བོད་ཡིག

e-texts based on the ACIP/ALL Input

bi na ya bi b+hang+ga pa da byA khyA na/ bod skad du/ 'dul ba rnam par 'byed pa'i tshig rnam par bshad pa/ bam po dang po/ /dkon mchog gsum la phyag 'tshal lo/ /thub pa srid rgyun thams cad bral la phyag 'tshal te/ rnam par 'chad don yid ldan rnam par 'byed pa yi/ /yul la bstod pa nyams pas yid kyi gegs skyes pa/ /yang dag rnam bshad tshul gyis zhi ba thob par bya/ /slob ma gus par byas te 'dul ba nyan pa la nges p ar sbyor bar 'dod pa zhig gis gus pa bskyed pa'i phyir 'dul ba'i yon tan brjod pa ni rnam par 'byed pa'i dang por 'dul ba la bstod pa/ /'dul ba rgyal po rje'i rigs su 'khrungs/ /slob ma 'dul mdzad nyes pa rab thul ba/ /sangs rgyas 'dul ba'i gtso la phyag 'tshal te/ /'dul ba'i bsngags pa cung zad brjod par bya/ /zhes bya ba la sogs pa brtsams so/ /de la 'dul ba'i yon tan dag ni brjod par bya'o/ /de rtogs pas 'dul ba la gus pa ni dgos pa'o/ /gus pa de yang bstod pa 'dis byed pas thabs dang thabs las byung ba'i tshul ni 'brel pa'o/ /'dul ba la gus pas zhugs pa'i tshul khrims yongs su dag na 'phags pa'i lam bsgoms pas mya ngan las 'das pa thob pa ni dgos pa'i yang dgos pa'o/ /de la 'dul ba zhes bya ba ni rang gi chos lugs la gnas pa dag go /rgyal po zhes bya ba ni mi'i bdag po dag go /de dag ni dul ba yang yin la rgyal po yang yin pas dul ba rgyal po dag go / de dag gi rje zhes bya ba ni rje bo dag ste/ dul ba rgyal po dag gi rje dpon mang pos bkur ba la sogs pa 'khor los sgyur ba dag go / de dag gi rigs zhes bya ba ni rigs rgyun ma chad pa ste/ dul ba rgyal po dag gi rje'i rigs shAkya'i rigs brgyud do/ /der 'khrungs zhes bya ba ni skyes pa ste/ gdul ba'i don du gshegs shing dul ba rgyal po dag gi rje'i rigs su 'khrungs pa'o/ /dul ba rgyal po dag gi rje'i rigs su 'khrungs pa de la phyag 'tshal te zhes bya bar sbyar te/ de gang zhe na/ 'og nas sangs rgyas zhes 'byung ba dang sbyar ro/ /de ji ltar sangs rgyas yin zhe na/ don dang mthun pa'i mtshan bstan pa'i phyir slob ma 'dul mdzad nyes pa rab thul ba/ zhes bya ba gsungs te/ gang gi slob ma rnams dngos po thams cad kyi mchog khyad par du 'phags pa mya ngan las 'das par khrid par mdzad/ thob par mdzad pa de ni slob ma 'dul ba mdzad ces bya'o/ /gang gis rgyud la kun tu spyod pa'i dri ma dang rnam par smin pa'i dri ma skyon chags p ar byed pa nyes pa 'dod chags la sogs pa mchog tu rab tu gzhig par gyur cing rang gi rgyud la bag chags dang bcas pa bsal bar gyur phyung bar gyur pa de ni nyes pa rab tu thul ba zhes bya ste/ da lta bu de la phyag 'tshal te zhes bya bar sbyor gyi thams cad la ni ma yin no/ /de la nyes pa rab thul ba zhes bya ba nyid kyis ni nyon mongs pa bag chags dang bcas pa spangs pa thun mong ma yin pa nye bar bstan nas gti mug gi gnyid ma lus pa dang bral ba'i phyir sangs rgyas nyid bdag la phan pa phun sum tshogs pa ston to/ /slob ma 'dul mdzad ces bya ba nyid kyis ni dngos po thams cad nges par thugs su chud pa'i phyir sangs rgyas nyid gzhan la phan pa phun sum tshogs pa bstan te/ 'di ltar thams cad mkhyen pa ma yin pas na rang dbang nyid kyis 'dul ba'i don thams cad ji lta ba bzhin du bsgrub par mi nus te/ de la nye bar sbyar ba'i don rnams rnam pa thams cad du khong du ma chud pa'i phyir ro/ /de ltar bdag la phan pa phun sum tshogs pa dang/ gzhan la phan pa phun sum tshogs pa dang ldan pa de gang zhe na/ de'i phyir sangs rgyas zhes bya ba gsungs te/ don thams cad nges par thugs su chud pa'i phyir ram/ nyon mongs pa bag chags dang bcas pa'i gnyid thams cad dang bral ba'i phyir bcom ldan 'das ni sangs rgyas zhes bya ste/ de la phyag 'tshal te zhes bya bar sbyar ro/ /de la phyag 'tshal te ci zhig brjod par byed ce na/ 'og nas 'dul ba'i bsngags pa cung zad brjod par bya zhes 'byung ba brjod par bya'o/ /'o na rang dbang nyid kyis 'dul ba'i bsngags pa brjod par bya ba la/ ci'i phyir sangs rgyas bcom ldan 'das la phyag 'tshal te/ 'dul ba'i bsngags pa rjod par byed ce na de'i phyir 'dul ba'i gtso zhes bya ba gsungs te/ 'di ltar sangs rgyas bcom ldan 'das de ni 'dul ba 'di'i gtso bo dngos yin te/ 'jug par mdzad pa yin pa'i phyir ro/ /de'i phyir de la phyag 'tshal te 'dul ba'i bsngags pa brjod par bya'o zhes bya ba sbyar ro/ /'dis ni ston par mdzad pa nye bar bstan nas 'dul ba la slob ma dad pas rjes su 'brang ba rnams kyis gus pa skyed par byed do/ /de ltar dul ba rgyal po dag gi rje'i rigs su 'khrungs pa/ slob ma rnams 'dul bar mdzad pa/ nyes pa rnams rab tu thul ba'i sangs rgyas 'dul pa'i gtso bo de la phyag 'tshal te zhes bya ba ni lus dang ngag dang yid dag gis phyag 'tshal ba'o/ /te zhes bya ba'i sgra ni brjod par bya zhes 'og nas 'byung ba de bya'o zhes dam bcas pa la bltos pa'i tshig yin no/ /de ltar sangs rgyas bcom ldan 'das la phyag 'tshal te ji zhig rjod par byed ce na de'i phyir 'dul ba'i bsngags pa cung zad brjod par bya zhes bya ba gsungs te/ bsngags pa brjod par bya'o zhes bya bar sbyar ro/ /gang gi bsngags pa zhe na/ de'i phyir 'dul ba'i zhes bya ba gsungs te/ gang gis slob ma rnams mya ngan las 'da' bar 'gro ba'i tshogs la bye brag tu 'khrid cing slob par byed pa de ni 'dul ba zhes bya'o/ /de'ang bya ba dang bya ba ma yin pa nye bar ston pa'i gzhung stong phrag brgya pa'i tshad la bya ste de'i'o/ /de'i bsngags pa zhes bya ba ni de bsags par? bya ba yin pas bsngags pa ste yon tan no/ /ci de'i bsngags pa thams cad brjod par byed dam zhe na/ de'i phyir cung zad ces bya ba gsungs te/ bdag nyid rang gi thos pa dang bsam pa gang yin pa de'i phyogs 'ga' gyur pa'i bsngags pa brjod par bya'o/ /thams cad ni ma yin te/ de'i rnam pa thams cad ni bdag dang 'dra ba dag gis brjod par mi nus so snyam du sems so/ /de ltar na 'dir spyi'i don 'di yin te/ slob ma rnams gus pa bskyed par bya ba'i phyir dang/ gdul ba'i bya ba bsgrub pa'i phyir sangs rgyas bcom ldan 'das 'khor los sgyur ba'i rigs su gshegs pa/ bdag dang gzhan la phan pa phun sum tshogs pa bla na med pa rjes su bsgrubs pa 'dul ba ston par mdzad pa la phyag 'tshal te/ 'dul ba smra bar 'dod pa'i yon tan rang gi blo dang mthun pa cung zad cig brjod par bya'o zhes bstan to/ /ci'i phyir bsngags pa brjod par mi byed ce na/ de'i phyir pha rol ma mthong gting rtogs ma gyur cing/ /glags pa'i mun nag slob dpon tshogs rnams kyi/ /dbye bas tha dad 'dul ba rgya mtsho la// yon tan kun bstod rtsol blo bdag la med/ /ces bya ba gsungs te/ gang gi phyir bdag gis 'dul ba rgya mtsho 'di'i pha rol mya ngan las 'das pa'i 'gram gnyis pa ma mthong la/ bdag gis 'di 'jug par mdzad pa de bzhin gshegs pa'i dgongs p a'i gting rtogs par ma gyur cing ngo bo nyid kyis kyang 'khor lo lta bu'i 'dres pa la sogs pa'i dga' blong dag gis glags pa'i mun nag la rnam par bshad pa byed pa'i slob dpon gyi tshogs rnams kyi blo'i dbye bas rnam pa sna tshogs tha dad par gyur pa de'i phyir 'dul ba rgya mtsho lta bu 'di la yon tan kun gyis bstod par rtsol zhing 'bad pa'i blo gros bdag la med pas des na bsngags pa cung zad brjod par bya'i thams cad na ma yin no zhes bya ba'i tha tshig go / 'o na 'dul ba'i bsngags pa de smos shig ce na/ de'i phyir/ ji ltar 'di na shing rtsa gtso bo ste/ /rnam par 'phel dang kun 'dzin gnyis kyi gzhi/ /de bzhin dam chos tshogs rnams kun gyi yang/ /rgyu dang bcas pa 'dul ba yin par gsungs/ /zhes bya ba gsungs te/ /de la rnam par 'phel dang zhes bya ba ni khyad par du 'phel ba ste/ yal ga dang yal ga gyes pa la sogs pa skye ba'o/ /kun 'dzin ces bya ba ni chung mi za ba'o/ /rnam par 'phel dang kun 'dzin pa ni gnyis te/ de gnyis kyi gzhi zhes bya ba rgyu'i gtso bo ni rtsa ba yin no/ /dam chos zhes bya ba ni mdzes pa'i chos ni don ji lta ba bzhin du nye bar bstan pa'o/ /de'i tshogs zhes bya ba ni 'dus pa ste/ mdo sde dang chos mngon pa la sogs pa'o/ /dam pa'i chos kyi tshogs de rnams kun gyi rnam par 'phel dang kun 'dzin pa'i rgyu dang rtsa ba yang 'dul ba yin par bdag nyid chen po rnams gsung ngo/ /'di skad bstan te/ ji ltar 'jig rten 'di na shing n+ya gro d+ha la sogs pa bzhing ljon pa'i rtsa ba sa'i nang du song ba'i spubs na shing ljon pa rnam par 'phel ba dang kun 'dzin pa gnyis kyi gzhi zhes bya ba rgyu'i gtso bo dang rgyu dngos yin te dang po'i rgyu yin pa de bzhin du thub pa'i dbang po'i gsung rab 'di dag thams cad kyi rgyu dang rtsa ba yang 'dul ba'i sde snod yin par gsungs te/ 'di ltar 'dul ba'i sa gzhi dag la dam pa'i chos kyi shing ljon pa rnams kyi bsam gtan dang gzugs med pa dang dge sbyong gi tshul gyis 'bras bu la sogs pa rnam par 'phel ba dang ma nyams pa'i dge slong nyid kyi mtshan nyid kun 'dzin pa dag 'dul ba'i rten gyis 'byung ba'i phyir ro/ /ji ltar sa ni skye dgu rnams kyi gzhi/ /de las 'bru rnams skye bar 'gyur ba ltar/ /de bzhin 'dul ba 'ang sdom brtson rnams kyi gzhi/ /de bzhin de las bsod nams rnams kyang skye/ /zhes bya ba ni ji ltar sa gzhi la brten te skye dgu sems can du bgrang ba gzugs can gyi dngos po rnams gnas par 'gyur ba dang til dang gro la ba sogs pa 'bru'i bdag nyid kyi 'bras bu rnams skye zhing 'byung bar 'gyur ba de bzhin du 'dul ba la brten te sdom brtson dge slong dang dge tshul la sogs pa rab tu byung ba rnams kyang gnas par 'gyur te/ des sdom pa skye ba dang yongs su srung ba dang legs par sbyor ba'i phyir ro/ /byams pa bsgom pa la sogs pa dge ba'i chos bsod nams rnams kyang skye bar 'gyur ba'o/ /ji ltar 'dul ba dang chos 'thun pa nyid yin zhe na/ de'i phyir tshul khrims yon tan rnams kyi gnas su dgongs/ /de yi gnas ni 'dul ba yin par gsungs 'di la gnas par gyur na mthar phyin 'gyur/ /'di la mi gnas mthar phyin ga la 'gyur/ /zhes bya ba gsungs te/ 'di ltar de lta bas na tshul khrims 'di dag kun tu bsten cing goms par byas lan mang du byas na mchog nyid thob par byed do zhes gsungs pas tshul khrims ni bsam gtan la sogs pa yon tan thams cad kyi gnas dang rten yin par de bzhin gshegs pa rnams kyis dgongs pa/ tshul khrims de'i gnas ni 'dul ba yin par gsungs te/ des de'i rnam pa thams cad nye bar ston pa'i phyir ro/ /de lta bas na 'dul ba ni sa dang chos mthun pa nyid yin no/ /de'i phyir phan yon dang nyes dmig kyang 'di lta bur 'gyur te/ gang 'dul ba 'di la gnas par gyur cing/ ji lta ba bzhin du rjes su sgrub par byed pa de ni nye ba'i phyir mdza' mya ngan las 'das par phyin par 'gyur bar shes par bya'o/ /gang 'dul ba 'di la mi gnas shing thams cad ji lta ba bzhin rjes su sgrub par mi byed pa des ni re zhig mdza' las 'das par phyin par ga la 'gyur te/ sdig pa'i las bshags pa la sogs pas mya ngan las 'das par 'gro ba'i las bsags pa'i phyir ro/ /gzhi nyid kyis 'dul ba la bstod nas/ /da ni bsrung ba nyid kyis bstod par byed de/ ji ltar chu lon mi byed sra ba yis/ /chu klung che yang zlog par 'gyur ba ltar/ /de bzhin 'dul ba 'phags pa'i chu lon 'dis/ /tshul khrims 'chal ba'i chu klung zlog par 'gyur/ /zhes bya ba ni ji ltar chu lon mi phyed pa sra ba bcas na chu klung chen po yang zlog par 'gyur zhing phyir bsgyur bar byed pa de bzhin du 'dul ba 'phags pa bstod par 'os pa chu lon lta bu 'dis kyang tshul khrims 'chal ba'i chu klung zlog par 'gyur zhing phyir sgyur bar byed de/ 'di ltar tshul khrims 'chal ba'i rgyur 'gyur ba bud med la lta ba la sogs pa zlog par byed pa de las byung ba'i tshul khrims 'chal pa la ni sbyong pa ston par byed pa'i phyir ro/ /da ni byang chub gsum gyi tshogs nyid kyis 'dul ba la bstod pa'i phyir/ sangs rgyas rnams dang rang rgyal rnams kyis kyang/ /byang chub gang rnyes thub slob rnam dag pa'i/ /sems can dgra bcom yon tan ldan pa rnams/ /de la rgyu ni 'dul ba yin par gsungs/ /zhes bya ba gsungs te/ sangs rgyas bcom ldan 'das rnams kyis bla na med pa'i byang chub brnyes pa gang yin pa dang/ rang rgyal rang sangs rgyas rnams kyis byang chub brnyes pa gang yin pa dang/ thub pa bcom ldan 'das kyi slob ma rnam par dag pa'i sems can dge ba'i tshogs bsags pa rnams dgra bcom pa'i yon tan dang ldan pa dgra bcom pa'i 'bras bu 'khor dang bcas pa dang ldan par gyur pa 'phags pa shA ri'i bu la sogs pa de la yang thams cad du rgyu ni 'dul ba yin par gsungs te/ des tshul khrims la brten te lam bsgom pa'i phyir ro/ /da ni bstan pa gnas pa'i rgyu nyid kyis bstod par byed do/ /ji srid 'gro 'dir rgyal ba thams cad kyi/ /mdzod mchog 'dul ba rdzogs pa 'di gnas pa/ /de srid chos sgron 'di ni gnas 'gyur zhing/ /bzlog par gyur na zhi ba thob par 'gyur/ /zhes bya ba la/ rdzogs pa'i zhes bya ba ni tshang ba ste/ gsol ba dang las la sogs pa la 'jug nus pa'o/ /de srid chos sgron 'di ni gnas 'gyur zhing/ /zhes bya ba'i sgra ni nges par bzung ba'i don to/ /des 'dir don du na dus ji srid du 'gro ba 'jig rten 'dzam bu'i gling 'dir rgyal ba thams cad kyi dam pa'i chos kyi mdzod kyi mchog 'dul ba rdzogs pa 'di gnas par 'gyur ba'i dus de srid kho nar de bzhin gshegs pa'i dam pa'i chos kyi sgron ma lhag ma 'di yang gnas par 'gyur zhing/ de las bzlog par gyur pa 'dul ba rdzogs par nub par gyur na dam pa'i chos kyi sgron mas lhag ma yang zhi ba thob par 'gyur te nub pa kho nar 'gyur ro zhes bya ba'i tha tshig go / da ni dkon pa nyid kyis bstod par byed de/ sangs rgyas mi bzhugs 'jig rten tshigs bcad dang/ /mdo sde'i yan lag de dang de dag spyod/ /bslab 'jug med na 'dul ba'ang med 'gyur bas/ /de phyir rgyal ba dag pas ches 'di dkon/ /zhes bya ba la/ mi bzhugs zhes bya bas na med pa'i don bstan to/ /de dang de dag ces bya ba ni zlos pa'i tshig ste mang pa nyid du bstan to/ /des ni 'di ltar sangs rgyas mi bzhugs su zin kyang 'jig rten 'dzam bu'i gling 'di na/ /'dod pa khyod kyi rtsa ba shes/ /khyod ni kun tu rtogs las byung/ /khyod la kun tu brtag mi bya/ /des na nga la khyod mi 'byung/ /zhes bya ba la sogs pa tshigs bcad de dang de lta bu dag dang/ lha'i mdo la sogs pa mdo sde'i yan lag dam dum mang po de dang de dag spyod pa yod kyis/ /bcom ldan 'das byung du zin kyang bslab pa la 'jug pa med cing bslab pa bca' ba med na 'dul ba'ang med cing spyod par mi 'gyur ba'i de'i phyir rgyal ba sangs rgyas bcom ldan 'das dag pas kyang chos 'dul ba 'di dkon pa yin na mdo sde la sogs pa dag pas dkon pa lta ci smos zhes bya ba'i tha tshig go / da ni dpe'i sgo nas bstod pa'i phyir/ 'jog bral sems glang lcags kyo 'di yin te/ /gdul bya ma thul pa yi srab 'di yin/ /ra ba'i mtshams kyi 'obs dang 'dra ba ste/ /zag pa kun gyi chu lon 'dul ba yin/ /zhes bya ba gsungs te/ de la 'dis sems don rnams la 'jog par byed pas na 'jog pa ni ting nge 'dzin to/ /'jog pa de dang dral ba'i phyir 'jog pa dang bral ba ni mnyam par ma bzhag pa ste/ de nyid sems yin pas 'jog bral sems so/ /de nyid glang po che dang chos mthun pa yid yin te/ 'jog pa dang bral ba'i sems ni glang po che dang 'dra bas 'jog bral sems glang zhes smos so/ /glang po che de gnas ma yin pa las bzlog cing gnas bde bar 'jog par byed pa lcags kyo yin pa dang 'dra bar 'jog pa dang bral ba'i sems glang po che dang 'dra ba de gnas ma yin pa las bzlog cing gnas bde bar 'jog pa'i byed pa'i lcags kyo yang 'dul ba 'di yin te 'dra ba'i phyir ro/ /gdul bya zhes bya ba ni gdul bar bya ba ste rta'o/ /ma dul ba zhes bya ba ni ma bslabs pa ste/ sems kyi rta 'dul bar mdzad pa ma thul ba de 'dul ba'i sras kyi kha lcags dang 'dra ba yang 'dul ba 'di yin te/ phan pa dang gnod pa la 'jug pa dang ldog par byed pa yin pa'i phyir ro/ /ra ba'i mtshams zhes bya ba nir ba phyi'i mtshams te de'i 'obs dang 'dra ba yang 'dul ba 'di nyid yin te/ 'da' ba dang 'da' bar bya ba ma yin pa'i mtshams kyi mu thug pa yin pa'i phyir ro/ /zag pa zhes bya ba ni gang gis 'dzag par byed pa nyon mongs pa rnams dang/ gang nas 'dzag par 'gyur pa lus dang ngag dang yid kyi sgo dag ste/ de dag kun? 'gog pa'i chu lon yang 'dul ba yin te/ 'di ltar nyon mongs pa mngon du gyur pa dag dang/ de las byung ba'i lus dang ngag dang yid kyi las kyang 'dul bas bzlog pa'i phyir ro/ /de ni ston pa dang 'dra ba nyid kyis bstod pa'i phyir/ rgyal ba ston pa de yi bstan bcos dang/ /mdo dang chos mngon yin gsungs 'dul ba ni/ /ston dang bstan bcos dngos yin de yi phyir/ /gnyis gyur phyag byas sangs rgyas chos gcig bzhin/ /zhes bya ba gsungs te/ 'di ltar rgyal ba bcom ldan 'das ni ston pa yin te/ bstan pa thams cad 'jug par mdzad pa'i phyir ro/ /ston pa de'i bstan bcos dag ni mdo sde dang chos mngon pa zhes bya ba'i gzhung gang yin pa de gnyis yin par gsungs te/ de gnyis yongs su smin pa dang rnam par grol bar mdzad pa'i phyir ro/ / 'dul ba ni dngos su ston pa yang yin te/ /de bzhin gshegs pa dang 'dra bar rtag tu rnam par grol ba dang rnam par ma grol ba rnams la rjes su ston pa'i phyir ro/ /bstan bcos dngos kyang yin te/ gzhung gi rang bzhin yin pa'i phyir ro/ /de'i phyir 'dul ba 'di ni ngo bo nyid gcig las gnyis su 'gyur ba yin te/ ston pa dang bstan bcos kyi ngo bo nyid du gyur pa yin pas na 'dul ba 'di ni phyag bya ba'i 'os yin te/ 'di la nges pa kho nar phyag bya ba'o/ /ci zhig dang 'dra bar gnyis su gyur pa yin zhe na/ chos mi mthun par dpe bstan pa'i phyir sangs rgyas chos gcig bzhin zhes bya ba gsungs te/ dper na sangs rgyas bcom ldan 'das dang chos ni ngo bo nyid tha dad ba yin te/ thams cad mkhyen pa nyid yin pa'i phyir na sangs rgyas bcom ldan 'das y in la mya ngan las 'das pa thob par mdzad pa yin pa'i phyir ni chos yin pas de gnyis ngo bo nyid tha dad kyang sangs rgyas zhes bya ba gcig tu 'gyur ba bzhin du 'di ni de las bzlog ste 'dul ba zhes bya ba'i ngo bo nyid gcig pa las de bzhin gshegs pa dang 'dra bar rtag tu rnam par grol ba dang rnam par ma grol ba rnams la rjes su ston pa'i phyir na ston pa yang yin la/ gzhung gi rang bzhin yin pa'i phyir ni bstan bcos kyang yin pas de'i phyir ngo bo nyid gnyis su gyur pa de ni phyag bya ba'i 'os kho na yin no/ /da ni de bzhin gshegs pa bas kyang ches bla ma yin pas na 'di la phyag bya ba nyid du bstan pa'i phyir/ gang la brten te gnas pa'i sangs rgyas rnams/ /de la gus bcas rje sar bcas gyur cing/ /de ni mgon pas mgon yin skyabs gnas yin/ /de phyir rab bsgrims tshul la phyag tshol cig /ces bya ba gsungs te/ 'dul ba gang la brten te gnas shing de dang 'gal ba kun tu mi spyod pas tha snyad mdzad pa'i sangs rgyas bcom ldan 'das rnams 'dul ba de la ngo bo nyid kho nar gus pa dang ldan pa'i sgo nas gus pa bcas pa dang de la 'jig rten gyis smad pa'i dbang gis dgongs pa bstod pa'i sgo nas rjes dang bcas par gyur pa de 'dra ba'i 'dul ba 'di la rab tu bsgrims te phyag 'tshol cig ces bya bar sbyar ro/ /ci'i phyir zhe na/ de'i phyir de ni mgon pas mgon yin skyabs gnas yin zhes bya ba gsungs so/ /gang gi phyir 'dul ba de ni bdag cag gi bla ma mgon po sangs rgyas bcom ldan 'das pas kyang bla ma mgon yin te/ de de la gus pa dang bcas rjes dang bcas pa'i phyir dang 'dul ba de ni skyabs yin te/ khyim yongs su spong ba dang brtul shugs kyi bgo bsha' legs par byed pa'i rgyu yin pa'i phyir dang/ 'dul ba de ni gnas yin te/ brtul zhugs blangs pa rnams la skyob pa dang srung ba dang brtul zhugs kyang yongs su srung bar byed pa de'i phyir rab tu bsgrims la 'dul ba 'di la nges pa kho nar phyag 'tshol cig ces bya ba'i tha tshig go / de ni gnod pa'i rgyu nyid kyis gus pa bskyed pa'i che du bstod pa'i phyir/ gang zhig ston pa thugs rje'i bstan pa la/ /spang bar sems shing cung zad 'da' byed pa/ /de ni de las sdug bsngal gzhan dbang thob/ /smyig tshal bsregs pas a mra'i tshal nyams bzhin/ /zhes bya ba gsungs te/ rab tu byung ba bag med pa dang ldan pa gang la la zhig ston pa bcom ldan 'das thugs rje dang ldan pa phan pa nye bar ston pa'i bstan pa ' dul ba las gsungs pa'i bka' lung la bcas pa'i kha na ma tho ba yang ma yin pas de las 'das na nyes byas la sogs pa'i tsam 'byung bar sems shing rtog pa na don med pa nyid do snyam du blo sngon du gtong zhing cung zad 'da' zhing 'gal bar byed pa'i phyir tu byung ba b ag med pa dang ldan pa de ni bstan pa las 'das pa de las 'jig rten pha rol tu lus dang sems kyi sdug bsngal chen pos gdung bar byed pa sems can dmyal ba'i srung ma la sogs pa dang 'brel pa gzhan la rag las shing gzhan gyi dbang du gyur pa 'thob par 'gyur bas de'i phyir ston pa'i bstan pa rjes su sgrub par bya'o zhes bya ba'i tha tshig go / de nyid dpes bstan pa'i phyir/ smyig tshal bsregs pas a mra'i tshal nyams bzhin zhes bya ba gsungs te/ dper na rgyal po'i a mra'i tshal srung ba'i phyir khor khor yug tu s myig mtshar ma can gyis bskor ba byas pa de mi bag med pa la la zhig gis 'di ni dgos pa med de gyod yang ba yin no snyam du sems shing bsregs pas a mra'i tshal de ba lang dang rta la sogs pa mdza' dag gis zos pa la sogs pas nyams shing gnod par gyur pa na mi de la gzhi des rgyal po 'khros pas chad pa chen po la gtugs pa las byung ba'i sdug bsngal thob par 'gyur ba de bzhin du/ 'dir yang bcas pa'i kha na ma tho ba dang bcas pa smig ma'i tshal lta bu de las 'das shing rang bzhin gyis kha na ma tho ba dang bcas b a a mra'i tshal lta bu de nyams pa na rgyal po bros pa lta bu rgyal ba'i bka' khyad du bsad cing bslab pa dral ba de las rgyal po'i chad pa'i sdug bsngal gzhan gyi dbang du gyur pa 'thob pa lta bu 'jig rten pha rol tu sems can dmyal ba'i srung ma la sogs pa gnod pa'i sdug bsngal chen pos 'thob par 'gyur bas de'i phyir bcas pa'i kha na ma tho ba yang ba smyig ma'i tshal lta bu de nyid la gus pa dang bcas pas bsrung bar bya'o/ /nga ni khyad par du gsod pa'i sems kyis bcas pa'i kha na ma tho ba dang bcas pa las 'das pa'i nyes pa brjod pa'i phyir/ 'di na la las rgyal po'i tshig chen yang/ /bzlas na lan 'ga' chad pa 'thob mi 'gyur/ /thub pa'i bka' lung tshul min 'da' byas na/ /dud 'gror 'gro 'gyur e la'i mdab klu bzhin/ /zhes bya ba gsungs te/ 'jig rten 'di na skye bo la las rgyal po'i tshig chen po yang 'das na lan 'ga' byams pa'i gnas lta bu 'am yul 'grug pa la sogs par 'gyur ba'i gnas skabs na rgyal po'i chad pa 'thob par mi 'gyur ba yang srid kyi/ thub pa b com ldan 'das thugs rje dang ldan pa phan pa mdzad pa bla na med pa'i bka' lung bslab pa tshul ma yin pa khyad du gsod pas bcas pa'i kha na ma tho ba dang bcas pa tsam yang 'da' ba byas na phal cher ngan song gis dud 'gro'i skye gnas su 'gro bar 'gyur bas de'i phyir gus par bya'o zhes bya ba'i tha tshig go / de nyid dpes bstan pa'i phyir/ e la'i mdab klu bzhin zhes bya ba gsungs te/ bcom ldan 'das 'od srung gis dge slong spong pa des 'chag pa'i tshe mgo bo'i steng du shing e le'i mdab mas reg pa ni bcom ldan 'das kyi bka' khyad du bsad de shing e la'i mdab ma de bcad pas gzhi nges dge slong de klu e la'i mdab ces bya bar skyes te/ mgo la shing e la'i drung cig skyes shing de 'gul ba na sdug bsngal gyi tshor ba mi bzad pa rtsub pa tsha ba nyams su myong ste/ de nas rnag dang khrag gi rgyun 'bab pa za su za bar 'gyur ba lta bu dang/ de dang 'dra ba gzhan dag tu yang 'gro bar 'gyur ba'o/ /da ni so so thar pa'i rnam par bshad par gyur pa nyid kyis 'dul ba la bstod pa'i phyir/ so sor thar bya gang yin pa/ /sangs rgyas 'dul ba gangs chen mtsho/ /gting mdza' med pa thams cad kyi/ /gnas pa'i snying dang snying po yin/ /zhes bya ba la sogs pa tshigs su bcad pa drug gsungs so/ /de la don ni 'di yin te/ gang gi phyir so sor thar pa zhes bya ba gang yin pa de ni yon tan dang phan yon du mas yang dag par rgyas pa yin la/ rnam par 'byed pa dang bran tshogs la sogs pa 'dul ba 'di dag thams cad ni so sor thar pa de'i rgya chen po rnam par bshad pa yin par gsungs pa de'i phyir thar par 'dod pa dag gis 'dul ba 'di la gus par byas te mnyan pa la 'bad par bya zhing/ 'dul ba la gus pas mnyan pa'i spro ba brtan par bya'o/ /zhes ston to/ /'o na so sor thar pa zhes bya ba de ji lta bu zhig yin zhe na/ de'i phyir so sor thar bya gang yin pa zhes bya ba la sogs pa gsungs te/ de la sangs rgyas kyis gsungs pa'i 'dul ba gang chen mtsho zhes bya ba rgya mtsho lta bu gang la/ gting zhes bya ba kun nas slong ba dang/ mdza' zhes bya ba 'bras bu ste/ de gnyis dpag tu med pa de ni sangs rgyas kyi 'dul ba gangs chen mtsho gting dang mdza' med pa zhes bya ste/ 'dul ba rgya mtsho stong phrag brgya pa'i ched de dag thams cad kyi gnas pa zhes bya ba mtshan nyid rnam par bzhag pa de'i snying zhes bya ba 'phen pa sa bon kun nas slong ba dang/ snying po zhes bya ba bstan pa rnam par mi g.yo ba ni so sor thar pa zhes bya ba sdig pa las thar pa 'am 'khor ba thams cad las thar ba mdo sde bstan pa de yin no/ /'di ni dam chos rgyal po yi/ /chos kun gyi ni 'dren pa mchog /'di ni dge slong tshong tshogs kyi/ /bslab zong tshong khang chen po yin/ /zhes bya ba ni so so thar pa 'di ni dam chos rgyal po zhes bya ba sangs rgyas bcom ldan 'das kyi mdo'i sde la sogs pa bstan pa'i chos kun gyi ni 'dren pa mchog yin te blon po rin po che dang 'dra'o zhes bya ba'i tha tshig go / yang de nyid bye brag tu bya ba'i phyir 'di ni dge slong tshong tshogs kyi/ /bslab zong tshong khang chen po yin/ /zhes bya ba gsungs te/ so so thar pa 'di'i mya ngan las 'das pa'i nor bu rin po che 'dod pa'i dge slong tshong pa'i tshogs 'dron po rnams kyi bslab pa zong tshul khrims kyi nor gang yin pa de'i tshong khang chen po zhes bya ba zod pa cer ba'i gnas dang 'dra ba yin no/ /tshul khrims 'chal pas zin rnams kyis/ gdug pa rnam sel smyan 'di yin/ /'di ni lang tsho rnam 'khrul ba'i/ /rkang gnyis gzhon nu'i lcags kyo yin/ zhes bya ba ni/ gang dag tshul khrims 'chal ba bslab pa ral pa lhag ma dang bcas pa sbrul chen po dug myur du khyab par byed pas zin cing reg pa de rnams kyi ltung ba gdug pa rnam par sel cing rnam par 'gog pa'i smon gnod sel ni so sor thar pa 'di yin te/ 'dis de spyod pa ston pa'i phyir ro/ /so so thar pa 'di ni gang dag lang tsho gzhon pa nyid rnam par 'khrul cing rnam par rmongs pa'i mi rkang gnyis gzhon nu de dag gi lcags kyo dang 'dra bar phyir bzlog pa yin te/ bsnyil ba dang yongs su gnas pa spyod pa la sogs pa'i nyes dmigs ston pas kun tu skrag par byed pa yin pa'i phyir ro/ /mcho bas zab pa'i 'khor ba las/ /sgrol ba'i rgal thabs 'di yin te/ /'di na bzang 'gror 'gro ba yi/ /nges pa'i chu lon zam pa yin/ /zhes bya ba ni rgya mtsho dug can pa bas kyang zab cing ches gting sleb par dka' ba'i 'khor ba 'gro ba lnga pa'i 'jig rten gang yin pa de las sgrol zhing rnam par grol bar 'gyur ba'i rgal thabs zam pa dang gru dang gzings dang rkyal ba la sogs pa lta bu ni so so thar pa 'di yin te/ tshul khrims rnam par dag na lam skye pa'i phyir ro/ /so so thar pa 'di ni bzang 'gro bde 'gror 'gro zhing 'jug pa'i nges pa brtan po cig tu gyur pa'i chu lon sam pa zhes bya ba sa gzhi dang 'brel pa'i rgyu nas yin te/ tshul khrims ni bde 'gro'i rgyu yin pa'i phyir ro/ /'di ni nyon mongs pham byed lam/ /rgyal po yi ni 'dren pa mchog /'di ni thar pa'i grong 'jug pa'i/ /them skas gzhi dang 'dra bar gnas/ /zhes bya ba ni so so thar pa 'di ni 'dod chags la sogs pa nyon mongs pa pham zhing spong bar bya ba la 'phags pa'i lam mi'i bdag po rgyal po 'dra ba'i 'dran pa snying tshoms mchog lta bu yin no/ /so so thar pa 'di ni thar pa mya ngan las 'das pa'i grong khyer rtseg mar 'jug cing 'dzeg pa'i lam gyi them skas gzhi'i them skas dang po dang 'dra bar gnas te/ lam gyi gzhi ni tshul khrims yin pa'i phyir ro// nga ni mya ngan 'das gyur na/ /'di ni khyod kyis ston pa zhes/ /rang byung nyid kyis gus bcas par/ /nan tan dge slong tshogs 'dun bstod/ /ces bya ba ni ston pa bcom ldan 'das yongs su mya ngan las 'das pa'i tshe na dge slong dag dang phyin chad bdag cag la s ton pa med par 'gyur ro snyam du dogs pa bzlog pa'i phyir 'di skad ces nga mya ngan las 'das par gyur na so so thar pa 'di khyod kyi ston par byed par 'gyur bas 'di ni khyod kyi ston pa yin no zhes rang byung gzhan gyi lung med par bla na med pa'i mkhyen pa brnyes pa sangs rgyas bcom ldan 'das nyid kyis rang gi zhal nas gus pa dang bcas par dgongs pa gtad de nan tan du dge slong rnams la bka' stsal nas/ dge slong gi tshogs dge mdun gyi mdun du bstod par mdzad pas/ de'i phyir 'di ni ston pa nyid kyi zhal dang 'dra bar bstan te/ 'dul 'di so so thar pa de'i/ /rnam 'byed yin par dgongs pas na/ /thar 'dod rnams kyis gus byas te/ /'di ni nan tan mnyam par bya/ /zhes bya ba ni de ltar gang gi phyir so so thar pa zhes bya ba gang yin pa de ni yon tan dang phan yon de lta bu du mas yang dag par rgyas pa yin la/ rnam par 'byed pa de phran tshegs la sogs pa 'di dag thams cad ni so so thar pa de'i rgya cher rnam par 'byed pa yin par dgongs pa de'i phyir thar pa 'dod pa rnams kyis gus par byas te so so thar pa de'i rnam par 'byed par gyur pa 'dul ba 'di dag rnam pa thams cad du nan tan gyis mnyam par bya zhing/ thos nas kyang 'bras bu dang bcas par bya'o zhes bstan to/ /'dul ba rnam par 'byed pa'i gags bsal te/ de las bdag gis dge bsags gang yin pas/ /'chid ba ma lus rab tu dgrol ba'i phyir/ /'jig rten kun gyi gegs ni nyams gyur cig /'dul ba la bstod pa btsun pa chos kyi tshong dpon gyis mdzad pa slob dpon dul ba'i lhas rnam par bshad pa rdzogs so// // de nas zhi lam rnam dbye'i phyir/ /bdag la rnam par 'byed pa'i tshig /gang dag mi gsal snang ba dag /de dag rnam par dgrol bar bya/ /da ni rnam par 'byed pa'i gzhung nyid kyi tshig mi gsal ba rnams rnam par bshad par bya'o/ /'dir yang brjod par bya ba la sogs pa bzhi po dag nges par brjod par bya ste/ 'di ltar brjod par bya ba la sogs pa dang bral na tshig tsam la yang nyan pa po dag gus par mi byed pa'i phyir ro/ /de la 'dir ltung ba sde lnga po dag ni brjod par bya ba'o/ /de dag gi ngo bo nyid bstan pa ni dgos pa'o/ /ngo bo nyid bstan pa de yang bstan bcos rnam par 'byed pa zhes bya ba 'dis byed pas thabs dang thabs las byung ba'i tshul ni 'brel pa'o/ /rnam par 'byed pa la sogs pa'i 'dul ba yongs su shes pas tshul khrims yongs su dag na 'phags pa'i lam bsgoms pas mya ngan las 'das pa thob pa ni dgos pa'i dgos pa'o/ /de la re zhig yang dag par sdud par byed pa'i tshigs su bcad pa dag rnam par bshad par bya ste/ bskal pa bye ba rnams su yang/ /'dul ba thos par 'gyur ba dang/ /gzung dang 'dzin pa rnyed dka' ste/ /sgrub pa'ang shin tu rnyed par dka' / /zhes bya ba la/ bskal pa zhes bya ba ni bskal par byed pa ste/ dus kyi bye brag go /'dul ba zhes bya ba ni gang gis slob ma rnams mya ngan las 'das par khyad par du khrid par byed pa 'am lam thob par byed pa ste/ bya ba dang bya ba ma yin pa nye bar ston pa'o/ /de thos pa zhes bya ba ni mnyan pa'o/ /gzung zhes bya ba ni tshig gi bdag nyid dang don gyi bdag nyid kyis rtogs pa'o/ /'dzin pa zhes bya ba ni mi brjed pa'o de gsum char yang rnyed par dka' ste/ rgya mtsho chen por gnya' shing gi mig tu ru sbal gyi mgrin pa chud pa'i tshul gyis sangs rgyas 'byung ba yang mi nyid dang bar chad med pa nyid rnyed par dka' bas/ bskal pa chen po bye ba snyed dag 'das pas kyang de dag rnyed par dka' ste/ dge ba'i bshes gnyen dang phrad pa la sogs pa'i dbang gis rnyed par 'gyur ba'i phyir/ /sgrub pa zhes bya ba ni 'dul bas nan tan byed pa'o/ /de'ang snga ma de gsum pas kyang shin tu rnyed par dka' ste/ yang dag par bsgrub pa ni mngon par brtson pa la rag las pa'i phyir ro/ /de lta bas na 'dul ba brjod par byas gus par nyon cig /thos nas kyang drang srong chen pos ji skad gsungs pa de bzhin du rjes su bsgrub pa nan tan du bya'o zhes bya ba'i tha tshig go yang dag par sdud par byed pa'i tshig 'di dang 'og ma dag kyang 'dul ba la gus par byas pa'i phyir gsungs par shes par bya ste/ gang gi phyir 'dul ba thos pa la sogs pa ni rnyed par dka' ba'i sangs rgyas 'byung ba dang chos bstan pa la sogs pa ni bde ba'i phyir/ gus pa dang bcas pas 'dul ba mnyan pa la sogs pa bsgrub par bya'o zhes bya ba'i tha tshig go /sangs rgyas rnams ni 'byung ba bde/ /chos bstan pa yang bde ba yis/ /dge 'dun mthun pa bde ba ste/ /mthun pa rnams kyi dka' thub bde/ /zhes bya ba la mthun pa zhes bya ba ni ro gcig pa'o/ /dka' thub zhes bya ba ni rjes su bsgrub pa ste/ nye bar sbyor ba gdung bar byed pa'o/ /'phags pa rnams ni mthong ba bde/ /dam pa dag dang 'grogs pa bde/ /byis pa rnams ni ma mthong na/ /rtag tu bde ba nyid du 'gyur/ /zhes bya ba la/ 'phags pa rnams zhes bya ba ni dgra bcom pa la sogs pa dag go /dam pa dag ces bya ba ni so so'i skye bo rnams kyi nang na skyes bu dam pa byang chub sems dpa' la sogs pa dag go / 'grogs pa zhes bya ba ni lhan cig mtshungs par gnas pa'o/ /byis pa rnams zhes bya ba ni shes rab 'chal pa log par sgrub pa rnams so/ /tshul khrims ldan pa mthong ba bde/ /mang du thos pa mthong ba bde/ /yang srid rnam par grol ba bde/ /dgra bcom pa dag mthong ba bde/ /zhes bya ba la tshul khrims ldan pa zhes bya ba ni/ zhi gnas kyi yan lag dang ldan pa'o/ /mang du thos pa zhes bya ba ni lhag mthong gi yan lag dang ldan pa'o/ /yang srid rnam par grol ba zhes bya ba ni 'khor bar yang mi skye ba'i chos nyid kyis rnam par grol ba'o/ /dgra bcom pa zhes bya ba ni nyon mongs pa'i dgra rnams bcom pa dang mchod par 'os pa'o/ /'jug ngogs bde ba'i chu klung bde/ /chos la goms pa'i skye bo bde/ /shes rab thob par gyur pa bde/ /da'o nga rgyal zad pa bde/ /zhes bya ba la 'jug dogs bde ba'i zhes bya ba ni 'jug pa'i lam bde ba'o/ /chos la goms pa zhes bya ba ni dge ba'i chos la goms pa'o/ /shes rab thob par gyur pa zhes bya ba ni zag pa med pa'i shes rab thob par gyur pa'o/ /da'o nga rgyal zad pa zhes bya ba ni khams gsum pa'i 'dod chags dang bral ba'o/ /nges par byas shing dbang po thul pa dag /dgon pa zhi ba rnams su rgas gyur dang/ /mang du thos pa nags kyi nang dag tu/ / lang tsho yol ba rnams kyi gnas pa bde/ /zhes bya ba la ni nges par byas shing zhes bya ba ni mngon par brtson par byas pa'o/ /dbang po thul ba dag ces bya ba ni dbang po rnams dbang du gyur zhing mnyam par bzhag go /de dag dgon pa zhi ba rnams su rgas par gyur pa rnams dang/ mang du thos pa nags kyi nang dag tu lang tsho yol ba rnams kyi gnas pa zhes bya ba ni de ltar gang dag gis mngon par brtson pa byas nas dbang po thul ba ni dgon pa zhi ba dben pa grong las thag ring ba'i phyogs dag tu rgas par gyur pa rnams dang/ gang dag mang du thos pa ni nags kyi nang dag tu lang tsho gzhon pa nyid yol zhing zad par de rnams kyi gnas pa zhes bya ba gson pa nyid ni bde'o zhes bya ba'i tha tshig go /shAkya seng ge de la ni/ /sen mo bcu yis thal sbyar te/ /'dul ba rab tu gdon par bya/ /gdul ba'i don du nga la nyon/ /zhes bya ba la sen mo bcu zhes bya ba ni lag skyor gnyis kyi sor mo bcu'o/ /gdul ba'i don du zhes bya ba ni slob ma rnams gdul ba'i don du'o/ /thos nas drang srong chen po yis/ /ji skad gsungs bzhin bsgrub bya zhing/ /kha na ma tho phra rnams la/ /rtun cing byed pa nyid du gyis/ /zhes bya ba la/ kha na ma tho phra rnams la zhes bya ba ni cha phra mo rnams la'o/ /brtul zhing byed pa zhes bya ba ni bsrung ba la sogs pa dag la 'bad pa lhur blang ba'o// rtag tu 'bad pas 'da' ba yi/ /sems rta la blan dka' ba la/ /mthun pa gzer rnon brgya pa yi/ /srab ni 'dul ba 'di yin no/ /zhes bya ba la/ rtag tu 'bad pas bda' zhes bya ba ni lam bde ba dang 'dra ba'i dag pa'i phyogs la gzhug pa'i dus na rtag tu 'brungs bzhin du 'then cing brtson 'grus kyi lcag gis bda' zhing bskyod dgos pa'o/ /kha blan dka' ba zhes bya ba ni lam gol ba dang 'dra ba'i mi dge ba'i phyogs la 'jug pa'i dus na rlung bzhin du 'phyo zhing chu lon gyi 'gug srab kyis phyir blan zhing dgug dka' ba'o/ /mthun pa zhes bya ba ni rkyen du 'bab pa ste/ dper na rtag tu lcag gis 'bad pas bda' zhing 'gug srab kyi kha lcags kyis kha blan dgos pa'i rta la gzer bu rnon po brgya pa'i srab kyis bslab dgos pa dang 'dra bar sems kyi rta rtag tu brtson 'grus kyi 'bad pas bda' zhing tshul khrims kyi chu lon gyis blan dgos pa la bslab pa'i gzer bu 'bigs par byed pa rnon po brgya ba'i 'dul bas sdom dgos pa'o/ /gzer rnon brgya pa zhes bya ba ni bslab pa'i gzhi'i gzer bu 'bigs par byed pa mang po dang ldan pa'o/ /brgya pa zhes bya ba ni mang po'i dpe yin no/ /che ba gang dag ngag tsam gyis/ /ldog cing mtshams las mi 'da' ba/ /de dag mi rta bzang po ste/ /nyon mongs g.yul las nges rgyal 'gyur/ /zhes bya ba'i tshigs su bcad pas na rjes su sgrub pa'i phan yon ston te/ mtshams las zhes bya ba ni bslab pa las so/ /mi 'da' ba zhes bya ba ni mi 'bral ba'o/ /mi rta bzang po zhes bya ba ni mi de dag gi rta cang shes dang 'dra ba'o/ /nyon mongs g.yul zhes bya ba ni nyon mongs pa g.yul dang 'dra ba'o/ /des rgyal 'gyur zhes bya ba ni sbyor bar 'gyur zhing 'bras bu dang bcas par 'gyur ba'o/ /su la srab 'di med pa dang/ /nam duAng 'dod par mi 'gyur ba/ /de dag nyon mongs g.yul gyis bkrugs 'jog bral rnam par 'khyam par 'gyur/ /zhes bya ba'i tshigs su bcad pas na rjes su mi bsgrub pa'i nyes dmigs ston te/ med pa zhes bya ba ni yang dag par ma blangs pas sam ral bar gyur pas so/ /nam duAng zhes bya ba ni lan 'ga' yang ngo// 'dod par mi 'gyur ba zhes bya ba ni tshul khrims la mi phyogs pas mngon par 'dod par mi 'gyur ba'o/ /dkrugs pa zhes bya ba ni pham par byas pa'o/ /'jog bral zhes bya ba ni lcags kyo med pa ste/ ting nge 'dzin la 'jog pa'i dul ba dang bral ba'o/ /rnam par 'khyam par 'gyur zhes bya ba ni 'khor bar 'gyur ba'o/ /bcom ldan 'das kyi zhes bya ba la sogs pa la/ bcom ldan 'das zhes bya ba ni gang la skal pa bsod nams dang ye shes kyi tshogs bla na med pa yod pa de ni da rung yang bstan pa rjes su 'jug pas da ltar nyid du brjod pa'i 'dod pa'i phyir skal ldan zhes bya ba ste de'i'o/ /nyan thos kyi dge 'dun zhes bya ba la/ nyan thos zhes bya ba ni de bzhin gshegs pa las chos nyan par byed pa 'am/ de bzhin gshegs pa'i bka' rjes su sgrub par byed pa ste/ slob ma rigs gsum po dag dang ldan pa rnams so/ /de dag gi dge 'dun zhes bya ba ni tshogs te/ de ni nyan thos kyi dge 'dun no/ /skyon med cing zhes bya ba ni lta ba'i chu bur gyi skyon med pa ste/ log par lta ba ma byung ba'i phyir ro/ /chu bur med la zhes bya ba ni tshul khrims kyi chu bur gyi nang med pa ste/ pham pa ma byung ba'i phyir ro/ /yang zhes bya ba ni bsdu ba'o/ /sdig pa thams cad mi bya ste/ zhes bya ba la sogs pa la/ rtsa ba dang pos ni tshul khrims rnam par dag pa bstan to/ /rtsa ba gnyis pas ni shes rab rnam par dag pa bstan to/ /shes rab rnam par dag pas mya ngan las 'das pa zhes bya ba'i dge ba phun sum tshogs par bsgrub pa'i phyir ro/ /rtsa ba gsum pas sems rnam par dag pa bstan te/ bsam gtan gyis sems spyod ba'i phyir ro/ /'di ni sangs rgyas bstan pa yin/ /zhes bya ba ni mdor bsdus te bstan pa yin no/ /lus kyi sdom pa legs pa ste/ /zhes bya ba la sogs pa tshigs su bcad pa rtsa ba drug pa gcig gis ni blo bur ma rnams la de nyid 'bras bu dang bcas par rgyas par bstan to/ /sdom pa zhes bya ba ni yang dag pa'i sdom pa'o/ /dag rnams bsrung zhing zhes bya bas ni rgyu bstan pas sgrub par byed do/ /las lam zhes bya ba ni las kyi sgo dag go /drang srong gsungs pa zhes bya ba ni de bzhin gshegs pas gsungs pa'o/ /thob par 'gyur zhes bya ba ni rtogs par 'gyur ba'o/ /lo bcu gnyis po dag ni dang por thar pa'i cha dang mthun pa yongs su smin pa dag rab tu byung ba'i phyir/ kha na ma tho ba med par 'gyur ro/ /phyis ni 'dren mar gyur pa'i phyir nyes pa byung ngo/ /bab pa na zhes bya ba ni 'byung ba na'o/ /sangs rgyas bcom ldan 'das zhes bya ba la/ bcom ldan 'das zhes bya ba'i sgra ni sangs rgyas kyi sgra'i nye ba'i tshig yin te/ yang dag par sdud par byed pa rnams kyis gus par bya ba'i phyir ro/ /yul spong byed dag na zhes bya ba ni ljongs kyi ming spong byed ces bya ba de dag na'o/ /ka lan+ta ka'i grong khyer na zhes bya ba ni ka lan+ta ka zhes bya ba rigs tha dad pa dper na hu na la sogs pa dang 'dra ba'i phyir mi dag yod do// de dag gi grong ni ka lan+ta ka'i grong zhes bya ste de na'o/ /bzhugs so zhes bya ba ni spyod lam bzhi po dag gis gnas pa'o/ /de'i tshe na/ zhes bya ba ni de'i dus na'o/ /phyug pa zhes bya ba ni sa lu la sogs pa nang gi yo byad 'byor pa'o/ /nor mang ba zhes bya ba ni dbyig dang gser la sogs pa nor 'byor pa'o/ /longs spyod che ba zhes bya ba ni ma he la sogs pa dag dang grong la sogs pa dag gis so/ /yongs su bzung ba sangs? pa zhes bya ba ni bran la sogs pa yo byad dang mi dag gis so/ /yongs su bzung ba rgya che ba zhes bya ba ni khang khyim gyi gtos rgya che ba'o/ /rnam thos kyi bu'i nor dang ldan pa zhes bya ba ni grangs dang rin po che'i nor dang ldan pa'i phyir ro/ /rnam thos kyi bu la nor gyis 'gran pa zhes bya ba la ni nor mnyam pa gzhan mi snang bas rnam thos kyi bu la nor gyis 'gran pa'i phyir ro/ /chung ma zhes bya ba ni khyim mo'o/ /de dang zhes bya ba ni chung ma dang ngo/ /rtse bar byed ces bya ba ni rgyan po dang pho longs pas so/ /dga' bar byed ces bya ba ni glu dang bro dang 'khyung pa la sogs pas so/ /dga' mgur spyod pa zhes bya ba ni 'khrig pas bdag nyid kun tu spyod pa bsnyen bkur byed du 'jug pa'o/ /sangs rgyas la mngon par dang ces bya ba ni mi slob pa'i chos kyi ngo bo nyid de bzhin gshegs pa sku lus dang bcas pa la dad par gyur pa'o/ /chos la zhes bya ba ni mya ngan las 'das pa la'o/ /dge 'dun la zhes bya ba ni slob pa dang mi slob pa'i ngo bo nyid kyi dge slong gi tshogs la'o/ /skyabs su song zhes bya ba ni rten du khas slangs pa'o/ /srog gcod pa spangs te zhes bya ba ni yang dag par len pa'i dus na srog chags gsod pa'i yid yongs su gtang ste'o/ /srog gcod pa las phyir log ces bya ba ni dus phyis kyang lus dang ngag dag gis phyir log par gyur ba'o/ /ma byin par len pa zhes bya ba ni gzhan gyi rdzas bdag gir byed pa'o/ /'dod pas log par g.yem pa zhes bya ba ni bgrod pa ma yin pa dang/ yan lag ma yin pa dang/ yul ma yin pa dang/ dus ma yin pa dag tu smad pa'i 'dod pa bsten pa'o/ /brdzun du smra ba zhes bya ba ni bslu ba'i phyir gzhan du ston pa'o/ /'bru'i chang zhes bya ba ni zas kyi chang ngo/ /bcos pa'i chang zhes bya ba ni rdzas kyi chang ngo/ /myos par 'gyur ba zhes bya ba ni ra ro bar 'gyur ba'i rdzas so/ /bag med pa'i gnas zhes bya ba ni 'bru'i chang dang bcos pa'i chang gi mtshan nyid do/ /bag med pa zhes bya ba ni don ni nyams la don ma yin pa ni 'phel ba'o// de'i gnas zhes bya ba ni de'i rgyu zhes bya ba'i tha tshig go/ /rjes su spel zhing zhes bya ba ni skyed cing ngo/ /skra dang kha spu bregs te zhes bya ba ni 'dod chags dang bral ba'i rjes su mthun par bya ba'i phyir dang mi brel bar bya ba'i phyir/ skra dang kha spu dag bkyer te zhes bya ba'i tha tshig go / bgos nas zhes bya ba ni gyon nas so/ /yang dag pa kho nar zhes bya ba ni phyin ci ma log pa nyid du'o/ /khyim nas zhes bya ba ni khyim pa'i khyim nas so/ /khyim med par zhes bya ba ni khyim yongs su spangs pa dang mthun par rab tu 'byung bar ro/ /rab tu byung ngo zhes bya ba ni zhugs so zhes bya ba'i tha tshig go /khyim pa zhes bya ba ni khyim na gnas pa'o/ /de nas zhes bya ba ni de ma thag tu'o/ /tshe dang ldan pa zhes bya ba ni tshe yod pa ste/ de'i 'bras bu'i rjes su zhugs pas da lta nyid du brjod par 'dod pa'i phyir ldan pa zhes smos so/ /'di snyam du sems te zhes bya ba ni 'di snyam du sems par gyur pa'o/ /legs par gsungs pa zhes bya ba ni ji lta ba bzhin du gsungs pa'o/ /chos 'dul ba la zhes bya ba ni mya ngan las 'das pa'i chos kyi don du nye bar bstan pa'i gsung rab la'o/ /bdag gis ma rnyed de rnyed pa ma yin zhing zhes bya ba ni mi'i chos las bla ma ma thob pa'i phyir ro/ /nyes pa rnyed legs par rnyed pa ma yin gyis zhes bya ba ni rab tu byung ba rnyed pa la sogs pa yang rdzogs par ma rnyed pa'i phyir ro/ /'bral ba'i phyir zhes bya ba ni tha dad pa nyid du bya ba'i phyir ro/ /ljongs rgyur zhes bya ba ni yul gzhan du rgyur ro/ /snyam mo zhes bya ba ni som nyi byed pa'o/ /mu ge zhes bya ba ni slongs mo dag 'byor pa med pa'o/ /nyam nga zhes bya ba ni sdug bsngal dang sdug bsngal ba'i rgyu yin pa'i phyir ro/ /dgon pa zhes bya ba ni bza' ba dang btung ba dag med pas 'brog dgon pa dang 'dra ba'i phyir ro/ /zas zhes bya ba ni bza' ba'o/ /sbyin pa zhes bya ba ni gtong bar byed pa'o/ /bya bar zhes bya ba ni sgrub par byed pa'o/ /sems pa zhes bya ba ni sems pa'o/ /smos kyang ci dgos zhes bya ba ni bsam yang ci dgos zhes bya ba'o/ /de ltar zhes bya ba ni deng sang ngo/ /zas dag ces bya ba ni 'bras chan la sogs pa bza' bar bya ba dag go / sbyor du gzhug ces bya ba ni byed du gzhug pa'o/ /skyo ma dag ces bya ba ni skyo ma'i btung pa dag go /thug pa'i btung ba dag ces bya ba ni thug par btung ba dag go /rtag res 'khor dag ces bya ba ni rgyun tu yod pa dag go / mgron du bos pa dag ces bya ba ni lan 'ga' yod pa dag go /brgyad ston zhes bya ba la sogs pa gsum ni ches brgyad la sogs pa la nges pa'i ston mo dag go /spyan gzigs phran tshegs zhes bya ba ni rtsa ba'i bca' ba bya ba la sogs pa dag go / ci dgar zhes bya ba ni ci 'dod par ro/ /'dug nas zhes bya ba ni gnas nas so/ /mthar gyis zhes bya ba ni rkang pa byug pa la sogs pa dag gis thod rgal du ma yin no zhes bya ba'i tha tshig go /rgyu ba'i tshe zhes bya ba ni rgyu ba ni'o/ /gang du zhes bya ba ni drung du'o/ /dgon pa zhes bya ba ni nges par dgon par gnas pa'o/ /chos gos gsum pa zhes bya ba ni chos gos gsum pa las lhag pa bdag gir mi byed pa'o/ /phyag dar khrod pa zhes bya ba ni lam po chen sa rnyed pa'i gos kyi dam du ma phyag dar dang 'dra bar gyur pa dag gis tshor ba'o/ /bsod snyoms pa zhes bya ba ni slongs mo'i zas kyis 'tsho ba'o/ /mthar chags kyi rgyu ba zhes bya ba la mthar zhes bya ba ni khyim re re mthar gyis 'jug pa ste/ mthar de dang bsod snyoms la rgyu ba bcas pa ni mthar chags kyi rgyu ba zhes bya ba ste/ rim gyis rgyu zhes bya ba'i tha tshig go /dang po kho nar zhes bya ba ni thog ma kho nar ro/ /bsod pa zhes bya ba ni mar la sogs pa bstab pas so/ /tshim par byas nas zhes bya ba ni ji tsam 'dod pa zar bcug nas so/ /snga dro zhes bya ba ni gung tshigs kyi mdun rol tu'o/ /sham thabs dgos te zhes bya ba ni smad kyi gos bgos te'o/ /chos gos thogs nas zhes bya ba ni stod kyi gos bgos nas so// bsod snyoms la zhugs pa ni zhes bya ba ni rgyu ba na'o/ /khyim zhes bya ba khang khyim mo/ /sbyin pa zhes bya ba ni slongs mo la sogs pa spyan par bya ba'o/ /phyir gtong ba zhes bya ba ni phyir bzlog pa'o/ /myur ba myur ba zhes bya ba ni yang dang yang du tshig gnyis bzlas pa 'am rnam par gzhan dang gzhan du'o/ /ma zhes bya ba ni skyed pa'i ma'o/ /'ga' zhig zhes bya ba ni don dgos pa med pa'i phyir ming ma smos so/ /jo mo zhes bya ba ni jo mo la bod pa'o/ /mkhyen par mdzod cig ces bya ba ni de thugs su chud par mdzod cig ces bya ba'o/ /jo co zhes bya ba ni bu thu bo la bcugs pa'i tshig go /'phyi ba 'phyi bar zhes bya ba ni sngar yang dang yang du ma 'ongs pa ste/ rnam pa'i tshig yin pas lan gnyis bzlas so/ /ma la zhes bya ba ni don 'di la nges par 'jug srid pa bstan to/ /'dod pa 'am zhes bya ba ni skye bo khyim par mngon par 'dod pa'o/ /mngon par mi dga' ba 'am zhes bya ba ni rab tu byung bas yid byung ba'o/ /rnam par 'khyam 'dod par gyur cing zhes bya ba ni phyir 'babs par 'dod pa'o/ /dge sbyong gi tshul don du mi gnyer ba 'am zhes bya ba ni dge slong gi dngos po 'bras bu med par sems pa'o/ /sgyid lug pa zhes bya ba ni lus kyis ngal bar byed mus byung ba 'am/ zhes bya ba ni sems kyis ngo mtshar bar byed pa ste/ de gnyis ni 'jig rten 'di la bltos pas so/ /the tshom za 'am zhes bya ba ni yid gnyis za ba'o/ /smod pa 'am zhes bya ba ni dge sbyong gi tshul ni mi bzang ba'o/ /snyam du smod pa ste/ de gnyis ni 'jig rten pha rol la bltos pas so/ /yongs su gtong 'dod pa 'am zhes bya ba ni 'dor bar 'dod pa'o/ /rig nas zhes bya ba ni shes nas so/ /gal te zhes bya ba ni ji ste zhes bya ba'i tha tshig go /bud med kyi nor zhes bya ba ni bud med kyi rdzas so/ /bud med kyi bag rdzangs zhes bya ba ni bag ma'i rdzangs gud pa'o/ /bud med dbang ba'i rdzas zhes bya ba ni bdag gir byas pa'i rdzas so/ /'am zhes bya ba ni rnam grangs nyid bstan pa'i phyir ro/ /dbyig ces bya ba ni dngul lo/ /gser zhes bya ba ni gser nyid do/ /de ni khyod kyi ma'i yin no zhes bya ba ni tshad ces bya ba'i tshig gi lhag ma'o/ /mtshan ma btab pa zhes bya ba ni mngon mtshan can nyid du gyur pa'o/ /brgya phrag zhes bya ba la sogs pa ni dpe tha dad pa dag yin te/ gnas la sogs pa'i dbye ba tha dad par bstan pa'i phyir ro/ /gzhan zhes bya ba ni gtso bo'o/ /phal zhes bya ba ni gos la sogs pa snying po ma yin pa'o/ /ci dgos zhes bya ba ni ci bsam zhes bya ba'o/ /sbyin pa dag kyang zhes bya ba ni phan gdags pa'i don dag go /bsod nams dag kyang zhes bya ba ni mchod pa'i don dag go / yang na sbyin bdag ces bya ba ni sbyin pa las byung ba'i bsod nams dag kyang brjod do/ /bsod nams dag ces bya bas ni tshul khrims las byung ba'i bsod nams dag brjod do/ / phyir bzlog par zhes bya ba ni dbang du bya bar ro/ /bag sar zhes bya ba ni bsus nas ring po ma lon pa'i bud med do/ /spang par bya'o zhes bya ba ni spro bar bya ba'o/ /kye zhes bya ba ni bod pa'o/ /dus la bab cing zhes bya ba ni mngal na gnas pa 'dzin pa'i dus la bab cing rung ba zhes bya ba'i tha tshig go / zla mtshan dang ldan pa zhes bya ba ni khrag dang ldan pa'o/ /sngon gyi chung ma bya ba ni khyim pa mo ste sngon gyi khyim pa'i dus kyi chung ma zhes bya ba'i tha tshig go /las mnyan to zhes bya ba ni de las mnyan pa dang du blangs pa'o/ /gyur nas zhes bya ba ni skye nas so/ /ngan bu zhes bya ba ni bdag go /ji lta bu zhes bya ba ni ci 'dra bas so/ /sku mnye zhes bya ba ni bsku zhing mnye ba'o/ /phreng ba rgyu zhes bya ba ni me tog go /brgyan na zhes bya ba ni lus brgyan pa dang ldan pa'o/ /dga' ba zhes bya ba ni rnam par shes pa lnga dang rjes su mthun pa 'am lus dang rjes su mthun pa'o/ /yid du 'ong ba zhes bya ba ni yid kyi rnam par shes pa dang rjes su mthun pa'o/ /ngan bu 'di 'dra na zhes bya ba ni bdag nyid kyis sta gon byas pa nyid du brjod pa'o/ /bdag gis ci zhig bgyi zhes bya ba ni mtshan nyid lung nod pa'o/ /bzhon pa las babs nas zhes bya ba ni sgo la sogs pas bzhon pa la thogs pa yod pa'i phyir ro/ /bla gab med pa zhes bya ba ni g.yogs ma med pa'i phyogs so/ /'chags sa na zhes bya ba ni bcag par bya ba'i ched kyi phyogs nas so/ /sa bon gyi chos zhes bya ba ni khu ba'o/ /chung zhing ces bya ba ni chung zad gcig go / bu med pa'i zhes bya ba ni bu med pa'i rgyud kyi'o/ /de bzhin du zhes bya ba ni rin med par ro/ /ji ltar yang rung bas zhes bya ba ni zhing la sogs pa skyin pa cung zad tsam zhig sbyin pas so/ /rgyal pos dbang du byas pa zhes bya ba ni rgyal pos bsnams pa'o/ / //bam po gnyis pa/ sngar bslab pa'i gzhi ma bcas shing zhes bya ba ni sngar khrims su bya ba ma gsungs pa ste/ dge bshes che ba'i phyir dang nyes pa nyams chung ba'i phyir pham par 'gyur ba la sogs pa 'byung ba med pas de'i phyir sngar bslab pa'i gzhi ma bcas so/ /'o na bcom ldan 'das kyis/ sdig pa thams cad mi bya ste/ /dge ba phun sum tshogs par bya/ /zhes bya ba la sogs pa bka' stsal pa na/ nyes par bcas pa thams cad smad cing legs par bcad pa thams cad bsngags pa mdzad nas/ ji ltar sngar bslab pa'i gzhi ma bcas zhes bya zhe na/ bden mod kyi 'on kyang da dung bcom ldan 'das kyis mtshams ma mdzad cing ston pa ma mdzad la gang gis nyes pa 'di byas pa de'i chad pa 'di yin no zhes chad pa'i las bca' ba yang ma mdzad pas de'i phyir sngar bslab pa'i gzhi ma bcas shing zhes bya ba gsungs so/ /nyes pa ma mthong la zhes bya ba ni nyes dmigs ma mthong la'o/ /bud med kyi yul zhes bya ba ni bud med nyid yul yin no/ /gzhon nu zhes bya ba ni na tshod lnga pa'o/ /kha dog bzang ba zhes bya ba ni shin tu gzhon nu'i gzugs can no/ /chags par 'gyur ba zhes bya ba ni 'dod chags skyed par byed pa'o/ /zil gyis gnon cing zhes bya ba ni zil gyis gnon par byed pa'o/ /yongs su gdung ba zhes bya ba ni kun tu gdung bar byed pa'o/ /nyon mongs pa rnams ni yongs su gdung bar byed pa yin pa'i phyir ro/ /rung ngam zhes bya ba ni rigs sam zhes bya ba'o/ /'di lta ste zhes bya ba ni 'di ltar ro/ /shin tu zhes bya ba ni ha cang ngo/ /phyogs gcig song nas zhes bya ba ni khrel yod pa nyid kun tu bsrung ba'i phyir ro/ /chos gos dag bzhag ste zhes bya ba ni mi btsang ba spang pa'i phyir ro/ /mi tshangs par spyod pa zhes bya ba ni tshangs pa mya ngan las 'das pa'i don du spyod pa gang yin pa de ni tshangs par spyod pa de lam mo/ /de dang mi mthun pa ni mi tshangs par spyod pa ste nyon mongs pa can gyi spyod pa'o// de yang gang zhe na/ de'i phyir sprod pa las byung ba'i chos zhes bya ba smras te/ sprod pa zhes bya ba ni bsten par bya ba dang/ sten par byed pa gnyis sbyor ba'o/ /des skyed pa ni sprod pa las byung ba zhes bya'o/ /chos zhes bya ba ni de'i dngos po zhes bya ba'i tha tshig go / lan gnyis lan gsum du zhes bya ba la/ des lan cig byas pas ci'i phyir tshim par gyur na lan gnyis su byed de/ lan gnyis byas pas ci'i phyir tshim par ma gyur na lan gsum du byed ce na tshim par ma gyur te ci'i phyir zhe na/ yul rnams ni 'phrog par byed pa nyid yin pa'i phyir dang mi ngoms par byed pa nyid yin pa'i phyir ro/ /de ltar yang ji srid ji srid du yul rnams la brtsam pa stsal ba de srid du 'dod chags kyang ches shes che bar 'gyur te zhes gsungs pa yin no/ yang ni dri za'i las kyis dbang gi ste lan cig byas nas khyod la zhugs sam zhes dris pas na/ de na re ma zhugs sogs zhes zer ro/ /lan gnyis byas nas yang ci khyod la zhugs sam zhes dris pa na/ de na re ma zhugs so zhes zer ro/ /lan gsum byas nas yang ci khyod la zhugs sam zhes dris pa na// de dbang po rnon pos zhugs so zhes zer te/ de nyid las dgongs nas 'og nas bud med kyi yul mkhas pa'i rang bzhin can la la la ma 'dres pa'i chos lnga yod de zhes bya ba la sogs pa gsungs pa yin no/ /ci'i phyir dri za de lan dang po dang lan gnyis pa'i gnas skabs su mtshams sbyor bar ma gyur la lan gsum pa'i gnas skabs su mtshams sbyor bar gyur cig ces tshogs pa'i dbang gi phyir te/ gnas skabs gang la tshogs pa yod pa'i gnas skabs de nyid las sems can zhig kyang lha'i ris bzang po nas shi 'phos te/ ma'i rum du 'jug pas de'i phyir lan gsum du zhes bya ba smos so zhes 'dul ba bye brag tu bshad pa las 'byung ngo/ /'o na bcom ldan 'das thugs rje chen pos bsgyur ba'i yid mnga' bas de ci'i phyir mi bzlog ce na/ /'dod chags bdo ba nyid kyis gdon mi za bar mi tshangs par spyod par byed par nges par thugs su chud pa'i phyir dang/ bcom ldan 'das la ma gus par skye bar 'gyur bas bcom ldan 'das ni gnas ma yin par mi 'jug pa dge 'dun gyi dbyen la sogs pa bzlog pa yal bar bzhag pa dang 'dra bar shes par bya'o/ /bsten te zhes bya ba ni lhag par spyad pa'o/ /srid pa tha ma pa zhes bya ba ni skye ba tha ma pa'o/ /spyod pa tshol ba zhes bya ba ni lam gyi spyod pa tshor bar byed pa'o/ /thar pa'i snying po bzung ba zhes bya ba ni thar pa'i cha dang mthun par 'phangs pa'o/ /mya ngan las 'das pa la phyogs pa zhes bya ba ni thar pa mngon par 'dod pa'o/ /'khor ba las phyir phyogs pa zhes bya ba ni kha phyir phyogs par gyur pa'o/ /srid pa'i 'gro ba thams cad du 'chi 'pho ba skye ba don du mi gnyer ba zhes bya ba ni srid pa'i ngo bo nyid kyi 'gro ba lnga po thams cad du 'chi 'pho ba dang skye ba la mi bltos pa zhes bya ba'i tha tshig go /skyes bu dam pa'i 'gre ba bdun bsal ba'i phyir srid pa'i zhes smos so/ /bde 'gro bsdu ba'i phyir thams cad ces smos so/ /lus tha ma 'dzin pa zhes bya ba ni srid pa bar ma'i lus tha ma 'ba' zhig 'dzin pa zhes bya ba'i tha tshig go /zhig kyang zhes bya ba ni ming ma grags pa'i sems can zhig kyang ngo/ /lha'i ris zhes bya ba ni lha'i gnas so/ /'di zhes bya ba ni bzang byin gyi'o/ /skye dgu'i bdag mo'i zhes bya ba ni chung ma'i'o/ /zhugs so zhes bya ba ni babs pa'o/ /mkhas pa'i rang bzhin can zhes bya ba ni shes rab dang ldan pa'o/ /la la la zhes bya ba ni dge ba dag gi nang nas phyogs la la la gnas pa 'ga' zhig la zhes bya ba'i tha tshig go / ma 'dres pa'i zhes bya ba thun mong ma yin pa'o/ /chos zhes bya ba ni dngos po'o/ /skyes bu chags par gyur pa shes shing chags pa dang bral bar shes pa dang zhes bya ba ni chags par gyur pa dang chags pa dang bral ba shes pa'i gnas skabs shes pa'i phyir chos gcig go / dus shes shing zla mtshan shes pa dang zhes bya ba ni bdag nyid kyi ngo bo nyid shes pa'i phyir chos gnyis pa ste/ dus zhes bya ba ni mngal na gnas pa yongs su 'dzin pa'i dus la bab pa'i dus so/ /zla mtshan zhes bya ba ni khrag gi dri ma zags pa'i lhag ma khrag gi thig pa gnyis sam gsum tsam ste/ me tog ces bya ba'i tha tshig go /mngal na gnas pa zhugs pa shes pa rang zhes bya ba ni mngal na gnas pa zhes bya ba bu mngal du zhugs shing chags par shes pa'i phyir chos gsum pa yin no/ /gang na mngal na gnas pa zhugs pa shes pa dang zhes bya ba ni mngal na gnas pa 'jog par byed pa'i skyes pa gang las mngal na gnas pa rang gi rum du zhugs pa'i skyes pa'i bye brag shes pa'i phyir chos bzhi pa'o/ /khyi'u shes shing bu mo shes pa ste zhes bya ba ni mngal na gnas pa'i bye brag shes pa'i phyir chos lnga pa'o/ /khyi'u bu mo shes pa'i bud med kyi shes pa'i rgyu bstan pa'i phyir gal te zhes bya ba la sogs pa gsungs so/ /yid dga' zhing yid dga' nas zhes bya ba ni yid mgu ba ste rnam pa'i phyir tshig gnyis su smos so/ /sems can zhugs pa zhes bya ba ni mngal na gnas pa chags pa'o/ / nges par zhes bya ba ni gdon mi za bar ram gor ma chag par ro/ /de yang zhes bya ba'i sgyug mo yang ngo/ /'di skad ces bya ba ni legs so smon pa'o/ /kho mo dang mthun par skye zhing mi mthun par mi skye ba zhes bya ba ni kho mo'i rjes su skye la tshig nyan/ par 'gyur zhing tshig nyan par mi 'gyur ba ma yin pa'o/ /bya ba dag byed pa zhes bya ba ni khyim gyi bya ba dag go /gsos pa zhes bya ba ni tsha bo gsos pas so/ /phyir gso ba zhes bya ba ni tsha bos bdag la lan du phan 'dogs shing phyir gso ba'o// bgo skal la spyod pa zhes bya ba ni skal ba byin pa'i rigs kyi nor la longs spyod pa'o/ /rigs rgyud ces bya ba ni rigs kyi rgyun no/ /bdag cag ces bya ba ni phyi mo dang mes mo dag go /shi shing zhes bya ba ni bar mdor dus ma yin par 'chi bas shi ba'o/ /dus las 'das pa zhes bya ba ni tshe zad cing 'chi bas shi ba'o/ /'di zhes bya ba ni sbyin pa dag byin zhing bsod nams dag byas pa'o/ /'gro zhing zhes bya ba ni 'khor pa'i lam du mtshams sbyar zhing ngo/ /rjes su 'gro bar gyur cig ces bya ba ni rjes su thob par gyur cig ces so/ /ming gis yon bshad byed par gyur cig ces bya ba ni bdag cag gi ming nas 'byin cing yon gnas dag la mchod par bya ba'i phyir nor 'bul ba la sogs pa byed cing smon lam 'debs par gyur cig ces bya ba'i tha tshig go / ched du brjod pa ched du brjod par byed de zhes bya ba ni mgu ba'i tshig rjod par byed pa ste/ yid bde ba tshig tu brjod par byed ces bya ba'i tha tshig go /yongs su smin par bya ba'i phyir zhes bya ba ni gso ba'i phyir ro/ /steng gi zhes bya ba ni khang steng gi steng phyogs su rnam par blta bas sems gsang pa'i phyir dang dben pa nyid du bya ba'i phyir steng du rim gro byed du 'jud do/ /gzhir zhes bya ba ni sa gzhir ro/ /grang ba na zhes bya ba ni grang ba'i dus na'o/ /dra ba na zhes bya ba ni dro ba'i dus na'o/ /sman pas bcas pa'i zhes bya ba ni sman pas bstan pa'i'o/ /zas ha cang mi kha ba la sogs pa dang kha ba la sogs pa rnam par spangs pa ni rlung la sogs pa'i rnam par 'gyur pa yongs su spangs pa'i phyir ro/ /ngo shal zhes bya ba ni mu tig gi ngo shal 'phyang ba'o/ /se mo ngo zhes bya ba ni mu tig ngo shal gyi phyed nu ma dag gi steng na gnas pa'o/ /dga' ba'i tshal zhes bya ba ni sum cu rtsa gsum pa'i lha rnams kyi'o/ /khri nas khrir dang zhes bya ba la sogs pa ni gcig gi steng nas gcig gi steng du rjes su rgyu ba'o/ /shod kyi sa gzhir mi dbab pa zhes bya ba ni ngal ba yongs su spangs pa'i phyir ro/ /sgra yid du mi 'ong ba cung zad kyang ma thos par zhes bya ba ni mi dga' bar mi 'gyur bar bya ba'i phyir ro/ /zla ba brgyad dam dgu zhes bya ba la gang dag zla ba ngo tshang ba 'ba' zhig zla ba nyid du bgrang zhing zla ba ched la sogs pa yongs su spong bar byed pa de dag gi lugs ltar ni zla ba brgyad ces smos so/ /gang dag zla ba phyed la sogs pa'i bsam pas kyang zla ba de nyid du bsnan te bgrang bar byed pa de dag gi lugs ltang ni zla ba dgu zhes smos/ /'das nas zhes bya ba ni yol nas so/ /btsas ba las zhes bya ba ni mngal na gnas pa btsas pa las so/ /gzugs bzang ba zhes bya ba ni kha dog gis so/ /blta na sdug pa zhes bya ba ni dbyibs kyis so/ /mdzes pa zhes bya ba ni dga' zhing sdug pa'i rgyur gyur pa'o/ /gsal ba gser gyi kha dog 'dra ba zhes bya ba ni gser gyi mdog 'dra ba nyid kyis gsal ba ste/ sngo bsang la sogs pa bsal ba yin no/ /mgo gdugs lta bu dang ldan pa zhes bya ba ni mgo gdugs ltar zlum pa dang 'dra ba'o/ /lag pa ring ba zhes bya ba ni lag pas pus mo slebs pa'o/ /dpral ba'i dbyes che ba zhes bya ba ni dbral ba yangs pa'o/ /smin ma 'byar ba zhes bya ba ni smin ma'i spu rnams mdab chags su 'byor pa ste/ smin ma g.yas g.yon gnyis kyi bar mtshams sna gong du 'brel ba ni ma yin no/ /sna'i gzangs mtho ba zhes bya ba ni sna'i gzangs kyi 'phang? mtho ba'o/ /byung ngo zhes bya ba ni mngal nas byung ba'o/ /'dus shing zhes bya ba ni nye 'khor na 'khod pa dag 'dus shing ngo/ /lhag nas zhes bya ba ni thag ring po nas 'khod pa dag lhag nas so/ /nyi ma bdun gsum nyi shu gcig tu zhes bya ba ni bdun dang po dang gnyis pa dang gsum pa la btsas ston chung ngu dang/ 'bring dang chen po byed du bcug pa nyid kyi nyi ma ni bdun gsum yang yin la spyir bsdoms na nyi shu gcig kyang yin pa'o/ /btsas ston zhes bya ba ni btsas pa'i mchod pa ste par zan no/ /rgya cher zhes bya ba ni yo lang cher ro/ /ming zhes bya ba ni ming du gdags par ro/ /brten te zhes bya ba ni ltos te 'am sngon du btang ste'o/ /pang na 'tsho ba'i ma ma zhes bya ba ni 'tsho ba'i bud med do/ /nu ma mnun pa'i ma ma zhes bya ba ni 'o ma ldur pa'o/ /dri ma 'phyi ba'i ma ma zhes bya ba khrus la sogs pa byed pa'o/ /rtse 'grogs kyi ma ma zhes bya ba ni rtser 'jug par byed pa gang yin pa'o/ /gnyis gnyis bsko ba ni brel ba nyid kyis phongs par mi 'gyur bar bya ba'i phyir ro/ /mar gyi nyid khu zhes bya ba ni zhun mar gyi snying po'o/ /yo byad kyi bye brag ces bya ba ni yo byad khyad par can dag go /gtso bo gtso bo dag ces bya ba ni bzang po dag ste/ rnam pa'i tshig tu lan gnyis smos so/ /srid par byed ces bya ba ni srid du'o/ /skyed bar byed pa ni sboms su'o/ /rdzing na gnas pa'i pad+ma zhes bya ba ni rdzing gi nang na skyes pa'i pad+ma'o/ /myur du zhes bya ba ni skyen par ro/ /yi ge zhes bya ba ni yig 'bru dag go /grangs zhes bya ba ni yid kyis bgrang ba'o/ /rtsis zhes bya ba ni tshigs kyis rtsi ba ste rtsis su bya ba'o/ /lag rtsis zhes bya ba ni lag pa'i tha snyad do/ /dbyung ba zhes bya ba ni sprog ma la sogs pa nas rdzas dbyung ngo/ /gzhug pa zhes bya ba ni de nyid kyi nang du gzhugs pa'o/ /gzhag pa zhes bya ba ni phyi rol tu bzhag pa'o/ nye bar zhugs nas zhes bya ba ni bslab pa'i phyir nges par sbyar nas so/ /'byed pa zhes bya ba ni yi ge 'dri ba 'am bstan bcos kyi gnas la mkhas pa'o/ /mkhas pa zhes bya ba ni don shes pa'o/ /spyod pa gsal ba zhes bya ba ni grims pa'o// brtag pa zhes bya ba ni rin po che la sogs pa'i yon tan dang skyon dpyad pa'o/ /bzhi zhes bya ba ni sa gzhi'o/ /mkhas par gyur to zhes bya ba ni byang bar gyur pa'o/ /pha las byung ba zhes bya ba ni pha las thob pa'o/ /gcig pu zhes bya ba ni grogs med pa ste lus kyi dben pa'o/ /dben zhes bya ba ni sems kyis thag ring du gyur pa'o/ /bag yod pa zhes bya ba ni nan tan lhur len pa'o/ /brtun pa dang ldan pa zhes bya ba ni brtson 'grus dang ldan pa'o/ /bdag nyid btang ba zhes bya ba ni yid btang ba ste/ rtag tu dge ba'i phyogs 'dod ces bya ba'i tha tshig go /gnas so zhes bya ba ni 'dug par gyur pa'o/ /rigs kyi bu dag ces bya ba ni rigs su skyos pa'i mi dag go /gang phyir zhes bya ba ni gang gi don du'o/ /tshangs par spyod pa'i mdza' zhes bya ba ni lam gyi 'bras bu mya ngan las 'das pa'o/ /bla na med pa zhes bya ba ni mchog go /tshe 'di nyid la zhes bya ba ni mngon sum gyis tshang ba'o/ /rang gi mngon par shes pa zhes bya ba ni rang gi shes pas so/ / mngon sum du byas te zhes bya ba ni shes par byas te'o/ /bsgrubs nas zhes bya ba ni 'thob pa mngon sum du bya ba 'thob nas so/ /zad do zhes bya ba ni mthar thug pa'o/ /spyad do zhes bya ba spyad zin pa'o/ /bya ba byas so zhes bya ba ni nyon mongs pa spangs pa'o/ /srid pa 'di las gzhan zhes bya ba ni bar ma do'i srid pa yang ngo/ /go bar byed cing zhes bya ba ni shes par byed cing ngo/ /ci zhig shes par byed cing zhe na/ bdag gi skye ba zad do zhes bya ba la sogs pa sngar bstan pa dag go / dgra bcom pa zhes bya ba ni 'dod chags dang bcas pa thams cad kyi mchod par 'os pa'i phyir 'os pa zhes bya'o/ /'os pa de ci 'dra ba zhig ce na/ de'i phyir khams gsum pa las 'dod chags dang bral ba zhes bya ba la sogs pa gsungs te/ 'dod pa dang gzugs dang gzugs med ces bya ba ni khams gsum po dag tu spyod pa dang bsdus pa dang 'gro ba'i phyir khams gsum pa ste 'gro ba mdza' dag go /de las 'dod chags dang bral ba ni khams gsum pa las 'dod chags dang bral ba'o/ /bong ba dang gser du mnyam pa zhes bya ba ni gang la bong ba dang gser dag mnyam pa'i ?blo yod pa'o/ /nam mkha' dang lag mthil du mtshungs pa'i sems dang ldan pa zhes bya ba ni gang la nam mkha' dang lag mthil du mtshungs pa'i sems yod pa na bdag dang bdag gi la chags pa med pas de ni nam mkha' dang lag mthil du mtshungs pa'i sems dang ldan pa yin no/ /tsandan bzhag pa lta bu zhes bya ba ni gang tsandan bdar bzhag lon par bzhag pa bsil bar gyur pa dang 'dra bar nyon mongs pa med pa nyid kyis bsil bar gyur pa de ni tsan na bzhag pa lta bu zhes bya'o/ /rig pas zhes bya ba ni zag pa med pa'i shes pas so/ /sgo nga'i spubs zhes bya ba ni 'khor ba sgo nga lta bu'i spubs kyis dkris pa ma rig pa'i mtshan nyid do/ /dral bar gyur cing zhes bya ba ni bcom par gyur pa ste/ gang gis zag pa med pa'i shes pas 'khor ba sgo nga'i spubs g.yogs bcom par gyur pa de ni rig pas sgo nga'i spubs 'dra ba zhes bya'o/ /rig pa zhes bya ba ni gsum mo/ /mngon par shes pa zhes bya ba ni drug go /so so yang dag par rig pa zhes bya ba ni bzhi'o/ /thob pa zhes bya ba ni gang gi rig pa gsum dang mngon par shes pa drug dang so so yang dag par rig pa bzhi thob pa de ni rig pa dang mngon par shes pa dang so so yang dag par rig pa thob pa'o/ /srid pa dang 'dod pa'i rnyed pa dang bkur sti la rgyab kyis phyogs pa zhes bya ba ni srid pa dag dang 'dod pa'i rgyur gyur pa'i rnyed pa dag dang bkur sti dag la mi phyogs par gyur pa'o/ /mchod par bya ba zhes bya ba ni chos gos la sogs bdag gis te mchod par 'os pa yin pa'i phyir ro/ /brjed par bya ba zhes bya ba ni phyag la sogs pa dag gis so/ /mngon du smra bar bya'o zhes bya ba ni gus par smra ba la sogs pa dag gis so/ /rnam par grol ba'i zhes bya ba ni rnam par grol bar gyur pa na thob pa'o/ /dga' ba zhes bya ba ni bde ba gang yin pa'o/ /bde ba zhes bya ba ni lus kyi gang yin pa 'am shin tu sbyangs pa'i'o/ /so so yang dag par rig pa zhes bya ba ni rnam par grol bar gyur pa na thob pa'i dga' ba dang bde bang gnyis nyams su myong bar gyur pa na'o/ /tshigs su bcad pa zhes bya ba ni gzhung gi bye brag ste rtsa bar sbyar ba'o/ /chos rnams las ni skal ba thob ces bya ba la/ chos rnams zhes bya ba ni byang chub kyi phyogs dang mthun pa'i chos sum cu rtsa bdun po rnams so/ /de rnams las skal pa thob ces bya ba ni chos de rnams kyang nyan thos rnams dang rang sangs rgyas dang bla na med pa'i byang chub kyi rigs gsum du gtogs pa de rnams las nyan thos kyi rigs su gtogs pa'i skal pa cha gang yin pa de bdag gis thob pa zhes bya ba'i tha tshig go / yab kyis dkor gyis bdag mi stong zhes bya ba ni yab sangs rgyas bcom ldan 'das kyi chos kyi dkor gyis bdag stong pa dang bral ba dang med par ma gyur ces bya ba'i tha tshig go / bdag gi ha cang phyi nas zhes bya ba ni bdag gis ha cang 'phyi ba kho nar thar pa'i lam 'di shes par gyur to zhes bya ba'i tha tshig go /bdag ni chung ngus shin tu 'das zhes bya ba ni de ltar bdag gis ha cang phyi nas shes pa des na bdag nyan thos kyi rigs kyi chos kyi bgo skal chung ngus yab kyi chos dkor gyi 'byor ba rgya chen po dag las go 'phang gong ma dag ma bsgrubs par shin tu 'das shing skal ba thob pa kho nar gyur te/ sangs rgyas nyid las ma thob par nyams par gyur to zhes bya ba'i tha tshig go / yang na shin tu 'das zhes bya ba ni 'khor ba las dang nyon mongs pa dag gis dus shin tu yun ring por mtshams sbyor cing nyon mongs par gyur pa ste/ des na bdag gis thar pa'i lam 'di ha cang phyi na shes pas yab kyi chos kyi bgo skal chung ngus dag par gyur to zhes bya ba'i tha tshig go / brgya phrag du ma zhes bya ba ni rgya'i tshad du ma'o/ /'dod chags 'dod chags dang bral ba'i phyir zhes bya ba'i phyir zhes bya ba ni 'dod chags spang pa'i phyir ro/ /sems rnam par grol ba zhes bya ba ni sems kyi sgrib pa 'dod chags la sogs pa spang ba'o/ /shes rab rnam par grol ba zhes bya ba ni shes rab kyi sgrib pa ma rig pa spang ba'o/ /de'i chos ston to zhes bya ba ni sems rnam par grol ba dang shes rab rnam par grol ba de'i chos zhes bya ba thabs kyi lam gang yin pa de 'dod chags la sogs pa spang ba'i phyir ston cing 'chad do zhes bya ba'i tha tshig go / 'dug cing zhes bya ba ni nye bar bzhugs pa'o/ 'thun par gyur to zhes bya ba ni bya ba mthun pa nyid du gyur pa'o/ /ji lta ji ltar zhes bya ba ni ji tsam ji tsam du'o/ /de lta de ltar zhes bya ba ni de tsam de tsam du'o/ /cung zad 'gyod par gyur rnam par 'gyod par gyur rab tu 'gyod par gyur cig ces bya ba gsum ni 'gyod pa'i gnas skabs chung ngu dang 'bring dang chen por gyur pa'o/ /'gyod pa dang ldan pa zhes bya ba ni ngan pa byas pa'i las yang dang yang du dran par byed ces bya ba'i tha tshig go /'gyod pa thob ces bya ba ni 'gyod pas zil gyis non pa'o/ /cang mi smra bar gyur ces bya ba ni kha rog cing 'dug pa'o/ /yul yul por gyur ces bya ba ngo tsha bar gyur pa'o/ /phrag pa glod ces bya ba ni brtson pa med pa'i phyir phrag pa lhug par btang ba'o/ /gdong smad ces bya ba ni thur du lta ba'o/ /spobs pa med ces bya ba ni blo nyams pa'o/ /sems khongs su chud ces bya ba ni sems la gzhol ba'o/ /gnas nyul zhing zhes bya ba ni gnas blta zhing ngo/ /rgyu ba na zhes bya ba ni rjes su sgrub pa zhes bya ba'i tha tshig go /mngon du zhes bya ba ni mngon sum du'o/ /yang dag par dga' bar gyur pa ces bya ba ni yang dag par rangs par 'gyur ba ste/ de'i yon tan yang dag par brjod pa'i phyir ro/ /yang dag par mgu bar gyur pa zhes bya ba ni bcugs pa bskyed pa'o// sna tshogs zhes bya ba ni rnam pa du ma'o/ /byas te zhes bya ba ni phan tshun byas te'o/ /mdza' gcig tu zhes bya ba ni phyogs gcig tu'o/ /sngan chad ces bya ba ni sngon gyi dus na'o/ /blo bur du lhag pa dag ces bya ba ni mngon du 'ongs pa dag go / bshes pa dang bcas pa nyid kyi tshig gis zhes bya ba la mi bshes pa ni 'khon no/ /'khon med pa ni bshes pa ste/ bcug pa'o/ /bshes pa dang lhan gcig 'jug pa ni bshes pa dang bcas pa'o/ /de'i dngos po ni bshes pa dang bcas pa nyid de bcug pa dang bcas pa nyid do/ /de'i tshig gis zhes bya ba ni bshes dang bcas pa nyid kyi tshig ste/ tshig gis dga' bar byed pas zhes bya ba'i tha tshig go /bsu nas zhes bya ba ni mdun du nye bar seng nas so/ /gtur bur zhes bya ba ni chos gos kyi snod do/ /'bru mar snod ces bya ba ni 'bru mar gyi snod do/ /gnod pa zhes bya ba ni nad do/ /sems kyis yongs su gdung ba zhes bya ba ni mya ngan no/ /skabs de zhes bya ba ni byung ba'i mdza' de'o/ /mngon par bstod par yang mi byed ces bya ba ni bsngags pa brjod par yang mi byed pa ste/ skyon chags pa'i phyir ro/ /phyir zlog par yang mi byed ces bya ba ni phyir 'gag par mi byed pa ste de bya ba ma yin pa nges par med pa'i phyir ro/ zag pa'i gnas lta bu zhes bya ba ni nyon mongs pa'i rgyu ste/ /pham par gyur pa la sogs pa'i nyes pa dag go /dang po zhes bya ba ni rtsom pa'o/ /'di lta ste zhes bya ba ni mtshon pa'i phyir ro/ /mi tshangs par spyod pa'i rkyen gyis zhes bya ba ni mi tshangs par spyod pa'i rgyur byas te'o/ /byas par gyur to zhes bya ba ni byas pa dang ldan pa'o/ /'byung ba 'di zhes bya ba ni nyes pa slong ba 'di'o/ /gleng gzhi zhes bya ba ni bslab pa bcas pa'i rgyu 'di'o/ /skabs 'di la zhes bya ba ni sa bon gyi rgyu nyid la sogs pa byung ba'i mdza' 'di la'o/ /bsdu ba mdzad de zhes bya ba ni bong ba mdzad pa'o/ /gcig gis nyes pa byas pa la phyi'i phyir dge 'dun bsdu ba mdzad pa'i phyir de bzhin gshegs pa ni zhes bya ba la sogs pa gsungs te/ de bzhin gshegs pa zhes bya ba ni don ji lta ba bzhin du nye bar ston pa ste thams cad mkhyen pa zhes bya ba'i tha tshig go / don gyi dbang zhes bya ba ni dgos pa'i stobs so/ /gzigs pa na zhes bya ba ni dgos pa na'o/ /kun shes pa nyid du bya ba ba'i phyir zhes bya ba ni rig pa nyid du bya ba'i phyir te mngon sum du thob pa'i phyir ro/ /bslab pa'i gzhi zhes bya ba ni rjes su bsgrub pa'i gnas sam spong ba'i rgyu'o/ /legs par bcas par zhes bya ba ni mi g.yo bar de mang po dag gis thos pa'i phyir ro/ /ci'i phyir rmed par mdzad ce na/ /de'i phyir sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa gsungs te/ sangs rgyas bcom ldan 'das rnams ni thams cad mkhyen pa yin pa'i phyir mkhyen pa kho na yin med kyi don dang bcas pa gang zhig gi phyir rmed par mdzad de/ 'jig rten pa'i tha snyad bsgrub pa'i phyir rmed par mdzad kyi mi mkhyen pa'i phyir rmed par mdzad pa ni ma yin no zhes bya ba'i tha tshig go /mkhyen bzhin du rmed pa zhes bya ba la gal te mkhyen na ci'i phyir rmed par mdzad ce na skur pa 'debs pa dgag pa'i phyir te/ gal te bcom ldan 'das kyis dge slong nyes pa mi shes pa de dag la rmed par bslab pa'i gzhi bcas par gyur na/ dge slong de dag bcom ldan 'das la 'di la sus nyes pa ci byas na bcom ldan 'das kyis bslab pa'i gzhi bcas par mdzad ces skur pa 'debs par gyur pas de'i phyir mkhyen bzhin du rmed par mdzad do/ /mkhyen bzhin du rmed pa zhes bya ba ni gang gi phyir gzhan gyi don ma gzigs na mkhyen kyang mi rmed pa ste/ gdul ba nyid med pa'i phyir ro/ /dus su rmad pa zhes bya ba ni bya bas g.yon spyo ba med pa dang gzhan dang ma 'dres pa'i dus su rmed par mdzad pa'o/ /dus las yol bar mi rmed pa zhes bya ba ni snga ma la zlog pa'i dus su mi rmed pa ste/ dgos pa med pa'i phyir ro/ /don dang ldan par rmed par zhes bya ba ni bden pa mthong bar bya ba la sogs pa'i dgos pa dang ldan pa rmed par mdzad pa'o/ /don dang mi ldan pa mi rmed pas zhes bya ba ni dgos pa med pa'i phyir te/ sangs rgyas bcom ldan 'das kyis shes bya chu shing gi rim pa snyed thugs su chud kyang rim pa gcig tsam zhig las bka' stsal to zhes gsungs pa'i phyir ro/ /chu lon gyis bzlog par mdzad ces bya ba ni chu lon lta bus mi mdzad par nges pa nyid du bzlog par mdzad pa ste thugs rje dang mkhyen pa nyid kyis rtag tu nye bar gnas pa'i phyir ro/ /dus mkhyen pa yin pas zhes bya ba la gal te dus mkhyen pa nyid kyis ci zhig ston par byed ce na/ sangs rgyas mdzad pa skra'i rtse mo brgyar bshags pa tsam yang nyams par mi mdzad de/ bcom ldan 'das ni gdul ba la brten te nyin mtshan lan drug rnam par gzigs pa 'ba' zhig tu ma zad kyi 'di ltar bstan pa gnas par bya ba'i phyir yang 'di la ngas rjes su gnas par bya ba gang yin pa de ni rjes su gnang bar bya la phyir dgag par bya ba gang yin pa de ni phyir dgag par bya'o/ /snyam du bstan pa la yang rnam par gzigs pa ston to/ /btsun pa zhes bya ba ni mchod pa'i tshig yin te/ shin tu dge ba yin pa'i phyir dang bde ba bskyed pa mdzad pa yin pa'i phyir ro/ /mad do zhes bya ba la gal te nyes pa 'chab par byed cing bas khas len par mi byed pa ni 'jig rten gyi lugs yin pas ci'i phyir khas len par byed ce na/ des bcom ldan 'das thams cad mkhyen pa yin par yid ches pa'i phyir te/ bcom ldan 'das 'di ni rang byung dang thams cad mkhyen pa nyid yin pas de'i phyir gal te bdag gis bcabs na yang des mkhyen par 'gyur la/ ma bcabs na yang des mkhyen par 'gyur bas de'i phyir 'jig rten gyi lugs la mi brten par ston pa'i che ba nyid la brten te/ khas blang bar bya'o snyam du sems pa'i phyir ro/ /yang na de'i dus na dge slong dag nyon mongs pa shas che bar gyur pa yin la/ bsam pa dge ba dang ldan pa yin pa'i yang phyir te/ de la nyon mongs pa shas che ba'i phyir na nyes pa byas par yang 'gyur la/ bsam pa dge ba dang ldan pa'i phyir ni khas len par yang byed do/ /dge sbyong gi tshul ma yin pa zhes bya ba ni khyim pa'i las yin pa'i phyir ro/ /rjes su mthun pa ma yin pa zhes bya ba ni 'phags pa'i lam dang mi mthun pa'o/ /rung ba ma yin pa zhes bya ba ni mi rigs pa ste/ rang bzhin gyi kha na ma tho ba dang bcas pa'i phyir ro// tshul dang mthun pa ma yin pa zhes bya ba ni 'dra ba ma yin pa ste/ bcas pa'i kha na ma tho ba dang bcas pa'i phyir ro/ /ci'i phyir rung ba ma yin zhing tshul dang mthun pa ma yin zhe na/ de'i phyir de ni rab tu byung bas bya ba ma yin no zhes bya ba gsungs te/ gnyi ga yang skyon chags pa yin pa'i phyir ro/ /ci'i phyir zhes bya ba ni mi mthun pa nyid yin pa'i phyir ji ste zhes bya ba'i tha tshig go /mi gti mug can zhes bya ba ni mi shes pa'o/ /gal te sangs rgyas bcom ldan 'das ni rjes su chags pa dang khong khro ba spangs pa yin na ci'i phyir bcom ldan 'das kyis mi gti mug can zhes smad pa'i tshig gis smad pa mdzad ce na/ bcom ldan 'das ni gdul ba'i rgyud dag la dgongs pas log par bsgrub pa mi mda' mod kyi/ 'on kyang bya ba rnam par zlog pa'i phyir smad pa mdzad de/ mkhan po dang slob dpon dag slob ma dang nye gnas dag la bsam pas log par sgrub pa med kyang tshig drag po dag gis smod par byed pa dang 'dra'o/ /sprul nag po zhes bya ba ni sprul gyi rigs so/ / de'i ngo bo nyid bstan pa'i phyir dug myur du khyab pa zhes bya ba la sogs pa tshig gsum gsungs te/ dug myur du khyab pa zhes bya ba ni des zin ma thag tu dug myur du lus thams cad la khyab par byed pa'o/ /dug drag po zhes bya ba ni dug dbyung dka' ba'o/ /dug rno ba'i zhes bya ba ni dug gdug pa'i'o/ /khar rang gi yan lag gi rnam pa bcug par gyur pa ni bla'i zhes bya ba la/ gal te gang gi tshe kha yangs mi tshangs par spyod pa'i lam yin pas de'i phyir bcom ldan 'das kyis de las kyang mi tshangs par spyod pa'i bslab pa'i gzhi 'cha' bar 'gyur na ci'i phyir bcom ldan 'das kyis rung ba ma yin pa'i gzhi de bla'i zhes gsungs she na/ bcom ldan 'das kyis mi tshangs par spyad par bya ba las brten te dper mdzad pa ni ma yin gyi 'di ltar gnod par 'gyur ba las brten te dper mdzad pa yin te/ 'di ltar de'i khar bcug ste shi bar gyur cing lus gcig gis srog gi dbang po dang bral ba ni bla'i bud med kyi yul du bcug cing tshe rabs brgya dag tu shes rab kyi srog gi dbang po dang bral bar 'gyur ba ni de lta ma yin no zhes bya bar dgongs pa yin no/ /bla'i zhes bya ba ni mdzes kyi zhes bya ba'i tha tshig go /de ltar gyur pas zhes bya ba la/ gal te ji ltar gyur pa shes nas chags par gyur pas so/ /yang na khyim gyis gnas nas mngon par byung ba dang/ yul spangs pa dang/ khyim btang ba dang chung ma las grol ba dang bslab pa yang dag par blangs pa dang/ sdom pa la gnas pa dang/ tshangs par spyod pa dang bcom ldan 'das kyi sras nyid du khas blangs par gyur pas so/ /bud med kyi yul la zhes bya ba ni bud med kyi lus la'o zhes 'dul ba bye brag tu bshad pa las gsungs so/ /ma yin no zhes bya ba ni bla'i zhes bya ba'i tha tshig go /gal te gang gi tshe sprul nag po dug myur du khyab pa la sogs pa dang ldan pa ni srog dang bral bar byed la/ bud med kyi yul gyi ni srog dang bral bar lta ga la byed kyi yid bde bar yang bskyed par byed par yin na/ bcom ldan 'das kyis ci'i phyir dpe de ltar dang po rtsom pa mdzad ce na/ bud med kyi yul gyis kyang tshe rabs stong phrag du mar srog dang bral bar byed pa'i phyir te/ sprul nag po dug myur du khyab pa la sogs pa dang ldan pas zin pa ni lan 'ga' gsor yang rung gi /bud med kyi yul gyis zin pa ni nam yang gsor mi rung ba dang sprul nag po dug myur du khyab pa la sogs pa dang ldan pas zin pa ni lan 'ga' ni tshangs pa mtshungs par spyod pas yongs su mi spang du yang rung gi / bud med kyi yul gyis zin pa ni tshangs pa mtshungs par spyod pas dus thams cad du yongs su spang bar bya ba yin pa dang/ sprul nag po dug myur du khyab pa la sogs pa dang ldan pas zin pa ni 'phags pa'i lam sgrub pa dang nges par 'jug pa dang 'bras bu thob pa dang 'dod chags dang bral ba dang zag pa zad pa la rab tu gnas par rung gi bud med kyi yul gyis zin pas ni de dag thams cad mi rung ba'i phyir ro/ /'di skad ces brtag pa nye bar bzung na de'i rgyu las chu klung gi rgyun ni gyen la 'bab kyang srid kyi/ 'phags pa'i lam ni gnas med de/ 'di ltar snong nyams pa'i phyir ro/ /zhes kyang gsungs so/ /rnam par smad do zhes bya ba ni rnam grangs kyis smad par mdzad pa ste/ gal te de'i tshe bcom ldan 'das kyis gzhi 'di las nyes pa byas na chad pa'i las 'di yin no zhes bca' ba ma mdzad na/ ci'i phyir sngar bca' ba mdzad par rnam par smad par mdzad ce na/ /zla grogs bstan pa'i phyir te/ 'di ltar 'di la shA ri'i bu dang maung+gal gyi bu la sogs pa dag rang bzhin dang bcas pa'i kha na ma tho ba dang bcas pa spong ba yang dag par len par byed na khyed kyis kyang de bzhin du ci'i phyir de dag spong ba yang dag par mi blang zhes yang dag par smad par mdzad do/ /yang na bcom ldan 'das kyis sngar sdig pa thams cad mi bya ste/ dge ba phun sum tshogs par bya/ /zhes bya ba la sogs pa gsungs pas nye bar spyad pa thams cad smad pa dang legs par spyad pa thams cad bsngags par mdzad zin pas de'i phyir rnam par smad pa mdzad do/ /rnam grangs du mos zhes bya ba ni rnam pa du mas so/ /bka' stsal ba zhes bya ba ni mngon du mdzad pa'o/ /de lta bas na zhes bya ba ni mjug bsdu ba'i phyir ro/ /phan yon zhes bya ba ni yon tan no/ /dge 'dun bsdu ba zhes bya ba ni dge 'dun bsrung ba ste/ bslab pa yang dag par ma blangs pa rnams phyi rol tu byed pa'i phyir ro/ /legs par bya ba zhes bya ba ni mdzes par bya ba ste/ nges par gnas pa rnams bsngags pa'i phyir ro/ /bde bar gnas pa zhes bya ba ni bde bar 'dug pa'o/ /gnod mi bskur ba'i gang zag rnams tshar bcad pa'i phyir zhes bya ba ni ngo tsha mi shes pa'i sems can rnams chad pas bcad pa'i phyir te bsnyil ba dang/ spyad pa la sogs pa gnyen po bstan pa'i phyir ro/ /ngo tsha shes pa rnams bde bar gnas par bya ba'i phyir zhes bya ba ni yon tan dang ldan pa rnams bde bar bya ba'i phyir ro/ /mngon par mi dad pa rnams zhes bya ba ni dad pa dang mi ldan pa rnams so/ /phyir zhing 'byung ba zhes bya ba ni 'phel ba'o/ /tshe 'di'i zhes bya ba ni da ltar byung ba'i 'o/ /bsdam pa zhes bya ba ni bzlog pa'o/ /tshe rabs phyi ma'i zhes bya ba ni ma 'ongs pa'i 'o/ /bzlog pa zhes bya ba ni rnam par mnan pa'o/ /tshangs par spyod pa zhes bya ba ni lam gyi brten pa'o/ /skye bo mang po la phan pa zhes bya ba ni skye bo mang po la mkho ba ste/ ma 'ongs pa'i skye bo dag la phan pa'i phyir ro/ /yangs par gyur pa zhes bya ba ni rgya che ba'o/ /bar dag la zhes bya ba ni mdza' bstan pa'o/ /yang dag par zhes bya ba ni ma log par ro/ /rab tu bstan pa zhes bya ba ni rgya cher bstan pa'o/ /yun ring du gnas pa zhes bya ba ni dus yun ring du gnas pa'o/ /gdon par bya ste zhes bya ba ni klag par bya ba 'am gzhan dag la lung dpog par bya ba'o/ /rgyal po'i khab ces bya ba ni grong khyer gyi ming ngo/ /'od ma'i tshal zhes bya ba ni smyig ma'i tshal lo/ /gya ka landa ka'i gnas zhes bya ba ni bya bong chung ngu dag gi gnas so/ /brjod pa brjod nas zhes bya ba ni yang dang yang du byas nas so/ /sdig pa can zhes bya ba ni skyon chags pa'o/ /dam pa ma yin pa'i chos zhes bya ba ni cho ga ma yin pa'o// rnam par lta bar byed pa zhes bya ba ni rtog par byed pa'o/ /ro smad ces bya ba ni rgyab kyi cha'o/ /stobs par byed ces bya ba ni 'bul bar byed ces bya ba'o/ /'di lta ste zhes bya ba ni 'di ltar ro/ /ngo tsha bas zhes bya ba ni shin tu ngo tsha bas so/ /khros pa zhes bya ba ni dang po 'khrug pa chung ngus reg pa'o/ /'khrugs zhes bya ba ni 'bring gis so/ /rngam par gyur ces bya ba ni 'khrugs pa chen pos drag shul nyid du gyur pa'o/ /yid mi dga' nas zhes bya ba ni yid mi bde zhing mi dga' nas so/ / mngon par bred de zhes bya ba ni rnam par dral te'o/ /ngur ru ru zer zhing zhes bya ba ni khro ba las byung ba'i sgra ngur ru ru zer zhing ngo/ /'on kyang zhes bya ba ni khyad par du'o/ /'o na zhes bya ba ni dri ba'o/ /bkag ces bya ba ni dgag par mdzad pa'o/ /mi nyid la zhes bya ba ni mi'i 'gro bar skyes pa ste/ de la zhugs pa'i phyir de nyid la dgag pa mdzad par bsam pa'o/ /snga ma ni bcas pa'o zhes bya ba ni gzhi'i mtshams so/ /'di ni rjes su bcas pa'o zhes bya ba ni de'i rjes su song ba'i mtshams te de'i rjes su song ba'i bsam pa bzlog pa'i phyir ro/ /yang dge slong gang zhes gsungs pa la sogs pa ni 'dul ba'i don yongs su shes pa med na slob ma rnams kyi bya ba bsgrubs pa yongs su nyams par 'gyur pa dang bslab pa ral bar 'gyur ba dang 'jig rten rnams ma dad pa skye ba dang/ lam skye ba thag ring bar 'gyur bas de'i phyir bslab pa bcas ma thag kho nar bcom ldan 'das nyid kyis bslab pa'i don bka' stsal pa yin no/ /de la yang zhes bya ba ni spyir btang ba'i don to/ /yang na phyi ma'i don te/ des na las dang po pa ma gtogs pa de las gzhan pa gang phyis byed na zhes bya ba'i tha tshig go /dge slong zhes bya ba ni 'og nas dge slong bzhi 'byung ba ma gtogs pa gsol ba dang bzhi'i las mi g.yo ba bzhag par mi 'ong bas rdzogs par bsnyen pa zhes 'byung ba de gzung ngo/ /gang zhes bya ba ni la la zhes bya ba'i tha tshig go /ming gi dge slong zhes bya ba ni ming tsam gyis dge slong yin la don gyis stong pa'o/ /khas 'che ba'i dge slong zhes bya ba ni khas len pa'i khas 'che ba tsam gyis dge slong yin la don gyis stong pa'o/ /slong ba'i phyir dag slong zhes bya ba ni slong ba tsam gyi rgyus dge slong yin la don gyis stong pa'o/ /nyon mongs pa bcom pa'i phyir dge slong zhes bya ba ni nyon mongs pa rab tu bcom zhing zag pa zad pa'i phyir dge slong zhes bya ba ni gsol ba dang bzhi'i las mi g.yo ba gzhag par mi 'os pas rdzogs par bsnyan pa ma yin pa'o/ /ming dang ming du brjod pa zhes bya ba la sogs pa'i sgra brgyad po dag ni yul tha dad par grags pa'i ming ste ming gi rnam grangs so/ /dge slong gi rigs she 'am zhes bya ba ni dge slong gi rigs brgyad do/ /dge slong dang 'dra bar gyur pa zhes bya ba ni dge slong dang mtshungs par gyur pa'o/ /khas 'che bar byed pa zhes bya ba ni tshig gis khas len par byed pa'o/ /rku thabs su gnas shing zhes bya ba ni rkun po lta bur chos kyi longs spyod byad pa'o/ /dge slong du dam 'cha' bar byed pa zhes bya ba ni lus kyi bya bas smos par byed pa'o/ /chos dang ldan pa zhes bya ba ni chos dang rjes su 'brel ba'i rigs pa dang ldan pas so/ /slongs mo spyod pa zhes bya ba ni slong zhing spyod pas so/ /'tsho bar byed pa zhes bya ba ni 'tsho ba sbyor bar byed pa'o/ /kun nas nyon mongs par byed pa zhes bya ba ni las kyis kun nas nyon mongs par byad pa'o/ /yang srid par byed pa zhes bya ba ni yang bar ma do'i srid pa 'byung ba'i rgyu ste skye ba'i kun nas nyon mongs pa byed pa'o/ /rims nad dang bcas pa zhes bya ba ni kun tu spyod pa'i tshe na ste yongs su gdung bar byed pa yin pa'i phyir ro/ / rnam par smin pa sdug bsngal ba zhes bya ba ni sems can dmyal ba la sogs pa'i rgyu yin pa'o/ /phyi ma la zhes bya ba ni dus phyi ma la'o/ /skye ba dang rga ba dang 'chi bar 'gyur ba zhes bya ba la skye ba zhes bya ba ni skye ba gzhan no/ /rga ba zhes bya ba ni lus yongs su smin pa'o/ /'chi ba zhes bya ba ni tshe zad pa ste de dag gi rgyu yin pa'o/ /spangs pa zhes bya ba ni zad pa ste 'thob pa chad pa'i phyir ro/ /yongs su shes pa zhes bya ba ni ngo bo nyid dang dmigs pa yongs su chad pa'i phyir ro/ /rtsa ba nas bcad pa zhes bya ba ni nyes pa'i rnam pa chung ngu yang spangs pa'i phyir ro/ /shing tA la'i mgo bzhin du zhes bya ba ni ji ltar shing tA la'i mgo bcad na gzhi mi snang zhing phyogs gcig kyang mi skye ba de dang 'dra'o zhes bya ba'i tha tshig go /gzhi mi snang ba zhes bya ba ni gang dag gi gzhi zhes bya ba gnas mi snang zhes bya ba'i grib ma med pa de dag ni gzhi mi snang ba zhes bya ba ste lhag ma ma lus pa'o/ /phyi ma la mi skye ba'i chos can du gyur pa zhes bya ba ni yang tshe gzhan du mi skye ba'i chos can du gyur pa'o/ /don 'dir ni zhes bya ba ni yul 'di ni'o/ /gsol ba dang bzhi'i zhes bya ba ni las brjod par gang la gsol ba dang las brjod pa gsum dang bzhi byed pa'o/ /mi g.yo ba zhes bya ba ni yang bya mi dgos pa'o/ /bzhag par mi 'os pa zhes bya ba ni bgegs bya bar ni mi 'os pas so/ /chos mthun pa zhes bya ba ni lam mthun pa'o/ /tshangs pa mtshungs par spyod pa rnams dang zhes bya ba ni rab tu byung ba dge slong rnams dang ngo/ /bslab pa mtshungs par zhes bya ba ni bslab pa 'dra bar ro/ /gyur pa zhes bya ba ni zhugs pas so/ /bslab pa zhes bya ba ni nges pa'o/ /deng rdzogs par bsnyen pas zhes bya ba ni nyi ma de la rdzogs par bsnyen pas so/ /tshul khrims nyid kyis mnyam pa zhes bya ba ni rang bzhin gyis kha na ma tho ba dang bcas pa spangs pas mnyam pa'i phyir ro/ /bslab pa nyid kyi mnyam pa zhes bya ba ni bcad pa'i kha na ma tho ba dang bcas pa spangs pas mnyam pa'i phyir ro/ /so so thar pa'i mdo 'don pa nyid kyis mnyam pa zhes bya ba ni chos kyi longs spyod kyis mnyam pa'i phyir ro/ /so sor thar pa zhes bya ba ni des dang por sdig pa las thar ba ste/ dang po'i rnam par rig byed dang rnam par rig byed ma yin pa ni so sor thar pa'o zhes gsungs pa'i phyir ro/ /de nyid mdo 'di yin te 'dul ba'i rnam pa'i don mdza' dag smos pa'i phyir ro/ /de 'don pa ni dge 'dun gyi dbus su brjod pa'o/ /de'i dngos po ni de nyid do/ /khros shing 'dir smos pa ni gzhung gnas yin te/ de ni mi rigs te/ gtong bar 'dod na chags par gyur pa la sogs pa bzhin du bslab pa btang bar gyur pa'i phyir ro/ /gal te khros pa ni gtong ba'i sems med par khro ba zil gyis non pas bslab pa 'bul na ni de'i tshe bslab pa ma phul bar brjod par bya'o/ /'bul na zhes bya ba ni yongs su gtong na'o/ / smyos pa zhes bya ba ni smyos byed kyi tha snyad kyi blo nyams pa'o/ /sems 'khrugs pa zhes bya ba ni rlung la sogs pas gang gi rang bzhin gyi sems nyams pa'o/ /tshor ba dag gis nyen pa zhes bya ba ni sdug bsngal gyi tshor ba dag gis dge slong gi dngos po sems nyams pa ste de ni tha snyad kyi sems pa med pas des phul yang ma phul bar brjod par bya'o/ /glen pa zhes bya ba ni brda phrod par mi nus pa'o/ /lkugs pa zhes 'dir smos pa ni gzhung gzhan yin te/ /de yang mi rigs te/ brda phrod na go bar byed pa med du zin kyang phul bar 'gyur ba'i phyir te/ 'chi bar nges pa la sogs pa lta bu dang lce thob na go bar byed pa yang srid pa'i phyir ro/ /'on pa zhes bya ba ni rna ba nyams pa'o/ /dben par zhes bya ba ni gnas stong pa ste/ dben par ni nyan pa po med pa'i phyir yul ma yin no/ /dben par 'du shes pas zhes bya ba ni nyan du gzhug pa'i blo med pas yong su btang ba'i blo yang med pa'i phyir ro/ /dbus pa zhes bya ba ni yul dbus na skyes pa'o/ /mdza' 'khob pa zhes bya ba ni yul mdza' 'khob na skyes pa'o/ /snyoms par zhugs pa zhes bya ba ni sems mnyam par bzhag pa 'am sems med pa'o/ /sprul pa zhes bya ba ni gsang sngags la sogs pas bslang ba'o/ /klag cor can gyis zhes bya ba ni dbul bar byed pa gtam gzhan gyi klag cor zer ba ste/ des nyan pa po klag cor can la 'bul bar byed na phul ba ma yin te/ de dag thams cad ni go ba med pa'i phyir phul bar mi 'gyur ro/ /gtong ba'i sems mod pa zhes bya ba ni 'bul ba'i sems med pa ste/ des na btang ba'i sems med na 'bul bar byed du zin kyang phul bar mi 'gyur ro zhes bya ba'i tha tshig go /dge sbyong gi tshul 'dod pa zhes bya ba ni dge slong gi dngos po nyid 'dod pa'o/ /khyim na gnas pa mi 'dod pa zhes bya ba ni khyim pa'i dngos po nyid mi 'dod pa'o/ /mi rang bzhin du gnas pa zhes bya ba ni 'jig rten gyi tha snyad las mnyams pa'o/ /shes pa zhes bya ba ni skad shes pa'o/ /des na gang gi tshe gtong ba'i sems med pa dang/ dge slong gi tshul 'dod pas khyim na gnas pa mi 'dod pa de'i tshe 'bul bar byed kyang phul bar mi 'gyur la/ gang gi tshe gtong ba'i sems yod pa dang dge sbyong gi tshul mi 'dod pa dang/ khyim na gnas pa 'dod kyang mi rang bzhin du gnas pa shes pa 'ga' la yang tshig gis rnam par rig par mi byed na de'i tshe yang bslab pa ma phul bar brjod par bya'o zhes bya ba'i tha tshig go / bslab pa nyams par zhes bya ba ni bslab pa'i yul mthu med pa nyid du'o/ /ma byas par zhes bya ba ni ma brjod par ro/ /bslab pa phul la bslab pa nyams par ma byas pa zhes bya ba ni bslab pa dbul ba bslab pa nyams par bya ba med par byed pa ste/ de ni rgyu ma bstan pa'i phyir yongs su rdzogs pa ma yin pas bslab pa phul la nyams par ma byas pa zhes mu dang por gzhag par zad kyi/ bslab pa phul na bslab pa nyams par ma byas su zin kyang de la dge slong gi dngos po nyid med do/ /bslab pa nyams par byas la bslab pa ma phul ba zhes bya ba ni bslab pa nyams par byas pa bslab pa 'bul ba med par byed pa ste/ de'i 'bras bu ma bstan pa'i phyir yongs su rdzogs pa ma yin pas bslab pa nyams par byas la bslab pa ma phul ba zhes mu gnyis par bzhag par zad kyi bslab pa nyams par byas na bslab pa ma phul du zin kyang de la dge slong gi dngos po nyid med do/ /bslab pa nyams par yang byas la phul ba zhes bya ba ni dge slong gi dngos po med pa nyid gang yin pa de ni rgyu yang bstan la 'bras bu yang bstan pa'i phyir yongs su rdzogs pa yin pas bslab pa nyams par yang byas la bslab pa phul ba zhes mu gsum par bzhag pa ste/ de la yang dge slong gi dngos po nyid med do/ /de la gang gi tshe dbul bar brjod nas nyams pa brjod par byed pa de'i tshe na dbul ba gtso bo nyid yin pa'i phyir phul ba zhes bya'i nyams pa zhes mi bya'o/ /gang gi tshe nyams par brjod nas 'bul bar byed pa de'i tshe ni nyams pa gtso bo nyid yin pa'i phyir nyams pa zhes bya'i phul ba zhes mi bya ste/ /de'i tshe phul ba dang nyams par byas pa gnyis ni don gcig pa 'di yin no/ /mu dang po gnyis ni dbul ba dang nyams par byas pa yongs su ma rdzogs pas bsdus pa yin no/ /bslab pa ma phul zhing bslab pa nyams par ma byas pa zhes bya ba ni dge slong gi dngos po nyid med par 'gyur ba'i rgyu de gnyis gang yang ma byas pas de la ni dge slong gi dngos po nyid yod pa yin pas mu bzhi bar rnam par bzhag go / ma bzhi po de dag las dang po gsum la ni dge slong gi dngos po nyid mar la mu tha ma la ni dge slong gi dngos po yod de zhes bya ba'i tha tshig go / sangs rgyas dang chos dang dge 'dun dkon mchog 'bul ba ni sdom pa'i rtsa ba btang pa'i phyir bslab pa phul ba yin no/ /mdo sde dang 'dul ba dang ma mo'i sde snod dang/ mkhan po dang slob dpon skye bo'i bla ma 'bul ba ni sdom pa la nye bar sbyor ba yongs su btang bas bslab pa phul ba yin no/ /khyim pa la sogs par khas len pa ni bslab pa'i sa btang bas bslab pa phul ba yin no/ /chos mthun pa dge spong pa ni bstan pa las phyi rol tu gyur par khas blangs pas rab tu byung ba'i sa btang ba'i phyir bslab pa phul ba yin no/ /mdo sde zhes bya ba ni dben pa'i chos nyid smos pa'i tshig yin no/ /ma ma zhes bya ba'i mdo sde dang 'dul ba gnyis kyi don dang don ma yin pa ston pas ma dang 'dra ba'i rnam par bshad pa gyur par bstan pa chos chos mngon pa yin no/ /dge tshul zhes bya ba ni dge tshul nyid yin no/ /za ma zhes bya ba ni dbang po las su mi rung ba'o/ /ma ning zhes bya ba ni mtshan nyams pa dang sa bon med pa'o/ /dge slong ma sun phyung ba zhes bya ba ni gang gis dge slong ma pham pa ma byung ba sprod pa las byung bas sun phyung ba'o/ /ngan sems kyis zhes bya ba ni bsad pa'i sems kyis so/ /mu stegs can zhugs pa zhes bya ba ni mu stegs can gyi lta ba dang ldan pa bzhin du bstan pa 'di la las lan gsum nyams su myong bar gyur pa gang yin pa dang dge slong gi rtags btang ste/ mu stegs can gyi rtags 'dzin cing mu stegs can gyi gnas su nam nangs par byed pa gang yin pa'o/ /rku thabs su gnas pa zhes bya ba ni yang dag pa'i lta ba dang ldan du zin kyang rdzogs pa ma bsnyen pa 'am/ rdzogs par bsnyen pa nyams pa rdzogs par bsnyen pa ma yin par 'du shes bzhin du las la gsum nyams su myong ba gang yin pa'o/ /tha dad par gnas pa zhes bya ba ni lta ba gzhan dang ldan pa'o/ /gnas par mi zhes bya ba ni nyams pa'o/ /khyed lta bu zhes bya ba ni khyed cag 'dra ba'o/ /chog go zhes bya ba ni dgag pa'o/ /spyad dga' ba zhes bya ba ni bsgrub pa dka' ba'o/ /rab tu dben pa zhes bya ba ni sems rab tu dben pa'o/ /gcig pu nyid la zhes bya ba ni gcig pa nyid la'o/ /mngon par dga' bar dka' ba zhes bya ba ni gang la mngon par dga' ba skye bar dka' ba'o/ /gnas ma la zhes bya ba ni 'dug pa'i gnas te/ skabs 'dir ni dgon pa zhes bya ba dang sbyar ste/ gnas mal dgon pa de yang gang zhe na/ 'og nas nags khrod dang ri drung dang rab mdza' dag ces 'byung ba dang sbyar ro/ / nags khrod ces bya ba ni shing ljon pa'i thibs pa'o/ /ri drung zhes bya ba ni ri dang thag nye ba'o/ /rab mdza' dag ces bya ba ni rab tu thag ring ba'o/ /gnas pa zhes bya ba ni nye bar phan pa ste/ 'dug pa zhes bya ba'i tha tshig go /khang du chud par dka' ba zhes bya ba ni shes par dka' ba'o/ /bzo dag ces bya ba ni 'tsho ba'i thabs te/ ri mo la sogs pas so/ /las kyi mdza' dag ces bya ba ni bu ram gyi shing gi las la sogs pa'o/ /bzang po dag tu zhes bya ba ni mdzes pa dag tu'o/ /gtong cig ces bya ba ni bsrung ba'i phyir phul cig ces bya ba'o/ /ngag dang tshig ces bya ba la sogs pa'i tshig bcu ni dag gi rnam par rig byed kyi rnam grangs te phul dang bstan bcos las grangs pa dag bstan pa'i phyir ro/ /rnam pa de dag ma gtogs pa zhes bya ba ni dbul ba dang nyams par bya ba'i rnam pa sngar bstan pa de dag ma gtogs pa'o/ / //bam po gsum pa/ gnyis kyis gnyis sprod pa zhes bya ba ni pho dang mo zhes bya ba gnyis kyi po dang mo'i dbang po zhes bya ba gnyis sbyor ba'o/ /chos ma yin pa de zhes bya ba ni bsod nams ma yin pa de'o/ /chos kyi sgrar zhes bya ba ni dngos po'i tshig tu zhes bya ba'i tha tshig go /tha na zhes bya ba ni mthar na'o/ /spra mo dang 'dra bar gtogs pa zhes bya ba ni spra mo dang rigs mthun pa dud 'gro'i skye gnas ma gtogs pa ste/ dud 'gro'i 'gro ba pa zhes bya ba'i tha tshig go /gang la dge slong gi dngos po yod pa gang yin pa'o zhes bya ba la sogs pa la/ dge slong gi dngos po zhes bya ba ni dge slong gi sdom pa rnam par rig byed ma yin pa'i mtshan nyid bdun po sbyar ba dang mjug dang bcad pa'i kha na ma tho ba dang bcas pa spong ba dag dang bcas pa'o/ /de nyid rdzogs par bsnyen pa yin te/ mya ngan las 'das pa'i mtshan nyid dgos pa thams cad rdzogs pa dang 'dra ba'i phyir ro/ /'dir dge slong gi dngos po de gtso bo yin pa'i phyir dang ltung ba'i gnas yin pa'i phyir te/ rten dang bcas pa ni dge slong gi sgrar brjod do zhes bya ba'i tha tshig go /byed pa nyid ces bya ba la sogs pa lnga ni bya ba rnam grangs yin no/ /rtog pa nyid dang yang dag par rtog pa nyid ces bya ba gnyis ni blo sngon du btang ste byed pa yin na/ /khas len pa dang mngon par khas len pa zhes bya ba gnyis ni dang du len pa'i rnam grangs yin no/ /phyir mi ldog pa zhes bya ba la sogs pa'i sgra gsum gyis ni phyir mi 'gog pa bstan to/ /ngag dang tshig ces bya ba la sogs pa bcus ni gsol ba bstan to/ /nye bar bstan pa zhes bya ba ni rwa nas bzung ba'i tshul gyis bstan pa'o/ /kun tu bstan pa zhes bya ba ni tshig gis bstan pa'o/ /nye bar bstan pa dang kun tu bstan pa'i mi dge gnyis tshig bla dags de nyid ni de zhes bya ba'i sgrar brjod do/ /pham par gyur pa zhes bya ba la pham par skyes pa ni pham par gyur pa ste/ de gang la yod pa de ni pham par gyur pa yin te/ nyams ba zhes bya ba'i tha tshig go /ci'i phyir pham par gyur pa zhes bya zhe na/ de'i phyir de zhes bya ba la sogs pa gsungs so/ /mthar gyur pa zhes bya ba la mthar skyes pa ni mthar gyur pa ste/ yang sbyar bar bya ba med pa'i phyir ro/ /ltung ba zhes bya ba ni nyes pa'o/ /dman pa zhes bya ba ni nyon mongs pa yin pa'i phyir ro/ /mjug na 'dug pa zhes bya ba la mjug ces bya ba ni mjug do ste/ de ni 'dug pa dang 'dra ba'i phyir mjug na 'dug pa'o/ /tha chad ces bya ba ni shin tu smad pa yin pa'i phyir ro/ /yid dang mi mthun pa zhes bya ba ni rab tu byung ba'i yid dang mthun pa ma yin pa'i phyir ro/ /rgyu gzhan bstan pa'i phyir yang zhes bya ba la sogs pa gsungs te/ yang zhes bya ba ni gzhan yang zhes bya ba'i tha tshig go /byas pa zhes bya ba ni thob na'o/ /byas ma thag tu zhes bya ba ni byis pa'i mod la'o/ /dge slong du mi rung bar gyur zhes bya ba ni dge slong dag pa nyid med pa'i phyir ro/ /dge slong du mi rung zhes bya ba ni dge sbyong gi tshul dag pa nyid med pa'i phyir ro/ /shAkya'i sras kyir mi rung zhes bya ba ni shAkya'i sras sangs rgyas bcom ldan 'das kyi slob ma yongs su dag par mi rung zhes bya ba'i tha tshig go /nyams par 'gyur zhes bya ba ni rab tu nyams par 'gyur pa ste/ rnam par dag pa dang bral ba'i phyir ro/ /ci'i phyir zhe na/ de'i phyir de'i dge sbyong gi tshul zhig par 'gyur te zhes bya ba la sogs pa gsungs te/ dge sbyong gi tshul zhes bya ba ni dge slong gi sdom pa'o/ /zhig pa zhes bya ba ni smos pa'o/ /nyams pa zhes bya ba ni nyams par gyur pa'o/ /bcom pa zhes bya ba ni tshul khrims nyams pa bcom pa'o/ /ltung ba zhes bya ba ni dag pa'i gnas las rnam par nyams pa'o/ /pham par gyur pa zhes bya ba ni nyon mongs pa'i dgra rnams kyis mthu mong pa nyid du byas pa'o/ /ci'i phyir dge sbyong gi tshul de ltar 'gyur zhe na/ de'i phyir de'i dge sbyong gi tshul phyir bslang du med par 'gyur ro zhes bya ba gsungs te/ phyir zhes bya ba'i sgra ni yang zhes bya ba'i sgra'i don to/ /bslang du zhes bya ba ni bslang bar te rnam par dag par sbyar ro/ /yang bslang ba ni phyir bslang ba'o/ /yang bslang du med pa'i phyir bslang du ste/ bshags pa la sogs pa so so'i skye bo'i sar gtogs pa thun mong par grags pa'i gnyen po med pa'i phyir ro/ /dpe bstan pa'i phyir 'di ltar dper na zhes bya ba la sogs pa gsungs so/ /mgo zhes bya ba ni mgo bo'o/ /sngon po zhes bya ba ni sdong po la sogs pa sngo ba nyid du'o/ / mi rung zhes bya ba ni snod ma yin pa'o/ /'phel ba zhes bya ba ni rtsa ba 'phel ba'o/ /rgyas pa zhes bya ba ni srid du'o/ /yangs par zhes bya ba ni sboms su skye ba'o/ /gnas de lta bu zhes bya ba ni gzhi de lta bu'o/ /de dang zhes bya ba ni gang zag de dang ngo/ /gsol ba zhes bya ba ni gsang ste ston pa bsko ba la sogs pa gsol ba 'ba' zhig gi las dag go /gsol ba dang gnyis zhes bya ba ni gso sbyong gi gnas la blo mthun par bya ba la sogs pa gsol ba dang gnyis kyi las dag go / gsol ba dang bzhi'i las zhes bya ba ni rdzogs par bsnyen par bya ba la sogs pa gsol ba dang bzhi'i las dag la'o/ /gnas par mi bya'o zhes bya ba ni 'jug par mi bya'o/ /gang zag bcu gnyis zhes bya ba ni gnas khang bsko ba dang/ zas la bsko ba dang/ thug pa 'brim pa dang/ bag chos 'brim pa dang/ snod spyad 'brub pa dang/ snod spyad bged pa dang/ gos sbed pa dang/ dbyar gyi ras chen bged pa dang/ mngag gzhug pa dang/ mdzes shos zhes bya ba dag go /bsko bar mi bya ste zhes bya ba ni bcol bar mi bya'o/ /rnam pa gang gis pham par gyur pa'i ltung ba 'byung bar 'gyur ba de nye bar bstan pa'i phyir de la ltung ba ji ltar 'gyur zhe na zhes bya ba la sogs pa gsungs so/ /de la zhes bya ba ni sngar bstan pa'i mtshan nyid la'o/ /yang dag par sdud par byed pa dag gis 'og nas 'byung ba'i rnam par bsdu ba'i phyir sdom la zhes bya ba la sogs pa gsungs te/ sdom zhes bya ba ni bsdu ba la'o/ / gnas gsum gyis zhes bya ba ni rang gi sten par byed pa zag byed dang bsten par bya ba kha dang bshad pa'i lam gyis so/ /zag byed dam kha 'am bshad pa'i lam du zhes bya ba sten par bya ba bud med kyi'o/ /bsten pa la zhes bya ba ni sprod pa las byung ba spyod pa la'o/ /gzhol ba zhes bya ba ni 'dod chags kyi sems chung ngu la'o/ /'bab pa zhes bya ba ni 'dod chags kyi sems 'bring la'o/ /bab pa zhes bya ba ni 'dod chags kyi sems chen po la'o/ /de dag chung ngu dang 'bring dang chen po nyid yin pas dus gcig tu mi 'byung ba'i phyir 'dir rnam grangs kyis 'byung ba shes par bya'o/ /rgyu gang gis 'jug ce na/ de'i phyir de sems bsten pa la gzhol ba dang bsten pa la 'bab pa dang bsten pa la bab pas zhes bya ba gsungs te/ 'dod chags kyi sems chung ngu dang/ 'bring dang/ chen po de gsum gang yang rung bas so/ /yul gang la 'jug ce na/ de'i phyir mi'i bud med gson po na nyams pa la zhes gsungs so/ /ma nyams pa zhes bya ba ni zag byad dang kha dang bshing pa'i lam gsum las gang yang rung ba ma nyams pa la ste/ nyams na reg pa'i bde ba yongs su rdzogs par med pa'i phyir ro/ /ji zhig 'jud na zhe na/ de'i phyir zag byed ces bya ba gsungs te/ dge slong gi'o/ /de khyad par ji lta bu zhig ce na/ de'i phyir bar dang bcas par bar chad dang bcas pa zhes bya ba la sogs pa mu bzhi gsungs te/ bar dang bcas pas zhes bya ba ni bar skabs dang bcas pa bu gu dang bcas pa'i rdzas kyis so/ /bar chad dang bcas pa zhes bya ba ni bar du gcod pa dang bcas pa ste/ rdzas par skabs dang bcas bu gu dang bcas pa des dge slong gi zag byed bar chad dang bcas pa zhes bya ba'i tha tshig go /bar chad dang bcas pas bar chad med pa zhes bya ba ni de lta bu'i rdzas par skabs dang bcas bu gu dang bcas pas dge slong gi zag byed bar du ma chod pa ste/ zag byed brling ba kho na'o/ /bar med pas bar chad dang bcas pa zhes bya ba ni bar skabs med pa bu gu med pa'i rdzas kyis zag byed kyi bar du chod pa dang bcas pa ste/ rdzas bar skabs med pa bu gu med pas dge slong gi zag byed bar chad dang bcas pa'o/ /de'ang dar lta bu bsrab mos bar du chod pas reg pa'i bde ba nyams su myong bar 'gyur ba la bya'o/ /rdzas stug po reg pa'i bde ba nyams su myong bar mi 'gyur ba ni ma yin te/ de la ni na smad pa'i phyir bar med pas bar chad med pa zhes bya ba ni de lta bu'i rdzas bar skabs med pa bu gu med pa dge slong gi zag byed bar du mchod pa ste/ de yang zag byed brling ba kho na'o// gang du 'jud ce na/ de'i phyir zag byed dam kha 'am bshang ba'i lam du zhes bya ba gsungs te bsten par bya ba bud med kyi'o/ /nyams pa la zhes bya ba ni rma'i sgo gsum po dag nyams pa la'o/ /nyes pa sbom mo zhes bya ba ni nyes pa'i lci ba ste pham par gyur pa dang dge 'dun lhag ma dang nye bar 'jug pa'i ltung ba'o/ /skabs 'dir ni pham par 'gyur ba'i sbom po'o/ /mi'i bud med shi ba ma nyams pa la zhes bya ba ni shi ba nyid yin yang reg bya'i sgo gsum ma nyams pas longs spyad du rung ba'i phyir nyes pa 'dra bar gsungs so/ /mi'i bud med shi ba nyams pa la zhes bya ba ni reg bya'i sgo gsum nyams pas longs spyad du mi rung ba'i phyir na smad do/ /mi'i bud med gson po de shi ba la ji ltar de bzhin du zhes bya ba la sogs pa ni mi'i 'gro bar gtogs pa'i bud med la nye ba ji lta ba de bzhin du mi min pa'i 'gro bar gtogs pa mo dang dud 'gro'i 'gro bar gtogs pa mo dang/ pho dang ma ning la yang nyes pa de bzhin par shes pa gzhung rgya chen pos 'jigs pa kha cig gis 'dra bar bstan cing mdor bsdus pa'i phyir de skad dris pa yin gyi/ bcom ldan 'das dang yang dag par sdud par byed pa dag gis ni 'dres snga ma bzhin du rgyas par mdzad do/ /mdor bsdus pa 'di la don nyams pa ni med do/ /yi ge'i gzhung ni nyams so/ /rtsol bar byed ces bya ba ni sngon du 'gro bar byed/ gnod par byed ces bya ba'i tha tshig go /dang por zhes bya ba ni 'dzin pa'i dus na'o/ /bar du zhes bya ba ni rma la sbyor ba'i dus su'o tha mar zhes bya ba ni mtshams las 'das par 'jug pa'i dus na'o/ /bsnyil bar bya'o zhes bya ba ni dngos gzhi med du zin kyang sdig pa drag po yin pas bzlog par bya spang bar bya zhes bya ba'i tha tshig go /'bru'i chang gis myos par byed du bcug ste zhes bya ba ni ra ro bar byed du bcug ste zhes bya ba'i tha tshig go / bdag gir mi byed na zhes bya ba ni dang du len par mi byed na ste/ lus dang ngag ngag? gis khas mi len na'o/ /'bru'i chang dang/ bcos pa'i chang zhes bya ba ni gnyi ga 'dres pa'o/ /rtsa ba'i btung ba zhes bya ba la sogs pa ni btsos pa'i chang gi bye brag go / btung ba zhes bya ba ni skom du btung ba'o/ /gsang sngags dag ces bya ba ni chol ba'i gsang sngags dag go /rigs sngags zhes bya ba ni grub pa thams cad byed pa'i rigs sngags so/ /sman zhes bya ba ni rtsi'o/ /sems 'khrug par byas pa zhes bya ba ni dbang du byas pa'o/ /gnyid log par byas te zhes bya ba ni gnyid log tu bcug ste'o/ /gya tsom? du zhes bya ba ni ma tshor bar ro/ /mthus zhes bya ba ni lus kyi sbabs kyis so/ /'jug pa na zhes bya ba ni mtshams su yan lag gi rnam par 'da' bar byed pa na'o/ /skabs 'di dag tu ji lta ba bzhin du zhes bya ba'i dpe'i spros pa dag bstan pas ni mi nyid dang mi ma yin pa nyid dang bud med nyid dang/ bud med ma yin pa nyid dang/ shi ba nyid dang/ ma shi ba nyid la sogs pa dag gis ni na smad pa med la/ nyams pa nyid dang bdag gir mi byed pa nyid gnyis kyis ni na smad pa nyid du bstan par shes par bya'o/ /nga ni dogs pa bzlog pa'i don du byung ba'i mdza' gang dag gsungs pa de dag bsdu ba'i phyir sdom la/ rgyab mnyen dang ni zhes bya ba la sogs pa gsungs so/ /mnyan yod ces bya ba ni grong khyer ro/ /rgyal byed kyi tshal zhes bya ba ni gzhon nu rgyal byed kyi nye bar spyod pa'i tshal lo/ /kun dga' ra ba zhes bya ba ni gtsug lag khang ngo/ /rgyab ces bya ba ni sgal tshigs la sogs pa lus kyi cha'o/ /mnyen pa zhes bya ba ni sgug tu bzod pa'o// shin tu mnyen pa zhes bya ba ni sgyed du bzod pa'o/ /grong zhes bya ba ni gang na tshong khang la sogs pa nyo ba dang btsong ba'i gnas med pa'o/ /grong rdal zhes bya ba ni grong khyer te gang na de yod pa'o/ /lus ma bsrungs pa zhes bya ba ni ma spas pa ste/ gcer bu la sogs pa bud med la reg pa la sogs pa ma spangs pa'i phyir ro/ /ma bsdams zhes bya ba ni mnyam par ma bzhag pa ste/ g.ye bag dag gis gir yang rung bar gtong ba'i phyir ro/ /nye bar ma bzhag pa zhes bya ba ni ma skyes pa ste/ bya ba dang bya ba ma yin pa dag kyang mi dran pa'i phyir ro/ /brgyus nas zhes bya ba ni song nas so/ /zas kyi bya ba byas te zhes pa ni zas kyi bya ba bsgrubs nas so/ /phyi ma'i zas kyi bsod snyoms las phyir log pas zhes bya ba ni gung tshigs sam phyis bza' bar bya ba yin pas phyi ma'i zas te/ phyi dro zhes bya ba'i dus so/ /yang na der zas phyi ma za bas phyi ma'i zas te/ de yang phyi dro'i dus kho na'o/ /de bsod snyoms las phyir bzlog pa zhes bya ba ni phyir bzlog par gyur ba ste/ phyi dro'i zas kyis dus su bsod snyoms mi byed par shes pa'i tha tshig go /mkhos su phab nas zhes bya ba ni rang rang gi gnas su bzhag nas so/ /nang du yang dag 'jog ces bya ba ni dben par byed pa'o/ /gnas su zhes bya ba ni gnas khang du'o/ /'dod pa la 'dod chags kyis kun nas dkris par gyur ces bya ni sprod pa byung ba'i sred pas nges par ston par gyur pa'o/ /las su rung ba zhes bya ba ni las su rung ba'o/ /yid mi dga' zhing zhes bya ba ni ma rangs shing ngo/ /mngon par ma mgu nas zhes bya ba ni ma phyogs nas so/ /rang gi lta la smos kyang ci dgos te zhes bya ba ni ha cang ma grags pa nyid kyis shin tu nyes par 'gyur ba'i phyir ro/ /'phyang ba can zhes bya ba ni de 'phyang ba yin pas 'phyang ba'o/ /de gang la yod pa de ni 'phyang ba can no/ /'phags pa rgyal zhes bya ba ni grong khyer ro/ /ded? dpon zhes bya ba ni 'dron pa'i gtso bo'o/ /bu mngon par 'dod pa zhes bya ba ni bu yod par 'dod pas so/ /zhi ba zhes bya ba ni lha chen po'o/ /chu lha zhes bya ba ni chu'i lha'o/ /lus ngan zhes bya ba ni rnam thas kyi bu'o/ /sogs pa zhes bya ba smos pas ni yul 'khor srung la sogs pa dag bsdu'o/ /gsol ba 'debs zhes bya ba ni 'chol ba'o/ /lha'i bye brag ces bya ba ni lha'i rnam pa'o/ /kun dga' i ra ba zhes bya ba ni 'bras bu dang ldan pa'i shing ljon pa'i gnas so/ /tshal zhes bya ba ni 'bras bu med pa'i shing ljon pa'i gnas so/ /lhan cig skyes pa ngag ces bya ba ni dus gcig tu byung ba srung bar byed pa gnod sbyin la sogs pa dag go /chos mthun pa dag ces bya ba ni bstan bcos mthun pa dag go / rtag tu rjes su 'brang ba zhes bya ba ni rtag tu phyi bzhin 'ong ba'o/ /gtam zhes bya ba ni grags pa'o/ /gnas gsum po dag ces bya ba ni rgyu gsum po dag go /mngon du gyur pa las zhes bya ba ni nye bar gyur pa las so/ /'dus pa zhes bya ba ni bya ba gcig rtsom zhing sbyor ba'o/ /dri za zhes bya ba ni srid pa bar ma ba'i sems can te/ zas su dri za ba'o/ /nye bar gnas shing zhes bya ba ni 'jug pa'i phyir nye bar 'ongs shing ngo/ /'jug 'dod pa zhes bya ba ni mngal du 'jug 'dod pa'o/ /dgyes pa zhes bya ba ni rigs pa 'am shes pa brjod pa'o/ /ro stong srang ste zhes bya ba ni spyi bo la sogs pa bstod de'o/ / kun tu spyod pa zhes bya ba ni grags pas so/ /rab ces bya ba ni rigs dang gzugs dang reg dang rgyan la sogs pa dag gis mchog tu gyur pa'o/ /'bring dang tha ma dag kyang de bzhin 'dod pa can ni tha ma dang 'bring dang rab dag 'dod pa'i phyir rnam pa gsum mo/ / dgun gyi zhes bya ba ni dro ba'i phyir ro/ /dpyid kyi zhes bya ba ni bsil ba'i phyir ro/ /dbyar gyi zhes bya ba ni gnyi ga dang rjes su mthun pa'i phyir ro/ /skyed mos tshal zhes bya ba ni me tog dang 'bras bu'i shing ljon pa la sogs pa dang ldan pa'i gnas so/ /skyes pa med pa zhes bya ba ni skyes pa dang bral ba bud med 'ba' zhig dang ngo/ /sil snyan gyis zhes bya ba ni rol mo'i sgras so/ /don gyis shes zhes bya ba ni zur gyis so/ /bskul to zhes bya ba ni go bar byas so/ /'dod pa la bab par bya'o zhes bya ba ni 'dzin du gzhug par bya ba'o/ /sbyor bar gyur pas zhes bya ba ni sems par 'gyur bas so/ /zong zhes bya ba ni btsong bar bya ba'i dngos po'o/ /yul gzhan du zhes bya ba ni 'gro ba'o/ /mngon du gyur pa zhes bya ba ni da ltar ro/ /bdag 'das zhes bya ba ni shi nas so/ /mun pa med ces bya ba ni snang bar ro/ /bzang mo zhes bya ba ni dga' ba'i tshig gis bod pa'o/ /dril bsgrags pa zhes bya ba ni nyan du gzhug pa'o/ /sho gam zhes bya ba ni lam gyi bca' o/ /la gcan zhes bya ba ni 'jigs pa dang bcas pa'i phyogs bsrung ba'i bca' o/ /gru btsas zhes bya ba ni chu klung brgal ba'i bca' o/ /yul gzhan du 'gro ba dang mthun pa'i zhes bya ba ni yul gzhan du 'gro bas skyed par byed pa gang yin pa'o/ /tshong pa zhes bya ba ni zong thogs pa'i mi'o/ /mgron du bos te zhes bya ba ni g.yar drangs te'o/ /shes ldan dag ces bya ba ni bod pa'i phyir mchod pa'i tshig ste'o/ /shes pa zhes bya ba de dag la yod pa'i phyir ro/ /de kho na bzhin du khyed kyi yang yin gyi zhes bya ba ni srung bar bya ba yin pa'i phyir dang bsten 'grogs kyi bu yin pa'i phyir dang bcol ba'i phyir ro/ /bar chad ces bya ba ni nyes pa'o/ /gnod pa las zhes bya ba ni don med pa'i rgyu las so/ /phan pa la zhes bya ba ni don gyi rgyu la'o/ /rab tu gnas par gyur na zhes bya ba ni rjes su 'jug par gyur na'o/ /legs zhes bya ba ni ma nongs zhes bya ba'o/ /zong rnam par spangs shing zhes bya ba ni btsong zhing ngo/ /de kho na bzhin du tshong pa 'di dag gi yang yin zhes bya ba ni pha'i grogs yin pa'i phyir dang phan pa dang gnod pa ston pa'i phyir ro/ /mnyan cing zhes bya ba ni nyan pa'i dus na'o/ /bya bar zhes bya ba ni rjes su bsgrubs pa'i dus na'o/ /dge mtshan zhes bya ba ni gi'u wang dang tshon sna lnga pa dang yungs kar dkar po gsang sngags kyis btab pa la sogs pa bkra shis kyi rtags so// bkra shis kyi zhes bya ba ni sha rlon pa dang me tog dkar po dang ba bzhon dang rdza rnga'i sgra dang glang po che'i skad la sogs pa phyi rol gyi'o/ /bde legs su gyur pa zhes bya ba ni me'i sbyin sreg dang bram ze'i 'don pa sogs pa srin po 'joms pa'o/ /yang na dge mtshan zhes bya ba ni yid du 'ong ba'i rgyu'o/ /bkra shis zhes bya ba ni yid du mi 'ong ba bzlog pa'o/ /bde legs su gyur pa zhes bya ba ni bgegs bsrung ba'o/ /khur dag ces bya ba ni phrag rdang gi khur dag go /rjang? dag ces bya ba ni 'dam bu dang smyig tshal la sogs pa las slas pa 'bru'i snod dag go /sle ba dag ces bya ba ni sog ma la sogs pa byas pa'i 'bru'i snod dag go / 'phags so zhes bya ba ni song ba'o/ /yul 'khor zhes bya ba ni rgyal srid gzhan no/ /rgyal po'i pho brang zhes bya ba ni rgyal po'i bzhugs sa'o/ /khang kyi rgyu ba na zhes bya ba ni mthar gyis 'gro ba'o/ /gzugs 'tshong ma zhes bya ba ni smad 'tshong ma ste/ bdag nyid kyi gzugs gnas par bya ba'i phyir 'tshong bar byed pa'i phyir ro/ /skyes bu dga' ba zhes bya ba ni don du gnyer bar 'os pa'i phyir ro/ /mdag gzhug ma zhes bya ba ni bran mo'o/ /bcud kyi len zhes bya ba ni bcud ces bya ba'o/ /dri zhes bya ba ni lus byugs pa la sogs pa'i rdzas so/ /phreng ba brgyud zhes bya ba ni me tog go /mi phal pa zhes bya ba ni skye bo tha mal pa'o/ /skabs kyi gtam zhes bya ba ni 'gro ba dang 'ong ba'i bar skabs kyi gtam mo/ /ji snyed ces bya ba ni ji tsam mo/ /byas par gyur pa zhes bya ba ni brjod par gyur pa'o/ /thos nas zhes bya ba ni mnyan nas so/ /dga' ba zhes bya ba ni yid kyi bde ba'o/ /yid bde ba zhes bya ba ni mchog tu dga' ba'o/ /kha cig na re yid bde ba zhes bya ba ni yid kyi bde ba'o/ /dga' ba zhes bya ba ni don gzhan yin zhes zer ro// zhim po zhes bya ba ni dri ma zhim pos so/ /bla re bres pa dang bcas pa'i mal bshams nas zhes bya ba ni bla re zhes bya ba steng du bre ba'i ras bres pa zhes bya ba'o/ /brkyang ba dang bcas pa'i mal zhes bya ba ni nyal stan nang tshangs can la sogs pa'o/ /bshams nas zhes bya ba ni btings nas so/ /gtso cher zhes bya ba ni shas tshor te/ bar skabs su don gzhan yang byed pa gtso cher smos so/ /sdong cing zhes bya ba ni sta gon byed cing ngo/ /rnam par mdzes shing zhes bya ba ni sdug cing ngo/ /rigs skyes zhes bya ba ni rigs mthon po'o/ /rigs min skyes zhes bya ba ni rigs dma' ba'o/ /nor nyams zhes bya ba ni dbul po'o/ /nor gyis 'byor pa zhes bya ba ni phyug po'o/ /gzugs kyis phyug pa zhes bya ba ni gzugs kyi 'byor pa ste/ gzugs bzang po dang ldan pa zhes bya ba'i tha tshig go /yid 'phrog byed ces bya ba ni dbang du byed pa'o/ /khang thogs nas zhes bya ba ni khang bzangs kyi sa nas sam khyim gyis nas so/ /'khyud de zhes bya ba ni phang gis 'khyud de'o/ /khyim gyi nang du zhes bya ba ni khang pa'i nang du'o/ /bud med kyi khri la zhes bya ba ni khri yangs pa la'o/ /e ma'o zhes bya ba ni ngo mtshar te zhes bya ba'o/ /dgung gcig gi gla zhes bya ba ni nyin mtshan gcig gi gla'o/ /mi gsha' ba zhes bya ba ni brjod par bya ba ma yin pa'o/ /'dod pa dag ces bya ba ni gzugs la sogs pa 'dod pa'i yon tan dag go /bsten pa na zhes bya ba ni nye bar spyod pa na'o/ /ldog pa na zhes bya ba ni phyir ldog pa'o/ /ngoms pa zhes bya ba ni mthar thug pa zhes bya ba don med pa nyid de/ de gsum ni mi phyogs pa'i rnam grangs so/ /gtad par zhes bya ba ni bcol bas so/ /kun tu bcal bar bya'o zhes bya ba ni yongs su blta bar bya'o/ /mjud mthun ma zhes bya ba ni smad 'tshong ma ste 'jud pa zhes bya ba ni pho'i dbang po ste/ gzhug par bya ba mo'i dbang por de 'jud par byed pa yin pas 'jud pa zhes bya ba'o/ /bud med gang 'jug pa de dang rjes su mthun par byed pa de dang 'jud mthun ma zhes bya'o/ /yal bar bor ba zhes bya ba ni ring du spangs pa'o/ /'di'i phas zhes bya ba ni mdzes dga' i phas so/ /klan kar 'gyur ro zhes bya ba ni brjod par bya bar 'gyur te nyes pa dang bcas par 'gyur zhes bya ba'i tha tshig go /don mthun rnams zhes bya ba ni don mthun pa'i skye bo'i tshogs te 'dron pa'o/ /bang chen zhes bya ba ni phrin skyel ba'o/ /thogs nas zhes bya ba ni yun ring du thogs nas so/ /'dus te zhes bya ba ni tshogs te'o/ /kun tu sbyor ba dag ces bya ba ni nyon mongs pa dag ste/ de dag gis sdug bsngal dang kun tu sbyor bar byed pa'i phyir ro/ /'phel bar byed pa yin pas zhes bya ba ni skye bar byed pa yin pas so/ /bral bar gyur pa zhes bya ba ni zhi bar gyur pa'o/ /kye ma zhes bya ba'i sgra ni yi chad pa'i tshig go /bya ba ma yin pa la zhes bya ba ni mi snyan pa la'o/ /'phags so zhes bya ba ni song ba'o/ /phyin chad zhes bya ba ni yang ngo/ /gnyis sam gsum zhes bya ba la yongs su rdzogs pa bgrangs na ni gnyis so/ /cha bgrangs na ni gsum mo/ /zhing zhes bya ba ni zhing du rmo ba'o/ /las kyi mdza' zhes bya ba ni lan tsha'i las la sogs pa'o/ /grong mi zhes bya ba ni g.yog bran dag go /kho nar zhes bya ba ni 'ba' zhig tu'o/ /skabs zhes bya ba ni bya ba'i dus so/ /med dam zhes bya ba ni dri ba'o/ /tshogs can ma zhes bya ba ni smad 'tshong ma ste tshogs can zhes bya ba ni skye bo'i tshogs thams cad do/ /bud med gang la skye bo'i tshogs thams cad bdag por yod pa de ni tshogs can ma zhes bya ba'o/ /rang bzhin zhes bya ba ni rang bzhin gyis te bcos ma ma yin pa'i sdug pas so/ /bya rnams zhes bya ba ni 'dab tshogs dag go / 'bras bu med ces bya ba ni 'bras bu shing thog zad pa'o/ /ljon pa zhes bya ba ni shing ljon pa'o/ /bzhin zhes bya ba ni dpe'o/ /rnying zhes bya ba ni 'phyon ma pa'o/ /rnam par spong zhes bya ba ni gtong ba'o/ /ji srid du zhes bya ba dang/ de srid du zhes bya ba ni ma zad pa'o/ /dbang zhes bya ba ni rag las pa'o/ /brgya byin zhes bya ba ni rdo rje can te dbang po'o/ /ri klung zhes bya ba ni ri'i chu klung ngo/ /yid 'bebs par zhes bya ba ni yid bcugs par ro/ /rgongs dkar zhes bya ba ni mtshan mo'i cha dang por ro/ /rang zhes bya ba ni 'phyon ma pa rang gi'o/ /bcugs pa dang zhes bya ba ni yid bcugs pa dang ngo/ /gtam gyis zhes bya ba ni dga' ba'i gtam gyis so/ /dga' bar byed ces bya ba ni yid gcugs pa dga' ba'i gtam de gnyis kyis 'phyon ma dga' bar byed pa'o/ /dbus gnas shing zhes bya ba ni dgongs ka ltar dga' bar yang mi byed lan ma nangs ka ltar spong bar yang mi byed pa'o/ /spyod par byed dam zhes bya ba rjes su 'jug par byed dam zhes bya ba'o/ /nor ma spyad pa zhes bya ba ni sngar nor spyad ma zin pa'o/ /shin tu thag ring bar zhes bya ba la shin tu zhes bya ba ni rab tu'o// thag ring bar zhes bya ba ni khang ring bar ro/ /gzhan gang dag ces bya ba ni dga' ba dang bcas pa'i tshig go /'dod chags shas ches chen pos zhes bya ba ni 'dod chags dam pos so/ /yol bas zhes bya ba ni bskyab pa'i ras kyis so/ /lam po che la mi mkhas pas zhes bya ba ni lam rgyus mi shes pas so/ /ji tsam na zhes bya ba ni de'i mod na'o/ /phyi thog thag ces bya ba ni phyi bzhin thog thag go /rjes su song ngo zhes bya ba ni rjes su 'brang ba'o/ /lo ma lhag ma dag ces bya ba ni mda' ma brul ba dag go /blangs te zhes bya ba ni gding ba'i phyir blangs te 'o/ /tshul ma lags pa zhes bya ba ni rgyu thabs kyis so/ /gnod pa bsgrub par gyur to zhes bya ba ni sdug bsngal thob par byas pa'o/ /nyi ma gnyis sam gsum du zhes bya ba ni nyi ma rangs par bgrangs pas ni gnyis so/ /nyi ma dum bur bgrangs pas ni gsum mo/ /kun tu spyad pa'i zhes bya ba ni kun tu tha snyad bya ba'o/ /chos dag ces bya ba ni chos gang dag go /ri dags kyis ri dags ces bya ba ni rab tu byung ba rnams ni ri dags dang 'dra ba'i phyir ro/ /rgya che la zhes bya ba ni go skabs yangs pa bstan to/ /rang gi spyod yul zhes bya ba ni 'gag pa med par bstan te spyod yul ni yul lo/ /yab kyi yul yin gyis zhes bya ba ni ston pas rjes su gnang ba nyid bstan to/ /bsod snyoms bsgrubs pa zhes bya ba ni slongs mo'i zas bsgrubs la zhes bya ba'o/ /'tsho bar gyis shig ces bya ba ni srog gzung bar gyis shig ces bya ba'o/ /'gyod pa skyes te zhes bya ba ni phyir log ste'o/ /'dod pa'i rgyus zhes bya ba ni srid pa'i rgyus so/ /de tsam du mdzes shing zhes bya ba ni de ltar bzang shing ngo/ /bskrad pa zhes bya ba ni gnas med par byas pas so/ /spang te zhes bya ba ni bor te'o/ /skal chang ma zhes bya ba ni bsod nams chung ba'o/ /rtag tu nongs pa mchis pas zhes bya ba ni rgyun tu 'khrul ba'o/ /yongs su nyams par zhes bya ba ni rnam par bral ba'o/ /drung cing zhes bya ba ni brtsal cing ngo/ /nang du zhes bya ba ni mo mtshan gyi'o/ /gor ma chag par zhes bya ba ni dogs par ro/ /de ltar rtsol ba de bcom ldan 'das kyis ci'i phyir ma zlog ce na/ 'dod chags bdo bas gdon mi za bar byed pas 'gyur bar nges pa'i phyir dang/ de bzhin gshegs pa la ma gus par skye ba'i phyir ro/ /ya mtshan zhes bya ba ni 'dod pa'o/ /gtsang ma zhes bya ba ni ma 'dres pa'o/ /bsod pas zhes bya ba ni yid du 'ong bas so/ /bca' ba zhes bya ba ni rtsa ba la sogs pa'o/ /bza' ba zhes bya ba ni 'bras chan la sogs pa'o/ /bzhed par gyur te zhes bya ba ni 'dod par bcas na'o/ /ji tsam na zhes bya ba ni de ma thag tu'o/ /sngon por brdas pa zhes bya ba ni rlon par brdas pa'o/ /brnyings bar gyur pa zhes bya ba ni shun pa bskams par 'gyur ba'o/ /skam par 'gyur zhes bya ba sha dang sra ba nyams par gyur pa'o/ /dbang po zhes bya ba ni mig la sogs pa byed pa dag go /bsnyen bkur zhes bya ba phyir bcos pa'o/ /ji ltar gyur pa zhes bya ba ni bden pa'o/ /smros shig ces bya ba ni brjod cig pa'o/ /'bras khu zhes bya ba ni 'bras tshos pa'i khu ba'o/ /tshwar gyur te zhes bya ba ni skyur ba nyid du gyur te'o/ /phyir bzlog par yang mi byed cing zhes bya ba ni de dag rang yang yid mi bde bar gyur pa'i phyir ro/ /des kyang zhes bya ba ni phyi rol tu drung cing nang du 'bo bar byed pa la sogs pa'i rnam pas kyang ngo/ /rang gi las dag gis zhes bya ba ni bar ma dor 'chi bar 'gyur ba dag gis so/ /skur pa gdab par 'gyur ba'i las dag gis zhes bya ba ni skur pa'i rgyur 'gyur ba dag gis so/ /yugs sa mo dag ces bya ba ni khyo shi ba'o/ /bdag ces bya ba ni bdag nyid do/ /yi chad nas zhes bya ba ni yi bsad nas so/ /khyim gyi so tshig dag ces bya ba ni khyim gyi so nam dag ste bsam pa zhes bya ba'i tha tshig go /chung po grogs zhes bya ba ni mnyam pa'i grogs po'o/ /'dzud mthun ma'i khyim zhes bya ba ni gang du 'phyon ma dang 'jug pa dang 'byung ba'o/ /sdig pa can zhes bya ba bsod nams ma yin pa nyon mongs pa can no/ /dam pa ma yin pa'i chos zhes bya ba ni smad pa'i cho ga'o/ /nad kyis mnan pa na zhes bya ba ni ngan dus bgyis bcol na'o/ /bde legs bde legs zhes bya ba ni shis pa brjod par ste/ gus par bsgrim pa'i phyir lan gnyis bzlas pa'o/ /byon pa legs so zhes bya ba ni dga' ba'i tshig go /ci bdag gis skyes pa ma mthong ngam zhes bya ba ni des 'jug tu mi 'dzud do snyam du bsams pa'o/ /gos zhes bya ba ni bag pa'o/ /zas zhes bya ba ni bza' ba ste des 'gengs par byed g.yog byed ba'i phyir ro/ /bzang po zhes bya ba ni gya nom pas so/ /dus yun mi ring ba zhig gis zhes bya ba ni yun thung ngu zhig gis so/ /rtas par gyur to zhes bya ba ni chos par gyur pa'o/ /gtsug lag khang de na zhes bya ba ni rgyal byed kyi tshal de'i phyogs gcig tu gyur pa'i khyams gru bzhi na'o/ /gnyid log par gyur pa zhes bya ba ni gnyid kyis non par gyur pa'o/ /bsti gnas zhes bya ba ni rab tu byung ba'i gnas so/ /sems gtong cing zhes bya ba ni gzhol zhing ngo/ /de ltar rnam par gyur pa zhes bya ba ni gos rnam par gyur cing/ de'i yan lag gi rnam pa yang las su rung ba'o/ /'dod pa'i chos zhes bya ba ni 'dod chags so/ /stug pos so zhes bya ba ni mthu chen pos so/ /sgyu rtsal drug cu rtsa bzhi zhes bya ba ni 'dod pa brten pa la mkho ba 'khrul ba dang bsdams pa la sogs pa nang gi thabs kyi bye brag gi sgyu rtsal drug cu rtsa bzhi po de dag la mkhas pa zhes bya ba'i tha tshig go /kha cig na re/ rol mo'i mtshan nyid sgyu ma dang/ /'gyed stobs dang ni me tog las/ /dmag rnams dang ni bdag nyid shes/ /g.yos su bya ba rnam par nges/ /tshe? ? nor ni bsgyur ba dang/ /brgyan dang lag rtsis bcud kyis lan/ /'khrul 'khor sbyor dang 'dri ba dang/ /'phongs spyad dang ni che spyad sgra/ /yi ge dang ni khwa skad dang/ /rang bzo dang ni mtshon rnams brtag / spyod thabs dang ni sog le dang/ /phug rnams rko bar byed pa dang/ /song dang ? bshes pa dang/ /gzhi'i mtshan nyid shes pa dang/ /mdung dang rdo rje brtag pa dang/ /mthangs kyis mtshor ba'i mtshan nyid ni/ /zug rngu 'byin dang mig 'phrul dang/ /b+ha ra ta'i bstan bcas shes/ /bcings dang khang pa brtseg ma dang/ /de bzhin gos ni 'phang ba dang/ /yan lag mnyed dang ma 'debs dang/ /de bzhin du ni kun 'dzin dang/ /dud gi sgra dang sdeb sbyar dang/ /grong rdal dang ni glegs 'dra dang/ /mtshan mo chom rkun shes pa dang/ /byis pa rnams ni gso ba dang/ /mi rnams nyid kyis log bya dang/ /sgo lcags dbye? bar bya ba dang/ /smra dang sa rtogs byed pa dang/ /skyes ba bud med rta dang ni/ /glang po'i mtshan nyid gar slob dang/ /'byung ba dang ni gso ba dang/ /zangs ma khar ba gser dag dang/ /shing dang dud ni shes pa dang/ / mi ro mtshon dang sa dag go/ /las rnams de dang go rims bzhin/ /skar ma'i gtan tshigs rig pa dang/ /mtshan ma shes pa nyid dang yang/ /nges pa'i tshig gi gzhung rnams ni/ /sgyu rtsal drug cu rtsa bzhir dran zer ro/ /drang srong ne'u le'i bu'i gzhung las ni brgyad brgyad drug cu rtsa bzhi zhes 'byung ste/ de la brgyad ni sen mos brang ba dang/ /sos gdab pa dang/ /'khyung ba dang/ /mthar sbyar ba dang/ bya ba dang/ lag pas gdab pa dang/ /sgra'i bye brag dang/ skyes pa'i steng du nyal ba ste/ /re re la'ang rnam pa brgyad du dbye'o/ /sgyu rtsal drug cu rtsa lnga shes te zhes bya ba ni drug cu rtsa bzhi pas gcig gis lhag par shes te zhes bya ba'i tha tshig go / lhag pa de gang zhe na 'di ltar zhes bya ba la sogs pa gsungs so/ /sun par byed pa zhes bya ba ni nyes pa skyed par byed pa'o/ /dge slong khyod kyi reg pa dag gir ma byas sam zhes bya ba ni 'jig rten la go bar bya ba'i phyir ro/ /grong mdza' zhes bya ba ni grong na gnas pa'o/ /nyin par zhes bya ba de'i tshe mi dag 'ong ba'i phyir ro/ /glos phab ste zhes bya ba ni lus bsnyal te'o/ /sgo gtan zhes bya ba ni sgo glegs kyi gtan pa la sogs pa'o/ /gos bcing bar bya'o zhes bya ba ni sham thabs kyi ma mdza' i kha bcing bar bya'o/ /'gal tshabs can zhes bya ba ni shin tu 'das pa dang bcas ste nyes pa dang bcas pa zhes bya ba'i tha tshig go /gsar bu gsar bu dag gis zhes bya ba ni gzhon pa gzhon pa dag gis te/ bzlas pa 'am rnam pa'i phyir lan gnyis smos so/ /ngo shes par byas so zhes bya ba ni ngo shes par gyur pa'o/ /bzhin bzang dag ces bya ba ni dga' ba'i tshig go /de bzhin no zhes sgra ni khas blang ba'o/ /bya ba zhes bya ba ni phyir bcos pa'i bya ba'o/ /mi 'dod pa zhes bya ba ni ma byung ba 'dod par mi 'gyur ba gang yin pa'o/ /mi dga' zhes bya ba ni gang la 'bral bar 'dod pa'o/ /mi sdug pa zhes bya ba ni rnam par shes pa lnga po dag las mi sdug pa'o/ /yid du 'ong ba zhes bya ba ni yid kyi rnam par shes pa'i yid du mi 'ong ba'o/ /'jig rten pha rol tu khrid par 'gyur bas zhes bya ba ni chung za bar 'gyur bas zhes bya ba'i tha tshig go /bsod nams mang po zhes bya ba ni tshul khrims las byung ba'i dge ba'o/ /mtho ris dag tu zhes bya ba ni 'dod pa dang gzugs na spyod pa'i lta'i 'jig rten dag tu'o/ /dga' bar 'gyur zhes bya ba ni bde ba nyams su myong bar 'gyur ba'o/ /de'i don kho nar zhes bya ba ni de'i phyir kho nar ro/ /don gyis na zhes bya ba thabs bstan pas na'o/ /shos kyis zhes bya ba ni 'phigs kyis so zhes bya ba'o/ /bsod nams su 'gyur ro zhes bya ba ni sbyin pa las byung ba'i dge ba'o/ /dam tshig zhes bya ba ni brda ste dam 'cha' ba' i tshig ces bya ba'i tha tshig go /nyungs mar zhes bya ba ni yungs kar gyi 'bru mar te/ yungs kar ni srin bu dang g.yan pa 'joms pa yin no zhes zer ba'i phyir ro/ /lhung bzed chung ngu zhes bya ba ni snod chung ngu'o/ /gnas su zhes bya ba ni 'dug pa'i gnas su'o/ /dam dum dag ces bya ba ni gos? kyi dam dum dag go /lus ngag ces bya ba ni yan lag dag go /bskus te zhes bya ba ni sku mnye byas te'o/ /aut+tsa ti ga zhes bya ba ni mchod zhing 'gro ba'o/ /zin ces bya ba ni rmas par byas pa'o/ /phyir bzlog par zhes bya ba ni bskrad par ro/ /'dod pa las 'dod chags dang bral ba zhes bya ba ni 'dod pa'i khams las rnam par grol ba'o/ /yal ga dag ces bya ba ni yal ga dag go /seg dag ces bya ba ni smig ma la sogs pa btags pa gru bzhi dag go / re lde dag ces bya ba ni de nyid ring po dag go /the tshom skyes nas zhes bya ba ni 'dod chags dang bral ba dang yan lag gi rnam pa las su rung ba ni 'gal bar dogs pas the tshom skyes so/ /nye bar non pa zhes bya ba ni bdas shing btsir ba'o/ /dge slong rnams the tshom skyes nas zhes bya ba ni dad pas rab tu byung ba bstan pa skyon med pa dang por ha cang lci ba don med pa spyod pa ni bya dka' ba nyid yin pa'i phyir dge slong rnams the tshom skyes so/ /zhus pa zhes bya ba ni dris pa'o/ /gzigs zhes bya ba ni ngo mtshar che'o snyam du bsam pa'o/ /dus na yang zhes bya ba ni tshe na yang ngo/ /'jig rten skyon med cing chu bur med pa la zhes bya ba ni 'dzam bu'i gling ga mi'i 'jig rten pa'o/ /de'i dang por zhes bya ba ni thams cad kyi dang por ro/ /'jig rten 'di zhes bya ba ni stong gsum pa'i 'jig rten gyi khams so/ /'jig pa zhes bya ba ni 'jig cing 'god pa'o/ /dus zhes bya ba ni rgyu dang 'bras bu'i dngos po 'brel ba'o/ /gang yin pa zhes bya ba ni nye bar bstan pa'i tshig go /'od gsal zhes bya ba ni don shin tu gsal ba ste bsam gtan gnyis pa ni gnas gsum pa'i mi de yin no/ /gzugs can zhes bya ba ni gzugs kyi phung po dang ldan pa'o/ /yid las byung ba zhes bya ba ni brdzus te skyes pa nyid kyis yid tsam gyi rgyu las byung ba'i phyir ro/ /mtshang ba med pa zhes bya ba ni dbang po tshang ba'o/ /dbang po ma nyams pa zhes bya ba ni dbang po nyams pa med pa'o// yan lag ces bya ba ni lag pa dang rkang pa dang mgo zhes bya ba yan lag lnga pa dag go / nyid lag ces bya ba ni sor mo la sogs pa ste/ de dag thams cad dang ldan pa'o/ /bzang ba zhes bya ba ni dbyibs kyis mdzes pa'o/ /kha dog dang ldan pa zhes bya ba ni kha dog gi gzugs la gnas pa'o/ /rang las 'od byung ba zhes bya ba ni rang gi lus las byung ba nyid kyis 'od kyis 'od kyi bya bar grub pa'i phyir ro/ /nam mkha' la 'gro ba zhes bya ba ni bar snang la 'gro ba dang ldan pa'o/ /dga' ba ?? ba zhes bya ba ni dga' ba tsam za ba'i phyir ro/ /dga' ba'i zas dang ldan pa zhes bya ba ni de dag gis gnas pa'i zas dga' ba nyid yin pa'i phyir ro/ /tshe ring zhing zhes bya ba ni tshe bskal pa du ma thub pa'i phyir ro/ /yun ring du gnas so zhes bya ba ni 'tsho ba'o/ /chu 'ba' zhig ces bya ba ni chus khyab pa'o/ /rgya mtsho 'ba' zhig ces bya ba ni rgya mtsho dag dang 'dres pa'i phyir ro/ /phri 'am zhes bya ba ni steng rim mo/ /kun tu chags par byed ces bya ba ni kun tu skye bar byed pa'o/ /kun tu 'thas par byed ces bya ba ni kun tu rtas par byed pa'o/ /kun tu khyab par byed ces bya ba ni kun tu 'byed par byed pa'o/ /'o ma zhes bya ba ni 'o rlon no/ /sbrang bu zhes bya ba ni sbrang rtsi byed pa'o/ /sbrang rtsi zhes bya ba ni sbrang bu las byung ba'o/ /ma bskol ba zhes bya ba ni khol bar ma byas pa'o/ /de yang bud ba la sogs pa'i bye brag gis sbrang rtsi rnam pa bzhi yod pas de'i phyir sbrang bu'i zhes bya ba gsungs te/ sbrang rtsi'i rnam pa dag ni sbrang ma las byung ba dang/ rung ba las byung ba dang/ sbrang bu las byung ba dang sprang rgod las byung ba'o zhes zer ba'i phyir ro/ /'chags pa zhes bya ba ni 'byung zhing 'phel ba'o/ /tshe zang ces bya ba ni 'tsho ba zang pa'o/ /las zang ces bya ba ni 'phen par byed pa'i las zang pa'o/ /bsod nams zad pas zhes bya ba ni yongs su rdzogs par byed pa'i las zad pas so/ /'di lta bu nyid du zhes bya ba ni rnam pa 'di lta bu nyid du'o/ /de gang zhe na mi rnams dang zhes bya ba la sogs pas ston par byed pa'o/ /skal ba mthun pa nyid du zhes bya ba ni rang bzhin mthun pa nyid du ste/ ngo bo nyid 'dra ba nyid du'o/ /de'i tshe na zhes bya ba la sogs pa la mun pa med pa'i phyi nyi ma dang zla ba la sogs pa yang ma byung ngo/ /de dag med pa'i phyir mtshan mo dang nyin mo la sogs pa yang ma byung ngo/ /skad cig ces bya ba ni 'dir de'i skad cig la skad cig ces gsungs te/ skad cig brgya nyi shu la de'i skad cig ste/ bud med mkhal skyen pas ras bal mdab ma las lag pa ji tsam du rkyong pa'i dus kyis de las 'dres par byed do/ /'dir ni de'i skad cig gi yun yin no/ /thad cig ces bya ba ni de'i skad cig drug cu ste/ chu srang gi bzhi chu tshod kyis zad pa'i dus kyis mtshon pa yin no/ /yud tsam zhes bya ba ni thad cig sum cu ste/ chu tshod gnyis zad pa'i dus kyis mtshon pa yin no/ /bud med kyang med ces bya ba la sogs pa ni dbang po med pa'i phyir ro/ /brkam pa zhes bya ba ni mang du za bar byed pa'o/ /de'i ngo bo nyid ni brkam pa'i rang bzhin can no/ /myang bar byed do zhes bya ba ni ro myong bar byed pa'o/ /kham gyi zas kyi rtsom pas zhes bya ba ni lag pa dgangs pas so/ /sra ba nyid ces bya ba ni mkhrang ba nyid do/ /lci ba nyid ces bya ba ni lcid dang bcas pa nyid do/ /byung zhing zhes bya ba ni zhugs shing ngo/ /kha dog gsal ba zhes bya ba ni kha dog gi bkrag go /chos kyis na zhes bya ba ni chos kyi ngo bo nyid kyis te/ sems can thams cad kyi dbang gis mun pa'i gnyen po sang ba dgos pa'i phyir ro/ /rnam pa gnyis zhes bya ba ni rnam pa gnyis nyid do/ /sdig pa can zhes bya ba ni nyon mongs pa can no/ /mi dge ba zhes bya ba ni 'bras bu mi 'dod pa'o/ /yang dag par blangs pa'i rgyus zhes bya ba ni goms pa'i dbang gis so/ /mya ngan zhes bya ba ni yid kyi yongs su gdung ba'o/ /sgyid lug pa zhes bya ba ni lus kyi'o/ /smre sngags 'don pa zhes bya ba ni ngag gi nyon mongs pa'o/ /kye ma bcud ces bya ba la sogs pa ni ngo mtshar to zhes bya ba ste/ bstan pa'i phyir lan gnyis su bzlas so/ /zhim pa zhes bya b ni yid du 'ong ba'o/ /bzang po zhes bya ba ni khyad par du 'phags pa'o/ /yi ge zhes bya ba ni a la sogs pa yi ge'i sgrar brjod pa dag go / sbyor ba zhes bya ba ni yi ge bsdus pa ste/ gang gis yul dus la sogs pa nges par ma chad pa'i don gyis bdag nyid rjod par byed pa dper na bum pa zhes bya ba la sogs par yig 'bru sbyar ba'o/ /tshig ces bya ba ni sbyar ba bsdus pa dag ces bya ba'i tha tshig go / gang gis yul dang dus la sogs pa nges par chad pa'i don gyi bdag nyid gsal bar byed pa dper na lhas byin pa dkar mo khrid de shog khyed kyi mkhan po la 'o ma blung ngo zhes bya ba la sogs pa lta bu'o/ /de'i yi ge 'dus pa ni sbyar ba'o/ /sbyar ba 'dus pa ni tshig go / zhes gsungs so/ /rjes su tha snyad 'dogs shing zhes bya ba ni rjes su 'jug cing ngo/ /mi shes so zhes bya ba ni khong du ma chud pa ste/ brda lam zhugs pa'i phyir de mi shes so/ /sa zhag ces bya ba ni gyod? grugs su gyur pa'i dum bu'o/ /dong ka'i me tog ces bya ba ni ser pa'o/ /kye ma'o kye ma'o zhes bya ba la sogs pa ni yid la bcags pa'o/ /myu gu'i tshal zhes bya ba ni myu gu stug por gnas pa'o/ /ka dam ka'i me tog ces bya ba ni shing ka bu shi ste rma lo khri khri mo'i me tog zer ro/ /phar song zhes bya ba ni mdun na ma 'dug cig ces zer ba ste mi phyogs pa'i tshig yin no/ /smad pa zhes bya ba ni dma' dbab pa'o/ /rnon po zhes bya ba ni rtsub pos so/ /ma smos ma btab pa zhes bya ba ni zhing du rmos pa dang sa bon gdab pa la mi bltos pa gang yin pa'o/ /'bras sA lu'i 'bru zhes bya ba ni sA lu gang gi 'bru 'bras thug po che kho na 'byung ba yin gyi 'bras so ba la sogs pa'i 'byung ba zhes bya ba'i tha tshig go / so pa med pa zhes bya ba ni 'bras thug po che mang po dag gi nang na so ba spun pa can cig kyang med pa gang yin pa'o/ /spun pa med pa zhes bya ba ni spun pa dang bral ba'o/ /dag pa zhes bya ba ni dkar ba'o/ /gtsang ba zhes bya ba ni ma 'dres pa ste/ dri ma med pa zhes bya ba'i tha tshig go /sor bzhi pa zhes bya ba ni srid de tsam yod pa'o/ /kun nas ma bkris pa zhes bya ba ni rgyal sogs pa gang gis kyang ma dkris pa gang yin pa'o/ /nub brngas na zhes bya ba ni nub mo bcad na'o// nang zhes bya ba ni nang par ro/ /rgyal zhing zhes bya ba ni 'bras bu'o/ /phyir skye zhes bya ba ni rtsa ba la sogs pa yang skye ba'o/ /brngas pa zhes bya ba ni bcad cing bregs pa'o/ /dbang po tha dad pa zhes bya ba ni gcin? 'byung ba'i phyir lus kyi dbang po dang bcas pa la bu gu rnam gnyis dong pa'o/ /mig gis mig la brten te zhes bya ba ni mig gis mig la brten te lta ba yin gyi/ blo bur du lta ba tsam ma yin no zhes bya ba'i tha tshig go /kun tu chags zhes bya ba ni kun nas dkris par gyur pa'o/ /dral zhes bya ba ni 'dod chags kyis ngo tsha shes la dral cing pham par byas pa ste/ ngo tsha med par gyur ces bya ba'i tha tshig go /log par zhugs ces bya ba ni mi tshangs par spyod pa'o/ /sas zhes bya ba ni rdul gyis so/ /bong ba zhes bya ba ni sa mkhregs pa'o/ /gseg ma zhes bya ba ni rdo la sogs pa'i cha shas kyis so/ /gyo mo zhes bya ba ni dbyib mo'o/ /gyo dum zhes bya ba ni gyo mo'i dum bu'o/ /ngan pa zhes bya ba ni smad pa'o/ /grong ba zhes bya ba ni blun pa'o/ /bya ba ma yin pa byed pa zhes bya ba ni sdig pa byed pa'o/ /chos ma yin pa grags pa zhes bya ba ni sdig pa zhes bya bar grags pa'o/ /'dul ba ma yin par grags pa zhes bya ba ni cho ga ma yin pa zhes bya bar grags pa'o/ /smad par bya zhes bya ba ni bshud par bya ba'o/ /bstod par bya ba zhes bya ba ni bsngags par bya ba'o/ /nyi ma gcig la sogs pa ni tshigs tha dad pa yin te/ kha cig nyi ma gcig spong bar byed/ kha cig nyi ma bdun gyi bar du spong bar byed pa'i phyir ro/ /spong bar byed ces bya ba ni gtong bar byed pa'o/ /gang gi phyir zhes bya ba ni rgyu'i tshig yin no/ /shin tu zhes bya ba ni mngon par zhen pa dang bcas pa'o/ /ltung ba byed pa zhes bya ba ni 'dug par byed pas so/ /brtul zhugs la zhes bya ba ni nges? pa la'o/ /zhugs pa zhes bya ba ni khas blangs pa la'o/ /ming zhes bya ba ni ming du gdags pa'o/ /byung ngo zhes bya ba ni byung bar gyur pa'o/ /khyim gyi las kyi mdza' dag ces bya ba ni khang khyim gyi las dag go /dang po zhes bya ba ni thog ma'o/ /rtsom la zhes bya ba ni gtso bo ste thog ma rtsom pa zhes bya ba'i tha tshig go / chos ni 'di yin te zhes bya ba ni khyim gyi las kyi mdza' bstan ma thag pa ste/ ngo tsha shes pa'i rgyu'i mtshan nyid do/ /rgyal ba dbang po rnams kyi zhes bya ba ni de bzhin gshegs pa rnams kyi'o/ /chos zhes bya ba ni ngo tsha shes pa ste/ dge ba sa mang po pa yin pa'i phyir ro/ /mchog ces bya ba ni dngos so/ /dge slong dag de la zhes bya ba la sogs pa ni skabs kyi mjug bsdu ba'i phyir ro/ /de'i tshe zhes bya ba ni bskal pa'i dang po yin pas yun ring ba'o/ /de'i dus zhes bya ba ni las kyi dus ma yin pas yun thung ngo/ /yang na de'i tshe zhes bya ba ni rgyu'i rgyu yin no/ /dus zhes bya ba ni nye ba'i rgyu yin no/ /dge slong dag de lta bas na zhes bya ba ni mjug bsdu ba'i rgyu'i tshig yin no/ /ma zhes bya ba ni sgra ni yang zhes bya ba'i don te/ khyod kyis zhes bya ba ni khyed cag gis so// bslab par bya'o zhes bya ba ni brtson par bya ba rjes su bsgrub par bya ba'i tha tshig go / 'dul ba rnam par 'byed pa'i tshig rnam par bshad pa slob dpon dul ba'i lhas nye bar sbyar ba las pham par 'gyur ba dang po'i mi tshangs par spyod pa'i tshig gi rnam par bshad pa rdzogs so/ / //sngon rdza mkhan zhes bya ba ni bye brag ste/ nor can dag gi mang po'i phyir ro/ /spyod yul du zhes bya ba ni bslang ba'i yul gyi spyod yul du'o/ /zhugs pa zhes bya ba ni song ba'o/ /lam gyi 'tsho ba dag ces bya ba ni gang dag lam la brten te 'tsho bar byed pa dag go / lam gol bas 'tsho ba dag kyang de bzhin no/ /bcom zhing zhes bya ba ni btib cing ngo/ /rnam par bkrugs te zhes bya ba ni phyung ste'o/ /byed do zhes bya ba ni yang byed pa'o/ /kye ma'o zhes bya ba ni yi chad pa'i tshig go /sdug bsngal zhes bya ba ni nyams nga ba'o/ /mi bzang ces bya ba ni ches nyam ? ba'o/ /pha'i zhes bya ba ni pha'i brgyud las byung ba'o/ /bzo'i gnas zhes bya ba ni las la mkhas pa ni bzo ste de'i gnas ni yul lo/ /las kyi gnas zhes bya ba ni byi dor gyi las rjes su bsgrub pa ni las te/ de'i gnas ni yul lo/ /yang na bzo'i gnas zhes bya ba ni nor gyi don du ma grub pa'i las te/ de'i gnas ni gling bu bud pa la sogs pa'i yul lo/ /las kyi gnas zhes bya ba ni nor dang rtsed mo la sogs pa'i don du mgu bar bya ba'i 'bras bu med pa rtsol pa'i las te/ de'i gnas ni zhing dang tshong la sogs pa'i yul lo// mkhas kyis zhes bya ba ni shes kyis zhes bya ba'i tha tshig go / lus kyis zhes bya ba ni lag pa la sogs pa ste sbyang ba la sogs pa med pa'i phyir ro/ /sbyangs te zhes bya ba ni gsher bar byas te'o/ /gzhi'i rma? zhes bya ba ni gcal lo/ /thog? ces bya ba steng gis so/ /dgab pa zhes bya ba ni char dgab bo/ /steng rim zhes bya ba ni steng gi cha char khab dang lhan cig pa'o/ /chos gos kyi rdang khung zhes bya ba ni chos gos kyi sdang gzhugs pa'i spubs so/ /a na khri'u zhes bya ba ni glegs bam gyi gzhi'o/ /kha dog ces bya ba ni 'jim pa'i kha dog can no/ /skud pa zhes bya ba ni nyug pa'o/ /bcer te zhes bya ba ni gcig tu spungs te'o/ /chos pa zhes bya ba ni phyir rim mo/ shin tu chos pa zhes bya ba ni nang rim mo/ /grub pa zhes bya ba ni grugs pa la sogs pa'i skyon chen pa med pa'i phyir ro/ /mchog tu grub pa zhes bya ba ni ser ga la sogs pa chung ngu yang med pa'i phyir ro/ /dmar ba zhes bya ba ni mdog dmar ba shas che ba'i phyir ro/ /mdog dmar ba zhes bya ba ni bar skabs na nag po la sogs pa'i mdog kyang med pa'i phyir ro/ /'od dmar ba zhes bya ba ni gsal bas 'od 'byung ba yang dmar ba yin no/ /dus ston bya'o zhes bya ba ni dus ston gyi nyi ma rnam par bzhag par bya'o/ /nyen 'khor bdag la zhes bya ba ni nye 'khor na gnas pa dag la'o/ /gson zhing zhes bya ba ni mya ngan las ma 'das shing ngo/ bzhugs te zhes bya ba ni gzhan du ma bzhud? de'o/ /'tshod zhing zhes bya ba ni nyid kyi mthus sku phrin las su rung zhing ngo/ /gzhes pa zhes bya ba ni sman gyi mthus sku phrin las su rung ba'o/ /gdul bar gyur pa'i dbang gis zhes bya ba ni gdul bar bya ba'i gdul ba'o/ /de dag du skyes pa'i gdul bar gyur pa'o/ /de'i don ni 'dul bar gyur pa'i dbang ste/ gdul bar gyur pa'i dbang des so/ /dus dang dus su zhes bya ba ni dus dang po dang lhan cig pa'i dus phyi mar gang du rgyu ba ste/ bya ba'i bye brag yin no/ /tshe dang ldan pa kun dga' bo la bka' stsal pa zhes bya ba ni de spyan snga na 'dug pa'i phyir dang bsnyen bkur ba yin pa'i phyir de la bka' stsal gyi gzhan la ma stsal to/ /de bzhin gshegs pa zhes bya ba ni dngos po thams cad ji lta ba de bzhin du gang la 'ong zhing mkhyen pa ste/ gzhan du mi gsungs zhes bya ba'i tha tshig go /lde mig kyog po zhes bya ba ni bstan pa dbye ba'i lcags kyu dgu po ste/ rang dang gzhan gyi gnas ngag tu dgos pa'i phyir de thogs so/ /kun dga' i ra ba nas kun dga' i ra bar zhes bya ba ni kun dga' ra ba zhes bya ba gtsug lag khang 'khor dang bcas pa de dang 'brel ba'i kun dga' ra ba gzhan de na yod pas de nas der zhes smos te bya ba'i bye brag yin no/ /lhag ma rnams la yang de bzhin du shes par bya'o/ /gtsug lag khang zhes bya ba ni khyams bzhi pa 'am khyams gsum pa'o/ /khang khyim zhes bya ba ni khang pa la sogs pa'i gnas so/ /gol bar 'gro zhing zhes bya ba ni lam las byung zhing dgon pa'i phyogs dag tu 'gro ba'o/ /drang por 'gro ba zhes bya ba ni lam drang por 'gro ba na'o/ /mthar gyis gtsug lag khang du rgyu zhing gshegs pa na zhes bya ba ni mthar gyis zhar la zhes 'jig rten la bstan pa'i phyir ro/ /gzhi 'di zhes bya ba ni rgyu 'dis so/ /mu stegs can dag zhes bya ba ni gzhan rab tu byung ba dag go /dge sbyong zhes bya ba ni sdom brtson no/ /gau ta ma zhes bya ba ni drang srong gau ta ma'i rigs las byung ba'o/ /zag pa'i gnas lta bu'i chos kha cig ces bya ba ni nyes pa kha cig ste/ khyim byed ces bya ba ni tha tshig go / kha zer ba zhes bya ba ni skur pa 'debs par ro/ /'gyur gyis zhes bya ba ni 'byung bar 'gyur gyis zhes bya ba'o/ /shig shig ces bya ba ni gnas gzhan du gyur cig pa'o/ /chos kyi rje zhes bya ba ni bstan pa'i chos kyi rje ni gsung ba'i phyir ro/ /'bras bu'i chos kyi rje ni nye bar ston pa'i phyir ro/ /don dam pa'i chos kyi rje ni gsal bar mdzad pa'i phyir ro/ /bde bar gshegs pa zhes bya ba ni mdzes pa nyid dam yang phyir mi ldog pa nyid dam bgrod? pa ma lus pa'i phyir te/ gzugs mdzes pa dang rims nad shin tu byad pa dang/ bum pa gang ba lta bu'o/ /chos kyi rje shes lan gnyis su bzlas pa ni gus pa bskyed pa'i phyir ro/ /bshig pa legs so zhes bya ba ni gnod pa med do zhes bya ba'o// //bam po bzhi pa/ /shing srung ba'i ma sna chen po la gtogs pa zhes bya ba ni shing dag srung zhing sped pa'i mi sna chen po la gtogs pa dpon po gang yin pa'o/ /gtam 'dres pa zhes bya ba ni tshur shog 'ongs pa legs so zhes bya ba la sogs pa'i gtam 'dres pa byas pa'i phyir ro/ /phebs par smra ba zhes bya ba ni yid bcugs pa ste/ phebs par smra ba byas pa'i phyir ro/ /smos 'drin ces bya ba ni ngo shes pa ste/ ming dang rus la sogs pa gzung bar byas pa'i phyir ro/ /'grogs pa shes zhes bya ba ni de la shes pa skyes pa'i phyir ro/ /lus 'phags mo'i bu zhes bya ba ni rna mul lus 'phags zhes bya ba nas skyes pa'i btsun mo lus 'phags ma zhes bya ba'i bu yin pa'i phyir ro/ /ma ga d+hAr byung ba zhes bya ba ni yul ma ga d+hA dag tu skyes pa'o/ /ma skyes dgra zhes bya ba ni ming ste mngal na gnas pa nyid kyis phel? dgra nyid byed pa'i phyir ro/ /ci bdag ces bya ba ni ci 'dod par ro/ /ral ba zhes bya ba ni brdib pa'o/ /'drums pa zhes bya ba ni gas pa'o/ /bcos pa zhes bya ba ni gsos pa'o/ /'brel ba'i don du zhes bya ba ni 'brel ba'i dus na dgos pa'o/ /spas pa zhes bya ba ni dben pa'i phyogs su bzhag pa'o/ /shin tu sbas pa zhes bya ba ni glo nas kyang g.yogs pa'o/ /bsrungs pa zhes bya ba ni don med par mi dgod par byas pa'o/ /shin tu bsrungs pa zhes bya ba ni grong khyer gsol ba las gzhan pa'i don du yang mi dgod par byas pa'o/ /yang na bsrungs pa zhes bya ba ni tshal za dag gi bzlog pa'o/ /shin tu bsrungs pa zhes bya ba ni rgyal po rang nyid kyis bzlog pa'o/ /ster bar sla ba ma yin pa zhes bya ba ni sbyin pa'i 'os su bde blag tu mi byed pa gang yin pa'o/ /phyung ste zhes bya ba ni khrod nas phyung ste'o/ /bcad cing zhes bya ba ni thad kar bcad cing ngo/ /gshegs nas zhes bya ba ni chung tshal du gshegs so/ /'dren par byed do zhes bya ba ni khyer par byed pa'o/ /mkhar kyi phyi lam zhes bya ba ni khor khor yug tu rjes su 'gro bar bya ba'i phyir ra ba'i drung thog dag tu lam btong ba yin par shes par bya'o/ /nyul ba zhes bya ba ni rjes su 'gro ba'o/ /thong mi pa zhes bya ba ni gsod par 'dod pa'o/ /chom rkun pa zhes bya ba ni longs spyod 'phrog pa'o/ /dgra bo zhes bya ba ni mkhon gyi sha rlon par 'dod pa'i dgra'o/ /'jigs pa zhes bya ba ni sems 'phar ba'o/ /sdangs pa zhes bya ba ni phyogs bslad pa 'am 'dar ba'o/ /spu zing zhes byed pa zhes bya ba ni spu gyen du bgreng bar gyur pa'o/ /de skad mi cha'o/ /zhes bya ba ni bdag gis ji skad brjod pa de skad mchi'o zhes bya'o/ /'phags so zhes bya ba ni bskyod pa'o/ /bsdad do zhes bya ba ni 'khod pa'o/ /ma sbran zhes bya ba ni ma pos pa'o/ /a rog gya zhes byas te zhes bya ba ni nad med par gyur cig ces bya ba'i shis pa brjod de'o/ /blang du zhes bya ba ni bdag gi bya ba'o/ /rung ngam zhes bya ba ni rigs sam zhes bya ba'o/ /rgyal srid kyi dbang phyug ces bya ba ni rgyal srid kyi mtshan nyid kyi dbang phyug ste nor dang bcas pa nyid do/ /mnga' bdag tu zhes bya ba ni rang dbang can nyid du'o/ /mnga' ba zhes bya bar gyur nas zhes bya ba ni dbang bskur bar gyur nas te rab tu bzhag nas so/ /mnga' ris zhes bya ba ni thebs pa na ste/ yul 'khor na'o zhes bya ba ni tha tshig go/ dge spyod zhes bya ba ni rab tu byung ba'o/ /bram ze zhes bya ba ni rigs la gnas pa'o/ /rang bzhin bzang por brags pa zhes bya ba ni skyes bu dam pa nyid du grags pa'o/ /deng phrin chad ces bya ba ni de nas so/ /khyu mchog gi bka' zhes bya ba ni khyu mchog dang 'dra ba'i bka' ste 'jigs pa med pa'i tshig ces bya ba'i tha tshig go / rgya chen po zhes bya ba ni yul yangs pa'o/ /gcig tu dad du bzhes shig ces bya ba ni ci bder spyod cig ces bya ba gcig tu nges par brten cing ngo/ /'khor gyi nang du zhes bya ba ni rgyal ba'i tshig gi nang du'o/ /yang dag par zhes bya ba ni rigs par ro/ /seng ge'i sgra bsgrags pa zhes bya ba ni mi 'jigs par sgra bsgrags pa'o/ /yongs su ma bzung ba la zhes bya ba ni bdag gir ma byas pa la'o/ /bsams te zhes bya ba ni dgongs te'o/ /lha re zhig yongs su ma bzung ba gang lags pa de la lha ci zhig bgyir mchis zhes bya ba ni yongs su ma bzung ba la bdag nyid la yang nyes pa med pa'i phyir dang/ /rjes su gnang ba yang mi rigs pa'i phyir ci bder spyod cig ces bya ba don med pa yin no zhes go bar byed pa'o/ 'phral rtsa gsum zhes bya ba ni mdud rtse gsum pa dang 'dra ba'i yan lag gsum mo/ /khro gnyer zhes bya ba ni smin ma 'gyur pa'o/ /bzhin 'gyur zhes bya ba ni nyams pa ste rang gi rang bzhin las nyams pa'o/ /mig bgrang de zhes bya ba ni gdangs te'o/ /lag mthil gnyis 'dril zhing zhes bya ba ni gcig la gcig drung cing ngo/ /gtum pa zhes bya ba ni 'khrug pa'o/ /brtun ngas pa zhes bya ba ni brtang skyen pa ste/ /rtsol ba la gzhol zhes bya ba'i tha tshig go /drag shul che ba zhes bya ba ni zhes ?dag pa la mngon par zhen pa zhes bya ba'i tha tshig go /tshem tshom med pa zhes bya ba ni rtog pa sngon du mi gtong bar byed pa zhes bya ba'i tha tshig go /tshig snying po med pa zhes bya ba ni 'bras bu med pa ste/ bsad pa'i rigs la khyod ces smras la ma bsad pa btang ba'i phyir ro/ /bcas te zhes bya ba ni bsdigs te'o/ /skang po che'i skad phyung zhing zhes bya ba ni skad chen por smra ba ni skad chen po ste/ skad chen po'i skad de phyung zhing ngo/ /sgra mthon po zhes bya ba ni sgra'i gsang mtho ba'o/ /sgra chen po zhes bya ba ni klag cor gyi sgra ste snga ma ni rgyu'i tshig yin la phyi ma ni 'bras bu'i tshig yin no/ /yang na skad chen po'i skad phyung zhes bya ba ni rangs pa'i tshig gi skad po che zhes bya ba ste// de'i skad phyung ba ni skad po che'i skad phyung zhing ngo/ /sgra mthon po'i zhes bya ba ni skad mthon po'o/ /sgra chen po zhes bya ba ni klag cor gyi sgra'o/ /gyod ces bya ba ni yan lag bcad pa'o/ /srog dang bral ba zhes bya ba ni bsad pa'o/ /lam po che zhes bya ba ni shing rta'i lam mo// srang zhes bya ba ni lam dog pa'am tshong khang gi bar ro/ /bzhi mdo zhes bya ba ni lan gyi bzhi mdo'o/ /sum mdo zhes bya ba ni lam gyi su ma mdo'o/ /bka' 'dogs pa'i gnas zhes bya ba ni sgrogs pa'i gnas so/ /grong rdal bdag ces bya ba ni grong khyer na gnas pa dag go / yul mi dag ces bya ba ni yul na gnas pa dag go / nor can dag ces bya ba ni tshong ba dag go /tshong dpon dag ces bya ba ni tshong ba'i gtso bo dag go /ma sha ka lnga zhes bya ba ni pa na 'gron bu brgyad cu'i rin gyi tshad lnga'o/ /ma sha ka lnga las lhags pas zhes bya ba ni pa Na lnga las lhag pas so/ /bdag dang bzod ces bya ba ni bdag de'o/ /ma byin pa gang yin pa de rku ba'i grangs su gtogs pa yang yin no zhes bya ba ni ma byin pa ni rku ba grangs su chud pa yin pa'i phyir ro/ /de yang rku ba bdag gir byed pa'i mtshan nyid ni rku sems yin par bstan pa'i sar smos par shes par bya'o/ /'di lta ste zhes bya ba ni nye bar bstan pa'i phyir ro/ /rgyal srid la dbang bskur ba zhes bya ba ni rgyal srid la bzhag pas so/ /de yang rgyal po zhes bya ba ni bdag po nyid yin pa'i phyir ro/ /rgyal rigs zhes bya ba ni skye dgu srung ba'i phyir ro// spyi bor dbang bskur ba zhes bya ba ni skye bo'i steng du bzhag pa'i phyir ro/ /blon po chen po zhes bya ba ni rgyal po dang 'dra ba'o/ /blon po zhes bya ba ni rjes su 'brang ba'o/ /rtsis mkhan zhes bya ba ni skar mkhan no/ /sna chen po la gtogs pa zhes bya ba ni dbang du bskos pa'o/ /gsang tshig mthun pas 'tsho ba zhes bya ba ni gsang tshig gcig pa'o/ /kye zhes bya ba ni bod pa'o/ /rkun ma zhes bya ba ni 'jab dus rku ba'o/ /byis pa zhes bya ba ni rang gis mi shes pa'o/ /blun po zhes bya ba ni lung phog pa mi shes pa'o/ /rku ba zhes bya ba ni mthus rku ba'o/ /rdzogs par bsnyen pa zhes bya ba ni phun sum tshogs pa thams cad rdzogs pa'i gnas mya ngan las 'das pa'i khang bsnyen cing mthun par 'gyur ba ste/ dge slong gi dngos po yang dag par blangs pas mya ngan las 'das pa dang nye bar gyur pa'i phyir ro/ /de yang zhes bya ba la yang zhes bya ba ni snga ma las bltos pa'i sgra yin no/ /spyi sdom la zhes bya ba ni sdom gyi tshigs su bcad pa rnams spyir bsdus pa'i sdom mo/ /yo byad ces bya ba ni rdzas so/ /lci ba dag ces bya ba ni rin che ba dag go /rgyu gsum gyis zhes bya ba ni dus gcig tuAng rnam grangs kyis so/ /bdag nyid kyis rku ba zhes bya ba ni rang gi lus kyis so/ /bdag nyid kyis rkur 'jug pa zhes bya ba ni rang gi lus la gnas pa'i mkhar ba'am shing dang thal phyags sam gzhan gyi lag pa'am gzhan yang rgyu gang yang rung bas so/ /rku ba dang rkur 'jud pa nyid kyis rang gi ngo bo bstan pa'i phyir bdag nyid kyis gnas nas gnas su sbed par byed pa ste zhes bya ba gsungs so/ /zhal ta byas te rku ba zhes bya ba ni rang gis zhal ta byas te rang gi mngon sum du bskos pa gzhan rgyur gyur pas rku ba'o/ /zhal ta byas te rkur 'jug pa zhes bya ba ni gzhan gyi lus dang 'brel ba'i khang ba 'am/ shing ngam thal phyags sam mtshon la sogs pa dang/ gzhan gyis bgos pa'i skyes pa dang bud med la sogs pas rku ba'o/ /'dir yang rku ba dang rkur 'jud pa gnyis kyis rang gi ngo bo bstan pa'i phyir zhal ta byas te gnas nas gnas su sbed par byed pas te zhes bya ba gsungs so/ / mngags pas rku ba zhes bya ba ni mngags pa rgyur gyur pa lkog na 'dug pas rku ba'o/ /mngags pas rkur 'jug pa zhes bya ba ni mngags pa lkog na 'dug pa'i lus dang 'brel ba khar ba la sogs pa des bskos pa'i skyes pa dang bud med la sogs pas rku ba'o/ /'dir yang rku ba dang rkur 'jud pa gnyis kyi rang gi ngo bo bstan pa'i phyir mngags pas gnas nas gnas su spang par byed pas te zhes bya ba gsungs so/ /gsum pa dang po 'di ni rang gis sam gzhan gyis sam mngon sum duAm lkog tu rku ba la bye brag 'ga' yang med do/ /zhes bstan pa'i phyir gsungs so/ /gsum pa gnyis pa ni ma byin pa nyid dang dngos po yongs su tshang pa dang gnas nas spo ba dag pham par 'gyur ba'i yan lag nyid yin par bstan pa'i phyir gsungs so/ /gsum pa gsus pa ni rku ba dang bdag gir byed pa'i mtshan nyid kyi rku sems dang lus dang ngag gi 'tshol ba dag pham par 'gyur ba'i yan lag nyid bstan pa'i phyir gsungs so/ /gsum pa bzhi pa ni mi'i 'gro ba las bdag gir byas pa nyid pham par 'gyur ba'i yan lag nyid yin par bstan pa'i phyir gsungs so/ /gsum pa lnga pa ni mi'i 'gro ba pas yongs su bzung bar 'du shes pa nyid pham par 'gyur ba'i yan lag nyid du bstan pa'i phyir gsungs so/ /dge slong gis gzhan dag gis yo byad dag gi lci ba dag rgyu bzhis ma byin par len na pham par 'gyur ro zhes bya ba la sogs pa bzhi pa bzhi ni sngar gsum pa lngas bstan pa'i yan lag rnams la slob ma rnams goms par bya ba'i phyir bstan te gsungs pa yin no/ /zangs po che zhes bya ba ni zongs chen po'o/ /zangs zhes bya ba ni zangs tha mal pa'o/ /rdza bo zhes bya ba ni rdza ma chen po'o/ /sgom zhes bya ba ni sprog ma'o/ /ko lpags zhes bya ba ni sgro ba dang rgyal ba la sogs pa'o/ /glang po che'i tshogs zhes bya ba la sogs pa tshogs zhes bya ba'i 'dus pa'o/ /dpung bu chung zhes bya ba ni rkang thang ngo/ /bdag gir byed pa zhes bya ba ni bdag gi'i'o zhes so sor bdag gir byed pa'o/ /bsrungs zhing bdag gir ma byas pa zhes bya ba ni srung bar byed pa dag gis so/ /kha lungs pa zhes bya ba ni 'brog dgon pa na gnas pa'o/ /la gcan pa zhes bya ba ni la srung bar bskos pa'o/ /rkun rdzas zhes bya ba ni chom rkun byas pa'i rul lo/ /bdag gir byas shing na srungs pa zhes bya ba ni srungs ma med kyang bdag gir byas pa ste/ des kyang pham par gyur pa ston to/ /rang gi 'du shes kyis len par mi byed ces bya ba la sogs pa lnga pas ni rku sems nyid ston par byed do/ /rang gi 'du shes zhes bya ba ni rang gi blo'o/ /yid bcugs pa'i 'du shes zhes bya ba ni nor gcig pa nyid kyi blo'o/ /re zhig gi 'du shes zhes bya ba ni phyir sbyin pa'i blo'o/ /gzhan la go bar byed pa zhes bya ba ni gang gi yin pa de nyid la sbyin par bya ba 'am yin gyis bsab par bya'o zhes bya ba la sogs par go bar bya ba dang gzhan sku sems yod do zhes skur pa 'debs pa bzlog pa'i phyir ro/ /de la rku sems nye bar gnas par gyur pa ste zhes bya ba ni rmongs pa dang yangs su ma bzung bar 'du shes pa dang de'i yin par mi shes pa dang/ mi ma yin pa yongs su bzung bar 'du shes pa la sogs pa rnam par bzlog pa'i phyar gsungs so/ /rgyu lngas ni ltar ba med do zhes bya ba la sogs pa lnga pa tha ma tshig gi don yang de bzhin du shes par bya'o/ /sdom la/ sa la 'dug dang snod 'dug dang zhes bya ba la sogs pa ni gzhi brtag pa'i phyir gsungs so/ /'di ltar zhes bya ba ni byung ba'i mdza' dang bral ba ste srid pa bstan pa'i tshig yin no/ /mgul gdub ces bya ba ni mgul du gdags pa'i gdub bu zlum pa'o/ /gdub bu rgyan can zhes bya ba ni lag ngar la bston pa'i gdub bu rgyan can srab mo'o/ /dpung rgyan zhes bya ba ni dpung pa'i rgyan no/ /do shal zhes bya ba ni mu tig gi do shal ring du 'chang ba'o/ /se mo do zhes bya ba ni mu tig gi se mo do nu ma sleb tsam du 'phyad pa'o/ /mu tig gi chun po zhes bya ba ni mu tig gi do chung mgul bar reg par khor ba'o/ /de la sbyor bas zhes bya ba ni de rku 'dod pas so/ /nom pa zhes bya ba na cung zhig reg pa'o/ /nyug pa zhes bya ba ni dam du reg pa'o/ /nyes pa sbom por 'gyur ro zhes bya ba ni pham par 'gyur ba'i bsam pas zhugs pa'i phyir sbyor ba las byung ba yin no/ /dngos po tshad na zhes bya ba ni ma sha ka'i rin du mchog na'o/ /mu gcig pa zhes bya ba ni lus gcig pa'o/ /gyod grugs zhes bya ba ni khags khogs su gyur pa'o/ /gas pa zhes bya ba ni ral pa'o/ /yi ge bris pa zhes bya ba ni yi ges khyab pa'o/ /tshon sna tshogs bkra ba zhes bya ba ni kha dog tha dad pa'o/ /phyogs tha dad pa zhes bya ba ni so sob ste de ni gnas tha dad par bstan pa'i phyir ro/ /mtshams can zhes bya ba ni 'phro sbyor bas sprad pa'o/ /g.yul zhes bya ba ni 'bru'i gnas so/ /dong zhes bya ba ni 'bru'i gnas bskos pa'o/ /mu dang khad chad ces bya ba ni kha dang mnyam pa'o/ /shing bus bar du chod pa'am zhes bya ba la sogs pa la bar du chod pa'am zhes bya ba ni bar chad byas pa ste/ de dag ni mgang ba'i dbres nas bzung ste/ dong gi kha'i bar du rim par gnas par shes par bya'o/ /'byin par byed ces bya ba ni rtsa thon du 'byin par byed pa'o/ /khur 'drag dang byed cing zhes bya ba ni khur du drags nas khur brku'o snyam pa'i sems kyis rku ba'i skabs yin pas de'i mdun rol tu rdzas re re nas 'byin cing sdud pa dang khur 'drag pa'i tshe na gnas nas spos pa ma yin te/ 'og ma dag la yang de bzhin shes par bya'o/ /khang tho dag tu zhes bya ba ni khang pa ni khyim ste de'i thog dag tu'o/ /ya gang zhes bya ba ni rkang rten bstan pa'o/ /khri 'phang zhes bya ba ni shing gi gong nas gong du brtsegs pa'o/ /thag skad zhes bya ba ni shing ring po la rkad pa bzhag pa'i phyir thag pas bcings pa byas pa'o/ /spyang thag ces bya ba ni thag pa'i thog ma la lcags las byas pa'i lcags kyi btags pa 'phang ba'o/ /dgar zhes bya ba ni sgro kha'i bar rim mo/ /khang pa brtsegs pa zhes bya ba nir ba'i khyim mo/ /khang pa brtsegs pa'i steng zhes bya ba ni mthongs yon po la sogs pa gtod pa'o/ /khyim dag ces bya ba ni gnas pa'i khyim dag go / chu'i gnas dag ces bya ba ni chu'i khang pa dag go /'dug pa'i shing ljon pa zhes bya ba ni ngal bso ba'i shing ljon pa'o/ /zas la chags pa zhes bya ba ni zas 'dod pa'o/ /de 'di snyams du zhes bya ba la sogs pa ni mis bdag gir bya ba dang ma bral ba'i phyir dang mis yongs su bzung ba'i 'du shes med pa'i phyir de la smad do/ /bskon pa zhes bya ba ni zeb gzhi dang bcas pa'o/ /rtsed mo'i bya zhes bya ba ni rtse ba'i ched kyi bya'o/ /bdag po dang bcas pa zhes bya ba ni bdag po mi dang bcas pa'o/ /bdag po med pa zhes bya ba ni gang la mis bdag gir byas pa'i bdag po med pa'o/ /phyogs bzhir zhes bya ba ni ngos bzhir ro/ /yam sreg shing zhes bya ba ni bud shing ngo/ /mig sngar snang ba zhes bya ba ni gnas gzhan du gyur pas de la brku bar brjod par bya'o/ /'di la gnas kyi gzhi btang ba ni sbyor ba'o/ /ldang ba la sogs pa ni sbyor ba'i sbyor bar shes par bya'o/ /dge slong gi bdag po dang bcas pa'i gter gyi phyir zhes bya ba la sogs pa la ni dkyil 'khor nyug pa la sogs pa rtsom pa ni sbyor bar shes par bya'o/ /spang leb ces bya ba ni shing leb po/ /rtsig rmad zhes bya ba ni thim pa'o/ /zung zhes bya ba ni glang po che'i so'i rnam pa 'dra ba'i phur pa'o/ /phyung ste rku zhes bya ba ni phyung ba'i rnam pa dgu pa'o/ /bzhon pa zhes bya ba ni rta la sogs pa'i spyi'o/ /bshams pa zhes bya ba ni brgyan pa'o/ /srang gi khang pa zhes bya ba ni shing rta'i lam gyi khang bzangs nyis brtsegs la sogs pa'o/ /grod po che'i bzhon pa zhes bya ba la sogs pa ni bzhon pa'i bye brag yin no/ /tsho ba zhes bya ba ni mtshag rgyas pa'o/ /ring ba zhes bya ba ni ma rgyas pa'o/ /nyam chung ba zhes bya ba ni stobs nyams pa'o/ /rke ba zhes bya ba ni pags pa bskams pa'o/ /bskams pa zhes bya ba ni sha bskams pa'o/ /lus ma thob pa zhes bya ba ni brtson pa med pa'o/ /khang pa brtsegs pa phyed ces bya ba ni thog mthor ma bsgreng ba'o/ /zung khyogs zhes bya ba ni mi gnyis 'degs pa'o/ /khyogs spyil zhes bya ba ni zung khyogs g.yogs ma med pa'o/ /byis pa'i bzhon pa zhes bya ba ni khyi'u pa dang bu mo dag bkur ba'o/ /gru tshums zhes bya ba ni sgrol ba dang phyir sgrol ba'i phyogs so/ /tshu rol zhes bya ba ni rang gi yul lo/ /pha rol zhes bya ba ni 'gram gnyis pa'o/ /rkam la phyung ste rku bar byed pa zhes bya ba ni skam pa'i lam du 'drud par byed pa'o/ /rdzab tu spyod par byed ces bya ba ni 'dam rdzab kyi nang du 'jug par byed pa'o/ /bde ba med par bya zhes bya ba la bde ba zhes bya ba ni bde bar 'gyur ba ste/ bya ba gang la de gzhan las 'byung bar ma gyur cig snyam du 'jug pa yod pa de ni bde ba med par bya ba'o/ /de'i bsam pas zhes bya ba ni phra dog gi sems kyis zhes bya ba'i tha tshig go /gcig par byed ces bya ba ni dum grugs su'o/ /'chag par byed ces bya ba ni tshal bar ro/ /ston ka 'byung ba zhes bya ba ni gang dag ston 'bras bur 'gyur ba'o/ /rnang zhes bya ba ni zhing ngo/ /yur ba zhes bya ba ni rnang yul srol zhes bya ba'i tha tshig go /de'i 'byor ba zhes bya ba ni chu nges zhing de la 'bras bu grub par byos pa de'i 'byar ba ste/ de'i don du chu rku bar byed ces bya ba'i tha tshig go /gru ni gsum ste zhes bya ba ni de gsum kha ni phal cher rgud par 'gyur ba yin pa'i phyir ro/ /bum pa'i gru zhes bya ba ni bum pa kha spub tu bzhag pa dag gis 'grub pa'i gru gang yin pa'o/ /rdza ma'i gru zhes bya ba ni rdza ma dag gis 'grub pa'i gru gang yin pa'o/ /ra rkyal gyi'o zhes bya ba ni ra'i rkyal bas 'grub pa gang yin pa'o/ /zong lci zhes bya ba ni rin che ba'o/ /zod yang zhes bya ba ni 'phyo ba'o/ /rin yang zhes bya ba ni rin chung ba'o/ /nor bu zhes bya ba ni 'od kyi bdag nyid can du dug sel ba'o/ /bai DUrya zhes bya ba ni ri ri ru las byung bas bai DUrya zhes bya ste rin po che sngon par snang ba'o/ /kan shel dkar po zhes bya ba ni shang shi la zhes bya ste rin po che dung gi rnam pa ltar mchog tu dkar ba'o/ /byu ru zhes bya ba ni byu ru'i rigs khyad par 'phags pa'o/ /dngul zhes bya ba ni dngul nyid do/ /sa le spram zhes bya ba ni gser ro/ /rdo'i snying po zhes bya ba ni ma rgad do/ /pug ces bya ba ni rin po che'i rigs shin tu gtso bo sngon po dang ser po dang dmar po dang dkar por snang ba'i bdag nyid can te/ khra bo zhes bya ba'i tha tshig go /dmar po zhes bya ba ni pad+ma rA ga la la/ g.yas su 'khyil ces bya ba ni dung ste shis par bskyed par byed pas rin po che'i bye brag kho na yin no/ /srin bal zhes bya ba ni kha chu dang gyi tshig ma'o/ /lcags zhes bya ba ni lcags nyid do/ /rdo zhes bya ba ni rdo ba'o/ /khro chu zhes bya ba ni me long rgyu lcags 'dra ba'o/ /na me ru zhes bya ba ni me tog gi bye brag go /thob rgyal zhes bya ba ni gang gis gang zin pa de de'i yin par rnam par bzhag par bya'o/ /gos 'phying bar byed ces bya ba ni 'doms dkros bsdams pas brtan par byed pa'o/ /dus tshigs thams cad pa zhes bya ba ni rang gi dus tshigs thams cad du khyab par byed pa gang yin pa'o/ /dus thams cad pa zhes bya ba ni dus tshigs gzhan gyi dus thams cad du yang khyab par byed pa gang yin pa'o/ /skye bo thams cad las skyabs pa zhes bya ba ni skye bo thams cad kyis 'ga' yang mi 'thob par bkag pa'o/ /'gram gnyis su zhes bya ba ni ngogs gnyis su'o/ /ri dags kyi rngon pa zhes bya ba ni dngos so/ /ri dags kyi rngon pa'i slob ma zhes bya ba ni gzhan la rag las pa'o/ /mkhas pas zhes bya ba ni shes pas so/ /nags mchog ces bya ba'i skye bo med cing ches thag ring ba'i nags so/ /drungs dbyung ba'i phyir ces bya ba ni rtsad bcad pa'i phyir de yang 'tshod pa'i phyir ro/ /nyams par bya ba'i phyir zhes bya ba ni ma bsad par yan lag la sogs pa dum bur bcang pa'i phyir ro/ /tshul ma yin pas sdug bsngal bar bya ba'i phyir zhes bya ba ni rigs pa ma yin pas bsad ces bya ba'i tha tshig go /sngon spyad ces bya ba ni sgo mthon po dang brtsad la sogs pa'i rngon spyad bshams pa dag go / gzhi 'di zhes bya ba ni rgyu 'dis song nya ba zhes bya ba ni nya shor ba'o/ /chu klung zhes bya ba ni chu klung chen po'o/ /yur po zhes bya ba ni cha klung chung ngu'o/ /khar zhes bya ba ni chu 'bab pa'i gnas su'o/ /nya rdang ba zhes bya ba ni skon pa'i rnam pa lta bur bcas pa'o/ /dkon ces bya ba ni phyogs kha cig na yod pa'i phyir ro/ /rin che zhes bya ba ni rin chen pos rnyed pa'i phyir ro/ /de'i gnas skabs su zhes bya ba ni rku ba'i dus dang rku ba'i yul deng ngo/ /dud 'gro'i skal pa'i chu bdag gir byed na dngos po tshong na nyes pa spom por 'gyur ba ni mi rnams kyis bsam pa thag pa nas btang ba'i phyir dang 'du shes 'khrul pa'i phyir de yang srid pa'i phyir ro/ /nor sgrub pa dag ces bya ba ni nor 'tshol ba dag go /zhugs te zhes bya ba ni bskyod cing blangs te'o/ /lan tsha'i ro 'ba' zhig ces bya ba ni thams cad lan tsha'i ro yin pa'o/ /lam gyi bgrod pa zhes bya ba ni lam gyi ngo bo nyid de rgyang grags la sogs pa'i tshad kyi lam mo/ /gom pa bsri ba zhes bya ba ni gom pa skyung bas so/ /chos gos dag rku bar byed cing zhes bya ba ni rku zhing khyer bar byed pa'o/ /gcod zhes bya ba ni dma' ba' o/ /thad zhes bya ba ni mnyam par ro/ /thibs po zhes bya ba ni rtswa la sogs pa 'khrigs pa'o/ /thams cad du zhes bya ba ni gnas khang nas khyams su dang/ khyams nas gnas khang du 'jug pa sogs la yang ngo/ /mi rmas ma zhes bya ba ni rma mi 'byung ba'o/ /ma nyams pa zhes bya ba ni mthu mi nyams pa'o/ /te por zhes bya ba ni ha cang ngo/ /rkun shas zhes bya ba ni rul gyis shes so/ /byis pa zhes bya ba ni rang gis mngon par mi shes pa'o/ /blun pa zhes bya ba ni lung phog pa mngon par mi shes pa'o/ /mi gsal ba zhes bya ba ni sngar shes pa mngon par mi shes pa ste brjed ngas pa zhes bya ba'i tha tshig go / mi mkhas pa zhes bya ba ni phan tshun gyi bye brag la mi mkhas pa'o/ /yang na byis pa dang blun pa dang mi gsal ba dang mi mkhas pa zhes bya ba ni skyes nas thob pa'i shes rab dang/ thos pa las byung ba'i shes rab dang/ bsam pa las byung ba'i shes rab dang bsgoms pa las byung ba'i shes rab dang bral ba ste/ go rim bzhin no/ /gya tshom zhes bya ba ni ched du ma bsams par blo bur ro/ /byung rgyal zhes bya ba ni brjod pa de las 'byung ba ste/ de las byung ba de byung rgyal ma yin no/ /de las byung ba ma yin pa ni byung rgyal te dngos pos stong pa'o/ /so sor ma brtags par zhes bya ba ni rigs pas ma dpyad par ro/ /bya ra gyis shig ces bya ba ni rengs par lta ba ltar longs shig ces pa'o/ /bag gyis shig ces bya ba ni bya ba gzhan la byed pa cig pa'o// shags zhes bya ba ni shags 'gyed pa'o/ /yongs su bskor ba zhes bya ba ni mdza' bskor ba'o/ /'og gzu zhes bya ba ni yul mi'i tshogs so/ /sbyor ba btang nas zhes bya ba ni rtsol ba btang na'o/ /'og gzur du zin kyang bla'i grwa'i skabs yod pa'i phyir sbyor ba btang na brkus pa'i dus yin no// bla'i grwa zhes bya ba ni rgyal pos bskos pa'i grwa'i/ /dpan po yin pas zhes bya ba ni rgyal po ni bdag po yin pa'i phyir te/ der rgyal na gzhan gyi skabs med pa'i phyir brkus pa'i dus yin no/ /rtsig pa'i zhes bya ba ni ra ba'o/ /mtshams kyi sna dang zhes bya ba ni mtshams kyi gnas kyi ma shos dang ngo/ /mtshams kyi snar zhes bya ba ni mtshams kyi gnas mdun ma shas su'o/ /bla na med pa'i ye shes zhes bya ba ni rdzogs pa'i byang chub go /rgyas pa zhes bya ba ni rgya cher ro/ /spa bkod pa bla zhes bya ba ni zil gyis mnan bla ba'o/ /sho gam gzhal dgos pa zhes bya ba ni gzhal bar 'os pa'o/ /rung ngam zhes bya ba ni rigs sam zhes bya'o/ /ltung ba med ces bya ba ni sho gam gzhal ba dbang ba nyid mi shes pa'i phyir dang rku sems med pa'i phyir ro/ /sar phyin pa zhes bya ba ni sho gam gyi gnas su phyin pa'o/ /'gal tshabs can zhes bya ba ni shin tu 'das pa dang bcas pa ste/ nyes pa dang bcas pa zhes bya ba'i tha tshig go /de yang kha cig pham par 'gyur pa? yang yin/ kha cig nyes pa spom po dang ltung byed la sogs par 'gyur ba yang yod de/ 'dir ni rku sems kyis rang gi rdzas sho gam gzhal dgos pa bzlas te rin thang tshang na pham par 'gyur ro/ /gzhan gyis bzlas na sbom por 'gyur ro/ /bzla bar mi bya'o zhes bslab pa'i gzhi bcas pa las 'das pa ni thams cad du nyes byas su 'gyur ro/ /shar ba'i tshal gsebs bya ba ni smig ma'i nyag ma shar ba'i tshal gseb bo/ /bzo sbyod zhes bya ba ni rgyal po des bzo bo'i tshogs bco brgyad po dag la phas bzo slob tu bcug pa las bzo byang bar gyur pa de? ni ming bzo sbyangs zhes bya'o/ /bzo bo'i tshogs bco brgyad ni tshod pa dang/ rdza mkhan dang/ phreng rgyud dang/ chang ba dang/ phyugs rdzi dang/ 'dreg mkhan dang/ 'bru mar mkhan dang/ mgar ba mkhan dang/ shing mkhan dang/ phywa ba mkhan dang/ thag pa dang/ ko lpags mkhan dang/ nya pa dang/ btso blag mkhan dang/ smig ma mkhan dang/ shen pa dang/ bshed ma dang/ shing rta mkhan zhes bya ba dag ste/ de bas bzo sgo bco brgyad po dag la btsud do zhes gsungs pa'i phyir ro/ /bden pa dag la zhes bya ba ni sdug bsngal dang/ kun 'byung ba dang/ 'gog pa dang/ lam zhes bya ba de kho na nyid dag la'o/ /bkod nas zhes bya ba ni shes pa mi g.yo bas bzhag nas so/ /ko sa lar 'byung ba zhes bya ba ni yul ko sa lar skyes pa'o/ /gzhon nu'i dpe'i mdo sde zhes bya ba ni mdo sde las 'di skad bdag gis thos pa'i dus gcig na/ bcom ldan 'das ko sa la dag tu ljongs rgyur gshegs pa na mnyan du byon nas mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ko sa lar byung ba'i r gyal po gsal rgyal gyis dge sbyong gau ta ma ko sa la dag tu ljongs rgyur gshegs pa na mnyan yod du byon nas mnyan yod na rgyal byed kyi chal mgon med zas sbyin gyi kun dga' ra ba na bzhugs shing shes ldan gau ta ma de bla na med pa yang dag par rdzogs pa'i sangs rgyas so zhes bdag nyid zhal gyis 'tshe'o zhes thos so/ /thos nas bcom ldan 'das ga la ba der song ste phyin nas bcom ldan 'das dang thabs gcig mngon du yang dag par dga' bar gyur pa dang yang dag par mgu bar 'gyur ba'i gtam sna tshogs byas te mdza' cig tu 'dug go / mdza' cig tu 'dug nas ko sa lar byung ba'i rgyal po gsal rgyal gyis bcom ldan 'das la 'di skad ces gsol to/ /kye gau ta ma bdag gis shes ldan gau ta ma bla na med pa yang dag par rdzogs pa'i byang chub mngon par rdzogs par sangs rgyas so zhes bdag nyid zhal gyis 'che'o/ /zhes thos na/ kye gau ta ma ji lta gang dag ji skad mchi ba de dag de ltar brda sprod par bgyid pa na shes ldan gau ta ma la skur pa 'debs par mi bgyid cing ha cang thal bar bgyid pa dang/ de dag shes ldan gau ta mas gsungs pa'i rjes su smra ba dang chos smra ba dang/ chos kyi rjes su mthun pa'i chos brda sprod par bgyid pa dang gsungs pa'i rjes su smra ba de dag la gzhan las chos dang mthun pa'i smad pa'i gnas lta bu'i chos 'ga' yang mi 'chi ba lags sam/ rgyal po chen po gang dag de skad zer ba de dag de ltar brda sprod par byed pa ni kho bo la skur pa 'debs par mi byed cing ha cang thal bar mi byed pa dang/ de kho bos smras pa'i rjes su smra ba dang/ chos smra ba dang chos kyi rjes su mthun pa'i chos brda sprod par byed pa dang smras pa'i rjes su smra ba de dag las gzhan las chos dang mthun pas smad pa'i gnas lta bu'i chos 'ga' yang shin tu mi 'ong ba yin no/ /de ci'i phyir zhe na/ rgyal po chen po kho bos ni bla na med pa yang dag par rdzogs pa'i byang chub mngon par rdzogs par sangs rgyas pa'i phyir ro/ /shes ldan dag gau ta ma de skad gsungs du zin kyang bdag ni shes ldan gau ta ma la dad pas mi mchi'o/ /de ci'i slad du zhe na/ re zhig dge sbyong dang bram ze rgan po rgan pa 'di lta ste/ 'od srungs rdzogs byed dang kun tu rgyu gnag lhas kyi bu dang/ smra 'dod kyi bu mo'i bu yang dag rgyal ba can dang/ mi pham skra'i la ba can dang/ ka tya'i bu nog can dang/ gcer bu pa gnyen gyi bu gang dag lag pa de dag kyang da dung bla na med pa yang dag par rdzogs pa'i byang chub mngon par rdzogs par sangs rgyas so zhes bdag nyid khas che bar mi bgyid na/ shes ldan gau ta ma na tshod kyis bzhon zhing rab tu byung ba gsar pas lta smos kyang ci 'tshal ba'i slad du'o/ /rgyal po chen po bzhi po 'di dag ni gzhon nu khyad du bsad par yang mi bya zhing gzhon nu zil gyis mnan par mi bya ba'o/ /bzhi gang zhe na/ rgyal po chen po rgyal rigs gzhon nu khyad du bsad par mi bya zhing gzhon nu zil gyis mnan par yang mi bya ba dang rgyal po chen po brang 'gro gzhon nu khyad du bsad par mi bya zhing gzhon nu zil gyis mnan par yang mi bya ba dang/ rgyal po chen po me chung ngu khyad du bsad par mi bya zhing me chung ngu zil gyis mnan par mi bya ba dang/ rgyal po chen po dge slong gzhon nu khyad du bsad par mi bya zhing gzhon nu zil gyis mnan par yang mi bya'o/ /de ci'i phyir zhe na/ rgyal po chen po dge slong ni gzhon nu yin yang de ni rdzu 'phrul che zhing mthu che ba yin pa'i phyir ro/ /bcom ldan 'das kyis de skad ces bka' stsal te/ bde bar gshegs pas de skad gsungs nas ston pas gzhan yang 'di skad ces bka' stsal to/ /rgyal rigs dpe byad ldan gyur cing/ /rigs btsun grags dang ldan pa de/ /gzhon nuAng khyad du mi bsad cing/ /mkhas pas zil gyis mnan mi bya rgyal po rgyal srid thob dkrugs na/ /rgyal rigs chad par 'byung 'gyur ba'i/ /gnas ni gang phyir yod pas na/ /de phyir de la gus phyag bya/ /da phyar bdag srog srung byed pas/ /de ni khyad du bsad mi bya/ /bdag nyid don la legs lta bas/ /de ni legs par spang bar bya/ /grong ngam yang na dgon par ni/ /gang du lag 'gro mthong ba de/ /gzhon yang khyad du mi bsad cing/ /mkhas pas zil gyis mnan mi bya/ /mthon po'am dma' ba' i rigs dag tu/ /tshol can nang du klu rgyu bas/ /skyes pa bud med du ma dang/ /byis pa rnams kyis rnyed na 'dzin// de phyir bdag srog srung byed pas/ /de ni khyad du bsad mi bya/ /bdag nyid don la legs lta bas/ /de ni legs par spang bar bya/ /'bar ma mang po zang byed pa/ /byin za lam sngon ldan pa de/ /chung yang khyad du mi bsad cing/ /mkhas pas zil gyis mnan mi bya/ /nye bar len pa byin za ni/ /chung ngur gyur nas chen por gyur/ /me lce 'bar bas myur bar ni/ /grong dang grong khyer sreg par byed/ /de phyir bdag srog srung byed pas/ /de ni khyad du bsad mi bya/ /bdag nyid don la legs lta bas/ /de ni legs par spang bar bya/ /byin za lam sngon ldan 'gyur ba'i/ /me yis tshing tshing gang sreg pa/ /de la nyin mtshan 'das gyur pas/ /la lar lo ma skye bar 'gyur/ /gang gis tshul khrims ldan pa yis/ /dge slong rnyed nas sred byed pa/ /de la bu dang tsha bo dang/ /bgo skal yod par mi 'gyur te/ /tA la'i mgo bzhin mi ring bar/ / rigs brgyud dang yang bral bar 'gyur/ /de phyir bdag srog srung byed pas/ /de ni khyad du gsad mi bya/ /bdag nyid don la legs lta bas/ /de ni legs par spang bar bya/ /rgyal rigs dpe byad ldan pa dang/ /lag 'gro ma dang de bzhin du/ /dge slong tshul khrims ldan pa de/ /mkhas pas zil gyis mnan mi bya/ /de phyir bdag srog srung byed pas/ /de la khyad du gsad mi bya/ /bdag nyid don la legs lta bas/ /de ni legs par spang bar bya/ /de nas ko sa lar byung ba'i rgyal po gsal rgyal gyis bcom ldan 'das kyis bka' stsal pa la mngon par bstod cing rjes su yi rang bar byas nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyis spyan snga nas phyir song zhes gsungs pa yin no/ /btul zhes bya ba ni dul bar byas pa'o/ /gzhon nu'i yongs su spang ba zhes bya ba ni bu'i rim gro'o/ /de byin pa ni bu'i thabs byin pa'o/ /btsun mo'i 'khor gyis yongs su spang ba byin pa yang btsun mo'i 'khor gyis thabs byin pa'o/ /sdig sprul zhes bya ba ni sprul la sogs pa'o/ /nyen bzhin du zhes bya ba ni gnod bzhin du'o/ /spro bar bgyid ces bya ba ni yid kyis brtson par byed pa'o/ /'bar bar bgyid ces bya ba ni lus kyi yongs su rgyu ba'o/ /rtsol bar byed ces bya ba ni gang gis rigs pa'i tha snyad brjod pa'o/ /mchod pa dag ces bya ba ni mchod pa bya ba dag go /rigs so zhes bya ba ni 'os so zhes bya ba'o/ /ji ltar 'gyur zhes bya ba ni dri ba'o/ /ltung ba med ces bya ba ni bdag gis yongs su spang ba thob pa snyam du shes pa'i phyir dang/ rku sems mi skyed pa'i phyir ro/ /mi mthun par byed pa yin pas shes bya ba ni dus che'o/ /gros byas te zhes bya ba ni mthun par byas te'o/ /bar bur snod dag ces bya ba ni rdzas du ma'i snod dag go /rang nyid kyis phyung ste zhes bya ba ni btang ba'i dbang gis de la reg par rjes su gnang ba'o/ /shes par gyis zhes bya ba ni srungs shig ces so/ /mkho ba bstabs pa zhes bya ba ni bsnyen bkur bya ba'o/ /snyod par byed pa zhes bya ba ni sbrang rtsi dang zhun mar dang mar la sogs pa smod? pa'o/ /gso bar byed pa zhes bya ba ni lus smom? lag tu byed pa'i phyir ro/ /skyed par byed pa zhes bya ba ni lus srung bar byed pa'i phyir ro/ /nub mnun pa zhes bya ba ni nu zho ldud par byed pa'o/ /dzam+bu gling sna tshogs ston par byed pa zhes bya ba ni gnod pa yongs su srung ba'i phyir ro/ /bya dka' ba byed pa dag yin te zhes bya ba ni mngal na gnas pa bzung ba dang mi gtsang ba'o/ /las la sogs pa bya dka' ba byed pa'i phyir ro/ /spang ba byas zhes bya ba ni ral ba yongs su spang zhing rang gis bskur ba byas pa'o/ /de tsam gyi ni zhes bya ba ni re zhig go /byas pa zhes bya ba ni 'khor ba'o/ /nyes par byas pa zhes bya ba ni lhags par phan 'dogs pa spyod pa'o/ /yang dag par 'dzin ces bya ba ni 'dun pa bskyed do sbyor du 'dzud pa'o/ /'dul bar byed ces bya ba ni mngon par khas len pa 'dzin du 'jug pa'o/ /'dzud par byed ces bya ba ni chad par mi byed pa'o/ /rab tu dgod par byed ces bya ba ni chen po nyid byed pa'o/ /tshul khrims phun sum tshogs pa zhes bya ba la sogs pa phun sum tshogs pa'i don ni zag pa med pa kho na yin par shas par bya'o/ /'dun pa las byung ba'i slongs mo zhes bya ba ni 'dun pa skyes pas slongs mo sgrub pa'o/ /zang bar zhes bya ba ni thams cad du'o/ /khyab par gyur ces bya ba ni chub par gyur pa'o/ /'di ltar bcom ldan 'das de ni zhes bya ba la sogs pa la 'di ltar zhes bya ba ni 'di ltar ro/ /bcom ldan 'das de ni zhes bya ba ni de bzhin gshegs pa nye bar ston pa yin no/ /de bzhin gshegs pa zhes bya ba ni dngos po thams cad kyi ngo bo nyid ji lta ba de bzhin du gshegs pa dang sems can gdul ba de bzhin du gshegs pa dang/ nyes pa bag chags dang bcas pa yang mi 'byung ba ji lta ba bzhin du gshegs pa dang/ de'i dang po'i smon lam ji ltar gyur pa de bzhin du mdzad pa ma lus pa mdzad par gyur pas de bzhin gshegs pa zhes bya'o/ /dgra bcom pa zhes bya ba ni 'gro ba mdza' dag gis mchod par 'os pa'o/ /yang dag par rdzogs pa'i sangs rgyas so zhes bya ba ni yang dag par rdzogs par sangs rgyas pa zhes bya ste/ mi bslu ba'i mkhyen pa yang dag pas don mdza' dag rdzogs par thugs su chud cing sangs rgyas pa'i phyir ro/ /rigs pa dang zhabs su ldan pa zhes bya ba ni mi slob pa'i rigs pa gsum dang mi slob pa'i lus kyi sdom pa dang ngag gi sdom pa dang yang dag par 'tsho ba'i spyod pa dag dang ldan pa'o/ /bde bar gshegs pa zhes bya ba ni kun tu gzigs pa la sogs pa'i spyod pa mdzes par gshegs pa dang ldan pa'o/ /'jig rten mkhyen pa zhes bya ba ni sems can 'khor ba thugs su chud pa'i phyir ro/ /skyes bu 'dul ba'i kha lo bsgyur ba bla na med pa zhes bya ba ni 'jam pa dang rtsub pa dang gnyis ka'i 'dul ba'i rnam pa gsum gyis 'dul ba skyes bu lta bu dag phyin ci ma log par 'dul bar mdzad pa'i phyir ro/ /lha dang mi rnams kyi ston pa zhes bya ba ni yang dag pa ji lta ba bzhin bden pa ston par mdzad pa'i phyir ro/ /sangs rgyas zhes bya ba ni mi shes pa'i gnyid ma lus pa dang bral ba'i phyir ro/ /bcom ldan 'das zhes bya ba ni bdud bzhi bcom pa dang ldan pa'i phyir ro/ /bcom ldan 'das kyi chos ni legs par gsungs pa zhes bya ba ni sangs rgyas bcom ldan 'das kyi chos ni 'phags pa'i bden pa bzhi ste/ nga ni legs par gsungs pa'i ji lta ba bzhin du phyin ci ma log par nye bar bstan pa yin no/ /yang dag par mthong ba zhes bya ba ni yang dag pa mthong bas phye ba sta yang dag par mthong bas zhes yang dag pa'i lta ba zag pa med pa'i blo ste/ des phye ba ji lta ba bzhin du rab tu rnam par 'byed pas mthong ba'i lam gyi tshe bcom ldan 'das kyi chos bden pa bzhi'i ngo bo nyid mthong bas de'i phyir yang dag par mthong bas phye ba zhes bya ba ste/ bslu ba dang bral ba zhes bya ba'i tha tshig go /nad med pa zhes bya ba ni 'dod chags la sogs pa'i nyon mongs pa gdung bar byed pa'i rang bzhin rims nad lta bu dag dang nges par bral bas nad med pa zhes bya ste/ bcom ldan 'das kyi chos lam gyi mtshan nyid do/ /dus chad pa med pa zhes bya ba ni 'dir de'i rtsom pa dang mdza' gnyis dus mnyam pa ste/ 'di ltar gang kho na'i tshe sdug bsngal la dmigs pa'i las skye ba de kho na'i tshe sdug bsngal mthong bas spang bar bya ba'i nyon mongs pa rnams spong ba dang/ gang kho na'i che kun 'byung ba dang 'gog pa dang lam la dmigs pa'i skye ba de kho na'i tshe kun 'byung ba dang 'gog pa dang lam mthong bas spang bar bya ba'i nyon mongs pa rnams spong ba de'i dus phyi dus mnyam pa zhes bya ste lam gyi rtsom pa dang 'bras bu'i mdza' gnyis dus mnyam pa zhes bya ba'i tha tshig go / nye bar gtod pa zhes bya ba ni nye bar gtod pa la yod pa zhes bya ste/ 'phags pa'i bden pa bzhi po dag la nye bar gtod par mdzad pas nye bar gtod pa ste/ sangs rgyas bcom ldan 'das so/ /de la yod pa ni nye bar gtod pa la yod pa ste/ bcom ldan 'das kyi chos lam gyi ngo bo nyid de/ 'di ltar gang gi tshe lam skye ba de'i tshe na/ 'phags pa'i bden pa bzhi po dag la the tshom med par 'gyur ba'i phyir ro/ /'di mthong ba yod pa zhes bya ba ni shog la ltas shig pa lta bu zhes bya ba ste 'phags pa'i lam gyis 'gro ba rnams la tshur shog la de kho na nyid bzhi po dag la ltos shig ces rung ba nyid kyis smra ba dang 'dra bar 'bod cing ston pas na shog la ltos shig pa lta bu zhes bya ste 'phags pa'i lam skyes pa na de kho na nyid la sgrib pa med pa zhes bya ba'i tha tshig go / mkhas pa rnams kyis so sor rang rig pa zhes bya ba ni mkhas pa 'jig rten las 'das pa'i ye shes rnyed pa mang po rnams kyis so so so sor rang gi sems kyi rig par bya ba yin gyi gzhan gyis ma yin no zhes bya ba'i tha tshig go / bcom ldan 'das kyi chos la lam dang 'bras bu'i mtshan nyid yin no/ /bcom ldan 'das kyi nyan thos kyi dge 'dun ni lags par bzhugs pa zhes bya ba ni bcom ldan 'das kyi slob mar rab tu byung ba'i dge 'dun ni mngon par shes pa bul ba dka' ba dang/ mngon par shes pa myur bar dka' ba dang/ mngon par shes pa bul ba sla ba dang/ mngon par shes pa myur ba sla ba'i lam sgrub pa la zhugs shing yang dag par brten pa yin no/ /rigs par zhugs zhes bya ba ni dran pa nye bar bzhag pa dang dro bar gyur pa la sogs pa rigs par 'os pa'i tshogs la zhugs pa'o/ /drang por zhugs pa zhes bya ba ni gya gyu med pa mya ngan las 'das pa'i gsol 'phags pa'i lam du zhugs pa'o/ /mthun par zhugs pa zhes bya ba ni bslab pas mthun pa 'am mi slob pas mthun pa'i lam du zhugs pa'o chos kyi rjes su mthun pa'i chos la zhugs pa zhes bya ba ni chos mya ngan las 'das pa de'i rjes su 'gro ba ni chos kyi rjes su mthun pa'i chos te/ zag pa med pa'i shes pa dang lus dang ngag gi sdom pa dang yang dag pa'i 'tsho ba nyid la zhugs pa'o/ /chos kyi rjes su mthun par spyod pa zhes bya ba ni chos mya ngan 'das pa'i rjes su mthun pa'i chos 'phags pa'i lam dang lam gyi rjes su mthun pa'i chos so sor thar pa'i sdom pa dang sdom pa'i rjes su mthun pa'i chos lus dang ngag gi sdom pa dang yang dag pa'i 'tsho ba dag la rjes su sgrub par byed pa ces bya ba'i tha tshig go / de ltar chos kyi rjes su mthun par spyod pa dag gi ngo bo nyid bstan pa'i phyir dge 'dun la zhes bya ba la sogs pa gsungs te/ dge 'dun la zhes bya ba ni dge 'dun gyi nad na ste don? gang zag 'di lta bu dag yod do zhes bya ba'i tha tshig go / rgyun tu zhugs pa'i 'bras bu mngon sum du bya ba'i phyir zhugs pa dag kyang yod ces bya ba la rgyun ces bya ba ni 'phags pa'i lam ste/ des mya ngan las 'das pa'i rgya mtshor 'jug pa'i phyir ro/ /der zhugs pa ni rtogs pa ste/ rgyun tu zhugs pa de nyid 'bras bu yin pas rgyun tu zhugs pa'i 'bras bu ste/ khams gsum gyi nyon mongs pa mthong bas spang bar bya ba rnams spangs so/ /des 'thob pa'i rgyun tu zhugs pa'i 'bras bu mngon sum du bya bas de de'i phyir zhugs pa ni rgyun tu zhugs pa'i 'bras bu mngon sum du bya ba'i phyir zhugs pa dag ste/ rim gyis mthong ba'i 'am gyis khams gsum pa'i nyon mongs pa mthong bas spang bar bya ba mas spang ba'i phyir brtson pa gang dag yin pa dag gam zhes cher 'dod chags dang bral ba bsgom pas spang bar bya ba rnam pa drug ma spangs pa gang dag yin pa dag go / rgyun tu zhugs pa dag ces bya ba ni gang dag gi rgyun tu zhugs pa'i 'bras bu thob pa de dag go /lan cig phyir 'ong ba'i 'bras bu mngon sum du bya ba'i phyir zhugs pa dag ces bya ba ni gang dag lan cig ces bya ba re zhig mi'i 'gro ba pa 'ong bar 'gyur zhing lhag pa med pa de dag ni lan cig phyir 'ong ba dag ste/ 'dod pa na spyod pa'i nyon mongs pa bsgoms pas spang bar bya ba dag gi rnam pa drug pa spangs shing mthong ba'i lam las langs pa'i 'phags pa'i gang zag rnams so/ /de dag gi 'bras bu ni lan cig phyir 'ong ba'i 'bras bu ste/ khams gsum pa'i nyon mongs pa mthong bas spang bar bya ba rnams spangs pa dang 'dod pa na spyod pa'i nyon mongs pa rnams bsgom pas spang par bya ba dag gi rnam pa drug spangs pa'o/ /de mngon sum du bya ba'i phyir zhugs pa ni lan cig phyir 'ong ba'i 'bras bu mngon sum du bya ba'i phyir zhugs pa dag ste/ rim gyis sgom pa'i lam las rim gyis zhugs pa dang mthong ba'i lam la shas cher 'dod chags dang bral ba'o/ /lan cig phyir 'ong ba dag ces bya ba ni gang dag gis de'i 'bras bu thob pa dag go / phyir mi 'ong ba'i 'bras bu mngon sum du bya ba'i phyir zhugs pa dag ces bya ba ni gang dag 'dod pa'i khams su skye ba'i don du yang phyir mi 'ong bar 'dod pa na spyod pa'i nyon mongs pa bsgom pas spang bar bya ba dag gi rnam pa dgu pa yang spangs pa'i phyir ro/ /de dag gi 'bras bu ni phyir mi 'ong ba'i 'bras bu ste khams gsum pa'i nyon mongs pa mthong bas spang bar bya ba rnams dang 'dod pa na spyod pa'i bsgom pas spang bar bya ba rnams spangs pa'o/ /de mngon sum du bya ba'i phyir zhugs pa ni phyir mi 'ong ba'i 'bras bu mngon sum du bya ba'i phyir zhugs pa dag ste/ bsgom pa'i lam la mthar gyis zhugs pa dang mthong ba'i lam la 'dod chags dang bral ba sngon du btang ba dag go /phyir mi 'ong ba dag ces bya ba ni gang dag gis de'i 'bras bu thob pa dag go /dgra bcom pa nyid kyi 'bras bu mngon sum du bya ba'i phyir zhugs pa dag ces bya ba la/ dgra bcom pa nyid ces bya ba ni 'gro ba mdza' dag gis mchod par 'os pa nyid do/ /de nyid 'bras bu yin pas dgra bcom pa nyid kyi 'bras bu ste/ khams gsum pa'i mthong ba dang bsgom pas spang bar bya ba'i nyon mongs pa ma lus pa spangs pa'o/ /de mngon sum du bya ba'i phyir zhugs pa ni dgra bcom pa nyid kyi 'bras bu mngon sum du bya ba'i phyir zhugs pa dag go /gang dag mthong ba'i lam las langs shing gzugs dang gzugs med pa las 'dod chags dang bral bar bya ba'i phyir lam sgom par byed pa dag go / dgra bcom pa dag ces bya ba ni nang dag gis de'i 'bras bu thob pa dag go /gang zag rnam par bzhag pa bstan pa'i phyir de ltar de dag ni zhes bya ba la sogs pa gsungs te/ skyes bu bzhi zhes bya ba la zung zhes bya ba ni phrugs te rgyun tu zhugs pa dang/ de la zhugs pa ni lam dag gi rigs mthun pa'i zung cig go /lhag ma gsum yang de bzhin du shes par bya'o/ /rgya cher bgrang ba bstan pa'i phyir skyes bu gang zag brgyad yin no/ /zhes bya ba gsungs te gzhan ni zhugs pa yin la gzhan ni 'bras bu la gnas pa yin par bstan pa'i phyir brgyad ces smos te lam tha dad pa'i phyir ro/ /yon tan 'grub par bstan pa'i phyir bcom ldan 'das kyi nyan thos kyi dge 'dun de ni zhes bya ba la sogs pa gsungs te/ tshul khrims phun sum tshogs pa zhes bya ba ni slob pa dang mi slob pa'i tshul khrims dang ldan pa'o/ /ting nge 'dzin phun sum tshogs pa dang/ shes rab phun sum tshogs pa zhes bya ba yang de bzhin du shes par bya'o/ /rnam par grol ba phun sum tshogs pa zhes bya ba la rnam par grol ba zhes bya ba ni zag pa med pa'i mos pa ste/ slob pa dang mi slob pa'i sdug bsngal la chos shes pa'i bzod pa la sogs pa dang de dang mtshungs par ldan pa ni rnam par grol ba phun sum tshogs pa'o/ /rnam par grol ba'i shes pa dang mthong ba phun sum tshogs pa zhes bya ba la rnam par grol ba'i zhes bya ba ni rnam par grol ba na shes pa dang mthong ba skyes pa 'am rnam par grol ba dang mtshungs par ldan pa'i shes pa dang mthong ba zhes bya ba sbyar ro/ /shes pa zhes bya ba ni sdug bsngal la chos shes pa la sogs pa dang zag pa zad pa la sogs pa dang mthong ba zhes bya ba'i sdug bsngal la chos shes pa'i bzod pa la sogs pa dang/ mi slob pa'i yang dag pa'i lta ba la sogs pa'o/ /shes pa dang mthong ba de gnyis dang ldan pa'i rnam par grol ba ni shes pa dang mthong ba phun sum tshogs pa zhes bya'o/ /gang dag nyon mongs pa'i dri ma bsal cing ngo bo nyid rnam par grol bar smra ba de dag gi lugs la ni slob pa rnam par grol ba med par 'gyur bas dge 'dun thams cad la rnam par grol ba phun sum tshogs pas khyab par mi 'gyur ba de ni mi rung ngo/ /kun sbyin pa'i 'os su gyur pa zhes bya ba ni 'bras bu 'dod pas chos gos la sogs pa dag gis mchod par 'os pa'i phyir ro/ /rab tu sbyin pa'i 'os su gyur pa zhes bya ba ni thar pa'i 'bras bu nyid kyis de la mchod par bya ba ches khyad par du 'phags pa'i phyir ro/ /thal mo sbyar pa'i 'os su gyur pa zhes bya ba ni thal mo sbyar bas mchod pa'i 'os yin pa'i phyir ro/ /phyag bya ba'i 'os su gyur pa zhes bya ba ni phyag bya ba'i 'os yin pa'i phyir ro/ /bsod nams kyi zhing bla na med pa zhes bya ba ni de bas khyad par du 'phags pa'i dge 'dun gzhan med pa'i phyir ro/ /'jig rten gyi yon gnas yin no zhes bya ba ni 'gro ba thams cad kyi yon gyi 'os yin pa'i phyir ro/ /chom rkun pa dag ces bya ba ni g.yo sgyu can dag go /bgrod par gyur nas zhes bya ba ni dbang du gyur nas so/ /sde snod ces bya ba ni mdo sde dang 'dul ba dang chos mngon pa dag la sde snod kyi sgra yod do/ /'dus pa yin pa'i phyir chos smra ba zhes bya ba ni chos kyi gtam byed nus pa'o/ /rigs pa'i spobs pa dang ldan pa ni rigs pa dang ldan pa ston pa'i phyir ro/ /grol ba'i spobs pa dang ldan pa zhes bya ba ni thags thogs med par ston pa'i phyir ro/ /bsod nams bya ba'i bzhi zhes bya ba la bsod nams bya ba zhes bya ba ni dge ba spel ba'o/ /de'i bzhi zhes bya ba ni rgyu'o/ /de ni sbyin pa dang tshul khrims dang bsgom pa zhes bya ba gsum po dag go /de dag gi bsngags pa brjod cing zhes bya ba ni phan yon bsgrags shing ngo/ /de dag la bkod nas zhes bya ba ni bzhag nas so/ /rnam par bshad ces bya ba ni rnam par 'phye ba'o/ /rin che ba zhes bya ba ni rin thang che ba'o/ /che bar 'os pa zhes bya ba ni bkra ba'o/ /bar ji srid pa zhes bya ba ni thag ji srid par ro/ /nad pa'i rkyen dang sman gyi yo byad ces bya ba ni nad pa'i rkyen mkho ba'i yo byad bu ram la sogs pa gang dag yin pa dang sman gyi zod la sogs pa sman yo byad gang dag yin pa de dag ni nad pa'i rkyen dang sman gyi yo byad dag ces bya'o/ /thugs las chud du zhes bya ba ni bsam mi dgos pa'o/ /gnas de lta bu yod pas zhes bya ba la 'dir gnas zhes bya ba ni srid pa 'am rgyu'o/ /dus shes par 'gyur ro zhes bya ba ni dgos pa'i dus gang yin pa shes par 'gyur ba'o/ /bzhin bsgyur zhes bya ba ni ngos zum byed pa'o/ /yongs su btang ba las byung ba'i bsod nams zhes bya ba ni yongs su gtong pa'i rgyu las byung ba dngos kyi dus su 'byung ba'o/ /yongs su longs spyad pa las byung ba'i bsod nams zhes bya ba ni yongs su longs spyod pa'i rgyu las byung ba sems can la phan pa'i dus su 'byung ba zhes bya ba'i tha tshig go /legs kyis zhes bya ba ni ches mdzes kyi'o/ /lam du zhugs pa zhes bya ba ni ngal bas nyam thag pa'i mi dag lam der sgra med par 'jug pas sgra med pa ni lam mo/ /der zhugs pa ni lam du zhugs pa'o/ /yang dag par blangs te 'jug pa zhes bya ba ni rjes su bsgrub pa'o/ /shes pa zhes bya ba ni rab tu grags pa'o/ /rdzas zhes bya ba ni gzhi'o/ /yo byad ces bya ba ni gzhag pa'o/ /'brang zhing zhes bya ba ni phyi bzhin 'brang ba'o/ /de ltar na zhes bya ba'i sgra ni mi bzod pa'o/ /lam du bzla ba zhes bya ba ni bkur ba'o/ /ri brags zhes bya ba ni ri'i grong ngo/ /rung bar byas te zhes bya ba ni longs spyad par 'os pa'o/ /mdza' chags zhes bya ba ni la char gyi mdza' btsems pa'o/ /rang chag zhes bya ba ni phun tshar gyi mdza' btsems pa'o/ /kha cig na de mdza' chag zhes bya ba ni kha tshar bcad pa'o zhes zer ro/ /ba lang gi lci ba btsir ba zhes bya ba ni ba lang gi lci ba'i khu ba'o/ /phongs pa dag tu zhes bya ba ni phongs pa'i dus su te/ gang du btso blag la sogs pa gzhi'i chog mi nus pa zhes bya ba'i tha tshig go /gnas skabs tha mal ba dag tu zhes bya ba ni mi brel ba dag tu'o/ /drug sde zhes bya ba ni dga' bo dang nyer dga' dang 'char ka dang/ 'gro mgyogs dang nab so dang 'dun pa dag zhes bya ba dag go / lhung bzed nag po can zhes bya ba ni bsod snyoms pa'o/ /rkang pa spre'u'i zhag gis bskus te zhes bya ba ni rkang pa bsku ba la de mkho ste/ des na ji ltar 'dod pa'i yul du 'gro ba 'grub pa dang ji ltar bsam pa'i don yang 'grub pa'o/ /khran pa'i ru sbal zhes bya ba ni khron pa'i nang na 'dug pa'i ru sbal lo/ /'grub par re zhes bya ba ni rnyed par ro/ /mtho dman can zhes bya ba ni 'bar 'bur can no/ /bud med kyi yul gnas ngan len kun tu spyod pa zhes bya ba ni bud med mi dge ba ste/ phal cher dge slong dag la kun tu chags pa'i phyir ro/ /ma bsgyur te zhes bya ba ni ma btsongs te'o/ /kun tu spyod pa zhes bya ba ni goms pa'o/ /phyir 'ong ba'i don mthun zhes bya ba ni kha phyir bltas te 'ong ba'i tshong ba'o/ /gos dkar po can zhes bya ba ni chom rkun pa dag ni gos sngon po can yin pas 'di dag ni dngos chom kun ma yin pas gos dkar po gon yang chom rkun pa dang 'dra bas chom rkun pa lta bu zhes gsungs so/ /lce rten gyis zhes bya ba ni sgyu thabs kyis so/ /bden pa zhes bya ba ni rigs pa thob pas so/ /rdzas thams cad 'phrogs par byed pas zhes bya ba ni nor thams cad 'phrog par byed pa'o/ /'tshor zhing zhes bya ba ni 'jigs shing ngo/ /lag pa la 'gram pa gtad de zhes bya ba ni lag par 'gram pa mkhur tshod bzhag ste'o/ /kun shes pa zhes bya ba ni kun tu grags pa'o/ /gang du sgo dang sge'u chung dag nas sho gam gcod par grags pa de ni kun shes pa'i she gam can no/ /sge'u chung zhes bya ba ni ma grags pa'i lam mo/ /gnod sbyin la gtor ma byas te zhes bya ba ni lha la gtor ma phul te'o/ /mig lam zhes bya ba ni mig lam ste snang ba'o/ /'debs shing zhes bya ba ni de cing ngo/ /mtshan mo rnam langs pa zhes bya ba ni mtshan mo zad pa'o/ /srad du zhes bya ba ni tshod dus su'o/ /dge sbyong gi tshul zhes bya ba ni rab tu byung ba'o/ /tshig pa yin no zhes bya ba ni nyams pa'o/ /bram ze'i tshul zhes bya ba ni rigs kyi chos so/ /gzhan gyi 'tsho zhes bya ba ni gzhan gyis 'tsho ba'i thabs so/ /gnod par byed ces bya ba ni med par byed pa'o/ /smod par byed ces bya ba ni ming nas 'byin cing nyes pa sgrogs pa'o/ /phyar ka gtod bar byed ces bya ba ni gzhog kyis snyad 'dogs pas so/ /kha zer bar byed ces bya ba ni spyo bar byed pa'o// //bam po lnga pa/ dge sbyong mi srung ba zhes bya ba ni chad pa dang bral ba'o/ /ngo bya'o zhes bya ba ni rag lus par bya ba'o/ /sdig pa zhi bar gyur cig ces bya ba ni ldog par gyur cig ces bya ba'i tha tshig go /tshar bcad par bya zhes bya ba ni pham par bya ba'o/ /mi nyal bar sbyor zhes bya ba ni mi nyal ba la brtsom pa'o/ /de'i rjes su song ba ni mi nyal bar sbyor ba la rjes su brtson pa'o/ /yongs su g.yo ba dang bcas pa zhes bya ba ni 'khrug pa dang bcas pa'o/ /mtshan mo dang bcas pa zhes bya ba ni nam mkha' phan tshun tsam gyi dus zhes bya ba'i tha tshig go /bkren pa dag ces bya ba ni nyon mongs pa dag ces bya ba'i tha tshig go / rgyas pa zhes bya ba ni rgyun mi 'chad pa'o/ /'phel ba zhes bya ba ni 'bras bu mang ba'o/ /yangs pa zhes bya ba ni zhing la sogs pa'i sa gzhi mang ba'o/ /dbang ba'i zhes bya ba ni 'thob pa'i'o/ /bslus te zhes bya ba ni brid de'o/ /khu chur zhes bya ba ni sor mo bcangs pas brdeg pa'o/ /rang thags kyi rdo zhes bya ba ni rdo pa'o/ /rtsa phug gis zhes bya ba ni khrag gtar ba'o/ /bral zhes bya ba ni thag ring du song ba'o/ /'da' bar bgyi ba ma lags kyis zhes bya ba ni 'khu bar bya ba ma yin pa'o/ /tshod par mi 'gyur? ba zhes bya ba na zod zad pa'o/ /bral dral cing zhes bya ba ni bzlas pa'i phyir lan gnyis su smos so/ /lo thang 'du ba zhes bya ba ni rgyal po'i dbya'o/ /de'i 'byung khung ni rku ba'o/ /de mi skye ba ni mi 'byung ba'o/ /btson rar bcug ste zhes bya ba ni btson du bzung ste'o/ /kun shes pa'i sho gas can zhes bya ni grags pa'i sho gam can no/ /nyes pa byed pa'i sho gam can zhes bya ba la/ nyes pa zhes bya ba ni skyon nam gnod pa 'am nan tur ro/ /de byed pa ni nyes pa byed pa'o/ /sho gam 'dra ba dag gi nor 'phrog par byed ces bya ba'i tha tshig go /rgyal srid byed du bcug ces bya ba ni blon po dag yul srung ba byed du bcug pa'o/ /'dun pa zhes bya ba ni skye bo mang po 'du ba'i gnas so/ /gzigs su gsol zhes bya ba ni ltos shig ces bya ba'o/ /ra 'da' bzlog pa'i skad ces bya ba ni mthar bar bya ba'i sgra'o/ /bsngags pa zhes bya ba ni yon tan gtod pa'o// ha cang bya ba byed pa zhes bya ba ni lan mang du tshod mi shes pa nyid du byed par ro/ /tre'u srin zhes bya ba ni sa'i nang na skyes pa'o/ /sprul mkhas bsdig pa dag ces bye ba ni gang dag sprul gyi nye bar bstan te bsdigs pa la sogs pa 'tsho bar byed pa dag go /kha lungs pa'i yang ba na dag ces bya ba la/ kha lungs pa zhes bya ba ni 'brag phyogs na gnas pa'o/ /yang ba na zhes bya ba ni mi'i rigs gla glo dag cig gi ming ngo/ /'cha' zhing zhes bya ba ni ldad pa'o/ /yul phyogs zhes bya ba ni 'du ba'i gnas so/ /brda' zhes bya ba ni dus brda'o/ /mtshan ma zhes bya ba ni mngon mtshan can no/ /dmar ser can zhes bya ba ni bla gos ser po dang bcas pa'i snam sbyar dmar po 'am yang na nyis rim mo/ /khar ba spubs can zhes bya ba ni lcags kyi spugs kyis bkris pa'o/ /yul phyogs la sogs pa de dag ni rku bar byed pa'i yul du khrid pa'i mdza' yin te de nyid rkus pa yin par shes par bya'o/ /mngon sum du babs pa zhes bya ba ni gzhan dag gi dge slong gi mngon sum du ltung bar byas pa'o/ /khyu nas dgar ba zhes bya ba ni khyu nas dbyung ba'o/ /mig sngar snang ba zhes bya ba ni khyu'i yul nas sam rdzi po'i yul nas snang ba'o/ /grog ma zhes bya ba ni grogs spar dag go /til za ba zhes bya ba ni til nyams par byed pa'o/ /phub ma za bar byed pa zhes bya ba ni zas su phub ma za ba dag go /rul pa za ba zhes bya ba ni shing rul pa ste shing srin gyi rigs dag go /trai ma bu ga zhes bya ba ni phra mo'o/ /tre'u ta la zhes bya ba ni rags pa'o/ /gnod byed dag ces bya ba ni chad pas bcad pa'i mi dag go /chad pas bcad ces bya ba ni chad pa la thug pa dag go /gsug ces bya ba ni gsang ste gzhal du gzhug pa'o/ /bum pa so ma btang ba zhes bya ba ni 'jig par byed pa'i phyir ro/ /nag po zhes bya ba ni gnag pa'o/ /gnas skabs mnyam par spyod pa zhes bya ba ni mthun pa'o/ /lus chung zhes bya ba ni lus kyi bong chung ba'o/ /yang na dbang thang chung ba'o/ /ngan cing zhes bya ba ni rin chung zhing ngo/ /yongs su rnyings pa zhes bya ba ni de dra? ba'o/ /med nas zhes bya ba ni mi 'dug nas so/ /drin can zhes bya ba ni phan gdags pa'i rgyu lci ba nyid do/ /gzhan nas gzhan du zhes bya ba ni gong nas gong du'o/ /mtshungs par 'dod pa zhes bya ba ni klag pa dang kha ton dang mthun pa'o/ /mdzes pa zhes bya ba ni sor bzhi gzhag kha dog gis gsal ba zhes bya ba ni 'jam pa nyid kyis so/ /zlum pa zhes bya ba ni zlum ril lo/ /longs spyad bzod pa zhes bya ba ni spyad bzod pa'o/ /dge ba'i phyogs zhes bya ba ni dge ba spel ba'o/ /spyod pa zhes bya ba ni rjes su sgrub pa'o/ /thabs yin no zhes bya ba ni khas blangs pa'o/ /gla rngan zhes bya ba ni rin no/ /bsgrubs kyis zhes bya ba ni grub par byas pa'o/ /khyim bdag mag rag ces bya ba ni dge slong thams cad kyi sbyin bdag tu gyur pa'o/ /'phral gyis zhes bya ba ni 'phral gang gi bya ba'o/ /thog mar 'gro ba ni grogs bya ba'o/ /skabs zhes bya ba ni glags so/ /rnying rnying dag ces bya ba ni gos dengs pa dag go /lcags kyi thu? lum zhes bya ba ni lcags bsgongs pa ste 'ju dka' ba nyid kyi de dang 'dra ba'i phyir ro/ /skal ba yod ces bya ba ni rung ba'o/ /de ltar zhes bya ba ni de ltar na'o/ /nyes dmigs zhes bya ba ni nyes pa'o/ /nyes pa sbom por 'gyur ro zhes bya ba ni ma byin pa nyid med pas de'i phyir de sbom por 'gyur ro/ /shar nas skyes ba zhes bya ba ni shar phyogs nas skyes pa'o/ /phag pa la gyon pa zhes bya ba ni thal gong du bzhag pa'o/ /'phyang bar gyur nas zhes bya ba ni nang bar gyur nas so/ /chos kyi zhugs zhes bya ba ni dang pa ltag pa'o/ /mi bsam pas zhes bya ba ni mi lta bas so/ /yongs su nyams par 'gyur bas zhes bya ba ni bgegs su 'gyur bas so/ /dbyar khang zhes bya ba ni dge slong ma'i btsug lag khang ngo/ /myur ba myur ba zhes bya ba ni rings pa ste/ gus par bsgrims pa'i phyir lan gnyis su bzlas so/ /nad dang bcas pas zhes bya ba ni khon dang bcas pa'o/ /skad kyis des pa'i tshig ces bya ba la/ skad ces bya ba ni tha snyad gdags pa'i phyir smras pa/ nges nges par smra ba ni skad kyi nges pa'i tshig go /yul zhes bya ba ni yul gyi 'khor gyi phyogs gcig p?o /ljongs zhes bya ba ni yul 'khor ro/ /ting nge 'dzin gyi mtshan ma zhes bya ba ni bsam gtan gyi lam mo/ /bzang pa zhes bya ba ni 'khrug pa med pa'o dge skos zhes bya ba ni dge 'dun gyi las la dbang byed pa'o/ /dge 'dun gyis ci bder bya'o zhes bya ba ni de'i sa gzhir byung ba'i phyir ro/ /rnam par rgyal bar bya ba las rnam par rgyal ba zhes bya ba la/ 'dir rnam par rgyal pa zhes bya ba ni nyon mongs pa'i g.yul lam khams gsum pa ste/ de las rnam par rgyal ba zhes bya ba'i tha tshig go /bstabs pa zhes bya ba ni mgron du bos pa'o/ /yang dag par stob pa zhes bya ba ni bcos ma ma yin pas so/ /rtog pas stobs pa zhes bya ba ni 'jig rten gyi tshul lo/ /bgam pa zhes bya ba ni brtag pa'o lto gang ngo zhes bya ba ni phal che bar bstan pa'o/ /lcags kyi se'u dang 'dra ste zhes bya ba ni lcags las byas pa'i bal po se'u dag 'dra'o/ /nges pa la 'jug par yang mi 'gyur zhes bya ba la/ nges pa zhes bya ba ni yongs su mya ngan las 'das pa la sogs par byed pa nges pa ste mthong ba'i lam mo/ /der 'jug pa ni nges pa la 'jug pa'o/ /zag ba zad pa zhes bya ba ni dgra bcom pa nyid thob pa'o/ /thog ma dang bar dang tha mar dge ba zhes bya ba la/ mdor ston par byed pa ni thog ma'o/ /rgyas par 'chang par byed pa ni bar ro/ /nges par sbyor ba ni tha mar ro/ /yang na nyan pa ni thog mar ro/ /sems pa ni bar ro/ /sgom pa ni tha ma'o/ /mngon par shes pa zhes bya ba ni zag pa med pa'i shes pa ste/ nges pa la 'jug pa'o/ /rdzogs par byang chub ces bya ba ni dgra bcom pa nyid de zag pa zad pa'o/ /mya ngan las 'das pa zhes bya ba ni yang 'byung ba med do/ /'gyur ba yin na zhes bya ba ni de'i don du 'bras bur 'gyur ba yin na'o/ /ston zla tha chungs kyi g.yon can zhes bya ba ni ston zla tha chungs kyi zla ba la lha mo bgrod dka' mchod nas tshom rkun byed pa dag go /brtsal mi dgos par zhes bya ba ni 'bad mi dgos par ro/ /'tsho ba'i bar gyi 'tsho ba yod la zhes bya ba ni khye'u dag thar par bya ba'i phyir rnyed pa mang po 'byung bas so/ /thabs soms shig ces bya ba ni phyir dgug pa'i thabs soms shig pa'o/ /brtson par mdzad du gsol zhes bya ba ni brtsal bar mdzad du gsol zhes bya ba'o/ /ma bsams na ni zhes bya ba ni ma bltas na'o/ /glags zhes bya ba ni skon no/ /gzhan du gyur pa nyid ces bya ba ni 'gyod pa'o/ /rdzu 'phrul zhes bya ba ni ting nge 'dzin gyi 'bras bu'o/ /rdzu 'phrul mngon par 'du bya ba zhes bya ba ni rdzu 'phrul gyi rgyu'o/ /phyir brtul nas zhes bya ba ni bsdus nas so/ /thar par bya ba zhes bya ba ni btang ba'o/ /go bskon te zhes bya ba ni ci las ma rag par chas te'o/ /rdzu 'phrul che ba zhes bya ba ni yon tan che ba'o/ /mthu che ba zhes bya ba ni nus pa che'o/ /tshe 'di zhes bya ba ni 'jig rten 'di'o/ /tshe phyi ma zhes bya ba ni tshe pha rol lo/ /tshe 'di dang phyi ma zhes bya ba ni gnyi ga'o/ /byi bo zhes bya ba ni skra med pa'i phyir ram yon tan chung ba'i phyir ro/ /go bar byas so zhes bya ba ni lan glan pa'o/ /don nyung ngu zhes bya ba ni bsod snyoms pa ste bya ba nyung ba'i phyir ro/ /skabs zhes bya ba ni gleng ba'i skabs so/ /ltung ba sde lnga zhes bya ba ni pham par 'gyur ba dang/ dge 'dun lhag ma dang/ ltung byed dang/ so sor bshags par bya ba dang/ nyes byas kyi sde tshan dag go /bsam gtan zhes bya ba ni bzhi'o/ /rnam par thar pa zhes bya ba ni brgyad de/ sems rnam par thar par byed pa'i phyir ro/ /ting nge 'dzin ces bya ba ni stong pa nyid la sogs pa 'am rtog pa dang bcas shing dpyod pa la dang bcas pa la sogs pa'o/ /snyoms par 'jug pa zhes bya ba ni mthar gyis snyoms par 'jug pa dgu ste/ sems snyoms par 'jug par byed pa'i phyir ro/ /bde ba zhes bya ba ni de dag las byung ba'i zhi ba nyid do/ /ltung ba zhes bya ba ni sbom po 'am nyes byas so/ /chos bzhin du zhes bya ba ni chos kyi rjes su 'brang bas 'dul ba las gsungs pa'i cho ga yongs su mi gtong ba zhes bya ba'i tha tshig go /slar mdzod cig ces bya ba ni nye bar zhi bar gyi shig ces bya ba ste shog cig ces bya ba'i tha tshig go / ltung ba mthong zhes bya ba ni ltung ba ni nyon mongs pa can yin pa'i phyir dang/ rdzu 'phrul gyi sems ni ma bsgribs la lung du ma bstan pa yin pa'i phyir dang/ lung du ma bstan pa'i sems kyi bslang ba ni nyon mongs pa can yin pa mi 'thad pa'i phyir dang/ khrogs pa'i sems med pa'i phyi ltung ba med do zhes bya ba'i tha tshig go /gnas nas dbyung ba zhes bya ba ni dge 'dun las dgar ba'o/ /chos kyi sgyu thabs zhes bya ba ni chos ltar bcos pa'o/ /mi mthun pa zhes bya ba ni 'gal ba'o yongs su gnas pa zhes bya ba ni dge 'dun lhag ma bcabs pa'i chad pa'i las bya ba'o/ /gzhi nas yongs su gnas pa zhes bya ba ni yongs su gnas pa gzhi nas bslang ba'o/ /mgu bar bya ba zhes bya ba ni dge 'dun mgu bar bya ba'i phyir chad pa'i las byed pa'o/ /gzhi nas mgu bar bya ba zhes bya ba ni de nyid gzhi nas bslang ba'o/ /'byin pa zhes bya ba ni dge 'dun lhag ma'i ltung ba'i zug rngu 'byin pa'o/ /thams cad mkhyen pa zhes bya ba ni shes pas rang gi mtshan nyid mkhyen pa'i phyir ro/ /thams cad gzigs pa zhes bya ba ni mthong bas dngos po thams cad kyi bye brag mkhyen pa'i phyir ro/ /mkhyen pa dang shes pa dag la bla na med pa'i mnga' brnyes pa zhes bya ba la mkhyen pa zhes bya ba ni chos shes pa dag la'o/ /shes bya dag la zhes bya ba ni sngon po dang ser po dag la sogs pa'i yul dag la'o/ /bla na med pa zhes bya ba ni zla med pa'o/ /mda' brnyes pa zhes bya ba ni ting nge 'dzin gyi dbang thob pa'o/ /zung zhig ces bya ba ni khong du chud par gyis shig pa'o/ /bsam pa de lta bus zhes bya ba ni snying rje ba'i bsam pa dang 'phrog pa med pa'i bsam pas zhes bya ba'i tha tshig go /dga' ba'i chos can dag ces bya ba ni dga' ba la rag lus pa dag go / chos dang ldan pa zhes bya ba ni chos dang rjes su 'brel ba'o/ /yang dag par ston par mdzad ces bya ba ni mgo bgo bar mdzad pa'o/ /yang dag par 'dzin du 'jug par mdzad ces bya ba ni sbyin pa la sogs pa la nges par sbyor bar mdzad pa'o/ /yang dag par gzeng bstod par mdzad ces bya ba ni da ltar byung ba'i yon tan brjod pas dga' bar mdzad pa'o/ /yang dag par rab tu dga' bar mdzad ces bya ba ni phyis 'byung bar 'gyur ba'i yon tan brjod pas dga' bar mdzad pa'o/ /rnam grangs du mar zhes bya ba ni rnam pa mang por ro/ /ral pa zhes bya ba ni rdzib pa'o/ /'drums pa zhes bya ba ni gas pa'o/ /rang nyid kyis byed pa yin te zhes bya ba ni bdag nyid kho na las byed pa'o/ /lhan cig gnas pa zhes bya ba ni slob ma'o/ /bden pa zhes bya ba ni yang dag pa'o/ /mthun pa zhes bya ba ni phan pa'o/ /ngo zlog phong bar smra ba zhes bya ba ni gya gyu med par smra ba'o/ /'khrug long zhes bya ba ni phan phun no/ /e ma zhes bya ba'i sgra ni 'dod pa'i don yin no/ /sdum pa zhes bya ba ni khyim mo/ /rgyal po'i khab kyi phyi rol dang 'ong ma'i tshal gyi phyi rol gyi bar du zhes bya ba ni de gnyis kyi bar du'o/ /lha 'bangs zhes bya ba ni las su rung ba byed pas byed ces bya ba'o/ /dge 'dun gyi kun dga' ra ba zhes bya ba ni gtsug lag khang 'khor dang bcas pa'o/ /rtse rgod ces bya ba ni dge 'dun gyi kun dga' i ra ba skyong bar byed pas kun dga' i ra ba zhes bya'o/ /klag cor ces bya ba ni ca co'o/ /nang par sngar zhes bya ba ni dus snga ma dang bcas pa'o/ /dge slong gi rgyus shes pa zhes bya ba ni dge slong dang 'dre 'dra ba'o/ /sgo 'phar zhes bya ba ni sgo drung gi them pa'o/ /lan bdun zhes bya ba ni res bdun no/ /byi dor zhes bya ba ni bcil te sam ma gos par bya ba'o/ /khrus byas shing zhes bya ba ni sngar khrus byas te phyis gos dkar po dang dri dang phreng ba brgyus pas brgyan to/ /zhes bya bar sbyor ro/ /ma bsgo 'am zhes bya ba ni skra dri ba'i tshig yin no/ /bsnyems pa zhes bya ba ni rlom pa'o/ /sbran te zhes bya ba ni bskul te'o/ /dgongs ka za 'dod pas zhes bya ba ni mtshan mo za 'dod pas so/ /nad par za 'dod pas zhes bya ba ni snga dro za 'dod pas so/ /'dod par byed do zhes bya ba ni 'gro bar byed pa'o/ /le lo'i rang bzhin can zhes bya ba ni brtson 'grus zhan pa'o/ /soms shig ces bya ba ni shes par gyis pa'o/ /kye ma zhes bya ba'i sgra ni 'dod pa'i don yin no/ /legs so zhes bya ba ni mdzes pa'o/ /bzang po zhes bya ba ni gnod pa med pa'i phyir ches mdzes pa'o/ /nyi ma gnyis kyis zhes bya ba ni nyin mtshan kyi dgos pa'o/ /nyi ma gsum gyi zhes bya ba ni nyin mtshan gsum gyi dgos pa'o/ /nyi ma bdun gyi zhes bya ba ni nyin mtshan bdun gyi dgos pa'o/ /bar gyi zhes bya ba ni mdza' o/ /gsog 'jog gi yongs su spyod pas zhes bya ba ni gsog zhing za bas so// byings dang byings ma yin pa dag na zhes bya ba ni gtos dang gtos ma yin pa dag na'o/ /mtshams zhes bya ba ni rdo bsgreng ba la sogs pa'i mtshan ma bya ba'o/ /mu thug ces bya ba ni 'di ni khyod kyi'o 'di ni nga'i zhes bgo bsha' bya ba'o/ /chos kyis zhes bya ba ni bgo bsha' bya ba'i ngang tshul nyid 'dod pa med pa yin pas 'dir chos su shes par bya'o/ /'dren par byed ces bya ba ni gzhi'i gnas nas skyong bar byed pa'o/ /khrid par byed ces bya ba ni 'dod pa'i gnas su khrid par byed pa'o/ /chad pas bcad par zhes bya ba ni chad pas bcad par 'os pa dag go / phan gdags par bya ba zhes bya ba ni bsrung bar bya ba dag go /chos dang ldan pa zhes bya ba ni rigs pa dang ldan pa ste drug cha zhes bya ba'o/ /thog shas zhes bya ba ni rin nges pa'o/ /bkur ces bya ba ni gsol ba btab pa'o/ /smas pa la bskyob par byed ces bya ba ni sdug bsngal las yongs su srung bar byed pa'o/ /tshul khrims zhes bya ba ni 'dir ngas pa ste/ de'i spyad pa rjes su bsgrub pa'o/ /des kun tu spyod pa zhes bya ba rjes su tha snyad 'dogs pa ni tshul khrims kyi spyod pa rjes su spyod de/ des chos kyi skye dgu dga' bar byed pas so/ /shes rab kyi spyod pa zhes bya ba ni blo sngon du gtong ba'i rjes su bsgrub pa'o/ /des kun spyod pa zhes bya ba rjes su tha snyad 'dogs pa ni shes rab kyi spyod pa kun tu spyod pa ste/ des chos kyi skye dgu dga' bar byed pas so/ /rgyal rigs kyi dkyil 'khor zhes bya ba ni rgyal rigs kyi sde tshan te rgyal rigs kyi rigs zhes bya ba'i tha tshig go / de yang chos kyis yin gyi zhes bya ba ni skye dgu srung bar byed cing sems can la rjes su snying brtse ba nyid 'dir chos yin no/ /yongs su 'dzin pa zhes bya ba ni bdag gir byed pa 'am yongs su gzung ba'i rdzas so/ /nad ces bya ba ni spubs nang du bltas pa'i rma'o/ /'bras zhes bya ba ni spubs phyir bltas pa'i rma'o/ /zug rngu zhes bya ba ni 'jug pa blo bur ba'o/ /de dag ni nad la sogs pa dang 'dra ba'i phyir smos pa yin no/ /sdug bsngal gyi rtsa ba zhes bya ba ni lus dang sems ngal ba'i rgyu yin pa'o/ /dgon pa'i gnas zhes bya ba ni dgon pa'i 'dug gnas so/ /spyil po zhes bya ba ni khyim mo/ /bsam gtan zhes bya ba ni ting nge 'dzin to/ /rab tu dben pa zhes bya ba ni lus dang sems dben pa'i 'dod chags dang bral ba'o/ /mngon par rdzogs par ma togs pa zhes bya ba ni khong du ma chud pa'o/ /sngags zhes bya ba ni dug sel ba la sogs pa'i 'bras bu dang ldan pa skyes bu chen po'i tshig go /gzhung zhes bya ba ni 'dod pa'i go rims bzhin du sdebs pa'o/ /rig byed ces bya ba ni shes pa bstan pa'i tshig go /sbyar zhes bya ba ni don dang ldan pa'i 'brel pas sbyar ba'o/ /ci nus zhes bya ba ni ji ltar spro ba'o/ /ci lcogs zhes bya ba ni nor ji lta bar ro/ /phyi rol du sems dpa' zhes bya ba ni mi phyogs pa'o/ /de yang chos kyis yin zhes bya ba ni 'dir yang 'dod pa med pa la sogs pa ni chos yin no/ /khang khyim so so dang ldan pa zhes bya ba ni khang khyim so sor mkho ba'o/ /bzo'i gnas zhes bya ba ni bum pa dang phru ba byed pa la sogs pa'o/ /las kyi gnas zhes bya ba ni zhing las dang ba lang btsa' ba dang sa phyag pa la sogs pa'o/ /de yang chos kyis yin gyi zhes bya ba ni 'dir brtson 'grus la chos zhes bya ba'o/ /mngon du smra ba zhes bya ba ni phyag 'tshal lo zhes mngon du smra ba'o/ /phyag bya ba zhes bya ba ni lus kyis 'dud pa'o/ /ldang ba zhes bya ba ni mngon du ldang ba'o/ /thal mo sbyar ba zhes bya ba ni thal mo sbyar ba'i las so/ /'dud pa'i las zhes bya ba ni lus 'dud pa dang mgo bos phyag bya ba la sogs pa'o/ /kha cig na re skabs 'dir bram ze'i dkyil 'khor dang rje'u rigs kyi dkyil 'khor dang dge sbyong gi dkyil 'khor 'jig rten du 'byung ba'i gtam dang/ skyon med cing chu bur med pa zhes smos pa ni ba si ta'i bu'i mdo las gsungs pa kha cig gis 'dir btus pa yin te/ bde bar gshegs pas 'dul ba'i skabs 'dir gsungs pa ma yin zhes zer ro/ /'dul ba rnam par 'byed pa'i tshig rnam par bshad pa slob dpon dul ba'i lhas nye bar sbyar ba las pham par 'gyur pa gnyis pa'i tshig rnam par bshad pa rdzogs so/ / //sgra bsgrags par zhes bya ba ni sgra dbyung bar ro/ /so sor rtog pa mi mang ba zhes bya ba ni blos rtog pa mi mang ba'o/ /'phrod pa zhes bya ba ni rjes su mthun pa'o/ /'dag rdzas zhes bya ba ni lci skam pa dang thal ba la sogs pa khrus kyi chal lo ha cang zas drags nas zhes bya ba ni ha cang tshim ches so/ /yig brgyangs te zhes bya ba ni mi gsal bar ro/ /mi mthun pa zhes bya ba ni mi 'phrod pa'o/ /yi chad pa'i bzhin gyis zhes bya ba ni mi dga' ba'i gdong gis so/ /rnon po zhes bya ba ni mthu che ba'o/ /dus la bab po zhes bya ba ni shi ba ste/ tha ma'i dus la bab pa'i phyir ro/ /'chi ba'i phyir rtsol bar byed pa zhes bya ba ni 'jug par byed pa'o/ /'di ni re zhig byung ba yin gyi zhes bya ba ni 'chi ba smos par byed pa'i phyir ro/ /bslab pa'i gzhi 'cha' bar mi mdzad do zhes bya ba ni da dung gsod pa'i ltung ba'i gzhi nyid ma yin pa'i phyir ro snyam du dgongs pa'o/ /khyim bdag ces bya ba ni rgyal rigs la sogs pa ste/ khyim khol gyi bdag po yin pa'i phyir ro/ /'di gnyis 'dod na zhes bya ba ni bdag cag gi rjes su dga' ba'i bsam pa yod na zhes bya ba'i tha tshig go / yang na 'dab ma la sogs pa 'bul bar 'dod na 'bul du chu gcig ces bya ba'i tha tshig go /grims pa zhes bya ba ni sgrin pa'o/ /le lo med pa zhes bya ba ni le lo can ma yin pa'o/ /sgrub por pa zhes bya ba ni mthu dang ldan pa'o/ /stobs dang snyems pa dang ldan par gyur to zhes bya ba la/ stobs dang ldan pa ni lus kyi mthu dang ldan pa'o/ /snyems pa dang ldan pa ni rgyags pa dang ldan pa'o/ /yang na stobs kyi rgyu'i rgyags pa dang ldan pa ni stobs dang snyems pa dang ldan par gyur ces pa'o/ /ri dags shor du zhes bya ba ni ri dags gsong du'o/ /las med pa'i ngang tshul can rnams zhes bya ba ni gang dag la zhing la sogs pa'i las kyi ngang tshul med pa ste las mi byed pa zhes bya ba'i tha tshig go /pha'i las rjes su bsgrubs shig ces bya ba ni rjes su skyongs shig ces bya ba'o/ /bdag cag g nyis mgo lag gser gyi phreng bas bcings pa ni ngo tsha'i pha'i las rjes su bsgrubs pa ni de lta ma lags kyis zhes bya ba ni la la zhig gis rgyu 'ga' zhig gi phyir bdag cag gnyis kyi mgo la gser gyi phrad pa bcings par gyur pa ni bdag cag gnyis ngo tsha bar gyur yang srid kyis bdag cag gnyis pha'i las rjes su bsgrubs pas ni ngo tsha bar mi 'gyur gyi zhes bya ba'i tha tshig go / de'i tshig tshig ma yin par byas te zhes bya ba ni ma grangs pa ste/ don med par byas te zhes bya ba'i tha tshig go /yul gzhan du song na zhes bya ba ni dus nye bar ro/ /lo legs shing zhes bya ba ni mtho ris kyi bde ba ni lo legs pa dang chos mthun pa'i phyir ro/ /dar gyis chod pa tsam zhes bya ba ni skye ba'i lhag ma 'di kha nas chod pa'i phyir ro/ /yol bas sgribs pa tsam zhes bya ba ni skye ba nyung shas zhig gi bsgribs pa'i phyir ro/ /lus zhig na zhes bya ba ni shi ba'o/ /gsod par byed pa zhes bya ba ni srog gcod par byed pa'o/ /drag shul can zhes bya ba ni snying rje med pa'o/ /lag pa dmar ba zhes bya ba ni khrag gis gos pa'i lag pa can no/ /bsnun pa dang rab tu bsnun pa la zhugs pa zhes bya ba la/ bsnun pa zhes bya ba ni gnod pa'o/ /rab tu bsnun pa zhes bya ba ni gsod pa'o/ /de la zhugs pa zhes bya ba ni dam du 'dzin pa ste/ 'dis ni yid kyis 'dod pa nyid bstan to/ /gzhan gyis srog 'phrog pa zhes bya ba ni rang nyid kyis gsod pa'o/ /gzhan gyis srog gcod du 'jug pa zhes bya ba ni bskos pas srog gcod du 'jug pa'o/ /gzhan gyis srog gcod pas 'tshe bar byed pa zhes bya ba ni mngon par zhen pas rjes su bsgrub pa bstan to/ /'du 'dzi'i rigs pa zhes bya ba ni bsten pa'i bslab pa'o/ /grog spur phra mo zhes bya ba ni grog spur chud du'o/ /bdag la rtsom par byed pa'o zhes bya ba ni bdag gis bdag gsod par byed pa'o/ /bgros par gyur ces bya ba ni bsams pa'o/ /mtshon thogs pa zhes bya ba ni mtshon lus la 'debs par byed pa'o/ /mi mkhas pa zhes bya ba ni blun pa'o// bsgo ste zhes bya ba ni go bar byas te'o/ /btsa' zhugs nas zhes bya ba ni lcags kyi dri mas zos pa gang yin pa'o/ /rdza'o zhes bya ba ni rdza ma'o/ /til gyi tshigs ma'o zhes bya ba ni til mar btsir ba'i tshigs ma'o/ /'grub par 'gyur ram zhes bya ba ni don 'grub bam zhes bya ba'o/ /nad kyis btab cing ces bya ba ni nad dang ldan pa'o/ /sdug bsngal zhes bya ba ni sdug bsngal nyid kyis nyam thag pa'o/ /na tshabs che ba zhes bya ba ni te por na bas te shi la thug ces bya ba'i tha tshig go /snyings pa zhes bya ba ni dengs pa'o/ /rdol bar gyur ces bya ba ni ru gu byung pa'o/ /lpags pa zhes bya ba ni lus kyi pags pa'o/ /shing dag byas nas zhes bya ba ni dad pa las byung ba la sogs pa'i shi ba'i las dag byas nas so/ /khyim dbub par bya'o zhes bya ba ni bag ma blang bar bya ba'o/ /dus kyi chos dang ldan par 'gyur ro zhes bya ba la/ dus zhes bya ba ni 'tsho ba'i mdza' i dus te 'chi ba'o/ /chos zhes bya ba ni ngo bo nyid de dus kyi tshes 'chi ba dang ldan par gyur to zhes bya ba'i tha tshig go /bstan pa zhes bya ba ni sems brtan pa ste re ba dang bcas pa'o/ /spungs zhes bya ba ni lus mi zhan pa'o/ /spro ba chen po zhes bya ba ni rtsom pa chen po ste/ las brtsams pa rnams nyams par mi byed pa'o/ /dus dang mthun pa'i dus su zhes bya ba ni bya ba gang la dus snga ma dang rjes su 'brel ba'i dus phyi ma yod pa de ni dus dang mthun pa'i rjes su zhes bya ste bya ba'i bye brag yin no/ /chos nyid kyis na zhes bya ba ni dus thams cad pa'i dngos po rnams kyi ngo bo nyid kyis na'o/ /mtshan ma ston par byed ces bya ba ni gleng bar byed pa'o/ /dbang po rnams phyir blan te zhes bya ba ni mig phyir bsdus te'o/ /ma bslabs par mkhas pa zhes bya ba ni bud med ni bya ba ma yin pa'i las dag la rang nyid kyis mkhas pa yin pa'o/ /khri zhigs pa zhes bya ba ni thags ma snyongs pa'i khri'o/ /nad mi dag ces bya ba mi khyim gyi mi dag go /rigs gnyi ga la zhes bya ba ni pha'i rigs dang gyos po'i la'o/ /mi snyan pa 'byung bar bya'o zhes bya ba ni skyes pa gzhan dag la 'gro bar bya'o snyam du bsams pa'o/ /dus la bab pa yin no zhes bya ba ni de ltar bya'o zhes bya ba'o/ /g.yon spyo ba zhes bya ba ni 'khrug pa'o/ /byis pa nas bskyed pa zhes bya ba ni byis pa tshun chad nas gsos zhes bya ba'i tha tshig go /dang du blangs pas khas blangs so zhes bya ba ni mi spangs pas khas blangs pa yin gyi tshig gis ni ma yin no zhes bya ba'i tha tshig go / mngal na gnas pa'i mtshan dag ces bya ba ni sbrum ma'i rtags dag ste/ num snga nga la sogs pa'o/ /na za dag ces bya ba ni na mnyam pa'i grogs mo dag go /grogs mo zhes bya ba ni mja' bshes mo'o/ /sems can dang ldan par gyur zhes bya ba ni mngal na gnas pa dang ldan par gyur pa'o/ /sprin bzhin du zhes bya ba ni char pa 'dod pa rnams de 'dod pa'i phyir ro/ /tha chad ces bya ba ni ches lhag par smad pa zhes bya ba'i tha tshig go / longs spyod dag ni 'gyur ba yin gyis zhes bya ba ni nor dag g.yo ba yin pa'o/ /lam lam por byas zhes bya ba ni gsal bar byas pa'o/ /dum bu dum bur zhes bya ba ni dum bu dum bu ste bya ba'i bye brag yin no/ /grags zhes bya ba ni khyab pa'o/ /spyod lam spyad ces bya ba ni 'gro ba dang 'ong ba bcas pa'o/ /mi bde 'am zhes bya ba ni dga' 'am zhes bya ba'i tha tshig go /rkun ma dag ces bya ba ni chom rkun bdag go /bkag bzhin du zhes bya ba ni phyir bzlog bzhin du'o/ /mdza' bshes dang dgra bo dang bar ma zhes bya ba ni skye bo de nyid lan 'ga' mja' bshes su 'gyur lan 'ga' dgra bor 'gyur lan 'ga' tha mal bar 'gyur ro zhes gsungs pa'i phyir ro/ /sngar bro rma bris te zhes bya ba ni sprid yig gi nang du'o/ /bag tsha bas yid mi bde zhing zhes bya ba ni 'jig pa'i bag tsha bas yid mi bde zhing ngo/ /thos pa brgyud pas zhes bya ba ni mi dag las gtam gcig na gcig tu thos pas so/ /gdams ngag des bya ba ni bsam gtan gyi lung ngo/ /bsil ba'i tshal gyi dur khrod ces bya ba ni sngon sa phyogs de mchog tu bsil bas grong khyer ba rnams kyis der tshal chen po bskyed pas bsil tshal zhes bya ba'o phyis der gnod sbyin chen po zhig blo bur du 'ongs te/ de na gnas pas smras pa/ phyin chad mi su dag bsil tshal na gnas pa thams cad bza' ba'o zhes zer nas grong khyer ba rnams kyis tshal de bong te dur khrod du gyur pas bsil ba'i tshal gyi dur khrod ces bya ba'o// brtson pa zhes bya ba ni yid kyis mngon par brtson pa'o/ /'bad pa zhes bya ba ni lung nod pa dang 'dzin pa dang/ the tshom sel ba la sogs pa'i bya ba'o/ /brtsal bas zhes bya ba ni de bzhin du sgrub cing bsgom pas zhes bya ba'i tha tshig go /chen por gyur pa zhes bya ba ni lus kyi bar? chod do/ /mkhas pa zhes bya ba ni tha snyad la mkhas pa'o/ /rnam par gnod pa las zhes bya ba ni lus kyi stobs las so/ /na le sham dkar po 'byung ba dang 'dra bar zhes bya ba ni blo bur ba nyid yin pa'i phyir de'i gnas logs shig na mi dmigs pa'o/ /sems dag gso bar byed cing zhes bya ba ni mthu dang ldan par byed pa'o/ /sgo glegs drung pa'i 'og tu zhes bya ba ni sgo glegs bcad pa dang dbye ba'i ma mdza' 'og ?gzhi dang 'drud pa'i gnas su'o/ /ma bsams bar shes pa dang mthong ba'i 'jug ces bya ba ni don chung ba'i phyir thams cad la sems par mi byed do zhes bya bar dgongs so/ /dug shin tu rno ba zhes bya ba ni khro ba ni zhe sdang gi dri ma yin pa'i phyir dug kyang khro ba la sogs pa 'phel bar 'gyur ro/ /lus shin tu phra bas zhes bya ba ni khro ba dang zhe sdang gnyis kyis lus gnon pa'i de gnyis skyes pas lus bri ba'o/ /nying mtshams sbyor ba zhes bya ba ni skye ba'o/ /spang leb kyi bar du zhes bya ba ni steng rim dang spang leb kyi bar du'o/ /gcig pu zhes bya ba ni grogs med pa'o/ /dben par song ste zhes bya ba ni khyim stong pa na gnas pa'o/ /'bar ba rno ba zhes bya ba ni tsha ba gdung ba rno ba'o/ /dug drag po zhes bya ba ni phyir dbyung dka' ba'o/ /phra ba zhes bya ba ni bong chung ba'o/ /thon skor nas zhes bya ba ni phyogs bzhi nas so/ /nyin mo gnas pa zhes bya ba ni nyin mo dge ba'i phyogs byed pa'o/ /bzhin gzhan du gyur pa zhes bya ba ni kha dog dang dbyibs gnyis kyis so/ /dbang po rnams sna tshogs su gyur pa zhes bya ba ni 'gag pa dang zhum pa dang brtad pa la sogs pa'o/ /mig ces bya ba la sogs pa smos pa ni dbang po dag las 'dod chags dang bral ba bstan no/ /gzugs zhes bya ba la sogs pa smos pa ni yul rnams las 'dod chags dang dral bas bstan to/ /sa'i khams zhes bya ba la sogs pa smos pa ni zin pa'i lus kyi dngos gzhi dag las 'dod chags dang bral bar bstan to/ /gzugs kyi phung po la sogs pa smos pa ni 'khor ba thams cad las 'dod chags dang bral ba bstan to/ /de ltar na gang la bdag dang bdag gir 'dzin pa sngon du 'gro ba'i sems rnam par 'gyur ba skye ba la ni bzhin gzhan du 'gyur ba dang dbang po rnams sna tshogs su 'gyur ba yod kyi gang la de lta bu'i sems skye ba med pa la ni bzhin la sogs par 'gyur ba med do zhes bya ba'i tha tshig go / yun ring po nas zhes bya ba ni dus yun ring po nas so/ /bdag tu 'dzin pa zhes bya ba ni bdag tu lta ba'o/ /bdag gir 'dzin pa zhes bya ba ni bdag gir lta ba'o/ /nga'o snyam pa'i nga rgyal zhes bya ba ni bdag tu 'dzin pa'i rgyu'i nga rgyal lo/ /mngon par zhen pa zhes bya ba ni dman pa la mchog tu 'dzin pa ste lta ba mchog tu 'dzin pa zhes bya ba'i tha tshig go / bag la nyal zhes bya ba ni bdag tu 'dzin pa dang/ bdag gir 'dzin pa dang/ nga'o snyam pa'i nga rgyal dang/ mngon par zhen pa'i nyon mongs pa de dag nyid bag nyal ba yin no/ /de nas tshe dang ldan pa shA ri'i bus de'i tshe tshigs su bcad pa smras pa zhes bya ba ni de'i tshe 'phags pa shA ri'i bus byis pa'i skye bo dag dgra bcom pas dug tsam bzlog par yang mi nus sam snyam du dogs pa bsal ba'i phyir tshigs su bcad pa smras pa yin no/ /tshangs spyod ces bya ba ni 'dir tshul khrims la bya'o/ /lam zhes bya ba ni 'phags pa'i lam mo/ /legs par bsgom pa zhes bya ba ni mi slob pa nyid rtogs pa'o/ /dug snod spang ba zhes bya ba ni bor bar ro/ /'bar ba'i khyim nas thar pa ltar zhes bya ba la/ ltar zhes bya ba'i sgra ni dpe'i tshig yin no/ /'chi ba'i mthar zhes bya ba ni 'chir nye ba na'o/ /rtswa dang shing 'dra bar mthong bar 'gyur ba zhes bya ba ni bdag med pa'i phyir dang/ 'dod chags dang zhe sdang dang gti mug gi rgyu nyid chad pa'i phyir rtswa dang shing 'dra'o/ /nying mtshams sbyor med ces bya ba ni yang 'byung ba med pa ste/ yongs su mya ngan las 'das pa zhes bya ba'i tha tshig go / des na 'dod pa med pa'i phyir dang gnas pa ma yin pa'i phyir rtsol ba med par zad kyis dgra bcom pas dus tsam rnam par spyod par mi nus pa ni ma yin no zhes bya bar dgongs so/ /lus kyi mchog pa zhes bya ba ni lus kyi bsnyen bkur ro/ /snang bar gyur na zhes bya ba ni mngon du gyur na'o/ /tshugs par mi 'gyur zhing zhes bya ba ni 'jug par mi 'gyur zhing ngo/ /de nas bcom ldan 'das kyis de'i tshe tshigs su bcad pa bka' stsal ba zhes bya ba la sogs pa'i tshigs su bcad pa dang gsang sngags kyi t shig rnams ni ston pa bcom ldan 'das kyis tshigs su bcad pa dang gsang sngags thogs pa med pa mthu dang ldan pa 'di bstan pa dang myong bar 'gyur bar ngas pa'i las mngon du ma gyur pa'i ma 'ongs pa'i skye bo rnams la phan gdags pa'i phyir bka' stsal pa yin no/ /yul 'khor srung zhes bya ba la sogs pa ni klu yin no/ /byams zhes bya ba ni mdza' shes dag la kun tu spyod par byed pa byas sa? pa ste kho na med pa yin no/ /'gul zhes bya ba ni g.yo ba'o/ /gnas pa zhes bya ba ni brtan pa ste snyoms par zhugs pa la sogs pa'o/ /sems can kun zhes bya ba ni lha dang mi rnams te snying stobs dang ldan pa'i phyir ro/ /srog chags kun zhes bya ba ni dud 'gro rnams te srog tsam dang ldan pa'i phyir ro/ /'byung po kun ces bya ba ni 'drel sogs pa ste/ phal cher 'byung po'i don du bstan pa'i phyir ro/ /ma 'dres shog ces bya ba ni skyon med par shog cig ces bya ba'i tha tshig go /nad ni med gyur cig ces bya ba ni nad med par gyur cig ces bya ba'i tha tshig go /bzang po mthong gyur cing zhes bya ba ni 'dod pa'i dngos po thob par gyur cing zhes bya ba'i tha tshig go / sdig par ma gyur cig ces bya ba ni mi dge ba 'phel bar ma gyur cig ces bya ba'i tha tshig go / sprul gyis gang ba'i zhes bya ba ni sprul gyis 'chal par gang ba'o/ /bya skyibs su zhes bya ba ni ngam grog gi phyogs su'o/ /bdag gi srog la gnod par 'gyur zhes bya ba ni de lta bur rtag tu gnas par gyur du zin kyang bdag gi srog la gnod par byed par ma gyur cig ces bya ba'i tha tshig/ /bdag gi bden tshig gang gis ni zhes bya ba la sogs pas ni bdag gi bden pa'i tshig ma nor ba gang gis ston pa sangs rgyas bcom ldan 'das 'jig rten thams cad na bla na med pa yin te/ gzhan du ma yin pa'i bdag gi bden tshig ma nor ba des bdag gi lus la dug ma 'jug cig ces bya ba'i tha tshig go /sangs rgyas bden pas zhes bya ba ni sangs rgyas kyi ma nor ba gnyis kyis te/ chos dang dge 'dun la yang de bzhin no/ /bsrung bas yongs su bzung ba byas zhes bya ba ni rigs sngags kyi bsrung bas yongs su bskyad par byas pa'o/ /sangs rgyas thams cad dug bcom bas zhes bya ba ni 'dod chags la sogs pa'i dug dang bza' ba la sogs pa'i dug pham par byas pa'i phyir ro/ /de la zhes bya ba ni dug gi las la'o/ /sngon ma thos pas zhes bya ba ni sngon chad ma thos pas so/ /mngon par dga' ba zhes bya ba ni rjes su bsngags pa'o/ /rjes su yi rang ba zhes bya ba ni de bzhin no zhes khas blangs pa'o/ /las zhes bya ba ni lus dang/ ngag dang yid kyi las dge ba dang mi dge ba dang/ brnab sems la sogs pa dag go /rnam par smin pa zhes bya ba ni 'dir 'bras bu yin no/ /gzer ba'i snying gi zhes bya ba ni gnod pa'i lus kyis so/ /tshogs rnyed pa zhes bya ba ni nang gi lhan cig byed pa'i rgyud dag rnyed pa'o/ /rkyen yongs su bsgyur ba zhes bya ba ni phyi rol gyi grogs rjes su mthun par 'gyur ba'o/ /'od pa bzhin du nye bar gnas pa zhes bya ba ni chu'i 'od pa bzhin du rang gi bya ba byed pa la mngon du phyogs par gnas pa'o/ /gdon mi za bar 'byung bar 'gyur ba dag ces bya ba ni nges pa ste bcom ldan 'das kyis kyang bzlog par mi spyod pa dag go / byas shing zhes bya ba ni blangs shing ngo/ /bsags pas zhes bya ba ni rigs mthun pa'i tshigs kyis gsos pa 'am 'bras bur 'gyur par nges par byas pa'o/ /bcom ldan 'das ni thugs rje'i bdag nyid can yin no/ /nyid kyis ci'i phyir zhal gyis mi bzhes zhe na/ de'i phyir nye sde nyid kyi las byas shing bsags pa dag gzhan su zhig gis so sor myong bar 'gyur zhes bya ba gsungs te/ 'brel pa med pa'i phyir gzhan gyi rgyud la 'bras bu dag tu mi 'gyur ro zhes bya par dgongs so/ /rdzu 'phrul dang gsang sngags la sogs pa'i dbang gis phyi rol gyi dngos po dag la ci'i phyir 'byung bar mi mdzad ce na/ de'i phyir dge slong dag las byas shing bsags pa dag ni phyi rol gyi sa'i khams la rnam par smin par mi 'gyur ro zhes bya ba la sogs pa'i gsungs so/ /zin pa zhes bya ba ni sems pas zin pa ste/ nang gis zhes bya ba'i tha tshig go /dus 'phos pas ji ltar chud za bar mi 'gyur zhe na/ de'i phyir/ las rnams bskal pa brgyar yang ni/ /chud mi za ba'ang zhes bya ba la sogs pa gsungs te/ 'ang zhes bya ba sgra gnyis pa ni 'di ltar zhes bya ba'i sgra'i don la 'jug pa'i bye brag bstan to/ /tshogs zhes bya ba ni bskyed pa'i rgyu'i tshogs pa'o/ /dus zhes bya ba ni bar du gcod pa'i rgyu med pa'o/ /lus can rnams la'ang zhes bya ba ni sems can rnams la'o/ /nyid ces bya ba ni sgra ni nges par gzung ba'o/ /de ltar na 'dir tshig gi don 'di 'byung ste/ las nges pa rnams ni bskal pa brgya phrag 'das pa dag tu yang chud mi za ba yin te/ de'ang 'di ltar rgyu'i tshogs pa dang bar du gcod pa'i rgyu med pa'i dus rnyed na byed pa po sems can lus can rnams la 'dod pa dang mi 'dod pa'i 'bras bu dag tu 'gyur ba nyid yin te/ 'dir don ni de yin no/ /nye sdes gang gi tshe ci zhig byas zhe na/ de'i phyir dge slong dag sngon byung ba 'das pa'i dus na zhes bya ba la sogs pa gsungs te/ sngon byung ba zhes bya ba ni 'og nas 'byung ba gang yin pa 'di ni sngon byung ba yin gyi da ltar ba ma yin no zhes bya ba'i tha tshig go / sangs rgyas rnams 'byung ba med pa'i tshe zhes bya ba ni chos kyi rgyal po ni 'gran zla med pas 'phangs pa yin pa'i phyir ro/ /rang sangs rgyas zhes bya ba ni bya dag nyid gcig pu kho na'i phyir sangs rgyas pa ste/ gzhan rjes su ston par mi byed ces bya ba'i tha tshig go /dman pa zhes bya ba ni rigs dma' ba' o/ /bkren pa zhes bya ba ni dbul ba'o/ /rab mdza' i gnas mal la dga' ba zhes bya ba ni thag ring ba'i gnas na gnas pa'o/ /bse ru lta bu zhes bya ba ni gcig pu 'dug pa'o/ /gcig pu 'jig rten gyi yon gnas su gyur pa zhes bya ba ni gnyis su med pas de'i tshe nyid 'jig rten gyi yon gnas yin pa ste/ de bzhin gshegs pa rnams 'jig rten du ma byung ba'i phyir ro zhes bya bar dgongs so// mche'u zhes bya ba ni mtsho'o/ /rnyod zhes bya ba ni bya 'dzin pa ste thang shing thang chung la sogs pa'o/ /don yod pa zhes bya ba ni 'bras bu yod pa yin no/ /brang 'gro'i rgyal po zhes bya ba ni klu ste/ de nyal ba'i lus bskyil ba zlum por 'dug pa ltar brla gnyis kyi skyil mo dkrung byas te 'dug pa'o/ /nyon mongs pa zhes bya ba ni bkren pa'o/ /smas pa zhes bya ba ni zhe sdang gis so/ /nyams pa zhes bya ba ni ba sdig pas so/ /yang na smas pa ni dngos gzhi'i sdig pa byed pas/ /nyams pa ni rjes kyi nyes pas so/ /lag nas drangs pa zhes bya ba ni phyir bcos pas te/ 'gyod pa la sogs pa la bya'o/ /mdab ma rkyang ba zhes bya ba ni gshog pa phyar ba'o/ /nam mkha' zhes bya ba ni bar snang ngo/ /cho 'phrul zhes bya ba ni ya mtshan no/ /so so'i skye bo zhes bya ba ni de kho na nyid ma mthong ba'o/ /sems gtong pa zhes bya ba ni rjes su mthun bar byed pa'o/ /rma lhan zhes bya ba ni rma glan pa'o/ /zhi ba zhes bya ba ni nyes pa thams cad las rnam par grol ba'o/ /phung po'i lhag ma med par zhes bya ba ni phung po tsam dang yang mi ldan pa'o/ /mya ngan las 'das pa'i dbyings zhes bya ba ni phung po med pa'o/ /'jug pa zhes bya ba ni de dang mthun pa'o/ /mnyes par byed ces bya ba ni mgu ba'i rjes su 'jug pa'o/ /las de nyid kyis lhag mas zhes bya ba ni las de'i 'khor gyi las yod pas so/ /de ltar na zhes bya ba ni de lta bas na'o/ /las gcig tu gnag pa rnams zhes bya ba ni rnam pa thams cad du mi dge ba dag go / las gcig tu dkar ba rnams zhes bya ba ni rnam pa thams cad du dge ba dag go /btsal bar bya ste zhes bya ba ni bsam pa dang spel bar bya ba'o/ /btsas pa'i rim gyis zhes bya ba ni btsas ston la sogs pa'i go rims kyis so// gnang chen la zhes bya ba ni byams pa'o/ /ci nas cir bsgyur te/ zhes bya ba ni tshogs? chen pos so/ /yang dag par rab tu dga' ba zhes bya ba ni gzengs bstod pas so/ /dga' ba zhes bya ba ni 'dod pa'i don to/ /snyan pa zhes bya ba ni rjes su mthun pa'i sgra'o/ /'khyams pa zhes bya ba ni gar song mi shes pa'o/ /bsil ba'i ro dang ldan pa zhes bya ba ni gang dag bsil ba'i ro dang ldan pa'o/ /de dus lags par dgongs su gsol zhes bya ba ni gang 'dod pa de gyis shig ces bya ba'i tha tshig go /chim par byas shes bya ba ni zas 'dod pas so// bstabs zhes bya ba ni mi 'dod na gzhan dbul ba'o/ /khron pa lta bur gyur pa zhes bya ba ni chu'i khron pa dang 'dra bar thams cad 'du ba'i rten du gyur pa'o/ /'di ltar zhes bya ba ni gang gi phyir zhes bya ba'i tha tshig go /dge ba'i bshes gnyen zhes bya ba ni phan pa nye bar ston pa'o/ /thun mong ma yin pa zhes bya ba ni bsgrub dka' ba'o/ /sbom po zhes bya ba ni lus lci ba'o/ /glen ma zhes bya ba ni blo ngan pa'o/ /dman pa zhes bya ba ni spyod pa zhan pa'o/ /spobs pa zhes bya ba ni shes pa'o/ /bu zan mo'i bu zhes bya ba la/ bu zan mo zhes bya ba ni mkha' 'gro ma ste/ de'i bu ni bu zan mo'i bu ste mkha' 'gro ma'i bu zhes bya ba'i tha tshig go /nyam nga nas zhes bya ba ni ngo tsha nas so/ /sgron shing gi tshal zhes bya ba ni sgron ma rgyu'i shing gi tshal lo/ /bstan cing goms par byas lan mang du byas zhes bya ba ni chung du dang/ 'bring dang/ chen po nyid kyis bskyed pa'o/ /'bras bu zhes bya ba ni bar du ma chod pa'i 'bras bu'o/ /phan yon zhes bya ba ni bar chod pa'o/ /mi sdug pa ston par mdzad ces bya ba ni rus pa'i keng rus la sogs pa'i rnam par bsgom pa ston par mdzad de'o/ /bsngags pa brjod pa yang mdzad do zhes bya ba ni yon tan bstod par mdzad pa'o/ /dge slong la rtsol bar byed do zhes bya ba ni gsod par byed do zhes bya ba'i tha tshig go /ri dags zlog dge spyod sped ces bya ba ni kun tu rgyu zhig gi ming ste ri dags zlog ces bya ba ni ri dags phyir zlog par byed pa'o/ /dge sbyong sped ces bya ba ni kun tu rgyu'i dge sbyong las gsang thabs su skyes pa'i phyir ro/ /yang na nags khrod na gnas pa'i rab tu byung ba dge sbyong rnams chom rkun la sogs pa dag las srung bar byed pa'i phyir ro/ /bdud kyi rigs zhes bya ba ni bdud kyi 'khor ro/ /rgyun ma phyi bar 'dug nas zhes bya ba ni chu klung gi chu'i rgyun so sor ma phye bar 'dug pa ste/ chu'i steng na 'dug ces bya ba'i tha tshig ste de ni yib ces bya ba'i phyir ro/ /tshul khrims dang ldan pa zhes bya ba ni rang bzhin gyis kha na ma tho ba dang bcas pa spong ba dang ldan pa'o/ /yon tan dang ldan pa zhes bya ba ni bcas pa'i kha na ma tho ba dang bcas pa spong ba dang ldan pa'o/ /rgal bar byed ces bya ba ni lus kyi sdug bsngal gyi chu bo las rgal bar byed pa'o/ /grol bar byed ces bya ba ni lus kyi mdud pa las grol bar byed pa'o/ /dbugs 'byin par byed ces bya ba ni ma 'ongs pa'i dus kyi sdug bsngal 'byung bar dogs pa bzlog par byed pa'o/ /yongs su mya ngan las 'das par byed ces bya ba ni sdug bsngal gyi rgyu'i lus 'gog par byed pa'o/ /de ltar de la zhes bya ba la 'dir de la zhes bya ba'i sgras ni de'i phyir zhes bya bar bstan to/ /lta ba'i rnam pa zhes bya ba ni lta ba'i rnam grangs so/ /nyung ngur gyur ces bya ba ni grangs kyis so/ /nyams par gyur ces bya ba ni chud zos pas so/ /yang na nyungs ngur gyur ces bya ba ni gson po dag go /nyams par gyur ces bya ba ni shi ba dag go / rnga rngor gyur zhes bya ba ni shi bar mi shes pa dag gi byug ris bzhag pas skabs skabs su stong par gyur pa'i phyir ro/ /bsrabs par gyur ces bya ba ni dge slong nyung bas go bar srab mor gyur pa'i phyir ro/ /'di la nges par 'chi bar 'gyur ba nyid yin pas bcom ldan 'das kyis kyang btang snyoms su mdzad do/ /'phags pa'i lam skye ba sgrib pa yod pa'i phyir 'phags pa'i lam ston par mi mdzad do/ /thar pa'i cha dang mthun pa'i dge ba'i rtsa ba skye ba dang 'chi bar nges pa rnams 'jig rten pha rol tu lam skye bar rgyur 'gyur ba'i phyir mi sdug pa ston pa mdzad do/ /dge slong shi bar gyur pa de dag ni sngon bcom ldan 'das 'od srung gi ring la dag slong rnal 'byor spyod par gyur te/ lo khri'i bar du mi sdug pa bsgom pa 'phags pa'i lam ma mthong ba dge sbyong ba de'i rgyus bcom ldan 'das kyi nyan thos kyi dge slong du gyur pa yin pas de dag la mi sdug pa bsgom pa bstan na tshe phyi ma la 'phags pa'i lam skye ba'i rgyur 'gyur zhing de dag shi ma thag tu lhar skyes nas/ bcom ldan 'das kyi spyan sngar 'ongs pa'i tshe/ bcom ldan 'das kyis mi sdug pa'i rnam par bsgom pa rgya cher bston pas tshe de nyid la rgyun tu zhugs pa'i 'bras bu thob par gyur to zhes 'dul ba bye brag tu bshad pa las 'byung ngo ka? de nyid kyi tshes bco lnga zhes bya ba ni de nyid kyi zla ba phyed po bar du mchod pa la zhes bya ba'i tha tshig go / rgyu zhes bya ba ni nang gi gtso bo'i rgyu'o/ /rkyen ces bya ba ni phyi rol gyi srogs su gyur pa'i rkyen no/ /mir chags pa zhes bya ba ni mi'i rgyu'o/ /rang gi lag dar te zhes bya ba ni 'di la rang gi lag mngon sum du dar ba srid pa'i phyir ro/ /lag pas lag pa zhes bya ba ni bye brag ste de la lag pas bskyod pa'i lag pa'o/ /de la mtshon byin nam zhes bya ba ni de la mtshon phul ba'o/ /chu gri zhes bya ba ni bla dags so/ /kha cig na re ral gri so gcig pa zhes zer ro/ /'tsho ba'i yo byad ces bya ba ni 'tsho ba'i 'tshog chas so/ /tshul khrims 'chal pa zhes bya ba ni lus dang ngag gi las dag gi'o// sdig pa'i chos can zhes bya ba ni bsam pa la skyon chags pa'o/ /bdag nyid thong zhig ces bya ba ni rang gi lag pa 'am sos bdag nyid song cig pa'o/ /bdag nyid sod cig ces bya ba ni rang gis bskyed pa'i mtshon la sogs pas so/ /bdag nyid srog dang bral bar byed du chug shig ces bya ba ni gzhan la bcol bas so/ /lus kyi kun tu spyod pa yongs su ma dag pa nyid ces bya ba la/ lus kyi kun tu spyod pa zhes bya ba lus kyi las nyon mongs pa can gang yin pa de ni lus kyi kun tu spyod pa yongs su ma dag pa'o/ /de'i dngos po ni de nyid de/ lus kyi tshul khrims 'chal ba zhes bya ba'i tha tshig go / ngag dang yid la yang de bzhin du shes par bya'o/ /bslang ste zhes bya ba ni bshags pa la sogs pas phyung ste'o/ /'jog pa zhes bya ba ni nges par sbyor ba'o/ /lus zhig na zhes bya ba ni shi na'o/ /bde 'gro zhes bya ba ni bzang po rnams kyi 'gro ba'o/ /mtho ris kyi 'jig rten zhes bya ba ni mi'i 'jig rten yongs su spang ba bstan to/ /lha rnams kyi nang du zhes bya ba ni der yang dri za la sogs pa yongs su spang ba bstan to/ /dge ba'i chos can zhes bya ba ni dge ba'i bsam pa can no/ /lhag par gtong ba zhes bya ba ni bdag nyid rang la mi 'gog par gtong ba ste/ sbyin pa'i cho ga blangs pa'o/ /lag rkyong ba zhes bya ba ni gtong ba'i don du lag pa rkyong ba'o/ /rnam par gtong ba la dga' ba zhes bya ba ni sbyin pa la mngon par dga' ba'o/ /mchod sbyin rgyun du byed pa zhes bya ba ni yon tan dang ldan pa rnams la mchod pa yang dang yang du byed pa'o/ /gtong ba phun sum tshogs pa zhes bya ba ni sbyin pa byas pa'o/ /sbyin pa 'ged par dga' ba zhes bya ba ni gzhan las thob pa'i sbyin pa sbyin par bya ba'i dngos po gang yin pa de gzhan la yang 'ged par dga' ba zhes bya ba'i tha tshig go / tshor ba sdug bsngal ba zhes bya ba ni mi 'dod pa'o/ /mi zad pa zhes bya ba ni rgyun tu 'byung ba'o/ /brtsub par zhes bya ba ni rab tu 'thel nas 'bring nyid du gyur pa'o/ /tsha ba zhes bya ba ni chen po nyid kyis mnag mi bzod pa'o/ /yid du mi 'ong ba zhes bya ba ni yid sdug bsngal lo/ /zhes bya ba'i tha tshig go /zas so sor bsten par bya ba dag ces bya ba ni 'dod pa dag go /nad g.yog tshul dang mthun pa dag ces bya ba ni rjes su mthun pa dag go /bod pa'i tshig bla dags zhes bya ba ni go bar byed pa'i ming ngo/ /sdig pa zhes bya ba ni sdig pa'i 'bras bu 'am sdig pa'i rgyu'o/ /mi gtsang ba zhes bya ba ni lus kyi gzhi mi gtsang ba'i phyir ro/ /'tsho ba ngan pa zhes bya ba ni smad pa'o/ /sems kyi 'dod pa zhes bya ba ni mngon par 'dod pa'o/ /sems kyi kun tu rtog pa dag gis zhes bya ba ni rnam par rtog pa dag gis so/ /yang smos pa ni zhes bya ba la sogs pa ni 'chi ba'i bsngags pa brjod pa rgyun mi gcod pa la bstan pa'i phyir yang tshig tu smos zhes bya ba'i tha tshig go /des na sbyor ba ma gtang ba'i 'bras bu grub na dngos gzhir 'gyur gyi gzhan gyis ni ma yin no zhes bya bar bstan to/ /'dul ba rnam par 'byed pa'i tshig rnam par bshad pa// //bam po drug pa/ bdag nyid kyis zin pa zhes bya ba ni lus kyi khongs su gtogs pa ste sems pa dang bcas pa zhes bya ba'i tha tshig go /rtsom pa zhes bya ba ni sbyor ba'o/ /des zhes bya ba ni rtsom pa des so/ /de'i tshe zhes bya ba ni rtsom pa'i cho'o/ /ma yin yang zhes bya ba ni dus byed pa ma yin yang ngo/ /de'i 'og tu zhes bya ba ni rtsom pa'i dus kyi 'og tu'o/ /gru mo zhes bya ba ni lag par dang dpung ba'i bar gyi zur ro/ /phyi rol du 'phangs pa zhes bya ba ni lus kyis mda' la sogs pa 'phangs pa'o/ /mda' zhes bya ba ni mda' rtse mo mde'u dang bcas pa'o/ /lcags mda' zhes bya ba ni lcags kyi mda'o/ /mda' phyed lcags las byas ba zhes bya ba ni mda'i phyed lcags las byas pa'o/ /kha cig na re smyig ma'i mda' mde'u 'dab ma ring po bcas pa ni lcags mda' yin la/ de nyid kyi mde'u rna spang can ni mda' phyed lcags las byas pa'o zhes zer ro/ /ste'u kha ma zhes bya ba ni mda'i mde'u dra gri'i dbyibs 'dra'o/ /mde'u be'u so lta bu zhes bya ba ni mde'u ba lang gi so'i dbyibs 'dra'o/ /mde'u zur ma pzhes bya ba ni mde'u til gyi gang bu'i dbyibs dang 'dra ba'o/ /mde'u ka ra bi ra'i lo ma lta bu zhes bya ba ni mde'u ka ra bi ra'i lo ma'i dbyibs 'dra ba'o/ /mde'u byi'u snying ma'i zhes bya ba ni mde'u me tog gzhon nu'i gnas skabs kyi dbyibs 'dra ba'o/ /rdo rje rtse gcig pa zhes bya ba ni mtshon rdo rje'i dbyibs 'dra ba rtse mo mi rno ba'o/ /mda''o che zhes bya ba ni mde'u can thung ba la yu ba sbom po'o/ /mtshon rtse gcig pa zhes bya ba ni dbyug pa mung ga ra'o/ /rgya shug gi 'bras bu zhes bya ba ni rgya shug gi rus pa'o/ /ral gri zhes bya ba ni ral gri chen po'o/ shad lang zhes bya ba ni ral gri so gcig pa ste/ gri bo che zhes bya ba ni tha tshig go / ral gri so gcig pa zhes bya ba ni ral gri dgu pa'o/ /ral gri so gnyis pa zhes bya ba ral gri ring po'o/ /mdung zhes bya ba ni mdung rtse dang bcas pa yu ba mi gnyis sam gsum gyi tshad tsam du ring ba'o/ /mdung thung zhes bya ba ni yu ba thung ba mi'i tshad tsam mo/ /'phang mdung zhes bya ba ni srog shing mdung rtse can 'phang bar bya ba'o/ /kyi ba kha brag ces bya ba ni mkha' 'gro ma drang ba'i lcags kyo ba kha brag go /tshe lcag ces bya ba ni gcag pa'i lcag yu'o/ /kha cig na re 'phreng lcag la bya'o zhes zer ro/ /rtsa ma dang zhes bya ba ni shar ba phra ma'o/ /bldag pa zhes bya ba ni sbrang rtsi dang pi pi ling la sogs pa bldag pa'o/ /gzhib pa zhes bya ba ni a mra la sogs pa dbugs rdub cing za ba'o/ /dril phyi zhes bya ba ni lus drul zhing phyi ba'o/ /phye ma zhes bya ba ni skra dang rgyu ma la sogs pa ltag bag pa'i dug go / 'ching ba zhes bya ba ni 'ching bar byed pa'o/ /mtsha' zhes bya ba ni ba lang la zla ba'i gcan zan no/ /spyang ki zhes bya ba ni ce spyang ngo/ /yongs su skam pa zhes bya ba ni lpags pa nyams pa'o/ /yongs su zad pa zhes bya ba ni khrag skam pa'o/ / yongs su 'dug pa zhes bya ba ni sha skam pa'o/ /dkris pa zhes bya ba ni yongs su zin pas so/ /brang du 'debs zhes bya ba ni 'khrul 'khor gyi mi ste des mi gzhan gyi brang du rdeg par byed do/ /'khrul 'khor zhes bya ba ni shing ljon pa 'gugs pa dang rdo bsgreng ba la sogs pa'o/ /rngon spyad ces bya ba ni ri dags kyi 'khrul 'khor ro/ /zla ba mar gyi ngo'i tshes bcu bzhi zhes bya ba ni tshes nyi shu dgu'o/ /shi ba'i ro zhes bya ba ni mi'i ro'o/ /ma smas zhes bya ba ni bu gu ma byung ba'o/ /ma nyams pa zhes bya ba ni yan lag dum bur ma gyur pa'o/ /bya rmyangs zhes bya ba ni lus gyen du 'chu ba'o/ /blag blag zer zhing zhes bya ba ni sgra blag blag zer zhing ngo/ /ro langs zhes bya ba ni 'dre la sogs pa mi ma yin pa'o/ /nags kyi phreng ba zhes bya ba ni nags tshal gyi nang nas skyes pa'i me tog dang 'bras bu la byas pa'i phreng ba'o/ /bum pa gang ba zhes bya ba ni zhus? bkang ba'o/ /ba dang be'ur 'dra ba zhes bya ba ni smad gnyis spu ga mthun ba'o/ /mchig mchi gu dang bcas pa zhes bya ba ni mchig smad phrugs su ldan pa'o/ /me tshugs spar ba zhes bya ba ni me bud? pa'o/ /rgyal ba zhes bya ba ni de bzhin gshegs pa'o/ /rgyal bas bka' stsal pa zhes bya ba ni bcom ldan 'das kyi pho nya 'am/ bcom ldan 'das kyis bstan pa'o/ /byang chub sems dpa' zhes bya ba ni srid ba tha ma pa'o/ /so sor thar pa zhes bya ba ni dang por thar pa'o/ /ma bton pa zhes bya ba ni kha ton du ma bslabs pa'o/ /rgya cher dbyangs kyis zhes bya ba ni gzhan gyis thos pa'i sgras so/ /mdo sde'i sde mtshan bzhi po zhes bya ba ni lung ring po dang/ lung par ma dang/ yang dag par ldan pa'i lung dang/ gcig las 'phos pa'i lung dag go /mdo chen po zhes bya ba ni phas kyi rgol ba las rgyal bar byed pa'i phyir dang gnod sbyin gdug pa la sogs pa las rgyal par byed pa'i phyir 'bras bu chen po zhes bya ba'i tha tshig go / che ba zhes bya ba ni don zab pa nyid kyis don che ba'o/ /de dag kyang gang zhe na mdo chen che ba brgyad de/ 'di lta ste zhes bya bas dngos su bstan pa dag yin no/ /de dag gi lung ring po la sogs pa dag gi rgyud du gtogs pa yin no/ /gtang zhes bya ba ni gnas ma yin par gtang ba'o/ /dge slong bdag nyid gsod par sems par 'gyur bas zhes bya ba ni ro langs des dge slong sngags pa rang nyid gsod par byed do zhes bya ba'i tha tshig go /nye bar 'gag pa zhes bya ba ni zad pa'o/ /til dang yungs kar bre'u chung gang la ni ma ga d+ha'i srad bcu drug go /gtun bu'i rtse mo zhes bya ba ni gtun bu'i sna'o/ /'bru zhes bya ba ni 'bras bu'o/ /'dres par gyur ba zhes bya ba ni 'dus par gyur pa'o/ /'o ma dang zho bre'u chung gang la ni ma ga d+ha'i srad sum cu rtsa gnyis so/ /'phrog par byed ces bya ba ni dgug pa'i sgra'o/ /byid par gyur pa zhes bya ba ni yal bar gyur pa ste mi mngon par gyur ces bya ba'i tha tshig go /ljan ljin ces bya ba ni 'dam rdzab bo/ /rgya thab ces bya ba ni btso ba'i gnas gnas so/ /da bur zhes bya ba ni bsreg pa'i gnas so/ /tshes brgyad kyi bar zhes bya ba dgun zla ra ba dang/ dgun zla 'bring po/ dgun zla tha chungs rnams kyi mar gyi ngo'i tshes brgyad po dag gi bar te/ dgun zla ra ba tshes nyi shu gsum nas dgun zla 'bring po'i tshes nyi shu gsum dang/ dgun zla tha chungs tshes nyi shu gsum gyi bar dag tu zhes bya ba'i tha tshig go /sog ma'i chag chag ces bya ba ni sog ma'i chang spungs steng chu grang mos 'debs pa'o/ /srog chags phra mo skye ba zhes bya ba ni dus gang dag gi tshe drod gsher las skyes pa'i srog chags phra mo dag skye ba'i dus de dag du zhes bya ba'i tha tshig go / 'brog nas zhes bya ba ni grong khyer gyi mi ste/ 'brog na gnas pa yin pa'i phyir ro/ /nags zhes bya ba ni tshang tshing gi phyogs so/ /rdzas las byung ba'i zhes bya ba ni rdzas kyi rgyu las byung ba'o// bsod nams bya ba'i gzhi zhes bya ba ni dge ba spel ba'i rgyu'i chos so/ /bdun po dag ces bya ba ni kun dga' ra ba'i sbyin pa dang gtsug lag khang brtsig tu gzhug pa ni gnas mal gyi sbyin pa dang/ zas nar ma sbyor du gzhug pa dang/ blo bur du 'ongs pa dang/ 'gro bar chas pa la phan 'dogs pa dang/ nad pa dang/ nad g.yog la phan 'dogs pa dang/ phongs pa'i dus su gnas pa'i dge 'dun bshos gsol pa'o/ /mkhar lan gyi 'bras bu zhes bya ba ni 'bad pa dang rtsol ba'i 'bras bu ste/ glang na zhes bya ba'i tha tshig go / brgya la zhes bya ba ni dpyid la sogs pa'i dus tshigs kyi dus so/ /brgya lam na zhes bya ba ni dus tshigs kyi bar skabs kyi zla ba yar gyi ngo la sogs pa'o/ /mkhar lan gyi stongs mo zhes bya ba ni las kyi grogs zhes bya ba'i tha tshig go /gzhi zhes bya ba ni gnas so/ /phyi dro zhes bya ba ni gung tshigs kyi 'og ces bya ba'i tha tshig go /snga dro zhes bya ba ni gung tshigs mdun zhes bya ba'i tha tshig go /dus rting la thug pa zhes bya ba ni nye bar gyur ces bya ba'i tha tshig go /co 'dri bar byed ces bya ba ni mtho mtshams par byed pa'o// phyam zhes bya ba ni gang la gdung phran no/ /rkyen do lta bu zhes bya ba ni gang la gdon mi za bar mi gdeg du mi rung ba zhes bya ba'i tha tshig go /khyim pa gcig gi khur zhes bya ba ni srad nyis stong ngo/ /drang srong gi gdan zhes bya ba la/ drang srong ni shes pa dang ldan pa'o/ /de'i phyir bshams pa'i gdan ni drang srong gi gdan no/ /chos kyi lus zhes bya ba ni chos kyi bdag nyid lus sam/ chos kyi phyir bsgrub pa'i lus so/ /kun shes pa brda sprod pa zhes bya ba la/ kun shes pa zhes bya ba ni zag pa med pa mi slob pa'i shes pa byang chub rtogs pa'o/ /de brda sprod pa zhes bya ba ni bdag gi zag ba zad do zhes bya ba la sogs pa sgrogs par byed ces brjod pa'i tha tshig go / chos kyi longs spyod ces bya ba ni chos mnyan pa la sogs pa'i chos kyi longs spyod do/ /zang zing gi longs spyod ces bya ba ni bsod snyoms la sogs pa'i zang zing gi longs spyod do/ /gnod pa nyung ba zhes bya ba ni nad nyung ba ste/ yams kyi nad nyung ba zhes bya ba'i tha tshig go /yun ring du 'tsho bar 'gyur zhing zhes bya ba ni nges pa'i tshe'o/ /tshe ring du skyong bar 'gyur ro zhes bya ba ni ma nges pa'i tshig srung bar 'gyur ro zhes bya ba'i tha tshig go /yang na snga ma ni bsgrub pa'o// phyi ma ni sgrub par byed pa'o/ /lan tsha'i sman rtsabs zhes bya ba ni lan tsha'i rtsab mo'o/ /kha cig na re pi pi ling dkar po'i rtsab mo lan tsha can yin no zhes zer ro/ /sman pa rab tu byung ba zhes bya ba ni sngon sman par gyur pa las phyis rab tu byung ba'o/ /sman pas bkol ba zhes bya ba ni sman pa dang lhan cig spyod spyod pa'o/ /nad kyis thebs pa zhes bya ba ni nad de nyid kyis sngon nyon mongs par gyur pa gang yin pa'o/ /mdzod ces bya ba ni gces pa'i mdzod do bang ba zhes bya ba ni 'bru la sogs pa'i bang ba'o/ /sa mtshams kyi bar zhes bya ba ni sa mtshams kyi bar gyi yul lo// don mthun pa bsel ba dang bcas pa zhes bya ba la/ bsel ba zhes bya ba ni yul gzhan du bskyel ba'i bsel lo/ /de'i don du gnas pa ni bsel ba ste/ srung bar byed pa'i mi dag go /tshod pa don mthun gang dag bsel ba dag dang lhan cig 'jug pa de dag ni don mthun bsel ba dang bcas pa zhes bya'o/ /dpa' ba zhes bya ba ni mi 'jigs pa'o/ /rtsal che ba zhes bya ba ni nus pa'o/ /gson por bzung zhes bya ba ni srog 'dzin bzhin du bzung ba ste/ srog dang ldan par bzung zhes bya ba'i tha tshig go /gsod pa zhes bya ba ni bsad pa'i gnas te dur khrod ces bya ba'i tha tshig go / yang dang yang du so sor rtogs shig ces bya ba ni yang dang yang du rnam par dpyod cig ces bya ba'i tha tshig go /de ci'i phyir zhe na zhes bya ba ni ci zhig gi phyir zhes bya ba'i tha tshig go /de ni sems tshim pa dang zhum pa rnams las su rung bar bya ba'i phyir ro/ /dal bus zhes bya ba ni dman pa ste/ ha cang gsang mi mtho bar ro/ /khang kyis khang kyis zhes bya ba ni bsgyid ba dang bcas pa ste/ ha cang rtun mi ngas pa'o/ /rjes su yid rang ba zhes bya ba ni mngon par khas blangs pa'o/ /'du shes kyang yod ces bya ba ni 'dir ma yin par shes pa ni 'du shes so/ /sems pa yang yod pas zhes bya ba ni gsad pa'i sems yod pa'o/ /ji nas kyang zhes bya ba ni 'dod pa'o/ /'gal tshabs can zhes bya ba ni 'dir kha cig tu ni sbom po'o/ /kha cig du ni dngos gzhi'o/ /sar pa zhes bya ba ni rdzogs par bsnyen nas ring po ma lon pa'o/ /skyes phran zhes bya ba ni skyes ma thag pa nyid dgag pa bstan te dbang po las su rung zhing gsal ba zhes bya ba'i tha tshig go /gzhon pa zhes bya ba ni gzhon nu nyid dgag pa bstan te na tshod gnyis pa zhes bya ba'i tha tshig go / bcu bdun ste zhes bya ba ni bcu bdun po dag gi tshogs so/ /tshogs ces bya ba ni bya ba gcig pa dag ste/ de dag la tshogs kyi grangs dang 'brel ba yod pa'i phyir ro/ /las su bsko ba zhes bya ba ni las su gzhug pa ste las kyi res zhes bya ba'i tha tshig go /stongs te zhes bya ba ni bya ba gcig pa nyid du'o/ /ga ga tshil zhes bya ba ni mchan khung la sogs par sor mo gnyis sam gsum dal bus nyed par byed pa'o/ /dad pa can zhes bya ba ni yon tan rnams dang yon tan dang ldan pa rnams la yid ches pa dang ldan pa'o/ /bzang ba zhes bya ba ni gnam pa dang ldan pa'o/ /dge ba'i bsam pa can zhes bya ba ni bsod nams 'dod pa'o/ /bsngos te zhes bya ba ni mngon par bsams te'o/ /rta babs mthon po zhes bya ba la/ rta babs zhes bya ba ni lam po che'i sgo'o/ /mthon po zhes bya ba ni bsgrengs pa'o/ /skar khung zhes bya ba ni snang ba'i mthongs so/ /skar khung dra ba can zhes bya ba ni rlung gi lam dra ba dang bcas pa'o/ /lan kan zhes bya ba ni rgyu'i lam bcad pa'o/ /des na gtsug lag khang rta babs mthon po dang skar khung dra ba can dang lan kan gyis brgyan pa de lta bu byed du bcug go / zhes bya ba'i tha tshig go /rnying dang mig 'phrog pa zhes bya ba ni dbang du byed pa'o/ /mtho ris kyi them skas su gyur pa zhes bya ba ni/ stegs su gyur pa'o/ /spyad tshags zhes bya ba ni chu btsag pa'i tshags so/ /mtsho pad+mas gang ba bzhin zhes bya ba ni pad+ma dang bcas pa'i mtsho bzhin du'o/ /sa gzhi de ni dga' byed yin zhes bya ba ni sa rnams dga' bar 'gyur ba'o/ /yin bshad pa zhes bya ba ni sbyin pa'i 'bras bu yongs su bsngo ba'o/ /mi sdug pa zhes bya ba ni rus gong la dmigs pa la sogs pa'i chags pa med pa'i sems so/ /bla mkhyen ces bya ba ni btsun mo'i 'khor gyi spyan no/ /dad pa spel bar bya zhing zhes bya ba ni tshul dang mthun par rjes su bsgrubs pas so/ /rjes su snying brtse bar bya'o zhes bya ba ni sbyin par bya ba'i chos blang ba la sogs pa'o/ /tshigs su bcad pa'i dbyangs kyis zhes bya ba ni/ rta brgya dang ni gser brgya dang/ /dre'u dang shing rta brgya dag dang zhes bya ba la sogs pa'i tshigs su bcad pa 'don pas so/ /rgan zhugs zhes bya ba ni yun ring du lon nas rab tu byung ba'o/ /shing shun zhes bya ba ni shing ljon pa'i shun pa'o/ /gos zhes bya ba ni bgo ba la sogs pa'i gos so/ /phur shog cing 'dug pa zhes bya ba ni gos kyi tshogs dag sbrang phur shog phur shog zer zhing 'dug pa'o/ /byug ris zhes bya ba ni sa'o/ /dngos po bdun po dag ces bya ba ni sngan nang tshangs can dang/ 'og gzhi dang/ steng g.yogs dang/ gding ba dang/ bde ba dang/ sngas dang/ rten ma'o/ /pad+ma'i mig can dag ces bya ba ni dga' ba la bod pa'o/ /gru bo che zhes bya ba ni 'degs pa'i snod do/ /phrogs shig phrogs shig bya ba ni 'khyer cig ces bya ba ste/ gus par bsgrim pa'i phyir lan gnyis su smas so// 'phong gi slob dpon zhes bya ba ni 'phong gi rig byed la mkhas pa'o/ /bton te zhes bya ba ni smras te'o/ /gso sbyong zhes bya ba ni tshul khrims gso ba'o/ /mi mchog 'dul ba'i kha lo bsgyur mdzad pa/ /kun sbyor 'chid pa gcod pa de bzhin gshegs/ /dbang po zhi zhing nyer zhi zhi la mkhas/ /mnyan yod bzhugs pas bka' bzhin byed pa gsungs/ /zhes bya ba la/ mi mchog 'dul ba zhes bya ba ni 'phags pa shA ri'i bu la sogs pa lta bu bden pa'i snod du rung ba'i gdul ba dag go /kha lo bsgyur mdzad ces bya ba la sogs pa ni bcom ldan 'das kyi yon tan gyi khyad par ro/ /kun sbyor zhes bya ba ni rjes su chags pa dang/ khong khro ba dang/ nga rgyal dang/ ma rig pa dang/ lta ba dang/ mchog tu 'dzin pa dang/ the tshom dang/ phrag dog dang/ ser sna'i kun tu sbyor ba dgu po dag go /'chid ba zhes bya ba ni 'dod chags dang/ zhe sdang dang/ gti mug gi 'chid ba stug po dag go /gcod pa zhes bya ba ni gdul ba rnams kyi kun tu sbyor ba dang 'chid ba de dag gcod par mdzad pa'o/ /dbang po zhi zhing zhes bya ba ni rang gi'o/ /nyer zhi zhes bya ba ni lam mo/ /zhi la zhes bya ba ni mya ngan las 'das pa la'o// mkhas zhes bya ba ni mkhyen pa'o/ /bka' bzhin byed pa zhes bya ba ni slob ma rnams la'o/ /gsung zhes bya ba ni go bar mdzad pa'o/ /ming 'dogs par byed pa ni nyams so/ /zhes bya ba ni don med cing ngal ba zhig byas so/ /zhes bya ba'i tha tshig go /lhag ma dang bcas par bzho bar bya ba'o zhes bya ba ni 'dod zho'i lhag ma dang bcas par bzho ba bzhin du tshod shes par bya'o zhes bya ba'i tha tshig go / phyogs bzhi pa'i dge slong gi dge 'dun zhes bya ba ni phyogs bzhin gnas pa'o/ /mtshan mo 'gebs pa zhes bya ba ni mtshan mo de dag 'gebs shing mi snang bar bya ba'i tha tshig go / gtsug lag khang zhes bya ba ni thun mong ma yin pa'o/ /'dug gnas zhes bya ba ni gzhan dang thun mong ba'o/ /dus kyi 'khor zhes bya ba ni gnyi bzhur gyi 'khor lo'o/ /bdun pa zhes bya ba ni chos gos glegs bu bdun pa'o/ /lnga pa zhes bya ba ni chos gos glegs bu lnga pa'o/ /rgya chang zhes bya ba ni ska rags sprul gyi mgrin pa lta bu'o/ /shur bu zhes bya ba ni ska rags leb leb pa'o/ /lcag pod ces bya ba ni ska rags rgyun spom pa'o/ /shur bu phre'u zhes bya ba ni ska rags rgyun phra mo'o/ /tsham ngam zhes bya ba ni rab tu sdang ba'i sems med pas bsdigs par bya ba'o/ /yo byad bcu gsum zhes bya ba ni snam sbyar dang/ bla gos dang/ mthang gos dang/ sham thabs dang/ sham thabs kyi gzan dang/ rdul gzan dang/ rdul gzan gyi gzan dang/ gding ba dang/ skra bzed dang/ rnag gzan dang/ g.yan pa dgab pa dang/ khrus ras dang/ dbyar gyi ras chen dang/ yo byad kyi gos so/ /legs srungs zhes bya ba ni legs par gsungs pa gsungs pa'o/ /rkang gnyis gtso bo zhes bya ba ni lha dang mi'i gtso bo'o/ /gang bstan pa zhes bya ba ni bka' stsal pa'o/ /g.yul las sngar bar zhes bya ba ni g.yul dor 'jigs pa'o/ /rgan pa'i mdza' zhes bya ba ni rgan pa'i yul lo/ /gzhon pa'i mdza' zhes bya ba yang gzhon pa'i yul lo/ /rgan zhugs zhes bya ba ni rgan pa'o/ /'phang los rlogs pa'i sa zhes bya ba ni shing rta'i 'phang lo btegs pa'i sa'o/ /mtshams med pa zhes bya ba ni bar chad med pa ste sems can dmyal bar skya ba'i phyir bar du gcod par mi nus pa ni bar med pa ste/ bar chad med par sems can dmyal ba rnams su skye ba'i las zhes bya ba'i tha tshig go /spang leb ces bya ba ni bkru bshal bya ba'i dbyug pa'o/ /'dul ba rnam par 'byed pa'i tshig rnam par bshad pa slob dpon dul ba'i lhas nye bar sbyar ba las pham par gyur pa'i tshig rnam par bshad pa rdzogs so/ / //yangs pa can zhes bya ba'i grong khyer de khyim yangs pa'i phyir ro/ /spre'u rdzing gi 'gram zhes bya ba ni spre'us brkos pa'i rdzing gi rgyun dogs na'o/ /khang pa brtsegs pa'i khang bzang ba zhes bya ba ni gtsug lag khang gi ming ngo/ /chu srin nya'i rigs zhes bya ba ni nya dang 'dra ba ste mjug ma la sogs pa nya'i rnam pa dang 'dra ba'o/ /las ma mthong ba zhes bya ba ni dge ba dang mi dge ba'i las ji lta ba bzhin du mi shes pa zhes bya ba'i tha tshig go / mes pa zhes bya ba ni rma chung zhig byung ba'o/ /rnam par smas zhes bya ba ni rma chen po byung ba'o/ /ral pa zhes bya ba ni cung zhig ral ba'o/ /ltad mo zhes bya ba ni ya mtshan gyi blos lta 'dod pa'o/ /ston pa drug po zhes bya ba ni 'od srungs rdzogs byed dang/ kun tu rgyu gnag lhas kyi bu dang/ smra 'dod kyi bu mo'i bu yang dag rgyal ba can dang/ ka ta'i bu nog can dang/ mi pham skra'i la ba can dang/ gcer bu pa gnyen gyi bu zhes bya ba mu stegs can rnams kyi lam ston par byed pa dag go /rtog par byed ces bya ba ni rnam par dpyod par byed pa'o/ /mkhyen pa zhes bya ba ni ye shes kyis so/ /gzigs pa zhes bya ba ni spyan gyis so/ /rig pa zhes bya ba ni snyan gyis so/ /rnam par mkhyen pa zhes bya ba ni yid kyi rnam par shes pas so/ /thugs rje chen po ldan pa zhes bya ba ni thugs rje bla na med pas bskyod pa'o/ /'jig rten la phan par zhugs pa zhes bya ba ni rjes su bsgrubs pas so/ /bsrung ba gcig pu ba zhes bya ba ni rtag tu dran pa nye bar bzhag pa'i go bsrungs dang ldan pa'o/ /nyag gcig dpa' ba zhes bya ba ni grogs la mi bltos pa'o/ /gnyis pa med pa zhes bya ba ni 'dra ba gnyis pa med pa'o/ /gnyis su mi gsung pa zhes bya ba ni shin tu nges par gsung ba ste/ snga phyi 'gal ba mi gsungs pa'o/ /zhi gnas dang lhag mthong gi zhugs pa zhes bya ba la/ zhi gnas zhes bya ba ni ting nge 'dzin te/ nyes pa zhi bar byed pa'i phyir ro/ /lhag mthong zhes bya ba ni shes rab mkhas pa ste/ lhag mthong gi skye ba mkhas par byed pa'i phyir ro/ /rig pa gsum gsal bar mdzad pa zhes bya ba ni sngon gyi gnas dang/ shi 'pho ba dang/ skye ba dang/ zag pa zad pa mkhyen pa'i rig pa gsum pa gsum ston par mdzad pa'o/ /bslab pa gsum la legs par bslabs pa zhes bya ba ni lhag pa'i tshul khrims dang/ lhag pa'i sems dang/ lhag pa'i shes rab kyi bslab pa gsum rjes su bsgrubs pa'o/ /dul ba'i gnas gsum gyi gzhi la mkhas pa zhes bya ba ni gcig tu 'jam pa dang/ gcig tu rtsub pa dang/ 'jam rtsub 'dres pas 'dul ba'i gnas gsum la mkhas pa'o/ /chu bo bzhi las rgal ba zhes bya ba ni 'dod pa dang/ srid pa dang/ lta ba dang/ ma rig pa'i chu bo las brgal ba'o/ /rdzu 'phrul gyi rkang pa bzhis spyod pa'i gzhil legs par gnas zhes bya ba ni 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang sems dang/ brtson 'grus dang/ dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o/ /bsdu ba'i dngos po bzhil yul ring po nas yongs su sbyang ba mdzad pa zhes bya ba ni sbyin pa dang/ snyan par smra ba dang/ don mthun pa dang/ don spyod pa la yun ring po nas goms par mdzad pa'o/ /mi 'jigs pa bzhis bsnyengs pa mi mnga' ba zhes bya ba ni yang dag par rdzogs pa'i sangs rgyas pa nyid dang/ gang la zag pa zad pa nyid nges par 'byung ba'i lam ston pa dang/ bar du gcod pa'i chos de bzhin du bstan pa la bsnyengs pa mi mnga' zhing khyu mchog glangs po che'i gnas su dam 'cha' la/ 'khor gyi nang du seng ge'i sgra yang dag par sgrog pa'o/ /yan lag lnga spangs pa zhes bya ba ni 'dod pa la 'dun pa dang/ gnod sems dang/ rmugs pa dang/ gnyid dang/ 'gyod pa dang/ rgod pa dang/ the tshom zhes bya ba'i 'khor bar byed pa'i yan lag lnga po dag spangs pa'o/ /'gro ba lnga las yang dag par 'das pa zhes bya ba ni lha dang/ mi dang/ sems can dmyal ba dang dud 'gro dang yi dags kyi 'gro ba lnga las so/ /yan lag drug dang ldan pa zhes bya ba ni rdzu 'phrul gyi yul dang/ lha'i rna ba dang/ sems kyi rnam grangs dang/ 'chi 'bod dang/ skye ba dang/ zag pa zad pa shes pa dag brnyes pa'o/ /pha rol tu phyin pa drug yongs su rdzogs pa zhes bya ba ni sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab kyi pha rol tu phyin pa dag yongs su rdzogs pa ste/ de dga' phel ba'i phyir ro/ /rtag tu gnas pa drug gis gnas pa zhes bya ba ni mig dang/ rna ba dang/ sna dang/ lce dang/ lus dang/ yid kyi rnam par shes par bya ba yul drug po dag la rtag tu dran pa dang shes bzhin gyis gnas pa'o/ /byang chub kyi yan lag bdun gyi me tog gis byug ba zhes bya ba ni dran pa yang dag byang chub kyi yan lag dang/ chos rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms yang dag byang chub kyi yan lag go /lam gyi yan lag brgyad ston pa zhes bya ba ni yang dag pa'i lta ba dang/ yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tshog dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin gyi ngo bo nyid kyi 'phags pa'i lam ston par mdzad pa'o// mthar gyis gnas pa'i snyoms par 'jug pa dgu la mkhas pa zhes bya ba ni bsam gtan bzhi dang/ gzugs med pa bzhi dang/ 'gog pa'i snyoms par 'jug pa la'o/ /stobs bcu'i stobs dang ldan pa zhes bya ba ni gnas dang gnas ma yin pa mkhyen pa'i stobs dang/ las bdag gir bya ba mkhyen pa'i stobs dang/ bsam gtan dang/ rnam par thar pa dang/ ting nge 'dzin snyoms par 'jug pa mkhyen pa'i stobs dang/ dbang po mchog dang mchog ma yin pa mkhyen pa'i stobs dang/ mos pa sna tshogs mkhyen pa'i stobs dang/ khams sna tshogs mkhyen pa'i stobs dang/ thams cad du 'gro ba'i lam mkhyen pa'i stobs dang/ sngon gyi gnas rjes su dran pa mkhyen pa'i stobs dang/ 'chi 'pho dang skye ba mkhyen pa'i stobs dang/ zag pa zad pa mkhyen pa'i stobs dang/ /phyogs bcur snyan pa yang dag par rgyas pa zhes bya ba la/ phyogs bcu zhes bya ba ni phyogs bzhi dang/ phyogs mtshams bzhi dang steng dang 'og go /brgya phrag bcur dbang sgyur ba las khyad par du 'phags pa zhes bya ba la/ brgya phrag bcu zhes bya ba ni phyogs bcu'i 'jig rten gyi khams so/ /der dbang sgyur ba ni 'khor gyi bdag pos te/ stong gi 'jig rten gyi khams su dbang sgyur ba'i tshangs pa'o/ /de las khyad par du 'phags pa ni mthus lhag pa'o/ /nyin lan gsum mtshan lan gsum zhes bya ba ni nyin bar gyi snga dro dang/ gung dang/ phyi dro'i cha gsum/ mtshan mo'i thun dang po dang/ gung dang/ tha ma gsum mo/ /sangs rgyas kyi spyan gyis shes bya ba ni thams cad mkhyen pa'i ye shes kyis so/ /'jig rten la zhes bya ba ni khams gsum pa'i 'gro ba la'o/ /rnam par gzigs nas zhes bya ba ni so sor brtags nas so/ /nyams par 'gyur zhes bya ba ni de dag las ltung ba'o/ /'phel bar 'gyur zhes bya ba ni dge ba dag nye bar sog par 'gyur ba'o/ /gnod pa zhes bya ba ni lus kyi sdug bsngal ba'o/ /nyam nga ba zhes bya ba ni sdug pa dang bral ba'i sdug bsngal lo/ /mi bde ba zhes bya ba ni mi sdug pa dang phrad pa'i sdug bsngal lo/ /gzhol ba dang bab pa dang 'bab pa zhes bya ba ni chung ngu dang 'bring dang chen pa'i rnam pas mngon par phyogs pa'o/ /mtho ris zhes bya ba ni lha'i 'jig rten no/ /thar pa zhes bya ba ni mya ngan las 'das pa'o/ /'bras bu zhes bya ba ni dge sbyong gi tshul gyi 'bras bu'o/ /'dod pa'i dam zhes bya ba ni dngos po'i 'dod pa dang nyon mongs pa'i 'dod pa ste/ 'dam dang chos mthun pa'i phyir ro/ /'phags pa'i nor zhes bya ba ni zag pa med pa'i dad pa dang/ tshul khrims dang/ ngo tsha shes pa dang/ khral yod pa dang/ thos pa dang/ gtong ba dang/ shes rab kyi nor bdun po dag go /'bras bu dang bcas pa zhes bya ba ni gnas pa dad pa la sogs pa'i rims kyis so/ /dge ba'i rtsa ba dag ma bskyed pa zhes bya ba ni thar pa'i cha dang mthun pa dag ma 'phags pa'o/ /yongs su smin pa zhes bya ba ni mthus bskyed cing spel ba'o/ /rnam par grol ba zhes bya ba ni/ 'bras bur gyur pa'o/ /mkhyen pa dang gzigs pa dang zhes bya ba la mkhyen pa zhes bya ba ni/ bya ba yongs su gcod pa'o/ /yang na rang gi ngo bo nges par rtog pa'o/ /gzigs pa zhes bya ba ni/ rtog pa ste bye brag du so sor rtog pa'o/ /smos pa zhes bya ba ni bstod pa byed pa las so/ /chu srin gnas kyi dug can pa zhes bya ba ni rgya mtsho ste/ de ni chu srin gyi gnas kyang yin la dug can yin pa'i phyir ro/ /dus las zhes bya ba ni dus gsum du rlabs 'byung ba'i dus las so/ /srid kyis zhes bya ba ni srid par 'gyur ba'o/ /byams pa zhes bya ba ni spyan ras kyi 'tsho ba'o/ /rtog cing zhes bya ba ni tshol ba'o/ /bya ba lhag par byas zhes bya ba ni thar pa'i lam 'phangs par byas pa'o/ /gdul bar gyur pa'i rgya mtsho chen po zhes bya ba ni gdul ba'i tshogs so/ /'dzum pa zhes bya ba ni zhal cung zad dbye ba'o/ /'od zer zhes bya ba ni 'od 'phro ba'o yang sos zhes bya ba ni bcang cing yang 'tsho ba rnams so/ /thig nag ces bya ba ni gshegs pa la sogs pa'i phyir thig nag po 'debs pa'o/ /bsdus gzhom zhes bya ba ni bsdus te gzhom pa'i sdug bsngal mang po dang ldan pa dag go /ngu 'bod ces bya ba ni rtag tu ngu ba'o/ /ngu 'bod chen po zhes bya ba ni ngu 'bod pas kyang ches rtag tu ngu 'bod do/ /tsha ba zhes bya ba ni rtag tu me 'bar bas tsha ba'o/ /rab tu tsha ba zhes bya ba ni tsha ba bas kyang ches mchog tu tsha ba'o/ /mnar med pa zhes bya ba ni thams cad du mes khyab pas bde ba'i mtshams kyi bar skabs stong pa med pa dang/ sdug bsngal bar du 'chad pa med pa'o/ /chu bur can zhes bya ba ni chu bur 'bus pa'i rnam pa ltar lus skrangs pa'o/ /chu bur rdol ces bya ba ni chu bur rnam par gas pa'i phyir ro/ /so thams thams zhes bya ba ni rtag tu kha dang so dag las sgra thams thams zer ba 'byung ba'i phyir ro/ /gyi hud zer zhes bya ba ni rtag tu kyi hud ces bya ba'i sgra 'byin pa'i phyir ro/ /a chu zar zhes bya ba ni rtag tu a chu zhes zer ba'i sgra 'byin pa'i phyir ro/ /autpal ltar gas pa zhes bya ba la sogs pa yang lus de ltar gas pa zhes bya ba'i tha tshig go / cha ba zhes bya ba ni tsha ba'i sems can dmyal ba brgyad po la sogs pa'o/ /grang ba zhes bya ba ni grang ba'i sems can dmyal ba la sogs pa'o/ /gnod pa'i bye brag ces bya ba ni myong bar 'gyur bar ma nges pa'i las kyi 'bras bu nya mang ba dag go /'di nas shi 'phos nas bya ba ni sems can dmyal ba'i 'gro ba rnams so/ /gzhan du skyes zhes bya ba ni shal ma li'i chel la sogs pa gnas gzhan du'o/ /rgyal tshan bzhi pa zhes bya ba ni rgyal po chen po zhi gnas na gnas pa'i phyir ro/ /sum cu rtsa gsum pa zhes bya ba la/ sum cu rtsa gsum zhes bya ba ni dbang po ste/ de la nyan pa'i phyir sum cu rtsa gsum pa zhes bya ba'o/ /'thab bral zhes bya ba ni skabs 'dir thun sgrogs shes kyang bya ste/ thun brgyad po dag tu bsod nams la spro ba'i sgra sgrogs pa'i phyir ro/ /dga' ba zhes bya ba ni ci dga' ba dang ldan pa'i phyir ro/ /'phrul dga' zhes bya ba ni ci dgar sprul pa dag gis mngon par dga' bar byed pa'i phyir ro/ /gzhan 'phrul dbang byed ces bya ba ni gzhan dag gis sprul pa dag la dbang byed pa'i phyir ro/ /tshangs ris zhes bya ba ni tshangs pa'i 'khor yin pa'i phyir ro/ /tshangs pa'i mdun na 'don ces bya ba ni tshangs pa dang nye ba'i phyir ro/ /tshangs chen zhes bya ba ni tshangs pa'i 'jig rten na bdag po yin pa'i phyir ro/ /'od chung dang tshad med 'od dang 'od gsal zhes bya ba dag ni 'od chung ngu dang 'bring dang chen po nyid dang ldan pa'i bye brag gis go rims bzhin no/ /dge chung dang tshad med dge dang/ dge rgyas zhes bya ba dag kyang dge chung dang 'bring dang chen po nyid kyi bye brag gis go rims bzhin du shes par bya'o/ /sprin med ces bya ba ni dbugs rdub pa dang/ dbugs 'byung ba la sogs pa'i bar chad kyi sprin med pa'i phyir ro/ /bsod nyams skyes zhes bya ba ni yang nas yang du dge ba rtsom pa'i phyir ro/ /'bras bu che ba zhes bya ba rnam par smin pa rgya che zhing rab tu zhi ba'i phyir ro/ /mi che ba zhes bya ba ni zag pa med pa'i chos rtogs pa'i phyir 'bad pa blod pas chud sgrim pa mi che ba'i phyir ro/ /mi gdung ba zhes bya ba ni gdung ba med pa'i phyir ro/ /gya nom snang zhes bya ba ni shes rab kyi rdom pa snang ba'i phyir ro/ /shin tu mthong zhes bya ba ni srid pa tha ma pa nyid kyi shis pa mthong ba'i phyir ro/ /'og min zhes bya ba ni gzugs can thams cad kyi thu bo yin pa'i phyir ro/ /mi rtag pa zhes bya ba ni skye ba dang 'jig pa'i chos can yin pa'i phyir ro/ /sdug bsngal ba zhes bya ba ni mi 'dod pa nyid yin pa'i phyir ro/ /stong pa zhes bya ba ni bdag med pa'i phyir ro/ /bdag med pa zhes bya ba ni rang gi bdag nyid dang gzhan la bdag po mi byed pa'i phyir ro/ /brtsam par bya zhing zhes bya ba ni brtson par gyis shig pa'o/ /'byung bar bya zhes bya ba ni 'khor ba las ngas par 'byung bgyis shig pa'o/ /sangs rgyas bstan pa zhes bya ba ni bden pa bzhi bstan pa la'o/ /'jug pa zhes bya ba ni mngon par brtson par gyis shig pa'o/ /'chi bdag ces bya ba ni 'chi ba'o/ /sde zhes bya ba ni sred pa la sogs pa 'khor ro/ /phan yon bstan pa'i phyir/ skye ba'i 'khor ba rab spangs nas/ /sdug bsngal tha mar byed par 'gyur/ /zhes gsungs te/ skye ba'i 'khor ba zhes bya ba ni skye ba dag tu 'khor ba'i phyir ro/ /sdug bsngal ba zhes bya ba ni skye ba la sogs pa'o// tha mar byed par 'gyur zhes bya ba ni rgyun gcod par 'gyur ba'o/ /stong gsum gyi stong chen po zhes bya ba ni gcig rnams kyi stong dang/ stong rnams kyi stong dang/ stong gi stong rnams kyi stong dag ste/ de dag ni gling bzhi pa dang/ 'dod pa na spyod ipa'i lha'i ris dang/ tshangs ris kyi 'jig rten stong la ni stong chung ngu gcig go / stong chung ngu stong la ni stong 'bring bo gcig go /stong 'bring po stong la ni stong chen po gcig ste de ni stong yang yin la stong chen po yang yin pa stong chen po'o/ /de ni stong gsum lang yin la stong chen po yang yin pas stong gsum gyi stong chen po ste/ gling bzhi pa ther 'bum gyi tshad ces bya ba'i tha tshig go/ /'jig rten gyi khams zhes bya ba ni 'dug pa'i gnas so/ /'das pa'i lam lung ston par bzhed ces bya ba ni gang la 'bras bu thams cad 'das pa'o/ /ma 'ongs pa'i las lung ston par yang bzhed ces bya ba ni gang la 'bras bu nyid ma 'ongs pa'o/ /thal mo sbyar te zhes bya ba ni thal mo pug pug por sbyar ba'o/ /tshogs rnams zhes bya ba ni 'od zer gyi tshogs rnams so/ /zhal gyi sgo nas zhes bya ba ni zhal gyi sgo nas so/ /rgod bral zhes bya ba ni rgod pa spangs nas so/ /zhum pa zhes bya ba ni sems zhum pa nyid do/ /rgyags pa zhes bya ba ni rang gi yon tan la bltos pas khengs pa'o/ /de gnyis las grol ba ni zhum dang rgyags pa rab spangs pa'o/ /mchog gi rgyur gyur pa zhes bya ba ni mya ngan las 'das pa'i rgyu'i ngo bo nyid do/ /dgra thul zhes bya ba ni bdud bzhi'i dgra thul pa'o// byed rgyu ma mchis par zhes bya ba ni rgyu med par te/ 'di la rgyu gang lags shes bya ba'i tha tshig go /rtsa lag ces bya ba ni pad+ma'i rtsa lag ni myu gu'i mtshan nyid gnas pa'o/ /dung zhes bya ba ni dud nyid do/ /pad+ma'i rtsa lag dang dud ltar ro/ /rab zhes bya ba ni zhal bzhad pa'i tshems 'dzum pa ste/ 'dzum zhes bya ba ni cung zad bzhed pa'o/ /de slad ces bya ba ni de'i phyir zhes bya ba ni phyir zhes bya ba'i tha tshig go /bstan pa zhes bya ba ni bod pa'o/ /rang blos zhes bya ba ni rang gi ye shes kyis so/ /dus mkhyen nas zhes bya ba ni lung bstan pa'i dus mkhyen nas so/ /thub pa byu mchog dge sbyong skye dbang po zhes bya ba dag kyang bod pa'i tshig ste/ thub pa zhes bya ba dang/ khyu mchog ces bya ba dang/ de sbyong skye bo'i dbang po 'phags pa'i gang zag gi gtso bo zhes bya ba'i tha tshig go /nyan pa'i skye bo som nyi ldan rnams la zhes bya ba ni nyan thos thos tshom can rnams so/ /de rnams la the tshom skyes pa bsal du gsol zhes bya bar sbyar ro/ /tshig ji lta bu dag gis bsal zhe na/ de'i phyir gsung tshig brtan pa dang/ dam pa dge ba dag gis zhes bya ba gsungs te brtan pa zhes bya ba ni mi g.yo ba'o/ /dam pa zhes bya ba ni don gyi mchog yin pa'i phyir dang/ zab pa'i phyir ro/ /dge ba zhes bya ba ni bzad pa'i phyir dang/ kha na ma tho ba med pa'i phyir ro/ /tshwa chu zhes bya ba ni rgya mtsho'o/ /ri rgyal zhes bya ba ni ri'i rgyal po ri rab po/ /de gnyis lta bur brtan pa gang dag yin pa de dag ni tshwa chu ri rgyal lta bur brtan pa dag go /de dag gang zhe na/ sangs rgyas mgon rnams zhes bya ba dag go /de de bzhin no/ /de de bzhin te/ zhes bya ba ni mthun par bka' stsal pa ste/ gus par mdzad pa'i slad du lan gnyis su bzlas so/ /rgyu med ces bya ba ni rgyu med pa'o/ /rkyen med par zhes bya ba ni rkyen dang bral pa'o/ /dul ba zhes bya ba ni sems kyis mnyam par bzhag pa ste/ nyon mongs pa kun tu 'byung ba spangs pa'o/ /zhi ba zhes bya ba ni lus dang ngag gis so/ /grol ba zhes bya ba ni srid pa gzhan spangs pa'o/ /dbugs phyin pa zhes bya ba ni sdug bsngal med pa'i phyir shin tu sbyangs pa'o/ /thul ba zhes bya ba ni tshul ma yin par spyod pa med pa'i phyir ro/ /dgra bcom pa zhes bya ba ni mchod par 'os pa'i phyir ro/ /'dod chags dang bral ba'i zhes bya ba ni 'dod pa la 'dod chags med pa'i phyir ro/ /mdzes pa zhes bya ba ni rnam par smin pa'i gzugs kyis mdzes pa'o/ /khyu mchog ltar zhes bya ba ni grong mdza' ba dag gi dpe'o/ /glang po che ltar zhes bya ba ni dgon pa pa dag gi dpe'o/ /seng ge ltar zhes bya ba ni nags khrod na gnas pa dag gi dpe'o/ /ngad pa'i rgyal po ltar zhes bya ba ni chu klung gi 'gram na gnas pa'i dpe'o/ /nam mkha' lding pa ltar zhes bya ba ni rgya mtsho'i 'gram na gnas pa dag gi dpe'o/ /bram ze ltar zhes bya ba ni klog pa dag gi dpe'o/ /sman pa mkhas pa ltar zhes bya ba ni nad pa dag gi dpe'o/ /dpa' bo ltar zhes bya ba ni sngar ma dag gi dpe'o/ /sa mkhan ltar zhes bya ba ni lam dag gi dpe'o/ /ded dpon ltar zhes bya ba ni don mthun dag gi dpe'o/ /tshong dpon ltar zhes bya ba ni tshed pa dag gi dpe'o/ /mkhar gyi rgyal po ltar zhes bya ba ni mdza' 'khob pa dag gi dpe'o/ /'khor los sgyur ba zhes bya ba ni 'dzam bu'i gling pa dag gi dpe'o/ zla ba ltar zhes bya ba ni mngon par skabs yod pa dag gi dpe'o/ /nyi ma ltar zhes bya ba ni nyi ma la dad pa dag gi dpe'o/ /yul 'khor srung ltar zhes bya ba la sogs pa rgyal po chen po bzhi ni ri rab kyi bang rim dag na gnas pa dag gi dpe'o/ /thag bzangs ris ltar zhes bya ba ni re gnya' shing 'dzin la gnas pa dag gi dpe'o/ /brgya byin ltar zhes bya ba ni ri rab kyi steng na gnas pa dag gi dpe'o/ /tshangs pa ltar zhes bya ba ni tshangs pa'i 'jig rten na gnas pa dag gi dpe'o/ /de dag thams cad kyang mda' mdzad pa dang 'khor gus pa dang ldan pa'i don du shes par bya'i dngos su khyu mchog ltar ba lang gi tshogs kyi bskor ba la sogs pa nyid ni ma yin par shes par bya'o/ /dbang po rnams kyis shin tu dul ba zhes bya ba ni mig la sogs pa'i dbang po rgyur gyur pa dag gis shin tu dul zhing shin tu dbang du gyur pa'o/ /spyod lam dang spyod pa ma 'khrugs pa zhes bya ba ni 'gro ba la sogs pa 'khrug long med pa'o/ /'o na ji lta bu zhe na de'i phyir chu gter ltar ting nge 'dzin zhes bya ba zhes bya ba la sogs pa gsungs te chu gter zhes bya ba ni rgya mtsho'o/ /ting nge 'dzin zhes bya ba ni brtan zhing mi g.yo ba ste/ de ni rgya mtshor 'gro ba rnams kyi dpe'o/ /sprin ltar chu dang bcas pa zhes bya ba ni zhing ba rnams kyi dpe'o/ /glang po che'i rgyal po ltar dregs pa bral ba zhes bya ba ni dgon pa pa rnams kyi dpe'o/ /skyes bu chen po mtshan sum cu rtsa gnyis kyis legs par brgyan pa zhes bya ba ni/ skyes bu chen po'i mtshan sum cu rtsa gnyis ni zhabs shin tu gnas pa dang/ phyag dang zhabs kyi mthil 'khor lo'i mtshan dang ldan pa dang/ sor mo ring ba dang/ zhabs kyi rting pa yangs pa dang/ phyag dang zhabs 'jam zhing gzhon sha chags pa dang/ phyag dang zhabs dra bar 'brel ba dang/ zhabs 'bar 'bur med pa dang/ byin pa ri dags e Ne ye'i byin pa lta bu dang/ sku ma gtud pa dang/ 'doms kyi spa ba spubs su nub pa dang/ shing n+ya gro d+ha ltar chu zheng gab pa dang/ sku'i spu gyen du phyogs pa dang/ spu re re nas skyes shing g.yas su 'khyil ba dang sku mdog gser 'dra zhing 'od 'dom gang ba ldan pa dang/ pags pa srab pa dang/ bdun mtho ba dang/ ro stong seng ge'i 'dra ba dang/ dpung mgo legs par grub pa dang/ thal gong rgyas pa dang/ sku che zhing drang ba dang/ tshems bzhi bcu mnga' ba dang/ tshems mnyam pa dang tshems thags bzang ba dang/ tshems shin tu dkar ba dang/ 'gram pa seng+ge 'dra ba dang/ ljags ring zhing srab pa dang/ ro bro ba mkhyen pa dang/ tshangs pa'i dbyings dang/ spyan mthon mthing dang/ rdzim pa'i lta bu dang/ dbu gtsug tor dang ldan pa dang/ smin mtshams kyi mdzod spu dud gi mdog 'dra ba g.yas su 'khyil ba dang ldan pa'o/ /dpe byad bzang po brgyad cu sku rnam par mdzes pa zhes bya ba la/ dpe byad bzang po brgyad cu zhes bya ba ni skyes bu chen po'i mtshan sum cu rtsa gnyis po de dag rten tshul gyis 'dzin cing gzugs bzang po mdzes par byed pa'i dpe byad bzang po brgyad cu ste/ de la dpe byad bzang po drug cu ni mgur yan chad ma gtogs pa sku man chad du gtogs pa nyi shu ni mgur yan chad du gtogs pa yin no/ /dal phyag dang zhabs kyi sor mo nyi shu tshigs dang bcas pa dpe byad bzang po nyi shu dang/ phyag dang zhabs gnyis la mthil brgyad brgyad de phyag gnyis la bzhi dang/ zhabs gnyis la bzhi dpe byad bzang po brgyad dang/ long bu gnyis dang pus mo gnyis dang/ brla gnyis te rnam pa drug rgyas pa dpe byad bzang po drug dang/ phyag gi mkhrig ma gnyis dang/ lag ngar gnyis dang/ dpung pa gnyis te rnam pa drug rgyas pa dpe byad bzang po drug dang/ sta zur dpe byad bzang po gcig dang/ rked pa dpe byad bzang po gcig dang/ 'bras bu gnyis dpe byad bzang po gnyis dang/ 'doms dpe byad bzang po gcig dang/ snam brtsos gnyis dpe byad bzang po gnyis dang/ ku do dpe byad bzang po gcig dang/ phyal dpe byad bzang po gcig dang/ lta ba dpe byad bzang po gcig dang/ rtsib logs gnyis dang/ mtshan khung gnyis dang/ nu ma gnyis bsdus pa dpe byad bzang po drug dang/ brang dpe byad bzang po gcig dang/ thugs ka dpe byad bzang po gcig dang/ mgur dpe byad bzang po gcig dang/ rgyab dpe byad bzang po gcig ste/ dpe byad bzang po drug cu po de rnams ni mgur yan chad ma gtogs pa sku man chad du gtogs pa yin no/ /tshems phreng ba gnyis dpe byad bzang po gnyis dang/ dkar than kor dang bcas pa dpe byad bzang po gcig dang/ sgros gnyis dpe byad bzang po gnyis dang/ khur ba shin tu rgyas pa dpe byad bzang po gcig dang/ 'gram pa rgyas shing dbyibs legs pa dpe byad bzang po gnyis te/ spyan gnyis than kor dang bcas pa dpe byad bzang po gnyis dang/ smin ma gnyis dpe byad bzang po gnyis dang shangs kyi spubs gnyis dpe byad bzang po gnyis dang/ dpral ba dpe byad bzang po gcig dang/ spyan gyi gras gnyis dang/ snyan gnyis dpe byad bzang po bzhi dang/ dbu dbu skra dang bcas pa dpe byad bzang po gcig ste/ dpe byad bzang po nyi shu po de dag ni mgur yan chad du gtogs pa yin no/ /gzugs can zhes bya ba ni gzugs kyi sku'o/ /ma 'dres pa'i dran pa nye bar gzhag pa gsum zhes bya ba ni thun mong ma yin pa'i mkhyen pa gsum ste/ gus par nyan pa rnams la sems snyoms pa dang/ gus par mi nyan pa rnams la sems snyoms pa dang/ gus par nyan pa dang/ mi gus par nyan pa rnams la sems snyoms pa'o/ /thugs rje chen po zhes bya ba ni khams gsum pa'i sems can la dmigs pa sdug bsngal nyid gsum gyi rnam par 'jug pa de bzhin gshegs pa'i rgyud la mnga' ba/ ? thabs kyi 'jug pa 'phags pa'i lam bskyed pa mya ngan las 'das pa thob par mdzad pa zag pa dang bcas pa'i blo'o/ /ldan par zhes bya ba ni mda' pa'o/ /nyan thos chen po dag ces bya ba ni mngon par shes pa'i yon tan gyi gtso bor gyur pa'i slob ma dag go /ltad mo zhes bya ba ni mi srid do snyam du the tshom za zhing lta 'dod pa'o/ /ngo mtshar zhes bya ba ni brgya lam na 'byung ba'i chos so/ /rmad du byung ba zhes bya ba ni don dang ldan pa'i chos so/ /cung zhig ces bya ba ni mi shes pa'i rang bzhin no/ /ltad mo bral ba'i dgongs ldan pa zhes bya ba ni ltad mo'i sems spangs pa'o/ /skye ngan zhes bya ba ni skye bo ngan pa dag ste smad pa'i tshig go /don med ces bya ba ni don dang mi ldan pa'o/ /nges par zhes bya ba ni gor ma chag pa'o/ /'phral kho na la zhes bya ba ni gzi brjid mi bzod pa'i phyir theg ma byas pa'o/ /gshegs te zhes bya ba ni byon te'o/ /'gro ba zhes bya ba ni rnam par smin pa las skyes pa'i phung po dag go /skye ba zhes bya ba ni srid pa bar ma la 'byung ba la sogs pa dge ba nyon mongs pa can dang/ nye bar bsags pa las byung ba dang/ rgyu mthun pa las byung ba dag go /tshe phyi ma zhes bya ba ni dus dang po'i srid pa'o/ /yang na 'gro ba ni bar ma do'i srid pa'o/ /skye ba ni skye ba'i srid pa'o/ /tshe phyi ma'i dus dang po'i sred pa la sogs pa dus phyi ma'o/ /chu ji lta ba kho na bzhin du zhes bya ba ni chu'i rjes su 'brang zhing ste/ de ni thang kar 'gro ba dgag pa'i phyir ro/ /mi khom zhes bya ba ni bden pa mthong ba'i skabs med pa'o/ /chags bral zhes bya ba ni yongs su spangs te'o/ /zhi ba'o zhes bya ba ni 'dod chags la sogs pa'i nyes pa dang bral ba'o/ /bsten par dka' ba zhes bya ba ni zil gyis mnan par dka' ba'o/ /bzod par dka' ba zhes bya ba ni mnag bar mi nus pa'o/ /las kyi rgyu ba zhes bya ba ni las kyi 'gro ba ste/ las kyi bye brag ces bya ba'i tha tshig go / nyon la zhes bya ba ni rna ba'i rnam par shes pas so/ /legs par yid la gyis shig ces bya ba ni rgyun nyams su myong bas so/ /rab tu yid la gyis shig ces bya ba ni gsal bar nyams su myong bas so/ /bskal pa chen po bzang po zhes bya ba ni bskal pa mdzes pa ste/ sangs rgyas lnga brgya 'byung ba'i phyir ro/ /drang srong smra ba zhes bya ba ni drang srong gi gnas kyi ming ngo/ /ri dags kyi nags zhes bya ba ni ri dags kyi tshal lo/ /'byor pa zhes bya ba ni dbyig dang gser la sogs pas so/ /rgyas pa zhes bya ba ni grong dang grong khyer la sogs pas so/ /bde ba zhes bya ba ni gnod pa med pas so/ /lo legs pa zhes bya ba ni bza' ba dang btung ba mang bas so/ /skye bo dang mi mang pos gang ba zhes bya ba ni skyes pa dang bud med dang ma ning dang glang po che dang rta dang rnga mo la sogs pas gang ba'o/ /thab mo zhes bya ba ni pha rol gyi yul 'khor dang mkhon pa'o// 'thab pa zhes bya ba ni rang gi yul 'khor dang mkhon pa'o/ /phyi dag? ces bya ba ni pha rol gyi dmag tshogs kyis byas pa'i 'khrug pa'o/ /nad 'khrug ces bya ba ni rang gi dmag tshogs kyis byas pa'i 'khrug pa'o/ /chom rkun zhes bya ba ni g.yon can no/ /mu ge zhes bya ba ni bza' ba dang btung ba dkon pa'o/ /nad ces bya ba ni yams kyi nad la sogs pa'o/ /sA lu'i phreng ba zhes bya ba ni 'bras sA lu'i zhing gi tshar ro/ /bu ram shing gi phreng ba zhes bya ba ni bu ram shing gi zhing gi tshar ro/ /chos dang ldan pa zhes bya ba ni sbyin pa ngang tshul khrims la sogs pa'i chos spyod pa'i phyir ro/ /chos kyi rgyal po zhes bya ba ni rigs pas rgyal srid thob pa'i phyir ro/ /chos kyi rgyal srid byed du bcug go zhes bya ba ni mi rigs pa'i chad pa la sogs pas skye bo la gnod pa byed pas blon po'i tshogs rnams rgyal srid byed du bcug pa yin no/ /shed bu zhes bya ba ni bram ze gzhon nu'o/ /gsang tshig 'dod pa zhes bya ba ni sems kyis te/ gsang tshig ces bya ba ni rig byed dang gsang sngags so/ /gsang tshig 'tshol ba zhes bya ba ni bya bas so/ /rig byed ces bya ba ni nges brjod kyi rig byed dang/ mchod sbyin gyi rig byed dang/ snyan tshig gi rig byed dang/ srid srung gi rig byed do/ /rig byed kyi yan lag ces bya ba ni brda sprod pa dang skar ma'i bstan bcos la sogs pa'o/ /pha rol tu son pa zhes bya ba ni mkhas pa'o/ /ston par gyur pa zhes bya ba ni rten du gyur pa'o/ /zhi ba zhes bya ba ni mi rgod pa'o/ /spyod lam zhes bya ba ni cha lugs kyi'o/ /zhabs la sri zhu bgyid ces bya ba ni mchod par byed par ro/ /chu dogs zhes bya ba'i chu 'gram mo/ /nye reg ces bya ba ni chus khrus byas pa dang/ sbyin blugs pa la sogs pa'i las so/ /yam sreg shing zhes bya ba ni sbyin sreg bya ba'i bud shing ngo/ /kung sa'i rigs ces bya ba la sogs pa ni bram ze'i rigs kyi sgra ste/ drang srong kung sa la sogs pa'i rigs rgyud yin pa'i phyir ro/ /khyab pa zhes bya ba ni chub pa'o/ /skye bo la mkhas pa zhes bya ba ni skye bo 'dzangs pa'o/ /kha rje zhes bya ba ni 'jig rten pa'i 'grub pa'o/ /bsod nams zhes bya ba ni dge pa 'grub pa'o/ /bkra shis zhes bya ba ni sdig pa nyams par byed pa'o/ /gtsang ba zhes bya ba ni rang nyid dben pa'i phyir ro/ /gtsang ba nyid kyi gnas su grags pa zhes bya ba la/ gtsang ba'i dngos po ni gtsang ba nyid de/ de'i gnas zhes bya de'i yul du grags pa'o/ /'gram gnyis na rlan 'phyo ba zhes bya ba ni dogs gnyis kyi mu gnyis ka nas chu'i dbyings kyis gang ba'o/ /chu dgur bco brgyad 'bab pa zhes bya ba ni gya gyur 'beb pa'i gling bco brgyad kyis mtshon pa'i yul lo/ /snyan par smra ba zhes bya ba ni mnyan par smra ba'o/ /sa dang sa gzhi zhes bya ba ni sa nyid do/ /mdzes pa mdzes pa dag ces bya ba ni bzang po dag gi rnam grangs so/ /slob ma la rjes su chags pa dang bcas pa zhes bya ba ni slob ma la dga' ba'o/ /'khor nyung ba zhes bya ba ni g.yog 'khor nyung ba dag go /g.yang gzhi dag ces bya ba ni ri dags la sogs pa'i pags pa dag go /blugs gzar dag ces bya ba ni sbyin sreg rgyu ldugs par byed pa'i gzar bu yu ba ring po'o/ /dgang gzar zhes bya ba ni sbyin sreg rgyus dgang bar bya ba'i gzar bu chen po'o/ /rgol ba'i shing rta zhes bya ba ni rgol ba tshar gcod pa dag gis drang bar bya ba'i shing rta'o/ /dbye tshong sa zhes bya ba ni skye bo'i gnas med pa'i dbye ba stong par nyo tshong byed pa'i gnas so/ /tshong rdal zhes bya ba ni skye bo'i gnas med pa chu klung gi 'gram la sogs par nyo tshong byed pa'i gnas so/ /'dul zhing zhes bya ba ni pham par byed cing ngo// //bam po bdun pa/ lo ma zhes bya ba ni yal ga phre'u'o// rgyal ba dang tshe spel bar byas te zhes bya ba la/ rgyal bas spel bar byas te zhes bya ba ni khyod rgyal bar gyur cig ces shis pa brjod pas spel bar byas te'o/ /tshe spel bar byas te zhes bya ba ni khyod tshe ring bar gyur cig ces shis pa brjod pas spel byas te'o/ /bka' mchid rnam par gtan la dbab pa zhes bya ba ni gtam rnam par gtan la dbab pa'o/ /zhugs lta bu'i shes pas zhes bya ba ni me dang 'dra ba'i shes pa te/ thams cad du mthus thogs pa med pa'i phyir ro/ /rang gi smra ba gsal bar bgyid pa zhes bya ba ni rang gi gzhung lugs rab tu bzhag pa'o/ /gzhan gyi smra ba tshar gcod pa zhes bya ba ni gzhan gyi gzhung lugs dgag pa'o/ /phyogs zhes bya ba ni rang gi gzhung lugs dam 'cha' ba' o/ /gzhan gyi phyogs zhes bya ba ni gzhan gyi gzhung lugs dam 'cha' ba' o/ /phyogs snga ma zhes bya ba ni rang gi gzhung lugs dam 'cha' ba sngar byed pa'o/ /mgron po zhes bya ba ni mngon par 'ongs pa'o/ /rgyud chags zhes bya ba ni rtsod pa'i gnas so/ /rigs pa med pa zhes bya ba ni lung dang 'gal ba'o/ /mi mthun ba zhes bya ba ni snga phyi 'gal ba'o/ /mi 'thad pa zhes bya ba ni rigs pa dang 'gal ba'o// tshar gcad pa'i gnas zhes bya ba ni pham pa'i rgyu'o/ /lam la mi spobs pa zhes bya ba ni lan gyi skabs su cang mi smra bar 'dug pa'o/ /rangs pa zhes bya ba ni spu gyen du 'greng ba'o/ /dga' ba zhes bya ba ni lus kyi bde ba dang ldan pa'o/ /mchog tu dga' ba zhes bya ba ni yid kyi bde ba dang ldan pa'o/ /bram ze zhes bya ba ni bram ze'i 'brel ba'o/ /spyod tshul zhes bya ba ni 'greng ba la sogs bya ba med pa'i rnam pa'o/ /spyod pa zhes bya ba ni 'gro ba la sogs pa'i bya ba'o/ /gtsang sbra zhes bya ba ni dag par byed pa'o/ /kun tu spyod pa zhes bya ba ni rjes su bsgrub pa'o/ /thal ba blang ba zhes bya ba ni byug ris rgyu'o/ /bya? ma bum blang ba zhes bya ba ni chu snod do/ /sa blang ba zhes bya ba ni 'dag rdzas rgyu'o/ lag stabs zhes bya ba ni lag pa bzhag pa'i thabs so/ /thor tshugs zhes bya ba ni skra bcing ba'i thabs so/ /rab bsngags bya ba zhes bya ba ni aoM zhes bya ba'o/ /kye zhes bya ba ni bod pa'o/ /des brjod kyi rig byed ces bya ba ni ri rtsa zhes tshig sbyar ba'i tshad nges par brjod pa'i rig byed de shes pa bskyed pa'i tshig dag go /mchod sbyin gyi rig byed ces bya ba ni tshig sbyar ba'i tshad nges pa med pa dag go /snyan tshig gi rig byed ces bya ba ni brgya byin dang tshangs pa la sogs pa la bstod pa'i tshig go / srid srung gi rig byed ces bya ba ni skye dgu bsrung ba'i thabs ston pa'o/ /'don du bcug go zhes bya ba ni klog tu bcug pa'o/ /ri tsa zhes bya ba ni skad kyi byings te tshig nges pa'i don to/ /yun ring po nas bral ba dag ste zhes bya ba ni yun ring po nas yud rnam par 'chad pa'o/ /bla ma'i tshig shes par dkar ba dag ces bya ba ni yun ring po nas bral ba'i phyir ro/ ci dgar 'gro ba zhes bya ba ni mngon par 'dod pa'i gnas su 'gro ba'i phyir ro/ /ci dgar spyod pas zhes bya ba ni mngon par 'dod pa'i nyal ba dang/ 'chag pa la sogs pa byed pas so/ 'jigs pa zhes bya ba ni skrag pa skyes pa'o/ /bag che ba zhes bya ba ni 'jigs pa skye bar dogs pa'o/ /rgyu rgya chen po dang ldan pa zhes bya ba ni lung rgya chen po dang ldan pa ste/ 'khor ba dang thar pa gnyis thabs dang bcas pa dag sems pa'i phyir ro/ /rgyu zab mo dang ldan pa zhes bya ba ni bdag med pa dang/ mi rtag pa dang stong pa nyid la sogs pa rtogs par dka' ba'i don la sems pa'i phyir ro/ /rgyu bzang po dang ldan pa zhes bya ba ni gzhi la gnas pa'i lung dang ldan pa'i phyir ro/ /'jig rten pa la pham par mi nus pa zhes bya ba ni rten cing 'brel bar 'byung ba la sogs pa 'jig rten pa'i lam la gzhan gyis pham par byed mi nus pa'o/ /'jig rten las 'das pa las gting med pa zhes bya ba ni thar pa dang/ thar pa'i lam la mu stegs can rnams kyi 'jug pa'i lam med pa'i phyir ro/ /mang ba zhes bya ba ni mthu zad pa med pas pham par mi nus pa bstan to/ /mthun pa zhes bya ba ni tha dad par dbye ba med pas pham par mi nus pa nyid bstan to/ /longs spyod dag don du mi gnyer ba zhes bya ba ni bdag nyid la bsnyen bkur byed pa med pas pham par mi nus pa nyid bstan to/ shes rab kyi spobs pa zhes bya ba ni shes rab kyis kun tu spyod pa'o/ /bran zhes bya ba ni khol po'o/ /mdun du byas te zhes bya ba ni te'o/ /mtsho rnams zhes bya ba ni 'bab par byed pas mtsho rnams te/ srid pa gsum po 'dod pa dang/ gzugs dang/ gzugs med pa na spyod pa dag go / ldog par 'gyur zhes bya ba ni phra rgyas su mi 'gyur ba'o/ /lam zhes bya ba ni 'jig rten pa'i 'jug pa'i lam ste/ ma rig pa dang/ 'du byed dang/ rnam par shes pa dag la sogs pa dag go /ldog pa zhes bya ba ni de lugs las bzlog pa'o/ /ma lus par ni 'gag par 'gyur zhes bya ba ni yang 'byung ba'o/ /tshig de dag gis mya ngan las 'das pa la bsam pa yin pas bram ze mi shes so/ /spang ba zhes bya ba ni gya gyu dang po'o/ /gces pa zhes bya ba ni tshig btsan pa'o/ /bstabs par 'gyur zhes bya ba ni gsal bar byas par 'gyur ba'o rab tu shes pa'i bram ze zhes bya ba ni grags pa'o/ /thos pa thob par bya ba zhes bya ba ni grags pa'o/ /bsnyen bkur zhes bya ba ni legs par bsten pa'o/ /lung zhes bya ba ni bstan bcos so/ /rtogs pa zhes bya ba ni 'bras bu'o/ /ji tsam de tsam zhes bya ba ni cung zhig go /mdo sde'i mdza' zhes bya ba ni nges pa'i don gyi mdo sde dag ste/ mdo rnams kyi mthar thug pa yin pa'i phyir ro/ /gnod pa zhes bya ba ni 'gal ba'o/ /chos kyi khrid byed ces bya ba ni chos mngon pa ste/ dngos po'i rnam par bzhag pa'i khrid par byed pa dang/ mtshon par byed pa dang/ gtan la 'bebs pa yin pa'i phyir ro/ /rnam par dkrug pa zhes bya ba ni drung dbyung ba ste mi rung bar byed ces bya ba'i tha tshig go /chos kyi mngal zhes bya ba ni 'dul ba ste/ 'bras bu'i chos de nas byung ba'i phyir ro/ /yang na chos kyi mngal zhes bya ba ni mdo sde dang/ chos mngon pa nyid yin te/ bsgrub pa'i chos de nas byung ba'i phyir ro/ /brtol ces bya ba ni 'byin pa'o/ /chos kyi rgyal mtshan zhes bya ba ni 'phags pa'i lam ste/ chos thams cad pas de ches lhag par mtho ba'i phyir ro/ /gtibs ces bya ba ni de smad pa'o/ /bdud kyi rgyal mtshan ces bya ba ni sred pa la sogs pa 'jug pa'i rgyu'o// bsgreng zhes bya ba ni de chos su ston pa'o/ /sems can dmyal ba la gzhol ba zhes bya ba ni sems can dmyal ba bas 'bras bu 'gyur ba'o/ /tshig gi mtshon zhes bya ba ni kha zer ba'o/ /chos zhes bya ba ni dngos po rnam par bzhag pa'o/ /so sor rtog pa zhes bya ba ni blos gnyen po sems pa'o/ /'di nyid kyir 'gyur bar zad do zhes bya ba ni kho bo bdag rang la rnam par smin par 'gyur bar zad do/ /zhes bya ba'i tha tshig go /slob pa zhes bya ba ni rgyun tu zhugs pa la sogs pa bdun no/ /mi slob pa zhes bya ba ni dgra bcom pa'o/ /gsungs rab ces bya ba ni bstan pa'o rtsub po zhes bya ba ni zher 'debs pa'o/ /'jigs su rung ba zhes bya ba ni 'jigs par byed pa'o/ /rna ba'i spubs dag ces bya ba ni rna ba'i bu ga dag go /bsam pa zhes bya ba ni sems pa'o/ /bag la nyal zhes bya ba ni sred pa la sogs pa spyad pa'i nyon mongs pa'o/ /khams zhes bya ba ni nyan thos la sogs pa'i rigs so/ /rang bzhin zhes bya ba ni dbang po rtul po nyid la sogs pa'i ngo bo nyid do/ /dro bar gyur pa zhes bya ba ni 'jig rten pa'i shes pa ste/ 'phags pa'i lam gyi me'i drod du gyur pa yin pa'i phyir ro/ /rtse mo zhes bya ba yang 'jig rten pa'i shes pa'i ngo bo nyid de 'khor ba pa'i shes pa'i ri'i rtse mor gyur pa yin pa'i phyir ro/ /bzod pa zhes bya ba ni zag pa dang bcas pa'i blo chung du dang/ 'bring dang chen po ste/ 'phags pa'i bden pa bzhi'i rnam pa la bzod pa'i phyir ro/ /'jig rten pa'i chos kyi mchog ces bya ba ni 'jig rten pa'i shes pa'i mchog ste/ 'phags pa'i lam 'dren par byed pas zag pa dang bcas pa'i chos thams cad kyi mchog tu gyur pa yin pa'i phyir ro/ /sangs rgyas la gzhol ba zhes bya ba ni sangs rgyas la gus pa dang bcas pa'i phyir ro// dman pa dag gis 'dug par byed ces bya ba'i tha tshig go / chos la 'bad pa zhes bya ba ni mya ngan las 'das pa'i sa la sems pa ste/ mya ngan las 'das pa la skyabs su 'jug ces bya ba'i tha tshig go /dge 'dun la bab pa zhes bya ba ni dge 'dun la 'dud pa ste/ chos gos la sogs pas 'bras bu sbyin pa'i phyir ro/ /yongs su gnas pa bsten te zhes bya ba ni nyin mtshan 'das te'o/ /rna cha gdub 'khor g.yo zhing dri ma med pa thogs te zhes bya ba la rna cha gdub 'khor zhes bya ba ni rna cha gdub 'khor can no/ /g.yo zhing zhes bya ba ni yang ba'o// dri ma med pa zhes bya ba ni 'od gsal ba'o/ /thogs te zhes bya ba ni des de nyid do/ /thu ba zhes bya ba ni bla gos kyi grwa 'od kha dog shin tu 'das pa zhes bya ba ni mi las shin tu 'das pa'i kha dog dang ldan pa'i phyir ro/ /mtshan mo la bab pa zhes bya ba ni nam sos pa'o/ /'jig tshogs la lta ba'i ri'i rtse mo nyi shu mtho ba zhes bya ba la/ 'jig tshogs la lta ba zhes bya ba ni nye bar len pa'i phung po lnga'i yul la bdag dang bdag gir shes pa'o/ /ri'i rtse mo zhes bya ba ni 'jig tshogs la lta ba de nyid gzhig dka' ba'i phyir ri dang 'dra'o/ /nyi shu zhes bya ba ni bdag gzugs yin te bdag po dang 'dra ba dang bdag gzugs dang ldan te rgyan dang 'dra ba dang/ gzugs bdag gi yin te bran dang 'dra ba dang/ gzugs la bdag gnas te snod dang 'dra ba dang/ bdag tshor ba yin te/ bdag po dang 'dra ba dang/ bdag tshor ba dang ldan te rgyan dang 'dra ba dang/ tshor ba bdag gi yin te bran dang 'dra ba dang/ tshor ba la bdag gnas te snod dang 'dra ba dang/ bdag 'du shes yin te bdag po dang 'dra ba dang/ bdag 'du shes dang ldan te rgyan dang 'dra ba dang/ 'du shes bdag gi yin te bran dang 'dra ba dang/ 'du shes la bdag gnas te snod dang 'dra ba dang/ bdag 'du byed yin te bdag po dang 'dra ba dang/ bdag 'du byed dang ldan te rgyan dang 'dra ba dang/ 'du byed bdag gi yin te bran dang 'dra ba dang/ 'du byed la bdag gnas te snod dang 'dra ba dang/ bdag rnam par shes pa yin te bdag po dang 'dra ba dang/ bdag rnam par shes pa dang ldan te rgyan dang ldan pa dang/ rnam par shes pa bdag yin te bran dang 'dra ba dang/ rnam par shes pa la bdag gnas te snod dang 'dra ba zhes bdag tu lta ba'i rnam pa nyi shu po dag go /ye shes kyi rdo rje zhes bya ba ni mthong ba'i lam gyis spang bar bya ba'i nyon mongs pa cig car 'dzoms pa'i phyir ro/ /'phags pa'i bden pa bzhi yang dag par so sor rtog par byed pa zhes bya ba ni bden pa bzhi khong du chud par byed pa'i phyir ro/ /sngon gyi pha mes zhes bya ba ni mes po la sogs pa nye du sngon shi ba dag go /mdza' bshes zhes bya ba ni grogs po la sogs pa'o/ /rtsa lag ces bya ba ni nye du'o/ /skabs shes bya ba ni yang dag par 'gyur ba med pa'i phyir ro/ /bsgral bzhes bya ba ni yang rtsogs par 'gyur ba med pa'i phyir ro/ /bkum zhes bya ba ni yang der 'jug pa med pa'i phyir ro/ /phye zhes bya ba ni der 'gro ba'i phyir ro/ /rab grags ces bya ba ni rab tu 'jigs pa'o/ /nyes pa mad ldan pa zhes bya ba ni mtshon dang me dang mer ma la sogs pa'i nyes pa ldan pa'o/ /ngan song shul zhes bya ba ni yang sos la sogs pa'i sgo'o/ /bsod nams rab ldan pa zhes bya ba ni shin tu bzang ba'o/ /mtho ris 'gro ba zhes bya ba ni sum cu rtsa gsum la sogs pa'i mtho ris kyi lam mo/ /mya ngan las 'das pa'i shul zhes bya ba ni 'phags pa'i lam mo/ /thob par 'gyur zhes bya ba ni shes par gyur pa'o/ /shin tu rnam dag ces bya ba ni bod pa'i tshig ste/ bcom ldan 'das kyis nyon mongs pa bag chags dang bcas pa spangs pa'i phyir ro/ /skyon bral zhes bya ba ni zag pa med pa'o/ /dag pa zhes bya ba ni ma nod pa'o/ /thob cing zhes bya ba ni rnyed cing ngo/ /go 'phang zhi ba zhes bya ba ni mya ngan 'das pa'o/ /'phags pa dgyes pa zhes bya ba ni 'phags pa rnams bzhed pa'o/ /sdug bsngal rgya mtsho'i pha rol rgal bar gyur ces bya ba ni 'khor ba las rgal bar gyur ces bya ba'i tha tshig go / 'gro ba lha min mi dang lhas mchod pa/ /skye dang rga dang na 'chi'i bral ba'o/ /srid pa stong du mthong bar rab dkon pa/ /thub pa zhes bya ba dag ni bod pa'o/ /'dud byas zhes bya ba ni zhabs gnyis la phyag byas pa ste/ zhabs gnyis la yan lag lngas 'dud pa byas nas zhes bya ba'i tha tshig go / dgra thul g.yas nas yongs su bskor byas te/ zhes bya ba ni bcom ldan 'das kyis g.yas phyogs nas song ba ste/ g.yas phyogs nas skor ces bya ba'i tha tshig go /mkha' la song zhes bya ba ni bar snang la song zhes bya ba'i tha tshig go / mi mjed kyi bdag po zhes bya ba ni tshangs pa ste sngon bcom ldan 'das 'od srung gi slob ma dge slong du gyur pa'i tshe ming mi 'jed kyi bdag po zhes bya bar gyur pa'i ming de nyid deng sang yang ming du brjod pa'o/ /gzhung kha cig las tshogs kyi bdag po zhes kyang 'byung ste/ bdud kyi 'khor la sogs pa thams cad kyi bdag po nyid yin pa'i phyir med de skad ces bya'o/ /'byor pa che ba zhes bya ba ni dbang phyug gis so/ /mthu che ba zhes bya ba ni nus pas so/ /gzhan zhes bya ba ni rab 'thab bral lam yongs su dga' ldan la sogs pa'o/ /skyes nas myong bar 'gyur ba'i las zhes bya ba ni skyes pa'i mjug thogs su tshe gnyis pa la myong bar 'gyur ba gang yin pa'o/ /lan grangs gzhan la myong bar 'gyur pa'i las zhes bya ba ni tshe rabs gsum la sogs pa'i tshe rabs gzhan gyis rim gyis myong bar 'gyur ba gang yin pa'o/ /lung phog pa zhes bya ba ni gzhan gyi bdag la lung phog pa dang bdag gis gzhan la lung phog pa'o/ /rten cing 'brel bar 'byung ba la mkhas pa shes zhes bya ba ni ma rig pa'i rkyen gyis 'du byed rnams 'du byed kyi rkyen gyis rnam par shes pa zhes bya ba la sogs pa'i rgyud? 'bras bu'i dngos po la thos pa dang bsam pa las byung ba'i shes pa goms pa'o/ /gnas dang gnas pa yin tha la mkhas pa zhes bya ba ni dngos po rnams kyi srid pa dang mi srid pa dag la thos pa dang bsam pa las byung ba'i shes pa ji lta ba bzhin du rnam par 'byed pa'o/ /tshogs kyi dngos po zhes bya ba ni rgyu nyid kyis so/ /lag pa la 'gram pa gtad de zhes bya ba ni 'khur rtsos bzhag ste'o/ /sbyor ba zhes bya ba ni bzhi ste 'dod pa dang/ srid pa dang/ lta ba dang/ ma rig pa'i sbyor ba dag go /yang dag par 'da' bar bya ba ni spang bar bya pa'o/ /thub pa'i dbang po zhes bya ba ni de bzhin gshegs pa'o/ /rigs gces pa ma yin zhes bya ba ni rigs gtso bo ma yin pa ste/ bram ze'am rgyal rigs ni rnam par dag par 'gyur la/ gzhan ni mi 'gyur ba ma yin no/ /khyim zhes bya ba ni phyug po dang/ dbul po dang/ 'bring gi khyim mo/ /rus zhes bya ba ni kauN+Di n+ya'i rus dang/ ba si s+tha'i rus la sogs pa'o/ /khyim ni nye du'i tshogs so/ /rus ni rgyud brgyad pa la sogs pa dang nye du ma yin pa'i tshogs te/ khyim dang ris kyi bye brag ni de yin no/ /sgrub pa zhes bya ba ni mthong ba'i lam la sogs pa rjes su bsgrub pa'o/ /thugs brtse ba'i slad ces bya ba ni thugs rje la brten nas so/ /dge slong tshur shog bya bas zhes bya ba ni bya ba gang la dge slong ces bya ba yod pa de ni dge slong tshur shog pa'o/ /gang la khas blang bar bya ba dang/ byed du 'dzud pa tsam kho nas rdzogs par bsnyen par 'gyur ba ste/ smon lam btab pa'i phyir slob dpon la sogs pa la mi bltos pas de shes bya ba'i tha tshig go / bka' i mjug kho nar zhes bya ba ni bka' stsal ma thag kho nar ro/ /snam sbyar gyon pa'i lus ldan zhing zhes bya ba la snam sbyar zhes bya ba ni snam bur dras zhing sbyar ba'i chos gos te/ gang gi lus la de gyon pa de ni snam sbyar gyon pa'i lus dang ldan pa'o/ /mod la dbang por bzhir gnas gyur te zhes bya ba ni rab tu byung ba'i mod la dbang po rnams rab tu zhi bar gnas par gyur pa'o/ /dgongs pas zhes bya ba ni thugs la dgongs pas so/ /de dag gis ci zhig dgongs par gyur ce na/ de'i lus gzugs skabs par 'gyur zhes bya ba gsungs te/ lus gzugs zhes bya ba rang bzhin du gnas pa'i lus kyi gnas skabs so/ /de bkab pa ni 'gebs shing g.yog par byed pa ste/ cha lugs so/ /cha lugs de dang ldan par gyur ces bya ba'i tha tshig go /grong gi byang phyogs zhes bya ba ni grong nas ha cang mi ring ba'i byang phyogs logs kyi ngos na'o/ /nyon mongs par 'gyur zhes bya ba ni phongs par 'gyur ba'o/ /thos pa nyung ba zhes bya ba ni bstan bcos nyung ngu dang ldan pa zhes bya ba ni bstan bcos ji ltar thos pa bzhin ma bsams pa ste/ mngon par brtson par ma byas zhes bya ba'i tha tshig go / grong tshigs zhes bya ba ni grong gi phyogs so/ /mi rtag pa'i 'du shes zhes bya ba ni 'du byed thams cad mi rtag go zhes bya bar zhugs pa bsam gtan gyi dngos gzhi'i sa pa'i 'du shes so/ /mi rtag pa la sdug bsngal ba'i 'du shes zhes bya ba ni zag pa dang bcas pa mi rtag pa gang yin pa da sdug bsngal ba'o zhes bya ba bsam gtan gyi dngos gzhi'i sa'i 'du shes so/ /sdug bsngal ba la bdag med pa'i 'du shes zhes bya ba ni zag pa dang bcas pa sdug bsngal gang yin pa de rang dbang med do zhes bya bar 'du shes pa bsam gtan gyi dngos gzhi'i sa'i 'du shes so/ /zas la mi mthun pa'i 'du shes zhes bya ba ni zas la mi phyogs pa'i 'du shes so/ /'jig rten thams cad la mngon par mi dga' ba'i 'du shes zhes bya ba ni 'jig rten gsum po dag la mi phyogs pa'i 'du shes so/ /nyes dmigs zhes bya ba ni yongs su gyur pa'i nyes pa'o/ /spong pa zhes bya ba ni zhe sdang la sogs pa nyon mongs pa dang nye ba'i nyon mongs pa 'gog pa'o/ /'dod chags dang bral ba zhes bya ba ni 'dod chags 'gog pa'o/ /'gog pa zhes bya ba ni gzugs la sogs pa spong ba'o/ /shi ba zhes bya ba ni tshe'i 'du byed 'gag pa'o/ /mi sdug pa zhes bya ba ni rus pa'i keng rus la dmigs pa'i 'du shes so/ /rnam par sngos pa zhes bya ba ni lus rul cing sngon por gyur pa'o/ /rnam par rnags pa zhes bya ba ni rnag 'dzag pa'o/ /rnam par bam pa zhes bya ba ni skrengs shing sngos pa'o/ /rnam par 'bus gzhigs pa zhes bya ba ni srin bus gzhigs pa'o/ /rnam par zos pa zhes bya ba ni sha bar bar du zos pa'o/ /rnam par dmar ba zhes bya ba ni dmar ba'i rnam pa'o/ /rnam par 'thor ba zhes bya ba ni yan lag rnam par 'thor ba'o/ /rus gong gi 'du shes zhes bya ba ni thod pa la sogs pa la dmigs pa'i 'du shes so/ /stong pa nyid du so sor rtog pa'i 'du shes zhes bya ba'i 'gro ba la rtog pa'i chos kyi bdag nyid dang gang zag gi bdag nyid kyis stong par sems pa bsam gtan gyi dngos gzhi'i sa'i 'du shes so/ /bsam gtan dang po zhes bya ba ni rtog pa dang bcas shing dpyod pa dang bcas pa'o/ /gnyis pa zhes bya ba ni rtog pa med cing dpyod pa med pa'o/ /gsum pa zhes bya ba ni dga' ba med cing bde ba'o/ /bzhi pa zhes bya ba ni sdug bsngal yang med cing/ bde ba yang med pa'o byams pa zhes bya ba ni kye ma sems can rnams bde bar gyur cig ces mos pa las byung ba bsam gtan gyi dngos gzhi'i sa pa'i zhe sdang med pa ste/ mdza' bshes dag las byung ba'i phyir ro/ /snying rje zhes bya ba ni kye ma sems can rnams ni sdug bsngal lo/ /zhes bya bar mos pa las byung ba bsam gtan gyi sa pa'i zhe sdang med pa'o/ /dga' ba zhes bya ba ni kye ma sems can rnams dga' bar gyur cig ces mos pa las byung ba bsam gtan gyi sa pa'i yid bde ba'o/ /btang snyoms zhes bya ba ni 'di dag ni sems can tsam mo zhes bya bar mos pa las byung ba bsam gtan gyi sa pa'i 'dod pa med pa'o/ /nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched zhes bya ba ni nam mkha' mdza' yas so/ /rnam par shes pa mdza' yas so/ /bdag gi gong na cung zad kyang med do zhes bya bar sbyar ba las byung ba'i phung po bzhi pa'o/ /'du shes med 'du shes med min skye mched ces bya ba ni 'du shes bya mi byed pa'i phyir 'du shes kyang ma yin la/ rdzas su yod pa'i phyir 'du shes med pa'ang ma yin pas/ 'du shes med 'du shes med min gtso che ba'i phung po bzhi pa'o/ /rdzu 'phrul gyi yul zhes bya ba la/ rdzu 'phrul zhes bya ba ni nam mkha' la 'gro ba dang dngos po 'byung ba dang/ bsgyur ba dang byin gyis brlab pa dang dka' ba la sogs pa bsgribs pa la 'jug pa dang/ 'byung ba'i yon tan ni rdzu 'phrul yin no/ /shes pa gang la rdzu 'phrul gyi yod pa de na rdzu 'phrul gyi yul yod pa de ni rdzu 'phrul gyi yul dang ldan pa dang/ dngos gzhi'i bsam gtan gyi pa'i ting nge 'dzin to/ /lha'i rna ba zhes bya ba ni ting nge 'dzin las skyes pa'i rna ba'o/ /sems yongs su shes pa zhes bya ba ni gzhan gyi sems shes pa ste/ 'dis sems yongs su shes par byed pa'i phyir ro/ /sngon gyi gnas zhes bya ba ni sngon gyi skye ba dran pa ste/ sngon gyis gnas shes par byed pa'i phyir ro/ /'chi 'pho ba dang skye ba zhes bya ba ni lta'i mig ste/ 'chi 'pho dang skye ba thod par byed pa'i phyir ro/ /zag pa zad pa zhes bya ba ni zad pa shes pa ste/ zag pa zad pa shes par byed pa'i phyir ro/ /rnam par thar pa brgyad la bsam gtan pa zhes bya ba la/ rnam par thar pa brgyad ni gzugs can gzugs rnams la blta ba dang/ nad gzugs med par 'du shes pas phyi rol gyi gzugs rnams la lta ba dang/ sdug pa'i rnam par thar pa dang/ gzugs med pa'i bzhi dang/ 'gog pa'i snyoms par 'jug pa'o/ /de dag la bsam gtan pa zhes bya ba ni gang rnam par thar pa brgyad po dag la snyoms par 'jug pa'o/ /gnyis ka'i cha las rnam par grol ba zhes bya ba ni nyon mongs pa'i sgrib pa dang/ snyoms par 'jug pa'i sgrib pa las rnam par grol ba gang yin pa'o/ /dbyar zla ba 'bring po nya la zhes bya ba ni dbyar zla ba 'bring po tshes bco lnga la'o/ /dbyar nye bar bsgrub pa'i tshe zhes bya ba ni tshes bcu drug la dbyar gnas par khas blang ba dang/ nye bar gnas pa ste/ tshes bco lnga'i tshe'o/ /ston zla 'bring po'i zla ba nya la zhes bya ba ni ston zla 'bring po'i tshes bco lnga la'o/ /bde ba la reg pa zhes bya ba ni bya ba'i bye brag ste/ der bde ba dang phrad cing rig pa'i phyir ro/ /zang zing cung zad tsam gyi phyir zhes bya ba ni zang zing cung zad tsam gyi don duAng zang zing cung zad tsam gyi ched las so/ /mi'i chos bla ma zhes bya ba ni 'dod pa'i khams las bla ma ste/ gzugs gzugs med pa'i spyod pa dang zag pa med pa'i yon tan no/ /med la zhes bya ba ni mngon du gyur pa'am mi srid pa'o/ /de bzhin du zhes bya ba ni ya thob pa'o/ /rung ngam bya ba ni rigs sam zhes bya'o/ /don nyung ngu dag ces bya ba ni 'dod pa chung ba dag gi yod cing zhes bya ba ni de ltar byung ba nyid du yod pa'o/ /srid pa zhes bya ba ni 'jig rten gyis nye bar dmigs pa'o/ /rkun po zhes bya ba ni ma grags pa'o/ /rkun po chen po zhes bya ba ni grags pa ste/ shin tu tha chad pa yin pa'i phyir ro/ /khyim 'bugs pa zhes bya ba ni rtsig pa 'bigs pa'o/ /mdud pa grol ba zhes bya ba ni gcan 'dral ba 'am sgo gtan 'byed pa la sogs pas sgo 'byed pa'o/ /ril gyis 'brog pa zhes bya ba ni ma lus par 'phrogs pa'o// lam sgugs shing 'dug pa zhes bya ba ni lam 'gog par byed pa 'am/ bseb lam la 'joms par byed pa'o/ /me gtong ba zhes bya ba ni khyim du me gtong bar byed pa'o/ /lam po 'jog par byed pa zhes bya ba ni 'gron po 'jog par byed pa zhes bya ba'i tha tshig go /rgyal po'i mdzod rku ba zhes bya ba ni rgyal po'i phyag mdzod rku bar byed pa'o/ /gzhan yang zhes bya ba ni rnam pa gzhan yang zhes bya ba'i tha tshig go /gzhal bar zhes bya ba'i 'bras bu thug po tshe dang til dang gro la sogs bre chung la sogs pas gsal bar bya ba'o/ /'tsho bar byed pa zhes bya ba ni bdag nyid 'tsho bar byed pa'o/ /khyim mi gso bar byed pa zhes bya ba ni khyim gyis gza' mi gso bar byed ces bya ba'i tha tshig go /rkun po chen po gsum zhes bya ba la/ dang po ni 'khor mang pa'i phyir rkun po chen po yin no/ /gnyis pa ni zhing chen po la nyes pa byed pa'i phyir rkun po chen po yin no/ /gsum pa ni don chen po nyams par byed pa'i phyir rkun po chen po yin no/ /lha dang bcas pa ste zhes bya ba ni dbang po dang bcas pa sum cu rtsa gsum pa man chad na dbang po gtso bo yin pa'i phyir ro/ /bdud dang bcas pa zhes bya ba ni bdud sdig can dang bcas pa ste/ 'dod pa'i khams na bdud gtso bo yin pa'i phyir ro/ /tshangs pa dang bcas pa zhes bya ba ni tshangs pa chen po dang bcas pa ste/ tshangs pa'i 'jig rten man chad 'khor dang ldan pa rnams kyi nang na tshangs pa gtso bo yin pa'i phyir ro/ /dge sbyong dang bram zer bcas pa'i skye dgu zhes bya ba ni mi rnams kyi nang na dge sbyong dang zam ze gtso bo yin pa'i phyir ro/ /lha dang mir bcas pa zhes bya ba ni 'gro ba ni 'gro ba lngar skye ba'i sems can rnams kyi nang na lha dang mi rnams 'ba' zhig bdan pa rnams kyi snod yin gyi gzhan dag ma yin ba'i phyir ro/ de ni tshangs bcas 'jig rten rkun po ste zhes bya ba ni gsum po de ni mi chos bla ma nyams par 'dod pa'i phyir ches rkun po nyid yin pa'o/ /tshul khrims 'chal ba yin par brjod par bya zhes bya ba mi cho ga la skyon chags pas tshul khrims 'chal ba ste rkun po dang 'dra bar brjod par bya'o/ /mngon par mi shes shing zhes bya ba ni bsam gtan dang gzugs med pa'i sa pa'i shes pa gang zag pa dang bcas pas so/ /yongs su mi shes pa zhes bya ba ni zag pa med pas so/ /mdza' zhes bya ba ni mjug gi mthar thug pa sta mya ngan las 'das pa'o/ /'phags pa'i bye brag pa zhes bya ba ni zag pa med pa thob pa'o/ /shes pa zhes bya ba ni rjes su 'tshol ba'i shes rab po/ /mthong ba zhes bya ba ni rjes su tshol ba'i shes rab po/ /reg par spyod pa zhes bya ba ni bde bar gnas pa'o/ /bsob ces bya ba ni don des stong pa'o/ /gsog ces bya ba ni de sa bon gyi stong pa ste/ grib ma tsam dang yang bral ba'o/ /brdzun pa zhes bya ba ni der 'du shes pa dang yang bral ba'o/ /zhi gnas kyi rgyu mtshan zhes bya ba ni ting nge 'dzin ma grub pa'o/ /rang gi mtshan nyid 'dzin pa zhes bya ba ni phyogs gcig pa ste/ lus la sogs pa'i rang gi ngo bo la dmigs pa'i phyir ro/ /'jig rten pa'i yid la byed pas zhes bya ba ni 'dod pas spyod pa'i bsam pa las 'byung bas so/ /rnam par mnan pas zhes bya ba ni bgags pas so/ /mngon pa'i nga rgyal zhes bya ba ni grib ma tsam mthong ba la yon tan thob par nga rgyal byed pa'o/ /ma gtags sa zhes bya ba ni mngon pa'i nga rgyal can gyis don brdzun pa yang dag pa'i 'du shes kyis brjod par byed pa la brdzun du smra ba med pas ltung ba med do zhes gsungs pa'i phyir de ma gtogs so/ /bslab pa 'dod pa zhes bya ba'i bslab pa don du gnyer ba'i yid dang ldan pa'o/ /bslab pa la gus zhes bya ba ni bslab pa dag la rdzas kyi blo dang ldan pa'o/ /bslab pa la yi byed bsnyungs pa zhes bya ba ni bslab pa la 'du 'ji gzhan bsnyungs te rjes su bsgrub pa'o/ /de dang rjes su mthun pa zhes bya ba ni de dang rjes su 'dra ba'o/ /de'i shas che ba zhes bya ba ni de'i 'bras bu dang ldan pa'o/ /de dang 'tsham pa zhes bya ba ni 'dra ba'o/ /rjes su gnang ba ma gtogs so/ /mngon par mi shes pa dang yongs su mi shes zhes bya ba ni gzugs la sogs pa mi rtag pa dang stong pa la sogs pa'i rnam pa dag gis ma rtogs pa yin par shes par bya ba'o/ /sgrib pa lnga po zhes bya ba ni 'dod pa la 'dun pa dang/ gnod sems dang rmugs pa dang gnyid dang/ rgod pa dang 'gyod pa dang/ the tshom ste sems kyi sgrib pa yin pa'i phyir ro/ /dge sbyong gi tshul gyis 'bras bu zhes bya ba la/ dge sbyong gi tshul zhes bya ba ni 'phags pa'i lam ste de dag de'i 'bras bu yin pa'i phyir ro/ /sdug bsngal shes pa zhes bya ba ni mi rtag pa dang sdug bsngal ba dang/ stong pa dang/ bdag med pa'i rnam pa dag gis skyes pa zag pa med pa'i shes pa'o/ /kun 'byung ba zhes bya ba ni rgyu dang/ kun 'byung dang rab tu skye ba dang/ rkyen gyi rnam pa dag gis skyes pa zag pa med pa'i shes pa'o/ /'gog pa zhes bya ba ni 'gog pa dang/ zhi ba dang gya nom pa dang/ nges par 'byung ba'i rnam pa dag gis skye ba zag pa med pa'i shes pa'o/ /lam shes pa zhes bya ba ni lam dang/ rigs pa dang/ sgrub pa dang/ nges par sbyin pa'i rnam pa dag gis skyes pa zag pa med pa'i shes pa'o/ /sdug bsngal mthong ba zhes bya ba ni 'bras bur gyur pa nye bar len pa'i phung po lnga po dag go / 'gog pa mthong ba zhes bya ba ni mya ngan las 'das pa'o/ /'gog pa mthong ba zhes bya ba ni 'phags pa'i lam yan lag brgyad pa'o/ /'di mthong zhes bya ba la sogs pas ni 'dir sgra thos pa dang da ltar 'gro ba la sogs pa dag kyang mthong ba nyid du gsungs te/ mngon sum du gyur pa nyid kyis mthong ba dang 'dra ba'i phyir ro/ /lha rnams zhes bya ba ni brgya byin la sogs pa'o/ /klu rnams zhes bya ba ni klu phra mo rnams so/ /gnod sbyin rnams zhes bya ba ni lha'i gnas su mchod par bya ba gtor ma rnams so/ /nam mkha' lding rnams zhes bya ba ni 'dab bzangs rnams so/ /dri za rnams zhes bya ba ni lha rnams kyi glu dang rol mo byed pa rnams so/ /mi 'am ci rnams zhes bya ba ni dud 'gro mi'i rnam pa can shin tu gzugs bzang po dang ldan pa rnams so/ /lto 'phye chen po rnams zhes bya ba ni klu chen po ste/ dga' bo dang nye dga' la sogs pa klu'i bdag po rnams so/ /yi dags rnams zhes bya ba ni rkang pa phyir lta ba ltogs pa rnams so/ /sha za rnams zhes bya ba ni yi dags kyi bye brag ste sha dang khrag za ba nag po chen po la sogs pa dag go /grul bum rnams zhes bya ba ni yi dags kyi rnam pa nyid de/ de dag gi yan lag gi rnam par 'bras bu bum pa'i rnam pa 'dra ba ste bum sna la sogs pa dag go / srul po rnams zhes bya ba ni yi dags kyi bye brag go /lus srul po rnams zhes bya ba yang yi dags kyi bye brag nyid de/ thung ngu lus dri nga ba sreg dang re lde la sogs pa gyon pa dag go/ rdul khrod kyi 'dre 'am zhes bya ba ni phyag dar khrod kyi 'dre 'am tshub ma'i nang na 'dug pa'i 'dre'o/ /bdag kyang lhan cig gnas par byed ces bya ba ni lhan cig na 'dug pa'o/ /dri sa zhes bya ba ni glengs pa'o/ /ma dris zhes bya ba ni ma glengs pa'o/ /'du shes zhes bya ba ni mtshan mar 'dzin pa'o// bsgyur zhes bya ba ni sbas pa'o/ /bzod pa zhes bya ba ni rang gi bsam pas byas pa'i yid ches pa'o/ /'dod pa zhes bya ba ni gzhan gyis bstan pa byas pa'i yid ches pa'o/ /blo gros zhes bya ba ni sna dang lce dang lus kyi rnam par shes pa dang lhan cig skyes pa'i shes rab bo/ /rtog pa zhes bya ba ni rtags las skyes pa'i shes pa'o/ /lta ba zhes bya ba ni mig gi rnam par shes pa dang rtags can gyi yul dang ldan pa'i yid kyi rnam par shes pa'o/ /lha rnams mthong zhes bya ba la sogs pa ni mngon par shes pa'i 'bras bu yin pa'i phyir de smra ba yang mi chos bla ma smra ba nyid yin no/ /rdul khrod kyi sha za rnams ni phal cher tha mal ba'i dbang pos gzung bar bya ba yin pa'i de dag mthong ba la sogs par smra ba ni sbyor bar gyur pa yin pa'i phyir nyes pa sbom por 'gyur ba nyid yin no/ /grong med pa zhes bya ba ni grong dang bral ba'o/ /'tsho bar mi byed pa ni 'phags pa'i chos rnams yin pa'i phyir te/ khas len pa yang mi'i chos las bla mas smras pa nyid yin no/ /stan khro bo nye bar bkra ba zhes bya ba yang de bzhin du shes par bya ba'o/ /khro bo zhes bya ba ni rgya che ba nyid kyis so/ /nye bar bkra ba zhes bya ba ni chung ngu nyid kyis so/ /zhi gnas kyi rgyu mtshan rang gi mtshan nyid 'dzin pa ni 'jig rten pa'i lam yin pas mi'i chos bla ma ma yin pa'i phyir de smra ba ni sbyor ba nyid yin no/ /bdag nyid la nye bar ston pas zhes bya ba ni lus kyis sam yid kyis yin gyi tshig ni ma yin par shes par bya'o/ /tshig med pa'i phyir ni bdag nyid kyi yul yin te/ smra ba med pa'i phyir ni smad do// //li tsa ba'i zhes bya ba ni go la'i rigs la sogs pa dang 'dra bar rigs kyi ming yin no/ /mchog gsum pa zhes bya ba la/ mchog gcig bcom ldan 'das so/ /gnyis pa ni 'phags pa shA ri'i bu'o/ /gsum ni 'phags pa maung+gal gyi bu chen po'o/ /mngon du mchi na zhes bya ba ni mngon sum du 'gro ba'o/ /ba shiSh+ThI rigs zhes bya ba ni drang srong ba shiSh+Thi'i rigs rgyud do/ /mgu ba zhes bya ba ni 'jigs pa med pa'o/ /pham pa zhes bya ba ni zil gyis mnan pa ste snying tshogs gtso bo dag skyel ba'i phyir ro/ /skrag pa zhes bya ba ni breng ba ste bstan pa nyams pa'i phyir ro/ /bcom pa zhes bya ba ni g.yul ngo nas phyir log pa'o/ /gzhan rgyal ba zhes bya ba ni g.yul gyi sar rab tu nyams pa'o/ /rgyab kyis phyogs par bya ste zhes bya ba ni 'bros par brtsams pa ste bstan pa nyams pa'i phyir ro/ /phyir de'i rgyab bstan ces bya ba'i tha tshig go/ rgya mo 'am mchil bas dbyug pas zhes bya ba ni kha cig ni rgya mos 'byin par byed/ kha cig ni mchil bas 'byin ces bya ba'i tha tshig go /'chi ba'i shugs kyis brdos pa zhes bya ba ni 'chi ba'i phyir brtul ba'o/ /sbrengs nas zhes bya ba ni bskyon te srungs par byed ces bya ba'i tha tshig go /'tsho ba zhes bya ba ni stobs dang ldan pa'o/ /kun shes pa zhes bya ba ni khyad par du 'phags pa'i shes pa'o/ /brda sprod pa zhes bya ba ni de ston pa'o/ /chos kyi dbang du byas pa zhes bya ba ni chos kyi dbang du byas pa yin gyi/ zang zing gi dbang du byas pa ma yin zhes bya ba'i tha tshig go /'drums pa ltung bas zhes bya ba ni ches ral ba ltung bar byed pas so/ /'du shes de lta bus zhes bya ba ni dang por rgyal ba'i 'du shas so/ /ji ltar spangs pa can dag gi zhes bya ba la sogs pa ni yangs pa can dag la ji ltar 'gyur ba de gzhan du bzlog pa ste rgyal po khab pa yang de ltar gyur pa'i 'dres cig yod klog par byed pa kha cig las mdor bsdus pa'i tshig yin te/ gang la rgyal na yangs can pa pham la/ yul spong byed du 'ongs na ma skyes dgra pham pa zhes bya ba'i tha tshig go / sgra phyung nas zhes bya ba ni 'brug mi gsal bar grag pa'o/ /sa rgyas btab ces bya ba ni char pa'i thig pas bkra bar gyur pa'o/ /char cung zad kyang phebs pa zhes bya ba ni char pa chung zad 'bebs pa'o rgyu lnga dang rkyen lnga zhes bya ba la/ nye ba'i byed rgyu ni rgyu'o/ /brgyud pa byed rgyu ni rkyen no/ /mi mnyam pa'i klung zhes bya ba ni khrug long byed pa'i shugs dang ldan pa'o/ /danDa ka'i dgon pa dag ces bya ba ni shing sta la sogs pa'i nags dag go /ka li ma ka'i dgon pa dag ces bya ba ni gang na ka lingka nas byung ba'i glang po che 'dug pa'o/ /ma tangka'i dgon pa dag ces bya ba ni gang na gdol ba'i rigs ma tangka zhes bya ba ri khrod pa dag 'dug pa'o/ /'bebs par byed ces bya ba ni 'jig par byed pa'o/ /lha'i bu char gyi shugs can dag ces bya ba ni char la dbang ba dag go / rab tu myos pa zhes bya ba ni sems kyis mi gtong pa'o/ /bag med pa zhes bya ba ni lus dang ngag gis mi gtong ba'o/ /lha zhes bya ba ni lha'i phyogs su gtogs pa klu chen po'o/ /chos ma yin pa'i 'dod chags zhes bya ba ni spyod par rung ba ma yin pa'i 'dod chags te/ pha ma la sogs pa la 'jug pa'i phyir ro/ /'dod pa dka' ba zhes bya ba ni 'dod pa chen po ste/ srog gtong ba la sogs pas nor bsgrub pa'i phyir ro/ /chos log pa zhes bya ba ni log par lta ba'o/ /gcer bu pa zhes bya ba ni mu stegs gcer bu pa'o/ /rtog ge'i shes pa zhes bya ba ni rtogs par byed pa mtshan ma'i bstan bcos so/ /tshar bcad nas zhes bya ba ni smad nas so/ /shes pa mtshol 'khrul ba yod kyi zhes bya ba chos nyid kyis lta bu la nor ba yod ces bya ba'i tha tshig /skyob pa zhes bya ba ni bstan pa ste/ rje dang bden pa gsung pa zhes bya ba'i tha tshig go / bzhi pa 'di dag ni zhes bya ba la sogs pa la/ bsam par mi bya ba dag yin te zhes bya ba ni chos nyid kyis mngon par shes par mi bya ba dang/ rnam par dpyad par mi bya ba dag yin pa'o/ /rmongs pa zhes bya ba ni shes pa man par 'gyur pa'o/ /bdag la sems pa zhes bya ba ni bdag gang yin gang nas 'ongs zhes bya ba la sogs pa gang zag bdag la so sor rtog pa'o/ /'jig rten la sems pa zhes bya ba ni gang zag gzhan pa so sor rtog pa'i las kyi rnam par smin pa zhes bya ba ni ji ltar 'di dag 'gag nas las kyi rnam par smin pa skye bar 'gyur zhes bya ba la sogs pa las dang 'bras bu la so sor rtog pa'o/ /sangs rgyas rnams kyi sangs rgyas kyi yul zhes bya ba ni bcom ldan 'das kyi 'jig rten las 'das pa'i mkhyen pa ni ci 'dra ji ltar ma 'ongs pa gzigs/ ji ltar 'das pa gzigs/ ji ltar btang snyoms su mdzad/ ji ltar thag ring por myur du gshegs zhes bya ba la sogs pa thun mong ma yin pa'i sangs rgyas kyi yul la so sor rtog pa'o/ /de na dbang por gnyis ni bdag med pa dang/ rten cing 'brel par 'byung ba zab pa'i phyir bsam gyis mi khyab pa nyid yin no gsum pa ni rgyu dang 'bras bu'i dngos po dang/ 'das pa dang/ ma 'ongs pa'i dus shin tu zab pa'i phyir ro/ /bzhi pa ni rigs gzhan gyi sangs rgyas kyi yul gzhan dag la shin tu zab pa'i phyir ro/ /'du shes de lta bus zhes bya ba ni khye'u yod pa yid kyi 'du shes kyis so/ /so sor rig par ma byas par zhes bya ba ni sngar go bar ma byas par ro/ /zhun mar mang po dang sbyar ba zhes bya ba ni zhun mar mang pos btab pa'o/ /sgo ba zhes bya ba ni sgo srungs pa'o/ /yal na zhes bya ba ni nyi ma 'khrul pa'o/ /chu dron zhes bya ba ni chu'i rgyun dron mo'o// tshul bzhin yid la byed pa zhes bya ba ni rnam par rtog pa dge ba ste/ tshul bzhin yid 'khor ba'i lam mam mya ngan las 'das pa yin la/ bzhin zhes bya ba ni de bstod pa yin pa'i phyir ro/ /yan lag dang po nyid kyis zhes bya ba ni bsil bas so/ /nye tshe ba'i sems can dmyal ba zhes bya ba ni thams cad dang thun mong ma yin pa'i sems can dmyal ba ste/ kha cig skye ba'i gnas yin pa'i phyir ro/ /'du shes de lta bus zhes bya ba ni 'ong ba'i 'du shes kyis so/ /dal gyis 'bab ces bya ba ni lha rnams kyi rdzing bu 'dzam bu'i gling 'di na mtsho ma dros pa dang/ ri spos kyi dad ldan gnyis kyi bar na yod do gang gi 'gram na glang po che'i rgyal po rab brtan 'dug pa'o/ /sgra skad ces bya ba ni glang po che'i skad do/ /rnam par bshig ces bya ba ni rnam par nyams pa'o/ /bral zhes bya ba ni rgyun chad pa'o/ /'du shes de lta bus zhes bya ba ni rnam par ma langs pa'i 'du shes kyis so/ /slob dpon dul ba'i lhas 'dul ba rnam par 'byed pa'i tshig rnam par bshad pa nye bar sbyar ba las pham par 'gyur ba bzhi pa'i tshig rnam par bshad pa rdzogs te/ pham par 'gyur ba rnams kyi tshig rnam par bshad pa rdzogs so/ / //ba lang gi lci ba sar pa zhes bya ba ni gnam pa'o/ /byug pa zhes bya ba ni zhal zhal lo/ /lus ma bsrungs zhes bya ba ni yul ma yin pa las phyir ma blan pa'o/ /dbang po rnams kyi ma bsdams pa zhes bya ba ni dbang po rnams kyis nges par ma byas pa'o/ /dran pa nye bar bzhag par zhes bya ba ni dran pa nye bar ma gtang bar ro/ /bzod ces bya ba ni 'dod pa 'am nad med pa nyid do/ /'tsho ba zhes bya ba ni 'phrod pa 'am/ nad mnan pa'o/ /rims nad ces bya ba ni lus kyi gdung ba'o/ /yongs su gdung ba'o zhes bya ba ni yid kyi gdung ba'o/ /lus kyi bsnyen bkur zhes bya ba ni lus kyi kun tu spyod pa dang/ lus kyi longs spyod de sprod pa las byung ba zhes bya ba ni tha tshig go /mi gtsang ba shor cing zhes bya ba ni khu ba byung bar gyur te zhes bya ba nyid kyis bshad de/ de la bye brag tu ni mi gtsang ba shor cing zhes bya ba ni khu ba rang gi gnas nas 'phags pa'o/ /khu ba phyung bar gyur zhes bya ba ni phyi rol tu snang bar gyur pa'o/ /'du shes bya ba ni dge slong nyid du shes pa dang/ yul du 'du shes pa'o/ /sems pa zhes bya ba ni khu ba phyung bar shes so/ /tha snyad du byar rung ba ma yin te zhes bya ba ni lus dang ngag gi las dang/ rnam par rig byed dang rnam par rig byed ma yin pa'i gzugs brnyan brtan par 'jug mi nus so zhes bya ba'i tha tshig go / 'di ltar rmi lam gyi sems ni rnam par shes pa'i tshogs la sogs pa'i gzugs brnyan yin pa dang/ yid kyi rnam par shes pa ni kha nang du ltas te/ 'jug pa yin la/ kha phyir lta ba'i sems kyis ni tha snyad slong bar byed pa'i yin pa'i phyir ro/ /dbang bskur bar 'os la zhes bya ba ni dbang bskur bar rig par bya'o/ /gnas pa zhes bya ba ni nye bar zhi ba ste/ brtan pa zhes bya ba'i tha tshig go /mtshams thob pa zhes bya ba ni rgyal po tshul dang ldan pa'o/ /sna chen po la gtogs pa 'khor lo'i mdza' ba zhes bya ba ni blon po chen po 'khor los sgyur ba'i 'khor lo chen po che skyong bar byed pa'o/ /bska ba zhes bya ba ni gang ba'o/ /sla ba zhes bya ba ni slan te'o/ /yongs su ma smin pa zhes bya ba ni nor ma sngon pa ste lus las su mi rung ba nyid do/ /de las bzlog pa ni yongs su smin pa'o/ /bud med kyis dub pa dang khur gyis dub pa dang/ lam gyis dub pa'o zhes bya ba ni bud med la sogs pa ha cang bston grags pas lus nyams pa'o/ /gta' gam zhes bya ba ni lang tsho nyams pa'o/ /ya zam lug ces bya ba ni lus la ji ltar zos pa de bzhin du thur du mdzag pa 'am/ bcings pas nyams pas chings ma bkrol yang bcings pa bzhin du 'gro bas sgrog bkrol zhes kyang bya'o/ /de dag ni khams pa yin pa'i phyir kha ba sla ba yin no// de ma thag tu phyung ba zhes bya ba ni gzhan gyi bar du mchod par kho na rang gi gnas nas 'phral la byung ba ste/ dang po kho nar gnas 'thon ces bya ba'i tha tshig go /dge 'dun la rag lus pa zhes bya ba ni de spyangs pa'i phyir chad pa'i las bya ba dge 'dun las bya ba dge 'dun las thob pa'i phyir ro/ /dge 'dun dang 'brel pa zhes bya ba ni chad pa'i las dge 'dun nyid kyis sbyin pa yin pa'i phyir ro/ /dge 'dun la brten pa zhes bya ba ni chad pa'i las dge 'dun gyi yul nyid la spyod par bya ba yin pa'i phyir ro/ /dge 'dun las rnam par ldang bar 'gyur zhes bya ba ni 'byung ba zhes bya ba rnam par spyad pa yang dag dge 'dun nyid kyis bya ba yin pa'i phyir ro/ /lhag ma med pa zhes bya ba ni spyad pa'i thabs thun mong med pa'i phyir ro/ /lhag ma dang bcas pa zhes bya ba ni sbyangs pa'i thabs thun mongs yod pa'i phyir ro/ /gzhi lngas zhes bya ba ni rgyu rnam pa lnga'o/ /bde ba 'dod pa zhes bya ba ni bde ba 'dod pas 'byin pa'o/ /sa bon 'dod pa zhes bya ba ni bu bskyed pa'i phyir sa bon gyi dngos po nyid du khu ba yongs su 'tshol ba'o/ /rigs sngags 'dod pa'o zhes bya ba ni khu ba 'byin pas gsang sngags kyi rig pa bsgrub par 'dod pa'o/ /sman 'dod pa zhes bya ba ni khu ba phyung na phan pa nyid du 'dod pa'o/ /brtag pa 'dod pas zhes bya ba ni khu ba 'byung bsad pa'i phyir 'jug pa byed pas so/ /rang gi gzugs nye bar len cing zhes bya ba ni yan lag gi rnam pas nang gi rgyud du gtogs pa lag pa la sogs pa gzugs kyi phung yul nyid du len pa zhes bya ba'i tha tshig go / sems par byed ces bya ba ni 'byin par 'dod pa'o/ /rtsol bar byed ces bya ba ni reg pa'i bya ba 'drud pa la sogs pa'i byed pa'o/ /khu ba 'byin na zhes bya ba ni dang po rang gi gnas nas 'byin par byed pa'o/ /ril gyis 'chang bar byed ces bya ba ni lag pa la sogs pas yan lag gi rnam pa kun 'byin par byed pa'o/ /dam du 'chad bar byed ces bya ba ni de ltar ril gyis bcangs pa la dam du 'dzin par byed pa'o/ /bye brag nges par myong ba'i bde ba zhes bya ba ni bud med dang skyes pa kun tu sprod pa'i gnas skabs na bde ba gang yod pa dang/ yan lag gi rnam pa bcu dang/ sbub? 'dog pa'i gnas skabs na bde ba gang yod pa'o/ /byung la thug pa'i bde ba zhes bya ba ni khu ba 'byung ba'i gnas na bde ba gang skye ba'o/ /dad? las pa'i bde ba zhes bya ba ni 'dod chags kyi gdung ba dang bral ba'i gnas skabs na bde ba gang 'byung ba'o/ /dge slong gis bde ba la sogs pa 'dod pas nang gi gzugs la sogs pa nye bar len pa sems par byed rtsom par byed pas khu ba 'byin pa na yang dngos gzhir 'gyur ro/ /sems bar byed rtsol bar byed pas khu ba 'byin na yang dngos gzhir 'gyur ro/ /sems par byed rtsol bar byed/ ril gyis 'chad par byed/ dam du 'chad bar byed la/ des kyang bye brag nges par myong ba'i bde ba nyams su myong bar byed cing khu ba byin na yang dngos gzhir 'gyur ro/ /sems par byed/ rtsol bar byed ril gyis 'chad bar byed/ dam du 'chad bar byed la/ des kyang bye brag tu nges par myong ba'i bde ba dang byung la thug pa'i bde ba nyams su myong bar byed cing 'khu ba 'byin na yang dngos gzhir 'gyur ro/ /sems par byed rtsol bar byed/ ril gyis 'chad bar byed/ dam du 'chad par byed la/ des kyang bye brag nges par myong ba'i bde b a dang 'byung ba'i bde ba dang dang las pa'i bde ba nyams su myong bar byed cing khu ba 'byin par byed na yang dngos gzhir 'gyur ro zhes bstan pa'i phyir dge slong gis bde bar 'dod pas nang gi gzugs nye bar len cing zhes bya ba ni 'dres drug gong nas gang du smos par rig par bya'o/ /phyi rol gyi gzugs nye bar len pa zhes bya ba ni phyi rol dang gzhan gyi rgyud du gtogs pa dang rang gi rgyud du gtogs pa'i lag pa dang bcas pa la sogs pa'i gzugs kyi phung po yal nyid du nye bar len cing zhes bya ba'i tha tshig go /gang byed pa zhes bya ba ni cung zad gar byed pa'o/ /rab tu gar byed pa zhes bya ba ni shas cher gar byed pa'o/ /de gnyis yan lag gi rnam pa la sreg pa med pa'i phyir nyes pa sbom por 'gyur ro/ /shugs btang ste zhes bya ba la/ shugs zhes bya ba ni de ma thag tu khu ba 'byung ba ltar 'gyur ba ste/ de'i gnas skabs su lus kyi brtsal ba btang na khu ba 'byin pa rdzogs par ma byas pa nyid yin pas de'i sbyor ba las byung ba'i nyes pa sbom por 'gyur ro/ /spubs su 'ongs pa zhes bya ba ni khu ba 'byung ba'i gnas nas sngar 'phos na yan lag gi rnam pa'i sgor ma byung ba'i skabs su khu ba bar du las te de las sbyor ba phyi mas brtsal te 'byin na de ni dang po 'byung ba ma yin pa'i phyir nyes pa sbom por 'gyur ro/ /kun tu mnyed pa'i bde ba nyams su myong bar byed cing zhes bya ba ni yan lag gi rnam pa las gzhan pa'i lus kyi phyogs dag tu reg pa'i bde ba nyams su myong ba ni kun tu mnyed pa'i bde ba nyams su myong ba zhes bya ba ste/ de yang lag gi rnam pa la reg pa med pa'i phyir nyes pa sbom por 'gyur ro/ /bye brag nges par myong ba'i bde ba nyams su myong bar byed cing zhes bya ba ni bud me dang skyes pa kun tu sprang pa'i gnas skabs na bde ba gang yod pa de la tshul bzhin ma yin pas rnam par rtog cing khu ba 'byin na de yang nyes pa sbom por 'gyur ro/ /de ni yan lag gi rnam pa la reg pa med pa'i phyir nyes pa sbom por 'gyur gyi/ yan lag gi rnam pa la reg pa yod na ni dngos gzhi nyid du 'gyur ro/ /bye brag nges par myong ba'i bde ba zhes bya ba 'di ni dpe tsam ste/ byung la thug pa'i bde ba nyams su myong ba bsgrub pas dge slong gi yid kyis de'i bdag nyid khas len pas ji tsam du byung ba la thug pa'i bde ba dang dang las pa'i bde ba la rnam par rtog pa de tsam du yan lag gi rnam pa la reg pa med par khu ba 'byin na yang nyes pa sbom por 'gyur ro/ /rang gi yan lag gi rnam par 'jal bar byed ces bya ba ni khu ba 'byin pa'i 'dod chags kyis zhes bya bar shes par bya ste/ de la ni rtsol ba med pa'i phyir nyes pa sbom por 'gyur ro/ /'dir 'chal pa zhes bya ba ni dpe tsam du zad de reg pa gzhan yang de dang 'dra bar shes par bya'o/ /lta na nyes byas su gyur ro/ /zhes bya ba ni chags pa'i sems dang ldan pa nyid ni yan lag gi rnam pa lnga'o/ /chu'i rgyun las bzlog pa'i phyogs su gtong bar zhes bya ba ni yan lag gi rnam par 'bab chu'i rgyun las bzlog pa'i phyogs su gtad de kun tu chags pa'i sems kyis khu ba 'byin na de yang nyes pa sbom por 'gyur ro/ /rdzi phyogs ma yin par gtod pa yang gtang ba de dang 'dra bar shes par bya'o/ /chu'i rgyun phyogs su gtong pa zhes bya ba ni chu'i rgyun phyogs su yan lag gi rnam pa chags pa'i sems kyis gtod par byed na nyes byas su 'gyur ro/ /rdzi phyogs su gtod par byed pa yang de bzhin du shes par bya'o/ /bdag ni sems can du bgrang ba'i reg pa med pa'i phyir na med do/ /phyi rol tu mtshed pa zhes bya ba ni sgo'i them pa la'o/ /khu ba 'byin pa'i dge 'dun lhag mi'i tshig rnam par bshad pa ste dang po rdzogs so/ / //bam po brgyad pa/ grong khyer chen po drug ces bya ba ni mnyan yod dang/ yangs pa can dang/ ba ra NA si dang/ tsampa ka dang/ gnas bcas dang/ rgyal po'i khab po/ /'tsho ba zhes bya ba ni 'tsho ba'i thabs so/ /mi shes zhes bya ba ni gtam gyis so/ /rnam par mi shes pa zhes bya ba ni dpag pas so/ /zla ba ltar rgyu zhes bya ba ni zla ba bzhin du lan 'ga' snang ba'o/ /mi khyim pa zhes bya ba ni skabs med pa ste/ dus nges pa'i dus med pa'o/ /dus ma lags so zhes bya ba ni skabs ma yin pa ste bar du chod pa'i dus med pa'o/ /kun dga' i ra ba zhes bya ba ni 'dir rgyal byed kyi tshal la bya'o/ /gtsug lag khang zhes bya ba ni gnas khang ngo/ /mkhas pa gang zhig ces bya ba la sogs pas ni skye bo mkhas pa gang zhig rab tu dang ba'i sems kyis sangs rgyas kyi mchod rten dag la bskor ba'i phyir gom pa 'dor bar byed pa de'i 'bras bu ni mya ngan las 'das pa yin pa'i phyir de las dgongs nas dzam+bu chu bo gser gyis srang tshad stong phrag brgya yang de dang mnyam pa ma yin no zhes gsungs so/ /srang tshad ces bya ba ni srang brgyad? kyi tshad do/ /kha cig na re srang brgya'i tshad ces kyang zer ro/ /tshig pa'i bsod snyoms zhes bya ba ni 'bras chan tshig pa'o/ /yang na tshig pa'i zhes bya ba ni bye brag ste dman pa zhes bya ba'i tha tshig go /'dren pa zhes bya ba ni lo nyi shu rtsa lnga la sogs pa lon pa'o/ /tshangs par spyod pa mngon par spyad pa zhes bya ba ni lam thob pa'o/ /snam sbyar gyi rgyal mtshan thogs pa zhes bya ba ni dge slong dag go /de'i dang po zhes bya ba la sogs pa la/ bskor mi nus pa zhes bya ba ni bskor bar mi nus pa'o/ /chos dang ldan pa zhes bya ba ni mya ngan las 'das pa'i chos dang mthun pa'i phyir ro/ /chos kyi 'khor lo zhes bya ba ni bden pa mthong ba ste/ 'phags pa'i lam ni 'khor lo dang 'dra ba'i phyir ro/ /don ces bya ba ni da ltar gyi 'bras bu'o/ /phan pa zhes bya ba ni dus gzhan na pa'o/ /bde? ba zhes bya ba ni gtan du'o/ /rjes su thugs brtse ba zhes bya ba ni snying rje pa'o/ /lan gsum du bzlas te zhes bya ba ni mthong ba'i lam dang/ slob pa'i lam dang/ mi slob pa'i lam dag las bzlas pa'i phyir ro/ /rnam pa bcu gnyis su zhes bya ba ni bzlas pa re re la yang sdug bsngal dang/ kun 'byung ba dang/ 'gog pa dang/ lam gyi rnam pa dag yod pa'i phyir ro/ /bskor ba zhes bya ba ni bskyed pa'o/ /shing sa la chen po lta bu zhes bya ba ni 'byor pa rgya chen po ste/ shing sa la'i tshal ltar mtho ba zhes bya ba'i tha tshig go /smon pa zhes bya ba ni smon pa dor ba'o/ /sbyor ba'i grong zhes bya ba ni de dag tu gser dngul la sogs pa spel ba nyid kyis sbyor bar byed pa'i phyir ro/ /mchil ma'i thal ba zhes bya ba ni bad kan no/ /bu mangs kyi mchod rten zhes bya ba ni bu rang sangs rgyas su gyur pa sum cu rtsa gnyis kyi phyir mas brtsigs pa'i mchod rten zhes bya ba ni bzhin gshegs pa la sogs pa'i yon tan rnams kyi gzugs brnyan du gyur pa ste bsam pa nyid kyis bkra ba zhes bya ba'i tha tshig go / yang na dran pa nye bar gzhag pa la sogs pa'i yon tan de dag gi gzugs brnyan no/ /dge slong gi sdom pa zhes bya ba ni dge slong gi tshul khrims te dge slong gi dngos po'o/ /'dod pa chung ba zhes bya ba ni bya ba byed nus pa tsam gyis bsod snyoms la sogs pa 'tshol ba'i phyir ro/ /chog shes pa zhes bya ba ni bya ba byed nus ba tsam gyis bsod nams la sogs pa thob pas mgu ba'o/ /sbyangs pa'i yon tan smra ba zhes bya ba ni chos gos gsum pa la sogs pa sbyangs pa'i yon tan dag la bstod par byed ces bya ba'i tha tshig go / mchog thob pa'i bu zhes bya ba ni 'phags pa shA ri'i bu'i pha bram ze rgyal zhes bya ba de klog pa la sogs pa phun sum tshogs pa yin pas rgyal pos dgol ba'i longs spyod kyi bram ze rnams kyi mchog tu bkur ba yin te/ de'i bu yin pa'i phyir ro/ /lo brgyad gnyis su zhes bya ba ni lo bcu drug tu'o/ /dbang pa'i brda sprod pa zhes bya ba ni lha'i dbang po brgya byin gyis byas pa'i bya ka ra Na 'bum gyi tshad yin no/ /zhes 'jig rten pa dag zer ro/ /shes rab chen po zhes bya ba ni rang gi chos la rtogs pas shes rab che ba'i phyir ro/ /spobs pa chen po zhes bya ba ni gzhan la go bar byed pa la shes rab che ba'i phyir ro/ /cha zhes bya ba ni cha shas so/ /cod pan med pa'i rgyal srid ces bya ba ni rgyal thabs kyi cod pan mgo la bcings pa med pa'i srid de rgyal po nyid ma yin la rgyal po dang 'dra ba'i rgyal srid ni yod pa'i phyir ro/ /bsgul kun tu bsgul/ kun tu rab tu bsgul/ zhes bya ba ni chung dang/ 'bring dang/ chen po'i gnas skabs so/ /skal ba bzang po zhes bya ba ni shin tu bkra shis pa ste bsod nams dang ldan pa'o/ /yab kyi mchod kyi sras zhes bya ba ni khu'i sras so/ /gzhon pa'i snod ces bya ba ni rgya mtsho'i gru bo che'o/ /zham ring na nye bar spyod pa zhes bya ba ni drung 'dug pa'o/ /yang dag par bkur ba zhes bya ba ni mngon par dad par byas pa'o/ / mang du thos pa zhes bya ba ni bstan bcos mang du thos pa'o/ /thos pa 'dzin pa zhes bya ba ni tshig mi rjed pa'o/ /thos bsags pa zhes bya ba ni don mi brjod pa'o/ /sru'i sras zhes bya ba ni skye dgu'i bdag mo chen mo'i sras so/ /dbang po dag gi sgo bsdams pa zhes bya ba ni mig la sogs pa'i dbang po rnams kyis zag pa'i sgo bsdams pa'o/ /mthu dang ldan pa zhes bya ba ni mthu che ba ste dbus kyi yul mdza' dag phebs par byed pa zhes bya ba'i tha tshig go /mon sran gre'u yi phye mas bskus pa zhes bya ba ni de'i byug pas bskus pa'o/ /be'u phyug gis snying po can zhes bya ba ni ras bal las byas pa'i gos spu dang bcas pa dag gis bkab pa zhes bya ba'i tha tshig go /gnas drug po dag ces bya ba ni don drug po dag go /dbus pa'i gnas zhes bya ba ni yul dbus so/ /dral cing zhes bya ba ni 'dod chags kyis rmas pa ste 'di ni 'dod chags kyis dbang gis reg pa'i lhag ma la sogs pa gsum po dag ston par byed pa'o/ /gzhog steg ces bya ba ni mig zur byed pa la sogs pa'o/ /'phyar g.yeng zhes bya ba ni rab tu rgyug pa'o/ /mtho 'tsham pa zhes bya ba ni phan tshun mkhyud pa'o/ /kun tu rtse ba zhes bya ba ni lag nas 'dren pa la sogs pas dga' bar byed pa'o/ /kun tu ca co 'don pa zhes bya ba ni sgra mi gsal ba chen po 'byin pa'o/ /lus bsgyur ba zhes bya ba ni lus kyis rdebs pa'o/ /gang las chu 'byung ba zhes bya ba ni phyogs gang nas chu 'bab pa'o/ /de las 'bar zhes bya ba ni phyogs de las me 'bar ba'o/ /gang las skyob pa zhes bya ba ni srung pa'o/ /'jig pa med las zhes bya ba ni 'jig pa dang 'bral bas so/ /skyabs las zhes bya ba ni srang bar byed pa las so/ /bde ba zhes bya ba ni phyi rol gyi gnod pa med pa'i phyir ro/ /zhi ba zhes bya ba ni rang nyid nye bar zhi ba'o/ /bde legs brjod pa zhes bya ba ni bkra shis smra ba'o/ /bde legs su 'gyur ba zhes bya ba ni bde legs zhes bya ba ni bzang ba mya ngan las 'das pa ste/ de skyed par byed ces bya ba'i tha tshig go / 'jigs pa zhes bya ba nang nas skrag pa'o/ /yams zhes bya ba ni mi ma yin pas byas pa'i gnod pa'o/ /gnod pa zhes bya ba ni mis byas pa'i gnod pa'o/ /'go ba'i nad ces bya ba ni 'byung ba chen po'i 'khrug pas las gyur pa'i gnod pa'o/ /'khrugs pa zhes bya ba ni lus la gnod pa'o/ /rtsom pa des zhes bya ba ni thabs su nges so/ /tshig bzhi pa'i tshigs su bcad pa zhes bya ba ni sdig pa thams cad mi bya ste zhes bya ba ni tshig cig go /dge ba phun sum tshogs par bya ba ni tshig gnyis so/ /rang gi sems ni yongs su gdul zhes bya ba ni tshig gsum mo/ /'di ni sangs rgyas bstan pa yin zhes bya ba ni tshig bzhi pa ste/ gzhan dag la yang de bzhin du sbyar ro/ /dbang po yongs su smin par bya ba zhes bya ba ni cha gnyis te bden pa mthong bar byed pa la ni dad pa la sogs pa'i dbang po yongs su smin pa dag go / grong pa'i chos mthong bar zhes bya ba ni pho dang mo'i dbang po yongs su smin par bya'o/ /yan lag gis zhes bya ba ni rgyu gang gis so/ /lus reg par byed dga' ? zhes bya ba ni lus gnyis bar chad med pas reg par byed pa'o/ /lag pa nas bzung ngam zhes bya ba la sogs pas ni/ lus kyi rag pa'i ngo bo nyid bstan to/ /dam zhes bya ba ni sgra ni 'dir bsdu ba'i don des na rtsom pa gcig tu gyur pa'i lag pa dang/ rkang pa dang lan bu la sogs pa la 'dzin pa dag byed na dge 'dun lhag ma gcig kho nar 'gyur gyi re res mi 'gyur ro zhes bya ba'i tha tshig go/ gang dag dam zhes bya ba'i sgra dag yang rung ba'i don du khas len cing lan bu la bzung ba yang dangs gzhir smra ba de dag ni ltung ba bstan pa lan bu ma smos pa dang yang 'gal gzhu ba las kyang/ spu dang san mo dang so la sogs pa la reg pa la sbom por gsungs pas dngos gzhir mi rung ngo/ /chags pa dang/ kun tu chags pa dang/ kun nas dkris pa zhes bya ba dag ni chung ngu dang/ 'bring dang/ chen po'i gnas skabs so/ /gyur pa zhes bya ba ni rnam par gyur pa ste yul de dang 'brel bar 'dod bar gyur ces bya ba'i tha tshig go /'dir ni reg pa la sogs pa'i bde ba 'dod pa la ltung ba 'di dang 'og ma gnyis 'byung bar ston to/ /rtog pa dang ldan pa zhes bya ba ni byams pa dang ldan pa'o/ /'brel pa zhes bya ba ni dbang du gyur pa nyid do/ /rnam pa de dag ma gtogs pa zhes bya ba ni 'dod chags dang brel ba'i gnas skabs so/ /ston nus pa zhes bya ba ni bong tshod 'bring ste skyes pa'i lag pa dang/ rkang pa dang zag byed la sogs pa yan lag gis 'dzin nus pa'i lus can yin gyi lus ma thob pa dang/ lus zad pa ma yin no zhes bya ba'i tha tshig go /khrig ma zhes bya ba'i tha khab ral? gyi phyogs so/ /skra dag dang de dang 'brel pa'i gos so zhes bya ba ni de gnyis ka bsdus pa lan bu zhes bya ba'i tha tshig go / nom pa zhes bya ba ni cung zhig reg pa'o/ /nyug pa zhes bya ba ni phyogs thams cad kyis reg pa'o/ /sprod par byed pa zhes bya ba ni lag pa gnyis kyis mkhyud par byed pa'o/ /'dzin par byed pa zhes bya ba ni sdom par byed pa'o/ /'dren par byed pa zhes bya ba ni bdag nyid kyis gnas su 'dren par byed pa'o/ /yongs su 'dren par byed pa zhes bya ba ni gnas nas gnas gzhan du 'khrid par byed pa'o/ /'og nas mkhyud par byed pa zhes bya ba ni gyen du'o/ /steng nas mkhyud par byed pa zhes bya ba ni thur du'o/ /dam du sbyor bar byed pa zhes bya ba ni dbang du gnon par byed pa'o/ /za 'gram zhes bya ba ni 'gram pa'i mtshams so/ /rkang pa'i rtse mo zhes bya ba ni rkang pa'i thog ma'o/ /ro myang bar byed ces bya ba ni bdag gir byed pa'o/ /nges par rtog par byed/ lhag par chags par byed/ lhag par chags shing 'dug par byed ces bya ba ni chung ngu dang/ 'bring dang/ chen po'i gnas skabs so/ /lus nye bar gzhol bar byed na zhes bya ba'i tha tshig ni pha rol gyi spyod pa las ltung bar mi 'gyur ba dang/ ro myang ba'i bya ba las lus kyi ltung bar mi 'gyur ro zhes bstan pa'i phyir ro/ /de la don mdor bar bsdus pa bstan pa'i phyir/ nus pa la dge 'dun lhag ma dang yin pa de mi nus pa la nyes pa sbom po'i zhes bya ba la sogs pa gsungs te/ nus pa dang gos kyis bar du chod pa med pa dang/ nom pa la sogs pa gang la dge 'dun lhag ma'i ltung bar 'gyur ba de las mi nus pa la smad pa'i phyir nyes pa sbom por shes par bya'o/ /mi'i 'gro bar gtogs pa'i skyes pa dang/ za ma dang ma ning dang/ mtshan gnyis pa rnams la ni nus pa nyid yin yang bud med nyid med pa'i phyir nyes pa sbom po'o/ /dud 'gro las skyes pa'i skyes pa dang/ za ma dang/ ma ning dang/ mtshan gnyis pa dag las yang nus pa nyid yin yang bud med pa'i phyir ro nyes pa sbom por ro/ /gang dud 'gro mo la nyes pa sbom por 'dod pa de ni dud 'gro'i skye gnas su skyes pa pho la sogs pa la reg pa sbom por gsungs pa'i tshig? 'dis bkag par shes par byas te/ gzhan du na yan lag gnyis ma tshangs pa'i phyir 'di la yang nyes byas su 'gyur ro/ /nus pa gang la gos kyis bar du chod pa la sogs pa la reg pa la nyes pa sbom po gang yin pa de la mi nus pa las nyes byas pa te/ yan lag gnyis ma tshangs pa'i phyir ro/ /mi'i 'gro bar gtogs pa skyes pa la sogs pa mi nus pa la yang nyes byas te/ mi nus pa'i phyir dang/ bud med nyid med pa'i phyir ro/ /dud 'gro'i skyes gnas su skyes pa pho la sogs pa la yang nyes byas nyid de/ yan lag gnyis med pa'i phyir ro/ /nus pa gang la khyim du 'gro ba la sogs pa'i bya ba la sbyor bar gyur pa'i nyes byas yin pa de la mi nus pa la nyes byas nyid de/ de ni nyes byas phra mo yin no/ /skyes pa la sogs pa la ni nyes byas phra mo yin no/ /ma yang yin la mar 'du shes pa yang yod pa zhes bya ba ni yon tan gnyis ka dang ldan pa la ltung ba med par bstan pa'i phyir te/ de la ni dran cing gyur pa'i sems med pa'i phyir lhag ma rnams la yang ltung ba med do/ /lus kyis reg pa'i dge 'dun lhag ma ste gnyis pa'i tshig rnam par bshad pa rdzogs so/ / //dam zhes bya ba ni pha shi ba'i bu ste gzhan gyis gsos pa'i phyir ro/ /rgyan po pa zhes zhes bya ba ni rgyan 'gyed pa'o/ /nal gyi bu zhes bya ba ni khyim thab ma yin pa'i phyir ro/ /legs par smras pa zhes bya ba ni dge ba dag go /nyes par smra ba zhes bya ba ni dge ba nyon mongs pa can dag go / gnas ngan len bya ba ni nyes pa'o/ /de len pa ni nyes pa skyed pa ste skyon chags pa'o/ /pham par gyur pa kun nas slong ba zhes bya ba ni pham par 'gyur ba skyed par byed pa ste/ kun nas slong ba zhes bya ba ni rgyu'o/ /dge 'dun lhag ma kun slong ba zhes bya ba ni dge 'dun lhag ma skyed par byed pa'o/ /sdig pa can zhes bya ba ni sdig pa'i don dang ldan pa'o/ /tshogs par mi 'byung ba zhes bya ba ni tshogs kyi nang du 'jug par mi 'os pa'i phyir ro/ /'khrig pa las byung ba dang ldan pa zhes bya ba ni gnyis kyis gnyis 'khrig pa las byung ba'i chos kyi ming dang ldan pa ste/ mi tshangs par spyod pa dang ldan pa'i tshig go /ma smras pa la smras pa zhes bya ba ni bud med kyis sngar ma smras pa la dge slong gi smras pa'o/ /smras pa la phyir smras na'o zhes bya ba ni sngar bud med kyis smras pa la de dge slong gi phyir smras pa'o/ /sngags pa byed pa zhes bya ba ni bstod par byed pa'o/ /sngags pa ma yin pa byed pa zhes bya ba ni smod par byed pa'o/ /gsol ba byed pa zhes bya ba ni dngos su gsol bar byed pa'o/ /nye bar gsol bar byed pa zhes bya ba ni dngos su mi smos par gsol bar byed pa'o/ /'dri bar byed pa zhes bya ba ni skabs 'dri bar byed pa'o/ /yongs su 'dri bar byed pa zhes bya ba ni skabs dang skabs ma yin pa gnyi ga kun nas 'dri bar byed pa'o/ /rjod? par byed pa zhes bya ba ni bdag nyid dga' ba'i skabs brjod pa'o/ /smon par byed pa zhes bya ba ni shis pa brjod pa'o/ /gshe bar byed pa zhes bya ba ni sbyor bar byed pa'o/ /dral cing zhes bya ba ni kun nas dkris pa nyid do/ /gyur pa zhes bya ba ni yul la rtog pa nyid do/ /rma'i sgo gsum po dag ces bya ba ni kha dang/ bshang ba'i lam dang/ zag byed do/ /legs par 'dod pa zhes bya ba ni kha dog gis so/ /legs par gnas pa zhes bya ba ni dbyibs kyis so/ /legs par gyur pa zhes bya ba ni las su rung ba ste/ yongs su smin zhes bya ba'i tha tshig go /sprod pa las byung ba dang ldan pa zhes bya ba ni gnyis kyis gnyis sprod pa la chos gang byung ba de'i ming dang ldan pa'i tshig ste/ rgya zhes bya ba'i 'og kho nar rna ru zhes bya ba brjod pa'o/ /de bzhin nam 'og ste ma yin/ de la srung ba ji snyam byed ces bya ba ni ji ltar dga' ba dang ji ltar yid du 'ong ba yin nam 'on te ma yin/ de la khyod ji snyam du sems zhes bya ba'i tha tshig go / ro lta bu la sogs pas spyod pa dag gis zhes bya ba ni ro lta bu dang/ mo gsham lta bu dang/ za ma lta bu khyod la bong bu dag de ltar byed par gyur cig /khyod kyi der mgal dum dag chug cig ces bya ba la sogs pas spyod pa dag gis so/ /gzhan yang zhes bya ba la sogs pa'i 'gres kyis ni gzhan gyi tshig gis kyang ltung par mi 'gyur la/ ro myang ba med pas kyang ltung bar mi 'gyur gyis/ bdag nyid kyi tshig dang/ ro myang bas ltung bar 'gyur ro/ /zhes bya bar ston te/ de'i phyir dge slong gis dral zhing gyur pa'i sems kyis de ro myong bar byed/ nges par rtogs par byed/ chag par chags par byed/ lhag par chags shing 'jug par byed pa de lta de ltar phyir smra bar byed cing zhes bya ba gsungs pa'o/ /dud 'gro'i skye gnas skyes pa la nyes byas so zhes bya ba ni pho la sogs pa la ste/ mo nyid ma yin pa'i phyir dang/ rigs mi mthun pa nyid kyis tha snyad byar mi rung ba nyid kyi phyir na smad do zhes bya ba'i tha tshig go /'dir ni dud 'gro mi nus pa la sbom po'i zhes bya ba smos par shes par bya'o/ /skad kyis nges pa'i tshig ces bya ba la sogs pa la ni dral cing gyur pa'i sems med pa'i phyir ltung ba med do/ /nas kyi ming dang/ rtsa ba'i ming dang/ yol ba'i ming zhes bya ba ni rgya gar skad du nas las ni ya ba zhes bya/ rtsal ni ya bas zhes bya/ yol ba la ni ya ba ni ka zhes bya/ 'khrig pa las byung ba la ni ya b+ha zhes bya ba ste/ de'i ming gis cha 'dra ba tsam du zad pas de dag brjod pa la yang ltung ba med do/ /'khrig pa las byung ba dang ldan pa smra ba'i dge 'dun lhag ma ste gsum pa'i rnam par bshad pa rdzogs so// //lus kyi bsnyen bkur zhes bya ba ni 'khrig pa'o/ /dge ba'i chos can zhes bya ba ni sems mnyam par gzhag pa'o/ /tshangs par spyod pa zhes bya ba ni lam shes pa'o/ /mchog ces bya ba la sogs pa bco brgyad ni bsngags pa smra ba'i rnam grangs pa dag yin pas 'dir smos te/ de dag gang brjod kyang bye brag med do/ /de la ji ltar mchog gis she na zhes bya ba la sogs pa'i 'dres dang pos ni de lta bu zhes bya ba dang sprod pa las byung ba'i zhes bya ba gnyis ka smos te/ tshul khrims dang ldan pas zhes bya ba dang/ dge ba'i chos can la zhes bya ba dang/ tshangs par spyod pa la zhes bya ba dang/ tshul khrims dang ldan pa'i dge ba'i chos can la zhes bya ba dang/ tshul khrims dang ldan pa tshangs par spyod pa la zhes bya ba dang/ dge ba'i chos can tshul khrims dang ldan pa la zhes bya ba dang/ dge ba'i chos can tshangs par spyod pa la zhes bya ba dang/ tshangs par spyod pa tshul khrims dang ldan pa la zhes bya ba dang/ tshangs par spyod pa dge ba'i chos can la zhes bya ba dang/ tshul khrims dang ldan pa dge pa'i chos can tshangs par spyod pa la zhes bya bar yon tan rnam pa bcu po re re mchog la sogs pa bco brgyad po dag re re la yang bcu bcur sbyar ba'i dngos gzhir 'gyur ba'i ltung ba brgya brgyad cu ston to/ /'dres gnyis pa ni da lta bu zhes smos la/ spros pa las 'byung zhes ma smos pa'i yon tan bcu po dag mchog la sogs pa bco brgyad po dag re re la yang bcu bcur sbyar ba'i sbom po brgya brgyad cu ston to/ /'gres gsum pas ni spong? pa las byung ba zhes smos pas de lta bu zhes ma smos pas yon tan bcu pa dag mchog la sogs pa bco brgyad re re la yang bcu bcur sbyar ba'i sbom po brgya brgyad cu ston to/ /'gres bzhi pas ni da lta bu zhes bya ba dang/ sprod pa las byung ba zhes bya ba gnyi ga ma smos pa'i yon tan bcu po dag mchog la sogs pa bco brgyad re re la yang bcu bcur sbyar ba'i nyes byas brgya brgyad cu ston to/ /kun tu spyod pas bsngags pa'i dge 'dun lhag ma ste bzhi pa'i tshig rnam par bshad pa rdzogs so// //yid bcugs pa zhes bya ba ni ston pa'o/ /khyim 'jug par byed zhes bya ba ni khyim rnams phan tshun 'brel par byed pa gang yin pa ste/ mtshan mkhan zhes bya ba'i tha tshig go /khyim na gnas par nus pa zhes bya ba ni khyim skyod bar byed nus pa'o/ /dus gcig tu zhes bya ba ni dus mnyam du'o/ /re zhig 'dul ba la nyan thos rnams kyi bslab pa'i gzhi bca' ba ni ma mdzad do zhes bya ba ni 'phrin nod pa dang/ 'phrin phar skyel ba dang 'phrin tshur skyel bar rang bzhin gyi smyan byed pa la ma zhugs pa'i phyir ro/ /bud med la skyes pa'i tshig dang zhes bya ba ni bud med kyi yul las skyes pa'i tshig gis so/ /skyes pa la bud med kyi tshig gis zhes bya ba ni skyes pa'i yul la bud med kyi tshig gis so/ /chung ma nyid ces bya ba ni bud med grags pa nyid do/ /mdza' na mo nyid ces bya ba ni bud med mkhyud bu nyid do/ /smyan zhes bya ba ni 'phrin pa nyid do// bye brag ni ci yod ces bya ba ni sbyor ba'i dus na'o/ /bsam pa ni ci yod ces bya ba ni sems pa'i dus na'o/ /tha dad du bya ba ni ci yod ces bya ba ni phrad pa'i 'bras bu'i dus na'o/ /chung ma zhes bya ba ni gso bar bya ba'o/ /skye dgu'i bdag mo zhes bya ba ni bu tshang ma'o/ /chu tshags kyis byin zhing zhes bya ba ni sngar chu byin nas de'i rjes su bu mo yang byin pa'o/ /'dod pa dag gi phyir spyod pa zhes bya ba ni 'dod pa dag gis don du spyod pa'o/ /bsrungs pa zhes bya ba ni bskor bas so/ /shin tu bsrungs pa zhes bya ba ni bdag nyid kyis so/ /spas pa zhes bya ba ni sab mo la sogs pas bskor ba'o/ /shin tu sbas pa zhes bya ba ni sgo bcad pa la sogs pas so/ /rgyal mtshan du byas nas zhes bya ba ni rgyur bzhag nas so/ /rang gi dang pa zhes bya ba ni 'dod pa'o/ /gcugs pa zhes bya ba ni byams pa'o/ /dga' ba zhes bya ba ni gya gyu med pas so/ /gcig tu bsdus te zhes bya ba ni rnam pa gcig tu byas te'o/ /thang 'ga' phrad pa zhes bya ba ni de nyid kyis skad cig la nye bar bzung ste/ gzugs 'tsho ma dang tshogs can ma dang/ 'jud mthun ma zhes bya ba'i tha tshig go /khyim bdun pa tshun chad ces bya ba ni sngon rol tu na pha dang ma'i khyim bdun pa tshun chad bzung ngo/ /'og rol tu bu dang bu mo'i khyim bdun pa tshun chad gzung ste/ rgyud gcig nas skyes pa'i 'brel pa gang yin pa de ni nye du zhes bya'o/ /zhes bya ba'i tha tshig go /rnam par 'khrug pa med pa zhes bya ba ni gang 'grod pa'i chos las gyur pa'i rnam par 'khrug pa med pa ste/ skyes pa gzhan gyis gan du mi 'gro zhes bya ba'i tha tshig go /khyim thab kyi mal gyi rjes su 'jug pa zhes bya ba ni khyim thab 'ba' zhig dang lhan cig nyal gyi/ mi gzhan dang ma yin zhes bya ba'i tha tshig go /chos bzhin spyod pa zhes bya ba ni khyim pa mo bslab pa'i gzhi gzung ba'o/ /de la ltung ba cir 'gyur zhe na zhes bya ba la sogs pa'i gres la/ spring ba nod pa dang/ 'phrin par skyel ba dang/ 'phrin tshur skyel ba dag bdag nyid dang mngags pas rjes su bsgrub pa la ltung ba 'dra bar bstan pa'i phyir/ dge slong gis bdag nyid kyis spring ba mnos te zhes bya ba la sogs pa bzhi pa dang po gsungs so/ /bdag po las sam mngags pa las spring ba nod pa la ltung ba 'dra bar bstan pa'i phyir/ dge slong gis mngags pa la bdag nyid kyis spring ba mnos te/ zhes bya ba la sogs pa bzhi pa gnyis pa gsungs so/ /mdags pas mdags pa la sogs pas yang bdag po dang 'dra bar bstan pa'i phyir/ dge slong gis mdags pas mdags pa la bdag nyid kyis spring ba mnos te zhes bya ba la sogs bzhi pa gsum pa gsungs so/ /'phrin nod pa dang 'phrin phar skyel ba dang/ 'phrin tshur skyel ba dag 'phrad pa so so'i phyir dang/ tha dad par gyur pa nyid yin pa'i phyir ro/ /sbyor ba so so bstan pa'i phyir/ dge slong gnyis kyis gnyi gas spring ba mnos te zhes bya pa la sogs pa'i tshar brtsams so/ /lam la sogs pa la yang kha na ma tho ba 'dra bar bstan pa'i phyir/ dge slong gcig ces bya ba la sogs pa'i char brtsams so/ /mdza' na mo zhes bya ba ni yang dang yang du bgrod par bya ba'o/ /smos 'drin zhes bya ba ni lan cig bgrod par bya ba'o/ /mdza' na pho zhes bya ba ni yang dang yang du bgrod par byed pa'o/ /smos 'drin zhes bya ba ni lan cig 'gro bar byed pa'o/ /ma bcol bar byed pa la dngos gzhi med par bstan pa'i phyir/ dge slong gi mdun du 'gro ba'i dge slong dang/ phyi bzhin 'brang ba'i dge sbyong gnyis la sogs pa'i tshar brtsams so/ /bdag po yul dag las spring ba nod pa la sogs pa dngos gzhir 'gyur gyis gzhan la ma yin par bstan pa'i phyir khyim bdag ni gnyis te/ bdag po dang bdag po ma yin pa'o/ /zhes bya ba la sogs pa'i tshar brtsams so/ /bdag po zhes bya ba ni mthu yod pa'o/ /rgyu gsum gyis springs pa'i 'phrin tshur bskyal bar 'gyur la zhes bya ba ni phyir go bar byed par 'gyur ro/ /phar bskyal bar ni mi 'gyur te zhes bya ba ni sngar go bar ma byas pa la yul phyogs la sogs pas brda sprad pa mi srid pa'i phyir ro// yul phyogs dang spring yig la sogs pas spring pa nod pa la sogs pa yang dngos gzhir 'gyur bar bstan pa'i phyir/ rgyu gsum gyis ni spring ba'i 'phrin phar bskyal bar yang 'gyur la 'phrin tshur bskyal bar yang 'gyur te zhes bya ba ni sogs pa'i tshul gyis lnga pa drug pa brtsams te/ lnga pa dang po ni tshig dang spring yig bsdus te de la yang dang po la ni tshig 'ba' zhig go /gnyis pa la ni tha ma spring yig go /gsum pa la ni bar ma spring yig go /bzhi pa la ni bar ma dang tha ma spring yig go /lnga pa la ni bar ma spring yig yin la tha ma yul phyogs dang brda dang mtshan ma yin par sbyar ro/ /lnga pa gnyis pa ni tshig dang lag yig bsdus te de bzhin sbyor ba yin no/ /lnga pa gsum pa ni spring yig dang bsdus te de bzhin du sbyar ba yin no/ /lnga pa bzhi pa spring yig dang lag yig bsdus te de bzhin du sbyar ba yin no/ /lnga pa lnga pa ni lag yig dang tshig bsdus te de bzhin du sbyar ba yin no/ /lnga pa drug pa ni lag yig dang spring yig bsdus te de bzhin du sbyar ba yin par shes par bya'o/ /bud med ji lta bu la sprad par byas pa ni dngos gzhir 'gyur ba bstan pa'i phyir/ dge slong gis chung ma dang po gsum po zhes bya ba la sogs pa gsungs so/ /'thabs pa nyid kyi med ces bya ba ni da ltar 'thabs pa nyid kyi med do/ /'thabs pa'i 'og ces bya ba ni 'thabs pa'i dus 'das pa nyid do/ /dum pa bcad pa zhes bya ba ni rtswa yis bsnun pa dag 'thabs pa nyid de/ /rde'u gsum gtor ba zhes bya ba ni bod ba mang po dag gis bsnun pa nyid do/ /cho ga btang ba zhes bya ba ni shags bkye bar gyur pa nyid do/ /chung ma ma yin par bsgrags pa dang zhes bya ba ni 'di dang phan chad bdag gi chung ma yin no zhes bsgrags pa nyid do/ /dril bsgrags pa zhes bya ba ni lha'i gnas la sogs par dril bsgrags pas bran du zhugs pa nyid do/ /de la chung ma dang po gsum ni skyes pa dbang ba nyid dang/ ji srid 'tsho'i bar du 'brel pa nyid yin pas chung ma ma yin par bsgrags pa dang/ dril bsgrags par gyur na 'brel pa med par zad kyi gzhan du ma yin pas logs shig tu smos so/ /chung ma gzhan bzhi dang mdza' na mo bcu ni de mi dbang ba'i phyir dang/ dga' ba'i dus na 'brel pa yin pa'i phyir 'thab pa tsam kho nas 'brel pa dang bral ba'i phyir logs zhig tu smos so/ de la chung ma dang po gsum ni 'thab pa nyid kyi mod la dang/ 'thab pa'i 'og nyid dang/ dum pa bcad pa nyid na yid du 'ong ba tsam rgyun chad par zad kyi bya ba gcig par rgyun chad pa yang ma yin la/ phrad pa la mngon par phyogs pa rgyun chad pa ma yin pas rung ba ma yin ba'i dga' ba bsgrubs nas nyes byas su 'gyur ro/ /rde'u gsum gtor ba nyid dang/ sbyor ba btang ba nyid ni yid du 'ong ba yang rgyun chad pa'i phyir rung ba ma yin pa'i bya ba gcig pa nyid bsgrub na sprad pa dang 'dra ba'i phyir sbyor ba byas par 'gyur ba'i phyir sbyor ba las byung ba'i sbom po'o/ /chung ma ma yin par bsgrags pa nyid dang/ dril bsgrags pa nyid ni yid du 'ong ba yang rgyun chad cing bya ba gcig pa nyid kyang rgyun chad pa yin/ 'phrad pa las mngon par phyogs pa dang rgyun chad pa yin pas 'phrad pa la mngon par rdzogs par bsgrubs na smyan rdzogs par byas pa yin pas dngos gzhir 'gyur ro/ /chung ma lhag ma rnams ni 'thabs pa nyid kyi mod yin yang phrad pa la mngon par phyogs pa dang bral ba'i phyir bsgrubs na dngos gzhir 'gyur ro/ /sdums byed cing zhes bya ba ni dga' ba'i sdums so/ /mthun par gyur pa ni zhes bya ba ni don gcig tu gyur na'o/ /smyan byed pa'i dge 'dun lhag ma sde lnga pa'i tshig rnam par bshad pa rdzogs so// //khang pa 'di lta bur mang ba nyid du gyur te zhes bya ba ni khang pa mang po nyid du gyur pa'o/ /ha cang rings so zhes bya ba ni srid du'o/ /ha cang thungs so zhes bya ba yang srid du'o/ /ha cang yang yangs so zhes bya ba ni ches pa'o/ /ha cang dog go zhes bya ba ni chungs pa'o/ /ha cang snyings so zhes bya ba ni rgas pa'o/ /ha cang chung ngo zhes bya ba ni rlung dang char pa la sogs pa mi bzod pa'o/ /ha cang rtsig nyes so zhes bya ba ni rtsig ma legs pa'o/ /bya ba zhes bya ba ni dus nye bar bya ba'o/ /byed pa zhes bya ba ni dus gzhan na 'byung ba'i bya ba'o/ /rnal 'byor ces bya ba ni ting nge 'dzin sgrub pa'o/ /yid la byed pa zhes bya ba ni sbyor ba las byung ba'i ting nge 'dzin to/ /gtong zhing zhes bya ba ni nyams par byed cing ngo/ /mi blang zhes bya ba ni mi'i glas so/ /shing rta'i las zhes bya ba yang shing rta'i las so/ /kha bya ba zhes bya ba ni brjod par bya ba'i skabs dang bcas pa'o/ /shar gyi kun dga' i ra ba zhes bya ba ni gtsug lag khang gi ming ngo/ /ri dags 'dzin gyi ma'i khang bzangs zhes bya ba ni gtsug lag khang gi phyogs gcig go / khang pa dang khang ba'i gzhi legs par bstan du gsol zhes bya ba la ni tshang la sogs pa dag gis bstan pa'o/ /khang ba'i gzhi legs par bstan du gsol zhes bya ba ni rung ba nyid la sogs pa dag gis sa gzhi bstan pa'o// 'dod pa che ba zhes bya ba ni dgos pa dang bcas pa ma thob pa las lhag par 'dod pa'o/ /chog mi shes pa zhes bya ba ni dgos pa dang bcas pa thob pa las lhag pa 'dod pa'o/ /gso dka' ba zhes bya ba ni bza' ba dang btung ba bsod pa dag gi lus 'tsho bar byed pa'o/ /gang dka' la zhes bya ba ni chos gos la sogs pa phyi rol gyi yo byad bzang po dag gis lus 'dzin par byed pa'o/ /'dod pa chung ba la zhes bya ba la sogs pa ni de la bzlog pa las shes par bya'o/ /phri ba zhes bya ba ni 'khor nyung ba la sogs pa'o/ /sbyangs pa zhes bya ba ni dkar ba'o/ /mdzes pa zhes bya ba ni tshul dang mthun par byed pa nyid do/ /tshod shes pas zhes bya ba ni tshad la mkhas pa'o/ /spyod lam zhes bya ba ni 'dug pa'i thabs so/ /'chag pa zhes bya ba ni gom pa tha mal pa gsum pa la sogs pa dor ba'o/ /'greng ba zhes bya ba ni lus ma btud pas 'greng ba nyid do/ /'dug pa zhes bya ba ni skyil mo dkrung bcas te 'dug pa'o/ /nyal ba zhes bya ba ni rkang pa brkyang ste nyal ba'o/ /bde bar gshegs pa'i mtho gang la ni tshad dang ldan pa'i khru phyed dang do yod do/ /gnas zhes bya ba ni tshang ngo bstan pa zhes bya ba ni ma dge slong gi bka' o/ /dris pa'i tshig gis zhes bya ba ni ci'i phyir gaN+Di brdungs zhes gzhan gyis dris pa la 'di'i phyir brdungs so zhes lan gdab pa'i tshig gis so/ /dad pas zhes bya ba ni yon tan la yid ches pas so/ /yid ches pas zhes bya ba ni mi bslu ba byas pas so/ /sprul dang sdig pa la sogs pas gnas kyi shas che ba zhes bya ba ni gang ba'o/ /de la ltung ba cir 'gyur zhe na zhes bya ba la sogs pa la mi rung ba la sogs pa so so la 'dir sbyor ba nyid du 'gyur bas khang pa ma dag par byed na rtsom par gyur pa nyid yin par bstan pa'i phyir dge slong gis khang pa byed du 'jug cing zhes bya ba la sogs pa drug pa dang po smros so/ /bdag gis don nyid ni 'dir yan lag gi khang pa byed pa la nye bar 'gyur bar bstan pa'i phyir/ dge slong gi gan du song ngo zhes bya ba la sogs pa drug pa gnyis pa brtsams so/ /gzhan gyis brtsams pa ma zin pa khyim du ma reng pa sgrub par byed pa la kha na ma tho ba 'dra bar bstan pa'i phyir gal te de de'i gan du song ste 'di skad ces legs par byas so/ /shin tu byas so zhes bya ba la sogs pa drug pa gsum pa dang bzhi pa brtsams so/ /byas pa rnyed pa zhes bya ba ni gzhan gyis byas zin pa bdag gtan thob pa'o/ /byas pa la longs spyod pa zhes bya ba ni gzhan gyis byas pa la re zhig longs spyod pa'o/ /de gnyis la ni ltung ba med do/ byed pa med pa'i phyir ro// rnying pa 'chos pa zhes bya ba ni byi dor byed pa ste de la yang ltung ba med do/ /gsar pa 'chos pa yang de dang 'dra'o/ /khang pa'i dge 'dun lhag ma ste drug pa'i tshig rnam par bshad pa rdzogs so// //ngos nyams pa zhes bya ba ni rtsig pa sgur ba'o/ /ma mo'i khyim zhes bya ba ni 'byung po'i khyim zhes te dog la 'phang mtho ba'o/ /nga rgyal gyis khengs par gyur pa nas zhes bya ba ni nga rgyal bde bar gyur nas so/ /thabs yin gyis de ltar bya'o zhes bya ba ni de ni thabs yin pa'i phyir de ltar bya'o zhes tshig gis khas blangs pa'o/ /ser sna can zhes bya ba ni sbyin mi 'dod pa'o/ /mi 'phra ba zhes bya ba ni yid mi ches pa'o/ /rol mo mkhan gyi gnas zhes bya ba ni glu len pa'i gnas so/ /'dzud mthun ma'i gnas zhes bya ba ni bud med tshogs can ma'i gnas so/ /chang ma'i gnas so zhes bya ba ni chang byed pa'i gnas so/ /gdol ba'i gnas zhes bya ba ni gdol pa'i grong ngo/ /rgyal po'i pho brang zhes bya ba ni gang na rgyal po 'dug pa'o ngo phreng pa zhes bya ba ni dang po phrad pa'o/ /bcu gnyis 'dus pa'i zhes bya ba ni bcu gnyis kyis byas pa'o/ /dge 'dun zhes bya ba ni dge ba'i don du tshogs sdod pa'o/ /'dod chags dang bral ba'i sa spyod par byed pa zhes bya ba ni 'dod chags dang bral ba'i spyod yul ston par byed pa'o/ /don yod pas zhes bya ba ni don dang bcas pa nyid kyis so/ /bsags pa zhes bya ba ni tshigs su bsags pa'o/ /kun tu bsten cing zhes bya ba ni chung ngu rtsom pas so/ /goms par byas zhes bya ba ni 'bring du rtsom pas so/ /lan mang du byas pas zhes bya ba ni cher brtsom pas so/ /yang na kun tu bsten cing zhes bya ba ni sbyor ba la'o/ /goms par byas zhes bya ba ni dngos la'o/ /lan mang du byas zhes bya ba ni mjug la'o/ /lus zhig ste zhes bya ba ni lus shi nas so/ /shi ba'i 'og tu zhes bya ba ni srid pa bar ma nas so/ /ngan song zhes bya ba ni yi dags te/ dang por bde 'gro las nyams pa'i phyir ro/ /ngan 'gro zhes bya ba ni dud 'gro ste sdug bsngal mang ba nyid kyis smad pa'i phyir ro/ /log par ltung ba zhes bya ba ni ngan song dang ngan 'gro'i 'gro ba de gnyis mi len thod rgal du 'das te sems can dmyal ba rnams su thal byung du skye'o/ /dang po 'di nyid tha mar 'gyur ro zhes bya ba ni dang po gang yin pa de nyid tha mar 'gyur ba ste phyis mi 'byung ngo zhes bya ba'i tha tshig go / 'phags pa'i rigs zhes bya ba ni 'phags pa de bzhin gshegs pa la sogs pa'i rigs te 'dod pa rnam par gnan pa la sogs pa nyon mongs pa spangs pa las 'phags pa nyid 'grub pa'i phyir ro/ /chos gos gang yang rung bas chog shes pa zhes bya ba ni chos gos ngan pa 'am bzang po gang yang rung ba bya ba byed nus pas mchog shes pa'o/ /bsod snyoms dang gnas mal gding ba la sogs pas kyang de bzhin no/ /spong ba la dga' ba zhes bya ba ni mya ngan las 'das pa la dga' ba'o/ /bsgrom pa la dga' ba zhes bya ba ni lam bsgom pa la dga' ba ste/ de gnyis ni 'bras bu dang rgyu'i dngos pos 'khrul ba med pa'i phyir gcig tu gsungs so/ /gshin rje'i dbyung pa zhes bya ba ni gshin rje'i snying tshoms so/ /'khrul par byed par 'gyur pas zhes bya ba ni sems 'khrul bar byed bas zhes bya ba'i tha tshig go / tshogs nyung ngu zhes bya ba ni 'khor nyung ngu'o/ /dam pa zhes bya ba ni 'dod pa 'grub pa'i tshig go /bram ze'i 'khor shin tu mang po dang ldan pa zhes bya ba ni 'khor gtso bo'o/ /bsod snyoms mchog ces bya ba ni bslab pa'i gtso bo'o// bsod snyoms dang po zhes bya ba ni bslab pa'i dang po'o/ /khengs sam zhes bya ba ni gang dam zhes bya ba'o/ /co 'dri ba zhes bya ba ni tho 'tshams pa'o/ /sbyin bar bya ba zhes bya ba ni rgyu las so/ /lhag ma thams cad ni snga ma bzhin no/ /'dir tshad las 'das pa zhes bya ba ni yan lag tu ma smos pa ni dge 'dun gyi gtsug lag khang la ni bdag po du ma yod pa'i phyir tshad ngas pa med pa tshad las 'das pa ni gtsug lag khang ma dag pa'i yan lag tu ma gsungs so/ /gtsug lag khang gi dge 'dun lhag ma ste bdun pa'i tshig rnam par bshad pa rdzogs so/ / //sdig byung zhes bya ba ni grong khyer ro/ /cod pan med pa'i rgyal srid ces bya ba ni tshogs kyi rgyal po yin pa'i phyir rgyal thabs kyi cod pan ni med la rgyal srid ni yod pa'i phyir ro/ /nor bu lta bu zhes bya ba ni dbyig lta bu'o// 'bras bu chen po zhes bya ba ni rnam par smin pa'i 'bras bus so/ /phan yon chen po zhes bya ba ni skyes bu'i rtsal gyis 'bras bus so/ /gsal ba chen po zhes bya ba ni 'od kyis so/ /yangs pa chen po zhes bya ba ni 'khor gyis so/ /ljongs kyi dbang phyug ces bya ba ni yul bsrung pa'o/ /mthun zhes bya ba ni stobs so/ /brtson 'grus zhes bya ba ni mngon par spro ba ste de gnyis thob pa'o/ /mngon par rgyal bar byas te gnas pa zhes bya ba ni nye bar sprod pa'o/ /glang po che'i gnya' bar zhon pa zhes bya ba ni glang po che dag gis gnya' bar zhon pa'i phyir bslab pa'o/ /rta la zhon pa zhes bya ba yang rta bzhon pa'i phyir bslab pa'o/ /shing rta'i thabs zhes bya ba ni shing rta bzhon pa'i phyir bslab pa'o/ /ral gri'i thabs zhes bya ba ni ral gri bzung ba'o/ /'phong zhes bya ba ni mda' gzhu'i thabs so/ /phyir bsnur pa zhes bya ba ni 'bros pa'o/ /mdun du bsnur ba zhes bya ba ni g.yul gyi sar 'byung ba'o/ /'dzin stangs zhes bya ba ni mda''phang pa la dgos pa'o/ /goms stengs zhes bya ba ni 'khor lo 'phang ba la sogs pa la dgos pa'o/ /thor tshugs zhes bya ba ni g.yul la sogs pa'i dgos pa'i skra bcings pa'o/ /bcad pa zhes bya ba la sogs pa ni lcug ma la sogs pa'o/ /dral ba zhes bya ba ni shing ljon pa la sogs pa sbom pa'o/ /dbug pa zhes bya ba ni ri la sogs pa dbug pa'o/ /rgyang nas phog pa zhes bya ba ni thag ring po nas phog pa'o/ /sgra grags par phog pa zhes bya ba ni sgra'i rjes su 'brangs pas phog pa'o/ /gnad du phog pa zhes bya ba ni 'chi ba'i phyogs dag tu phog pa'o/ /mi 'tshor bar phog pa zhes bya ba ni gdon mi za bar phog pa'o/ /tshabs che ba zhes bya ba ni mthu dang ldan bar phog pa'o/ /dus gsum du zhes bya ba ni lan gsum ste de ni lta ba'i dus yin no zhes bya ba'i bye brag go /sa la lhan cig rtse ba zhes bya ba ni rdul la lhan cig rtse ba zhes bya ba'i tha tshig go /grib mar skyes pa zhes bya ba ni bde zhing skyes bu'i rtsal med pa'o/ /phyir bcos par mi nus so zhes bya bar ni bzlog par mi nus pa'o/ /chos dga' ba zhes bya ba ni chos la dang pa'o/ /sems can gyi gnas la zhes bya ba ni sems can gyi yul la'o/ /snying stong zhing zhes bya ba ni yid la bcags shing ste/ sems dga' ba dang bral zhing po rtog pa na zhes bya ba ni sems pas gnod pa na'o/ /dbang po dag phyir blon par byed ces bya ba ni zlog par byed pa'o/ /las mi 'dra ba zhes bya ba ni bya ba cha ma yin pa'o/ /rngon pa zhes bya ba ni sha rdung ba'o/ /bsam pa mthong ste zhes bya ba ni spong ste'o/ /dge ba gang yin zhes 'tshol bas zhes bya ba ni dge ba gang yin zhe 'am dge ba gang las 'byung zhes rtag tu tshol bas zhes bya ba'i tha tshig go / nges par 'byung ba'i mngon par dga' ba zhes bya ba ni mya ngan las 'das par 'gro ba'i lam la dga' ba'o/ /rdzogs byed la sogs pa ston pa drug po zhes bya ba ni 'gro skyong gi bu rdzags byed dang/ gnag lhas kyi bu kun tu rgyu dang/ smra 'dod kyi bu mo'i bu yang dag rgyal ba can dang/ mi pham skra'i bul ba can dang/ ka tya'i bu nog can dang/ gnyen gyi bu gcer bu dag go /chos kyi tshul zhes bya ba ni dngos po'i tshul lo/ /slob ma la gdams pa zhes bya ba ni lam bstan pa'o/ /tshangs par spyod pa'i zhes bya ba ni dka' thub kyi'o/ /'bras bu ni gang yin zhes bya ba ni dngos kyi 'bras bu las bsams pa'o/ /phan ni gang yin zhes bya ba ni zhar las byung ba'i 'bras bu las bsams so/ /'di ltar lta zhing zhes bya ba ni shes pas so/ /'di skad smras te zhes bya ba ni tshig gis so/ /byin pa zhes bya ba ni gzhan la phan gdags pa'i phyir byin pa'o/ /mchod sbyin zhes bya ba ni mchod pa'i phyir byin pa'o/ /sbyin sreg ces bya ba ni mer blugs pa'o/ /legs par spyad pa zhes bya ba ni srog gcod pa la sogs pa spong ba'o/ /nyes par spyad pa zhes bya ba ni srog gcod pa la sogs pa'o/ /de dag la skur ba 'debs pa ni rgyu'i dngos po 'gog pa yin no/ /las rnams kyi 'bras bu dang rnam par smin pa med do/ /zhes bya ba ni 'bras bu 'gog par byed do/ /'jig rten 'di med do 'jig rten pha rol med do/ /ma med do/ /pha med do/ /sems can rdzus te skye ba med do zhes bya ba'i tshig lngas ni rgyu dang 'bras bu'i dngos po gnyis 'gog par byed do/ /rdzus te skye ba zhes bya ba ni bar ma do'i srid pa'o/ /'jig rten na zhes bya ba la sogs pas ni thar pa'i lam 'gog par byed pa'o/ /dgra bcom pa zhes bya ba ni mchod par 'os pa ste de'i bye brag bstan pa'i phyir yang dag par rtogs pa yang dag par bsgrub pa zhes bya ba smras te/ yang dag par rtogs pa zhes bya ba ni yang dag pa'i ye shes dang ldan ba'o/ /yang dag par bsgrub pa zhes bya ba ni phyin ci ma log par sgrub pa'o/ /de dag gi bye brag bstan pa'i phyir gang dag tshe 'di nyid la zhes bya ba la sogs pa smras so/ /rang gi mngon par shes pas zhes bya ba ni bdag nyid kyis shes pas so/ /mngon sum du byas nas zhes bya ba ni shes par byas nas so/ /bsgrubs te zhes bya ba ni shes pa de thos nas te/ 'thob pa mngon sum du byas zhes bya ba'i tha tshig go /go bar byed pa zhes bya ba ni mthong bar byed ces bya ba'i tha tshig go /de bdag med pa 'di la rgyu gang zhe na/ de'i phyir srog 'di nyid la zhes bya ba la sogs pa smras te/ gang ni phyir srog bdag ni tshe 'di nyid la 'tsho zhing srog de phyis mjug tu shes pa'i bdag nyid kyis chad cing zad par 'gyur la gzugs kyi bdag nyid kyis zhig cing chung za bar 'gyur te shi ba'i 'og tu shes pa'i bdag nyid dang/ gzugs kyi bdag nyid gnyi gas chad par 'gyur zhing mi 'byung ba de'i phyir byin pa la sogs pa med do zhes bya ba'i tha tshig go / 'o na gang du 'gro bar 'gyur zhe na/ de'i phyir skyes bu'i lus ni zhes bya ba la sogs pa smras te/ re zhig bdag ni chad par 'gyur na skyes bu lus 'di gar 'gro zhe na/ skyes bu lus 'byung ba chen po bzhi las 'dus byas gang yin pa de ni 'chi ba'i dus na 'byung ba chen po bzhi po dag gi bag la zha bar 'gyur ro/ /mi la sogs pa dbang po rnams ni nam mkha' i bag la zha bar 'gyur ro/ /ro ni ro gzhan pa'i khri dang de 'degs pa'i mi bzhi'i khri dang lnga'i mi dag gis dur khrod du mer bsregs te/ thal bar 'gyur ro zhes bsregs pa la sogs pa'i rus pa dag ni thi ba'i mdog 'dra bar gnas te skyes bu'i 'gro ba ni de lta bu yin no/ /'o na sbyin pa dang len pa dag sus bstan ce na/ de'i phyir rmongs pa nye bar bstan pa ni sbyin pa la mkhas pa nye bar bstan pa ni len to zhes bya ba smras te/ rmongs pa zhes bya ba ni blun pa'o/ /nye bar bstan pa la zhes bya ba ni dang po bstan pa ste de ni rmongs pas yin pas dang po 'ga' zhig gis nye bar bstan pa'i dring 'jog cing mi phan bzhin du sbyin par byed de/ mkhas pa nye bar bstan pa ni 'phral gyi thob rgyal gyis zug zug tu len par byed do zhes bya ba'i tha tshig go / 'o na yod par smra ba dag gis 'jig rten pha rol la sogs pa ma bstan te ma zhe na/ de'i phyir de la gang dag yod par smra ba zhes bya ba la sogs pa smras so/ /'o na da ltar 'dzangs ngan la sogs pa med dam zhe na/ de'i phyir 'di ltar byis pa dang mkhas pa de gnyis ni zhes bya ba la sogs pa smras so/ /lam gol bar zhugs pa zhes bya ba ni yang dag pa'i shes pa spangs par gyur pa'o/ /lam ngan pa legs par bsgrub pa zhes bya ba ni lam log pa lus dang ngag gnyis kyi rjes su sgrub par byed ces bya ba'i tha tshig go / lam 'jigs pa dang bcas pa ji lta ba bzhin du zhes bya ba ni der song na 'jigs pa dang phrad par 'gyur bas lam de snga nas spang bar bya dgos bzhin du'o/ /blo ngan ces bya ba ni nang gi bdag nyid kyis so/ /log par ston byed pa zhes bya ba ni lung 'bog pa'i sgo nas so/ /dman pas zhes bya ba ni byis pas so/ /ston par grags pa zhes bya ba ni ston pa ma yin pa ston par grags pa'o/ /gang gis zhes bya ba ni ston pa de'i'o/ /chos 'di de 'dra ba zhes bya ba ni med pa nyid dang chad par lta ba'o/ /de'i chos min ci zhig 'dra zhes bya ba ni chos de bas ches dman pa'i chos ma yin pa med pa'i phyir de'i chos ma yin pa gzhan mi srid do zhes bya ba'i tha tshig go /zhes smras nas zhes bya ba ni de skad smras nas so/ /snod stong pa bzhin d u brdabs te zhes bya ba ni rdzas kyis stong pa'i snod sor mo la sogs pa brdabs te sgra phyung na nang na rdzas med pa shes bzhin du ston pa de yang rgal zhing rtag pa'i tshig gis brdabs te rang gi gzhung lugs smras pa'i sgra phyung na blo'i nang na don gyis rdzas med par shes par bya ba'i tha tshig go / kun nas nyon mongs par 'gyur ba la zhes bya ba ni skye ba la sogs pa'i sdug bsngal du 'gyur ba'o/ /rgyu med ces bya ba ni nang gi goms pa la sogs pa'i rgyu med pa'o/ /rkyen med ces bya ba ni phyi rol gyi dam pa ma yin pa'i chos nyan pa la sogs pa'i byed rgyu med pa'o/ /rnam par dag par 'gyur ba la zhes bya ba ni 'khor ba las rnam par grol bar 'gyur ba la'o/ /de dag gis ni 'jug pa'i rgyu dang ldog pa'i rgyu 'gog par byed do/ /shes pa med pa zhes bya ba ni ngo bo mi rtog pa'o/ /mthong ba med pa zhes bya ba ni bye brag mi rtog pa'o/ /shes bya dang mthong ba zhes bya ba ni de las bzlog pa'o/ /'dis ni 'jug pa dang ldog pa'i rgyu nyid du 'dod pa shes pa gnyis rgyu gnyis ma yin par 'gog par byed do/ /stobs zhes bya ba ni nus pa'o/ /brtson 'grus bya ba zhes ni spro ba'o/ /de gnyi ga bsdus pa ni stobs dang brtson 'grus so/ /skyes bu'i rtsal zhes bya ba ni skyes bu'i zho sha ste rang gi nus pa'o/ /pha rol gnon pa zhes bya ba ni thabs kyis nus pa'o/ /de gnyis bsdus pa ni skyes bu'i rtsal dang pha rol gnon pa'o/ /bdag gi rtsal zhes bya ba ni bdag nyid kyi nus pa'o/ /gzhan gyi rtsal zhes bya ba ni pha rol gyi nus pa'o/ /da gnyis bsdus pa ni bdag gi rtsal dang gzhan gyi rtsal lo/ /sems can zhes bya ba ni lha dang mi'o/ /srog chags zhes bya ba ni dud 'gro'i skye gnas su skyes pa'i srog chags so/ /'byung po zhes bya ba ni yi dags la logs pa mi snang ba'i srog chags so/ /mthu med ces bya ba ni yid kyi stobs dang bral ba'o/ /stobs med ces bya ba ni lus kyi stobs dang bral ba'o/ /dbang med ces bya ba ni 'dod pa'i stobs dang bral ba'o/ /brtson 'grus med ces bya ba ni spro ba dang bral ba'o pha rol gnon pa med ces bya ba ni thabs kyi stobs dang bral pa'o/ /'gro ba mtshams sbyor ba'i srid pa gang dag nges par gyur to zhes bya ba la/ mtshams sbyor ba'i srid pa zhes bya ba ni 'gro ba drug po dag 'khor bar mtshams sbyor ba'i srid pa'o/ /des pa zhes bya ba ni bstan pa ste lha gang dag yin pa de dag kyang lha nyid du mtshams sbyor la/ dang? mi gang dag yin pa dag kyang mi'i nyid du mtshams sbyor ba la sogs pa 'gro ba dang 'khrul ba med do/ /gyur to zhes bya ba ni rnam par gnas so zhes bya ba'i tha tshig go /gang gi phyir de ltar yin pa de'i phyir 'byung po thams cad ni 'di ltar 'gro ba drug po dag tu bde ba sdug bsngal so sor myong bar 'gyur ro zhes bya ba smras te/ nang 'khrul ba med par so sor 'khor zhes bya ba'i tha tshig go /'dir lha ma yin gyi 'gro ba ni drug po yin no/ /de dag gis chos thams cad kyi nus pa 'gog par byed do/ /chos 'di de 'dra ba zhes bya ba ni rgyu la skur pa 'debs pa dang/ lam la skur pa 'debs pa dang/ thar pa la skur pa 'debs pa zhes bya ba'i tha tshig go /byed pa dang byed du 'jug pa dang zhes bya ba la sogs la byed pa zhes bya ba ni srog gcod pa la sogs pa bdag gis byed pa'o/ /byed du 'jug pa zhes bya ba ni srog gcod pa la sogs pa gzhan byed du 'jug pa ste/ de la gzhi de las sdig pa yang med/ gzhi de las sdig par 'gyur ba yang med do zhes 'og nas 'byung ba'i byed pa'i tshig de dang sbyar bar bya ste/ sogs pa med pa'i phyir sdig pa med pa la sdig pa'i skye ba med phyir sdig par 'gyur ba yang med do zhes bya ba'i tha tshig go /gcod pa dang gcod du 'jug pa la sogs pa lhag ma rnams la yang de bzhin du sbyar ro// gcod pa dang gcod du 'jug pa zhes bya ba ni lag pa dang shing ljon pa la sogs pa'o/ /sreg pa dang sreg tu 'jug pa la sogs pa ni zhes bya ba ni mes so/ /rdeg pa dang rdag tu 'jug pa zhes bya ba ni dbyug pa la sogs pas so/ /srog chags la 'tsho ba zhes bya ba ni dug la sogs pas gsod par byed pa'o/ /'khor lo'i mdza' spu gri las byas pas zhes bya ba ni spu gri'i so dang 'dra bar rnon por zhes bya ba'i tha tshig go /gcod pa zhes bya ba ni thad kar gcod pa'o/ /'breg pa zhes bya ba ni tshol ba gnyis su 'brag pa'o/ /rdung ba zhes bya ba ni rtil bzhin du phye mar rdung ba'o/ /'dral ba zhes bya ba ni bzhog pa'o/ /thang ma zhes bya ba ni bkram pa'i phung po'o/ /tshoms zhes bya ba ni gshibs pa'i phung po'o/ /spangs pa zhes bya ba ni tshoms dag gi phung po'o/ /phung po zhes bya ba ni zlum po las gzhan pa'i tshogs so/ /chu krung gang+gA'i lho nas zhes bya ba ni chu klung gang+gA dang nye ba'i lho'i ngos nas zhes bya ba'i tha tshig go / byang nas zhes bya ba'i yang de bzhin du shes par bya'o/ /drul ba zhes bya ba ni ting nge 'dzin to/ /yang dag par sdom pa zhes bya ba ni tshul khrims so/ /don spyod pa zhes bya ba ni gzhan la phan 'dogs par byed pa'o/ /don mthun pa zhes bya ba ni 'bras bu mthun pa nyid kyis so/ /de ltar spyod pa yang zhes bya ba la sogs pa ni de ltar sbyin pa la sogs pa byed pa yang bsod nams mi byed pa kho na yin no zhes bya ba'i tha tshig go /chos 'di de 'dra ba zhes bya ba ni bsod nams dang sdig pa med pa nyid dang rgyu dang 'bras bu la skur ba 'debs pa zhes bya ba'i tha tshig go / lus bdun pa zhes bya ba ni cha bdun po 'am dngos po de yang yod pa'i sgrar brjod par bya ba zhes bya ba'i tha tshig go /ma byas pa zhes bya ba ni tshangs pa la sogs pa 'byin pa po rang gis ma byas pa'o/ /byas pas ma byas pa zhes bya ba ni tshangs pas byas pa'i skye dgu'i bdag po la sogs pas ma byas pa'o/ /ma sprul zhes bya ba ni tshangs pa la sogs pas rgyu med par 'dod pa'i dbang gis ma bslangs pa'o/ /sprul pas ma byas pa zhes bya ba ni tshangs pa la sogs pa'i sprul pa'i skye dgu'i bdag po la sogs pas rgyu med par 'dod pa'i dbang gis ma bslangs pa'o/ /gnod par byed pa ma yin pa zhes bya ba ni bsnun par mi nus pa'o/ /ther zug tu gnas pa zhes bya ba ni ngo bo nyid gcig tu gnas pa bstan pa'o/ /ka ba bzhin du gnas pa zhes bya ba ni ka ba'i rnam pa ltar mi 'gyur ba'o// srog gson pa nyid ces bya ba ni nang gi skyes bu spog gi rang bzhin du gson pa'o/ /bsod nams su 'gyur ba'i phyir zhes bya ba ni phan 'dogs pa'i sgo nas bsod nams su 'gyur ba'i phyir ro/ /sdig par 'gyur ba'i phyir zhes bya ba ni gnod pas byed pa'i sgo nas sdig par 'gyur ba'i phyir ro/ /bsod nams dang sdig par 'gyur ba'i phyir zhes bya ba ni phan 'dogs pa dang gnod par byed pa'i sgo nas gnyi gar 'gyur ba'i phyir ro/ /g.yo bar mi byed ces bya ba ni 'gul bar mi byed pa'o/ /rnam par 'gyur bar mi byed ces bya ba ni gzhan du 'gyur bar mi byed pa'o/ /gcig la gnod bar mi byed ces bya ba ni phan tshun gnod par mi byed pa'o/ /'o na brdeg pa la sogs pas rnam par 'gyur ba snang ngo snyam du dogs pa'i phyir skyes bu gang gis zhes bya ba la sogs pa smras so/ /de ci'i phyir zhe na/ / / de'i phyir lus bdun po dag la bar med par mtshon thal byung du 'gro zhes bya ba la sogs pa smras te/ bar med par zhes bya ba ni bu gu med par ro/ /gang gi phyir lus bdun po rtag pa dag la bar ma byas pa nyid du mgo gcod par byed pa'i mtshon de thal byung du 'gro ba dang/ gang gi phyir de gnas pa'i srog la gnod par byar mi nus te/ dus nges pa yin pa de'i phyir gnod pa cung zad kyang mi byed do/ /de ltar gnod pa med na lus rnam pa bdun po de dag la gnod pa byed pa yang med par bstan pa'i phyir de la gsod par byed pa 'am zhes bya ba la sogs pa smras so/ /skul bar byed pa zhes bya ba ni skul bas brdeg pa la sogs pa 'jug pa'o/ /skye gnas gtso bo dang ldan pa khri bzhi stong zhes bya ba ni dad pa dang/ khu byug dang/ khrung khrung la sogs pa skye gnas nas skyes ba'i gtso bo dag go / las lnga zhes bya ba ni bram ze gsad pa la sogs pa sdig to chen po lnga po dag go /las gsum zhes bya ba ni lus dang/ ngag dang/ yid kyi nyes pa dag go /las gnyis zhes bya ba ni rang gis byas pa dang/ gzhan gyis byas pa'o/ /las dang las byed ces bya ba la/ las zhes bya ba ni bsams pa dang byas pa gang yin pa'o/ /las byed ces bya ba ni bsams pa nyid yin la ma byas pa gang yin pa'o/ /lam drug cu rtsa gnyis zhes bya ba ni zan mi za ba dang/ mer mi 'jug pa dang/ ri las mtshor ba dang/ chur 'jug pa dang/ ral pa thogs pa dang/ thal ba skud pa dang/ g.yang gzhi thogs pa dang/ dbyug pa thogs pa la sogs pa mtho ris la sogs pa'i thabs dag go /rtogs pa bar ma drug cu rtsa gnyis zhes bya ba ni mi rnams kyi 'phel ba dang 'grib pa'i dus so/ /sems can dmyal ba brgya nyi shu zhes bya ba ni me ma mur la sogs pa brgya nyi shu'o/ /dbang po brgya nyi shu zhes bya ba ni mig la sogs pa brgya nyi shu'o/ /rdul gyi khams drug cu rtsa gnyis zhes bya ba ni brgya byin la sogs pa bde ba'i gnas dag go/ //bam po dgu pa/ 'du shes can gyi gnas bdun zhes bya ba ni gdan 'du shes yod pa'o/ /'du shes med pa'i gnas bdun zhes bya ba ni de las bzlog pa'o/ /lha ma yin bdun zhes bya ba ni gang dag na lha med pa dag go /sha za bdun zhes bya ba ni gang dag na sha za yod pa'o/ /mtsho chen po bdun zhes bya ba la sogs pa ni ma dros pa la sogs pa mtsho chen po dag go / mtsho bdun brgya pa zhes bya ba ni de dag las gzhan pa'i mtsho dag go /rmi lam chen po bdun zhes bya ba ni rmi lam du yun ring po dag go /rmi lam bdun brgya zhes bya ba ni de las gzhan pa'i rmi lam yun thung ngu dag go /sang pa chen po bdun zhes bya ba ni tshangs pa'i 'jig rten la sogs pa'o/ /sang pa bdun brgya pa zhes bya ba ni 'dod pa'i lha dag go /g.yang sa chen po bdun pa zhes bya ba ni dam grog chen po dag go /g.yang sa bdun brgya zhes bya ba ni de las gzhan pa dag go /mtsho dang g.yang sa dag ni skye ba'i sgo nas longs spyad pa dag yin no zhes grag go / mngon par mtho ba bcu zhes bya ba ni mi'i rgyal po chen po bzhi dang/ lha'i rgyal po chen po bzhi dang/ brgya byin nyid dang/ bdud nyid do/ /skyes bu chen po'i sa brgyad ces bya ba ni skyes pa'i sgo nas bsam gtan bzhi dang/ gzugs med pa bzhi po dag go /mtshams sbyar cing zhes bya ba ni bar do'i srid pas so/ /'khor nas zhes bya ba ni skye ba'o/ /skud pa'i drub bu zhes bya ba ni skud pa'i gong bu'o/ /steng gi nam mkha' la 'phangs pa zhes bya ba ni ngal 'phangs pa'o/ /gal te dus las grol ba yin na 'o na ci'i phyir tshul khrims la sogs pa spyod par byed snyam du dogs pa'i phyir/ de la dge sbyong ngam bram ze gang 'di skad ces bya ba la sogs pa smras so/ /tshul khrims zhes bya ba ni 'tshe ba la sogs pa las ldog pa'o// brtul zhugs zhes bya ba ni mtshan mo zab mo la sogs pa'i nges pa'o/ /dka' thub ces bya ba ni du ba rdub pa la sogs pa'o/ /tshangs par spyod pa zhes bya ba ni sprod pa las byung ba las ldog pa'o/ /yongs su smin pa zhes bya ba ni 'bras bu mngon du gyur pa'o/ /reg par byas nas zhes bya ba ni spyad nas so/ /byad? bar bya'o zhes bya ba ni zad par bya ba'o/ /bde ba dang sdug bsngal 'di ni nges pa yin no zhes bya ba ni mthar thug par bya ba'o/ /yar skye ba dang mar 'grib pa ni mi srid zhes bya ba la/ yar skye ba zhes bya ba ni bskal pa chen po brgyad khri bzhi stong las lhag pa'o/ /mar 'grib pa zhes bya ba ni de dag pas nyung pa ste des na de gnyi ka yang mi srid pa de kho na'i mdza' myong nas grol bar 'gyur ro zhes bya ba'i tha tshig go /'di lta bu nyid dang gzhan ma yin pa zhes bya ba la/ 'di lta bu nyid ces bya ba ni yar skye ba'o/ /gzhan yang zhes bya ba ni mar 'grib pa'o/ /ma yin zhes bya ba ni me srid pas so/ /yang na 'di lta bu nyid ces bya ba ni kho bos sngar ji ltar brjod pa'i rim pas so/ /gzhan yang ma yin pas zhes bya ba ni gal te de skad mi brjod na gzhan gang gis kyang de brjod par mi 'gyur ro/ /zhes bya ba ni tha tshig go /'khor ba gzhal lo zhes bya ba ni rnam par phye ba'o/ /chos 'di de 'dra ba zhes bya ba ni dus kyi ngo bo nyid kyis grol bar smra ba dang mthar 'dzin pa'i lta ba zhes bya ba'i tha tshig go /gal te 'ga' zhig kho bo'i gan du 'ongs te 'di skad ces 'jig rten pha rol yod dam zhes dri ba 'dri na zhes bya ba la sogs pa la/ yod dam zhes bya ba ni dri ba gcig ste/ rtag par 'dzin pa'o/ /med dam zhes bya ba ni dri ba gnyis pa ste/ chad par 'dzin pa'o/ /yod pa dang med pa yin nam zhes bya ba ni dri ba gsum pa ste/ rtag pa dang chad par 'dzin pa ste/ bdag tu 'dod pa'i 'jig rten la rtag pa dang chad par 'dzin pa'i phyir ro/ /yod pa yang ma Tyin med pa yang ma yin ba zhes bya ba ni dri ba bzhi pa ste/ rtag pa nyid dang mi rtag pa nyid gnyi ga mi rigs pa'i phyir gnas skabs su gtogs pa'i dri ba'o/ /de dag ni re zhig yod pa tsam dri ba dag yin no/ /bye brag tu dri ba de dag gi dbang du byas nas de bzhin du gal te zhes bya ba la sogs pa dri ba bzhi smras so/ /'jig rten pha rol 'di lta bu nyid ma yin pa yin nam zhes bya ba ni bye brag tu dri ba gcig ste/ 'di lta bu nyid ces bya ba ni rnam pa 'di lta bu nyid do/ /dang zhes bya ba'i sgra ni 'am zhes gang yang rung ba cig bzung ba'i don du mi lta ba'i dang zhes bya ba'i ska? nyid kyis gnyi ga bsdus pa'i don du blta'o/ /ma yin pa zhes bya ba ni sgra ni dgos pa'i don to/ /de nas 'jig rten pha rol 'jig rten 'di'i rnam pa dang 'dra ba 'di lta bu nyid kyang yin la 'jig rten 'di'i rnam pa 'dra ba 'di lta bu nyid kyang ma yin te/ cung zhig mi 'dra ba nyid kyang yod pa'i phyir ro/ /zhes 'dra ba yang yin la mi 'dra ba yang yin nam zhes 'dri'o/ /'jig rten pha rol gzhan nyid dang gzhan ma yin nam zhes bya ba ni bye brag te dri ba gnyis pa ste/ 'jig rten pha rol 'jig rten 'di las gzhan nyid kyang yin la/ gzhan pa nyid ma yin te/ cung zad dang 'dra ba yang yod pa'i phyir ro zhes gzhan ba yang yin la gzhan pa nyid kyang ma yin nam zhes 'dri'o/ /'jig rten pha rol gzhan ma yin ba nyid dang gzhan ma yin pa nyid ma yin pa ma yin nam zhes bya ba ni bye brag tu dri ba gsum pa ste/ 'jig rten pha rol 'jig rten 'di las gzhan ma yin pa nyid kyang yin la/ gzhan ma yin pa nyid ma yin pa yang yin te/ gzhan pa nyid dang gzhan ma yin pa nyid gnyi ga yang mnyam du yod pa'i phyir ro zhes gzhan ma yin pa yang yin la gzhan ma yin pa nyid kyang ma yin no zhes 'dri'o/ /'jig rten pha rol de nyid dang de nyid ma yin pa yin nam zhes bye brag tu dri ba bzhi pa ste/ 'jig rten pha rol 'jig rten 'di nyid kyang yin la/ 'di nyid ma yin pa yang yin te/ de nyid dang de nyid ma yin pa gnyi ga yang mnyam du yod pa'i phyir ro/ /zhes de nyid kyang yin la de nyid ma yin pa yang yin nam zhes 'dri'o/ /de la dri ba dang po la 'di lta bu nyid gtso che'o/ /gnyis pa la ni gzhan nyid gtso che'o/ /gsum pa la ni gzhan nyid dang gzhan ma yin pa nyid mnyam pa'o/ /bzhi pa la ni de nyid dang de nyid ma yin ba mnyam par shes par bya'o/ /chos 'di de 'dra ba zhes bya ba ni kun tu rmongs pa med? pa'i phyir rtag pa dang chad par smra ba dang/ bdag tu smra ba zhes bya ba'i tha tshig go /skyes bu gang zag ces bya ba ni sems can no/ /so sor myong ba zhes bya ba ni bde ba dang sdug bsngal nyams su myong ba'o/ /sngon byas pa'i rgyu las byung ba zhes bya ba ni sngon gyi las kyi rgyu las byung ba'o/ /dka' thub kyis 'byung bar 'gyur la zhes bya ba ni rtul zhugs drag po zad par 'gyur ro/ /mi bya bar chu lon gyis bzlog par zhes bya ba ni lhag par mi spyad pas 'jug par mi bya'o/ /zag pa med do zhes bya ba ni las kun tu mi spyad pa sdug bsngal mthar byed pa zhes bya ba mya ngan las 'das pa'o/ /chos 'di de dang 'dra ba zhes bya ba ni skyes bu'i rtsal la skur ba 'debs dka' thub kyis dag pa dang shes pa la skur pa 'debs pa zhes bya ba'i tha tshig go/ sman zhes bya ba la sogs pa ni sman 'chad ba dang/ gsang sngags 'chang ba dang/ rig sngags 'chang ba zhes bya ba'i tha tshig go /ci 'dir re zhig ston pas gdul ba yin naM 'on te nyan thos kyis gdul ba yin snyam du dgongs na zhes bya ba la sogs pa'i tshig de ni nyan thos kyis gdul ba thams cad dul bar mi 'gyur ba dgag pa yin gyi ston pas gdul ba kha cig ma dul bar dag pa ni ma yin te 'di ltar ston pas ni gdul ba thams cad gdul bar 'gyur ba'i phyir ro/ /pad pa'i nags khrod ces bya ba ni srog chags bde? pa yod pa'i nags khrod kyi nang na'o/ /'gro ba zhes bya ba ni phar 'gro ba'o/ /ldog pa zhes bya ba ni phyir ldog pa'o/ /chung? zad lta ba zhes bya ba ni mdun du lta ba'o/ /rnam par blta ba zhes bya ba ni g.yas g.yon du blta ba'o/ /bskum ba zhes bya ba ni lag pa la sogs bskum pa'o brkyang ba zhes bya ba ni yan lag la sogs pa brkyang ba'o/ /lhags zhing zhes bya ba ni 'ongs shing ngo/ /'chos la zhes bya ba ni bcos ma'i rnam pa byed pa la'o/ /'byor pa zhes bya ba ni shis pa'o/ /de'i phun sum tshogs pa zhes bya ba ni 'grub pa 'am ldan pa'o/ /ston pa'i lam gyi rjes su zhugs pa zhes bya ba ni lam gyi rjes su song ba'o/ /khyad bar ci mchis zhes bya ba ni bye brag ci yod ces bya ba'o/ /ri'i rgyal po ri rab ji lta ba de ltar ni ston pa la blta bar bya ba la zhes bya ba ni stobs la sogs pa'i yon tan dang byang chub kyi tshogs kyis mtho ba'i phyir ro/ /rgya mtsho chen po ji lta bde ltar ni ston pa blta bar bya la zhes bya ba ni ma 'dres pa'i dran pa nye bar bzhag pa dang gtang snyoms chen po la sogs pa'i yon tan dag gis zab pa'i phyir ro/ /nyi ma ji lta ba de ltar ni ston pa la blta bar bya zhes bya ba ni thams cad mkhyen pa nyid dang 'od kyis shin tu gsal ba'i phyir ro/ /nam mkha' ji lta ba de ltar ni ston pa blta bar bya la zhes bya ba ni nyon mongs pa bag chags dang bcas pa spangs pas sems can mdza' yas pa rnam par grol ba'i phyir ro/ /khyad par zhes bya ba ni bye brag go /me khyer zhes bya ba ni srin bu me khyer te srin bu'i mdog me 'dra ba'i phyir ro/ /sangs rgyas nyan thos byang chub khyad par de yod do zhes bya ba ni sangs rgyas kyi byang chub dang/ nyan thos kyi byang chub la bye brag de yod do zhes bya ba'i tha tshig go /dam pa ma yin par mi 'gyur la/ zhes bya ba ni mchog tu 'gyur ba'o/ /bzod pa zhes bya ba ni bzod pa dang ldan pa ste tshig nyan pa'o/ /mthong na mi mthun pa med pa ni zhe 'gras pa med pa ste bde ba byed pa zhes bya ba'i tha tshig go /mi 'dod bzhin du 'bral ba kho na yin gyi zhes bya ba ni mi dga' bzhin du 'bral pa'o/ /shin tu gzhon pa zhes bya ba ni lus kyis so/ /bde ba 'dod pa zhes bya ba ni sems kyis so/ /ri dags gdug pa zhes bya ba ni gcan zan no/ /gzhan gyis byin pas 'tsho bar bya dgos so zhes bya ba ni gzhan dag gis byin pa'i bza' ba dang/ btung ba dang gos la sogs pas 'tsho bar bya dgos pa ste/ gzhan gyi dor blta dgos pa zhes bya ba'i tha tshig go / mi 'dod pa dag las zhes bya ba ni gzugs dang sgra dang dri la sogs pa 'dod pa'i yo byad dag las so/ /dben bar zhes bya ba ni bar chad do/ /dga' ba dang rtse ba dag la zhes bya ba ni 'dod pa'i longs spyod dngos po dag las so/ /zhi ba zhes bya ba ni dga' ba'i tshig gis bor ba'o/ /mkhas pas bsngags pa zhes bya ba ni ye shes 'byam klas pa dag gis bsngags pa'o/ /slar ldog pa zhes bya ba ni phyir khyim du 'od ba'o/ /'bras bu'i rim gyis zhes bya ba ni 'bras bu zhes bya ba 'bras bcos pa'i khu ba thug ba'i rnam pa lta bu ste dang por de btung ba'i rims kyis so/ /zan bcad pa byas pa ni drod chung bas dang por de 'thungs na me'i khams skye bar 'gyur ba'i phyir ro/ /mthu zhes bya ba ni bstan pa nyid do/ /stobs zhes bya ba ni 'ong ba dang 'gro ba la sogs pa'i nus pa'o/ /brtson 'grus zhes bya ba ni yid kyi spros pa'o/ /bskyed de zhes bya ba ni byas te'o/ /rab tu 'byung ba la mos pa bya ba zhes bya ba ni rab tu 'byung ba mngon par 'dod par bya ba'o/ /rigs zhes bya ba ni 'os shing bzang ba zhes bya ba'i tha tshig go /ma 'dres pa zhes bya ba ni rgyal po la sogs pa dang thun mong ma yin pa'o/ /bran zhes bya ba ni nye bar spyod pa'o/ /ma dag gzhug ces bya ba ni lkog gi las su bsko bar bya ba'o/ /bsko ba zhes bya ba ni mngon sum gyi las su bsko bar bya ba'o/ /rang dbang med pa zhes bya ba ni gzhan la rag las pa'o/ /dga' dgur 'gror med pa zhes bya ba ni dga' dgur spyad du med pa'o/ /mchod par bya ba zhes bya ba ni chos gos la sogs pas so/ /bstod par bya ba zhes bya ba ni tshig gis so/ /grub pa dang bde ba zhes bya ba la /grub pa zhes bya ba ni sngar thob pa'o/ /bde ba zhes bya ba ni thob pa mi nyams pa ste de ni grub pa yang yin la bde ba yang yin pas grub pa dang bde ba ste/ mya ngan las 'das pa zhes bya ba'i tha tshig go /nyams na zhes bya ba ni ma thob pa ste mya ngan las 'das pa las ma thog pa'i yongs su nyams pa nyams na'o/ /gong nas gong du yid la byed pa'i khyad par thob nas zhes bya ba ni mi sdug pa dang/ dbugs 'byung ba dang/ rdub ba dran pa dang/ dro bar gyur pa la sogs pa dag go /cha lnga pa zhes bya ba ni sems can dmyal ba dang/ yi dags dang/ dud 'gro dang/ lha dang/ mi'i 'gro ba lnga'i rigs lnga dang ldan pa'o/ /g.yo ba zhes bya ba ni rgyun gyis ma rtag pas so/ /mi g.yo ba zhes bya ba ni 'phags pa'i lam med par mi ldog pa'i phyir ro/ /'du byed rnam pa thams cad ces bya ba ni gzugs la sogs pa 'du byed kyi rnam pa thams cad do/ /nyams pa zhes bya ba ni skye ba'i chos nyid kyis so/ /ltung ba zhes bya ba ni rgas pa'i chos nyid kyis so/ /rnam par 'thor? ba zhes bya ba ni na ba'i chos nyid kyis so/ /rnam par 'jig pa zhes bya ba ni 'chi ba'i chos nyid kyis so/ /zil gyis mnan nas zhes bya ba ni zil gyis mnan te'o/ /kha ton dag ces bya ba ni tshig gi the tshom bcad pa'i phyir ro/ /yongs su dri ba dag ces bya ba ni don gyi the tshom bcad pa'i phyir ro/ /chos gos byas pa dang ldan pa zhes bya ba ni tha ga pa la sogs pa las so/ /chos gos zin pa dang ldan pa zhes bya ba ni bkru bshal ba dang bco blag pa las so/ /som nyid zhes bya ba ni rang gi rtog pa las the tshom za ba'o/ /yid gnyis zhes bya ba ni gzhan gyis bstan pa las the tshom za ba'o/ /'dod ba skyes shing zhes bya ba ni byas pa shes pa nyid dang smon lam gyi dbang gis dge ba'i chos la 'dun pa skyed pa'o/ /chos kyi sku'i sgo nas mi mthong na zhes bya ba ni lam gyi bden pa bsgom pa'i dus na'o/ /khyod dus su zin to zhes bya ba ni gnas mal dang zas bsko bas brel bar gyur pas des de sel bar byed pa'i phyir ro/ /gnas mal gyi mthun par 'bog par byed ces bya ba ni mthun par mi bsdeb par ro/ /dper? na chu med pa las autpa la bzhin no zhes bya ba ni mi skye ba bzhin no/ /yang dag par rdzogs par sangs rgyas pa zhes bya ba ni phyin ci ma log pa'i ye shes yang dag par shes bya'i yul ma lus par rdzogs par thugs su chud cing sangs rgyas pa'o/ /bsko bar bya'o zhes bya ba ni sngar spro bar byas nas gsol ba dang gnyis kyi las kyis so/ /dbyung bar bya ste zhes bya ba ni las de las so/ /gnas mal phog pa mi shes zhes bya ba ni brjod des? pa'o/ /gnas mal 'bog pa zhes bya ba ni stobs pa'o/ /gsol ba byas te las bya ba ni gsol ba dang gnyis kyi las so gtam/ /can dang 'brel pa'i gtam gyis rnam par gtan la 'bebs pas zhes bya ba la gtam zhes bya ba ni chos ston pa'o/ /'brel pa'i gtam zhes bya ba ni lhan cig 'brel cing phan tshun chos spyod pa'o/ /gtam dang 'brel pa'i gtam de gnyis kyis chos rnam par 'byed pa ni gtam dang 'brel pa'i gtam gyis rnam par gtan la 'bebs pa ste zhes bya ba'i tha tshig go / rdzu 'phrul gyi cho 'phrul zhes bya ba ni rdzu 'phrul gyi mtshan nyid rnan du byung ba'o/ /gnas pa zhes bya ba ni gnas kyi khyad par shes pa'o/ /gnyug mar gnas pa zhes bya ba ni ngas par gnas pa'o/ /gsol bar byed pa zhes bya ba ni gsol ba dang/ gsol ba dang gnyis dang gsol ba dang bzhi'i las byed pa'o/ /gtams pa 'dzin pa zhes bya ba ni gzhan gyis btam pa srung ba'o/ /lugs ji lta ba bzhin zhes bya ba ni rnam pa dang zhag pa'i rjes su 'brangs? pas zas bsod pa dang/ 'bring dang/ na pa'i rjes su 'gro ba'o/ /rgan rim ji lta ba bzhin zhes bya ba ni rgan pa'i rjes su 'gro bas so/ /go rims ji lta ba bzhin zhes bya ba ni rim bzhin du bar mi 'dor bar ro/ /thong rgal med par zhes bya ba ni bkol bar mi 'os pa? bkol bar mi byed pa'o/ /mdza' i gtsug lag /ces bya ba ni mjug na 'dug pa'o/ /gnas ngan len kun tu spyod pa zhes bya ba ni rang nyams can te thad du smod par kun tu spyod pa zhes bya ba'i tha tshig go /mi bzod ces bya ba ni rtag tu byung ba'i phyir ro/ /mi mdzes shing zhes bya ba ni ma legs pa'o/ /ltung ba ma mchis pa la zhes bya ba ni ltung ba ma byung ba la'o/ /gzhim mchis ba zhes bya ba ni mthong ba dang/ thos pa dang/ dogs pa'i gzhi gsum med par ro/ /de la mthong ba ni bdag nyid kyi mig gis mthong ngo/ /thos pa ni gzhan las gtam thos pa ma yin gyi/ yol ba la sogs pas bsgribs pa'i phag na mi tshangs par spyod pa la sog pa la byed pa'i sgra? bdag nyid kyi snabs thos pa'o/ /dogs pa ni bar du tha gus drang ba la sogs pas brtags dgos pa'o/ /dran pa dang ldan par zung zhig ces? bya ba ni de'i dran pa med? mar gyur ba yin par gyis shig ces bya ba'i tha tshig go / rang gis khas blangs pas bsnyil bar bya'o zhes bya ba ni rang gi tshig gis ni phyis dgyis ces bya ba'i tha tshig go /gleng bar gyis shig ces bya ba ni dris shig ces bya ba'o/ /rtag par gyis shig ces bya ba ni gtan la phob? shig ces bya ba'i tha tshig go / mdun pas smras zhes bya ba ni bdag la byams pa'i rgyus so/ /'jigs pas smras zhes bya ba ni phyis gnod pa byed pas 'jigs pa'i phyir ro?/ /lus can brdzun du smra ba yin zhes bya ba la sogs pa gsungs pas sems can brdzun du smra ba'i chos gtso bo gcig las 'das par gyur cing 'jig rten pha rol dral cing smras pas byas pa ni tshe 'di nyid la sdig pa mi bya ba ci yang med do zhes bya ba'i tha tshig go / brdzun? du smra ba sdig pa'i rgyu nyid dang sdug bsngal gyi rgyu nyid kyang yin bar bstan pa'i phyir/ lcags gong me lce 'dra ba dag ces bya ba la sogs pa gsungs so/ /tshul 'chal ces bya ba ni brdzun du smra ba'o/ /yang dag mi sdom pa zhes bya ba ni mi spong ba ste 'dis ni tshul? 'chal pa bstan to/ ngan? te zhes bya ba ni smad pa'o/ /mi bzang ngo zhes bya ba ni bdag nyid la gnod pa'i phyir ro/ /mchog tu mi bzod do/ /zhes bya ba ni gzhan la gnod pa'i phyir ro/ /yang na 'jig rten 'di dang mi mthun pa dang/ 'jig rten pha rol dang mi mthun pa ste go rims bzhin no/ /de ma spangs na zhes bya ba ni 'og nas 'byung ba nye bar spyod pa de ni mi spong zhing yang dang yang du byed na zhes bya ba'i tha tshig go / bdag nyid tshul khrims 'chal cing zhes bya ba ni mnyam par ma bzhag pa'o/ /gzhan la tshul khrims kyi dbang du byas te/ smra ba zhes bya ba ni tshul khrims kyi dbang du byas te glang bar byed ces bya ba'i tha tshig go / ston pas gzhan yang 'di skad ces bka' stsal to zhes bya ba ni nyan pa po drung na gnas pa rgyas pa dang mdor bsdu ba la mos pa gnyi ga la phan gdags pa'i phyir dang phyis 'ongs pas sngar rgyas par bstan pas ma thob pa la phan 'dags pa'i phyir dang/ dge ba'i rtsa ba yongs su smin par bya ba tshig bzlas pa la bltos pa dag yongs su smin par bya ba'i phyir ro/ /brdzun du smra ba'i nyes dmigs bstan pa'i phyir/ /tshig gis nyes smras rjod byed na zhes bya ba la sogs pa gsungs so/ /'thab krol zhes bya ba ni gnod pa'i rgyu'o/ /rgyan pos 'thab krol du gyur pa yin na bstod pa dang smod pa gnyis ji ltar 'thab krol yin zhe na/ de'i phyir/ gang 'dir tshe los zhes bya ba la sogs pa gsungs so/ /tshe lo zhes bya ba ni rgyan po'i rtsed mo'o/ /rang nor pham byed pa zhes bya ba ni nyams par byed pa'o/ /bstod pa dang smad pa zhes bya ba ni de bzhin gshegs pa dang de bzhin gshegs pa'i nyan thos rnams la'o/ /ji ltar na de 'thab krol shin tu chen po yin zhe na/ de'i phyir 'phags pas smad pas zhes bya ba la sogs pa gsungs so/ /'phags pas smad pas zhes bya ba ni skyo bo 'phags pa la skur pa 'debs pas so/ /dag yid sdig rten na zhes bya ba ni dag gis skur pa 'debs pa dang/ yid kyis ngan sems bskyed na'o/ /bye ba brgya phrag stong zhes bya ba la/ bye ba zhes bya ba ni grangs kyi gnas brgyad pa ste/ brgya phrag stong ni bye ba phrag 'bum mo/ /dung 'phyur phrag sum cu drug dang lnga zhes bya ba la/ dung gyur zhes bya ba ni grangs kyi gnas dgu ba ste/ de phrag sum cu rtsa drug dang lnga ni dung phyur phrag bzhi bcu rtsa gcig ste/ skya bo 'phags pas smad ba gang dag ngag dang yid kyi sgo nas gzhan la skur pa 'debs shing smad pa dang/ zhe sdang bskyed cing tshangs par spyod pa dang 'bral bar sems pha de dag ni lo grangs bye ba phrag 'bum dang/ dung phyug phrag bzhi bcu rtsa gcig ji snyed sems can dmyal ba rnams su 'gro bar/ 'gyur bas de'i phyir gang dag bde bar gshegs pa dang/ bde bar gshegs pa'i sras chos sgrog pa la sogs pa dag la ngag dang yid kyis 'thab krol byed pa de ni shin tu 'thab krol tshen po yin no zhes bya ba'i tha tshig go /tshangs par spyod pa dang/ dpral lo snyam nas zhes bya ba ni dge slong gi dngos po las 'bral lo snyam nas so/ /dge slong dag pa zhes bya ba ni ltung ba med pa'o/ /gzhi de'i ltung ba med pa zhes bya ba ni gzhi gsum po gang gis skur pa de'i'o/ /brjod do cog ces bya ba ni rtsom pa tha dad pa'i phyir te/ mthong ba la sogs pa la zhes bya ba ni tha tshig go / brjed pa zhes bya ba ni mi dran pa'o/ /yid ches nas zhes bya ba ni bde bar ro/ /ji ltar gzhi lngas ltung bar mi 'gyur zhe na zhes bya ba la sogs pa ni ma mthong la la sogs pa la 'phrul ba'i rgyus mthong bar 'du shes pas mthong ngo zhes bya ba la sogs pa smras pa la 'du shes bsgyur ba med pa'i phyir ltung bar mi 'gyur ro ma dag pa ltar bcos pa zhes bya ba ni tshul ngan pa'i phyir ma dag pa ltar snang ba'o/ /gzhi bcu gcig dang gzhi drug ces bya ba 'di ni mthong ba gnyis lhag pa'i phyir ro/ /dag pa ltar bcos pa zhes bya ba ni tshul bzang bas dag pa ltar snang ba'o/ /dril bsgrags pa zhes bya ba ni skye bo thams cad la bsgrags pa'o/ /ngos la ri sor bris pa phan chad ces bya ba ni rtsig ngos la sogs pa la ri mor bris pa'i tshigs kyis gzung ba phan chad do/ /dril bsgrags pa dang/ ngos la ri mo sris? pa phan chad la skur pa 'debs pa ni bsam pa ji lta bu la ltung ba med ce na/ de'i phyir ji ltar bdag gis shes pa de bzhin du 'jig rten thams cad kyis kyang shes so snyam na'o zhes bya ba gsungs te/ grags pa'i dbang gis 'du shes bsgyur ba med pas 'di la ltung ba med par rnam par bzhag go / me'i khams zhes bya ba ni yol? mos pa'o/ /rnyings pa zhes bya ba ni gyi na'o/ /stobs par byed pa zhes bya ba ni 'bul bar byed pa gang yin pa'o/ /sel bar byed pa zhes bya ba ni lhag ma la sogs pa 'dor bar byed pa gang yin pa'o/ /rgyal chen zhes bya ba ni chu'i nang du 'jug pa gang yin pa'o/ /gru ba zhes bya ba ni gru pa'i las phyed pa gang yin pa'o/ /rlung yor thogs pa zhes bya ba ni rlung yor kyi drung na 'dug cing lam dang lam ma yin pa dag la rtog par byed pa gang yin ba'o/ /bkren pa zhes bya ba ni zas dang gos med pa lus dri mas gos pa snying rje'i gnas so/ /sdug phongs zhes bya ba ni slong 'dod pas bsten pa'o/ /skyo ma zhes bya ba ni skom gyi nang du phye btab pa'o/ /phu nu mo lta bu zhes bya ba ni phu nu mo dang 'dra ba'o/ /shin tu rngams che zhes bya ba ni che ba'o/ /yongs su rdzogs pa zhes bya ba ni grogs rnyed pa'o/ /lus 'jigs pa zhes bya ba ni 'chi ba'o/ /ma nyes so zhes smras pa zhes bya ba ni bdag la nyes pa med do zhes smras pa'o/ /sdum chos zhes bya ba ni khyim tshes so/ /sdun ma byung ba zhes bya ba ni rang la skyon chags pa'i phyir ro/ /gnod pa med pa zhes bya ba ni de la mi gnod pa'i phyir ro/ /yon tan gyi tshogs zhes bya ba ni mthong ba'i lam la sogs pa zag pa med pa'o/ /gzhi med par skur pa 'debs pa'i dge 'dun lhag ma ste brgyad pa'i tshig rnam par bshad pa rdzogs so/ / //rdo brtsig can zhes bya ba ni rdo brtsigs pa'o/ /shes nas dad pa dang ldan pas zhes bya ba la/ shes nas dad pa zhes bya ba ni bden pa mthong bas sangs rgyas dang chos dang dge 'dun dag ji lta ba bzhin du shes nas dang pa thob pa gang yin pa de de dang ldan ba'o/ /zhal ta zhes bya ba ni bya ba'o/ /ri dags zhes bya ba ni rkang bzhi pa dag go /gnas nas dbyung ba'i las zhes bya ba ni ltung ba phyir mi 'chos pas so/ /bag tsam las bsams pa zhes bya ba ni cha shas tsam bzung ngo/ /rdzu 'phrul gyi cho 'phrul zhes bya ba ni so sor mo las 'od skar pa'o/ /gzhan gyi cha ma yin pa dang mthun pa zhes bya ba la/ gzhan zhes bya ba ni mya ngan las 'das pa ste/ 'khor ba las gzhan yin pa'i phyir ro/ /de'i cha ma yin pa zhes bya ba ni mi mthun pa'i phyogs te/ nyon mongs can gyi chos rnams so/ /de dang mthun pa zhes bya ba ni de 'gyur pa 'am de la yod pa ste pham par 'gyur ba bzhi po dag go / de pham par 'gyur ba bzhi po dag yin na pham par 'gyur ba'i chos kyis zhes bya ba dngos su smos ci dgos she na de ni pham pa'i nyes pa bstan pa'i phyir te/ pham par 'gyur ba'i chos ni mya ngan las 'das pa dang mi mthun pa yin pa'i phyir ro/ / //brag tsam las bsams pas tsam zhes bya ba la bag tsam zhes bya ba ni cha shas so/ /de las bsams pa zhes bya ba ni de las sems bzhag pa ste de nyid tsam bya ste 'phags pa dang 'phags ma de gnyis nye ba dang ri dag dang ri dags mo log par zhugs pa tsam mo/ /blangs par gyur la zhes bya ba ni yid kyis nges par byas zhes bya ba'i tha tshig go /lta ba thob nas zhes bya ba ni blo skye nas zhes bya ba'i tha tshig go /ltung ba rnam par bzhag pa'i skabs 'dir pham par 'gyur bar byed pa las ltung ba med pa dang/ dge 'dun lhag ma dang/ ltung byed dang/ so sor bshags par bya ba dang/ nyes byas kyi blo skyes pa lnga dang/ dge 'dun lhag ma dang/ ltung byed dang/ so sor bshags par bya ba dang/ nyes byas byed pa la yang lnga lnga ste lung ba'i 'gros nyi shu rtsa lngar shes par bya'o/ /dge 'dun lhag ma snga ma dang 'di gnyis la bye brag ni snga ma ni gzhi med pa kho nar skur pa 'debs pa yin la/ 'di ni bag tsam gyi gzhi yod pa las skur pa 'debs pa yin no/ /gzhan gyi cha ma yin pa dang mthun pa'i dge 'dun lhag ma ste dgu pa'i tshig rnam pas bshad pa rdzogs so/ / //gang gis ming gis 'dzam+bu'i gling zhes bya bar shes pa'i shing 'dzum+bu zhes bya ba ni 'dzam bu'i gling byang gi ngos rgya mtsho'i 'gram na shing ljon pa 'dzam bu zhes bya ba bong tshod chen po yod pa de'i ming gis gling 'di 'dzam bu'i gling zhes bya bar shes pa'i shing de'o/ /'dzam bu'i 'bras bu lhags pa zhes bya ba ni 'dzam bu lhags shing pags pa skams pa dag go /de'i nyen kor na zhes bya ba ni 'dzam bu'i drung na zhes bya ba'i tha tshig go /lhag ma yod na dge slong rnams la yang bgo bsha' byed do zhes bya ba ni lhag ma yang na dge slong rnams la phan 'dogs zhes bya ba'i tha tshig go / bdud rtsi zhes bya ba ni zhun mar gyi rnam pa lta bu'i zas so/ /'dod pa'i rnam pa zhes bya ba ni 'dod zhen che ba nyid do/ /gzhan yang zhes bya ba ni mngon par shes pa lhag ma rnams so/ /tshul bzhin yid la gyis shig ces bya ba ni yang dag par rtogs shig bya ba'i tha tshig go /yang dag par bkrod pa zhes bya ba ni gros byas pas so/ /sde can ma'i phug ces bya ba ni sde can mas byed du bcug pa'i phug gis ming ngo/ /g.yo med pa zhes bya ba ni gya gyu med pa ste bsams pa ji lta ba bzhin du smra zhes bya ba'i tha tshig go /med pa zhes bya ba ni mi bslu ba'o/ /drang ngo zhes bya ba ni g.yo dang sgyu dang bral ba'i phyir spyod pa gsal ba'o/ /drang po'i rang bzhin can zhes bya ba ni skyes nas 'thob pa'i rnam pa dang ldan pa yin gyi sbyor ba las byung ba dang ldan pa ma yin zhes bya ba'i tha tshig go / phu nu po rgan pa zhes bya ba ni yun rgan pa'o/ /rnam par ma ltas par zhes bya ba ni rnam pa'i phyir ro/ /bcom ldan 'das kyis ci'i phyir ma bskul ce ma las kyi dbang gis gdon mi za bar grub pas/ bcom ldan 'das ni gnas ma yin par mi 'jug pa'i phyir ro/ /bsam gtan dang po la brten nas zhes bya ba ni mi lcogs pa med pa las brten pa yin te/ dngos gzhi las ni ma yin te/ lhas byin 'dod chags dang ma bral ba'i phyir ro/ /shes pa dang mthong ba snang ba dang mi snang ba yang nyams su myong bar byed do zhes bya ba la/ shes pa zhes bya ba ni mngon par shes pa'o/ /mthong ba zhes bya ba ni sbyor ba las byung ba'i sems kyi shes rab ste/ de gnyis kyis nyams su myong bar byed do zhes bya bar sbyar ro/ /snang ba zhes bya ba ni mngon pa'o/ /mi snang ba zhes bya ba ni mi mngon pa'o/ /nyams su myong bar byed do zhes bya ba ni bdag nyid kyis kyang nyams su myong bar byed pa yin gyi gzhan gyis dbang po slu bar byed pa yin zhes bya ba'i tha tshig go / ngos kyi rtsig pa zhes bya ba ni ngos? na 'dug pa'i rtsig pa ste de la lus kyi mi thogs par 'gro zhes bya bar sbyar ro/ /ngos kyi ra ba zhes bya ba la yang de bzhin du shes par bya'o/ /steng du 'byung ba zhes bya ba ni gyen du 'byung ba'o/ /bye'u zul zhes bya ba ni 'og tu 'jug pa'o/ 'dag chags bya zhes bya ba ni 'dab ma yod pa bya'i skye gnas nas skyes pa'o/ /mthu dang ldan pa'i bu zhes bya ba ni gtso bos te mthu dang ldan pa zhes bya ba ni stobs dang ldan pa ste/ de'i bu brgyud yin pa'i phyir ro/ /'gro bar byed ces bya ba ni g.yo bar byed pa'o/ /ldog par byed ces bya ba ni 'phang par byed pa'o/ /'khyud par byed ces bya ba ni mgul nas 'khyud par byed pa'o/ /kha sbyor bar byed ces bya ba ni 'o byed pa'o/ /kun tu 'khyud par byed ces bya ba ni lus kyi rked pa nas 'khyud par byed pa'o/ /zil gyis gnon cing zhes bya ba ni lus dang ngag pham par byas pa'o/ /sems yongs su gtugs pas zhes bya ba ni sems kun nas dkris pa'o/ /dad pa'i ched du bya ba zhes bya ba ni dad pa'i las te bsnyen bkur bya ba'i tha tshig go /snod du bcos pa zhes bya ba ni snod nang du 'bras can dang tshod ma'o/ /zas kyi tshom bu tshom bu dag ces bya ba ni 'dri ma sgo'i zas kyi spyi bungs te bzlas pa'i phyir lan gnyis su smos so/ /zas kyi dral zhes bya ba ni bkang pa'i gral lo/ /dga' bar ma byed cig ces bya ba ni 'dod par ma byed cig ces pa'o/ /bsod pa zhes bya ba ni chud za ba'o/ /zil gyis gnon pa zhes bya ba ni smad pa la sogs pa'i mi gus pa'o/ /chu shing gi gsod pa ni skam pa'o/ /zil gyis gnon pa zhes bya ba 'brul ba la sogs pa'o/ /'od ma dang 'dam bu la yang de bzhin du shes par bya'o/ /dre'u mo zhes bya ba ni dre mo'o/ /de'i gsang na 'chi ba'o/ /zil gyis gnon pa ni lto 'dral ba'o/ /rnyed pa dang bkur sti zil gyis mnan par bya zhing zhes bya ba ni yongs su spangs par bya zhing ngo/ /sems yongs su gtugs shing gnas par mi bya ba ni sred pa bskyed par mi bya zhes bya ba'i tha tshig go / byis pa zhes bya ba ni rmongs pa'o/ /ji tsam zhes bya ba ni mdza' bstan pa'o/ /grags par gyur pa zhes bya ba ni bkur sti byas pa'o/ /dkar cha zhes bya ba ni dge ba'i phyogs so/ /rtse mo las kyang ltung bar 'gyur ba zhes bya ba ni nges par 'byed pa'i cha dang mthun pa'i dge ba'i rtsa ba rtse mo zhes bya ba las kyang yongs su nyams par 'gyur ro zhes bya ba'i tha tshig go / rgan po zhes bya ba ni rgan pa'i gnas skabs su gyur pa'o/ /rgas pa zhes bya ba ni lus rgas pa'i mthar thug pa'o/ /dgog tu gyur pa zhes bya ba ni lus lci ba'o/ /yongs su drang bar bya zhes bya ba ni rjes su bstan par bya'o/ /sems bskyed ma thag tu zhes bya ba ni sems bskyed pa'i mod la'o/ /yongs su nyams par gyur ces bya ba'i bsod nams zad pas rgyud nyams zhes bya ba'i tha tshig go /tshangs pa'i gnas pa bzhi po dag ces bya ba ni byams pa la sogs pa tshad med pa bzhi ste/ bcom ldan 'das tshangs par gyur pa de dag gis gnas pa'i phyir ro/ /'dod pa la 'dun pa zhes bya ba ni 'dod chags so/ /des mang du gnas pas zhes bya ba ni 'dod pa la 'dun pa spangs pa des gnas pa ste/ de las yongs su mi nyams zhes bya ba'i tha tshig go /ngan spong gi bu dag ces bya ba ni drang srong ngan spong gi rgyud kyi mi dag gnas pa'i yul lo/ /chu srin byis pa gsod kyi ri zhes bya ba ni ri'i ming ste de'i nye 'khor na srog chags chu srin byis pa gsod ces bya ba dag gnas pa'i phyir ro/ /'jigs su rung gi tshal zhes bya ba ni nags tshal gyi ming ste/ gnod sbyin mo 'jigs su rung ba dag /gnas pa'i phyir ro/ /maung+gal gyi bu khyod kyis zhes bya ba la sogs pa ni dri ba'i tshig ste khyod kyis ches sngar rig gzhes bya ba'i tha tshig go / sems la sems kyis khyab par bya ste zhes bya ba ni lhas byin gyis sems la bdag gi pha rol gyi sems shes pas dmigs te zhes bya ba'i tha tshig go /tshig srungs shig ces bya ba ni kun nas mnar sems dang khro ba la sogs pa'i nyas pa bcad pa'i phyir ro/ /nges pa nges pa dag ces bya ba ni 'dod pa chud ba ste/ bzang po zhes bya ba'i tha tshig go /ro dang 'dra ba zhes bya ba ni snying po med pa ste/ zag pa med pa'i yon tan med pa'i phyir ro/ /kun nas mnar sems zhes bya ba ni zhe sdang ngo/ /mi bzad ba ces bya ba ni mi 'dod pa'o/ /yid mi ches zhes bya ba ni ma dang pa'o/ /sdod cig ces bya ba ni spyod pa'i tha tshig go /kun dga' bo song la zhes bya ba la sogs pa la/ dge 'dun byed par gyur tam 'byed kyang de bzhin gshegs pa la zhum pa dang srung bar bzhed pa mi mnga' rste/ ma 'dres pa'i dran pa nye bar bzhag pa dag la rtag tu gnas pa'i phyir ro zhes bstan pa'i phyir/ dge slong rnams la bka' stsal pa zhes bya ba la sogs pa gsungs so/ /dge slong dag lnga po 'di dag ni zhes bya ba la sogs pa la/ kun nas nyon mongs pa med do zhes bya ba ni ni tshul khrims 'tshal ba dang nyon mongs pa dag gis ma nyams pa steng ni yongs su dag pa nyid kyi rgyu bstan pa'o/ /lhan cig 'grogs pa'i rgyus zhes bya ba ni lhan cig na 'dug pa'i rgyus so/ /sems par byed do zhes bya ba ni rnam par lta bar byed pa'o/ /re bar byed de zhes bya ba ni 'dod par byed pa'o/ /'tsho bar byed de zhes bya ba ni chos gos la sogs pa bsgrub pa'o/ /shes pa zhes bya ba ni lha'i gis shes pa la sogs pa'o/ /brda sprod pa phun sum tshogs pa zhes bya ba ni dngos po bden pa brda' sprod pa'o/ /chos 'dul ba legs par gsungs pa zhes bya ba ni thar pa'i lam bden pa ston pa'o/ /tshar bcad cing tshar bcad cing zhes bya ba la sogs pa ni 'di skad bstan te/ ji ltar 'jig rten pa'i ston pa lnga po de dag ni nyan thos rnams las dngos po lnga r e bar byed pas nyan thos rnams la sems zhum pas bltos pa dang bcas par gnas kyi nga la ni de lta bu med pas de'i phyir de ni snying rje dang re ba med pa'i phyir tshar bcad cing zhes bya ba thag bcad cing thag bcad cing khyed cig? la 'doms par byed zil? gyis mnan cing zil gyis mnan cing zhes bya ba spa bkod zhing khyed la 'doms par byed do/ /khyod la dbyig tu mi 'dzin cing zhes bya ba ni kun tu bsrung ba'i blos 'dzin par mi byed pa ste/ dper na rdza mkhan gyi snod sa ma btang ba dag snying po med pa dang/ spyad mi bzod pa'i phyir de dag las gang snying po yang ba de 'jog par byed pa bzhin du khyed cag las kyang gang snod du rung bar 'gyur ba'i snying po yod pa de 'jog par byed do/ /mdor bsdu nang don du gnyer ba dang bcas pa nyid na nga'i tshig gi lam phan pa ston pa dag la bzod par gyis shig /de don du mi gnyer ba nyid yin na ci dgar dengs? so shig / nga ni cung zad tsam dang ji ltar yang don du gnyer bar mi byed de zhes bstan te/ /'khor lo yang dbye ste zhes bya ba ni 'phags pa'i lam dbye ba'o/ /snyan pa'i sgra tshegs rgya chen po dge ba zhes bya ba la snyan pa'i sgra'i tshogs zhes bya ba ni snyan tshig dag gi tshogs so/ /rgya chen po zhes bya ba ni mang po'o/ /dge ba zhes bya ba ni bsngags pa'o/ /'phags pa nyid ces bya ba ni nye bar 'ongs par byed pa'o/ /dra ba zhes bya ba ni lhung bzed gzhug pa'o/ /phor bu zhes bya ba ni skom gyi snod do/ /bsnyen bkur zhes bya ba ni bsdu ba'o/ /slongs mo zhes bya ba ni gso ba'o/ /brtul ba zhes bya ba ni brtsal ba'o/ /bzhams te zhes bya ba ni tshig 'jam pos ste sdums byed pa'i phyir ro/ /bsgo ba zhes bya ba ni go bar byed pa ste bzlog par bya ba zhes bya ba'i tha tshig go /mthun pa zhes bya ba ni bya ba cig pa ste lam du zhugs pa dbye ba'i phyir zhes bya ba ni dbyen bya ba'i phyir ro/ /brtul bar ma byed cig ces bya ba ni rtsol bar ma byed ces bya ba'o/ /dbyen byed par 'gyur ba'i rtsod pa zhes bya ba ni dbyen byed par 'gyur ba'i rgyu'i rtsod pa'o/ /yang dag par blangs nas zhes bya ba ni de la dmigs nas so/ /rab tu bzung ste zhes bya ba ni dam du bzung ste zhes bya ba ni tha tshig go /mthun par gyis shig ces bya ba ni 'dum par gyis shig ces bya ba'o/ /ci'i phyir mthun par bya zhe na/ de'i phyir/ dge 'dun mthun pa zhes bya ba la sogs pa nas bde ba la reg par 'gyur gyi zhes bya ba'i bar gyis de'i dgos pa bstan pa ste/ gang gi phyir dge 'dun mthun na dge ba la reg par gnas par 'gyur ba de'i phyir dge 'dun dang mthun par gyis shig ces bya ba'i tha tshig go /mthun zhes bya ba ni bya ba gcig pa ste lam gcig tu zhugs pa'i phyir ro zhes sngar bstan pa yin no/ /mi phyed ces bya ba ni 'dres pa ste bar du chod pa med pa'o/ /kun tu dga' zhes bya ba ni phan tshun yon tan brjod par dga' ba'o/ /mi rtsod pa zhes bya ba ni rtsod pa ma byung ba'o/ /mchog gcig zhes bya ba ni 'bras bu gcig pa ste mya ngan las 'das pa'i 'bras bu mchog gcig dang ldan pa'i phyir ro/ /'don pa cig ces bya ba ni gso sbyong mthun pa'o/ /chu dang 'o ma gcig tu 'dres pa lta bur gyur la zhes bya ba ni dgag dbye la sogs pa'i las mthun pa'i phyir ro/ /ston pa'i bstan pa gsal bar byed? na zhes bya ba ni rab tu ston par byed na'o/ /bde ba la reg par gnas par 'gyur gyis zhes bya ba ni mya ngan las 'das pa 'thob par 'gyur ba'o/ /nan gyi mchog tu bzung zhing zhes bya ba ni mthu ji lta bas dmigs shing ngo/ /mngon par zhen nas zhes bya ba ni dam du bzung nas so/ /bden gyis zhes bya ba ni ma nor gyis zhes bya ba'o/ /brdzun pa'o zhes bya ba ni 'bras bu med pa'o/ /mi mthun par smra ba zhes bya ba ni gzhung lugs tha dad par sma ba'o/ /chos smra ba zhes bya ba ni rigs pa smra ba'o/ /'dul ba smra ba zhes bya ba ni lung gi rjes su 'brang ba'o/ /'dod cing zhes bya ba ni yid mthun pa'i sgo nas so/ /bzod pa zhes bya ba ni rigs pas rtogs pa'i sgo nas so/ /de la ltung ba ji ltar 'gyur zhe na zhes bya ba la sogs pa la/ cung zad ji tsam du dge 'dun mthun pa'i dbye ba'i brtul bar byed na thams cad du nyes byas su 'gyur ro/ /zhes bya ba ni cung zad cig brtul bar byed na de la sbyor ba'i sbyor ba yod pas nyes byas su 'gyur ro/ /bzhams te bsgo ba na gzhi de mi gtod na nyes pa sbom por 'gyur ro/ /zhes bya ba ni gang zag tshig gis bzhams te phyir bzlog pa na mi gtong na yang nyes pa sbom por 'gyur ba ste/ dge 'dun gyis bsgo ba las 'das na dngos gzhir 'gyur ba'i phyir gang zag gis bsgo ba ni dge 'dun gyis bsgo ba las 'jug pa nyid yin pas sbyor ba yin pa'i phyir ro// gsol ba dang las brjod pa gnyis pa mi gtod na nyes pa sbom po 'gyur te/ dge 'dun gyis bsgo ba las 'das pa de'i sbyor ba yin pa'i phyir ro/ /las brjod pa gsum pa byas pa na mi gtod na dngos gzhi'i dus yin pa'i phyir dge 'dun lhag mar 'gyur ro// ci bye brag med par dge 'dun lhag mar 'gyur zhe na/ de'i phyir rdzogs par brjod pa na gal te mi mthun pa dang chos ma yin pas bsgo bar byed na ltung ba med do zhes bya ba la sogs pa gsungs te/ chos ma yin pa zhes bya ba ni dge 'dun ma tshang ba dang/ las byed pa dge slong nyid ma yin pa dang/ las nyams pa dang/ nyan pa po rnams kyis mgo ba la sogs pa'o/ /mi mthun pa zhes bya ba ni kha skong bar byed pa dag ma zhugs pa dang/ 'dun ma ma blangs pa nyid dang/ 'jog par byed pa la sogs pa'o/ /chos ltar bcos pa zhes bya ba ni 'khrul pas chos ltar snang bar zad kyi dngos su chos ma yin pa nyid do/ /ltung ba med do zhes bya ba ni dge 'dun lhag ma med par zad kyi dge 'dun gyis bzlog pa nyid kyi sbyor ba la ni nyes byas la/ mthar ni sbom po zhes bya ba'i tha tshig go /chos ji lta ba zhes bya ba ni bsgo bar 'os pa nyid zhing yin pa'o/ /'dul ba ji lta ba zhes bya ba ni las ma nyams pa'o/ /ston pa'i bstan pa ji lta ba zhes bya ba ni 'dun pa slangs pa la sogs pa'i bya ba'o/ /chos nyid dang mthun pa nyid gnyis med na dge 'dun gyis bsgo ba gnyid yin yang ltung ba med pa zhes bya ba'o/ /gal te de skad brjod na legs zhes bya ba ni mthol ba'i phyir 'chab pa'i nyes pa mi 'byung ba la dgongs so/ /ji tsam du gzhi des zhes bya ba ni bsgo ba las byung ba'i dge 'dun lhag mas so/ /ma bshags zhing zhes bya ba ni lhan cig go so sor ma bshags pa zhes bya ba ni lan gnyis lan gsum du'o/ /nyes byas su 'gyur ro zhes bya ba ni dge 'dun mi mthun pa yin pas de dge 'dun dang lhan cig 'dul ba la 'gal ba las dgongs so/ /kha cig na re gso sbyong dang dgag dbye dag ni myong bar byar rung ngo zhes zer ba de yang mi rigs te mi mthun pa yin na tshul ma yin pa nyid du 'dra ba'i phyir ro/ /dge 'dun gyi dbyen byed pa'i dge 'dun lhag ma ste bcu pa'i tshig rnam par bshad pa rdzogs so// //cung zad ji tsam du zhes bya ba la sogs pas ni dge slong gis brdas sam/ des bas sam/ ma des pas sam/ blo mthun par byas pas ji tsam cung zad du dge 'dun mthun pa de dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung nas 'dul ba de'i grogs byed na thams cad du nyes byas su 'gyur ro/ /zhes bstan to/ /rjes su phyogs pa dge 'dun lhag ma ste bcu gcig pa'i tshig rnam par bshad pa rdzogs so// //khyim sun 'byin pa zhes bya ba ni khyim pa rnams ma dad par byed pa'o/ /sdig pa'i chos kun tu spyod pa zhes bya ba ni khyim sun 'byin pa nyid kyi rgyu yin no/ /snod gcig tu za bar byed ces bya ba ni snod chen po gcig gam gyo mo'i snod gcig tu zhes bya ba'i tha tshig go /me tog rna rgyan ces bya ba ni me tog thod do/ /ngo so las byung ba zhes bya ba ni ngo 'phral de bya dga' zhes bya ba'i tha tshig go / rgyug par byed ces bya ba ni myur du 'gro bar byed pa'o/ /mchod par byed ces bya ba ni thad kar ro/ /rab tu ?chod par byed ces bya ba ni gyen du'o/ /skor bar byed ces bya ba ni brlag cig gis sko bar byed pa'o/ /lag pa skor bar byed ces bya ba ni lag pa gcig gis skor bar byed pa'o/ /nya ltar skor bar byed ces bya ba ni nya khang pa ltar 'gyur bar byed pa'o/ /chur 'phyo pa 'phen par byed ces bya ba ni chu'i steng du gyo dum dang gseg ma la sogs pa 'phyo bar byed pa 'phen pa'o/ /thi ba zhes bya ba ni bya thi ba'o/ /'ur? pa zhes bya ba ni bya 'ur pa ste/ bya la pa ka zhes bya ba yin no/ /spyod tshul zhes bya ba ni cha lugs so/ /spyod pa zhes bya ba ni bya ba'o/ /log par bsgrub pa zhes bya ba ni bslab pa 'khrugs pa'o/ /yid mi dga' zhing zhes bya ba ni mi chad cing ngo/ /zhe lci bar gyur nas zhes bya ba ni mi phyogs par gyur nas so/ /kun dga' bo khyod dge slong gnas brtan gnas brtan rnams dang lhan cig re lde ri la song la zhes bya ba ni dge slong gnas brtan gnas brtan dag gtso bo yin pa'i phyir 'phags pa kun dga' bo la skur pa 'debs pa dgag pa'i ched du de dag dang lhan cig song la zhes bya ba bka' stsal to/ /bskrad pa'i las zhes bya ba ni gnas med par bya ba dang/ mthun pa zhes bya ba'i tha tshig go /dge slong gleng ba po bsgo bar bya ste zhes bya ba ni de na gleng ba po gzhan 'ga' yang med pa'i phyir ro/ /'gro mgyogs dang nab so gnyis gtso bo yin pa'i phyir te/ bzlog dka' ba de gnyis bzlog na dge slong dmar ser can gzhan dag kyang bzlog par 'gyur ba'i phyir ro/ /ma gus pa de gnyis kyis zhes bya ba ni ma gus pa'i phyir dang/ nyes pa shes pa'i phyir bskrad pa ? las byas pa kho na yin gyi mthun pa sbyin du gzhugs pa dang/ skabs 'byed du gzhug pa dang/ nyes pa ston du gzhug pa la ni 'bad bar bya mi dgos so/ /zhes bya ba'i tha tshig go /sems kyi rnam par rtog pa sna tshogs zhes bya ba ni sems kyi rnam par rtog pa mang po ste/ 'dod chags la sogs pa la rnam par rtog pa dag go /dge 'dun gyi bya ba zhes bya ba ni khrims su bya ba'o/ /kun tu spyad pa zhes bya ba ni lus kyis so/ /smras pa zhes bya ba ni dag gis so/ /brtul ba zhes bya ba ni mngags pa la sogs pa'i sbyor bas so/ /ltar zhes bya ba ni dag gi phyir zhes bya ba'i tha tshig go /tshig gi lam zhes bya ba ni tshig 'byung ba'o/ /khyim sun 'byin pa'i dge 'dun lhag ma ste/ bcu gnyis pa'i tshig rnam par bshad pa rdzogs so// //don 'dod pa zhes bya ba ni 'jig rten 'di la kha na ma tho ba med pa nyid kyi don 'dod pa'o/ /phan par 'dod pa zhes bya ba ni 'jig rten pha rol tu lha dang mi'i bde ba 'dod pa'o/ /bde ba 'dod pa zhes bya ba ni 'dod chags dang bral ba'i bde ba 'dod pa'o/ /bde ba la reg par 'dod pas zhes bya ba ni rnam par 'khrug pa med pa nyid 'dod pa'o/ /grub pa dang bde ba 'dod pa rnams kyis zhes bya ba ni thar pa 'dod pa rnams kyis so/ /gleng bar byed ces bya ba ni nyes pa brjod pas so/ /dran par byed ces bya ba ni yul dang/ dus dang bya ba dang grogs brjod pas so/ /'thur zhing zhes bya ba ni 'khrugs shing ngo/ /gcig tu ltung zhing gcig tu 'dug pa zhes bya ba ni gcig tu phung por byed pa la sogs pa'o/ /kho bo'i 'phags pas zhes bya ba ni nye dus so/ /'don par gtogs pa zhes bya ba ni so sor thar pa'i mdo 'don pa rnam pa bzhi po dag tu gtogs pa'o/ /bde bar gshegs pa'i mdor gtogs pa rnams kyi shes bya ba ni so sor thar ba'i mdo ril gyis gdon par gtogs pa rnams kyis so/ /tshig de gnyi ga smos pa ni 'don pa'i dus na brjod par bya ba yin pa nyid du byed pa dang dus gzhan gyi tshe yang dag par brjod par bya ba ma yin pa nyid du byed pa'i nyes pa bstan pa'i phyir ro/ /chos dang mthun pa zhes bya ba ni chos kyi rjes su 'gro ba'o/ /'dul ba dang mthun pa zhes bya ba yang 'dul ba'i rjes su 'gro ba'o/ /brjod par bya ba ma yin pa zhes bya ba ni gleng bar bya ba ma yin pa'o/ /brjod par bya ba nyid du byed pa'i phan yon gang yin zhe na/ de 'di lta ste zhes bya ba la sogs pa gsungs so/ /gcig la gcig rjod par byed pa nyid du byed pa zhes bya ba ni gcig la gcig gleng bar bya ba nyid du byed pa'o/ /gcig la gcig 'doms shing rjes su ston pa zhes bya ba ni gcig la gcig gis slob pa'o/ /gcig gis gcig ltung ba las slong ba nyid ces bya ba ni gcig gis gcig ltung ba spyad pa'o/ /'khor 'di zhes bya ba ni dge 'dun no/ /'phel bar 'gyur gyis zhes bya ba ni sngon chad do/ /brjod par bya ba ma yin par byed pa'i las kyi mdza' zhes bya ba ni brjod par bya ba ma yin par byed pa'i bya ba'o/ /bka' blo mi bde ba'i rang bzhin can du gyur la zhes bya ba la/ bka' blo mi bde ba zhes bya ba ni tshigs skyen chags shing 'bras bu med pa'o// de'i rnam pa yid kyi de bzhin no/ /gang zag gang la de yod pa de ni bka' blo mi bde ba'i rang bzhin can te gus par mi nyan cing 'gog par byed pa'o/ /rjes su mthun pa zhes bya ba ni mthun par byed pa ste 'phrad par bya ba zhes bya ba'i tha tshig go /rjes su mnyan par bya ba ni mnyan par 'os pa ste khas blangs par bya ba ni zhes bya ba'i tha tshig go / tshul dang mthun pa zhes bya ba ni rab tu byung ba'i tshul dang pa'o/ /dran por 'jug pa zhes bya ba ni mthun par bsgrub pa'o/ /'grus skyong yan lag gi tshogs dag ces bya ba la/ 'grus skyong zhes bya ba ni brtson 'grus brtsams pa'o/ /yan lag gi tshogs zhes bya ba ni yang dag pa'i lta ba la sogs pa lam gyi yan lag rnams gso bar byed pa'o/ /kun tu 'gog pa zhes bya ba ni rnam par gnon pa'o/ /mi 'dzin pa zhes bya ba ni gtod pa'o/ /mi bya zhes bya ba ni rjes su bsgrubs pa'o/ /mi byed pa zhes bya ba ni las dang bral ba'o/ /mthun par 'dzin pa zhes bya ba ni log par byed pa'o/ /bde bar gshegs pa'i mdo zhes bya ba lung bzhi po dag yin pa la sogs pa gsal ba'i phyir/ bde bar gshegs pa zhes bya ba ni ston pa'o/ /zhes bya ba la sogs pa gsungs so/ /des nye bar sbyar ba'i mdo 'am zhes bya ba ni bde bar gshegs pa bcom ldan 'das des nye bar sbyar cing nye bar bstan pa bslab pa'i mdo so so thar pa'i mdo sde gang yin pa de nyid 'dir bde bar gshegs pa'i mdo yin no zhes bya ba'i tha tshig go / yang na mdo yang dag par sbyor ba'o zhes bya ba ni so so thar pa'i mdo'i rnam par bshad par gyur pa 'dul ba'i sde snod thams cad de dag thams cad kyi mdo dang yang dag par sbyor bar byed pa'i phyir te/ mdos de dag thams cad 'phangs pa'i phyir ro/ /bka' blo mi bde ba nyid do zhes bya ba bka' blo mi bde ba'i tshig gang la yod pa de bka' blo mi bde ba'o/ /de'i dngos po ni de nyid do/ /smra ba zhes bya ba ni bstod pa'o/ /rnam par smra ba zhes bya ba ni yang dag ma yin pa'i yon tan sgro 'dogs pa'o/ /mtho 'tsham par mi bgyid do zhes bya ba ni bshung bar mi byed pa'o/ /blo rno ba zhes bya ba ni blos zin pa'o/ /brtan pa zhes bya ba ni blo mi 'gyur ba'o/ /sbyin pa zhes bya ba ni nor 'bul ba'o/ /mchod pa zhes bya ba ni mchod yon me tog la sogs pas mchod pa'o/ /bsnyen bkur zhes bya ba ni phyag la sogs pas mchod pa'o/ /tshig mi gcig pa zhes bya ba ni 'da' bar mi byed pa'o/ /des shing zhes bya ba ni snyan par smra ba'o/ /'grogs na bde ba zhes bya ba ni dga' bar byed pa'o/ /grong srungs zhes bya ba ni gdol pa la sogs pa'o/ /gus pa dang bcas pa zhes bya ba ni ngo tsha shes pa dang bcas pa'o/ /rjes dang bcas pa zhes bya ba ni bla ma'i 'du shes kyis rjes dang bcas pa zhes bya ba'i tha tshig go /'jigs pa dang bcas pa'i dbang du 'gyur ba zhes bya ba ni khrel yod pa dang bcas pas dbang sgyur bar byed pa'i tha tshig go /bka' blo mi bde ba'i dge 'dun lhag ma ste bcu gsum pa'i tshig rnam par bshad pa rdzogs so/ / //'dul ba rnam par 'byed pa'i tshig rnam par bshad pa slob dpon dul ba'i lhas nye bar sbyar ba las dge 'dun lhag ma rnams kyi tshig rnam par bshad pa rdzogs so// //skad kyi gdangs zhes bya ba ni sgra'i yon tan snyan pa la sogs pa dang ldan pa'o/ /gzhan la brtsams pa zhes bya ba ni gzhan gyi phyir brtsams pa'o/ /mthar thug par 'gro ba zhes bya ba ni nges pas thob pa'o/ /dran par bgyi ba zhes bya ba ni bslab pa'i gzhi ste/ des dran pa bskyed par byed pa'i phyir ro/ /gcig pu gcig dang zhes bya ba ni dge slong gcig pu bud med gcig dang ngo/ /skyabs yod pa ni zhes bya ba ni skor ba na'o/ /stan la zhes bya ba ni 'dom gang gi nyen kor dang bcas pa'i khri la sogs pa'i gnas so/ /'dug pa zhes bya ba ni rkub bcos 'jog par byed pa'o/ /yid ches pa'i tshig dang ldan pa zhes bya ba ni tshig bzung bar 'os pa dang ldan pa ste/ bden pa mthong ba nyid kyis 'khrul pa med par grags pa zhes bya ba'i tha tshig go /chos gang dang gang gis zhes bya ba ni nyes byas la sogs pas so/ /byed du gzhug ces bya ba ni rjes su bsgrub du gzhug pa ste bshags pa la sogs pa'i phyir bcos pa byed du gzhug ces bya ba'i tha tshig go /ma nges pa zhes bya ba ni ltung ba des pa med pa'i phyir ro/ /gang na bud med de skyes pa dang ma ning gzhan dga' yang med pa zhes bya bas/ bud med la sogs pa smos pa ni 'gro ba gzhan dang mi shes pa tha snyad du mi rung ba dag dgag pa'i phyir ro/ /gcig tu gyur pa zhes bya ba ni de kho na ltar nges pa'o/ /nem nur med cis bya ba ni gang la gzhan gyis bstan pa las the tsom mi bskyed pa'o/ /the tshom med ces bya ba ni gang la rang gis bsams pa las the tshom mi skye ba'o/ /'bras bu thob pa'o zhes bya ba ni rgyun tu zhugs pa 'bras bu thob pa'o/ /mngon par rtogs pa dang ldan pa ni zhes bya ba ni mngon par rtogs pa dang/ dmigs pa mngon par rtogs pa dang/ bya ba mngon par rtogs pa gsum po thob pa dang ldan pa ste/ 'jig rten las 'das pa'i shes pa bsgom pa'i lam gyis bsdus pa dang ldan zhes bya ba'i tha tshig go bzhi po dag las gang yang rung bas so zhes bya ba ni mi tshangs par spyod pa las byung bas so/ /bcu gsum po dag las gang yang rung bas so/ /zhes bya ba ni khu ba 'byin pa las byung ba 'am/ lus kyis reg pa las byung ba'am/ sgrog? pa las byung ba 'am/ smra ba las byung ba 'am/ bsnyen bkur bsngags pa kun spyod pa bsngags pa las byung ba 'am/ smyan byed pa las byung ba 'am/ gzhi med pa dang/ bag tsam gyis bskur pa 'debs pa las byung ba zhes bya ba'i tha tshig go /dgu bcu dag las gang las kyang rung bas so/ /zhes bya ba ni brdzun smra ba las byung ba 'am/ skyon nas smra ba las byung ba 'am/ chos ston pa las byung ba 'am/ tshig mthun par klog pa las byung ba 'am/ gzhi med par dge 'dun lhag mas skur pa 'debs pa zhes bya ba'i tha tshig go /ltung ba la mi mkhas pa zhes bya ba ni de'i rang gi ngo bo mi shes pa'i phyir ro/ /ltung ba'i gleng gzhi la mi mkhas pa zhes bya ba ni de'i rgyu mi shes pa'i phyir ro/ /ltung ba kun nas slong pa la mi mkhas pa zhes bya ba ni de 'byung ba mi shes pa'i phyir ro/ /rang bzhin dang bcas pa'i kha na ma tho ba dang bcas pa zhes bya ba la/ rang bzhin gyi kha na ma tho ba dang bcas pa ni nyon mongs pa can gyi sems las byung ba ste/ ngo bo nyid kyis skyon chags pa'i phyir ro/ /bcas pa'i kha na ma tho ba dang bcas pa ni nyon mongs pa can ma yin yang smad pa'i dbang gis bkag pa'o/ /chad pa'i las 'os pa yin pas zhes bya ba ni ma mthong bas gnas nas dbyung ba dang/ de'i ngo bo nyid 'tshol du gzhug pa sbyin pa gdul ba'i las 'os pa yin te/ de la gnas nas dbyung ba ni nan tur gyi las kyi skabs nyid nas 'byung bas 'dir ni de'i ngo bo nyid 'tshol du gzhug pa sbyin pa la 'ba' zhig bstan te/ ltung ba de'i ngo bo nyid brtsal bas dran brjed pa rnam par bcad pa'i phyir ro/ /dge tshul nye bar bzhag par mi bya'o zhes bya ba ni sngar rab tu byung zin pa yang ngo/ /so sor thar pa'i mdo gdon par mi bya'o zhes bya ba ni gso sbyong gi che'o/ /ma nges pa'i chos dang po'i tshig rnam par bshad pa rdzogs so// //'dod pa byar mi rung bar zhes bya ba mi tshangs par spyad par byar mi rung ba ste thag ring ba'i phyir ro/ /des na 'dir mi tshangs par spyod pa'i pham par 'gyur ba med pas dge 'dun lhag ma dang ltung byed kyis gleng ba bstan par shes par bya'o/ /lhag ma thams cad ni snga ma bzhin no/ /ma nges pa'i chos gnyis pa'i tshig rnam par bshad pa rdzogs so// //'dul ba rnam par 'byed pa'i tshig rnam par bshad pa slob dpon dul ba'i lhas nye bar sbyar ba las ma nges pa'i chos gnyis kyi tshig rnam par bshad pa rdzogs so/ / //bam po bcu pa/ chos gos mang pa nyid ces bya ba ni gos mang ba nyid do/ /gyon pa zhes bya ba ni lus la gyon pa'o// 'bud pa zhes bya ba ni lus las 'bud pa'o/ /nang gi sems kyi zhi gnas zhes bya ba ni nang bde ba la gnas pa'o/ /smod pa zhes bya ba ni 'dod pa'o/ /dus ma yin pa'i phyir zhes bya ba ni 'di ni blang du rung ba'i dus yin no snyam du bsams pa'i phyir ro/ /de las 'das pa'i zhes bya ba ni zhag bcu las 'das par ro/ /spang ba'i ltung byed ces bya ba ni dngos po gang bdag gir byas pa'i gzhi las ltung ba byung bar 'gyur ba'i dngos po de spangs te ltung ba bshags par bya dgos pa'o/ /zhag bcu po de nyid kyi nang du zhes bya ba ni thog ma gos rnyed pa'i dus nas bzung ste zhag bcu gcig pa'i skya reng dang po ma shar tshun chad kyi nang du'o/ /byin gyis brlabs par zhes bya ba ni/ byin gyis brlab par bya ba nyid du bzhag par bya ba'o/ /btang bar bya ba zhes bya ba ni gnas gzhan du bskur bar ba bya'o/ /rnam par brtag par bya ba zhes bya ba ni bdag po gzhan nyid du rnam par bsams par bya ba'o/ /gzhan la sbyin par bya ba zhes bya ba ni mngon sum du gyur pa la sbyin par bya ba'o/ /skya reng shar nas zhes bya ba ni nyi mi'i mgo rtsom pa'i skye reng dang po shar na'o/ /gzhan zhig rnyed na zhes bya ba ni snga ma shes spang bar gyur na phyi ma zhag bcu las ma 'das kyang snga ma'i rgyud kyis spangs par gyur pa'o/ /gos gnyis zhes bya ba dang/ gos mang po zhes bya ba'i tshar gnyis smos pa na sbyor pa gcig pa yin na dngos po gnyis dang mang pos kyang ltung ba gcig tu 'gyur bar bstan pa'i phyir ro/ /ma spangs zhing zhes bya ba ni bdag gis byed cing gzhan la ma spangs pa'o/ /bral bar ma byas la zhes bya ba ni gnas gzhan du zhag ma lon par ma byas pa'o/ /ltung ba ma bshags pa zhes bya ba ni dge slong rang bzhin du gnas pa'i mdun du'o/ /de gsum las gcig gam gnyis sam gsum char ma byas na yang phyir gzhan rnyed pa spang bar 'gyur ro/ /snga ma'i rgyud kyi zhes bya ba ni spang ba snga ma nyid kyi rgyun gyis zhes bya ba'i tha tshig go /ltung bzed la sogs pa yang spang bar 'gyur ba ni spang ba'i ltung ba snga ma de yod na phyis rigs mthun pa dang/ rigs mi mthun pa'i yo byad rung ba bdag gir byas pa dag kyang spang ba nyid du 'gyur te/ snga ma'i ltung ba 'chags pa'i tshe na de dag spang ba yin gyi phyi ma de dag gi phyir ni ltung ba bshags pa mi dgos te/ de'i gzhi las ltung ba mi 'byung ba'i phyir ro/ /'chad pa'i spang ba ste dang po'i tshig rnam par bshad pa rdzogs so// //stod g.yogs smad g.yogs dang bcas pa zhes bya ba ni stong g.yogs dang sham thabs dang bcas pa'o/ /ma spas pa zhes bya ba ni ro smad snang ba'i phyir ro/ /spang du ma bcug pa zhes bya ba ni ro stong snang ba'i phyir ro/ /skem pa zhes bya ba ni nyi ma la skems pa'o/ /bsad ba zhes bya ba ni grib mal bsad pa'o/ /'dings pa zhes bya ba ni 'gems pa'o/ /sprug pa zhes bya ba ni spug brdab bya ba'o/ /brtul ba zhes bya ba ni sdud pa'o/ /sped pa zhes bya ba ni gtur bu la sogs par 'dzud pa'o/ /gso sbyong gcig pa'i gnas kyi sdom pa zhes bya ba ni gso sbyong ba'i gnas so/ /chu rlabs zhes bya ba ni chu'i rlabs so/ /yongs su skyong ba zhes bya ba ni yongs su bskyang? ba'o/ /snam sbyar dang 'bral bar mi 'gyur ba'i snang ba zhes bya ba ni snam sbyar dang mtshams la sogs pa gnas thun ma yin pa gzhan dag tu skye rang gi mchod par gyur pa la 'bral ba'i spang ba'i ltung byed mi 'byung bar gnang ba'i nges pa'o/ /rlung nad can zhes bya ba ni rlung gi nad yod pa'o/ /mu bzhi zhes bya ba la/ mu zhes bya ba ni 'dir rnam pa la bya'o/ /khyim gyi tshogs dang ldan pa zhes bya ba ni khyim mang po dang ldan ba'o/ /nyen 'khor zhes bya ba ni 'khor gyi nyen 'khor ro/ /khyim zhes bya ba ni nye du'i tshogs so/ /rten 'gro zhes bya ba ni rol mo mkhan gyi bye brag go /mu stegs can zhes bya ba ni bsti gnas na gnas pa rab tu byung ba zhes bya ba'i tha tshig go /tshong rdal zhes bya ba ni zong 'tshong bar byed pa'i gnas so/ /tshong khang zhes bya ba ni zod bcer pa'i gnas so/ /dgra gang zhes bya ba ni bsrung ba'i gnas so/ /g.yul zhes bya ba ni brdung ba'i gnas so/ /g.yul gyi tshogs zhes bya ba ni g.yul gyi dkyil 'khor ro/ /ri khrod pa rnams zhes bya ba ni 'brog dgon pa na gnas pa dag ste de dag gi khyim ni shing dang lo ma dang 'dab ma la sogs pas g.yogs pa'i khyim chen po byas nas/ de'i nang na thams cad lhan cig 'khod pa yin no/ /bong rnams zhes bya ba ni gser gyi 'byung gnas nas skyes pa dag ste/ de dag gi khyim yang sa khang dam rdo khang chen po byas te/ de'i nang na spyir 'khod pa yin no/ /kla klo rnams zhes bya ba ni zan bza' bar bya ba ma yin pa'i rigs ngan dag ste/ de dag gi khyim yang ljon pa'i thibs po la sogs pa'i nang na lhan cig 'khod pa yin no/ /rdung bar byed zhes bya ba ni 'chags par byed pa'o/ /rdo bar byed pa zhes bya ba ni chos par byed pa'o/ /'thag par byed pa zhes bya ba ni phye mar byed pa'o/ /'cha' bar byed pa zhes bya ba ni rtsa ba la sogs pa bca' ba dag go /za ba zhes bya ba ni la du la sogs pa dag go / 'thung bar byed pa zhes bya ba ni khu ba 'thung ba'o/ /nang du chos gos dag bzhag ste zhes bya ba la sogs pa la ltung ba med do zhes bya ba ni gnas gcig nas so zhes bya bar dgongs so/ /gzhan du skya reng 'char bar byed na spang ba'i ltung byed du 'gyur ro/ /zhes bya ba ni gnas tha dad pa na gnas pa'i phyir ro/ /zhes bya bar dgongs so/ /rtsig pas bskor ba zhes bya ba ni ra bas bskor ba'o/ /rmig pas bslang ba'i rdul zhes bya ba ni rdo bshags las byung ba'i rdul lo/ /rang bzhin gyis ngo tsha dang ldan pa zhes bya ba ni ngo bo nyid kyi ngo tsha dang ldan pa yin gyi bcos ma ma yin pa'o/ /bshad sa zhes bya ba ni bshang ba dang gci ba'i gnas so/ /spun sgo ma phye ba dag gis zhes bya ba ni khyim gcig pa dag gis so/ /rgyal mtshan gyi shing zhes bya ba ni rtan 'gro'i khyim gyi mtshan ma'o/ /lta ba gcig pa zhes bya ba ni bdag tu lta ba la sogs pa'i lta ba'o/ /bzod pa zhes bya ba ni gzhan gyis bstan pa las gyur pa'i shes pa'o/ /'dod pa zhes bya ba ni rang gi rnam par rtog pa las skyes pa'o/ /bsam pa zhes bya ba ni 'dod pa bsgrub pa'i tha tshig go / lci ba dag 'did bar byed pa zhes bya ba ni lci ba skems par byed pa'o/ /ba gang ba zhes bya ba ni bgrangs so/ /'jal ba zhes bya ba ni srang la'o/ /'jog pa zhes bya ba ni rdzas phung por gcer zhing 'jog pa zhes bya ba'i tha tshig go /gzhag stegs zhes bya ba ni gzhag pa'i spang leb po/ /'dug stegs zhes bya ba ni stegs bu gang la tshong pa 'dug ste tshong byed pa'o/ /rtswa dag 'jog par byed pa ni spud par byed pa'o/ /ya gang ces bya ba ni gra khang la 'dzeg pa'i skas so/ /'phyar bar byed pa zhes bya ba ni rlung gis so// 'khrab par byed ces bya ba ni zhib mas so/ /rlung g.yor zhes bya ba ni rlung la sogs pa'i phyed kyi shing ngo/ /g.yul gyi dkyil zhes bya ba ni g.yul gyi rten gnas te g.yul gyi dkyil gang du gtor ma la sogs pa byed pa 'am/ gang 'bru spud par byed pa 'am/ dkyil gang du 'dug ste 'bru bcag pa'i phyir la skor bar byed pa'o/ /phur pa 'debs par byed pa zhes bya ba ni gru bstod pa'i phyir ro/ /gdos? pa zhes bya ba ni 'phul ba'i shing ngo/ /gru skya zhes bya ba ni bskyed pa'i shing leb po/ /gru gdeng zhes bya ba ni gru gang du 'dug nas gru skyod par byed pa'i gnas so/ /kha lo ba'i gnas zhes bya ba ni kha lo ba gang du 'dug pas blang la sogs pas shing dang ldan pa dag deng ba'i gnas so/ /yal ga'i tshogs zhes bya ba ni yal ga mang ba'o/ /nad thams cad ces bya ba ni shing ljon pa'i sdong po khag stong gi'o/ /rtsa ba zhes bya ba ni sdong po la sogs pa skye ba'i gnas so/ /me tog thu bar byed pa zhes bya ba ni bye brag tu sel bar byed pa ste rigs mthun pa phyogs phyogs su 'jog par byed ces bya ba'i tha tshig go /dge slong lam du zhugs pa'i chos gos dag gi nye 'khor 'dom bzhi bcu rtsa dgur gsungs pa ni dge slong nyid kyi mdun rol dang rgyab rol gnyis kar 'dom bzhi bcu rtsa dgu rtsa dgur shes par bya'o/ /glo ni lam gyi 'gram tshun chad kyi tshad ji tsam yod pa dang sbyar gyi 'dom pa yul tha dad pa yin pa'i phyir lus dang bral na gnas nas gzhan nyid du 'gyur bas de'i phyir 'di bstan to/ /'bral ba'i spang ba ste gnyis pa'i tshig rnam par bshad pa rdzogs so// //byed du 'dzud pa zhes bya ba ni mi langs shing mi chog pas zhes bya ba'i tha tshig go / 'jog par byed cing zhes bya ba ni kha sogs su 'jog par byed cing ngo/ /stug po zhes bya ba ni sra ba'o/ /srab mo zhes bya ba ni mi sra ba'o/ /dus ma yin pa'i gos zhes bya ba ni skyon gyi dus su rnyed pa'i phyir ro/ /de dag ni gos kyi dus yin la zhes bya ba ni ci dgar 'chad du gnas pa'i phyir ro/ /lo lnga'i dus ston pa dang/ lo drug gi dus ston pa dang/ gtsug phung 'greg pa'i dus ston pa zhes bya ba ni byang chub sems dpa' i phyir dus ston bya ba'o/ /gnas khang gi dus ston zhes bya ba ni gtsug lag khang gi dus ston no/ /dus ston chen po zhes bya ba ni grong khyer du 'jug pa'i dus ston no/ /dogs pa dang dgos pa zhes bya ba ni ci 'di gtan thob pa yin nam 'on te phyir sbyin dgos pa yin snyam du the tshom za ba dang bcas pa'o/ /dog pa dang bcas pa dang dogs pa med pa'i bye brag smos pa ni yid gnyis kyis thob par kyang kha skor ba nyid yin na/ kha langs pa nyid yin par bstan pa'i phyir ro/ /nyi ma bcu gcig pa'i skya reng shar na spang ba'i ltung byed du 'gyur ro zhes bya ba ni 'jog pa'i zhar las byung ba 'chad pa'i spang ba'i ltung byed yin bar shes par bya ba'o/ /nyams par gyur ces bya ba ni re ba med pa nyid kyis zil gyis gnon par gyur pa'o/ /'gyangs par gyur ces bya ba ni dus yol bar gyur pa'o/ /nyam chung bar gyur ces bya ba ni bsrabs par gyur pa'o/ /des tshes de nyid la gos sngon po gzhan zhig rnyed par 'gyur na zhes bya ba'i tshig ni gzhan gyis kha skongs pa nyid yin na yang kha langs pa nyid yin par bstan pa'i phyir ro/ /grub par ma gyur rgyun chad par ma gyur par zhes bya ba'i tshig 'di ni grub pa dang ma grub pa gnyis 'dra bar bstan pa'i phyir ro/ /thams cad kyis thams cad du rgyun chad par gyur pa na zhes bya ba'i tha tshig de ni re ba rgyun chad par gyur na kha sogs zla bar gzhag tu mi rung bar bstan pa'i phyir ro/ /gos bdag po yod par zhes ubya ba ni sbyin par byed pa'i bdag po yod pa'o/ /gos bdag po med pa'i zhes bya ba ni sbyin par byed pa'i bdag po med pa'o/ /gos bor blangs zhes bya ba ni khyim nas dur khrod du khyer te phyir blangs la dge slong gis thob pa gang yin pa'o/ /gos dur khrod pa zhes bya ba ni yongs su 'dzin pa med pa'i dur khrod las blangs pa'o/ /gos phyag dar khrod pa zhes bya ba ni phyag dar dang 'dra bar bor ba las blangs pa'o/ /nyams pa zhes bya ba ni rab tu nyams pa ste shi ba'o/ /lam po che'i gos zhes bya ba ni lam du bor ba las rnyed pa gang yin pa'o/ /dgon par bor ba zhes bya ba ni dgon par bor ba gang yin pa'o/ /chu 'gram pa zhes bya ba ni khrus la sogs pa'i don du chu klung gi 'gram du bor ba gang yin pa'o/ /sril zan zhes bya ba ni srog chags kyis zos pa yin pa'o/ /ral rul zhes bya ba ni sha na las byas pa la sogs pa khrus la sogs spyad ma thag tu bor ba gang yin pa'o/ /be'us zos pa zhes bya ba ni be'u gos la za bas zos pa gang yin pa'o/ /thag pas gsar du btags pa zhes bya ba ni btags pa thag pa'o/ /snam sbyar dang gding ba yang nyi rig bya ba ni las che ba'i phyir ro/ /'bogs pa na nyes byas su 'gyur la zhes bya ba ni zhag bcur bcad pa'i phyir 'bogs pa ni de nyid kyi sbyor ba yin pa'i phyir ro/ /snam phran zhes bya ba ni tshal bu zhes bya ba'i snam phran rnams sbyar ba'o/ /snam phran dgu pa zhes bya ba la sogs pa 'dir yang snam phran zhes bya ba ni glegs bu dang/ glegs bu phyed sbyar ba'i snam phran mtshan nyid ni snam phran nyid yin par shes par bya'o/ /gsum sbyar zhes bya ba ni snam phran tshal bu'i ngo bo nyid gsum sbyar ba'o/ /glegs bu phyed gsum pa zhes bya ba ni gang la dkyil 'khor phyed dang gsum yod pa'o/ /de yan chad ni tsham? bu'i zhes bya ba ni snam phran nyi shu lnga pa dang glegs bu phyed dang lnga pa yan chad do/ /lhan pa mthar phyogs? su gyur pa yin pa'i phyir ral rul yin gyi snam sbyar ma min no zhes bya ba'i tha tshig go / khru gsum dang lnga'o zhes bya ba ni zheng du khru gsum dang chur lnga zhes bya ba'i tha tshig go /khru phyed dang gsum dang phyed dang lnga'o zhes bya ba ni zheng du khru phyed dang gsum dang chur khru phyed dang lnga zhes bya ba'i tha tshig go /khru do dang khru lnga pa zhes bya ba ni zheng du khru do dang chur khru lnga pa zhes bya ba'i tha tshig go / khru do dang khru bzhi pa zhes bya ba ni zheng du khru do dang chur khru bzhi pa zhes bya ba'i tha tshig go /'khor gsum khebs pa zhes bya ba ni pus? mo gnyis kyi 'khor dang lte ba'i 'khor ces bya ba'i tha tshig go / khru gang khor khor yug ces bya ba ni ngos re khru re'i tshad do/ /'jog pa'i spang ba ste gsum pa'i tshig rnam par bshad pa rdzogs so// //byang chub sems dpa' zhes bya ba la byang chub ces bya ba ni zad pa dang mi skye ba shes pa bla na med pa ste/ de'i phyir snying stobs zhes bya ba ni byang chub sems dpa' o/ /gzigs pa zhes bya ba ni rtog pa'o/ /rigs zhes bya ba ni rgyal rigs dang bram ze zhes bya ba'o/ /yul zhes bya ba ni yul dbus dang mdza' 'khob ces bya ba'o/ /dus zhes bya ba ni yar skye dang mar 'grib ces bya ba'o/ /rus zhes bya ba ni shAkya'i rigs rgyud ces bya ba'i tha tshig go /bud med ces bya ba ni btsun ma sgyu 'phrul chen mo'o/ /glang po che ltar snang ba bsgyur te zhes bya ba ni rmi lam du dge ba'i mtshan ma bstan pa'i phyir bdag nyid glang po che mche ba drug par bstan par 'gyur te zhes bya ba'i tha tshig go / 'jig rten 'jig rten gyi bar zhes bya ba ni gling bzhi pa'i 'jig rten gyi khor yug gi bar dag na grang? ba'i sems can dmyal ba'i gnas dag yod pa zhes bya ba'i tha tshig go /nyams su mi myong ba zhes bya ba ni snang ba mi phyed pa zhes bya ba'i tha tshig go / mun pa zhes bya ba ni mi snang ba'o/ /mun gnag mun par byed pas gnas par 'gyur ba zhes bya ba ni mun gnag mun par byed pas bsgribs par 'gyur ba'o/ /gsab ba gsal ba zhes bya ba ni shin tu dri ma med pa'o/ /btsun mo gzugs can zhes bya ba ni btsun mo'i ming ngo/ /bar snang zhes bya ba ni skar mda'o/ /ltas pa zhes bya ba ni ltas kyi bstan bcos shes pa dag go /mtshan mkhan zhes bya ba ni mtshan gyi bye brag shes pa dag go /'khor lo sgyur ba'i rgyal po zhes bya ba ni gser gyi 'khor lo nam mkha' la 'gro bas rgyal srid sgyur? bar byed pa'i phyir ro/ /mdza' bzhi zhes bya ba ni rgya mtsho bzhi'i mthar ro/ /rgyal ba zhes bya ba ni dpa' ba' o/ /chos kyi rgyal po zhes bya ba ni rigs pas rgyal srid bdag gir byas pa'i phyir ro/ /chos dang ldan pa zhes bya ba ni chos spyod pa'i phyir ro/ /rin po che sna bdun dang ldan pa zhes bya ba ni rin po che sna bdun gyi dbang phyug go /nor bu rin po che zhes bya ba sgron ma'i ched kyi nor bu chen po'o/ /khyim bdag rin po che zhes bya ba ni mdzod kyi bdag pa'o/ /dmag dpon rin po che zhes bya ba ni sgrub pa'i bdag po'o/ /dpa' zhes bya ba ni mi 'jigs pa'o/ /brtul? phod pa zhes bya ba ni mthu phun sum tshogs pa'o/ yan lag mchog gi gzugs dang ldan pa zhes bya ba ni yan lag mdzes pa mchog gi gzugs dang ldan pa'o/ /pha rol gyi sde rab tu 'joms pa zhes bya ba ni pha rol gyi sgrub pa pham par byed pa ste rang gi las la bag yod ces bya ba'i tha tshig go / ma lus pa zhes bya ba ni thams cad dam bcugs med pa'o/ /gnod par sdo ba med cing ces bya ba ni 'gran zla med pa'o/ /'tshe ba med pa zhes bya ba ni gnod ba med pa'o/ /chad ba med cing zhes bya ba ni nor 'phrog pa med cing ngo/ /mtshon? gyi bda' ba med ces bya ba ni gsod pa med pa'o/ /chos dang mthun zhes bya ba ni chom rkun la sogs pa shom pa med pa'i rigs pa dang mthun zhing ngo/ /snyoms par zhes bya ba ni sdig pa dang ma 'dres pa dang chos bstan pas so/ /rnam par grags pa'i sgra dang ldan pa zhes bya ba ni grags pa snyan pa dang ldan pa'o/ /gangs kyi ngos dang nye ba zhes bya ba ni ri gangs kyi lho phyogs kyi ngos dang nye ba'o/ /chu klung skal ldan shing rta zhes bya ba ni chu klung gang+gA'o/ /dkor sgrom zhes bya ba ni sgrog ma la sogs pa skyes kyis nor rdzas kyi snod do/ /bud med la chags pa zhes bya ba ni bud med 'dod pa'o/ /lan gnyis sam lan gsum zhes bya ba ni mdor bsdus na gnyis la rgyas par byas na gsum mo/ /me 'dod bzhin du dgang bar bgyi ba lags te/ zhes bya ba ni mi 'dod bzhin du gso bar bya ba ste/ sbyin gnas yin pa'i phyir ro/ /tshan bcad pa zhes bya ba ni bsdigs pa'o/ /dka' ba byed pa zhes bya ba ni dbugs 'gog pa la sogs pa dka' thub drag po'o/ /ci yang med pa zhes bya ba ni 'bras bu med pa'o/ /rgya che ba zhes bya ba ni rgyu mthun pa che ba'i phyir dang/ tshad che ba'i phyir ro/ /lan bcu drug tu bzlas ba zhes bya ba ni stong? dang lnga brgya dang/ nyis brgya lnga bcu dang brgya nyi shu rtsa lnga dang/ drug cu rtsa gsum dang/ sum cu rtsa gnyis dang/ bcu drug dang/ brgyad kyi tshad kyi brgyad po dag gi tshogs rnams bzho ba dang/ blud pa la sogs pa dag bzho ba dag gis lan gnyis gnyis su lan bcu drug bzlas pa de bzho bas bzlas zhes bya ba'i tha tshig go /rtswa bkra shis 'chod ba zhes bya ba ni rtswa 'tshod do/ /byang chub kyi gzhi zhes bya ba ni rdo rje'i gdan no/ /rtswa ma 'khrugs pa zhes bya ba ni rtswa'i kha phyogs gcig tu blta ba'o/ /dran ba phyogs par gzhag lte zhes bya ba ni mi mthun pa'i phyogs las phyir phyogs pa dang/ dmigs pa la mngon bar phyogs ste sna'i rtse mo gtad cing dbugs 'byung ba dang rdub pa las dmigs pa'o/ /cho 'phrul gsum gyis zhes bya ba ni rdzu 'phrul dang/ kun brjod pa dang rjes su bstan pa'i mtshan nyid kyi rmad du byung ba dag gis so/ /shin tu mthar thug ba zhes bya ba ni yang byad ba gzhan med pa'i mya ngan las 'das pa'o/ /bdud rtsi zhes bya ba ni mya ngan las 'das pa'i lam mo/ /yongs skom zhes bya ba ni 'dod pa'o/ /rum du zhugs pa zhes bya ba ni lhums na bzhugs pa'o/ /tshun chad nas zhes bya ba ni de tshun cad nas brtsams nas so// khrid par byed ces bya ba ni 'jug par byed pa'o/ /sred pa zhes bya ba'i 'dod pa'o/ /dra zhes bya ba ni dra ba ste gya gyur spyod pa'o/ /bkram ba zhes bya ba ni brkyang? pa'o/ /spyod pas? zhes bya ba ni spyod yul mdza' yas pa ste mya ngan las 'das pa'i spyod yul dang ldan pa'o gzhi med ces bya ba ni 'gro ba lnga las yang dag par 'das pa gzhi med pa'o/ /gang gi gzhis ni zhes bya ba ni thabs gang gis so/ /rtsal yas zhes bya ba ni rtsal mdza' yas pa ste/ ye shes kyi stobs dpag tu med pa dang ldan pa'o/ /gang rgyal mi nyams zhes bya ba ni gang rgyal ba nyams pa mi 'gyur ba ste/ rgyal ba zhes bya ba ni ye shes kyis so/ /mi nyams zhes bya ba ni 'jig pa rmi 'gyur ba'o/ /gang la 'jig rten ma rgyal yod med pa zhes bya ba ni gang la 'jig rten na ye shes kyis ma rgyal ba 'ga' yang med pa'o/ /tshigs? bcad dang pos ni 'dod thabs kyis bkrir mi nus pa bstan to/ /gnyis pas ni mi mi mthus bkrir mi nus pa bstan to/ /gsum pa dang bzhi pas ni yongs su nyams pa mnga' bas bkrir mi nus pa bstan to/ /tshe rabs brjes pa zhes bya ba ni skye ba'i rnam grangs so/ /bla ma zhes bya ba ni mes po dang shes pa'i lung 'bogs pa la sogs pa'o/ /bla ma'i gnas lta bu zhes bya ba ni bla ma dang 'dra ba dag go /tsham tshom med pa zhes bya ba ni zhugs shig ces mi zer bar ro/ /sangs rgyas kyi mthu zhes bya ba ni 'jig pa byed pa'i rgyu yin no/ /lha rnams kyi mthu zhes bya ba ni rjes su 'jug par byed pa'i rgyu yin no/ /byi dor zhes bya ba ni sbyar ba'o/ /khang chen zhes bya ba ni tshad chen te gnas khang bdun nam brgyad la sogs pa dang ldan pa'o/ /khang pa'i gzhi zhes bya ba ni khang khyim gyi gnas so/ /lha rnams ni sems kyis 'grub pa yin zhes bya ba sems kyi skad cig tu ma bsgrubs pas so/ /sems bskyed pa tsam gyis zhes bya ba ni sprul pa'i sems gcig gi mod kho nas zhes bya ba'i tha tshig go /sangs rgyas lung? bstan pa zhes bya ba ni byang chub kyi tshogs byas sangs rgyas nyid du ma bstan par ro/ /sems can gyis zhes bya ba ni lung bstan pa'i sems can las gzhan bas so/ /phyir mi ldog pa'i sems zhes bya ba ni gang skyes nas yun ring du phyir mi ldog pa nyid kyi skad cig ma phyogs pa ni dgag pa med do/ /mtshams bcad pa zhes bya ba ni nyan thos kyi dge 'dun gyis mtshams chen po gcod pa'i las so/ /las kyi rgyu ba zhes bya ba ni las rnam par bzhag pa las kyi tshul lo/ /bdug pa zhes bya ba ni bdug spos dri zhim po'i snod nas du ba mthul ba'o/ /ngar? gyi chun po mang po zhes bya ba ni ngar? chun po brgyad mang po dang ldan pa'o/ /rgyal po'i 'byor ba chen po zhes bya ba ni 'khor la sogs pa'i dbang phyug go /rgyal po'i mthu chen po zhes bya ba ni yul bde zhing lo legs pa la sogs pa rgyal srid kyi 'bras bu'o/ /lus ma btung ces bya ba ni lus gdud par mi byed par ro/ /tA la zhes bya ba ni srid du mi'i khru bdun yod do/ /rdzu 'phrul gyi rkang pa zhes bya ba ni rdzu 'phrul gyi rkang pa bzhi po shing rta lta bus thag ring por gshegs pa'i phyir ro/ /yang dag rtsol ba'i bzhon? pa'i bzhon pa zhes bya ba ni brtson 'grus kha lo sgyur ba lta bus gang du gshegs bzhed pa'i yul du gshegs pa'i tha tshig go / ma sman ba zhes bya ba ni mi ldan par ro?/ /ji ltar khyod skus bzod pa mdzad pa ces bya ba ni ji ltar dang du bzhes par mdzad cing thugs dbyung bar mi 'gyur zhes bya ba'i tha tshig go / khrel 'jom? zhes bya ba ni zag pa med pa'i chos dag la gus pa'o/ /ro mang ldan zhes bya ba ni sran tshod dang skyu rum mang po'i ro dang ldan pa'o/ /ji ltar khyod kyi mgur du byon pa zhes bya ba ni gsol ba ni ji ltar mgur du byon zhes bya ba'i tha tshig go / chos ldan dga' ba zhes bya ba ni dga' ba yang dag byang chub kyi yan lag dang ldan pa zag pa med pa'i yul lo/ /nges 'byung ldan zhes bya ba ni chags pa med pa'o/ /'o na ci'i phyir bsod snyoms spyod par mdzad snyam ba la/ zas sred spangs kyang 'jig rten kun/ /rjes su bzung phyir bdag spyod byed ces bya ba gsungs te/ kham dang/ reg pa dang/ spang ba la sems pa dang/ rnam par shes pa'i zas kyi sred pa thams cad spangs kyang ngo/ /yang thog gi gzhal med khang zhes bya ba ni khang pa'i gzhal med khang ngo/ /steng zhes bya ba ni khang bzangs kyi steng gi gzhi na'o/ /dus mthun zhes bya ba ni rtag tu dus tshigs rnams dang mthun bar ro/ /bzhugs zhes bya ba ni kun tu spyod pa'o/ /go tam zhes bya ba ni rgyal po la bod pa'o/ /'jigs kun rtsa zhes bya ba ni 'chi ba'i 'jigs pa la sogs pa'i rgyu gang yin pa'o/ /srid ces bya ba ni 'dod pa'i srid pa la sogs pa srid pa gsum po dag go /bag nyal bcas zhes bya ba ni nyon mongs pa dang bcas pa'o/ /spangs pas zhes bya ba ni rang nyid spangs pa dang/ de'i dmigs pa'i nyon mongs pa spangs pas so/ /khrus mchog ces bya ba ni ga pur la sogs pa dang sbyar ba'i skyu ru ra'i shun pa la sogs pa khrus kyis yo byad dag gis so/ /chos rdzing zhes bya ba ni lam ste rdzing dang 'dra ba'i phyir ro/ /bsod nams 'gram zhes bya ba ni tshul khrims la 'jug pa'o/ /rnyog pa med ces bya ba ni zag pa med pa'o/ /mi lus ma gsher zhes bya ba ni rgyud la sred pa med pa'o/ /rig byed yon tan zhes yang dag par rtogs pa la sogs pa shes pa'i yan lag dag gis so/ /pha rol 'gro zhes bya ba ni mya ngan las 'das par 'gro ba'o/ /zil gnon ces bya ba ni mi gus pa'o 'jigs skrags ces bya ba ni 'jigs pa nyid do/ /yid 'byung zhes bya ba ni mi phyogs so/ /'jig rten chos brgyad kyis zhes bya ba ni bde ba dang/ sdug bsngal dang/ snyan pa dang/ mi snyan pa dang/ bstod pa dang/ smad pa dang/ rnyed pa dang/ ma rnyed pa zhes bya ba ni 'jig rten gyi kun tu spyod pa dag gis so/ /legs par 'khrungs pa zhes bya ba ni khyad par du 'phags par skyes pa'o/ /dad? rgyas pas zhes bya ba ni dad pa mngon par 'phel bas so/ /drang srong zhes bya ba ni sangs rgyas bcom ldan 'das so/ /dge 'dun zhes bya ba ni 'phags pa'i dge 'dun no/ /sdig pa 'dod pa zhes bya ba ni nyon mongs pa can gyi bsam pa'o/ /nga rgyal las nga rgyal zhes bya ba ni 'gro ba thams cad kyi mchog de bzhin gshegs pa bas kyang mdza' ? bar 'dod pa'i phyir ro/ /rjes su 'jug par 'dod pas zhes bya ba ni dbang du byed pa'o/ / bcugs par gyur pa dga' ston pa zhes bya ba ni bcugs par gyur pas de dang lhan cig bag dbab pa byas pa'o/ /'jig rten pa'i thugs zhes bya ba ni che ge mo zhig 'ongs par gyur cig snyam du bzhed pa'i thugs so/ /'jig rten las 'das pa'i thugs zhes bya ba ni zag pa med pa bsam gtan dang/ gzugs med pa'i zag pa dang bcas pa'o/ /thub pa'i nyan thos mthu che ba zhes bya ba la/ mthu che ba zhes bya ba ni rdzu 'phrul dang lha'i rna ba dang ldan pa'o/ /gsum rig ces bya ba ni rig pa gsum dang ldan pa'o/ /sems kyi rnam grangs zhes bya ba ni gzhan gyi sems yongs su shes pa la mkhas pa'o/ /zag pa zad par gyur pa dang/ dgra rnams? bcom pa mang du yod ces bya ba ni zag pa zad pa dgra bcom par gyur ba yin gyi ming tsam gyis ma yin pa'o/ /mngon par zhugs pa zhes bya ba ni 'phags pa'i sar chud pa'o glo ba thag pa las zhes bya ba ni srog gi mthar thug ba nas te snying nas skyabs su 'gro'o zhes bya ba'i tha tshig go / rnyed pa'i phyir dang nye ba zhes bya ba ni rnyed pa dag gi rgyu ni mang du thos pa la sogs pa yin no zhes bya ba'i tha tshig go /shin tu dga' ba yin gyi zhes bya ba ni gnod pa yin gyi zhes bya ba'o/ /rdul gyi rdzab 'dra ba khyod la mi brang ci yod ces bya ba ni rdul dang rdul du 'dres pa'i rdzab 'drab khyod gtad du mi brab ci yod ces bya ba'i tha tshig go /dge slong ma gso sbyong 'bul ba dag ces bya ba ni dge slong ma rnams kyi las ni rdzogs par bsnyen pa dgag dbye ma gtogs pa gzhan thams cad dge slong dang tha dad pa nyid yin na dge slong ma rnams kyi gso sbyong ni dge slong gi dge 'dun dang mthun pa 'grub pa rnams kyi bya ba yin te/ mthun pa bsgrub pa yang dge slong ma'i dge 'dun gyi 'dun pa dang gso sbyong dbul ba'i dge slong ma gnyis yan chad bskos pas dge slong gi dge 'dun gyis de len pa'i dge 'dun bskos pa sgo gang? na sdod? pa la phul bas bsgrub dgos pas de dbul ba'i dge slong ma zhes bya ba'i tha tshig go / g.yengs ma zhes bya ba ni sems rnam par g.yengs ba'o/ /rgya cad? dang lcag bod? dang/ shur bu dang/ shur bu bre'u dag gis bar chad kyang byas la zhes bya ba ni de dag dge slong ma las 'thob pa'i phyir ro/ /mgo spra ba'i me tog ltar skya ba zhes bya ba ni spra ba'i me tog ltar dkar ba'o/ /gnod pa chung ba zhes bya ba ni rtag ba'i nang nyung ba'o/ /nyam nga? ba chung ba zhes bya ba ni phyi rol gyi gnod ba'i nyam nga? ba chud pa'o/ /bde ba zhes bya ba ni chos gos la sogs pa yod byad 'byor ba'o/ /bskun mi mnga' ba zhes bya ba ni lan 'ga' 'byung ba'i bstun dang bral ba'o/ /bla mkhyen ces bya ba ni btsun mo'i 'khor gyi zhal ta ba'o/ /gtam shes so zhes bya ba ni rgyu shes so zhes bya ba'i tha tshig go /rig mang ngu las kyis zhes bya ba ni lung mnod pa dang rdzogs par bsnyan pa la sogs pa'o/ /brtad? btsi? 'byung na zhes bya ba ni nyams pa ci yod na zhes bya ba'i tha tshig go/ bdag nyid kyi lag ring la so 'debs par byed dam zhes bya ba ni skye dgu'i bdag mo chen mo ni bdag dang 'brabs? de las log pa mi byed do zhes bya ba'i tha tshig go / bshad ba byed 'dod dam zhes bya ba ni bshad 'bro? ba'o/ /sten pa byed ba zhes bya ba ni goms par byed pa la sogs pa'i rtsom pa'o/ /goms par byed pa zhes bya ba ni 'bring di byed pa'o/ /lan mang du byed pa zhes bya ba ni char byed pa'o/ /rjes su srung bar byed pa zhes bya ba ni yongs su nyams pa zlog par byed pa'o/ /reg par byed pa zhes bya ba ni shes pa yongs su gcod pa'o/ /mngon sum du byed pa zhes bya ba ni 'theb pa bsgrub pa'o/ /bdag nyid srung na gzhan srung bar byed ces bya ba ni bdag nyid srung na gzhan la mi gnod pa'i phyir ro/ /mtho mi 'tsham pa zhes bya ba ni 'dod pa'i bgegs mi byed pa'o/ /mi gshe ba zhes bya ba ni khro ba mi bskyed pa'o/ /mi 'tshe ba zhes bya ba ni mi 'dod ba mi bsgrub pa'o/ /rjes su brtsa ba zhes bya ba ni 'dod pa bsgrub pa'o/ /rjes su snying brtse ba zhes bya ba ni sems mgu bar byed pa'o/ /byams pa'i sems zhes bya ba ni phan pa'i bsam pa nyid dang mi 'dod pa bcad pa'i bsam pa nyid do/ /gzhan bsrung ba na bdag nyid srung ba byed do zhes bya ba ni sems khro ba la sogs pa sdig pa las log pa'i phyir ro/ /chos bzang po'i chos kyis zhes bya ba ni bya ba gang la chos bzang po'i chog yod pa'i chos kyis so/ gtam sna tshogs zhes bya ba ni tshig sna tshogs so/ /gtam snyan pa zhes bya ba ni tshig dga' ba'o/ /spobs pa dge ba zhes bya ba ni rjes su mthun pa'i shes rab bo/ /du gu la'i? gos zhes bya ba ni rtswa du gu la'i tshal pa las byas pa'o/ /ko tam pa'i gos zhes bya ba ni rtswa ko tam pa las 'byung ba'o nyi 'og gis gos zhes bya ba mdza' khob nas byung ba zab dar? la sogs pa'o/ /thal mos rdebs pa zhes bya ba ni thal lcag go /dge slong ma nye du ma yin pa la nye du ma yin par 'du shes pa dang/ nye du ma yin bar yang gnyis zab? ni dngos gzhi nyid du 'gyur ro/ /dge slong ma nye du la nye du ma yin bar 'du shes pa dang nye du ma yin par yid gnyis za ba ni nyes byas su 'gyur ro/ /zhes bstan pa'i phyir 'gres bzhi smos so/ /'khrur 'jug pa la sogs pa 'dod pa tha dad na re re la yang ltung ba re rer 'gyur la sbyor ba gcig na gnyis la yang ltung ba gcig tu 'gyur ba dang sbyor pa gcig na gsum char la yang mthar ltar? ba gcig tu 'gyur ba bstan pa'i phyir 'gres bzhi po re re la yang ltung ba bcu bcu rnam par bzhag go / shin tu gos kyis cha ba las sbyor ba zhes bya ba ni gos bzang por bya ba'i phyir rtsol ba'o/ /bden pa dag ma mthong ngo zhes bya ba ni yo byad la lhag par chags pas skyo ba ma skyes pa'i phyir ro/ /smad na zhes bya ba ni tshig dngos su smra bas smad na'o/ /dbral bka' bar 'gyur ro zhes bya ba ni de dag nga rgyal bcad ba yin pas tshig mi snyan bar 'gyur ro/ /zhes bya ba'i tha tshig go /ltung byed kyi ltung ba byed du gzhug go / zhes bya ba ni ma gus pa las byung ba'i ltung byed chags su gzhug pa'o/ /zla bshol ma por pa zhes bya ba ni zla ba lhag pa dum byas pa'o/ /zla bshol bor ba zhes bya ba ni zla ba lhag par byas pa'o/ /bstod pa zhes bya ba ni rang gi ngo bo nyid bstod pa'o/ /bkur ba zhes bya ba ni 'bras bu bstod pa'o/ /bsngags pa zhes bya ba ni gzhan gyis byas pa'i dris pa lan gdab pas so/ /rab tu bsngags pa zhes bya ba ni gzhan gyis smras pa'i yon la rjes su yi rang bas so/ /khrims ni gang lags zhes bya ba ni rtag tu byas pa'i khrims so/ /khrims bgyi ba ni gang lags zhes bya ba ni blo bur du bya ba'i khrims so/ /rnyed pa chog pa'i bsod snyoms pa zhes bya ba ni dang po kha nas thob pa'i bsod snyoms nges par longs spyod cing gzhan mi 'tshom? ba gang yin pa'o/ /phyid? ba ba zhes bya ba ni phyid? ba las byas pa'i chos gos gsum 'chad ba gang yin pa'o/ /tsog pu pa zhes bya ba ni mi nyal ba tsog pu kho? nar 'dug pa gang yin pa'o/ /gzhi ji bzhin zhes bya ba ni dang po btang ba kho na'i steng du nyal gyi bdag gis 'ding? ba dang gzhan 'ding du mi 'jug pa gang yin pa'i yongs su spang ba byin par byas te zhes bya ba'i tha tshig go / re zhig dang por khrims su bya ba mi byed pa'i phyir dang/ khyed kyi yul la khrims su bya ba ma bcas pa'i phyir khyod ltung ba med la/ dbyin? chad kyang khyod kyi yul la khrims su bya ba med pa kho na yin pas khyod la tshad pa mtshungs par spyod pa rnams kyi ltung bas gleng? ba'i dogs pa med par bya'o/ /zhes bstan pa'i phyir dang/ shAkya rab tu byung ba rnams la bskul ba'i phyir ro/ /rgyud dag pa zhes bya ba ni 'dod pa'i kun tu spyod pa med pa'i lus so/ /rgyu dag pa'i tshul dag gis zhes bya ba ni sred pa'i sems dag gis so/ /yo byad bsnyungs pa'i tshul dag gis zhes bya ba ni ngos pa'i bya ba dag gis so/ /sred pa med pa zhes bya ba ni nya du la chags pa med pa'o// len pa med pa zhes bya ba ni yo byad 'dod ba med pa'o/ /'dod pa zhes bya ba ni yid la 'dod pa'o/ /sgyu thabs zhes bya ba ni g.yo'o/ /'phye bo nyid ces bya ba ni gum pa nyid do/ /mchod? ba zhes bya ba ni mchod zhing 'gro ba'o/ /dkyus mo zhes bya ba ni rgyug cing 'gre ba'o/ /bcugs med par gnod pa zhes bya ba ni gnas ma yin pa la mngon par zhen pa'o/ /ched du bsams te zhes bya ba ni sgyu thabs kyi rgyu nyid do/ /gdung chad pa zhes bya ba ni rgyu med pa'o/ /sman pa gnyer te zhes bya ba ni sman pa dag gis bskor te'o/ /gang bcad par bya zhes bya ba ni rkang lag la sogs pa bcad par bya ba'o/ /gang gcod du gzhug par bya zhes bya ba ni rkang lag la sogs gcod du gzhug par bya ba'o/ /dong? zhes bya ba ni sa thams cad du gzhug pa'i dong ngo/ /glen pa ma lags zhes bya ba ni brda? mi phrad pa ma yin pa'o/ /blo med min zhes bya ba ni bdag nyid sems mi shes pa ma yin pa'o/ /gsal bar bgyid pa'i zhes bya ba ni lce dang rkang dang sna la sogs pa rgyu gzhan dag gis so/ /smra ba zhes bya ba ni smra ba ba'o/ /dbang po tshad ba zhes bya ba ni thams cad dang ldan pa'o/ /gsal ba zhes bya ba ni ma nyams pa'o/ /rigs mthun zhes bya ba ni rigs kyis 'ongs pa'o/ /rab tu zhes bya ba ni shin tu'o/ /mi bzad pa zhes bya ba ni rgyun tu 'byung ba'o/ /drag po zhes bya ba ni rnan pa'o/ /'jigs su rung ba zhes bya ba ni 'jigs 'jigs lta ste des ni mi bzad pa dang drag po nyid bstan pa'o/ /mchi mi bgyi zhes bya ba ni 'gro bar mi bya ba'o// dka' thub kyis gdung ba zhes bya ba ni du brdub pa la sogs pa dka' thub drag po byed pa'o/ /sbyin sreg ces bya ba ni rgyun du mer sbyin sreg byed pa'o/ /mchod sbyin zhes bya ba ni rta'i tshil la sogs pas mchod sbyin byed pa'o/ /kimpa'i? 'bras bu zhes bya ba ni shing kimpa ka'i 'bras bu ste mig sngar sdug cing gsod par byed pa yin no/ /bdud rtsi'i ro dga' ba zhes bya ba ni thog ma dang par ma dang tha mar zhi ba nyid yin pa'i phyir ro/ /gnas mal 'jam pa zhes bya ba ni reg pa 'jam pa'i shing bal dag go /legs par bshams par zhes bya ba ni legs par bting? pa'o/ /gang nas kyang 'jig pa med pa zhes bya ba ni gang nas kyang mi 'jigs pa'o/ /bred dras kyi 'jigs pa dang bcas pa zhes bya ba la/ bred ngas zhes bya ba ni sngar ma ste de 'jigs pa gang yin pa de bred ngas? kyis 'jigs pa ste de dang ldan pa'i sems kyis so/ /shing shun zhes bya ba ni shing ljon pa'i shun pa'o/ /rtsa gyon zhes bya ba ni rtswa dang lha'i gos so/ /thos nas zhes bya ba ni brtags sam khong du chud nas so zhes bya ba'i tha tshig go /mchi mas brnangs pa zhes bya ba ni mchi mas rnam par dkrugs pa'i mgren pas so/ /bu blangs zhes bya ba ni bu la 'khyung nas so/ /brtul zhugs des 'chang zhing zhes bya ba la brtul zhugs zhes bya ba ni lus dang ngag gi nges pa'o/ /ngas pa zhes bya ba ni yid kyi yang dag par sdom? pa'o/ /rang gi chos zhes bya ba ni drang srong gi rang gi chos so/ /byams pa'i bdag nyid can zhes bya ba ni byams pa thob pa'o/ /snying rje dang ldan pa zhes bya ba ni snying rje thob pa'o/ /brtse ba dang ldan pa zhes bya ba ni gnod pa dag la srung ba'o/ /sems can la byams pa zhes bya ba ni byams pa'i bsam pa dang ldan pa'o/ /ri? dags kyi brtul zhugs can zhes bya ba ni ri dags dang 'dra ba'i yi dam sngar blangs te spyod pa'o/ /'khrur 'jug pa'i spang ba ste bzhi pa'i tshig rnam par bshad pa rdzogs so// //'gog pa la snyoms par zhugs zhes bya ba ni sems dang sems las byung ba 'gag pa'i phyir ro 'gog pa ste de la snyoms par zhugs so/ /skal ba zhes bya ba ni bgo skal lo/ /nags byul ba zhes bya ba ni nags brtag pa'o/ /tho yor zhes bya ba ni rdo la sogs pa bsgreng ba'o/ /bsod snyoms kyi phung ces bya ba ni bsod snyoms dang po'i mchog go / nad? par zhes bya ba ni nad? par sngar ro/ /nyin mo nyid ces bya ba ni snga dro'i nyin mo'o/ /lha'i gnas kyis lhag ma bzhin du'o zhes bya ba ni ji ltar lha'i gnas su zas phul ba'i lhag ma bkra shis pa'i phyir 'dod par bya ba de bzhin du te por 'dod do zhes bya ba'i tha tshig go / dge slong ma'i ras ma zhes bya ba ni dge slong ma'i ras ras so/ /khur bdag ?bslang zhes bya ba ni bslab gzhi dag bcas pa'o/ /de la brje ba ni 'di yin te zhes bya ba ni brje ba'i tshul ni 'di yin te zhes bya ba ni tha tshig go / de tsam gyis zhes bya ba ni rin mnyam pas brje bar bya ba'o/ /ji tsam gyis dge slong ma dga' bar 'gyur bas zhes bya ba ni rin chung ngus kyang dge slong ma gang dang lhan gcig de brje bar byed pa'i dge slong ma dga' bar 'gyur bas zhes bya ba'i tha tshig go / len pa'i spang ba ste lnga pa'i tshig rnam par bshad pa rdzogs so// //kha zas tsam zhes bya ba ni kha zas tsam du 'god pa'o/ /chang chung tsam zhes bya ba ni 'tsho ba tsam zhes bya ba'i tshig go /rgyu mthun pa zhes bya ba ni gsher ba'o/ /bshes pa zhes bya ba ni 'brel pa'o/ /ngan? dus kyi phyed kyis zhes bya ba ni mthus 'phrog pa'i phyed kyis so/ /spyod pas zhes bya ba ni 'jug pa'i ngang tshul lo/ /shing tshal zhes bya ba ni dbyig gu tshal pa'o/ /grong phreng ba can zhes bya ba ni grong phreng ba can zhes bya ba nas skyes pa'i phyir ro/ /tshang tshing zhes bya ba ni rtswa thibs pa'o/ /de la des dus yin no zhes bya ba yang tshig tu bzlas pa ni bsnan pa'i phyir te/ de las lhag pa med do zhes bya ba'i tha tshig go /rin thad zhes bya ba ni rin no/ /kha dog ces zhes bya ba ni kha dog gis gzugs so/ /khru tshad ces bya ba ni khru gang ngo/ /lhag ma thob ni ltung ba med do zhes bya ba ni des lhag pa ma bslangs pa'i phyir ro/ /kha dog dang tshad las lhag pa yang de bzhin du shes par byed pa'o/ /slong? ba'i spang ba ste drug pa'i tshig rnam bar bshad pa rdzogs so/ / //bsdams pas zhes bya ba ni khyad par byas shing dam por byas zhes bya ba'i tha tshig go /phyi rol du zas la pos pa zhes bya ba ni mgron du bos pa'o/ /bya rog dkar po dang 'dra bas zhes bya ba ni dge slong h+ral po yin pas 'jig rten dag gis ngo shes pa'i phyir ro bar bar dru rgan pa dag gis 'khod par bya'o/ /zhes bya ba ni bar bar dag tu gzhon du dag gis gcang de rgan pa dag gis 'khod par bya ba'i tha tshig go /dngar kha byas te zhes bya ba'i gral thabs su sbrengs te'o// kha cig na re sgro gu sgrogs pa'i zhes kyang zer ro/ /yo byad bcu gsum bdun zhes bya ba ni gsal rgyal la sogs pa sbyin bdag bdun gyis re re'i kyang yo byad bcu gsum bcu gsum byin no bya ba'i tha tshig go /mi brtson ba zhes bya ba ni sems kyis mi brtson pa bstan to/ /mi sbyor ba zhes bya ba ni lus dang ngag gis mi sbyor ba bstan to/ /ma brtags par spyod pa zhes bya ba ni rtog pa sngon du ma song bar byed pa'o/ /de las zhes bya ba ni bram ze 'am khyim bdag dad? pa can de las so/ /khru bcu gnyis pa zhes bya ba ni srid du'o/ /gal te chung na yang bslang bar mi bya la lhag na yang sbyin bar mi bya'o zhes bya ba ni khyim pa'i gos bskyed bri nges pa yin pa'i phyir ro/ /gal te chung na yang bslad par bya la lhag na yang sbyin par bya'o/ /zhes bya ba ni dge slong gis gos dag gis tshad ngas pa yin pa'i phyir ro/ /thams cad du spang ba'i ltung byed du 'gyur ro zhes bya ba ni lhag pa slong phyir dang/ lhag pa bcabs phyir ro/ /slong par rigs ba spang ba ste bdun pa'i tshig rnam par bshad pa rdzogs so// //de dag dang bdag mnyan par zhes bya ba ni de dang? bdag 'dra bar ro/ /snga ma la ni ltung ba med do zhes bya ba ni ma bslangs pa nyid du thob pa'i phyir ro/ /spags pa las lhag pa slong ba'i spang ba ste brgyad pa'i tshig rnam par bshad pa rdzogs so// //khyo shug ces bya ba ni skyes pa dang bud med do/ /bslab pa'i gzhi 'di ni sbyin bdag gcig ma yin pa'i phyir logs shig tu smos so/ /gleng gzhi dang bslab pa bcas pa dang ltung ba rnam par bzhag pa'i tshig gi don ni snga ma kho na bzhin du rig par bya'o/ /so so nas spags pa las lhag pa slong ba'i spang ba ste dgu pa'i tshig rnam par bshad pa rdzogs so/ / //snying tshom? zhes bya ba ni bkrabs pa'o/ /sgra mthon po zhes bya ba ni skad chen po'o/ /sgra yid du 'ong ba zhes bya ba ni snyan pa'o/ /sgra zab po zhes bya ba ni mthu dang ldan pa'i phyir sgra gsal ba'o/ /mi dga' ba zhes bya ba ni yid la bcags pa'o/ /sgra dma' ba zhes bya ba ni skad chung ba'o/ /sgra yid du mi 'ong ba zhes bya ba ni sgra mi snyan pa'o/ /sgra zhum pa zhes bya ba ni mi dga' ba'i skad do/ /brgya la? zhes bya ba ni dus tshigs gzung ba'o brgya lam? na zhes bya ba ni nyi ma gzung ba'o/ /zur gyis go ba zhes bya ba ni zur tsam gyis go ba ste lag brdal sogs pas kyang brda phrad pa'i phyir ro/ /brjod na zhes bya ba ni mgo smos pas go ba ste cung zhig brjed pas lhag ma zhes bya ba'i phyir ro/ /yi ge phyed kyis zhes bya ba ni rnam par smos pas go bas te/ yi ge phyed brjod pas thams cad shes pa'i phyir ro/ /mi smras mi shes so zhes bya ba ni bkri dgos pa ste/ ril gyis ma smras kyi bar du mi shes pa'i phyir ro/ /phan tshun med pa zhes bya ba ni yang rgyun mi gcod pa'i phyir ro/ /kun nas nyon mongs pa med pa zhes bya ba ni len pa rnams la kun nas nyon mongs pa med pa'i phyir ro/ /yul gyi khe spogs zhes bya ba ni yul gzhan du byin ba'i nor las yul gzhan du khe spogs kyi skyed 'thob pa'o/ /sgron ma rab tu 'bar ba zhes bya ba ni rtsa ba nas kyang 'bar ba'o// rgya ma byid? dam zhes bya ba ni brgya drung pas ma byid dam zhes bya'o/ /ma zhu 'am zhes bya ba ni rgyam? tshig gam zhes pa'o/ /sgyu ma zhugs sam zhes bya ba ni rgyal la rgyu thabs ma phyi saM? zhes pa'o/ /gom pa bskyed zhes bya ba ni gom pa cher 'dor ba'o/ /rtug pa la dad pa zhes bya ba ni khyod rtug pa tsam la/ ngad pa yin gyi sbyin pa dang mchod pa la sogs pa ma yin no zhes bya ba'i tha tshig go /sgyid? pa gnyis skrangs skrangs su zhes bya ba ni skrangs par gyur gyi bar du'o/ /bram ze gtsang sbra? can zhes bya ba ni bsdeb sbyor klog pa ste chung? ma ma blangs pa zhes bya ba'i tha tshig go / zhal ta? byed pa zhes bya ba ni las byed pa'o/ /rung ba byed pa zhes bya ba ni lha 'bangs sam rtse rgod do/ /lan gnyis sam gsum du bskul bar bya dran par bya ba ni tshig gi bdag nyid kyis de lan gsum par lhag par bskul bar mi bya'o/ /lan bzhi lan lnga lan drug gi bar du zhes bya ba ni sngar bskul ba lan gsum byas pa'i 'og tu phyogs su cang mi smra bar bsdad pa yang lan gsum byas te bskul ba dang/ bsdad pa dang gnyis ka la spyir lan drug tu bgrad pa yin gyi phyogs su bsdad pa 'ba' zhig la lan drug bya ba ma yin te/ bskul ba lan gsum las lhag pa byas te/ gos grubs na spang ba'i ltung byed du 'gyur ba'i phyir ro/ /phyogs su zhes bya ba la/ phyogs gang du zhe na de'i phyir phyogs bzhi por dag tu ste zhes bya ba gsungs so/ /de dag tu mi dag phal cher gnas pa las dgongs so/ /'bod? gnas zhes bya ba ni las 'dod pa'i mi dag 'bod pa'i gnas so/ /khyim gnas zhes bya ba ni 'dug pa'i gnas so/ /ha cang myur ba zhes bya ba ni tshig myur ba'o/ /thog ma med pa zhes bya ba ni mi sdod par ro/ /brjod pa cing zhes bya ba ni zhal ta? byed pas so/ /gzhan gyi tshig gi skabs zhes bya ba ni skal bar byed pa'i dge slong gi'o/ /de'i don cir yang ma grub kyis zhes bya ba ni 'bras bu ci tsam yang ma grub kyis zhes bya ba'i tha tshig go / shes par gyis shig ces bya ba ni rang gi rdzas 'tshol cig ces bya ba'o/ /cho ga zhes bya ba ni rigs pa rjes su bsgrub pa zhes bya ba'i tha tshig go /de'i sems bsdu ba zhes bya ba ni yongs su dga' ba'o/ /go rims de lta bus ma byas par gang cung zad len na thams cad du nyes byas su 'gyur ro/ /zhes bya ba ni rin rung ba ma yin pa dag len na nyes byas su 'gyur ba dang/ ma 'dres par zhal ta byed par ston na nyes byas su 'gyur ba dang/ pho nyas ma smras pa bskul ba dang dran par byed na nyes byas su 'gyur ba dang/ ma thob na sbyin bdag la sgrogs par mi byed na nyes byas su 'gyur ba dang/ bsgrags nas zhal ta byed ba stobs pa na sbyin bdag la bsgrags zin to zhes spangs pa mi smra na nyes byas su 'gyur ba dang/ sbyin par byed pa'i sems bsdu ba rjes su bsgrub pa khas mi len pa'i zhal ta byed pa la sogs len na nyes byas su 'gyur ro/ /zhes bya ba ni tha tshig go /mi ma yin pas sbyin par byed cing ba zhes bya ba la sogs pa'i mu bzhi pa gnyis gyi go rims ni dang po dang dbus dang tha ma gsum char mi ma yin pa ni mu dang po'o/ /dang po dang dbus gnyis mi yin la tha ma mi ma yin pa ni mu gnyis pa'o/ /dang po dang tha ma mi ma yin la dbus mi yin pa'i mu gsum pa'o/ /dang po mi yin la dbus dang tha ma mi ma yin pa ni mu bzhi pa ste de dag ni mi ma yin pa sngon du btang ba'i mu bzhi pa yin no/ /de bzhin du dang po dang dbus mi yin la tha ma mi ma yin pa ni dang po'o/ /dang po dang tha ma mi ma yin la dbus mi yin pa ni mu gnyis pa'o/ /dbus dang tha ma mi yin la dang po mi ma yin pa ni gsum pa'o/ /dang po dang dbus dang tha ma gsum char mi ma yin ba ni mu? bzhi pa ste gang dag ni mi sngon du btang ba'i mu bzhi yin no/ /dang po dang dbus dang tha ma gsum char mi yin pa ni spang ba'i ltung byed kyi rgyu yin pas mjug du bstan te nyes pa lci ba'i phyir ro/ /bskur pa'i spang ba ste bcu pa'i tshig rnam par bshad pa rdzogs so/ / //srin ba la zhes bya ba ni srin ba la 'byung pa'i srin bu la byung ba'o/ /ma log ces bya ba ni spyir ba las so/ /ma spangs zhes bya ba ni dngos gzhi'o/ /so sor ma spangs zhes bya ba ni mjug go /gsar bas sar pa zhes bya ba ni dper na shing thog sar pa dang lo tog gsar pa lta bu'o/ /rnyad pa gsar pa zhes bya ba ni dper na rgyal srid sar pa dang/ gzhung gsar pa lta bu'o/ /gsar pas sar pa yin par dgongs so zhes bya ba ni dkon pa'i phyir dang srog chags gsod pas skur pa 'debs pa'i rgyu yin pa'i phyir ro/ /nang tshangs can zhes bya ba ni ras bal can zhes kyi rnam pa lta bu'o/ /rlings ba zhes bya ba ni phyid pa'i rnam pa lta bu'o/ /gnyis ka yin par dgongs so/ /zhes bya ba ni gnyi ga yang dkon pa'i phyir ro/ /chun po zhes bya ba ni ke du'o/ /mda' ba zhes bya ba ni sgo nga'o?/ /phung po zhes bya ba ni bkram pa'o/ /'byed par byed ces bya ba ni 'grol bar byed pa'o/ /'jig par byed ces bya ba ni sel bar byed pa'o/ /rmel bar byed ces bya ba ni spu nas sel par byed pa'o/ /srin bal gyis spang ba ste bcu gcig pa'i tshig rnam par bshad pa rdzogs so/ / //nag po 'ba' zhig ces bya ba ni nag po nyi? tshe'o/ /rang bzhin gyis gnag pa zhes bya ba ni rang bzhin kho nas gnag pa gang dag yin pa'o/ /sngo bas gnag pa zhes bya ba ni phyis sngon pos kha bsgyur ba gang yin pa'o/ /'dam kha zhes bya ba ni 'dam rdzab kyis nag gis kha bsgyur ba gang yin pa'o/ /kham pa zhes bya ba ni rang bzhin gyis kham pa dang/ gre ba dang sre bo la sogs pa nag nog can gang yin pa'o/ /rlings pa yin par dgongs so zhes bya ba ni de chos bya ba dka' ba yin pa'i phyir ro/ /bal nag po 'ba' zhig gi spang ba ste bcu gnyis pa'i tshig rnam par bshad pa rdzogs so// //'khob bal zhes bya ba ni mgo dang rkang pa dang lto nas skyes pa'i bal dag ste phal cher sal rgyu ba'i phyir sa rgyu ba zhes bya ba'o/ /nag po 'ba' zhig mod pa dang rin? mnyam pa la ltung ba med pa ni bslang? ba'i phyir dang 'dod pa che ba nyid med pa'i phyir ro/ /cha gnyis sre? ba'i spang ba ste bcu gsum pa'i tshig rnam par bshad pa rdzogs so// //grang ba zhes bya ba ni grang ba'i rig pa'o/ /rlung che ba zhes bya ba ni rlung mang ba'o/ /stan gyis mi thub pa zhes bya ba ni stan du gding ba dang bge pa dang sngas dag tu dgos pa zad pa'i phyir ro/ /bal? sbyin par bya'o zhes bya ba ni bskyed pa'i phyir dang gso ba'i phyir ro/ /ral pa zhes bya ba ni dum bur gyur pa'o/ /rdol ba zhes bya ba ni bu gu dod pa'o/ /dge 'dun gyis gnang ba zhes bya ba ni dge 'dun gyis yongs su spang ba'o/ /'dir gsol pa la sogs pa la lag gi bla smos pa ni dge 'dun la gces? pa yin pa'i phyir nges pa yin par rig par bya'o/ /gnyis pa rtsol ba de la nyes byas su 'gyur la zhes bya ba ni snga? ma? brtsams pa nyid na phyi ma rtsom pa ni lnga ma byas zin nas phyi ma rtsom pa dang 'dra ba'i phyir ro byas zin na lnga nyes byas su 'gyur ro zhes bya ba ni phyis brtsams pa shos sngar zin na yang sbyor ba'i ltung ba nyid yin pa'i phyir ro/ /snga ma la ltung ba med do/ /zhes bya ba ni gzhan ma byas par de brtsams pa'i phyir ro/ /snga rnga ma zin par byed zhes bya ba ni sngar brtsams pa'o/ /byas zin na spangs pa'i ltung byed du 'gyur ro/ /zhes bya ba ni stan phyi ma'o/ /lo gang la stan byas pa'i lo de nyid la stan gnyis pa yang byas nas zhes bya ba ni snga phyir brtsams te dus gcig tu zin bar byas nas so/ /ma zin pa gtong ba zhes bya ba ni phyed zin pa ste zin pa med pas de la /dngos gzhi med do/ /lo drug pa la byed na ltung ba med do zhes bya ba ni lo drug gi 'og tu byed na ste/ lo drug tshun chad du bcad bar byas zin pa'i phyir ro/ /'dres lnga pa'i bsdu ba ni phyi ma zin par byed pa dang/ snga ma zin par byed pa dang/ gnyi ga brtsams te gted pa dang/ lo drug gi 'og tu byed pa la ltung ba med pa'o/ /lo drug tu bcad pa'i spang ba ste bcu bzhi ba'i tshig rnam par bshad pa rdzogs so// //bam po bcu gcig pa/ gding ba zhes bya ba ni so sor gding ba dras pa dag go / phul lo zhes bya ba ni byin pa'o/ /rdzas las byung ba'i zhes bya ba ni gtsug lag khang ste rdzas las byung ba'i las kyi 'bras bu yin pa'i phyir ro/ /bsod snyoms mngon par bsgrubs so zhes bya ba ni mnos pa'o/ /rdol ba zhes bya ba ni bu gu 'byung ba'o/ /ral ba zhes bya ba ni dum bur gyur pa'o/ /bkram pa zhes bya ba ni chal par bkod pa'o/ /e ma zhes bya ba ni ma mnyes pa'i tshig go /smad nas zhes bya ba ni mi rigs par ro/ /drod mi shes pa zhes bya ba ni tshod mi shes pa'o/ /so sor mi rtog pa zhes bya ba ni mngon par mi rtogs par ro/ /drod? ran par yongs su longs spyad pa zhes bya ba ni yongs su gzhal cing longs spyad pa'o/ /spang zhing yongs su longs spyad pa zhes bya ba ni brgyal brgya lam na longs spyod pa'o/ /dus su yongs su longs spyod pa zhes bya ba ni dgos pa'i dus su yongs su longs spyod pa'o/ /brtag cing yongs su spyad pa zhes bya ba ni bya ba brtags te yongs su longs spyod pa'o/ /khang? kyis yongs su longs spyod na zhes bya ba ni khang kyis bltos pa dang bcas par yongs su longs spyod na'o/ /kha dog mi sdug par bya ba'i phyir zhes bya ba ni kha dog mi sdug par sgrub pa'i phyir ro/ /ci'i phyir kha dog mi sdug par bya zhe? na?/ de'i phyir sra bar bya ba'i phyir ro zhes bya ba ni gsungs te gnyis pas sra bar bya ba'i phyir zhes bya ba ni gsungs so/ /spyod par byed na zhes bya ba ni so sor? gding ba nyid du spyod par byed na'o/ /so sor gding ba zhes bya ba ni stan 'og ma so sor thams cad kyi steng du gding bar bya ba yin pa'i phyir ro/ /mtho gang gi spang ba ste/ bco lnga pa'i tshig rnam par bshad pa rdzogs so// //rnga ma'i rgyab 'dra ba zhes bya ba la 'dra ba zhes bya ba'i sgra sa ni dpe bstan te/ des na bal yul ni rnga ma'i rgyab 'dra bar mi mnyam pa yin no zhes bya ba'i tha tshig go /khur zhes bya ba ni rgyab khal lo/ /mtho 'tsham pa zhes bya ba ni 'debs pa'o/ /rdul phra rab ces bya ba ni rdzas brgya skyo? ba'i chos 'dus pa ste/ nyi steng gyi rdul gyi bzhi bcu rtsa dgu'i cha gcig la rdul phra rab gcig go / 'dul ba las drug 'gyur du bsgro ba ni bar 'bri ba'i dus kyi tshe mi nyam tshung ba'i sor rnam par bzhag pa'i phyir ro/ /chos mngon pa las bdun du 'gyur ba sgre ba ni bskal pa dang po'i mi nyam che ba'i sor rnam par bzhag pa'i phyir ro/ /zho la sogs pa'i don du de tsam dag khyer ba la ltung ba med pa ni de la khur med pa'i phyir ro/ /bal thogs pa'i spang ba ste bcu drug pa'i tshig rnam par bshad pa rdzogs so// //ka ka ni zhes bya ba ni ma sha ka'i bzhi cha gcig ste/ mgron bu nyi shu'i rin gyi ming yin no/ /dang? la kha? zhes bya ba ni rdzing bu'i kha ste wa? 'bab pa'i gnas so/ /bco? blag mkhan gyi lag pa ltar dmar ba zhes bya ba ni rang gi tshan? rtsi'i las byed pa gang yin pa'o/ /byung ba rnam par bzhag pa'i tshig gi don ni 'khrur 'jug pa'i spang ba'i skabs su bshad ba bzhin du rig par bya'o/ /bye brag du na sngar go rnying pa zhes bya ba'i gnas su 'dir lug bal ngag? ces smos par bya'o/ /sngar 'chag tu 'jug na zhes bya ba ni smos pa'i gnas su 'dir rmel du 'jug na zhes smos par bya'o/ /bal rmel du 'jug pa'i spang pa ste bcu bdun pa'i tshig rnam par bshad pa rdzogs so// //grong dpon zhes bya ba ni grong gi dpon po'o/ /sngon gyi gdugs rnams kyis zhes bya ba ni deng? gi nyi ma nyid sel bar byed do/ /ches snga bzhig? na zhes bya ba ni 'das ma thag pa'i nyi ma sel bar byed do/ /mngon mtshan can zhes bya ba ni rdzas grags pa'o/ /rung zhes bya ba ni rigs pa'o/ /gser zhes bya ba ni dngul dang de gnyis ka'i rdzas mtshan mas btab pa dag gis bsdus pa'o/ /bdag gir byed ces bya ba ni bdag gi ba nyid du 'dzin par byed pa'o/ /brda sprod pa'o zhes bya ba ni smra ba'o/ /skur pa 'debs par mi bgyid cing zhes bya ba ni slar skur pa 'debs par mi bgyid cing ngo/ /ha cang thal bar mi bgyid pa zhes bya ba ni bcom ldan 'das la yang dag pa ma yin par sgro 'dogs pas ha cang thal bar yang mi bgyid do/ /gsungs pa'i rjes su smra ba zhes bya ba ni bcom ldan 'das kyis gsungs pa kho na'i rjes su smra ba'o/ /chos smra ba zhes bya ba ni bcom ldan 'das kyis mngon sum du ma gsungs kyang don gyis go ba nyid kyis chos smra ba'o// chos kyi rjes su mthun pa'i chos brda sprod par bgyid pa zhes bya ba ni lam gyi chos kyi rjes su mthun pa'i chos ston par bgyid pa'o/ /gzhan las zhes bya ba ni phyir rgol pa las so/ /chos dang mthun pas zhes bya ba ni rigs pa yang dag pas so/ /smad pa'i gnas lta bu'i chos zhes bya ba ni smad cing pham par 'gyur ba'i chos zhes bya ba'i tha tshig go / mi 'chi ba lags sam zhes bya ba ni mi 'byung ba yin nam zhes bya ba'i dge sbyong gi chos ma yin pa zhes bya ba ni khyim pa'i yo byad du rung ba'i rab tu byung ba'i chos ma yin pa'i phyir ro// shAkya'i sras kyi chos ma yin pa zhes bya ba ni bcom ldan 'das kyis bkag pa'i phyir ro/ /lan gnyis lan gsum gyi bar du brjod par bya ste zhes bya ba ni rgol ba las thar par bya ba'i phyir ma yin gyi don yang dag pa de nyid bstan pa'i phyir zhes bya ba'i tha tshig go / 'dod pa'i yon tan lnga po dag kyang rung ba kho na lags so zhes bya ba ni rgyur gyur pa yin pa'i phyir ro zhes bya bar bsams so/ /phung po gcig tu byed zhes bya ba ni tshogs gcig tu byed pa'o/ /phung po gnyis su byed pa'o/ /ma log ma spangs so sor ma spangs zhes bya ba ni khyim pa'i bya ba bdag gis sbyor ba dang dngos dang mjug dag las so/ /gser zhes bya ba ni mngon mtshan can du ma byas pa'i gser nyid do/ /dngul zhes bya ba yang mngon mtshan can du ma byas pa'i dngul nyid do/ /dbyig ces bya ba ni gser ram dngul las mngon mtshan can du byas pa'i rdzas so/ /'thob par 'gyur ba'i phyogs su zhes bya ba ni smra ba po'i? mngon sum du ste lag tu 'thob pa 'am lag tu blang du rung ba'i phyogs su'o/ /de la rang gis bsgo ba nyid yod pas dngos gzhir 'gyur ro/ /'di zhes bya ba ni mngon sum du snang ba'o/ /de zhes bya ba ni mngon sum du mi snang ba'o/ /'thob par 'gyur ba ma yin pa'i phyogs su zhes bya ba ni smra ba po'i mngon sum ma yin par te lag tu 'thog par mi rung ba 'am/ lag tu blang du mi rung ba'i phyogs su'o/ de la rang gis bsgo ba nyid med pas nyes byas su 'gyur ro/ /brdungs pa zhes bya ba ni rgyan dang snod sbyad la sogs par gnas pa'o/ /mngon mtshan can zhes bya ba ni tha snyad du bya ba'i mtshan ma can te zlum po la sogs pa'i dbyibs la mi la sogs pa'i rtags byas pa'o// nor bu dang mu tig dang baiDUrya dang shangka shi la dang byu ru dang dngul dang gser dang rdo'i snying po dang/ spug dang dmar po dang g.yas su 'khyil ba dang sangs rgyas kyi sku gdung la sogs pa'i rin po che'o zhes gsungs pa dag kyang bsdus pa yin no/ /yul gyi tha snyad can zhes bya ba ni yul gzhan tha snyad can te yul 'dir tha snyad gdags su ni mi rung pa'o/ /de ni gas pa dang chag pa dang dum bu dang tshig pa dang sngon ma spyad pa dang ma byas pa dang mtshan dang mi ldan pa dang bcos pa'o/ /de dag la mngon mtshan gyis nyo tshong la sogs pa byar mi rung yang/ gser dngul la sogs pa'i ngo bo nyid yin pa de la reg gam reg tu bcug na ci'i phyir dngos gzhir mi 'gyur zhe na/ de ni gser dngul la sogs pa'i rang bzhin gyi rin po cher bzhag pa ma yin gyi mngon mtshan btab pa'i sgo nas rin po cher bzhag pa yin no/ /mngon mtshan nyams te tha snyad gdags su mi rung ba'i phyir de nyid kyis rin po che nyams pa yin pas de'i phyir na smad do/ /rno lcags zhes bya ba ni lcags bzang po'i rigs so/ /khro chu zhes bya ba ni me long gi rgyu'i lcags so/ /'dod pa zhes bya ba ni 'gro par chas pa'o/ /'di la 'gyod par mi bya'o zhes bya ba ni rung bar bya ba bdag gir byed pa bcad par bya ba'i phyir dang/ mi rung ba las bdag gir bya ba mi skye ba'i phyir ro/ /dad? pa can zhes bya ba ni dad pa dang brtan pa dang ldan pa'o/ /gser dngul la reg pa'i spang ba ste bco brgyad pa'i tshig rnam par bshad pa rdzogs so/ / //shes pa can zhes bya ba ni mu stegs gcer phu pa ste/ rtsis kyi shes pa yod pa'i phyir ro/ /cung zad dmigs pas kyang zhes bya ba ni kha dog dang tshad dang dbyibs la sogs pa mig dang rna ba la sogs pas shes pa'o/ /cung zad rtog ges kyang zhes bya ba ni rtsis kyis byas pa'i rtog pas shes pa'o/ /nags kyi 'brus zhes bya ba ni shing tog go /slong phor zhes bya ba ni gcer bu pa'i ltung bzed kyi ming ngo/ /la ba srin bya'i mdog lta bu zhes bya ba ni srin bu'i mdog dmar po btsos pa dag gis kha bsgyur ba'i la mar zhes bya ba'i tha tshig go / kha cig na re srin bu nag po'i mdog lta bu zhes kyang zer ro/ /mgo zlog ste nyal ba zhes bya ba ni khas bub du nyal ba'o/ /kha cig na re re zhes zer ro/ /tshul khrims 'chal pa kun du spyod do zhes bya ba ni gcer bu las 'das pa'o/ /khyod kyi ston pa zhes bya ba ni 'gro ba skyong ba'i rdzogs byed do/ /nur rtsi zhes bya ba ni chad gi tshig ma'o/ /la ba rtsub zhes bya ba ni la ba sbom po rtsub pa'o/ /gson pas kyang mi dga' ba yin no zhes bya ba ni gson pa tsam gyis kyang mi dga' bar 'gyur ro zhes bya ba ni tha tshig go / khrag gi phyis bu zhes bya ba ni/ khrag srang ngo/ /gnas dbyung ba zhes bya ba ni spang ngo/ /tshul shing yang dbyung bar bya zhes bya ba ni/ bgrang ba'i don gyi thur ma yang dor bar bya ba'o/ /spang leb khri'u yang bsgyur bar bya zhes bya ba ni stan gnas nas gdon par bya ba'o/ /slong phor yang khas dbub par bya ba ni khrims su bca' bas longs spyod nyams par bya zhes zes kyi snod kyang nyams par byed pa'o/ /khar ba yang dor bar bya zhes bya ba ni khar ba gnas nas phyi rol tu dor bar bya ba'o/ /bka' gnyan par zad kyi zhes bya ba ni 'da' bar mi bya ba'o/ /mi g.yo ste zhes bya ba ni mi 'gal ba'o/ /bzhi ltab pu ltab ste zhes bya ba ni bzhi rim du'o/ /shugs kyis shes bya ba ni stobs kyi shugs kyis so/ /de ni re zhig byung ba yin gyis zhes bya ba ni la ba rtsub pos la ba bzang po bsgrubs pas bskyed bsgrubs pa'i phyir ro/ /kun tu sbyor ba byed ces bya ba ni yul gzhan du 'dod bar byed pa'o/ /rab tu sbyor bar byed ces bya ba ni dus dang yul la bltos pas bskyed pa'i phyir gtong bar byed pa'o/ /bun 'gyed par byed ces bya ba ni rnying pas gsar bskyed dang bcas pa spel bar byed pa'o/ /skyed 'gyed par byed ces bya ba ni bskyed pa'i phyir rdza bar byed pa'o/ /byas pa zhes bya ba ni mngon mtshan can du byas pa'o/ /ma byas pa zhes bya ba ni mngon mtshan can du ma byas pa'o/ /kun tu rtsom par byed ces bya ba ni gzhan dang skad sbyor ba la sogs pa byed pa'o/ /yul tshol bar byed ces bya ba ni yul gang du btang bar bya zhes so/ /shing rta sog par byed ces bya ba ni shing rta sta gon byed pa'o/ /brgyad shas zhes bya ba ni gang du brgya btang na zla ba gcig gis skyed brgya len pa ste lhag ma rnams la yang de bzhin du shes par bya'o/ /nas dang 'bru snying pa gsar phyed dang nyis snga'i phyir gtong ba zhes bya ba ni rnying khal cig btang na gsar khal phyed dang gnyis len pa la sogs pa lta bu'o/ /dud gi tshogs kyi phyir nor bu'i tshogs gtong bar byed pa zhes bya ba ni dud bcu la sogs pa'i tshogs thob par bya ba'i phyir nor bu gcig gam gnyis sam gsum la sogs pa'i tshogs gtong bar byed pa ste lhag ma rnams la yang de bzhin du shes par bya'o/ / mngon mtshan can gyi spyod pa ni sbyor ba la sogs pas rnyed pa sgrub pa'o/ /gzhal blugs shes bya ba ni srang bre'o/ /rdib ces bya ba ni zhig pa'o/ /mi zad pa ces bya ba ni nam yang zad par mi 'gyur ba'i zod do/ /mthu dang ldan pa la brten ces bya ba ni 'khras pa brtsan po rgyab rten 'cha' ba' o/ /dam rgya zhes bya ba ni khrims su bya ba'o/ /mngon mtshan can gyi spang ba ste bcu dgu pa'i tshig rnam par bshad pa rdzogs so// //nyo tshong zhes bya ba ni nyos te te tshong ba'o/ /de nyid kyi snga ma las bye brag tu gyur pa yin no// len par byed ces bya ba ni gzhan nas len par byed pa'o gtong bar byed ces bya ba ni 'di nas gtong bar byed pa'o/ /yul gzhan gyi sbyor bar shes par bya ba ni yul gzhan gyi tha snyad kyis so/ /snga ma'i rgyud ces bya ba ni sngar bskyid pa'o/ /byang las pa zhes bya ba ni byad? lam nas 'ongs pa'o/ /mchod ston gyi yo byad ces bya ba ni 'bras bu thug po che la sogs pa yo byad dag go /nyo tshong byed pa'i spang ba ste nyi shu pa'i tshig rnam par bshad pa rdzogs so// //de ni re zhig 'byung ba yin gyi zhes bya ba'i lhung bzed lhag par sgrub pa'i phyir sbyor ba yin pa'i phyir ro/ /bslab pa'i gzhi 'cha' bar ni mi mdzad do/ /zhes bya ba ni dngos kho nar lhung bzed lhag pa nye bar ma bzhag pa'i phyir ro/ /dge slong gis tshes la lhung bzed brnyed na zhes bya ba la sogs pa rnam grangs dang por ni lhung bzed lhag pa gcig 'chad pa bstan to/ /dge slong gis tshes la lhung bzed rnyed na zhes bya ba la sogs pa rnam grangs gnyis pas ni lhung bzed lhag pa gnyis 'chad ba bstan to/ /dge slong gis tshes la lhung bzed mang po rnyed na zhes bya ba la sogs pa rnam grangs gsum pas ni lhung bzed lhag pa mang po bstan to/ /dge slong gis chos la lhung bzed mang po dag cig rnyed cing des tshes gnyis la yang gzhan mang po dag cig rnyed na zhes bya ba la sogs pa 'dres bzhi pas ni phyi ma yang mang po dag yin par bstan to/ /rnam grangs bzhi po dag gi bye brag ni de yin no/ /lhung bzed chung ngu la sogs pa la ltung ba med do zhes bya ba ni lhung bzed chung ngu la sogs pa ni rung ba ma yin pa'i phyir byin gyis brlab par bya ba ma yin pas de dag 'chang na nyes byas su 'gyur? ba yin gyi dngos gzhi'i ltung ba med par bstan pa'i phyir ltung ba med do zhes gsungs so/ /rab tu 'byung ba la bltos pa'i don du lhung bzed 'chad pa la ni bdag gir byed pa mang pa'i phyir nyes byas kyang med pas thams cad ltung ba med do zhes gsungs so/ /lhung bzed 'chad pa'i spang ba ste nyi shu gcig pa'i tshig rnam par bshad pa rdzogs so// //nye bar ma zhi tsam du zad kyi zhes bya ba ni the tshom za bas byung rgyal mi dogs pa zhig smras ba tsam du zad kyi zhes bya ba'i tha tshig go / nal gyi bu zhes bya ba ni nal ma'i bu'o/ /rin ma mchis pa zhes bya ba ni rin med par ro/ /gal te skyes bus sa snod kyis/ /gser gyi snod ni thob gyur na/ /zhes bya ba ni dper na phyubs gser snod thob par gyur pa dang 'dra bar lhung bzed kyi sbyin pas lha dang mi rnams kyi nang na snod du gyur pa'i 'bras bu chen po thob par gyur na zhes bya bar bsams so/ /de yis mya ngan ci'i phyir bya zhes bya ba ni mya ngan mi bya'o zhes bya ba'i tha tshig go /ci'i phyir mya ngan mi bya zhe na/ de'i phyir bslus pa med par kho bos mthong zhes bya ba gsungs te/ gang gi phyir bslus pa med par kho bos mthong ba de'i mya ngan mi byed do zhes bya ba'i tha tshig go /yod cing zhes bya ba ni rdzas tsam du yod pas so/ /bdog bzhin du zhes bya ba ni bya ba nus pas so/ /'bras can gsher bar byed pa ni khu ba dang bcas pa'o/ /cal col zhes bya ba ni phan phun no/ /lhan pa snyi ba zhes bya ba ni ltan pa ni se? ba'o/ /lhan ring sa zhes bya ba ni lcags las byas pa'i lhan pa ring pa'o/ /tham phran zhes bya ba ni bu gu dgag pa'i lcags gzer ro ltan pa zhes bya ba ni/ lcags kyi lhan pa gru bzhi 'am zlum po 'am zur gsum mdza' rang rong med pa'o/ /chu srin gya so lta bu zhes bya ba ni de nyid kyi mdza' thams cad so le'i so lta bu dang ldan pa'o/ /phye ma zhes bya ba ni zhib mo'o lhan pa lnga med pa zhes bya ba ni lhan pa sngar ma tshang ba dang lhan pa lngas glan pa lam thug pa zhes bya ba ni tha tshig go / lhung bzed 'brel pa med pa zhes bya ba ni lhung bzed sar pa gzhan btsal pa ste rnyed pa de yang dge 'dun la phul nas dge 'dun las thob pa'i lhung bzed tha chad gang yin pa de gnyi ga'i ma yin par rig par bya ste/ de yang dge slong rnams kyi lhung bzed kyi yul la 'brel ba ni 'di gnyis kho nar zad de/ byin gyis ma brlabs pas bdag nyid kyis spyad pa dang/ yongs su spang ba'i dus na yang gtang bar bya ba 'am gzhan la sbyin par bya ba rang dbang nyid du bstan par bya ba yin na lhung bzed 'brel ba med pa de ni byin gyis ma brlabs pas bdag nyid kyis spyad? pa'i 'brel pa yang med la/ gtar bar bya ba 'am/ gzhan la sbyin par bya bas yongs su spang ba'i 'brel pa med pa zhes bya ba ste/ lhung bzed de ni byin gyis brlab par bya ba yang ma yin la/ yongs su spang bar bya ba yang ma yin mod kyi 'on kyang de la kha bsgyur ba dang bsrog pa dang byi dor la sogs pa lhung bzed kyi nan tan yang bya dgos de'i phyir de ni lhung bzed kyang yin la 'brel pa med pa yang yin pas lhung bzed 'brel pa med pa zhes bya ba ste/ bran nam khol du byung ba dang 'dra'o/ /'dul ba dang 'gal ba zhes bya ba ni bcad pa'i kha na ma tho ba ste btang nas yang slong pas gzhan la mtho 'tsham pa'i phyir ro/ /ngos khung zhes bya ba ni bu ga'o/ /chad pa'i lam yin te zhes bya ba ni lhung bzed lhag pa 'tshol ba'i sred pa bcad pa'i phyir ro/ /tshul khrims yang dag par rjes su bsrung bas ji srid 'tsho'i bar du spyad par bya'o/ zhes bya ba ni rdzogs par bsnyen pa rjes su srung bar byed na zhes bya ba'i tha tshig go /de la ltung ba ji ltar 'gyur zhes bya ba la sogs pa'i rnam grangs la ma glan pa'i rnam grangs bzhi dang glan pa'i rnam grangs bzhi ste brgyad kyi ltung ba rnam par bzhag go / lhan pa lnga glan par 'os pa la/ ltung ba med pa ni bug rdol mang pa nyid kyis med pa dang 'dra ba yin pa'i phyir ro/ /rin gyis len pa la ltung ba med pa'i phyir ro/ /brje bas lan ba la ltung ba med do zhes bya ba yang slong ba med pa'i phyir ro/ /lhung bzed 'tshol ba'i spang ba ste nyi shu rtsa gnyis pa'i tshig rnam par bshad pa rdzogs so// //yugs sa mo zhes bya ba ni bud med khyo shibs so/ /las bdag gir bya ba dang ldan pa zhes bya ba ni las gzhan gyi dbang dang ldan pa'o/ /thong gshol dkar po zhes bya ba ni rmor spang ba las bsams pa yin no/ /bsod nams 'dod pa zhes bya ba ni bsod nams kyi sems dang ldan pa'o/ /'tsho tshis zhes bya ba ni 'tsho ba'i so nam mo/ /sgyur ba zhes bya ba ni nyo tshong ngo/ /bsod nams chung yang brnyas mi bya zhes bya ba ni sogs pa ni chung ngu zhig yin na bsod nams su mi 'gyur bar dogs par mi bya ba dang/ bdag 'jig rten pha rol du son nad? mi 'ong bar dogs par mi bya'o zhes bya ba'i tha tshig go / bde gnas ma zhes bya ba'i bag mar btang nas ring por ma lon pa ste khyim thab dang lhan cig bde bar gnas pa zhes bya ba'i tha tshig go /dog pa phrar khol zhes bya ba ni dog pa phra ba dar che ba dang rin che bzang bar smon pa gcig pa'o/ /ra ba ga ge mo 'dring zhes bya ba ni ra ba zhig gi drung na'o/ /chen po las 'os pa'i ras yug chan zhes bya ba ni mi chen pos longs spyad du rung ba ste bdag po chen po la 'os pa'i phyir ro/ /mkhas pa zhes bya ba ni dam pa'o/ /thabs gla zhes bya ba ni rngan po'o/ /pho brang gi yid brtan pa zhes bya ba ni khyim gyi tshig byed pa'o/ /chang tshod ba zhes bya ba ni chang 'tshod bar byed pa'i mi'o/ /khu tshur zhes bya ba ni phum por brdeg pa'o/ /mi mthun pa zhes bya ba ni log par ro/ /sdus ces bya ba ni mgu ba'i nor ro/ /dge slong pha la nyes byas su 'gyur la zhes bya ba ni dge slong ba'i spang ba'i char gtogs pa'i nyes byas yin te gleng gzhi'i dbang gis 'dir gsungs so/ /bdag nyid kyis 'thag pa la yang nyes byas su 'gyur ro zhes bya ba ni bzo rjes su bsgrub pa tshul dang mthun bam yin pa'i phyir ro/ /tha ga ba nye bu ma yin pa gos 'thag tu 'dzud pa dang/ tha gang nye du la gos 'thag tu 'dzud pa dang/ bdag nyid kyis lag par byed pa re re ba'i rnam pa gsum mo/ /thag pa nye du nye du ma yin pa la gos 'thag tu 'dzud pa dang/ bdag nyid dang tha ga pa nye du ma yin pa la gos 'thag tu 'jug pa dang/ bdag nyid dang tha ga ba nye du la gos 'thag tu 'dzud pa zhes bya ba 'dran ma'i rnam pa ste/ de dag ni nye du ma yin pa las dog pa bslangs pa'i 'gres drug yin no nye du las dog pa slangs pa la 'ba' zhig pa'i rnam pa gsum dang 'dren ma'i rnam pa gsum ste ltung ba'i 'dres drug de bzhin du shes par bya ste nye du las dog pa bslangs kyang tha ga pa nye du ma yin pa la 'thag tu 'dzud na nyes pa 'dra bar bstan pa'i phyir ro/ /gla rnga na gyi 'thag du 'jug pa la ltung ba med do zhes bya ba la 'tshol ba med pa'i phyir ro/ /'thag tu 'dzud pa'i spang ba ste nyi shu gsum pa'i tshig rnam par bshad pa rdzogs so// //dog pa las zhes bya ba ni rgyu bdun gyi dog pa zad pa'o/ /rung dam zhes bya ba ni bde 'am zhes bya ba'o/ /mi rung ngo zhes bya ba ni mi bde ba'o/ /ltos bzung bas zhes bya ba ni zas kyi sred pas dbang du byas pa'o/ /lhag pa zhes bya ba ni skyed pa'o/ /'bri ba zhes bya ba ni phri ba'o/ /zheng che ba zhes bya ba ni rgya che ba nyid kyis kho lag che ba'o/ /khrun ring ba zhes bya ba ni chur ring ba nyid kyis kho lag che ba'o/ /thar gyis zhag pa zhes bya ba ni 'dzur mdud med par thad chad pa'o/ /thag rang bzang ba zhes bya ba ni rgyu spun 'dzer ba'o/ /gla rngan zhes bya ba ni bya dga' o/ /byer zug snyoms pa zhes bya ba ni snyoms pa'o/ /shas bzang bp zhes bya ba ni mtshams sbyor ba'o/ /sang seng med pa zhes bya ba ni 'dzer zhing zad bug med pa'o/ /bza' ba 'am zhes bya ba ni bza' ba lnga po dag go /bza' ba tsam mam zhes bya ba ni bca' ba lnga dag ste bza' ba dang 'dra ba'i phyir bza' ba tsam ste rgyal po dang 'dra ba'i phyir blon po chen po'o// zhes bya ba lta ba'o/ /bza' rgyu zhes bya ba ni bza' ba'i rgyu 'bras thug po che la sogs pa'o/ /sngar bstabs par gyur na ltung ba med do zhes zhes bya ba ni 'dring ba dang slong pa dag med pas ltung ba med do/ /'thag pa bskyed ba'i spang ba ste nyi shu bzhi pa'i tshig rnam par bshad pa rdzogs so/ / //rang bzhin du gnas pa zhes bya ba ni bslab pa 'dod pa'o/ /sgo 'phar zhes bya ba ni sgo 'phang gyi shing ngo/ /sbyin pa zhes bya ba ni nor gtong ba'o/ /snyan par smra ba zhes bya ba ni tshig snyan par smra ba'o/ /don spyod pa zhes bya ba ni dgos pa bsgrub pa'o/ /don mthun pa zhes bya ba ni dgos pa mthun zhing bya ba gcig pa ste/ de dag ni 'khor dga' bar byed pa'i rgyu yin pas bsdu ba'i dngos po zhes bya'o/ /dan pa zhes bya ba ni glen pa'o/ /glang po che'i lta stangs kyi zhes bya ba ni dper na glang po che lus thams cad kyi yongs su bsgyur te rgyab logs su rnam par lta bar byed pa de bzhin du sangs rgyas bcom ldan 'das rnams kyang sku'i tshigs sprul gyi mdud pa lta bu yin pa'i phyir dang/ dus thams cad dang thams cad du mthun par 'dzin pa yin pa'i phyir glo g.yas phyogs nas snam logs su bsgyur te rnam par gzigs pa mdzad pa yin no/ /lhag ma yod pa'i phyir sbyin par bya zhing zhes bya ba ni gos de spyad pa'i lhag ma ci yod pa'o/ /phyir sbyin par bya zhing zhes bya ba ni dge slong de la phyir sbyin par bya ste/ 'dir phyir sbyin par bya ba'i tshul ni da lta bu yin no zhes bya ba ni tha tshig go / btang na spang ba'i ltung byed do zhes bya ba ni gang gi cho gos lus las btag zhing bral bar byas pa de'i tshe na spang ba'i ltung byed do zhes bya ba'i tha tshig go /lus g.yo bar byed pa zhes bya ba ni gang la lus g.yob zhes bya ba ni lus kyi las yod pa zhes bya ba'i tha tshig go / tshig rjod par byed pa zhes bya ba ni gang la tshig rjod par byed pa zhes bya ba gang gis las yod pa zhes bya ba'i tha tshig go /de gnyis ka dang ldan pa zhes bya ba ni gang la lus dang ngag las gnyis ka yod pa'o/ /gzhan dag gi zhes bya ba ni gang la gzhan khyim pa dang rab tu byung ba dag bskos pa zhes bya ba'i tha tshig go /dge slong ma dang dge tshul dang dge tshul ma la nyes byas nyid du 'gyur ba ni rdzogs par ma bsnyen pa'i phyir ro/ /khyim pa dang khyim pa mo la bsod nams ma yin pa mad du skye bar 'gyur ba ni rab tu 'byung ba nyid ma yin pas ltung ba med pa'i phyir ro/ /bsod nams ma yin pa ches mang du skye bar 'gyur ba ni dngos gzhi bsdus pa yin pa'i phyir ro/ /don gzhan zhes bya ba ni 'jig rten pa'i dogs pa gzhan gyis so/ /gzhal ba'i yo byad kyis zhes bya ba ni 'dul thabs kyis te de gnyis la ni dbrog pa'i bsam pa med pas ltung ba med do/ /grogs po zhes bya ba ni bcugs pa'o/ /zla bo zhes bya ba ni don gcig pa'o/ /ston grogs zhes bya ba ni yang dang yang du sdod par byed pa'o/ /'phrog pa'i spang pa ste nyi shu lnga pa'i tshig rnam par bshad pa rdzogs so// //dbyar 'das nas zhes bya ba ni dbyar gyis dus 'das nas stan la bab pa na'o/ /yid kyi bskor ba na zhes bya ba ni de dag la yid dang pa kho na gtso bo yin zhing bskor bar byed la yid kyi lus bskyod pa tsam gyi ma yin no zhes bya ba'i tha tshig go / yid kyis 'dren ces bya ba ni sems sngon du 'gro ba ste sems kyis 'tshor ba dang sems pa la sogs pa'i chos rnams yul rnams 'dren par byed ces bya ba'i tha tshig go / yid gtso bo zhes bya ba ni sems gtso bo yin pa ste sems las su rung na de dag kyang las su rung la sems las su mi rung na de dag kyang las su mi rung ngo zhes bya ba'i tha tshig go /yid kyi 'gros can zhes bya ba ni yid kyis 'gros dang ldan pa sems la brten pa ste sems skye na de dag kyang skye la sems 'gag na de dag kyang 'gag ces bya ba'i tha tshig go / lto mdun can zhes bya ba ni mchog tu gsod pa dang/ mang po za bar 'dod pa ste rgya chen po la mos pa snga phyi la mi lta zhes bya ba'i tha tshig go / bca' ba rnam pa bco brgyad ces bya ba ni mar khur dang/ hwags khur dang dang/ sbrang rtsi'i khur la sogs pa khur ba'i rnam pa'o/ /khur ya gcig ni 'dug dka' ba yin gyis zhes bya ba ni dper na mi'i phrag rdang gi khur khyer ba'i phrag rdang gi rtse mo ya gcig tu ni khur brtags la/ ya gcig tu ma btags na phrag par chags par dka' ba de bzhin du bdag cag gis kyang zas kyi rnyed pa zos la gos kyi rnyed pa bgos par gal te dor nas sems bde bar 'dug par dka' ba yin gyis zhes bya ba'i tha tshig go / spyod spyod pa zhes bya ba ni za za la zhes bya ba'i tha tshig go /ltag pa'i spu byi bar 'gyur ro zhes bya ba ni lhag sgrer 'gyur ro zhes bya ba'i tha tshig go /'gal tshabs can du 'gyur ro zhes bya ba ni nyes byas kyi ltung ba dang bcas so zhes bya ba'i tha tshig go / 'khor rnam par langs par 'gyur zhes bya ba ni dge ba'i phyogs kyi phyir brtson par 'gyur zhes bya ba'i tha tshig go /dmag gi gnas zhes bya ba ni g.yul gyi gnas so/ /longs spyod dag gis phyug ces bya ba ni grong la sogs pas rgyal ba'o/ /nye bar bsags zhes bya ba ni gos dang rgyan la sogs pa rgyas pa'o/ /yongs su ma spyad pas zhes bya ba ni rgyug pa dang gdul ba la sogs pas ma spyad pas so/ /gnod sbyin gyi dmag dpon chen po nyi shu rtsa brgyad ces bya ba ni dbang po dang/ zla ba dang/ chu lha dang/ skye dgu'i bdag po dang/ b+ha ra d+ha dzwa dang dbang ldan dang/ tsan dan dang/ 'dod mchog dang/ mgrin ngan dang/ mgul des dang/ ba Di dang/ nor bu dang/ nor bu spyod pa dang/ sgra rab dang/ nye lnga dang/ ri mnyam dang/ kha ba can dang/ gang po dang/ seng ldeng ba dang/ bi ta dang/ gnod sbyin pa lang skyong dang/ 'brog gnas dang/ mi'i rgyal po rgyal ba khyu mchog dang/ lnga len pa dang/ bzhin bzangs dang/ gnod sbyin ring po 'khor dang bcas pa dang/ 'bras bu gsum pa dang/ tsher ma gsum pa zhes bya ba dag go /gnod sbyin 'du ba zhes bya ba ni gnod sbyin 'dus pa'o/ /chos kyi spun dag ces bya ba ni 'phags pa'i lam gyi rigs kyis lto gcig pa'i phyir ro/ /ri'i rtse mo lta bu zhes bya ba ni ri'i spo 'dra ba'o/ /rnga mo lta bu zhes bya ba ni rde'u 'dra ba'o/ /gnod sbyin gdug pa lta bu zhes bya ba ni gnod sbyin pha rol gnon pa lta bu'o/ /gnyis ka bcad byas na zhes bya ba ni yul dang srog gnyis gnod pa btags pa'o/ /ma legs par 'gyur zhes bya ba ni bsod nams kyi bar chad du 'gyur ro/ /brtad pa las byung ba'i gos zhes bya ba ni nyam nga ba'i dus las byung ba'i gos so/ /gtan pa ma bting ba'i gnas na ni ston zla tha chungs nya tshun chad gos sbyin pa'i dus ma yin no/ /gtan pa bting ba'i gnas na ni dpyid zla 'bring po nya tshun chad gis sbyin pa'i dus ma yin no zhes bya ba ni de'i bar du bgred par mi byed pa'i phyir ro/ /dbyar gyi rnyed pa dbyar gyis nang du bdag gir byed na dngos gzhir 'gyur ro/ /gos sbyin ba'i dus las 'das par 'chad na spang ba'i ltung byed du gsungs pa ni sog pa lhun len pa'i phyir dang/ rdzas chud zos pa'i zhar la gnod par 'gyur ba'i phyir ro/ /brtad pa las byung ba'i gos lnga po dag bdag gir byed pa la ltung ba med pa ni brtad pa'i dbang gis dbyar gyi rnyed pa dbyar gyi nang du bdag gar byed pa la nyes kyang med do zhes bya ba'i tha tshig go / sbyin bdag gis rang gi lag nas sbyin par byed pa la ltung ba med do zhes bya ba ni brkam chags kyi rgyus bged pa yin pa'i phyir ro/ /gos bged pa'i dge slong bskos pas dus las 'das par bzhag pa la ltung ba med pa ni rdzas chung za ba'i nyes par mi 'gyur ba'i phyir ro/ /sbyin bdag 'ongs te bzhes cig dang/ rang gi sug pa nyid nas dbul lo zhes zer ba dus las 'das par bzhag pa las ltung ba med pa ni rdzas chud zos kyang dge slong gis ma nyes pa'i phyir ro/ /brtad pa las byung ba'i spang ba ste nyi shu drug pa'i tshig rnam par bshad pa rdzogs so// //khyim gzhan du bzhag par bya'o zhes bya ba ni dgon pa'i gtsug lag khang gi nye 'khor du gyur pa'i grong zhes bya ba'i tha tshig go / thugs mi ches zhes bya ba ni yid mi ches pa'o/ /'jigs pa tha dad pas 'jigs su rung ba dang bcas par grags pa dag tu zhes bya ba la/ 'jigs pa tha dad pas zhes bya ba ni 'jigs pa'i rgyus so// 'jigs su rung ba zhes bya ba ni rgyu de las skrag pa'i 'jigs su rung ba skye ba'o/ /de dang lhan cig 'jug pa 'jigs pa tha dad pas 'jigs su rung ba dang bcas pa'o/ /de lta bu nyid yin par grags pa dag ni 'jigs pa tha dad pas 'jigs su rung ba dang bcas par grags pa dag go / 'di 'am zhes bya ba ni dgon pa 'am gtsug lag khang grong dang bcas par ro/ /der zhes bya ba ni gnas gzhan gang du song ba der ro/ /zhag bdun gyis 'bral ba'i spang ba ste nyi shu bdun pa'i tshig rnam par bshad pa rdzogs so/ / //snga mas zhes bya ba ni dbyar gnas par khas blangs pa snga mas so/ /rang gi dus zhes bya ba ni bdag nyid kyi skabs so/ /phyi mas zhes bya ba ni dbyar gnas par khas blangs pa phyi mas so/ /so ga rnams kyi zla ba gcig lus na zhes bya ba ni dbyar zlar ba nya nas dbyar zla 'bring po nya'i bar gyi zla ba gcig lus na'o/ /dbyar zad nas 'og tu zla ba phyed kyi bar du zhes bya ba ni ston zla tha chungs tshes kyi bar du'o/ /'di skad bstan te/ dbyar gyi gos ras chen dbyar gnas par khas len pa'i dus zla ba gcig gis ma bab pa'i dus nas btsal bar bya zhing dgag dbye byas nas zla ba phyed kyi bar du bcad par bya'o/ /zla ba gcig na dbyar nye bar bsgrub pa 'byung bar 'gyur ba na'o zhes bya ba ni dbyar gnas pa snga ma khas len pa la ni dbyar zla ra ba nye na'o/ /dbyar gnas pa phyi mar khas len pa la ni dbyar zla 'bring po nya na'o zhes bya bar sbyar ro/ /dgag dbye byas nas zla ba phyed kyi bar du'o zhes bya ba ni dbyar gnas pa snga mar khas slangs pa la ni ston zla tha chung tshes kyi bar du'o/ /dbyar gnas pa phyi mar khas blangs pa la ni dgun zla ra ba tshes kyi bar du'o/ /gang dag dbyar snga mar gnas par khas len pa de dag la ni ha cang yun ring du 'chad na spang ba'i ltung byed du 'gyur ro zhes bya ba ni ston zla tha chung tshes kyi bar du 'chad na spang ba'i ltung byed du 'gyur ba yin no/ /de bzhin du gang dag dbyar phyi mar gnas par khas blangs pa de dag la dgun zla ra ba tshes kyi bar du 'chad pa'i ltung byed du 'gyur bar shes par bya'o/ /gang dag dbyar phyi mar gnas khas len pa de dag la ni ha cang myur du tshol na spang pa'i ltung byed du 'gyur ro zhes bya ba ni dbyar zla 'bring po nya phan bcad du tshol na'o/ /de bzhin du gang dag dbyar snga mar gnas par khas len pa de dag la ni dbyar zla ba nya phan chad du tshol na spang ba'i ltung byed du 'gyur bar shes par bya'o/ /de lta na dge slong gis ji tsam du ha cang myur du tshol bar byed pa dang/ ha cang yun ring du gnas par byed na thams cad du spang ba'i ltung byed du 'gyur ro zhes bya ba ni sngar tshol na tshol ba'i tshe na sbyor ba'i nyes byas su 'gyur la/ rnyed pa'i tshe na spang ba'i ltung byed 'gyur ba dang/ 'das par 'chad na 'chad bar rtsom pa'i tshe ni nyes byas 'gyur la/ 'das par bcangs pa'i tshe na ni spang ba'i ltung byed du 'gyur ro zhes bstan to/ /dbyar gyi ras chen gyi spang ba ste nyi shu rtsa brgyad pa'i tshig rnam par bshad pa rdzogs so/ / //dad pa zhes bya ba ni yon tan la yid la ches pa'o/ /bcugs pa zhes bya ba ni byams pa'o/ /dad pa zhes bya ba ni yon tan 'dod pa'o/ /chos dang ldan pa sbyin pa'i ma yin pa'i ma yin zhes bya ba ni sbyin du mi rung ba ste rdzas de gzhan la byin zin pa'i phyir ro/ /chos dang ldan pa'i len pa ma yin pa zhes bya ba ni blang du mi rung ba ste de'i bdag po gzhan yod pa'i phyir ro/ /longs spyad du rung ba ma yin pa zhes bya ba ni spyad du mi rung ba ste spyod par byed pa dag gis de gzhan gyi yin par shes bzhin du spyod pa mi rung ba'i phyir ro/ /dge 'dun gyi bye zhing zhes bya ba ni lam gzhan khas blangs pas so/ /gnyis gyur te zhes bya ba ni ston pa gzhan khas blangs so/ /phyogs dang gzhan gyi phyogs su rnam par gnas pa zhes bya ba ni rtsod par gyur pas las bya ba'i phyir ro/ /'dir rgyu bstan pa'i phyir/ dge slong dag de lta bas na snga ma sbyin pa yin la phyi ma ni ma yin no zhes bya ba gsungs te/ 'di ltar snga ma nyid gtong ba'i tshe na sbyin ba byas pa yin pas de'i tshe na sbyin bdag bdag po yin gyi phyi ma'i tshe na bdag po ma yin te/ de'i tshe na lan pa po nyid bdag po yin no/ /sbyin bdag de nyid thams cad la bdag po yin par dogs pa bsal ba'i phyir rgyal po ni sa gzhi la dbang la/ bdag po ni gnas mal la dbang dge slong ni lhung bzed dang chos gos la dbang ngo zhes bya ba gsungs te/ rgyal po ni re zhig sa gzhi la dbang ba yin la/ gtsug lag khang gi bdag po ni gnas khang dang khri dang khri'u la sogs pa gnas mal la dbang ngo/ /gtsug lag khang de na gnas pa'i dge slong ni gtsug lag khang de na yod pa'i lhung bzed dang/ chos gos la sogs pa dbang ngo/ /sbyin pa po dang sbyin bdag gis rang gi sbyin par bya ba'i chos mngon par 'du bya bar ni rung gi gzhan la sbyin du ni mi rung/ zhes bya ba ni sbyin pa po dang sbyin bdag gis sngar len pa po la phul ba rang gi sbyin bar bya ba'i chos de byi dor la sogs mngon par 'du bya bar ni ste bsod nams yun ring du gnas par bya ba'i phyir ro/ /gzhan la sbyin du ni mi rung ste de'i tshe na bdag po gzhan yin pa'i phyir ro/ /re zhig 'dul ba la nyan thos rnams kyi bslab pa'i gzhi 'cha' bar ni mi mdzad do zhes bya ba ni dge 'dun gyi rnyed pa gang zag bdag la ma bsngos pa'i phyir ro/ /ris mthun pa zhes bya ba ni skye ba'o/ /gcig cig ces bya ba ni phyogs las gcig cig go / gos kyi rnyed pa yin par dgongs so/ /zhes bya ba ni gtso bo yin pas de'i las dngos gzhir 'gyur ba'i phyir ro/ /de la ltung ba ji ltar 'gyur zhe na zhes bya ba'i rnam pa la gang zag gcig dang/ gnyis dang/ rab tu mang po dang/ dge 'dun la bsngos pa'i rnyed pa gang zag bdag la bsgyur du 'dzud pa la rnam pa bzhi'o/ /gang zag gcig la bsngos pa'i rnyed pa gang zag gzhan gcig dang rab tu mang po dang/ dge 'dun la bsgyur du 'dzud pa la yang rnam pa bzhi'o/ /gang zag gnyis la bsngos pa'i rnyed pa'i gang zag gzhan gcig dang/ gnyis dang/ rab tu mang po dang/ dge 'dun la bsgyur du 'dzud pa la yang rnam pa bzhi'o/ /gang zag rab tu mang po dag la bsngos pa'i rnyed pa gang zag gzhan gcig dang/ gnyis dang/ rab tu mang po dang/ dge 'dun la bsgyud du 'dzud pa la yang rnam pa bzhi'o/ /dge 'dun la bsngos pa'i rnyed pa gang zag gcig dang/ gnyis dang/ rab tu mang po dang/ dge 'dun gzhan la bsgyur du 'dzud pa la yang rnam pa bzhi'o/ /dge slong gi dge 'dun la bsngos pa'i rnyed pa dge slong ma'i dge 'dun la bsgyur du 'dzud pa dang/ dge slong ma'i dge 'dun la bsngos pa'i rnyed pa dge 'dun la bsgyur du 'dzud pa la rnam pa gnyis so// gnyis pa'i dge 'dun la bsngos pa'i rnyed pa dag dge slong dge 'dun la bsgyur du 'dzud pa dang/ gnyi ga'i dge 'dun la bsngos pa'i rnyed pa dge slong ma'i dge 'dun la bsgyur du 'dzud pa la yang rnam pa gnyis so/ /dge 'dun bye ba na phyogs gcig la bsngos pa'i rnyed pa phyogs gnyis pa la bsgyur du 'dzud pa la rnam pa gcig te/ de ltar de dag ni rab tu byung ba'i yul la ltung ba rnam par bzhag pa'i 'gres nyi shu rtsa lnga yin no/ /de la gang zag gcig dang gnyis dang rab tu mang po dang/ dge 'dun la bsngos pa'i rnyed pa gang zag bdag la bsgyur du 'dzud na ni dngos gzhir 'gyur ro/ /gzhan la bsgyur du 'dzud na ni nyes byas su 'gyur shes par bya'o/ /gnas khang la sogs pa'i bye brag gis sems can du bgrang ba ma yin pa'i yul la ni rnam pa mang ngo/ /mu lto ba dang dud 'gro'i yul la rnam pa gnyis te/ de dag la yang sbyor ba dang/ dngos gnyi ga la yang nyes byas so/ /g.yar po'i chos zhes bya ba ni brnyen po nyid do/ /them skas kyi gzhi zhes bya ba ni rkang rten no/ /me tog khang zhes bya ba ni bang rim bzhi pa ste/ me tog gi gnas yin pa'i phyir ro/ /yang me tog gi phreng ba yin no/ /ba gam zhes bya ba ni gtsang khang phyur bu'o/ /pu shu zhes bya ba ni mchod rten bre'o/ /gdugs zhes bya ba ni mchod rten gyi 'khor lo'o/ /mu lto ba zhes bya ba ni lhag ma za ba'o/ /btsal te ma rnyed pa la ni ltung ba med do zhes bya ba ni des ma blangs pa'i phyir dang/ rdzas chud za ba yongs su spang ba'i don gyi phyir ro/ /bsngos pa las bsgyur ba'i spang ba ste nyi shu dgu pa'i tshig rnam par bshad pa rdzogs so// // de nas lag nyar blangs pa zhes bya ba ni gnas nas rang gis blangs pa'o/ /de las byin len byas pa zhes bya ba ni byin len stobs pa las byin len byas pa'o/ /zas kyi phye ma dang 'dres pa zhes bya ba ni 'bras kyi gzegs ma la sogs pa dang 'dres pa'o// phan tshun 'dres pa zhes bya ba ni zhun mar dang bu ram la sogs pa 'dres pa'o/ /rang gi rgyud kyis myangs pa zhes bya ba ni rang bzhin gyis zhu ba'o/ /rnam par dbye ba zhes bya ba ni tha dad par dbye ba'o/ /gsog 'jog pa zhes bya ba ni bsag par bya ba ste/ 'di lta ste sbyin pa de lag nyar blangs pa dang spa ba dang bza' ba dang/ bzhag pa dang byi dor bya ba'o/ de nyid yongs su longs spyod pa yin pas gsog 'jog gi yongs su longs spyod pa zhes bya ste/ bdag gir bya ba'o/ /des yongs su longs spyad par bya'o/ zhes bya ba ni/ bdag gir bya ste bcad par bya'o/ /de las 'das par yongs su longs spyod par byed na zhes bya ba ni/ 'chad par byed na zhes bya ba'i don yin gyi za bar byed na zhes bya ba'i don ni ma yin te/ zos na spang bar bya ba med ces bya ba'i phyir ro// tshes la na ba'i sman zhig rnyed na zhes bya ba ni/ zhun mar dang 'bru mar la sogs pa zhag bdun pa'i sman nad pas byin gyis brlabs pa zhig rnyed na zhes bya ba'i tha tshig go /yongs su longs spyad par bya ba zhes bya ba ni/ bdag nyid kyis bza' ba la sogs pa nye bar spyad par bya'o/ /btang bar bya ba zhes bya ba ni/ gnas gzhan du skur bar bya ba'o/ /gzhan la sbyin bar bya zhes bya ba ni/ mngon sum du gyur pa'o/ /kun dga' i ra ba 'am dge tshul dag la spang bar bya'o/ /zhes bya ba ni/ 'dres pa nyid kyis byin gyis brlab du mi rung pa'i phyir ro/ /lag pa bsnyal nas zhes bya ba ni/ byin len ma byas pa la sogs pa dang 'dres pa spang pa'i phyir ro/ /brjod par bya ste zhes bya ba ni/ /brjed pa la sogs pa spang ba'i phyir ro/ /des na spangs shing zhes bya ba ni ma btang zhing ngo/ /so sor ma spangs la zhes bya ba ni/ bral bar ma byas pa'o/ /gsog 'jog gi spang ba ste sum cu pa'i tshig rnam par bshad pa rdzogs so// //'dul ba rnam par 'byed pa'i tshig rnam par bshad pa slob dpon dul ba'i lhas nye bar sbyar ba las spang ba'i ltung byed rnams kyi tshig rnam par bshad pa rdzogs so/ / //chu dron gyi kun dga' ra ba zhes bya ba ni/ gtsug lag khang ste chu dron dag gis nye bar mtshon pa'i phyir ro/ /pib pa la'i phug ces bya ba ni/ phug gi ming te shing pib pa la dag gis nye bar mtshon pa'i phyir ro/ /lus ngal ba zhes bya ba ni/ nyam chung ba'o/ /lus dul ba zhes bya ba ni/ myog myog por gyur pa'o/ /lus dgu pa zhes bya ba ni/ ro stong dgu pa'o/ /de yin no zhes bya ba ni/ khas blangs pa'o/ /zhabs rten zhes bya ba ni/ khre'u'o/ /shes bzhin du brdzun smra zhing zhes bya ba ni/ ched du bsams te yang dag par smra ba ma yin par smra ba'o/ /ngo tsha zhes bya ba ni/ bdag nyid la bltos te chos la gus pa dang sdig pas zhum pa'o/ /yang na 'jig rten 'di la ltos te'o/ /'dzom pa zhes bya ba ni/ gzhan la bltos te chos la gus pa dang sdig pas zhum pa'o/ /yang na 'jig rten pha rol la bltos ste'o/ /'gyod pa zhes bya ba ni/ yid la gcags pa'o/ /dge sbyong gi tshul chung bar smra'o zhes bya ba ni/ sdig pa des dge slong gi dngos po nyam chung bar byas pa'i phyir ro/ /bor bar smra'o zhes bya ba ni ma bsrungs pa'i phyir ro/ /bzur ba zhes bya ba ni/ glor kha bstan pa'o/ /bzur bar smra ba'o/ /zhes bya ba ni/ bsnyil ba la phyogs pa'i phyir ro/ /khas phub pa zhes bya ba ni/ khas bub du bzhag pa'o/ /kha bub par smra'o zhes bya ba ni/ nyams pa dang 'dra ba'i phyir ro/ /glang po che zhes bya ba ni/ bal glang ngo/ /dregs pa zhes bya ba ni/ khu ba zangs pa'o/ /ma tang gnas byung ba zhes bya ba ni/ ma tang ga'i dgon pa nas byung ba dpa' po'o/ /gzhon pa zhes bya ba ni gzhon nu'o/ /lo drug cu lon pa zhes bya ba ni na chod do/ /mche ba shing rta'i mda' tsam dang ldan pa zhes bya ba ni/ mche ba shing rta'i srog shing tsam dang ldan pa'o/ /brang dgyel che ba zhes bya ba ni/ lag par yangs pa'o/ /g.yul dor spyad pa zhes bya ba ni/ g.yul mthong ba'o/ /g.yul gyi nang du son pa zhes bya ba ni/ thab mo'i sa na 'dug 'dug pa'o/ /pha rol gyi dpung zhes bya ba ni/ pha rol gyi sgrub pa'o/ /pha rol gyi dmag ces bya ba ni/ shing rta'i rnam pa 'dra ba la sogs pa'i g.yul bshams pa'o/ /srog yongs su ma btang ba zhes bya ba ni/ bltos pa dang bcas pa nyid kyis sna srung ba'i phyir ro/ /tshigs su bcad pa gnyis kyis ni brdzun du smra ba'i nyes pa bsdu ba'i phyir dang de'i 'bras bu bstan pa'i phyir ro/ /bzhin gyi gzugs so sor brtag pa zhes bya ba ni/ kha dog dang dbyibs kyis bdag nyid kyi mtshan ma'o/ /bya bar bsams pa zhes bya ba ni/ brtsams pa'o/ /gnod par 'gyur ba zhes bya ba ni/ yid mi bde ba'i rgyu'o/ /mi dge ba zhes bya ba ni/ nyon mongs pa can no/ /sdug bsngal 'byung ba zhes bya ba ni/ skyes bu'i rtsal gyi 'bras bu sdug bsngal ba'o/ /rnam par smin pa sdug bsngal ba zhes bya ba ni/ rnam par smin pa'i 'bras bu mi 'dod pa'o/ /btang bar bya'o zhes bya ba ni/ phyir mi log? par bya ba'o/ /rjes su sgrub par bya'o zhes bya ba ni/ nan tan du bya'o/ /byad pa zhes bya ba ni/ rgyun gyi bar ro/ /byas pa zhes bya ba ni/ 'bras bu 'phangs pa'o/ /'das pa zhes bya ba ni/ da ltar las nyams pa'o/ /zad pa'o zhes bya ba ni/ bya ba 'das pa'o/ /'gags pa zhes bya ba ni/ 'jug kyang 'gags pa'i phyir ro/ /bral ba zhes bya ba ni de kun nas slong bar byed pa'i sems dang bral ba'i phyir ro/ /rnam par gyur pa zhes bya ba ni/ kun nas slong bar byed pa dang/ mi mthun pa'i sems skyes pa'i phyir ro/ /so sor bshags par bya ba ni/ ltung ba spyad pa'i phyir dang/ rnam par smin pa 'phangs pa bsrab pa'i phyir bshags pa'i bya ba'o/ /bsdams pa zhes bya ba ni/ bsod nams spel pa'i phyir dang sdig pa gzhom pa'i phyir ro/ /dga' bar zhes bya ba ni yid bde ba'o/ /mchog tu dga' ba zhes bya ba ni dga' ba dang mthun pa'i dge ba'i chos la mos pa'o/ /nyin mtshan du rjes su bslab cing zhes bya ba ni nyin mtshan thams cad du khyab par ro/ /dran pa zhes bya ba ni dran pa nye bar bzhag pa ste des ni dga' ba dang mchog tu dga' ba de la nyon mongs pa skye bar mi byed do/ /shes bzhin zhes bya ba ni nye bar gnas pa'i shes rab kyis mi rtag pa nyid la sogs pa lta ba ste/ des ni mchog tu 'dzin par lta ba la sogs pa'i nyon mongs pa skyed par mi byed do/ /mang du gnas par bya'o zhes bya ba ni shas cher gnas par bya ba yin gyi bya ba gzhan mi bya ba ni ma yin no zhes bya ba'i tha tshig go / yid ni 'das pa'i 'du byed rnams las brten te skye bas zhes bya ba la sogs pas ni dmigs pa'i dbang gis yid kyi las rnam pa gsum du 'gyur gyi rang las ni ma yin te/ de ni skyes ma thag tu dngos gzhi yin pa'i phyir ro zhes bstan to/ /chos de ni dus thams cad pa yin pa dang/ skye bo thams cad kyis brten par bya ba yin pas de la gus par bya ba bstan pa'i phyir sgra gcan zin dge slong dam bram ze gang dag ces bya ba ni sogs pa gsungs so/ /go bla bar bya ba dang las la so sor rtog pa'i 'bras bu bstan pa'i tshigs su bcad pa gnyis bka' stsal to/ /sangs rgyas kyi bstan pa zhes bya ba ni sangs rgyas kyi bka' o/ /dge ba zhes bya ba ni 'phags pa'i lam dang mya ngan las 'das pa'o/ /bslab pa'i gzhi 'cha' bar ni mi mdzad do zhes bya ba ni sgra gcan zin rdzogs par ma bsnyen pa'i phyir ro zhes bya bar shes par bya'o/ /smra ba dang gzhan gyi smra ba'i rjes su brtson pa zhes bya ba la/ smra ba zhes bya ba ni sangs rgyas kyi bka' ma yin pa'i bstan bcos dag go /gzhan gyi smra ba zhes bya ba ni dpyod pa can la sogs pa gzhan gyi grub pa'i mdza' dag ste/ de dag la rjes su brtson zhes bya ba'i tha tshig go / yang na bstan bcos kyi sgo nas gzhan dang lhan cig rtsod pa ste smras pas gzhan dang rtsod pa'i rjes su brtson pa zhes bya bar sbyar ro/ /bram ze mchog nyid du 'gyur la zhes bya ba ni bram ze rnams rgyal zhing mchog nyid du 'gyur ro/ /rigs bzhi po dag rnam par dag pa zhes bya ba ni rigs bzhi po dag rnam par thar pa'o/ /'dod pa zhes bya ba ni mngon par 'dod pa'o/ /ston pa zhes bya ba ni rab tu ston pa'o/ /'dogs pa zhes bya ba ni 'dzin du 'dzud pa'o/ /rab tu 'jog pa zhes bya ba ni rjes su sgrub du 'dzud pa'o/ /slob dpon gyi mtshan zhes bya ba ni sna'i gzangs mtho ba la sogs pa'i rtags so/ /rnon por bya zhes bya ba ni nges par rgyal bar bya ba'i phyir nges par bzhag pa'o/ /blun po chen po zhes bya ba ni rjed nges pa'i phyir ro/ /shes pas mi 'khrugs pa zhes bya ba ni dogs pa med pa'i phyir ro/ /thos pa gzung ba zhes bya ba ni don dang tshig gi bdag nyid gzung ba'o/ /tshogs klog tu gzhug ces bya ba ni 'khor gyi klog tu gzhug pa'o/ /rnam par dpyad pa nas so zhes bya ba ni rnam par brtags nas so/ /gzhi med par mthong ba dang zhes bya ba la 'dir mthong ba zhes bya ba ni mthong ba smra ba'o/ /brdzun smra bar bya'o snyam pa zhes bya ba ni 'dir brdzun smra ba'i sbyor ba yin par shes par bya'o/ /brdzun smra bo snyam pa zhes bya ba ni dngos so/ /brdzun smras so snyam pa zhes bya ba ni mjug go /mrdzun smra ba la rnam p a gcig pu 'ba' zhig ni med do zhes bya ba ni gang gi phyir 'dir gang zag rang bzhin du gnas pa tha snyad du byar rung ba'i dbang du byas pa ma yin la gang zag rang dbang du gnas pa la ni brdzun smra ba na bdag gis brdzun smra'o/ snyam pa'i sems skye bar 'gyur gyi smra ba na yang brdzun smra'o snyam pa'i sems kyis ma bslang bar brdzun smra bar mi rigs pas de'i? phyir rnam pa gcig la 'ba' zhig ni med do/ /dge 'dun gyi nad na zhes bya ba ni dbye ba'i bsam pas so// chos ma yin pa chos su zhes bya ba ni med pa nyid dang bdag tu lta ba la sogs pa la rigs pa ma yin par rig par ro/ /chos zhes bya ba ni yod pa nyid dang bdag med pa la sogs pa rigs pa'o/ /'dus ma yin pa zhes bya ba ni tshangs par spyod pa ma yin pa la sogs pa'o/ /'dul ba zhes bya ba ni tshangs par spyod pa ma yin pa spong ba la sogs pa'o/ /cang mi smra bar sdod pa'o zhes bya ba ni bsdam par bya ba'i nyes byas so/ /kha 'gul ba la sogs pa yod na ni bshags par bya ba yang yin no// sreg par byed 'ched par byed ces bya ba 'dis ni 'tshod par byed pas ltung byed do zhes bya ba ston to/ sreg par byed ces bya ba ni sems can dmyal ba dag tu mes so/ /'tshod par byed ces bya ba ni dud 'gro dag tu lus kyi sdug bsngal du mas nyon mongs pa'i phyir ro/ /ltung bar byed ces bya ba 'dis ni ltung bar byed pas ltung byed do zhes bya ba ston to/ /yi dags rnams su mi gtsang ba za ba la sogs pa'i las shin tu mang bar ltung ba'i phyir ro/ /dge ba'i chos rnams la sgrib par byed pa zhes bya ba 'dis ni dge ba'i chos las ltung bas ltung byed do zhes bya bar ston te dro bar 'gyur ba la sogs pa nges par 'byung ba'i chos kyi bar du gcod pa'i phyir ro/ /de la ltung ba ji ltar 'gyur ro zhe na zhes bya ba la/ mthong ba dang/ thos pa dang/ rig pa dang/ rnam par shes pa'i gzhi med pa nyid ni bzhi pa gcig go /brjed pa nyid ni gnyis pa ste// //brjed pa yang gzhi med pa nyid du bstan pa'i phyir ro/ /yid gnyis za ba ni gsum pa ste/ yid gnyis za bzhin du ngas par smra ba yang brdzun nyid yin par bstan pa'i phyir ro/ /mthong ba la sogs pa la ma mthong ba la sogs par 'du shes pa ni bzhi par ro/ /ma mthong zhing thos pa la sogs pa la mthong bar smra ba ni lnga pa'o/ /mthong shing mthong ba la sogs pa la mthong bar smra ba ni drug pa'o/ /ma rig cing mthong ba la sogs pa la rig par smra ba ni bdun pa'o/ /rnam par ma shes shing mthong ba la sogs pa la rnam par shes par smra ba ni brgyad pa'o/ /mthong ba la sogs pa brjod pa la ma mthong zhing ma brjod do zhes bya ba la sogs par smra ba ni dgu pa'o/ /mthong ba la sogs pa la yid gnyis za ba la ma mthong zhing yid gnyis mi za'o zhes bya ba la sogs par smra ba ni bcu pa'o/ /mthong ba la ma mthong zhing thos pa la sogs pas smra ba ni bcu gcig pa'o/ /thos pa las ma thos shing mthong ba la sogs par smra ba ni bcu gnyis pa'o/ /rig pa la ma rig cing thos pa la sogs par smra ba ni bcu gsum pa'o/ /rnam par shes pa la rnam par ma shes shing mthong ba la sogs par smra ba ni bcu bzhi pa'o/ /bzhi pa bcu bzhi po de dag ji lta ba bzhin du de las bzlog par yang bcu bzhi ste spyir bzhi pa nyi shu rtsa brgyad yod do/ /brdzun du smra ba'i ltung byed de dang po'i tshig rnam par bshad pa rdzogs so// //zhar ba zhes bya ba ni mig ya gcig pa'o/ /theng po zhes bya ba ni rkang pa theng zhing leg leg par 'gro ba'o/ /smad 'chal zhes bya ba ni brla'i phyogs rlung gis kun nas nyams par gyur pa'o/ /lag sor sdum po zhes bya ba ni mkhrig ma'i phyogs na mtshan ma tsam gyi lag pa yod cing cung zad kyang byed mi nus pa'o/ /sgur? lo zhes bya ba ni brang dang rgal tshigs zhom pa'o/ /mi'u thung zhes bya ba ni ha cang lus chung bar grags pa'o/ /lpa ba can zhes bya ba ni lkogs ma la lpa ba yod pa'o/ /lkugs pa zhes bya ba ni smra mi nus pa'o/ /'on pa zhes bya ba ni don dang bcas pa'i sgra thos par mi nus pa'o/ /rten 'phye zhes bya ba ni lag pa gnyis lag rten la brten nas gzugs bzhis 'phye ba'o/ /rkang pa ma zhes bya ba ni rkang pa la nad kyi rigs rkang pa ma zhes bya ba skrangs pa yod pa'o/ /gyol po zhes bya ba ni rkang yon no// mchu 'phyangs zhes bya ba ni mchu ring pa'o/ /mgo bo che zhes bya ba ni mgo tshad las 'das par che ba'o/ /spa god pa zhes bya ba ni bag 'khums pa'o/ /gzed dma' ba zhes bya ba ni spung nyams pa'o/ /zhum pa zhes bya ba ni sems zhum pa'o/ /grong gi bya ba zhes bya ba ni khyim gyi bsam pa la sogs pa'o/ /dgon pa'i bya ba zhes bya ba ni zhing rmo ba la sogs pa'o/ /zhing tshigs zhes bya ba ni zhing gi bar ro/ /du ba btul te zhes bya ba ni sbrang ma la sogs pa bzlog pa'i phyir ro/ /zhing zan zhes bya ba ni lo thog za ba'o/ /zhing la spros nas zhes bya ba ni zhing la zhugs nas so/ /bag rdzangs zhes bya ba ni bag ma btang ba la dgos pa'i rdzas so// //'jig rten gnas zhes bya ba ni snod kyi 'jig rten gnas pa'o/ /chags nas ring po ma lon pa zhes bya ba ni yun mi ring ba'o/ /bden bas gsol ba zhes bya ba ni bden pa'i tshig gis lha la sogs pa gsol ba'o/ /nub phyogs nas nyi ma shar tam dzi na zhes bya ba ni 'jig rten par gyur tam zhes bya ba'i tha tshig go /kham zhes bya ba ni za ba'o/ /ru 'del zhes bya ba ni rwa tha gar 'dug pa'o/ /khu yu zhes bya ba ni mon ru'o/ /chad gral zhes bya ba ni chad pa'i khyim mo/ /lam dma' ba nas zhes bya ba ni dma' ba nas gyen gshor ro/ /sku gsu 'dzugs zhes bya ba ni yal zug 'khras pa'o/ /gda' ba zhes bya ba ni gdab pa'o/ /ming mi snyan pa zhes bya ba ni smad pa'i ming ngo/ /myur ba zhes bya ba ni skyen pa'o/ /byams pa'i rgyun zhes bya ba ni bcugs pa'i rgyun nam chud zad do/ /byung mdza' snga mas ni chung ma grub pa bstan to/ /phyi mas ni nor grub pa bstan to/ /mi'i skyon nas smra ba'i bsam pas zhes bya ba ni mi'i yon tan smra bar 'dod pas bshung ba nyid smra'o snyam pa'i bsam pas nyon mongs pa can gyi zhes bya ba'i tha tshig go/ //bam po bcu gnyis pa/ spa gong ba nyid du gyur kyang rung ba zhes bya ba ni skyon nas smra ba nyid nyes pa yin par dgongs so/ /bram ze dang rgyal rigs la nyes byas su 'gyur ro zhes bya ba ni de gnyis 'jig rten khyad par du 'phags pa yin pa'i skyon du mi brtsi ba'i phyir ro/ /rje'u rigs la sogs pa ni skyon du brtsi ba yin pa'i phyir dngos gzhir 'gyur ro/ /khab ris mkhan zhes bya ba ni skud ris mkhan no/ /ba lang srung ba zhes bya ba ni phyugs rdzi'o/ /zor ba zhes bya ba ni brda spyod do/ /phrag rdang zhes bya ba ni phrag pa'i khur ro/ /be'u ras zhes bya ba ni ras bal gyur snam bu spu can no/ /der la zhes bya ba ni ras srab mo'o/ /be'u ras yug chen zhes bya ba ni gos kyi rigs spu can yin no/ /par thad zhes bya ba ni gos kyi rigs khra bo sdug pa'o/ /khre'u tshe zhes bya ba ni thags ma kha dog can no/ /gor bu zhes bya ba ni khre'u stan no/ zhwa sgra'o zhes bya ba ni rna ba med pa'o/ /byis pa'i gos zhes bya ba ni byis pa chung ngu'i gos so/ /shing da dpung chad ces bya ba ni/ shing da dpung chad du bgo ba dras te drubs pa'o/ /dor ma zhes bya ba ni rkang gis so/ /rdus sa ma gar zhes bya ba ni khar ba la sogs pa rdus sam gar ro/ /cha lang zhes bya ba ni rol mo'i sgra 'byin pa'o/ /skom phor zhes bya ba ni skom gyi snod do/ /sga zhes bya ba ni rta zhon pa'i sga'o/ /dod pa zhes bya ba ni mda' snod do/ /kha spu brags pa zhes bya ba ni sma ra btsos pa'o/ /byin pa bcos pa zhes bya ba ni rje ngar gyi spu bcos pa'o/ /dud gzeb pa zhes bya ba ni gos du bas bdug pa'i gzeb bo/ /pho nyar 'gro ba zhes bya ba ni bdag nyid mngag par 'gro ba'o/ /mngag pa zhes bya ba ni gzhan bslabs te mngag par btang ba'o/ /son pa zhes bya ba ni son ma'o/ /dru bu zhes bya ba ni phung bu la sogs pa'o/ /brgyad zhing zhes bya ba ni brtsom pa'i phyir gos brgyad pa la dgos pa'o/ /tshon zhes bya ba ni sngon po la sogs pa'o/ /phur ba zhes bya ba ni bcing ba'i shing ngo/ /so mangs zhes bya ba ni cha mnyam par bya ba la dgos pa'i shing so mangs so/ /spub mo zhes bya ba ni sor mo la bskon pa'i ko ba'o/ /spud ru zhes bya ba ni spud pa'i sna la gdags pa'i spu bu'o/ /ti cha zhes bya ba ni 'og gzhi'i rdo'o/ /tho ba zhes bya ba ni lcags tho'o/ /rgyus pa zhes bya ba ni 'tshem pa'i skud pa'o/ /smyung bu zhes bya ba ni smyung phra mo'o/ /'khor lo'i rten ma zhes bya ba ni 'khor lo'i gzhi ste 'khor gtan zhes bya ba'i tha tshig go /gzhal zhes bya ba ni kha dog byed pa'o/ /sog le zhes bya ba ni be'u so lta bu'o/ /smyig tho zhes bya ba ni smyig ma rdung ba'i shing ngo/ lhang tshor zhes bya ba ni nya ma'i snabs so/ /ngal skyen pa zhes bya ba ni dub rkyen pa'o/ /khyi rdo zhes bya ba ni skrang ba'o/ /glog pa zhes bya ba ni glog pa skya bo g.ya' ba' o/ /bkres ngab ces bya ba ni bru ba tsha ba'o/ /tshil po che zhes bya ba ni tshil gyis tsho ba'o/ /khon du 'dzin pa zhes bya ba ni gang gis kun nas mnar sems kyi rgyu sogs pa byed pa'o/ /'chab pa zhes bya ba ni gang gi kha na ma tho ba 'chab par byed pa'o/ /ngan? dus zhes bya ba ni gang gis bya ba ma yin pa gtong bar mi 'dod pa'o/ /mi'i skyon nas smra ba'i ltung byed de gnyis pa'i tshig rnam par bshad pa rdzogs so// //phra ma zhes bya ba ni 'byed 'dod pa'i sred pa la sogs pa las 'byung ba'i tshig go /phyi bzhin 'breng zhes bya ba ni phyi na lus pa'o/ /'khor zhes bya ba ni bsten pa'o/ /rab tu gdung ba zhes bya ba ni mngon par dga' bas rtag rjes su 'jug pa'o/ /tshang zhes bya ba ni gnas so/ /rlung tsha ba dag ces bya ba ni sdug bsngal gyi rgyu dag go /bya smyangs zhes bya ba ni lus brkyang pa'o/ /gla la zhes bya ba ni kha ga dang ba'o/ /rtsa ba'i seng ge zhes bya ba ni stobs chung ba'o/ /phug trig ces bya ba ni rkang lag gis sa 'thor pa'o/ /rngam pa zhes bya ba ni tsham dmon pa'o/ /bzang po zhes bya ba ni dge ba'o/ /skye bo ngan pa zhes bya ba ni skye bo dman pa'o/ /wa zhes bya ba ni srog chags kyi rigs wa'o/ /dbyen gyi tshig mi nyan pa'i phan yon bstan pa'i phyir byung ba'i mdza' gnyis pa bka' stsal to/ /phrug gu zhes bya ba ni bu'o/ /lhag rol zhes bya ba ni gong ma'o/ /chu zhing zhes bya ba ni lus kyis bod do// rtsal zhes bya ba ni rtson pa'o/ /shugs zhes bya ba ni myur ba'o/ /rgol ba zhes bya ba ni gsod pa'o/ /mi spang zhes bya ba ni mi gtang ba'o/ /gzhan gyis smras pa dag ces bya ba ni 'byed par byed pa'i tshig dag go /brtag par bya ba ni dpyad par bya'o/ /skabs shes zhes bya ba ni grags so/ /tshol zhes bya ba ni lta ba'o/ /de la ltung ba ji ltar 'gyur zhes bya ba la/ bram ze dang rgyal rigs gnyis ni smad par bya ba ma yin pa nyid kyis skyon nas smra ba med pa'i phyir ming dang rigs dang rus brjod pa la nyes byas so// rje'u rigs la sogs pa skyon nas smra ba nyid yin pa'i phyir ming dang rigs dang rus brjod na dngos gzhir 'gyur ro/ /dmangs rigs la sogs pa bran gyi mthar thug thams cad la yang de bzhin no/ /dge slong la phra ma byed pa'i ltung byed de gsum pa'i tshig rnam par bshad pa rdzogs so/ / //shad kyi ma byang zhes bya ba ni dge 'dun gyi nang du snying thag pa nas ma smras pa'o/ /legs par shad kyis ma byang zhes bya ba ni phyags gcig ma smras pa'o/ /yang shad kyis sbyang bar bya zhes bya ba ni mthar thug pa'i phyir ro/ /nges par ma brtags zhes bya ba ni rnam par ma dpyad pa'o/ /nye bar ma zhi ba zhes bya ba ni ma btang ba'o/ /yang las kyis skyo sdogs byed ces bya ba ni yang las byas pas sngar las byas pa spong bar byed ces bya ba'i tha tshig go / de la ltung ba ji ltar 'gyur zhe na zhes bya ba la/ 'thab pa'i phyir rtsod pa dang/ mi gdams pa'i phyir rtsod pa dang/ ltung ba'i phyir rtsod pa dang bya ba'i phyir rtsod par 'du shes nas/ shad kyis byang ba la der 'du shes pa dang yid gnyis za ba dang/ shad kyis ma byang ba la shad kyis byad par 'du shes pa dang/ yid gnyis za ba la bzhi pa ? pa'o/ /mi gdams pa'i phyir rtsod pa dang/ ltung ba'i phyir rtsod pa dang/ byang ba'i phyir rtsod pa dang yang de bzhin du bzhi pa bzhi ste/ spyir bzhi pa bcu drug bstan to/ /'dir rtsod pa las skyo sdogs byed pa nyid nyes pa yin pas rtsod pa gzhan las gzhan du 'du shes shing yang las kyi skyo sdogs byed pa la yang de bzhin du ltung ba 'dra bar bstan pa'o/ /'dun pa 'bul ba zhes bya ba ni nye bar zhi ba'i las de bya ba'i phyir 'dun pa phul ba'o/ /lta ba smra ba zhes bya ba ni kho bo 'di ltar 'dod pa 'di ltar mi 'dod zhes rang gi bsam pas smras pa'o/ /gang zag dang? po gsum la ltung byed du 'gyur ba ni rang nyid nye bar zhi bar byas nas yang skyor sdogs byed pa de mi brtan pa la sogs par 'gyur ba nyid yin pas nyes pa rdzogs par 'gyur ro/ /gang zag tha ma gnyis la nyes byas su 'gyur ba ni gzhan gyis pa'i rjes su 'brang ba tsam gyis tho 'tsham pa nyid yin pas kha na ma tho ba na smad do/ /skyor sdogs byed pa'i ltung byed de bzhi pa'i tshig rnam par bshad pa rdzogs so// //sha mtshan gyi rig pa zhes bya ba ni mtshan ma'i bstan bcos gang gis lus kyi phyogs na yod pa'i sha rmen la sogs pa sha mtshan du gyur pa'i rnam par 'gyur ba shes pa'o/ /ri bong mo mangs phog pa zhes bya ba ni 'di ltar de mda'i shugs kyis shin tu gtum par 'gyur ba'i phyir ro/ /sha smen zhes bya ba ni sprang bu'i rnam pa lta bu'i mtshan ma'o/ /mdzer bu zhes bya ba ni sha 'bur ba'o// smre ba zhes bya ba ni khrag las gyur pa'i mtshan ma nag po'o/ /sme ba dmar po zhes bya ba ni khrag las gyur pa'i mtshan ma til gyi rnam pa lta bu'o/ /spu 'khyil pa zhes bya ba ni gtsug go /sogs brdar zhes bya ba ni lcags brdar ba'i gar bu rtsub po'o des pa zhes bya ba ni bgrungs pa'o/ /dpal be'u zhes bya ba ni rdo rje'i rtse mo lta bu'i mtshan ma'o/ /bkra shis zhes bya ba ni zla gam lta bu'i mtshan ma kha bzhi pa'o/ /g.yung drung zhes bya ba ni ri mo 'khyil pa'o/ /smra bar byed dam zhes bya ba ni thab mo rgol lam zhes bya ba'o/ /ji tsam 'dod pa zhes bya ba ni ci dga' ba'o/ /gnas skabs de 'dra zhes bya ba ni bstan pa la zhe 'gras pa nyid do/ rig pa'i skyes pa zhes bya ba ni skad brda sprad pa'i skyes pa'o/ /steng gi khang thog la sogs pa gnas tha dad par bstan pa ni tshig tha dad pa'i phyir snga mar bstan pa'i phyi ma dang tha dad par shes par bya'o/ /dris pa zhes bya ba don gyi the tshom bcad pa'i phyir ro/ /rlob gnyer gsod pa zhes bya ba ni sngar phog pa'o/ /kha ton zhu ba zhes bya ba ni kha ton 'don pa'o/ /dmigs kyis 'dri ba ni zhes bya ba ni tshig la the tshom za ba'i gnas rnam par nges par byed pa'o/ /bkag pa zhes bya ba ni spangs pa'o/ /ldab ldib can zhes bya ba ni lce 'khrul pa'o/ /smra ba nyung ba zhes bya ba ni nyung ngu smra ba'o/ /ston pa'i ltung byed lnga pa'i tshig rnam par bshad pa rdzogs so/ / //tshig gis zhes bya ba ni tshig dang tshig gis so/ /kun dga' i ra ba'i mthar zhes bya ba ni gtsug lag gi phyogs gcig tu'o/ /bram ze'i gsad tshig ces bya ba ni rig byed kyi sngags so/ /'don pa zhes bya ba ni klog pa'o/ /rtsis mkhan zhes bya ba ni skar mkhan no/ /tshig snyam? pa zhes bya ba ni tshig dus gcig tu 'don pa'o/ /tshig snga ma zhes bya ba ni tshig sngan ma tshogs su smra ba'o/ /de la ltung ba ji ltar 'gyur zhe na zhes bya ba la/ rdzogs par ma bsnyen pa la bzhi pa gnyis so/ /rdzogs par bsnyen pa la yang bzhi pa gnyis so/ /ldab ldib can zhes bya ba ni slob dpon no/ /sgra myur ba zhes bya ba ni nye gnas so/ /rjes su bsgrags te zhes bya ba ni mnyam pa dang sngar ma 'don cig ces bsgo ste'o/ /'don pa'i ltung byed de drug pa'i tshig rnam par bshad pa rdzogs so// //lam gol bar rgas pa zhes bya ba ni ma bslabs pa'o/ /lag pas bya ba yin pa byas te zhes bya ba ni chad pa 'chad pa la sogs pa nye bar bstan te'o// nyes pa zhes bya ba ni rang bzhin gyis kha na ma tho ba dang bcas pa las 'das pa'o/ /skyon zhes bya ba ni bcas pa'i kha na ma tho ba las 'das pa'o/ /kun tu mongs pa zhes bya ba ni mi shis pa'o/ /brtan pa zhes bya ba ni 'khral 'khrul med pa'o/ /gsungs zhes bya ba ni bstan pa'o/ /ma dad par rig par 'gyur ba zhes bya ba ni bstan pa la mi phyogs pa nyams su myong bar 'gyur ro/ /khyim rnams su so sor go bar byed pa zhes bya ba ni de'i dge sbyong gi tshul ma yin bsgrogs par byed pa ste/ bstan pa thams cad la ma dad pa bzlog pa'i phyir ro/ /khyim sun par byed pa zhes bya ba ni khyim bdag go /gnas sun par byed pa zhes bya ba ni rab tu byung ba dag go /'khor lo mi bzad pa zhes bya ba ni rnam par 'khrug pa'o/ /'di ltar zhes bya ba ni 'di lta ste'o/ /shin te ma zhes bya ba ni mthu chud ba ste mi 'phel ba'o/ /chud za ba zhes bya ba ni skam pa'o/ /tshul ma yin pas ma rung bar gyur pa zhes bya ba ni rigs pa ma yin pas drungs phyung ba'o/ /dmar po zhes bya ba ni nad kyi rigs dmar bred bred pa'o/ /bstan pa'i tshod ma 'dzin cig ces bya ba ni bstan pa yang 'dra ba zhig yin no snyam du ma sems shig pa'o/ /yos tshig pa bzhin du zhes bya ba ni thal bar gyur pa'o/ /skyer mi rung ba'i chos can zhes bya ba ni 'phags pa'i lam gyi myu gu mi skye ba'o/ /sun 'byin ces bya ba ni dgong tor du 'byin pa'o/ /'bru mar gyi snod ces bya ba ni 'bru mar blugs pa'i snod do/ /gsol ba 'ba' zhig gi las zhes bya ba ni las brjod pa med pa'o/ /so sor rig pa'i khyim dag ces bya ba ni de'i skyon so sor rig cing ma dad par gyur pa'i khyim dag go / so sor ma rig pa'i khyim dag ces bya ba ni de'i skyon so sor ma rig cing ma dad par ma gyur pa'i khyim dag go /dge 'dun gyis gnang ba zhes bya ba ni dge 'dun gyis spang ba byas pa'o/ /de la ltung ba ji ltar 'gyur zhe na zhes bya ba ni 'du shes dang yid gnyis kyis dngos po gzhir bzhag pa gnyis dang nyes byas su bzhag pa gnyis te bzhi po bstan to/ /de dag kyang dge 'dun gyis gnang ba med par de ltar 'gyur bar shes par bya'o/ /gnas ngan lan brjod pa'i ltung byed de bdun pa'i tshig rnam par bshad pa rdzogs so/ / //gngos bu dang pho long gi sbyor ba zhes bya ba ni gnyid bsad pa'i phyir rna ba la gngos bu gdags pa dang/ pho long tha gus gdags pa 'phang ba'o/ /gcig gis gcig gi yang dag pa'i yon tan bsgrags par bya'o/ /zhes bya ba ni nyon mongs pa can gyi sems med pa'i 'gal ba med do/ /yang dag par brjod na ltung byed do zhes bya ba ni yang dag par yin du zin kyang gdul ba ma yin pa'i sems can rnams yid mi ches pa la sogs pa'i nyes pa yod pas dgag pa mdzad do/ /mi'i mchog bla ma rjod pa'i ltung byed de brgyad pa'i tshig rnam par bshad pa rdzogs so// //mi g.yo bar 'gyur ro/ zhes bya ba ni mi 'gyur ba'o/ /gcig gis zhes bya ba ni gcig gis phyogs na gnas na ste btsun pa gyang bu nor gyi phyogs shes par bya'o/ /bshes dor byas te zhes bya ba ni gang gis bshes gang yin pa'i gang zag de la stobs par byed ces bya ba'i tha tshig go /legs par rung ba byas nas zhes bya ba ni dad pa phul ba ste legs par rjes su gnang ba byas pa'i phyir ro/ /gos kyi rnyed pas yin par dgongs so zhes bya ba ni dkon pa'i phyir ro/ /dge 'dun gyi nang du zhes bya ba ni dge 'dun gyi yul la ste dge 'dun la brten nas zhes bya ba'i tshig go /'di ni slu bar byed pa'i phyir dgag pa mdzad do/ /skur pa 'debs pa'i ltung byed de dgu pa'i tshig rnam par bshad pa rdzogs so// //zla ba phyed phyed cing zhes bya ba ni zla ba ngo phyed phyed cing ngo/ /'khod do zhes bya ba ni sdong pa'o/ /gzhi nges pa zhes bya ba ni bslab pa'i gzhi bca' ba'i rgyu khu ba 'byin pa la sogs pa'i gzhi nges pa yod pa'o/ /gang zag pa zhes bya ba ni tshe dang ldan pa 'char ka la sogs pa byed pa po nges pa yod pa'o/ /rma sos pa sos pa dag ci'i phyir 'dral bar byed ces bya ba ni nyes pa tshangs zin pa dag ci'i phyir gleng bar byed ces bya'o/ /bdag nyid kyi don med par smras nas gzhan gyi don med pa bstan pa'i phyir gang dag gis zhes bya ba sogs pa gsungs so/ /phran tshegs zhes bya ba ni phra ba'o/ /rab tu phra ba zhes bya ba ni ches phra ba'o/ /snod pa zhes bya ba ni gdung ba'o/ /'gyur ba zhes bya ba ni rgyu'i dngos po'o/ /bslab pa khyad du gsod na zhes bya ba ni bslab pa rnams dang mi mthun par gnye'u rangs byed ces bya ba ni tha tshig go /gdung ba dang kun tu gdung ba zhes bya ba ni lus kyi yongs su gdung ba chung ngu dang/ 'bring dang/ chen po'o/ /'dod pa zhes bya ba ni khyim na gnas par 'dod pa'o/ /mngon par mi dga' ba zhes bya ba ni rab tu byung bas yid mi bde ba'o/ /rnam par 'byam pa zhes bya ba ni phyir 'babs pa'o// gleng gzhi dag dang zhes bya ba la sogs pa ni gzhung ni phyi mo'i rnam pa dag yin no/ /'dul ba'i ma mo dag ces bya ba la/ 'dul ba smos pa ni chos mngon pa'i ma mo dgag pa'i phyir ro/ /'dul ba dang ldan pa'i mdo dag ces bya ba ni 'dul ba'i don dang ldan pa'i mdo sde dag dmar po'i mdo sde la sogs pa dag go / de la gzhan pa'i mdo sde dag ces bya ba ni 'phags pa'i bden pa bstan pa la sogs pa dag go /'di ni dge slong gi dngos po la ma gus pa'i phyir bca' ba mdzad do/ /bslab pa khyad du gsod pa'i ltung byed de bcu pa'i tshig rnam par bshad pa rdzogs so/ / //da sngon shing mkhan zhes bya ba ni sngon shing mkhan gyi rigs yin pa'o/ /gnas zhes bya ba ni khyim ste 'dug pa'i gnas yin pa'i phyir ro/ /gling zhes bya ba yang grang ba la sogs pa yongs su skyob pa'i phyir ro/ /skyob pa zhes bya ba yang bde ba bskyed pa'i phyir ro/ /skyabs zhes bya ba yang gzhan dag gis zil gyis mi gnon pa'i phyir ro/ /dpung gnyen zhes bya ba yang thag ring por song ba yang 'dod pa'i phyir ro/ /gnas mal zhes bya ba yang lus kyi rgyun gyis der gnas pa'i phyir ro/ /gzhi zhes bya ba yang 'dug pa'i gnas yin pa'i phyir ro/ /rten ces bya ba yang gzhi'i gnas yin pa'i phyir ro/ /rnam grangs kyi tshig de dag ni phan yon bstan pa'i phyir smos so/ /bu zhes bya ba ni gzhon nu'o/ /phrug gu zhes bya ba ni byis pa'o/ /lha de ni sa la rgyu ba'i gnod sbyin yin te grang ba'i gnod pa la sogs pas tshugs pa'i phyir ro/ /kye ma zhes bya ba ni zhum pa'i tshig yin no/ /shing med pas zhes bya ba ni shing mi bdog pa'o/ /'gyur brtam? ces bya ba ni khrag 'byung ba la sogs pa'o/ /re zhig 'dul ba la nyan thos rnams kyi bslab pa'i gzhi 'cha' ba ni mi mdzad do zhes bya ba ni rang gi bcad pa med pa'i phyir ro/ /sa bon gyi tshogs shes bya ba ni sa bon gyi yo byad do/ /'byung po'i gnas zhes bya ba ni 'byung po gnas shing ljon pa la sogs pa skye ba'o/ /sa bon dang skye ba nyid ni tha mi dad pa'i phyir ltung ba gcig tu bca' ba mdzad do/ /sdong bu zhes bya ba ni bar gyi cha'o/ /tho gu zhes bya ba ni rtse mo'o/ /'gas pa zhes bya ba ni tshal pa'o/ /sa bon zhes bya ba ni 'bras bu'o/ /ardza ka zhes bya ba ni ldum bu ku te ra'o/ /sardza ka zhes bya ba ni ldum bu ko re tha ka'o/ /pha ni rdza ka zhes bya ba ni ldum bu ku re te ra'i rnam pa lta bu'o dri zhim pa'o/ /b+hu stri na zhes bya ba ni ldum bu b+ha ya na ka'o/ /dzra ma b+hi ra zhes bya ba ni ldum bu dum bu ru'o/ /'byin ba zhes bya ba ni rtsa thon du 'byin pa'o/ /de la ltung ba ji ltar 'gyur zhe na zhes bya ba la sogs pa la/ rtsa ba'i sa bon dang/ sdong bu'i sa bon dang/ tho bu'i sa bon dang/ 'gas pa'i sa bon dang/ sa bon gyi sa bon rnam pa lnga la re re la yang bzhi pa lnga lnga ste spyir bzhi pa nyi shu rtsa lnga bstan to/ /nyams pa zhes bya ba ni brnag pa'i phyogs cig nyams so/ /rnam par nyams pa zhes bya ba ni bdag nyid thams cad nyams pa'o/ /ltung byed lngar 'gyur ro zhes bya ba ni yul tha dad pa'i phyir ro/ /tshwa rgo zhes bya ba ni sa chos pa 'bus pa'o/ /nyug pa'i bsam pa la ni ltung ba med do zhes bya ba ni gzhig pa'i bsam pa med pa'i phyir ro/ /sha bal zhes bya ba ni dreg ste sa gzhi la sogs pa'i steng sngo ba dang sha bal la sogs pa dag go / rtsa rgyun zhes bya ba ni rtsa'i rgyun phra mo'o/ /shun pa zhes bya ba ni phyi shun rnying pa'o/ /phri zhes bya ba ni khri sra ba'o/ /rnying po zhes bya ba ni shing dang 'brel pa'i rgyan no/ /nya lcibs zhes bya ba ni chu na 'phyo ba'i rdzas so/ /nya tshang zhes bya ba ni nya lcibs dang 'dra ba'i rtsa ba'o/ de gnyis ni sgrogs chung ngu dang 'brel pa yin pas chu nas bton na 'jig go / sha mo zhes bya ba ni sha mo zho lu la sogs pa'o/ /pha ba? dgo dgo zhes bya ba ni 'brug gis sgras bslad pa phrum gyi rnam pa lta bu'i ldum su'o/ /rung bar byas te spyod pa la ltung byed do zhes bya ba ni me la sogs pa 'og nas 'byung bas so/ /sa bon dang skye ba la 'jig pa'i ltung byed de bcu gcig pa'i tshig rnam par bshad pa rdzogs so// //'du 'dzi'i gtam zhes bya ba ni bre mo'i gtam mo/ /grangs su chu gcig ces bya ba ni rnam par zhog ces bya ba ste/ ngo tsha skyed pa'i phyir de grangs su gzhug go /gzhog 'phyas zhes bya ba ni gzhogs kyi smod pa'o/ /dor 'phya ba dang/ gzhag 'phyas gnyis ni ngo bo nyid gcig pas ltung byed gcig tu bstan to/ /de la ltung ba ji ltar 'gyur zhe na zhes bya ba la sogs pa la dge 'dun gyi bgrangs pas gang zag bcu gnyis su bskos pa sbyor ba ma btang ba las kyang ltung byed gsum mo/ /gang zag bcu gnyis su ma bskos pa sbyor ba ma btang ba las kyang ltung byed gsum mo/ /gang zag bcu gnyis ma bskor ba sbyor ba btang ba las kyang ltung byed gsum ste/ spyir ltung byed bcu gnyis so/ /dge slong dge 'dun gyis bgrangs pas de dag nyid las nyes byas te spyir ltung ba rnam par dag pa nyi shu rtsa bzhi bstan to/ nyes pa dang ldan pa nyid du bgrangs kyang nyes pa de las phyir mi ldog pa ni shin tu ngo tsha med pa'i phyir bgrangs pa las dngos gzhir bzhag la ma bgrangs pa las nyes byas su bzhag go / dge 'dun gyis bgrangs shing zhes bya ba ni 'phya ba dang gzhog 'phyas byed pa'i grangs su gsol ba 'ba' zhig las kyis bgrangs pa'o/ /gang zag bcu gnyis zhes bya ba ni gnas khang bsko ba dang/ zas la bsko ba dang/ thug pa 'brim pa dang/ bag tshos 'brim pa dang/ 'phran tshegs 'brim pa la sogs pa dag ste/ de dag ni zhal ta byed pa'i las gzhan thams cad kyi dpe yin te/ sge'u chung srung ba la sogs pa gzhan dag la 'phya ba bar gzhog 'phyas byed na yang dngos gzhir 'gyur ro/ /bsko ba zhes bya ba ni dge 'dun gyis bskos pa'o/ /sbyor ba ma btang ba zhes bya ba ni las byed bzhin pa'o/ /sbyor ba btang ba zhes bya ba ni re zhig ngal so ba'o/ /ma bskos pa zhes bya ba ni rang zhugs pa'o/ /'phya ba dang/ gzhog 'phyas dang/ 'phya ba dang gzhog 'phyas gnyis ka las rnam pa gsum du bzhag go /'phya ba'i ltung byed de bcu gnyis pa'i tshig rnam par bshad pa rdzogs so/ / //kho bo'i mdun du ma chags par zhes bya ba ni kho bo ltung ba dang bcas pa nyid yin pa'i phyir ro/ /snyam du bsams pa'o/ /ngag rnam bzhi po zhes bya ba ni/ brdzun du smra ba dang/ phra ma dang/ ngag rtsub po dang/ tshig 'khyal pa'i bdag nyid do/ /gong ma sreg zhes bya ba ni bya'i rigs so/ /bsgo ba rna la gzon pa ni zhes bya ba ni chos dang ldan pa'i bsgo ba dang mi mthun par byed pa'o/ /kyis 'ong ba zhes bya ba ni nye bar mtshon pa'i phyir gyis zhes smos pas so/ /rkang pa gnyis kyis 'ong ba zhes bya ba ni rgyu bstan pa'i phyir gyis zhes smos so/ /cad mi smra bas kha gzon pa'o/ /zhes bya ba ni na smad pa'i nyes phyas su gsungs so/ /smra 'dod pa zhes bya ba ni gtsor ba'o/ /mtho 'tsham pa zhes bya ba ni co? 'dri ba'o/ /ltung zhes bya ba ni sa la ltung ba'o/ /las zhes bya ba ni phyin las pa'o/ /bsgo ba rna la gzon pa'i ltung byed de bcu gsum pa'i tshig rnam par bshad pa rdzogs so// //dus ma yin pa'i sprin zhes bya ba ni dbyar ma yin pa'i sprin no/ /phyir dgag pa zhes bya ba ni phyir bzlog pa'o/ /dbyar gyi na bza' ras chen zhes bya ba ni khrus ras so/ /slar bsdu ba zhes bya ba ni brtul ba'o/ /don mthun pa la rag las pa zhes bya ba ni don mthun pa dang 'brel pa'o/ /glang tha ma zhes bya ba ni thams cad kyi 'jug na mo'o/ /mdza' bshes dang/ dgra bo dang tha mal pa yin pas zhes bya ba ni de gsum yod pas zhes bya ba'i tha tshig go / rjes su 'brel pa zhes bya ba ni zin pa'o/ /bcol ba ni rnam pa lnga ste zhes bya ba la/ gtsug lag khang de re zhes bya ba dang/ gtsug lag khang ltos shig ces bya ba 'di gnyis ni gzhi bcol bas bzhag pa yang bcol ba yin par bstan to/ /sgo lcags chug shig ces bya ba ni bsdom pa bcol bas bsdams pa yang bcol ba nyid du bstan to/ /sems bskyed par bya zhing tshig du yang brjod pa ste zhes bya ba ni ma gus pa bzlog pa'i phyir dang gus pa bskyed pa'i phyir ro/ /ltung ba de chos bzhin du phyir bya'o/ zhes bya ba ni sems bskyed pa dang tshig tu brjod pas ltung ba mi 'byad ba bstan pa'i phyir ro/ /'gal tshabs can du 'gyur ro zhes bya ba ni khas blangs pa yal bar zor ba'i phyir nyes byas su 'gyur ro zhes bya ba'i tha tshig go / mnyam par bzhag go /snyam pa zhes bya ba ni bsam gtan dang gzugs med pa'i sa mngon du byas so snyam pa'o/ /rnam par grol bar bya'o snyam pa zhes bya ba ni nyon mongs pa spang bar bya'o snyam pa'o// phan phun zhes bya ba ni ma rung ba'o/ /nyi ma'i brgyad cha shar ba zhes bya ba ni nam mkha' i phyogs 'gro ba'i lam gyi brgyad cha chod pa 'am yang na nyi ma'i dkyil 'khor gyi brgyad cha shar ba'o/ /skyes 'bul ba zhes bya ba ni pho nya'o/ /gcig gis chos bstan par bya'o zhes bya ba ni spyod yul gcig du'o/ /mchil ma snod gzhag par bya'o zhes bya ba ni seng ge'i khri la'o/ /gnas pa dag gis zhes bya ba ni slob pa dang nye gnas dag gis so/ /gaN+Di chung ngu zhes bya ba ni bsdu ba'i phyir las kyi gaN+Di chung ngu brdungs pa'o/ /de dag phyir chos nyan pa mi byed nas zhes bya ba ni bar chad nas so/ /nor bus spras pa zhes bya ba ni rin po ches glan pa'o/ /brgyan pa zhes bya ba ni mdzes par byas pa'o/ /zil gyis mnan nas zhes bya ba ni khyad du bsad nas so/ /dus ston zhes bya ba ni mchod ston no/ /char 'bab du dogs na zhes bya ba ni mngon du phyogs na'o/ /'dzam+bu'i grib ma la bzhugs pa'i sku gzugs zhes bya ba ni byang chub sems dpa' lang tsho gsar la bab pa'i tshe shing 'dzam+bu'i grib ma la zhugs pa'i sku gzugs kha spu ma skyes pa'i rab tu ma byung ba'i cha lugs can no// dge slong rnams kyis de bor te dong ba ni rin po che la reg gam reg tu 'jud du mi rung ba'i phyir ro/ /ston pa'i 'du shes skyed de zhes bya ba ni ston pa'i 'du shes bskyed na rin po che'i 'du shes med pas rin po che la reg pa'i nyes par mi 'gyur ro/ /nad pas dus gsum du blta bar bya'o zhes bya ba ni mtshan mo'i gnas skabs brtag pa'i phyir nang bar blta'o/ /kha zas kyi gnas skabs brtag pa'i phyir dro kar blta'o/ /ma zhu ba la sogs pa'i gnas skabs brtag pa'i phyir dgongs kar blta'o/ /nad pa dag la nyam nga bar gyur nas zhes bya ba ni rjes byed pas gnod pa'o/ /ngo tsha med pa zhes bya ba ni tshul khrims 'chal ba'o/ /nad dang bcas pa zhes bya ba ni zhe 'gras pa'o/ /rgas pa ni 'khogs shing nyam chung bas bye brag du bstan pa'o/ /na ba ni sbyor mi bzod pas bye brag du bstan to/ /mkhar lan byed par bskos na ni ltung ba med pa'o zhes bya ba ni chad pa'i las la sogs pa byed na'o/ /sngar zhus pa de nyid kyi/ thams cad zhus pa ni yin no zhes bya ba ni dge 'dun gyi las ni spyi gcig pa'i phyir ro// dus snga tshogs su zhes bya ba ni gdugs tshod ma bab pa'i phyir ro/ /gya tshom du zan bcad par mi bya'o zhes bya ba ni zan bcad pa'i rgyu med na'o/ /tshig la thug ces bya ba ni tshig par 'gyur ba'o/ /de 'dra ma zhes bya ba ni smad pa'o/ /ser che ba zhes bya ba ni chu dang bcas pa'o/ /ri ka zhes bya ba ni ri'i spo'o/ /khyer zhes bya ba ni chus so/ /gnas mal gyi ltung byed de/ bcu bzhi pa'i tshig rnam par bshad pa rdzogs so// //'khor lo dang bkra shis dang g.yung drung gi lcags kyo dag dang ldan pa zhes bya ba ni lcags kyo zhes bya ba ni mtshan te/ de ni 'khor lo la sogs pa re re dang so sor sbyor bar bya ste/ de na 'khor lo'i mtshan dang ldan pa dang/ bkra shis kyi mtshan dang ldan pa dang/ g.yung drung gi mtshan dag dang ldan pa zhes bya bar sbyar ro/ /bsod nams brgya zhes bya ba ni sangs rgyas bcom ldan 'das mngon sum du gyur pa la byang chub sems dpa' bskal pa brgya lus pa dag gis dmigs pa'i sems pas bsod nams brgya bsags pa las byung ba ste/ sems brgya ni bcom ldan 'das ni srog gcod pa spangs pa dang/ de spangs pa'i bsngags pa brjod pa dang/ gzhan dag de spangs pa yang dag par 'dzin du 'jud pa dang/ de spangs ma gzigs na thugs dgyes pa dang/ de spangs pa las byung ba'i bsod nams thar bar 'ong ba'i sems pa lnga dang bdag nyid kyis kyang de ltar bya'o snyam pa'i sems pa lnga ste/ de ltar srog gcod pa spangs pa la sems pa bcu'o/ /de bzhin du log par lta ba spang ba'i bar gyi dge ba bcu po dag la sems pa bcu bcu ste/ spyir sems pa brgya po dag yin par shes par bya'o/ /rtsa'i gding ba zhes bya ba smos pas ni ras bal gyis brdzangs pa dang/ rin po che la sogs pa'i gding ba dag sel bar byed pa de dag nyes pa de lta bu'i gzhi yin pa'i phyir ro/ /'jig rten la bdag nyid mkhas par bgrang zhes bya ba ni mi dag la bdag nyid mkhas pa'i grangs su bgrangs pa'o/ /glongs te zhes bya ba ni sngas kyi mdza' dang rten ma'i mdza' bzlog pa tsam byas te'o/ /gal te mi mdor zhes zer na sbyin par mi bya'o/ zhes bya ba ni phyis sril dag skye ba'i phyir ro/ /skabs 'dir gzhung kha cig las bcom ldan 'das kyis tshon rtsi'i las bya'o/ zhes bka' stsal nas zhes bya ba la sogs pa tshon rtsi'i las kyi skabs dag bshad pa ni 'dir skabs ma yin pas gzhung lhug pa yin par rig par bya'o/ /gal te thams cad kyi thams cad du 'dod na zhes bya ba ni phyir ye mi 'ong ba'i sems kyis sam yun ring zhig gis phyir 'ong ba'i sems so/ /rdo ba'i gzhi can zhes bya ba ni rdo ba med pa'o/ /bye ma'i gzhi can zhes bya ba yang bye ma mang ba'o/ /nyes dmigs de lta bu zhes bya ba ni phan tshun rnam gnyis so/ /'ding ba'i ltung byed de bco lnga pa'i tshig rnam par bshad pa rdzogs so// //khron pa zhig gi drung du zhes bya ba ni khron pa dang nye bar ro/ /'dam bu thibs po'i gseb ces bya ba ni 'dam bu stug po'i gnas so/ /sprin gyi kha dog lnga pa'i zhes bya ba ni ser po dang/ dmar po dag la sogs pa dang ldan pa'o/ /skrod pa'i ltung byed de bcu drug pa'i tshig rnam par bshad pa rdzogs so// //gru mos bsnun zhes bya ba ni gru phrugs kyi brdegs pa'o/ /phyis gnon zhes bya ba ni gnod pa byas te zil gyis gnon pa'o/ /de nyid rkyen du byas te zhes bya ba ni gnas nas 'gro ba nyid kyi rgyu la brten te'o/ /zung ngu zhes bya ba ni skad mthun pa'o/ /dge slong gis ji tsam cung zad dge slong la mtho 'tsham par byed na thams cad du ltung byed du 'gyur ro zhes bya ba ni phyis gnon byed pa ni dge slong la mtho 'tsham par byed pa'i dpe ste/ gzhan yang dge slong gis ji tsam du cung zad dge slong la mtho 'tsham par byed na de dag thams cad kyang bslab pa'i gzhi 'dir gtogs pa'i ltung byed du 'gyur ro/ /mkhos su ma phab ces bya ba ni ngal so ba la sogs pas mgron du gnyer ba'o/ /chos zangs can zhes bya ba ni gang na chol zangs mang ba 'am chol zangs bzhag pa'o/ /wa'i kha zhes bya ba ni wa'i bu gu dag go /bul ba zhes bya ba ni thogs par ro/ /gaN+De bsu zhes bya ba ni ci'i phyir gaN+De brdungs zhes brtags pa'o/ /dga' ba'i zhes bya ba ni 'dod kyis zhes bya ba'o/ /them skas kyi gzhi zhes bya ba ni 'dzeg pa'i gnas so/ /phyis gnon gyi ltung byed de bcu bdun pa'i tshig rnam par bshad pa rdzogs so/ / //lo 'das zhes bya ba ni gnas bca' ba'i lo dag las thal ba'o/ /steng gi nam mkha' la zhes bya ba ni khang pa'i steng gi nam mkha' la'o/ /rtsa ba 'byung zhes bya ba ni gang la rtsa ba dgos pa'i drung du 'phral la 'jud cing rang nyid rkyen gzhan med par 'byung ngo/ /de ni dge 'dun gyi gtsug lag khang gi sa gzhi ma rung bar 'gyur ba spang ba'i phyir ro/ /spang leb ces bya ba ni spang leb zheng chen po'o/ /spang leb chung ngu zhes bya ba ni spang leb srab mo'o/ /shing leb ces bya ba ni shing srab mo'o// shing leb 'bur chen zhes bya ba ni shing leb 'bur du brkos pa'o/ /byin gyis gzhol ba zhes bya ba ni so phag? gis byin gyis gzhol ba de g.yogs pa'o/ /rtsa ba 'byung ba la 'dug pa'i ltung byed de bco brgyad pa'i tshig rnam par bshad pa rdzogs so// // gang dag mig gis mthong bar 'gyur ba zhes bya ba mi'i mig tha mal pas mthong bar 'gyur ba'o/ /gang dag chu tshags kyis zin par 'gyur ba zhes bya ba ni ras thags ran bzang pos zin par 'gyur ba'o/ /gang dag mi mthong ba dang/ mi zin pa de dag ni yod kyang srog chags dang bcas pa ma yin te/ bsad par mi nus so/ /zhes bya ba'i tha tshig go /dud 'gro gsad pa'i sems kyis dud 'gro gsod pa'i ltung byed yin no/ /phyi rol du bcas pa'i sems kyis srog chags dang bcas pa'i chu spyod pa ni srog chags dang bcas pa la spyod pa'i ltung byed 'di yin no/ /nang du spyad pa'i sems kyis srog chags dang bcas pa'i chu la spyod pa ni srog chags dang bcas pa'i chu la spyod pa'i ltung byed 'og ma'i skabs yin no/ /srog chags dang bcas pa la spyod pa'i ltung byed de bcu dgu pa'i tshig rnam par bshad pa rdzogs so/ / //mtshams mnyam pa zhes bya ba ni gang la pha gu'i mtshams mnyam zhing ma bsnol bar brtsigs pa'o/ /lag gi bla bsko ba zhes bya ba ni blo mthun par bya ba'o/ /log ste zhes bya ba ni thams cad du 'dus te'o/ /phywa mkhan zhes bya ba ni thig skud la lta ba'i bstan bcos shes pa'o/ /shing mkhan zhes bya ba ni shing 'jog pa'o/ /chu klung zhes bya ba ni chu phyir 'byung ba'i srol lo/ /gtsug lag khang 'di de gnyis du rdib par 'gyur zhes bya ba ni bram ze de ma byin par len pa'i las byas pa'i rgyu mthun pa nges par myong bar 'gyur ba yin pas bzlog par mi nus pa'i phyir ro/ /gnas pa'i snyoms par 'jug pa zhes bya ba ni zhi bar gnas par bya ba'i phyir sems kyi rgyud snyoms par sgrub pa'o/ /sgo'i spubs dang gtan pa dang snang ba'i gnas ji tsam pa'i 'du shes kyis zhes bya ba'i sgo'i spubs kyi gnas ji tsam pa'i 'du shes dang/ btan pa'i gnas ji tsam pa'i 'du shes dang/ skar khung dang chu khung gi snang ba'i gnas ji tsam pa'i 'du shes bzhin brtsigs par bya ba'o/ /sa brtag pa zhes bya ba ni bskos nas phyir dgang ba la sogs pas brtag pa'o/ /nas bzung ste zhes bya ba ni de nas brtsams te'o/ /gnyis sam gsum brtsig pa'o zhes bya ba ni nyi ma gcig pa'o/ /de las lhag par rtsig pa zhes bya ba ni rim pa bzhi pa la sogs pa brtsig na'o/ /sgo'i spubs kyi gnas gtan pa'i gnas dang snang ba'i gnas ji tsam pa'i 'du shes med pa ni mi rigs par byed pa yin pas nyes byas su 'gyur ba'o/ /'di ni rdib pa dang gas pa dang 'drum pa la sogs pa spang ba'i phyir bca' ba mdzad do/ /rdo 'ba' zhig la sogs pa la ni 'gas pa la sogs pa'i nyes par mi 'gyur bas ltung ba med do/ /sbyin bdag rings par 'dod pas ni rdib na yang ltung ba med de/ gtsug lag khang ni de la rag lus pa'i phyir ro/ /gtsug lag khang gi ltung byed de nyi shu pa'i tshig rnam par bshad pa rdzogs so// //de dag dang gzhan yang zhes bya bas ni/ 'jig rten la ma grags pa gzhan dag gi ming yang gzung ngo/ /gau ta ma'i zhes bya ba ni shAkya'i dge slong ma rnams la bod pa'o/ /khyod kyis dus yin gyi zhes bya ba ni khyod 'gro ba'i dus yin zhes bya ba'i tha tshig go /skul bar mdzad do zhes bya ba ni 'gro bar spro bar mdzad pa'o// ngal ba zhes bya ba ni chad pa'o/ /res kyis zhes bya ba ni re mos so/ /res bab pa ni dge slong ma la ston par mi btub po zhes bya ba ni bcom ldan 'das bzhugs pas rjes bya ba dang mi 'jigs ma yin pa gnyis dben pa la mngon par dga' ba'i phyir dang/ dge slong ma'i 'du 'dzi spang bar 'dod pa'i phyir dang/ tshangs pa mtshungs par spyod pa'i sems bsrung ba'i phyir ro/ /chos dang ldan pa'i gtam gyis shig ces bya ba ni skyo bar 'gyur pa la sogs pa'i gtam mo/ /nga 'am khyod kyis gtams kyang rung zhes bya ba la sogs pas ni dge slong ma de dag ni gnyi gas gdul ba yin pas 'phags pa dga' byed spro bar bya ba'i tshig yin no/ /rnam par sel ba yongs su dris ces bya ba ni gtam gang dris pa dag gis the tshom rnam par sel byed pa de lta bu'i gtam yongs su dris shig pa'o/ /kun shes pa zhes bya ba ni rtogs pa'o/ /smras pa 'di'i don ci lags zhes bya ba ni dgongs pa brtag pa'o/ /'di ji lta bu lags zhes bya ba ni rigs pa brtag pa'o/ /de dag ni dge slong ma rnams mi 'jigs pa bskyed pa'i phyir ro/ /btsun pa dga' byed chos gsungs shig dang zhes bya ba la sogs pa ni dam bcas pa'i tshig yin no/ /'phags pas chos rnams kyi bdag med pa bstan pa la/ nang gi skye mched drug gi dbang du mdzad na/ sring mo dag khyed kyi nang gi skye mched mig la zhes bya ba la sogs pa gsungs so/ /nang gi zhes bya ba ni yang dang yang du 'byung ba'i phyir sems ni nad zhes bya'o/ /de la nye bar bsten dngos pos 'jug pa'i phyir nang gi zhes bya ba ni sems kyi mjug thogs su zhes bya ba'i tha tshig go /skye mched ces bya ba ni skyems skye ba'i mtshan nyid de/ skye zhing mched par byed pas skye mched de sems kyi rgyu zhes bya ba'i tha tshig go /'di ni bdag gi'o zhes bya ba ni bdag nyid gzhan zhig nyid la mig ni bdag gi yin pa'o/ /'di ni bdag go zhes bya ba ni mig gang yin bde bdag nyid yin pa'o/ /'di ni bdag gi bdag go / zhes bya ba ni mig ni bdag gi bdag yin la lhag ma ni bdag gi yin te/ de'i rjes su 'jug par byed pa gzhan la bdag gi'o snyam pa'o/ /dang po nyid nas zhes bya ba ni thog ma nyid nas te mthong ba'i lam gyi che'o/ /nang gi skye mched drug po 'di dag bdag ma mchis pa zhes bya ba ni mi rtag pa nyid kyis bdag med pa'i mtshan nyid yin te rang dbang med pa'i phyir ro/ /yang dag pa'i zhes bya ba ni phyin ci ma log pa'o/ /shes rab kyis zhes bya ba ni zag pa med pa'i blas so/ /yang dag pa ji lta ba bzhin du zhes bya ba ni de kho na'i rjes su 'brang bas so/ /de la mas pa'i slad du'o zhes bya ba ni mthong ba'i lam langs pa dag la bdag med pa'i shes pa nyams pa'i phyir ro/ /phyi rol gyi skye mched drug gi dbang du mdzad nas/ sring mo dag khyed kyis phyi rol gyi skye mched gzugs dag pa zhes bya ba la sogs pa gsungs so/ /phyi rol gyi zhes bya ba ni sems kyi bdag nyid kyi yul gyi dngos pos phyi rol du 'gyur ba'i phyir te/ 'di ltar dbang po rnam par gyur pas sems rnam par 'gyur gyi yul rnam par 'gyur bas sems rnam par mi 'gyur ba dang/ sems rnam par 'gyur bas kyang dbang po rnam par 'gyur gyi yul rnam par 'gyur ba dbang po rnam par mi 'gyur bas de'i phyir yul nyid phyi rol gyi dbang po rnams ni phyi rol ma yin pa'o/ /rnam par shes pa'i tshogs drug gis dbang du mdzad nas/ sring mo dag khyod kyis mig dang gzugs rnams la brten nas mig gi rnam par shes pa skyes pa'i zhes bya ba la sogs pa gsungs so/ /brten nas shes bya ba ni bltos nas so/ /mig gi rnam par shes pa zhes bya ba ni mi la brten pa'i phyir ro/ /rnam par shes pa'i tshogs zhes bya ba la/ tshogs zhes bya ba ni 'dus pa ste/ rdzas gcig pa nyid ma yin pa'i phyir ro/ /reg pa'i tshogs drug gi dbang du mdzad nas sring mo khyod kyis mig dang gzugs rnams la brten nas mig gi rnam par shes pa skyes zhes bya ba la sogs pa gsungs so/ /gsum 'dus pa zhes bya ba ni dbang po dang/ yul dang/ rnam par shes pa rnams kyi bya ba gcig pa nyid do/ /reg pa zhes bya ba ni yul la reg pa dang 'dra ba'i phyir te/ de'i rjes su 'brangs pas bde ba dang sdug bsngal la sogs pa yul gyi 'bras bu 'byung ba'i phyir ro/ /tshor ba'i tshogs drug gi dbang du mdzad nas/ sring mo dag khyod kyis mig dang gzugs rnams la brten nas mig gi rnam par shes pa skye zhing gsum 'dus pa las reg pa'i rkyen gyis tshor ba zhes bya ba la sogs pas gsungs so/ /sred pa'i tshogs drug gi dbang du mdzad nas/ sring mo khyod kyis mig dang gzugs rnams la brten nas mig gi rnam par shes pa skye zhing gsum 'dus pa las reg pa/ reg pa'i rkyen gyis tshor ba tshor ba'i rkyen gyis sred pa zhes bya ba la sogs pa gsungs so/ /gang zag bdag med pa bstan nas rtag pa'i chos spangs pas chos bdag med par bstan par bzhed pas chos rnams kyi mi rtag pa nyid bstan pa'i phyir/ sring mo dag 'di lta ste/ dper na 'bru mar dang mar me'i snying po la brten nas zhes bya ba la sogs pa gsungs so/ /'bru mar gyi mar me zhes bya ba ni 'bru mar gyi mar me'o/ /'bar bar 'gyur zhes bya ba ni gnas par 'gyur mched par 'gyur ba'i tha tshig go / de la brtan pa'i zhes bya ba ni mar me la brten pa'i'o/ /snang ba zhes bya ba ni 'od do/ /rtag pa zhes bya ba la sogs pa ni rnam grangs nyid do/ /yang na rtag pa zhes bya ba ni 'jug pa'i rtag pas so/ /brtan pa zhes bya ba ni rgyun brtan pas so/ /ther zug pa zhes bya ba ni rnam grangs rtag pas te/ rim gyis 'byung ba'i so so'i skye bo'i skye ba bzhin no/ /rnam par mi 'gyur ba'i chos can zhes bya ba ni rnam par gnas pas rtag pa ste/ mi snang bar gyur kyang sa bon nyid kyis 'byung ba sA lu'i sa bon bzhin no/ /yang dag pa zhes bya ba ni phyin ci ma log pa'o/ /chos de dang de dag skyes pas zhes bya ba ni nang dang phyi rol gyi rgyu rnams so/ /chos de dang de dag skye bar 'gyur zhing zhes bya ba ni 'bras bu rnams so/ /'gag par 'gyur zhes bya ba ni don nyams pa'o/ /nye bar 'gyur zhi bar 'gyur zhes bya ba ni 'grub pa nyams so/ /bsil bar gyur zhes bya ba ni shugs nyams pa ste mnyen par gyur pa'o/ /nub par 'gyur ba zhes bya ba ni rgyun 'chad pa'o/ /nang gi skye mched rnams la khang pa'i nang gi mar me'i dpe bstan nas phyi rol gyi skye mched rnams la khang pa'i phyi rol gyi shing ljon pa'i bstan par bzhed nas/ sring mo dag 'di lta ste dper na shing ljon pa chen po zhes bya ba ni la sogs pa gsungs so/ /de ltar bdag med pa rnam pa gnyis bstan nas da ni nang dang phyi rol gyi skye mched ji ltar gnas pa dag la sems rnam par grol bar 'gyur ba de bstan pa'i phyir ro/ /sring mo dag 'di na skyes bu mkhas pa dag dpes smras pa'i don kun shes par 'gyur bas de'i phyir re zhig dpe nyon cig ces bya ba la sogs pa gsungs so/ /skyes bu mkhas pa dag ces bya ba ni skye bo mkhas pa dag go /dpes zhes bya ba ni 'jig rten la grags pa'i dpes so/ /de'i phyir zhes bya ba ni de lta bas na'o/ /ba lang gsod pa zhes bya ba ni gdol pa'o/ /ba lang gsod pa'i slob ma zhes bya ba ni lto khol lo/ /mkhas pa zhes bya ba ni blud bu 'chu ba la mkhas pa'o/ /ba lang bsha' ba' i gri zhes bya ba ni ba lang gsod pa'i mtshon no/ /sha'i tshogs zhes bya ba ni sha'i tshoms so/ /ma nyams pa zhes bya ba ni dum bur ma gyur pa'o/ /bar gyi zhes bya ba ni lpags pa dang sha'i tshogs kyi bar gyi'o/ /chu rgyus zhes bya ba ni mjug ma la sogs pa dang 'brel pa'i chu ba dang rgyus pa'o/ /glo ba dang mchin pa'o zhes bya ba ni khod pa na 'dug pa'i sha'i rdog gu'o/ /rtsa rgyun zhes bya ba ni rtsa'i chu ba'o/ /yang ba lang gi ka bas g.yogs par gyur pa zhes bya ba sngon gyi gnas skabs bstan pa'i phyir ro/ /ldan pa zhes bya ba ni 'brel pa ste/ phan tshun 'byar zhes bya ba'i tha tshig go / bral ba zhes bya ba ni chad pa ste dum bu du mar gyur ces bya ba'i tha tshig go /don rnam par rig par bya ba'i phyir zhes bya ba ni dpes sems rnam par grol ba 'jig rten las 'das pa'i don go bar bya ba'i phyir ro/ /gzugs can zhes bya ba smos pas ni rnam par shes pa'i tshogs la sogs pa bsal ba'i phyir ro/ /rags pa zhes bya ba ni smos pas ni bar ma do'i srid pa'i lus cha phra mo bsal ba'i phyir ro/ /'byung ba chen po bzhi las gyur pa zhes bya ba ni sa la sogs pa las gyur pa yin gyi dbang phyug la sogs pa las gyur pa ma yin pa'o/ /pha ma'i mi gtsang ba mer mer po las gyur pa zhes bya ba ni pha ma chags par gyur pa'i khu ba dang khrag 'dus pa las byung ba ste/ de ni rdzas te skye ba nyid bsal ba'i phyir ro/ /'bye pa zhes pa ni 'gas pa'o/ /rnam par 'thor ba zhes bya ba ni dum bu dum bur chad pa'o/ /rnam par 'jig pa zhes bya ba ni skams pa la sogs pa chud za ba'o/ /tshi bla dags zhes bya ba ni ming ngo/ /dga' ba'i 'dod chags shes bya ba ni sred pa'o/ /'phags pa'i zhes bya ba ni de bzhin gshegs pa la sogs pa'o/ /nyan thos zhes bya ba ni gus pa'i nyan pa'i slob ma'o/ /thos pa dang ldan pa zhes bya ba ni gdams dag mnos pa'i mkhas pa'o/ /shes rab kyi mtshon zhes bya ba ni zag pa med pa'i shes rab bo/ /bag la nyal zhes bya ba ni 'dod pa dang/ khong khro ba dang/ sred pa dang/ nga rgyal dang ma rig pa dang/ lta ba dang/ the tshom zhes bya ba bdun no/ /nye ba'i nyon mongs pa zhes bya ba ni khro ba dang khon du 'dzin pa dang/ g.yo la sogs pa'i rgyu mthun pa dag go /kun nas dkris pa zhes bya ba ni ngo tsha med pa dang khrel med pa la sogs pa'o/ /shes rab kyi mtshon gyis thabs bstan pa'i phyir sring mo dag de lta bas na zhes bya ba la sogs pa gsungs so/ /nye bar len pa'i phung po zhes bya ba ni 'dod pa nye bar len pa la sogs pa nyon mongs pa rnams kyis len par byed pa'i phung po'o/ /'byung ba dang 'jig par rjes su lta zhes bya ba ni gang gis 'du byed rnams skad cig re re la skye ba dang 'gag pa lta ba'o/ /kun 'byung ba dang nub par 'gyur ba zhes bya ba ni yang de bzhin du shes par bya'o/ /dran pa nye bar bzhag pa bzhi zhes bya ba ni lus dang/ tshor ba dang sems dang/ chos dran pa nye bar gzhag pa'o/ /byang chub kyi yan lag bdun zhes bya ba ni dran pa yang dag byang chub kyi yan lag la sogs pa ste/ byang chub rnam gsum gyi rgyu yin pa'i phyir ro/ /legs par yid la byas zhes bya ba ni rtag tu bsgoms pa'o/ /rgyu zhes bya ba ni thabs kyi rgyu'o/ /'dod pa'i zag pa zhes bya ba ni 'dod pa na spyod pa'i nyon mongs pa dag go /srid pa'i zag pa zhes bya ba ni gzugs na spyod pa'i nyon mongs pa dag go / ma rig pa'i zag pa zhes bya ba ni khams gsum gyi mi shes pa'o/ /'dod chags dang bral ba zhes bya ba ni nyon mongs pa la dmigs pa'i nyon mongs pa spangs pa'i phyir ro/ /rnam par grol ba zhes bya ba ni 'dod pa'i zag pa la sogs pa dang las spangs pa'i phyir ro/ /rnam par grol zhing zhes bya ba ni 'dod pa'i khams la'o/ /mthar thug pa nyid ma thob ces bya ba la/ 'dir mi slob pa nyid ni mthar thug pa'o/ /'jig rten 'dir zhes bya ba ni 'dod pa'i khams so/ /'ong bar 'gyur ba zhes bya ba ni skye bar 'gyur ba'o/ /gnyis su 'byed pa zhes bya ba ni nyon mongs pa dang/ nyon mongs pa ma yin pa gnyis su'o/ /phyir mi 'ong ba nyid du lung bstan pa'o/ /zhes bya ba ni phyir mi 'ong ba'i 'bras bu thob pa'o/ /rnam par grol zhes bya ba ni khams gsum pa las so/ /mthar thug pa nyid thob ces bya ba ni mi slob pa nyid thob pa'o/ /lam gdags su med de zhes bya ba ni skye ba gzhan bzhag tu med pa ste/ nyon mongs pa dang las kyi rgyu 'ga' yang med pa'i phyir ro/ /mchog nyid du lung bstan to/ /zhes bya ba ni dam pa nyid du ste mi slob pa nyid du'o/ /zhes bya ba'i tha tshig go /re zhig 'dul ba'i nyan thos rnams kyi bslab pa'i gzhi 'cha' bar ni mdzad do zhes bya ba ni 'dul ba'i don nyid dang rjes su mthun pa'i phyir 'dul bas dus la yol bar gyur na mi rung ngo snyam du dgongs pa'i phyir ro// bsko bar mi bya'o/ zhes bya ba ni dge slong ma'i ston par ro/ /'brel par byas pas zhes bya ba ni gzhan du 'gro bar byas nas so/ /gso sbyong bco lnga pa zhes bya ba ni gso sbyong bco lnga pa nyid la gdams ngag 'tshol bar nges pa'i phyir dang/ de'i tshe dge 'dun thams cad 'dus pa'i phyir ro/ /dge 'dun thams cad 'dug cing mthun par gyur pa na zhes bya ba ni dge slong ma la bstan pa ni dge 'dun mthun pa'i bya ba yin pa'i phyir ro/ /ma dul ba zhes bya ba ni lus dang ngag dang gnyis kyis nye bar ma zhi ba'o/ /ma zhi ba zhes bya ba ni yid kyis so/ /'dam las ma brgal ba zhes bya ba ni 'dod pa'i 'dam las so/ /yongs su mya ngan las ma 'das pa zhes bya ba ni nyon mongs pa ma zhi ba'o/ /rgya cher thon pa zhes bya ba ni so sor thar pa mdo gdon pa lnga po gleng gzhi gdon pa nas rtsod pa zhi bar byed pa'i chos bdun gdon pa'i bar dag rgya cher thon pa'o/ /lobs pa zhes bya ba ni mngon sum du byas shing lce'i rtse mos gnas par 'gyur ba'o/ /de dag ni blang ba dang dor ba yongs su shes pas bdag nyid bsrung ba la dgongs pa'i chos su bstan to// rgyal tshab lta bu zhes bya ba ni bstan pa'i tshul khrims kyis bcom ldan 'das rgyal po'i bka' i sras zhes bya ba'i tha tshig go / grong khyer ba'i skad dang ldan pa zhes bya ba ni skad mkhas pa'i phyir rgyal la sogs pa'i sgra mi brjod pa'o/ /sun ma phyung ba zhes bya ba ni dang po nas so/ /sun phyung na yang ltung ba de chos bzhin du phyir byas pas ni sun ma phyung ba nyid kyi gnas skabs gsal bar bstan pa'o/ /rjes dang bcas zhes bya ba ni 'dzem pa dang bcas pa'o/ /gus pa dang bcas zhes bya ba ni rje dpon du byas pa dang bcas pa'o/ /reg pa zhes bya ba ni khrus dang nye reg dang 'thor 'thung gi reg pa'o/ /yun ring du 'tsho bar gyur cig ces bya ba ni 'phags pa'i chos so/ /tshe ring du skyong bar gyur cig ces bya ba ni tshe lhag pa 'phel bar gyur cig pa'o/ /lam phran ces bya ba ni lam srang phra mo'o/ /bul zhes bya ba ni brjed ngas pa'o/ /chung ba zhes bya ba ni blo chung ba'o/ /rigs gnyis pa zhes bya ba ni rgyal rigs so/ /lugs su 'byung ba zhes bya ba ni ma rig pa'i rkyen gyis 'du byed rnams zhes bya ba la sogs pa 'khor bar 'jug pa'i lugs su 'byung ba'o/ /lugs las bzlog pa zhes bya ba ni ma rig pa 'gags pas 'du byed rnams 'gag ces bya ba la bsogs pa 'khor ba'i lugs las bzlog pa'o/ /bsrabs pa zhes bya ba ni chung ba'o/ /yongs su zad pa zhes bya ba ni zhing la sogs pa dag las 'bras bu mi 'byung ba'o/ /yongs su gtugs zhes bya ba ni gzhi nyams pa ste zhing la sogs pa mi rung bar 'gyur ces bya ba'i tha tshig go /sgrub pa gces pa yin gyis zhes bya ba ni/ tshul khrims dang/ thos pa dang/ bsgoms pa la sogs pa gtso bo yin no zhes bya ba'i tha tshig go /'dod bral zhes bya ba ni 'dod pa bsten pa dang bral ba'o/ /dran pa dang ldan pa'i zhes bya ba ni dran pa nye bar gnas pa'o/ /shes bzhin can zhes bya ba ni shes rab nye bar gnas pa ste/ de gnyis kyis ni dran pa nye bar gzhag pa la sogs pa bsgom pa ston to/ /gnod ldan zhes bya ba ni skye ba la sogs pa gnod pa brgya dag gis gang ba'o/ /sdug bsngal gang yin bsten mi bya zhes bya ba ni 'khor ba la snying por gzung bar mi bya'o/ /bstan to/ /zhes bya ba ni lung phog pa'o/ /sten par byed bsnyen par byed/ bsnyen bkur byed ces bya ba ni bsnyen bkur byed pa chung ngu dang/ 'bring dang/ chen po'o/ /smad pa zhes bya ba ni spa gong ba'o/ /bstod pa zhes bya ba ni gzeng bstod pa'o/ /byis pa bstod pa gang yin pa dang zhes bya ba la sogs pa'i tshigs su bcad pa gcig gis ni smad pa'i zhar la bdag nyid chen po la smod pa bas kyang byis pa la bstod pa 'bras bu zil gyis gnon par 'gyur bar bston to// 'dir ni zhes bya ba ni bstod pa dang smod pa'i skabs 'dir ro/ /mkhas smod mchog yin gyi zhes bya ba ni de'i rgyu las mtho ris dang byang grol la sogs pa'i 'bras bu chen po thob pa'i phyir ro/ /byis pa bstod pa ma yin no de nas bya ba ni mchog ma yin ba ste/ byis pa ni mi shes pa yin pas nyes pa 'ba' zhig spyod pa yin pa'i phyir nges bstod na ngan song la sogs pa dag tu ltung ba'i phyir ro/ /gang gis byis pa nyid rig ces bya ba la sogs pa tshigs su bcad pa gcig gis ni nyes pa nyid du shes te yongs su spangs nas yon tan mngon par 'phel bar 'gyur ba khong du chud par bya ba'i phyir bstan to/ /byis pa nyid rig ces bya ba ni bdag nyid byis pa nyid du rig pa'o/ /de la zhes bya ba ni bdag nyid byis pa nyid yin pa de la'o/ /des na zhes bya ba ni byis pa nyid du rig pa des na'o/ /mkhas par rlom byed pa zhes bya ba ni bdag nyid mkhas par nga rgyal byed pa'o/ /de 'di shin tu byas pa yin zhes bya ba ni mkhas pa ma yin par mkhas pa rlom par byed pas mkhas pa las thag ring du gyur ba'i phyir ro/ /rdul zhes bya ba ni 'dod chags chen po'i chen po la sogs pa'o/ /dri ma zhes bya ba ni chung ngu ste shin tu mi mngon pa'i phyir ro/ /nang gi rdul ces bya ba ni 'dod chags la sogs pa'i nyes pa'o/ /phyi rol gyi rdul ces bya ba ni sa rdul lo/ /blo la snang bar gyur to zhes bya ba ni mngon sum du gyur pa'o/ /rdul 'dir 'dod chags la zhes bya ba la sogs pa la/ 'dir zhes bya ba ni rdul spang ngo/ /dri ma spang ngo zhes bya ba'i tshig gnyis po 'di la'o/ /ci phyir zhe na/ de'i phyir rdul ni 'dod chags ming ste rdul gyi ming zhes bya ba gsungs te/ 'di ltar rdul zhes bya ba'i sgra ni 'dod chags kyi ming yin te/ rab tu 'byung ba ni de spangs pa'i phyir ro/ /rdul zhes bya ba'i sgra sa rdul gyi sgra ma yin te/ gtso bo ma yin pas de spangs kyang dgos pa ci yang med pa'i phyir ro/ /de bas bcom ldan 'das kyis 'dir rdul zhes bya ba ni 'dod pa yin par dgongs kyi des rdul ni ma yin no/ /de bas na mkhas pa gang gis 'dod chags kyi mtshan nyid k yi rdul de rnam par spangs te rgyud las rtsa ba dang bcas par 'byin par byed pa'i mkhas pa de dag bde bar gshegs pa'i bstan pa 'phags pa'i bden pa bstan pa la rtag tu bag yod par 'gyur te rjes su bsgrub pa lhur len par 'gyur ro zhes bya ba'i tha tshig go / zag zhes bya ba ni rang gi lta bar mi nus pa ste/ ldog pa'i chos ni ldog pa nyid du snang ba'i phyir ro/ /zab par snang ba zhes bya ba ni yul de'i shes pa dkon pa'i phyir ro/ /mthong bar dka' ba zhes bya ba ni gang dag gis mthong ba'i lam la sogs pas nas mthong ba de dag gis dang dka' bas mthong ba'i phyir ro/ /rtogs par dka' ba zhes rtogs par byed pa de dag gis kyang bsgom pa'i lam la sogs pa la dka' bas rtogs pa'i phyir ro/ /brtag par mi nus pa zhes bya ba ni byis pa dag gis srid pa tsam du yang brtag par mi nus pa'i phyir ro/ /rtog ge'i spyod yul ma yin pa zhes bya ba ni rkar mkhan dang rtsis mkhan la sogs pa byis pa'i rtog ges de la mi 'jug pa'i phyir ro/ /zhib mo brtags pa mkhas pa 'dzangs pas rig par bya ba zhes bya ba ni blo zhib mo dag dang blo brtan pa dag dang/ bstan bcos mkhas pa'i mkhas pa dang/ bstan bcos ma thos kyang sngon goms pa'i shes pa dang ldan pa 'dzangs pa dag gis rig par bya ba'i tha tshig go /smras pa zhes bya ba ni sems rab tu sdangs pa'o/ /lo zhes bya ba ni bsgra ni mi gnas pa'i tshig yin no/ /gsol lo zhes bya ba ni gsol ba 'debs pa'o/ /ya mtshan can zhes bya ba ni gzhan mu stegs can rab tu byung bar spyi'i ming yin te/ ci'i phyir ya mtshan can zhes bya ba zhe na 'dul ba rnam par bshad pa las pA Sha Na TI ka zhes bya ba ni rdo'i rgyab yin te/ ji ltar rdo'i rgyab tu sa bon btab pas myu gu skye mi nus pa de bzhin du gzhan mu stegs can dag gis kyang thar pa'i myu gu skyed mi nus pas rdo rgyab zhes bya bar gsungs so/ /dgu bcu rtsa drug ces bya ba ni rdzogs byed la sogs pa ston pa drug dang de dag re re las ya mtshan can bco lnga bco lngar gyis pa'i spyir bsdoms na dgu bcu rtsa drug yod pa'o/ /bring ces bya ba ni bslus pa'o/ /tshig gzhan dag ces bya ba ni rdzas kyi mdza' ba dang bya ba'i mdza' pa dag go /yi ge gzhan dag ces bya ba ni tshig 'dra yang yi ge gzhan dag gis so/ /tshig dang yi ge'i gzhan dag gis zhes bya ba ni gnyi ga dag gis so/ /lus kyis nyes par spyod pa gsum zhes bya ba ni srog gcod pa dang ma byin par len pa dang/ 'dod pas log par g.yem pa'o/ /dag gis nyes par spyod pa bzhi zhes bya ba ni brdzun du smra ba dang/ phra ma dang/ ngag rtsub po dang/ tshig 'khyal pa'o/ /yid kyis nyes par spyod pa gsum zhes bya ba ni brnab sems dang/ gnod sems dang/ log par lta ba'o/ /yongs su 'dzin ces bya ba ni skyon de phung po lnga yongs su 'dzin pa'i phyir ro/ /rjes su bskor to zhes bya ba ni yang bskor ba'o/ /sems bsgyur ba zhes bya ba ni sems yongs su bsgyur ba ste rnon por gyur pa'o/ /chos 'di lta bu dang ldan pa ma gtogs so/ /zhes bya ba ni gdul ba'i bya ba? 'brel ba'i phyir ro/ /gang dag bsko bar byed pa de dag la nyes byas su gyur pa zhes bya ba ni yul dang dus dang/ tshogs pa dang/ gang zag las shin tu 'das pa'i phyir kha na ma tho ba der 'gyur ro/ /der bskor ba des dge slong ma la ston pa ltung ba byed du 'gyur ro zhes bya ba ni mi rigs pa'i rnam pas byas pa ni ma byas pa nyid yin pa'i phyir de ma bskos pa nyid yin pas dngos gzhi'i kha na ma tho bar 'gyur ro/ /pham par 'gyur ba'i chos brgyad ces bya ba ni thun mong pa bzhi dang/ reg pa dang/ lus bkan pa dang/ 'chab pa dang/ zlog pa zhes bya ba ni thun mong ma yin pa bzhi ste brgyad do/ /lci ba'i chos brgyad ces bya ba ni dge slong rnams las rab tu 'byung ba dang rdzogs par bsnyen pa dge slong ma'i dngos po yongs su btsal ba dang dge slong rnams la zla ba phyed phyed cing gdams ngag dang rjes su bstan pa yongs su btsal ba dang/ dge slong med pa'i gnas su dbyar gnas par khas blangs par mi bya ba dang/ gnyi ga'i dge 'dun las gnas gsum gyi dgag dbye bya ba dang/ dge slong la tshul khrims lta ba dang/ cho ga chos las 'das pas zla ba phyed du gnyis ka'i dge 'dun la mgu bar bya ba spyod par bya ba'o/ /ston pa phyi ma zhes bya ba ni snga ma lta bu mtshams kyi nang na ye med na de'i 'og tu gzod 'di phyis bsko bar bya ba yin pas phyi ma zhes bya'o/ /snga ma cig tsam zhig yod na yang phyi ma 'di bskos na bsko ba'i dge 'dun la yang nyes byas su 'gyur la/ de bskos pa'i las kyang mi 'chags la/ des bstan na yang ltung byed nyid 'gyur ro/ /tshogs sam zhes bya ba ni bya ba gcig gam zhes bya ba'i tha tshig go /yongs su dag gam zhes bya ba ni pham par 'gyur ba ma byung ngam/ ltung ba gzhan dag kyang gshegs pa dang/ byin gyis brlab pa gnyis kyis phyir bcos pa byas sam zhes bya ba'o/ /mthun nam zhes bya ba ni lta mthun nam zhes bya ba'o/ /kha na ma tho ba med dam zhes bya ba ni thab mo la sogs pa'i skyon dang bral lam zhes bya ba'i tha tshig go / khyed cag la zhes bya ba la sogs pa lhag ma rnams kyis ni khyed cag dge slong ma'i gdams ngag dang rjes su bstan pa ni dge 'dun kho na las 'thob kyis ji skad bstan pa bzhin du zung la bag yod par bsgrubs shig ces bstan to/ /'bras can rtsub mo zhes bya ba 'bras rtsub po'i chan no/ /rtsabs bskol ba zhes bya ba zhes bya ba ni rtsab mo bskol ba'o/ /rdzi'u kha cig la nang gnyis yod pa zhes bya ba ni rdzi'u kha cig la lto gnyis yod pa'o/ /zho'i tshod ma zhes bya ba ni gzhi zho las blangs pa'o/ /tshad bang zhes bya ba ni yos kyi gnas so/ /pho sha'i khu sha zhes bya ba ni sha'i dum bu dang bcas pa'i thug pa'o/ /bu lon 'phrog pa zhes bya ba ni bu lon ded pa'o/ /nor 'phrog pa zhes bya ba ni nor spyod spyod pa'o/ /nye du'i stobs zhes bya ba ni nye du'i tha snyad do/ /lag stobs zhes bya ba ni 'khal 'thag la sogs pa lag pa'i tha snyad do/ /gru bo che spyod pa zhes bya ba ni rgya mtsho'i gru bo cher 'jug pa'o/ /bdag nyid 'dzin par zhes bya ba ni srung bar byed pa'o/ /rin med par zhes bya ba ni rin gyis ma blus par ro/ /khur zhes bya ba ni bam po'o/ /bsdom zhes bya ba ni bsdus te'o/ /shing gi shing gis zhes bya ba ni snying po med pa'o/ /bza' ba'i zong zhes bya ba ni til dang gro dang zhun mar la sogs pa btsod pa'i gnas so/ /chos zhes bya ba ni mi 'tshe ba nyid do/ /rigs pas zhes bya ba ni 'jig rten gyi tshul gyis so/ /dbyig tshod pa zhes bya ba ni gser dngul 'tshod pa'o/ /long gtam smra ba zhes bya ba ni rang dgar gtam zer ba'o/ /glang po che'i gnyar zhon pa zhes bya ba ni glang po che'i rgyab du zhon pa'o/ khyogs spyil zhes bya ba ni mis bskud pa'o/ /byi dor ba zhes bya ba ni bcos lags byed pa'o/ /chu 'phyag par byed pa'i zhes bya ba ni gru'i nang du 'ongs pa 'phyag par byed pa'o/ /rin po che chen po zhes bya ba ni rin thang che ba'o/ /che ba zhes bya ba ni dug la sogs pa sel ba'i mthu che 'o/ /mthen par 'gro ba zhes bya ba ni ya rabs kyi rigs 'grub pa'i phyir ro/ /skal pa can du 'gyur ba zhes bya ba ni shin tu gzhon pa la sogs pa skal pa dang ldan pa nyid du 'gyur ba'i phyir ro/ /rnam par smin pa bde ba zhes bya ba ni longs spyod che ba la sogs pa'i bde ba bskyed pa'i phyir ro/ /phyi ma la mtho ris su 'gro ba zhes bya ba ni mngon sum dang brgyud pa dag gis mtho ris su 'gyur ba'i phyir ro/ /'jigs pa chen po zhes bya ba ni srog 'chad pa'i phyir ro/ /che ba zhes bya ba ni rang bzhin rgya chen po'i phyir ro/ /nya chen dang nya chen ming dang nya chen mying pa mying ces bya ba dag ni/ nya bo che'i bye brag go /chu rlabs zhes bya ba ni rlabs 'phyo ba'o/ /dpa' klong zhes bya ba ni chu 'khor ba'o/ /ri dag la thug pa zhes bya ba ni gdong thug tu thug pa'o/ /rlung nag po zhes bya ba ni rlung nag po drag po'o/ /nyag thag cig bkrol zhing zhes bya ba ni skams la 'dug pa'i phur ba las so/ /'gyod pa zhes bya ba ni yid la gcig pa'o/ /mtho 'tshams pa zhes bya ba ni log pa'i la sogs pa'i byams pa rmongs par byed pa'o/ /rin po che bzhi zhes bya ba ni gser dang/ dngul dang/ bai DUrya dang/ shel lo// //bam po bcu gsum pa/ gcig la gcig sprel te zhes bya ba ni phan tshun bcings te'o/ /nub par 'gyur ces bya ba ni log pa'o/ /'du shas med pa'i snyoms par 'jug pa bskyed par zhes bya ba ni 'du shes bcad pa'i snyoms par 'jug pa bsgom pas so/ /gzhan dag kyang yod do zhes bya ba ni sems 'khrug pa la sogs pa dag go /stan phyed las 'phags pa bya ste zhes bya ba ni bcom ldan 'das la gus las stan phyed las 'phags pa'o/ /bsil ngad? yon tan ldan zhes bya ba ni bsil ba'i mthu dang ldan pa'o/ /dri med gser rtag gsal zhes bya ba ni dri ma med pa'i gseng yang rtag tu gsal ba ste dper na dag pa'i bai DUrya rtag tu 'od gsal ba bzhin no/ /byis pa'i skye bo kun zhes bya ba ni thos pa dang mi ldan pa'i so so'i skye bo'o/ /sdig pa rtag tu mtshungs med ces bya ba ni dgra bcom pa dag la sems sdad pa'o/ /gor ma'i ri mo rtag pa bzhin zhes bya ba ni sems ldang ba brtan pa nyid du ston to/ /'phags pa'i skye bo zhes bya ba ni bden pa mthong ba dag go /rtag tu thugs rje mda' zhes bya ba ni snying rje dang thugs rje chen po gnyis cig car bstan to/ /dgra bcom pa dag gi bzod pa brtan pa lags zhes bya ba la/ bzod pa zhes bya ba ni gzhan gyis skur pa btab pa la sogs pa bzod pa ste/ de yang dgra bcom pa dag gi rgyud la rtag tu gnas pa yin te/ de'i slad du bdag gis byas pa lta bu la bzod pa mdzad du gsol zhes bya bar bsams pa yin no/ /lnga brgya zhes bya ba ni grangs so/ /rta cang shes zhes bya ba ni rta'i gtso bo gces pa'o/ /skad 'byin par mi byed ces bya ba ni de'i mthus zil gyis non pa'i phyir ro/ /rte'u zhes bya ba ni phrug gu'o/ /sna sgra zhes bya ba ni phra phra zer ba'o/ /rtsa zhes bya ba na rtsi? po'o// tshangs zhes bya ba ni nas la sogs pa 'bru'o/ /de na gnas pa zhes bya ba ni de na gnas de na 'khod pa'o/ /'dod pa na zhes bya ba ni dga' na'o/ /sgro ba zhes bya ba ni ko lpags kyi snod do/ /sran thub ces bya ba ni mgon sre'u'i/ thub na'o/ /bzangs chas zhes bya ba ni sran ma dang 'bru ma yos shthaka? dag bkrus te btsos pa'o/ /zil gyis smin pa zhes bya ba ni sbrang rtsis sprus pa'o/ /gsir 'bum zhes bya ba ni zhe gnyis kyi tshad 'bum mo/ /ches zhes bya ba ni 'phrul sogs pa'o/ /rna'o zhes bya ba ni dril? zhes bya ba'o/ /'dul sbyod pa zhes bya ba ni 'dul bar byed pa'o/ /mgyogs 'gro zhes bya ba ni bod pa'o/ /ran chas chu med pa'i rdza mkhan bres sna zhes bya ba ni rdza mkhan gyi bres rtsa dang chas dang chu med pa na'o/ /mgo skam rus pags tsam zhes bya ba ni khyod bza' ba dang btung ba med pas mgo skams shing rus pa dang pags pa tsam du gyur to zhes bya ba'i tha tshig go / rang sos gtubs pa'i rtswa dag za? zhes bya ba ni tshod dus la sogs pa dag nas rang gi so dag gis rtswa dang lo tog dag bcad cing za bar gyur pa'o/ /de tshe mang pos bsams ma gyur ces bya ba ni khyod sngon rte'u tsam dang sa khal pa tsam du bsams pas skye bo mang po dag gis gces par bsams par ma gyur to zhes bya ba'i tha tshig go / de ltar sngon phongs pa dang ma bkur bar nye bar bstan nas da ltar phun sum tshogs pa dang/ bkur pa bstan pa'i phyir/ 'di na mgyogs 'gro stong gi thog 'dren cing zhes bya ba ni sogs pa gsungs te rta bzang po stong phrag gi thu bor byas shing zhes bya ba'i tha tshig go / rgyal pos chibs ran mchog dag nyer bstabs pa zhes bya ba ni rgyal po rtswa dang po dag byin pa'o/ /ci'i phyir mi za ba dris pa bdag la smros zhes bya ba ni de ci'i phyir de mi za ba de/ kho bos 'dris bdag la legs par smros shig ces bya ba'i tha tshig go / de nas zhes bya ba ni 'dul sbyongs pas dris nas so/ /rab mgyogs ces bya ba ni 'gros rab tu mgyogs pa'o/ /drang po zhes bya ba ni lus dang sems drang po'o/ /brtan ldan ba zhes bya ba ni brtson ba dang ldan pa'o/ /mi bzod ces bya ba ni nang gi bdag nyid kyis 'khrug pa'o/ /'khrug bcas zhes bya ba ni phyi rol gyi bdag nyid kyis so/ /mgyogs 'gro mchog gis ni zhes bya ba ni rta cang shes kyis so/ /de las zhes bya ba ni 'dul sbyong ba la go bar byas pa de las so/ /nyer zhi zhes bya ba ni bdag nyid rim pa ma yin pas nyon mongs par byas pa'i nyes pa nye bar zhi bar gyur pa'o/ /legs par bsams byas nas zhes bya ba ni rta rnams kyi nang na gtso bo yin par ngo shes pa'i blo dang ldan pa'o/ /mi mchog ces bya ba ni rgyal ba'i kha lo sgyur ba yin no/ /de nyid shes zhes bya ba ni ma nor bar shes pa'o/ /ma rig min zhes bya ba ni khyod kyis kho bo ji ltar bzhin du shes pa kho na'o zhes bya ba'i tha tshig go /shes na don ci yod ce na/ mkhas pas brnyes nas steng mi rgyu zhing zhes bya ba gsungs te/ mkhas pas brnyas na zhes bya ba ni nga'i yon tan shes pa'i mkhas pa dag gis nga la ma gus shing rta phal gyi thad du chas byin pa la sogs pa byas nas so/ /sa steng mi rgyu zhing zhes bya ba ni sa'i steng na 'dug par mi bya ba'o/ /myur du sha yang bla zhes bya ba ni yon tan rgyus shes pas brnyas shing sa'i steng na 'dug pa bas myur du shi yang bla zhes bya ba'i tha tshig go /shes pas brgyas pa nas khyod ci'i phyir mi dga' zhe na/ de'i phyir/ skye bo ngan pas yun rings brnyas gyur kyang zhes bya ba la sogs pa gsungs te/ skye bo ngan pas zhes bya ba ni rdza mkhan la sogs pa de'i yon tan mi shes pas so/ /yun ring gnas gyur kyang zhes bya ba ni yun du phub ma dang sran phub la sogs pa byin par gyur kyang ngo/ /gal te yon tan khyod ldan zhes bya ba ni gal te 'dul sbyong par khyod lags nyes shes pa'i yon tan dang ldan pa yin na'o/ /de brnyas min zhes bya ba ni skye bo ngan pas yun ring du brnyas pa de ni brnyas pa'i grangs su ma rtsi shig pa'o/ /de'i phyir zhe na/ des de'i yon tan mi shes so zhes bya ba'i tha tshig go /skye bo ma 'ongs pas zhes bya ba ni 'dul sbyong pa khyod la sogs pa de'i yon tan shes pas so/ /skad cig brlas par gyur na zhes bya ba ni skad cig tsam zhig rta phal gyi thang du rtswa la sogs pa byin na'o/ /zhi ba zhes bya ba ni 'dul sbyong ba la bod pa'i tshig ste/ des pa zhes bya ba'i tha tshig go /gal te yon tan ldan zhes bya ba ni gal te 'dus sbyong ba khyod legs nyes shes pa'i yon tan dang ldan pa yin no/ /de brnyas pa yin zhes bya ba ni skye ba 'dzangs pas skad cig brnyas par gyur pa de'i ni brnyas pa'i grangs su rtsis shig /de ci'i phyir zhe na/ des nga'i yon tan shes bzhin du brnyas pa'i phyir ro// zhes bya ba'i tha tshig go / rim pa zhes bya ba ni lam dang grong khyer mdzes par bya ba dang bsu ba la sogs pa bsnyen bkur bya ba'i rim pa'o/ /srog shing rgyas pa zhes bya ba ni rtsibs kyi shing bu brgya dang ldan pa'o/ /rnga yab gser can nor bus spras pa zhes bya ba ni yu ba gser las byas pa nor bu rin po ches spras pa'o/ /'das pa zhes bya ba ni lam dang grong khyer mdzes par byas pa dang bsu ba'o/ /lhag ma zhes bya ba ni phyogs de gang du bzhag pa'i phyogs de zangs ma'i glegs bu dag gis g.yogs pa la sogs pa'o/ /sa bdag 'dul sbyong bcas pa zhes bya ba ni rgyal po 'dul sbyong ba'i mi dang bcas pa'o/ /de la chags zhes bya ba ni rta cang shes de la dga' zhing drung na 'dug pa'o/ /shin tu dri zhim byug pa mchog 'chang zhing zhes bya ba ni rgyal po'i lus kyi bye brag ste shin tu dri zhim po'i byug pa mchog gis byugs pa'i lus dang ldan zhing de na sdod ces bya ba'i tha tshig go / sa bdag btsun mo zil dngar bzang chos kyi/ snod bkang mgyogs 'gro mchog phyir 'dzin par byed pa ces bya ba ni/ rgyal po'i btsun mo dam pas zil dngar gyis spyan bzang chas kyis gser gyi snod bkang ste rta cang shes kyi drung na 'dzin par byed pa ste/ 'di yang de la chags pa'i rnam pa gzhan yin no/ /rkang la bzhag ste zhes bya ba ni gom pa por te'o/ /dus ma yin ba ku mu da'i dus ston zhes bya ba ni glo bur du ku mo da'i dus ston dang 'dra ba byas pa'o/ /ma bskos par ston pa'i ltung byed de nyi shu gcig pa'i tshig rnam par bshad pa rdzogs so// //a y+ya zhes bya ba la sogs pa ni dge slong ma dag gis ming nas bod pa'o/ /'dre ba zhes bya ba ni lan 'ga' mnyam pa'i phyir tshangs par spyod pa dang tshangs par spyod pa ma yin pa 'dre ba'o/ /lhag par 'dre zhes bya ba ni lan 'ga' lhag pa'i phyir tshangs par spyod pa ma yin pa shas tsher spyod pa'o/ /mtshan thog thag chos nyan pa la ltung ba mang pa ni 'pho ba med pa'i phyir ro/ /gtsug lag khang gi sgo drung du ston pa la ltung ba med pa ni gnas dang nye bas 'phos pa mi 'gyur ba'i phyir ro/ /nyi ma nub kyi bar du ston pa'i ltung byed de nyi shu gnyis pa'i tshig rnam par bshad pa rdzogs so/ / //zas cung zad tsam gyi phyir zhes bya ba ni zas chung ngu zhig gi phyir te bca' ba la sogs pa'i phyir zhes bya ba'i tha tshig go /zas cung zad tsam phyir ston pa'i ltung byed de nyi shu gsum pa'i tshig rnam par bshad pa rdzogs so/ / //sred pa spyad pa zhes bya ba ni 'dod pa mang ba'o/ /bar glag byung ba la sbyin pa la ltung ba med de/ phongs pa'i dus yin pa'i phyir dang/ skyon du 'gyur ba med pa'i phyir ro/ /legs par smra ba la sbyin pa la sogs pa ltung ba med pa ni 'jig rten la grags pa'i rgyu yod pa'i phyir dang/ skyon du 'gyur ba med pa'i phyir ro/ /gos sbyin pa'i ltung byed de nyi shu bzhi pa'i tshig rnam par bshad pa rdzogs so// //rab tu shes pa zhes bya ba ni ngo tsha shes pa'o/ /brgyangs te zhes bya ba ni gtan pa bting ste'o/ /byed na zhes bya ba ni 'tshem na'o/ /khab srubs brtsams nas mthar zin pa'i bar du byed na zhes bya ba'i tha tshig go /gos byed pa'i ltung byed de nyi shu lnga pa'i tshig rnam par bshad pa rdzogs so// //dus zhes bya ba ni dus bya bar brtsams pa'o/ /mgo snang tsam zhes bya ba ni thag ring po nas mgo tsam snang ba'o/ /dge slong rnams kyis dge slong ma rnams kyi lam rgyags bkur bar bya zhing zhes bya ba la sogs pa ni mtshan tha dad pa'i phyir tha dad pa nyid yin bas lag nyar blang ba dang/ byin len bya ba'i cho ga de yin no/ /dge slong ma'i don mthun zhes bya ba ni dge slong ma dang 'dres pa'i don mthun te dge slong ma gcig pus kyang nyes pa skyed pa'i phyir ro/ /'thams nas zhes bya ba ni brda nas so zhes bya ba 'dus nas so/ /grong rgyang grags pa'i bar du chod pa bdun zhes bya ba ni ltung byed du mar bstan pa'i dpe'o/ /grong smos pas ni rgyang grags kyi mdza' bstan pa'i phyir ro/ /dge slong ma dang 'dron lam du 'jug pa'i ltung byed de nyi shu drug pa'i tshig rnam par bshad pa rdzogs so/ / //sho gam gcig pa zhes bya ba la sogs pa ni gru du ma yin yang sho gam la sogs pa gcig na gcig pa nyid du ston to/ /grong rgyang grags kyis bar du chod pa bdun bdun zhes bya ba ni chu'i nang na 'dug kyang rung chu'i 'gram na 'dug kyang rung bar shes pa'o/ /yo ba zhes bya ba ni chu'i gzhung yo ba'o/ /gtib chad pa zhes bya ba ni chu klung gi 'gram gtib chad pa nyid do/ /dpa' klong zhes bya ba ni chu srubs chen pa gcig tu 'khyil cing 'khrugs pa'o/ /ru skya zhes bya ba ni gru smad kyi skya chen po'o// gdos pa zhes bya ba ni gsog shing ngo/ /ru skya 'dzin pa zhes bya ba ni rlung g.yor thogs pa'o/ /dge slong ma dang lhan cig grur 'jug pa'i ltung byed de nyi shu bdun pa'i tshig rnam par bshad pa rdzogs so// //don gyi na zhes bya ba ni nor dag 'char ka'i yin pa'i phyir ro/ /stan la zhes bya ba ni gzhi la'o/ /sa dang khri dang khri'u la sogs pa gzhi gang yang rung ba pa'o/ /'dom gang gi nangs zhes bya ba ni phyogs bzhir 'dom gang gi nang ngo/ /sgo gang la sogs pa ltung ba med pa ni dben pa nyid ma yin pas lam kha dang 'dra ba'i phyed dngos gzhi med do/ /sman 'thag tu 'jug pa ni chos dang ldan pa'i phyir nyes byas kyang med do/ /gcig pu 'dug pa'i ltung byed de nyi shu brgyad pa'i tshig rnam par bshad pa rdzogs so// //phyag dar dang bcas pa zhes bya ba ni phyag dar gyis gang ba'o/ /'greng na zhes bya ba ni mtshon pa ste spyod lam gang yang rung ba lhag cig 'dug na'o/ /gcig pu 'greng pa'i ltung byed de nyi shu dgu pa'i tshig rnam par bshad pa rdzogs so// //da'i smad g.yogs zhes bya ba ni bcom ldan 'das kyis der rab tu byung ba'i tshe rang gi na bza' de dag la stsal ba'i phyir ro/ /mtshon gyis dras pa zhes bya ba ni mtshon gyis kha tshar dang phun tshar dag bcad pa'o/ /tshe dang ldan pa 'od srungs chen pos cang mi smra bas bcom ldan 'das las mnyan to zhes bya ba ni khyim bdag 'og nas 'byung ba de la phan gdags pa dang/ sbyangs pa'i yon tan dag la rkyen gyi dbang gis yi dam pa brtan du rung ba'i skabs dbye ba gleng ba dang/ bcom ldan 'das kyis bka' stsal pa rig pa'i phyir de mnyan to/ /shAkya'i bu mo zhes bya ba ni shAkya'i bu srings so// dbyig gi gdangs dang ldan pa zhes bya ba ni gser gyi snod ltar sgra mtho zhing zab pa dang ldan pa'i phyir ro/ /klu'i mang can zhes bya ba ni klu'i rgyal po 'od srungs dang ming mthun pa'i phyir ro/ /sgra th+rig th+rig zer ba zhes bya ba ni rkang pa bzhag pa'i shugs las byung ba'i sgra'o/ /don gyi dbang zhes bya ba ni 'bras bu'o/ /snang ba zhes bya ba ni chos kyi sgo mo mthong ba'o/ /rab tu byung gnas yun ring du lags pa zhes bya ba ni gzhon nu nas tshangs par spyod pa'o/ /tshangs par spyod pa mngon par spyad pa zhes bya ba ni 'phags pa'i lam rtogs pa'o/ /bkur ba zhes bya ba ni yid ches par byas pa'o/ /'di ni re zhig byung ba yin te zhes bya ba ni dge slong mas klu'i ming can zhes bya ba tsam gyis bsngags pa brjod pa'i phyir ro/ /re zhig 'dul ba la nyan thos rnams kyi bslab pa'i gzhi 'cha' bar ni mi mdzad do zhes bya ba ni dge slong mas sbyar du bcug pa med pa'i phyir ro/ /sbyor du bcug ces bya ba ni bskul te sbyor du bcug pa'o/ /bkra shis zhes bya ba ni nang gi bde ba'o/ /bde ba zhes bya ba ni phyi rol gyi bde ba'o/ /sa bon gyi skyin pa zhes bya ba ni sa bon bsab pa tsam mo/ /gal te khyod kyi tshig snga ma bden na ni phyi ma brdzun la zhes bya ba la sogs pa ni brdzun du smra ba'i phyir de'i tshig la nges pa ma skyes bas the tshom dang bcas bzhin du mi 'jug pa ste ltung ba dang bcas na mi rung ngo snyam du bsams pa'o/ /sngar khyim du bos pa zhes bya ba ni sngar khyim du mgron du bos zin pa'o/ /tshul khrims kyi sbyor du bcug pa zhes bya ba ni 'dir tshul khrims zhes smos pas ni tshul khrims kyi 'bras bu dgra bcom pa nyid kyis mthar thug pa'i bar dang bcas pa bstan pa'o/ /thos pa dang zhes bya ba ni de dag 'thob pa'i thabs bstan to/ /gsang phye zhes bya ba ni nas drus pa'i phye'o/ /mar zhes bya ba ni sar pa bzhus pa'o/ /'gyur byed kyi lan tsha zhes bya ba ni dri nga zhing btso ma yin pa'o/ /rgyam tshwa zhes bya ba ni tshwa dkar po'o/ /ba tsha zhes bya ba ni 'bus pa'o/ /rgya mtsho'i tshwa zhes bya ba ni rgya mtsho'i nang nas 'byung ba'o/ /zan spags zhes bya ba ni zan dang lhan cig bza' ba ldum la sogs pa'o/ /tshogs pa zhes bya ba ni sha chog go /btsos pa zhes bya ba ni ju? tshe'i rnam pa'o/ /zho thug ces bya ba ni zho ska'o/ /mon khur zhes bya ba ni ba la mun bu phu the'u'o/ /brdo tshod zhes bya ba ni ldam ldum gyis bros pa'i tshod ma'o/ /hwags? tshed ces bya ba ni hwags dang bsred pa'i tshad ma'o/ /gal te de shes bzhin du zhes bya ba ni de dge slong mas sbyor du bcug pa nyid du shes bzhin te gzhan du na ma yin no/ /bden pa la ltung ba med do zhes bya ba ni sgro btags pa med pa'i phyir ro/ /dge slong mas sbyor du bcug pa za ba'i ltung byed de sum cu pa'i tshig rnam par bshad pa rdzogs so/ / //dbyung ba zhes bya ba ni lag pa la sogs pas dbyung ba'o/ /ltung ba zhes bya ba ni 'og tu 'gro ba'o/ /rnam par 'thor ba zhes bya ba ni thad kar 'gro ba 'am sdug bsngal ba'i lus rnam par 'thor ba'o/ /rnam par 'jig pa zhes bya ba ni 'dor ba ste 'chi 'pho ba'i mtshan ma byung nas skye bo byams pa la sogs pas yongs su spong bar byed ces bya ba'i tha tshig go /'tshal ba dang chags pa zhes bya ba ni longs spyod la sogs pa'o/ /gong du khyad par zhes bya ba ni rgyun du zhugs pa la sogs pa'o/ /cha lnga pa zhes bya ba ni rig pa lnga pa'o/ /shar gyi lus 'phags zhes bya ba'i gling gi ming ste/ 'di nas shar phyogs yin pa'i phyir dang/ mi lus 'phags pa dag gnas pa'i phyir ro/ /nub kyi ba lang spyod ces bya ba ni 'di nas nub phyogs yin pa'i phyir dang/ de na nyo tshong gi tha snyad la ba lang dang spyod pa'i phyir ro/ /byang gi sgra mi snyan zhes bya ba ni 'di nas byang phyogs yin pa'i phyir dang/ mi'i seng ge steng na skra sgrogs pa dag gnas pa'i phyir ro/ /'dzam+bu'i gling zhes bya ba ni 'jig rten mngon par 'grub pa'i tshe na skyes pa'i shing chen po 'dzam+bu zhes bya bas mtshon pa'i phyir ro/ /'dod chags dang/ zhe sdang dang/ gti mug dag bri bar bya'o zhes bya ba ni nyon mongs pa'i rtsa ba yin pa'i phyir 'khor ba nyon mongs pa'i dbang nyid du bstan pa'i phyir te/ 'dod chags ni phug ron gyi gzugs sam bud med kyi gzugs su phri zhe sdang ni sbrul gyi gzugs su bri/ gti mug ni phag gi gzugs su bri'o zhes bya ba 'dul ba rnam par bshad pa las gsungs so/ /sangs rgyas kyi sku gzugs mya ngan las 'das pa'i dkyil 'khor dkar po ston pa bri bar bya'o zhes bya ba ni 'khor ba las nges par 'byung ba'i thabs ston par mdzad pa bstan pa'i phyir ro/ /rdzus te skye ba'i sems can zhes bya ba ni bar ma do'i srid pa'i sems can no/ /zo chun khyung mo'i tshul gyis zhes bya ba ni ji ltar chu bcu pa'i 'khrul 'khor gyi zo chun khyung mo'i zo ba kha cig 'byung bar byed pa de bzhin du 'gro ba lnga pa'i 'khor lo'i kho ra khor yug tu brdzus te skye ba'i sems can 'chi 'pho ba dang skye ba dag kyang bri bar bya ste skyo ba bskyed pa zhes bya ba'i tha tshig go / rten cing 'brel par 'byung ba'i yan lag bcu gnyis lugs su 'byung ba dang lugs las bzlog pa dag bri bar bya'o zhes bya ba ni 'khor bar 'jug pa dang 'khor ba las bzlog pa'i rgyu bstan pa'i phyir te/ de la ma rig pa ni bud med nyid ma 'dres par bri bar bya'o/ /'du byed rnams rdza mkhan snod dag mngon par 'du byed pa'o/ /rnam par shes pa ni spre'u'i gzugs su'o/ /ming dang gzugs ni bud med dang skyes pa'o/ /skye mched drug ni skye mched drug po dag pa yul tha dad pa la chags pa dag go /reg pa dang bud med dang/ skyes pa lus kyi rig pa kun tu spyod pa'o/ /tshor ba ni skyes pa sdug bsngal gyi tshor ba myong bar byed pa'o/ /sred pa ni bud med bu 'tsho ba'o/ /len pa ni bud med la mngal na gnas pa 'jug pa'o/ /srid pa ni mngal na gnas pa de nyid 'breng ba'o/ /skye ba ni 'brangs pa de nyid skye ba'o/ /rga ba ni skyes rgas zhing 'khogs pa'o shi ba ni mi shi ba'i gzugs su bri'o zhes 'dul ba rnam par bshad pa las gsungs so/ /thams cad ni mi rtag pas bzung bar bri bar bya'o zhes bya ba ni 'khor ba thams cad la byang chub kyi mthar thug pa man chad la 'ga' yang rtag par gnas pa med par bstan pa'i phyir ro/ /tshigs su bcad pa gnyis bri bar bya ba ni 'khor ba las nges par 'byung ba'i thabs rgyu dang bcas pa bstan pa'i phyir ro/ /'jig rten gyi gtam rgyud ces bya ba ni 'jig rten pa'i don dang 'brel pa'i gtam rgyud de ka tam pa'i ri la sogs pa lta bu'o/ /cher zhes bya ba ni lhag par ro/ /ches srab pa zhes bya ba ni sbyor bas so/ /ches chung ba zhes bya ba ni bsam pas so/ /kun shes pa rtog par gyur na zhes bya ba ni byang chub rtogs par gyur na'o/ /lnga pa tshangs par spyod pa'i bslab pa'i gzhi dag zhes bya ba ni ji srid 'tsho ba'i bar du bslab pa'i gzhi lnga yang dag par blangs pa'i dge bsnyen gyi bye brag ste/ de la dge bsnyen gzhan ni srog gcod pa spong ba dang/ ma byin par len pa spong ba dang/ brdzun smra ba spong ba dang/ chad dang bcos pa'i chad myos par 'gyur ba bag med pa'i gnas spong ba dang/ lnga pa 'dod pa la log par g.yem ba spong ba'i bslab pa'i gzhi dag blangs pa yin gyi 'di ni lnga pa ni tshangs par spyod pa sprod pa las byung ba'i chos gtan spangs pa yin pas lnga pa tshangs par spyod ces bya ba ste/ khyim spangs pa'i dge bsnyen bslab pa'i gzhi lnga blangs pa yin no/ /skra yengs zhes bya ba ni skra dag 'dzings pa'o/ /khyim gcig pa zhes bya ba ni khad pa slong ba'o/ /gsar du dul ba zhes bya ba ni dang por zhugs pa'o/ /snod spyad ces bya ba ni rdza phru la sogs pa'o/ /gnas mal zhes bya ba ni khri'u la sogs pa'o/ /lhag pa'i chos zhes bya ba ni 'jur lhag pa'o/ /de ni me tog gi yin gyi zhes bya ba ni 'khor ba'i dbang phyug go /'bras bu gzhan 'byung bar 'gyur ro zhes bya ba ni zag pa med pa rgyun du zhugs pa'i 'bras bu la sogs pa 'jig rten las 'das pa'i 'bras bu'o/ /grong khyer gyi tshong dpon zhes bya ba ni grong khyer na gnas pa thams cad kyi tshong pa rnams kyi dpon po'o/ /bsod nams che bar grags pa zhes bya ba ni bsod nams lhag pa'o/ /'phral la zhes bya ba ni rim pa ma yin par yin te myur pa zhes bya ba'i tha tshig go / mngon par mtho bas zhes bya ba ni dar ba'o/ /dpal gyi 'byor pa zhes bya ba ni shin pa zad po'o/ /'di ni re zhig byung ba'o zhes bya ba ni mgron du bos pas gnyis pa zos pa'i phyir ro/ /re zhig 'dul ba la nyan thos rnams kyis bslab pa'i gzhi 'cha' bar ni mi mdzad do zhes bya ba ni 'jig rten dag kha zer ma gyur pas tshul dang mi mthun pa ma skyes pa dgongs pa'i phyir ro/ /a mra'i 'khur ba zhes bya ba ni a mra'i 'bras bu gzhon nu dag las byas pa'i bca' ba'o// bslab pa'i gzhi bca' bar bzhed ces bya ba ni bcom ldan 'das dang mi nye ba na khyim bdag drag shul can gyi tshul dang mi mthun pa smod par nus kyi gzhan du na mi nus pas de'i phyir bcom ldan 'das der ma gshegs so/ /zhes bya bar bsams so/ /klan ka zhes bya ba ni gleng ba'o/ /spyod shes bya ba ni nye bar sbyar ba'o/ /yang yang za zhes bya ba ni gong nas gong du mgron du bos pa'i zas za ba'o/ /gcig tu brtson par bgyi ba zhes bya ba ni nges par brtsal bar bya'o/ /dge 'dun bkrabs pa dag ces bya ba dag? ni bsngos pa dag go / zan gcad pa bsgrubs zhes bya ba la/ bsgrubs zhes bya ba ni byas zhes bya ba'i tha tshig go /ngos kyi khyim tshes dag ces bya ba ni ngos kyi phyogs dag na 'khod pa'i sdum tshes dag go /phyag dar re lde tsam zhes bya ba ni khru bzhi tsam phyags zhes bya ba'i tha tshig go / ba mal zhes bya ba ni ba lang gcig gi gnas nas so/ /de'i phyed du song ste phyir log ces bya ba ni dpag tshad phyed kyi phyed du song ste phyir log na ste/ dpag tshad kyi bzhi char song zhing phyir yang log na'o/ /ras yug phran nam ras yug chen po thob na zhes bya ba ni khru gang gi tshad yan chad do/ /gos dang bcas pa zhes bya ba ni gos yod pa'o/ /gos med pa zhes bya ba ni gos kyi stongs pa'o/ /gos dang bcas shing gos kyi rin dang yang bcas pa zhes bya ba ni gos kyang yod pa cing gos kyi rin yang yod pa'o/ /gos med cing gos kyi rin yang med pa zhes bya ba ni gos kyis kyang stongs zhing gos kyi rin gyis kyang stong pa'o/ /de la zhes bya ba la sogs pas snga ma gos dang bcas shing gnyis pa gos dang bcas pa 'am gos med pa 'am/ gos dang bcas shing gos kyi rin dang yang bcas pa 'am gos med cing gos kyi rin yang med pa'i mu bzhi pa gcig dang/ snga ma gos med cing gnyis pa yang gos med pa dang gos dang bcas pa 'am/ gos dang bcas shing gos kyi rin dang bcas pa 'am/ gos med cing gos kyi rin yang med pa'i mu bzhi pa gcig dang/ snga ma gos dang bcas shing gos kyi rin dang yang bcas shing gnyis pa yang gos dang bcas shing gos kyi rin dang yang bcas pa 'am/ gos dang bcas pa 'am/ gos med pa 'am/ gas med cing gos kyi rin yang med pa'i mu bzhi pa gcig dang/ snga ma gos med cing gos kyi rin yang med cing gnyis pa yang gos med cing gos kyi rin yang med pa 'am/ gos dang bcas pa 'am/ gos med pa 'am gos dang bcas shing gos kyi rin dang yang bcas pa'i mu bzhi la gcig ste/ spyir mu bzhi pa bzhi bstan to/ /gnyis pa spang bar bya ba 'am/ gzhan la sbyin bar bya'o zhes bya ba ni gnyis pa gos med pa dang/ gos med cing gos kyi rin yang med pa nyid yin na nyes byas dang ltung byed du 'gyur bas spang bar bya ba yin no/ /snga ma ni ltung ba med ces bya ba ni gos dang bcas pa 'am/ gos med pa 'am/ gos dang bcas shing gos kyi rin dang yang bcas pa 'am/ gos med cing gos kyi rin yang med pa gang yin yang rung ste/ dang po yin pas de la yang yang za ba'i nyes pas mi 'gyur ba'i phyir ro/ /yang yang za ba'i ltung byed de sum cu rtsa gcig pa'i tshig rnam par bshad pa rdzogs so// // 'dug gnas so zhes bya ba ni chos 'di pa dang gzhan mu stegs can dge sbyong dang bram ze rnams kyi gnas thun mong ngo/ /cho 'phrul chen po zhes bya ba ni sems can sdud par mdzad pa'i ya mtshan bla na med pa'o/ /tshar bcad ces bya ba ni bsdigs pa'o/ /kun tu dga' bar mdzad ces bya ba ni rab tu dad par mdzad pa'o/ /rangs par mdzad ces bya ba ni tha mal par gnas par mdzad pa'o/ /chos thob par gyur cig ces bya ba ni shis pa brjod pa'o/ /ngo tsha dang khrel yod bor ba zhes bya ba ni 'jig rten gnyis ga la bltos pa'i 'jom? pa dang bral ba'o/ /tshwa sgo can zhes bya ba ni log par g.yem pa ste yon tan gyi zhing nyid la byas pa lta bu'i 'bras bu mi skye ba'i phyir ro/ /dgon dung zhes bya ba ni ngo tsha med pa'i sgrib pas zil gyis non pa'i phyir ro/ /tha chang ces bya ba ni dam pa rnams kyis smad pa'i phyir ro/ /sdig pa can gyi sa gzhi zhes bya ba ni dam pa ma yin pa'i chos nyan pa la sogs pa don med pa'i rgyur gyur pa yin pa'i phyir ro/ /phri zhes bya ba ni bcad pa'o/ /shes pa can rem? zhig ces bya ba ni brda'i tshig ste brdeg go zhes bya ba'i tha tshig go / tshe dang ldan pa dag shin tu rem zhig ces bya ba ni drug sde dag gi brda'i tshig ste de dag brdeg par bskul ba'i tshig go /dge sbyong g.yul 'gyed pa zhes bya ba ni rab tu byung ba dag rdol thabs 'gyed pas so/ /char 'bab par 'gyur ro zhes bya ba ni rab tu byung ba rdol thabs 'gyed pa ngo mtshar che bar snang ba las bsams so/ /me mngag? zhi bar ma gyur cing zhes bya ba ni me ma shi ba'o/ /'jig rten rgyang phan zhes bya ba ni 'jig rten rgyang phan pa'i bstan bcos klog pa ste med par lta ba zhes bya ba'i tha tshig go / 'gyed 'dod ces bya ba ni rtsod par 'dod pa'o/ /'gyed pa yo byad ces bya ba ni 'gyed pa'i tshogs te shags lang dang gzu bo la sogs pa'o/ /kho bo khyod dang lhan cig 'gyed par mi 'dod kyis zhes bya ba ni kho bo dang 'gyed pas 'dul ba ma yin no snyam du bsams pa'o/ /'gyed pa lhag ma dang bcas par gtang zhes bya ba ni de'i phyogs thams cad kyi thams cad du sun ma phyung bar btang bar zhes bya ba'i tha tshig go /tshogs can gnyis pa zhes bya ba ni de bzhin gshegs pa las bltos nas tshogs dang spyod pa gnyis pa yin no zhes bya ba'i tha tshig go / chos kyi dmag dpon zhes bya ba ni lam gyi chos dang bshad pa'i chos kyi yongs su 'dren pa ste yang dag par rjes su bsrung ba'i phyir ro/ /chos kyi 'khor lo rjes bskor ba zhes bya ba ni lam gyi mtshan nyid kyi chos kyi 'khor lo dang po bcom ldan 'das kyis gdul ba'i rgyud dag pa 'jug par mdzad pa de phyis 'dis yang 'jug par byed pa'i phyir ro/ /rig pa'i gnas bya ba ni bstan bcos so/ /dbyug pa'i rigs pa zhes bya ba ni dbyug pa dag gis brdeg pas so/ /lus la chos bshad ces bya ba ni lus gnas par byas pa'o/ /'dug gnas gcig tu zhes bya ba ni mang po dag gi gnas thun mong ba gcig tu'o/ /gdugs tshod yol zhes bya ba ni zan gyi dus las so/ /pus 'khyud ces bya ba ni rked chings so/ /der gnas shing zhes bya ba ni nub gnyis par ro/ /der gnas pa la nyes byas su 'gyur zhes bya ba ni gnas pa tsam gyis longs spyod yongs su rdzogs par mi 'gyur bas nyes byas su 'gyur ro der za ba la ltung byed du 'gyur zhes bya ba ni za bas longs spyod yongs su rdzogs pa'i phyir dngos gzhi nyid do/ /tshogs kyi zhes bya ba ni tshogs kyi 'dug gnas te rab tu byung ba'i tshogs kha cig rnam par bcad pa la phul ba'i 'dug gnas yin na thun mong ma yin pa'i phyir de la mi mthun par mi 'gyur bas ltung ba med do/ /nye du'i zhes bya ba ni nye dus byed du bcug pa'i 'dug gnas te/ de la bdag nyid yin pa'i phyir de la mi mthun par mi 'gyur bas ltung ba med do// sbyin bdag na re de nyid du 'dug cig ces zer ba la ltung ba med do/ /der sbyin bdag gis mgron du bos na de der gang zag nyid du 'gyur bas thun mong ba'i phyir ltung ba med do/ /'dug gnas su za ba'i ltung byed de sum cu gnyis pa'i tshig rnam par bshad pa rdzogs so/ / //rtsub pa'i ri zhes bya ba ni ri rtsub po mi mnyam pa ste des ni byang lam gyi ri rtsub mo dag gi nyes pa brjod do/ /'dir rgyu bstan pa'i phyir/ rtsub pa'i ri dag ji bzhin du/ /ri la 'khod pa 'ang de bzhin no/ /zhes bya ba gsungs te/ 'dis ni byang lam gyi ri rtsub po dag ji lta ba bzhin du ri la 'khod pa'i mi dag kyang de bzhin no zhes byang lam pa'i tshod pa dag la mdza' bcugs kyi 'jam pa nyid med par bstan to/ / bcos me mdza' gcugs can nyid yin par bstan pa'i phyir/ ri la 'khod pa dang por ni/ /gser dag brdar ba ji bzhin te/ /zhes bya ba gsungs te/ ri la 'khod pa'i mi byang lam pa ri khrod pa dag ni dang po mthong ba'i tshe na gser bzang brdar gyis brdar ba mdzes shing 'od chags pa bzhin du tshig 'jam pa dang lus kyi tshul gus par ston to/ /mi la 'tshe ba rnam brtags na/ /ri dags ji ltar de bzhin no/ /zhes bya ba ni byang lam pa'i chod pa kha byams shing snying sdang ba'i mi la 'tshe ba dag ni gzhan gyis bag phab ste rang bzhin ji 'dra ba rnam par brtags na ri dag brkos shing brtags na nang na dbyig la sogs pa'i snying po ji yang med do/ /sa rdul dang rdo ba la sogs pa byung ba bzhin du mdza' bcugs kyi gzugs med do zhes bya ba'i tha tshig go / thab snod lta bu zhes bya ba ni snod chen po ste thab kyi skyed po la gzugs pa'i snod chen po dang 'dra ba'i lhung bzed chad las 'das pa che bar zhes bya ba'i tha tshig go /nye 'khor thibs po zhes bya ba ni kho ra khor yug na tshang tshing la sogs pa 'dzings pa'i thibs po dag yod pa'i phyir ro/ /g.yar zhes bya ba ni bkra mi shis pa zhes bya ba'i tha tshig go /bu mo yongs su dub pa zhes bya ba ni bu mos skyo ba'o/ /des tshigs su bcad pa dag smras pa zhes bya ba la sogs pa la/ rgya skyegs shing gi so shing byed pa dang/ nub tu sngas bstan te nyal ba dang/ shin tu gnyid che bzho 'thung ba dang/ /chung ma g.yas zhar len bar byed pa na de dag ni bkra mi shis pa yin pa'i phyir lha chen po zhi ba 'ang gnas nas nyams shing drungs nas 'byin bar 'gyur na gzhan dag lta smos kyang ci dgos zhes bya ba'i tha tshig go / 'gog la 'gog byed bab pa dang/ /rdo la lcags ni bab pa ltar/ /zhes bya ba ni dpe ste/ ji ltar chom rkun pa la lam 'gog par byed pa la chom rkun pa las 'gog par byed pa gzhan bab pa na gang rgyal gang pham par the tshom za ba dang/ rdo la lcags bab pa na gang gang gis chom pa the tshom za ba ltar ro/ /khyod kyang chung ma gsod byed la/ /de yang g.yas zhar yin pas na/ /khyed gnyis gang rgyal gang pham blta'o/ /zhes bya ba don de dpe de bzhin du khyod kyang chub ma gsod par byed pa yin la/ bu mo de yang g.yas zhar yin pas na khyod gnyis 'dus na gang gson gang 'chi ba the tshom gyi gnas su 'gyur ro zhes bya ba'i tha tshig go /'bras thug po de che drus bskam po yul ma ga d+hA'i bre'u chung gang la ni 'bras thug po che drus pa skam po ma ga d+hA'i srad bcu drug ste/ yul ma ga d+hA'i srad gcig la bod kyi srad gnyis yod do/ /bod kyi srad tshad du brtsi ba ni sum cu rtsa gnyis yod/ phul tshad du brtsi ba ni bdun phul do dang khyor gang yod do/ /ma ga d+hA'i bre'u chung ngo la ni de nyis 'gyur yod do/ /btsos pa zhes bya ba ni 'bras skam btsos pa'i chan no/ /sran tshod dang bcas tshod ma dang bcas pa blugs na zhes bya ba ni 'di ltar tshod ma mang ba yin mod kyi/ 'on kyang tshod ma ji tsam gyis 'bras chan sphag nus pa de tsam kho na'i tshod ma 'dir gzung gis lhag pa ni ma yin no/ /sran tshod dang bcas zhes bya ba ni gsher tshod dang bcas pa'o/ /tshod ma dang bcas zhes bya ba ni shol tshod la sogs pa sngo tshod kyi bya na dang bcas pa'o/ /kha'i cha'i mdza' kho na nas zhes bya ba ni lhung bzed kyi kha'i cha'i mdza' kho na nas nang rol gyi zhabs logs su'o/ /mthe po'i lto gang gis mi reg pa zhes bya ba la mthe bo'i lto gang zhes bya ba ni mthe bo'i tshigs dang po'i phyogs gcig nas brtsams te tshigs de nyid kyis phyogs gcig gi bar ni mthe bo'i lto ste/ mthe bo'i zhing tshad kyi sor gcig gi tshad kyis kha'i cha'i mdza' kho na nas zas la mi reg mi thug ces bya ba'i tha tshig go /'di skad bstan te dge slong gi lhung bzed che tshad byin gyis brlab tu rung ba ni 'bras thug po che drus pa skam yul ma ga d+ha'i bre'u chung ngo bcos pa'i chan? de'i rkyen gyi tshod ma gang yang rung ba dang bcas pa blugs na mthe bo'i sor gcig gis ma gang ba yin no/ /lhung bzed chung tshad ni de'i phyed shong ba'o/ /lhung bzed 'bring tshad ni de gnyis kyi bar gang yang rung ba shod pa'o/ /dge slong gis ci tsam du bre'u chung phyed dang lnga las lhag pa'i bsod snyoms len na thams cad du ltung byed du 'gyur ro zhes bya ba ni lhung bzed gang dam gnyis sam gsum las lhag pa zhes bya ba ni spyi'i tshad yin te 'bras thug po che skam yul ma gad+hA'i bre'u chung phyed dang lnga btsos pa'i chan tshod ma ma gtogs pa de las lhag pa'i bsod snyoms ltung byed 'di'i dngos gzhi'i byed pa po'o zhes bya bar sbyar ro/ / tshod ma ni ma gtogs pa ste/ dge slong ji snyed yod kyang rung 'bras thug po che skam yul ma gad+hA'i bre'u chung phyed dang lnga btsos pa'i chan tshod ma ma gtogs pa de las lhag pa'i bsod snyoms len na thams cad du ltung byed du 'gyur ro/ /sbyin bdag gis ci bder byas pa zhes bya ba ni bsam mi dgos bya ba'i tha tshig go / bslab pa'i gzhi 'di ni tshod mi shes pa nyid dgag pa'i phyir bcas pa mdzad do/ /lhung bzed do gsum tsam las lhag par len pa'i ltung byed de sum cu gsum pa'i tshig rnam par bshad pa rdzogs so/ / //stan gcig pa'i zas zhes bya ba ni gnas gtab pa'i mtshan nyid kyis spangs pa ma byas par za ba'o/ /snying las chung ngu zhes bya ba ni bya ba nyung ba nyid kyis mngon par brtson pa'o/ /tshor ba zhes bya ba ni nyams su myong ba'o/ /spangs zhes bya ba ni zas yongs su gtang ba'o/ /ji tsam gyis chog pa zhes bya ba ni ji tsam 'dod pa'o/ /zas brtsams pa zhes bya ba ni zas bza' bar brtsams pa'o/ /chu bzhin du spong zhes bya ba ni mthar gyis chu'i rgyun 'bab pa'i tshul gyis lo ma la sogs pa gang dang gang 'od ba de dang des spong bar byed ces bya ba'i tha tshig go / skam tshod ces bya ba ni tshod ma khu ba med pa'o/ /bca' ba lnga po dag gis ni spangs par mi 'gyur la zhes bya ba ni bca' ba lnga lo dag la ni zas nyid yongs su rdzogs pa med pa'i phyir zas ma yin pa spangs pas zas spang bar mi 'gyur ba'i phyir bca' ba lnga po dag la ni spangs pa med do/ /bza' ba lnga po dag gis ni spangs par 'gyur zhes bya ba ni gtso bo spangs pas gtso bo ma yin pa yang spangs par 'gyur ba'i phyir bza' ba lnga po dag spangs nas bca' ba lnga po 'cha' na ltung byed du 'gyur ro zhes bya ba'i tha tshig go / bca' ba lnga po dag 'chos nas ni bza' ba lnga po dag bza' bar bya'i zhes bya ba ni bca' ba dag ma spangs pa'i phyir ro/ /bca' ba dag ni bca' bar mi bya ste/ spangs pa'i phyir ro zhes don gyi shugs kyis bstan to/ /bza' ba lnga po dag zos nas ni bca' ba lnga po dag bca' bar mi bya'o/ /zhes bya ba ni bza' ba gtso bo spangs pas bza' ba gtso bo ma yin pa yang spangs pa'i phyir ro/ /bza' ba dag kyang bza' bar mi bya bar yang don gyi shugs kyis bstan to/ /des 'phags pa zhes bya ba ni bza' ba 'bags pa'o/ /des gos pa zhes bya ba ni bza' ba'i snum gyis gos pa'o/ /zas yod pa zhes bya ba la sogs pa la yod pa zhes bya ba ni 'dir? zas la sogs pa snang ba'i spyod yul na yod pa yin par shes par bya'o/ /kun tu brtsams pa zhes bya ba ni ma blangs pa dang zas spyi spungs la sogs par bzhag pas stobs par byed ces bya ba'i tha tshig go / spangs pa zhes bya ba ni thong zhig ces bya ba la sogs pas spangs zhes bya ba'i tha tshig go / zas med pa zhes bya ba la sogs pa la zas la sogs pa med na don med pas spangs kyang ma spangs pa nyid yin no/ /spangs pa med pa zhes bya ba ni gnas btang ba med na spangs par mi 'gyur bas ma spangs pa yin no/ /rung ba spong bar byed pa zhes bya ba la sogs pa la rung ba zhes bya ba ni bzar rung pa'i rdzas kyi ngo bo nyid ston pa'o/ /gsog 'jog ma byas pa zhes bya ba ni g.yos byas pa'i rdzas bzar rung ba nyid spangs nas spangs pa yin gyi bzar mi rung ba nyid kyis ni spangs par mi 'gyur ro zhes bya ba'i tha tshig go / tshig lhag ma med pa zhes bya ba la sogs pa ni re zhig ces bya ba'i tshig med pa'o/ /thong zhig ces bya ba la sogs pa tshig lnga ni 'jig rten la grags pa'i dpe yin te mi dgos so/ /mi len to zhes bya ba la sogs pas kyang spangs par shes par bya'o/ /byin cig ces bya ba gzhan la byin cig ces gtong bar byed pa yin gyi bdag nyid la byin cig ces bya ba ni ma yin par shes par bya'o/ /yang dge slong gang zhes bya ba la sogs pa la zas zos zin cing zhes bya ba ni zas zos zin pa las gzhan las spangs par mi 'gyur ro zhes bya ba'i tha tshig go /spangs pa las zhes bya ba ni zas zos zin pas kyang ma spangs pa nyid la nyes pa med do zhes bya bar dgongs pa'o/ /bya rog gi sgra 'byin pa zhes bya ba ni bya rog gi krog rang kyi sgra'o/ /lhag por zhes bya ba ni lhag mar byas shing bor ba ste/ lhag por byed pa'i dge slong gis zos pa'i lhag ma bor ba ni lhag ma bod zhes bya ba'o/ /yongs su rdzogs shing mthar thug par byas pa zhes bya ba ni tshim zhing bya ba rdzogs par byas pa'o/ /kham gnyis sam gsum zos nas zhes bya ba ni lhag ma nyid la 'dod pa che ba la sogs pa rnam par bcad pa sgrub pa'i phyir ro/ /bza' bar mi bya bar zhes bya ba ni yid kyis spangs pa'i phyir nyes byas su 'gyur na mi rung ngo zhes bya ba'i tha tshig go /lag par byin nas zhes bya ba ni lhag por nyid bsgrub pa'i phyir ro/ /rgyu lngas lhag por ma byas par brjod par bya ste zhes bya ba la sogs pa la mtshams kyi phyi rol tu zhes bya ba ni chu dang nam mkha' la sogs pas por du chod pa'i phyir ro/ /mi 'thob pa'i phyogs su zhes bya ba ni kham blang ba'i yul ma yin pa'i phyir ro/ /rgyab nas dang/ glo nas zhes bya ba gnyis ni mdun na 'dug pa ma yin pa'i phyir ro/ /spyod lam las nyams pa zhes bya ba ni tsog bu ma yin pa'i phyir te lhag ma sbyin pa'i yul ma yin pa'i phyir de dag lhag por mi 'chags so/ /lhung bzed kyi gzhir zhes bya ba ni lhung bzed kyi snod dang byug ris la sogs pa 'og gzhir te lhag por byas pas za ba ni mi rnams kyis spyod pa yin pa'i phyir rang gis lus kyis blang bar bya ba yin pas rang gi lus las gzhan pa dag la mi 'chags so/ /gcig gis lhag por byas pa mang po dag gis bza' bar bya ste zhes bya ba ni tshangs pa mtshungs par spyod pa rnams ni cho ga gcig pa'i phyir ro/ /lhag por ma byas par zhes bya ba ni lhag ma dang por ba nyid ni lhag por te gang la byas pa ni lhag por ma byas pa ste/ lhag mar ma byas shing ma bor ba'o/ /lhag mar byas shing zhes bya ba ni kha chu dang 'dres pa'o/ /ma bor zhes bya ba ni bsam pas yongs su ma btang bar ro/ /yongs su ma btang bas zhes bya ba ni bya bas yongs su ma btang bar ro/ /skyo ma zhe bya ba ni phyes btab pa'o/ /mgul du btung ba la ni spangs pa med do zhes bya ba ni skom du btud pa la dus nges pa med pa'i phyir te/ spangs kyang yang nyi ma gzhan bzhin du btung du rung ngo zhes bya ba'i tha tshig go /stan gcig pa'i zas kyi ltung byed de sum cu bzhi pa'i tshig rnam par bshad pa rdzogs so/ / //shen pa'i gnas su btang zhes bya ba ni shen pa'i gnas zhes bya ba ni phyugs gsod pa'i srang ngo/ /der btang ba ni der kye ba'o/ /de'i bla'i rab tu byung zhing rdzogs p ar bsnyen par byas nas 'doms par mi byed rjes su ston par mi byed pa ni mi rung ngo zhes bya ba ni rab tu byung rdzogs par bsnyen par byas nas 'doms par mi byed rjes su ston par mi byed pa ni gzhan mi dge ba bcu'i las kyi lam 'khor dang bcas pa dag la nges par sbyar bas de bzhin gshegs pa'i bstan pa bla na med pa sgo log par mjug tu bcug pas mi rung gi de bas snga ma ches bla'o zhes bya ba'i tha tshig go / khyod nyid ltung ba dang bcas par 'gyur ba zhes bya ba ni g.yo byed pa'i phyir ro zhes bya bar bsams so/ /dus kyis stobs zhes bya ba ni tshig la mngon par zhen pas stobs par byed ces bya ba'i tha tshig go /de'i dag gi rnam par rig byed kyi dus la ltung byed du 'gyur bar shes par bya'o/ /spangs pa la stobs pa'i ltung byed de sum cu lnga pa'i tshig rnam par bshad pa rdzogs so// //kun dga' ra ba'i nang zhes bya ba ni gtsug lag khang gi nang ngo/ /'dus shing za ba zhes bya ba ni dge slong gi tshogs gsum la sogs pa dang/ dge 'dun las tha dad par za ba ste bza' bar bya ba bza' zhes bya ba'i tha tshig go /'dus pa chen po zhes bya ba ni stod la sogs pa'i grangs kyi skye bo mang po 'dus pa'o/ /kun tu 'tsho ba dag las phrogs te bcom ldan 'das kyi nyan thos kyi dge 'dun la phul lo zhes bya ba ni dgra bcom pa'i blos phul ba yin pas/ kun tu 'tsho dag la dgra bcom pa med pa'i phyir dang/ dge 'dun la yod pa'i phyir ro snyam du bsams pa'o/ /na ba dus so zhes bya ba la sogs pa la/ na ba dang/ las dang lam dang grur zhugs pa'i dus dag la ni phongs par gyur pa'i phyir ltung ba med do/ /'dus pa chen po'i dus la ni sbyin pa po rnams kyi bsod nams kyi sgo yin pa'i phyir dang/ phan tshun nyid kyis phongs pa'i dus yin pa'i phyir ltung ba med do/ /dge sbyong gi zas su ste zhes bya ba ni mu stegs can gyi lta ba'i rnam par bcad pa'i phyir dang/ bstan pa la zhugs par bya ba'i phyir ltung ba med do/ /de yang dge sbyong zhes bya ba'i grangs su 'gro'o zhes bya ba ni 'dod chags la sogs pa zhi bar bya ba dang/ rab tu byung ba blangs pa'i phyir ro/ /gzhi'i gnas zhes bya ba ni gang du nges par za ba'o/ /khang khyim gyi gnas zhes bya ba ni gang du zas nges pa med pa'o/ /gzhi'i gnas su za ba dag la nyes byas su 'gyur ro zhes bya ba ni de dag gi gnas spo ba ma byas pa'i phyir/ dngos gzhi med do/ /khang khyim du za ba dag la ltung byed du 'gyur ro zhes bya ba ni de dag gi spo ba byas pa'i phyir ro/ /gsum za zhing gcig las byed pa la ltung ba med pa ni bdag nyid gsum la sogs pa dang lhan cig za bar ma gyur ba'i phyir ro/ /gsum rdzogs par bsnyen cing gcig rdzogs par ma bsnyen pa la ltung ba med pa ni dge slong gi tshogs 'dus shing za ba ma yin pa'i phyir ro/ /zas brim par byas pa la ltung ba med pa'i tha dad par za ba ma yin pa'i phyir ro/ /sbyin bdag na re gang dag 'di na 'khod pa de dag la sbyin no zhes zer na ltung pa med do zhes bya ba ni sbyin bdag gis nges par byas na rnyed pa'i mtshams tha dad pa'i phyir gnas gcig pa nyid ma nyin pa'i phyir ro/ /'dus shing za ba'i ltung byed de sum cu drug pa'i tshig rnam par bshad pa rdzogs so/ / //'di dag skyed pa gang dag gis 'di dag skyes ma thag gi kha lan tshwas 'gegs par ma nus pa de dag gis ci thob ces bya ba ni gal te bkang bar gyur pa de'i mod la shi bar gyur bas gnas skabs 'di lta bu mthong bar mi 'gyur bas legs so snyam du bsams pa'o/ /brla bram tu khron pa bcug ste 'brang bar mi nus pa de dag gis ci thob ces bya ba ni gal te brla brag tu khron pa'i kha gtod de 'brangs par gyur na de'i mod la shi bar gyur pas gnas skabs 'di lta bu mthong bar mi 'gyur bas legs so snyam du bsams pa'o/ /grong khyer gyi skam mo can dag ces bya ba ni grong khyer gyi mi dag ste grong khyer grong rdal na de dag la skam mo'i khyim yod pa'i phyir ro/ /rgyu dang mi rgyu'i 'jig rten zhes bya ba ni sems yod pa dang sems med 'jig rten de rgyu ba dang gnas pa zhes bya ba'i tha tshig go /chos mngon par brjod par byed ces bya ba ni mngon sum du byed pa'o/ / gnas lnga zhes bya ba ni gzhi lnga'o/ /spobs ba zhes bya ba ni shes rab kyi kun tu spyod pa'o/ /dus ma yin par za ba'i ltung byed de sum cu bdun pa'i tshig rnam par bshad pa rdzogs so// //'bras can gsher ba zhes bya ba ni 'bras kyi 'o thug la sogs pa'o/ /'bras can skam po zhes bya ba ni 'bras chan nyi tshe'o/ /rlung ldang ba zhes bya ba ni rlung che ba'o/ /yul ngan 'byung ba zhes bya ba ni nam rmus pa 'am sa 'greng ba'o/ /char pa 'bab pa zhes bya ba ni char chu zhod pa'o/ /lhags pa 'byung ba zhes bya ba ni skam lhags che'o/ /gsog 'jog byed pa zhes bya ba ni rang nyid kyis legs par blangs te bsogs pa'o/ /gsog 'jog byas pa rnam pa gnyis te zhes bya ba ni zas kyi dus rnam pa gnyis las yol ba las gsog 'jog byas pa rnam pa gnyis su 'gyur ro/ /lhung bzed la sogs pa gsog 'jog byas pas 'bags pa za na thams cad du nyes byas su 'gyur zhes bya ba ni bca' ba dang bza' ba la gsog 'jog byas pas 'bags pa za na'o/ /'dir yang lhung bzed la sogs pa la bca' ba dang bza' ba gsog 'jog byas pas 'bags pa mgul du ming par mi mngon ba la dngos gzhi'i gnas su nyes byas su gsungs so/ /kha cig 'di la dngos gzhi nyid du 'dod pa ni lhung bzed la sogs pa la bca' ba dang bza' ba gsog 'jog byas pas 'bags pas mgul du ming pa las bsams te smra ba yin no/ /gsog 'jog gi ltung byed de sum cu brgyad pa'i tshig rnam par bshad pa rdzogs so// //thams cad dur khrod pa dang ldan pa zhes bya ba ni lhung bzed la sogs pa thams cad pa dur khrod pa yin zhes bya ba'i tha tshig go / rje'u zhes bya ba ni rdza bo chung ngu'o/ /gyo mo kha bzhogs te zhes bya ba ni brdar te'o/ /dgang dka' ba zhes bya ba ni lto'o/ /byang gi sgra mi snyan dus byin gyis brlabs te zhes bya ba ni byang gi sgra mi snyan gyi gling na grags pa'i rang len pa mngon du byas nas zhes bya ba'i tha tshig go / mes rus pa zhes bya ba ni mes reg pa'o/ /mtshon gyis rung ba zhes bya ba ni mtshon gyis rma phyung ba'o/ /sen mos rung ba zhes bya ba ni sen mos rma phyung ba'o/ /rnyis bas rung ba zhes bya ba ni rnyis pa nyid do/ /ne tshos rma phyung bas rung pa zhes bya ba ni ne tshos zos pa'o/ /phyung ba zhes bya ba ni sa las bton pa'o/ /gshegs pa zhes bya ba ni tshal pa'o/ /bcad pa zhes bya ba ni gtubs pa'o/ /phug pa zhes bya ba ni gtsugs ba'o/ /sa bon gyi chos med pa nyid ces bya ba ni sa bon mi skye ba nyid do/ /phung por byas te mes gnas pa gnyis sam gsum du reg par byas na thams cad du rung bar 'gyur ro zhes bya ba ni mes reg pa'i phyir bkra mi shis pa nyid kyi sa bon nyid kyi tha snyad las log pa'i phyir phung por byas nas yang dang yang du rag pas rung pa nyid yin no/ /mtshon dang sen mos ni re re nas so zhes bya ba ni rma phyung na snying po med pa ni phyir sa bon nyid kyi tha snyad ldog pas gang la rma phyung ba de nyid la sa bon nyid med pa'i phyir re re nas rma dbyung bar bya'o/ /zhes bya ba'i tha tshig go /dge slong dag gi dang po gzung bar bya ba ni byin len 'jig pa spang ba'i phyir ro/ /gsog 'jog byas pa yin no zhes 'dor bar byed nas zhes b ya ba ni phyed yol phan chad stsogs 'jog tu 'gyur ba'i phyir ro dang por dge slong dag gis gtang bar bya zhing phyis khyim pa dag gis btang bar bya ste zhes bya ba ni gsog 'jog byas pas mi 'gyur bar bya ba'i phyir byin len bzhi po bsgrub pa yin no/ /rung pa'i khad? par bcug ste zhes bya ba ni zas skom gyi khad par ro/ /lag pa khas phub pa zhes bya ba ni lag pa kha spub tu bzhag pa ste de ni len pa la mi phyogs pa yin pa'i phyir byin len mi 'chags so/ /len pa yod pa zhes bya ba ni len shes pa zhes bya ba'i tha tshig go / chu dang so shing ma gtogs te zhes bya ba ni zas ma yin pa'i phyir nyes byas su 'gyur ba de yang bkag go /mi'i lag pa zhes bya ba ni mi'i lag mthil lo/ /de'i bag chags kyis zhes bya ba ni goms pas te de dad mthun pa'i 'du byed thob pa zhes bya ba'i tha tshig go / byin len ma byas par za ba'i ltung byed de sum cu dgu pa'i tshig rnam par bshad pa rdzogs so// //kha shin tu chen po zhes bya ba ni kha che ba nyid kyis so/ /gzhan gyi khyim dag nas zhes bya ba ni nye du ma yin pa'i khyim dag nas te ma bstabs pa'i khyim dag nas so/ /de la ltung pa ji ltar 'gyur zhe na zhes bya ba la sogs pa/ slod pa dang za ba gnyis ka'i dus su min pa yin na sbyor ba la nyes byas su 'gyur la/ dngos bzhi la ltung byed du 'gyur la/ gcig mi na ba yin na nyes byas su 'gyur ro/ /gnyis ka na ba yin na ltung ba med do/ /bstabs par brjod par bya ste/ zhes bya ba ni ci ces 'dri bas 'dod pa'i don ba bslang ba'i skabs phye ba yin no zhes bya bar dgongs pa'o/ /ci 'dod pa de bslab par bya zhes bya ba ni bstabs pas rang nyid grub pa'i phyir ro/ /zho sbyin ba chur khu? la sogs slod ba la ltung ba med pa ni dman pa slong pa'i phyir ro/ /bsod ba slong ba'i ltung byed de bzhi bcu pa'i tshig rnam par bshad pa rdzogs so/ / //nad gir spyad pa zhes bya ba ni lus kyir nye bar spyad ba'o/ /phyi rol gyir spyad par zhes bya ba ni lus kyi yo byad du nye bar spyad pa'o/ /srog chags dang bcas pa'i chu la spyod pa'i ltung byed bzhi bcu gcig pa'i tshig rnam par bshad pa rdzogs so/ / //bsam pa'i nor bu rig pa zhes bya ba ni bstan bcos gang gis bsam pa'i mtshan ma nor bu lta bu dag shes pa'o/ /bud med ni skyes pa'i nyal po bya ba yin la skyes pa ni bud med kyi nyal po bya ba yin no zhes bya ba la/ nyal po'i bya ba ni longs spyod pa dang bcas pa ste/ reg pa ni kham gyi zas yin pa'i phyir ro/ /nyal po byed par shom pa'i khyim na 'dug pa'i ltung byed de bzhi bcu gnyis pa'i tshig rnam par bshad pa rdzogs so// //'dom gang gi nang du 'greng na'o zhes bya ba ni 'dom gang gi nang tshun chad du 'gred? zhing sdod na nye 'khor de tsam yin pa'i phyi rol tu ni nyes byas te mthong pa dang thos pa tshun chad do zhes bya ba'i tha tshig go / nyal po byed par shom pa'i khyim na 'greng ba'i ltung byed de bzhi bcu gsum pa'i tshig rnam par bshad pa rdzogs so/ / //shul dag tu ji tsam du gshegs pa zhes bya ba ni gshegs dgongs kyi tshan ji tsam du gshegs zhes bya ba'i tha tshig go /tshogs dag ces bya ba ni 'dir dgongs pa lam gyi gnas dag yin no/ /bkres pa zhes bya ba ni ltogs pa'o/ /sbrang zan zhes bya ba ni slongs mo'o/ /sdug bsngal la reg pa zhes bya ba ni sdug bsngal dang bcas pa'o/ /slong phor khur bas byur bur byas zhes bya ba ni shing gis lhung bzed byur bur bkang zhes bya ba'i tha tshig go / nyod pa nyod dam zhes bya ba la nyod pa zhes bya ba ni zas so/ /nyod dam zhes bya ba ni zos sam zhes bya ba'i tha tshig go /des ni zan zos sam zhes bya bar bstan to/ /khyim bdag sgre byi zhes bya ba ni khyim na gnas pa kho na yin la mgo 'ba' zhig bregs zhes bya ba'i tha tshig go / des tshigs su bcad pa dag smras pa zhes bya ba la sogs pa tshigs su bcad pa rnams kyis ni byas pa mi shes pa nyid kyis nyes par ston no/ /byas pa mi shes pa ni sas kyang 'dzin par mi byed pas na ngan pa khyod lta bu ci'i phyir sa la 'byid bar mi byed pa ngo mtshar che bar bstan pa'i phyir/ ngan pa ci'i phyir sa la 'byid mi byed ces bya ba gsungs so/ /byas pa mi shes pa'i lce yang 'gas par 'gyur bas ngan pa khyod lta bu byas pa'i lce mi 'gas pa yang ngo mtshar che bar bstan pa'i phyir/ ci'i phyir lce yang tshal pa brgyar mi 'gas zhes bya ba gsungs so/ /byas pa mi shes pa'i lus la gnod sbyin dag rdo rje la sogs pa 'phan par byed na ngan pa khyod lta bu byas pa mi shes pa'i lus la gnod sbyin dag rdo rje la sogs pa dag mi 'phen pa yang ngo mtshar che ba ma bstan pa'i phyir/ khyod kyi lus la ci'i phyir gsad ba dag ces bya ba ni rdo rje ser ba mang du mnga' mi 'phen ces bya ba gsungs te/ gsang ba dag ces bya ba ni gnod sbyin 'jig rten skyong ba dag go /rdo rje ser pa zhes bya ba ni rdo rje char pa phyi brgyud du bab pa'o/ /ji ltar seng ge'i lhag ma za ba'i za/ /seng ge nyid la gsod par 'dod pa ltar de bzhin khyod kyang stobs bcu'i khyod za zhing/ /stobs bcu nyid la smos byed ma 'phags pa/ /zhes bya ba ni byas ba mi shes pa'i dpe'o/ /ma 'phags pa zhes bya ba ni bod pa'i tshig ste nyon mongs pa can gyi blo dang ldan ba zhes bya ba'i tha tshig go / 'di skad bstan te kwa ye ma 'phags pa ji ltar 'jig rten 'di ni seng ge'i lhag ma za ba'i wa ni byas pa mi shes pa'i phyir seng ge de nyid la gsong par 'dod pa de bzhin du khyod kyang rgyal ba stobs bcu dang ldan bslob ma dang bcas pa'i pham 'babs zas kyi khyos za zhing stobs bcu slob ma dang bcas pa nyid la smod par byed pas byas pa mi shes pa yin no zhes bstan to/ /gang du gang la nye bar brten byas na/ /mi ngan 'di 'dras 'tsho ba thob pa las/ /de ni nges par mdza' bshes dgra rnams la/ /mnyam mdzad blo ldan thams cad mkhyen pa yin/ /zhes bya ba ni sangs rgyas la brten na mi ngan pa 'di 'dra ba dag gis kyang 'tsho ba 'thob pa las na sangs rgyas de ni nges pa kho nar mdza' bshes dang dgra bo rnams la mnyam bar mdzad pa'i blo dang ldan pa thams cad mkhyen pa yin par mngon no zhes bya ba ston to/ /gang du zhes bya ba ni gnas so gang la zhes bya ba ni sangs rgyas la'o/ /nye bar bsten byas na zhes bya ba ni skyabs su gsol na'o/ /mi ngan pa 'di 'dras zhes bya ba ni mi ngan pa byas pa mi shes pa 'di 'dre ba dag gis so/ /'tsho ba dag thob pa las zhes bya ba ni zan rnyed pa las so/ /de ni zhes bya ba ni sangs rgyas so/ /mnyam mdzad blo ldan zhes bya ba ni rjes su chags pa dang khong khro ba med pa'i phyir sems mnyam par mdzad do/ /mi rnams gang dag byas pa mi shes pa/ /de dag khyi bas shin tu ngan pas bsams/ /zhes bya ba ni mi gang dag byas ba mi shes pa de dag ni khyi dag pas kyang shes du ngan pa yin bar kho bos bsams so zhes bya ba'i tha tshig go /'dir rgyu bstan pa'i phyir/ khyi yang mi la byas pa shes snang na/ /sprul 'dra'i mi dag dug ni gtong bar byed/ /ces bya ba gsungs te 'di ltar khyi yang bdag por gyur pa'i mi dag la zas kyi lhag ma la sogs pa cung zad tsam byin pa'i byas pa shes te/ bdag po'i khyim la sogs pa bsrung bar gnas pa'i phyir ro/ /mi byas pa mi shes pa sprul dug myur du khyab par byed pa dang 'dra ba'i skye bo ngan pa dag ni dug gtong bar byed de yon tan ma yin pa sgrogs par byed pa'i phyir te/ de bas mi gang dag byas pa mi shes pa de dag ni khyi bas kyang shin tu ngan par bsams so zhes bya ba'i tha tshig go /re zhig 'dul ba la bslab pa'i gzhi 'cha' bar mi mdzad do zhes bya ba ni bud med kyi yul la sbyin pa lam zhugs pa'i phyir ro zhes bya bar dgongs pas so/ /gzugs can rgyan ces bya ba ni mtshan gyi phyogs mdzes pa'i phyir ro/ /gzugs can gsal ba zhes bya ba ni thon kor mdzes pa'i phyir ro/ /gzugs can lta bu'i chos dang ldan pa zhes bya ba ni 'jig rten la bsod nams gzugs can du grags pa lta bu dang ldan pa'o/ /bsreg byas btab pa'i me lta bu zhes bya ba ni zhun mar gyi rgyun gyis btab pa'i me lta bu'o/ /gser gyi snod na 'dug pa'i mar me lta bu zhes bya ba ni 'od gsal ba'o/ /gser gyi ri bo 'gro ba lta bu zhes bya ba ni brjid bag chags pa'o/ /gser gyi mchod sdong zhes bya ba ni gser gyi ka ba'o/ /grags pa dang/ gsal ba dang/ mi bsnyengs pa dang/ dri ma med pa dang/ rnam par dag pa'i blo dang ldan pa zhes bya ba ni sangs rgyas bcom ldan 'das te/ de mthong zhes bya bar sbyar ro/ /de la grags pa zhes bya ba ni rab tu grags pa'o/ /gsal ba zhes bya ba spyod pa g.yer ba'o/ /mi bsnyengs pa zhes bya ba ni gags med pa'o/ /dri ma med pa zhes bya ba ni nyon mongs pa med pa'o/ /rnam par dag pa'i zhes bya ba ni zag ba med pa'o/ /dge ba'i rtsa ba bsags pa zhes bya ba ni thar pa'i cha dang mthun pa 'phangs pa'o/ /nyams bde ba zhes bya ba ni rung ba nyid do/ /'di dag dang bdag nyid kyi karSha pa na gzhan dag bsres te zhal zas ba sod pa sta gon gyis la zhes bya ba ni bslang ba ste khyim bdag gis 'phags pa kun dga' bo la snga nas bstobs zin pas nyes pa med par shes par bya'o/ /dri ma'i rdzab can zhes bya ba la/ rdul dang snum gyi dri ma ni 'dir dri ma zhes bya ba'o/ /der rdul chags ba ni rdzab bo/ /gcer bu pa dang gcer bu ma zhes bya ba ni sgren mo'o/ /kun tu rgyu dang kun tu mo zhes smos pas ni gcer bu pha dang gcer bu ma nyid yi dam du yang dag par blang ba sngon du btang ba yin bar bstan to/ /nye du yin na ltung ba med pa ni nye du nyid yin na mu stegs can la mchod pa byed pa yin par mi 'gyur bas ltung ba med do/ /nad ba yin na ltung ba med pa ni snying brtse bar bya ba yin pa'i phyir ro/ /sdig pa can gyi lta ba'i rnam pa las dbral bar 'dod pa yin na ltung ba med do zhes bya ba ni chos la gzhug pa'i phyir ro// dum bur byas te sbyin pa la ltung ba med pa ni gus pa ma yin pa'i phyir ro/ /gzhan sbyin du 'jud pa la ltung pa med do/ /zhes bya ba ni phag nas sbyin du 'jug pa'o/ /mngon sum du sbyin du 'jug pa na nyes byas te mchod pa'i rnam pa yin pa'i phyir ro// gcer bu la sbyin pa'i ltung byed de bzhi bcu bzhi pa'i tshig rnam par bshad pa rdzogs so/ / //'dul ba rnam par 'byed pa'i tshig bshad pa/ bam po bcu bzhi pa/ gsus bo che zhes bya ba ni lto ba che ba'o/ /til gyi chu zhes bya ba ni shi ba dag la til dang bcas pa'i chu sbyin pa gang yin pa'o/ /glang po che'i phru gu 'dra zhes bya ba ni ba lang gi phru gu 'dra ba'o/ /gzhal med khang 'dra zhes bya ba ni khang pa brtsegs pa dang mnyam pa'o/ /gnod sbyin gdug pa 'dra zhes bya ba ni gnod sbyin gtso bo dang mnyam pa'o/ /ras yug chen glegs par 'tshal ba zhes bya ba ni ras mtshon gyis dras pa gyon pa'o/ /chas pa zhes bya ba ni g.yul 'gyed pa la mngon par phyogs pa'o/ /g.yul 'gyed par mngon par dga' ba zhes bya ba ni g.yul 'gyed par 'dod pa'o/ / dge slong bsod snyoms la zhugs pa la dmag la 'gro ba la sogs pa ni zhar la dmag mthong ba yin pas ltung ba med do/ /dmag la lta ba'i ltung byed de bzhi bcu lnga pa'i tshig rnam par bshad pa rdzogs so/ / //phru ma zhes bya ba ni dmag go /srog shing dag nas zhes bya ba ni phang lo 'dzin pa'i shing dag nas so/ /rgyal po la sogs pa na re 'dug cig ces zer ba la ltung ba med do zhes bya ba ni gzhan gyi dbang yin pa'i phyir ro/ /bar chad brgyad po dag las bar chad gang yang rung ba nye bar gnas par gyur na ltung ba med do zhes bya ba ni sdug bsngal yongs su bskyab pa'i phyir ro/ /dmag gi nad na gnas pa'i ltung byed de bzhi bcu drug pa'i tshig rnam par bshad pa rdzogs so/ / //g.yul zhes bya ba ni zla ba la sogs pa'i rnam par gnas pa'i dmag go /rgyal mtshan gyi mchog ces bya ba ni rtags mtshan no/ /dpung gi mchog ces bya ba ni ru ba'o/ /bkod cing bshams pa'i dmag ces bya ba ni nam mkha' lding gi mdab ma la sogs pa lta bur gnas pa'i dmag go / lta ba nyams su myongs bar byas zhes bya ba ni de'i nang du zhugs te blta bar bya'o zhes bya ba'i tha tshig go /glang po che bcom ma zhes bya ba ni glang po che sgyu ma ste ko ba la sogs pa las byas pa'o/ /rdzod nas blags te byung zhes bya ba ni mkhar nas phyung ste byung ba'o/ /khrom gyi ru sna zhes bya ba ni g.yul 'gyed pa'i mi'o/ /nad bar snga ba kho nar zhes bya ba ni nad par gyi dus te nyi ma 'char ka zhes bya ba'i tha tshig go /bshams pa 'khrug tu 'gro zhes bya ba la/ bshams pa 'khrug ces bya ba ni bshams pa nyams pa'o/ /'gro ba zhes bya ba ni byed pa'o/ /zhes kha cig 'chad do/ /kha cig na re bshams pa 'khrug ces bya ba ni bshams pa glong ba'o/ /der 'jug pa ni 'gro ba'o zhes zer ro/ / 'bru'i kha lta bu zhes bya ba ni mdun du yang rung ba dngar rgyab du yang rung ba dngar la/ dbus na rgyal po 'dug pa ste 'bru'i 'bras bu'i rnam pa ltar dmag bshams pa'o/ /shing rta'i dbyibs lta bu zhes bya ba ni mdun du yang ru ba dngar /glor yang ru dngar// la rgyab na rgyal po 'dug pa ste/ shing lta'i dbyibs 'dra bar gru gsum du bshams pa'o/ /zla gam gyi rnam pa lta bu zhes bya ba ni mdun du yang ru ba dngar/ rgyab tu yang rung ba dngar/ glor yang dngar la/ dbus na rgyal po 'dug pa ste/ zla'? gam gyi rnam ba lta bur dmag bshams pa'o/ /nam mkha' lding gi mdab ma lta bu zhes bya ba ni glor ru dngar mdun na rgyal po 'dug pa ste/ nam mkha' lding gi mdab ma ltar glo g.yas g.yon du ring bar dmag bshams ba'o/ /go bskon pa dang/ go ma bskon pa zhes bya ba ni bye brag gis chas pa dang ma chas pa yin bar bstan pa'i phyir ro/ /shing rta bcas pa zhes bya ba ni brgyan pa'o/ /dpung gi yan lag nyams su myong bar byed pa'i ltung byed de bzhi bcu bdun pa'i tshig rnam par bshad pa rdzogs so// // sor mo gcig gis rdeg bar byed na zhes bya ba la sogs pa ni gang gi tshe sor mo tha dad pas rdeg par byed pa de'i tshe ni/ rdeg bar tha dad par bsams pa'i phyir ltung ba yang tha dad par 'gyur la/ gang gi tshe gcig nyid kyis rdeg par byed pa de'i tshe ni rdeg pa tha dad par sems pa med pa'i phyir ltung ba yang gcig pa nyid du shes par bya'o/ /brnangs pa zhes bya ba ni zas mgul bar thogs pa'o/ /thal lcag gi rig sngags zhes bya ba ni/ sngags pa gang gis bzlas brjod byas nas thal lcag gis bsnun nas 'tsho bar 'dod pa byed pa ste 'di la ni 'khrug pa med pa'i phyir ltung ba med do/ /rdeg pa'i ltung byed de bzhi bcu brgyad pa'i tshig rnam par bshad pa rdzogs so// //gzas zhes bya ba ni bshams pa'o/ /thal mo zhes bya ba ni thal lcag go /thur ma'i chag pa zhes bya ba ni thur ma'i bam po'o/ /thag pa'i chun po zhes bya ba ni thig pa bsdoms pa'o/ /gzas pa'i ltung byed de bzhi bcu dgu pa'i tshig rnam par bshad pa rdzogs so// / so sor brtag gam zhes bya ba ni mdza' ? btsam pa zhes bya ba'o/ /rnal 'byor spyod pa'i sa zhes bya ba ni bsam gtan pa'i yul te/ snyoms par 'jug pa zhes bya ba'i tha tshig go /rgyal byed kyi tshal gyi mdo zhes bya ba ni yang dag par ldan pa'i lung las 'byung ste/ gleng gzhi ni mnyan yod na ste/ de nas bcom ldan 'das kyis dge slong rnams la bka' stsal ba/ dge slong dag khyed kyi ma yin pa gang yin pa de spongs shig /khyed kyi chos de spang bar bya'o/ /khyed kyi chos de spangs na yun ring po'i don dang phan par 'gyur ro/ /dge slong dag khyed kyi ma yin pa gang zhe na/ dge slong dag mig ni khyed kyi ma yin te spongs shig khyed kyis chos de spang bar bya'o/ /khyed kyi chos de spangs na yun ring po'i don dang phan par 'gyur ro/ /dge slong dag /rna ba dang/ sna ba dang/ lce dang/ lus dang/ yid ni khyed kyi ma yin te spongs shig /khyod kyis chos de spang bar bya'o/ /khyod kyis chos de spangs na yun ring po'i don dang phan par 'gyur ro/ /dge slong dag ji snyam du sems/ rgyal byed tshal 'di na rtswa dang/ shing dang/ lo ma dang/ 'dab ma gang yin pa de skye bas brkus sam/ bsrags sam/ bcad dam/ bshig gam/ chud gsan tam rkyen ji lta ba bzhin du byas na 'di ltar khyed 'di snyam du bdag cag gi 'di skye bos brkus sam/ bsregs sam bcad dam/ bshig gi chud gsan tam rkyen ji lta ba bzhin du byas so snyam du sems sam/ btsun pa mi sems so/ /de ci'i slad du zhen btsam pa 'di la bdag gam bdag gi ma mchis ba'i slad du'o/ /dge slong dag de bzhin du khyad kyi ma yin ba gang yin pa de spongs shig / khyed kyis chos de spang bar bya'o/ /khyed kyis chos de spangs na yun ring po'i don dang phan par 'gyur ro/ /dge slong dag ji snyam du sems mi rteg gam mi rtag snyam/ btsun ba mi rtag go /gang mi rtag pa de sdug bsngal lam sdug bsngal ma yin snyam/ btsun pa sdug bsngal lo/ /mi rtag pa sdug bsngal ba gang yin pa de ni rnam par 'gyur ba'i chos yin no/ /'di ltar de la 'phags pa nyan thos thos pa dang ldan pa dag 'di ni bdag gi'o/ /'di ni bdag gi bdag go zhes bdag tu khas len tam/ btsun pa mi len to/ /dge slong dag ji snyam du sems rna ba dang/ sna dang/ lce dang/ lus dang/ yid rtag gam mi rtag snyam/ btsun pa mi rtag go /gang mi rtag pa de sdug bsngal lam sdug bsngal ma yin snyam/ btsun pa sdug bsngal lo mi rtag pa dang sdug bsngal ba gang yin pa de rnam par 'gyur ba'i chos yin no/ /'di ltar de la 'phags pa'i nyan thos thos pa dang ldan pa dag ni bdag gi'o/ /'di ni bdag go /'di ni bdag gi bdag go zhes bdag tu khas len tam/ btsun pa mi len to/ /dge slong de lta bas na mig cung zad 'das pa 'am/ ma 'ongs pa 'am/ da ltar byung ba 'am/ nang gi 'am/ phyi rol gyi 'am/ rag pa 'am/ cha phra ba 'am/ ngan pa 'am/ bzang po 'am/ thag ring po 'am/ thag nye ba gang yin pa de thams cad la 'di ni bdag gi ma yin no/ /'di ni bdag ma yin no/ /'di ni bdag gi bdag ma yin no zhes bya ba de ltar yang dag pa'i yang dag pa ji lta ba bzhin du blta bar bya'o/ /de bzhin du rna ba dang/ sna dang/ lce dang/ lus dang/ yid cung zas 'das pa 'am/ ma 'ongs pa 'am/ da ltar byung ba 'am/ nang gi 'am/ phyi rol gyi 'am/ rags pa 'am/ cha phra ba 'am/ ngan pa 'am/ bzang po 'am/ thag ring ba 'am/ thag nye ba gang yin pa de thams cad la/ 'di ni bdag gi ma yin no/ /'di na bdag ma yin no/ /'di ni bdag gi bdag ma yin no/ /zhes bya ba de ltar yang dag pa'i shes rab kyis yang dag pa ji lta ba bzhin du blta bar bya'o/ /dge slong dag 'di ltar 'phags pa'i nyan thos thos pa dang ldan pa ni nang gi skye mched drug po 'di dag la 'di ni bdag gi ma yin no/ /'di ni bdag ma yin no/ /'di ni bdag gi bdag ma yin no zhes bya bar yang dag par rjes su lta ste/ de de ltar yang dag par rjes su lta na 'jig rten la chung zad kyang mi len to/ /mi len na yongs su gdung bar mi 'gyur ro yongs su gdung ba med na so sor nyid la bdag gi zag pa zad do/ /tshangs par spyod pa sten to/ /bya ba byas so/ /srid pa 'di las gzhan mi shes so/ /zhes yongs su mya ngan las 'das 'da' o zhes gsungs pa yin no/ /mdo sde'i mdza' la rton ces bya ba ni nges pa'i don gyi mdo sde la rton pa'o/ /'dzum phyung zhes bya ba ni brgad pa'o/ /gzhug pa 'dzud pa zhes bya ba ni yan lag gi rnam pa 'dzud pa'o/ /bcang pa'i sems zhes bya ba ni mkhyud pa'i bsams pa'o/ /dge slong gi tshul gyis bar chad ces bya ba ni/ lam bsgom pa'i gegs so/ /tshangs par spyod pa'i bar chad ces bya ba ni/ de dge slong gi dngos po dang mi mthun pa'o/ /dge 'dun dbye ba zhes bya ba ni 'khor lo dbye ba'o/ /dge 'dun 'khrug pa zhes bya ba ni dge 'dun 'thab pa'o/ /dge 'dun gnyis su 'gyur ba zhes bya ba ni las dbye ba'o/ /dge 'dun tha dad par 'gyur zhes bya ba ni gnas la sogs pa dbye ba'o/ /gnas ngan len 'chad pa'i ltung byed de lnga bcu pa'i tshig rnam par bshad pa rdzogs so// //klan ka tshol zhes bya ba ni rtsol ba ste/ zan bcad pa'i don du rtsol bar byed pa'o/ /ji tsam 'dod pa zhes bya ba ni ji tsam dga' ba'o/ /smra ba zhes bya ba ni phebs par smra ba'o/ /'dug pa zhes bya ba rkub bcos 'jog pa'o/ /ches du bsams te dge slong gi zan gcod du 'dzud na zhes bya ba ni can gcod du gzhug pa'i phyir rtsol bar byed ces bya ba'i tha tshig go / zan gcod du 'dzud pa'i ltung byed de lnga bcu gcig pa'i tshig rnam par bshad pa rdzogs so// //drang zhes bya ba ni drang ba'o/ /bde ba zhes bya ba ni 'jigs pa med pa'o/ /lam kha zhes bya ba ni lam srol lo/ /bsel bgyi'o zhes bya ba ni bskyal bar bya ba'o/ /dge ba'i rtsa ba 'di zhes bya ba ni chags pa med pa la sogs pa'o/ /legs par spyad pa 'dir zhes bya ba ni lus dang ngag gi las kyis so// bskal pa bcu gsum du zhes bya ba ni bar gyi bskal pa bcu gsum du'o/ /log par ltung ba zhes bya ba ni ngan song gi 'gro ba'o/ /srid pa tha ma zhes bya ba ni skye ba tha ma ste rnam par smin pa'i 'bras bu'o/ /gnas zhes bya ba ni sems kyi rgyud de bde ba dang sdug bsngal ba la la sogs pa 'dug pa'i gnas yin pa'i phyir ro/ /gzugs zhes bya ba ni gzugs kyi lus so/ /lus tha ma thob pa zhes bya ba ni srog la sogs pa mi ldan pa'i rgyun no/ /las de nyid ces bya ba ni yid kyi las so/ /shing ljon pa khong stong zhes bya ba ni shing ljon pa skams pa'o/ /glang pa dag gis shes bya ba ni mi grang bzhin du grang par 'chos pa dag gis te/ grangs pas zil gyis gnon pa dag gis zhes bya ba'i tha tshig go /sgra cal? zhes zer ba zhes bya ba ni chu'i nang du shing sgyel ba'i sgra mi gsal pa'o/ /chal chal zer ba byung ngo zhes bya ba ni ri bong dag gi sgra de thos nas cal cal zhes zer ba zhes bya ba'i srog chags a tsi pa zhig yin par brtags te de byung ngo 'od do zhes bya ba'i tha tshig go /ri drung dang nye ba zhes bya ba ni ri shod dang nye ba'o/ /ral pa can zhes bya ba ni pad+ma'i ge sar dang 'dra ba'i sgu'i ral pa mthon po dag de la yod ces bya ba'i tha tshig go /cod pan lta bu dang ldan pa zhes bya ba ni cod pan gyi rnam pa lta bu kha dog dkar po'i spu dag skye ba dang ldan pa zhes bya ba'i tha tshig go / rab tu grags pa zhes bya ba ni 'jig rten na grags pa ste des thams cad du 'gro bar mi bya'o zhes bya bar bsams so/ /rkang pa bzhi med pa zhes bya ba ni rkang bzhi pas stong par ro/ /re zhig 'dul ba la bslab pa'i gzhi 'cha' bar ni mi mdzad do zhes bya ba ni de la reg pa'i skabs 'jig rten na smad par 'gyur ba med pa'i phyir ro/ /'bar zhes bya ba ni chung zad 'bar ba'o/ /rab tu 'bar ba zhes bya ba ni 'bring tshad du mched pa'o/ /kun tu rab tu 'bar zhes bya ba ni cher 'bar ba'o/ /mo lce gcig tu gyur cing 'bar ba zhes bya ba ni lan gcig tu 'bar bar gyur pa'o/ /'jigs pa med pa zhes bya ba ni da ltar gyi 'jigs pa'i rgyu las grol ba'o/ /bag tshab med pa zhes bya ba ni ma 'ongs pa'i 'jigs pa'i rgyu las grol ba'o/ /nyes pa nyes pa'i sgo nas shogs shig ces bya ba ni/ skyon skyon nyid du smed cig ces bya ba'i tha tshig go /gzhan la gtong bas rtse bar byed ces bya ba ni rtsen mo gang la byis pas shing bu mes spar te/ gcig gi lag nas gcig gi lag tu gzhan la mthong cig ces gzhan la gtong bar byed pa yod pa des rtse bar byed pa'o/ /zla ba yang byed ces bya ba ni zla ba lta bu'i 'khor lo yang byed pa'o/ /nyi ma yang byed ces bya ba/ yang nyi ma lta bu'i 'khor lo yang byed pa'o/ /mgal me'i 'khor lo yang byed ces bya ba ni mgal mo rdza mkhan gyi 'khor lo 'dra bar skor ba'o/ /reg gam zhes bya ba ni reg par byed pa'o/ /reg du 'dzud na zhes bya ba ni reg du 'dzud par byed pa'o/ /dbu skra dang sen mo'i mchod rten zhes bya ba ni de bzhin gshegs pa'i dbu skra dang/ sen mo dag blangs nas mchog pa'i phyir/ mchod rten gang dag byas pa'o/ /dus yun ring du byin gyis brlab par bya'o zhes bya ba ni las zin gyi bar gyi yun ring por ro/ /dus byin gyis ma brlabs par spar bar byed na ltung byed du 'gyur ro/ /zhes bya ba la sogs pa ni dus kyang med la byin gyis kyang ma brlabs par spar bar byed pa la sogs pa la ltung byed du 'gyur bar gsungs so/ /dus yang? la byin gyis brlabs par spar bar byed pa la sogs pa la ni nyes byas su 'gyur bar shes par bya'o/ /me ma mur zhes bya ba ni thal mor gyur pa la thug pa'o/ /mer skra la sogs pa 'dzud pa nyes byas zhes gsungs pa ni reg du 'dzud pa dang gnyis kyis bcug pa med pa'i phyir na smad do/ /me la reg pa'i ltung byed de lnga bcu gnyis pa'i tshig rnam par bshad pa rdzogs so// //brel ba zhes bya ba ni yid brel ba nyid do/ /bskyed par bya'o zhes bya ba ni dbyung bar bya ba'o/ /gya tsom du zhes bya ba ni ci de rgyu de nye bar zhi 'am 'on te ma zhi zhes rnam par ma dpyad par ro/ /nan gyis zhes bya ba ni rigs pas yin yang btsan thabs kyi ma gus pas so/ /kho bos 'dun pa ma phul lo zhes bya ba ni yul de la ma dad pa'i phyir ro/ /kho bos mdun pa nyes par phul lo zhes bya ba ni ma brtags par phul ba'i phyir ro/ /spong ba'i chos su byed cing zhes bya ba ni ston cing 'gog par byed ces bya ba'i tha tshig go /'dun pa phyir sgyur ba'i ltung byed de lnga bcu gsum pa'i tshig rnam par bshad pa rdzogs so/ / //re zhig 'dul ba la nyan thos rnams kyi bslab pa'i gzhi 'cha' bar ni mi mdzad do? zhes bya ba ni nub gnyis las lhag pa ma nyal ba'i phyir ro/ /lo ma ma yin pa'i spyil bu zhes bya ba sprul pa byas pa'o/ /sprul dug myur du khyab par byed pa'i gtso bo zhes bya ba ni sprul dug myur du khyab par byed pa chen po'o/ /tshad ces bya ba ni khung ngo/ /dngos btsan pa zhes bya ba ni mngon sum du gyur na pha rol gyi yul 'khor phebs par nus na bdag nyid ma song na phebs par mi nus so/ /dge slong ma 'ongs pa rnams la ni gzhes par mdzad la zhes bya ba ni sdod par mdzad pa'o/ /phyir gtong bar mi mdzad ces bya ba ni 'jog par mdzad pa'o/ /dgra bcom pa'i sgo nga dang ldan pa zhes bya ba ni dgra bcom pa'i sa bon dang ldan pa'o/ /'khru ba'i nad ces bya ba ni 'khru bag gi nad do/ /lhan cig 'dug ste zhes bya ba ni dkyil 'khor gcig tu'o/ /nyen 'khor du spang bar bya'o/ /zhes bya ba ni gnas khang gi sgo phang 'brel ba'i khyim kyi phyogs su spang bar bya ba'o/ /dge slong sdig can zhes bya ba ni sun 'byin pa'o/ /gnas par khas ma blangs pa zhes bya ba ni dbyar gyi gnas ma blangs pa'o/ /gnas gcig tu nyal bar mi bya'o zhes bya ba ni gnas khang gcig tu nyal bar mi bya ba'o/ /rdzogs par ma bsnyen pa dang lhan cig nyal ba'i ltung byed de lnga bcu bzhi pa'i tshig rnam par bshad pa rdzogs so// //sdig pa can gyi lta ba'i rnam pa zhes bya ba la/ sdig pa can gyi lta ba zhes bya ba ni bar du gcod pa'i chos la skur ba 'debs pas log pa'i shes pa yin gyis/ log pa'i lta ba ni ma yin te/ lta ba log na sdom pa yang med par 'gyur ba'i phyir ro/ /rnam pa zhes bya ba ni rnam grangs so/ /byung ste zhes bya ba ni skyes pa ste khyim pa dag gis kyang dge sbyong gi tshul gyi 'bras bu mthong ba'i phyir bar du gcod pa'i chos de dag bsten kyang bar du gcod par mi 'gyur ro snyam pa'i lta ba'i rnam pa skyes pa'o/ /bar du gcod pa'i chos zhes bya ba ni dge ba'i chos kyi bgegs byed pa'o/ /bar du gcod par mi 'gyur te zhes bya ba ni dge ba'i chos kyi dgegs byed par mi nus so zhes bya ba'i tha tshig go /bcom ldan 'das la skur pa ma 'debs shig ces bya ba ni bcom ldan 'das kyi thams cad mkhyen pa nyid ma spongs shig ces bya ba'o/ /bcom ldan 'das la skur pas legs par mi 'gyur ro zhes bya ba ni rnam par smin pa mi 'dod pa 'byung ba'i phyir ro/ /zhal gyis bzhes pa'i phyir skur par mi 'gyur ro snyam pa la/ de'i phyir bcom ldan 'das ni de skad mi gsung ngo zhes bya ba gsungs so/ /bcom ldan 'das de skad mi gsung bar ji ltar shes snyam pa la/ de'i phyir tshe dang ldan pa bar tu gcod pa'i chos rnams kyi bar du gcod pa nyid do zhes bcom ldan 'das kyis rnam grangs du mar gsungs te zhes bya ba gsungs te/ gang gi phyir bar du gcod pa'i chos rnams ni tshul khrims 'chal bar byed pa yin pas bcom ldan 'das kyis gnas de lta bu byas ma thag tu dge slong du mi rung bar 'gyur/ dge slong du mi rung/ shA kya'i sras phyir mi rung dge slong gi dngos po las nyams par 'gyur te/ dge slong gi tshul zhig par 'gyur zhing nyams pas bcom pa ltung ba pham par 'gyur ba ste/ de'i dge sbyong gi tshul phyir bslad du med par 'gyur ro zhes bya ba la sogs pa rnam grangs du mas bar du gcod pa nyid yin bar gsungs pa de'i phyir bcom ldan 'das la ni lan 'ga' yang de skad mi gsung ngo/ /lus dang 'gal ba nyid du bstan nas mngon sum dang 'gal ba bstan pa'i phyir/ de dag bsten na bar du gcod pa nyid du 'gyur gyis zhes bya ba gsungs te/ ma chags pa la sogs pa dang mngon sum dang 'gal ba'i phyir ro/ /thams cad kyis thams cad ces bya ba ni nang gi bdag nyid kyis so/ /rnam pa thams cad kyis thams cad du zhes bya ba ni phyi rol gyi bdag nyid kyis so/ /gtam 'dre bar mi byed ces bya ba ni lung 'bog pa sbyin pas so/ /phebs par smra bar mi bgyi zhes bya ba ni dmigs kyis 'dre ba sbyin pas so/ /dper na gdol bu bzhin du zhes bya ba ni nges pa kho nar yongs su spang par bya ba yin par bstan pa'i phyir ro/ /smad pa zhes bya ba ni smad par bya ba nyid du rnam par bzhag pa ste/ bshung zhing smad pa yin no/ /mchog tu smad ba zhes bya ba ni gnas ngan dbyung zhing spang ba'o/ /dge slong gi tshul gyi bar du gcod par mi 'gyur te zhes bya ba la/ 'dir dge sbyong gi tshul zhes bya ba ni tshul khrims ma 'chal pa'o/ /lta ba'i rnam pa mi gtong ba'i ltung byed de lnga bcu lnga pa'i tshig rnam par bshad pa rdzogs so// //de skad zer ba zhes bya ba ni bar du gcod pa'i chos rnams log par smra ba'o/ /chos bzhin ma byas pa ni phyir bcos pa ma byas pa'o/ /chos dang mthun par ma byas pa zhes bya ba ni rang bzhin phyir ma blangs pa ste legs par ma sbyangs zhes bya ba'i tha tshig go /na bar gyur pa dang sdig pa can gyi lta ba'i rnam pa de dang dpral bar 'dod pa la ltung ba med do zhes bya ba ni snying rje'i dbang yin pa'i phyir/ ltung ba med do/ /spangs pa'i rjes su 'phyogs pa'i ltung byed de lnga bcu drug pa'i tshig rnam par bshad pa rdzogs so/ / //rdzu 'phrul yang mngon par bsgrubs so/ /zhes bya ba ni bskyed pa'o/ /thos pa'i nyen kor nas spangs te zhes bya ba ni gang du las de mi thos pa der bkri bar bya'o zhes bya ba'i tha tshig go /snyil gyis gzhan du song shig ces bya ba ni thag shin tu ring por gzhan song shig ces bya ba'i tha tshig go / bsnyil ba sdud pa'i ltung byed de lnga bcu bdun pa'i tshig rnam par bshad pa rdzogs so// //ri rab kyi bang rim zhes bya ba ni mchod rten gyi bang rim ltar byung ba'i bang rim mo/ /gzhal med khang pa'i cha lugs shes bya ba ni lha gang dag gzhal med khang na gnas pa dag gi cha lugs so/ /rgyal rigs ni mngon pa'i nga rgyal can yin pas zhes bya ba ni dpa' brtul pod pa'i nga rgyal can te gzi byin dang ldan pa zhes bya ba'i tha tshig go / dag pa'i mdza' can zhes bya ba ni yid brtan zhing gsang la gtogs pa rgyal po'i drung gi mdza' na 'dug pa'o/ /dam pa'i chos la gus par mdzad ces bya ba ni de dag dam pa'i chos mya ngan las 'das pa lam dang bcas tshogs dang bcas pa la gus par mdzad do/ /zhes bya ba'i tha tshig go /ci'i phyir zhe na/ de'i phyir dgra bcom pa dag kyang bla mar byed de zhes bya ba gsungs te/ gang gi phyir rigs gsum dang ldan pa'i dgra bcom pa thams cad mya ngan las 'das pa'i chos bla mar sgrub par byed cing de'i don du tshogs chen po sogs par byed pa de'i phyir/ sangs rgyas bcom ldan 'das rnams ni dam pa'i chos la gus par mdzad do/ /mya ngan sel mdzad pa zhes bya ba ni rga ba dang/ 'chi ba dang/ sdug pa dang bral pa la sogs pa'i mya ngan gtan du zhi bar mdzad pa'i phyir ro/ /bdag la legs 'dod ces bya ba ni bdag nyid la phan par 'dod pa'o/ /bdag nyid chen po zhes bya ba ni mi slob pa nyid do/ /sangs rgyas bstan pa zhes bya ba ni de bzhin gshegs pa'i chos gus par bstan pa'o/ /rab tu dang sems med pa zhes bya ba ni ma dad pas kun nas dkris pa'o/ /zhe sdang can zhes bya ba ni khong khro ba dang bcas pa'o/ /'khrugs pa zhes bya ba ni khro ba dang bcas pa'o/ /dam chos zhes bya ba ni lam dang bstan pa'o/ /nyes rtsom zhes bya ba ni khro ba dang zhe sdang gi rjes su 'jug pa'o/ /btul byas shing zhes bya ba ni so sor bsal bar byas shing ngo/ /rab dang med pa zhes bya ba ni ma dad pa'o/ /kun nas mnar sems zhes bya ba ni khro ba dang zhe sdang gi bdag nyid do spong ba zhes bya ba ni mi phyogs pa'o/ /dam grog chung ngu dag ces bya ba ni g.yang sa chung ngu dag go /dam grog chen po dag ces bya ba ni g.yang sa chen po dag go /nyams pa zhes bya ba ni klu'i skyes gnas dang bral ba'o/ /shi ba zhes bya ba ni lus de dang bral ba'o/ /bros pa zhes bya ba ni rang dag song ba'o/ /gzung ba zhes bya ba ni mi 'dod bzhin du khrod pa'o/ /ma rung bas so zhes bya ba la/ bas so zhes bya ba ni sgra ni de ltar 'gyur srid par bstan pa'i phyir ro/ /mi gtso bo dag ces bya ba ni rgyal po la sogs pa'o/ /'chos zhes bya ba ni gzugs brnyan byad pa'o/ /'dod pa ni spyod pa'i lha drug po dag ces bya ba ni rgyal chen bzhi pa dang/ sum cu rtsa gsum dang/ mthun 'byung dang/ dga' ldan dang/ 'phrul dga' dang/ gzhan 'phrul dbang byed ces bya ba 'dod pa na spyad pa drug po dag go / lan gsum yongs su sbyang ba byed du bcug ste zhes bya ba ni mi'i 'jig rten du skye bar bya ba'i phyi lan gsum gyi bar du khas len du bcug ste'o/ /de yang 'dul ba'i gzhi las bzod ldan dag kho bo ni dga' l dan gyi lha'i ris 'di nas 'phos nas mi rnams kyi nang du rgyal po zas gtsang gi btsun mo dam pa'i mngal du nying mtsham pa sbyor ba len par 'gyur gyis khyed cag las gang bdud rtsi don du gnyer ba des kyang yul dbus kyi grong khyer chen po drug tu nying mtshams sbyor ba long zhig ces lan gsum khas len du bcug go zhes gsungs pa yin no/ /bla re zhes bya ba ni steng du bre ba'i bla re'o/ /e ma'o gar byas so zhes bya ba ni ngo mtshar che bar bstan pa'o/ /gang mo'i sgra chen po zhes bya ba ni gang rgyangs chen po'o/ /bcos so zhes grag ces bya ba la grag ces smod pa ni lkog tu 'gyur ba'i don bstan pa'i phyir ro/ /sgra mi snyan ces bya ba ni rgyal po sgra mi snyan gyi byung ba'i mdza' nges brjod pa'i phyir te/ tha dad pa ma yin par gdags pa'i phyi zhes bya ba zhes smos so/ /cha lugs zhes bya ba ni cha lugs kyi ched kyi gos so/ /gsar bar gsar ba yin par dgongs so zhes bya ba ni de dga' ba yin pa'i phyir dang/ gtso bo yin pa'i phyir ro/ /btsag ces bya ba ni sa'i khams te/ de ni grags pa'i phyir dpe yin no/ shing shun zhes bya ba ni sku ba'i tshon te de ni me tog la sogs pa'i dpe yin no/ /gyon na'o zhes bya ba ni gos kyis longs spyod ni lus dkri ba yin pas de bstan pa yin pas de bstan pa'i phyir ro/ /tha na lhung bzed kyi kha yogs kyang rung sta zhes bya ba ni kha cig na ra lhung bzed kyi kha yogs zhes bya ba ras khru gang gi ched tsam yang pa de dang mnyam par gos sar pa zhig rnyed na yang kha bsgyur bar bya ba'i don yin gyi lhung bzed kyi kha yogs dngos ni gos su bgo ba ma yin pas kha bsgyur mi dgos so zhes zer ro/ /kha cig na re lhung bzed kyis yogs kyang kha bsgyur ba nyid yin no zhes kyang zer ro/ /kha ma bsgyur ba'i gos gyon pa'i ltung byed lnga bcu brgyad pa'i tshig rnam par bshad pa rdzogs so// //bskal pa dang po'i mi zhes bya ba ni bskal pa thog ma'i mi'o/ /lam lam lam zhing 'dug pa zhes bya ba ni 'bar zhing 'dug pa'o/ /sprul dug myur du khyab par byed pa dang spal dug drag pa zhes smos pa ni nor ni 'jig rten gnyi gar gnod pa byed pa yin pa'i phyir spangs par bya ba nyid du bstan pa'i phyir ro/ /sdig pa'i grogs po lhas byin gyis nye bar bskor pas zhes bya ba ni sdig pa'i grogs po zin pa'o/ /khyim gyi 'byor ba dag ces bya ba ni khyim gyi longs spyod bza' ba dang/ btung ba la sogs pa dag go /gnya' zungs brgyud mo zhes bya ba ni gnya' ba nas dbul ba rgyud pa ste dang pos gnya' ba nas phul te gnyis pa'i lag tu btang ba la/ gnyis pas gnya' ba nas bzung ste/ gsum pa'i lag tu btang ba la sogs pa'i rim gyis zhes bya ba'i tha tshig go/ //mi gos sngon po gyon pa zhes bya ba ni gshed ma rnams kyi rtags yin no/ /ka ra bi ra'i me tog dmar po dag mgrin bcings pa zhes bya ba ni bsad pa dag gi rtags yin no/ /byung rgyal du smras zhes bya ba ni rgyun mi chad par klong bas su smra ba'o/ /'di ni re shig 'byung ba yin te zhes bya ba ni rin po che la reg pa'i nyes dmigs snang ba'i phyir ro/ /bslab pa'i gzhi 'cha' bar ni mi mdzad do zhes bya ba ni dge slong rnams kyis ma reg pa'i phyir ro/ /'phongs gi dpong sa zhes bya ba ni mtshon gyi sgyu rtsal la bslab pa'i gnas so/ /g.yon 'phongs pa zhes bya ba ni lag pa g.yon pas mda''phangs pa ste/ nyam nga lag tu 'phan tu zhes bya ba'i tha tshig go /g.yas 'phongs pa la sogs pa yang de bzhin du shes par bya'o/ /gom stangs zhes bya ba ni g.yas rkyang la sogs par rkang pa bzhag par byas pa'o/ /rked bcings kyis bcings te zhes bya ba ni rked chings kyi bdag nyid kyi lto phyogs bcings pa'o/ /bcad pa byas pas zhes bya ba ni dbyug pa la sogs pa'i dpon bcugs pa bcad ces bya ba'i tha tshig go re zhig 'dul ba la nyan thos rnams kyi bslab pa'i gzhi 'cha' bar ni mi mdzad do zhes bya ba ni rin po che lam reg pa'i phyir ro/ /rol mo'i dpong sa zhes bya ba la/ rol mo zhes bya ba ni/ lha rnams kyi g.yog 'khor ba dri za zhes bya ba glu dang rol mo'i sgra la mkhas pa de dag gi sgyu rtsal glu dbyangs gang yin pa de rol mo zhes bya'o/ /de ston pa'i gnas ni rol mo'i dpong sa yin no/ /drug ldan zhes bya ba la sogs pa ni sgra byed brag go /de dag 'byin pa ni byed pa'o/ /bslab pa'i bzhi 'cha' ba'i ni mi mdzad do zhes bya ba ni rin po che la reg pa med pa'i phyir ro/ /gnod sbyin gyi nor zhes bya ba ni gnod sbyin gyi phyir byin pa'i nor ro/ /rdul gyi tshogs zhes bya ba ni sa rdul gyi gnas so/ /bslab pa'i bzhi 'cha' bar mi mdzad do zhes bya ba yang rin po che la sogs pa la dag pa 'jig rten gyis smas par ma gyur pa'i phyir ro/ /yo byad rnam pa sna tshogs zhes bya ba ni bum pa dang/ ril ba la sogs pa khrus kyi snod dag go /so phag ces bya ba ni drud par bya ba'o/ /bska ba zhes bya ba ni spu dbyi ba la sogs pa'i sman no/ /skyed mos tshal du spyad pa zhes bya ba ni skyed mos tshal du dgos pa'o/ /g.yul ngor spyad pa'o zhes bya ba ni g.yul ngor dgos pa'o/ /rin po che zhes bya ba ni dkon zhing rin che ba gser la sogs pa'o/ /rin po cher smos pa zhes bya ba ni rin po che dang 'dra ba mtshon cha dang rol mo 'chi spyad de/ rin po che dang 'dra bar bde bsgrub pa'i phyir ro/ /sna ma'i yal ga zhes bya ba ni sna ma'i lcug bran gyi tshogs so/ /kun dga' i ra bar gtogs pa na 'dug pa zhes bya ba ni gtsug lag khang gi sa bzhir gtsug lag khang gi phyi rol du ltung ba'o/ /gnas khang du gtogs pa na 'dug pa zhes bya ba ni gnas khang gi nang du ltung ba'o/ /rgyan la nye bar spyod pa zhes bya ba ni rgyan gyi 'dod cing rgyan don du gnyer ba ste/ yang dang yang du rgyan 'tshol? zhes bya ba'i tha tshig go / nor chud mi za ba zhes bya ba ni ji srid 'tsho'i bar du nor nyams par mi 'gyur ro zhes bya ba'i tha tshig go /sre mo lta bu'i rkyal bu zhes bya ba ni sre mo'i rnam pa 'dra ba kha rub pa'i snod do/ /'di ni sprul dug myur du khyab par byed pa yin sre mo lta bu'i rkyal bu ni de na ra dag gis gang ba ma yin gyis mi len to zhes bya ba ni las kyi dbang gis de ltar mi khrul ba yin gyi dngos po nyid de ltar gyur pa ni ma yin no/ /su'i yin pa de len par 'gyur grang snyam pa zhes bya ba ni sus thob par 'gyur ba des phyi len par 'gyur grang snyam pa'o/ /cho ga zhes bya ba ni grub pa'i mdza' i gzhung lags so/ /ma 'dar ba len na nyes byas su 'gyur ro zhes bya ba ni nor bur ma grub pas ches na smad pa'i phyir ro/ /nor bu mchid bu len na yang nyes byas su 'gyur ro zhes bya ba ni nor bu dang 'dra ba'i phyir ro/ /sogs ma'i phreng ba len na yang nyes byas su 'gyur zhes bya ba ni rin po che'i phreng ba dang 'dra ba'i phyi ro/ /'od ma zhes bya ba ni ku ba 'ong ma can la 'dir 'dod ces bya ba'i gling bu ni ma yin te/ de la rgyud kyi sbyor ba med pa'i phyir ro/ /ba la ri dang ma ha ti dang su ko shaka zhes bya ba dag kyang rgyud can gyi bye brag yin no/ /mchu sbrang zhes bya ba ni shing bu las byas pa rgyud gcig bar 'dug pa byis pa dag rtse ba'i cha spyad yin no/ /sgra 'byin pa zhes bya ba ni bud du rung ba'o/ /rdza rnga kha cig pa len na yang nyes byas su 'gyur ro zhes bya ba ni sgra chung ba'i phyir ro/ /gzhu'u zhes bya ba ni ral bar rmal pa las dgos pa'i gzhu'o/ /mda' ltar bcos pa zhes bya ba ni shing bu la sogs pa dag las ltong tsam gtod cing 'ol byi tsam mda''dra ba byis pa dag 'phen pa yang yin no/ /sku gdung dang bcas pa len na ltung byed du 'gyur la/ sku gdung med pa len na nyes byas su 'gyur ro zhes bya ba ni sku gzugs rin po che las pa nyid yin yang sku gdung med na mthar thug pa ma yin pas na smad do/ /ston pa'i 'du shes nye bar gzhag ste len na ltung ba med do zhes bya ba ni ston pa'i blos rin po ches blo ldog pa'i phyir ltung ba med do zhes bya ba'i tha tshig go/ sgra 'byin pa'i tshal gseb dag tu zhes bya ba ni sgra 'byin pas mdzes pa byas pa'i tshal gseb dag tu'o/ /bya dga' zhes bya ba ni dga' ba'i sbyin pa'o/ /longs pa'i gzhir gtogs pa'i ltung byed de lnga bcu dgu pa'i tshig rnam par bshad pa rdzogs so/ / chu bron gsum zhes bya ba ni khrus kyi ched kyi 'bab chu gsum mo/ /de'i tshen bdag sdong bar bgyid la zhes bya ba ni bsdod par bya ba'o/ /dri ma'i rdzas kyis gos pa'i lus zhes bya ba ni dri ma'i rdzas kyis 'bags pa'i lus so/ /dri ma'i rdzas 'chang bas 'dag par 'gyur ram zhes bya ba ni de la nyon mongs pa spong bar 'gyur ram zhes bya ba'o/ /skya bo bsed bsed po zhes bya ba ni skya bo'i rnam pa'o/ /mngon par lngar zhes bya ba ni shin tu gsher ba'o/ /zla ba phyed phyed cing khrus bya bar gsungs pa zhes bya ba ni gang gi nyin ma khrus byas par gyur pa de nyid kyi nyin mo yang khrus gzhan mi bya ba ste nyi ma de nyid kyang nyi ma gcig tu brtsi zhing de nas brtsams te/ zhag bco lnga'i mdun rol ni bcu bzhi pa tshun chad kyi bar du ni khrus byar mi rung gi zhag bco lnga la khrus byar mi rung bar gsungs pa yin no/ /de las 'dums par byed ni zhes bya ba ni gang gi nyin mo khrus byas par gyur pa de nyid kyi nyin mo yang nyi ma gcig tu brtse zhing de nas brtsams te zhag bco lnga pa la khrus bya bar gsungs pa de las 'dums par byed pa ste/ zhag bzhi bcu pa tshun chad du khrus byed ltung byed du 'gyur bar gsungs pa yin no/ /so ga rnams kyi zla ba lhag ma phyed dang gnyis zhes bya ba ni so ga'i dus rnams la zla ba gnyis yod de dpyid zla tha chung tshes bcu drug nas/ dbyar zla ra ba nya'i bar gyis zla ba gcig dang/ dbyar zla ra ba tshes bcu drug nas/ dbyar zla 'bring po nya'i bar gyi zla ba gcig ni so ga'i dus rnams kyi zla ba gnyis yin no/ /de la dpyid zla tha chung tshes bcu drug nas/ dpyid zla tha chung gnam stong gi bar du zla ba phyed bzhag ste de'i lhag ma dbyar zla ba tshes nas/ dbyar zla 'bring po nya'i bar gyi zla ba phyed dang gnyis so/ /dbyar rnams kyi dang po zhes bya ba ni skabs 'dir dbyar gnas par khas blangs pa snga ma'i dus rnams kyi dang po zla ba gcig ste/ dbyar zla 'bring po tshes bcu drug nas/ dbyar zla tha chung nya'i bar gyi zla ba gcig go /dpag tshad gcig tu song ngam zhes bya ba ni rang gi gnas nas phar song yang rung/ gzhan gyi gnas nas tshur 'ongs kyang rung ste spyir dpag tshad gcig brkyang par song ba'o/ /dpag tshad phyed du song ste phyir 'ongs zhes bya ba ni rang gi gnas nas phar song ste phyir 'ongs kyang rung gzhan gyis gnas nas tshur 'ongs shing phyir log kyang rung ste spyir dpag tshad phyed du song ste phyir 'ongs pa la dpag tshad gcig rangs par song ba'i tshad dang mnyam par shes par bya'o/ /gos kyi gras zhes bya ba ni gos kyis mdza' ma'o/ /bsgul ba zhes bya ba ni bskyod pa'o/ /rdzi char zhes bya ba ni rlung dang char 'dres pa ste/ de'i phyir rlung dang char gyis dus gnyis las tha dad par bzhag go /dbang bskur ba'i khrus dang 'jug pa'i khrus zhes bya ba gnyis ni rgyu'i bye brag gis tha dad par shes par bya ste/ dbang bskur ba'i khrus zhes bya ba ni bum pa la sogs pas lus kyi steng nas dbang bskur ba'i tshul du chu blugs shing nges bkrus/ /'jug pa'i zhes bya ba ni chu'i nang du 'jug cing lus bkru ba'o/ /chus lte bar song na ltung byed du 'gyur ro zhes bya ba ni lus kyi phyed gsher na khrus rdzogs pa yin pas ltung byed du bstan te/ de yang dbang bskur bas spyi bo nas brtsams te chus lte bar son pa dang/ 'jug pas rkang mthil nas brtsams te chus lte bar son pa rnam pa nyis ka la kha na ma tho ba re re rdzogs par 'gyur ro dbang bskur ba'i khrus kyis byas nas 'jug pa khrus kyis khrus byed na zhes bya ba la sogs pa ni gal te dbang bskur ba dang 'jug pa gnyis ka dus gcig tu khrus rtsom pa na/ de gnyis lte ba'i phyogs gcig tu phrad par 'gyur ba la ni kha na ma tho ba yongs su rdzogs par gcig tu 'gyur bar bston to/ /'di la 'gyod par mi bya bar zhes bya ba ni khrus kyi don nyid ma yin pa'i phyir ro/ /khrus byed pa'i ltung byed de drug bcu pa'i tshig rnam par bshad pa rdzogs so// //mda' lnga 'phang ba zhes bya ba ni bya ba gang la 'da' lnga 'phen par byed pa ni de ni mda' lnga 'phang pa zhes bya'o/ /tshod yod pa zhig go zhes bya ba ni cung zad rung ngo zhes bya bar bsams pa'o/ /ras bal gyi gzhu'u bzhin du brdungs te zhes bya ba ni lag pa gnyis kho nas brdungs te zhes bya ba'i tha tshig go / rgyud sgra bsgrags zhes bya ba ni gzhu rgyud kyi sgra bsgrengs pa'o/ /'dir ni tso cher dud 'gro gsod ba nyid du dgongs pa yin gyi/ srog chags dang bcas pa'i chu la spyod pa'i skabs ma yin par bstan pa'i phyir dud 'gro bsod pa'i ltung byed logs shig tu bcal pa mdzad do/ dud 'gro gsod pa'i ltung byed de drug bcu gcig pa'i tshig rnam par bshad pa rdzogs so// //dbang po yongs su smin par zhes bya ba ni dad pa la sogs pa'i dbang po rnams yongs su smin cing 'bras bu thob pa dang mthun pa'o/ /nges par 'jug pa zhes bya ba ni mthong ba'i lam la 'jug Tpa'o/ /zag pa zad pa zhes bya ba ni dgra bcom pa nyid thob pa'o/ /dge ba'i rtsa ba chad pa zhes bya ba ni lta ba log pa'o/ /khyed c ag lo nyi shu ma lon par rdzogs par bsnyen pas khyed cag nges pa la 'jug pa dang zag pa zad par 'gyur re skan zhes bya ba ni 'char kas bsams bzhin du ci nas kyang dge slong de dag tha na yud tsam zhig kyang bde ba la mi reg par bya ba'o snyam pa de nyid rkyen du byas te de skad smras par zad kyi yang dag par na btsun pa 'char kas las dang po pa la nyes pa med pas de dag rdzogs par bsnyen pa yin pa dang/ rdzogs par ma bsnyen pas kyang nges pa la 'jug pa dang/ zag pa zad pa thob par 'gyur ba'i grub pa'i mdza' khong du ma chud pa ni ma yin no/ /bcom ldan 'das kyis las dang po ba la ltung ba med do zhes gsungs pa de ma thos sam zhes bya ba ni mkhan po la ltung ba med pa dang/ der 'dus pa'i dge 'dun la nyes byas med pa 'dir bskabs ma yin pas mi gzung gi skabs 'dir ni gang zag de yang bsnyen par rdzogs par mi 'gyur la zhes gsungs pa'i nyes pa de med do zhes gsungs pa de ma thos sam zhes bya bar bsams pa yin no/ / de la ltung ba ji ltar 'gyur zhe na zhes bya ba la sog pa ni ma chags pa dang nyams pa gnyis kyi sgo nas dge slong ma yin pa'i don gyis 'gyod pa skyed pa la ltung byed du 'gyur bar bston to/ /dge 'dun lhag ma la sogs pa'i don gyis 'gyod pa skyed? pa la ni nyes byas su 'gyur ro/ /dus 'phyi ba yin pas zhes bya ba dang/ mtshams ma bcad pa dang/ dkyil 'khor ba blo mthun par ma byas pa yin pas zhes bya ba dang/ de gnyis ni tshul khrims 'chal pa yin pas zhes bya ba'i tshar rnams kyis ni bdag nyid lo nyi shu ma lon pa dang/ las kyi gnas mtshams ma bcad pa dang/ las byed pa tshul khrims 'chal ba'i sgo nas ma chags pa ston to/ /de ni gcan sgo yin pas zhes bya ba ni rku sems kyis blangs pas zhes bya ba dang/ mi'i chos bla ma smras pa zhes bya ba tshar rnams kyis ni nyams pa'i don gyis 'gyod pa skyes pa bstan to/ /rdzogs par ma bsnyen zhes bya ba ni dge slong gi dngos po ma skyes pa'o/ /nyes par rdzogs par ma bsnyen zhes bya ba ni rdzogs par bsnyen pa'i chog mtshad par byas pa'o/ /yang rdzogs par bsnyen bar bya zhes bya ba ni gal te 'dod na'o/ /dkyil 'khor bar blo mthun par ma byas pa ni las kyi mthun par spong ba'i phyir dkyil 'khor ba'i mtshams ma bcad pa'o/ /don gzhan zhes bya ba ni na tshod shes par bya ba la sogs pa'i dgos pa gzhan gyis so/ /'dul ba'i yo byad ces bya ba la 'dir 'dul ba zhes bya ba ni dge ba la gzhug pa'o/ /de sgrub pa ni yo byad de rgyu des zhes bya ba'i tha tshig go /'di gnyis la ni 'gyod pa skyed pa'i bsam pa med pas ltung ba med do/ /'gyod pa skyes ba'i ltung byed de drug cu rtsa gnyis pa'i tshig rnam par bshad pa rdzogs so// //sor mos ga ga tshil byed ces bya ba ni sor mor reg nas mthar gyis spro bas lus la 'dud pa ste bzhad gang dang lus kyi skyi g.ya' bar skyed par byed ces bya ba'i tha tshig go / lus kyi las dang/ lus kyi spyod pa dang/ lus kyi g.yo ba zhes bya ba ni sbyor ba dang/ dngos gzhi dang/ mjug yin par shes par bya'o/ /de la ltung ba ji ltar 'gyur zhe na zhes bya ba ni reg pa re re las 'gyur ba skye ba'i phyir sor mo gcig la sogs pa sbyor ba gcig pa ji snyed kyis reg kyang ltung ba tha dad du dbye ba med do ltung byed gcig tu 'gyur ro/ /lus ma yin pas lus ma yin pa la reg pa dang skra dang/ san mo dang/ so dag gi reg pa ni nyes byas so/ /ga ga tshil byed pa'i ltung byed de drug cu rtsa gsum pa'i tshig rnam par bshad pa rdzogs so// //mos pa'i ting nge 'dzin ces bya ba ni mos pa yid la byed pa ste/ de dag thams cad bdag gi lus dang 'brel bar mos pa'i phyir ro/ /sems ni grogs dang 'dra zhes bya ba ni g.yo ba'i phyir ro/ /ting nge 'dzin ni rdo rje dang 'dra zhes bya ba ni nyon mongs pa'i ri bo thams cad 'joms pa'i phyir ro/ /nyon mongs pa rnams ni ye shes kyis 'joms so zhes bya ba ni nyon mongs pa rnams kyi sngon du gti mug 'gro la gti mug gi gnyen po ni ye shes yin pa'i phyir ro/ /rtse zhes bya ba ni bdag 'ba' zhig go /rtsed mo zhes bya ba ni zla dang ngo'o/ /dga' zhes bya ba ni dang gi lus 'og tu nub pa dang steng du byung ba dang sogs pa'o/ /sim pa zhes bya ba ni bsil ba'o/ /slob pa'i bsam pa zhes bya ba ni lag stangs la sogs pa'o/ /bam to la gyis rdeg na nyes byas su 'gyur ro zhes bya ba ni chung ba'i phyir ro/ /bum pa la sogs pa la nyes byas su 'gyur ba ni nang du ma zhugs pa'i phyir ro/ /chu la rtse ba'i ltung byed de drug cu rtsa bzhi pa'i tshig rnam par bshad pa rdzogs so// //phan pa mdzad pa zhes bya ba ni gnod pa bzlog pa'i phyir ro/ /legs par mdzad pa zhes bya ba ni phan bsgrub pa'i phyir ro/ /ji ltar phan pa dang legs par mdzad pa yin zhe na/ de'i phyir 'di ltar bcom ldan 'das de ni zhes bya ba la sogs pa gsungs so/ /sdug bsngal gyi chos zhes bya ba ni skye ba la sogs pa'i sdug bsngal dag go / sel bar mdzad ces bya ba ni bzlog par mdzad pa'o/ /bde ba'i chos zhes bya ba ni yid bde ba la sogs pa dga' ba dag go /sgrub par mdzad pa zhes bya ba ni stobs par mdzad pa'o/ /sdig pa mi dge ba'i chos zhes bya ba ni nyon mongs pa dang las dag go / dge ba'i chos zhes bya ba ni yang dag pa'i lta ba la sogs pa'o/ /ma rgal ba zhes bya ba ni ngan 'gro dag las mthar ba'o/ /ma grol ba zhes bya ba ni 'dod pa'i 'ching ba dag las so/ /dbugs ma phyin pa zhes bya ba ni gzugs dang ldan pa'i 'dod chags kyis te/ bde ba dang yid bde ba la sogs pa skyon las rnam par ma grol ba'i phyir ro/ /yongs su mya ngan las ma 'das pa zhes bya ba ni khams gsum pa las rnam par ma grol ba ste yang srid pa sogs pa'i sdug bsngal ma lus par ma spang ba'i phyir ro/ /ci brtol can zhes bya ba ni thugs thub can no/ /g.yo zhes bya ba ni g.yos skyed pa'i yid kyi las so/ /gya gyur zhes bya ba ni de nyid kyis bskyed pa'i dag gi las so/ /ya yo zhes bya ba ni de nyid kyis bskyed pa'i lus kyi las so/ /yang de gsum ni g.yo chung ngu dang/ 'bring dang/ chen por shes par bya'o/ /ya mtshan sna tshogs dang ldan pa'i mchod sbyin zhes bya ba ni gang la rab tu byung ba thams cad mchod par byed pa'o/ /rna sbrang zhes bya ba ni mda'i mde'u rnga rngo? can no/ /ma'i bskal pa bzang po zhes bya ba ni mi rnams kyi nang na shin tu bzang zhing bsod nams lhag par 'bar ba'o/ /gnas gcig tu nyal ba zhes bya ba ni gcig nas gcig tu dus gcig tu gles phab pa ste/ gnyid log par byed dad pa'o skas bsdu bar bya ba 'am/ sgo gtan bas gcad par bya ba 'am/ srung ba dge slong bzhag par bya'o/ /zhes bya ba ni gnod pa byed pa bzlog pa'i phyir ro/ /srung ba dge slong bzhag pa ni 'khrul ba ni med pa'i phyir ro/ /bar kha la sogs pa ni dpe tsam du zad de gcig nas gcig tu rgyur rung na gnas gcig pa nyid du 'gyur la/ skas bsdu ba 'am/ sgo gtan pas bcad pa la sogs pas rgyur mi rung na gnas tha dad par blta'o/ /sgo phyi rol na bcad pa dang sgo nang rol nas bcad par bya zhes bya ba ni sgo bdag nyid kyi dbang du bya ba'i phyir ro/ /khyim thab kyis bsrungs na ltung ba med do zhes bya ba ni bud med kyi yul khyil gyis bsrungs na dge slong la rjed? cing rtsol bar thugs mi thub pa'i phyir ro/ /phyogs de re lde la sogs pas bskor bar bya ba ni der bzlog pa'i phyir ro/ /skya rengs shar ba na nyas byas nyid du 'gyur ro zhes bya ba ni gnas nyid med pa'i phyir ro/ /des par skal ba dang ldan pa nyid ces bya ba ni nges par 'gyur ba'o/ /'khor ba 'jig ces bya ba la 'khor ba zhes bya ba ni skye ba gcig nas gcig tu 'khor ba'o/ /'jig ces bya ba ni spong zhing sel bar mdzad pas srid pa sel bar mdzad pa ste/ srid pa sel ces bya ba'i tha tshig go / mar me'i snying po bskul ba zhes bya ba'i bteg pa'o/ /bud med dang lhan cig pa'i ltung byed de drug cu tsa lnga pa'i tshig rnam par bshad pa rdzogs so// //sdangs zhes bya ba ni sems kyis so/ /skrag ces bya ba ni lus kyis so// gnod sbyin gos sngon po gyon pa zhes bya ba ni lag na rdo rje'i 'khor gnod sbyin gos sngon po can dag ste/ rgyal byed kyi tshal gyi bsrungs ma gnyug mar gnas pa yin no/ /nyes pa sbom por 'gyur zhes bya ba ni gsol pa'i pham par 'gyur ba'i skabs kyi'o/ /sdang ba zhes bya ba ni 'jigs pa bskyed pa'i rgyu'o/ /byed ces bya ba ni bdag nyid kyis so/ /byed du 'dzud ces bya ba ni gzhan no/ /tha na gzhad gang bya bar bsams kyang rung ste zhes bya ba ni tha na rgod bag gi bsam pas kyang rung ba'o/ /de la ltung ba ji ltar rung bar 'gyur zhe na zhes bya ba ni yid du mi 'ong ba nye bar sgrub par byed pa la ni dngos gzhir 'gyur/ yid du 'ong ba nye bar sgrub par byed pa la ni nyes byas su 'gyur/ skyo bar bya ba'i ched du nyes bar sgrub par byed pa la ni ltung ba med par ston to/ /'di lta ste dper na zhes bya ba ni yid du 'ong ba dang yid du mi 'ong ba zhes bya ba ji lta bu yin pa'i dpe yin gyi/ yi dags dang lha la sogs pa'i gzugs la sogs pa'i dpe ni ma yin no// skyo bar bya ba zhes bya ba ni yid 'byung bar bya ba'o/ /sdangs par byed pa'i ltung byed de drug cu rtsa drug pa'i tshig rnam par bshad pa rdzogs so// //bshugs zhes bya ba ni stan las bslangs pa'o/ /dge slong gi 'tsho ba'i yo byas gang yang rung ba zhes bya ba ni rung ba dang tshad dang ldan pa'o/ /'jigs pa zhes bya ba ni chom rkun la sogs pa'o/ /spang ba'i ltung byed de drug cu rtsa bdun pa'i tshig rnam par bshad pa rdzogs// //kho bo ni dge slong tshul khrims dang ldan ba rtsas bcings na yang dus byed par 'gyur gyis zhes bya ba ni tshul khrims dang ldan pa'i phyir kho bo rtsol bar mi byed pas de'i phyir rtsas bcings na yang 'chi dgos pas kho bo gtams pa mi len te zhes bya ba'i tha tshig go / gdeng med par zhes bya ba ni ma bslang shing gnod par mi byed pa'o/ /dga' ba dang zhes bya ba la sogs pa ni gang gis gos spyod pa de gal te dga' ba dang/ bcugs pa dang/ yid du 'ong ba yin no/ /byin pa la nye bar 'tsho ba'i ltung byed de drug cu rtsa brgyad pa'i tshig rnam par bshad pa rdzogs so/ / //de'i tshe na ni zhes bya ba ni gang gi tshe de gnyis kyis de la pham par 'gyur ba'i chos kyis skur pa btab pa'i tshe na'o/ /skur na ltung byad do zhes bya ba ni skur pa 'dab pa'i bsam pas skur pa 'debs pa la kha na ma tho ba 'dir 'gyur ro/ /nyan pa po bslu ba'i bsam pas brdzun du smra ba ni ltung byed yin te/ de gnyis kyis bye brag ni de yin no/ /bzhi bcus ni ltung bar 'gyur la zhes bya ba ni ma mthong ba dang/ ma thos pa dang/ mi dogs pa zhes bya ba ni/ gzhi gsum mo/ /thos pa de yang brjed pa dang/ de dgos pa de yang brjed ces bya ba ni gzhi gnyis so/ /thos pa la yid chos pa dang/ thos pa la yid ma ches pa zhes bya ba ni gzhi gnyis so/ /thos pa la dogs pa dang/ thos pa la mi dogs zhes bya ni gzhi gnyis so/ /dogs pa la dogs pa zhes bya ba ni gzhi gcig ste/ de ltar gzhi bcus ltung bar 'gyur ro/ /gzhi bcus ltung bar mi 'gyur zhes bya ba ni mthong ba dang/ ma thos pa dang/ mi dogs pa zhes bya ba gzhi gsum mo/ /thos pa la de mang brjed pa dang/ de dogs la de yang brjed pa zhes bya ba ni gnyis te de ltar gzhi lngas ltung bar mi 'gyur ro/ /gzhi bcu gcig gi ltung bar 'gyur la zhes bya ba ni 'dir mthong ba la de yang brjes pa zhes bya ba snga ma bcu'i steng du bsnan to zhes bya pa'i tha tshig go / gzhi drug ces bya bar yang des mthong ba de yang ma brjed pa zhes bya ba snga ma lnga'i thog tu bsnan par shes par bya'o/ /skur pa 'debs pa'i ltung byed de drug cu rtsa dgu pa'i tshig rnam par bshad pa rdzogs so// // bu zhes bya ba ni khye'u dang bu mo dag go / ra ro zhes bya ba ni chang gi myos pa zin pa'o/ /bar skabs so zhes bya ba ni bar ma dor ro/ /skyes pa med par bud med dang zhes bya ba ni gang la grogs skyes pa gzhan med pa'i tha tshig go / gang bud med bsol byed du 'dzud pa la sogs pa ni bar chad kyi dbang gis 'gro ba yin pas ltung ba med do/ /bud med dang lhan cig 'gro ba'i ltung byed de bdun cu pa'i tshig rnam par bshad pa rdzogs so// //stong par 'dod zhes bya ba ni khur med pa'o/ /khur dag gi 'dod zhes bya ba ni khur thogs te 'dod pa'o/ /phyi bzhin 'gro zhes bya ba ni phyi bzhin 'brang ba'o/ /sems ni mar dang 'dra zhes bya ba ni rgyud mnyan pa'o/ /don mthun rkun ma zhes bya ba ni chom kun gyi tshogs so/ /rkun ma dang lhan cig 'gro ba'i ltung byed de bdun cu rtsa gcig pa'i tshig rnam par bshad pa rdzogs so// //dge slong gi dngos por rdzogs par bsnyen par byed ces bya ba ni dge slong gi sdom pa'i phyir nye bar khrid par byed pa'o/ /gzhan las tshig gi lam ngan pa smras pa dang/ ngan pa 'ongs pa dag ces bya ba la/ tshig gi lam zhes bya ba ni thab mo'i rgyu'o/ /ngan pa smras pa zhes bya ba ni brgyud bkag la sogs pa'i dag gi las so/ /ngan pa 'ongs zhes bya ba ni brdeg pa la sogs pa lus kyi las mi 'dod pa dag go / mi bzod ces bya ba ni dang du len par mi nus pa'o/ /zag pa dag la ji mi snyam par bya ba yang mi bzod cing zhes bya ba ni 'dod chags la sogs pa'i zag pa bsal bar bya ba yang mi nus pa'o/ /dang du len mi nus pa'i rang bzhin can zhes bya ba ni sems kyi bzod par mi nus pa'o/ /dge slong de dag kyang zhes bya ba ni las byed pa la sogs pa'o/ /smad par 'gyur zhes bya ba ni ltung ba dang/ bcas par 'gyur pa'o/ /de la ltung ba ji ltar 'gyur zhe na zhes bya ba la/ lo nyi shu yang ma lon pa la lo nyi shu ma lon par yang 'du shes shing 'dris na yang bdag lo nyi shu yang ma lon no zhes zer ba ni gang zag gcig go /lo nyi shu yang ma lon la lo nyi shu ma lon par yang 'du shes shing dris na yang shes shing dran la yid gnyis mi za ste/ bdag lo nyi shu ma lon no zhes zer ba ni gang zag gnyis pa'o/ /lo nyi shu ma lon pa la lo nyi shu lon par 'du shes shing dris na yang bdag lo nyi shu lon no zhes zer ba ni gang zag gsum pa'o/ /lo nyi shu ma lon pa la lo nyi shu lon par 'du shes shing dris na yang shes shing dran la yid gnyis mi za ste/ bdag lo nyi shu lon no zhes zer ba ni gang zag bzhi pa'o/ /lo nyi shu ma lon pa la des mi shes mi dran yid gnyis mi za ba ni gang zag lnga pa'o/ /lo nyi shu lon la lo nyi shu ma lon par 'du shes shing dris na yang bdag lo nyi shu ma lon no zhes zer ba ni gang zag drug pa'o/ /lo nyi shu lon la lo nyi shu ma lon par 'du shes shing dris pa na/ shes shing dran la yid gnyis mi za ste/ bdag lo nyi shu lon no zhes zer ba ni gang zag bdun pa'o/ /lo nyi shu yang lon la lo nyi shu lon par 'du shes shing dris pa na bdag lo nyi shu lon no zhes zer ba ni gang zag brgyad pa'o/ /lo nyi shu lon la lo nyi shu lon par yang 'du shes shing dris pa na/ shes shing dran la yid gnyis mi za ste/ bdag lo nyi shu lon no zhes zer ba ni gang zag dgu pa'o/ /lo nyi shu lon la des mi shes mi dran yid gnyis za ba ni gang zag bcu pa'o/ /de la dang po nyid nas rdzogs bar ma bsnyen cing zhes bya ba ni dus las gyur pa'i lus rung ba nyid kyang med pa'i phyir dang/ 'du shes las skyes la spro ba las gyur pa'i lus rung ba nyid kyang med pa'i phyir rdzogs par bsnyan pa nyid ma chags te/ za ma la sogs pa dang 'dra'o zhes bya ba'i tha tshig go / 'grogs pa dang longs spyod pa la yang ltung bar 'gyur la zhes bya ba la 'grogs pa la ltung bar gyur ba la zhes bya ba ni gsol ba la sogs pa'i las nyams su myong ba na de dang gzhan dag la yang ltung bar 'gyur ro zhes bya ba'i tha tshig go / longs spyod pa la ltung bar 'gyur la zhes bya ba ni gso sbyong dang dpag dbye nyams su myong ba na de dang gzhan dag la yang ltung bar 'gyur ro zhes bya ba'i tha tshig go /des dge 'dun la yang 'ga' tshabs can du 'gyur ro zhes bya ba ni mi 'os pa rdzogs par bsnyen par byed pa'i phyir dge 'dun thams cad du ltung ba dang bcas par 'gyur ro zhes bya ba'i tha tshig go / shes zhes bya ba ni lo grangs shes pa'o dran zhes bya ba ni lo tshigs bdun pa'o/ /yid gnyis mi za zhes bya ba ni 'di la thams cad du nges pa dang ldan pa ste lo nyi shu lon nam ma lon snyam du yid gnyis mi za ba'o/ /de'i mod la rab tu byung ba dang bsnyen par rdzogs pa dge slong gi dngos po 'chags s hing zhes bya ba ni las byed pa de'i mod la re zhig skyes pa'i tsal dang sems las gyur pa'i zhing yod pa'i phyir dge slong gi dngos po chags shing phyir ni gal te 'du shes chad na dge slong gi dngos po sngar chags pa yang 'jig par 'gyur ro zhes bya ba'i tha tshig go / mi shes zhes bya ba ni lo grangs mi shes pa'o/ /mi dran zhes bya ba ni lo tshigs mi dran pa'o/ /yang na mi shes bya ba ni bdag gis lo du lon pa btsal kyang mi shes pa'o/ /mi dran zhes bya ba ni sngon shes pa yang de'i tshe na brjed pa'o/ /yid gnyis za zhes bya ba ni blo la the tshom za ba'o/ /gang zag bcu bdun po de dag gi bye brag bstan pa'i phyir de la gang zag dang po gnyis po gang dag yin pa de dag ni zhes bya ba la sogs pa gsungs so/ /de la gang zag dang po gnyis po zhes bya ba ni lo nyi shu yang ma lon la lo nyi shu ma lon par yang 'du shes shing dris na yang bdag lo nyi shu ma lon no zhes zer ba gang yin pa de dang/ lo nyi shu yang ma lon la lo nyi shu ma lon par yang 'du shes shing dris na yang shes shing dran la yid gnyis mi za ste/ bdag lo nyi shu ma lon no zhes zer ba gang yin pa de gnyis yin par blta bar bya'o/ /rku thabs su gnas pa yin te zhes bya ba ni rku thabs su chos kyi longs spyod nyams su myong bar byed pa yin te/ lan gnyis su rku thabs su las nyams su myong bar byed pa'i phyir ro/ /bsnyil bar 'os pa dag yin no zhes bya ba ni rab tu byung ba'i sdom pa 'chags pa'i rten ma yin pa'i phyir yongs su spang bar 'os pa dag yin no/ /mngal na gnas pa'i zla ba zhes bya ba ni thog mar mngal du chags nas mngal gyi sgor ma bcas kyi bar gyi zla ba du yod pa dag go / shol gyi zla ba dag ces bya ba ni zla ba lhag ma dag go /brtsi bar bya ba ste zhes bya ba'i tshig ni 'di ltar 'jig rten pa'i kun rdzob kyis mngal na gnas pa'i tshe zla ba dang zla ba lhag pa dag logs shig tu mi brtsi mod kyang yang dag pa'i sems la brtsi bar bya ste/ mngal na gnas pa'i tshe yang lus skyes pa yin la shol gyi zla ba dag 'das pa na yang dus las gyur pa'i lus rung ba nyid du skye ba'i phyir ro zhes bstan pa'i phyir ro/ sa spo bar bya ba zhes bya ba ni dge tshul nyid du bkri bar bya ba'o/ /yang rdzogs par bsnyen par bya zhes bya ba ni lus gyur pa'i zhing nyid ni sems kyi bye brag ni lhan cig byed pa'i rgyur gyur pa nyams pas rdzogs par bsnyen pa yang nyams pa'i phyir ro/ /chos mngon pa las 'di sdom pa gtong ba'i rgyu nyid du ma 'grangs pa ni ma nges pa'i phyir ro/ /gal te tshad ni de lta na legs zhes bya ba ni dpyad khongs su gzhug pa ste/ mngal na gnas pa'i zla ba dag kyang las kyi dbang gi mang nyung ma nges pa'i phyir ro/ /'di ltar gang zag legs par gsungs pa'i chos 'dul ba la rab tu byung zhing rdzogs par bsnyen pa dge slong gi dngos po 'thob pa ni dkon pa'i phyir ro zhes bya ba ni/ 'di ltar dge slong gi dngos po thob pa la dogs pa la sogs pa bcad pa'i phyir te/ 'di ltar 'dul ba la sogs pa'i yongs su btang ba byas nas gal te yang blangs pa bcos par byed na de'i tshe na ba dang/ 'chi ba dang/ grogs med pa dang/ yul 'khrugs pa la sogs pa'i dbang gis phyir thob par shin tu dka' bas de'i phyir dge slong gi dngos po ji ltar thob pa'i lo tshad dran pa rnyed na legs par rdzogs par bsnyen pa yin te/ yang rdzogs par bsnyen par bya ba mi dgos so zhes bya ba'i tha tshig go / shes par bya zhes bya ba ni 'du shes par bya ba'o/ /dran par bya zhes bya ba ni sngon gyi byung ba'i mdza' nye bar bsgrub pa la sogs pa lo'i dran pa thob par bya'o/ /yid gnyis spang par bya zhes bya ba ni lo la nges pa bskyes pas the tshom spang par bya ba'o/ de dag ni 'gyod pa la sogs pa bsal ba'i phyir bsgo bar bya ba yin par shes par bya'o/ /las dang po pa dang/ smyos pa dang/ sems 'khrugs pa dang/ tshor ba dag gis nyen pa la ltung ba med do zhes bya ba ni mkhan po la ltung byed med pa dang/ dge 'dun la nyes pa med pa dang/ gang zag de rdzogs par bsnyen par mi 'gyur ba ma yin pa'i tshig yin no/ /ma lon par rdzogs par bsnyen par byed pa'i ltung byed de bdun cu gnyis pa'i tshig rnam par bshad pa rdzogs so/ / //bam po bco lnga pa/ /rnang sgal zhes bya ba ni rnang gi mtshams so/ /sbyur bar byed ces bya ba ni bdag nyid kyis phung por byed pa'o/ /sbyur du 'jug par byed ces bya ba ni gzhan sbyur du 'dzud par byed pa'o/ /yung ba zhes bya ba ni chu srol lo/ /rang bzhin can zhes bya ba ni shin tu 'thas pa'i rang bzhin can no/ /rang bzhin can ma yin pa zhes bya ba ni shin tu 'thas pa'i rang bzhin can ma yin pa gzhan no/ /char chu zhong zhes bya ba ni char che zhing lan gsum mam bzhi la sogs pa 'char 'bab pa'o/ /char chu ma zhong ces bya ba ni de las bzlog pa'o/ /sa zhag ces bya ba ni sa 'gog pa'o/ /grugs pa zhes bya ba ni gyong grugs su gyur pa ste nyams pa'i shar che bas de la nyes byas su 'gyur ro/ /phur pa 'byin pa zhes bya ba ni 'chos pa dang 'dra ba'i phyir nyes byas byed pa yin no/ /shod dgos pa'i bsam ba zhes bya ba ni yi ge la sogs pa bri ba'i bsam pa ste gzhig pa'i bsam pa med pa'i phyir 'di la ltung ba med do/ /ngogs zhes bya ba ni chu klung zlog par byed pa'o/ /'dam skyong ba zhes bya ba ni 'dam rdzab 'khrug par byed pa ste/ 'jig par byed pa dang 'dra ba'i phyir de la nyes byas su 'gyur ro/ /tsha sgo zhes bya ba ni char ba la sogs pa las gyur pa'i sa 'bus pa ste sa ma yin pa'i phyir de la nyes byas su 'gyur ro/ /rdo ba can zhes bya ba ni rdo ba yod pa'o/ /gal te sa ches mang la zhes bya ba ni sa'i khams rang bzhin can zhes mang ba nyid du ston to/ /bye ma can zhes bya ba ni bye ma yod pa'o/ /rgyu skar gyi sbyor zhes bya ba ni rgyu skar dang 'brel bas yongs? pa'i dus yin pa'i phyir 'jig rten gyis smad par 'gyur bas 'di la ltung ba med do/ /rung bar byed pa med na zhes bya ba ni de yang rdzogs par ma bsnyen pa gzhan med na gnang gi yod na mi gnang ngo/ /sa rko ba'i ltung byad de bdun cu rtsa gsum pa'i tshig rnam par bshad pa rdzogs so/ / //bde ba'i sman ces bya ba ni/ zhun mar dang 'bru mar la sogs pa bde ba rnams kyis spyad du rung ba gang yin pa'o dus su rung ba zhes bya ba ni snga dro'i dus su bzar rung ba phye dang snum khur la sogs pa gang yin pa'o/ /thun tshod du rung ba zhes bya ba ni thun tshod kyi mdza' i dus tshun chad du btung du rung la legs par sbyar ba'i btung ba la sogs pa gang yin pa'o/ /zhag bdun pa zhes bya ba ni zhag bdun par byin gyis brlabs te bza' ba bu ram la sogs pa gang yin pa'o/ /'tsho ba'i bar du bcad pa zhes bya ba ni dus thams cad byin gyis brlabs te bza' ba lan tsha la sogs pa gang yin pa'o/ /gshegs ston zhes bya ba ni yongs su rdzogs pa'i ston mo'o/ /ha cang slong ba zhes bya ba ni sgrub dka' ba'i zas ha cang slong ba'o/ /dpung rgyan dang rna cha gdub khor dang phreng ba sna tshogs kyi rgyan dang/ byug pas brgyan par gyur te zhes bya ba ni brgyan par gyur te zhes bya ba ni sgra ni re re dang sbyar ro/ /nyan? 'khor zhes bya ba ni gam yo'o/ /tshigs bcad dag smras pa zhes bya ba la sogs pa la/ zhe sdang gnas su gyur ces bya ba ni zhe sdang bar bya bar gnas te mi sdug pa'o/ /ha cang slong bas bdag la bsdigs byed pa/ /ral gri rdo dang 'bru mar brdar ba bzhin/ /zhes bya ba ni ji ltar ral gri rdo phye dang 'bru mar gyis brdar ba rnon pos bsdigs par byed na gnod skye bar 'gyur ba de bzhin khyod ha cang slong ba ral gri dang 'dra bas bdag la bsdigs par byed do zhes bya ba'i tha tshig go / gal te khyod gnas phyin chad bdag 'ong na/ bdag gi glang par rdo bas bsnun gyis shig /ces bya ba ni de'i phyir gal te khyod kyi gnas su phyin chad bdag 'ong bar gyur na bdag gi glang par rdo ba bsnun cig ces bya ba'i tha tshig go /tsher ma ni dgra yin pas zhes bya ba ni mi mthun pa ni dgra yin pa'o/ /phru gu zhes bya ba ni bu'o/ /zla ba bzhir mgron du bos pa zhes bya ba ni dbyar gyi dus zla ba gcig dang/ dbyar thung ngu'i dus nyin zhag gcig dang/ dbyar ring po'i dus zla ba gnyis dang/ zhag nyi shu rtsa dgu pa dag tu ste/ dbyar zla 'bring po nya nas ston zla tha chungs nya'i bar gyi zla ba bzhir ro/ /so sor mgron du bos pa ma gtogs te zhes bya ba ni so sor mgron du bos pa ni gus pa'i phyir dge 'dun spyan drang pa'i dus las lhag pa la brten pa yin pas ltung ba med do/ /yang yang mgron du pos pa ma gtogs te zhes bya ba ni yang dang yang du mgron du bos pa na 'bad pa'i phyir dge 'dun spyan drangs pa'i dus las lhag pa la brten pa yin pas ltung ba med do/ /dus kyis mgron du bos pa ma gtogs zhes bya ba ni dus kyis mgron du bas pa ni mngon par zhen pa'i dbang gis dge 'dun spyan drangs pa'i dus las lhag pa la brten pa yin pas ltung ba med do/ /rtag tu mgron du bos ma gtogs te zhes bya ba ni mngon sum dus gzhan la brten pa yin pas ltung ba med do/ /dge s long gis ji tsam du cung zad zla ba bzhir mgron du bos pa las lhag par bdag gir byed na thams cad du ltung byed du zhes bya ba ni dbyar gyi zla ba bzhir 'gron du bos pa yongs su rdzogs pa'i 'og tu so sor du bos pa la sogs pa dus med bca' ba dang bza' ba ngan pa yang rung ba bsod pa yang rung ba bslangs te za na slong ba'i tshe na nyes byas su 'gyur la/ zos na ltung byed do zhes bya ba'i tha tshig go /dge slong gis ngan pa la mgron du bos pa na bsod pa slong na de slong ba na nyes byas su 'gyur la za ba la ltung byed du 'gyur ro zhes bya ba ni sngar mgron du bos pa'i gnas kyi yul la kha na ma tho ba 'di rnam par bzhag gi sngar mgron du ma bos pa'i gnas kyi yul la bsod pa slong ba'i kha na ma tho bar 'gyur te/ de gnyis kyi bye brag ni de yin no/ /dge slong gi bsod pa la mgron du bos na ngan pa slong ba la nyes byas su 'gyur la/ za ba la yang nyes byas su 'gyur ro zhes bya ba yang sngar mgron du bos pa'i gnas kyi yul la ni mgron du bos pa las ring du 'dug pa'i skabs kyi kha na ma tho ba 'di nam par bzhag gi/ sngar mgron du ma bos pa'i yul la ni bsong? pa slong ba'i skabs kyi kha na ma tho ba 'dir 'gyur te/ de gnyis kyi bye brag kyang de yin no/ /dge slong bsod snyoms la zhugs pa na bud med kyi yul zas khyer te 'ong na dge slong gis slongs mo chogs mi 'dod do zhes brjod par bya ste/ gal te bud med kyi yul na re 'phags pa ci zhig bzhed ces zer na bstabs par brjod par bya'o/ /gang 'dod pa de bslang bar bya'o zhes bya ba ni sngar zla ba bzhir mgron du bos pa yongs su rdzogs pa'i 'og tu khyim de nyid nas sbyin bdag de skad zer na bstabs pa yin pas mgron du gnyer ba las ring du 'dug pa'i ltung byed du mi 'gyur la/ sngar mgron du ma bos pa'i khyim nas sbyin bdag de skad zer na yang bstabs pa yin pas bsod pa slong ba'i ltung byed du mi 'gyur te/ de gnyis kyis bye brag kyang de yin par shes par bya'o/ /mgron du gnyer ba las ring du 'dug pa'i ltung byed de bdun cu rtsa bzhi pa'i tshig rnam par bshad pa rdzogs so/ / //mthun mongs zhes bya ba ni dge slong dang dge slong ma rnams kyi mthun mong ngo/ /gnyi ga'i dge 'dun zhes bya ba ni dge slong dang dge slong ma gnyi ga'i dge 'dun no/ /khur bslang zhes bya ba ni byis pa zhes bya ba la sogs pa'i tshig gi ngo bo nyid kyi ngag gi nyes par spyod pa dag gis phung por bsags pa'o/ /mgo zhes bya ba ni lus so/ /nod do zhes bya ba ni len to zhes bya ba'i tha tshig go /phyugs chung zhes bya ba ni lang tshol bab pa gzhon nu ma'o/ /mdo sde mdza' dag 'dzin pa zhes bya ba ni mdo sde'i gzhung 'dzin pa'o/ /'dul ba mdza' dag 'dzin pa dang/ ma mo mdza' dag 'dzin pa zhes bya ba yang 'dul ba'i gzhung dang ma mo'i gzhung 'dzin pa'o/ /blo gros rmongs pa kha cig ma mo'i zhes bya ba ni bcom ldan 'das kyis 'dul ba ma mo yin par gsungs kyi/ chos mngon pa ni bcom ldan 'das kyis gsungs pa ma yin pas ma mo yin no zhes zer ba de dag gi gzhung ni 'dir 'dul ba mdza' dag 'dzin pa zhes gsungs pa/ 'dul ba'i ma mo'i yang 'dul ba mdza' dag ces bya ba'i khongs su gtogs pas 'dul ba'i sde snod nyid du gsungs la/ ma mo mdza' dag 'dzin pa zhes bya ba logs shig tu gsungs pas chos mngon ba nyid ma yin par bstan pas bsal bar shes par bya'o/ /nyes par bsam pa sems ba zhes bya ba ni brnab sems la sogs pa yid gnyis par spyod pa gsum sems pa'o/ /nyes par smra bar brjod pa zhes bya ba ni brdzun du smra ba la sogs pa dag gi nyes par brjod pa bzhi brjod pa'o/ /nyes par bya ba'i las byed pa zhes bya ba ni srog gcod pa la sogs pa lus kyi nyes par spyod pa gsum byed pa ste/ de dag gi ni lhan cig skyes pa'i shes rab dang bral ba bstan to/ /mdo sde 'dzin pa ma yin pa zhes bya ba ni mdo sde'i tshig 'dzin pa ma yin pa'o/ /'dul ba 'dzin pa ma yin pa dang/ ma mo 'dzin pa ma yin pa dang zhes bya ba yang 'dul pa'i tshig 'dzin pa ma yin pa dang/ ma mo'i tshig 'dzin pa ma yin pa ste/ de dag gis ni lung las skyes pa'i shes rab dang bral ba bstan to/ /mdo sde la mi gsal ba zhes bya ba ni mdo sde'i don mi shes pa'o/ /'dul ba la mi gsal pa dang/ ma mo la mi gsal ba zhes bya ba yang 'dul ba'i don mi shes pa dang/ ma mo'i don mi shes pa ste/ de dag gis ni bsams pa las byung ba'i shes rab dang bral ba bstan to/ /mdo sde la mi mkhas pa zhes bya ba ni mdo sde'i don shes pa la shin tu ma goms pa'o/ /'dul ba la mi mkhas pa dang/ ma mo la mi mkhas pa zhes bya ba yang 'dul ba'i don shes pa la shin tu ma goms pa dang/ ma mo'i don shes pa la shin tu ma goms pa ste/ de dag gis ni bsams pa las byung ba'i shes rab la gom pa dang bral ba bstan pa'o/ /yang dag pa kho nar byis pa dang/ glen pa dang /mi gsal ba dang/ mi mkhas pa yin na ltung ba med do zhes bya ba ni bslab pa la nye bar 'jog pa spong ba'i blo med pas 'di la bslab pa la nye bar 'jog pa spong ba'i ltung pa ni med kyi ma'i skyon nas smra ba'i ltung ba med pa ma yin no/ /bslab pa la nye bar 'jog pa'i ltung byed de bdun cu rtsa lnga pa'i tshig rnam par bshad pa rdzogs so// /gros byed ces bya ba ni blo mthun par byed pa'o/ /'jab? ces bya ba ni sgo dang sgo khur la sogs pa nas bdag gnyid spas te 'jab pa'o/ /span spun zhes bya ba ni rtsa la sogs pa thibs po dag go /tshang tshing zhes bya ba ni lcug ma dang gel ba dag la sogs pa thibs po dag go /nyan rna zhes bya ba ni 'jab cing drung du 'dug ste nyan pa'o/ /de lta bu'i bsam pas gnyen po zhes bya ba ni gros byed pa de dag gis mi mthun phyogs su gyur pa'i dge slong rnams kyi blo'i mi mthun phyogs gyis mi mthun ba bsgrub par bya'o snyam pa'o/ /sgra thos zhes bya ba ni sgra nyi tshe thos pa'o/ /sgra'i don go ba zhes bya ba ni tshig gi don go ba'o/ /nad dang bcas pa ma yin pa zhes bya ba ni mi mthun pa'i phyogs ma yin no/ /gya tshom du 'jug ces bya ba ni 'di ni ci byed snyam du ma brtags par 'jug ces bya ba'i tha tshig go /mnyan nas nye bar zhi bar bya'o snyam pa zhes bya ba'i thabs mo nye bar zhi bar bya ba'i phyir nyan pa ste/ de la ni nyan rna pa las gyur pa'i ltung ba mi 'gyur ro// //nyan rna ba las gyur pa'i ltung byed de bdun cu drug pa'i tshig rnam par bshad pa rdzogs so// // bslang zhes bya ba ni bsgreng ba'o/ /'dod pa smros shig ces bya ba ni gang ci 'dod pa smros shig ces bya ba'i tha tshig go /gtam rnam par gtan la 'bebs pa zhes bya ba ni gtam rnam par dpyod pa'o/ /mi smra bar 'gro ba'i ltung byed de bdun cu rtsa bdun pa'i tshig rnam par bshad pa rdzogs so/ / //glang chen lhas? kyi bdag po zhes bya ba ni dge slong nag pa'i pha'i ming ngo/ /nag pa zhes bya ba ni dge slong de nyid kyi ming ngo/ /'di ni chos so zhes bya ba ni dngos po'i don bzhag pa ste/ chos mngon pa'i mtshan nyid do/ /'di ni 'dul ba'o zhes bya ba ni tshul khrims rnam par bzhag pa ste 'dul ba'i mtshan nyid do/ /'di ni ston pa'i bstan pa'o zhes bya ba ni bden pa bzhi nye bar ston pa rnam par bzhag pa ste mtshan nyid do/ gcig pus dge 'dun bzlog par byed ces bya ba ni blo 'byed par byed pa'o/ /gcig pus dge 'dun mi mthun par byed ces bya ba ni bya ba dang byed pa la mi mthun par byed pa'o/ /rtsod pa bzung ste rtsod cing 'dug ces bya ba ni dge 'dun dang lhan cig 'gal par byed cing 'dug pa'o/ /gtam gyi 'jug sdod par mi byed ces bya ba ni dge 'dun gyi gtam gyi bar du gcod cing mi sdod par glo bur du gtam zer ba'o/ /gus par mi byed ces bya ba ni 'jig rten pha rol gyis mi 'jigs pa ngo tsha ba med pa'o/ /rje sa mi byed ces bya ba ni 'jig rten 'dir mi 'jig pa'i ngo tsha med pa'o/ /phyir smra bar bya'o snyam du sems zhes bya ba ni zlog par bya'o snyam du sems pa'o/ /dge 'dun zhes bya ba ni dge 'dun gyi yul la'o/ /gang zag la zhes bya ba yang gang zag gi yul la'o/ /dge 'dun gyi tha snyad ces bya ba ni dge 'dun gyis gang zag gi las bcu gnyis la sogs par bskos pa'o/ /shang? kyis spyang pa zhes bya ba ni lan no/ /ma gus pa'i tshul gyis ltung byed de bdun cu rtsa brgyad pa'i tshig rnam par bshad pa rdzogs so/ / //zod zod ma yin par gyur ces bya ba ni chud zod par gyur pa'o/ /khye'u yi grar zhes bya ba ni mkhan po'i khyim mo/ /pru rtogs btsugs zhes bya ba ni thab tu'o/ /phyi bzhin 'brang zhes bya ba ni dgongs mal shin tu spag pa'o/ /srid pa tha ma pa zhes bya ba ni skye ba tha ma pa las gzhan du skye bar mi 'gyur ba'o/ /glo bas bas zhes bya ba ni khrel ba'o/ /chang sar pa zhes bya ba ni bu ram chang gi bye brag ste shin tu myos par 'gyur ba'o/ /legs 'ongs sgra ni bskyud gyur na zhes bya ba la bskyus gyur ces bya ba ni tha snyad brjed pa'o/ /nges par zhes bya ba ni gsal bar ro/ /ma legs zhes bya ba ni sdug bsngal lo/ /legs pa zhes bya ba ni bde ba'o/ /mgon zhes bya ba ni yongs su skyong ba'o/ /gang dag khyod kyis gsungs dga' dang zhes bya ba ni slob pa dag dang so so'i skye bo dge ba dag go /'phags pa zhes bya ba ni zag pa zad pa'o/ /de dag legs 'ongs lag zhes bya ba ni de dag gi mi'i nang du 'ongs pa dang song ba ni legs pa yin pa'o/ /bdag ni skal pa dang bral ba ste/ zhes bya ba ni bsod nams nyams pa'o/ /brtse gnas zhes bya ba ni snying rtse bar bya ba'o/ /drag po'i gnas thob pa zhes bya ba ni nyam nga ba'i gnas skabs su gyur pa'o/ /mya ngan zug dus gzir ba lags zhes bya ba ni mya ngan gyi phur pas zug pa'o/ /zad par mi 'gyur ro zhes bya ba ni yongs su gtugs par mi 'gyur ba'o/ /kun dga' i ra ba pa rgyal bu dum zhes bya ba ni kos lar byung ba'i rgyal po gsal rgyal gyi nu bo rgyal bu nag po zhes bya ba ste de rgyal po'i btsun mo'i 'khor gyi nang du song ba dang/ btsun mo'i 'khor gyis de la me tog gis gtor ba rgyal pos thos nas/ rgyal pos de'i lag pa dum bu dum bur gtubs te bzhag pa dang/ des bden pa'i tshig brjod nas/ dum bu de dag phyir 'byor par gyur pa na 'jig rten gyis de'i ming dum bu zhes bya bar gtags so/ /de sangs rgyas la mngon par dad pas bcom ldan 'das kyi phyir kun dga' i ra ba brtsigs te me tog dag rtag tu 'bul bas kun dga' i ra ba zhes kyang bya'o/ /lha mi rnams kyi mchod gnas zhes bya ba ni brgya byin dang tshangs pa la sogs pa'o/ /de dag gi mchod pa'i gnas ni 'phags pa shA ri'i bu la sogs pa'o/ /de dag gis kyang ches mchod pa ni thub pa zhi ba bdag nyid ces bya ba ste/ bcom ldan 'das yin no zhes bya ba'i tha tshig go /tshur gshegs sbyon zhes bya ba ni tshur gshegs sur gshegs zhes bya ba'i don te gus par sgrim pa'i phyir lan gnyis bzlas so/ /mig la phan zhes bya ba ni mig dang mthun pa'o/ /zad par sngon po'i skye mched ces bya ba ni zad par gyi skye mched bcu'i skabs so/ /thabs kyi zhags pa zhes bya ba ni las spyad ba la sogs pa'o/ /bdag ni sngon chad legs 'ongs gyur ces bya ba ni pha gson pa'i tshe na'o/ /kun mkhyen zhes bya ba ni bod pa'i tshig go /lcags 'dra ba bdag gis ni zhes bya ba ni bdag so so'i skye ba'i gnas skabs na nyes pa du mas gang ba'i phyir dang/ las su mi rung ba'i phyir lus lcags dang 'dra bar gyur pa'o/ /khyod kyis gsungs bden ba bzhi bstan pa'i mchog thos par gyur nas/ de ni gser dang 'dra ba yin / zag pa med pa'i lus kyang thob/ /ces bya ba ni nyon mongs pa med pa'i lus thob ces bya ba'i tha tshig go /rin chen la sogs 'thob pa dang /mtho ris thar pa 'tshal ba yis/ /rtag tu phan ba bzhed pa yi/ /dge shes bstan par gyi ba bzang?/ /zhes bya ba ni rin po che dang rgyal srid la sogs pa 'jig rten pa'i tshe 'di yi don 'thob par 'dod pa dang/ 'jig rten pa'i tshe phyi ma'i don mtho ris 'dod pa dang/ 'jig rten las 'das pa'i don thar pa 'dod pas rtag tu phan pa bzhed pa thugs rje dang ldan pa de bzhin gshegs pa rnams bsten par bya ste 'di ltar dge ba'i bshes gnyen rnams dang/ dge ba'i bshes gnyen rnams kyis zin pa'i sems can rnams ni bzang zhing bde bar 'gyur ba'i phyir ro zhes bya ba'i tha tshig go /kun tu mdzes zhes bya ba ni rab tu byung ba dang/ rdzogs par bsnyen pa thams cad kyis mdzes pa yin pa'o/ /gang du rdib pa zhes bya ba ni bkur sti ma yin pa thob pa'o/ /klu a mra'i chu dogs pa zhes bya ba ni rdzing gi chu gar shing a mras mtshon pa de ni a mra'i chu rdzin? la/ chu'i dogs na gnas pa'i klu gang yin pa de ni klu a mra'i chu'i dogs pa zhes bya'o/ /khon ma mchis pa rnams la khon du 'dzin ces bya ba ni yid sdad ba med pa rnams yid sdad par 'dzin pa'o/ /mi 'gran pa rnams la 'gran 'tshol zhes bya ba ni gnas pa mi byed pa rnams la gnod pa byed pa'o/ /mi 'khu ba rnams la 'khu ba zhes bya ba ni mi bslu ba rnams la bslu ba'o/ /gang klu a mra'i chu dogs pa 'dul bar spro ba des tshul shing longs zhig ces bya ba ni 'phags pa legs 'ongs kyi che ba nyid bsgrag pa'i phyir te/ 'di ltar gang la bcom ldan 'das dang dge slong gnas brtan dag kyang mi 'jug pa de 'dis byas so zhes bstan pa'i phyir ro/ /khyod kyis lus kyi dbang po bsrung bar bya'o zhes bya ba ni dgra bcom pa dang bgra yod pa'i phyir dang/ dge 'dun gyi nang na 'phags pa legs 'ongs seng ge'i sgra sgrog tu gzhug pa'i phyir ro/ /bka' nyan zhes bya ba ni 'da' bar mi bya ba'o/ /g.yo bar mi nus zhes bya ba ni 'gul bar mi nus pa'o/ /shi bar gtam thos sam zhes bya ba ni shi bar grags pa thos sam zhes bya ba'o/ /dul ba'i gnas zhes bya ba ni gdul ba'o/ /nye bar ma zhi ba zhes bya ba ni skyon can no/ /ji bgyi ba zhes bya ba ni ji zhig bya ba'o/ /bya mo lab ces bya ba ni dga' ba'i sbyin pa'o/ /krog krog dkrugs te zhes bya ba ni bsdoms pa'i sgra krog krog dkrugs te'o/ /lo ma ma yin pa'i spyil bu zhes bya ba ni rdo la sogs pa las byas pa'o/ /sprul phrug gu zhes bya ba ni sprul gyi phrug gu'o/ /ma bsams so shes bya ba ni so sor ma brtags pa'o/ /'bru'i chad dang bcos pa'i chang myos par 'gyur ba mthung zhes bya ba la/ 'bru'i chad dang bcos pa'i chad gi mtshan nyid ni myos par 'gyur ba bya ba ste ra ro bar byed pa'o/ /de mthung ba ni bgul du ming pa'o// myong ba zhes bya ba ni myang bar bya ba ma yin pas myang ba ste/ reg bya yin par shes par bya'o/ /'ba' zhig ces bya ba ni dri la sogs pa dang bral ba'o/ /ma 'dres pa zhes bya ba ni myos par 'gyur ba dang bral ba'o/ /de ji ltar srid ce na/ de'i phyir de yang tshwa nyid du gyur zhes bya ba gsungs te yang myos pa nyid du mi 'gyur ba yin no/ /nur rdzi zhes bya ba ni snyigs ma'o/ /spang ma zhes bya ba ni chad gi spang ma'o/ /tshig ma zhes bya ba ni myos par 'gyur ba'i tshigs ma'o/ /phabs zhes bya ba ni 'bru'i chang gnan pa'i rdzas te 'di la ni mgul bar btung ba med pas nyes byas su gsungs so/ /me tog dang 'bras bu myos bar 'gyur pa dag za na nyes byas su 'gyur ro zhes bya ba ni yang 'gul du ming pa'i btung ba med pa'i phyir ro/ /bskol pa mthungs pa la ni myos pa med pa'i ltung ba med do/ /khur bar srel ba dang lus dag skud pa ni rna? ba'i phyir nyes byas kyang med do/ /myos par 'gyur ba 'thung ba'i ltung byed de bdun cu rtsa dgu pa'i tshig rnam par bshad pa rdzogs so// // mchog 'thob pa zhes bya ba ni bag mer 'gror nye ba'o/ /legs par sbas pa zhes bya ba ni /zhan dag gis zil gyis mi non pa'o/ /legs bsrung ba zhes bya ba ni bdag nyid gzhan dag dang mi spyod pa'o/ /grong bar zhes bya ba ni phyogs so/ /phas grangs tshus drangs zhes bya ba ni phan tshun nas drangs pa'o/ /spobs pa can zhes bya ba ni sel gyis zhag bar rtogs pa'o/ /grog ma phra mo zhes bya ba ni thur mas mtshon dgos ba chung ngu'o/ /so sor rtog pa'i stobs zhes bya ba ni dge ba'i shes rab kyi stobs so/ /rdo gcig gis zhes bya ba ni rdo ba gcig gis khar ro/ /'gyes rnga zhes bya ba ni 'gyes pa'i rnga po che'o/ /phan tshun zhes bya ba ni 'khrug long ngo/ /khyim dad par byed pa zhes bya ba ni khyim dag 'dul ba'o/ /rab tu byung ba ni gzhan la phan pas rjes su 'dzin pa zhugs pa yin pas zhes bya ba rab tu byung ba ni gzhan dag la phan pas yun ring por bde bas rjes su 'dzin cing phan 'dogs par byed pa de zhugs pa yin na zhes bya ba'i tha tshig go / gnyi ga nas brtul zhing zhes bya ba ni skyes pa'i sgo dang bud med kyi sgo gnyi ga nas bsgrubs pa'o/ /bzhag go zhes bya ba ni 'phags pa'i bden pa bzhi po dag la nges par byas pa'o/ /khyim mi dang? bcas pa zhes bya ba ni khyim gyi mi dang bcas pa'o/ /dang du blang zhes bya ba ni rigs par bzung ba ste de ltar bya'o/ /zhes bya ba'i tha tshig go /bkur stir byas zhes bya ba ni sems kyi gus par byas pa'o/ /bla mar byas zhes bya ba ni blos bzung ba'o/ /ri mor byas zhes bya ba ni lus kyi phyag la sogs pa byas pa'o/ /mchod pa byas zhes bya ba ni me tog dang mchod yon dang gos la sogs pa yo byad dag gis mchod pa'o/ /mi sdug pa zhes bya ba ni gzugs mi sdug pa'o/ /yam sreg shing zhes bya ba ni sbyin sreg gi bud shing ngo/ /rnying pa zhes bya ba ni sngon gyi las kyi 'bras bu'o/ /sar pa zhes bya ba ni gsod nams gsar ro/ /skyes mi byed ces bya ba ni 'phen par mi byed pa'o/ /mchi mas brnangs pa'i bzhin zhes bya ba ni du ba bzhin no/ /bgags te bsad? ces bya ba ni mgul pa ni bgags te'o/ /grong sprad mo zhes bya ba ni grong khyer du sprad ma mo'o/ /ma legs pa byas te zhes bya ba ni dgra bcom pa gsod pa'i sbyor ba des byas pa'i phyir ro/ /lhung bzed kyi chu zhes bya ba ni lhung bzed bkru ba'i chu'o/ /thabs yin gyis sang kho bo bdag nyid dang gnyis 'od zhes bya ba ni slan chad ma byon cig ces zer ba ni des bdag gcig pu de bzhin du ma 'ong zhig ces bzlog go / phyin bcad bdag grogs dang bcas pa mgron du bos pa lta snyam du bsams pa'o/ /'drangs zhes bya ba ni tsham mo zhes bya ba'i tha tshig go /dang po'i gos zhes bya ba ni thog ma gang gyon pa'i gos so/ /snog zan zhes bya ba khyim bdag med pa na bza' ba bsod pa byed pa'o/ /'dud bar bgyid pa mang po dag ces bya ba ni sdug bsngal bar 'gyur ba mang po dag go /me tog dag dgram par byas zhes bya ba ni me tog dag gtor ba byas pa'o/ /smyo byed ldan gyur tam zhes bya ba ni smyo byed kyi gdon gyis zin tam zhes bya ba'o/ /myos pa'i 'gyur tam zhes bya ba ni chad la sogs pas 'du shes med par gyur tam zhes bya ba'o/ /'char ka nag po zhes bya ba ni 'phags pa 'char ka sngon byang chub sems dpa' gzhon nu rol pa'i zham 'bring du song ba na sprul dug myur du khyad par byed pas dbugs kyis bsregs nas nag por gyur pas ming 'char ka nag po zhes bya bar yang btags pa'o/ /gsang sngags kyi phur bu phyung zhes bya ba ni gsang sngags kyi lha rnams kyi mthu nyams par byas pas nges btang pa'o/ /gang sems pa zhes bya ba ni yid kyis 'dod pa'o/ /gang 'dod pa zhes bya ba ni tshig gi 'dod pa'o/ /rlig par du song zhig ces bya ba ni 'doms kyi phrag tu zhugs shig ces bya ba'i tha tshig go / kha ton gi zhar la zhes bya ba ni rig byed glag pa'i ched du'o/ /lus bstan pa zhes bya ba ni stobs dang ldan pa'o/ /mkhrang pa zhes bya ba ni lus rgyas shing ha cang gzhon sha can ma yin pa'o/ /dam pa zhes bya ba ni lus tshigs shin tu 'byor ba'o// mgo drung pa nas bcad ces bya ba ni gnya' bcad pa'o/ /gser gyi 'od de lta bu zhes bya ba ni gser gyi 'ong 'bar ba lta bu ser lam mar 'dug pa'o/ /nad ngan ces bya ba ni gzhang 'brum mo/ /dge slong 'dug pa la smra bar bya'o zhes bya ba ni de na dge slong gang 'dug pa la kho bo grong du 'gro ba'o zhes smra bar bya'o/ /bka' mchid kyang su med ces bya ba ni su zhig sems zhes bya ba'o/ /sdang ba ma mchis zhes bya ba ni zhe sdang pa'i sems med pa'o/ /gnod ma bgyis zhes bya ba ni gnod par 'gyur ba ma byas pa'o/ /ba lang gi mchod sbyin zhes bya ba ni ba lang mang po gsod pa'o/ /ba lang gi 'bu sgra zhes bya ba ni ba lang gi sgra'o/ /rnga bran zhes bya ba ni ba lang gzhon nu'o/ /sems pa g.yos pa zhes bya ba ni las 'du byed sems pa skyes zhes bya ba'i tha tshig go / lus kyi mchod rten zhes bya ba ni rang sangs rgyas kyi sku gdung gi mchod rten no/ /dus ma yin par 'gro ba'i ltung byed de brgyad cu pa'i tshig rnam par bshad pa rdzogs so/ //rgyus mi shes zhes bya ba ni dge slong gi rnam par bzhag pa mngon par mi shes pa'o/ /ci bde gyis shig ces bya ba ni gdan dag stobs shig ces bya ba'o/ /gzhan dbang thams cad sdug bsngal te zhes bya ba ni gzhan la rag las pa ni dga' ba ma yin pa'i phyir ro/ /bdag dbang thams cad bde ba yin zhes bya ba ni ci dgar nye bar spyad du yod pas dga' ba yin pa'i phyir ro/ /de'i phyir thun mong dag gis gnod byed de zhes bya ba gsungs te/ gzhan la rag las pa'i don dag gis ni gnod pa skyes par byed do/ /de ci'i phyir zhe na/ 'brel pa shin tu 'da' bar bka' zhes bya ba gsungs te/ gang gi phyir thun mong ba'i rdzas dang 'brel pa rkyen dang tshogs pa'i dbang gzhan la reg las pas gnos pa byed pa yin pa de'i phyir thun mong gi rdzas dag gis gnod pa skyes par byed do zhes bya ba'i tha tshig go / zas thob nas zhes bya ba ni zas cung zad brims nas so/ /zas ma thob pa kho nar zhes bya ba ni zas ye ma brims pa kho nar ro/ /zang zing gi ched la zhes bya ba ni zang zing gi rgyu la'o/ /chos kyi ches la zhes bya ba yang chos kyi rgyu la'o/ /rgyu bar byed ces bya ba ni 'gro bar byed pa'o/ /khyim pa 'dug pa la bsgo bar bya'o zhes bya ba ni kho bo lam sdod par brims shig ces bsgo bar bya ste/ sbyin bdag la de skad chems bzhag par bya'o/ /snga dro dang phyi dro khyim dag tu rgyu zhing zhes bya ba ni gcig car gsungs pas snga dro dang gnyi ga khyim pa lam bsgo bar khyim rgyur song na dngos gzhi gcig tu 'gyur gyi/ snga dro 'am phyi dro khyim du seng ba la ni nyes byas su rig par bya'o/ /grong rgyu ba'i ltung byed de brgyad cu gcig pa'i tshig rnam par bshad pa rdzogs so/ / //ri rab kyi bang rim zhes bya ba ni ri rab las rim pa phyir 'thon pa bzhi yod pa ni ri rab kyi bang rim zhes bya'o/ /gser gyi ri bdun zhes bya ba ni nya shing 'dzin dang gzhol 'da' 'dzin pa dang/ seng ldeng can dang/ blta na sdug dang/ rta na ri dang/ rnam par 'dud dang/ mu khyud 'dzin ces bya ba dag go /mtsho chen po ma dros pa dang/ rdzing bu dal gyis 'bab pa na zhes bya ba ni de dag gis drung na gnas yod pa'o/ /rin po che sna bzhi zhes bya ba ni gser dang/ dngul dang/ bai DUrya dang shel lo/ /bskal par gnas pa zhes bya ba ni 'dir bskal ba bar ma bzhi bcu la bskal bar shes par bya'o/ /sa 'dzin pa zhes bya ba ni sa yongs su skyong ba'o/ /'dab chags kyi rgyal po 'dab bzangs zhes bya ba ni nam mkha' lding ngo/ /de dbyung bar mi nus zhes bya ba ni zil gyi mi non pa'o/ /khyad par can ma lags pa zhes bya ba ni skyes bu dam pa ma yin pa'o/ /khyad par can zhes bya ba ni skyes bu dam pa'o/ /rtsib rar dngar ces bya ba ni 'gro ba'i sta gon byas pa'o/ /lnga nyid du bsnabs zhes bya ba ni gsad ba ste 'byung ba chen po bzhi dang/ nam mkha' i khams dang lnga'i bag la zhar byas pa'i phyir ro/ /sbyin pa dag sbyin zhes bya ba ni gzhan la phan gdags pa'i phyir ro/ /bsod nams dag ces bya ba ni mchod pa'i phyir ro/ /longs spyod gyi rnam par smin pa can zhes bya ba ni mi 'dra bar smin pas rnam par smin pa ste/ longs spyod kyi rgyu dang 'bras bu gnod pa med zhes bya ba dag la gnod pa med pa ste gtan yongs su btang zhing phyis ltos pa med pa dang/ bdag la gnod pa med pa ste/ gzhan las phrogs pa la sogs pa ma yin pa'o/ /'dod par byed pa'o zhes bya ba ni khong du chud par bya ba'o/ /shing sA la chen po lta bu zhes bya ba ni 'byor pa rgya chen po'o/ /ar mo ni ga zhes bya ba ni thags ma khra bo'o/ /rnam par rgyal byed yid du 'ong ba zhes bya ba ni rgyal mtshan mdzes pa'o/ /shur bus slas pa zhes bya ba ni thags su btags pa'o/ /stan sbyar ma dang/ nad tshang can dang/ khra bo dang/ chen po dang/ bzang po zhes bya ba dag ni log rim du gding ba'i stan no/ /su mtshan gyi gos kyi steng g.yogs zhes bya ba ni steng rim du gding ba'i stan te yul su mtshan zhes bya ba nas byung ba'i ras so/ /steng nas bgo ba'i gos dang bcas pa zhes bya ba ni lus kyi steng nas bgo ba'i gos dang bcas pa'o/ /gnyis su rgyab dmar po bzhag pa zhes bya ba ni sngas dang rten ma'i phyogs su sngas nad tshang can dmar po re re bzhag pa'o/ /ras zung zhes bya ba ni ras yug gnyis so/ /khar ba'i zo ba can zhes bya ba ni 'o ma bzho ba'i snod khar ba las byas pa'i zo ba dang bcas pa'o/ /ras bcos bu phrugs kyis g.yogs pa zhes bya ba ni ras zungs gcig gis g.yogs pa'o/ /mgul rgyan dang bcas pa zhes bya ? ni gser gyi mgul rgyan can no/ /bldag pa can zhes bya ba ni sbrang rtsi la sogs pa'o/ /gzhib pa zhes bya ba ni a mra'i 'bras bu la sogs pa'o/ /phyi rol pa zhes bya ba ni 'phags pa'i lam ma skyes pa'o/ /'dod pa rnams las 'dod chags dang bral ba zhes bya ba ni 'dod pa'i 'dod chags spangs pa'o/ /so so'i skye bo zhes bya ba ni nges pa la ma zhugs pa ste/ 'dir so so'i skye bo zhes smos pa ni kha cig na re 'dod chags dang bral ba dag pas kyang khyad par du 'phags pa ngo mtshar che bar bstan pa'i phyir ro/ /kha cig na re rigs pa thob nas brtsams te 'phags pa'i lam thob pa dag byang chub sems pa yin par rtogs pa bsal ba'i phyir ro zhes zer ba'o/ /'dzam bu'i tshal du 'ongs pa zhes bya ba ni byang chub sems dpa' srid pa tha ma pa 'dzam gling du skyes pa'o/ /'di drang srong gi 'og tu smos la phyi ma dag tu ma smos pa ni so so'i skye bo nyid yang drang srong 'dod chags dang bral ba dag dang bral ba dag dang 'dra bar bstan pa'i phyir ro/ /rgyun tu zhugs pa'i 'bras bu mngon sum du bya ba'i phyir zhugs pa gcig la zan byin pa zhes bya ba la/ 'dir zan byin pa zhes bya ba ni btang ba las byung ba ni ma yin te/ mngon par rtogs pa las zhugs pa nyid la de med pa'i phyir ro/ /gtan gyi rkyen ris zhes bya ba ni kun dga' i ra ba dang/ zhing dang/ zong la sogs pa sbyin bdag gis yang dang yang du bsam mi dgos par gtan gyi 'tsho ba 'byor bar 'gyur ba'i yo byas dag go /mthun pa'i mchod sbyin zhes bya ba ni srog gcod pa la sogs pa ni mi mthun pa dang ma 'bras pa'o mi rtag par rjes su lta ba zhes bya ba ni gang dngos po rnams la lan 'ga' 'byung bar lta ba'o/ /zad par rjes su lta zhes bya ba ni gang dngos po 'byung ba rnams la zad par lta ba'o/ /'dod chags dang bral bar rjes su lta zhes bya ba ni gang 'dod chags spong bar lta ba'o/ /'gog par rjes su lta zhes bya ba ni gang dngos po zag pa bcas pa rnams spong bar lta ba'o/ /spong bar rjes su lta zhes bya ba ni gang dngos po zag pa dang bcas pa dang/ zag pa med pa thams cad phung po lhag ma med pa'i mya ngan las 'das par lta ba'o/ /mdo 'di ni khyim bdag ngan pa bzang byin gzugs dang gzugs med pa khams kyi 'dod chags dang bral ba la sbyar bar bya ba'i phyir gsungs so/ /me'i bya ba zhes bya ba ni sreg pa la sogs pa'i me'i las so/ /rim pa gsum pa zhes bya ba ni cha gsum pa'o/ /ches 'phags pa zhes bya ba ni ches 'phang mtho ba'o/ /ches gya nom pa zhes bya ba ni ches gsal ba'o/ /gtams pa bsrung ba zhes bya ba ni gtams pa 'dzin pa'o/ /brgal shing brtag ba zhes bya ba ni rigs par bda' ba' o/ /rigs pas bskyed pa ma yin pa zhes bya ba ni mi tshangs par spyod pas so/ /nor mang pa zhes bya ba ni yul gyi longs spyod nye bar gyur pa zhes bya ba'i tha tshig go /chos mngon pa zhes bya ba ni dngos po'i mtshan nyid de chos mngon bstan bcos so/ /'dul ba la mngon par zhes bya ba ni bslab pa'i gzhi'i mtshan nyid de 'dul ba'i cho ga'o/ /yang na 'dod chags la sogs pa 'dul ba ste 'phags pa'i lam mo/ /dus shes pa zhes bya ba ni dus dang dus ma yin pa'i bye brag la mkhas pa'o/ /dus rigs pa zhes bya ba ni dus dang dus ma yin par rjes su bsgrub pa la mkhas pa'o/ /wa lam can zhes bya ba ni dur khrod do/ /btsun mo'i 'khor lo la 'os pa'i gos so/ /zhes bya ba ni srab mo lus snang ba chags par 'gyur ba'o/ /nam ma nangs pa zhes bya ba ni mtshan mo ma zang pa'o/ /nam ma nangs pa nyid bstan pa'i phyir skya reng ma shar zhes bya ba gsungs te/ skya reng dang po ma shar ba'o/ /rin po che dag ces bya ba ni sgron ma la sogs pa'i ched kyi nor bu dang mu tig la sogs pa dag go / rin po cher smos pa dag go /zhes bya ba ni ral gyi dang dung la sogs pa bsrung ba dag rtsed mo'i ched dag go /ma bsdus par zhes bya ba ni ma btul pa'o/ /rgyal po zhes bya ba ni dngos brtson pa'o/ /sgo gtan zhes bya ba ni rgyal po'i btsun mo'i 'khor gi spo bcad pa'i shing ngo/ /sgo gtan gyi nyen 'khor zhes bya ba ni gang na sgo gtan te med pa de na 'os pa'i nyen 'khor gyi gnas so/ /'da' bar byed ces bya ba ni lus kyis 'da' bar byed pa'o/ /btsun mo'i gan du song ba zhes bya ba ni nye bar sbyar pa'o/ /gsad tshig ces bya ba ni tshig gsad pa dag go /bsad par sems par zhes bya ba ni bsod par byed pa'o/ /mthon po zhes bya ba ni chen po'o/ /gnas dma' ba zhes bya ba ni go 'phangs dma' ba' o/ /'gro ba zhes bya ba ni g.yul 'gyed pa'i phyir 'gro ba'o/ /ldog pa zhes bya ba ni g.yul las phyir ldog pa'o/ /thob rgyal du bsgrags nas zhes bya ba ni gang gis gang blangs pa de ma nangs su khyer cig ces bsgrags nas so/ /de'i 'og tu chad pa chen po rjes su ston par byed ces bya ba ni rdzas 'dor du 'dzud pa'i phyir gsad pa la bsngags pa'i bsdigs mi byed pa'o/ /da ni mjug bsdu ba'i sgo nas nyes dmigs lhag pa dag bstan pa'i phyir dag slong dag de ltar na zhes bya ba la sogs pa gsungs te/ de ltar na zhes bya ba ni bsdus pa'i don yin par shes par bya'o/ /glang po che'i gnod ba zhes bya ba ni glang po che'i phan phun te des gnod par 'gyur ba'i phyir ro/ /rung ba ma yin pa zhes bya ba ni rjes su chags pa dang khong khro ba la sogs pa'i rgyu yin pa'i phyir ro/ /chu la dang mthun pa ma yin pa zhes bya ba ni khyim pa'i lam nyid kyis mthun pa'o/ /dge slong gi tshul dang mi mthun pa zhes bya ba ni dge slong gis tshul dang 'gal ba'o/ /da ni gdul ba'i dbang gis rgyal po'i pho brang du 'jug pa la ji ltar tshul dang mthun par mi 'gyur ba de bstan pa'i phyir yang dag par sdus par byed pa rnams kyis bcom ldan 'das kyis 'bul ba la nyan thos rnams kyi bslab pa'i bzhi de ltar bca' ba mdzad do/ /zhes bya ba la sogs rgya cher gsungs so/ /ma mthong ba'i grogs zhes bya ba ni ma mthong bar snying du sdug pa'o/ /chu zheng zhes bya ba la/ chu zhes bya ba ni srid do/ /zheng zhes bya ba ni rgya'o/ /rang gis mtshon 'debs pa zhes bya ba ni rang nyid g.yul 'gyed pa'o/ /nor bu'i khrab ces bya ba ni rin po che'i ya lang ngo/ /dus tshigs su reg na bde ba zhes bya ba ni tsha ba'i dus su reg pa bsil la grang ba'i dus su ni reg pa dro ba'o/ /bcad dka' ba zhes bya ba ni ral gri la sogs pas bcad dka' ba'o/ /dbug dka' ba zhes bya ba ni mda' la sogs pas dbug dka' ba'o/ /dug 'jil pa zhes bya ba ni dug gsod pa'o/ /snang ba'i bdag nyid ces bya ba ni 'od gsal ba'o/ /rin thang med pa zhes bya ba ni ring thang grangs med pa'o/ /lta bas mchog mi shes pa zhes bya ba ni mig gi slo dag gis lta bas ngoms mi shes pa ste yul des skyo nas gzhan la rtog par mi byed ces bya ba'i tha tshig go / byas zin nas zhes bya ba la/ byas zhes bya ba ni yan lag dang nying lag gtong ba'o// zin nas zhes bya ba ni gsal ba dang/ spu ris dang/ bcad pa la sogs pa byi dor zin pa'o/ /khas len pa zhes bya ba ni smra bas khas len pa'o/ /bslab pa'i gzhi zhes bya ba ni bsgrubs pa'i gzhi'o/ /'byung ba zhes bya ba ni 'jig rten dang rjes su mthun par rten cing 'brel bar 'byung bas skye ba'o/ /ldog pa zhes bya ba ni 'jig rten gyi ldog pa rten cing 'brel par dbyung bas 'khor ba las thar pa'o/ /mngon par spro bar bya zhes bya ba ni bskul bar bya ba'o/ /gtsug lag khang lnga brgya zhes bya ba ni gnas khang lnga brgya'o/ /chung za ba'i mtshan zhes bya ba ni 'chi ltas so/ /bsnyed bkur ni bgyis lags na zhes bya ba ni mgu ba byas zin pa'o/ /brtul ces bya ba ni phan phun byas pa'o/ /khyim gyi nang na gnas zhes bya ba ni btsun mo'i 'khor gyi nang na gnas pa'o/ /dge slong au dra ya na la tshigs su bcad pa 'di skad ces smras so zhes bya ba la sogs pa la/ mi dbang zhes bya ba ni skye rgyal po zhes bod pa'i tshig go /bor ba'i bsod snyoms 'tshol ba zhes bya ba ni yongs su btang ba'i zas tshol bar byed pa'o/ /ji ltar yongs su mi gdung ba zhes bya ba ni ji mya ngan mi byed dam zhes bya ba'i tha tshig go /srang tshad brgya ba zhes bya ba ni srang tshad brgya'i tshad dang ldan pa'o/ /sha yis brlan pa zhes bya ba ni sha khus spangs pa'o/ /rlung med zhes bya ba ni bde zhing dro ba'o/ /sgo gtan bsdams pa zhes bya ba ni sgo bcad pa'o/ /mtshungs pa zhes bya ba ni rigs mnyam pa'o/ /yid du 'ong ba zhes bya ba ni snying du sdug pa'o/ /gus par nyan ces bya ba ni bsgo ba bzhin byed pa'o/ /snyan smra ba zhes bya ba ni snyan par smra ba'o/ /nor mang ldan pa'i mdzod ces bya ba ni nor mang pos gang ba'i mdzod do/ /ci yang med pa zhes bya ba ni rdzas ci yang med pa'o/ /au dra ya nas smras pa zhes bya ba la sogs pa la rgyal po zhes bya ba ni bod pa'i tshig go / gal te gdul dka' ba gzhan gyi zas kyis mtsho byed na/ /ma grub pas ni de 'dul te/ /gnya' shing ba lang 'dul ba bzhin/ /zhes bya ba ni skyes bu gdul ba dka' ba'i sems legs par ma dul ba chog mi shes par gyur na de'i phyir de rab tu byung ste/ gzhan gyi byin pa'i zas kyis 'tsho bar byed na/ gang gis tshe gzhan gyi zas de ma grub cing ma thob pas de'i sems gdu'i dka' ba chog shes pa la 'jog cing 'dul bar byed de/ dper na ba lang gdul dka' ba gnya' shing gis mnan pas legs par 'dul ba bzhin no zhes bya ba'i tha tshig go / dman pa bzhin du zhes bya ba ni dbul po bzhin du zhes bya ba'i tha tshig go /yid kyis gang dang gang 'dod pa zhes bya ba ni sems kyis ci dang ci 'dod pa'o/ /au dra ya nas smras pa zhes bya ba la sogs pa la/ rgyal po gang zhig 'jig rten na/ /lus kyi chos reg bkren pa min/ /zhes bya ba ni rgyal po gang zhig 'jig rten na lus kyis tshul khrims la sogs pa'i chos la reg 'dzin pa de ni bkren pa dbul ba ma yin par shes par bya'o/ /zhes bya ba'i tha tshig go /de ci'i phyir zhe na/ 'di ltar de ni nges par lha nyid dang/ yang na mya ngan 'da' bar 'gyur zhes bya ba gsungs te/ gang gi de ni nyon mongs pa lhag ma dang bcas pa nyid du rnam par gzhag na yang lha nyid du mtho ris su gnas par 'gyur ba dang/ nyon mongs pa lhag ma med par rnam par gzhag na ni mya ngan las 'da' bar 'gyur ba'i phyir ro/ /mi dbang gang zhig chos spong shig /'di la chos min dga' byed pa/ /rgyal po de bkren shes par bya/ /mun nas mun par 'gro bar 'gyur/ /zhes bya ba ni mi'i dbang po rgyal po gang zhig tshul khrims la sogs pa chos spong zhing dran nas tshe 'di la chos ma yin pa sdig pa la dga' bar byed pa'i rgyal po de ni dbang phyug yod kyang bkren par shes par bya ste/ 'di ltar mun pa nas mun par 'gro bar 'gyur te sdug bsngal nas sdug bsngal chen po 'thob par 'gyur ro zhes bya ba'i tha tshig go /gang 'dod par zhes bya ba ni gar dga' bar ro/ /bcu pa'i bcu po 'di zhes bya ba ni lo bcu pa'i tshad kyis gnas skabs bcu po 'di lta ste byis pa'i gnas skabs dang/ gzhon nu'i gnas skabs dang lang tsho'i gnas skabs la sogs pa'o/ /rtsed mo zhes bya ba ni dgar dgur spyod pa'o/ /dga' ba zhes bya ba ni yid bde ba'o/ /bu yid dga' ba ston byed de zhes bya ba ni bu ni pha dga' ba'i rgyu yin pa'o/ /chung mas khengs brjod par byed ces bya ba ni yang chung ma ni khyod rgyal skyed pa'i rgyu yin pa'o/ /mthar byed pa las zhes bya ba ni 'chi ba las so/ /rigs sngags kun zhes bya ba ni gsang sngags rnams so/ /dpung dag ces bya ba ni dmag dag go /dpa' brtul zhes bya ba ni rang gis pha rol gnon pa'o/ /skyob nus min zhes bya ba ni srung bar mi nus pa'o/ /khyab 'jug gi bu dang/ mun byed kyi bu dang/ sgra ngan gyi bu dang/ skya seng gyi bu dang zhes bya ba dag ni mi rigs kyi bye brag go /des kyang 'chi ba bzlog ma nus zhes bya ba ni rgyal po de dag gis kyang 'chi ba mi 'ong bar bzlog par ma nus so zhes bya ba'i tha tshig go sdom brtson zhes bya ba ni sems kyi nges pa'o/ /dka' thub ces bya ba ni lus kyi nges pa'o/ /las zhes bya ba ni skye bo mgu bar bya ba la sogs pa'o/ /brtson 'grus zhes bya ba ni spro ba'o/ /brtul ba zhes bya ba ni 'gyed pa'o/ /'khor tshogs zhes bya ba ni g.yogs 'khor gyi tshogs so/ /rgya chen nor dag gis zhes bya ba ni nor rgya chen po dag gis so/ /mi tshugs zhes bya ba ni zil gyis mi non pa'o/ /thi pa'i mdog 'dra ba zhes bya ba ni bsrags pa'o/ /bor zhing zhes bya ba ni spangs shing ngo/ /phyogs phyogs rnams 'thor ba zhes bya ba ni lhu tshigs dag bral zhing yul tha dad par rnam par 'thor ba'o/ /dung gi mdog 'dra ba zhes bya ba ni dkar po'o/ /bor zhing zhes bya ba ni btang zhing ngo/ /ku ba lhung ba lta bu zhes bya ba ni ku ba lhung ba lta bur sal 'dug pa zhes bya ba'i tha tshig go / tshan sgrib pa byed cing zhes bya ba ni nyi ma byung na gdug la sogs pas sgrib par byed pa'o/ /grang na g.yog par byed pa zhes bya ba ni lhags pa byung na gos kyis dro bar byed pa'o/ /bdag nyid ces bya ba ni lus so/ / mi 'os ji tsam zas zos shig / gyon nam yang na byin pa de/ /de yi rang gir shes bya ste/ /gzhan ni bor te 'gro bar 'gyur/ zhes bya ba ni mi zas dang gos kyi bdag pos bdag nyid kyis zas ji tsam zas shing gos ji tsam gyon pa dang/ gzhan la byin pa gang yin pa de ni de'i rang gir shes par bya'o/ /lhag pa gzhan gyi 'dir bor te bdag nyid 'jig rten pha rol du 'gro bar 'gyur ro zhes bya ba'i tha tshig go /de ni blang bar bya ba bstan pa'i phyir/ mi yis rkun pos mi 'phrogs dang/ /gzhan dang thun mong ma yin pa'i/ /gter ni sbyin pa'am yang na ni/ /legs byas gzhan gyis spa bar bya/ /zhes bya ba gsungs te/ mi 'os bsod nams kyi gter chom kun pas mi phrogs pa dang/ bu lon pa gzhan dang thun mong ma yin pa sbyin pas spas par bya ba 'am yang na tshul khrims dang bsgom pa'i legs par byas pa gzhan gyis spa bar bya ste/ bdag nyid rgyud la yod par bya'o zhes bya ba'i tha tshig go /stag gis ri dags bsad 'dren ltar na rga 'chi ba khyod myur 'dren/ /mdza' bshes blon tshogs kun 'dus pa/ /khyod kyi nad ni sel mi nus zhes bya ba ni dper na stag gi ri dwags bsad de rang gi gnas su 'dren pa byed pa ltar khyod kyang na ba dang/ rgas pa dang/ 'chi bas myur du bar chad med par 'jig rten pha rol tu 'dren par byed de/ de la khyod kyi nad ni mdza' bshes dang blon po'i tshogs kun 'dus pas kyang sel bar mi nus so zhes bya ba'i tha tshig go /bu la sogs pa nor lhur len pa bstan pa'i phyir/ de la bcad lhag nor 'bru dang/ /gser dngul gang dag yod pa dang/ /bu dang chung ma 'khor bcas dag /bgo skal nyid du sems par byed/ /ces bya ba gsungs te/ shi ba de la spyad pa'i lhag ma nor dang/ 'bru dang/ gser dngul la sogs pa gang dag phyin yod pa la bu dang/ chung ma grogs kyi 'khor dang bcas pa dag rigs rgyad? kyis 'thob pa'i nor gyis bgo skal nyid yin par sems par byed do zhes bya ba'i tha tshig go /gal te pha shi bu lon chags/ /bu sdug de la me mi khyer/ /shi na 'ang mi 'chi mi du zhing/ bdag gi pha'am rjer mi smra/ /zhes bya ba ni gal te pha shi ba ni de la gzhan gyi bu lon chags pa yod na bu sdug pa yang bdag la gzhan gyi pha'i bu lon chags pa 'debs kyis dogs pas/ pha shi ba de la ro bsreg pa'i mi mdun du khyer la/ pha shi na yang mchi ma'i bzhin gyis mi du zhing/ shi pa 'di bdag gi pha 'am rje bo yin no zhes kyang mi smra'o zhes bya ba'i tha tshig go /phyug shes bdag gi pha zer zhing/ /skra bshig mchi ma'i bzhin gis du/ /me yang mdun du khyer byed cing/ /kye ma 'di ni lhar 'gyur zer/ /zhes bya ba ni gal te pha shi ba de phyug po yin par shes zhes bya ba ni bu nor 'dod pas bdag gi pha yin no zhes zer zhing shi na skra bshig cing mchi ma'i bzhin gyis du la/ ro bsregs pa'i phyir me yang mdun du khyer par byed cing kye ma pha 'di lhar skye bar gyur cig ces zer ba'o/ /me btang zhes bya ba ni me spar nas so/ /de gcig skye zhing skye tshe gcig /de bzhin gcig 'chi 'chi tshe gcig /ces bya ba ni sems can de ni gcig tu skye ba'i tshe na yang gcig bu yin/ gcig bu 'chi zhing 'chi ba'i chen yang gcig bu yin te grogs gzhan med do zhes bya ba'i tha tshig go /'dir skye 'dir zhes bya ba ni skye ba phos 'khor ba 'dir ro/ /de mthong zhes bya ba ni na ba dang rgas pa dang/ 'chi ba dang bral ba la sogs pa mthong nas so/ /'di la zhes bya ba ni tshe 'di la'o/ /dam pa rnams rab 'byung zhes bya ba ni skyes bu dam pa rnams rab tu 'byung bar byed pa'o/ /khyim na 'dug mi byed ces bya ba ni khyim na gnas par mi byed ces bya ba'i tha tshig go / rab tu 'byung ba'i 'bras bu bstan pa'i phyir/ de dag chags pa kun bral nas/ phyin chad mngal gnas 'jug mi 'gyur/ /zhes bya ba gsungs te/ skyes bu dam pa de dag sred pa la sogs pa'i nyes pa thams cad dang bral zhing spangs nas phyin chad mngal gyi gnas su mi skye zhing 'jug par mi 'jug go / zhes bya ba'i tha tshig go /bar chad ma mchis pa'i sbyor bas zhes bya ba ni rgyun mi chad pas so/ /dus ji lta ba bzhin du zhes bya ba ni dpyid la sogs pa'i dus so/ /sred pa phyogs pa dang ldan pa zhes bya ba ni mngon par 'phel ba'i ngang tshul dang ldan pa'o/ /blon po'i skyon ni chags pa dang/ zhes bya ba ni dbang du mi 'gyur ba'o/ /zas la skyon ni chags pa dag zhes bya ba ni dug la sogs pa dang 'dres pa dag go / shes rab dang ni 'dul la mkhas zhes bya ba ni shes rab dang tha snyad la mkhas pa'o/ /mdzod gnas zhes bya ba ni nor dang ldan pa'o/ /go 'phang gnas zhes bya ba ni dmag dang ldan pa'o/ /ma brdungs zhes bya ba ni dum bur ma byas pa'o ma bsal ba zhes bya ba ni shin te ma med par ma byas pa'o/ /ma bsros pa zhes bya ba ni ma bskor ba'o/ /ma btsir zhes bya ba ni 'khrul 'khor gyis ma btsir ba'o/ /phas kyis bsngo ba zhes bya ba ni pha rol gyi gnod pa'o/ /yul yongs su btang ba ni ming ngo zhes bya ba ni bla'i zhes bya ba ni tha tshig go /bzhin gyur cing zhes bya ba ni bzhin gyi dbyibs gyur cing ngo/ /nyams te zhes bya ba ni bzhin gyi mdog nyams te'o/ /mchi mas brnangs pa'i snying gis zhes bya ba ni du skad kyis 'gags pa'i gre ba'o/ /gal te dgra khyod zhugs gyur na zhes bya ba ni dgra bo rnams kyi nang du zhugs par gyur pa'o/ /sa phung 'phel ba nyid du bya zhes bya ba ni bsad de rung khrod du bzhag par bya zhes bya ba'i tha tshig go / de'i don tu da nub ces bya ba ni dgra bo gcig bu de bsad pa'i don du stong dang bcas pa'i gru de'i chu'i nang du nub par bya'o zhes bya ba'i tha tshig go /las bdag gir bya ba zhes bya ba ni las la rag las pa'o// las kyis ring du 'dren byed de zhes bya ba ni las kyi yul thag ring por khrid par byed pa'o/ /ring nas las kyis 'dren par byed ces bya ba ni yul thag ring po nas las kyis 'gugs par byed pa'o/ /mi mchog khyod kyi tshul dang mthun pa yin// 'phags dngos mngon brtags gang lags khyod kyis mdzad ces bya ba la/ mi mchog ces bya ba ni bod pa'i tshig go /khyod kyi tshul dang mthun pa zhes bya ba ni khyod kyi bya ba'i las kyi cha yin bas/ las so/ /de yang gang zhe na/ 'phags dngos mngon brtags gang lags shes zhes bya ba ni ste/ skyes bu dam pa nyid yin par nye bar mtshon par byed las gang yin pa'o/ /de khyod kyis mdzad ces bya ba ni chos kyi rgyal srid byed du bcug pa dang/ bu la rgyal srid la bzhag pa dang/ chos kyi don du rab tu byung ba la sogs pa byas pa'o/ /zhi ba de'i tshul mthun gang lags pa/ /de ni de ring nye bar gzigs par 'gyur/ /zhes bya ba la/ zhi ba zhes bya ba ni bod pa'i tshig go /de'i tshul mthun gang lags pa zhes bya ba ni gtsug pus can de'i tshul dang mthun pa las chos ma yin pas rgyal srid byed du bcug pa dang/ pha bsod pa la sogs pa 'phags pa'i dngos po ma yin pa'i mngon brtags gang yin pa ste/ de ni de ring khyod kyis gzigs par 'gyur ro zhes bya ba'i tha tshig go /sras ni khyod gson par mi dga' ste zhes bya ba ni khyod kyi sras gtsug pus can ni khyod gson ba mi dga' o zhes bya ba'i tha tshig go / bdag cag byur ran ces bya ba ni bsod nams chung ba ste/ mi dga' ba bzhin du dbang med par khyod gsod pa'i bshed mar bskos so/ /zhes bya ba'i tha tshig go /rgyal pos bskos rnams kyis zhes bya ba ni rgyal po gtsug pus can gyis mngags pa rnams kyis so/ /mang du thos pa mdo sde dang mngon pa la sogs pa'i bstan bcos la mkhas pa'o/ /mdud pa zhes bya ba ni brnab sems dang/ gnod sems dang/ tshul khrims dang/ brtul zhugs mchog tu 'dzin pa dang/ 'di bden snyam du zhes mchog tu 'dzin pa dbus kyi mdud pa dag go /sbyor ba zhes bya ba ni 'dod pa dang/ srid pa dang/ lta ba dang/ ma rig pa'i sbyor ba dag go /zug rngu zhes bya ba ni 'dod pa'i yon tan dang/ 'dod pa la 'dod chags la sogs pa nyon mongs pa dag go / sgrib pa zhes bya ba ni 'dod pa la 'dun pa dang gnod sems dang/ rmugs pa dang/ gnyid dang/ rgod pa dang/ 'gyod pa dang/ the tshom gyi sgrib pa dag go /rgyal po'i chos zhes bya ba ni gya gyu can las cher ma lta bur byung bar bya'o zhes bstan pa la sogs pa'o/ /mtshams med pa zhes bya ba la/ mtshams zhes bya ba ni bar du chod pa'o/ /de med par 'gro ba dang/ mtshams med pa la sogs pa gang gis bar chad med pa kho nar sems can dmyal par nges par 'gro ba'i las de ni mtshams med pa zhes bya ba'o/ /gnyis zhes bya ba ni srog chags gcig bsad pa la las kyi dngos bzhi gnyis mi srid pas 'dir mtshams med pa gcig la ming gnyis su brtags pa ste 'gyod pa bskyed par bya ba'i phyir ming gnyis su brjod do/ /sdig pa sdig pa las shog shog cig ces bya ba ni nyes pa nyes pa nyid du smad pa'i phyir bshags par bya'o/ /bslab pa nyid ces bya ba ni de'i grogs kyi las sbyor pa'i dus na skye ba nges par myong? par 'gyur/ ba rnams rnam par mnan pa'o/ /yongs su zad ba zhes bya ba ni dngos gzhi'i cha nas skye ba rnams rnam par mnan pa'o/ /yongs su mthar thug pa zhes bya ba ni mjug gi che na skye ba rnams rnam par mnan pa'o/ /shes pa la mkhas pa zhes bya ba ni 'dzangs? pa'o/ /skye bo'i bka' mchid ces bya ba ni 'jig rten pa'i gtam mo/ /re zhig nyi ma dang po la r lung mo che byung nas zhes bya ba la sogs pas grong khyer byi dor bya ba ni me tog dang gos la sogs pa'i char 'bab pa ni skye bo'i tshogs de'i longs spyod myong par 'gyur ba'i las nges pa rnams mthar thug par bya ba'i phyir 'bab par shes par bya'o/ /bar phor zhes bya ba ni khar ba'i snod do/ /byur bur gang zhes bya ba ni rtsas btags te gang pa'o/ /grong mi rnams la zhes bya ba ni grong khyer na gnas pa'i mi rnams la'o/ /gsol ba 'debs pa ste zhes bya ba ni go bar byed ces bya ba'i tha tshig go / gnas gzhi zhes bya ba ni lha khang gi gnas zhes bya ba'i tha tshig go /'dod pas 'gro ba zhes bya ba ni 'dod chags kyis 'gro'o zhes bya ba'i tha tshig go /da? dong? pa'i dri ba zhes bya ba ni 'dod chags kyi dri ba'o/ /gzhol ba zhes bya ba ni sdod po'i grib ma 'dud pa'o/ /'bab pa zhig bya ba ni bar gyi yal ga'i dri ba ma ches 'bab pa'o/ /bab pa zhes bya ba ni stong gi yal ga'i grib ma shin tu 'bab pa'o/ /bu mo bzang mo zhes bya ba ni skyon med pa ste ya rabs ma yin pa dang/ ma reg ces bya ba'i tha tshig go / sdig pa can gyi lta ba'i rnam pa zhes bya ba ni rang sangs rgyas la bsnyen bkur ma yin pa byas de bde ba'i rgyu nyid du lta ba ste/ tshul khrims dang brtul zhugs mchog tu 'dzin pa'i lta ba skyes shas bya ba'i tha tshig go /de ltar au dra ya na'i rtogs pa brjod pa 'dis stobs ngas? can ka'u shAma bir zhugs pa'i don dang ldan ba rgya cher bstan to/ / //bam po bcu drug pa/ da ni ji ltar sngo bsangs can bstan pa da dang 'dra ba byung ba'i mdza' btsun mo dpal ldan byung bzhe? brtan nas/ rgyal po'i pho brang du 'jug pa gnang bde rgya cher bstan par bya'o/ /ko shA m+bI? na khyim bdag nor bzangs zhes bya ba la sogs pa la/ gser bzhag pa zhes bya ba ni mi spyad par spa? ba'o/ /khyim khol zhes bya ba ni gza' mi tsam gyi rje dpon de zhing las kyi 'tsho ba'i mi dag go / chos dang rig pas zhes bya ba la/ 'dir chos zhes bya ba ni chags pa mang ba la sogs pa'o/ /rig pa zhes bya ba ni 'jig rten gyi gdags pa'o/ /rgyu ba dang gnas pa las zhes bya ba la rgyu ba zhes bya ba ni 'gro ba'o/ /gnas pa zhes bya ba ni 'dug pa'o/ /sngon ma byung ba'i rtags dang cha lugs can zhes bya ba ni ma grags pa'i rab tu byung ba'i cha lugs 'chang ba'o/ /'byor pa thob pa dang rnyed pa thob cing zhes bya ba la/ 'byor pa thob pa zhes bya ba ni sgrub par byed pa'i don grub pa'o/ /?? las thob pa zhes bya ba ni grub pa'i khe spogs byin pa'o/ /shin tu lham me zhes bya ba ni lus dang 'brel pa'i gzi brding kyis gsal ba'o/ /lhan na zhes bya ba ni lus las phyir byung ba'i gzi brjid kyis phyis gsal ba'o/ /lhang de zhes bya ba ni dbyibs dang rgyan gyis mdzes pa'o/ /mgron ces bya ba ni phan gdags pa'o/ /dbyar 'das nas zhes bya ba ni dbyar gyi dus 'das nas so/ /phyir mi 'ong ba'i 'bras bu mngon sum du byas zhes bya ba ni de dag sngar? 'jig rten pa'i lam gyis 'dod pa'i 'dod chags dang bral ba'i phyir ro/ /dpes mtshan pa gang dag 'jig rten pa'i lam gyis nyon mongs pa spong ba med par gnod pa kho nar ni 'gyur te sa bon ma bsal ba'i phyir ro zhes zer ba dag gis lugs ni gzhung 'di dang 'gal bar shes par bya'o/ / bgrod pa zhes bya ba ni gzhi'i gnas nas dngos su'o/ /'gro ba zhes bya ba ni lam yogs su khar la'o/ /gnas pa zhes bya ba ni mi g.yo ba'i tshul gyis so/ /de thams cad byas shing bsgrubs nas zhes bya ba ni gtso cher bya ba ni byas pa mthar thug par bya ba ni bsgrubs nas so/ /tshal? zhes bya ba ni me tog dang 'bras bu med pa'i tshal lo/ /rgyun lugs nyung zhes bya ba ni skye bo'i 'drul zags nyung pa'o/ klag tsor? nyung ba zhes bya ba ni sgra chung ba'o/ /mtshan mo sgra chung zhes bya ba ni me la cho? byed pa'i skye bo dang/ btsun mo'i 'khor gyi skye ba'o dang/ bram ze la sogs pa'i skye bos mtshan mo shin tu ku co dang klu dbyangs dang/ klog pa'i sgral sogs pa sa 'khrug pa med pa'o/ /'ur? sgra zhes bya ba ni rdza rnga? dang rnga pa Ta ha la sogs pa'i sgra chung ba'o/ /gnas brtan dag gis kyang zhes bya ba ni bcom ldan 'das bzhugs pa'i dus ni dang por yang dag par sdud par byed pa dag gis so/ /rtag tu rgyun mi chad par zhes bya ba la/ rtag tu zhes bya ba ni dus tshigs thams cad du'o/ /rgyun mi 'chad pa zhes bya ba ni skad cig ma'i rgyun gyis de skad cig re re la zhes bya ba'i tha tshig go /bsod nams 'ga' zhig mngon par 'phal bar zhes bya ba ni skye ba skye ba'i rgyun mi 'chad pa'i phyir ro/ /bsod nams 'ba' zhig nye bar skye ba zhes bya ba ni gzhan dang gzhan skye ba'i phyir ro/ /rdzas las byung ba zhes bya ba ni/ phyi rol gyi rdzas kyi rgyu las byung ba ste sa gzhi la sogs pa la ltos pa'i phyir ro/ /bsod nams bya ba'i/ gzhi zhes bya ba ni bsod nams zhes bya ba ni dge ba'o/ /bya ba ni zhes bya ba ni las te/ lus kyi las la sogs pa'o/ /gzhi zhes bya ba ni gnas te sems pa'i yul yin pas bsod nams bya ba'i gzhi'o/ /de la re zhig las byung ba rnam pa bdun sbyin pa ni bsod nams kyang yin te/ dge pa'i sems kyis bslad pa'i phyir ro/ /bya ba yang yin te/ lus dang ngag dang yid kyi ngo bo yin? pa'i phyir ro/ /gzhi yang yin te lus dang ngag gi las sems pas yul du bya ba'i phyir ro/ /rdzas las byung ba ma yin pa la bya ba ni dga' ba dang mchog tu dga' ba rgya chen po nges par 'byung ba dang ldan pa dang/ de blta'o snyam pa dang/ de la bsnyen bkur bya'o snyam pa dang/ ngas bstan pa rjes su bsgrub? po snyam pa'o/ /de lta bu'i lus kyi las dang ngag gi las rnam par rig byed dang rig byed ma yin pa'i ngo bo nyid ni bsod nams kyang yin te/ dge ba'i sems kyis kun nas bslang pa'i phyir ro/ /bya ba yang yin te/ lus dang ngag gi las kyi ngo bo nyid yin pa'i phyir ro/ /gzhi yang yin te des? kun nas bslang pa ni sems pa'i yul yin pa'i phyir ro/ /yang bsod nams zhes bya ba ni dge ba dag rjes su bsgrub pa'o/ /de'i rgyu ni bsod nams bya ba'i gzhi ste/ dngos gzhi sbyin pa dang nges par bya ba la sogs pa'i rgyu dag gis bsod nams bsgrub pa'i phyir ro/ /yang na bsod nams zhes bya ba ni sel bar byed pas bsod nams te/ 'phags pa'i lam mo/ /de bsgrub par bya ba ni bsod nams bya ba'o/ /de'i rtsa ba bsod nams bya ba'i gzhi ste sbyin pa dang tshul khrims kyi? legs par bsgrubs pa'i phyir ro/ /yang na bsod nams shes bya ba ni sems can sel cing spyod bar byed cing bsod nams te/ mya ngan las 'das pa'o/ /de'i don byed pa 'phags pa'i lam yan lag brgyad pa ni bsod nams bya ba'o/ /de'i gzhi ni rgyu'o// yang na de nyid gzhi ste de la yul dang gnas yod pas bsod nams bya ba'i gzhi ste/ sbyin pa dang tshul khrims gnyis kyis brgyud pa'i 'bras bu lam yin pa'i phyir ro/ /'bras bu che ba'i zhes bya ba ni 'jig rten pha rol gyi 'bras bu rgya che ba'o/ /phan yon che ba zhes bya ba ni tshe 'di yi 'bras bu gsal ba'o/ /snang ba che ba zhes bya ba ni skyes bu byed pa'i 'bras bu gsal ba'o/ /rgyas pa che ba zhes bya ba ni bdag po'i 'bras bu rgya che ba'o/ /yang na 'bras bu che ba zhes bya ba ni rnam par smin pa'i 'bras bus so/ /phan yon che ba zhes bya ba ni bral ba'i 'bras bus so/ /snang ba che ba zhes bya ba ni dpa' brtul la sogs pa gang yin pa'i 'bras bus so/ /rgyas pa che ba zhes bya ba ni 'khor rgya che ba'i 'bras bus so/ /gdags phu rung ba zhes bya ba ni bstan par nus sam zhes bya ba'o/ /bsod nams sam zhes bya ba ni brgya 'gyur ram stong 'gyur zhes bya ba la sogs pa'i/ /bsod nams kyi 'bras bu 'am zhes bya ba ni rgyal srid dam lha nyid dam brgya byin nyid ces bya ba la sogs pa'o// bsod nams kyi 'bras bu rnam par smin pa zhes bya ba ni rnam par smin pa'i 'bras bu tshe rabs bcu 'am/ tshe rabs brgya 'am/ tshe rabs stong zhes bya ba la sogs pa'o/ /bsod nams kyi tshad gzung bar mi nus te zhes bya ba ni 'jig rten pa'i bas mdza' rtogs par mi nus pa ste/ grangs las yang dag par 'das pa'i phyir ro/ /bsod nams kyi phung po zhes bya ba ni/ mya ngan las 'das pa'i mdza' ste/ phung po zhes bya ba'i grangs dang tha snyad du 'gro'o zhes bya ba'i tha tshig go /tha mi dad par zhes bya ba ni 'dres par ro/ /'bab pa zhes bya ba ni 'gro ba'o/ /rdzas las byung ba ma yin zhes bya ba ni rdzas gang dag dang bral ba ste sa gzhi la sogs pa la mi bltos pa'i phyir ro/ /grong tshigs ga ge mo zhes bya ba ni grong gi phyogs gang yang rung ba'o/ /dga' ba dang mchog tu dga' ba rgya chen po nges par 'gyur ba dang ldan pa thob par byed pa zhes bya ba la/ dga' ba dang mchog tu dga' ba dang zhes bya ba ni/ 'phags pa'i lam pa'i lam thab pa'i gang zag gi gang gi yul la dga' dang mchog tu dga' ba thob pa'o/ /rgya chen po zhes bya ba ni lta bar bya/ bsnyen bkur bya/ chos mnyan par bya ba'o/ /de'i tshig rjes su bsgrub par bya'o zhes bya ba la sogs pa lus kyi rnam par rig byed dang rnam par rig byed ma yin pa kun nas slong nus pa kha phyir bltas te 'jug pa dang/ /ba? nang du bltas 'jug pa nyid do/ /sems 'ba' zhig rdzas las byung ba na yin pa'i bsod nams bya ba'i bshir smra ba dag ni rgya chen po zhes bya ba che ba ste/ rgyud yongs su 'gyur ba cha phra mo skye bar nus pa'i zhes zer ta/ de dag la 'dod chags la sogs pa la zhen pa dang/ dge ba'i sems nyid dang mi ldan bas dge ba'i sems dang sems las byung ba shin tu phra mo yang rgyud las 'gyur ba med pa'i phyir rtag tu rgyun mi 'chad par bsod nams 'ba' zhig mngon par 'phel ba dang/ bsod nams 'ba' zhig mngon nar nye bar skye ba zhes bya ba de mi rung ste/ dge ba dang mi dge ba'i gnas skabs dang/ phan tshun ?? gal? ba'i phyir ro/ /gal te sems 'ba' zhig rdzas las byung ba ma yin pa'i bsod nams bya ba'i gzhi bdun pa yin par 'gyur ma de ltar na rdzas las byung ba ma yin pa bsod nams bya ba'i gzhi bdun pa la/ sangs rgyas la skyabs su 'gro zhing bslab pa'i gzhi dag len par byed pa 'di ni rdzas las byung ba ma yin pa'i bsod nams bya ba'i gzhi bdun ba yin no/ /zhes bya ba de re zhig mi gsung bar der yang bsla ba'i gzhi dag blangs nas kyang dga' ba dang mchog tu dga' ba rgya chen po dge ba nges par 'byung ba dang ldan pa thob par byed pa 'di ni rdzas las byung ba ma yin pa'i bsod nams bya ba'i bzhi bdun pa yin no zhes sems kyi bye brag bstan pa'i tshig bka' stsal pa'i rigs na/ de skad ma gsungs pas sems pa'i rdzas las byung ba ma yin pa'i bsod nams bya ba'i gzhir mi 'gyur ro/ /gang dag rnam par rig byed dang rnam par rig byed ma yin pa rdzas las byung ba ma yin pa'i bsod nams bya ba'i gzhir 'dod pa de dag la ni skyabs su 'gro ba dang bslab pa'i gzhi blang ba'i tshig nyid kyis rnam par rig byed ma yin pa brjod pas rdzas las byung ba ma yin pa'i bsod nams bya ba'i gzhi bstan pa grub pas de'i 'og tu dga' ba dang chog tu dga' ba rgya chen po dge ba nges par 'gyur ba dang/ ldan pa thob par byed pa zhes bya ba'i tshig ma smos kyang thams cad lags par gnas pa yin no/ /dga' ba zhes bya ba ni dad pa la sogs pa dang mtshungs par ldan pa'o/ /mos par 'byung ba dang ldan pa zhes bya ba ni nges par 'gro bas na nges par 'byung ba ste/ 'dod pa dang bral ba'i ming ngo/ /de'i dngos po ni nges par 'byung ba dang ldan pa ste chags pa med pa nyid do/ /'dod pa med pa ni 'khor ba la mi phyogs pa ste de dang mtshungs par ldan pa'i dag ba dang mchog tu dga' ba ni nges par 'byung ba dang ldan pa yin no/ /chur gshegs par rtsol ba zhes bya ba ni tshur byon par brtsams pa'o/ /grong tshigs de nyid du zhes bya ba ni bdag nyid du 'dug pa'i grong gi gnas su'o/ /mthong nas kyang dga' ba dang mchog tu dga' ba rgya chen po dge ba nges par 'byung ba dang ldan pa thob par byed pa zhes bya ba ni 'phags pa 'di ni zhi ba nyid kyis 'di las bdag gis chos mnyan par bya'o/ zhes bya ba la sogs par rig byed kun nas slong ba'o/ /thos nas kyang dga' ba dang mchog tu dga' ba rgya chen po dge ba nges par 'byung ba dang ldan pa thob par byed pa zhes bya ba ni chos 'di ni bzang gis rjes su bsgrub par bya ba la sogs pa'i rnam pa'i rig byed kun nas slong ba'o/ /gzung slang bar bya ba dang skye bo ma thos pa rnams nyen du gzhug pa'i phyir ston pas gzhan yang 'di skad ces bka' stsal to/ /zhes bya ba la sogs pa tshigs su bcad pa brtsams so/ /mtsho mchog ces bya ba ni gting dang pha rol med pa'i phyir ro/ /bkra shis zhes bya ba ni rgya mtsho ni lha rgya phrag du mas grang pa'i phyir ro/ /gtsang ma zhes bya ba ni gtsang ba nyid de/ gtsang ba'i gnas su bya ba gaM gA la sogs pa thams cad pas kyang 'di shi ba'i ro dang lhan gcig mi gnas pas khyad par du 'phags pa'i phyir ro/ /dogs bde ba zhes bya ba ni rim kyis gzhol ba'i byir dang/ dogs thams cad kyi gnas yin pa'i phyir ro/ /rin chen 'byung gnas zhes bya ba ni rin po che 'byung ba'i phyir ro/ /'dir d on ni 'di yin te gi gI la sogs pa mi dang ri dags kyis bsten pa'i chu klung tha dad par 'bab par gyur pa dag rgya mtshor 'gro ba de bzhin du bsod nams kyi rgyun tha dad pa dag kyang sbyin pa dag gos dang zas dang skom dang mal cha dang stan dang gding ba sbyin par byed pa'i mi la rnam pa kun gyi sgo nas 'ong bar 'gyur ro zhes bya ba'i tha tshig go / chu klung chu 'bab rgya mtsho ji bzhin zhes bya ba yang bzas te gsungs pa ni bsod nams kyi rgyu tshad med pa nyid du bstan pa'i phyir te/ ji ltar chu klung 'bab cing chus gang tha dad pa dag la tshad med pa bzhin du bsod nams kyi rgyun de dag kyang de dang 'dra'o zhes bya ba'i tha tshig go /skad phyung zhes bya ba ni gdangs phyung pa'o/ /de'i tshe yang rgyal po shar pas gdangs las shes par 'gyur ba la zhes bya ba ni skad phyung bas 'dis de dag spyan drangs so zhes shes pa'i phyir ro/ /stong thub ces bya ba ni gcig pus stong thub cing mi 'pham pa'o/ /mda' lnga brgya pa'i dong pa gnyis zhes bya ba ni mnga' lnga brgya lnga brgyas gang pa'i dong pa gnyis so/ /dpa' bo'i yongs su spang pa zhes bya ba ni lam dbye ba'o/ /phan tshun mda' khar dgye ba zhes bya ba ni mda''phang pa'o/ /khyed kyang rung ste des kyang rung zhes bya ba ni khyod gsan par gyur kyang rung nged gson par gyur kyang zhes bya ba'i tha tshig go / be reg ces bya ba ni snum khur nang tshangs can no/ /ri lu zhes bya ba ni mon sran gre'u la sogs pa las byas pa'i ri lu kha rang btsos pa'o/ /tshod dus zhes bya ba ni btsong pa'i gnas kyi tshar ro/ /zhal ta pa zhes bya ba ni las byed pa'o/ /bag ma gtong pa zhes bya ba ni bu mo sbyin pa'o/ /bag ma len pa zhes bya ba ni bu mo bsu ba'o/ /gro dpon zhes bya ba ni ma'i gtso bo'o/ /rdzing bu 'bul zhes bya ba ni lteng ka kha bsro ba'o/ /gnang 'chang ka zhes bya ba ni 'chi ba'i rgyur 'gyur ba'i lus kyi phyogs kyi gnad de dag du sems med pa'i 'gyur ba'i tshe zhes bya ba'i tha tshig go / tshigs 'grol pa zhes bya ba ni bskum pa la sogs pa'i phyags kyi tshigs dag tu bsnum pas so sor byed pa'i tshe zhes bya ba'i tha tshig go / mar 'bri ba'i dus zhes bya ba ni tshe la sogs pa 'grib pa'i dus te snyigs ma lnga shas che zhes bya ba'i tha tshig go / gnas skabs de ltar byas na zhes bya ba ni nges par byas pa ste khrims bcas ni zhes bya ba'i tha tshig go /khyim byang zhes bya ba ni khyim khol gyi ming bya ngo?/ /sbyangs te bzhag ste gzhag ces bya ba ni 'phyang du bzhug pa'o/ /bdag nyid dang mnyam pa'i sdug pa zhes bya ba ni bdag nyid phangs pa dang 'dra ba'i phangs pa gzhan zhes bya ba'i tha tshig go /gsol ba gdab par brtsams ba zhes bya ba la sogs pa'o/ /'jig rten na zhes bya ba ni 'jig rten gyi khams na'o/ /dge ba rnams zhes bya ba ni skye bu dam pa rnams so/ /dul ba rnams zhes bya ba ni tshul khrims dang ldan pa rnams so/ /zhi ba zhes bya ba ni mnyam par bzhag pa'i bsam gtan pa rnams so/ /dbang thul rnams kyis zhes bya ba ni mig la sogs pa'i dbang po bsrungs shing thul ba rnams kyis so/ /mi stong pas zhes bya ba ni 'jig rten na de ltar du yod pas zhes bya ba'i tha tshig go /bu'i don du zhes bya ba ni bu skyabs pa'i don du'o/ /der 'dud kyis zhes bya ba ni de dag la skyabs su gsol gyis zhes bya ba'i tha tshig go /bdag gi byis pa bskyab du gsol zhes bya ba ni byis pa'i skyob par gyur cig ces bya ba'i tha tshig go /chu klung skal ldan shing rta ba zhes bya ba ni gang ba'o/ /tshigs su bcad pa gsol ba la sogs pa la nor zhes bya ba ni rdzas so/ /legs spyad ces bya ba ni shin tu goms pa'o/ /bde spyod ces bya ba ni bde ba skye ba'o/ /ro? rnams nang na dngar mchog ces bya ba ni ro dag pas che dang re pa'o/ /ji ltar 'chan zhes bya ba ni dam pa gang gis 'tsho na'o/ /dad pa skyes bu'i nor mchog yin zhes bya ba ni dang pa'i yon tan phun sum tshogs pa thams cad kyi sngon du 'gro ba'i phyir ro/ /chos la legs? spyad bde spyod 'gyur zhes bya ba ni/ sbyin pa dang tshul khrims/ sgom pa la sogs pa dag gis 'jig rten pa dang 'jig rten las 'das pa'i bde ba grub pa'i phyir ro/ /bden pa ro rnams dngar mchog yin zhes bya ba ni bden par smra ba dag gis 'di dang phyi ma'i 'bras bu 'dod pa mngon par 'grub pa'i phyir skyes bu dam pa rnams yongs su dga' ba'i phyir ro/ /shes pas 'tsho na zhes bya ba ni 'phags pa'i bden pa bzhi yul du gyur pa mi slob pa'i shes rab kyis 'tshon te/ zag pa zad na zhes bya ba'i tha tshig go / 'tsho mchog bstan zhes bya ba ni dgos pa thams cad grub pa'i phyir ro/ /grags pa dang ldan pa zhes bya ba ni 'tsho ba gang la yon tan brjod pa'i mtshan nyid kyi grag pa yod pa'o/ /snyan pa zhes bya ba ni ma'i yon tan grags pa'o/ /mdza' ba shes ji ltar rnyed par 'gyur zhes bya ba ni 'thob par 'gyur ba'o/ /tshul khrims kyis ni grags ldan 'gyur zhes bya ba ni phyogs dang phyogs mtshams rnams su sgras khyab pa'i phyir ro/ /bden pa snyan pa thob 'gyur te zhes bya ba ni ma log par zhugs pa'i phyir ro/ /'dris sa zhes bya ba ni goms pa ste byams pa'o/ /bkur zhes bya ba ni yang dag par gzung bar 'os pa'o/ /zil gnon zhes bya ba ni smas shing nyams pa'o/ /drug gis 'jig rten 'byung ste zhes bya ba ni mngal na gnas pa'i tshe 'byung ba drug Tgis te/ sa dang chu dang me dang rlung dang/ nam mkha' dang/ rnam par shes pa'i khams kyis so/ /drug gis 'dris pa thob par 'gyur zhes bya ba ni mig la sogs pa dbang po drug gi tha snyad gdags pa'i ngan du de dag la sbyor ba'i phyir ro/ /drug gis 'jig rten bkur 'gyur te zhes bya ba ni yang dag par mgu par 'gyur ba'i gzhi drug gis te byams pa'i lus dang/ ngag dang/ yid kyi las dang/ tshul khrims dang rnyed pa dang lta ba mthun pa nyid kyis so/ /drug gis 'jig rten zil gnon 'gyur zhes bya ba ni/ gzugs dang sgra dang dri dang ro dang reg bya ba dang/ chos zhes bya ba'i yul drug gis de yid du 'ong ba dang/ mi 'ong ba dag gis rjes su chags pa dang khong khro skyed pa'i phyir ro/ /gdugs mtshan g.yeng ba ma mchis pa/ /gang zhig 'dod pa 'di las rgal/ /zhes bya ba ni zhu ba gcig ste/ sems can gang zhig nyin mtshan du g.yel ba med par brtson pas nang gir rjod par 'dod pa'i 'dod pa gzhi po 'dod pa dang srid pa dang/ lta ba dang/ ma rig pa'i mtshan nyid 'di las brgal bar 'gyur zhes bya ba'i tha tshig go /dmigs na brten pa ma mchis pa/ /zab mor gang zhig 'byid mi 'gyur/ /zhes bya ba ni zhu ba gnyis te sems can gang zhig dmigs pa med pa dang rten med pa'i 'khor ba'i sdug bsngal zab mor 'byid bar mi 'gyur zhes bya ba'i tha tshig go / de la dmigs pa med pa zhes bya ba ni srid pa rtse mo ste/ de'i gong na dmigs pa'i yul gzhan med pa'i phyir ro/ /rten med pa zhes bya ba ni ngan song sems can dmyal ba chen po'i gnas te/ de'i 'og tu ni mi mthun pa'i phyogs kyi rten gzhan med pa'i phyir ro/ /zab mo zhes bya ba ni rang gi dus kyi sdug bsngal zad pa'i mdza' med pa'i phyir ro/ /rnam kun tshul khrims ldan pa dang zhes bya ba la sogs pa la/ rnam kun zhes bya ba ni lus dang ngag dang yid kyi sgo rnam pa thams cad nas tshul khrims dang ldan pa'o/ /legs mnyam gzhag ces bya ba ni bsam gtan bzhi thob pa'o/ /shes rab ldan zhes bya ba ni 'phags pa'i/ bden pa bzhi mthong ba dang ldan pa'o/ /nang du sems zhes bya ba ni nyon mongs pa lhag ma spangs pa'i phyir mngon par brtson pa ste/ bsgom pa'i lam la gnas pa'o/ /dran ldan zhes bya ba ni dran pa nye bar gzhag pa ste/ yongs su nyams pa'i rkyen las rnam par grol ba'o/ /'dod pa'i 'du shes chags bral zhing zhes bya ba ni 'dod pa na spyod pa'i nyon mongs pa rnam par grol ba'o/ /gzugs kyi kun sbyor mthar gyur pa zhes bya ba ni gzugs dang gzugs med pa na spyod pa'i nyon mongs pa las rnam par grol ba ste/ mnyam par bzhag pa'i sa nyid yin pas gcig tu bstan to/ /ji yis 'od pa brgal bar 'gyur/ /zhes bya ba la sogs pa la/ 'dir 'od pa zhes bya ba khyim gyi 'chid ba'o/ /rgya mtsho zhes bya ba ni khams gsum pa'i nyon mongs pa mthong bas spang bar bya ba dag go / sdug bsngal zhes bya ba ni 'dod pa na spyod pa bsgom pas spang bar bya ba'i phung po lnga'o/ /yongs dag ces bya ba ni 'dir gzugs dang gzugs med pa na spyod pas bsgoms pas spang bar bya ba'i phung po lnga spong ba'o/ /dad pas 'od pa brgal bar 'gyur/ /zhes bya ba ni dad pas rab tu byung ba las brten pas de'i khyim gyi 'od pa gtong ba'i phyir ro/ /bag yod pas ni rgya mtsho brgal zhes bya ba ni 'dir bag yod pa lhur len pa la mthong ba'i lam skye ba'i sgo nas mthong bas spang bar bya ba spong bar 'grub pa'i phyir ro/ /brtson par sdug bsngal bar 'gyur te zhes pa ni brtson 'grus brtsams pa la bdud 'khor dang bcas pa pham pas/ 'dod pa'i khams na spyod pa las yang dag par 'da' bar grub pa'i phyir ro/ /shes rab kyis ni yongs dag 'gyur/ /zhes bya ba ni shes rab sgron? mas mnyam par bzhag pa'i sa'i nyon mongs pa'i tsher ma phra mo'i rang bzhin 'byin par 'grub pa'i phyir ro/ mi 'jigs pa bskyed pa'i phyir dang/ yid ches par bya ba'i phyir/ bde 'dul gtong ba dang gtogs pa'i/ /chos gzhan 'ba' zhig yod dam zhes/ /dge slong bram ze so so la/ /gzhan dang gzhan du khyod dris shig /ces bya ba bka' stsal te/ bden pa zhes bya ba ni tshul khrims so/ /dul ba zhes bya ba ni bsam gtan no/ /gtong pa zhes bya ba ni shes rab ste/ 'dir 'khor ba gtong ba'i phyir de/ de gsum gyis bslab pa gsum bstan par shes par bya'o/ /so so la zhes bya ba ni tha dad pa la'o/ /legs par rab tu bshad ces bya ba ni ma nor bar bka' stsal pa'o/ /kye ma gnod sbyin bong bu pa zhes bya ba'i sgra ni bod pa'i tshig ste/ thag ring po nas bod pa'i phyir skye ma zhes skad kyi gsad bstod de brjod pa'o/ /kye ma ston pa bdag don? du zhes bya ba la/ kye ma zhes bya ba'i sgra ni rab tu rangs pa'i tshig yin no/ /phyi ma yin zhes bya ba ni 'jig rten pha rol gyi'o/ /gnod sbyin zhes bya ba ni gsang ba'o/ /rang gi gnas 'tshol zhes bya ba ni bdag nyid khyod 'dam pa'o/ /sems bsdus te zhes bya ba ni mer gzhol pa'o/ /bag yod par zhes bya ba ni las gzhan mi byed par ro/ /phyir phyogs te zhes bya ba ni yid bsad de'o/ /bag tsha zhing zhes bya ba ni rgyal po gshes 'jigs pa'o/ /yid mi bde nas zhes bya ba ni sdug pa dang bral ba nas so/ /mtshan mo ba lang gi le du rtswa bting pa la gnas par zhal gyis bzhes so/ /zhes bya ba ni ba lang ni 'jig rten pas gtsang bar bkur pa dang/ snang yal che ba'i phyir te des na lags brgyad 'brog gnas kyis thas pa gcig nas gcig tu brgyud pas thos zhing s angs rgyas la dmigs pa'i dran pas gus pa dang bcas pas mtshan mo gnas pa na rgyud yongs su smin cing gzhan la g.yengs pa med pas snga dro mthong na bden pa dag mthong bar 'gyur ro snyam pas de'i don du mtshan mo kha lang gi lam du gnas par zhal gyis pa zhes kyi phyir ni ma yin no/ /khyim bdag gi so so kun nas dga' bar byas zhes bya ba ni khyim bdag gi tha snyad kyis so/ /ba lang gis rtsed pa'i gzhi can zhes bya ba ni ba lang gi rmig pas bslad pa'i rdzab skam pa'o/ /rdzub pa ni ba lang rtsed pa'o/ /de'i gnas su gyur pa'i sa gzhi ni de'i gzhi can no/ /khyod kyi ji ltar bzod pa zhes bya ba ni ji ltar 'dod pa'o/ /yongs su gdung ba zhes bya ba ni mya ngan no/ /tshigs su bcad pa dag bka' stsal pa zhes bya ba la sogs pa la/ bram ze skyes bu sdig pa med pa yongs su mya ngan las 'das pa 'dod pa'i yon tan de dag gis ma gos pa khams gsum gyi phung po dag las rnam par grol ba gang yin pa de ni/ rnam pa kun tu bde bar nyal ba yin te 'dod chags la sogs pa'i yongs su gdung ba dag las rnam par grol ba'i phyir ro/ /ji ltar bde bar nyal ba yin zhe na/ de'i phyir/ 'di la 'dod pa kun bcad cing zhes bya ba la sogs pa gsungs te/ gang gi phyir sred pa thams cad bcad cing sems kyi yongs su gdung ba bsal ba lus dang ngag gnyis kyis nye bar zhi ba'i skyes bu ni legs par mnyam par bzhag bzhi? ba thob pa'i sems zag pa med pa'i sgrub pa med pas bde bar nyal ba yin te/ gnod pa thams cad dang bral ba'i phyir ro/ /de ni 'jig rten gyi chos nyid yin no/ /zhes bya ba ni chung ma la zas dang/ gos kyis mkho ba stobs pa gang yin pa de ni 'jig rten gyi rnam par bzhag pa yin no/ /lus rags par mngon par sprul pa zhes bya ba ni 'dod pa na spyod pa'i reg par ro/ /sa'i 'du shes skyed de zhes bya ba ni 'og gzhi'i blo ste nye bar zhog cig pa'o/ /'dug pa'i mtshan ma yid la gyis shig ces bya ba ni bdag nyid mi g.yo ba'i blo sngon du gyis shig ba ste/ 'gro ba'i blo ma bskyed cig ces bya ba'i tha tshig go /bde bar gyur pas zhes bya ba ni lus dang sems las su rung pas so/ /mdom par bsod par bgyis do zhes bya ba ni thos pa nyams su myong zhing tshig gi don mngon gyur pa ste dran pa'i yul du gyur ces bya ba'i tha tshig go / ma ngoms zhes bya ba ni de'i dus na phyir ma phyogs pa'o/ /phyir ma spangs zhes bya ba ni sems gtan du phyir ma logs pa'o/ /ma myong ngo zhes bya ba ni ma gyur to zhes bya ba'i tha tshig go / 'phags pa'i chos rnams zhes bya ba ni zag pa med pa'i chos rnams ta bden pa mthong ba la sogs pa'o/ /seng sna 'dul ba zhes bya ba ni ser sna spong ba ste/ sbyin pa la brtson pa'o/ /bzhin bsgyur te zhes bya ba ni mi sdug par ro/ /lag pa gnyis brkyang nas zhes bya ba ni bsrad nas so/ /mig dmar por byas nas zhes bya ba ni mig khrag can du byas nas so/ /mig gnyis bgrang? de zhes bya ba ni gdangs te'o/ /'dra ba'i gang zag ces bya ba ni mtshungs pa'o/ /brtul zhugs lnga zhes bya ba ni srog gcod pa spong ba la sogs pa'o/ /rkang lag dra ba can zhes bya ba ni dang pa bzhin du rkang pa dra bar 'grel pa'o/ /nags na shing shun pa'i gos gyon pa zhes bya ba ni nags khrod na gnas shing shun dang shun pa'i gos gyon pa'o/ /'bras bu za zhes bya ba ni zas su'o/ /ri dags gdug pa rnams dang lhan cig gnas bla'i zhes bya ba ni stag la sogs pa can zan khro bo dag dang lhan cig gnas pa bla'i zhes bya ba'o/ /mkhas pa zhes bya ba ni shes rab can no// 'jig rten pha rol 'jigs pas zhes bya ba ni ngan song gis 'jigs pa'o/ /rgyal srid phyir zhes bya ba ni rgyal srid kyi ched du'o/ /mngon par shes pa lnga zhes bya ba ni rdzu 'phrul dang/ lha'i mig dang/ lha'i rna ba dang pha rol gyis sems shes pa dang mngon gyi gnas rjes su dran pa'o/ /gsos shes zhes bya ba ni bcos pa'o/ /chos kyi rgyud las byung ba zhes bya ba ni/ chos kyis rgyud bskyed pa'o/ /de ni ji ltar sngo bsangs can shi nas btsun mo dpal ldan byung na de la brten nas btsun mo'i 'khor gyi nang du 'jug pa rjes su gnas pa de bstan par bya ste/ sna tshogs gdul na kun tu rgyu ma du zhes bya ba la sogs pa la/ mdzes pa zhes bya ba ni gzugs kyi skus so/ /dad par 'gyur ba zhes bya ba ni gzigs pa dang/ bskum pa dang/ brkyang pa la sogs pa'i bya bas so/ /dbang po zhi ba zhes bya ba ni dbang po nyam par bzhag pa'o/ /thugs zhi ba zhes bya ba ni sems mnyam par bzhag pa'o/ /sems dul ba zhes bya ba ni bsam gtan la gnas pa'o/ /nye bar zhi ba zhes bya ba ni 'dod chags dang bral ba'o/ /des tshigs su bcad pa smras pa zhes bya ba la sogs pa la/ bram ze zhes bya ba ni mdul? bod pa zhes bya ba'i tha tshig go /khyim thab ces bya ba yang mdul? bod pa'i tshig yin no/ /de ni gzhon nu mi bsten gyis zhes bya ba ni de ni bu mo bdag gir mi byed do zhes bya ba'i tha tshig go /gal te brtul zhugs thabs kyis blangs gyur na/ /de ni phyir yang 'dod yon bsten par 'gyur/ /zhes bya ba ni gal te s kyes pa nyid ma nyams pa yin zhing tshangs par spyod pa'i brtul zhugs dgos pa 'ba' zhig gi dbang du byas pa'i thabs kyis blangs par gyur nas des dpe med pa mthong na phyir yang 'dod pa'i yon tan dag par 'gyur ro zhes bya ba'i tha tshig go / chags par 'gyur ba'i mal ni 'khrug par 'gyur ces bya ba ni/ 'gyur ba la sogs pa'i bya ba dag gis 'khrug par 'gyur ro zhes bya ba'i tha tshig go /sdang pa'i mal ni gya tshom par mar 'gyur zhes bya ba ni khro ba'i dad par gis par ma lhags par 'gyur ba'o/ /rmongs pa'i mal ni rkang pa'i mthar 'gror 'gyur zhes bya ba ni brnag pa'i mi mnga' bas rten ma logs su rnyil bar 'gyur ba'o/ /shin tu chags bral zhes bya ba ni 'dod chags spangs pa yin gyi 'dod chags rnam par mnan pa ni ma yin no/ /skyes bu chags pa'i rjes ni gsal mi 'gyur zhes bya ba ni rtsab dral byed pa'i phyir sor mo'i rjes dag mi gsal bar 'gyur ba'o/ /zhe sdang ldan pa'i rjes ni zab pa yin zhes bya ba ni khro ba'i dbang gis zabs che bar ro/ /rmongs par 'gyur ba'i rjes ni nogs par 'gyur zhes bya ba ni gti mug chen po'i dbang gis gzugs brnyan phyis pa 'dra bar 'gyur ro/ /chags pa'i ma'i skad ni dar dar por zhes bya ba ni kun tu chags par 'gyur ba'i skad ni snga ma bas brngos shing 'dar 'dar por 'gyur ba'i phyir ro/ /sdang ba'i ma'i skad ni rtsub pa yin zhes bya ba ni zhe sdang gi sgra drag po 'grub pa'i phyir ro/ /rmongs pa'i mi'i skad ni 'khrugs par 'gyur ba zhes bya ba ni gti mug gi dbang gi skad mi gsal bar 'gyur ba'o/ /rnga sgra zhes bya ba ni skad gsal cing snyan pa'o/ /chags pa'i mig ni rigs rig lta bur byed ces bya ba ni chags pa ni rgod bag che ba'i phyir ma brtan par lta bar byed do/ /sdang pa'i mig ni dug drag sprul bzhin lta zhes bya ba ni zhe sdang gi 'bras bu ni drag shul yin pa'i phyir/ sprul gdug nag po bzhin du drag shul du lta ba'o/ /rmongs pa'i mig ni mun khrod rtog bzhin lta zhes bya ba ni gti mug gi mun pa'i rang bzhin yin pa'i phyir mun khrod ni 'thob cing rtogs pa bzhin du lta ba'o/ /gnya' shing gang tsam du lta zhes bya ba ni 'dom gang tsam du lta'o/ /ji ltar 'di spyan ji ltar gzigs pa dang/ /ji ltar 'di sku brtan par gshegs pa dang/ /ji ltar 'di yi sgros dang zhal dag gi / rdul dang bral ba nyid du snang ba las/ /zhes bya ba ni ji ltar 'di'i mig mi rgod dang ji ltar 'di yi mig lta stangs zhi zhing ma 'khrugs pa dang/ ji ltar 'di yi 'gro ba'i lus mi g.yo bar brtan par 'gro ba dang/ ji ltar 'di yi mchu gnyis dang/ bdag chags dang bral ba nyid du snang ba las na/ 'di gzhon nu mi 'dod kyis phyir logs la rang gi sdum par 'dod zhes bya ba'i tha tshig go /gnas 'jog gser mdog ao ta la dag kyang/ /bu yi don du 'dod pas rmongs 'gyur te/ /'di chos bzhin phul bas zhes bya ba ni gang gi phyir drang srong gnas 'jog dang gser mdog dang ao ta la dag kyang bu'i don du 'dod pas rmongs par 'gyur ba de'i phyir bu mo chos bzhin du phul ba 'di la dogs par byar ci yod ces bya ba'i tha tshig go / gal te gnas 'jog la sogs pa dag gi bu bskyes par 'gyur ces te gzhan dag kyang bu dag bskyed par bya 'am zhe na/ de'i phyir thub pa rnams kyi rtag par rgyun du bu dag bskyad par 'gyur zhes bya ba gsungs te/ gang gi phyir thub pa rnams kyis rtag par rgyun du bu dag bskyed par 'gyur ba de'i phyir 'di yang bu'i don du chung ma len par 'gyur ro zhes bya ba'i tha tshig go / bdag gi bu mo zhes bya ba ni kho bo'i bu mo'o/ /dam pa zhes bya ba ni bzang zhing mtshan dang ldan pa'o/ /gzugs ldan zhes bya ba ni gzugs mthong ba'o/ /dar pa zhes bya ba ni dar la bab pa'o/ /mkha' la dgung zla smin drug mjal ba ltar/ /'di dang lhan cig legs par khyod dgyes mdzod/ /ces bya ba ni ji ltar nam mkha' la gza' zla ba dang/ rgyu skar smin drug phrang pa mdzes pa ltar khyod kyang bu mo 'di dang lhan cig legs par dga' ba'i byos shig ces bya ba'i tha tshig go / bram ze nga yis bdud kyi bu mo ni/ /sred pa dga' byed de bzhin dga' mo dag pham byas 'dod pa dag la lan 'ga' spang/ /nga yis 'dun pas sems bskyed ma gyur pas/ /bshad dang gci bas gang ba 'di la ni/ /rkang pas reg par spro ba'ang mi skyed nga zhes bya ba ni gang gi phyir ngas bdud kyi bu mo sred ma la sogs pa dag pham par byas shing 'dod pa'i yon tan dag la lan 'ga' yang 'dun pa'i sems ma skyes pa de'i phyir khyod kyi bu mo bshad ba dang/ gci bas gang ba 'di la rkang pas reg par yang mi spro na len pa lta smos kyang ci dgos zhes bya ba'i tha tshig go /bdag gi bu mo zhes bya ba la sogs pa la/ yan lag nyams gyur cing zhes bya ba ni yan lag ma tshang bar gyur cing ngo/ /'dod ldan yon tan bral bar gzigs sam ci/ /zhes bya ba ni bud mang 'dod pa spyod pa'i yon tan kha dog dang dbyibs kyi mtshan nyid la sogs pa 'dod pa spyod pa dang ldan pa'i rtags dag dang/ mi ldan par gzigs sam ci zhes bya ba'o/ /'dun drag ces bya b ya ba ni 'dun pa shas chen po'i bram ze rmongs pa gang zhig yul 'dod pa de ni khyod kyi bu mo 'di sgrub cing zhes bya ba ni skye bo rmongs pa gang zhig yul 'dod pa de ni khyod kyis bu mo 'di sgrub cing 'dod de khro ba la sogs pa'i nyes pa dang ldan no zhes bya ba'i tha tshig go / yul la chags shing zhes bya ba 'dis ni nye bar spyod pa nyid yod par ston to/ /khro bar zhugs gyur pa zhes bya ba ni 'dis ni kun nas mnar sems mang ba nyid ston to/ /'dir rgyur bstan pa'i phyir/ 'di la rab rmongs skye bo chags bral min/ /zhes bya ba gsungs te/ rab rmongs zhes bya ba ni skyon yongs su rtogs par mi nus pa'o/ /nga ni sangs rgyas zhes bya ba la sogs pas ni gzhan dag las de bzhin gshegs pa'i khyad par ston te/ sangs rgyas ji lta bu zhig ce na/ de'i phyir thug gtso zhes bya ba la sogs pa gsungs te/ thug gtso ni drang srong gi mchog ste dka' thug kyi mchog tu gyur pa'o/ /mnga' bdag ces bya ba ni rang byung ste rang dbang can no/ /des ni mthu thogs pa med pa nyid bstan to/ /ji ltar na thub gtso dang mnga' bdag min zhe na/ de'i phyir/ nga yis byang chub bla med zhi ba brnyes bya ba gsungs te/ byang chub ni zad pa dang mi skye ba shes pa'o/ /bla med ces bya ba ni rigs mchog gis bsdus pa'o/ /zhi ba zhes bya ba ni rab tu zhi ba ste/ skyon thams cad las yang dag par 'das pa'o/ /chags pa med pa nyid du 'jig rten rgyu zhes bya ba ni sred pa la sogs pa'i skyon dang bral bas gzhan gyi don du rgyu'o zhes bya ba'i tha tshig go /kun tu gzigs pa bud med blangs pa mdzad de zhes bya ba la sogs pa la/ kun tu gzigs pa zhes bya ba ni thams cad mkhyen pa'o/ /ji nas rjes su mthun par spyad par gyis/ zhes bya ba ni rkyen du 'bab pa zhes bya ba'i tha tshig go /zad gyur cig ces bya ba ni lhung bzed la sogs pa 'di dag zad par gyur ces bya ba'o/ /ring bsrel gcig ces bya ba ni bdag nyid srungs ces bya ba'i tha tshig go /rogs pa zhes bya ba ni bram ze'i khye'u'o/ /nga rgyal bcag par bya ba'i phyir zhes bya ba ni rlom bcag pa'i phyir ro/ /phan tshun bde ba nyid kyis zhes bya ba ni gcig la gcig bde ba nyid kyis so/ /ku ba'i gzings zhes bya ba ni ku ba bkram pa'i steng du shing sbrel ba'o/ /khyim thab ces bya ba ni bdag gis byed pa'o/ /bdag po zhes bya ba ni nya bar spyod pa'o/ /gnas zhes bya ba ni rlung dang nyi ma la sogs pa glo bur gyi gnod pa las srung ba'o/ /gling zhes bya ba ni rgya mtsho la sogs pa'i chu'i gnod pa las srungs pa'o/ /skyob pa zhes bya ba ni rigs mthun pa la gyur pa'i gnod pa las srungs pa'o/ /skyabs zhes bya ba ni rigs mi mthun pa las gyur pa'i gnod pa srungs pa'o/ /dpung gnyen zhes bya ba ni nang gi rims nad la sogs pa'i gnod pa la bsrungs pa'o/ /lho lam zhes bya ba ni lho phyogs kyi lam mo/ /chags par gyur pa zhes bya ba ni 'dod chags skyed pa'i phyir ro/ /rgyags par 'gyur pa zhes bya ba ni dregs pa skyed pa'i phyir ro/ /'dod par 'gyur ba zhes bya ba ni 'dod pa skyed pa'i phyir ro/ /sdug par 'gyur ba zhes bya ba ni phrang bar 'gyur ba'i mtshan nyid kyi 'dod pa skyed pa'i phyir ro/ /byams par 'gyur ba zhes bya ba ni las mongs pa can gyi dga' ba skyed pa'i phyir ro/ /brjod par 'gyur ba zhes bya ba ni sar sna'i mtshan nyid kyis 'bad ba skyed pa'i phyir ro/ /brgyal bar gyur pa zhes bya ba ni 'dod chags las gyur pa'i g.yo ba'i mtshan nyid kyi brgyal ba skyed pa'i phyir ro/ / 'chi bar 'gyur zhes bya ba ni yongs su mi gtong ba'i mtshan nyid kyi byams pa skyed pa'i phyir ro/ /sgrub par 'gyur ba zhes bya ba ni ma thob pa thob par 'dod pa skyed pa'i phyir ro/ /kun tu sbyor bar 'gyur zhes bya ba ni phan tshun sbyor ba skyed pa'i phyir ro/ /gnyid log pa zhes bya ba ni gnyid kyis non pa'o/ /mal du zhugs pa zhes bya ba ni mal du 'gyel ba'o/ /'dzam bu'i gling dga' bar 'gyur ba khyod kyis bdag cag spangs sam zhes bya ba ni thag ring por yongs su spangs sam zhes bya ba'o// 'phang mtho ba zhes bya ba ni gnam 'phang mtho ba'o/ /thag gru che ba zhes bya ba ni rgya che ba'o/ /byi la 'dzul ba zhes bya ba ni byi la 'gro ba'i sgo'o/ /'ongs shing 'ongs shing zhes bya ba ni bzung zhing bzung zhing ngo/ /rnam par rgyu ba zhes bya ba ni phan tshun 'gro ba'o// bde ba zhes bya ba ni tshim pa'i bde ba thob pa'o/ /nad med pa zhes bya ba ni bkres pa'i nad dang bral ba'o/ /stobs dang ldan pa zhes bya ba ni spro ba dang ldan pa'o/ /dbang po tshim pa zhes bya ba ni lus nye bar bsags pa'o/ /legs par shin du bzung ste zhes bya ba ni blangs te'o/ /kun chub par byas nas zhes bya ba ni yang dang yang du bsams shing yongs su rdzogs par byas nas so/ /dal bu dal bus nyal lo zhes bya ba ni dal bus reg par byas shing 'khyung ngo zhes bya ba'i tha tshig go / yang dag par bsgo yang dag par bstan ces bya ba ni byed du 'dzud pa'o/ /lus kyi mthu dang stobs bskyed nas zhes bya ba la/ mthu zhes bya ba ni bstan pa'o/ /stobs zhes bya ba ni spro ba'i nus pa'o/ /sangs rgyas bstan la zhes bya ba ni 'phags pa'i bden pa bzhi bstan pa la'o/ /ma dang ces bya ba ni yid mi ches pa'o/ /sdug bsngal zhes bya ba ni sems can dmyal ba la sogs pa'i sdug bsngal lo/ /pha rol 'gro ba zhi zhes bya ba ni mya ngan las 'das par 'gyur ba'o/ /nyon mongs pa zhes bya ba ni bkren pa'o/ /thabs som shig ces bya ba ni thabs ji ltar bya ba ni sems shig pa'o/ /snying stobs can zhes bya ba ni brtan pa'o/ /byung ste zhes bya ba ni bstan te'o/ /dus tshigs sar pa zhes bya ba ni dus dang por 'byung ba'i lo ma la sogs pa'o/ /rgyu med par yang zhes bya ba ni blo sngon du ma btang ba ste zhar la zhes pa'i tha tshig go /shing bal zhes bya ba ni ras bal me mar la sogs pa la dgos pa'o/ /mchog gis zhes bya ba ni mthar thug gis so/ /thong zhig ces bya ba ni bzlog pa'o/ /me sbar ba des zhes bya ba ni mched pa des so/ /rtsig ngos skar khung nas zhes bya ba ni ra ba'i skar khung bu ga nas so/ /chu'i stor khung nas zhes bya ba ni chu 'bab pa'i bu ga nas so/ /'bras bu med par dus la bab pa ma yin no/ /zhes bya ba ni snying po blangs pa ste/ dge sbyor gi 'bras bu las skye pa'i 'bras bu blangs pa'i phyir ro/ /tha ma'i cha dang ldan pa'i kun tu sbyor ba lnga zhes bya ba ni 'dod pa'i khams kyi sgrib pa lnga'o/ /rdzus te skye zhing zhes bya ba ni skye gnas gzhan du mi skye ba'i phyir ro/ /der yongs su mya ngan las 'das pa zhes bya ba ni gzugs kyi khams su 'o/ /kun tu sbyor ba gsum zhes bya ba ni 'jig tshogs la lta ba dang/ tshul khrims dang/ brtul zhugs mchog tu 'dzin pa dang the tshom mo/ /lan cig 'jig rten 'dir 'ongs nas zhes bya ba ni mi'i 'jig rten 'dir ro/ /log par mi ltung ba'i chos can zhes bya ba ni sems can dmyal ba la sogs par mi ltung ba'i phyir ro/ /rdzogs par byang chub la nges par gzhol ba zhes bya ba ni gdon mi za bar nyon mongs pa thams cad spangs pas mya ngan las 'das pa'i phyir ro/ /de ltar thogs pa ni srid pa lan bdun pa zhes bya ba ni 'dod pa'i khams kyi lha rnams kyi nang du skye ba lan bdun pa dang/ de dag gi bar ma do'i srid pa skye ba lan bdun dang/ mi rnams kyi nang du skye ba lan bdun dang/ de dag gis bar ma do'i srid par lan bdun len pa'o/ /rang gi srog gi phyir yang bslab pa dag las 'da' bar mi byed pa zhes bya ba ni tshul khrims rnam par dag pa ston te/ nga la sems dang pas zhes bya ba ni dad pa kun tu spyod pa ston to/ /gang la bang sa'i rgyal po shar pa zhes bya ba la sogs pa la/ chags pa zhes bya ba ni 'dod pa la 'dod chags kun tu spyod pas so/ /zhen pa zhes bya ba ni drung du 'gro bas 'dun pas so/ /chums pa zhes bya ba ni yan lag nas 'dzin par 'dun pas so/ /mdud ba bor ba zhes bya ba ni gnyis kyis gnyis sprod par 'dun pas so/ /brgyal pa zhes bya ba mi sems chags pa nyid kyis sam lus 'gyur ba nyid kyis so/ /lhag par chags pa zhes bya ba ni mi tshangs par spyod pa las byung ba med pa yongs su ma rdzogs pa na/ bar mi chad par 'dun pas so/ /lhag par chags zhing 'dug pa zhes bya ba ni gzhan dag de la spyod pa bzlog pas 'dun pas so/ /'jig rten snying po med brel zhes bya ba ni lus snying po med pa don med pa/ 'bras bu med pa dang brel ba la'o/ /skal ldan gzugs bzhin ldan par byed ces bya ba ni snying po dang ldan pa'i gzugs nyid du rtog par byed pa'o/ /ci'i phyir de ltar lta zhe na/ de'i phyir/ byis pa nyon mongs bcings gyur cing/ /mun pas yongs su bskor ba dag / dam pa min la dam par lta/ /zhes bya ba gsungs te/ 'dod chags la sogs pa'i 'ching bas bcings shing mi shes pa'i mun pas yongs su bskor ba dag go /mthong ba rnams la ci yang med ces bya ba ni de kho na nyid mthong ba rnams la ni lus la sdug par lta ba ci yang med pa'o/ /'di skad bstan te gang gi phyir byis pa dag 'dod chags la sogs pas bcings shing mi shes mun pas byas pa de'i phyir lus la sogs pa mi sdug pa yang sdug pa nyid du lta bar byed do/ /gang dag de kho na mthong ba de dag la ni lus la sdug pa nyid du lta ba ci yang med de/ thams cad mi gtsang ba nyid du mthong pa'i phyir ro/ /phyogs bcu nas bskor ro zhes bya ba ni bskor pa'o/ /nyon mongs pa can ma yin ba zhes bya ba ni mdog ma nyams pa'o/ /lus ma rnyis pa zhes bya ba ni lus ma gong pa'o/ /snyan gsol zhes bya ba ni thugs bde ba 'am zhes 'dri ba'o/ /'dir ni skya reng tha ma yin par dgongs so zhes bya ba ni skya reng tha ma ma shar na 'jig rten phal cher mtshan mo'i tha snyad mi 'chad pa'i phyir ro/ /grong khyer gyis sgo gtan las 'da' na nyes byas su 'gyur ro zhes bya ba dang/ rgyal po'i pho brang gi sgo gtan las 'da' na nyes byas su 'gyur ro/ zhes bya ba ni rgyal po'i btsun mo'i 'khor dang 'brel ba med par dgongs pa'o/ /btsun mo'i 'khor gyi sgo gtan las 'da' na ltung byed du 'gyur ro zhes bya ba ni rgyal po'i btsun mo'i 'khor ni 'jigs pa chen po'i gnas yin pas/ thag ring ba nyid du spangs pa'i phyir ltung byed kyi rgyu yin no/ /rgyal po'i pho brang du nu mo 'gro ba'i ltung byed brgyad bcu gnyis pa'i tshig rnam par bshad pa rdzogs so// //gus par byas te chos nyan par mi byed ces bya ba la sogs pa la de la gus par byas te zhes bya ba'i don du gnyer ba nyid kyis gus pas so/ /bla mar byas te zhes bya ba ni chos dang chos smra ba gnyis la bla mar byed pas so/ /ru shing ltar byas te zhes bya ba ni du snying ltar srid po nyid du nye bar 'jog pas so/ /yid la byas te zhes bya ba ni mi brjed pa'i tshul gyis yid la zhen pas so/ /sems rtse gcig tu zhes bya ba ni chos la dmigs pa'i sems kyis so/ /rna ba blags te zhes bya ba ni sgra gzhan mi nyan pa'i tshul gyis na gnod pa'o/ /sems thams cad kyi bsams te zhes bya ba ni bar chad med par chos la dmigs pa'i sems kyis so/ /da gdong thos bsam ci ni zhes bya ba ni da bsting ba'i tshig ste nga? gdong glo bur du thos pa lta zhes bya ba'o/ /mdo'i nang du gtogs pa zhes bya ba ni mngon sum du mdo'i nang du bstan pa'o/ /mdo'i nang du 'dus pa zhes bya ba ni brgyud pa'i tshul gyis don gyi sgo nas bstan pa'o/ de la gal te zhes bya ba la sogs pa'i tshig ni 'gyod pa'i yul bstan pa'i phyir ro/ /gnyis sam gsum gyi tshe zhes bya ba'i tshig gis rgyun du nyan pa na yang rna mi gtong bas ma gus par mngon la/ ma gus pa yang gus pas bskyed pa'i phyir 'gyod du gzhug par ston to/ /tshe dang ldan pa de mi shes dgrol bas zhes bya ba ni de la chos 'di yang 'di na yod do zhes ba bar shes pa med pas ltung ba dang bcas pa ma yin par mi 'gyur te/ 'di ltar bya'o snyam pa'i sems pa yod pas de ni ltung pa dang bcas pa nyid yin pas zhes bya ba'i tha tshig go / ma rnyed de rnyed pa ma yin zhing zhes bya ba ni dang pa la sogs pa khyad par du 'phags pa ma rnyed pa'i phyir ro/ /rnyed de nyes pa rnyed de legs par rnyed pa ma yin no zhes bya ba ni ming nyid la sogs pa yongs su rdzogs pa ma rnyed pa'i phyir ro/ /'di skad bstan te gus par byas te chos nyan par mi byed cing/ 'di ltar chos 'di bdag gis da gdong shes so/ /zhes zer na lan cig smas na yang ltung byed du 'gyur ro/ /'don pa lan gsum thos pa nyid yin nam gus pa gyod du gzhug go / bslab pa'i bzhi'i dngos po la khyad du gsod pa'i ltung byed de brgyad bcu gsum pa'i tshig rnam par bshad pa rdzogs so// //zan yang slong bar byed ces bya ba ni/ /gzhan la slong bar byed pa'o/ /spu bu can zhes bya ba ni 'dam bu'i rnam pa ya tog na kha yod pa'o/ /chad pa lta bu zhes bya ba ni chad pa'i rnam pa lta bu glo na kha yod pa'o/ /gnyi ga yin par dgongs so/ /zhes bya ba ni gnyi ga la 'dod zhen che ba nyid du 'dra ba'i phyir ro/ /byed du 'jug na zhes bya ba ni rang gis sam gzhan te/ bdag nyid kyis byed pa 'am gzhan byed du 'jud na zhes bya ba'i tha tshig go /bcag na ltung byed du zhes bya ba ni byed pa dang byed du 'jud pa gnyi ga la ltung byed du 'gyur ba de ni cag pa'i 'og tu bshags par bya ba ste/ /de yang rung ba ma yin pa'i dngos po la lhag par chags shing longs spyod pa bzlog pa'i phyir ro/ /ltung ba de yang bshad pa ma yin pas zhes bya ba ni rgyu ma bzlog pa'i phyir ro/ /kha ba? ral bcos pa'i ltung byed de brgyad cu bzhi ba'i tshig rnam par bshad pa rdzogs so// //khri dma' ba zhes bya ba ni khri'i rtsa ba thung ba'o/ /'dod dri nga ba med pa zhes bya ba ni 'dod pa rten pa med pa'o/ /rmongs pa zhes bgyi ba'i tshal de ni zhes bya ba ni 'dod chags kyis rnam par rmongs pa'i phyir ro/ /lha mo'i tshogs kyis kun bsgrags shing zhes bya ba ni glu dbyangs kyis sgras kun tu gang ba'o/ /sha za mo bzhin yongs su bskor na zhes bya ba ni lus kyis mngon par khyab pa'o/ /ji ltar 'chi ba 'byung bar 'gyur zhes bya ba ni ji ltar 'khor ba las nges par 'gyur zhes bya ba'i tha tshig go /drang po zhes bya ba'i lam de nas zhes bya ba ni 'phags pa'i lam yan lag brgyad pa dang rjes su mthun pa'i tshul khrims mi tshangs par spyod pa la sogs pa spangs pa'i mtshan nyid kyi lam de nas te/ shes pa'i bzhi ni tshul khrims yin pa'i phyir ro/ /'jigs med phyogs zhes bya ba der zhes bya ba ni mya ngan las 'das par te/ nyes pa thams cad spangs pa'i phyir ro/ /sgra med ces bya'i shing rta ni zhes bya ba ni yang dag pa'i ngag dang/ las kyi mdza' dang/ 'tsho ba dang zag pa med pa'i tshul khrims te/ tshul khrims 'chal ba'i rgyur gyur pa 'dod chags la sogs pa'i sgra de na med pa'i phyir ro/ /chos kyis rtogs pas bskyod gyur ba zhes bya ba ni yang dag pa'i rtogs pas bskyod gyur pa te/ dge ba'i dge ba'i rtogs pa yin pa'i phyir ro/ /de'i dmigs pa ngo tsha shes zhes bya ba ni de 'dren pa'i dmigs pa ni ngo tsha shes pa yin te/ ngo tsha shes pa'i tshul khrims yongs su dag pa'i phyir ro/ /dran pa de'i 'khor yin te zhes bya ba ni tshul khrims de'i 'khor ni dran pa yin te/ dran pas yid kun tu bsrungs pa la tshul khrims 'chal pa'i rgyu 'dod chags pa mi 'byung ba'i phyir ro/ /kha lo sgyur ba shes rab yin zhes bya ba ni tshul khrims de'i kha lo sgyur ba ni shes rab ste 'jig rten las 'das pa'i shes rab kyis bskyod pa'i lam ni mya ngan las 'das par 'gro ba'i phyir ro/ /sna 'dren yang dag lta zhes bya ba ni zag pa med pa'i shes rab kyis sna 'dren pa ni nges 'byed kyi cha dang mthun par rtogs pa yang dag pa'i lta ba'i zag pa dang bcas pa yin par shes par bya'o zhes bya ba'i tha tshig go / skyes pa 'am bud med gang la yang rung zhes bya ba spyir smos pa ni za ma dang ma ning la sogs pa la 'phags pa'i lam mi skye bas 'di gnyis gang yang rung ba la 'phags pa'i lam skye bar bstan pa'i phyir ro/ /mang sngar bsam gtan byed pa zhes bya ba ni bzhi mdo la sogs pa mi mang po 'du ba'i mig snga na bsgom pa'o/ /mgo logs dang rkang pa logs su rkang pa gnyis bkru bar byas te zhes bya ba ni sprul gyi 'jigs pa med pa'i phyir dang/ mi snang bar tshul dang mi mthun pa med pa'i phyir ro/ /pus mo gnyis ko sko la reg pa zhes bya ba ni nyal kar pus mo gnyis bskums pa na'o/ /dge 'dun gyi zhes bya ba ni dge 'dun gyi yo byad tshul dang mthun pa las ltung bar mi 'gyur gyi gang zag gi las ni nyes byas su 'gyur ro/ zhes bya ba'i tha tshig go / khri rkang 'chos pa'i ltung byed de brgyad bcu lnga pa'i tshig rnam par bshad pa rdzogs so/ / //bsdus nas zhes bya ba ni brtul nas te phyags nas so/ /shing bal gyis gos par byas pa'i ltung byed de brgyad cu drug pa'i tshig rnam par bshad pa rdzogs so// bam po bcu bdun pa/ /srid du mtho gang gis srings shig ces bya ba'i tshig logs cig tu bka' stsal pas/ gding ba dum bu gnyis su byas par gsungs te/ rkang pa'i mdza' logs su 'thung bar bya zhing gding ba dum bu nyid du mi bya'o zhes bya ba bstan pa'i phyir ro/ /gding ba las gyur pa'i ltung byed de brgyad cu bdun pa'i tshig rnam par bshad pa rdzogs so// //g.yan pa dgab pa ste gos bya ba ni/ na ba'i gos so zhes bya ba ni g.yan pa'i nad tsan gyi zag pa na/ zas pa'i nyes pa spang pa'i phyir bgo ba'i gos zhes bya ba'i tha tshig go / g.yan pa dgab pa las gyur pa'i ltung byed de brgyad cu brgyad pa'i tshig rnam par bshad pa rdzogs so// //dbyar gyi gos ras zhes bya ba ni char ba skyob pa'i gos so zhes bya ba ni gang gi char pa'i chu mngon par 'dzin par byed pa'o/ dbyar gyi ras chen las gyur pa'i ltung byed de brgyad cu dgu pa'i tshig rnam par bshad pa rdzogs so/ / //gtur bu gzigs shig dang dal ba sor gzhug go zhes bya ba ni zhog cig ces bya ba'i tha tshig go /gding ba la sogs pa'i ltung byed pa 'di dag ni don med pa'i phyir bca' ba mdzad de 'di dag las gzhan pa don med pa dag nye bar 'jog pa dang 'chad pa yang 'dul ba mdor bsdus pa las 'dral bar gsungs pa'i phyir zhes nyes byas su blta bar bya'o/ /bde bar gshegs pa'i chos gos kyi tshad las byung pa'i ltung byed de dgu cu pa'i tshig rnam par bshad pa rdzog/ / //'dul ba rnam par 'byed pa'i tshig rnam par bshad pa dul ba'i lhas nye bar sbyar ba las ltung byed 'ba' zhig tu 'gyur ba rnams kyi tshig rnam par bshad pa rdzogs so// //so sor bshags par byas zhes bya ba ni so sor bshags par bya ba'i kha na ma tho ba 'di la yod pas so sor bshags par bya ba'o/ /autpa la'i ze 'dru'i mdog 'dra ba zhes bya ba ni kha cig na autpa la'i ze ba dang 'dra bar mdog ser ba'o zhes zer ba'o/ /kha cig na re mig sman sngon po'i mdog 'dra ba'o zhes zer ro/ /khyim na 'dug pa'i dmag pa zhes bya ba ni gyo sgyug gi khyim de nyid na 'dug cing gzhan du mi 'gro ba'i dmag pa'o/ /jo mo khyod thugs mi ched na zhes bya ba ni yid mi ches pa'o/ /phyi mo zhes bya ba ni ma'i ma'o/ /mi sdug pa thob pa zhes bya ba ni bsam pa las byung ba 'dod pa na spyod pa'o/ /rma 'byed ces bya ba ni gci ba'i lam dgad? ba'o/ /kun dga' bar 'gyur pa zhes bya ba ni bu btsas pa'i rgyu las rangs pa skyes shing dga' bar 'gyur ba'o/ /mngal na gnas pa mi mngon par zhes bya ba ni bu khyer mkhas pa'o/ /mi rnams nang na mchog gi rab kyi mchog ces bya ba la sogs pa la mi rnams kyi nang na mchog ni bden pa mthong ba rnams so/ /de rnams kyi rab kyi mchog ni mtshungs med rgyal ba skyob pa ste/ sangs rgyas bcom ldan 'das mtshungs pa med pa bdud bzhi las rgyal ba 'gro ba skyob pa'o/ /de'i nyan thos ma me tog man dA ra ka rab 'dra ba sring mo zhes bya ba ni bod pa'i tshig ste/ sangs rgyas bcom ldan 'das kyi nyan thos ma me tog man dA ra ka rab 'dra ba sring mo zhes bya ba bod pa'o/ khye'u 'di khyod kyi ci zhig ces bya ba ni khye'u gzhon nu 'di khyod kyi ming po 'am/ ming po'i bu 'am/ khyod kyi bu 'am/ khyod kyi skud po 'am/ cir 'ong zhes bya ba'i tha tshig go /bram ze 'di ni bdag gi ming po dang/ ming po'i bu dang bdag gi bu dang skud po yin zhes bya ba la/ bram ze zhes bya ba ni bod pa'i tshig go / khye'u 'di ni bdag gi ming po yang yin/ ming po'i bu yang yin/ bdag gi bu yang yin/ bdag gi skud po yang yin no zhes ston to/ /ji ltar bdag gi ming po zhe na/ de'i phyir 'di'i pha gang yin pa de bdag gi pha yin te zhes bya ba gsungs te/ khye'u 'di'i pha gang yin pa de bdag gi pha yar po yang yin pas/ 'jig rten gyi tha snyad kyis khye'u 'di dag gi ming po yin no/ /khye'u 'di'i ming gang yin pa de bdag gi ma yang yin pas/ khye'u 'di bdag gi ming po yin no zhes bya ba yang zhar la grub po/ ji ltar ming po'i bu dang bdag gi bu dang bdag gi skud po yin zhe na/ de'i phyir mig por gyur nas da ltar khyo 'di yin zhes bya ba gsungs te/ gang gi phyir khye'u 'di'i pha gang yin pa de bdag dang ma cig pas bdag gi ming por 'gyur ba yin la/ /de'i bu 'di yin pa de'i phyir khye'u 'di ming po'i bu yang yin no/ /gang gi phyir khye'u 'da' i pha da ltar bdag gi khyo yin la de'i bu 'di yin pas bdag gi bu yar po yin pa 'di'i phyir 'jig rten gyi tha snyad kyis khye'u 'di gdag pu yang yin no/ /gang gi phyir khye'u 'di'i pha da ltar bdag gi khyo yin la/ bdag gi khyo dang khye'u 'di gnyis ma gcig pas khyi thab kyi nu bo ni 'jig rten gyi skud po yin pa de'i phyir khye'u 'di bdag gi skud po yang yin no zhes bstan to/ /khyed la ci 'beb ces bya ba ni ci zhig mjal du gzhug ces bya ba'i tha tshig go / bud med kyi g.yo dag dang bud med kyi gya gyu dag dang bud med kyi ya ya dag ces bya ba ni g.yos kun nas bslad pa'i lus dang ngag dang yid kyi las dag yin par shes par bya'o/ /rus pa'i 'khrul 'khor zhes pa ba ni rus pa'i bog re'o/ /spyil bu la zhes bya ba ni khyim la'o/ /mi rtsang zhes bya ba ni mi gtsang ba sum cu rtsa drug gi tshogs yin pa'i phyir ro/ /rul ba zhes bya ba ni nang rul pa'i phyir ro/ /dri nga ba zhes bya ba ni sa la sogs pa'i dri dang ldan pa'i phyir ro/ /gzhan la brten ces bya ba ni gzhan dang 'brel ba ste de la gzhan la brten pa yod pa'i phyir ro/ /bdag gir byed ces bya ba ni skyes pa gzhan dag la khyim thab du 'dzin pa'i blo skyed pa'i phyir ro/ /gsod ldong phol mig ngal skyen ldan zhes bya ba la/ gsod ldong zhes bya ba ni spubs kyi nang ngo/ /phol mi byed ces bya ba ni g.yangs pa'i nang ngo/ /dal rkyen zhes bya ba ni dub pa'i nang ngo/ des na khyod gsod ldong dang ldan pa dang/ phol mig dang ldan pa dang ngal rkyen pa dang ldan pa'o zhes bya ba'i tha tshig go /rgyud lam dgun zhes bya ba ni mig dang/ rna ba dang/ sna dang/ kha dang/ bshang ba'i lam dang/ gci ba'i lam gyi rgyud kyi sgo nga gnas so/ /rab tu 'dzag pa bzhin zhes bya ba ni rtag tu mi gtsang ba'i rgyun 'dzag pa'o/ /dbyar dus zhes bya ba ni dbyar gyi dus so/ /gti mug gi mun pas bsgribs pa zhes bya ba ni mi shes pa'i mun pas bsgribs pa'o/ /glang rgan zhes bya ba ni ba glang rgan pa'o/ /khyo la chags par byed ces bya ba ni 'dod chags skyed par byed pa'o/ /skal pa chen po zhes bya ba ni bsod nams che ba ste bdag nyid chen po zhes bya ba'i tha tshig go /gzhan la rten cing zhes bya ba ni 'dir skyes pa gzhan la gzhol ba zhes bya bar rigs shes par bya'o/ /autpa la bdag gi lag pa zhes bya ba ni lag pa gang ba'o/ /chos par gyur zhes bya ba ni bgrod pa ma yin pa'i skyes pa dag dang lhan gcig 'dres par gyur pa'o/ /smyan byed pa zhes bya ba ni 'phyon ma byed pa'i bu med dang/ skyes pa dag sdus par byed pa'o/ /lam po che na 'dug pa zhes bya ba ni lam po che'i nang na rnam par gnas pa'o/ /smad pa'i gnas zhes bya ba ni skyon gyi rang bzhin yin pa'i phyir ro/ /mi rig pa zhes bya ba ni tshul dang mi mthun pa nyid kyi phyir te khams gsum pa las 'dod chags dang bral bar bya ba'i phyi rab tu byung ba ni zas 'dod pa dang mi mthun pa'i phyir ro/ /chos de so sor 'chags so zhes bya ba ni 'thal ba tsam gyis 'thol ba las ltung ba ma yin gyis 'thol nas de'i 'og tu bshags na ltung ba las lngar bar 'gyur ba'o/ /so sor bshags par bya ste zhes bya ba ni dge slong mang po rnams kyi mdun du lan cig 'thol bar bya'o/ /dge slong ma las zas len pa'i so sor bshags par bya ba ste dang po'i tshig rnam par bshad pa rdzogs so/ / //'ching ba mdza' dag yod pa zhes bya ba ni nyon mongs pa rnams ma brtsegs pa'o/ /sgo zhig 'dug na zhes bya ba ni sbyin du 'jug cing 'dug na'o/ /dge slong de rnams kyi 'di skad ces srid mo khyod dge slong de rnams zan za ba'i bar du re zhig sdod cig ces bsgo bar bya'o zhes bya ba ni dge 'dun gyi gnas brtan la sogs pa thams cad kyis so so nas btsal bar bya ste/ gcig gis kyi bsgo na yang bsgo ba nyid yin la gzhan du na so sor nye bar 'gyur ro zhes bya ba'i tha tshig go / gal te dge slong gcig gis kyang dge slong ma de la de skad ces smra ba ma spobs na zhes bya ba ni gal te dge slong gcig gis kyang tshig 'di mngon sum du byed ma nus na zhes bya ba'i tha tshig go / dge slong rnams khang thog na zan za shing zhes bya ba la sogs pa la/ de na zhes bya ba ni khang thog na'o/ /dge slong de dag gis zhes bya ba ni khang thog na zan za na zan za ba de dag gis so/ /ma bsgos par zan so sor bshags par bya bar 'gyur ro zhes bya ba ni khang thog na zan za ba rnams la kha na ma tho ba 'dir 'gyur te/ de dag gi mdun na dge slong ma bsgo zhing 'dug pa'i phyir ro/ /dri bar bya'o zhes bya ba ni khang tog na zan za ba rnams la'o/ /ma dris par zan nyes byas su 'gyur ro zhes bya ba ni de dag gis mngon sum ma yin pa'i phyogs na dge slong ma de bsgo zhing 'dug pa'i phyir ro/ /de'i dor mgron du bos pa dang yang dag par 'dzin du 'jug pa la ltung ba med do zhes bya ba ni dar de la dang po nyid nas gcol ba'i phyir ro/ /byug ris bston pa dang ma byin pa la sbyin du 'dzud pa la ltung ba med de zhes bya ba ni sbyin du 'dzud pa'i gtogs 'dod med pa'i phyir ro/ /so sor bshags par bya ba dang po dang gnyis ni grong ba'i bshes pa yod par dogs pa la sogs pa'i skabs bzlog pa'i phyir bcas pa mdzad do/ /gral rims su ma mtshams? par 'drim du 'jud? pa ma bzlog par za ba'i so sor bshags par bya ba ste gnyis pa'i tshig rnam par bshad pa rdzogs so/ / //bslab pa'i sdom pa zhes bya ba la/ bslab pa zhes bya ba ni dge 'dun gyi nges pa'o/ /des bsdams shing yongs su spangs pa ni bslab pa'i sdom pa'o/ /gsol ba 'ba' zhig gi las byas ta zhes bya ba ni dge 'dun las gsol ba las brjod pa med pa 'ba' zhig pa bya'o zhes bya ba'i tha tshig go / khyim du mkho bar mi bya zhes bya ba la sogs pa ni bsod snyoms lan ba la sogs pa zhar la 'byung ba dgag pa'i phyir ro/ /bslab pa'i sdom pas bsdams pa zhes bya ba ni bslab pa'i sdom pas bzlog pa'o/ /tshul shing gis bkol gyis zhes bya ba ni grangs kyis bkol bas te/ 'khor rnam bzhi las phyi rol tu byas zhes bya ba'i tha tshig go /bshos shin tu bkag kyang zhes bya ba ni zan ni bgod pa'i phyir shin tu bkag kyang zhes bya ba'i tha tshig go / bum pas bum pa 'gengs te zhes bya ba ni ji ltar bum pas bum pa 'gengs par byed pa de bzhin du dge bsnyen dag gis kyang dge slong dag la sbyin la dge slong dag gis kyang dge bsnyen la sbyin pas bla ma dang slob ma'i bye brag med do zhes bya bar bsams pa'o/ /khyim nas byung nas blang par bya'o zhes bya ba ni khyim nas byur ba'i 'bras bu dang rtsa ba dang ldam ldum la sogs pa mod pa blangs pa la 'du 'god med pas blang bar gnad pa'o/ /longs spyod 'phel zhes bya ba ni rtas pa'o/ /dge slong gi dge 'dun don bzhes pa zhes bya ba ni yo byad 'phel bar bzhed pa'o/ /phan pa bzhed pa zhes bya ba ni lus dang 'khor phun sum tshogs pa 'dod pa'o/ /thos pa'i nye 'khor nas bkar te zhes bya ba ni sgra'i spyod yul nas spangs te'o/ snang ba'i nye 'khor du bzhag nas zhes bya ba ni gsol ba'i mtshan ma bstan par bya ba'i phyir ro/ /'dir kha cig gsol ba dang gnyis kyi las su smra ba de ni mi rung ngo/ /so sor bshags par bya ba ni de? ni chos mi shes pa dang/ skur pa 'debs pa la sogs pa spang ba'i phyir bca' ba mdzad do/ /bslab pa bral te khyim gzhan du 'jug pa'i so sor bshags par bya ba ste gsum pa'i tshig rnam par bshad pa rdzogs so/ //zla ba'i rgyab sus mthong zhes bya ba ni ji ltar su yang zla ba'i rgyab kyi cha mi mthong gi mdun gyi cha mthong ba nyid kyi dga' bar 'gyur ba de bzhin du nor nye bar gnas pa 'di nyid blang ba yin gyi phyis cir 'gyur bar dpyad par bya mi dgos so snyam du bsams pa'o/ /chu dag ces bya ba ni shing rta'i mda' dang gshol mda' gnya' shing la bcing ba'i 'breng ba'o/ /shing rta'i mda' zhes bya ba ni shing rta'i gdong gi shing gnya' shing dang 'brel ba'o/ /gces pa na zhes bya ba ni spras pa brjod pa na'o/ /bsel ba dag gis shes rab mda' ba dag gis so/ /nags nyul ba zhes bya ba ni nags 'jigs pa dang bcas sam 'jigs pa med pa nyid rtog pa gang yin pa'o/ /dpag tshad phyed nas bzung ste khor khor yug tu nags byul bar bya'o zhes bya ba ni phyogs bzhir rgyang grags bzhi bzhir byul bar bya zhes bya ba'i tha tshig go / 'jigs pa tha dad pas 'jigs su rung ba dang bcas par grags pa zhes bya ba ni 'chi ba'i rgyur gyur pa sprul dang sdig pa la sogs pa 'jig pa tha dad pa sdig pa la sogs pa 'jigs pa dang 'khrug pa'i rgyur gyur pa sha sbrang dang sbrang bu chu rings la sogs pa 'jigs pa tha dad pas 'jigs su rung ba dang bcas par grags pa'o/ /nags nyul ba shi ba 'am bros na ltung ba med do zhes bya ba ni 'di la byung ba'i blo yod na ltung ba med do/ /so sor bshags par bya ba 'di ni sbyin bdag la gnod pa dang/ bdag nyid 'gangs pa'i skur ba bzlog pa'i phyir bca' ba mdzad do/ /nags brtag pa las gyur pa'i so sor bshags par bya ba ste bzhi pa'i tshig rnam par bshad pa rdzogs so// //rnam par 'byed pa'i tshig rnam par bshad pa slob dpon dul ba'i lhas nye bar sbyar ba las so sor bshags par bya ba rnams kyi tshig rnam par bshad pa rdzogs so/ / //skyon med pa la 'jug pas dge slong nyid la dgod zhes bya ba la/ skyon med pa zhes bya ba ni ngan song myong bar 'gyur ba'i las mi byed pa dang/ mthong pas spang bar bya ba'i nyon mongs pa kun tu mi 'byung ba dang/ srid pa brgyad pa la sogs pa mi len pa la sogs pa'i skyon med par lus la khyab par byed pa ste mthong ba'i lam mo/ /de skye ba ni skyon med par 'jug pa'o/ /mthong ba'i lam skyes pas dge slong nyid la bkod pa zhes bya ba ni mthong ba'i lam skyes pas dge slong gi sdom pa nyid thob pa ste/ smon lam gyis dbang gis dge sbyong gi lam 'khor dang bcas pa thob pas dge sbyong gi dngos po rdzogs par bsnyan pa nyid la bkod do// zhes bya ba'i tha tshig go / sham thabs zlum po zhes bya ba ni ma mdza' i kha mnyam par 'dug pa'o/ /bslab par bya'o zhes bya ba ni nan tan bya ba'o/ /ha cangs rtsengs pa zhes bya ba ni zlum po yin du zin kyang bus mo gnyis las gong du thal ba yin no/ /khyed cag nyid mi shes ba dang bral ba zhes bya ba ni 'di ltar byas na bzang ngo snyam pas de mi shes pa dang bral ba yin no/ /bslab par gyur pa zhes bya ba ni mdzes pa'i phyir de ni rab tu byung ba dag gis rjes su bsgrub pa ma yin no zhes bya ba khong du chud par gyur ba'o/ ha cang 'jol ba zhes bya ba ni long bu'i tshigs la rag pa nyid du ha cang 'jol pa'o/ /mdun 'phyang ba zhes bya ba ni mdun nas brla brag tu glang po che'i sna ltar nar ba'o/ /gleng po che'i sna ltar zhes bya ba ni glang po che'i sna 'dra bar ro/ /glo dag tu ltebs pa zhes bya ba ni glo 'phyogs dag? tu nam mkha' lding gi gshog pa ltar bu gdengs ka byed pa'o/ /tA la'i lo ma bltab pa zhes bya ba ni shing lta la'i lo ma'i tshogs ltar bsdus pa'o/ /'bru'i phur ma ltar zhes bya ba ni nas chan gyi phur ma'i rnam pa ltar bsdus pa'o/ /sprul mgo'i gdengs ka ltar zhes bya ba ni mdun gyi lte ba'i 'og tu sham thabs kyi nang 'brel ba'i rim pa bsdus te sprul mgo'i gdengs ka ltar phyir byung bar byed pa'o/ /bslab pa sdu ba'i mgo zhes bya ba ni bslab bgrang ba'i don du yang dag par sdud par byed pas mdo byas pa yin no/ /bsdus pa'i mod dang po'o// // chos gos zhes bya ba ni bla gos dang snam sbyar ro/ /shin tu bsdams shing zhes bya ba ni lag pa dang rkang pa rkyong ba la sogs pa mi bya bar mnyam par bzhag cing ngo/ /chos gos bsdus shing phrag pa la gzar te zhes bya ba ni mdun dang rgyab tu phreng ba bzhin du sbyangs te g.yas g.yon su bsdus shing phrag gong du bkal ba'o/ /legs par bgos shing zhes bya ba ni yul legs par g.yogs shing ngo/ /byung rgyal smras pas sgra 'byin zhing zhes bya ba ni don dang mi ldan pa'i/ tshig rgod bag gis skyong ba smra zhing ngo/ /sgra bskyang zhing zhes bya ba ni ci co bskyung zhing ngo mi g.yengs shing zhes bya ba ni mig gzhan du lta zhing ngo/ /skar ma la rtog pa zhes bya ba ni skar mkhan dag go /mig g.yengs par mi bya ba zhes bya ba ni mig 'khrul bar mi bya ba'o/ /gnya' shing gang tsam du lta zhing zhes bya ba ni gnya' shing gang tsam du blta ba'i ngang tshul yod pa'o/ /bsdu ba'i mod gnyis pa'o// //mgo g.yogs zhes bya ba ni ras la sogs pas mgo g.yogs pa'o/ /sham thabs brdzus zhes bya ba ni 'doms kyi phyogs snang ba tsam du sham thabs brdzes pa'o/ /mi brdzes par zhes bya ba ni shams thabs ma brdzes pa'o/ /chos gos phrag pa la gzar te zhes bya ba ni chos gos zlum por gyon pa las phrag pa g.yon logs phrag pa la gzar ba'o/ /mi gzar bar zhes bya ba ni cho gos phrag pa la mi gzar ba'o/ /lag pa gnya' gong du bsnol zhes bya ba ni lag ngar gnyis mdun du bsnol te/ sor mo gnya' gong du bzhag pa'o/ /gnya''god du mi bsnol bar zhes bya ba ni lag pa gnyis so/ /lag pa ltag par bsnol zhes bya ba ni lag bltag par sprad de sor mo bsnol ba'o/ /ltag par mi bsnol bar zhes bya ba ni lag pa gnyis ltag par mi bsnol ba'o/ /bsdu ba'i mdo gsum pa'o// //mchod zhes bya ba ni mchod zhing mchod zhing 'gro ba'o/ /mi mchod zhing zhes bya ba ni mchod zhing mchod zhing 'gro bar mi bya ba'o/ /gom pa ha cang chen po zhes bya ba ni sgyid pa ha cang brgyangs te gom pa chen por 'dor ba'o/ /brkyang bar zhes bya ba ni skyid pa ha cang brgyad te gom pa chen por 'dor ba'o/ /mi brkyang par zhes bya ba ni sgyid brkyang bskum byed cing gom pa chen por 'gro bar mi bya ba'o/ /tsog pur khyim gzhan du 'dod nas zhes bya ba ni rkub btsos sa la ma reg par 'dug ste 'dod nas zhes bya ba'i tha tshig go / tsog pus ma yin pa zhes bya ba ni tsog pur 'gro bar mi bya ba'o/ /rkang pa'i brang? pa dag gis khyim gzhan du 'dod par byed ces bya ba ni rkang pa'i rting ba bye? brag? ste sor mo'i brang bas la phab cing 'gro ba'o/ /byis pa khyi'u mig ma bzhin du rtse ba dag ces bya ba ni gang dag mig ma bzhin du lus drang por rtse ba'i phyir rkang pa'i sor mo dag gis rgyug pa dag go /brang bas ma yin par zhes bya ba ni rkang pa'i rting ba btag ste sor mo'i brang ba sa la phab cing 'gro bar mi bya ba'o/ /lag pa gnyis bkur brten te zhes bya ba ni lag pa gnyis rked pa'i phyogs su btang de gru mo gnyis brkyang ba'o/ bkur mi brten pa zhes bya ba ni lag pa gnyis rked pa'i phyogs su brten te gru mo me? phyogs smyung smyung por byas te 'gro bar mi bya ba'o/ /bsdu ba'i mdo bzhi pa'o// //lus bsgyur cing zhes bya ba ni ro bstod bsgyur zhing ngo/ /lus mi bsgyur bar zhes bya ba ni lus bsgyur bar zhes bya ba bya ba'i bye brag byed cing khyim bzhan du 'gro bar mi byed? ba'o/ /lag pa kyog cing zhes bya ba ni lag pa kyog pa bya ba bya ba'i bye brag byed cing ngo/ /lag pa mi kyog pa zhes bya ba ni lag pa kyog cing khyim gzhan du 'gro bar mi bya ba'o/ /mgo bsgyur zhes bya ba ni mgo bsgyur ba'i bya ba'i byed cing khyim gzhan du 'gro ba'o/ /mgo mi bsgyur bar zhes bya ba ni mgo bsgyur zhing khyim gzhan du 'gro bar mi bya ba'o/ /phrag pa sprod ces bya ba ni gzhan dang phrag pa sprod pa'o/ /phrag pa mi sprod par zhes bya ba ni gzhan dang phrag pa gnyis sprang cing khyim gzhan du 'gro bar mi bya ba'o/ /lag pa sprel zhes bya ba ni gzhan dang lag pa sprel ba'o/ /lag pa mi sprel bar zhes bya ba ni gzhan dag dang lag pa sprel te khyim gzhan du 'gro bar mi bya ba'o/ /shin tu bsdams shing khyim gzhan du 'gro bar brlab par bya'o zhes bya ba man cad 'di yan chad thams cad khyim gzhan du 'gro bar bya'o zhes bya bar sbyar ro/ /bsdu ba'i mdo lnga pa'o// //ma bsgo bar khyim gzhan du bstan la mi 'dug par bslab par bya'o/ /zhes bya ba ni khyim bdag gis ma bsgo bar dge slong khyim du bstan la 'dug par mi bya'o/ /stan la ma brtags par khyim gzhan du stan la 'dug par mi bya bar bslab bya ba ni khyim gzhan du stan la ma brtags par gya tshom 'dug par mi bya ba'o/ /mngon par byung nas/ lo bcu gnyis lon bya ba ni khyim nas mngon par byung nas lo bcu gnyis lon zhes bya ba'i tha tshig go /rdzogs par sangs rgyas nas lo drug lon nas zhes bya ba ni bcu gnyis po de dag las lo drug tu dka' ba spyad nas rdzogs par sangs rgyas nas lo drug lon nas zhes bya ba'i tha tshig go / yang na dngos po bstan pa'i phyir mngon par byung nas lo bcu gnyis lon cing zhes gsungs la de la mngon par rdzogs par sangs rgyas pa'i lo ni drug yod do zhes bya ba'i tha tshig go /mtho btsams so zhes bya ba ni brnyas pa'o/ /lus thams cad kyi ljid kyis mi dbab par bya ba ni ro stod ro smad kyi lus thams cad kyi ljid kyis dus gcig tu mi dbab pa'i tha tshig go /rkang pa mi bsnal ba zhes bya ba ni rkang pa'i lteng du rkang pa bzhag ste 'dug par mi bya ba'o/ /brla mi bsnol bar zhes bya ba yang brla'i steng du brla bzhag ste 'dug par mi bya ba'o/ /long bu'i steng du long bu mi bzhag par zhes bya ba yang long bu'i steng du long bu bzhag ste 'dug par mi bya ba'o/ /rkang pa mi dgug par bya zhes bya ba ni rkang pa gnyis bkug ste 'dug par mi bya ba'o/ rkang pa mi gdang bar zhes bya ba ni rkang gnyis thad kar gdangs te 'dug par mi bya ba'o/ /'doms mi snang bar zhes bya ba'i 'dzud pa'i mtshan gyi phyogs mi snang bar 'dug par mi bya ba'o/ bsdu pa'i mdo drug pa'o/ / //khang bzangs pad+ma can zhes bya ba ni khang bzangs pad+ma'i rnam pa 'dra ba'i phyir dang/ pad+ma ltar bris pa'i phyir ro/ /mtshon brgya rtsa gcig gis bris pa zhes bya ba ni tshon rtsi brgya rtsa gcig gis bris pa'o/ legs par zas blang par bslab par bya'o/ /zhes bya ba ni byin len legs par bya ba'o/ /mu dang kha nga? chad du ma yin par zhes bya ba ni lhung bzed kyi kha'i mu dang kha nga chad du gang ba ma yin par zas blang bar bya ba'o/ /tshod ma dang mnyam pa ma yin par zhes bya ba ni bza' ba gang la tshod ma dang mnyam pa ni tshod ma dang mnyam pa ste/ de lta bu ma yin par zas blang par bya ba'o/ /mthar chags su zhes bya ba ni stan la 'dug pa'i gral gyi rim pa bzhin du zas blang bar bya ba'o/ /lhung bzed la lta zhing zhes bya ba ni lhung bzed dang 'brel ba yin gyis zas legs par blang bar bya ba'o/ /bca' ba dang bza' ba ma longs par lhung bzed mi bzed par zhes bya ba ni srid du bca' ba dang bza' ba mngon sum du ma 'ongs pa de srid du lhung bzed mi bzed par bslab par bya ba'o/ /yang 'dod pa'i phyir 'bras can gyi tshod ma mi dgag tshod mas 'bras can mi dga' ba zhes bya ba ni thob par bya'o/ /snyam pa'i bas pas 'bras can gyi tshod ma mi dgab tshod mas 'bras can mi dgab par bslab par bya ba'o/ /bca' ba dang bza' ba'i steng du lhung bzed mi bzung ba zhes bya ba ni bza' ba dang bca' ba de'i steng du lhung bzed bzung bar mi bya ba'o/ /bsdu ba'i mdo bdun pa'o// // rnam par 'gyur ba dag gis zas za bar byed nas zhes bya ba ni rkang lag rkyong pa la sogs pa dag gis so/ /legs par zas bza' bar bslab par bya'o zhes bya ba ni rkang lag rkyong ba dang kham che chung la sogs pa ma yin pas legs par zas bza' bar bslab par bya ba ste/ 'di ni bslab pa'i gzhi mgo ma lnga'i lus lta bu yin no/ /kham ha cang chung ba zhes bya ba ni yin pa la/ kham zhes bya ba ni khar kham tshad du gzhug cing ming pa'i phyir kham zhes bya ste/ ha cang chung bar ma yin par zas bza' bar bslab par bya ba'o/ /kham ha cang chen po ma yin pa zhes bya ba ni kham ha cang chen po mang ma yin par zad bza' bar bslab par bya ba'o/ /kham ran pa zhes bya ba ni rang mthun dang 'jig rten dang mthun pa'i kham ran par zas bza' bar bslab par bya'o kham ma gzas par mi gdang zhes bya ba ni ji srid du kham kha'i sgor nye bar ma 'ongs pa de srid du kha'i sgo gdang bar mi bya ba'o/ /skad nyams par gyur ces bya ba ni sgra 'gags par gyur ba'o/ /kha kham gyis bkang ste/ ma smra bar bslab par bya'o zhes bya ba ni kha'i nad kham gyis gang bzhin du smra bar mi bya ba'o/ /bsdu ba'i mdo brgyad pa'o// //tsug tsug mi bya ba la/ tsug tsug ces bya ba ni te por skyur bar ston pa'i sgra tsug tsug ces bya ba mi gsal bar yang dang yang du byed pa ste/ de lta bu mi bya bar zas bza' bar bslab par bya'o/ /cag cag lmi bya ba la/ cag cag ces bya ba ni te por mngar bar ston pa'i sgra la cag zer ba yang dang yang du byed pa ste/ de lta bu mi bya bar zas bza' bar bslab par bya'o/ /hu hu mi bya zhes bya ba la/ hu hu zhes bya ba ni te por grang ba bsro ba'i phyir kha'i dbugs hu zhes bya ba'i sgra mi gsal bar yang dang yang du byed pa ste/ de lta bu mi bya bar zas bza' bar bslab par bya ba'o/ /phu phu mi bya zhes bya ba phu phu zhes bya ba te por tsha ba bgrang ba'i phyir phu zhes bya ba kha'i dbugs kyi sgra mi gsal ba yang dang yang du byed pa ste/ de lta bu mi bya bar zas bza' ba la bslab par bya ba'o/ /lce phyung ste zas mi bza' bar bslab par bya'o zhes bya ba ni zan za ba na lce phyir phyung ste bza' bar mi bya ba'o/ /bsdu ba'i mdo dgu pa'o// //'bru nas tha dad du mi bya zhes bya ba ni 'bras can la sogs pa'i 'bru dag re re nas btu zhing bza' mi bya ba'o/ /'phyas ma gdags zhes bya ba ni zas la 'phyas smod mi bya ba'o/ /mkhur ba mi spo zhes pa mkhur ba gnyis bkang ste g.yas g.yos bskyed 'brir spo bar mi bya ba'o/ /rkan mi gtog ces bya ba ni lces rkan gtog cing zan bza' bar mi bya ba'o/ /kham 'phror mi bcad ces bya ba ni kham 'phror bcad cing zas bza' bar mi bya ba'o/ /bsdu ba'i mdo bcu pa'o// //lag pa mi ldag ces bya ba ni zas gang la lag pa ldag pa yod pa de ni mi bldag par zas bza' bar bya ba'o/ /lhung bzed mi byog ces bya ba yang zas gang la lhung bzed byog pa yod pa de sor mos mi byog par zas bza' ba'o/ /lag pa mi sprug ces bya ba ni lag pa la zas chags pa mi sprug par zas bza' bar bya ba'o/ /lhung bzed mi bskyam zhes bya ba ni lhung bzed kyi nang du zas pa sogs pa blugs te mi bskyam par zas bza' bar bya ba'o/ /ngan 'gro rdzogs par byed par rdzogs par byed kyi zhes bya ba ni 'dro ba skyod gi bu rdzogs byed ces bya ba ngan 'gro rdzogs par byed pa de'i yin no/ /zhes bya ba'i tha tshig go /mchod brten 'dra ba bcom ste zhes bya ba ni bshig ste'o/ /bsdu ba'i mdo bcu gcig pa'o// //drung na 'dug pa'i dge slong gi lhung bzed la 'phyas gdags pa'i byir? mi lta zhes bya ba ni gang la 'phyas gdags pa'i phyir blta ba'i tshul yod pa de ni 'phyas gdags pa'i lta ba ste/ des drung na 'dug pa'i dge slong gri lhung bzed la 'phyas gdags pa'i phyir mi lta ba'o/ /lag pa zas dang 'bags pas chu snod la mi bzung zhes bya ba ni lag pa zas dang 'bags pas btung pa 'am glor bzhag pa'i chu? byam bum la sogs pa mi bzung ba'o/ /drung na 'dug pa'i dge slong la zas dang 'bags pa'i chus mi gtor zhes bya ba ni drung na 'dug pa'i dge slong la zas 'bags pa'i chus mi gtor bar bslab par bya ba ste/ drung ni 'dug pa zhes bya ba dang/ zas dang 'bags pa zhes bya ba ni mtshon pa tsam ste gzhan na 'dug pa dang zas dang ma 'bags pa yang de bzhin mo/ khyim pa 'dug pas ma dris par chu zas dang 'bags pa khyim gzhan bu mi dpo zhes bya ba ni khyim bdag la ma dres par zas dang 'bags pa'i chu de khyim pa'i khyim du yi dge? par bslab par bya ba'o/ /bsdu ba'i mdo bcu gnyis pa'o// //lhung bzed kyi nang du zas kyi lhag ma blugs te mi dor zhes bya ba ni shing tog la sogs pa phyed phyed zos pa ngan na ra gyur pa lhung bzed kyi mi dor bar bya ba'o/ /lcags kyi rtsa zhes bya ba ni lcags kyi dri ma'o/ /'og gzhi med pa'i sa phyogs su lhung bzed mi bzhag ces bya ba ni lhung bzed kyi gdu bu dang lam la sogs pa'i 'og bzhi med pa'i sa phyogs su lhung bzed mi bzhag par bslab par bya ba'o/ /gang ka ma yin pa zhes bya ba ni dam grog gi? kha ma yin par ro/ /g.yang sa ma yin pa zhes bya ba ni byin gyis gzhol ba'i g.yang sam yin par ro/ /dkan gzar po ma yin par zhes bya ba ni bang rim ltar phyir byung ba'i bzhi bo ma yin pa'o/ /greng sta lhung bzed mi bkru zhes bya ba de ni sa mnyam par bkag pa yin/ /gang ka ma yin pa dang/ g.yang sa ma yin pa dang/ dkan gzar po ma yin par lhung bzed bkru zhes bya ba ni/ gang ka dang g.yang sa dang dkan gzar por ni 'dug ste lhung bzed bkru pa yang bkag pa yin no/ /'bab chu drag po zhes bya ba ni shug drag tu 'bab pa ste/ shing la sogs pa khyad par byed pa'i phyir ro/ /rgyun las bzlog pa ste zhes bya ba ni 'bab pa'i rgyun phyogs las bzlog ste'o/ /'di ni chu'i shugs kyis lhung bzed chag pa la sogs par 'gyur bas dgag pa mdzad do/ /bsdu pa'i mdo bcu gsum pa'o// //ma na bar 'dug pa la 'greng ste chos mig shad? ces bya ba ni nyan ba po min par 'dug pa dge slong 'greng ste/ chos mi bshad par bslab par bya ba'o/ /min par nyal ba la 'dug ste chos mi bshad ces bya ba ni nyan pa po min par nyal ba la dge slong ?? ?? stan mthon pa'o/ 'dug pa la stan dma' ba la 'dug ste chos mi bshad ces bya ba ni nyan pa po min par stan mthon po la 'dul ba la dge slong stan dma' ba la 'dug ste chos mi bshad par bslab par bya ba'o/ /min par mdun du 'gro ba la phyi nas 'gro zhing chos mi bshad ces bya ba ni/ nyan pa po min par mdun du 'gro ba la dge slong phyi nas 'gro zhing chos mi bshad par bslab par bya ba'o/ /min par lam nas 'gro ba la lam gyi 'gram nas 'gro zhing chos mi bshad ces bya ba ni nyan pa po min par lam nas 'gro ba la/ dge slong lam grol? pa nas 'gro zhing chos mi bshad par bslab par bya ba'o/ /bsdu ba'i mdo bcu bzhi pa'o// //min par mgo g.yogs pa la chos mi bshad ces bya ba la/ sogs pa ni nyan pa po min par mgo g.yogs pa dang/ sham thabs brjes pa dang/ chos gos gzar ba dang/ lag pa gnya' gong du bsnol ba dang/ lag pa ltag par bsnol ba la dge slong gis chos mi bshad par bslab par bya ste/ 'di dag gi rgod bag dang ma gus pa'i phyir dgag pa mdzad do/ /bsdu ba'i mdo bco lnga pa'o// //min par do ker can la chos mi bshad ces bya ba la sogs pa ni rgod bag dang ma gus pa'i cha lugs yin pa'i phyir dgag pa mdzad do/ /skra do ker can zhes bya ba ni skra gyen du gtsug tor ltar bcings pa'o/ /mgo dkris pa/ zhes bya ba ni thod bcings pa'o/ /bsdu ba'i mdo bcu drug pa'o/ / /min par glang po che zhon pa la chos mi bshad ces bya ba la sogs pa ni rgod bag dang ma gus pa yin pa'i phyir dgag pa mdzad do/ /khyogs na 'dug pa zhes bya ba ni mis bteg pa'i khyogs na 'dug pa'o/ /bzhon pa'i steng na 'dug pa zhes bya ba ni shing rta la sogs pa mis bteg pa ma yin pa'i steng na 'dug pa'o/ /mchil lham gyon pa zhes bya ba ni shing dang ko ba la sogs pa las byas pa'i mchil lham gyon pa'o/ /bsdu ba'i mdo bcu bdun pa'o// //min par bshan? khar ba thogs pa la chos mi bshad ces bya bas la sogs pa la ni rgod bag dang ma zhi ba dang/ mgus pa'i cha lugs yin pa'i phyir dgag par mdzad do/ /mtshon zhes bya ba ni mdung dang 'phang mdung la sogs pa'o/ /dgra cha zhes bya ba ni mda' gzhu'o/ /bslab pa bsdu ba'i mdo bco brgyad pa'o/ / //sngon ni bdag cag bsrung bar byas par gyur zhes bya ba ni khyim nyid na rgyal po'i pho brang la brten pas brkyangs pa'i phyir ro/ /rtswa sngon po yod pa yis phyogs zhes bya ba ni sngo skyes pa ste de ni brten pa yin pa'i phyir dgag pa mdzad do/ /rlugs pa la sogs pa ni mkhris pa la sogs pa khar dbyung ba dang/ ma zhu ba thur du dbyung ba'o/ /bsdu ba'i mdo bcu dgu pa'o// //mi gang tsam zhes bya ba ni mi'i lus kyi srid tsam mo/ /mchod pa byas te zhes bya ba ni gyen du mchongs te'o/ /'dul ba rnam par 'byed pa'i tshig rnam par bshad pa slob dpon dul ba'i lhas mdzad pa nye bar sar ba las bslab pa'i chos mang po rnams kyi tshig rnam par bshad pa rdzogs so/ / //da ni ltung ba sde lnga dang 'brel pa las rtsod pa byung ba rnams ji ltar zhi bar 'gyur ba de bstan pa'i phyir rtsod pa zhi par bya ba'i chos mdun ston to/ /mngon sum du 'dul bar 'od pa la mngon sum du 'dul ba sbyin no zhes bya ba la/ mngon sum du zhes bya ba ni rgol ba dang phyir rgol ba dag gi mngon sum du 'dul ba'i bzhi pa gang la yod pa de ni mngon sum du 'dul ba'o/ /'dul ba zhes bya ba ni brtsod pa zhi zhing 'dul ba'o/ /de sbyin par 'os pa'i gang zag gang yin pa'am rtsod pa gang yin pa de la ni mngon sum du 'dul ba sbyin par bya'o zhes bya ba'i tha tshig go /de lta rtag pa dang/ mi rtag pa dang/ yod pa dang med pa dang/ sdug bsngal dang/ sdug bsngal ma yin pa la sogs pa dngos po'i ngo bo nyid kyi skabs su 'gyed pa'i phyir rtsod pa byung na mdo sde dang/ 'dul ba dang/ ma mi 'dzin pa dag gam mkhan po dang slob dpon dag gam/ dge 'dun thams cad dam/ gnas gzhan gyi dge 'dun nam/ gnas brtan gtso bos nges pa skyes pas rtsod pa de zhi bar 'gyur bas de'i phyir 'gyed pa'i phyir rtsod pa mngon sum du 'dul ba byas ste 'dir don ni de yin no/ /dran pas 'dul bas 'dul ba la dran pas 'dul ba sbyin no zhes bya ba 'di n i 'dis dran par byed pas na dren pa ste yul ma brjed pa la dus gzhan na nyams su myong ba dang byas pa shes pa skye ba bskul ba'i gang zag gang gi rgyud la rnam par gnas pa'i dran pa des rtsod pa zhi bar bya ba gang las 'dul ba yod pa de ni dran pas 'dul ba'o/ /de 'os pa'i gang zag gang yin pa'am rtsod pa gang yin pa de la dran pas 'dul ba sbyin par bya'o zhes bya ba'i tha tshig go /de la 'di ltung ba 'byung ngo zhes bya ba gdam ngag 'jog pa 'am/ gso sbyong dgag dbye bzhag pas mi gdams pa'i phyir rtsod pa byung de la ni ltung ba med pa 'am/ gzhan byas pa 'am ma byas pa'i phyir bcos zin pa la mi gdams pa byas na bskul ba'i gang zag gi tshul khrims dang/ thos pa dang ting nge 'dzin la sogs pa yon tan mchog tu gyur pa tshad mar de mi gyur pa na des dran pa gang yin pa des rtsod pa de zhi bar 'gyur bas de'i phyir mi gdams pa'i phyir rtsod pa la ni dran pas 'dul ba byas te 'dir don ni de yin no/ /ma myos pas 'dul bar 'os pa la ma myos pas 'dul ba sbyin no zhes bya ba ni ma myos pa la sogs pa med pa tha snyad du rung ba bdag nyid des rtsod pa zhi bar bya ba gang la 'dul ba gang yod pa de ni ma myos pas 'dul ba'o/ /de 'os bsam myos pas 'dul ba sbyin te bya'o/ /zhes bya ba'i tha tshig go /de la myos pa dang/ sems 'khrug pa dang/ tshor ba dag gis nyen pas myos pa'i gnas skabs na bya ba ma yin pa pa spyod pa'i de'i rgyus gdams ngag la sogs pa bzhag pas mi gdams pa'i phyir rtsod pa byung ba de la ni myos pa'i gnas skabs na ltung ba med pas ma myos pa'i bdag nyid kyis gang byas pa de tshad ma yin pas ma myos pas zhi bar byas te/ de mi gdams pa'i phyir rtsod pa la ni ma myos pa 'dul ba yang byas te 'dir don ni de yin no/ /gang tshul shing mang po sbyin par 'os pa la tshul shing mang po sbyin no zhes bya ba ni zhi bar bya ba'i phyir tshul shing mang po brim pas rtsod pa zhi bar bya ba gang la yod de ni tshul shing mang po sbyin par 'os pa'o/ /de 'os pa la ni tshul shing mang po sbyin pa gang yin pa'o/ /de la rtag pa dang mi rtag pa la sogs pa'i rgyu la 'gyid pa'i phyir rtsod pa byung ba gang gi tshe/ mkhan po dang slob dpon dang gnas brten gyi mthar thug pa'i bar dag gis nges par bya bar ma nus pa de'i tshe na bsams btsal ba'i phyir tshul shing 'drim par byed cing/ phyogs gang la tshul shing mang bde rgyal zhing cig shos pham par gyur pa des rtsod pa zhi bar 'gyur ba de'i phyir rtsod pa la ni tshul shing mang po sbyin pa yang byas te 'dir don ni de yin no/ /de'i ngo bo nyid tshol du gzhug par 'os pa la de'i ngo bo nyid btsal ba sbyin zhes bya ba ni bskul ba'i gang zag de ltung ba'i ngo bo nyid gang yin pa dang/ rigs gang yin pa dang/ gang gis kun nas bslang ba la sogs pa'i ngo bo nyid tshol du gzhug pa de dang mthun pa rtsod pa zhi bar bya ba gang la yod pa de ni ngo bo nyid 'tshol du gzhug pa'o/ /de 'os pa de la ngo bo nyid btsal ba sbyin no/ /de la dge slob gang gis ltung ba byas nas dge 'dun gyi nang du dris pa na shes la/ de'i 'og tu spyad pa la sogs pa'i dus na brjed ngan pa'i phyir mi shes na de ltung ba de'i ngo bo nyid 'tshol du gzhug pa'i phyir dang/ gus pa skyes pa'i phyir dang/ ngo bo nyid tshol du gzhug ba zhes bya ba chad pa'i las byed du gzhug ste des na ltung ba de'i rgyus ma gdams pa'i phyir rtsod pa 'byung ba de zhi bar 'gyur bas/ de'i phyir mi gdams pa'i phyir rtsod pa la ni de'i ngo bo nyid 'tshol du gzhug pa yang byas te 'dir don ni de yin mno/ /gang khas blang bar 'os pa las khas blang bar bya ba'o zhes bya ba ni bdag la ltung ba byung ngo zhes khas len pa ni khas blang par bya ba des rtsod pa zhi bar bya ba gang la khas blangs pa yod pa de ni khas blang par bya ba'o/ /de 'os pa de la ni khas blang par bya ba'o/ /de la khyod kyis ltung ba byas so zhes bskul ba las rgol ba dang phyir rgol ba dang/ de'i 'khor dge slong gi phyogs gcig tu gyur pa dag ltung ba'i phyir rtsod pa byung na/ gang gi tshe bskul ba'i gang zag gis bdag la ltung ba byung ngo zhes khas len par byed pa de'i tshe na rtsod pa zhi bar byed pas ltung ba la rtsod pa la ni khas blang bar bya ste 'dir don ni de yin no/ /rtswa bkram pa lta bur 'os pa la rtsa bkram lta bu sbyin no/ /zhes bya ba ni rtswa bkram pa dang 'dra bar phan tshun mthun par bkram shing 'dud par byed pas gleng bar bya ba dang/ gleng ba po phyogs kyi dge slong rnams rtsod pa zhi bar bya ba gang la rtsa bkram pa lta bu mthun par byed pa de ni rtsa bkram pa lta bu'o/ /de 'os pa de la ni rtsa brtsam pa lta bu sbyin no/ /de la khyod kyis ltung ba byas so zhes phan tshun glengs pa las rang gi phyogs dang gzhan gyi phyogs rnam par gnas pas dge 'dun thams cad ltung ba'i phyir rtsod par gyur na gang gi tshe phyogs gnyi gas kyang phan tshun mthun par khas len par byed pa de'i tshe na de dag gi rtsod pa de zhi bar 'gyur bas de'i phyir ltung ba'i phyir rtsod pa las ni rtsa bkram pa lta bu yang bya ste 'dir don ni de yin no/ /chos zhes bya ba ni tshul bzhin du'o/ /'dul ba zhes bya ba ni 'dul ba'i tshul bzhin du'o/ /ston pa'i bstan pa bzhin du zhes bya ba ni 'phags pa'i bden pa bzhi bstan pa'i mdo sde'i mtshan nyid kyi tshul bzhin du'o/ /rtul bar bya zhes bya ba ni sbyor bas so/ /zhi bar bya zhes bya ba ni dngos kyis so/ /rnam par zhi bar bya'o zhes bya ba ni 'jug gis so/ /'gyed la mngon sum tshul shing dang/ /mi gdams dran dang ma myos dang/ /ltung ba mkhas blang rtswa bkram dang/ /de nyid 'tshol du gzhugs pa'o/ /de phyir de nyid med phyir dang/ /ma myos rang gis khas blangs dang/ /ro gcig yongs su shis phyir te/ /bya ba kun yod bsdus pa yin/ /'dul ba rnam par 'byed pa'i tshig rnam par bshad pa slob dpon dul ba'i lhas nye bar sbyar ba las rtsod pa zhi bar bya ba'i chos bdun gyi tshig rnam par bshad pa rdzogs so// //de ni so sor thar pa'i mdo mdor bsdus te gdon pa'i sgo nas de bzhin gshegs pa bdun gyi 'dul ba bstan par bya ste de la bcom ldan 'das de bzhin gshegs pa rnam par gzigs kyi slob ma rnams ni nyes pa chung bar gyur te/ chos la dga' ba'i 'dod chags dang/ /dam pa ma yin pa'i chos la zhugs pa'i mu stegs can rnams la/ 'tshe ba la mngon par dga' ba tsam zhig yod pas de dag gi nyes pa de yongs su spang ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing bton par gyur te/ bzod pa dka' thub bzod pa dam pa yi/ /mya ngan 'das pa mchog ces rgyal bas gsungs/ /rab tu byung ba gzhan la gnod pa dang/ /gzhan la 'tsho ba dge sbyong ma yin no/ /zhes bya ba'o/ /de la bzod pa zhes bya ba ni bzod par byed pa ste/ /gzhan gyi nyes pa dang du len pa 'am/ /gzhan la zhe sdang med pa'o/ /de nyid dka' thub dam pa yin te sems kyi zhe sdang spyod par byed pa'i phyir dang/ snying rje skyed pa'i phyir ro/ /bzod pa'i mya ngan 'das pa zhes bya ba la/ bzod pa zhes bya ba ni bzod par byed pa ni sdug bsngal gyi bden pa'i yul gyi bden ba mi rtag pa dang/ sdug bsngal ba dang/ stong pa dang/ bdag med pa dag bzod pa'i shes rab sdug bsngal la chos shes pa'i bzod pa'o/ /de sngon du btang ba 'am des nye bar bstan pa'i mya ngan las 'das pa ni bzod pa'i mya ngan las 'das pa ste zag pa med pa'i lam gyis thob pa'i mya ngan las 'das pa'o/ /de mchog ces sangs rgyas gsungs zhes bya ba ni bzod pa'i mya ngan 'das pa de dngos po thams cad kyi mchog yin no zhes sangs rgyas bcom ldan 'das rnams kyis bsngags pa ste/ 'jig rten pa'i lam gyis thob pa'i mya ngan las 'das pa ni gtan du ba ma yin la/ zag pa med pa'i lam gyis thob pa'i mya ngan las 'das pa ni gtan du ba yin te/ zhi ba'i ngo bo nyid yin pa'i phyir ro/ /ji ltar na bzod pa dka' thub dam pa yin zhe na/ de'i phyir rab tu byung bas gzhan la gnod pa dang/ /gzhan la 'tshe ba dge sbyong ma yin no/ /zhes gsungs te/ gzhan la gnod pa zhes bya ba ni yid kyis gnod pa byed pa'o/ /gzhan la 'tshe ba zhes bya ba ni lus dang ngag gnyis kyis 'tshe ba'o/ /dge sbyong zhes bya ba ni zhi ba'i bdag nyid do/ /'di skad bstan te/ gang phyir gzhan la gnod pa dang/ gzhan la 'tshe bas rab tu byung ba'i dge sbyong rdzogs pa ma yin pa de'i phyir bzod pa ni dka' thub dam pa yin la/ de'i 'bras bu bzod pas thob pa'i mya ngan las 'das pa yang mchog yin pas de'i phyir rab tu byung bas bzod pa bsten par bya'o zhes bstan to/ /bcom ldan 'das de bzhin gshegs pa gtsug tor can gyi slob ma rnams ni nyes pa chung bar gyur te/ gzhan gyis nyes pa sgrogs pa mang pa tsam zhig yod pas de dag gi nyes pa de yongs su spang ba'i phyir bcom ldan 'das des so sor thar pa'i mdo 'di ltar mdor bsdus te/ zla ba phyed phyed cing ston par gyur te/ mig ldan 'gro ba yod pa yis/ /nyam nga bdag ji? bzhin du/ /mkhas pa 'tsho ba'i 'jig rten 'dir/ /sdig pa dag ni yongs su spong/ /skur ba mi gdab gnod mi bya/ /so sor thar pa'ang bsdam par bya/ /zas kyi tshod kyang rig par bya/ /rab mdza' i gnas su gnas par bya/ /lhag pa'i sems la yang dag sbyor/ /'di ni sangs rgyas bstan pa yin/ /zhes bya ba'o/ /de la mig ldan 'gro ba yod pa yis/ /nyam nga ba dag ji bzhin du/ /zhes bya ba ni ji ltar mi dmigs dang ldan pa yod pa ma yin pa 'gro ba yod pa shes pas dam grog dang/ tsher ma dang sdig sprul la sogs pa nyam nga ba sdug bsngal gyis rgyur gyur pa'i gnas mi mnyam pa dag yongs su spong bar byed pa de bzhin du/ mkhas pa mtsho ba'i 'jig rten 'dir/ /sdig pa dag ni yongs su spong/ /zhes bya ba gsungs te/ mkhas pa blo dang ldan pa yang 'tsho ba'i 'jig rten 'khor ba 'di na sdig pa gang dag yin pa de dag myur du spong bar byed do/ /ji ltar sdig pa de dag yongs su spong bar bya zhe na/ de'i phyir skur pa mi gdab gnod mi bya/ /zhes bya ba la sogs pa gsungs te/ skur pa mi gdab ces bya ba ni gzhan la yang dag pa dang/ yang dag pa ma yin pa dang khyung bas skur ba mi gdab pa'o/ /gnod mi bya zhes bya ba ni gzhan la rdeg pa dang tshig rtsub po la sogs pas gnod par mi bya ba'o/ /so sor thar pa'ang bsdam par bya zhes bya ba la/ so sor thar pa zhes bya ba ni srog gcod pa dang/ ma byin pa len pa dang/ mi tshangs par spyod pa dang/ brdzun du smra ba dang/ phra ma dang/ tshig 'khyal pa dang/ ngag rtsub po dag spangs pa'i sdoms pa'i ris bdun po dag go /de bsdam par bya ba ni yongs su bsrung bar bya ste/ de bzlog pa'i mtshan nyid dang/ spyad pa'i mtshan nyid rnam pa gnyis kyis tshul khrims kyis lhag pa'i tshul khrims bstan par shes par bya'o/ /zas kyi tshod kyang rig par bya zhes bya ba ni 'di ltar dge slong rnams kyis zas rung ba 'di la zas kyi tshod kyang shes par bya ste/ ji tsam gyis lus lci ba dang rmya bar mi 'gyur ba de tsam gyis tshod yongs su shes par bya ba'o/ /rab mdza' i gnas su gnas bya ba zhes bya ba ni rab kyi mthar gyur pa'i gnas dben par gnas par bya ste/ 'dis ni lus dang yul legs par mthun pa dag gis lam bsgom pa'i tshogs bstan par shes par bya'o/ /lhag pa'i sems la yang dag sbyor zhes bya ba la/ lhag pa'i sems zhes bya ba ni sems yongs su sbyong bar byed pa ste/ gang gis 'dod chags kyi sgrib pa dang gti mug gi sgrib pa las sems rnam par sbyong ba ste/ de yang zag pa dang bcas pa dang zag pa med pa'i bsam gtan no/ /de la yang dag par spyod pa ni yang dag pa'i rnal 'byor du bya ba ste/ 'dis ni lhag pa'i sems kyi bslab pa dang/ lhag pa'i shes rab kyi bslab pa bstan par bya'o/ /'di ni sangs rgyas bstan pa yin/ /zhes bya ba ni de bzhin gshegs pas mdor bstan pa 'di ni tshogs dang bcas pa'i lam bstan pa yin te/ de 'di sangs rgyas bstan pa yin no zhes bya ba'i tha tshig go / bcom ldan 'das de bzhin gshegs pa thams cad skyob kyi slob ma rnams ni nyes pa chung ba yin te/ 'di ltar khyim pa'i skye bo dang 'grogs par dga' ba tsam zhig yod pas de dag gis nyes pa de yongs su spang ba'i phyir bcom ldan 'das des so sor thar pa'i mdo 'di ltar bsdus te zla ba phyed phyed cing bton par gyur te/ ji ltar bud pa me tog las/ /kha tog dri la mi gnod par/ /khu ba gzhibs nas phur pa ltar/ /de bzhin thub pa grong du rgyu/ /zhes bya ba'o/ /de la srog chags bud pa me tog las kha dog dang dri la mi gnod par khu ba gzhibs te 'phur pa de bzhin du thub pa rab tu byung ba bsod snyoms kyi phyir grong du rgyu ba yang grong nas kha dog dang dri lta bu sems dang tshul khrims la mi gnod par khu ba lta bu zas blangs te 'gro bar bya'o/ /zhes bya ba'i tha tshig go /bcom ldan 'das de bzhin gshegs pa 'khor ba 'jig gi slob ma rnams ni nyes pa chung bar 'gyur te/ gzhan gyi skyon dang yon tan la rtog pa btsam zhig yod pas de dag gi skyon te/ yongs spang ba'i phyir bcom ldan 'das des so sor thar pa'i mdor 'di ltar mdo bsdus te/ zla ba phyed phyed cing bton par gyur te/ bdag gi rigs dang mi rigs la/ /brtag par bya ste gzhan rnams kyi/ /mi mthun pa dang gzhan dag gi /byas dang ma byas gzhan la min/ /zhes bya ba'o/ /de la dag gi rig dang mi rig la rtag par bya ba zhes bya ba ni/ bdag nyid kyi rigs dang/ mi rig pa la so sor brtag par bya'o/ /gzhan rnams kyi mi mthun pa'i zhes bya ba ni mi rigs pa'o/ /gzhan dag gi byas dang ma byas rnams la min zhes bya ba ni gzhan dag gi rdzogs pa dang ma rdzogs pa la rtag par mi bya ba'o/ /'di skad bstan te gzhan dag gi yon tan dang skyon la rtog pa la ni rjes su chags pa dang khong khro ba 'byung bas de'i phyir gzhan la rtog pa spangs te/ bdag nyid la rtag cing bdag nyid la legs par 'dod par byas na phyis gzhan la brtag pa'i skabs yod pa 'gyur ro zhes bstan to/ /bcom ldan 'das de bzhin gshegs pa gser thub kyi slob ma rnams ni nyes pa chung ba yin te/ sred pa dang bcas pas bsam gtan skyed par byed pa tsam zhig yod pas de dag gis nyes pa de yongs su spang pa'i phyir bcom ldan 'das des so sor thar pa'i mdo 'di ltar bsdus te zla ba phyed phyed cing bton par gyur te/ lhag pa'i sems la bag bya ba ste/ thub pa'i thub gzhi rnams la bslab/ /nyer zhi rtag tu dran ldan pa'i/ /skyob pa mya ngan med pa yin/ /zhes bya ba yin no/ /de la lhag pa'i sems zhes bya ba ni bsam gtan bzhi po dag go /de la bag bya ste zhes bya ba ni srid pa dang nga rgyal dang lta ba mchog tu 'dzin pa spangs te/ bag gyis shig ces bya ba'o/ /spang par bstan nas blang ba bstan pa'i phyir thugs pa'i thub bzhi rnams la bslab ces bya ba gsungs te/ thug pa zhes bya ba ni mkhyen pa dang ldan pa ste/ yang dang yang du mdzad pa'i phyir thub pa ste sangs rgyas bcom ldan 'das so/ /thub pa de'i thub gzhi ni 'phags pas bden pa bzhi po dag ste/ gang dag gis thub pa bskyed pa'o/ /'di rnams la bslab pa ni mchog tu bslab cing nan tan gyis shig ces bya ba'i tha tshig go /de la bslabs na cir 'gyur zhe na/ 'bras bu bstan pa'i phyir/ nyer zhis rtag tu dran ldan pa'i/ /skyob pa mya ngan med pa yin/ /zhes bya ba gsungs te/ nye bar zhi ba dang rtag tu dran pa dang ldan pa gnyis kyis skyob pa nyid du bstan par shes par bya'o/ /de la nye bar zhi ba zhes bya ba ni mnyam par bzhag pa ste/ lus dang ngag gnyis kyis bsdams pa'o/ /rtag du dran pa dang ldan pa zhes bya ba ni rtag tu dran pa nye bar bzhag pa'o/ /skyob pa zhes bya ba ni rang gi sems rjes su srung ba'o/ /mya ngan med pa yin zhes bya ba 'dis ni skye ba zad pa bstan te mya ngan las 'das pa yin par shes par bya'o/ /bcom ldan 'das de bzhin gshegs pa 'od srung gi slob ma rnams ni nyes pa chung ba yin no/ /sbyin pa la gus pa dang dgra mang bar lta ba tsam zhig yod pas de dag gis nyes pa yongs su spar ba'i phyir/ /bcom ldan 'das des mthar thug pa'i chos bstan pas so sor thar pa'i mdo 'di ltar bsdus pas zla ba phyed phyed cing gton par gyur te/ sbyin pas bsod nams rab tu 'phel/ /legs bsdams dgra sogs mi 'gyur ro/ /dge dang ldan pas sdig pa spongs/ /nyon mongs zad pas mya ngan 'das/ /zhes bya ba'o/ /de la sbyin pa zhes bya ba ni sbyin pa byed pa'i mi ste/ des ni longs spyod kyi 'bras bu can gyi bsod nams kyi las rab tu 'phel bar 'gyur ro/ /tshul khrims legs par bsdams pas ni dgra tsogs par mi 'gyur te/ tshul khrims kyi dgra'i rgyu gsod pa dang rku ba dang bud med la chags pa la stsogs pa mi bskyed pa'i phyir ro/ /dge dang ldan pa zhes bya ba ni bsam gtan bzhi thob pas te/ des ni 'dod pa na spyod pa'i sdig pa khong khro ba dang/ phrag dog dang khro ba la sogs pa rnam par smin pa mi 'dod par gyur pa dag yongs su spong bar 'gyur ro/ /'phags pa'i lam gyis nyon mongs pa thams cad yongs su zad pas ni phung po'i lhag ma dang bcas pa dang lhag ma med pa'i mya ngan las 'das pa 'thob par 'gyur ro/ /de lta bas na sbyin pa ni 'khor ba'i 'bras bu can yin pas de la gdung bar mi bya zhing dgra mang ba ni sdoms brtson dang mi mthun pa yin pas de mi bya ba'i tha tshig go / bcom ldan 'das de bzhin gshegs pa shAkya thub pa'i bstan pa la chu bur ma byung ba'i tshe na de'i slob ma rnams nyes pa chung bar gyur pas/ bcom ldan 'das kyi de dag so sor thar pa 'di ltar mdor bsdus te tshigs su bcad pa gsum gyis gton pa 'gyur te/ sdig pa thams cad mi bya ste/ /dge ba phun sum tshogs par bya/ /rang gi sems ni yongs su 'dul/ /'di ni sangs rgyas bstan pa yin/ /lus kyi sdom pa legs pa ste/ /dag gi sdom pa legs pa yin/ yid kyi sdom pa'ang legs pa ste/ /thams cad du ni sdom pa legs/ /kun tu bsdams pa'i dge slong ni/ /sdug bsngal kun las rab tu 'gro la/ /ngag rnams bsrung zhing yid kyis rab sdams te/ /lus kyi mi dge ba dag mi byed cing/ /las lam gsum po 'di dag rab sbyangs na/ /drang srong gsungs pa'i lam ni thob par 'gyur/ /zhes bya ba'o/ /de la sdig pa thams cad mi bya ste zhes bya ba 'dis ni lhag pa tshul khrims kyi bslab pa bstan to/ /dge ba phun sum tshogs par bya zhes bya ba ni 'dis ni lhag pa shes rab kyi bslab pa bstan te/ nyon mongs pa thams cad spangs pa ni don dam pa'i dge ba yin pa'i phyir ro/ /rang gi sems ni yongs su gdul shes bya ba 'dis ni lhag pa sems kyi bslab pa bstan to/ /lus kyi sdoms pa legs pa ste zhes bya ba la sogs pa sdom pa rnam pa bzhi ni tshul khrims phun sum tshogs pa bstan to/ /sdug bsngal kun las rnam par grol zhes bya ba 'dis ni tshul khrims kyis skyes bu byed pa'i 'bras bu thag ring ba bstan to/ /ji ltar na tshul khrims kyis sdug bsngal kun las rab tu 'grol bar 'gyur zhe na/ de'i phyir/ dag rnams bsrung zhing yid kyis rab bsdams te/ /zhes bya ba la sogs pa gsungs te gang gi phyir tshul khrims phun sum tshogs pas ngan song gsum gyi sgo sbyangs shing 'phags lam thob pa des sdug bsngal thams cad las rab tu 'grol ba de'i phyir 'di ni tshul khrims kyi skyes bu byed pa'i 'bras bu thag ring ba yin no/ /de ltar mdor bsdus pa dang rgyas par bstan pa dag gis sangs rgyas bdun gyis so sor thar pa gdon pa bstan nas/ da ni mjug bsdu ba'i sgo nas nan tan bya ba bstan pa'i phyir/ sangs rgyas rnam gzigs gtsug gtor thams cad skyob/ /'khor ba 'jig dang gser thub 'od srungs dang/ /shAkya thub pa go'u ta ma lha yi lha// mi 'dul kha lo bsgyur ba bla na med/ /'jig rten mgon po skyob ba mchog /sangs rgyas dpa' bo mdun po dag /grags ldan rnams kyi so sor thar/ /'di ni rab tu rgyas par ston/ /'di la sangs rgyas rnams dang gang/ /sangs rgyas nyan thos rnams kyang gus/ /'di la gus dang bcas gyur pas/ /'dus ma byas ba thob par gyis/ /zhes bya ba tshigs su bcad pa gsum yang dag par sdud par byed pas smras so/ /de la rnam gzigs zhes bya ba rnam par gzigs shing rtogs pa'i mkhyen pa ni rnam par gzigs pa'o/ /de gang la mnga' ba ni rnam par gzigs pa dang ldan pa ste/ mkhyen pa dang ldan pa zhes bya ba'i tha tshig go /lha'i lha zhes bya ba ni snyig ma lha? shas che ba'i dus na sems can la phan pa rdzogs par mdzad pa'i phyir ro/ /bla na med pa ces bya ba ni de bzhin gshegs pa skar rgyal la bstong pa na rtson 'grus kyis bskal ba dgu bcu 'dums par mdzad pa'i phyir ro/ /'jig rten mgon po zhes bya ba ni khams gsum pa'i mgon po'i sde phan ba dpag tu med pa mdzad pas yongs su skyob par mdzad pa'i phyir ro/ /skyob pa zhes bya ba ni mnga' dbang gi chos thams cad la dbang phyug brnyed pa'i phyir ram/ gdul ba'i skye bo dus la mi yol bas yongs su skyob par mdzad pa'i phyir ro/ /mchog ces bya ba ni gtso bo ste bla na med pa'i mkhyen pa dang ldan pa'i phyir ram/ /rjes su mthun pa'i phan pa mdzad pa yongs su mkhyen pa'i phyir ro/ /sangs rgyas dpa' bo zhes bya ba ni ye shes la sogs pa mi dag gi 'gro ba thams cad pas dpa' ba' i sangs rgyas zhes bya ba'i tha tshig go / grag ldan zhes bya ba ni snyan pa dang ldan pa ste/ 'jig rten gsum las shin tu 'das pa'i snyan pa'i tshogs dang ldan pa zhes bya ba'i tha tshig go /rgyas par bton ces bya ba ni mdor bsdus pa'i tshul rangs par ston pa'o/ /'dus ma byas pa thob par gyis zhes bya ba ni mya ngan las 'das pa 'dus ma byas par thob par gyis shig ces bya ba'i tha tshig go /ji ltar 'di la gus pa dang bcas pas 'dus ma byas thob bar bya zhe na de'i phyir/ brtsams par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul gi la spyod gyur pa/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba gsungs te/ 'byung bar bya ba ni dgon pa la sogs pa dben par song zhig ces bya ba'i tha tshig go /'dul ba rnam par 'byed pa'i tshig rnam par bshad pa slob dpon dul ba'i lhas nye bar sbyar ba las yang dag par rdzogs pa'i sangs rgyas bdun gyis so sor thar pa bton pa rdzogs so/ / //'dul ba rnam par 'byed pa'i tshig rnam par bshad pa slob dpon dul ba'i lhas nye bar sbyar ba rdzogs so/ / //dbang phyug dam pa'i mda' bdag? dpal lha btsan po'i bka' lung gi 'phags pa gzhi thams cad yod par smra ba'i 'dul pa 'dzin pa bye brag du smra ba'i slob dpon dzin mi tra dang/ zhu chen gyi lo tsa ba bande klu'i rgyal mtshan gyis bsgyur cing zhus te gtan la bab pa/

CLOSE WINDOW