བོད་ཡིག

e-texts based on the ACIP/ALL Input

/mdo sde 'dzin pa ka ly+a na mi tras nye bar sbyar ba so sor thar pa'i tshig gi bshad pa dga' ba bskyed pa las/ gtsug lag khang gi ltung byed kyi rnam par nges pa'o/ /rdzogs so// //'dul bar pa'i phung po zhes pa bzhugs so/ /rgya gar skad du/ kri ya skand+hya na nA ma/ bod skad du/ bya ba'i phung po zhes bya ba/ thams cad mkhyen pa la phyag 'tshal lo/ /bya ba'i phung po gang zhe na gnas nas phyung ba bya ba dang/ tha dad du gnas pas bya ba dang/ gzu bos bya ba dang/ de'i ngo bo nyid tshol tu gcug pas bya ba dang/ bslab pa byin pa'i bya ba dang/ mtshams bcad pa'i gnas brtan gyi bya ba dang/ kun dga' ra ba'i bya ba dang/ kun dga' ra ba'i gnas brtan gyi bya ba dang/ gnas khang gi bya ba dang gnas khang gi gnas brtan gyi bya ba dang/ khang ba'i 'khor du bcas pa'i bya ba dang/ khang pa'i 'khor du bcas pa'i gnas brtan gyi bya ba dang/ nags kyi bya ba dang/ gnas mal gyi bya ba dang/ sgo glegs kyi bya ba dang/ 'khor lo'i bya ba dang/ gnas stong pa'i bya ba dang/ gnas stong pa'i gnas brtan gyi bya ba dang/ lhung bzed kyi bya ba dang/ chos gos kyi bya ba dang/ gding ba'i bya ba dang/ khab kyi bya ba dang/ khab ral gyi bya ba dang/ thug pa'i bya ba dang/ chu'i bya ba dang/ chu rdza'i? bya ba dang/ yongs su spyod pa'i chu rje'i bya ba dang/ gtsang ma'i ril pa'i bya ba dang/ zas kyi bya ba dang/ bza' ba'i bya ba dang/ zas gtang ba'i bya ba dang/ bsod snyoms kyi bya ba dang/ bsod snyoms spyod pa'i bya ba dang/ zas len pa'i bya ba dang/ dgon pa'i bya ba dang/ dgon pa'i gnas brtan gyi bya ba dang/ brong 'dab kyi bya ba dang/ grong 'dab kyi gnas brtan gyi bya ba dang/ glo bur du 'ongs pa'i bya ba dang/ glo bur du 'ongs pa'i gnas brtan gyi bya ba dang/ 'gro bas bya ba dang/ 'gro ba'i gnas brtan gyi bya ba dang/ rkang pa bkru ba'i bya ba dang/ rkang pa bkru ba'i gnas brtan gyi bya ba dang/ 'dug pa'i bya ba dang/ 'dug pa'i gnas brtan gyi bya ba dang/ chos 'chad pa'i bya ba dang/ chos 'chad pa'i gnas brtan gyi bya ba dang/ dus kyi bya ba dang/ dus ma yin pa'i bya ba dang/ dus ma yin par dge 'dun 'du ba'i bya ba dang/ dus ma yin par dge 'dun 'du ba'i gnas brtan gyi bya ba dang/ smras pa'i bya ba dang/ mi smra ba'i bya ba dang/ dbyar nye bar sgrub pa'i bya ba dang/ dbyar gnas pa'i bya ba dang/ dbyar gnas pa'i gnas brtan gyi bya ba dang/ dbyar gnas par khas blangs pa'i bya ba dang/ 'khor dang ldan pa'i bya ba dang/ 'khor gyi nang du 'gro ba'i bya ba dang/ 'khor gyi nang du zhugs pa'i bya ba dang/ 'khor gyi nang du zhugs pa'i gnas brtan gyi bya ba dang/ gso sbyong gi bya ba dang/ gso sbyong gi mngon du bya ba'i bya ba dang/ gso sbyong gi las kyi bya ba dang/ so sor thar pa'i bya ba dang/ so sor thar? pa gdon par byed pa'i bya ba dang/ gnas brtan gyi bya ba dang/ bar mas bya ba dang/ gsar bus bya ba dang/ gnas brtan dang bar ma dang gsar bus bya ba dang/ bsro khang du bya ba dang/ bsro khang du khrus byed pa bya ba dang/ bsro khang gi gnas brtan gyi bya ba dang/ mkhan pos bya ba dang/ lhan cig gnas pas bya ba dang/ slob dpon gyi bya ba dang/ gnyen gnas kyi bya ba dang/ dge tshul gyi bya ba dang/ nan tan gyi bya ba dang/ phyi bzhin 'brang ba'i dge sbyong gi bya ba dang/ grong du nye bar 'jug pa'i bya ba dang/ grong du nye bar 'gro ba'i bya ba dang/ grong du nye bar song ba'i bya ba dang/ grong du nye bar song ba'i gnas brtan gyi bya ba dang/ gzhi nas gnas pa'i bya ba dang/ ngal bso ba'i bya ba dang/ nam mkha' i bya ba dang/ sra brgyad gi bya ba dang/ chu tshags kyi bya ba dang/ 'chags sa'i bya ba dang/ bcabs pa'i bya ba dang/ phyen gyi bya ba dang/ phyi sa'i bya ba dang/ bshad pa'i bya ba dang/ bshad pa'i sa'i khung bu'i bya ba dang/ bshad pa'i gnas brtan gyi bya ba dang/ bshad sa'i nyen 'khor gyi bya ba dang/ gci ba'i bya ba dang/ gci ba'i sa'i bya ba dang/ gci sa'i gnas brtan gyi bya ba dang/ gci sa'i nyen 'khor gyi bya ba dang/ bkru ba'i bya ba dang/ bkru ba'i gnas brtan gyi bya ba dang/ bkru ba'i gnas rkang pa gzhag pa'i bya ba dang/ bkru sa'i khung gi bya ba dang/ khrus kyi sar gnas brtan gyi bya ba dang/ khrus sa'i nye 'khor gyi bya ba dang/ mchil ma'i bya ba dang/ mchil ma'i snod kyi bya ba dang/ so shing gi bya ba dang/ so brud pa'i bya ba dang lce gzhar ba'i bya ba dang/ rna sbabs bru ba'i bya ba dang/ kun tu bcad pa'i bya ba dang/ kun tu mi spyad pa'i bya ba'o/ /ma mo lta bu'i dum bu gsum pa'i gzhi/ rdzogs so// //gnas nas phyung bas bya ba gang zhe na/ gnas nas byung pa zhes bya ba ni spangs pa yin te/ spangs pa'i dge slong gi ni bya ba 'di lta bu la 'jug par mi bya'o/ /spangs pa'i dge slong gis ni rab tu dbyung bar mi bya'o/ /dge tshul nye bar bzhag par mi bya/ /dge slong ma la lung 'bog par mi bya ba dang/ ston par bskos na yang dge slong ma la gdams par mi bya/ las mi bya/ dge slong de las byed par mi bsko/ las bsko bar mi bya/ las byed pa'i dge slong dge slong la dgag par mi bya/ 'dul ba 'dzin pa gzhan yod na dge 'dun gyi nang du 'dul ba bstan par mi bya/ so sor thar pa'i mdo 'don pa gzhan yod na/ dge 'dun gyi nang du so sor thar ba gdon par mi bya/ chos 'chad pa gzhan yod na dge 'dun gyi nang du chos bshad par mi bya/ /rang bzhin du gnas pa'i dge slong lung bstan pa la 'gog par mi bya/ rang bzhin du gnas pa'i dge slong la dge sbyong dgag par mi bya/ rang bzhin du gnas pa'i dge slong la dgag dbye gzhag par mi bya/ rang bzhin du gnas pa'i dge slong la gleng bar mi bya'o/ /dran par mi bya'o/ /de dag dang lhan cig brten par mi bya'o/ /gang la dge 'dun gyi gnas nas phyung ba'i las byas pa dang gang de dang 'dra ba gzhan yang rung ste/ nyes pa de lta bu dang mthun pa'i nyes pa phyis kyang mi bya'o/ /de las gzhan pa yang mi bya'o/ /des phyi phyir zhing spu brnyal ba lta bur bya nges par 'byung ba pa 'jug par bya/ /phyag 'tshal ba nye bar stan par bya/ rang bzhin du gnas pa'i dge slong gis lhung zed byin na yang des mi blang ngo/ /chos chos kyang mi blang ngo/ /de la skra bregs pa yang mi bcol lo/ /bsro khang du yang las mi bya'o/ /mi na bar las thams cad la drang bzhin du gnas pa'i dge slong gi las nyams su blang bar mi bya'o// dge 'dun thams cad 'dus shing 'khod pas de bstan pa'i gnas su sdom pas mi bsko/ /dbang gi gnas thams cad du yang sdom pas mi bsko/ /gang zag bcu gnyis kyi gnas su sdom pas byin gyis brlabs par mi bya ba 'di ni gnas nas phyung bas bya ba zhes bya'o/ /tha dad du gnas pas bya ba gang zhe na/ tha dad du gnas pa la rnam pa gnyis te/ gang bdag nyid kyis bdag tha dad du gnas par bya ba dang/ dge 'dun gyis chos bzhin du byas pa'o/ /bdag nyid kyis bdag tha dad du gnas pa gang zhe na/ bsams bzhin du chos kyi phyogs las chos ma yin pa'i phyogs su song ba ste/ de ltar na bdag nyid kyis bdag tha dad du gnas par byed pa'o/ /dge 'dun gyis chos bzhin du bya ba gang zhe na/ chos bzhin du 'dus pa'i dge 'dun gyis gsol pa dang/ bzhi'i las mi g.yo ba gzhag par 'os pas spangs pa yin te/ de ltar na dge 'dun gyis chos bzhin du spangs pa'o/ /mtshungs par lhan cig gnas pa la gnyis te/ bdag nyid kyis bdag lhan cig gnas par byed pa dang/ dge 'dun gyis chos bzhin du byas pa'o/ /bdag nyid la bdag nyid lhan cig gnas pa gang la zhe na/ bsams bzhin du chos ma yin pa'i phyogs las chos kyi phyogs su 'ongs pa ste/ de ltar na bdag nyid kyis bdag nyid lhan cig gnas par byed pa'o/ /dge 'dun gyis chos bzhin du byas pa gang zhe na/ dge 'dun gyis gsol ba dang bzhi'i las mi g.yo ba gzhag par mi 'os pas chos bzhin du 'dus pa'i dge 'dun gyis spang ba de phyung ba yin/ de ltar na dge 'dun gyi chos bzhin du bya'o/ /tha dad du gnas pa'i dge slong des rab tu dbyung bar mi bya ba nas snga ma bzhin te/ ji ltar dge 'dun gyis gang la spangs pa'i las byas pa dang/ gzhan yang de dang 'dra ste/ nges de lta bu'i nyes pa yang mi bya/ de las mthun par yang mi bya ba'i bar du ste/ gang zag bcu gnyis kyi las su sdom pas bsko bar mi bya'o/ /tha dad du gnas pa'i dge slong gis tshangs pa mtshungs par spyod pa'i gnas brtan dang bar ma dang/ gsar bu yang rung bag dbab par bya/ nyes par mi bya/ nyes pa zhig byas na slar dbyung ba'i tshul du bya'o/ /gal te slar dbyung ba'i tshul du mi byed na tha dad du gnas par byas pa nyid yin no/ /de la 'di skad ces bsgo bar bya'o/ /dge 'dun gyis khyed la thig btab bang pa bzhin du byed do/ /phur pa btsugs pa bzhin du byed do/ /nyes pa de yang dge 'dun las 'di nyid bshags par bya'i 'di las phyi rol tu ni ma yin no/ /khyod kyis las de yang dge 'dun 'di nyid kyis slar bde bar byed kyi/ 'di las phyi rol du ni ma yin no/ /khyod kyis nyes pa de yang ma bshags sam/ phyir bcos par ma byas na ni tshangs pa mtshungs par spyod pa mkhas pa dag gis gang du 'dod pa der gleng bar byed do/ /gal te yang de bzhin du byas pa las kyang 'dul bar ma gyur na gang zang de thig btab pa bzhin du/ phur ba btsugs pa bzhin du phub ma bzhin du byas la spang bar bya'o/ /de ni 'di ltar rta rgod bzhin te/ de ni tha dad du gnas pas bya ba zhes bya'o/ /gzu bos bya ba gang zhe na/ rtsod bzhi bar bya ba'i phyir dge slong gzu bos chos nyi shu rtsa gnyis dang ldan par btsal bar byas te/ nyi shu rtsa gnyis gang zhe na/ ci ste tshul khrims dang ldan zhing dang po nas phun sum tshogs pa dang/ /ngo tsha shes pa dang ldan zhing 'gyod pa dang ldan la bsdams pa dang/ bslab pa 'dod pa dang/ 'dul ba la shin tu rnam par nges shing thos pa 'dzin la thos pa bsags pa dang/ lung thon pa dang/ rtsod pa la mkhas pa dang/ rtsod pa kun nas slong ba la mkhas pa dang/ rtsod pa'i bye brag la mkhas pa dang/ rtsod pa 'gog pa la mkhas pa dang/ rtsod pa 'gags nas phyis mi 'byung ba la mkhas pa dang/ bstan bcos la mkhas pa dang/ gzhi lhag par spyod la mkhas shing nyes rtsom med pa smra ba dang/ nyes rtsom byed du mi 'jug pa dang/ lus dang ngag dang yid kyis mi 'jug pa dang/ smra bar byed cing smra ba brda phrad par byed pa dang/ go bar byed cing go bar brda phrad par byed pa dang/ rnam par rig par byed cing rnam par rig par byed pa brda phrad par byed pa dang/ nges par rtogs par byed cing nges par rtogs par brda phrad par byed pa dang/ 'dun pas 'gro ba ma yin pa dang/ zhe sdang gis 'gro ba ma yin pa dang/ gti mug gis 'gro ba ma yin pa dang/ 'jig pas 'gro ba ma yin pa ste/ gzu bos chos nyi shu rtsa gnyis po de dag dang ldan pa ni/ chos kyi longs spyod dam/ zang zing gi longs spyod kyis phyogs gnyis ka la mi brten pa yin no/ /yang 'di lta ste/ gzu bo'i dge slong gis rgol ba dang ldan pa'i dge slong rnams la lhan cig tu smre ba dang/ phyag byed pa dang/ sngar ldang ba dang/ thal mo sbyor ba dang gdung bar byed par gyur ba'i las rnams bdag gir mi bya'o/ /de dag bsnyen bkur byed na yang nyams su mi blang ngo/ /lhung bzed 'bul na yang mi blang/ chos gos 'bul na yang mi blang/ yo byad gzhan ci yang rung ba 'bul ba bdag gir mi bya'o/ /des kyang de dag la bsnyen par mi bya/ lhung bzed mi sbyin/ chos gos mi sbyin/ zas mi sbyin/ sman mi sbyin na/ yo byad gzhan ci yang rung ba sbyin par mi bya'o/ /de dag lung 'bog pa yang ma bslang/ dran par bya ba yang ma yin/ rnal 'byor yang ma yin/ yid byed pa yang mi dri'o/ /de dag la lung 'bog par sbyin par mi bya'o/ /dran par bya ba yang ma yin/ kun dri bar bya ba yang ma yin/ rnal 'byor yang ma yin/ yid la bya ba yang mi bsko/ stan gcig la 'dug par yang mi bya'o/ /'chag sa gcig tu bcag par mi bya/ gnas khang gcig tu 'khod par mi bya'o/ /gzhan du na tshig 'di skad ces brjod par bya ste/ tshe dang ldan pa khyod kyis 'di lta bu las legs pa rnyed pa ci yod kyis/ legs par gsungs pa'i chos 'dul ba la rab tu byung nas/ 'thab par gyur/ mtshang 'bru bar gyur/ rtsod par gyur/ 'gyed par gyur cing gnas pa ni ma rnyed de/ rnyed pa ma yin no/ /ngan pa rnyed de legs pa rnyed pa ma yin gyis tshe dang ldan pa rnams khyed cag ma 'thab shig /ma rtsod cig /ma 'gyed cig /'gyed pa gnyis ka rgyal ba med do/ /rgyug pa gnyis ka rgyal ba med do/ /de dag gtan la phab na gcig rgyal gcig 'pham du 'gyur ro/ /zhes brjod par bya'o/ /'di ni gzu bos bya ba zhes bya'o/ /de'i ngo bo nyid tshol bas sbyin pas bya ba gang zhe na/ dge slong gang gis nyes par spyod pa de khas len/ khas blangs pa las kyang bsnyon/ bsnyon pa las kyang slar khas len pa de la dge 'dun gyis gsol pa dang/ bzhi'i las mi g.yo gzhag par mi 'os pas/ de'i ngo bo nyid tshol ba sbyin pa'i dge slong gis bya ba de lta bu la 'jug par bya'o/ /de'i ngo bo nyid tshol ba'i dge slong gis rab tu 'byung bar mi bya ba nas snga ma bzhin te/ gang la dge 'dun gyis de'i ngo bo nyid tshol ba sbyin pa dang/ gang de dang 'dra bas kyang rung ste nyes pa de lta bu 'byung bar mi bya'o/ /de bas thub par yang mi bya ba'i bar du ste snga ma bzhin no/ /de ni 'di ltar gang zag bcu gnyis po sdom pas mi bsko ba de ni de'i ngo bo nyid tshol bas sbyin pas bya ba zhes bya'o/ /pham pa byung ba la bslab pa byin pa'i bya ba gang zhe na/ dge slong gang mi tshangs par spyod pa'i 'khrig pa'i chos bstan kyang de la se gol gtogs pa gcig tsam du yang bcabs pa'i sems ma skyes pa ste/ de la dge 'dun gyis gsal ba dang bzhi'i las mi g.yo ba gzhag par mi 'os pas bslab pa sbyin par bya ste/ 'di ltar tshe dang ldan pa dga' byed bzhin du rgyas par gang de dang 'dra ba gzhan yang rung ste/ de lta bu'i ltung ba phyin cad kyang mi bya'o/ /de bas thub par yang yang mi bya'o zhes bya ba'i bar du ste snga ma bzhin no/ /de ni 'di ltar gang zag bcu gnyis kyi phyir sdom pa ma sko'o/ /'dul ba dang sbyar te/ bslab pa byin pa'i dge slong gis rab tu dbyung bar mi bya ba nas snga ma bzhin te/ gang la dge 'dun gyis bslab pa byin pa dang/ bslab pa byin pa'i dge slong gis dge slong gi bslab pa thams cad bslab par bya'o/ /dge slong gi 'dug par bya'o/ /des bsnyen par rdzogs pa rnams la byin len bya'o/ /bsnyen par rdzogs pa dang lhan cig nyal ba bsgyur zhing gung du 'byung ngo/ /bslab pa byin pa'i dge slong gi las la rnam pa gnyis te/ gso sbyong dang/ dgag dbye'o/ /bslab pa byin ba grangs su bskang ste gso sbyong mi bya'o/ /de bzhin du dge 'dun gyis las gzhan la yang ngo// gal te slob pa byin pa gso sbyong gi nang du 'ongs na ni mi bskrad do/ /gal te song na yang mi gzung ngo/ /de ci'i phyir zhe na/ de dge 'dun pas rjes su ma zhugs par mi 'gyur ro/ /'dus par yang mi 'gyur te/ 'di ni pham pa byung ba las bslab pa byin pa bya ba zhes bya'o/ /mtshams bcad pa'i gnas brtan gyi bya ba gang zhe na/ mtshams bcad pa'i gnas brtan gyi dge slong gis bya ba de lta bu la 'jug par bya'o/ /de na gsar bu'i dge slong 'khod pa rnams la des de dag mthun par shes par bya/ bskyang bar bya/ rjes su bstan par bya/ sdig pa las slar bzlog par bya/ dge ba la gzhug par bya/ kha ton byed pa dang/ kun 'dri ba dang/ spong ba dang/ so sor dpen pa rang 'jug pa dang/ rnal 'byor dang/ yid la byed pa rnams te/ de dag la so sor lung 'phog par bya/ kun tshangs par spyod pa la gzhug par bya/ bslab par bya/ bslab par bya ba la so sor bstab par bya/ rnyed pa bsgrub par bya/ nam so sor rnyed pa bgod pa'i chos so so bsgo skal snyoms par mig sngar bsgo'o/ /nad pa la blta bar bya/ nad pa'i nad g.yog tu dge slong rnams spro bar bya/ nad pa rnams la chos kyi gtam bya/ lam dang lam ma yin pa yang dag par bsgrag par bya'o/ /ye shes dang mthong ba rnam par sbyong ba'i rgyud ma gtang bar bya/ rnam pa thams cad du 'ong nad pa la g.yel bar mi bya/ mtshams bcad pa'i gnas su dge slong rnams lhag pa la gzhan ci yang rung bya bar gyur pa de thams cad la dge slong gnas brtan gyis thog mar 'jug par mi bya ba ni/ mtshams da cad pa'i gnas brtan gyi bya ba zhes bya'o/ /kun dga' ra ba zhes bya ba ni 'di rnams kyang yin te/ kun dga' ra ba'i nang na khang phran dang/ khang pa dang/ khang pa brtsegs pa dang/ khang pa 'khor du bcas pa dang/ spyil po dang/ spyil po'i dngos po dang/ 'chags pa dang/ skyed shing dang/ gsing ma rnams te/ thams cad kyang rgan rim bzhin du bsko bar bya'o/ /phyi bdar bya ba de ni kun dga' ra ba'i bya ba zhes bya'o/ /kun dga' ra ba'i gnas brtan gyi bya ba gang zhe na/ dge 'dun rnams kyi kun dga' ba'i gnas te/ der so sor nas dge slong dag lhags pa'i rnams bya bar bcas pa'i yang tha dad pas na/ dge slong des 'di dag gi bya ba bcas pa de'i chos sam bra bar ta zhes ma byung gi bar du skad cig spong cig/ gdod thams cad la snyoms par brims shig ces brjod par bya'o/ /dge slong gnas brtan gyis gnas brtan dang/ bar ma dang/ gsar bu rnams kyi rjes su mthun par bya/ gnas brtan gyis de'i gnas brtan dang/ bar ma dang/ gsar bu rnams kyis kyang de'i rjes su mthun par bya'o/ /gal te bram ze 'am/ khyim bdag tha dad rnams lhags nas de dag la yang mtshungs par bsgo bsha' bya zhing sbyin par bya'o/ /gal te mgron mi 'dod nas/ bram ze 'am khyim bdag dad pa can rnams dag mi 'dod na yang dge slong gnas brtan gyi chos dang ldan pa'i yang dag par bstan par bya/ yang dag par rab tu dga' bar byas la bdag cag la ni 'di yod do zhes bya bar bya te/ 'di ni kun dga' ra ba'i gnas brtan gyi bya ba zhes bya'o/ /gnas khang gi bya ba gang zhe na/ dge slong gang gnas khang na 'dug pa des gnas khang der dus dus su chag chag gdab par bya'o/ /phyag dang dor ba dang/ ba lang lci bas shin tu 'jam por byug par bya'o/ /sngon cung zad byung na yang bsrab pa bya/ ral pa dang 'drums pa dang/ gogs pa rnams slar bcos pa'i bya/ bum pa chus bkang ste gzhag par bya'o/ /yongs su spyad pa'i bum pa dang gcang mi'i ril ba dang/ snam phyis ril ba dang/ rkang pa dag bkru ba'i ril ba'i rnams bkang ste gzhag pa de ni gnas khang gi bya ba zhes bya'o/ /gnas khang gi gnas brtan gyi bya ba gang zhe na/ gnas hang gi dge slong gnas brtan gyi bya ba ni/ des 'di lta bu la 'jug par bya'o/ /dge slong gsar bu gang dag na 'khod par gyur pa de dag shes par byas nas gnas brtan zhes bya ba'i bar ni snga ma bzhin te/ gnas brtan gyis thams cad la thog mar 'jug par bya/ rgyud mi gtang ba'i bya ba'i bar du ste/ 'di ni gnas khang gi gnas brtan gyi bya ba zhes bya'o/ /khang pa'i 'khor du gtogs pa'i bya ba gang zhe na/ khang pa 'khor dang bcas pa na dge slong gang 'dug pa des/ khang pa 'khor dang bcas pa de dus dus byi dor bya ba ni snga ma bzhin no/ /rkang pa bkru ba'i rnams bkang ste gzhag pa'i bar du'o/ /khang pa 'khor dang bcas pa de na dge slong dag grogs gang dag 'khod pa rnams la yang byams pa'i lus kyi las kyi mtshungs pa spyad par bya/ byams pa'i dag gi las dang/ byams pa'i yid kyis las kyis mtshungs par spyad par bya/ der yang 'thab mo mi 'byung bar bya/ mtshang 'bru ba dang/ 'gyed pa dang/ rtsod pa mi 'byung bar bya/ gal te der 'thab mo dang/ mtshang 'dru ba dang/ 'gyed pa dang/ rtsod pa zhig byung na zhi bar nus na ni de lta na legs/ gal te yang mi nus na gung du 'gro bar bya'o/ /'di khang pa'i 'khor du bcas pa'i bya ba zhes bya'o/ /khang pa 'khor du bcas pa'i gnas brtan gyi bya ba gang zhe na/ khang pa'i 'khor du bcas pa'i dge slong gi gnas brtan gyis bya ba de 'di lta bu 'jug par bya'o/ /de na dge slong gsar bu gang dag 'khod par gyur pa de dag kun shes par bya ba nas snga ma bzhin te/ thams cad du yang dge slong gnas brtan gyis bya ba de 'di lta bu la 'jug par bya ba dang/ rgyud mi gtong bar bya ba'i bar du ste/ 'di ni khang pa'i 'khor du bcas pa'i gnas brtan gyi bya ba zhes bya'o/ /nags kyi bya ba gang zhe na nags zhes bya ba ni shing ljong pa'i gnas de ni dge slong 'khod pa rnams kyis bdag cag gnas 'di na 'khod 'khod pa la srog gi bar chad du 'gyur ba 'am/ tshangs par spyod pa'i bar chad du 'gyur ba lta yod dam med ces rgyang grags gcig tshun chad kho ra khor yug du brtag par bya'o/ /gal te yod par ma mthong na ni ring du dor bar bya'o/ /gal te med par mthong la dogs par gyur na rgyang grags gcig tshun chad nags myul ba bsgo bar bya'o/ /gso sbyong gi gnas kyang bsko bar bya'o/ /de na phan chun zang zing gi longs spyod dang/ chos kyi longs spyod kyis spro bskyed par bya/ de na 'thab mo mi 'byung ba dang/ tshang 'bru ba mi 'byung ba dang/ kho na du 'dzin pa mi 'byung ba dang/ rtsod pa mi 'byung ba de ni gnags kyi bya ba zhes bya'o/ /gnas mal gyi bya ba gang zhe na/ rims kyis gnas mal dus dus su brtags par bya/ bskam par bya/ sprug par bya/ bgrang bar bya spang bar bya/ gal te dri ma can du gyur na bkru bar bya/ bug rdol du gyur tam/ sha zad pa'i chos su gyur na ci nus su btsem zhing glan par bya/ btsem zhing glan du gzhug pa bya/ /dge slong gis phyogs bzhi'i dge dun gyi gos bgos nas bshad pa'i sar mi 'gro/ lci ba'i sar mi 'gro /bsro khang du ma yin/ rkang pa bkru ba'i sar ma yin/ tshad mang du ma yin/ char 'bab ba la gyon te 'dug par mi bya/ nyi ma tsha ba la ma yin/ me khang du gzhag par mi bya/ ci nas gnod par 'gyur ba'i sa thams cad du phyogs bzhi'i dge 'dun gyis gos dang 'jug par mi bya/ bgo bar mi bya'o// gzhag par mi bya'o/ /dge slong rnams kyis gnas mal rnam pa 'di lta bu spyad par mi byas te/ lnga gang zhe na/ dud pa dang/ dri ma dang/ rdul dang/ bshad pa dang/ 'drud pa'o/ /dge slong rnams kyis phyogs bzhi'i dge 'dun gyi gos bgos bzhin du gtsug lag khang chag chag mi gdab mi phyag / phyag dang mi dor/ ba lang gi lcibs byug par mi bya'o/ /chu'i bum pa dgang bar mi bya/ yongs su spyad par ma yin/ gtsang ma'i ril bar ma yin/ bshad pa'i ril ba ma yin/ rkang pa dag bkru ba'i ril ba dgang bar mi bya/ gtsug lag khang skyed du ma yin/ ltung bzed kyi las byed par ma yin/ gos gyi las byed par ma yin/ dge slong rnams kyis phyogs bzhi'i dge 'dun gyi gos lus kyi mdza' la bgo bar mi bya/ dge slong dag gis phyogs bzhi'i dge 'dun gyi mal cha dang/ stan rnams bla gab med par bting ste/ sgo khang phan chad nyen 'khor 'jom pa'i bcu rtsi dgu'i bar 'gro bar mi bya'o/ /gal te bshad pa'am/ gci ba'i sar 'gro na yang dge slong 'khod pa rnams la bsgo la 'gro bar bya'o// ji ltar bdag nyid kyi lhung bzed/ chos bos lus kyi lpags pa bzhin du dge slong dag gis phyogs bzhi'i dge 'dun gyi mal cha dag/ stan rnams yongs su bsrung bar bya'o/ /dge slong dag gis ci nas kyang phyogs bzhi'i dge 'dun gyi mal cha dang/ stan rnams yal bar dor bar mi bya ste/ 'di ni dge 'dun gyi gnas mal gyi bya ba zhes bya'o/ /sgo glegs kyi bya ba gang zhe na/ sgo glegs zhes bya ba ni sgo'i bar ma ste/ dge slong gis brdung na yun ring du brdung bar mi bya/ sngar nang na 'khod pa rnams kyis tshor bar bya ba'i phyir dal bus bgas kyis brdung bar bya'o/ /'byed pa'i tshe yang drag tu mi dbye/ gcod pa'i tshe yang drag tu mi gcod/ shes bzhin du dal bus bags kyis 'jug cing 'byung bar bya/ sgo'i phyogs gnyi gar ma 'drud bzhin du 'byung bar bya ste/ 'di ni sgo glegs kyi bya ba zhes bya'o/ /'khor lo'i bya ba gang zhe na/ 'khor gtan zhes bya ba ni sgo'i gtan pa bla 'og ste/ de bzhin du 'byor par bya'o/ /dge slong gtsug lag khang nas gung du 'dod na/ bla 'og gnyis ka bcug la 'gro bar bya ste/ gtsug lag khang rung bar 'gyur ro/ /gtsug lag khang rung ba na bdag cag nyid dang/ lhung bzed dang/ chos gos dang/ mal cha dang/ stan rnams kyang rung bar 'gyur te/ 'di ni 'khor lo'i bya ba zhes bya'o/ /gnas stong pa'i bya ba gang zhe na/ dge slong gis gnas stong pa der chag chag gdab par bya/ sa phyag par bya/ phyag dar dar bar bya/ ci nus su ba lang gi lci bas zhal ba 'jam por bya/ ral pa dang grum pa dang/ 'gog pa rnams slar bcos par bya'o/ /gal te snod rnams so so na 'dug par gyur na yang sprad du bzod na ni bkrus te gzhag pa bya/ ma bzod na ni nor bar bya/ gal te rung bar byed na yang rtsa sngon po rnams bslab par bya/ re zhig khyim pa dag lhags na yang de dag la chos kyi gtam bya/ dge slong gis gnas stang par zhugs na yang yal bar 'dor bar mi bya/ gal te der gnas par mi 'dod na des ga las dgra bar brtag par bya/ 'gro ba'i nyen 'khor dang/ bshad pa'i sa dang/ gci ba'i sa dang/ skrad khang dang/ them skas dang/ sgo bcad pa dang/ spyod yul rnams kyang brtags la gnas par bya'o/ /ji ltar de dag gi phyir brel ba dang/ gnad par mi 'gyur ba de ni gnas stong pa'i bya ba zhes bya'o/ /gnas stong pa'i gnas brtan gyi bya ba gang zhe na/ gnas stong pa'i gnas brtan gyi bya ba de 'di lta bu la 'jug par bya'o// gnas stong pa'i dge slong la gnas brtan gyis bzhin gyi mdangs gsal ba dang/ khro gnyer med pa nas snga ma bzhin te/ 'thab mo dang/ mtshad 'bru ba dang/ 'gyed pa dang/ rtsod pa rnams byung bar gyur pa gdul bar nan tan bya/ zhi bar bya/ rnam par zhi bar bya ba'i bar du ste/ 'di ni gnas stong pa'i gnas brtan gyi bya ba zhes bya'o/ /lhung bzed kyi bya ba gang zhe na/ dge slong gis lhung bzed thal ba ma brtsags pas khru bar mi bya/ lci ba gseg ma can gyis mi bkru/ bye ma dang 'dres pa'i sam ma yin/ bye ma dang 'dres pa'i ba lang gi lci bas lus ma yin mod kyi sran phyes lhung bzed bkru bar bya'o/ /lhung bzed langs te bkru bar mi bya/ skam par mi bya/ snod du gzhug par mi bya/ spa bar mi bya/ lam du 'gro bar ma yin/ chu brgal ba las ma yin/ sa mi bde bar lhung bzed bzhag bar mi bya/ dge slong gis lhung bzed kyis gnas khang du chag chag gdab bar mi bya/ phyag dar dor bar mi bya/ ba lang gi lci bas zhal zhal 'jam pos byug par mi bya/ lag pa bkru ba'i chu blang bar mi bya/ rkang pa bkru ba'i chu ma yin pa/ gdong bkru ba'i chu ma yin/ lus bkru ba'i chu ma yin/ des chu'i bum pa dgang bar mi bya/ dge slong gis lhung bzed bshad pa'i sar bkur bar mi bya/ gci ba'i sar ma yin/ bsro khang du ma yin/ rkang pa bkru ba'i sar ma yin te/ ci nas dge slong gis mi gtsang ba thams cad du bkru bar mi bya/ dge slong gis lhung bzed thogs bzhin du mchod rten la phyag mi bya glen par rigs par rnams la rig par bya/ gsher bzhin du gzhug par mi bya/ shin tu skams par g.yel bar mi bya/ ngal bus bags kyis shes bzhin du yongs su longs spyod par bya te/ nam chag pa'i mthar thug gi bar du bcad par bya'o/ /dge slong gis lhung bzed mig bzhin du bsrung bar bya'o/ /ci nas kyang phyin chad bcol mi dgos par bya ste/ de ni lhung bzed kyi bya ba zhes bya'o/ /chos gos kyi bya ba gang zhe na/ bcom ldan 'das kyis dge slong rnams la chos gos gsum rjes su gnang ste/ dregs pa'i phyir ma yin/ rgyags pa skyed pa'i phyir ma yin/ brgyan pa'i phyir ma yin/ cha gzhag gi phyir ma yin gyi/ de na 'di ltar dge slong gi rnams bde ba la reg par spyod pa'i phyir te/ sbrang bu dang sha sbrang dang/ sdig sbrul la sogs pas reg na mi bde ba'i gnyen po'i phyir dang/ ngo tsha dang khrel yod pa'i g.yog pa'i phyir te/ de yang dge slong rnams kyis ci ltar yongs su spyad pa bzhin du yongs su spyad par bya'o/ /de la snam sbyar yang snam sbyar gyi spyad pa bzhin spyad par bya'o/ /bla gos kyang bla gos kyi spyad pa bzhin spyad par bya'o/ /mthang gos kyang mthang gos kyi spyad pa bzhin spyad par bya'o/ /de la rnam sbyar mi spyad pa ni 'di rnams yin te/ dge slong rnams snam sbyar bgos nas gtsug lag khang chag chag gdab par mi bya/ sa phyag par mi bya/ phyag dar dor bar mi bya/ lci bas zhal zhal 'jam por byug par mi bya/ chu'i snod dag par mi bya/ spyad pa'i bum pa ma yin/ gtsang ma'i ril pa ma yin/ bshad pa'i ril par ma yin/ rkang pa bkru ba'i sar ma yin/ snod dgang bar ma yin/ gtsug lag khang du skyong du ma yin/ lhung bzed kyi las su ma yin/ chos gos kyi las su ma yin/ khrus mi bya/ snam sbyar bgos nas rtsa 'am shing ngam/ ba lang gi lci ba 'am sa yang rung ba bsku bar mi bya/ snam sbyar bgos nas bshad pa'i sar mi 'jug /gci sar mi 'jug bsro khang du ma yin/ rkang pa bkru ba'i sar ma yin/ ci nas snam sbyar bgos nas mi gtsang ba'i sa thams cad du bgo bar mi bya/ thang la bgo bar mi bya/ gding bar mi bya'o/ /der rgyun tu bgo ste/ dge slong snam sbyar bgos nas bsod snyoms la 'jug par bya/ grong du 'jug par bya/ spyod yul du 'jug par bya/ zas la 'jug par bya/ skyo ma la 'jug par bya/ thug pa la 'jug par bya'o/ /snam sbyar la 'jug par ba mi bya/ nyal bar mi bya ste/ 'di ni snam sbyar de lta bur mi spyod pa'o/ /'di ltar yang snam sbyar ni rnam pa gnyis su spyad pa bzhin spyad pa ste/ yang na steng du bgo bar bya/ yang na sdas su gzhug par bya'o/ /bla gos bgos nas gtsug lag khang du chag chag gdab par mi bya phyag par mi bya/ phyag dar dar par mi bya/ ba lang gi lci bas zhal zhal 'jam por phyug par mi bya/ lhung bzed kyi las mi bya/ chos gos kyi las mi bya/ khrus mi bya'o/ /bla gos bgos bzhin du rtsa ba 'am/ shing ngam/ sa bkur bar mi bya/ bla gos bgos pas bshad pa'i sar 'jug par mi bya/ gci ba'i sar 'jug par mi bya/ bsro khang du ma yin/ rkang pa bkru ba'i sar ma yin/ bla gos bgos nas mi gtsang ba'i sa thams cad du 'jug par mi bya/ lus kyi mthang la bgol par mi bya'o/ /rdul zan du mi bya/ gding ba'i mi bya/ rgyun tu spyad cing bgo bar mi bya ste/ 'di ni bla gos te/ 'di bla gos mi spyad pa'o/ /bla gos 'di ltar spyad par bya ste/ bla gos bgos nas chu'i rdza ma dgang bar bya/ bcad pa'i rdza ma dgang/ gtsang ma'i ril pa dgang/ rkang pa bkru ba'i ril pa dgang bar bya/ snod bgo bar bya/ gtsug lag khang skyong ba dang/ gzhan yang rung ste/ rung bar 'gyur ba thams cad la bla gos bgo'o/ /mthang gos thams cad bgo ste/ lus kyi mthang las yang bgo /rtag tu yang bgo zhing spyad par bya'o/ /dge slong gis mi gtsang ba'i sar chos gos gzhag par mi bya/ ljid kyis gnan par mi bya/ drub par mi bya/ drub par 'os par drub par bya/ bkru bar 'os pa bkru bar bya/ kha bsgyur bar 'os pa kha bsgyur bar bya/ dge slong gis tshon chen po rnam pa lnga nyid bcad par mi bya ste/ lnga gang zhe na/ 'di lta ste/ thing shing dang/ le brgan rtsi dang rgya skyegs dang/ gur kum dang/ mtshal dang ngo/ /shing srags krim sha ma gtogs pa gzhan ngur smrig gis kha dog du 'gyur ba shing shun pags kha dog can bcad par bya'o/ /de yang gzhan med par gyur na gdon nyes pa med do/ /snam sbyar nges par dra bar bya'o/ /bla gos ni nges pa med do/ /mthang gos kyang med de/ /dge slong chos gos ngan nam/ nyung na tshal bus logs shig nas gnas par bya ste/ lnga 'am bdun nam/ dgu 'am bcu gcig gam/ bcu gsum mam lhag par yang rung ste de ltar dge slong gis snam sbyar spyad yod do/ /bla gos spyad pa ni bla gos su spyad par bya/ mthang gos su spyod pa ni mthang gos su spyad par bya'o/ /dge slong gis rang gi pags pa bzhin du chos gos gsung bar bya'o/ /ci nas de phyi phyir btsal mi dgos par bya ste/ 'di ni chos gos kyi bya ba zhes bya'o/ /gding ba'i bya ba gang zhe na/ bcom ldan 'das kyi dge slong rnams la gding ba gnyis su gnang ste/ mal stan bde ba'i phyir ro/ /stug na ni tshig rim du bya/ srab na ni gnyis rim du bya'o/ /dge slong gis gding ba ma bting gi bar du 'dug par mi bya/ nyal bar mi bya/ gding ba'i tshig rkyang la byin gyis brlab par mi bya'o/ /gding ba gzhan du gnas par mi bya/ dge slong gi gding ba la nan tan du bya/ ci nas phyi phyir btsal mi dgos par bya ste/ 'di ni gding ba'i bya ba zhes bya'o/ /khab kyi bya ba gang zhe na/ bcom ldan 'das kyis dge slong rnams la khab rnam pa gnyis rjes su gnang ste/ chos gos 'drub pa'i phyir/ lcags dang/ zangs las byas pa'o/ /dge slong rnams kyis khab med par ljongs rgyu zhing 'gro bar mi bya/ dge slong gis khab legs par gzhag par bya/ legs par bya/ ci nas phyi phyir btsal mi dgos par bya ste/ 'di ni khab kyi bya ba zhes bya'o/ /khab ral gyi bya ba gang zhe na/ bcom ldan 'das kyis dge slong rnams la khab ral rjes su gnang ste/ khab rnams spa ba'i phyir ro/ /dge slong gis ngo tsha med pa'i dge tshul rnams la khab ral mi bzhag / mi stong bar bya/ bsnyen par rdzogs kyang yid mi ches na ma yin/ 'di ltar gang zag lnga la khab ral rag las par mi bya ste/ ngo tsha med pa dang/ khon yod pa dang/ mi mdza' ba dang/ dran pa nyams pa dang/ rang bzhin du mi gnas pa la'o/ /dge slong gis khab ral legs par bzhag par bya/ nan tan du bya/ ci nas phyi phyir btsal dgos par bya ste/ 'di ni khab ral gyi bya ba zhes bya'o/ /thug pa'i bya ba gang zhe na/ bcom ldan 'das kyis dge slong rnams la thug pa rjes su gnang ste/ bde bar spyod pa'i phyir dang/ sbyin pa po dang sbyin bdag rnams kyi sbyin par bya ba'i chos rnams yongs su longs spyod pa'i phyir ro/ /dge slong gis sbra mi 'byung bar thug pa dag btung bar bya/ shes bzhin du thug pa sgra bskyungs te btung bar bya'o/ /dregs pa'i phyir ma yin/ nga rgyal gyi phyir ma yin/ bsnyems pa'i phyir ma yin/ bza' ba'i phyir ma yin gyi/ lus kyi rma gso ba'i phyir dang/ gzung ba'i phyir te/ 'di ni thug pa'i bya ba zhes bya'o/ /chu'i bya ba gang zhe na/ dge slong gis chu shin tu brtag par bya/ dad pa dang/ gsal ba dang/ rnyog pa med pa dang/ ma 'dres pa dang/ gtsang ma yongs su spyad par bya ste/ 'di ni chu'i bya ba zhes bya'o/ /chu rdza'i bya ba gang zhe na/ bcom ldan 'das kyis dge slong rnams la chu snod rjes su gnang ste/ dge 'dun dang/ gang zag la yang rung/ lcug kor dang chu dgab pa'i kha dgab pa dang bcas pa'o/ /dge slong rnams kyis shin tu legs par bkrus te/ bskams la btsang mar bya/ lag pa rung ba dang/ gos rung bas chu gzhag par bya'o/ /brim par bya/ bram ze dang/ khyim bdag lhags pa na yang brung par bya/ dge slong rnams kyis chu rdza shin tu spa bar bya/ nan tan du bya/ ci nas phyi phyir btsal mi dgos par bya ste/ 'di chu snod kyi bya ba zhes bya'o/ /yongs su spyad pa'i chu rdza'i bya ba gang zhe na/ bcom ldan 'das kyis dge slong rnams la yongs su spyad pa'i chu rdza rjes su gnang ste/ shin tu bkrus te/ bskams la/ gtsang mar byas te/ bkang nas gtsug lag khang gi sgor gzhag par bya/ yongs su spyad pa'i rdza ma de dge slong rnams kyis dben par bya/ nan tan du bya/ ci nas phyi phyir btsal mi dgos par bya ste/ 'di ni yongs su spyod pa'i chu rdza'i bya ba zhes bya'o/ /gtsang ma'i ril pa'i bya ba gang zhe na/ bcom ldan 'das kyis dge slong rnams la gtsang ma'i ril pa rjes su gnang ste/ de mchod rten gyi drung du gzhag par mi bya/ dge slong gis de dus brtag par bya/ skam par bya/ dgang par bya ste/ 'di ni gtsang ma'i ril pa'i bya ba zhes bya'o/ /zas kyi bya ba gang zhe na/ bca' ba gang zhe na/ dge slong rnams kyis bca' ba dang/ bza' ba rnams las gang yang rung ste/ za ba'i tshe dran pa mngon par bzhag par bya/ zas la brtag par bya/ btsal ba'o/ /nan tan gyis sgrub pa'o/ /de dang 'dra ba'o/ /yongs su bcad nas 'gyur ba'o/ /snyam pa dang so sor 'gro ba nyid do snyam du byas la bza' bar bya'o/ /dran pa nye bar gzhag cing sems rnam par mi g.yeng ba dang/ zas la rgyu mthun pa'i 'du shes dang/ nad pa'i 'du shes dang/ gzhan la rag las pa'i 'du shes dang/ phyir rgol ba'i 'du shes dang/ rten cing 'brel par 'byung ba'i 'du shes mngon du gzhag la bza' bar bya/ 'dus shing za ba dang/ yang yang za ba dang/ chog pa'i dran pa mngon du gzhag par bya ste/ 'di ni zas kyi bya ba zhes bya'o/ /bza' ba'i bya ba gang zhe na/ dge slong gis zas za ba'i tshe 'am/ skyo ma 'am/ thub pa 'thung ba'i tshe 'ang rung ste/ dus bsgo ba 'am/ gaN+Di brdungs ma thag tu myur du 'ong bar bya/ myur du 'dug par bya/ shes bzhin du 'gro bar bya/ shes bzhin du 'dug par bya/ shes bzhin du bza' bar bya/ dran pa nye bar gzhag cing sems rnam par mi g.yeng ba dang/ chas bzang ba dang/ spyod lam du ldan pa dang/ shin tu bsdams shing rab tu dben par byas la sgra skyung ba dang/ mig mi g.yeng ba dang/ mig gnya' shing tsam du blta ba dang/ gus pa dang bcas pa dang/ bdag dman pa dang bcas pa dang/ 'jigs pa dang bcas pa dang/ gzhan gyi dbang du gyur par bsams nas/ phyag dang bya'o snyam pa'i sems kyis gnas brtan dang/ bar ma dang/ gsar bu rnams la byams pa'i sems dang/ brtse ba'i sems dang/ pha dang bu dang nu bo'i 'du shes mngon du gzhag ste/ stan la 'dug mkhas par bya/ bza' ba mkhas par bya ste/ 'di ni 'bral ba zhes bya'o/ /zas btang ba'i bya ba gang zhe na/ dge slong gis zas blang na slar btang bar mi bya bab bab tu gtang bar mi bya/ zas gang la gtang bar bya zhe na/ /gang zag la btang bar bya zhe na/ ma la sbyin par bya/ pha dang/ pho nu po dang/ sring mo la sbyin par bya/ gnyen la sbyin par bya/ kun dga' ra ba'i nang du phyin pa 'ongs pa la yang sbyin pa bya'o/ /phan 'dogs pa la yang sbyin par bya/ nad pa dang/ 'dod pas rel pa dang/ 'brel par gyur pa la yang sbyin par bya/ gal te bud med sbum ma zhig 'ongs na yang dran pa nye bar gzhag ste sbyin par bya/ dud 'gro la yang kham chang cig sbyin par bya/ rab tu 'byung bar 'dod pa pa dag la yang sbyin bar/ de yang dum bur byas shing lhag mar byas la sbyin par bya ste/ 'di ni zas btang ba bya ba zhes bya'o/ /bsod snyoms bya ba gang zhe na/ dge slong gis bsod snyoms gus par blang bar bya/ thar chags su blangs par bya/ mu dang mnyam par ma yin/ tshod ma dang mnyam par ma yin/ shes bzhin dang/ dran pa nye bar gzhag pa dang/ sems ma? par mi g.yeng ba dang/ ci 'bo'ba dang/ ci tsam gyis chog par gyur pa'i de tsam du blangs pa'i bya ste/ 'di ni bsod snyoms kyi bya ba zhes bya'o/ /bsod snyoms spyod pa'i bya ba gang zhe na/ bsod snyoms spyod pa'i dge slong gi shes bzhin du 'jug par bya/ shes bzhin du 'greng bar bya/ dran pa nye bar gzhag pa dang/ sems rnam par mi g.yeng ba dang/ mdzes pa dang spyod pa'o/ gze ba dang/ shin tu bsdams pa dang/ shin tu g.yogs pa dang/ sgra bskyung ba dang/ mig mi g.yeng ba dang/ gnya' shing gang du brtag pa dang/ dbang po bsdams pa dang/ yid phyir mi g.yeng ba dang/ snga phyi'i 'du shes dang ma lta bu'i bud med mthong na mar 'du shes nye bar gzhag pa dang/ sring mo lta bu'i bud med mthong na sring mor 'du shes nye bar gzhag pa dang/ bud med bu mo lta bu mthong na bu mo lta bu'i 'du shes mngon par bzhag par bya'o/ /bsod snyoms spyod pa'i dge slong gis srad dang tshong 'dus dang/ bzhi mdo dang/ sum mdo dang/ sgo khang dag gi mtshan ma bzung ste/ bya khyim gi sgor song nas 'khar gsil dkrol te/ dal bus bags kyis sgo la gtug par bya/ /gal te bud gnyid kyis log na sa gol gtogs la sad par bya/ gal te rung ba zhig la zhugs na gtun bu thab sa gnyis sam gsum rung ba'i bar du bsdad par bya/ 'on te sreg pa zhig la zhugs na/ khur ba gcig bsreg kyi bar du bsdad par bya/ gal te 'thag pa zhig tu gyur na/ lan gnyis sam lan gsum bskor gyi bar bsdad par bya/ dran pa nye bar gzhag pa dang/ sems rnam par mi g.yeng bar bsod snyoms blangs par bya/ ci tsam gyis chog pa de tsam blangs par bya/ gal te bsod snyoms spyad par 'dod na dge slong gi nang du bza' bar bya/ mgron du bos na yang bdag gir bya ste/ bsod snyoms bya ba'i bya ba ni/ des gtang bar bya ba ste/ 'di ni bsod snyoms spyad pas bya ba zhes bya'o/ /zas len pa'i bya ba gang zhe na/ zas len pa'i dge slong gis dus dang tshod rigs par byas la bsod snyoms blang ngo/ /shes par bya/ dran pa mngon du gzhag par bya/ sems mi g.yel bar bya/ mi snyogs par bya/ mi 'bras bar bya/ mi rnyogs par bya/ ci nas kyang mdzes shing dben par bya/ ci nas kyang des mi btsang ba'i 'bags pa dang/ rings shing brtan pa'i tshul du mi bya/ gtsang zhing mdzes par bya/ rings shing 'dun par ltar 'od bar bya/ skabs su ma bab pa'i don gzhan mi gnyer gtsug lag khang du song nas dge slong de la bzhin gyi mdangs gsal ba dang/ khro gnyer med pa dang/ tshig snyan pa dang/ mgu bar byas la zas blang ngo/ /'di ni zas len pa'i bya ba zhes bya'o/ /dgon pa pa'i bya ba gang zhe na/ dgon pa'i dge slong gis bzhin gyi mdang gsal ba dang/ khro gnyer med pa dang/ dran pa mngon par bzhag par bya/ thogs mar snyan pa'i tshig gis tshur shog 'ongs pa legs so// zhes tshig snyan pas bsru bar bya/ khyed cag legs par gnas sam legs par bya ba byas sam zhes thog mar dri'o/ /dgon pa pa'i dge slong rnams kyis chu legs par bsros te gzhag par bya'o/ /chu snod kyang gzhag go /zas kyang g.yos zos la zas kyi snod kyang gzhag go / me yang g.yos te gzhag go /zhu gla shing bsos ta gzhag go /mar me yang bsos te gzhag par bya/ mar me'i snod kyang gsos te gzhag go /mar me'i snying po yang bsos te gzhag go /mar dang 'bru mar dang/ sbrang rtsi dang/ snang pa'i bcing ba yang bshams te bzhag go / ko ba'i dum bu yang bshams te bzhag go /rgyus pa dang/ 'breng bu dang/ snyung yang bshams te gzhag go /khab dang gri gu dang skud pa dang/ zas rnams kyang bshams te bzhag go /sman rnams kyang bcad do/ / lus brten pa'i mkhar ba yang bcad do/ /dgon pa'i dge slong gis me shel dang/ chu shel gzhan la bstan par mi bya'o/ /dgon pa'i dge slong gis khron pa'i rgyus shes par bya'o/ /nye bar spyad pa la mkhas pa dang/ mtshan mo lan pas par bya/ yul phyogs la mkhas par bya/ dgon pa'i dge slong gis mdo sde la mkhas par bya/ 'dul ba la mkhas par bya/ ma mo la mkhas par bya/ smra ba la mkhas par bya/ chos ston pa la mkhas pa dang/ phung po la mkhas pa dang/ khams la mkhas pa dang/ skye mched la mkhas pa dang/ rten cing 'brel par 'byung ba la mkhas pa dang/ gnas dang gnas ma yin pa la mkhas pa dang/ dgon pa pa'i dge slong rnams kyis chog shes par bya'o/ /dus shes pa dang/ chos shes pa dang/ bdag nyid shes pa dang/ 'khor shes pa dang/ gang zag shes pa dang/ gang zag gi khyad par shes par bya/ dgon pa pa'i dge slong rnams kyis dregs pa mi bskyed/ gnam? bu mi bya/ bkur sti bcas pa dang/ dbang gzhan la rag las pa dang bcas pa dang/ kha mi rgod pa dang/ tshig bstan par bya/ ngo tsha shes pa dang/ khrel yod par bya/ gtam mi mang ba dang/ 'thab mor gyur pa rnams mi smra ba dang/ brtson 'grus su bya/ le lor mi bya/ dran pa dang/ shes bzhin du spyod par bya/ dbang po dben par bya/ zas la tshong zin par bya/ bdag gis zhes mi bya/ srod dang tho rangs kyi tshe rnal 'byor bya ba la nan tan du bya/ gnyid kyi bde ba dang/ 'phres pas bde ba dang/ nyal ba'i bde ba nyams su mi blang/ dus su spyod pa dang/ dus su yin par spyod pa shes par bya/ stan la mkhas pa dang/ 'dug pa la mkhas pa dang/ dge slong gnas brtan rnams la mi spang ba dang/ dge slong gsar du rnams la'ang mi smad pa dang/ dgon pa'i dge slong gis brtson 'grus g.yol bar mi bya/ mthob pa thob par bya ba dang/ ma rtogs pa rtogs par bya ba dang/ mngon sum du ma byas pa rnams mngon sum du bya ba dang/ dgon pa gnas pa'i dge slong gis chos kyi dbyig gu dang/ gdos bu dang/ pho long gis srod dang/ tho rangs la rnal 'byor bya'o/ /dgon pa pa'i dge slong gis kun tu spyod pa'i chos rnams bcas pa bzhin du yongs su rdzogs par ma byas na 'gal tshabs can du 'gyur ro/ /'di ni dgon pa'i bya ba zhes bya'o/ /dgon pa'i gnas brtan gyi bya ba gang zhe na/ dgon pa'i dge slong gnas brtan gyi bya ba ni 'di lta bu la 'jug par bya'o// dge slong gser bu de na 'khod ba rnams kun shes par bya ba nas snga ma bzhin te/ thams cad du 'ang dge slong gnas brtan gyis thog mar 'jug par bya'o/ /rgyud gtang bar mi bya'i du bar ste/ dgon pa gnas pa'o bya rnams bzung bar bya/ dgon pa'i bya ba rnams la gzung bar bya/ de dag gis kyang des rjes su bstan pa'i tshig mnyan cing bsgrub par bya ste/ 'di ni dgon pa'i gnas brtan gyis thog mar bya ba zhes bya'o/ /grong mdza' i bya ba gang zhe na/ grong 'thab kyi dge slong gis mdangs gsal bar bya ba nas snga ma bzhin te/ bde bar rgyus sam zhes bya ba'i bar du'o/ /dge slong 'ongs shing lhags pa rnams la bde bar 'ongs sam zhes dri bar bya/ ji ltar rigs par ngal bso bar bya/ mal stan dag kyang 'di lta bu yod pas sbyin par bya/ gal te snga dro lhags na ni kha zas ci 'byor ba bzhin du bgo zhing sbyin par bya/ des zas kyi 'og rol tu 'ongs na lhung ba dang/ bu ram dang/ sha kha ra dang/ hwags dang/ ha se rnams ci 'byor ba sbyin zhing tshim par bya/ nub mo mal stan yang bsgos shing sbyin par bya/ rkang pa bkru ba dang/ rkang pa bkru ba yang sbyin par bya/ kun dga' ra ba nas phyir 'byung ba dang/ nang du 'jug pa dang/ nye 'khor dang bshad pa'i sa dang/ gci ba'i sa dang/ ska ka dang/ them skas dang gcad pa dang/ dbye ba'i rnams so sor bstan par bya'o/ /dge 'dun gyis khrims su bya ba bcas pa rnams kyang bsgrag par bya'o/ /gal te bsod snyoms pa zhig yin na yang spyod yul rnams rigs par bstan par bya'o/ /'ongs pa la yang chas dang skom rnams sbyar bar bya/ gal te 'dug par gyur na de la dris te/ gnas par gyur na gnas khang dang khang pa rtsegs pa yang rung/ dben pa rdub pa gcig sbyin no/ /gal te 'gro bar na mgu bar byas la phyi bzhin skal lo/ /gal te khyim pa lhags na yang grong mdza' pa'i dge slong gis mgu ba'i bzhin dang khro gnyer med par byas la mdun du bsu ste/ tshig snyan pa brjod par bya'o/ /gal te zas dang skom dang dgos na yang sbyin no/ /gal te nyal na yang mal stan sbyin no// gal te chos nyan 'dod na des nus pa'i bdag nyid kyis chos kyi gtam bya'o/ /gal te bdag nyid kyis mi nus na dge slong gzhan bskos te chos kyi gtam bsgrag par bya'o/ /grong mdza' i dge slong gis bram ze dang/ khyim bdag rnams 'ongs shing lhags pa rnams la sbyin pa po dang/ sbyin bdag la 'jug pa rnams dang/ skyabs su 'gro ba rnams dang/ bslab pa'i gzhi 'dzin du 'jug par bya'o/ /spos dang dri dang me tog kyang sbyin par bya'o/ /mchod rten la bskor ba dang/ phyag 'tshal du gzhug go / ci nus kyis bslabs shing bstan nas btang bar bya ste/ 'di ni grong mdza' i bya ba zhes bya'o/ /grong mdza' / gnas brtan gyi bya ba gang zhe na/ grong mdza' i dge slong gnas brtan gyi bya ba de 'di lta bu la 'jug par bya'o/ /dge slong gsar bu de nas 'khod ba kun shes par bya ba ni snga ma bzhin te/ grong mdza' i dge slong gnas brtan gyis thams cad du yang thog mar 'jug par bya/ rgyud mi gtang pa'i bar du ste/ gong mdza' i bya ba rnams la de dag zung bar bya/ grong mdza' i bya ba rnams gzhag par bya? bya ba bzang po la gzung ba ?/ 'di skad ces bskyobs bya ste/ tshe dang ldan pa rnams dran pa nye bar zhog la grong mdza' i gnas par bya ste/ kun dga' ra ba dang/ dge tshul dang/ bud med rnams la rgyun du blta ba spang bar bya'o/ /lta na yang dran pa nye bar bzhag pa la zhing smra bar bya'o/ /dregs mi bya'o/ /dus su chos kyi gtam bya/ spyod yul ma yin pa rnams las bzlog par bya/ spyod yul rnams la gzung bar bya/ de dag kyang nges bsgo ba dang bstan pa'i tshig mnyan cir 'jug par bya ste/ 'di ni grong mdza' i dge slong gnas brtan gyi bya ba zhes bya'o/ /blo bur du 'ongs pa'i bya ba gang zhe na/ blo bur du 'ongs pa'i dge slong gis kyang bab bab tu kun dga' ra ba'i nang du 'jug par mi bya/ kun dga' ra ba'i sgo khang? lhung bzed dang chos gos bzhag la/ gal te chu song na ni kab pa bkru'o/ /chu med na ni rul phyi ba'i ras ma dang/ lo ma dang lo ma rnying pas rdul phyi'o/ /bshad pa bro ba'am/ gci ba bro na yang/ bshad ba bya/ gci ba bya'o/ /de nas chos gos bgos la phrag pa g.yon pas chos gos kyi gtur bu dang/ lhung bzed kyi snod rnams thogs te/ lag pa g.yas pas na mkhar gsil thogs la lag pa g.yon pas ni lham khyer bar bya'o/ /gal te kun dga' ra ba'i rtsig pas bskor tam/ shing thags kyis bskor tam/ 'obs kyis bskor bar gyur na shes bzhin du sgo la mi 'drus par nang du 'jug par bya/ mchod rten rnams la bskor ba bya/ shes bzhin du dran pa nye bar bzhag la sems mi g.yeng ba dang/ gnya' shing gang tsam du lta zhing gtsug lag khang du zhugs la snang yal che ba'i phyogs su 'jug par bya'o/ /ci nas gzhin gnas pa'i dge slong dag gis mthong na/ dge slong 'di ni blo bur du 'ongs pa zhig go zhes nas/ de dag gi ngal gso ba'i bya bar gyur nas/ glo bur 'ongs pa'i dge slong gtsug lag khang gi nang du zhugs pa dang/ gar 'os par chos gos kyi tur bu dang/ lhung bzed kyi snod dang/ ril ba dang/ lhag ma rnams bzhag par bya'o/ /de nas dge slong gnas brtan dag la bkur stir bcas/ 'jug pa dang bcas pa'i dbang du byas la rkang pa la phyag bya'o/ /dge slong gsar bu rnams la tshig snyan pas dga' bar bya'o stan ji lta bu 'thob pa de la 'dug par bya/ glo bur du 'das pa'i dge slong zas kyis tshe 'am/ thub pa 'thung ba'i tshe 'am/ phyag bya ba'i tshe 'am rung ste/ sgo 'am gaN+Di brdung na dge 'dun 'du ba'i khar 'du bar bya'o/ /lo drangs dres la gar bab pa'i rim pa bzhin du 'dug par bya'o/ /gal te gnas 'drim na shin du brtags la blang ngo/ /gnas khang bskos na ci 'di na gnas sam ma gnas dri'o/ gal te gnas na ci bde zhes bya'o/ /gal te mi gnas pa zhig yin na ni/ der lhung bzed dang chos gos phyogs gcig tu bzhag la phyag dar bya ba'i phyir phyag ma btsal bar bya'o/ /gnas khang gi sgo drung 'ongs nas yang ngal bus brdung bar bya/ 'on te de na sprul lam/ sdig pa 'am/ rkang mngas sam/ sbrang bu tra ma bu ta ka'am/ tre ta ka'am/ srog chags gdug pa gzhan yang rung ste/ yod na tshor bas byas par 'gyur ro/ /des sgo'i dbyibs bla 'og tu brtags pa sgo 'phar la yang brtags par bya'o/ /de nas sgo nas dal? bus phye ste shes bzhin du nang du zhugs la/ dbus su 'dug nas gru bzhir sbrul gyi gnas sam sdigs pa'i gnas sam/ srin bu 'am sbrang bu 'am/ grog spur gzhan gyi gnas bltas te yod par gyur na de dge la ma gnas pa'i tshul 'gror gzhag par bya'o/ /de nas gnas su chag chag gdab cing phyag dar dor ro/ /ba lang gi gci bas zhal zhal 'jam por 'byung bar bya'o/ /de nas gnas mal 'di lta ste/ khri 'am khri'u 'am/ shing khri'u 'am/ stan nad tshangs can nam/ gru bzhi dag yod na/ phyir byung nas gal te rgan po zhig snga na 'dug na ni skad cig bsdad par bya'o/ /ma yin na se gol gyis dal bus gtogs te/ shes bzhin du zhugs la rkang pa bkru bar bya'o/ /blo bur du 'ongs pa dge slong gis bzhin gnas pa'i dge slong rnams la/ sdig pa'i las byas pa 'am/ smad pa'i las byas pa 'am/ bskrad pa'i las byas pa 'am/ phyir 'gyed pa'i las byas pa 'am/ mthong ba gnas nas phyung ba'i las bya ba 'am/ phyir mi 'chos pa gnas phyung ba'i las pa 'am/ sdig pa can gyi lta ba'i rnam pa mi gtong pa gnas nas phyung ba'i las byas pa 'am/ spong ba byed pa 'am/ gzhi nas spong ba byed pa 'am/ mgu ba byed pa 'am/ gzhi nas mgu ba byed pa yang rung ste/ de lta bu yod dam med ces dri bar bya'o/ /gal te yod na yang de dang de lta bur spang bar bya'o/ /gtsug lag khang nas phyir 'byung ba dang/ gang 'jug pa dang/ nyin 'khor dang/ snam phyis sa dang/ gci sa dang/ skas dang/ them skas dang/ sgo bcad pa dang/ dbye ba dang la sogs pa brtags la dri bar bya'o/ /dge 'dun gyi khrims su bcas pa ji lta bu yin pa dri bar bya'o/ /gnas khang du zhugs te stan bting la skyil mo krung bcas te/ lus drang por bsrang la dran pa mngon du bzhag ste/ reg pa bya ba brgyad spang bar bya'o/ /de ni 'di lta ste/ nang ngo/ /skran no/ /mtshon no/ /dug go /mi rtag pa'o/ /sdug bsngal ba'o/ /stong pa nyid do/ /bdag med pa'o/ /snyam du bsams te 'dug la gal te nus na ni ji srid du nus gzhan du 'dug par bya'o/ /'on te yang mi nus na yang lang ste/ rgyud chag gsum pa gdon cing sbyin pa'i yon tan brjod la/ sbyin pa'i yon tan brjod nas g.yas phyogs su 'phres par bya'o/ /rkang pas rkang pa mnan te snang ba'i 'du shes dang/ ldang ba dang/ dran pa mngon du bzhag ste/ shes bzhin du nye bar gzhag nas yid la byed bzhin du mtshan mi zang pa'i tho rangs kyi tshe rings myur bar langs la/ de skyil mo krung bcas shing lus drang por bsrangs te 'dug la/ sems dran pa mngon du byas te lus 'dis rig par bya ba brgyad spangs par byas te/ de ni 'di lta ste/ nad do/ skran no/ /mtshon no/ /dug go /mi rtag pa'o/ /sdug bsngal ba'o/ /stong pa nyid do/ /bdag med pa'o/ /snyam du bsams te/ de nas langs nas so shing bcas la dor ro/ /de nas byas pa rnams byas la/ ci dang dge 'dun gyi bshos 'gron bzhud dam/? 'on te bsod snyoms la bzhud ces dri'o/ /gal te dge 'dun gyis bshos 'gron du bzhud na dge ba'i phyogs ci bder spyad la 'gro bar bya'o/ /gal te bsod snyoms la bzhud na de nas grong dang spyod yul dang/ dad pa'i rigs gang yin pa dang/ ma dang pa'i rigs gang yin pa dang/ khyim 'dir slab pa'i sdoms pa byin pa ma yin nam zhes dri'o/ /rta ma rungs pa dang/ ba lang brdung drus ma med dam zhes dri bar bya'o/ /gal te de nas snga dro sham thabs bgos lhung bzed dang/ chos gos thogs te shes bzhin du bsod snyoms la 'jug par bya'o/ /bsod snyoms rgyus nas zas kyi bya ba spangs nas chos gos dang lhung bzed bzhag nas cing bder 'dug par bya ba 'di ni glo bur du 'ongs pa'i bya ba zhes bya'o glo bur 'ongs pa'i gnas brtan gyi bya ba gang zhen/ glo bur du 'ongs pa'i lhag pa'i gnas brtan dge slong rnams rig par bya'o/ /de dag la yang mdangs gsal bar bya'o/ /khro gnyer med par bya'o/ /tshig snyan pas dge slong rnams mgu bar bya'o/ /glo bur du lhags pa'i dge slong rnams kyi phyir gnas mal brnya bar bya/ 'dug 'dug pa las 'gro bar rnam par lngar bsgo bar bya ste/ gtsug lag khang der ro/ /gtsug lag khang ltos shig ces bsgo ba dang/ gnas mal 'di re/ gnas mal ltos shig ces bya ba dang/ lde mig 'di re zhes bsgo zhing gtang pa dang lnga ste/ 'di glo bur du 'ongs pa'i gnas brtan gyi bya ba zhes bya'o/ /'gro bas bya ba gang zhen/ 'gro ba'i dge slong yul phyogs gang du dang/ phyogs gang du 'gro ba de'i yul phyogs brtag par bya/ de'i phyogs nas 'ongs pa'i dge slong rnams la gang der song na bar chad brgyad po dag las gang yang rung ba'i bar du 'gyur ba de med dam zhes dri bar bya'o/ /gang der song na bsod snyoms dang/ na ba'i gsos sman dang/ bsnyen bskur byed pas brel bar mi 'gyur ram/ bdag la bsod snyoms dang/ na pa'i gsos sman dang/ bsnyen bkur byed kyang brel tshad cing ma snyad par gyur na/ lus nyams shing dus las 'da' bar mi 'gyur ram/ bdag der song na dge slong tshul khrims dang ldan pa/ yon tan dang ldan pa/ res pa/ dge ba'i chos can/ lta ba mtshungs pa/ gnas pa mtshungs pa 'gyur ram/ bdag the tshom ma skyes pa de dag skyed par byed dam/ skyes pa rnams yang sel bar byed dam/ skyes bu rnams la skyes pa ma skyed par byed dam/ skyes pa rnams slar bzlog pa byed dam/ bdag tshe dang ldan pa de dag dang lus bde ba dang/ sems bde bar 'gyur ram/ bdag tshe dang ldan pa de dag dang lhan cig tu dge ba'i chos rnams la 'phel bar 'gyur ram zhes bya ste/ de ltar na yul phyogs brtag par bya'o/ grogs rnams la yang brtag par bya ste/ tshe dang ldan pa 'di dag dang tshul khrims dang ldan nam/ des pa dge ba'i chos can yin nam/ lta ba mtshungs sam/ gnas pa mtshungs sam/ gal te 'di ltar bdag the tshom ma skyes pa mi skyed par byed dam/ skyed pa rnams slar sel bar byed dam/ sdig pa'i lta ba yang skyed pa mi skyed par byed dam skyes pa rnams slar bzlog par byed dam/ bdag tshe dang ldan pa dag dang lhan cig lus dang sems bde bar 'gyur ram/ bdag tshe dang ldan pa de dag dang lhan cig tu dge ba'i chos rnams 'phel bar 'gyur ram/ gal te tshe dang ldan pa 'di dag gis dag lam du nad kyis btab na mi 'dor bar 'gyur ram/ snyam du grogs la brtag par bya ste/ bdag lam der bar chad du 'gyur ba brgyad po dag las gang yang 'byung rung rung bar ma 'gyur ram/ bdag lam der bsod snyoms dang/ na ba'i gsos sman dang/ bsnyen bkur byed pas brel bar mi 'gyur ram/ gal te bsod snyoms dang/ na ba'i gsos sman dang/ bsnyen bkur byed pa med na gnod cing/ dus 'da' bar mi 'gyur ram/ bdag lam der lus bde ba dang/ sems bde bar 'gyur ram/ bdag lam de na dge ba'i chos rnams 'phel bar 'gyur ram/ gal te brel par mi 'gyur na 'gro bar bya'o/ /de lta bur yul phyogs dang grogs dang lam rnams brtags nas/ gal te sngar 'gro'o snyam na ngas deng slob dpon dang mkhan po rnams la blta bar bya ba ste/ bdag yul phyogs ni 'di lta bu grong khyer ni 'di lta bur mchi'o zhu'o/ /slob dpon dang/ mkhan pos kyang de'i yul phyogs brtags par bya/ lam brtag par bya ba dge slong grogs rnams la brtag par bya'o/ /'di'i grogs po dge slong rnams ci 'dra/ 'di'i 'khor ci 'dra/ 'di'i grogs po rjes su 'bring ba ci 'dra ba rnams brtags pa la/ gal te mthun par gyur na zhu ba la yang lan sbyin par bya'o/ /mthun par ma gyur na sbyin par mi bya'o/ /'gro ba'i dge slong gis ma zhus par 'gron 'gal tsha bas can du 'gyur ro/ /gal te dge ba'i phyogs 'phel bzhig tu gyur na slob dpon dang mkhan pos kyang de bzhin du gnas pa ma yin ma zhus par spong yang bla'o/ /gnas khang du gnas pa'i gnas khang de chag chag gdab par bya/ phyag dar bya/ phyag dar dor bar bya/ ba lang gi lci bas zhal zhal 'jam par byug par bya/ nad par sngar rgyud chags gsum pa bklag par bya/ bklags nas sbyin pa'i yon tan brjod par bya/ nad par langs nas gnas mal ji ltar dgos pa de rnams bsgrengs te spug par bya'o/ /de nas rtsig pa las sor bzhi tsam gyis spogs la bcer bzhag la/ sgo bcad de gnam gzer dang 'phreng gtan bcug la de na gnas pa dang gnyug mar gnas pa'i dge slong rnams la gtad de ltos shig ces bsgos la 'gro bar bya'o/ /gnas mal sogs pa la ltos shig ces bsgo ba la lnga ste/ gnas khang 'dir gnas khang 'di la ltos shig /gnas mal 'di re/ gnas mal 'di rnams la ltos shig /lde mig gtad pa na lnga pa yin no/ /kun dga' ra ba'i phyi rol tu byung nas dge slong grogs pa rnams la brtag par bya ste/ ring por ma son par su yis yang brjod cing lus pa med dam zhes phan tshun dri'o/ /gal te brjed cing lus pa zhig yod na/ dge slong de slar zlog la blangs te 'ongs kyi bar du ni bsdad par bya ba 'di ni 'gro ba'i bya ba zhes bya'o/ /'gro ba'i gnas brtan gyi bya ba gang zhe na/ 'gro ba'i gnas brtan gyis sngar langs te/ 'dod pa'i dge slong rnams char gzhug go /de dag la tshe dang ldan pa rnams lhung bzed dang chos gos rnams legs par longs la khyer te 'dod do/ /sus kyang brjod par mi bya'o/ /'dod pa'i dge slong rnams 'dod pa'i 'og tu dge slong gnas brtan nyid kyis de dag gis brjed pa lta yod dam med ces brtag par byas la thams cad kyi mjug du 'gro bar bya'o/ /ring po ma son par de dag la/ la la'i cung zad ma lus sam zhes brjod par bya'o/ /dge slong gnas brtan gyis dge slong de thams cad la rjes su bstan par bya ste/ tshe dang ldan pa rnams las gang yang rung sngon du 'dod de 'gro bar mi bya'o/ /phyir nur te 'gro bar ma 'khod cig thams cad kyang lhan cig tu 'dus la phan tshun du bltas te/ rtog bzhin du 'dod par bya'o/ /dge slong gnas brtan gyi lam du zhugs pa'i tshe/ bde ba dang ldan mi ldan pa'i rig par byas la bdag nyid kyis 'di dag la sngon du 'dor te yod du ma med/ phyir nur te lus la lta yod dam med/ gal te sngon du 'dor ste 'dod pa lta yod na de dag dgag pa bya/ gal te phyir nur zhing lus pa zhig yod na de dag bskul zhing 'dod par bya/ bdag nyid kyi dge slong rnams kyi dbus su zhugs la 'gro bar bya'o/ /gal te 'gro mi nus na bdag nyid kyi lhung bzed dang chos gos la sogs pa de dag la bgo zhing bkur bar bya/ gal te 'gro mi nus pa zhig tu gyur na dge slong de dag gis dge slong de phrag pa 'am/ khur te khyer te/ dgon pa de las phyung la grong du 'bad tu phyin par 'gyur na/ dge slong de la nye gnas kyis dge slong de dang yang de'i zas dang sman gzhan las btsal bar bya'o/ gal te lang 'jigs pa dang bcas par gyur na rig shing myur bar 'dod ste/ de nas phyung ba dang ngal bso bar bya'o/ /gal te yang nus par gyur na gang nas chu 'gram nam/ nags 'tha''am/ gsid? ma sngon po 'am/ sa phyogs gang dga' ba zhig tu brtags te/ dge slong rnams ngal bso bzhug par bya'o/ /ngal bso nas yang 'dod par bya ste/ dge slong gnas brtan gyis de dag kun la/ kye thams cad kyis kyang 'dir sbyin pa'i yon tan re re brjod cig ces bsgo bar bya'o/ /dge slong thams cad kyis sbyin pa'i yon tan gyi tshigs su bcad pa klags pa dang/ dge slong gnas brtan gyis mjug tu sbyin pa'i yon tan gyis tshigs su bcad pa klogs te/ sa phyogs de logs su lan gnyis sam gsum du brtags te 'gro bar bya'o/ /grong mdza' phyin pa dang/ des dge slong rnams kyi phyir gnas btsal bar bya/ mal stan btsal bar bya'o/ /yang na tsa dang lo ma btsal lo/ /gal te yang 'byed par gyur na rkang pa dkru ba dang/ rkang pa bsku ba dang/ tshogs pa'i btung ba dang/ bu ram dang/ hwa gsal sogs pa blang bar bya'o/ /gcig dang/ bshad pa'i sa dang dris te brtags la mtshan mo gnas par bya'o/ /khyim gyi lha rnams kyi phyir yang rgyud chags gsum pa dang/ sbyin pa'i yon tan brjod par bya'o/ /der gnas na yang/ dge slong gnas brtan gyis de dag zan dang/ thug pa dang/ skyo ma rnams gtams shing btsal nas dge slong rnams la brnyod par bya/ de nas dge slong gsar bu rnams khor ba la smra bar bya/ yang dag par smra bar bya/ kun shes par bya/ rtogs par bya/ bstan par bya/ rjes su bstan par bya/ ci nas de dag dregs pa 'am/ mi rigs pa 'am/ rtsed mo las bzlog par bya'o/ /'gro ba'i dge slong gnas brtan gyis ji ltar kun tu spyod pa'i chos bcas pa bzhin du mi byed na 'gal tshabs can du 'gyur ro/ /'di ni 'gro ba'i gnas brtan gyi bya ba zhes bya'o/ /rkang pa bkru ba'i bya ba gang zhe na/ bcom ldan 'das kyis dge slong rnams la rkang pa'i rjes su gnang ste/ dge slong gang gis snod stong par mthong nas bdag nyid kyis dga' bar bya'o/ /yang dge slong gis kun dga' ra ba na gnas pa rnams la khong shig ces bsgo bar bya'o/ /rkang pa bkru ba yin 'di ni yin te/ dge slong rnams shes bya ba ni du zhugs lo rkang pa bkru bar bya/ dge slong gis rkang pa bkru ba'i sar yun ring du 'dug par mi bya/ snyoms par 'jug par mi bya/ dran par mi bya/ 'dri bar mi bya/ gtam la zhugs te 'dug par mi bya/ myur du rkang pa bkrus te de nas shes bzhin du slar byung bar bya ste/ 'di ni rkang pa bkru ba'i bya ba zhes bya'o/ /rkang pa bkru ba'i gnas brtan gyi bya ba gang zhe na/ rkang pa bkru ba'i dge slong gnas brtan gyis/ dge slong rkang pa bkru ba la zhugs pa na/ ma zin gyi bar du bslang zhing dbyung bar mi bya/ rkang pa bkru ba la zhugs pa zhes bya ba ni/ khung du rkang pa chus gsher bar gyur pa'o/ /gal te dge slong dag spyod yul mi mdzes par gyur tam/ gtam la zhugs shing 'khod na dge slong gnas brtan gyis de dag bzlog par bya'o/ /lung 'bog par bya/ rjes su bstan par bya/ sbyong lam mdzes pa la gzung bar bya/ ji skad du rkang pa bkru ba'i gnas brtan gyi kun tu spyod pa'i chos rnams la bzung? bar bya ste/ 'di ni rkang pa bkru ba'i gnas brtan gyi bya ba zhes bya'o/ /'dug pa'i bya ba gang zhe na/ gnas pa dang/ smyur bar gnas pa'i dge slong dag gis tshes brgyad dang/ bcu bzhi dang bco lnga la gcig tu 'dus te/ sangs rgyas kyi gsungs pa 'am/ nyan thos kyis bshad pa'i chos gos kyang rung ste/ smra bar bya'o/ de dag nang par sngar bsgo ba 'am/ gaN+Di brdungs ma thag tu 'du bar bya ste/ myur du 'dus nas shes bzhin du 'khod par bya/ shes bzhin du 'khod nas dran pa nye bar gzhag par bya/ sems rnam par ni g.yeng bar bya/ sbyod lam mdzes shing phun sum tshogs par bya/ shin tu bsdams par bya/ shin tu dgag par bya/ sgra dbyung bar mi bya/ mig ma g.yengs pa dang/ gnya' shing gang tsam du blta bar bya/ bkur sti dang bcas pa dang/ bdag sman pa dang bcas pa dang/ 'jigs pa dang bcas pa'i dbang du gyur pa dang/ yid dman pa phyag dang ba lta bu'i sems su bya/ gnas brtan dang/ bar ma gsar bu rnams la byams pa'i sems su bya/ pha dang/ phu nu po dang/ bur 'du shes nye bar gzhag par bya/ stan la 'dug pa la mkhas pa dang/ bdug nas yang phyi phyir zhing nges pa'i chos kyi gtam gyis mtshan mo nam zad par bya'o/ /gal te mi bden yang spyod lam gnyis dus 'da' bar bya ste/ 'chag pa 'am 'greng bas so/ /dge slong rnams 'dus nas 'khod na yang dus su chos mnyan par bya/ bkur sti dang bcas pas mnyan par bya/ smad par mi bya/ tshul bzhin du/ 'jug par bya/ glags btsal bar mi bya/ chos la bkur sti mngon du gzhag par bya/ chos smra ba'i gang zag la 'ang/ brnyas par mi bya/ bdag nyid la smad par mi bya/ sems gcig tu thub pa dang dka' ba yin no zhes bya bar bsams pa dang/ rna ba'i g.yengs pa dang/ sems gus pa dang/ sems thams cad gcig tu bsdus la chos mnyan par bya'o/ /de'i 'og tu lha rnams dang/ rgyal po dang/ sbyin bdag dang/ sbyin pa po rnams kyi phyir/ sbyin pa'i yon tan gyi tshigs su bcad pa gdon par bya ste/ 'di ni 'dug pa'i bya ba zhes bya'o/ /'dug pa'i gnas brtan gyi bya ba gang zhe na/ dge slong gnas brtan gyis sngar bsgo ba 'am/ gaN+Di brdungs kyang rung ste/ thog mar 'gro bar bya/ thog mar 'gre bar bya/ thog mar 'dug par bya/ 'dug nas kyang skad cig mi smra bar bya/ de nas bdag nyid kyis chos smra bar bya/ yang na nus pa'i dge slong la chos? smros shig ces gsol ba gdab par bya'o/ /bdag nyid kyis smras sam/ dge slong nus pa la yang gsol ba ma byas na 'gal tshabs can du 'gyur ro/ /gal te 'khod pa la yang bram ze dang/ khyim bdag dag lhag sam des de dag la yang chos dang ldan pa'i gtam bya'o/ /gal te gzhan mu stegs can kun tu rgyu glags tshol lam/ klan ga tshol zhing lhags na/ de dag la yang chos kyis brgal bal yang 'jug par bya/ 'di ni mi 'dra ba'o/ /'di ni ma grub pa'o/ /zhes rigs pa'i chos kyis 'dul bar bya/ khro ba mi bskyed par bya/ mi khro bar bya/ mi slong bar bya ste/ 'di ni 'dug pa'i gnas kyi bya ba zhes bya'o/ /chos 'chad pa'i bya ba gang zhe na/ chos 'chad pa'i dge slong gis gus pa dang bcas pa dang/ sems dma' ba dang bcas pa dang/ 'jigs pa dang bcas pa'i dbang du gyur pas gnas pa dang/ yid dman zhing phyag dar ba lta bu'i sems su bya ste/ 'khor gyi nang du zhugs ste/ chos bshad par bya ba ni rigs pa dang grol ba'i tshig dang/ ma 'khrul pa'i tshig dang/ ma 'dres pa dang/ 'brel pa dang/ ma 'khrugs pa dang/ sems ma g.yeng ba dang/ zang zing gi sems su ma yin pa dang/ chos nyid la yang bkur sti mngon du bya/ chos nyan pa'i dge slong rnams la yang bkur sti mngon du bya/ chos la brnyas par mi bya/ bdag nyid kyang smad par mi bya/ chos rnams la yang chos nyid rten cing 'brel bar 'byung ba yin par rtogs par bya ste/ bya ba'i tshul du rjes su rtse ba dang/ chos 'di yun ring du gnas par 'gyur bar bya'o/ /chos nyid la brten gyis zang zing la brten te chos bshad par mi bya/ 'di ltar 'chad pa'i dge slong gis dus su chos bshad par bya/ bkur sti thog mar bya rjes su mthun pa dang/ bya ba'i tshul du rjes su rtse ba dang/ chos 'di yun ring du gnas par 'gyur bar bya'o/ /chos nyid la mos pa dang/ rigs par ldan pa dang/ ma 'khrugs pas chos bstan par bya ji ltar 'khor rnams la byams pa'i sems dang/ rjes su brtse ba'i sems su gnas par bya/ rnyed pa dang bkur sti dang/ grags pas ni ma yin no/ /chos 'chad pa'i tshe bdag nyid la bstod par yang mi bya/ gzhan la smod par yang mi bya ste/ 'di ni chos 'chad pa'i bya ba zhes bya'o/ /chos 'chad pa'i gnas brtan gyi bya ba gang zhe na/ chos 'chad pa'i dge slong gnas brtan gyi gang na chos 'chad pa der 'gro bar bya'o// dge slong 'di chos bzhin du 'chad dam/ 'on te chos bzhin ma yin par mnyan la/ gal te chos bzhin du 'chad na ni spro ba bskyed par bya/ chos bzhin ma yin par 'chad na ni slar bcos par bya/ gal te slar bcos nus na ni de lta na ni legs/ gal te slar 'chos mi cus na ci btub kyis smad par bya ste/ dge slong 'di ni chos ma yin/ 'dul ba ma yin ston pa'i bstan pa ma yin gyis/ /bcom ldan 'das kyis chos kyi bzhi ma shig cig /chos kyi spyan ma gzhar cig ces smras la langs te 'gro bar bya ba 'di ni/ chos 'chad pa'i gnas brtan gyi bu ba zhes bya'o/ /dus kyi bya ba gang zhe na/ dge slong rnams dus su 'gro bar bya ste/ 'di ni dus kyi bya ba zhes bya'o/ /dus ma yin pa'i bya ba gang zhe na/ dge slong gis dus ma yin par grong du 'jug par mi bya/ de 'dra ba'i rkyen byung ba ma gtog te/ 'khor pa'i dge slong ma la bsgor ba mi? 'di ni 'das ma yin pa'i bya zhes ma bya'o/ /dus ma yin pa'i dge 'dun 'du ba'i bya ba gang zhe na chos brgyad dang/ chos bcu bzhi dang/ chos bco lnga la dge 'dun 'du ba ma gtogs par de las gzhan gyi phyi dge 'dun 'du ba dang/ dge 'dun gyi las dang/ dge 'dun gyi bya ba dang/ dge 'dun gyi byed pa rnams yin te/ de la sngar bsgo pa'am/ gaN+Di? brdungs kyang rung myur du 'du bar bya/ shes bzhin du 'dod par bya ba nas snga ma bzhin no/ /'dug pa la mkhas par bya ba'i bar du'o/ /der dge 'dun gyi gnas brtan gyis rgan rims su phyag bya ba nas/ bdag gi stan gang na bar 'dug par bya/ gnas brtan gnyis pas kyang dge 'dun gyi gnas la phyag byas nas rang gi stan la 'dug par bya/ de bzhin du gnas brtan gsum pa dang/ bzhi pa nas dge 'dun gyi gsar bu'i bar ste/ rgan rims su phyag byas nas/ rang gi stan gang na bar 'khod par bya'o/ /der dge slong gnas brtan dang/ bar ma dang/ gsar bu rnams kyis chos ji lta bu dang/ ston pa'i bstan pa ji lta bar dge 'dun gyi las bya/ dge slong gnas brtan gyi dge slong rnams la sbyor bar mi bya/ smod par mi bya/ ma gus par mi bya ba 'di ni dus ma yin par dge 'dun 'du ba'i bya ba zhes bya'o/ /dus ma yin par dge 'dun 'du ba'i gnas brtan gyi bya ba gang zhe na/ dus ma yin par dge 'dun 'du ba'i dge slong gnas brtan gyis dus ma yin par dge 'dun 'du bar dang/ sngar bsgo ba 'am gaN+Di brdungs kyang rung ste/ thog mar 'gro bar bya/ thog mar 'greng bar bya thog mar 'dug par bya ste/ bkur stir bcas pa dang/ sems dman pa dang bcas pa dang/ 'jigs pa dang bcas pa dbang du gyur pa dang/ yid phab la phyag dar ba lta bu'i sems su bcas la/ dge 'dun gyi nang du 'gro bar bya/ rgan rims su phyag byas nas rang gi stan gang na bar 'dug par bya gnas brtan dang bar ma dang/ gsar bu rnams la yang byams pa'i sems su bya/ phan pa'i sems su bya/ rjes su brtse ba'i sems su bya/ pha dang phu nu bo dang bur 'du shes pa mngon du gzhag par bya ste/ 'khor rnams la yang blta bar bya ste/ gang cha lugs sdug /gang la cha lugs mi sdug / gang mdzes par gyur/ gang gis legs par bgo/ gang gis mi sdug par bgos/ gang cha lugs mdzes pa de dag ni btang snyoms su gzhag /gang cha lugs mi mdzes pa de dag la spran par bya/ bsgo bar bya/ gang zhig gis legs par bgos pa ni btang snyoms su gzhag / gang gis mi sdug par bsgos pa de dag la ni brda bya/ des brda byas pa mtshor na drung na mo la brda bya/ drung na mos kyang ma tshor na dge slong gnas brtan gyis ci nas mi 'khrul ba'i tshul du sgran par bya/ ci nas legs par bgos pa dang/ rgya tshor mi dbyung bar bya'o/ /dge slong gnas brtan gyis 'khor gyi nang du brtag par bya ba ni ci 'khor 'di dag ni chos bzhin du byed dam/ 'on te chos bzhin ma yin na ni ci bder bya'o zhes las thams cad byed du gzhug go / gal te chos bzhin du ma yin na ni chos kyi phyogs su gnas par bya/ chos bzhin du 'dri ba la lan sbyin par bya/ yang na cang mi smra bar langs te 'gro bar bya'o/ /de'i phyir rtsod pa dang 'khrug pa rjes su 'byung bar mi bya ba 'di ni/ dus ma yin par dge slong 'du ba'i gnas brtan gyi bya ba zhes bya'o/ /smra ba'i bya ba gang zhe na/ rgyal po'i khab kyi grong khyer chen po na/ mu stegs can kun tu rgyu gzhan dag cig /chos brgyad dang/ bcu bzhi dang/ bco lnga'i tshe/ gcig tu 'dus nas chos smra ba dang/ de na der skye ba mang po 'dus nas rnyed pa dag kyang rnyed par 'gyur/ bkur stir byed de/ de dag gi 'khor yang 'phel bar gyur pa dang/ yul ma ga d+ha'i rgyal po gzo sbyangs gzugs can snying po/ /gsung rab 'di la dad par gyur nas/ de 'di snyam du sems te/ mu stegs can kun tu rgyu 'di dag tshes brgyad ces bya ba nas/ de dag gi 'khor yang 'phel bar 'gyur zhes bya ba'i bar du ni snga ma bzhin no/ /'di ltar dge slong rnams kyang tshes brgyad dang/ bcu bzhi dang/ bco lnga la gcig tu 'dus nas chos smra na/ bdag kyang der 'gro ste/ rgyal po 'ang der 'gro'o snyams nas/ skye bo mang po dag kyang 'du bar 'gyur/ dge slong rnams kyis rnyed la/ bkur sti yang 'byung/ 'khor rnams kyang 'phel bar 'gyur/ skye bo mang po la yang bsod nams mang du 'phel/ dge slong rnams kyang mi 'jigs par 'gyur ro bstan pa yang rgyas par 'gyur/ dam pa'i chos kyang yun ring du gnas par 'gyur/ chos kyi sgron ma yang 'bar bar 'gyur/ phyi ma'i skye bo rnams la yang snang bar byas par 'gyur ro/ /snyam nas yul ma ga d+ha'i rgyal po gzugs can snying po/ /bcom ldan 'das ga la ba der 'ongs te/ phyin nas/ bcom ldan 'das kyi zhabs la mgo bos phyag 'tshal te phyogs cig tu 'dug go /phyogs cig tu 'dug nas/ yul ma ga d+ha'i rgyal po gzo sbyangs gzugs can snying pos bcom ldan 'das la 'di skad ces gsol to/ /btsun pa gzhan mu stegs can kun tu rgyu ni ches brgyad nas/ de dag gi 'khor yang mang du 'gyur ro/ /zhes bya ba'i bar du snga ma bzhin no/ /'di ltar dge slong rnams kyi tshes brgyad nas/ phyi ma'i skye bo rnams la snang bar bgyid par 'gyur lags na/ rjes su snang bar mdzad du gsol zhes bya ba'i bar du snga ma bzhin no/ /bcom ldan 'das kyis yul ma ga d+ha'i rgyal po gzo sbyangs gzugs can snying po la cang mi gsung bar rjes su gnang ngo/ /de nas yul ma ga d+ha'i rgyal po gzo sbyangs gzugs can snying po bcom ldan 'das kyis cang mi gsung bar gnang par shes nas/ bcom ldan 'das kyi zhabs la mgo bos phyag 'tshal te/ bcom ldan 'das kyi drung nas song ngo/ /de nas bcom ldan 'das kyi yul ma ga d+ha'i rgyal ba gzo sbyangs gzugs can snying po song nas ring por ma logs par mkhyen te/ dge slong rnams la bka' stsal pa/ de lta bas nas dge slong rjes gnang gis/ tshes brgyad dang bcu bzhi dang bco lnga la gcig tu 'dus te/ chos smra bar bya'o/ /de yang 'di ltar smra bar bya ste/ chos smra ba'i dge slong gis don dang tshig 'brus don rnams go par bya'o de nas dge slong dag cig tha mal bar smras te/ tshig tha mal bar smras pas 'khor rnams kyis go bar ma gyur pa dang/ de ltar gyur pa'i dge slong rnams kyis bcom ldan 'das la gsol ba dang/ bcom ldan 'das kyis bka' stsal pa/ rjes su gnang gis dbyangs kyis chos smra bar bya'o/ /de dag gis ji ltar 'dug bzhin du smras pa dang/ 'khor de rnams kyis go bar ma gyur pa ste/ bcom ldan 'das kyis bka' stsal pa/ rjes su gnang gis stan mthon po bca' bar bya'o/ /de dag gis mdo sde chen po sdus shig smras pa dang/ the tshom du gyur te/ rgyas par yang mi byed la/ de nyid kyis nyi ma zad par byed pa dang/ 'khor rnams skyo bar gyur te/ bcom ldan 'das kyis bka' stsal pa/ rjes su gnang gis don gyi dbang du ci bder bya'o/ mdo sde drag las don nyi tshe blangs te/ gtam bya zhing bshad par bya ba brdog par bya'o/ /gsungs pa bzhin du gzhung 'ched bar 'dod pa dang/ de dag mdo sde'i mdza' ma rus par 'gyur ram snyam du the tshom du gyur nas/ bcom ldan 'das kyis bka' stsal pa/ rjes su gnang gis mdo sde'i don te tshe bsdus te/ skabs skabs su gtam bya'o/ /bshad pa yang gzhung bzhin du bya'o/ /don dang tshig 'bru 'brel pas 'khor rnams la go bar bya'o/ /mdo sde dag kyang de bzhi du gzung bar bya'o/ /de dag gnyis lhan cig tu 'khor gcig la 'chad nas/ bcom ldan 'das kyis bka' stsal pa/ 'khor cig gis nang du gnyis kyis bshad par mi bya'o/ /gang 'chad par byed na 'gal tshabs can du 'gyur ro/ /de dag 'khor dang 'khor du 'chad par byed nas de dag 'khrugs par gyur pa dang/ bcom ldan 'das kyis bka' stsal pa/ 'khor dang 'khor du bshad par mi bya'o/ 'chad par byed na nyes byas su 'gyur/ de dag 'khor gnyis la cig car 'chad par gyur pa dang/ bcom ldan 'das kyis bka' stsal pa/ gnyis kyis 'khor gcig la/ cig car bshad par mi bya'o/ /gang 'chad par byed na nyes byas su 'gyur ro/ /'di ltar bshad pa las gnyis po 'khrugs par mi 'gyur ba de ltar bya'o/ /de dag 'khor khrid cing dong ba dang/ bcom ldan 'das kyis bka' stsal pa/ 'khor khrid de 'gro bar mi bya'o/ /gang 'khor 'khrid cing 'gro na 'gal chabs can du 'gyur ro/ /rang dbang na nyes pa med do/ /de dag chos kyi sgo nas rnyed pa phal 'chel te/ chos 'chad bas 'tsho bar byed pa dang/ bcom ldan 'das kyis bka' stsal pa chos sgo nas rnyed pa 'ang mi btsal lo/ /chos 'chod zhing 'tsho bar mi bya'o/ /bdag nyid smra bar mi byed pa dang/ bcom ldan 'das kyis bka' stsal pa/ rjes su dran par byed pas rjes su dran par bya'o/ /rjes su dran par byed pa 'ang med nas/ rims kyis dran par bya'o/ /tshigs su bcad pa dang/ dbyangs su dpyad zhing bya'o/ /dge slong de dag mi smra ste/ bcom ldan 'das kyis bka' stsal pa/ bdag nyid kyis smra bar bya'o/ /gang dge slong gzhan la gsol ba 'debs par bya'o/ /gsol ba btab pa'i gang zag gis kyang rig par bya'o/ /bdag nyid kyis kyang mi smra 'am/ yang na dge slong gzhan la yang gsol ba 'debs sam/ gsol ba btab pa'i gang zag gis kyang shes par ma byas na/ 'gal tshabs can du 'gyur ro/ /de dag gis rim bzhin du bsgas pa dang/ 'di ltar zhar ba dang/ glen pa dang sgur po dag la/ gzhan mu stegs can kun tu dag shAkya'i bu dge sbyong gi nang du skyes bu dam pa'o/ /skyes bu gtso bo/ skyes bu mchog go zhes nyes pa ngor brjod cing 'phyas 'dogs te/ mi snyan par gyur to/ /de ltar gyur pa'i dge slong gis bcom ldan 'das la gsol pa/ bcom ldan 'das kyis bka' stsal pa/ nus pa spyod na tshes smra ba'i rim bzhin du mi bsgo'o/ /gang nus pa de bsgo bar bya'o/ /'khor 'khrugs pa de lta bu bsgo bar mi bya'o/ /smra ba'i bya ba gzhan yang dus gang dang gang du yang rung ste/ dge slong rnams 'dus shing 'khod pa dang chos kyi gtam nges pa rnams brjed par bya'o/ /gal te mi shes na yang gcig dri bar bya/ gcig la gcig zhu bar bya/ bgam par mi bya/ klan ka btsal bar mi bya/ 'phyas bdags pa'i phyir mi bya/ nyams sad pa'i phyir mi bya'i/ ci nas chos rim 'gro dang/ bkur sti'i phyir dri bar bya zhi bar bya ste/ ci dge 'am/ 'on te mi dge/ ci kha na ma tho ba dang bcas pas sam/ ci 'di byas na dge bar 'gyur ram/ 'on te sdig par 'gyur zhes bya ba ni smra ba'i bya ba zhes bya'o/ /mi smra ba'i bya ba gang zhe na/ gnas gang na dge slong rnams smra zhing gzhan la brjod par mi 'dod pa de dag gi ji lta bu yid la byed pa 'grub pa de bzhin du bsgom par bya'o/ /spyod lam bzhi 'jug par bya'o/ /phan tshun du mi smra ba la 'jug pa ste/ rgyas par bya ba ni 'di lta ste/ chu klung yid 'ong ldan gyi dge slong rnams kyis ji lta ba bzhin du bya te/ 'di ni mi smra ba'i bya ba zhes bya'o/ /dbyar nye bar bsgrub pa'i bya ba gang zhe na/ dbyar nye bar sgrub pa'i dge slong gis bsams bzhin du bsam/ shin tu brtags pa bzhin brtags/ shin tu spyad pa bzhin dpyad de/ dbyar nye bar bsgrub par bya ste/ bdag gnas de na dge slong ji ltar tshul khrims dang ldan pa dang yon tan dang ldan pa dang/ mkhas pa dang ldan pa dang/ dge ba'i chos dang ldan pa dang/ lta ba mtshungs pa dang/ gnas pa mtshungs pa dang/ grogs mtshungs pa dang/ yid gcugs pa dag dang lhan cig gang bde bar 'gyur ba ni 'di lta ste/ 'gro yang rung/ 'dug kyang rung/ bdag gnas de nas dge slong mdo sde 'dzin pa dang/ 'dul ba 'dzin pa dang/ ma mo 'dzin pa dang/ gang the tshom ma skyes pa mi skyed pa dang/ skyed pa rnams sal bar byed pa dang/ sdig pa can gyi lta ba ma skyes pa mi skyes pa dang/ skyes pa rnams sel bar byed pa yod dam/ bdag gnas de na na ba dang rjes su mthun pa'i sman pa dang/ zas dang yo byad dang/ bsnyen bkur byed par 'byor par 'gyur ram/ gnas de nas bdag gi lus dang sems bde bar 'gyur ram/ gnas de nas dge slong dag 'thab mo byed pa dang/ mtshang 'bru bar byed pa dang/ 'gyed par byed pa dang/ rtsod par byed pa dang/ gleng bar byed pa lta mi gnas gang/ des bdag ma thob pa thob par bya ba dang/ ma rtogs pa rtogs par bya ba dang/ mngon sum du ma byas pa rnams mngon sum bya ba'i bar chad du mi 'gyur grang/ gnas de na dbyar gyi nang du dge 'dun bye bar mi 'gyur zhes de bzhin du bsams bzhin du bsams/ brtags pa bzhin du brtags/ dpyad pa bzhin du dpyad par bya'o/ /na ba'i bsnyen bkur ba'i grogs su mthun pa dang 'gro bar bya ste/ 'di ni dbyar nye bar sgrub pa'i bya ba zhes bya'o/ /dbyar gnas pa'i bya ba gang zhe na/ dbyar gnos pa'i dge slong gis don med pa'i phyir zhag gcig kyang mtshams kyi phyi rol tu 'gro bar mi bya/ don cig yod par gyur na des zhag bdun nam/ zhag bcur byin gyis brlabs la 'gro bar bya'o/ /de yang don gyi phyir te/ don gang gi phyir zhe na/ dge slong gi don nam/ dge slong ma'i don nam/ dge tshul ma'i don nam dge bsnyen ma'i don nam/ nye du'i don nam/ bdag gi don kyang rung/ de gal te de sangs rgyas la 'am/ chos la'am dge 'dun la'am/ sdug bsngal la 'am/ kun 'byung ba la 'am/ 'gog pa la 'am/ lam la'ang rung/ the tshom can du gyur tam/ yid gnyis su gyur tam/ dgos par gyur tam/ ma thob pa la thob pa'i 'du shes su gyur tam/ ma rtogs pa la rtogs pa'i 'du shes dang/ mngon sum du ma byas pa'i 'du shes te/ 'di ltar gzhan mu stegs can kun tu rgyu dag gis don la yang rung ste/ gal te dge slong des gnas de nas dbyar dge 'dun bye bar 'gyur ram/ mchod rten nam gtsug lag khang yang rung/ dral bar 'gyur ram/ zhig par gyur kyang rung ste/ der dge slong des sangs rgyas sam/ chos sam/ dge 'dun gyi don la yang zhag bdun nam/ bzhi bcur byin gyis brlabs la 'gro bar bya'o/ /gal te der song ba las zhag bzhi cu yang rung/ lon par gyur/ dge slong dbyar ral pa'i nyes pa byung bar mi 'gyur te/ 'di ni dbyar gnas pa'i bya ba zhes bya'o/ /dbyar gnas pa'i gnas brtan gyi bya ba gang zhe na/ dbyar gnas pa'i dge slong gnas brtan gyi gtsug lag khang rnams dang/ mchod rten rnams shes par bya/ ji lta bur ral pa bcos par bya ba dang/ su byed pa la spo ba skyed par bya/ bsgrags par bya/ su mi byed pa de la ni bskul bar bya/ dran par bya ba 'di ni/ dbyar gnas pa'i gnas brtan gyi bya ba zhes bya'o/ dbyar gnas par khas blangs pa'i bya ba gang zhe na/ dbyar gnas par las blangs pa'i dge slong rnams kyis las rnam pa gsum bya ste/ dbyar gang du gnas pa de'i gnas khang de dag ral pa dang 'drums pa bcos su gzhug par bya/ mtshams brtag par byed du gzhug go/ ngas dar gos gang rnyed pa'i gos des sra rkyang du gting bar bya/ yang na gding du gzhug pa 'di ni/ dbyar gnas pa'i bya ba khas blangs zhes bya ba zhes bya'o/ /'khor dang ldan pa'i bya ba gang zhe na/ 'khor gyi gtso bo des dus dus su 'khor rnams la gang legs pa spyod pa dang/ gang legs par mi spyod pa dang/ gang mdzes par bsgrub pa dang/ gang mi mdzes par bsgrub pa brtags te/ gang legs par spyad cing/ mdzes par bsgrub ba de la ni/ yongs su bskyang bar bya ste/ tshe dang ldan pa legs so legs so/ /ji ltar khyod spyod pa de lta bur spyod par bya'o/ /zhes spro ba bskyed par bya'o/ /yang dag par dga' bar bya/ de la dus su phyi phyir zhing bstan par bya/ bslab par bya'o/ /gang lags par mi spyod dam/ mdzes par mi sgrub pa de la ni/ gang la ji lta bur 'ongs pa de lta bur chad pas bcad pas ni/ 'khod dang ldan pa'i bya ba zhes bya'o/ /'khor gyi nang du zhugs pa'i bya ba gang zhe na/ dge slong 'khor gyi nang du 'gro ba na dran pa nye bar gzhag nas 'khor gyi nang du 'gro bar bya'o/ /'di ni rgyal rigs kyi 'khor to/ /'di ni bram ze'i rigs kyi 'khor to/ /'di ni dge sbyong gi 'khor to/ /der bdag gis 'di lta bur 'gro bar bya/ 'di lta bur 'gred bar bya/ 'di lta bur 'dug par bya/ 'di lta bur smra bar bya/ 'di lta bur smra bar mi bya'o/ /zhes bya ba 'di ni 'khor gyi nang du 'gro ba'i bya ba zhes bya'o/ /'khor gyi nang du zhugs pa'i bya ba gang zhe na/ dge slong 'khor gyi nang du zhugs pa des gtam tshogs mi bya/ gtam 'gal ba rnams mi bya'o/ /'khor rnams dang rjes su mthun par byas la de dag dang rjes su mthun pa'i gtam smra bar bya'o/ /gtam byas nas stan las 'das par bya ba de ni/ 'khor gyi nang du zhugs pa'i bya ba zhes bya'o/ /'khor gyi nang du zhugs pa'i gnas brtan gyi bya ba gang zhe na/ 'khor gyi nang du zhugs pa'i dge slong gnas brtan gyis 'khor rnams la 'di dag gtam ji lta bu la dga' / 'on te cang mi smra ba la dga' 'am zhes rnams la brtag par bya'o/ /gal te de dag gtam la dga' ba zhig yin na ni/ de dag dang mthun pa'i gtam bya'o/ /gal te mi smra ba la dga' ba yin na ni der cang mi smra bar 'dug par bya ba ste/ 'di ni 'khor gyi nang du zhugs pa'i gnas brtan gyi bya ba zhes bya'o/ /gso sbyong gi bya ba gang zhe na/ bcu bzhi pa 'am/ gso sbyong bco lnga pa de nyid kyi tshe/ rang gi rgyud la brtag par bya ste/ mtshan mo'i rgyud dang/ nyon mo'i rgyud dang/ bdag la skabs der ltung ba lta ma byung ngam/ gal te byung ba yod na dge slong yid brtan pa zhig rnyed na ni/ de'i mdun du bshags par bya/ gal te ma rnyed na ni sems kyis byin gyis brlabs pa dang/ gal te nyes pa ma byung na ni sems bskyed par bya/ bdag ni ltung ba de las yongs su dag go zhes tshig tu brjod par bya'o/ /gso sbyong ni tshul khrims yongs su dag par byed pa ste/ 'di ni gso sbyong gi bya ba zhes bya'o/ /gso sbyong gi sngon du bya ba'i bya ba gang zhe na/ dge slong gso sbyong mngon du bshags byung la/ min na mi dang bzhin du yang 'gro bar bya ste/ de yang shes bzhin du 'gro bar byas nas/ snga ma bzhin te/ 'dug pa la mkhas par bya ba'i bar du'o/ /'dug pa nas so sor thar pa'i mdo las ston pa'i snyam pa'i 'du shes mngon du gzhag par bya/ bkur stir bya/ ri mor byas la mnyam par bya/ bla mar bya/ gces par bya/ yid la bzung bar bya/ sems rtse gcig tu bya/ rna ba mi g.yeng bar bya/ sems thams cad kyis gcig tu dmigs nas mnyan par bya'o/ /mnyan nas kyang de lta bur nan tan du bya/ bsgrub par bya ba ni gso sbyong mngon du bya ba zhes bya'o/ /gso sbyong gi las bya ba gang zhe na/ gso sbyong gi las bya ba rnam pa lnga ste/ mngon par smra ba dang/ byin gyis brlabs pa dang/ 'dun pa dang/ yongs su dag pa dang/ dgag dbye dang/ sems kyis byin gyis brlabs pa'o/ /gzhan yang gso sbyong gi las la rnam pa bzhi ste/ chos bzhin ma yin la 'dus par rjes su ma zhugs pa dang/ chos bzhin ma yin la 'dus par rjes su zhugs pa dang/ chos bzhin yin la 'dus par rjes su ma zhugs pa dang/ chos bzhin yin la 'dus par rjes su zhugs pa'o/ /de la chos bzhin du byed pa'i gso sbyong gi las de ni 'di lta ste/ chos bzhin yin la 'dus par rjes su zhugs pa ste/ 'di ni gso sbyong gi las kyi bya ba zhes bya'o/ /so sor thar pa'i bya ba gang zhe na/ bcu bzhi pa 'am/ bco lnga pa'i gso sbyong de nyid kyi tshe/ mtshams dang las kyi nang du phyin pa ji snyed pa de dag thams cad gcig tu 'dus shing 'khod pa dang/ dge 'dun gyi gnas brtan dge slong gis so sor thar pa'i mdo gdon par bya/ so sor thar pa'i mdo la yang ston par 'du shes mngon du bzhag par bya/ bkur sti dang/ rim gror byas la mnyan par bya/ bla mar bya/ ri mor bya/ yid la gzung bar bya/ sems rtse gcig tu bya/ rna ba mi g.yeng ba dang/ gzhan thams cad gcig tu thub par byas la mnyan par bya/ thos nas kyang de bzhin du nan tan bya/ bsgrub par bya ba de ni so sor thar pa'i bya ba zhes bya'o/ /so sor thar pa gdon pa'i bya ba gang zhe na/ so sor thar pa'i gdon pa la rnam pa lnga ste/ gsol bar bya ste/ gleng gzhi bton nas lhag ma rnams ni thos pa bzhin no/ /zhes bsgrags par bya ba de yang so sor thar pa bsgrags na so sor thar pa bton pa zhes bya ste/ 'di ni so sor thar pa bton pa dang po'o/ /gsol ba zhes bya ste/ gleng gzhi bton nas pham par gyur pa bzhi bton te/ lhag ma rnams ni thos pa bzhin no zhes bsgrags par bya ste/ de yang so sor thar pa gdon pa gnyis pa'o/ gso sbyong pa byas te gleng bzhi bton nas pham par 'gyur pa gzhi yang bton dge 'dun lhag ma bcu gsum yang bton nas/ lhag ma rnams ni thos pa bzhin no zhes bsgrags pa ni so sor thar pa bton pa yin te/ 'di ni so sor thar pa gdon pa gsum pa'o/ /gsol ba byas te gleng gzhi bton nas pham par gyur pa bzhi yang bton/ dge 'dun lhag ma bcu gsum yang bton/ ma nges pa'i chos gnyis kyang bton nas lhag ma rnams ni thos pa bzhin no zhes bsgrags pa ni/ so sor thar pa gdon pa yin te/ 'di ni so sor thar pa gdon pa bzhi pa'o/ /so sor thar pa rgyas par bton pa ni lnga pa ste/ 'di ni so sor thar pa gdon pa'i bya ba zhes bya'o/ /so sor thar ba gdon par byed pa'i bya ba gang zhe na/ so sor thar pa gdon pa'i dge slong gis so sor thar pa'i mdo de kha ton gsal por bya/ dran par bya/ shin tu gtan la phebs par bya/ nam 'don pa'i tshe mi 'khrul bar legs par bya/ des bdag gis rgyud kyang brtag par bya ste/ mtshan mo'i rgyud dang nyin mo'i rgyud las bdag la de'i skabs su nyes pa lta byung ngam ma byung ba brtags te/ gal te nyes pa byung bar gyur na yid brtan pa'i dge slong yod na de'i drung du bshags par bya ste/ gal te med na re zhig gso sbyong byas la/ de'i 'og tu bdag gis ltung ba ji ltar chos bzhin du phyir bcos par bya'o snyam du sems kyis byin gyis brlabs par bya'o/ /ji ltar so sor thar pa'i mdo las 'byung ba bzhin du des nan tan du bya ba de ni so sor thar pa gdon par byed pa las bya ba zhes bya'o/ /gnas brtan gyi bya ba gang zhe na/ gal te dge slong rnams khyim pa'i der zan la mgron du bos na/ de'i tshe dge slong gnas brtan gyis snga zad sham thabs bgo bar bya/ bdag rang byung ste 'dug par bya ba de ni gnas brtan gyi bya ba zhes bya'o/ /bar mas bya ba gang zhe na/ dge slong bar mas kyang dge slong gnas brtan mdun du byas nas grong du 'jug par bya'o/ /gal te gnas brtan bshad pa 'am/ gci ba zhig tu thogs na des mi ring bar song la bsdad par bya'o/ /gal te ring du song na grong gis nye 'khor du song la bsdad par bya'o/ /gal te bram ze 'am/ khyim bdag gi spron pa btang na yang gnas brtan 'ongs kyi bar du re shig bsdad dgos so/ zhes smra bar bya'o/ /gal te nang du son pa nyid na yang gnas brtan gyi stan bzhag ste 'dug par bya/ gal te lag chu drangs pa'i tshe gnas brtan la gtad do zhes smras par bya'o/ /gal te gnas brtan 'ongs par gyur na yang 'khod pa thams cad ldang bar bya ste/ 'di ni bar mas bya ba zhes bya'o/ /gsang bu'i bya ba gang zhe na dge slong gsar bus gtsug lag khang du chag chag gdab par bya/ phyag dar bya/ phyag dang dor bar bya/ ba lang gi lci bas zhal zhal 'jam por byug par bya/ chu rnams so sor bcu zhing gzhag par bya/ stan rnams gding bar bya/ zas rnams bskos sar grang bar bya/ sro khang bsgrub pa'i rnam pa bya ste/ der shing bskyal bar bya/ 'bru mar bzhag par bya/ sa dang phye ma gzhag par bya/ chu gzhag par bya/ dge slong gang las khas blangs pa de dag gi las bya bar bya'o/ /kun tu spyod pa gzhan yang rung ste/ thams cad gsar bus bya ba'o/ /'di ltar yang dge slong gsar bus dge slong gnas brtan rnams la pha dang/ phu nu'i 'du shes nye bar gzhag cing/ bkur bsti dang/ bcas pa dang/ bdag la dbang ba dang bcas pa dang/ 'jigs pa'i dbang du 'gyur ba dang/ sangs rgyas dang/ chos dang dge 'dun la dmigs pa'i sems mngon du gzhag par bya'o/ /kun tu spyod pa'i chos rnams ji ltar bcas pa bzhin du rdzogs par bya ba 'di ni/ gsar bus bya ba zhes bya'o/ /gnas brtan dang/ bar ma dang/ gsar bus bya ba gang zhe na/ dge slong gnas brtan dang bar ma dang/ gsar bu thams cad kyis kyang rab tu byung ba'o snyam du sems mngon gzhag par bya/ sangs rgyas bcom ldan 'das mgon mdzad pa la mgon po snyam du 'du shes mngon du gzhag par bya/ mya ngan las 'das pa la gzhol bar bya/ bslab pa'i gzhi ji ltar bcas pa rnams la kun tu spyad par bya/ khyad par du yang 'jug par bya/ gong ma'i khyad par thob pa'i phyir nan tan bya ba 'di ni/ gnas brtan dang ma dang/ gsar bus bya ba zhes bya'o/ /bsro khang du bya ba gang zhe na/ dge slong gis nang du gzhug par 'dod na/ des shes bzhin du 'gro bar bya/ shes bzhin du 'greng bar bya/ shes bzhin du 'dug par bya/ dran pa mngon du gzhag cing sems mi g.yeng bar bya/ spyod lam bzang ba dang/ shin tu mdzes pa dang/ shin tu bsdams pa dang/ sgra bskyud ba dang/ bkur sti dang bcas pa dang/ dbang du gyur pa bcas pa dang/ 'jigs pa'i dbang du 'gyur ba dang bcas pa dang/ yid dman pa'i sems phyag dar ba lta bur bya/ gnas brtan dang/ bar ma dang/ gsar bu la yang byams pa'i sems su bya phan pa'i sems dang rjes su brtse ba'i sems su bya/ pha dang bu dang phu nu po'i 'du shes mngon du bzhag par bya'o/ /dge slong bsro khang gi nang du zhugs pas gtam sna tshogs mi bya/ gtam 'gal ba mi bya'o/ /spyod lam gnyis la 'dzug par bya ste/ 'phags pa'i ci yang mi smra ba 'am/ nges pa'i chos kyi gtam la 'jug par bya ste/ 'di bsro khang gi bya ba zhes bya'o/ /sro khang du khrus bya ba gang zhe na/ bcom ldan 'das kyis dge slong rnams la bsro khang brten pa rjes su gnang ba yang/ rgyags pa'i phyir ma yin/ dregs pa'i phyir ma yin/ brgyan pa'i phyir yang ma yin 'khrul pa'i phyir ma yin gyi/ lus 'di gso ba'i phyir ro/ /sro khang la yon tan rnam pa lnga ste/ rum dang dri ma 'byung ba dang/ pags pa dang/ mdangs gsal ba dang/ pags pa la yod pa'i nad rnams 'byin pa dang/ rlung dang bad kan rnams med par byed pa dang/ bsro khang gis nad med par byed pa'o/ /gzhan yon tan rnam pa lnga ste/ rdul dang dri mas 'byung ba dang/ pags pa dang/ mdangs gsal/ pags pa la yod pa'i nad rnams 'byin pa dang/ rlung dang bad kan med par byed pa dang/ sro khang du skyo ba skyed par byed pa'o/ /dge slong gis sro khang du byed par 'dod na des sngar mkhan po la zhu bar bya/ 'khru ba'i dus su brjod par bya/ shes bzhin du sro khang gi nad? 'jug par bya/ skyil mo krung bcas par bya/ 'dug pa'i 'du shes nye bar gzhag par bya/ khrus bya/ mdun du 'dug ste mi bde bar mi bya/ dran pa mngon du gzhag la las rnams bya/ dge slong gis kyang las byed pa nyams su blang bar bya/ slob dpon dang mkhan po la ma zhus kyi bar du mtshungs pa rnams las mi bya/ med na yang bdag gir mi bya/ slob dpon dang/ mkhan po dang/ zhes 'gras pa de dag dang/ bdag gir mi bzhar/ gal te chus blugs par 'dod na/ chu drang mos bsres la blugs so/ /gal te chu ha cang tsha na yang/ chu tsha'o zhes sbran par bya'o/ /shes bzhin du khrus bya ba/ bsro khang de na khre'u dang/ ril pa dang/ nya phyis dang/ khrus ras dang/ bsro khang gi yo byad gzhan ci yod kyang rung/ legs par gtsang sbra byas te/ gnas gnas su gzhag par bya ba 'di ni/ bsro khang du khrus byed pa'i bya ba zhes bya'o// //bsro khang du gnas brtan gyi bya ba gang zhe na/ bsro khang du gnas brtan gyi gsar bu rnams yo byad la zhugs pa na/ blang bar mi bya/ bsro khang der chung ngu na lus la rdul ba la tsam la yang blang bar mi bya'o/ /gal te dge slong rnams spyod lam rnams mi mdzes pa 'am/ mi bzang bar 'dug gam/ 'on te gtam gyi sbyor ba la zhugs nas dge slong gnas brtan gyis bzlog cing bsgo bar bya'o/ /rjes su bstan par bya/ ji ltar des kun tu spyod pa'i chos bcas pa de lta bur gzugs par bya ba de ni/ bsro khang du gnas brtan gyi bya ba zhes bya'o// //mkhan pos bya ba gang zhe na/ mkhan pos lhan cig gnas pa rnams la bslab par bya/ gsal bar bya/ bsgo bar bya/ rjes su bstan par bya/ sdig pa las bzlog par bya/ dge ba la gzung par bya/ sdig pa'i grogs po yang bsgral bar bya/ dge ba'i bshes gnyen la bzhar bar bya/ lhung bzed kyis bsdu bar bya/ chos gos dang/ dra ba dang/ phur bu dang/ ska rags kyis kyang ngo/ /rjes su dran pa dang/ slar dri ba dang/ khur 'bog pa dang/ kha ton la gzhag pa dang/ yid la byed pa la gzhug par bya/ /nyes pa la slang ba dang/ nad g.yog la sogs pa dang/ spong pa la gzhug par bya ba dang/ nang du yang dag 'jog la zhugs pa dang/ gong ma'i khyad par rtogs par bya ba la/ kun tu spyod tu gzhug par bya ba'o/ /lhan cig gnas la phyogs gang na mi bde bar gnas pa/ de nas 'byung bar bya ba de ni/ mkhan pos bya ba zhes bya'o/ /lhan cig gnas par bya ba gang zhe na/ lhan cig gnas pas mkhan po la ston pa'o snyam du 'du shes mngon du gzhag par bya/ rim gro bya/ myur du ldang bar bya/ myur du 'gro bar bya/ gus par bya/ zhu bar bya ste/ lhan cig gnas pas mkhan po la ma zhus kyi bar du snod sbyad 'drim par res mi bya/ gtsug lag khang skyod res mi bya/ lhung bzed kyi las mi bya/ chos gos kyi las mi bya/ snga res mi bya/ phyi res mi bya/ zla res mi bya rlung la mi spyod par mi bya/ ri la spyod par mi bya/ dur khrod du spyod par mi bya ljongs rgyud par mi bya/ rkang pa dag bkru ba mi bya/ gnas mal bca' bar mi bya/ chu bcu par mi bya/ grong du 'jug par mi bya/ mtshams kyi phyi rol tu 'gro bar mi bya/ mi rigs pa'i gang zag bzhar bar mi bya/ de lta bu'i grong du 'ang 'jug pa 'ang bdag gir mi bya/ de 'dra ba'i drung nas bsnyen bkur yang bdag gis blang bar mi bya/ lhung bzed blang bar mi bya/ chos gos blang bar mi bya/ 'bras blang bar mi bya/ sman blang bar bar mi bya/ yo byad gzhan gang yang rung ba byin na bdag gir mi bya'o/ /de lta bu la bsnyen bkur mi bya/ lhung bzed sbyin par mi bya/ chos gos sbyin par mi bya/ zas sbyin par mi bya/ sman sbyin par mi bya/ yo byad gang yang rung ba sbyin par mi bya/ de 'dra ba'i gang zag gi drung nas lung 'bog pa blang bar mi bya/ dran par bya ba ma yin/ yongs su dri bar bya ba ma yin/ yid la bya ba mi dri'o/ /de lta bu dag la rang lung 'bogs pa mi byin/ dran pa ma yin/ yongs su dri ba ma yin/ yid la bya ba ma bstan te/ bya ba thams cad mkhan po la ma zhus kyi bar du mi bya'o/ /las rnam pa gsum ma gtogs te/ bshang gci dang/ so shing dor ba dang/ mtshams kyi nang du mchod rten la phyag bya ba 'am/ gal te mkhan po'i lhung bzed bkru ba 'am/ bsreg par 'os par gyur na yang de la lhan cig gnas pa ci nas kyang mkhan po'i lhung bzed kyi las bdag gir bya'o zhe 'am/ gzhan byed du gzhug go zhes/ lhan cig gnas pas brtson pa shas chen pos myur du bsgrub par bya'o/ /gal te mkhan pos chos gos drub pa 'am/ bkru ba 'am/ kha bsgyur bar 'os par gyur na yang/ de la bdag gis mkhan po'i chos kyi las bdag gis bya'o zhe 'am/ gzhan byed du gzhug go zhes lhan cig gnas pas/ myur du spro ba bskyed par bya'o/ /gal te mkhan po na bar gyur na yang/ de la bdag nyid kyis mkhan po na ba'i nad g.yog bya'o/ /zhe 'am/ nad g.yog byed du gzhug go zhes lhan cig gnas pas spro ba bskyed par bya'o/ /gal te mkhan po la the tshom zhig skyed par gyur na/ de la ci nas bdag gis mkhan po the tshom du skyes pa bdag nyid kyis slar btsal zhe 'am/ gzhan mkhan po'i the tshom bsal du gzhug go zhes/ lhan cig gnas pas myur du spro ba bskyed par bya'o/ /gal te mkhan po sdig pa can gyi lta ba skyes par gyur na yang de la ci nas bdag gis mkhan po sdig pa'i lta ba skyes par gyur pa de bdag nyid kyis slar btang bar bya'o zhe 'am/ gzhan la slar gtong du gzhug go zhes lhan cig gnas pas myur du spro ba skyed par bya'o/ /gal te mkhan po la chad pa'i mas kyis gcod par byed dam/ bcad kyang rung ste/ nges par 'byung bar bya'o zhes lhan cig gnas pas myur du spro ba skyed par bya'o/ /gal te mkhan pos gnas nas 'byung ba'i las mngon du byed par gyur ram/ byas kyang rung ste/ de la ci nas bdag gis mkhan po la gnas nas byung ba'i las mngon du byed kyang rung byas kyang rung ste/ nges par 'byung snyam du lhan cig gnas pas myur du spro ba bskyed par bya'o/ /gal te mkhan po la dge 'dun lhag ma'i ltung ba byung bar gyur na/ de la ci nas bdag gis mkhan po la spro ba sbyin pa 'am/ gzhi nas spro ba 'am/ spro ba spyad zin na/ mgu bar bya ba sbyin pa 'am/ gzhi nas mgu bar bya ba 'am/ /mgu bar bya ba spyad nas/ dbyung ba sbyin par bya'o zhes/ lhan cig gnas pas spro ba bskyed par gyur na legs spro ba ma skyes na 'gal tshabs can du 'gyur ro// de ltar lhan cig gnas pas mkhan po la/ bya ba ci dang ci yod kyang rung ste/ de la spro ba skyed par bya ba de/ gzhan du mkhan pos kyang lhan cig gnas pa la bya ba ci dang ci yod kyang brtson pa shas chen pos bsgrub par bya ste/ zhu ba rnams ni ma gtogs so// lhan cig gnas pas mkhan po'i stan gding bar bya/ rkang pa bkru ba'i chu dang/ lham yang bshams te/ phyogs gcig tu gzhag par bya/ rkang pa bkru bar bya/ bsku bar bya/ mal bya'o/ /gci ba'i snod dang/ bshad pa'i snod bshams te/ gzhag par bya/ gal te lung zhig nod par gyur na yang lung nod par bya/ yid la byed pa zhig nod dgos pa byung na yang/ yid la byed pas nod par bya ste/ phyogs gcig 'ongs te/ 'dug nas sgom par bya'o/ /nad par langs nas gci ba'i snod dang/ bshad ba'i snod dbyung bar bya/ mkhan po'i rkang pa la nog pos phyag byas te/ mkhan po bde bar mdzad nas/ bde bar bgyis sam/ bde bar spyad dam zhes dri bar bya'o/ /gal te na bar gyur na yang/ na ba'i sman dang g.yog la spro ba bskyed par bya/ gal te mi na ni bde bar bting snyoms su gzhag go / gal te dge 'dun gyi zas zhig gam 'gron du bos pa'i zas kyang rung ste/ mkhan po la dge 'dun gyi zas mchis deng dge ba bde bar spyod cig ces bsgo bar bya'o/ /gal te bsod snyams kyi zas yin na yang/ mkhan po bsod snyoms la gshegs kyis chas shig ces bsgo'o/ /lhan cig gnas pas mkhan po las so shing dang/ chu bde ba dang/ ba lang gi gci ba dang/ phye ma dbul ba dang/ nam mkhan po chas de rnams zin pa de ni lhung bzed dang/ chos gos bstab par bya/ gal te dge 'dun dang/ lhan cig bsod snyoms 'jug na ni/ mkhan po mdun du btang la/ bdag gi gral gang du babs nas 'gro bar bya'o/ /gal te gang zag dang lhan cig bsod snyoms la 'jug na ni mkhan pa'i snam sbyar dang/ lhung bzed dang/ 'khar gsil bkur bar bya/ gal te rlung dang/ char pa dang/ dus drang ba zhig tu gyur na/ mkhan po'i snam sbyar 'og tu bcug la bdag gi steng du dbyung bar bya'o gal te bdag gis yul dro na bdag gi snam sbyar 'og tu bcug la/ mkhan po'i steng du dbyung ste/ lhan cig gnas par mkhan po'i mdun du yongs su zil pa la sogs pa bsal bar bya/ gal te chu 'am/ gang ka 'am/ g.yang sa zhig na mkhan po lag pa las bzung ste/ drang bar bya'o/ /song nas grong mthar phyin pa na/ snam sbyar dang/ lhung bzed dang/ mkhar bsil dbul bar bya/ phul te mkhan po mdun du btang nas greng gi nang du 'jug par bya'o/ /gal te skas sam/ them skas la 'dzeg na yang lhan cig gnas pa mdun du 'dzegs la lag pa nas drang par bya'o/ /der chos dang ldan pa'i rnyed pa grub na yang bdag gis bslang bar bya/ bdag gis bsod snyoms brgyus te/ slar grong gi phyi rol tu phyung nas/ mkhan po'i snam sbyar dang/ lhung bzed dang/ mkhar bsil blangs te/ mkhan po mdun du btang nas gtsug lag khang du 'dod par bya'o// der lhags nas lhung bzed dang/ chos gos bzhag ste/ mkhan po'i gdan gding bar bya/ rkang pa bkru ba'i chu dang/ lham brten te bzhag la rkang pa bkru bar bya'o/ /de nas dus la bab par gyur na/ mkhan po'i lhung bzed kyi gzhi gding zhing/ lhung bzed dbul bar bya'o/ /bdag gis bca' ba dang/ zhim pa dang/ dam pa ci yod pa mkhan po la dbul bar bya/ mkhan pos kyang blang ba'i tshogs rig par bya/ zas kyi bya ba byas pa dang/ bde ba'i chos bsnyad par bya/ ba lang gi lci ba'i phye mas lhung bzed bkrus la/ lhung bzed dang/ chos gos ltar bzhag par bya/ mkhan po la phyag byas nas/ mkhan po bzhin bzhugs sam/ nyin mo spyod par gshegs sam zhes dri bar bya'o/ /gal te nyin mo spyod du 'gro ba na yang mkhan po'i khri dang gding ba dang/ ril ba spyi lugs khyer la mkhan po'i mdun du btang ste/ nyin mo spyod sa gang du spyod pa 'gro bar bya'o/ /song nas mkhan po'i stan bting la lung nod dgos na yang lung ma nod par bya/ yid la byed pa nod dgos na yang yid la byed pa mnos nas phyogs gcig tu song ste bsgom par bya'o/ /de nas dus la bab na mkhan po'i khri'u dang gding pa dang/ ril pa spyi blugs khyer te/ mkhan po mdun du byas la 'gro bar bya'o/ /gal te gso sbyong gi dus la bab te/ 'du bar gyur na mkhan po'i stan ltebs na brkyang bar bya/ brkyang na ni legs par gding bar bya/ de nas dus su bsgo ba 'am/ gaN+Di brdungs kyang rung ste/ lag pa g.yon pas ni mkhan po'i lag pa nas bzung la/ g.yas bas ni me tog thogs la/ mkhan po mdun du byas la/ gso sbyong gnas su 'dod par bya'o/ /nam so sor thar pa'i mdo 'di nod zin nas/ mkhan po'i drung du yongs la mkhan po ci gshegs sam/ chos gsan cing bzhugs shes dri bar bya'o/ /gal te 'gro na ni lag pa g.yon pas ni mkhan po bzung / g.yas pas ni mar me thogs te/ mkhan po mdun du byas la/ gtsug lag khang du 'gro bar bya'o/ /gal te bsro khang du khrus byed par gyur na/ nang par sngar langs mkhan po la ded bsro khang du khrus mdzad kyi char gsol zhes bsgo bar bya'o/ /lhan cig gnas pas mkhan po'i phyir sro khang gi stan dang/ /bri'u dang/ ril pa spyi blugs dang/ khrus ras dang/ bsro khang gi gzhan gang yang rung ste/ khyer la mkhan po'i mdun du byas nas bsro khang du dod par bya/ der 'ongs nas kyang chos gos phyogs cig bzhag la/ mkhan po las mi nye mi rung bar 'dug par bya/ nam mkhan po rdul bar gyur na/ de na lhan cig gnas pa des de la rim bzhin rjes su las rnams byas te/ dang por bkru bar bya/ bkrus nas mdun du byas te/ gtsug lag khang du bskyal bar bya/ de'i 'og tu bdag bsrung bar bya/ gal te lhan cig gnas pa de mkhan po'i drung du dge ba'i chos mi 'phel bar gyur na/ mkhan po la bdag dge slong ming 'di zhes bgyi bas 'di la gtang du gsol zhes smra bar bya'o/ /mkhan pos kyang dge slong 'di ci 'dra/ de'i rjes su 'brang ba dang/ drung na 'dug pa ci 'dra/ 'di lung rnams 'bog gam/ gal te mi 'bog /rjes su ston tam/ gal te mi ston brtag par bya/ dpyad par bya/ de bzhin du brtags dpyad nas/ gal te 'os par gyur na de la gtad par bya/ gal te 'os pa ma yin na ni gzhan la gtad par bya'o/ /gal te mkhan po nyid 'os pa yin te/ tshul dang mi ldan na ma zhus par yong yang bla ste/ 'di ni lhan cig gnas pas bya ba zhes bya'o/ /slob dpon gyi bya ba gang zhe na/ slob dpon gyi nye gnas rnams shes par bya ba nas snga ma bzhin te/ phyogs gang na nye gnas de nyon mongs shing 'dug par gyur na/ phyogs de nas dgug par bya/ dgug tu gzhug par bya ste/ 'di ni slob dpon gyi bya ba zhes bya'o// nye gnas kyi bya ba gang zhe na/ nye gnas kyi slob dpon la ston pa'o snyam du 'du shes mngon du bzhag la/ rim gro bya ba nas/ snga ma bzhin du ma gus kyang 'gro bar bya ba'i bar du ste de ni gnas kyi zhes bya ba zhes bya'o/ /dge tshul gyi bya ba gang zhe na/ dge tshul gyis mkhan po dang slob dpon la ston pa'o/ /snyam du shes mngon du gzhag la rim gro bya ba nas snga ma bzhin no/ /gal te slob dpon dang gzhan po sdig pa can gyi lta ba skyes par gyur na rang gis ltar btang bar bya/ yang na gtong du gzhug par bya/ gal te de ltar brtson pa shas chen pos bsgrub na ni de lta na legs/ mi bsgrub na 'gal tshabs can du 'gyur ro/ /de la yang dge tshul gyis ji ltar slob dpon dang mkhan po la byung zhing byung bar gyur pa rnams la ji ltar bya'o zhes spro ba skyed par bya ba de bzhin du/ slob dpon dang mkhan pos kyang dge tshul ma byung zhing byung bar gyur pa'i rnams ji ltar bya zhes spro ba bskyed par bya'o/ /de la zhu ba rnams ni ma gtogs so/ /dge tshul gyi slob dpon dang/ mkhan po stan gding ba la sogs pa'i bya ba snga ma bzhin te/ bdag nyid tha mar bkru bar bya ba'i bar du 'di ltar dge tshul gyis rtswa sngon po rnams bsgrub par bya'o/ /me tog rnams btog pa bya/ 'bras bu rnams btog par bya/ so shing rnams sbyin par bya/ lhung bzed kyi gzhi lo ma rnams sbyin par rung bar bya ste dge 'dun gyi kun dga' ra bar gnod par byed par gyur na/ der dge slong gis ji ltar mi de mi shor bar zin par bya/ gal te rnam grangs gis kyang ma zin par gyur na/ gzhan dag la bab col du mi smra bar thog mar rgyal po'i gnang cen rnams la bsgo bar bya/ /de'i 'og tu btsan mo dang/ gzhon nu dang/ blon po dang/ khrom gyi nang du sna dang/ zhang blon dang/ zha 'bring gnyug ma rnams la bsgo bar bya'o/ /de la nan tan du bya ba ni tshig gis bstan pa'i mtshams kyis thar par 'gyur gyis/ bsang ba'i las rnams mi 'byung ba ste/ de ni nan tan du bya ba zhes bya'o/ /phyi bzhin 'brang ba'i dge sbyong gi bya ba gang zhe na/ phyi bzhin 'brang ba'i dge sbyong gis/ sngon du 'gro ba'i dge sbyong las ring nas kyang ma yin/ shin tu bsnyen te ma yin/ phrag pa sprad cing 'gro bar mi bya/ khyim gyi nang du 'jug na yang gtam glo bur du de la mi bya/ phyi nas smra bar bya/ des bsgo ba rnams bya'o/ /bkur sti bya/ bdag dman par bya/ 'jigs pa'i dbang du gyur par bya/ sngon du 'gro ba'i dge sbyong gis chos ma yin pa smra na slar dgag par bya/ chos bzhin du smra na rjes su yi rang bar bya/ de la chos dang ldan pa'i rnyed pa byung na blang bar bya ste/ 'di ni phyi bzhin 'brang ba'i dge sbyong gi bya ba zhes bya'o/ /grong du nye bar 'jug pa'i bya ba gang zhe na/ khyim du zhugs pa'i dge slong gis dregs par mi bya/ nga rgyal mi bskyed/ mi bstan par mi bya/ byung rgyal du smra bar mi bya/ mi gtsig? par mi bya/ yang dag par shes par bya/ dran pa nye bar gzhag par bya/ sems mi g.yeng bar bya/ dga' bar 'gyur ba dang/ spyod lam mdzes par bya/ shin tu bsdams pa dang/ shin tu bcabs pa dang/ sgra phyung ba dang/ mi g.yeng ba dang/ gnya' shing gang tsam dang/ mi g.yeng bar bya/ bkur sti dang bcas pa dang/ bdag nyid dman pa dang bcas pa dang/ 'jigs pa'i dbang du gyur pa dang bcas pa dang/ yid dman pa dang/ phyag dang blta bu'i sems su bya/ rnyed pa dang bkur sti la 'dod par mi bya/ phan par byed pa de ni grong du nye bar 'jug par byed pa'i bya ba zhes bya'o/ /grong du nye bar 'gro ba'i bya ba gang zhe na/ dge slong grong du 'gro 'dod na/ shes bzhin du 'gro bar bya/ dran pa nye bar gzhag par bya/ sems mi g.yeng bar bya/ dbang po bsdams par bya/ yid mi g.yeng bar bya/ snga phyi'i 'du shes dang/ bla 'og shes nye bar gzhag par bya'o/ /dge slong dran pa nyams bzhin du grong du 'gro na nyes dmigs rnam pa lngar rig par bya ste/ dus ma yin par dge slong 'khod pa rnams la ma bsgo bar grong du 'jug pa dang/ ma brtags par stan la 'dug pa dang/ reg pa'i skyes pa med par bud med la tsheg lnga 'am/ drug pas lhag par chos ston pa dang/ bud med kyi yul dang lhan cig dben par skyabs yod pa na 'dug par byed pa dang/ nyal po byed par shom pa'i khyim du phyis gnon bya ste stan la 'dug par byed pa'o/ /dge slong dran pa nyams bzhin du grong du 'gro na/ gzhan yang nyes dmigs rnam pa lngar rig par bya ste/ phyir zhing bud med la lta ba dang/ lta ba las kyang gtam zer ba dang/ gtam zer ba las chags par 'gyur pa dang/ chags pa las tshul bzhin ma yin pa yid la byed pa las ma dad? bzhin du mi tshangs par spyod par 'gyur te/ nyes pa byung bar 'gyur ba 'am/ yang na brlab pa phul te babs par 'gyur ba'o/ /dran pa nye bar gzhag pa bzhin du/ grong gi nang du 'jug na nyes dmigs de lta bu 'byung bar mi 'gyur te/ de ni grong du nye bar 'gro ba'i bya ba zhes bya'o/ /grong du nye bar yod pa'i bya ba gang zhe na/ grong du nye bar song ba'i dge slong gtam sna tshogs smra bar bya gtam 'gal bar mi bya/ chos gtam smra bar bya/ gtam rgyud mi chad par bya/ khyim pa rnams la chos yang dag par bstan par bya ba bstabs pa dang/ yang dag par gzeng bstod par bya/ rab tu dga' bar bya/ phyir yang dag par dad par bya/ skyabs su 'gro ba dang/ bslab pa'i gzhi 'dzin du gzhug pa dang/ gso sbyong yan lag brgyad dang ldan pa la gnas pa dang/ tshangs par spyod pa la gnas pa dang/ sbyin ba dang/ dul ba dang/ yang dag par sdom pa dang/ skyes bu dam pa la bsnyen pa dang/ dam pa'i chos mnyan pa dang/ tshul bzhin yid la byed pa dang/ chos kyi rjes su mthun pa'i chos la nan tan du byed pa dang/ lam ma yin pa las lam du de ltar yang dag par bsgrag par bya/ ye shes dang lta ba rnam par spyad par bya ste/ grong du nye bar song ba'i bya ba zhes bya'o/ /grong du nye bar song ba'i gnas brtan gyi bya ba gang zhe na/ grong du nye bar song ba'i dge slong gnas brtan gyis/ de na dge slong gsar bu rnams la bsgo bar bya/ rjes su bstan par bya/ ci nas rgyug pa dang/ dregs pa dang/ lus brtsogs pa dang/ rtsed mo mi byed par bya/ dga' bar 'gyur bar gzhug par bya/ ji ltar kun tu spyod par bcas pa ma gzhug par bya/ de dag gis kyang des ji ltar bsgo ba dang/ rjes su bstan pa'i tshig rnams mnyan par bya ste/ de ni grong du nye bar song ba'i gnas brtan gyi bya ba zhes bya'o// //gnyug mar gnas pa'i bya ba gang zhe na/ gzhi na gnas pa'i dge slong gis mdangs gsal ba dang/ khro gnyer med par bya/ dran pa mngon du 'gro ba dang/ thog mar smra bar bya ste/ tshur shog 'ongs pa legs so zhes tshig snyan pa dang/ tshig yid du 'ong ba dang/ dga' bar 'gyur ba smra bar bya/ glo bur du lhags pa'i dge slong dag mthong na mdza' bshes kyi tshul gyis mdun du bsu bar bya/ snyan pa'i tshig gis rab tu dga' bar bya/ bde bar rgyus sam/ bde bar lhags zhes dri bar bya/ gal te rgan pa yin na ni de la phyag 'tshal nas de'i lhung bzed dang/ chos gos blangs te/ gtsug lag khang gi nang du bcug la/ stan la gzhag par bya/ rkang pa bkru zhing blang bar bya/ skom na chu grang mo blud par bya/ ji ltar nus shing mgu bar 'gyur ba'i chos bzhin bsgyur bar bya/ ji ltar rim bzhin du gnas mal rnams kyang sbyin par bya/ ci'i slad du 'dug pa ma dang/ pha dang/ bu dang/ phu nu bo'i 'du shes mngon du gzhag gzung bar bya'o// na nas ral pa mi dar ro snyam te/ de ni gzhi na gnas pa'i bya ba zhes bya'o/ /ngal bso ba'i bya ba gang zhe na/ glo bur du 'ongs pa'i dge slong gis/ gtsug lag khang du 'dod na/ des gzhi na gnas pa'i dge sbyong dag las gnas mal rnams brkam pas rings su 'dug par mi bya/ snang ba'i gnas su 'dug par bya/ spyod lam par bya/ legs par bgo bar bya/ legs par bsdams par bya/ 'di yang ngal so ba'i bya ba yin te/ gzhin gnas pa'i dge sbyong dag gis/ dge slong glo bur du lhags pa mthong na/ gal te ngo shes na ni ci bder ngal bso bar bya/ ji ltar kun tu spyod pa'i chos bcas pa bzhin du spyad par bya/ gal te ngo mi shes na bab col du ngal bas bar mi bya/ dge slong dag la'ang tshe dang ldan pa 'di su'i lhan cig gis gnas pa yin/ 'di'i spyod pa ji lta bu/ spyod yul ji lta bu/ 'di tshul khrims pa dang/ sdom pa dang/ kun tu spyod pa ji lta bu zhes dri bar bya'o/ /gal te 'di'i spyod pa dang/ spyod yul dang/ tshul khrims dang/ sdom pa dang/ kun tu spyod pa rnams rtogs na gdod ngal bso bar bya'o/ de gcig pu la gtsug lag khang gtad par mi bya/ dge 'dun gyi mdzod dang/ bang ba dang/ dge 'dun gyi mal cha dang/ stan la dbang byed du gzhug par mi bya/ shin tu rtogs par byas la/ gdod yid bcugs par bya ba ni/ ngal bso ba'i bya ba zhes bya'o/ nam mkha' i bya ba gang zhe na/ nam mkha' thams cad mtshams gcig pa ma yin te/ der gnas pa dang/ 'di na gnas pa lhan cig tu las bya ba dang/ phyir bzlog pa yang mi 'chags so/ /'di ni gnas pa dang de na 'dug pa lhan cig tu las bya bar yang mi 'gyur la/ phyir bzlog pa 'ang mi 'chags so/ /dge slong skya rengs ma shar bar chos gos med bzhin 'byung bar mi bya/ dbyar gnas par khas blangs nas zhag bdun nas/ zhag bzhi bcur byin gyis ma brlabs par nam mkha' la byung zhing gnas par mi bya'o// gal te byung zhing gnas na chos gos dang bral bar 'gyur/ dbyar yang ral par 'gyur te/ 'di ni nam mkha' i bya ba zhes bya'o/ /sra brkyang gi bya ba gang zhe na/ sra brkyang la phan yon lnga ste/ zhag gcig ? 'bral ba med pa dang/ zhag bcu'i 'da' ba med pa dang zla ba gcig gis 'da' ba med pa dang/ dri snyed dgos pa'i gos rnams byin gyis ma brlabs par 'chad du rung ba dang/ stod g.yogs dang smad g.yogs kyis ljongs rgyur rung ba'o/ /gzhan yang sra brkyang la phan yon rnam pa lnga ste/ 'dus shing za ba med pa dang/ yang yang zab med pa dang/ phyi ma la ma bsgo bar 'gro ba med pa dang/ chos gos ci dgos pa tshol rung ba dang/ ston zla tha chung nas/ dpyid ra ba'i bar du dbyar gnas par khas blangs pa'i dge slong gi dge 'dun rnams kyis rnyed pa ma bgos shing/ gzhag pa de yang sra brkyang bting ba rnams kyis ma dad pa na gzhan la mi sbyin no/ /de ni sra brkyang gi bya ba zhes bya'o/ /chu tshags gi bya ba gang zhe na/ dge slong chu tshags med par lam du 'gro bar mi bya'o/ /gal te chu rgyun tu 'bab pa de yang/ btung bar 'gyur te/ chu gzhan dang ma 'dres pa zhig gam/ khron pa rung ba zhig gam/ rgyang grags phyed phyed du gtsug lag khang rgyun ma chad par yod na ni ma gtogs so/ /de ni chu tshags kyis bya ba zhes bya'o/ /'chag sa'i bya ba gang zhe na/ bcom ldan 'das kyis 'chag sa gnyis rjes su gnang ste/ bsam gtan la zhugs pa dang kha ton la zhugs pa'o/ /bsam gtan la zhugs pa'i 'chags ni khru bco brgyad do/ /kha ton la zhugs pa'i 'chag sa ni khru bcu gnyis te/ de ni 'chag sa'i bya ba zhes bya'o/ /'chag sa'i bya ba gang zhe na/ dge slong 'chag par 'dod na des drag tu yang ma yin/ ngal nas kyang ma yin par bcag par bya/ shes bzhin du bcag par bya/ dran pa nye bar bzhag pa dang/ dbang po nang du gzhag pa dang/ yid phyir mi 'byung bar bya/ rdeg mi 'chos par bya/ phan tshun mi 'khod? bar bya/ drang por bcag par bya/ gal te drang por bcag mi nus na/ srad bu bre bar bya zhing sprubs su bcug nas/ de la bzung zhing bcag par bya/ de ni bcag pa'i bya ba zhes bya'o// //'phyen gyi bya ba gang zhe na/ ston pa'i mdun du ma yin/ mchod brten gyi drung du ma yin slob dpon dang mkhan po'i drung du ma yin bla ma'i drung du ma yin/ bla ma'i gnas lta bu'i drung du ma yin/ grong gi nang du skye bo mang po 'du ba'i nang du ma yin/ phyi phyir zhing btang bar mi bya/ gal te phyir zhing btong ba zhig tu gyur na/ gnas gud du song ste/ btang bar bya/ de'i rkyen gyis gzhan la mi bde bar mi bya ste/ 'di ni 'phyen gyi bya ba zhes bya'o/ /phyi sa'i bya ba gang zhe na/ dge slong bzhar bar 'dod na/ rno ba'i yo byad kyis bzhar bar mi bya/ rtswa'i chad bus mi bya/ lo ma 'am ras pa 'am/ 'jam pa gzhan gyis bzhar bar bya ste/ de ni bzhar ba'i bya ba zhes bya'o/ /bshad pa'i bya ba gang zhe na/ dge slong gis gar bab bab tu bshad pa mi bya/ rtsig pa'i drung du ma yin/ shin ljon pa'i drung du ma yin/ shes bzhin du bya/ phyogs gcig tu bshad bar bya/ gal te phyi phyir zhing bshad pa zhig tu gyur na/ bshad pa'i skyil mo krung bzhag par bya/ yang na rgyun gyi khung brko bar bya ste/ 'di ni bshad pa'i bya ba zhes bya'o/ /bshad pa'i bya ba gang zhe na/ dge slong bshad par 'gro bar 'dod pas snga nas 'dug pas tshor bar bya ba'i phyir se gol gdab par bya'o/ /sngon du zhugs pas kyang lung pa dbyung bar bya'o/ /shes bzhin du nang du 'gro bar bya'o/ /chos gos legs par brjos nas 'dug par bya'o/ /bshad ba'i khung bur rkang rten gnyis la legs par brtags nas/ dbus su 'dug par bya/ bshad ba mi 'ong na mthus btsir bar mi bya/ 'od ba la yang dgag par mi bya ste/ 'di ni bshad par bya ba zhes bya'o/ /bshad pa'i khur bu'i bya ba gang zhe na/ dge slong bshad par 'dod na dal bus bags kyis shes bzhin du bshad par bya'o/ /bshad sa khung gi kha rnams su gos shing chags par mi bya ste/ 'di ni bshad sa'i khung bu'i bya ba zhes bya'o/ /bshad sa'i gnas kyi bya ba gang zhe na/ bshad sa'i dge slong gnas brtan gyis gsar bu 'dug pa la bslang bar mi bya ba ni chung ngu na bshad sa'i nang du zhugs pa las slar ldog par mi bya ste/ de ni bshad sa'i gnas brtan gyi bya ba zhes bya'o/ /bshad sa'i nye ba khor gyi bya ba gang zhe na/ dge slong gis bshad sa'i nye 'khor na 'greng bar mi bya/ 'dug par mi bya/ bcag bar mi bya/ lung 'bog par mi bya'o/ lung nod par mi bya/ dran par mi bya/ sar dri bar mi bya/ rnal 'byor dang/ yid la byed bar mi bya/ gtam la zhugs shing mi bya/ lhung bzed kyi las mi bya/ so shing bca' bar mi bya/ lag pa dang/ rkang pa bkru bar mi bya/ /cho ga thams cad kyang bshad sa'i phyogs kyi nye 'khor du mi bya'o/ /bshad sa'i gnas su nges par bya ba rnams ni ma gtogs te/ 'di ni bshad sa'i nyen 'khor gyi bya ba zhes bya'o/ /gci ba'i bya ba gang zhe na/ dge slong gis gang bab bab tu gci bar mi bya/ rtsig pa'i drung du gci bar mi bya/ shing ljon pa'i drung du gci bar mi bya/ shes bzhin du bya/ phyogs gcig par bya/ gal te gci ba snyi ba zhig tu gyur na/ gcin snod kyi gyo mo bcad par bya/ yang na khung bu brko bar bya ste/ 'di ni gci ba'i bya ba zhes bya'o/ /gci sa'i bya ba gang zhe na/ dge slong gis gcin sar 'jug par 'dod na/ de snga nas 'jug pas tshor bar bya ba'i phyir se gol brdab par bya ba nas/ snga ma bzhin te/ mi bro mi gtsir bar/ bro ba la mi dgag pa'i bar du ste/ 'di ni gcin sa'i bya ba zhes bya'o/ /gcin sa'i khung gi bya ba gang zhe na/ dge slong gis sa'i khung bu'i khang bags kyis shes bzhin du gci bar bya/ gcin khang mi 'dor ba dang/ mi 'brel bar bya ste/ de ni gcin sa'i khung gi bya ba zhes bya'o/ /gcin sar gnas kyi bya ba gang zhe na/ gci sar dge slong gnas brtan gyis/ gci sar dge slong gsar bu gci zhing 'dug pa bslang bar mi bya'o// //gci sar 'dug pa la bslang bar mi bya ba ni/ tha na gci sar 'dug pa dang zhugs pa bzlog par mi bya ste/ 'di ni gci sar gnas brtan gyi bya ba zhes bya'o/ /gci sa'i nye bar 'khor gyi bya ba gang zhe na/ dge slong gci sa'i nye 'khor du 'grang bar mi bya ba nas snga ma bzhin te/ gci sa'i nye 'khor gyi bya ba ni ma gtogs so zhes bya ba'i bar du/ 'di gci ba'i nyen 'khor bya'o/ /bkru ba'i bya ba gang zhe na/ dge slong gis ma bkrus kyi bar du/ ston pa la bltar 'gro bar mi bya/ mchod rten la ma yin/ slob dpon dang mkhan po la ma yin/ bla mal ma yin/ bla ma'i gnas lta bu la ma yin phyag mi bya/ kha ton mi bya/ lung 'bog par mi bya/ slad mar mi bya/ dran par mi bya/ kun dri bar mi bya/ grong du 'jug par mi bya/ zan la 'dug par mi bya/ skyo mal 'dug par mi bya/ thug pa la 'dug par mi bya/ btung ba la 'dug par mi bya/ chos bshad pa la 'dug par mi bya/ phyogs bzhi'i dge 'dun gyi mal stan la 'dug par mi bya/ na bar gyur na ni nyes pa de yang na mi'i lha chu yin par gyur tam gal te chu ma 'byor tam/ bkrur mi rung ba'i sman btab pa ni ma gtogs te/ de ni bkru ba'i bya ba zhes bya ba'o/ /bkru ba'i gnas kyi bya ba gang zhe na/ bkru ba'i gnas su 'gro ba'i dge slong gis sel gol gtog pa nas snga ma bzhin te/ bkru ba'i gnas su 'dug par mi bya ba'i bar du ste/ de ni bkru pa'i gnas kyi bya ba zhes bya'o/ /bkru ba'i gnas su rkang pa bzhag pa'i bya ba gang zhe na/ khrus byed par 'dod pa'i dge slong bkru ba'i tshe/ khrus sar dge slong gsar bu bslad bar mi bya/ khrus la zhugs pa las mi bslad ba na/ tha na khrus sar zhugs pa la bzlog par yang mi bya ste/ 'di ni khrus sar gnas brtan gyi bya ba zhes bya'o/ /khrus sa'i nyen 'khor gyi bya ba gang zhe na/ dge slong khrus sa'i nyen 'khor du 'greng ba dang/ 'dug par mi bya ba nas/ snga ma bzhin du khrus sa'i nyen 'khor du nges par bya ba rnams ni ma gtogs pa'i bar du ste/ de ni khrus sa'i nyen 'khor gyi bya ba zhes bya'o/ /bla ma'i drung du ma yin/ mchil ma'i bya ba gang zhe na/ de na dge slong gis sgra dang bcas pa'i mchil ma dor bar mi bya/ lces dril nas sos mnan te mi bya/ ston pa'i spyan sngar ma yin/ mchod rten gyi drung du ma yin/ slob dpon dang/ mkhan po'i drung du ma yin/ bla ma'i drung du ma yin/ bla ma'i gnas lta bu'i drung du ma yin/ zan za bar ma yin/ 'byung na ma yin/ yongs su las byed pa'i sar ma yin/ dge slong gis bab bab tu mchil ma dor ba ma yin/ mchil ma bor nas 'phyag bar bya ste/ yang na rkang pas mnye'o/ /yang na sas dgab po/ /dge slong gis mchil ma phyi phyir dor bar mi bya'o/ /gal te phyi phyir zhing dor na de'i rkyen gyis gzhan la bde bar 'gyur ba'i phyir gnas gzhan du 'gro bar bya ste/ de ni mchil ma'i bya ba zhes bya'o/ /mchil ma snod kyi bya ba gang zhe na/ bcom ldan 'das kyis dge slong rnams mdor ba'i phyir/ mchil ma'i snod rnam pa gnyis rjes su gnang ste/ slob dpon gyis byas pa dang/ bdag nyid kyis byas pa'o/ /dge slong gis mchil ma'i snod dus dus dus su brtag par bya/ bskam par bya/ dben par bzhag par bya/ shin tu bkru bar bya/ ci nas kyang de'i rkyen gyis phyi phyir zhing bral bar mi 'gyur bar bya/ de ni mchil ma'i snod kyi bya ba zhes bya'o/ /so shing gi bya ba gang zhe na/ dge slong gis so shing ring po bcad par mi bya/ shin tu thung ba 'ang ma yin/ shin tu sbom pa 'ang ma yin/ shin tu phra ba yang ma yin/ shin tu ring pa 'di ma yin/ ston pa'i spyan sngar ma yin/ mchod rten gyi drung du ma yin/ slob dpon dang mkhan po'i thang du ma yin/ bla ma'i thang du ma yin/ bla ma'i gnas lta bu'i drung du ma yin/ me khang du ma yin/ bkad sar ma yin/ 'chag sar ma yin/ bsro khang du ma yin/ rkang pa bkru ba'i sar ma yin/ gnas khang du ma yin/ bkru ba'i gnas khang chus mi dgang ba dang/ chus mi bsher bar bya ste/ 'di ni bkru gnas su rkang pa bzhag pa'i bya ba zhes bya'o/ /khrus sar dge slong gnas brtan gyis khrus sa'i bya ba gang zhe na/ dge slong gis khrus bya bar 'dod na/ dal bus bags kyis shes bzhin du bkru bar bya/ khrus khang rim khang du ma yin/ sgo khang du ma yin/ bshad pa'i sar ma yin/ rtsig pa'i drung du ma yin/ shing drung du ma yin/ gtsug lag khang gi phyag dar bya ba'i kho ra khor yug du ma yin/ skye bo mang po 'du ba'i gnas thams cad du so shing dor bar mi bya'o/ /dge slong gis rnam pa gsum dben par bya ste/ bshad pa dang/ gci ba dang/ so shing bca' ba'o/ /dge slong so shing 'chos nas de bzhin du mi dor gyi chus bkru bar bya/ yang na rdo bas mnyes par bya/ yang na sa la drung bar bya ste/ 'di ni so shing bya ba zhes bya'o/ /so brung ba'i bya ba gang zhe na/ dge slong gis so shing rnon pos brus par mi bya/ bag med bar? nang du gzhug par mi bya/ ngal bus bags kyis shes bzhin du drung bar ste/ so'i rnyil la drung par mi bya ste/ 'di ni so shing gis drung ba'i bya ba zhes bya'o/ /lce gzhar ba rnon pos bzhar bar mi bya/ bag med bar zhugs par mi bya/ bags kyis ngal bus shes bzhin du lce bzhar bar bya/ lce'i sha gzhar bar mi bya ste/ 'di ni lce gzhar ba'i bya ba zhes bya'o/ /rna spags bru ba'i bya ba zhe na/ dge slong gis rtse mo rnon pos rna spabs bru bar mi bya/ bag med par gzhug par mi bya/ ngal bus bags kyis shes bzhin du rna spags bru bar bya/ rna ba'i sha drung par mi bya ste/ 'di ni rna spangs bru ba'i bya ba zhes bya'o/ /kun tu spyad pa'i bya ba gang zhe na/ dge slong yon tan thams cad gsungs par spyad pa ni spyad pa'o/ kun tu mi spyad pa'i bya ba gang zhe na/ de ltar bzlog pa ni mi spyod pa'o/ /ma mo'i phung po gsum rdzogs te/ ma mo rdzogs so/ //btsun pa 'dul ba'i lus gang lags/ dmigs pa gang lags/ byin gyis brlabs pa ni gang lags/ mtshan nyid gang lags/ gleng gzhi gang lags/ ngo bo nyid gang lags/ 'bras bu gang lags/ nye bar 'khor 'dul ba'i lus ni dmigs pa'i/ /dmigs pa ni nan tan to/ /byin gyis brlab pa ni lu dang/ ngag dang/ yid do/ /mtshan nyid ni las so/ /gleng gzhi ni bsgrags pa'o/ /ngo bo nyid ni nyes pa'o/ /'bras bu ni mtho ris dang thar pa'o// (//btsun pa chos kyi tshong dpon mdzad/ slob dpon dul ba'i ltas bshad pa mdzad/) /rgya gar skad du/ bi na ya sto tra pa da b+ha khya na/ bod skad du/ 'dul ba la bstod pa'i tshig gi rnam par bshad pa/

CLOSE WINDOW