi tshangs par spyod pa thams cad du bya ba ma yin pa kho na yin no/ /'khrig pa ni gnyis las byung ba'i chos yin no/ /gnyis phrad las skyes pa'i 'khrig pa ni sdig pa 'dzin par byed pa'i chos ma yin pa las skyes pa'i zhes bstan pa yin no/ /yang dge slong zhes bya ba ni las dang po ba bzlog par bya ba'i phyir tshig de smos pa yin no/ /gang zhes bya ba ni gcig byed na de la ltung bar 'gyur ro zhes bya ba'i don to/ /bslab pa mtshungs par gyur pa ni bsnyen par rdzogs nas lo brgya lon pa dang/ ded bsnyen par rdzogs pa dag bslab pa mtshungs pa yin te/ bslab pa mnyam pa nyid yin pa'i phyir ro/ /bslab pa ma phul ba zhes bya ba ni bslabs pa phul bar ma byas pa nyid yin no/ /bslab pa nyams par ma byas pa zhes bya ba ni bslab pa nyams pa gsal ba ma byas pa nyid yin no/ /tha na dud 'gro'i skye gnas su skyes pa dang zhes bya ba ni dud 'gro'i skye gnas su gtags pa'i mthar thug par gyur pa nas mir gzung ba'i bar zhes bya ba'i tha tshig go /de la deng phan chad khyod ces bya ba ni 'khrig pa'i chos de la mi spyod par sbyor bar bya'o zhes bya bar sbyar ro/ /spyad pa ma yin pa zhes bya ba ni sbyor ba las ldog pa yin la/ bya ba ma yin pa zhes bya ba ni dngos gzhi las ldog pa yin zhing/ spyad pa ma yin pa spong ba zhes bya ba ni 'jug pa las ldog pa yin no/ /spyad pa ma yin pa sbyor ba dang/ dngos gzhi dngos po de dang bcas par rdzogs pa dang mjug gi dngos po de dag ni spong ba yin no/ /dran pa dang bag yod pa de ni dran pa'ang bag yod pa yin la bag yod pa kun nas bsrung ba de ni dran pa dang bag yod pa'i kun tu bsrung ba yin no/ /sems kyi yongs su srung bar byed pa ni dran pa dang bag yod pa yin no/ /dran pas dge ba bsgom par bya ba brjed cing bag yod pa'i sgo nas dge ba bskom par byed pa yin pa de'i phyir yang dge ba bsgom par bya ba yongs su srung ba dang dge ba bsgom byed pa'i phyir sems shin tu bsrungs par 'gyur ro/ /de la sems shin tu bsrung bar byed pa'i dran pa dang bag yod pa dang ldan pa de ni bsdus pa'i don yin no/ /bstong pa ni bsam pa'i sgo nas ldog pa yin la/ bkur pa ni sbyor ba ldeg pa yin zhing/ bsngags pa ni dngos gzhi ldeg pa yin te/ snyan par brjod pa ni 'jug ldog pa yin no/ /til gyi phub ma ni til gyi shun pa yin no/ /ma sha ka lnga ni btsong ba'i rin gang la yod pa de ni ma sha ka yin no/ /ma sha ka lnga yang de yin la lhag pa yang yin pas na ma sha ka las lhag pa ste/ ma sha ka lnga la su rin thang che ba zhes bya ba'i tha tshig go /gang yang 'di lta bu byung bar gyur na dge slong ma nyid du mi rung ngo zhes bya bar sbyar bar bya'o/ /gzhan dag gi zhes bya ba ni skyes pa dang/ bud med dang ma ning dag dang 'brel ba dag yin no/ /grong na 'dug par ba'i nang na 'dug pa yin no/ /dgon pa na 'dug pa'i rab las phyi rol tu 'dug pa yin no/ /ma byin pa ni skyes pa dang bud med dang ma ning de dag gis te/ 'dis ni mi la yod pa'i brkus pa brjod pa yin no/ /brkus pa'i grangs su gtogs pa zhes bya ba ni brkus shing phrogs pa'i grangs su gtogs pa zhes bya bar 'dod de 'dis ni brku sems dang mis yongs su bzung bar 'du shes pa brjod pa yin no/ /ci tsam zhes bya ba 'dis ni ma sha ka lnga nyid la sogs pa rdzas kyi tshang du bstan pa yin no/ /rgyal po ni rgyal srid nyid kyi phyir cod pan btags par gyur pa yin no/ /blon po chen po ni rgyal tshab tu dbang bskur ba yin no/ /rkun ma ni gzhan gyi rdzas 'phrog par byed pa'i phyir ro/ /byis pa ni tshar gced par snang ba ma mthong ba'i phyir ro/ blun ba ni tshar bcad par snang ba mthong ba yin pa'i phyir ro/ /rku ba ni brku sems mngon du phyogs pa'i phyir ro/ /gsod pa ni zhan pa nyid dang dad pa med pa nyid kyi phyir ro bcing ba ni dad pa yod du zin kyang zhan pa nyid yin pa 'am/ rgya che ba yod du zin kyang dad pa med pa nyid kyis so/ /spyugs pa ni rgya che ba nyid kyi phyir dang/ dad pa nyid yin pa'i phyir ro/ /dge slong ma'i dngos po las nyams pa zhes bya ba ni bslab pa la nan tan du byed pa ltod pa yin pa'i phyir ro/ /dge sbyong gi tshul 'jig par 'gyur ba ni bshags pa'i bsam pa ma skyes pa'i phyir ro/ /nyams pa ni bshags pa'i bsam pa yod du zin kyang bshags pa'i nus pa med pa nyid kyi phyir ro/ /bcos pa ni skal pa mnyam zhing ris mthun pa ngas nyon mongs pa bzlog pa'i nus pa med pa'i phyir ro/ /ltung ba ni rgyud la de bskyed pa'i nus pa med pa'i phyir ro/ /pham par 'gyur pa ni nyon mongs pas tshar bcad pa nyid kyi phyir ro/ /phyir bslad du med par gyur ba ni thabs gyur pa gzhan med pa'i phyir ro/ /bsams bzhin du srog chags grog spur la sogs pa zhes bya ba la bsams bzhin du ste/ phra mor lta bar byed pas na lta bar byed pa yin no// srog chags grog spur gyi ming can ga srog bcad par mi bya zhing tha dad par bya ba ma yin no/ mi ni dbang po'i gleng tha dad pa grub pa yin no/ /mir chags pa ni sgo ngar gtogs pa 'am/ mngal nas skyes par gtogs pa'i gnas skabs yongs su ma rdzogs pa yin no/ /rang gis lag dar te zhes bya ba ni rang gi lag gis de la mtshon cha byin pa ni dge slong ma bdag nyid kyis bstangs pa yin no/ /de la mtshon thogs pa gnyer ram zhes bya ba ni des mtshon stob par byed pa gnyer pa yin no/ /de 'chir bcug pa ni sdig pa byed pa 'chi ba'i phyir yang dag par bkod pa yin no/ /sdug bsngal ba 'ga' zhig 'chi ba'i bsngags pa brjod pa ste/ sdig byed pa ni las kyi rnam par smin par 'dod pa ma yin pa dang yang dag par ldan pa nyid kyis phyir ro/ / 'tsho ba ngan pa ni lhag par sdug bsngal ba nyid yin pa'i phyir ro/ /mi gtsang ba ni 'jig rten pas smad par bya ba nyid yin pa'i phyir ro/ /sems kyi 'dod pa ni 'chid pa'i rgyu mtshan bdag nyid kyis rnyed par rtogs par byed pa'i phyir thog mar 'chi bar kun tu rtog par byed la 'chi ba'i 'og tu bdag nyid phab par rtog pa'i phyir sems kyi 'dod pa yin no/ /sems kyis pha rol po 'chi bar rtog pa'i phyir sems kyi kun tu rtog pa yin no/ /zhes bzhin du rdzun du smra ba ni shes bzhin du rdzun du smra ba yin no/ /med pa ni thob pa yin la med bzhin pa ni mngon sum byed pa'i sgom pa yin no/ mi'i chos kyi rang bzhin bla ma ste khyad par du 'phags pa smra bar 'dod pa la zhes bya ba yin no/ /mngon par mi shes pa ni 'jig rten pa'i shes pa'i sgo nas yin la/ yongs su mi shes pa ni 'jig rten pas 'das pa'i sgo nas yin/ /'phags pa ni zag pa med pa'i bye brag khong du chud pa'o/ khyad par thob pa'am shes pa yin no/ /sdug bsngal shes pa la sogs pa ni mthong ba ste bzod pa yin no/ /reg par spyod pa ni bsam gtan bzhi yin no/ /'di shes so/ /'di mthong ngo zhes bya ba la 'phags pa'i bden pa bzhi ni shes par bya ba yin la/ lha la sogs pa ni mthong bar bya ba yin no/ /klu ni klu phra mo dag yin no/ /lto 'phye chen po ni klu chen po yin no/ /yang na lto 'phye chen po ni sprul mi bzad pa la bya ste/ mthu che ba gang yin pa de la 'dir bzung ngo/ /gtam 'dre bar byed pa zhes bya ba ni gtam 'dre ba ni gtam la sogs pa ? ril dri ba yin no/ phebs par smro bar byed pa ni de rgyun gyis gtam 'dri ba yin no/ /so sor kun dga' bar byed pa ni pha rol po'i bde ba thob par gyur pa na bdag ston par byed pa yin no/ /rtag tu yang lhan cig gnas par byed do ces bya ba ni lha la sogs pa dang rtag tu lhan cig 'dug bar byed ces bya ba'i bar du ste/ gzugs na spyod pa'i sgoms pa las byung ba bsam gtan gyi dngos gzhi'i sa dag yin no/ /mi rtag pa'i 'du shes ni mi rtag pa nyid du 'dzin pa yin no/ /mi rtag par lta ba ni sdug bsngal gyi gnyen po'i phyogs ma yin pa nyid kyi phyir sdug bsngal gyi 'du shes yin no/ /sdug bsngal la bdag med pa'i 'du shes ni ji ltar yang gang yang sdug bsngal gyi bdag nyid yin pa de lta na yang sdug bsngal gang yin pa de ni bdag med pa'i 'du shes kyis sun dbyung bar bya ba yin pa'i phyir sdug bsngal la bdag med pa'i 'du shes zhes bya ba smos pa yin no/ /zas la mi mthun pa'i 'du shes ni/ rol skams pa las bzlog pa yin pa'i phyir ro/ /'jig rten thams cad pa mngon par ni dga' ba'i 'du shes ni chags pa med pa'i rang bzhin yin pa'i phyir ro/ /spong ba'i 'du shes ni lta ba la sogs pa'i nyon mongs pa bzlog pa la dmigs pa yin no/ /'dod chags bral ba'i 'du shes ni gang dag de la dmigs pa'i nyon mongs pa spangs pa'i phyir spangs pa de dag gi 'dod chags dang bral ba zhes bya ste/ 'dun pa'i 'dod chags la sogs pa ldog pa thob pa'i phyir ro/ /? pa dag la yang kun tu spyod pa'i 'gog pa yin te/ de ni 'dir rang bzhin gyis 'gog pa dang/ dge ba zag pa dang bcas pa'i nyon mongs pa dag gi kun tu sbyor ba 'gog pa dang/ dge ba dang kun nas nyon mongs pa ni lung du ma bstan pa'i kun tu spyod pa'i 'gog pa zhes bya ba 'gog pa gsum du ston pa yin no/ /rnam par bsngos pa'i 'du shes ni lus kyi kha dog rnag tu dmigs pa yin no/ /rnam par brnags pa'i 'du shes ni rtsa ba'i gnas skabs 'drul bar gnas pa yin no/ /rnam par bam pa'i 'du shes ni lus skrangs par dmigs pa yin no/ /rnam par 'bus gzhigs pa'i 'du shes ni 'bus gang bar dmigs pa yin no/ /rnam par zos pa'i 'du shes kyi sha dang pags pa zos par dmigs pa yin no/ /rnam par dmar ba'i 'du shes ni lus kyi sha'i lhag ma nyung ba la dmigs pa yin no/ /rnam par 'thor ba'i 'du shes ni yan lag dang nying lag phyogs mtshams su gtor bar dmigs pa yin no/ /rus gong gi 'du shes ni sha med pa'i rus pa tsam de dmigs pa yin no/ /stong pa nyid la so sor rtog pa'i 'du shes ni bdag nyid la stong pa nyid du 'du shes pa yin no/ /bsam gtan dang po ni rtog pa dang bcas dpyod pa dang bcas pa yin la/ gnyis pa ni rtag pa med cing dpyod pa med pa'i la/ gsum pa ni dga' ba med pa'i bde ba yin la/ bzhi pa ni sdug bsngal med cing bde ba med pa yin no/ /gzhan dag la phan 'dogs pa'i sems ni byams pa yin la/ gzhan sdug bsngal ba dang bral bar 'dod pa ni snying rje yin no/ /gzhan dag ni phan pa dang mgu ba la dmigs pa dga' ba yin la/ gzhan dag gi bde sdug la btang snyoms su byed pa de btang snyoms yin te/ bsams pa las byung ba dang/ bsgoms pa las byung ba'i tshad med pa bzhi po de dag thag nye bar byas pa yin no/ /nam mkha' mdza' yas skye mched ni nam mkha' mdza' yas pa yin no/ /rnam shes mdza' yas pa zhes bya ba dang/ ci yang med pa zhes bya ba la sbyor ba'i sems kyis kun nas bslang ba nam mkha' dang rnam par shes pa mdza' yas pa'i skye mched dag yin no/ /'du shes kyi che ba'i bdag nyid ni 'du shes med 'du shes med min skye mched yin no/ /zag pa med pa'i lam gyis mthong bas spang bar bya ba'i nyon mongs pa spangs nas 'dus byas dang 'dus ma byas tha dad pa'i dbye bas sems kyi skad cig bcu drug thob pa gang yin pa de ni rgyun du zhugs pa'i 'bras bu yin no/ /zag pa med pa'i lam gyis bsgom pas spangs par bya ba rnam pa drug spangs pas 'dus byas dang 'dus ma byas kyi 'bras bu thob pa gang yin pa de ni lan cig phyir 'ong ba'i 'bras bu yin no/ /zag pa med pa'i lam gyis 'dod pa na spyod pa'i bsgom pas spang bar bya ba'i nyon mongs pa rnam pa dgu ba spangs pas thob pa gang yin pa de ni phyir mi 'ong ba'i 'bras bu yin no/ /srid pa'i rtse mo'i bsgom pas spang bar bya ba rnam pa dgu spangs pas 'dus byas dang 'du ma byas kyi 'bras bu thob pa gang yin pa de ni dgra bcom pa'i 'bras bu'o/ /rdzu 'phrul ni nam mkha' la 'gro bar byed pa yin la/ de'i yul ni ting nge 'dzin gang las rdzu 'phrul 'grub par 'gyur ba yin no/ /lha'i rna ba ni yul thag ring ba dang phra ba dang bar du chad pa yin no/ /sems kyi rnam grangs zhes bya ba ni gzhan gyi sems shes pa yin no/ /sngon gyi skye bar gnas dang der skyes pa'i phyir sngon gyi gnas yin te/ de la dmigs pa'i ting nge 'dzin la sngon gyi gnas zhes bya'o 'chi 'pho dang skye ba ni 'chi 'pho dang skye ba de la dmigs pa'i lha'i mig la yang 'chi 'pho dang skye ba zhes bya'o/ /zag pa zad pa dang bcas pa'i shes pa nyid la yang zag pa zad pa'i mngon par shes pa zhes bya'o/ /rnam par thar pa brgyad ni gzugs can gzugs la lta ba nas nang gzugs med pa'i 'du shes kyis phyi rol gyi gzugs la lta ba dge ba'i rnam par thar pa dang/ gzugs med pa bzhi dang/ 'gog pa'i snyoms par 'jug pa yin no/ /gnyis ka'i cha las rnam par grol ba zhes bya ba ni nyon mongs pa dang snyoms par 'jug pa'i sgrib pa'i cha dag las rnam par grol bas na gnyi ga'i cha las rnam par grol ba yin no/ /dbang po rnon pos 'gog pa'i snyoms par 'jug pa thob pa ni dgra bcom pa zhes bya'o/ /chags bzhin du zhes bya ba ni skyes pa de la 'dod pa'i 'dod chags kyi sgo nas chags par gyur pa yin na/ /chags nas zhes bya ba ni skyes bu kun nas chags par gyur pa'i sgo nas so/ /cung zhig ni phyogs gcig yin la/ reg pa ni nyug par byed pa yin no/ /kun nas reg pa ni yongs su nyug par byed pa yin no/ /'jo sgeg byed pa ni phan tshun rdod par byed pa'o/ /'phyar g.yeng ni 'dod pa dang rjes su mthun pa'i tshig brjod pa'o/ /tsab h+ral ni 'dod pa dang rjes su mthun pa'i skad gsang mtho la mi gsal ba sgrog par byed pa'o/ /gang gi tshe kho bo snga dro la sogs pa na thod par gyur pa de'i tshe bdag grub pa yin par shes par bya'o zhes bya ba ni yul phyogs ston par byed pa yin no/ /gang gi tshe kho bo sbyar ma dmar ser bgos pa dang lhung bzed thogs par mthong ba zhes bya ba la sogs pa ni mtshan ma yin no/ /mngon par 'dod pa'i gnas su 'gro ba ni brdal yin no/ /dngos po brgyad ces bya ba ni yan lag brgyad dang ldan pa'i lus bkan? pa yin te/ de yang kun nas chags pa nyid ni yan lag gcig yin la/ 'jo sgeg byed pa ni gnyis pa yin no/ /'phyar g.yeng byed pa ni gsum pa yin no/ /tsab h+ral byed pa ni bzhi pa yin no/ /yul phyogs ni lnga pa yin no/ /mtshan ma ni drug pa yin no/ /brda ni bdun pa yin no/ /'ong ba bdag gir byed pa ni brgyad pa yin no/ /lus bkan pa kho na las pham par 'gyur ba slong bar byed pa yin la/ sems kun nas chags pa dang g.yo la sogs pa ni thams cad du spom por 'gyur ro/ /smra ba'i yan lag yod pa dge slong mas dge slong ma'i pham par 'gyur ba zhes bya ba'i kha na ma tho ba 'chal bar byed pa de'i tshe de nyid pham par 'gyur ba'i kha na ma tho ba slong bar 'gyur ro/ /bzlog par bya ba ni zlog pa dang rjes su mthun pa'i las yin te/ bzlog pa yang dge 'dun la phyi rol tu byas pa yin no/ /langs pa ni mi mthun pa la bya la/ bsnyal ba ni mthun pa yin te/ langs par gyur nas/ bsnyal ba bzhin gyur pa ni langs pa dang bsnyal ba'am?/ skye bas sgra langs par gyur pa gang yin pa de ni langs pa yin la/ 'og tu bsnyal bas na nyal ba yin no/ /shin tu 'og tu 'jug par byed pas na spu bsnyal bar byed pa yin no/ /nyes pa de las bzlog pa'i phyir 'jug pa ni 'byung ba'i phyir 'jug pa yin la dge 'dun dang lhan cig bya ba mtshungs par khas blangs pas na mtshungs pa ston par byed pa yin no/ /dor ba ni bzlog par bya ba'i las dang bral ba'i phyir rang bzhin du gnas pa thob par gyur pa ste/ shin tu dma' bar 'jug pa yin no/ /de dang 'dra bar yid la byed pa bsgom pa ni 'dir sbyor ba yin la/ mos pa yid la byed pa bsgom pa ni yid la byed pa yin no/ /yang dag par rjes su sbyor bar bya ba ni dge ba la 'jug par bya ba yin la/ yang dag par rjes su bstan par bya ba ni mi dge ba las bzlog pa la'o/ /dge sbyong byed pa zhes bya ba la sogs pa la/ dge sbyong ni dge sbyong byed pa yin no/ /gang gi phyir bzod pas dge sbyong du gyur pa yin te/ bzod pa'i rang bzhin dag kyang dge sbyong byed pa yin la/ khro ba dang gshe ba dang brdeg pa dang mtshang 'bru ba bzod pa dag ni dge sbyong byed pa'i chos dag yin pas slar mi khro ba dang/ slar mtshang mi 'bru ba'i bzod pa dang ldan pa ni dge sbyong mang 'gyur ba yin no/ /gang khyod sngon zhes bya ba la/ sngon zhes bya ba la sogs pa'i gzhung gis mngon par 'dod pa'i phun sum tshogs pa bstan pa yin no/ /mi g.yo ba ni yang bya ba ma yin pa'o/ /bzhag par mi 'os pa ni cho ga brtsams pa kho na 'jig pa med pa'i phyir bzhag par 'os pa ma yin pa zhes bya'o/ /gang bsnyen par rdzogs nas zhes bya ba la sogs pas tshul khrims kyis mnyam par gyur pa nyid du nges par sbyor ba ston pa yin no/ /tshul khrims kyis mnyam pa nyid ni bsnyen par rdzogs nas lo brgya lon pa dang/ deng bsnyen par rdzogs pa dag tshul khrims nyid kyis mtshungs pa ste/ so sor thar pa'i sdom pa nyid kyis mnyam pa yin no/ /bslab pa nyid kyis mnyam pa zhes bya ba la/ kun kyang srog gcod pa la sogs pa las ldog pa'i bslab par bya bas mnyam pa dag yin no/ so sor thar pa'i mdo 'don pa nyid kyis mnyam pa zhes bya ba ni kun kyang rjes su bstan pa'i mchog la rag las par mtshungs pa yin te/ kun kyang mthar tshul khrims rnam par dag pas mnyam pa zhes bya ba'i don 'dir 'gyur ro/ /pha dang ma'i 'du shes zhes bya ba 'di ni 'jig rten pa'i pha ma la sogs pa'i tha snyad kyis sgro 'dogs pa la nges par sbyar bar bya ba yin no/ nges par sbyor ba'i 'bras bu yang nad g.yog la sogs pa yin par bstan pa yin no/ /gus pa ni yon tan don du gnyer pa sngon du song ba can gyi yon tan dang ldan pa dag la gus pa yin te/ de dag ni yon tan thams cad kyi 'byung gnas yin pa de'i phyir gus pa dang bcas pa 'jug par bya ba yin no/ /zhes ni gtso bo gnyis pa la bya ste bdag nyid gtso bo gnyis pa mthong bas bya ba ma yin pa las slar log par 'gyur ro/ /gnyi ga'i dbang la rag lus pa nyid kyis gnas pa ni 'jigs pa'i dbang gis sems gnas pa yin la/ sems 'jigs pa dang bcas pa'i dbang gis 'jug cing gnas pa'i phyir 'jigs pa dang bcas pa'i dbang du gyur par bya ba yin te/ rgan rabs rnams la yang yon tan don du gnyer bas gus par bya ba dang gtso bor bya ba dang/ sems mnyes par med pas 'jigs par bya ba yin no/ /ji ltar gnas bstan dang bar ma dang gsar bu rnams la de bzhin du bya'o/ /lung ma rgod par bya'o zhes bya ba la sogs pas bya ba la nges par sbyar ba yin no/ /ma thob pa thob par bya ba ni rnyed par gyur pa yin la/ ma rtogs pa rtogs par bya ba ni/ khong du chud pa yin no/ /mngon du ma byas pa mngon sum du byas pa ni mngon du byas pa yin no/ /brtson pa mi rol bar bya'o zhes bya ba ni brtson 'grus brtsam par bya ba la nges par sbyar ba yin no/ /gtam 'dres pa na rgyun mi 'chad par mdza' ba yin no/ /phebs par smra ba ni 'bring du mdza' ba yin no/ /smos 'drin ni bshes par gyur pa yin la/ 'grogs pa shes ni lam gcig tu zhugs pa la sogs pas kun nas bskyed pa sdug pa g.yo ba can yin no shes rab mchog ste sangs rgyas bcom ldan 'das de'i bstan pa la khyod bsnyen par rdzogs par gyur pas ji ltar dal 'byor te/ dge ba'i las kyi gnas skabs 'byor par gyur pa ldog pa med par 'gyur ba de ltar bya ba yin no/ /mdzes pa zhes bya ba 'dis ni lus dag pa dang/ yongs su dag pa zhes bya ba 'dis ni las dag pa yin no/ /lus yongs su dag pa dang las yongs su dag pas rab tu byung ba dang/ bsnyen par rdzogs par 'gyur te/ mdzes pa dang yongs su dag pa gnyi ga la rab tu byung ba dang bsnyen par rdzogs pa gnyi ga sbyar bar bya'o/ /zhes bya ba'i tha tshig go /bag yod par bsgrubs shig ces bya ba ni bag yod pa la nges par sbyar ba yin no/ /skye dgu'i bdag mo chen mo rab tu byung bas 'phel ba yin la/ gzhan dag rab tu byung bas rgyas pa yin zhing phyogs phyogs su rab tu rgyu ba'i phyir langs par gyur pa nyid yin no/ /e ma'o zhes bya ba ni don du gnyer ba la 'jug pa yin no/ /gsar du 'ongs bas bstan pa'i bya ba la goms pa med pa'i phyir gsar bu yin no/ /gsar bu bsnyen par rdzogs pas na bar ma yin no/ /na tshod chung ba nyid kyi phyir gzhon rabs yin no/ /dus nyung ba nyid kyi phyir rab tu byung nas ring po ma lon pa yin no/ /dra ba bkang ste zhes bya ba ni dra bar bcug pa yin te de ni dge slong dag bsod snyoms la rgyu bas dub ba yongs su spang ba'i phyir rang gi khyim nas 'bras chen la sogs pa'i bsod snyoms 'dzin par byed pa'i dra ba dag tu bsod snyoms bcug nas bdag nyid kho na gtsug lag khong du 'ongs nas bsod snyoms stobs par 'gyur ba/ de bud med rab tu byung ba las rnyed pa'i bar chad du 'gyur ba ni ma bgos pa yin la/ thag bas btags ma thag pa ni sar ba yin no/ /'di'i steng du gshegs shig pa ni rkang pa dag gis gnon par reg ces bya ba'i yin te/ 'dis ni bsnyen bkur ba nyams pa yin no/ /yan lag gi mtshog las skyes pa ni mgo las skyes pa yin te/ 'dis ni shin tu gus par phyag byed pa nyams pa bstan pa yin no/ /gzi brjid kyi 'od kyis zhes bya ba ni tshul khrims kyi gzi brjid kyi'o/ /zil gyis gnon pa ni khyab par gyur pa 'am yongs su med pa sgrub par 'gyur pa yin te/ 'dis ni tshul khrims yongs su nyams pa bstan pa yin no/ /ro zhes bya ba ni shi ba dang 'dra ba yin te/ tshul khrims kyi 'tsho ba dang bral ba'i nyid kyi phyir ro/ /nyams pa med pa zhes bya ba ni ltung bas dral ba'i nyes pa med pa'i yin no/ /nyams pa med pa zhes bya ba ni mi tshangs par spyod pa 'khrig pa dang 'brel ba'i kha na ma thob med pa yin te/ bstan pa 'phags pa'i gang zag brgyad rgyas pa'i rgyan yod par yang 'gyur ro/ /'dis ni bud med kyi yul rab tu byung ba yon tan 'jig pa'i rgyu nyid du bstan pa yin no/ /dge slong pha ma rnams kyi thun mong du gyur pa'i lam ni dgag dbye la sogs pa yin no/ /gzir ba ni gnod par gyur pa yin no/ /lan cig bcags pa ni dge slong ma'i dngos po yang lan gcig btad nas yang nod pa'i mthu med pa zhes bya ba ni sdom pa skye ba'i nus pa med pa ste/ skye ba'i chos can med pa zhes bya ba'i bar du'o/ /mdza' ba las mdza' ba skyes par gyur to/ /zhes bya ba ni rgyun gyi sgo nas legs par gyur pa yin no/ /'das shing dus 'das pa zhes bya ba la dus ma yin pa'i 'chi ba ni 'das pa yin la/ dus su 'chi ba ni dus las 'das pa yin no/ /mdza' bo'i 'brel pa sngon du song ba can ni 'dir grogs po yin no/ /bu dang tsha bo'i 'brel pa ni bu dang tsha bo'i 'brel bas so/ /bu mo'i bu ni snag gi tsha bo yin la/ de'i yang bu ni yang tsha yin te/ snag gi tsha bo dang yang tsha dag gi 'brel bas so/ /rnyed par smon pa zhes bya ba ni bu mo la 'bab cing gzhol ba'i sems yin no/ /ring cing zhes bya ba ni sha chung bar gyur pa'o nyam chung ba zhes bya ba ni lus kyi bya ba'i nus par la dman pa'o tshogs chen ma ni smad 'tshong ba yin te/ tshogs kyis yongs su longs spyod par bya ba nyid yin pa'i phyir ro/ /bkren pa ni 'dir yongs su shes pa dang bral ba yin par shes par bya'o/ /steng g.yogs ni khyim gyi steng du khyim gzhan byas pa yin no/ /shes pa can ma yin pa zhes bya ba ni mi shes pa'o/ /snod ni zangs dang bum pa la sogs pa yin la/ spyad ni kha phor dang nal ze la sogs pa yin no/ /rlung gi shugs dang 'dra bar zhes bya ba ni rlung mgyogs pa dang mtshung par ro/ /mna' ma blangs ma thag bshes pa mi bstan pa ni 'dris pa mi bstan pa'o/ /sems dang sems las byung ba'i rgyu ba nang du bsdus te zhes bya ba ni yid mi bde ba rnam pa du mas bsrungs par gyur pa'o/ /rab tu gzhon zhing zhes bya ba ni gzhon nu gzhan dag las shin tu gzhon nur gyur pa'o/ /bral ba ni yongs su dor ba'o/ /byug pa dang zhes bya ba la sogs pa la 'drim par byed pas blangs pa'i dri'i mchog byug pa la sogs pa dang/ gus pa'i tshig dang/ dga' ba skyed par byed pa'i tshig gis ngal bsos nas khyim du 'jug pa yin no/ /sbrul gdug pas zin pa zhes bya ba ni sbul gyis snying kha nas bzung ba 'am sor mo gnyis pa la reg pa'i sgo nas bzung ba yin no/ /lag pas bskul te zhes bya ba ni lag pas sgyur te'o/ /chu dogs chad pas zhes bya ba la sogs pas de nyid g.yang sa yin no/ /phyi phyir zhes bya ba 'di ni smre sngags 'don pa'i tshig gi sgo nas kyi hud ces 'bod pa'o/ /rnam pa zhes bya ba ni rnam pa dang rnam pa ni rnam pa ste/ rnam pa mang po zhes bya ba'i bar du'o/ /rnam pa chen po'i sgo nas 'bras bu 'byin pa la mngon du phyogs pa 'phel zhing yongs su rgyas par 'gyur ba'o/ /de'i pha dang ma la sogs pa 'chi ba ni pha dang ma la sogs pa'i las kho na las grub pa yin te/ de'i sdig pa'i las kyang pha dang ma la sogs pa de dag gi las kyi lhan cig byed pa yin pa de'i phyir 'ga' zhig kyang gzhan gyi las kyis 'chi bar mi 'gyur zhing gzhan gyis byas pa'i las kyi rnam par smin pa gzhan gyis myong par 'gyur ba ma yin no/ /cig car zhes bya ba ni dus gcig tu'o/ /dben pa zhes bya ba ni skye bo rgyu ba dang bral ba'am gtsang ba dag yin no/ /bde bar gnas par 'gyur zhes bya ba ni gzhan la rag lus pa med par bden par gnas pa'i ngang tshul can du 'gyur ba'o/ /glags bltas par zhes bya ba ni ci ltar 'dod par yongs su longs spyod pa'i sto nas zil gyis gnon par 'gyur pa'o/ /gnod sems kyis kun nas dkris par gyur te zhes bya ba ni gsod sems 'jug par byed pa'i nyon mongs pa yin no/ /thab ni me 'bud pa'i gnas yin te/ gang 'jig rten pas me thabs tha snyad du btags pa yin no/ /zangs ni snod kyi bye brag go /byis pa ni na tshod dang po la bab pa'o/ /'dod chags kyis kha na ma tho ba chud mod kyi zhes bya ba la ni gsod pa la sogs pa srid pa de'i phyir sdig pa chung ba yin no/ /'bral ba nga ni dka' o zhes bya ba ni 'dod chags rdo rje lta bus shin tu spangs par bya ba nyid yin pa'i phyir ro/ /zhe sdang kha na ma tho ba dang bcas pa tshal zhes bya ba ni zhe sdang gis srog gcod pa la sogs pa'i las ngan pa srid pa'i phyir zhe sdang ni sdig pa nyid che ba yin no/ /bral bar sla ba zhes bya ba ni 'dod pa'i khams kyi 'dod chags dang bral bas ma lus par spangs pa'i phyir ro/ /ro 'jog par byed pa'i khyim rku bar byed pa la byang phyogs pa'i mi dur brku ba zhes tha snyad du btags pa yin no/ /smyos pa'i nang gyis non par gyur pas na smyos par gyur pa ste/ bar bar du rang gi sems rnyed par gyur pa yin no/ /rgyun mi 'chad par sems par gyur pa gang yin pa de ni sems g.yengs pa yin no/ /lag pa dang rkang pa gas shing rtsub pa stegs shing rtsub la skra ring bar gyur pa'o/ /bsam gyis mi khyab pa zhes bya ba ni bsam pa'i yul las shin tu 'das pa yin te/ ji ltar las 'di las 'bras bu 'di 'byung bar 'gyur ro zhes bya ba de ltar bsam par bya ba nyid ma yin pa'i phyir ro/ /shin tu ngo tsha dang ldan pas na ngo tsha ba'i tshul du gyur pa yin no/ /phan tshun du rna ba'i nad du smra bar byed pa'i phyir gcig la gcig rna bar bshub pa'o/ /las kyi rnam par smin pa'i rgyud ni rnam par smin pa'i rgyun yin no/ /bdag nyid thar bar bya'o zhes bya ba ni bdag nyid nyes pa las grol bar bya bar ro/ /phyes btul ba'i btung ba ni chu grang mo'i skyo ma yin no/ /rab tu khros pa'i sems kyis smra ba dang phyir smra ba ni 'thab mo yin no/ /rab tu khros pa'i sems kyis 'khor gyi nang du bsgrag par bya ba ma yin pa'i dngos po sgrogs par byed pa ni mtshang 'bru ba'o/ /phan tshun gnod par byed pa ni 'khrug pa yin no/ /phyi mi'i mdun du smra ba dang phyir smra ba ni rtsod pa'o/ /g.yo'i kun tu spyod pas zhes bya ba ni bcos ma dang gya gyu'i bsam pas so/ /skye gnas dag par gyur te zhes bya ba ni skye gnas tshil gyis g.yogs pa nyid las phra dog gis de ring bar gyur bar ro/ /tshil dang bral bar gyur pa de'i phyir 'di'i mngal yongs su dag par gyur pa yin no/ /mngal blugs pa ni mngal med pa'i thabs su gyur pa yin no/ /gtad par bya'o zhes bya ba ni bcol ba'i tshul khrims kyis sbyin par bya'o/ /log pa'i rnam par rtog pa skyes te zhes bya ba ni yid kyi rnam par rtog pa'i me rab tu 'bar bar gyur te'o/ /bsnun te zhes bya ba na shin tu btsugs kyis bsnun pa'o/ /dga' bar bya ba ste mgu bar byed par ro/ /ngan par smos pas zhes bya ba ni smod pa'i tshig gis kun nas khyab par gyur pa'o/ /brang brdung ba ni brang la brdeg cing bsnun pa yin no/ /bdag gi khyod sprul gyis zos nas dus byed par shog cig ces bya ba la sogs pa'i tshig gis mna''dor bar byed pa gang yin pa de mna''dor tshig des de don med pa 'dir gyur pa ma yin gyi/ 'on kyang gang des de'i nyes pa med par bsad pa dang bsam pa drag pos rdzun tu smras pa de'i phyir des don med pa du ma nyams su myong bar gyur pa yin no/ /mna'i tshig ni nyes par spyod pa'i lam gyi 'bras bu yongs su gyur pa tsam yin te/ dper na 'ga' zhig gis bsod nams byas nas bdag 'di las 'di lta bu'i 'bras bu 'byor bar gyur to zhes smra ba lta bu'o/ /zong ni zong du tha snyad du bya ba'o/ /cung zad kyang mi nus pa zhes bya ba ni cung zhig tsam yang byed pa'i nus pa med pa'o/ /dril bu'i sgra dang 'dra ba zhes bya ba ni dper na dril bu'i sgra thog mar drag la phyis go rim bzhin du dal gyis tshes dal ba'i rims bzhin du skyes nas thams cad kyi thams cad du nyams pa 'gyur ba de dang 'dra bar tshor ba dag kyang yin no/ /gzung bar dga' ba zhes bya ba ni nyon mongs pa dag las bdag nyid rnyog pa med par gzung ba nyid du dka' bar nus pa yin no/ /bslu bar bgyid na zhes bya ba ni bgrod par byed pa yin no/ /'phyon ma pa ni byi bo par rab tu grags pa yin no/ /nal gyi bu ni byi bo pa'i bur grags pa yin no/ /yang na thams cad du byi bo pa la dra'i sgra dang btugs pa yongs su mi shes pa la nal gyi bur brjod pa yin no/ /bde ba chung la zhes bya ba la sogs pa la/ bde ba ni 'dir yid bde ba'i bde ba yin no/ /sdug bsngal ni tshe 'di nyid kyi yid mi bde ba'i sdug bsngal yin no/ /nyes dmigs ni dmyal ba la sogs pa'i 'gro ba'i sdug bsngal nyams su mong ba'o/ /mi rigs so zhes bya ba ni 'thad pa ma yin pa'o/ /'dod pa ni 'dod pa'i yon tan lnga bsten par 'dod pa dang longs spyod par 'dod pa'o/ /kun tu sbyor ba dag 'phel bar 'gyur ba zhes bya ba ni rgyas par 'gyur pa'o/ /gtong ba ni ldog pa'o/ /ngoms pa ni yid mgu bar gyur pa'o/ /mthar thug bar 'gro bas na tshogs pa'o/ /sdig pa'i las ni lus kyi nyes par spyod pa la sogs pa'o/ /nyad thos pa zhes bya ba ni 'bags pa gang zag brgyad po'o/ /dam pa dag ces bya ba ni drang srong chen po'o// yang dag par song ba zhes bya ba ni byang chub sems dpa' dag go / skyes bu dam pa zhes bya ba ni so so'i skye bo dge ba dag go /dad pa'i shugs kyi spu gyen du ldang bar gyur pas na ba spu ldang bar gyur pa'o/ /chu 'gram gyi gang ba bzhin du zhes bya ba ni gang gi tshe klung gi ngogs go rim bzhin du dum bur chad cing rdib par gyur pa de bzhin du de dag gis bstan pa nyams par byed pa yin te/ bstan pa dang 'gal ba bya ba ma yin pa yang lhag par spyod pa'i phyir ro/ /nyes pa spom por 'gyur ro zhes bya ba 'di ni mi tshangs par spyod pa'i pham par gyur pa gcod par byed pa yin no/ /bsod snyoms pa spyod pa'i gnas la 'dir spyod yul du shes par bya'o/ /bstan bcos kyi don yongs su shes pa'i nus pa med pas na glen pa yin la/ lhag par che bas na rab tu glen pa yin no/ /yi ge'i sgo nas 'dzin pa'i nus pa med pas na rmongs pa yin no/ /lhag par che ba ni mchog tu rmongs pa yin no/ /rigs pa zhes bya ba ni tshad ma dag pa'i rjes su 'gro ba'o grol ba zhes bya ba ni chags pa med pa dang nyams pa med pa'i tshig yin no/ /bshad par brtsams pa zhes bya ba ni nye bar bkod pa 'am/ skabs kyis rnam par bshad pa yin no/ /lus 'dzin pa'i nus pa med pa bskyed pa ni brgyal ba yin no/ /dge slong dag nyi ma ni shar zhes bya ba la sogs pa la/ shar par byed pa'i phyir shar ba ste/ mtshan mos byas pa'i mun pa sel bar byed pa'i phyir ro/ /bya rog ni zer zhes bya ba ni sgra 'byin par byed pa'o zhing rmed pa zhes bya ba ni sa bon 'debs par byed pa'o/ /ngu ba zhes bya ba ni smre sngags 'don ba 'am ngu bar byed pa'o/ /ma lus bar 'phrog par byed pa gang dag yin pa de ni mi rgod yin no/ /nyi ma zhes bya ba ni de bzhin gshegs pa'i lhag pa'i tshig yin te/ nyi ma'i de? ? de bzhin gshegs pa bstan par rig par bya'o/ /gang gi phyir de bzhin gshegs pa'i ye shes kyi snang bas mi shes pa'i mun pa sel bar byed pa yin pa'i phyir yang 'dir mtshungs pa yin no/ /bya rog zer ba zhes bya bas ni chos kyi snod can bstan pa yin te/ dper na nyi ma shar bar gyur pa na bya rog zer ba de bzhin du de bzhin gshegs pa'i nyi ma shar bar gyur ba na bcom ldan 'das kyis thog mar chos bstan nas zhes bya ba'i dbang du byas nas chod kyi snod can chos smra bar 'gyur ro/ /zhing pa smos pas ni gtong ba po dang sbyin bdag bstan pa yin te/ dper na zhing pas ni zhing bsgrubs nas sa bon 'debs par byed pa de bzhin tu sangs rgyas byung bar gyur pa na gtod ba po dang sbyin bdag gis sbyin gnas kyi zhing bsgrubs nas sbyin pa'i sa bon gyi char 'bebs par 'gyur ro/ /mi rgod smos pas ni bdud dang bdud kyi 'khor bstan pa yin bar rig par bya ste/ dper na nyin par mi rgod dag mngon par 'dod pa'i don sgrub pa'i phyir du bar byed pa de bzhin du bcom ldan 'das 'jig rten du byung bar gyur pa na bdud kyi spyod yul skye bo chen po mngon par 'das pa'i phyir bdud dang bdud kyi 'khor kun nas ngu bar byed ba yin no/ /phyin ci ma log par rjes rsu ston par mdzad pa nyid kyi phyir ston pa yin la/ ston pa des bya ba gang yin pa gdon mi za bar mdzad pa bya ba de ni bya ba yin zhing/ byas pa yang bden pa bzhin bstan pa yin te/ sa byed rnams te khyed cag la bya ba de byas pa yin no/ /bya bar sbyar ro/ /sten pa khyed bar ji lta bus she na/ rjes su rtse ba can zhes bya ba la sogs pa smos pa yin te/ sems can sdug bsngal ba mthong ba na rjes su ste phyis brtse bar gyur ba gang yin pa de ni rjes su brtse ba can te/ gzhan gyi sdug bsngal bzod par mi spyod ces bya ba'i tha tshig go /snying rje spyod pa'i phyir thugs rje can te/ gang zhig sdug bsngal gyis gzir ba rnams kyi sdug bsngal ba'i thabs dgongs par mdzad pa'o/ /don du bzhed pa zhes bya ba ni mngon par 'dod pa'i don bsgrub par brtson pa'o/ /phan par bzhed pa zhes bya ba ni 'jig rten gnyis dang mi 'gal ba'i phan ba sgrub par mdzad pa'o/ /thugs brtse bar gyur ba ni zhes bya ba ni rtag tu thugs brtse ba dang nye bar lhag par spyod pa ste/ lan du phan btags pa la bltos pa 'jug pa med pa'i phyir ro/ /nga ni khyed cag gis zhes bya ba 'dis ni 'di skad du 'di ltar ngas 'ga' zhig la mchog gsal ba'i sgo nas phan gdags par mdzad pa'i nus pa mi mnga' ba ste/ dper na nga la nus pa mi mnga' ba de bzhin du lha dang/ bcas pa'i 'jig rten dag la yang mchog sbyin pa'i nus pa med pa de'i phyir khyed cag gis bdag nyid kho na'i nyes pa yongs su dor ba dang yon tan bsgrub par bya ba byos shig ces bya ba bstan par 'gyur ro/ /ri'i phrag ni lung pa'o/ /phug ni khyim gyi rnam pa can skyes bu'i 'bad rtsol la bltos pa med par grub pa'o/ /sog ma'i tshogs ni sog ma'i phung po yin no/ /bag med pa zhes bya ba ni bag med par ma byed cig pa'o/ /phyis zhes bya ba ni nga yongs su mya ngan las 'das pa 'am/ bzhugs gdan gyi tha ma brnyes par gyur ba nang?/ 'di ni nga'i rjes su bstan pa yin te/ zhes bya ba ni nga'i gdams pa'o/ /mtsho ni klung yin la skyed mos tshal ni me tog dang 'bras bu'i shing dang ldan pa'i phyogs yin no/ /'bab chu ni 'brug pa'i chu'o/ /chu bo dang shing la sogs pa de dag gis brgyan pa'i sa'i steng ste sa phyogs so/ /dga' ba'i zhes bya ba ni dga' ba skyed par byed pa'o/ /bud med dang ni bud med kyi yid la byed pa skye ba dang rjes su mthun pa'o/ /bud med du ston par byed pa ni bud med kyi dbang pos byin gyis brlabs pa yin te/ des bud med kyi dngos por rab tu gsal bar byed pa'i phyir ro/ /longs spyod zad pa zhes bya ba ni bza' la sogs pa nye bar longs spyad par bya ba'i dngos po yongs su zad pa 'am/ grong la sogs pa yongs su zad pa'o/ /skye bo kun gyis yongs su shes par gyur pa ni grags par gyur pa'o/ /'bad pa med par gos dang bsod snyoms brnyed pa'i phyir bsod snyoms chen po'o/ /bza' ba dka' bas rnyed pa'i phyir mu gi'i dus yin no/ /glo bur ba zhes bya ba ma bsams par 'phral la byung ba yin no/ /bzhag pa zhes bya ba ni snga dro'i dus su zas tsam byin len byas nas nyi ma phyed las 'das pa'i phyir yin te/ de la byin len byas nas gro las 'das par gyur pa ni bzhag pa yin no/ /thun mong ma yin pa'i bar chad ni gle 'dams pa la sogs pa'o/ /dge slong ma bar du zhog la zhes bya ba ni las byed pas dge slong ma la dri bar bya zhing dge slong mas bsnyen par rdzogs par 'dod pa la dri bar bya ba yin no/ /khrag ni zla mtshan gyi dus kyi khrag yin no/ /ji lta bu 'am de lta bus zhes bya ba ni thabs gang gis sam de yis so/ /dge slong gi mal stan gyi lhag ma zhes bya ba ni gang dge slong las bsnga? bas pa de dag las lhag mar gyur pa gang yin pa'o/ /rim bzhin du zhes bya ba ni mthar gyis gzhol ba dang/ 'gor ba med par ro/ /the tshom dgrol tsam du zhes bya ba ni the tshom bzlog pa la 'jug pa 'am/ yang na khong du chud pa tsam gyi phyir te/ khong du chud pa ni go ba yin te/ yongs su shes pa'i rgyus 'dri bar byed pa zhes bya ba'i bar du'o/ /sked chings zhes bya ba ni thams cad du glo bcing bar bya ba'i don gyi gos la sogs pa kho na la sked chings su bstan pa yin no/ /brang chings zhes bya ba ni nu ma la lhod ba'i dngos por mi 'gyur bar sgrub par byed pa nu ma bcings pa'i thabs su gyur pa'i chings ma thams cad la byang chings nyid du brjod pa yin no/ /mdzes gyur gyi bar chad ces bya ba ni nu ma phan tshun mi 'byar bar bya ba'i don du gos las byas pa'i bar chad ni mdzes gyur gyi bar chad yin te/ des nu ma dag mdzes pa'i gnas skabs sgrub par 'gyur ro/ /mi gtsang ba 'dzag cing 'byung ba'i sa phyogs ni ljan ljin no// mi dga' bar 'gyur ba ni 'dir co 'dri ba 'am/ gdung bar skye bar byed pa'o/ /mtshan bzang ma zhes bya ba ni bud med dag la snyan pa'i tshig yin te/ dpal gyis mtshan pa'i mdzes pa'i mtshan nyid gang la yod pa de ni 'dir mtshan bzang ma'o kye mtshan bzang ma zhes bya ba ni 'bod pa'i tshig yin no/ /bdag mi dga' bas gzir ba zhes bya ba de ni kho mo sems skyo bas gzir bar gyur pa'o/ /lhung bzed chen po ni lhung bzed chen po'o/ /brgyad pa zhes bya ba ni mngon sum du bsdigs pa'o/ /smad pa zhes bya ba ni smod pa yin no/ dge slong ma mi srun pa khyed kyis zhes bya ba ni khyed cag las gzhan dag gis tshul ma yin pa'i las byas pa de'i phyir khyed cag kun gyis mthong ba kho na zhes bya ba de lta bu yid la byas nas tshig brjod pa yin no/ /bsam gyis mi khyab pa zhes bya ba ni ji ltar rnam pa 'ga' zhig gis de bskyod par gyur ces bya ba'i dngos po de bsam gyis mi khyab pa yin te/ las kyi nus pa sna tshogs pa nyid kyi phyir ro/ slob dpon tshul khrims bskyangs kyis nye bar sbyar ba phran tshegs kyi tshig gi rnam par bshad pa ste sgo drug pa rdzogs so/ / //rtswa chun zhes bya ba ni dub pa yongs su spang bar bya ba'i phyir rjes su gnang ngo zhes bya ba pa'i dbang du byas nas rtswa'i khres po 'jam po la bya'o/ /gnyung mar gnas pa zhes bya ba ni gang rtag par gnas pa'o/ /bsrung ba dang/ skyob pa dang/ sped par byed do zhes bya ba la pha rol po'i dpung gi tshogs kyi 'jigs pa las bsrung ba dang/ yams las skyob par byed pa dang/ rang gi dpung gi tshogs kyi 'jigs pa las yongs su bsrung ba'i sped par byed pa yin no/ /gnod sbyin 'dus par zhes bya ba ni gnod sbyin 'dus shing tshogs par gyur par ro/ /rang gi rigs dang skal pa mnyam pa'i rgyud kyis zhes bya ba ni rang gi rigs brgyud las 'ongs pa'i tshogs so/ /btsas pa zhes bya ba ni me skor gyi cha byad dam bu btsas pa yin te/ de 'dus byas shing mdzes par byas pa yin no/ /ri ste ri bo las bya khrung khrung skad 'byin cing sgrog par byed do/ /spyod yul zhes bya ba ni nges par yongs su tshol bar byed pa'i gnas yin no/ /bcugs pa ni yid bstan pa'o/ /mdza' ba ni mdza' bor gyur pa'i dgar? ba ni gnyis kyis gnyis snyoms par 'jug pa'o/ /yid bde ba ni phan tshun sems rjes su mthun pa yin no/ /gang gi tshe bdag po'i yul la bcugs pa la sogs pa lhag par kun tu spyod pa de'i tshe bcugs pa la sogs pa mang por 'gyur ba yin no/ /nags ma'i gnas la sogs pa dbang ba gang yin pa de dag ni 'dir gnas thams cad la dbang byed pa yin no/ /rtag tu bsam pa'i sgo nas gnod pa la 'jug pa'i phyir la 'khon yin no/ /gsal bor gnod pa rtsom par byed pa nyid kyi phyir dgra yin no/ /phag nas gnod par byed pa gang yin pa de snying ring bar gyur pa'o/ /smyos nas du zhing zhes bya ba ni smyos nas smra ba'o/ /'gyel ba zhes bya ba la sogs pa la/ kha cig tu ni 'gyel bar byed/ kha cig tu ni sa la ltung bar byed/ kha cig tu ni steng du mchod zhing rgal bar byed/ /sal 'gre ba ni kun nas 'gre zhing yongs su 'gre bar byed pa'o/ /kha cig tu ni pus mo gnyis kyis 'gro bar byed pa'o// kha cig tu ni tsog bur 'gro bar byed do/ /yid chad par gyur te zhes bya ba ni bu dang bral bas spro ba med par gyur pa'o/ /yang na bsam pa med par gyur/ /de lta bu rnyed pa'i bsam pa dang bral bar gyur pa'o rjes su soms shig ces bya ba ni dpyad par bya ba 'am/ yongs su dpyod par gyis shig pa'o/ /mngal ni nad na sems can gnas pa'o// //sngon gyi las kyi rnam par smin pas 'phangs pa zhes bya ba ni sngon gyi las kyi tshogs pas 'phangs pas thob par gyur pa'o/ /sog ma la sogs pa'i rtswa las bsgrubs pa'i a mra'i 'bras bu 'khyer ba'i thabs su gyur pa ni snod yin no/ /gtum po ni drag po'o/ /tshon ngur smrig gis kha sgyur ba'i gos ni ngur smrig go /tshangs ni gos kyi dum bu'o/ /nyos pa ni thar pa'i phyir rin 'byin pa'o/ /gtor ma zhes bya ba ni de dag gi ched dus phyogs gtsang ma bza' ba dor ba gang yin pa de ni gtor ma'o/ /lta bar byed pa zhes bya ba ni glo skar la sogs pa las so/ /bal lcis skyang nus byas pa la 'dir yongs su sbyangs par bzhed do/ /skyes pa'i chu dogs zhes bya ba ni skyes pa khrus byed pa'i sa phyogs yin no/ /lam gyi bzhi mdo ni lam bzhi 'dus pa'o/ /sdom pa skye ba'i snod ma yin pa ni skye ba'i chos nyid med pa'o/ /bud med kyi mtshan dang bshad pa'i lam dang bcas pa gcig tu gyur pa gang la yod pa de ni 'dir gle 'dems pa yin no/ /bud med kyi dbang po las rtag tu khrag 'dzag pa gang yin pa de ni rtag tu zla mtshan 'dzag pa yin no// gang gi mngal gnas pa'i gnas na zla mtshan med pa de ni zla mtshan med pa ste zla mtshan ni khrag yin par bstan to/ /mtshan ma tsam zhes bya ba ni gang gi mtshan ma tsam yod pa yin te/ yongs su ma rdzogs pa'o/ /gsang ba'i phyogs dag pa pa'i thabs su gyur pa ni sme gab bo/ thu zhes bya ba ni mchil ma gtor ba'o/ /bshags par bya ba'i kha na ma tho ba byung ba phyir bcos pa'i bsam pas rang gi ngo bo 'bral ba yin la/ gang gi mdun du bshags pa byed pa de la kha na ma tho ba med pa'i yul la ji lta ba bzhin du shes pa skyed par byed pa ni bshags pa yin no/ /sems kyis kyang 'chab pa'i blo med pa ni mi 'chab pa zhes bya'o/ /reg par gnas par 'gyur ro/ /zhes bya ba ni nyes pa med pa thob pa las bdag gi sems kyi bde ba chen por 'gyur ro// skyengs par gyur to zhes bya ba ni ngo tsha bar gyur pa ste/ ji ltar bya ba la rmongs par gyur ces bya ba'i tha tshig go /yongs su dag pa zhes bya ba ni ltung ba med par gyur pa'o/ /lta ba mthun pa zhes bya ba ni gang gi lta ba rnam par 'ga' zhig kyang tha dad pa med pa de la 'dir lta ba mthun par bzhed do/ /thun mong ni bsnyen par rdzogs pa'i las yin no/ /'jigs par gyur te zhes bya ba ni las byed pa'i phyir dag gi byed pa mi gsal ba yin no/ /sems gzhan du mi 'gyur bas dpyod par byed pa ni nges par brtags pa yin no/ /brtul ba ni 'dir skems par byed pa'o/ /mal stan gyis stong pa'i rtsa'i lhas ma can ni khri'u ma g.yogs pa'o/ /dran pa nye bar gzhag pa ma yin pa ni dran pa rmongs pa can yin par bzhed do/ /legs par bgos shing zhes bya ba ni stod g.yogs so/ /legs par g.yogs pa ni 'og tu bgo ba'o/ /legs par rgyan pa zhes bya ba ni rgyan sna tshogs kyi bye brag gis so/ /chang gi btung ba la 'kho ba'i gnas ni chang 'tshong gi gnas/ /thabs 'di ni legs pa zhig ste zhes bya ba ni nor bsgrub pa'i thabs 'di ni bzang po zhig go / zod ni chang sgrub pa la nye bar mkho ba'i rdzas te phabs sam/ rin gyi rnam grangs yin no/ /sems kyi bya bas nye bar mtshon pa ni phra dog yin la/ ma bzod pa ni brnag pa'i nus pa med pa'o/ /rnyed pa dag 'phel bar gyur to zhes bya ba ni rgyas par gyur pa'o/ /mi 'dza' ba rnams kyi gnya' bar rdog pas mnan la zhes bya ba ni gnod pa byed pa la gzhol ba khyod tshar bcad nas stobs kyis chang 'tshong gi gnas la 'jug par bgyi'o zhes bya ba yin par dgongs so/ /'dir 'dzud par byed pas na 'dzud pa ste/ bud med kyi zag byed kyi lam yin la/ gzhug par rung bas na 'dzud mthun ma yin pa 'am/ 'dzud pa'i las ni 'dzud mthun ma ste de las bsgrub par bgyi/ 'jug par bgyi/ las su bgyi'o zhes bya ba'i bar du'o/ /bzhin byad dang ldan pa zhes bya ba ni mdangs dang ldan par gyur pa'o/ /ji ltar rung ba zhes bya ba ni skyes bu ngan pa dang/ 'bring dang/ mchog la rung ba nyid du 'gyur ba'o/ /nyes pa sbom por 'gyur ro zhes bya ba ni mi tshangs par gyur pa'o/ /bran mo spyod pa'i gnas de la 'jug par byed pa ni zhi ba bsgrub par bya ba'o/ /ras la byas pa'i sgra ni ja to ro/ /srad bu las byas pa de la nye bar mkho ba'i snod bkur ba'i thabs su gyur pa ni dra ba yin no/ /de'i zhal tu byed pa yin pa'i phyir dra ba chen po'i zhal ta byed pa'o/ /dgos pa byung na zhes bya ba ni rkun pa la sogs pa thag nye bar gyur na'o// dgon pa na gnas pa zhes mthun pa zhes bya ba ni rin thang chung ba'o/ /don du brjod pa ni bskur ba btab pa'o/ /bya ba ma yin pa khong du chud par byed pa ni 'dir bslab pa yin la/ gus pa med par khong du chud par byas pa dang? bslab pa'i yul la rab tu bcug pa ni rjes su bstan pa yin no/ /'gal tshabs can du 'gyur ro zhes bya ba ni dge slong ma la reg pa tsam kho na la nyes byas kyi nyes pa dang ldan par gyur zhing/ reg pa bdag gir byed pa ni ji ltar lus kyis kun nas reg pa'i bya ba bstan pa de ni 'dir yang bya ba yin par rig par bya'o/ gnod par gyur pa la sbyin pa rjes su gnas pa'i gos ni sham thabs kyi gzan yin no/ /dran pa nye bar zhag la zhes bya ba ni tshul bzhin yid la byed pa gtso bor gyur pa'i dran pa mngon sum du byas pas so/ /bud med sdug pa dang bral ba dag lag pa gnyis kyis rang gi dpung ba'i rtsa ba la snun par byed pa ni brang rdung bar byed pa'o/ /skyed mos tshal zhes bya ba la sogs pa la/ me tog la sogs pa'i shing gis nye bar mtshan pa ni skyed mos tshal yin no/ /drang srong gi gnas ni dka' thub kyi gnas yin no/ /grong khyer las phyi rol gyi nyen kor gyis ni nyen kor yin no/ /ston zla 'bring po'i nya'i dus ston chen po ni dga' ston du rab tu grags pa yin no/ /de dang 'dra ba'i dus 'di ni dus ma yin pa'i dus ston no/ /sngon gyi legs par spyad pa zhes bya ba la sogs pa la/ khyed kyis skye ba snga ma la legs par spyad pa ste/ las byas shing bsags pa gang yin pa de nyid bsod nams kyi las kyi tshogs sdud par byed cing dga' ston 'di'i rgyur gyur pa yin no/ /gnas ma yin te zhes bya ba ni 'di la yod pa ma yin te/ 'dod pa yongs su longs spyod pa'i rgyun nyon mongs pa spangs pa yin pa'i phyir ro/ /nye bar yongs su longs spyod pa zhes bya ba ni bdag gi byas nas yongs su longs spyod pa'o/ /rdzu 'phrul mngon par bsgrubs pa zhes bya ba ni dbang po rno ba de nyid kyi phyir de'i rdzu 'phrul bskyed pa yin te/ des ni 'di skad du thams cad du phyir mi 'ong ba'i rdzu 'phrul bskyed pa nyid du rung bar 'gyur pa yin no zhes bya bstan par 'gyur ro/ /yang dag par byung ba zhes bya ba ni shugs kyis rdo rje lta bu'i ting nge 'dzin thob pas khams gsum las byung ba yin no/ /rnyed pa ni des khams gsum po'i gnyen po thob pa'o/ /rang gi don phun sum tshogs pa'i phyir bsnyes pa yin no/ /gzhan gyi don phun sum tshogs pa'i phyir rnyed pa rnyed pa'o/ /rus pa'i 'khrul 'khor zhes bya ba ni phan tshun du 'brel ba'i rus pa'i tshogs so/ /rgyan med pa zhes bya ba ni nang gi mdzes pa'i dngos po dang bral bar gyur pa'o/ /sems zlog cig ces bya ba ni 'dod chags dang kun nas 'brel ba'i sems yongs su spongs shig pa'o/ /sems can dmyal bar ltung bar gyur ta re? zhes bya ba ni rab tu byung ba'i yul la zhe sdang gi sems bskyed pa las sems can dmyal bar gcig tu ltung bar 'gyur ro/ /khyim pa'i las zhes bya ba la sogs pa la/ khyim pa'i las khyod kyis thams cad kyi thams cad du yongs su spangs nas so/ /khyod kyis bsnyen par rdzogs pa dang khas blangs pa 'di ltar kun nas chags pa'i sems kyis skyes pa la lta ba sogs pa soms shig pa'o/ /cung zad 'bab pa ni char 'bral du 'bab par 'dod pa 'am/ cung zad cung zad 'bab pa'i phyir cung zad 'bab pa'o/ /mi mthun pa zhes bya ba ni nor byed pa med pa'i ngang tshul can yin no/ /g.yul 'gyed pa la brtson pa ni gyang yin la/ ras gcig bcings pas na gyang bar go ca bgos pa'o/ /gyang chen po zhes bya ba ni gzhung gzhan yin te/ chen po ni yan lag shin tu rgyas pa dang/ lus che ba yin no/ /rdo leb kyis zhes bya ba ni rdo'i dum bus so/ /gos bcus pas zhes bya ba ni gos bsgril bas so// // slob dpon tshul khrims bskyangs kyi nye bar sbyar ba phran tshegs kyi tshig gi rnam par bshad pa ste sgo bdun pa rdzogs so/ / //mchod rten ni rus pa bzhag pa'i don gyis 'jim pa'i phung po'o/ /rang bzhin yongs su nyams pas zhes bya ba ni skye bo dam pa'i rang bzhin las ltung bar gyur pa'o/ /sbyar ma byin gyis brlabs par zhes bya ba ni mtshon gyis kun nas bsnan tu mi rung bar snyoms par 'jug par byas pa'o/ /nang dang bcas par gyur pas zhes bya ba ni 'khor bar gyur pas so/ /de la ma bltas par zhes bya ba ni dge slong ma lus 'dud pa'i lus bor nas so/ /gzu bo byed pa zhes bya ba ni drang por byed pa'o/ /dgag dbye la gso sbyong yod pa ma yin te zhes bya ba ni dgag dbye byas nas gso sbyong bya ba ma yin pa'o/ /rnam par dag pa'i phyir zhes bya ba ni ltung ba'i dri ma rnam par spyod pa'i phyir ro/ /sems gtod pa zhes bya ba la gtod pa ni 'dir 'khon yongs su spangs pa yin no/ /glags pa ni glags sam dral ba 'am phug par gyur pa'o/ /shad kyis sbyong bar byed pa zhes bya ba ni dbang byed pa la 'jug par byed pa po yin no/ /kho bo phyogs de nyan par yang mi 'dod na zhes bya ba ni kho ba phyogs de sngar mthong ba nyid kyi sgo nas mthong ba nyid myong bar yang mi 'dod do/ /mthar thug pa zhes bya ba/ tha mar gyur pa 'am mthar thug pa ste/ tha mar gdon mi za bar 'di ltar 'gyur ro zhes nges pa'i sgo nas shes par 'gyur ro zhes bya ba'i tha tshig go /'dod chags la sogs pa mi dge ba'i rtsa ba mang du byas pa'i phyir ma chags pa la sogs pa yongs su spangs pa yin la/ chags pa med pa la sogs pa mang du byas pa las 'dod chags la sogs pa yongs su spangs pa yin no/ /phan tshun dga' zhes bya ba ni mdza' ba'i tshig brjod pa sngon du song ba'i sgo nas sgrub par byed pa yin no/ /gtsug phung 'breg pa'i dus ston zhes bya ba la sogs pa la nyi ma gang la byang chub sems dpas dbu skra bregs te steng gi nam mkha' la bor ba dang/ brgya byin gyis blangs nas mtho ris gnas su bzhag par gyur pa'i nyi ma de la dad pa dang bram ze dang khyim bdag gis dus ston byas pa de la gtsug bud? bregs pa'i dus ston du rnam par bzhag pa yin no/ /byang chub sems dpas khyim gyi gnas nas lo lnga pa las byung ba'i lnga ston no/ /thams cad mkhyen pa'i ye shes brnyas par gyur pa ni dus ston chen po zhes bya'o/ /sred pa la spyod pa zhes bya ba la/ sred pa ni sems kyi zhen pa'o/ /gnyis sam gsum zhes bya ba ni dge slong ma'i gnas brtan dag go /'khor dang mdza' bo ji lta ba bzhin du zhes bya ba 'khor gyi rnam par dbye ba dang/ smos 'drin la sogs pa rnam par dbye ba ste/ gang gi 'khor yin pa'i 'khor dang bcas pa des phyogs gcig tu 'khod cing 'khor med na ni smos 'drin la sogs pa zhes bya ba'i bar du'o/ /ji ltar rnam par 'byed pa las ltung byed rnams kyi bcu tshan gsum pa brtsams pa na dge slong ma'i ston pa'i blo mthun byas pa de kho na bzhin 'dir yang yin pas 'dir gzhung mangs pa'i 'jigs pas spros nas ma bris so/ /yongs su dag pa brjod par bya'o zhes bya ba ni dge slong ma'i dge 'dun ma'i gso sbyong gi bar du gcod par byed pa nyes pa'i dri ma dang bral lo zhes bya ba de ltar brjod par bya ba yin no/ /phyi bzhin 'brangs te zhes bya ba ni rjes bzhin du song ba'o/ /dum bu lnga pa zhes bya ba la sems can dmyal ba la sogs pa'i rnam par dbye ba lnga dang ldan pa 'khor lo dang 'dra bas na 'khor ba'i 'khor lo'o/ /gso sbyong ni dge slong ma'i dge 'dun gyi'o/ /de mi gsal ba zhes bya ba ni brda' la mi mkhas pa'o/ /de dag gis dge slong gzhan la ma gsol bar zhes bya ba ni dge slong mas lung ston pa'i sgo nas blo mthun med par ro/ /ma spobs te zhes bya ba ni zil gyis non par sla ba'o/ /skyes bu tha mal pa zhes bya ba ni spyod pa de man par gyur pa'o/ /bsod nams ma yin pa mang du 'phel bar 'gyur ro zhes bya ba ni bdag nyid bsod nams ma yin pa nyid du rung ba mang du byed par 'gyur ba'o/ /mtshan bzang mo zhes bya ba ni mtshan mdzes pa yin no/ /cung zhig ces bya ba ni rnam par 'tshe ba zad du ma gyur cig ces bya ba'i bar du'o/ /legs par gsol lo zhes bya ba ni dngos por gsol bar bgyi'o/ /shin tu gsol lo zhes bya ba ni khyed la bde ba skyed par byed pa gsol bar bgyi ba'o/ /dga' bar gyur nas zhes bya ba ni ji ltar khyim der me tog gi phreng ba brgyus pa de bzhin du khyim gzhan dag tu shin tu mdzes par brgyus par gyur pa'o// rnyed pa skyes shing brnyes pa thob pa zhes bya ba la skyes pa ni 'dir bsnyen bkur yin par 'dod la bca' ba'i rin thob pa'o/ /gzhan gyis 'tsho zhes bya ba ni gzhan gyi 'tsho ba'i thabs su gyur pa'o/ /khyim gyi bya ba ni khyim gyi brel pa yin no/ /chang mnan pa zhes bya ba ni sbyar ba'i chang la sogs pa'i myos pa'i tshogs snod cig tu bcug pa yin no/ /chang nyams pa phyis chang nyid du red pa ni slar rung bar gyur pa'o/ /gzhan gyi 'tsho ba nyams pa'i rgyu skyed par byed pa nyid yin pa'i phyir kha na ma tho ba'i sbom por 'di ni ma byin par len pa'i pham pa gcod par gyur pa nyid yin no/ /kha bstod pa byas nas zhes bya ba ni bsam pa'i kha ring du bsrings nas so/ /gla byin gyis zhes bya ba ni gla'i sgo nas sbyin par byed pa'o/ /tshong dus kyis tha snyad du byed pa'i phyir tshong pa'o/ /tshong glas nas zhes bya ba ni ji ltar dgos pa'i dngos po nyos nas so/ /ma 'ongs pa lung ston pa'i sgo nas 'tsho ba rtog par byed pa dang/ khye'u dang bu mo dag gtor ma dang gla zan byin pa'i sgo nas srung bar byed pa gang yin pa da ni lha bo na mo'o/ /dril bu dkrol zhing zhes bya ba ni dri ma med pa dgrol bar brel bar gyur pa'o/ /ci'i phyir zhe na/ ston pa'i phyir zhes smos pa yin no/ /sngon gyi las kyis ni 'phral du 'am las kyi shugs kyis so/ / dkyil 'khor dang me tog la sogs pa lung ston par byed pa la nye bar 'khor ba ni lha'i gzugs brnyan me tog dang bdug pa dang dril bu la sogs pa'i tshogs dang ldan pa ni lha rten yin no/ /skra 'chad cing zhes bya ba ni rnam par 'chag pa'i sgo nas 'chad par byed pa yin no/ /bdag rdzas kyi phye mas zhes bya ba ni skyu ru da'i phye ma la sogs pa'o/ /rgyun la gnas nas zhes bya ba ni rgyun las bzlog pa'i reg pa bdag gir byed pa ste/ mi tshangs par spyod pa'i pham pa gcod par gyur pa'i nyes ba sdom por 'gyur ro/ /ri'i rtse mo'i tshul lam zhes bya ba ni ri'i rtse mo'i rnam par ro/ /byang chub kyi shing gi lo ma'i rnam pa lta bu zhes bya ba la/ byang chub kyi shing ni pi pa la'i shing yin te/ de'i lo ma dang 'dra ba ni gcig yin no/ /shing n+ya gro d+ha'i lo ma dang 'dra ba 'am/ lag mthil gyi rnam pa lta bu ste zur bzhi pa lta bu ni gnyis pa yin no/ /dga' ba 'phel nas zhes bya ba ni rnyed pa 'phel ba'i don du'o/ /rmi lam du rmis pa ni rmi lam du zan ni sbru ma'o/ /zhag ma bud nas zhes bya ba ni zhag ma yongs su bud par gyur pa'o/ /'khar gsil ni sgra sgrogs par byed pa'o/ /lo ma'i bkang sa ni lo mas g.yogs pa yin no/ /til drus ma dang bsres pa'i 'bras kyi phye ma las sbrus shing mar gyi nang du btsos shing mar skams la srab pa bza' ba'i bye brag ni 'bras khur yin no/ /'bras chen zhes bya ba la sogs pa la 'bras chen dang btung ba 'di btung bar byed pa ni sgra khrog khrog zer ba dang/ 'bras khur ni khrum khrum zer ba'o/ /la phug ni chom chom zer pa'o/ /lo ma la sogs pa ni lcab lcab zer ba'o/ /mdzes pa ni gar mkhan yin no/ /dge 'dun gyi nang nas byung nas tha dad par yongs su longs spyod pa ni bshos tshur 'dren pa'o/ /'bras bu la sogs pas bkol ba ni bska ba yin no/ /phyogs gcig tshig pa'i phyir tshig pa'o/ /kun nas tshig pa'i phyir rab tu tshig pa'o/ /rnam par khyab pa zhes bya ba ni rma nyams par gyur pa'o/ /sen mos zhig par 'gyur ro zhes bya ba ni zad par byed pa'o/ /slar 'tsho ba zhes bya ba ni rang bzhin du gnas pa'i sgo nas gyur pa'o/ /ba mo ni khyim spyod pa 'am byed pa zhes bya ba'i bar du 'am/ yang na byi ba'o/ /'phang ba nyid du brtsams pa zhes bya ba ni shing la yongs su rgyu ba nyid du brtsams pa'o/ /chos gos la khyad par med pa yongs su longs spyod pa zhes bya ba ni snam sbyar yongs su ma brtul ba yin no/ /rgyal po'i gnas lta bu zhes bya ba ni chos gos thams cad kyi mchog tu gyur pa yin pa de'i phyir de yongs su brtul bar bya ba yin no/ /lam la brten nas 'tsho ba gang yin pa de ni lam gyis 'tsho ba ste/ tshig skyel la sogs pa'o/ /gsob lam gyis 'tsho ba ni rkun po la sogs pa'o/ /brdegs shing rab tu brdegs te rnam par bshig pa zhes bya ba ni chung ngu dang 'bring dang chen pos rim pas zil gyis gnon pa'o/ /brdegs pa la sogs pas gang las 'jigs pa med pa zhes bya ba ni rnam pa thams cad du skrag pa med pa'o/ /dge slong gi spyod yul can zhes bya ba ni dge slong gi tha snyad la mkhas pa 'am bka' la mkhas pa'o/ /slu bar byed pa zhes bya ba ni rdod par byed pa yin te/ rnam pa gzhan nyid du ston pa'i phyir ro/ /'phel nas zhes bya ba ni lhag ma'i tshig yin no/ /rigs pa smra ba la mkhas pa zhes bya ba ni rigs pas lan ldon pa la mkhas pa'o/ /rgyud 'jam pa la mkhas pa zhes bya ba ni sems brtse bas 'jam por gyur pa'o/ /grong khyer ai tsa a nad ka la de dang thag nye ba na gnas pa aud ka Ta zhes bya ba'i grong brdal te/ aud ka Ta kun nas longs spyod par byed pa'o/ /khyad par ji lta bu zhe na/ rgyas pa zhes bya ba smos te/ rdzas la sogs pa'i yod byad dang ldan pa'o/ /gla bskyed dang bcas pa zhes bya ba ni gla bskyed dang bcas pa 'jug pa'i phyir gla bskyed dang bcas pa nyid do/ /gla bskyed ni sho gam gyi gnas las byung ba'o/ /rtsa dang shing dang chu dang bcas pa rnams zhes bya ba ni rtswa la sogs pa dang shin tu 'byor cing ldan pa'o/ /'don pa dang ldan pas na bram ze'i bu'o/ /bstan bcos du ma thos pa'i phyir mang du thos pa'o/ /thams cad du rung ba'i tshig la 'jug pa'i phyir rigs pa'i tshig ste/ lan ldan pa'i dus su rab tu rigs pa'i tshig 'di la yod pas na zhes bya ba'i dbang du byas nas so/ /skabs dang ldan pa 'brel pa'i tshig snyan pa'i ngang tshul gyi rang bzhin gang la yod pa de ni snyan par smra ba can te/ snyan pa zhes bya ba ni skad kyi dbyings kyi tshul 'di yin pa de'i phyir rang gi gnas rab tu 'pho ba dang 'brel ba'i tshig smra ba gang la yod pa de la de skad ces bya'o/ /smrang zhes bya ba ni rig byed rnam par 'brel pa'i ngang la 'dir smrang du bzhed do/ /phyogs zhes bya ba ni phyogs bzhi'o/ /mtshams zhes bya ba ni phyogs mtshams bzhi'o/ /dge ba zhes bya ba ni rnam pa thams cad du nyes pa med pa nyid kyi phyir ro/ /snyan pa dang sgra dang tshigs su bcas pa zhes bya ba tshig gsum po de dag ni don gcig yin te/ don ji lta ba bzhin du gsal bar byed pa'i phyir ro/ /gang gi tshe cig car gcig la rab tu sbyor bar 'gyur pa de'i tshig gsum po 'di dag tha dad pa'i bye brag ston par byed pa yin par rig par bya'o/ /de'i khyad par ni 'di yin te/ mchog tu phan 'dogs par byed pa chos bstan pa la sogs pa yon tan gtso bor gyur pa dag gi grags pa rnam par rgyas pa ni snyan pa'i sgras brjod pa yin te/ de ltar yang de chos ston pa ni thog mar dge ba zhes bya ba la sogs pa gsungs pa yin no/ /rang gi don gtso bor gyur pa'i yon tan dag gi snyan ba rnam par rgyas pa ni sgra smos pas bzung ba yin te/ de ltar yang de bzhin gshegs pa dgra bcom pa yang dag par rdzogs pa'i sangs rgyas de zhes bya ba la sogs pa smos pa yin no/ /'brel pa dang rjes su mthun pa'i grags brjod par byed pa ni tshigs su bcad pa yin no/ /de bzhin gshegs pa zhes bya ba ni phyin ci ma log par gsung pa ste/ dngos po ji ltar bde bzhin du byon pa nyid kyi phyir ro/ /'dir gang phyin ci ma log pa ston par mdzad pa zhes bya ba sangs rgyas bcom ldan 'das de ni ston pa nyid yin no/ /gang las de bzhin gshegs pa nyid du 'gyur zhe na/ dgra bcom pa yang dag par rdzogs pa'i sangs rgyas zhes bya ba smos te/ lha dang bcas pa'i 'jig rten gyis mchod par 'os pa dang/ nyon mongs pa spangs? pa nyid kyi phyir dgra bcom pa yin la/ 'gro ba ma lus par yang dag par zhugs pa'i phyir yang dag par rdzogs pa'i sangs rgyas yin te/ 'dis ni bden pa rtogs par mdzad pa'i rgyu nyid bstan pa yin no/ /nyon mongs pas zil gyis gnon pa dang/ mi shes pas zil gyis gnon pa ni log par smra ba yin te/ nyon mongs pa spangs pa dang/ yang dag par rdzogs pa'i byang chub thugs su chud pa de'i phyir 'dis mi bden pa ma yin par brjod pa yin no/ /nyon mongs pa spangs pa dang/ yang dag par rdzogs pa'i byang chub kyang gang las she na/ rig pa dang zhabs su ldan pa zhes bya ba smos te/ rig pa ni yang dag pa'i lta ba yin la/ zhabs ni lam gyi yan lag bdun yin pa de'i phyir 'dis ni 'phags pa'i lam yan lag brgyad pa nyon mongs pa dang/ yang dag par rdzogs pa'i byang chub kyi rgyu yin par bstan to/ /bde bar gshegs pa ni mdzes par gshegs pas na bde bar gshegs pa ste/ yang phyir mi ldog pa'i phyir 'dis ni ldog pa med pa'i ston pa nyid brnyed par bstan to/ /'jig rten skal pa dang ldan pa dang mi ldan pa mkhyen pa'i phyir 'jig rten rig pa'o/ /'dis ni ston pa'i mdzad pa dang po bstan pa yin no/ /ston pa'i mdzad pa yang rnam pa gnyis te/ skal pa dang ldan pa dang skal pa dang mi ldan pa so sor rtog pa ni dang po yin la/ skal ba ji lta ba bzhin du/ 'don par mdzad pa gnyis pa de bas na/ 'jig rten rig pa zhes bya ba 'dis ni dang po bstan to/ /gnyis pa stan pa'i phyir skyes bu 'dul ba'i kha lo sgyur ba zhes bya ba smos te/ skyes bu kho na 'dul bar bya ba dang/ 'dul bar 'os pa nyid yin pa'i phyir skyes bu 'dul ba ste/ de dag gi kha lo sgyur ba ni 'dul bar mdzad pa po yin no/ /skyes bu 'dul ba khyad par du 'phags pa zhes bya ba ni bla na med pa zhes bya ba yin te/ sor phreng can la sogs pa 'dul dka' ba rnams 'dul bar mdzad pa'i phyir dang/ 'dod pa'i bsod nams la rjes su sbyor ba dang/ bdag nyid kyi snyom las la rjes su sbyor ba yongs su spangs pa'i sgo nas bde bar mdzad pa'i phyir dang/ phyir ldog pa med par 'dul bar mdzad pa'i phyir kha lo sgyur ba bla na med pa yin te/ 'dis ni skal ba ji lta ba bzhin du 'don par mdzad bston pa'i phrin las gnyis pa bstan pa yin no/ /lha dang mi rnams kyi ston pa zhes bya ba ni ston pa'i mdzad pa'i snod yin te/ 'dis ni ston pa'i mdzad pa'i snod lha dang mi rnams yin gyi gzhan 'ga' zhig ni ma yin no zhes bstan pa yin no/ /sangs rgyas bcom ldan 'das zhes bya ba la/ sangs rgyas zhes bya ba ni sangs rgyas bcom ldan 'das su rab tu grags pa yin pa ste/ de la sangs rgyas shes rab tu grags pa gang yin pa de ni ston pa ste/ gong du smos pa'i yon tan de dag dang ldan pa nyid kyi phyir ro/ /zhes bya ba'i don 'dir 'gyur ro/ /'jig rten lha dang bcas pa zhes bya ba ni lha gtso bor gyur pa'o/ /bdud dang bcas pa zhes bya ba ni/ 'dod pa'i khams ma lus pa'i bdud gtso bor gyur pa de'i phyir bdud dang bcas pa zhes bstan to/ /tshangs pa dang bcas pa zhes bya ba ni 'khor dang 'brel pa rnams kyi tshangs pa gtso bor gyur pa de'i phyir tshangs pa dang bcas pa zhes bstan to/ /bram ze dang dge sbyong du bcas zhes bya ba ni mi rnams las dge sbyong dang bram ze gtso bor gyur pa de'i phyir/ dge sbyong dang bram zer bcas pa'i skye dgu zhes smos so/ /lha dang mir bcas pa'i zhes bya ba ni rgyud lngar skyes pa'i sems can dag las lha dang mi rnams kho na bden pa bzhi'i snod du gyur pa yin gyi/ gzhan dag ni ma yin pa de'i phyir lha dang ming bcas pa zhes bstan to/ /mthong ba'i chos nyid la zhes bya ba ni mngon sum du gyur pa'i skye ba la'o/ /bdag nyid kyis zhes bya ba ni gzhan gyis lung phog pa med par ro/ /mngon par shes pa zhes bya ba ni thams cad mkhyen pa'i ye shes kyis so/ /mngon sum du byas shing zhes bya ba ni the tshom med par shes pas so/ /thob pas nas zhes bya ba ni ye shes kyis kun nas 'gengs pa 'am/ chen po nyid du yongs su gcod pa'o/ /rab tu shes so zhes bya ba ni shes par 'gyur pa 'am/ gzhan dag la btsal bar byed pa yin no/ /ci zhig rab tu shes pa yin no/ /nga'i skye ba ni zad do zhes bya ba smos te/ kho bo'i skye ba'i srid pa rdzogs par gyur pa'o// skye ba'i srid pa zad pa yang gang las she na/ tshangs par spyod pa spyad do zhes bya ba smos te tshangs pa ni mya ngan las 'das pa yin la/ gang gis de la spyod pa ni tshangs par spyod pa ste lam yin zhing/ de la spyad pa ni bdag nyid thams cad kyis gnas par gyur pa'o/ /gang gi tshe 'phags pa'i lam yongs su rdzogs pa la gnas par byed pa de'i tshe/ mi mthun pa'i phyogs thams cad ldog par 'gyur ro/ /de'i don ni 'di yin te/ gang gi phyir mi mthun pa'i phyogs ma lus par ldog par rung ba'i tshangs par spyod pa la gnas pa de'i phyir skyed pa'i srid pa yongs su rdzogs pa yin no/ /de nyid kyi phyir skye ba zad par byas pa ni ma yin la/ byas pa ni skyes bu'i don yin no/ /skye ba zad par gyur kyang bar ma dor yongs su mya ngan las 'das pa'i srid pa bar ma do'i bya ba nyon mongs pa zad pa yang yod pa ma yin nam zhe na/ 'di las srid pa gzhan med do zhes bya ba smos te/ yod na srid pa bar ma do'i bya bar 'gyur te/ de nyid kyang yod pa ma yin no/ /gang la bya ba yod par 'gyur/ des chos bstan pa ni bstan pa'i chos so/ /thog mar dge ba zhes bya ba ni thos pa las byung ba'i shes pas yongs su bcad pa'i dus su bde ba bskyed par byed pa nyid kyi phyir ro/ /bar du dge ba zhes bya ba ni bsams pa las byung ba'i shes pas yongs su bde ba skyed pa nyid kyi phyir ro/ /tha mar dge ba zhes bya ba ni bsgoms pa'i dus su bde ba bskyed par byed pa'i phyir ro/ /dag par byed pa'i don nyid yin pa'i phyir don bzang po'o/ /tshig 'bru kha na ma thob med pa'i phyir tshig 'bru bzang po'o/ /de lta bu'i rnam pa'i chos bshad pa na/ don ci zhig ston par byed ce na/ smras pa tshangs par spyod pa ston par byed pa yin no/ /khyad par ji lta bu dang ldan pa'i tshangs par spyod pa yin zhe na/ yongs su rdzogs pa zhes bya ba smos te/ dum bur ma gyur pa nyid kyi phyir/ yongs su rdzogs pa dang/ skyes bu'i don skyed par byed pa'i phyir yongs su rdzogs pa'o/ /nyes pa yongs su spong ba'i rgyu nyid yin pa'i phyir yongs su dag pa'o/ /brtag pa'i gnas thob par byed pa nyid kyi phyir yongs su byad pa'o/ /mngon par 'dod pa'i don thob pa phyed kyi grogs la bltos pa med pa nyid kyi phyir 'ba' zhig go /tshangs par spyod pa zhes bya ba ni 'phags pa'i lam mo/ /ljongs rgyu zhing zhes bya ba ni/ dgos pa'i dbang gis 'gro zhing 'jug par byed pa'o/ /rnam pa gnyis su 'gyur ro zhes bya ba ni rgyud gnyis su 'gyur ba'o/ /'khor los sgyur ba zhes bya ba ni 'khor los rgyal srid la 'jug pa'i ngang tshul gyi rang bzhin gang la yod pa de ni 'khor los sgyur ba'o/ /ri rab la bltos pa'i mdza' bzhi gang la yod pa de ni mdza' bzhi pa ste/ gling bzhi pa'i bdag po byed ces bya ba'i tha tshig go /rnam par btul nas zhes bya ba ni rnam par rgyal ba'i ngang tshul can te/ 'di la mi rgyal ba'i yul yod pa ma yin no/ /zhes bya ba'i bar du'o/ /chos spyod pa'i phyir chos dang ldan pa'o/ /chos kyi rgyal ba can ni chos kyi rgyal po ste/ chos kyi rgyal srid byed pa'i phyir ro/ /rnyed dka' ba dang/ 'dod pa'i don gyi 'bras bu can yin pas na rin po che zhes bstan to/ /bang? mdzod la dbang byed pas na khyim bdag rin po che yin no/ /dmag dpon rin po che ni/ sgrub par byed pa'i bdag po'o/ /mchog tu spro ba dang ldan pa nyid kyi phyir dpa' bo'o/ /lus kyi bya bas pha rol gyi stobs zil gyis gnon pa'i nus pa bar ldan pa nyid kyi phyir bstan pa'o/ /yan lag dang nying lag mdzes pa nyid kyi phyir dang/ gzugs kha dog bzang ba nyid kyi phyir yan lag mchog gi gzugs so/ /kha cig ni de yan lag gi mchog gi stobs dang ldan pa zhes bya bar 'dod do/ /pha? rol gyi dpung gi tshogs rnam par 'joms pa yin pa'i phyir pha rol gyi sde rab tu 'dul bar byed pa rnams so/ /sa chen po smos pas ni gling bzhi pa yongs su bzung ba yin no/ /sa chen po de mngon par bkug nas zhes bya ba ni dbang du byas nas te/ kun nas gnon ces bya ba'i tha tshig go /gnas par byed ces bya ba ni/ bdag po byed pa'i sgo nas gnas par byed pa 'am/ longs spyod par byed pa 'am/ bsrung bar byed pa'o/ /khyad par ci lta bu can zhig ce na/ ma lus pa la sogs pa smos te/ ljongs thams cad las rgyal ba'i phyir ma lus pa'o/ /rgyal srid kyi dgra tsher ma med pa'i phyir dgra med pa ste/ gnod pa'i rtsom pa dang ldan pa'i rgyal phrug la sogs pa ni rgyal srid kyi dgrar gyur pa yin no/ /dag rtsub mo'i sgo nas gnod pa med pa'i phyir gnod pa med pa'o/ /rnam pa gang gis mngon par bkug pa yin zhe na/ chad pa med pa zhes bya ba la sogs pa smos te/ gser la sogs pa'i chad pas gcad pa la 'jug pa med pa'i phyir chad pa med pas so/ /mtshon chas tshar gcod pa med pa'i phyir mtshon cha med pas so/ /chos kyis zhes bya ba ni tshul gyis te/ sems can rnams dge ba bcu'i lam la so sor 'god par mdzad pa'i phyir ro/ /snyoms par zhes bya ba ni bag med pa ste/ shes rab phun sum tshogs pa dang ldan pa nyid kyi phyir ro/ /gang 'jig rten pa ni snyams par zhes bya ba snyan pa'i tshig gis zhes brjod par byed/ /de ste skra dang kha spu bregs nas zhes bya ba la/ na tshod la bab pa'i skra dang kha spu nang gi spras pa yod na rgyags pa bskyed par byed pa nyid kyi phyir de bregs pa yin la/ phyi rol gyi spras pa gos dkar po de yongs su spangs nas ngur smrig gis kha bsgyur ba'i gos bgos nas so/ /yang dag pa kho na'i dad pas zhes bya ba ni yon tan sngon du song ba'i dad pa ni/ yang dag pa'i dad pa ste/ des rab tu byung bar gyur na'o/ /'dir byung ba ni/ byung ba dang 'gro ba la 'jug ste/ khyim nas 'byung bar bya zhing/ khyim med par 'gro bar gyur na'o/ /gnas chung ngu ni khyim yin te/ khyim nas byung ba la chung ma dang 'dre ba zhes bya ba khyim chung ngu de yang med pa'i phyir/ khyim med par 'gro bar 'gyur ba'o/ /de bzhin gshegs pa zhes bya ba ni/ phyin ci ma log par gsung pa yin la/ nyon mongs pa la sogs pa'i dgra nges par bcom pa'i phyir dang/ khams gsum po ma lus pas mchod par 'os pa nyid yin pa'i phyir dgra bcom pa yin zhing/ dngos po thams cad phyin ci ma log par thugs su chud pa'i phyir yang dag par rdzogs pa'i sangs rgyas yin no/ /sgra grags par 'gyur ro zhes bya ba ni 'jig rten ma lus par snyan par rab tu grags par gyur pa'o/ /mchog tu brtsams la zhes bya ba de ni 'bras bu gtso bor gyur pa pa'o/ /rab tu rgan pa dag dang zhes bya ba ni mngon rgan pa dag las kyang shin tu rgan pa ste/ rgan zhing rgan pa de dag dang ngo/ /bcom ldan 'das gang na ba zhes bya ba ni bcom ldan 'das phyogs gang na bzhugs pa'i phyogs rgyur gyur pa der song ba'o/ /mngon du zhes bya ba ni mngon sum du'o/ /yang dag par dga' ba ni phan tshun dge ba'i gtam 'dra bar byed pa'o/ /yang dag par mgu ba ni phan tshun yon tan brjod par byed pa'o/ /byas nas 'khod do zhes bya ba ni rdzogs par byas nas spangs pa 'am 'phangs par gyur pa'o// chos dang ldan pa zhes bya ba ni chos dang bral bar ma gyur pa'o/ /yang dag par bstan ces bya ba la sogs pa la/ mi shes pa shes par byed pa ni yang dag par ston par byed pa ste/ bya ba lung phogs pa zhes bya ba'i tha tshig go /yongs su shes par dang ldan pa le los bcom pa dag yang dag par bkod pa yin no/ /bya ba'i sgo nas dge ba la yang dag par bkod pa yin pa'i phyir ro/ /yang dag par gzengs bstod pa ni mos pa dman pa dag dngos po khyad par du 'phags pa la mngon par sbyor ba bskyed par byed pa'o/ /yang dag par dga' bar byas pa ni mos brgya che ba dag kyang las su bya ba chen po la spro ba yang dag par bskyed pa'i phyir las su bya ba de brjod pa yin no/ /skabs skabs su gtam zer ba zhes bya ba ni bar bar du gtam rab tu 'jug par byed pa'o/ /bla ma'i yul la gus pa med pa'i phyir ma gus pa yin la/ bdag nyid 'ga' zhig la yang bdag po nyid du lta ba med pa'i phyir/ zhes gus pa med pa ste/ rang dbang gis 'jug par byed ces bya ba'i bar du'o/ sems so zhes bya ba ni smra bar 'dod pa'o/ /rig pa gsum gang la yod pa de ni gsum rig pa yin te/ de yang nges brjod dang/ snyan dngags dang/ mchod sbyin gyi rig byed do/ /ji ltar ji ltar zhes bya ba ni/ yang dag par brjod pa la 'jug pa yin no/ /rnam pa gang gis 'gro ba dang 'ong ba zhes bya ba la sogs pa la/ de lta bu brjod par byed pa na gus pa med pa ma yin no/ /gang de dag ces bya ba la sogs pa la/ gtsug pud bsal bas skya med pa nyid kyi phyir mgo reg ste smad pa yin la/ mgo reg smod pa'i dge sbyong dag ni dge slong ngan pa mgo reg go /gnyen rnag gi tshogs gang la yod pa de dag ni gnyen nag po can yin te/ de ltar yang bram ze'i rigs ni dkar po yin la/ rigs gzhan dag ni nag po yin no zhes 'byung ste/ khyed shin tu rigs gzhan du gyur pa yin no zhes bya ba'i tha tshig go /skye dgu rnams kyi bdag po ni skye ba'i sgo nas bud med kyi yul skye dgu'i bdag po yin te/ skye dgu'i bdag po yongs su len pa gang dag yod pa ma yin pa de dag ni skye dgu'i bdag po med pa ste/ bu mo yongs su 'dzin pa gang la yod pa ma yin pa de dag ni 'jig rten pa rnams kyis shin tu smad pa yin no zhes bya bar dgongs so/ /de dag dang lhan cig tu nga 'di ltar gus pa med pa'i gtam yang dag par 'dre bar byed pa'o/ /don de dgos pa gang la yod pa de la ni don dang ldan pa ste/ don dang ldan pa yang yin la 'ongs pa yang yin pas na don dang ldan par 'ongs pa'o/ /gang zhig dgos pas rab tu 'jug pa de ni don dang ldan pas 'ongs pa yin no/ /khyod dgos pas da ltar yang bla ma'i khyim du gnas bcas pa de'i phyir gzhan gyi dbang dang mngags pa yin pa 'am/ yang na bla ma'i khyim du gnas bcas pa dag gi bla mar byed pa mngon sum du song ba can gyi kun tu spyod pa mi gnang ba de ni rigs pa ma yin no zhe na/ de'i phyir de'i gnas ma bcas pa ste zhes bya ba smos pa yin te/ de dag ni bla ma'i skye bo la bsnyen bkur ma byas par 'dir 'ongs pa yin te/ bram ze'i bu am pa sta bla ma'i khyim du gnas pa'i 'bras bu bla mar byed pa med pa'i phyir bla ma'i khyim na 'dug pa ma yin no/ /ma mgu ba ni thog mar khro bas zil gyis mnan pa yin no/ /khro bo sngon du song ba can gyis lus 'gyur bar byed pa'i phyir khros pa yin no/ /khro ba'i tshig brjed par 'dod pa de ni gtum por gyur pa yin no/ /yi ma rangs pa ni sems mgu bar ma gyur pa yin no/ /smra bar 'dod pa zhes bya ba ni tshig ngan pa'o/ /smod par 'dod pa zhes bya ba ni tshar gcod par byed 'dod pa'o/ /gleng bar 'dod pa zhes bya ba ni mngon par 'dod pa ma yin pa'i tshig smra bar 'dod pa'o/ / dran par bya ba nyid du 'dod pa zhes bya ba ni dran pa med pa dran pa bskyed par mngon par 'dod pa'o/ /da ltar gyi zhes bya ba ni yongs su shes pa med par skyes pa da ltar gyi dus su byung ba ste/ go rim gzhan ma yin pa zhes bya ba'i tha tshig go /yang na glang po che 'os pa gang yin pa de dag ni rgyal rigs yin te/ bram ze dag las dman par gyur pa yin no/ /bsnyen bkur mi byed ces bya ba ni 'di chen po yin no zhes bya ba de lta bu'i sems kyis 'dzin par mi byed pa'o/ /bla mar mi byed ces bya ba ni kho bo la bla ma'i gnas su blta bar mi byed pa'o/ /btsun par mi byed ces bya ba ni rigs bzang po yin no/ /zhes de ltar lta bar mi byed pa'o/ /mchod par mi byed ces bya ba ni lus kyis phyag 'tshal ba la sogs pa'i mchod pa mi byed pa'o/ /khug rta zhes bya ba ni bya'i rigs lus kyi tshang chung ba'o/ /bdag nyid ces bya ba ni shAkya rnams kyi grong khyer ro/ /bdag nyid kyis zhes bya ba gnyis pa smos pas ni grong khyer bdag nyid kyis byas pa nyid du ston par byed pa yin gyi/ grong khyer de dag gzhan gyis stobs kyis bzung bar gyur pa ni ma yin no/ /rgyud bcal ba ni dang por rgyud bsgrub pa'o/ /shin tu bya ba ni shin tu brgal ba'i don dang/ rdzun pa zhes bya ba'i bar du'o/ /skabs zhes bya ba ni gnas skabs yin no/ /chos bzhin du zhes bya ba ni tshul gyis so/ /rab tu 'dud pa ni tshar bcad cing gnas pa med pa zhes bya ba'i tha tshig go / ljongs tha mal pa ni yul 'khor yin la/ ljongs kyi phyogs gcig ni yul yin no/ /gangs ri'i drung zhes bya ba ni kha ba can gyis bskor ba'i ri bo'i sham? dgo /chu bo b+ha gi ra tha de dus de'i tshe drang srong gi dmod pas der khrid las de'i phyir b+ha gi ra ba'i 'gram zhes bya'o/ /da ltar ni dpag tshad bdun cus par du chod par chu bo gaM gA 'bab pa yin no/ /spyil po ni rtswa'i spyil bu'o/ /der 'dod chags des shin tu gnod par gyur pas skya bo bseng bseng bor gyur pa na drang srong ser skyas khyed cag ci'i phyir de lta bu'i rnam pa skyes par gyur ces dris pa na/ de dag gis ji ltar gyur pa smras pa dang/ drang srong gis 'di lta ste/ mas dbye'i sring mo dag dang lhan cig dga' mgur spyod cig ces smras pa dang/ de dag gis drang srong gi tshig tshad mar byas nas/ mas dbye'i sring mo dag dang dga' mgur spyod par gyur ces bya ba'i bar du'o/ /gzhon nu dag gis de ltar byed nus sam zhes bya ba la/ mas dbye'i sring mo dag dang 'tshos pa las ngan par gyur pa'o// ched du brjod pa ched du brjod de zhes bya ba ni mngon par 'dod pa'i tshig mngon par 'dod pa nyid kyi sgo nas rab tu sgrogs par byed pa'o/ /e ma'o nus so zhes bya ba la e ma'i sgra ni 'dir rab tu dga' ba yin la/ las nus pa gang la yod pa de dag ni shAkya yin la/ bsod nams chen po ni yon tan dang bsod nams kyis chen por gyur pa'o/ /thog ma ni dus rtsom pa yin no/ /rgyud ni rus kyi rgyud kyi 'brel pa'o/ /gdol pa'i rigs las skyes pa ni gdol ba'i rigs can nam/ gzhan 'ga' zhig gi rgyud kyi rigs yin no/ /kye zhes bya ba ni 'bod pa'i tshig yin no/ /dril phyis ni dri bzang po'i rdzas kyi phye mas so/ /rdo rje gang gi phyag na mda' ba de ni phyag na rdo rje'o/ /kun tu 'bar ba zhes bya ba la sogs pa la 'ga' dang 'ga' zhig na chung ngu 'bar ba yin no/ /'bar ba de dag nyid 'brel par gyur pa ni rab tu 'bar ba nyid yin no/ /rgyun mi 'chad pa nyid du 'bar bas na kun rab tu 'bar ba nyid yin no/ /kun tu 'bar ba dag gcig tu gyur pa ni gcig tu 'bar bar gyur pa nyid yin no// bsams pa ni tshig par gyur pa'o/ /dus las 'das pa ni dus la bab par gyur pa'o/ /theg mar dngangs pa'i phyir 'jigs pa yin no/ /skrag pa'i rgyu mthong ba'i phyir dngangs pa yin no/ /log par ltung srid pa'i phyir kun nas skyo ba'o/ /yongs su skyo bar gyur pa dmigs pa'i phyir ba spu ldang bar gyur nas so/ /khyed bden no zhes bya ba ni gau ta ma khyod kyis gsungs pa 'di lta ste/ bram ze'i bu am pa sta ni shAkya rnams kyi bran mo'i bu yin no/ /zhes bya ba'i tshig de ni bden pa'o/ /rdzu 'phrul che ba ni ting nge 'dzin grub pa'o/ /mthu che ba ni ngo mtshar nye bar ston pa'i nus pa dang ldan pa'o/ /bram ze'i dmod pas zhes bya ba ni tshig rtsub pos so/ /ngo tsha ba ni zhum pas ji ltar bya ba la sngos par gyur pa'o/ /phrag pa gnyis 'og tu ltung bar 'gyur ba nyid kyi phyir phrag pa phab pa'o/ /ngo tsha bas mgo thur du bltas pa ni gdong smad pa'o/ /bsams pa rnam pa sna tshogs kyi dbang du gyur pa ni rab tu sems pa'o/ /tshig smra ba'i nus pa med pa ni cang mi smra bar 'dug pa'o/ /smra bar bya'o zhes bya ba ni tshig rjod par bya ba'o/ /lhan cig 'tshos pa las zhes bya ba ni skyes pa dang bud med sbyor ba'i rgyur gyur pa'o/ /stan zhes bya ba ni nye bar 'dug pa'i dus kyi'o/ /chu zhes bya ba ni thog ma'i chu 'am/ rkang bkrus kyi chu'o/ /sngags zhes bya ba la rig byed kyi don rnam par 'brel pa ni sngags yin no/ /klog pa zhes bya ba ni rig byed la sogs pa klog par byed pa'o/ /rgyal rigs su dbang bskur ba ni rgyal rigs dag gi cho ga sngon du song ba can nye bar thob pa 'am/ rgyal srid la dbang bskur ba yin no/ /pha'i spun zla ni khu bo yin te/ de'i bu yin no/ /rgyal rigs phan tshun rigs mtshungs pa'i phyir spun zla yin te/ spun zla'i bu zhes bya ba ni gzhung gzhan no/ /sring mo'i bu ni rnag gi tsha bo yin no/ /thams cad tshangs pa nyid las skyes pa de'i phyir rgyal rigs ma yin bram ze'i phyir mo yin no/ /rnam pa kun las bram ze'i dag las phyi rol tu byas pa'i phyir bram ze'i digs ngan yin no/ /rus las zhes bya ba ni gang gi phyir rgyal rigs las phyi rol tu byas pa bram ze dag las stan la sogs pa thob pa yin la/ bram ze'i gzhon nu ni bram ze dag gis phyi rol tu byas pa bram ze dag las kyang stan la sogs pa thob pa ma yin pa de'i phyir rus la sogs pa bram ze dag las rgyal rigs gtso bor gyur pa yin no/ /phan tshun brgyud pas skyes pa ni rgyud yin la/ gau ta ma la sogs pa ni rigs yin te/ rkang gnyis gang dag rigs kyi rjes su 'brang zhing rigs dang 'brel pa de dag ni rkang gnyis nang na rgyal rigs mchog ste gtso bor gyur pa yin no/ /lha dang mir bcas pa'i 'jig rten dag gis yang rig pa dang zhabs su ldan pa ni mchog ste gtso bor gyur pa yin no/ /rig pa ni gsum ste/ sngon gyi gnas shes pa dang/ 'chi pho dang skye ba shes pa dang/ zag pa zad pa shes pa'o/ /rkang pa ni zag pa med pa'i tshul khrims yin pa 'am/ yang na rig pa ni zag pa med pa'i yang dag pa'i lta ba yin la/ rkang pa ni lam gyi yan lag bdun yin no/ /legs par bshad pa ni don bzang po dang ldan pa'o/ /go 'phangs bzang po dang ldan pa nyid kyi phyir bde 'gro'o/ /rang gi bu mo ster ba ni bag mar btang ba yin la/ gzhan gyi bu mo len par byed pa ni bag ma len pa yin no/ /rus smra ba zhes bya ba la sogs pa la rus ni rgyal rigs pa sogs pa yin no/ /rigs ni gau ta ma la sogs pa yin no/ /bram ze'i bu 'den pa dang ldan pa rig byed dang rig byed kyi 'dir yan lag rig pa gang yin pa de 'di lta ste bram ze'i rus dag par 'gyur gyi/ gzhan rgyal rigs kyi rus 'ga' zhig ce 'am/ gau ta ma'i rigs dag par 'gyur gyi/ rigs ma yin no zhes smra ba'o/ /bram ze'i bu 'don pa dang ldan pa dag par 'gyur gyi/ gzhan 'ga' zhig kyang ma yin zhes de skad smra ba de dag la chags shing zhen pa gang yin pa de dag ni skal ba med pa ste rung ba ma yin no/ /'di dag ni zhes bya ba ni bshad par gyur pa'o/ /bla na med pa zhes bya ba ni gtso bor gyur pa'o/ /rig pa dang rkang par ldan pa zhes bya ba ni rig pa dang rkang par 'byor pa'o// mngon sum du byas pa'i sgo nas khong du chud pa'o/ /spongs shig ces bya ba ni yongs su dor ba'o/ /'dir ltar mngon par dad par gyur pa zhes bya ba la sogs pa la/ kho bo bcom ldan 'das kyi yul la mngon par dang bar gyur pa ste/ yon tan la sems pa skyes par gyur ces bya ba'i tha tshig go / yon tan sems pa nyid bstan pa'i phyir gang yang ma byung ngo zhes bya ba la sogs pa smras te/ sangs rgyas bcom ldan 'das ma gtogs pa khyod dang yon tan gyi sgo nas mtshungs pa'i sems can gyi rigs 'ga' zhig 'das pa'i dus su ma byung la/ ma 'ongs pa'i dus su yang 'byung bar mi 'gyur zhing/ de ltar yang sangs rgyas gnyis pa med pa'i phyir 'khor ba'i dkyil 'khor ma lus pa na khyod dang yon tan gyi sgo nas mtshungs pa da ltar gyi dus na yang yod pa ma yin no/ /legs kyi zhes bya ba ni chos bstan pa rigs pa yin no/ /legs par rab tu nyon la yid la zung zhig ces bya ba'i tshig gsum po de dag ni nyan pa po rnams sems bskyed pa'i bye brag la nges par spyad pa yin te/ nyan pa po kha cig kha spub pa dang 'dral/ kha cig snod zhabs rdol ba dang 'dra zhing/ kha cig snod mi gtsang ba dang 'dra ba yin no/ /kha spub pa la chu 'jug par mi 'gyur zhing/ zhabs rdol ba la 'jug tu zin kyang gnas par mi 'gyur la/ mi gtsang ba la 'jug cing gnas su zin kyang btung bar bya ba ma yin pa de bzhin du/ 'ga' zhig gi yid la chos bshad par gyur pa na/ 'jug par mi 'gyur te/ 'dzin par mi nus pa'i phyir ro/ /kha cig la 'jug tu zin kyang gnas par mi 'gyur te/ brjed pa'i phyir ro/ /kha cig la 'jug cing gnas kyang tshul bzhin ma yin pa'i yid la byed pa'i dbang gis lag par bzung bar 'gyur pa de'i phyir/ 'dir bcom ldan 'das kyis snod kha spub pa la sogs pa'i dpe gsum po dag gis dge slong de dag gis sems rnam par bzlog nas/ kha gyen du blta ba dang/ bstan pa dang/ gtsang ma'i snod kyi dpe can gyi sems dag la nges par sbyar ba yin no/ /legs par gyis rab tu gyis yid la gyis zhes bya ba yin pas rtse gcig pa'i phyir legs pa yin la/ mi brjed pa'i phyir rab tu nyan pa yin zhing tshul bzhin yid la byed pas 'jug pa'i phyir yid la byed pa yin no/ /ston par mdzad pas na ston pa ste/ gang rjes su mthun par lung 'bog pa sbyin par mdzad pa la mkhas pa'o/ /khyim bdag ces bya ba ni gang 'ga' zhig rigs bzhi po dag las khyim gyi bdag por gyur pa'o/ /khyim bdag gi bu zhes bya ba ni na tshod rgas par gyur pa ma yin pa gang yin pa de yang ngo// khyim bdag smos pas ji skad du smos pa'i bram ze dag par 'gyur zhing bram ze ma yin no/ /zhes sten cing smra ba de dag bsal ba yin te/ rigs thams cad dag pa dmigs pa srid pa'i phyir ro/ /khyim bdag gi bu smos pas gang 'di snyam du 'di lta ste gzhon nu'i skabs su thar pa thob pa med do/ /zhes sems shing smra ba de dag bkag pa yin te/ na tshod gzhon pa dag la yang dag pa nyid mthong ba'i phyir ro/ /yon tan la sems pa ni dad pa yin te/ so sor thob pa'o/ /so so yang dag par slob pa ni dpyod par byed pa'am sems nges par 'dzin pa'o/ /gnod pa zhes bya ba ni bu dang chung ma la sogs pa/ gso ba'i sgo nas shin tu nyams nga bar gyur pa'o/ /rdul gyi gnas zhes bya ba ni nyon mongs pa rnam pa mang po skye ba'i gnas sam/ sdug bsngal dang skyo ba rnam pa du ma'i gnas su gyur pa'o/ /rab tu byung ba ni dri ma med pa zhes bya ba la khyim gyi gnas rnam pa mang pos dkrugs pa dang rnam par dkrugs par ro/ /bral ba ni nyon mongs pa'i sgo du ma skye ba dang bral bas dog pa med pa'o/ /bya dga' ba zhes bya bas ni dka' bas bsgrub pa nyid du mi nus pa yin no/ /khyim na gnas pa'i phyir khyim pa'o/ /khyim na gnas pa zhes bya ba ni chung ma yongs su 'dzin par gyur pas so/ /ji srid 'tsho'i bar du zhes bya ba ni 'tsho ba'i mthar thug pa'i bar du'o/ /gcig tu rnyog pa med par gyur pa zhes bya ba ni gcig tu dri ma med par sgrubs pa ste/ rnyog pa thams cad dang bral ba 'gyur ces bya ba'i don to/ /yongs su rdzogs pa zhes bya ba'i bshad pa ni snga ma bzhin no/ /des 'di so sor brtags nas zhes bya ba ni shes rab kyis yongs su dpyod pa'am/ sems la rab tu 'byung ba bzod pa nyid du byas par gyur pa'o/ /longs spyod kyi phung po ni dbyig dang/ gser dang/ grong la sogs pa'i tshogs/ /gnyen gyi 'khor zhes bya ba ni gnyen brgyud pa'am gnyen gyi tshogs yin no/ /tshul khrims dang ldan pa zhes bya ba ni shin tu tshul khrims dang 'byor ba yin no/ /so sor thar pa'i sdom pas bsdams pa zhes bya ba ni dge bsnyen dang/ dge tshul dang/ dge slong gi sdom pa dang ldan pa'o/ /spyod pa dang ldan pa zhes bya ba la kun tu spyod pa ni spyod pa ste/ gnas na gnas pa'i dge slong gi bya ba de dang ldan zhing 'byor pa'o/ /spyod yul dang ldan pa zhes bya ba ni bsod snyoms la sogs pa'i rgyu mtshan gyis 'gro bar byed pa dge slong gi bya ba dang ldan pa'o/ /rdul tsam la yang zhes bya ba ni dam pa rnams kyis smad pa nyes byas kyi kha na ma tho ba chung ngu yid kyis bsdam par bya ba dag la'o/ / 'jigs par lta ba zhes bya ba ni 'jigs par lta ba'i dang tshul gyi rang bzhin gang la yod pa de ni 'jigs par lta ba'i ngang tshul gyi rang bzhin gang la yod pa de ni 'jigs par lta ba ste/ gang 'jig rten pa dang bdag gi chos kyi dbang du byed pas kha na ma tho ba chung ngu la yang spyod par mi byed pa yin no/ /ji ltar na tshul khrims dang ldan par gyur pa yin zhe na/ srog gcod pa spangs te zhes bya ba la sogs pa smras pa ste/ shin tu ltung bar byed pas na gcod pa yin la/ srog dag gcod par byed pas na srog gcod pa'o/ /srog kyang srog gi dbang po yin te/ dbugs 'byung ba dang rngubs pa yin no/ /de 'gog pa ni 'jig pa yin no/ /de spangs pa ni 'di lta ste/ kho bos 'di byas pa ma yin par yid kyis ldog pa la gzung bar bya'o/ / srog gcod pa las slar ldog par 'gyur la zhes bya ba ni kun tu spyod pa'i dus su lus dang ngag gzhan gyi srog 'gog par byed pa las rnam par ldog par 'gyur ba yin no/ /dbyig pa spangs shing zhes bya ba ni mtshon cha ma gtogs pa'i gzhan la 'tshe bar byed pa'i thabs su gyur pa dang bral ba yin no/ /mtshon cha spangs pa zhes bya ba ni mtshon cha las gyur pa'i 'tshe ba yongs su dor ba yin no/ /'dir ngo tsha ba yod pa'i phyir ngo tsha can te/ gang yon tan dang/ gus pa dang ldan pa dang/ sdig pas 'jigs par gyur snying la rtsa ba dang ldan pa nyid kyi phyir brtse ba can yin no/ /yul gang la brtse ba dang ldan pa yin zhe na/ sems can srog chags 'byung por gyur pa thams cad la zhes bya ba smos te/ tha snyad byed du rung ba la 'dir sems can du bshad la/ gang du tha snyad du rung ba ma yin pa dud 'gro'i rgyud du skyes ba la sogs pa gzung zhing/ gang du gzugs mi snang bar gnas pa gnod sbyin dang sha za la sogs pa de dag 'byung po nyid du bsdas pa yin no/ /shin tu chung ba nyid kyi phyir spur mes nye bar mtshon du rung ba'i srog chags phra la 'jam pa dag ni grog spur yin te/ de yan chad bsad par bya ba'i phyir yid la byas pa 'am de la sogs pa'i srog chags gsod pa las slar ldog pa yin no/ /nges ma byin par len pa zhes bya ba la de kun nas len pa'i phyir len pa yin la/ ma byin bar len pa ni ma byin par len pa ste/ ma byin par len pa rku ba'i sems kyis len pa zhes bya ba'i tha tshig go /ji ltar ldog par 'gyur zhe na/ byin pa len pa zhes bya ba la sogs pa smos te/ byin pa len pa ni dngos po kun nas len cing 'dzin par byed pa'i phyir byin pa len pa'o/ /byin pa'i dngos po la sems kyi sgo nas rtag tu mngon par dga' bas na byin pa la dga' ba yin no/ /dngos po byin pa dang/ spangs pa dang/ btang pa len par 'dod pa'i ngang tshul can ni byin pa dang spangs pa dang/ btang ba la re bar gyur pa yin te/ bltos pa med pa'i sems kyis byin pa gang yin pa de ni byin pa yin zhing/ grong la sogs par gang dus de srid du byin pa ni spangs pa yin la/ gang mug la sogs par bang mdzad la sogs pa dag ji ltar bde bar yongs su sangs spyod pa'i phyir yongs su btang ba ni btang ba yin no/ /mi rku ba zhes bya ba ni 'di la rku ba'i sems med pa yin la/ gzhan gyi rdzas kyi yul la 'dod pa med pa'i phyir chags pa med pa'o/ /bdag nyid dor ba ni ma byin par len pa'i kha na ma tho ba las bsrung bar byed pa'o/ /dag pa zhes bya ba ni ma byin par len pa'i dri ma med pa'i phyir ro/ /gzhan gyi nor la chags pa med pa'i phyir btang ba yin no/ /ma byin par len pa'i rkyen gyis nyes pa 'byung ba med pa'i phyir kha na ma tho ba med pa yin no/ /mi tshangs par spyod pa spangs te zhes bya ba la tshangs pa ni mya ngan las 'das pa yin la/ de'i rgyu mtshan gyi spyod pa ste/ mya ngan las 'das pa'i bya ba can no/ /tshangs par spyod pa ma yin pa yin pa ni mi tshangs par spyod pa ste 'khor ba'i 'bras bu'i bya ba can no/ /ji ltar srog gcod pa la sogs pa dag kyang spyir tshangs par spyod pa ma yin pa nyid du zin kyang ming 'di ni 'khrig pa'i yul la grags pa'i sgra yin te/ grags pa ni yul phrogs par byed pa yin no/ /zhes bya ba'i tshul yin pa'i phyir ro/ /ji ltar na mi tshangs par spyod pa spangs pa yin zhe na/ tshangs par spyod pa zhes bya ba la sogs pa smos te/ tshangs pa'i rgyu mtshan du spyod pa'i phyir tshangs par spyod pa yin la/ sems kyis kyang dran pa med pa'i phyir ring du spyod pa'o/ /skyes pa dang bud med kyi kun tu spyod pa'i dri ma med pa'i phyir dag pa yin no/ /sems kyi sgo nas lhag par chags pa med pa'i phyir gtsang pa yin no/ /'khyud pa dang/ 'byed pa dang/ khyim gcig tu 'jug pa la sogs pa med pa'i dring ba med pa yin no/ /de nyid kyi phyir de rgya'i rna ru las ldog pa zhes bya'o/ /gang bud med kyi yul la chags pa'i sems dga' 'jug pa de thams cad grong ba'i chos yin la/ dam pa rnams kyis smad pa'i phyir smad pa yin te/ de dang bral ba dang/ dben pa dang/ spangs pa dang/ ldog pa zhes bya ba'i bar du'o/ rdzun du smra ba spangs nas zhes bya ba la/ gang zhig bden pa mngon par shes pa'i yul la yang dag pa'i ye shes rnam par bzhag pa'i tshig brjod par byed cing de la smra ba yin no/ /ji ltar na rdzun du smra ba las slar ldog par 'gyur zhe na/ bden par smra ba la sogs pa'i smos pa yin te/ bden par smra bar byed pa dang/ de'i ngang tshul can ni bden par smra ba'o/ /bden pa la dga' ba zhes bya ba ni sems kyi sgo nas kyang bden pa'i tshig la mngon par dga' ba'o/ /dad par gyur pa zhes bya ba la/ gang zag 'di la gzhan dag dad par skye bar 'gyur ro zhes bya ba'i dbang du byas nas bden par smra ba nyid kyis skye bo thams cad dad par 'gyur pa'i tshig can yin no/ gang la yid ches pa skye bar 'gyur ba ni yid ches pa yin te/ bden par smra ba nyid kyis gzhan yid chos pa'i gnas nyid yin pa'i phyir ro/ /brtan pa zhes bya ba ni bden pa'i tshig smra ba la brtan zhing g.yo ba med pa nyid yin no/ /de nyid kyi phyir de ni gang smras pa de byed par 'gyur ro/ /zhes bya ba'i dbang du byas nas 'jig rten la yi bslu bar byed pa yin no/ /des phra ma slangs nas zhes bya ba la sogs pa la/ gang zhig dbye ba'i bsam pas sems nyon mongs pa can gyi tshig brjod pa de ni phra ma yin la phra ma'i las sam phra ma'i dngos po ni phra ma nyid yin no/ de dag las bya ba tshos gzhan du rnam par bzhag par gal so/ /de dag la zhes bya ba ni tshogs gzhan du rnam par dag pas na dag pa'o/ /sdug par bya ces bya ba ni 'brel par byed pa'i ngang tshul can yin no/ /rjes su chos par byed pa zhes bya ba ni shin tu gcig tu byed pa'i ngang tshul can yin no/ /'dus pa dag la dga' ba zhes bya ba ni lus kyi sgo nas so/ /'dus pa dag la mgu ba zhes bya ba ni sems kyi sgo nas so/ /'du bar byed pa'i tshig smras te zhes bya ba ni rtag tu 'dus pa byed pa'i tshig brjod pa yin no// des tshig rtsub po spangs nas zhes bya ba la/ tshig snyan pa ma yin pa ni tshig rtsub po yin te de spangs nas so/ /ji ltar spangs nas she na/ de dag gdug pa'i tshig dang zhes bya ba la sogs pa smos pa yin te/ kun nas za bar byed pas na gdug pa ste/ sbrul gyis zos pa dang 'dra bar sdug bsngal skyed par byed pa'i tshig gam/ shin tu gnod pa ni gdug pa yin no/ /rang bzhin gyis drag pa nyid kyi phyir rtsub pa'o/ /gzhan sdug bsngal skyed pa nyid kyi phyir gzhan la gnod pa'o/ /gzhan la mngon par zhen pa zhes bya ba ni mngon par 'dzin pa bag 'khums pa yin no/ /zhes bya ba'i dbang du byas te/ gzhan bag 'khums pa skyed par byed pa 'am/ gzhan zhe sdang skyed par byed pa yin no/ /'dod pa'i yul las shin tu 'das pa nyid kyi phyir mi 'dod pa'o/ /'dod par bya ba nyid ma yin pa'i phyir mi dga' ba'o/ /dga' ba'i rgyu nyid ma yin pa'i phyir mi mgu ba'o/ /yid kyi skad cig mar yang bsam par bya ba ma yin pas na yid du mi 'ong ba'o/ /ting nge 'dzin dang mi mthun pa nyid kyi phyir g.yeng ba'o/ /sems 'khrug par byed pa nyid kyi phyir ting nge 'dzin dang mi mthun pa'o/ /yid du 'ong ba nyid yin pas na mgu bar bya ba'o/ /rna bar 'ong ba ni rna ba'i rnam par shes pa'i sde ba skyed par byed pa'o/ yid dang 'thad pa nyid kyi phyir dang rtag tu snying la 'bab pa nyid kyi phyir yid du 'ong ba'o/ /rab tu mgu bskyed pa dang rjes su mthun pa nyid kyi phyir dga' bar bya ba'o/ /grong khyer du byung bas na grong khyer ba ste/ grong la brten pa'i skye bo dam pa'i zhes bya ba'i bar du'o/ /mdzes pa la gsal ba zhes bya ba ni yi ge mdzes shing gsal bar gyur pa'o/ /don mdzes pa nyid kyi phyir rnam par shes par bya ba yin no/ /de nyid kyi phyir mnyan par bya ba ni thos pa dang rjes su mthun pa yin no// don du gnyer ba'i sgo nas 'ga' zhig la'ang gnas pa med pa'i phyir mi gnas pa'o/ /skye bo thams cad mngon par 'dod pa nyid yin pa'i phyir mi 'gal ba ste/ rjes su mthun pa zhes bya ba'i bar du'o/ /rnam pa gang gi sgo nas kyang nyon mongs pa dag gis ma zin pa'i phyir mdza' med pa'o/ /mi 'dod pa la sogs pa bzlog pas 'dod pa la sogs pa dag tu 'gyur par rig par bya'o/ /ting nge 'dzin dang rjes su mthun pa'am/ bden pa nyid kyi ma g.yengs pa'o/ /gang gi phyir rnam pa thams cad du ting nge 'dzin skyed par byed pa de nyid kyi phyir ting nge 'dzin dang mthun pa yin no/ /des tshig bkyal ba spang ba nas zhes bya ba la sogs pa la/ don 'brel pa med cing don smad pa du ma 'dren par gyur pa'i tshig ni bkyal pa yin la/ de brjod par byed pa'i phyir bkyal pa ste/ de spangs pa yin no/ /ci ltar spangs pa yin zhe na/ de yang zhes bya ba la sogs pa smos te/ skabs dang ldan pa'i tshig brjod pa'i phyir dus su smra pa yin no/ /yod pa'i dngos po brjod pa'i phyir bden pa smra ba yin no/ /don dang ldan pa'i tshig brjod pa'i phyir don smra ba yin no/ /dngos po'i rang gi ngo bo brjod par byed pa'i phyir de kho na nyid smra ba yin no/ /chos brjod par byed pa'i phyir chos smra ba yin no/ /shes pas yongs su bcad pa smra ba'i phyir brtags pa smra ba yin/ /gzhan gyi rgyud kyi don dpyod par nus pa rig par byed pa yin pa'i phyir brtags pa dang ldan pa'o/ /nyan pa po'i skye ba mngon par 'dod pa'i dus su tshig brjod pa'i phyir dus su'o/ /yongs su bsdus pa'i don 'brel can brjod par byed pa'i phyir cal col ma yin pa'o/ /rgyu las skyes pa dang ldan pa nyid kyi phyir rgyu dang bcas pa yin no/ /rigs pa dang dpe dang ma bral bas na lung dang bcas pa'o/ /chos las ma g.yogs pa nyid kyi phyir chos dang ldan pa'o/ /don dang 'byor pa nyid kyi phyir don dang ldan pa'o/ /nyo tshong spangs nas zhes bya ba la gos la sogs pa dag la brkam zhing chags pas yul dang rjes su mthun pa dang/ dus dang rjes su mthun par rin yang bar nyos pa'i sgo nas len pa ni nyos pa yin zhing/ rin shin tu mang po'i sgo nas yongs su gtong ba ni btsongs pa yin te/ de spangs nas kun tu spyod pa'i dus su lus dang ngag dang yid slar ldog pa yin no/ /des bre la sogs pa'i sgyu spangs nas zhes bya ba la sogs pa la grol sogs pa 'jal ba'i snod ni 'dir bre yin la/ gser la sogs pa 'jal ba'i thabs su gyur pa ni srong yin zhing/ 'jug pa'i rdzas mar dang til mar la sogs pa 'jal bar byed pa'i thabs su gyur pa ni 'jal byed yin te/ bre la sogs pa gzhan slu bar byed pa bre la sogs pa'i sgyu yin pa de'i phyir smos pa yin no/ /des gsum dang zhes bya ba la sogs pa smos pa des gsug ni lkog tu gyur pa'i chad pa yin no/ /bslu ba ni tha snyad du gyur pa'i sgo nas nor len pa yin no/ /chad pa ni tshar bcad pa sngon du song ba can gyi chad pa len pa yin te/ gsug la sogs pa'i nor len pa bdag gir byed pa las slar ldog pa yin no/ /des gsod pa la sogs pa zhes bya ba la sogs pa la gsod pa ni gzhan gyi srog 'phrog par byed pa yin no/ /bcing ba ni gdos dang lcags la sogs pa'i gnod pa'o/ /bcad pa ni lag pa la sogs pa yan lag dang nying lag dgo /phug pa ni rkang pa la sogs pa'i rus pa dag go /brdeg pa ni lcags la sogs pa dag gis gzhan gdung ba skyed par byed pa yin te/ gsod pa la sogs pa dag la mchog tu gzhol zhing spro bar byed pa gang yin pa de spangs pa yin no/ /snang ba dang bcas pa'i phyi ma du nyal ba spangs zhes bya ba ni mtshan ma khyim la sogs pa nyi ma dang zla ba ma yin pa'i snang ba dag dang ldan par nyal ba gang yin pa de yongs su spangs pa yin no/ /de yongs su ngor ba bstan pa ni rgyags pa skye ba zlog par byed pa'i phyir ro/ /des zhing dag gi gzhi zhes bya ba la sogs pa la 'bru la sogs pa'i rdzas kyi rigs 'di la rten par byed ces bya ba'i dbang du byas nas zhing kho na gzhi yin pas na zhing gi gzhi yin te/ 'dis ni zhing la sogs pa las ldog par bstan pa yin no/ /khyim gyi gzhi yongs su spangs pas yul de la chags pa spangs par bstan pa yin no/ /tshed dus ni tshong khang yin te/ de nyid kyi gzhi yin te/ de yongs su dor bar bstan pas tshong pa'i tha snyad du byed pa las ldog par bstan pa yin no/ /glang po che la sogs pa'i yongs su 'dzin pa rnam par 'khrug pa'i rgyu nyid yin pa de'i phyir yongs su 'dzin pa de spangs par bstan pa yin no/ /bran dang bran mo zhes bya ba la sogs pa la/ bran rnam pa lngar grags pa de bzhin du bran mo yang de yin no/ /las byed pa ni skyes bu zho shas 'tsho ba yin no/ /skyes bu rang gi byed pa la brten nas 'tsho bar byed pa gang yin de dag ma ni g.yog dag yin no/ /bud med ces bya ba la sogs pa la 'dis ni rnam pa gang dang gang gis kyang bud med yongs su 'dzin pa thams cad kyis thams cad du bkag pa smos pa yin no/ /skyes bu nye du 'chad zhing gso ba la sogs pa yongs su bzung pa yang bkag cing 'dis nye du'i khye'u dang bu mo yongs su 'dzin pa yang bzlog pa yin no/ /gser ni sa le sbram yin la/ dngul ni dngul nyid yin te/ 'dis ni yul der bdag gir byed cing len pa spangs pa bstan pa yin la/ 'bras dang/ nas dang/ grol sogs pa btsos ma ma yin pa de byin pa rab tu byung ba'i tshul ma yin pa de bas na mi bya'o/ /za gcig pa zhes bya ba la sogs pa la/ gcig kyang de yin la za ba yang de yin pas na za gcig ste/ de gang la yod pa de ni za gcig pa ste/ gang 'or gcig za ba'o/ /nub mo zhes bya ba ni nub mo'i zas kyi bya ba las rnam par ldog pa yin no/ /'ga' zhig tu nyi ma phyed kyi 'og tu za bar 'gyur ro zhe na/ dus ma yin pa'i zas las slar ldog pa smos pa yin no/ /dus su bsod snyoms la sogs pa'i don du rgyu ba'i phyir dus su spyod pa ste/ snga dro'i dus su spyod yul la spyod par byed pa yin no/ /de nyid kyi phyir dus su spyod pa'i sbyor ba dang ldan pa yin te gang gi phyir dus ma yin par rnam pa gang gis kyang spyod par mi byed pa'o/ /yang na dus su spyod pa'i sbyor ba ste/ rigs pa dang tshul yin la/ de dang ldan pa ni rjes su yin te/ dus su spyod du zin kyang tshul ma yin pas mi spyod de/ 'on kyang ji ltar so so thar ba'i mdo las bcom ldan 'das kyis rjes su gnang ba de bzhin du spyod par byed do/ lus ni lus pa yin no/ /bgo ba ni lhags pa la sogs pa rnam par 'tshe ba las srung bar byed pa yin pas na lus la bgo ba'i chos gos ma rnyed pa rnyed pa mgu zhing/ lhag pa dang gya nom pa la sogs pa mngon par 'dod pa med pa'i phyir rab tu mgu ba yin no/ /lto 'drangs pa zhes bya ba ni lto yongs su 'drangs par byed pa'i bsod snyoms 'drangs par byed pa tsam gyis bsod snyoms la rgyu bar byed pa des mgu ba yin no/ /lhung bzed dang bcas/ chos gos dang bcas te zhes bya ba ni 'dod pa chung pa nyid kyis snod gzhan med pa'i phyir dang/ lhung bzed dang chos gos kyis lus gnas pa sgrub pa yin pa'i phyir ro/ /bya gshog ba can zhes bya ba ni bya gshog pa skyes par gyur pa'o/ /gshog pa ma gtogs pa'i 'dab ma ni rnus bu'i sgras brjod pa yin no/ /dge sbyong dang bram ze kha cig ces bya ba la sogs pa la phyi rol gyi rab tu byung ba las rigs gzhan yin pa la 'dir dge sbyong gi sgra dang/ bram ze'i rigs las khyim gyi gnas yongs su bor ba la bram ze'i sgras brjod pa yin no/ /kha gcig ces bya ba ni 'ga' zhig yin gyi thams cad kho na ni ma yin no zhes bya ba'i tha tshig go /yon tan la sems pa sngon du song ba can gyi sems dang ldan pa ni dad pa yin te/ des bza' ba la sogs pa byin pa gang yin pa de dag ni dad pas byin pa dag yin no/ /sa bon gyi tshogs ni sa bon gyi tshogs yin la/ 'byung po'i gnas ni 'byung po dag gi gzhi yin te/ skye ba la sogs pa'o/ /kun nas rtsom pa ni sa bon 'debs pa la sogs pa'i bya bas rnam par dkrugs par gyur pa'o/ /kun nas rtsom pa la rjes su brtson pa ni de la gzhol ba dang/ de la sbyor zhing 'brel bar gyur pa'o/ /rtsa ba'i sa bon ni sge'u gsher dang yung pa la sogs pa'o/ /sdong bu'i sa bon ni se 'u dang lcang ma la sogs pa'o/ /rtse mo'i sa bon ni bu ram shing la sogs pa'o/ /bkas pa'i sa bon ni sbrum sha la sogs pa'o/ /bkas pa'i sa bon gyi sa bon ni gro la sogs pa'o/ /rtse mo'i sgras ni tshigs bstan pa yin la 'bras bu'i snod bkas pa las sa bon 'byung ba ni bkas pa'i sa bon yin no/ /bza' ba la sogs pa dag pa sogs pa'i sgo nas rnam par bzhag pa ni rtsogs pa yin la de la rtsom pa'i bya bas rnam pa rang? lugs? pa ste/ de la rtson zhing de dang ldan pas gnas pa yin no/ /mal stan mthon po ni bus mo'i tshad las mtho ba yin la/ mal stan chen po rin thang che zhing rin po ches spras pa yin no/ /khre'u smos pas khri'u'i rigs thams cad gzung ngo/ /khri chen po ni khri yin la thi gus ltas pa ni khri lhas yin no/ /gang khri nang tshangs can gyi 'og tu bting zhing bcug pa de ni go ni ga zhes bya'o/ /stan nang tshangs can ni rab tu grags pa yin no/ /bal gos chen po ni gos kyi bye brag yin no/ /glang po che'i thabs stan ni glang po che'i steng nas g.yogs pa'o/ /rta'i stan ni sga la bkab pa rin thang che ba gzhan gos kyi khyad par dag yin no/ /spu phyogs gcig pa ni me tog zas la sogs pa'o/ gnyi ga'i phyogs la spu sod pa ni be'u phrug la sogs pa'o// spu gyen du lta ba ni mdza' logs na spu yod pa'o/ /gos spu mthug pa ni gos kyi bye brag spu dang bcas pa nyid yin no/ /yul ka ling+ga las byung ba'i gos ni ka ling+ga'i gos yin la/ de nyid gding ba yin no/ /go bo'i mdza' dang rkang pa'i mthar sngas dmar la che ba de ni sngas yin no/ /rgyan ni khrus la sogs pas lus mdzes pa sgrub par byed pa yin no/ /lhab lhub ni phyi rol gyi cha spyad phreng ba dang dri dang byug pa la sogs pa lus mdzes pa sgrub par byed pa yin no/ /ji ltar rgyan sgrub pa yin zhe na/ 'di lta ste zhes bya ba la sogs pa smos te/ bsku ba ni til mar dri ma can la sogs pas lus kyi dri ma bsal bar bya ba'i phyir bsku mnye byed pa'o/ /kun tu bsku ba ni dri'i rdzas kyis kun nas bsku ba'o/ /kha dog gi sgras lus kyi kha dog mdzes pa bsgrub pa'i don du dri bzang po'i tshon gyis lus la byugs pa brjod pa yin no/ /sen mo bdar ba ni sen mo mdzes pa sgrub par byed pa'o/ /so bdar ba ni so mdzes pa sgrub par byed pa'o/ /kha'i dri ni kha dri bzang po can du bya ba'i ched kyi dri bzang po'i phye ma'o/ /gdong gi rgyan ni kha dog gdong mdzes pa sgrub par byed pa'o/ /gdong gi me long ni gdong blta ba'i phyir me long 'chad bar byed pa'o/ /lag pa'i gdu gu zhes bya ba ni mdzes pa sgrub par byed pa'i don du lag pa gnyis la gdu gu rgyan can dang/ sor gdu ba la sogs pa rgyan 'dogs par byed pa'o/ /spyi bo bcings pa zhes bya ba ni gtsug phud la rin po che la sogs pa'i rgyan 'dogs par byed pa'o/ /gdugs yub spu gu can zhes bya ba ni gdugs kyi yu ba nang shing la/ phyi rol gser las byas pa'o/ /ral gri zhes bya ba ni ral gri chang zungs? kyis phyogs rin po ches spras pa 'am/ shubs spras pa yin no/ /nor bu'i rnga yab ni rnga yab kyi yu ba rin po ches spras pa yin no/ /lham ri mo can ni lham rin po ches spras par gyur pa'o/ /ma bgos pa ni yongs su long ma spyad pa'o/ /sar pa ni thags las 'phral du gton pa'o/ /glang po che 'thab pa zhes bya ba la sogs pa la/ gang gi tshe khyim bya ba dang/ sreg pa dang/ 'ur pa dag tshogs nas 'chab par byed pa de'i tshe/ khyim bya dang sreg pa dang/ 'ur ba dag 'thab pa yin no/ /ya tog smyig ma can ni smyig ma la sogs pa la bya bar ta ga dag skyon par byed pa'o/ /grong khyer mdzes par byas pa zhes bya ba ni gar mkhan gyi tshogs dag gis so/ /bzhad gang gyi phyir gzhan gyi phrag pa la 'dzeg par byed pa ni phrag pa nas mchong ba'o/ /rgyal mtshan gyi mchog ces bya ba ni dpung gi tshogs 'gro ba'i seng ge'i rgyal mtshan la sogs pa'o/ /stobs kyi mchog ni stobs kyi tshogs kyi mchog tu gyur pa'o/ dpung gi tshogs ni dpung bkod pa'i khyad par yin te/ 'bru'i phur ma la sogs pa lta bu'o/ /tshoms ni dpung gi cha yin te/ glang po che la sogs pa bcu la sogs pa'i tshoms yin no/ /skye bo chen po tshogs par gyur pa ni 'dus pa chen po yin te/ gyang 'thab pa dang/ ltad mo'i gnas la sogs pa'o/ /glang po che sgra zhes bya ba la sogs pa la/ bud pa'i sgra ni brdung bar bya ba mi bzad ba'i tshogs brdungs pa'o/ /sil snyan shin tu 'ong ba'i bye brag ni sham mya yin no sor mo gnyis kyi sbyor ba las byung ba ni yid dang rjes su mthun pa'i sgra yin no/ /rdza rnga'i sgra ni rdza ma'i kha pags pas g.yogs pa 'am/ rol bya'i bye brag gzhan yin no/ /snyan dngags ni tshigs su bcad pa sbyor ba'o/ /yi ge mdzes pa nyid kyi phyir yi ge sna tshogs pa'o/ /tshig gi go rim mdzes pa nyid kyi phyir tshig gi 'bru sna tshogs pa nyid do/ /'jig rten gyi don dang 'brel pa nyid ky phyir 'jig rten la rag lus pa dang ldan pa'o/ /gtam ni 'jig rten pa'i gtam? rgyud yin no/ aug shud ces bya ba la sogs pa la rgyan rtse ba'i thabs su gyur pa/ cha bzhi pa dang cha drug pa ni aug shud ces bya'o/ /na ya ni yan lag bzhi dang rtse ba'i thabs su gyur pa'o/ /rgyan ni tha mal pa'i rgyan rtse ba'i thabs su gyur pa'o/ /gnas brgyad dang gnas bcu zhes bya ba de ni rgyan gyi rten gyi 'gyur ba brjod pa yin no/ /drang pa'i gnas la sogs pa dag ni rgyan la gos pa dag las nges par bya ba yin no/ /rgyal po'i gtam zhes bya ba la sogs pa la rgyal po dang so sor 'brel pa'i gtam ni rgyal po'i gtam la sogs pa yin no/ /rtsod pa zhes bya ba la sogs pa la/ zhe sdang la sogs pas dkrugs pa'i sems kyis phan tshun du smra ba dang phyir smra ba ni rtsod pa yin no/ /ji ltar zhe na/ 'di lta ste zhes bya ba la sogs pa smos te/ phyi rol gyi bya ba ma yin pa las ldog pa ni chos yin la/ yang dag par len pa sngon du song ba'i bya ba la 'jug pa ni 'dul ba yin no/ /bdag la rigs pa zhes bya ba ni mngon sum la sogs pa dang mi 'gal ba yin no/ /khyod la mi rigs so zhes bya ba mngon sum la sogs pa dang 'gal ba yin no/ /phan pa dang bcas pa zhes bya ba ni snga phyi mi 'gal ba dang 'brel pa yin no/ /de las bzlog pa'i phan pa dang bcas pa ma yin pa'o/ /shin tu myur bar zhes bya ba ni shin tu grags pa'o/ /mchog tu smra ba zhes bya ba ni don gyi de kho na rjod par byed pa 'am/ shin tu myur du smra ba'i sgo nas don gsal pa nyid kyi phyir mchog tu smra ba'o/ /rtsod pa'i phyir zhes bya ba ni rtsod pa'i rgyu mtshan yin la/ bskyed pa ni rab tu 'jug pa yin no// rtsod pa las rnam par thar pa'i phyir ni rtsod pa yongs su spong ba'i phyir ro/ /rtsod pa zhi bar bya'o zhes bya ba la/ rtsod pa nye bar zhi ba ni rtsod pa'i lan sbyin pa'i sgo nas rtsod pa nye bar zhi bar byed pa'o/ /tshar bcad par bgyi'o zhes bya ba ni pham par bya'o/ /pho nyar 'gro ba la zhes bya ba la sogs pa la/ 'dis las dang po blangs nas de la skyel bar byed pa dang/ de las blangs nas 'dir len par byed pa'i don du gnyer ba'i mngag gzhug pa gang yin pa de ni 'dir pho nya yin par rig par bya'o/ /gang dag mi 'dod du zin kyang mngags pa de ni mngags gzhug pa yin no/ /pho nyar 'gro ba de nyid kyi rgyu mtshan gyis 'tsho bar byed pa ni log pa'i yul la yongs su longs spyod pa'i phyir log pa'i 'tsho ba yin te/ des 'tsho bar byed cing sgrub par byed pa'o// de gang gi pho nyar 'gro ba yin zhe na/ rgyal po dang zhes bya ba la sogs pa smos te/ rgyal po ni dbang bskur ba thob pa yin te/ rgyal tshab du dbang bskur ba ni blon po yin no/ /grong 'dab kyi mi ni grong 'dab kyi gtso bor gyur pa'o/ /ljongs kyi mi ni ljongs kyi gtso bor gyur pa'o/ nor can ni 'khor gyi dbang phyug dag yin no/ /tshong dpon ni tshong pa dag gi gtso bor gyur pa'o/ /ded dpon ni gang dag 'dren par byed pa'i sgo nas don mthun ngag 'don par byed pa'o/ /tshul 'chos zhes bya ba la sogs pa la/ tshul 'chos pa ni rnam pa gsum ste/ rnyed pa dang bkur sti 'dod pas pha rol la yon tan srid pa'i bsam pas gzhan la spyod lam ston par byed pa dang/ dbyen par byed pa'i phyogs su gnas pa dang/ san ni kha yang dag par ston pa'o/ /kha gsag ni rnam pa gsum ste/ rnyed pa dang bkur sti'i bsam pa can gyis snyan par smra ba dang/ bdag gi yon tan brjod pa dang/ chos smra ba'o/ /gzhogs slongs ni rnam pa gsum ste/ rnyed pa'i bsam pas lus kyi gnod pa'i gzhi yang dag par ston pa dang/ mngon par 'dod pa'i dngos po tshig gis mngags pa dang/ phyi rol gyi rgyu mtshan lung ston pa'o/ /rnyed pa'i bsams pa can gyis ser sna la sogs pa la gtong ba la rgya cher bsngags pa byed pa ni thob kyi 'jal ba yin no/ /gzhan las rnyed pa'i rnyed pa gang yin pa de rnyed pa gzhan gyi don du sbyin par byed pa 'am/ zang zing la sogs pa rnyed pa'i don du stobs par byed cing/ ji ltar na rnyed pa rnyed par 'gyur zhes rnyed pas rnyed pa bsgrub par 'dod pa yin no/ /rigs pa ngan pa zhes bya ba la sogs pa la skye ba'i de'i 'bras bu 'jig rten pa'i bzo'i bye brag ni mtho ris dang thar pa'i 'bras bu sgrub par byed pa ma yin pas gtso bo ma yin pa nyid kyi phyir dang/ de bzhin gshegs pa'i bstan pa las phyi rol tu gyur pa nyid kyi phyir rig pa ngan pa yin no/ /log pa'i 'tsho ba de nyid log pa'i las la brten pa'i sgo nas 'tsho bar byed pas na log pas 'tsho ba yin no/ /ji ltar zhe na/ ltas ngan dang zhes bya ba la sogs pa smos te/ 'phral dus gas pa las gang byung zhing skye ba ni ltas ngan yin te/ ltas ngan de'i 'bras bu gang yin pa de lung ston par byed cing lung bstan pa des nor gyi tshogs gang rnyed pa des 'tsho bar byed pa yin no/ /rma zhes bya ba ni rma cung zhig skyes pa ni don sgrub par byed pa yin la kha cig ni don ma yin pa skyed par byed pa yin no zhes bya ba ni rma'i mtshan nyid lung bstan pa la mkhas par gyur pa'o/ /rmi lam gyi mtshan nyid dang/ mes tshig pa dang/ chus rag pa las 'phral du gos sam lus la chu'i thigs pa lhung ba ni chus reg pa zhes bya ba dang/ byi bas zos pa'i 'bras bu lung ston pa la mkhas pa des kyang 'tsho bar byed pa yin no/ /gdon babs ni zhugs pa'o/ /dbyangs rtogs pa zhes bya ba la/ dbyangs so so tha dad pa'i 'gyur ba'i 'bras bu lung bstan pa la mkhas pa'o/ /'byung po thams cad kyi skad ces bya ba la/ 'byung po thams cad kyi snyad yongs su shes pa'i nus pa skyed par byed pa'i bstan bcos yod la/ bstan bcos de la mngon par goms pa las bya'i skad kyis don rnam par 'brel ba la yang mkhas par 'gyur ro/ /yan lag rig pa ni gang gis lus kyi mtshan nyid shes pa'o/ /gos rig pa ni gang gis yon tan dang ldan pa dang yon tan yod ba ma yin no zhes gos kyi mtshan nyid shes pa'o/ /ne tso rig pa ni gang gis ne tso'i mtshan nyid shes pa'o/ /dgos pa'i don du 'gro ba la bsngags pa'i mtshan nyid 'byung bar 'gyur ba'i shis pa des mtshan nyid gang gis shes pa de ni shis pa'i rig pa'am/ ne tso ma gtogs pa bya gzhan gyi mtshan nyid la mkhas par gyur pa'o/ /mthe bo'i rig pa ni gang gis mthe bo las 'jug pa la sogs pa byed pa yin no/ /yud tsam dag la rab tu sbyor ba zhes bya ba la sogs pa la/ dus 'di ni bzang la/ 'di ni bzang po ma yin pas yud tsam 'di la las 'di bya'o zhes bya ba la sogs pa lta bu'o/ /skar ma dag shar ba ni skar ma bzang po byung ba yin te/ don de ni rgyu skar 'gro ba dang 'ong ba la mkhas pa dang/ bya ba rtsom pa'i rgyu skar gyi ming la mkhas pa zhes bya ba 'di yin no/ /ro brtag pa la zhes bya ba ni mi shi ba'i lus ma snang pa ni ro'i sgras brjod de/ de'i brtag pa ni ro langs la sogs pa'i las de la mkhas par gyur pa'o/ 'tsho ba la sogs zhi ba'i don gyi las ni zhi ba'i las yin te/ rig byed las bstan pa 'am gzhan pa'o/ /rgyas pa'i las ni spel ba dang 'byor pa rgyas par byed pa'i las shes bya'i bar du'o/ /drag po'i las ni gzhan gyi srog la gnod par byed pa mgar ba la sogs pa'i las sam/ bcud kyis len gyi las yin no 'ga' zhig gis nad zhi bar byed pa'i phyir sngags bzlas pa'i chus brlan pa'i gtor ma'i las yin no/ /yi ge'i rig pa ni yi ge'i grangs dang/ rtsis dang/ skar ma'i bstan bcos rig pa'o/ /dgos pa ni yan lag rnam par dgod pa'o/ /bzhi pa dang/ lnga pa dang/ nyi shu pa dag ci tsam du 'gyur zhes dris pa la myur du yongs su zhes pa ni grangs la mkhas pa yin no lag pas phyag rgya'i rnam pa bcing pa 'am/ lag rtsis kyis brnga ni lag brnga yin no/ /lam rig pa ni gang gis lam du 'jug pa'i 'bras bu shes pa'o/ /nad zhi ba'i thabs su gyur ba'i man ngag ni gso ba yin no/ /bud med dag gi thun mong ma yin pa'i nad nye bar zhi ba'i thabs ston pa ni bud med kyi gso ba yin la/ de bzhin du skyes pa'i gso ba dang gzhon nu'i gso ba dang/ gzhon nu ma'i gso ba dag kyang yin no/ /sman dag gi sbyor ba zhes bya ba ni smin pa la sogs pa'i rdzas byin pas 'tsho bar byed pa'o/ /nor bu'i mtshan nyid dang zhes bya ba la sogs pa la/ gang du nor bu dug la sogs pa sel bar byed pa'i nus pa du ma dang ldan pa de dag de dag gi mtshan nyid rab tu dbye ba'i sgo nas shes pa yin no/ /dbyig pa las bzang po dang bzang po ma yin pa'i mtshan nyid kyi phyir dbyig pa'i mtshan nyid la mkhas par gyur pa'o/ /ral gri ni ral gri yin te/ ral gri la sogs pa'i mtshon dag gi bzang po ma yin pa'i mtshan nyid la mkhas par gyur pa'o/ /glang po che la sogs pa nas gzhon nu ma'i mthar thug pa dag gis mdzes pa dang mdzes pa ma yin pa'i mtshan nyid yod pa'i mtshan nyid gang dang ldan pa dag khyim du bzhag pa las dge ba dang mi dge bar 'gyur ba de'i mtshan nyid dang/ mtshan nyid 'di dang ldan na tshe thung zhing 'dis tshe ring bar 'gyur ba dang/ 'dis longs spyod chung zhing 'dis longs spyod che bar 'gyur ba dang/ bsod nams chung ba'i mtshan nyid yin zhing bsod nams che ba 'di yin pa dang/ 'di lus chung la 'di lus bong che ba dang/ 'di rje? bo'i mtshan nyid yin la/ 'di phran gyi mtshan nyid yin no/ / zhes yang dag pa ji lta ba bzhin du shes pa yin no/ /mgyogs pa zhes bya ba la sogs pa ni ru ha dang/ mas btang ba dang/ yan lag ma lus pa dugs byas pa ni mgyogs pa'i sgras bstan to/ /skyug pa dang 'khru ba ni rab tu grags pa yin no/ /gyen du bshal ba ni sman sngon du song ba can gyi sna la sogs pa las 'dzag par gyur pa'o/ /sna'i las ni du ba rdub pa'o/ /yan lag gi phyogs gcig gi dugs kyang rab tu grags pa yin no/ /snying kha'i phyogs na yongs su gnas pa'i nad kyi gso ba bstan ba ni ma zhu ba'i gnas brjod pa'o/ /snying kha'i 'og man chad kyis ni zhu ba'i gnas brjod pa'o/ /lus kyi phyogs las byung ba 'brum pa 'bras bu'i rnam pa lta bu bshad pa dag ni 'brum bu'o/ /brjod le'u lag pa la sogs pa la byung ba 'bras kyi bya ba 'chad pa dag ni 'bras kyi brjod le'u yin no/ /ri dags rnams 'khor lo bzhin du rgyu ba ri dags 'gro ba yin no/ /de'i 'bras bu lung bsten pa la mkhas par gyur pa'o/ /khwa? dag nam mkha' la tshogs shing rgyu ba ni khra'i tshogs yin te/ /de'i 'bras bu yang shes par gyur pa'o/ /kos ko'i phyogs 'gul ba la sogs pa 'gyur ba srid pa ni kos ko zhom pa ste/ de'i 'bras bu lung ston pa la mkhas par gyur pa'o/ /'phral du so'i phreng ba dag gis lce la 'byor par gyur pa ni lce bzhar ba yin no/ /ro langs ni 'khor lo gnyis dang ldan pa'i shing rta la zhon pa lag pa gnyis kyis ral gri so sor 'dzin pa'o/ /ro langs 'khor lo gcig pa'i shing rta la zhon cing ral gri gcig 'dzin pas nye bar mtshon pa'o/ /dgug pa zhes bya ba la sogs pa la/ dgug pa ni 'byung po dag 'dren par byed pa'o/ /slar gtong ba ni arga la sogs ba sgrengs nas gtong bar byed pa'o/ /kun nas rmongs par byed pa ni sngags kyis gzhan gyi sems rnam par rmongs pa skyed par byed pa'o/ /rnam par rmongs pa ni khyad par du sngags kyis gzhan gyi yan lag rnam par bshig cing 'gyur ba'o/ /rnam par bshig pa ni sngags kho nas ro rgyab la sogs pa 'jig pa 'gyur ba'o/ /sngags kho nas bde ba bskyed pa ni bde bar byas pa yin la/ de bzhin du sdug bsngal bar byas pa yin no/ /sman la sogs pas mngal bskyed pa ni sprum par byas pa yin no/ /me la til la sogs pa'i sbyin sreg byin pa ni til la sogs pa'i sbyin sreg yin no/ /gser la sogs pa bcug pa ni rdzas la sogs kyi sbyin sreg yin no/ /til mar dang mar bcug pa ni sbyin sreg gi sbyin sreg yin no// nyi ma la bsnyen pa 'am rab tu chags par gyur pa de ni bsnyen pa'i cho ga la mkhas pa'o/ /rgyu skar la phyogs pa dang/ lha la phyogs pa dag kyang de dang 'dra'o/ /dbang phyug gi mchog gi 'dus bsgrub par byed pa ni spong ba chen po de la mngon par sbyor ba des 'tsho bar byed pa yin no/ /'jigs par 'gyur ba zhes bya ba la sogs pa la/ 'jig par 'gro ba'i mtshan nyid shes pa dang/ bde bar 'gyur ba'i mtshan nyid shes shing lo nyes dang lo legs pa'i mtshan nyid shes par 'gyur ba'o/ /ngan par 'bab pas na char mi 'bab pa ste 'bru nyams par byed pa'o/ /dge bar 'bab pa nas char 'bab par 'gyur ba ste 'bru sgrub par byed pa'o/ /lha 'khrugs pa dang bdud la sogs pa'i rnam par 'tshe ba las byung ba ni yams yin no/ /cig shos ni bzlog pa'i mtshan nyid yin no/ /nang gi zhes bya ba la sogs pa la gzhan gyi 'dod pas 'gro ba ni bros par gyur pa yin la/ rang gi 'dod pas 'gro ba ni snyegs par gyur pa'o/ /lam zhes bya ba la sogs pa la lam ni rab tu grags pa'i lam po che yin la/ rab tu grags pa ma yin pa ni lam gol ba yin no/ /skar ma'i gzugs ltung ba ni skar mda' ltung ba'o/ /phyogs dang nam mkha' i phyogs shin tu 'od gsal bar gyur pa ni phyogs tshig pa'o/ /bar snang la ni mi bzang ba'i sgra 'byung ba ni lha'i rnga bo che dag yin no/ /rang gi yon tan sgrub pa ni rdzu 'phrul che ba'o/ /gzhan la phan 'dogs par byed pa'i sgo nas mthu che ba yin no/ /shar pa ni shar gyi ri las byung ba'o/ /nub pa ni nub kyi ring zhugs par gyur pa'o bar kun nas nyon mongs pa zhes bya ba ni lha ma yin gyi dbang po sgra gcan yin la/ rnam par byang ba ni shin tu dang bar gyur pa ste/ kun nas nyon mongs pa dang rnam par byang ba dag gi rnam par bzhag pa'i lam zhes bya ba de lta bu'i rnam par smin pa dang zhes bya ba de lta bu'i 'bras bu yin no/ /de zhes bya ba la sogs pa la/ de nyid ni bstan ma thag pa'i rab tu byung ba'o/ /'phags pa zhes bya ba la zag pa med pa'i lam gyi tshogs yin pa'i phyir zag pa dang bcas pa'i tshul khrims kyi phung po las yang 'phags pa zhes bya'o/ /nang gi zhes bya ba la/ bdag nyid lhag par byas pas na nang yin no/ /gzhan gyi skyon brjod pa'i skabs med pa'i phyir kha na ma tho ba med pa yin la de'i bde ba ni gang tshul khrims yongs su dag pa'i rgyur gyur pa yin no// so so'i myong ba ni yongs su rdzogs par nyams su myong ba'o/ /sgo spas pa zhes bya ba la/ gang gi sgo spas pa'o/ /gang gi sgo sbas she na/ dbang po'i zhes bya ba smos pa yin no/ /de'i don ni 'di yin te/ mig la sogs pa'i dbang po dag dgag pa'i yul la 'jug pa las bzlog pa gang yin pa de ni dbang po'i sgo spas pa yin no/ /rtag tu mngon sum du gyur pa'i sgo nas dran ba kun nas bsrungs pa gang yin pa de ni dran pa kun nas bsrungs pa'o/ /gus pas mngon sum du byed pas na dran pas nges par bsrungs pa yin te/ sems mi dge ba'i rnam pa'i rtog pa dag las nges pa ste/ khyad par du bsrung zhing sped par byed pa'i phyir nges par bsrungs pa ste/ nges par bsrungs pa gang yin pa de ni dran pa nges par bsrungs pa'o/ /de nyid kyi phyir dran pa bsrungs pa'i yid yin te/ rgyun gyis dran pa mngon du byed pa yin pa'i phyir ro/ /gnas skabs mnyam par spyod do zhes bya ba ni mig la sogs pa'i dbang po dag yul 'dzin pa'i gnas skabs la ji ltar nyes pa dang/ ldan par mi 'gyur ba de ltar mnyam por dpyod cing 'jog par byed pa'o/ /ji ltar gnas skabs mnyam par dpyod par 'gyur zhe na/ de mig gis zhes bya ba la sogs pa smos pa yin no/ /mtshan mor mi 'dzin pa zhes bya ba ni gsang ba la sogs pa nyid du mtshan mar mi 'dzin gyi/ 'on kyang ji ltar gzugs de'i rang bzhin kho na bzhin du 'dzin par byed do/ /mtshan ma 'dzin pa sngon du song ba can gyi dngos po gzhan dang 'brel pa'i ming gi mtshan ma 'dzin pa ste/ dper na autpa la sngon po dang 'brel pa'i tshig dang/ ri bong can dang 'brel ba'i gdong dang/ pad ma dang 'brel pa'i lag pa zhes bya ba de lta bu la sogs pa'o/ /gang gi phyir zhes bya ba ni gang gi rgyu mtshan gyis so/ /sdig pa mi dge ba'i chos ni 'dod chags la sogs pa yin la/ sems rjes su 'jug pa ni sems la brten nas rab tu 'jug pa 'am/ sems yongs su dar bar mi byed pa yin no/ /gang la sems 'jug par 'gyur ba zhe na/ mig gis dbang pos zhes bya ba la sogs pa smos pa yin te/ mig gis dbang po'i sgo nas sdom pa ma yin pa de sdom pa de dang ldan zhing 'byor pa gang yin pa de la'o/ /ci zhig yod par gyur na zhe na/ smras pa/ brnab sems dang gnod sems yod par gyur na'o/ /yul gang la brnab sems dang gnod sems 'byung ba yin zhe na/ 'jig rten te nye bar len pa'i phung po lnga'i yul la'o/ /gzhan gyi yul la chags pa ni brnab sems yin pa/ mngon par 'dod pa'i don ma 'byor pa sngon du song ba can ni yid mi bde ba yin te/ brnab sems dang yid mi bde ba ni brnab sems dang yid mi bde ba'o/ /de yod par gyur na dam pa rnams kyis smad par bya ba nyid yin pa'i phyir sdig pa dag yin la/ 'dod pa ma yin pa'i 'gro ba 'dod par byed pa nyid yin pa'i phyir mi dge ba yin no/ /sdig pa mi dge ba'i chos de dag sdom pa'i phyir te/ mi skye bar bya ba'i phyir nan tan du byed cing sgrub par byed pa'am tshul bzhin ma yin pa'i rgyu mtshan 'dzin pa la sogs pa dbang du byed pa'i tshul de sdom pa'i phyir nan tan du bgyid pa yin no// gnod pa med pa'i bde ba zhes bya ba ni rang gi sems shin tu yongs su mgu bar gyur pa'i bde ba nyams su myong bar gyur pa'o/ /mngon par 'dod pa'i gnas su 'gro bar byed pa ni 'gro ba ste/ mngon du phyogs nas 'gros byed pa yin no/ /'ong pa ni phyir ldog pa'o/ /shes bzhin du gnas par gyur pa zhes bya ba ni shes rab sngon du byed pa'i sgo nas 'gro ba dang 'ong ba'i rgyu mtshan la kha na ma tho ba la kun tu spyod pa ma yin pa'o/ /mngon du phyogs pas lta bar byed pa ni lta ba yin la/ zur gyis lta bar byed pa ni kun tu lta ba yin no/ /bskum pa ni dpung ba la sogs pa'i yan lag sdud par byed pa'o/ /brkyang ba ni don rab tu grags pa yin no/ /sbyar ma ni gos kyi mchog yin no/ /chos gos ni gos lhag ma dag yin no/ /'gro ba zhes bya ba la sogs pa ni spyod lam bzhi ston pa yin no/ /gnyid las gyur pa'i rmya ba ni gnyid kyis rmya ba'o/ /lus rmya bas gzir ba ni rmya ba de cung zad gnyid log pas so sor bsar cing yongs su spangs pa ste/ de la shes bzhin du gnas pa yin no/ /shes bzhin ni shes rab yin no/ /phongs med pa'i bde ba zhes bya ba la/ yul rnam pa sna tshogs la yid ltung bar byed pa ni phongs pa yin te/ phongs pa ma yin pa ni phongs pa med pa ste/ yul gcig la 'jug pa zhes bya ba'i tha tshig ste/ bde ba de nyid so sor myong bar gyur pa'o/ /dben par zhes bya ba ni lus dang sems dben pa dang ldan pa'o/ /'di la nyal bar byed pa'i phyir mal yin no/ / 'di la 'dug par byed pa'i phyir stan yin no/ /dgon pa ni grong las rgyang grags kyi mthar gyur pa'o/ /skyil mo krung bcas pa ni skyil mo krung bcas par gyur pa'o/ /lus drang por bsrangs zhes bya ba ni lus bsrang ba nyid yin te/ rtsi ba logs kyi phyogs nas brtsams nas lho ba rgyas par byas pa'o/ /mngon du bzhag pa zhes bya ba ni mngon du phyogs par gyur pa ste dran pa mngon du bzhag pa yin te/ rnal 'byor pas sna'i rtse mo la mig gis bltas te bsam gtan bya'o/ /zhes 'jig rten na rab tu grags p a yod pas na sna'i rtse mo la mig gtad na dran pa yang bsgom par byed pa'i don de nyid la bzhag par 'gyur ba de'i phyir 'ongs ni lus kyi gnas skabs kyi bye brag phyin ci ma log par brtsom pa'i rgyu mtshan ting nge 'dzin gyi yan lag ces bstan par 'gyur ro/ /brnab sems zhes bya ba la sogs pa la/ brnab sems ni pha rol po'i yul 'dod pa'i mtshan nyid can yin no/ /'jig rten zhes bya ba ni phung po lnga'i rang bzhin can yin no/ /spangs pa ni rengs par byed pa ste/ 'dir spangs pa'i sgras bstan pa yin no/ /brnab sems dang bral ba zhes bya ba ni gang gi phyir mngon sum du gyur pa'i sgo nas brnab sems dang bral ba'i sems yin pa de'i phyir de skad ces bya'o/ /rgyun gyi sems de la mngon du phyogs pa'i phyir mang du byas pa zhes bstan to/ /brnab sems kyi sems kyi sems yongs su spyod par byed do zhes bya ba ni brnab sems spang ba'i phyir shin tu 'brel par gyur pa'o/ /gnod sems ni sems can la rnam par zhe sdang ba'i mtshan nyid can dang/ rmugs pa ni lus dang sems las su mi rung ba dang/ rmongs par gyur pa gnyid ni sems mngon par sdud pa ste/ 'di gnyis ni phan tshun rjes su mthun pa nyid kyi phyir sgrib pa gcig tu rnam par bzhag pa yin no/ /rgod pa ni sems ma zhi ba yin la/ 'gyod pa ni sems rnam par skyo bar gyur pa ste/ 'di gnyis kyang phan tshun rjes su mthun pa kho na nyid kyi phyir sgrib pa gcig tu rnam par bzhag pa yin no/ /yang na mi mthun pa'i phyogs nyid yin pa'i phyir dang/ rten gcig nyid yin pa'i phyir dang/ bya ba gcig byed pa nyid kyi phyir sgrib pa gcig nyid yin no/ /rmugs pa dang gnyid dag ni snang ba'i 'du shes mi mthun pa'i phyogs kyi chos lnga'i rten te/ le lo dang/ dga' ba med pa dang/ glal ba dang/ zas la mi dad pa dang/ sems zhum pa nyid yin la/ gnyi ga yang sems zhum pa nyid skyed par byed pa zhes bya ba gcig byed pa yin no/ /rgod pa dang 'gyod pa dag kyang chos bzhi'i rten byed pa yin te/ nye du'i rnam par rtog pa dang/ ljongs la rnam par rtog pa dang mi 'chi ba'i rnam par rtog pa dang/ sngon dgong pa dang/ dga' ba dang/ rtse ba dang/ kun tu spyod pa dang rjes su dran pa yin la/ 'di gnyi ga yang sems ma zhi ba bskyed pa la rab tu 'jug pa nyid yin pa'i phyir mang zhi gnas kyi mi mthun pa'i phyogs bya ba gcig byed pa yin no/ /re ba dang bral ba la sogs pa zhes bya ba la/ e ma'o bdag gi don 'di shes par bya'o zhes bya ba ni rnam pa 'di zhes bya ba'i dngos po dag la thog mar re ba skye bar 'gyur te/ don ji lta ba bzhin du khong du ma chud ba las ci don 'di lta bu yin nam 'on te 'di lta bu ma yin zhes the tshom skye bar 'gyur ro/ /re ba dang the tshom dang bral zhing yongs su spangs pa gang yin pa de ni re ba dang bral ba dang/ the tshom dang bral ba'o/ /de nyid kyi phyir dad pa la sogs pa dge ba'i chos dag la ci lta ci lta bu can ni nges pa'i don khong du chud pa'i phyir ro ci lta ci lta bu'i tshig ni the tshom kho na'i rnam grangs brjod pa yin pa/ ci lta ci ltar gang la yod pa de ni ci lta ci lta bu can yin te/ ci lta ci lta bu can med pa ni ci? ste ci lta bu can ma yin pa'o/ /sems yongs su spyod pa ni 'dir yang the tshom shin tu spang ba'i phyir ro/ /'phags pa'i lam dad de'i sbyor ba dge ba'i rtsa ba dag la sgrib par byed pa'i phyir sgrib pa yin te/ sgrib pa de dag ni nges pa nyid du rnam par 'ching bar byed pa'i nyid kyi phyir ro/ /bun zhes bya ba ni skyin po blangs pa'i tshul gyis dbyigs pa sogs pa len pa yin no/ /las kyi mdza' zhes bya ba ni sa lu la sogs pa las kyi mdza' 'am/ tshong ba'i tha snyad du byed pa la rab tu sbyor bar byed pa yin no/ /'byor bar gyur na zhes bya ba ni 'byor pa yongs su rdzogs par gyur na'o/ /rang gi nor tsam zhes bya ba la rang gi nor ni gter yin la/ bud med ni chung ma'o/ /tsam gyi sgra ni nyung ngu'i nye bar mtshon pa yin no/ /yod pa ni thob par gyur pa'o/ /bde ba ni rnam par shes pa'i tshogs lnga po'o/ /yid dga' bar 'gyur ba ni yid kyi rnam par shes pa'o/ /nad kun nas skyes pa'i phyir nad bu can no/ /nad kyi sdug bsngal gyi rgyu nyid yin pa'i phyir sdug bsngal lo/ /nad tshabs che ba zhes bya ba ni nad rgyas pa nyid kyi phyir ro/ /lus la khyab par byed ces bya ba ni non par byed pa ste/ shin tu lci ba skyed par byed pa yin pa'i phyir ro/ /gnod par byed ces bya ba ni nad skyed par byed pa'o/ /nad med pa ni nad dang bral bar gyur pa'o/ /nad med pa thob pa'i phyir stobs dang ldan par gyur pa'o/ /bran zhes bya ba la sogs pa la/ bran rnam pa lnga nyid na mdo 'di kho ni las bshad cing bstan pa yin no/ /mngag gzhug pa zhes bya ba ni nor gyis gsos pa'i mngag gzhug byed pa la bya'o/ /bsgo ba zhes bya ba ni nang mi dang chos grogs la sogs pa la bya'o/ /bskol bar bya pa ma yin pa zhes bya ba ni ya rabs la sogs pa rang dbang can ma yin pa dag go / rigs pa'i sgo nas 'dod pas 'jug pa ni dbang byed pa yin te/ dbang phyug gi mchog gis las de gzhan du 'gro ba'i nus pa med cing rtag tu brten par byed pa yang ma yin pa'o/ /de bas na mngag bzhug pa la sogs pa nor gyis 'tsho ba bzhi po 'di dag ni phyi ma phyi ma zhing khyad par du 'phags pa yin par rig par bya'o/ /dam du bcings pa ni shin tu bcings par gyur pa'o/ /bcings pa'i dus na rnam par 'tshe ba med pa'i phyir bkra shis pa'o/ /de'i rgyu mtshan gyi dus phyis kyang rnam par 'tshe ba med pa'i phyir bde ba'o/ /nor yongs su btab pa med pa'i phyir gong med pa'o/ /'jigs pa las zhes bya ba ni de 'jigs pa dang bcas pa'i gnas dag las bde bar gyur ces/ bya ba ni 'tshe ba med pa'i gnas yin no/ /ji ltar bun du gyur pa zhes bya ba la sogs pa la/ bun du gyur pa ni brnab sems kyi sgrib pa yin te/ de yod na 'dod pa'i khams las ma 'das pa'i phyir ro/ /nang ni gnod sems kyi sgrib pa yin te/ gnod pa byed pa nyid yin pa'i phyir ro/ /bran du gyur pa ni rmugs pa dang gnyid kyi sgrib pa yin te/ sems rang 'thab med pa nyid yin pa'i phyir ro/ /'ching bar gyur pa la ni rgod pa dang 'gyod pa'i sgrib pa yin te/ 'dod pa'i khams las 'das pa dang rjes su mthun pa'i ting nge 'dzin gyi bar du gcod par byed pa nyid yin pa'i phyir ro/ /'jigs pa ni the tshom gyi sgrib pa yin te/ ma nges pa'i rang bzhin nyid kyis 'khor ba pa'i 'jigs pa'i rgyu nyid yin pa'i phyir ro/ /yang na bu lon la sogs pa ni gnod sems nas the tshom gyi bar dag yin no/ /nye bar nyon mongs par byed pa zhes bya ba ni dri ma can du byed pa 'am/ nye bar gdung bar byed pa yin no/ /sems nye bar nyon mongs pa nyid kyi phyir shes rab nyam chung ba ste/ de byed pa'i phyir shes rab nyam chung bar byed pa'o/ /dge ba'i chos skye ba'i bgegs byed pa yin pa'i phyir gnod pa'i phyogs yin te/ de nyid kyi phyir mya ngan las 'das pa dang mi mthun pa yin te/ mya ngan las 'das pa'i lam du 'jug par byed pa'i gegs byed pa yin pa'i phyir ro/ /'dod pa dag las dben pa zhes bya ba la sogs pa ni bsam gtan dang po nye bar bsgrubs nas gnas pa yin no/ /khyad par ji lta bu dang ldan pa'i bsam gtan dang po zhe na/ 'dod pa dag las dben pa zhes bya ba la sogs pa smos te/ 'dun pa'i 'dod chags la 'dir 'dod pa'i sgras bstan pa yin no/ /yul rnam pa sna tshogs la rab tu 'jug pa nyid kyi phyir 'dod pa dag ces bya ba mang po'i tshig tu byas pa yin la/ 'dod pa'i sgras ni 'dod pa'i yon tan lnga po dag bzung ba yin te/ de dag la dben pa ni spangs pa dang 'dod pa'i rnam pa dang bral bar gyur ces bya ba'i tha tshig go /'dod pa na spyod pa'i mi dge ba ma lus pa spangs pa nyid kyi phyir sdig pa mi dge ba dag las dben par gyur pa dang rtog pa dang dpyod pa dang mtshungs par ldan par smras pa yin no/ /dben pa las skyes pa zhes bya ba la/ lus dben pa dang sems dben pa las 'dir sems dben pa nyid gzung ste/ de las skyes pas na dben pa las skyes pa'o/ /dga' ba dang bde ba ni rnam par shes pa'i tshogs gsum gyi bde ba yin te/ sna dang lce'i rnam par shes pa dag med pa'i phyir ro/ /yang na 'dis rnam par 'byed pa na dben pa ste/ tha snyad par byas zhes bya ba'i tha tshig go /gang las rnam par byed pa yin zhe na/ 'dod pa dag las te/ bgrod par bya ba ma yin pa'i sa zag pa dang bcas pa'i lam dben pa de las skyes pa ni dben pa las skyes pa zhes bya'o/ /nye bar bsgrubs nas zhes bya ba ni shes pas yongs su rdzogs par shes nas so/ /mngon par brlan to zhes bya ba ni kun nas 'gengs par byed pa 'am khyab par byed pa'o/ /yongs su brlan to zhes bya ba ni shin tu 'gengs par byed pa'am/ shin tu khyab par byed pa'o/ /kun nas tshim par byed ces bya ba ni rab tu dga' bar byed pa'am nye bar sog par byed pa'o/ /kun nas khyab par byed do ces bya ba ni kun nas shin tu khyab par byed do/ /khyab par ma gyur pa zhes bya ba ni gsal bar ma gyur pa'o/ /khyab par bya ba ma yin pa zhes bya ba ni des khyab par mi nus pa'i lus kyi phyogs kyi gzhi gang yin pa de yod pa ma yin no/ /slob ma ni 'dir bgro'i yon tan slob dpon dang mtshungs par gyur pa'o/ /mkhas pa ni rang gi las la mkhas par gyur pa'o/ /'khar phor ni 'khar ba'i snod chen po yin la/ gzhong bu ni 'khar sdor gyi rnam pa'o/ /nyal phyis ni khrus kyi phye ma'i snod kyi rnam pa gzhan yin no/ /chus btab pa zhes bya ba ni brlan par byas pa ste/ zlos pa'i tshig gnyis yin no/ /gsher bar byas pa ni bdas par byas pa'o/ /snum pa ni chu yis so/ /snum par gyur pa ni dbus kyi char brlan zhugs par gyur pa'o/ /snum pas khyab pa ni snum gyis kun nas zin par gyur pa'o/ /gsal ba ni rnam pa thams cad du khyab pa yin pa de'i phyir nang dang phyi dang bcas pa snum pa zhes bya ba smos pa yin no/ /so sor mi 'gyes pa zhes bya ba ni 'khrul par mi 'gyur ba'i ngang tshul can no/ /'thong bar mi 'gyur ro zhes bya ba ni phra mo nyid du 'thor zhing gnas par mi 'gyur ba'o/ /de de bzhin du zhes bya ba ni dpes bstan pa'i don la sbyor bar byed pa yin te/ ting nge 'dzin la rab tu 'jug pa'i sems de ni ting nge 'dzin las sems ma 'phros shing phyi rol tu g.yeng ba med pa'i phyir 'thor bar mi 'gyur ba yin no/ /rnam par rtog pa dang/ rnam par dpyod pa nye bar zhi pa'i phyir zhes bya ba ni sangs pa'i phyir ro/ /nang rab tu dad pa'i phyir zhes bya ba la/ nang rab tu dad pa'i chos de gang yin zhe na/ gang gi phyir de la rnal 'byor pa 'di snyam du mnyam par ma bzhag pa'i sa las de 'byung ba ma yin gyi/ 'on kyang mnyam par bzhag pa las kyang yin no zhes sems par 'gyur te/ de lta bu'i rnam pa mngon par yid ches pa'i dad pa'i rang bzhin la nang rab tu dang ba zhes bya'o/ /sems gcig tu dmigs pa'i phyir zhes bya ba shin tu dmigs pa gcig la 'jug pa'i phyir rnam par rtog pa dang rnam par dpyod pa dang bral ba'i phyir sems shin tu dmigs pa gcig pa 'jug pa yin no/ /ting nge 'dzin las skyes pa zhes bya ba ni 'dir bsam gtan gnyis pa gtso bor gyur pa'i ting nge 'dzin de las skyes pa ste/ gang gi phyir bsam gtan gnyis pa gtso bor gyur pa la brten nas bsam gtan dang po las 'dod chags dang bral bar gyur pa yin no/ /ri bo'i tse mo zhes bya ba ni ri bo'i steng chu gan su rung ba'i gnas ni ri bo rtse yin no/ /bkod ma zhes bya ba ni chu chen po 'byung ba'i bu gu dang ldan pa'o/ /mtshe'u zhes bya ba ni ltang ka yin no/ /chu'i rdzing bu zhes bya ba ni chu 'byung ba'i ser ka'o/ /chu'i spu gu zhes bya ba ni dbus na chu 'byung ba'i ser ga yod pa'o/ /chu'i phung po zhes bya ba ni chu chen pos 'byung ba'i ser ga yin no/ /des dga' ba spangs nas zhes bya ba ni dga' ba'i 'dod chags dang bral ba'i phyir ro/ /btang snyoms la gnas so zhes bya ba ni 'du byed kyi btang snyoms kyis sems dge ba la 'jug pa'i phyir btang snyoms zhes bstan to/ /dran pa dang shes bzhin zhes bya ba ni dran pa dang shes rab gtso bor gyur pa'o/ /bde ba lus kyis zhes bya ba ni lus dang yid kyi sgo nas bde ba khyad par du 'phags pa nyid yin pa de bas na de skad ces bya ste/ de bas na chags pa'i gnas skabs 'di la 'phags pas tha snyad du bstan pa yin no/ /'phags pa zhes bya ba ni sangs rgyas dang/ de'i nyan thos dag yin no/ /thams cad kyi thams cad tu nub par gyur pa ni rtsa ba nub pa yin no/ /des bde ba yang spangs zhes bya ba la sogs pa la/ bsam gtan gsum pa las 'dod chags dang bral ba'i phyir bde ba spangs pa yin no/ /dri ma ma lus pa dang bral ba'i phyir/ sdug bsngal spangs pa ste/ bsam gtan gsum pa'i 'dod chags dang bral ba'i dus kho na bstan la/ 'dod pa'i khams kyi 'dod chags dang bral ba kho na las ni sdug bsngal spangs par gyur pa yin no/ /yid bde ba dang yid mi bde ba zhes bya ba la/ bsam gtan gnyis pa'i 'dod chags dang bral bas yid bde ba spangs pa dang/ 'dod pa'i khams kyi 'dod chags dang bral bas ni yid mi bde ba spangs pa yin no/ /btang snyoms yongs su dag pa dang/ dran pa yongs su dag pa ni 'dir dri ma las grol ba nyid dang/ legs par yongs su rdzogs pa nyid yin par rigs par bya'o/ /sa 'og ma'i nyon mongs pa dang bral ba nyid kyi phyir sems des yongs su dag pa yin no/ rang gis pa'i dri ma med pa'i phyir yongs su dkar ba yin no/ /mos pa byas nas zhes bya ba ni dmigs par byas pa'o/ /khyab par zhes bya ba ni thams cad la khyab par byas pa'o/ /nye bar bsgrubs nas zhes bya ba ni yongs su rdzogs par ram/ kun nas longs spyod pa'am shes par byas nas so/ /skyes bu brgyad kyis btags pa'i gos gang yin pa de ni brgyad kyis btags pa ste/ shin tu tshad che ba nyid kyi phyir skyes bu shin tu nyung ngus btags par nus pa ma yin no/ /de bzhin du mtshan nyid snga ma bzhin du skyes bu dgu'i bya bas bsgrubs pa ni dgus btags pa yin no/ /mi mthong zhes bya ba ni de yan chad gzugs can gyis med pa'i phyir gnas gong ma la mngon par 'dod pa'i sems med pa yin no/ /gzugs kyis thams cad kyi steng na rnam par gnas pa nyid kyi phyir mi dma' ba yin no/ /mi g.yo ba thob ces bya ba ni g.yo ba med pa'i gnas skabs thob par gyur pa'o/ /khang pa brtsegs pa zhes bya ba la sogs pa la/ shing dang gur thabs su bsgrubs pa'i khang pa chung ngu na khang pa brtsegs pa yin la/ khang ba brtsegs pa chen po ni ka ba yin te/ des nye bar mtshon pa'i khang pa la khang pa brtsegs pa zhes bya'o/ /'bru mar gyi mar me ni gsal byed do/ /ma bskul ba zhes bya ba ni phyogs gcig bsgul ba'i sgo nas ma bsgul ba'o/ /ma bskyod pa zhes bya ba ni kun nas dkrugs pa'i sgo nas bskyod par ma gyur pa'o/ /bdag gi lus 'di ni zhes bya ba la sogs pa la/ gzugs su rung zhing gnod pa byar rung ba'i phyir gzugs can yin la/ rags pa nyid kyi phyir rgya che ba yin zhing 'byung ba chen po bzhi las grub pa nyid kyi phyir 'byung ba rgyur byas pa'o/ /'di la rten cing zhes bya ba ni rang gis so pa'i rnam par shes pa de la rten pa'i sgo nas skyes pa'i phyir ro// 'di la gnas te zhes bya ba de de ni sa gzhan la yang 'di la rten nas skyes pa'i phyir ro/ /bdag nyid thams cad kyi rjes su 'jug pa ni zhugs pa yin no/ /lus gzhan zhes bya ba ni khams gzhan yin no/ /gzugs dang ba dang ldan pa nyid kyi phyir gzugs can no/ /yid tsam las skyes pa nyid kyi phyir dang khu khrag la sogs pa phyi rol gyi rgyu la bltos pa med par skyes pa'i phyir yid las byung ba'o/ /zhar ba dang 'khrul pa med pa'i phyir ma tshad pa med pa'o/ /dbang po thams cad tshogs pa nyid kyi phyir dbang po ma nyams pa'o/ /nyes pa med pa'i phyir dge ba'o/ /byas pa nyid ma yin pa nyid kyi phyir rigs dang ldan pa'o/ /gdod snang ba nyid kyi phyir gsal ba'o/ /rnyog pa'i dri ma dags pa gzhan med pa'i phyir rnam par dang ba'o/ /dri ma phra mo yang med pa'i phyir dri ma med pa'o/ /nya ga ma ni gres ma'i snying po'o/ /des 'di ltar mnyam par bzhag pa'i zhes bya ba la sogs pa la/ ting nge 'dzin dang rjes su mthun pa nyid kyi phyir mnyam par bzhag pa'o/ /yongs su dag pa zhes bya ba ni sa 'og ma'i nyes pa spangs pa'i phyir ro/ /yongs su dkar ba zhes bya ba ni rang gi sa pa'i dri ma yang med pa'i phyir ro/ /nyes pa med pa zhes bya ba ni nyes pa dang bral ba'i phyir te/ nyon mongs pa med pa'o/ /de nyid kyi phyir sems de nye bar nyon mongs pa dang bral ba yin no/ /gsal bar spyod pa'i phyir drang por gyur pa'o/ /shin tu spangs pa dang ldan pa'i phyir las su rung ba yin la/ las la phan pa ni las su rung ba ste/ dge ba'i chos thams cad skyed par rung ba yin no/ /zhes bya ba'i tha tshig go mi g.yo ba thob ste zhes bya ba ni rnam par rtog pa la sogs pas mi bskyod pa yin no/ /rdzu 'phrul gyi zhes bya ba la sogs pa la/ rdzu 'phrul ni ting nge 'dzin yin la/ rdzu 'phrul gyi yul ni rdzu 'phrul gyi yul te/ sprul pa dang/ nam mkha' la 'gro ba la sogs pa'o/ /de shes pa na rdzu 'phrul gyi yul shes pa yin la/ de mngon gsum du gyur pa ni mngon sum du gyur pa'o/ /mngon par shes par byed pas na mngon par shes pa zhes bya ba'i dbang du byas nas shes pa de nyid mngon par shes pa ste de la'o/ /sems mngon par 'jug go zhes bya ba ni dben par byed pa skyed par byed pa'i phyir 'jog par byed pa'o/ /so sor myong ba zhes bya ba ni shes pas khyab ma'am/ byed pa yin no/ /mngon par snang ba gsal ba'i tshul gyis gnas pa'o/ /mi snang ba ni nub par gyur pa'o/ /ye shes ni 'dir zag pa dang bcas pa bsgoms pa las byung ba'o/ /mthong ba ni 'jig rten pa'i yang dag pa'i lta ba'o/ /rtsig pa las thal ba zhes bya ba ni rtsig pas chod pa yin la/ de bzhin du ris chod pa dang/ rtsig pas chod pa'i gnas su chags pa med pa ste/ thogs pa med par lus kyis 'gro ba yin no/ /nub pa ni 'og tu 'gro bar byed pa'o/ /'byung ba ni yang phyi 'ong bar byed pa'o// rgyun gyi steng na zhes bya ba ni nub pa med pa'i phyir ro/ /kun nas reg pa zhes bya ba ni cung zad yin la/ rab tu zhes bya ba ni kun nas yin pa'i phyir ro/ /lus kyis dbang sgyur bar byed do zhes bya ba ni lus kyis tshangs pa'i 'jig rten du 'gro zhing bdag po byed pa yin te/ bsam gtan dang po'i sa pa'i rdzu 'phrul gyis tshangs pa'i 'jig rten la sogs pa'i bar du 'gro bar byed pa de'i phyir de skad ces bya'o/ /gser mgar ni gser bzo byed pa'o/ /mgor rung ba'i rgyan ni glegs ma'o/ /rna rgyan ni rna ba'i rgyan chung ngu yin la/ rna cha ni rna ba'i rgyan chen po yin no/ /mgrin pa'i phyogs la rung ba'i rgyan ni mgul rgyan yin no/ /lag pa'i rgyan ni gdu bu rgyan can la sogs pa'o/ /rkang rgyan ni g.yer ka can la sogs pa'o/ /sor gdub ni rab tu grags pa yin no/ /gser gyi phreng ba ni gser las byas pa'i mgo bo'i rgyan yin no/ /myur zhing myur bar zhes bya ba ni bya ba mang po med pa'i sgo nas skyen par byed pa yin no/ /lha'i rna ba zhes bya ba la sogs pa la/ lha'i yul du byung bas na lha nyid yin te/ phyir lha nyid kyi ni ma yin gyi 'on kyang bsgoms pa las byung ba rnam par dag pa'i sgo nas yin no/ /mi'i las 'das pa zhes bya ba ni 'di ni mi'i yin pas ni mi'i yin la/ mi'i las shin tu 'das pa ni mi'i las 'das pa yin zhing gzugs na spyod pa'i bsgoms pa las byung ba'i rna ba zhes bya ba'i bar du ste rna ba des so/ /mtshan mo'i mun par gyur pa ste/ mtshan phyed kyi dus su skye bo 'dus pa'i sgra dang bral ba nyid kyi phyir phyogs der dung gi sgras tha dad pa'i phyogs khyab cing 'phro bar byed pa yin no/ /sems kyi rnam grangs zhes bya ba la rnam grangs ni rnam pa 'am rim pa yin la/ sems kyi rnam grangs ni sems kyi rnam grangs yin te/ 'dis mngon par shes pa byed ces bya ba'i dbang du byas nas/ de la ye shes mngon sum du byed pa kho na mngon par shes pa yin no/ /sems can gzhan dag ces bya ba la/ gzhan gyi sems shes pa ni rang gi sems la bltos pa med pa nyid kyi phyir ro/ /sems can ni gang zag gi rnam grangs yin pa'am/ yang na skad cig re re'i phung po lnga'i tshogs sems can yin no/ /ris mthun pa'i rgyun ma lus pa ni gang zag yin no/ /rnam par brtags pa zhes bya ba ni rnam par rtog pa'i bya ba dang ldan pa'o/ /rnam par spyod pa zhes bya ba ni dpyod pa'i bya ba dang ldan pa'o/ /yid kyis te sems kyis yid de sems yang dag pa ji lta ba bzhin du rab tu shes shing yongs su gcod par byed do/ /ji ltar rab tu shes zhe na/ 'dod chags dang bcas pa zhes bya ba la sogs pa smos te/ 'dod chags dang ma tshangs par ldan pa ni 'dod chags dang bcas pa'o/ /'dod chags dang bral ba zhes bya ba ni 'dod chags dang ldan pa ma yin pa'o/ /de bzhin du zhe sdang dang bcas pa dang/ zhe sdang dang bral ba dang/ gti mug dang bcas pa dang/ gti mug gi dang bral ba'o/ /g.yengs pa ni nyon mongs pa yin te/ rnam par g.yengs pa dang ldan pa nyid kyi phyir ro/ /mi g.yeng ba ni dge ba la dmigs pa la mngon par g.yeng ba med pa'i phyir ro/ /lhag par le lo'i tshogs dang mtshungs par ldan pa'i phyir sems nyon mongs pa can ni zhum pa yin no/ /lhag par brtson 'grus kyi tshogs dang mtshungs par ldan pa'i phyir sems dge ba la rab tu 'dzin pa yin no/ /'phyar ba ni nyon mongs pa can te/ rnam par byang ba las 'phyar ba dag la brten pa nyid kyi phyir ro/ /mi 'phyar ba ni dge ba ste/ de las bzlog pa yin pa'i phyir ro/ /rgod pa ni nyon mongs pa can te/ rgod pa'i tshogs dang lhag par mtshungs par ldan pa'i phyir ro/ /mi rgod pa ni de'i gnyen po nyid yin pa'i phyir dge ba yin no/ /nye bar zhi ba dang/ nye bar ma zhi ba yang de bzhin no/ /mnyam par ma bzhag pa ni nyon mongs pa can te/ lhag par g.yeng ba'i tshogs dang ldan pa'i phyir ro/ /mnyam par bzhag pa ni de'i gnyen po'i phyogs nyid yin pa'i phyir dge ba'o/ /ma bsgoms pa ni nyon mongs pa can te/ dmigs pa la brten pa dang/ bsgoms pa ma bsgoms pa nyid kyi phyir ro/ /bsgom pa ni dge ba yin te/ de gnyis bsgoms pa nyid kyi phyir ro/ /ma grol ba ni nyon mongs pa can te/ rang bzhin du rgyud kyis rnam par grol ba dag las ma grol ba nyid kyi phyir ro/ /rnam par grol ba ni dge ba ste/ de gnyis las rnam par grol pa nyid kyi phyir ro/ /rig pa gang zhe na zhes bya ba la sogs pa la/ sngon gyi skye ba'i gnas ni skye ba'i gnas sam/ gnas skabs yin no/ /'jig pa'i dus ni 'jig pa'i bskal pa yin la/ gnas pa'i dus ni chags pa'i bskal pa yin te/ 'jig pa'i bskal pa'i bskal pa ni sems can dmyal ba mi srid pa'i phyir snod zad pa yin no/ /chags pa'i bskal pa ni thog mar rlung nas sems can dmyal ba'i bar srid pa zhes bya ba yin no/ /'di lta bu zhes bya ba la/ 'di lta bu'i tshul du bdag gi mir brjod pa rigs ni rgyal rigs la sogs pa'o/ /rus ni shu Na ti la la dang b+ha ra d+hwa dza la sogs pa'o/ /zas ni kham gyi rnam pa'i pas la sogs pa'o/ /'di lta bur tshe ni ring zhes bya ba la bdag zla ba'i mthar thug pa lo'i mthar thug par tshe ring bar gyur ces bya ba la sogs pa'o/ /ring dug nas te zhes bya ba ni byis pa dang gzhon nu la sogs pa'i gnas skabs ni ring du gnas pa yin no/ /tshe'i mthar thug pa zhes bya ba ni kun nas 'phangs pa'i tshe'i mthar thug pa dang ldan par gyur pa'o/ /rnam pa dang bcas pa zhes bya ba ni ming dang rigs dang rus la sogs pa rjes su dran pa'i rnam pa'o/ /gnas dran pa ni yul yin no/ /yang na rnam pa'i sgras srid pa bar mdo brjod pa yin te/ re ni rnam pa tsam nyid yin pa'i phyir ro/ /sngon gyi dus kyi gnas ni yul gyi sgras brjod pa yin no/ /de la rgyal rigs la sogs pa'i rigs kyis bstan pa ni srid pa bar ma do dang bcas pa dang/ sngon gyi dus kyi gnas dang bcas pa zhes bya ba bstan par 'gyur ro/ /'chi 'pho dang skye ba ni 'chi 'pho dang skye ba ste/ de yongs su shes pa'i ched kyi shes pa 'chi 'pho dang skye ba shas pa yin la/ de mngon sum du byed pa ni mngon du byed pa'o/ /'chi bar gyur pa ni 'pho bar gyur pa'o skye bar gyur pa ni srid pa bar do'i gnas skabs la rnam par gnas pa'o/ /kha dog sdug pa ni bde 'gror 'gro bar ro/ /kha dog mi sdug pa ni ngan 'gror 'gro bar ro/ /dman pa zhes bya ba ni sdig pa byed par ro/ /gya nom pa zhes bya ba ni bsod nams byed par ro/ /las ji lta ba bzhin du nye bar 'gro ba zhes bya ba ni las byas par gyur pa'i 'bras bu la dpyod par ro/ /skur pa ni tshigs su bcad pa ma yin pa mi 'dod pa'i tshig gis gshe ba yin no/ /log pa'i lta ba las dang? chos yang dag par len pa de'i rgyus zhes bya ba la/ las yang dag par len pa las yang dag par len pa bzhi yod de/ gnag pa dang gnag pa'i rnam par smin pa zhes bya ba la sogs pa'o/ /chos yang dag par len pa la/ chos yang dag par len pa bzhi yod de/ da ltar bde ba la ma 'ongs pa na rnam par smin pa sdug bsngal ba zhes bya ba la sogs pa'o/ /log pa'i lta bas 'jug pa'i las la dam bca' ba dang/ chos la dam bca' ba de'i rgyu yis/ /de'i rgyu zhes bya ba ni log pa'i lta ba de nyid rgyur gyur pa gang la yod pa de ni rgyu yin no/ /de nyid rkyen du gyur pa gang la yod pa de ni de'i rkyen zhes bya ba'i bye brag yin te/ de dag sgrub par byed pa'i bya ba khyad par du byed pa yin no/ /lus dang bral nas zhes bya ba ni zhig nas so/ /'chi ba'i 'og tu ni srog rnam par nyams par gyur pa'i 'og tu'o/ /ngan song ni yi dags kyi 'gro ba'o/ /ngan 'gro ni dud 'gro'i 'gro ba'o/ /log par ltung ba ni dmyal ba'i 'gro ba ste/ sems can dmyal ba re rer dmyal ba dag yin no/ /ngan song dang/ ngan 'gro dang/ log par ltung ba dang/ dmyal ba ni ngan song ngan 'gro log par ltung ba sems can zhes bya ba dag yin te/ las ji lta ba bzhin du 'ga' zhig ni ngan song/ 'ga' zhig ni ngan 'gro / 'ga' zhig ni log par ltung ba/ 'ga' zhig ni sems can dmyal ba zhes bya ba na de dag tu skye bar 'gyur ro/ /bde 'gro zhes bya ba la sogs pa mdzes par 'gro bas na bde 'gro ste/ der skye bar 'gyur ro/ mi'i 'jig rten yang bde 'gro smos pas bzung ba yin pa de'i phyir mtho ris kyi 'jig rten smos pa yin la/ mtho ris ni dud 'gro'i 'gro ba srid pa'i phyir lhar skye bar 'gyur ro/ /zhes smos pa yin no/ /zag pa zad pa'i zhes bya ba la/ zag pa ni 'dod chags la sogs pa yin la de dag zad pa ni spangs pa yin no/ /de la'ang de'i ldog pa byed pa'i shes pa de mngon sum du byed pa ni mngon du byed pa'o/ /'di ni sdug bsngal 'phags pa'i bden pa'o/ / zhes bya ba ni 'bras bu'i rang bzhin yin la 'di ni sdug bsngal kun 'byung ba'o/ /zhes bya ba ni rgyur gyur pa'i phung po lnga'i bdag nyid yin no/ /'gog pa ni zad pa yin la/ lam ni zad pa thob par 'gyur ba'i thabs su gyur pa yin no// 'phags pa'i bden pa'o zhes bya ba la/ 'phags pa dag gis rang gi ngo bo'i sgo nas gzigs pa de'i phyir 'phags pa dag la de dag bden pa yin pas na 'phags pa'i bden pa'o/ /yang dag pa ji lta ba bzhin du rab tu shes so zhes bya ba ni zag pa med pa'i shes pas de kho na nyid mthong ba yin no/ /shes pa zhes bya ba ni bar chad med pa'i lam gyis so/ /mthong ba zhes bya ba ni rnam par grol ba'i lam gyis so/ /'dod pa'i zag pa las sems rnam par grol ba zhes bya ba ni 'dod pa'i zag pa spangs pa'i phyir sems rnam par grol bar gyur pa yin te/ ma rig pa ma gtogs pa 'dod pa na spyod pa'i nyon mongs pa kun tu 'ching ba dang bcas pa ni 'dod pa'i zag pa'o/ /ma rig pa dor ba'i gzugs dang gzugs med pa na spyod pa'i nyon mongs pa kun tu 'ching ba dang bcas pa ni srid pa'i zag pa'o/ /khams gsum pa'i ma rig pa ni ma rig pa'i zag pa'o/ /rnam par grol ba la zhes bya ba ni nyon mongs pa'i 'ching ba las rnam par grol pa'o/ /rnam par grol zhes bya ba ni nyon mongs pa dang bral pa'o zhes bya ba ni zad pa dang mi skye ba shes pa'o/ /mthong ba ni mi slob pa'i yang dag pa'i lta ba'o/ /tshong dus dang/ tshong khang dang bral ba'i skye bo'i tshogs kyi gnas ni grong yin la/ tshong dus dang tshong khang dang ldan pa ni grong 'dab yin no/ /gting zab pa ni dka' ba'o/ /shin tu dang ba nyid kyi phyir gsal ba'o/ /rdul rags pa med pa'i phyir rnam par dang ba'o/ /rdul phra mo yang med pa'i phyir rnyog pa med pa'o/ /chu la rgyu ba'i srog chags kyi yan lag dang 'brel pa can ni phyis yin la/ de dag kho na'i rus pa'i dum bu ni sham bu ka yin no/ /thabs ma yin pa bzhi zhes bya ba la sogs pa la thabs su gyur pa ma yin pa ni thabs ma yin pa ste/ bla na med pa'i rig pa dang rkang par ldan pa de dag skyed par byed par thabs su gyur pa ma yin pa zhes bya ba'i tha tshig go /kha cig ces bya ba ni 'ga' zhig go /song ste zhes bya ba ni yang dag par song nas so/ / yal ga dang lo ma'i gnas khang ni spyil bu'o/ /rtsa ba dang 'bras bu'i kha zas kyis 'tsho ba'i sgo nas rig pa dang rkang par ldan pa 'dod du zin kyang rnyed par mi 'gyur ro/ /ji snyam du sems zhes bya/ ji'i sgra ni 'dri ba la 'jug pa yin zhing snyam sems pa ni shes shang kun nas mthong ba la sogs pa'o/ /der zhes bya ba ni rtsa ba dang 'bras bu'i zas za ba'i thabs la khyed slob dpon dang bcas shing slob dpon dang lhan cig par mthong ba ste/ rtsa ba dang 'bras bu'i zas zhes bya ba'i thabs la rig pa dang rkang par ldan pa'i bdag nyid slob dpon dang lhan cig tu gnas par mthong snyam mo zhes bya ba'i tha tshig go / rtsa ba dang 'bras bu'i kha zas kyis 'tsho ba'i sgo nas rig pa dang zhabs su ldan pa mngon par khong du chud pas rtsa ba dang 'bras bu'i zas gtang zhing yongs su spangs nas lo ma'i zas 'di ni 'ga' zhig tu rig pa dang ldan pa mngon sum du byed pa'i thabs su bsgrubs par 'gyur ro/ /shing la sogs pa'i 'dab ma 'jam po la lo ma'i sgras bstan pa yin no/ /gang gi tshe lo ma'i bas kyis kyang rig pa dang rkang par ldan pa mngon sum du byed par mi nus pa de'i tshe nges pa med par gyur pas lo ma'i zas de yang yongs su spangs nas sngags kyi gzhur la ? ? bar 'gyur ro/ /gzhung ni tshig yin no/ /'ga' zhig 'brel pa ni snga phyi 'gal ba med par rnam par bzhag pa'i sgo nas rnam par gzhag pa yin no/ /'ga' zhig tu rig pa dang rkang par ldan pa mngon sum du byed pa la 'di thabs su 'gyur ro zhes bya ba'i bsam pa 'dis sbyor ba yin no/ /gang gi tshe thabs nges kyang khong du chud par ma gyur pa de'i tshe grong gi nang ste skye bo chen po'i nang du lhags te/ 'ongs pa'am phyir par gyur nas so/ /sbyin pa byin zhing zhes bya ba ni sbyin pa las byung ba'i bsod nams byas pa'o/ /bsod nams byas te zhes bya ba ni tshul khrims las byung ba'i bsod nams byas pa'o/ /'ongs shing 'ongs pa'i zhes bya ba ni bzlos pa'i tshig gnyis yin te/ 'ongs nas ring du la nor dag las gang dag phyir 'ongs pa de ni 'ongs shing 'ongs pa yin no/ /nus pa ni rdzas kyi nus pa yin la stobs ni spro ba dang ldan pa yin no/ /kha cig ni rdzas yod kyang sbyin ba'i gnas la bsnyen bkur gyi bya ba byed pa'i lus kyi spro ba de la yod pa ma yin la/ kha cig la ni byed bar nus pa dang bcas pa gnyis ga yod pa de bas na/ nus pa ji lta ba stobs ji lta ba bzhin du zhes bstan pa yin no/ /thabs ma yin pa zhes bya ba la reg pa dang rkang par ldan pa'i thabs ma yin pa bzhi po gang yin pa de dag la yang khyod slob dpon dang bcas par gnas shing 'jug pa ma yin no/ ci'i phyir yang khyod kyis bla na med pa'i rig pa dang rkang par ldan pa mang po dang ldan pa'i shA kya la dman par smra ba'i sgo nas kun tu spyod par byed do/ /bram ze'i drang srong zhes bya ba la sogs pa la/ bram ze'i rigs las rab tu byung zhing dka' thub grub pa la bram ze'i drang srong zhes bya'o/ /rab tu 'jug par byed pa ni 'jug par byed pa'i ngang tshul can yin no// bstod pa zhes bya ba ni bsngags pa 'am bstod pa dang 'brel ba'i sngags kyi tshig dag yin no/ /dbyangs zhes bya ba ni tshig gi dbye ba'i sgo nas klog pa'o/ /yang dag par sbyor ba zhes bya ba ni 'brel par rnam par 'jog pa'i sgo nas rnam par 'jog pa yin no/ /rjes su glur len pa zhes bya ba ni yi ge'i sgo nas de dang 'dra bar klog pa'o/ /rjes su brjod pa ni don gyi sgo nas so/ /grong khyer na gnas pa zhes bya ba la/ khyad par ji lta bu dang ldan pa'i grong khyer zhe na/ 'obs kyis bskor ba zhes bya ba la sogs pa smos te/ legs par bskos pa'i 'obs su bskos pas kun nas bskor ba'i grong khyer gang dag yin pa de dag ni 'obs kyis bskor ba'o/ /gtsang btsugs pa ni 'obs kyi 'og tu rnam par 'khrugs zhing mang po btsugs shing pha rol gyi dpung bzlog par bya ba'i don du lcags kyi gzer ma byas nas gang gi tshe pha rol po'i stobs grong khyer dang thag nye bar 'ong bar 'dod pa de'i tshe lcags kyi gzer ma sa la gtor ba des pha rol gyi stobs bzlog par 'gyur ba dang/ gtsang gze ma dang ldan ba dag pha rol po'i stobs 'jug pa'i gegs byed pa'i phyir grong khyer nyid 'gog par byed pa'am/ 'obs kyis kun nas bsgags pa nyid kyi phyir 'gog par byed pa'i grong khyer yin no/ /phrag par gzar cing zhes bya ba la sogs pa'i bshad pa ni snga ma dang 'dra'o/ /bram ze'i khye'u'i tshigs kyis mdun du bdar nas zhes bya ba ni sngon du 'gro bas mchod pa yin no/ /spyi po bcings pa zhes bya ba la sogs pa la/ spyi bo bcings pa ni gtsug gtor gyi rnam pa la sogs pas skra'i bkod pa mdzes par byas pa'o/ /lag pa bsku ba'i spu can zhes bya ba la/ ji ltar bsku ba gzhon nu lung las ma gtogs pa ba spu phra mo yod pa de bzhin du de dag gi lag pa dag kyang ngo/ /lta dang 'dra bar kun nas zlum pa dang/ mtho la mi lhod pa'i nu ma gang la yod pa de ni lto dang 'dra ba'i nu ma can no/ /bsku ba ni dri'i rdzas sam 'bru mar gyis lus byugs pa'o/ /dpung pa'i rgyan ni dpung rgyan no/ /do shal ni mgul rgyan gyi bye brag go /shin tu brgyan pa ni legs par gyur pa yin no/ /rkang pa brkyang ste zhes bya ba ni rkang pa rkyong bar byed bas so/ /nyes pa dag ces bya ba ni drang srong rnying pa'i chos las bskyod pa de'i phyir mkhan po'i nyes pa zhes bya'o/ /rtsig pas bsgribs pa 'am zhes bya ba la/ nga rgyal gyis mngon sum du sbyin par mi nus pa bdag dang rjes su mthun pa'i sgrub pa mi byed pa de bas na rgyal po bdag gi mdangs kyis gnod par ma gyur cig snyam pa de'i phyir gos kyis bsgribs shing bar du bcad pa yin no/ /shes pa zhes bya ba ni rnam par shes pa ste pa snga phyi spyod pa la mkhas pa'o/ / longs spyod la bcos pa'i zas yong su longs spyod pa'i snying po nyid yin pa de'i phyir bcos pa bslong ba zhes bstan to/ /shin tu nga rgyal ba nyid kyis 'dir nyes pa yin no/ /dpyod par byos shig ces bya ba ni nges par dpyad par bya'o/ /lkog tu bya ba ni rgyal pos stong pa gtsang ba gya nom pa'o/ /smras pa ni yi ge'i sgo nas so/ /smra ba ni don gyi bdag nyid kyi sgo nas so/ /rgyal por gyur pa 'am zhes bya ba ni rgyal por dbang skur ba thob pa'o/ /rgyal po nyid tu zhugs par 'gyur ba'am zhes bya ba ni dbang bskur du rung bar skyes pa'o/ /drang srong nyid du zhugs par 'gyur ram/ zhes bya ba ni drang srong gi lam thob par gyur pa'o/ /shin tu zhes bya ba ni shin tu khyad par du legs par rtse gcig tu gtong ba'i sgo nas yid la byed pa'o/ don dang zhes bya ba ni mngon par 'dod pa'i don thob pa'i phyir ro/ /phan ba dang zhes bya ba ni 'jig ten pha rol gyi phun sum tshogs pa'i phyir ro/ /bde ba'i phyir zhes bya ba ni thar pa'i bde ba thob pa'i phyir ro/ /'dod cing zhes bya ba ni e ma'o bdag gis mtshan nyid kyis rang gi ngo bo shes par bya'o/ /zhes de ltar 'dod pa dang bcas par 'gyur ba'o/ /the tshom du gyur pas zhes bya ba ni ci 'di la mtshan de gnyis yod dam med ces so/ /gsang ba'i phyogs kyi sba ba ni gsang ba'i sba ba yin la/ spubs su nub pa ni zhugs pa 'am g.yags pas spubs su nub pa ste/ sbubs su nub pa yang de yin la/ gsang ba'i sba ba yang yin pas na gsang ba'i sba ba sbubs su nub pa'o/ /yang pa nyid kyi phyir dang/ srab pa nyid kyi phyir ljags ring la srab pa'o/ /'dis skyes bu chen por mtshon par byed pa yin pas na mtshan te/ zhabs legs par gnas pa yin no/ /mi'i rgyu ba du 'khrungs pa nyid kyi phyir mi mchog ces bya ba 'dod pa yin te/ bcom ldan 'das ni 'khor ba'i nang du 'dus pa'i sems can ma lus pa'i mchog tu gyur pa yin no/ /bud med lta bu zhes bya ba'i dbang du byas nas/ lce bud med dang 'dra ba zhes bya ba yin no/ /brkyang mdzad pa zhes bya ba la/ zhal nas phyung bar mdzad nas so/ /bdag gi the tshom bsal ba ni dor bar ro/ /snyan par grags pa zhes bya ba ni grags pas 'khor ba ma lus par gyur pa'o/ /dka' bas rnyed par nus pa'i phyir rnyed par shin tu dka' ba'o/ /rgyu mtshan zhes bya ba ni rdzu 'phrul gyi mthu las byung ba'i rtags yin no/ de la gsal ba ni ma gtogs par te/ gsang ba'i sba ba sbubs su nub par mthong bar gyur pa'o/ /rjes su yi rangs te zhes bya ba ni tshig gis so/ /mngon par bstod do zhes bya ba ni sems kyis so/ /khyim gyi mchog ces bya ba ni khang pa'i mchog go / mngon par 'dod pa'i bya ba byed pa'i sgo nas 'dus shing rten so sor 'jog pa'i sgo nas 'khod pa yin no/ /mang du zhes bya ba ni bram ze'i khye'u aM pa ta 'ong ba la sdod pa'o/ /phyag 'tshal te zhes bya ba ni tshig gi sgo nas phyag byas nas so// ji ltar brjod pa ni ji ltar 'jug pa dang/ ji ltar rab tu 'jug par byed pa'o/ /khros shing zhes bya ba ni thog mar khros pa'i phyir phros pa'o/ /'khrugs pa ni lus 'gyur ba'i phyir ro/ /gtum pa ni ngag gi 'gyur ba'i phyir ro/ /yid ma rangs pa zhes bya ba ni rgyun gyis sems rangs la med pa'o/ /e ma'o pho nya byed pa zhes bya ba ni khyod kyi pho nya'i las byed chen po byas pa yin te nges? gzhan kho na smras pa khyod kyis gzhan kho na byas pa yin no/ /mi 'dod tu zin kyang mngon par 'dod pa'i gnas su mngag gzhug la 'gro bar byed pa gang yin pa mngag gzhug pa'o/ /nga yang ngan song du lhung ngo zhes bya ba ni gang gi phyir khyod de 'dra ba'i drang srong chen po la bsnyen bkur la sbyor bar mi byed pas nga yang sems can dmyal bar lhung bar 'gyur ro// de dang der zhes bya ba ni smad pa'i zlos pa'i tshig gnyis yin no/ /bdag kyang tshod bzung bar gyur to zhes bya ba la/ kho bo skabs thams cad du nyes pa dang ldan par byed pa'o/ /gus pa mngon du song ba'i lus dang/ ngag gi 'jug pa ni bsnyen bkur yin no/ /bca' bar bya ba ni rtsa ba la sogs pa lnga yin la/ bza' bar bya ba ni khur ba la sogs pa lnga yin no/ /yid rangs pa zhes bya ba ni bshad ma thag pa'i tshig gis spro bar mdzad pa'o/ /mchod sbyin nang na sbyin sreg mchog ces bya ba la sogs pa la/ me la sbyin sreg sbyin pa ni me'i sbyin sreg yin la/ mchod sbyin gang dag la me'i sbyin sreg gi kha yod pa de dag ni sreg sbyin kha sgyur yin te/ me ni lha'i kha yin no zhes bya ba'i tshig des lha'i ched du cung zad me la sbyin sreg byas pa de thams cad lha'i khar 'jug pa yin no/ /zhes 'jig rten na rab tu grags pa yin no/ /yang na mchog ni gtso bor gyur pa yin la/ mchod sbyin ni gtong mchod yin te/ gang bsod nams kyi don du lha'i ched du sbyin bar bya'o/ /rig byed thams cad kyi nang na skyong bcas kyi rig byed gtso bor gyur pa yin no/ /gang de dag gi nang na rgyal po de 'di mchog ste/ bsod nams dang bdag po'i sgo nas gtso bor gyur pa yin no/ /rgyu skar thams cad kyi nang na zla ba ni gdung zhing gsal bar byed pa'i phyir gsal byed de/ de dag thams cad kyi nang na nyi ma kha na dkyil 'khor dang gsal ba'i sgo nas mchog ste/ gtso bor gyur pa yin no/ /steng du 'og min gyi mthar thug pa nas thad dkar 'jig rten gyi khams kyi mthar thug pa dang/ 'og tu rlung gi dkyil 'khor gyi bar du'o/ /ji snyed 'gro bar 'gro ba dag ces bya ba la/ ji rnyed 'gro ba'i rnam pa 'am srog chags rgyu ba'i bar du 'jug pa'o/ /'jig rten lha dang bcas pa'i zhes bya ba ni lha dang bcas pa'i 'khor ma lus pa dag gi yang dag par rdzogs pa'i sangs rgyas ni mchog dang gtso bor gyur pa yin te/ dper na sbyin sreg la sogs pa mchod sbyin la sogs pa'i nang du gtso bor gyur pa yin pa de bzhin du/ bcom ldan 'das ni 'gro ba thams cad kyi gtso bor gyur pa de'i phyir mchod pa ste/ gang gi phyir bcom ldan 'das kyi mchod pa ni tshad med pa dang/ 'bras bu med pa ma yin pa dang/ 'dod pa'i 'bras bu can yin pas na rtag tu mchod par bya ba yin no/ /til drus ma dang 'bras kyi bag phye ba sras pa las srab mor byas shing mar gyi nang du bskol ba'i zas kyi bye brag ni khur ba yin no/ /sems mnyes pa bgyid dam zhes bya ba ni tshul mthun pa'i sgrub pa pas sems dang rjes su mthun par 'gyur ba'o/ /chos 'dod pa zhes bya ba ni chos la gus pa dang bcas pa'o/ /byis pa ste zhes bya ba la sogs pa la/ lung thos pa la sogs pa dang/ bral ba nyid kyi phyir byis pa'o/ /skabs ni gnas skabs yin te/ skabs shes pa'i phyir skabs 'tshal ba ma yin la skabs 'tshal ba yin pa ni skabs ma 'tshal ba'o/ /de ltar ni ngas 'di ltar song la bcom ldan 'das kyi mi chen po'i mtshan dag yang dag par bstan pa'i skabs gzhan kho nar gyur ba smos pa yin gyi 'di ltar ngas bsnyen bkur mi byed pa ni ma yin pa de bas na/ nges bsnyen bkur ma byas pa de'i phyir de ni skabs mi shes pa yin no/ /srab skyogs zhes bya ba la sogs pa la/ rta bzlog pa'i thabs su gyur pa ni srab skyogs yin la/ de gtong ba ni 'phral du yongs su spong ba'o/ /bsgrong ba ni gyen du sgreng bar byed pa'o/ /gnod pa nyung dam zhes bya ba la sogs pa la/ gnod pa ni phyi rol rnam par 'tshe bas gzir ba'o/ /kha na ma tho ba ni lus las byung ba'i nad kyis gzir ba'o// mi bde ba ni yid skyo bar gyur pa'i nang ngo/ /bskyod pa yang ba ni bya ba la lus yang ba nyid do/ /'tsho ba ni bsod snyoms kyi sgo nas gnas par gyur pa'o/ /stobs ni 'tsho ba'i 'bras bu nus pa nyid do/ /bde ba ni lus kyi'o/ /reg par gnas pa ni mngon par dga' ba dang bcas pas gnas pa'o/ /phud pa ni yongs su dor ba'o/ /gos bgos pa zhes bya ba la sogs pa la/ rjes su reg pa ni reg par byed pa'o/ /do ker ni skra gtsug phud du bcings pa'o/ /grags pa las rnyed pa zhes bya ba ni thob par gyur pa ste/ de dag ni rigs thams cad kyi mchog tu gyur pa yin no/ /snyam pa des longs spyod dag gi bgo bsha' bya'o zhes bya ba ste lta bu ni grags pa las rnyed pa yin no/ /grags pa kho nas yongs su longs spyod par byed do/ /zhes bya ba la/ rigs gzhan la phyag byas pa de'i tshe bdag la snyan pa mi 'gyur ro snyam pa des gzhan g.yo'i sgo nas phyag byed pa yin no/ /shin tu nga rgyal can zhes bya ba ni lhag pa'i nga rgyal dang ldan pa'o/ /sangs rgyas zhes bya ba la sogs pa la/ sbyin pa dang ldan pa'i gtam ni sbyin pa'i gtam mo/ /tshul khrims kyi phan yon gsal bar byed pa'i gtam ni tshul khrims kyi gtam mo/ /mtho ris kyi bsngags pa brjod pa'i gtam ni mtho ris dang rjes su mthun pa'i gtam mo/ /'dod pa'i yon tan lnga'i ro myang ba bsal bar byed pa'i gtam ni ro myang ba'i gtam yin te/ ji skad du gal te bdag 'dod pa'i yon tan lnga la bsten pa'i bde ba skye zhing yid bde ba skye zhing skyes pa'i 'dod pa dag gi ro myang bar brjod pa 'dod pa de dag gi ro myang ba ni shin tu tshud la 'on kyang de dag gi nyes dmigs ni che bar bstan pa yin no/ /'dod pa'i nyes dmigs bsal bar byed pa'i gtam ni 'dod pa'i nyes dmigs kyi gtam yin te/ ji skad du 'dod pa'i rgyu dang 'dod pa'i gzhi dang/ 'dod pa'i rten gyis ma bu dang lhan cig rtsod par byed pas na/ lus dang ngag dang yid kyi sgo nas nyes par spyod pa chen po spyad pas sems can dmyal ba dag tu skye bar 'gyur ro zhes bstan pa yin no/ /kun nas nyon mongs pa'i phyogs ni 'dod chags la sogs pa yin la/ 'dir kun nas nyon mongs pa byed ces bya ba'i dbang du byas nas kun nas nyon mongs pa ni 'khor ba yin no/ /rnam par byang bas na rnam par byang ba ste thar pa yin pa 'am/ 'dis rnam par byang bar byed pas rnam bar bya rab ste/ 'phags pa'i lam yin zhing de'i phyogs ni dad pa la sogs pa yin no/ /nges par 'byung ba'i dngos po ni nges par 'byung ba nyid de/ khyim gyi gnas yongs su spangs pa 'am/ 'dis nges par 'byung ba ste zhes bya ba ni dbang du byas nas 'phags pa'i lam nges par 'byung ba yin te/ de'i dngos po ni nges par 'byung ba nyid do/ /rab tu dben pa ni lus dang sems kyi sgo nas dben pa'i gnas skabs yin te/ de dag gi bsngags pa ni yon tan gyi gtam yin no/ /yid bde ba khyad par du 'phags pa dang ldan pa'i phyir dga' ba sems so/ /'phags pa'i lam skye ba dang rjes su mthun pa'i phyir dge ba'i sems so/ /rab tu dga' ba dang ldan pa'i phyir mgu ba'i sems so/ /lam skye ba'i 'chid ba ma yin pa'i phyir sgrib pa med pa'i sems so/ /ma 'ongs ba'i yon tan skye ba'i skal ba dang ldan pa'i phyir skal ba yod pa'o/ /mthu zhes bya ba ni nus pa'o/ /kun nas bstod pa ni skyes bu'i don bla na med pa yin te/ yang dag par bstod pa'i phyir mthu yod pas na kun nas bstod pa can nam/ 'di la kun nas bstod pa'i dgos pa'i chos bstan pa yod pa de ni 'dir kun nas bsngags pa can gyi chos bshad pa ste/ 'phags pa'i lam skye ba dang rjes su mthun pa zhes bya ba'i tha tshig go /dag pa zhes bya ba ni dkar po'o/ /nag po dang bral ba zhes bya ba ni dri ma med pa'o/ /btsor rung ba zhes bya ba ni btsor rung bar gyur pa'o/ /legs par tshon 'dzin pa zhes bya ba ni shin tu tshon chags par gyur pa'o/ /shin tu khong du chud pa zhes bya ba ni zag pa med pa'i shes pas yongs su bcad pa'am mthong bar gyur pa'o/ /chos mthong ba ni sdug bsngal gyi bden pa'o/ /rnyed pa ni 'gog pa'o/ /rigs pa ni kun nas 'byung ngo/ /khong du chud pa ni lam mo/ /'dod pa dang bral ba zhes bya ba ni 'khor ba thog ma med pa nas goms pa'i chos dag khong du chud pa'i 'dod pa dang bral ba'o/ /de bzhin du bden pa bzhi'i yul la the tshom dang bral bar gyur pa'o/ /gzhan gyi drid mi 'jog pa zhes bya ba ni gzhan tshad mar gyur pa ma yin pa'i chos dag rang nyid kyis rtogs pa'i phyir ro/ /gzhan gyis mi dkri ba'i chos gzhan de yang khong du chud pa nyid kyi phyir ro/ /ston pa'i bstan pa ste bshad pa'i chos dang/ gzhan rnam par gnas pa'i chos dag la mi 'jigs ste/ 'jigs pa med pa nyid thob pa'o/ /shin tu 'das pa zhes bya ba ni chos la rab tu zhugs pa yin no/ /'das pa'i tshig gnyis pa ni phyir 'jig par mi 'gyur ba thob par bgyi'o/ /zhes bstan pa yin no/ /yang na dga' ba'i yul la na? gnyis brjod pa yin no/ /skyabs su mchi ste zhes bya ba ni yongs su skyob par mdzad pa'i sgo nas rten sgrub par byed pa'o/ /ji srid 'tsho'i bar du zhes bya ba ni ji srid 'tsho'i mthar thug pa'i phar du'o/ /srog dang ldan pa zhes bya ba ni ji srid bdag srog dang ldan pa de srid du 'gro ba yin no/ /zas bza' bar bya ba ni zas longs spyod par bya'o/ /dbya ba ni 'dod pa ma yin pa ston pa'i tshig brjod pa'o/ /gzhon rabs kyi dus yol bar gyur ces bya ba la sogs pa la/ mang ba nyid kyi phyir ji srid dge slong dag dang/ gzhon rabs su rnam par gnas pa dag gis zas thob par gyur pa de srid du dge 'dun gyi gnas brtan gyis zas zos shing zas zos nas kyang yon bshad par byed pa dang/ dge slong gzhon pa dag yon bshad par gyur pa na zas ma zos la/ yon bshad pa yongs su rdzogs pa na yang zas kyi dus la 'das par gyur pa de'i phyir du pa las 'das pa zhes bstan to/ /don mi go ba zhes bya ba la don yongs su shes pa'i ngang tshun can ma yin pa'o/ /sgra mi thos pa ni sgra so sor rig pa ma yin pa'o/ /gral tshar gnyis su zhes bya ba la/ ji ltar gral bshams pa de bzhin du gral gnyis pas rgan rabs dang nye ba'i mthar son par gyur pa de bas na shin tu thag nye bar gnas pa'i gsar bu don so sor rig par 'gyur zhing sgra so sor rig par 'gyur ba'o/ /rib ma'i rtsa zhes bya ba ni me tog gi rib ma'i mdza' phyogs su gyur pa 'am/ rib ma'i rtsa ba ni khyim gyi tshar dang nye ba'o/ /mi dge ba zhes bya ba ni rnam par smin pa mi 'dod pa nyid kyi phyir 'dod pa la sogs pa'i rnam par rtog pa ste/ mi dge ba de la rnam par rtog pa byed do/ /'phags pa'i skye bos smad pa nyid kyi phyir sdig pa yin la/ 'dun pa'i 'dod chags la brten nas skyes pa'i phyir chags pa la rten pa yin no/ sa bon tsha ba lta bu zhes bya ba la/ tsha ba ni kha ba 'am rno ba yin te/ tsha ba'i sa bon ni tsha ba'i sa bon yin pas na bdag nyid tsha ba'i 'bras bu'i sa bon ltar zhes bstan par 'gyur te/ sa bon tsha ba ma yin pa sa bon tsha ba byed pa yin pa'i phyir bdag nyid sa bon tsha ba ltar rang nyid kyi sems gyur pa yin no/ /'dod pa'i yon tan lnga'i bdag nyid rnam par rtag pa dang ldan pa'i phyir bdag nyid dri nga ba yin la/ reg pa'i skye mched drug gis sdom pa ma yin pas bsdams pa'i phyir bdag nyid zag pa yin no/ /reg pa'i skye mched drug po dag gis rtag tu 'dod chags la sogs pa'i nyon mongs pa zag par byed pa'i phyir sdig pa'i chos 'dod chags la sogs pa ni sbrang bu yin te/ rang dbang du gnas pa'i ro myong bar byed do/ /rang gi 'dod pas yongs su longs spyod pa ni mngon par bldags pa 'am/ rgyun gyis de la gnas pa'o/ /'di la gan ma yod pa ma yin no/ /zhes bya ba ni 'di la gnas yod pa ma yin no/ /gzhan zhes bya ba ni ma bstan pa'i gtso bor gyur pa'i dge slong 'ga' zhig go /de'i tshig bla dags so zhes bya ba ni de'i ming ston par byed pa'o/ /'dun pa'i 'dod chags dang mtshungs par ldan pa'i rnam par rtog pa ni 'dod pa'i rnam par rtog pa yin no/ /gnod sems dang mtshungs par ldan pa ni gnod sems kyi rnam par rtog pa yin no/ /gzhan la co 'dri ba dang 'tshe ba ngag dang mtshungs par ldan pa ni 'tshe ba'i rnam par rtog pa yin no/ /dga' bar byed mngon par 'dod par byed pa yin pas na 'dod pa yin la/ 'dun pa'i 'dod chags kyi sgo nas yon tan du byed cing yang dang yang du goms par byed pas na yon tan yin no/ /'di la zhes bya ba ni 'dod pa'i yon tan lnga'i yul la 'dun pa'i 'dod chags ni don du gnyer ba'i 'dod chags so/ /mig gi reg pa'i skye mched ces bya ba la reg pa'i skye mched skyed par byed pa'i gnas yin pas na reg pa'i skye mched yin pa la mig kho na reg pa'i skye mched yin pas mig gis reg pa'i skye mched yin zhing/ mig dang gzugs la brten nas mig gi rnam par shes pa skye bar 'gyur te gsum 'dus pa ni reg pa yin no zhes brjod pa'i phyir ro/ /de bzhin du rna ba la sogs pa'i skye mched kyang rig par bya'o/ /sdom pa ma yin pa zhes bya ba ni yul ma yin pa las ldog pa med pa ni sdom pa ma yin pa yin te/ des bsdams pa dang ldan pa'o/ /sdig pa mi dge ba'i chos la sems rjes su 'jug pa ni sems la brten nas 'jug par 'gyur ba'o/ /ci zhig yod ce na/ smras pa/ bsnab sems dang/ yid mi bde ba yod na'o/ /de dag yul gang la zhe na/ smras pa/ 'jig rten te nye bar len pa'i phung po lnga'o/ /mig dang rna ba gang ma spas zhes bya ba la sogs pa la/ mig dang rna ba yul la rab tu 'jug par byed pa'i phyir mig dang rna ba ma spas pa yin no/ /'dun pa'i 'dod chags kyis gzir ba ni gnod par gyur pa'o/ /de la gnas pa ni bde bar gnas pa ste mya ngan las 'das pa la gnas ba yin la/ bde bar gnas pa las dge slong de ring du gyur pa yin no/ /gnod pa ni 'khor ba'i sdug bsngal te skye ba la sogs pa yin pa/ de'i nang na gnas pa'i sgo nas de ni gnod pa la nye bar gyur pa yin no/ /gang zhes bya ba la sogs pas ni phan yon ston par byed pa yin no/ /nang gi gnas ni rang gi sems rtse gcig pa yin la/ sbyor bar byed pa ni bcom ldan 'das la sbyor bar byed pa pos bdag nyid nges par sbyor ba'o/ /ci zhig byas nas shen/ smras pa/ mngon shes te shin tu shes nas so/ /de gang zhe na/ bsams pa la sogs pa shugs kyis rtogs par gyur pa'o/ /bder gnas zhes bya ba ni bde bar nyal ba ste/ 'di ni yang srid par mi 'jug pa'i phan yon gzhan yin no/ /ci zhig byas nas she na/ smras pa/ yang dag pa'i bka' i go 'phang gis so/ /go 'phang khyad par ji lta bu zhe na skyes bu ngan bas ma bsnyen pa'i zhes bya ba la sogs pa smos pa yin te/ smad par bya ba'i skyes bu ni skyes bu ngan pa ste/ le lo la sogs pa'i nyes par spyod pa dang ldan pa'i phyir ro/ /des thob par bya ba ma yin pa'i phyir ma bsten pa'o/ /go 'phang ni thar ba zhes bya ba'i gnas yin no/ /'phags pa ste sangs rgyas kyis bstan bcom ldan 'das kyis so/ /legs bshad ni mdzes par rab tu bshad pa yin no/ /spyod yul ma yin pa lnga zhes bya ba ni dge slong 'gro ba tshul ma yin pa'i phyir spyod yul ma yin pa'o/ /rol mo'i gnas ni rol mo mkhan gyi gnas so/ /smad 'tshong ma'i gnas ni 'dir 'dod pa dag 'jug par byed pa'i zhes de'i dbang du byas nas smad 'tshong ma'i khyim yin no/ /chang 'tshong gi gnas ni myos byed kyi ltung ba'i khang ba yin no/ /gdol ba'i gnas ni gdol pa'i gnas khyim yin no/ /ji ltar bshams pa bzhin du zhes bya ba ni ji ltar 'gro ba'i dge slong des bshams par gyur pa de kho na bzhin du nges btang snyoms su bzhag par gyur pa'o/ /sngon gyi las zhes bya ba la/ sngon gyi las ni 'dir las rnying ba yin par rig par bya'o/ /sbrul ni sbrul gyis so gang yin pa de gzhan la gnod par byed pa'i tshe dug yod pa'i phyir sprul gdug pa'o/ /'bru mar zhes bya ba ni rkang pa brku ba'i phyir ro/ /gang sngon gyi skye bar nges tshe thung bar 'gyur ba'i las byas pa des len pa nyid kyi nyes pa yin te/ des bskyed pa ni 'phangs par gyur pa'o/ /non pa ni g.yo 'gul byed pa'i nus pa chung ba'o/ /lus ma nus pa sdug bsngal gyi tshor bas gnod pa ni gzir ba'o/ /shi bar gyur pa ni dus las 'das par gyur pa'o/ de gnyis kyis zhes bya ba ni nges par gzung ba'i drug pa yin te/ de gnyis las gcig gis so/ /rdul gzan byin bzhin du zhes bya ba ni nges rdul gzan mtshan mo rigs kyi tshul du bgos pa de'i phyir de skad ces bstan to/ /de ltar mi sdug par gyur pa zhes bya ba ni de ltar 'gyur ba thob par gyur pa'o/ /bsdum par rung ba zhes bya ba ni sbyor du rung bas na bsdum du rung ba'o/ /'dum par mi 'gyur gyis zhes bya ba ni de nyes pa gzhan yod pa'i phyir 'dum par bya ba ma yin pa'o/ /gos gcig gang la yod pa de ni gos gcig pa ste gos gcig gon pas gzhan la phyag mi bya zhing gos gcig gyon pa la phyag mi bya la/ gos gcig gyon pas kyang gzhan gyi phyag bdag gir mi bya'o/ /gzhan de la zhes bya ba ni tha mal pa'i gnas la'o/ /mngon sum du phyogs pas 'dug cig ces bya bar ni bstan pa'i gnas la mngon sum du phyogs pas 'dug par bya ba yin no/ /las bdag gir byed pa la dmigs nas zhes bya ba la/ /bdag nyid kyi las la rag lus pa 'am/ rang gis byas pa'i las kyi 'bras bu longs spyod du rung bar bdag nyid kyis shes nas zas la sogs pa'i tshod rigs par bya ba yin no/ /rdul gyis khyab par gyur pa'o/ /lag pa nas bzung ba'i sgo nas nyam nga ba las bton pa ni lag pa nas bzung ba yin no/ /sran ma sha las byas pa 'am zhes bya ba ni (sran ma sha btags pa las byas ba'am/ 'bras btags pa las bsgrubs pa'i bcab pa'o/) /tshod rig par byos shig ces bya ba ni len pa na ji ltar nye gnas dang slob ma la gnod par mi 'gyur ba de ltar tshod shes par bya ba yin no/ /gtsang sbyor ba ni zas kyis zhal ta ba'o 'bru mar gyi snod ces bya ba ni pags pa las byas pa 'bru mar gyi snod kyi go sku'o/ /kha ton lhogs shig ces bya ba ni klog du gcug pa yin no/ /autpa la 'am zhes bya ba la 'am gyi sgra ni gzhan gyi don du blta bar bya'o/ /ji ltar chu zhes bya ba ni ji lta ji ltar chu la 'phel bor 'gyur ba de ltar autpa la yang 'gyur ro/ /khyim ste bram ze dang khyim bdag khyim bshad? bar 'gyur ba'i nyes pa gang dag gis sun 'byin par byed cing ma dad par byed pa de dag gi ni khyim sun 'byin pa yin no/ /ji ltar de dag khyim sun 'byin pa yin zhe na/ smras pa/ gang gi phyir sdig pa'i chos kun tu spyod pa yin no/ /ji ltar sdig pa'i chos kun tu spyad pa yin zhe na/ de dag bud med kyi yul dang zhes bya ba la sogs pa smos pa yin te/ 'du 'dzi la sogs pa'i tshig gi bshad pa ni snga ma bzhin du rig par bya'o/ /snod gcig gi nang du zhes bya ba ni snod chen po gcig gi nang duAm/ rdo'i snod gcig la'o/ /me tog thogs pa ni thod dam rna ba dag la'o/ /bya dga' byin pa ni mang du byin pas dga' bar gyur pa'o/ /rgyug pa ni shugs kyis 'gro pa'o/ /mched pa ni rgal pa'o/ /rab tu mchod pa ni steng du 'chod pa'o/ /brla gcig g.yong pa brla sgyur byed pa'o/ /dpung pa gcig bskyod pa ni dpung pa ni dpung ba sgyur bar byed pa'o/ /nya bzhin du sgyur bar byed pa ni nya ltar 'gyur zhing 'phang pa'o/ /chu la rdo 'phar 'phen pa ni chu'i steng du rdo'i dum bu 'phen par byed pa'o/ /lag pa gcig gis bsnun pas chu'i steng du snun pa ni chu sgra 'byin pa'o/ /lag pa gnyis kyis rdag cing snun pa ni chu rnga brdung ba yin no/ /kha rlung gis bkang ba la lag pa'i thal mo gcig gis brdeg cing snun pa ni kha'i rnga brdung ba 'am/ /ba'i sgo nas rnga bo che'i sgra ltar sgrogs pa ni kha'i rnga brdung ba yin no/ /kha dang lag pa'i sbyor ba las dung gi sgra 'byin pa ni kha'i dung 'bud pa'o/ /kha'i sgo nas rnga'i sgra sgrogs pa ni kha'i rnga len par byed pa 'am/ kha rlung gis bkang pa lag pa gnyis kyis brdegs shing bsnun pa'o/ /dge sbyong gi las ma yin pa zhes bya ba ni dge sbyong dang tshul mthun pa ma yin pa'o/ /spyod lam zhes bya ba lus kyi spyod lam mo/ /spyod pa zhes bya ba ni log pa'i spyod yul la spyod pa'o/ /log par zhugs pas na zhes bya ba ni tshul ma yin pa'i bya ba la kun tu spyod pa'o// spangs te zhes bya ba ni yongs su dor ba'o/ /'gal tshabs can du 'gyur ro zhes bya ba ni 'ga' zhig tu dge 'dun lhag ma'i gnas ngan len smra ba la sogs pa la/ 'ga' zhig tu ji ltar gos kyis bar du chod pa'i bud med kyi yul gyi lus reg pa bdag gir byed pa'i nyes pa spom po dang/ kha cig tu myos par byed pa 'thung ba la sogs ba ltung byed 'ba' zhig pa dang/ kha cig tu gar la sogs pa'i nyes byas dag la 'dir ci rigs par 'gal tshabs can gyi don du blta bar bya'o/ /nyams par byed pa ni 'dir zhing 'jig par byed pa'o/ /rnam par 'jig par byed pa ni kun dga' ra ba dang skyed mos tshal 'jig par byed pa'o/ /gsod par byed pa ni 'dis 'phongs par byed pa'o/ /yang na nyams par byed pa ni phyi rol gyi cha byad 'jig par byed pa yin la/ rnam par bshig pa ni nad gi yo byad 'jig pa yin zhing srog bcad pa 'dis phongs par byed pa'o/ /gnod pa chung ma zhes bya ba ni la sogs pa'i bshad pa snga ma dang 'drang ngo/ /phyin ci ma log pa gsung pa zhes bya ba ni phyin ci ma log pa'i dag gi 'bras bu ston par mdzad pa'i ngang tshul can te/ bden pa gsung zhes bya bar dgongs so/ /gcig tu nges pa ma yin no zhes bya ba ni 'dir khyod mngon par 'dod pa'i dngos po gcig tu nges pa ma yin ste/ ji ltar khyod 'dod pa de kho na bzhin du lung bstan par nus pa ma yin no/ /rtsa ba la'i mchod rten zhes bya ba la rtsa ba la zhes bya ba ni mi 'ga' zhig gis byas pa'i mchod rten no/ /bri ba zhes bya ba ni yongs su nyams pa dang mthun pas na bri ba yin la/ bri ba ma yin pa ni mi 'bri ba ste yongs su bri ba dang 'gal zhes bya ba'i tha tshig go /bri ba ni 'dir 'byor pa nyams pa yin no/ /yi dam du bcas nas zhes bya ba ni sems kyis lhag par sbyad par bya ba nyid du 'dzin pa'o/ /'jug par byed na zhes bya ba ni de'i yul dang mthun par 'jug par byed pa'o/ /snang na zhes bya ba ni 'thad pa kun tu spyod pa'i sgo nas yul bri ba ji dag la de dag gsal bar snang bar gyur na'o/ /phyogs gcig la kun tu spyod pa'i dogs pa bzlog pa'i phyir tshig gnyis pa bzung ba yin no/ /'phel zhes bya ba ni 'byor pa rnam par 'phel ba la 'dir 'phel ba'i sgras bstan to/ /legs so zhes bya ba ni 'dir rigs pa'o/ /tshe dang ldan ba kun dga' bo la bos nas zhes bya ba la sogs pa la/ ji ltar na bcom ldan 'phags pa kun dga' bo la 'dri ba mdzad de/ dngos po thams cad kyi de kho na nyid mkhyen pa ni gzhan la 'dri ba mdzad pa rigs pa ma yin no zhe na 'di la bla ma dag 'jig rten gyi tha snyad kyi don dang/ gang dag bcom ldan 'das la thams cad mkhyen pa dang sangs rgyas ma grub pa de dag yid ches par bya ba'i don dang/ 'phags pa kun dga' bo'i spobs pa bstan par bya bar phyir zhes bya ba de lta bu la sogs par ston par mdzad do/ /yang dang yang du 'du ba zhes bya ba ni yul gyi bya bar dpyod par gyur pas yang dang yang du gnas la gcig tu 'du bar byed do/ /mang du 'du ba las kyang gnas par 'gyur ro zhes bya ba ni rtag tu gnas pa 'am rtag tu gnas pa las gnas par 'gyur zhing ldang bar yang 'gyur ro/ /mthun pa zhes bya ba ni 'du ba dang ldan pa blo gcig tu gyur pa ste/ thams cad rang bzhin gcig la brtson par phan tshun rjes su mthun par gyur ces bya ba'i tha tshig go / bya ba ni thag nye ba dang gtso bor gyur pa yin/ /byed pa ni thag ring ba dang phyis bya ba yin pa nyid kyis gtso bor gyur pa yin pa'o/ /mi rigs pa ni rnam par bzhag pa ma yin pa ste/ sngon gyi chen po dag gis dngos po'i rang bzhin rnam par bzhag pa de 'jig par mi byed zhing? rnam par 'jog par mi byed pa'o/ /gang yang sngon gyi chen po dag gis rnam par gzhag pa de gcad par ma byed pa ste/ kun nas gcod par byed par mi 'gyur ba'o/ /ji ltar zhes bya ba la sogs pa la/ ji ltar de dag gi rigs pa rgyud pas 'ongs pa'i rjes su mthun pa'i chos bden pa dang gtsang sbra la sogs pa yang dag par blangs nas gnas par gyur pa'o/ /yul bri dzi'i bud med ces bya ba la sogs pa la/ bud med ni me bskor byas pa yin la/ gzhon nu ma ni mna' ma byas pa yin no/ /yang na bud med ni bdag po dang bral bar gyur pa'o/ /pha la sogs pas bsrungs pa dang/ mnyen bshes kyis bya ba ma yin pa las bzlog pa'o/ /bdun gyi rgyud kyi nang du 'dus bar gyur pas na gnyen yin/ /rigs zhes bya ba ni spyir b+ha ba b+ha? dza la sogs pa'i rigs su chud par gyur pa'o/ /chad pa dang bcas pa zhes bya ba ni 'dod pas log par g.yem pa'i yul de ni 'dir chad pas bcad par bya ba yin ni/ /sgrib pa dang bcas pa zhes bya ba la/ 'dod pas log par g.yem pa'i yum de ni ched pa ma gtogs par tshar bcad par 'os pa 'am/ bsrungs ma dang bcas pa ste/ srung ba dang skyob pa rnam ba dum dang ldan par gyur pa'o gzhan gyis yongs su zin pa zhes bya ba ni mna' ma byas pa med par gzhan gyi dbang gis thob par gyur pa'o/ /phreng ba'i rgyud ni bar ba zhes bya bar thams cad kyis dang por bu mo de sbyin pa'i rgyu mtshan me tog len pa'i sgo nas bzung ba dag yin te/ gang gi phyir 'ga' zhig bu mo sbyin par 'dod pa des thog par mgo? par 'gyur ba la phreng ba byin nas phyis bu mo sbyin par byed pa de'i phyi bu mo de phreng ba'i rgyud bor ba zhes bya'o/ /brtul te zhes bya ba ni bgrod par bya ba 'am ma yin zhes dpyod pa med pa'o/ /mthus zhes bya ba ni zil gyis mnan pa'o/ /spyod pa ni 'dir 'dod pa'i yul gyi las su bya ba ston pa yin no/ /'dir rigs mthun pa ni sos kyis rgan pa la rgan po'i sgras brjod pa yin no/ /pha'i pha ni 'dir rje'i sgras brjod pa yin la/ rje dang 'dra ba zhes bya ba ni rje dang na tshod 'dra bar gyur pa'o/ /pha dang 'dra zhes bya ba ni pha dang 'dra bar gyur pa'o/ /btsun par byad ces bya ba la sogs pa la ni sems kyis chen po nyid du 'dzin pa ni btsun par byed pa yin no/ /lung 'bogs par byed pa'i sgo nas tshad mar gyur par 'dzin pa ni bla mar byed pa yin no/ /gnas mthon por 'jog par byed pa ni ri mor byed pa yin no/ /sngon du ldang ba dang phyag la sogs pas bla mar byed pa ni mchod pa yin no/ /dad pas zhes bya ba ni dad pa sngon du song ba can gyi gus pas so/ /mnyan par bya bar sems pa ni tshig brjod pa'i tshe'o/ /byed pa ni sgrub pa'i dus so/ /yul bri rje'i mchod rten zhes bya ba dag ni gang dag sngon gyi bri rdzi'i dag gis sngon gyi yang dag par rdzogs pa'i sangs rgyas kyi ched du byas pa 'am/ /sngon gyi bri dzi'i dus pa'i phung po dag la 'dir mchod rten gyi sgras brjod pa yin no/ /de dag gis rigs kyi gtso bo zad pa nyid kyis de dag gis mchod pa dang/ bla mar byed pa dang/ lung 'bogs par byed pa dang 'dra bar gus pa'i sgo nas 'dzin pa'o/ /dgra bcom pa zhes bya ba ni nyes pa zad par gyur pa'o/ /drag pa zhes bya ba ni chen po yin no/ /dran pa nye bar 'jog pa zhes bya ba ni dus thams cad du yul de la skyes par gyur pa'o/ /dran pa khyad par ji lta bu dang ldan pa zhe na/ smras pa/ sems kun du bsrungs pa ste/ bag med pa las sems yongs su bsrungs par 'gyur ces bya bar dgongs so/ /'gyur ba zhes bya ba ni gnod par bstan par mi 'gyur ba'o/ phrod par mi 'gyur zhes bya ba ni zil gyis gnon par gyur pa ma yin pa'o/ /de ni da ltar zhes bya'o/ /gso sbyong gtso bor gyur ba'i gtsug lag khang gi nang la/ 'dir skad sa'i sgras brjod pa yin no/ /yang dang yang du 'dus par 'gyur ba'i dge slong dag ces pa ni las brgya rtsa gcig gi nang du 'dus pa dge 'dun gyi bgyi ba byung par gyur pa na'o/ /phal chen 'dus pa ni 'du ba sbyin pa la 'dra bar gyur pa'o/ /las tshogs dang bcas pa ni 'dir dge ba'i chos yin par rig par bya'o/ /mthun bzhin du zhes bya ba ni blo gcig tu gyur pa'o/ /bya ba ni bstan pa la phan 'dogs par byed pa dang/ nye bar gnas pa gtso bor gyur pa'o/ /byed pa ni dus phyis 'gyur ba'o/ /sred pa'i dbang du 'phro ba ni mi rigs shing tshul ma yin pa'o/ /khyad par ji lta bu dang ldan pa'i sred pas ?? na/ skye zhing 'byung ba'i zhes bya ba la sogs pa smos te/ yang dang yang du skyes pa zhes bya ba'i dbang du byas nas zlos pa'i tshig gnyis yin no/ /spyir yang srid pa dang rjes su mthun pa ni srid pa yin zhing/ de ma thag pa'i skye ba don du gnyer ba'i 'dod tshogs ni dga' ba'i dang chags yin la/ de dang lhan cig par gyur pa ni lhan cig 'byung ba yin no/ /de dang de la mngon par dga' ba zhes bya ba ni thams cad du don du gnyer ba'i ngang tshul can yin no/ /dbang du 'gro ba zhes bya ba ni de'i dbang du 'gro bar gyur pa'o/ /gnas brtan zhes bya ba la sogs pa la gnas brtan ni 'dir lo bcu lon pa yin la/ rgyal tshab lta bu ni lon nyi shu lon pa yin no/ /rab tu byung nas ring du lon pa yang lo sum cu la sogs pa lon pa yin no/ /goms pa ni 'phags pa'i lam yin la/ mngon par spyad pa ni tshangs par spyad par yin no/ /ston pa ste sangs rgyas bcom ldan 'das yon tan gyi sgo nas bstod pa yin no/ /bsngags pa ni de dag gi yon tan dang ldan pa yin no zhes bya ba de lta bu'i rnam pas bsngags pa yin no/ /de gang gis bsngags pa yin zhe na/ mkhas pas zhes bya ba smos te/ rnam par shes par byed pas na mkhas pa ste/ shin tu shes rab dang ldan pa zhes bya ba'i tha tshig go /bslab pa zhes bya ba ni bslab pa'i gzhi yin no/ /chos zhes bya ba ni bstan pa'i chos yin no/ /rjes su ston pa zhes bya ba ni lam sgom pa 'am/ tshogs kyi lam lung 'bogs pa yin no/ /bag yod pa ni dge ba'i chos sgom pa'o/ /rab tu yangs pa ni phan 'dogs pa ste/ gang gi phyir chos so sor rgyas pa thob par gyur pa de la 'dir so sor rgyas pa'i sgras brjod pa yin no/ /ting nge 'dzin ni sems rtse gcig pa'o/ /las la dga' bar 'gyur zhes bya ba la/ bsam gtan dang/ 'don pa dang/ chos dang ldan pa'i dge 'dun gyi las ma gtogs pa 'di ltar bya ba la sogs pa de dag thams cad las kyi sgras brjod pa yin no/ /dga' bar bya ba yin pas na dga' ba yin la/ las la dga' ba ni las la dga' ba yin te/ las rnam pa sna tshogs ni 'brel par gyur ces bya ba'i tha tshig go /don de nyid la yi ge'i yul gyis smra ba dang/ phyir smra bas rtsod par byed pa ni 'dir smra ba'i sgras brjod pa yin no/ /gnyid la dga' ba zhes bya ba ni rtag tu gnyid la phyogs par gyur pa'o/ /rgyal po dang rkun po dang g.yul la sogs pa'i gtam ni bre mo gtam yin no/ /'dren pa ni rab tu byung ba dang khyim pa dang shin tu 'dres por gyur pa 'am/ 'dod pa'i rnam par rtog pa dang 'dres par gyur pa'o/ /rnyed pa ni nor 'thob pa'o/ /sems kyis chen po nyid du 'dzin pa ni bkur sti yin no/ /tshigs su bcad pa ni grags pa'o/ /gzhan gyi 'du shes ni gzhan khong du chud pa ste/ rnyed pa dang bkur sti dang tshigs su bcad pa'i ched ni rnyed pa dang bkur sti dang tshigs su bcad pa'i don ni gzhan gyi 'du shes te spangs pa'i sbyor ba'i rjes su ldan par spyod pa ni ma yin te/ nyon mongs pa spangs shing dor pa'i sbyor ba ni spangs pa'i sbyor ba yin la/ de dang rjes su 'brel pa de'i phyir 'brel par gyur pa yin no/ /cung zad tsam dang ches cung zad tsam gyis bya ba la shin tu chud pa ni cung zad tsam gyis bya ba la shin tu chud pa ni cung zad tsam yin la/ gtso bo ma yin pa nyid kyi phyir yon tan gong ma la bltos pa med pa zhes bya ba ni ches cung zad tsam yin te/ dper na rang gi mtshan nyid 'dzin pa'i nyon mongs pa zil gyis gnon pa ni gnas kyi rgyu mtshan lta bu'o/ /de nyid khyed par rtogs pa yin te/ rtogs pa'i khong du chud pa ma yin pa de'i phyir ro/ /bar ni dbus yin no/ /yon tan gong ma mnyes par byed pa'i bya ba'i phyir sems bzod pa med pa'i skyo ba dang/ yid 'byung ba ni rnam grangs yin no/ /gong ma'i bya ba yod na zhes bya ba la/ nyon mongs pa ma lus pa spang pa ni 'di gong ma'i bya ba yin te/ de yod par gyur na'o/ /dad pa dang ldan pa zhes bya ba la sogs pa'i ?dad pa khyad par can dang ldan par gyur pa ni dad pa dang ldan par gyur pa'o/ /ngo tsha ni gus pa dang ldan pa yin la/ ngo tsha gang la yod pa de dag ni ngo tsha dang ldan pa ste/ gus pa dang bcas pa zhes bya bar dgongs so/ /kha na ma tho ba dag la 'jigs par lta ba nyid ni khrel yin te/ de gang la yod pa de dag ni khrel yod pa'o/ /dge ba'i chos bskyed pa dang mi dge ba'i chos spangs pa'i phyir gang dag brtson 'grus rtsom pa de dag ni brtson 'grus brtsoms pa yin no/ /gang dge ba'i chos la dran pa nye bar gnas shing drang por gyur pas 'jug pa de dag ni dran pa nye par gzhag pa yin no/ /sems rtse gcig pa thob pa ni mnyam par bzhag pa yin la/ shes rab can ni shin tu shes rab dang ldan par gyur pa'o/ /chos shes pa zhes bya ba la sogs pa la/ mdo sde bas ji ltar na dge slong chos shes pa yin/ /'di la dge slong chos shes pa yin te/ dper na mdo'i sde dang/ dbyangs kyis bsnyad pa'i sde zhes bya ba la sogs pa dang/ ji ltar na don shes pa yin/ 'di la dge slong don shes pa yin te/ smras pa 'di dang 'di'i don ni 'di yin no zhes dag gi don yongs su shes par nus pa dang ldan pa zhes bya ba'i bar du 'byung ba yin no/ /dus shes pa zhes bya ba'i 'di'i ni bdag gi zhi gnas kyi rgyu mtshan dang/ 'di ni rab tu 'dzin pa'i rgyu mtshan dang/ 'di ni btang snyoms kyi rgyu mtshan gyis dus yin no zhes 'di la dge slong gis shes pa ste/ ting ge 'dzin bsgom pa'i dus ni dge ba dang/ brtson 'grus kyi dus dge ba dang/ btang snyoms kyi dus dge ba zhes bya ba'i don 'di 'gyur ro/ /tshong shes pa zhes bya ba ni bza' ba dang/ btung ba dang/ bca' ba dang/ myang ba dag gi tshong rig pa yin no/ /bdag shes pa zhes bya ba ni kho bo'i tshul khrims dang/ thos pa dang/ shes rab dang/ lung dang/ rtogs pa la sogs pa 'di ci ma dang ldan par bdag 'jal ba la mkhas pa yin te/ bdag shes pas gzhan la smod par mi 'gyur ro/ /'khor shes pa zhes bya ba ni rgyal rigs la sogs pa'i 'khor dang mthun par tha snyad du byed pa la mkhas pa yin no/ /de skad tu yang de la bdag gis 'di ltar gzhug par bya/ 'di ltar gnas par bya ba la sogs pa bstan pa yin no/ /gang zag mchog dang mchog ma yin pa shes pa zhes bya ba la/ gang zag thams cad kyi yul khyad par du 'phags pa dang/ khyad par du 'phags pa ma yin pa'i bye brag yongs su shes pa la mkhas par gyur pa yin no/ /dran pa yang dag byang chub kyi yan lag ces bya ba la sogs pa la/ mi shes pa lhag ma med pa la lhag ma med pa dang bral ba'i phyir dang bya ba byas pa khong du chud pa'i phyir dang/ yang bya ba med pa khong du chud pa'i phyir zad la mi skye ba'i ye shes ni byang chub yin la dran pa la sogs pa de dag ni de dang mthun pa'i phyir byang chub kyi yan? lag ces bya'o/ /dran pa ni don mngon par brjod pa ste/ byas pa dang/ bya ba dang/ byed par 'byung ba'i chos brjed par mi 'gyur ba zhes bya ba'i tha tshig go /dran pa khang na yang dag byang chub kyi yan lag yin no/ /khyad par ji lta bu dang ldan pa zhe na/ dben pa la brten pa zhes bya ba la sogs pa smos pa yin te/ dben pa ni 'dir lus dben pa dang/ sems dben pa yin la/ dben pa la brten cing rab tu 'jug pa'i phyir dben pa la rten pa'o/ /'dod pa'i khams la sogs pa'i 'dod chags dang bral ba rten cing rab tu 'jug pa'i phyir 'dod chags dang bral ba la brten pa'o/ /nyon mongs pa spangs pa la gnas pas rab tu 'jug pa'i phyir 'gog pa la brten pa'o/ /yon tan gong nas gong du 'phel ba la gnas pas rab tu 'jug pa'i phyir 'du 'dzis dang bral ba ste/ yon tan chu ngu'i rnam pa snga ma snga ma dor zhing snga na med pa'i yon tan 'bring dang chen po skyed pa ni 'du 'dzi dang bral ba zhes bya ba'i dbang du byas nas so/ /yang na dben pa la brten pa zhes bya ba ni sbyor ba'i lam la rten pa yin no/ /'dod chags dang bral ba la rten pa ni bar chad med pa'i lam la rten pa yin te/ nges nyon mongs pa gcod pa'i phyir ro/ /'gog pa la rten pa zhes bya ba ni rnam par grol ba'i lam la rten pa yin te/ de'i bral ba thob pa skyed par byed pa nyid kyi phyir ro/ /'du 'dzi dang bral ba zhes bya ba ni khyad par gyi lam la rten pa yin te/ khyod par khong du chud pa'i sgo nas yon tan khyad par can du yongs su gyur pa'i phyir ro/ /chos rnam par 'byed pa ni chu ngu dang 'bring dang chen po nyid du khong du chud pa dag chos dag rnam par 'byed pa yin no/ /dge ba dang mi dge ba'i chos skyed cing 'gog pa la mngon par spro ba ni brtson 'grus yin no/ /dga' ba ni yid bde ba'o/ /shin tu spyangs pa ni sems las rung ba nyid yin no/ /ting nge 'dzin ni sems rtse gcig pa nyid yin no/ /btang snyoms ni dge ba'i chos la 'jug pa la btang snyoms su byed pa yin no/ /yang dag par sdug par 'gyur ba'i zhes bya ba la sogs pa dang/ dga' ba dang mtshungs par ldan pa'i 'dod chags ni yang dag par sdug pa yin la/ yang dag par dga' ba dang rjes su mthun pa ni yang dag par sdug par 'gyur ba yin no/ /byams pa dag gi gnas pa ni byams pa'i gnas pa'o/ /de gang zhe na/ smras pa/ lus kyis las te lus can gyi 'jug pa zhes bya ba ba'i tha tshig go / dper na grogs pa rab kyi lus kyi las dang 'dug pa de dang 'dra'o/ /zhes bya ba'i don 'dir 'gyur ro/ /ston pa dang nye bar byed pa zhes bya ba ni tshul dang mthun par bsnyen bkur byed pa'i phyir ro/ /khyad par byed pas na mkhas pa'o/ /shes pa'i sgo nas rtag tu dge ba la kun tu spyod pa'i ngang tshul can du gyur pa zhes bya ba'i mkhas pa ma yin gyi tshangs pa mtshungs par spyod pa yin te/ de dag gi yang nye bar byed pa'o/ /chos 'di ni zhes bya ba la sogs pa byams pa'i lus kyi las la 'dir ches kyi spras bstan pa yin no/ /'dis mgu bar byed pas na mgu byed pa'o/ /yul gang la byams pa'i lus kyi las 'jug par gyur pa de la gdon mi za bar bla ma'i bla nyid kyang 'gyur ro/ /zhes bya ba'i dbang du byas nas bla mar byed pas na bla mar byed pa yin no/ /yid mgu bas na yid mgu ba ste/ yid mgu bar byed pas na yid mgu bar la sogs pa byed pa'o/ /mgu ba'i phyir zhes bya ba la sogs pa ni mgu ba la sogs pa ni rgyu mtshan yin no/ /yul gang la byams pa'i lus kyi las byed pa de la yang byed pa so'i blo skyed par byed de/ de la 'dir bla mar dgongs so/ /bsgom pa'i phyir zhes bya ba la/ byams pa'i lus kyi las kyi yul gang yin pa de'i yon tan bsgom pa ste/ yang dang yang mngon sum du byed pa'am bsgom pa yin par dgongs so/ /bsdu ba'i phyir zhes bya ba ni 'dre bar bya ba'i phyir ro/ /mthun pa'i phyir zhes bya ba ni sems gcig tu gyur pa'i phyir ro/ /sems kyis gnod pa byed pa'i dngos pa 'dzin pa med pa'i phyir mi 'thob par bya ba'i phyir/ /rtsub mo smra ba dang/ phyir smra ba med pa'i phyir mchod par bya ba'i phyir ro/ /gcig tu 'gyur ba ni ro gcig tu 'gyur pa'o/ /byams pa'i ngag gi las dang/ byams pa'i yid kyi las zhes bya ba ni byams pa'i las dang ngag gi las dang ldan pa ni gsal ba 'di kyi phyir mgu bar byed pa la sogs pa nyid yin la/ yid kyi las ni gsal ba nyid kyi phyir ji ltar rigs she na/ 'dir bla ma dang byams pa'i gnas thams cad ni mgu ba dang bla mar 'gyur ba yin zhing yongs su mi shes pa'i rang bzhin yang yin pa de'i phyir 'di la nyes pa yod pa ma yin no zhes ston par mdzad do/ /chos dang ldan pas thob pa zhes bya ba la sogs pa la/ chos las ma bye bas na chos dang ldan pa ste/ rnam pa thams cad du ? gzhas lta ba'i bar du 'o/ /rigs pas thob pa'i chos kyi rnyed pa yin gyi chos tshul 'chos dang kha gsag la sogs pa log pa'i 'tsho ba'i sgo nas rnyed par gyur pa ni ma yin no/ /tha na lhung bzed tu 'das pa zhes bya ba ni lhung bzed du byin gyis brlabs shing thob par gyur pa'o/ /lhung bzed du chud pa zhes bya ba ni/ lhung bzed du zas zhugs par gyur pa'o/ gzhan la 'god par byed pa'i phyir thun mong du spyod par byed pa'o/ /gsal por za ba'i phyir ? sogs te mi spyod pa ste/ pha rol po la 'god par byed las 'jigs pa'i phyir bag tu za bar mi byed pa zhes bya ba gang yin pa de la de skad ces bya'o/ /gang tshul khrims zhes bya ba la sogs pa la nyes byas tsam gyi 'chal pa'i tshul khrims kyis kyang ma gnod pa nyid kyi phyir ma nyams pa yin no/ /'chal ba'i tshul khrims kyi rgyu can gyi 'dod pa'i rnam par rtog pa la sogs pas ma gnod pa nyid kyis phyir ma ral ba yin no/ /bdag gi tshul khrims 'dod pa na spyod pa 'dod pa'i 'bras bur gyur cing ces de lta bur bsngo ba mi byed pa'i phyir ma spags pa yin/ /gzugs dang gzugs med pa ni spyod pa'i 'bras bu nyid du bsngo bar mi byed pa'i phyir ma 'dres pa yin no/ /gang gi phyir tshul khrims kyi 'khor ba'i 'bras bu don du gnyed na tshul khrims de shin tu rnam par dag par mi 'gyur ba de'i phyir ma spags pa dang ma 'dres pa zhes bstan to/ /rang dbang can zhes bya ba na gzhan la rag mi lus shing rang dbang du gyur pa yin no/ /gang tshul khrims kyi rang bzhin kho nas bsrung bar byed kyi gzhan gyi dor ma yin pa de ni phan pa zhes bya'o/ /ma 'dres pa zhes bya ba ni khyim pa'i skye bo dang 'dre bas zil gyis gnon par mi 'gyur ba'o/ /legs par blangs pa zhes bya ba ni 'dzin pa'i dus su chen po'i sems kyis blangs pa yin no/ /legs par brtsams pa zhes bya ba ni nyi ma re re zhing 'phel bar byed pa yin no/ /de nyid ci phyir mkhas pas bsngags pa yin no/ /gang gi phyir myang na 'das par bsngos pa nyid kyi phyir ma smad pa'o/ /gang lta ba 'di ni zhes bya ba la sogs pa la lta ba ni 'dir/ zag pa med pa'i shes rab yin par rig par bya'o/ /de nyid kyi phyir de 'phags pa nges par 'byung ba ni nges par 'byung ba ste/ yang mi ldog pa thob par byed pa'am/ nges par byung ba'i phyir nus pa yod pas na nges par 'byung bar 'gyur ba yin te/ nges par 'byung ba dang rjes su mthun pa zhes bya ba'i bar du'o/ /nges par khong du chud pa ni nges par rtog pa yin la/ nges par rtogs pa'i phyir de yod pas na nges par rtogs par 'gyur ba'o/ /gang gis she na/ lta bas nges par 'byung ba ste/ 'khor ba'i 'chi de ba'i gnas nas nges par 'gro bar byed pa yin no/ /de gang zhe na/ de byed pa zhes bya ba smos te/ zag pa med pa'i lta ba dpyad cing skyed par byed pa gang yin pa de ni byed pa zhes bya'o/ /ci'i phyir nges par 'byung bar byed ce na/ yang dag par sdug bsngal ba zhes bya ba la sogs pa smos te/ sdug bsngal zad par yang phyir mi ldog par phyin ci ma log pa ni yang dag par sdug bsngal zad pa ste/ de ni dge slong dag spang shing gang zag pa med pa'i ye shes kyi spangs pa zhes bya ba'i bar du'o/ /'dis ni phung po lhag ma dang bcas pa'i mya ngan las 'das pa bstan pa yin no/ /sdug bsngal thar bya ba'i phyir zhes bya ba 'dis ni phung po lhag ma med pa'i mya ngan las 'das pa bstan pa'am/ de byed pa nges par 'byung ba yin no/ /shes rab de nyid nges pas byung ba de nyid nges par 'byung ba yin te/ nyin mong pa'i dri ma rab tu 'byin par byed pa'i phyir ro/ /ci'i phyir ngas par 'byin par byed can no/ /yang dag par sdug bsngal zad par bya ba'i phyir dang/ sdug bsngal mthar bya ba'i phyir ro/ /gang gi sdug bsngal zad par bya ba yin zhe na/ smras pa/ de byed pa ste/ de mngon du byed pa'i zhes bya ba'i don to/ /don pa zhes bya ba ni song zhig pa'am/ kho bos ji srid pa ta la'i grong du phyin gyi bar du phyi bzhin 'brang ba'i dge slong gi tshul du'o/ /'dod ma'i srog shing can zhes bya ba la grong yin no/ /rgyal bas byas pa'i gnas rgyal po'i gnas dang/ /'phags pa'i bden pa'i zhi zhes bya ba la thob ba las byung ba'i shes pas me shes pa'i phyir dang/ mthong ba'i 'am gyi ma mthong ba'i phyir dang/ slob pa'i lam gyis khong du ma chud pa'i phyir dang/ mi slob pa'i lam gyis so sor mi rigs pa'i phyir ram/ sbyor ba'i lam la sogs pas mi shes pa la sogs pa yin par rig par bya'o/ /dus ring po zhes bya ba ni thog ma med pa'i dus yin no/ /rgyug cing zhes bya ba ni lha dang mi'i 'gro ba rang gi 'dod pas 'gro ba'i sgo nas 'phangs pa'am skyed pa yin no/ /sems can dmyal ba'i 'gro ba la sogs par mi 'dod bzhin du 'gro bas na kun tu 'gro ba'o/ /rjes rtogs shing zhes bya ba ni slob pa'i lam gyis/ /so sor rtogs pas zhes bya ba ni mi slob pa'i lam gyis so/ srid par 'khrid pa ni yang srid kyi sred pa'am 'dod chags la sogs pa thams cad nyid do/ /skye ba'i 'khor ba zhes bya ba ni skye ba'i rgyun spangs pa yin no/ /yang srid pa med de ces bya ba 'dis ni yang srid kyi 'khor ba med par bstan no/ /shin pa la'i mchod rten na zhes bya ba ni shing rta las nye bar mtshon pa'i bcom ldan 'das shAkya thub pa'am/ yang dag par rdzogs pa'i sangs rgyas 'od srungs kyi dbu skra dang sen mo'i mchod rten yin no/ /'dus pa las 'dus pa zhes bya ba la sogs pa la/ rigs tha dad pa'i tshogs ni 'dir 'dus pa yin la/ rigs gcig tu gyur pa dag gi 'dus pa ni tshogs yin no/ /song ste zhes bya ba ni yang dag par 'ongs par gyur pa'o/ /drung du phyin pa ni sems gcig tu 'dres par gyur pa'o/ /khyims bdag gi sgyas ni bram ze ma gtogs pa 'gro ba gtso bor gyur pa gzung/ /nyes dmigs ni nyes pa yin no/ /'jig rten 'di dang 'jig rten pha rol gyi phan pa la brtson pas mi gzhol ba nyid ni bag med pa yin la/ bag med pa dang ldan pa'i phyir sems can ya lang bag med pa yin par rig par bya'o/ /bag med pa kho na gnas dang rten dang gzhi yin pas bag med par gnas pa'o/ /de nyid rgyu yin de'i rgyus longs spyod chen po nyams pa ste/ longs spyod 'jig par 'gyur ba thob par 'gyur ro/ /bag med pa'i rgyus zhes bya ba de tsam gyi chog mod/ ci'i phyir gnas kyi smra byas zhe na/ 'dir gnas kyi sgra smos pas rtag tu bag med pa la 'jug pa ston par byed de/ rtag tu bag med pa la 'jug na ni longs spyod nyams pa 'grub par 'gyur la/ bar bar du bag med pa yongs su spangs na ni longs spyod nyams par mi 'gyur ba'i phyir thag nye ba'i rten pa rten par bya ba'i phyir gnas smos pa yin no zhes ston par mdzad do/ /'khor zhes bya ba ni 'dir rigs gcig pa dang chogs kyi sgo nas nye bar zhi ba yin no/ /rgyal rigs dang bram ze ma gtogs pa 'gro ba gtso bo 'dus pa ni khyim bdag gi 'khor yin no/ /bka' thub dang mkhas pa dag 'dus pa ni dge sbyong gi 'khor yin no/ /thur du blta ba ni 'khum pa'o/ /mgo smod pa ni 'dir zhum pa yin te/ mchog gi sgras mgo bo brjod pa yin te/ yan lag gi gtso bo yin pa'i phyir ro/ /mchog tu 'phags par gyur pa gang la yod pa de ni ma zhum pa yin la/ ma zhus pa med pa ni zhum pa yin no/ /yang na zhum pa ni gzi med par gyur pa ste/ tshig gi 'jug pa la spobs pa med par gyur pa'o/ /phyogs dang phyogs mtshams zhes bya ba la sogs pa'i tshig gi bshad pa bram ze'i bu a blta'i mdo bshad par byung pa yin no/ /nag po'i rnam grangs nyid yin pas na 'dir yon tan ma yin pa zhes bya ba la sogs pa ni khyad pa yin no/ /ngan pa nyid yin pa'i phyir dang/ sdig pa'i skye bos bsten pa nyid kyi phyir sdig pa zhes bya'o/ /'gyod pa ni phyis gdung bar gyur pa yin la/ 'gyod pa gang la yod pa de ni 'gyod par gyur pa ste kho bos gang bag med pa'i dbang gis dge ba ma spyad pa de bzang po ma byas so zhes bya ba la sogs pas phyis gdung ba dang ldan par 'gyur ro/ /nyes dmigs bzhi po de dag ni mthong ba'i chos kyi yin la/ sems can dmyal bar skye bar 'gyur ba ni tshe phyi ma yin no nag po'i rnam grangs las bzlog pa ni dkar po'i rnam grangs yin par 'jig par bya'o/ /gnas ni gnas kyi bye brag yin no/ /blon po chen po zhes bya ba ni bdag po'i sgo nas chen po'i tshad tsam gang la yod pa de ni blon po chen po yin te/ yul ma ga d+ha'i blon po chen po'i yul ma ga d+ha'i blon po chen po'o/ /gnod pa phya ba'i phyir zhes bya ba ni bzlog par bya ba'i phyir ro/ /gzhan bar 'dod pa ni bsgrub par 'dod cing byed 'dod pa'o/ /bsod nams bya ba ni bsod nams dang ? po'i sgo nas de che bar brjod la/ mthu che ba gzhan dag las shin tu mthu che ba de ni mthu che zhing bsod nams che ba yin no/ /gnas kyi dngos po 'dzin pa zhes bya ba ni rten 'dzin pa byed pa'o/ /sum cu rtsa gsum ris kyi lha dag kyang der 'khor ba zhig par bya ba'i phyir gnas kyi dngos po 'dzin par byed pa de'i phyir sum cu rtsa gsum gyi lha dang lhan cig tu 'gro ba bzhin no/ /snyam du de dag dang lhan cig brda byas pa yin no zhes bstan pa yin no/ /gzhan du ni ji ltar de dag 'dir gnas kyi dngos po 'dzin par 'gyur/ mi'i 'khor bsrung bar bya ba'i don du lha rnams kyi dngos po 'dzin pa yin no zhes bya bar rig par bya'o/ /ji srid kun dga' bo zhes bya ba la sogs pa la/ ji srid 'jam bu'i gling ma lus pa 'phags pa'i tha snyad dang 'phags pa'i tshod gi lam yod pa de dag 'phags pa'i gnas la sogs pa de dag ni thams cad kyi yul pa tra li pu tra mchog tu 'gyur ro zhes bya ba don 'dir 'gyur ro/ /'gro ba 'phags pa'i spyod pas gnas pa'i phyir 'phags pa'i gnas yin la/ tshul ma yin pa dang bral ba nyid kyis chos dang ldan pa nyid kyi phyir 'phags pa'i tha snyad yin no/ /tshod pa'i lam ni tshong pa'i lam ste/ tshong pa rab tu rgyu ba'i lam yin la/ chos dang ldan pa'i sho gam dang gru btsas len pa'i phyir dang/ dor thabs kyi mdzed pa med pa'i phyir 'phags pa'i tshong pa'i len no/ /thabs gang yin pa des khur bur bcings pa ni thum por brjod de gang du thum por 'byed cing gshig par byed pa de ni thum bur byed pa ste/ thum po 'byed pa la rnam par 'tshe ba med pa de nyid kyi phyir yul pa tra le pu tra la mchog nyid du bstan pa yin no/ /'di bar chad gsum yin par rig par bya'o zhes bya ba sogs pa/ 'jig rten pa'i rkyen bar chad yin pa'am 'jig pa kho na bar chad yin no/ /me zhes bya ba ni me'i 'thad las so/ /chu zhes bya ba ni chu las kyang ngo/ /gcig la gcig 'byed pa ni nang phan tshun 'byed pa las kyang ngo/ /ci'i phyir yang bcom ldan 'das 'jig pa'i rkyen gcig kho na ston par mi mdzad de/ bcom ldan 'das ni thams cad mkhyen pa nyid yin pa'i phyir ro zhes na/ 'dir bla ma dag 'jig pa'i rgyu gzhan yongs su srung ba la phyogs bdag gi gzhan gyi 'jig pa dag bcom ldan 'das kyis mkhyen pa de'i phyir gsum po de dag la bag yod par gyur pa de dag de 'jig par yang mi nus so snyam pa'i nges pa des ston par mdzad kyi/ mi mkhyen pa'i phyid ni ma yin no zhes ston par mdzad do/ /bsnyen bkur zhes bya ba ni gus pa'i tshul gyis lus dang ngag gi 'jug pas nye bar spyod pa yin no/ /gser las bsgyur ba ni gser las byas pa'o/ /byin snod kyi bye brag yin no/ /gsol ba 'debs par gyur pa ni don du gnyer bar gyur pa'o/ /bsod nams kyi rgyun zhes bya ba la sogs pa la/ rgyun ni rab tu 'bab pa la bya'o/ /bsod nams ni sbyin pa'i rang bzhin te/ sems gang gis sbyin pa dang/ dngos po gang yang rung ba sbyin pa dang/ de dang 'brel pa'i lus dang ngag gi bya ba de dag thams cad sbyin pa'i nang du 'dus pa kho na yin no/ dge ba smos pas/ sbyin pa ma gtogs pa nus pa sngon du ldang ba la sogs pa dang/ ngag gi las snyen pa'i tshig la sogs pa dang/ dad pa dang mtshungs par ldan pa'i yid kyi las gang yin pa de dag thams cad bzung ngo/ /bsod nams de nyid ma 'ongs pa'i bde ba bskyed par byed pa'i rten nyid yin pa'i phyir bde ba'i gzhi zhes bstan to/ /don dang zhes bya ba ni mngon par 'dod pa thob par bya ba'i phyir ro/ /phan pa dang zhes bya ba ni mngon par 'dod pa'i sems kyi bde ba gnas pa'i phyir ram rab tu brtsams pa'i las yongs su rdzogs par bya ba'i phyir ro/ /de'i phyir zhes bya ba ni mthong ba'i chos kyi bde ba'i phyir ro/ /yon shong cig ces bya ba ni sbyin pa'i 'bras bu yongs su bsngo ba'o/ /dad pa can zhes bya ba ni la sogs pa la/ srog gcod pa ma gtogs pa 'ga' zhig lha la mchod pa byed pa de ni dad pa can yin par rig par bya'o/ /skyes bu gang zag ces bya ba ni khyim pa yin gyi rab tu 'byung ba'i skyes bu ma yin no/ /ston pa'i bka' bzhin byed par 'gyur zhes bya ba ni bka' ltar byed pa yin te/ gang gi phyir sangs rgyas bcom ldan 'das kyis lha rnams la mchod pa byed pa'i khyim pa la bsngags shing bstod pa yin no/ /bstan bcos yongs su shes pa la mkhas pa ni yid gzhungs pa yin la/ 'jig rten gyi tha snyad la mkhas pa ni mkhas pa yin no/ /rtog ces bya ba ni byed pa yin no// tshul khrims gang la yin pa de dag ni tshul khrims dang ldan pa'o/ /yon gyi bshad pa zhes bya ba ni zas las byung ba'i bsod nams kyi 'bras bu lha rnams la yongs su bsngo bar bya ba yin no/ /ri mor byas dang zhes bya ba ni gnas mthon po thob par 'gyur ba'i bsnyen bkur gyis de'i tshe yang sbyin pa po'i phyir ri mor byed pa dang/ mchod par gyur pas kyang mchod par byed/ /de ltar sbyin pa po la sdug bsngal las yongs su skyob par mdzad pa'i sgo nas thugs brtse bar mdzad do/ /rtag tu grod par nyal ba'i phyir mi las skyes te/ bu sdug yin te/ dper na ma de la rjes su brtse bar byed pa de bzhin tu brtse bar mdzad do/ /bzang po mthong bar 'gyur zhes bya ba ni thams cad du shes pa myong bar 'gyur ro/ /dor ba'i chos can zhes bya ba ni zas la sogs pa dor ba'i rang bzhin du'o btang ba'i chos can zhes bya ba la/ sbyin pas yongs su dor ba'i chos can du'o/ /phyi bzhin du zhes bya ba ni rgyab kyi phyogs su phyi gzhin du'o zhes bya ba'i tha tshig go /bcom ldan 'das sngon du gshegs shing de nas dge slong dag phyis char? gyi rnam pa lta bu'o// brtsigs par bya'o zhes bya ba ni 'du shes pa rnam par bzhag pa'i sgo nas bsgrub par bya'o/ /chu bo chen por 'jug pa'i gnas ni chu ngogs yin no/ /so phag la sogs pa'i 'jug pa'i thabs su gyur pa'i them pa sbyar ba yin no/ /dbus kyi thog nas zhes bya ba ni shin tu dbus kyi cha nas so/ /shing shal ma la bzhog pa ni shing shal ma li'i spang leb yin te/ de shin tu yang ba nyid kyis chu rgal ba'i thabs nyid yin pa de'i nye bar sbyor bar byed do/ /sku ba'i tshogs phan tshun spel ba ni sku ba'i gzings so/ /shing bal gyis bkang ba'i nang tshangs can ni shing bal gyi khres po yin no/ /rkyal pa ni pags pa las byas pa'i rgal ba'i thabs su gyur pa'o/ /pha rol tu 'gro bar byed pa ni phar brgal ba yin no/ /tshu rol tu rgal bar byed pa ni tshur brgal ba yin no/ /chu zab mo'i nang du 'gro ba bsgrub par bya ba'i phyir chu'i rgyun nyid las sa dang 'dra bar mi 'bying ba yin no/ /dge slong gi dge 'dun dang thabs gcig tu zhes bya ba ni dge slong gi dge 'dun gyis kyang bcom ldan 'das kyi rdzu 'phrul gyi mthus pha rol gyi 'gram du phyin par gyur pa yin no/ /gang dag ces bya ba la sogs pa la/ gang dag rgal ba ni gang zhig da ltar rgal ba'i phyir spogs pa yin no/ /rgya mtsho ni chu 'dzin yin la/ mtsho 'am rgya mtshor 'jug pa'i chu bo zhes bya ba'i tha tshig go / zam pa dang bcas pa ni chu len brtsigs pa'i tshul du zam pa btags nas 'dam rdzab spangs pa yin no/ /rgal ba ni lteng ka la sogs pa chus khyab pa'i phyogs las so/ /de'i 'og tu ci zhig byed ce na/ smras pa gzings bces pa ni rtsa ba dang yal ga dang lo ma la sogs par tsags nas sngon du chu la 'jal bar byed pa'am/ gru la sogs pa la skye bo de dag yang dag par brten nas so/ /kha cig ni chu bo gaM gA rgal bar 'dod pa de'i phyir gru la sogs pa yongs su len pa'i sgo nas so/ rgal ba ni pha rol gyi 'grum du phyin pa'o/ /gang zhes na/ skye bo yid gzhungs pa ste/ gang dag mkhas pa dang gsal ba de dag mi mgor bar byed pa nyid kyi phyir dang por brgal ba yin no/ /bcom ldan 'das ni skye bo yid gzhungs pa thams cad kyis gces pa 'dzin pa nyid yin pa'i phyir/ sangs rgyas bcom ldan 'das ni brgal na su zhes bya ba la sogs pa smos pa yin te/ nyon mongs pa bag chags dang bcas pa spangs pa'i phyir dang/ chos thams cad rnam pa thams cad tu thugs su chud pa'i phyir go rim bzhin du spangs pa dang ye shes phun sum tshogs pa bstan to/ /thams cad kyi dang por brgal ba de yang tshangs pa yin la/ rgyun mi 'chad par tshig gi don la gzhol bar byed pa'i sgo nas phyi rol tu yid phyogs pa nyid kyi phyir thub mchog ces bya'o/ /skam la bzhugs pa ni chu bo gaM gA'i ngogs na bzhugs pa yin no/ /dge slong dag 'dir khrus byed ces bya ba ni dge slong dag pha rol gyi 'gram du brgal nas chus lus yongs su rlan par byed pa'o/ /gzings 'cha' ba ni nyan thos gang dag de ltar yang ma rgal ba phyir 'ongs pa'i dge slong de dag gzings lon par byed pa yin no/ /'di ltar de la ci skad tu brjod pa'i tshigs su bcad pa'i don de ltar 'dir yang don mtshon par bya ba yin te/ gang dag rgal bar byed pa ni rgal bar 'dod pa'o/ /rgyal mtsho ni 'khor skyed par byed pa'i mtsho'i dpa' klong yin no/ /zam pa dang bcas pa ni mthong ba'i lam mngon sum du byas pa yin no/ /'dab rdzab spangs pa ni mthong bos spang par bya ba'i nyon mongs pa spangs pa yin no/ /skye bo gzings 'cha' ba ni de'i bag la nyal spang bar bya ba'i phyir bsgom pa'i lam sgom par byed pa yin no/ /lam gnyis kyis kun nas 'ching ba'i tshogs spangs pa'i phyir brgal ba yin no/ /yid gzhungs pa ni/ 'phags pa'i gang zag ngag yin no/ /rgal ba'i gtso bo gang yin zhe na/ smras pa sangs rgyas zhes bya ba la sogs pas rang byung nyid bstan to/ /skam sar bzhugs pa zhes bya ba ni phung po lhag ma dang bcas pa'i mya ngan las 'das pa yin te/ mdo sde las pha rol gyi ngogs ni phung po lhag ma dang bcas pa'i mya ngan las 'das pa'i dbyings de'i tshig bla dags yin no zhes pa bstan to/ /bzhugs pa zhes bya ba ni snying rje chen po ston par byed pa yin te/ de med par bcom ldan 'das srid par skad cig kyang bzhugs par mi 'gyur ro/ /dge slong dag 'dir zhes bya ba la sogs pas mthong ba'i chos la bde bar gnas pa bstan to/ /gzings 'cha' zhes bya bas ni nges par 'byed pa'i cha dang mthun pa la gnas nas mthong ba'i lam la sogs pa mngon sum du byed pa yig de bas na 'dis ni bzhugs pa ston pa yin no/ /de'i phyir zhugs pa bzhi dang 'bras bu bzhi la gnas pa'i dge slong de dag ni yon gnas rig pa dang rkang pa dang ting nge 'dzin dang ldan pa yin no/ /char gyi 'byung gnas ni zhing khyad par can sgrub pa byed pa'i phyir dga' ba bskyed par byed do/ /tshul khrims 'di zhes bya ba ni mngon sum du gnas pa dag yin te/ bcom ldan 'das kyis chos thams cad mngon sum du gzigs pa de nyid kyi phyir de skad ces bstan to/ /so sor thar pa dang/ bsam gtan dang/ zag pa med pa'i sdom pa'i rang bzhin dag yin no/ /ting nge 'dzin ces bya ba la/ ting nge 'dzin gsum ste/ rtog pa dang bcas pa dang dpyod pa dang bcas pa la sogs pa'o/ /shes rab 'di zhes bya ba ni thos pa las byung ba dang/ bsams pa las byung ba dang/ bsgoms pa las byung ba dang/ zag pa med pa'o/ /tshul khrims yongs su bsgoms pas zhes bya ba ni tshul khrims shin tu rnam par dag pa bsgoms pa ste/ rgyud la tshul khrims rnam par dag pa skye bar 'gyur ba'i phyir ro/ /ring du gnas par 'gyur ro zhes bya ba ni yongs su gzhom pa'i phyir rung bar 'gyur ba yin no/ /shes rab bsgoms pa ni bsten pa zhes bya'o/ /yang dag rnam par grol bar 'gyur ro zhes bya ba ni yongs su nyams par mi 'gyur ba nyid yin te/ de ltar dge slong dag gang spangs pa de ni 'phags pa'i shes rab kyis spangs pa yin no zhes bstan pa yin no/ /kuny+dzi ka'i gnas zhes bya ba ni drang srong kuny+dzi kas byas pa nyid yin pa'i phyir ro/ /'og ma'i cha dang mthun pa zhes bya ba la/ 'og ma'i cha dang mthun pa ni mi dge ba'i chos thams cad dang ldan pa'i phyir 'dod pa'i khams yin la/ de dag kyang de dang rjes su mthun pa yin pa de bas na 'og ma'i cha dang mthun pa zhes bya'o/ /de dag kyang 'dod pa la 'dun pa dang/ gnod sems dang/ 'jig tshogs su lta ba dang/ tshul khrims dang brtul zhugs mchog tu 'dzin pa dang/ the tshom dag yin no/ /brdzus te skye ba zhes bya ba ni de na skye gnas gzhan med pa'i phyir ro/ /de nyid la chos rtsol lo zhes bya ba dang/ brtson 'grus rtsom mo/ /sems 'dzin to/ /rab tu 'dzin to zhes bya ba pa smos te/ brtson 'grus brtsams pa ni mi dge ba'i chos rnams spangs par bya ba'i phyir dang/ dge ba'i chos rnams bsgom par bya ba'i phyir shin tu spro ba dang bcas par 'gyur ba'o/ /sems 'dzin pa zhes bya ba ni yul ma yin pa las zlog par byed pa dang/ yul la rab tu 'jug par byed pa yin no/ /rab 'dzin pa zhes bya ba ni rgyun gyis yul la sems 'dzin par byed pa yin no/ /dge ba'i chos zhes bya ba la sogs pa la/ 'bras bu 'dod pa nyid kyi phyir dge ba yin no/ /gnas pa ni brten par gyur pa'i phyir ro/ /mi brjod pa'i phyir zhes bya ba ni dran pa rmongs pa'i nyes pa bzlog par bya ba'i phyir ro/ /goms par byed pa ni bsgom pa yin la/ bsgoms pa dag yongs su rdzogs pa yin te/ bsgom pa 'grub pa de'i phyir ro/ /yang dang yang du bsgom pa ni phyi phyir sgom pa yin te/ chu ngu'i rnam pa grub pa'i phyir yang nas yang mngon sum du byed do/ /'phel ba ni 'bring gi rnam pa grub pa yin no/ /rgyas pa ni chen po'i rnam pa grub pa yin no/ /yang na bsgom pa yongs su rdzogs pa ni chung ngu'i rnam pa grub pa yin no/ /phyi phyir bsgom pa ni 'bring gi rnam pa grub pa yin no/ /'phel ba ni chen po'i rnam pa grub pa yin no/ /dus ring por rgyan gyis rjes su 'jug pa ni rgyas pa yin te/ dus ring por khyab par byed pa yin pa'i/ 'gro ba dang 'gro ba zhes bya ba la sogs pa dag gi rnam par bshad pa ni bram ze'i khye'u a ma ba sta'i/ mdo'i rnam par bshad par blta bar bya'o/ /nang gi lus la zhes bya ba la sogs pa'i bshad pa ni mngal du 'jug pa'i mdo bshad pa lta bur rig par bya'o/ /shing rta re re la zhon te zhes bya ba ni shing rta so so gnang la zhon nas so/ /rta sngon po zhes bya ba la sogs pa rta bzlog pa'i thabs su gyur pa ni srab? yin no/ /lcag ni 'gro bar byed pa'i thabs su gyur pa'o/ /do ker ni spyi bo'i dbus na 'dug pa'i spyi bcings te/ gtsug tor gyi rnam pa nyid dam cod pan la do ker gyi sgras brjod do/ /yu ba nor bu las byas pa'am/ yu ba nor bus spras pa'i rnga yab bo/ /ci ltar na de dag sngon po la sogs pa nyid du 'gyur ba yin zhe na/ 'dir kha cig ni ngo bo nyid kyi sngon po'i rta la sogs pa dang ldan pa nyid kyi phyir zhes brjod do/ cod pan gsal bar byed pa'i bdag nyid can gyi nor bu mthon ka yod pa'i phyir 'khor dang bcas pa sngon po nyid tu gyur pa yin no/ /kha cig ni bcom ldan 'das kyis nor bu'i mthu ni bsam gyis mi khyab pa yin no zhes gsungs te/ nor bu ser po mthus ser po dang/ nor bu dmar po'i mthus dmar po dang/ /nor bu dkar po'i mthus dkar po'i gyur pa yin no/ /pha khyed ces bya ba la sogs pa la/ mngon du phyogs pas rnam par gnas pa ni gnas 'di las tshur mi 'ong ba ni phang? khyed ces bya ba'i sgra byin la mngon du phyogs nas 'ong ba ni pha rol nas mngon du phyogs nas tshur 'ong bar byed pas na tshur gyi sgra yin no/ /sgrogs par gyur pa ni brjod par gyur pa ste/ des nye bar mtshon pa dag gis 'byung ba yin no/ /de khyad par ji lta bu dang ldan zhe na/ sgra mngon po zhes bya ba la sogs pa smos te/ thag ring du khyab par byed pa'i sgra ni sgra mthon po yin no/ /skye bo mang po'i sgra ni sgra chen po yin te/ sgra mthon po dang sgra chen po gang yin pa de dag sgra mthon po dang sgra chen gcig ni nor bu'i 'od kyi ? zhes brjod do// po yin no/ /yangs pa can nas zhes bya ba ni yangs pa can dag las so/ /'di lta bu'i 'byor pa zhes bya ba la/ 'byor ba ni phun sum tshogs pa'o/ /phun sum tshogs pa ni skyed pa'i 'byor pa gsal bar byed pa yin no/ /cha lugs ni cha byad do/ /stan so sor 'jog pa'i sgo nas 'khod pa'o/ /bya ba gcig gi sgo nas 'dus pa yin no/ /bdag spobs so zhes bya ba ni bdag mngon par 'dod pa'i tshig smra bar 'dod pa'i phyir spobs pa skyes pa ste/ rab tu dga' bas lan gnyis brjod pa yin no/ /spobs par byos shig ces bya ba ni bcom ldan 'das kyis bya ba'i tshul du spobs pa'i phyir gnad pa rtsol ba yin no/ /ang ga'i zhes bya ba la sogs pa la/ rnyed pa rab rnyed pa zhes bya ba ni shin tu mdzes par rnyed pa ni rab tu rnyed pa'o/ /gang gi zhe na/ smras pa/ ang ga'i rgyal po ste/ yul ang ga'i rgyal po ni ang ga'i rgyal po yin pas de'i au dra yang nas btang ba'i nor bu'i go cha 'chad pa'i phyir nor bu'i ge cha 'chang ba can te/ de'i yul ma ga d+ha de'i rim pas thob pa yin pa de'i phyir yul ma ga d+ha'i dbang phyug ces bya ba smos pa yin no/ /yul ad ga'i rgyal po gzugs can snying pos gzhon nu'i gnas skabs su stobs kyis gnon pa nyid kyi phyir rim pas thob pa ma yin no/ /ji ltar na de'i rnyed pa rab tu rnyed pa yin zhe na/ rnam rgyal gang du sangs rgyas 'byung ba ni zhes bya ba smos te/ ni'i sgra ni gang gi phyir gyi don yin te/ gang gi phyir de'i rnam par rgyal ba'i yul du sangs rgyas bcom ldan 'das 'byung ba de'i phyir de'i rnyed pa rab tu rnyed pa zhes bya ba yin no/ /bcom ldan 'das khyad par ji lta bu dang ldan pa zhe na/ sgra sgrog zhes bya ba la sogs pa smos pa yin te/ 'gro ba thams cad la dri ma med pa'i snyan pas ? par gyur pa ni sgra grags pas khyab? pa? yin no/ /? zhes bya ba ni ji ltar ri'i rgyal po gangs can 'gro ba thams cad pa mthon po nyid du grags par gyur pa de bzhin du'o/ /chu skyes zhes bya pa la sogs pa la/ chu las skyes pas na chu skyes so/ /de gang zhe na/ smras pa/ me tog ko ka ste pad+ma zhes bya ba'i tha tshig go /de khyad par ji ltar bu dang ldan pa zhe na/ smras pa/ mdzes skyes te/ kha dog dang dbyibs mdzes pa'o/ /tho rangs te thun dang po na kho na la chu las nges par byung ba ni tho rangs kha 'bus pa yin te/ tho rangs byung ba nyid kyi phyir ro/ /tho rangs kyi dus su chu las byung ba'i phyir shin tu rgyas par gyur pa yin te/ de skad du nyi ma shar ba'i tshe kha bye bar 'gyur zhes 'byung ngo/ /dri dang ldan pa ste zhes bya ba ni shin tu dri dang 'byor ba yin no/ /ji ltar pad+ma de dri dang mdangs kyis rnam par gsal zhing mdzes pa de bzhin tu/ bcom ldan 'das tshul khrims kyi dri dang shin tu 'byor ba dang/ 'od 'dom gang pas gsal bar gyur pas na rnam par mdzes par gyur pa la ltos shig / bcom ldan 'das kyang nyi ma'i rig las 'khrungs pa de nyid kyi phyir bcom ldan 'das nyid nyi ma yin no/ /ltos shig ces bya ba ni kun tu ltos shig pa yin no/ /nyi ma 'char ba bzhin zhes bya ba ni ji ltar bar snang ste/ nam mkha' la nyi ma gzi brjid 'bar gyur ba de bzhin tu/ bcom ldan 'das kyang ngo/ /de bzhin gshegs pa ni 'das pa dang/ ma 'ongs pa'i yang dag par rdzogs pa'i sangs rgyas so/ /shes rab stobs zhes bya ba ni shes rab kyi stobs ni shes rab stobs te/ shes rab kyi nus pa yin no/ /de dag gis ci zhig mdzad ce na/ gang gis 'dir lhags zhes bya ba la sogs pa smos te/ bdag dang bla? dag la mang po'i tshig tu bya'o zhes pa'i rigs pa dag gis shes bya ba mang po'i tshig 'dis bcom ldan 'das kho na la smras pa yin la/ mig la mang po'i tshig mi rigs pa de'i phyir gang dag gis zhes bya ba smos pa yin te/ da ltar byung ba'i bla ma gang dag shes rab stobs kyis 'dir lhags pa dag gi the tshom dang yid gnyis bsal bar mdzad pa 'am/ 'dul bar mdzad pa 'am/ 'jig par mdzad pa yin no/ /de dag nyid mig byed pa yin te/ skye bo 'dul ba'i bla na med pa'i shes rab kyi mig skyed par byed pa'i rgyu nyid yin pa'i phyir ro/ /de dag nyid snang bar byed pa yang yin te/ shes rab kyis snang ba byed pa nyid kyi phyir ro/ /ci dang 'dra bar zhe na/ ji ltar mtshan mo zhes bya ba la sogs pa smos te/ ji ltar mtshan mo mun pa dang mi rab tu 'bar bas gsol bar byed pa yin te/ phyi rol gyi mun pa 'joms par byed pa'i phyir ro/ /mig yul la 'jug pa dang rjes su mthun pa nyid kyi phyir mig byed par 'gyur pa de bzhin du bcom ldan 'das kyi zhal snga nas kyang zhes bya ba yin no/ /legs par smras so zhes bya ba ni don dang tshig dang yi ge mdzes pa nyid kyi phyir dang/ skabs dang ldan pa nyid kyi phyir 'dir yang dga' bas lan gnyis brjod pa yin no/ /mdzes par smras pa ni legs par smras pa yin la/ legs par smras pa de dag gi dgos pa yin pas na legs par smra ba'i phyir te/ / legs par bshad pa bklog pas sems mgu bdag gi mgu ba sbyin pa yin no/ /ma dang 'dra bas zhes bya ba la sogs pa la/ ma ni ma nyid yin no/ /ma dang mtshungs pas nam dang 'dra ba ste/ bu skyed rung ba'i bud med yin no/ /de ni skyes bu mnyes par byed pa'i shes rab dang ldan pa yin la/ yul gzhan dang ni ma yin te/ blo chung bas de thams cad shes rab sgrub pa'i nus pa med pa de zhes bya ba stan to/ /'on kyang don dang de la bdag cig bslus pas de bas na bdag cig la shin tu tshul mi mthun pa byas pa yin no/ /mang na bdag yod? na? gnyid kyi phyir ma dang 'dri ba yin no/ /shes rab chung ba nyid kyi phyir shes rab chung ba ?/ /gzhan gyis sngar mi mthong ba ni ngo mtshar ba yin la/ sngar ma thos pa ni rmad tu byung ba yin no/ /de lta de ltar zhes bya ba la sogs pa dag gi bshad pa ni snga ma bzhin/ /gus par nyan pa zhes bya ba ni gus pa skyes nas nyan pa'i phyir gus pa nyan pa yin no/ /chos sam chos smra pa la ston pa nyid du lta zhing 'dzin pas nyan pa'i phyir bla mar byas pa yin no/ ru shing du byas pa zhes bya ba ni khong du chud pa'i phyir bdag gis gdon mi za bar de dag rtogs par bya'o zhes gus pa nye bar bzhag pa yin no/ /thos pa sems kyis 'dzin pa ni yid la byed pa yin no/ /sems dmigs pa gcig la 'jug pa ni sems rtse gcig pa yin no/ /mnyan par bya ba ma yin pa'i yul thams cad las ldog pa dang mnyan par bya ba de la gtong ba ni rna ba'o/ /sems can thams cad kyis bsams nas zhes bya ba ni yul gzhan la rnam par shes pa 'jug pa bzlog pa dang/ de'i yul gcig la rna ba'i rnam par shes pa bskyed pa yin no/ /khong du chud pa ni thob par gyur pa'o/ /dga' ba ni yid bde ba yin no/ /nyes pa'i gnyen po'i phyogs tshol ba na de rnyed pa las yid yongs su mgu bar gyur pa de ni mgu ba yin no/ /'bras bu 'dod pa nyid kyi phyir dge ba yin no/ /'bras bu rgya che ba nyid kyi rgya che ba yin no/ /khyim la sogs pa'i 'ching ba las nges par 'byung ba dang mthun pa nyid kyi phyir dang/ 'phags pa'i lam dang mthun pa'i phyir nges par 'byung ba ldan pa yin la/ 'dis nges par 'byung bas na nges par 'byung ba ste 'phags pa'i lam yin no/ /nges par 'byung ba'i dngos po ni nges par 'byung ba nyid do/ /de lta de ltar nan tan byed pa zhes bya ba ni tshul dang mthun ba'i sgrub pa byed pa yin no/ /don la nan tan du byed pa'i gnas ni don chen po'i gnas yin no/ /zab cing gting ring ba nyid kyis na rtogs par dka' ba'o/ /so sor rig pa ni shes par gyur pa'o/ /gang gi phyir 'di ltar sangs rgyas bcom ldan 'das ni yon tan rin po che dang ldan pa de bas na byas pa shes pa yin te/ ji ltar khyod kyis mchod pa de ltar mchod par bya'o zhes pa'i don 'di bsnan pa'i phyir byas pa shes pa dang zhes bya ba la sogs pa smos pa yin no/ /byas pas te phan btags pa shes par byed pas na byas pa shes pa yin te/ sbyor ba'i dus yongs su shes pas so/ /dngos gzhi phan btags pa'i 'bras bu bdag nyid kyis mngon sum du byed pa'i sgo nas gang dag gis tshor ba de dag ni byas pa tshor ba yin no/ /yang na bdag nyid kyis yongs su shes pa'i phyir byas pa shes pa yin la/ 'di lta ste 'di ni bdag la phan 'dogs pa yin no zhes gzhan la smras pa'i phyir byas pa tshor ba yin no/ /de ltar bslab par bya'o zhes bya ba ni de ltar bsgrub par bya ba yin no/ /dge slong gi tshogs kyis bskor nas zhes bya ba ni 'khor phun sum tshogs pa bstan pa yin no/ /mdun du bdar ba'i tshig gis ni bsnyen bkur bstan pa yin/ /byin na dga' bar 'gyur ro zhes bya ba la sogs pa la/ thams cad sbyin ba dga' ba'i lam la brten pa dang 'dra bar skye bo rnams brten par byed/ /de la brags yang dag 'thob cing zhes bya ba ni sbyin pa las byung ba yin no/ /yon tan gzhan las byung ba'i grags pa ni snyan pa'i sgras brjod pa yin no/ /zhum pa med pa ni ngo tsha ba med pa dang mgo 'phang mtho ba yin no/ /'dus pa'i nang du 'gro ba zhes bya ba ni 'khor gyi nang du 'jug pa yin no/ /'jigs pa med par 'gyur zhes bya ba ni skrag pa med par 'gyur ba 'am/ spobs pa skye bar 'gyur ro/ /gang gi phyir de lta yin la de'i phyir mkhas pa blo dang ldan pa sbyin par byed do/ /'dir zhes bya ba ni mi'i 'jig rten yin te/ len pa po srid pa'i phyir ro/ /ci zhig byas nas she na/ ser sna'i dri ma spangs shing zhes bya ba smos te/ nor la chags pa ni chags pa yin la/ ji? zhing? dri ma yin pas na de spangs shing yongs su bor nas so/ /bde ba tshol ba zhes bya ba ni ma 'ongs pa'i skye ba'i bde ba mngon par 'dod pa ste/ bde ba tshol ba'i ngang tshul can gyi rang bzhin gang yin pa de dag ni bde ba tshol ba can yin no zhes dbang du byas nas so/ /'di las 'bras bu cir 'gyur zhe na/ de dag ces bya ba la sogs pa smos te/ sbyin pa po de dag yun ring por rtsed 'jo'i dga' ba nyams su myong bar 'gyur ro/ /gang du zhe na/ smras pa/ sum cu rtsa gsum lha'i rigs su gnas pa ste 'dug par 'gyur ro/ /de na gnas su zin kyang 'ga' zhig tu dud 'gro dang skal ba mnyam pa nyid du skye bar 'gyur ba 'ang srid pa yod pa'i phyir de rnam par bcad pa'i don du smras pa/ lha rnams dang skal pa mnyam pa nyid ni lha dang skal ba mnyam pa nyid de/ de'i nang du skye bar 'gyur ro/ /skabs phye zhes bya ba la gang gis sbyin pa la sogs pas thar pa'i grong khyer gyi skabs 'byed pa de dag ni skabs phye ba yin no/ /gang dag gis tshul khrims kyi rang bzhin dang/ bsgom pa'i rang bzhin gyi dge ba byas pa de dag la de skad ces bya'o/ /'di nas 'chi 'pho zhes bya ba ni mi'i skye bas las rang gi lus las byung ba'i 'od kyis gsal bar byas pa nyid kyi phyir rang gi 'od dag gis so/ /dga' bas dga' ba'i skyed mos tshal gyi nags su spyod pa ste/ rang gi 'dod pas gnas par 'gyur ro/ /rtse ba ni yo byad gtso bor gyur pa ma yin pa dang/ dga' ba ni gtso bor gyur pa'i yo byad kyis bdag nyid mgu ba bskyed pa'o/ /gnyi ga zhes bya ba ni gtso bo ma yin pa'i yo byad kyis rtse zhing dga' bar gyur pa'o/ /ldan pa zhes bya ba ni gzugs la sogs 'dod pa'i yon tan lnga dang ldan pa yin no/ /gzhan ci zhig byas nas she na/ grol ba zhes bya ba la sogs pa smos te/ nyon mongs pa'i 'ching ba bag chags las rnam par grol ba nyid kyi phyir bcom ldan 'das ni rnam par grol ba yin la/ de'i gsung thos pa ni gsung nan tan du byas so/ /skyob pa zhes bya ba ni yongs su skyed par mdzad pa ste/ gdul bya'i skye bo nyon mongs pa'i dgra bo ma lus pa las yongs su bsrung bar mdzad pa nyid kyi phyir ro/ /thos pa sgrog par byed pa'i nyan thos de slob ma nyid yin no/ /mtho ris dga' ba ni lha'i 'jig rten gyi dga' ba nyams su myong bar 'gyur ba'o/ /mu ge zhes bya ba la sogs pa la dus gang gi tshe bza' bka' ba rnyed par gyur pa de ni mu ge'i dus yin no/ /skye bo thams cad 'bru nyung bas 'tsho ba'i phyir dka' ba'i dus yin pa 'am rgal bar dka' bas na dka' ba yin no/ /dus ring po dang rjes su 'brel ba'i phyir 'brog dgon pa yin no/ /bshes pa ni 'dris pa la bya'o/ /phebs par smra ba ni yid bstan pa yin te/ mdza' ba bar ma'i gnas yin no/ /mdza' ba bzhag par bya ba ni 'grogs pa shes yin te/ mdza' ba'o/ /gnas chen po yin te ji ltar bshes pa nyid tu dbyar gnas par bya ba yin no/ /ji ltar bshes pa zhes bya'i don gang mdza' ba'i gnas yin pa des de la brten nas dbyar tshul du 'jug par bya ba'i zhes bya ba 'di yin no/ /bsod snyoms kyis brel par 'gyur ro/ /zhes bya ba ni bsod snyoms kyi gnod pas sdug bsngal nyams su myong bar 'gyur ro/ /dbyar gyi gnas der zhes bya ba la sogs pa la/ thog mar me nag? dka' ba nyid kyi phyir rtsub pa yin no/ /sku la shin tu zhugs pa nyid kyi phyir bzod? dka' ba yin no/ /grongs pa la thug pa la tsam du gyur pas na grongs pa la thug pa tsam ste/ grongs pa dang 'dra ba zhes bya ba ni tha tshig go /brtson 'grus kyis so sor sbyangs te/ zhes bya ba ni nus pa med par byas pa nyid dam/ tshar bcad pa'i sgo nas 'grang ba med par byas pa yin no/ /mtshan ma thams cad yid la mi byed pa'i phyir/ zhes bya ba la/ mtshan ma ni bcu ste/ gzugs dang/ sgra dang/ dri dang/ ro dang/ reg bya dang/ skye ba dang/ rga ba dang/ mi rtag pa dang/ skyes pa dang/ bud med kyi mtshan ma zhes bya ba lnga yin no/ /yid la mi byed pa'i phyir zhes bya ba ni mngon sum du mi byed pa'i phyir ro/ /mya ngan las 'das pa la dmigs pa ni ting nge 'dzin yin la/ mtshan ma med pa ni mtshan ma bcu med pa'i phyir mya ngan las 'das pa la mtshan ma med pa zhes bstan to/ /lus la brten nas skyes pa'i phyir lus kyis mngon sum du byas nas shes bstan to/ /nye bar bsgrubs te zhes bya ba ni ye shes kyis yongs su rdzogs par mkhyen nas so// gnas pa ni dbyar la mngon du phyogs par gyur pas bcom ldan 'das la bsnyun drag po skye ba ma rigs te/ gang gi phyir 'phags pa bku las phags pa'i dge 'dun la dad pa'i sems kyi a ru ra gcig phul ba de las ni rigs ma mthun pa zad pa'i phyir skye ba gzhan du ni lus la nad med pa dang/ de skad ces ma gcig kyang mgo bo'i zug rngu bsten par mi 'gyur ro zhes bya ba'i bar du 'byung ba ma yin nam/ bcom ldan 'das ni byang chub sems dpa' i gnas skabs su sangs rgyas dang dge 'dun la rdzas rnam pa sna tshogs kyi sbyin pa mdzad pa yin na/ 'on kyang bcom ldan 'das bsnyun gyis gtses par gyur pa de ji ltar rigs te/ 'dir smra bar bya'o zhe na/ 'dir bla ma dag ni 'phags pa ba ku la a ru ra de sbyin pa'i rnam par sbyin pa la brten par 'gyur ba ma yin pa de bas na phyis rnam par smin pa 'byin par 'gyur ba de dang rnam par smin pa mdza' dag 'byin pa'i sgo nas sbyin pa de las byung ba'i rnam par smin pa la brten pa yin la/ bcom ldan 'das ni byang chub sems dpar gyur nas gang sman gyi sbyin pa yin te/ de nyid kyi lhag ma kho nas mngon par rdzogs par 'tshang rgya ba'i gnas skabs na bcom ldan 'das bsnyun nyung bar bzhugs te/ gang du bcom ldan 'das yongs su mya ngan las 'das pa'i dus su bsnyun lci ba skye bar 'gyur ba de ni sems can la phan gdags par mdzad dung? ba gcig tu nges par rung bar 'gyur ba'i las kyi 'bras bu yin par rig par bya ste/ gang byang chub sems dpa' i mi dge ba'i las las gyur pa sems can la phan 'dogs par mdzad par rung ba ma yin pa'i 'bras bu de thams cad ni byang chub sems dpa' i gnas skabs kho na la 'bras bu smin pa yin la/ gang du byang chub sems dpa' i phan gdags par mdzad du rung ba'i 'bras bu de ni/ sangs rgyas kyi gnas skabs su 'bras bu 'byin par byed de/ sangs rgyas bcom ldan 'das ni sems can la phan 'dogs pa gtso bor gyur pa yin no zhes ston par mdzad do/ /ji ltar na bsnyun de sems can la phan 'dogs par byed par 'gyur zhe na/ 'dir bcom ldan 'das kyis phrin las kyi rgyu can gyi bsnyun yang dag par 'khrung pa bstan pas/ lha dang mi'i nges par myong 'gyur ba'i las chung mi za bar 'gyur ba mthong la chud mi za bar 'gyur ba de mthong ba las 'khor ba las 'jigs pa chen po dang skyo ba dang bcas pa skye bar 'gyur te/ gang gi phyir bcom ldan 'das 'di ni nyon mongs pa bag chags dang bcas pa spangs shing/ yon tan thams cad kyi 'byor pa rab kyi mdza' brnyes par gyur pa yin yang las kyi 'bras bu 'dod pa ma yin pa nyams su myong bar 'gyur pa de bas na kho bo cag srid pa'i 'dam gyi nang du bying bar gyur pa dag ci 'dra ba'i gnas skabs su 'gyur snyam du shes nas dge ba'i las la rtsol ba dang bcas par 'gyur ro/ /'khor ba yongs su gtong ba dang/ mya ngan las 'das pa brnyes par byed pa la brtson pa dang bcas pa nyid ni phyir smras pa dag gi go rim gyis 'khor ba'i bde ba nyams su myong zhing 'das pa thob par 'gyur ba'i phyir/ bcom ldan 'das kyis 'dod par bya ba ma yin pa'i phrin las thams cad rdzogs pa'i sangs rgyas kyi gnas skabs su 'bras bu 'byin par byed pa/ sems can la phan 'dogs par byed pa kho na yin gyi/ bsnyun gyi 'bras bu 'byin par byed pa can gyi las kho na ni ma yin no zhes ston par mdzad do/ /bgrod pa dang rjes su mthun pas na bzod par bya ba yin te/ mnag dka' ba zhes bya ba'i tha tshig go /'tsho ba dang rjes su mthun pa ni 'tsho bar gyur pa ste/ dus de srid pa snyun par mdzad pa nus pa med par mdzad ces bya ba'i bar du'o/ /ma du ra dkar skyes pa zhes bya ba la sogs pa'i bshad pa ni shA ri'i bu mya ngan las 'das pa'i skabs su dpyad par bya'o/ /dbugs phung ba tsam zhes bya ba ni dbugs phyir phung ba tsam mo/ /gsung ba gsung bar 'gyur ba zhes bya ba don dang 'brel ba gsung gis bshad par 'gyur pa'o/ /nga'i dge slong gi dge 'dun zhes bya ba la sogs pa la/ 'jig tshogs su lta ba las sogs pa'i nyon mongs pa bag chags dang bcas pa spangs pa dag ni 'di ltar nga yir mi 'gyur ba ni nga'i dge slong gi dge 'dun yin no/ /nga'i phyir zhes bya ba ni nga'i rjes su ston pa ste/ gang kho na rjes su ston par byed pa de thams cad ngas bya ba yongs su rdzogs par byas pa yin no zhes dgongs so/ /yongs su lta'o zhes bya ba ni lung phogs pa sbyin pa'i sgo nas gnas par bya ba'am yongs su bskyad bar bya'o/ /re ba zhes bya ba ni mngon par 'dod pa'o/ /ngas sgo'i zhes bya ba la sogs pa la/ rtag tu phyi rol la mngon sum du bya zhing dus thams cad bsgom par bya'o zhes bya bar dgongs so/ /slob dpon dpe mkhyud ces bya ba ni slob dpon chos ston pa la mkhas pa dag gis dpe mkhyud ni slob dpon dpe mkhyud de?/ chos kyi ser sna yin la ser sna yin la rang gi ngo bo'i sgo nas ston par mi byed ces bya ba'i tha tshig go /gnyer ma dang skra dkar skyes pa'i phyir bgres pa yin no/ /rgas pas lus ma rung ba nyid kyi phyir 'khogs pa yin no/ /gnas skabs gzhan thob pa nyid kyi phyir gtugs pa yin no/ /rnam pa gnyis la brten nas zhes bya ba la/ sngon gyis las kyis 'phangs pa'i tshe ni rten gcig yin la bza' ba dang btung ba dang/ bsku mnye la sogs pa'i yo byad ni gnyis pa yin te/ de gnyis kyis gnas par byed pa'i phyir ro/ /shing rta rnying pa ni sa gzhi rten gcig yin te/ rnyings pa nyid kyi phyir nyi ma re re las pags pa dang rgyus pa dang shing la sogs pas 'chos par byed pa de ni rten gnyis pa yin no/ /mya ngan ma byed cig ces bya ba'i bshad pa ni shA ri'i bu yongs su yongs su mya ngan las 'das pa'i skabs su blta bar bya'o/ /bslab pa dag la gus par byed pa ni bslab 'dod pa yin te/ bdag nyid gling du 'jogs pa'i bslab pa dag la shin tu srung bar byed pa de bas ni de skad ces bstan pa yin no/ /kun dga' bo zhes bya ba la sogs pa la/ dri rdzi'i ming can gyi rgyal rigs dag gi yul gyis bzhi ni bri rdzi'i gnas yin no/ /rtsa pa la'i ming can gyi mchod rten des nye par mtshon pa'i yul phyogs la sgra nges gzung ba yin no/ /a mra'i shing chen po bdun bdun gyis nye bar mtshon pa ni shing a mra bdun pa'o/ /bu mang po pa'i mchod rten gyis nye bar mtshon pa'i gnas ni bu mang po pa yin te/ 'di la bud med 'ga' zhig las b u mang po skyes pa de dag thams cad kyis rang rgyal ba'i byang chub mngon sum du byas te sa phyogs de nyid du 'ongs nas yongs su mya ngan las 'das pa de dag gi lus kyi mchod rten byas pa nyid kyis phyir bu mang po pa zhes bstan pa yin no zhes bstan pa 'am lta bu mang po pa zhes bya ba'i ming gis sgra yin no/ /drang srong gau ta mas bsten pa'i shing n+ya gro d+has nye bar mtshon pa'i gnas ni gau ta ma'i n+ya gro d+ha yin no/ /shing sA la chen po gnyis kyis nye bar mtshon pa'i yul la shing sA la gnyis kyi sgras bstan te/ /gcer bu pa 'dor ba'i mchod rten gyis nye bar mtshon pa'i yul la de skad ces bya'o/ /cod pan btags pa'i mchod rten gyis nye bar mtshon pa'i yul dga' bar byed pa yin to/ /rgyal po chen po blta na sdug gi bu kun gyi tha chung bdag gis yun ring po nas rgyal srid 'thob par 'gyur ro snyam pas rab tu byung ngo/ /rab tu byung nas kyang des rang rgyal ba'i byang chub mngon sum du byas nas yongs su mya ngan las 'das pa na de'i mas mchod rten byas pa nas/ rgyal po blta na sdug gis byung mdza' rnyed nas rang gi cod pan mchod rten la btags pas na chod pa na btags pa'i mchod rten zhes bya ba'i bar du'o/ /gnas de dag thams cad yangs pa can kho na'i ma yin gyi/ 'on kyang ji ltar srid par gzhan du yang yin no/ /'dzam bu'i gling sna tshogs zhes bya ba la sna tshogs pa brjod pa ni dga' bar bya ba nyid kyi khyad par byed pa yin par rig par bya'o/ /dga' bar bya ba ni sems dga' ba dang mthun pas na dga' bar 'gyur ba'o/ /shin tu 'dod par bya ba yin bas na ma rtung? zhes brjod do/ /rdzu 'phrul gyi rkang pa bzhi ni 'dun pa'i ting nge 'dzin dang/ sems kyi ting nge 'dzin dang/ brtson 'grus kyi ting nge 'dzin dang/ dpyod pa'i ting nge 'dzin dang/ bsnyen cing bsgom pa ni bsgoms pas kun nas bsnyen pa ste/ gus par bsgom pa yin par bstan to/ /rtag tu bsgom pa ni med du byas pa yin par bstan to/ /bskal pa ni 'dir bskal pa chen po yin par rig par bya'o/ /bskal pa bas lhag pa dang/ cha dang/ dum bu dus gang la yod pa ni bskal pa las lhag pa'i dus yin te/ bskal pa du mas nye bar mtshon pa'i dus zhes bya ba'i tha tshig go /kun dga' bo yangs pa can zhes bya ba la sogs pa ni yangs pa can la sogs pa'i tshig gi dgos pa brjod pa yin no// gang gi phyir sangs rgyas bcom ldan 'das ni dgos pas stong pa'i tshig gsung bar mi 'gyur ro zhe na/ 'dir 'dzam bu'i gling gi mi rnams la brten nas bcom ldan 'das kyis rnam pa thams cad mkhyen pa'i ye shes thugs su chud pa de bas na byas pa shes pa nyid mngon du mdzad nas 'dzam bu'i gling gi gdags pa gsung ba yin pa de nyid kyi phyir thog ma kho nar yangs pa can gyi ming smos pa mdzad pa yin no/ /gang gi phyir bcom ldan 'das yangs pa can na bzhugs nas bka' 'di gsungs pa yin par brjod do/ /gzhan gang 'ga' zhig 'di la bcom ldan 'das bzhugs pa'i nus pa mi mnga' ba de bas na 'di ltar 'dzam bu'i gling sna tshogs pa yang spangs nas yongs su mya ngan las 'das pa yin no/ /snyam du sems pa de'i tshe the tshom bzlog par bya ba'i phyir gang 'ga' zhig rdzu 'phrul gyi rkang pa bzhil zhes bya ba la sogs pa smos pa yin te/ bskal pa las lhag pa'i dus su bcom ldan 'das bzhugs pa'i nus pa dang ldan du zin kyang gang dus lgag par mi bzhugs pa de ni 'khor ba de'i nyes dmigs bstan par bya ba'i phyir dang/ mya ngan las 'das pa'i yon tan rab tu gsal bar byed pa'i don yin par rig par bya'o/ /bcom ldan 'das kyis 'di lta ste/ 'khor ba 'di ni skye ba dang rga ba dang na ba dang r nam par 'tshe ba'i bye brag du ma dang ldan pa de'i phyir yon tan gyi 'byor pa rab kyi mthar brnyes shing bag chags dang bcas pa'i nyes pa spangs pas gnas pa'i skal ba can yin du zin kyang gnas par mi bya zhing sdug bsngal thams cad nye bar zhi ba'i mya ngan las 'das pa'i grong khyer kho nar 'jug pa de bas na 'khor ba 'di la chags par mi bya'o/ /'on kyang tshul khrims dang thos pa dang/ bsgom pa'i thabs kyi lam bsgoms pa yongs su rdzogs par bya ba des kho bo cag gis kyang thar pa thob par 'gyur ro zhes bya ba de shes nas lha mar po 'khor pa las skyo zhing mya ngan las 'das pa dang brtson pa dang bcas pa skye bar bstan pa yin no/ /gdul ba'i 'bras bu med pa ni mdzad pa rdzogs pa yin pas bcom ldan 'das mi bzhugs pa yin no zhes brjod pa la/ kun dga' bo gal te rdzu 'phrul gyi rkang pa bzhi zhes bya ba la sogs pa la 'phags pa kun dga' bo dang lhan cig gtam brjod pa mdzad pa de ni kun dga' bo kho na la nyes pa sbyor ba'i sgo nas dgra bcom pa nyid kyi 'bras bu thob par bya ba'i don yin te/ bcom ldan 'das kyis yongs su mya ngan las 'das nas gnas brtan chen po 'od srungs 'phags pa kun dga' bo la spyod pa brgyad kyis spyos pa de las nyes te/ gang 'phags pa kun dga' bo kho nas 'di lta ste/ bcom ldan 'das bskal par bzhugs su gsol/ bskal pa las lhag par bzhugs su gsol zhes ma gsol ba'i nyes pa 'di ni shin tu lci ba yin te/ nyes pa des kyang srid pa las skye bar dang ldan par 'gyur zhing skyo ba las kyang dgra bcom pa nyid kyi 'bras bu 'thob par 'gyur ro zhes gzigs pa yin no/ /khebs par zhes bya ba ni bar du gcod pas khyab par gyur pa'o/ /shin tu gsal ba nyid kyis na rgya che ba yin no/ /ngag tu brjod pa'i spobs pa ni 'dir snang ba'i sgras brjod pa yin no/ /rgyu mtshan snang ba'i rgyu yin te/ de yang kun dga' bo yangs pa can zhes bya ba la sogs pa brjod pa yin no/ /so sor rtogs pa ni khong du chud pa'o/ /'khrugs par mi 'gyur ba zhes bya ba ni rnam par mi 'khrug pas gnas pa dang ldan pa'o/ /bcom ldan 'das yongs su mya ngan las 'da' bar mdzad du gsol zhes bya ba ni phung po lhag ma med pa'i mya ngan las 'das pa'i dbyings su 'jug par ro/ /ji ltar yongs su mya ngan las 'das snyam du dogs pa la/ bde bar gshegs pa yongs su mya ngan las 'da' ba' i dus la bab po zhes bya ba smos pa yin no/ /phung po dang khams dang skye mched la khams pa la 'dir ma khams par rig par bya'o/ /mdo sde la sogs pa nang phan tshun 'dres pa dag gi mtshan nyid rnam par 'byed pa'i nus pa dang ldan pa gsal ba yin no/ /don myur du gcod pa'i nus pa dang ldan pa ni yid gzhungs pa'o/ /chos dang bcas pas zhes bya ba ni rigs pas so/ rang gi rgol ba'i yongs su gsal bar byed pa'i phyir yongs su dag par byed pa'o/ /rgyas par 'byung ba ni rgyas pa'o/ /de gang zhe na/ smras pa/ tshangs par spyod pa ste/ mi mang po dag gis 'phags pa'i lam bskyed pa de nyid kyi phyir rgyas par zhes bya ba smos so/ /de nyid kyi phyir skye bo mang po la phan pa yin te/ skye bo mang po dag la phan pa byed pa nyid kyi phyir ro/ /mdza' med pa dag gis mngon sum du byas pa de nyid kyi phyir yangs par gyur pa zhes smos so/ /de nyid kyi phyir smras pa/ ji srid lha dang mi dag la yang dag par rab tu bsgrags pa ste/ shin tu gsal ba dang rab tu gsal bar mdzad pa zhes bya ba'i tha tshig go /brtson pa chung bar gyis shig ces bya ba ni rtsol ba chung ba'o/ /mngon par 'dod pa'i dgos pa grub par thos pa'i phyir dga' ba yin no/ /bcom ldan 'das yongs su mya ngan las 'das pa de'i phyir mngon par 'dod pa yin la/ mngon par 'dod pa'i 'bras bu grub par dbugs phyung ba'i phyir mgu ba yin la/ ting nge 'dzin gyi 'bras bu rang gi dbang gis gnas pa de ni mngon par 'dod pa yin la/ bcom ldan 'das yongs su mya ngan las 'das pa las kyang phal cher 'jig rten gyi bdun gyi dbang du 'gyur ste/ 'bras bu de gnyis grub par bstan pa'i phyir rab tu dga' ba ste shin tu dga' ba dang ldan pa yin no/ /yid rangs ni 'dir dga' ba yin par rig par bya ste/ de nyid yid bde ba yin no/ /'tsho ba'i 'du byed byin gyis brlabs nas zhes bya ba ni sngon gyi skye bar byas pa'i rnam par smin pa'i tsho ba las kyi rnam par smin pa'i lhag ma bar ma dor 'chi ba'i ting nge 'dzin gyis drangs nas lhag mar byas pa yin no/ /tshe'i 'du byed ni spangs so? zhes bya ba des de skad du bstan pa yin no/ /mnyam dang mi mnyam zhes bya ba la sogs pa la srang gis gsal bas na mnyam pa ste 'dra ba yin la/ de sred pa zhes bya ba dang 'dir sbyar ro/ /de la mngon bar dga' bar byed pa ni bya ba'i tshig yin no/ /de las bzlog pa ni mi mnyam pa nyid yin la/ dang ni mtshungs par sdud pa'i don yin no/ /srid pa dang 'du byed ces bya ba 'dir nges par bya'o/ /srid pa bdag nyid kyi dngos po ste de yang rnam pa gnyis yin la/ ming dang gzugs la sogs pa'i bdag nyid yin pa'i phyir ro/ /de la gzugs kyi tshogs ni 'dra ba yin te/ sngon dang phyi ma la bye brag med pa'i phyir ro/ /ming gi tshogs ni 'dra ba yin te/ dus phyis rdzogs pa'i byang chub thob pa'i phyir ro/ /srid pa'i 'du byed ni tshe'i 'du byed yin te/ de yod na 'du byed kyi rgyud kyi 'jug pa tha dad pa'i phyir ro/ /thub pa ste bcom ldan 'das kyis spangs pa ni gzhan gyi don mdzad pa med pa nyid kyi phyir ro/ /thub pas g.yo'i bye brag gis sku tshe spangs par byin gyis brlabs rgyu nang du zhes bya ba la sogs pa smos te/ nang la dga' ba ni nang brtag pa la phyogs nyid kyi phyir te/ 'di ni ye shes la dbang ba bstan to/ /mnyam par bzhag pa ni ting nge 'dzin la dbang brnyes pa yin no/ /ne'i? sgras ni dbang du gyur pa gnyis dang 'brel pa mngon par 'dod pa'i 'bras bu sgrub par byed pa yin no/ /zhes bstan pa'i don to/ /bcom pa ni bcom par 'gyur ba ste/ sngon gyi srid pa'i 'du byed spangs par gyur pa de bas na 'dra ba dang mi 'dra ba'i srid pa bcom pa yin no/ /mdzod dang 'dra ba'i sgo nga las byung bas na sgo nga las byung ba ste bya yin no/ /mdzod ni sgo nga'i spubs yin te/ dper na khyim bya'i phru gu lus cher skyes pa dang mchus sgo nga'i spubs dral nas 'byung ba de bzhin du bcom ldan 'das kyis zag pa dang bcas pa dang zag pa med pa'i bdag nyid kyis dngos po ye shes shin tu brtol nas mya ngan las 'das pa yin no/ /rgyu ni nang gi yan lag gi bye brag rgyu yin la/ rkyen ni phyi rol gyi yan lag yin no/ /rlung mi bzad pa zhes bya ba ni rnam par 'khrugs pa yin no/ /ting nge 'dzin grub pa ni rdzu 'phrul che ba yin no/ /ngo mtshar nye bar ston pa'i nus pa dang ldan pa ni mthu che ba yin no/ /chung ba zhes bya ba ni 'byung ba yin no/ /sa la chung bar dmigs pa'i 'du shes ni sa la chung bar 'du shes pa'o/ /byin gyis brlabs pa ni rnam par bzhag pa 'am bskyed pa yin te/ ting nge 'dzin gyi mthus sa yang 'tshol ba nyid du gyur pa'o/ /chu la tshad med par dmigs pa'i 'du shes byin gyis brlabs pa de'i phyir sa g.yos par 'gyur ro/ /sa g.yos pa 'di yang 'ga' zhig tu 'dod pa'i rgyu mtshan ston par byed pa yin la/ 'ga' zhig tu ni 'dod pa ma yin pa'i rgyu mtshan ston par byed pa yin no/ /zhes bya bar rig par bya'o/ /nyes pa ni nyes pas byas pa'i las sngon du song ba can gyis nyes pa yin na/ /rnam par smin pa gnyis su 'gyur ba zhes bya ba ni bden pa'i rnam par smin pa dang bden pa ma yin pa'i rnam par smin pa'o/ /mi rtag pa zhes bya ba la sogs pa'i bshad pa ni mngal du 'jug pa'i mdo'skabs su dpyad pa yin no/ /mthong ba'i chos kyi zhes bya ba ni mngon sum skye ba'o/ /phyi ma ni 'jig rten pha rol lo/ /bcad par bya ba ni bdag gi don bzung ba'i sgo nas so/ /'dzin par byed pa ni gzhan la don gyi sgo nas stan pa'o/ /klog par byed pa ni yi ge'i sgo nas/ /kun chub par byed pa ni don gyi sgo nas so/ /kun yangs pa'i tshal nas byung nas zhes bya ba ni grong khyer yangs pa can dang thag nye ba'i dgon pa'i nags khrod mngon du phyogs pas gshegs pa'o/ /g.yas phyogs su zhes bya ba la sogs pa la bcom ldan 'das thams cad du g.yas phyogs su bskor ba mdzad pa de nyid kyi phyir g.yas phyogs su gzigs te/ glang po chen po dang 'dra bar sku thams cad kyis phyogs te gzigs pa'i phyir glang po che'i lta stangs kyis gzigs pa zhes bstan to/ /ci'i phyir bcom ldan 'das glang po che'i lta stangs kyis gzigs par mdzad ce na/ 'di la bla ma dag bcom ldan 'das mngon par 'dod pa'i 'bras bu ston par mdzad pa'i phyir glang po che'i lha stangs su mdzad la/ yang grong khyer yangs pa can du mi 'jug pa yang 'dir bcom ldan 'das mngon par bzhed pa yin pa de bas na 'dir glang po che'i lta stangs kyis gzigs pa ni de ston par byed pa yin par blta bar bya'o zhes ston to/ /de ston pa yang ci'i phyir zhe na/ 'di la yang grong khyer yangs pa can na gnas pa'i lha rnams la phan gdags pa'i phyir te/ de dag gis rgyu mtshan mthong ba las bcom ldan 'das grong khyer yangs pa can du yang 'jug par mi mdzad pa dang/ yongs su mya ngan las 'das par bzhed do snyam pas gal te bo cag bag med par gnas pa de'i tshe bdag cag cher nyams par 'gyur ro snyam du gzigs nas/ bcom ldan 'das kyi slad bzhin du 'brang ba dang/ dge ba'i chos sgom pa la bag yod par gnas par 'gyur ba de bsan/ de dag gi don chen po 'grub par 'gyur ba'i phyir glang po che'i lta stangs kyis gzigs pa ni 'dir dgos pa dang bcas pa kho na yin no zhes ston par mdzad do/ /gzhan du sngar ma mthong ba ni ngo mtshar yin la/ sngon ma thos pa ni rmad du byung ba yin no/ /gang na 'khor brgya phrag sum yod pa de ni 'dir brgya phrag du ma can yin no/ /srid ni ring ba nyid do/ /zheng du gyur pa ni yangs par gyur pa'o/ /kha dog mdzes par gyur pa ni kha dog dang gzugs rdzogs par gyur pa'o/ /dbyangs snyan par gyur pa ni dbyangs mdzes par gyur pa'o/ /don smra ba ni don ston par byed pa'i tshig brjod par byed pa'o/ /lhag par zhes bya ba ni phyis sam lhag pa'i don yin no/ /gnas pa zhes bya ba ni lhan cig gnas pa 'am legs par gnas pa nyid do/ /ston pa 'dul bya'i thabs su gyur pa la mkhas pa yin pa de bas na thabs 'dis mngon par ma dad pa skyod par byed pa'i chos ston par 'gyur ro/ /mdo sde'i mdza' i rjes su 'brang bas gnas par bya'i gang zag gi rjes su 'brang bar mi bya'o zhes bya ba las/ mdo sde'i mdza' zhes bya ba la/ mdo sde'i sde snod dang 'dul bar gtogs pa yin no/ /'dul ba'i bdag nyid kyi mdo ni yang bslab pa'i bzhi nges par byed pas na mdo sde ste/ dper na so so thar pa'i mdo lta bu'o/ /'dul bar gtogs pa'i bslab pa'i gzhi gzhan ma lus pa dag kyang de bzhin no/ /mdo sde'i mdza' ni nges par byed pa ste/ 'dis nges par byed ces bya ba'i dbang du byas nas chos mngon pa yin la/ bka' yan lag bcu gnyis su gtogs pa'i man ngag ston par byed pa'i chos mngon pa nyi ma mo yin no/ /chos mngon pa'i rjes su 'brang nas slob dpon gyis mdzad pa'i bshad pa yang sde'i mdza' yin no/ /de bas na 'di mdo sde'i sgras mdo sde dang/ 'dul ba'i sde snod dang/ mdza' i sgras chos mngon pa'i sde snod slob dpon gyis mdzad pa'i bshad pa lung gi rjes su 'breng ba dang bcas pa bzung ngo/ /de'i don ni 'di yin te/ mdo sde dang/ 'dul ba dang/ chos mngon pa'i sde snod nges par byed pa de dag nges par byed pa kho nar rjes su 'brang ba ste/ so sor 'brang bar bya ba dang rjes su 'gro bar bya ba yin la/ sde snod gsum po des pa nyid tu legs par byas pa'i lta ba nges pa sgom pa la/ mngon par sbyor bas thar pa legs par thob par 'gyur ro/ /gang zag gi rjes su 'brang bar mi bya ba ni gang nga gcig puAm/ nga dang 'dra ba'i rjes su 'brang par bya ba yin te/ nga yongs su mya ngan las 'das nas nga'i bka' i rjes su 'gro bar bya zhing/ grol ba'i phyir gang zag gzhan 'ga' zhig gi ni ma yin na'o/ /zhes bya ba'i bshad pa 'dis mdo dang 'dul ba'i mdza' sgra sde snod gsum po dag la 'jug par rig par bya'o/ /de dag gang la zhe na/ 'og nas bcom ldan 'das nyid kyis mdo sde'i mdza' i rjes su 'brang ba sde snod gsum la mkhas pa ya bshad pa las/ gang mdo sde la 'jug par bya zhing 'dul ba la yang dag yang blta bar bya'o/ /gal te mdo sde la 'jug par gyur cing 'dul ba la snang bar gyur na mdo sde la gnas 'dul ba la snang/ chos nyid dang mi 'gal ba yin no/ /zhes bshad par 'gyur ro/ /de ltar gyur na 'dir rab tu grags pa'i sde snod gsum la 'dul ba'i mdza' i rjes su 'brang bar brjod do/ gang zag ni de'i don dang gzhung tshad mar gyur pa la mkhas pa ste/ 'dir nag po bstan pa dang/ chen po bstan pa 'di'i rtogs pa po yongs su rtogs par byed pa'i don yon tan dang ldan pa yin/ brtag par bya ba yang gzhan gyis sangs rgyas kyi bka' yin par smras pa 'di la ni sangs rgyas kyi dga' nyid du brgyud pas 'ongs pa ma yin zhing rtag par byed pa ni mdo sde dang 'dul ba dang/ ma mo las 'jug par byed pa yin no/ /nag po bstan pa dang chen po bstan pa'i char gyur pa sde snod gsum po mdo sde dang 'dul ba dang chos mngon pa yang brtag pa'i gzhi yin no/ /'on kyang rtog par byed pa'o pa sde snod gsum po gang dag la gzhug par bya ba sangs rgyas rgyas kyi bka' nyid du ma grags pa'i gzhung gzhan gang la grags pa yin/ 'di la 'dri bar bya ba ji zhig yod de brgyud pas 'ongs pa min no/ /gal te de lta na ni ji ltar khyed la sde snod gsum po dang brgyud pas 'ongs pa yin pa'i phyir rab tu grags pa yin pa de bzhin du pha rol pa yang gzhan du rab tu grags pa yin no/ /bden te gang zhig pha rol po la brgyud pas 'ongs pa kho bo la brgyud pas 'ongs pa ma yin pa de ni ji srid kho bo la sangs rgyas kyi bka' nyid du brgyud pas 'ongs pa ma yin pas de yongs su ngor bar bya ba ni ma yin gyi/ 'on kyang rang gi sangs rgyas kyi bka' brgyud pas 'ongs pa la bcug nas dpyad par bya ba yin/ /de bas na 'dir nag po bstan pa la gsum po brten par bya ba yin no/ /sde snod gsum po brgyud pas rab tu grags pa de'i de ni rang gzhung 'jal bar byed pa'i mkhas pa ni rtog par byed pa po yin la/ gang zhig sangs rgyas kyi bka' nyid du de la ma grub pa nyid ni brtag par bya ba yin no/ /de ltar na gang zhig sangs rgyas kyi bkar ma grags pa phan tshun rjes su zhugs pa'i phyir ram/ 'gal ba med pa'i phyir sangs rgyas kyi bka' rab tu grags pa min par khong du chud par mi bya ste/ tsar ka la sogs pa la sangs rgyas kyi bka' nyid du thal bar ba mi gyur cig pa yin// 'on kyang yongs su rdzogs par sangs rgyas kyi bka' grub pa yod dang/ de'i don 'jal bar byed pa'i mkhas pa ni grub pa po ste gang zhig rtogs pa po snga na med pa de las/ zhen dang 'di ni sangs rgyas kyi bka' nyid du smras pa de rtog par byed pa po des gzhug cing dpyad par bya'o/ zhes bya ba ni nag po bstan pa dang chen po bstan pa'i don yin no/ /sde ba'i nad tha dad pa'i khyad par de dag 'gal ba'i phyir gzhan du mi/ 'jug pa ma yin nam/ ji ltar na sangs rgyas kyi bka' nyid yin zhe na/ nyon cig bcom ldan 'das kyi bstan pa tha dad pa'i dbye ba bco brgyad du gsungs pa gzhung tha dad pa dang/ de na tha dad pa'i khyad par sgo nas dbye ba bco brgyad ni rigs pa ma yin no/ /de'i phyir bcom ldan 'das nyid kyis ci srid 'gal ba'i sgo nas gzhan gzhan dag las tha dad par 'gyur ba de srid du 'gal bar lung bstan pa yin la/ gal te de srid du yang 'gal bar mi 'gyur na tha dad pa nyid du yang mi 'gyur ro/ /de'i phyir bcom ldan 'das kyis ji srid du 'gal ba tha dad pa'i rgyu mtshan du bsrungs pas de srid du don dag gzhung phan tshun rjes su 'jug par mi 'gyur ro/ /de bsdus pa'i don ni 'di yin te/ gang bcom ldan 'das kyis cha ji srid pa la phan tshun 'gal bar bsrungs de nyid kyang bcom ldan 'das kyis nag po/ ston pa dang chen po bstan pa'i g.yos mi 'gal ba dang srungs pa la 'on kyang cha de yongs su dor zhing cha gzhan na ? po bstan ba dar chen po bstan pa'i sgo nas rjes su 'jug par bya ba yin no/ /de yang cha'i dbye ba gzhan yin gyi rnam par grol ba'i ras la ni tha dad pa med do/ /zhes bcom ldan 'das kyis gsungs pa yin no/ /rnam par grol ba yang 'dir 'dus byas dang 'dus ma byas yin la/ 'dus ma byas ni mya ngan las 'das pa yin no/ /'dus byas ni lam gyi nang du 'dus pa lhag par mos pa yin la/ des ni 'dir thar pa'i lam gsungs pa yin no/ /lam la yang nan tan du byed pa dang/ pha rol tu phyin pa'i tshogs yod pa yin te/ de dag gis rgyu 'khor ba las yid byung ba dang/ sems can la snying rje ba yod pa yin no/ /rgyu ni bzhi ste brtson pa'i rgyu zhes bya ba'i tha tshig go /rnam par grol ba yang 'brel ba can gyi sgra nyid yin pa'i phyir gang las rnam par grol ba des 'phags pa sdug bsngal gyi bden pa yin no/ /ji ltar rnam par grol ba des kyang 'phangs pa ni kun 'byung gi bden pa yin te/ kun 'byung yod na ni sdug bsngal skye bar 'gyur la/ de ltar gyur dang sdug bsngal las rnam par grol ba med pa de'i phyir kun 'byung shes nas spang bar bya'o/ /de ltar na sdug bsngal las yongs su grol bar 'gyur ba de bas na 'dir rnam par grol ba'i sgras bgegs pa'i bden pa bzhi gzung zhing lam la nan du byed pa dang/ tshogs kyi rgyu yang bsdus pa yin no// bcom ldan 'das kyis sde ba'i dbye ba bco brgyad po 'di tsam gyis phan tshun rjes su zhugs par gsungs pa yin pa de bas na rjes su zhugs pa'i phyir nag po bstan pa dang chen po bstan pa 'di las lhag pa ci zhig nus te/ cha 'di tsam gyis tha dad pa dag kyang phan tshun rjes su zhugs pa bstan pa yin la/ gang 'di tsam du yod rjes su zhugs pa de ni sangs rgyas kyi bka' ma yin no/ /de ltar yang theg pa chen po'i lam dang 'dra ba sngags la yod de/ gang gzungs 'dis myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de bzhin gshegs pa 'od dpag tu med pa'i thang las gzungs smra bas yang rigs pa mnos nas nyon mongs pa spangs te/ byang chub sems dpa' bla na med pa yang dag par rdzogs pa'i byang chub tu mngon par rdzogs par sangs rgyas so/ /bcom ldan 'das kyis 'phags pa spyan ras gzigs dbang phyug gis thang las rig pa blangs te/ gzhan la phan gdags pa mdzad pa'i phyir 'jug par 'gyur zhes 'byung ste/ sngags dang yi ge lam gyi yan lag ma yin/ tshogs ma yin te/ rgyu ma yin/ legs par spyad pa dang da nyes par sbyor pa ma yin pa de ji ltar na de dag mi bzad pa'i rgyu dang/ bsod nams 'phel ba'i rgyu rag tu yang rigs te/ de bzhin du klog pa yang ngo/ /de ni 'dir lam bar tshul mthun pa yin gyi de lam ma yin/ mdo sde ma yin na/ 'dul ba ma yin/ chos nyid la 'jug pa ma yin de nag lo bstan pa dang/ chen po bstan pa'i sde snod gsum gyi char gyur pa ma yin te/ de la theg pa chen po'i nang du 'dus pa yin no// zhes bya ba de ni nges pa yin no/ /kun dga' bo ji ltar na dge slong dag mdo sde'i mdza' i rjes su 'brang ba yin gyi/ mngon du bya ba mngon sum du thos pa zhes bya ba ni thos pa las byung ba'i shes pa yi ge'i bdag nyid can gyis so/ /bsams pa las byung ba don gyi bdag nyid can gyis der shin tu ngas pa zhes bya bar dgongs so/ /'di lta ste zhes bya ba de ni nye bar ston pa'i tshig yin no/ /chos ni bstan pa'i chos yin no/ /'dul ba ni spong ba'i thabs su gyur ba'o/ /ston pa'i bstan pa zhes bya ba la yang dag rjes su ston pa mdzad pas na ston pa ste/ sangs rgyas bcom ldan 'das phyin ci ma log par ston par mdzad pa zhes bya ba'i tha tshig go/ de'i bstan pa 'di yin pas na bstan pa ste bka' 'am chad du bstan pa zhes bya ba yin no/ /de'i don ni 'di yin te/ bcom ldan 'das kyis bstan pa'i chos dang stong pa'i thabs su gyur pa rim pas 'di bstan pa yin te/ rim pa 'dis 'jug pa ngag chos khong du chud pa dang spangs pa 'grub par 'gyur ro/ /spro bar si bya zhes bya ba ni khyod kyi legs par smra so zhes bya bde lta bu'i gzengs bstod pa sbyin par mi bya'o/ /slang bar gang mi bya ba ni tshar bcad pa'i sgo nas khyod kyis mdzes pa ma yin pa smras so zhes su bya'o/ /rna byos te zhes bya ba ni rna ba'i rnam par shes pa gtad par byas nas so/ /chos kyi tshig 'bru zhes bya ba ni bstan pa'i chos kyi don gsal bar byed pa'i tshig gang yin pa dang yi ge ste brjod byar gang yin pa de dag gzung zhing sems kyis shin tu nges par byas nas so/ /mdo sde la 'jug par bya zhes bya ba ni ming sde'i sde snod la mthar gyis rab tu 'jug par bya ba'o/ /'dul ba la yang dag par blta bar bya zhes bya ba la/ 'dul ba'i sde sno? ral mtshan nyid gang dag gsungs pa de dag lhan cig sbyar bar bya ba yin no/ /mdo sde la mi 'jug ces bya ba de ni bla na med pa'i skyes bu'i don sgrub par byed pa nyid dang rjes su mthun par 'gyur ba ma yin no/ /'dul ba las mi snang zhes bya ba ni 'dul ba las gsungs pa'i mtshan nyid bla na med pa'i don sgrub par byed pa kho na nyid dang 'gal par 'gyur ro/ /chos nyid dang yang 'gal na zhes bya ba ni 'gal ba'i bshad pa dang ldan pa nyid kyi phyir mi 'thad pa yin no/ /chos nyid kyang chos mngon pa'i sde snod dam rten cing 'brel par 'byung ba lugs las 'byung ba dang lugs las bzlog pa yin no/ /nyes par gzung ba zhes bya ba ni rnam pa gzhan du gzung ba'i sgo nas smad par gzung ba'i phyir ro/ /de ltar ni zhes bya ba ni gang gi phyir ro/ /gnas ni 'dir gtsug lag khang la mngon par 'dod de na'o/ /chen po zhes bya ba ni tshul khrims la sogs pa'i yon tan dag gis bdag po chen por gyur pa'o/ /gnas brtan zhes bya ba la/ gnas brtan ni 'dir 'dul ba la mkhas pa yin par rig par bya'o/ /so sor thar pa dang bcas pa zhes bya ba ni so sor thar pa'i mdo 'don pa'i gnas brtan dang bcas shin tu ldan pa'o/ /chos su 'du shes gra can zhes bya ba ni chos kyi 'du shes ni chos su 'du shes pa ste/ de gang la yod pa ni chos su sta 'du shes can te/ de yis so/ /'dul bar 'du shes pa can yang de bzhin no/ /chos ma yin pa 'dul ba ma yin pa zhes bya ba ni chos dang 'dul ba dang 'gal ba'o/ /mdo sde 'dzin pa ni gzhung gi sgo dang don gyi sgo lam gzhan gyi sgo nas mdo sde ma lus bar 'dzin par byed pa'o/ /de bzhin du 'dul ba 'dzin pa dang/ ma mo 'dzin pa yang khong du chud par bya'o/ /ma mo'i sgras chos mngon par brjod pa yin te/ mdo sde dang 'dul ba'i sde snod dag gis ma lta bu'i gnas len pa'i phyir ro/ /mang du shes pa ni dge 'dun gyi tshad las nyung ba ste/ dge 'dun gsum zhes bya ba'i bar du'o/ 'dir dge slong chos kyis rgan pa ni gnas brtan du bzheng la/ /gnas brtan gzhan ni gnas gtso bor gyur pa'o/ /ji ltar dge slong mang por dag las yon tan gyis 'did gtso bor zhes la/ gtso bo las gzhan ni dam par gyur pa'o/ /bzhi po 'di ni nag po bstan pa yin no/ /mdo sde la 'jug ces bya ba ni snga ma bzlog pa dang lhan cig sbyar bar bya'o/ /don ci lta ba bzhin du 'dzin cing 'khrul ba spangs pa nyid kyi phyir lags par bdud pa yin no/ gzhan la snyad 'dogs pa'i sgo nas brjod pa ni bstan pa yin te/ nag po yang de yin la bstan pa yang yin pas nag po bstan pa yin no/ /pha rol bo sangs rgyas kyi dka' nyid du 'dod pa'i tshig gang yin pa de sangs rgyas kyi bka' ma yin pa nyid du bsgrub pa'i tshig ni nag po'i sgras bstan pa yin la/ des nye bar mtshon pa'i snyad 'dogs pa ni nag po la bstan pa zhes bya'o/ legs par bya ba ni rigs par ro/ /shin tu ni khyab par du yang dag par sbyar te zhes bya ba ni yang nas lang du bcas pa dad par dag par rjes su spyod par byas nas ?/ /yi ge'i bdag nyid kyis shin tu dpyad par bya ba yin no/ /yang dag pa dang rtags la zhes bya ba ni mdo sde las 'jug pa la sogs pa'i sgo nas don gyi bdag nyid du shin tu dpyad nas so/ /dor bar bya ba zhes bya ba ni yongs su spang bar bya ba'o/ /sangs rgyas kyi bka' nyid kyis don chen po dang ldan pa'i phyir chen po bstan pa yin no// gzung bar bya'o zhes bya ba ni 'di ni sangs rgyas kyi bka' yin no/ /zhes bya ba'i sgo nas gus pa gzung bar bya ba yin no/ /srog chags dza? ku ka'i nags tshal thug mo zhes bya ba ni srog chags ji lus nyo bar mtshan pa nyid kyi phyir ram/ ming gi sgras ni srog chags dza lu ka'i nags tshal 'thug mo zhes bya'o/ /mgar ba ni gser mgar ro/ /ko la smin pa zhes bya ba la ko la zhes bya ba ni 'bru'i bye brag khyad par can 'ga' zhig yin la/ smin pa ni yang dag par gyur pa'o/ /ko la gang yin pa de ni ko la ka smin pa yin no// tshogs pa chen po'i bye brag gis bzang por byas pa legs par byas pa bzang ba yin no/ /mtshan khung du bzhag go zhes bya ba ni rku sems kyis mtshan khung gi phyogs su spas pa yin no/ /bcom ldan 'das kyi mthus brdungs mgar mkhan gyi bu skul byed kyis mthong ba dge slong gi yul de la 'jug par mdzad pa bcom ldan 'das ji la dgos pa yin zhe na/ 'di la bcom ldan 'das kyi dgongs pa ni 'di yin te/ gal te brdungs mgar mkhan gyi bu skul byed kyis dge slong de snod rku ba mthong ba de'i tshe skul byed 'khor 'di ma bsad pa ma yin gang gi phyir dge slong 'di ni bcom ldan 'das kyi spyan sngar gnas shing dgra bcom pa du ma'i nang du chud kyang 'di lta bu'i las byed do/ /zhes 'khor ba'i gnas ngan pa yin no/ /snyam pas bcom ldan 'das dang dge slong nyes pa zad pa dag la dad pa 'phel zhing 'gyur ba dang/ thar pa'i don gyi bya ba la rtsol bar 'gyur ba dang/ bshad par 'gyur ba'i 'dri ba'i skab byas pa yin pa'i phyir skul byed kyis mthong ba dge slong gi yul la 'phags pa ni shin tu don chen po yin no zhes ston to/ /thub pa blo gros rab yangs pa zhes bya ba sogs pa la/ nyon mongs pa las gyur pa'i tshig nye bar zhi ba'i phyir thub pa ste/ thub pa bcom ldan 'das de la zhu bar gyi'o/ /khyad par ji lta bu dang ldan pa'i thub pa zhe na/ blo gros rab yangs zhes bya ba la sogs pa smos te/ blo gros te shes rab yangs shing rgya che bar gyur pa gang la yod pa de ni blo gros rab tu yangs pa yin te/ thams cad mkhyen pa'i ye shes dang ldan pa nyid kyi phyir ro/ /'khor ba'i rgya mtsho chen po la rgal ba nyid kyi phyir brgal ba yin no// phung po lhag ma dang bcas pa'i mya ngan las 'das pa pha rol gyi dogs yang dag par brnyes pa'i phyir pha rol gshegs pa yin no/ /the tshom ma lus pa spangs pa'i phyir the tshom las brgal ba yin no/ /kha lo sgyur ba ni sngon du 'gro ba'o/ /thams cad kyi dang por mya ngan las 'das pa'i lam ston par mdzad pa'i sgo nas kha lo sgyur ba thams cad kyi gtso bor gyur pa nyid yin pa'i kha lo sgyur ba'i mchog yin no/ /gnas khyad par du 'phags par 'dren par byed pa'i phyir 'dren pa yin la/ sdug bsngal thams cad kyi 'jug pa zlog par byad cing mya ngan las 'das pa'i grong khyer la rab tu 'jug par byed pa nyid kyi sgo nas gtso bor gyur pa nyid yin pa'i phyir 'dren pa'i mchog yin te/ de lta bu'i yon tan dang ldan pa'i thub pa la zhu bar bya'o/ /ci zhig zhu bar bya zhe na/ 'jig rten dge sbyong du mchis zhes bya ba smos te/ kye bcom ldan 'das zhus pa lan gyi bags? gsungs shig pa yin no/ /dge sbyong bzhi ste zhes bya ba ni bcom ldan 'das kyis bka' stsal ba mngon sum du byas nas zhes bya ba ni dge sbyong bzhi pa de dag the tshom med par mkhyen nas khyod la smra ba ste bsgrag par bya'o/ /lam rgyal ba ni zhes bya ba ni skul byed do/ /gang gis the tshom smra ba bcad nas zhes bya ba ni bcom ldan 'das so/ /the tshom zhes bya ba ni yi gnyis kyi rgyu can sems rnam par tshol ba ste/ the tshom smra ba chad pa gang yin pa de ni the tshom smra ba chad pa ste/ yid gnyis kyis bag la nyal ma lus pa spangs pa yin no/ /'dis ni mthong bas spang bar bya ba'i nyon mongs pa spangs pa bstan to/ /bsgom pas spang bar bya ba 'dod chags la sogs pa'i zug rngu dang bral ba nyid kyi phyir zug rngu dang bral ba ste/ bsgom pas spang bar bya ba'i nyon mongs pa ma lus par spangs pa zhes bya ba'i don to/ /shin tu bstan pa nyid kyi phyir dang/ yongs su ma nyams pa'i chos nyid yin pa'i phyir dang/ 'khor ba ma lus pa'i yon gnas gcig nyid yin phyir gzhan gyi dring mi 'jog pa yin no/ /mya ngan las 'das pa dga' zhes bya ba ni gdul bya la phan 'dogs pa la rag las pa nyid kyi phyir phung po lhag ma dang bcas pa'i mya ngan las 'das pa la dga' ba yin/ /de nyid kyi phyir lha dang bcas pa'i 'jig rten gyi bcom ldan 'das de nyid ston pa yin/ /de ni zhes bya ba ni bshad ma thag pa'i yon tan no/ /sangs rgyas bcom ldan 'das yin la/ sangs rgyas kyi sangs rgyas kyi lam gyi 'di rgyal ba yin no zhes bya ba'i dbang du byas nas lam rgyal ba gsungs pa yin no/ /gang gis gsungs pa'i chos rnam par phye ba ni gzhan dag la rab tu bstan pa de ni lam 'chad pa yin te/ 'phags pa shA ri'i bu chos kyi sde dpon gnyis pa nyid yin pa'i phyir dang/ chos kyi 'khor lo rjes su skor bar mdzad pa nyid kyi phyir ro/ /chos khyad par ji lta bu can zhe na/ smras pa dang/ rab mchog ni khyad par du 'phags pa'o/ /shes pa ni rig pa nyid do/ /ji ltar shes pa nyid yin zhe na/ mchog ces bya ba smos te/ de nyid bya ba'i khyad par yin te/ des shin tu zhes bya ba'i tha tshig go /the tshom gcod par byed pas na the tshom gcod pa ste/ de ni sems can ma lus pa'i the tshom gcod pa nyid yin pa'i phyir ro/ /nyon mongs pa'i brjod pa nye bar zhi ba'i phyir thub pa yin la/ mya ngan las 'das pa'i chos mngon sum du byed pa'i phyir gzhan gyi dring mi 'jogs pa yin no/ /lam 'tsho ba ni 'phags pa'i gang zag bdun nam de dag ni nang nas gzhan pa'o/ /'phags pa'i bden pa bzhi ni chos kyi tshig yin te de'o/ /legs bshad pa zhes bya ba ni mdzes par bshad pa ste/ chos kyi tshig de nyid lam yin la lam de la gnas nas 'tsho ba ni dge ba'i chos kyi 'tsho bas 'tsho bar byed pa'i phyir ro/ /yang dag sdom pa zhes bya ba ni zag pa med pa'i sdom pa dang ldan pa'i phyir ro/ /dran pa nye bar bzhag pa bsgom pa rab tu gyur pa thob pa nyid kyi phyir dran pa'i bdag nyid can yin/ /kha na tho ba med pa'i tshig sdug bsngal 'phags pa'i bden pa la sogs pa de dag gis bsgom pas spang bar bya'o/ /nyan mongs pa spang bar bya ba'i phyir slob pa ste/ bsgom pa goms par byed pa yin no/ /gang yang dge slong dang tshul 'dra ba pham par 'gyur ba lhag par spyod pa'i phyir lam sun 'byin pa'i zhe bar rig par bya'o/ /ci ltar na tshul dang mi mthun par spyod pa yin zhe na/ legs dga' nang na zhes bya ba la sogs pa smos pa yin te/ gang dag bslab pa 'dod pa nyid kyis lus dang ngag gi kun tu spyod pa 'dul ba de dag ni 'dir legs dga' yin par rig par bya'o/ /legs pa la dga' ba de dag gi nang na g.yogs par byas pa nyid kyi phyir g.yogs pa ste/ cha lugs yin la/ de bag cha lugs kyis rnam par gnas par 'gyur ba gang yin pa'o/ /'di la zhes bya ba ni bstan pa la'o/ /de khyad par ji ltar bu can zhe na/ rab bskems zhes bya ba la sogs pa smos te/ tshul ma yin pas pha rol zil gyis mnon pa'i ngang tshul can rab brkems yin no/ /lus dang ngag gi 'jug pa med pa gang gis khyim sun 'byin par byed pa de ni khyim sun 'byin pa yin no/ /thams cad du tshig rab tu gtong bas na tshig la brkam pa yin no/ /spyod lam log par ston pa'i sgo nas pha rol po slu bar byed pa nyid kyi phyir sgyu can no/ /'brel pa'i tshig smra ba nyid kyi phyir sdom med rab smra yin no/ /lam ni 'phags pa'i lam yin la sun 'byin par byed pa ni rang gi rgyud kyi 'jug pa yin te/ de'i phyir lam sun 'byin pa yin no/ /skul byed dge slong gzhan dag kyang 'di 'dra ba'i rigs can kho na yin no/ /snyam du dogs par 'gyur ba la de bzlog par byed pa'i phyir/ de ltar ba sems? nas zhes bya smras pa yin no/ /thams cad 'di 'drar mi 'gyur ro/ /zhes bya ba ni ci ltar dge slong de dag ces 'di ltar bsams shing dpyad nas dge slong thams cad 'di 'dra bar mi 'gyur ro/ /khyim pa gang zhig ces bya ba ni khyim na gnas pa'o/ /lung thos pa dang ldan pa'i phyir thos pa dang ldan pa'o/ /rtogs pa dang ldan pa nyid kyi phyir 'phags pa nyan thos so/ /'phags pa'i bden pa bzhi po mdzes par shes pa nyid kyi phyir legs rtogs so/ /de ltar shes nas zhes bya ba ni yongs su bcad nas so/ /de'i dad pa shes mi 'gyur zhes bya ba ni gang dge slong sdig pa can de la dad pa mi skye ste/ 'dir ltar dge slong 'di ni smad pa yin no/ /snyam pa des dge slong dad pa ldan pa gzhan la yang mi srun pa snyam du sems par 'gyur ro/ /de gang las zhe na/ ji ltar mi srun zhes bya ba la sogs pa smos te/ ji ltar mnyam por bya dang mi bya ba zhes bya ba'i tha tshig go / gang zhe na/ mi srun pa ma yin pa nyes pa med pa dang/ mi srun pa dang ldan pa gcig mtshungs par byas pa'o/ /ngag pa zhes bya ba ni rnam par dag pa'i yon tan dang ldan pa yin la/ ma dag pa ni yon tan med pa'o/ /gang gcig dang 'bral ba'i sdig pa'i las su 'gyur ba'i sdig pa'i las des skye bo sdig pa mi byed pa la dogs par 'gyur ba'i ngogs pa bskyed pa'i rgyu mtshan du 'gyur ro/ /ji ltar yongs su dag pa'i skye bo rtogs pa'i gnas su 'gyur zhe na/ kha dog gzugs ldan zhes bya ba la sogs pa smos te/ gang gi phyir 'di ltar legs par mtshon pa dang legs par yongs su chod par mi 'gyur ba de'i phyir cig shos mthong bas yid mi bstan pa ste/ yid ches par mi bya'o/ /cig shos kyang de yin la mthong ba yang de yin bas na cig shos mthong ste/ dman pa mthong ba zhes bya ba'i bar du'o/ /ci'i phyir yid brtan pa ma yin zhe na/ rab tu sdom pa zhes bya ba la sogs pa smos te/ na'i sgra ni gang gi phyir gyi don yin te/ gang gi phyir 'jig rten 'di na legs par mi sdom zhing sdig pa las mi ldog pa mang po spyod pa shin tu sdom pas na rab tu spom pas so/ /de dag gi rtags de cha lugs des nye bar mtshon pa yin no/ /de khyad par ci lta bu zhe na/ 'dra ba zhes bya ba smos te/ skye bo dam pa dang 'dra zhing rnam par mtshungs par gyur pa'o/ /ci dang 'dra bar zhe na/ gser gyis g.yogs pa'i rna cha zhes bya ba smos te/ g.yogs pa ni gser gyis bsgos pa'i sgo nas gser gyi kha dog du bsgyur ba yin la/ rna cha ni rna ba'i rgyan yin no/ /ma sha phyed lcags gser gyis bsgos pa bzhin? zhes bya ba la/ lcags nyung ngu ni ma sha phyed lcags te/ de gser gyi nang du bcug nas rna rgyan du 'dog pa de bzhin du/ shin tu mi srun pa de nyes par spyod pa mang po lhag par spyod pa'i sgo nas lus dang ngag gi spyod pa bces? pa ston pa'i phyir phyi rol 'phags pa'i gzugs su spyod pa ste/ 'khor mang po dang ldan par gnas pa yin no/ /sbyin pas bsod nams rab tu 'phel zhes bya ba la sogs pa la sbyin pa ste/ gang zag la zhing dang za ba la sogs pa'i sbyin pa dang pas rab tu sbyin na bsod nams 'phel zhing legs par spyod pa rgyas par 'gyur ro/ /rtag tu rgyun mi 'chad par bsod nams mngon par 'phel bar 'gyur ba zhes bya ba 'dir smras pa yin te/ gal te yang khyod kyi bsod snyoms nye bar longs spyad nas de bzhin gshegs pa yongs su mya ngan las 'das pa de lta na yang khyed kyi bsod nams 'phel ba kho nar 'gyur gyi/ sdig pa ni ma yin no/ /zhes ston par byed pa yin no/ sdigs pa can gyi dge slong gi dbang du byas nas smras pa/ yang dag sdom las 'khon mi 'phel ba ste/ 'ga' zhig tu tshul khrims las 'khon mi 'phel te/ gzhan la gnod pa byed pa med ces bya ba'i tha tshig go /yang na yang dag par sdom pa ni bzod pa yin te/ lung las bzod pa dka' thub dam pa yin zhes 'byung ba de'i phyir rgyu des 'khon te mdud par 'dzin pa skye bar mi 'gyur ro/ /dge ba can gyis sdig pa spong zhes bya ba byis pa la sogs pa'i yon tan bsgoms pa'i bdag nyid can gyi dge ba gang la yod pa de ni dge ba can te/ des sdig pa ste nyes par spyod pa kun gyi 'bras bu'i bdag nyid de yongs su spong bar byed pa 'am/ mthong ba'i lam mngon sum du byas pa'o/ /srid pa'i 'bras bu legs par spyod pa bstan nas mya ngan las 'das pa'i 'bras bu nyon mongs pa zad pa las 'das zhes bya ba smos te/ thar pa yang nyon mongs pa spangs pa las thob pa 'am/ 'dis sgom pa'i lam bstan pa yin no/ /khyim pa'i bdag nyid ni 'bras bu la sbyor ba'i don dang ldan pa yin la/ rab tu byung ba'i tshul khrims dang/ so so skye bo nges par 'byed pa'i cha dang mthun pa thob pa ni bzod pa dang slob pa dang/ nyon mongs pa spong bar byed pa zhes bya ba gang zag bzhi'i phan yon ston par byed pa yin no/ /na ba zhes bya ba ni nad kyis rnam par dkrugs pas 'brug pa ste/ na ba dang 'dra bar spyod pas na ba'o/ /de zhes bya ba ni rgyab po/ /ngal bso ba zhes bya ba ni sa la mnyam par khyab pa'i sgo nas drang por bya ba'o/ /lta ba mang pa ni chos kyi mchog ste snam sbyar ro// dbu sngas? su bcug ste zhes bya ba ni de rgyu mtshan gyi bdun pa zhes bya ba'i dbang du byas nas dbu'i rgyu mtshan du bzhag pa yin no/ /bskyod cing zhes bya ba la sogs pa la/ 'og gi cha'i sa 'khrugs shing bskyod pa yin la/ chu dang 'dres par yongs su 'khrugs pas na dkrugs ba yin te/ kun nas 'khrugs pas na rnyog par byas pa yin pa 'am/ yang na 'og tu 'khrugs pa ni bskyod pa yin la/ bar du 'khrugs pa ni 'khrugs pa yin zhing ma lus par 'khrugs pa'i phyir rnyog par byas pa yin no/ /gyang kyi blon po zhes bya ba ni gyang gyi ming can? gyi rgyal rigs gtso bor gyur pa'o/ /lam du zhugs pa ni lam du zhugs pa ste/ 'gro ba la rab tu 'jug pa zhes bya ba'i bar du'o/ /mdzes pa ni kha dog gi sgo nas rab tu dang ba skyed pa nyid kyi phyir ro/ /dad par mdzad pa ni dbyibs kyi sgo nas so// mig la sogs pa'i dbang po zhi ba gang la yod pa de la de skad ces bya ste/ dbang po sdom pa bla na med pa dang ldan pa'i phyir ro/ /yid 'khrugs pa'i rgyu bag chags dang bcas pa'i bag la nyal ba spangs pa'i phyir yid zhi ba'o/ /de nyid kyi phyir mchog tu sems dul zhing nye bar zhi ba dang ldan par 'gyur ba dang/ khyad par du 'phags pa'i yid kyis sdom pa dang 'byor ba'i phyir ro/ /dpal te 'od 'dom gang ba'i ming can gyi 'od zer rab tu 'bar ba'o/ /ci dang 'dra bar zhe na/ gser gyi sdong po bzhin zhes bya ba smos te/ de lta bur gyur pa'i bcom ldan 'das de mthong nas so/ /nyon mongs pa'i dri ma bsal ba'i nus pa dang ldan pa'i gtsang sgra byed pa'i gtsang sgra dag ni tshogs kyi lam dang bcas pa'o/ /dga' ba ces bya ba ni bzod par gyur pa'o/ /'du shes bar gyur zhes bya ba ni mi nyal ba'i 'du shes dang ldan par gyur pa'o/ /rdul gyis gos pa smos pa ni snam sbyar shing rta'i lam dang thag nye ba na gnas pa ston pa yin par blta bar bya'o/ /rab tu dang pa'i gnas skabs ni rab tu dang ba sngon du song ba'i mchod pa'o/ /ser ba 'bab pa ni ser ba lhags par gyur pa'o/ /thog 'bab pa ni rdo rje'i thog lhags par gyur pa'o/ /'byung po'i khang pa na gtsug lag khang gi ming yin no/ /sgra mthon po zhes bya ba la sogs pa la/ sgra mthon po nyid ni thag ring po khyab par gyur pa'i sgra nyid yin la/ sgra chen po nyid ni gang du du mas cig car ca co'i sgra 'don pa gang yin pa de yin pa rig par bya'o/ /skye bo chen po'i sgra yang dag par 'byung ba rgya che ba'i sgra ni nges par sgrogs pa'o/ / gser bzhin du ser ba zhes bya ba ni tshon ser por shin tu bsgyur ba'o/ /ras zung ni gos phrugs so/ /dga' ba'i rgyu nyid yin pa'i phyir dga' ba'o/ /yid mgu bar byed pa nyid kyi phyir yid du 'ong bas te/ de nyid kyi phyir bcang bar bya ba yin no// yang bdag kyang bcom ldan 'das la nye bar gnas so zhes bya ba ni skyes bu dam pa'i snyan pa'i tshig yin no/ /cher gsal ba zhes bya ba ni bcom ldan 'das kyi sku'i kha dog gi 'od kyis gos de lhag par gsal bar byas pa bzhin du gsal bar bstan pa yin te/ gos kho na las 'od 'di shes par bya ba yin pa de bas na bzhin gyi sgrar byas yin no/ /lhag gi bar du zhes bya ba ni lo nyi shu'i 'og tu lo sum cu rdzogs pa'i nang ni lhag pa'i sgra yin par rig par bya'o/ /'gyod pa zhes bya ba ni bcom ldan 'das bdag gi bsod snyoms pa zhes nas phung po lhag ma med pa'i mya ngan las 'das pa'i dbyings su yongs su mya ngan las 'das pa'i de bas na bdag ni skal ba med pa'o/ /zhes bya ba'i sngon du song ba can gyi phyir gdung ba de ni 'gyod pa yin no/ /gzhan gyis zhes bya ba ni phyis gdung ba dang rjes su mthun pa'i tshig brjod pa'o/ /ma rnyed pa zhes bya ba ni khyod 'di las nyams par gyur ba ste/ ma thob cing 'phel bar ma gyur pa'o/ /sdug bsngal bskyed par byed ba nyid kyi phyir nyes pa rnyed pa'o/ /tha ma zhes bya ba ni phyi ma med pa'o/ /phung po la sogs pa lhag ma med pa'i phyir lhag ma med pa'i mya ngan las 'das pa'i dbyings so/ /so sor gsal bar bya'o zhes bya ba ni bshad par 'gyur ba'i tshig gis gsal bar bya'o/ /rnam par smin pa mtshungs pa zhes bya ba ni rnam par smin pa'i 'bras bu mtshungs pa ste/ bcom ldan 'das bla na med pa yang dag par rdzogs pa'i byang chub khong du chud pa'i tshe nyon mongs pa dang lha'i bu'i bdud pham par mdzad pa dang/ bla na med pa'i sems can gyi don mdzad par rtsom pa dang/ nyon mongs pa'i bag chags dang bcas pa spangs pa'i phyir thugs shin tu zhi bar gyur pa yin la/ phung po lhag ma med pa'i mya ngan las 'das pa'i dbyings su 'jug pa'i tshe yang phung po dang 'chi bdag gi bdud las rgyal zhing gdul bya'i dgos pa ma lus pa ma bsgrubs pa dang/ mchog tu zhi ba la 'jug pa yin pa de bas na/ bsod snyoms de gnyis rnam par smin pa mtshungs par bstan pa yin no/ /tshe dang ldan pa zhes bya ba ni tshe skyed par byed pa'o/ /byas pa ni bsgrubs pa'o/ /bsams pa zhes bya ba ni bsams bzhin du byas pa dang 'gyod pa la sogs pa'i nyes pas bcom par ma gyur pa dang/ /yongs su rdzogs pa dang ldan pa'o/ /gtum pa zhes bya ba la sogs pa la drag tu 'khrug pa ni gtum pa yin la/ myur du khro ba'i 'bras bu skyed par byed pa nyid kyi phyir mi bgrungs pa yin zhing lus dang ngag gi spyod pa rtsub pa nyid kyi phyir rtsub pa yin no/ /yang na yid kyi 'gyur ba las gtum pa yin la/ lus kyi 'gyur ba las mi bgrungs pa yin zhing dag gi 'gyur ba rtsub pa yin no/ /kun nas gshed pa ni pha rol gyis gnon pa'i sgo nas gshe bar byed pa'o/ /khro bar byed pas na khro ba'o/ /mi 'dod pa'i tshig brjod pa'i phyir yongs su smra ba'o/ /dge 'dun thams cad kyis mi smra ba'i sdom pa byas pa ni tshangs pa'i chad pa yin te/ bsod nams skye ba'i rgyu mtshan yongs su gnas pa'i sdom pa yang 'di la sbyin par bya ba 'am/ 'thab krol byed pa bsdigs par bya'o/ /zhes gsungs pas sdig pa'i las la 'dir tshangs pa'i chad pa zhes bya'o/ /skyo bar 'gyur ro zhes bya ba ni thog mar skyo ba yin no/ /skyo bar 'gyur btang zhes bya ba ni rgyun gyi sgo nas skyo ba dang ldan par 'gyur ba'o/ /kA tyA ya na la gdams pa bzhin du zhes bya ba ni drang srong ma la gdams pa ste/ kA tyA ya na 'jig rten gnyis la brten pa yin te zhes bya ba la sogs pa'i sgo nas shes par bya'o/ /shes par bya'o zhes bya ba ni byang chub kyi yan lag brjod pa la spobs pa dang bcas par bya ba yin no/ /dben pa la gnas pa zhes bya ba la sogs pa'i tshig gi rnam par bshad pa ni snga ma bzhin no/ /so sor dmigs pa la bsgom pa'i sgo nas bsten par byas pa'o/ /sbyor ba'i sgo nas bsgoms pa'o/ /rtag tu sbyor ba'i sgo nas mang du byas pa'o/ /gya nom pa nyid kyi phyir dang/ rom reg mngar ba dang 'dra bar mngon par 'dod pa nyid yin pa'i phyir chos mngar ba yin la/ de mnyan pa'i phyir ni mnyan pa'i don du'o/ /byang chub kyi yan lag ston pa la rnam par mkhas pa la 'dir mkhas pa yin par rig par bya'o/ /blo ldan ni myur du yongs su shes pa'i nus pa dang ldan pa'o/ /dge ba ni khong du chud par byed pa'i tshig brjod par nus pa la byang ba'o/ /thub pa zhes bya ba de ni 'dir bor ba'i tshig yin no/ /ro shes pas zhes bya ba ni byang chub kyi yan lag gis ro so sor nyams su myong bar gyur pa'o/ /tshabs che ba ni shin tu drag par gyur pa'o/ /chos ma lus par ston par mdzad pa po nyid yin pa'i phyir chos kyi bdag po yin no/ /gang yang mchog tu gsungs pa'i 'phags pa shA ri'i bu de yang 'phags pa kun dga' bos gsungs pa'i chos mnyan par phyir song ba ste/ chos mnyan par phyir song ba ste/ chos kyi shugs thob par gyur pa'o/ /rigs dang mi rigs shes pa ni zhes bya ba ni chos kyi mtshan nyid kyi tshul la mkhas par gyur pa'o/ /bka' shes pa'i sems ni khong du chud pa dang rjes su mthun pa'i sems/ /thos ma thag tu zang zing gi dga' ba thob par 'gyur la/ 'dir ni 'dod pa'i yon tan la bltos pa med pas zang zing med pa'i dga' ba yin no/ /dga' ba sngon du song ba can sems las su rung ba'i mtshan nyid sems shin tu sbyangs pa skye bar 'gyur la/ shin tu sbyangs pa'i de ma thag tu bde bar 'gyur zhing/ bde ba la gzhol ba'i sems kyis ting nge 'dzin rtse gcig ba skye bar 'gyur ba'o/ /'du byed la ni skyabs su shes par bya zhes bya ba la gang gi phyir 'dus byas ma lus pa la rnal 'byor pa sems skyo bar 'gyur ba de dag skyabs kyi phyir rtog pa ma yin no/ /zhes bya bar mkhyen nas sdug bsngal las yongs su bsrung ba'i don la skyabs kyi don du gsungs pa yin te/ 'dus byas kun sdug bsngal ma lus pa'i rgyu nyid yin pa'i phyir ro/ /sems can chags pa med par gyur na nyon mongs pa'i 'ching ba las rnam par grol bar 'gyur ro/ /skyo nas su zhes bya ba 'dis ni phan yon bstan pa yin no/ /mya ngan 'da' zhes bya ba ni phung po lhag ma dang bcas pa'i bcas pa'i mya ngan las 'das pa'i dbyings su'o/ /ci zhig byas nas she na/ skyo nas su zhes bya ba la sogs pa smos te/ srid par 'gro ba ste srid pa'i rnam pa las skyo bar gyur pa'o/ /skyo ba las lha dang mi rnams la chags pa med pa ste 'ching ba med par 'gyur ro/ /me lta bu zhes bya ba la me lce gang la yod pa de ni me lce can te ma yin no/ /de'i don ni 'di yin te/ ji ltar me bud shing zhes bya ba'i rgyu yongs su zad na zhi bar 'gyur ba de bzhin du nyon mongs pa ma lus pa'i rgyu yongs su zad pa na dgra bcom pa yongs su mya ngan las 'da' bar 'gyur ro/ /dbu byang phyogs su ston la zhes bya ba la ci'i phyir bcom ldan 'das yongs su mya ngan las 'das pa'i che dbu byang phyogs su ston la khri shoms shig ces bka' rtsol bar mdzad ce na/ 'di la bcom ldan 'das 'di skad du 'di lta ste/ nga yongs su mya ngan las 'das pa na byang phyogs kyi rgyud nyid du rtogs pa dang/ bsam gtan dang zlos pa'i sgo nas nga'i bstan par rab tu gsal bar 'gyur ro/ /zhes gsungs par ston to/ /shin tu myur bar zhes pa ni shin tu mgyogs pa'o/ /shin tu zhes bya ba ni 'dir gus pas lan gnyis brjod pa'o/ /bya ba dang bya ba ma yin pa rab tu gsal bar mdzad pa'i sgo nas bcom ldan 'das 'jig rten gyi mig tu gyur pa yin pa de'i phyir mig nub par gyur pa zhes smos so/ /de dang de gnas zhes bya ba ni ming ma brjod pa'i phyogs nas so/ /zab pa dag las zab cing zab pa'o/ /longs spyod ni shes pas nyams su myong ba'o/ /'ba' zhig ces bya ba ni nyon mongs pa spong ba la grogs la bltos pa med pa'o/ /mya ngan ma byed ces bya ba ni sdug pa dang bral ba las skyes pa'i gdung ba ma bskyed cig pa'o/ /dub par ma byed ces bya ba ni de'i rgyu can kho na'i lus dub par ma byed cig pa'o/ /smre sngags ma 'don cig ces bya ba ni dag gi rab tu brjod pa yang ma byed cig pa'o/ /nye bar gnas pa zhes bya ba ni bsnyen bkur byas pa'o/ /gang gis she na/ byams pa'i zhes bya ba la sogs pa smos te/ grogs po las byung ba'i lus kyi las na byams pa yin te/ grogs po nyid kyi sgo nas zhes bya ba'i tha tshig go /phan pa zhes bya ba ni rang la phan pa'i blo ste/ dge ba tshol ba'i sgo nas yin gyi/ rdzas la chags pa'i sgo nas ni ma yin no/ /bde ba zhes bya ba ni ji ltar na bcom ldan 'das bdag gi bsnyen bkur gyis bde bar 'gyur zhes bya ba'i bsam pa 'dis bde bar sems pa'o/ /gnyis su med pa zhes bya ba ni tshul gcig pa ste/ rtsom pa'i dus su chen po dang phyis sman par gyur pa'i sgo nas zhes bya ba'i tha tshig go /tshad med pa zhes bya ba ni 'bras bu tshad med pa nyid kyi phyir tshad med pa zhes gsungs pa 'am/ yon tan tshad med pa can gyi sems can gyi yul nyid yin pa'i phyir ro/ /gang skyes shing 'byung ba zhes bya ba la sogs pa'i rnam par bshad pa ni snga ma bzhin no/ mgu bar bzheng nas zhes bya ba ni dga' bar bzhed pa 'am/ rab tu mgu bar bzhed pa'o/ /gus pa dang bcas par chos 'chad ces bya ba ni chos dang thog mar ston pa la gus pa nye bar 'jog pa 'am/ nyan pa po'i skye bo khong du chud pa'i phyir 'bad pa la brten nas/ ji ltar na bdag gi ngag nyan pa po'i skye bos khong du chud par 'gyur zhes de ltar gus pa nye bar bzhag nas ston par byed do/ /grong khyer dam pa zhes bya ba la sogs pa la chung ba nyid kyi phyir dang/ smad pa nyid yin pa'i phyir grong khyer khyer ngan pa'o/ /dgon pa dang 'dra bar grong khyer kun gyi tha snyad du bya ba med pa'i phyir ro/ /smod par bya ba'i yul ni yul ngan pa'o/ /rdzong dang 'dra bar skye bo nyung ngu gnas pa'i gnas nyid yin pa'i phyir mkhar gyi grong khyer ro/ /ra ba dang/ yol ba la sogs pa dang/ 'obs med pa'i phyir grong khyer yu bo ste/ yal ga tsam du gyur pa nyid kyi phyir ram gtso bor gyur pa ma yin pa'i phyir ro/ /phyi rol gyi skye bo 'khod pa'i gnas nyams pa'i phyir dang/ rtsa ba'i grong khyer lhag ma tsam nyid yin pa'i phyir grong khyer gyi tho yor yin te/ grong khyer dang tshul 'dra ba can zhes bya ba'i bar du'o/ /yongs su mya ngan las 'da' snyam du dgongs pa ni mkhyen pa'o/ /'obs kyi nang gi logs su dgra bo bsnud par bya'i ched rib ma'i rnam pa can gyi shing gis bskor ba ni nga yin la/ de yang gser la sogs pa la byas pa yang yod pa yin no// de tshad ji tsam zhe na/ smras pa/ skyes bu bdun gyi tshad yin la/ sa'i nang du bzhi pa'i cha ste phyed gang la yod pa zhes bya ba'i dbang du byas nas skyes bu phyed dang bzhi'i tshad du dgos pa yin no/ /bskyod pa zhes bya ba ni 'phangs par gyur/ / yan lag lnga dang ldan pa'i sil snyan gyi rnam par bshad pa ni snga ma bzhin no/ /'og gzhi ni 'og gi rten du gyur pa'o/ /sdong bu ni dbus su bcug pa'o/ /chu las skyes pa ni chu las skyes pa'o/ /phreng bar 'thad pa ni phreng bar rung ba ste/ me tog autpa la la sogs pa'o/ su gand+hi ka dang mri du gand+hi ka ni me tog gi rnam pa yin no/ /rang gi dus ma lus par khyab pa'i phyir thams cad pa ma yin no/ /dus ma lus par khyab pa'i phyir dus thams cad pa yin no/ /mi 'gog pa ni skye bo thams cad kyis nye bar longs spyod pa nyid kyi phyir ro/ /thang las skyes pa nyid kyi phyir thang las skyes pa'o/ /ra ro ba zhes bya ba la sogs pa la ra ro ba ni myos byed kyis myos pas dkrugs pa'o/ /g.yon can ni pha rol po slu bar byed pa'o/ /gzhungs pa ni rgyan dang bud med la zhen pa'o/ /rtse bar 'dod pa ni phyi rol gyi cha byad kyis so/ /steg par 'dod pa ni lus kun nas 'khyud pas so/ /dga' mgur spyod par 'dod pa ni 'khrig pas so/ /sgra'i bkod pa ni rol cha mang po cig car dkrol ba las sgra byung ba 'am/ yang na sgra'i bkod pa ni rol cha'i bye brag gi sgra chen po la bya'o/ /mi rnams kyi 'byor ba zhes bya ba ni mi rnams kho na'i tshe ring ba la sogs pa la 'byor ba zhes bya ba de'i phyir lha rnams las mi bye brag tu byas pa yin te/ lha rnams ni rang bzhin gyis tshe ring ba la sogs pa'i yon tan dang ldan par 'byung ba nyid kyi phyir ro/ /tshe ring por kun nas khyab pa'i phyir tshe ring ba'o/ /ji ltar 'phags pa bzhin du 'tsho ba'i phyir yun ring du gnas par gyur pa 'am/ gzhon nu la sogs pa'i gnas skabs yun ring du gnas par gyur pa'o/ /mi'i kha dog las shin tu 'das pa zhes bya ba ni mi'i kha dog dang gzugs las kha dog khyad par du 'phags pa thob pa yin no/ /gnod pa nyung zhes bya ba la gnod pa ste/ phyi rol gyi rnam par 'tshe ba'i gdung ba de rab tu chung ba gang la yod pa de ni gnod pa chung ba'o/ /rang gi lus las byung ba'i nad yod pa nad med pa'i rang bzhin can du gyur pa ste/ nad kyi rnam pa med pa yin no/ /'ju ba ni 'ju bar byed pa'i me yin te/ 'ju bar byed pa de dang ldan pa yin no/ /'ju bar byed pa dang ldan pa khyad par ji lta bu zhes bya na mnyam pa zhes bya ba smos te mnyam pa'i gnas skabs kyi rgyu nyid yin pa'i phyir 'ju ba'i gnas dang mnyam pa'o/ /zas yang dag par 'ju bar byed pa'i phyir 'ju bar byed pa'o/ /ha cang yang mi dro zhes bya ba ni 'gyur byed kyi nad dang 'dra ba shin tu bru ba tsha ba ma yin pa'o/ /ha cang yang mi grang zhes bya ba ni shin tu nus pa med pa ma yin pa'o/ /nad skyed par byed pa nyid ma yin pa'i phyir gnod pa med pa'o/ /dus dang dus su bde ba bskyed pa nyid kyi phyir dus kyi bde ba'o/ /grong 'dab na yod pas na grong 'dab pa'o/ /ljongs na yod pas na ljongs pa'o/ /dal gyis zhes bya ba ni brdeg pa med par dbyug gus dal gyis ded pa'o/ /bags kyis ni rang gi 'bad rtsol gyis myur du 'gro ba 'gog pa'o/ /nor bu rin po che zhes bya ba ni 'od gsal ba'i bdag nyid can dang/ rin che ba dang rnyed dka' ba'o/ /glang po rin po che yang de dang 'dra ba'o/ /grong dpon zhes bya ba ni gtso bor gyur pa'i ming las bod pa'o/ /gos ser po dang rgyan la sogs pa bkra shis par 'dod pa nyid yin pa de'i phyir 'di'i skad du/ 'di ltar rgyan thams cad ser por gyur pa zhes bya ba la sogs pa smos pa yin no/ /stan bzang po zhes bya ba ni rgyal po la 'os pa'i stan yin no/ /mthong ba zhes bya ba ni mthong bar gyur pa na'o/ /yid 'phrog pa zhes bya ba ni 'dod chags skye ba dang rjes su mthun pa'o/ /dbang po rnams sdud pa ni yul dang bud med kyi gzugs la sogs pa las phyir zlog par byed pa'o/ /'dun pa skye bar mdzod cig ces bya ba ni 'dod par mdzod cig pa yin no/ /bltos par mdzod cig ces bya ba ni 'tsho ba la bltos pa dang bcas par gyur pa'o/ /grogs po ltar zhes bya ba ni grogs po nyid du'o/ /dgra bo ni khyim la sogs pa'i dgra bor gyur pa'o/ /tshe phyi ma ni 'jig rten pha rol lo/ /dge ba ni sbyin pa'i rang bzhin yin la/ tshangs par spyod pa ni tshul khrims dang bsgom pa'i rang bzhin yin pa 'am/ yang na dge ba ni 'khor ba'i 'bras bu yin la/ tshangs par spyod pa ni thar pa'i 'bras bu yin no/ /skad cig yud tsam thang gcig ces bya ba de ni 'chi ba'i dus nye bar mtshan pa'i tshig yin no/ /gal te bdag nyid ma 'di la 'chi bar bya'o/ /zhes 'chi ba'i dus nges par shes pa de lta na yang mchog tu bag med pas gnas par rigs pa ma yin te/ dang po nyid nas 'chi ba'i dus nges pa med pa de bas na/ rab tu bag yod pas dge ba'i chos bsgom par bya'o/ /zla bar yang zhes bya ba de la de dag 'chi ba'i rnam par 'chi bar nye bar gyur pa de'i tshe 'gyod par 'gyur ro/ /zhes bya ba de ltar bdag gi yul la rjes su gdams pa las 'jug par bya'o zhes tshig 'dis de skad du bstan par 'gyur ro/ /'dun zhes bya ba la sogs pa la 'dod chags kyi 'dun pa la sogs pa gnas skabs kyi rgyu can gyi rnam grangs yin ste/ gnas skabs kha cig tu 'dun pa yin la/ gnas skabs kha cig tu snum pa la sogs pa yin no/ /khyad par yang brjod par bya ste yul gyi yon tan 'dzin par 'dod pa ni 'dun pa yin la/ yul la nges pa yod du zin kyang gsal ba ni 'dod chags yin zhing/ sems rtsub pa bsal ba'i phyir sdug pa yin no/ / nyes pa'i cha yongs su btang nas yang dang yang du skye zhing rjes su 'dzin pa'i 'dod chags ni dga' ba yin la/ yul gzhan las lhag par chags pa ni yid du 'ong ba yin zhing yul mang po yod pa la yul gang gi rol dga' pa'i 'dod chags pa'i yul de ni sdug pa yin no yul thams cad las ldog pa yul gang la gcig tu gyur pa bzhin du 'dod chags pa de la chags pa zhes bya'o/ /byams pa dang ldan pa zhes bya ba ni byams pa dang yang dag par 'byor pa'o/ /sems gang la dgra bo med pa de ni dgra bo med pa yin te/ dgra bo'i rgyu mtshan thams cad mngon du byed pa med la de'i phyir ro/ /sems can thams cad grogs po rab kyi phyogs su 'phangs pa de bas na sems de 'gran zla med pa'o/ /sems can thams cad bde bar lhag par mos pa de bas na sems de gnod pa med pa'o/ /yun ring por goms par byas pa de bas na yang pa'o/ /sems can thams cad la dmigs pa de bas na yul che ba nyid kyi phyir rgya che ba'o/ /'dod pa'i 'bras bu tshad med pa de bas nas tshad med pa'o/ /sems de gus par bsgoms pas na rab tu bsgoms pa ste sems nges so/ /lhag par mos nas zhes bya ba ni lhag par mos pas tshul bzhin yid la byed pa nyid kyi phyir phyogs gcig tu rnam par gnas pa dag gi bde ba la lhag par mos par byas nas so/ /khyab par byas nas zhes bya ba ni spyis khyab par byas pa'o/ /snyoms par zhugs shing zhes bya ba ni ye shes kyis shes nas so/ /'dug go zhes bya ba ni rgyun gyis gnas pa'o/ /kun tu ni thams cad kyi thams cad du ste/ lhag ma med par zhes bya ba'i tha tshig go / de dag ni rnam par gang zhe na smras pa/ kye ma'o sems can bde bar gyur cig snyam pa'i yid la byed pas byams pa la snyoms par 'jug pa dang/ kye ma'o sems can sdug bsngal bar gyur to snyam du snying rje dang/ kye ma'o sems can dga' bar 'gyur cig snyam du dga' ba dang/ sems can mnyam pa tha mal pa de lta bu'i yid la byed pas btang snyoms par 'jug pa'o/ /tshangs pa'i gnas bzhi ni byams pa la sogs pa ste/ de bsgoms nas so/ /'dod pa ste/ 'dod pa'i yon tan lnga po dag la 'dun pa don du gnyer ba'i sngon du song ba can gyi 'dod pa'i 'dod chags gang yin pa de spangs nas te'o/ /de la mang du gnas zhes bya ba ni byams pa la sogs pa yang dang yang du mngon sum du byed pa'i ngang tshul can no/ /'chi ba'i mthar thug par gyur pas na 'chi ba'i mthar thug pa'o/ /snyoms par gyur to/ /zhes bya ba ni bza' ba dang zas las gyur pa dbugs rgyu ba dal ba la sogs pa lus kyi gnod pa'o/ /srid pa'i sred pa ni srid pa'i mig yin no/ /skye ba ni 'khor ba'i skye ba'i rgyun no/ /yang srid pa'i las dang las kyi 'bras bu med pa'i phyir de ni yang srid pa med do smon pa yin no/ /spyan snga ni 'dug par gyur pa zhes bya ba ni nye ba na spyod pa'o/ /lha la phan gdags par bya ba kho na'i phyir bcom ldan 'das kyis 'phangs pa au pa ma na phyir bsal ba yin te/ gang gi phyir dang po'i lha stong phrag bcom ldan 'das kyis thad las chos nyan par mi 'dod pa dang/ shin tu mthu che ba nyid kyis 'phags pa au pa ma na phyi rol tu bya bar mi nus pa dang/ bcom ldan 'das ma gtogs pa 'ga' zhig gis kyang phyogs 'di las de 'di ltar bsal bar nus pa ma yin pa de ni de'i phyir gzhan la phan gdags par bya ba'i phyir bcom ldan 'das kyis bsal ba mdzad pa yin no/ /smon lam gyi dbang gi 'phags pa au pa ma na'i gzi lha rnams kyis mi bzod pa yin gyi mthu che ba nyid kyis ma yin te/ gzhan du na bcom ldan 'das kyi gzi shin tu mi bzod par 'gyur te/ 'phags pa au pa ma na byed pa stong pas kyang bcom ldan 'das shin tu mthu che ba'i phyir ro/ /mdun na rnam par gnas pa la phyi rol tu byas pa ni shing sA la zung gi tshal ni shing sA la chen po gnyis kyis nye bar mtshon pa'i sA la'i nags so/ /mthu chen po'i sgras 'dir bdag nyid kyi dngos po dang chen po'i sgo nas chen por gzung ngo/ /gal te dpag tshad bcu gnyis kyi nad ma lus par lhas khyab par gyur pas der mi dang dud 'gro ji ltar gnas par 'gyur zhe na/ 'di la bcom ldan 'das kyi mthu dang/ lha de dag nyid kyi rdzu 'phrul lam lus 'od dang 'dra ba de'i phyir 'ga' zhig kyang gnod pa byed par mi 'gyur ro zhes ston to/ /dus ma yin par char zhes bya ba la dbyar char 'byung ba'i dus yin la lhag ma ni ma nges pa yin pa de'i phyir de skad du gsungs pa yin no/ /grang ba'i dus zhes bya ba ni dgun zla tha chung dang dpyid zla ra ba'o/ /shing bal rmal ba ni sa bon dang tha dad par byed pa'o/ /gos phrugs ni gos zung ngo/ /dri zhes bya ba la sogs pa la dri ni gla rtsi la sogs pa yin la phreng ba ni me tog dzu ti la sogs pa'o/ /bdug spos ni a ka ru la sogs pa yin la/ phye ma ni gos la bsgos pa la sogs pa'o/ /rigs yongs su sgrogs pa zhes bya ba ni cig car nye du ma lus pa'i ming smos pa med pa'i phyir tshegs chung ba'i don to/ /smyung ba'i sdom pa las byung ba 'am/ bcom ldan 'das kyi mthu 'am smon lam gyi dbang las zhes bya ba 'di ni rnam pa gzhan yin no/ /lha rnams kyi brdung bar bya ba rdung bar byed pa la 'dir dri zar rig par bya zhing de dag gi bzo las mkhas pa nyid kyis bdag po ste rgyal po yin no/ /brdung bar bya ba'i sgra'i bye brag rdung bar byed pa'i sgo nas sbyor ba ni dbyangs yin no/ /bye ba zhes bya ba la 'bum phrag brgya ni bye ba'o/ /btul nas zhes bya ba ni mchog tu 'byor bar byas nas so/ /mu steg can zhes b ya ba la sogs pa la nyan thos dag gis gdul bar bya ba gang yin pa de ni bcom ldan 'das kyis kyang gdul bar spyod kyi gcig tu sangs rgyas kyi gdul bya shA ri'i bu la sogs pa gdul ba nyid du nus pa ma yin pas gcig tu rab tu dga' ba sangs rgyas kyi gdul bya yin pa de'i phyir bcom ldan 'das bla na med pa'i gdul bya'i skye bo 'dul ba la mkhas pa'i phyir 'bad pa bzhag pas 'dul bar 'gyur ro/ /myos pa ni shin tu sgra snyan par brdung ba'o/ /dgra bcom par grags pa zhes bya ba ni 'di la 'jig rten ma lus pa dgra bcom par blo mthun par gyur pa'o/ /khyim ni 'dug nas so/ /nyin bar spyod pa ni nyin mo spyod pa'i gnas so/ /kha 'bus pa zhes bya ba la sogs pa la dpyid kyi dus su shing gi drod so ma byung ba'i phyogs mthon po mthon por gyur pa na kha 'bus pa zhes bya ba la/ de skyes pa gang yin pa de ni kha 'bus par 'gyur pa zhes bya'o/ /de nyid gang gi tsha shing bal gyi sa bon gyi rnam pa lta bur shin tu mthon por gyur pa de'i che myu gu skye zhes bya'o/ /kha ma gyes pa ni me tog gi rgyu mtshan yin no/ /kha ma gyes pa yongs su smin pa'i gnas skabs thob par gyur pa ni bya rogs gi mchu 'bra ba yin par rig par bya ste/ bya rog gi mchu dang 'dra bar me tog gi 'dab ma'i mdza' nges par 'byung ba'i phyir ro/ /rnam pa thams cad du kha bye ba'i phyir/ thams cad yongs su rgyas pa'o/ /'dab ma phal cher 'jam pa nyid kyi phyir lham me zhes gsungs pa yin no/ /shing las 'od 'bro ba ltar shes pa de'i phyir lhan ne zhes gsungs so/ /me tog phun sum tshogs pas shing thams cad zil gyis gnon pa'i phyir lta nga zhes gsungs/ /me tog phun sum tshogs pas shing thams cad ni chos khong du chud par 'dod pa la 'dir the tshom zhes bya'o/ /bsams pa zhes bya ba ni so sor bsams pa zhes bya'o/ /yul gang la bsams pa yin zhe na/ bsal bar nus pa zhes bya ba la sogs pa smos te/ bcom ldan 'das nya gcig gis bdag gi the tshom gsal bar dpyod kyang/ gzhan 'ga' zhig gis kyang ma yin no/ /zhes bya ba de lta bu'i bsam pa yod pa yin la/ bsam pa cung zhig ni mngon par 'dod pa'i chos kyis phyogs la yod pa yin no/ /bdag bcom ldan 'das ga la bder nye bar 'gro ba'i bsam pa la gnod pa med pas bla mar 'gyur ba yin no/ /sku mnyel zhing zhes bya ba ni sku bsnyun gyis mnyel bar gyur pa'o/ /tshur shog ces bya bas rab tu byung ba yin te/ mngon sum du nyon thos su 'gyur bar rig par bya'o/ /dga' zhes bya ba la sogs pa la/ mngon par 'dod pa'i bcom ldan 'das kyi bstan pa rnyed pa'i skabs nyid yin pa'i phyir dga' ba'o/ /mngon par 'dod pa'i dris pa'i don gyi lan bsams pa bzhin rnyed pa'i phyir mgu ba'o/ /nyon mongs pa spong bar byed pa'i gnyer por phyor rnyed pa'i bsams pas rab tu dga' ba'o/ /thar pa bla na med pa thob pa'i bsam pas na ltar lus kyi bde ba skyes par gyur pa'o/ /dga' ba ni 'dir dge ba'i chos la 'dun pa'o/ /mu stegs can skyed par byed pa zhes bya ba ni mu stegs can skyed pa'i gnas yin te/ gang gi phyir gang po la sogs pa dag las mu stegs can 'byung bar 'gyur ba de'i phyir gang po la sogs pa dang/ mu stegs can skyed par byed pa zhes gsungs so/ /rang rang gis khas 'ches pa ni bdag nyid so sos dam bcas pa yin te/ brtul zhugs 'dis bdag cag 'khor ba las grol bar 'gyur ro/ /ci de dag gis bdag nyid kyis dam bcas pa nyams su myong ba'i sgo nas shes par 'gyur na ni gang gi tshe dam bcas pa nyams su myong ba grub pa de'i tshe dam bcas pa yongs su rdzogs par khong du chud par 'gyur ro/ + /zhes bya ba 'di ni dam bcas pa'o/ /de'i don ni cing de dag gis thos pa bla na med pa thob par 'gyur ram/ 'on te ma yin zhes bya ba 'di yin no/ /gcig po 'dis sum cur ma 'ongs pa ni gcig gis sum cu ma yin pa ste/ lo grangs nyi shu rtsa dgu'o/ /dge ba gang zhig tshol ba zhes bya ba ni dge ba gang zhes bya ste de ltar tshol ba'i ngang tshul can no/ /lo las lhag pa zhes bya ba ni lo gcig gis lhag pa ste/ lo ni lo gcig gi rnam grangs yin pa'i phyir ro/ /tshul khrims ni so sor thar pa la sogs pa'i sdom pa'o/ /ting nge 'dzin ni zag pa dang bcas pa dang zag pa med pa'o/ /rig pa ni gsum ste/ sngon gyi gnas shes pa dang/ 'chi 'pho dang skye ba shes pa dang/ zag pa zad pa shes pa'o/ /rkang pa ni rdzu 'phrul gyi yul shes pa dang/ lha'i rna ba shes pa dang/ sems kyi rnam grangs shes pa'o/ ting nge 'dzin ni sems rtse gcig pa nyid do/ /bsgoms pa ni chung ngu dang/ 'bring dang chen po'i go rim gyis so/ /rims pa las ma g.yos pas na rigs pa ste/ 'phags pa'i lam zhes bya ba'i chos yin no/ /de'i phyogs gcig ni yang phyogs gcig tsam 'chad pa la ston pa po zhes bya'o/ /'di las zhes bya ba ni nga'i bstan pa las phyi rol na tshad mar gyur pa gzhan med pa yin no/ /ci'i phyir yod pa ma yin zhe na/ rab bzang gang la zhes bya ba la sogs pas rgyur smras pa yin te/ bka' gang la 'phags pa'i lam yan lag brgyad pa yod pa de nyid la dang po'i dge sbyong la sogs pa snang ste/ gang gi phyir lam gyi sgo nas dge sbyong du gyur pa yin no/ /dge sbyong ni rgyun du zhugs par gyur pa bzhi ni bzhi yin par rig par bya'o/ /mnyam por spyod pas na dge sbyong ste/ rgyun tu zhugs pa dang/ lan cig phyir 'ong pa dang/ phyir mi 'ong ba'i rang bzhin no/ /sdig pa spangs pas na bram ze ste/ dgra bcom pa'o/ /slob dpon chen po ni bcom ldan 'das yin te/ spyod pa thams cad khong du chud par mdzad pa'i sgo nas chen po nyid yin pa'i phyir ro/ /mang du thos pa ni thos pa bsags pa yin te/ thos pa 'dzin pa'i mchog tu slob dpon chen pos lung ston pa'i dbang bskur bas dbang bskur ba 'am/ yang na 'phags pa'i lam la so sor dgod pa'i slob dpon chen pos dbang bskur ba yin no/ /shes te zhes bya ba ni bdag gi skye ba ni zad do zhes bya ba la sogs pa dngos po yongs su shes pa dang ldan pa nyid kyi phyir ro/ /nyon mongs pa la sogs pa bcom pa'i phyir dgra bcom pa'o/ /nyon mongs pa dang snyoms par 'jug pa'i sgrib pa dang bral ba'i sems rnam par grol ba'o/ /smon lam gyi dbang gis rab tu bzang po sngar yongs su mya ngan las 'das pa'i blo skyes pa yin no/ /bzod pa zhes bya ba ni rang gi 'dod pas gnas pa nyid du nus pa'o/ /ci'i phyir rab tu bzang pos gnas lnga byin gyis brlabs par gyur zhe na/ 'dir mu stegs can gyi tshegs chen po bcom ldan 'das kyis bstan pa la gzhugs pa'i don yin te/ gang gi phyir de ma thag nyid du bcom ldan 'das kyis phyi rol na dge sbyong ngam bram ze'am phas kyi rgol bas stong pa yin no/ /zhes bya ba la sogs pa gsungs pa yin no/ /mu stegs can gyis kyang 'di ltar rab tu bzang po yongs su mya ngan las 'das par thos pa de las rab tu dga' ba'i shugs thob par gyur te/ gos kyi 'phan shin tu che ba bsgrengs nas ku sha'i grong khyer ma lus pa bskor nas dge sbyong gau ta ma la 'di skad smras te/ 'di ltar 'di na dge slong dang po nas 'khor rnams la bdag cag gi tshangs par spyod pa rab tu bzang po 'di yongs su mya ngan las 'das so/ /zhes yang dag pa'i seng ge'i sgra bsgrags pa de'i phyir ji lta na dge sbyong gau ta ma de bden pa smra ba yin zhes sgrogs par byed do/ /de thos pa las mu stegs can stong phrag du ma de la mngon par dad pa yang 'dus shing 'gro bar byed la/ bar ma dang ma dang pa mang po dag ltad mo la 'gro ba ni gang gi tshe mu stegs can dag rab tu bzang po'i phyogs su 'ongs pa de'i tshe rab tu bzang po mu stegs can gyi cha lugs su mthong ba de'i phyir shin tu mngon pa'i nga rgyal dang ni 'jigs par 'gyur la gang gi tshe khyogs 'degs pa'i bya ba byed mi nus pa de'i tshe rgyags pa dang nga rgyal bcom pa dang/ dro tshas? khyab pa dang ji ltar bya ba la rmongs par gyur pas bcom ldan 'das kyis bstan pa la mngon par dad pa dang/ dge ba'i chos sgom pa la phyogs par 'gyur ba de'i phyir de dag gis dpal chen po thob par 'gyur ba na ma dad pa mang po tha mal par 'gyur zhing/ tha mal pa dag kyang bcom ldan 'das kyi bstan pa la nges par 'gyur ba de bas na de dag gis shin tu don chen po thob par 'gyur ba'i phyir shin tu bzang pos gnas lnga byin gyis brlabs pa don dang bcas pa kho na yin no/ /zhes bstan to/ /smad nas zhes bya ba ni dpyas pa'o/ /gnad chad pa zhes bya ba la sogs pa la/ bcom ldan 'das kyis sku yang mi'i rgyud kyis yongs su bzung ba yin pa de bas na gnad chad pa zhes bya ba la sogs pa gsungs te/ bcom ldan 'das la ni gnad chad pa'i tshor ba 'byung ba'i skabs mi mnga' ba'i phyir ro/ /chos la nges par bkod pa zhes bya ba ni 'phags pa'i lam gyi chos tshogs dang bcas pa la nges par sbyar ba'o/ /rtog pa ni chos nyung ngu thos pas don yongs su shes par nus pa'o/ /dpyod pa ni yongs su gcod par nus pa'o/ /mkhas pa ni 'dir bya ba dang bya ba ma yin pa la byed pa'o/ /bsal ba ni dngos po rnam par 'byed pa'i nus pa dang ldan pa'o/ /yid gzhungs pa ni myur du yongs su gcod pa'i nus pa dang ldan pa'o/ /bskor to/ zhes bya ba ni kun nas bskor ba'i sgo nas dog mor byas par gyur pa'o/ /brtson 'grus ni 'bad rtsol lo/ /gnad ces bya ba la sogs pa la/ gnad kyi phyogs mtshon rnon pos bcad pa 'dra ba'i tshor ba 'byung ba'i phyir gnad chad par 'gyur ba zhes gsungs so/ /tshigs bye bar gyur pa yang de dang 'dra ba ste/ nyi ma dang dus 'di la bdag cag tshogs nas de'i steng du lhags par bya'o/ /zhes bya ba ni brdar btags pa yin no/ /'gran ni chus yongs su spangs pa bye ma dang bcas pa'i phyogs yin no// pad+ma'i 'dab ma dang pad+ma'i 'dab ma la rkang pa bzhag pas zhes bya ba ni ji ltar pad+ma'i 'dab ma shugs kyis mnan pa las kyang chu la mi 'byid ba de bzhin du lus yang mor byas pa'o/ /'dod pa'i sbyin pa ni ji ltar bsams pa bzhin du sgrub par byed pa'i sbyin pa'o/ /grogs po ni gang zhig bya ba'i dus la nye bar sbyor ba'i grogs yin te/ gang de dang rtag tu lhan cig gnas par byed pa'o/ /gang dang lhan cig bar du gnas par 'dod pa de la 'dir brten pa'i sgras bstan pa yin no/ /gcig tu zhes bya ba ni grogs med pa nyid kyi phyir ro/ /dben pa na zhes bya ba ni so sor dben pa phyogs na gnas pa'i phyir te/ gcig pu lam gyi bzhi ma don yang gnas pa srid pas de bsal bar bya ba'i phyir ro/ /nang du yang dag 'jog pa'i tshe zhes bya ba ni 'jug pa'i rnam par shes pa sdud par byed cing yid tsam 'jug pa'i phyir de'i gnas skabs ni gcig tu gyur pa yin no/ /sems la zhes bya ba ni bdag ma yin pa ste/ mu stegs can dag bdag la brten pa'i rnam par rtog pa zhes 'dod pa'i gzhung de dgag pa'i phyir ro/ /'di lta bu'i zhes bya ba ni bshad par 'gyur ba'i rnam pa'o/ /sems kyi yongs su rtog pa zhes bya ba ni chu dang 'o ma dang 'dra bar mtshungs par ldan pa nyid yin pa'i phyir zangs gzhong dang 'bras bu lta bu ma yin no/ /zhes ston par byed pa yin te/ yongs su rtog pa ni 'dir dngos po'i yul yongs su dag ba brtog pa yin no/ /skyes pa ni 'byung ba'o/ /phyed ces bya ba ni chung ngu dang bcas par chung zhing dman pa ste mang po ma yin zhes bya ba'i tha tshig go /phyed 'di gang gi yin zhe na/ tshangs par spyod pa'i zhes bya ba smos pa te tshogs kyi lam legs par spyod pa dang/ lam dang lam gyi 'bras bu zhes bya ba'i tha tshig go /de gang zhe na/ smras pa 'di ltar zhes bya ba ni nye bar ston pa byed pa'o// dge ba'i bshes gnyen zhes bya ba ni skye bo yon tan dang ldan pa la rjes su dga' ba'o/ /dge ba'i grogs po zhes bya ba ni grogs po dam pa'i bya ba la nan tan byed pa'i phyir ro/ /dge ba bsten pa zhes bya ba ni gnas gcig na gnas shing yang dag pa'i gtam la sogs pa byed pa'i phyir ro/ /bya ba'i sgo nas bsten na sdig pa byas pa la sogs pa dang/ kun dga' bo khyod ces bya ba la sogs pas dgag pa'i sgo nas ston par mdzad de/ kun dga' zhes bya ba ni 'bod pa'o/ /de skad ma smra zhig ces bya ba ni ma brjod cig pa'o/ /'o na ji ltar bya zhe na/ ma lus pa zhes bya ba la sogs pa smos te/ thams cad yin no zhes bya ba'i tha tshig go /yongs su rdzogs pa zhes bya ba ni char gyur pa tshogs pa'i phyir ro/ /yongs su dag pa zhes bya ba ni zag pa med pa rang bzhin gyis dag pa nyid kyi phyir ro/ /yongs su byang ba zhes bya ba ni mya ngan las 'das pa'i 'bras bu nyid yin pa'i phyir ro/ /tshig tsam gyis dad par 'gyur ba ma yin no/ /zhes rigs pa bstan par bya ba'i phyir de ci'i phyir zhe na zhes bya ba ni rgyu gang gi phyir zhes bya ba'i tha tshig go /da? zhes bya ba ni bcom ldan 'das bdag nyid nye bar ston par byed pa'o/ /bsten na zhes bya ba ni 'grogs par gyur pas so/ /skye ba'i chos can zhes bya ba ni skye ba las skye zhing 'byung na de'i chos kyi rang bzhin sems can gang dag la yod pa de la de skad ces bya'o/ /nyon mongs pa dang las gang gis skye ba'i chos can gyi sems can rnams la skye? ba'i chos nyid ces de la dngos po'i rkyen brjod pa des yongs su grol ba ste dbye zhing rnam par bral bar 'gyur te/ sangs rgyas 'byung ba de yod na khyad par de yod la med na med par 'gyur ro/ /sems can med pas kyang 'di med pa kho na yin nam gtso bo ma yin pa nyid kyi phyir bgrang bar bya ba ma yin te/ lung la sogs pa lta bu ste/ gro'i myu gu la ni gro'i sa bon can zhes bya'i/ lung la sogs pa la skyes pa zhes bya ba ni 'khar? rda'i? sgra dang 'dra'o/ /mya ngan ni sdug pa dang bral ba las skyes pa'i nad kyi gdung ba'o/ /smre sngags 'don pa ni de rab tu brjod pa'o/ /sdug bsngal ni lus kyi ste bsnun pa dang nad la sogs pa las skyes pa'o/ /yid mi bde ba ni 'dod pa ma yin pa'i dogs pa las skyes pa'i nang gi gdung pa'o/ /'khrug pa ni zil gyis mnan pa dang 'ching ba la sogs pa can no/ /de bas na 'dis ni zhes bya ba de'i phyir 'dis rigs pa bstan pa'o/ /rnam grangs ni tha dad par rnam par phye ba'o/ /rig par gyis shig ces bya ba ni nges par shes par bya'o/ /shAkya gnyen zhes bya ba la sogs pa can no/ /de bas na 'dis ni zhes bya ba de'i phyir 'dis rigs pa de'i phyir de skad du bstan to/ /mkhan po rtsa bar gyur pa gos dbyung ba'i gnas gang dag yin pa de ni mkhan po rtsa ba can yin te/ mkhan po rtsa ba can du gyur pa de dag gis/ /yongs su bzhag par bya zhing zhes bya ba ni gsol ba dang bzhi'i las kyis zla ba bzhi'i bar du thag nye bar bzhag par bya ba yin no/ /las su smra ba zhes bya ba ni las byas par gyur pa 'jig par mi 'gyur bar smra ba'o/ /bya ba smra ba zhes bya ba ni tshogs pa la bltos pa'i las 'bras bu 'byin to/ /zhes smra bar byed /bya ba'i tshogs pa yin no/ /rgyur smra ba zhes bya ba ni thams cad rgyu dang bcas pa shes pa'o/ /brtson 'grus su smra ba zhes bya ba ni 'bras bu skyes pa la da ltar gyi skyes bu'i byed par smra ba'i ngang tshul can yin no/ /mthong ba'i chos la phan pa zhes bya ba ni mngon sum gyi skye ba la mngon par 'dod pa'i 'bras bu skye bar 'gyur pa'i phyir ro/ /bde ba zhes bya ba ni sdug bsngal bzlog pa'i phyir ro// 'jig rten pha rol ni tshe phyi ma'o/ /gzung bar bya ba ni yi ge'i sgo nas so 'un chub par bya zhes bya ba ni don gyis sgo nas so/ /bcang? bar bya zhes bya ba ni la sogs pa'i rnam par bshad pa ni snga ma dang 'dra'o/ /mdo'i sde dang dbyangs kyis bsnyad pa'i sde zhes bya ba la sogs smos te/ de la mdo'i sde ni tshig lhug pa'i sgo nas kun rdzob dang don dam pa'i bden pa snang zhing rigs pa'i skabs dang ldan pa'i snying po'i don bsdus pa yin te/ dper na gang zag gcig 'jig rten du skyes te/ 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba'o zhes bya ba lta bu ste/ go rim ji ltar bzhin du dper byed pa yin no/ /bstan ma thag pa'i mdo sde'i don tshigs su bcad pa'i sbyor ba'i sgo nas rjes su brjod cing gsal bar brjod pa can ni dbyangs kyis bsnyad pa'i sde yin te/ dper na nor bdun zhes bya ba mdo'i sde bstan nas/ dad pa'i nor dang/ tshul khrims kyi nor dang/ de cha dang khrel yod pa las skyes pa'i nor dang/ thos pa'i nor dang/ gtong ba'i nor dang/ bdun pa shes rab kyi ni nor yin te/ skyes pa 'am bud med gang dag la/ nor 'dir yod par gyur pa ste/ dbul min de'i skye ba ni/ don yod par ni shes bar bya/ zhes bya ba lta bu'o/ /gzhan yongs su 'dri bar 'gyur bas lhug pa dang tshigs su bcad pa rjes su 'chad pa dang/ 'das pa dang ma byon pa dang da ltar ston pa'i lung bstan pa'i sde yin te/ dper na dri ba bzhin du lung bstan pa ste/ tshe gcig lung bstan par bya ba'i 'dri ba ni ji srid tshul khrims gis pa? legs zhes bya ba dang/ 'das pa ni sngon 'das pa'i dus na de bzhin gshegs pa rnam par gzigs zhes bya ba dang/ ma 'ongs pa na byams pa 'tshang rgya bar 'gyur ro/ /zhes bya ba dang/ kun dga' po song pa? dge slong de la chen po la 'os pa'i stan bsham pa dang/ gnas khang me tog dang/ spos dang/ dar gyi lnga ldis brgyan par gyis shig /des kyang nub mo 'di? nyid la dgra bcom pa nyid thob par 'gyur ro zhes bgo rim bzhin du bstan to/ /snga ma'i dogs pa la bltas nas tshigs su bcad pa'i sde zhes bya ba yin te/ dper na rgyal po rgyal ba'i sde'i tshigs su bcad pa dang/ tshul khrims kyi tshigs su bcad pa la sogs pa lta bu'o/ /tshigs gsum mam bzhi 'am/ lnga'am/ drug gi tshigs su bcad pa bstan nas 'ga' zhig pa lan pa la gnas pa'i gang zag 'ba' zhig po dga' ba dang/ ngo mtshar la bltos pa'i spobs pa skye bar 'gyur ba yang dag par 'chad pa ni tshang du brjod pa'i sde yin te/ dper na de dag klu la klu dag gis zhes bya ba la sogs pa lta bu'o/ /mngon par brjod pa'i dgos pa'i tshig ni gleng bzhi'i sde yin te/ 'dis nges par byed cing ston par byed ces bya ba'i tha tshig go /de yang phal cher 'dul ba dang 'brel ba der 'byung bar bsams pa nyid kyi phyir ro/ /don gzhan khong du chud par bya ba'i phyir dang/ gzhan gyi spyod pa bstan pa dang/ dpe rgya cher brjod par byed pa ni rtogs pa brjod pa'i sde yin te/ dper na au ta ya na dang/ ma ga d+ha bzang mo'i rtogs pa brjod pa lta bu'o/ /skyes bus sbyar ba ma yin ba brgyad pas 'ongs pa'i gtam rgyud? ni? de lta bu byung ba'i sde yin te/ dper na gzhon nu ma bdun gyi gtam rgyud la sogs pa lta bu'o/ /byang chub sems dpa' i sngon gyi skye ba'i mdzad spyod skyes ba rabs kyi sde yin te/ dper na ri dwags kyi skyes pa'i rabs la sogs pa lta bu'o chos rab tu 'byed pa'i gtam rgyud dang ldan pa man ngag rgya che ba shin tu rgyas pa'i sde yin te/ dper na lnga dang gsum dang rgyu 'phrul dang/ brgya byin gyi dri ba khams drug gi rnam par dbye ba la sogs pa lta bu'o/ /dkon mchog gi bye brag shin tu gsal bar byed pa ni rmad du byung ba'i sde yin te/ 'jig rten pa la sngon rab tu ma grags pa nyid kyi phyir ro/ /dper na ngo mtshar du gyur pa lhags pa lta bu'o/ /mdo sde la sogs pa rnam par 'grel cing dri ba dang lan brjod par byed pa ni gtan la dbab par bstan pa'i sde yin te/ dper na gang gis na 'di la 'jig rten pa'i chos kyi mchog ces bya ba la sogs pa lta bu'o/ /de nyid kyi phyir 'di bka' ma lus pa'i gzhi nyid yin pa'i phyir bu'i ma dang 'dra bar ma mo zhes bya ba la/ phyin ci ma log pa'i chos kyi mtshan nyid kyi sgo nyid yin pa'i phyir chos mngon pa zhes bya'o/ /bkar gtogs pa'i rnam par bcu gnyis po mdor bsdus pa de nyid la sde snod gsum zhes bya'o/ /so sor 'brang bar gyis shig ces bya ba ni bka' de nan tan du byed pa'i sgo nas so sor 'brang bar bya zhing rjes su 'jug par bya ba yin pas na so sor 'brang ba'o/ /phra zhing phra ba zhes bya ba 'di la kha cig nyes byas kyi kha na ma tho ba thams cad la phra zhing phra bar brjod la/ kha cig ni zhing las dang dbyug gu las kun nas ldang ba'i skad cig ma rgyu can dang gnas gzhan gyi bar na gnas pa dang/ nang du 'chod pa las byung ba'i nyes byas kyi kha na ma tho ba la rjod cing/ kha cig ni yid kyi nyes byas kyi kha na ma tho ba thams cad las phra zhing phra bar mdzad de dper na don med par gzhan 'chi bar 'dod pa la sogs pa lta bu'o/ /nye ba'i tshig med par ming smos pa ni ming nas brjod pa'o/ /rigs kyi sgo nas tha snyad du byed pa ni rigs brjod pa yin no/ /dper na gau ta ma zhes bya ba la sogs pa lta bu'o/ /'di ltar gzhung 'di la yang gal te gzhon pas dge slong shin tu rgan pa la yang tshe dang ldan pa'i tshig gis brjod par byed na nyes pa med par snang ste/ gang gi phyir 'di skad du tshe dang ldan pa'i tshig gam/ btsun pa'i tshig gis brjod par bya'o/ /zhes gsungs pa yin no/ /phan gdags par bya'o/ /zhes bya ba ni thag nye bar bzhag par bya ba'o/ /bzhugs par bya'o/ /zhes bya ba ni nye bar btab pa'o/ /gang gis zhes na lhung bzed dang zhes bya ba la sogs pa smos pa yin no/ /rdzogs pa'i ting nge 'dzin nye bar bsdu ba ni rnal 'byor yin la/ ma rdzogs pa ni yid la byed pa yin no/ /mchod rten byed cing zhes bya ba ni rdzas yongs su gtong ba'i sgo nas mchod rten la mchod pa byed pa'o/ /mchod rten la phyag 'tshal ba zhes bya ba ni lus kyi g.yo 'gul gyi sgo nas mchod rten la bsnyen bkur byed pa la phyogs pa'o/ /zil gyis gnon cing zil gyis mnan nas zhes bya ba ni zil gyis gnon cing tshar bcad pa'o/ /dge slong gis dge slong la zhes bya ba ni dge slong ston pa la gus pa 'am 'jigs pas ston pa'i mngon sum du zhu bar mi nus pa gang yin pa de ni gzhan nus pa la dri bar bya zhing dge slong spobs pa ni bdag nyid kyis zhu bar bya'o/ /khyod ni dad pas de skad du smra'o/ /zhes bya ba ni sangs rgyas la sogs pa la shes pa'i dad? pa thob pa'i phyir ro/ /'dir bcom ldan 'das kyi ye shes gzigs pa la 'jug pa ni ma yin te/ mi slob pa'i lam ma skyes pa dang/ rgyun du zhugs pa la gzhan gyi sems shes med pa'i phyir ro/ /zhi ba mi g.yo ba zhes bya ba ni bsam gtan bzhi pa rnyog pas mi bskyod pa nyid kyi phyir dang/ shin tu zhi ba nyid kyi phyir ro/ /sangs rgyas bcom ldan 'das thugs gang la brten nas yongs su mya ngan las 'das she na/ 'dir 'dod? pa na spyod pa'i sems ldog pa med pa lung du ma bstan pa bsam pa'i rang bzhin can bsams gtan bzhi pa dang 'dra ba g.yo ba med pa zhes bya ba yod do/ /de la bsten nas zhes ston to/ /ji ltar na bcom ldan 'das bsam gtan bzhi pa las der gshegs she na/ 'di la yang bsam gtan bzhi pa'i de ma thag tu bcom ldan 'das bsam gtan gsum pa mngon sum du mdzad la/ bsam gtan gsum pa'i de ma thag tu bsam gtan gnyis pa mngon sum du mdzad cing/ bsam gtan gnyis pa'i de ma thag tu bsam gtan dang po mngon sum du mdzad do/ /bsam gtan dang po'i de ma thag tu 'dod pa na spyod pa'i sems dang/ sems de ma thag tu yongs su mya ngan las 'das pa ston to/ /kha cig 'di skad du smra te/ bsam gtan bzhi pa'i de ma thag tu bcom ldan 'das kyis sems de mngon sum du mdzad par spyod la/ bsam gtan bzhi pa'i de ma thag tu 'dod pa na spyod pa'i sems de mngon sum du mdzad pa de ni sangs rgyas bcom ldan 'das las gzhan gyis ma yin zhing bsam gtan bzhi pa'i sa pa'i sems kyang ris mi mthun ba dang/ mnyam par bzhag pa dang/ dge ba yin te/ sems de lta bu la rnam par gnas pa dag mya ngan las 'da' bar mi 'gyur ro/ /zhes bya ba ni grub pa'i mdza' yin no/ /dus ji 'dra ba la bcom ldan 'das yongs su mya ngan las 'das she na/ 'dir ston zla tha chung gi yar ngo'i tshes brgyad kyi ma chan gyi thun bar ma la zla ba nub kyi ri'i rtse mor zhugs pa dang/ bcom ldan 'das kyang bsam gtan gyi ri'i rtse mo las bskyod par gyur pa dang/ zla ba nub par gyur cing bcom ldan 'das kyang mya ngan las 'das par gyur te/ 'jig rten du mun pa gnyis 'byung bar 'gyur ba ni byis pa so so'i skye bo dag shin tu skyo ba bskyed pa'i don yin no zhes ston to/ /cung zad med pa'i skye mched la snyoms par zhugs par sa bya ba ni de dag gi chos nyid yin te/ 'di ltar yongs su mya ngan las 'da' pa'i tshe nyan thos chen po yang lugs las 'byung ba dang lugs las bzlog pa'i bsam gtan bskyed nas yongs su mya ngan las 'da' ba de bas na bcom ldan 'das kyang de ltar mdzad pa yin no/ /bden pa mthong ba'i rtsa ba dang bral zhing rtsa ba med pa'i dad pa dang ldan yang mtshams med pa byed pa yin pa'i phyir dang/ /mtshams med pa byed pa dag ni gdon mi za bar dmyal ba'i 'bras bu can yin pa de nyid kyi phyir 'bras bu nyams su ma myong bar bden pa mthong bar ma gyur pa yin no/ (de bas na ma skyes dgras bden pa mthong bar ma gyur pa yin no//) /mdzes pa zhes bya ba ni sdug pa'o/ /gtor ba zhes bya ba ni me tog gi rnam pas gtor bar gyur pa'o/ /kye ma 'du byed mi rtag ste zhes bya ba la sogs pa la de las kye ma 'du byed mi rtag ces bya ba'i 'du byed ni rnam pa gsum ste/ 'das pa dang ma 'ongs pa dang/ da ltar tha dad pa'i phyir ro/ /de la 'das pa ni skyes shing 'gags pa nyid kyi phyir mi rtag pa yin la/ yang skye bar mi 'gyur ba de bas na skye zhing 'jig pa'i chos can yin no/ /ma 'ongs pa ni skye ba'i chos can yin te/ skyer rung ba nyid kyi phyir dang/ skye zhing 'jig pa'i chos can ni 'jig par rung ba nyid kyi phyir yang skye bar mi 'gyur bas na skye zhing 'jig pa'i chos can yin to/ /yang ma 'ongs pa gang yin pa de dag skye ba'i chos can du bstan na/ de dag gcig tu skye bar 'gyur gyi 'gag par mi 'gyur ram zhe na/ skyes gyur nas ni 'gag par 'gyur zhes bya ba smos te/ gang skyes par gyur pa de nyid 'gag par 'gyur gyi/ gang dag ma skyes pa de dag ni 'gag par yang mi 'gyur ro/ /gal te de dag thams cad sdug bsngal kho na ma yin nam/ ji da ltar bde ba yin zhe na/ de dag ces bya ba smos te/ ma 'ongs pa'i 'du byed de dag gi rgyu zad pa'i phyir dang/ gzhan ma skyes pa'i phyir nyer zhi bde ba yin zhes bya ba ni tshigs su bcad pa'i bsdus pa'i don yin no/ /yan lag gi don ni kye ma ni skyo ba yin te/ 'di ni sdug bsngal lo/ /zhes skye ba bskyed pa'i don te/ gang mi rtag pa de ni sdug bsngal lo zhes mdo sde las 'byung ba yin no/ /bya ba nges par byed pa'i dngos po 'dong ba ni rtag pa yin la/ de las gzhan pa ni mi rtag pa ste/ skad cig ma dang/ yun thung ngur gnas pa dang/ skyes ma thag tu 'jig pa zhes bya ba'i bar du'o/ /mi rtag pa nyid thugs rje chen po'i yul yin gyi sdug bsngal gyi sdug bsngal gyis gdungs pa'i don nyid ni ma yin no/ /zhes ston pa 'am/ bcom ldan 'das sems can du bgrang ba'i 'du byed kyi yul gyi rnam pa de la thugs brtse bar mdzad pa yin te/ phan 'dogs pa'i gzhir gyur pa'i thugs rje bskyed par mdzad ces bya ba'i tha tshig go /tshogs pa las skyes pa'i dngos po ni 'du byed yin te/ phung po lnga zhes bya ba'i tha tshig go /skye ba ni 'byung ba yin la 'jig pa ni nyams par gyur pa'o/ /gdon mi za bar 'gyur ba'i rang bzhin can gyi chos de gnyis gang la yod pa de ni skye zhing 'jig pa'i chos can yin te/ skye zhing 'jig pa'i gnas skabs su nyams su myong bar gyur ces bya ba'i tha tshig ste/ rga ba'i chos la sogs pa lta bu'o/ /dper na gdon mi za bar rgas par 'gyur ba gang yin pa de ni rga ba'i chos can zhes bya ba ste de dang 'dra'o/ /mi skye ba'i chos can dag ni de dang 'dra ba'i phyir 'dus byas su brjod pa yin te/ ston ka'i sprin la chu? 'dzin ces pa bstan pa lta bu'o/ /skyes gyur nas zhes bya ba ni da ltar gyi dus thob par gyur ces bya ba'i tha tshig go /gi'i sgra ni skyes par gyur nas de dag gdon mi za bar 'gag par 'gyur ro/ /zhes bstan par bya ba'i don to/ /gang gi phyir skyes par gyur nas 'gag par 'gyur zhes bstan to/ /'gag par 'gyur ba ni nub cing 'das par 'gyur ba'o/ /yang na 'di skad du bstan par 'gyur te/ ji ltar na mi rtag pa yin zhing gang gis phyir skye zhing 'jig pa'i chos can yin zhe na/ skyes pa ni gdon mi za bar 'jig pa nyid kyi phyir bum pa la sogs pa lta bu yin la/ mi mthun pa ni nam mkha' o/ /'di gnyis cig car 'gyur na ni skye ba'i dus kho na 'jig pa'i dus su 'byung ba de'i phyir 'das pa dang da ltar nyes pa gcig tu 'gyur ro zhe na/ smras pa/ skyes gyur nas ni 'jig par 'gyur ba ste/ da ltar du gyur nas 'das par 'gyur ro/ /zhes bya ba'i tha tshig go /'di kun kho na sdug bsngal yin te/ mi rtag pa nyid kyi phyir dang/ gzhan la rag las pa nyid la bde ba mi srid pa'i phyir ro/ /de ltar na ni mi? yang sdug bsngal yin par thob par 'gyur zhe na/ bden pa'i gnas skabs kyi lam sdug bsngal ma yin te/ 'phags pa dag dang mi mthun pa ma yin pa nyid kyi phyir ro/ /gzhan dag du ni sdug bsngal yin te/ gang mi rtag pa de ni sdug bsngal yin no zhes gsungs pa'i phyir ro/ /dper na tig ta la sogs pa'i btung ba sdug bsngal yin te/ nad nye bar zhi ba'i rgyu nyid yin pa'i phyir sman du bsten pa dang bde bar brjod pa de bzhin du lam la sogs pa la yang brjod par bya'o/ /'du byed kyi sdug bsngal de dag nye bar zhi ba ste/ rigs pa khyad par du 'phags pa ye shes grub pas thob pa'i zhi ba ni nye bar zhi ba ste/ so sor brtags pa'i 'gog pa gang yin pa de ni bde ba yin te/ /phung po med pa bde'i mchog ces gsungs pa'i phyir ro/ /lus ni sku yin no/ /gang zag zla med ni grogs med cing gnyis pa med pa zhes bya ba'i tha tshig go /bstan zhing mi g.yo ba'i thugs gang la mnga' ba de ni bstan pa'i thugs can te/ bcom ldan 'das yin no/ /brtan pa'i thugs can smos pas dbugs 'byung ba dang rdub pa yang mi skye ba bstan pa yin te/ ji ltar 'gog pa'i snyoms par 'jug pa la yang dbugs 'byung ba dang/ rdub pa skye bar mi 'gyur ba de bzhin du'o/ /skyob pa zhes bya ba ni nyon mongs pa'i dgra'i rnam par 'tshe ba las yongs su bsrung bar mdzad pa'o/ /lam mkhyen pa'i spyan dang ldan pa nyid kyi phyir spyan ldan no/ /'khor ba'i 'jigs bskrun par mdzad pa'i phyir 'jigs par mdzad par 'gyur pa'o/ /ba spu ldang ba can skrag pa'i sgo nas ba spu rab tu g.yos pa'o// stobs bcu dang ldan pa nyid kyi phyir rnam kun stobs dang ldan gyur pa'o/ /dus kyang mdzad ces bya ba ni tha ma'i dus su mdzad pa yin no/ /zhum pa med pa'i sems kyis zhes bya ba ni yid zhum pa med pa'o/ /tshor ba bzod par mdzad nas ni/ zhes bya ba ni tha ma'i dus kyi tshor ba bgrang ba med par phung po lhag ma med pa'i mya ngan las 'das pa'i dbyings su gshegs pa'i phyir me zhi ba'i dpes bstan pa yin te/ dper na me la rgyu med pas zhi bar 'gyur ba de bzhin du/ bcom ldan 'das sems rnam par grol ba la rgyu med pas mya ngan las 'das par gyur pa yin no/ /'dus byas mi rtag pa nyid du bsgom pa la 'dir 'phags pa'i mi smra ba'i dngos po yin par rig par bya'o/ /gnas 'jog gi rigs su brgyud pas 'ongs pa nyid yin pa'i phyir gnas 'jog gi sgras 'bod pa yin no/ /'gre ldog pa ni sa la lan cig 'gre ba yin la/ rab tu 'gre ldog pa ni sa yang dang yang du kun nas 'gre ba yin no/ /g.yas dang g.yon gyi dpung pa'i rtsa nas lag pas bzung zhing du bar byed pa ni dpung pa las bzung ste skad 'byin cing du ba yin no/ /sems kyi sdug bsngal dang yid mi bde ba de dang ldan pa ni 'byor ba yin no/ /dngos po rnams 'jig pa gdon mi za bar 'gyur ba ni 'dir chos nyid yin te/ de la brten pa 'am/ so sor 'brang ba'am/ rjes su 'brel bar byed pa'o/ /dam pa dam par gyur ba ni gtso bo dag las gtso bor gyur pa'o/ /'gyod pa ni byas pa gzo ba dag bslab pa'i tshig 'chid bas bcings par gyur pa gang yin pa de la 'dir 'gyod pa yin par rig par bya'o/ /rgan zhugs ni shin tu rgas par gyur pa'o/ /'dus byas thams cad ni mi rtag ces bya ba la sogs pa'i rnam par bshad pa ni sa ma bzhin du rig par bya'o/ /slad bzhin slad bzhin zhes bya ba ni slad ma las shin tu slad bzhin du ste/ thams cad kyi thog mar 'phags pa 'od srungs bzhud cing de nas dge slong gzhan dang de'i 'og tu yang de dag rjes su 'brel pas zhes bya ba'i tha tshig go / sangs rgyas kyi mthu zhes bya ba ni 'dir byin gyis brlabs pa la mthur rig par bya ste/ bcom ldan 'das yongs su mya ngan las 'das pa de nyid kyi phyir mngon sum du gyur pa'i mthur mi 'thad pa yin no/ /mya ngan las 'das pa'i grong khyer du 'jig rten 'dren par mdzad pas na 'dren pa'o/ /rnyed dka' ba nyid kyi phyir dang/ mngon par 'dod pa'i 'bras bu skyed bar byed pa'i rgyu nyid yin pa'i phyir bcom ldan 'das kyi sku rin po che dang 'dra bas na rin po che'i sku yin no/ /rdzu 'phrul chen po gang la mnga' ba de ni rdzu 'phrul chen po can no/ /nyid kyi sku skyes zhes bya ba ni nyid kyi sku las skyes pa'o/ /nang rim ste nang du bgo ba ni sham thabs shes bya zhing phyi rim chos gos yin no/ /bcom ldan 'das yongs su mya ngan las 'das kyang sku'i ring bsrel sgron mor ma gyur pa dang/ gos tshig pa'i dri mas gos par ma gyur cig snyam pa de bas na chos gos gnyis po bcom ldan 'das kyi byin gyis brlabs kho nas ma tshig pa yin te/ chos gos gnyis po ma tshig pas na bcom ldan 'das lhag par ngo tsha dang khrel yod pa dang ldan par bstan pa'i phyir dang/ ngo mtshar bstan pa'i sgo nas kyang sangs rgyas kyi bstan pa la mngon par ma dad pa dag dad pa bskyed pa'i phyir dang/ dad pa dag bogs dbyung par bya ba'i phyir zhes bya ba de lta bu la sogs pa phan yon yin par rig par bya'o/ /'o ma can gyi shing bzhi bya ba la bcom ldan 'das kyi sku spyod pa'i sa phyogs nyid du skyes pa de ni ngo tshar bstan pa las 'jig rten pa dad par 'gyur ba'i don nyid du bcom ldan 'das kyi byin gyis brlabs kho na las de dag skyes pa yin no/ /bu lu ka la sogs pa thams cad rgyal rigs yin la/ khyab 'jug gling pa ni bram ze nyid yin no/ /mda' dang mtshon bya rig pa ni mtshon cha rig pa'o/ /gzhan gyi sde ni pha rol po'i dpung gi tshogs yin no/ /bla na med pa'i bzod pa dang yang dag par ldan pa nyid kyi phyir bcom ldan 'das bzod pa la bzhugs pa'o/ /bzod pa'i yon tan gsung ba'i sgo nas pha rol po yang bzod pa la nges par sbyor bar mdzad pa de bas na bzod pa'i bsngags pa gsung zhing bzhugs pa'o/ /cha brgyad ces bya ba la sogs pa la cha'i sgra ni tshad mtshon par byed pa 'am/ cha nyid mtshon par byed pa'o/ /klu'i rgyal pos mchod pa zhes bya ba ni kro rgyu dag gis cha gang yin ba klu'i rgyal pos phrogs na mchod pa yin no/ /sum cu rtsa gsum pa'i 'jig rten na zhes bya ba la sum cu rtsa gsum pa'i lha'i ris na mchod cing gsol pa yin no/ /mchod rten rgya chen bdun brtsigs te zhes bya ba ni rgyal po mya ngan med kyis ring bsrel yod pa'i mchod rten bdun po gang yin pa de dag thams cad blangs nas chos kyi rgyal pos stong phrag brgyad cu rtsa bzhi byas pa'i sgo nas 'dzam bu'i gling ma lus pa rgya cher khyab par byas pa de'i phyir de skad ces bya'o/ /mchod pa byed pa sngon du song ba can gyi 'dod pa'i 'bras bu la sogs pa don du gnyer ba byed pas na don du gnyer ba ste/ don du gnyer ba ni dngos po la gnas pa yin la/ don du gnyer pa'i dngos po bcom ldan 'das kyi sku gdung gi mchod rten yin pa de bas na sa gzhi ste sa phyogs brgyan pa yin no/ /rab tu ri mor byas pa zhes bya ba lags par mchod pa'o/ /mchod ces bya ba ni bcom ldan 'das kyi mchod rten lha'i dbang po la sogs pas mchod pa'o/ /gnod sbyin zhes bya ba ni gsang ba'i ming gi rnam grangs yin no/ /thugs rjes spyod cing tha snyad du mdzad nas thugs rjer ldan pa'o shes rab mchog ces bya ba ni thugs mchog tu gyur pa'o/ /mya ngan 'das zhes bya ba ni zhi par gyur pa'o/ /bcom ldan 'das kyi dgongs pa dang rjes su mthun par ming dang tshig dang yi ge'i tshogs dag mthar gyis rnam par bkod cing brjod pa ni bsdu ba yin no/ /du pa'i mdza' can du 'gyur ro/ /zhes bya ba la du ba'i mdza' ni du pa'i mdza' yin la du pa'i mdza' gang la yod pa de ni du pa'i mdza' can du gyur pa ste bka' yin no/ /de'i don ji srid du du ba rgyun mi 'chad par 'byung ba de srid du me mi nyams par rjes su dpag par bya zhing du ba zlog pa na me yun ring por gnas par mi 'gyur ba/ de bzhin du bcom ldan 'das yongs su mya ngan las 'das pa'i bka' yang bsdu ba ma byas pa de'i phyir bcom ldan 'das kyi bstan pa yun ring du gnas par mi 'gyur te/ bstan pa bka' i bdag nyid yin pa'i phyir dang/ khong du chud pa ni bka' i rgyu can zhes bya ba 'di yin no/ /shin tu mthar gyur ci khyad can du phyin pa'i sgo nas mthar thug pa'i rnam pa 'di la yod pa'i phyir mur thug pa'i mdza' can te bsam gtan bzhi pa'i chen po'i chen po'o/ /gdul bya la bltos pa zhes bya ba ni gdul bya'i skye bo la thugs brtse pa'o/ /'thab mo ni gzugs dang sems kyi sgo nas smra pa dang phyir smra pa'o/ /mtshad 'bru ba ni spa bar bya ba'i dngos po brjod pa'i sgo nas phan tshun ngo tsha bskyed par byed pa'o/ /tshar gcod pa ni lan du byed pa'i dngos po yid kyis gzung pa'o/ /shags 'gyed pa ni 'og gzu la sogs pa la rigs pa'i tha snyad du byed pa'o/ /log par byas pa ni rnam pa gzhan du bstan pa'i sgo nas log par byed pa'o/ /gtses pa ni 'dir rnam par 'tshe ba'i rnam grangs yin no/ /bsnyas pa ni tshar gcod pa'o/ /mi shes pa kho na mun pa yin pas na mi shes pa'i mun pa ste/ mi shes pa'i mun pa des g.yogs shing bkab par gyur pa gang yin pa de skad ces bya'o/ /chos dang 'dra ba zhes bya ba ni chos dang tshul 'dra ba'i chos ma yin pa'o/ /bre mo'i gtam ni rgyal po la sogs don du mi 'gyur pa'i gtam mo/ /the tshom gyis lam gnyis pa de la 'jug pa'i blo gang la yod pa de la de skad ces bya'o/ /ser sna kho na dri ma yin te/ des zil gyis mnan pa de'i phyir drug gi mgu bar bya ba'i chos las ldog pa yin no sbyangs pa'i yon tan yang dag par blangs pa ni bsod snyoms dang dgon pa pa la sogs pa dri ma med pa'i yon tan yang dag par blangs pa'o/ /bas mdza' i gnas mal ni skye bo lhags pa med cing shin tu dben par gyur pa'o/ /snying rje chen po la goms pa ni snying rje chen po la goms pa ste/ des 'jug cing rgyu ba'i kun tu spyod pa'i lus dang ngag dang yid kyi 'jug pa gang la yod pa de ni snying rje chen po la goms pas 'jug pa'i kun tu spyod pa can no/ 'gro ba ma lus pa'i drod 'dzin pa ste/ bcom ldan 'das bla na med pa'i mya ngan las 'das pa dge ba'i phyogs nyid du mngon du gshegs pa nyid yin pa'i phyir ro/ /stobs bcu dang ldan pa bcom ldan 'das kyi sku mi rtag pa nyid kyis gnon cing khyab pa dang zil gyis gnon pa'o/ /mi shes pa nyid sel bar mdzad pa de'i phyir sems can thams cad bsad par mdzad pa zhes bstan to/ /mgon po ni gtso bor gyur pa'o/ /lha'i dgra ni lha ma yin gyi dbang po'o sum cu'i dbang phyug ni brgya byin no/ /dpag bsam gyi shing lta bu ni bcom ldan 'das te/ de la mngon par dad pa la mngon par 'dod pa'i 'bras bu stsol bar mdzad pa nyid kyi phyir ro/ /dran pa yang dag byang chub kyi yan lag la sogs pa ni me tog dang 'dra ba yin no/ /rgyun du zhugs pa'i 'bras bu la sogs pa dag ni 'bras bu bzang po'o/ /bskyod pa ni 'phangs pa 'am g.yos par gyur pa'o/ /blo ldan zhes bya ba ni ston pa thams cad mkhyen pa'i ye shes dang ldan pa'i nyan thos kyi dge 'dun no/ /bstan mchog ces bya ba la 'phags pa shA ri'i bu dang/ maung+gal gyi bu chen po la sogs pa nyan thos chen po 'ga' zhig rab tu zhi bar gyur cing kha cig 'gro bar gyur pa'o/ /gnas shing gnas pas zhes bya ba ni dam pa'i chos bsdus nas mdzes pa'i rnam par gnas pas bzhag par bya ba yin no/ /bcom ldan 'das bla na med pa'i ye shes sgron ma mdzad pa nyid kyi phyir 'gro ba ma lus pa'i sgron ma lta bu yin par rig par bya'o/ /mchog tu zhes bya ba ni yon tan gtso bor gyur pa'i phyir ro/ /chos gos rnam gsum ni dngos po rnam pa gsum mo/ /bsam pa kun gyis zhes bya ba ni rnam pa kun nas nyes pa'i rnam pa kun gyis so/ /chu bo'i rgyun bzhi 'bab pa zhes bya ba ni 'jig rten skyo ba bskyed par bya ba'i don du 'phags pa ba lang bdag gi byin gyis brlabs kho na las chu'i rgyun gyi tshigs su bcad pa tha dad pa brjod pa yin no/ /dus ngan zhes bya ba la sogs pa la dus rtsod pa'i dus kyi nyes pa nyams pa nyid dang/ tshul ma yin pa nyid du gyur pa'i phyir ro/ las nas ni bdag gir byed dang ldan zhes bya ba la skye bo la rag las par gyur pa'o/ /'gro ba'i mar me ni bcom ldan 'das yin la/ nub par gyur pa ni zhi bar gyur pa yin no/ /ji zhig byas nas she na/ 'gro ba kun 'jug ces bya ba la sogs pa smos te/ 'gro ba ste srog chags kyi cho gas 'jug cing 'byung pa 'am/ rnam pa mkhyen nas so/ /'dus byas phung po zhes bya ba ni 'dus byas kyi tshogs so/ /skad cig mar yang 'jig ces bya ba ni myur du 'jig pa can no/ /skye ba la sogs pa'i sdug bsngal kho na phongs pa yin te/ de dang ldan par gyur pa'o/ /byed do zhes bya ba ni rtag pa ste/ rang dbang can nang na byed pa'i skyes bu bdag tu mngon par rgyal ba zhes bya ba yod de/ bdag ces bya ba ni nga rgyal de lta bu gang la yod pa'i so so skye bo de ni don med pa can yin no/ /bag yod bya zhes bya ba ni dge ba'i chos bsgoms pa la gzhol ba'i shes kyis gnas par bya'o/ /bsod nams rab tu byung ba ni sbyin pa'i rang bzhin dang/ tshul khrims kyi rang bzhin nam lus la sogs pa'i legs par spyad pa'o/ /ci'i phyir dge ba'i chos bsgom pa la gzhol bar byar zhe na/ 'byung po mang po zhes bya ba la sogs pa smos te/ 'byung po mang po srog chags kyi tshogs song ba ste/ 'ga' zhig 'das pa'i gnas skabs thob par gyur pa ni 'ga' zhig phyir song bar gyur pa'o/ /g.yo zhes bya ba ni dpal gyi 'byor ba g.yo bar gyur pa'o/ /ba lang gi bdag po ni ba lang bdag yin la/ de'i phyi nas zhes bya ba ni bcom ldan 'das kyi slad bzhin mchi ba'o/ /ji zhig byas nas she na/ thub pa 'di la slob mchog ces bya ba la sogs pa ste/ slob mchog ni bcom ldan 'das kyi slob ma ni 'phags pa 'od srungs la sogs pa'o/ /rang gi dgos pa zhes bya ba ni nyon mongs pa ma lus spangs pa'o/ /rab tu mos pa ni slob ma gzhan dag pas lhag par mos pa'o/ /de'i mos pa gang gis lhag pa yin zhe na/ bla ma la dad ces bya ba smos te/ bla ma ste bcom ldan 'das de'i yul la dad pa des so/ /nyer zhi zhes bya ba ni nye bar zhi bar gyur pa'o 'phags pa'i tshul gyis zhes bya ba ni legs par spyod pa'o/ /chos kyi mig can ni bcom ldan 'das kyis nyid kyi mgur nas gsungs pa'i chos kyi mtshan nyid gang yin pa de dang 'dra bar ro bcom ldan 'das kyis ma gad+har chos kyi 'khor lo bskor ba de'i phyir de la chos kyi sku mngon par bsgrubs nas zhes bya ba smos so/ /'tsho ba'i yo byad ni dge slong dang mthun pa'i bza' ba dang btung ba la sogs pa'o/ /rnam par shes pa zhes bya ba ni khyad par du shes pas na rnam par shes pa ste/ dper na mngon par 'dod pa'i bya ba byed pa'i cho ga la mkhas pa lta bu ste/ gsol ba dang gnyis kyis blo mthun pa sbyin par bya'o/ /ji ltar 'dod par rgyal po'i khab tu 'gro'o zhes bya ba 'dis ni 'god pa dang bcas pa'i 'gro ba bstan to/ rtag tu mnyam par bzhag pa zhes bya ba ni mi brjed pa'i chos can yin pa de bas na bya ba la rmongs pa med pa yin no/ /ral pa ni phyogs kyi phyogs gcig ral ba'i phyir ro/ /gas pa ni rnam par ring por sbyor ba'i phyir gas pa ste/ rtsig pa la sogs pa'i dngos po yin no/ /tshe dang ldan pa ma 'gags pa dgongs shig ces pa la sogs pa la/ 'phags pa 'od srungs chen po bdag nyid kyis mkhyen bzhin du 'phags pa ma 'gags pa la bskul ba ni dbang por bstan pa'i don du byas pa yin no/ /snying po med pa ni mchog ma yin pa'o/ /'chal ba'i tshul khrims kyi dri ma bsal ba'i phyir dag pa'o/ tshul khrims kha na ma tho ba med pa dang ldan pa nyid kyi phyir gtsang ba'o/ /mi slob pa'i lam dang ldan pa'i phyir snying po dang ldan pa'o/ /de nyid kyi phyir bla na med pa'i bsod nams kyi zhing ste/ 'jig rten gyi sbyin gnas su gyur pa yin no/ /spyo ba ni tshar gcod pa'o/ /gnad la bsnun pa bzhin bu zhes bya ba ni gnang la bsnun ba dang 'dra bar sems sdug bsngal dang ldan par gyur pa'o/ /tshul khrims kyi rgud pa la sogs pa'i rnam par bshad pa ni snga ma bzhin no/ /bdag gis nyes par byas pa med do/ /zhes bya ba ni bdag gis nyes par byas pa cung zad tsam yang med pa'i phyir/ /tshul shing long zhig ces bya ba la gal te khyod nyes pa med pa yin na tshul shing de long zhig pa'o/ /bden par smra ba zhes bya ba ni de kho na nyid smra ba'i dang tshul can no/ /phan pa'i bde ba'o/ /bltos pa med par smra ba zhes bya ba ni zhum pa med par smra ba'i ngang tshul can no/ /ngo tsha med pas ni ma yin zhing zhes bya ba ni kha na ma tho ba kun tu spyod pa'i ngo tsha dang bral bas ni ma yin no/ /rnam par rgal bas ni ma yin te zhes bya ba ni bslab pa la g.yel ba'i bas ni ma yin no/ /chos kyi sku la gnod par byed cing zhes bya ba la chos kyi sku ni bcom ldan 'das te/ 'phags pa'i lam gyi rang bzhin yin te/ bud med kyi yul rab tu byung ba las kyang tshul khrims 'chal ba'i rgyu 'am/ yang dang yang du goms par byed pas na 'phags pa'i lam de la/ gnod pa nyid du 'gyur zhing/ bud med kyi yul yon tan gyi zhing nyams par byed pa'i ser ba lta bu yin no/ /lo stong tshang bar gnas pa'i tshig ni dri ma thams cad dang bral ba'i gnas skabs ston par byed pa dang/ 'phags pa'i gang zag brgyad po shin tu rgyas par 'gyur ba ston par byed pa yin par rig par bya'o/ /lhag ma cung zad tsam zhes bya ba ni yon tan gyi khyad par nyung ngu dang ldan pa yin no/ /nyes pa chung ba zhes bya pa ni nyon mongs pas byas pa'i nyes pa chung ba'o/ /'dod chags chung ba zhes bya ba la sogs pa la kun tu spyod pa chung ba las 'dir 'dod chags la sogs pa dag chung ba yin par rig par bya'i spangs pa chung ba nyid ni ma yin no/ /tshul shing zhog cig zhes bya ba la bdag la nyes pa med pa'i phyir bdag nyid kyi tshul shing blangs pa yin na/ da ltar khyod nyes pa dang bcas pa de'i phyir tshul shing zhog cig /gang khyod la bcom ldan 'das kyis spyos te zhes bya ba 'di ni 'char ka'i mdo las/ tshe dang ldan pa shA ri'i bus dge slong rnams la pos te/ tshe dang ldan pa dag dge slong 'di ni tshul khrims dang ldan zhing shes rab dang ldan pa ste/ de ni yang dang yang du 'du shes rig pas 'gog pa la snyoms par zhugs pa dang ldang ba nas kham gyi rnam pa za ba'i lha las shin tu 'das nas yid kyis rang bzhin gyi lus can lha gzhan du skye bar 'gyur ro/ /de der yang dang yang du 'du shes rig pas 'gog pa la snyoms par zhugs pa dang ldang ba nas 'phags pa 'char kas 'phags pa shA ri'i bu'i tshig lan gsum gyi bar du khyad du bse ru? 'dir? dang/ de nas bcom ldan 'das kyi thad du phyin nas 'phags pa shA ri'i bus yang de nyid gsol ba dang 'char kas de bzhin du khyad du bsad do/ /de nas tshe dang ldan pa shA ri'i bu cang mi s mra bar 'dug pa nas bcom ldan 'das kyis 'phags pa kun dga' bo skyes bu rmongs pa khyod snying rje dang ldan du zin kyang dge slong gnas brtan la rtsod pa skyed ces bya ba'i skabs de la 'phags pa kun dga' bos 'phags pa dpe can la 'di skad ces smras so/ /tshe dang ldan pa dpe can 'dir smras pa/ de ni gzhan gyis byas pa gang yin pa de la gzhan du smras pa de bas na zhes bya ba'i bar du 'byung ba yin/ /rkang pas rdzis so zhes bya ba ni thag pas phul ba'i gos zung la'o// bud med kyi yul la gsang ba'i mdzod kyi spubs su nub pa bstan to/ /zhes bya ba ni yongs su mya ngan las 'das pa'i gnas skabs gyang gyi bu mo dag la bstan to zhes brjod de/ /bcom ldan 'das kyi sku bud med kyi yul la bstan nas zhes bya ba ni 'di la yang yongs su mya ngan las 'das pa'i skabs de nyid gyang gyi bu mo dag la bstan to zhes brjod de/ /skyabs med pa zhes bya ba la sogs pa la sdug bsngal yongs su skyobs med pa'i phyir skyabs med pa'o/ / chos dang ldan pa'i gnas pa'i gnas med pa'i phyir gnas med pa'o/ /the tshom gcod par byed pa bla na med pa'i phyir snang ba med pa'o/ /chad pas bcad pa zhes bya ba ni chad pas bcad pa 'am/ tshar bcad par bya ba la bdag cag gi bstan pa'i las su bya ba la 'jug par bya'o/ /rab tu sbyor zhes bya ba ni lam ba smos pa'i bya ba byed pa'o/ /shing drung zhes bya ba la sogs pa la shing drung ngam thibs po dang bcas pa'i sa phyogs su yang dag par gnas pas so/ /mya ngan las 'das pa'i sems las bskyed pa ni rang nyid kyis nyams su myong ba'i sgo nas nyon mongs pa thams cad spangs pa zhes bya ba phung po lhag ma dang bcas pa'i mya ngan las 'das pa la sems bskyed pa'am mngon sum du bya'o/ / bag med ma mdzad ces bya ba ni mchog tu bag med par ma gyur cig pa'o/ /gau ta ma zhes bya ba ni rigs kyi ming las 'bod pa'o/ /bsgoms zhes bya ba ni nyon mongs pa'i lhag ma spang bar bya ba'i phyir brtson par byed pa'o/ / zhi ba'i go 'phang la reg 'gyur zhes bya ba ni mi slob pa'i ye shes kyis bden pa bzhi'i go 'phang thod par 'gyur ba'o/ /'dod pa'i rnam par rtog pa la sogs pas sems dbang du byas pa nyid kyi phyir rang gi bya ba byed pa'i dang tshul can gyi dran pa nyung zad kyang med pa de'i phyir dran pa nyams pa zhes bya'o/ /snga phyi dran pa'i nus pa dang bral bas ring pa'i rgyud de/ sems kyi rgyud gang la yod pa de ni ring pa'i rgyu can gyi zhes bya'o/ /seng ge'i khri'i steng du snam sbyar ba ting ba ni bcom ldan 'das dang mdo sde'i sde snod smra ba po de la mchod par bya ba'i phyir ro/ /mi g.yo ba ni mi ldeg pa ste/ rgya mtsho zab mo yang yin la mi g.yo ba yang de yin pas na rgya mtsho zab mo mi g.yo ba lta bu'i 'khor rnams yin la/ 'dir yon tan gyi sgo nas zab pa nyid yin par rig par bya'o/ /chos 'jig rten gsum gyis mchod cing rjed ces pa las 'jig rten gsum ni 'dod pa dang/ gzugs dang gzugs med pa'i 'jig rten nam mi dang 'dod pa na spyod pa dang/ gzugs na spyod pa'i lha nyid dam/ mi dang klu dang lha'i 'jig rten dag yin no/ /khyed rnams zhes bya ba ni khyed rnams kyi nang nas gang gus par nyan pa de dag bsams shing mngon par 'dod pa'i bde bar 'gyur ro/ /shin tu bde ba nyid kyi phyir 'khor ba las snying po'i mchog ces bstan to/ /rtag pa zhes bya ba ni mya ngan las 'das pa'i bde ba nyid yin par phyir bstan pa ste/ gcig tu bstan cing gsal ba'o/ /bcom ldan 'das kyi yul la dran pa ni sangs rgyas rjes su dran pa ste/ des sgrib pa dang bral ba'i yid rab tu bsad pa gang la yang pa de ni yid bsad par byed pa can no/ /khyab pa ni phyogs rnam par khyab par byed pa'i dang tshul can no/ /'di skad bdag gis thos pa zhes bya ba la sogs pa 'di skad ces bya ba ni 'phags pa kun dga' bos mdo sde de ni 'di skad du yin gyi rnam pa gzhan du ma yin no/ /zhes nges par gzung ba yin te/ bcom ldan 'das kyi bstan pa'i go rim dang bdag gis thos pa'i go rim gang yin pa de nyid kyis da ltar sten par byed kyi rnam pa gzhan du ni ma yin no/ / bdag gis zhes bya ba ni mngon sum du bzung ba ston par byed pa yin te/ de yang bcom ldan 'das kyi thad dang/ bde bar gshegs pa'i zhal nas mngon sum du thos pa dang ldan pa'i dge slong dag las mngon sum du bzung ba yin no/ /ji skad du 'phags pa kun dga' bos tshe dang ldan pa dag chos kyi phung po stong phrag brgyad cu cha shas dang bcas pa bcom ldan 'das kyi thad las mngon du gzung ba dang/ gnyis pa dge slong dag las zhes bstan pa yin no/ /thos pa zhes bya ba ni rna ba'i bya ba tsam gyi sgo nas mdo sde 'dzin par nub pa ston pa'o/ /dus gcig na zhes bya ba ni grangs gcig du chad pa'i dus ston par byed pa ste/ gcig tu zhes bya ba'i bar du'o/ /bcom ldan 'das zhes bya ba la sogs pa'i rnam pa bshad pa ni snga ma bzhin no/ /gzir ba ni sdug bsngal skyed par byed pa mtshon? cha la sogs pas lus la bsnun par gyur pa'o/ /rma byung ba ni rnam par bsnun pa'o/ /ngan du brjod pa'i sbyor ba zhes bya ba ni 'khor ba ngan pa zhes bya ba de skad du ston par byed pa'i tshig brjod pa'i phyir 'jug pa'i tshig de nyid ni brjod pa yin pa de'i phyir du ba'i sgra mi snyan pa mthon po 'byin par byed pa'o/ /khyad par med ces bya ba ni bdag gis yon tan khyad par du 'phags pa 'di la de dag sngar bar mi bya'o/ /snyam pa'i bltos pa dang bral ba'o/ /bla na med pa'i stobs bcu la sogs pa'i yon tan rin po che'i gzhi nyid yin pa'i phyir bcom ldan 'das ni rin chen gter yin no/ /yon tan rgya mtsho ni bla na med pa'i byang chub kyi yan lag la sogs pa'i yon tan gyi rgya mtsho'o/ /sdug bsngal 'phags pa'i den pa 'di ni zhes bya ba la sogs pa'i rnam par 'grel pa ni snga ma bzhin du rig par bya'o/ mi lha lha min klu'i rgyal po zhes bya ba ni chos dang bla na med pa'i phan gdags pas 'jig rten dga' bar mdzad pa'i phyir bcom ldan 'das mi la sogs pa'i rgyal po yin te de'o/ /zhi bar gshegs zhes bya ba la sogs pa la ci 'tsho bar 'gyur ba'am/ 'on te 'tsho ba med par dgos pa bsgrubs te/ phung po lhag ma med pa'i mya ngan las 'das pa'i dbyings su bcom ldan 'das rab tu zhugs pa yin no/ /zhi ba ni zhi ba ste/ phung po lhag ma dang bcas pa'i mya ngan las 'das pa'i dbyings su rab tu zhugs pa'o/ /thams cad mkhyen pas stong pa zhes bya ba ni skye bo ma lus pa mkhyen pa'i ston pas stong pa mthong nas rmongs pa 'tsho ba la bstan par byed pa 'ga' zhig snying po'i 'du shes nye bar 'jog par 'gyur ro/ /'di ltar dngos po che ge mo zhig bdag gis shes par bya'o snyam pa'i smon pa'i sems gzhag nas don de shes pa ni smon lam gyi ye shes yin no/ /dgag pa ni mngon sum du zlog pa'o/ /phyir gshe ba ni yog? kag? tu gyur pa'i skyon no/ /mi mthun par smra ba ni bzlog pa med pa'am/ bzlog pa/ /pa'i don du ston pa'o/ /'di ni chos so zhes bya ba ni bstan pa'i chos so/ /'dul ba ni nyon mongs pa spang ba'i thabs su gyur pa'o ston pa'i bstan pa zhes bya ba ni bcom ldan 'das kyi bka' ste/ spong bar byed pa rigs kyi man ngag ston pa'o/ /rab tu gsal ba zhes bya ba ni 'jigs pa med pa nyid kyi phyir dbyangs zhum pa med pa'o/ /dug bsngal 'phags pa'i bden pa zhes bya ba la sogs pa la 'bras bur gyur phung po lnga la sdug bsngal gyi sgras bstan pa yin no/ /'phags pa rnams la bden pa ni 'phags pa'i bden pa ste/ 'phags pa rnams kyi ji lta ba bzhin du gzigs pa'i phyir ro/ /rgyur gyur ba'i phung po lnga ni kun 'byung yin te/ 'di la sdug bsngal 'byung bas na zhes bya ba'i dbang du byas pa'i phyir ro/ /phung po lnga'i bdag nyid can gyi sdug bsngal 'gog pas na 'gog pa'i bden pa'o/ /'gog par 'gro bar byed cing thob par byed pa'i phyir 'gog par 'gro ba'i lam ste/ lam gyi bden pa yin no/ /skye ba la sogs pa sdug bsngal gyi rgyu nyid yin pa'i phyir sdug bsngal nyid du bstan to/ /sred pa ni chags pa'i mtshan nyid yin la/ yang srid dang rjes su mthun pa ni yang srid pa can no/ /de ma thag pa'i skye ba la mngon par dga' zhing mngon par 'dod pa'i phyir dga' ba'i 'dod chags dang ldan pa'o/ /yul thams cad la mngon par dga' ba'i ngang tshul can ni de dag der mngon par dga' ba can no/ /ma lus par spangs pa zhes bya ba la sogs pa la rgyun du zhugs pa'i 'bras bu mngon sum du bya ba'i phyir zhugs pa la mthong ba'i lam skad cig ma bco lnga la mya ngan las 'das pa gang yin pa de ni ma lus par spangs pa zhes bya bar bstan te/ mthong bas spang bar bya ba'i nyon mongs pa'i tshogs lan cig spangs pa'i phyir ro/ /rgyun du zhugs pa'i mya ngan las 'das pa gang yin pa de ni rnam par btang ba zhes bya ste/ de yang spang bar bya ba mi srid pas nges pa nyid yin pa'i phyir ro/ /lan cig phyir 'ong ba'i 'bras bu mngon sum du bya ba'i phyir zhugs pa'i 'bras bu gang yin pa de ni spangs pa'i dngos po yin te/ 'dod pa na spyod pa'i nyon mongs pa rgya che ba shin tu smad par bya ba slob par byas pa nyid kyi phyir ro/ /lan cig phyir 'ong ba'i mya ngan las 'das pa gang yin pa de ni zad pa yin te/ 'dod pa na spyod pa'i nyon mongs pa thams cad spangs pa'i phyir ro/ /phyir mi ldog pa'i 'bras bu mngon sum du bya ba'i phyir zhugs pa'i mya ngan las 'das pa gang yin pa de ni 'dod chags dang bral ba ste/ de thob par gyur na 'dod pa las 'dod chags dang bral ba'i phyir ro/ /phyir mi nod pa'i mya ngan las 'das pa gang yin pa de ni 'gog pa yin te/ yang 'dod pa'i khams su 'ong ba'i 'ching ba'i rgyu med pa'i phyir rlung gi chu 'gog pa lta bu'o/ /dgra bcom pa'i 'bras bu mngon sum du bya ba'i phyir zhugs pa gang yin pa de ni rnam par zhe ba ste/ nyes pa ma lus pa spangs pa gcig tu zhi ba dang thag nye bar gnas pa nyid pa'i phyir ro/ /dgra bcom pa'i mya ngan las 'das pa gang yin pa de ni nub pa yin te/ de thob pa na kun tu sbyor ba dang 'ching ba dang/ nye ba'i nyon mongs pa'i kun nas dkris pa dang/ bag la nyal thams cad nub pa'i phyir ro/ /yang dag pa'i lta ba la sogs pa yang lam gyi yan lag zag pa med pa nyid kyi phyir yang dag pa nyid yin no/ /thabs ma yin pa zhes bya ba ni nyon mongs pa'i rnam pa gcig kyang lhag mar ma byas pa nyid kyi phyir 'dis lhag ma med par spangs pa brjod pa yin no/ /dge slong dag gzugs bdag ma yin/ zhes bya ba la sogs pa la bdag ma yin zhes bya ba ni rang dbang ma yin zhing gtso bor ma yin zhes bya ba'i don yin te/ gal te de rang dbang du gyur pa yin na ni gnod pa'am gdung ba'i don dang gdung ba'i rgyu mtshan du mi 'gyur la/ gang gi phyir 'ga' zhig rang dbang gi blo dang ldan pa bdag nyid la gnod pa'i phyir brtson par mi byed do/ /sdug bsngal zhes bya ba ni sdug bsngal gyi rgyu mtshan te/ phyi rol gyi sdug bsngal mngon sum du bskyed pa'i phyir ro/ /thob pa zhes bya ba ni de ltar thob par byed nus par 'gyur ba'o/ /gzugs la zhes bya ba ni gzugs dang 'brel pa 'di thob pa'o/ /'di lta bur zhes bya ba ni mdzes pa la sogs pa'i yon tan dang ldan pa 'am bde bskyed par byed pa'o/ /'di lta bur ma gyur cig ces bya ba ni yid du mi 'ong ba'i nyes pa mi bzad pa'am sdug bsngal skyed par byed pa'o/ /bdag rang rgyud nyid yin pa'i phyir rang rgyud du shes pa yin na bdag nyid kyis nyes pa bzod par mi 'gyur te/ gang gi phyi gzugs bdag ma yin pa de'i phyir rnam pa ji srid du las kyis 'phags par gyur pa'i rnam pa de srid du rjes su 'jug par 'gyur ro/ /dge slong dag ji snyam du sems zhes bya ba la sogs pa'i rnam par bshad pa ni mngal du 'jug pa'i mdo'i rnam par bshad pa las legs par rnam par phye ba'i phyir yang 'dir rnam par dbye bar mi bya'o/ 'jig rten cung zad kyang nye bar len pa med ces bya ba ni 'jig rten pa dngos po cung zad khas mi len cing bdag gi nyid du 'dzin pa med do/ /yongs su gsung ba med ces bya ba ni yongs su gdung bar mi byed pa ste/ mngon par 'dod pa'i don grub par ma gyur pa las yid mi bde ba skyes par gyur pa gang yin pa de ni 'dir yongs su gdung ba yin la/ de yang dngos po thams cad bdag med pa nyid du bzung ba'i phyir dngos po 'ga' zhig la yang chags pa mi skye la/ chags pa med pa'i phyir yongs su gdung bar yang mi 'gyur ro/ /de bas bdag nyid yongs su mya ngan las 'das par 'gyur ro/ /zhes bya ba ni rang rig pas mngon sum du mthong bar gyur pa'o/ /rnam pa gang zhig ce na/ bdag gi skye ba ni zad ces bya ba la sogs pa smos te/ de'i rnam par bshad pa yang snga ma bzhin no/ /'dul ba'i gleng gzhi zhes bya ba'i la sogs pa la gleng gzhi ni yul 'ga' zhig tu bslab pa'i gzhi 'di 'byung ba'o/ /'byung ni nyon mongs pa la sogs pa nges pa'i skabs so/ /sham thabs ni 'og tu bgo ba yin la mtho ba dang dma' ba kun nas spangs pa nyid kyi phyir zlum pa ni yongs su zlum pa'o/ /chos gos ni stong du bgo ba'o/ /'di ni bcas pa'o zhes bya ba la sogs pa la bslab pa'i gzhi rnam par bzhag pa ni bcas pa yin no/ /bcas pa smos pas dge slong 'di tsam gyi mdun du nyes pa sgom po dang shags par bya'o zhes bya ba la sogs pa yang bsdus pa yin no/ /sngon rjes su gnang ba'i dngos po gang yin pa bkag pa dang/ gang sngon bkag pa yang rjes su gnang ba yang rjes su bcas pa yin te/ dper na mchil lham rjes su gnang ba mdzad nas de nyid kyi bye brag bkag pa mdzad de/ thug thug zer ba dang/ krig krig zer ba bcad bar mi bya'o zhes bya ba la sogs pa rjes su gnang ba de dag yang bkag pa yin la/ bkag pa yang rjes su gnang ba ni dper na dus ma yin pa'i zas sngar bkag pa las nad pa la yang rjes su gnang ba mdzad pa 'di yang rjes su gnang ba yin pa lta bu'o/ /rnam pa thams cad du dngos po ni srog la thug kyang mi bya'o zhes bya ba ni dgag pa yin te/ dper na nga la ston par 'dzin pa dag gis tha na chad rtsa'i mchog mas kyang btung bar mi bya zhing sbyin par mi bya ba dang/ srog gcod pa la sogs pa rang bzhin gyis kha na ma tho ba dang bcas pa gcig tu bya ba ma yin pa nyid du gsungs pa lta bu'o/ /gang bya ba 'ga' zhig la 'dod pas 'jug pa'i yul rjes su gnang ba yang bya ba ma yin pa'am/ bya ba'i nyes byas zhes bya ba'i nyes pa 'byung ba ma yin te/ dper na phyir rgol ba tshar bcad par bya ba'i phyir phyi rol gyi bstan bcos bklag par bya'o/ zhes bya ba la sogs pa lta bu'o/ /zag mo'i don khong du chud pa'i nus pa dang bral ba nyid kyi phyir shes rab zhan pa ste/ shes bya'i dngos po'i phyi rol na yod pa'i shes rab gang la yod pa de dag ni shes rab zhan pa can zhes bya ba'i dbang du byas pa'i phyir ro/ /don la bltos pa med pa nyid kyi phyi yi ge tsam gyi rjes su 'brel pa zhes smos so/ /don zab mo la mos pa zhes bya ba ni don zab mo khong du chud par 'dod pa dang bcas pa'o/ /ma lta bu ni chos mngon pa ste/ mdo sde dang 'dul ba'i sde snod dag gi don 'chad pa'i sgo nas ma lta bu nyid yin pa'i phyir ro/ /de'i phyir mdo sde dang 'dul ba'i don yang dag par bsrung ba'i phyir zhes bya ba smos te/ mdo sde dang 'dul ba ni don gyi sgo nas chos mngon par yang dag par 'dus pa de nyid kyi phyir de bsdus pas mdo sde dang 'dul ba'i don yang dag par bsdus par 'gyur ro/ /de'i phyir mtshan nyid ces bya ba ni shes par bya ba yin pas na shes bya yin la/ de nyid mtshan nyid yin pa de bas na chos mngon par rab tu bsgrags pa ste/ rab tu gsal bar byas zhes bya ba'i tha tshig go /mdo sde ni dgongs pa stan pa yin la/ 'dul ba ni 'byung ba ston pa yin te/ dgongs pa ni bsam pa yin no/ /dran pa nye bar bzhag pa bzhi ni lus dang tshor ba dang/ sems dang/ chos dran pa nye bar gzhag pa'o/ /yang dag par spong ba bzhi ni dge ba'i chos ma skyes pa rnams bskyed pa'i phyir 'dun pa skyed par byed/ brtson 'grus rtsom par byed/ sems rab tu 'dzin par byed do/ /skyes pa rnams phyir dbyung bar bya ba'i phyir dang/ mi dge ba'i chos ma skyes pa rnams ma bskyed pa'i phyir dang/ bskyed pa rnams spang bar bya ba'i phyir 'dun pa skyed par byed/ brtson 'grus rtsom par byed/ sems rab tu 'dzin par byed de/ /rdzu 'phrul gyi rkang pa bzhi ni 'dun pa'i ting nge 'dzin gtso bor gyur pa'i 'du byed dang ldan pa'i rdzu 'phrul gyi rkang pa dang brtson 'grus kyi ting nge 'dzin dang/ sems kyi ting nge 'dzin dang/ dpyod pa'i ting nge 'dzin gtso bor gyur pa'i 'du byed dang ldan pa'i rdzu 'phrul gyi rkang pa'o/ /dbang po lnga ni dang pa dang/ brtson 'grus dang/ dran pa dang/ ting nge 'dzin dang/ shes rab ces bya ba'o/ /de dag kho na gnas skabs gzhan thob par gyur pa la stobs zhes bya'o/ /byang chub kyi yan lag bdun ni dran pa yang dag byang chub kyi yan lag dang/ chos rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms yang dag byang chub kyi yan lag go /'phags pa'i lam yan lag brgyad pa ni yang dag pa'i lta ba dang/ rtog pa dang/ ngag dang/ las kyi mdza' dang/ 'tsho ba dang/ rtsol ba dang/ dran pa dang/ ting nge 'dzin te/ /so sor yang dag par rig pa bzhi ni chos dang/ don dang/ nges pa'i tshig dang/ spobs pa zhes bya'o/ /dge sbyong gi 'bras bu bzhi ni rgyun du zhugs pa'i 'bras bu la sogs pa'o/ /chos kyi gnas bzhi ni brnab sems med pa'i chos kyi gnas dang/ gnod sems med pa dang/ yang dag pa'i dran pa dang/ yang dag pa'i ting nge 'dzin chos kyi gnas so/ /nyon m ongs pa med pa zhes bya ba ni dgra bcom pa 'ga' zhig gis sems can nyon mongs pa las byung ba sdug bsngal ba dang bdag nyid mched par bya ba'i bye brag tu shes nas gzhan dag gi de la dmigs pa'i nyon mongs pa skyes pa yongs su spang bar 'dod pas de dang 'dra ba'i ye shes bskyed pa gang gis rnam pa thams cad du pha rol po dag la nyon mongs pa skyes par mi byed do/ /nyon mongs pa yang kun nas nyon mongs yin te/ rang dang gzhan gyi rgyud zad par byed pa'i phyir ro/ /smon lam ye shes la sogs pa nas lhag mthong gi mthar thug pa ni yon tan gyi khyad par yin no/ /yang dag par bsdus pa'i rnam grangs dang/ chos kyi phung po dang/ btags pa ni bstan bcos kyi rang bzhin no/ /sde snod ni phung po yin no/ kye zhes bya ba ni spyir 'bod pa ste/ 'di ltar gyi 'jig rten skyong ba/ kye lha zhes bya ba la sogs pa lta bu'o/ /chos kyi bstan bcos bsdus shing rjes su mthun pa'i tshig dang/ yi ge'i sgoms bzhag ba ci'i phyir zhe na/ 'gro la phan phyir zhes smos pa yin no/ /de dag gang gis gsungs pa yin zhe na/ smras pa/ stobs bcu'i bka' ste/ bcom ldan 'das stobs bcus gsungs pa yin no/ /sems can dpag tu med pa la phan 'dogs par mdzad pa'i phyir dang/ dub pa dpag tu med pas thugs su chud pa nyid kyi phyir dang/ don dpag tu med pa dang ldan pa'i phyir tshad med pa zhes bstan te/ /gang gis 'jig rten zhes bya ba la sogs pa la/ bka' gang gis 'jig rten yang dag par spyod zhing rgyun gyis 'jog pas na sgron ma'o/ /sgron ma khyad par ji lta bu zhe na/ smras pa/ blo'i rab rib sel ba ste/ blo ni shes rab yin la/ de'i rab rib ni mi shes pa yin te/ de 'joms par byed cing 'jig par byed pa'i phyir rab rib sel ba'o/ /'jig rten khyad par ji lta bu zhe na/ blo ngan zhes bya ba la sogs pa smos te/ smad pa'i blo ni ngan nam log pa'i shes pa 'am/ mi shes pa kho na blo ngan yin no/ /blo ngan kho na'i mun pa chen po ni/ blo ngan mun pa chen po ste/ mun pa chen po der 'jig rten nyams shing 'khor ba'i 'jig rten de'o/ /ji srid du 'phags pa zhes bya ba ni ji srid du bcom ldan 'das kyi 'phrin las kyis 'phangs pa de'i stobs kyis dus de srid kho nar gnas par 'gyur pa'o/ /ji skad du bka' stsal ba zhes bya ba ni de'i bstan pa lo stong rma med par gnas par 'gyur ba'i phyir bcom ldan 'das kyis dus de srid kho nar gnas par 'gyur ro/ /zhes bka' stsal pa'o/ /bka' lung bstan pa zhes bya ba la bka' lung ni lung stsol ba yin la bka' lung bstan pa ni bka' lung bstan pa'o/ ? yongs su mya ngan las 'das nas khyod kyis bstan pa bsdu ba gyis shig ces bya ba de ni bdag gis ci nus su byas pa yin no/ /mdza' bo bzhin du yongs su spyod pa zhes bya ba ni bcom ldan 'das la bsnyen bkur byas pa'o/ /chos nyid kyis zhes bya ba ni chos kyis so/ /kun tu spyod pa zhes bya ba ni khong du chud pa'i kun tu spyod pas so/ /grogs tshangs pa mtshungs par spyod pa ni lhan cig tu zhugs pa'i dge slong dag go /bla ma'i bka' zhes bya ba ni bcom ldan 'das kyi bka' o/ /chos kyi lam zhes bya ba ni chos kyi rang bzhin gyi lam 'am go rim yin no/ /gcig nas gcig tu zhes bya ba ni phan tshun brjod pa'i sgo nas so/ /ngo tsha med pa ni tshul khrims 'chal pa yin par rig par bya'o/ /ngo tsha can ni bslab pa 'dod pa'o/ /phan gdags pa ni rjes su bzung ba 'am bsdus pa'o/ /bdag la phan 'dogs pa'i nyon mongs pa spangs pa'o/ /dpal ni mya ngan las 'das par 'gro ba ste/ phung po lhag ma med pa nyid kyis dpal skye bar byed pa nyid kyi phyir ro/ /gyon pa zhes bya ba ni yongs su bgos pa'o/ /mchod rten chen po bzhi ni bltams pa dang/ byang chub pa dang/ chos kyi 'khor lo dang/ yongs su mya ngan las 'das pa zhes bya'o/ /mngon par dga' ba zhes bya ba ni lus kyi 'gyur ba'i sems kyi dga' ba'i bye brag skyes pa'o/ /mchod pa ni de 'ongs pa las dga' bar rig nas phyag la sogs pas mchod pa'o/ /tshems kyi mche ba la sogs pa'i mtshan ma zhes bya ba la sogs pa'i sgras ni bcom ldan 'das byang chub sems dpa' i gnas skabs su gyur pa'i dbu skra dang/ na bza' la sogs pa gzung ba yin no/ /bag yod par gyis shig ces bya ba ni dge ba'i chos thams cad sgrub pa bag yod pa'i rtsa ba can yin pa de'i phyir de skad du bstan to/ /chad pas bcad par mchi'o zhes bya ba ni thob par gyur pa 'am/ chad pa drag pos tshar bcad par byas par gyur par ro/ /sems can gyi mchog ces bya ba ni sems can kun gyi gtso bor gyur pa'i phyir ro// skyo bar bya'o/ /zhes bya ba ni bdag gi lus bstan pa'i sgo nas de dag skyo ba bskyed par bya ba'o/ /gdung ba skyes te zhes bya ba la/ gdung ba skyes shing 'byung ba gang yin pa de dag gi gdung ba skyes par gyur pa'o// 'bar ba ni rab tu 'bar ba'o/ /skye ba ni 'dus byas kyi dngos po skyes shing 'byung bar 'gyur ba'o/ /'jig pa ni de dag kho na nyams par gyur pa ste/ zag pa med pa'i ye shes kyis de dag mthong bar gyur pa na bla na med pa'i dpal bskyid pa de'i phyir de skad du bstan to/ /ma dad pa zhes bya ba ni de bzhin gshegs pas bsngags pa'i dad pa gang la med pa de ni dad pa med pa'o/ /zhe sdang dang bcas pa dang ldan pa'i sems kyis tshigs su bcad pa ma yin pa rdzun gyi tshig gis nyes pa brjed par byed pa'o/ /dad pa log par 'dzin pa yis 'byings ba ni 'bying pa ste/ sdig pa'i 'dam du 'bying bar 'gyur ba ste/ dper na ba lang 'dam du 'bying ba lta bu'o/ /nyams par nye bar song zhes bya ba ni sdig chos kyis 'jig par gyur pa'o/ /bde legs 'chi ltas la sogs pa ni sdig pa'i lta ba dang ldan pa'o/ /go min te ni shes rab med pa'o/ /thos la 'bras bu med ces bya ba ni 'bras bu dang bral ba yin te/ chos thos pa'i 'bras bu ni khong du chud pa yin la/ chos khong du chud pa'i 'bras bu ni sgrub pa yin na/ 'bras bu khong du chud pa dang bral ba de nyid kyi phyir 'bras bu med ces bstan to/ /sgrub pa dang bral ba nyid phyir dug dang 'dra zhes bstan to/ /gang yang thos pa yang dag par shes par 'gyur ba'i thos pa de ni mkhas pas gsungs pa yin te/ de nyid bral ba'i 'bras bu yin no/ /rgas par gyur ces bya ba ni 'chi ba dang thag nye bar gyur pa'o/ /nyams par gyur ces bya ba ni rang gi nus pa dang bral ba yin pa de'i phyir 'di la yang dag pa'i dran pa med pa yin no/ /rgas pa zhes bya ba ni rnyings shing rgas pa'i gnas skabs thob pa'i sgo nas dran pa'i nus pa zil gyis gnon pa'i nus pa gang la yod pa de la de skad ces bya'o/ /gsar bu dang ni bdag mi mtshungs zhes bya ba ni bdag dge slong gsar bu dag dang lhan cig sems 'dra ba'i sgo nas mnyam por gyur pa ma yin pa'o/ /sgong skyes ni bya yin no/ /gnas dang ldan zhes bya ba ni gcig pu gnas dang ldan pa'o/ /grogs po mngon par 'das gyur cing zhes bya ba la sogs pa la/ grogs po ni 'dir shA ri'i bu dang maung+gal gyi bu chen po la sogs pa nyan thos chen po chen po yin par rig par bya ste/ nyan thos chen por lung bstan pa nyid du mtshungs pa nyid kyi phyir ro/ /gzhan mdza' bo yang nyen zhing mnyen pa'i dgra bcom pa dag yin par rig par bya'o/ /de 'dra'i grogs ni yod pa min zhes bya ba ni ji ltar de dag yod pa de 'dra ba gcig kyang yod pa ma yin no/ /ji ltar bsam gtan thob pa'i dran pa yis zhes bya ba la bsam gtan thob pa ni bsam gtan thob pa ste/ nyams su myong ba'i yul dran par gyur pa la rtse gcig tu gyur pa zhes bya ba'i bar du'o/ /dran pa de gtso ba'i 'jug pas tshogs de la de'i tshe gcig pu bya ba byed pa de bzhin du 'phags pa kun dga' bo gcig pu lhag par gyur pa yin no/ /dri ma bral zhes bya ba la sogs pa la/ de dag ma gtogs pa bdag gcig pu lhag mar gyur pa'o/ /de dag khyad par ji lta bu gcig ce na/ smras pa/ dri ma bral nas zhes bya ba ni nyon mongs pa'i dri ma ma lus par spangs pa'o/ /zhi bar 'gro ba ni nye bar zhi ba thob par gyur pa'o/ /'gro ba dag la shes rab kyi snang ba rtsol bar mdzad pa nyid kyi phyir 'gro ba'i sgron ma ste ma gtogs pa'o/ /gti mug kho na mun pa yin pas na gti mug pa ste/ yang dag pa'i dngos po mthong ba la sgrib par byed pa nyid kyi phyir ro/ /gti mug gi mun pa kho na rab rib yin te/ de bsal ba gang yin pa de dag ni gti mug rab rib bsal ba ste/ de ma gtogs pa'o/ /yon tan chen po nyid dang ldan pa'i phyir chen po ste/ de ma gtogs pa'o/ /tshad med pa'i 'dul ba gang dag yin pa de dag ni tshad med 'dul ba ste/ 'dul ba'i sgras ni 'dir 'dul ba'i skye bo las gdags pa yongs su gzung ba yin no/ /ci dang 'dra bar zhe na/ dgon pa'i mchod rten nags kyi shing 'dra bar zhes bya bar smras te/ ji ltar dgon pa'i mchod rten gyi shing nags kyi shing de dang 'dra bar dgra bcom pa dag ma gtogs par gcig pu lhag mar gyur pa'o/ /gong bu'i tshul du shing gi rtsa ba'i phyogs su so phag gis brtsigs shing dbyibs su byas pa ni mchod rten gyi shing zhes bya zhing/ nags kyi shing ni so phag gi bya bas stong pa'o/ /mtshan dang mi ldan pa zhes bya ba ni skyes bu chen po mtshan sum cu rtsa gnyis dang bral ba'o/ /sangs rgyas dang 'dra bar skye bo mdza' med par 'dul bar byed pa'i phyir dang sangs rgyas dang 'dra bas na sangs rgyas so/ /bcom ldan 'das kyi sras po 'di zhes bya ba la sogs pa la/ bcom ldan 'das de sangs rgyas kyi sras yin pas na sras so/ /rjes su skyes pa zhes bya ba ni bcom ldan 'das kyi dus su 'byung ba nyid kyi phyir rjes su skyes pa zhes bstan to/ /mngon par skyes pa ni yon tan dag gi sgo nas bsngags pa nyid kyi phyir ro/ /dam pa'i chos kho na mdzod yin to/ /de yongs su bsrung ba de la bdag gi blo nges pa ste/ nges pa dang ldan pa gang la yod pa de la de skad ces bya'o/ /srid pa 'grog par byed ces bya ba ni nye bar len pa'i phung po lnga 'jig par byed pa'o/ /nyon mongs pa'i dri ma dang bral ba nyid kyi phyir de'i blo rnam par dag pa'o/ /mngon du zhes bya ba ni mngon du phyogs pa'o/ /thub pa 'di ni zhes bya ba la sogs pa la/ nyon mongs pa'i brjod pa ma lus pa las nye bar log pa'i phyir thub pa'o/ /mya ngan ni skye bo mdzad pa dang bral ba las skyes shing nyon mongs pa las gyur pa'i yid kyi gdung ba'o/ /mya ngan kho na mun pa yin no zhes bya ba'i dbang du byas nas nyon mongs pa nye bar zhi ba'i thabs ston par mdzad pa nyid kyi phyir mya ngan mun pa bsal ba'o/ /yang na mun pa ni mi shes pa yin no/ /skye bo mang po ni skye bo chen po'o/ /rjes su brtse ba'i sgras ni 'dir phan 'dogs pa brjod pa yin no/ /srid pa gsum na gnas pa dag la bla na med pa'i ye shes kyi snang ba mdzad pa de nyid kyi phyir sgron ma bcom ldan 'das de bcom ldan 'das de'o/ /'dab ma brgya pa ni pad+ma yin la kha bye ba ni rgyas pa yin te/ pad+ma'i 'dab ma dang 'dra bar yangs shing rgya che ba'i spyan gang la/ mda'? ba de ni spyan langs 'dab ma rgyas pa kha byed can no/ /khyed la bdag cag skyabs su mchi ba ni khyod kho na skyabs su gyur pa'o/ /zhi bar gshegs pa ste/ gal te rab tu zhi bar gshegs na de ni bdag gi don te bdag gi dpal du gyur pa'i phyir ro/ /sku ni lus te bdag gi yul 'dir dong zhig pa yin no/ /gnas brtan kun dga' bos sems bskyed pa zhes bya ba ni 'jig rten pa'i sems te/ nyan thos chen po dag ni bde bar gshegs pa dang 'dra bar 'jig rten pa'i sems bskyed pa yin no/ /lam med pa zhes bya ba ni phyi rol tu 'jug pa dang bral bas rab tu byung zhing bsnyen par rdzogs pa'i las byed du rung ba'o/ /drang srong dang 'khor lnga brgya po de dag rab tu byung ba zhes bya ba'i tshig 'di las chu'i dbus su nyi ma du ma'i gnas skabs yod par shes par bya ste/ gang gi phyir nyi ma gcig la lnga brgya po dag rab tu byung zhing bsnyen par rdzogs par bya bar nus pa ma yin te/ de dag gsol ba dang bzhi'i las kyis bsnyen par rdzogs pa nyid kyi phyir ro/ /gsum po dag las kyi tshig gcig gis bsnyen par rdzogs pa na yang re lde la sogs pas mtshams bzhi mnan te/ bsnyen par rdzogs par byed na yang nyi ma gcig gis lnga brgya po dag gi bsnyen par rdzogs par bya bar nus pa ma yin no/ /tshur sbyon tshur spyon zhes bya ba ni thag nye ba 'dir shog cig shog cig pa'o/ /chu dogs gnyis nas skye bo'i 'jug pa de lta bu thos nas 'phags pa kun dga' ba'i lus tha dad pa blo ste sems su byed pa sngon gyi las kyi rnam par smin pa las grub pa'i phyir sngon gyi lus zhes bstan to/ /de dum bur chad pa ni rnam pa gnyis su byas pa'o/ /ye shes kho na rdo rje yin la de nyid mi shes pa 'joms par byed pa nyid kyi phyir rnon po yin no/ /shin tu 'jigs pa skye ba nyid kyis rnam par 'khrugs pa ni gdug pa yin no/ /de nas klu zhes bya ba la sogs pa la klu dag gis rdul gyi char phab par gyur pa gang yin pa de'i tshe/ 'phags pa byams pa la snyoms par zhugs pa'i mthus lus la ma tog rnam pa sna tshogs pa'i char 'bab pa yin no/ /mda'i char phab pa yang gnas te/ mal la me tog gi dra ba rnam par gnas pa yin no/ /ri'i rtse mo klus 'phangs pa dag kyang nam mkha' la gnas pa nyid du 'jig par 'gyur ba de'i phyir 'di skad du ri'i rtse mo de yang ni zhig par zhes bya ba gsungs so/ /dpe ni gangs ri'i rtse mo mthon po la sogs pa smos pa yin no/ /med mi tshig ces bya ba ni gnas pa rnyed pa 'am 'jug pa 'byung par mi 'gyur ro/ /lung pa dgu'i nang zhes bya ba ni rtsa ba'i yul la 'phags pa des skyil mo krung bcas pa dang/ logs gnyis kyi lung pa dgu'i nang non pa yin te/ dgu phrag gnyis la bco brgyad du 'gyur bas dgu po spyil lung pa dgu'i nang zhes bstan pa yin te/ ro bo'i yul brgyad kyi sgo khyab par byas zhes bya ba'i bar du'o/ /lo stong gi bar du zhes bya ba ni gnas brtan gyis lo stong gi bar du bstan pa nyams pa med cig ral bar gnas par 'gyur ro zhes mngon par dgyes pas bstan pa yin la/ klus kyang ji srid bstan pa gnas par 'gyur ba de srid du khas blangs pa de'i phyir klu dag gis khas blangs pa yin no/ /rung ba ma yin pa'i zhes bya ba ni dge slong dang tshul 'dra ba ma yin pa dang/ 'dul ba dang 'gal pa'o/ mdo sde'i mtshan nyid dang 'gal ba nyid kyi phyir mdo sde dang 'gal ba'o/ /de dang 'dra bar 'dul ba dang 'gal ba'o/ /ston pa'i bstan pa la yang med ces bya ba ni bcom ldan 'das kyis gsungs pa'i spong ba'i rim pa dang bral ba'o/ /mdo sde la mi 'jug ces bya ba ni mdo sder gsungs pa'i mtshan nyid dang 'dra ba med pa'o/ /'dul ba la mi snang zhes bya ba ni 'dul ba de dang 'gal ba'i mtshan nyid srid pa'i phyir ro/ /chos nyid dang yang 'gal zhes bya ba ni rten cing 'brel par 'byung ba chos nyid dam chos mngon pa dang 'gal ba'o/ /kun tu spyod pa ni sbyor ba'i gnas skabs yin la lhag par spyod pa ni dngos gzhi'i gnas skabs yin no/ /ji srid du dge slong dag gis ji ltar las su bya ba de phyin ci log tu byas pa'i phyir chos ma yin pa'o/ /thams cad mtshams su ma lhags shing ma 'dus par las byas pa'i phyir las nyams pa yin no/ /las kyi rtsom pa rdzogs nas hu lu hu lu'i sgra brjod pa de'i phyir hu lu hu lu'i rung ba yin no/ zhes bstan te sgra 'di brjod pa na bdag nyes par 'gyur ba ma yin no zhes dgongs so/ /yi rang ba'i rung ba zhes bya ba la yi rang ba ni kun tu spyod par rab tu grags pa yin no/ /sa rko ba de ni rab tu grags pa yin te/ 'di byas na srog gcod par mi 'gyur te/ 'byung po'i grong 'jig par 'gyur ba yang med do snyam pa'i rung ba 'dis rgol bar byed do/ /dus su rung ba dag lhan cig bsres nas dus ma yin par longs spyod pa ni lan tsha rung ba'o/ /spubs khar bcug nas bzhibs pa'i tshul gyis chang 'thung ba ni lce 'us bzhibs te chang 'thung ba'o/ /'bras bu chen po zhes bya ba la sogs pa la/ tshe ba'i 'bras bu cher 'byin pa'i phyir 'bras bu chen po yin la/ nad med pa'i 'bras bu grub pa nyid kyi phyir phan yon che ba yin zhing/ 'dod pa'i dngos po dang phrad pa'i 'bras bu 'byin pa'i phyir gzi che ba yin no/ /phun sum tshogs pa 'byin par byed pa'i phyir rgya chen por gyur pa yin/ /rnam par thar pa brgyad bsgom zhing zhes bya ba ni rnam par thar pa brgyad bsgom pa'i rang bzhin can yin te/ dgra bcom pa kun ni rnam par thar pa brgyad po thams cad bsgom pa'i ngang tshul can ma yin pa de'i phyir de skad du bstan to/ /thag nye bar byas pa yongs su spangs pa'i phyir bya ba nyung ba la'o/ /ma thob pa'i bya ba'i yongs su bsngags pa'i phyir bya ba nyung ba la gnas pa'o/ /rgyas par smras pa zhes bya ba ni ji ltar de'i rnyed pa skyes par gyur pa de ltar ro/ /bslab pa'i yul la lhod pa ste 'jug pa lhod pa des lus la sogs pa'i kun tu spyod pa 'phel zhing rgyas par gyur pa gang yin pa de ni bslab pa la lhod pa rab tu 'phel ba'i kun tu spyod pa des so/ /rung ba ma yin pa nyid kyi phyir dge sbyong ma yin pa'o/ /'phags pa'i lam dang rjes su mthun pa ma yin pa nyid kyi phyir mi mthun pa'o/ /rab tu byung pa dang rjes su mi mthun pa nyid kyi phyir mi mdzes pa'o/ /ma 'ongs pa kho na zhes bya ba ni snga ma thob par nub par byas pa'o/ /gnas par bya ba ma yin pa zhes bya ba ni dge slong gi bya ba la sogs pa'i las las phyi rol tu gyur pa'o/ /chad pas bcad pa zhes bya ba ni phyogs btsal ba'i sgo nas rtsod pa byed pa'o/ /ji ltar rtsod pa smra ba dag ces bya ba ni tshig gi sgo nas thag nye bar dam bca' ba 'jog pa dag go / bags kyis zhes bya ba la sogs pa la/ bags kyis bya ba lus la sogs pa'i nyes par spyad pa gang yin pa rigs par byed cing de la rtsol bar 'gyur ro/ /rings par bya ba lus la sogs pa'i legs par spyad pa bags kyis byed cing rtsol bar mi byed do/ /tshul bzhin byed pa rnam par spangs zhes bya ba ni 'phags pa'i lam tshigs dang bcas pa yongs su spangs nas so/ /byis pas sdug bsngal lhag par rnyed ces bya ba ni bsam pa ngan pas sems la nyes par smra ba smra zhing nyes byas kyi las byed pas na/ byis pa zhes bya ba'i dbang du byas nas thos par gyur pa'o/ /grags min zhes bya ba la sogs pa ni go sla'o/ /lus la sogs pa'i legs par spyad pa 'am/ lam bsgom pa'i las la myur ba dang/ bya ba ma yin pa'i bsam pas lus ma yin pa la 'gor ba de nyid blo dang ldan pa'o/ /tshul bzhin ma yin pa 'khor bar 'jug pa'i lam de rab tu spangs pas mya ngan las 'das pa'i bde ba rnyed par 'gyur ro/ /ming tha dad par gzung ba ni ming nas phyung ba ste/ dgra bcom pa bdun brgya'i ming re re nas gzung ba zhes bya ba'i bar du'o/ /cher 'khrugs par 'gyur zhes bya ba ni ming mang pa smas? pa las rnam par 'khrugs par 'gyur ro/ /'dul ba 'dzin pa ni gzhung dang don gyi sgo nas 'dul ba 'dzin pa'o/ /mang du thos pa ni bstan bcos gzhan la mkhas pa'o/ /gzhan zhig ni gtso bo'i sgo nas khyad par du 'phags pa'o/ /dbang po dul ba ni mig la sogs pa'i dbang po dul ba'o/ /nyon mongs pa ma lus par spangs pa'i phyir the tshom chod pa'o/ /nyes par byed pa'i rgyu nyon mongs pa med pa'i phyir 'gyod pa bcad pa'o/ /'dun khang nas byung bya ba ni dge 'dun gyi tshad kyi dge slong mtshams kyi phyi rol tu byung nas las de la tshe dang ldan pa ku ba che? so ma la rnam par gsal bar bsam pa yin te/ dge slong mang po dag phyag byed par gyur pa na dus ring po 'das par gyur pa de'i phyir phyi rol gyi mtshams su dge slong dag 'gro ba yin no/ /yangs pa can pas kun tu brtags pa'i bzhi bcu bkag nas 'dul ba'i sde snod dang mdo sde dang/ chos mngon pa'i sde snod yang bsdus pa de bas na dgra bcom pa 'dun brgyas yang dag par bsdus pa zhes bya ba'i ming du btags pa yin te/ dgra bcom pa bdun pa rgyas bsdus pa nyid kyi phyir ro/ /slob dpon tshul khrims bskyangs kyis sbyar ba phran tshegs kyi tshig gi rnam par bshad pa las sgo brgyad pa'o// //de nyid rnam par 'byed par nus pa'i blo ldan mkhas pa bstan sna tshogs don 'brel ba'i/ /kha na ma tho med pa'i bshad pa byed par mkho ba'i nus pa gang de dag /dge slong tshogs ni bstan bcos mnyan phyir mngon par sbyor ba dang bral phyin ci log pa la/ mngon par sbyor la dga' bar shes nas de nyid brjod par gyur la da lta gus ma skyes/ /de phyir bdag ni de nyid kha na ma tho med pa brjod la goms chung nus med kyang/ /rgyal ba'i thugs la bltos nas mnyam pa ma yin kha bzo byed bar yang dag brtson gyur te/ /shin tu blo dman bdag gis 'dir ni don gang go rim bzhin du yang dag sbyar ba min/ /gang zhig phal mdzes pa yi sgra yis stong par gyur pa nga yi rgyun ni bkod pa yin/ /ngan ba dman pa can dang bstan bcos yul gyi bya ba dag gis stong par gyur pa dang/ /sgra dang lung la lus pa med pa'i bdag gi tshul min 'di la bla mas bzod pa mdzod/ /'dir ni legs pa'i don can dag gang mdzes par gyur dang mdzes pa'i sgra ldan gang de dag / kun kyang bla ma'i nus pa yin phyir ngan pa gang yin de ni bdag blo rmongs pa'i yin/ /bstan bcos kun don la mkhas pa'i/ /bla ma chos mchog las thos nas/ /phra mo yi ni 'grel pa 'di/ /tshul khrims bskyabs kyis byas pa yin/ /de ltar rdzogs sangs rgyas gsungs pa/ /phra mo'i don 'di rab bshad las/ /bsod nams byung ba gang yin des/ /'gro bas tshul khrims bskyangs thob shog /bdag ni 'di nas 'phos par gyur nas 'dis byams pa'i zhabs drung nyid du skye gyur cig / de nyid du ni mi lus thob gyur phyis/ /byang chub mchog der lung bstan bdag goms shog /sbyin sogs pha rol phyin drug rdzogs byas nas/ /rdo rje'i gdan thob bdud las rgyal gyur cig /'gro ba'i mchog gyur sangs rgyas nyid thob nas/ /bdag gis 'jig rten phan bya don byed shog /lung phran tshegs kyi rnam par bshad pa/ slob dpon tshul khrims bskyangs kyis mdzad pa/ rdzogs so// //rgya gar gyi mkhan po sh+rI bud d+ha shAn+ti dang/ lo tsA ba dge slong dge ba'i blo gros kyis bsgyur ba'o// (//'dul ba lung bla ma'i bye brag lung zhu ba'i 'grel pa dge ba'i bshes gnyen bzhugs/) /gal te 'o na ji ltar bsnyen par rdzogs pa'i gnas skabs na sbyor bar byas pa tsam gyi dbang gis dge tshul gyi gnas skabs na sbyor ba med pa ltung bar 'gyur ro na/

CLOSE WINDOW