བོད་ཡིག

e-texts based on the ACIP/ALL Input

/) //rgya gar skad du/ bi na ya bastu TI kA/ bod skad du/ 'dul ba gzhi rgya cher 'grel ba// //bam po dang po/ dkon mchog gsum la phyag 'tshal lo/ /bskal pa grangs med pa gsum du dka' ba spyad pa sna tshogs dpag tu med pa spu zing zhes byed pa brgya stong mdzad pas ston ka'i chu'i rgyun ltar dri ma med cing ches dkar ba'i yon tan gyi tshogs nye bar sgrubs pa'i gzhi gcig gis gtso bor gyur pa yang dag par rdzogs pa'i sangs rgyas la phyag 'tshal lo/ /dpal ldan gsung gi 'od zer dkar po yis/ /'gro ba'i gti mug mun pa sel mdzad cing/ /mu stegs skar ma rnams kyi snang ba dag /zil gyis gnon par mdzad la brtson gyur pa/ /ye shes dkyil 'khor rgya cher yangs pa dang/ /zab mo dri ma med pa mchog mda' zhing// rab tu 'bar yang mig dang mthun pa yi/ /rdzogs sangs nyi ma de la phyag 'tshal te/ /bdag la gang dag 'dul ba gzhi yi tshig /mi gsal snang bar gyur pa gang yin pa/ /de dag rgya cher 'grel bar spros bral ba/ /gsal ba 'dus pa tsam zhig brtsam par bya/ /thub pa nyid kyi spyod yul gang yin pa/ /bde bar gshegs pa'i bka' lung zab mo la/ /bdag 'dras tshig gi rnam bshad byed pa 'di/ /des par bab col byed pa'ang yin mod kyi/ /bla ma rnams kyi lung la brten byas nas/ /blo gros dman pa rnams kyi don gyi phyir/ /bdag gi 'bad pa 'di 'dra 'di skyes te/ /'di la mkhas pa dga' bar ga la 'gyur/ /bdag 'dra glen pa'i blo dang ldan pa rnams/ /thub pa'i gsung la brten par byed gyur na/ /blo gros phun sum tshogs pa ldan gyur pas/ /de dag rnams kyi don phyir bdag gis brtsam/ /mod rtul chen po nyid dang ldan gyur kyang/ /'phags pa lam phran pa yis nges par ni/ /rdul 'phyag dri ma 'phyag pa'i sbyor ba yis/ /nyon mongs nges pa zad pa'ang brnyes par 'gyur/ /mkha' la nam mkha' lding dag 'phur ba na/ /bye'u rtsol bar byed pa ji bzhin du/ /shes rab yangs pa can dag dga' 'gyur na/ /rgya che 'grel ba byed ltar bdag gis byas/ /dkon mchog gsum la phyag 'tshal lo/ /gang gis 'chid rnams yang dag rab bcad cing/ /mu stegs tshogs rnams thams cad rab bcom ste/ /sde dang bcas pa'i bdud rnams des bcom nas/ /byang chub 'di brnyes de la phyag 'tshal lo/ /zhes bya ba ni 'dul ba 'dzin pa dag gis dang por phyag 'tshal ba'i rgyud smras pa yin no/ /khyim don che chung spangs te dang por rab byung thob nas yul spyad dag gis dga' thob dka' / /mngon dga' ji bzhin don bskyed yang dag byed pa dka' / /ngur smrig gos 'chad mkhas pa tshul las nyams pa dka' / /zhes bya ba de la je dang po kho nar brjod par bya ba dang/ /dgos pa dang/ 'brel ba dang/ dgos pa'i dogs pa rnams brjod par bya ste/ 'di ltar rtog pa dang ldan pa dag ni bstan bcos kyi ming thos pa nyid nas 'dir ci zhig brjod par bya ba la the tshom skye'o/ /de'i 'og tu 'di'i don ci yin zhes dgos pa kun tu rmongs par 'gyur ro/ /de nas bstan bcos 'dis don de yang dag par 'grub pa 'am/ 'on te mi 'grub ces 'brel pa la dogs par 'gyur ro/ /de nas 'grub na yang don des khyad cir 'gyur zhes dgos pa'i dgos pa la the tshom za bar 'gyur bas de'i phyir brjod par bya ba med par the tshom skye ba gsal ba'i brjod par bya ba bstan to/ /don med par kun tu rmongs pa gsal ba'i phyir dgos pa bstan to/ /thangs med par dogs pa gsal ba'i phyir 'brel pa bstan to/ /'dod pa'i don grub par bya ba'i phyir dgos pa'i dgos pa bstan to/ /de la brjod par bya bzhi/ rab tu 'byung ba dang/ gso sbyong dang/ dgag dbye dang/ dbyar dang/ ko lpags dang/ sman dang/ gos dang/ chos gos bstan pa dang/ kau sham bi pa dang/ las dang/ dmar ser can dang/ gang zag dang/ yongs su gnas pa dang/ gso sbyong ?bzhag pa dang/ gnas mal dang/ rtsod pa dang/ dge 'dun gyi dbyen zhes bya ba'i gzhi bcu bdun po dag don gyis dag nyid kyis spang ba dang/ blang ba'i bye brag gnyis su dbye bar bya'o/ /de la spang ba ni 'di lta ste/ dge slong gis bran rab tu dbyung bar mi bya'o/ /zhes gsungs pa la sogs pa lta bu'o/ /blang ba ni 'di lta ste/ de lta bas na dge slong rnams kyis deng phyin chad nas 'dug pa'i bya ba dang/ gso sbyong la tron bya'o zhes gsungs pa la sogs pa'o/ /dgos pa ni brjod par bya ba de'i ngo bo nyid bstan pa ni de bzhin gshegs pa'i dgos pa ste 'di ltar bya ba bstan pas 'jug pa'i 'bras bus dgos pa bstan to/ /de yang bcom ldan 'das kyis 'di ltar bya ba dge slong rnams la bstan par rtsol bas de'i phyir de'i ngo bo nyid bstan pa ni dgos pa yin par gnas so/ /'brel pa ni de'i ngo bo nyid bstan pa de yang gzhi zhes bya ba'i bstan bcos sgra'i bdag nyid thabs su gyur pa/ 'dis byed pas de'i phyir bstan bcos sgra'i bdag nyid thabs su gyur pa/ 'dis don gyi bdag nyid thabs las byung ba'i ngo bo nyid yongs su shes pas de'i phyir bstan bcos dang/ dgos pa thabs dang thabs las byung ba'i ngo bo nyid kyis 'brel pa yin te/ 'di ltar bstan bcos 'dis gzhi bcu bdun pa de dag gi ngo bo nyid ston par byed de/ thabs su gyur pa ma yin pa'i bstan bcos kyis ni gzhi rnams kyi ngo bo nyid yongs su shes par mi 'gyur bas de'i phyir bstan bcos thabs yin/ dgos pa ni thabs las byung ba yin par gnas te/ de nyid 'bras bu dang/ rgyu'i mtshan nyid kyis 'brel ba dang/ de bzhin du bsgrub par bya ba dang/ sgrub pa'i mtshan nyid kyis 'brel pa yang yin no/ /dgos pa'i dgos pa ni gal te 'ga' zhig na re gzhi yongs su shes pa des ci bya ste de ni gar yang dgos pa med de/ bya rog gi so brtag pa dang 'dra bar gnas ma yin pa la/ / yongs su ngal bar 'gyur ro zhes zer na de'i phyir dgos pa'i dgos pa yang brjod par bya ste/ gzhi la sogs pa'i 'dul ba yongs su shes na tshul khrims yongs su dag par 'gyur la de yongs su dag na 'jig rten pa'i thos pa las byung ba'i shes rab mngon par 'phel bar 'gyur zhing/ de nas bsam pa dang/ bsgom pa las byung ba'i shes rab dang/ mi sdug pa dang/ dbugs rdub pa dang/ 'byung ba dran pa dang/ dran pa nye bar gzhag pa dang/ dro bar gyur pa dang/ rtse mo dang/ bzod pa dang/ chos mchog dang/ shes pa dag skye bar 'gyur la/ de nas 'dod pa na spyod pa'i nyon mongs pa mthong bas spang bar bya ba rnams nas bzung ste/ srid pa'i rtse mo'i nyon mongs pa bsgom pas spang bar bya ba'i rnam pa chu ngu'i bar dag spangs pas/ rdo rje lta bu'i ting nge 'dzin gyi mjug thogs su zad pa dang/ mi skye ba shes pa'i mtshan nyid kyi byang chub thob nas/ sdug bsngal ma lus par zhi ba gcig pu'i mtshan nyid phung po lhag ma med pa'i mya ngan 'das pa'i dbyings thob par 'gyur ba 'di dgos pa'i dgos pa yin no/ /de ltar na 'dir tshig gi don 'di 'byung ste/ 'dir brjod par bya ba ni gzhi rnams so/ /dgos pa ni de dag gi ngo bo nyid bstan pa'o/ /'brel pa ni gang gi ngo bo nyid ston pa de yang bstan bcos de yang bstan bcos 'dis byed pas thabs dang thabs las byung ba'i mtshan nyid 'brel pa'o/ /dgos pa'i dgos pa ni gzhi la sogs pa 'dul ba yongs su shes pas tshul khrims yongs su dag na 'phags pa'i lam bsgoms pas mya ngan las 'das pa 'thob bo/ /de na re zhig spyi'i don no/ /da ni yan lag gi don bshad par bya ste/ yang dag par sdud par byed pas rab tu 'byung ba'i gzhi'i zhar la rab tu 'byung ba dang/ dga' ba dang/ byed pa dang/ nyams pa'i ngo bo nyid kyi rnam pa bzhi dka' bar bstan pa'i phyir dang/ dge slong rnams spro bar bya ba'i phyir/ khyim don che chung spangs te dang por rab 'byung dka' / zhes bya ba la sogs pa stag rnam par rtsen pa lta bu'i tshigs su bcad pa gcig gsungs so/ /de la re zhig rnam pa dang po dka' bar bstan pa'i phyir/ khyim don che chung spangs te dang por rab 'byung dka' / zhes gsungs to/ khyim spangs to dang po rab tu 'byung bar dka' o zhes sbyar ro/ /khyim ji lta bu zhig ce na/ de'i phyir khyim don che chung zhes bya ba gsungs te/ khyim gyi don chen po zhes bya ba ni nor dang 'bru dang nga? byig dang/ gser dang/ glang po che dang/ rta dang/ ba lang dang/ ma he la sogs pa mang po dag go / khyim gyi don chung ngu zhes bya ba ni de dag nyung ba'o/ /de dag spangs te zhes bya ba ni sdug bsngal thams cad kyi gnas su gyur pa'i khyim gyi gnas yongs su spangs te'o/ /de ltar yang/ nor bcas nor ni med pa yi/ /khyim na gnas pa sdug bsngal che/ /gcig ni bsrung ba'i chogs phyir te/ /gnyis pa sgrub pa'i tshogs phyir 'o/ zhes gsungs pa yin no/ /dang por zhes bya ba ni rab tu 'byung ba dang/ /dga' ba dang/ byed pa dang/ nyams pa zhes bya ba rnam pa bzhi po dag las dang por rab tu 'byung ba dka' ba 'am/ sdig pa thams cad spongs pa'i mtshan nyid mya ngan las 'das pa thob pa'i rgyur gyur ba rdzogs par bsnyen pa 'am/ sdug bsngal thams cad spang ba'i mya ngan las 'das pa bas dang por rab tu 'byung bar dka' o zhes bya bar sbyar ro// rab tu 'byung ba ces bya ba ni rab tu 'byung ste khyim yongs su spang pa'o/ /de ji ltar dka' zhe na/ 'di ltar khyim na gnas pa ni shin tu goms pa'i phyir dang/ rab tu 'byung ba ni ma goms pa'i phyir khyim yongs su spang pa bya dka' ba'i phyir ro/ /de ltar yang/ 'dod pa'i 'dod chags rjes 'jug pa/ /dben pa la ni ma goms pa'i/ /mi rnams phal cher rab 'byung la/ /g.yang sa bzhin du sems par byed/ /ces gsungs pa yin no/ /'on kyang shAkya'i rgyal po 'phags pa bzang ldan la sogs pa khyim gyi don chen po dang ldan pa rnams kyis rab tu 'byung ba ni dka' mod/ /khyim gyi don chung ngu dang ldan pa rnams kyis rab tu 'byung ba ji ltar dka' zhe na/ bden mod kyi 'on kyang de tsam la lhag par chags pa'i rgyu yin pa'i phyir de dag gi phyir de dag gi khyim yongs su spang ba yang dka' ste/ de'i phyir bcom ldan 'das kyis kyang mi dbul po'i dbang du mdzad nas/ mdo sde las/ 'di ltar khyim gyi 'ching ba gang dag gis bcings pa'i mi des ni khyim gyi 'ching ba de dag spang ste/ rab tu 'byung bar mi nus so zhes bya ba la sogs pa bka' stsal to/ /rnam pa gnyis pa dka' bar bstan pa'i phyir/ rab 'byung thob nas yul spyad dag gis dga' thob dka' zhes bya ba gsungs te/ rab tu 'byung ba thob nas dga' ba thob par dka' o zhes bya bar sbyar ro/ /rab 'byung thob nas zhes bya ba ni rab tu 'byung ba thob nas so/ /de thob nas dga' ba thob par dka' ste/ su dag gis zhe na/ yul spyad dag gis zhes bya ba gsungs so/ /gzugs dang/ sgra dang/ dri dang/ ro dang/ reg bya zhes 'dod pa'i yon tan lnga po dag nye bar spyad pa'i gang zag gis so/ /de dag gis ci zhig thob par dka' zhe na/ de'i phyir dka' thob dka' zhes bya ba gsung ste/ bcom ldan 'das kyis gsungs pa'i bslab pa'i gzhi gsung pas dge slong gi nang du mngon par dga' ba thob par dka' o zhes bya ba'i tha tshig ste/ thog ma med pa'i dus nas goms pa nyon mongs pa can gyi bde ba'i ro myang bar byed pas nyon mongs pa can ma yin pa'i bde ba'i ro myang ba thob par dka' ba'i phyir ro/ /de ltar yang/ skye bo 'dod pa lhag bcad pa/ /rab tu byung nas de dran na/ /'dod chags las byung gdung ba yin/ /sems gdung gyur pas sdug bsngal thob ces gsungs pa yin no/ /rnam pa gsum pa dka' bar bstan pa'i phyir/ mngon dka' ji bzhin don skyed yang dag phyed pa dka' / zhes bya ba gsungs te/ mngon par dga' ba yod kyang yang dag pa'i byed pa dka' o zhes bya bar sbyar ro/ /mngon dga' zhes bya ba ni bcom ldan 'das kyis gsungs pa'i bslab gzhi sung pas dge slong gi nang du mngon par dga' ba yod du zin kyang ngo/ /de la ci zhig dka' zhes na yang dag pa'i byed pa dka' ste/ yang dag pa'i byed pa ji lta bu zhig ce na/ de'i phyir ji bzhin don bskyed ces bya ba gsungs te/ ji bzhin don zhes bya ba ni mya ngan las 'das pa ste don dam pa'i dge ba yin pa'i phyir ste/ thar pa ni don dam pa'i dge ba yin no zhes gsungs pa'i phyir ro/ /de bskyed pa ni thob par byed pa'o/ /de gang yin zhe na/ de'i phyir yang dag byed pa zhes bya ba gsungs te/ yang dag pa'i phyin ci ma log par ji skad du gsungs pa'i tshul khrims bsrungs pas kha na ma tho ba phra rab dag la yang 'jigs par lta ba'i mtshan nyid kyis rjes su bsgrub pa gang yin pa'o/ /de yang dka' o zhes bya ba sbyar te/ ji ltar yang/ dge slong tshul la gnas gyur cing/ /dbang po rnams kyis bsdams pa dang/ /zas kyi tshod kyang rigs pa dang// mi nyal ba la sbyor ba dang/ /nyin mtshan g.yel ba med par ni/ /de ltar brtun cing gnas gyur pa/ /de ni yongs su mi nyal shing/ /mya ngan 'das la nye ba yin/ /zhes gsungs pa yin no/ /rnam pa bzhi pa dka' bar bstan pa'i phyir/ /ngur smrig gos 'chad mkhas pa tshul las nyams pa dka' / zhes bya ba gsungs te/ chos gos ngur smrig gyon pa mkhas pa tshul las nyams pa yang dka' o zhes bya bar sbyar ro/ /ngur smrig gos 'chang/ zhes bya ba ni gos ngur smrig du kha bsgyur ba gyon pa'o/ /mkhas pa zhes bya ba shes rab dang ldan pa'o/ /tshul las nyams pa zhes bya ba'i bslag pa'i gzhi las 'bral bas nyams pa 'am 'bab pas nyams pa'o/ /de yang dka' o zhes bya bar sbyar te/ blo dang ldan pa ni de bzhin gshegs pa'i bslab pa'i gzhi las 'das par dka' / ste/ rab dka' bslab par 'dod pa'i rigs kyi bu gang dag rang gi srog gi phyir yang bslab dag las rnam par mi 'da' ba yod do zhes gsungs pa'i phyir ro/ /de ltar yang/ yon tan ldan pa chu bo'i ma/ /rjes 'jug mthu dang ldan pa dag/ shin tu snying dga' 'phags pa'i ma/ /srog bde'i phyir mi spong ba bzhin/ /sdug bsngal la ni gnas gyur kyang/ /dam bcas pa ni gtong mi byed ces gsungs pa yin no/ /'di skad ces bstan te/ /khyim don chen po 'am/ /chung ngu yang rung ba spangs te/ /dang por rab tu 'byung bar khas len pa yang dka' o/ /rab tu byung nas bstan pa la dga' ba bskyed pa yang dka' o/ /mngon par dga' bar yod kyang bslab pa'i gzhi srung ba rjes su bsgrub par byed pa yang dka' o/ /blang ba dang dor ba shes shing nus pa'i bslab pa'i gzhi 'bral pa yang dka' ste/ /de dag las dang po gsum ni skyes bu dam pa ma yin pa rnams la dka' o/ /tha ma ni skyes bu dam pa rnams la dka' ste/ de'i phyir skyes bu dam pa ma yin pa'i spyod pa spangs te/ skyes bu dam pa'i tshul la 'jug par bya'o zhes bya ba'i tha tshig go /de ltar yang de mdo sde las/ kye sha ri bu 'phags pa'i chos 'dul ba la ci zhig dka' / /'dzam bu'i grib ma can rab tu 'byung ba'o/ /kye shA ri'i bu rab tu 'byung ba la ci dka' / 'dzam bu'i grib ma can mngon par dga' ba'o/ /kye shA ri'i bu mngon par dga' la ci dka' 'dzam bu'i grib ma can dge ba'i chos rnams sgom pa rtag tu byed pa'o/ /zhes bya ba la sogs pa gsungs pa yin no/ /gzhi rnams kyi spyi don la/ zhes bya ba la/ gzhi zhes bya ba ni rten te/ de'i phyir rab tu 'byung ba la sogs pa'i rten du gyur pa nye bar ston pa'i gzhung ni rab tu 'byung ba'i gzhi la sogs pa'i sgrar gsungs so/ /rnams kyis zhes bya ba ni gzhi bcu bdun po rnams kyi'o/ /spyi sdom zhes bya ba ni rab tu 'byung ba'i gzhi la sogs pa'i spyi'i tshul 'og nas 'byung ba rnams kyi zur tsam kyi phyogs re re bsdus pa yin no/ /rab tu 'byung ba'i gzhi'i spyi sdom la/ zhes bya ba ni rab tu 'byung ba'i gzhi 'ba' zhig gi sdom gyi tshigs su bcad pa 'og nas 'byung ba rnams kyi zur tsam gyi phyogs re re bsdus pa yin no/ /sdom la zhes bya ba ni rab tu 'byung ba'i gzhi nyid kyi 'byung ba rnams bsdus pa yin no/ /de la thams cad kyang 'don pa rnams kyis mi brjed par bya ba'i phyir yang dag par bsdus pa byed pa'i tshig yin te/ 'di ltar tshe dang ldan pa dag ma 'ongs pa'i dus na dge slong brjed ngas pa rgyud nyams chung ba gang dag sdom gyi tshigs su bcad pa med par mdo sde dang/ 'dul ba dang/ chos mngon pa rnams 'dzin mi nus pa dag 'byung bar 'gyur bas de dag gi phyir bdag cag gis snga dro sdom gyi tshigs su bcad pa dag sbyar bar bya zhing/ phyi dro mdo snga dang/ 'dul ba dang/ chos mngon pa rnams yang dag bsdu bar bya'o/ /zhes yang dag par sdud pa byed pa'i dus na gsungs pa yin no/ /byang chub sems dpa' dga' ldan gyi gnas na bzhugs pa na zhes bya ba la/ byang chub ces bya ba ni zad pa dang/ mi skye bshes pa shin tu bsgoms pa bla na med pa'i byang chub ste/ mi shes pa ma lus pa dang/ bral ba'i phyir dang/ bdag gi don byas pa rtogs pa'i phyir dang/ yang byer? med pa rtogs pa'i phyir ro/ /sems pa zhes bya ba ni gang la sems pa'i bsam pa yod pa ste/ de ni byang chub sems dpa' o/ /gzhan dag ni byang chub sems dpa' i mtshan nyid spyir brjod de/ 'di ltar gang gi bde la sems ma chags/ /rtag tu gzhan phan rtson byed cing/ /rab 'byung bsam gtan lhur len pa/ /byang chub sems dpar rab tu bsgrags zhes zer do/ /dga' ldan zhes bya ba ni chos kyi ro'i yongs su dga' ba dang ldan pas dus thams cad du yid dga' ba dang ldan pa'o/ /de dag gi gnas ni gzhal med khang ngo/ /de na gnas pa ni dga' ldan gyi gnas na bzhugs pa ste/ de'i tshe na zhes bya ba'i tha tshig go /yul ang gdag na zhes bya ba ni/ ang ga zhes bya ba'i mi rgyal rigs rnams gnas pa'i yul ang ga zhes bya ba dag na'o/ /rgyal po zhes bya ba ni chos kyi skye dgu dga' bar byed pa'i phyir te mi'i bdag po'o/ /ang gar byung ba ces bya ba ni rgyal po'i mir ste/ rgyal po pad+ma chen po zhes bya ba dang 'dra'o/ /rgyal srid ces bya ba ni rje dpon dang/ blon po dang/ yul 'khor dang/ ljongs dang/ mdzod dang/ dpung dang/ mdza' shes dag yan lag bdun dang ldan pa ni rgyal srid yin te/ de ltar yang/ rje dpon blon po yul 'khor ljongs/ /mdzod dang dpung dang mdza' shes kyi/ /yan lag bdun ldan rgyal srid de/ /sems can blo la brten pa yin/ /zhes gsungs pa yin no/ /'byor pa zhes bya ba ni/ dbyig dang gser la sogs pas so/ /rgyas pa zhes bya ba ni/ grong dang grong khyer la sogs pas so/ /bde ba ces bya ba ni gnod pa med pas so/ /lo legs pa zhes bya ba ni bza' ba dang/ btud pa dang/ gos mang pas so/ /skye bo dang/ mi mang pos gdab ces bya ba ni skye bo ces bya ba glang po che dang rta la sogs pa dbung phun sum tshogs pa dang/ mi zhes bya ba rgyal pos nye bar 'tsho ba'i skyes pa dang/ bud med dang/ ma ning phun sum tshogs pa ste/ des rgyal srid de skye bo mang pos gang ba dang mi mang pos gang ba yin no/ /byed du bcug go ces bya ba ni grogs phun sum tshogs pas rjes su grub pa ste rgyal po grogs med pas ni gang du lan 'ga' cung zad kyang byed mi nus so/ /de ltar yang/ rgyal po 'jig rten phan 'dogs pa'i/ /g.yog 'khor rnams dang bral gyur pa/ /nyi ma gzi brjid ldan pa yang/ /'od zer bral ba mi mdzes bzhin/ /zhes gsungs pa yin no/ /yul ma ga d+ha dag na zhes bya ba ni/ /ma ga d+ha zhes pa'i mi rgyal rigs rnams gnas pa'i yul ma ga d+ha zhes bya ba dag na'o/ /pad+ma chen po ni rgyal po'i ming ste/ rgyal po ang gar byung ba ces bya ba dang 'dra'o/ /res 'ga' zhes bya ba ni dus lan 'ga' na'o/ /dpung dang mthu che ba ces bya ba la/ dpung zhes bya ba ni dpung gi tshogs yan lag bzhi pa'o/ /mthu zhes bya ba ni spro ba dang nus pa'o/ /che ba ces bya ba ni lhag ma'o/ /gang gi che zhes bya ba ni dus gang gi tshe'o/ /zhes de'i tshe zhes bya ba ni dus de'i tshe'o/ /dpung gi tshogs zhes bya ba ni glang po che dang rta la sogs pa'i tshogs so/ /yan lag bzhi pa zhes bya ba ni yan lag bzhi dang ldan pa ste/ phye ma yan lag lnga dang ldan pa bzhin no/ /de'i nyid glang po che'i tshogs bya ba la sogs pas ston no/ /dpung bu chung ngu zhes bya ba ni rkang thang ngo/ /go bskon te zhes bya ba ni ci la ma reg par char bcug ste'o/ /rgyal po'i khab ces bya ba ni grong khyer te/ klu gnas pa'i phyogs su grong khyer rtsigs pas brtsigs so cog klu'i rgyal pos bshig cing rgyal po mang pos bkur gyi khyim 'ga' zhig ma bshig par rig nas/ blon po rnams kyis grong khyer thams cad la rgyal po'i ming du byas pas de'i phyir rgyal po'i khab ces bya'o/ /kha cig na re/ rgyal po chen po bzhis byas pas rgyal po'i khab ces bya'o/ zhes kyang zer ro/ /ma gtogs pa bcom nas zhes bya ba ni/ rgyal po'i khab 'ba' zhig ma gtog pa ma ga d+ha ba'i grong khyer la sogs pa gzhan thams cad bcom nas so/ /phyir ldog par byed do ces bya ba ni 'gro bar byed zhes bya ba'i tha tshig go /tsam pa zhes bya ba ni grong khyer te/ klu'i rgyal po tsam pa'i gnas kyi drung du brtsigs pas tsam pa zhes bya'o/ /kha cig na re shing tsam pa'i tshul du brtsigs pas tsam pa zhes bya'o zhes zer ro/ /de nas shes pa ni de'i 'og tu'o/ /dus gzhan zhig na zhes bya ba ni dus gzhan gyi 'og tu'o/ /gyur nas zhes bya ba ni red nas so/ /brtsams pa zhes bya ba ni bshams pa'o/ /sbron pa dag ces bya ba ni mi snyan par sbron pa'i mi mngags pa dag go / thos nas zhes bya ba ni de'i tshigs mnyan nas so/ /'phags so zhes bya ba ni mngon du song ba'o/ /de ni zhes bya ba ni de'i tshe na'o/ /phrogs zhes bya ba ni khyer ba'o/ /pham pa zhes bya ba ni zil gyis mnan pa ste/ snying tshoms gtso bo dag sgyel ba'i phyir ro/ /skrag pa zhes bya ba ni bred pa ste/ /brtan pa nyams pa'i phyir ro/ /bcom pa zhes bya ba ni g.yul ngo nas phyir log pa'o/ /gzhan rgyal ba ces bya ba ni g.yul gyi sa nas phyir log pa'o/ /rgyad kyi phyogs par byas te zhes bya ba ni 'bros par brtsams pas te/ g.yul gyi sa nas phyir de'i rgyab bsten ces bya ba'i tha tshig go /sbrengs nas zhes bya ni bskor te srung bar byed ces bya ba'i tha tshig go /pho nya zhes bya ba ni 'phrin skyel ba'o/ /btang zhes bya ba ni mngags te'o/ /rjes zhes bya ba'i sgra ni go rim gyi don to/ /de lta na legs zhes bya ba ni de lta na bzang ba'o/ /ci ste zhes bya ba gal ste'o/ /steng gi nam mkha' la 'gro na zhes bya ba ni rkang mthil brku ba la sogs pa'i thabs kyis so/ /mda'i brgyud pas/ zhes bya ba ni mnga' phyi brgyud kyis so/ /mchil ba zhes bya ba ni smig ma'i rtse mo la tha gu ring po btags pa'i sna la lcags kyo rtse rnon btags pa'o/ /de drang ba'i tshul gyis zhes bya ba ni bya ba'i bye brag de lta bus so/ /re'i rtse mo zhes bya ba ni ri'i sgang ngo/ /de zhes bya ba ni rgyal po pad+ma chen po'o/ /mi bde bar gyur te zhes bya ba ni/ /'jigs pa 'am sdug bsngal bar gyur te'o/ /lag pa la 'gram pa gtad nas zhes bya ba ni lag mthil la skom tshugs bcas nas so/ /sems khong du chud cing 'dug 'dug nas zhes bya ba ni sems mi dga' zhing 'dug 'dug nas so/ /shes ldan zhes bya ba ni bod pa'i phyir rje sa'i tshig yin te/ shes pa de dag la yod pa'i phyir ro/ /'dug pa zhes bya ba ni lus kyi stobs kyis so/ /pha rol gnon pa zhes bya ba ni grogs kyi sdom gyis so/ /'di dang 'di skad ces bya ba ni gal te je phyir 'byung na de ltar na legs/ gal te phyir mi 'byung na ji ste steng gi nam mkha' la 'gro na ni mda' brgyud pas khyod ltung bar bya'o zhes bya ba la sogs pa'i rnam pa dag yod pas tshigs su bzlas so/ /ji ltar bsgrub par bya zhes bya ba ni ji ltar nan tan bya zhes bya'o/ /tshigs su bcad pa zhes bya ba ni tshul ma nges pa ste/ ji skad du/ sdeb sbyor 'bri zhing skye ba dang/ /rtsa ba dag kyang ma nges dang/ /tshig phrad dag gis gang brjod pa/ /de ni tshigs su bcad pa bstan/ /ces brjod pa lta bu'o/ /yul dang srog la gnod gyur na/ zhes bya ba/ yul ni grong dang grong khyer la sogs pa'i yul lam/ gzugs la sogs pa'i yul lnga'o/ srog ni srog gi dbang po'o/ /kun zhes bya ba ni 'bad pas so/ /bsrung zhes bya ba ni bskyang bar bya'o/ /blo yis zhes bya ba ni shes rab kyis so/ /gnyi ga zhes bya ba ni yul dang srog la gnod par gyur pa gnyis ka'o/ /dpyad byas na zhes bya ba ni brtags na'o/ /yul ni yang rnyed ces bya ba ni lan cig yang yang phyir 'thob tu rung ba'o/ /srog rnams min zhes bya ba ni lan cig bcad nas yang phyir gsor ming rung ba'o/ /mgul du thogs te zhes bya ba ni gnya' bar thogs te'o/ 'dud pa la bsnun par mi byed do zhes rgyal po'i tshul las 'byung zhes grags go /lo thang zhes bya ba ni grong khyer la sogs pa nas 'byung ba'o/ /dbya' zhes bya ba ni sho gam gyi gnas la sogs pa nas 'byung ba'o/ /phab ste zhes bya ba ni khyed kyis tshad 'di tsam gzhal bar bya'o zhes thang bcad de'o/ /bcom ldan 'das byang chub sems dpa' zhes bya ba la/ 'dir bcom ldan 'das zhes smras pa ni phyis 'byung ba'i mtshan las bsams nas smos pa yin te/ 'dir da dung des bdud bzhi ma bcom pas dper na 'bras can 'tsheng do zhes pa'i tshul dang 'dra'o/ /yang na legs pa ba rnam pa drug po rang sa dbang dang/ rab tu sbyangs pa dang/ gzugs bzang ba dang/ grags pa dang/ dpal ldan dang/ che ba nyid tshogs pa la bya ste/ sgra nges par sbyor ba las ji skad du/ rang dbang dang ni rab sbyangs dang/ gzugs bzang ba dang grags pa dang/ dpal dang che ba nyid tshogs pa/ drug po rnams la legs zhes bshad/ ces 'byung ba lta bu'o/ /gzigs pa lnga po dag la/ zhes bya ba ni brtag pa'i gnas lnga po dag ste/ rigs dang/ yul dang/ dus dang/ rus dang/ bud med la gzigs pa dag la'o/ /'dod pa na spyod pa'i lha drug /ces bya ba ni rgyal po chen po bzhi dang/ sum cu rtsa gsum dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed dang ces bya ba ni 'dod pa spyod pa dbang phyug sna tshogs dag gis bstsal pa grub pa dag go / lan gsum bsgo ba mdzad de/ ces bya ba ni mi'i 'jig rten du skye ba'i phyir lan gsum bsgo ba mdzad pa ste/ de ltar yang 'og nas bzod ldan dag nga ni dga' ldan gyi lha'i ris 'di nas shi 'phos te/ mi rnams gyi nang du rgyal po zas gtsang gis btsun mo dam pa'i mngal du de'i bu nyid du skye ba len par byed cing bdud rtsi thob par bya ste/ bdud rtsi thob nas 'gro ba tshim par byed kyis khyed cag las gang bdud rtsi 'dod pa des yul dbus su skye ba long zhig ces bya ba la sogs pa 'byung ba yin no/ /glang po che ltar snang bar bsgyur te zhes bya ba ni rmi lam du dge ba'i mtshan ma bstan pa'i phyir bdag nyid glang po che mche ba drug par bstan par gyur te/ zhes bya ba'i tha tshig go / 'jig rten 'di'i zhes bya ba ni stong gsum gyi stong chen po'i 'jig rten 'di'o/ kha dag gi mthu bos zhes bya ba ni kha dog gis grangs mangs pas so/ /snang ba rgya chen pos/ zhes bya ba ni gsal ba chen pos so/ /khyab par gyur ces bya ba ni thams cad du khyab pa ste/ de ltar yang byang chub sems dpa' bar ma'i srid pa la gnas pa ma'i mngal du zhus pa na gling bzhi pa ther 'bum snang bar gyur to zhes gsungs pa yin no/ /'jig rten gyi bar zhes bya ba ni gling bzhi pa'i 'jig rten gyi 'khor yug gi bar dag na grang ba'i dmyal ba'i gnas dag na yod pa zhes bya ba'i tha tshig go / rdzu 'phrul che ba zhes bya ba ni dbang phyug dang ldan pa'i phyir ro/ /mthu che ba zhes bya ba ni gzhan la phan pa byed pa'i phyir ro/ /'od dpag ces bya ba ni rang gi 'od dag go / nyams su mi myong ba ces bya ba ni snang bar mi byed pa zhes bya ba'i tha tshig go /mun pa zhes bya ba ni mi snang ba'o/ /gang gis mi snang zhe na/ de'i phyir mun nag ces bya ba gsungs te/ mun nag gis mi snang ba yin gyi mig med pas mi snang ba ma yin no/ /brgyal ba dang rmongs pa la sogs pas kyang mug nag tu 'gyur zhing mi mthong ba yod pas de las bye brag tu bstan pa yin pa'i phyir/ mun par byed pas gnag par gyur pa/ zhes bya ba gsungs te/ mun par byed pa nyid kyis bsgribs shing gnag par gyur pas mi mthong ba yin gyi/ brgyal ba dang rmongs pa la sogs pas mi gtong bar gyur pa ni ma yin no zhes bya ba'i tha tshig go /rang gi lag pa brkyang ba yang mi mthong ba zhes bya ba ni rang gi lag pa brkyang ba tsam yang mi mthong na rang gi lus gzhan lta smos kyang ci dgos pa'o/ /gcig gi gcig ces bya ba ni phan tshun no/ /shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so/ /zhes bya ba ni sems can gzhan mthong bas rangs pa'i phyir tshig lan gnyis su bzlas so/ /yang na sems can sdug bsngal ba gzhan dag mthong bas yid chad pa'i tshig lan gnyis su bzlas so/ /mnyan yod ces bya ba ni grong khyer te/ drang srong mnyan pa dang/ yod pa zhes bya ba gnyis kyis brtsigs pa'i phyir ro/ /rtsibs kyis 'phur tshangs byin zhes bya ba la rtsibs kyis 'phur ba zhes bya ba la rtsibs kyis 'phur ba zhes bya ba ni de'i dus yin la tshangs byin zhes bya ba ni ming yin no/ /'phags rgyal zhes bya ba yang grong khyer te/ 'phags rgyal zhes bya bas brtsigs pa'i phyir ro/ /kau shAm ba'i zhes bya ba yang grong khyer te/ kau shA m+bI zhes bya bas brtsigs pa'i phyir ro/ /nyi ma'i gzugs zhes bya ba ni nyi ma'i gzugs brnyan no/ /btsun mo gzugs can zhes bya ba ni btsun mo chen po'i ming ngo/ /gsal ba gsal ba zhes bya ba ni gsal ba dag pas kyang ches dri ma med cing gsal ba te rdul dang zhes bya ba'i tha tshig go /gsal rgyal zhes bya ba ni gsal byed do/ /rab snang zhes bya ba ni skar mda'o/ /rigs dang mthun par zhes bya ba ni rigs dang 'tsham par ro/ /ma ma brgyad po zhes bya ba la sogs pa la/ pang na 'tsho ba'i ma ma zhes bya ba ni 'tsho ba'i bud med do/ /nu ma bsnun pa'i ma ma zhes bya ba ni 'o ma ldud pa'o/ /dri ma phyi ba'i ma ma zhes bya ba ni khrus dang/ dril 'phyis la sogs pa byed pa'o/ /rtsed grogs kyi ma ma zhes bya ba ni rtser 'jug par byed pa gang yin pa'o/ /gnyis gnyis sko ba ni brel ba nyid kyi phongs par mi 'gyur bar bya ba'i phyir ro/ /mar gyi snying khu zhes bya ba zhun mar gyi snying po'o/ /yo byad kyi bye brag ces bya ba ni yo byad khyad par can dag go /gtso bo gtso bo dag ces bya ba ni gos dang rgyan dang/ byug pa la sogs pa bzang po dag ste/ rnam pa'i tshigs tu lan gnyis smos so/ /srid bar byed ces bya ba ni srid du'o/ /skyed par byed ces bya ba ni sboms su'o/ /rdzing na gnas pa zhes bya ba ni rdzing gi nang na gnas pa'o/ /pad+ma zhes bya ba ni pad+ma dang/ autpa la sngon po la sogs pa dag go /myur du zhes bya ba ni skyen par ro/ /yi ge zhes bya ba ni yig 'bru dag go / grangs zhes bya ba ni yid kyi bgrang ba'o/ /rtsis zhes bya ba ni tshig gis brtsis pa ste rtsis su bya ba'o/ /lag rtsis zhes bya ba ni lag pa'i tha snyad do/ /'byung ba zhes bya ba ni sprog ma la sogs pa nas rdzas 'byung ba'o/ /gzhug pa zhes bya ba ni de nyid kyi nang du gzhug pa'o/ /bzhag pa zhes bya ba ni phyi rol tu bzhag pa'o/ /nye bar zhugs na zhes bya ba ni bslab pa'i phyir nges par sbyar nas so/ /'byed pa zhes bya ba ni yi ge 'dri ba 'am bstan bcos kyi gnas la mkhas pa'o/ /klog pa zhes bya ba ni yi ge klog pa'o/ /mkhas pa zhes bya ba ni don shes pa'o/ /spyod pa gsal ba zhes bya ba ni grim pa'o/ /brtag pa zhes bya ba ni rin po che la sogs pa'i yon tan dang skyon dpyad pa'o/ /gzhi zhes bya ba ni sa gzhi'o/ /mkhas par gyur to zhes bya ba ni byang bar gyur to/ /rgyal rigs zhes bya ba ni skye dgu bsrung ba'i phyir te lhur len pa'o/ /spyi bor dbang bskur ba zhes bya ba ni skye bo'i steng du bzhag pa'i phyir ro/ /ljongs kyi dbang phyug ces bya ba ni yul bsrung ba'o/ /mthu zhes bya ba ni stobs so/ /brtson 'grus zhes bya ba ni mngon spro ba ste de gnyis thob pa'o/ /mngon par rgyal ba byas te/ zhes bya ba ni phab ste'o/ /gnas pa zhes bya ba ni nye bar spyod pa ste bsrung ba zhes bya ba'i tha tshig go /bzo'i gnas zhes bya ba la/ bzo zhes bya ba ni las la mkhas pa'o/ /de'i gnas ni yul lo/ /las kyi gnas zhes bya pa la/ las zhes bya ba ni yongs su sbyang ba rjes su sgrub cing byed pa'o/ /de'i gnas ni yul te/ de bdag nyid glang po che'i gnya' bar zhon pa la sogs pas ston to/ /tha dad par gyur pa zhes bya ba ni so so ba'o/ /glang po che'i gnya' bar zhon pa zhes bya ba ni glang po che dag gi gnya' bar bzhon pa'i phyir bslab pa'o/ /rtol bzhon pa zhes bya ba yang rta bzhon pa'i phyir bslab pa'o/ /shing rta'i thabs zhes bya ba ni shing rta bzhon pa'i phyir bslab pa'o/ /ral gri'i thabs zhes bya ba ni ral gri'i gzung ba shes pa'o/ /'phong zhes bya ba ni mda' gzu'i thabs shes pa'o/ /phyir bsnur ba zhes bya ba ni g.yul ngo nas phyir 'gyed pa'o/ /mdun du bsnur ba zhes bya ba ni g.yul ngor 'jug pa'o/ /lcags kyos bsgyur thabs zhes bya ba ni lcags kyus gzung ba shes pa'o/ /zhags pa gdab pa zhes bya ba ni zhags pas gzung ba zhes pa'o/ /mda' bo che'i 'phen thabs zhes bya ba ni/ mda' bo che 'phang ba shes pa ste/ mda' bo che zhes bya ba ni/ mtshon mdung gi rnam pa lta bu mdung rtse can yu ba sbom po thung ngu zhes bya'o/ /'dzin stangs zhes bya ba ni mda''phang pa la dgos pa'o/ /go stabs zhes bya ba ni 'khor lo 'phang ba la sogs pa la dgos pa'o/ /thor tshugs zhes bya ba ni g.yul la sogs pa la dgos pa'i skra bcing pa'o/ /bcad pa zhes bya ba ni go cha'i sgro gu la sogs pa'o/ /dral ba zhes bya ba ni go chal sogs pa'o/ /dbyug pa zhes bya ba ni ri la sogs pa'o/ /gnas lnga po zhes bya ba la/ kha cig na re glang po che dang/ rta dang/ shing rta bzhon pa'i mtshan nyid ni gnas gcig go /ral gri'i thabs dang 'phong gi yul shes pa ni gnyis pa'o/ /g.yul ngor phyin ba bsnun pa dang/ mdun du bsnun pa ni gsum mo/ /lcags kyos bsgyur thabs la sogs pa'i yul la sgyel ba'i thab me zhes bya ba ni bzhi pa'o/ /bcad pa la sogs pa'i yul la mtshon gyi las shes pa ni lnga pa'o zhes zer ro/ /gzhan dag na re phyir bsnur ba la sogs pa ni gcig go / lcags kyos bsgyur thabs la sogs pa gnyis so/ /'dzin stangs la sogs pa ni gsum pa'o/ /rgyang nas phog pa ni bzhi pa'o/ /tshabs che ba ni lnga pa'o zhes zer ro/ /kha cig na re bcad pa ni dang po'o/ /dral ba ni gnyis pa'o/ /dbug pa ni gsum pa'o/ /'dzin stangs la sogs pa ni bzhi pa'o/ /sgra grag par phog par la sogs pa ni lnga pa'o/ /zhes zer ro/ /kha cig na re 'dzin stangs la sogs pa'i 'og tu gnas lnga po 'di lta ste/ rgyang nas phog pa dang/ sgra sgrag par phog pa dang/ gnad du phog pa dang/ mi 'tshor bar phog pa dang/ tshabs che ba zhes smos pas rgyang nas phog pa ni gnas dang po yin no/ /sgra grag par phog pa ni gnyis pa'o/ /gnad du phog pa ni gsum pa'o/ /mi 'tshor bar phog pa ni bzhi'o/ /tshabs che ba ni lnga pa'o zhes zer te/ skabs 'dir ni rnam pa tha ma 'di gzung bar rigs par bya'o/ /rgyang nas phog pa zhes bya ba ni/ thag ring po nas phog pa'o/ /sgra grag par phog pa zhes bya ba ni sgra'i rjes su 'brang bas phog pa'o/ /gnad du phog zhes bya ba ni 'chi ba'i phyogs dag du phog pa'o/ /mi 'tshor bar phog pa zhes bya ba ni gdon mi za bar phog pa'o/ /tshabs che ba zhes bya ba ni mthu dang ldan par phog pa'o/ /byang bar gyur to zhes bya ba ni legs par lobs par gyur pa'o/ / bzo sbyang ba bco brgyad ces bya ba ni bzo'i rig pa'i gnas bco brgyad de/ tshong ba dang/ rdzong mkhan dang/ phreng ba mkhan dang/ chang 'tshong dang/ phyugs btsa' ba dang/ 'deg mkhan dang/ 'bru mar 'tshir ba dang/ mgar ba dang/ shing mkhan dang phywa mkhan dang/ tha ga pa dang/ ko lpags mkhan dang/ rgyal chen po dang/ btso blag mkhan dang/ smyig ma mkhan dang/ shan pa dang/ gdol ba'i las dang/ shing rta mkhan zhes bya ba dag go /bcug na zhes byed pa ni de dag slob du bcug nas so/ /zho shas 'tsho ba dag ces bya ba ni dpya phul ba'i mi dag gam/ mtshon chas pa dag go /sdud pa zhes bya ba ni len pa'o/ /lo thang 'bul ba zhes bya ba ni lo thang nges pa 'bul lo/ /rgyus mi shes pa zhes bya ba ni mi shes pa'o/ /ma bzlog gam zhes bya ba ni dri ba'o/ /mtshams chen bcad par bya'o zhes bya ba ni chad pa'o/ /gnas yod par 'gyur gyis zhes bya ba ni srid kyis zhes bya ba'o/ /chas zhes bya ba ni nas la sogs pa'i 'bru'o/ /'ba' zhig ces bya ba ni gzhan med pa'o/ /mthu zhes bya ba ni dral ba la sogs pa nus pa'o/ /dpung zhes bya ba ni dmag dang ldan pa'o/ /brtson 'grus zhes bya ba ni spro ba dang bcas pa'o/ /pha rol gnon pa zhes bya ba ni dmag mi'o/ /ma nyams par gyis shig ces bya ba ni ma bri bar gyis shig pa'o/ /yul 'khor gzhom par byas zhes bya ba ni rgyal srid gzhig par bya'o/ /khyim dpal zhes bya ba ni khyim khol gyis shig pa'o/ /lte ba zhes bya ba ni shing rta'i dkyil lo/ /rtsibs zhes bya ba ni shing rta'i rtsibs so/ /steng gi khang bzangs kyi gzhir gtogs pa zhes bya ba ni stong gi khang bzangs kyi gzhi'o/ /phru ma zhes bya ba ni pho brang gi gnas so/ /byer zhes bya ba ni skrag nas phan tshun du zos pa'o/ /pho nya rta pa zhes bya ba ni rta zhon pa'o/ /'tsho ba'i rgyu zhes bya ba ni grong dang longs spyod la sogs pa 'tsho ba'i rgyu'o/ /gnas skabs zhes bya ba ni gzugs brnyan na mchad pa'o/ /yongs su ma grub pa zhes bya ba'i don no/ /thab mo zhes bya ba ni phyi rol gyi yul 'khor dang 'khon pa'o/ /'thab pa zhes bya ba ni rang gi yul 'khor dang 'khon pa'o/ /phyi dgra zhes bya ba ni phyi rol gyi dmag tshogs kyis byas pa'i 'khrug pa'o/ /nang 'khrug ces bya ba ni rang gi dmag tshogs kyis byas pa'i 'khrug pa'o/ /kha cig na re gnod par byed pa'i gnod sbyin no/ /phyi dgra zhes ni brjod par bya/ /gnod sbyin gnod par byed pa'i tshogs/ /gtso dang bcas pa nang 'khrug yin/ zhes kyang zer ro/ /choms rkun zhes bya ba ni g.yon can no/ /mu ge zhes bya ba ni bza' ba dang/ /btung ba dkon no/ /nad ces bya ba ni yams kyi nad la sogs pa'o/ /sA lu'i phreng ba zhes bya ba ni 'bras sA lu'i zhing gi tshar ro/ /bu ram shing gi phreng ba zhes bya ba ni bu ram shing gi tshar ro/ /chos dang ldan pa zhes bya ba ni sbyin pa dang tshul khrims la sogs pa'i chos spyod pa'i phyir ro/ /chos kyi rgyal po zhes bya ba ni rigs par rgyal srid thob pa'i phyir ro/ /chos kyi rgyal srid byed du bcug go ces bya ba ni mi rigs pa'i chang ba la sogs pas skye bo la gnod par mi byed pas blon po'i tshogs rnams rgyal srid byed du bcug pa yin no/ /shed bu zhes bya ba ni bram ze gzhon nu ste/ bram ze lo bzhi bcu ma lon pa zhes bya ba'i tha tshig go /gsang tshig ces bya ba ni dug la sogs pa gsal ba la sogs pa skyes bu ches bshad pa'i rigs byed dang/ gsang sngags so/ /'dod pa zhes bya ba ni sems kyis so/ /tshol ba zhes bya ba ni lus dang ngag gi bya bas so/ /zhig ces bya ba ni 'jig rten la ni ming grag pa 'am ming gtso ba yin pa'o/ /yul dbus nas zhes bya ba ni bcom ldan 'das nyid kyis nye bar 'khor yul gyi dbul kyi mtshams ni shar du ni grong khyer li khar shing 'phel zhes bya ba ni mdun gyi nags li kha ra'i shing tshang tshing can zhes bya'o// lhor ni grong khyer 'dam bu can zhes bya ba'i lhor ni chu klung 'dam bu can zhes bya ba'o/ /nub tu ni bram ze'i grong ka ba dang/ /nye ba'i ka ba zhes bya ba gnyis so/ /byang du ni au shi ri'i ri zhes bya ba'o/ /zhes gsungs pas de'i nang nas so/ /rig byed ces bya ba ni nges brjod kyi rigs byed dang/ mchod sbyin gyi rig byed dang/ snyan tshig gi rig byed dang/ srid srung gi rig byed ces bya ba bzhi po dag go /rig byed kyi yan lag ces bya ba ni bslab pa dang/ cho ga dang/ brda sprod pa dang/ sdeb sbyor dang/ nges pa'i tshig dang/ skar ma zhes bya ba'i bstan bcos drug po dag go /pha rol du son pa zhes bya ba ni mkhas pa'o/ /ston par gyur pa zhes bya ba ni rten du gyur pa'o/ /zhi ba zhes bya ba ni mi rgod pa'o/ /spyod lam bzhis shes par bya ba ni cha lugs kyis so/ /zhabs la srid zhu bgyis par zhes bya ba ni bla ma la mchod par byed par ro/ /klag pa zhes bya ba ni gdon pa'o/ /kun du spyod pa zhes bya ba ni rtag tu grags pa'o/ /mi klag pa zhes bya ba ni mi 'don pa ste/ de skad du bram ze dag gis/ tshes brgyad mkhan po nyams 'gyur te// bcu bzhi slob ma nyams par 'gyur/ /bco lnga ldob skyen nyams 'gyur bas/ /de'i phyir dus tshigs spang bar bya/ zhes smras pa yin no/ /chu ngogs zhes bya ni rje dpon smin drug skyes kyi chu ngogs la sogs pa bsod nams kyi gnas dag go /nye reg ces bya ba ni khrus byas pa dang/ byin blugs la sogs pa'i las so/ /grong khyer lta zhes bya ba ni grong khyer blta ba'i phyir ro/ /yam sreg shing zhes bya ba ni sbyin sreg bya ba'i bud shing rgya skyegs kyi shing la sogs pa'o/ /bar skabs kyi gtam brjod pa zhes bya ba ni bar skabs kyi gtam zer ba'o/ /ku sa'i rigs zhes bya ba la sogs pa mi rigs kyi sgra ste/ drang song ku sa dang bad sa la sogs pa'i rigs rgyud yin pa'i phyir ro/ /blo can zhes bya ba ni shes rab can no/ /yon byed ces bya ba ni sbyin pa dang rim gro dang/ bkur sti la sogs pa byed pa 'am gzhan gyi sems rjes su bsrung ba'o/ /phra ma can zhes bya ba ni dbye bar 'dod pa'i tshig smra ba'o/ /tshig rtsub ces bya ba ni tshig rtsub po smra ba'o/ /mchog ces bya ba ni gtso bo'o/ /slongs mo brgyas zhes bya ba ni zan gyi phyir rgyu ba mang po ste/ 'dis ni brtul zhugs nges pa dang ldan pa'i skye bo mang po rgyu ba bstan to/ /dbus pa'i skye bo zhes bya ba ni skye bo dge ba'o/ /mdza' 'khob pa'i skye bo zhes bya ba ni kla klo'o/ /drag shul gyis las byed pa'o/ /skye bo mkhas pa zhes bya ba ni/ skye bo 'dzangs pa'o/ /kha rje zhes bya ba ni 'jig rten pa'i don grub pa'o/ /bsod nams zhes bya ba ni bde 'gro 'grub pa'o/ /bkris zhes bya ba ni sdig pa nyams par byed pa 'am/ 'dod pa'i don 'grub pa'i rgyu yin pa'o/ /gtsang ba zhes bya ba ni rang nyid skyon med cing dben pa'i phyir ro/ /gtsang ba nyid kyi gnas su grags zhes bya ba ni gzhan dag gi sdig pa'i las spong ba'i phyir ro/ /'gram gnyis nas rlan 'phyo ma zhes bya ba ni skye bo mang po la 'kho ba nyid kyi chus gang bas ngogs kyi mu gnyis ka nas chu'i dbyings spyad du rung ba'o/ /bsti gnas zhes bya ba ni drang srong gi gnas so/ /chu 'gyur bco brgyad 'bab pa zhes bya ba ni gya gyur 'bab pa'i gling bco brgyad kyis mtshon pa'i yul lo/ /kha cig na re drang srong gya gyur bco brgyad pa zhes bya ba ni gnas yin no zhes kyang zer ro/ /dka' thub spyad na zhes bya ba ni tshangs par spyod spyad na ste/ du ba rdub pa dang dka' thub lnga la sogs pa'i dka' thub spyad na'o/ /rang gi lus nyid kyis mtho ris su 'dod pa zhes bya ba ni de dag dka' thub spyod pa nyid ni yid bde ba dang ldan pa bzhin du dus byas nas bar ma do'i srid pas mtho ris su 'dod par shes par bya'o/ /gzhan du na bar ma do'i srid pa bkag par 'gyur ro/ /mkhas par bgrang ba zhes pa mang du thos par grags pa'o/ /snyan par smra ba'i zhes bya ba ni snyan par smra ba'o/ /smra ba'i khyu mchog ces bya ba ni smra ba'i gtso bo ste/ /smra ba'i dpa' bo zhes bya ba'i tha tshig go / bsngags pa zhes bya ba ni rang bzhin gyis bden pa brjod pa'o/ /sa dang sa gzhi zhes bya ba ni sa nyid do/ /mdzes pa mdzes pa dag ces bya ba ni bzang po dag gi rnam grangs so/ /bsnyen bkur bgyi zhes bya ba ni bsten par bya ba'am blta bar bya ba'o/ /tshar bcad par bgyi zhes bya ba ni pham par bya ba'o/ /slob ma la rjes su chags pa dang zhes bya ba ni slob ma la dga' ba'o/ /'khor nyung ba zhes bya ba ni g.yog 'khor nyung ba'am khyim gyi yo byad nyung ba'o/ /g.yang gzhi dag ces bya ba ni ri dags la sogs pa'i pags pa dag go / shing shun dag ces bya ba ni shing ljon pa'i shun pa dag go /dbyug gu dag ces bya ba ni 'khar ba dag go /blugs gzar ces bya ba ni sbyin sreg rgyu ldugs par byed pa'i gzar bu yu ba ring po'o/ /dgang gzar zhes bya ba ni sbyin sreg rgyus dgang bar bya ba'i gzar bu chen po'o/ /ril ba dag ces bya ba ni bkru bshal bya ba'i snod do/ /rgol ba'i shing rta zhes bya ba ni/ rgol bar tshod bcad pa dag gis drang bar bya ba'i shing rta'o/ /kha cig ni mgor thal ba'i bum pa dag gis bsnan zhes bya ba ni rgol bas pha ma na tshar bcad pa'i phyir mgor thal bas bkang ba'i bum pa gcog par byed pa'o/ /kha cig ni 'phong gi dpong sar kha bzhin du thag ring po nas yongs su spong bar byed ces bya ba ni/ gang dag mkhas par grags pa de dag gis ni shes pa lhag par gyur pa yin no snyam du sems pas 'phong gi spong sar kha byol ba bzhin du thag ring por 'byol bar byed pa'o/ /kha cig ni gdugs dang rgyal mtshan dang ba dan dag gis bsu bar byed ces bya ba ni 'di ni shes pas phyug pa yin no snyam du rig nas gdugs la sogs pas mdun du bsu bar byed pa'o/ /kha cig ni slob pa nyid du khas len par byed ces bya ba ni 'di ni rig byed kyi pha rol tu son pa gtso bo yin pas bdag cag gi mkhan por rung ba'o snyam du shes nas slob pa nyid khas len par byed pa'o// mthar gyis shig bya ba ni rkang pa ni bsku ba la sogs pas thod rgal ma yin par ro/ /grong zhes bya ba ni skye bo'i tshogs gnas pa zod bkram pa dang gcer ba med pa'o/ /grong khyer zhes bya ba ni bam po 'byed par byed pa'i gnas chen po zod bkram pa dang gcer ba dang ldan pa'o/ /grong rdal zhes bya ba ni grong khyer dang 'dra ba chung ngu zod bkram pa dang/ gcer ba dang ldan pa'o/ /dbye tshongs zhes bya ba ni 'brog pa 'brog na gnas pa'i gnas chen por nyo tshong byed pa'i gnas so/ /tshod ldan zhes bya ba ni chu klung chen po'i 'gram gyi grong khyer nyo tshong byed pa'i gnas so/ /'dul zhing zhes bya ba ni pham par byed cing ngo/ /yal ga zhes bya ba ni lcug ma'o/ /lo ma zhes bya ba ni yal ga phre'u'o/ /nyug par bya zhes bya ba ni nom par bya ba'o snyam nas zhes bya ba ni rnam par rtog pa'o/ /rgyal ba dang tshe spel ba byas te zhes bya ba ni khyod rgyal bar gyur cig khyod tshe ring bar gyur cig ces shis ba brjod pas spel ba'i gtam byas te'o/ /de ltar yang/ rgyal po tshe dang kha dog dang/ /dpung dang dpal gyi 'phel gyur cig / dgra bo'i tsher mas ma rmas par/ /rgya mtsho'i mthas btugs sa skyong shig /ces brjod pa yin no/ /bka' mchid rnam par gtan la dbab pa zhes bya ba ni gtam rnam par gtan la dbab par bya'o/ /zhugs lta bu'i shes pas zhes bya ba ni me dang 'dra ba'i shes pa ste/ shes pa thams cad la mthus thog pa med pa'i phyir ro/ /rang gi smra ba gsal bar bgyid pa zhes bya ba ni rang gi gzhung lugs rab tu bzhag pa'o/ /gzhan gyi smra ba tshar gcod pa zhes bya ba ni/ gzhan gyi gzhung lugs dgag pa'o/ /bstan bcos gnas len kyi pa zhes bya ba ni gnas len gyi bu zhes bya bas byas pa'i phyir bstan bcos kyi ming yang gnas len gyi bu zhes bya ste tshul gyi bstan bcos so/ /kha cig na re skar ma'i bstan bcos zhes kyang zer ro/ /nye bar sbyar te zhes bya ba ni byas pa'o/ /rdo ci thogs pas zhes bya ba ni ci nus pas so/ /rgol ba'i dkyil 'khor zhes bya ba ni zhal che'i mi dag go /phyogs zhes bya ba ni rang gi gzhung lugs dam 'cha' ba' o/ /gzhan gyi phyogs zhes bya ba ni gzhan gyi gzhung lugs dam 'cha' ba' o/ /phyogs snga ma zhes bya ba ni rang gi gzhung lugs dam 'cha' ba sngar byed pa'o/ /mgron po zhes bya ba ni glo bur du 'ongs pa ste/ de nyid mchod par bya ba yin no/ /de ltar yang/ glo bur 'ongs pa'i mgron la ni/ /gang yang rung bas bsnyen bkur bya/ zhes bya ba dang/ b+ha ra d+hwa dza mgron la bsnyen bkur bya ba zhes bya ba la sogs pa gsungs pa yin no/ /rgyud chags zhes bya ba'i bstan bcos so/ /lnga brgya zhes bya ba ni gzhung gzhung lnga brgya'i tshad do/ /rigs pa med pa zhes bya ba ni lung 'gal ba'o/ /mi mthu bya ba zhes bya ba ni snga phyi 'gal ba'o/ /mi 'thad pa zhes bya ba ni rigs pa dang 'gal ba'o/ /ci yang smra bar mi 'dug go zhes bya ba ni kha dog par 'dug pa'o/ /tshar bcad pa'i gnas zhes bya ba ni pham pa'i rgyu'o/ /lan la spobs pa med pa zhes bya ba ni lan gyi skabs su cang mi smra bar 'dug pa ste/ /brgal bar khas blangs nas spobs pa med pas kyang cang mi smra ba ni tshar bcad pa'i gnas yin no zhes zer ba'i phyir ro/ /tha? chang? ces bya ba ni smad pa'o/ /su rgyal zhes bya ba ni gang rgyal zhes bya'o/ /yid dga' ba zhes bya ba ni sems dga' ba'o/ /rnyed pa zhes bya ba ni rgyal srid skye bo mkhas pas gang ba'o/ /legs par rnyed do zhes bya ba ni phas kyi rgol ba tshar gcod nus pa'i phyir ro/ /rangs pa zhes bya ba ni sbu gyen du 'greng ba'o/ /dga' ba zhes bya ba ni lus kyi bde ba dang ldan pa'o// mchog tu dga' ba zhes bya ba ni yid kyi bde ba dang ldan pa'o/ /'byor pa 'dod pa zhes bya ba ni phun sum tshogs pa la dga' ba'o/ /rigs mnyam pa las zhes bya ba ni thab rigs 'bab pa las so/ /chung ma zhes bya ba ni khyo ma'o/ /de dang zhes bya ba ni chung ma dang ngo// rtse bar byed ces bya ba ni rgyan po dang pho long la sogs pas so/ /dga' bar byed ces bya ba ni glu dang bro dang 'o dang 'khyung ba la sogs pas so/ /dga' mgur spyod par byed ces bya ba ni sprod pa las byung bas bdag nyid kyi kun tu spyod par bsnyen bkur byed du 'jug pa'o/ /ro stod ring ba zhes bya ba ni de'i lus kyi ro stod kyi cha ring ba zhes bya ba'i tha tshig go /gtsas pa zhes bya ba ni mngal gyi gnas nas btsas nas so/ /'dus shing zhes bya ba ni nyen 'khor na 'khod pa dag 'dus shing ngo/ /lhags nas zhes bya ba ni thag ring po na 'khor pa dag lhags nas so/ /nyi ma bdun gsum gyi nyi shu rtsa gcig zhes bya ba ni bdun pa dang po dang/ gnyis pa dang/ gsum pa la bcos ston chung ngu dang/ 'bring dang/ chen po byed du bcug pa nyid kyi nyi ma ni bdun gsum yang yin la/ spyir bsdoms na nyi shu gcig kyang yin pa'o/ /btsas ston zhes bya ba ni btsas pa'i mchod pa ste/ bang zan no/ /rgya cher zhes bya ba ni yo lang cher ro/ /ming zhes bya ba ni ming du gdags pa'o/ /stong ring zhes bya ba ni ro stod ring pa'o/ /bram ze'i zhes bya ba ni bram ze dang 'brel pa'i'o/ /sbyod tshul zhes bya ba ni 'gro ba dang/ 'greng ba dang/ 'dug pa dang/ nyal ba dang bral ba'i cha lugs so/ /spyod pa zhes bya ba ni 'gro ba la sogs pa'i bya ba'o/ /gtsang sbra zhes bya ba ni gnas skabs kyi tshul gyis yan lag dag par byed pa'o/ /kun du spyod pa zhes bya ba gus par smra ba la sogs pa rjes su sgrub pa'o/ /thal ba blang zhes bya ba ni thal bas bya ba gang yin pa de blang ba rjes su mthun par sgrub pa'o/ /'og ma dag la yang de bzhin du sbyar ro/ /byam bum zhes bya ba ni chu snod kyi ril pa'o/ /sa blang ba zhes bya ba ni 'dag rdzas kyi rgyu gang nas ji snyed ji ltar blang pa'o/ /lag stangs zhes bya ba ni lag pa bzhag pa'i thabs so/ /thor tshugs zhes bya ba ni skra bcings pa'i thabs so/ /rab sngags zhes bya ba ni aoM zhes bya ba skye dgu srung pa'i thabs te/ de ji ltar srid pa de ltar bslabs par bya'o/ /kye zhes bya ba ni mchod sbyin byed pa'i tshe bram ze rnams bod pa'i phyir legs par sbyar bas bong pa bya ba'o/ /des brjod kyi rig byed ces bya ba ni tshig gi tshang nges pa ste/ shes par skyed pa'i tshig go /mchod sbyin gyi rig byed ces bya ba ni/ /tshig sbyar ba'i tshang nges par dag pa dag go /snyan tshig gi rig byed ces bya ba ni brgya byin dang/ tshangs pa la sogs pa la bstod pa'i tshig dag go /srid srung gi rig byed ces bya ba ni skye dgu srung ba'i thabs ston pa'o/ /mchod sbyin byed pa/ zhes bya ba ni bdag nyid mchod sbyin la sogs pa'i bya ba byed pa'o/ /mchod sbyin byed du 'jug pa zhes bya ba ni gzhan mchod sbyin la sogs pa'i bya ba byed du 'jug pa'o/ /klog pa zhes bya ba ni bdag nyid tshig gdon pa'o/ /klog du 'jug pa zhes bya ba ni gzhan tshig 'don du 'jug pa'o// sbyin pa zhes bya ba ni bram ze dag la sbyin pa'o/ /len pa zhes bya ba ni bram ze las bram ze dang/ rgyal rigs dang/ dmangs rigs dang/ gsum gyi len pa'o/ /mkhas pa zhes bya ba ni las drug po de dag ltur len pa'o/ /yang zhes bya ba ni phyi yang ngo/ /sha ri ka zhes bya ba ni ri skegs so/ /yig 'bru'i yi ge zhes bya ba ni lag yig la sogs pa'i yi ge gzhan dag kyang yod pas btsal ba'i phyir/ yig 'bru zhes bya ba smos te/ yig 'bru kho na'i yi ge'o/ /zhes bya ba ni tha tshig go /nyes par sbyar nas zhes bya ba ni slob tu bcug nas so/ /dam zhes bya ba ni bzod pa'o/ /da 'das nas zhes bya ba ni med nas te shi nas zhes bya ba'i tha tshig go /'jig rten rgyang 'phan zhes bya ba ni med pa'i bstan bcos zhes bya ba'i tha tshig go /bzung ba zhes bya ba ni klag pa'o/ /gzhung gsar zhes bya ba ni gzhung gsar du klag pa'o/ /byed pa gsal ba zhes bya ba ni la 'dir byed pa zhes bya ba ni lce dang/ rkan dang/ mgul dang/ mchu la sogs pa dag ste/ de dag gsal ba na de'i tshig 'khrul pa med pa'i phyir ro/ /tshig 'greng ba zhes bya ba ni sgra dka' bas rgyud chags 'don pa ste/ dper na 'dam rdzab rkang pa 'greng par rkang pa mi tshugs pa dang 'dra bar sgra dka' ba brjod na myur du brda mi phrad cing mi thebs pa'o/ /mchis shing lhags zhes bya ba la mchis shing zhes bya ba ni sngar 'dus pa'o/ /lhags pa zhes bya ba ni phyis 'ongs pa'o/ /longs spyod kyi ba dan zhes bya ba ni rgyal ba'i longs spyod kyi rtags su'o/ /bzang mo zhes bya ba ni snyan pa'i tshig bong pa'o/ /khyim gyi so nam zhes bya ba ni khyim gyi so chis so/ /phan mang du btags zhes bya ba ni phas kyi rgol ba tshang gcod pa la sogs pa'o/ /zil gyis non zhes bya ba ni brnyas pa'o/ /dgra bo zhes bya ba ni dgra'o/ /srog dang bral ba zhes bya ba ni gsod pa'o/ /dpal gyis 'byor pa chen pos zhes bya ba ni longs spyod chen po phun sum tshogs pas so/ /kun du rgyu zhes bya ba ni mu stegs can gyi rnam pa ste/ rab tu byung ba zhes bya ba'i tha tshig go/ sen rings zhes bya ba ni lus kyi ro stod ring zhing sen mo yang mi 'breg par 'jog pa'i phyir ro/ /srid pa tha ma zhes bya ba ni skye ba tha ma pa'o/ /spyod pa tshol ba zhes bya ba ni/ lam gyi spyod pa tshol bar byed pa'o/ /thar pa'i snying po bzung ba zhes bya ba ni thar pa'i cha dang mthun pa 'phangs pa'o/ /mya ngan las 'das pa la phyogs pa zhes bya ba ni thar pa mngon par 'dod pa'o/ /'khor ba las phyir phyogs pa zhes bya ba ni kha phyir phyogs par gyur pa'o/ /srid pa'i 'gro ba thams cad du 'chi 'pho dang skye ba don du mi gnyer ba zhes bya ba ni srid pa'i ngo bo nyid 'gro ba lnga po thams cad du 'chi 'pho ba skye ba la mi bltos pa zhes bya ba'i tha tshig go / skyes bu dam pa'i 'gro ba bdun btsal ba'i phyir srid pa'i nyes pa smos so/ /bde 'gro bsdu ba'i phyir thams cad ces smos so/ /lus tha ma 'dzin pa zhes bya ba ni srid pa bar ma'i lus tha ma 'ba' zhig 'dzin pa zhes bya ba'i tha tshig go / zhig kyang zhes bya ba ni ming ma grags pa'i sems can zhig kyang ngo/ /lha'i ris zhes bya ba ni lta'i gnas so/ /bzang po zhig nas zhes bya ba ni yul gsal ba zhig nas so// zhugs so zhes bya ba ni 'babs pas so/ /rmis ltas zhes bya ba ni/ rmi lam bzang ngan ston pa'i bstan bcos so/ /lo brgyad gnyis zhes bya ba ni lo bcu drug go /sbyor ba gang yin pa zhes bya ba ni 'brel pa gang yin pa zhes bya ba ni 'brel pa gang yin zhes bya'o/ /zla ba brgyad dam dgu zhes bya ba la gang dag zla ba ngo tshang ba la 'ba' zhig zla ba nyid du bgrang zhing zla ba phyed la sogs pa yongs su spong bar byed pa de dag gi lugs ltar ni zla ba brgyad ces smos so/ /gang dag zla ba phyed pa la sogs pa'i bsam pas kyang zla ba nyid du bsnan te 'grang bar byed pa de dag gi lugs ltar ni zla ba dgu smos so/ /'das nas zhes bya ba ni yol nas so/ /btsas pa las zhes bya ba ni mngal na gnas pa btsas pa las so/ /gzugs bzang ba zhes bya ba ni kha dog gis so/ /blta na sdug pa zhes bya ba ni dbyibs kyis so/ /mdzes pa zhes bya ba ni dga' zhing sdug pa'i rgyur gyur pa'o/ /gsal ba gser gyi mdog 'dra ba zhes bya ba ni gser gyi mdog 'dra ba nyid kyis gsal ba ste/ sngo bsangs la sogs pa bsal ba yin no/ /mgo gdugs lta bu dang ldan pa zhes bya ba ni mgo gdugs ltar zlum pa dang ldan pa'o/ /lag pa ring ba zhes bya ba ni lag pas pus mor slob pa'o/ /dpral ba'i dbyes che ba zhes bya ba ni dpral ba yangs pa'o/ /smin ma 'dzar ba zhes bya ba ni smin ma'i spu rnams nang 'dzar zhing 'dab chags su 'byor pa'o/ /sna'i gzengs ma tho ba zhes bya ba sna'i gzengs kyi phang mtho ba'o/ /byung ngo zhes bya ba ni mngal nas byung ba'o/ /mes po zhes bya ba ni ma'i pha'o/ /pha las drangs te zhes bya ba ni pha las glengs te'o/ /rig pa'i gnas thams cad ces bya ba ni rtog ge dang/ lung dang gso ba dang/ sgra dang/ las dang/ bzo'i rig pa dag go /yab ces bya ba ni pha la bong pa'o/ /gsang tshig gi gzhi zhes bya ba ni rig byed kyis tshig go /sngon gyi drang srong zhes bya ba ni brgyad pa la sogs pa drang srong chen po rnams so/ /bstod pa zhes bya ba ni rab tu bsngags pa'o// bsgrags pa zhes bya ba ni gzhan dag la smras pa'o/ /yang dag par sbyar ba zhes bya ba ni phan tshun sbyar ba'o/ /rjes su sgrogs ba zhes bya ba snyan tshig gi rig byed sgrogs pas bstod pa byed pa'o/ /rjes su brjod pa zhes bya ba ni mchod sbyin gyi rig byed dang/ des brjod kyi rig byed dang/ srid srung gi rig byed brjod pas brjod par byed pa'o/ /yang na rjes su sgrogs zhes bya ba ni yi ge'i sgo nas so/ /rjes su brjod ces bya ba ni don gyi sgo nas so/ /gzhung srong bar bya ba zhes bya ba ni tshig gtso bo gsal bar bya'o/ /khyad par lhag par rnyog par bya ba zhes bya ba ni bye brag tu ches gsal bar bya'o/ /klog tu 'jug pa zhes bya ba ni 'don du 'jug pa pa'o/ /rig byed ring po dag yin pa de dag ni tshig dang yi ge phyi zhing thung ngur rnam par bzhag go zhes bya bar sbyar ro// rig byed thung ngu thung ngu gang dag yin pa de dag ni don dad nges pa'i tshig tu ring por rnam par bzhag go zhes bya bar sbyar ro/ /de la rig byed ring po dag yin pa de dag ni tshig zlos bu phri bas/ de dag las tshig zos bu phri ba na tshig phri zhing thung ngur rnam par bzhag pa yin no/ /gcig gi tshig dang gnyis kyi tshig dang mang po'i tshig rnams las gcig gi tshig 'ba' zhig bzhag ste gnyis kyi tshig don 'dra ba gnyis phri ba ni yi ge phri zhing thung ngur rnam par bzhag pa yin no/ /thung ngu gang dag yin pa de dag ring por rnam par bzhag pa ni tshig dang yi ge'i sgo nas ma yin gyi 'di ltar don dang nges pa'i tshig gi sgo nas te tshig thung ngu gcig la yang don mang por drangs te bskyed pa'i don dang nges pa'i tshig gi sgo nas rnam par bzhag pa yin no/ / // bam po gnyis pa/ /grong shing thags can zhes bya ba ni/ shing thags kyis mtshon pa'i phyir ro/ /mdun na 'don zhes bya ba ni bsod nams bya ba la/ rgyal po'i bla ma'o/ /phyug pa zhes bya ba ni sA lu la sogs pa nang gi yo byad 'byor pa'o/ /nor mang ba zhes bya ba ni dbyig dang gser la sogs pa'i nor 'byor ba'o/ /longs spyod che ba zhes bya ba ni ba lang dang/ ma he dang/ ra dang/ grong la sogs dag gis so/ /yongs su gzung ba zhes bya ba'i sgra ni yangs pa dang rgya che ba gnyi ga dang so sor sbyar ro/ /de nas yongs su bzung ba yangs zhes bya ba ni bran dang bran mo dang/ las byed pa la sogs pa yo byad mi dag gis so/ /yongs su bzung ba rgya che ba zhes bya ba ni khang khyim gyi gtos rgya che ba'o/ /rnam thos kyi bu'i nor dang ldan pa zhes bya ba ni grangs dang rin che ba'i nor dang ldan pa'i phyir ro/ /rnam thos kyi bu la nor gyis 'gran pa zhes bya ba ni nor mnyam pa gzhan mi snang bas rnam thos kyi bu la nor gyis 'gran pa'i phyir ro/ /kha cig na re rnam thos kyi bu yang sbyin pa sbyin pas zang par mi 'gyur la bdag kyang sbyin pa sbyin pas zad par mi 'gyur ro/ /zhes 'gran pa'i phyir ro zhes kyang zer ro/ /bu mngon par 'dod pas zhes bya ba ni bu yod par 'dod pas so/ /zhi ba zhes bya ba ni lha chen po'o/ /chu lha zhes bya ba ni chu'i lha'o/ /lus ngan zhes bya ba ni rnam thos kyi bu'o/ /sogs pa zhes smos pas ni yul 'khor bsrung la sogs pa dag bsdu'o/ /gsol ba 'debs zhes bya ba 'tshol ba'o/ /lha'i bye brag ces bya ba ni lha'i rnam pa'o/ /kun dga' ra ba zhes bya ba ni 'bras bu dang ldan pa'i shing ljon pa'i gnas so/ /tshal zhes bya ba ni 'bras bu med pa'i shing ljon pa'i gnas so/ /bzhi mdo zhes bya ba ni lam gyi bzhi mdo'i gnas so/ /sum mdo zhes bya ba ni lam gyi sum mdo'i gnas so/ /gtor ma len pa zhes bya ba ni khyim gyi lta dag go /lhan cig skyes pa dag ces bya ba ni dus gcig tu byung bsrung par byed pa gnod sbyin la sogs pa dag go / chos mthun pa dag ces bya ba ni bstan bcos mthun pa dag ste/ dge ba bya ba la mthun par mngon par dga' ba dag go /rtag tu rjes su 'brang ba zhes bya ba ni rtag tu phyi bzhin 'ong ba'o/ /gtam zhes bya ba ni grags pa'o/ /'khor lo sgyur ba zhes bya ba ni gser gyi 'khor lo nam mkha' la 'gro bas rgyal srid byed du 'jug pa gang la spyod pa'o/ /gnas gsum po dag ces bya ba ni rgyu gsum po dag go /mngon du gyur pa las zhes bya ba ni nye bar gyur pa las so/ /pha dang ma gnyis chags par gyur cing 'dus pa zhes bya ba ni gnas gcig ste chags par gyur cing 'dus pa zhes bya ba ni 'dod chags mngon sum du gyur pa'o/ /'dus pa zhes bya ba ni bya ba cig rtsom zhing sbyor ba ste/ sprod pa las byung brtsams pa'o/ /ma dus la bab cing zla mtshan dang ldan pa zhes bya ba ni gnyis pa ste/ dus la bab cing zhes bya ba ni 'dod chags kyis yid bde zhing mngal na gnas pa 'dzin nus pa'o/ /zla mtshan dang ldan pa zhes bya ba ni khrag gi thigs pa gnyis sam gsum tsam gyi gnas skabs dang ldan pa ste/ me tog dang ldan pa zhes bya ba ni tha tshig go /dri za nye bar gnas shing 'jug 'dod pa zhes bya ba ni gnas gsum pa ste/ dri za zhes bya ba ni srid pa bar ma'i sems can te/ zas su dri bza' ba'o/ /nye bar gnas shing zhes bya ba ni 'jug pa'i phyir nye bar 'ongs shing ngo/ /'jug 'dod pa'o zhes bya ba ni mngal du 'jug 'dod pa'o/ /de'i zhes bya ba ni bram ze de'i 'o/ /skye dgu'i bdag mo zhes bya ba ni/ skye dgu zhes bya ba bu'i tshogs te de'i bdag mo yin pa'i phyir ro/ /bud med kyi yul zhes bya ba ni mo btsun te/ bud med ces bya ba ni bu bskyed pa'i phyir ro/ /yul zhes bya ba ni longs spyod par bya ba'i phyir ro/ /de ltar na bud med kyang yin la yul yang yin pas bud med kyi yul zhes bya bar rnam par sbyar ro/ /mkhas pa'i rang bzhin can zhes bya ba ni shes rab dang ldan pa'o/ /la la la zhes bya ba ni 'ga' zhig la ni thams cad la ma yin te/ dge ba dag gi nang nas phyogs la la la gnas pa 'ga' zhig la zhes bya ba ni tha tshig go /ma 'dres pa zhes bya ba ni thun mong ma yin pa'o/ /chos zhes bya ba ni dngos po'o/ /skyes pa chags par gyur pa shes shing chags pa dang bral ba shes pa zhes bya ba ni chags par gyur pa dang/ chags pa dang bral ba'i gnas skabs shes pa'i phyir chos gcig go /dus shes shing zla mtshan shes pa zhes bya ba ni bdag nyid kyi ngo bo nyid shes pa'i phyir chos gnyis pa ste/ dus zhes bya ba ni mngal na gnas pa'i yongs su 'dzin pa'i dus la bab pa'i dus so/ /zla mtshan zhes bya ba ni khrag gi dri ma zags pa'i lhag ma khrag gi thigs pa gnyis gsum tsam ste/ me tog zhes bya ba'i tha tshig go / mngal na gnas pa zhugs pa shes pa zhes bya ba ni mngal na gnas pa zhes bya ba bu mngal du zhugs shing chags par shes pa'i phyir chos gsum pa yin no/ /gang lar mngal na gnas pa zhugs de shes pa zhes bya ba ni mngal na gnas par 'jog par byed pa'i skyes pa gang las mngal na gnas pa rang gi rum du zhugs pa'i skyes pa'i bye brag shes pa'i phyir chos bzhi pa'o/ /khye'u shes shing bu mo shes pa zhes bya ba ni mngal na gnas pa'i bye brag shes pa'i phyir chos lnga pa'o/ /khye'u dang bu mo shes pa'i bud med kyi shes pa'i rgyu bstan pa'i phyir/ gal te zhes bya ba la sogs pa gsungs so/ /khye'u yin na dku g.yas par brten cing 'dug ces bya ba ni 'dod chags ston pa yin pas ma'i dku g.yas rol na ma'i lto logs su rgyab bsten cing sgal tshigs logs su mdun bstan 'dug pa'o/ /bu mo yin na dku g.yon par brten cing 'dug ces bya ba ni 'dod chags bsten par bya ba yin pas ma'i dku g.yon rol na ma'i lto logs su mdun bstan sgal tshigs logs su rgyab bsten cing 'dug pa'o/ /yid dga' zhing yid dga' nas zhes bya ba ni yid mgu ba ste rnam pa'i phyir tshig gnyis su smos so/ /khyim thab ces bya ba ni khyo'o/ /sems can zhugs pa zhes bya ba ni mngal na gnas pa chags pa'o/ /nges par zhes bya ba ni gdon mi za bar gor ma chags par ro/ /dgyes pa bskyed du gsol zhes bya ba ni shis pa brjod pa'i tshig ste/ dgyes pa zhes bya ba ni dga' ba de 'phel bar gyis shig ces bya ba ni tha tshig go /de yang zhes bya ba ni khyim thab de yang ngo/ /ro stod srang ste zhes bya ba ni spyi bo la sogs pa stod de'o/ /lag pa g.yas pa brkyang nas zhes bya ba ni bteg nas so/ /'di skad ces bya ba ni legs su smon pa'o/ /kho bo dang mthun par skye zhing mi mthun par mi skye ba zhes bya ba ni kho bo'i rjes su skye la tshig nyan par 'gyur zhing tshig nyan par mi 'gyur ba ma yin no/ /bya ba dag byed pa zhes bya ba ni khyim gyi bya ba dag go / gsos pas zhes bya ba ni gsos pas so/ /phyir gso ba zhes bya ba ni bus pha dag la lan du phan 'dogs shing phyir gso ba'o/ /bgo skal la spyod pa zhes bya ba ni skal ba sbyin pa'i rigs kyi nor? la longs spyod par byed pa ste/ khyim gyi nor chung mi gson par byed pa zhes bya ba'i tha tshig go /rigs brgyud ces bya ba ni rigs kyi rgyun no/ /yun ring du gnas par byed pa ste/ /yun ring du gnas par sgrub pa zhes bya ba ni dus yun ring du gnas par byed pa ste/ bu dang tsha bo la sogs pa bskyed pa'i phyir ro/ /bdag cag ces bya ba ni pha dang ma dag go /shi shing zhes bya ba ni bar ma dor ma yin par 'chi bas shi ba'o/ /dus la bab pa zhes bya ba ni tshe zad cing 'chi bas shi ba'o/ /sbyin pa dag ces bya ba ni phan 'dogs par byed pa'i phyir ro/ /bsod nams dag ces bya ba ni mchod pa byed pa'i phyir ro/ /yang na sbyin pa dag ces bya ba ni sbyin pa las byung ba'i bsod nams bya ba'i gzhi dag go /bsod nams dag ces bya ba ni tshul khrims las byung ba dang/ bsgom pa las byung ba'i bsod nams bya ba'i gzhi dag go / 'di zhes bya ba ni sbyin pa dag byin zhing bsod nams dag byas pa'o/ /'gro zhing zhes bya ba ni 'khor ba'i lam du mtshams sbyor zhing ngo/ /rjes 'gro bar gyur cig ces bya ba ni rjes su 'thob par gyur cig ces so/ /ming gis yon bshad pa byed par gyur cig ces bya ba ni bdag cag gi ming nas 'byin cing yon gnas dag la mchod pa bya ba'i phyir yon dbul ba la sogs pa byed cing smon lam 'debs par gyur cig ces bya ba'i tha tshig go / ched du brjod pa ched du brjod par byed do zhes bya ba ni mgu ba'i tshig brjod par byed pa ste/ yid bde ba tshig tu brjod par byed ces bya ba ni tha tshig go /yongs su sbyin par bya ba'i phyir zhes bya ba ni gso pa'i phyir ro/ /steng gi zhes bya ba ni/ khang steng gi steng phyogs su rnam par lta bas bsang ba'i phyir dang/ dben pa nyid du bya ba'i phyir steng rim gror byed du 'jug pa'o/ /gzhir zhes bya ba ni sa gzhir ro/ /grang ba na zhes bya ba ni grang ba'i dus na'o/ /dro ba zhes bya ba ni dro ba'i dus na'o/ /sman pas bcas pa'i zhes bya ba ni sman pas bstan pa'i 'o/ /zas ha cang mi kha ba zhes bya ba la sogs pa dang/ kha ba la sogs pa rnam par spangs pa ni rlung la sogs pa'i rnam par 'gyur ba yongs su spang ba'i phyir ro/ /de skad du/ tsha dang kha dang bska bas ni/ /rlung dag 'khrug par byed pa yin/ /tsha dang skyur dang lan tshas ni/ /mkhris pa 'khrug par byed pa yin/ /mngar dang skyur dang len tshwas ni/ /bad kan 'khrug par byed pa yin/ zhes 'byung ba'i phyir ro/ /do shal zhes bya ba ni mu tig gi ngo shal 'phyad pa'o/ /se mo ngo zhes bya ba ni mu tig gi ngo shal gyi phyed nu ma dag gi steng na gnas pa'o/ /rgyan gyis klubs pa'i lus zhes bya ba ni rgyan gyis brgyan pa'i lus so/ /dga' ba'i tshal zhes bya ba ni sum cu rtsa gsum pa'i lha rnams kyis so/ /rnam par spyod pa zhes bya ba ni rgyu ba'o/ /khri nas khrir zhes bya ba la sogs pa ni gcig gi steng nas gcig gi steng du rjes su rgyu ba'o/ /shod kyis gzhir mi 'bab pa zhes bya ba ni ngal ba yongs su spang ba'i phyir ro/ /sgra yid du mi 'ong ba cung zad kyang mi thos par zhes bya ba ni mi mi dga' bar mi 'gyur bya ba'i phyir ro/ /gnod pa med pa nyid du zhes bya ba ni nyam nga ba med pa nyid du'o/ /ris gro byed du 'jung ngo zhes bya ba ni srel bar byed pa ste/ rnam pa de dag thams cad lus gnas na bde ba dang/ yid bde ba skye la de skye ba'i rgyur bstan pa yin no/ /lha dbang du blangs nas zhes bya ba ni snying la bsam te/ lha la gsol ba btab nas zhes bya ba'i tha tshig go /maung+gal bu yi'i rigs yin pas maung+gal gyi bu zhes bya ba ni dang srong maung+gal gyi bu ni maung+gal yin la/ maung+gal ya'i rigs ni bang? nas skyes yin pas maung+gal gyi bu zhes bya'o/ /spa bkong zhes bya ba ni zhum pa'i phyir mi dga' bar lta ba'o/ /mi dga' ba zhes bya ba ni mthu med pa'i phyir ro/ /mi 'jigs pa med ces bya ba ni sems zhums pas 'jigs pa dang bcas pa'o/ /bsam pa zhes bya ba ni sems kyi bsams pa'o/ /skad mdog dbang po'i rnam pa dag ces bya ba la skad kyi rnam pa ni/ chags pa'i mi'i skad ni dang dang po/ /sdang ba'i mi'i skad ni rtsub pa yin/ /smongs pa'i mi'i skad ni 'khrugs par 'gyur/ /tshangs par rnga sgra 'di ni sangs rgyas te/ /khyim thab de ni gzhon nu mi bsten gyis/ /phyir log rang gi sdum pa nyid du 'dod/ /zhes ji skad gsungs pa lta bu'o/ /mdog gi rnam pa ni/ skyes bu chags pa'i rjes ni gsal mi 'gyur/ /zhe sdang ldan pa'i rjes ni zab pa yin/ /rmongs par gyur pa'i rjes ni nogs par gyur/ /shin tu chags bral rjes ni 'di 'dra ste/ /khyim thab de ni gzhon nu mi bsten gyis/ /phyi rol rang gi sdum pa nyid du 'dod zhes ji skad gsungs pa lta bu'o// dbang po'i rnam pa ni/ chags pa'i mig ni rig rig lta bar byed/ /sdang ba'i mig ni dug drag sprul bzhin blta/ /rmongs pa'i mig ni mun khrod rtog bzhin blta/ /shin tu chags bral gnya' shing tsam du blta/ /khyim thab de ni gzhon nu mi bsten gyis/ /phyir log rang gi sdum pa nyid du 'dod/ zhes ji skad du gsungs pa lta bu'o/ /rnam par sba bar zhes bya ba ni bcab bar ro/ /skabs de zhes bya ba ni byung ba'i mdza' de'o/ /ches shes rab can zhes bya ba ni shes rab ches che ba'o/ /rigs kyis rgan pa zhes bya ba ni rigs kyi thu bo'o/ /lhag ma rnams la yang de bzhin du shes par bya'o/ /don du gnyer bas zhes bya ba ni thos pa tshol bas so/ /bgo bshal zhes bya ba ni mgron bya ba'o/ /ji bya snyam nas zhes bya ba ni/ /mchid lung nod pas so/ /klu'i rgyal po ri bo dang/ /yid 'ong gnyis kyis dus ston zhes bya ba ni klu'i rgyal po de gnyis kyi phyir dus ston byed pa ste/ /de nyid gzhung 'di las 'og nas 'byung ngo/ /nyams su myong bar byed ces bya ba ni bro dang glu dang rol mo la sogs pa blta bas dga' ba nyams su myong bar byed pa'o/ /ma skyes dgra zhes bya ba ni ming sde ma'i mngal na gnas pa nyid nas pha'i rgyab kyi sha za ba la sogs pas ming de skad btags te/ /de yang gzhung 'di nyid las 'og nas 'byung ngo/ /bya ba cung zhig ces bya ba ni dgos pa chung ba'i phyir ming ma smos so/ /rgol ba'i stan zhes bya ba ni/ /gang du rgol ba 'dug pa'o/ /mchog thob pa'i stan zhes bya ba ni bram ze klog pa phun sum tshogs pa dang ldan pa gang de la rgyal pos grong la sogs pa mchog phul ba de'i ston no/ /mchog thob pa'i stan la dbyug gu dang/ /ril ba zhog ste/ zhes bya ba ni klog pa phun sum tshogs pa dang ldan pa yin pas khyod dang 'dra ba gzhan med pa'i mchog thob par 'gyur ro zhes bsams pa'o/ /rgol ba'i stan la 'dug cig ces bya ba ni rgol thams cad pas khyad par du 'phags pa khyod dang 'dra bar gzhan med pa'i phyir/ rgol ba'i stan thob par 'gyur ro/ /zhes bya bar bsams pa yin no/ /to ta ka zhes bya ba ni glu dbyangs kyi sdeb sbyor gyi ming ngo/ /dbang po dag phyir blan te zhes bya ba ni mi g.yeng ba'i phyir mig gi dbang po nang du bsdus pa'o/ /blun po chen po zhes bya ba ni ltad mo la 'ongs la mi lta bar 'jug pa'i phyir ro/ /shes pas mi 'khrug pa zhes bya ba ni nye bar zhi ba'i phyir bskyod par mi nus pa'o/ /gang gis mthong ba 'am thos pa la snang ngo zhes bya ba ni kho bos ni ma mthong ma thos so zhes bya bar bsams pa'o/ /dbang po dag nang du bsdus pas ma mthong ba ni bden na zhes bya ba ni mig gi dbang po nang du bsdus pas ma mthong ba ni rung na zhes bya ba'i tha tshig go / mig gi dbang po'i rgyun mang du 'byung ba'i phyir mang po'i tshig tu gsungs so/ /ji ltar ma thos zhes bya ba ni rna ba ni ma bkag na sgra ji ltar ma thos zhes bya ba'i tha tshig go / shi lpags zhes bya ba ni rda pa Ta ha la sogs pa'o/ /shi ba'i rgyus pa zhes bya ba ni pi wang la sogs pa'o/ /'chir 'gyur bzhad gang ba zhes bya ba ni 'chi bar 'gyur ba smon thabs mkhan nam ltad mo pa'o/ /'chir 'gyur 'jo sgeg pa zhes bya ba ni 'chi bar 'gyur ba'i sgeg dag gam gar mkhan nam/ /glu mkhan dag go /'chi ba'i skye bo 'dus pa la zhes bya ba ni 'chi bdag gis zin pa'i sems can 'dus pa 'di la'o/ /mkhas pa su zhig ces bya ba ni shes rab dang ldan pa su zhig go /bag med byed ces bya ba ni bag med par gal bde byed ces bya ba ni tha tshig go / 'di skad bstan te/ ko lpags dang/ chu rgyus gang dag yin pa dag thams cad ni shi ba dang 'brel pa yin la/ bzhad gang dang/ 'jo sgeg pa gang dag yin pa dag thams cad ni 'chi bar 'gyur ba'i chos can yin te/ de lta'i skye bo 'chi bdag dang 'brel ba 'dus pa 'di la shes rab dang ldan pa su zhig bag med pa byed de ltar mi byed do zhes bya ba ni tha tshig go /rgyan ces bya ba ni mgul gdub dang/ /gdu bu rgyan can dang/ dpung rgyan la sogs pa'o// khur yin te zhes bya ba ni gnod pa byed pa'i phyir ro/ /thod 'tsham pa zhes bya ba ni gzhad gad du gyur pas smyon pa dang 'dra ba'i phyir ro/ /bkyal ba bya ste zhes bya ba ni tshig bkyal bar smras pa'i phyir ro/ /mi rtag nyid yin no zhes bya ba ni mi brtan pa'i phyir ro/ /yang dag pa kho nar zhes bya ba ni phyin ci ma logs pa nyid du'o/ /dad pas zhes bya ba ni yid ches pa bskyed pas so/ /khyim nas zhes bya ba ni khyim pa'i khyim nas so/ /khyim med par zhes bya ba ni khyim yongs su spangs pa'i ngo bo nyid kyi rab tu 'byung ba khas blang par ro/ /gang gi don du zhes bya ba ni gang gi phyir ro/ /mchod sbyin sbyin par byed ces bya ba ni rtas bsang ba la sogs pas mchod sbyin byed pa'o/ /sbyin sreg sreg par byed ces bya ba ni rgyun du mer sbyin srag byed pa'o/ /dka' thub kyi gdung bar byed ces bya ba ni du brdub pa la sogs pa dka' thub drag par byed pa'o/ /lag mthil du 'ongs zhes bya ba ni lag tu thob pa'o/ /ji bzhin byed ces bya ba ni ji yang mi byed pa'o/ /yongs su bzung bas zhes bya ba ni rta dang/ glang po che dang/ nye du dang mdza' shes dang/ dbyig dang/ gser la sogs pa'o/ /shing shun zhes bya ba ni ldon pa'i shun pa'o/ /rtswa gyon zhes bya ba ni rtswa dar ba'i gos so/ /ri dags gdug pa zhes bya ba ni seng ge stag la sogs pa gcan zan no/ /'jig rten pha rol 'jigs pa gyid pa'i zhes bya ba ni ngan 'gros 'jigs par lta ba'o/ /rgyal srid slad du ni zhes bya ba ni rgyal srid kyi phyir ro/ /gsod ces bya ba ni gsod pa'o/ /'chid zhes bya ba ni su 'dod dang/ khong sgril la sogs pa'i 'chid pa'o/ /brdeg pa zhes bya ba ni khu tshur dang thal lcag la sogs pas brdeg go / sdug pa zhes bya ba ni rnam par shes pa lnga dang rjes su mthun pa'i phyir ro/ /yid du 'ong ba zhes bya ba ni yid kyi rnam par shes pa dang rjes su mthun pa'i phyir ro/ /bzod pa zhes bya ba ni bzod pa dang ldan pa ste/ /tshig nyan pa zhes bya ba'i tha tshig go / mthong na mi mthun pa med pa zhes bya ba ni zhe 'gras pa med pa ste/ /bde ba byed pa zhes bya ba'i tha tshig go /mi 'dod bzhin du 'bral ba kho na yin zhes bya ba ni mi dga' bzhin du 'bral ba'o/ /bu gzhon nu zhes bya ba bu thu bo la dga' ba'i tshig gis bod pa'o// shes par gyis shig ces bya ba ni 'og nas 'byung ba'i tshig 'di dag khong du chud par gyis shig ces bya ba'o/ /shin tu gzhon pa zhes bya ba ni lus kyi yon tan gyis so/ /bde ba 'dod pa zhes bya ba ni sems kyi yon tan gyis so/ /khyod kyis sdug bsngal mi shes te zhes bya ba ni khyod kyis sdug bsngal gyi rgyus mi shes te zhes bya ba'o/ /tshangs par spyod pa zhes bya ba ni mi tshangs par spyod pa spangs pa'o/ /spyad dka' ba zhes bya ba ni bsgrub dka' ba'o/ /rab tu dben pa zhes bya ba ni lus dang dben pa'o/ /brgya la rab tu dben par byas na de la sems dpa' bar 'gyur ro zhe na/ de'i phyir/ gcig pu nyid la mngon par dga' bar dka' o zhes gsungs te/ gcig pu nyid la mngon par dga' bar bskyed pa dka' o/ /kha cig dgon par grogs dang bcas pa la mngon par dga' ba skye'o snyam du dgos pa de'i phyir/ /gnas mal dgon pa nags khrod dang/ ri drung dang/ bas mdza' dag tu gnas pa khong du chud par dka' o zhes bya ba gsungs te/ /gnas mal zhes bya ba ni 'dug pa'i gnas te/ /skabs 'dir ni dgon pa zhes bya ba dang sbyar te/ gnas mal dgon pa de yang gang zhe na/ /'og nas nags khrod dang/ /ri klung dang/ bas mdza' dag ces 'byung ba dang sbyar ro/ /de la gnas mal zhes bya ba ni 'dug pa'i gnas so/ /dgon pa zhes bya ba ni skye bo mi gnas pa'i gnas so// nags khrod ces bya ba ni shing ljon pa thibs po'o/ /ri drung zhes bya ba ni ri dang thag nye bar na/ /chu klung ngam/ dam grog gi phyogs gcig go /bas mdza' zhes bya ba ni rab tu thag ring ba'i mdza' 'o/ /gnas mal dgon pa nags khrod la sogs pa de dag ni yid kyis kyang bzod par dka' ste/ /gang dag yid kyis kyang bzod par dka' ba de dag du ni grogs gzhan gyis kyang ci bya ste/ des na de dag tu grogs yod kyang dka' bar mi 'gyur ro/ /ci'i phyir gnas mal dgon pa de dag tu gnas pa khong du chud par dka' zhe na/ de'i phyir gcig pur dgon par gnas pa sdug bsngal zhes bya ba gsungs te/ cig pu dgon par gnas pa yang sdug bsngal lo zhes bya ba ni tha tshig go /gzhan gyis byin pas 'tsho bar bya dgos so zhes bya ba ni gzhan dag gi sbyin pa'i bza' ba dang tung ba dang/ gos la sogs pas 'tsho bar bya dgos pa ste/ gzhan gyi dor lta dgos so zhes bya ba'i tha tshig go /mi'i 'dod pa dag las zhes bya ba ni gzugs dang/ sgra dang/ dri dang/ ro dang/ reg bya zhes bya ba'i longs spyod kyi yo byad dag las so/ /dben par zhes bya ba ni bar chad do/ /dga' ba dang rtsed mo dag las zhes bya ba 'dod pa'i longs spyod dngos las so/ /dga' ba zhes bya ba ni bud med dag la yid kyis chags pa'o/ /rtsed mo zhes bya ba ni bud med la reg pa'i longs spyod do// nye du zhes bya ba ni gnyen shes so/ /ne'u ldang zhes bya ba ni na tshong mnyam zhing snying du sdug pa'i grogs so/ /zhi ba zhes bya ba ni dga' ba'i tshig gis bod pa ste/ zla ba dang 'dra bar zhi ba'i tha tshig go /mkhas pas bsngags pa zhes bya ba ni ye shes 'byam klas pa dag gis bsngags so/ /slar ldog pa zhes bya ba ni phyir khyim du 'ongs pa'o/ /'bras bu'i rin gyis zhes bya ba ni 'bras bu zhes bya ba 'bras bsngos pa'i thub pa'i rnam pa ste/ dan po de btung ba'i rin gyis so/ /zan bcad par byas pas ni chang drod chung bas dang por de 'thungs na me'i khams skye bar 'gyur ba'i phyir ro/ /de ltar yang brdos pa'i 'bras kyi thug pa ni/ smin dang drod skye 'phrod par 'gyur/ /zhes 'byung ba'i phyir ro/ /mthu zhes bya ni bstan pa nyid do/ /stobs zhes bya ba ni 'ong ba dang 'gro ba la sogs pa'i nus pa'o/ /brtson 'grus zhes bya ba ni yid kyi spo ba'o/ /bskyed de zhes bya ba ni byas te'o/ /dben pa la dga' bas zhes bya ba ni lus dang sems dben pa la dga' bas so/ /legs pa byed pa zhes bya ba ni legs par 'gyur ba'o/ /'ching ba dam po zhes bya ba ni rdzas mang po nye bar bsags pa nyid kyis dga' bar 'gyur ba dpyad dka' ba'i phyir ro/ /'chid ba bstan pa zhes bya ba ni thog ma med pa'i dus nas 'dod chags bsgos pas 'phral la spang dka' ba'i phyir ro/ /'ching ba ma bul ba zhes bya ba ni rdzas bsrungs pa'i thabs mang po dag gis myur du za bar mi 'gyur ba'i phyir ro/ /gags shing sboms pa zhes bya ba ni pha ma dang/ nye du dang/ mdza' bshes dang blon po dang/ bran dang bran mo la sogs pa 'khor mang po dang rjes su 'brel bas rang gir bsgrub tu med pas shing gi gags shing sbom pos gnya' bar bzhag pa dang 'dra ba'o/ /'ching ba stobs med pa zhes bya ba ni ming dam pa'i phyir ro/ /'ching ba stobs chung ba zhes bya ba ni mi bstan pa'i phyir ro/ /'ching ba rul ba zhes bya ba ni bsrung ba med pa'i phyir ro/ gags shing phra ba zhes bya ba ni nye du'i tshogs nyung ba'i phyir ro/ /tshe dang ldan pa zhes bya ba ni tshe don yod pa ste de'i 'bras bu'i rjes su zhugs pas da ltar nyid du brjod par 'dod pa'i phyir ldan pa zhes smos so/ /smon lam zhes bya ba ni bsgrub pa'o/ /rtag tu rang byung mang bar shog ces bya ba ni rtag tu rab tu 'byung ba la gzhol bar shog cig ces bya ba'o/ /bram ze rab tu grags pa dag ces bya ba ni gtso bor grags pa dag go /gang yang rung bar zhes bya ba ni legs par gsung ba'i chos 'dul ba ma gtogs pa gzhan la bab col du'o/ /rdzogs byed la sogs pa ston pa drug po zhes bya ba ni 'gro skyong gi bu rdzogs byed la sogs pa drug go /ston pa zhes bya ba ni phan pa dang gnod pa nye bar ston pa'o/ thams cad mkhyen pa ma yin par thams cad mkhyen pa mngon pa'i nga rgyal can zhes bya b ni ngo bo nyid kyi dngos po thams cad mi shes bzhin du log pa'i mngon pa'i nga rgyal gyis bdag nyid thams cad mkhyen pa yin no snyam du sems pa'i phyir ro/ /'gro skyong gi bu rdzogs byed ces bya ba la/ 'gro skyong gi bu zhes bya ba ni rigs yin la rdzogs byed ni dpag mid yin no/ /gnag lhas kyi bu kun tu rgyu zhes bya ba ni yang gnag lhas kyi bu zhes bya ba ni ma'i ming yin la/ kun tu rgyu zhes bya ba ni rang ming yin no/ /smra 'dod kyi bu mo'i bu yang dag rgyal ba can zhes bya ba yang/ smra 'dod kyi bu mo'i bu zhes bya ba ni ming ming yin la/ /yang dag rgyal ba can zhes bya ba ni rang gi ming yin no/ /mi pham skra'i la ba can zhes bya ba la/ mi pham zhes bya ba ni rang gi ming yin/ /skra'i la ba can zhes bya ba ni de'i brtul zhugs te/ /skra las byas pa'i la ba gyon pa'i phyir ro/ /kA tyA'i bu nog can zhes bya ba la/ /kAtyA'i bu zhes bya ba ni rigs yin la nog can zhes bya ba ni rang gi ming yin no/ /gnyen gyi bu gcer bu zhes bya ba la/ gnyen gyi bu zhes bya ba ni ma'i ming yin la/ gcer bu zhes bya ba ni rang gi ming ste/ /rab tu 'byung ba'o/ /nye bar brtan cing gnas so zhes bya ba ni 'dug pa'o/ /chos kyi tshul zhes bya ba ni dngos po'i tshul te lung rnam par bzhag pa'o/ /slob ma gdams pa zhes bya ba ni lan bstan pa'o/ /tshangs par spyod pa zhes bya ba ni dka' thub kyi'o/ /'bras bu ni gang yin zhes bya ba ni/ dngos kyi 'bras bu las bsams te/ 'bras bu'i gtso bo mya ngan las 'das pa gang yin zhes bya ba'o/ /phan yon ni gang yin zhes bya ba ni zhar la byung ba'i 'bras bu las bsams pa ste gtso bo ma yin pa'i 'bras bu mtho ris la sogs gang yin zhes bya'o/ /'di ltar lta zhing zhes bya ba ni shes pa ste nang gi don nyid kyis so/ /'di skad smras te zhes bya ba ni tshig gis te gzhan la ston pas so/ /sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes par spyad pa med do/ /zhes bya ba'i tshig lngas ni rgyu'i dngos po 'gog par byed/ /de la byin pa zhes bya ba ni gzhan la phan gdags pa'i phyir byin pa'o/ /mchod sbyin zhes bya ba ni mchod pa'i phyir sbyin pa'o/ /sbyin sreg ces bya ba ni mer drugs pa'o/ /yang na byin pa zhes bya ba ni byin par bya ba'i dngos po'o/ /mchod sbyin zhes bya ba ni len pa'o/ /sbyin sreg ces bya ba ni sbyin par byed pa'o/ /yang na byin pa zhes bya ba ni yid kyis gtang ba gang yin pa'o/ /mchod sbyin zhes bya ba ni las kyi gdung ba gang yin pa'o/ /sbyin sreg ces bya ba ni len pa pos zos pa gang yin pa'o/ /legs par spyad pa zhes bya ba ni srog gcod pa la sogs pa spong ba'o/ /nyes par spyad pa zhes bya ba ni srog gcod la sogs pa'o/ /rgyu la skur pa 'deb pa'i log par lta ba 'di ni kun 'byung ba mthong bas spang bar bya ba yin no/ /'di'i kun nas slong ba ni bye brag ba'i gzhung las rtog ge pa dang/ snyoms par 'jug pa gnyis la lta ba'i rnam pa 'di 'byung bar brjod do/ /de la re zhig rtog ge ba ngag gi ni ser sna can rab tu mi sbyin pa'i ngang tshul can kha cig kyang 'byor pa dang longs spyod chen po dang ldan pa mthong la/ sbyin pa la mos pa rab tu sbyin pa'i ngang tshul can kha cig kyang dbul ba dang/ longs spyod chung ngu dang ldan par mthong nas de dag 'di snyam du sems te/ gal te sbyin pa'i 'bras bu yod par gyur na ser sna can rab tu mi sbyin pa'i ngang tshul can dbul ba dang/ longs spyod chung ngu dang ldan par 'gyur zhing/ sbyin pa la rab tu sbyin pa'i ngang tshul can dag ni 'byor pa dang/ longs spyod chen po dang ldan par 'gyur bar rigs na de lta ma yin te/ log par snang bas de'i phyir sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes par spyad pa med do/ /zhes de dag de ltar la zhing de skad smra'o// snyoms par 'jug pa dag gis ni ser sna can rab tu mi sbyin pa'i ngang tshul can kha cig kyang 'byor pa dang longs spyod chen po dang ldan pa'i khyim dag tu skye bar mthong la sbyin pa la mos pa rab tu sbyin pa'i ngang tshul can kha cig kyang dbul ba dang/ longs spyod chung ngu ldan pa'i khyim dag tu skye bar mthong nas de dag 'di snyam du sems te/ gal te sbyin pa'i 'bras bu spyod par gyur na ser sna can rab tu mi sbyin pa'i ngang tshul can dag dbul ba dang/ longs spyod chung ngu dang ldan pa'i khyim dag tu skye bar 'gyur zhing/ sbyin pa la mos pa rab tu sbyin pa'i ngang tshul can dag gi 'byor pa dang/ longs spyod chen po dang ldan pa'i khyim dag tu skye bar 'gyur ba'i rigs na de lta ma yin te/ log par snang bas de'i phyir sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes par spyad pa med do zhes de dag de ltar lta zhing de skad smra'o/ /legs par spyad pa dang nyes par spyad pa'i las rnams kyis 'bras bu dang rnam par smin pa med do zhes bya ba ni 'bras bu 'gog par byed do// nga la 'bras bu zhes bya ba ni bdag po'i 'bras bu'o/ /rnam par smin pa zhes bya ba ni rnam par smin pa'i 'bras bu'o/ /'bras bu skur pa 'debs pa'i log par lta ba 'di ni sdug bsngal mthong bas spang bar bya ba yin no/ /'di'i kun nas slong ba yang bye brag pa'i gzhung las rtog ge pa dang/ snyoms par 'jug pa gnyis la lta ba'i rnam par smin pa'i 'bras bu'o/ /de la re zhig rtog ga pa dag gis ni kha cig srog gcod kyang tshe ring ba dang/ ma byin pa len kyang longs spyod che ba dang/ gzhan la gnod pa byed kyang nad nyung bar mthong la kha cig srog mi gtsang kyang tshe thung ba dang/ ma byin par mi len kyang longs spyod chung ba dang/ gzhan la gnod pa mi byed kyang nang mang bar mthong nas de dag 'di snyam du sems te/ gal te legs par spyad pa dang/ nyes par spyad pa'i las rnams kyis 'bras bu dang/ rnam par smin pa yod par gyur na srog gcod pa ni tshe thung ba dang/ ma byin bar len pa ni longs spyod chung ba dang/ gzhan la gnod par byed pa ni nang mang bar 'gyur zhing/ srog mi gcod pa ni tshe ring ba dang/ ma byin pa ni mi len pa'i longs spyod che ba dang/ gzhan la gnod pa mi byed pa ni nad nyung bar 'gyur ba'i rigs na de lta ma yin te/ log par snang bas de'i phyir legs par spyad pa dang/ nyes par spyad pa'i las kyi 'bras bu dang/ rnam par smin pa med do zhes de dag de ltar lta zhing de skad smra'o/ /snyoms par 'jug pa dag gis ni kha cig srog gcod pa dang/ ma byin par len par dang/ gzhan la gnod pa byed kyang mtho ris dag tu skye bar mthong la/ kha cig srog mi gcod pa dang/ ma byin par mi len pa dang/ gzhan la gnod pa mi byed kyang ngan song dag tu skye bar mthong nas de dag 'di snyam du sems te/ gal te legs par spyad pa dang/ nyes par spyad pa'i las rnams kyis 'bras bu dang/ rnam par smin pa yod par gyur na/ srog gcod pa dang/ ma byin par len pa dang/ gzhan pa gnod par byed pa'i ngan song dag tu skye bar 'gyur zhing/ srog mi gcod pa dang/ ma byin par mi len pa dang/ gzhan la gnod pa mi byed pa ni mtho ris dag tu skye bar 'gyur ba'i rigs na de lta ma yin te/ log par snang bas de'i phyir legs par spyad pa dang nyes par spyad pa'i las kyi 'bras bu dang/ rnam par smin pa med do zhes de dag de ltar lta zhing de skad smra'o/ /'jig rten 'di med do/ /'jig rten pha rol med do/ /ma med do/ /pha med do/ sems can brdzus te skye ba med do/ zhes bya ba'i tshig lngas ni/ rgyu dang 'bras bu'i dngos po gnyis kar 'gog par byed do/ /de la 'jig rten 'di med do zhes bya ba ni 'jig rten 'di'i tshe phyi ma rgyu nyid du mi 'gyur ba'o/ /'jig rten pha rol med do zhes bya ba ni tshe phyi ma tshe 'di'i 'bras bu nyid du mi 'gyur pa'o// de ltar na rgyu dang 'bras bu'i dngos pos 'jig rten 'di dang 'jig rten pha rol gnyi ga mang ngo zhes bya ba'i tha tshig go / yang na 'jig rten 'di med do zhes bya ba ni tshe 'di la myong bar 'gyur ba'i las bskur pa 'debs so/ /'jig rten pha rol med do zhes bya ba ni skyes nas myong bar 'gyur pa dang/ lan grangs gzhan la myong bar 'gyur ba'i las la skur pa 'debs pa'o/ /rgyu dang 'bras bu la skur pa'i log pa'i lta ba 'di ni kun 'byung ba mthong bas spang bar bya ba dang/ sdug bsngal mthong bas spang par bya ba yin no/ /'di'i kun nas slong ba'i bye brag pa'i gzhung las mu stegs can snga na med pa dang/ zhig nas med par lta ba dag la lta ba'i rnam pa 'di 'byung bar brjod de/ de dag gis 'byung ba rnams snga na med pa la las 'byung zhing/ byung nas kyang zhig par mthong nas/ de dag 'di snyam su sems te/ ji ltar 'byung ba 'di dag ma byung ba las 'byung ba de bzhin du byung nas kyang 'jig par 'gyur ro snyam nas de'i phyir 'jig rten 'di med do/ /'jig rten pha rol med do zhes de dag de ltar lta zhing de skad smra'o/ /ma med do/ pha med do/ zhes bya ba ni bu yod par 'gyur ba'i las la skur pa 'debs so/ /yang na pha ma la lan du phan 'dogs pa'i rgyu las byung ba'i bsod nams la skur pa 'debs pa yin no/ /rgyu dang 'bras bu la skur pa 'debs pa'i log pa'i lta ba 'di ni kun 'byung ba mthong bas spang bar bya ba yin no/ /'di'i kun nas slong ba ni bye brag pa'i gzhung las mu stegs can gcig la cig med par lta ba dag la lta ba'i rnam pa 'di 'byung bar brjod de/ de dag 'di snyam du sems te/ pha ma gnyis kyis sprod pa las byung ba byed 'dod pa'i bsam pas phrad par gyur pa na mi 'dod bzhin du de las bu byung bar zad do/ /dper na lci ba dang/ mi gtsang ba dang/ ljan ljin dang/ 'dam rdzab dang/ rtswa dang/ chu dang/ rtswa sngon po la sogs pa dag tu srog chags dag skye ba de dag la pha yang med/ ma yang med pa bzhin no snyam ste/ de ltar yang/ dbang po rnams ni g.yo ba dang/ /bud med rnams ni dga' 'dod pas/ /zla mtshan dus su bdag skyes te/ /de la khyod kyis ci zhig byas zhes ji skad zer ba lta bu'o/ /sems can brdzus te skye ba med do zhes bya ba ni bar ma do'i srid pa 'gog par byed do/ /rgyu dang 'bras bu la skur pa 'debs pa'i log par lta ba 'di ni kun 'byung ba mthong bas spang bar bya ba dang/ sdug bsngal mthong bas spang bar bya ba yin no/ /'di'i kun nas slong ba'i bye brag pa'i gzhung las mu stegs can gtan med par lta ba la lta ba'i rnam pa 'di 'byung bar brjod do/ /'di dag gis sems can brdzus te skye ba gtan ma mthong nas/ de dag 'di snyam du sems te bar ma do'i srid pa de gtan med do snyam nas de'i phyir sems can brdzus te skye ba med do/ /zhes de dag de ltar lta zhing de skad smra'o/ /'jig rten na dgra bcom pa yang dag par rtogs pa yang dag par sgrub pa gang dag tshe 'di la rang gi mngon par shes pas 'jig rten 'di dang/ 'jig rten pha rol mngon sum du byas nas bsgrubs te/ bdag cag ni skye ba zad do/ /tshangs par spyad pa brten to/ bya ba byas so/ /srid pa 'di las gzhan mi shes so/ zhes go bar byed pa dag med do/ zhes bya ba ni thar pa'i lam 'gog par byed do/ /de la dgra bcom pa zhes bya ba ni khams gsum pa'i nyon mongs pa'i dgra bcom pa'i phyir rim 'gro ba mdza' dag gis mchod par 'os pa'i phyir ro/ /'phags pa'i lam la skur pa 'debs pa'i log pa'i lta ba 'di ni lam mthong ba las spang bar bya ba yin no/ / dgra bcom pa de'i bye brag bstan pa'i phyir yang dag par rtogs pa yang dag par bsgrub pa zhes bya ba gsungs te/ yang dag par rtogs pa zhes bya ba ni dgra bcom pa yang dag pa'i ye shes dang ldan pa rnams kyi rtog pa ni mya ngan las 'das pa yin no// mya ngan las 'das pa la skur pa 'debs pa'i log pa'i lta ba 'di ni 'gog pa mthong bas spang bar bya ba yin no/ /yang dag par bsgrub pa zhes bya ba ni lam bzhi po mdo sde las mngon par shes pa bul ba dka' ba'i lam yang yod/ mngon par shes pa bul ba sla ba'i lam yang yod/ mngon par shes pa myur ba dka' ba'i lam yang yod/ mngon par shes pa myur ba sla ba'i lam yang yod ces gsungs pa de dag phyin ci log par bsgrub pa la zhugs pa'i phyir ro/ /lam bsgrub pa bzhi po dag la skur pa 'debs pa 'di yang 'phags pa'i lam la skur pa 'debs pa'i log pa'i lta yin te/ lam mthong bas spang bar bya ba yin no/ /de dag gi bye brag bstan pa'i phyir/ gang dag tshe 'di nyid la bya ba la sogs pa gsungs te/ gang dag ces bya ba ni dgra bcom pa dag go / tshe 'di nyid la zhes bya ba ni mngon gsum gyi tshe nyid la'o/ /rang gi mngon par shes pas zhes bya ba ni bdag nyid kyis shes pa'o/ /'jig rten 'di dang 'jig rten pha rol zhes bya ba ni tshe 'di dang/ tshe byi ma 'am/ tshe 'di/ la myong bar 'gyur pa'i las dang/ skye nas myong bar 'gyur ba dang/ lan grangs gzhan las myong par 'gyur ba'i las so/ /mngon sum byas nas zhes bya ba ni mngon sum du byas nas zhes bya ba ni mngon sum du shes par byas nas te/ 'dis ni shes pa mngon sum du bya ba bstan to/ /bsgrubs te zhes bya ba ni shes pa dang ldan par gyur pa ste/ 'dis ni shes pa'i thob pa'i mngon sum du bya ba bstan to/ /bdag cig ni zhes bya ba ni nga cag gi zhes bya'o/ /skye ba zang ngo zhes bya ba ni 'dis ni sdug bsngal gyi bden pa bstan to// tshangs par spyad pa brten to/ /zhes bya ba ni 'phags pa'i lam spyad pa ste/ 'dis ni lam gyis bden pa bstan to/ /bya ba byas so zhes bya ba ni nyon mongs pa spangs pa ste/ 'dis ni 'gog pa'i bden pa bstan to/ /srid pa 'di las gzhan mi shes so zhes bya ba ni las kyi srid pa ste/ 'dis ni kun 'byung gi bden pa bstan to/ /go bar byed pa zhes bya ba ni shes par byed pa ste/ ci zhig shes par byed ce na/ bdag cag ni skye ba zang ngo/ /tshangs par spyad pa bstan to/ /bya ba byas so/ /srid pa 'di las gzhan mi shes so/ zhes bya ba de dag shes par byed do/ /de ltar na bdag ni skye ba zang ngo zhes bya ba la sogs pa 'dis ni dgra bcom pa rnams kyis zad pa dang mi skye ba shes pa bstan to/ /da ltar dgra bcom pa rnams kyi shes pa dang/ mthong ba la skur pa 'debs pa'i log pa'i lta ba 'di ni lam mthong bas spang bar bya ba yin no/ /'di'i kun nas slong ba ni bye brag pa'i gzhung las rtog ge dang/ snyoms par 'jug pa gnyis la lta ba'i rnam pa 'di 'byung bar brjod do/ /de la re zhig rtog ge pa dag gis dngos po rnams rtogs dang/ /brtan dang/ g.yung drung dang/ mi 'gyur ba dang/ rga shi med pa dang/ rga shis ma bcom par mthong nas de dag 'di snyam du sems te/ dngos po thams cad rtog pa dang/ brtan pa dang/ g.yung drung dang/ mi 'gyur ba dang/ rga shi med pa dang/ rga shis ma bcom pa'i yin no snyam nas de'i phyir 'jig rten na dgra bcom pa yang dag par sgrubs pa gang dag tshe 'di nyid la rang gi mngon par shes pas 'jig rten 'di dang/ 'jig rten pha rol mngon sum du byas nas bsgrubs te/ bdag cag ni skye ba zang ngo/ /tshangs par spyad pa bstan to/ /bya ba byas so/ /srid pa 'di las gzhan mi shes so/ /zhes go bar byed pa dag med do zhes de dag de ltar lta zhing de skad smra'o/ /snyoms par 'jug pa dag gis ni snyoms par 'jug pas bsam gtan dang po thob pa gang yin pa de bsam gtan gnyis pa thob pa dang/ 'du shes med 'du shes med min skye mched kyi bar du thob pa gang dag yin pa de dag gi yul nyams su ma myong bas/ de bsam gtan dang po de la dgra bcom pa'i 'du shes skye zhing/ gang gi tshe de de las yongs su nyams nas 'dod pa'i khams su skye ba dang/ bsam gtan dang po skye ba mthong ba de'i tshe na/ de 'di snyam du sems te 'jig rten na dgra bcom pa med do snyam nas de'i tshe 'jig rten na dgra bcom pa yang dag sgrub pa gang dag tshe 'di nyid la rang gi mngon par shes pas 'jig rten 'di dang 'jig rten pha rol mngon sum du byas nas bsgrubs te/ bdag cag ni skye ba zang ngo/ /tshangs par spyad pa bsten to/ /bya ba byas so/ /srid pa 'di las gzhan mi shes so/ zhes go bar byed pa dag med do de dag ltar lta zhing de skad smra'o// ji ltar ma byin pa la sogs pa med cing de dag med pa 'di la rgyu gang zhe na/ de'i phyir srog ni 'di nyid la 'tsho zhing de phyis chad par 'gyur zhig par 'gyur te/ shi ba'i 'og tu mi 'gyur ro zhes bya ba smras te/ gang gi phyir srog dag ni tshe 'di nyid la 'tsho 'dug cing srog de phyis 'jug tu shes pa'i bdag nyid kyis zhig cing zad par 'gyur la/ gzugs kyi bdag gyis zhig cing chung za bar 'gyur te/ shi ba'i 'og tu shes pa'i bdag nyid dang/ gzugs kyi bdag nyid gnyi ga chad par 'gyur zhing mi 'byung ba 'am yang na bya bas chad par 'gyur la/ lus kyi zhig par 'gyur te/ shi ba'i 'og tu yang skye ba mi len pa'i mi 'byung ba de'i phyir byin pa la sogs pa med do/ /zhes bya ba'i tha tshig go /'o na de gang du 'gro bar 'gyur zhe na/ de'i phyir skyes bu'i lus ni 'byung ba chen po bzhi las 'gyur ba yin te/ de ni gang gi tshe dus byed pa de'i sa'i lus ni sa'i bag la zha/ chu'i lus ni chu'i/ me'i lus ni me'i/ rlung gi lus ni rlung gi bag la zha bar 'gyur ro/ /dbang po rnams ni nam mkha' i rjes su 'gro bar 'gyur ro// skyes bu'i ro ni khri dang lnga'i mi dag gis khyer te/ dur khrod du 'gro zhing bsregs phan chad mi mngon par 'gyur ro/ /bsreg bya bag ni thal bar 'gyur ro/ /rus pa dag ni thi ba'i mdog 'dra bar gnas so/ /zhes bya bar smra ste/ re zhig bdag ni chad par 'gyur na skyes bu'i lus 'di gar 'gro zhe na/ skyes bu'i lus 'byung ba chen po bzhi las 'dus byas pa gang yin pa de ni 'chi ba'i dus ni 'byung ba chen po bzhi po bag la zha bar 'gyur ro/ /mig la sogs pa dbang po rnams ni nam mkha' i bag la zha bar 'gyur te/ dbang po snang ba'i rang bzhin rnams rten gyi 'byung bo chen po dang bral ba na nam mkha' i khams gsal ba'i rang bzhin can gyis rjes su 'gro ste dper na shing ljon pa rdib pa na bya dag nam mkha' la/ 'gro ba bzhin no/ /ro ni ro bzhag pa'i khri dang de 'degs pa'i mi bzhi khri dang/ lnga'i mi dag gis khyer te dur khrod du mer bsregs phan chad mi mngon par 'gyur ro/ /khrag dang sha la sogs pa bsreg bya dag ni thal bar 'gyur ro/ /bsregs pa'i lhag ma so la sogs pa'i rus pa'i rus pa bsnum bag can dag ni thi ba'i mdog 'dra bar gnas la/ snum bag med pa dag ni dung gi mdog 'dra bar gnas te/ skyes bu'i 'gro ba ni de lta bu yin no/ /de lta bas na byed pa po dang/ za ba po dang shes pa po'i lus ni 'di nyid du zhig ste/ 'jig rten pha rol tu mi 'gro bas de'i phyir 'bras bu zab mo med pas/ byin pa la sogs pa med do/ /'o na sbyin pa dang/ len pa dag gsum dag bstan ce na/ de'i phyir 'di ltar rmongs pa nye bar bstan pa ni sbyin la mkhas pa nye bar bstan pa ni legs so zhes bya ba smras te/ rmongs pa zhes bya ba ni blun pa'o/ /nye bar bstan pa zhes bya ba ni dang po 'ga' zhig gi sbyin pa byin cig ces nye bar bstan pa ste/ de ni rmongs pa yin pas dang po 'ga' zhig gis nye bar bstan pa'i dring 'jog cing mi phan bzhin sbyin par byed do/ /mkhas pa zhes bya ba ni shes rab can no/ nye bar bstan pa zhes bya ba ni dang po 'ga' zhig gis long zhig ces nye bar bstan pa ste/ de ni mkhas pa yin pas dang po 'ba' zhig gis nye bar bstan pa rjes su 'brang zhing 'phral gyi thob rgyal gyi zug zug du len par byed do/ /zhes bya ba'i tha tshig go / 'o na yod par smra ba dag gis 'jig rten pha rol la sogs pa ma bstan nam zhe na/ de la gang dang yod par smra ba de dag thams cad ni gso ba/ gsog rdzun du smra ba dag yin no/ /zhes bya ba smras te/ yod pa ra smra pa zhes bya ba ni 'jig rten pha rol la sogs pa yod par smra'o/ /gsob ces bya ba ni brjod par bya bas stong pa'i phyir ro/ /gsog ces bya ba ni dgos pa'i snying po med pa'i phyir ro/ /rdzun zhes bya ba ni log par 'du shes pa'i phyir ro/ /'o na da lta 'dzangs ngan la sogs pa med dam zhe na de'i phyir 'di ltar byis pa dang mkhas pa de gnyis ni phyis chang par 'gyur zhig par 'gyur te/ shi ba'i 'og tu mi 'byung ngo/ zhes bya smras te/ chad par 'gyur zhes bya ba ni bar ma do'i srid pa la gnas pa'o/ /zhig par 'gyur zhes bya ba ni dus snga mi'i srid pa la gnas pa'o/ /mi 'byung zhes bya ba ni skye ba'i srid pa gnas pa'o/ /de ltar lta ba 'di dag ni chad par lta ba'i log pa'i ngo bo nyid yin te kun 'byung ba mthong bas spang bar bya ba yin no/ /'di'i kun nas slong ba ni bye brag pa'i gzhung las mu stegs can chad par smra ba lta ba dag la lta ba'i rnam pa 'di 'byung bar brjod do/ /de dag yang 'byung ba'i srid pa ni med de mngal na gnas pa'i skye ba'i dngos po yi/ 'chi ba ni skye ba'i tha ma yin par lta bas de dag la yang 'byung ba'i srid par phan par byed pa'i sems rtas pa mi byad cing/ sems can rnams kyi tshe phyi ma med par sems pas de'i phyir srog ni 'di nyid la 'tsho zhing/ de phyis chad par 'gyur zhig par 'gyur te/ shi ba'i 'og tu mi 'gyur ro/ zhes bya ba la gogs pa de ltar lta zhing de skad smra'o/ /lam gol bar zhugs pa zhes bya ba ni yang dag pa'i shes pa spangs par 'gyur ba'o/ /lam ngan pa legs par bsgrub zhes bya ba ni lam log pa lus dang ngag gnyis kyi rjes su sgrub par byed ces bya ba'i tha tshig go /lam 'jigs pa dang bcas pa ji ltar bzhin du zhes bya ba ni der song nas 'jigs pa dang phrad par 'gyur bas len? de snga nas spang bar bya dgos pa bzhin du'o/ /blo ngan zhes bya ba ni shes pa ste nang gi de kho na nyid kyis so/ /log par ston par byed pa zhes bya ba ni tshig gis te/ gzhan la ston pas so/ /dman pa zhes bya ba ni byis pa'o/ /ston par grags pa ste/ zhes bya ba ni ston pa ma yin par grags pa'o/ /gang zhig zhes bya ba ni ston pa de'o/ /chos 'di de 'dra ba zhes bya ba ni med pa nyid dang chad par lta ba'o/ /de'i chos min ci zhig 'dra zhes bya ba ni chos de bas chos dman pa'i chos ma yin pa med pa'i phyir de'i chos ma yin pa mi srid do/ zhes bya ba'i tha tshig go /zhes smras pa zhes bya ba ni de skad ces nas smras so/ /snod stong pa bzhin du brdabs te zhes bya ba ni rdzas kyi stong pa'i snod sor mo la sogs pas brdabs te/ sgra phyung na nang na rdzas med par shes pa bzhin du ston pa de yang brgal zhing brtag pa'i tshig gis brdabs te/ rang gi gzhung lugs smras pa'i sgra byung na blo'i nang na don gyi rjes med par shes so/ zhes bya ba'i tha tshig go / rdzogs byed kyi lta ba'i rnam pa bshad zin to/ /sems can rnams kun nas nyon mongs par 'gyur ba la rgyu med rkyen med do/ /sems can rnams rgyu med rkyen med par kun nas nyon mongs par 'gyur ro/ zhes bya ba 'dis ni 'jug pa'i rgyu 'gag par byed do/ /de la kun nas nyon mongs par 'gyur ba la zhes bya ba ni skye ba la sogs pa'i sdug bsngal du 'gyur ba la'o/ rgyu med ces bya ba ni nang gi goms pa la sogs pa'i byed rgyu med pa'o/ /rkyen med ces bya ba ni pha rol gyi dam pa ma yin pa'i chos nyon pa la sogs pa'i byed rgyu med pa'o/ /'jug pa'i rgyu 'gog pa'i log pa'i lta ba 'di ni kun 'byung mthong bas spang bar bya ba yin no/ /'di'i kun nas slong pa'i bye brag tu smra ba'i gzhung las mu stegs can rgyu med par lta ba dag la lta ba'i rnam pa 'di 'byung bar brjod de/ 'di ni mu stegs can kha cig gis dgon pa na 'dug pa dag kun nas nyon mongs par 'gyur zhing grong na 'dug pa dag rnam par 'gyur bar mthong nas de dag 'di snyam du sems te/ gal te kun nas nyon mongs par 'gyur ba rgyu dang bcas pa yin na grong na 'dug pa dag kun nas nyon mongs par 'gyur zhing/ dgon pa na 'dug pa dag rnam par dag par 'gyur ba'i rigs na/ de lta ma yin te/ log par snang bas/ de'i phyir sems can rnams kun nas nyon mongs par gyur pa la rgyu med rkyen med do/ /sems can rnams rgyu med rkyen med par kun nas nyon mongs par 'gyur zhes de dag de ltar lta zhing/ de skad smra'o/ /sems can rnams rnam par dag par 'gyur ba la rgyu med rkyen med do/ /sems can rnams rgyu med rkyen med par dag par 'gyur ro/ zhes bya ba 'dis ni log pa'i rgyu 'gog par byed do/ /de la rnam par dag par 'gyur ba la zhes bya ba ni 'khor ba las rnam par grol bar 'gyur ba la'o/ /log pa'i rgyu 'gog pa'i lta ba 'di ni lam mthong bas spang bar bya ba yin no/ /'di'i kun nas slong ba ni bye brag tu smra ba gzhung las mu stegs can rgyu med par lta ba dag la lta ba'i rnam pa 'di 'byung bar brjod de/ 'di na mu stegs can kha cig gis grong na 'dug pa dag rnam par dag par 'gyur zhing dkon pa na 'dug pa dag? kun nas nyon mongs par mthong nas de dag 'di snyam du sems te/ gal te rnam par dag par 'gyur ba rgyu dang bcas pa yin na/ dgon pa na 'dug pa dag rnam par dag par 'gyur zhing grong na 'dug pa dag kun nas nyon mongs par 'gyur ba'i rigs na de lta ma yin te/ log par snang bas de'i phyir sems can rnams rnam par dag par 'gyur ba la rgyu med rkyen med do/ /sems can rnams rgyu med rkyen med par rnam par dag par 'gyur ba'o/ /zhes de dag de ltar lta zhing de skad smra'o/ /sems can rnams shes pa med par 'gyur ba dang mthong ba med par 'gyur ba la rgyu med rkyen med do/ /sems can rnams rgyu med rkyen med par shes pa med pa dang mthong ba med par 'gyur ro/ zhes bya ba 'dis ni 'jug pa'i rgyu nyid du 'dod pa shes pa med pa dang/ mthong ba med pa rgyu nyid ma yin par 'gog par byed do/ /de la shes pa med pa zhes bya ba ni ngo bo nyid mi rtogs pas so/ /mthong ba med pa zhes bya ba ni bye brag mi rtogs pa'o/ /shes pa med pa dang/ mthong ba med pa 'jug pa'i rgyu nyid ma yin par 'gog pa'i log pa'i lta ba 'di ni kun 'byung ba mthong bas spang bar bya ba yin no/ /'di'i kun nas slong ba ni bye brag tu smra ba'i gzhung las mu stegs can 'jug pa'i rgyu med par lta ba dag la lta ba'i rnam pa 'di 'byung bar brjod de/ 'di ni mu stegs can kha cig gis shes pa med pa dang/ mthong ba med par bya ba'i phyir 'ga' yang rtsol bar mi byed kyang sems can rnams shes pa med pa dang/ mthong ba med par 'gyur bar mthong nas de dag 'di snyam du sems te/ sems can rnams shes pa med pa dang/ mthong ba med pa 'gyur ba la rgyu med rkyen med do/ /snyam nas de'i phyir sems can rnams shes pa med par 'gyur ba dang/ mthong ba med par 'gyur ba la rgyu med rkyen med do/ /sems can rgyu med rkyen med par shes pa med pa dang/ mthong ba med par 'gyur ro/ /zhes de dag de ltar lta zhing de skad smra'o/ /sems can shes par 'gyur ba dang/ mthong bar 'gyur ba la rgyu med rkyen med do/ /sems can rnams rgyu med rkyen med par shes pa dang/ mthong bar 'gyur ro/ zhes bya ba 'dis ni ldog pa'i rgyu nyid du 'dod pa shes pa dang/ mthong ba rgyu nyid ma yin pa 'gog par byed do/ /de la shes pa zhes bya ba ni ngo bo nyid rtogs pa'o/ /mthong ba zhes bya ba ni bye brag rtogs pa'o/ /shes pa dang mthong ba ldog pa'i rgyu nyid ma yin 'gog pa'i log pa'i lta ba 'di ni lam mthong bas spang bar bya ba yin no/ /'di'i kun nas slob pa ni bye brag tu smra ba'i gzhung las mu stegs can ldog pa'i rgyu med par lta ba dag la lta ba'i rnam pa 'di 'byung bar brjod de/ 'di ni mu stegs can kha cig gis shes pa dang mthong bar bya ba'i phyir kha cig gis bsal kyang sems can 'gas kyang shes pa dang mthong ba thob par ma mthong nas de dag 'di snyam du sems te/ sems can rnams shes pa dang mthong bar 'gyur ba la rgyu med rkyen med do/ snyam nas de'i phyir sems can rnams shes par 'gyur ba dang/ mthong bar 'gyur ba la rgyu med rkyen med do/ /sems can rnams rgyu med rkyen med par shes pa dang/ mthong bar 'gyur ro/ /zhes de dag de ltar lta zhing de skad smra'o/ /stobs med do// brtson 'grus med do/ /stobs dang brtson 'grus med do/ /zhes bya ba la sogs pa la stobs zhes bya ba ni lus kyi nus pa'o/ /brtson 'grus zhes bya ba ni yid kyi spro ba'o/ /de gnyis ka bsdus pa ni stobs dang brtson 'grus so/ /skyes bu'i rtsal ces bya ba ni skyes bu'i zho sha ste/ rang gis nus pa'o/ /pha rol gnon pa zhes bya ba ni thabs kyi nus pa'o/ /de gnyis ka bsdus pa ni skyes bu'i rtsal dang pha rol gnon pa'o/ /bdag gis rtsal zhes bya ba ni bdag nyid kyis nus pa'o/ /gzhan gyi rtsal zhes bya ba ni pha rol gyi nus pa'o/ /de gnyis ka bsdus pa ni bdag gi rtsal dang gzhan gyi rtsal lo/ /'dis ni rang dang gzhan dang gnyis kas byas pa'i bde ba dang sdug bsngal bsal bar shes par bya'o/ /gal te gzhan gyis byas pa bkag na de nas de nyes pa med do/ zhes zer ro/ /rang gi las kyi bya ba bkag pa ni kun 'byung ba mthong bas spang bar bya ba'i log pa'i lta ba yin no/ /sems can zhes bya ba ni lha dang mi ste/ snying stobs dang ldan pa'i phyir ro/ /srog chags zhes bya ba ni dud 'gro'i skye gnas su skyes pa'i srog chags te/ srog tsam 'dzin pa'i phyir ro/ /'byung po zhes bya ba ni yi dags la sogs pa mi snang ba'i srog chags te/ yang dag pa'i don ston pa'i phyir ro/ /mthu med ces bya ba ni yid kyi stobs dang bral ba'o/ /stobs med ces bya ba ni lus kyi stobs dang bral ba'o/ /dbang po med ces bya ba ni 'dod pa'i stobs dang bral ba'o/ /brtson 'grus med ces bya ba ni spro ba dang bral ba'o/ /pha rol gnon pa med ces bya ba ni thabs kyi stobs dang bral ba'o/ /'gro ba mtshams sbyor ba'i srid pa bdag nges par gyur to/ zhes bya ba la/ 'gro ba mtshams sbyor ba'i srid pa zhes bya ba ni 'gro ba drug pa dag 'khor bar mtshams sbyor ba'i srid pa'o/ /nges par zhes bya ba ni bstan pa ste/ lha gang dag yin pa de dag kyang lha nyid du mtshams sbyor ba/ mi gang dag yin pa de dag kyang mi nyid du mtshams sbyor ba la sogs pas/ 'gro ba nang 'khrul ba med pa'o/ /gyur to zhes bya ba ni de ltar rnam par gnas so/ zhes bya ba'i tha tshig go /gang gi phyir de lta ma yin pa'i phyir 'byung po thams cad ni 'di ltar 'gro ba drug po dag tu bde ba dang sdug bsngal so sor myong bar 'gyur ro/ zhes bya ba smras te/ nang 'khrul pa med par so sor 'khor zhes bya ba'i tha tshig go /'di lta ma yin gyi 'gro ba ni drug pa yin no/ /de dag gis chos thams cad kyi nus pa 'gog par byed do/ /de la bde ba zhes bya ba ni bde ba'i tshor ba'o/ /sdug bsngal zhes bya ba ni sdug bsngal gyi tshor ba'o/ /so sor myong bar 'gyur ro/ /zhes bya ba ni nyams su myong bar 'gyur ro/ /de dag gang du nges par 'gyur zhes na/ de'i phyir 'di ltar 'gro ba ni drug po dag tu zhes bya ba smras so/ /bye brag tu smra ba'i gzhung las ni rigs btsun pa drug pa dag ces 'byung ste/ de la rigs btsun pa drug ni nag po'i rig btsun pa ni bshad pa la sogs pa'o/ /sngon po'i rigs btsun pa ni rab tu 'byung ba gcer bu ba dag go / ser po'i rigs btsun pa ni rab tu 'byung ba gcer bu pa zhes bya ba dag go /ser po'i rigs btsun pa ni rab tu 'byung ba kun tu 'tsho zhes bya ba dag go /dmar po'i rigs btsun pa ni shAkya'i sras kyi dge slong dag go /dkar po'i rigs btsun pa ni kun tu 'tsho ba'i nyan thos khyim pa dag go / mchog tu dkar pa'i rigs btsun pa ni nan dan dang/ bad sya dang/ kri gi dang/ su kri ki dang/ gnag lhas kyi bu kun tu rgyu zhes bya ba dag go /de ltar na sems can de dag ni rigs btsun pa drug po de dag tu bde ba dang/ sdug bsngal so sor myong bar 'gyur zhes bya ba'i tha tshig go /de ltar na 'dis ni zag pa'i stobs dang brtson 'grus bkag ste/ de'i phyir log pa'i lta ba 'di ni kun 'byung ba mthong bas spang bar bya ba yin no/ /zag pa med pa'i stobs dang/ brtson 'grus 'gog par byed pa'i log pa'i lta ba ni lam mthong bas spang bar bya ba yin no/ /'di'i kun nas slong ba ni bye brag tu smra ba'i gzhung las mu stegs can chos thams cad kyi nus pa 'gog par byed pa dag la lta ba'i rnam pa 'di 'byung bar brjod de/ 'di na mu stegs can de dag gi kha cig longs spyod kyi dbang phyug sgrub pa'i phyir brtsal ba chen po byed kyang de dag gis mi 'grub la/ kha cig brtsal ba mi byed pas kyang longs spyod kyi dbang phyug 'grub par mthong nas de dag 'di snyam du sems te/ stobs med do/ /brtson 'grus med do/ /stobs dang brtson 'grus med do/ /skyes bu'i rtsal med do/ /pha rol gnon pa med do/ /skyes bu'i rtsal dang pha rol gnon pa med do/ /bdag gi rtsal med do/ /gzhan gyi rtsal med do/ /bdag gi rtsal dang gzhan gyi rtsal med do/ /sems can thams cad dang/ srog chags thams cad dang/ 'byung po thams cad mthu med do/ /stobs med/ dbang med/ brtson 'grus med/ pha rol gnon pa med do/ /'gro ba mtshan sa sbyor ba'i srid pa dag nges par gyur to/ /'di ltar 'gro ba drug po dag tu bde ba dang/ sdug bsngal so sor myong bar 'gyur ro/ zhes de dag de ltar lta zhing de skad smra'o/ /de'i phyir mu stegs can dag /gang gis tsher ma rnon por byas/ /bya dang ri dags gang gis bris/ /'byung ba 'di kun rgyu med do/ /'jig rten dbang med 'dod byed min shes zer ro/ /chos 'di de 'dra ba zhes bya ba ni rgyu las skur pa 'debs ba dang/ lam la skur pa 'debs pa dang/ thar pa la skur pa 'debs pa zhes bya ba'i tha tshig go /kun tu rgyu ba'i lta ba'i rnam pa bshad zin to// //bam po gsum pa/ /byed pa dang byed du 'jug pa zhes bya ba la sogs pa la/ byed pa zhes bya ba ni/ srog gcod pa la sogs pa dag gis byed pa'o/ /byed du 'jug pa zhes bya ba ni srog gcod pa la sogs pa gzhan du byed du 'jug pa ste/ de la gzhi de las sdig pa yang med/ gzhi de las sdig par 'gyur ba yang med do/ zhes 'gog nas 'byung ba'i byed pa'i tshig de dang sbyar bar bya ste/ sogs pa med pa'i phyir sdig pa med pa la/ sdig pa skye ba med pa'i phyir sdig par gyur pa yang med do/ /zhes bya ba'i tha tshig go /gcod pa dang gcod du 'jug pa la sogs pa lhag ma rnams la yang de bzhin du sbyar ro/ /gcod pa dang gcod du 'dud pa la sogs pa lhag ma rnams la yang de bzhin du sbyar ro/ /gcod pa dang gcod du 'dud pa zhes bya ba'i lag pa dang/ shing ljon pa la sogs pa'o sreg pa dang sreg du 'jud pa zhes bya ba ni sems so/ /brdeg pa dang brdeg du 'jud pa zhes bya ba ni dbyug pa la sogs pas so/ /srog chags la 'tsho ba zhes bya ba ni dug la sogs pas gsod par byed pa'o/ /ma byin par len pa zhes bya ba ni rku sems kyis len pa'o/ /'dod pa dag la log par spong ba zhes bya ba ni/ 'dod pa dag la log par g.yem pa'o/ /shes bzhin du rdzun smra ba zhes bya ba ni blo sngon du btang te rdzun smra ba'o/ /myos par 'gyur ba'i btung ba 'thung ba zhes bya ba ni chad dang/ bcos pa'i chang myos par 'gyur ba bag med pa'i gnas 'thung pa'o/ /khyim 'bigs pa zhes bya ba ni khyim dang ra ba la sogs pa'i rtsig pa 'bigs pa'o/ /mdud pa 'grol ba zhes bya ba ni shing thags la sogs pa'i sgo 'byed pa dang/ sprogs ma la sogs pa'i 'byed pa'o/ /ril gyis 'phrog pa zhes bya ba ni ma lus par 'phrog pa'o/ /lam 'gog cing 'dug pa zhes bya ba ni gags byed pa 'am/ lam gol bar song bar 'joms pa'o/ /grong 'joms par byed pa zhes bya ba ni zong bkram pa med pa'i gnas 'joms par byed pa'o/ /grong khyer 'joms par byed pa zhes bya ba ni zod bkram pa yod pa'i gnas 'joms par byed pa'o/ /yul 'joms par byed pa zhes bya ba ni yul ma rungs par byed pa'o/ /'khor lo'i spu gri las byas pas zhes bya ba ni spu gri'i so dang 'dra bar rnon pos zhes bya ba'i tha tshig go / gcod pa zhes bya ba ni thad kar gcod pa'o/ /'tsheg pa zhes bya ba ni tshal gnyis su 'tsheg pa'o/ /brdung pa zhes bya ba ni til bzhin du phyi mar brdung ba'o/ /'dral ba zhes bya ba ni gzhog pa'o/ /thang ma zhes bya ba ni bkram pa'i phung po'o/ /tshogs zhes bya ba ni bshigs pa'i phung po'o/ /bungs zhes bya ba ni tshoms dag gi phung po'o/ /phung po zhes bya ba ni zlum po las gzhan pa'i tshoms so/ /chu klung gang+gA'i lho nas zhes bya ba ni/ chu klung gaM gA dang nye ba'i lho'i ngos nas zhes bya ba'i tha tshig go /byang nas zhes bya ba yang chu klung gaM gA dang nye bya'i byang gi ngos nas so/ sbyin pa zhes bya ba ni rdzas gtong pa'o/ /mchod sbyin zhes bya ba ni rtas gsang gi mchog sbyin la sogs pa byed pa'o/ dul ba zhes bya ba ni ting nge 'dzin to/ /yang dag par sdom pa zhes bya ba ni tshul khrims so/ /don spyod pa zhes bya ba ni gzhan la phan 'dogs par byed do/ /don mthun pas zhes bya ba ni 'bras bu mthun pa nyid kyis so/ /da ltar byed pa yang zhes bya ba la sogs pa ni da sbyin pa la sogs pa byed pa yang bsod nams mi byed pa kho na yin no/ zhes bya ba'i tha tshig go /de ltar rgyu dang 'bras bu la skur pa 'debs pa'i log par lta ba 'di ni kun 'byung ba dang sdug bsngal mthong bas spang bar bya ba yin no/ /'di'i kun nas slong pa ni bye brag tu smra ba'i gzhung las mu stegs can rgyu dang 'bras bu la skur pa 'debs pa dag la lta ba'i rnam pa 'di 'byung bar brjod de/ de dag 'di skad ces chu klung gaM gA'i ngos gnyis nas lha'i gnas nas gnod sbyin gyi gnas na yod pas chu klung gaM gA'i lho nas kun tu spyod par byed/ kun tu 'tsheg par byed kun tu brdung bar byed/ kun tu 'dral bar byed cing 'gro ba ni gnod sbyin gyis byed du bcug pa yin pas gzhi de las sdig pa dang sdig par 'gyur ba yang med do/ /chu klung gaM gA'i byang nas sbyin pa byed/ mchod sbyin byed cing 'gro ba ni lhas byed du bcug pa yin pas gzhi de las bsod nams dang bsod nams 'gyur ba yang med do/ /zhes de dag de ltar lta zhing de dag smra'o/ /de chos 'di 'dra ba zhes bya ba bsod nams dang sdig pa med pa dang/ rgyu dang 'bras bu la skur pa 'debs zhes bya ba'i tha tshig go / yang dag par rgyal ba can gyi lta ba'i rnam par bshad zin to/ /lus bdun po zhes bya ba ni cha bdun po 'am dngos po bdun po ste/ yod pa'i sgrar brjod par bya zhes bya ba'i tha tshig go /ma byas pa zhes bya ba ni tshangs pa la sogs pa 'byin pa ba rang gi ma byas pa'o/ /byas pas ma byas pa zhes bya ba ni tshangs pa pas byas pa'i skye dgu'i bdag po la sogs pas ma byas pa'o/ /ma sprul pa zhes bya ba ni tshangs pa la sogs rgyu med par 'dod pa'i dbang gi ma blang ba'o/ /sprul pas ma byas pa zhes bya ba ni tshangs pa la sogs pas sprul pa'i skye dgu'i bdag po la sogs pas rgyu med par 'dod pa'i dbang gi ma bslang pa'o/ /gnod par bya ba ma yin pa zhes bya ba ni bsnun par mi nus pa'o/ /ji ltar zhen de'i phyir ther zug tu gnas pa zhes bya ba gsungs te/ ngo bo nyid gcig tu gnas pa bstan pa'i phyir gnod pa bya ba ma yin zhes bya ba'i tha tshig go /ka ba bzhin du gnas pa zhes bya ba ni ka'i rnam pa ltar mi 'gyur ba'o/ /srog gson pa nyid ces bya ba ni nang gi skyes bu srog gi rang bzhin du gson pa'o/ /bsod nams su 'gyur ba'i phyir zhes bya ba ni phan 'dogs pa'i sgo nas/ bsod nams su 'gyur ba'i phyir ro/ /sdig par 'gyur ba'i phyir zhes bya ba'i gnod pa med pa'i sgo nas sdig par 'gyur ba'i phyir ro// bsod nams dang sdig par 'gyur ba'i phyir ro/ /zhes bya ba ni phan 'dogs pa dang gnod pa byed pa'i sgo nas gnyis kar 'gyur ba'i phyir ro/ /g.yo bar mi byed ces bya ba ni 'gul bar mi byed pa'o/ /rnam par 'gyur bar mi byed ces bya ba ni gzhan du 'gyur ba mi byed pa'o/ /gcig la gcig gnod par mi byed ces bya ni phan tshun gnod par mi byed do/ /'o na brdeg pa la sogs pas rnam par 'gyur snang ngo/ /snyam du dogs pa'i phyir skyes bu gang gis zhes bya ba la sogs pa smras so/ /g.yo ba zhes bya ba ni mi la sogs pa sems pa dang bcas pa'o/ /gnas pa zhes bya ba ni shing ljon pa la sogs pa sems pa med pa'o/ /ji ltar na skyes bu skyes bu'i mgo gcod par byed pas 'jig rten na g.yo ba 'am gnas pa la gnod pa cung zad kyang mi byed na/ de'i phyir lus bdun po dag la bar med par mtshon thal byung du 'gro zhes bya ba la sogs pa smras te/ bar med pa zhes bya ba ni bu gu med par ro/ /gang gi phyir lus bdun po rtag pa dag la bar ma byas pa nyid du mgo gcod par byed pa'i mtshon thal byung du 'gro ba dang gang phyir de la gnas srog chags gnod pa byar mi nus so/ /dus nges pa yin pa de'i phyir gnod pa cung zad kyang mi byed do/ /da ltar gnod pa med na lus rnam pa bdun po de dag la gnod par byed pa yang med par bstan pa'i phyir de la gsod par byed pa 'am/ zhes bya ba la sogs pa smras so/ /gsod par byed pas zhes bya ba ni rang gi lag pas so/ /gsod du bcug pa zhes bya ba ni gzhan gyi lag pas so/ /skul bar byed pa zhes bya ba ni bskul bas brdeg pa la sogs pa la 'jug pa'o/ /bskul du bcug pa zhes bya ba ni gzhan gyis so/ /dran par byed pa zhes bya ba ni bsod nams bya ba 'am/ sdig pa bya ba nyid kyis mi brjed pa byed pa'o/ /dran par byed du bcug pa zhes bya ba ni gzhan gyis so/ /rnam par rig par byed pa zhes bya ba ni rang nyid smra ba'o/ /rnam par rig par byed du bcug pa ni gzhan gyis so/ /de ltar de dag ni mdza' 'dzin pa'i lta ba rtag par lta bas bsdus pa ste/ sdug bsngal mthong bas spang bar bya ba yin no/ /'di'i kun nas slong ba'i bye brag tu smra ba'i gzhung las mu stegs can dag gis 'byung ba chen po'i rgyud dang/ bde ba dang/ sdug bsngal gyi rgyu la rag las pa dang/ rkyen la rag las pa dang/ byed rgyu la rag las pa dang/ gzhan dang gzhan ma yin pa ma dmigs shing/ rnam par shes pa srog gi 'ang shes pa srog gi 'ang shes pa srog gi 'du shes can rnams la lta ba'i rnam pa 'di 'byung bar brjod do/ skye nas gtso bo dang ldan pa khri bzhi stong zhes bya ba ni gnas kyi gtso bo dag ste/ ji ltar bdag cag gi skye gnas gtso bo sgo nga las skye ba la sogs pa bzhi po dag tu sems can skye bar 'gyur ba de bzhin du mu stegs can rnams kyi skye nas gtso bo dang pa dang/ khu byug dang/ khrung khrung la sogs pa skye gnas nas skye pa khri bzhi stong 'dod de/ sems can re res kyang de dag tu skye bar bya dgos so zer ro/ /rtog pa chen po drug khri dang drug brgya zhes bya ba ni lta ba'i rnam pa gtso bo drug khri dang/ drug brgya ste/ sems can re res kyang de dag skye bar bya dgos so/ /lta ba'i rnam pa la rtog pa zhes bya ste/ log par rtogs pa'i phyir ro/ /las lnga zhes bya ba ni skye gnas gtso bo de dag thob par byed pa'i las lnga'o/ /bram ze gsod pa dang/ ba lang gsod pa dang/ gser rku ba dang/ bla ma'i chung ma'i gnas su 'gro ba dang/ chang 'thung ba sdig to chen po lnga dag go /gzhan de dag gi las la ste/ 'deg pa dang/ 'jog pa dang/ brkyang pa dang/ bskum pa dang/ 'gro ba'o/ /lam gsum po zhes bya ba ni lus dang/ ngag dang/ yid kyi nyes pa dag go/ las gnyis zhes bya ba ni/ rang gis byas pa dang/ gzhan gyis byas pa'o/ /gzhan yang las gnyis te/ sems pa'i las dang/ bsams pa'i las so/ /las dang las byed ces bya ba ni ji ltar bdag gi las gnyis pa'o/ /ris mthun pa'i 'phen pa'i las dang/ ris mthun pa rdzogs par byed pa'i las gnyis dang 'dra bar de dag gis las gnyis te/ zung dang zung ma yin pa'o/ /de la zung ni bsams pa dang/ byas pa gang yin pa ste de ni las so/ /zung ma yin pa ni bsam pa nyid yin la/ ma byas pa gang yin pa ste/ de ni las phyed yin no/ /yang sdig to'i las dang/ sdig to nye ba'i las de/ de la sdig to'i las ni 'di lta ste/ bram ze gsod pa dang/ ba lang gsod pa dang/ gser rku ba dang/ bla ma'i chung ma'i gan du 'gro ba dang/ chang 'thung ba ste/ de ni las yin no/ /sdig to dang nyes pa'i las ni de la gzhan pa dag ste/ de ni mngon las phyed yin no/ /lam drug cu rtsa gnyis zhes bya ba ni bdag cag gi rnam par dag pa'i lam bzhi po mngon par shes pa 'bul ba dka' ba'i lam dang/ mngon par shes pa myur ba dka' ba'i lam dang/ mngon par shes pa bul ba sla ba'i lam dang/ mngon par shes pa myur ba sla ba'i lam dang 'dra bar de dag gis rnam par dag pa'i lam drug cu rtsa gnyis te zan mi za ba dang/ mer 'jug pa dang/ ri las mchong ba dang/ chur 'jug pa dang/ ral ba thog pa dang/ thal ba skud pa dang/ g.yang gzhi thog pa dang/ dbyug pa thogs pa la sogs pa mtho ris la sogs pa'i thabs dag go /rtog pa bar ma drug cu rtsa gnyis zhes bya ba ni de dag gi rtag pa dang/ chang pa'i mdza' dang ldan pa'i lta ba'i rnam pa gtso bo ma yin pa drug cu rtsa gnyis so/ /kha cig na re mi rnams kyi 'phel ba dang/ 'grib pa'i chos de bar gyi bskal pa drug cu rtsa gnyis la bya'o/ /zhes kyang zer ro/ /sems can dmyal ba brgya nyi shu zhes bya ba ni yang sos la sogs pa'i sems can dmyal ba chen po brgyad dang de dag re re la yang 'khor me mar mur la sogs pa drug bcu drug bcu yod pa spyir bsdoms na brgya nyi shu yod do/ /dbang po brgya nyi shu zhes bya ba ni/ ji ltar bdag cag gi dbang po nyi shu rtsa gnyis dang 'dra ba de dag gi dbang po brgya nyi shu ste/ de la mig gnyis dang rna ba gnyis dang/ sna gnyis dang/ lce dang lus dang/ yid dang srog dang/ bde ba dang/ sdug bsngal dang/ yid bde ba dang/ yid mi bde ba dang/ btang snyoms pa dang/ dad pa dang/ brtson 'grus dang/ dran pa dang/ ting nge 'dzin dang/ shes rab kyi dbang po nyi shu 'dod pa de dag 'gro ba drug du bsgres na brgya nyi shur 'gyur te/ sems can gcig gis kyang de dag bskyed bya dgos so/ /rdul gyi khams drug cu rtsa gnyis zhes bya ba ni ji ltar bdag cag gis kun tu sbyor ba'i gnas phra rgyas dgu bcu rtsa brgyad dang 'dra bar de dag gis kun tu sbyor ba'i gnas su drug cu rtsa gnyis te/ brgya byin gyi gnas la sogs pa bde ba'i gnas dag go /klu'i rigs bzhi khri dgu stong zhes zhes bya ba ni ji ltar bdag cag gi klu'i rigs bzhi po sgo nga las skye ba dang/ drod gsher las skye ba dang/ brdzus te skye ba dang 'dra bar de dag gi klu'i rigs bzhi khri dgu stong yod do/ /sems can gcig gis kyang de dag tu skye bar bya dgos so/ /nam mkha' lding gi rigs bzhi khri dgu stong zhes bya ba ni/ ji ltar bdag cag gi klu'i rigs bzhi po sgo nga las skyes pa dang/ mngal las skyes pa dang/ drod gsher las skyes pa dang/ brdzus te skye ba dang/ 'dra bar de dag gi nam mkha' lding gi rigs bzhi khri dgu stong yod do/ /sems can gcig gi kyang de dag tu skye bar bya dgos so/ /kun tu rgyu ba'i rigs bzhi khri dgu stong zhes bya ba dag gi ni mu stegs can gyi gnas te/ sems can gcig gis kyang de dag thams cad du rab tu 'byung bar bya dgos so/ /kun tu 'tsho ba'i rigs bzhi khri dgu stong zhes bya ba de dag ni mo'i las la sogs pa gzo'i gnas dag ste/ sems can gcig gis kyang de dag thams cad bslab par bya dgos so/ /gcer bu'i rigs bzhi khri dgu stong zhes bya ba de dag kyang/ mu stegs can gyi gnas te/ sems can gcig gis byang de dag rab tu 'byung bar bya dgos so/ /'du shes can gyi gnas bdun zhes bya ba ni de dag gi 'du shes can gyis snyoms par 'jug pa bdun te/ sems can gcig gis kyang de dag bskyed bar bya dgos so/ /gcer bu'i gnas bdun zhes bya ba de dag ni sbyor ba'i lam ste ston sa? par 'jug pa de dag gi sems nye bar gtod pa ste/ de dag gis snyoms par 'jug pa de dag la sems nye bar gtod par byed do/ /lha ma yin bdun dang/ sha za bdun zhes bya ba ni de dag nar sems can re res kyang lha ma yin rnams kyi nang du lan bdun dang/ sha za rnams kyi nang du lan bdun skye bar bya dgos so/ /zhes zer ro/ /lha bdun dang/ mi bdun zhes bya ba yang de dag na re sems can re res kyang lha rnams kyi nang du lan bdun dang/ mi rnams kyi nang du lan bdun skye bar bya dgos so/ zhes zer ro/ /mtsho chen po bdun zhes bya ba ni ma dros pa la sogs pa'i mtsho chen pa dag go /mtsho bdun brgya zhes bya ba ni de dag las gzhan pa'i mtsho dag go /de dag gi bsod nams kyi chu ngogs dag ste/ sems can gcig gis kyang de dag thams cad kyi khrus bya dgos so/ /rmi lam chen po bdun zhes bya ba ni rmi lam yun ring po dag go /rmi lam bdun brgya zhes bya ba ni de las gzhan pa'i rmi lam yun thung ngu dag go /de dag ni sems can gcig gis kyang thams cad lta bar bya ste/ gang gi skye gnas gang du skye bar bya ba des rmi lam de lta bu nyid mthong bar 'gyur ro/ /'bri ba chen po bdun dang/ 'bri ba bdun brgya zhes bya ba de dag ni yon tan yongs su nyams pa dag ste/ sems can re re la yang de dag nyams par 'gyur ro/ /'phel ba bdun brgya pa zhes bya ba de dag ni yon tan 'phel ba dag ste/ sems can re re kyang de dag thams cad bskyed par bya dgos so/ /sad pa chen po bdun zhes bya ba ni tshangs pa'i 'jig rten zhes bya ba ni tshangs pa'i 'jig rten la sogs pa'o/ /sad pa bdun brgya zhes bya ba ni 'dod pa'i lha dag go /sems can re res kyang yon tan de dag bskyed par bya dgos so/ /g.yang sa chen po bdun zhes bya ba ni dam grog chen po dag go /g.yang sa bdun brgya zhes bya ba ni de dag las gzhan pa dag go / sems can re res kyang de dag tu lus btang bar bya dgos so/ /rigs btsun pa drug ces bya ba ni sngar bstan pa'i gnas de dag tu rigs btsun pa drug gdags par bya ste/ nag po'i rigs btsun pa dang/ sngon po'i rigs btsun pa dang/ dmar po'i rigs btsun pa dang/ mchog tu dkar po'i rigs btsun pa'o/ /de la nag po'i rigs btsun pa ni/ bshad pa la sogs pa'o/ /sngon po'i rigs btsun pa ni/ kun tu 'tsho ba'i nyan thos khyim bdag go / ser po'i rigs btsun pa ni kun tu 'tsho ba'i nyan thos rab tu 'byung ba dag go /dmar po'i rigs btsun pa ni shAkya'i sras kyi dge sbyong dag go /dkar po'i rigs btsun pa ni gcer bu'i rab tu 'byung ba dag go /mchog tu dka' ba'i rigs btsun pa ni 'di lta ste/ nan dang sad pa dang/ kri ki dang/ skring ki dang gnag lhas kyi bu kun tu rgyu yin no/ /mngon par mtho ba bcu zhes bya ba ni bdag cag gi mi slob pa'i chos bcu dag dang 'dra ba de dag gi 'dod chags dang bral ba'i lam bcu'o/ /kha cig na re mngon par mtho ba dang bcu zhes bya ba ni mi'i rgyal po chen po bzhi dang/ lha'i rgyal po chen po bzhi dang/ brgya byin nyid dang/ bdun nyid do/ zhes kyang zer ro/ /skyes bu chen por brgyad ces bya ba ni ji ltar bdag cag gis sa brgyad po bsam gtan bzhi dang/ gzugs med pa bzhi po dag dang 'dra bar de dag gis tshangs pa'i gnas gzhan brgyad yod do de dag tu sems can re res kyang skye bar bya dgos so/ /yang na skyes bu chen pos brgyad ni gtso bo nyid dang/ dbang phyug nyid dang/ phra ba nyid dang/ chen po nyid dang/ thag ring po mthong ba dang/ thos pa dang/ dran pa dang/ rnam par shes pa'o/ /de dag yod na bya ba bzhir 'gyur te/ thams cad shes pa nyid dang/ brda sprod pa nyid dang/ ci 'dod par spyod pa nyid dang/ thogs pa med pa nyid do/ /mtshams sbyor zhing zhes bya ba ni bar ma do'i srid pas so/ /'khor nas zhes bya ba ni skye ba'i srid pas so/ /sdug bsngal mthar byed do/ zhes bya ba ni thar ba thob par byed pa'o/ /skud pa dru bu zhes bya ba ni skud pa'i gong bu'o/ /steng gi nam mkha' las 'phangs pa zhes bya ba ni ri'i sgang nas 'phangs pa'o/ /gzangs pa zhes bya ba ni brgyad pa na'o/ /sa la bab pa zhes bya ba ni sa la 'gro ba'o/ /de bzhin du byis pa 'am mkhas pa gang yin pa dag yin pa dag kyang de dag tu bskal pa chen po brgyad khri bzhi stong du mtshams sbyor zhing 'khor nas sdug bsngal mthar byed do/ /zhes bya ba ni dper na skud pa'i dru bu yang ba steng gi nam mkha' las 'phangs pa gzangs pa na bar skabs su mi thogs par sa la bab pa de bzhin du byis pa 'am/ mkhas pa gang dag yin pa de dag kyang/ skyes nas gtso bo dang ldan pa khri bzhi stong la sogs ji skad bstan pa de dag tu spyir bskal pa chen po brgyad khri bzhi stong du mtshams sbyor zhing 'khor nas sdug bsngal mthar byad cing grol bar 'gyur ro/ zhes bya ba'i tha tshig go/ kha cig na re nag po'i rigs btsun pa bskal pa chen po bzhi stong 'khor zhing mtshams sbyor la de bzhin du sngon po'i rigs btsun pa dang/ ser po'i rigs btsun pa dang/ dmar po'i rigs btsun pa dang/ dkar po'i rigs btsun pa dang/ mchog tu dkar pa'i rigs btsun pa dag tu yang bskal pa chen po bzhi stong 'khor zhing mtshams sbyor ba de dag spyir bsdoms na bskal pa chen po brgyad khri bzhi stong du 'gyur ro/ zhes kyang zer ro/ /gal te dus zang pas grol ba yin na/ 'o na ci'i phyir tshul khrims la sogs pa spyod par byed snyam su dogs pa'i phyir de la dge sbyong ngam bram ze gang 'di skad ces zhes bya ba la sogs pa smras so/ /tshul khrims zhes bya ba ni 'tshe ba la sogs pa las ldog pa'o/ /brtul zhugs zhes bya ba ni mtshan mo za ba la sogs pa'i nges pa'o/ /dka' thub ces bya ba ni du ba rdub pa la sogs pa tshangs par spyod pa las ldog pa'o/ /yongs su ma smin pa zhes bya ba ni 'bras bu ma 'gyur ba'o/ /yongs su smin par bya zhes bya ba ni 'bras bu ma 'gyur ba'o// yongs su smon par bya zhes bya ba ni 'bras bu sbyar bar bya ba'o/ /reg par byas nas zhes bya ba ni spyad nas so/ /byang bar bya'o/ zhes bya ba ni zad par bya'o/ bde ba dang sdug bsngal 'di ni nges pa yin no/ zhes bya ba ni mthar thug par bya'o/ /skye ba dang mar 'grib pa ni mi srid de/ zhes bya ba la yar skye ba zhes bya ba ni bsngal pa chen po brgyad khri bzhi steng las lhag pa'o/ /mar 'grib zhes bya ba ni de dag pas nyung ba ste/ des na gnyis ka yang mi srid de/ de kho na'i mdza' myong nas grol bar 'gyur ro/ zhes bya ba'i tha tshig go /'di lta bu nyid dang gzhan ma yin pas zhes bya ba la/ 'di lta bu nyid ces bya ba ni yar skye ba'o/ /gzhan zhes bya ba ni mar 'grib pa'o/ /ma yin pas zhes bya ba ni mi srid pas so/ /yang na 'di lta bu nyid ces bya ba ni kho bos sngar ji skad brjod pa'i rim pas so/ /gzhan ma yin pas zhes bya ba ni gal te de skad mi brjod na rnam pa gang gis kyang de brjod par mi 'gyur ro/ zhes bya ba'i tha tshig go /'khor ba gzhal lo/ zhes bya ba ni rnam par phye ba'o// chos 'di de 'dra zhes bya ba ni dus kyi ngo bo nyid kyis grol par smra ba dang/ mthar 'dzin par lta ba zhes bya ba'i tha tshig go /mi pham gyi lta ba'i rnam pa bshad zin to// //gal te 'ga' zhig kho bo'i gan du 'ongs te 'di skad ces 'jig rten pha rol yod dam zhes 'dri na zhes bya ba la sogs pa la/ yod dam zhes bya ba ni dri ba gcig ste/ rtag par 'dzin pa'o/ /'di lta zhi ba'i 'jig rten gzhan du 'gro bar lta ba'i phyir ro/ /med dam zhes bya ba ni dri ba gnyis pa ste chad par 'dzin pa'o/ /'di ltar shi ba'i 'og tu bdag chad par lta ba'i phyir ro/ /yod pa dang med pa yin nam zhes bya ba ni dri ba gsum pa ste/ lhag pa dang chad par 'dzin pa'o/ /'di ltar dag tu 'dod pa'i 'jig rten la rtag pa dang chad par 'dzin pa'i phyir te/ dper na sprul pa po'i tshangs pa gang yin pa de ni rtag pa yin la/ nges sprul pa gang yin pa de ni mi rtag pas/ kha cig ni rtag pa yin la/ kha cig ni mi rtag pa yin no/ zhes tshangs pa'i dri ba'i mdo las rgya cher gsungs pa yin no/ /yod pa yang ma yin med pa yang ma yin nam zhes bya ba ni dri ba bzhi pa ste/ rtag pa la rtag pa nyid dang/ mi rtag pa nyid gnyis ka ma rigs pa'i phyir gnas skabs su gtogs pa'i dri ba'o/ /de dag ni re zhig yod pa tsam dri ba yin no/ /bye brag tu dri ba de dag gi dbang du byas nas de bzhin du gal te zhes bya ba la sogs pa dri ba bzhi smras so 'jig rten pha rol 'di lta bu nyid dang 'di lta bu nyid ma yin nam zhes bya ba ni bye brag tu dri ba gcig te/ 'di lta bu nyid ces bya ba ni rnam pa 'di lta bu nyid do/ /deng zhes bya ba'i sgra ni 'am zhes gang yang rung ba gcig gzung ba'i don du mi lta'o/ /dang zhes bya ba'i sgra nyid kyis gnyis ka bsdu ba'i don du lta'o/ /ma yin pa zhes bya ba'i sgra ni dgag pa'i don to/ /des na 'jig rten pha rol 'jig rten 'di'i rnam pa dang 'dra ba 'di lta bu nyid kyang yin la/ 'jig rten 'di'i rnam pa dang 'dra ba 'di lta nyid kyang ma yin te/ cung zhig mi 'dra ba nyid kyang yod pa'i phyir ro/ zhes 'dra ba yang yin no/ /mi 'dra ba yang yin nam zhes 'dri'o/ /'jig rten pha rol gzhan nyid dang/ gzhan ma yin nam zhes bya ba ni bye brag tu dri ba gnyis pa ste/ 'jig rten pha rol 'jig rten 'di las gzhan pa nyid kyang yin la/ gzhan pa nyid kyang ma yin te/ cung zad 'dra ba yang yod pa'i phyir ro/ zhes gzhan yang yin la/ gzhan pa nyid kyang ma yin no/ zhes 'dri'o/ /'jig rten pha rol gzhan ma yin pa nyid ma yin nam/ zhes bya ba ni bye brag tu dri ba gsum pa ste/ 'jig rten pha rol 'jig rten 'di las gzhan pa nyid kyang yin la/ gzhan ma yin nyid kyang ma yin pa'ang yin te/ gzhan yin dang/ gzhan ma yin pa nyid gnyis ka yang mnyam du yod pa'i phyir ro// zhes gzhan ma yin pa yang yin la/ gzhan ma yin pa nyid kyang ma yin nam zhes 'dri'o/ /'jig rten pha rol de nyid dang/ de nyid ma yin pa ma yin nam zhes bya ba ni bye brag tu dri ba bzhi pa ste/ 'jig rten pha rol 'jig rten 'di nyid kyang yin la/ 'di nyid ma yin pa yang yin te/ de nyid dang de nyid ma yin pa gnyis ka yang mnyam du yod pa'i phyir ro/ /zhes de nyid kyang yin la de nyid ma yin pa yang yin nam zhes 'dri'o/ /de la dri ba dang po la ni 'di lta bu nyid gtso che'o/ /gnyis pa la ni gzhan nyid gtso che'o/ /gsum pa la ni gzhan nyid dang/ gzhan ma yin pa nyid mnyam pa'o/ /bzhi pa la ni de nyid dang/ de nyid ma yin pa mnyam par shes par bya'o/ /'di'i kun nas slong ba ni bye brag tu smra ba'i gzhung la mu stegs can lha mi spong bar smra ba dag dman zhing mod rtul ba yin la/ gzhan gyi tshig dang/ 'gal bar byed mi nus shing gcig bzung ba mi bzang ngo/ /snyam du sems shing cha gcig bzung nas pha rol po'i yid mi 'ga' zhing gnod par gyur na bdag gis lhar skye ba spangs par 'gyur bas bdag la mi mthun par smra ba bla'o/ /snyam nas gal te 'ga' zhig kho bo'i gan du 'ongs te/ 'di skad ces 'jig rten pha rol yod dam zhes dri ba 'dri na kho bo de la 'jig rten pha rol yod do/ zhes lan 'debs par byed do/ 'jig rten pha rol med dam zhes dri ba 'dri na de la kho bo med do/ /zhes lan 'debs par byed do/ /'jig rten pha rol yod pa dang med pa yin nam zhes dri ba 'dri na de la kho bo yod pa dang med pa yin no/ /zhes lan 'debs par byed do/ /'jig rten pha rol yod pa yang ma yin med pa yang ma yin nam zhes dri ba 'dri na/ de la kho bo yod pa yang ma yin med pa yang ma yin no/ zhes lan 'debs par byed do/ zhes yod pa tsam du 'dri ba dang/ de dag bye brag dri ba rgya cher 'di skad du bstan pa de ltar lta zhing de skad smra'o/ /zhes 'byung de/ /chos 'di 'dra ba zhes bya ba ni kun tu rmongs pa mang ba'i phyir rtag pa dang chad par smra ba dang/ bdag tu smra ba zhes bya ba'i tha tshig go /nog can gyi lta ba'i rnam pa bshad zin to// //skyes bu gang zag ces bya ba ni sems can no/ /so sor myong ba zhes bya ba ni bde ba dang sdug bsngal nyams su myong ba'o/ /sngon byas pa'i rgyu las byung ba zhes bya ba ni sngon gyi las kyi rgyu las byung ba'o/ /dka' thub kyis 'byang bar 'gyur la zhes bya ba ni brtul zhugs drag pos 'byang bar 'gyur ba'o/ /mi bya bar chu lon gyi bzlog pa zhes bya ba ni/ lhag par ma spyad pas 'jug par mi bya'o/ /zag pa med do/ zhes bya ba ni/ las kun tu mi spyod pa'o/ /sdug bsngal mthar byed pa zhes bya ba ni mya ngan las 'das pa'o/ /'di'i kun nas slong ba ni bye brag tu smra ba'i gzhung las mu stegs can dag gi byed pa don med pa dang/ las mi byed pa'i ngang tshul can mi dga' phyug pa nor mang ba longs spyod che bar mthong nas/ de dag 'di snyam du sems te skyes bu gang zag gi so sor myong bar 'gyur ba gang yin pa de dag thams cad ni sngon byas pa'i rgyu las byung ba yin no/ /las rnying pa rnams ni dka' thub kyis 'byang bar 'gyur ba las sar pa rnams ni ma byi bar chu lon gyis bzlog par bya ste/ de ltar na phyi ma la zag pa med do/ /zag pa med na las zad do/ /las zad na sdug bsngal zad do/ /sdug bsngal zad na sdug bsngal mthar byed par 'gyur ro/ /zhes de dag de ltar lta zhing de smra'o/ /zhes 'byung ngo/ /'o na chos 'di pa yang sngon byas pa'i rgyu las byung bar 'dod na/ ci'i phyir de dag lta ba'i rnam par mi 'gyur la mu stegs can rnams la ni lta ba'i rnam par 'gyur zhe na/ chos 'di pa dag ni kha cig sngon byas pa'i rgyu las byung bar 'dod la/ kha cig de ltar gyi skyes bu'i rtsal las byung bar 'dod pas de dag la ni lta ba'i rnam par mi 'gyur gyi/ mu stegs can dag ni thams cad sngon byas pa'i rgyu las byung bar 'dod la/ de dag lta ba'i rnam par 'gyur ro/ /chos 'di de 'dra ba zhes bya ba ni skyes bu'i rtsal la skur pa 'debs pa dang/ dka' thub kyi bdag pa dang/ shes pa la skur pa 'debs pa zhes bya ba'i tha tshig go/ gcer bu 'di lta ba'i rnam pa bshad zin to// //mu stegs can gyi gnas zhes bya ba la/ mu stegs can zhes bya ba ni gang dag la chu klung du 'jug pa'i thar pa'i lam yod pa de dag ni mu stegs can no/ /de dag gi gnas ni rten te 'byung ba'i gnas zhes bya ba'i tha tshig go / yang dag rgyal ba can zhes bya ba ni ston pa'i ming ngo/ /byung nas ring po ma lon zhes bya ba ni byung ma thag go /yang dag 'jig ces bya ba ni dpen par gnas pa'o/ /kye ma zhes bya ba ni ngo mtshar che ba'i tshig yin no// yun ring mo ring mo shig nas zhes bya ba ni gus pa'i phyir lan gnyis su bzlas so/ /tshul dang mthun zhes bya ba ni bzang ba'o bsam gtan zhes bya ba ni dge ba'i don la sems pa'o/ /dbang po rnams tshim par gyur zhes bya ba ni ting nge 'dzin gyis brtas par gyur pa'o/ /byad bzhin zhes bya ba ni mig la sogs pa'i dbang po rnams dang bas nye bar zhi ba nyid do/ /yon tan dag ces bya ba ni tshul khrims la sogs pa'o/ /bden pa'i bsam pas rab tu byung ba zhes bya ba la/ bden pa zhes bya ba ni rdzun gyi tshig dang bral ba'o// de'i phyir gang la bden pa'i bsam pa yod pa'i de'i rab tu byung ba ni bden pa'i bsam pas rab tu byung ngo/ /chos thams cad mi 'tshe ba'i gzhi las byung ba zhes bya ba ni mi 'tshe ba gtso bor byed pa ste/ mi 'tshe ba ni srog gcod pa spang pa'o/ /'dis ni sems can la 'tshe ba spangs pa bstan te/ de yang snying rje las 'gyur bas de'i phyir dag pa'i chos thams cad kyi gtso bo ni snying rje yin par bstan to/ /zhi ba zhes bya ba ni legs par byed pa'i phyir ro/ /rga ba med pa zhes bya ba ni rga ba dang bral ba'i phyir ro/ /'chi ba med pa zhes bya ba ni mi 'chi ba'i chos nyid yin pa'i phyir ro/ /nyams pa med pa zhes bya ba ni re zhig nyams pa med pa'i phyir ro/ /gnas zhes bya ba ni yod pa nyid dang ldan pa'i phyir ro/ /mya ngan las 'das pa zhes bya ba ni nyon mongs pa'i me zhi bar byed pa'i phyir ro/ /rnam grangs zhes bya ba ni rgyu tha dad pa ma yin pa don gcig la sgra'i rnam grangs su brjod pa'o/ /de ni tshangs pa'o/ /zhes bya ba ni mya ngan las 'das pa gang yin pa de ni tshangs pa yin te/ don dam pa'i dge ba yin pa'i phyir dang/ sdug bsngal med pa'i phyir te/ gzhan ci yang ma yin no/ /zhes bya ba'i tha tshig go /tshangs pa'i 'jig rten du gzhol bar bya ba zhes bya ba ni tshangs pa'i 'jig rten du skye ba'i phyir thams cad don du gnyer ba nyid yod pa'i phyir ro/ /tshangs pa'i 'jig rten du 'bab pa zhes bya ba ni de thob par bya ba'i phyir 'bad pa chen po byed pa'i phyir ro/ /tshangs pa'i 'jig rten du babs pa zhes bya ba ni 'bad pa chen po byed pa mi slong ba'i phyir ro/ /tshangs pa'i 'jig rten yang de lta bu yin zhes bya ba la yang zhes bya ba'i sgra ni yid ches pa yin no/ /de lta bu zhes bya ba'i sgra ni da 'dra ba zhes bya ba'i don yin no/ /de na 'dir tshangs pa'i 'jig rten yang mya ngan las 'das pa de lta bu yin par yid ches zhes bya ba'i tha tshig go /de 'dra ba yin no/ /zhes bya ba ni rnam pa de 'dra ba yin no/ zhes bya ba'i tha tshig go / de lta bu yin zhes bya ba dang 'dra ba yin zhes bya ba'i tshig gnyis smos pa ni tshangs pa'i 'jig rten gyi yon tan yang dag par bstan pa'i phyir ro/ /tshangs pa'i 'jig rten dang skal pa mnyam pa zhes bya ba ni tshangs pa'i 'jig rten gyi nang du'o/ /sgrub pa zhes bya ba ni thob par byed pa'o/ /mya ngan las 'das pa thob pa'o/ /thams cad du zhes bya ba ni kun tu'o/ /sgra zhes bya ba ni sngags so/ /grangs zhes bya ba ni thos pa'o/ /rnyed pa zhes bya ba ni chos gos la sogs pa'o/ /bkur sti zhes bya ba ni mchod pa'o/ /byung bar gyur te zhes bya ba ni skyes par gyur pa'o/ /sman zhes bya ba ni nad zhi bar bya ba'i thabs su gyur pa'i ci'o/ /rtsa ba zhes bya ba ni gla sgang la sogs pa'o/ /sdong bu zhes bya ba ni tsan dan la sogs pa'o/ /'dab ma zhes bya ba ni ko sha tag ki la sogs pa'o/ /me tog ces bya ba ni shing nim? pa'i me tog la sogs pa'o/ /'bras bu zhes bya ba ni a ru ra la sogs pa'o/ /'jam pa zhes bya ba ni cung zad rgod pa'o/ /rgyu ma mchis zhes bya ba ni rgyu med pa ste/ /nang gi byed rgyu med pa'i phyir ro/ /rkyen ma mchis zhes bya ba ni phyi rol gyi byed rgyu med pa'i phyir ro/ /mi mdzad na zhes bya ba ni mi byed na'o/ /mi phung zhes bya ba ni me spar ba'i phung po'o/ /'dod pa'i rgyu zhes bya ba ni phra rgyas ma spangs pa'i phyir ro/ /'dod pa'i gzhi zhes bya ba ni yul nye bar gnyer bar gnas pa'i phyir ro/ /'dod pa'i gnas zhes bya ba ni tshul bzhin ma yin pa yid la byed pa nye bar gnas pa'i phyir ro/ /kha cig na re lhag mar chags pa chung ngu dang 'bring dang chen po'i gnas skabs yin no// zhes zer ro/ /sdug bsngal zhes bya ba ni srog nyams pa la sogs pa'o/ /dus zhes bya ba ni ston gyi dus la sogs pa'o/ /bdud rtsi zhes bya ba ni mya ngan las 'das pa'o/ /don du gnyer zhes bya ba ni yid kyis so/ /'di nyid kyi zhes bya ba ni dus de nyid kyi'o// lha zhes bya ba ni lha nyid do/ /rgyu ba zhes bya ba ni phan tshun 'gro ba'o/ /gangs kyi ngos dang nye bar zhes bya ba ni ri gangs kyi lho phyogs kyi ngos dang nye ba'o/ /chu grung skal ldan shing rta'i 'gram zhes bya ba ni chu klung gaM gA'i pha rol te/ ha cang yang mi ring ha cang yang mi nye ba'i bar zhes bya ba'i tha tshig go / shAkya zhes bya ba ni gzhan gyis mi nus pa'i las byed pa'i phyir nus pa zhes bya'o/ /bltas pa zhes bya ba ni skar ma brtsi ba ste/ ltas kyi bstan bcos kyi mtshan ma spyod pa'i phyir ro/ /mtshan mkhan zhes bya ba ni mtshan gyi bye brag go / 'khor los sgyur ba'i rgyal po zhes bya ba ni gser gyi 'khor lo nam mkha' la 'gro bas rgyal srid sgyur bar byed pa'i phyir ro/ /mdza' bzhir zhes pa ni rgya mtsho bzhi'i mthar ro/ /rgyal ba zhes bya ba ni dpa' ba' o/ /chos kyi rgyal po zhes bya ba ni rigs pas rgyal srid bdag gir byas pa'i phyir ro/ /chos dang ldan pa zhes bya ba ni chos sbyod pa'i phyir ro/ /rin po che sna bdun dang ldan pa zhes bya ba ni rin po che sna bdun gyi dbang phyug go /ldan pa zhes bya ba'i sgra ni 'dir dbang ba la bya'i 'thob pa ni ma yin no// gzhan du sems can du bgrang ba ma yin pa dag dang ldan par 'gyur bas de ltar mi bzhed de thob pa dang thob pa med pa ni rang gi rgyud du gtogs pa yin no/ zhes gsungs pa'i phyir te/ de lta bas na de dag la de 'dod dgur dbang byed pa yin no/ zhes bye brag du smra ba'i gzhung las 'byung ngo/ /nor bu rin po che zhes bya ba ni sgron ma'i ched kyi nor bu rin po che'o/ /khyim bdag rin po che zhes bya ba ni mdzod kyi bdag po'o/ /dmag dpon rin po che zhes bya ba ni dmag gi bdag po'o/ /glang po che la sogs pa sems can du bgrang ba dag ji ltar gzhan gyi las kyis 'byung bar 'gyur zhe na/ dga' yang gzhan gyi las kyis 'byung ste/ 'di ltar de dang 'brel las kyis 'phangs par zad kyi de dag 'byung ba rang gi las kyis tshogs kho na las 'byung ngo/ zhes bye brag tu smra ba rnams kyi gzhung las 'byung ngo/ /dpa' ba zhes bya ba ni 'jigs pa'o/ /brtul phong pa zhes bya ba ni mthu phun sum tshogs pa'o/ /yan lag mchog gi gzugs dang ldan pa zhes bya ba ni yan lag mdzes pa mchog gi gzugs dang ldan pa'o/ /pha rol du sde rab tu 'joms pa zhes bya ba ni pha rol gyi sgrub pa pham par byed pa ste/ rang gi las la bag yod ces bya ba'i tha tshig go /ma lus pa zhes bya ba ni thams cad dam bcug med pa'o/ /gnod par sngo ba med cing zhes bya ba ni 'gran zla med pa'o/ /'tshe ba med pa zhes bya ba ni gnod pa med pa'o/ /chad pa med cing zhes bya ba ni nor 'phrog pa med cing ngo/ /mtshon gyis 'da' ba med la zhes bya ba ni gsod pa med la'o/ /chos dang mthun pa zhes bya ba ni/ /chom rkun la sogs pa shom pa med pa'i rigs pa dang mthun zhing ngo/ /snyoms pas zhes bya ba ni sdig pa dang 'dres pa dang/ chos bstan pas so/ /gnas par 'gyur ro/ /zhes bya ba ni skyong bar 'gyur ro/ /skra dang kha spu bregs te zhes bya ba ni 'dod chags bral ba'i rjes su mthun par byed pa'i phyir dang/ mi 'bral bar bya ba'i phyir gnyis ka bregs de'o/ /bgos nas zhes bya ba ni gyon nas so/ /de bzhin gshegs pa zhes bya ba ni dngos po thams cad kyi ngo bo nyid ji lta ba de bzhin du gshegs pa dang/ sems can 'dul ba ji lta ba bzhin du gshegs pa dang/ nyes pa bag chags dang bcas pa yang mi 'byung ba ji lta ba de bzhin du gshegs pa yang/ smon lam ji ltar gyur pa de bzhin du mdzad pa ma lus par mdzad par gyur pas de bzhin gshegs pa zhes bya'o/ /dgra bcom pa zhes bya ba ni 'gro ba mdza' dag gis mchod par 'os pa'i phyir ro/ /yang mi skye ba'i chos can yin pa'i phyir/ nyon mongs pa'i bag chags dang bcas pa'i dgra bcom pa'i phyir dgra bcom pa zhes bya'o/ /yang dag par rdzogs pa'i sangs rgyas zhes bya ba ni yang dag par rdzogs par sangs rgyas pa zhes bya ba ste/ mi bslu ba'i mkhyen pa'i phyin ci ma log pa yang dag par shes pa'i don ma lus pa mdza' dag rdzogs par thugs su chud cing sangs rgyas pa mkhyen pa'i mthu thogs pa kha bye ba dang ldan pas rang nyid kyi sangs rgyas pad+ma kha bye ba lta bu dang/ nyon mongs pa can dang nyon mongs can ma yin pa'i kun tu rmongs pa'i gnyid du gtan du bral ba'i phyir mi gnyid sangs pa 'dra bar sangs rgyas pa'o/ /rnam par grags pa'i sgra dang ldan pa zhes bya ba ni grags pa snyan pa dang ldan pa'o/ /lung bstan zhes bya ba ni rgya cher bstan pa'o/ /rigs smra ba zhes bya ba ni bram ze ni rigs mchog yin no/ zhes bya ba la sogs pa smra ba'o/ /rus smra ba zhes bya ba ni kauN+Di n+ya'i rigs mchog yin no/ zhes bya ba la sogs pa smra ba'o/ /shed bur smra ba zhes bya ba ni bram ze gzhon nu lo bzhi bcu ma lon pa brtul zhugs dang klog pa la sogs pa mtho bar smra'o/ /rgyags pa dang nga rgyal nges par bcom pa dag gis zhes bya ba la/ rgyags pa zhes bya ba ni rang gi yon tan la bltos pas khengs par byed pa'o/ /nga rgyal zhes bya ba ni gzhan las khyad du zhugs par rtogs pas khengs par byed pa'o/ /de ltar na rgyags pa dang/ nga rgyal nges par bcom zhing yongs su spangs pa dag gis zhes bya ba'i tha tshig go /bsags pa zhes bya ba ni tshogs pa'i rang bzhin no/ /de dag kun gyi mdza' zad cing zhes bya ba ni mthar zad cing 'gyur ba'o/ /mthon pa'i zhes bya ba ni dngos po'i phang mtho ba rnams so/ /de rnams kyi mdza' ltung bar 'gyur zhes bya ba ni mthar rdib par 'gyur ba'o// phrad pa zhes bya ba ni tshogs pa'o/ /de'i mdza' ni 'bral ba'o/ zhes bya ba ni mthar 'bye bar 'gyur ba'o/ /gson po zhes bya ba ni srog gi dbang po dang ldan pa'o/ /de'i mdza' ni 'chi bar 'gyur ba yin no/ /dus kyi chos dang ldan par gyur to/ /zhes bya ba la/ dus zhes bya ba ni 'tsho ba'i dus te 'chi ba'i chos zhes bya ba ni ngo bo nyid de/ dus kyi chos de dang ldan par gyur to/ /zhes bya ba ni shi'o/ zhes bya ba'i tha tshig go /khyogs zhes bya ba ni 'dir khri yin no/ /rgyan te zhes bya ba ni mdzes par byas pa'o/ /bskyal nas zhes bya ba ni khyer nas so/ /mya ngan bsad ba byas nas zhes bya ba la mya ngan byas bya ba ni nang gi gdung ba'o/ /de bsang ba ni/ kye ma 'du byed mi rtag ste/ /skye zhing 'jig pa'i chos can yin/ /skye nas 'jig par 'gyur ba ste/ /de dag nye bar zhi ba bde/ zhes bya ba la sogs pa'i chos la so sor brtags pas bsang ba byas so/ /zhugs zhes bya ba ni 'ongs pa'o/ /ngo mtshar ces bya bas ni sngon ma mthong ba'i phyir ro/ /rmad du byung ba zhes bya ba ni sngon ma thos pa'i phyir ro/ /slob dpon gyi dpe ma khyung ces bya ba ni snying po'i blos bzung ba'i bstan bcos gya tshom du gzhan la mi ston pa ste/ khu tshur shin tu bcangs pa dang 'dra'o/ /shin tu zhes bya ba ni te por ro/ /lha'i mig ces bya ba ni thag ring ba dang/ cha phra ba dang/ bsgribs pa mthong ba'i phyir ro// yul gzhan na 'dug pa'i gzugs ces bya ba ni gser gling na rgyal po gser bdag dus la bab pa'i chung ma mer mchongs pa la sogs pa'o/ /lha'i rna ba las zhes bya ba ni thag ring ba dang/ cha phra ba dang bsgribs pa'i sgra thos pa'i phyir ro// sgra yid du 'ong ba dang ces bya ba ni lha dag steng gi bar snang du rgyu ba'i sgra la sogs pa'o/ /khrims su bya ba zhes bya ba ni rnam par bzhag par bya ba'o/ /ljongs rgyur zhes bya ba ni yul gzhan du 'gyur ro/ /'dod pa dag la ma rol te zhes bya ba ni yul rnams la ma spyad de zhes bya ba'i tha tshig go / thugs byung nas zhes bya ba ni dga' ba dang bral ba'o/ /dka' ba byed pa zhes bya ba ni dbugs 'gog pa la sogs pa dka' thub drag pa'o/ /ci yang med pa zhes bya ba ni 'bras bu med pa'o/ /ji bder zhes bya ba la sogs pa ni dbugs rdub pa dang dbugs 'byung ba'i rgyu las byung ba khong spom pa'i bsam gtan las phyir ldog pa'i phyir ro/ /dbugs rdub pa zhes bya ba ni rlung nang du 'jug pa'o/ /dbugs 'byin pa zhes bya ba ni rlung phyir 'byung ba'o/ /'bras can zhes bya ba ni nas brdungs pa'i chan te/ tshal tshol gyi chan zhes bya ba'i tha tshig go /rgya chen po zhes bya ba ni rgyu mthun pa che ba'i phyir dang/ tshad che? ba'i phyir ro/ /de nyid 'bras can la sogs pa bstan te/ 'bras can 'brum bu gcig la sogs gsol pa las phyir ldog pa'i phyir ro/ /zhun mar dang 'bru mar dag gi sku dag kyang skud par mdzad ces bya ba ni dri ma dang rdzab 'chang ba'i brtul zhugs las phyir log pa'i phyir ro/ /chu dron po zhes bya ba ni cung zad dro ba'o// grong sde 'dod ces bya ba ni grong gi ming ngo/ /lan bcu drug bzlas zhes bya ba ni stong dang/ lnga brgya dang/ nyis brgya lnga bcu dang/ brgya nyi shu rtsa lnga dang/ drug cu rtsa gsum dang/ sum cu rtsa gnyis dang/ bcu drug dang brgyad po dag bzho ba dang/ blud pa gnyis gnyis bzlas pa'i rims kyis lan bcu drug du 'gyur te/ 'di ltar ba stong bzhos nas de dag gi 'o ma stod po de dag nyid la blud nas yang ba de dag bzhos pa'i 'o ma ba lnga brgya la blud pa dang/ lnga brgya bzhos pa'i 'o ma nyis brgya lnga bcu la blud pa dang/ nyis brgya lnga bcu bzhos pa'i 'o ma brgya nyi shu rtsa lnga la blud pa dang/ brgya nyi shu rtsa lnga bzhos pa'i 'o ma drug cu rtsa gsum la blud pa dang/ drug cu rtsa gsum bzhos pa'i 'o ma sum cu rtsa gnyis la blud pa dang/ sum cu rtsa gnyis bzhos pa'i 'o ma bcu drug la blud pa dang/ bcu drug bzhos pa'i 'o ma brgyad la blud pa dang/ brgyad bzhos pa'i 'o ma byang chub sems dpa' i mgur du gsol lo/ zhes bya bar sbyar ro/ /'o ma sbrang rtsi dang bsres pa zhes bya ba ni 'o thug sbrang rtsi dang bsres pa'o/ /mngon par bstod pa na zhes bya ba ni/ thub pa dag gis mngon mthong ba'i/ /sangs rgyas de dag rdzu 'phrul che/ /de dag dang ni khyod mthong na/ /tha dad bgyi ba ma mchis so/ /zhes bya ba la sogs pa gzhung 'di nyid las 'og nas 'byung ba dag gis mngon par bstod ba na'o/ /rtswa bkra shis 'tshong pa zhes bya ba ni/ rtswa bkra shis bya ba 'tshong pa'i mi'o/ /byang chub gzhi zhes bya ba ni rdo rje'i gdan no/ /rtsa ma 'khrugs pa zhes bya ba ni rtsa'i kha phyogs gcig blta ba'o/ /dran pa kun tu ma 'khrul ba zhes bya ba ni lang lang du ma gyur pa'o/ /skyil mo krung bcas te zhes bya ba ni skyil mo krung byas te'o/ /sku drang por bsrangs nas zhes bya ba ni drang por rnam par bzhag nas te/ ting nge 'dzin dang rjes su mthun par mdzad ces bya ba'i tha tshig go /dran pa phyogs pa bzhag te zhes bya ba ni mi mthun pa'i phyogs las phyir phyogs pa dang/ dmigs pa la phyogs par brtson pa ste/ sna'i rtse mor gtad cing dbugs 'byung ba dang/ rdub pa'i dmigs pa'o/ /zag med ces bya ba ni 'dod pa dang/ gzugs dang/ gzugs med pa na spyod pa'i nyon mongs pa zag pa zhes bya ba ni 'khor ba 'jog pa'i mtshan nyid dag gi gnyen po bsgoms pas de dag zad pa gang yin pa'o/ /thugs bskyed ces bya ba ni bsam pa brten par bsgrub pa'i phyir ro/ /gsung brjod ces bya ba ni lha rnams la spang gzugs pa'i phyir ro/ /byams pa'i stobs zhes bya ba ni kye ma sems can rnams bde bar gyur cig ces bya ba la sogs pa zhe sdang med pa'i rnam pas zhugs pa'i byams pa'i stobs kyis so/ /bla na med pa'i mkhyen pa thugs su chud nas zhes bya ba ni thams cad las khyad par du 'phags pa zad pa dang/ mi skye ba shes pa'i mtshan nyid kyis thams cad shes pa'i ye shes brnyes nas so/ /tshangs pas gsol to/ zhes bya ba ni tshangs pas gsol ba btab ste'o/ /ba ra NA si zhes bya ba ni chu klung ba ra gas? mtshon pa'i phyir ro/ /lam gsum du bzlas te zhes bya ba ni 'di ni sdug bsngal lo/ /'di ni kun 'byung ba'o/ /'di ni 'gog pa'o/ /'di ni lam mo/ /zhes bya ba ni bzlas pa dang po ste/ mthong ba'i lam sdug bsngal de yongs su shes par bya'o/ /kun 'byung ba spang bar bya'o/ /'gog pa mngon sum du bya'o/ /lam bsgom par bya'o/ /zhes bya ba ni bzlas pa gnyis pa ste bsgom pa'i lam mo/ /sdug bsngal yongs su shes so/ /kun 'byung ba la spangs so/ /'gog pa mngon sum du byas so/ /lam bsgoms so/ zhes bya ba ni bzlas pa gsum pa ste/ mi slob pa'i lam mo/ /rnam pa bcu gnyis su zhes bya ba ni kha cig na re bzlas pa re re la yang sdug bsngal dang/ kun 'byung ba dang/ 'gog pa dang/ lam gyi rnam pa bzhi bzhi yod pa'i phyir ro/ /yang na lan gsum du bzlas te rnam pa bcu gnyis su zhes bya ba ni bzlas pa dang po mthong ba'i lam las 'di ni sdug bsngal lo/ zhes bya ba yang/ mig dang/ shes pa dang/ rigs pa dang/ blo skye ba'i rnam bzhi yod la bzlas pa gnyis pa bsgom pa'i lam la sdug bsngal yongs su shes par bya'o/ /zhes bya ba yang mig dang/ shes pa dang/ rigs pa dang/ blo skye ba'i rnam pa bzhi yod cing/ bzlas pa gsum pa mi slob pa'i lam la sdug bsngal de yongs su shes so/ zhes bya ba la yang mig dang/ shes pa dang/ rigs pa dang/ blo skye ba'i rnam pa bzhi yod do/ /de bzhin du bzlas pa dang po mthong ba'i lam la 'di ni kun 'byung ba'o/ zhes bya ba la yang mig dang/ shes pa dang/ rig pa dang/ blo skye ba'i rnam pa bzhi yod la/ bzlas pa gnyis bsgom pa'i lam la kun 'byung ba spang bar bya'o/ /zhes bya ba la yang/ mig dang/ shes pa dang rig pa dang/ blo skye ba'i rnam pa bzhi yod cing/ bzlas pa gsum pa mi slob pa'i lam la kun 'byung ba spangs so/ /zhes bya ba la yang/ mig dang/ shes pa dang/ rigs pa dang/ blo skye ba'i rnam pa'i bzhi yod de/ de bzhin du bzlas pa dang po mthong ba'i lam la 'di ni 'gog pa'o/ zhes bya ba la yang/ mig dang/ shes pa dang/ rigs pa dang/ blo skye ba'i rnam pa bzhi yod la/ bzlas pa gnyis pa bsgom pa'i lam la 'gog pa mngon sum du bya'o/ zhes bya ba la yang/ mig dang/ shes pa dang rig pa dang/ blo skye ba'i rnam pa bzhi yod cing/ bzlas pa gsum pa mi slob pa'i lam la/ 'gog pa mngon sum du byas so/ zhes bya ba la yang mig dang/ shes pa dang/ rig pa dang/ blo skye ba'i rnam pa bzhi yod do/ /de bzhin du bzlas pa dang po mthong ba'i lam la 'di ni lam mo/ zhes bya ba la yang mig dang/ shes pa dang/ rig pa dang/ blo skye ba'i rnam pa bzhi yod la bzlas pa gnyis pa bsgom pa'i lam la lam bsgom par bya'o/ zhes bya ba la yang/ mig dang/ shes pa dang/ rig pa dang/ blo skye ba'i rnam pa bzhi yod cing/ bzlas pa gsum pa ni mi slob pa'i lam la lam bsgoms so/ /zhes bya ba la yang mig dang shes pa dang/ rig pa dang/ blo skye ba'i rnam pa bzhi yod do/ /de ltar byas nas mthong ba dang/ bsgom pa dang/ mi slob pa'i lam dag la bden pa dbye bas ni bzlas pa bcu gnyis yod la/ mig dang/ shes pa dang/ rig pa dang/ blo'i dbye bas ni rnam pa bzhi bcu rtsa brgyad yod do/ /'o na de ltar lan gsum du bzlas te/ rnam pa bcu gnyis su zhes gsungs pa nyams par 'gyur ro/ /zhes na bden mod kyi 'on kyang bye brag tu smra ba'i gzhung las gsum pa dang/ bcu gnyis dang/ chos mthun pas spang ba re re yongs su brtag na/ gsum dang/ bcu gnyis las mi nyams te/ 'di ltar sdug bsngal gyi bden pa yongs su brtag pa la yang/ mthong ba dang/ bsgom pa dang/ mi slob pa'i lam gyis bzlas pa gsum dang/ mig dang shes pa dang/ rig pa dang/ blo skye ba'i rnam pa bcu gnyis yod pa la/ kun 'byung ba'i bden pa yongs su brtag pa la yang/ mthong ba dang/ sgom pa dang mi slob pa'i lam gyis bzlas pa gsum pa dang/ mig dang/ shes pa dang/ rig pa dang/ blo skye ba'i rnam pa bcu gnyis yod cing/ lam gyi bden pa yongs su brtag pa yang/ mthong ba dang/ bsgom pa dang/ mi slob pa'i lam gyi bzlas pa gsum gyi dang/ mig dang shes pa dang/ rig pa dang/ blo skye ba'i rnam pa bcu gnyis yod/ lam gyi bden pa yongs su brtag pa la yang mthong ba dang/ bsgom pa dang/ mi slob pa'i lam gyis bzlas pa gsum pa dang/ mig dang/ shes pa dang/ rig pa dang/ blo skye ba'i rnam pa bcu gnyis yod do/ /de ltar na gsum dang bcu gnyis dang/ chos mthun pas/ lan gsum du bzlas te/ rnam pa bcu gnyis su zhes gsungs te/ gnyis dang bdun gyi gnas la mkhas pa bstan pa bzhin no/ zhes 'byung ngo/ /chos dang ldan pa'i zhes bya ba ni mya ngan las 'das pa'i chos kyi rjes su mthun pa'i phyir ro/ /chos kyi 'khor lo/ zhes bya ba ni mthong ba'i lam te/ myur du 'gro ba dang/ 'dor zhing gnod pa dang/ ma phebs pa 'phebs pa dang/ phebs par gnas pa dang/ 'phar zhing 'bab pa dang 'dra ba'i phyir ro/ /chos kyi 'khor lo mthong ba'i lam ste/ rtsibs la sogs pa myur du 'gro ba'i phyir ro/ zhes kyang gsungs pa'i phyir ro/ /bskor ba zhes bya ba ni gzhan gyi rgyud la don ji lta ba bzhin du shes par byed pa bskyed pa'i phyir ro/ /'o na de ltar chos kyi 'khor lo mthong ba'i lam la 'ba' zhig yin na/ ji ltar sgom pa dang mi slob pa'i gnyis dang bcas pa la lan gsum du bzlas te/ rnam pa bcu gnyis su zhes gsungs she na bden mod kyi 'on kyang mthong ba'i lam gtso bo yin pa'i phyir ro/ /chos kyi 'khor lo yin par gsungs te/ de'i 'bras bu ni bsgom pa'i lam dang/ mi slob pa'i lam gnyis yin pas 'gal ba med do/ /de'i phyir/ de ni gtso phyir dang po'i phyir ro/ /grol ba'i rgyu phyir chos 'khor lo/ /gsum las rnam pa bcu gnyis kyi/ /chos kyi 'khor lo gang gsungs pa/ mthong ba'i lam las de yod pas/ 'bras bur bcas pa yongs su bzung zhes gsungs pa yin no/ / //bam po bzhi pa/ /lnga po zhes bya ba ni lha'i? tshogs kyis spyod pa'i phyir te/ de dag kyang 'phags pa kun shes kauN+Di n+ya dang/ rta thul dang/ bzang ldan dang/ rlangs pa dang/ ming chen zhes bya ba dag go /nye lnga zhes bya ba ni lnga pa dang/ nye bar zhugs pa'i phyir te/ de dag ni grags pa dang/ gang po dang/ dri med dang/ ba lang bdag dang/ lag bzang zhes bya ba dag go /mtho ba mtho ba ces bya ba ni gtso bo dag pas kyang/ gtso bo dag ste/ rnam pa'i phyir lan gnyis su smos so// btul zhes bya ba ni 'phags pa'i lam bskyed pas lam dul bar mdzad pa'o/ /rab tu byung ba zhes bya ba ni sdom pa yang ma yin/ /sdom pa ma yin pa'i ngo bo nyid kyi rab tu 'byung bar thob par mdzad pa'o/ /rdzogs par bsnyen pa zhes bya ba ni sdig pa thams cad spong ba'i mtshan nyid dge slong gi dngos po la rnam par bzhag pa mdzad do/ /de la rdzogs pa zhes bya ba ni don thams cad yang dag par grub pa'i dpal te/ mya ngan las 'das pa zhes bya ba'i tha tshig go /de skad du yang/ dri ma thams cad bcom byas shing/ /mya ngan 'das pa rdzogs pa thob/ /sdug bsngal tha mar byed pa ste/ /thams cad rdzogs par gyur pa yin/ zhes ji skad gsungs pa yin no/ /der bsnyen pa ni de dang nye ba'i sgra yin te/ rdzogs pa dang/ nye ba ni rdzogs par bsnyen pa ste/ dge slong gi sdom pa zhes bya ba'i tha tshig go /'di ltar rdzogs pa dang nye bar rnam par gnas pa yin pa de ni khang nye ba nyid kyis mya ngan las 'das pa la gnas pa yin no/ /de ltar yang nga'i dge slong gi tshul khrims dang ldan pa de ni mtho ris ni dar gyis bsgribs pa tsam yin no/ /thar pa ni yol bas bsgribs pa tsam yin no/ zhes gsungs pa'i phyir ro/ /rdzogs par bsnyen pa de thob par mdzad pa ni rdzogs par bsnyen pa zhes bya ba'i tha tshig go /kar pi sa'i tshal gseb ces bya ba de ni shing ljon pa zhes mang pa'i ming yin na/ bzang sde'i tshogs zhes bya ba ni bzang po mdzes pa'i tshogs te/ des 'gro ba dang 'ongs pa la sogs pas rnam par gnas pa'i phyir ro/ /bden pa dag la zhes bya ba ni sdug bsngal dang/ kun 'byung ba dang/ 'gog pa dang/ lam zhes bya ba ni phyin ci ma log pa'i mtshan nyid dag la'o/ /bkod do/ zhes bya ba ni shes pa mi g.yo ba bskyed pa nyid kyis so/ /lteng rgyas zhes bya ba ni grong gi ming ngo/ /ga ya go'i mchod rten zhes bya ba ni grong khyer ga yar lha khang brtsigs pas de'i phyogs gtso bo yin pa'i phyir ro/ /cho 'phrul gsum gyis zhes bya ba ni rdzu 'phrul gyi kun brjod pa dang/ rjes su bstan pa'i ngo bo nyid kyis ya mtshan bskyed pa dag gis te/ cho 'phrul zhes bya ba ni zhe 'gras pa dang/ tha mal pa rnams kyi yid 'phrog cing sdud par byed pa'i phyir ro/ /gdams pa zhes bya ba ni rjes su bstan pa'o/ /shin tu mthar thug pa zhes bya ba ni nyon mongs pa zad par 'dod pa'i mthar thug pa'i phyir dang/ yang bya ba nyid med pa'i phyir ro/ /grub pa dang/ bde ba zhes bya ba la/ grub pa zhes bya ba ni sngon ma thob pa'i nyon mongs pa spangs pa'o/ /bde ba zhes bya ba ni de thob pa mi snyam pa ste/ de ni grub pa yang yin la/ bde ba yang yin te/ yongs su mi nyams pa'i ngo bo nyid ces bya ba'i tha tshig go /shar ba'i tshal zhes bya ba ni smyug ma phra shar shar po'i tshal lo/ /'od ma'i tshal zhes bya ba ni 'od ma mang po'i gnas zhes bya ba'i tha tshig go /bzhes te zhes bya ba ni gnas kyi don dang sbyin pa po rnams kyi sbyin par bya ba chos yongs su longs spyod pa'i don du zhal gyis bzhes te'o/ /de na zhes bya ba ni 'od ma'i tshal na'o/ /sangs rgyas bcom ldan 'das zhes bya ba ni lag mthil du skyu ru ra bzhag pa bzhin du 'das pa dang/ ma 'ongs pa bzhin du/ da ltar byung ba'i chos thams cad thugs su chud pa'i phyir sangs rgyas yin la/ bdud bzhi bcom pa'i phyir bcom ldan 'das so tshig gnyi ga smos pa ni yang dag par sdud par byed pa'i tshig ste/ gus pa bskyed pa'i phyir ro/ /'di la 'dul ba bye brag tu smra ba dag mu bzhir byed de/ sangs rgyas yin la bcom ldan 'das ma yin pa yang yod/ bcom ldan 'das yin la sangs rgyas ma yin pa yang yod/ sangs rgyas kyang yin la bcom ldan 'das kyang yin pa yang yod/ /sangs rgyas kyang ma yin la bcom ldan 'das kyang ma yin pa yang yod do/ /de la sangs rgyas yin la bcom ldan 'das ma yin pa ni 'di lta ste/ rang sangs rgyas dang/ nyan thos kyi sangs rgyas dag go /bcom ldan 'das yin la sangs rgyas ma yin pa ni 'di lta ste/ byang chub sems dpa' srid pa tha ma pa'o/ /sangs rgyas kyang yin la bcom ldan 'das kyang ma yin pa ni 'di lta ste/ de bzhin gshegs pa dgra bcom pa yang dag par rdzogs pa'i sangs rgyas so/ /sangs rgyas kyang ma yin la/ bcom ldan 'das kyang ma yin pa ni 'di lta ste/ so so'i skye bo thams cad do/ /'dir brgal ba ci'i phyir mdo sde dang chos mngon pa gnyis kyi gleng gzhir ni 'di skad bdag gis thos pa'i dus gcig na bcom ldan 'das zhes smos la/ 'dul ba'i gleng gzhir ni sangs rgyas bcom ldan 'das zhes smos zhe na/ ya mtshan can dgu bcu rtsa drug gi gnyen po'i phyir te/ ya mtshan can dgu bcu rtsa drug po dag la ni thams cad bcom ldan 'das zhes bya ba'i sgra grags te/ legs ldan rdzogs byed dang/ legs ldan brgya byin dang/ legs ldan tshangs pa zhes bya ba la sogs par brjod la/ de dag la sangs rgyas zhes bya ba'i sgra ni med pas de dag las ni rnam par bcad pa'i phyir sangs rgyas zhes bya ba'i sgra smos so/ /gal te de lta na mdo sde dang/ chos mngon pa gnyis la yang sangs rgyas zhes bya ba'i sgra smos par bya ba'i rigs na ci'i phyir ma smos she na/ mdo sde dang chos mngon pa gnyis ni nyan thos dang/ rang sangs rgyas dang/ lha dang/ drang srong sprul pa dag dang lhan cig thun mong du bstan pa yin la/ bslab pa'i gzhi bca' ba la ni 'phags pa shA ri'i bu la sogs pa dgra bcom pa dag la yang dbang med na gzhan dag la lta smos kyang ci dgos te/ de'i phyir bslab pa'i gzhi bca' ba ni thun mong ma yin pa'i sde snod la mtshan mar bya ba'i phyir sangs rgyas bcom ldan 'das zhes smos so/ /mdo sde dang chos mngon pa gnyis la ni/ 'di skad bdag gis thos pa'i dus gcig na/ bcom ldan 'das zhes smos so/ /zhes 'dul ba bye brag tu smra ba dag zer ro/ /rgyal po'i khab na zhes bya ba ni nye ba'i dbang du mdzad nas gsungs pa yin te/ dper na chu klung ya mo na pho brang 'dug go /zhes bya ba dang 'dra'o/ /ka lan+ta ka'i gnas na zhes bya ba ni ka lan+ta ka zhes bya srog chags bya phra mo dag gi gnas na ste/ de nyid gleng gzhi gzhung 'di las 'og nas 'byung ngo/ /bzhugs so/ zhes bya ba ni gnas pa ste/ spyod lam bzhi mdzad pa'i phyir ro/ /tshem me tshems so/ zhes bya ba ni yongs su g.yo ba dang bral ba ste/ tshem me bas kyang ches tshems so 'dug pa'i phyir rgyu gnyis kyis shes so/ /pha rol gyi dmag tshogs kyis 'jigs pa zhes bya ba la/ pha rol gyi dmag tshogs zhes bya ba ni pha rol gyi yul 'khor ba 'ongs pa'o/ /des 'jigs pa na grong khyer na gnas pa'i mi dag mi g.yo bar tshem me tshems se 'khod pa na grong khyer yang rgyun lugs med cing tshem med cing tshem me tshems ser gnas par 'gyur ba'o/ /dge sbyong zhes bya ba ni rab tu byung ba 'am sdig pa zhi ba'i phyir ro/ /bram ze zhes bya ba ni rigs dang ldan pa'i phyir ram sdig pa spangs pa'i phyir ro/ /dbang che bar grags pa zhes bya ba ni bsod nams dang ldan pa'o/ /gnas pa zhes bya ba ni 'dug pa'o/ /de 'dug pa nyid kyis na de'i mthus zhi ba nyid du 'gyur ro/ /snyam nas zhes bya bar ro/ /re zhig pha rol gyi gnas tshogs kyis 'jigs pa med pas zhes bya ni rgyu gnyis po dag las zhes bya bar tshig khong nas 'byung ngo/ /sang zhes bya ba ni sang nang par ro/ /dpral ris gsum zhes bya ba ni dpral ba'i phyogs su thal ba'i ri bo gsum byas pa'o/ /spyod yul du zhes bya ba ni don gyi phyi rol du 'dong ba'i sar ro/ /phyi bzhin du phyi bzhin zhes bya ba ni rjes bzhin du ste/ bzlas pa'i phyir tshig gnyis su smos so/ /phyir gyur te zhes bya ba ni phyir log ste'o/ /de la skabs su zhes bya ba ni de'i skabs su'o/ /mi mkhyen pa zhes bya ba ni ye shes kyis sam/ 'jig rten pa'i mkhyen pas so/ /ma gzigs pas zhes bya ba ni spyan gyis sam/ 'jig rten las 'das pa'i mkhyen pas so/ /ma rig pa zhes bya ba ni/ snyan gyis sam/ thag ring po'i gzugs gzigs pas so/ /rnam pa mi mkhyen pa zhes bya ba ni yid kyis rnam par shes pas sam/ cha phra zhing bsgribs pa'i gzugs gzigs pas so/ /rnam par mi mkhyen pa zhes bya ba ni yid kyi rnam par shes pas so/ /cha phra zhing gzugs gzigs pas so/ /yang na sdug bsngal dang/ kun 'byung ba dang/ 'gog pa dang/ lam mkhyen pa dag gis go rim bzhin no/ /sangs rgyas bcom ldan 'das zhes bya ba dang/ rnams kyi chos nyid ni nyin lan gsum mtshan lan gsum sangs rgyas kyis 'jig rten la rnam par gzigs nas mkhyen pa dang gzigs pa 'jug go zhes 'og nas 'byung ba dang sbyar ro/ /'tsho zhes bya ba ni yongs su mya ngan las 'das par mi mdzad pa'o/ /bzhugs pa zhes bya ba ni bsam gtan dang/ ting nge 'dzin la snyoms par 'jug pa'i bde ba yongs su spangs te/ 'jig rten pa phan pa mdzad pa rjes su bsgrub par mdzad pa'o/ /gson zhes bya ba ni mngon par mi dga' ba'i phung po lnga po khung du gyur pa de dag bsnams pas sdug bsngal bsnams pa'o/ /bzhes zhes bya ba ni thugs rje chen po dang ldan pas mngon par mi dgyes pa'i dngos po thams cad dang du ba zhes shing ba zhes pa'o thugs rje chen po dang ldan pa zhes bya ba ni thugs rje bla na med pas bskyod pa'o/ /'jig rten la phan par zhugs pa zhes bya ba ni rjes su bsgrubs pas so/ /srung ba gcig pu pa la zhes bya ba ni rtag tu dran pa nye bar gzhag pa'i sgo bsrungs dang ldan pa'o/ /nyag gcig pa na zhes bya ba ni grogs la mi bltos pa'o/ /gnyis pa med pa zhes bya ni 'dra ba gnyis pa med pa'o/ /gnyis su mi gsung ba zhes bya ba ni shin tu nges par gsungs pa ste/ snga phyi 'gal bar mi gsung ba'o/ /zhi gnas dang lhag mthong gis bzhugs pa zhes bya ba la/ zhi gnas zhes bya ba ni ting nge 'dzin te/ nyes pa zhi bar byed pa'i phyir ro/ /lhag mthong zhes bya ba ni shes rab mkhas pa ste/ lhag mthong gis skyes bu mkhas par byed pa'i phyir ro/ /rig pa gsum gsal bar mdzad pa zhes bya ba ni sngon gyi gnas dang/ 'chi 'pho dang/ skye ba dang/ zag pa zad pa mkhyen pa'i rig pa gsum ston par mdzad pa'o/ /bslab pa gsum la legs par bslab pa zhes bya ba ni lhag pa'i tshul khrims dang/ lhag pa'i sems dang/ lhag pa'i shes rab kyi bslab pa gsum rjes su bsgrub pa'o/ /dul ba'i gnas gsum gyi gzhi la mkhas pa zhes bya ba ni gcig tu 'jam pa dang/ gcig tu rtsub pa dang 'jam rtsub 'dren mas 'dul ba rnam gsum la mkhas pa'o/ /chu bo bzhi las mkhas pa'o/ /zhes bya ba ni 'dod pa dang/ srid pa dang/ lta ba dang/ ma rig pa'i chu bo las brgal ba'o/ /rdzu 'phrul gyi rkang pa bzhis spyod pa'i gzhi la legs par gnas pa zhes bya ba ni 'dun pa'i ting nge 'dzin spongs pa'i 'du byed dang ldan pa'i rdzu 'phrul gyi rkang pa dang/ sems dang/ brtson 'grus dang/ dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa la'o/ /bsdu ba'i dngos po gzhi la yun ring po nas yongs su spyad pa mdzad pa zhes bya ba ni sbyin pa dang/ snyan par smra ba dang/ don mthun pa dang/ don spyod pa la yun ring po nas goms par mdzad pa'o/ /mi 'jig pa bzhis bsnyel ba mi mnga' ba zhes bya ba ni yang dag par rdzogs pas sangs rgyas pa nyid dang/ zag pa zad pa nyid dang/ nges par 'byung ba'i lam ston pa nyid dang/ bar du gcod pa'i de bzhin du bstan pa la/ bsnyel pa mi mnga' zhing khyu mchog rlabs po che'i gnas su dam bca' la 'khor gyi nang du seng ge'i sgra yang dag par sgrogs pa'o/ /yan lag lnga spangs pa zhes bya ba ni 'dod pa 'dul ba dang/ gnod sems dang/ rmugs pa dang/ gnyid dang/ 'gyod pa dang/ rgod pa dang/ lta ba dang/ the tshom zhes bya ba 'khor bar byed pa'i yan lag lnga po dag spangs pa'o/ /'gro ba lnga las yang dag par 'das pa zhes bya ba ni/ lha dang mi dang/ sems can dmyal ba dang/ dud 'gro dang/ yi dags kyi 'gro ba lnga las so/ /yan lag drug dang ldan pa zhes bya ba ni rdzu 'phrul gyi yul dang/ lha'i rna ba dang/ sems kyi rnam grangs dang/ sngon gyi gnas dang/ 'chi 'pho dang/ skye ba dang/ zag pa zad pa/ shes pa dag brnyes pa'o/ /pha rol du phyin pa drug yongs su rdzogs pa zhes bya ba ni sbyin pa dang/ tshul khrims dang/ bzad pa dang/ brtson 'grus dang/ bsam gtan dang/ shes rab kyi pha rol tu phyin pa yongs su dag pa rdzogs pa ste/ de dag 'phel ba'i phyir ro/ /rtag tu gnas pa drug gis gnas pa zhes bya ba ni mig dang/ rna ba dang/ sna dang/ lce dang/ lus dang/ yid kyis rnam par shes par bya ba'i yul drug po dag la rtag tu dran pa dang/ shes bzhin gyi gnas so/ /byang chub kyi yan lag bdun gyi me tog gis chu ba zhes bya ba ni dran pa yang dag byang chub kyi yan lag dang/ chos rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms yang dag byang chub kyi yan lag go /lam gyi yan lag brgyad ston pa zhes bya ba ni yang dag pa'i lta ba dang/ yang dag pa'i rtog pa dang/ yang dag pa'i ngag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin gyi ngo bo nyid kyi 'phags pa'i lam ston par mdzad pa'o/ /mthar gyis gnas pa'i snyoms par 'jug pa dgu la mkhas pa zhes bya ba ni bsam gtan bzhi dang/ gzugs med pa bzhi dang/ 'gog pa'i snyoms par 'jug pa la'o/ /stobs bcu'i stobs dang ldan pa zhes bya ba ni gnas dang gnas ma yin pa mkhyen pa'i stobs dang las bdag gir bya ba mkhyen pa'i stobs dang/ bsam gtan dang/ rnam par thar pa dang/ ting nge 'dzin la snyoms par 'jug pa'i stobs dang/ dbang po mchog dang/ mchog ma yin pa mkhyen pa'i stobs dang/ khams sna tshogs pa mkhyen pa'i stobs dang/ tha mas du 'gro ba'i lam mkhyen pa'i stobs dang/ sngon gyis gnas rjes su dran pa mkhyen pa'i stobs dang/ 'chi 'pho dang/ skye ba mkhyen pa'i stobs dang/ zag pa zad pa mkhyen pa'i stobs dang ngo/ /phyogs bcur snyan pas yang dag par rgyas pa zhes bya ba la/ phyogs bcu zhes bya ba ni phyogs bzhi dang/ phyogs mtshams bzhi steng dang/ 'og go /brgya phrag bcur dbang sgyur ba las khyad par du 'phags pa zhes bya ba la/ brgya phrag bcu zhes bya ba ni grangs kyi khyad par te/ stong gi 'jig rten gyi khams so/ /der dbang sgyur ba ni 'khor gyi bdag po de/ stong gi 'jig rten gyi khams su dbang sgyur ba'i tshangs pa'o/ /de las khyad par du 'phags pa ni mthus lhag pa'o/ /chos nyid ces bya ba ni dngos po'i tshul te/ gdon mi za bar sku don rjes su 'grub pa zhes bya ba'i tha tshig go /nyin lan gsum mtshan lan gsum zhes bya ba ni nyin par snga dro dang/ gung dang phyi dro'i cha gsum dang/ mtshan mo'i thun dang po dang/ gung dang/ tha ma gsum mo/ /sangs rgyas kyi spyan gyis zhes bya ba ni thams cad mkhyen pa'i ye shes kyis so/ /'jig rten la zhes bya ba ni khams gsum pa'i 'gro ba'o/ /rnam par gzigs nas zhes bya ba ni so sor brtags nas so/ /nyams par 'gyur zhes bya ba ni dad pa la sogs pa dge ba'i chos dag las ltung ba'o/ /'phel bar 'gyur zhes bya ba ni dad pa la sogs pa dge ba de dag gis nye bar gsog par 'gyur ba'o/ /gnod pa zhes bya ba ni lus kyi sdug bsngal ba'o/ /nyam nga ba zhes bya ba ni sdug pa dang bral ba'i sdug bsngal lo/ /kha cig na re gnod pa zhes bya ba ni/ 'byung dka' ba'i phyir ro/ /nyam nga ba zhes bya ba ni phyir bcos pa'i skabs med pa'i phyir ro/ /mi bde ba zhes bya ba ni gnod pa'i bdag nyid yin pa'i phyir ro/ zhes zer ro/ /gnod pa'i dang nyam nga ba dang/ mi bde ba zhes pa bsdus pa ni sdug bsngal 'byung ba yod pa'i phyir ro/ /gang ni ngan song la zhes bya ba la sogs pa dang/ ngan song zhes bya ba ni sems can dmyal ba la sogs pa'o/ /gzhol ba dang/ 'bab pa dang/ bab pa zhes bya ba ni chung ngu dang/ 'bring dang/ chen po rnam pas mngon par phyogs pa'o/ /kha cig na re gzhol zhes bya ba ni ngan song pa'i las kyi sbyor ba byed pa'i phyir ro/ /'bab pa zhes bya ba ni las kyis dngos gzhi yongs su rdzogs pa'i phyir ro/ /bab pa zhes bya ba ni las kyi mjug yongs su rdzogs pa'i phyir ro/ /mtho ris zhes bya ba ni lha'i 'jig rten no/ /thar pa zhes bya ba ni dus gsum las thar pa gsum pa ste/ mya ngan las 'das pa'o/ /'bras bu zhes bya ba ni dge sbyong gi tshul gyi 'bras bu'o/ /'dod pa'i 'dam zhes bya ba ni dngos po'i 'dod pa dang/ nyon mongs pa'i 'dod pa ste 'dam dang chos mthun pa'i phyir ro/ /'phags pa'i nor zhes bya ba ni zag pa med pa'i dad pa dang/ tshul khrims dang ngo tsha shes pa dang/ khrel yod pa dang/ thos pa dang/ gtong ba dang/ shes rab kyi nor bdun po dag go /'bras bu dang bcas pa zhes bya ba ni/ gnas la dad pa la sogs pa'i rim gyis so/ /dge pa'i rtsa ba dag ma bskyed pa zhes bya ba ni thar pa'i cha dang mthun pa dag ma spangs pa'o/ /yongs su smin par byed pa zhes bya ba ni mthus skyes shing spel ba'o/ /rnam par grol ba zhes bya ba ni 'bras bur 'gyur ba'o/ /mkhyen pa dang gzigs pa zhes bya ba la/ mkhyen pa zhes bya ba ni bya ba yongs su gcod pa'o/ /yang na rang gi ngo bo rtogs pa'o/ /gzigs pa zhes bya ba ni rtog pa ste bye brag tu so sor rtog pa'o/ /kha cig na re mkhyen pa zhes bya ba ni yid kyis mkhyen par phya ba'i dngos po mkhyen pa'o/ /gzigs pa zhes bya ba ni spyan gyis gzigs par bya ba'i dngos po gzigs pa'o/ /yang na med pa la med par mkhyen pa dang/ yod pa la yod par gzigs pa ste go rim bzhin no/ /yang na mkhyen pa ni zag pa med pa yul mkhyen pa'o/ /gzigs pa ni 'jig rten pa'i yul gzigs pa'o// zhes zer ro/ /smra ba zhes bya ba ni yang dag par sdud pa stod pa byed pa las so/ /chu srin gnas kyi dug can pa zhes bya ba ni rgya mtsho chen po'o/ /de chu srin gyi gnas kyang yin la/ dug can pa yang yin pa'i phyir ro/ /chu srin smos pa ni mtshon pa tsam ste/ nya chen dang nya chen mid dang/ nya chen mid chen po la sogs pa srog chags 'byung po gzhan gyi gnas kyang yin no/ /chu srin gyi gnas dang dug can pa zhes bya ba'i tha tshig /gnyi ga smos pa ni rgyal ba dug can gyis bsgos pa'i chu klung dang/ rdzing bu gzhan dag kyang yod pas de las dgar bar bya ba'i phyir/ dus las zhes bya ba ni dus gsum du rlabs byung ba'i dus las so/ /'da' bar 'gyur ba zhes bya ba ni yol bar 'gyur ba'o/ /gdul ba zhes bya ba ni/ gdul ba'i skye bo la'o/ /byams pa zhes bya ba ni spyan ras gzigs kyis 'tsho ba'o/ /rtog cing zhes bya ba ni/ dus thams cad byams pa'i bsam pas nye bar gnas pas byed pa'o/ /de srog srung bar byed ces bya ba ni/ sbul dang/ dug dang/ tsher ma la sogs pa srog la gnod pa dag las kun tu srung bar byed pa'o/ /gdul ba'i skye po zhes bya ba ni gdul bar bya ba'i sems can gyi tshogs so/ /rtog par mdzad ces bya ba ni bu gcig pa la byams pa dang 'dra bar dus thams cad du byams par mdzad pa'o/ /de srog srung bar mdzad ces bya ba ni rgyud la 'phags pa'i lam skye ba'i rgyu dang mi mthun pa dag la kun tu srung bar mdzad pa'o/ /ji ltar de ltar rtog par mdzad ce na/ de'i phyir kun mkhyen zhes bya ba la sogs pa gsungs te/ gang gi phyir de bzhin gshegs pa'i rgyud la mnga' ba'i thugs rje ba bzhon ma gsum bu mnga' ba gang yin pa de 'dul ba'i 'khor ba'i btson rar 'khyams pa be'u lta bu dag tshol bas mi skyo ba de'i phyir de bzhin gshegs pa 'dul ba'i skye bo la rtog par mdzad cing de'i srog srung bar mdzad do/ zhes bya bar sbyar ro/ /de'i phyir gdul ba srid dang/ ngan 'gros nyams la byams pa'i/ rab nyams be'u la byams pa'i ba bzhin no/ zhes bya ba gsungs te/ de bzhin gshegs pa'i rgyud la mnga' ba'i thugs rje ni ba bzhon drus ma lta bu yin la 'dul ba'i skye bo srid pa dang/ ngan 'gro nyams pa ni be'u lta bu yin pas/ de bzhin gshegs pa'i thugs rjes gdul ba'i skye bo tshol bas mi skyo ba ni ba bzhon drus ma be'u tshol bas mi skyo ba dang 'dra'o/ /zhes bya ba'i tha tshig go /bya ba lhag par byas pa zhes bya ba ni thar pa'i cha dang mthun pa'i dge ba'i rtsa ba 'phangs pa'o/ /dge ba'i rtsa ba'i tshogs bsags pa zhes bya ba ni thar pa'i cha dang mthun pa'i dge ba'i rtsa ba yongs su rtas pa ste/ 'bras bu bskyed pa la mngon du phyogs zhes bya ba'i tha tshig go /de nyid 'bras bu yongs su smin pa mtshon gyis brtol ba la sdod pa lta bu zhes bya ba bstan to/ /ci 'di gnyis re zhig ston pas gdul ba yin nam/ 'on te nyan thos kyis gdul ba yin snyam du dgongs na zhes bya ba la sogs pa'i tshig de ni nyan thos kyis gdul ba thams cad gdul bar mi 'gyur ba 'gag pa yin gyi ston pas gdul ba kha cig mi gdul bar dgag pa ni ma yin te/ 'di ltar ston pas ni gdul ba thams cad 'dul bar 'gyur pa'i phyir ro/ /sgo gang nas zhes bya ba ni gdul bar bya ba'i thabs gang nas so/ /'jug par 'gyur zhes bya ba ni bstan la 'jug par 'gyur ro/ /rdzu 'phrul zhes bya ba ni nam mkha' la 'gro ba la sogs pa'o/ /spyod lam zhes bya ba ni 'gro ba dang/ 'ong ba la sogs pa bya ba'i mtshan nyid do/ /yid sdud par byed pa zhes bya ba ni dang po skyed par byed pa'o/ /sems shig ces bya ba ni bltos shig ces bya ba'o/ /cang mi smra bas zhes bya ba ni kha dog pas so/ /blang pa zhes bya ba ni dang du blangs pas so/ /mngon par bstod pas zhes bya ba ni sems kyis khas blangs pa'o/ /rjes su yi rangs pa zhes bya ba ni da lta lags so/ /zhes tshig gis bstod pa'o/ /snga dro zhes bya ba ni gung tshigs bdun rol lo/ /sham thabs bgos zhes bya ba ni smad kyi gos pa bgos pa'o/ /'di ltar sham thabs ni snga nas kyang bgos zin mod/ 'od kyang spyod yul 'jug pa'i tshe legs par bcos pa ? yin pas nyes pa med do/ /kha cig na re sham thabs kyi gzan gyon po pa phud de spyod yul du 'jug khar sham thabs nyid bgos pa la bya'o/ zhes zer ro/ /lhung bzed thogs zhes bya ba ni lag na thogs pa'o/ /chos gos thogs zhes bya ba ni stod kyi gos bgos pa'o/ /'gro ba zhes bya ba ni phar 'gro ba'o/ /ldog pa zhes bya ba ni phyir ldog pa'o/ /cung zad blta ba zhes bya ba ni mdun du blta ba'o/ /rnam par blta ba zhes bya ba ni/ g.yas g.yon du blta ba'o/ /bskum pa zhes bya ba ni lag pa la sogs pa bskum pa'o/ brkyang pa zhes bya ba yang lag pa la sogs pa brkyang ba'o/ /snam sbyar zhes bya ba ni snam phran gyi glegs bu sbyar ba'i gos stong du bgo ba'o/ /chos gos zhes bya ba ni snam sbyar las gzhan pa bla gos la sogs pa'o/ /bya ba zhig gi phyir zhes bya ba ni don gtso bo ma yin pas ming mi smos so/ /gang gi phyir ni rab tu 'byung ba zhes bya ba ni rab tu byung ba mthong ngam/ thos pa'i phyir rab tu byung ba'o/ /dga' ba zhes bya ba ni 'dod pa'o/ /lam chen po zhes bya ba ni shing rta'i lam mo/ /de ni yangs yangs pa yod pas de'i phyir du ba zhes bya ba ni smos te/ srang dog pa bsgugs sla ba zhig na zhes bya bar sbyar ro/ /'gro ba dang ldog pas zhes bya ba ni chags pas so/ /shas cher zhes bya ba ni gtso cher te zhar la don gzhan yang byed pa'o/ /sdod cing zhes bya ba ni sdod pa'o/ /dge sbyong gau ta ma zhes bya ba smos pa ni gzhan bdag de skad zer ba'i tshig gi rjes bsnyeg pa yin gyis tshe dang ldan pa rta thul nyid ni ston pa la de skad ces mi brjod do/ /gau ta ma zhes bya ba ni drang srong gau ta ma zhes bya ba ni drang srong gau ta ma'i rgyud yin pa'i phyir ro/ /bla na med pa yang dag par rdzogs pa'i byang chub ces bya ba ni bla na med pa'i mkhyen pa'o/ /mngon par rdzogs pas sangs rgyas zhes bya ba ni brnyes par gyur pa'o/ /chos zhes bya ba ni bstan pa'i chos so/ /ston cig ces bya ba ni smos shig ces bya ba'o/ /na gzhon zhes bya ba ni na tshod gzhon pa'o/ /bstan pa zhes bya ba ni chos so/ /bslab ma yin te zhes bya ba ni mi nus te zhes bya ba'o/ /nga'i zhes bya ba ni ston pa'i 'o/ /chos gang byung zhes bya ba ni sogs pa la chos gang zhes bya ba ni gzugs la sogs pa 'dus byas kyi dngos po rnams so/ /rgyus 'byung zhes bya ba la rgyu las brten te/ byung ba 'bras bur gyur pa'i nye bar len pa'i phung po lnga po zhes bya ba'i tha tshig go /de ltar na 'dis ni sdug bsngal gyi bden pa bstan te de bzhin gshegs pas bka' stsal to/ zhes bya bar sbyar ro/ /de dag gi rgyu zhes bya ba ni sngar bstan pa thag pa'i chos gang dag rgyu las brten te/ byung ba de dag gi rgyu ste/ rgyur gyur pa'i nye bar len pa'i phung po zhes bya ba'i tha tshig go /de ltar na 'dis ni kun 'byung ba'i bden pa bstan te/ de yang de bzhin gshegs pas bka' stsal to/ zhes bya bar sbyar ro/ /de 'gog gang yin pa'ang zhes bya ba ni sdug bsngal te 'gog pa gang yin pa ste/ mya ngan las 'das pa zhes bya ba'i tha tshig go /de ltar na 'dis ni 'gog pa'i bden pa bstan te/ de yang de bzhin gshegs pa'i bka' stsal te zhes bya bar sbyar ro/ /dge sbyong chen po zhes bya ba ni dge sbyong gzhan dag pas gtso bor gyur pa te sdig pa zhi ba'i phyir ro/ /de skad gsungs zhes bya ba ni gsungs pa'i ngang tshul can te/ 'di ni lam gyi bden pa bstan te/ de skad ces pa'i sgra smos pa'i phyir ro/ /'di ltar de skad ces bya ba'i sgra ni de ltar zhes bya ba te de ltar sgra yang ji ltar zhes bya ba'i sgra dang sbyar ro/ /des na ji ltar sdug bsngal gyi bden pa rgyu dang bcas pa de bzhin gshegs pas bka' stsal pa/ de ltar 'gog pa'i bden pa'i bden pa yang rgyu dang bcas par de bzhin gshegs pas bka' stsal to/ /zhes sbyar ro/ /de ltar na tshigs su bcad pa 'dis ni 'phags pa'i bden pa bzhi bstan pa yin no/ /kha cig na re chos gang zhes bya ba 'dis ni sdug bsngal gyi bden pa ste/ rgyus zhes bya ba 'dis ni kun 'byung ba'i bden pa bstan to/ /'gog pa zhes bya ba 'dis ni 'gog pa'i bden pa dang/ lam gyi bden pa gnyis bstan te/ de gnyis 'brel pa'i phyir te/ 'di ltar bya ba bsgrub pas ni 'gog pa bstan te/ 'gog pa ni mya ngan las 'das pa yin no/ /byed pa bsgrub pas ni lam bstan te/ lam 'dis 'gog par byed pas na 'gog par byed pas ni lam yin no/ zhes zer ro/ /yang kha cig na re chos gang zhes bya ba ni sdug bsngal gyi bden pa bstan to/ /rgyu zhes bya ba ni kun 'byung ba'i bden pa bstan to/ /'gog pa zhes bya bas ni 'gog pa'i bden pa bstan to/ /'ang zhes bya ba'i sgras ni lam gyi bden pa bstan to/ /'di ltar 'ang zhes bya ba'i sgra 'di ni don bsdu ba'i don to// des na ji ltar sdug bsngal gyi rgyu dang bcas par gsungs pa de bzhin 'gog pa'i bden pa la rgyu dang bcas par gsungs zhes bya ba'i tha tshig go / lam ni 'gog pa'i rgyu nyid du rnam par bzhag gi /skyed pa'i nyid ni ma yin no/ zhes zer ro// chos kyi rnam grangs zhes bya ba ni chos kyi rnam pa 'am chos kyi go rim mo/ /bden pa bzhi'i mtshan nyid do/ /chos rnams la zhes bya ba ni 'phags pa'i bden pa bzhi mthong bas te/ rgyun tu zhugs pa'i 'bras bu zhes bya ba'i tha tshig go /rdul med ces bya ba ni phra rgyas med pa'i phyir ro/ /dri ma dang bral ba zhes bya ba ni kun nas dkris pa med pa'i phyir ro/ /yang na rdul med ces bya ba ni gsal bar snang ba'i phyir ro/ /dri ma dang bral ba zhes bya ba ni/ zag pa med pa'i phyir te/ ji skad du/ bsgom pa'i stobs kyis gsal ba te/ /'jigs la sogs pa snang ba bzhin/ /shes pa ma nor mi rtogs pa/ /gang yin de ni mngon sum mo/ zhes bya ba la sogs pa bshad pa lta bu'o/ /skyes so/ zhes bya ba ni thos pa zhes bya ba'i tha tshig go /chos mthong ba zhes bya bas ni sdug bsngal gyi bden pa bstan to/ /chos thob pa zhes bya bas ni 'gog pa'i bden pa bstan to/ /chos rig pa zhes bya bas ni kun 'byung ba'i bden pa bstan to/ /chos gting sleb zhes bya bas ni lam gyi bden pa bstan to/ /som nyi las brgal ba zhes bya ba ni thog ma med pa'i dus nas bag chags kyis bsgos pa chos rnams ma rtogs pa rtogs par 'dod pa dang bral ba'i phyir ro/ /the tshom brgal ba zhes bya ba ni bden pa'i yul yid gnyis dang bral ba'o/ /gzhan gyi dring mi 'jog pa zhes bya ba ni bdag nyid kyis chos rnams rtogs pa'i phyir gzhan gyi rkyen gyis mi 'gro ba'o/ /gzhan gyis mi bkri zhes bya ba ni gzhan gyis bkri bar mi nus pa'i phyir ro/ /ston pa'i bstan pa'i chos rnams la zhes bya ba ni bshad pa'i chos rnams la'o/ /mi 'jigs pa thob ces bya ba ni chos rnams kyi rang dang spyi'i mtshan nyid yongs su shes pa'i phyir mi 'jigs pa thob pa'o/ /bla gos zhes bya ba ni steng du bgo ba'i gos so/ /phrag pa gcig tu zhes bya ba ni phrag pa ya gcig tu'o/ /thal mo sbyar zhes bya ba ni lag mthil gnyis sbyar ba'o/ /btung te zhes bya ba ni brkyang ste'o/ /skyob pa rnams kyi zhes bya ba ni gdul ba'i skye bo yongs su srung ba la/ gzhol ba sangs rgyas bcom ldan 'das kyi'o/ /chos 'di yin zhes bya ba ni 'phags pa'i bden pa bzhi'i ngo bo nyid kyi chos 'di'o/ /bskal pa zhes bya ba ni bar gyi bskal pa la sogs pa dus kyi bye brag go / bye ba khrag khrig ces bya ba ni bye ba phrag khrag khrig te/ grangs kyi tshad kyi gnas bcu gnyis pa'o/ /sngan chad ma mthong zhes bya ba ni 'khor ba thog ma med nas/ lan 'ga' yang ma mthong ba'i phyir ro/ /ma thos zhes bya ba ni nye bar ston pa med pa'i phyir ro/ /'chi med ces bya ba ni yongs su nyams pa med pa'i phyir ro/ /mya ngan med pa zhes bya ba ni sdug bsngal med pa'i phyir ro/ /go 'phang zhes bya ba ni gnas te/ yon tan thams cad kyi gnas yin pa'i phyir ro/ /rjes su rtogs zhes bya ba ni da ltar shes par 'gyur ro/ /ga la bzhugs zhes bya ba dri ba'o/ /rnam par dang zhes bya ba ni shin tu gsal ba'o/ /yongs su dag ces bya ba ni mdangs dang ldan pa'o/ /yongs su dkar zhes bya ba ni ches bskrag pa dang ldan pa'o/ /da dung yang lan cig brjod cig ces bya ba ni ma rtogs pa'i phyir yang lan cig zlos su bcug pa'o/ /'khor la lta ba ni legs pa yin no/ zhes bya ba ni g.yog 'khor la lta ba bzang ba'o/ /nga zhes bya ba ni da ltar te 'grub pa'i dus so/ /de'i zhes bya ba ni rab tu 'byung ba zhes bya ba'i dgongs pa de'i 'o// shes par gyis shig ces bya ba ni khong du chud par byos shig ces bya'o/ /nyin mo spyod pa zhes bya ba ni nyin par dge ba'i phyogs byed pa'o/ /bsnyen bkur zhes bya ba'i mchod pa'o/ /'on te zhes bya ba ni spyad pa'o/ /'byung ba zhes bya ba ni skabs so/ /gang las bya ba ni nye bar ston pa las so/ /chos zhes bya ba ni 'jig rten gnyis ka dang mi 'gal ba'o/ /rnam par shes pa zhes bya ba ni rtogs par gyur pa'o/ /gus byas zhes bya ba ni rjes byas te'o/ /gtsang ma zhes bya ba ni khrus la sogs pas so/ /brgya phrag du ma zhes bya ba ni brgya phrag mang po'i tshad do/ /grog po zhes bya ba ni snying du sdug pa'o/ /tshogs yongs su sdud pa zhes bya ba ni tshogs yongs su srung ba ste/ tshogs mdza' dag sdud par byed pa'o/ /tshogs yongs su 'dren pa zhes bya ba ni gtso bor gyur phyir tshogs kyis mdun nas bdar ba'o/ /mchod pa'i tshig ste/ shin tu dge ba dang/ bde ba skyed pa'i phyir ro/ /nyan thos zung zhes bya ba ni zung cig ste/ gnyis zhes bya ba ni tha tshig go /zung gcig mchog ces bya ba ni nyan thos rdzu 'phrul dang ldan pa dang/ shes rab dang ldan pa rnams kyi mchog go /zung bzang po zhes bya ba ni tshogs chung ngus gdul ba dang/ gzhan la phan 'dogs pa'i phyir bzang ba'o/ /dgongs yul mdza' yas pa zhes bya ba ni thams cad mkhyen pa'i ye shes kyi yul mdza' yas pa dang ldan pa zhes pa'i tha tshig go / skyes bu'i dbang po mkhyen mthar byon zhes bya ba ni sems can rnams kyi dad pa la sogs pa'i dbang po mkhyen pa'i pha rol tu byon pa ste/ 'dis ni dbang po mchog dang/ mchog ma yin pa mkhyen pa'i stobs dang ldan par bstan to/ /srid pa mthar mdzad pas zhes bya ba ni srid pa gsum gyi mthar byon pas so/ /tshogs mchog ces bya ba ni dge slong gi dge 'dun no/ /lung bstan mdzad ces bya ba ni lung bstan par gyur pa'o/ /legs par gsungs pa zhes bya ba ni ji lta ba bzhin du gsungs pa'o/ /chos 'dul ba la zhes bya ba ni mya ngan las 'das pa'i don nye bar bstan pa'i gsung rab la'o/ /rdzogs par bsnyen pa dge slong gi dngos po zhes bya ba ni rdzogs par bsnyen pa'i mtshan nyid kyi dge slong gi dngos po'i tshig gnyi ga smos pa ni ming gi dge slong la sogs pa bslang ba'i phyir ro/ /dge slong tshur shog pas zhes bya ba ni bya ba gang la dge slong tshur shog ces bya ba ni yod pa de ni dge slong tshur shog pa'o/ /gang la khas blang ba bya ba dang byed du 'jug pa tsam kho nas rdzogs par bsnyen par 'gyur ba ste/ smon lam btab pa'i phyir slob dpon la sogs pa la mi bltos pas des zhes bya ba'i tha tshig go /dge slong dag ces bya ba ni phyis dge slong ma gyur pa la brten nas bka' stsal pa yin no/ /bka' i mjug kho nar zhes bya ba ni bka' stsal ma thag pa kho nar ro/ /lag pa lhung bzed dang bya ma bum gyis 'brel pas zhes bya ba ni lag na de dag bsrel ba'o/ /snam sbyar gyon pa'i lus dang ldan zhing zhes bya ba la/ snam sbyar zhes bya ba ni snam bur dras shing sbyar ba'i chos gos te/ gang lus la de gyon pa de ni snam sbyar gyon pa'i lus dang ldan pa'o/ /mod la dbang po rab nas gyur te/ zhes bya ba ni rab tu 'byung ba'i mod la dbang po rnams rab tu zhi bar gnas par gyur pa'o/ /dgongs pas zhes bya ba ni thugs la dgongs pas so/ /de dag gi ji zhig dgongs par gyur zhe na de'i phyir/ lus gzugs bkab par gyur ces gsungs te/ lus gzugs zhes bya ba ni rang bzhin du gnas pa'i lus kyi gnas skabs so/ /de bkab pa ni 'gebs shing g.yog par byed pa ste/ cha lugs so/ /cha lugs de dang ldan par gyur ces bya ba'i tha tshig go / rab tu mang po zhes bya ba ni gnyis las lhag pa ni mang po yin no/ /yang dag rgyal ba can gyi mu stegs can gyi gnas zhes bya ba ni ston pa yang dag rgyal ba can gyi slob ma mu stegs can gyi gnas kun tu rgyu nye rgyal dang/ pang nas skyes 'khor dang bcas pa'o/ /rab tu phyung zhing rdzogs par bsnyen nas zhes bya ba ni bcom ldan 'das kyi yang dag rgyal ba can gyi slob ma mu stegs can gyi gnas pa dag rab tu phyung zhing rdzogs par bsnyen par mdzad pa yin gyi yang dag rgyal ba can nyid ni ma yin te/ de ltar dus la bab pa'i phyir ro/ /ring po ma lon pas zhes bya ba ni rgyu des rgyal po khab kyi mi dag yid ma rangs shing mngon par mi dga' bar gyur to/ zhes bya bar sbyar ro/ /yid ma rangs zhes bya ba ni nang gi bdag nyid kyis yid ched pa'o/ /mngon par mi dga' zhes bya ba ni phyi rol nye bar ma zhi bas 'khrug pa'o/ /de dang de dag ces bya ba ni bzlas pa'i phyir lan gnyis su smos so/ /co 'dri zhes bya ba ni/ zher 'debs par byed pa'o/ /grong mchog ces bya ba ni grong khyer gtso bo'o/ /yang dag rgyal pa'i zhes bya ba ni de'i slob ma kun zhes bya ba sbyar ro/ /khrid na zhes bya ba ni rab tu phyung na'o/ /phyin chad ci zhig bkri bar bya zhes bya ba ni da yang gzhan ci zhig bkri bar byar yod khyed cag yang grong khyer tu lhags zhes bya bar bsams pa yin no/ /brgyus nas zhes bya ba ni bsod snyoms kyi phyir brgyu ba byas nas so/ /zas kyi bya ba byas te zhes bya ba ni zas kyi bya ba bsgrubs pas te/ zas sos te zhes bya ba'i tha tshig go /phyi ma'i zas kyi bsod snyoms las phyir log pas zhes bya ba la phyi ma'i zas zhes bya ba ni phyed yol phan chad de'i phyi dro'o/ /bsod snyoms las phyir log pas zhes bya ba ni bsod snyoms mi byed pas te/ tshig gi don spyir bsdu na/ phyi dro bsod snyoms la mi rgyu bas zhes bya ba'i tha tshig go /lhung bzed dang chos gos mkhos su phab nas zhes bya ba ni so sor nges pa'i gnas su rnam par bzhag nas so/ /sdug bsngal zhes bya ba ni lus kyi'o/ /mi bde bas zhes bya ba ni sems kyis te/ de gnyis ni bya ba'i bye brag yin no/ /'di la zhes bya ba ni bstan pa 'di la'o/ /dpa' chen zhes bya ba stobs bla na med pa dang ldan pa 'am bdud bzhi bcom pa'i phyir ro/ /chos kyis zhes bya ba ni dam pa'i chos kyis yin gyi nan zhugs kyis ma yin pa'o/ /mkhas pa zhes bya ba ni shes pa'o/ /mi bzod byed ces bya ba ni su zhig mi bzod pa skyed par byed ces bya'o/ /rlom pa tsam zhes bya ba ni khengs pa nyid do/ /spobs pa tsam zhes bya ba ni mi 'jigs pa nyid do/ /sgo ba zhes bya ba ni sgo srungs so/ /bzhin gyi gzugs zhes bya ba ni ngo shes par 'gyur ba'i mtshan ma kha dog dang/ dbyibs kyi mtshan nyid kyi rtags so/ /mngon du zhes bya ba ni mngon sum du'o// yang dag par dga' bar 'gyur ba zhes bya ba ni bsnyun gsol ba'i phyir ro/ /yang dag par mgu bar 'gyur ba zhes bya ba ni bde ba'i gtam thos pas mgu ba skyes pa'i phyir ro/ /sna tshogs zhes bya ba ni rnam pa du ma'o/ /byas te zhes bya ba ni phan tshun byas te'o// kye gau ta ma bdag ni thams cad mi bzod pa'o/ zhes bya ba la sogs pa ni gang rigs pas rig pa ma yin pa de dag mi 'dod de 'jig rten pha rol yod pa nyid la sogs pa ni rigs pas rig pa ma yin te/ mngon sum gyi yul ni dngos po mdun na 'dug pa yin la/ 'jig rten pha rol ni dbang po'i yul ma yin te/ dbang po'i yul ma yin pa la ni mngon sum gyi tshad ma ldog go /rjes su dpag pa'i yul ni spyi'i mtshan nyid yin pas/ yul gyi dngos po med pas tshad mar mi rung ba ste/ de ltar yang mngon sum du ma yin pa ni tshad ma ma yin no/ zhes zer ba de'i phyir bdag ni de mi 'dod do zhes bya ba'i tha tshig go /de ltar kun tu rgyu sen rings ni chad par lta ba yin pas de mngal na gnas pa ni skye ba dang po yin la/ 'chi ba ni skye ba tha ma yin te/ sems can shi ba'i 'og tu chad par 'gyur bar lta ba'i phyir dang 'phags pa shA ri'i bu rab tu byung bas yid mi bde bar gyur nas de la 'di lta bu'i sems skyes te shes pa mthar thug pa dag ni med pas re zhig ring du song ba'i blo can dag kyang/ bstan bcos las phyir log pas na shA ri'i bu bas dge sbyong gau ta ma ches mkhas pa/ de bas kyang gzhan zhig ches mkhas shing de bas kyang gzhan zhig ches mkhas par gor ma chag go /shA ri'i bu'i shes pa ni dge sbyong gau ta ma'i shes pas zil gyis non la/ de'i shes pa yang gzhan zhig gis zil gyis non par 'gyur zhing de'i yang gzhan gyis non par 'gyur bas de'i phyir shas pa mthar thug pa dag med do/ /phul du phyin pa'i khyad par can med do/ /snyam nas/ kye gau ta ma bdag ni thams cad mi bzod do/ zhes zer ro/ /de de skad ber? ba la bcom ldan 'das kyis mer 'jug gi bu yod kyis bdag cag thams cad mi bzod par lta ba gang yin pa'i lta ba de yang mi bzod do/ zhes bya ba bka' stsal te/ bdag ni thams cad mi bzod do/ zhes khyab pa'i tshig gis/ thams cad pas chad par lta ba nyid kyang bkag par gyur pa'i phyir ro/ /de nas sen rings kyis dam bcas pa nyams kyis dogs pas kye gau ta ma bdag ni thams cad bzod par lta bar gang yin pa de yang mi bzod do/ zhes bya ba gsol to/ /'di ni mthar 'dzin pa'i lta ba chad par lta bas bsdus pa yin te/ sdug bsngal mthong bas spang bar bya ba yin no/ /'di'i kun nas slob pa ni 'jig rten rgyang phan thob pa'i phyir dang/ 'phags pa shA ri'i bu rab tu byung bas yid ma bde ba'i phyir/ kye gau ta ma bdag ni thams cad mi bzod do/ /zhes de ltar lta zhing de skad smra ste/ de ni re zhig spyi'i don yin no/ /da ni yan lag gi don bshad par bya ste/ kye zhes bya ba ni bod pa'i tshig go /thams cad ces bya ba ni rtag par smra ba'i bdag nyid la sogs pa'o/ /mi bzod do/ zhes bya ba ni mi 'dod do/ /zhes bya ba'o/ /mer 'jug pa'i bu zhes bya ba ni mer 'jug gi rigs las skyes pa'i phyir ro/ /thams cad mi bzod par lta ba gang yin pa'i lta ba de yang mi bzod do/ zhes bya ba ni thams cad mi bzod pa'i khongs su chad par lta ba de yang 'dus pas khyed kyis chad par lta ba de yang mi bzod par rigs so/ zhes bka' stsal ba yin no/ /de nas sen rings dam bcas pa nyams kyis dogs pas bdag ni thams cad mi bzod par lta ba gang yin pa'i lta ba'i lta ba de yang mi bzod do/ /zhes khas blangs so/ /'o na zhes bya ba ni khas blangs na'o/ /sen rings kyi de ltar khas blangs nas/ de'i phan yon gang zhe na/ sen rings chad par lta ba yin pas gang gi tshe des thams cad mi bzod pa de'i tshe na/ des lta ba thams cad yongs su btang ba de nyid de'i phan yon chen po yin no/ zhes sbyar bar bya'o/ /de ltar zhes bya ba ni lta ba thams cad mi rigs pa nyid yin pas snga phyi 'gal bar shes shing ngo/ /de ltar mthong na zhes bya ba ni rigs pa'i sgo nas de ltar mthong na'o/ /lta ba de yang zhes bya ba ni chad par lta ba de yang ngo/ /lta ba zhes bya ba ni yid kyi rnam par shes pa dang mtshungs par ldan pa'i nyon mongs pa can gyi shes rab ste/ kun tu rtog pa'i bdag nyid yin pa'i phyir ro/ /spong ba zhes bya ba ni rnam par gnod pa'i sgo nas so/ /'dor ba zhes bya ba ni de'i 'thob pa'i chad pa'i phyir ro/ /med bar 'gyur ba zhes bya ba ni yang mi 'byung ba'i phyir ro/ /lta ba gzhan yang zhes bya ba ni chad par lta ba las gzhan yang de rgyu las byung ba'i lta ba gzhan dag go /mtshams mi sbyor ba zhes bya ba ni mngon sum du 'gyur ba med pa'i phyir ro/ /nye bar mi len pa zhes bya ba ni 'brel pa med pa'i phyir ro/ /mi 'byung bar 'gyur ro/ /zhes bya ba ni rgyun chad pa'i phyir ro/ /'di skad bstan te/ gal te khyod kyis lta ba thams cad mi rigs par shes na de'i tshe lta ba thams cad las ldog par 'gyur bas de nyid phan yon no/ / zhes bya ba'i tha tshig go / sen rings kyis phan yon legs par mnyan pas bcom ldan 'das kyi bka' bzlas pa'i phyir kye gau ta ma bdag gis de ltar shes shing de ltar mthong na zhes bya ba la sogs pa gsol te/ de de bzhin te bdag gis de ltar shes shing de ltar mthong na lta ba'i rnam pa thams cad ldog par 'gyur ro/ /zhes bya ba'i tha tshig go /gal te sen rings 'di snyam du lta ba thams cad dang bral bar gyur na de'i tshe bdag gi bar chad smra ba dang/ bye brag 'ga' yang med do/ /snyam du dogs pa'i phyir mer 'jug gi bu khyod ni skye bo phal bo che dang lhan cig ces bya ba la sogs pa gsungs te/ khyod ni skye bo phal po che lta ba mi bzod pa dag dang lhan cig lta ba mtshungs par 'gyur ro/ zhes ston to/ /mtshungs shing zhes bya ba ni rgyud las gzhan du 'gro ba'i phyir ro/ /'dra bar 'gyur te zhes bya ba dngos po gcig pa'i tshul gyis so/ /skye bo phal po che yang de ltar lta zhing de skad smra bas khyod kyang de dang 'dra ba kho nar 'gyur ro/ zhes bya ba ni rdzogs byed pa mang po gti mug gis kun nas dkris pa dag ni rnam pa de lta bu dag gis lta ba'i chu bo dang ldan pa yin gyi khyod ni shes rab can yin pas gal te de 'dra ba kho nar gyur na mi rigs so/ zhes bya ba'i tha tshig go /'di yang lta ba ngan pa yongs su spangs pa'i phan yon bstan pa'i phyir med 'jug gi bu 'jig rten zhes bya ba la sogs pa gsungs so/ /dge sbyong zhes bya ba ni 'di las phyi rol pa'i rab tu byung ba'o/ /lta ba 'di yang zhes bya ba ni chad par lta ba la sogs pa'o/ /'dor zhing zhes bya ba ni yongs su spong zhing ngo/ /lta ba gzhan yang zhes bya ba ni log par lta ba la sogs pa'o/ /nye bar mi len pa'i zhes bya ba ni mi 'dzin pa'o/ /nyung ba bas ches nyung ba zhes bya ba ni nyung ba bas ches nyung ba ste srab ces bya ba'i tha tshig go /'di skad bstan te/ sa gzhi la brten pa'i rdul ji snyed kyi sems c an ni blo ma byang ba yin la sen mo'i rtse la brten pa'i rdul ji snyed pa de snyed kyi sems can ni blo byang ba yin pas de'i phyir khyod kyis kyang skye bo ya rabs ches nyung ba'i nang du bdag nyid 'jug par bya zhing lta ba'i rnam pa btang bar gyis shig ces bya ba'i tha tshig go / de nas sen rings lan rigs pa thos pa'i phyir dang/ rigs pa brjod pa'i phyir dang/ tshig 'jam pa bka' stsal pa'i phyir sems gtong ba la bcom ldan 'das kyis lta ba rnams kyi ngo bo nyid dang/ nyes dmigs dang phan yon bstan pa'i rim gyis mdo sde bstan pa stsal pa'i phyir mer 'jug gi bu gsum po 'di dag ni zhes bya ba la sogs pa gsungs so/ /lta ba'i gnas zhes bya ba ni lta ba rnams skye ba'i gnas te/ 'byung gnas zhes bya ba'i tha tshig go /gsum gang zhes bya ba ni dri ba'i tha tshig ste/ dri ba 'di yang kha cig tu bcom ldan 'das kyi skye bo mi 'jigs pa ma thob par mkhyen pa nas nyid kyi mdzad pa'i 'am/ yang na nyan pa'i 'jigs pa dang ldan pas rang gi byas pa shes par bya'o/ /'di la zhes bya ba ni lta ba yongs su brjod pa la'o/ /la la zhes bya ba ni 'ga' ste thams cad ma yin no/ zhes bya ba'i tha tshig go /thams cad bzod do/ zhes bya bas ni rtag par lta ba bstan to/ /gzhan yang zhes bya ba ni rnam grangs gzhan yang ngam/ dngos brjod pa'i tshig gi lhag ma'o/ /thams cad mi bzod do zhes bya bas ni chad par lta ba bstan pa'o/ /kha cig ni bzod la kha cig ni mi bzod do/ /zhes bya bas ni rtag par lta ba dang/ chad par lta ba gnyis ka bstan to/ /'o na gang zag de ni rtag par yang lta/ chad par yang lta bar ji ltar 'gyur zhe na/ 'di la gang zag la gzugs rtag par 'dzin pa de'i tshe na/ phung po bzhi chad par 'dzin to/ /yang na gzugs chad par 'dzin pa de'i tshe na phung po bzhi rtag par 'dzin pas 'gal ba med do/ zhes bye brag pa'i gzhung las 'byung ngo/ /mer 'jug gi bu de la zhes bya ba la sogs pa/ de la zhes bya ba'i sgra ni dmigs kyis bsal ba ste/ dmigs kyis bsal ba zhes bya ba ni rigs dang/ yon tan dang bya ba dag gis spyi las phyogs cig tha dad par dkar ba'o/ /de yang re re la rnam pa gsum gsum ste/ gang las dang/ gang gis dang/ dzi'i phyir ro/ /de la gang las dmigs kyis bsal zhe na lta ba gsum gyis ci las so/ /gang gis dmigs kyis bsal zhe na/ rtag pa nyid kyis rigs so/ /ci'i phyir dmigs kyis bsal zhe na/ ma grags pa'i chos shes par bya ba'i phyir te/ rnam pa gzhan dag la yang de bzhin du shes par bya'o/ /lta ba gang yin pa 'di ni rtag par lta ba'o/ /kun tu 'dod chags pa zhes bya ba ni 'dod chags kyi rgyun to/ /'gyur zhes bya ba ni rgyu'i dngos por 'gyur ba'o/ /kun tu zhe sdang ba dang/ kun tu gti mug pa yang de bzhin du shes par bya'o/ /gal te rang gi la kun tu zhe sdang bar ji ltar 'gyur zhe na ni 'dod chags kyi rgyun du/ 'gyur zhes bya ba ni rgyu'i dngos por 'gyur ba'o/ /de ltar mi 'gyur te/ 'di ltar gzhan gyi lta ba la zhe sdang bar 'gyur te/ 'di ltar rang gi lta ba la lhag par chags par gyur na de'i dgra bor gyur pa gzhan gyis lta ba la kun tu zhe sdang bar 'gyur ba'i phyir ro/ /kun tu sogs pa zhes bya ba ni yang 'byung bar byed pa'i las rnams rtas pa'o/ /kun tu sogs pa med pa zhes bya ba ni yang 'byung bar byed pa'i las rnams ldog pa'o/ /kun tu sbyor ba zhes bya ba ni yang 'byung bar byed pa'i phung po 'phangs pa rnams dang ldan kun tu sbyor ba'o/ /kun tu sbyor dang bral ba zhes bya ba ni de dag dang bral ba'o/ /kun nas nyon mongs pa zhes bya ba ni skye ba la sogs pa'i rgyu las byung ba'i sdug bsngal gyi rgyun no/ /rnam par byang ba zhes bya ba ni sdug bsngal las log pa'o/ /mngon par dga' ba zhes bya ba ni ma 'ongs par 'dod pa'o/ /nye bar len pa zhes bya ba ni de'i thob pa yongs su tshos ba las byung ba'i nyon mongs pa'o/ /lhag par chags pa zhes bya ba ni thob pa las lhag par chags pa'o/ /de dag las bzlog pa yang/ de bzhin du shes par bya'o/ /'o na lta ba'i rnam pa thams cad kyang kun tu 'dod chags la sogs par 'gyur ba yin na ci'i phyir rtag par lta ba 'ba' zhig kun tu 'dod chags la sogs par 'gyur la/ chad par lta ba ni kun tu 'dod chags la sogs par mi 'gyur bar bstan ce na/ 'di la bye brag tu smra bdag gis lan btab pa de ni dgongs te gsungs pa yin te/ mu stegs can rtag par lta ba la yang 'byung ba yod pas de ni yang 'byung ba 'phen pa'i sems rtas par byed do/ /mu stegs can chad par lta ba la ni yang 'byung ba med pas mngan la gnas pa ni de'i skye bo tha ma yin pas de ni yang 'byung ba 'phen pa'i sems rtas par mi byed do/ /de'i phyir de la dgongs nas/ rtag par lta ba ni kun tu 'dod chags par 'gyur la chad par lta ba ni kun tu 'dod chags pa la sogs par mi 'gyur bar bstan to/ /de lta bas na mu stegs can rtag par lta ba ni 'jig rten pha rol 'dod ba sngon du gtong bas de la nyon mongs pa dang nye ba'i nyon mongs pa thams cad 'byung ngo/ /mu stegs can chad par lta ba ni 'jig rten pha rol mi 'dod pas de la ni nyon mongs pa dag mi 'byung ngo/ /de ltar na 'dis lta ba rnams kyi ngo bo nyid dang/ nyes dmigs dang/ phan yon bstan pa yin no/ / //bam po lnga pa/ gal te sen rings 'di snyam du rtag par lta ba sngon du btang ba las/ nyon mongs pa dang/ nye ba'i nyon mongs pa thams cad 'byung bas chad par lta ba ni bzang ste/ mya ngan las 'das pa rjes su mthun pa'i phyir ro/ /de'i phyir phyi rol pa'i lta ba rnams kyi nang ni 'di lta ste/ bdag med do/ /bdag 'byung bar mi 'gyur ro/ /bdag gis 'byung bar mi 'gyur ro/ /zhes bya ba ni 'di ni mchog yin no/ zhes bstan to/ /snyam du dgongs pa de'i phyir de la 'phags pa'i nyan thos thos pa dang ldan pa ni zhes bya ba la sogs gsungs so/ /de la zhes bya ba ni dmigs kyis bsal ba yin no/ /'phags pa'i zhes bya ba ni sangs rgyas dang/ sangs rgyas kyi nyan thos sdig pa mi dge ba'i chos rnams las ring du gyur pa rnams kyi'o/ /de rnams kyi nyan thos zhes bya ba ni gus par nyan pa ste/ slob ma zhes bya ba'i tha tshig go /'di ltar so sor rtog par byed de zhes bya ba ni 'og nas 'byung ba ltar rtog par byed pa'o/ /rtsod pa zhes bya ba ni gnod par byed pa'i bsam pas gnas pa'o/ /'gyed ces bya ba ni rtsub po smra zhing lan 'debs pa'i bdag nyid de 'thab ces bya ba'i tha tshig go /rnam par 'tshe zhes bya ba khu tshur dang/ thal lcag la sogs pas bsnun pa'o/ /bdag la zhes bya ba ni 'phags pa'i nyan thos la'o/ /de lta na 'dis ni mngon par zhen pa dam pos bskyed pa'i lta ba rnam pa thams cad ni tshe 'di dang phyi ma'i gnod pa bskyed par byed pa yin pas rnam pa thams cad du thag bsring zhing spang bar bya'o/ /zhes bstan to/ /'khor ba na rtsod pa'i gzhi ni gnyis te/ lta ba la lhag par chags pa dang/ 'dod pa la lhag par chags pa'o/ /de gnyis las lta ba la lhag par chags pa yongs su spang pa'i phyir de la chos bstan nas/ de ni 'dod pa la lhag par chags pa yongs su spang ba'i phyir de la chos bstan pa brtsam par bya ste/ de'i phyir mer 'jug gi bu 'di ni zhes bya ba la sogs pa gsungs so/ /'di ltar 'dod pa la lhag par chags pa ni tshor ba'i dbang gis 'byung ste/ tshor ba'i ro myang ba'i dbang gis 'dod pa dag la mngon par chags par 'gyur ro/ zhes gsungs pa'i phyir ro/ /tshor ba'i ro myang ba yang dbang po dang bcas pa'i lus kyis 'grub pas de'i phyir lus la lhag par chags pa de bzlog pa'i phyir bshad pa'i phyir na 'di brtsams so/ /lus zhes bya ba ni 'byung ba dang 'byung ba las gyur pa'i tshogs 'jig pa'i bdag nyid do/ /gzugs zhes bya ba ni gnod par byar rung ba'i phyir gzugs te/ 'di la gzugs te yod pa'i phyir ro/ /rigs pa zhes bya ba smos pa ni bar ma do'i srid pa'i gzugs dgag pa'i phyir ro/ /'byung ba chen po bzhi la gyur pa zhes bya bas ni dbang phyug la sogs pas ma bskyed par bstan to/ /yang dang yang du zhes bya ba ni dus thams cad du'o/ /'byung ba dang 'jig par rjes su blta zhing gnas par bya'o/ zhes bya ba la 'byung ngo/ /zhes bya ba ni bskyed pa'o/ /'jig pa zhes bya ba ni 'gag pa'o/ /de gnyis su rjes su lta zhing zhes bya ba ni brtag cing ngo/ /yang na lus 'dus byas kyi mtshan nyid du bstan pa la skad cig la 'byung zhing 'jig par brtag par bya ba ste/ ji skad du dge slong khyod ni skad cig la skye ba dang/ rga ba dang 'chi ba dang/ nyams pa dang/ 'byung ba yin no/ /zhes gsungs pa'i phyir ro/ /de la lus la 'dun pa zhes bya ba la sogs pa ni yul tha dad par grags pa'i rnam grangs yin te/ 'di ltar bcom ldan 'das chos ston pa mdzad pa ni gdul ba gang dag sems g.yengs pas don de ma go ba de dag la bcom ldan 'das kyi don de nyid tshig gzhan bdag gis bstan pa yin no/ /yang na ming gi tshogs dang/ tshig gi tshogs dang/ yi ge'i tshogs gang dag gi don de bstan pa brdam phrad pa'i gdul ba don de nyid bstan pas gdul ba dag la bcom ldan 'das kyis ming gi tshogs dang/ tshig gi tshogs dang/ yi ge'i tshogs dang/ yi ge'i tshogs gzhan dag gis don de nyid bstan pa yin no/ /yang na de bstan pa'i snod du gyur pa phyis lhags pa ma thos pa rnams kyis thos par bya ba'i phyir te/ ji skad du bye brag tu smra ba'i gzhung las btsun pa glos mi 'bebs kyis bstan pa las/ bcom ldan 'das ni gdul ba snga ma dang/ 'brel pa'i bshad pa mthar phyin nas de bstan pas gdul ba'i 'dul ba gzhan bdag lhags pa na don de nyid ming gi tshogs dang/ tshig gi tshogs dang/ yi ge'i tshogs dang/ yi ge'i tshogs gzhan dag gis ston pa mdzad do/ /zhes gsungs pa lta bu'o/ /yang na bcom ldan 'das kyis ltar nyan pa'i skye bo blo rtul po rnam par bshad pa'i rnam pa'i tshig gcig don gyis 'dzin par mi nus par 'byung bar mkhyen nas/ de'i phyir rnam grangs kyi tshig mang bar bstan pa yin no/ /yang na lus la 'dun pa zhes bya ba ni bstan pa'i tshig yin la/ /lhag ma rnams ni bshad pa'i tshig yin te/ gong nas gong du rnam par bshad par gyur pa dag yin no/ /tshul 'di ni 'og nas 'byung ba'i rnam grangs kyis tshig gzhan bdag la yang de bzhin du rig par bya'o/ /yang na de dag gi don tha dad par yang bshad par bya ste/ de la 'dun pa zhes bya ba ma 'ongs pa 'dod pa'i phyir ro/ /chags zhes bya ba ni 'dod pa de grub pa la nyon mongs pa can gyi dga' ba bskyed pa'o/ /dga' zhes bya ba ni yang dang yang du 'dod par byed pa'o/ /zhen pa zhes bya ba ni yul gzhan yongs su btang ba de la lhag par chags pa bskyed pa'i phyir ro/ /'chums pa zhes bya ba ni skad cig / kyang yongs su mi gtong ba'i phyir ro/ /lhags par chags pa zhes bya ba ni gzhan gyis bzlog pa zhe sdang bskyed pa'i phyir ro/ /de'i sems yongs su gtugs te ma gnas so/ /zhes bya ba ni lus la 'dun pa la sogs pa des de'i sems gtugs shing yongs su zad par byas te mi gnas so/ zhes bya ba'i tha tshig go /de ltar na 'dis ni 'dod pa na spyad pa'i lus la lhag par chags pa'i gzhi nyid du bstan pa'o/ /lus la lhag par chags pa te/ yang tshor ba'i ro myang ba'i dbang gis 'byung bas de'i phyir mer 'jug gi bu gsum pa 'di dag ni zhes bya ba la sogs pa gsungs so/ /tshor ba zhes bya ba ni myong ba'i ngo bo nyid do/ /bde ba zhes bya ba ni phan 'dogs pa'o/ /sdug bsngal zhes bya ba ni gnod par byed pa'o/ /sdug bsngal yang ma yin bde ba yang ma yin pa zhes bya ba ni gnyi ga ma yin pa ste/ btang snyoms zhes bya ba'i tha tshig go /de ltar na 'dis ni nyon mongs pa ma spangs pa rnams kyi tshor ba gang dag yin pa de dag ni 'dod pa la lhag par chags pa'i rgyu nyid du bstan pa'i phyir de dag bka' stsal te/ /de ni nyon mongs pa spangs pa rnams kyi tshor ba gang dag yin pa de dag ji ltar 'dod pa la lhag par chags pa'i rgyu nyid du mi 'gyur bar de ltar bstan pa'i phyir mer 'jug gi bu gang gi tshe zhes bya ba la sogs pa gsungs so/ /bde ba'i tshor ba ni dgra bcom pas kyang yul gyi dbang gis myong bar byed de/ lus kyis tshor ba 'byung ba'i phyir ro/ /de'i phyir dge sbyong dgra bcom zag pa zad pa gson zhing 'dug la 'tsho zhing sdod pa'i dbang po lnga pa sngon gyi mngon par 'du byed pa'i rkyen las byung ba dag ni ma 'gags te/ de las byung ba'i tshor ba bde ba dang/ sdug bsngal so sor myong bar byed do/ zhes gsungs so/ /la la dag tshor ba gsum char dus gcig tu myong bar 'gyur ro/ /snyam du dogs pa de'i phyir de'i tshe na de la sdug bsngal ba dang/ sdug bsngal yang ma yin bde ba yang ma yin pa'i tshor ba gnyis 'gag par 'gyur te zhes bya ba la sogs pa gsungs te/ 'ga' bar 'gyur te zhes bya ba ni so sor ma brtags pa'i 'gog pas so/ /dus gcig tu tshor ba rnam gsum myong bar mi rigs pas/ de'i tshe na 'phags pa nyan thos bde ba'i tshor ba 'ba' zhig myong ba byed de zhes gsungs te/ sems can rnams kyis rgyu ni re res nas 'byung ngo/ /zhes bstan bcos ye shes la 'jug pa las gsungs so/ /mi rtag pa zhes bya ba ni skad cig pa yin pa'i phyir ro/ /sdug bsngal zhes bya ba ni 'du byed kyi sdug bsngal dang/ 'gyur ba'i sdug bsngal gnyis kyis so/ /'gog pa'i chos can zhes bya ba ni rgyun gyi mi rtag pa dang ldan pa'i phyir ro/ /gzhi ni gang yin zhes bya ba ni dang po kun nas slong pa'i rgyu ste/ dper na bad kan gyi dang po kun nas slong ba'i rgyu grang ba dang/ snun pa dang mang rab dag lta bu'o/ /kun 'byung ba ni gang yin zhes bya ba ni rkyen gyi tshogs pas 'dus pa ste/ rkyen cig gis bskyed pa ni 'ga' yang med do/ zhes gsungs pa'i phyir ro/ /rigs mthun ni gang yin zhes bya ba ni 'dra ba'i rgyu bde ba'i tshor ba ni reg pa bde ba las 'byung la sdug bsngal gyi tshor ba yang reg pa sdug bsngal ba las 'byung gnyis kam yin pa'i tshor ba yang reg pa gnyis ka ma yin pa las 'byung ba lta bu'o/ /rab tu bskyed pa ni gang yin zhes bya ba ni bar chad med pa'i rgyu ste/ gang las 'bras bu mngon sum du skye ba'o/ /kha cig na re rgyu thag ring ba dang/ thag nye ba dang/ rgyun mi chad pa dang/ du ma las 'byung ba dang/ go rim bzhin no/ /zhes zer ro/ /kha cig na re rgyu med pa nyid dang/ rgyu gcig pa nyid dang/ rgyu rtag pa nyid dang/ rgyu 'gyur bar smra ba'i gnyen por go rim bzhin no/ /zhes zer ro/ /bzhi ni rig pa yin zhes bya ba la sogs pa la/ reg pa zhes bya ba ni dbang po dang yul dang/ rnam par shes pa gsum 'dus pa ste/ de ltar na 'dis ni reg pa'i rkyen gyis tshor ba zhes bstan pa yin no/ /reg pa dang de dang zhes bya ba ni bde ba'i tshor ba dang mthun pa dang/ sdug bsngal gyi tshor ba dang/ mthun pa dang/ sdug bsngal yang ma yin/ bde ba yang ma yin pa'i tshor ba dang mthun pa'i kun 'byung ba las zhes bya ba ni skyes pa las so/ /'gags pa las zhes bya ba 'dis ni reg pa 'gags pas tshor ba 'gag ces bstan pa yin no/ /de la 'gag pa zhes bya ba ni skad cig la 'jig pa'i phyir ro/ /nye bar zhi ba zhes bya ba ni srabs par gyur pa'i phyir ro/ /bsal ba zhes bya ba ni rgyun chad pa'i phyir ro/ /nub ba zhes bya ba ni yang mi 'gyur ba'i phyir ro/ /ro myang ba zhes bya ba ni nyon mongs can gyi bde ba bskyed pa'i phyir ro/ /nyes dmigs zhes bya ba ni mi rtag pa'i phyir ro/ /gang mi rtag pa de ni nyes dmigs yin no/ /zhes gsungs pa'i phyir ro/ /nges par 'byung ba zhes bya ba ni 'dun pa'i 'dod chags las yang dag par 'das pa'i phyir ro/ /mi rtag pa zhes bya ba ni skad cig pa nyid yin pa'i phyir ro/ /zad pa zhes bya ba ni rgyun gyis 'jig pa'i phyir ro/ /'jig pa zhes bya ba ni ngo bo nyid kyis 'jig pa'i phyir ro/ /'dod chags dang bral ba zhes bya ba ni rnam par gnod pa tsam gyi phyir ro/ /'gog pa zhes bya ba ni gnyen po zag pa med pa sgrub pa'i phyir ro/ /rab tu spong ba zhes bya ba ni phung po'i lhag ma med pa'i mya ngan las 'das pa thob pa'i phyir ro/ /'jig rten la cung zad kyang nye bar len par mi byed ces bya ba ni 'khor ba'i dngos po gdal yang snying po nyid du mi 'dzin pa'i phyir ro/ /kha cig na re sred pa mngon sum du mi byed pa'i phyir ro/ zhes zer ro/ /nye bar len par mi byed na zhes bya ba ni sred pa'i kun 'byung ba bzlog pa'i phyir ro/ /yongs su gdung bar mi 'gyur zhes bya ba ni 'phags pa'i lam skye ba la nyon mongs pa kun 'byung ba med pa'i phyir ro/ /rgyu la yongs su gdung ba mi skye'o/ /zhes bya ba'i tha tshig go /bdag nyid kho nas zhes bya ba ni rang nyid kyi so/ /yongs su mya ngan las 'da' bar byed ces bya ba phung po'i lhag ma dang bcas pa'i mya ngan las 'das pa thob par byed pa'o/ /de thob nas bdag gi skye bzang ngo/ /tshangs par spyod pa brten te/ /bya ba byas so/ /srid pa 'di las gzhan mi shes so/ /zhes go bar byed do/ zhes bya bar sbyar ro/ /lus kyi mdza' ba'i tshor ba zhes bya ba ni dbang po gzugs can lnga la brten pa ste/ lus kyi mdza' ni lus kyi mthar thug pa'i dbang po lnga'o/ /de'i tshor ba ni dbang po lnga la brten pa'i tshor ba zhes bya ba'i tha tshig go /de ltar yang tshe dang ldan pa sa ga'i tshor ba gang yin pa de la ni 'dod chags bag la nyal ba sdug bsngal gyi tshor ba gang yin pa de la ni khong khro ba bag la nyal sdug bsngal yang ma yin bde ba yang ma yin pa'i tshor ba gang yin pa de la ni gti mug bag la nyal lo/ zhes gsungs pas/ de la bag la nyal gyi ngo bo nyid kyi tshor ba dag ni mi 'byung gi lus kyi khur thogs pa tsam 'ba' zhig las byung ba'i tshor ba rgyud la 'byung ste/ de'i phyir lus tsam yod na de dag 'byung gi lus 'gags na de dag 'gag par 'gyur te/ dgra bcom pa dag la yang yul gyi dbang gis tshor ba 'byung ngo/ zhes gsungs pa'i phyir ro/ /myong ngo snyam du yang dag pa ji lta ba bzhin rab tu shes so/ zhes bya ba 'dis ni shes bzhin du spyod pa nyid bstan te/ shes bzhin du spyod pa nyid la ni nyon mongs pa kun du 'byung ba med do/ /srog gi mdza' pa'i tshor ba zhes bya ba ni yid tsam dang mtshungs par ldan pa btang snyoms kyi tshor ba ste/ 'di ltar ji srid du 'tsho ba de srid du yid tsam dang mtshungs par ldan pa btang snyoms kyi tshor ba med pa de'i rgyud la 'byung ngo/ /de'i phyir mdo sde las kyang dge slong gi sems tshor ba gsum po 'di dag las 'dod chags bral zhing rnam par grol ba ni de la lhag ma btang snyoms kyi tshor ba yongs su dag pa spongs bya ba tsam zhig yong zhes gsungs te/ de'i phyir de'i srog yod na/ btang snyoms kyi tshor ba kun tu 'byung ba yod na srog zad la/ de yang zad par gyur ro/ zhes bya ba'i tha tshig go / btang snyoms srog dang yid ldan na/ /des par gsum dang ldan pa yin/ /gzugs med pa nas 'chi ba na/ /srog yid btang snyoms 'gag par 'gyur zhes bshad pa'i phyir ro/ /lus zhig pa'i zhes bya ba ni lus shi ba'i'o/ /'og tu yongs su gtugs pas zhes bya ba ni yang 'byung bar byed pa'i las nye bar ma bsags pas mtshams sbyor ba med pa'i phyir ro/ /dus phyis mar srog kyang med pas zhes bya bar dgongs pa yin no/ /'di nyid du zhes bya ba ni tshe nyid du'o/ /de'i tshor ba thams cad ces bya ba ni bde ba dang/ sdug bsngal ba dang/ btang snyoms kyi tshor ba lus kyi mdza' ba dang/ srog gi mdza' pa thams cad do/ /ma lus par 'gyur zhes bya ba ni gnas lus dang/ srog gnyis thams cad du bsags pa'i phyir te/ phung po'i lhag ma med pa'i mya ngan las 'das pa thob pa'i phyir ro/ /ma lus par nub par 'gyur zhes bya ba ni gnas de gnyis kyang mi skye ba'i phyir ro/ /ma lus par yongs su zad par 'gyur zhes bya ba ni de gnyis las gzhan pa'i gnas med pa'i phyir ro/ /ma lus par yongs su gtugs par 'gyur zhes bya ba ni gnas med pa la tshor ba mi 'byung ba'i phyir ro/ /bdag med pa'i tshor ba myong ba'i byed pa na lus zhig par gyur pa de nyid sdug bsngal gyi mdza' yin no/ zhes bya ba la sogs pa ni 'chi ba'i tsho na 'chi ba'i mdza' i tshor ba dag ni sdug bsngal skye ba'i rgyur mi 'gyur bar dgongs te/ ji skad du tshangs spyod legs par spyad pa dang/ /lam nyid legs par bsgoms pa ni/ /tshe zad dga' bar gyur pa ste/ /nad dang bral ba ji bzhin no/ /tshangs spyod legs par spyad pa dang/ /lam nyid legs par bsgoms pa ni/ /tsha zad dga' bar 'gyur ba ste/ dug snod spangs pa ji bzhin no/ /tshangs spyod legs par spyod pa dang/ /lam nyid legs par bsgoms pa ni/ /'bar ba'i khyim nas thar pa ltar/ /'chi ba'i mdza' ni mya ngan med do/ /tshangs spyod legs par spyad pa dang/ /lam nyid legs par bsgoms pa ni/ /gang tshe 'jig rten shes rab kyis/ /rtswa dang shing 'drar mthong 'gyur ba/ /de'i tshe nying mtshams sbyor med las/ /gzhan pa 'dod par mi byed do/ zhes gsungs pa'i phyir ro/ /dgra bcom pa dag 'chi ba'i thar bde ba'i tshor ba dang/ sdug bsngal gyi tshor ba gnyis ni mi myong gi /sdug bsngal yang ma yin bde ba yang ma yin pa'i tshor ba ni myong bar 'gyur ste/ 'chi ba dang skye ba gnyis la ni btang snyoms kyi tshor ba yod do/ zhes gsungs pa'i phyir ro/ zhe na/ de bden mod kyi 'on kyang 'chi ba'i mdza' i skad cig ma gcig la ni btang snyoms kyi tshor ba 'ba' zhig yod la/ tshor ba gzhan na med kyi lus 'jig pa ni skad cig ma'i rgyun gyis yin pas de'i phyir skad cig ma'i rgyun gyis lus 'jig pa ni tshor ba gsum char yod pas nyes pa'i skabs med do/ /de bde ba'i tshor ba myong bar byed pa na mi ldan pa myong bar byed kyi ldan pa ni ma yin no/ zhes bya ba la sogs pa ni tshe dang ldan pa kun dga' bo/ kho bo la ni ston pa yongs su mya ngan las 'das shing gzhan du gyur kyang/ mya ngan dang smre sngags 'don pa dang/ sdug bsngal ba dang/ yid mi bde ba dang/ 'khrug pa dag mi 'byung ngo/ /zhes gsungs pa'i phyir ro/ /de la mi ldan pa zhes bya ba ni 'dod chags la sogs pa'i nyon mongs pa rnams spangs pa'i phyir ro/ /ldan pa zhes bya ba ni 'dod chags la sogs pa'i nyon mongs pa rnams kun tu 'byung ba'i phyir ro/ /'dod chags dang/ zhe sdang dang/ gti mug dang mi ldan pa zhes bya ba ni gsum/ gtso bo yin pa'i phyir dang yang dang yang du kun tu 'byung ba'i phyir smos par zad kyi/ nyon mongs pa dang nye ba'i nyon mongs pa gzhan dag kyang 'dir bzung bar bya ba'o/ /skye ba zhes bya ba ni phung po mngon par 'grub pa'o/ /rga ba zhes bya ba ni phung po yongs su smin pa'o/ /na ba zhes bya ba ni lus kyi sdug bsngal ba'o/ /'chi ba zhes bya ba ni phung po 'dor ba'o/ /mya ngan zhes bya ba ni yid mi bde ba mtshungs par ldan pa'i rnam par rtog pa'o/ /smre sngags 'don pa zhes bya ba ni mya ngan gyis bslang ba'i tshig tu 'don pa'o/ /sdug bsngal zhes bya ba ni lus kyi tshor ba sdug bsngal glo bur du 'byung ba'o/ /yid mi bde ba zhes bya ba ni sems kyi tshor ba'o/ /'khrug pa zhes bya ba ni mya ngan dang bcas pa'i brang brdung ba la sogs pa lus rnam par 'gyur ba'o/ /sdug bsngal zhes bya ba sngar bstan pa spyi'i bdag nyid kyi sdug bsngal gyi chu bo 'am/ phung po'i khur thog pa las skye ba'i sdug bsngal lo/ /de ltar ni chos bstan pa des ni bcom ldan 'das kyis kun tu rgyu sren rings la lta ba la lhag par chags par gzugs dang/ gzugs med na spyod pa'i nyon mongs pa rnams kyi skye ba dang/ rga ba bstan la 'dod pa la lhag par chags pa ni 'dod pa na spyod pa'i nyon mongs pa rnams kyi skye ba dang 'gag pa bstan 'dod pa dang bral ba'i zag pa dang bcas pa'i tshor ba rnams ni 'dod pa la lhag par chags pa'i rgyur mi 'gyur ba dang/ 'khor ba'i rtsa ba yang ma yin par bstan to// bsil yab ces bya ba ni snga ma'o/ /chos de dang de dag gi zhes bya ba ni lus dang tshor ba dang reg pa dag gi ste/ bzlas pa'i phyir lan gnyis su smos so/ /spong ba zhes bya ba ni mya ngan las 'das pa ste/ nyon mongs pa rnams zad pa'i phyir ro/ /'dod chags dang bral ba zhes bya ba ni de la dmigs pa'i nyon mongs pa bzad pa'i phyir ro/ /'gog pa zhes bya ba ni nyon mongs pa'i ngo bo nyid zad pa'i phyir ro/ /rab tu spong ba zhes bya ba ni kha cig la mig la sogs pa spangs kyang kun tu 'byung ba yod pas kun tu 'byung ba de yang spangs pa'i phyir te/ 'dis ni phung po'i lhag ma med pa'i gnas skabs bstan to/ /len pa med par zag pa rnams las sems rnam par grol lo/ /zhes bya ba la zag pa rnams las zhes bya ba ni khams gsum pa'i nyon mongs pa rnams las te/ de rnams las sems rnam par grol lo/ /ji ltar rnam par grol zhe na/ de'i phyir len pa med par zhes bya ba gsungs te/ nyon mongs pa lhag ma rnams 'thob pa'i sgo nas gzung ste/ rnam par spangs zhes bya ba'i tha tshig go kha cig na re yongs su mi nyams pa'i chos nyid kyi zhes kyang zer ro/ /de la zag pa zhes bya ba'i nges pa'i tshig ni srid pa'i rtse man chad nas mnar med pa yan chad du skye mched kyi rma drug po dag nas 'dzag cing 'byung ba 'am 'khor bar gnas par gyur pa yin no/ /rnam par grol ba zhes bya ba ni khams gsum pa la chags pa med pa'i phyir ro/ nyon mongs pa spangs pas dgra bcom par gyur ces bya ba'i tha tshig go /gcig pu zhes bya ba ni grogs med pa ste lus kyis dben no/ /dben pa zhes bya ba ni sems kyis thag ring du gyur pa'o/ /bag yod pa zhes bya ba ni nan tan lhur len pa'o/ /brtun pa dang ldan pa zhes bya ba ni brtson 'grus dang ldan pa'o/ /bdag nyid btang ba zhes bya ba ni yid btang ba ste/ rtag tu dge ba'i phyogs 'dod ces bya ba'i tha tshig go /gnas so/ zhes bya ba ni 'dug par gyur pa'o/ /rigs kyi bu dag ces bya ba ni rigs su skyes pa'i mi dag go /gang gis phyir zhes bya ba ni gang gi don du'o/ /tshang par sbyor ba'i mdza' zhes bya ba ni lam gyi 'bras bu mya ngan las 'das pa'o/ /bla na med pa zhes bya ba ni mchog go /tshe de nyid la zhes bya ba ni mngon sum gyi tshe la'o/ /rang gi mngon par shes pas zhes bya ba ni rang gi shes pas so/ /mngon sum du byas te zhes bya ba ni shes par byas te 'o/ /bsgrubs nas zhes bya ba ni 'thob pa mngon sum du bya ba thob nas so/ /zad do/ zhes bya ba mthar thug pa'o/ /spyad do/ zhes bya ba ni spyad zin pa'o/ /bya ba byas so/ zhes bya ba ni nyon mongs pa spangs pa'o/ /srid pa 'di las gzhan mi shes so/ /zhes bya b ni bar ma do'i srid pa yang ngo/ /go bar byed cing zhes bya ba ni shes par byed cing ngo/ /ci zhig shes par byed cing zhen/ bdag gi skye ba zad do/ zhes bya ba la sogs pa sngar bstan pa dag go / kun shes pa dang ldan pa'i zhes bya ba ni zad pa dang mi skye ba shes pa thob pa'i ste/ bdag gis sdug bsngal yongs su shes par byar med do/ zhes bya ba la sogs pa'i kun shes rtogs pa gang la yod pa de ni kun shes pa dang ldan pa'o/ /dgra bcom pa zhes bya ba ni mchod par 'os pa dang yang mi skye ba dang/ nyon mongs pa'i dgra bcom pa'i phyir ro/ /sems shin tu rnam par grol ba zhes bya ba ni yongs su mi nyams pa'i chos nyid kyis so tang bar sdom zhes bya ba ni kye gau ta ma bdag thams cad mi bzad do/ /zhes bya ba la sogs pa mdo sde'i khongs su gtogs pa'i rnam grangs dag mi brjod par bya ba'i phyir tshigs su bcad pas mdor bsdus pa'o/ /so so yang dag rig pa thob pa zhes bya ba ni chos dang/ don dang/ nges pa'i tshig dang/ spobs pa so so yang dag par rig pa zhes bya ba'i phyir mi blogs pa'i ngo bo nyid kyis shes pa dag la tshegs chung dus kun tu spyod pa'i bdag po thob pa zhes bya ba'i tha tshig go /the tshom skyes nas zhes bya ba ni 'phags pa shA ri'i bu shes rab 'byam klas pa dang ldan pas dge slong rnams the tshom thams cad gcod pa zhes bya ba ni 'das pa dang/ ma 'ongs pa dang/ da ltar 'byung ba'i the tshom gyi dbye ba thams cad nges par mdzad pa'o/ /zhus pa zhes bya ba ni dris pa'o/ /las de'i rnam par smin pas zhes bya ba la/ las zhes bya ba ni dge ba zag pa dang bcas pa'o/ /rnam par smin pa zhes bya ba ni rgyu la 'bras bu btags pa ste/ 'bras bu skyed pa'i gnas skabs su gyur pa'i las nyid la bya ba'i 'bras bur smin pa'i gnas skabs ni ma yin no/ /shes rab rno ba zhes bya ba ni myur du don cha phra ba dag la 'jug pa'i phyir ro/ /shes rab zab pa zhes bya ba ni gzhan dag gis gting mi slebs pa'i shes rab dang ldan pa'i phyir ro/ /nges par 'byed pa'i shes rab ces bya ba ni nyon mongs pa spongs par byed pa'i phyir ro/ /tshogs rnyed pa zhes bya ba ni/ nang gi lhan cig byed pa'i rgyu dag rnyed pa'o/ /rkyen yongs su gyur pa zhes bya ba ni/ /phyi rol gyi grogs rjes su mthun par gyur pa'o/ /'od pa bzhin du nye bar gnas pas zhes bya ba ni chu'i 'od pa bzhin du rang gi bya ba byed pa la mngon du phyogs pa'o/ /gdon mi za bar 'byung bar gyur pa dag ces bya ba ni nges pa ste/ bcom ldan 'das kyis kyang bzlog par mi spyod dag go /byas shing zhes bya ba ni bslang zhing dam bsgrubs shing ngo/ /bsags pas zhes bya ba ni mthun pa'i tshogs kyis gsos pa 'am/ 'bras bur 'gyur bar nges par byas pa ste/ ched du bsams te byas pas so/ /bcom ldan 'das ni thugs rje'i bdag nyid can yin na/ nyid kyis ci'i phyir zhal gyis mi bzhes zhe na/ de'i phyir shA ri'i bu nyid kyis las byas shing bsags pa dag gzhan su zhig gis so sor myong bar 'gyur zhes bya ba gsungs te/ 'brel ba med pa'i phyir gzhan su zhig gis so sor myong bar 'gyur zhes bya ba gsungs te/ 'brel pa med pa'i phyir gzhan gyi rgyu la 'bras bu dag? tu mi gyur to/ /zhes bya bar dgongs so/ /rdzu 'phrul dang gsang sngags la sogs pa'i dbang gis phyi rol gyi dngos po dag las ci'i phyir 'byung bar mi mdzad ce na de'i phyir dge slong dag las byas shing bsags pa dag ni phyi rol gyi sa'i khams la rnam par smin par mi 'gyur zhes bya ba la sogs pa gsungs so/ /las dge ba zhes bya ba ni bzang pa'o/ /mi dge ba zhes bya ba ni ngan pa'o/ /zin pa zhes bya ba ni sems pas zin pa ste/ nang gi zhes bya ba'i tha tshig go /phung po zhes bya ba ni gzugs la sogs pa spungs pa'i mtshan nyid lnga'o/ /khams zhes bya ba ni mig gi khams la sogs pa 'byung gnas kyi mtshan nyid bcas brgyad do/ /skye mched dag la zhes bya ba ni mig gi skye mched la sogs pa rnam par shes pa skye ba'i sgo'i mtshan nyid bcu gnyis po dag la'o/ /rnam par smin par 'gyur te/ zhes bya ba 'dis ni lam rnams kyi phyi rol gyi sa'i khams la sogs pa sems pa med pa dag la rnam par smin par 'gyur bar dgag par bstan to/ /dus 'phongs pas ji ltar chud mi za bar 'gyur zhes na/ de'i phyir/ las rnams bskal pa brgyar yang ni// chud mi za ba'ang zhes bya ba la sogs pa gsungs te/ 'ang zhes bya ba'i sgra gnyis pas ni 'di ltar zhes bya ba'i sgra'i don la 'dug pa'i bye brag bstan te/ las rnams bskal pa brgyar yang chud mi za ba ni 'di ltar tshogs pa dang/ dus rnyed na lus can rnams la 'bras bu dag tu 'gyur ba nyid yin gyi/ tshogs pa dang/ dus ma rnyed na 'bras bu dag 'gyur par ma nges so/ zhes bya ba'i tha tshig go /tshogs zhes bya ba ni bskyed pa'i rgyu'i tshogs pa'o/ /dus zhes bya ba ni bar du gcod pa'i rgyu med pa'o// rnyed na zhes bya ba ni ldan na'o/ /lus can rnams la zhes bya ba ni sems can rnams la'o/ /'bras bu dag tu 'gyur ba zhes bya ba ni 'bras bu dag tu smin par 'gyur pa'o/ /nyid ces bya ba'i sgra ni nges par bzung ba ste/ gdon mi za ba zhes bya ba'i don to/ /de ltar na 'dir tshig gi don 'di 'byung te/ las nges pa rnams ni bskal pa brgya phrag 'das pa dag tu yang chud mi za ba yin te/ de yang 'di ltar rgyu'i tshogs pa dang/ bar du gcod pa'i rgyu med pa'i dus rnyed na byed pa po sems can lus can rnams la 'dod pa dang mi 'dod pa'i 'bras bu dag tu 'gyur ba nyid yin te/ 'dir don ni 'di yin no/ /'phags pa shA ri'i bus gang gis tshe las dag byas shing ji ltar byas she na/ de'i phyir dge slong dag sngon byung ba zhes bya ba la sogs pa gsungs te/ sngon byung bar gyur pa de bsnyed par bya'i da ltar gyi dus kyi na ma yin no/ zhes bya ba'i tha tshig go /nyon mongs pa dag gis zhes bya ba ni 'dod chags la sogs pas so/ /gnod par gyur nas zhes bya ba ni gzir bar gyur nas so/ /dgon pa'i sman dag gis zhes bya ba ni dgon po nas 'byung pa'i sman rtsa ba sdong bu la sogs pa dag gis so/ /'tshor bar zhes bya ba ni stobs dang ldan par ro/ /cig car ces bya ba ni dus gcig tu'o/ /tshig brjod pa zhes bya ba ni tshig smra ba'o/ /sdig pa zhes bya ba ni 'bras bu mi 'dod pa dang ldan pa'o/ /dam pa ma yin pa'i chos zhes bya ba ni skyes bu dam pa ma yin pa rnams kyi chos te/ nyes par spyod pa'i mtshan nyid 'dzin pa'i phyir chos ma yin pa yang chos kyi sgrar brjod do/ /lhan gcig ces bya ba ni cig car ro/ /yon tan gyi tshogs zhes bya ba ni yon tan chen po ste/ 'dir ni shes pa'i bye brag yin no/ /mdza' gcig tu zhes bya ba ni skye bo med pa'i gnas su'o/ /mkhan po med pa zhes bya ba ni 'dir chos rnam par 'chad pa med pa'i phyir ro/ /slob dpon med pa zhes bya ba ni lam nye bar ston pa med pa'i phyir ro/ /byang chub kyi phyogs dang mthun pa zhes bya ba ni zad pa dang mi skye ba shes pa'i byang chub kyi phyogs dang rjes su mthun pa'o/ /chos sum cu rtsa bdun zhes bya ba ni dran pa nye bar gzhag pa bzhi dang/ yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i yan lag brgyad pa dag bsdoms na sum cu rtsa bdun yin no/ /bskyed nas zhes bya ba ni mngon sum du byas nas so/ /rang byang chub ces bya ba ni zad pa dang mi skye ba shes pa'i dbang po 'brid gis bsdus pa'o// mngon sum du byas so/ zhes bya ba ni 'thob pa dang shes pa mngon sum du bya ba gnyis kyi mngon sum byas pa ste/ rang sangs rgyas su gyur ces bya ba'i tha tshig go /bdag nyid chen po dag ni lus kyis chos ston gyi tshig gis mi ston pas zhes bya ba la/ lus kyi zhes bya ba ni lus brten pa 'bar ba dang/ gsal ba la sogs pas so/ /chos ston ces bya ba ni chos nye bar ston pa'o/ /'o na chos ston pa zhes bya ba ni tshig gi bye brag yin na lus kyis ji ltar chos ston du rung zhe na bden mod kyi 'on kyang nye bar gdags pa la nyes pa med do/ /ji ltar tshig gis chos ston pas 'bras bu 'dod pa bskyed pa dang 'dra bar lus kyi cho 'phrul ston pa 'dis kyang 'bras bu 'dod pa skyed pas 'bras bu rgyu btags nas 'di la chos ston pa zhes bya ste/ dper na mi blun po la ba lang zhes bya ba bzhin no/ /tshig gis mi ston pas zhes bya ba ni tshig gis chos mi ston pas so/ /'o na bdag nyid chen po de dag ni snying rjes bskyed pa'i rgyu dang ldan pa dang/ so so yang dag par rig pa bzhi thob pa dang/ sems can gyi spyod pa yongs su shes pa la mkhas pa yin na/ ci'i phyir de dag gi tshig gis chos mi ston ce na/ bden mod kyi de dag ni dus dpag tu med pa nas goms pa'i dbang gis dben pa la mos pa nyid kyis mchog tu zab pa'i chos bzung ba'i phyir sems can rnams la bya ba byed par mi spro ste/ 'di ltar sems can 'di dag ni thog ma med pa'i dus nas bsags pa'i nyon mongs pa'i rgyun gyis 'khor ba'i rgyun phyogs su 'dod pa yin pas de dag 'khor ba'i rgyun las zlog phyogs su bkri ba ni bla na med pa yang dag par rdzogs pa'i sangs rgyas rnams ma gtogs pa gzhan gyis bye dka' o/ snyam pa'i phyir ro/ /yang na skye bo ma lus pa la rjes su ston par 'gyur ba yongs su spangs pa'i phyir te/ rnam par g.yeng ba sna tshogs la brten pas 'jigs shing skrag pa'i phyir ro/ /'dab ma brkyang ba zhes bya ba ni gshog pa 'phyar ba'o/ /nam mkha' la zhes bya ba ni bar snang la'o/ /mngon par 'phags nas zhes bya ba ni gyen du song nas so/ /'bar ba zhes bya ba ni me la mos pa'i phyir ro/ /gsal zhes bya ba ni 'od zer la mos pa'i phyir ro/ /char 'bebs pa zhes bya ba ni de nyid la mos pa'i phyir ro/ /glog 'byin pa zhes bya ba ni snang ba la mos pa'i phyir ro/ /so so'i skye bo zhes bya ba ni de kho na nyid ma mthong ba'o/ /sems gtong pa zhes bya ba ni rjes su mthun par byed pa'o/ /shing ljon pa zhes bya ba ni shing skye ba'o/ /rtsa ba nas bcad pa zhes bya ba ni drung pa nas bcad pa'o/ /mkho ba bstabs pa zhes bya ba ni bza' ba dang/ btung ba dang/ gos la sogs pas bkur sti bya ba'o/ /mi 'dod bzhin du dag par bya na zhes bya ba ni mi 'dod bzhin du yang gso bar bya na'o/ /smos kyang ci dgos kyi zhes bya ba ni bsam ci dgos kyis zhes bya'o/ /chen po la 'os pa zhes bya ba gtso bo zhes bya ba'i tha tshig go /rno ba rno bar gcod ces bya ba ni myur du don yongs su gcod pa'i phyir ro/ /zab mo zab mor 'bigs zhes bya ba ni thag ring por 'bigs pa'i phyir ro/ /shes rab zab mo zhes bya ba ni don cha phra mo yongs su gcod pa'i phyir ro/ /thal byung thal byung du 'gro zhes bya ba ni rim pa gnyis pa las thug par 'gro ba'o/ /nges par 'byed pa'i shes rab ces bya ba ni ma lus pa'i don yongs su gcod pa'i phyir ro/ /de dge slong dag de ltar na zhes bya ba la sogs pa na skabs kyi mjug bsdu ba'i phyir ro/ /de la zhes bya ba'i sgra ni dmigs kyis gsal ba'o/ /de'i tshe zhes bya ba ni bskal pa'i bye brag go /de'i dus zhes bya ba ni 'phags pa shA ri'i bus mtshon pa'i dus na'o/ /skabs 'dir gzhung kha cig las dge slong dag 'di ji snyam du sems zhes kyang 'byung ste/ de'i gzhung nyams pa yin pas de ltar mi bzung ste/ 'di ltar mdo sde la sogs pa gzhung gzhan las dge slong dag 'di ji snyam du sems de'i tshe de'i dus na che ge mo zhig gang yin pa de gzhan zhig yin snyam du khyed yid gnyis dang the tshom za na/ de ltar mi blta ste/ de ci'i phyir zhe na/ che ge mo nyid de'i tshe de'i dus na che ge mo de yin pa'i phyir ro/ zhes 'byung ba'i lugs ltar ni/ 'di snyam du sems zhes bya ba de rung gi /'dir 'dul ba'i sde snod kyi skabs su/ dge slong dag de la de 'tshe/ de'i dus na/ bram ze'i bu mo zhi ba mo gang yin pa de ni dge slong shA ri'i bu nyid yin te zhes bya ba la sogs pa'i skabs ni/ 'di ji snyam du sems zhes bya ba de 'brel pa med pa'i phyir mi gzung ngo/ /mchod pa zhes bya ba ni/ mchod pa'i bye brag ste/ bza' ba dang/ btung ba la sogs pa'i mchod pa'o/ /de ltar na zhes bya ba ni de ltar na'o/ /las gcig tu gnag pa rnams kyi zhes bya ba ni las rnam pa thams cad du mi dge ba rnams kyi'o/ /rnam par smin pa ni gcig tu gnag pa yin zhes bya ba ni 'bras bu mi 'dod pa yin no/ /las gcig tu dkar pa rnams kyi zhes bya ba ni las rnam pa thams cad tu dge ba rnams kyi'o/ /rnam par smin pa yang gcig tu dkar ba yin/ zhes bya ba ni 'bras bu 'dod pa yin pa'o/ /dge slong dag de lta bas na zhes bya ba ni mjug bsdu ba'i rgyu'i tshig yin no/ /na zhes bya ba'i sgra ni yang zhes bya ba'i don to/ /brtsal bar bya ste zhes bya ba ni bsam par bya ste'o/ /khyed kyis zhes bya ba ni khyed cag gis so/ /bslab par bya'o/ /zhes bya ba ni brtson par bya rjes su bsgrub par bya zhes bya ba'i tha tshig go /chos dang chos ma yin pas zhes bya ba la/ chos zhes bya ba ni srog gcod pa spong ba la sogs pa'o/ /chos ma yin pa zhes bya ba ni srog gcod pa ste/ 'dren mas zhes bya ba'i tha tshig go /sems can dmyal bar 'gre bar 'gyur zhes bya ba la sems can dmyal ba zhes bya ba ni dga' bar 'gyur ba'i dngos po med pa'i phyir dang/ gcig tu sdug bsngal ba'i phyir ro/ /der 'gro bar 'gyur ba ni ltung bar 'gyur zhes bya ba'i tha tshig go /legs par gsungs pa'i chos 'dul ba zhes bya ba la/ drang srong rnams kyi chos ni lam gyi mtshan nyid gang yin pa'o/ /'dul ba zhes bya ba ni kun tu spyod pa'i tshul la/ /spros te zhes bya ba ni bsdigs te'o/ /slong phor zhes bya ba ni gyo du ma 'am/ kham phor ro/ /rgyu ba zhes bya ba ni 'phyan pa'o/ /bzhin bzang zhes bya ba ni snyan pa'i tshig gis bod pa'o/ /chos gos zhes bya ba ni/ rab tu byung ba'i tshul dang mthun pa'i chos gos so/ /bsti gnas zhes bya ba ni rab tu byung ba'i 'dug nas so/ /mngon par shes pa lnga zhes bya ba ni rdzu 'phrul gyi yul dang/ lha'i rna ba dang/ sems kyi rnam grangs dang/ sngon gyi gnas rjes su dran pa dang/ 'chi 'pho dang/ skye ba shes pa'o/ /dul ba dang bcas pas zhes bya ba ni 'dun pa dang bcas pas so/ /dge ba'i rtsa ba zhes bya ba ni chags pa med pa la sogs pa'o/ /smon lam gyi dbang gis zhes bya ba ni smon lam gyi rgyus so/ /bskal pa bzang po zhes bya ba ni dus kyi bye brag ste/ de bzhin gshegs pa lnga brgya 'byung ba'i phyir bzang ba yin no/ /ston pa zhes bya ba ni ji lta ba bzhin du ston pa'i phyir ram/ gtan du ston pa'i phyir ro/ /kha cig na re gzhan gyi don la shes pas brtson pa mtshan nyid kyi ston pa yod pa'i phyir rgyu las 'bras bu btags pa ste/ gzhan gyi don shes brtson pa ste/ /de'i phyir thugs brtse ston pa yin/ /zhes bshad pa'i phyir ro/ zhes zer ro/ /ston pa ji lta bu zhig ce na de'i phyir de bzhin gshegs pa zhes bya ba la sogs pa gsungs so/ /rig pa dang zhabs su ldan pa zhes bya ba ni mi slob pa'i rig pa gsum dang/ mi slob pa'i lus kyi sdom pa dang/ dag gi sdam pa dang/ yang dag pa'i 'tsho ba'i spyod pa dag dang ldan pa'o/ /bde bar gshegs pa zhes bya ba ni kun tu gzigs pa la sogs pa'i spyod pa mdzes pas gshegs pa dang ldan pa'o/ /kha cig na re bkra shis pa dang yang mi ldog pa dang/ ma lus par gshegs pa'i phyir ram/ de kho na nyid dang/ brtan pa nyid dang/ lhag ma med pa'i bye brag mkhyen pa'i phyir ro/ /zhes kyang zer ro/ /'jig rten mkhyen pa zhes bya ba ni/ sems can 'khor ba thugs su chud pa'i phyir ro/ /kha cig na re 'jig rten zhes bya ba ni nye bar len pa'i phung po lnga la sogs pa'o/ /de dag mkhyen pa ni mi rtag pa la sogs pa ni ji lta ba bzhin du mkhyen pa ste/ thugs su chud ces bya ba'i tha tshig go /zhes zer ro/ /skyes bu 'dul ba'i kha lo sgyur ba bla na med pa zhes bya ba ni 'jam pa dang/ rtsub pa dang/ gnyi ga'i rang bzhin gyis 'dul ba rnam pa gsum gyi 'dul ba skyes bu lta bu dag phyin ci ma log par 'dul bar mdzad pa'i phyir ro/ /lha dang mi rnams kyi ston pa zhes bya ba ni yang dag pa ji lta ba bzhin du bden pa ston par mdzad pa'i phyir ro/ /nyi tshe ba'i ston pa ni ma yin pa ste/ 'di ltar mi dang/ lha dang bcas pa'i ston pa yin te/ ji skad du dge slong dag nga'i chos 'dul ba legs par gsungs pa gsal ba rnam par phye ba rgyu ba bcad pa ni lha dang mi'i bar dag la yang dag par rab tu bstan to/ /zhes gsungs pa yin no/ /'od srungs zhes bya ba ni 'od srung gi rigs las 'khrungs pa'i phyir ro/ zhes sgra grags so/ zhes bya ba ni sgra grags pa'o/ /'jig rten du byung ste zhes bya ba ni khams gsum pa'i 'gro ba thams cad du 'byung ba'o/ /bstan pa la zhes bya ba ni phan pa dang gnod pa nye bar bstan pa dang ldan pa bstan pa'i chos la'o/ /yon gnas zhes bya ba ni yon dbul bar 'os pa'o/ /bla na med pa zhes bya ba ni/ sems can thams cad kyi mchog go / bram ze'i khye'u bla ma la zhes bya ba la sogs pa la bram ze'i khye'u bla ma rab tu byung ba'i gtam ni gzhung 'di nyid las 'og nas 'byung ba'o/ /shAkya thub pa zhes bya ba ni byang chub sems dpar gyur pa na grong khyer du gshegs pa'i tshe/ shAkya gtum po rnams thub pa dag bzhin du 'khod pa'i phyir ram nyon mongs pa can gyi tshig mi gsungs pa'i phyir ro/ /shAkya'i seng ge zhes bya ba la/ shAkya zhos? bya ba ni mang pos bkur ba'i rgyud yin pa'i phyir ro/ /seng ge zhes bya ba ni mi 'jigs pa bzhin bsnyengs pa mi mnga' ba'i phyir ro/ /seng ge bzhin du bsnyengs pa mi mnga' ba ste/ mu stegs can gyi ri dags tshogs ma lus pa skrag par mdzad pa'i phyir ro/ /shAkya'i rgyal po gtso bo zhes bya ba ni shAkya'i rgyal po gang dag yin pa de dag gi gtso bo ste/ chos kyi rje yin pa'i phyir ro/ /rdzu 'phrul che ba zhes bya ba ni nyan thos thams cad las khyad par du 'phags pa'i rdzu 'phrul dang ldan pa'i phyir ro/ /mthu che ba zhes bya ba ni bsod nams dang ldan pa'o/ /byams pa'i bdag nyid can zhes bya ba ni byams pa thob pa'o/ /snying rje dang ldan pa zhes bya ba ni snying rje thob pa'o/ /sems can la byams pa zhes bya ba ni byams pa'i bsam pa dang ldan pa'o/ /nyon mongs pa zhes bya ba ni yon tan dang/ nor nyams pa ste/ dbul po zhes bya ba'i tha tshig go /tshegs chen pos zhes bya ba ni sdug bsngal bas so/ /'tsho ba zhes bya ba ni 'tsho ba'i thabs so/ /'di ltar zhes bya ba ni rnam pa 'di ltar ro/ /rab tu 'byung bar 'dod pa zhes bya ba ni rab tu 'byung ba don du gnyer ba'o/ /rgyun chad cing dus la bab ces bya ba ni ris mthun pa spangs pas shi ba yin gyi skad cig gis zhig pa'i phyir ni ma yin no/ /kye ma zhes bya ba ni thugs brtse ba'o/ /dge 'dun thams cad ces bya ba'i tshig ni dkyil 'khor sa phyogs gcig gi dge 'dun 'dus pa dgag pa'i don to/ /'di skad bstan te mtshams de na dge slong ji snyed gnas pa de dag thams cad las kyi gnas der lhags pa yin pas de'i phyir dge 'dun thams cad ces bya ba'o/ /'dus pa na zhes bya ba ni tshogs pa na'o/ /cha lugs 'di bzhin byas zhes bya ba ni rab tu 'byung ba dang/ rdzogs par bsnyen par 'dod pa des chos 'di rab tu 'byung ba dang/ rdzogs par bsnyen pa'i cha lugs ci 'dra ba de bzhin byas pa ste/ gang gi skra dang/ kha spu dag bregs shing chos gos gsum bgos par gyur pa de'i tshe na/ cha lugs 'di bzhin byas zhes bya'o/ /rgan rims la zhes bya ba dge 'dun la rabs gnyis te/ gzhon rims dang/ rgan rims yod pas/ dge slong rgan pa rnams kyi rabs ni rgan rims te/ der phyag 'tshal du bcug te zhes bya ba'i tha tshig go /phyag 'tshal du bcug ste zhes bya ba ni bcom ldan 'das kyis dge slong rnams kyi phyag gnyis gnang ste/ yan lag lngas phyag 'tshal ba dang/ sgyid pa nas 'khyung pa zhes bya ba gsungs pa las 'dir ni yan lag lngas phyag 'tshal tu bcug ste zhes bya ba'i tha tshig go /thal mo sbyar nas zhes bya ba ni de thal mo sbyor ba'i tshul dang ldan par byas nas so/ /tsog tsog por 'dug tu bcug ste/ zhes bya ba ni tsog bus 'dug du bcug pa ste/ stan la mi bzhag par pus mos gnyis gyen du tsog tsog por gyur pas 'dug tu bcug ste'o/ /lan gsum gsol ba 'debs su bcug nas zhes bya ba ni gsol ba gdab pa'i tshig 'og nas 'byung ba ni lan gsum zlos su bcug nas te/ rang gi don du sngags brjod pas thams cad ni/ lan gsum du gnas so/ /zhes gsungs pa'i phyir ro/ /gsol ba byas te las bya'o/ zhes bya ba ni gsol ba dang bzhi'i las kyis cig car rab tu 'thung ba dang/ rdzogs par bsnyen pa nye bar bsgrub par bya ba'o/ /las gang la las brjod pa gsum dang gsol ba dang bzhi byed pa de ni/ gsol ba dang bzhi'i las yin no/ /'di skad brjod par byas ste zhes bya ba ni lan gsum gsol ba 'debs so gzhug pa'i tshig yin no/ /dge 'dun zhes bya ba ni spyi la bong ba'o/ /btsun pa rnams zhes bya ba ni so so nas sems gtong du zhugs pa'i phyir bod pa'o/ /gsan du gsol ba zhes bya ba ni rna ba gtong cig ces bya ba'o/ /bdag ming 'di zhes bgyi ba zhes bya ba ni bdag nyid nye bar ston par byed pa'o/ /thugs brtse ba zhes bya ba ni gang gi phyir dge 'dun sdug bsngal gyi 'dam bu bying ba rnams yongs su skyob par mdzad pa de'i phyir thugs brtse ba can yin no/ /thugs brtse ba'i slad du zhes bya ba ni thugs brtse ba sngon du btang nas te/ lan du phan 'dogs pa'i blos ni ma yin no/ zhes bya ba'i tha tshig go /bdag ces bya ba ni sdom pa 'dod pa nyid du bstan to/ /rab tu 'byung du gsol/ rdzogs par bsnyen par mdzad du gsol zhes bya ba ni dge 'dun la bskul ba bstan to/ /gsol ba byas te zhes bya ba ni dge 'dun la go bar byas te'o/ /las bya'o/ zhes bya ba ni gsol pa dang/ bzhi'i las bya ba'o/ /dus la bab cing zhes bya ba ni rigs pa'i tshul yin zhing ngo/ /bzod na zhes bya ba ni/ rab tu byung ba dang/ rdzogs par bsnyen par bya ba'i rigs pa'i tshul yin par gnang na ste/ 'dod na zhes bya ba'i tha tshig go /dge 'dun gyi gnad bar mdzod cig dang/ zhes bya ba ni rigs par gnang na de'i phyir dge 'dun gyis gnang bar mdzod cig ces bya ba ste/ 'dis ni lam byed pa go bar bstan to/ /bzod pa de dag ni zhes bya ba ni 'dod pa de dag ni'o/ /cang ma gsung zhig ces bya ba ni cang mi smra bas dang du long zhig ces bya ba'o/ /gang dag mi bzod pa de dag gsungs shig ces bya ba ni gang dag mi 'dod pa de dag gis ni mi rung ngo/ zhes gyis shig ces bya'o/ /las brjod pa zhes bya ba ni las kyi skabs kyi don brjod pa ste/ bzlas pa zhes bya ba'i tha tshig go /dge 'dun gyis bzod cing gnang nas zhes bya ba la sogs pa ni mjug bsdu ba'i tha tshig yin no/ /de ni sngon gyi cho ga'o/ zhes bya ba ni de ltar cho ga bas sngar cho ga rigs pa rnam pa de lta bu byung ngo/ zhes bya ba'i tha tshig go /'dir la la dag 'di skad ces gal te/ sngon gyi cho gas rab tu 'byung ba dang/ rdzogs par bsnyen par 'gyur pa'i rgyu'i dngos po bsgrub par 'gyur na ni da ltar gyi cho gas ci bya/ gal te da ltar gyi cho ga kho nas rgyu'i dngos po sgrub par 'gyur na yang/ sngon cho gas ci bya ste/ gcig kho nas bya ba'i phyir ro zhe na/ de la nyes pa med do/ /gnyi ga yang rgyu'i dngos po sgrub par 'gyur ba yin mod gyi/ 'on kyang gdul ba'i sems can gyi bye brag las cho ga gnyis rnam par bzhag ste/ 'di ltar dang po? mngon par rdzogs par byang chub pa'i dus kyi tshe na ni sems can rnam par dag pa she stag byung bas 'dul ba'i rim pa la mi bltos shing mkhan po dang/ slob dpon la sogs pa la ma bltos par tshegs chung ngu kho nas/ bcom ldan 'das kyi bka' rdzogs par byed pa dang/ de dag bsod nams byas pa yin pas nad med pa dang/ ci ste de dag las nad cig 'byung du zin yang de dag gis nad g.yog la sogs pa rnyed par 'gyur ro/ /da ltar de lta bu'i rgyu rnam par dag pa dag med pas des na da ltar gyi cho ga rnam par bzhag go /mkhan po dang slob dpon med pas zhes bya ba ni dge 'dun gyis rab tu phyung zhing rdzogs par bsnyen pa'i phyir de dag la mkhan po dang slob dpon med pas so/ /legs par ma sbyangs pa zhes bya ba ni sham thabs legs par ma sbyangs pa'o/ /legs par ma bgos pa zhes bya ba ni stod kyi chos gos legs par ma gos so/ /sgra mthon po zhes bya ba ni sgra gcig gi rgyun 'byin pa'i phyir ro/ /sgra chen po zhes bya ba ni sgra mang po dag 'byin pa'i phyir ro/ /yang sgra mthon po zhes bya ba ni sgra'i gsang mthon pos so/ /sgra chen po zhes bya ba ni ku tso'i sgras so/ /rgod bag gi spyod lam gyis zhes bya ba ni nye bar ma zhi bar 'gro ba dang ldog pa la sogs pa'i bya bas so/ /khyim bdag gi khyim dag tu zhes bya ba ni khyim dag gi mchod ston nas khyim bdag gi rje dpon dag gi gan du'o/ /bstan pa dang 'gal ba zhes bya ba ni bstan pa dang mi mthun pa'o/ /gzhan dag ces bya ba ni gshe ba dang brdeg pa la sogs pa'o/ /shAkya'i bu'i dge sbyong zhes bya ba ni bcom ldan 'das kyi slob ma nyid du khas blangs ste/ chos kyi sras nyid du nye bar brtags pa'i phyir ro/ /mgo reg ces bya ba ni gtsug pud bregs pas nye du rnams kyis nye du'i bral nas phyung ba'i phyir te/ 'jig rten na smad pa zhes bya ba'i tha tshig go /bsod snyoms zhes bya ba ni zas so/ /sbyin pa zhes bya ba ni gsos byas pa'i ngo bo nyid yongs su btang ba'o/ /bya ba zhes bya ba ni de'i phyir g.yos gzhan bya ba'o/ /smod par byed ces bya ba ni ming nas 'byin cing nyes pa sgrogs pa'o/ /'phyar ka gtong bar byed ces bya ba ni gzhogs kyis snyad 'dogs pas so/ /kha zer bar byed ces bya ba ni spyo bar byed pa'o/ /gcig gis gcig bsdu ba'i phyir zhes bya ba ni pha dang bu'i tha snyad kyis gcig gis gcig la byams pa bskyed pa'i phyir ro/ /dge tshul gyi slob dpon zhes bya ba ni dge tshul gyi sdom pa byin pa'i phyir ro/ /skyabs su 'gro ba zhes bya ba la/ skyabs zhes bya ba ni 'dir thar pa dang/ lam thob par bya ba'i rten du gyur pa dkon mchog gsum zhes bya ba'i dngos po'o/ /skyabs su 'gro ba zhes bya ba ni skyabs de la skyabs su 'gro ba ste/ skyabs 'jug pa'o/ /bslab pa'i gzhi dag zhes bya ba la/ bslab pa zhes bya ba ni bslab par bya bas bslab pa ste/ nyon mongs pa spong ba'o/ /gzhi dag ces bya ba ni gnas dang rten ces bya ba'i tha tshig ste/ 'di ltar de la rnam par gnas na mya ngan las 'das pa 'thob pa'i phyir ste/ ji skad du mkhas pa tshul la gnas byas ste/ /sems dang shes rab sgom byed pa/ /brtun ldan rtag tu 'grus byed pa'i/ /dge slong sdug bsngal zad pa 'thob/ /ces tshigs su bcad pa gsungs pa'i phyir ro/ /yang na bslab par bya ba'i gzhi ni bslab pa'i gzhi ste/ srog gcod pa spong ba la sogs pa'o/ /gsangs te ston pa zhes bya ba ni dben pa stong pa'i phyogs su bar chad kyi chos dris pa'i phyir ro/ /gsangs te ston pa zhes bya ba ni/ dben par bkar te bar chad kyi chos dris pa'o/ las byed pa zhes bya ba ni rdzogs par bsnyen pa'i tshe gsol ba dang bzhi'i las byas pa'o/ /bzhi'i las bya ba ni bya ba gang la las brjod pa gsum dang/ gsol ba dang bzhi byed pa'o/ /gnas sbyin pa'i slob dpon zhes bya ba ni gnas sbyin par byed pa ste/ de la gnas pas dge ba'i tshogs 'phel ba'i phyir ro/ /zhag gcig tsam yang gnas pas 'dug pa zhes bya ba ni mtshams gcig gi nang du gnas gcig pa nyid kyi phyir/ zhag cig tsam yang de'i drung du 'dug pa ste/ yang zhes bya ba'i sgra ni mdza' bstan pa yin no/ /klog pa'i slob dpon zhes bya ba ni gtsug lag gi tshig klog tu 'jug pa'o/ /tshig bzhi pa'i tshigs su bcad pa tsam yang lan gsum bzlas te/ gzung ba zhes bya ba la/ tshig bzhi zhes bya ba ni gzhung gdan tshig bzhi yod pa ste/ dper na sdig pa thams cad mi bya ste/ zhes bya ba ni tshig gcig yin/ dge ba phun sum tshogs par bya/ zhes bya ba ni tshig gnyis pa yin/ rang gi sems ni yongs su gdul zhes bya ba ni tshig gsum pa yin/ 'di ni sangs rgyas bstan pa yin/ zhes bya ba ni tshig bzhi pa yin pa lta bu'o/ /tshigs su bcad pa 'di ni de'i tshad dang mnyam pa'i gzhung rkyang pa'i dbe yin par bstan pa'i phyir tshigs su bcad pa zhes bya ba gsungs te/ tshig bzhi pa'i tshigs su bcad pa yang rung/ de dang tshad mnyam pa tsam gyi gzhung rkyang ba yang rung ngo/ zhes bya ba'i tha tshig ste/ 'dir de nyid yang gtsug lag gi gzhung yin par shes par bya'o/ /lan gsum bzlas te zhes bya ba ni lan gcig dang/ lan gnyis kyis ni bzlas pa'i mthar phyin kyang/ rdzogs pa ma yin pas slob dpon du mi 'gyur gyi/ lan gsum bzlas na klog pa mthar thug pa yin pas des na slob dpon du gyur pa yin no/ /de ltar yang bcom rlag du yang dag par sdud pa las kyang klog pa'i slob dpon gang zhe na/ gang las tshig bzhi pa'i tshigs su bcad pa tsam yang lan gsum bzlas te/ bzung ba yin no/ zhes 'byung la/ da ltar gyi gtsug lag las kyang de skad 'byung bas sngon gyi 'dul ba 'dzin pa dag gi lugs mthun te/ tha na tshig bzhi pa'i tshigs su bcad pa dang/ de tsam gyi gzhung rkyang ba yan chad nas/ gzhung mang po mdza' yas pa'i bar dag lan gsum bzlas na de klog pa'i mthar thug pa yin pas/ de na slob dpon du gyur pa yin gyi lan gnyis bzlas pas mi 'gyur ro/ /gzung ba zhes bya ba ni klog pa'i slob dpon gyis smras pa zlos par byed pas rjes su bzlas pa yin no/ /klog pa'i bsam ba med pas brjod pa ni klog pa nyid ma yin pa slob dpon du mi 'gyur ro/ /rab tu 'byin par byed pa gang yin pa dang/ rdzogs par bsnyen par byed pa gang yin pa zhes bya ba ni gang zag gcig gis de gnyis ka byas na yang de mkhan po yin la/ gang zag gnyis kyis byas na yang de gnyis ka mkhan po yin no/ / //bam po drug pa/ /des zhes bya ba ni/ dang po'i mkhan por gyur pa nges so/ /de la bar chad kyi chos rnams dris nas zhes bya ba la/ 'dir bar chad kyi chos rnams zhes bya ba ni ma bsad pa la sogs pa yin par 'dod de/ rab tu 'byung ba la bar du gcod par byed pa'i phyir ro/ /bar chad kyi chos rnams ni rnam pa gnyis te/ kha cig ni sdom pa skye ba la bar chad byed pa ste/ 'di lta ste/ ma bsad pa la sogs pa'o/ kha? cig? ni mdzes pa nyid la rab tu gcod pa ste/ 'di lta ste lag rdum? la sogs pa'o/ /gzhan yang bar chad kyi chos rnams ni rnam pa gnyis te/ kha cig ni lta ba'i rnam pa ste/ 'di lta ste mu stegs can ma yin nam zhes bstan pa la sogs pa'o/ /kha cig ni bya ba te/ 'di lta ste rgyal pos bkabs pa ma yin nam zhes bya ba la sogs pa'o/ /de dag kyang rab tu byung ba'i gzhi 'di nyid bsdu bar bya ba'i skabs dang/ des 'phangs pa phran tshegs la sogs pa ma gsungs pa thams cad go rim bzhin du dri bar bya'o/ /dris nas gzung bar bya'o/ zhes bya ba ni dris nas yongs su dag pa la/ skabs dbye bar bya ba ste/ gal te dge slong 'ga' zhig gi gan du rab tu 'byung bar 'dod pa zhig 'ong zhing/ rab tu 'byung bar gsol na/ de'i tshe dge slong des de la bar chad kyi chos rnams dri bar bya ste/ gal te bar chad de dag med na de'i 'og tu yongs su dag pa de la dang po'i mkhan por 'gyur ba nyid kyis ngas khyod rab tu dbyung ngo/ zhes skabs dbye zhing khas blangs par bya ba'o/ /'di skad ces brjod par bya ste/ zhes bya ba ni tshig 'di skad ces brjod du gzhug par bya ba'o/ /btsun pa zhes bya ba ni bod pa'o/ /dgongs su gsol zhes bya ba ni sems gtong cig ces bya ba'o/ /bdag ming 'di zhes bgyi ba zhes bya bas ni bdag nyid nye bar ston par byed do/ /dus 'di nas gzung ste zhes bya ba ni dus gang gi tshe gsum la skyabs su 'gro ba dang/ sdom pa len par brtsom pa'i dus 'di nas btsams te'o/ /ji srid 'tsho'i bar du zhes bya ba ni/ ji srid ris mthun pa ma spangs kyi bar du'o/ /rkang gnyis rnams kyi mchog ces bya ba ni rang? dang gzhan gyi don phun sum tshogs pa'i mtshan nyid kyi yon tan dag dang ldan pa'i phyir/ sems can thams cad las khyad du 'phags pa'o/ /sangs rgyas la zhes bya ba ni mi slob pa la ste/ sangs rgyas su byed pa zad pa dang/ mi skye ba shes pa la'o/ /skyabs su mchi'o/ zhes bya ba ni sdug bsngal las yongs su bskyab pa'i phyir rten nyid du khas blang pa'o/ /'dod chags dang bral ba rnams kyi mchog ces bya ba ni 'jig rten pa'i lam gyis 'dod chags dang bral ba rnam pas zag pa med pa'i lam 'thob pa'i phyir dang/ yongs su mi nyams pa'i phyir dang/ dge ba dang rtag pa'i phyir mchog go /chos la zhes bya ba ni mya ngan las 'das pa'o/ /tshogs rnams kyi mchog ces bya ba ni rab tu 'byung ba dang/ rab tu ma byung ba'i tshogs rnams pas mi phyed pa'i phyir dang/ bsod nams kyi zhing bla na med pa yin pa'i phyir mchog go /dge 'dun la zhes bya ba ni/ slob pa dang mi slob pa la ste/ dge 'dun du byed pa la'o/ /de ltar 'dis ni mya ngan las 'das pa'i bsam pa brtan po med par sdom pa mi skye bas skyabs su 'gro bas mya ngan las 'das pa'i bsam pa brtan po sgrub par byed de/ ji ltar zhe na/ rkang gnyis rnams kyis mchog /sangs rgyas la skyabs su mchi'o/ zhes bya ba 'dis ni lam nye bar ston par mdzad pa la yang dag par brten par byed/ 'dod chags dang bral ba rnams kyi mchog /chos la skyabs su mchi'o/ /zhes bya ba 'dis ni chos kyi mchog mya ngan las 'das pa la yang dag par brten par byed/ tshogs rnams kyi mchog /dge 'dun la skyabs su mchi'o/ /zhes bya ba 'dis ni mya ngan 'das pa'i grong khyer du 'gro ba'i zla grogs la yang dag par brten par byed pa'i phyir te/ de ltar skyabs su 'gro bas ni mya ngan las 'das pa'i bsam pa brtan po sgrub par byed la/ mya ngan las 'das pa'i bsam pa brtan pos ni sdom pa 'thob par 'gyur bar shes par bya'o/ /bdag ji srid 'tsho'i bar du dge bsnyen du btsun pas gzung du gsol zhes bya ba ni dge bsnyen nyid du khas blangs pa yin no/ /de la dge bsnyen zhes bya ba ni/ dkon mchog gsum la bsnyen bkur byed pa'i phyir dang/ dge ba'i chos la bsnyen bkur byed pa'i phyir dang/ bslab pa'i gzhi ji skad gsungs pa dag /yongs su srung bar byed pa'i phyir ro/ /btsun pas gzung du gsol/ zhes bya ba ni thugs su chud par mdzod cig gi ces bya ba'o/ /de bzhin du lan gnyis lan gsum du bzlas/ zhes bya ba ni lhag por ma gtogs pa rang gi don gyi sngags brjod pa ni lan gsum mo/ zhes 'byung bas 'dir gsum la skyabs su 'gro ba dang/ dge bsnyen nyid du khas blangs pas/ dge bsnyen gyi sdom pa sbyin pa yang lan gsum brjod dgos pas/ ji ltar brjod pa dang po sngar bstan pa de bzhin du brjod pa gnyis pa dang/ brjod pa gsum pa yang brjod par bya'o/ /zhes bya ba'i tha tshig go/ tshig gsum pa la slob dpon gyis shes brjod par bya'o/ /zhes bya ba ni btsun pas gzung du gsol/ zhes bya ba ni brjod pa dang po dang/ gnyis pa la ni btsun pas gzung du gsol/ zhes brjod par bya'i brjod pa gsum pa la ni btsun pas zhes mi bya bar slob dpon gyis gzung du gsol zhes brjod par bya ba'o/ /de ci'i phyir zhe na/ de'i dus ni slob dpon du yang 'gyur la/ slob mas kyang sdom pa thob pa'i phyir ro/ /de yang dge bsnyen nyid du nye bar bsgrub pa la sogs pa'i don grub na slob dpon de nyid la sogs par gyur pa nyid ni brjod pa tha ma gang yin pa'i cha gsum pa la grub pa nyid yin pas/ brjod pa dang po dang/ gnyis pa la ni dge bsnyen nyid du yang ma grub la/ slob dpon nyid yang ma gyur pas btsun pas gzung du gsol zhes brjod par bya'o/ /brjod pa tha ma gang yin pa'i cha gsum pa la ni dge bsnyen nyid du grub cing/ slob dpon nyid du yang gyur pas de'i phyir slob dpon gyis gzung du gsol zhes brjod par bya'o/ /'di ltar dge bsnyen gyi sdom pa sbyin pa'i dus na/ don gyi mtshams gnyis te/ skyabs su 'gro ba dang/ dge bsnyen nyid du khas blangs pa yin mod kyi/ 'on kyang cha gsum du bya bar nus te/ skyabs su 'gro ba ni cha gcig go /bdag ji srid 'tsho'i bar du dge bsnyen nyid du zhes bya ba ni cha gnyis pa'o// slob dpon gyis gzung du gsol/ zhes bya ba ni cha gsum pa'o/ /'o na brjod pa tha ma gang ba'i cha gsum pa'i dus de yang gang yin par shes par bya zhes na/ bdag ji srid 'tsho'i bar du dge bsnyen du zhes bya ba'i 'og tu slob dpon gyis zhes bya ba'i sgra brjod pa'i gong du zhes bya ba'i tha tshig go / de lta bas na de'i 'og tu slob dpon gyis gzung du gsol zhes brjod par bya'i/ btsun pas gzung du gsol zhes brjod par mi bya'o/ /dge tshul nyid du nye bar sgrub pa la sogs pa las thams cad la yang cho ga 'di bzhin du blta bar bya'o/ /slob dpon gyis thabs yin no/ zhes brjod par bya'o/ /zhes bya ba ni gal te gang zag gis rang don du brjod na/ gsol ba btab pas mjug du thabs yin no/ /zhes brjod par bya'o/ zhes gsungs pa'i phyir te/ gal te gang zag gis rang gi don tsam brjod pa'i phyir brjod na gsol ba btab pa'i gang zag gis de sngags brjod du bcug pa'i mjug du thabs yin no/ zhes brjod par bya'o/ /thabs las byung ba ni thabs yin te/ khyod kyis de ltar byas pa ni don de bsgrub pa'i thabs yin no/ zhes bya ba'i tha tshig go /dge bsnyen gyis legs so/ zhes brjod par bya'o/ zhes bya ba ni/ de'i rjes de la cig shes kyis legs so/ zhes brjod par bya'o/ zhes gsungs pa'i phyir te/ gsol ba btab pa'i gang zag de thabs yin no/ zhes brjod pa de'i rjes la gsol ba 'debs par byed pa'i gang zag cig shos kyis legs so/ zhes brjod par bya ba'o/ /thabs yin no/ zhes gang smras pa de legs te/ de ni thabs yin no/ zhes bya ba'i tha tshig go /rab tu 'byung ba la sogs pa gang zag gis rang gi don du brjod pa thams cad la yang cho ga 'di bzhin lta bar bya'o/ /de ltar na dge bsnyen nyid du khas len du bcug nas de'i 'og tu ci bya zhe na/ de'i 'og tu bslab pa khas blang ba'i tshul gyis bya'o/ /zhes gsungs te/ de'i 'og tu zhes bya ba ni dge bsnyen nyid du khas blang ba'i cho ga brjod ma thag pa de'i 'og tu'o/ /bslab pa brjod pa zhes bya ba ni bslab pa'i brjod pa ni bslab pa brjod pa ste/ dge bsnyen rnams kyi bslab pa'i gzhi la'o/ /'di skad bstan te/ bdag ji srid 'tsho ba'i bar du dge bsnyen du slob dpon gyis gzung du gsol zhes bya ba'i tshig de'i 'og tu de nyid la bslab pa'i gzhi gang dag yin pa de dag brjod par bya'o/ /ji ltar de ci bya ba'i tshul gyis 'di dang 'di spong ngo/ zhes sam 'on te dgag pa'i tshul gyis 'di dang 'di mi bya'o/ /zhes she na/ de'i phyir khas blang ba'i tshul gyis bya'o/ /ces gsungs te/ bya ba'i tshul gyis bya'o/ /'di ltar bya ste/ zhes bya ba la sogs pa la/ 'phags pa zhes bya ba ni sdig pa mi dge ba'i chos rnams las ring du gyur pa'i phyir ro/ /de dag gang zhe na/ de'i phyir dgra bcom pa de dag ces bya ba gsungs te/ des na ji ltar 'phags pa dgra bcom pa de dag gis sems can thams cad la thugs brtse ba nyid dang/ sems can thams cad la dmigs pa dang spong ba'i dgongs pas/ ji srid 'tsho'i bar du srog gcod pa spangs te/ srog gcod pa las slar log pa de bzhin du bdag gis kyang de ltar bgyi'o/ zhes bya ba'i tha tshig go /srog gcod pa zhes bya ba ni ched du bsams te/ srog gi skad cig ma ma 'ongs pa rnams kyi rgyun gcod cing 'jig par byed pa'o/ /spangs te zhes bya ba ni yang dag par len pa'i dus na/ srog chags gsod pa yid kyis btang ste'o/ /srog gcod pa las slar log pa zhes bya ba ni dus phyis kyang lus dang/ ngag dang/ yid gis phyir log par gyur pa'o/ /yan lag dang po 'dis zhes bya ba ni/ mya ngan las 'das pa 'thob pa'i rjes su mthun pa'i srog gcod pa spangs pas te/ tshul khrims ni mya ngan las 'das pa 'thob pa'i rgyu yin pa'i phyir ro/ /rjes su bslab po/ zhes bya ba ni ji ltar de dag thar pa'i dgongs pas/ bslab pa slob pa de bzhin du bdag kyang de dag gi bslab pa la rjes su bslab po zhes bya ba'i tha tshig go /rjes su sgrub po zhes bya ba ni thar pa'i bsam pas zhugs pas sems can la yang gnod pa mi bya bar bsgrub pa'o/ /rjes su bgyid? do/ zhes bya ba ni bcom ldan 'das kyis gsungs pa'i bslab pa'i gzhi rnams srog dang bsngo zhing yongs su srung bar byed pa'o/ /ma byin par len pa zhes bya ba ni gzhan gyi rdzas bdag gir byed pa'o/ /'dod pa la log par g.yem pa zhes bya ba ni bgrod pa ma yin pa dang/ yan lag ma yin pa dang/ yul ma yin pa dang/ dus ma yin pa dag tu smad pa'i 'dod pa bsten pa'o/ /rdzun du smra ba zhes bya ba ni bslu ba'i phyir gzhan du ston pa'o/ /'bru'i chad zhes bya ba ni bas kyi chad do/ /bcos pa'i chad zhes bya ba ni rdzas kyi ched do/ /de gnyis kyis kyang myos par 'gyur ba zhes bya ba ni ra ro bar 'gyur ba'i rdzas so/ /bag med pa'i gnas zhes bya ba ni 'bru'i chad dang/ bcos pa'i chad gi mtshan nyid de/ bag med pa zhes bya ba'i don ni nyams la don ma yin pa ni 'phel ba'o/ /de'i gnas zhes bya ba ni de'i rgyu zhes bya ba'i tha tshig go /dge bsnyen gyi sdom pa byin pa'i 'og tu ji ltar rab tu dbyung bar bya zhe na/ de'i phyir de'i 'og tu gang gis de zhu bar byed pa'i dge slong la gtad par bya'o/ zhes bya ba gsungs te/ dge slong gang gi rab tu 'gyur bar 'dod pa de dge 'dun la zhu bar byed pa'i dge 'dun la gtad par bya ste/ 'di dge 'dun la zhus shig ces bya ba'i tshig gis bkri bar bya'o/ zhes bya ba'i tha tshig go /'di zhu bas ci zhig bya zhe na/ de'i phyir zhu ba'i dge slong gis khyod kyi chos rnams dris sam/ zhes dri bar bya'o/ zhes bya ba gsungs te/ gang gis dge bsnyen nyid du nye bar bsgrub pa'i dge slong la dri bar bya'o/ /'gal tsha bas can zhes bya ba ni/ nyes pa dang bcas pa ste/ nyes byas kyi ltung ba dang ldan zhes bya ba'i tha tshig go / de'i 'og tu zhu ba'i dge slong gi zhu bar bya'o/ zhes bya ba ni bar chad kyi chos rnams dag na zhu bar bya'o/ /gnas mal bsham pa byas nas/ zhes bya ba ni stan dag go rim bzhin du bting nas so/ /gaN+Di brdungs te/ zhes bya ba ni dge 'dun bsdu ba'i phyir ro/ /dris pa'i tshig gis zhes bya ba ni gaN+Di brdungs pa na gzhan dag gis ci'i phyir gaN+Di de brdungs zhes dris pa'i lan du de dang mthun pa'i tshig brjod pa ni/ dris pa'i tshig ste des so/ /dge slong rnams la yang dag par bskul nas/ zhes bya ba ni dge slong rnams bsdu ba'i phyir bsgo nas so/ /'dug cing zhes bya ba ni nye bar zhugs pa'o/ /mthun par gyur/ zhes bya ba ni bya ba mthun pa nyid du gyur pa'o/ /gnas khang so so na 'khod pa zhes bya ba ni gnas khang so so so so na gnas pas 'khor pa'o/ /gnyis kar yang rung zhes bya ba'i sgra smos pa ni rnam pa gnyis kar bstan pa'i tshig te/ rnam pa 'dis zhung yang rung la/ /rnam pa 'dis zhur yang rung ba'o/ /'di skad bstan te/ dge 'dun thams cad phyogs gcig tu 'dus par gyur pa de'i tshe zhur yang rung/ yang na gang gi tshe dge 'dun du gyur pa'i dge slong dag rang rang gi gnas gang na gnas pa'i tshe gnas khang so sor song ste/ de dag gi mdun du zhur yang rung ngo/ /zhes bstan to/ zhu bar byed pas 'di skad ces brjod par bya ste/ zhes bya ba ni zhu bar byed pa'i dge slong gis sngags 'di brjod par bya ba yin gyi/ /rab tu 'byung bar 'dod pas bzlas par ni mi bya'o/ /khyim pa zhes bya ba ni khyim ma spangs pa ste/ de la khyim yod pa'i phyir ro/ /ming tsam gyi khyim yin nam zhe na/ de'i phyir gos dkar po can/ zhes bya ba gsungs te/ gos dkar go gyon pa'o/ /yang na khyim pa zhes bya ba ni/ bstan pa'i tshig yin la gos dkar po can zhes bya ba ni bshad pa'i tshig yin no/ /gang dag gi mdun du zhu bar bya ba de dag gi chog gang yin pa de bstan pa'i phyir/ de dag thams cad kyis gal te yongs su dag na'o/ zhes brjod par bya'o/ zhes bya ba gsungs te/ dge 'dun du gyur pa'i dge slong ma lus pa de dag thams cad kyi gal te rab tu 'byung bar 'dod pa de bar chad kyi chos rnams yongs su dag par gyur na de'i rab tu 'byung bar bya'o/ zhes bya ba'i tha tshig go /de'i 'og tu mkhan por gsol bar bya'o/ zhes bya ba ni zhus pa'i 'og tu rab tu 'byung bar 'dod pas mkhan por gsol bar bya ba'o/ /'di skad ces brjod par bya ste/ zhes bya ba ni slob ma zlos su gzhug pa'o// bdag ming 'di zhes bgyi ba zhes bya ba ni bdag nyid nye bar bstan pa'o/ /tshig gsum la mkhan pa'o/ zhes brjod par bya'o/ zhes bya ba ni de'i tshe na khas blangs pa'i bdag nyid kyi mkhan por gyur pa'i phyir ro/ /'dir mkhan por 'gyur ba ni mkhan por gsol ba khas blangs pa na der gyur pa yin te/ ji srid du dge tshul nyid du mi byed pa'am/ ji srid du rdzogs par bsnyen par mi byed kyi bar du mi 'gyur ba ma yin no/ /de'i 'og tu gang gis de'i skra dang kha spu dag 'breg par byed pa'i dge slong la bcol bar bya'o/ zhes bya ba ni mkhan por bskos pa'i 'breg mkhan gyis skra dang kha spu dag 'breg par byed na de ltar na yang nyes pa med par bstan pa yin gyi/ nus na mkhan po nyid kyis breg par bya ba yin no/ /gtsug phud bzhag par bya zhes bya ba ni dgos pa ni rab tu 'byung bar 'dod pa'i rab tu 'byung bar nges pa yin na ma zhes dri bas yongs su shes par bya ba'i phyir ro/ /de'i gtsug pud gang gi tshe breg par bya zhe na/ de'i phyir gtsug pud breg gam zhes dri bar bya zhing gal te bregs shig ces zer na breg par bya'o/ /de'i 'og tu khrus byed du gzhug te zhes bya ba ni rab tu 'byung bar 'dod pa de skra dang kha spu bregs pa'i 'og tu dus dang mthun pa'i chus khrus byed du gzhug go /zhes bya ba'i tha tshig go /de'i 'og tu mkhan pos gos ngur smrig ngag sbyin par bya zhes bya ba ni khrus byas pa'i 'og tu mkhan pos rab tu 'byung ba de la rab tu 'byung ba'i tshul dang mthun pa'i tshon gyis kha sgyur ba'i gos dag sbyin par bya ba'o/ /des kyang rkang pa gnyis la gtugs te blang bar bya'o/ /zhes bya ba ni rab tu 'byung bar 'dod pa des kyang mkhan po la phyag btsal te/ gos de dag blang bar bya ba'o/ /de'i 'og tu mkhan pos bskon par bya zhes bya ba ni mkhan po rang gis rab tu byung bar 'dod pa de la gos de dag bskon par bya ba'o/ /bskon pa na mkhan po rab tu 'byung bar 'dod pa des mtshan med pa 'am/ mtshan gnyis pa 'am gle 'dams pa ma yin nam zhes brtag par bya'o/ zhes bya ba ni za ma dang/ ma ning dang/ mtshan med pa dang/ mtshan gnyis pa dang/ gle 'dams pa la sogs pa'i skyon yongs su spang ba'i phyir ro/ /mtshan med pa zhes bya ni dbang po med pa'o/ /mtshan gnyis pa zhes bya ba ni pho dang mo'i dbang po gnyis ka yod pa'o/ /gle 'dams pa zhes bya ba ni bshad pa dang gci ba'i lam gnyis gcig tu gyur pa'o/ /mtshor bar brtag par bya'o/ /zhes bya ba ni ci nas kyang rab tu 'byung bar 'dod pa des bdag gi mtshan mkhan pos mthong ngo/ /snyam du mi shes pa de ltar brtag par bya'i/ sgren par phung ste ni ma yin no/ /rab tu dbyung ba'i dus kho nar mtshan brtag par nges pa ni ma yin no/ /'di ltar gang tshun chad kho bos rab tu dbyung ngo/ /zhes mkhan po nyid du khas blangs pa de tshun chad nas sham thabs bskon pa'i bar dag bzung ngo/ /mkhan po rang kho nas nges par bya ba yang ma yin te/ gal te dge slong yid ches pa las de byas pa de las mkhan pos thos par gyur na yang las mkhan po nyid kyi byas pa yin par khong du chud par bya'o/ /de'i 'og tu skyabs su 'gro ba rtsom pas rab tu 'gyur ba nye bar bsgrubs par bya ba'o/ zhes bya ba ni de ltar rab tu 'byung bar 'dod pa za ma la sogs pa'i skyon dang bral bar shes nas de'i 'og tu rab tu 'byung ba nye bar bsgrub par bya'o/ /ji ltar nye bar bsgrub par bya zhe na/ skyabs su 'gro ba rtsom pa ste/ rab tu 'byung bar nye bar bsgrub pa de'i dang po rtsom pa de ni skyabs su 'gro ba rtsom pa ste/ 'di skad bstan te/ dang po skyabs su 'gro ba sbyin par bya zhing phyis rab tu 'byung ba yang dag par len du gzhug go / 'di skad ces brjod par bya ste zhes bya ba ni/ mkhan pos zlos su gzhug par bya ba'o/ /khyim pa'i rtags zhes bya ba ni gos dkar po gyon pa dang skra dang kha spu ring por 'jog pa la sogs pa'o/ /rab tu 'byung ba'i rtags zhes bya ba ni gos ngur smrig gyon pa dang/ skra dang kha spu ring por mi 'jog pa la sogs pa'o/ /de'i 'og tu dge tshul nyid du nye bar sgrub par byed pa'i dge slong la gtang bar bya'o/ zhes bya ba ni mkhan pos rab tu phyung ba'i gang zag de de la gtang par bya'o/ /dge tshul nyid du nye bar sgrub par byed pa'i zhes bya ba ni gang gis de la dge tshul gyi sdom pa sbyin par byin pa ste/ dge tshul nyid du nye bar sgrub pa'i dang tshul gang la yod pa de ni dge tshul nyid du sgrub par byed pa'o/ /dge slong la zhes bya ba ni gsol pa dang bzhi'i las gyis rdzogs par bsnyen pa'i dge slong de la'o/ /gtad par bya'o/ zhes bya ba ni sbyin par bya'o/ zhes bya ba'i tha tshig go /nges kyang rtsa yongs su dag gam zhes dris nas yongs su dag ni skyabs su 'gro ba dang dge tshul nyid du khas blangs pas dge tshul nyid du nye bar sgrub pa'o/ /zhes bya ba ni dge tshul nyid nye bar bsgrub par byed par nges pa ni bya ba yin no/ /ci yongs su dag gam zhes bya ba ni ci 'di la bar chad kyi chos rnams med dam zhes bya ba'i tha tshig go /dris nas zhes bya ba ni gtod par byed pa'i dge slong de la dris nas/ so/ /gal te 'di skad ces 'di ni yongs su dag go /zhes zer na de'i tshe gang zag de yongs su dag pa yin pas skyabs su 'gro ba dang/ dge tshul nyid du khas blang pa'i cho ga 'og nas 'byung bas dge tshul nyid nye bar bsgrub par bya'i ma dag na ni mi bya'o/ /dge tshul gyi bslab pa'i gzhi ni bcu ste/ de dag las dang po lnga ni dge bsnyen dang thun mong yin no/ /lnga na thun mong ma yin te/ de la glu gar dang rol mo'i sgra spong ba ni bslab pa'i gzhi gcig ste/ rgod bag gi rang bzhin yin pa'i phyir ro/ /phreng ba dang spos nyug pa dang rgyan dang kha dog 'chang ba spong ba ni bslab pa'i gzhi gnyis pa ste/ rgyags pa bskyed pa'i phyir ro/ /de la spos nyug pa bya ba ni rdzas dri zhim po dag gis lus thams cad nyug pa'o/ /rgyan zhes bya ba ni mgul rgyan dang/ gdu bu rgyan can dang/ /dpung rgyan la sogs pa thogs pa'o/ /kha dog 'chang ba zhes bya ba ni gur kum dang ga pur la sogs pas rang gi lus la ri mo byed pa'o/ khri stan mthon po dang/ khri stan chen po spong ba ni bslab pa'i gzhi gsum pa ste/ 'dod chen che ba yin pa'i phyir ro/ /de la khri stan mthon po/ zhes bya ba ni khru tshad las lhag pa'o/ /khri stan chen po zhes bya ba ni dbyig dang gser la sogs pa las byas pa'o/ /dus ma yin pa'i zas spong ba ni bslab pa'i gzhi bzhi pa ste/ brtul zhugs kyi ngo bo nyid yin pa'i phyir ro/ /gser dngul len pa spong ba ni bslab pa'i gzhi lnga pa ste/ yo byad don med pa'i phyir ro/ /'di la gser dngul zhes bya ba ni rin po che gzhan dag gi dpe yin no/ /len pa zhes bya ba bdag gir byed pa'o/ /'di ltar bslab pa'i gzhi de dag la ni re re la yang rnam pa du ma yod mod kyi de dag mad ches pas bsrung bar mi nus so/ /snyam du spa bkod pa dag bstan sla par bya ba'i phyir bslab pa'i gzhi bcur bstan te/ dper na 'phags pa rgya gar bu la bslab pa gsum bstan pa dang 'dra'o/ /de ltar dge tshul nyid kyi cho ga rnam par bshad nas/ da ni rdzogs par bsnyen pa'i cho ga brjod pa bya ste/ de'i phyir de'i 'og tu gal te de lo nyi shu tshang na zhes bya ba la sogs pa gsungs te/ /dge tshul de lo nyi shu tshang na'o/ /rdzogs par bsnyen pa ni dge 'dun kho na las 'gyur gyi/ ji ltar rab tu byung ba dang dge tshul nyid gang zag kho na 'gyur ba ltar gang zag las ni ma yin no/ /thabs gang gis dge 'dun las rdzogs par bsnyen par 'gyur zhe na/ de'i phyir de'i lhung bzed dang chos gos dag btsal bar bya zhing zhes bya ba la sogs pa gsungs te/ mkhan po nyid du phyogs par gyur pas slob ma de'i lhung bzed dang chos gos dag btsal bar bya'o/ zhes bya bar sbyar ro/ /las byed pa dang/ gsang ste ston pa dang/ gang dag de'i las kyi gnas su 'jug pa'i dge slong dag la gsol ba gdab par bya'o/ zhes bya ba yang mkhan po nyid du phyogs par gyur pa de nyid kyis de dag bya'o/ zhes par sbyar ro/ /las kyi gnas su zhes bya ba ni de rdzogs par bsnyen par byed pa'i las kyi mtshams su ste/ dge 'dun thams cad 'dug cing mthun par gyur pa'i mtshams sam/ dkyil 'khor ba'i mtshams su'o/ /dge slong rang bzhin du gnas pa ma yin pas tshogs kyi kha bskang bar mi bya'o/ zhes gsungs pas 'dir de bsal ba pa'i phyir dge slong gang dag de'i las kyi gnas su 'jug par 'gyur ba de dag gis kyang zhes bya ba la sogs pa gsungs so/ /der 'du bar gyur pa'i tshe zhes bya ba ni dge slong rnams de rdzogs par bsnyen par bya ba'i phyir 'du ba gang yin pa'i las kyis gnas der 'du ba'i mdun rol du 'du ba la sbyor ba'i tshe'o/ /zla ba phyed ' das pa'i nyes pa zhes bya ba ni de'i mdun rol tu zla ba phyed kyi gso sbyong gang 'das pa phan chad kyi nyes pa ni gso sbyong de nyid kyi tshe bsdam pa dang bshags pa la sogs pa byas zin pas de la ni so sor brtag mi dgos kyi de tshun chad kyi nyes pa la so sor brtag par bya'o/ zhes bya bar sbyar ro/ /nyes pa de yang gang zhe na/ de'i phyir bsdam par bya ba dang/ bshags par bya ba dang/ byin gyis brlab par bya ba dag ces bya ba gsungs te/ bsdam par bya ba zhes bya ba ni yid kyi nyes byas phra mo'o/ bshag par bya ba zhes bya ba ni ltung byed dang/ so sor bshags par bya ba dang/ bshags pa'i nyes byas so/ /byin gyi brlab par bya ba dag ces bya ba ni/ dge 'dun lhag ma dang/ spang ba'i ltung byed dag go /de dag las so sor brtag par bya zhing// zhes bya ba ni bdag la nyes pa dag gang byung ba la so sor brtag par bya zhing ngo/ /ci so sor nas ltung ba phyir ma bcos pa kho nar 'dug par bya 'am zhe na/ de'i phyir nyes pa shes bsdams pa'am bshags pa'am byin gyis brlab pas phyir bcos te 'dug par bya'o/ zhes bya ba gsungs te/ gal te sdom? par bya ba'i nyes pa dag shes na bsdam pas phyir bcos pas 'dug par bya'o/ /bshags par bya ba'i nyes pa dag shes nas bshags pas phyir bcos te 'dug par bya'o/ /byin gyis brlab par bya ba'i nyes pa dag shes na byin gyis brlabs pas phyir bcos te 'dug par bya'o/ /'dir ltung byed la sogs pa bshags par gsungs pa ni nyi ma de nyid la phyir bcos par nus pa yin pas de dag ni byin gyis brlabs pas dag pa nyid du mi 'gyur ro/ /zhes bstan to/ /dge 'dun lhag ma dang spang ba dag byin gyis brlabs par gsungs pa ni nyi ma de nyid la phyir bcos pa mi nus pa yin pas byin gyis brlabs pas dag pa nyid du 'gyur ro/ zhes bstan to/ /de ltar na ji skad bstan pa'i cho ga 'dis ni thams cad lta ba mthun pa/ tshul khrims yongs su dag pa 'dug cing mthun par gyur pa dag gis gso sbyong dang/ dgag dbye dang/ gsol ba dang/ gsol ba dang gnyis dang/ gsol ba dang bzhi'i las bya'o/ zhes gsungs pa bsdus pa yin no/ /de'i las kyi mtshams par zhe na/ de'i phyir dge 'dun thams cad 'dug cing mthun par gyur pa 'am/ dkyil 'khor pa la yang rung ste/ zhes bya ba gsungs te/ dge 'dun thams cad 'dug cing mthun par gyur pa 'am/ zhes bya ba ni gzhi'i cho ga nyid bstan te/ mtshams gcig na dge 'dun ji snyed bzhugs pa thams cad 'dug cing mthun par gyur pa las rdzogs par bsnyen par bya ba'o/ /dkyil 'khor la yang rung ste/ zhes bya ba ni gzhi'i tshe gnyid? la bsten par mi nus na dkyil 'khor pa'i mtshams su dge 'dun du gyur pa'i dge slong phyogs gcig tu bcad pa dag las rdzogs par bsnyen par byar yang rung bar bstan te/ dge 'dun ma gyur pa dag gis las mi bya'o/ /zhes gsungs pas 'dir rdzogs par bsnyen bar bya ba'i las las la du dag dge 'dun nyid yin zhe na/ de'i phyir yul dbus dge slong bcu la sogs pa'i tshogs sam zhes bya ba la sogs pa gsungs te/ yul dbus kyi mtshan ma shar du ni li kha ra shing 'phel gyi 'dun gyi nags li kha re'i shing tshang tshing can zhes bya ba'o/ /lhor ni grong khyer 'dam bu can gyi lho na chu klung 'dam bu can zhes bya ba'o/ /nub tu ni bram ze'i grong kha ba dang nyi? ba'i ka ba zhes bya ba gnyis so/ /byang du ni au shi ri'i ri? zhes bya ba'o/ zhes bya ba'o/ zhes gsungs pa de dag gi khongs su gtogs pa ni yul dbus te/ dge slong yul dbus su rdzogs par bsnyen pa'i bya ba'i las la ni/ dge slong bcu la sogs pa dge 'dun nyid yin no/ /mdza' 'khob dag tu gzhan med na 'dul ba 'dzin pa dang/ lnga la sogs pa'i tshogs la yang rung ste/ zhes bya ba ni yul dbus kyi phyogs bzhi'i mtshams kyi mtshan ma sngar smos pa de dag phan chad ni yul mdza' 'khob ste/ dge slong yul mdza' 'khob tu rdzogs par bsnyen par bya ba'i las la ni dge slong bcu la sogs pa gzhan med na 'dul ba 'dzin pa zhes bya ba las gyed pa nyid gtogs par lnga la sogs pa dge 'dun nyid yin no/ /yod na ni gzhi'i cho ga kho na la brten par bya ste/ cho ga las 'das na las mi chags so/ zhes gsungs pa'i phyir ro/ /dang por dge slong re re la phyag gsum gsum 'tshal du gzhug go / zhes bya ba ni rdzogs par bsnyen par bya ba'i phyir 'dus pa'i dang po dge slong dang phrad do cog thams cad la rdzogs par bsnyen par bya ba des phyag lan gsum bya bar rigs pa yin te/ 'di ltar phyag byas pas bdag nyid dge 'dun gyi nang du 'jug par ston cing bsam pa drag pos drang por 'jug par rigs pas de'i phyir 'dir dang por phyag lan gsum bya bar gsungs so/ /phyag lan gsum 'tshal du bcug nas/ de'i 'og tu ci zhig bya zhe na/ de'i phyir de'i 'og tu mkhan por gsol ba bya'o/ zhes bya ba gsungs te/ rdzogs par bsnyen par 'dod pas dge 'dun gyis dbus de nyid mkhan por gsol bar bya'o/ /pha gu'i steng du rtswa bting ba la rting pa gnyis kyis mnan te tsog tsog por 'dug du bcug te/ zhes bya ba la pha gu'i steng du rting pa gnyis kyis mnan nas tsog tsog por 'dug tu gzhug pa yun ring tsog tsog por 'dug pa sdug bsngal ba de'i phyir 'di rjes su gnad ste/ /rdzogs par bsnyen par byed pa na chos gos dang lhung bzed byin gyis brlab pa dang/ gsang ste ston pa ma gtogs par mkhan por gsol ba dang/ rdzogs par bsnyen par gsol pa dang/ las kyis slob dpon gyi bar chad dri ba mnyan pa dang/ de'i lan 'debs pa dang/ rdzogs par bsnyen par bya ba la sogs pa'i skabs thams cad du rdzogs par bsnyen par bya? ba'i gang zag de pha gu'i steng du rkang pa gnyis kyis 'dug tu gzhug par bya'o/ /'dir pha gu zhes bya ba ni bod pa yin par shes par bya'o/ /rtswa bting ba la rting pa gnyis kyis ma? ?nas tsog tsog por 'dug tu gzhug pa ni chos gos ma rung bar 'gyur ba yongs su spang ba'i phyir ro/ zhes 'dul ba 'dzin pa dag gis man ngag las khong du chud par bya'o/ /ci rigs par brjod par bya'o/ zhes bya ba ni gang kho na la gnas ste/ rab tu byung ba de kho na la gnas te/ rdzogs par bsnyen par des pa ma yin gyi 'di ltar 'dod pas 'dug par rigs par bya ste/ de'i phyir gal te dang po'i mkhan po nyid la mkhan par gsol na ni de'i tshe 'di skad ces/ mkhan po dgongs su gsol/ bdag ming 'di zhes bgyi ba mkhan po la mkhan por gsol gyis/ mkhan po dag gis mkhan po mdzad du gsol/ mkhan po mkhan pos rdzogs par bsnyen pa'i phyir ro/ zhes brjod par bya'o/ /dge tshul gyi slob dpon la sogs pa slob dpon la mkhan por gsol na ni de'i tshe 'di skad ces slob dpon dgongs su gsol/ bdag ming 'di zhes bgyi ba slob dpon la mkhan por gsol gyis slob dpon bdag gi mkhan po mdzad du gsol slob dpon mkhan pos rdzogs par bsnyen par bgyi'o/ zhes brjod cing tshig gsum pa la mkhan po/ zhes brjod par bya'o/ /dge slong gzhan zhig la mkhan po la ni de'i tshe btsun pa dgongs su gsol zhes bya ba la sogs pa gzhung nyid las 'byung ba bzhin du brjod par bya'o/ /mkhan por gsol ba'i 'og tu mkhan pos ci zhig bya zhe na/ de'i phyir de'i 'og tu mkhan po rang gis de la chos gos gsum byin gyis brlabs par bya'o/ /zhes bya ba gsungs te/ mkhan po zhes bya ba ni rdzogs par bsnyen par 'gyur pa'i mkhan po la bsnyegs te/ 'das ma thag tu bstan pa'i phyir ro/ /'o na rang gi zhes bya ba smos mi dogs te/ mkhan pos de las chos gos gsum byin gyis brlab par bya'o/ zhes bya ba 'di gnyis kyis kyang don rtogs pa'i phyir rang gis zhes bya ba smos ci dgos she na/ de ni 'di lta ma yin te/ rang gis smos pa ni bcol ba'i cho ga spang ba'i phyir te/ 'di ltar dper na sgra dang kha spu breg pa dang/ mtshan brtag pa la sogs pa dag gzhan gyis byed na yang nyes pa med pa lta bu cho ga ma nges pa ni bcol ba'i cho ga zhes bya'o/ /'dir ni chos gos byin gyis brlab pa mkhan po nyid kyis rang gis bya ba yin gyi/ gzhan byed du mi gzhug pa de'i don du rang gis zhes bya ba'i sgra nye bar brjod pa byas so/ /de la zhes bya ba ni rdzogs par bsnyen par bya ba la'o/ /de ltar na 'dir tshig gis don 'di 'byung ste/ mkhan po de rang gis rdzogs par bsnyen par bya ba de la chos gos gsum dras shing drubs pa dag yod cing bdog pa 'am/ med cing bdog na rgyu gzhan la yang byin gyis brlabs par bya'o/ /byin gyis brlabs pa'i 'og tu bskon par bya ste/ chos gos byin gyis brlabs pa ni cha lugs kyi don du yin pa'i phyir ro/ /chos gos dras shing drubs pa dag ces bya ba ni snam sbyar rnam pa dgu pa glegs bu phyed dang gsum pa dang/ bla gos rnam pa bdun pa glegs bu phyed dang gsum pa dang/ mthar gos rnam pa lnga pa glegs bu phyed dang gnyis dras shing drubs zin pa dag go /gnyis ka 'greng ste lag pa las chos gos snam sbyar bzung nas zhes bya ba ni chos gos la sogs pa gos byin gyis brlabs pa ni 'greng ba'i mdun du 'greng ste/ gnyi ga'i lag pas rdzas de bzung nas byin gyis brlabs pa'i sngags gdon par bya ba yin pa'i phyir ro/ /bgyis zhes bya ba ni thag pas so/ /lag pa zhes bya ba ni bkru ba dang/ /bcom pa dang/ kha bsgyur ba la sogs pas so/ /rung bas zhes bya ba ni rnga mo'i bal dang/ ri dwags kyi bal la sogs pa dang bral ba'o/ /spyad par 'os pa zhes bya ba ni spyad bzod pa ste/ bgo bzas yod pa zhes bya ba'i tha tshig go /byin gyis brlab po zhes bya ba ni sngags sngon du btang bas bdag gir bya ba'o/ /mthang gos zhes bya ba ni smad du bgo ba'o/ /de'i 'og tu chos gos bskon par bya zhes bya ba ni byin gyis brlab pa'i 'og tu mkhan po nyid kyis sam mkhan pos bskos pa'i dge slong dag gis de la chos gos dag pa skon par bya ste/ chos gos byin gyis brlab pa ni cha lugs kyi don du yin pa'i phyir ro/ /des kyang snam sbyar dang bcas pa nyid yin na der 'dus pa'i dge 'dun la phyag bya'o/ zhes bya ba ni rdzogs par bsnyen par byed pa'i gang zag la mkhan pos chos gos gsum byin gyis brlab tu bcug ste/ snam sbyar dang bcas pa nyid du gyur pa na/ des bdag nyid rdzogs par bsnyen par bya ba'i phyir 'dun pa'i dge 'dun la phyag bya ba nyid du rigs pa'o/ /chos gos dras shing drubs pa dag med na rgyu la byin gyis brlab par bya'o/ zhes bya ba ni brtad pa'i dbang gis gsungs pa yin te/ 'di ltar rdzogs par bsnyen pa'i tshogs pa rnyed pa'i tshe chos gos dras shing drubs pa dag med na spyi rdzogs par bsnyen par bya ba'i tshogs pa rnyed par dka' 'o/ snyam du bsams nas gang nas su las kyang rung ste/ chos gos ma dras shing ma drubs pa kha ma bsgyur bdag rnyed na de'i tshe ma dras pa ma drubs pa'i sngags kyis byin gyis brlab te rdzogs par bsnyen pa'i las byas la/ phyis gos de dag dras shing drubs te byin gyis brlab par bcom ldan 'das kyis dgongs so/ zhes 'dul ba 'dzin pa dag gi man ngag las shes par bya'o/ /'o na dras shing drubs pa chos gos nyid du byin gyis brlab par bya'o/ zhes gsungs pa dang ji ltar mi 'gal zhe na/ de ni gzhung las btsun pa chos gos ma dras pa las byin gyis brlab du rung ngam nye bar 'khor mi rung ste/ rkyen de lta bu dag yod na ni rung ngo/ zhes gsungs pa las khong du chud par bya ste/ rdzogs par bsnyen par 'dod pa la brtad pa'i rkyen byung ngam/ dge slong gis gos brogs sam/ gos brlag gam/ gos tshig gam/ gos rlung gi khyer ram/ gos chus khyer ba'i rkyen de lta bu dag yod na snam sbyar yang ma bras pa la byin gyis brlab par gnad la/ rkyen de lta bu dag med na snam sbyar ni ma dras pa la byin gyis brlab du mi gnang ngo/ /blo gos dang mthang gos ni dras shing drubs pa dag med na rkyen da lta bu dag yod kyang rung med kyang ma dras pa la byin gyis brlab du rung ngo/ /lung las kyang chos gos zhes bya ba ni snam sbyar yin par gsungs te/ de ltar yang ma mo las nye bar 'khor gyis zhus pa las/ bcom ldan 'das kyis snam sbyar ni nges par dras te'o/ /bla gos dang mthang gos ni nges pa med do/ zhes gsungs so/ /'dul ba'i tshig le'u byas pa byed pas kyang snam sbyar nges par dras te bcad/ /gzhan dag ma nges gang gi phyir/ /'dod chung gang gi chos gos kyi/ /las kyis sdug bsngal 'gyur phyir ro/ /zhes smras so/ /de dag gi tshad ci tsam zhe na/ snam sbyar dang/ bla gos dang/ mthang gos byin gyis brlab tu rung ba chen po dag ni tshad gcig te/ zheng du khru gsum chur khru lnga'o/ /chung ngu dag gi tshad ni zheng du khru phyed dang gsum chung khru phyed dang lnga'o/ /'bring rnams kyi tshad ni che chung gnyis kyi bar ma'o/ /yang mthang gos kyi tshad ni zheng du khru ngo/ /chur khru lnga yang yin zhing zheng du khru ngo/ /chur khru bzhi yang yin 'khor gsum khebs pa nyid kyang yin no/ /'tshal la zhes bya ba ni 'dod na'o/ /bar chad ma byung na zhes bya ba ni srog dang tshangs par yod pa'i bar chad med na'o/ /snam phran dgu par bgyis te zhes bya ba ni tshal bu dgu par bya'o/ zhes bya ba'i tha tshig ste/ 'di snam phran zhes bya ba'i sgra ni tshal bu la bya'i/ glegs bu dang glegs bu phyed la ni mi bya'o/ /glegs bu phyed dang gsum par bgyi'o/ zhes bya ba ni snam phran dgu pa la glegs bu phyed dang gsum par bya ba'o/ /de ni mtshon? pa tsam du zad de snam sbyar gyi snam phran dag ni dgu yan chad nyi shu rtsa lnga man chad de zung ma gtogs so/ /de yan chad ni tshem bu'o/ /snam phran de dag la glegs bu dang glegs bu phyed ji ltar rnam par bzhag ce na/ dang po gsum la ni de dag gi glegs bu phyed dang gsum pa nyid do/ /gnyis pa la ni glegs bu phyed dang bzhi pa nyid do/ /gsum pa la ni glegs bu phyed dang lnga pa nyid do/ /bkru'o/ zhes bya ba ni bkru bshal bya ba'o/ brkyang ngo zhes bya ba ni gding bar bya ba'o/ /dra'o zhes bya ba ni gnyis su bcad par bya ba'o gdab po zhes bya ba ni dras pa phan tshun sbyar bar bya ba'o/ /gzungs gdab po/ zhes bya ba ni bsdebs pa skud pas gzungs gdab par bya ba'o/ /drub po ces bya ba ni gzungs btab pa btsam par bya ba'o/ /kha bsgyur ro/ zhes bya ba ni kha bsgyur ba gsum po sngon po 'am/ dmar po 'am/ ngur smrig las gang yang rung bar kha bsgyur bar bya ba'o/ /yang na 'di lhan thabs su glan no/ zhes bya ba ni chos gos ma dras pa 'di'i steng du gzhan gyi snam phran dang/ glegs bu dang/ glegs bu phyed kyis lhan thabs su glan par bya'o/ /yang na gal te ldang na gos de nyid la dras te snam phran dang/ glegs bur sbyar bar bya'o/ /rkyen ji lta ba bzhin du bgyi ste/ zhes bya ba ni bdag nyid kyi chos gos gzhan rnyed na 'di gang las re zhig g.yar por blangs pa de la phyir sbyin par bya ba la sogs pa'o/ /snam phran bdun par bgyis te glegs bu phyed dang gsum par bgyi'o/ zhes bya ba ni bla gos so/ /snam phran lnga par bgyis te glegs bu phyed dang gnyis par bgyi'o/ /zhes bya ba ni mthang gos so/ /de gnyis ni chos gos byin gyis brlab pa'i sngags 'di las shes par bya'i/ bcom ldan 'das kyis bla gos dang mthang gos gnyis kyi snam phran gyi tshad ni snam sbyar gyi tshad ltar gang du yang bka' ma stsal to/ /chos gos kyi sngags dbyung ba yang 'greng ba'i mdun du bgreng ste/ gnyis kas lag pas bzung nas dbyung bar bya'o/ /chos gos byin gyis brlab pa dang dbyung ba ni chos gos nye bar gnas na dge slong nye bar mi gnas kyang rang gis yid kyis rnam par brtag pas kyang byar rung ngo/ /chos gos dbyung ba la ni chos gos nye bar mig nas kyang dbyung ba 'grub po kho nar 'gyur ro/ /de ltar chos gos byin gyis brlabs te bskon nas der 'dus pa'i dge 'dun la phyag 'tshal du gzhug pa de'i 'og tu de'i lhung bzed bstan par bya'o/ zhes bya bar sbyar ro/ /btsun pa 'am tshe dang ldan pa zhes bya ba ni gal te rgan na btsun pa zhes bod cing/ gzhon na tshe dang ldan pa zhes bong ba yin gyi/ 'dir gnyis ka brjod par bya ba ma yin no/ /dge 'dun la lhung bzed bstan pa ci'i phyir zhe na de'i phyir mi chung ngam zhes bya ba la sogs pa dri ba'i phyir ste/ byin gyis brlab tu rung ba'i lhung bzed gsum las mi chung ngam zhes bya ba ni mi dman nam zhes bya ba'i tha tshig go /mi che 'am zhes bya ba ni tshad gsum po dag las tshad ma lhag gam zhes bya ba'o/ /mi skye 'am zhes bya ba ni lhung bzed dkar po ngam gyur tam zhes bya ba'o/ /byin gyis brlab du rung ba'i lhung bzed che chung gsum gyi tshad ji tsam zhe na/ dge slong gis lhung bzed kyi tshe tshad byin gyis brlab du rung ba ni 'bras thug po che bgrus pa skam yul ma ga d+ha'i bre'u chung ngo btsos pa'i chan de'i rkyen gyi tshe ngam gang yang rung ba dang bcas pa blugs na mthe bo'i lto gang gis ma gang ba yin no/ /lhung bzed chung tshad ni de'i phyed blugs na mtho bo'i lto gang gis ma gang ba yin no/ /lhung bzed 'bring tshad ni de nyid kyi bar yang rung ba shod pa'o/ /'bras thug po che drus pa skam yul ma ga d+ha'i bre'u chung gang la ni 'bras thug po che drus pa skam yul ma ga d+ha pa'i srad? bcu drug ste/ yul ma ga d+ha pa'i srad gcig la bod kyi srad gnyis yod do/ /de ltar 'bras thug po che drus skam yul ma ga b+ha pa'i bre'u chung gang la bod kyi srad tshad du brtsin ni srad sum cu rtsa gnyis yod do/ /phul tshad du brtsin ni bdun phul do dang khyod gang yod do/ /ma ga d+ha'i bre'u chung ngo la ni de'i gnyis 'gyur yod do/ /mtho bo'i lto gang zhes bya ba ni mthe bo'i sor gcig ste/ mthe bo'i tshigs dang po'i phyogs gcig nas brtsams te/ tshigs de nyid kyi phyogs gcig gi bar du lto rol nas gzhal ba ni mthe bo'i lto gang zhes bya ste/ de ni mthe bo'i sor gcig yin no/ /lhung bzed bstan pa'i 'og tu dge slong de dag gis ji skad brjod par bya zhe na/ de'i phyir dge slong thams cad kyang lhung bzed de lta bu nyid ma yin na re re nas gzhal ba ni mthe bo'i lto gang zhes bya ste/ de ni mthe bo'i sor gcig yin no/ /lhung bzed bstan pa'i 'og tu che ba dang/ skya ba lta bu'i skyon can ma yin no/ /re re nas zhes bya ba ni lhung bzed ston pa'i dge slong gis reng 'dus pa'i dge slong re re'i mdun du de skad dris pa na dge slong de dag gis kyang re re nas phral phral la lan 'di skad brjod par bya'o// lhung bzed bzang ngo/ zhes bya ba ni mdzes pa ste/ byin gyis brlab tu rung ba yin no/ zhes bya ba'i tha tshig go /lhung bzed bstan pa'i 'og tu mkhan pos ji zhig bya zhe na/ de'i phyir de'i 'og tu mkhan po rang gis de la lhung bzed byin gyis brlab par bye'o/ zhes bya ba gsungs so/ /gnyis ga 'greng ste lag pa g.yon par lhung bzed bzhag la lag pa g.yas pas bkab nas zhes bya ba ni lhung bzed dang sman byin gyis brlab pa ni 'greng ba'i mdun 'greng ba la/ lag pa g.yon par bzhag ste lag pa g.yas pas bkab nas brjod par bya ba yin pa'i phyir ro/ /sman ni sngags dbyung ba ni de'i rjes su 'bran pas cho ga 'di bzhin du bya bar shes par bya'o/ /lhung bzed kyi sngags dbyung ba ni lag pas steng nas g.yog pa btang ste/ lag pa ya res kha nas bzung ste bya'o/ /gser dngul la sogs la reg par bya ba ma yin pa nyid la ni bdun du bzhag ste byin gyis brlab par bya'o/ /zas la spyad par 'os pa zhes bya ba ni zas kyi bya bal spyad bzod pa'o/ /drang srong gi snod ces bya ba ni drang srong yang dag par rdzogs pa'i sangs rgyas dang/ rang sangs rgyas dang/ nyan thos rnams kyi snod yin pa'o/ /blang ba'i snod du zhes bya ba ni zas blang ba'i ched du'o/ /lhung bzed byin gyis brlab pa'i 'og tu ci zhig bya zhe na/ de'i phyir de'i 'og tu rdzogs par bsnyen par bya ba de thos pa'i nyen kor nas bkar te mthong ba'i nyen kor du thal mo spyod du bcug nas tshogs la mngon du phyogs par bzhag par bya'o/ zhes bya ba gsungs te/ thos pa'i nyen kor nas bkar te/ zhes bya ba ni dkyil 'khor ba'i gnas nas phyir phyung nas/ thag ji srid du bkar bar bya zhe na/ gsang ste ston pa'i phyir las gang byed pa de mi thos pa de srid du bkang bar bya ba'i dkyil 'khor ba'i mtshams kyis phyi rol du bzla par mi bya'o/ /mthong ba'i nyen kor du zhes bya ba ni gang du dge slong rnams kyi mig rnam par shes pa ma nyams par skye bar ro/ /thal mo sbyor du bcug nas zhes bya ba ni thal mo sbyar ba byed du bcug nas so/ /tshogs la mngon du phyogs par zhes bya ba ni gang nas des dkyil 'khor ba'i dge slong rnams mthong ba nas dge 'dun gyi tshogs de la kha tshur bstan te'o/ /bzhag par bya'o/ zhes bya ba ni de lta bu'i spyod lam gyis 'greng ste 'dud pa dang bcas pas bzhag par bya'o/ /de ni sems dang pa bskyed par bya ba'i phyir dang/ las thos pa yongs su spang bar bya ba'i phyir ro/ /de'i 'og tu dge slong las byed pas gsang ste ston pa'i dge slong la gzhung las 'byung ba'i sngags kyis gang yin zhes dri bar bya'o/ /de'i 'og tu gsang ste ston pa gang yin pa des bdag ming 'di zhes bya'o/ /zhes brjod par bya'o/ /de'i 'og tu dge slong las byed pas gsang ste ston pa'i dge slong las gzhung las 'byung ba'i sngags kyis spyod lam zhes spro bar bya'o/ /de'i 'og tu gsang ste ston pa des kyang gal te bdag nyid spro na spro zhes brjod par bya'o/ /de dang de ltar byas nas de'i 'og tu dge slong las byed pas gsang ste ston pa de dge 'dun las gsol ba bya ba'i phyir gsol ba 'ba' zhig las bya'o/ /gsol ba 'ba' zhig gi las zhes bya ba ni las brgya rtsa gcig ni las gsum gyis bsdus ste/ gsol ba 'ba' zhig gi las dang/ gsol ba dang gnyis kyi las dang/ gsol ba dang bzhi'i las kyis so/ zhes gsungs pa la/ las gang la las brjod pa med cing dge 'dun la go bar bya ba 'ba' zhig yod pa de ni gsol ba 'ba' zhig las shes bya'o/ /'dug la zhes bya ba ni las ni 'dug pa nyid kyis bya'o/ /zhes gsungs pa'i phyir ste/ gsol ba dang/ gsol ba dang gnyis dang/ gsol ba dang bzhi'i las thams cad ni 'dug pa nyid kyis bya'o/ /spyod lam bzhis mi bya bas de'i phyir 'dug la zhes bya ba gsungs te/ las gzhan gyi skabs thams cad du yang las ni 'dug pa nyid kyis bya bar shes par bya'o/ /dge 'dun la gsol ba'i 'og tu gsang ste ston pas rdzogs par bsnyen par bya ba de lkog tu rjes su bstan par bya ste/ /de'i phyir de'i 'og tu gsang ste ston pa'i dge slong gis dkyil 'khor ba'i phyi rol du song ste/ rdzogs par bsnyen par bya bdag la phyag 'tshal du bcug nas mdun du tsog tsog por 'dug tu bcug ste thal mo sbyor du bcug nas 'di skad ces brjod par bya te zhes bya ba la sogs pa gsungs so/ /bden pa'i 'du shes zhes bya ba ni 'di ni bden pa'i dus te/ bden par smros shig ces bya ba'i tha tshig go /byung ba'i dus zhes bya ba ni byung ba'i mdza' i gang yin pa de dang smra ba'i dus yin no/ zhes bya ba'i tha tshig go / ma 'dzem par byos la zhes bya ba ni mi 'jigs par byos la zhes bya ba'o/ /smros shig ces bya ba ni khas long zhig ces bya ba'o/ /lan thob cig ces bya ba ni spongs shig ces bya ste/ de ltar na yin pa la'ang yin zhes khas long shig / ma yin pa la yang ma yin zhes spongs shig ces bya ba'i tha tshig go /khyod skyes pa yin nam zhes bya ba la sogs pa ni mgo gcig pa'i tshul gyis dris pa yin par rig par bya'o/ /skyes pa lags zhes bya ba la sogs pa ni 'dud pa'i tshul gyis lan gdab pa yin par rig par bya'o/ /bran zhes bya ba ni khyim nas skyes pa'o/ /bskus pa zhes bya ba ni gzhan gyi rgyal srid las gya tsom du mthus bkug pa'o/ /rnyed btson zhes bya ba ni gta'i tshul gyis byin pa'o/ /rtsod pa can zhes bya ba ni bskyin? pa la sogs pa blangs nas phyis 'tsho ba ma nus pa bran pa nyid du bgos pa'o/ /btsongs pa zhes bya ba ni tshod gis thob pa'o/ /rgyal pos bkrabs pa zhes bya ba ni blon po'i mchog gam ru pa'o// rgyal po la sdig pa zhes bya ba ni dgra nyid gnas pa'o/ /rgyal po la gnod pa'i las byed pa zhes bya ba ni rgyal po la gnod pa byed pa'i phyir 'jug pa'o/ /byas sam zhes bya ba ni bdag nyid kyis so/ /byed du bcug pa zhes bya ba ni gzhan no/ /chom rkun par grags pa zhes bya ba ni 'jig rten thams cad chom rkun par grags pa ste rgyal mtshan btsugs pa dang 'dra'o/ zhes bya ba'i tha tshig go /za ma zhes bya ba ni rlig pa phyung ba'i nyes pas mthu nyams pa 'am sa bon med pa'o/ /ma ning zhes bya ba ni rnam pa lnga ste/ skyes nas ma ning dang/ zla ba phyed pa'i ma ning dang/ 'khyud nas sdang ba'i ma ning dang/ phrag dog can gyi ma ning dang/ nyams pa'i ma ning ngo/ /de la skyes nas ma ning zhes bya ba ni skyes pa'i tshe nyid nas pho'i dbang po yod pa'i phyir bud med nyid kyang ma yin la/ mo'i dbang po yod pa'i phyir skyes pa nyid kyang ma yin pa ste/ 'jig rten na mtshan gnyis pa zhes bya ba gang yin pa'o/ /zla ba phyed pa'i ma ning zhes bya ba gang yin pa ni zhag bco lnga ni bud med kyi 'dod chags kyis gnod par 'gyur la/ zhag bco lnga ni skyes pa'i 'dod chags kyis gnod par 'gyur ba gang yin pa'o/ /'khyud nas sdad pa'i ma ning zhes bya ba ni skyes pa gzhan gyis brtsal nas dbang po las su rung ba ldang bar 'gyur ba 'am bud med la sogs pas brtsal ba na dbang po las su rung ba ldang bar gyur pa gang yin pa'o/ /phrag dog can gyi ma ning zhes bya ba ni gzhan gyis brtsal ba'i bud med la sogs pa mthong ba de'i tshe khro na phrag dog gis dbang po las su rung bar 'gyur ba/ gzhan gyi tshe? cha ni mi 'gyur ba gang yin pa'o/ /nyams pa'i ma ning zhes bya ba ni pho'i dbang po bcad pa la sogs pas nyams par 'gyur ba gang yin pa'o/ /dge slong ma sun phyung zhes bya ba ni dge slong ma pham par 'gyur ba ma phyur ba la mi tshangs par spyod pas sun phyung ba'o/ /rku thabs su gnas pa zhes bya ba ni bdag nyid rdzogs par bsnyen pa'i cho ga ma byas pa nyid dam ma chags pa nyid du shes la/ lan gnyis su dge 'dun dang lhan cig las nyams su myong ba nyid gang yin pa'o/ /tha dad du gnas pa zhes bya ba ni gnas nas phyung ba'i las byas pa 'am/ lhas byin lta bu chos ma yin pa la dmigs pa'i blo dang ldan pa'o/ /gnas par mi bya zhes bya ba ni nyams pa'o/ mu stegs can zhes bya ba ni lta ba gzhan dang ldan pa'o/ /mu stegs can zhugs pa zhes bya ba ni mu stegs can gang gis rab tu 'byung ba 'di yang dag pa blangs la mu stegs can gyi lta ba dang ldan zhing/ chos gos 'di bor te mu stegs can gyi rgyal mtshan des mu stegs can gyi gnas su skya reng shar ba dang/ mu stegs can gang gis rab tu 'byung ba 'di yang dag par blangs la mu stegs can gyi lta ba de dang ldan zhing lan gnyis su dge 'dun dang lhan cig las nyams par 'gyur ba gang yin pa'o/ /pha bsad pa zhes bya ba ni pha mi'i 'gro bar skyes pa bsad pa'o/ /ma bsad pa zhes bya ba yang ma mi'i 'gro bar skyes pa bsad pa'o/ /dgra bcom pa bsad pa zhes bya ba ni mi slob pa bsad pa'o/ /dge 'dun gyi dbyen byas pa zhes bya ba ni ston pa las dbye bar 'dod pas dge slong brgyad la sogs pa kha gnyis su phye ba'o/ /de bzhin gshegs pa la ngan sems kyis khrag phyung ba zhes bya ba ni de bzhin gshegs pa bsad pa'i bsam pa'i ngan sems kyis khrag phyung ba'o/ /sprul pa zhes bya ba ni klu la sogs pa dud 'gro'i skye gnas su skyes pa mi'i gzugs su 'dug pa'o/ /khyod la la la'i bu lon mang yang rung nyung yang rung cung zad chags pa med dam zhes bya ba ni bu lon ni gzhal bar bya ba yin pas de'i phyir bu lon can rab tu dbyung ba dang rdzogs par bsnyen par mi bya'o// bu lon can thams cad rab tu dbyung ba dang rdzogs par bsnyen par mi bya ba yang ma yin te/ 'di ltar gal te/ rdzogs par bsnyen nas 'jal nus so/ /zhes zer na de rab tu dbyung ba dang rdzogs par bsnyen par bya'o/ /sngon rab tu byung ba ma yin nam zhes bya ba ni de ltar khyim pa las rab tu byung bar gsol pa dang/ dge tshul las rdzogs par bsnyen par gsol ba de'i mdun rol na khyim pa gyur pa de'i sngon rol du lan 'ga' rab tu byung ba ma yin nam zhes dri ba ste/ skyes pa 'di lan bdun rab tu 'byung bar gnad pa'i phyir ro/ /khyod pham par 'gyur pa bzhi las ltung ba gang yang rung ba zhig byung ba ma yin nam zhes bya ba ni sngon khyim pa'i 'dun rol du rab tu 'byung ba de'i tshe na pham par 'gyur ba bzhi las ltung ba gang yang rung ba zhig ma byung ngam zhes dri ba yin no/ /gang yang rung ba cig ces smos pa ni gcig gis kyang skye ba'i chos nyid mod pa yin no/ zhes bya ba'i don to/ /'babs pa na bslab pa legs par phul lam zhes bya ba ni sngon rab tu byung ba las rab tu khyim par 'babs pa na dge slong rang bzhin du gnas pa la sogs pa la bslab pa legs par phul lam zhes dri bar bya'o/ /ji ltar khyod de ltar rab tu byung ba yin nam/ zhes bya ba ni khyod da ltar rdzogs par bsnyen par gsol ba 'di'i mdun/ mkhan po las cho ga bzhin rab tu 'byung zhing slob dpon las dge tshul gyi sdom pa blangs pa yin nam zhes dri ba'o/ /tshangs par spyod pa zhes bya ba ni bslab pa dag go /legs par spyad dam zhes bya ba ni legs par spyad par byas sam zhes bya ba'o/ /don gyi slad du zhes bya ba ni dgos pa'i dbang gis so/ /mdze zhes bya ba ni 'brum du rdol pa rnag khrag 'dzag pa'o/ /'bras zhes bya ba ni 'brum bu 'bru chen po dag yod pa'o/ /phol mig ces bya ba ni 'brum bu 'bru phra mo dag yod pa'o/ /'brum phran zhes bya ba ni 'brum bu 'bru phra mo dag yod pa dag gi bar bar du yod rdol cing rma byung ba'o/ / sha bkra zhes bya ba ni lus thams cad la khra khra bor yod pa ste/ sha gzi gu zhes bya ba'i tha tshig go /byi rde/ zhes bya ba ni g.yan pa ste/ rnag 'dzag pa'i phyir ro/ /g.ya' ba zhes bya ba ni g.yan pa'i rnam pa nyid de rnag mi 'dzag pa'i phyir ro/ /glog pa zhes bya ba ni g.ya' ba ni glog pa lngad pa'o/ /rkang shu zhes bya ba ni ma dpal lo/ /skem nad ces bya ba ni khong skem mo/ /skem pa zhes bya ba ni skem nang ngo/ /brjed byed ces bya ba ni rlung dang mkhris pa dang bad kan 'khrugs pa las dran pa nyams pa'i bdag nyid kyi nad byung ba 'am/ gdon gyis brlams pa'i rnam par 'gyur ba'o/ /bkres dam ces bya ba ni bsres pa'i nad do/ /skya rbab ces bya ba ni lus thams cad kyi pags pa'i mdog skya'o/ /rkang 'bam zhes bya ba ni rkang pa'i nad do/ /mtshan par rdol zhes bya ba ni bshad pa dang/ gci ba gnyis lam gcig nas 'ong ba'o/ /rim zhes bya ba ni spyi'i rang bzhin te/ nang du bag la zhi ba'i phyir ro/ /rims drag po/ zhes bya ba ni rab tu gdud pa'i phyir ro/ /rims nyin gcig pa zhes bya ba ni rims nyi ma gcig gis 'byung ba'o/ /nyin gnyis pa dang/ nyin gsum pa dang/ nyin bzhi pa zhes bya ba ni rims sam nyi ma gcig dang/ gnyis dang/ gsum dang/ bzhi dag gis 'byung ba'o/ /'dus pa zhes bya ba ni rlung dang mkhris pa dang bad kan zhugs pa'o/ rims nyin re ba zhes bya ba ni nyi ma re re la lan re 'debs pa dang/ 'tshe ba gnyis byed pa'o/ /rjes su bstan pa'i 'og tu gsang ste ston pas rdzogs par bsnyen par bya ba de la khyod ma bos par du ma 'ongs par sdod cig ces bsgo bar bya'o/ / /bam po bdun pa/ /de ltar gsang ste ston cing bsgo nas dge 'dun la rdzogs par bsnyen par bya ba'i de'i yongs su dag pa go bar bya ba dang/ 'ong ba zhu ba'i phyir de'i 'og tu gsang ste ston pa'i dge slong gis rgan pa'i mdza' logs su 'greng ste 'dud pa dang bcas pas 'di skad ces brjod par bya ste zhes bya ba la sogs pa gsungs so/ /rgan pa'i mdza' logs su 'greng ste 'dud pa dang bcas pas zhes bya ba ni dge 'dun la gzhan gyi don du brjod pa gang yin pa de ni rgan pa'i mdza' logs su 'ged ste 'dud pa dang bcas pas brjod par byas te/ zhes gsungs pa'i phyir ste/ 'di lta ste zhu bdag dang/ 'dun pa yongs su dag pa dang/ dgag dbye brjod pa dge 'dun gyi phyogs la bya ba dang/ dbyar gnas pa'i dge 'dun gyis dgag dbye mdzad lags so zhes go bar bya ba dang/ khrims su bya ba bzang po brjod pa dang/ rtsod pa mi bskyed pa nyid dang/ tshul shing gi grangs dang/ gnas mal la sogs par longs spyad pa nyid dge 'dun la go bar bya ba dag ni rgan pa mdza' logs su 'greng ste 'dud pa dang bcas brjod par bya'o/ /gzhung kha cig las gsang ste ston pa ni lam gyi dbus nas 'greng ste 'dud pa dang bcas pas brjod par bya'o zhes kyang 'byung ste/ de yang rung ba nyid yin par lta'o/ /de bar chad kyi chos rnams yongs su dag go zhes kho na nyid mchi na zhes bya bas ni rdzogs par bsnyen par bya ba de'i yongs su dag pa dge 'dun la go bar bya ba bstan to/ /ci mchir zhig gam zhes bya bas ni rdzogs par bstan par bya ba de'i 'ong ba dge 'dun la zhu bar bya ba bstan to/ /'ong ba zhus pa'i 'og tu dge 'dun thams cad kyis yongs su dag na'o/ /zhes brjod par bya'o zhes bya ba la/ thams cad kyis zhes bya ba na lan med pa ma yin par bstan pa'i phyir ro/ /gal te yongs su dag na'o zhes bya ba ni gal te rdzogs par bsnyen par bya ba de bar chad kyis chos rnams yongs su dag na'o zhes bya ba'i sgra ni brjod ma thag pa'i de nyid la snyeg pa'i don te/ de kho na skad brjod par bya ba'i lhag ma ma yin no/ /zhes bya ba'i tha tshig go /brjod par bya'o/ zhes bya ba ni smra bar bya'o zhes bya ba'i don to/ /dge 'dun la yongs su dag pha go bar bya ste/ 'ong bar gnad pa de'i 'og tu de ji ltar bya zhe na/ de'i phyir de'i 'og tu rdzogs par bsnyen par bya ba de nyid dkyil 'khor par bkug nas/ rgan pa'i mdza' logs su phyag 'tshal du bcug ste zhes bya ba gsungs so/ /gang gi dge 'dun gyis gnang ste rdzogs par bsnyen par bya ba dge 'dun gyi nang du zhugs pa de'i tshe na/ dge slong las byed pas ci zhig bya zhe na/ de'i phyir dge slong las byed pas rdzogs par bsnyen par gsol du gzhug par bya'o zhes bya ba gsungs te/ dge slong las byed pas rdzogs par bsnyen par bya ba de rdzogs par bsnyen par bya ba'i dge slong la gsol du gzhug bya'o zhes bya ba'i tha tshig go /dge 'dun btsun pa rnams kyis bdag drang bar gsol zhes bya ba ni phyag brkyang ba'i tshul gyis sam tshul khrims 'chal ba'i tshogs bcad pa'i phyir ro/ /bdag rjes su gzung du gsol zhes bya ba ni sngon sdom pa ma byin pa'i phyir ro/ /bdag la rjes su bstan du gsol zhes bya ba ba ni 'khor ba'i sdug bsngal las bsgral ba'i phyir ro/ /gsol ba'i 'og tu dge slong las byed pas ci zhig bya zhe na/ de'i phyir de'i 'og tu dge slong las byed pas dge 'dun gyi nang du bar chad dri ba'i gsol ba 'ba' zhig gi las bya'o zhes bya ba gsungs so/ /de dge 'dun gyi nang du bdag nyid kyis rdzogs par bsnyen par bya ba de bar chad dri ba'i phyir dge 'dun la gsol ba 'ba' zhig gi las kyis go bar bya'o/ /nang du bar chad dri ba'i phyir gsol ba 'ba' zhig gi las bya ba 'di ni rdzogs par bsnyen par bya ba'i gang zag gis thos par bya ste/ de ltar yang nang du dri ba'i phyir gsol ba la sogs pa ni rdzogs par bsnyen par bya bas thos par bya'o zhes gsungs so/ /de nas las byed pa'i slob dpon gyis dge 'dun gyi nang du bar chad kyi chos rnams srid pa'i phyir gsol ba 'ba' zhig gi las bya ba dang/ gsol ba dang bzhi'i las kyis rdzogs par bsnyen par bya ba'i las de dag ni rdzogs par bsnyen par bya ba'i gang zag des thos pa dang bcas par bya'o/ /de las gzhan pa'i las ni des thos par mi bya'o/ /de ltar nang du bar chad dri ba'i gsol ba byas nas de'i 'og tu ci zhig bya zhe na/ de'i phyir de'i 'og tu dge slong las byed pas dge dun gyi nang du bar chad dri bar bya'o zhes gsungs so/ /ci gsang ste bstan pa dang/ cho ga 'dra ba 'am zhe na/ mi 'dra ste zhes de'i phyir 'di ltar dri bar bya ste zhes bya ba la sogs pa gsungs so/ /rdzogs par bsnyen par byed pa na gsang ste bstan pa dang/ chos gos dang lhung bzed byin gyis brlab pa ma gtogs pa de dag las gzhan pa'i las thams cad mdun du pha gu'i steng du rtswa bting ba la rting pa gnyis kyis mnan nas tsog tsog por 'dug du bcug ste thal mo sbyor du bcug nas bya ba yin par gsungs so/ /nang du bar chad dris pa'i 'og tu rdzogs par bsnyen pa nye bar bsgrub par bya ba ste/ de'i phyir de'i 'og tu dge slong las byed pas gsol ba bya ste las bya'o zhes bya ba gsungs so/ /las byed pas rdzogs par bsnyen par bya ba de gsal ba dang bzhi'i las kyis rdzogs par bsnyen par nye bar bsgrub par bya/ yang dag par thob par bya rab tu gnas par bya zhe bya ba'i tha tshig go / de'i 'og tu grib tshod gzhal bar bya'o zhes bya ba ni rdzogs par bsnyen par nye bar bsgrubs pa de'i 'og tu dge slong gang yang rung bas grib ma gzhal bar bya zhing grib ma de'i tshe rdzogs par bsnyen pa'i gang zag la da lta grib ma 'di tsam du gyur te zhes rigs par bya'o/ /gzhal pa de yang ci zhig gis bya zhe na/ de'i phyir thung ma sor bzhi tsam gyis gzhal bar bya zhes bya ba gsungs te/ grib ma gzhal ba de na thur ma sor bzhi'i tshad tsam gyis gzhal na gyur zhing bla bar rig par bya'o/ /rkang pa la sogs pas ni bul bar gyur gyi thur mas ni myur te/ de'i phyir thur mas bcal na bzang gis gzhan gyis ni mo bzang ngo/ /grib chod gzhal ba de ni ge slong gang yang rung ba gzhan gyis bya'i/ dge slong las byed pas mi bya ste/ 'di ltar de ni gnas brjod pa la sogs pa skabs lhag ma dag bya dgos pas stan las ldang bar mi rigs pa'i phyir ro/ /ming ma grags pa gzhan gyis tha snyad bstan pa'i phyir/ thur ma ji tsam yod pa de tsam la skyes bu zhes brjod par bya'o zhes bya ba gsungs te/ thur ma de'i tha snyad ni skyes bu zhes byas te/ thur mar gzhal ba'i grib ma thur byung ba re re la grib tshod skyes bu re re zhes bya sor re re zhing rtsa ba re re zhes brjod par bya'o/ /grid tshod 'ba' zhig gzhal bya ba ma yin gyi/ gzhan yang de'i 'og tu nyin mtshan gyi brjod par bya ste zhes bya ba la/ nyin zhes bya ba ni nyin par dang mtshan mo'i de'i cha ni snga dro dang gung dang phyi dro zhes bya ba la sogs pa ste/ snga dro grib tshod skyes bu dang rtsa ba 'di rnyed do zhe'am/ gung gi grib tshod skyes bu dang rtsa ba 'di rnyed do zhe 'am/ phyi dro'i grib tshod skyes bu dang rtsa ba 'di rnyed do zhes brjod par bya ste/ snga dro dang gung gi tshigs kyis bar du ni grib tshod gang mang ba la snga la/ gung tshigs nas snga dro'i bar du ni grib tshod gang nyung ba snga dro/ skya rang dang po la sogs pa'o/ /nyi ma brgyad cha shar ba zhes bya ba ni nyi ma'i dkyil 'khor gyi brgyad cha shar ba'o/ /nyi ma bzhi cha shar ba zhes bya ba yang nyi ma'i dkyil 'khor gyi bzhi cha shar ba'o/ /kha cig na re nyi ma shar ba nas nub pa'i bar du lam ji srid yod pa'i brgyad dang bzhi cha shar ba'o zhes kyang zer ro/ /gung tshigs ma yol ba zhes bya ba ni ma 'das pa'o/ /de'i 'og tu dus tshod brjod par bya ste zhes bya ba ni lo tshigs shes par bya ba'i phyir te/ de na dus tshigs lnga po dag ni zla ba 'di'i tshes grangs 'di la nyi ma'i cha 'di'i grib tshod skyes bu dang rtsa ba 'di tsam la zhe 'am/ mtshan mo'i cha 'di tsam la khyod rdzogs par bsnyen to zhes brjod par bya ba yin no/ /'o na dus tshod de dag du yod ce na/ de'i phyir dus tshod ni lnga ste zhes bya ba gsungs so/ /de dag kyang gang zhe na/ de'i phyir dgun gyi dus dang/ dpyid kyi dus dang/ dbyar thung ngu'i dus dang/ dbyar ring po'i dus so zhes bya ba gsungs te/ dgun gyi dngos po ni dgun gyi dus so/ /dpyid kyi dngos po ni dpyid kyi dus so/ /dbyar rnams kyi dngos pa ni dbyar gyi dus so/ /dus thung ngur gnas pa'i phyir shig dang 'dra bas dang thung ngu yang de yin la dbyar kyang de yin pa ni dbyar thung ngu'i dus so/ /dus ring pa'i phyir ring po yang de yin la dbyar kyang de yin pa ni dbyar ring ba'i dus so/ /de dag gi tshad brjod par bya ba'i phyir/ de la dgun gyi dus ni zla ba bzhi'o zhes bya ba la sogs pa gsungs te/ ston tha chung nya nas dpyid zla ra ba nya'i bar gyi zla ba bzhi ni dgun gyi dus so/ dpyid kyi dus kyang zla ba bzhi'o zhes bya ba ni dpyid zla ra ba nya nas dbyar zla 'bring po nya'i bar gyi zla ba bzhi'o/ /dbyar gyi dus ni zla ba gcig go zhes bya ba ni dbyar zla 'bring po nya nas dbyar zla tha tshungs nya'i bar gyi zla ba gcig go /dbyar thung ngu dus ni nyin zhag gcig go zhes bya ba ni dbyar zla tha chungs tshes bcu drug gi nyin zhag cig go / dbyar ring po'i dus ni nyin zhag gcig gis zla ba gsum du mchog pa zhes bya ba ni dbyar thung ngu'i dus kyi nyin zhag gcig po de nyid kyi zla ba gsum du mchog pa ste/ dbyar zla tha chungs tshes bcu bdun nas ston zla tha chung ba'i bar gyis zla ba gnyis dang zhag nyi shu rtsa dgu'o/ /dus tshod brjod pa de'i 'og tu gnas rnams brjod par bya ba ni rdzogs par bsnyen pa'i 'og tu las byed pas rdzogs par bsnyen pa de la gnas rnams brjod par bya'o/ /de dag kyang gang zhe na/ bzhi ste/ phyag dar khrod pa dang bsod snyoms pa dang/ shing drung dang/ bkus te bor ba zhes bya ba gnas bzhi pa dag go /phyag dang bzhin du bor ba'i phyir phyag dar dang 'dra ba'i gos ni phyag dar khrod do/ /yang na phyag dar dag gi nang na 'dug pa'i gos phyag dar du bsags pa zhes bya ba'i tha tshig go / lhung bzed la sogs pa'i nang du zas bcug cing blugs pa ni bsod snyoms so/ /shing ljon pa'i drung ni shing drung ngo/ /chags kyis btsags pa ni bkus te bor ba'o/ /yang na bkus pa yang yin la bor ba yang yin pa ni bkus te bor ba'o/ /bzhi po de dag ni tshangs par spyod pa'i gnas par khong du chud par bya'o/ /mkhyen zhes bya bas ni 'jig rten pa'i mkhyen pas so/ /gzigs zhes bya ba ni 'jig rten las 'das pa'i mkhyen pas so/ /phyag dar khrod ces bya ba ni phyag dar bzhin du bor phyag dar dang 'dra ba'i gos ni phyag dar khrod do/ /yang na phyag dar dag gi nang na 'dug pa'i gos phyag dar du bsags pa zhes bya ba'i tha tshig go /rung ba zhes bya ba ni kha na ma tho ba med pa'i phyir ro/ /rnyed kyang sla ste zhes bya ba ni brtsal chung ngus rnyed pa'i phyir/ dar zhes bya ba ni dar gyi srin bu las byung ba'i bye brag yug khyim ring pa'o/ /ras yug chen zhes bya ba ni ras bal las byas pa khru bcu gnyis kyi tshang ngo/ /be'u ras zhes bya ba ni be'u ras spu can no/ /dar la zhes bya ba ni dar srab mo rgyu spun sang ba gcan zhes bya ba'i tha tshig go /mon dar zhes bya ba ni dar gyi srin bu las byung ba'i rdzas so/ /be'u ras yug chen zhes bya ba ni ras kyi rnam pa spu can chen po'o/ /be'u ras dmar po zhes bya ba ni be'u ras kyi rnam pa dmar po'o/ /be'u phrug ces bya ba ni ras kyi rnam pa spu can phra mo'o/ /la dmar zhes bya ba ni la ba'i rnam pa srin bu dmar po'i mdog 'dra ba'o/ /kha cig na re srin bu nag po'i mdog 'dra ba zhes kyang zer ro/ /yul ka shi ka'i ras phran zhes bya ba ni yul ka shi dag tu btags pa'i ras shin tu phra zhing bzang po'o/ /kha dog ngan pa zhes bya ba ni sngon po dang ser po dang ngur smrig gsum gyi cha mnyam pa'o/ /kha dog ngan pa zhes bya ba ni sngon po 'am ser po 'am ngur smrig gcig tu kha bsgyur pa'o/ /bal gos zhes bya ba ni bal las byas pa'o/ /sha na'i ras zhes bya ba ni rtsa'i bye brag sha na phra mo'i ras so/ /zar ma'i ras zhes bya ba ni rtsa'i rnam pa zar ma zhes bya ba ni shun pa las byas pa'o/ /ras gos zhes bya ba ni ras bal las byas pa'o/ /du gu la'i ras zhes bya ba ni rtswa'i rnam pa du gul 'i zhes bya phra mo las byas pa'i ras phran no/ /ko tam pa'i ras zhes bya ba ni rtswa'i rnam pa ko tam pa zhes bya ba phra mo las byas pa 'dis phran no/ /kha cig na re rgyu ni ras bal las byas la/ spun ni srin bral las byas pa'i ras phran ni ko tam pa'i ras zhes zer ro/ /nyi 'og gi gos zhes bya ba ni rgya yul la sogs pa nas 'ongs pa'i gos so/ /tshod zin par gyis shig ces bya ba ni blang ba'i tshod shes par gyis shig pa'o/ dam 'cha''am zhes bya ba ni khas len tam zhes bya ba'o/ /bsod snyoms zhes bya ba ni lhung bzed la sogs pa'i nang du zas bcug cing blugs pa'o/ /'bras chan zhes bya ba ni 'bras bcos pa la sogs pa'i zas so/ /skyo ma zhes bya ba ni phye dang/ chu dang/ zhun mar dang/ bal bo se'u la sogs pa las byas pa'o/ /thug pa zhes bya ba ni 'o ma la sogs pa las byas pa'i ltung ba'o/ /lnga ston zhes bya ba zhag lnga zhing sbyor ba'o/ /brgyad ston zhes bya ba ni tshes brgyad la sbyar ba'o/ /bcu bzhi ston zhes bya ba ni tshes bcu bzhi la sbyor ba'o/ /nya ston zhes bya ba ni tshes bco lnga la sbyor ba'o/ /rtag res 'khor zhes bya ba ni dus rtag tu sbyor ba'i zas so/ /mgron du pos pa zhes bya ba ni lan 'ga' lan 'ga' 'byung ba'o/ /phral la bos pa zhes bya ba ni glo bur du bos pa'o/ /spags pa zhes bya ba ni phog pa'o/ /gnas mal zhes bya ba ni 'dir nyal bas mal sa ste khri la sogs pa'o/ /'dir 'dug pas stan ste khri'u la sogs pa'o/ /shing drung zhes bya ba ni shing ljon pa'i drung ngo/ /khang pa zhes bya ba ni gnas kyi khyad par chung ngu'o/ /snga khang zhes bya ba ni 'khor gyi khyams so/ /khang brtsegs pa zhes bya ba ni ka bas mtshon pa shing yon po bcug pa'i khyams so/ /bsil khang zhes bya ba ni bdun brtsegs pa gang du dge slong tshabs gdungs pa dag 'khod na bsil bar 'gyur pa'o/ /sab mos bkor ba zhes bya ba ni khor khor yug du sab mos bskor ba'o/ /ba gam zhes bya ba ni gtsang khang phyur bu'i rnam pa ltar byas pa'o/ /khang bzang zhes bya ba ni khor khor yug tu 'khor sa'i srang gis bskor ba'i khang bzangs so/ /sgo khang steng gi bsal khang gi steng du gnas kyi bye brag gnyis brtsegs sam gsum brtsegs pa'o/ /khang steng gi yol khang zhes bya ba ni khang thog tu shing yon po yol bas g.yogs pa'o/ /yol khang zhes bya ba ni gnas kyi rnam pa spyad skyabs 'dra ba shing dag la khor khor yug tu yol bas g.yogs pa'o/ /spang leb khang zhes bya ba ni shing gi spang leb las byas pa'i gnas so/ /sa phug ces bya ba ni tshang du byas pa'o/ /brag phug dang ri phug ces bya ba ni chad du ma byas pa'o/ /rtswa'i spyil bu zhes bya ba ni rtswa las byas pa'i spyil bu'o/ /lo ma'i spyil bu zhes bya ba ni shing lo la sogs pa las byas pa'i spyil bu'o/ /'chags sar byas pa zhes bya ba ni mi'i las kyis bsgrubs pa'o/ /'chags sar ma byas pa zhes bya ba ni gzhan gyis btsol ba las mi bltos bar 'chags pa'i tshe na rang grub pa'o/ /bya skyibs su byas pa zhes bya ba ni ri las bang rim 'dra bar phyir byung ba mi'i las kyis bsgrubs pa'o/ /bya skyibs? su ma byas pa zhes bya ba ni ri las bang? rim 'dra bar phyir byung ba gzhan gyi btsal ba la mi bltos bar 'chags pa'i tshe na rang grub pa'o/ /bkus te bor ba zhes bya ba ni tshags kyis btsags te bor ba'o/ /yang na bkus pa yang yin pa por ba yang yin pa ni bkus te bor ba'o/ /zhun mar zhes bya ba ni mar bzhus pa 'khyags pa'o/ /'bru mar zhes bya ba ni til mar la sogs pa'o/ /sbrang rtsi zhes bya ba ni sbrang bu tshang rtsi'o/ /bu dmar gyi dbu ba zhes bya ba ni bu ram la sogs pa'o/ /dus su rung ba zhes bya ba ni snga dro bza' ba rgun 'brum la sogs pa gang yin pa'o/ /thun tshod du rung ba zhes bya ba ni rgun chu la sogs pa thun tshod kyi mdza' tshun tshod du byin gyis brlabs te btung ba gang yin pa'o/ /zhag bdun pa zhes bya ba ni zhag bdun par byin gyis brlabs te bza' ba 'bru mar la sogs pa'o/ /'tsho ba'i bar du bca' ba zhes bya ba ni dus thams cad du byin gyis brlabs te bza' ba bca' ba la sogs pa'o/ /rtsa ba zhes bya ba ni shu dag la sogs pa'o/ /sdong bu zhes bya ba ni tsan dan la sogs pa'o/ /lo ma zhes bya ba ni ko sha ta gi la sogs pa'o/ /'bras bu zhes bya ba ni a ru ra la sogs pa'o/ /gnas bzhi po de dag rdzogs par bsnyen ma thag tu brjod par bya ba ni sems las su rung ba'i phyir ro/ /de'i 'og tu lhur par 'gyur ba'i chos rnams brjod par bya ste zhes bya ba ni las byed pas brjod par bya'o zhes bya bar sbyar ro/ /dge slong gi dngos po'i ltung ba dang rjes su mthun pa'i phyir ltung bar 'gyur ste/ de dag kyang mi tshangs par spyod pa la sogs pa bzhi 'og nas 'byung ba dag go /byas na zhes bya ba ni spyad na'o/ /byas ma thag tu zhes bya ba ni spyad ma thag tu'o/ /dge slong du mi rung bar 'gyur zhes bya ba ni dge slong gi dngos po yongs su dag pa med pa'i phyir te/ gnas pa dang longs spyod du mi dbang zhes bya ba'i tha tshig go /dge sbyong du mi rung zhes bya ba ni 'jig rten na dge sbyong zhes bya ba ni zhi ba'i bdag nyid la bya na/ de ni lus dang ngag dang yid ma zhi bar kun tu spong ba des dge sbyong smad pa yin pa'o/ kha cig na re cha lugs tsam gyi lha ma lus pa'i phyir sems can shi ba dang/ shing tshig pa dang/ mag la med pa'i 'khor lo dang rdzing skums pa dang/ sa bon rul ba dang 'dra'o zhes zer ro/ /shAkya'i sras kyi mi rung zhes bya ba ni shAkya'i sras bcom ldan 'das kyi slab ma yongs su dag par mi rung ba ste/ de'i bka' lung rjes su mi 'grub pa'i phyir ro/ /dge slong gi dngos po las nyams par 'gyur te zhes bya ba ni bslab pa las nyams par 'gyur ba ste lhod par rjes su sgrub pa'i phyir ro/ /de'i dge slong gi tshul zhig par 'gyur zhing zhes bya ba ni dge slong gi sdom pa ral bar 'gyur ba te/ bshags pa'i sems mi skye ba'i phyir ram 'phags pa'i lam 'thob pa'i skal pa med pa'i phyir ro/ /nyams pa zhes bya ba ni chung zos pa ste/ bshags pa'i sems bskyed du zin kyang gshags par mi rung ba'i phyir ro/ /bcom pa zhes bya ba ni dkrugs pa te/ tshe de nyid la nyon mongs pa bzlog pa'i mthu med pa'i phyir ro/ /ltung ba zhes bya ba ni sems kyi rgyun la nyon mongs pa bzlog pa'i nus pa skye ba'i mthu med pa'i phyir ro/ /pham par gyur pa zhes bya ba ni nyon mongs pa'i dgra dag gis zil gyis gnan pa'i phyir ro/ /ji ltar na dge sbyong du mi rung zhes na/ de'i phyir de'i dge sbyong gi tshul phyir blang du med par 'gyur ro/ zhes bya ba gsungs te/ phyir blang du med pa zhes bya ba ni ma dag pa'i sa nas bslang ste dag pa'i sar bzhag tu med pa ste/ dge 'dun lhag ma'i ltung ba byung ba la sogs pa'i phyir bcos pas spyad pas phyir blang du rung ba ltar phyir blang du mi rung pa zhes bya ba'i tha tshig go / 'dir dper bstan pa 'di lta ste/ dper na zhes bya ba la sogs pa gsungs so/ /shing ta la'i zhes bya ba ni shing ljon pa'i rigs tA la zhes bya ba'o/ /mgo bcad na zhes bya ba ni rtse mo bcad na'o/ /sngon par 'gyur zhes bya ba ni rlon pa nyid du 'gyur du'o/ /mi rung la zhes bya ba ni mi btub la'o/ /'phel zhing zhes bya ba ni myu gu skye ba'o/ /rgyas pa zhes bya ba ni gnam 'phang du skye ba'o/ /yangs par zhes bya ba ni spoms kyi khyon du'o/ /'dod pa zhes bya ba ni gzugs la sogs pa 'dod pa'i yon tan lnga po dag go / rnam grangs du mas zhes bya ba ni rnam pa mang pos so/ /smad do zhes bya ba ni bshungs pa'o/ /spangs par zhes bya ba ni ma 'ongs par dag mi 'dod pa'o/ /bor ba zhes bya ba ni da ltar byung ba dag la kun tu spyod pa bzlog pa'o/ /bsal ba zhes bya ba ni ma 'ongs pa dag la bltos pa dang bcas pa nyid med pa'o/ /zad pa zhes bya ba ni de la de dmigs pa zad pa'o/ /'dod chags dang bral ba zhes bya ba ni de'i ngo bo nyid zad pa'o/ /'gog pa zhes bya ba ni gnyen po zag pa med pa thob pa'o/ /nye bar zhi ba zhes bya ba ni 'gags pa rnams kyang mi skye ba'o/ /nub pa zhes bya ba ni rgyun chad pa ste/ phung po'i lhag ma med pa'i mya ngan las 'das pa zhes bya ba'i tha tshig go /bstod ces bya ba ni ngo bo nyid yon tan bsgrags pas so// bkur zhes bya ba ni 'bras bu'i sgo nas yon tan bsgrags pas so/ /bsngags zhes bya ba ni gzhan gyis dris pa la lan legs par 'debs pas so/ /snyan par brjod pas ces bya ba ni lkog nas yon tan brjod pa la rjes su yi rang bas so/ mig gtang de mig gis blta bar yang mi bya na/ zhes bya ba ni ched du bsams nas mig gtang de mig gis blta bar yang mi byed pa yin gyi/ glo bur du thang gzung mig blta ba ni ma yin te des na gal te glo bur du thang gzung mig gis bud med mthong ba de'i tshe na ni nyes pa med kyis gang gi tshe mig rgyun chags su 'byung bas yang dang yang du blta gang 'dod pas yul de la mig gtad de mig gis blta na nyes par 'gyur bas de'i phyir mig gtad de zhes bya ba gsungs so/ /gnyis kyis gnyis sprad de zhes bya ba ni skyes pa dang bud med gnyis kyis skyes pa dang bud med kyi dbang po sprad de'o/ /mi tshangs par spyod pa zhes bya b ni tshangs pa zhes bya ba mya ngan las 'das pa thob par bya ba'i phyir/ spyod pa 'phags pa'i lam gang yin pa de ni tshangs par spyod pa yin la/ de dang mi mthun pa ni mi tshangs par spyod pa ste/ rang bzhin dang bcas pa'i kha na ma tho ba dang bcas par 'gyur ba'i nyon mongs pa can lhag par spyod pa'o/ /sprod pa las byung ba'i chos shes bya ba la pho dang mo gnyis kyis sprod pa ste/ reg pa'i mtshan nyid do/ /de las byung ba ni/ sprod pa las byung ba ste/ nyon mongs pa can gyi bde ba lhag par spyod pa/ bcug reg? nyams su myong bar byed pa tshor ba'i mtshan nyid do/ /chos zhes bya ba ni chos ma yin pa chos kyi sgrar brjod pa ste/ sdig pa'i mtshan nyid 'dzin pa'i phyir ro// bsten pa lta zhes bya ba ni bya ba lta'o/ /smos kyang ci dgos zhes bya ba ni bsam yang ci dgos zhes bya ba'o/ /yang dge slong gang dge slong rnams dang lhan cig bslab pa mtshungs? par gyur pas bslab pa ma phul/ bslab pa nyams par ma byas par mi tshangs par spyod pa spros pa las byung ba'i chos bstan na/ tha na dud 'gro'i skye gnas su skyes pa dang lhan cig kyang rung ste/ dge slong de pham par gyur pa yin gyis gnas par mi bya'o/ zhes bya ba ni so sor thar pa'i mdo las gsungs pa yin te/ de la yang bya ba ni phyi ma'i don to/ /dge slong zhes bya ba ni gsol ba dang bzhi las mi g.yo ba bzhag par mi 'os pas rdzogs par bsnyen pa'i dge slong ngo/ /gang zhes bya ba ni spyi'i tshig go /de nas 'dir don ni 'di 'byung ste/ dge slong las dang po ma gtogs pa yang phyis gsol ba dang bzhi'i las/ mi g.yo ba bzhag par mi 'os pas rdzogs par bsnyen pa'i dge slong gang yang rung bas nyes pa 'di byas na/ de la ltung ba 'dir 'gyur ro zhes bya ba'i tha tshig go /dge slong rnams dang lhan cig ces bya ba ni de las gzhan pa chos mthun pa tshangs par spyod pa rnams dang ngo/ /bslab pa mtshungs par gyur pa zhes bya ba ni bslab pa gang la rdzogs par bsnyen nas lo brgyad lon pa'i dge slong gis bslab par bya ba de la de rdzogs par bsnyen pas kyang bslab par bya ba dang/ ded rdzogs pa'i bsnyen par dge slong gis bslab pa gang la bslab par bya ba de la rdzogs par bsnyen nas lo brgyad lon nas kyang bslab par bya ba nyid kyis tshul khrims nyid kyis mnyam pa dang/ bslab pa nyid kyis mnyam pa dang/ so sor thar pa'i mdo 'don pa nyid kyis mnyam pa gang yin pa de ni bslab pa mtshungs pas zhes bya'o/ /bslab pa ma phul ba zhes bya ba ni bslab pa 'am/ sangs rgyas sam/ chos sam dge 'dun nam/ mdo sde 'am/ 'dul ba 'am/ ma mo 'am/ slob dpon nam/ mkhan 'bul lo zhes bya ba lta bu 'am/ bdag khyim pa 'am/ dge tshul lam/ za ma 'am ma ning dam dge slong ma sun phyung ba 'am/ rku thabs su gnas pa 'am/ tha dad du gnas pa 'am/ gnas par mi bya ba 'am/ mu stegs can nam mu stegs can zhugs pa 'am/ ma bsad pa 'am/ pha bsad pa 'am/ dgra bcom pa bsad pa 'am/ dge 'dun gyi dbyen byas pa 'am/ de bzhin gshegs pa la ngan sems kyis khrag phyung bar bzung du gsol zhes bya ba lta bu 'am/ bdag tshangs pa mtshungs par spyod pa khyed cag dang lhan cig gnas pa 'am/ longs spyod pas chog go zhes bya ba lta bu'i tshig gis bslab pa ma phul ba'o/ /bslab pa nyams par ma byas par zhes bya ba ni/ tshe dang ldan pa mkhyen par mdzod cig tshangs par spyod pa spyad dka' o/ /rab tu dben pa bya dka' o/ /gcig pu nyid la mngon par dga' bar dka' o/ /gnas mal dgon pa nags khrod dang/ ri drung dang/ bal mdza' dag tu gnas pa khong du chud par dka' o/ /gcig pu dgon par gnas pa sdug bsngal lo/ /pha ma dang/ phu nu dang/ bu sring ldan no/ /bdag bzo dag slob du chug cig /bdag gi las kyi mdza' dag tshol cig /bdag khyim bzang po dag tu gtong cig ces bya ba lta bu'i tshig gis bslab pa nyams ma byas par ro/ /de la bslab pa phul ba zhes bya ba ni bslab pa dbul ba bslab pa nyams par bya ba med par byed pa ste/ de'i rgyu ma bstan pa'i phyir yongs su rdzogs pa ma yin pas bslab pa phul zhes smos par zad kyis/ bslab pa phul na bslab par nyams par ma byas su zin kyang/ de la dge slong gi dngos po nyid med do/ /bslab pa nyams par byas ba zhes bya ba ni bslab pa nyams par bya ba bslab pa dbul ba med par byed pa ste/ de'i ni 'bras bu ma bstan pa'i phyir yongs su rdzogs pa ma yin pas bslab pa nyams par bya ba zhes smos par zad kyis/ bslab pa nyams par bya bslab pa ma phul du zin kyang de la dge slong gi dngos po med do/ /bslab pa nyams par yang byas la bslab pa phul ba ni dge slong gi dngos po nyid pa gang yin pa de'i rgyu yang bstan la 'bras bu yang bstan pa'i phyir yongs su rdzogs pa yin pas bslab pa nyams par yang byas la bslab pa phul ba zhes smos te/ de la yang dge slong gi dngos po nyid med do/ /bslab pa ma phul zhing bslab pa nyams par ma byas pa ni dge slong gi dngos po nyid med par 'gyur ba'i rgyu'i rgyu de gnyis gang yang ma byas pas de la ni dge slong gi dngos po nyid yod pa yin no/ /'di skad bstan te mu bzhi po de dag las dang po gsum la ni dge slong gi dngos po nyid med la/ mu tha ma la ni dge slong gi dngos po yod do zhes bya ba'i tha tshig ste/ des na bslab ma phul bslab pa nyams par ma byas par nyes pa 'di byas na de la ltung ba 'dir 'gyur ro/ zhes gsungs so/ /mi tshangs par spyod pa sprod pa las byung ba'i chos bsten na zhes bya ba ni byas na'o/ /tha na dud 'gro'i skye gnas su skyes pa dang lhan cig kyang rung ste zhes bya ba ni spra mo 'am gzhan yang de lta bu gang yin pa dang/ lhan cig mi tshangs par spyod pa sprod pa las byung ba'i chos bsten kyang rung ste'o/ /tha na zhes bya ba ni mdza' bstan pa ste/ tha na dud 'gro'i gnas su skyes pa dang lhan cig kyang rung ste/ lha dang mi la sogs pa'i 'gro bar skyes pa dang lta smos kyang ci dgos zhes bstan to/ /dge slong de zhes bya ba ni gang gis mi tshangs par spyod pa sprod pa las byung ba'i chos bsten pa de ste/ dge slong zhes bya ba ni gang la dge slong gi dngos po gsol ba dang bzhi las mi g.yog par bzhag par mi 'os pas rdzogs par bsnyen pa'i sdom pa yod pa'o/ /de zhes bya ba ni nye bar bstan pa dang kun tu bstan pa'i tshig bla dags te'o/ /'dir dge slong zhes smos pa ni phyogs gcig pos 'khrugs kyang dge slong gi dngos po lhag ma dang ma bral ba'i phyir te/ phyogs gcig 'khrugs pas ni sdom pa mdza' dag yongs su gtong par mi rigs so/ /de ltar yang/ /ji ltar phyogs gcig blangs gyur pas/ /mdza' dag blangs par mi bzhed ltar/ /de bzhin phyogs gcig 'khrugs gyur pas mdza' dag 'khrugs par ji ltar 'gyur zhes gsungs pa dang/ bu lon nor bzhin kha che rnams/ /byung ba la ni gnyis su 'dod/ /ces bshad pa'i phyir ro/ /pham par 'gyur pa yin gyis zhes bya ba ni pham par byed pas pham par gyur pa ste/ nyams pa zhes bya ba'i tha tshig go / 'dis ni tshe phyi ma'i nyes dmigs bstan to/ /gnas par mi bya'o zhes bya ba ni dge slong rnams kyis de dang gso sbyong dang dgag dbye dang las dang gnas dang zas la sogs pa'i longs spyod dag la gnas pa mi bya ba dang de gang zag gi las bcu gnyis dag tu bsko bar mi bya ba ste/ 'dis ni tshe 'di'i nyes dmigs bstan to/ /spyad pa ma yin pa zhes bya ba ni sbyor bas spang ba'o/ /bya ba ma yin pa zhes bya ba ni dngos kyis spang pa'o/ /spyad pa ma yin pa spang ba zhes bya ba ni mjug gis spang pa'o/ /de ltar na sbyor ba dang dngos po dang mjug gis spangs pa'i nyes pa med pa de la dran pa dang bag yod pas sems shin tu bsrung bar brtson par gyis shig ces bya bar sbyar ro/ /de la dran pa zhes bya ba ni mi brjed pa'o/ /bag yod pas zhes bya ba ni dge ba'i chos bsgom pas so/ /sems zhes bya ba ni sems pa'o/ /shin tu zhes bya ba ni rgya cher ro/ /bsrung bar zhes bya ba ni yongs su bskyed par ro/ /brtson par gyis shig ces bya ba ni rnal 'byor du gyis shig pa'o/ /don ni 'di yin te sems bsrung bar byed pa ni rngal ba dang bag yod pa gnyis yin te/ 'di ltar dge ba'i chos bsgoms pa la ni dran pa nyams par mi skye la/ dge ba'i chos ma bsgoms pa ni bag med par spong bas bsgom par byed do des na/ dge ba'i chos bsgoms pa ni yongs su bsrungs pa dge ba'i chos ma bsgoms pa ni sgom par byed pas sems shin tu bsrung bar 'gyur zhing sems bsrung ba de la dran pa dang bag yod pas mgo dang gos la me 'bar ba ltar brtson par gyis shig ces bstan to/ /ji ltar gnas 'di lta bu la mi spyod dam? zhes bya ba ni 'di ltar 'dod pa bsten pa'i gnas 'di lta bu la spyod par mi byed mod ces dri ba'o/ /til gyi phub ma zhes bya ba ni til gyi shun pa'o/ /ma sha ka lnga zhes bya ba ni/ ka ka ni bzhi la ma sha ka gcig ste/ ka ka ni zhes bya ba ni bo di ka zhes bya ste/ de yang 'gron bu nyi shu'i rin thang gi ming yin no/ /ka ka ni bzhi la ni ma sha ka gcig ste/ 'gron pu brgyad cu'i rin thang gi ming yin no/ /ma sha ka lnga las 'gron bu bzhi brgya yod de/ ma sha ka lnga ni karSha pa Na 'di bzhi cha gcig dang thang mnyam mo/ /ma sha ka lnga las lhag pa zhes bya ba ni ma sha ka lnga'i tshad las lhag pa'o/ /yang dge slong gang gzhan dag gis grong na 'dug pa 'am/ dgon pa na 'dug pa ma byin pa rku ba'i grangs su gtogs pa blangs ji tsam ma byin par blangs pas de rgyal po 'am blon po chen pos bzung nas de la 'di skad ces kye mi khyod ni rkun ma'o/ /byis pa'o blun pa'o/ /rku ba'o zhes zer zhing gsod dam 'ching ngam spyugs kyang rung ste dge slong de ltar ma byin par len na dge slong de yang pham par 'gyur ba yin gyis gnas par mi bya'o zhes bya ba ni so sor thar pa'i mdo las gsungs pa yin te/ de la yang dge slong zhes bya ba ni snga ma bzhin no/ /gzhan dag gi zhes bya ba ni skyes pa dang bud med dang ma ning dag gi'o gong na 'dug pa 'am/ zhes bya ba ni ra ba'i nang na 'dug pa ste/ bdag gir byas pa zhes bya ba'i tha tshig go / dgon pa na 'dug pa zhes bya ba ni ra ba'i phyi rol na 'dug pa ste/ bdag gir ma byas pa zhes bya ba'i tha tshig go /ma byin pa zhes bya ba ni de las skyes pa'am/ bud med dam/ ma ning gang gis kyang ma byin pa'o/ /rku ba'i grangs su gtogs pa zhes bya ba ni ma byin pa gang yin pa rku ba'i grangs su gtogs pa yang yin no/ /blangs na zhes bya ba ni lam na'o/ /ji tsam ma byin par blangs pa zhes bya ba ni ma sha ka lnga 'am/ ma sha ka lnga las lhag pas so/ /de zhes bya ba ni dge slong des rgyal po 'am zhes bya ba ni bud med rgyal srid la dbang bskur bar gyur na/ de yang rgyal po rgyal rigs spyi bo nas dbang bskur ba yin la/ rgyal rigs dang/ bram ze dang/ rje'u'i rigs dang/ dmangs rigs rgyal srid la dbang bskur bar gyur na de yang rgyal po rgyal rigs spyi bo nas dbang bskur ba yin no/ /blon po chen pos zhes bya ba ni rgyal po las gzhan pa blon po dang/ rtsis mkhan dang/ sna chen po la gtogs pa rgyal srid byed pa gsang tshig mthun pas 'tsho ba gang dag rgyal po la brten nas 'tsho bar byed pa dag gis so/ /gzung nas zhes bya ba ni blangs nas so/ /de la zhes bya ba ni dge slong de la'o/ /'di skad ces kye mi khyod ni zhes bya ba ni bong pa'o/ /rkun ma'o zhes bya ba ni 'jab bus brkus pa'o/ /byis pa'o zhes bya ba ni rang gis mi shes pa'o/ /blun po zhes bya ba ni lung phog pa mi zhes pa'o/ /rku ba'o zhes bya ba ni mthus rku ba'o/ /zhes zer zhing zhes bya ba ni brjod cing ngo/ /gsod dam zhes bya ba ni srog dang bral bar byed pa'o/ /'ching ngam zhes bya ba ni 'chings ma gsum po lcags las byas pa dang/ shing las byas pa dang/ rtswa las byas pa dag gis so/ /sbyugs kyang rung ste zhes bya ba ni yul med par byed kyang rung ste'o/ /dge slong de yang pham par gyur pa yin gyi gnas par mi bya'o zhes bya ba ni snga ma bzhin no/ /grog spur zhes bya ba ni srog chags kyi bye brag shin tu phra ba'o// mir chags pa zhes bya ba ni ma'i ltor lus dang srog dang yid kyi dbang po thob pa ste/ mi rgyu zhes bya ba'i tha tshig go /yang dge slong gang mi 'am mir chags pa bsams bzhin du rang gi lag dang te srog bcad dam de la mtshon byin nam/ de la mtshon thogs pa gnyer tam de 'chir bcug gam de la 'chi ba'i sngags pa brjod kyang rung ste/ de la 'di skad ces mi khyod 'tsho ba sdig pa mi gtsang ba ngan pa 'dis ci zhig bya/ kye mi khyod gson pa bas shi bla'o/ zhes zer zhing sems kyi 'dod pa dang sems kyi kun tu rtogs pa dag gis rnam grangs du mas de 'chir bcug gam de la 'chi ba'i bsngags pa brjod de/ de yang rtsom pa des dus byas nas dge slong de yang pham par gyur pa yin gyis gnas par mi bya'o/ /zhes bya'o zhes bya ba ni so sor thar pa'i mdo las gsungs pa yin te/ de la yang dge slong gang zhes bya ba ni snga ma bzhin no/ /mi 'am ci zhes bya ba ni gang gis ma'i ltor dbang po drug po 'di lta ste mig dang/ rna ba dang/ sna dang/ lce dang/ lus dang/ yid kyi dbang po thob par gyur pa'o/ mir chags pa la zhes bya ba la gang gis ma'i ltor dbang po gsum po 'di lta ste/ lus dang/ srog dang/ yid kyi dbang po thob par gyur pa la'o/ /bsams bzhin du zhes bya ba ni rnam par brtags nas so/ /rang gi lag dar te zhes bya ba ni lag pas lag pa dar te'o/ srog bcad dam zhes bya ba ni de'i srog bcad par gyur na'o/ /de la mtshon byin nam zhes bya ba ni ral gri 'am/ spu gri 'am cha gri la sogs pa bul pa'o/ /de la mtshon thogs pa gnyer tam zhes bya ba ni skyes pa 'am bud med dam/ ma ning ngo// de 'chir bcug gam zhes bya ba ni 'chir gzhug pa ni rnam pa gsum ste/ tshul khrims 'chal ba dang/ tshul khrims dang ldan pa dang/ nad pa'o/ /de gsum las lhung bzed la sogs pa thob tu re bas 'chir bcug ste/ shi na? pham par 'gyur ro/ /de 'chir ma btub na sbyor ba snga ma de nyid kyis nyes pa sbom por 'gyur ro/ /de 'chir bcug nas dge slong 'gyod pa skyes te/ khyod ma 'chi zhig ces phyir bzlog na/ de ltar na yang sbyor ba snga ma de nyid kyis nyes pa sbom por 'gyur ro/ /de'i phyir bzlog kyang ma btub ste/ shi na yang sbyor ba snga ma de nyid kyis nyes pa sdom por 'gyur ro/ /de la 'chi ba'i bsngags pa brjod kyang rung te zhes bya ba ni 'chi bar mngon par mi dga' ba'i mdun du 'chi ba'i sngags pa brjod pa'o/ /de la 'di skad ces kye'i mi khyod ces bya ba ni bong ba'i tshig bla dags so/ /'tsho ba zhes bya ba ni gson pa'o/ /sdig pa zhes bya ba ni sdig pa'i 'bras bu 'am sdig pa'i rgyu'o/ /mi gtsang ba zhes bya ba ni lus kyi gzhi mi gtsang ba'o/ /na ba zhes bya ba ni 'tsho ba sdig pa mi gtsang ba ngan pa 'dis ci zhig bya thod zhig ces bya ba'o/ /gson pa bas ni shi bla'o zhes bya ba ni gson pa smad cing 'chi ba'i bsngags pa brjod pa'o zhes zer shing zhes bya ba ni brjod cing ngo/ /sems kyis 'dod pa zhes bya ba ni gsod sems kyis mi de 'chi bar mngon par 'dod pa'o/ /sems kyis kun tu rtog pa dag gis zhes bya ba ni lhung bzed dang/ chos gos dang/ dra ba dang/ phur bu dang/ ska rags la sogs pa 'tsho ba'i yo byad 'thob tu re ba'i rnam par rtogs pa dag gis so/ /rnam grangs du mas zhes bya ba ni rnam pa mang pos so/ /de 'chir bcug gam de la 'chi ba'i bsngags pa brjod de/ zhes kyang smos pa ni 'chi bar mngon par mi dga' ba'i mdun du rnam grangs du mas 'chi ba'i bsngags pa brjod pa de bzlas pa'i phyir bsnan pa'o/ /de yang zhes bya ba ni mi de yang ngo/ /rtsom pa des zhes bya ba ni sbyor ba'i rtsom pa de nyid kyis so/ /dus byas nas zhes bya ba ni shi na'o/ /dge slong de yang pham par 'gyur ba yin gyis gnas par mi bya'o zhes bya ba ni snga ma bzhin no/ /tha na bzhad gang bya bar bsams te zhes bya ba ni bzhad gang bya ba'i bsam pas so/ /yang dge slong gang mngon par mi shes shing yongs su mi shes la mi'i chos bla ma mdza' dang 'phags pa'i bye brag thob pa dang shes pa dang mthong ba dang reg par spyod pa med la/ med bzhin du 'di shes so/ /'di mthong ngo/ /zhes khas 'ches pa la de ltung ba rnam par dag par 'dod nas dus gzhan zhig na dris kyang rung ma dris kyang rung/ 'di skad ces tshe dang ldan pa dang dag bdag gis ni mi shes so zhes smras/ ma mthong bar mthong ngo zhes smras/ ma mthong bar mthong ngo zhes smras te/ gsob gsog rdzun tu smra ba zhes zer na mngon pa'i nga rgyal ma gtogs te dge slong de yang pham par gyur pa yin gyis gnas par mi bya'o zhes bya ba so sor thar pa'i mdo las gsungs pa yin te/ de yang dge slong gang zhes bya ba ni snga ma bzhin no/ /mngon par mi shes shing zhes bya ba ni bsam gtan dang gzugs med pa'i sa pa'i shes pa zag pa dang bcas pas gzugs mngon par mi shes pa dang/ tshor ba dang/ 'du shes pa dang/ 'du byed rnams dang/ rnam par shes pa mngon par mi shes shing ngo/ /yongs su mi shes la zhes bya ba ni bsam gtan dang/ gzugs med pa'i sa pa'i shes pa zag pa med pa'i gzugs yongs su mi shes pa dang/ tshor ba dang/ 'du shes dang 'du byed rnams dang/ rnam par shes pa yongs su mi shes pa'o/ /mi'i chos bla ma zhes bya ba la mi'i chos zhes bya ba ni mi rnams kyi chos mya ngan las 'das pa ste/ de mi rnams kyis 'thob kyi za ma dang/ ma ning dang mtshan gnyis ba dag gis kyang mi 'thob na/ sems can dmyal ba dang/ dud 'gro dang/ yi dags rnams kyis lta smos kyang ci dgos pa'i phyir ro/ /bla ma zhes bya ba ni 'dod pa'i khams pas gzugs kyi khams bla ma yin la/ gzugs kyi khams pas gzugs med pa'i khams bla ma yin pa'o/ /yang na mi'i chos zhes bya ba ni sgrib pa lnga po 'dod pa la 'dun pa dang/ gnod sems dang/ rmugs pa dang/ gnyid dang 'gyod pa dang/ rgod pa dang/ the tshom dag go /bla na zhes bya ba ni de dag spangs pa gang yin pa'o/ /mdza' zhes bya ba ni mya ngan las 'das pa ste/ mthar thug pa yin pa'i phyir ro/ /'phags pa'i bye brag thob pa zhes bya ba ni zag pa med pa thob pa ste/ 'phags pa zhes bya ba ni sangs rgyas dang/ sangs rgyas kyi nyan thos rnams yin no/ /bye brag thob pa zhes bya ba ni dge slong gi 'bras bu bzhi po dag ste/ rgyun tu zhugs pa'i 'bras bu dang lan cig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid do/ /shes pa zhes bya ba ni shes pa bzhi pa dag ste/ sdug bsngal shes pa dang/ kun 'byung ba shes pa dang/ 'gog pa shes pa dang/ lam shes pa ste/ rjes su mi tshol ba'i shes rab po/ /mthong ba zhes bya ba ni mthong ba bzhi po dag ste/ sdug bsngal mthong ba dang/ kun 'byung ba mthong ba dang/ 'gog pa mthong ba dang/ lam mthong ba ste/ rjes su tshol ba'i shes rab po/ reg par spyod pa zhes bya ba ni bsam gtan bzhi po dag la bde bar gnas pa ste/ snyoms par 'jug pa las yin gyi/ skye ba las ma yin no/ /med la zhes bya ba ni dngos po med pa ste/ mngon sum du ma gyur pa 'am mi srid pa'o/ /med bzhin du zhes bya ba ni bdag nyid la med bzhin du ste/ ma thob pa'o/ /'di shes so zhes bya ba la/ ji zhig shes so zhe na/ sdug bsngal dang/ kun 'byung ba dang/ 'gog pa dang/ lam shes so zhes so/ /'di mthong ngo zhes bya ba la/ ci zhig mthong ngo zhes she na/ lha rnams dang/ klu rnams dang/ gnod sbyin rnams dang/ nam mkha' lding rnams dang/ dri za rnams dang/ mi 'am ci rnams dang/ lto 'phye chen po rnams dang/ yi dags rnams dang/ sha za rnams dang/ grul bum rnams dang/ srul po rnams dang/ lus srul po rnams mthong ngo zhes zer ba dang/ de rnams kyi sgra thos so zhes zer ba dang bdag de rnams lta ba'i phyir 'gro'o zhes zer ba dang/ de rnams bdag la ltar 'ong ngo? zhes zer ba dang/ bdag de rnams dang lhan cig gtam 'dre bar byed/ thebs par smra bar byed so sor kun dga' bar byed/ rtag tu yang lhan cig gnas pas byed do zhes zer ba dang/ de rnams dang bdag dang lhan cig gtam 'dre bar byed/ phebs par smra bar byed so sor kun dga' bar byed/ rtag tu yang lhan cig gnas par byed do zhes zer pa dang/ bdag gi 'du shes nyi shu dang/ bsam gtan bzhi pa dang/ tshad med bzhi dang/ gzugs med pa'i snyoms par 'jug pa bzhi dang/ dge sbyong gi 'bras bu bzhi dang/ mngon par shes pa drug dang/ rnam par thar pa brgyad la bsam gtan pa dang/ gnyis ka'i cha las rnam par grol ba ma thob bzhin du thob po zhes zer ba ste/ de dag kyang mngon sum du gyur pa nyid kyis mthong ba dang 'dra ba'i phyir dang mthong ba'i sgras bsdus so/ /khas 'ches pa las zhes bya ba ni khas blangs pa las so/ /de zhes bya ba ni dge slong de'o/ /ltung ba byung ba zhes bya ba ni gzhi de'o/ /rnam par dag par 'dod nas zhes bya ba ni rnam par ldang bar 'dod nas so/ /dus gzhan zhig zhes bya ba ni dus gzhan na'o/ /dris kyang rung zhes bya ba ni gzhan dag gis glengs kyang rung ngo/ /ma dris kyang rung zhes bya ba ni gzhan dag gis ma glengs par de dag nyid 'gyod pa dang/ cung zad 'gyod pa dang/ rnam par 'gyod pa dang/ rab tu 'gyod pa skyes pas so/ /'di skad ces tshe dang ldan pa dag bdag gis ni mi shes par shes so zhes smras zhes bya ba ni yid kyi rnam par shes pas so/ /ma mthong bar mthong ngo zhes smras te zhes bya ba ni mig gi rnam par shes pas so/ /gsob gsog rdzun du smras so zhes shes pa de dag ni smras pa'i rnam grangs kyi tshig yin te gsob ces bya ba ni don des stong pa'o/ /gsog ces bya ba ni de'i sa bon gyis stong pa ste/ grib ma tsam dang bral ba'o/ /rdzun zhes bya ba ni der 'du shes pa dang bral ba'o/ /zer na zhes bya ba ni brjod na'o/ /mngon pa'i nga rgyal ma gtogs te zhes bya ba ni mngon pa'i nga rgyal bzhag ste'o/ /mngon pa'i nga rgyal zhes bya ba ni grib ma tsam mthong ba las yon tan thob par nga rgyal byed pa'o/ ma gtogs te zhes bya ba ni mngon pa'i nga rgyal can gyi don rdzun pa yang dag pa'i 'du shes kyis brjod pa la ltung ba med pa'i phyir ro/ /dge slong de yang pham par gyur pa yin gyis gnas par mi bya'o zhes snga ma bzhin no/ /sdug bsngal shes so zhes bya ba ni mi rtag pa dang/ sdug bsngal ba dang/ stong pa dang/ bdag med pa'i rnam pa dag gis skyes pa zag pa med pa'i shes pa'o/ /kun 'byung ba shes so zhes bya ba ni rgyu dang kun 'byung ba dang/ rab tu skye ba dang/ rkyen gyi rnam pa dag gis skyes pa zag pa med pa'i shes pa'o// 'gog pa shes so zhes bya ba ni 'gog pa dang/ zhi ba dang/ gya nom pa dang/ nges par 'byung ba'i rnam pa dag gis skyes pa zag pa med pa'i shes pa'o/ /lam shes so zhes bya ba ni lam dang rigs pa dang/ sgrub pa dang nges par 'byin pa'i rnam pa dag gis skyes pa zag ba med pa'i shes pa'o/ /lha zhes bya ba ni brgya byin la sogs pa'o/ /klu zhes bya ba ni klu'i phra mo rnams so/ /gnod sbyin zhes bya ba ni lha'i gnas su mtshod? par bya ba gtor ma len pa rnams so/ /nam mkha' lding zhes bya ba ni 'dab bzang rnams so/ /dri za zhes bya ba ni lha rnams kyi glu dang rol mo byed pa rnams so/ /mi 'am ci zhes bya ba ni dud 'gro mi'i rnam pa can shin tu gzugs bzang po dang ldan pa rnams so/ /lto 'phye chen po zhes bya ba ni klu chen po ste/ dga' bo dang/ nye dga' la sogs pa klu'i bdag po rnams so/ /yi dags zhes bya ba ni rkang pa phyir lta ba ltogs pa rnams so/ /sha za zhes bya ba ni yi dags kyi bye brag ste/ sha dang khrag za ba nag po chen po la sogs pa dag go grul bum zhes bya ba ni yi dags kyi rnam pa nyid do/ /de dag gi yan lag gi rnam pa 'bras bu bum pa 'dra ste/ bum sna la sogs pa dag go /srul po zhes bya ba ni yi dags kyi bye brag nyid do/ /lus srul po zhes bya ba yang yi dags kyi bye brag nyid de/ thung ngu lus dri nga ba/ seg dang re lde la sogs pa gyon pa dag go /gtam 'dre bar byed ces bya ba ni tshur shog 'ongs pa legs so zhes bya ba la sogs pas gtam 'dre bar byed pa'o/ /phebs par smra bar byed ces bya ba ni yid 'bebs par byed pa'i mtshan nyid kyis so/ /so sor kun dga' bar byed ces bya ba ni de'i yon tan gyi tshogs legs par bsgrags pas phan tshun kun dga' bar byed pa'o/ /rtag tu yang lhan cig gnas par byed ces bya ba ni rgyun nyid kyi lhan cig na 'dug pa'o/ /mi rtag pa'i 'du shes bya ba ni 'du byed thams cad mi rtag go zhes bya bar zhugs pa bsam gtan gyi dngos gzhi'i sa pa'i 'du shes so/ /mi rtag pa la sdug bsngal ba'i 'du shes zhes bya ba ni zag pa dang bcas pa mi rtag gang yin pa sdug bsngal ba'o zhes bya ba bsam gtan gyi dngos gzhi'i sa pa'i 'du shes so/ /sdug bsngal la bdag med pa'i 'du shes zhes bya ba ni zag pa dang bcas pa sdug bsngal gang yin pa de la rang dbang med do zhes bya bar 'du shes pa bsam gtan gyi dngos gzhi'i sa pa'i 'du shes so/ /zas la mi mthun pa'i 'du shes zhes bya ba ni zas la mi phyogs pa'i 'du shes so/ /'jig rten thams cad la mngon par mi dga' ba'i 'du shes zhes bya ba ni 'jig rten gsum po dag la mi phyogs pa'i 'du shes so/ /nyes dmigs kyi 'du shes zhes bya ba ni yongs su 'gyur ba'i nyes pa la dmigs pa'o/ /spong ba'i 'du shes shes bya ba ni zhe sdang la sogs pa nyon mongs pa dang/ nye ba'i nyon mongs pa 'gags pa la dmigs pa'o/ /'dod chags dang bral ba'i 'du shes zhes bya ba ni 'dod chags 'gog pa la dmigs pa'o/ /'gog pa'i 'du shes zhes bya ba ni gzugs la sogs pa spong ba la dmigs pa'o/ /'chi ba'i 'du shes zhes bya ba ni tshe'i 'du byed 'gag pa la dmigs pa'o/ /mi sdug pa'i 'du shes zhes bya ba ni rus pa'i keng rus la dmigs pa'i 'du shes so/ /rnam par dngos po'i 'du shes zhes bya ba ni lus rul cing sngon por gyur pa la dmigs pa'o/ /rnam par rnags pa'i 'du shes zhes bya ba ni rnag 'dzag pa la dmigs pa'o/ /rnam par bam pa'i 'du shes zhes bya ba ni skrangs shing thos pa la dmigs pa'o/ /rnam par 'bus gzhigs pa'i 'du shes zhes bya ba ni srin bus gzhig pa la dmigs pa'o// rnam par zos pa'i 'du shes zhes bya ba ni sha bar bar du zos pa la dmigs pa'o/ /rnam par dmar ba'i 'du shes zhes bya ba ni dmar ba'i rnam pa la dmigs pa'o/ /rnam par mthor ba'i 'du shes zhes bya ba ni yan lag rnam par 'thong ba la dmigs pa'o// dul gong gi 'du shes zhes bya ba ni thod pa la sogs pa la dmig pa'o/ /stong pa nyid du so sor rtog pa'i 'du shes zhes bya ba ni 'gro ba la brtag pa'i chos kyi bdag nyid dang/ gang zag gi bdag nyid kyis stong par sems ba bsam gtan gyi dngos gzhi'i sa ba'i 'du shes so/ /bsam gtan dang po zhes bya ba ni rtog pa dang bcas shing dpyod pa dang bcas pa'o/ /gnyis pa zhes bya ba ni rtog pa med cing dpyod pa med pa'o/ /gsum pa zhes bya ba ni dga' ba med cing bde ba'o/ /bzhi pa zhes bya ba ni sdug bsngal yang med bde ba yang med pa'o/ /byams pa zhes bya ba ni kye ma sems can rnams bde bar gyur cig ces smos pa las byung ba bsam gtan gyi dngos gzhi'i sa pa'i zhe sdang med pa ste/ mdza' bshes dag las 'byung ba'i phyir ro/ /snying rjes zhes bya ba ni kye ma sems can rnams ni sdug bsngal lo zhes bya bar mos pa las bsam gtan gyi dngos gzhi'i sa pa'i zhe sdang med pa'o/ /dga' ba zhes bya ba ni kye ma sems can rnams dga' bar gyur ces mos pa las byung ba bsam gtan gyi dngos gzhi'i sa pa'i yid bde ba'o// btang snyoms zhes bya ba ni 'di dag ni sems tsam mo zhes mos pa las byung ba bsam gtan gyi dngos gzhi'i sa pa'i 'dod pa med pa'o/ /nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched dang zhes bya ba ni nam mkha' mdza' yas so/ /rnam par shes pa mdza' yas so/ /bdag gi ni gang na cung zad kyeng med do zhes bya ba sbyor ba las byung ba'i phung po bzhi pa'o/ /'du shes med 'du shes med min gyi skye mched ces bya ba ni de 'du shes kyi bya ba mi byed pa'i phyir/ 'du shes kyang ma yin la rdzas su yod pa'i phyir 'du shes med min pa yang ma yin pas gtso che ba'i phung po bzhi pa'o/ /rgyun du zhugs pa'i 'bras bu zhes bya ba la/ rgyun zhes bya ba ni 'phags pa'i lam ste/ des mya ngan las 'das pa'i rgya mtshor 'jug pa'i phyir ro/ /der zhugs pa ni rtogs pa ste/ khams gsum pa'i nyon mongs pa mthong bas spang bar bya ba rnams spangs pas zag pa med pa'i lam gyis sems kyis skad cig ma bcu drug thob pa 'dus byas dang 'dus ma byas kyi bye brag gis rnam pa gnyis so/ /lan cig phyir 'ongs pa'i 'bras bu zhes bya ba ni gang dag lan cig ces bya ba res gcig mi'i 'gro bar 'gyur zhing lhag ma med pa de dag ni lan cig phyir 'ong ba dag ste/ 'dod pa na spyod pa'i nyon mongs pa bsgom pas spang bar bya bdag gi rnam pa drug yangs shing mthong ba'i lam las langs pa'i 'phags pa'i gang zag rnams so/ /de dag gi 'bras bu ni lan cig phyir 'ongs pa'i 'bras bu ste/ khams gsum pa'i nyon mongs pa mthong bas spang bar bya ba rnams spangs pa dang/ 'dod pa na spyod pa'i nyon mongs pa bsgom pas spang bar bya ba dag gi rnam pa drug spangs pas zag pa med pa'i lam thob pa 'dus byas dang/ 'dus ma byas kyi bye brag gis rnam pa gnyis so/ /phyir mi 'ong ba'i 'bras bu zhes bya ba ni gang dag 'dod pa'i khams su skyes pa'i don du yang phyir mi 'ong ba 'dod pa na spyod pa'i nyon mongs pa bsgom pas spang bar bya ba dag gi rnam pa dgu pa yang spang ba'i phyir ro/ /de dag gi 'bras bu ni phyir mi 'ong ba'i 'bras bu ste/ khams gsum pa'i nyon mongs pa'i mthong bas spang bar bya ba rnams spangs pa dang/ 'dod pa na spyod pa'i nyon mongs pa bsgom pas spang bar bya ba dag spangs pas/ zag pa med pa'i lam thob pa 'dus byas dang/ 'dus ma byas kyi bye brag gis rnam pa gnyis so/ /dgra bcom pa nyid kyi 'bras bu zhes bya ba la/ dgra bcom pa nyid ces bya ba ni 'gro ba mdza' dag gis mchod par 'os pa dang/ yang mi skye ba dang/ nyon mongs pa'i dgra rnams bcom pa nyid do/ /de nyid 'bras bu yin pas dgra bcom pa nyid kyis 'bras bu ste/ khams gsum pa'i mthong ba dang bsgom pas spang bar bya ba'i nyon mongs pa ma lus par spangs pas zad pa dang mi skye ba thob pa 'dus byas dang 'dus ma byas kyi bye brag rnam pa gnyis so/ /rdzu 'phrul zhes bya ba ni nam mkha' la 'gro ba dang/ dngos po 'byung ba dang/ bsgyur ba dang/ byin gyis brlab pa dang/ ka ba la sogs pa la 'jug pa dang/ 'byung ba'i yon tan ni rdzu 'phrul yin no/ /shes pa gang la rdzu 'phrul gyi yul de yod pa de ni rdzu 'phrul gyi yul dang ldan pa ste/ bsam gtan gyi dngos gzhi'i sa pa'i ting nge 'dzin to/ /lha'i rna ba zhes bya ba ni ting nge 'dzin las skyes pa'i rna bas thag ring po dang/ cha phra ba dang/ bsgribs pa thos pa'o/ /sems kyi rnam grangs zhes bya ba ni gzhan gyi sems shes pa ste/ sems kyi bye brag shes pa zhes bya ba'i tha tshig go /kha cig na re 'dis sems yongs su shes par byed pa'i phyir sems yongs su shes pa zhes bya ba ste/ des chags pa dang sdang ba dang/ rmongs pa'i sems shes par byed pa 'am/ lan 'ga' chags pa dang/ lan 'ga' sdang ba dang/ lan 'ga' rmongs par gyur pa'i go rims yongs su shes par byed pa'i phyir ro zhes zer ro// sngon gyi gnas zhes bya ba ni sngon gyi skye ba dran pa ste/ sngon gyi gnas shes par byed pa'i phyir ro/ /'chi 'pho dang skye ba zhes bya ba ni lta'i mig ste/ 'chi 'pho dang skye ba mthong bar byed pa'i phyir ro/ /zag pa zad pa zhes bya ba ni zad pa shes pa ste/ zag pa zad pa shes par byed pa'i phyir ro/ /rnam par thar pa brgyad la bsam gtan pa zhes bya ba ni/ rnam par thar pa brgyad ni gzugs can gzugs rnams la lta ba dang/ nad gzugs med par 'du shes pas phyi rol gyi gzugs la lta ba dang/ sdug pa'i rnam par thar pa dang/ gzugs med pa bzhi dang 'gog pa'i snyoms par 'jug pa'o/ /de dag la bsam gtan pa zhes bya ba ni gang rnam par thar pa brgyad po de dag la snyoms par 'jug pa'o/ /gnyis ka'i cha las rnam par grol ba zhes bya ba ni nyon mongs pa'i sgrib pa dang/ snyoms par 'jug pa'i sgrib pa las rnam par grol ba gang yin pa'o// //bam po brgyad pa/ /de ltar ltung bar 'gyur ba'i chos rnams brjod nas/ de'i 'og tu ci zhig bya zhe na/ de'i phyir/ de'i 'og tu dge sbyong du byed pa'i chos rnams brjod par bya ste zhes bya ba gsungs so/ /de dag kyang gang zhe na/ gshe yang slar mi gshe bar bya ba dang khros kyang slar mi khro bar bya ba dang/ brdeg kyang slar mi brdeg par bya ba dang/ mtshang brus kyang slar mtshang mi 'bru bar bya ba dag go / 'di ltar de dag ni gzhan la gnod pa med pa'i phyir dge sbyong du byed pas na dge sbyong byed pa ste/ de ltar yang rab tu byung ba gzhan la gnod pa dang gzhan la 'tshe ba dge sbyong ma yin no/ /zhes gsungs pa dang/ dge slong chos dang ldan pa ni gshe yang slar gshe bar mi byed pa dang/ khros kyang slar khro bar mi byed pa dang/ brdeg kyang slar brdeg par mi byed pa dang/ mtshang brus kyang slar mtshang 'bru bar mi byed de/ de tsam gyis na dge sbyong gi chos la rnam par gnas pa yin no/ /zhes gsungs pa'i phyir ro/ /gshe zhes bya ba ni sbyor ba'o/ /khro zhes bya ba ni zher 'debs pa'o/ /brdeg ces bya ba ni bsnun pa'o/ /mtshang 'bru zhes bya ba ni co 'dri ba'o/ /de'i 'og tu ci zhig bya zhe na/ de'i phyir de'i 'og tu mchog tu 'dod par bya ba yang dag pa nyid kyis rdzogs pa nyid brjod par bya ste/ zhes bya ba gsungs te/ mchog tu 'dod par bya ba zhes bya ba ni rab tu 'dod par bya ba 'dod par gyur pa'i dngos po ste/ khyod sngon bdag legs par gsungs pa'i chos 'dul ba la rab tu byung ba dang/ rdzogs par bsnyen pa dge slong gi dngos po thob kyang ci ma rung snyam du smon pa gang yin pa de zhes bya ba ni mchog tu bya ba'i dngos po'o/ /yang dag pa nyid kyis zhes bya ba la/ yang dag pa'i dngos po ni yang dag pa nyid de yang dag pa nyid des da khyod mkhan po 'os pa dang/ slob dpon 'os pa gnyis dang/ dge 'dun mthun pa dang/ gsol ba dang bzhi'i las mi g.yo bar bzhag par mi 'os pas zhes bya bas so/ /rdzogs pa nyid ces bya ba ni mchog tu 'dod par bya ba'i dngos po de rdzogs pa nyid gang yin pa yongs su rdzogs pa dang/ yongs su rgyas pa ste/ rab tu byung zhing rdzogs par bsnyen to zhes bya ba'o/ /sman pa zhes bya ba ni 'dod pa'o/ /'os pas zhes bya ba ni rdzogs par bsnyen pa dang bcas shing ma nyams pa'o/ /mthun pa zhes bya ba ni tshang pa'o/ /mi g.yo ba zhes bya ba ni yang bya ba med pa'i phyir te/ mchog las 'das pa zhes bya ba'i tha tshig go /bzhag par mi 'os pas zhes bya ba ni 'gog par byed pa'i phyir ro/ /de'i 'og tu ci zhig bya zhe na/ de'i phyir de'i 'og tu tshul khrims kyis mnyam par gyur pa nyid sgrubs pa la nges par sbyar bar bya ste zhes bya ba gsungs te/ tshul khrims kyi mnyam par gyur pa nyid ces bya ba ni tshul khrims kyi rgyu mtshan gyis mnyam par rang bzhin gang yin pa de ni tshul khrims kyis mnyam par gyur pa nyid de/ rdzogs par bsnyen nas lo brgya lon pa'i dge slong gis bslab pa gang la bslab par bya ba de la de ring rdzogs par bsnyen pas kyang bslab po/ /de ring rdzogs par bsnyen pa'i dge slong gis bslab pa gang la bslab par bya ba de la rdzogs par bsnyen nas lo brgya lon pas kyang bslab po zhes bya ba'o/ /de bsgrub pa ni nan tan du bya ba ste de la nges par sbyar bar bya ste zhes bya ba ni de ltar na tshul khrims kyis mnyam pa dang/ bslab pa nyid kyis mnyam pa dang/ so sor thar pa'i mdo 'don pa nyid kyis mnyam pa de khyod kyis deng phyin chad bsgrub par bya ba'i mi bsgrub par mi bya'o/ /zhes bya ba'i tha tshig gis so/ /de ring rdzogs par bsnyen pas zhes bya ba ni nyi ma de nyid la rdzogs par bsnyen pas so/ /tshul khrims nyid kyis mnyam pa zhes bya ba ni rang bzhin gyis kha na ma tho ba dang bcas pa spong bas mnyam par gyur pa'i phyir ro/ /bslab pa nyid kyis mnyam pa zhes bya ba ni bcad pa'i kha na ma tho ba dang bcas pa spong bas mnyam par gyur pa'i phyir ro/ /so sor thar pa'i mdo 'don pa nyid kyis mnyam pa zhes bya ba ni gso sbyong lhan cig byed pa'i phyir te/ chos kyi longs spyod kyi mnyam par gyur pa zhes bya ba'i tha tshig go /de la so sor thar pa zhes bya ba dang por thar ba ste/ nges dang por thar pa las thar pa'i phyir ro/ /de las byung ba 'am de la yod pa ni so sor thar pa'o/ /de nyid mdo sde 'dul ba mdza' dag gi cho ga'i don mdor smos pa'i phyir ro/ /de 'don pa zhes bya ba ni so sor thar pa'i mdo 'don pa lnga po gleng gzhi gdon pa dang/ pham par 'gyur ba gdon pa dang/ dge 'dun lhag ma gdon pa dang/ ma nges pa gdon pa dang/ ril gyis gdon pa ste/ de dge 'dun gyi nang du kha thon du 'don zhes bya ba'i tha tshig go /bsgrub par bya zhes bya ba ni bslab par bya ba'o/ /mi bsgrub par mi bya zhes bya ba mi nyams par mi bya ba'o/ /de'i 'og tu ci zhig bya zhes na/ de'i phyir de'i 'og tu tshul dang/ 'brel ba'i gzugs brnyan la nges par sbyar bar bya ste zhes bya ba gsungs te/ tshul dang 'brel pa zhes bya ba ni 'jig rten gyi tha snyad dang 'brel ba ste/ 'jig rten gyi pha ma lta bur 'brel ba zhes bya ba'i tha tshig go /de'i gzugs brnyan zhes bya ba ni gzugs brnyan lta bur 'dra bar bsgrub pa ste deng phyin chad khyod kyis mkhan po la/ pha'i 'du shes nye bar bzhag pa'o/ /mkhan pos kyang khyod la bu'i 'du shes nye bar bzhag par bya'o zhes bya ba'o/ /de la nges par sbyar bar bya ba ni khyod kyis deng phyin chad mkhan po la ji srid 'tsho'i bar du bsnyen bkur bya'o/ /mkhan pos kyang khyod shi 'am sos kyi bar du nad g.yogs bya'o zhes bya ba'i tha tshig go /de ni na ba la sogs pa'i gnas skabs dag na re ba dang bcas pa nyid du bya ba'i phyir ro/ /de'i 'og tu ci zhig bya zhe na/ de'i phyir de'i 'og tu dul bar gnas pa nyid la nges par sbyar bar bya ste zhes bya ba gsungs te/ dul ba zhes bya ba ni nye bar zhi ba ste mi rgod pa'o/ /de dul bar gnas pa ni dul bar gnas pa'o/ /de'i dngos po ni dul bar gnas pa nyid do/ /de la nges par sbyar bar bya ba ni deng phyin chad khyod kyis tshangs pa mtshungs par spyod pa rnams dang/ gnas brtan rnams dang bar ma rnams dang/ gsar bu rnams la gus pa dang bcas pa dang/ zhes dang bcas pa dang/ 'jigs pa dang bcas pa'i dbang du ma gyur par gnas par bya'o zhes bya bas so/ /gus pa dang bcas pa zhes bya ba ni yon tan rnams dang/ yon tan dang ldan pa rnams la yon tan 'dod pa nyid sngon du btang bas gus pa dang bcas pa ste/ ngo tsha dang bcas pa zhes bya ba'i tha tshig go /zhes dang bcas pa zhes bya ba ni rje dpon gyi bas ba dang bcas pa'o/ /'jigs pa dang bcas pa'i dbang du 'gyur bar zhes bya ba ni thams cad la rje dpon nyid du sems pas 'jigs pa'i dgos pa dang bcas pa'i dbang du 'gyur bar ro/ /de'i 'og tu ci zhig bya zhe na/ de'i phyir de'i 'og tu dgos pa rjes su bsgrub pa la nges par sbyar ba bya ste zhes bya ba gsungs te/ dgos pa zhes bya ba ni klag pa dang kha ton dang/ mkhas pa dang/ tshul bzhin du yid la bya ba la sogs pa'o/ /de rjes su bsgrub pa la nges par sbyar bar bya ba ni deng phyin chad khyod kyis lung gnod par bya/ bklag par bya/ kha ton du bya'o zhes bya ba la sogs pa'i gzhung gis so/ /lung gnod par bya zhes bya ba ni klag pa'i kha ton du lung nod pa dang/ lung dbog par bya ba'o/ /klag par bya zhes bya ba ni lung nod pa rnams kha ton du bya ba'i phyir klag par bya ba'o/ kha ton bya'o/ zhes bya ba ni klags pa lobs pa rnams mi brjed par bya ba'i phyir kha ton bya ba'o/ /phung po la mkhas pa zhes bya ba ni zag pa dang bcas pa dang/ zag pa med pa'i dbye bas phung po rnams la mkhas par bya'o/ /khams la mkhas pa dang/ skye mched la mkhas pa zhes bya ba yang zag pa dang bcas pa dang/ zag pa med pa'i dbye bas phung po rnams la mkhas pa bya ba'o/ /khams la mkhas pa dang skye mched la mkhas pa zhes bya ba yang zag pa dang bcas pa dang/ zag pa med pa'i dbye ba de dag la mkhas pa'o/ /rten cing 'brel bar 'byung ba la mkhas pa zhes bya ba ni 'di lta ste/ 'di yod pas 'di 'byung la 'di skyes pa'i phyir 'di skye ba ste/ 'di lta ste ma rig pa'i rkyen gyis 'du byed rnams zhes bya ba nas/ de ltar na sdug bsngal gyi phung po chen po 'ba' zhig pa 'di 'byung bar 'gyur ro zhes bya ba'i bar dang/ 'di lta ste 'di med pas 'di mi 'byung la/ 'di ma skyes pa'i phyir 'di mi skye ba ste/ 'di lta ste ma rig pa 'gags pas 'du byed rnams 'gag ces bya ba nas/ de ltar na sdug bsngal gyi phung po chen po 'ba' zhig pa 'di 'byung bar 'gyur ro zhes bya ba'i bar gyi dbye bas lugs su 'byung ba dang/ lugs su mi 'byung ba la mkhas pa'o/ /gnas dang gnas ma yin pa la mkhas pa zhes bya ba ni lus kyis legs par spyad pa'i 'bras bu dang/ rnam par smin pa 'dod pa dang/ sdug pa dang/ dga' ba dang/ yid du 'ong bar 'gyur ba ni gnas yin zhing skabs yin la/ lus kyi nyes par spyad pa'i 'bras bu dang/ rnam par smin par 'dod pa dang/ sdug pa dang/ dga' ba dang/ yid du 'ong bar 'gyur ba ni gnas ma yin zhing skabs ma yin no zhes bya ba la sogs pas srid pa dang mi srid pa'i gnas la mkhas pa'o/ /ma thob pa thob par bya ba zhes bya ba ni tshul khrims kyi phung po ma thob pa thob par bya ba'i phyir ro/ /ma rtogs pa rtogs par bya ba zhes bya ba ni ting nge 'dzin gyi phung po ma rtogs pa rtogs par bya ba'i phyir ro/ /mngon du ma byas pa mngon du bya ba'i phyir zhes bya ba ni shes rab kyi phung po mngon du ma byas pa mngon du bya ba'i phyir ro/ /brtson pa zhes bya ba ni brtson 'grus so/ /mi 'dod bar bya'o zhes bya ba ni yongs su btang bar bya'o/ /de'i 'og tu ci zhig bya zhe na/ de'i phyir de'i 'og tu ma brjod pa yang dag par slangs pa yongs su shes pa'i sgrub par 'gyur ba nyid kyang brjod par bya ste zhes bya ba gsungs ste ma brjod pa zhes bya ba ni go bar ma byas shing ma smras pa'o/ /yang dag par blangs pa zhes bya ba ni mnos shing yang dag par blangs pa ste/ dge 'dun lhag ma la sogs bslab pa'i gzhi rnams so/ /de ni ma brjod pa yang yin la/ yang dag par blangs pa yang yin pas/ ma brjod pa yang dag par blangs pa'o/ /de'i yongs su shes pa ni ma brjod pa yang dag par blangs pa yongs su shes par bya'o/ /de'i sgrub par 'gyur ba nyid ni de bsgrub bya ba nyid 'byung? bar 'gyur ba'i thabs te/ de dag brjod par bya ba ni 'di dag ni kho bos khyod la bslab pa'i gzhi tshe long tsam zhig brjod par zad de/ gzhan dag ni zla ba phyed cing so sor thar pa'i mdo gdon pa 'don pa'i tshe thos par 'gyur ro/ /gzhan dag kyang slob dpon dang mkhan po dang/ mkhan po gcig pa dang/ slob dpon gcig pa dang/ gtam 'dres pa dang/ phebs par smra ba dang/ smos 'drin dang /grogs bshes rnams kyang rgya cher ston par 'gyur ro zhes bya bas so/ /'di skad bstan te/ de ltar kho bos ltung bar 'gyur tsam zhig brjod par zad de/ bslab pa'i gzhi lhag ma ma brjod pa yang dag par blangs pa de dag khyod kyis yongs su shes par bya ba ni mkhan po la sogs pa las sgrub par 'gyur ro zhes bstan to/ tshe long tshe long zhes bya ba ni gtso bo dag pas kyis ches gtso bo dag go /gzhan dag ces bya ba ni dge 'dun lhag mal sogs pa dag go / zla ba phyed phyed cing so sor thar pa'i mdo gdon pa'i che zhes bya ba ni gso sbyong bcu bzhi pa 'am bco lnga pa'i tshe'o/ /thos par 'gyur ro zhes bya ba ni lobs par 'gyur ba'o/ /gtam 'dres pa zhes bya ba ni tshur shog 'ongs pa legs so zhes bya ba la sogs pa'i gtam 'dres dga' bar 'gyur ba'o/ /phebs par smra ba zhes bya ba ni yid gtsugs pa smra bas shes par gyur pa'o/ /smos 'drin zhes bya ba ni ngo shes mi dang rus la sogs pas 'dzin pas snying du sdug par gyur pa'o// grogs bshes zhes bya ba ni lam gcig tu 'gro ba la sogs pa'i bya bas bshes pa cung zad skyes pa'o/ /de'i 'og tu ci zhig bya zhe na/ de'i phyir de'i 'og tu gus pa la yang nges par sbyar bar bya ste/ zhes bya ba gsungs te/ gus pa zhes bya ba ni rdzogs par bsnyan pa de bslab pa dag la gus par bya ba ste/ de la nges par sbyar bar bya ba ni/ shes rab mchog gi bstan pa la/ /khyod ni rdzogs par bsnyen par gyur/ /dal dang 'byor pa rnyed dka' bas/ /'di dag ji lta bzhin du bsgrubs/ /mdzes pa rab tu dbyung ba dang/ yongs su dag pa rdzogs snyen pa/ /rdzogs sangs rgyas kyis rab mkhyen te/ ma? dren? ba'i mtshan gyis bka' stsal to/ /zhes bya ba'i tshigs su bcad pas so/ /shes rab mchog gi zhes bya ba ni mkhyen rab bla na med pa dang ldan pa'i 'o/ /bstan pa la zhes bya ba ni ji skad gsungs pa'i gsung rab la'o/ /khyod ni rdzogs par bsnyen par gyur ces bya ba ni dge slong gi sdom pa yang dag par blangs pas phun sum tshogs pa thams cad rdzogs pa'i mya ngan las 'das pa dang khad? nye bar gyur pa'o/ /dal dang 'byor pa rnyed dka' bas zhes bya ba ni mi khom pa brgyad spangs pa'i khom pa dal ba dang/ bdag gi 'byor pa dang/ gzhan gyis 'byor ba la sogs pa tshogs kyi lam rnyed pa ni bskal ba chen po grangs pa dag gis kyang rgya mtsho chen por rus sbal zhar ba'i mgrin pa gnya' zhing gi mig tu chung pa dang 'dra bar shin tu dka' bas so/ /'di dag ji lta bzhin du bsgrubs zhes bya ba ni bslab pa 'di dag ji skad gsungs pa bzhin du ma nyams par sgrubs shig ces bya ba'o/ /'di skad bstan te/ bcom ldan 'das kyi bstan pa la khyod rdzogs par bsnyen par gyur gyis ci nas kyang mi khom pa brgyad spangs pa dang/ bdag gi 'byor pa la sogs pa'i 'byor pa chung ma zos pa de ji ltar ji skad gsungs pa'i bslab pa'i gzhi dag la ma shi'i bar du mgo dang gos la me 'bar ba ltar yongs su brkyang zhing rjes su sgrub pa lhur long zhig ces bstan to/ /mdzes pa rab tu dbyung ba dang zhes bya ba 'dis ni rigs dang lus la skyon chags pa nyid sel bar byed do/ /yongs su dag pa rdzogs par bsnyen par zhes bya ba 'dis ni ma bsad pa la sogs pa bar chad nyid dag bar byed do/ /'dir gnyi ga la gnyi ga yod par shes par bya ste/ rab tu dbyung ba la yang mdzes pa dang/ yongs su dag pa gnyis ka dgos la/ rdzogs par bsnyen pa la yang mdzes pa dang yongs su dag pa la gnyis ka dgos par bka' stsal to zhes bya bar shes par bya ba'o/ /rdzogs sangs rgyas kyis zhes bya ba ni yang dag par rdzogs pa'i sangs rgyas yin pa'i phyir te/ des so/ rab mkhyen te zhes bya ba ni dngos po thams cad mkho bar mkhyen pa'i phyir rab tu mkhyen te'o/ /bden pa'i mtshan gyis zhes bya ba ni gang gi ming bden pa de ni bden pa'i mtshan te/ rdzogs sangs rgyas kyis zhes bya ba des so/ /bka' stsal to zhes bya ba ni gsungs pa'o/ /de'i 'og tu ci zhig bya zhe na/ de'i phyir de'i 'og tu bsgrub par bya ba thabs brjod pa dang bcas pa la nges par sbyar bar bya ste/ zhes bya ba gsungs te/ bsgrub par bya ba zhes bya ba ni don gang gi phyir rab tu 'byung ba dang/ rdzogs par bsnyen pa dge sbyong gi tshul te/ tshe dang ldan pa khyod rdzogs par bsnyen zin gyis zhes bya ba'o/ /don de bsgrub par bya ba'i thabs gang zhe na/ bag yod pa zhes bya ba'o/ /de brjod pa dang bcas pa la nges par sbyar bar bya ba ni bsgrubs shig ces bya ba'o/ /bag yod par bsgrubs shig ces bya ba ni bag yod pa'i mtshan nyid dge ba'i chos bsgom pa'i thabs su gyur pa des bsgrubs shig ces bya ba'i tha tshig ste/ de ltar yang de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub dang/ gzhan yang gang dag de lta bu dang mthun pa dge ba'i chos byang chub kyi phyogs rnams kyang bag yod pas 'thob po zhes gsungs pa'i phyir ro/ /'o na skyabs su 'gro ba med par ni mya ngan las 'das pa'i bsam pa brtan po mi 'grub la/ mya ngan las 'das pa'i bsam pa brtan pa med par ni sdom pa mi skye na 'dir rdzogs par bsnyen pa'i skabs su skyabs su 'gro bar khas blangs pa'i tshig ci'i phyir mi brjod ce na rdzogs par bsnyen pa'i dus na ni rdzogs par bsnyen zhes bya ba'i sgra kho na las mya ngan las 'das pa'i bsam pa brtan por rtogs par bya ste/ 'di ltar rdzogs par bsnyen pa zhes bya ba la/ rdzogs pa zhes bya ba ni gnod pa thams cad dang 'bral ba phun sum tshogs pa thams cad rdzogs pa'i mya ngan las 'das pa yin la/ bsnyen pa zhes bya ba'i sgra ni nye ba'i tshig yin te/ de nas dge slong gi sdom pa yang dag par blangs na bsam pa thams cad kyis mya ngan las 'das pa dang/ khang nye bar gyur pa ni rdzogs par bsnyen pa yin pas 'dir dge slong gi sdom pa yang dag par blang ba'i bsam pas ni mya ngan las 'das pa'i bsam pa brtan po 'grub la/ mya ngan las 'das pa'i bsam pa brtan pos sdom pa skye bas 'dir rdzogs par bsnyen pa'i skabs su 'gro bar khas blangs pa'i tshig brjod par bya mi dgos so/ /dge slong rdzogs par bsnyen pa zhes bya ba'i chog rgya cher 'grel pa rdzogs so// //da ni gnas kyi skabs brjod par bya ste/ de ni gnas pa gnas la ma zhus par bya ba mi bya ba dang/ gzhan yang gnas kyi lhung bzed kyi las dang/ chos gos kyi las dang/ nad g.yog bya ba dang/ 'gyod pa gsal ba dang/ sdig pa can gyi lta ba'i rnam pa spangs pa dang/ dge 'dun gyis nan tur gyi las bdun byed par 'dod pa dang/ nan tur gyi las bdun byas pa dge 'dun la bzod par gsol ba dang/ dge 'dun lhag ma'i ltung ba byung na yongs su gnas pa sbyin pa dang/ yongs su gnas pa spyad pa mgu bar bya ba sbyin pa dang mgu bar bya ba spyad pa dbyung bar bya ba rnam pa bcu la brtson pa shas chen pos bsgrub par bya ba dang/ gnas kyis kyang gnas pa la zhu ba ma gtogs pa lhag ma bcu gsum po dag bya ba la brtson pa shas chen pos bsgrub par bya ba'o/ /de'i phyir bar sdom la/ ma zhus chos gos lhung bzed dang/ /nad g.yog 'byor dang lta ba dang/ /nan tur bzod dang yongs gnas dang/ /mgu dang dbyung ba rnam pa bcu zhes bya ba gsungs so/ /gnas pas gnas lam zhus par bya ba mi bya ba'i dbyung ba'i mdza' bstan pa'i phyir de dag de ltar rab tu byung zhing rdzogs par bsnyen pa na zhes bya ba la sogs pa gsungs so/ /zhu bar mi byed/ yongs su zhu bar mi byed/ gus par mi byed ces bya ba ni las kyi mdza' chung ngu dang/ 'bring dang/ chen po 'am/ las kyi sbyor ba dang/ dngos po dang/ mjug dang/ go rim bzhin no/ /lhan cig gnas pa zhes bya ba ni slob ma'o/ /nye nas zhes bya ba ni gnas byin pa la sogs pas 'brel ba'o/ /kun tu spyod pa'i zhes bya ba ni nyin gcig bzhin du tha snyad du bya ba la dgos pa'i 'o/ /chos dag ces bya ba ni rjes su bsgrub par dngos po dag go /bca' bar bya ste zhes bya ba ni bzhag pa 'am/ bstan par bya ste'o/ /ma zhus par zhes bya ba ni ma dris bar ro/ /chag chag ces bya ba ni chus gdab pa'o/ /phyag dar zhes bya ba ni sa phyag pa'o/ /ba lang gi lci ba sar pas byug pa zhes bya ba ni de'i byug pas byug pa'o/ /lhung bzed kyi las zhes bya ba ni sreg pa dang glen pa la sogs pa'o/ /chos gos kyi las zhes bya ba ni drub pa dang kha bsgyur ba la sogs pa'o/ /dge slong de 'dra ba zhes bya ba ni rab tu byung ba skyon chags pa ste/ tshul khrims 'chal ba pham par gyur pa zhes pa'i tha tshig go / de yang shes pa 'am dogs pa'o/ /mkhos su dbab pa zhes bya ba ni gnas khang du 'jug du gzhug pa'o/ /bdag rdzas zhes bya ba lci skam gyi phye la sogs pa'o/ /so shing zhes bya ba ni so 'dud pa dang/ bad kan drang ba'i shing bu'o/ /bstabs zhes bya ba ni dbul ba'o/ kha ton zhes bya ba ni gnyis kyis kha ton bya ba'o/ /dmigs kyis dri ba zhes bya ba ni don brjod pa'i the tshom dri ba'o/ /ma zhus par las thams cad mi bya ste zhes bya ba ni gnas pas gnas la ma zhus par bya ba gang yang mi bya ba'o/ /de ltar spyir btang ba bstan nas/ da ni dmigs kyis gsal ba bstan pa'i phyir/ bshang ba dang/ gci ba dang/ so shing dor ba dang/ chu btung ba dang/ nye 'khor dang bcas pa'i gtsug lag khang du mchod rten la phyag bya ba dang/ gtsug lag khang nas 'dom bzhi bcu rtsa dgu'i mdza' tshun chad du 'gro ba ni ma gtogs so zhes bya ba gsungs te/ de dag ni gnas pas gnas la ma zhus par bya bar gnang ngo/ /nye 'khor dang bcas pa'i gtsug lag khang zhes bya ba ni nye 'khor dang bcas par gnas pa ste/ gtsug lag khang de na mchod rten gang yod pa de la phyag bya ba ni ma zhus par bya'o/ /gtsug lag khang gang na? 'dru ba dang/ 'tshed pa dang/ zab la sogs pa'i bya bas khyab pa'i bgreng sa gang yod pa de ni gtsug lag khang de'i nye 'khor yin par rig par bya ste/ de na mchod rten gang yod pa de la phyag bya ba ma gtogs so zhes bya ba'i tha tshig go / gtsug lag khang na 'dom bzhi bcu rtsa dgu'i mdza' tshun chad du 'gro ba zhes bya ba la/ gtsug lag khang ni rnam pa gnyis su rig par bya ste/ rabs bskor ba dang/ ra bas ma bskor ba'o/ /de la gal te gtsug lag khang ra bas bskor ba nas 'gro na ni de'i tshe ra ba'i phyi rol nas brtsams nas 'dom bzhi bcu rtsa dgu'i mdza' tshun chad du 'gro bar bya'o/ /ra bas ma bskor ba nas 'gro na ni gtsug lag khang gi rtsig drung nas brtsams te bgrang bar bya'o/ /de yang bcag par bya ba'i phyir bstan pa yin gyi/ mchod rten la phyag bya ba'i phyir ni ma zhus par 'gro bar mi bya'o/ /gal te bcag pa'i bsam pa kha nas 'gro ba na lam khar mchod rten la phyag 'tshal bar byed na ni de'i tshe nyes par mi 'gyur ro zhes bya ba'i tha tshig go /'dir gnas pas gnas la ma zhus par bya ba mi bya'o zhes bya ba la gnas par zhes bya ba ni slob ma dang nye gnas kyis so/ /gnas la zhes bya ba ni mkhan po dang slob dpon la'o/ /ma zhus par zhes bya ba ni ma dris par ro/ /bya ba zhes bya ba ni chag chag dang/ phyag dar dang/ byug pa dang/ lhung bzed dang chos gos kyi las la sogs pa ste/ de mi bya ba'o/ /bya ba yang rnam pa gnyis te/ gang sbyor ba chen pos rtsom pa ni 'di lta ste/ lhung bzed dang chos gos kyi las la sogs pa ste/ de ni ma zhus par mi bya'o/ /gang sbyor ba chung ngus de'i mdo kho na la bya ba ni 'di lta ste/ gtam 'dre ba dang/ phebs par smra ba dang/ phan tshun kun dga' bar bya ba dang/ lan gdab pa dang/ 'ongs pa legs so zhes bya ba la sogs pa dang/ lag pa chur smyug pa dang rkang lag dag byug pa dang/ gos la rdul chags pa sprug pa dang/ de lta bu la sogs pa ste de ni ma zhus par yang bya ste/ de dag zhus na bzhad gang kyi gzhir gyur pa'i phyir ro/ /dge slong tshul khrims 'chal pa'i yul la ni de dag thams cad kyang zhu bar bya ba yin te/ slob dpon dang/ mkhan po dang/ dge slong nad pa la ni ma gtogs so/ /da ni gnas pa'i tshul khrims brjod par bya ste/ de'i phyir 'di lta ste bya ba la sogs pa gsungs te/ 'di dag ni srid pa yin gyi 'byung ba'i mdza' las gyur pa ni ma yin no/ /nye bar gnas par gyur na zhes bya ba ni byung bar gyur na'o/ /e ma'o bdag cag gis zhes bya ba ni 'dod pa'i tshul gyis sgrub par byed pa ston to/ /bya'o zhes bya ba ni bdag nyid kyis so/ /byed du gzhug go zhes bya ba ni gzhan no/ /de ltar brtson pa shas chen po bsgrub par bya ba ni 'bad pa chen po rab tu bsgrub par bya ba ste/ nan tan bya'o zhes bya ba'i tha tshig go / nad g.yog ces bya ba ni 'phrod pa dang/ sman sbyin pa la sogs pa'o/ 'gyod pa zhes bya ba ni yid la gcags pa ste/ nyes byas la sogs pa'i ltung ba lhag par spyad pa'i phyir yid la gcags pa skyes pa gang yin pa'o/ /sdig pa can gyi lta ba'i rnam pa zhes bya ba la sdig pa can zhes bya ba ni rnam par smin pa mi 'dod pa'o/ /lta ba'i rnam pa zhes bya ni rtag pa dang chad pa'i mdza' lta ba la sogs pa'i rnam pa ste bcom ldan 'das kyis bar du gcod pa'i chos su gsungs gang dag yin pa de dag ni bar du gcod par mi 'gyur zhes bya ba dang/ de lta bu la sogs pa lta ba'i rnam pa dag go /nan tur gyi las zhes bya ba ni chad pa'i las te/ yongs su dag pa'i sa nas nyams par byas te sa 'og mar 'jog par byed pa'i phyir ro/ /bsdigs pa'i las zhes bya ba ni dge slong dmar ser can dag la sogs pa gang zag 'thab krol byed pa la gsol ba dang bzhi'i las kyis bsdigs par bya'o/ /smad pa'i las zhes bya ba ni dge slong dge ldan la sogs pa gang zag dge 'dun lhag ma'i ltung ba rgyun du 'byin cing snga ma phyir ma bcos par yang dang yang du 'byin pa la gsol ba dang bzhi'i las kyis smad par bya ba'o/ /bskrad pa'i las zhes bya ba ni dge slong 'gro 'gyogs dang na bas so la sogs pa gang zag khyim sun 'byin pa ma btang ba dang/ de'i phyir 'du ba mi sbyin pa dang/ skabs mi sbyin pa dang/ ltung ba ma mthong zhes zer ba la gsol pa dang bzhi'i las kyis bskrad par bya ba'o/ /phyir 'gyed pa'i las zhes bya ba ni dge slong dam pa la sogs pa gang zag khyim pa la brnyad thabs byed pa la gsol ba dang bzhi'i las kyis phyir 'gyed par bya ba'o/ /ma mthong bas gnas nas dbyung ba'i las zhes bya ba ni dge slong 'dun pa la sogs pa gang zag ltung ba ma mthong zhes zer zhing phyir bcos pa rjes su sgrub par mi 'dod pa la gsol ba dang bzhi'i las gyis gnas nas dbyung bar bya ba'o/ /phyir mi 'chos pas gnas dbyung ba'i las zhes bya ba ni dge slong 'dun pa la sogs pa'i gang zag ltung ba grags pa phyir ma bcos pa bsdam pas phyir bcos su mi rung ba chos bzhin du phyir mi 'chos pa la gsol ba dang bzhi'i las kyis gnas nas dbyung bar bya'o/ /sdig pa can gyi lta ba'i rnam pa mi gtong bas gnas nas dbyung ba'i las zhes bya ba ni dge slong 'chi ltas la sogs pa gang zag sdig pa can gyi lta ba'i rnam pa mi gtong ba la gsol ba bzhi'i las kyis gnas nas dbyung bar bya ba'o/ /byed 'dod par gyur na zhes bya ba ni byed par brtsom na'o/ /nan tur gyi las 'di lta bur byas pa zhes bya ba ni byas zin par gyur pa ste/ de dag la dge 'dun gyis bzod par bya ba'o zhes brtson pa shas chen po bsgrub par bya'o zhes bya bar sbyar ro/ /nan tur gyi las byas pa ji ltar gyur pa dag la dge 'dun gyis bzod par bya zhe na/ gshe ba dang khro ba dang spyo ba nyid mi 'dzin pa dang/ dge 'dun gyi rnyed pa med pa dang/ gnas med par bya bar sems pa nyid mi 'dzin pa dang/ bla'i gra dang/ 'og zur dang/ nye du'i gang zag rten nyid du mi 'dzin pa dang/ dge 'dun rten ma yin pa nyid du mi 'dzin pa dang/ khyim pa dang mu stegs can gyi rgyal mtshan 'chad bar mi byed pa dang/ mu stegs can la bsten pa dang/ cho ga ma yin pa spyod par mi byed pa dang/ dge slong gi bslab pa dag mi bslab bar mi byed skra 'greng bar gyur/ skra 'phyar bar gyur cing dge 'dun la spu snyol bar byed/ 'byung bar bskyod/ mtshungs pa nye bar ston la mtshams kyi nang du 'ongs te bzod pa gsol zhing rgyu gang gis nan tur gyur gyi las byas pa de yang spong ba dag la bzod pa bya'o zhes brtson pa shas chen pos bsgrub par bya'o/ /zhes bya bar sbyar ro/ de la skra 'greng bar gyur ces bya ba ni skra dag gyen du rnam par 'greng bar gyur pa nyid do/ /skra 'phyang bar gyur ces bya ba ni skra dag thang kar rnam par 'phyar pa nyid do/ /de gnyis kyis ni rma bab pa nyid du bstan pa yin te/ 'di ltar rma bab pa ni skra 'greng bar gyur pa dang/ skra 'phyar bar 'gyur pa yin no zhes grags pa'i phyir ro/ /dge 'dun la spu snyol bar byed ces bya ba ni dge 'dun gyi yul la spu 'khums par byed pa'o/ /des ni rgyags pa med pa nyid du bstan te 'di ltar rgyags pa dang bcas pa ni spu dag te por shin du spungs par ston pa'i phyir ro/ /'byung bar bskyod ces bya ba ni nan tur gyi las byas pa nyid ces bya ba rigs pa ma yin pa dag pa ma yin pa smad pa zhes bya ba'i gnas skabs kyi bye brag de nas rnam par dag pa'i lam du gnas par 'byung ba sgrub par bskyod pa'o/ /mtshungs par nye bar ston zhes bya ba la/ mtshungs pa zhes bya ba ni yang dag pa nyid du gyur par 'jug pa ste/ dge 'dun dang 'dre zhing dge 'dun lhan cig mtshungs par 'jug pa'o/ /der nye bar ston pa ni gang gis 'di bdag cag dang mtshungs par gyur to zhes bya bar shes par 'gyur bar lus 'dun pa dang bcas pa dang/ rjes dang bcas pas mnyen zhing rjes su 'thun pa'i bya ba dang/ mdza' bar gyur pa'i spyod pa dang ldan zhing gus pa dang rjes gnyis kyis bdag nyid du gyur pa'i nang du gnas shing tha dad du gyur pa las phyir mi ldog par ston pa'o/ mtshams kyi nang du 'ongs te zhes bya ba ni dge 'dun gyi mtshams kyi nang du 'ongs te/ bzod pa gsol zhing zhes bya ba ni dge 'dun la bzod pa gsol ba'i bsngags pa lan gsum zlas shing ngo/ /rgyu gang gis nan tur gyi las byas pa de yang spong ba zhes bya ba ni 'thab krol byed pa nyid la sogs pa'i rgyu gang gis de la bsdigs pa la sogs pa'i nan tur gyi las byas par gyur pa'i rgyu de las phyir ldog pa'o/ /de lta bu dag la dge 'dun gyis gsol ba dang gnyis kyi las kyis bzod par bya'o zhes brtson pa shas chen pos bsgrub par bya'o/ /yongs su gnas pa zhes bya ba ni dge 'dun lhag ma'i ltung ba byung ba la bcas pa'i rgyus chad pa'i las kyi bye brag du gzhug pa'o/ /gzhi nas yongs su gnas pa zhes bya ba ni yongs su gnas pa byed bzhin pa las yang bar du de dang mthun pa'i dge 'dun lhag ma byung ba la yongs su gnas pa bzhi nas brtsams te byed du gzhug pa'o/ /'di la yang yang gzhi nas bslangs te yongs su gnas pa yang yod de de ni gzhi nas yongs su gnas pa byed bzhin pa las yang rab tu de dang mthun pa'i dge 'dun ma byung ba la yongs su gnas pa yang gzhi nas bslangs te byed du gzhug pa'o/ /mgu bar bya zhes bya ba zhes bya ba ni yongs su gnas pa gnas pa spyad zin pa las dbyung ba'i rgyur zhag drug chad pa'i las kyi bye brag byed du gzhug pa'o/ /gzhi nas mgu bar bya ba zhes bya ba ni mgu ba la spyod bzhin pa las yang par du de dang mthun pa'i dge 'dun lhag ma byung ba la mgu bar bya ba bzhi nas brtsams te byed du gzhug pa'o/ /'di la yang gzhi nas bslang ste mgu bar bya ba yang yod de/ de ni gzhi nas mgu bar bya ba byed bzhin pa las yang bar du de dang mthun pa'i dge 'dun lhag ma byung ba la mgu bar bya ba yang gzhi nas bslang ste byed du gzhug pa'o/ /dbyung ba zhes bya ba ni dge 'dun lhag ma'i ltung ba'i zug rngu dbyung ba ste/ ltung ba las bslang ba zhes bya ba'i tha tshig go /gnas pa'i tshul khrims bstan nas/ d a ni gnas kyi tshul khrims brjod par bya ste de'i phyir dge slong lhan cig gnas pa dang nye gnas rnams kyis mkhan po dang slob dpon dag la ji ltar bsgrub par bya ba de bzhin du mkhan po dang slob dpon dag gis kyang lhan cig gnas pa dang nye gnas rnams la bsgrub par bya ste/ zhu ba ni ma gtogs so zhes bya ba gsungs te/ gnas pas gnas kyi lhung bzed kyi las la sogs pa rnam pa bcu la brtson pa shas chen pos bsgrub par bya ba de bzhin du gnas kyis gnas pa'i lhung bzed kyi las la sogs pa rnam pa bcu po de dag la brtson pa shas chen po bsgrub ba bya ste/ ma zhus par bya ba mi bya'o zhes bstan pa 'ba' zhig bstan pa ma gtogs so/ /gnas pas gnas pa la ma zhus par bya ba mi bya'o zhes bstan pa de'i zhar la/ rdzogs p ar bsnyen nas ji srid lon pa yon tan du ma dang ldan pas mkhan po nyid la sogs pa bya bar gnang pa dang mi gnang pa'i byung ba'i mdza' dang bye brag bstan pa'i phyir sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra bar dbyar gnas par zhal gyis bzhes so/ /de la rgyal byed kyi tshal zhes bya ba ni rgyal bu rgyal byed ces bya ba las bya ba bkram pas nyos pa'i skyed mos 'tshal lo/ /mgon med zas sbyin gyi kun dga' ra bar zhes bya ba ni khyim bdag mgon med zas byin zhes bya bas der gtsug lag khang brtsigs par ro/ /dbyar gnas par zhal gyis bzhes so zhes bya ba ni sngags sngon du btang bas dbyar gnas gcig tu gnas par zhal gyis bzhes pa'o/ /ljongs su zhes bya ba ni yul gnas du'i lo gcig lon nas zhes bya ba ni rdzogs par bsnyen nas so/ /lhan cig gnas pa zhes bya ba ni phyis der 'gyur ba'i ming smos pa yin no/ /lo gnyis lon pa zhes bya ba ni de'i tshe na tshe dang ldan pa nye sde rdzogs par bsnyen nas lo gnyis lon pa'o mdza' gcig tu zhes bya ba ni phyogs gcig tu'o/ /'dug go zhes bya ba ni 'greng bzhin du sdod pa'o/ /dang po kho nar zhes bya ba ni thog ma kho nar ro/ /tshogs bsdu bar bsams zhes bya ba ni lo gcig lon pa kho nas 'khor nye bar bzhag pa'i phyir bsam pa byas pa'o/ /rab tu dbyung bar mi bya rdzogs par bsnyen par mi bya zhes bya ba ni mkhan po nyid mi bya ba'o/ /gnas sbyin par mi bya/ dge tshul nye bar bzhag par mi bya ba zhes bya ba ni gnas nyid mi bya ba'o/ /dge tshul nye bar bzhag par mi bya zhes bya ba ni sngags sngon du btang ste gnas sbyin par mi bya'o/ /kha cig na re nye bar bzhag pa zhes bya ba'i sgra ni sngags med par nye bar bzhag pa la bya ste/ 'di ltar gnas sbyin pa zhes gsungs pa'i 'og kho nar dge tshul nye bar bzhag par zhes gsungs pas/ bcom ldan 'das kyis de dang de dag dge tshul nye bar bzhag pa sngags med par yang gnang bas 'dir ni 'di nyid yin par gzung ste/ gzhan du gnas sbyin par gsungs pa'i 'og tu dge tshul nye bar bzhag par bya zhes gsungs pa'i tshig de don med pa'i skyon du 'gyur ro/ /bdag nyid kyang mi gnas par 'dug par mi bya'o zhes bya ba ni rang yang gzhan la gnas ma bcas par 'dug par mi bya'o/ /lo bcu lon pas zhes bya ba ni rdzogs par bsnyen nas lo bcu tshang bas so/ /bye brag med par zhes bya ba ni bye brag ma rtogs par ro/ /de nyid bstan pa'i phyir byis pa zhes bya ba la sogs pa gsungs te/ byis pa zhes bya ba ni mdo sde dang/ 'dul ba dang/ chos mngon pa dag la blo mi byang ba'o/ /rmongs pa zhes bya ba ni de dag la blo sbyong na byang bar mi nus pa'o/ /mi gsal ba zhes bya ba ni 'dul ba'i don gyi de kho na nyid bsgrub par mi nus pa'o/ /mi mkhas pa zhes bya ba ni 'dul ba'i don nyid ma 'dres par bzhag pa la mi mkhas pa'o/ /yang na de dag ni lhan cig skyes pa dang/ thos pa dang bsams pa dang bsgoms pa las byung ba'i shes rab dang bral ba ste go rim bzhin no/ /kye ma zhes bya ba ni mi srid par bstan pa'i tshig yin no/ /ma dul ba zhes bya ba ni lus kyis so/ /de ni gnas med la zhes bya ba ni de lta bu mi srid la zhes bya ba'i tha tshig go /ma zhi ba zhes bya ba ni dag gis so/ /ma grol ba zhes bya ba ni 'dod chags dang zhe sdang dang gti mug dag las so/ /yongs su mya ngan las ma 'das pa zhes bya ba ni de las gzhan pa'i nyon mongs pa ma zhi ba'o/ /yang na de dag dbang po sdom pa dang/ yid sdom pa dang/ 'phags pa'i lam dang/ dgra bcom pa nyid med pa ste/ go rim bzhin no/ /'dam las ma brgal ba zhes bya ba ni tshul khrims 'chal pa'i 'dam las so/ /rgan zhugs zhes bya ba ni yun ring zhig lon nas rab tu byung ba'o/ /gzhan mu stegs can zhes bya ba ni chos 'dul ba 'di las gzhan pa'i mu stegs can khas blangs pa'o/ /dus dang dus su zhes bya ba ni dang po'i dus dang/ 'brel pa'i dus gzhan du'o/ /gdams ngag ces bya ba ni gnod pa dgag pa'o/ /rjes su bstan pa zhes bya ba ni phan pa la bzhugs pa'o/ /yang na de gnyis ni lam bsgom pa bstan pa dang bya ba dang ni mi bya ba slabs pa ste go rim bzhin no/ /nyams par gyur ces bya ba ni khyim pa'i sdug bsngal gyi nang du 'bab pa khas blangs pa ste/ dge slong gi dngos po las nyams shing/ khyim par babs zhes bya ba'i tha tshig go /lo bcu lon pa chos lnga dang ldan pas zhes bya ba ni dge slong rdzogs par bsnyen nas lo bcu lon pa thams cad kyis mkhan po nyid dang gnas nyid dang mi gnas par 'dug pa nyid bya ba ma yin te/ rdzogs par bsnyen nas lo bcu lon du zin kyang gal te 'og nas 'byung ba'i yon tan lhan cig sbyar ba'i lnga pa nyi shu rtsa gcig po dag las lnga pa gcig dang yang mi ldan na de mkhan po nyid dang gnas nyid dang mi gnas par 'dug pa nyid bya ba mi bya'o/ /gang rdzogs par bsnyen nas lo bcu yang lon la lnga pa gcig dang yang ldan na/ des ni mkhan po nyid dang gnas nyid dang mi gnas par 'dug nga nyid kyang bya'o zhes bya ba'i tha tshig go /de'i phyir rab tu dbyung bar bya/ rdzogs par bsnyen par bya/ gnas sbyin par bya/ dge tshul nye bar bzhag par bya zhing bdag nyid kyang mi gnas par 'dug par bya'o zhes bya ba gsungs so/ /lnga pa nyi shu rtsa gcig gang zhe na/ lo bcu lon pa dang/ nad g.yog dang/ 'gyod pa skyes pa sel ba dang sdig pa can gyi lta ba'i rnam pa byung ba spong ba dang/ gnas mngon par mi dga' ba dor bar byed dam byed du 'jug nus pa zhes gsungs pa ni lnga pa gcig yin no/ /de la lo bcu lon pa zhes bya ba ni rdzogs par bsnyen nas lo bcu lon pa'am lhag pa ste/ de ni 'dir lnga pa dang po yan lag dang po yin te/ des 'dul ba la gnas pa'i don nyid kyang bstan to/ /lnga pa lhag ma rnams kyi ni yul yin par ston te/ gang la lo bcu lon pa nyi dang/ 'dul ba la gnas pa'i don nyid gnyis po de dag yod pa des ni mkhan po nyid la sogs pa gsum po dag bya ste/ 'di ltar de ni mkhan po nyid la sogs pa dag gi gtso bo'i rgyu yin pa'i phyir ro/ /slob pa nyid la sogs pa'i yan lag lhag ma ni bye brag du gyur pa nyid yin te/ de med kyang mkhan po nyid la sogs pa'i rgyur rung bas de'i phyir lo bcu lon pa nyid dang 'dul ba la gnas pa'i don nyid ni bzla bar bya ba ma yin pa'i yan lag yin no/ /don 'di bstan pa'i phyir dang por lo bcu lon pa nyid smos so/ /nad g.yog ces bya ba 'dis ni snying rje dang ldan pa nyid dang/ sdug bsngal la ji mi snyan pa nyid bstan te/ gang la de gnyis yod pa des ni nad g.yog byed nus so/ /'gyod pa skyes pa sel ba zhes bya ba 'dis ci bdag ltung ba dang bcas par gyur tam 'on te ma yin zhes 'gyod par gyur pa de bsal ba ste/ de byed dam byed du 'jug nus pa yin no/ /yan lag 'dis ni 'dul ba la gnas pa'i don nyid bstan te/ 'di ltar gang la la zhig gis ltung ba dang/ ltung ba ma yin pa mngon par shes shing de las bslang ba yang mngon par shes pa des ni de dag gi 'gyod pa sel ba kho na yin pa'i phyir ro/ /sdig pa can gyi lta ba'i rnam pa byung ba spong ba zhes bya ba la sogs pas ni chos mngon pa la mkhas pa nyid bstan to/ /gnas mngon par mi dga' ba dor ba zhes bya ba la sogs pas ni bsam pa shes pa nyid bstan to/ /'di ltar byed du 'jug pa zhes bya ba smos mod kyi 'on kyang gang la yan lag bzhi pa de dag rang gis byed pa'i mthu med na gzhan byed du gzhug pa'i mthu yod du zin kyang nges gsum po de dag mi bya ste/ de lta ma yin du zin na 'dul ba la gnas pa'i don nyid ces bya ba'i yan lag bzla bar bya ba ma yin pa de yang bzlas par 'gyur ro/ /gal te de lta na byed du gzhug pa zhes bya ba smos pa ci'i phyir zhe na/ 'dul ba la bltos pa'i phyir te/ la la gdul ba ni la las nus kyis thams cad kyis thams cad nus pa ni ma yin pa'i phyir ro/ /tshul khrims dang ldan pa dang/ mang du thos pa dang/ mdo sde 'dzin pa dang/ 'dul ba 'dzin pa dang/ ma mo 'dzin pa zhes bya ba lnga pa gnyis pa'o/ /de la tshul khrims dang ldan pa zhes bya ba ni gang la tshul khrims yod pa de ni tshul khrims dang ldan pa ste/ 'di la tshul khrims 'chal pa'i skabs med pa'i phyir des 'di ni dge ba zhes bya bar shes pa de ni tshul khrims dang ldan pa nyid yin par rig par bya'o/ /mang du thos pa zhes bya ba ni gang la mang du thos pa yod pa de ni mang du thos pa ste/ bstan bcos mang po shes pa nyid do/ /'di man chad lnga pa gang la mdo sde dang 'dul ba dang/ ma mo'i sde snod mngon par shes pa nyid yod pa der ni mang du thos pa nyid gzhan gyi bstan bcos kyi yul can yin no/ /gang du sde snod mngon par shes pa ma bsdus pa der ni mang du thos pa nyid rang gi grub pa'i mdza' i yul can yin par rig par bya'o/ /mdo sde 'dzin pa dang/ 'dul ba 'dzin pa dang/ ma mo 'dzin pa dang zhes bya ba ni mdo la sogs pa gzung ba mi brjed pa'o/ /tshul khrims dang ldan pa dang/ mang du thos pa dang/ sde snod la mkhas pa dang/ 'dul ba la mkhas pa dang/ ma mo la mkhas pa zhes bya ba ni lnga pa gsum pa'o/ /de la mdo sde la sogs pa la mkhas pa zhes bya ba ni sde snod gsum phan tshun 'grel bas 'dres par gnas pa la so sor gnas par nus pa'o/ /tshul khrims dang ldan pa dang/ mang du thos pa dang/ mdo sde rig pa dang/ 'dul ba rig pa dang/ ma mo rig pa zhes bya ba ni lnga pa bzhi pa'o/ /de la mdo sde la sogs pa rig pa zhes bya ba ni mngon sum du rjes su dpag pa'i tshad ma gnyis dang/ lung gis mdo sde la sogs pa sbyor nus pa'o/ /tshul khrims dang ldan pa dang/ mang du thos pa dang/ mdo sde ma gsal ba dang/ 'dul ba la gsal ba dang/ ma mo la gsal ba zhes bya ba ni lnga pa lnga pa'o// de la mdo sde la sogs pa la gsal ba zhes bya ba ni lung dang rigs pa gnyis kyis mdo sde la sogs pa sbyar te/ gzhan la go bar byed nus pa gang yin pa'o/ /tshul khrims dang ldan pa dang/ mang du thos pa dang/ mdo sde 'dzin du 'jug nus pa dang/ 'dul ba 'dzin du 'jug nus pa dang/ ma mo 'dzin du 'jug nus pa zhes bya ba ni lnga pa drug pa'o/ /de la mdo sde la sogs pa 'dzin du 'jug nus pa zhes bya ba ni sde snod de dag don gyis bdag nyid kyis gzhan 'dzin du gzhug cing go bar byed nus pa nyid do/ /de ni sde snod mngon par shes pa nyid du de kho na'i bye brag gzhan yin te/ de lta ma yin du zin na gal te de rang gis mngon par mi shes par ji ltar don gyi bdag nyid kyis gzhan 'dzin du gzhug par nus pa dang/ 'dul ba la gnas pa'i don nyid kyang shin tu bzlas par 'gyur ro/ de lta bas na sde snod mngon par shes pa'i gang zag nyid kyis gzhan la go bar byed nus pa gang yin pa de ni de'i brjod pa yin par rig par bya'o/ /tshul khrims dang ldan pa dang/ mang du thos pa dang lhag pa'i tshul khrims kyi bslab pa la slob pa dang/ lhag pa'i sems kyi bslab pa la slob pa dang/ lhag pa'i shes rab kyi bslab pa la slob pa dang zhes bya ba ni lnga pa bdun pa'o/ /de lhag pa zhes bya ba'i sgra ni lhag pa'i don dang dbang du bya ba'i don to/ /tshul khrims zhes smos pas de ni 'dul bar gtogs pa'i bslab pa'i gzhi thams cad bzung ba yin no/ /sems zhes smos pas ni bsam gtan bzhi pa dag bzung ste/ de dag ni sems 'dul bar byed pa yin pa'i phyir ro/ /shes rab ces smos pas ni zag pa med pa'i lam bzung ngo/ /slob ba zhes bya ba ni slob par byed pa'o/ /tshul khrims dang ldan pa dang/ mang du thos pa dang/ lhag pa'i tshul khrims kyi bslab pa la slob du 'jug nus pa dang/ lhag pa'i sems kyi bslab pa la slob du 'jug nus pa dang/ lhag pa'i shes rab kyi bslab pa la slob du 'jug nus pa zhes bya ba ni lnga pa brgyad pa'o/ /'di ni snga ma nyid kyi bye brag yin par rig par bya'o/ /'di ltar rang nyid lhag pa'i tshul khrims la sogs pa lam bslangs par gzhan slob du 'jug nus pa ni 'ga' yang med pa'i phyir te/ bdag nyid ma thul bar gzhan 'dul bar byed pa ni gnas med do zhes gsungs pa'i phyir ro/ /slob du 'jug nus pa zhes bya ba ni gzhan lhag pa'i tshul khrims la sogs pa slob du 'jug nus pa nyid do/ /tshul khrims dang ldan pa dang mang du thos pa dang lhag pa'i spyod pa la slob pa dang/ lhag pa'i 'dul ba la slob pa dang/ lhag pa'i so sor thar pa la slob pa zhes bya ba ni lnga pa dgu pa'o/ /de la lhag pa'i spyod pa zhes bya ba ni 'dul ba las 'gro ba dang 'ong ba la sogs pa yin par gsungs te/ rtag tu lhag par spyod pa yin pa'i phyir ro/ /lhag pa'i 'dul ba zhes bya ba ni so sor thar pa'i bslab pa'i rnam par obshad par gyur pa rnam par 'byed pa dang gzhi dang phran tshegs la sogs pa'o/ /lhag pa'i so sor thar pa zhes bya ba ni so sor thar par gtogs pa'i bslab pa'i gzhi rnams so/ /tshul khrims dang ldan pa dang mang du thos pa dang/ lhag pa'i spyod pa la slob du 'jug nus pa dang/ lhag pa'i 'dul ba la slob du 'jug nus pa dang/ lhag pa'i so sor thar pa la slob du 'jug nus pa zhes bya ba ni lnga pa bcu pa'o/ /'di yang snga ma de nyid kyi bye brag yin par rig par bya ste/ 'di ltar rang nyid lhag pa'i spyod pa la sogs pa la ma bslabs par gzhan slob du 'jug nus pa ni 'ga' yang med pa'i phyir ro/ /slob tu 'jug nus pa zhes bya ba ni gzhan lhag pa'i spyod pa la sogs pa la slob tu 'jug nus pa nyid do/ /dad pa phun sum tshogs pa dang/ tshul khrims phun sum tshogs pa dang/ thos pa phun sum tshogs pa dang/ gtong ba phun sum tshogs pa dang/ shes rab phun sum tshogs pa zhes bya ba ni lnga pa bcu gcig pa'o/ /nga la dad pa zhes bya ba ni dkon mchog gsum la sogs pa dag la sems dang ldan pa'i mtshan nyid do/ /tshul khrims zhes bya ba ni rang bzhin dang bcas pa'i kha na ma tho ba dang bcas pa spong ba'i mtshan nyid do/ /thos pa zhes bya ba smos pas ni 'dir 'dul ba 'byung? ba yin te/ 'dul ba la gnas pa'i don nyid shin tu bzla bar bya ba ma yin pa'i phyir ro/ /gtong ba zhes bya ba ni ma chags pa'i ngo bo nyid do/ /shes rab ces bya ba ni chos rab tu rnam par 'byed pa'o/ /phun sum tshogs pa zhes bya ba dad pa la sogs pas phun sum tshogs pa ni dad pa la sogs pa phun sum tshogs pa ste ldan pa zhes bya ba'i tha tshig go / tshul khrims phun sum tshogs pa dang/ ting nge 'dzin phun sum tshogs pa dang/ shes rab phun sum tshogs pa dang/ rnam par grol ba phun sum tshogs pa dang/ rnam par grol ba shes pa dang mthong ba phun sum tshogs pa zhes bya ba ni lnga pa bcu gnyis pa'o/ /'dir yang tshul khrims phun sum tshogs pa zhes smos pas ni 'dul ba mngon par shes pa nyid ston to/ /ting nge 'dzin zhes bya ba ni sems rtse gcig pa'i mtshan nyid de/ 'di sems dang sems las byung bdag ting nge 'dzin du byed pa'i phyir ro/ /shes rab ces bya ba ni 'dir yang chos rab tu rnam par 'byed pa'i mtshan nyid do/ /rnam par grol ba zhes bya ba ni nyon mongs pa spangs pa ste/ 'dir ni mi slob pa'i rnam par grol ba la bya'o/ /rnam par grol ba'i shes pa dang/ mthong ba zhes bya ba ni rnam par grol ba shes pa dang/ mthong ba ste/ rnam par grol ba shes pa ni zad pa dang mi skye ba shes pa zhes bya'o/ /de mthong ba ni mi slob pa'i lta ba'o/ /tshul khrims dang ldan pa dang/ thos pa dang/ brtson 'grus brtsams pa dang/ shes rab dang ldan pa dang/ dran pa dang ldan pa zhes bya ba ni lnga pa bcu gsum pa'o/ /brtson 'grus brtsams pa zhes bya ba ni dge ba'i chos bskyed pa dang/ dgag pa byas pa la sogs pa'o/ /dran pa dang ldan pa zhes bya ba ni dran pa nye bar bzhag pa dang ldan pa'o/ /tshul khrims dang ldan pa dang/ mang du thos pa dang/ brtson 'grus brtsams pa dang/ shes rab dang ldan pa dang/ nang du yang dag gzhag pa zhes bya ba ni lnga pa bcu bzhi pa'o/ /nang du yang dag bzhag pa zhes bya ba ni rab tu dben par gyur pa nyid ces bya ba'i tha tshig go / tshul khrims dang ldan pa dang/ mang du thos pa dang/ brtson 'grus brtsams pa dang/ shes rab dang ldan pa dang/ mnyam par bzhag pa zhes bya ba ni lnga pa bco lnga pa'o/ /mnyam par bzhag pa zhes bya ba ni mi rgod pa nyid ces bya ba'i tha tshig go / thams cad du yang mang du thos pa nyid ces smos pas ni 'dul ba la gnas pa'i don nyid ston to/ /slob pa'i tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i shes pa dang/ mthong ba'i phung po dang ldan pa zhes bya ba ni lnga pa bcu drug pa'o/ /slob pa zhes bya ba ni zag pa med pa'i lam gyis nyon mongs pa spang ba'i phyir slob pa'i ngang tshul can te/ slob pa zhes bya ba'i sgra ni rgyur 'jug pa yin pas slob pa zhes bya ba'o/ /slob pa'i tshul khrims kyi phung po zhes bya ba ni gang zag bdun gyi rgyud la yod pa slob pa'i sdom pa zag pa med pa'o/ /slob pa'i ting nge 'dzin gyi phung po zhes bya ba ni 'phags pa'i gang zag bdun gyi rgyud la skyes pa slob pa'i ting nge 'dzin zag pa med pa'o/ /slab pa'i shes rab kyi phung po zhes bya ba ni 'phags pa'i gang zag gi rgyu las byung ba slob pa'i yang dag pa'i lta ba zag pa med pa'o/ /slob pa'i rnam par grol ba'i phung po zhes bya ba ni slob pa yid la byed pa dang/ mtshungs par ldan pa slob pa'i mos pa'o/ /slob pa'i rnam par grol ba shes pa dang mthong ba'i phung po zhes bya ba ni bslab par bya ba mos par bya ba zhes bya ba'i rnam par grol bar gyur na shes pa dang mthong ba 'byung ba ste/ slob pa'i chos zhes pa la sogs pa ni shes pa'o/ /chos shes pa'i bzod pa la sogs pa shes rab ni mthong ba ste/ de'i phyir rnam par grol ba'i shes pa dang mthong ba zhes bya ba'o// //bam po dgu pa/ /mi slob pa'i tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i shes pa dang/ mthong ba'i phung po dang ldan pa zhes bya ba ni lnga pa bcu bdun pa'o/ /mi slob pa zhes bya ba ni nyon mongs pa spangs pa'i phyir mi slob pa ste dgra bcom pa nyid do/ /'dis ni dgra bcom pa'i rgyud la yod pa'i tshul khrims la sogs pa'i yan lag lnga po de dag nyid bsdus pa yin no/ /'o na lnga pa gong ma dang/ 'di gnyis kyis 'dul ba la gnas pa'i don nyid ma bstan pa shin tu zla bar bya ba ma yin pa'i yan lag ji ltar bzla bar rung/ 'di ltar 'dul ba yongs su shes pa med par yang slob pa dang/ mi slob pa nyid ni srid pa kho na yin la/ zag pa med pa'i tshul khrims kyi yu la 'di ni bya ba'o/ /'di ni bya ba ma yin no zhes yongs su shes pa gang yin pa ni mngon par rtogs pa las byung pa kho na ste/ 'phags pa'i lam gyis yin la/ ltung ba rnam par bzhag pa la ni so sor thar pa la sogs pa yongs su shes pa dgos pa'i phyir ro zhe na/ de la nyes pa med do lo bcu lon pa nyid pa'i phyir te/ 'di ltar de gnyis ni 'phags pa yin pas lo bcu po dag la 'dul ba la gdon mi za bar 'bad pa byas pa yin pa'i phyir ro/ /bcom ldan 'das kyis lo bcu lon pa nyid ces gsungs pas ni rang dbang yod par bstan pa yin pas/ gal te de gnyis la 'dul ba la gnas pa'i don nyid med par gyur na/ de gnyis ji ltar rang dbang can du 'gyur/ de lta bas na lo bcu lon pa nyid ces smos pas 'dul ba la gnas pa'i don nyid bstan pa yin no/ /de ltar mdo sde las gang zag lta ba phun sum tshogs pa bsams bzhin du bslab pa las 'da' bar byed pa ni gnas med skabs med do zhes gsungs pa'i phyir ro/ /'byung ba shes pa dang/ bcas pa shes pa dang/ rjes su bcas pa shes pa dang/ bkag pa shes pa dang/ gnang ba shes pa zhes bya ba ni lnga pa bco brgyad pa'o/ /de la byung ba zhes bya ba ni bslab pa'i gzhi rnams gang las byung bar gyur pa'i 'byung ba de'i gzhi dang/ rgyu mtshan dang byed rgyu gang yin pa ste/ de ni 'byung ba zhes bya ba'i sgras brjod do/ /bcas pa zhes bya ba ni bslab pa'i gzhi rnams rnam par bzhag pa'o/ /nyes pa sbom po ni dge slong 'di snyed cig gi mdun du bshags par bya'o zhes bya ba la sogs pa yang bcas pa zhes smos pas bzung bar rig par bya'o/ /rjes su bcas pa zhes bya ba ni sngar gnang ba'i gzhi la bkag pa dang/ sngar bkag pa la gnang ba gang yin pa de ni rjes su bcas pas dper na mchil lham gnyis gnang ba mdzad pa la yang de gnyis kyi bye brag dgag pa mdzad de/ sgra skrog skrog mi zer ba dang/ sgra tug tug mi zer bar bya'o zhes bya ba la sogs pa lta bu ni gnang ba la yang bkag pa'o/ /bkag pa la yang gnang ba ni dper na dus ma yin pa'i zas sngar bkag pa nad pa la gnang ba lta bu ste de na bkag pa la yang gnang ba'o/ /bkag pa zhes bya ba ni srog la bab kyang gzhi 'di rnam pa thams cad du mi bya ba ste/ dper nang la ston par smra ba rnams kyis tha na rtswa'i mchog mas kyang chang mi blud mi btung ngo zhes gsungs pa dang/ srog gcod pa la sogs pa rang bzhin gyis kha na ma tho ba dang bcas pa mi bya'o zhes gsungs pa lta bu'o/ /gnang ba zhes bya ba ni ci dgar spyad pa'i yul la bya ba gang yang rung ba zhig mi byed dam byed na ltung ba zhes bya ba'i nyes pa med pa ste/ dper na las kyis rgol ba tshar bcad pa'i phyir phyi rol gyi bstan bcos blang ba ngas rjes su gnang ngo/ /zhes gsungs pa lta bu'o/ /lnga pa 'di dag dang 'og nas ltung ba shes pa zhes bya ba la sogs pa'i lnga pa 'ba' zhig mngon par shes pa nyid bstan to/ /bar du gcod pa shes pa dang/ bar du gcod pa ma yin pa shes pa dang/ smra ba po dang rjes su ston pa dang/ gnas 'char gzhug nus pa zhes bya ba na lnga pa bcu dgu pa'o/ /de la bar du gcod pa zhes bya ba ni 'dul ba las srog gcod pa zhes bya ba ma yin pa gang yin pa ste/ de ni bar du gcod par nus pa'i phyir bar du gcod pa'o/ /bar du gcod pa ma yin pa zhes bya ba ni bya ba gang yin pa ste/ de ni bar du gcod pa ma yin no/ /bar du gcod pa dang bar du gcod pa ma yin pa mngon par shes pa nyid ces bya ba yan lag gnyis po 'dis ni 'dul ba la gnas pa'i don nyid bstan to/ /smra ba po zhes bya ba ni smra bar byed pas smra ba po ste/ bar du gcod pa dang bar du gcod pa ma yin par shes pa'i yan lag gnyis po de dag nyid gzhan dag la ston pa 'am go bar bya ba la mkhas par gyur cing nus pa gang yin pa de ni smra ba po zhes bya'o/ /rjes su ston pa zhes bya ba ni slob ma la sogs pa dag bya ba ma yin pa dag las legs par 'jog pa dang rjes su mthun pa rnam par bzlog pa dang/ rjes su mthun par smra ba nyid dang/ bya ba dag la rjes su bsgrub pa la 'jug pa dang rjes su mthun par smra ba nyid de 'dis slob ma rnams rjes su ston par byed pa'i phyir ro/ /gnas 'char gzhug nus pa zhes bya ba ni gal te mkhan po gzhan du 'gro na lhan cig gnas pa dang nye gnas rnams gzhan la gnas 'char gzhug nus pa'o/ /bar du gcod pa shes pa dang/ bar du gcod pa ma yin pa dang/ smra ba po dang rjes su ston pa dang/ de zhig gi gnas 'char gzhug nus pa zhes bya ba ni lnga pa nyi shu pa'o/ /de la re zhig gi gnas 'char gzhug nus pa zhes bya ni gal te mkhan po re zhig pa'i bsam pa gzhan du 'gro ba 'am/ de nyid na yongs su gnas pa la sogs pa'i dgos pa'i dbang gis 'dug pa na/ lhan cig gnas pa dang nye gnas rnams gzhan la re zhig gi gnas 'char gzhug nus pa'o/ /ltung bar shes pa dang/ ltung ba ma yin par shes pa dang/ yang ba shes pa dang/ lci ba shes pa dang/ so sor thar pa'i mdo gdon pa dang/ rgyas par bklags pa dang/ thon pa zhes bya ba ni lnga pa nyi shu gcig pa'o/ /de la ltung ba dang ltung ba ma yin pa shes pa ni slob ma la sogs pa bya ba dang/ bya ba ma yin pa la sbyar ba dgos so/ /yang ba dang lci ba shes pa ni nyes pa spom po bshags pa la dgos te/ 'di ltar nyes pa spom po kha cig ni mtshams kyi nang du dge 'dun thams cad tshogs pa la bshags par bya ba yin/ kha cig ni mtshams kyi phyi rol du/ kha cig ni bdun la/ kha cig lnga la/ kha cig ni bzhi la bshags par bya ba yin pa'i phyir ro/ /so sor thar pa'i mdo gdon pa dang/ rgyas par bklags pa dang/ thon pa zhes bya ba ni 'dul ba la gnas pa'i don nyid bstan te/ so sor thar pa'i mdo gdon pa la lnga pa dag go /rgyas par zhes smos pas ni 'dul ba mdza' dag bsus pa yin par rig par bya ste/ 'dul ba mdza' dag ni so sor thar pa rgyas par gyur pa yin pa'i phyir ro/ /'dir so sor thar pa'i mdo gdon pa dang/ rgyas par bklags pa dang/ thon pa ni tshig las rig par bya'o/ /don las ni ltung ba dang/ ltung ba ma yin pa la sogs pa nyid kyis grub pa'i phyir ro/ /bklags pa zhes smos pas ni 'dir so sor thar pa'i mdo gdon pa dang/ rgyas pa gnyis ka slob dpon dang/ mkhan po la sogs pa las klag pa'i bsam pa las bzung bstan to/ /thon pa zhes smos pas ni so sor thar pa'i mdo gdon pa kha gdon du rnam par bzhag pa nyid ston to/ /gtsug lag khang gang na dge slong lo bcu lon pa 'am/ de bas lhag pa lnga pa gang dang yang mi ldan pa 'ba' zhig 'khod pa gtsug lag khang de na rgan pa lnga pa dang ldan pa med na de ji ltar bsgrub par bya ba bstan pa'i phyir sangs rgyas bcom ldan 'das la tshe dang ldan pa nye bar 'khor gyis zhus pa zhes bya ba la sogs pa gsungs so/ /de la ji skad ces bgyi zhes bya ba ni tha snyad ji skad ces brjod par bgyi zhes bya ba'o/ /gnas brtan byis pa zhes bya ba ni rgan pa'i phyir gnas brtan zhes bya la/ 'dul ba mngon par mi shes pa'i byis pa zhes bya'o/ /ches rgan pa med na ches gzhon pa la gnas pas 'dug par bya'o zhes bya ba ni gal te rgan ba lnga pa gang yang rung ba gcig dang yang mi ldan par gyur na de'i cho ga ni de yin no/ /ches rgan pa zhes bya ba ni lnga pa dang ldan pa'o/ /ches gzhon pa zhes bya ba ni lo grangs kyis gzhon pa la bya'i lnga pa dang mi ldan pa ni ma yin te/ des lo bcu lon pa dang ldan pa nyid bzung ngo/ /ci nye gnas kyi tshul khrims thams cad bya 'am zhe na/ de'i phyir thams cad bya ste/ btung ba 'ba' zhig ma gtogs so zhes bya ba gsungs te/ rgan pas gzhon pa la btung de phyag bya ba 'ba' zhig ma gtogs pa gnas pa'i tshul khrims de las gzhan pa dag la rjes su gnas par bya'o zhes bya ba'i tha tshig go / dge slong gnas na gnas pas ji ltar rjes su bstan na/ lam du zhugs pas kyang ci de dag nyid la rjes su gnas par bya ba'am zhen ma yin te/ de'i 'byung ba'i mdza' bstan pa'i phyir sangs rgyas bcom ldan 'das rgyal po'i khab tu 'od ma'i tshal ka lan da ka'i gnas su dbyar gnas par zhal gyis bzhes so zhes bya ba la sogs pa gsungs so/ /myur du ldog pa zhes bya ba ni mkhan po dang slob dpon dag 'di na bdag cag yul gzhan du 'khod du mi rung bas myur du phyir ldog dgos pa'i phyir ro/ /rkyen par ldog dgos pa zhes bya ba ni bdag cag mkhan po dang slob dpon dag la byams pas lam nas ldog pa'i tshe yang brtad par ldog dgos pa'i phyir ro/ /btsal bar bya dgos pa'i phyir ro zhes bya ba ni gnas kyi slob dpon btsal bar bya dgos pa'i phyir ro/ /'khor nyung shas shig ces bya ba ni 'khor nyung du zhig go /sku thams cad kyis zhes bya ba ni thams cad du gus par mdzad pa'i bya bas 'gyur bar mdzad pa'i phyir ro/ /g.yas nas zhes bya ba ni sku dang gsung dang thugs kyi phrin las mchog pa dang ldan pa'i phyir ro/ /glang po che'i lta stangs kyis zhes bya ba ni de bzhin gshegs pa'i sku'i tshigs klu ltar 'brel pa'i phyir glang po che'i gtso bo bzhin du sku thams cad kyi g.yas nas snam logs su bskor te rnam par gzigs pa'o/ /ci'i phyir rmed par mdzad ce na/ de'i phyir sangs rgyas rnams ni mkhyen bzhin du rmed par mdzad pa ste zhes bya ba la sogs pa gsungs te/ sangs rgyas bcom ldan 'das rnams ni thams cad mkhyen pa yin pa'i phyir ro/ /mkhyen pa kho na yin mod kyi don dang bcas pa 'ga' zhig gi phyir rmed par mdzad de/ 'jig rten pa'i tha snyad kyi phyir rmed par mdzad kyi mi mkhyen pa'i phyir rmad pa ni ma yin no/ / zhes bya ba'i tha tshig go / mkhyen bzhin du rmed pa zhes bya ba ni gal te mkhyen na ci'i phyir rmed par mdzad ce na/ skur pa 'debs pa dgag pa'i phyir te/ gal te bcom ldan 'das kyi dge slong nyes pa dang phan yon mi shes pa de dag la ma rmas par bslab pa'i gzhi bcas pa 'am gnang bar gyur na dge slong dag bcom ldan 'das la su nyes pa 'am/ legs pa ci byas na bcom ldan 'das kyis bslab pa'i gzhi bca' ba 'am/ gnang ba mdzad ces skur ba 'debs par 'gyur bas de'i phyir mkhyen bzhin du rmed par mdzad do/ /mkhyen kyang mi rmed pa zhes bya ba ni gang gi phyir gzhan gyi don ma gzigs na mkhyen kyang mi rmed pa ste/ /'dul ba nyid med pa'i phyir ro/ dus su rmed pa zhes bya ba ni bya bas g.yon? spyo ba med pa dag dang/ ma 'dres pa'i dus su rmed par mdzad pa'o/ /dus las yol bar mi rmed par zhes bya ba ni snga ma las bzlog pa'i dus su mi rmed pa ste/ dgos pa med pa'i phyir ro/ /don dang ldan pa rmed pa zhes bya ba ni bden pa mthong bar bya ba la sogs pa'i dgos pa dang ldan pa rmed par mdzad pa'o/ /don dang mi ldan pa mi rmed pas zhes bya ba ni dgos pa med pa'i phyir ro/ /sangs rgyas bcom ldan 'das kyis shes bya chu shing gi rim pa snyed thugs su chud kyang rim pa gcig tsam las bka' ma stsal to zhes bya ba'i phyir ro/ /chu lon gyis ldog par mdzad pa zhes bya ba ni chu lon lta bus mi mdzad par zlog par mdzad pa ste/ thugs rjes dang mkhyen pa gnyis kyis rtag tu nye bar gnas pa'i phyir ro/ /dus mkhyen pa yin pas zhes bya ba la/ gal te dus mkhyen pa nyid kyis ci zhig ston par byed ce na/ sangs rgyas kyi mdzad pa skra'i rtse mo brgyar bshags pa tsam yang nyams par mi mdzad de/ bcom ldan 'das ni 'dul ba la brten te/ nyin mtshan lan drug rnam par gzigs pa 'ba' zhig du ma zad kyi 'di ltar bstan pa gnas par bya ba'i phyir yang 'di la ngas rjes su gnang bar byed pa gang yin pa de ni rjes su gnang bar bya ba la phyir dgag par bya ba gang yin pa de ni phyir dgag par bya'o snyam du bstan pa la yang rnam par gzigs pa bstan to/ /lo lnga lon pa chos lnga dang ldan pas mi gnas par ljongs rgyun 'gro bar rjes su gnang ngo zhes bya ba ni gal te lo lnga yang lon pa lnga pa nyi shu rtsa gcig sngar bstan pa'i lnga pa tha ma dang yang ldan na gnas pa bcas par yang 'gro zhing rgyu bar bya'o/ /ci 'dir lo lnga lon pa nyid gtso bo yin nam/ 'on te lnga pa tha ma dang yang ldan pa nyid gtso bo yin zhe na/ 'dir gnyis ka yang gtso bo yin par bstan pa'i phyir sangs rgyas bcom ldan 'das la tshe dang ldan pa nye bar 'khor gyis zhus pa zhes bya ba la sogs pa gsungs te/ gal te lnga pa tha ma dang ldan yang lo lnga ma lon na des kyang 'gro bar mi bya la/ ci ste lo lnga lon yang lnga pa tha ma dang mi ldan na de lta na yang 'gro bar mi bya'o/ /gsum rig pa zhes bya ba ni rig pa gsum po sngon gyi gnas dang 'chi 'pho dang/ skye ba dang/ zag pa zad par shes pa dag dang ldan pa'o/ /dri ma gsum spangs la zhes bya ba ni 'dod chags dang zhe sdang dang/ gti mug gsum spangs pa la'o/ /lo lnga ma lags shing zhes bya ba ni rdzogs par bsnyen nas so/ /chos lnga dang mi ldan na zhes bya ba ni lnga pa tha ma dang ngo/ /nye bar 'khor mi bya'o zhes bya ba ni gal te lo lnga ma lon nam/ lo lnga lon yang lnga pa tha ma dang mi ldan na rig pa gsum po sngon gyi gnas dang/ 'chi 'pho dang/ skye ba dang/ zag pa zad pa shes pa dag dang ldan du zin kyang de lta na des nas ma bcas par ljongs rgyu zhing 'gro bar mi bya ste/ de lta bas 'dir ji ltar gsum rig pa yang ma gnang ba bzhin du gzhan la yang de kho na bzhin no/ /bar sdom la zhes bya ba ni sngar lnga pa nyi shu rtsa gcig bstan pa man chad dang go rim bzhin du sbyar ro/ /sngar sdom gyi tshigs su bcad pa las/ shA ri'i bu dang rab 'byung dang/ /rdzogs par bsnyen pa gnas pa dang/ /nye sdes tshogs ni bsdus pa dang/ /lnga pa'i sde tshan bsdus pa yin/ /zhes smos pa'i sde tshan bshad zin to/ /gnas kyi skabs rgya cher 'grel pa rdzogs so// // 'ba' zhig gi gan du rab tu 'byung bar 'dod pa 'ongs na des de la bar chad kyi chos rnams dris nas gzung bar bya'o zhes gang gsungs pa de'i phyir 'di man chad ni bar chad rnams brjod par bya'o/ /bar chad kyi chos rnams ni rnam pa gnyis ste/ kha cig na sdom ba skye ba la bar chad byed pa ste/ 'di lta ste ma gsod pa la sogs pa'o/ /kha cig ni mdzes pa la bar du gcad pa ste/ 'di lta ste lag ldum pa la sogs pa'o/ /gzhan yang bar chad kyi chos rnams ni rnam pa gnyis ste/ kha cig na lta ba'i rnam pa ste/ 'di lta ste mu stegs can ma yin nam zhes bya ba la sogs pa'o/ kha cig ni bya ba ste/ 'di lta ste rgyal pos bkrabs pa ma yin no/ zhes bya ba la sogs pa'o/ /de dag thams cad go rim bzhin du ston to/ /sdom la zhes bya ba ni sngar rab tu 'byung ba'i bzhi'i spyi sdom las mu stegs can zhes smos pa'i sdom gyi tshigs su bcad pa yin par rig par bya'o/ /mu stegs can rab tu/ byung pa dang rdzogs par bsnyen par mi bya'i byung ba'i mdza' bstan pa'i phyi sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ zhes bya ba la sogs pa gsungs so/ /rtsod pa zhes bya ba ni 'thab mo'o/ /song zhes bya ba ni bros pa ste/ de'i rjes su zhugs pa'i phyir ro/ /mi gti mug can zhes bya ba ni ma shes pa'o/ /gal te sangs rgyas bcom ldan 'das ni rjes su chags pa dang/ khong khro ba spangs pa yin na/ ci'i phyir bcom ldan 'das kyi gti mug can zhes smad pa'i tshig gis smad pa mdzad ce na/ bcom ldan 'das ni gdul ba'i rgyud dag la dgongs pas lag par bsgrubs pa mi mnga' mod kyi/ 'on te bya ba rnam par bzlog pa'i phyir smod par mdzad de mkhan po dang slob dpon dag slob ma dang nye gnas dag bsam pas log par bsgrub pa med kyang tshig drag po dag gis smos par byed pa dang 'dra'o/ /gya nom pa zhes bya ba na? ? ba ste/ mtho ris dang byang grol gyi bde ba bskyed pa'i phyir ro/ /yang na kun tu mdzes pa'i phyir ram thog ma dang bar ma dang/ tha mar dge ba'i phyir ro/ /lta zhes bya ba ni smad pa'i tshig go /bkres pa'i nyam chung la yongs su gzir ba zhes bya ba la/ bkres pa zhes bya ba ni zas 'dod pa ste/ bru ba tsha ba zhes bya ba'i tha tshig go /de'i nyam chung ba zhes bya ba ni ltogs pa nyid/ des yong su gzir ba zhes bya ba ni rmya ba'am ldan pa'o/ /bza' ba zhes bya ba ni la tu la sogs pa'o/ /bca' ba zhes bya ba ni la phug la sogs pa'o/ /gya nom pa zhes bya ba ni zhim po zhes bya ba'i tha tshig go /bshad pa zhes bya ba ni phyi sa'o/ /shAkya ma gtogs pa ni de dag nye du la byams pas bcos ma ma yin pa'i rnam pas bcom ldan 'das kyi bstan pa la 'jug pa'i phyir ro/ /me pa ral pa can ma gtogs pa ni de dag las smra ba nyid la sogs pa'i rgyus bcom ldan 'das kyis bstan pa mngon par dga' ba bskyed pa'i phyir ro/ /me pa zhes bya ba ni me la dad pas me pa ste/ me pa'i rigs dang dad pas yongs su sbyor bar zhugs pa dang/ mngon par brtson par gyur pa na mi pa zhes bya'o/ /ral ba can zhes bya ba ni skra ral par 'jog pa'i phyir ro/ nye du'i yongs su spang ba zhes bya ba ni yongs su spangs par bya ba gzhan dag las nye du rnams tha dad par bya'o/ /mkhan pos sbyar ba zhes bya ba ni mkhan pos sbyin pa'o/ /gnas pa zhes bya ba ni sems mgu bar bya ba'i phyir dge 'dun gyi drang du btag pa'i ched du gzhug par bya'o/ /'di skad ces brjod par bya'o zhes bya ba ni dge 'dun la gsol pa'i sngags 'og nas 'byung ba lan gsum bzlas pa dang sbyar ro/ /gsol bar bya ste las bya'o/ zhes bya ba ni gsol ba dang bzhi'i las so/ /zla ba bzhi po dag la zan dang gos gang nas sbyin par bya zhe na/ de'i phyir de'i zan ni dge 'dun las so/ zhes bya bar gsungs te/ mu stegs can zhes pa byin pa de'i zas ni dge 'dun gyi las sbyin par bya'o/ /gos gang nas she na/ de'i phyir gos ni mkhan po las so zhes bya ba gsungs te/ gos ni mkhan pos sbyin par bya'o/ /zan dang gos 'byor nas des ci zhig bya zhe na/ de'i phyir las ni dge tshul gyi gral rims bzhin du bya'o/ /zhes bya ba gsungs te/ de dge tshul dag pas kyang ches gzhon pa'i phyir gzhon pa thams cad kyi las su bsgo ba gang yin pa de des bya'o/ /sems mgu bar ma gyur pa'i mu stegs can rab tu dbyung ba dang rdzogs par bsnyan par mi bya'o zhes gsungs na/ de ji tsam gyis na sems mgu bar gyur par rig par bya zhe na/ de bstan pa'i phyir/ sangs rgyas bcom ldan 'das la tshe dang ldan pa nye bar 'khor gyis zhus pa zhes bya ba la sogs pa gsungs so/ /sangs rgyas kyis bsngags pa brjod par bya zhes bya ba ni yon tan yang dag pa ji lta ba bzhin du brjod par bya ba ste/ 'di ltar bcom ldan 'das ni zhes bya ba la sogs pa'o/ /chos kyi bsngags pa yang dag par brjod par bya zhes bya ba yang yon tan yang dag pa ji lta ba bzhin du brjod par bya ba ste/ bcom ldan 'das kyi chos rnams ni legs par gsungs pa zhes bya ba la sogs pa'o/ /dge 'dun gyi bsngags pa yang dag par brjod bar bya zhes bya ba ni yang yon tan yang dag pa ji lta ba bzhin du brjod par bya ba ste/ bcom ldan 'das kyis nyan thos kyi dge 'dun ni legs par zhugs pa zhes bya ba la sogs pa'o/ /mu stegs can rnams kyi bsngags pa ma yin pa yang dag par brjod par bya zhes bya ba ni skyon yang dag pa ji lta ba bzhin du brjod par bya ba ste/ nyes par bshad pa'i chos can zhes bya ba la sogs pa'o// gnad par byed/ 'khrug par byed/ khong khro bar byed ces bya ba ni g.yo ba'i rgyu chung ngu dang/ 'bring dang/ chen po'i bye brag go /yul yul por 'dug par byed ces bya ba ni bya ba dag la bag 'khums shing sems zhum par 'dug pa'o/ /khro ba skyes par byed ces bya ba ni khro ba yang dang yang du mngon du byed pa'o/ /de ci'i phyir zhe na zhes bya ba ni gzhi de don gang gi phyi zhes bya ba ste/ de'i rgyu gang yan zhes bya ba'i tha tshig go /las smra ba zhes bya ba ni sngon gyi las dge ba dang mi dge ba'i 'bras bu smra ba'i phyir ro/ /bya ba smra ba zhes bya ba ni skyes bu'i rtsal gyi 'bras bu bskyed pa/ lus dang/ ngag dang/ yid kyi las kyi ngo bo nyid kyi bya ba smra ba'i phyir ro/ /rgyu smra ba zhes bya ba ni/ 'bras bu rgyu bas/ sngar 'byung ba dang/ lhan cig 'byung ba dang/ skad cig ma gsum la sogs pas bar du chod pa 'gog pa smra ba'i phyir ro/ /kha cig na re rtag pa'i rgyu dang mi mthun pa'i rgyu dang/ mthong ba'i rgyu dang/ 'og par smra ba'i phyir ro/ /zhes zer ro/ /brtson 'grus smra ba zhes bya ba ni/ bskyed pa'i rgyu'i tshogs pa smra ba'i phyir ro/ /'di skad ces bstan te/ rab tu 'byung ba'i phyir/ nye bar 'ongs pa la/ mu stegs can/ ma yin nam/ zhes dri bar bya zhing rdzogs par bsnyen par byed pa dag gis kyang dris par bya ste dris pa na/ gal te de bdag mu stegs can yin no zhes zer na/ shAkya dang me pa ral pa can ma gtogs pa sems mgu bar ma gyur pa'i mu stegs can rab tu dbyung ba dang rdzogs par bsnyen par mi bya'o/ /ji tsam gyis sems mgu bar rig par bya zhe na/ dkon mchog rnams kyi sngags pa dang/ mu stegs can rnams kyi bsngags ma yin pa yang dag par brjod pa na mi g.yo ba nyid ni sems mgu bar gyur pa nyid yin no/ /sems mgu bar gyur pa nyid yin na dge bsnyen nyid du byas te/ de la dge 'dun gyi las kyis gnas byin la/ zla ba bzhir gnas par bya'o/ /de'i 'og tu rab tu dbyung zhing rdzogs par bya'o/ /shAkya dang me pa ral pa can ni rab tu dbyung ba'i phyir nye bar 'ongs na/ rab tu dbyung zhing rdzogs par bsnyen par bya'o zhes bstan to/ gang gi phyir bar chad rnam pa gnyis po re zhig pa dang/ gtan du ba zhes gsungs pa la/ de re zhig pa bstan par bya ste/ de gal lo nyi shu mtshang ba rdzogs par bsnyen par mi bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs sa zhes bya ba la sogs pa gsungs so/ /sar pa zhes bya ba ni rdzogs par bsnyen na sa ring po ma lon pa'i phyir ro/ skyes phran zhes bya ba ni lus las su rung ba'o/ /gzhon nu zhes bya ba ni na tshod gsar pa'o/ /bcu bdun sde'i tshogs zhes bya ba ni bcu bdun po dag bsdebs shing 'grog pa pa'i tshogs so/ /tho rangs kyi dus zhes bya ba ni skya rengs dang po 'char dus zhes bya ba'i tha tshig go /kun dga' ra ba'i nang na zhes bya ba ni gtsug lag khang gi nad na'o/ /sdig sprul zhes bya ba ni sprul la sogs pa'o/ /tshig gi lam zhes bya ba ni thal mo'i lam zhes bya ba'i tha tshig go / ngan pa smra ba zhes bya ba ni mi snyan par zher 'debs pa'i ngo bo nyid do/ /ngan pa 'ongs pa zhes bya ba ni skur pa 'debs pa'i rang bzhin no/ /sdug bsngal zhes bya ba ni mi 'dod pa'o/ /mi bzad pa zhes bya ba ni shas chen po dang ldan pa'o/ rtsub pa zhes bya ba ni dang po byung ba mnag par mi bzod pa'o/ /tsha ba zhes bya ba ni mthar yang nag par mi bzod pa'o/ /yid du 'ongs pa zhes bya ba ni dran pa'i dus na yid ma bde ba bskyed pa'o/ /srog 'phrog par byed pa zhes bya ba ni srog gi dbang po 'phrog par byed pa'o/ / byung ngo cog ces bya ba ni mthar chags su 'byung ba dang ldan pa'o/ /mi bzod ces bya ba ni lus kyis so/ /zag pa zhes bya ba ni 'dod chags la sogs pa nyon mongs pa dag go /ji mnyam pa zhes bya ba ni brtsal ba'o/ /nyes dmigs zhes bya ba ni nyes pa'o/ /'gal tshabs can zhes bya ba ni nyes pa dang bcas pa'o/ /lo bco lnga ma lon pa rab tu dbyung bar mi bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyis kun dga' ra ba na bzhugs so zhes bya ba la sogs pa gsungs so/ /nyi ma gnyis sam gsum zhes bya ba ni nyi ma rangs par bgrang pas ni gnyis so/ /nyi ma dum bu bgrang bas ni gsum mo/ /kun tu spyad pa'i zhes bya ba ni kun du tha snyad bya pa'i 'o/ /chos dag ces bya ba ni cho ga dag go / ri dags zhes bya ba rab tu byung ba rnams ri bdag dang 'dra ba'i phyir ro/ /rgya chel zhes bya ba ni go skabs spangs pa bstan to/ /rang gi spyod yul zhes bya ba ni bkag pa med par bstan to/ /spyod yul ni yul lo/ /yab kyi yin gyis zhes bya bas ni ston pas rjes su gnang ba nyid bstan to/ /bsod snyoms bsgrubs la zhes bya ba ni slongs mo'i zas bsgrubs la zhes bya ba'o/ /'tshe bar gyis shig ces bya ba ni srog ba zung bar gyis shig ces bya ba'o/ /srang zhes bya ba ni tshong 'dus so/ /khur ba zhes bya ba ni bag chos kyi bye brag go / yab ces bya ba ni pa'o/ /rin ma mchis par zhes bya ba ni de bzhin du'o/ /karSha pa Na zhes bya ba ni pa Na'o bye brag ste/ mngon mtshan can yin ni dngul las byas pa yin no/ /bsogs pa zhes bya ba ni khyim pa'i tshe'o/ / 'ga' zhig gi gan du rab tu 'byung bar 'dod pa 'ongs na des de la lo bco lnga lon nam zhes dri bar bya'o zhes dri bar bya ba ni rab tu 'byung bar 'dod pa rab tu 'byung ba'i phyir ro/ /'ongs pa la mkhan pos ci khyod lo bco lnga lon nam zhes dri bar bya zhing lo bco lnga ma lon pa rab tu 'byung bar mi bya'o/ /lo bco lnga ma lon pa bya rog skrod mi nus pa dang/ bya rog skrod nus lo bdun ma lon pa rab tu dbyung bar mi bya ba'i byung ba'i mdza' ni 'og nas ston to/ /sdom la/ dge tshul gnyis dang bran dang ni zhes bya ba la sogs pa ni sngar rab tu 'byung ba'i gzhi'i spyi sdom las dge tshul gnyis dang zhes smos pa'i sdom gyi tshigs su bcad pa yin par rig par bya'o/ /ci dper na gnas gcig gis gnas rdzogs par bsnyen pa mang po dag nye bar 'jog par byed pa de bzhin du des dge tshul mang po dag kyang bzhag par bya 'am zhe na ma yin te/ de'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /gzhog ste ces bya ba ni ha cang brtad par mi 'jug cing btsun spu ma nyams par 'do? sgeg dang kun tu rtse ba la sogs pa lus dang ngag gi las so/ /'phyar g.yeng zhes bya ba ni shin tu brtad par 'jug cing 'khyung pa dang 'o phyed pa la sogs pa'i rtal bag byed pa'i/ /lus la brdegs pa zhes bya ba ni phan tshun bzhad gang byed pas lag pas brdeg par byed pa'o/ /de nyid bstan pa'i phyir 'di lta ste dper na zhes bya ba la sogs pa gsungs so/ dge tshul gnyis nye bar bzhag par mi bya'o zhes bya ba ni dge tshul gcig las lhag pa dge tshul gnyis pa la sogs pa nye bar bzhag par mi bya ba'o/ /'di ni drung du nye bar 'jog pa bkag pa yin gyi rab tu dbyung ba bkag pa ni ma yin no/ /ji ltar dge tshul gnyis pa la sogs pa nye bar bzhag pa bkag pa ltar ji ltar rab tu dbyung ba yang gnyis pa la sogs pa mi bya 'am zhe na/ ma yin te/ de'i byung ba'i mdza' bsten pa'i phyir gzhan spun gnyis shig 'ongs te zhes bya ba la sogs pa gsungs so/ /gal te spun gnyis shig 'ongs te bdag cag gnyis cig car lhan cig tu rab tu dbyung bar bya'o zhes des par byas te lhags na rab tu dbyung bar bya'o zhes bya ba ni rab tu 'byung bar 'dod pa gnyis shig bdag cag gnyis cig car lhan cig tu rab tu 'byung bar bya'o zhes de ltar nges par bya ba ste/ rab tu 'byung ba'i phyir 'ongs pa de gnyis gal te so so tha dad par rab tu byung bar mi 'dod de'i tshe gnyis ka rab tu dbyung bar bya ba'o/ /rab tu byung nas gal te lo nyi shu ma lon na rdzogs par bsnyen par bya'o zhes bya ba ni gnyis ka'o/ /gal te gcig lo nyi shu lon na de rdzogs par bsnyen par bya zhes bya ba ni gnyis ka rab tu phyung nas dge tshul nas rgan shos rdzogs par bsnyen par bya'o/ /gal te rgan du zin kyang lo nyi shu lon na de'i tshe ji ltar bya zhe na/ de'i phyir gal te gnyis ka lo nyi shu ma lon na gcig bdag nyid kyis nye bar bzhag par bya zhing cig shes dge slong grogs po 'ga' la gtad par bya'o zhes bya ba gsungs te/ dge tshul gang yang rung ba de rgan du zin kyang gal te lo nyi shu ma lon par gyur na de'i che de gnyis las gcig dge slong gzhan la re zhig gi gnas kyi don du gtad par bya'o/ /ci de gang la re zhig gi gnas kyi don du gtad pa de'i yin pa kho nar 'gyur ram zhe na/ mi 'gyur te/ de'i phyir de gang gi yin pa des rdzogs par bsnyen par bya'o zhes bya ba gsungs te/ dge tshul de thog ma rab tu 'byin pa'i mkhan po gang yin pa des rdzogs par bsnyen par bya'i gang la gtad pa des dbrog par mi bya'o/ /gal te mi ster na ji ltar bya zhe na/ de'i phyir mi ster ba las mthus dgug par bya'o zhes bya ba gsungs te/ mi ster ba las mthus dgug ste/ dang po'i mkhan po nyid kyis rdzogs par bsnyen pa'o zhes bya bar sbyar ro// //bran rab tu dbyung ba dang rdzogs par bsnyen par mi bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /mkhas pa zhes bya ba ni myur du byed pa dang ldan pa'o/ /le lo med pa zhes bya ba ni le lo can ma yin pa'o/ /sgrub phod pa zhes bya ba ni bya ba dag la rtsom pa'i phyir mthu dang ldan pa'o/ /'phral gyi bya ba zhes bya ba ni bya ba phran tshegs so/ /sngon du 'gro ba zhes bya ba ni thog mar 'gro pa'o/ /spyis zhes bya ba ni smad pa'o/ /mgu dka' ba zhes bya ba ni sems gzar bar mi nus pa'o/ /gzhon nu'i yongs su spangs pa zhes bya ba ni rgyal po'i bu dang 'dra bar zil gyis non pa yongs su spang ba'o/ /brtson pa zhes bya ba ni dgra bcom pa nyid thob par bya ba'i phyir lung nod pa nyan pa'o/ /'bad pa zhes bya ba ni lung mnos pa de sems pa'o/ /brtsal ba zhes bya ba ni lung mnos pa de bsgom pa'o/ /dgra bcom pa zhes bya ba ni nyon mongs pa'i dgra bcom pa 'am yang mi skye ba 'am 'dod chags dang bcas pa thams cad kyis mched par 'os pa'o/ /de ci 'dra ba zhig ce na/ de'i phyir/ khams gsum pa las 'dod chags pa bral zhes bya ba la sogs pa gsungs te/ 'dod pa dang/ gzugs dang gzugs med pa zhes bya ba'i khams gsum po dag tu spyod pa dang/ bsdus pa dang/ 'gro ba'i phyir khams gsum pa ste 'gro ba mdza' dag go /de las 'dod chags dang bral zhes bya ba ni khams gsum pa las 'dod chags dang bral ba'o/ /bong ba dang gser du mnyam pa zhes bya ba ni gang la bong ba dang gser dag mnyam pa'i blo yod pa'o/ /nam mkha' dang lag mthil du mtshungs pa'i sems dang ldan pa zhes bya ba ni gang la nam mkha' dang lag mthil du mtshungs pa'i sems yod pa ni bdag dang bdag gi la chags pa med pas de ni nam mkha' dang lag mthil du mtshungs pa'i sems dang ldan pa yin no/ /tsan dan bzhag pa lta bu zhes bya ba ni tsan dan bdar ba zhag lon pa bsil bar gyur pa dang 'dra bar nyon mongs pa nyid kyis bsil bar gyur pa de ni tsan dan bzhag pa lta bu zhes bya'o/ /rig pas zhes bya ba ni zag pa med pa'i shes pas so/ /sgo nga'i spubs zhes bya ba ni 'khor ba sgo da lta bu'i spubs zhes bya ba dkris pa ma rig pa'i mtshan nyid do/ /dral bar gyur cing zhes bya ba ni bcom par gyur pa ste/ gang gi zag pa med pa'i shes pas 'khor ba sgo nga'i spubs g.yogs bcom par gyur pa de ni rig pas sgo nga'i spubs dang? la 'gyur pa zhes bya ba'o/ /rig pa zhes bya ba ni gsum mo/ /mngon par shes pa zhes bya ba ni drug go / so so yang dag par rig pa zhes bya ba ni bzhi'o/ /thob pa zhes bya ba ni gang gi rig pa gsum dang/ mngon par shes pa drug dang/ so so yang dag par rig pa bzhi thab pa de ni rig pa dang/ mngon par shes pa dang/ so so yang dag par rig pa thob pa'o/ /min pa dang 'dod pa'i rnyed pa dang bkur sti la rgyab kyi phyogs pa zhes bya ba ni srid pa dag dang 'dod pa'i rgyur gyur pa'i rnyed pa dag dang bkur bsti dag la mi phyogs par gyur pa'o/ /dbang po zhes bya ba ni brgya byin no/ /nye dbang zhes bya ba ni nyi ma bcu gnyis dang/ nor lha brgyad dang/ tha skar gyi bu gnyis dang/ drag po bcu gcig ste/ spyir sum cu rtsa gsum mo zhes 'jig rten pa dag zer ro/ /mchod par bya ba ni chos gos la sogs pa dag gis te/ mchod par 'os pa yin pa'i phyir ro/ /brjod par bya ba zhes bya ba ni phyag la sogs pa dag gis so/ /mngon du smra bar bya ba zhes bya ba ni gus par smra ba la sogs dag gis so/ /'gyod pa skyes nas zhes bya ba ni yid la gcags par gyur pa'o/ /bya ba thams cad kyi mnga' bdag ces bya ba ni don thams cad la dbang thob pa'o/ /khrig ma nas shes bya ba ni khrig ma'i tshigs nas so/ /dge sbyong gi tshul zhes bya ba ni thar pa'i thabs su gyur pa'i dal ba'o/ /tshig pa zhes bya ba ni chud zos pa'o/ /bram ze'i tshul zhes bya ba ni lus dang ngag yid kyis nyes par spyod pa spangs pa'o/ /bran rab tu dbyung bar mi bya'o zhes bya ba ni 'ga' zhig gi gan du rab tu 'gyur bar 'dod pa 'ongs na des de la bran ma yin nam zhes dri bar bya zhing rdzogs par bsnyen par byed pa dag gis kyang dri bar bya ste bran rab tu dbyung ba dang/ rdzogs par bsnyen par mi bya'o/ /bu lon can rab tu dbyung ba dang rdzogs par bsnyen par mi bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /bu lon chags pa zhes bya ba ni bu lon gzhal bar bya ba'o/ /dngos zhes bya ba ni gzhi'o/ /bskyed ces bya ba ni 'phel lo/ /mtshor ba kho nar zhes bya ba ni ma sgo bar te gya chom du zhes bya ba'i tha tshig go /mgu dka' bar gyur pas zhes bya ba ni mthu dang ldan pas de tha snyad bya ba'i phyir drung du 'gro dka' bas zhes bya ba'i tha tshig go / bu lon chags pa ma yin nam zhes dri bar bya'o zhes bya ba ni 'ga' zhig gi gan du rab tu dbyung bar 'dod pa 'ongs na des nga la khyod la la la'i bu lon mang yang rung nyung yang rung cung zad chags pa med dam zhes dri bar bya zhing rdzogs par bsnyen par byed pa dag gis dri bar bya ste/ bu lon can rab tu dbyung ba dang rdzogs par bsnyen par mi bya'o/ /bu lon can thams cad rab tu dbyung bar mi bya ba yang ma yin te/ gang 'di skad du rab tu byung ngam/ rdzogs par bsnyen nas phyis bu lon 'jal nus so zhes dam 'cha' bar byed pa de ni rab tu dbyung bar bya'o/ /bye brag 'di ni bar chad dri ba'i sngags las snang ste/ sngags las 'di skad ces khyod la la la'i bu lon mang yang rung nyung yang rung cung zad chags? pa med dam rab tu 'byung dam rdzogs par bsnyen nas 'ja' nus sam/ zhes gsungs pa'i phyir ro/ /rab tu 'byung bar 'dod pa pha ma gson zhing de gnyis kyis ma gnang ba yul thag mi ring ba zhag bdun bsral bar bya ba dang/ pha mas gnang ba dang/ pha mas gnang ba yul thag ring ba 'phral du rab tu 'byung bar bya ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi cha la mgon med zas sbyin gyi kun dga' ra ba na bzhugs so zhes bya ba la sogs pa gsungs so/ skyabs su 'gro ba dang bslab pa'i gzhi dag byin nam zhes bya ba ni dag bsnyen du nye bar bsgrubs nas so/ /khye'u 'di 'dra zhes bya ba ni/ bdag dang dbyibs kyi sgo nas rnam pa 'di 'dra ba zhig go /spu gri thogs pa 'ba' zhig gis sdod dam zhes bya ba ni spu gri 'ba' zhig thogs te sdod na/ khyed cag la las gzhan med dam zhes bya ba'i tha tshig go /kye ma zhes bya ba ni 'dod pa'i tha tshig go /rab tu 'byung bar 'dod pa pha ma gson zhing de gnyis kyis ma gnang ba 'ongs na zhag bdun nam brgyad bsrel bar bya'o zhes bya ba ni rab tu 'byung bar 'dod pa'i gang gi pha ma gnyis gson zhing de gnyis kyis ma gnang ba 'ong na zhag bdun bsrel bar bya ste/ 'ongs ma thag tu rab tu dbyung bar mi bya ba'i tha tshig go / gal te pha ma gnyis las gcig gson zhing des ma gnang na yang de'i tshe kho na bzhin du bsgrub par bya'o/ /yul thag ring ba zhes bya ba ni yul gang du rgyal po'i tshig mngon sum 'am/ brgyud pa 'da' bar byed pa'i yul de nas skyes pa'o/ /pha mas gtam yang mi thos pa zhes bya ba ni yul thag ring ba nas skyes pa'i phyir pha mas gtam dris kyang ma thos pa'o/ /rab tu dbyung bar bya ste/ zhes bya ba ni pha mas gnang ba dang/ pha mas ma gnang ba yul thag ring po pha mas gtam yang mi thos pa gang dag 'ongs pa de dag ni zhag bdun bsrel mi dgos par 'ongs ma thag tu rab tu dbyung bar bya'o zhes bya ba'i tha tshig go / rab tu dbyung bar 'dod pa dge 'dun la ma zhus par rab tu dbyung bar mi bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /bu lon 'jal bar byed pa zhes bya ba ni bu lon khor bar byed pa'i phyir ro/ /nor spyod pa zhes bya ba ni nor la longs spyod par byed pa'i phyir ro/ /zod zhes bya ba ni btsod bar bya ba'i rdzas so/ /tshul ma yin pas sdug bsngal bar gyur ces bya ba ni mi rigs pa 'ga' zhig gis shi bar gyur pa'o/ /nye du'i mthu zhes bya ba ni nye du dag las bslangs pa'o/ /lag mthus zhes bya ba ni dog pa bkal ba la sogs pas nor bsgrubs pas so/ /bsod snyoms ces bya ba ni zas dang skom la sogs pas bde bar bstabs pa'o/ /gsos zhes bya ba ni rtas dang rgyu khrus dang/ dril phyis dang/ sku mnye la sogs pa dag gis rtas par byas pa'o/ /bskyed ces bya ba ni phyi rol gyi gnod pa dag las legs par gsungs pa'o/ /phyi rol gyi bstan bcos zhes bya ba ni rda sprod pa la sogs pa'o/ /bdag nyid las byung ba'i ngo tsha shes pa ni bdag nyid la ltos pa yin pa'i phyir ro/ /phyi rol las byung ba'i khrel yod pa zhes bya ba ni khrel yod pa gzhan la ltos pa yin pa'i phyir ro/ /shed bskyed ces bya ba ni dga' bar byed pa'o/ /dka' thub kyi tshal zhes bya ba ni bsti gnas stong pa dag go /mu stegs kyi gnas zhes bya ba ni rab tu byung ba'i gnas stong pa dag go / dge 'dun la ma zhus par rab tu 'byung bar mi bya'o zhes bya ba ni rab tu dbyung bar 'dod pa pha ma gson zhing de gnyis ma gnang ba yul thag mi ring ba zhag bdun bsrel ba dang/ yul thag ring ba yang dge 'dun la ma zhus par rab tu dbyung bar mi bya ba'o/ /dge 'dun la zhu ba ni rkun po zhes bya ba'i tshig gis skur pa 'debs pa spang pa'i phyir ro/ /kha cig na re dge 'dun la zhu ba ni dge 'dun tshogs pa la zhu dgos pas dge 'dun ma tshogs kyi bar du bsdad pa dang/ tshogs pa'i tshe yang dge slong kha cig phyir ldog pa la sogs pa byed pas dus 'gyangs la de'i tshe pha ma 'ongs nas dris nas ster na rab tu dbyung bar bya/ mi ster na phyir gtang bar bya ba'i phyir dge 'dun la zhu ba bka' stsal to zhes zer ro/ /nad pa rab tu dbyung ba dang rdzogs par bsnyen par mi bya ba'i byung ba'i mdza' bstan pa'i phyir/ sangs rgyas bcom ldan 'das rgyal po'i khab na 'od ma'i tshal bya ka lan da ka'i gnas na bzhugs so zhes bya ba la sogs pa gsungs so/ bor zhes bya ba ni spangs te'o/ /'tsho byed ces bya ba ni rgyal po gzugs can snying po 'tsho 'am zhes bya ba'i tshig gis kun tu spyod pa'i phyir ro/ /gzhon nus gsos zhes bya ba ni rgyal bu gzhon nu 'jigs med kyis gsos pa'i phyir ro/ /de'i ming gzhan de nyid gzhung 'di las 'og nas byung ngo/ /gso zhes bya ba ni nad par bya'o/ /gso dka' zhes bya ba ni bsgrub dka' ba'o/ /rigs mchog ces bya ba ni rigs kyi gtso bo ste bram ze zhes bya ba'i tha tshig go /rigs sna tshogs can zhes bya ba ni bram ze dang/ rgyal rigs dang/ rje'u rigs dang/ dmangs rigs dang ldan pa'o/ /rtswa ka sha zhes bya ba ni rtswa'i rnam pa'o/ /ku sha zhes bya ba ni rtswa'i rnam pa rnon po ste/ rtswa dar b+ha zhes bya ba'i tha tshig go /'khun zhes bya ba ni 'khun sgra 'byin pa'o/ /mi dga' zhes bya ba ni yid la gcags pa'o/ /nad brang zhes bya ba ni nad pa'i brang ngo/ /ma blangs pa zhes bya ba ni ma thogs pa'o/ /len par mi byed ces bya ba ni thogs par mi byed pa'o/ /blangs pa zhes bya ba ni thogs pa'o/ /mthar phyin par byed ces bya ba ni gnas su phyin par byed pa'o/ /lci zhes bya ba ni ngan pa ste/ gso dka' ba zhes bya ba'i tha tshig go / dge slong gi 'bras bu bzhi zhes bya ba ni rgyun du zhugs pa dang/ lan cig phyir 'ong ba dang/ phyir mi 'ong ba dang/ dgra bcom pa nyid do/ /de la dge sbyong ni zag pa med pa'i lam mo/ /des nyon mongs pa zad par byas pa ni 'bras bu ste/ 'dus byas dang 'dus ma byas kyi bye brag gis rnam pa gnyis so/ /dad pas sbyin par bya ba zhes bya ba ni dad pa can dag gis dad pas byin pa ste zas la sogs pa'o/ /chud gzan nas zhes bya ba ni bu lon bskyed pas gzan nas so tshul ma yin pas sdug bsngal skyed par byed ces bya ba ni legs par gsungs pa'i chos 'dul ba las nyams pas sems can dmyal ba la sogs pa'i sdug bsngal skyed par byed ces bya ba'i tha tshig go / de'i tshig ma yin par byas te zhes bya ba ni de'i tshig bcag ste'o/ /byas pa shes pas zhes bya ba ni drin gzos pas so/ /'di ni bdag gi bya ba yin gyis zhes bya ba ni bdag gi las kho na yin pas ste/ bcom ldan 'das kyi spyan sngar smra bar bya ba kho na yin gyis zhes bya ba'i tha tshig go /mdzod ces bya ba ni dbyig dang gser la sogs pa'i mdzod do/ /bde ba zhes bya ba ni 'bras la sogs pa'i 'bru'i bang ba'o/ /srabs zhes bya ba ni 'gribs pa nyid kyis so/ /yongs su pas zhes bya ba ni rgyud chad pas so/ /yongs su gtugs zhes bya ba ni gzhan mi 'byung bas so// ngal zhes bya ba ni bya ba mang bas so/ /dge ba'i phyogs kyang yongs su nyams par 'gyur bas zhes bya ba ni bsam gtan dang bklag pa dag yongs su nyams par 'gyur bas so/ /dran par bgyi zhes bya ba ni bslab pa'i gzhi bca' ba ste 'dis dran par byed pa'i phyir ro/ /nad pa ma yin nam zhes dri bar bya'o/ zhes bya ba ni 'ga' zhig gan du rab tu 'byung bar 'dod pa 'ongs na des de la nad pa ma yin nam zhes dri bar bya'o/ /khyod la gang yang rung ba med dam zhes byar yang rung ngo/ /rdzogs par bsnyen par byed pa dag gis ni bye brag tu dri bar bya ste/ de yang bar chad dri ba'i sngags las mi rnams la lus kyi nad rnam pa 'di lta bu 'byung ba 'di lta ste/ mdze dang/ 'bras dang zhes bya ba la sogs pa'i bye brag tu dris dgos pa'i phyir ro/ /rab tu 'byung bar 'dod pa pha mas ma gnang ba rab tu dbyung mi bya ba dang/ pha mas ma gnang ba yul thag ring po ni rab tu dbyung bar bya ba'i byung ba'i mdza' bstan pa'i phyir/ sangs rgyas bcom ldan 'das ser skya'i gnas n+ya gro d+ha'i kun dga' ra ba na bzhugs so zhes bya ba la sogs pa gsungs so// ser skya'i gnas zhes bya ba ni grong khyer te/ drang srong ser skyas gnas par byas pa'i phyir ro/ /n+ya gro d+ha'i kun dga' ra ba na zhes bya ba ni gtsug lag khang ste/ shing ljon pa'i n+ya gro d+has mchod pa'i skyed mos chel du gtsug lag khang brtsigs pa'i phyir ro/ / de dag kyang gzhung 'di nyid las 'og nas 'byung ngo/ /khyim dag nas re re nas zhes bya ba ni khyim re re nas re re rab tu phyung ba'o/ /shAkya mo zhes bya ba ni shAkya'i chung ma'o/ /non zhes bya ba ni gdungs nas so/ /snying rje rje skad du zhes bya ba ni shin tu yid la gcags shing ngo/ /zas gtsang zhes bya ba ni btsas pha'i tshe phas slongs mo pa dag la zas 'ba' zhig gi sbyin pa sbyin pa'i phyir ro/ /bdag la dam pa 'os so zhes bya ba ni bdag la yid la bsams pa'i don 'grub pa'i dam pa brtsal bar 'os? so zhes bya ba ste/ 'di ltar bdag ni khyod kyi yab yin la/ bdag kyang rigs pa gsol ba'i phyir ro snyam du bsams pa'o/ /dam pa las 'das pa zhes bya ba ni de bzhin gshegs pa rnams ni dam pa sbyin pas 'dul ba rnams rjes su 'dzin par mi mdzad de/ de dag ni dam pa sbyin pa'i lha dang drang srong la sogs pa dag las 'das pa'i phyir/ kho na zhes bya ba ni nges par gzung ba'o/ /'phags pa rnams kyis bsnyes sla ba gang lags pa'o zhes bya ba ni sangs rgyas bcom ldan 'das rnams kyis stsal spyod pa'i dngos po gang lags pa ste/ 'phags pa dag rigs kyi bu mo pha mas ma gnang ba rab tu 'byin par mi byed pa de ni rgyal po'i yid la bsams pa yin la/ de ni 'phags pa rnams kyis stsol spyod do zhes bya ba'i tha tshig go /nam mkha' i ngos na rgyu zhing zhes bya ba ni nam mkha' i dkyil nas 'gro zhing ngo/ /gling bzhi dag du zhes bya ba ni 'dzam bu'i gling dang/ shar gyi lus 'phags dang/ nub kyi ba lang spyod dang/ byang gi sgra mi snyan zhes bya ba dag tu'o/ /rjes su 'chi 'o snyam pas zhes bya ba ni 'gro'o snyam pa ste/ phab nas longs spyad par bya'o snyam pas zhes bya ba'i tha tshig go /bde ba zhes bya ba ni lus kyi'o/ /yid bde ba zhes bya ba ni sems kyi'o/ /mi chung ba zhes bya ba ni chen po'o/ /ma mchis par gyur to zhes bya ba ni med par gyur pa'o/ /re ba tsam gyur pa zhes bya ba ni re ba cung zad byung ba'o/ /stobs kyis 'khor los sgyur ba zhes bya ba ni dpung gi tshogs dang ldan pas 'dzam bu'i gling du rgyal srid byed 'jug pa'o/ /sgra gcan zin bzang po zhes bya ba ni sgra gcan nyid do/ /dngos btsan pa zhes bya ba ni bsod nams kyi mthu dngos 'jug na yul dbus su rgyal srid byed du 'jug nus pa ste/ mthu stobs dang ldan pa zhes pa'i tha tshig go /bag dro bar gyur pa zhes bya ba ni byams pa'i 'am yid rton pa'o/ /'dir don ni 'di yin te/ ji ltar bdag bu dang tsha bo dag la re zhig byams pa bzhin du gzhan dag kyang de bzhin pas/ de'i phyir pha mas gnang na rab tu dbyung bar rigs so zhes bya ba'i tha tshig go /pha mas ma gnang ba yul thag ring po pha mas gtam yang mi thos pa dag las 'ongs pa de dag ni rab tu dbyung bar bya ste zhes bya ba ni 'ga' zhig gi gan du rab tu 'byung bar 'dod pa 'ongs na des de la pha mas gnang ngam zhes dri bar bya zhing/ rdzogs par bsnyen par byed pa dag gis kyang dri bar bya ste/ pha mas ma gnang ba rab tu dbyung ba dang rdzogs par bsnyen par mi bya'o/ /yul thag ring ba ni ma gtogs so/ /sdom la bya rog skrod ces bya ba la sogs pa ni sngar rab tu dbyung ba'i gzhi'i spyi sdom las/ bya rog skrod ces gsungs pa'i sdom gyi tshigs su bcad pa yin par sbyar ro/ /rab tu 'byung bar 'dod pa lo bdun ma lon pa bya rog skrod mi nus rab tu mi nus pa rab tu dbyung bar mi bya zhing/ de las bzlog pa rab tu dbyung bar gnang ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /'phags skyes po zhes bya ba ni phyis mos ma la 'dis ko sa la'i rigs rnam par 'phel bar 'gyur ro zhes smras pa'i phyir ro/ /'khon med pa zhes bya ba ni yid sdang ba med pa'o mi 'gran pa zhes bya ba ni gnod pa mi byed pa'o/ /mi 'khu ba zhes bya ba ni mi rku ba'o/ /de dang de na zhes bya ba ni lam po che la sogs pa na'o/ /zong bsgyur nas zhes bya ba ni tsong btsongs nas so/ /mchi mas brnangs zhes bya ba ni mchi ma dang bcas par du bas mgul ba brdzangs pa'o/ /sdud ces bya ba ni 'jog pa'o/ /phyir 'byung na zhes bya ba ni grong khyer la sogs pa nas so/ /lhung bzed kyi lhag ma zhes bya ba ni pham babs so/ /skya bo bseng bseng po zhes bya ba ni nang las gyur pa bzhin du mdog skya por gyur pa'o/ /ring pa zhes bya ba ni ma rgyas pa'o/ /nyam chung ba zhes bya ba ni stobs nyams pa'o/ /rke ba zhes bya ba ni pags pa skams pa'o/ /skam pa zhes bya ba ni sha nyams pa'o/ /lus ma thob pa zhes bya ba ni brtson pa med pa'o/ /rab tu 'byung bar 'dod pa dge 'dun gyis zan sbyin par rjes su gnang ngo zhes bya ba ni zhag bdun bsrel bar bya ba la sogs pa'i skabs su dge 'dun zan byin na rung ba'o/ /skos ma la zhes bya ba ni spyi bungs kyi gnas sam tshang mang ngo/ /lo bdun pa bya rog skrong nus pa yongs su spang bas rab tu dbyung bar rjes su gnang ngo zhes bya ba ni rab tu dbyung bar 'dod pa lo bco lnga ma lon pa lo bdun lon pa bya rog skrong nus na de rab tu dbyung bar gnang ba'o/ /'di skad bstan te/ rab tu dbyung bar 'dod pa lo bco lnga ma lon pa bya rog skrong mi nus pa rab tu dbyung bar mi bya'o/ /bya rog skrong nus kyang lo bdun ma lon na rab tu dbyung bar mi bya'o/ /gal te lo bco lnga 'am lo bdun lon la bya rog skrong kyang nus na de ni rab tu dbyung bar bya'o/ /yid byung ba ni bsdigs pa'o/ /gcod pa zhes bya ba ni thad kar gcod pa'o/ /'chag pa zhes bya ba ni tshal ba gnyis su 'cheg pa'o/ /brdung ba zhes bya ba ni til bzhin du phye mar brdung ba'o/ /'dral ba zhes bya ba ni bzhog pa'o/ /sogs pa zhes bya ba'i sgras ni lcags kyi thu lum 'bar ba za ba dang/ zangs khu bskol ba ldud pa la sogs pa dag bsdu'o/ /le los zhes bya ba ma yin pa la lhag par chags? pas so/ /'da' bar byed pa zhes bya ba ni dus yol bar byed pas so/ /shi zhes bya ba ni skad cig gis 'jig pa'o/ /dus la bab ces bya ba ni ris mthun pa spangs pa'o/ /'di dag ces bya ba ni sems can dmyal bar skye ba'i bdag nyid do/ /gzhan dag ces bya ba ni zil gyis gnon pa la sogs pa'o/ /gzengs bstod ces bya ba ni spro bar byed pa'o/ /pi wang zhes bya ba ni ku ba'i pi wang ngo/ /'od ma zhes bya ba ni ku ba 'od ma can rgyud btags pa la 'od ma zhes bya'i gling bu ni ma yin te/ de la rgyud kyi sbyor ba med pa'i phyir ro/ /ba la ri dang/ ma ha ti dang/ su g+ho sha ka zhes bya ba dag kyang rgyud can gyi bye brag yin no/ /gzhal med khang zhes bya ba ni khang pa brtsegs pa'o/ /lha'i bu mo zhes bya ba ni lha mo'o/ /'di dag dang zhes bya ba mtho ris 'grub pa'i mtshan nyid do/ /gzhan dag kyang zhes bya ba ni mya ngan las 'das pa thob pa'i bdag nyid do/ /gling bzhi dang yang dag par ldan pa zhes bya ba ni mdo sde'i mtshan te/ rgyu dang yang dag par ldan pa zhes bya'i don to/ /rgyud du gtogs pa zhes bya ba ni mdo sde'i rgyud du gtogs pa ste/ skabs sam le'u zhes bya ba'i tha tshig go /de nyid bstan pa'i phyir bcom ldan 'das kyis zhes bya ba la sogs pas mdo sde'i tshig nyi shu rtsa bzhi bstan to/ /de la sems can dmyal bar rnams kyi nang nas shi 'phos te/ sems can dmyal ba dang/ dud 'gro dang/ yi dags rnams kyi nang du skye ba mang zhing sems can dmyal ba rnams kyi nang nas shi 'phos te/ mi rnams kyi nang du skye ba nyung bar sbyar ba la mdo sde gsum mo/ /yang sems can dmyal ba rnams kyi nang nas shi 'phos te/ sems can dmyal ba dang/ dud 'gro dang yi dags rnams kyi nang du skye ba mang zhing sems can dmyal ba rnams kyi nang du shi 'phos te/ lha rnams kyi nang du skye ba nyung bar sbyar ba la mdo sde gsum mo/ /yang dud 'gro rnams kyi nang nas shi 'phos te dud 'gro dang/ sems can dmyal ba dang/ yi dwags rnams kyi nang du skye ba mang zhing/ dud 'gro rnams kyi nang nas shi 'phos te mi rnams kyi nang du skye pa yang nyung ba sbyar ba la mdo sde gsum mo/ /yang dud 'gro rnams kyi nang nas shi 'phos te dud 'gro dang/ sems can dmyal ba dang/ yi dwags rnams kyi nang du skye ba mang zhing/ dud 'gro rnams kyi nang nas shi 'phos te lha rnams kyi nang du skye ba nyung bar sbyar ba la mdo sde gsum mo/ /yang yi dwags rnams kyi nang nas shi 'phos te/ yi dwags dang/ sems can dmyal ba dang/ dud 'gro rnams kyi nang du skye ba mang zhing/ yi dwags rnams kyi nang nas shi 'phos te mi rnams kyi nang du skye ba yang nyung bar sbyar pa la mdo sde gsum mo/ /yang yi dwags rnams kyi nang nas shi 'phos te/ yi dwags dang/ sems can dmyal ba dang/ dud 'gro rnams kyi nang du skye ba mang zhing/ yi dwags rnams kyi nang nas shi 'phos te/ lha rnams kyi nang du skye ba nyung bar sbyar ba la mdo sde gsum mo/ /yang lha rnams kyi nang nas shi 'phos te sems can dmyal ba dang/ dud 'gro dang/ yi dwags rnams kyi nang du skye ba mang zhing/ lha rnams kyi nang nas shi 'phos te lha rnams kyi nang du skye pa nyung bar sbyar ba la mdo sde gsum mo/ /yang mi rnams kyi nang nas shi 'phos te/ sems can dmyal ba dang/ dud 'gro dang yi dwags rnams kyi nang du skye ba mang zhing/ mi rnams kyi nang nas shi 'phos te mi rnams kyi nang du skye ba nyung bar sbyar ba la mdo sde gsum ste/ de dag gcig nas brtags na mdo sde nyi shu rtsa bzhi yod do/ /gnas pa zhes bya ba ni 'dug pa'o/ /rdul zhes bya ba ni sa rdul lo/ /rtse mo zhes bya ba ni mdza' o/ /mi zhes bya ba ni yid dang sems shas che ba'i phyir ro/ /'jig rten pa dag nang skye dgu'i bdag po shes kyi bu yin pa'i phyir shed bu zhes kyang zer ro/ /dud 'gro zhes bya ba ni dud cing 'gro ba'i phyir ro/ /yi dwags zhes bya ba ni ltogs pas nyen pa'i phyir ro/ /'khor lo bzhin du sbyar ba zhes bya ba la/ 'khor lo bzhin du zhes bya ba ni sems can rnams sems can dmyal ba dang/ dud 'gro dang/ lha dang mi rnams kyi nang du 'khor lo bzhin du 'khor ba'o/ /sbyar ba zhes bya ba ni tshig snga ma bzhin du mdor bsdu zhing sbyar ba ste/ des na mdo sde'i tshogs gang la tshig mdor bsdu ba yang dang yang du 'khor lo bzhin du 'khor ba yod pa de ni 'khor lo bzhin du sbyar ba'i mdo zhes bya ba'o/ /spags pa dang zhes bya ba ni khur phog pa spags pa dang ngo/ /rgyun chad par ma gyur pa zhes bya ba ni ma spangs pa'o/ /zo chun rgyud mo'i tshul gyis zhes bya ba ni chu bcu pa'i zo chun rgyud mo zhes bya ba 'khrul 'khor gyi bye brag de'i zo ba kha cig ni 'byung zo ba kha cig ni nub par gyur pa de bzhin du brdzus te skye ba'i sems can dag 'gro ba lnga pa'i 'khor bar 'khor bar gyur pa'o/ /yid byung nas zhes bya ba ni skyo nas so/ /tshigs su bcad pa smras pa zhes bya ba la sogs pa la/ gang phyir mi gnas zhes bya ba ni gang gi phyir 'chi 'pho dang/ skye ba'i sdug bsngal yod de'i phyir mi gnas pa yin no/ /lha rnams zhes bya ba ni 'dod pa na spyod pa rnams so/ /mi bzang pa zhes bya ba ni dgag pa'o/ /'tsho ba 'thung ba zhes bya ba ni tshe thung ba'o/ /gang na med srid pa zhes bya ba ni gzugs dang gzugs med pa'i khams kyi srid pa na ste/ mi rtag pa'i phyir zhi ba'i bde ba med do/ /mya ngan las 'das pa mchog ces pa ni gya nom pa'i phyir dang/ rtag pa'i phyir dang/ dge ba'i phyir ro/ /'di skad ces bstan te/ gang gi phyir lha dang mi rnams la thams cad na sdug bsngal yod pa de'i phyir mya ngan las 'das pa ni sdug bsngal thams cad dang bral ba'i phyir dang/ zhi ba'i phyir dang/ chos thams cad kyi mchog yin pa'i phyir bde bar gshegs pas mchog ces gsungs te/ de thob na de dag thams cad nye bar zhi bar 'gyur ro zhes bya ba'i tha tshig go / brtsam pa zhes bya ba ni mdor bsdu ba 'am/ rgyas par chos bstan pa'i rtsam pa'o/ /bag la nyal zhes bya ba ni 'dod chags la sogs pa nyon mongs pa'o/ /khams zhes bya ba ni nyan thos la sogs pa'i rigs sam/ 'jam po la sogs pa'i chos bstan pas 'dul ba'o/ /rang bzhin zhes bya ba ni dad pa la sogs pa'i dam po rnams kyi rno pa nyid la sogs pa'o/ /lhung bzed nag po zhes bya ba ni drang srong gi snod do/ /legs par gsungs pa zhes bya ba ni legs bka' stsal pa'o/ /bslab pa'i gzhi bca' ba mdzad pa zhes bya ba ni rab tu dbyung bar 'dod pa lo bco lnga ma lon pa rab tu dbyung bar mi bya'o zhes bca' ba mdzad pa'o/ /bag yongs su mdzad ces bya ba ni glod pa ste/ lo bdun lon na bya rog skrod nus pa rab tu dbyung bar gnang ba'i phyir ro/ /drang srong smra ba zhes bya ba ni dus thams cad drang srong yang dag par rdzogs pa'i sangs rgyas dang/ rang sangs rgyas dang/ nyan thos rnams kyi zhal du gyur pa'i phyir te/ de ltar yang nas de ni sangs rgyas rnams dang/ rang sangs rgyas rnams dang/ nyan thos rnams dang/ /drang srong rnams kyis mi stong/ gang gi tshe sangs rgyas bcom ldan 'das rnams ma byung ba de'i tshe na ni rang sangs rgyas dag gnas la/ gang gi tshe rang sangs rgyas ma byung ba de'i tshe na drang srong mngon par shes pa lnga dang ldan pa dag de na gnas pa dang/ gang gi tshe sangs rgyas byung ba de'i tshe na bcom ldan 'das nyan thos kyi dge 'dun dang bcas pa de na bzhugs pa'i phyir ro zhes brjod do/ /yang na drang srong yang dag pa sangs rgyas bcom ldan 'das rnams kyis der dang po kho nar chos kyi 'khor lo bskor bas drang srong smra ba ste/ gnas gang du drang srong chen pos chos kyi 'khor lo bskor ba de ni drang srong smra ba ste/ de ltar yang/ ka shi phur mdzes pa'i ri dags nags/ /sngon gyi sangs rgyas gnas de dran par gyis/ /der ni dang por sangs rgyas de dag gis/ /chos mchog zhi ba'i 'khor lor bskor bar gyur/ /ces gsungs pa yin no/ /ri dwags kyi nags zhes bya ba ni byang chub sems dpa' ri dwags rnams kyi nang du skyes pas rgyal po tshangs byin btul nas/ de'i phyir rgyal pos ri dwags rnams bag yongs su bya ba'i phyir rtswa dang lo ma dang shing ljon pa mang po dang bcas pa'i yul dang de ri dwags rnams la yongs su btang ba'i phyir ro/ /de dag gzhung 'di nyid las 'og nas 'byung ngo/ /lung bstan zhes bya ba ni sangs rgyas nyid du 'gyur ro/ / //bam po bcu pa/ /'di man chad dge slong ma sun phyung ba la sogs pa sdom pa skye ba la bar chad byed pa dag bstan par bya ste/ de dag la ni sdom pa skye ba'i chos nyid med par 'dra la/ de lta bu rab tu byung ba dang dge tshul dang rdzogs par bsnyen pa'i rtags can ni bsnyil bar bya'o zhes bya bar sbyar ro/ /de la gang zag dge slong ma sun phyung ba rab tu dbyung bar mi bya zhing/ de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya ba'i byung ba'i mdza' bstan pa'i phyir/ sangs rgyas bcom ldan 'das yul ka shi dag tu ljongs rgyu zhing gshegs pa ni zhes bya ba la sogs pa gsungs so/ /'dzum pa zhes bya ba ni zhal cung zad bzhad pa'o/ /'od zer zhes bya ba ni 'od 'phro ba'o/ /yang sos zhes bya ba ni bsad cing yang 'tsho ba rnams so/ /thig nag ces bya ba ni gshegs pa la sogs pa'i phyir thig nag po 'debs pa'o/ /bsdus 'dzoms zhes bya ba ni bsdus te 'dzoms pa'i sdug bsngal mang po dang ldan pa dag go /ngu 'bod ces bya ba ni rtag tu du ba'o/ /ngu 'bod chen po zhes bya ba ni ngu 'bod pas kyang ches rtag tu du ba'o/ /tsha ba zhes bya ba ni rtag tu me 'bar bas tsha ba'o/ /rab tu tsha ba zhes bya ba ni tsha ba bas kyang ches mchog tu tsha ba'o/ /mnar med pa zhes bya ba ni thams cad du mes khyab pas bde ba'i mtshams kyi bar skabs stong pa med pa dang/ sdug bsngal chad pa med pa'o/ /yang sos la sogs pa de dag ni tsha ba'i sems can dmyal ba chen po brgyad do/ /chu bur can zhes bya ba ni chu bur 'bus pa'i rnam pa ltar lus skrangs pa'o/ /chu bur rdol zhes bya ba ni chu bur rnams gas pa'i phyir ro/ /so tham tham zhes bya ba ni rtag tu kha dang so dag las sgra tham tham zer ba 'byung ba'i phyir ro/ /kye hud zer ba bya ba ni rtag tu kye hud ces bya ba'i sgra 'byin pa'i phyir ro/ /a cu zer zhes bya ba ni rtag tu a cu zer pa'i sgra 'byin pa'i phyir ro/ /autpa la ltar gas pa zhes bya ba ni lus autpa la ltar 'dab chags su gas pa'i phyir ro/ /pad+ma ltar gas pa zhes bya ba ni lus pad+ma ltar 'dab chags su gas pa'i phyir ro/ /pad+ma ltar gas pa chen po zhes bya ba ni pad+ma ltar gas pa bas kyang ches lus pad+ma ltar 'dab chags su gas pa'i phyir ro/ /chu bur can la sogs pa de dag ni grang ba'i sems can dmyal ba chen po brgyad do/ /tsha ba zhes bya ba tsha ba'i sems can dmyal ba brgyad po la sogs pa'o/ /grang ba zhes bya ba'i grang ba'i sems can dmyal ba brgyad po la sogs pa'o/ /gnod pa'i bye brag ces bya ba ni myong bar 'gyur bar ma nges pa'i las kyi 'bras bu nyam nga ba dag go /'di nas shi 'phos zhes bya ba ni sems can dmyal ba'i 'gro ba nas so/ /gzhan du skyes zhes bya ba ni shal ma la'i tshal la sogs pa 'khor gyi gnas gzhan du'o/ /bden pa dag gi zhes bya ba ni sdug bsngal la sogs pa 'phags pa'i bden pa bzhi po dag gi'o/ /snod du gyur pa zhes bya ba ni snod du rung ba'o/ /rgyal chen bzhi pa zhes bya ba ni rgyal po chen po bzhi'i gnas na gnas pa'i phyir ro/ /sum cu rtsa gsum pa zhes bya ba la/ sum cu rtsa gsum zhes bya ba ni dbang po gcig dang/ nye dbang sum cu rtsa gnyis te/ de dag la nyan ba'i phyir sum cu rtsa gsum pa zhes bya ba'o/ /'thab bral zhes bya ba ni skabs 'dir thun sgrogs shes kyang bya ste/ thun brgyad po dag tu bsod nams la spro ba'i sgra sgrogs pa'i phyir ro/ /kha cig na re thun re re zhing/ a la la bde'o/ /a la la bde'o zhes bya ba'i sgra sgrogs pa'i phyir ro/ zhes zer ro/ /dga' ldan zhes bya ba ni rtag tu dga' ba dang ldan pa'i phyir ro/ /'phrul dga' zhes bya ba ni ci dgar sprul ba dag gis mngon par dga' ba'i phyir ro/ /gzhan 'phrul dbang byed ces bye ba ni gzhan dag gis sprul pa dag la dbang byed pa'i phyir ro/ /tshangs ris zhes bya ba ni tshangs pa'i 'khor yin pa'i phyir ro/ /tshangs pa mdun na 'don zhes bya ba ni tshangs pa dang nye ba'i 'khor ro/ /tshangs chen zhes bya ba ni tshangs pa'i 'jig rten na bdag po yin pa'i phyir ro/ /'od chung dang tshad med 'od dang/ 'od gsal zhes bya ba ni bdag ni 'od chung dang 'bring dang chen po nyid dang ldan pa'i bye brag gis go rim bzhin no/ /dge chung dang/ tshad med dge dang/ dge rgyas zhes bya ba dag kyang/ dge ba chung ngu dang/ 'bring dang/ chen po nyid kyi bye brag gis go rim bzhin du shes par bya'o/ /sprin med ces bya ba ni dbugs rdub pa dang/ dbyugs 'byung ba la sogs pa bar chad kyi sprin med pa'i phyir ro/ /bsod nams skyes zhes bya ba ni yang dang yang du dge ba rtsom pa'i phyir ro/ /'bras bu che zhes bya ba ni rnam par smin pa rgya che zhing rab tu zhi ba'i phyir ro/ /mi che ba zhes bya ba ni zag pa med pa'i chos rtogs pa'i phyir 'bad pa klod pas ched du sgrim pa mi che ba'i phyir ro/ /mi gdung zhes bya ba ni lus dang sems la gdung ba med pa'i phyir ro/ /gya nom snang zhes bya ba ni shes rab gya nom pa snang ba'i phyir ro/ /shin du mthong zhes bya ba ni srid pa tha ma pa nyid kyis shis pa mthong ba'i phyir ro/ /'og min zhes bya ba ni gzugs can thams cad kyi thu bo yin pa'i phyir ro/ /mi rtag pa zhes bya ba ni skye ba dang 'jig pa'i chos can yin pa'i phyir ro/ /sdug bsngal ba zhes bya ba ni sdug bsngal gsum dang ldan pas mi 'dod pa nyid yin pa'i phyir ro/ /stong pa zhes bya ba ni bdag med pa'i phyir ro/ /bdag med pa zhes bya ba ni rang gi bdag nyid dang/ gzhan la bdag po med pa'i phyir ro/ /sgrog par byed ces bya ba ni smra bar byed pa ste/ bcom ldan 'das gsung bar bzhed pa'i dbang gis sgra sgrogs par byed kyi/ gzhan du na 'od zer las sgra mi 'byung ba'i phyir ro/ /brtsam par bya zhing zhes bya ba ni brtsom par gyis shig pa'o/ /'byung bar bya zhes bya ba ni 'khor ba las nges par 'byung bar gyis shig pa'o/ /sangs rgyas bstan la zhes bya ba ni bden pa bzhi bstan pa la'o/ /'jug par bya zhes bya ba ni mgo dang gos la me 'bar pa ltar mngon par brtson par gyis shig pa'o/ /'dam bu'i khyim la glang chen bzhin zhes bya ba ni 'chi bdag sde ni gzhom par bya zhes bya ba'i dpe yin te/ 'dam bu'i khyim zhes bya ba ni 'dam bu las byas pa'i khyim mo/ /glang chen zhes bya ba ni glang po che'o/ /des na ji ltar glang po ches 'dam bu'i khyim phye mar glog pa bzhin du 'chi bdag sde ni gzhom par bya zhes bya bar sbyar ste/ 'chi bdag ces bya ba ni 'chi ba'o/ /sde zhes bya ba ni sred pa la sogs pa 'khor ro/ /gzhom par bya ba ni gzhig par gyis shig ces bya ba'o/ /phan yon bstan pa'i phyir/ /gang zhig rab tu bag yod pa/ /chos 'dul 'di la spyod gyur pa/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba gsungs te/ rab tu bag yod par zhes bya ba ni rab tu bag med pa spangs pas so/ /chos shes bya ba ni 'phags pa'i lam yan lag brgyad pa'o/ /'dul ba zhes bya ba ni yang dag par sgrub pa'i mtshan nyid do/ /spyod 'gyur zhes bya ba ni rjes su sgrub par 'gyur ba'o/ /skye ba'i 'khor ba zhes bya ba ni skye ba gtso bo yin pa'i phyir ro/ /'khor ba'i sdug bsngal gyi rtsa ba yin pa'i phyir ro/ /de ltar yang skye 'di don med gang phyir skye ba yod na rga shi dang/ /nad dang sdug bsngal sdad dang bcings la sogs pa'i dgra dag yod/ /gal te 'jigs med skye ba med na don med de mi 'byung/ /shing skyes med na nags me rlung gis rdib par mi 'gyur bzhin/ zhes bshad pa'i phyir ro/ /rab spangs nas zhes bya ba ni gtan spangs nas so/ /sdug bsngal zhes bya ba ni skye ba la sogs pa'o/ /tha mar byed par 'gyur zhes bya ba ni rgyun chad par 'gyur ba'o/ /stong gsum gyi stong chen po zhes bya ba ni gcig rnams kyi stong pa dang/ stong rnams kyi stong dang/ stong rnams kyi stong dag ste/ de dag ni gling pa 'am/ 'dod pa na spyod pa'i lha'i ris dang/ tshangs ris kyi 'jig rten stong la ni stong chung ngu gcig go /stong chung ngu stong la ni stong 'bring po gcig go / stong 'bring po stong la ni stong chen po gcig ste/ de ni stong yang yin la chen po yang yin pas stong chen po'o/ /de ni stong gsum yang yin la chen po yang yin pas stong gsum gyi stong chen po ste/ gling bzhi pa la sogs pa ther 'bum gyi tshad ces bya ba'i tha tshig go / 'jig rten gyi khams zhes bya ba ni 'dug pa'i gnas so/ /nyul nas zhes bya ba ni bskor nas so/ /'dir stong gsum gyi stong chen po'i 'jig rten gyi khams zhes smos pa ni de'i tsha na gnas pa rnams la bskal pa yod pa'i phyir ro/ /yang na de ni mtshon pa tsam du zad de/ 'jig rten gyi khams mdza' yas mu med pa thams cad du yang de bzhin no/ /'das pa'i las lung ston par bzhed ces bya ba ni gang la 'bras bu thams cad 'das pa'o/ /ma 'ongs pa'i las lung ston par bzhed ces bya ba ni gang la 'bras bu nyid ma 'ongs pa'o/ /thal mo sbyar te zhes bya ba ni thal mo 'jab 'jab por sbyar te'o/ /rgyu ma mchis zhes bya ba ni 'jig rten pa'i dgos pa med pa'o/ /rkyen ma mchis par zhes bya ba ni 'jig rten las 'das pa'i dgos pa med par ro/ /tshigs su bcad pa yang gsol ba zhes bya ba la sogs pa la/ tshogs rnams zhes bya ba ni 'od zer gyi tshogs rnams so/ /zhal gyi sgo nas zhes bya ba ni zhal gyi sgo nas so/ /rgod pa la zhes bya ba ni rgod pa spangs pa'o/ /zhum zhes bya ba ni sems zhum pa nyid do/ /rgyags pa zhes bya ba ni rang gi yon tan la bltos pas khengs pa'o/ /de gnyis la 'grol ba ni zhum pa dang/ rgyags pa rab spangs pa ste/ de dag ni bong ba'i tshig go /mchog gi rgyur gyur pa zhes bya ba ni mya ngan las 'das pa'i rgyu'i ngo bo nyid do/ /rgyal ba zhes bya ba nyon mongs pa thams cad las rgyal ba'i phyir ro/ /dgra thul zhes bya ba ni bdud bzhi'i dgra thul ba'o/ /byed rgyu ma mchis par zhes bya ba ni rgyu med par te/ 'di la rgyu gang lags zhes bya ba'i tha tshig go / rtsa lag ces bya ba ni pad+ma'i rtsa lag myu gu'i mtshan nyid du gnas pa'o/ /dud? zhes bya ba ni dung nyid do/ /pad+ma'i rtsa lag dang dud ltar dkar zhes bya ba ni zhal bzhad pa'i tshems kyi 'dzum pa ste/ /'dzum pa zhes bya ba ni cung zad bzhad pa'o/ /de slad ces bya ba ni de'i phyir zhes bya ba'i tha tshig go / brtan pa zhes bya ba ni bong pa'o/ /rang blos zhes bya ba ni rang gi ye shes kyis so/ /dus mkhyen nas zhes bya ba ni lung bstan pa'i dus mkhyen nas so/ /thub pa khyu mchog ces bya ba yang bong pa'i tshig ste/ thub pa zhes bya ba ni slob pa dang mi slob pa dag go / de dag gi khyu mchog ni gtso bo yin pa'i phyir ro/ /dge sbyong kye dbang po zhes bya ba yang bong pa'i tshig ste/ dge slong gi skye ba zhes bya ba ni 'phags pa'i gang zag brgyad do/ /de dag gi dbang po ni gtso bo yin pa'i phyir ro/ /nyan pa'i skye bo zhes bya ba ni kun shes par 'dod pa'i skye bo'o/ /som nyi ldan rnams la zhes bya ba ni the tshom can rnams la'o/ /de rnams la the tshom skyes pa bsal du gsol zhes bya bar sbyar ro/ /tshig ji lta bu dag gis gsal zhes na/ de'i phyir gsung tshig brtan pa dang/ dam pa dge ba dag gis zhes bya ba gsungs te/ brtan pa zhes bya ba ni mi g.yo ba'o/ /dam pa zhes bya ba ni don gyi mchog yin pa'i phyir dang/ zab pa'i phyir ro/ /dge ba zhes bya ba ni bzang ba'i phyir dang/ kha na ma tho ba med pa'i phyir ro/ /tshwa chu zhes bya ba ni rgya mtsho'o/ /ri rgyal zhes bya ba ni ri'i rgyal po ri rab po/ /de gnyis lta bur bstan pa gang yin pa de ni tshwa chu ri rgyal lta bur brtan pa dag go /de dag gang zhe na/ sangs rgyas mgon rnams zhes bya ba dag go/ glo bur zhes bya ba ni thad zur ro/ /de de bzhin no de de bzhin te zhes bya ba ni mthun par bka' stsal pa ste/ gus par mdzad pa'i slad du lan gnyis su bzlas so/ /g.yon can zhes bya ba ni sgyu thabs kyis chom rkun byed pa'o/ /lus bskyod pas sun phyung zhes bya ba ni yan lag dang nying lag sprad pa ma byas par yan lag rnam par yan lag rnam pa bcug pa 'ba' zhig gis mi tshangs par spyod de sun phyung ba'o/ /gzhan du na lus la reg pa la sogs pas dge slong ma pham par gyur zin pas/ de la mi tshangs par spyad kyang dge slong ma sun phyung ba'i nyes par mi 'gyur ba'i phyir ro/ /dge slong zhig gis zhes bya ba ni gtso bo ma yin pa dag gis so/ /mi skye ba'i chos can zhes bya ba ni sdom pa skye ba'i chos nyid med pa'o/ /de ltar skye ba'i chos nyid med pa rab tu byung na ji ltar bya zhe na/ de'i phyir bsnyil bar bya'o zhes bya ba gsungs te/ gnas dang longs spyod pa spang bas mig lam du snad par bzhag par bya'o/ /gang zag rku thabs su gnas pa rab tu dbyung bar mi bya zhing/ de la sdom pa skye ba'i chos nyid med pa dang/ de lta bu la rab tu byung ba'i rtags can bsnyil par bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /'dod chags dang bral ba med pa ni zhes bya ba ni nyon mongs pa spang pa ma byas pa na'o/ /dge 'dun lhag ma zhes bya ba ni khu ba 'byin ba la sogs pa ste/ ltung ba de gso ba'i lhag ma dge 'dun tsam zhig la las ba ste/ de sbyar ba'i phyir chad pa'i las dge 'dun las 'thob ces bya ba'i tha tshig go / chos bzhin du sgrub par byed ces bya ba ni 'dul ba dang/ mthun par chags pa'o/ /drug sde zhes bya ba ni mi drug phan tshun sde zhing gnas pa ste/ de dag kyang dga' bo dang/ nye dga' dang/ 'char ka dang/ 'gro mgyogs dang/ nabs so dang/ 'dun pa zhes bya ba dag go /thabs kyi rnam pa zhig bya'o zhes bya ba ni gnyen po zhig bsam par bya'o/ /mkhas pa'i rang bzhin can zhes bya ba ni skyes nas thob pa'i shes rab dang ldan pa yin gyi lung dang rtogs pa las skyes pa'i shes rab dang ldan pa ni ma yin no/ /mdza' 'khob ces bya ba ni yul dbus nas thag ring ba ste skye bo ya rabs rgyu ba nyul ba'o/ /chos kyi rje zhes bya ba ni sangs rgyas bcom ldan 'das te chos rnams kyi mnga' bdag tu gyur pa'i phyir ro/ /lha'i gzugs dag ces bya ba ni brgya byin dang/ tshangs pa la sogs pa'o/ /snang ba zhes bya ba ni 'ong ngo/ /lha'i sgra zhes bya ba ni brgya byin dang/ tshangs pa la sogs pa'i 'o/ /kun shes pa brda sprod pa zhes bya ba la kun shes pa zhes bya ba ni mi slob pa'i shes pa zag pa med pa'o/ /de brda sprod pa ni bdag gi skye ba zad do/ /tshangs par spyod pa bsten to zhes bya ba la sogs pas go bar byed pa'o/ /zang zing gi longs spyod ces bya ba ni mgron du bong ba la sogs pa'i longs spyod do/ /chos kyi longs spyod ces bya ba chos nyan pa la sogs pa'i longs spyod do/ /dus bskyed pa ni zhes bya ba ni drag tu bskul ba na'o/ /yon bshad pa zhes bya ba ni sbyin pa'i 'bras bu'i bsngags pa brjod do/ /snam sbyar gyi rgyal mtshan 'chang ba rnams kyi mchog ces bya ba la/ snam sbyar gyi rgyal mtshan 'chang ba zhes bya ba ni dge slong rnams so/ /de rnams kyi mchog tu bstan pa ni dang por zag pa med pa'i chos thob pas dge slong gi sdom pa skyes pa'i phyir ro/ /rku thabs su gnas pa zhes bya ba ni 'dir rang gis rtags blangs pa sdom pa ma thob pa'o/ /kha cig na re des dge slong rang bzhin du gnas pa dag dang lhan cig gso sbyong la sogs pa las dag lan gnyis sam gsum myong ba yin no zhes zer ro/ /se gol gyi sgras zhes bya ba ni sor mo gtog pa'i sgras so/ /bskrad ces bya ba ni stan las bslang ba'o/ /rab byung zhes bya ba ni gzhan gyi man ngag med par rdzogs par byang chub pa'i phyir ro/ /dge slong rang bzhin du gnas pa dag ces bya ba ni tshul khrims dang ldan pa dag go / gso sbyong gis las dag ces bya ba la gso sbyong zhes bya ba ni tshul khrims gso zhing rtas par byed pas te/ de'i ngo bo nyid kyi las dag ni gso sbyong gi las te/ so sor thar pa'i mdo 'don pa'i bdag nyid dag ces bya'o// 'dir gso sbyong gi las dag ces smos pa ni mtshon pa ste/ las brgya rtsa gcig po thams cad kyang de bzhin no/ /lan gnyis lan gsum nyams su myong bar gyur na zhes bya ba la lan gnyis kyis ni rku thabs su gnas pa nyid du 'grub po/ /lan gsum zhes bya ba ni rgyun brtan pa'i phyir te/ de phan chad kyang rku thabs su gnas pa nyid yin no/ /gang zag ma ning rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /skyes pa 'dra ba zhes bya ba ni skyes pa'i rnam pa 'dra ba'o/ /bud med kyang ma yin skyes pa yang ma yin pa zhes bya ba ni mtshan gnyis pa'o/ /mtshan ma ston par byed ces bya ba ni sor mo la sogs pas brda byed pa'o/ /yongs su gdungs pas zhes bya ba ni skyo bas so/ /dbang po 'byung bar 'gyur ba zhes bya ba ni las su rung bar 'gyur ba'o/ /rtsol ba zhes bya ba ni mi tshangs par mi spyod pa'o/ /'gyur ba mi bsten na zhes bya ba ni gzhan la rtsol 'dod pa'i 'dun pa la sogs pa mi 'byung ba'o/ /btang snyoms su bya'o zhes bya ba ni bsnyil bar mi bya'o/ /sprul pa rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu dbyung ba'i rtags can bsnyil bar bya ba la sogs pa 'byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /bye ma me'i mdog lta bu zhes bya ba ni bye tshan no/ /rus pa'i keng rus zhes bya ba ni rus pa'i phung po'o/ /brnags zhes bya ba ni bzod pa dang du blangs pa'o/ /ris mthun pa zhes bya ba ni skye ba'o/ /bskal par gnas pa zhes bya ba ni 'dir bskal pa bar ma bzhi bcu la bskal par shes par bya'o/ /sa 'dzin pa zhes bya ba ni sa yongs su skyong ba'o/ /'dab chags kyi rgyal po 'dab bzangs zhes bya ba ni nam mkha' lding ngo/ /dbyung bar mi nus zhes bya ba ni zil gyis mi non pa'o/ /klu phra mo zhes bya ba ni klu chung ngu'o/ /bsam gtan la brtson zhes bya ba ni bsam gtan bzhi po dag la'o/ /klog pa la brtson zhing zhes bya ba ni bklag pa la'o/ /rnal 'byor la brtson zhing zhes bya ba ni ting nge 'dzin du grub pa la'o/ /yid la byed pa la brtson zhing zhes bya ba ni sbyor ba las byung ba ting nge 'dzin la'o/ /dgon pa pa zhes bya ba ni dgon pa na gnas pa'o/ /bshan pa zhes bya ba ni ba lang gsod pa la sogs pa'o/ /gcig las 'phros pa zhes bya ba ni chos kyi rnam grangs gcig nas brtsams te/ brgya'i bar du bsgreng pa'i lung ngo/ /de yang gcig las 'phros pa'i lung zhes bya ba'i rgyud du gtogs pa yin te/ gcig las 'phros pa'i lung ni chos kyi rnam grangs gcig nas brtsams te/ brgya'i bar du thug pa de lta bu'i rgyud mang po bstan pa yin par gzhan las 'byung ngo/ /deng sang ni gcig las 'phros pa'i lung las chos kyi rnam grangs gcig nas brtsams te bcu'i bar du thug pa de lta bu'i rgyud dag cig 'byung ste/ de ni lung nyams pa yin te/ dper na rgyu drug bstan pa'i mdo sde'i rnam par dbye ba deng sang mi snang ba dang 'dra'o/ zhes bye brag tu smra ba'i gzhung las 'byung ngo/ /kha ton du lhogs nas zhes bya ba ni lobs nas so/ /mi gang ste zhes bya ba ni mig mgu ste'o/ /bdud rtsi zhes bya ba ni zas dang po zhun mar 'dra pa'o/ /zos shing zos shing zhes bya ba ni bzlas pa'i phyir lan gnyis smos so/ /gnyid che ba zhes bya ba ni gnyid lhag par che ba'o/ /bsod snyoms glo bur pa zhes bya ba ni rgyud la sogs pa'i tshegs med pa ste/ cig car du rnyed pa zhes bya ba'i tha tshig go /mgar ba'i zhes bya ba ni gser mgar la sogs pa'o/ /gtan pa'i bu ga nas zhes bya ba ni lde mig khyog po gzhug pa nas so/ /myur ba myur ba kho nar zhes bya ba ni rings pa rings pa kho nar te/ brtad pa'i phyir tshig lan gnyis su smos so/ /rang bzhin gyi cha lugs zhes bya ba ni lhan cig skyes pa'i lus gzugs so/ /sprul pa'i cha lugs zhes bya ba ni 'phral la sprul pa'i lus gzugs so/ /phung po 'di dag gis zhes bya ba ni sprul pa 'di dag gis sam/ dud 'gro dag gis so/ /yon tan gyi tshogs zhes bya ba ni mthong ba'i lam la sogs pa zag pa med pa 'am dge slong gi sdom pa'o/ /ma 'tshe bar zhes bya ba ni mi bde ba la reg par mi byed par te/ gnod pa ma byed par zhes bya ba'i tha tshig go / sa la'i dgon pa zhes bya ba ni shing ljon pas mtshon pa'i nags dgon pa'o/ /rta babs zhes bya ba ni lam po che'i sgo'o/ /mthon po zhes bya ba ni bsgreng ba'o/ /mthong khung zhes bya ba ni snang ba'i mthong ngo skar khung dra ba can zhes bya ba ni rlung 'jug pa'i gnas dra ba can no/ /lan kan zhes bya ba ni rgyu ba'i don du la kha khyer gyis bskor ba'o/ /brgyan pa zhes bya ba ni mdzes par byas pa'o/ /snying dang mig 'phros par byed pa zhes bya ba ni sems dang mig 'dren par byed pa'o/ mtho ris kyi them skas su gyur pa zhes bya ba ni de la brten na mtho ris su 'gro ba'i phyir ro/ /khri dang khri'u dang yo byad phun sum tshogs pa zhes bya ba ni chos gos dang bsod snyoms dang gnas mal dang na ba'i rkyen dang sman gyi yo byad la sogs pa thams cad dang ldan pa'o/ /sprul te zhes bya ba yang dag pa ma yin pa de'i bya ba byed nus pa ci dgar phyung ste'o/ /mgo spra ba'i me tog skya ba zhes bya ba ni mgo'i skra spra ba'i me tog rgyas pa ltar dkar pa'o// smin ma 'phyad pa zhes bya ba ni smin ma'i spu ring zhing thur du 'phyad pa'o/ /byon pa legs so byon pa legs so zhes bya ba ni gus pa'i phyir lan gnyis su bzlas so/ /zhal ta byed pa zhes bya ba ni las byed pa'o/ /thos pa zhes bya ba ni mthong ba dang thos pa nyams su myong ba'o/ /yun ji srid kyis 'brel ba spang bar bya zhes bya ba ni bdag cag gis sgo 'phar brgya snyed dag 'das shing bsod snyoms sgrub pa'i 'brel pa tshogs chen po de nam du brnags par bya snyam du bsam pa'o/ /gnas ngan len kun tu spyod pa zhes bya ba ni thams cad du smad pa'i kun tu spyod pa dang ldan pa ste/ tral po che zhes bya ba'i tha tshig go /'dul ba yang mi snang zhes bya ba ni 'byung khung gi sgo mi mngon pa'i phyir ro/ /'god pa yang mi snang zhes bya ba ni longs spyod kyang 'bri par mi mngon pa'i phyir ro/ /grangs dag 'debs su gzhug go zhes bya ba ni 'du 'god rtsis su sbyor du bcug ste sdom gzung bar bya'o snyam du bsams pa'o/ /nyams pa zhes bya ba ni 'tsho ba mi bde ba'o/ /sgo 'phang zhes pa ni glegs kyi gzhi'o/ /des pa nges pa zhes bya ba ni nges pa dag pas kyang ches nges pa ste/ mi gya nom pa zhes bya ba'i tha tshig go/ phyogs zhes bya ba ni grogs so/ /rtsa nas gdon to zhes bya ba ni drungs dbyung ngo zhes bya ba'i tha tshig go /mi snang bar byas nas zhes bya ba ni mig lam du mi snang bar bzhag nas so/ /'gram du zhes bya ba ni dogs su'o/ /sgre bo zhes bya ba ni skam po'o/ /rdo rgyus zhes bya ba ni shod ri bri ba'o/ /bstan pa mthar thug gi bar du zhes bya ba ni bstan pa nub pa'i dus kyi bar du'o/ /tshod rig par bya'o zhes bya ba ni grangs gdab pa la gzhol bar bya'o/ /chos smra ba zhes bya ba ni chos kyi gtam smra ba lhur len pa'o/ /kha cig na re chos smra ba zhes bya ba ni skabs su bab par chos kyi gtam bya ba shis pa'o zhes zer ro/ /rdzubs pas zhes bya ba ni gcig las 'phros pa'i lung las gzhan mi shes pas gcig las 'phros pa'i lung 'ba' zhig gis zhes bya ba'i tha tshig go / kha cig na re skabs skabs su mi dran pas shes kyang zer ro/ /sde snod gsum zhes bya ba ni mdo sde dang/ 'dul ba dang/ chos mngon pa'i tshogs dag ste/ de yang stong phrag brgya'i tshad do/ /de ltar yang dge slong sde snod kyi tshad ji tsam zhe na/ stong phrag brgya'o zhes gsungs pa'i phyir ro/ /rigs pa'i stobs can zhes bya ba ni rigs dang ldan pa'i don ston pa'i phyir ro/ /grol ba'i spobs pa can zhes bya ba ni don thags thogs med par ston pa'i phyir ro/ /bzlog gam ci na zhes bya ba ni mi mthun par byas sam ci na zhes bya ba'i tha tshig go /klu'i gnas su yang skabs mi rnyed do snyam nas zhes bya ba ni skyon dang bcas na'o snyam du bsams pa yin no/ /de'i dor mthon du pos ba la ni ltung ba med do zhes bya ba ni dge slong de nyid gtso bo byas te/ dge slong dag mgron du bos na ma gsol bar des las bstan pa la nyes pa med do/ /'phags pa drug sde dag gi dor dge slong dag mgron du bos pa ma yin la de dag la ma gsol bzhin du de dag gis chos bsten pa las bca' ba mdzad pa'i phyir ro/ /gdul ba bltos pas zhes bya ba ni gdul ba zhes bya ba ni gdul ba la sems pas so/ /nges pa skal pa dang ldan pa nyid ces bya ba ni nges par dgra bcom pa nyid du rung ba nyid do/ /rtsa ka sha'i byings sam ku shi'i byings nas zhes bya ba ni de dag gi 'byung gnas so/ /thabs yin no zhes bya ba ni khas blangs pa ste/ de ltar gyis shig ces bya ba'i tha tshig go /'dzum pa sngon du btang ste/ zhes bya ba ni sngar 'dzum phyung ste'o/ /'jigs pa med cing zhes bya ba ni bag tsha ba med cing ngo/ /bzhin nyams pa med pa zhes bya ba ni byings gyur pa med pa'o/ /dman pa med pas zhes bya ba ni kha dog nyams pa med pas so/ /lung bzhi zhes bya ba ni yang dag par ldan pa dang/ bar ma dad gcig las 'phros pa dang/ ring po zhes bya ba dag go /rgya mtsho chen por 'dod pa'i brong zhes bya ba ni gling gzhan dag tu mkho ba 'am/ 'gro ba lam 'ong ba la dgos pa'o/ /'jig pa du mas kun du gang ba zhes bya ba na nyi chen dang nya tshe na ming dang ming la sogs pa'i 'jigs pa dang ldan pa'o/ /bde legs zhes bya ba ni dge ba'o/ /spyad par brtsams te zhes bya ba brtag par brtsams te'o/ /ne'u ldangs zhes bya ba ni sheng mthun pa'o/ /lhan cig skyes pa zhes bya ba ni nyi ma gcig la brtsams pa'am grong khyer gcig tu skyes pa'o/ /sa rdul la lhan gcig rtse rtse ba zhes bya ba ni rgyun du mdza' ba'i phyir ro/ /gsol ba gdab par bya'o zhes bya ba ni bcol bar bya ba'o/ /rang dbang med ces bya ba ni bdag la dbang med pa'o/ /'jigs pa zhes bya ba ni 'jigs pa rgyu gnod sbyin 'jigs su rung ba'i gzugs can la sogs pa'o/ /dge mtshan zhes bya ba ni gsungs pa'i phyir gi wad dang/ tshon sna lnga'i skud pa dang/ yungs kar la sogs pa lag pa la sogs pa la 'dogs pa'o/ /bkra shis zhes bya ba ni me tog dkar po dang/ zho dang/ ba lang dang/ snod gsar pa dang/ sha rlon pa la sogs pa mthong ngo/ /bde legs su gyur pa zhes bya ba ni mer sbyin reg byed pa dang/ bram ze klog tu 'jug pa la sogs pas zhi bar 'gyur pa'o/ /khung dag ces bya ba ni phrag rdang gi khur dag go / sbyang dag ces bya ba ni rtsa dang sog ma la sogs pa la byas pa dag go /gle dag ces bya ba ni 'dam bu dang/ smig tshal la sogs pa las byas pa zhal ba'i snod do/ /rnying pa zhes bya ba ni di na ra'i bye brag go / gru bo che zhes bya ba ni rgya mtshor 'jug pa'i gru'o/ /sbyar nas zhes bya ba ni nyos nas so/ /zho shas 'tsho ba zhes bya ba ni nor bsgrub pa'i phyir zho shas 'tsho ba'o/ /stobs par byed pa zhes bya ba ni zas la sogs pa dbul ba'o/ /sel bar byed pa zhes bya ba ni lhag ma la sogs pa 'dor ba'o/ /rkyal chen zhes bya ba ni chu'i nang du 'jug pa'o/ /gru bo zhes bya ba ni gru'i las byed pa'o/ /rlung yor thogs pa zhes bya ba ni rlung yor gyi ba dan gyis lam dang lam ma yin pa rdog po'o/ /lan gsum dril bsgrags nas zhes bya ba ni/ rgya mtsho chen por song ba'i phan yon dang nyes dmigs yang dag pa lan re brjod cing dril lan re bsgrag te nyag thag re re bcang nas so/ /de ltar brtsams pa zhes bya ba ni/ rgya mtshor mchod par brtsams pa'o/ /mi mdzad ci mdzad ces bya ba ni brtad pa'i phyir lan gnyis su bzlas so/ /bzlog du zhes bya ba ni bkag bzhin du'o/ /ya mtshan skyes nas mig tshugs su blta zhing zhes bya ba ni shin tu rangs pa skyes nas mig bgrang de blta zhing ngo/ /sangs rgyas rnam par gzigs la sogs pa'i/ dri gtsang khang zhes bya ba ni de dag gi phyir bsngos pa yin gyi/ de dag gi dus kyi ni ma yin te/ 'di nas bskal pa chen po dgu bcu rtsa gcig 'das pa'i mdun rol du sangs rgyas rnam par gzigs 'jig rten du byung ba la sogs pa'i tshul gyis/ 'jig pa'i bskal pa dag gis 'jig rten 'di zhig par gyur pa'i phyir ro/ /dri gtsang khang zhes bya ba ni bzhugs pa'i gnas te/ dad pa can dag gis rdzas dri zhim po dag gis byug pa'i phyir ro/ /mchod rten zhes bya ba ni de bzhin gshegs pa'i stobs mi 'jigs pa la sogs pa che ba'i/ yon tan dag gis gzugs brnyan nyid kyis bkra ba 'am/ /dran pa nye bar gzhag pa la sogs pa'i/ yon tan de dag gi gzugs brnyan nyid du bsags par 'os so/ /rab tu gnas zhes bya ba ni don dang tshig gis sgo nas sems kyi rgyu la rab tu gnas par gyur pa'o/ /mi khom par skyes zhes bya ba ni dud 'gro'i skye gnas su skyes pa'i phyir ro/ /log par ltung ba'i lus dang ldan pa zhes bya ba la ldan pa zhes bya ba ni lus ngan song du song ba dang ldan pa yin gyi sems log par ltung ba ni ma yin pa'o/ /mdo sde'i mdza' zhes bya ba ni nges pa'i don gyi mdo sde'o/ /sprul pa des zhes bya ba ni drug sde dag gi tho btsams pa rgya mtsho chen por zhugs pa gang yin pa des so/ /yang dag par ldan pa zhes bya ba ni phung po dang/ skye mched dang/ gling gzhi la sogs pa'i rgyud du gtogs pa dang yang dag par ldan pa'i phyir ro/ /bar ma zhes bya ba ni mdo sde bar ma dag yod pa'i phyir ro/ /ring po zhes bya ba ni mdo sde ring po ring po dag yod pa'i phyir ro/ /brjed pa'i skabs zhes bya ba ni mi dran pa'i skabs so/ /gsal bar bya'o zhes bya ba ni dran par bya'o/ /bag chags zhes bya ba ni goms pa'o/ /'dzin ces bya ba ni mi brjed pa'o/ /mig gdug pa zhes bya ba ni mthong na sreg par 'gyur ba'i phyir ro/ /dbugs dang/ reg pa dang/ mche ba gdug pa zhes bya ba yang de dag gis reg na sreg par 'gyur ba'i phyir ro/ /ming tsam zhig lus pa zhes bya ba ni ming nas ming tsam zhig grag pa'o/ /lhan cig ces bya ba ni ma tshang ba med pa'o/ /tshogs shing zhes bya ba ni/ bya ba cig la zhugs shing ngo/ /kun dga' zhes bya ba ni thams cad dga' bzhin du'o/ /bcom ldan 'das kyis zhes bya ba la sogs pa ni yang dag par sdud par byed pa'i tshig yin no/ /blta ba chog mi shes zhes bya ba ni blta bas ngoms mi shes pa ste/ de la lta ba ni mig gi blo gzhan du mi 'gro zhes bya ba'i tha tshig go / mthong na mi mi mthun pa med pa zhes bya ba ni mthong na bde ba bskyed pa'i phyir ro/ /cang shes zhes bya ba ni rnam pa dang mnyen pa dang/ bzod pa dang nges pa la sogs pa'i yon tan dang ldan pa'i phyir ro// gzhon sha can zhes bya ba ni lus shin tu gzhon sha chags pa'i phyir ro/ /dub pas zhes bya ba ni dal bas so/ /stug pos zhes bya ba ni chen pos so/ /khal dag ces bya ba glang po la sogs pa'o/ /phrog nas zhes bya ba ni gdungs nas so/ /snying stobs che ba zhes bya ba ni brtan pa'o/ /lam srang zhes bya ba ni lam phran no/ /thob ces bya ba mtshon rtse gcig pa'o/ /nyen nas zhes bya ba ni zil gyis non nas so/ /nyam thag pa'i skad ces bya ba ni ya na a tsha zhes bya ba la sogs pa zhun pa'i skad do/ /yid ches par dga' bas zhes bya ba ni yid mi ches pa'i rang bzhin no/ /zan gyi gral du zhes bya ba ni dge 'dun gyi skad sar ro/ /nyi tshe ba'i sems can dmyal ba zhes bya ba ni thams cad dang thun mong ma yin pa kha cig gi sdug bsngal gyi gnas so/ /snum bag gi rnyed pa zhes bya ba ni 'o ma dang zho dang/ mar dang nya sha dang sha dang sha skam mo/ /yul ngan zhes bya ba ni char bab pa la sogs pa'o/ /ma rungs par gyur pa zhes bya ba ni chung zos pa'o/ /'bar zhes bya ba ni cung zad 'bar ba'o/ /rab tu 'bar ba zhes bya ba ni 'bring du 'bar ba'o/ /kun tu rab tu 'bar zhes bya ba ni cher 'bar ro/ /me lce 'bar ba'i lus gcig tu gyur pa'o/ /tshul khrims 'chal ces bya ba ni pham par gyur pa'o/ /sdig pa'i tshogs can zhes bya ba ni ngo tsha shes pa dang khrel yod pa nyams pa ste/ nyin gcig mi chad par mi 'dod pa'i las byed pa'i phyir ro/ /yon spyod pa zhes bya ba ni mya ngan las 'das pa'i bsam pas rab tu byung ba tshul khrims dang ldan pa la ni gos stong phrag brgya ba dang/ zas ro brgya pa dang khang pa brtsegs pa lnga brgya pa yang 'os pa dang/ dge 'dun gyi rjes dang/ mi slob pa man chad kyi rdzas la yang longs spyod du dbang ba'i phyir ro/ /de'i zhar gyis zhes bya ba ni de'i g.yam la'o/ /bslab pa 'dod pa zhes bya ba ni tshul khrims dang ldan pa'o/ /'dir kha cig slob dang/ mi slob ba mang po bsregs pas zhes kyang zer te de ni mi rung ste/ 'di ltar mi slob pa bsod na mtshams med pa byas pas sems can dmyal ba chen po mnar med par skye bar 'gyur la/ slob pa bsad na mtshams med pa dang/ nye ba byas pas sems can dmyal ba chen po gzhan dag tu skye bar 'gyur ba yin na/ 'dir las de'i rnam par smin pas nyi tshe ba'i sems can dmyal ba rnams kyi nang du skyes te zhes gsal bar smos pa'i lus nyid dang 'gal bar mi rung ngo/ /sems can ka ba 'dra ba dag ces bya ba la sogs pa ni ka la sogs pa'i dbyibs 'dra ba'o/ bsti gtas shes bya ba ni gnas so/ /bsod nams 'dod pa zhes bya ba ni dge ba 'dod pa 'am/ snying rje can no/ /gtsang sbra can zhes bya ba ni phyag dar la sogs pa byed pa'o// myos zhes bya ba ni dkrugs pa'o/ /bram ze dang yang dag par ldan pa zhes bya ba ni bram ze rnams kyis sgrub pa dang yang dag par ldan pa'i rgyud du gtogs pa'o/ /som nyi ma brgal zhes bya ba la sogs pa ni 'di skad bstan te/ 'phags pa'i bden pa dag la som nyi ma spangs na gcer bu'i spyod pa la sogs pas mi dag gi sdig pa byed par mi 'gyur bas bram ze dag gis tshul khrims dang brtul zhugs mchog 'dzin pa de ni lam ma yin no/ /gang 'byung bo kun la 'tshe ba rnam par spangs te chos spyod pa la sogs pa de ni rgyan gyis brgyan kyang dge sbyong dang/ bram ze dang/ dge slong yin pas chos 'di pa dag gi snying rje dang tshul khrims dang/ tshangs par spyod pa ni la ma yin zhes ston to/ /de las som nyi ma brgal zhes bya ba ni 'phags pa'i bden pa dag la the tshom dang ma bral na'o/ /gcer bu'i spyod pa zhes bya ba ni/ gos med par rgyu ba'o/ /ral pa zhes bya ba ni skra'i ral pa'i khur thogs pa'o/ /rdzab ces bya ba ni chu'i rdzob kyi nang na 'dug pa 'am thal bas skud pa'o/ /sna tshogs zas zhes bya ba i autpa la'i rtsa ba la sogs pa'i zas sna tshogs za ba'o/ /thang la nyal zhes bya ba ni sa sgre bo la nyal ba 'am/ lci bas byugs ma thag pa'i sa la nyal ba'o/ /rdul zhes bya ba ni sa rdul gyis skud pa'o/ /dri ma zhes bya ba ni rdul la sogs pa las gyur pa'i dri ma 'chad pa'o/ /tsog pu'i spong bas zhes bya ba ni tsog tsog por 'dug pa'i spyod lam gyis bud med dang blang po che 'dug pa la sogs pa yongs su spong bar byed pa 'am tsog tsog por 'dug pa'i spyod lam gyis brtson 'grus byed pas so/ /mi dag ces bya ba ni mi'i 'jig rten dag go / byang mi 'gyur zhes bya ba ni sdig spong bar mi 'gyur ba'o/ 'byung po kun la zhes bya ba ni sems can mdza' bshes dang/ dgra bo dang/ tha mal pa thams cad la'o/ /'tshe ba zhes bya ba ni gsod sems kyi bsam pa'o/ /rnam spangs te zhes bya ba ni gtan spangs te'o/ /chos spyod ces bya ba ni lus dang ngag dang/ yid kyi las legs par spyod pa'o/ /zhi zhes bya ba ni dbang po sdom pa'o/ /dul zhes bya ba ni yid sdom pa'o/ /yang dag sdom zhes bya ba ni tshul khrims gong na med pa dang ldan pa'o/ /tshangs spyod ldan pa zhes bya ba ni tshangs par spyod pa dang ldan pa ste/ /lam tshol ba lhur len pa'o/ /rgyan gyis brgyan gyur kyang ces bya ba ni mgo rgyan la sogs pa dang ldan par gyur du zin kyang ngo/ /de nyid bram ze dge sbyong dge slong yin zhes bya ba ni/ 'byung po kun la 'tsho ba rnams spangs te/ zhes bya ba la sogs pa yon tan sngar bstan pa de dag dang ldan pa de nyid bram ze dang/ dge sbyong dang/ dge slong yin gyi/ ming tsam gyis ni ma yin no zhes bya ba'i tha tshig go /grong khyer lta bu'i mdo zhes bya ba ni mdo sde gang gi dpe grong khyer las blangs pa'o/ /gdon par brtsams pa zhes bya ba ni kha dog tu gdon par brtsams te 'o/ /sdom rdzogs pa'i byang chub mngon par sangs rgyas pa'i tshe zhes bya ba ni mngon par rdzogs par sangs ma rgyas pa'i sngon bla na med pa'i ye shes ma rnyed pa'i tshe'o/ /gcig pu zhes bya ba ni grogs med pa'o/ /dben par song te zhes bya ba ni khyim gyis stong par song ste'o/ nang du yang dag bzhag pa na zhes bya ba ni dben par 'dug pa na'o/ /sems la zhes bya ba ni bdag ma yin pa la'o/ /sems kyi yongs su rtog pa zhes bya ba ni mu stegs can dag chu dang 'o ma 'dres pa bzhin du bdag dang sems can mtshungs par ldan pa las rtog pa 'byung ngo zhes zer ba dgag pa'i phyir sems kyi yongs su rtog pa zhes smos te/ bdag gi yongs su rtog pa ma yin no zhes bya ba'i tha tshig go /'dir yongs su rtog pa zhes bya ba ni kha nang du bltas pa cha phra mo la dmigs pa ste/ rnam par rtog pa zhes bya ba'i tha tshig go /'di lta bu zhes bya ba ni 'og nas 'byung ba lta bu'o/ /kye ma zhes bya ba ni thugs brtse ba'o/ /'jig rten 'di zhes bya ba ni khams gsum pa'i 'gro ba'o/ /sdug bsngal bar zhes bya ba ni nyam nga ba'i gnas su'o/ /gyur te zhes bya ba ni thob ste'o/ /ji ltar sdug bsngal bar gyur ce na de'i phyir 'di lta ste/ zhes bya ba la sogs pa gsungs te/ 'di lta ste zhes bya ba ni nye bar bstan pa'i tha tshig go /skye bar 'gyur zhes bya ba ni nye bar len pa'i phung po lnga skye bar 'gyur ba'o/ /dga' bar 'gyur zhes bya ba ni dbang po yongs su smin par 'gyur ba'o/ /'chi bar 'gyur zhes bya ba ni ris mthun pa yongs su spong bar 'gyur ro/ /nyams par 'gyur zhes bya ba ni skad cig ma re re la nyams par 'gyur ba'o/ /de dag gis ni skye ba gcig la skye ba dang/ rga ba dang 'chi ba dang/ skad cig gis nyams par 'gyur ba bstan to/ /'byung bar 'gyur yang zhes bya ba ni ris mthun pa gzhan yongs su len par 'gyur yang ngo/ /'on kyang sems can 'di dag gis zhes bya ba ni 'di ltar rga shis sdug bsngal bar gyur pa dag gis so/ /bla na yod bzhin du zhes bya ba ni khyad par du 'phags pa mya ngan las 'das pa yod bzhin nges par 'byung ba zhes bya ba ni gnyen po 'phags pa'i lam mo/ /yang dag pa ji lta ba ni ma nor ba'o/ /nga zhes bya ba ni sems kyi gnas skabs de lta bu thob pa'o/ /gang yod na zhes bya ba ni nye bar len pa'i rgyu yod na'o/ /rkyen gang gis zhes bya ba ni grogs byed pa'i rkyen gang gis so/ /tshul bzhin yid la byed pa zhes bya ba ni dngos po'i de kho na ji lta ba bzhin yid la byed pa na'o/ /mngon par rtogs par gyur to/ zhes bya ba ni 'jig rten pa'i shes pas mngon sum du gyur pa'o/ /de la rga shi zhes bya ba ni de ltar byung ba'i ming dang gzugs dang skye mched drug dang/ reg pa dang tshor ba'i gnas skabs gang yin pa de ni ma 'ongs pa'i rga shi ste/ phung po lnga'i gnas skabs so/ /ci'i phyir byang chub sems dpa' rga shi dang por byas ste/ rten cing 'brel bar 'byung ba la rtog pa byed cing ma rig pa dang por byas te mi byed ce na/ rtog pa'i rim pa 'di ni byang chub sems dpa' gang gA'i glung gi bye ma snyed dag gi nges par gnas pa yin te/ byang chub sems dpa' rga shi dang por byas te rten cing 'brel par 'byung ba la rtogs par byed pas 'di la nyes pa med do/ /yang yongs su rtog pa'i rjes su mthun pa'i phyir te/ byang chub sems dpa' rgan po dang nad pa dang bdag mthong nas yid byung ste nags su song ngo zhes gsungs pa'i phyir ro/ /de dag mthong nas kyang de 'di snyam du sems te/ gang yod rga shi 'byung shing rkyen gang gis rga shi 'byung snyam du de tshul bzhin yid la byed pa na/ 'di ltar skye ba yod na rga shi 'byung zhes skye ba'i rkyen gyis rga shi 'byung ngo snyam du yang dag pa ji blta ba bzhin mngon par rtogs par gyur to zhes bya ba la sogs pa rgya cher gsungs so/ /'o na ci'i phyir 'dir rkyen gang gis zhes rkyen 'ba' zhig smos la rgyu ma smos she na/ gal te rgyu 'ba' zhig smos la rkyen ma smos par gyur na/ de'i tshe rgyu'i rkyen 'ba' zhig gzung bar 'gyur gyis rkyen gzhan bzung bar mi 'gyur ro/ /rkyen zhes smos pas ni rkyen bzhi po dag bzung bar 'gyur ro/ /yang na rkyen zhes smos pas ni rgyu dang bye brag med de/ de ltar yang bye brag tu smra ba'i gzhung las kun dga' bo de lta bas na rga shi'i rgyu ni 'di yin rkyen ni 'di yin/ gzhi ni 'di yin te/ 'di lta ste skye bo zhes mdo sde las gsungs pa'i phyir ro/ /zhes 'byung ngo/ /skye ba zhes bya ba ni da ltar byung ba'i rnam par shes pa'i gnas skabs gang yin pa de ni ma 'ongs pa'i skye ba ste/ phung po lnga ni gnas skabs so/ /srid pa zhes bya ba ni yang 'byung ba'i phyir srid pa sems pa na/ lus dang ngag dang yid kyis rnam par rig par byed pa gang yin pa de ni srid pas te/ phung po lnga'i gnas skabs so/ /len pa zhes bya ba ni longs spyod dag tshol ba na gang gi tshe phyogs bzhir rgyug pa gang yin pa de ni lan pa ste/ phung po lnga'i gnas skabs so/ /sred pa zhes bya ba ni de'i gnas skabs na tshor ba gsum po thams cad 'byung zhing 'dod pa dang/ spyod pa las byung ba'i 'dod chags kun tu spyod 'dod pa gang yin pa de ni srid pa ste/ phung po lnga'i gnas skabs so/ /tshor ba zhes bya ba ni gang gi tshe bde ba dang sdug bsngal yongs su gcod pa na gnod par byed pa'i rgyu yongs su spong zhing me la 'dzin par mi byed mtshon gyis 'debs par mi byed mi gtsang ba bsten par mi byed par zas kyi sred pa skyes par byed cing/ spyod pa zhes byung ba'i 'dod chags skyes par mi byed pa/ gang yin pa de ni tshor ba ste/ phung po lnga'i gnas skabs so/ /reg pa zhes bya ba ni dbang po dang/ yul dang/ rnam par shes pa dag 'dus pa las reg pa 'byung zhing bde ba dang sdug bsngal yongs su gcod par yang mi byed/ gnod par 'gyur ba spong bar mi byed me la 'dzin par yang mi byed/ dug dang mtshon dang/ mi gtsang ba sten par yang mi byed pa gang yin pa de ni reg pa ste/ phung po lnga'i gnas skabs so/ /skye mched drug ces bya ba ni/ mig dang rna ba dang/ sna dang lce dang/ lus dang yid ces bya ba'i skye mched drug dod cing/ ji srid du dbang po dang/ yul dang rnam par shes pa gsum 'dus pa las reg pa ma byung ba gang yin pa de ni skye mched drug ste phung po lnga'i gnas skabs so/ /ming dang gzugs zhes bya ba nying mtshams sbyor ba na skye mched drug ma dod pa'i bar skabs su mer mer po dang/ nur nur po dang/ mkhrang bar gyur pa rkang lag 'gyus pa'i gnas skabs gang yin pa de ni ming dang gzugs te phung po lnga'i gnas skabs so/ /rnam par shes pa zhes bya ba ni ma'i mngal du rnam par shes pa nying mtshams 'byor pa gang yin pa ste phung po lnga'i gnas skabs so/ /nga'i yid rnam par shes pa nas phyir log cing zhes bya ba ni rnam par shes pa shes nas de kho na nas sems phyir log cing ngo/ /de phan chad du 'jug par mi byed de zhes bya ba ni rnam par shes pa phan chad du sems 'jug par ma gyur pa ste/ rnam par shes pa'i rgyu ni 'du byed kyi mtshan nyid yin la/ 'du byed kyi rgyu ni ma rig pa'i mtshan nyid yin pa shes par bya ba'i phyir de'i sems 'jug par ma gyur to zhes bya ba'i tha tshig go / 'o na ci'i phyir byang chub sems dpas yan lag gnyis po ma rig pa dang 'du byed gnyis ma brtags she na/ sngar brtags zin pa'i phyir te/ 'di ltar srid pa'i yan lag gsum po ma rig pa dang/ sred pa dang len pa ni nyon mongs pa'i ngo bo nyid yin pas/ gang gi tshe sred pa dang len pa brtags par gyur pa de'i tshe na ma rig pa yang brtags zin to/ /srid pa'i yan lag gnyis po 'du byed dang/ srid pa ni las kyi ngo bo yin pas gang gi tshe srid pa brtags par gyur pa de'i tshe na 'du byed kyang brtags zin to/ /'o na ji ltar srid pa'i yan lag bdun po rnam par shes pa dang/ ming dang gzugs dang/ skye mched drug dang/ reg pa dang/ tshor ba dang skye ba dang/ rga shi ni las dang nyon mongs pa'i gzhi yin pa'i phyir gzhi'i ngo bo nyid yin pas/ gang gi tshe rga shi brtags par gyur pa de'i tshe na/ ming dang gzugs dang/ skye mched drug dang/ reg pa dang/ tshor ba yang brtags zin la/ gang gi tshe skye ba brtags par gyur pa de'i tshe na/ rnam par shes pa yang brtags zin pa yin na ci'i phyir de dag kyang rtog par byed ce na/ sngar rga shi dang skye ba mdor bsdus te brtags nas/ phyis de nyid rgya cher brtags pa'i phyir ming dang gzugs la sogs pa dang rnam par shes pa la rtog par byed pas 'di la nyes pa med do/ /'o na rnam par shes pa la mdor bsdus pa dang/ rgyas par dbye ba gnyis med na/ ci'i phyir rnam par shes pa la lan gnyis su brtags par gyur ce na/ byang chub sems dpa' na skye bas 'jigs pas de'i phyir rnam par shes pa la lan gnyis su brtags par gyur te/ 'di ltar de rga shi yid la 'byung ba na don med pa 'di ci las byung zhes rtog pa na skye ba las byung bar mthong ngo/ /skye ba yang gang gi mngon par bsgrubs shes rtog pa na las kyis mngon bsgrubs par mthong ngo/ /las kyang gang gis kun nas bslangs zhes rtog pa na/ nyon mongs pas kun nas bslang zhing nyon mongs pa ni gzhi la rten par mthong ngo/ /gzhi yang gang gis mngon par bsgrubs shes rtog par gyur na skye bas mngon par bsgrubs par mthong nas de 'di snyam du sems te/ don med pa 'di dag thams cad ni skye ba las byung ngo snyam du sems pas de'i phyir skye bas yid byung bas rnam par shas pa la gnyis su brtags pa gyur te/ sdug bsngal 'di dag thams cad skye bas bskyed pas de'i phyir de'i yid rnam par shes pa nas log cing de phan chad du 'jug par mi byed do/ /de ltar na zhes bya ba ni mjug bsdu ba'o/ /sdug bsngal gyi phung po chen po zhes bya ba 'di ni yams kyi nad dang/ gnod pa dang/ 'og pa'i nad dang/ 'khrug pa dag gi tshig bla dwags yin no/ /'ba' zhig pa zhes bya ba 'di ni blangs pa dang mthar phyin pa dang/ yongs su rdzogs pa'i tshig bla dags yin no/ /'di zhes bya ba 'di ni kun tu bstan pa dang/ nye bar bstan pa'i tshig bla dags yin no/ /'byung bar 'gyur ro zhes bya ba ni skye bar 'gyur ba'o/ /'du byed rnams zhes bya ba ni skye ba snga ma'i bsod nams dang/ bsod nams ma yin pa'i las kyi gnas skabs gang yin pa de ni 'di'i 'du byed rnams te phung po lnga'i gnas skabs so/ /ma rig pa zhes bya ba ni skye ba snga ma'i nyon mongs pa'i gnas skabs gang yin pa de ni 'di'i ma rig pa ste phung po lnga'i gnas skabs so/ /'o na ci'i phyir byang chub sems dpas 'jug pa'i phyogs la ni srid pa'i yan lag bcu brtags par 'gyur la/ ldog pa'i phyogs la ni bcu gnyis brtags par gyur ce na/ byang chub sems dpa' ni 'jug pa'i phyogs la sdad la/ lho phyogs la dga' zhing 'dod pas de'i phyir ldog pa'i phyogs la yan lag bcu gnyis brtags par gyur te/ 'di la nyes pa med do zhes bye brag tu smra ba'i gzhung las 'byung ngo// //bam po bcu gcig pa/ /sngon gyi zhes bya ba ni snga rabs kyi'o/ /lam zhes bya ba ni lam po che'o/ /bgrod pa zhes bya ba ni bgrod pa gcig pa'o/ /lam srol zhes bya ba ni shing rta 'gro ba'i phang los grangs pa'i rjes so/ /de dag gis ni lam po che nyid du bstan te/ de ltar yang lam 'dis chu bo las brgal bar gyur cing/ brgal bar 'gyur ba rgal bar byed do zhes gsungs pa'i phyir ro/ /sngon gyi drang srong rnams gshegs shing rjes su 'dod ba zhes bya ba ni sngon gyi drang srong de bzhin gshegs pa dang/ rang sangs rgyas dang nyan thos rnams sngar gshegs shing de dag gi rjes su nyan thos dag phyis 'dod ba'o/ /'di ni lam ste chen po dag gis brtul ba nyid bstan te/ nags mchog ces bya ba ni nags mchog tu thag ring ba'o/ /bzang ba zhes bya ba ni mdzes pa'o/ /nags dang ldan pa zhes bya ba ni tshang tshing dang spang spun gyi gang ba'o/ /dga' bar 'gyur ba zhes bya ba ni yid dang mthun pa'o// de grong khyer bgyid du rtsol la zhes bya ba ni grong khyer rnying pa de sar par byed du chug cig ces bya'o/ /'phags pa'i lam yan lag brgyad pa zhes bya ba la 'phags pa zhes bya ba ni zag pa med pa'i phyir ro/ /yang dag pa'i lta ba zhes bya ba ni zag pa med pa'i yid la byed pa dang mtshungs par ldan pa shes rab zag pa med pa'o/ /yang dag pa'i rtog pa zhes bya ba ni zag pa med pa'i yid la byed pa dang/ mtshungs par ldan pa nges par 'byung ba la sogs par rtogs pa zag pa med pa'o/ /yang dag pa'i dag ces bya ba ni/ log pa'i 'tsho bar 'gyur ba gang gi nyes pa spyod pa bzhi ma gtogs pa de las gzhan pa'i dag gi nyes par spyod pa spangs pa zag pa med pa'o/ /yang dag pa'i las kyi mdza' zhes bya ba ni log pa'i 'tsho bar 'gyur ba lus kyi nyes par spyod pa gsum ma gtogs pa de las gzhan pa'i lus kyi nyes par spyod pa spangs pa zag pa med pa'o/ /yang dag pa'i 'tsho ba zhes bya ba ni log pa'i 'tsho ba spangs pa zag pa med pa'o/ /yang dag pa'i rtsol ba zhes bya ba ni zag pa med pa'i brtson 'grus so/ /yang dag pa'i dran pa zhes bya ba ni zag pa med pa'i dran pa'o/ /yang dag pa'i ting nge 'dzin zhes bya ba ni zag pa med pa'i ting nge 'dzin to/ /rga shi zhes bya ba ni rga shi'i ngo bo nyid de des ni sdug bsngal gyi bden pa ston to/ /rga shis kun 'byung ba zhes bya ba ni rga shi'i rgyu skye ba ste/ des ni kun 'byung ba'i bden pa bstan to/ /rga shi'i 'gog pa zhes bya ba ni rga shi'i 'gags pa mya ngan las 'das pa ste/ des ni 'gog pa'i bden pa bstan no/ /rga shi 'gog par 'gro ba'i lam zhes bya ba ni rga shi 'gags pa'i mya ngan las 'das pa grong khyer dang 'dra bar 'gro ba'i lam ste/ des? ni lam gyi bden pa bstan to/ /skye ba la sogs pa yan lag lhag ma rnams la yang de bzhin du ci rigs par sbyar ro/ /'o na ci'i phyir ma rig pa'i rnam pa bzhi ma bstan zhe na/ skye ba snga ma'i nyon mongs pa'i gnas skabs gang yin pa de ni 'di'am rig pa yin par sngar bstan pas 'dir ma rig pa'i shes pa bzhi logs shig ma gsungs te/ de ltar yang shes pa'i dngos po bzhi bcu rtsa bzhi bstan pa'i mdo las/ dge slong dang khyed la shes pa'i dngos po bzhi bcu rtsa bzhi bstan par byas/ de'i phyir legs par rab tu nyon la yid la zung shig dang/ ngas khyed la bshad par bya'o/ /dngos po bzhi bcu bzhi gang zhe na rga shi zhes bya ba ni dngos po dang/ rga shi kun 'byung dang/ rga shi 'gog par 'gro ba'i lam shes pa'i dngos po dang/ skye ba dang/ srid pa dang/ len pa dang/ srid pa dang/ tshor ba dang/ reg pa dang/ skye mched drug dang/ ming dang gzugs dang rnam par shes pa dang/ 'du byed rnams shes bya ba'i dngos po dang/ 'du byed rnams kun 'byung ba dang/ 'du byed rnams 'gog par 'gro pa'i lam shes pa'i dngos po'o zhes gsungs te/ de yang ma rig pa shes pa'i dngos po bzhi ma bstan to/ /mngon par rdzogs par byang chub nas zhes bya ba ni thugs su chud nas so/ /mu stegs can zhes bya ba ni gcer bu pa'i zad byed dag go /spyod pa can zhes bya ba ni mu stegs kyi rnam pa rab tu byung ba dag go /yang dag par bsgrub pa na zhes bya ba ni nan tan byed pa na'o/ /sgrub par byed pa zhes bya ba ni sgrub pa po'o/ /rigs dang ldan pa zhes bya ba ni mya ngan las 'das pa ste/ rigs pa dang ma bral ba'i phyir ro/ /chos dang ldan pa zhes bya ba ni chos thams cad kyi chog tu gyur pa'i phyir ro/ /dge ba zhes bya ba ni sdug bsngal thams cad nye bar zhi bar 'gyur ba'i phyir te/ thar pa ni don dam pa'i dge ba yin no zhes gsungs pa'i phyir ro/ /tshangs par spyad pa zhes bya ba ni lam bstan pa'o/ /rgya che ba zhes bya ba ni rgya chen por gyur pa'o/ /skye bo mang po la phan pa zhes bya ba ni skye bo mang po la mkho ba'o/ /yangs par gyur pa zhes bya ni ches rgya cher nye bar gyur pa ste/ nyan tho rnams kyis kyang gzhan dag gi rgyud la lam bskyed pa'i phyir ro/ /lha dang mi'i bar dag la zhes bya ba ni lha dang mi'i bar dag la rab tu bstan pa'i phyir ro/ /yang dag par zhes bya ba ni phyin ci ma log par ro/ /rab tu bstan zhes bya ba ni rgya cher nye bar bstan pa'i phyir ro/ /de ltar yang mdo sde las dge slong dag de ltar na de bzhin gshegs pa dgra bcom pa yang dag par rdzogs pa'i sangs rgyas rnams ni lam ma brnyes pa tshangs par spyod pa ma bcas pa 'chad pa ste/ dge slong dag de bzhin gshegs pa dgra bcom pa yang dag par rdzogs pa'i sangs rgyas rnams ni lam mkhyen pa lam rig pa lam ston pa lam gsung ba lam 'dren pa yin no/ /nyan thos rnams ni phyis ldan zhing lam gyi rjes su 'dod pa'i ston pa'i bstan pa bzhin du byed pa ste/ de dag de ltar bstan pa la yang dag par bsgrub pa na sgrub pa byed pa yin zhing rig pa dang ldan pa chos dang ldan pa dge ba sgrub par byed do zhes gsungs so/ /mjug tu zhes bya ba ni rdzogs pa na'o/ /'byung po gang dag ces bya ba ni lha dang klu dang/ gnod sbyin la sogs pa sems can gang dag go /'dir ni zhes bya ba ni dam pa'i chos bstan pa'i gnas su'o/ /lhags gyur zhes bya ba ni 'ongs par gyur pa'o/ /bar snang zhes bya ba ni nam mkha' o/ /skye dgu rnams la zhes bya ba sems can rnams la'o/ /chos zhes bya ba ni srog gcod spong pa la sogs pa legs par spyod pa'o/ /spyod par gyur cig ces bya ba ni yongs su skyong bar gyur cig ces bya ba'o/ /yongs su bsngos zhes bya ba ni 'bras bu sbyin pa la bzhag pa'o/ /bden pa mthong ba rtogs ma thag tu phyin mi 'ong ba'i 'bras bu thob ste zhes bya ba ni sngar 'jig rten pa'i lam gyis 'dod pa na spyod pa'i nyon mongs pa rnams spangs pa'i phyir bden pa mthong ma thag tu phyir mi 'ong ba'i 'bras bu mngon du byas so/ /rdzu 'phrul yang mngon par bsgrubs so zhes bya ba ni bsam gtan gyi dngos gzhi dag la brten nas bskyed pa'o/ /legs par gsungs so/ /legs par gsungs so zhes bya ba ni gus pa'i phyir lan gnyis su bzlas so/ /mgrin gcig tu zhes bya ba ni don brjod pa'i sgra dus gcig tu'o/ /sgra zhes bya ba ni skad do/ /rdzu 'phrul mngon par 'du bya ba zhes bya ba ni/ rdzu 'phrul sgrub cing skyed par byed pa'i ting nge 'dzin dag go /brtul zhes bya ba ni btang ba'o/ /'byor pa rnyed zhes bya ba ni sgrub pa'i don grub pa'i phyir ro/ /rgya chen po zhes bya ba ni che ba'o/ /zhum pa med pa zhes bya ba ni 'jigs pa med pa'o/ /dge ba zhes bya ba bzang ba'o/ /phan yon lnga zhes bya ba yon tan lnga'o/ /yang dag par rjes su mthong ba'i zhes bya ba ni shes pa'o/ /rab tu 'byung ba la mos par bya ba kho nar rigs zhes bya ba rab tu 'byung bar bya ba kho nar rigs pa ste/ rigs zhes bya ba ni 'os shing bzang ba zhes bya ba'i tha tshig go /rang gi don zhes bya ba ni mya ngan las 'das pa'i mtshan nyid do/ /ma 'dres pa zhes bya ba ni rgyal po la sogs pa dang thun mong ma yin no/ /rjes su thob pa zhes bya ba ni 'grub po'o/ /bran zhes bya ba ni nye bar spyad par bya ba ste bran dang brkus pa dang/ rnyed brtson dang/ rtsod pa can dang btsong ba dag go /mngag gzhug pa zhes bya ba ni lkog gi las su bsko bar bya ba ste/ nor gyis glas shing bsgo ba'i mngag gzhug byed pa'o/ /bsgo ba zhes bya ba ni mngon sum gyi las su bsgo bar bya ste blon po la sogs pa'o/ /rang dbang med pa zhes bya ba ni gzhan la rag las pa ste/ chabs 'og gi rgyal phran la sogs pa'o/ /dga' mgur 'gror med pa zhes bya ba ni ci dgar spyod du med pa ste blon po chen po/ /'di ltar de ni rgyal po'i drung du rtag tu brtan du yang med la gzhan du 'gror yang med pa'i phyir ro/ /mchod par bya ba zhes bya ba ni chos gos la sogs pa'o/ /bstod par bya ba zhes bya ba ni tshig gis so/ /grub pa dang bde ba zhes bya ba la grub pa zhes bya ba ni sngar thob pa'o/ /bde ba zhes bya ba ni thob pa mi nyams pas te de ni grub pa yang yin la/ bde ba yang yin pas grub pa dang bde ba ste/ mya ngan las 'das pa zhes bya ba'i tha tshig go / bla na med pa zhes bya ba ni chos thams cad kyi mchog yin pa'i phyir ro/ /'thob pa las nyams na zhes bya ba ni 'thob par bya ba las nyams shing 'thob na ste/ mya ngan las 'das pa las ma thob pa'i yongs su nyams pas na'o// dam pa zhes bya ba ni drang srong chen po rnams so/ /yang dag par rtogs pa zhes bya ba ni mi slob pa rnams so/ /yang dag par sgrub pa zhes bya ba ni slob pa rnams so/ /skyes bu dam pa rnams kyis zhes bya ba ni so so'i skye bo dge ba rnams kyis so/ /nyam nga bar gyur te zhes bya ba ni 'dir mi bde bar gyur pa'o/ /bdag mthus zhes bya ba ni bdag gi nus pas so/ /gzings lta bur gyur zhes bya ba ni/ dper na gzings kyi gzhan bsgral nas bdag nyid bsgral bar mi nus pa de bzhin du bdag gi mthus 'di dag gis phyir mi 'ong ba'i 'bras bu dang rdzu 'phrul mngon par bsgrubs par gyur na/ bdag ni so so'i skye bo nyid du gnas shing rdzu 'phrul med pa lta snyam du bsams pa'o/ /yung tsam zhes bya ba ni 'dir dus ji srid kyis bsams pa'i don 'grub pa'i yul la bya ba'o/ /mang du thos pa zhes bya ba ni mdo sde dang/ 'dul ba dang chos mngon pa la sogs pa dam pa'i bstan bcos la mkhas pa'o/ /gzhan la rag ma las pa zhes bya ba ni rang la rag las ba'o/ /chos gos kyi grwa zhes bya ba ni mdza' ma'o// 'dab ma brkyang ba zhes bya ba ni gshog pa phyar bya ba'o/ /rdzas 'khos su 'bebs par byed pa ni nang du 'dzud par byed pa'am zungs su rtsig par byed pa na'o/ /skyes zhes bya ba ni dbul ba'o/ /dus yol zhes bya ba ni 'das pa'o/ /re ba med par gyur zhes bya ba ni re ba chad pa'o/ /dam gzhag pa zhes bya ba ni zla ba phyed cing las su bskos pa ste phyag rgya ba zhes bya ba'i tha tshig go /'bru mar gyi tshigs ma zhes bya ba ni til gyi tshigs ma'o/ /kun nas dkris pa drag pos zhes bya ba ni sems kyi zhe sdang ba drag pos so sdig pa sdig pa las shog cig ces bya ba ni nyes pa nyid du shog cig pa'o/ /bsrabs pa nyid ces bya ba ni las myong bar ma nges pa rnams kyi sbyor ba las byung ba rnam par mnan pa'o/ /yongs su zad pa zhes bya ba ni dngos gzhi'i dus su byung ba rnams rnam par mnan pa'o/ /yongs su mthar thug ces bya ba ni mjug gi dus byung ba rnams rnam par mnan pa'o/ /rnyed pa stobs pa zhes bya ba ni dgun dang dbyar la sogs pa'i rnyed pa 'drim par byed pa ste gsar bu rgod po la sogs pa'o/ /bsgyur zhes bya ba ni bzhag pa'o/ /zhal lta byed pa zhes bya ba ni las byed pa'o/ /khyim gyi stong pa zhes bya ba ni khyim dag med pa'o/ /ri sul zhes bya ba ni chu'i 'dod pas bzas pa'i ri sul lo/ /rtsa spyil zhes bya ba ni rtswa'i spyil po'o/ /phyis zhes bya ba ni yongs su mya ngan las 'das pa'i 'og tu'o/ /ri rab kyi bang rim zhes bya ba ni ri rab las phyi rim mthon pa bzhi yod pa ni ri rab kyi bang rim zhes bya ba'o/ /gser gyi ri bdun zhes bya ba ni gnya' sha'i 'dzin dang/ gshol mnga' 'dzin dang/ seng? lngar? can dang/ blta? na sdug dang/ rta rna ri dang/ rnam par 'dud dang/ mu khyung 'dzin zhes bya ba dag go /mtsho chen po ma gros pa dang rdzing bu ngal gyis 'bab na zhes bya ba ni de dag gi drung na gnas yod pa na'o/ /drangs zhes bya ba ni khyer ba'o/ /mi snang bar byed pa zhes bya ba ni lus mi snang bar byed pa na'o/ /lhung bzed thogs pa zhes bya ba ni bkru ba la sogs pa'i phyir ro/ /'bras chan gyi gzegs ma gcig ces bya ba ni 'bru gcig go /smon lam log pa zhes bya ba ni dge ba'i rtsa ba log par bsngos pa'o/ /las shin tu chen po zhes bya ba ni bsags pa'o/ /yongs su rdzogs pa zhes bya ba ni tshogs pa dang/ dus dang ldan pa'o/ /kha cig na re shin tu chen po zhes bya ba ni bsam pa'i bye brag dang ldan pa'o/ /yongs su rdzogs pa zhes bya ba ni bsags pa'i phyir ro/ /zhes zer ro lus brje ba zhes bya ba ni 'chi ba'o// sems 'di thag ring gyur pa ste zhes bya ba ni bzlog pa'i mthu nyams pa'i phyir ro/ /de nyid du skyes zhes bya ba ni shi 'phos nas so/ /mu stegs can zhugs pa rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /zhag bri bar gyur nas zhes bya ba ni sum cu mi thub par gyur pa ste/ dgun dang srog dbyar rnams kyi/ /zla ba phyed dang gnyis 'das pa'i/ /lhag ma zla ba phyed po dag /mkhas pas zhag ni dbri bar bya/ zhes bshad pa'i phyir ro/ /des pa zhes bya ba ni bgrungs pa dang ldan pa'o/ /'grogs na bde ba zhes bya ba ni spro ring ba'o/ /rang tshul ngan pa zhes bya ba ni spro thung pa yin gyi spyod pa nyams pa ni ma yin no/ /tshul shing phyung bar gyur zhes bya ba ni bgrang ba'i don gyi thur ma yang bor bar 'gyur ro/ /spang leb khye'u yang bsgyur bar 'gyur zhes bya ba ni tshangs pa mtshungs pa spyod pa rnams kyi nang du stan bting ba gnas nas bton par 'gyur pa'o/ /slong phor yang khas phub par 'gyur zhes bya ba ni khrims su bca' bas longs spyod nyams par byed cing zas kyi snod kyang nyams par byed pa'o/ /slong phor zhes bya ba ni mu stegs can gyi lhung bzed kyi ming ngo/ /khar ba yang bor bar 'gyur zhes bya ba ni khar ba yang gnas nas phyi rol tu bor bar 'gyur ba'o/ /tshangs pa mtshungs par spyod pa rnams kyi nang nas kyang phyung bar 'gyur zhes bya ba ni de dag gi nang nas bskrad par 'gyur ba'o/ /dge ba sgos zhes bya ba ni gsar bu rgan po la sogs pa ste/ rdzas bsrung bar bskos pa'i phyir ro/ /bsngos pa zhes bya ba ni bgrangs pa na'o/ /'dun pa zhes bya ba ni bsam pa brjod pa'o/ /rgyal mtshan 'di zhes bya ba ni de bzhin gshegs pas gsungs pa'i dge slong gi rtags so/ /lta ba de la zhes bya ba ni mu stegs can gyi lta ba'o/ /der zhes bya ba ni mu stegs can gyi gnas su'o/ /skya reng 'char bar byed na zhes bya ba ni skya reng dang po'o/ /gang ma bsad pa rab tu dbyung bar mi bya ba dang/ de la sdom pa skye ba'i chos nyid med pa dang de lta bu rab tu byung ba'i rtags can bsnyil bar bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so// khyim zhes bya ba ni khang pa'o/ /thog tag ces bya ba ni thams cad do/ sgo zhes bya ba ni byung ba'o/ /rten pa zhes bya ba ni spyod pa'o/ /snying rje med pa zhes bya ba ni snying brtse ba med pa'o/ /mgo drungs pa nas bcad ces bya ba ni mgrin pa nas bcad pa'o/ /'dar zhes bya ba ni 'gul ba'o/ /bdag bu mo dang gnyis zhes bya ba ni rje gol gnyis so/ /yon tan dag mngon par mi shes zhes bya ba ni bu'i pha ma gnyis ni ka ba byed pa zhes bya ba la sogs pa'i phan yon mi shes pa'o/ /gnas skabs zhes bya ba ni chad pa'o// bkur sti byas te zhes bya ba ni bsregs te'o/ /bsten pa zhes bya ba ni mngon par dga' ba'o/ /sdig pa'i las zad par 'gyur zhes bya ba ni ma bsad pa'i las 'byed? bar 'gyur pa'o/ /thabs zhes bya ba ni rgyu'o/ /nges par 'byung ba'i thabs zhes bya ba ni ji ltar bsams pa'i don 'grub pa'i rgyu'o/ /dge ba yis ni 'gog byed de zhes bya ba ni dge bas 'byung bar 'gyur ba'o/ /de smad 'gyur zhes bya ba ni sdig pa bsrabs pa'i lus ni gsal bar 'gyur ba'i phyir ro/ /rjes su 'jug par bya zhes bya ba ni dad par byas pa'o/ /bsro gang zhes bya ba ni khrus kyi cho ga yo byad dang bcas pa'o/ /chos kyi 'khor sdud sdud pa zhes bya ba ni bsdu ba'i dngos po bzhis so/ /'od zer dag gis zhes bya ba ni me lce dag gis so/ /skal chad ces bya ba ni bsod nams chung ba'o/ /dge ba'i sems kyis zhes bya ba ni bsro gang byed du bcug pas so/ /lha'i bu mo zhes bya ba ni lha mo'o/ /yongs su gnas pa bsten te zhes bya ba ni zhag lon te'o/ /rna cha gdub 'khor g.yo zhing dri ma med pa thogs te zhes bya ba la/ rna cha gdub 'khor zhes bya ba ni rna brgyan gdub la 'khor can no/ /g.yo zhing zhes bya ba ni yang ba'o/ /dri ma med pa zhes bya ba ni 'od gsal ba'o/ /thogs te zhes bya ba ni des de nyid do/ /thu ba zhes bya ba ni bla gos kyi gra'o/ /kha dog shin tu 'das pa zhes bya ba ni mi las shin tu 'das pa'i kha dog dang ldan pa'i phyir ro/ /mtshan mo la bab pa zhes bya ba ni nam sros pa'o/ /'jig tshogs la lta ba'i ri'i rtse mo nyi shu ma thob zhes bya ba la/ 'jig tshogs la lta ba zhes bya ba ni nye bar len pa'i phung po lnga'i yul la bdag dang bdag gir shes pa'o/ /ri'i rtse mo zhes bya ba ni 'jig tshogs la lta ba de nyid gzhig dka' ba'i phyir ri dang 'dra'o/ /nyi shu zhes bya ba ni bdag gzugs yin te bdag po dang 'dra ba dang bdag gzugs dang ldan te rgyan dang 'dra ba dang/ gzugs bdag gi yin te bran dang 'dra ba dang/ gzugs la bdag gnas te snod dang 'dra ba dang/ bdag tshor ba yin te bdag po dang 'dra ba dang bdag tshor ba dang ldan te/ rgyan dang 'dra ba dang/ tshor ba bdag yin te bran dang 'dra ba dang/ tshor ba la bdag gnas te snod dang 'dra ba dang/ bdag 'du shes yin te bdag po 'dra ba dang/ bdag 'du shes dang ldan te rgyan dang 'dra ba dang/ 'du shes bdag gi yin te bran dang 'dra ba dang/ 'du shes la bdag gnas te snod dang 'dra ba dang/ bdag 'du byed yin te bdag po dang 'dra ba dang/ bdag 'du byed dang ldan te rgyan dang 'dra ba dang/ 'du byed bdag gi yin te/ bran dang 'dra ba dang/ 'du byed la bdag gnas te snod dang 'dra ba dang/ bdag rnam par shes pa yin te bdag po dang 'dra ba dang/ bdag rnam par shes pa dang 'dra ste rgyan dang 'dra ba dang/ rnam par shes pa bdag gi yin te/ bran 'dra ba dang rnam par shes pa bdag la gnas te snod dang 'dra ba zhes bya ba bdag tu lta ba'i rnam pa nyi shu po dag go / ye shes kyi rdo rje zhes bya ba ni mthong ba'i lam te mthong bas spang bar bya ba'i nyon mongs pa cig car 'dzoms pa'i phyir ro/ /'o na bzod pas 'jig tshogs la lta ba 'dzoms kyi shes pas ma yin te/ srid rtse las skyes bzod pa yis/ /gzhom bya mthong bas spang bya nyid/ /lhag skyes mthong dang sgom gnyis kyis/ /bzod pas gzhom min sgom kho nas/ zhes bshad na/ ji ltar ye shes rdo rjes 'dzoms she na/ bden mod kyi 'on kyang bzod pa dag ni shes pa'i 'khor yin pas shes pa la nye bar gdags te/ rgyal po'i 'khor rgyal po la nye bar gdags pa dang 'dra bas nyes pa med do/ /'phags pa'i bden pa bzhi yang dag par so sor rtogs par byed pa zhes bya ba ni bden pa bzhi khong du chud par byed pa'o/ /sngon gyi pha mes zhes bya ba ni mes po la sogs pa nye du sngon shi ba dag go /mdza' bshes zhes bya ba ni grogs po la sogs pa'o/ /rtsa lag ces bya ba ni mes po ces bya ba la sogs pa nye du'o/ /bsgoms zhes bya ba ni yang dag par 'gyur ba med pa'i phyir ro/ /bsgral zhes bya ba ni yang sogs par 'gyur ba med pa'i phyir ro/ /bkum zhes bya ba ni spang der 'jug pa'i phyir ro/ /phye zhes bya ba ni der 'gro ba'i phyir ro/ /khyod mthus zhes bya ba ni khyod kyis phan btags pa'i mthus so/ /rab drag ces bya ba ni rab tu 'jigs pa'o/ /nyes pa mang ldan pa zhes bya ba ni/ mtshon dang me dang tsher ma la sogs pa nyes pa dang ldan pa'o/ /ngan song shul zhes bya ba ni yang sos la sogs pa'i sgo'o/ /bkag ces bya ba ni bcad pa'o/ /bsod nams rab ldan pa zhes bya ba ni shin tu bzang ba'o/ /mtho ris 'gro ba zhes bya ba ni rgyal chen bzhi la sogs pa'i mtho ris kyi lam mo/ /phye zhing zhes bya ba ni bstan cing ngo/ /mya ngan las 'das pa'i shul zhes bya ba ni 'phags pa'i lam mo/ /thob par gyur zhes bya ba ni shes par gyur pa'o/ /shin tu rnam dag ces bya ba ni bod pa'i tshig ste/ bcom ldan 'das kyis nyon mongs pa bag chags dang bcas pa spangs pa'i phyir ro/ /skyon bral zhes bya ba ni zag pa med pa'o/ /dag pa zhes bya ba ni ma nor ba'o/ /thob cing zhes bya ba ni rnyed cing ngo/ /go 'phang zhi ba zhes bya ba ni mya ngan las 'das pa ste/ sdug bsngal zhi ba'i phyir ro/ /'phags par gyes pa zhes bya ba ni 'phags pa rnams bzhad pa'o/ /sdug bsngal rgya mtsho'i pha rol brgal bar 'gyur zhes bya ba ni 'khor ba'i cha las brgal bar gyur pa ste/ srid pa bdun pa las med pa'i phyir ro/ /'gro bar lha min mi dang lhas mchod pa/ /skye dang rga dang na 'chi bral ba po/ /srid pa stong du mthong ba rab dkon pa/ /thub pa zhes bya ba dag ni bod pa'o/ /'gro bar zhes bya ba ni khams gsum pa'i 'khor bar ro/ /btung byas zhes bya ba ni zhabs gnyis la phyag byas pa ste/ zhabs gnyis la yan lag lngas btung ba byas nas zhes bya ba'i tha tshig go /do shal rab 'chad pa zhes bya ba ni do shal dang se mo dos brgyan pa'i lus kyis so/ /dgra thul g.yas nas yongs su bskor byas te zhes bya ba ni bcom ldan 'das kyi g.yas phyogs nas song ba ste/ g.yas phyogs nas bskor zhes bya ba'i tha tshig go /mkha' la song zhes bya ba ni bar snang la song zhes bya ba'i tha tshig go /tshong ba khe spogs rnyed pa lta bu zhes bya ba la sogs pa ni dga' ba'i khyad par thob pa'i dpe'o/ /cha lugs gang gis zhes bya ba ni rna cha gdub 'khor g.yo zhing dri ma med pa thogs te/ do shal dang se mo dos brgyan pa'i lus kyis zhes sngar bstan pa nyid kyis so/ /'khar phor zhes bya ba ni 'khar ba las byas pa'i snod do/ /kye ma sangs rgyas kyi ma chos kyo ma dge 'dun kye ma chos kyis legs par gsungs pa nyid ces bya ba ni sangs rgyas dang chos dang dge 'dun dang bstan pa'i chos kyi legs par gsungs pa thun mong pa spyir na phan 'dogs pa nyid de/ mtshar che'o zhes bya ba'i tha tshig go /ched du brjod pa zhes bya ba'i thun mong gi yon tan spyir bstod pa'o/ /rangs zhes bya ba ni bzhin rab tu dang bas so/ /mgu zhes bya ba ni mngon par 'dod pa'i 'bras bu thob pa'i phyir ro/ /mchog tu dga' ba zhes bya ba ni skad rab tu gsal bas so/ /dri ba'i lan gdab pa'o/ zhes bya ba ni dris par bstan pa'o/ /dus ma yin gyis zhes bya ba ni de na skye bo mang po med la/ dge 'dun gyi nang na skye bo mang po yod pa'i phyir ro/ /skabs de zhes bya ba ni mkhan po dge ba'i sems kyis dus la bab nas rgyal chen bzhi'i ris kyi lha rnams kyi nang du skyes shing 'phags pa'i bden pa mthong bar gyur pa'i skabs te'o/ /gang zag pha bsad pa rab tu dbyung bar mi byed la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya ba'i byung ba'i mdza' bstan pa'i phyir ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /tshig gi don gzhan ni snga ma bzhin no/ /sdom la dgra bcom bsad dang zhes bya ba la sogs pa ni sngar? rab tu 'byung ba'i gzhi'i spyi sdom las dgra bcom bsad pa dang zhes smos pa'i sdom gyi tshigs su bcad pa yin par sbyar ro/ /gang zag dgra bcom pa bsad pa rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /zhes bya ba la sogs pa gsungs so/ ko sa lar byung ba zhes bya ba'i yul ko sa lar skyes pa'o/ /gzhon nu'i dpe'i mdo sde zhes bya ba ni rgyal po chen po 'di dag ni gzhon nu khyad du bsad par mi bya zhing gzhon nu zil gyis mnan par mi bya'o/ /bzhi gang zhe na/ rgyal po chen po rgyal rigs gzhon du khyad du bsad par mi bya zhing gzhon du zil gyis mnan par mi bya ba dang/ rgyal po chen po brang 'gro gzhon nu khyad du bsad par mi bya zhing/ gzhon nu zil gyis mnan par mi bya ba dang/ rgyal po chen po me chung ngu khyad du bsad par mi bya zhing me chung ngu zil gyis mnan par mi bya ba dang/ rgyal po chen po dge slong gzhon nu khyad du bsad par mi bya zhing gzhon nu zil gyis mnan par mi bya'o/ /de ci'i phyir zhe na/ rgyal po chen po dge slong gzhon nu yin yang de ni rdzu 'phrul che zhing mthu che ba yin pa'i phyir ro/ /zhes bya ba la sogs pa gzhon nu las dpe blangs pa'i mdo sde ste de nyid gzhung 'di las dge 'dun gyi dbyen gyi gzhi'i skabs nas 'og nas 'byung ngo/ /btul ces bya ba ni dul bar byas pa ste/ dkon mchog gsum la dad par byas zhes bya ba'i tha tshig go / sa mtshams kyi bar zhes bya ba ni mtshams kyi bar ro/ /sel ba dang bcas pa zhes bya ba ni dpung dang bcas pa'o/ /bya ma rta zhes bya ba ni nyan rna ste byar ba zhes bya ba'i tha tshig go /btang snyoms zhes bya ba ni rtsol ba chung ngu'o/ /ma bsams par zhes bya ba ni so sor ma btags par ro/ /skra yegs zhes bya ba ni skra 'greng ba dang/ skra 'phyar bar gyur ba'o/ /ku co 'don zhes bya ni ngu ba'i sgra 'byin pa'o/ /bag yangs su zhes bya ba ni bag tsha ba med par ro/ /gson bor bzung ste zhes bya ba ni srog dang ldan bzhin du bzung ste'o/ /lam po che zhes bya ba ni shing rta'i lam mo/ /srang zhes bya ba ni lam dog pa'am tshong 'dus kyi dbus so/ /rjes su sgrogs shing zhes bya ba ni gang dag bya ba ma yin pa byed pa de dag la chad pa 'di lta bu bya'o/ /zhes thams cad du go bar byed cing ngo/ /bsangs zhes bya ba ni bsad pa'i gnas te dur khrod la sogs pa'o/ /rgyud pa zhes bya ba ni dpal med pa'o/ /'byor ba zhes bya ba ni phun sum tshogs pa'o/ /ci'i phyir 'byor pa kun tu skyo bar 'gyur ba'i gnas yin zhe na/ rgyal po dang rkun po la sogs pa dang thun mong ma yin pas gnod pa dang/ mi brtan pa nyid kyis kun tu skyo bar 'gyur ba dang/ rang gi las kyis 'phangs pas gzhan la bsgyur du med pa'i phyir las la kun tu skyo bar 'gyur ba'i phyir de dag kyang snyems pa rnams dang/ zhum pa rnams kun tu skyo ba bskyed pa'i phyir ro/ /gang zag dge 'dun gyi dbyen byas pa rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu dbyung ba'i rtags can bsnyil bar bya ba bstan pa'i phyir gang gis sngon rab tu byung ba na/ de bzhin gshegs pa'i nyan thos kyi dge 'dun phye ba de zhes bya ba la sogs pa gsungs te/ 'di ni byung ba'i mdza' las bcas pa ni ma yin gyi zhus pa'i skabs nas bshad pa yin no/ /dge 'dun gyi dbyen zhes bya ba ni lhas byin dang sbom dga' mo lta bus dge 'dun brgyad la sogs pa gnyis su phye ba ste de byas nas sdom pa btang ste/ bsams mas yang rab tu 'byung bar 'dod na de rab tu byung ba dang rdzogs par bsnyen par mi bya zhing/ de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar gsungs so/ /dge 'dun gyi dbyen ni khyim pas byed par mi nus pas 'dir sngon rab tu byung ba na zhes smos te/ skyes pa rab tu 'byung ba la bar chad 'di dri bar bya'i bud med la ni dri mi dgos te/ bud med sngon rab tu byung ba la lan gnyis su rab tu 'byung ba bkag zin pa'i phyir ro/ /gang zag de bzhin gshegs pa la ngan sems kyis khrag byung ba rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya ba bstan pa'i phyir/ gang gis de bzhin gshegs pa la ngan sems kyis khrag phyung ba de zhes bya ba la sogs gsungs te/ 'di yang byung ba'i mdza' las bcas pa ni ma yin gyi zhus pa'i skabs gnas bshad pa yin no/ /ngan sems kyis khrag phyung ba zhes bya ba ni bsad pa'i bsam pas ngan sems kyis khrag phyung ba ste/ 'di ni khyim pas kyang byar rung bas 'dir sngon rab tu byung ba ni zhes ma smos te skyes pa dang bud med gang gis de byas par rab tu dbyung bar mi bya rdzogs par bsnyen par mi bya zhing de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar gsungs te/ 'di ni skyes pa dang bud med gnyis la dri bar bya'o/ /gang zag pham par 'gyur ba bzhi las ltung ba gang yang rung ba byung ba rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya bar bstan pa'i phyir/ gang sngon rab tu byung ba na pham par 'gyur ba bzhi las lhung ba gang yang rung ba de zhes bya ba la sogs pa gsung ste/ 'di yang byung ba'i mdza' las bcas pa ni ma yin gyi/ zhus pa'i skabs nas bshad pa yin no/ /gang yang rung ba zhes bya ba smos pa ni gcig gis kyang skye ba'i chos nyid med pa yin no/ zhes bya bar ston to/ /'di yang skyes pas sngon rab tu byung bas de byas nas babs te yang rab tu dbyung bar 'dod na de rab tu dbyung ba dang/ rdzogs par bsnyen par mi bya zhing/ de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar gsungs par skye ba rab tu 'byung ba la bar chad 'di 'dri bar bya'i/ bud med la ni dri mi dgos te bud med sngon rab tu byung ba lan gnyis su rab tu 'byung ba bkag zin pa'i phyir ro/ /bud med pham par 'gyur ba thun mong ma yin pa bzhi las gang yang rung ba byung ba mtshan gyur nas yang rab tu 'byung bar 'dod na de ni sdom pa'i zhing yin pas rab tu dbyung bar bya'o/ /gang zag rgyu las bzlog pa'i chad pa khas mi len pa dag rab tu dbyung ba dang rdzogs par bsnyen par mi bya ba bstan pa'i phyir gang zag ma mthong ba nas phyung ba babs pa zhig ces bya ba la sogs pa gsungs te/ dge slong ltung ba ma mthong bas gnas nas phyung ba dang/ phyir mi chod pas gnas nas phyung ba dang/ sdig pa can gyi lta ba'i rnam pa ma gtong bas gnas nas phyung ba babs pa zhig rgyu gang gis sngon gnas nas phyung ba'i rgyu de las bzlog pa'i chad pa khas mi len pa yang rab tu 'byung bar 'dod na rab tu dbyung bar mi bya'o/ /khas len nas rab tu dbyung bar bya'o/ /rdzogs bar bsnyen na bzod par gsol zhing pa yin pas yang bzod par gsol mi dgos so/ /gal te rdzogs par bsnyen nas khas mi len pa ni tshogs pa yod na yang chad pas bcad do/ /gal te ma mthong ngo zhes brdzun zer na ltung byed du 'gyur ro/ /ma mthong bas gnas nas phyung ba gsum ji lta ba bzhin du nan thur gyi las bsdigs pa la sogs pa gzhan yang de bzhin no/ /sdom la lag rdum dag dang/ zhes bya ba la sogs pa ni sngar rab tu byung ba'i gzhi'i spyi sdom las lag rdum gyi sde mtshan yang dag par bsdus pa yin zhes smos pa'i sdom gyi tshigs su bcad pa yin par sbyar ro/ /de la gang gi lag pa 'khrig ma phan chad pa de dag ni lag rdum dag go / gang dag gi rkang pa long bu man chad pa de dag ni rkang rdum dag go / gang dag gi lag pa'i sor mo sbrul gyi gdengs ka 'dra ba de dag ni sor zlum por 'jas pa dag go /gang dag gi mchu gnyis med pa de dag ni mchu med dag go /gang gi lus la rma mtshan dag yod pa de dag ni lus la rma mtshan can dag ste/ snag tshal sogs pas lag pa la bris pa ni lus la rma mtshan can yin te/ khab la sogs pas brtsabs shing khyi rdzes la sogs pa'i mngon mtshan dag gis mtshan btab pa'i phyir ro/ /lcags la sogs pas zhus pa'i rma mtshan yang yin no/ /rgas pas sbyor mi bzod pa dag ni rgan ches pa dag go /lo bco lnga lon pa bya rog skrod mi nus bdag dang/ bya rog skrod nus pa lo bdun ma lon pa dag ni gzhon ches bdag go/ rkang pa 'then zhing leg leg por 'gro ba ni then pa'o/ /brla'i phyogs rlung bya rgod 'gros kyis kun du nyams par gyur pa ni smad 'tshal lo/ /mig ya gcig pa ni zhar pa'o/ /gang gi khrig ma'i phyogs na mtshan ma tsam gyi lag pa yod cing cung zad kyang byed mi nus pa ni lag sor rdum pa'o/ /brang dang sgal tshigs zhom pa ni rgur po'o/ /ha cang lus chung bar grags pa ni mi'u thung ngo/ /gang gi lkog ma la lce ba yod pa de ni lba ba can no/ /smra mi nus pa ni lkug pa'o/ /don dang bcas pa'i sgra thos par mi nus pa ni 'on pa'o/ /gang lag pa gnyis lag rten la brten nas gzugs bzhis 'phye ba ni rten 'phye'o/ /mi gnyis pa ni grum po zhes kyang bya'o/ /gang gi rkang pa la nang kyi rigs rkang 'bam yod pa de ni rkang 'bam mo/ /bud med dag shas cher bsten pas mthu dang gzi brjid zad cing lus mi bde bud med kyis du ba pa dag ni bud med kyis dub pa dag go/ de bzhin du mi bzod pa'i khur thogs pa'i phyir khur gyis dub pa dga' o/ /lam du 'gro ba drags pa'i phyir lam gyis dub pa rnams so/ /ya zam lug ces bya ba ni gang dag la ji ltar zos pa ma zhu bar thur du 'byung ba'o/ /gzhan dag ni 'di skad zer te/ gang gi rkang pa lcags sgrog gis nyams pa lcags sgrog las bkrol yang bcings pa bzhin du 'gro ba ni sgrog bkrol zhes bya zhes zer ro/ /de la dang po ni kha zas la sogs pa thur du 'dzag pa de ni ? za mi lug go /phyogs phyi ma la ni lcags sgrog gis 'ching ba las bkrol bas sgrog bkrol bas sgrog bkrol zhes bya'o/ /yang na bkrol yang lcags sgrog tu bcug pa bzhin du rkang pa khris khris por 'gro ba'i phyir sgrog bkrol zhes bya'o/ /rtags pa zhes bya ba ni gang dag lang tsho la ma bab pa kho nar nad la sogs pas de ltar nyams par gyur cing te por rgas pas nyams pa bzhin du bya ba cung zad kyang byed mi nus pa ste/ 'byung ba nyid nas de dag gi lang tsho nyams par gyur zhes bya ba'i tha tshig go / de lta bu'i zhes bya ba ni rnam pa de lta bu'i 'o/ /mi rnams ni zhes bya ba lag rdum la sogs pa'i mi rnams so/ /drang srong chen pos zhes bya ba ni de ni drang srong yang yin la chen po yang yin pas drang srong chen po ste des so/ /dgag pa mdzad ces bya ba ni rab tu dbyung ba dang rdzogs par bsnyen pa'i phyir bkag pa'o/ /'di dag gis mtshon pa rab tu dbyung ba'i gzhi'i skabs su 'dul ba phran tshegs la sogs pa las skra ser la sogs pa dang/ sen mo gcig pa la sogs pa dang/ rgyal pos bkrabs pa la sogs pa dang/ rgyal pos ma gnang ba yul thag mi ring ba dang/ chom rkun par grags pa dang/ phung khrol ba dang/ lham mkhan dang/ gdol ba dang/ g.yung po la sogs pa dang mi ma yin pa'i 'gro ba dang/ byang gi sgra mi snyan pa dang/ mtshan lan gsum gyur pa dang/ skyes pa 'dra ba'i bud med dang/ bud med 'dra ba'i skyes pa dang/ sdig sdig lta bu'i mtshan nyid dang/ gling gzhan nas skyes pa tshul byad mi 'dra ba la sogs pa rigs dang lus la skyon chags pa dag ni rab tu dbyung bar yang mi bya la/ rab tu byung na yang nye bar bzhag par mi bya'o/ /de'i phyir zhe na/ mdzes pa rab tu dbyung ba dang yongs su dag pa rdzogs bsnyen par rdzogs sangs rgyas kyis rang mkhyen te/ bden pa'i mtshan gyis bka' stsal to/ /zhes bya ba gsungs so/ /bsdu par bya ba'i skabs so zhes bya ba ni rigs dang lus la skyon chags pa ma yin pa rab tu 'byung bar bya ba'i skabs te/ rigs pa skyon chags pa ni lham mkhan dang/ gdol pa dang g.yung po'i rigs so/ lus la skyon chags pa ni rnam pa gnyis te/ dbyibs las dang kha dog las so/ /de la dbyibs las skyon chags pa ni lag rdum la sogs pa'o/ /kha dog las skyon chags pa ni lus rma mtshan la sogs pa'o/ /rab tu 'byung ba'i gzhi rgya cher 'grel pa rdzogs so/ / //de ltar rab tu 'byung ba'i gzhi rgya cher bshad nas/ nga ni gso sbyong gi gzhi bshad par bya'o/ /de'i phyir gso sbyong gi gzhi'i spyi sdom la zhes bya ba la sogs pa gsungs te/ 'dis ni gso sbyong gi gzhi thams cad sdud par byed do/ bcom ldan 'das kyis gso sbyong ni rnam pa gnyis su gsungs te/ zhi nas kyi gso sbyong dang mthun pa'i gso sbyong ngo/ /de la gtso bo yin pa'i phyir dang/ brjod par bya ba nyung ba'i phyir dang/ je dang por zhi gnas kyi gso sbyong rnam par bshad par bya'o/ de'i phyir sdom la/ mu stegs can dang zhes bya ba la sogs pa gsungs te/ 'di ni gso sbyong gi gzhi'i spyi sdom las mu stegs can dang zhes sngar smos pa'i sdom gyi tshigs su bcad pa yin par sbyar ro/ /nad par nad zhing zhes bya ba ni nyi ma re re zhing dam nang par sngar ro/ /blta dang bsnyen bkur bya ba'i phyir zhes bya ba ni phyag bya ba dang/ de'i lus rjes su bsgrub pa'i phyir ro/ /yid dang 'thad pa zhes bya ba ni yid kyi dus thams cad yon tan dag yang dag par rjes su dran par bya ba'o/ /kun dga' ra pa na zhes bya ba ni mu stegs can dag gi 'dug gnas so/ /'dug pa zhes bya ba ni rkub btsos bzhag nas rnal 'byor la 'dug ste rku ba tsos gzhag ste 'dug pas ting nge 'dzin bsgom par byed pa'i phyir ro/ /bya ba zhes bya ni dge 'dun tshogs pa'i gsol ba dang/ gsol pa dang gnyis dang/ gsol ba dang bzhi'i las dang dge ba'i bya ba'o/ /gso sbyong zhes bya ba ni so sor thar pa'i mdo 'don pa dang/ mu stegs can gyi gso sbyong ngo/ /yod ces bya ba ni byed pa'o/ /mngon par bstod par yang mi byed ces bya ba ni bsngags pa brjod par yang mi byed pa ste/ skyon chags pa'i phyir ro/ /phyir zlog par yang mi byed ces bya ba ni phyir 'gog par yang mi byed pa ste/ de bya ba ma yin par nges pa med pa'i phyir ro/ /bdag cag pa yang zhes bya ba ni bstan pa la ste/ dge slong la zhes bya ba'i tha tshig go / bca' bar gsol zhes bya ba ni rnam par gzhag par gsol pa'o/ /tron bya bar zhes bya ba ni rjes su bsgrub par bya'o/ /rnal 'byor zhes bya ba ni ting nge 'dzin te lus dran pa nye bar gzhag pa la sogs pa'o/ /rkang pa'i mthil yan chad ces bya ba ni rkang mthil gnyis yan chad nas so/ /klad pa'i skra man chad ces bya ba ni skras mtshon pa'i klad pa man chad do/ /pags pa la thug pa'i zhes bya ba ni lugs pa'i mdza' 'o/ /bar du zhes bya ba ni chu zheng gnyis gar ro/ /ji ltar gnas pa zhes bya ba ni rtag tu mi gtsang ba'i gzhi nyid du rnam par gnas pa'o/ /ji ltar byas pa zhes bya ba ni zas dang skom gyis glo bur du mi gtsang ba bsags pa'o/ /de nyid bstan pa'i phyir lus 'di la zhes bya ba la sogs pa gsungs te/ de dag ni nang gi so so'i bdag nyid la chags pa'i gnas yin pa'i phyir dang/ rang gi lus kyi skyon la so sor brtag pa'i phyir dang por bstan to/ /spyod yul du zhugs na yang zhes bya ba ni bsod snyoms la 'gro ba na yang ngo/ /'khrul ba zhes bya ba ni shug dang ldan pa'o/ /lhan gcig phrad ces bya ba ni 'dom pa 'am thug pa'o/ /'gyel zhes bya ba ni lus thams cad 'gyel ba'o/ /thub ces bya ba ni lus phyed bub pa'o/ /spyod yul du zhugs pas rnal 'byor bsgom par mi bya'o zhes bya 'dis ni goms par byed pa bkag pa yin gyi gdul ba'i don du rdzu 'phrul rnam par 'phrul ba la sogs pa bstan pa'i phyir sems rtse gcig nyid mngon du bya ba ni bkag pa ma yin te/ de la skyon chags pa med pa'i phyir ro/ /sgo gang dang khyams su bsgom par mi bya'o zhes bya ba ni mngon par 'du pa'i gnas yin pa'i phyir bkag pa yin te/ sgo bcad na ni sgo gang dang khyams su mngon par 'du ba nyid rgyun chad par 'gyur bas der rnal 'byor bsgom pa la nyes pa med do/ /gnas khang ni rnam par g.yeng ba yin la/ dgon pa ni gtum po'i gnas yin pa dang/ grong dang nye ba ni gya tshom pa dag gi gnas yin pas de dag tu bsgom pa dgag pa mdzad do/ /yal ga zhes bya ba ni shing ljon pa'i mgo lcogs so/ /seg ces bya ba ni smin ma la sogs pa'i thags ma gru bzhi'o/ /re lde zhes bya ba ni de nyid khrun ring ba'o/ /ma tu lung ga zhes bya ba ni lung ngo/ /spong khang zhes bya ba bsam gtan sgom pa'i gnas so/ /khang pa gnyis kyi bar du srang gtod pa zhes bya ba ni ngos ya gcig tu yang gnas khang brtsigs la ngos ya cig tu yang gnas khang cig brtsigs shing bar du khyams rgyud mo'i srang gtod pa'o/ /gnas khang bcu 'am bcu gnyis kyi srang gtong pa zhes bya ba ni ngos ya gcig tu gnas khang lnga brtsigs la ngos ya gcig tu yang gnas khang sngar brtsigs shing bar du mtshams rgyud mo'i srad gtong pa dang/ ngos ya gcig tu gnas khang drug brtsigs la/ ngos ya gcig tu yang gnas khang drug brtsigs shing bar du khyams rgyud mo'i srad btong ba ste gnyis pa ni chung tshad do/ /bzhi pa yan chad bcu pa man chad ni 'bring tshad do/ /bcu gnyis pa ni che tshad do/ /sbyang zhes bya ba ni 'bru la sogs pa'i sgo dang skar khung med pa'o/ /sgo glegs zhes bya ba ni spang leb ces bya ba'i shing ste/ des sgo dang skar khung gcod par byed pa'o/ /lag gzungs zhes bya ba ni sgo glags nang du 'dren pa lcags las byas pa'o/ /ras ma zhes bya ba ni gos kyi dum bu'o/ /gong du sum cha bor ba zhes bya ba ni rtsig ngos kyi gong gi cha gsum cha bor zhing zhing 'og tu sum gnyis lus pa'i phyogs su'o/ /rgya mtsho'i rnam pa lta bu zhes bya ba dbyibs rgya mtsho'i rnam pa 'dra ba ste byin gyis yangs pa'o/ /de nyid bstan pa'i phyir phyir rub la nang yangs pa zhes bya ba gsungs te/ de'i phyi rol gyi kha zhum la nang logs yangs pa'o/ /skar khung dra ba can zhes bya ba ni bya rgya can no/ /trem bu ga zhes bya ba srog chags kyi bye brag phra mo zhig go / tre la lta zhes bya ba ni de nyid kyi rigs chen po'o/ /sgo glegs zhes bya ba ni skad khung gcod spang leb po/ /'phreng gtan zhes bya ba ni sgo bcad pa'i sgo gtan gyi shing ring po 'phreng du bsnyal te pha tog tshun tog rtsig pa'i spubs su gzhug pa ste/ sgo gtan zhes kyang bya'o/ /gnam gzer zhes bya ba ni sgo'i ya gu gas dang 'brel ba gzer bu la sogs pa ste gnam gtan zhes bya ba'i tha tshig go /'khor gtan zhes bya ba ni sgo glegs bcad pa'i thabs su gyur pa yin te/ sgo glegs kyi dkyil gyi phyogs su shing gi gtan bu khru gang gi tshad tsam gdags shing sgo skyes la de'i gzungs lcags kyuAm bu gu gdod do/ /gtan bu de 'khor lo bzhin du bskor gzungs der gzhug par bya ste/ des na 'khor gtan zhes bya'o/ /dbug gu skam kha zhes bya ba dbug gu ra rkang 'dra ba kha brag ste des skar khung 'phreng gtan 'dzud pa dang 'byin par byed do/ /sa'i stegs bu dag bya'o zhes bya ba ni 'dug par bya ba'i ched du sa las byas pa'i stegs bu dag bya ba'o/ /'khrad par gyur nas zhes bya ba ni 'og nas sra bar gyur nas so/ /khye'u bya'o zhes bya ba ni yang 'dug par bya ba'i ched du'o/ /kho ra khor yug du khru bzhis 'khor ba zhes bya ba khri'u gru bzhi ngos re la khru re'i tshad du bya'o/ /de thags mas sla bar bya'o/ /zhes bya ba ni khri'u de'i steng thags mas dra bar sla bar bya ba'o/ /thags mas rgyu rung bar grags pa lnga bstan pa'i phyir/ mun mdza' i dang/ sha na'i dang/ gres ma'i dang/ ras ma'i dang/ spa phra mo'i 'o zhes bya ba gsungs te/ 'di dag gis thag gu la sogs pa bkag pa ni ma yin par shes par bya'o/ /der stan nang tshangs can dag gding bar bya'o zhes bya ba ni khye'u de'i steng du ras bal la sogs pa brdzangs pa'i stan nang tshangs can dag gding bar bya ba'o/ /srid du khru bzhi pa zheng du khru ngo yod pa nyid ltab tu byas te srub par bya'o zhe bya ba ni stan nang tshangs can gyi rgyu de rked ltab tu byas na gru bzhi'i ngos re la khru do do yod par bya zhing de khri'u gru bzhi ngos re la khru re yod pa'i steng du gting na kho ra khor yug tu mtho re lhag par bya ba'o/ /de'i nang du shing bal gyis dag par bya'o zhes bya ba ni stan nang tshangs can de'i nang du'o/ /shing bral dag ni lnga ste bya ba ni grags pa bstan pa'i phyir de dag smos par zad kyi grangs de dag tu chad pa ni ma yin te/ des na shing bal gzhan dag gis bkad na yang rung ba kho na'o/ /mdo mdor srubs bya rog rkang gi gzungs gdab par bya'o/ /zhes bya ba de dag ni shing bal de dag phyogs gcig tu mi 'chug cing stan nang tshangs can gyi phyogs thams cad du snyoms par byas pa'i phyir steng gi mdo na dor srubs bya rog gi rkang pa dang 'dra ba dag gis zungs gdab par bya'o zhes bya ba'i tha tshig go / gdos bu zhes bya ba ni gnyid sel bar byed pa shing la sogs pa la byas pa'i gdos bu'o/ /dbyug gus gzugs par bya'o zhes bya ba ni spong ba pa yur na spong pa'i zhal ta pas dbyug gus gzugs par bya ba'o/ /smu gu'i bcad 'phro lta bu zhes bya ba ni bsegs bcad pa'o/ /bre'i bcad 'phro lta bu zhes bya ba ni bre zhes bya ba gzhal snod kyi rnam pa de'i zhabs ltar mnyam pa'o/ /ras ma dag gis dkris nas zhes bya ba ni bre'i bcad 'bro ltar byas pa de yang ras ma dag gis dkri bar bya'o/ /dal bus khang gis gzugs par bya'o zhes bya ba ni ci nas kyang de'i sems gnas pa nyid 'dogs par mi 'gyur ba de ltar dal bus gzugs par bya ba'o/ /pho long 'bad par bya'o zhes bya ba ni spong pa pa yur ba las spong ba pa'i zhal ta bas pho long zhes bya ba skud pa la sogs pa'i tshogs zlum po 'phang bar bya ba'o/ /'khyams nas zhes bya ba ni mi snang nas so/ /thag gus btags te 'phang bar bya zhing de nas yang phyir drang bar bya'o zhes bya ba ni spong ba'i zhal ta bas pho long de yang phyir dran par bya ba'i phyir thag gu phra ring pos btags te 'phang bar bya ba'o/ /mdun du mar me bzhag par bya'o zhes bya ba ni 'on kyang yur na spong ba'i zhal ta bas de'i mdun du mar me bzhag par bya ba'o/ /rkang pa gcig brkyang bar bya'o zhes bya ba 'on kyang gnyid ma sangs na rkang pa ya gcig brkyang par bya ba'o/ /rkang pa ya gcig kyang brkyang bar bya'o zhes bya ba ni 'on kyang gnyid ma sangs na'o/ /langs te bcag par bya'o zhes bya ba ni 'on kyang gnyid ma sangs na langs te 'chag sar phan tshun bcag par bya ba'o// 'thom nas zhes bya ba ni dge slong spong ba pa mun khung na 'chag pa lam mi rtsol zhing 'thom na'o/ /phreng thag la 'ju bar bya'o zhes bya ba ni 'chabs sa mgo mjug slebs pa'i phreng thag thang chad rab tu brkyangs pa de lta bu la lag pas 'ju zhing bcag par bya ba'o/ /lag pas chang brgyud byed nas zhes bya ba ni phreng thag la chad pas mkhyung de brgyud cing 'chag pa na chang la nod nas so/ /spu bu bskon la skud pas btags pa la 'jus te btags par bya ba'o zhes bya ba ni phreng thag la spu gu bskon pa la thag gus btags pa la 'jus te bcag par bya ba'o/ /mchil lham can gyis bcag par mi bya'o/ zhes bya ba mchil lham dang bcas par bcag par byed pa na sgra 'byung bar spong ba gzhan la gnod pa dang ma gus pa'i tshul yin pas dgag pa mdzad de/ 'di ni spong pa po nyid tsher ma zad kyi gzhan thams cad kyis kyang mi bya'o/ /rdul gyi rkang pa ma rung nas shes bya ba ni 'chag pa'i tshe rkang pa gnyis la rdul gos shing rkang pa rdul can gyis skyil mo krung bcas pa ni gos ma rung bar gyur nas so/ /par tang gding bar bya'o zhes bya ba ni 'chags sar thags ma khra bo gding par bya ba ste/ 'ding par tang zhes smos pa ni g.yam po dang stan gzhan dag gi dpe yin no/ /bsgrubs par gyur nas zhes bya ba ni rkang pa bkrus nas 'bru mar la sogs pas ha cang snum por byas pas 'chags sa'i stan la sogs pa bsnubs par gyur nas so/ /spong ba pas zhag gsum zhing gsum zhing rkang pa gnyis bsku bar bya'o zhes bya ba ni zhag gsum zhing gsum zhing rkang pa gnyis bsku bar bya ba'o/ 'dir bsku ba tsam du gsungs par zad kyi 'bru mar la sogs pas ha cang snum por bya ba ni ma yin te/ 'di ltar dang sang yang yul dbus na dang por rkang pa gnyis bkru zhing phyis cung zad tsam skud par byed de/ des na gos la sogs pa snum po nyid du mi 'gyur ro/ /de dag der mi shong nas zhes bya ba ni spong ba po de dag spong khang der mi shong nas so/ /steng du rim khang gnyis pa bya'o zhes bya ba ni spong khang gi steng du khang mo cha'am yang thog bya ba'o/ /them skas bya'o zhes bya ba ni 'dzeg pa'i phyir der them skas zhes bya ba'i tha tshig go / kha khyer gyis bskor bar bya'o zhes bya ba ni me dag mi ltung bar bya ba'i phyir them skas la kha khyer gyis bskor bar bya'o/ /lcags kyi gzer bu dag gis gdab par bya'o zhes bya ba ni kha khyer de mi 'phrul bar bya ba'i phyir lcags kyi gzer bu dag gis gdag par bya'o/ /phyi rol tu spong khang chen po bya'o zhes bya ba ni 'on kyang mi shong na spong khang gi phyi rol tu spong khang chen po 'am gnas khang gi tshar dag brtsig par bya ba'o/ /sgo spyod ces bya ba ni sgo byang bstan du 'bab pa'o/ /sgo bsnol ma zhes bya ba ni sgo bzur ba'o/ /sgo gang bya'o zhes bya ba ni spong khang la sgo gang bya ba'o/ /phug kyang bya'o zhes bya ba ni de'i nye 'khor gyi ched dus phug la sogs pa yang bya ba'o/ /sgo drung du snam bu 'am ras sbyangs te nyal bar bya zhes bya ba ni gnyis brab bsang bar mi nus na rnal 'byor gyi gnas der sgo bcad de nyal ba la nyes pa med do/ /sgo bcad pa 'di ni gzhan dag ma dag ma dad par 'gyur ba dang mthe 'tsham pa spang ba'i phyir ro/ /spong ba'i zha lta byed pa bsko bar bya ste/ zhes bya ba na dge slong spong ba rnams kyi phyir zhal te byed pa ni slong ba'i zhal ta byed pa zhes bya ste/ dge 'dun gyis gsol ba dang gnyis kyi las kyis bsgo bar bya ba'o/ /mdun pas 'gro ba zhes bya ba ni sred pa'i dbang gis so/ /zhe sdang gas 'gro ba zhes bya ba ni 'khon gyis rgyus so/ /gti mug gis 'gro ba zhes bya ba ni mi shes pas so/ /'jigs pas 'gro ba zhes bya ba ni skrag pa ston pas so/ /spong ba la tron byas dang ma byas pa mi shes pa zhes bya ba ni brjed ngas pa'i phyir ro/ /spong ba'i zhal ta byed pa'i kun tu spyod pa'i chos zhes bya ba ni spong khang du chag chag gdab pa la sogs pa'o/ /gaN+Di brdung bar bya'o zhes bya ba ni rnal 'byor gyi gnas der spong ba dag bsdu ba'i phyir gaN+Di brdung bar bya'o/ /dngangs nas zhes bya ba ni skrag nas so/ /rnam par 'tshe ba la tron mdzad kyi zhes bya ba ni mtho 'tsham pa la brtson par byed ces bya ba'i tha tshig go / gaN+Di de ni lnga ste zhes bya ba ni gaN+Di brdung pa'i rtsis mgo ni rnam pa lnga ste/ de dag brdung ba'i gnas ni khang steng la sogs pa phyogs mthon po dag yin no/ /dge 'dun bsdu ba'i gaN+Di de ni rgyud gsum dang togs gsum mo zhes bya ba ni 'dus pa chen po'i tshe dge 'dun thams cad bsdu ba'i phyir gaN+Di brdung ba la bzlas pa'i rgyud lan gsum brdung zhing mjug tu tog sgra chen pa yang lan gsum bya ba'o/ /las kyi gaN+Di de ni rgyud gcig dang tog gsum mo zhes bya ba ni las bya ba'i don du gaN+Di brdung ba la ni bzlas pa'i rgyud lan cig brdung zhing mjug tu tog sgra chen po lan gsum bya ba'o/ /kha cig la ni rgyud gsum dang tog gnyis so zhe'o/ /shi ba'i gaN+Di de ni byi ba'o/ zhes bya ba ni shi ba'i phyir 'dul zhing khyogs phyag pas 'debs pa la sogs pa'i don du gaN+Di brdung ba ni byi bo ste/ rgyud nyi tshe brdung zhing mjug tu tog mi brdung ba yin no/ /kha cig las ni rgyud gcig dang tog gcig go zhe'o/ /spong ba'i gaN+Di de ni 'khar bsil lo zhes bya ba ni dge slong spong pa la 'du ba'i 'khar gsil gyis gaN+Di byas te 'khar gsil gsil bar bya'o/ zhes bya ba'i tha tshig go /kha cig las ni gaN+Di de chung ngu zhe'o/ /gnod pa byung ba'i gaN+Di ni ji tsam gyi chog pa'o/ zhes bya ba ni chom rkun la sogs pa gnod pa 'byung ba'i tshe gaN+Di brdung ba ni ji tsam gyis chog pa de tsam gyis brdung bar bya ste nam zhi bar gyur gyi bar du brdung ngo zhes bya ba'i tha tshig go / zan gyi phyir 'du ba'i don du ni gaN+Di dang gaN+Di chung ngu gnyis ka brdung ste/ sngar gaN+Di chung ngu brdungs la khang skyod dang gtsang sbyor la sogs pas sangs rgyas mchod pa dang/ lhung bzed bkru ba la sogs pa'i las byas nas de'i 'og tu gdugs tshed la bab pa'i gaN+Di chen po brdung zhing dge 'dun thams cad zan gyi phyir 'du bar bya'o/ /'dus pa che ba'i tshe gaN+Di brdung bas go bar mi 'gyur ba lta na dung bsgril te bud pa dang rnga bo tshe dag kyang brdung bar bya'o/ /gaN+Di brdungs par mi 'go bar mi bya zhing mi myur bar yang mi bya'o/ /dus rting la thug pa zhes bya ba ni gdugs tshod la bab pa la thug pa'o/ /ci bder byed nas zhes bya ba ni spang ba'i zhal ta byed pas dge slong rnams bsod snyoms la sogs pa la yang sbyar ba'i tshe che dang ldan pa dag dang ci bder spyod cig ces brjod pa'o/ /de dge 'dun las 'thob pa zhes bya ba ni dge 'dun gyi nang du zan za ba'o/ /rgyud chags gsum pa 'don par bya'o zhes bya ba ni 'gyes kar dkon mchog gsum gyi rgyud dang/ mdo sde'i rgyud dang/ bsngo? ba'i rgyud chags gsum gdon par bya'o/ /de yang dper na kun tu rgyu dag gi ril ba'i rgyu shing bu gsum la brten pa dang/ 'dra bar dam pa'i chos gdon pa'i gzhi ni rgyud chags gsum po 'di yin pas de'i phyir rgyud chags gsum zhes bya ba'o/ /ran bar gdon par bya'o zhes bya ba ni ha cang mang ba yang ma yin te/ ha cang nyung ba yang ma yin par cir na cig gdon par bya ba'o/ /yon bshad par bya'o/ zhes bya ba ni rgyud chags gsum pa bton pa'i 'og tu sbyin pa'i phan yon bshad par bya'o/ /gal te rkyen de lta bu byung na zhes bya ba ni dge sbyong gi tshul dang srog dang tshangs par spyod pa'i bar chad du 'gyur ba la sogs pa zhig byung na'o/ /lde mig ces bya ba ni lde mig khyogs po la sogs pa'o/ /de ni 'dug pa'o/ /zhes bya ba ni zhi gnas gyi gso sbyong ngo// //bam po bcu gnyis pa/ /nga ni gso sbyong gi gzhi las mthun pa'i gso sbyong gi skabs brjod par bya ste/ de la dang por mthun pa'i gso sbyong gi gnas la blo mthun par bya ba'i zhar la las bstan pa'i phyi bya ba gang zhe na zhes bya ba la sogs pa gsungs so/ /gsol ba zhes bya ba ni las gang la gsol ba 'ba' zhig byed pa ste/ 'di lta ste gsang ste ston pa bsko ba la sogs pa'o/ /gsol ba dang gnyis zhes bya ba ni las gang la las brjod pa gcig dang/ gsol ba dang gnyis bya ba la ste/ 'di lta ste gso sbong gi gnas la blo mthun par bya ba la sogs pa'o/ /gsol ba dang bzhi'i las zhes bya ba ni las gang la las brjod pa gsum dang gsol ba dang bzhi byed pa ste/ 'di lta ste rdzogs par bsnyen par bya ba la sogs pa'o gso sbyong zhes bya ba ni tshul khrims gso zhing sbyong ba ste gso bar byed ces bya ba ni tha tshig go /zla ba phyed phyed cing gdon par bya'o zhes bya ba ni bcu bzhi pa 'am bco lnga pa'i dus su'o/ /so sor thar pa'i mdo gdon pa gdon par bya'o zhes bya ba ni sems drang por bsgrub pa la sogs pa dang rgyu 'gal ba bzlog pa la sogs pa'i rnam pa gzhan gyis kyang tshul khrims gso bar byed pa yod pas de dag gsal ba'i phyir so sor thar pa'i mdo gdon par bya'o zhes gsungs so/ /so sor thar pa'i mdo gdon pa'i ni rnam pa lnga ste/ gleng gzhi gdon pa dang pham par 'gyur ba gdon pa dang dge 'dun lhag ma gdon pa dang ma nges pa gdon pa dang/ ril gyis gdon pa'o/ /dge 'dun gyi gnas brtan gyis zla ba phyed phyed cing so sor thar pa'i mdo gdon par bya'o zhes bya ba ni so sor thar pa'i mdo gdon pa ni 'dun gyi gnas brtan gyi las yin no/ /des mi nus na gnas brtan gnyis pa'i 'o/ /des kyang mi nus na gsum pa'i 'o/ /des kyang mi nus na res kyis bya'o/ /res bab pas mi nus na gzhan la bcol bar bya'o/ /bcol te ma btub na dge 'dun gyis bcol bar bya'o/ /'don brdugs na gzhan gyis gdon no// dam dum 'dzin pa nyid yin na ji snyed kyis gzhung srongs pa dag gis gzhung bsrang ste gdon par bya'o zhes bya ba la sogs pa skabs 'og nas kyang 'byung ngo/ /gso sbyong gi gnas la blo mthun par bya'o zhes bya ba ni gnas gang du gso sbyong mngon du byed pa'i gnas de ni gso sbyong gi gnas zhes bya ste/ gnas der gso sbyong bya bar dge 'dun gyis gsol ba dang gnyis kyis las kyis blo mthun par bya ba'o/ /gso sbyong gi gnas ji lta bu de la blo mthun par bya zhe na/ de phyir gnas thams cad grub pa 'am byas pa 'am zin pa nang mtshams dang phyi rol nye 'khor 'dom gang dang bcas pa dge 'dun gso sbyong gi gnas su 'dod pa gang yin pa de la blo mthun par bya'o zhes bya ba gsungs te/ gnas thams cad grub pa zhes bya ba ni 'chags pa'i skal pa'i tshe rang grub pa 'am de'i 'og tu te ba chad pa la sogs pas rang grub pas te dper na bya skyibs la sogs pa lta bu ste gzhan gyis btsal ba la mi bltos pa'i phyir ro/ /byas pa zhes bya ba ni skyes bu'i byed pas mngon par bsgrubs pa'o/ /zin pa zhes bya ba ni bya ba byed pa'i gnas la sogs pa rung ba'o/ /nang mtshams dang bcas pa zhes bya ba ni nang na chu la sogs pa'i bar chad med pas ste/ mtshams gcig dang ldan pa zhes bya ba'i tha tshig go /phyi rol nye ba khor 'dom gang dang bcas pa zhes bya ba ni phyi rol tu gyur pa'i nye 'khor 'dom gang tsam dang bcas pa gang ba ste/ de dag gis ni gso sbyong gi gnas rnam pa thams cad yongs su grub pa bstan to/ /ci dge 'dun mi 'dod bzhin du yang de la blo mthun par bya 'am zhe na ma yin te/ de'i phyir dge 'dun gso sbyong gi gnas su 'dod pa zhes bya ba gsungs te/ las brjod pa'i skabs su ni gnas thams cad grub pa 'am lag pa 'am bgyis pa zhes tshig gsum char smos par mi bya bar de gsum las gang yin pa gcig brjod par bya'o/ /dgag dbye zhes bya ba ni dbyar gnas par khas blangs pa'i dge slong rnams kyis mthong ba dang/ thos pa dang/ dogs pa'i gnas gsum gyis gleng ba'i skabs 'byed pa'o/ /mi mthun par byed ces bya ba ni kha? skyong bdag ma tshogs pa dang 'dun pa la sogs ba ma blangs par las byed pa'o/ /sdom la ka phyi na dang/ zhes bya ba la sogs pa ni gso sbyong gi gzhi'i spyi sdom las ka pa na zhes smos pa'i sdom gyi tshigs su bcad pa yin par sbyar ro/ /sde can ma'i phyug ces bya ba ni gtsug lag khang gi ming ste/ sde can mas byed du bcug pa'i phyir/ gso sbyong gcig pa'i gnas kyi sdom pas zhes bya ba ni dge 'dun gcig tu 'du zhing gso sbyong bya ba'i sdom pas ste/ nyams su myong ba zhes bya ba'o/ /bya ba dag ces bya ba ni nges pa nyid du gnas pa ste/ gsol ba la sogs pa'i las so/ /byed pa dag ces bya ba ni dus gzhan na 'byung ba yongs su gnas pa la sogs pa'o/ /rtag tu dag pa zhes bya ba ni lus dang ngag dang yid kun tu spyod ba rtag tu dag pa ste nyes pa med pa zhes bya ba'i tha tshig go /snying po ste zhes bya ba ni snying po dang ldan pa ste/ tshul khrims yongs su dag pa zhes bya ba'i tha tshig go /rtag tu dag pa gso sbyong yin zhes bya ba ni rtag tu rgyud dag pa ni gso sbyong yin no/ /gtsang ma'i las ni dag gyur pa zhes bya ba ni tshul khrims la kha na ma tho ba med pa'o/ /de'i brtul zhugs 'grub par 'gyur zhes bya ba ni spong ba'i mtshan nyid bdun gyi tshul khrims 'grub par 'gyur zhes bya ba'i tha tshig go /dag cing zhes bya ba ni rang bzhin gyis kha na ma tho ba med pa'i phyir ro/ /mchog tu dag pa zhes bya ba ni bcas pa'i kha na ma tho ba med pa'i phyir ro/ /ma byung ngam zhes bya ni dri ba'o/ /mi 'gro bar mi byed par zhes bya ba ni mnan pa'i phyir dang dag pa gnyis smos so/ /mtshams chen po bcad par rjes su gnang ngo zhes bya ba ni gso sbyong la sogs pa gnas gcig tu bsdu ba'i phyir dpag tshad phyed dang gsum tshun chad kyi mdza' tshun chad du gsol ba dang gnyis kyis mtshams bcad par bya'o/ /gnas pa zhes bya ba ni dus thung ngur gnas pa phyi nang gi rgyus mi shes pa'o/ /gnyug mar gnas pa zhes bya ba ni dus yun ring du gnas pa phyi nang gi rgyus shes pa'o/ /brtan po zhes bya ba ni brtan pa ste bcos pa ma yin zhes bya ba'i tha tshig go /mtshan ma zhes bya ba ni mngon mtshan no/ /gzugs par bya'o zhes bya ba ni brtag par bya ba'o/ /mtshams bcad pa'i las ni mtshams brtag pa'i phyir byed pa yin pas de'i phyir mtshan ma bcugs na mtshams ma brtags pa yin pas de'i phyir mtshan ma brtan por gzugs par bya'o zhes gsungs so/ /brjod par bya'o zhes bya ba ni bsgrag par bya'o/ /nang du zhes bya ba ni de tshun chad du'o/ /gnas bsdu ba zhes bya ba ni gso sbyong la sogs pa'i las lhan cig tu bya ba ste/ des na mtshams de'i nang na gnas dge slong rnams las kyi gnas su ma tshogs sam/ /de dag gi mdun pa ma blangs par byed na ni mi mthun par byed pa yin pas las mi 'chags so/ /dge slong rnam bde ba la reg par gnas pa zhes bya ba ni las 'grub pa dang/ kha na ma tho ba med par 'gyur pa'i phyir ro/ /grong dang grong gi nye 'khor ma gtogs pa zhes bya ba ni mtshams chen po de'i nang na grong dang grong gi nye 'khor gang dag yod pa de dag mtshams kyi khongs su mi brtsi bar 'khol du dbyung bar bya ba'o/ /de nas grong dang grong gi nye 'khor lnga na yod na yang de mtshams su ma 'gyur la phyis brtsigs na yang mtshams su ma gtogs par 'gyur ro/ /dgon pa la thug pa zhes bya ba ni dpag tshad phyed dang gsum gyi mdza' tshun chad do/ /gnas la thug pa zhes bya ba ni gtsug khang la thug pa'o/ /skyo bar gyur ces bya ba ni gnod par gyur pa'o/ /mtshams chen po'i nang du dge slong thams cad kyi chos gos dag dang mi 'bral ba'i gnang ba sbyin par bya'o zhes bya ba ni mtshams der gal te chos gos dag dang mi 'bral ba'i gnang ba byas par gyur na/ bzod chos gos dang mi 'bral ba yin gyi mtshams bcad pa tsam gyis 'bral bar mi 'gyur ba ni ma yin no zhes bya ba'i tha tshig go /stod g.yogs dang smad g.yogs dang bcas pa zhes bya ba ni chos gos stod g.yogs smad g.yogs dang bcas pa ste/ snam sbyar med par zhes bya ba'i tha tshig go /bzhi yi tshogs kyis las bya ba zhes bya ba ni pham par 'gyur ba'i nyes pa sbom po yang bshags pa'o/ /lnga yi tshogs kyis las bya ba zhes bya ba ni dge 'dun lhag mar 'gyur ba'i nyes pa sbom po lci ba bshags pa'o/ /kha cig na re bzhi'i tshogs kyi las bya ba ni gso sbyong gi las so/ /lnga'i tshogs kyis las bya ba ni dgag dbye'i las so/ /zhes zer ro/ /bcu yi tshogs kyis las bya ba zhes bya ba ni yul dbus su rdzogs par bsnyen pa'i las so/ /mtshams bu chung zhes bya ba ni dkyil 'khor ba ste/ de'i phyir mtshams bu chung bcad cing dkyil 'khor bar blo mthun par bya'o zhes gsungs so/ /dze? dang por mtshams chen po dgrol bar bya'o zhes bya ba ni snga ma bag yangs su ma byas par bcad pa gzhan mi 'chags pa'i phyir ro/ /srol gtod pa zhes bya ba ni rol la sogs pa'i srol gtod pa'o/ /mtshan ma brtan po gzugs par bya'o zhes bya ba ni phyogs bzhir seng ldeng gi phur bu btab pa 'am srad bu bres pa 'am rdo bzhag pa 'am srol btod pa la sogs pa'i mtshan ma brtan po de shes pa'i dge slong yul de na gnas pa 'am/ gnyug mar gnas pa rnams kyis dang por brtag cig mtshan ma gzugs par bya ba'o/ /mtshan ma brtan po brjod par bya'o zhes bya ba ni mtshan ma de dag brtags shing gtsugs pa'i 'og tu dge 'dun gyi mtshan ma brtan po de dag brjod par bya'o/ /de'i 'og tu dge slong gcig gi gsol ba byas te las bya'o zhes bya ba ni phyogs bzhi'i mtshan ma brtan po de dag brjod pa'i 'og tu mtshams bcad pa'i las bya'o/ /mtshams bu chung bcad par chos gos dag dang 'bral bar mi 'gyur ba'i gnang ba sbyin par bya 'am zhe na/ 'di la nges pa med de/ 'di ltar zhus pa las/ btsun pa mtshams bu chung bu yang chos gos dag dang/ mi 'bral bar blo mthun pa bgyi 'am/ gal te 'dod na blo mthun par bya'o zhes gsungs pa'i phyir ro/ /de'i 'og tu mtshams chen bcad par bya'o zhes bya ba ni sngar mtshams bu chung ma bcad nas de'i 'og tu mtshams bu chung gcod par 'dod na mtshams chen po sngar bcad pa bkrol la mtshams bu chung bcad par bya'o/ /mtshams bu chung bcad nas yang mtshams chen po bcad par 'dod na de'i 'og tu yang mtshams chen pos bcad par bya'o/ /de'i 'og tu mtshams chen po'i nang du dge slong thams cad kyi chos gos dag dang mi 'bral ba'i gnang ba sbyin par bya'o/ /zhes bya ba ni mtshams bu chung bcad pa'i 'og tu mtshams chen po phyis bcad pa der yang gnang bar byas na chos gos dang 'bral bar mi 'gyur ba de bya ba'o/ /btsun pa las bgyis pa gcig gis gsol ba gcig dang las brjod pa gcig gis mtshams kyi sgo nas dang slad rol dang bcas pa skyung ba dang/ bskyed par rung ngam zhes zhus pa dang/ lan brtsal ba'i skabs kyis ni mtshams chen po dang mtshams bu chung gnyis la byed pa gcig gis gsol ba gcig dang/ las brjod pa gcig gis cig car dgrol du yang rung la cig car bcad du yang rung bar ston to/ /de la mtshams kyi sgo nang dang bcas pa zhes bya ba ni mtshams bu chung ngo/ /mtshams sgo slad rol dang bcas pa zhes bya ba ni mtshams chen po'o/ /bskyung ba zhes bya ba ni mtshams bu chung bcad pa'o/ /bskyed pa zhes bya ba ni mtshams chen po bcad pa ste/ des na gal te mtshams che chung gnyis ka dus gcig tu bskyung ba dang/ skyed par byed na yang mi rigs pa med do/ /de ltar byas te zhes bya ba la sogs pa ni las byed pa gcig gis gsol ba gcig dang las brjod pa gcig gis mtshams che chung gnyis dus gcig tu dgrol ba dang dus gcig tu bcad pa'i las ston to/ /mtshams gnyis kar dge 'dun bkod de zhes bya ba ni mtshams che chung gnyis kar ro/ /shing la sogs pas mnan nas zhes bya ba de dag gis mnan na gcig tu 'gyur pa'i phyir de skad gsungs so/ /'di la gal te 'dod na bskyed pa yang bya'o/ /gal te mi 'dod na bskyung ba yang bya'o/ /zhes bya ba ni las byed pa gcig gis gsol ba gcig dang/ las byed pa gcig gis mtshams che chung gnyis ka dus gcig tu bcad pa dang dgrol bar bya ba 'di la gal te 'dod na de ltar bya'i gal te mi 'dod na de ltar mi bya'o/ zhes bstan pa yin no/ /rtsig pas bskor ba yin rtsig pa mtshams yin zhes bya ba ni mtshams ma bcad pa'i gnas gang yin pa der las bya ba'i yul la gtsug lag khang gi rtsig pa nying mtshams yin pa'o/ /rtsig pas ma bskor na wa kha nas chu 'dzag pa gang du bab pa tshun de zhes bya ba ni mtshams ma bcad pa'i gnas rtsig pas ma bskor ba la ni wa kha nas chu 'dzag pa'i sna gang du 'dzag pa tshun chad las mtshams yin pa bstan to/ /dge slong de na 'khod pa rnams kyis der 'dug ste gso sbyong bya zhing dgag dbye dang gsol ba dang/ gsol ba gnyis dang gsol ba dang bzhi'i las bya'o/ zhes bya ba 'di ni las kyi bzhi spyir ba las brgya rtsa gcig cher smos par zad kyi 'dir las brgya rtsa gcig po dag nye tshe bzung bar ma zad de 'dul ba dang ldan pa'i las thams cad bsdus par rig par bya'o/ /chos gos dang mi 'bral ba'i mtshams ni ma gtogs te/ de ni sngar las kyis mtshams bcad pa nyid yin pa'i phyir ro/ /nye 'khor mdza' tshun chad de zhes bya ba ni grong la ni grong gi nye 'khor gyi mdza' tshun chad de mtshams ni yin pa'o/ /rgyang grags kyi mdza' tshun chad de zhes bya ba ni dgon pa la ni phyogs phyogs su rgyang grags kyi mdza' tshun chad mtshams yin pa'o/ /btsun pa gso sbyong gi las du mchis zhes bya ba ni chos dang chos ma yin pa dang ma mthun pa dang mi mthun pa'i mtshan nyid ston to/ /chos ma yin pas zhes bya ba ni 'don par bya ba dang/ de'i tshad dang dus dang/ 'don par byed pa rnams de kho na bzhin nye bar bzung ba ste/ de la gdon par bya ba de kho na bzhin nye bar ma bzung ba ni so sor thar pa'i mdo las gzhan phran tshegs la sogs pa 'don pa'o/ /de'i tshad de kho na bzhin nye bar ma bzung ba ni gleng gzhi'i mi 'don zhing lhag ma rnams kyang thos bsgrags pas bsgrub mi byed pa'o/ /de'i dus de kho na bzhin nye bar ma bzung ba ni gso sbyong gi dus las gzhan pa'i dus su byed pa'o/ /'don par byed pa de kho na bzhin nye bar ma bzung ba ni gang zag dag gi dbang du gso sbyong byed pa rdzogs par bsnyen pa dang bcas pa lta ba dang tshul khrims dag gis ris mthun pa de dag las gzhan pas byed pa'o/ /yang na gang gdon par bya ba dang/ ji snyed gdon par bya ba dang/ gang gi tshe gdon par bya ba dang/ gang dag gis gdon par bya ba de dag yongs su spangs te/ gdon par bya ba dang tshad dang dus dang gdon par byed pa gzhan nyid nye bar 'dzin par byed pa de ni 'dir mi 'chags par byed pa yin pas chos ma yin par shes par bya'o/ /de las bzlog pa ni chos kyis byed pa yin no/ /mi mthun par byed pa zhes bya ba ni las kyi mtshams su gtogs pa'i dge slong rnams lus sam 'dus pa dang gsol ba ma brjod par 'don pa'o/ /de las bzlog pa ni mthun par byed pa yin no/ /btsun pa so sor thar pa'i mdo 'don pa du mchis zhes bya ba ni so sor thar pa'i mdo 'don pa rnam pa lnga ston te/ gleng gzhi gdon pa dang/ pham par 'gyur ba gdon pa dang/ dge 'dun lhag ma gdon pa dang/ ma nges pa gdon pa dang/ ril gyis gdon pa'o/ /sdom la gnas dang dbyar sngar phyi ma dang/ zhes bya ba la sogs pa ni sngar phyi sdom las gnas dang zhes smos pa'i sdom gyi tshigs su bcad pa yin par sbyar ro/ /che ge mo zhig la zhes bya ba la sogs pa snang ngo zhes bya ba ni kha ton thon pa ste/ bzlas pa'i phyir lan gnyis su smos so/ /gnas bstabs pa zhes bya ba ni gnas khang las mi dbral ba'o/ /gnas mal bstabs pa zhes bya ba ni mal cha dang stan la sogs pa las mi dbral ba'o/ /las bstabs pa zhes bya ba ni las su mi bsgo ba'o/ /rnyed pa bstabs pa zhes bya ba ni las su bskos pa'i rnyed pa dbang ba do las ma byas kyang sbyin pa na'o/ /bsnyen bkur ba bstabs pa zhes bya ba ni de'i bsnyen bkur ba las su mi bsgo ba'o/ /dbyar snga ma zhes bya ba ni dbyar zla 'bring po'i tshes bcu drug go /gso sbyong bco lnga ba de nyid la zhes bya ba ni dbyar snga ma nye bar bsgrub pa dbyar zla 'bring po tshes bco lnga'o/ /dbyar phyi ma zhes bya ba ni dbyar zla tha chung tshes bcu drug go / gso sbyong bco lnga pa de nyid la nye bar bsgrubs pa dbyar zla ba chung tshes bco lnga la'o/ /zla ba gnyis zhes bya ba ni dbyar zla tha chung nya nas ston zla ra ba'i nya'i bar gyi zla ba gcig dang/ ston zla ra ba nya nas ston zla 'bring po nya'i bar gyi zla ba gcig go / so sor brtags te zhes bya ba ni bcom ldan 'das kyis dbyar nye bar bsgrub pa ni gnyis bka' stsal gyi/ gsum pa ni med pas dgag dbye snga ma shos nyid btsal bar bya'o snyam du so sor brtags te'o/ /gso sbyong gzhan la zhes bya ba ni ston zla 'bring po gnas ston gyi gso sbyong la sogs pa la'o/ /mdo sde 'dzin pa zhes bya ba la sogs pa ni don gyi sgo dang tshig gi sgo nas 'dzin pa'o/ /don du zhes bya ba ni ched du'o/ /khyams zhes bya ba ni gtsug lag khang gi sgo'i bar gyi bang rim mo/ /dag gi bshes pa'i tshig gis zhes bya ba ni byon pa legs so zhes bya ba la sogs pa tshig snyan pas so/ /khrus bya zhes bya ba ni sku mnye dang dril phyis bya zhing dus dang mthun pa'i chus khrus bya ba'o/ /dge 'dun la yang snum bag gi rnyed pa dbul bar bya'o zhes bya ba ni de'i phyir dge 'dun thams cad la yang snum bag gi rnyed pa dbul bar bya ba'o/ /chos mnyan par bya'o zhes bya ba ni der thams cad kyis spro ba bskyed par bya zhing seng ge'i khri bsham pa la sogs pa thams cad kyis brjod par mi bya ste ca cor 'gyur pa'i phyir ro/ / la la zhig ces bya ba dge slong phrag dog can la la zhig go / rab tu byung ba dag tu 'dran zhes bya ba ni ji skad bstan pa'i cho gas rab tu byung ba dag tu 'dra ba'i phyir ro/ /ston pa 'das pa'i gsung rab la zhes bya ba ni bcom ldan yongs su mya ngan las 'das pa'i bstan pa'i chos la ste/ ma 'ongs pa'i dus na 'byung ba las bltos nas ston pa 'das pa'i zhes gsungs kyi zhal bzhugs pa'i dus las bltos pa ni ma yin no/ /'di ni ston pa'o zhes bya ba ni nye bar btags pa'o/ /'di ni rten te zhes bya ba ni 'di las byas dang/ bya ba ma yin pa yongs su shes pa 'grub pa'i phyir rten yin no/ /rnam pa dag gis kyang gnang bar mi bya'o zhes bya ba ni ye mi gnang bar bya ba'o/ /gnas brtan dang bcas pa zhes bya ba ni dge 'dun gyi gnas brtan nyid so sor thar pa'i mdo gdon par byed pa'o// sor thar pa dang bcas pa zhes bya ba ni/ gsar bu so sor thar pa'i mdo gdon par byed pa'o/ /des na 'dir don 'di yin te/ nang na gnas brtan nyid so sor thar pa'i mdo gdon pa der 'gro bar bya'o/ /gang na gsar bu so sor thar pa'i mdo gdon pa der ni 'gro bar mi bya'o/ /gnas brtan so sor thar pa'i mdo gdon pa med na ni gang na so sor thar pa'i mdo gdon pa der yang 'gro bar bya'o/ /kha cig na re gnas brtan nyid dang bcas so sor thar pa dang bcas zhes bya ba ni dge 'dun gyi gnas brtan nyid kyang yod cing de nyid so sor thar pa'i mdo gdon par byed pa yin te/ des na gang na gnas brtan kyang yod cing de nyid so sor thar pa'i mdo gdon par yang byed pa der 'gro bar yang bya'i de gnyis yar gyur par ni 'gro bar mi bya'o/ zhes zer te/ tshul khrims dang ldan pa zhes bya ba la sogs pas ni spyod pas ni spyod pa bzang po dang ldan pa nyid bstan to/ /de las gzhan du 'jug na zhes bya ba ni mkhan po la sogs pas bsgo ba de las gzhan du slob ma la sogs pa 'gro na'o/ /bro 'tshal ba zhes bya ba ni nad yod pa'i phyir ro/ /sdug bsngal ba zhes bya ba ni nad ni sdug bsngal gyi rgyu yin pa'i phyir te/ sdug bsngal dang ldan pa zhes bya ba ni tha tshig go /bro tshabs che ba zhes bya ba ni nad shin tu tshabs chen po dang ldan pa ste/ khri la nyal ba zhes bya ba'i tha tshig go /de'i yongs su dag pa blang bar bya'o zhes bya ba ni tshul khrims dang lta ba phun sum tshogs pa gnyis kyis gso sbyong nyams su myong bar rung ba nyid yin la/ tshul khrims dang lta ba phun sum tshogs pa mtshams kyi nang na gnas pa dag gis las nyams su myong bar rung gis gzhan gyi mi rung ba'i phyir ro/ /de'i phyir 'og nas kyang 'gro ba'i bla mas dge slong des bdag nyid rnam par dag par bya ba'i phyir yongs su dag pa phul lo/ zhes bya ba la sogs pa gsungs par 'byung ngo/ /phung nas zhes bya ba ni bzhag nas so/ /bar chad kyi chos rnams zhes bya ba ni pham par 'gyur ba la sogs pa'o/ /brjod do zhes bya ba ni khyod la brjod par bya'o zhes bya ba'o/ /rig par bgyid do zhes bya ba ni brgyud pas dge 'dun la yang rig par byed pa'o/ /lus kyi rnam par rig byed kyis zhes bya ba ni mgo gcog pa la sogs pas so/ /blang bar bya'o zhes bya ba ni bkur bar bya ba'o/ /brgyug par mi bya'o zhes bya ba ni brgyug cing 'gro bar mi bya ba'o/ /mgyogs par mi bya'o zhes bya ba ni brgyugs par cung zad dal ba'i 'gros kyis 'gro bar mi bya ba'o/ /mchod par mi bya'o zhes bya ba ni mchongs pa mi bya'o/ /phyi rol la mchod par mi bya'o zhes bya ba ni gtsug lag khang gi phyi rol gyi rtsig pa dang/ sa sgal la mchod par mi bya ba'o/ /'obs la mchod par mi bya'o zhes bya ba ni mtshams kyi 'obs la sogs pa'o/ /bang rim la mchod par mi bya'o zhes bya ba ni phyi rol gyi khyams kyi bang rim la'o/ /nam mkha' la 'dug par mi bya'o zhes bya ba ni nam mkha' la 'dug pa 'am 'gro bar mi bya'o/ /mtshams kyi phyi rol tu 'gro bar mi bya'o zhes bya ba ni mtshams kyi phyi rol tu 'gro bar mi bya'o/ /gom pa gcig gis skas kyi rim pa gnyis la thod rgal du 'dzag par mi bya'o zhes bya ba ni skas kyi gdang bu gzhan thod rgal du bzhag ste/ gzhan thod rgal du gom pa dor bar mi bya ba'o/ /gom pa gcig gis them skas kyi them pa gnyis la thod rgal du 'dzeg par mi bya'o/ zhes bya ba ni them skas gzhan bzhag nas gzhan du gom pa dor bar mi bya ba'o/ /chu lkog ma nub tsam la 'bog par mi bya'o/ /zhes bya ba ni 'gro ba'i lam gzhan yod na ste med na ni nyes pa med do/ /gnyid log par byed pa dang snyoms par 'jug par byed pa ni rgyu gnyis kyis smad par bya ba yin te/ zhes bya ba la/ ngo tsha med pa nyid ces bya ba ni bla ma dang yon tan can dag la mi gus pa'i phyir ro/ /ma klas pa nyid ces bya ba ni bstan pa de la the tshom za ba nyid dang/ ma nges pa nyid dang ma mos pa nyid dang/ ma gus pa nyid kyi bar ma don g.yel bar du ldom pa'o/ /ma lhags pa rnams kyi zhes bya ba ni mtshams kyi nang na 'khod pa dge 'dun gyi nang na ma 'dus pa rnams kyi'o/ /lan gsum du 'das zhes bya ba ni gang zag la bzlas pa'i sngags so/ /dge 'dun la bzlas pa ni lan gcig gis chog go /khyim pa nyid du zhes bya ba ni la sogs pa la/ dbyar gyi 'che ba zhes bya ba ni dam 'cha' ba' i steng khas len zhes bya ba'i tha tshig go / ji ltar khyim pa la sdom pa med pa de bzhin du bdag kyang sdom pa med pa nyid du khas len pa'i phyir des 'dun pa dang yongs su dag pa ma blangs pa yin no/ /ji ltar dge tshul dge slong gi las dag la mi rigs pa de bzhin du bdag kyang khas len pa'i phyir dang/ ji ltar za ma nyid nas rgyu thabs su gnas pa nyid bar dag sdom pa'i zhing du gyur pa ma yin pa de bzhin du bdag kyang khas len pa'i phyir dang/ ji ltar tha dad par gnas pa nyid rab tu byung ba thams cad las tha dad par gyur cing khyim pa dang 'dra ba de bzhin du bdag kyang tha dad par gyur pa nyid du khas len pa'i phyir dang/ ji ltar gnas par mi bya ba nyid nyams pa'i phyir cho ga 'khrugs shing sdom pa nyams pa de bzhin du bdag kyang khas len pa'i phyir de dag gis kyang 'dun pa dang/ yongs su dag pa ma blangs pa yin no/ /blangs pa yin te zhes bya ba la sogs pa la dge 'dun gyi nang du 'ongs te ma brjod na de ji ltar 'dun pa dang yongs su dag pa brjod par bya zhe na/ 'di la blangs pa nyid du khyed kyi the tshom med par khong du chud par bya'o zhes bstan pa'i phyir brjod par byed pa yin pas de dge 'dun gyi nang du 'ongs pa nyid kyis thams cad la the tshom med par gyur pas des na nyes pa'i skabs med do/ /de lta bas na blangs pa nyid du 'du shes pa las byed na ma brjod du zin kyang ltung bar mi 'gyur gyi gzhan du na ltung bar 'gyur ba kho nar rig par bya'o/ /yongs su dag pa la ji lta ba bzhin du 'dun pa la yang de bzhin du rig par bya'o/ /dge slong yongs su dag pa zhes bya ba ni ji skad bstan pa'i tshul khrims dang ldan pa'o// lta ba mthun pa zhes bya ba ni lta ba'i rnam pa drug cu rtsa gnyis ma bskyed pa'i phyir ro/ /de dge 'dun gyi gso sbyong bco lnga pa yin no zhes bya ba la/ gso sbyong bco lnga zhes smos pa ni gso sbyong bcu bzhi pa'i dpe ste/ ji skad du mdo las gso sbyong ni gnyis te/ bcu bzhi pa dang bco lnga pa'o/ /zhes gsungs pa'i phyir ro/ /byin gyis brlab po zhes bya ba ni dus gzhan du bya ba'i phyir dang/ bzhag par bya ba'o/ /rim pa zhes bya ba ni go rim ste/ de ni dge 'dun med pa'i phyir ro/ /'og ma dag la yang de bzhin du shes par bya'o/ /gcig la gcig brjod par bya'o zhes bya ba ni gcig la gcig gso sbyong zhing byin gyis brlab par bya ba'o/ /gsol ba byas te gso sbyong bya'o zhes bya ba ni byin gyis brlab pa'i gso sbyong yang yod pas de la dgar ba'i phyir te/ las dang bcas pa'i gso sbyong bya'o zhes bya ba'i tha tshig go / der ni nad pa yongs su dag pa'i blang bar mi bya'o zhes bya ba ni dge 'dun ma tshang ba'i phyir de'i yongs su dag pa blang ba dgag par mdzad de/ dge 'dun tshang na ni nad pa'i yongs su dag pa blang bar bya'o/ /sdom pa rgyal pos dge slong bzung ba dang zhes bya ba la sogs pa ni sngar spyi sdom la rgyal po zhes smos pa'i sdom gyi tshigs su bcad pa yin par sbyar ro/ /gsod pa zhes bya ba ni gshed ma'o/ /phyir rgol ba zhes bya ba ni longs spyod dbrog pa'i phyir brtson pa'o/ /dgra bo zhes bya ba ni khon gyi sha glon pa'i phyir brtson pa'o/ /dkyil 'khor bar do ste zhes bya ba ni dge slong bzung med mtshams kyi nang na 'dug na mi mthun pa spang ba'i phyir de skad gsungs pa yin gyi de mtshams kyi nang na mi 'dug na dkyil 'khor bar 'dod mi dgos so/ /de'i 'dun pa blang bar bya'o zhes bya ba la/ /gal te 'dun pa dang yongs su dge ba gnyis la bye brag ci yod ce na/ 'dun pa dbul ba la ni las mthun pa bsgrub pa'i phyir ro/ /yongs su dag pa dbul ba ni bdag nyid kyis gso sbyong nyams su myong bar bya ba'i phyir ro/ /de'i phyir dge slong des bdag nyid yongs su dag par bya ba'i phyir yongs su dag pa dbul bar bya zhing dge 'dun gyi las mthun par bya ba'i phyir de'i 'dun pa yang blang bar bya'o zhes gsungs pa yin no/ /de lta bas na gso sbyong dang/ dgag dbye gnyis la ni dge slong gi 'dun pa dang yongs su dag pa gnyis ka blang bar bya ba la/ mtshams bcad pa ma gtogs pa'i las gzhan la ni 'dun pa 'ba' zhig blang bar bya ste/ nye bar 'khor mtshams bcad pa ma gtogs pa'i las gzhan thams cad ni 'dun pa dang bcas pa yin no/ zhes gsungs pa'i phyir ro/ /sgren mo zhes bya ba ni 'doms ma g.yogs pa'i phyir ro/ /smyos zhes bya ni smyos byed kyi tha snyad nyams pa'i phyir ro/ /sems 'khrugs zhes bya ba ni rlung la sogs pas rang bzhin gyis sems nyams pa'i phyir ro/ /res 'ga' zhes bya ba ni dus lan 'ga' o/ /ltung ba zhes bya ba ni nyes byas la sogs pa'o/ /chos bzhin du phyir bya ba ni rnam par dag pa bsgrub pa'i phyir te ltung ba dang bcas pa las nyams su myong ba bkag pa'i phyir te/ 'og nas kyang thams cad yongs su dag pa lta ba mthun pa 'dug cing mthun par gyur pa dag gis gso sbyong bya'o zhes bya ba'o zhes bya ba la sogs pa 'byung ngo/ /dag pa'i mdza' tshun chad nas bzung ste zhes bya ba ni ltung ba med pa'i gnas skabs kyi mdza' tshun chad nas so// mthol lo zhes bya ba ni ming brjod par bya ba'o/ /'chags so zhes bya ba ni rigs brjod par bya ba'o/ /mi 'chab po zhes bya ba ni tshig tu brjod pa tsam 'ba' zhig tu ma zad kyi bdag yid kyis kyang ming chab pa'o/ /bde ba la reg pa zhes bya ba ni rnam par dag pa thob pa ste/ ltung ba dang bral ba'i rgyus yid yongs su dga' ba'o/ /phyin chad ces bya ba ni ma 'ongs pa'i dus na'o/ /sdom zhes bya ba ni mi byed pa'o/ /bar bcad pa zhes bya ba ni 'dir mi bya'o/ /dgos pa zhes bya ba ni gzhan gyis byas pa'i the tshom mo/ /yid gnyis zhes bya ba ni rang gis byas pa'i the tshom mo/ /bsal nas zhes bya ba ni yongs su spangs nas so/ /rang gis sems kyis byin gyis brlab par bya zhes bya ba ni las byed pas so/ /dge slong gzhan gyis ni dge drung na 'dug pa'i mdun bya'o/ /'di dang snga ma'i byin gyis brlab pa'i skabs dag tu ha cang yun rings na mi mdzes pas sngags lan re bzlas pas chog ste lan gsum ni mi dgos so/ /snang ba'i phyogs su zhes bya ba ni khyams la sogs par ro/ /mi 'dod bzhin du zhes bya ba ni mi dga' bzhin du'o/ /gleng bar mi bya zhes bya ba ni nyes pa bsgrags pas so/ /dran par mi bya zhes bya ba ni bshags pa'i dus dang grogs brjod pas so/ /sdom la sbyar ba mang dang zhes bya ba ni sogs pa ni sngar spyi sdom la sbyar ba mang zhes smos pa'i sdom gyi tshigs su bcad pa yin par sbyar ro/ /dge slong gang dag ma lhags pa zhes bya ba ni mtshams kyi nang na gnas pa gang dag las kyi gnas der ma lhag pa dag go /rung ngo snyam nas zhes bya ba ni rigs so snyam nas so/ /rtogs pas don du gnyer ba zhes bya ba la/ rtog pa zhes bya ba ni sgyu thabs so/ /de don du gnyer ba na sgyu thabs kyis 'jug pa'i las nges gso sbyong don du gnyer zhing byed 'dod pa'o/ /rtog pa'i yo byad can zhes bya ba ni sgyu thabs de nyid yo byad dang rgyur sbyar nas gso sbyong gi las la 'jug pa gang la yod dag go / de dag gis zhes bya ba ni snga ma dag gis te/ de dag gis sgyu thabs la sogs pa'i gso sbyong legs par ma byas pa de'i phyir phyis lhags pa dag gi don du yang gso sbyong bya ba kho nar rig par bya'o/ /rtog pa'i nyer bsdogs las zhes bya ba ni sgyu thabs las sbyor ba'i rgyu las so/ /'gal tshabs can du 'gyur ro/ /zhes bya ba ni las mi 'chags par byed pa'i nyes byas su 'gyur ba'o/ /yid gnyis kyis don du gnyer ba zhes bya ba la yid gnyis zhes bya ba ni the tshom za ba'o/ /des don du gnyer ba la ni the tshom gyis 'jug pa'i las des gso sbyong don du gnyer zhing byed 'dod pa'o/ /yid gnyis kyi yo byad can zhes bya ba ni the tshom de nyid yo byad dang rgyur byas nas gso sbyong gi las la 'jug pa gang la yod pa dag go /yid gnyis kyis nyer bsdogs las zhes bya ba ni the tshom la sbyor ba'i rgyu las so/ /med kyang rung zhes bya ba ni mi snang ba ni 'dug kyang rung snyam pa'o/ /de nyid 'dug kyang rung zhes bya ba ni gang nas 'ongs pa de nyid du 'dug kyang rung snyam pa'o/ /so sor gyur kyang rung zhes bya ba ni las tha dad par gyur kyang rung snyam pa'o// thag ring por gyur kyang rung snyam nas zhes bya ba ni thos pa'i nye 'khor du yang ma 'dug kyang rung snyam nas so/ /dbyen gyi don du gnyer ba zhes bya ba la/ dbyen zhes bya ba ni las dbye ba dang 'khor lo dbye ba'i bsams pa dang sbyor ba'o/ /des don gnyer ba ni dbyen gyi bsam pa dang sbyor bas 'jug pa'i las des gso sbyong don du gnyer zhing byed 'dod pa'o/ /dbyen gyis yo byad can zhes bya ba ni bsam pa dang sbyor ba de nyid yo byed dang rgyur byas nas gso sbyong gi las la 'jug pa gang la yod pa dag go /dbyen gyi nyer bsdogs las/ /zhes bya ba ni dbyen bya bar sems pa dang sbyor ba'i rgyu las so/ /nyes pa sbom por 'gyur ro zhes bya ba ni dge 'dun gyi dbyen byed pa'i dge 'dun lhag ma'i skabs kyi nyes pa sbom por 'gyur ba'o/ /sbyor ba mang po 'di la 'gres brgyad cu rtsa gcig yod de/ gnyug mar gnas pa dag 'dug cing mthun par gyur pa dag tu gnyug mar gnas pa nyung ngu dang mnyam pa dang/ mang po dag nyid lhags pa'i dbye bas 'gres gsum la rtog pa dang/ yid gnyis dang dbyen gyi bye brag gis gsum gsum dgur 'gyur te/ de ni dgu pa gcig go /gnyug mar gnas pa dag 'dug cing mthun par gyur pa dag tu glo bur du 'ongs pa nyung ngu dang mnyam pa dang/ mang po dag lhags pa'i dbye bas 'gres gsum la rtog pa dang/ yid gnyis dang/ dbyen gyi bye brag gis gsum gsum dgur 'gyur te/ de ni dgu gnyis pa'o/ /gnyug mar gnas pa dag 'dug cing mthun par gyur pa dag tu glo bur du 'ongs pa dag dang gnyug mar gnas pa 'dren ma nyung ngu dang/ mnyam pa dang/ mang po dag lhags pa'i dbye bas 'gres gsum la rtog pa dang/ yid gnyis dang/ dbyen gyi bye brag gi gsum gsum dgur 'gyur te/ de ni dgu pa gsum pa'o/ /glo bur du 'ongs pa dag 'dug cing mthun par gyur pa dag tu glo bur du 'ong ba dang gnyug mar gnas pa 'dren ma nyung ngu dang/ mnyam pa dang mang po dag lhags pa'i dbye bas 'gres gsum la rtog pa dang/ yid gnyis dang dbyen gyi bye brag gis gsum gsum dgur 'gyur te/ de ni dgu pa bzhi pa'o/ /glo bur 'ongs pa dag 'dug cing mthun par gyur pa dag tu gnyug mar gnas pa nyung ngu dang/ mnyam pa dang/ mang po dag lhags pa'i dbye bas 'gres gsum la rtog pa dang/ yid gnyis dang/ dbyen gyi bye brag gis gsum gsum dgur 'gyur te de ni dgu pa lnga pa'o/ /glo bur du 'ongs pa dag 'dug cing mthun par gyur pa dag tu glo bur du 'ongs pa dang/ gnyug mar gnas pa 'dren ma nyung ngu dang/ mnyam pa dang/ mang po dag lhags pa'i dbye bas 'gres gsum ma rtog pa dang yid gnyis dang/ dbyen gyi bye brag gis gsum gsum dgur 'gyur te/ de ni dgu pa drug pa'o/ /glo bur du 'ongs pa dang/ gnyug mar gnas pa dag 'dren mar 'dug cing mthun par gyur pa dag tu glo bur 'ongs pa dang/ gnyug mar gnas pa 'dren ma nyung ngu dang/ mnyam pa dang/ mang po dang lhags pa'i dbye bas 'gres gsum ma rtog pa dang/ yid gnyis dang/ dbyen gyi bye brag gi gsum gsum dgur 'gyur te/ de ni dgu ba bdun pa'o/ /glo bur du gnyug mar gnas pa dag 'dren mar 'dug cing mthun par 'gyur ba dag glo bur du 'ongs pa nyung ngu dang/ mnyam pa dang mang po dag lhags pa'i dbye bas 'gres gsum la rtog pa dang/ yid gnyis dang/ dbyen gyi bye brag gis gsum gsum dgur 'gyur te/ de ni dgu pa brgyad pa'o/ /glo bur du 'ongs pa dang gnyug mar gnas pa dag 'dren mar 'dug cing mthun par gyur pa dag tu gnyug mar gnas pa nyung ngu dang/ mnyam pa dang/ mang po dag lhags pa'i dbye bas 'gres gsum la rtog pa dang/ yid gnyis dang dbyen gyi bye brag gis gsum gsum dgur 'gyur te de ni dgu pa dgu pa'o/ /de ltar na 'dir 'gres dgu dgu brgyad cu rtsa gcig tu 'gyur ro/ /chos kyi 'du shes can zhes bya ba ni gso sbyong gi cho ga nyams par mi 'dod pa'i phyir ro/ /mthun pa'i 'du shes can zhes bya ba ni dge sbyong 'ga' dang yang mi mthun par mi 'dod pa'i phyir te/ gang dag mtshams kyi nang na gnas pa de dag thams cad der tshogs par sems pa'o/ /de dag gis zhes bya ba ni gnyug mar gnas pa sngar 'dug cing mthun par gyur pa dag gis so/ /gral rims bzhin du zhes bya ba ni rgan rims bzhin du'o/ /de dag dang zhes bya ba ni phyis lhags pa dag dang ngo/ /tshig 'di ni phyis lhags pa dag dang mi dga' bar 'gyur ba spang ba'i phyir te/ 'di ltar dge slong gnyug mar gnas pa dag phyi rol du dong ba na de dag gis gso sbyong brtsams shing de'i 'og tu gnyug mar gnas pa de dag phyir lhags pa na/ de dag 'di snyam du bdag cag phyi rol du dong ba na 'di dag gis ma sdad par gso sbyong bya bar brtsams so/ zhes mi dga' bar 'gyur bas de spang pa'i phyir ro/ /de bas na de dag gis chos dang mthun pa'i 'du shes kyi gso sbyong byed pa na phyis lhags pa rnams kyi ched du yang gso sbyong bya ba 'di ni 'dod pas 'jug pa yin gyi nges pa ni ma yin no/ /'khor de ma lang sa shing dge slong dag ma dong bar zhes bya ba la/ 'khor de zhes bya ba gang zhe na/ dge slong dag go /ji ltar ma langs shing zhe na/ de'i phyir ma dong bar zhes bya ba gsungs te/ thos pa'i nye 'khor nas ma 'das shing gso sbyong gi gnas ma btang na zhes bya ba'i tha tshig go /de dag gi don du zhes bya ba ni phyis lhags pa dag gi don du ste/ 'di ni tshogs bas las bya bar rigs par nges pa yin gyi/ 'dod pas 'jug pa ni ma yin par rig par bya'o/ /de dag gis zhes bya ba ni snga ma dag gis so/ /tshogs pa zhes bya ba ni dong ba rnams yang gso sbyong gi gnas su phyir bsdu ba'o/ /'di ni 'dod pas 'jug pa yin gyis nges pa ni ma yin no/ /de dag gis dkyil 'khor bar dong ste zhes bya ba ni phyis lhags pa dag gis ste/ 'di ni mthun pa spang ba'i phyir ro/ /'di la 'dres bdun cu rtsa gnyis yod de/ gnyug mar gnas pa dag 'dug mthun par gyur pa dag rtag tu gnyug mar gnas pa nyung ngu dang mnyam pa dag nyid lhags pa'i dbye bas 'gres gnyis la gral rims dang/ gsol pa dang/ tshogs pa dang/ dkyil 'khor ba'i bye brag gis gnyis bzhi brgyad du 'gyur te de ni brgyad pa gcig go / gnyug mar gnas pa dag 'dug cing mthun par 'gyur ba dag tu glo bur du 'ongs pa nyung ngu dang mnyam pa dag lhags pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor pa'i bye brag gi gnyis bzhi brgyad du 'gyur te/ de ni brgyad pa gnyis pa'o/ /gnyug mar gnas pa dag cing mthun par gyur pa dag glo bur du 'ongs pa dang gnyug mar gnas pa 'dres ma nyung ngu dang mnyam pa dag lhags pa'i dbye bas 'dres gnyis la gral rims dang/ gsol pa dang/ tshogs pa dang/ dkyil 'khor ba'i bye brag gis gnyis bzhi brgyad du 'gyur te/ de ni brgyad pa gsum pa'o/ /glo bur du 'ongs pa dag 'dug cing mthun par gyur pa dag glo bur du 'ongs pa dang nyung ngu dang mnyam pa dag nyid lhags pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor ba'i bye brag gis gnyis bzhi brgyad du 'gyur te/ de ni brgyad pa bzhi pa'o/ /glo bur du 'ongs pa dag 'dug cing mthun par gyur pa dag glo bur du 'ongs pa dang/ gnyug mar gnas pa 'dren ma nyung ngu dang mnyam pa dag lhags pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor ba'i bye brag gnyis bzhi brgyad du 'gyur te/ de ni brgyad pa lnga pa'o/ /glo bur du 'ongs pa dag 'dug cing mthun par gyur pa dang gnyug mar gnas pa 'dren ma nyung dang mnyam pa dag lhags pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor pa'i bye brag gnyis bzhi brgyad du 'gyur te de ni brgyad pa drug pa'o/ /glo bur du 'ongs pa dang/ gnyug mar gnas pa dag 'dren mar 'dug cing mthun par gyur pa dag glo bur du 'ongs pa dang/ gnyug mar gnas pa 'dren ma nyung ngu dang mnyam pa dag lhags pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor pa'i bye brag gis gnyis bzhi brgyad du 'gyur te de ni brgyad pa bdun pa'o/ /glo bur du gnas pa dang gnyug ma pa gnas pa dag 'dren mar 'dug cing mthun par gyur pa dag tu gnyug mar gnas pa nyung ngu dang mnyam pa dag lhag pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor pa'i bye brag gnyis bzhi brgyad du 'gyur te de ni brgyad pa brgyad pa'o/ /glo bur du 'ongs pa dang/ gnyug mar gnas pa dag 'dren mar 'dug cing mthun par gyur pa dag tu glo bur du 'ongs pa nyung ngu dang mnyam pa dag lhags pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor pa'i bye brag gis gnyis bzhi brgyad du 'gyur te/ de ni brgyad pa dgu pa'o/ /de ltar na 'dir 'dres brgyad dgu bdun cu rtsa gnyis su 'gyur ro/ /de dag gis yang gsol ba byas te zhes bya ba la sogs pa la de dag gis zhes bya ba ni snga ma dag gis so/ /'gres bzhi po 'di la ni gsol ba dang/ ma dong ba dang/ kha cig dong ba dang/ thams cad dong ba'i bye brag gis rnam par bzhag go /las bya ba ni 'gres snga ma dag la nyung ngu dang mnyam pa phyis lhags pa dag ni 'dod pas 'jug pa yin no/ /'gres 'di la mang po phyis lhag pa dag ni ngas pa yin te/ 'di ltar mang po dag mthu che ba'i phyir ro/ /'di la 'gres sum cu rtsa drug yod de/ gnyug mar gnas pa dag 'dug cing mthun par gyur pa dag tu gnyug mar gnas pa mang po dag nyid lhags pa'i dbye bas 'gres gcig la gsol ba dang/ ma dong ba dang/ kha cig dong ba dang/ thams cad dong ba'i bye brag gis bzhir 'gyur te/ de ni bzhi pa gcig go /gnyug mar gnas pa dag 'dug cing mthun par gyur pa dag du glo bur du 'ongs pa mang po dag lhags pa'i dbye bas 'gres gcig la gsol ba dang/ ma dong ba dang/ kha cig dong ba dang/ thams cad dong pa'i bye brag gis bzhir 'gyur te/ de ni bzhi pa gnyis pa'o/ /gnyug mar gnas pa dag 'dug cing mthun par gyur pa dag tu glo bur du 'ongs pa dang/ gnyug mar gnas pa 'dren ma mang po dag lhags pa'i dbye bas 'gres gcig la gsol ba dang/ ma dong ba dang/ kha cig dong ba dang/ thams cad dong ba'i bye brag gis bzhir 'gyur te/ de ni bzhi pa gsum pa'o/ /glo bur du 'ongs pa 'dug cing mthun par gyur pa dag glo bur du 'ongs pa mang po dag nyid lhags pa'i dbye bas 'gres gcig la gsol ba dang/ ma dong ba dang/ kha cig dong ba dang/ thams cad dong ba'i bye brag gis bzhir 'gyur te de ni bzhi pa'o/ /glo bur du 'ongs pa dag 'dug cing mthun par gyur pa dag tu gnyug mar gnas pa mang po dag lhags pa'i dbye bas 'gres cig la gsol ba dang/ ma dong ba dang/ kha cig dong ba dang/ thams cad dong pa'i bye brag gis bzhir 'gyur te de ni bzhi pa lnga pa'o/ /glo bur du 'ongs pa dag 'dug cing mthun par gyur pa dag glo bur du 'ongs pa dang gnyug mar gnas pa 'dren ma mang po dag lhags pa'i dbye bas 'gres gcig la gsol ba dang/ ma dong ba dang kha cig dong ba dang/ thams cad dong ba'i bye brag gis bzhir 'gyur te/ de ni bzhi pa drug pa'o/ /glo bur du 'ongs pa dag gnyug mar gnas pa 'dren ma dag 'dug cing mthun par gyur pa dag tu glo bur du 'ongs pa dang gnyug mar gnas pa mang po dag nyid lhags pa'i dbye bas 'gres gcig la gsol ba dang/ ma dong ba dang/ kha cig dong ba dang/ thams cad dong ba'i bye brag gis bzhir 'gyur te de ni bzhi pa bdun pa'o/ /glo bur du 'ongs pa dang/ gnyug mar gnas pa dag 'dug cing mthun par gyur pa dag gnyug mar gnas pa mang po dag lhags pa'i dbye bas 'gres gcig la gsol ba dang/ ma dong ba dang/ kha cig dong ba dang/ thams cad dong ba'i bye brag gis bzhir 'gyur te/ de ni bzhi pa brgyad pa'o/ /glo bur du 'ongs pa dang gnyug mar gnas pa dag 'dug cing mthun par gyur pa dag glo bur du 'ongs pa mang po dag lhags pa'i dbye bas 'gres gcig la gsol ba dang/ ma dong ba dang/ kha cig dong ba dang/ thams cad dong ba'i bye brag gis bzhir 'gyur te/ de ni bzhi pa dgu pa'o/ /de ltar na 'dir 'gres dgu bzhi sum cu rtsa drug tu 'gyur ro/ /dge slong gnyug mar gnas pa dag gis ni tshes bco lnga yin la/ zhes bya ba la sogs pa ni tshes grangs mi mthun pas sam rgyu skar gyi rjes su 'byung bas so/ /rjes su 'jug par bya'o/ /zhes bya ba ni de dag gi tsheg gis gso sbyong bya ba 'am mi bya'o/ /'dir nyung ngus mang po dag gi rjes su 'jug par bya ba ni nges pa yin te/ mang po dag mthu tshe ba'i phyir ro/ /mnyam pa yin na ni gnyug mar gnas pa dag gi rjes su 'jug par bya ste/ gnyug mar gnas pa dag mthu chen pa'i phyir ro/ 'di la 'gres drug yod do/ gnyug mar gnas pa mang po dag gis tshes bco lnga yin la/ glo bur du 'ongs pa nyung ngu dag gi tshes bcu bzhi 'am/ tshes gcig yin pa dang/ gnyug mar gnas pa mnyam pa dag gi tshes bco lnga yin la glo bur du 'ongs pa mang po dag gi tshes bcu bzhi 'am/ tshes gcig yin pa dang/ glo bur du 'ongs pa mang po dag gis tshes bco lnga yin la gnyug mar gnas pa dag gi tshes bcu bzhi 'am/ tshes gcig yin pa dang/ glo bur du 'ongs pa mnyam pa dag gi tshes bco lnga yin la/ gnyug mar gnas pa 'am mnyam pa dag gi tshes bcu bzhi 'am/ tshes gcig yin pa dang/ glo bur du 'ongs pa nyung ngu dag gi tshes bco lnga yin la gnyug mar gnas pa mang po dag gi tshes bcu bzhi 'am/ tshes gcig pa yin pa'o/ /glo bur du 'ongs pa'i rnam pa zhes bya ba ni/ yo byad dag gnas pa ma yin par bzhag pa'o// glo bur du 'ongs pa'i rtags zhes bya ba ni/ yo byad dag phung po gcig tu byas pa'o/ /glo bur du 'ongs pa'i mtshan ma zhes bya ba ni mchil lham dang gos las byung ba'i rdul gyis rtswa dag la gos pa'o/ /gzhan gyi zhes bya ba ni gzhan gyi rgyud du rtogs pa'o/ /'khar ba zhes bya ba ni 'khar bsil lo/ /btur bu zhes bya ba ni chos gos kyi snod do/ /'bru mar snod ces ces bya ba ni/ 'bru mar gyi snod dam bum tshags gce'u can no/ /lhag pa'i bsam pas zhes bya ba ni sgyu med pas so/ /thos pa'i skabs su glo bur du 'ongs pa'i rnam pa zhes bya ba ni/ /gtang rag go /glo bur du 'ongs pa'i rtags zhes bya ba ni skad sel ba la sogs pa'i sgra'o/ /glo bur du 'ongs pa'i mtshan ma zhes bya ba ni de dag nyid kyi lang long nyid do/ /gtang rag ces bya ba ni sgra'i yon tan te/ snyan pa la sogs pa'o/ /gnyug mar gnas pa'i rnam pa zhes bya ba ni/ chag chag la sogs pa'o/ /gnyug mar gnas pa'i rtags zhes bya ba ni/ gnas mal bshams pa'o/ /gnyug mar gnas pa'i mtshan ma zhes bya ba ni 'bru mar gyi mar me sbar pa'o/ /'bru mar gyi mar me zhes bya ba ni 'bru mar gyi me mar ro/ /thos pa'i skabs su gnyug mar gnas pa'i rnam pa zhes bya ba ni/ skabs sel ba la sogs pa'i sgra'o/ /gnyug mar gnas pa'i rtags zhes bya ba ni lde mig dang lde mig kyog po la sogs pa'i sgra'o/ /gnyug mar gnas pa'i mtshan ma zhes bya ba ni gtang rag go / 'di la yang 'dres bdun cu rtsa gnyis yod de/ gnyug mar gnas pa dag 'dug cing mthun par gyur pa dag tu glo bur du 'ongs pa nyung ngu dang mnyam pa dang mang po dag lhags pa mthong ba'i dbye bas 'gres gsum la dbyen dang yid gnyis dang mi mthun pa dang/ rtog pa dang/ ma rnyed pa dang/ rnyed pa'i bye brag gis gsum du bco brgyad du 'gyur te/ de ni bco brgyad pa gcig go /gnyug mar gnas pa dag 'dug cing mthun par gyur pa dag tu glo bur du 'ongs pa nyung ngu dang mnyam pa dang/ mang po dag lhags pa thos pa'i dbye bas 'gres gsum dbyen dang/ yid gnyis dang/ mi mthun pa dang/ rtog pa dang/ ma rnyed pa dang/ rnyed pa'i bye brag gis gsum drug bco brgyad du 'gyur te de ni bco brgyad pa gnyis pa'o/ /glo bur du 'ongs pa dag 'dug cing mthun par gyur pa dag tu gnyug mar gnas pa nyung ngu dang mnyam pa dang/ mang po dag lhags pa mthong ba'i dbye bas 'gres gsum la dbyen dang/ yid gnyis dang/ mi mthun pa dang/ rtog pa dang/ ma rnyed pa dang/ rnyed pa'i bye brag gis gsum drug bco brgyad du 'gyur te de ni bco brgyad pa gsum pa'o/ /glo bur du 'ongs pa dag 'dug cing mthun par gyur pa dag gnyug par gnas pa nyung ngu dang/ mnyam pa dang/ mang po dag lhags pa'i thos pa'i dbye bas 'gres gsum la dbyen dang/ yid gnyis dang mi mthun pa dang/ rtog pa dang/ ma rnyed pa dang/ rnyed pa'i bye brag gis gsum drug bco brgyad du 'gyur te de ni bco brgyad pa bzhi pa'o/ /de ltar na 'dir 'dres bco brgyad phrag bzhi la bdun cu rtsa gnyis su 'gyur ro/ /'gro bar bya'o zhes bya ba la sogs pa 'dis ni so sor thar pa'i mdo 'don pa med na dge slong de dag gis gnas der gso sbyong gzhan la gtang par mi bya zhing gnas der khas blangs par mi bya'o/ zhes bstan pa de'i dmigs kyis gsal ba bstan to/ /de nyid kyi bye brag bstan pa'i phyir/ dge slong dang bcas pa'i gnas nas zhes bya ba la sogs pa gsungs so/ /ci cho ga 'di mgo gcig tu gsungs pa yin na zhe na de'i phyir 'gro bar mi bya'o zhes bya ba la sogs pa gsungs so/ 'thab krol byed pa zhes bya ba ni rtsub mo smra ba'i mtshan nyid kyi 'thab krol byed pa'o/ /rtsod pa'i gzhi byed pa zhes bya ba la/ rtsod pa'i gzhi zhes bya ba ni 'thab mo'i gleng gzhi ste/ kun nas slong bar byed pa ni byed pa'o/ /so sor thar pa'i mdo 'don pa med kyang dge slong tshul khrims ston ka'i zla ba'i 'od zer gyi tshogs pas c hes dkar ba tshul bzang po rnams kyi nang du tshul khrims yongs su gso ba 'grub pa ltar dge slong 'thab krol byed pa'i skyon gyi gnod pa'i 'dam rdzab can tshul ngan pa rnams kyi nang du so sor thar pa'i mdo 'don pa yod kyang tshul khrims yongs su dag pa gso ba 'grub par mi 'gyur bas de'i phyir dgag pa mdzad de 'og ma dag la yang de bzhin du ci rigs par shes par bya'o/ /gang du song na zhes bya ba la sogs pa la lus dang sems kyis bde ba la reg par 'gyur ba zhes bya ba ni shin tu sbyangs pa skye ba'o/ /gang gi phyir lus dang sems shin tu rnam par sbyangs pa gcig tu sems rab tu zhi zhing skye bo ngan pa'i 'du 'dzi dang bral ba tshul khrims yongs su gso ba ches lhags pa skyes pas de'i phyir 'di rjes su gnang te/ 'og ma dag la yang de bzhin du ci rig par shes par bya'o/ /gnod pa zhes bya ba ni dge slong gi tshul gyi bar chad do/ /dge slong med pa'i gnas na gnas pa ni bla'i dge slong dang bcas pa'i gnas na dge sbyong gi tshul dang srog gi bar chad kyi mtshan nyid kyi gnod pa 'byung bar 'gyur ba ni mi rung ngo/ /dge 'dun thams cad der 'gro ba zhes bya ba ni dge slong dang bcas pa nyid du 'gyur bas rjes su gnang ba ste/ 'og ma dag la 'ang de bzhin du shes par bya'o/ /las thams cad ni las/ brgya rtsa gcig go /yod pa'i zhes bya ba ni byed pa'o/ /las kha cig ces bya ba ni gsol ba la sogs pa'o/ /glo bur ba'i gnas pa zhes bya ba ni ya mtshan thams cad kyi thun mong gi gnas 'dug nas zhes bya ba'i tha tshig go /'di la 'gres bcu gnyis yod de/ dge slong dang bcas pa'i gnas nas dge slong dang bcas pa'i gnas tshul khrims dang lta ba dang ldan par 'gro bar bya ba ni 'gres gcig go / dge slong dang bcas pa'i gnas nas dge slong dang bcas pa'i gnas 'thab krol la sogs pa dang ldan par 'gro bar mi bya ba ni 'gres gnyis pa'o/ /dge slong dang bcas pa'i gnas nas dge slong dang bcas pa'i gnas dang/ dge slong dang bcas pa'i gnas ma yin pa tshul khrims dang lta ba dang ldan par 'gro bar bya ba ni gsum pa'o/ /dge slong dang bcas pa'i gnas nas dge slong dang bcas pa'i gnas dang/ dge slong dang bcas pa gnas ma yin pa 'thab krol byed pa la sogs par ldan par 'go bar mi bya ba ni bzhi pa'o/ /dge slong dang bcas pa'i gnas dang dge slong dang bcas pa gnas ma yin pa nas dge slong dang bcas pa'i gnas dang/ dge slong dang bcas pa gnas ma yin pa tshul khrims dang lta ba dang ldan par 'gro bar bya ba ni lnga pa'o/ /dge slong dang bcas pa'i gnas dang/ dge slong dang bcas pa'i gnas ma yin pa nas dge slong dang bcas pa'i gnas dang/ dge slong dang bcas pa'i gnas ma yin pa 'thab krol byed pa la sogs pa dang ldan par 'gro bar mi bya ba ni drug pa'o/ /dge slong dang bcas pa'i gnas ma yin pa dang/ dge slong dang bcas pa gnas dang ma yin pa nas dge slong med pa'i gnas shin tu sbyangs pa'i 'gro bar bya ba ni bdun pa'o/ /dge slong dang bcas pa gnas ma yin pa dang/ dge slong dang bcas pa gnas dang gnas ma yin pa nas dge slong med pa'i gnas su/ gnod pa byung ba la sogs pa ma gtogs par 'gro bar mi bya ba ni brgyad pa'o/ /dge slong dang bcas pa'i gnas dang/ dge slong dang bcas pa gnas ma yin pa dang/ dge slong dang bcas pa gnas dang gnas ma yin pa dang/ dge slong med pa'i gnas nas dge slong med pa'i gnas su shin tu sbyangs pa'i phyir 'gro bar bya ba ni dgu pa'o/ /dge slong dang bcas pa gnas ma yin pa dang/ dge slong dang bcas pa gnas dang gnas ma yin pa dang/ dge slong med pa'i gnas nas dge slong med pa'i gnas su gnod pa byung ba la sogs pa ma gtogs par 'gro bar mi ba bya ni bcu pa'o/ /dge slong dang bcas pa'i gnas dang dge slong dang bcas pa'i gnas ma yin pa dang/ dge slong dang bcas pa gnas pa dang/ gnas ma yin pa dang/ dge slong med pa'i gnas dang/ dge slong med pa gnas ma yin pa nas dge slong med pa gnas dang gnas ma yin par shin tu sbyangs pa'i phyir 'gro bar bya ba ni bcu gcig pa'o/ /dge slong dang bcas pa'i gnas dang/ dge slong dang bcas pa'i gnas ma yin pa dang/ dge slong dang bcas pa gnas dang gnas ma yin pa dang/ dge slong med pa'i gnas dang/ dge slong med pa gnas ma yin pa nas dge slong med pa gnas yin par gnod pa byung ba la sogs pa ma gtogs par 'gro bar mi bya ba ni bcu gnyis pa'o/ /sbyar ba mang po man chad 'di yan chad kyi 'gres thams cad spyir sdoms na 'gres nyis brgya bdun cu rtsa gnyis yod do/ /yongs su dag pa zhes bya ba ni bsdam par bya ba kha na ma tho ba dag gis kyang yongs su dag pa'o/ /'dul ba gzhi rgya cher 'grel ba mdo sde 'dzin pa dge legs bshes gnyen gyis nye bar sbyar ba las/ gso sbyong gi gzhi rgya cher 'grel pa rdzogs so// //bam po bcu gsum pa/ /sdom la/ dgag dbye rjes su gnang ba dang/ zhes bya ba la sogs pa ni dgag dbye'i bzhi'i spyi sdom las dgag dbye zhes smos pa'i sdom gyi tshigs su bcad pa yin par sbyar ro/ /tshul khrims nyams pa zhes bya ba ni rang bzhin gyis kha na ma tho ba dang bcas pa lhags par spyod pa'o/ /lta ba nyams pa zhes bya ba ni bdag tu lta ba la sogs kun tu spyad pa'o/ /cho ga nyams pa zhes bya ba ni bcas pa'i kha na ma tho ba dang bcas lhag par spyod pa'o/ /'tsho ba nyams pa zhes bya ba ni log par 'tsho ba'o/ /gtsang ma'i bum pa zhes bya ba ni rung ba'i chu dang zang zing gi chu snod do/ /chab khud sa'i bum pa zhes bya ba ni yongs su spyad pa'i chu snod de/ / gsol ces bya ba ni chu dgos pa shas shig yod pa'o/ /gsob ces bya ba ni chu mi dgos pa shas shig yod pa'o/ /chu med pa zhes bya ba ni chu gtan med pa'o/ /yang na gsog ces bya ba ni de ni gnas pa'i tshul med pa'o/ /gsob ces bya ba ni glo bur bsnan pa'i chu med pa'o/ /chu med pa zhes bya ba ni gnyis ga ye med pa'o/ /nus na zhes bya ba ni phong pa'o/ /lag brdas zhes bya ba ni lag pa'i mtshan ma bstan pas so/ /gnas ji lta ba bzhin du zhes bya ba ni gang gi gnas gang yin pa'o/ /gcig la gcig mi smra bar zhes bya ba ni tshig dang ldan par mi smra bar ro/ /dgra bo dang 'grogs pa bzhin du zhes bya ba ni dgra bo dang lhan cig 'khod pa bzhin du cang mi smra ba'o/ /mu stegs can gyi rgyal mtshan zhes bya ba ni mu stegs can gyi rtags ni mi smra ba yi dam mo/ /mi smra ba zhes bya ba ni tshig med par 'dug pa'o/ /mi smra ba'i yi dam bca' bar mi bya'o zhes bya ba ni yi dam bca' ba sngon du btang ste mi smra ba'i brtul zhugs blang bar mi bya'o/ /'gal tshabs can du 'gyur ro zhes bya ba ni nyes su 'gyur ba'o/ /dag pa dang grol bar lta bas yi dam 'cha' na ni dge 'dun gyi skabs su gtogs pa'i nyes pa sbom por 'gyur ro/ /'di ltar zhes bya ba la sogs pas ni dge slong de dag gis dbyar gnas par khas blangs nas dgag dbye ma byas par des na dgag dbye bya ba 'di rjes su gnang ngo/ /dogs pa zhes bya ba ni mtshan ma las byung ba'i shes pa'o/ /gnas zhes bya ba ni rgyu'o/ /zhag bcu 'am zla ba phyed kyis dgag dbye 'byung bar 'gyur ba na zhes bya ba ni de tsam gyi mdun nas so/ /kha cig las ni zhag bdun nas brgyad pa zhes 'byung ngo/ / spyod yul du zhes bya ba ni gtsug lag khang dang nye ba'i grong du'o/ /nyi ma 'di tsam na dge 'dun gyi dgag dbye 'byung bar 'gyur ro/ /zhes brjod par bya'o zhes bya ba ni phyin chad zhag 'di tsam na dge 'dun dgag dbye mdzad par 'gyur ba khyed cag la brjod pa yin no zhes brjod par bya ba'o/ /'di ni spyod yul na gnas pa'i sems can bsod nams la sbyar ba'i phyir gsungs pa yin no/ /dge slong gnas par bya ba dag gis zhes bya ba ni gnas la rag las pa dag gis te/ mkhan po dang slob dpon la brten pa dag gis shes pa'i tha tshig go /mchod pa'i dbang du byas pa zhes bya ba ni mchod pa rtsom pa ste/ gtsug lag khang brgyan pa dang/ khang pa brtsegs pa brtsigs pa dang/ mchod rten dag gso ba dang/ byi dor bya ba la sogs pa'o/ /byug pas byug par zhes bya ba ni gur gum la sogs pas bri bar bya ba 'am/ /ral pa dang 'drums pa la sogs pa bcos par bya ba'o/ /byi dor bya ba ni ras la sogs pas rdul la sogs pa phyi bar bya ba'o/ /gtsang khang phyur bu dag ces bya ba ni dri gtsang khang spyi cog ste/ bltams pa dang/ byang chub dang/ chos kyi 'khor lo dang/ yongs su mya ngan las 'das pa chen po zhes bya ba la sogs pa'o// brgyan par bya'o zhes bya ba ni ri mo 'bri ba dang/ gos la sogs pas brgyan par bya ba'o/ /chag chag gdab par bya ba la sogs pa/ yang mchod pa'i dbang du byas pa'i las yin no/ /mtshan thog thag tu chos mnyan pa sbyin par bya'o zhes bya ba ni tshes bcu bzhi la seng ge'i khri brgyan pa bshams nas do? nub mtshan thog thag chos mnyan pa 'byung bar 'gyur gyis dar tshe dang ldan pa dag gis tshogs pa sbyin par bya'o zhes spyod yul las su brjod nas/ / mdo sde dang/ 'dul ba dang/ ma mo 'dzin pa la sogs pa gdab pa dag gis tshes bcu bzhi'i mtshan thog thag tu kha ton du 'don pas chos mnyan pa sbyin par bya ba'o/ /gal te skya rengs ma shar bar dgag dbye mi nus par shes na shes par bya ste/ ci bder bya'o zhes bya ba ni tshes bco lnga'i nub mo mdo sde dang/ 'dul ba dang ma mo 'dzin pa de dag gis dgag dbye'i las la ma bab pa'i mdun rol tshun chad du chos dang ldan pa'i gtam rnam par gtan la dbab pas mtshan 'da' bar bya zhing dus ji tsam nas dgag dbye'i las brtsams pa'i las kyi mjug dang skya reng dang por mi phrad par de tsam du shes pa bya ste/ chos dang ldan pa'i gtam rnam par gtan la dbab pa ci bder bya zhing dgag dbye'i las kyi mgo brtsams par bya'o zhes bya ba'i tha tshig go / 'di skad du bstan te dgag dbye'i las ni skya rengs dang por shar ba'i mdun du zin par bya dgos pas gal te skya reng ma shar bar dgag dbye'i las zin par mi nus par shes nas ji tsam gyis nus par shes pa tsam nas chos bshad pa bzhag cing las brtsam par bya ba'o/ /dge slong dgag dbye byed pa gcig gam gnyis sam rab tu mang po dag bsko bar bya'o/ zhes bya ba ni gal te gcig gis nus na gcig bsko bar bya'o/ /gcig gis mi nus na gnyis bsko bar bya'o/ /gnyis kyis mi nus na gsum bsko bar bya'o/ /bzhi yan chad ni bsko bar mi bya ste/ tshogs kyi las byar mi rung ba'i phyir ro/ /rtsa ku sha nye bar bzhag par bya zhing de'i 'og tu dgram par bya'o zhes bya ba ni dge slong dgag dbye byed pa des snga nas rtsa ku sha sta gon bya zhing de'i 'og tu dge 'dun thams cad la khyad par brims par bya'o/ /de ni dgag dbye go bar byed pa'i dus na dgag dbye bya ba dang/ dgag dbye ba gnyis ka'i lag pas phan tshun nas bzung bar bya ba yin te/ de ji ltar rtsa ku sha 'di gang 'dud par byed pa de bzhin du bdag kyang ltung ba chos bzhin du phyir bya ba'i phyir dge slong rnams la 'dud par byed do zhes bya ba ni don 'di bstan pa'i phyir bya'o zhes 'dul ba 'dzin pa dag gis man ngag las shes par bya'o/ /gdams su gsol zhes bya ba ni bya bar 'os pa nyid du brjod cig pa'o/ /rjes su bstan du gsol zhes bya ba ni bya bar mi 'os pa mi bya ba nyid du brjod cig pa'o/ /shes shing zhes bya ba ni gzhan gyi rkyen gyis shes pa'o/ /mthong na zhes bya ba ni bdag nyid kyis brtag ste'o/ /chos bzhin zhes bya ba ni ltung ba'i ngo bo nyid las mi 'da' bar ro/ /'dul ba bzhin zhes bya ba ni 'dul ba bzhin phyir bcos pa las mi 'da' bar ro/ /slar bgyi'o zhes bya ba ni phyir bcos par bya ba'o/ /de tsam gyis nad pa ngal ba dang/ gnas phan tshun du 'gyur ba dang/ dus las yol ba dang/ gnod pa 'byung na lan gnyis bzlas so zhes bya ba ni lan gsum bzlas pa de tsam gyis nad pa la de ngal ba 'byung ba 'am/ gnas mal phan tshun du gyur pa byung ngam/ dus las yol ba byung ngam/ gnod pa byung ba lta na dgag dbye go bar bya ba'i sngags lan gnyis bzla bar bya'o/ /de'i 'og tu dge slong las byed pas dgag dbye byas te zhes bya ba ni des dge slong gi gral gyi dgag dbye rdzogs nas rang gi dgag dbye bya ba'o/ /legs par zhes bya ba ni mdzes shing kha na ma tho ba med par ro/ /shin tu zhes bya ba ni 'di la the tshom med do zhes bya ba'o/ /yang na legs par byas zhes bya ba ni rigs par ro/ /shin tu zhes bya ba ni bde ba'i rgyur ro/ /rdzas zhes bya ba ni khab la sogs pa'i rdzas so/ /'di lta bu byas kyang zhes bya ba ni chung ngus kyang ngo/ /dgag dbye bgyir rung ngo zhes bya ba ni mchod pa'i phyir mgron du gnyer du rung ba'o/ /'di ni sbyin par byed pa rnams kyi bsod nams kyi 'du ba'i sgo'i bye brag b stan pa'i phyir bcas te 'di ltar dgag dbye byas pa'i dge slong gi dge 'dun ni dge legs kyi bsam pa can yin pa'i phyir shin tu yongs su dag pa dang byams pa'i sems dang ldan pa'i phyir shin tu dad par 'gyur ba yin pas de'i phyir bsod nams kyi zhing ches khyad par 'phags pa yin pas de la sbyin pa byin na 'bras bu ches mang por 'gyur ro/ /de'i 'og tu dge tshul rnams la dgag dbye bya'o zhes bya ba ni rdzas kyi dgag dbye byas pa'i 'og tu dgag dbye byed pa des dge tshul rnams la dgag dbye byed pa'o/ /de'i 'og tu dge slong rnams la dgag dbye bya ba'o zhes bya ba ni dge tshul rnams la dgag dbye byas pa'i 'og tu dgag dbye byed pa des dge slong ma rnams la dgag dbye bya ba'o/ /rang gi phyogs ma rdzogs par phyogs gzhan la 'jug par mi rigs pas des na dge slong/

CLOSE WINDOW