བོད་ཡིག

e-texts based on the ACIP/ALL Input

a b+hi d+harma ko Sho pa yi ka nA ma TI ka/ bod skad du/ chos mngon pa'i mdzod kyi 'grel bshad nye bar mkho ba zhes bya ba/ thams cad mkhyen pa la phyag 'tshal lo/ /'phags pa thugs rje chen po la phyag 'tshal lo/ /gang zhig nyon mongs nyon mongs ma yin pa/ /ma lus shes bya'i yul la sems rmongs shing/ /rgud pa thams cad kyi ni gzhir gyur pa/ /shes rab 'od zer ring pos mthar mdzad cing/ /thugs rje'i thugs ldan chos ston phyag brkyang bas/ /'khor ba'i 'dam las 'gro ba 'dren mdzad pa/ /de la dang po nyid du phyag 'tshal lo/ /rang gzhan grub mdza' ma lus dag / rnam bshad mkhas par rab grags pa/ /kun mkhyen ston pa'i slob dpon ni/ /shAkyas byin gus phyag byas nas/ /de yi zhabs kyi pad rdul la/ /gtugs pas gsal ba'i blo ldan pa/ /dge slong zhi gnas lha yis ni/ /mdzod la mkho ba 'dir bsdu bya/ /gang zhig ces bya ba ni sangs rgyas bcom ldan 'das kyi dbang du byas nas smras pa'o zhes bya ba la/ sangs rgyas kyi sgra ni bde bar gshegs pa nges tshig dang bcas pa la brjod de/ 'di ltar/ 'di skad bdag gis thos pa dus gcig na/ bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs te/ de nas bram ze gzhan zhig bcom ldan 'das gi la ba der nye bar song ste/ nye bar song nas bcom ldan 'das dang thabs gcig yang dag par dga' ba dang/ yang dag bar mgu ba dang/ rab tu dga' bar 'gyur ba'i gtam rnam pa sna tshogs byas te phyogs gcig tu 'dug go / phyogs gcig tu 'dug nas bram ze des bcom ldan 'das la 'di skad ces gsol to/ /gau ta ma sangs rgyas sangs rgyas zhes brjod pa ci khyod kyi ming pha dang mas byas sam/ nges tshig gang gis na sangs rgyas zhes brjod nas/ de nas bram ze des de'i tshe tshigs su bcad pa 'di skad ces gsol to/ /'jig rten rnam par 'dren pa las/ /ming mchog sangs rgyas zhes 'byung ba/ /pha dang ma yis byas sam ci/ /nges tshig gang gis sangs rgyas brjod/ /bram ze la ni rjes brtse bas/ /de la ston pas lung bstan pa/ /bram ze ji ltar sangs rgyas kyi/ /mtshan nyid brjod pa rnyed pa ni/ /sangs rgyas 'du byed 'jig pa yi/ /chos can 'das pa'i dus la gzigs/ /de bzhin ma 'ongs dus dang ni// de bzhin da ltar byung ba gzigs/ /mngon par shes bya mngon shes byed/ /de bzhin bsgom bya sgom byed dang/ /rab dang spang bya spong byed gzigs/ /des na bram ze sangs rgyas brjod/ /gang zhig cung zad shes bya ba/ /thams cad nga yis rab tu mkhyen/ /thams cad mkhyen cing thams cad gzigs/ /des na bram ze sangs rgyas so// 'du byed 'chi 'pho sdug bsngal ba/ /'ba' zhig bskal par bsam byas nas/ /dri ma rdul phral zug rngu med/ /byang chub 'di thob nga sangs rgyas/ /de nas bram ze de bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi drung nas song ngo/ /bcom ldan 'das kyi sgra yang chos kyi phung po las dang po sdud par byed pas nges tshig ji skad du/ bcom ldan 'das zhes bya ba dge ba'i chos rnams kyi skal pa dang ldan pas sam/ dge ba'i chos bsgom pa'i skal pa dang ldan pas sam/ dge ba'i chos rnams bsgom pa'i skal pa dang ldan pa de'i phyir bcom ldan 'das zhes bya'o/ /yang na sangs rgyas bcom ldan 'das lus bsgoms pa/ tshul khrims bsgoms pa/ sems bsgoms pa/ shes rab bsgoms pas che ba'i bdag nyid dpag tu med cing tshad med pa'i chos dang ldan pa de la sangs rgyas bcom ldan 'das zhes bya'o/ /yang na sangs rgyas bcom ldan 'das dbang dang/ nus pa dang/ 'gro ba dang/ mnga' dbang dang/ rab kyi stobs dang/ skal ba dang/ dbang bskur ba mda' bas de la bcom ldan 'das zhes brjod do/ /yang na sangs rgyas bcom ldan 'das 'dod chags bcom pa dang/ zhe sdang bcom pa dang/ gti mug bcom pa dang/ 'di'i sdig pa mi dge ba'i chos nyon mongs pa dang/ yang srid par nad dang bcas pa dang rnam par smin pa sdug bsngal ba la 'ongs pa'i skye ba dang/ rga ba dang/ 'chi ba bcom pa ste/ ji skad du/ 'dod chags bcom zhing zhe sdang bcom/ /gti mug bcom zhing nyon mongs spangs/ /'di yi sdig pa mi dge'i chos/ /bcom pas bcom ldan zhes brjod do/ /zhes bshad pas bcom ldan 'das zhes bya/ yang na sangs rgyas bcom ldan 'das tshangs par spyod pa rab tu spyad nas/ sngon rang nyid kyis ma thos shing mngon par ma shes shing yongs su ma shes pa'i chos rnams phyis byang chub chen po rjes su thob nas mthong zhing chos mngon par shes te/ nyan thos rnams la chos rab tu 'byed pa dang/ yang dag par rab tu 'byed ba dang/ lhan cig chos dang lhan cig brtson pa bsten par byed de/ ji skad du/ gang chos brtson pa bstan pa'i de bzhin gshegs/ /sems can kun la thogs med rjes brtse ba/ /de 'dra lha dang mi yi ston pa ni/ /srid pa'i pha rol son la legs phyag 'tshal/ zhes bshad do/ /de'i phyir bcom ldan 'das zhes bya'o/ /yang na nyan thos gus pa dang bcas pa'i tshig dang/ zhes dang bcas pa'i tshig brjod pas rjes su mthun pas rab tu rigs pa de dag de bzhin gshegs pa la bcom ldan 'das bcom ldan 'das zhes yang dag par brjod de/ des na bcom ldan 'das zhes bya'o/ /'di ltar de dag la sangs rgyas kyi chos dang zhes bya ba la/ bcom ldan 'das na lAn+d+ra'i a mra'i tshal na bzhugs te/ de nas tshe dang ldan pa shA ri'i bu nang du yang dag 'jog las langs te/ bcom ldan 'das gal ba der nye bar song ste/ nye bar 'ong nas bcom ldan 'das kyi zhabs la spyi bos phyag byas nas phyogs gcig tu 'dug go / phyogs gcig tu 'dug nas tshe dang ldan pa shA ri'i bus bcom ldan 'das la 'di skad ces gsol to/ /btsun pa bcom ldan 'das la bdag mngon par rab tu dad de/ dge sbyong ngam bram ze gzhan gang zhig bcom ldan 'das las mngon par shes pa khyad par du 'phags pa gang yang ma byung 'byung bar mi 'gyur/ da ltar yang med de/ 'di lta ste/ mngon par rdzogs par byang chub pa zhes bya ba'o/ /bcom ldan 'das kyis bka' stsal pa/ shA ri'i bu btsun pa bcom ldan 'das la bdag 'di ltar mngon par rab tu dang ste/ dge spyod ngam bram ze gzhan gang zhig bcom ldan 'das las mngon par shes pa khyad par du 'phags pa gang yang ma byung/ 'byung bar mi 'gyur/ da ltar yang med de/ 'di lta ste/ mngon par rdzogs par byang chub pa'o zhes rgya che ba dang drang srong gi dag gi brjod pa mthar gcig tu nges par 'dzin pa/ 'khor gyi nang du seng ge'i sgra sgrogs pa legs so legs so/ /shA ri'i bu ci gang byung bar gyur pa 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas de dag sangs rgyas bcom ldan 'das 'di lta bu'i tshul khrims dang ldan/ sangs rgyas bcom ldan 'das kyi chos 'di lta bu byung/ de lta bu'i shes rab dang/ 'di lta bu'i mngon par shes pa dang/ 'di lta bu'i rnam par grol ba dang/ 'di lta bu'i mang du gnas pa dang ldan pa'i sangs rgyas bcom ldan 'das byung ngo zhes khyod kyis sems kyis dmigs shing rig gam/ btsun pa ma lags so/ /gang ma 'ongs pa'i dus na 'byung bar 'gyur ba'i de bzhin gshegs pa dgra bcom pa yang dag par rdzogs pa'i sangs rgyas de dag sangs rgyas bcom ldan 'das 'di lta bu'i tshul khrims dang ldan pa/ 'di lta bu'i chos/ 'di lta bu'i shes rab/ 'di lta bu'i mngon par shes pa/ 'di lta bu'i rnam par grol ba/ 'di lta bu'i mang du gnas pa dang/ ldan pa sangs rgyas bcom ldan 'das rnams 'byung bar 'gyur ro zhes rig gam/ btsun pa ma lags so/ /da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas pa 'di lta bu'i tshul khrims dang ldan pa/ 'di lta bu'i shes rab/ 'di lta bu'i rnam par grol ba/ 'di lta bu'i mang du gnas pa dang ldan pa zhes bya bar yang shes sam/ btsun pa ma lags so/ /shA ri'i bu khyod kyis 'das pa dang ma 'ongs pa dang da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyi sems kyi rnam grangs mi shes na bsam pa cis ji ste btsun pa bcom ldan 'das la bdag mngon par rab tu dang ste/ dge sbyong ngam bram ze gzhan gang zhig bcom ldan 'das las mngon par shes pa khyad par du 'phags pa gang yang ma byung 'byung bar mi 'gyur da ltar med de/ 'di lta ste rdzogs par byang chub pa zhes bya'o zhes ngag gi brjod pa drang srong gi ngag gi brjod pa rgya che ba mdza' gcig tu nges par 'dzin pa 'khor gyi nang du seng ge'i sgra sgrogs btsun pa bdag gis 'das pa dang ma 'ongs pa dang da ltar byung ba'i de bzhin gshegs pa dgra bcom pa de dag gi thugs kyi rnam grangs ma 'tshal mod kyi/ 'on kyang chos kyi rnam grangs 'tshal te/ 'dir bcom ldan 'das kyis bdag la chos bstan pa gang bla na med pa gong na med pa/ gya nom pa/ ches gya nom pa/ dman pa dang khyad par du 'phags pa dkar po dang nag po mi 'dra ba'i rten cing 'brel bar 'byung ba gsal bar mdzad de/ ji lta ji ltar bcom ldan 'das kyis bdag la chos bstan pa bla na med pa/ gong na med pa/ gya nom pa/ ches gya nom pa/ dman pa dang khyad par du 'phags pa'i chos dkar po dang nag po mi 'dra ba'i rten cing 'brel par 'byung ba rgyas par gsal par mdzad pa de ltar bdag la chos gcig mngon par yongs su shes pa dang/ chos gcig spangs pa mngon par shes pa dang/ chos gcig mngon sum du bya ba mngon par shes pa dang/ chos gcig bsgom pa mngon par shes pa dang/ chos rnams la rtogs pa nye bar 'grol ba dang/ ston pa la rab tu dang bar gyur cing yang dag par rdzogs pa'i sangs rgyas bcom ldan 'das la rtag tu ngo mtshar bar yang shes so/ /shA ri'i bu khyod kyi drung du kha cig nye bar 'ongs te 'di lta bu'i dri ba 'byung ste/ 'das pa'i dus na dge sbyong ngam bram ze dge sbyong gau ta ma las khyad par du 'phags pa byung ngam/ 'di lta ste/ rdzogs par byang chub pa la'o zhes khyod la 'di ltar 'dri ba de la ji ltar lan gdab par bya/ btsun pa bdag gi drung du kha cig nye bar 'ongs te de ltar 'dri ba de la bdag gis med do zhes lan gdab par bgyi'o/ /shA ri'i bu khyod kyi drung du kha cig nye bar 'ongs te 'di skad du 'dri ste/ ma 'ongs pa'i dus na gzhan dge sbyong ngam bram ze dge sbyong gau ta ma las ches khyad du 'phags par 'byung bar 'gyur ram/ 'di lta ste/ rdzogs par byang chub pa la'o zhes 'di skad du 'dri na/ shA ri'i bu ji ltar lan 'debs/ btsun pa bdag gi drung du kha cig nye bar 'ongs te 'di ltar 'dri na 'dri ba de la med do zhes lan gdab par bgyi'o/ /shA ri'i bu khyod kyi drung du kha cig nye bar 'ongs de 'di skad du 'dri ste/ shA ri'i bu da ltar byung ba'i dus na dge sbyong ngam bram ze gzhan kha cig dge sbyong gau ta ma las/ khyad par 'phags pa yod dam/ 'di lta ste mngon par rdzogs par byang chub pa la'o zer na/ de ltar 'dri ba de la shA ri'i bu ji ltar lan 'debs/ btsun pa bdag gi drung du kha cig nye bar 'ongs te 'dri ba de la med do zhes lan gdab par bgyi'o// shA ri'i bu khyod kyi drung du kha cig nye bar 'ongs nas 'di ltar 'di ste/ shA ri'i bu 'das pa'i dus na gzhan dge sbyong ngam bram ze dge sbyong gau ta ma dang 'di lta ste/ mngon par byang chub pa la mnyam zhing mnyam pa yod dam zhes 'di ltar 'dri na/ shA ri'i bu ji ltar lan gdab/ btsun pa kha gcig bdag gi drung du nye bar 'ongs te 'dri na dri ba de la yod do zhes lan gdab par bgyi'o/ /shA ri'i bu khyod kyi drung du kha cig nye bar 'ongs te 'di ltar 'dri ste/ shA ri'i bu ma 'ongs pa'i dus na gzhan dge sbyong ngam bram ze dge sbyong gau ta ma dang 'di lta ste/ mngon par byang chub pa la mnyam zhing mnyam pa 'byung bar 'gyur ram zhes 'di ltar 'dri ba de la shA ri'i bu ji ltar lan gdab/ btsun pa bdag gi drung du kha cig nye bar 'ongs te 'di ltar 'dri na dri ba de la bdag gis yod do zhes lan gdab par bgyi'o/ /shA ri'i bu khyod kyi drung du kha cig nye bar 'ongs te 'di ltar 'dri ste/ shA ri'i bu da ltar byung ba'i dus na dge sbyong ngam bram ze dge sbyong gau ta ma dang mngon par byang chub pa la mnyam zhing mnyam pa yod dam zhes de ltar 'dri na shA ri'i bu ji ltar lan gdab par bya/ btsun pa bdag gi drung du kha cig nye bar 'ongs te 'di ltar 'dri na dri ba de la bdag gis med do zhes lan gdab par bgyi'o// shA ri'i bu khyod kyi drung du kha cig nye bar 'ongs shing 'di skad du 'dri ste shA ri'i bu 'das pa dang ma 'ongs pa dang da ltar byung ba'i dge sbyong dang bram ze kha cig rjes su yi rang la kha cig rjes su yi rang ba ma yin pa ci'i phyir zhes 'di ltar 'dri na/ shA ri'i bu ji ltar ji skad lan gdab par bya/ btsun pa kha cig bdag gi drung du nye bar 'das te 'di ltar 'dri na dri ba de la bdag gis 'di ltar lan gdab par bya ste/ 'das pa'i dus na dge spyod ngam bram ze bcom ldan 'das dang mngon par byang chub pa la mnyam zhing mnyam par byung bar gyur to/ /ma 'ongs pa'i dus na gzhan dge sbyongs dang bram ze bcom ldan 'das dang mngon par byang chub pa la mnyam zhing mnyam pa 'byung bar 'gyur ro/ /gnas ma yin zhing go skabs med de/ de gang snga phyi med par de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ba na gnas ma yin zhing go skabs med la/ gang zhig 'byung ba ni go skabs yod do zhes bcom ldan 'das las bdag gis mngon sum du thos shing mngon sum du 'byung ngo/ btsun pa bcom ldan 'das bla na med pa 'di lta ste mngon par byang chub pa'o nges bcom ldan 'das kyi ma lus pa mngon par shes shing ma lus pa mngon par rab tu khyed nas/ dge sbyong ngam bram ze bcom ldan 'das las 'di lta ste mngon par byang chub pa zhes bya ba mngon par shes pa khyad par 'phags pa dus phyis mngon par shes pa bya ba mngon par shes pa gzhan med do zhes mdo'i dum bu de lung ring po'i sdom gyi tshigs su bcad pa tha ma'i mdo las 'byung ngo/ /de nyid slob dpon sna tshogs blo gros kyis tshigs bcad bzhi brgya par 'god de/ nyan thos kun gyi tog gyur pa/ khyod kyi chos kyi ded dpon po/ /bla na med pa rjes smra bas/ khyod la dngos su nye bar gnas te/ /sangs rgyas chos zab bshad pa la/ /rjes su rigs par sangs rgyas kyi/ /chos shes pa de min zhes smras zhes bshad do/ /yul dang dus shin tu bskal pa dang don rab tu dbye ba zhes bya ba la/ gnas brtan shA ri'i bus skyes bu gzhan 'ga' zhig gi sngon dang phyis kyi mdza' ma shes pas phyogs gcig pa bcom ldan 'das dang shA ri'i bu bzhugs so/ /ji tsam na skyes bu gzhan zhig 'chi ba'i dus byed pa na bcom ldan 'das kyis shA ri'i bu la bka' stsal pa/ shA ri'i bu 'di gang du skye ba ltos shig / de bsam gtan bzhi pa'i sa pa'i lha'i mig mngon sum du byas te bltas pa na de tsam du bskal pa'i skye ba ji tsam pa yul du ma gyur to/ /ting nge 'dzin las 'das? te/ bcom ldan 'das ma 'tshal to zhes smras so/ /bcom ldan 'das kyis bka' stsal pa/ khyod kyis ji tsam du mthong ba de las 'das te/ 'jig rten gyi khams 'di zhes bya bar bud med che ge mo zhes bya ba'i mngal du skyes so zhes bka' stsal to/ /yang bcom ldan 'das dang tshe dang ldan pa shA ri'i bus phyogs gcig bzhugs so/ /ji tsam na skyes bu gzhan zhig mngon du phyogs te 'ongs? so /de la bcom ldan 'das kyis shA ri'i bu la bos te/ shA ri'i bu skyes bu 'di khyod la yun ring po brten pa la ltos/ des bsam gtan bzhi pa'i sa pa'i sngon gyi gnas rnam pa du ma rjes su dran pa'i mngon par shes pa mngon du byas te bltas pa de srid du sngon yun ring du bsten pa ji tsam pa yul du ma gyur to/ /de ting nge 'dzin las langs nas bcom ldan 'das ma 'tshal to zhes smras so/ /bcom ldan 'das kyis bka' stsal pa/ ji tsam khyod kyis mngon pa de las 'das te/ che ge mo zhes bya ba'i rigs dang che ge mo zhes bya ba'i gnyen 'dun du skyes so zhes bka' stsal to/ /yang mngon par 'du bya ba chen pos yun ring du bltas kyang thar pa'i cha dang mthun pa'i dge ba'i rtsa ba ma mthong ba gnas brtan shA ri'i bu la rab tu 'byung ba'i phyir 'ongs pa las bshad pa/ ngas ni 'di yi thar pa yi/ /sa bon shin tu phra ba dag /'byung khung rdo yi gseb na gser/ /bag la zha ba lta bur gzigs/ /bsam gtan shes rab bdag nyid dros/ /gnyis kyis thar pa thob nas ni/ /rang gi bya ba khyod kyi ni/ /mngon du de yis thob par 'gyur/ /spro ba thob kyang las 'di la/ /'bras bu rtsom pa med par min/ /rdo yi nang du gnas pa'i gser/ /ma bzhus 'byung bar mi 'gyur ro zhes bcom ldan 'das kyis rab tu byung nas nyin zhag de la dgra bcom pa thob ces rgyas par ji ltar btsun pa gzhon nu len gyi dpe'i phreng ba las drug pa dang bcu pa'i drug pa las stag gis 'jigs pa'i dpe las bshad do/ /gnas brtan maung+gal gyi bu chen po yang ji ltar yi dwags lnga brgya'i don du gnyer ba bsgrubs nas ma gnas pa'i sa dris pa las de dag las kyi rlung gi shugs kyis 'phangs te 'bad pa chen pos gdungs kyang ma shes so/ /bcom ldan 'das kyis skye bo mang po'i rang gi shes pa sngon du btang nas lhar skyes shing gnas so zhes gtam rgyud brgya pa las lnga pa'i sdom gyi tshigs su bcad pa lnga ba las 'byung ngo/ /lam ma gtogs pa 'dus byas rnams/ zag bcas zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos nas bka' stsal pa/ dge slong dag legs par rab tu nyon la yid la zung shig dang/ zag pa dang bcas pa dang zag pa med pa'i chos rnams bshad par bya'o/ /zag pa dang bcas pa'i chos rnams gang zhe na/ gzugs gang 'das pa dang ma 'ongs pa dang da ltar byung ba la rjes su chags pa dang khong khro ba skye ba dang/ ji srid du tshor ba dang/ 'du shes dang/ 'du byed dang/ rnam par shes pa 'das pa dang/ ma 'ongs pa dang da ltar byung ba la rjes su chags pa dang khong khro ba skye ba 'di ni zag pa dang bcas pa zhes bya'o/ /gzugs gang 'das pa dang ma 'ongs pa dang da ltar byung ba la rjes su chags pa dang khong khro ba mi skye ba dang/ ji srid du tshor ba dang/ 'du shes dang/ 'du byed dang/ rnam par shes pa 'das pa dang/ ma 'ongs pa dang da ltar byung ba la rjes su chags pa dang khong khro ba mi skye ba 'di ni zag pa med pa zhes bya'o/ /dge slong dag? ngas zag pa dang bcas pa dang zag pa med pa ji skad bshad pa 'dir rab tu bshad do/ /de skad ces bka' stsal pa dang/ dge slong de dag bcom ldan 'das kyis gsungs pa la mngon par dga' o/ /'dir mdo las gzugs gang 'das pa dang ma 'ongs pa dang d a ltar byung ba la rdzas su chags pa dang khong khro ba mi skye ba zhes rjes su chags pa dang khong khro ba rang gi ris tsam la dmigs pas rgyas pa skye ba gcig cing log par lta ba lam gyi bden pa dmigs kyang de'i gnyen po yin pas mi rgyus pas zag pa med pa zhes bshad par 'gyur ro/ /'o na gang 'gog pa ni 'dra ba ma yin no zhes gang bye brag tu bshad pa chen po las 'byung ba dang/ chos sbyin gyi mdo las/ de la 'gog pa ni 'dra ba ma yin no zhes 'don pa don la khyad par med do/ /de ji ltar zhe na bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs te/ de'i tshe de'i dus na dge slong ma chos sbyin mnyan yod na rgyal po'i kun dga' ra ba na dge slong ma'i dbyar? khang na gnas so/ /de nas tshe dang ldan pas ga dge slong ma chos sbyin gang na ba der nyi bar 'ongs te/ dge slong ma chos sbyin gyi zhabs la spyi bos phyag byas nas phyogs gcig tu 'dug go /phyogs gcig tu 'dug nas dge bsnyen sa gas dge slong ma chos sbyin la 'di skad ces gsol to/ / 'phags ma dri ba lung ston pa la skabs 'byed na phyogs 'ga' zhig yongs su 'dri'o/ /tshe dang ldan pa sa ga nyon cig dang dri ba rig par bya'o/ /'phags ma 'jig tshogs zhes brjod pa dang/ 'jig tshogs kun 'byung ba zhes brjod pa dang/ 'jig tshogs 'gog pa zhes brjod pa/ 'phags ma 'jig tshogs ni gang /'jig tshogs kun 'byung ba dang/ 'jig tshogs 'gog pa ni gang/ tshe dang ldan pa sa ga nye bar len pa'i phung po lnga ni 'phags pa'i chos kyi gsung rab las 'jig tshogs zhes bya'o/ /lnga gang zhe na/ gzugs nye bar len pa'i phung po dang/ tshor ba dang/ 'du shes dang/ 'du byed dang/ rnam par shes pa nye bar len pa'i phung po'o/ /'jig tshogs la lta ba kun 'byung can ni mang srid par dga' ba'i 'dod chags dang lhan cig pa'i srid pa ste/ de dang de la mngon par dga' ba'o/ /'jig tshogs 'gog pa ni yod srid par dga' ba'i 'dod chags dang lhan cig pa'i sred pa de dang de la mngon par dga' ba ma lus pa spangs shing nges par 'byung ba zad pa 'dod chags dang bral ba 'gog pa nye bar zhi ba grub pa'o/ /'phags ma ji ltar 'jig tshogs la lta ba 'byung bar 'gyur zhe na/ tshe dang ldan pa sa ga byis pa so so'i skye bo thos pa dang mi ldan pa gzugs bdag yin no zhes yang dag par rjes su mthong/ gzugs bdag dang ldan/ bdag la gzugs yod/ gzugs la bdag gnas zhes yang dag par rjes su mthong zhing/ de bzhin du tshor ba dang/ 'du shes dang/ 'du byed dang/ rnam par shes pa bdag yin rnam par shes pa bdag dang ldan/ bdag la rnam par shes pa yod/ rnam par shes pa la bdag gnas zhes yang dag par rjes su mthong ste/ 'jig tshogs la lta ba kun 'byung bar 'gyur ro/ /'phags pa ji ltar 'jig tshogs la lta ba 'byung bar mi 'gyur zhe na/ tshe dang ldan pa sa ga 'phags pa nyan thos thos pa ldan pas gzugs bdag yin/ gzugs bdag dang ldan/ bdag la gzugs yod gzugs la bdag gnas zhes yang dag par rjes su mi mthong ste/ tshor ba dang/ 'du shes dang/ 'du byed dang/ rnam par shes pa bdag yin/ rnam par shes pa bdag dang ldan/ bdag la rnam par shes pa yod/ rnam par shes pa la bdag gnas zhes yang dag par rjes su mi mthong ste/ des na 'jig tshogs la lta ba kun 'byung bar mi 'gyur ro/ /'phags ma phung po dang nye bar len pa'i phung po zhes brjod pa/ 'phags ma ci phung po gang yin pa de nyid nye bar len pa'i phung po yin nam/ 'on te phung po gzhan nyid yin zhing nye bar len pa'i phung po yang gzhan nyid yin/ tshe dang ldan pas gnye bar len pa'i phung po gang yin pa ni phung po yin no/ /phung po ni nye bar len pa'i phung po ma yin no/ /phung po ni nye bar len pa'i phung po yin pa ni gang/ phung po yin laN+De bar len pa'i phung po ma yin pa ni gang zhe na/ tshe dang ldan pa sa ga gzugs gang zag pa dang bcas pa nye bar len pa dang bcas pa dang/ tshor ba dang/ /'du shes dang/ 'du byed dang/ rnam par shes pa gang zag pa dang bcas pa nye bar len pa dang bcas pa 'di phung po yang 'di yin yang 'di yin la nye bar len pa'i phung po yang yin no/ /gzugs gang zag pa med cing nye bar len pa med pa dang/ tshor pa dang/ 'du shes dang/ 'du byed dang/ rnam par shes pa zag pa med cing nye bar len pa med pa 'di ni phung po yin la nye bar len pa'i phung po ma yin pa zhes bya'o/ /'phags ma gang 'di phung po gsum po tshul khrims kyi phung po dang/ ting nge 'dzin gyi phung po dang/ shes rab kyi phung po dang/ gang yang 'phags pa'i lam yan lag brgyad pa zhes 'byung ba ci phung po gsum gyi 'phags pa'i lam yan lag brgyad bsdus sam/ 'on te 'phags pa'i lam yan lag brgyad kyis phung po gsum bsdus/ tshe dang ldan pa sa ga phung po gsum gyis 'phags pa'i lam yan lag brgyad pa bsdus kyi/ 'phags pa'i lam yan lag brgyad kyis ni phung po gsum bsdus pa ma yin no/ /ji ltar phung po gsum gyis 'phags pa'i lam yan lag brgyad bsdus shing 'phags pa'i lam yan lag brgyad kyis phung po gsum ma bsdus zhe na/ tshe dang ldan pa sa gang la yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dag ni bcom ldan 'das kyis tshul khrims kyi phung por bshad do/ /gang yang yang dag pa'i dran pa dang/ yang dag pa'i ting nge 'dzin ni bcom ldan 'das kyis ting nge 'dzin gyi phung por bshad do/ /gang yang yang dag pa'i lta ba dang/ yang dag pa'i rtog pa dang/ yang dag pa'i rtsol ba ni bcom ldan 'das kyis shes rab kyi phung por bshad do/ /tshe dang ldan pa sa ga des na phung po gsum gyis 'phags pa'i lam yan lag brgyad bsdus shing 'phags pa'i lam yan lag brgyad kyis ni phung po gsum ma bsdus par rig par bya'o/ /'phags ma lam 'dus byas sam 'on te 'dus ma byas pa/ tshe dang ldan pa sa ga 'dus byas so/ /'phags ma 'gog pa 'dra ba yin nam/ tshe dang ldan pa sa ga 'dra ba ma yin no/ /'phags ma bsam gtan dang po yan lag du zhig dang ldan/ /tshe dang ldan pa sa ga yan lag lnga dang ldan te/ rtog pa dang/ dpyod pa dang/ dga' ba dang/ bde ba dang/ sems rtse gcig pa'o/ /'phags pa ting nge 'dzin dang/ ting nge 'dzin gyi rgyu mtshan dang/ ting nge 'dzin gyi stobs dang/ ting nge 'dzin sgom pa zhes 'byung ba/ 'phags ma ting nge 'dzin ni gang/ ting nge 'dzin rgyu mtshan dang/ ting nge 'dzin gyi stobs dang/ ting nge 'dzin sgom ba ni gang/ tshe dang ldan pa sa ga dge ba'i sems rtse gcig pa ni ting nge 'dzin to/ /dran pa nye bar gzhag pa bzhi ni ting nge 'dzin gyi rgyu mtshan no/ /yang dag par spong ba bzhi ni ting nge 'dzin gyi stobs so/ /chos 'di rnams nyid la bsnyen par byed/ nye bar bsnyen par byed/ gnas par byed/ sgom zhing sbyor ba ni ting nge 'dzin gyi sgom pa zhes bya'o/ /'phags ma 'du byed 'du byed ces 'byung ba/ 'phags ma 'du byed rnams gang/ tshe dang ldan pa sa ga lus kyi 'du byed dang/ ngag gi 'du byed dang/ yid kyi 'du byed dang gsum mo// 'phags ma lus kyi 'du byed gang/ ngag gi 'du byed gang/ yid kyi 'du byed gang/ tshe dang ldan pa sa ga dbugs 'byung ba dang rdub ba ni lus kyi 'du byed ces bya'o/ /rtog pa dang dpyod pa ni ngag? gi 'du byed ces bya'o/ /'du shes dang sems pa ni yid kyi 'du shes ces bya'o/ /'phags ma dbugs 'byung ba dang rdub pa ci'i phyir lus kyi 'du byed ces bya/ 'phags ma rtogs pa dang dpyod pa ci'i phyir ngag? gi 'du byed ces bya/ 'du shes dang sems pa ci'i phyir yid kyi 'du byed ces bya/ tshe dang ldan pa sa ga dbugs 'byung ba dang rdub pa ni lus kyi chos te/ lus la brten pa lus dang 'brel pa lus la brten te rab tu 'jug pas de'i phyir dbugs 'byung ba dang rdub pa lus kyi 'du byed ces bya'o/ /rtog pa dang dpyod pas ni brtags shing dpyad nas smras pa de'i phyir rtog pa dang dpyod pa la ngag? gi 'du byed ces bya'o/ /'du shes dang sems pa ni sems las 'byung ba'i chos te/ sems kyi rjes su 'gro ba sems la brten pa sems dang 'brel pa sems la rab tu brten nas 'jug pas de'i phyir 'du shes dang sems ba la yid kyi 'du byed ces bya'o/ /'phags ma gang gi tshe chos nges lus bor nas sems med pa'i shing bzhin du gnas pa de'i tshe lus btang nas gnas par 'gyur ba'i chos de gang zhe na/ tshe dang ldan pa sa ga tshe dang drod dang rnam par shes pa gsum gyis te/ tshe dang drod dang rnam shes kyis/ /gang tshe lus 'di 'dor byed cing/ khor nas de tshe gnas pa ni/ /sems med ji ltar shing bzhin no/ /'phags ma shi zhing dus las 'das pa dang? 'gog pa la snyoms par zhugs pa bsam pa 'am rgyu tha dad pa 'am/ khyad par 'ga' zhig yod dam/ tshe dang ldan pa sa ga shi zhing dus las 'das pa dang 'gog pa la snyoms par zhugs pa bsam pa 'am rgyu tha dad pa 'am/ khyad par rnam pa mang du yod de/ tshe dang ldan pa sa ga shi zhing dus las 'das pa ni lus kyi 'du byed 'gags shing sems kyi 'du byed dang ngag gi 'du byed 'gags par gyur la tshe dang drod dang bral zhing dbang po rnams gzhan du gyur cing rnam par shes pa lus las 'da' bar 'gyur ro/ /'gog pa la snyoms par zhugs pa ni lus kyi 'du byed 'gag par 'gyur zhing ngag? gi 'du byed dang sems kyi 'du byed 'gag par 'gyur yang tshe dang drod/ 'gag par mi? 'gyur zhing dbang du gzhan du 'gyur ba dang/ rnam par shes pa lus las 'da' bar mi 'gyur ro/ /gang tshe dang ldan pa sa ga shi zhing dus las 'das pa dang 'gog pa la snyoms par zhugs pa 'di'i bsam pa dang rgyu dang khyad par yin no/ /'phags ma ji ltar 'geg? pa la snyoms par 'jug par 'gyur/ tshe dang ldan pa sa ga dge slong 'gog pa la snyoms par zhugs pa na bdag 'di ltar 'gog pa'i snyoms par 'jug pa la zhugs par bya'o snyam mi sems kyang 'di'i sems sngon de lta de ltar yongs su sbyangs shing yongs su sbyangs ba byas ji lta ji ltar de dang de la nye bar gnas par 'gyur ro/ /'phags ma ji ltar 'gog pa las ldang bar 'gyur ro/ /tshe dang ldan pa sa ga dge slong 'gog pa la gnas pa ldang ba na 'di ltar bdag 'gog pa las langs shing ldang bar bya'o snyam du mi sems kyang 'di sems sngon nyid du de lta de ltar yongs su sbyangs shing yongs su sbyang ba byas pa ji lta ji ltar de dang de la re bar gnas par 'gyur ro/ /'phags ma dge slong 'gog pa la snyoms par zhugs pa ni lus kyi 'du byed dam/ ngag gi 'du byed dam/ sems kyi 'du byed kyi chos du zhig dang po nyid du 'gag par 'gyur/ tshe dang ldan pa sa ga dge slong 'gog pa la snyoms par zhugs pa dang po nyid du ngag? gi 'du byed 'gag par 'gyur ro/ /de nas ni lus dang yid kyi 'du byed do/ /'phags ma dge slong 'gog pa la snyoms par zhugs pa langs pa na dang po nyid du lus kyi 'du byed dam/ ngag gi 'du byed dam yid kyi 'du byed kyi chos du zhig skye bar 'gyur zhe na/ tshe dang ldan pa sa ga dge sbyong 'gog pa la snyoms par zhugs pa las langs pa na dang po nyid du yid kyi 'du byed skye bar 'gyur ro/ /de nas ni lus dang ngag gi 'du byed do/ /'phags ma dge slong 'gog pa las langs pa sems zhing la gzhol zhing zhing la 'bab pa dang gang la bab par 'gyur/ tshe dang ldan pa sa ga dge slong 'gog pa las langs pa'i sems dben pa la gzhol ba dang/ dben pa la 'bab pa dang/ dben pa la bab par 'gyur ro/ /thar pa la gzhol zhing thar pa la 'bab pa dang thar pa la bab par 'gyur ro/ /mya ngan las 'das pa la gzhol zhing mya ngan las 'das pa la 'bab pa dang/ mya ngan las 'das pa la bab par 'gyur ro/ /'phags ma dge slong 'gog pa las langs pa reg pa gang la reg /tshe dang ldan pa sa ga mi g.yo ba dang/ cung zad med pa dang/ mtshan ma med pa gsum la'o/ /'phags ma dge slong 'gog pa la snyoms par zhugs pa chos mang po du zhig byed par 'gyur/ tshe dang ldan pa sa ga dri pa 'di ni thog ma nyid du dri bar bya ba dang da ltar byas kyang lung bstan par bya'o/ /dge slong 'gog pa la snyoms par zhugs pa chos gnyis kyis mang po byed par 'gyur te/ zhi gnas dang/ lhag mthong ngo/ /'phags ma tshor ba gang/ tshe dang ldan pa sa ga gsum ste/ bde ba dang/ sdug bsngal ba dang/ bde ba yang ma yin sdug bsngal ba yang ma yin pa'o/ 'phags ma bde ba'i tshor ba ni gang/ sdug bsngal ba'i tshor ba ni gang/ bde ba yang ma yin sdug bsngal yang ma yin pa'i tshor ba ni gang/ tshe dang ldan pa sa ga bde ba'i tshor ba'i rig pa las skyes pa lus dang sems kyi bde ba dang dga' ba myong ba ni bde pa'i tshor ba zhes bya'o/ /gang sdug bsngal myong ba'i reg bya reg pa las skyes? pa lus dang sems kyi sdug bsngal ba dang mi bde ba tshor zhing rig pa ni sdug bsngal gyi tshor ba zhes bya'o/ /gang sdug bsngal yang ma yin bde ba yang ma yin pa'i reg bya reg pa las skyes pa lus dang sems kyi sdug bsngal yang ma yin bde ba yang ma yin pa dang/ dga' ba yang ma yin pa dang mi dga' ba yang ma yin pa myong ba ni bde ba yang ma yin sdug bsngal ba yang ma yin pa zhes bya'o/ /'phags ma bde ba'i tshor ba la gang zhig rgyas par 'gyur/ sdug bsngal gyi tshor ba la gang zhig rgyas par 'gyur/ bde ba yang ma yin sdug bsngal ba yang ma yin pa'i tshor ba la gang zhig rgyas par 'gyur/ tshe dang ldan pa sa ga bde ba'i tshor ba la 'dod chags rgyas par 'gyur ro/ sdug bsngal gyi tshor ba la zhe sdang rgyas par 'gyur ro/ /bde ba yang ma yin sdug bsngal ba yang ma yin pa'i tshor ba la gti mug rgyas par 'gyur ro/ /'phags ma bde ba'i tshor ba thams cad la 'dod chags rgyas par 'gyur ram/ sdug bsngal gyi tshor ba thams cad la zhe sdang rgyas par 'gyur ram/ bde ba yang ma yin sdug bsngal ba yang ma yin pa'i tshor ba thams cad la gti mug rgyas par 'gyur ram/ tshe? dang ldan pa sa ga bde ba'i tshor ba thams cad la 'dod chags rgyas pa ma yin la/ sdug bsngal gyi tshor ba thams cad la zhe sdang rgyas pa ma yin zhing bde ba yang ma yin sdug bsngal ba yang ma yin pa'i tshor ba thams cad la gti mug rgyas pa ma yin mod kyi/ bde ba'i tshor ba gang la 'dod chags rgyas par mi 'gyur zhing spong bar 'gyur ba yod la/ sdug bsngal gyi tshor ba gang la zhe sdang rgyas par mi 'gyur zhing spong bar 'gyur ba yod la/ bde ba yang ma yin sdug bsngal ba yang ma yin pa'i tshor ba la gti mug rgyas par mi 'gyur zhing spong bar 'gyur ba yang yod do/ /'phags ma bde ba'i tshor ba 'dod chags rgyas par mi 'gyur zhing spong bar 'gyur ba gang/ tshe dang ldan pa sa ga 'di la 'phags pa nyan thos 'dod pa las dben pa/ sdig pa mi dge ba'i chos las dben pa rtog pa dang bcas shing dpyod pa dang bcas pa dben pa las skyes? pa'i dga' ba dang bde ba can bsam gtan dang po la nye bar bsgrubs te gnas so/ /de rtog pa dang dpyod pa nye bar zhi nas nang yongs su dang ba sems kyi rnam pa gcig tu gyur nas rtog pa med pa dang dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa nye bar bsgrubs te gnas so/ /de dga' ba las 'dod chags dang bral nas btang snyoms su gnas te dran pa dang shes bzhin can bde ba lus kyis so sor myong zhing gang 'phags pa rnams kyi btang snyoms pa'o zhes brjod pa dran pa dang bde bar gnas pa bsam gtan gsum pa nye par bsgrubs te gnas so/ /'di ni bde ba'i tshor ba la 'dod chags rgyas par mi 'gyur zhing spong bar 'gyur ba zhes bya'o/ /'phags ma sdug bsngal gyi tshor ba la zhe sdang rgyas par mi 'gyur zhing spong bar 'gyur ba gang / tshe dang ldan pa sa ga 'di la 'phags pa nyan thos thar pa bla ma la 'dod pa skyed de bdag nam de'i skye mched nye bar bsgrubs te gnas par 'gyur/ gang gi tshe 'phags pa'i skye mched nye bar bsgrubs nas gnas zhes thar pa bla ma 'dod pa dang/ don du gnyer ba dang/ yongs su gdung ba dang/ yid mi bde ba 'di ni sdug bsngal gyi tshor ba zhe sdang rgyas par mi 'gyur zhing spong bar 'gyur ba zhes bya'o/ /'phags ma bde ba yang ma yin sdug bsngal ba yang ma yin pa'i tshor ba la gti mug rgyas par mi 'gyur zhing spong bar 'gyur ba gang zhe na/ tshe dang ldan pa sa ga 'di la 'phags pa nyan thos bde ba yang spangs/ sdug bsngal ba yang spangs shing snga ma bzhin du yid bde ba dang mi bde ba nub cing bde ba yang ma yin sdug bsngal ba yang ma yin pa btang snyoms dang dran pa yongs su dag pa bsam gtan bzhi pa nye bar bsgrubs te gnas so/ /'di ni bde ba yang ma yin sdug bsngal ba yang ma yin pa'i tshor ba la gti mug rgyas par mi 'gyur zhing spong bar 'gyur ba zhes bya'o/ /'phags ma bde ba'i tshor ba cis bde ba yin/ cis sdug bsngal ba yin/ cis nye bar 'tshe ba yin/ sdug bsngal gyi tshor ba cis bde ba yin/ cis sdug bsngal ba yin/ cis nye bar 'tshe ba yin/ bde ba yang ma yin sdug bsngal ba yang ma yin pa'i tshor ba cis bde ba yin/ cis sdug bsngal ba yin/ cis nye bar 'tshe ba yin/ tshe dang ldan pa sa ga bde ba'i tshor ba skye ba na yang bde/ gnas pa na yang bde/ yongs su gyur pa na sdug bsngal te/ gang mi rtag pa de yis nye bar 'tshe ba yin no/ /sdug bsngal gyi tshor ba skye ba na yang sdug bsngal/ gnas pa na yang sdug bsngal/ /yongs su 'gyur ba na bde ste/ gang gi tshe mi rtag pa de'i tshe nye bar 'tshe ba yin no/ /bde ba yang ma yin sdug bsngal yang ma yin pa'i tshor ba mi shes pa sdug bsngal/ ye shes skyes na bde ba/ gang gi tshe mi rtag pa de nye bar 'tshe ba yin no/ /'phags ma bde ba'i tshor ba rab tu rnam par 'byed pa gang/ sdug bsngal gyi tshor ba'o/ /sdug bsngal gyi tshor ba'i rab tu rnam par 'byed pa gang/ bde ba'i tshor ba'o/ /bde ba dang sdug bsngal gyi tshor ba'i rab tu rnam par 'byed pa gang/ bde ba yang ma yin sdug bsngal ba yang ma yin pa'i tshor ba'o/ /bde ba yang ma yin sdug bsngal ba yang ma yin pa'i tshor ba'i rab tu 'byed pa gang/ ma rig pa'o/ /ma rig pa'i rab tu rnam par 'byed pa gang rig pa'o/ /rig pa'i rab tu rnam par 'byed pa gang/ tshe dang ldan pa sa ga mya ngan las 'das pa'o/ /'phags ma mya ngan las 'das pa'i rab tu rnam par 'byed pa gang/ tshe dang ldan pa sa ga ring ba bas kyang shin tu ring bar 'di'i mdza' bsdu bar nus pa ma yin no/ /bcom ldan 'das kyi drung du mya ngan las 'das par 'gro ba dang/ mya ngan las 'das pa'i mthar 'gyur ba sdug bsngal zad par 'gyur ba yang dag pa'i tshangs par spyod pa dpyad par bya'o/ /de nas dge bsnyen sa ga dge slong ma chos sbyin gyi bshad pa la dga' zhing yi rang nas/ dge slong ma chos sbyin gyi rkang ba la phyag byas nas langs te song ngo/ /dge bsnyen sa ga song nas ring po ma lon par dge slong ma chos sbyin bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag 'tshal nas phyogs gcig tu 'dug go /phyogs gcig tu 'dug nas dge slong ma chos sbyin gyi dge bsnyen sa ga dang lhan cig ji srid du gtam brjod par gyur pa thams cad bcom ldan 'das la rgyas par zhus so/ /bcom ldan 'das kyis dge slong ma chos sbyin la 'di skad ces bka' stsal to/ /chos sbyin legs so legs so/ /de la yang dge bsnyen sa ga don 'di nyid dang/ tshig 'di nyid dang/ yi ge 'di nyid kyi dri ba 'dri na nga yang don 'di nyid dang tshig dang yi ge 'di nyid kyis bstan pa bzhin du lung bstan par bya'o/ /de skad ces bka' stsal ba dang/ dge slong ma chos sbyin bcom ldan 'das kyis gsungs pa la rjes su yi rang zhing mngon par dga' o/ /'dir sdom la/ 'jig tshogs lta bas dri bya gsum/ /lta ba gnyis kyi bya ba dang/ /phung po lnga gsum lam dang ni/ /'gog pa'i tshig ni bcu ba yin/ /ting 'dzin yan lag du yod dang/ /'du byed phung po du zhig dang/ /tshor bas dri ba drug dang ni/ /rab tu rnam dbye rnam pa drug /de dag nyid dus zhes bya ba la/ gleng gzhi ni mnyan du yod pa na'o/ /dge slong dag dus ni rnam pa gsum ste/ gsum gang zhe na/ 'das pa'i dus dang/ ma 'ongs pa'i dus dang/ da ltar byung ba'i dus so zhes bka' stsal to// //gtam bzhi dang zhes bya ba la/ gleng gzhi ni mnyan du yod pa na'o/ /dge slong dag gtam gyi gzhi ni gsum ste/ bzhi pa med cing lnga pa med de/ ngas 'di lta bu mthong zhes mkhas pa rnams mthong ba'i don las brtsams te gtam brjod cing smra ba dang/ ngas 'di lta bu rnam par shes so zhes thos pa dang/ bye brag phyed ba dang/ rnam par shes pa'i don las brtsams te gtam brjod cing smra ba ste/ gsum gang zhe na/ 'das pa'i gtam gyi gzhi dang/ ma 'ongs pa dang da ltar byung ba'i gtam gyi gzhi'o/ /'das pa'i gtam gyi gzhi gang zhe na/ 'di la mkhas pa dag 'das pa'i dus na/ 'di lta bu byung ngo zhes 'das pa'i dus las brtsams te/ gtam brjod cing smra ba ni 'das pa'i dus kyi gtam gyi gzhi zhes bya'o/ /ma 'ongs pa'i gtam gyi gzhi gang zhe na/ 'di la mkhas pa dag ma 'ongs dus na 'di lta bu 'byung bar 'gyur ro zhes ma 'ongs pa'i dus las brtsams te gtam brjod cing smra ba ni ma 'ongs pa'i dus kyi gtam gyi gzhi zhes bya'o/ /da ltar byung ba'i gtam gyi gzhi gang zhe na/ 'di la mkhas pa da ltar byung ba'i dus na da ltar ni 'di lta bu'o zhes da ltar byung ba'i dus la brtsams te gtam brjod cing smra ba 'di ni da ltar byung ba'i dus kyi gtam gyi gzhi zhes bya'o/ /gtam gyi gzhi ni rnam pa 'di gsum ste/ gzhi pa med cing lnga pa med de/ gang mkhas pa rnams 'di lta bu mthong zhes mthong ba'i don las brtsams te gtam brjod cing smra ba dang/ 'di lta bu shes so zhes thos pa dang/ bye brag phyed pa dang/ rnam par shes pa'i don la brtsams te gtam brjod cing smra ba'o/ /bcom ldan 'das kyis de skad ces bka' stsal nas/ bde bar gshegs pas de skad gsungs te/ de nas ston pas gzhan yang 'di skad ces bka' stsal to/ /bshad bya'i 'du shes sems can ni/ /'chad par byed 'dir rab tu gnas/ /bshad bya yongs su ma shes na/ /rga dang 'chi ba'i spyod yul 'gyur/ /'chad byed yongs su shes pa yin/ /'chad pa po la mi nyan cing/ /de la pha rol smra ba med/ /de phyir rtag tu bsam gtan mnyam gzhag chags/ /gdung ba med cing skye rga'i mdza' mthong nas/ /bdud kyi sde kun bcom pa'i dge slong dag / srid par skye dang 'chi ba'i pha rol 'gro zhes bka' stsal to/ /nges par 'byung bcas rnams zhes bya ba la/ gleng gzhi ni mnyan du yod pa na'o/ /nges par 'byung ba ni gsum ste/ 'dod pa las nges par 'byung ba dang/ /gzugs las nges par 'byung ba dang/ gzugs med pa las nges par 'byung ba'o/ /gang cung zad mngon par 'dus byas shing bsags pa 'gag pa ni nges par 'byung ba zhes bya'o zhes bka' stsal to// //gang dag zag bcas nyer len pa'i/ phung po'ang de dag ces bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag phung po dang nye bar len pa'i phung po dag bstan pa de legs par rab tu nyon la yid la gzung zhig dang bshad par bya'o/ /phung po gang zhe na/ gzugs gang cung zad 'das pa dang/ ma 'ongs pa dang/ da ltar byung ba dang/ nang gi dang/ phyi'i dang/ rags pa dang/ phra ba dang/ dman pa dang/ gya nom pa dang/ gang thag nye ba dang/ thag ring ba dang/ thams cad gcig tu bsdus nas gzugs kyi phung po zhes bya ba'i grangs su 'gro'o/ /tshor ba gang cung zad dang/ 'du shes dang 'du byed dang/ rnam par shes pa gang cung zad 'das pa dang/ ma 'ongs pa dang/ da ltar byung ba dang/ nang gi dang/ phyi'i dang/ rags pa dang/ phra ba dang/ dman pa dang/ gya nom pa dang/ thag nye ba dang ring ba dang/ thams cad gcig tu bsdus nas rnam par shes pa'i phung po zhes bya ba'i grangs su 'gro ste/ 'di phung po zhes bya'o/ /nye bar len pa'i phung po gang zhe na/ gzugs 'das pa dang ma 'ongs pa dang da ltar byung ba gang la 'dun pa 'am/ chags pa 'am/ zhen pa 'am/ dga' ba 'am/ chags zhen nam/ mngon par zhen pa dang/ tshor ba gang dang/ 'du shes gang dang/ 'du byed gang dang/ rnam par shes pa 'das pa dang/ ma 'ongs pa dang da ltar byung ba gang la 'dun pa 'am/ chags pa 'am/ zhen pa 'am/ dga' ba 'am/ chags zhen nam/ mngon par zhen pa 'di ni nye bar len pa'i phung po zhes bya'o/ /dge slong dag phung po dang nye bar len pa'i phung po ji skad bstan pa 'di rab tu bstan to zhes bka' stsal to/ /don 'di dge slong ma chos sbyin gyi mdo las yi ge gzhan dang nges pa'i tshig gzhan gyis bshad de/ 'phags ma phung po dang nye bar len pa'i phung po zhes bshad pa/ 'phags ma phung po gang yin pa de nyid nye bar len pa'i phung po yin nam/ zhes bya ba la sogs pas nye bar bsdus pa'o// // 'jig pas 'jig rten no zhes bya ba la/ gleng gzhi ni mnyan du yod pa na'o/ /de nas tshe dang ldan pa dran pa bcom ldan 'das gang na ba der song ste nye bar 'ongs nas/ bcom ldan 'das kyi zhabs la spyi bos phyag byas nas phyogs gcig tu 'dug / phyogs gcig du 'dug nas tshe dang ldan pa dran pas bcom ldan 'das la 'di skad ces gsol to/ /btsun pa 'jig rten 'jig rten zhes bshad pa ci'i phyir 'jig rten zhes bgyi/ dran pa 'jig cing rab tu 'jig pa ste/ rab tu 'jig cing rab tu 'jig pas 'jig rten zhes bya'o/ /ci 'jig cing rab tu 'jig /dran pa mig rab tu 'jig cing 'jigs pa dang/ gzugs dang/ mig gi rnam par shes pa dang/ mig gi 'dus te reg pa dang/ gang gi tshe yang mig gi 'dus te reg pa'i rkyen las byung ba'i tshor ba bde ba dang sdug bsngal ba dang/ bde ba yang ma yin sdug bsngal ba yang ma yin pa de'i tshe yang 'jig cing rab tu 'jig ste/ rna ba dang/ sna dang/ lce dang/ lus dang/ yid 'jig cing rab tu 'jig pa dang/ gang gi tshe chos dang/ yid kyi rnam par shes pa dang yid kyi 'dus te reg pa dang yid kyi 'dus te reg pa las byung ba'i tshor ba bde pa dang/ sdug bsngal ba dang/ bde ba yang ma yin sdug bsngal ba yang ma yin pa de'i tshe yang 'jig cing rab tu 'jig ste/ 'jig cing rab tu 'jig pa de'i 'jig cing rab tu 'jig pas dran pa de'i phyir 'jig rten zhes bya'o/ /bcom ldan 'das kyis de skad ces bka' stsal pa dang/ tshe dang ldan pa dran pa bcom ldan 'das kyis gsungs pa la rjes su yi rang zhing mngon par dga' o/ / //bcom ldan 'das kyis ji skad du mig ni nang gi skye mched de zhes bya ba la/ gleng gzhi ni mnyan du yod pa na'o/ /de nas dge slong gzhan zhig bcom ldan 'das gang na ba der nye bar song ste nye bar 'ongs nas bcom ldan 'das kyi zhabs la spyi bos phyag byas te phyogs gcig tu 'dug go / phyogs gcig tu 'dug nas bcom ldan 'das la 'di skad ces gsol to/ /btsun? pa mig ni nang gi skye mched de zhes bcom ldan 'das kyis bstan gyi rgyas par ni rnam par mi phye na/ btsun pa ji ltar mig nang gi skye mched lags/ dge slong mig ni nang gi skye mched de/ 'byung ba chen po'i bzhi'i rgyu las byung ba gzugs dang ba gzugs can bstan du med la thogs pa bcas pa'o/ /mig ji lta ba de bzhin du rna ba dang sna dang lce dang lus kyang brjod par bya'o/ /btsun pa yid ni nang gi skye mched yin no zhes bcom ldan 'das kyis bstan gyi rgyas par ni rnam bar phye na/ btsun pa ji ltar yid nang gi skye mched lags/ dge slong yid ni nang gi skye mched de/ sems dang yid dang rnam par shes pa ni gzugs can ma yin pa bstan du med cing thogs pa med pa'o/ /btsun pa gzugs ni phyi'i skye mched de zhes bcom ldan 'das kyis bstan gyi/ rgyas par ni rnam par ma phye na/ btsun pa ji ltar na gzugs phyi'i skye mched lags/ dge slong gzugs ni phyi'i skye mched de/ 'byung ba chen po bzhi'i rgyu las byung ba bstan du yod la thogs pa dang bcos pa'o/ /de bzhin du sgra dang/ dri dang/ ro dang/ btsun pa reg bya ni phyi'i skye mched yin no zhes bcom ldan 'das kyis bstan gyi rgyas par ma phye na/ btsun pa ji ltar na reg bya phyi'i skye mched lags/ dge slong dag reg bya ni phyi'i skye mched de 'byung ba chen po bzhi dag dang 'byung ba chen po bzhi rgyur byas pa gzugs can bstan du med cing thogs pa dang bcas pa'o/ /btsun pa chos ni phyi'i skye mched de zhes bcom ldan 'das kyis bstan gyis/ rgyas par ni rnam par ma phye na/ btsun pa ji ltar chos phyi'i skye mched lags/ dge slong chos ni phyi'i skye mched de/ skye mched bcu gcig gis ma bsdus pa'i chos kyi skye mched de bstan du med cing thogs pa med pa'o/ /de nas dge slong de stan las langs te song ngo/ /rab tu byed pa dang mdo sde las zhes bya ba la/ lag pa brdabs pa'i dpe'i mdo las ji ltar 'byung ba bzhin te/ gleng gzhi ni mnyan du yod pa na'o/ /de nas dge slong gzhan zhig gcig tu dben lan ting nge 'dzin la gnas pa na bdag gi bdag gang yin/ cis bdag gi bdag yin/ ji ltar bdag gi bdag yin/ gang la bdag gi bdag yin zhes 'di lta bu sems la dpyod pa skyes te/ de nas dge slong de ting nge 'dzin las langs te/ bcom ldan 'das gang na ba der nye bar song ngo/ /nye bar song nas bcom ldan 'das kyi zhabs la mgo bos phyag 'tshal te/ phyogs gcig tu 'dug go /phyogs gcig tu 'dug nas/ dge slong des bcom ldan 'das la 'di skad ces gsol to/ /btsun pa bdag 'di nas cig bu dben pa na ting nge 'dzin la gnas pa na bdag gi bdag gang yin/ cis bdag gi bdag yin ji ltar bdag gi bdag yin gang la bdag gi bdag yin zhes 'di lta bu sems pa la rnam par dpyod pa skyes so/ /dge slong legs par nyon? la yid la gzung zhig dang gnyis shig bstan cing bshad par bya'o/ /gnyis gang zhe na/ mig dang/ gzugs dang/ rna ba dang/ sgra dang/ sna dang dri dang/ lce dang/ ro dang/ lus dang/ reg bya dang/ yid dang chos te/ 'di ni gnyis zhes bya'o/ /dge slong gang dang gang zhig dge sbyong gau ta mas gnyis bstan pa de bdag gis bsal te/ gzhan gnyis bstan par bya'o zhes ba ni tshig tsam du zad cing dri ba'i lan yongs su mi shes pa yin zhing slar la kun tu rmongs pa bskyed pa dang yang dag pa'i yul can ma yin pa ste/ de ci'i phyir zhe na/ mig dang gzugs la brten nas mig gi rnam par shes pa skye ste/ dge slong de la gang nang gi rkyen gyi bdag nyid mig gi sha'i gong bu la sra ba dang mkhrang bar gyur pa zin pa 'di ni mig gi sha'i gong bu la nang gi bdag nyid kyi sa'i khams zhes bya'o/ /dge slong de la gang nang gi rkyen gyi bdag nyid mig gi sha'i gong bu la chu dang chur gyur ba rlan pa dang mnyen pa dang mnyen par gyur pa dang zin pa 'di ni mig gi pa'i gong bu la nang gi bdag nyid kyi chu'i khams zhes bya'o/ /dge slong de la nang gi rkyen gyi bdag nyid mig gi sha'i gong bu la me dang mer gyur pa dang/ dro ba dang dro bar gyur pa zin par gyur pa 'di ni mig gi sha'i gong bu nang gi bdag nyid kyi me'i khams zhes pa'o/ /dge slong de la nang gi rkyen gyi bdag nyid kyi mig gi sha'i gong bu la rlung dang rlung du gyur pa yang ba dang g.yo bar gyur pa zin pa 'di ni mig gi sha'i ma gong bu la nang gi bdag nyid kyi rlung gi khams zhes bya'o/ /dge slong 'di lta ste lag pa gnyis sprang cing brdabs pa las sgra 'byung bar 'gyur ba de bzhin du mig dang gzugs la rten nas mig gi rnam par shes pa dang/ gsum 'dus pa'i reg pa dang/ lhan cig skyes pa'i tshor ba dang/ 'du shes dang/ sems pa zhes bya ba ste/ 'di lta bu'i chos can gyi bdag nyid mi rtag pa/ mi brtan pa/ g.yung drung ma yin pa/ yid brtan du med pa/ yongs su gyur pa'i chos can te/ ci'i phyir zhe na/ 'di ltar dge slong skye ba dang rga ba dang/ na ba dang/ 'chi ba dang/ 'chi 'pho zhing skye ba dang/ dge slong 'du byed sgyu ma lta bu/ smig rgyu lta bu rnam par 'jig pa'i chos can/ de tsam gyi dus can/ rkyen gzhan gyis gnas pa/ ma byung ba las byung zhing byung nas kyang 'jig pa ste/ dge slong de'i phyir 'du byed ni stong pa 'du byed ni stong pa zhes sems kyi rnam par shes shing 'du shes nas yang dag par dga' ba ste/ de ci'i phyir zhe na/ dge slong 'du byed ni stong pa/ rtag pa dang brtan pa dang g.yung drung ma yin pa yongs su 'gyur ba'i chos can bdag dang bdag gi bas stong pa'o/ /'di lta ste/ skyes bu mig dang ldan pa mar me thogs te khang pa stong pa'i nang du zhugs na der stong zhing stong par mthong par 'gyur ba de bzhin du dge slong 'du byed rnams stong ngo/ /'du byed rnams stong ngo zhes sems kyis shes shing 'du shes pa na sems yang dag par dga' ba skye ste/ de ci'i phyir zhe na/ dge slong 'du byed rnams ni stong pa rtag go dang brtan pa dang g.yung drung ma yin pa yongs su 'gyur ba'i chos can bdag dang bdag gis stong pa'o/ /rna ba dang/ sna dang/ lce dang/ lus kyi 'dus te reg pa las byung ba'i lus kyi rnam par shes pa'i bar du ste/ dge slong de la gang nang gi rkyen gyi bdag nyid lus sha'i gong bu la sra ba dang mkhrang par gyur pa zin pa 'di ni lus kyi sha'i gong bu la nang gi bdag nyid kyi sa'i khams zhes bya'o/ /dge slong de la nang gi rkyen gyi bdag nyid kyi sha'i gong bu la chu dang chur gyur ba mnyen pa dang mnyen par 'gyur ba 'di dang zin par gyur pa 'di ni lus kyi sha'i gong bu la nang gi bdag nyid kyi chu'i khams zhes bya'o/ /dge slong de la gang nang gi rkyen gyi bdag nyid kyi lus kyi sha'i gong bu la me dang mer gyur pa dro ba dang dro bar gyur pa zin pa 'di ni lus kyi sha'i gong bu la nang gi bdag nyid kyi me'i khams zhes bya'o/ /dge slong de la gang nang gi rkyen gyi bdag nyid kyi lus sha'i gong bu la rlung dang rlung du gyur pa yang ba dang g.yo bar gyur pa zin pa 'di ni lus kyi sha'i gong bu la nang gi bdag nyid kyi rlung gi khams zhes bya'o/ /dge slong 'di lta ste/ lag pa gnyis sbrang cing brdabs pa las sgra 'byung bar 'gyur ba de bzhin du lus dang reg bya la brten nas lus kyi rnam par shes pa dang/ gsum 'dus pa'i reg pa dang/ lhan cig skyes pa'i tshor ba dang/ 'du shes dang/ sems pa zhes bya ba ste/ 'di lta bu'i chos can gyi bdag nyid ni mi rtag pa/ mi brtan pa/ g.yung drung ma yin pa/ yid brtan du med pa/ dge slong yongs su gyur pa'i chos can te/ de ci'i phyir zhe na/ dge slong 'di ltar skye ba dang/ rga ba dang/ na ba dang/ 'chi ba dang/ 'chi 'pho zhing skye ba dang/ sgyu ma dang/ smig rgyu lta bu ste/ rnam par 'jig pa'i chos can de tsam gyi dus ce na/ rkyen gzhan gyi gnas pa/ mi byung ba las byung zhing byung nas kyang 'jig pa ste/ dge slong de'i phyir 'du byed rnams ni stong pa 'du byed rnams ni stong pa zhes sems kyi rnam par shes shing 'du shes pa na sems dga' ba dang yang dag par rab tu dga' ba skye ste/ de ci'i phyir zhe na/ dge slong 'du byed rnams ni rtag pa dang/ brtan pa dang/ g.yung drung ma yin pa yongs su 'gyur ba'i chos can bdag dang bdag gis stong pa'o/ /'di lta ste skyes bu mig dang ldan pa mar me thogs te khang pa stong pa'i nang du zhugs na der stong zhing stong par mthong bar 'gyur ba de bzhin du dge slong 'du byed rnams stong ngo/ /'du byed rnams stong ngo zhes sems kyis shes shing 'du shes pa ni sems dga' ba dang yang dag par dga' ba skye ste/ de ci'i phyir zhe na/ dge slong 'du byed rnams ni mi rtag pa mi brtan pa g.yung drung ma yin pa yongs su 'gyur ba'i chos can bdag dang bdag gis stong pa'o 'di lta ste/ lag pa gnyis brdabs shing phrad pa las sgra 'byung bar 'gyur ba de bzhin du yid dang chos la brten nas yid kyi rnam par shes pa 'byung ba dang/ gsum 'dus pa'i reg pa dang/ lhan cig skyes pa'i tshor ba dang/ 'du shes dang/ sems pa zhes bya ba ste/ dge slong 'di lta bu'i chos can gyi bdag ni mi rtag pa/ mi brtan pa/ g.yung drung ma yin pa/ yid brtan du med pa'o/ /dge slong bdag ni yongs su 'gyur ba'i chos can te/ bdag dang bdag gi thabs stong pa'o/ /de ci'i phyir zhe na/ dge slong skye ba dang/ rga ba dang na ba dang 'chi ba dang/ 'chi 'pho zhing skye ste/ dge slong 'du byed rnams ni sgyu ma lta bu/ smig rgyu lta bu/ 'jig pa'i chos can te/ de tsam gyi dus can/ rkyen gzhan gyis gnas pa/ ma byung ba las byung zhing byung nas 'jig pa'i phyir ro/ /de'i phyir dge slong 'du byed rnams stong pa 'du byed rnams stong pa zhes sems kyis shes shing 'du shes pa na dga' ba dang yang dag par dga' ba skye ste/ de ci'i phyir zhe na/ dge slong 'du byed rnams ni stong pa/ rtag pa dang brtan pa dang/ g.yung drung ma yin pa/ yongs su 'gyur ba'i chos can/ bdag dang bdag gis stong pa ste/ 'di lta ste skyes bu mig dang ldan pa mar me thogs te khang pa stong zhing stong par mthong bar 'gyur ba de bzhin du dge slong 'du byed rnams stong zhing stong pa zhes sems kyis shes shing 'du shes na sems dga' ba dang rab tu dga' bar 'gyur te/ de ci'i phyir zhe na/ dge slong 'du byed rnams ni mi rtag pa mi brtan pa g.yung drung ma yin pa yongs su 'gyur ba'i chos can bdag dang bdag gi bral ba'o/ /de nas dge slong de bcom ldan 'das kyi gsungs pa la rjes su yi rang zhing mngon par dga' nas/ bcom ldan 'das kyi zhabs la spyi bos phyag byas nas bcom ldan 'das kyi drung nas song ngo/ /de nas bcom ldan 'das kyis lag pa brdabs pa'i dpe'i gdams ngag byin pa dang/ gcig tu dben pa tshad med pa gdung ba med pa spangs pa zhes bdag nyid lung ston cing gcig tu dben pa tshad med pa gdung ba med pa la bdag nyid gnas par bya ba'i phyir skra dang kha spu bregs te/ 'phags pa'i chos gos bgos te dad pas yang dag par khyim nas khyim med par rab tu byung ste/ bla na med pa'i tshangs par spyod pa spyad nas mthong ba'i chos nyid la bdag nyid mngon par shes pa mngon sum du byas te/ bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes dgra bcom pa dang sems rnam par grol bar gyur to/ /ji skad du bcom ldan 'das kyis gzugs su rung bas gzugs zhes bya ba la sogs pa la/ gleng gzhi ni mnyan du yod pa na'o/ /dge slong dag nye bar len pa'i phung po lnga gang zhe na/ gzugs nye bar len pa'i phung po dang/ tshor ba dang/ 'du shes dang/ 'du byed dang/ rnam par shes pa nye bar len pa'i phung po'o/ /dge slong dag dge sbyong ngam bram ze gang kha cig sngon gyi gnas rnam pa du ma rjes su dran zhing dran pa 'am/ dran par gyur pa 'am/ dran par 'gyur ba 'di thams cad ni nye bar len pa'i phung po lnga po 'di nyid la sngon gyi gnas rnam pa du ma rjes su dran zhing dran pa 'am/ dran par gyur pa 'am yang dag par dran par 'gyur ro/ /lnga gang zhe na/ dge sbyong dam bram ze bdag 'das pa'i dus na gzugs dang ldan par gyur/ 'di lta bu'i gzugs dang ldan par gyur ces sngon gyi gnas pa rnam pa du ma yang dag par rjes su dran zhing yang dag par rjes su dran pa dang/ yang dag par rjes su dran par gyur pa dang/ yang dag par rjes su dran par 'gyur ba dang/ dge sbyong ngam bram ze 'das pa'i dus na rnam par shes pa dang ldan par 'gyur/ 'di lta bu'i rnam par shes pa dang ldan par 'gyur ces sngon gyi gnas rnam pa du ma yang dag par rjes su dran zhing yang dag par rjes su dran pa dang/ yang dag par rjes su dran par gyur pa dang/ yang dag par rjes su dran par 'gyur te/ dge slong dag gzugs ni gzugs rung bas gzugs nye bar len pa'i phung po zhes bya'o/ /cis gzugs su rung zhe na/ lag pa'i reg pas reg par bya bas gzugs su rung ba dang/ bong ba'i 'dus te reg pa dang/ dbyug pa'i 'dus te reg pa dang/ mtshon gyi 'dus te reg pa dang/ grang ba dang/ dro ba dang/ bkres pa dang/ skom pa dang/ sbrang bu dang/ sha sbrang dang/ rlung dang/ nyi ma dang/ sdig sprul gyi 'dus te reg pas reg na/ reg tu yod cing gzugs su rung bas gzugs te/ de'i phyir gzugs su rung bas gzugs nye bar len pa'i phung po zhes bya'o/ /gzugs nye bar len pa'i phung po de yang mi rtag pa sdug bsngal ba yongs su 'gyur ba'i chos can no/ /dge slong tshor zhing myong bas na tshor ba zhes bya ste/ de'i phyir tshor ba nye bar len pa'i phung po zhes bya'o/ /ci tshor/ zhe na/ bde ba dang/ sdug bsngal ba dang/ bde ba yang ma yin sdug bsngal ba yang ma yin pa myong bas dge slong dag da'i phyir tshor zhing myong bas tshor ba nye bar len pa'i phung po zhes bya'o/ /tshor ba nye bar len pa'i phung po de yang mi rtag pa sdug bsngal ba yongs su 'gyur ba'i chos can no/ /dge slong dag 'dus te shes pas 'du shes te de'i phyir 'du shes nye bar len pa'i phung po zhes bya'o/ /ci 'dus te shes zhe na/ chung ngu 'dus te shes pa dang/ rgya chen po dang/ tshad med pa dang/ cung zad med do zhes cung zad med pa yang rab tu shes te/ dge slong dag 'dus te shes pas de'i phyir 'du shes nye bar len pa'i phung po zhes bya'o/ /'du shes nye bar len pa'i phung po de yang mi rtag pa sdug bsngal ba yongs su 'gyur ba'i chos can no/ /dge slong dag 'du byed mngon par 'dus byas shing 'du byed mngon par 'du byed pa de'i phyir 'du byed nye bar len pa'i phung po zhes bya'o/ /cis 'du byed mngon par 'du byed ce na/ gzugs 'dus byas mngon par 'du byed pa dang/ tshor ba dang/ 'du shes dang/ 'du byed dang/ rnam par shes pa 'dus byas mngon par 'du byed de/ dge slong dag 'dus byas mngon par 'du byed cing 'dus byas mngon par 'du byed pa de'i phyir 'du byed nye bar len pa'i phung po zhes bya'o/ /'du byed nye bar len pa'i phung po de yang mi rtag pa sdug bsngal ba yongs su 'gyur ba'i chos can no/ /dge slong dag rnam par shes shing rab tu shes pa de'i phyir rnam par shes pa nye bar len pa'i phung po zhes bya'o/ /ci zhig rnam par shes zhe na/ gzugs rnam par shes pa dang/ sgra dang/ dri dang/ ro dang/ reg bya dang/ chos rnam par shes te/ dge slong dag rnam par shes shing rab tu shes pa de'i phyir rnam par shes pa nye bar len pa'i phung po zhes bya'o/ /dge slong rnam par shes pa'i nye bar len pa'i phung po de yang mi rtag pa sdug bsngal ba yongs su 'gyur ba'i chos can no/ /dge slong dag de la 'phags pa nyan thos thos pa dang ldan pa 'di ltar yang dag par rab tu slob par byed de/ bdag da ltar da ltar byung ba'i gzugs kyis bcom ste/ 'di lta ste bdag da ltar byung ba'i gzugs kyis bcom pa de bzhin du 'das pa'i dus kyis gzugs kyis bdag bcom mo/ /bdag da ltar da ltar byung ba'i gzugs kyis bcom pa na yang 'das pa'i gzugs la mngon par dga' ste/ de'i tshe yang de dang 'dra ba nyid du shes par byas nas 'das pa'i gzugs la bltos par mi 'gyur/ ma 'ongs pa'i gzugs la mngon par dga' bar mi 'gyur/ da ltar byung ba'i gzugs la skyo ba dang 'dod chags dang bral ba dang 'gog pa thob par 'gyur ro/ /'phags pa nyan thos thos pa dang ldan pa 'di ltar yang dag par rjes su slob par byed de/ bdag da ltar da ltar byung ba'i tshor ba dang/ 'du shes dang/ 'du byed dang/ da ltar byung ba'i rnam par shes pa bcom ste/ 'di lta ste da ltar byung ba'i gzugs kyis bcom pa de bzhin du bdag 'das pa'i dus kyi rnam par shes pas bcom mo/ /bdag da ltar byung ba'i rnam par shes pas bcom ba nas yang ma 'ongs pa'i rnam par shes pa la mngon par dga' ste/ de'i tshe yang de dang 'dra ba nyid du shes par byas nas 'das pa'i dus kyi rnam par shes pa la bltas par mi 'gyur/ ma 'ongs pa'i rnam par shes pa la mngon par dga' bar mi 'gyur/ da ltar byung ba'i rnam par shes pa la skye ba dang/ 'dod chags dang bral ba dang/ 'gog pa thob par 'gyur te/ de nyams par phyed cing mthu skyed par mi byed/ 'grib par byed cing 'phel bar mi byed/ mi gsal bar byed cing gsal bar mi byed/ spong bar byed cing len par mi byed do/ /ci zhig nyams par byed cing mthu skyed par mi byed ce na/ gzugs nyams par byed cing mthu skyed par mi byed do/ /tshor ba dang/ 'du shes dang/ 'du byed dang/ rnam par shes pa nyams par byed cing mthu skyed par mi byed do/ /ci zhig 'grib par byed cing 'phel bar mi byed ce na/ gzugs 'grib par byed cing 'phel bar mi byed do/ /tshor ba dang/ 'du shes dang/ 'du byed dang/ rnam par shes pa 'grib par byed cing 'phel bar mi byed do/ /ci zhig mi gsal bar mi byed ce na/ gzugs mi gsal bar byed cing gsal bar mi byed do/ /tshor ba dang/ 'du shes dang/ 'du byed dang/ rnam par shes pa mi gsal bar byed cing gsal bar mi byed do/ /ci zhig spong bar byed cing len par mi byed ce na/ gzugs spong bar byed cing len par mi byed do/ /tshor ba dang/ 'du shes dang/ 'du byed dang/ rnam par shes pa spong bar byed cing len par byed do/ /nyams par byed cing mthu skyed par mi byed par gnas par 'gyur ro/ /'grib par byed cing 'phel bar mi byed par gnas par 'gyur ro/ /mi gsal bar byed cing gsal bar mi byed par gnas par 'gyur ro/ /spong bar byed cing len par mi byed pa dang/ kun nas nyon mongs pa dang/ nyon mongs pa ma yin pa so so rang gi rig cing shes nas/ bdag gi skye ba zad do/ /tshangs par spyod pa bsten to/ /bya ba byas so srid pa 'di las gzhan mi shes so/ /zhes bya bar 'gyur ro zhes bka' stsal to/ /'di ltar don gyi sde mtshan las zhes bya ba la/ / phran tshegs kyi don gyi sde tshan gyi mdo las/ bse ru lta bu'i tshigs bcad kyi de ma thag tu bcad pa lta bu ste/ de la dang por mnyan yod na bram ze gzhan zhig gi 'bras kyi zhing brlag pa dang/ chung ma shi ba'i sngon gyi skye ba'i gtam rgyal po rnam par rgyal ba'i sde la tshigs su bcad pa'i don las brtsams te bshad pa/ de nas bcom ldan 'das gleng gzhi 'di dang/ rgyu 'di dang don 'di lta bu byung bar 'gyur te/ don shes pa'i de'i dge slong 'di lta bu 'byung bar 'gyur ro/ /mdo'i tshig dar zhing rgyas par 'gyur/ de'i? tshangs par spyod pa dar zhing rgyas par 'gyur/ skye bo gzhan mang po la yang dar ba dang/ lha dang mi rnams la yang dag par gsal bar 'gyur zhes dgongs nas de'i tshe don gyi sde'i mdo 'di bshad do/ /gal te 'dod pa 'dod byed na/ /de yi yid la 'dod 'phel te/ /yid du 'ong ba thob pa'i mi/ /shin tu dga' ba 'phel bar 'gyur/ /gal te 'dod pa tshol byed cing/ /'dun pa skyes pa'i lus can te// 'dod pa de dag ma 'byor na/ /zug rngus zug bzhin gnod par 'gyur/ /gang zhig sprul mgo'i rkang pa ltar/ /'dod pa thams cad rang spangs na/ /de 'di 'jig rten srid can la/ /dran pas shin tu yang dag 'da' / /zhing dngos nor bu pa lang dang/ /rta dang 'bangs dang bud med dang/ /gnyen dang so so'i 'dod pa la/ /skyes bu gang zhig 'dod byed pa/ /stobs ldan nye bar 'tshe ba yis/ /stobs che de dag bcom par 'gyur/ /gru zhig pa la chu bzhin du/ /nga nas sdug bsngal thob par 'gyur/ /de'i phyir skye bo dran ldan pas/ /rtag tu 'dod pa yongs spangs shing/ /de spang chu bo brgal ba'i gru/ /thob nas srid pa'i pha rol 'gro zhes bka' stsal to/ /mdo las ni bcom ldan 'das kyis sems pa'i tshogs drug go zhes bshad do zhes bya ba la/ gleng gzhi ni mnyan du yod pa na'o/ /dge slong dag nye bar len pa'i phung po ni lnga ste/ lnga gang zhe na/ gzugs nye bar len pa'i phung po dang/ tshor ba dang/ 'du shes dang/ 'du byed dang/ rnam par shes pa nye bar len pa'i phung po'o/ /gzugs nye bar len pa'i phung po gang zhe na/ gzugs gang ci yang rung ba thams cad 'byung ba chen po bzhi dag dang 'byung ba chen po bzhi dag rgyur byas pa ste/ 'di ni gzugs nye bar len pa'i phung po zhes bya'o/ /gzugs nye bar len pa'i phung po de yang mi rtag pa/ sdug bsngal ba/ yongs su 'gyur ba'i chos can te/ gang gzugs nye bar len pa'i phung po ma lus par spangs shing nges par 'byung ba bcom pa/ zad pa/ 'dod chags dang bral ba/ 'gog pa/ nye bar zhi ba/ nub pa/ gzugs nye bar len pa'i phung po gzhan dang nying mtshams ma sbyor ba/ nye bar len pa med pa/ mi 'byung ba 'di nyid mchog yin te/ 'di lta ste/ nye bar len pa thams cad las nges par byung ba/ sred pa zad pa/ 'dod chags dang bral ba/ 'gog pa/ mya ngan las 'das pa'o/ /tshor ba nye bar len pa'i phung po gang zhe na/ tshor ba'i tshogs drug ste/ mig gi 'dus te reg pa las skyes pa'i tshor ba dang/ rna ba dang sna dang lce dang lus dang yid kyi 'dus te reg pa las skyes pa'i tshor ba ste/ 'di ni tshor ba nye bar len pa'i phung po zhes bya'o/ /tshor ba nye bar len pa'i phung po de yang snga ma bzhin du mya ngan las 'das pa'i bar du'o/ /'du shes nye bar len pa'i phung po gang zhe na/ 'du shes kyi tshogs drug ste/ mig gi 'dus te reg pa las skyes pa'i 'du shes dang/ rna ba dang sna dang lce dang lus dang yid kyi 'dus te reg pa las skyes pa'i 'du shes te/ 'du shes nye bar len pa'i phung po zhes bya'o/ /de yang snga ma bzhin du mya ngan las 'das pa'i bar du'o/ /'du byed nye bar len pa'i phung po gang zhe na/ sems pa'i tshogs drug ste/ mig gi 'dus te reg pa las skyes pa'i 'du byed dang/ rna ba dang sna dang lce dang lus dang yid kyi 'dus te reg pa las skyes pa'i 'du byed te/ 'di ni 'du byed nye bar len pa'i phung po zhes bya'o/ /de yang snga ma bzhin du mya ngan las 'das pa'i bar du'o/ / rnam par shes pa nye bar len pa'i phung po gang zhe na/ rnam par shes pa'i tshogs drug ste/ mig gi rnam par shes pa dang/ rna ba dang sna dang lce dang lus dang yid kyi rnam par shes pa ste/ 'di ni rnam par shes pa nye bar len pa'i phung po zhes bya'o/ de yang snga ma bzhin du mya ngan las 'das pa'i bar du'o/ /dge slong dag gang chos 'di rnams shes rab chung ngus 'byed cing bzod la/ so so'i skye bo'i sa las yang dag par 'das te yang dag pa nyid du nges pa'i sa non cing rgyun tu zhugs pa'i 'bras bu ma thob la/ rgyun du zhugs pa'i 'bras bu ma thob par bar skabs su dus byed par mi rigs pa 'di ni dad pa'i rjes su 'brang ba zhes bya'o/ /dge slong dag gang chos 'di rnams la shes rab chen pos 'byed cing bzod la/ yang dag pa nyid du nges pa'i sa non cing rgyun tu zhugs pa'i 'bras bu la gnas pa'i bar snga ma bzhin no/ /dge slong dag gang chos 'di rnams la yang dag pa ji lta ba bzhin gyi shes rab kyis lta bar gyur cing 'di ni kun tu sbyor ba gsum spangs shing yongs su shes par 'gyur te/ 'di lta ste/ 'jig tshogs la lta ba dang/ tshul khrims dang brtul zhugs mchog tu 'dzin pa dang/ the tshom mo/ /'di ni rgyun du zhugs pa byang chub pa'i mthar mi ltung ba nyid du nges pa'i chos can mchog tu thogs na srid pa bdun du mi dang lha'i nang du nying mtshams sbyar nas sdug bsngal mthar byed par 'gyur ba 'di ni mchog tu thogs na srid pa bdun zhes bya'o/ /dge slong dag gang gis chos 'di rnams yang dag pa'i shes rab kyis lta bar 'gyur zhing 'dod chags dang zhe sdang gti mug srab mor gyur cing 'jig rten 'dir lan gcig 'ongs nas sdug bsngal gyi mthar byed par 'gyur ba 'di ni lan cig phyir 'ong ba zhes bya'o/ /dge slong dag gang gis chos 'di rnams yang dag pa ji lta ba bzhin gyi shes rab kyis lta bar 'gyur zhing tha ma'i cha dang mthun pa'i kun sbyor lnga spangs shing yongs su shes par 'gyur te/ 'di lta ste/ 'jig tshogs la lta ba dang/ 'dod pa la 'dun pa dang/ gnod sems dang/ tshul khrims dang brtul zhugs mchog tu 'dzin pa dang/ the tshom mo/ /'di ni skyes nas der mya ngan las 'das te/ 'jig rten 'dir phyir mi ldog pa'i chos can phyir mi 'ong ba zhes bya'o/ /dge slong gang gis chos 'di rnams yang dag pa ji lta ba bzhin gyi shes rab kyis shin tu mthong bar gyur pa ni nye bar len pa med par zag pa dag las sems rnam par bral zhing grol bar gyur pa/ bya ba byas pa/ khur bor ba/ rang gi don rjes su thob pa/ srid pa kun tu sbyor ba yongs su zad pa/ yang dag pa'i shes rab kyis sems rnam par grol bar 'gyur ro zhes bka' stsal to/ /dge slong dag chos gcig mngon par shes shing yongs su shes na zhes bya ba la/ gleng gzhi ni mnyan du yod pa na'o// dge slong dag thams cad mngon par shes shing yongs su shes pa zhes bya ba'i chos kyi rnam grangs bstan par bya yis legs par rab tu nyon la yid la gzung zhig bshad par bya'o/ /thams cad mngon par shes shing yongs su shes pa zhes bya ba'i chos kyi rnam grangs gang zhe na/ dge slong dag mig mngon par shes shing yongs su shes te/ gzugs dang/ mig gi rnam par shes pa dang/ mig gi 'dus te reg pa dang/ mig gi 'dus te reg pa'i rkyen gyis byung ba'i tshor ba bde ba dang/ sdug bsngal ba dang/ bde ba yang ma yin sdug bsngal ba yang ma yin pa de dag kyang mngon par shes shing yongs su shes so/ /dge slong dag rna ba dang/ sna dang lce dang/ lus dang/ yid mngon par shes shing yongs su shes pa dang/ yid kyi rnam par shes pa dang/ yid kyi 'dus te reg pa dang/ yid kyi 'dus te reg pa'i rkyen gyis byung ba'i tshor ba bde ba dang/ sdug bsngal ba dang/ bde ba yang ma yin sdug bsngal ba yang ma yin pa de dag kyang mngon par shes shing yongs su shes te/ rna ba dang/ sna dang/ lce dang/ lus dang/ yid mngon par shes shing yongs su shes pa dang/ yid kyi rnam par shes pa dang/ yid kyi 'dus te reg pa dang/ yid kyi 'dus te reg pa'i rkyen gyis byung ba'i tshor ba'i bde ba dang/ sdug bsngal ba dang/ bde ba yang ma yin sdug bsngal ba yang ma yin pa de yang mngon par shes shing yongs su shes te/ dge slong dag chos gcig mngon par ma shes shing yongs su ma shes na sdug bsngal gyi mthar byed par nga mi smra'o/ /'di ni thams cad mngon par shes shing yongs su shes pa zhes bya ba'i chos kyi rnam grangs te/ dge slong dag thams cad mngon par shes shing yongs su shes pa zhes bya ba'i chos kyi rnam grangs bstan pa ji skad du bshad pa 'di rgyas par rab tu bshad do/ /gleng gzhi ni mnyan du yod pa na'o/ /dge slong dag thams cad mngon par shes shing spang par bya ba zhes bya ba'i chos kyi rnam grangs nges bstan par bya yis/ lags par rab tu nyon la yid la gzung zhig dang bshad par bya'o/ /thams cad mngon par shes shing spang bar bya ba zhes bya ba'i chos kyi rnam grangs gang zhe na/ dge slong dag mig mngon par shes shing yongs su spang bar bya ba dang/ gzugs dang/ mig gi rnam par shes pa dang/ mig gi 'dus te reg pa nas/ mig gi 'dus te reg pa las byung ba'i tshor ba bde ba dang/ sdug bsngal ba dang/ bde ba yang ma yin sdug bsngal ba yang ma yin pa'i bar du mngon par shes shing yongs su spang bar bya'o/ /dge slong dag rna ba dang/ sna dang/ lce dang/ lus dang/ yid mngon par shes shing yongs su spang bar bya'o/ /chos dang yid kyi rnam par shes pa dang/ yid kyi 'dus te reg pa yid kyi 'dus te reg pa nang gi rkyen bdag nyid kyi rkyen las byung ba'i tshor ba bde ba dang/ sdug bsngal ba dang/ bde ba yang ma yin sdug bsngal ba yang ma yin pa'i tshor ba ni mngon par shes shing yongs su spang par bya'o/ /dge slong dag chos gcig mngon par ma shes shing yongs su ma spangs na sdug bsngal gyi mthar byed par mi smra'o/ /'di ni thams cad mngon par shes shing yongs su spang par bya ba zhes bya ba'i chos kyi rnam grangs so/ /dge slong dag thams cad mngon par shes shing yongs su spang bar bya ba zhes bya ba'i chos kyi rnam grangs bstan pa 'di nges rgyas par rab tu bshad do zhes bka' stsal to/ /dper na bsdu ba'i dngos po bzhi po dag gis 'khor rnams sdud pa zhes bya ba la sogs pa la/ bcom ldan 'das dgon pa'i gnas kyi bsti gnas na bzhugs te/ de nas dgon pa pa lags pa can zhes bya ba 'khor lnga brgya dang bcom ldan 'das ga la ba der 'ongs te/ bcom ldan 'das kyi zhabs la spyi bos phyag 'tshal te phyogs gcig tu 'dug go /phyogs gcig tu 'dug pa dang dgon pa pa lag pa can la bcom ldan 'das kyis 'di skad ces bka' stsal to/ /dge bsnyen lag pa can 'khor mang po dang 'dug cing nye bar gnas pa ji ltar gang gis bsdu bar bya snyam du sems/ btsun pa gang 'di bcom ldan 'das kyis bsdu ba'i dngos po bzhi gsungs pa 'di lta ste/ sbyin pa dang/ snyan par smra ba dang/ don mthun pa dang/ don spyod pa'o/ /de rnams las gang yang rung zhing gang yang rung ba zhig gis bsdu bar bya snyam du sems te kha cig la ni sbyin pa/ kha cig la ni dad snyan par smra ba/ kha cig la ni don mthun pa/ kha cig la ni don spyod pas so/ /lag pa can legs so legs so/ /chos 'di dag gis 'khor sdud pa ste/ 'di lta ste/ bsdu ba'i dngos po bzhi po sbyin pa dang/ snyam par smra ba dang/ don mthun pa dang/ don spyod pa'o// gang kha cig chos dang mthun par 'khor sdud pa de thams cad ni bsdu ba'i dngos po bzhi po 'dis te/ kha cig la ni sbyin pa/ kha cig la ni snyan par smra ba/ kha cig la ni don mthun pa/ kha cig la ni don spyod pas so/ /'das pa'i dus na yang gang kha cig chos dang mthun par 'khor sdud pa de thams cad ni bsdu ba'i dngos po bzhi po 'dis te/ kha cig la ni sbyin pa/ kha cig la ni snyan par smra ba/ kha cig la ni don mthun pa/ kha cig la ni don spyod pas so/ /ma 'ongs pa'i dus na yang gang kha cig chos dang mthun par 'khor sdus pa de thams cad bsdu ba'i dngos po bzhi po 'dis te/ kha cig la ni sbyin pa/ kha cig la ni snyan par smra ba/ kha cig la ni don spyod pa/ kha cig la ni don mthun pas so/ /sbyin pa rnams gyi nang na mchog ni 'di yin te/ 'di lta ste chos kyi sbyin pa'o/ /snyan pa rnams kyi nang na mchog ni 'di yin te/ 'di lta ste/ rigs kyi bu chos don du gnyer cing nyan pa la dus dus su rtag tu snyan par smra bar byed pa'o/ / don spyod pa rnams kyi nang na mchog ni 'di yin te 'di lta ste ma dad pa dag dang pa phun sum tshogs par byed cing sgrub par byed/ 'dul bar byed/ 'god par byed/ rab tu gnas par byed/ tshul khrims 'tshal ba tshul khrims phun sum tshogs par byed/ ser na can gtong ba phun sum tshogs par byed/ shes rab 'chal pa shes rab phun sum tshogs par byed pa nas rab tu gnas par byed pa'i bar du'o/ /don mthun pa rnams kyi nang ni mchog ni 'di yin te/ 'di lta ste/ rgyun tu zhugs pa la rgyun tu zhugs pas lhan cig don mthun par byed/ lan cig phyir 'ong ba la lan cig phyir 'ong bas/ phyir mi 'ong ba la phyir mi 'ong bas/ dgra bcom pa la dgra bcom pas lan cig don mthun par byed do/ /bcom ldan 'das kyis de skad ces bka' stsal nas/ bde bar gshegs pas de skad gsungs te/ ston pas gzhan yang 'di skad ces bka' stsal to/ /sbyin pa dang snyan par smra ba dang/ 'di la don ni spyod pa dang/ don mthun pa yis sems can rnams/ /ji ltar rigs par de dang der/ /gal te 'di yis mi sdud na/ /ma la bu yi rgyu yis ni/ /mchod pa thob par mi 'gyur zhing/ pha yang bu yi rgyus yis/ /gang phyir bsdu ba 'di yis ni/ /rjes su 'jug byed chos ldan pa/ /che ba'i bdag nyid thob nas ni/ /de'i phyir 'jig rten lta bar 'gyur/ /de nas dgon pa pa lag pa can 'khor lnga brgya dang bcas pa bcom ldan 'das kyis gsungs pa la rjes su yi rang nas bcom ldan 'das kyi zhabs la spyi bos phyag byas te/ bcom ldan 'das kyi drung nas song ngo/ /gzugs gang ci yang rung ba 'das pa 'am zhes bya ba la/ dge slong dag phung po dang nye bar len pa'i phung po bstan par bya'o/ /zhes sngar bshad pa'i mdo bzhin du blta bar bya'o/ /'dod pa yang rnam pa gsum ste/ zhes bya ba la/ mdor bsdus pa 'dod pa'i dpe ni gleng gzhi ni mnyan du yod pa na'o/ /de nas dge slong gzhan zhig nang du yang dag 'jog las langs te bcom ldan 'das gang na ba der nye bar song ste/ nye bar song nas/ bcom ldan 'das kyi zhabs la spyi bos phyag byas te phyogs gcig tu 'dug go /phyogs gcig tu 'dug nas dge slong des bcom ldan 'das la 'di skad ces gsol to/ /bcom ldan 'das bdag la legs par mdor bsdus pa de bzhin du chos bshad du gsol/ ji ltar bdag bcom ldan 'das kyi drung du mdor bsdus pa'i chos thos nas gcig tu dben? pa/ tshad med pa/ gdung ba med pa/ mnyam par bzhag pa'i bdag nyid la gnas par bya'o/ /gcig tu dben pa/ tshad med pa/ gdung ba med pa/ mnyam par bzhag pa'i bdag nyid la gnas te/ gang gi don du rigs k yi bu skra dang kha spu bregs te lus la chos gos bgos nas dad pas yang dag pa kho nar khyim nas khyim med par rab tu byung nas bla na med pa'i tshangs par spyod pa spyod nas mthong ba'i chos nyid la rang nyid kyis mngon par shes pa mngon sum du byas te/ rig pa phun sum tshogs pa bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes bya ba bcom ldan 'das bdag la bshad du gsol zhes dge slong des de skad ces gsol ba dang/ bka' stsal pa/ dge slong logs so legs so/ /dge slong 'di skad du smra ba legs so legs/ /bcom ldan 'das bdag la legs par mdor bsdus pa de bzhin du chos bshad du gsol/ ji ltar bdag bcom ldan 'das kyi drung du mdor bsdus pa'i chos thos nas/ gcig tu dben pa/ tshad med pa/ gdung ba med pa/ mnyam par bzhag pa'i bdag nyid la gnas par bya'o/ /gcig tu dben pa/ tshad med pa/ gdung ba med pa/ mnyam par bzhag pa'i bdag nyid la gnas te gang gi don du rigs kyi bu sgra dang kha spu bregs te lus la chos gos bgos shing dad pas yang dag pa kho na khyim nas khyim med par rab tu byung nas bla na med pa'i tshangs par spyod pa spyod nas mthong ba'i chos nyid la rang nyid kyis mngon par shes pa mngon sum du byas te/ rig pa phun sum tshogs pa bdag gi skye bzang ngo/ /tshangs par spyod pa bsten to/ /bya ba byas so/ /srid pa 'di las gzhan mi shes dge slong de bzhin du smra 'am/ btsun pa de bzhin no/ /dge slong des na legs par nyon pa yid la gzung zhig dang bshad par bya'o/ /dge slong gang khyod ma yin pa'i chos de khyod kyis spang bar bya'o/ /don de khyod kyis spangs na yun ring po'i don dang/ phan pa dang/ bde bar 'gyur ro/ /gsol ba bcom ldan 'das 'tshal to/ /bde bar gshegs pa 'tshal lo/ /bka' stsal pa/ dge slong khyod kyis ji ltar bas mdor bsdus te rnam par ma phye bshad ni ji ltar shes/ gsol pa btsun pa gzugs bdag ma lags te/ chos de spangs na yun ring po'i don dang phan pa dang/ bde bar 'gyur ro/ /tshor ba dang/ 'du shes dang/ 'du byed dang/ rnam par shes pa bdag ma lags te/ chos de spangs na yun ring po'i don dang phan pa dang bde bar 'gyur ro/ /btsun pa bcom ldan 'das 'di ltar bdag gis mdor bsdus shing rnam par ma phye bar bshad pa'i don rgyas par 'tshal lo/ /dge slong legs so legs so/ /dge slong ngas mdor bsdus te rnam par ma phye bar bshad pa'i don shes pa legs so/ /de ci'i phyir zhe na/ dge slong gzugs bdag ma yin te chos de khyod kyis spang bar bya'o/ /chos de khyod kyis spangs na yun ring po'i don dang phan pa dang bde bar 'gyur ro/ /tshor ba dang/ 'du shes dang/ 'du byed dang/ rnam par shes pa bdag ma yin te/ chos de khyod kyis spang bar bya'o/ /chos de khyod kyis spangs na yun ring po'i don dang phan pa dang bde bar 'gyur ro/ /de nas dge slong de bcom ldan 'das kyis gsungs pa la mngon par dga' zhing yid rangs nas bcom ldan 'das kyi zhabs la spyi bos phyag bya ste/ bcom ldan 'das kyi drung nas song ngo/ /de nas dge slong de la bcom ldan 'das kyis mdor bsdus pa'i gdams ngag 'dis gdams pas gcig tu dben pa/ tshad med pa/ gdung ba med pa/ mnyam par gzhag pa'i bdag nyid lung stan par byed de/ gcig tu dben pa/ tshad med pa/ gdung ba med pa/ mnyam par bzhag pa'i bdag nyid la gnas te/ gang gi don du rigs kyi bu skra dang kha spu bregs te/ chos gos bgos nas dad pa yang dag pa kho nar khyim nas khyim med par rab tu byung nas/ bla na med pa'i tshangs par spyod pa spyad nas mthong ba'i chos nyid la rang nyid kyis mngon par shes pa mngon sum du byas te/ rig pa phun sum tshogs pa bdag gi skye ba zad do/ /tshangs par spyad pa bstan te/ bya ba byas so/ /srid pa 'di las gzhan mi shes so zhes bya ba'i shes pa dang ldan zhing tshe dang ldan pa sems rnam par grol ba'i dgra bcom par gyur to/ /don 'di nyid phung po'i tshogs kyi sdom gyi tshigs su bcad pa gsum las mdo gzhan dang gzhan bdun 'di ltar 'byung ste/ rjes su mthun dang grangs dang ni/ rgyun tu sbyong dang rga ba dang/ yongs sbyor rtog dang bro ba dang/ /sems ni rnam par grol ba dang/ /mdo sde gnyis po dag las kyang/ /rgyal ba nyid las skyes pa yi zhes 'byung ngo 'dir mdor bsdus pa 'dod pa'i dpe gzhan yang/ bcom ldan 'das rgyal ba 'di la ba gang bsnyen bkur ba tshe dang ldan pa grong gi bdag po rgyal ba'i bu dang lhan cig bzhugs so/ /de nas tshe dang ldan pa rgyal ba'i bu bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas nas phyogs gcig tu 'dug go / phyogs gcig tu 'dug nas tshe dang ldan pa rgyal ba'i bus bcom ldan 'das la 'di skad ces gsol to/ /btsun pa bslab pa'i tshig brgya phyed lhag dang bcas pa ni zla ba phyed phye cing so sor thar ba'i mdo 'don pa las byung ste/ rigs kyi bu bdag legs su 'dod par bslab pa la shin tu bslab par bya'o/ /de la bdag bslab pa 'di la slob par mi spro'o/ /bka' stsal pa tshe dang ldan pa rgyal ba'i bu khyod kyis dus dang dus su bslab pa gsum la bslab par bya'o/ /gsol pa/ bcom ldan 'das de la bdag spro'o/ /bde bar gshegs pa spro'o/ /tshe dang ldan pa rgyal ba'i bu 'di ltar khyod kyis dus dang dus su lhag pa'i tshul khrims kyis bslab pa la bslab par bya'o/ /lhag pa'i sems dang/ lhag pa'i shes rab kyis bslab pa la bslab par bya'o/ /rgyal ba'i bu khyod kyis dus dang dus su lhag pa'i tshul khrims kyi bslab pa la slob cing/ lhag pa'i sems dang/ lhag pa'i shes rab kyis bslab pa la slob par byed na yun ring po mi thogs par zag pa zad cing zag pa med pa dang/ sems rnam par gol ba dang/ shes rab rnam par grol ba dang/ mthong ba'i chos nyid la rang nyid kyi mngon par shes pa mngon sum du byas shing rig pa phun sum tshogs par 'gyur te/ bdag gi skye ba zad do/ /bya ba byas so/ /byed pa byas so/ /srid pa 'di las gzhan mi shes so zhes bya bar 'gyur ro/ / de nas tshe dang ldan pa rgyal ba'i bu bcom ldan 'das kyis gsungs pa la mngon par dga' zhing rjes su yi rangs nas bcom ldan 'das kyi zhabs la spyi bos phyag byas te bcom ldan 'das kyi drung nas song ngo/ /tshe dang ldan pa rgyal ba'i bu la bcom ldan 'das kyis gdams ngag 'dis gdams pa dang/ gcig du dben pa/ tshad med pa/ gdung ba med pa/ mnyam par bzhag pa'i bdag nyid lung bstan par byed de/ gcig tu dben pa/ tshad med pa/ gdung ba med pa mnyam par bzhag pa'i bdag nyid nas/ snga ma bzhin du shes pa dang ldan pa'i bar du tshe dang ldan pa rgyal ba'i bu sems rnam par grol bar 'gyur to/ /rtsod pa'i rtsa ba ni gnyis te zhes bya ba la/ tshe dang lnga pa kA tyA ya na chen po chu bo sgrib pa can gyi 'dab ma can gyi chu dogs na bzhugs te/ de nas bram ze lag na dbyug pa can tshe dang ldan pa kA tyA ya na chen po gang na ba der nye bar song ste/ nye bar song nas tshe dang ldan pa kA tya ya na chen po dang lhan cig yang dag par dga' bar 'gyur ba dang/ yang dag par mgu bar 'gyur ba'i gtam rnam pa sna tshogs byas te/ phyogs gcig tu 'dug go /phyogs gcig tu 'dug nas bram ze dbyug pa can gyis tshe dang ldan pa kA tyA ya na 'di skad ces gsol to/ /kA tyA ya na rgyu gang dang/ rkyen gang gis rgyal po la rgyal pos lhan cig rtsod par 'gyur/ zhing bal zhing pas/ bram ze la bram zes/ khyim bdag la khyim bdag gis lhan cig rtsod par gyur/ bram ze 'dod pa ba chags pa dang/ zhen pa dang/ 'brel pa dang/ mngon par 'dod pa dang/ yang dag par chags pa'i rgyus rgyal po la rgyal pos lhan cig rtsod par gyur cing/ zhing pa la zhing pas/ bram ze la bram zes/ khyim bdag la khyim bdag gis lhan cig rtsod par gyur to/ /kA tyA ya na 'dod pa la chags pa dang/ zhen pa dang/ 'brel ba dang/ mngon par 'dod pa dang/ yang dag par chags pa'i rgyus rgyal po la rgyal pos lhan cig rtsod cing/ zhing pa la zhing pas/ bram ze la bram zes/ khyim bdag la khyim bdag gis lhan cig rtsod par gyur na/ kA tyA ya na rgyu gang dang rkyen gang gis rab tu byung ba dang rab tu byung ba lhan cig rtsod par gyur/ bram ze lta ba la chags pa dang/ zhen pa dang/ 'brel ba dang/ mngon par 'dod pa dang/ yang dag par chags pa'i rgyus rab tu byung ba dang rab tu byung ba rnams lhan cig rtsod par gyur to/ /kA tyA ya na lta ba la chags pa dang/ zhen pa dang/ 'brel pa dang/ mngon par 'dod pa dang/ yang dag par chags pa'i rgyus rab tu byung ba rnams rtsod par gyur na/ kA tyA ya na da ltar kha cig 'dod pa la chags pa dang/ zhen pa dang/ 'brel ba dang/ mngon par 'dod pa dang/ yang dag par chags pa'i rgyu 'di dag las yang dag par 'das pa dang/ lta ba la chags pa dang/ zhen pa dang/ 'brel pa dang/ mngon par 'dod pa dang/ yang dag par chags pa'i rgyu 'di dag las 'das pa yod dam/ bram ze yod de/ 'di lta ste/ bdag gis ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das so/ /de 'dod pa la chags pa dang/ zhen pa dang/ 'brel ba dang/ mngon par chags pa'i rgyu 'di dag las yang dag par 'das so/ /lta ba la chags pa dang/ zhen pa dang/ 'brel ba dang/ mngon par 'dod pa dang/ yang dag par chags pa'i rgyu 'di dag las yang dag par 'das so/ /kA tyA ya na bcom ldan 'das gau ta ma de ltar gang na bzhugs/ bram ze shar phyogs kyi yul na mnyan yod ces bya ba'i ko sa la'i grong khyer na rgyal byed kyi tshal mgon med zas sbyin gyi kun dga' ra ba na da ltar bcom ldan 'das bzhugs so/ /de nas bram ze lag na dbyug pa can stan las langs te bla gos phrag pa gcig tu gzar nas/ sa'i dkyil 'khor gang na bcom ldan 'das bzhugs pa'i phyogs der thal mo sbyar te phyag byed cing tshang bu brjod pa 'di skad ched du brjod do/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gang 'dod pa la chags pa dang/ zhen pa dang/ 'brel ba dang/ mngon par 'dod pa dang/ yang dag par chags pa'i rgyu 'di dag las yang dag par 'das shing lta ba la chags pa dang/ zhen pa dang/ 'brel pa dang/ mngon par 'dod pa dang/ yang dag par chags pa 'di rnams las yang dag par 'das pa de la phyag 'tshal lo/ /phyag 'tshal lo zhes ched du brjod do/ /de nas bram ze 'byug pa can tshe dang ldan pa kA tyA ya na chen pos bshad pa la rjes su yi rang bzhin mngon par dga' nas stan las langs te song ngo/ /de nyid mdo la brten te slob dpon sna tshogs blo gros kyis tshigs su bcad pa bzhi brgya ba las bcom ldan 'das la bstod pa/ 'dod pa mi snang 'brel med cing/ /lta ba'i dgra bcom gyur ba/ de nas rtsod rtsa mi 'byung ste/ rtsa ba med par gang las 'byung zhes gsungs so/ /pho dang mo dag phan tshun gzugs la mngon par dga' o zhes bya ba la re rer bsdus pa las bsdus pa'i sdom gnyis pa'i mdza' i mdo las 'byung ste/ de las 'di skad du 'don te/ dge slong dag ji ltar skyes bu bud med la chags pa la 'di ltar dga' ba skyes pa 'di ltar rgyags pa dang/ srid pa dang/ dga' ba dang/ chags pa dang/ brgyal ba dang/ 'ching ba dang/ don du gnyer ba dang/ kun tu sbyor ba'i chos gcig kyang ngas yang dag par rjes su ma mthong ste/ skyes bu bud med kyi gzugs la chags pa dang/ zhen pa dang/ chags zhen dang/ brgyal ba dang/ zhen pa thob pa ni skyon mi mthong zhing nges par 'byung ba mi tshol bas skyes bu bud med kyi dbang du 'gyur ro/ /skyes bu bud med kyi gzugs la ji lta ba bzhin du bud med skyes pa'i gzugs la yang de bzhin no/ /'dres pa zhes bya ba'i gsum pa las kyang skyes bu bud med kyi gzugs la bud med kyang skyes bu'i gzugs la ste/ gzugs ji lta ba de bzhin du dri dang ro dang reg bya gsum la yang mdo rnam pa gsum mo/ /zhing dang sa bon gyi go rim lta bur bstan pa'i don du zhes bya ba la sa bon gyi rnam pa lnga ste zhes mdo las 'byung ste/ bde ba la phung po zhes bya ba las ngas chos gcig kyang yang dag par rjes su ma mthong zhes bya ba'i sdom gyi tshigs su bcad pa gsum pa las dang/ mdzod kyi gnas drug par kun 'byung gi bden pa dpyad pa las ji skad du sa bon gyi rnam pa lnga zhes bya ba ni nye bar len pa dang bcas pa'i rnam par shes pa'i tshig bla dags so zhes rang gi ngo bos bsdus nas der 'tshang bar 'gyur ro/ /chos kyi phung po brgyad khri bzhi stong ji skad du bshad ce na/ ji ltar ched du brjod pa bsdus pa las dang po'i sdom gyi tshigs su bcad pa gsum pa'i mdo las 'byung ste/ tshe dang ldan pa kun dga' bas smras pa/ tshe dang ldan pa dag bdag gis chos kyi phung po brgyad khri lhag cig bcom ldan 'das kyi drung du thos shing bzung la gnyis ni dge slong dag las so/ /bdag gis tshig dum bur bzung ba ni yang dag par rjes su mi dran te/ gzhan du na dus gcig tu thos so/ /bcom ldan 'das la yongs su dris te bzung ba ni bdag gis mngon par mi shes te/ gzhan du na lan cig thos pas so/ /de'i tshe yang de lta bu ste/ 'di ltar sems kyi chos yongs su bzung bar bya'o/ /kha cig chos kyis rjes su gzung zhing rtogs pa thob pa dang/ gzhan yongs su bzung ba'i phyir zhes mngon par mi shes te/ gzhan du na bdag nyid gdul ba'i don dang/ zhi ba'i don dang/ bdag nyid yongs su mya ngan las bzla ba'i don du'o/ /sems khengs pa dang zhum pa'i rgyu yang dag par rjes su mi shes so/ /tshangs par spyod pa gzhan las lhag pa'i rgyu'i sems mngon par mi shes shing ma skyes so/ /gang dag tshe dang ldan pa kun dga' bos 'di ltar bshad pa na tshe dang ldan pa dga' bo chos la ngo mtshar bar gyur to/ /de la re zhig lnga ni zhes bya ba la sogs pa la/ tshul khrims la sogs pa'i phung po de dang de las 'dom pa bzhin te/ ji ltar re zhig drug pa'i mdo'i gsum tshan gyi dang po las ji skad bshad pa lta bu ste/ chos lnga mngon sum du bya ba ni mi slob pa'i phung po lnga ste/ mi slob pa'i tshul khrims kyi phung po dang/ ting nge 'dzin gyi phung po dang shes rab gyi phung po dang/ rnam par grol ba'i phung po dang/ rnam par grol ba'i ye shes mthong ba'i phung po'o/ /zad par gyi skye mched bcu po rnams ni zhes bya ba la/ gleng gzhi ni mnyan du yod pa na'o/ /dge slong dag zad par gyi skye mched ni bcu po 'di rnams te/ bcu gang zhe na/ la la zad par sa'o zhes steng dang 'og dang thad kar gnyis su med cing tshad med par 'du shes su byed cing pa la zad par chu dang/ me dang/ rlung dang/ sngon po dang/ ser po dang/ dmar po dang/ dkar po dang/ nam mkha' mdza' yas skye mched dang/ rnam shes mdza' yas skye mched do zhes steng dang 'og dang thad kar gnyis su med cing tshad? med par 'du shes su byed do zhes bka' stsal to/ /zil gyis gnon pa'i skye mched rnams kyang de dang 'dra'o zhes bya ba la/ gleng gzhi ni mnyan du yod pa na'o/ /dge slong dag brgyad po 'di dag ni zil gyis gnon pa'i skye mched de/ brgyad gang zhe na/ nang gzugs med par 'du shes pas phyi rol gyi gzugs chung ngu kha dog bzang po 'am ngan pa rnams pa blta zhing gzugs de dag zil gyis mnan nas shes/ gzugs de dag zil gyis mnan nas mthong ste/ de lta bu'i 'du shes par gyur pa 'di ni zil gyis gnon pa'i skye mched dang po'o/ /nang gzugs med par 'du shes bas phyi rol gyi gzugs chen po kha dog bzang po dang ngan pa rnams la blta zhing gzugs de dag zil gyis mnan nas shes/ zil gyis mnan nas mthong ste/ de lta bur 'du shes par gyur pa 'di ni zil gyis gnon pa'i skye mched gnyis pa'o/ /nad gzugs med par 'du shes pas phyi rol gyi gzugs chung ngu kha dog bzang po dang ngan pa rnams la blta zhing gzugs de dag zil gyis mnan nas shes/ zil gyis mnan nas mthong ste/ de lta bur 'du shes pas gyur pa 'di ni zil gyis gnon pa'i skye mched gsum pa'o/ /nang gzugs med par 'du shes pas phyi rol gyi gzugs chen po kha dog bzang po dang/ ngan pa rnams la blta zhing gzugs de dag zil gyis mnan nas shes/ zil gyis mnan nas mthong ste/ de lta bur 'du shes par 'gyur ba 'di ni zil gyis gnon pa'i skye mched bzhi pa'o/ /nang gzugs med par 'du shes pas phyi rol gyi gzugs sngon po kha dog sngon po sngon po lta bur ston pa 'ong sngon po 'byung pa 'di lta ste/ zad? ma'i me tog gam/ yul ba ra NA se'i ras phun sum tshogs pa sngon po kha dog sngon po sngon pa lta bur ston pa 'od sngon po 'byung ba de bzhin du nang gzugs med par 'du shes pas phyi rol gyi gzugs sngon po kha dog sngon po sngon po lta bur ston pa 'od sngon po 'byung ba rnams la blta ba 'di ni zil gyis gnon pa'i skye mched lnga pa'o/ /nad gzugs med par 'du shes pas phyi rol gyi gzugs ser po kha dog ser po ser po lta bur ston pa 'od ser po 'byung pa 'di lta ste/ dong ka'i me tog gam/ yul ba ra NA se'i ngas phun sum tshogs pa ser po kha dog ser po ser po lta bur ston pa 'od ser po 'byung ba de bzhin du nang gzugs med par 'du shes pas phyi rol gyi gzugs ser po kha dog ser po lta bur ston pa 'od ser po 'byung ba rnams la ba lta ba 'di ni zil gyis gnon pa'i skye mched drug pa'o/ /nang gzugs med par 'du shes pas phyi rol gyi gzugs dmar po kha dog dmar po dmar po lta bur ston pa 'od dmar po 'byung pa 'di lta ste dper na/ band+hu dzI ba ka'i me tog gam/ yul ba ra NA se'i ras phun sum tshogs pa dmar po kha dog dmar po dmar po lta bur ston pa 'od dmar po 'byung ba de bzhin du nang gzugs med par 'du shes bas phyi rol gyi gzugs dmar po kha dog dmar po dmar po lta bur ston pa 'od dmar po 'byung ba rnams la blta ba 'di ni zil gyis gnon pa'i skye mched bdun pa'o/ /nang gzugs med par 'du shes pas phyi rol gyi gzugs dkar po kha dog dkar po dkar po lta bur ston pa 'od dkar po 'byung ba 'di lta ste dper na/ /skar ma pa ba sangs lta bu 'am/ yul ba ra NA se'i ras phun sum tshogs pa dkar po kha dog dkar po dkar po lta bur ston pa 'od dkar po 'byung ba de bzhin du ma gzugs med par 'du shes pas phyi rol gyi gzugs dkar po kha dog dkar po dkar po lta bur ston pa 'od dkar po 'byung ba rnams la blta ba 'di ni zil gyis gnon pa'i skye mched brgyad pa'o zhes bka' stsal to/ / //nam mkha' mdza' las la sogs pa skye mched gzhan bzhi po rnams ni zhes bya ba la/ gleng gzhi ni mnyan du yod pa na'o/ /dge slong dag skye mched ni bzhi po 'di dag ste/ nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched dang 'du shes med 'du shes med min skye mched do zhes bka' stsal to/ /skye mched 'di dag ni gnyis pa'i de ma thag mdo'i dum bu rnam par dbye ba las blta bar bya'o/ /rnam par grol ba'i skye mched lnga po zhes bya ba la/ gleng gzhi ni mnyan du yod pa na'o/ /dge slong dag rnam par grol ba'i skye mched ni lnga ste/ lnga gang zhe na/ dge slong dag 'di la ston pa 'am tshangs par spyod pa mkhas pa bla ma'i gnas lta bu gzhan gang yang rung ba chos ston par byed de/ ji lta ji ltar ston pa 'am tshangs par spyod la bla ma'i gnas lta bu gzhan gang yang rung ba chos ston par byed pa de lta de ltar chos rnams don so so yang dag par rig pa dang/ so so yang par rig par 'gyur ro/ /don so so yang dag par rig pa de la chos so so yang dag par rig pa'i dga' ba skye bar 'gyur ro/ /dga' ba de la rab tu dga' ba skye bar 'gyur ro/ /yid dga' na lus shin tu sbyangs par 'gyur ro/ /lus shin tu sbyangs na bde ba myong bar 'gyur ro/ /bde ba myong ba ting nge 'dzin la mnyam par 'jog par 'gyur ro/ /mnyam par bzhag na ji lta ba bzhin shes pa dang/ yang dag pa ji lta pa bzhin yod par 'gyur ro/ /yang dag pa ji lta ba bzhin shes shing yang dag pa ji lta ba bzhin mthong na skye bar 'gyur ro/ /skyo na 'dod chags dang bral bar 'gyur ro/ /'dod chags dang bral na grol bar 'gyur ro/ /'di ni rnam par grol pa'i skye mchad dang po'o/ /gang las dge slong ngam dge slong ma de'i dran pa nye bar mi gnas pa dran pa nye bar mi gnas par 'gyur/ sems mnyam par ma bzhag pa mnyam par 'jog par 'gyur/ zag pa yongs su zad pa yongs su zad par 'gyur te/ rjes su ma thob pa'i mya ngan las 'das pa grub pa dang bde ba bla na med pa thob par 'gyur te/ gzhan yang dge slong ston pa 'am tshangs par spyod pa mkhas pa bla ma'i gnas lta bur gzhan gang yang rung ba chos ston par mi byed mod kyi/ ji ltar thos pa dang/ ji ltar mthong ba dang thob pa'i chos rnams rgyas par kha don byed de/ ji lta ji ltar thos pa dang/ ji ltar mthong ba dang/ rtogs pa'i chos rnams rgyas par kha don du byed pa de lta de ltar chos rnams don so so yang dag par rig par 'gyur ro/ /chos so so yang dag par rig pa dang/ don so so yang dag par rig pa de la chos so so yang dag par rig pa dang don so so yang dag par rig pa'i dga' ba skye bar 'gyur ro/ /dga' ba de la rab tu dga' ba skye bar 'gyur ba nas 'dod chags dang bral ba dang grol ba'i bar du ste/ 'di ni rnam bar grol ba'i skye mched gnyis pa'o/ /gang la dge slong ngam dge slong ma de'i dran pa nye bar ma gnas pa dran pa nye bar gzhag par 'gyur/ sems mnyam par ma bzhag pa mnyam par 'jog par 'gyur/ zag pa yongs su ma zad pa yongs su zad par 'gyur te/ rjes su ma thob pa'i mya ngan las 'das pa grub pa dang bde ba bla na med pa thob par 'gyur ro/ /gzhan yang dge slong ston pa 'am tshangs par spyod pa mkhas pa bla ma'i gnas lta bu gzhan gang yang rung ba chos ston par yang mi byed la/ ji ltar thos pa dang/ ji ltar rtogs pa dang/ khong du chud pa'i chos rnams rgyas par kha ton du yang mi byed mod kyi/ ji ltar thos pa dang/ ji ltar rtogs pa dang/ khong du chud pa'i chos rnams gzhan dag rnams la rgyas par yang dag par gsal bar byed de/ ji lta ji ltar thos pa dang/ rtogs pa dang/ khong du chud pa'i chos rnams gzhan dag la rgyas par rab tu gsal bar byed pa de lta de ltar chos rnams la don so sor rig pa dang/ chos so sor rig par 'gyur te/ don so sor rig pa dang/ chos so sor yang dag par rig pa de la rab tu dga' ba skye ba nas 'dod chags dang bral ba dang grol ba'i bar du 'gyur ro/ /'di ni rnam par grol ba'i skye mched gsum pa'o/ /gang la dge slong ngam dge sbyong ma gnas pa de'i dran pa nye bar mi gnas pa dran pa nye bar gnas par 'gyur/ sems mnyam par ma bzhag pa mnyam par 'jog par 'gyur/ zag pa yongs su ma zad pa yongs su zad par 'gyur te/ /rjes su ma thob pa mya ngan las 'das pa grub pa dang dben pa bla na med pa thob par 'gyur ro/ /gzhan yang dge slong ston pa 'am tshangs par spyod pa mkhas pa gzhan gang yang rung ba chos ston par yang mi byed/ ji ltar thos ba dang/ ji ltar rtogs pa dang/ ji ltar khong du chud pa rgyas par kha don du yang mi byed/ ji ltar thos pa dang/ ji ltar rtogs pa dang/ ji ltar khong du chud pa'i chos rnams gzhan dag la rab tu gsal bar yang mi byed mod kyi/ /ji ltar thos pa dang/ ji ltar rtogs pa dang/ ji ltar khong du chud pa'i chos rnams gcig tu dben par song ste/ don sems shing 'jal ba dang nye bar dpyod par byed do/ /ji lta ji ltar thos pa dang ji ltar rtogs pa dang/ ji ltar khong du chud pa'i chos rnams gcig tu dben par song ste/ don sems shing 'jal ba dang nye bar dpyod par byed pa de lta de ltar chos rnams so sor rig pa dang/ don so sor rig par 'gyur te/ chos so sor rig pa dang/ don so sor rig pa de la rab tu dga' pa skye ba na 'dod chags dang bral ba dang grol ba'i bar du 'gyur ro/ /'di ni rnam par grol ba'i skye mched bzhi pa'o/ /gang las dge slong ngam dge slong ma gnas pa'i dran pa nye bar mi gnas pa nye bar gnas par 'gyur ba nas rjes su ma thob pa mya ngan las 'das pa grub pa dang/ bde ba bla na med pa rjes su thob par 'gyur ba'i bar du'o/ /gzhan yang dge slong ston pa 'am tshangs par spyod pa mkhas pa bla ma'i gnas lta bu gzhan yang rung ba chos ston par yang mi byed la/ ji ltar thos pa dang/ ji ltar rtogs pa dang/ ji ltar khong du chud pa'i chos rnams rgyas par kha don du yang mi byed la ji ltar thos pa dang/ ji ltar rtogs pa dang/ ji ltar khong du chud pa'i chos rnams gcig tu dben par song ste/ don sems shing 'jal ba dang nye bar spyod par yang mi byed mod kyi/ ting nge 'dzin gyi rgyu mtshan bzang po gzhan dang gzhan legs par rab tu 'dzin par gyur cing shin tu yid la byed/ shin tu bsten par byed/ shin tu rab tu 'byed par byed de/ ji lta ji ltar ting nge 'dzin gyi rgyu mtshan bzang po gzhan dang gzhan legs par rab tu 'dzin cing shin tu yid la byed shin tu bsten par byed/ shin tu rab tu 'byed par byed ba de lta de ltar chos rnams la don so sor yang dag bar rig pa dang chos so sor yang dag par rig par 'gyur te/ chos so sor yang dag par rig pa dang/ don so sor yang dag par rig pa de la rab tu dga' ba skye bar 'gyur ba dang/ 'dod chags dang bral ba nas grol ba'i bar du 'gyur ro/ /'di rnam par grol ba'i skye mched lnga pa ste/ gang las dge slong ma dge slong ma de'i dran pa nye bar gnas par 'gyur pa nas/ mya ngan las 'das pa grub pa dang/ bde ba bla na med pa'i thob pa'i bar du 'gyur ro zhes bka' stsal to/ /skye mched gnyis po dag ni zhes bya ba la/ rnam grangs bshad pa'i sdom gyi tshigs su bcad pa gnyis pa'i dang po'i mdo las gsungs te tshe dang ldan pa dga' bo rnam par shes ba'i gnas dang/ skye mched rnam pa gnyis so/ /rnam par shes pa'i gnas bdun gang zhe na/ sems can gzugs can lus tha dad cing 'du shes tha dad pa dag kyang yod de/ 'di lta ste/ mi rnams dang lha kha cig go /'di ni rnam par shes pa gnas pa dang po'o/ /sems can gzugs can lus tha dad cing 'du shes gcig pa dag kyang yod de/ 'di lta ste/ tshangs ris kyi lha gang dag dang por byung ba de dag go / 'di ni rnam par shes pa gnas pa gnyis pa'o/ /sems can gzugs can lus gcig cing 'du shes tha dad pa dag kyang yod de/ 'di lta ste/ 'od gsal gyi lha rnams so/ /'di ni rnam par shes pa gnas pa gsum pa'o/ /sems can gzugs can lus gcig cing 'du shes gcig pa dag kyang yod de/ 'di lta ste dge rgyas kyi lha rnams so/ /'di ni rnam par shes pa gnas pa bzhi pa'o/ /sems can gzugs ma yin pa gang dag rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing sna tshogs rnams kyi 'du shes yid la mi byed pas nam mkha' mdza' yas so snyam nas nam mkha' mdza' yas skye mched rdzogs par byas te gnas pa yod de/ 'di lta ste nam mkha' yas skye mched du nye bar 'gro ba'i lha rnams so/ /'di ni rnam par shes pa gnas pa lnga pa'o/ /sems can gzugs can ma yin pa gang dag rnam pa thams cad du nam mkha' mdza' yas skye mched las yang dag par 'das te/ rnam shes mdza' yas so snyam nas rnam shes mdza' yas skye mched rdzogs par byas te gnas pa yod do/ /'di lta ste/ rnam shes mdza' yas skye mched du nye bar 'gro ba'i lha rnams so/ / 'di ni rnam par shes pa gnas pa drug pa'o/ /sems can gzugs can ma yin pa gang dag rnam pa thams cad du rnam shes mdza' yas skye mched las yang dag par 'das te cung zad med do snyam nas ci yang med pa'i skye mched rdzogs bar byas nas gnas pa yod de/ 'di lta ste/ ci yang med pa'i skye mched du 'gro ba'i lha rnams so/ /'di ni rnam par shes pa gnas pa bdun pa'o/ /skye mched gnyis gang zhe na/ sems can gzugs can gang dag 'du shes med cing 'du shes med pa yod de/ 'di lta ste/ 'du shes med pa'i sems can rnams te/ 'di ni skye mched dang po'o/ /sems can gzugs can ma yin pa gang dag rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched bsgrubs te gnas pa yod de/ 'di lta ste 'du shes med 'du shes med yin skye mched du nye bar 'gro ba'i lha rnams so/ /'di ni skye mched gnyis pa'o zhes gsungs so/ /de bzhin du khams mang po pa'i mdo las zhes bya ba la/ gleng gzhin mnyan du yod pa na'o/ /de nas tshe dang ldan pa kun dga' o gcig tu dben pa na nang du yang dag par 'jog las gnas pa ni 'di lta bu'i sems la sems kyi dpyod pa yongs su skyes te/ gang cung zad 'jigs pa skye zhing skye ba de thams cad ni byis pa rnams la skye'i/ mkhas pa rnams la ni ma yin no/ /gang cung zad nye bar 'tshe ba dang rab tu 'tshe ba dang/ nye bar rab tu 'tshe ba skye ba 'di ni byis pa rnams la skye bar 'gyur gyi/ mkhas pa rnams la ni ma yin no/ de nas tshe dang ldan pa kun dga' bo nang du yang dag 'jog las langs te bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag 'tshal te phyogs gcig tu 'dug go phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa 'di na bdag gcig pu dben pa na nang du yang dag 'jog la mchis pa na 'di lta bu'i sems la sems kyi yongs su dpyod pa 'di lta bu skyes te/ gang cung zad 'jigs pa skye zhing skye ba thams cad ni byis pa rnams la skye'i/ mkhas pa rnams la ni ma yin no/ /gang cung zad nye bar 'tshe ba dang/ rab tu 'tshe ba dang/ nye bar rab tu 'tshe ba skye zhing skye ba de thams cad ni byis pa rnams la skye'i/ mkhas pa rnams la ni ma yin no/ /kun dga' bo de de bzhin no/ /de de bzhin te/ gang cung zad 'jigs pa skye ba de thams cad ni byis pa rnams la skye'i/ mkhas pa rnams la ni ma yin no/ /gang cung zad nye bar 'tshe ba dang/ rab tu 'tshe ba dang/ nye bar rab tu 'tshe ba skye zhing skye ba de thams cad ni byis pa rnams la skye'i mkhas pa rnams la ni ma yin no/ /kun dga' bo 'di lta ste/ 'dam bu skam po 'am/ ci'i khyim mang po la mes bsreg pa na mthong par mes bsreg pa de bzhin du gang cung zad 'jigs pa skye zhing skye ba de thams cad ni byis pa rnams la skye'i/ mkhas pa rnams la ni ma yin no/ /gang cung zad nye bar 'tshe ba dang/ rab tu 'tshe ba dang/ nye bar rab tu 'tshe ba de thams cad ni byis pa rnams la skye'i/ mkhas pa rnams la ni ma yin no/ /'das pa'i dus na gang cung zad 'jigs pa skye ba de thams cad kyang byis pa rnams la skye'i/ mkhas pa rnams la ni ma yin no/ /gang cung zad nye bar 'tshe ba dang/ rab tu 'tshe ba dang/ nye bar rab tu 'tshe ba de thams cad ni byis pa rnams la skye'i/ mkhas pa rnams la ni ma yin no/ /ma 'ongs pa'i dus na gang cung zad 'jigs pa skye ba de thams cad kyang byis pa rnams la skye'i/ mkhas pa rnams la ni ma yin no/ /gang cung zad nye bar 'tshe ba dang/ rab tu 'tshe ba dang/ nye bar rab tu 'tshe ba de thams cad ni byis pa rnams la skye'i/ mkhas pa rnams la ni ma yin no/ /kun dga' bo 'das pa dang ma 'das pa dang da ltar byung ba'i dus rnams su byis pa 'jigs pa dang bcas kyi/ mkhas pa rnams ni ma yin no/ /byis pa rnams nye bar 'tshe ba dang bcas kyi/ mkhas pa rnams ni ma yin no/ /byis pa rnams rab tu 'tshe ba dang bcas kyi/ mkhas pa rnams ni ma yin no/ /byis pa rnams rab tu nye bar 'tshe ba dang bcas kyi/ mkhas pa rnams ni ma yin no/ /kun dga' bo byis pa rnams 'di lta bu'i nye bar 'tshe ba dang/ rab tu 'tshe ba dang/ nye bar rab tu 'tshe ba dang bcas par 'dod kyi mkhas pa rnams ni ma yin no/ /kun dga' bo de'i phyir byis pa'i chos rnams dang mkhas pa'i chos rnams rig par bya zhing byis pa dang mkhas pa'i chos rnams rig nas byis pa'i chos spang bar bya zhing mkhas pa'i chos rnams la 'jug par bya/ bslab par bya'o/ /btsun pa ji ltar na byis pa byis pa zhes bya ba'i grangs su 'gro/ kun dga' bo phung po la mi mkhas pa dang/ khams dang/ skye mched dang/ rten cing 'brel par 'byung ba dang/ gnas dang gnas ma yin pa la mi mkhas pa 'di tsam gyis byis pa byis pa zhes bya ba'i grangs su 'gro'o/ /btsun pa 'di tsam gyis byis pa byis pa zhes bya ba'i grangs su 'gro na/ btsun pa ji tsam gyis byis pa mkhas pa mkhas pa zhes bya ba'i grangs su 'gro / kun dga' bo phung po la mkhas pa dang/ khams dang skye mched la mkhas pa dang/ rten cing 'brel par 'byung ba la mkhas pa dang/ gnas dang gnas ma yin pa la mkhas pa de ni mkhas pa zhes bya ba'i grangs su 'gro'o/ /btsun pa ji tsam gyis na khams la mkhas par 'gyur zhe na/ kun dga' bo khams bco brgyad la mkhas shing shes pa dang mthong ba ste/ ji ltar gnas pa'i mig gi khams dang/ gzugs kyi khams dang/ mig gi rnam par shes pa'i khams dang/ rna ba'i khams dang/ sgra'i khams dang/ rna ba'i rnam par shes pa'i khams dang/ sna'i khams dang/ dri'i khams dang/ sna'i rnam par shes pa'i khams dang/ lce'i khams dang/ ro'i khams dang/ lce'i rnam par shes pa'i khams dang/ lus kyi khams dang/ reg bya'i khams dang/ lus kyi rnam par shes pa'i khams dang/ yid kyi khams dang/ chos kyi khams dang/ yid kyi rnam par shes pa'i khams ste/ khams bco brgyad pa 'di rnams yang dag pa ji lta ba bzhin shes shing mthong ba dang/ yang khams drug yang dag pa ji lta ba bzhin shes shing mthong ste/ sa'i khams dang/ chu'i khams dang/ me'i khams dang/ rlung gi khams dang/ nam mkha' i khams dang/ rnam par shes pa'i khams 'di dag yang dag pa ji lta ba bzhin shes shing mthong ba dang/ gzhan yang khams drug yang dag pa ji lta ba bzhin shes shing mthong ste/ 'dod pa'i khams dang/ gnod sems kyi khams dang/ rnam par 'tsho ba'i khams dang/ nges par 'byung ba'i khams dang/ gnod sems kyi khams dang/ gnod sems med pa'i khams so/ /drug po 'di dag ji lta ba bzhin shes shing mthong ngo/ /gzhan yang khams drug yang dag pa ji lta ba bzhin shes shing mthong ste/ bde ba'i khams dang/ sdug bsngal gyi khams dang/ yid bde ba'i khams dang/ yid mi bde ba'i khams dang/ btang snyoms kyi khams dang/ ma rig pa'i khams te/ drug po 'di dag yang dag pa ji lta ba bzhin shes shing mthong ngo/ /yang khams bzhi yang dag pa ji lta ba bzhin shes shing mthong ste/ tshor ba'i khams dang/ 'du shes kyi khams dang/ 'du byed kyi khams dang/ rnam par shes pa'i khams te bzhi po 'di dag ji lta ba bzhin shes shing mthong ngo// yang khams gsum yang dag pa ji lta ba bzhin shes shing mthong ste/ 'dod pa'i khams dang/ gzugs kyi khams dang/ gzugs med pa'i khams te/ gsum po 'di dag yang dag pa ji lta ba bzhin shes shing mthong ngo/ /gzhan yang khams gsum yang dag par ji lta ba bzhin shes shing mthong ste/ gzugs kyi khams dang/ gzugs med pa'i dang/ 'gog pa'i khams te/ gsum po 'di dag yang dag pa ji lta ba bzhin shes rab kyis shes shing mthong ngo/ /yang khams gsum yang dag pa ji lta ba bzhin shes shing mthong ste/ 'das pa'i khams dang/ ma 'ongs pa'i khams dang/ da ltar byung ba'i khams te gsum po 'di dag yang dag pa ji lta ba bzhin shes shing mthong ngo/ /gzhan yang khams gsum yang dag pa ji lta ba bzhin shes shing mthong ste/ ngan pa'i khams dang/ bar ma'i khams dang/ gya nom pa'i khams te/ gsum po 'di dag yang dag pa ji lta ba bzhin shes shing mthong ngo/ /gzhan yang khams gsum yang dag pa ji lta ba bzhin shes shing mthong ste/ dge ba'i khams dang/ mi dge ba'i khams dang/ lung du ma bstan pa'i khams te/ gsum po 'di dag yang dag pa ji lta ba bzhin shes shing mthong ngo/ /gzhan yang khams gsum yang dag pa ji lta ba bzhin shes shing mthong ste/ slob pa'i khams dang/ mi slob pa'i khams dang/ slob pa yang ma yin mi slob pa yang ma yin pa'i khams te/ gsum po 'di dag yang dag pa ji lta ba bzhin shes shing mthong ngo/ /yang khams gnyis yang dag pa ji lta ba bzhin shes shing mthong ste/ zag pa dang bcas pa'i khams dang/ zag pa med pa'i khams te/ gnyis po 'di dag yang dag pa ji lta ba bzhin shes shing mthong ngo/ /gzhan yang khams gnyis yang dag pa ji lta ba bzhin shes shing mthong ste/ 'dus byas kyi khams dang/ 'dus ma byas kyi khams te/ gnyis po 'di dag yang dag pa ji lta ba bzhin shes shing mthong ngo/ /'di tsam gyis na khams la mkhas par 'gyur ro/ /btsun pa 'di tsam gyis khams la mkhas par 'gyur na/ btsun pa ji tsam gyis na skye mched la mkhas par 'gyur ro/ /kun dga' bo skye mched bcu gnyis yang dag pa ji lta ba bzhin shes shing mthong la mkhas pa ste/ mig gi skye mched dang/ gzugs kyi skye mched dang/ rna ba'i skye mched dang/ sgra'i skye mched dang/ sna'i skye mched dang/ dri'i skye mched dang/ lce'i skye mched dang/ ro'i skye mched dang/ lus kyi skye mched dang/ reg bya'i skye mched dang/ yid kyi skye mched dang/ chos kyi skye mched do/ skye mched bcu gnyis po 'di dag yang dag pa ji lta ba bzhin shes shing mthong ba ste/ 'di tsam gyis na skye mched la mkhas par 'gyur ro/ /btsun pa 'di tsam gyis skye mched la mkhas par 'gyur na/ btsun pa ji tsam gyis rten cing 'brel bar 'byung ba la mkhas par 'gyur/ kun dga' bo rten cing 'brel bar 'byung ba yan lag bcu gnyis po 'di dag go rim dang go rim las bzlog pa yang dag pa ji lta ba bzhin shes shing mthong ba ste/ 'di lta ste/ 'di yod pas 'di 'byung/ 'di skyes pa'i phyir 'di skye ste/ 'di ltar ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug / skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga bo dang/ na ba dang/ 'chi ba dang/ mya ngan dang/ smra sngags 'don pa dang/ sdug bsngal ba dang/ yid mi bde ba dang/ 'khrugs pa rnams 'byung zhing sdug bsngal gyi phung po 'di 'ba' zhig 'byung bar 'gyur ro/ /'di lta ste/ 'di med pas 'di mi 'byung 'di 'gags pas 'di 'gag ste/ ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag / reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag / skye ba 'gags pas rga ba dang/ na ba dang 'chi ba dang mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'gag ste/ de ltar na sdug bsngal gyi phung po 'di 'ba' zhig 'gag par 'gyur ro/ /kun dga' bo 'di tsam gyis ni rten cing 'brel par 'byung ba la mkhas par 'gyur ro/ /btsun pa 'di tsam gyis rten cing 'brel par 'byung ba la mkhas par 'gyur na btsun pa ji tsam gyis gnas dang gnas ma yin pa la mkhas par 'gyur/ kun dga' bo gnas ma yin pa gnas ma yin pa dang/ gnas la gnas su yang dag par ji lta ba bzhin rab tu shes pa ste/ kun dga' bo gnas ma yin zhing go skabs med de/ gang lus kyi nyes par spyad pa dang/ yid dang ngag gi nyes par spyad pa'i rnam par smin pa 'dod pa dang/ sdug pa dang/ dga' ba dang/ yid du 'ong ba 'grub par 'gyur ba 'di ni gnas ma yin zhing go skabs med do/ /gang lus kyi legs par spyad pa dang/ yid dang ngag gi legs par spyad pa'i rnam par smin pa mi 'dod pa dang/ mi sdug pa dang/ mi dga' ba dang/ yid du mi 'ong ba 'grub pa 'di ni gnas ma yin zhing go skabs med do/ /gang lus kyi legs par spyad pa dang/ ngag gi dang/ yid kyi legs par spyad pa'i rnam par smin pa 'dod pa dang/ sdug pa dang/ dga' ba dang/ yid du 'ong ba 'grub par 'gyur ba 'di ni gnas yin zhing go skabs yod do/ /gnas ma yin zhing go skabs med de gang lus kyi nyes par spyod pa dang/ ngag dang yid kyi nyes par spyad pa spyod pa de'i rgyu dang de'i rkyen gyis lus zhig ste shi ba'i 'og tu mtho ris lha dang mi'i 'jig rten du skye ba 'di ni gnas ma yin zhing go skabs med do/ /gnas yin zhing go skabs yod de gang lus kyi nyes par spyad pa spyod pa dang/ ngag dang yid kyi nyes par spyad pa spyod par de'i rgyu dang de'i rkyen gyis lus zhig ste/ shi ba'i 'og tu ngan 'gro log par ltung ba sems can dmyal ba rnams su skye ba 'di ni gnas yin zhing go skabs yod do/ /gnas ma yin zhing go skabs med de/ gang lus kyi legs par spyad pa spyod pa dang/ ngag dang yid kyi legs par spyad pa spyod pa de'i rgyu dang de'i rkyen gyis lus zhig ste shi ba'i 'og tu ngan song ngan 'gro log par ltung ba dmyal ba rnams su skye ba 'di ni gnas ma yin zhing go skabs med do/ /gnas yin zhing go skabs yod de/ gang lus kyi legs par spyad pa spyod pa dang/ ngag dang yid kyi legs par spyad pa spyod pa de'i rgyu dang de'i rkyen gyis lus zhig ste shi ba'i 'og tu mtho ris kyi lha dang mi'i 'jig rten du skye ba 'di ni gnas yin zhing go skabs yod do/ /gnas ma yin zhing go skabs med de/ snga phyi med par 'jig rten gcig tu 'khor los sgyur ba gnyis 'byung bar 'gyur ba 'di ni gnas med do/ /gcig 'byung ba 'di gnas yod do/ / gnas ma yin zhing go skabs med de gang snga phyi med par 'jig rten gcig tu de bzhin gshegs pa dgra bcom pa yang dag par rdzogs pa'i sangs rgyas gnyis 'byung ba 'di ni gnas ma yin zhing gcig 'byung ba ni gnas yod do/ /gnas ma yin zhing skabs med de/ bud med 'khor lo sgyur ba'i rgyal po byed par 'gyur ba 'di ni gnas med do/ /gang skyed pa byed par 'gyur ba 'di ni gnas yod do/ /gnas ma yin zhing go skabs med de/ bud med rgyal po chen po bzhi nyid dang/ brgya byin nyid dang/ tshangs pa nyid byed par 'gyur ba dang/ rang sangs rgyas kyi byang chub mngon du byed pa dang/ bla na med pa yang dag par rdzogs pa'i sangs rgyas byed par 'gyur pa 'di ni gnas ma yin zhing skyes pa byed par 'gyur ba 'di ni gnas yod do/ /gnas ma yin zhing go skabs med de/ gang zag lta ba phun sum tshogs pa bsam bzhin tu ma gsod par 'gyur ba 'di ni gnas med cing so so'i skye bo ni gnas yod do/ /gnas ma yin zhing go skabs med de/ gang zag lta ba phun sum tshogs la bsams bzhin du pa gsod pa dang dgra bcom pa gsod pa dang/ dge 'dun mthun pa 'byed pa dang/ de bzhin gshegs pa'i sku la ngan sems kyis khrag 'byin par 'gyur ba 'di ni gnas ma yin zhing go skabs med do/ /so so'i skye bo ni gnas yod do/ /gnas ma yin zhing go skabs med de/ gang zag lta ba phun sum tshogs pa bsams bzhin du dud 'gro'i 'gro ba bsad par 'gyur ba dang/ bsams bzhin du bslab pa las 'da' ba dang/ bslab pa nyams par byed par 'gyur ba dang/ 'di las phyi rol pa'i yon gnas kyi rjes su 'brang ba dag 'di las phyi rol pa'i ston pa la dad pa dang/ dge sbyong dang bram ze 'di dag shes par bya ba shes so/ /mthong bar bya ba mthong ngo zhes dge sbyong dang bram ze la mngon du phyogs shing lta ba dang/ mngon du phyogs shing rtog pa dang/ bkra shis dang dge mtshan dag la dad pa 'dzin pa dang/ srid pa brgyad pa 'grub par 'gyur ba 'di ni gnas ma yin zhing so so skye bo ni gnas yod do/ /gnas ma yin zhing go skabs med de/ gang sgrib pa rnam pa lnga po sems nye ba'i nyon mongs par byed pa shes rab nyams chung bar byed pa mya ngan las 'das pa thob pa'i gnas su gyur pa ma spangs par dran pa nye bar bzhag pa bzhi rnams la sems legs par gnas shing dpyod par 'gyur ba 'di ni gnas ma yin no/ /gang sgrib pa lnga po sems nye bar nyon mongs par byed pa/ shes rab nyam chung bar byed pa mya ngan las 'das pa thob pa'i gegs su gyur pa spangs na dran pa nye bar bzhag pa bzhi rnams la sems legs par gnas shing gnas pa 'di ni gnas yod do/ /gnas ma yin zhing go skabs med de/ gang sgrib pa lnga po sems nye bar nyon mongs par byed pa/ shes rab nyam chung bar byed pa mya ngan las 'das pa thob pa'i gegs kyi phyogs su gyur pa ma spangs par dran pa nye bar bzhag pa bzhi rnams la sems legs par gnas shing gnas pa dang/ byang chub kyi yan lag bdun sgom pa 'di ni gnas med do/ /gnas yod pa gang srid pa lnga po sems nye bar nyon mongs par byed ba shes rab nyam chung bar byed pa mya ngan las 'das pa thob pa'i gegs kyi phyogs su gyur pa de spangs na dran pa nye bar bzhag pa bzhi rnams la sems legs par gnas shing gnas pa dang/ byang chub kyi yan lag bdun sgom par 'gyur ba 'di ni gnas yod do/ /gnas ma yin zhing go skabs med de gang sgrib pa lnga po sems nye bar nyon mongs par byed pa/ shes rab nyam chung bar byed pa mya ngan las 'das par mi 'jug par byed pa'i gegs kyi phyogs ma spangs shing dran pa nye bar bzhag pa bzhi la sems mi gnas shing mi spyod pa byang chub kyi yan lag bdun ma sgoms par sdug bsngal yang dag par mthar byed par 'gyur ba 'di ni gnas med do/ /gnas yod de/ gang sgrib pa lnga po sems nye bar nyon mongs par byed pa/ shes rab nyam chung bar byed pa mya ngan las 'das pa 'jug pa'i gegs kyi phyogs spangs shing dran pa nye bar bzhag pa bzhi la sems gnas shing spyod pa la byang chub kyi yan lag bdun bsgoms nas sdug bsngal gyi mthar byed par 'gyur ba 'di ni gnas yod do/ /gnas ma yin zhing go skabs med de/ gang sgrib pa lnga po sems nye bar nyon mongs par byed pa shes rab nyam chung bar byed pa mya ngan las 'das par 'jug pa'i gegs kyi phyogs ma spangs shing dran pa nye bar bzhag pa bzhi la sems mi gnas shing mi spyod la/ byang chub kyi yan lag bdun ma bsgoms par rang sangs rgyas kyi byang chub mngon du byed par 'gyur ba 'di ni gnas med do/ /gnas yod de/ gang sgrib pa lnga po sems nye bar nyon mongs par byed pa shes rab nyam chung bar byed pa mya las 'das par 'jug pa'i gegs kyi phyogs spangs shing dran pa nye bar bzhag pa bzhi la sems gnas shing spyod la byang chub kyi yan lag bdun bsgoms te rang sangs rgyas kyi byang chub mngon du byed par 'gyur ba 'di ni gnas yod do/ /gnas ma yin zhing go skabs med de/ gang sgrib pa lnga po sems nye bar nyon mongs par byed pa shes rab nyam chung bar byed pa mya ngan las 'das par 'jug pa'i gegs kyi phyogs ma spangs zhing dran pa nye bar bzhag pa bzhi la sems legs par mi gnas pa la mi spyod la/ byang chub kyi yan lag bdun ma sgom par bla na med pa yang dag par rdzogs par sangs rgyas shing byang chub pa 'di ni gnas ma yin zhing go skabs med do/ /gnas yod de gang sgrib pa lnga po sems nye bar nyon mongs par byed pa shes rab nyam chung bar byed pa mya ngan las 'das par 'jug pa'i gegs kyi phyogs spangs shing dran pa nye bar bzhag pa bzhi la sems gnas shing spyod pa byang chub kyi yan lag bdun bsgoms nas bla na med pa yang dag par rdzogs par byang chub pa 'di ni gnas yod do/ /kun dga' bo 'di tsam gyis na gnas dang gnas ma yin pa la mkhas par 'gyur ro/ /btsun pa 'di tsam gyis gnas dang gnas ma yin pa la mkhas par 'gyur na/ chos kyi rnam grangs 'di'i ming ci lags ji ltar bzung bar bgyi/ kun dga' bo de'i phyir chos kyi rnam grangs 'di'i ming le'u bzhi pa zhes bya bar yang gzung zhig / chos kyi me long zhes bya bar gzung zhig /bdud rtsi lnga zhes bya bar bzung zhig /khams mang po pa'i ming zhes bya bar gzung zhig /de'i phyir khams mang po pa'i mdo las 'di skad ces gsungs so/ /bar sdom la/ khams ni bco brgyad bzhi dag dang/ /sa dang 'dod pa tshor ba de dang/ /'dod pa gzugs dang 'das pa dang/ /dman dang dge ba'i khams nyid dang/ /slob pa dang ni mi slob pa/ /zag bcas zag pa med pa dang/ 'dus byas 'dus ma byas dag tu/ /byas nas tshogs su yang dag bstan/ /brtan yod 'dir ni gzugs gcig pa/ /thongs? dang bcas pa gzugs can bcu zhes bya ba la skye mched so sor brtan pa'i mdo sngar bshad pa gzhan du blta bar bya'o/ /dbang po rnams mtshang ba med cing zhan pa ma yin zhes bya ba la/ ji ltar re zhig lung ring po'i mdo las dang po yongs su nyams par brjod pa de dang de las 'don pa lta bu ste/ de las 'di ltar 'byung ste gal te thams cad du gzugs med pa'i khams yod na/ ji ltar bdag lus zhig ste shi ba'i 'og tu gzugs med pa'i khams su skye bar 'gyur la/ gal te rnam pa thams cad du gzugs med pa'i khams med na/ 'di ltar gzugs kyi khams kyi lha yid la byung ba'i gzugs can dbang po rnams ma tshang ba med cing zhan pa ma yin pa/ yan lag dang nying lag thams cad dang ldan pa/ kha dog bzang po dang ldan pa/ rang gi 'od can/ nam mkha' la 'gro ba/ dga' ba za zhing dga' ba'i zas dang ldan pa/ tshe ring zhing dus yun ring du gnas pa dag yongs su nyams pa na de dang der skye bar 'gyur ro zhes 'byung ngo/ /de gsum zag bcas zag med ces bya ba la gleng gzhi ni mnyan du yod pa na'o/ /de nas bcom ldan 'das kyis dge slong rnams la bos nas bka' stsal pa/ dge slong dag zag pa dang bcas pa dang/ zag pa med pa'i chos rnams bstan par bya ste/ de legs par nyon la yid la gzung zhig dang bshad par bya'o/ /zag pa dang bcas pa'i chos rnams gang zhe na/ dge slong dag mig dang gzugs dang de bzhin du mig gi rnam par shes pa nas/ de bzhin du mig gi 'dus te reg pa nas/ de bzhin du mig gi 'dus te reg pa las byung ba'i tshor ba bde ba dang sdug bsngal ba dang/ bde ba yang ma yin sdug bsngal ba yang ma yin pa nas/ de bzhin du rna ba dang/ sna dang/ lce dang/ lus dang/ 'jig rten pa'i yid dang/ chos dang/ yid kyi rnam par shes pa dang/ yid kyi 'dus te reg pa dang/ yid kyi 'dus te reg pa las byung ba'i tshor ba bde ba 'am/ sdug bsngal ba 'am/ bde ba yang ma yin sdug bsngal ba yang ma yin pa'i bar 'di ni zag pa dang bcas pa zhes bya'o/ /zag pa med pa'i chos rnams gang zhe na/ 'jig rten las 'das pa'i yid dang chos dang yid kyi rnam par shes pa nas/ yid kyi 'dus te reg pa las byung ba'i tshor ba bde ba'am sdug bsngal ba 'am/ bde ba yang ma yin sdug bsngal ba yang ma yin pa 'di ni zag pa med pa'i chos rnams zhes bya'o/ /dge slong dag ngas khyed la zag pa bcas pa dang zag pa med pa'i chos rnams bstan pa 'di rgyas par rab tu bshad do zhes bka' stsal to// // de nyid kyi phyir rtog pa dang bcas dpyod pa dang bcas pa'i sa na zhes bya ba gang nas 'byung zhe na/ bye brag tu bshad pa las so/ /rtog pa med par brjod par bya zhes bya ba gang na 'byung zhe na/ chos mngon pa las so// //mdo las byung ba rnams ni bzhi nyid dang/ sra ba la sogs pa'i mtshan nyid du bzung ba'i phyir la zhes bya ba la/ lung bar ma'i 'dun pa'i mjug thogs su glang po che'i rjes lta bu'i mdo de dang der ji ltar re zhig gzugs nye bar len pa'i phung po gang zhe na/ gzugs gang ci yang rung ba de thams cad ni 'byung ba chen po bzhi dag dang 'byung ba chen po bzhi gyur byas pa'o/ /'byung ba chen po bzhi gang zhe na/ sa'i khams dang/ chu'i khams dang/ me'i khams dang/ rlung gi khams so/ /sa'i khams gang zhe na/ tshe dang ldan pa dag sa'i khams ni gnyis te/ nang gi bdag nyid dang/ phyi rol gyi ste/ nang gi bdag nyid kyi sa'i khams dang phyi rol gyi'o/ /nang gi bdag nyid kyi sa'i khams gang zhe na/ gang lus 'di la nang gi bdag nyid kyi zhes bya ba la sogs pa nas phyi'i bar tu ste/ rlung dang rlung du gyur pa zhes bya ba nas/ 'di ni phyi'i rlung gi khams so// zhes bya ba'i bar du ji ltar khams drug rnam par dbye ba'i mdo'i rjes thegs kho nar blta bar bya'o/ /mdo las ji skad du zhes bya ba la/ skye mched so sor bstan par sngar bris pa bzhin blta bar bya'o/ /'o na gang mig gi sha'i gong bu la zhes pa la sogs pa ni sngar lag pa brdabs pa'i dpe'i mdor bstan pa bzhin no/ /dge slong dag skyes bu 'di ni khams drug pa yin no zhes bya ba/ bcom ldan 'das yul ma ga d+ha na ljongs rgyu zhing rim gyis rgyal ba'i gam du gshegs so/ /de nas bcom ldan 'das rdza mkhan b+ha ga gang na ba der nye bar gshegs te/ nye bar gshegs nas rdza mkhan b+ha rga la 'di skad ces bka' stsal to/ /b+harga gal te nga khyod la mi gnod na khyod kyi nang khyim gyi phyogs gcig tu nyin zhag cig gnas so/ /lha nyi dang la mi gnod mod kyi/ 'di na dge sbyong zhig sngar 'ongs nas nyin zhag gcig gnas so/ /gal te tshe dang ldan pa la mi gnod na lha ji ltar dgyes pa bzhin dga' zhing bde bar bzhugs shig / de nas bcom ldan 'das rdza mkhan b+harga'i khyim du gshegs so/ /de'i tshe rdza mkhan b+harga'i khyim na tshe dang ldan pa phu skar sa ri sngar 'ongs te nyin zhag gcig gnas so/ /de nas bcom ldan 'das kyis tshe dang ldan pa phu skar sa ri la 'di skad ces bka' stsal to/ dge slong gal te nga khyod la mi gnod na rdza mkhan b+harga'i khyim gyi phyogs gcig tu nyin zhag gcig gnas so/ /rdza mkhan b+harga la yang blta'o/ /tshe dang ldan pa bdag la mi gnod de 'di ltar rdza mkhan b+harga'i khang pa rgya che zhing ngas rtswa'i stan bkod nas yod pas der gzhan du na ji ltar bde bzhugs shig / de nas bcom ldan 'das khang pa'i phyi rol tu zhabs bkrus te khang par gshegs nas rang nyid rtswa'i stan bkod pa'i steng du skyil mo krung bcas nas lus bsrangs te dran pa nye bar gzhag bzhin du bzhugs so/ /tshe dang ldan pa phu skar sa ri yang khang pa'i phyi rol tu rkang pa bkrus nas khang pa'i nang du zhugs nas rtswa'i stan bkod pa'i steng du skyil mo krung bcas te lus drang por bsrangs te/ dran pa nye bar gzhag bzhin du 'dug go / nyin zhag de la bcom ldan 'das dang tshe dang ldan pa phu skar sa ri gang phal cher 'phags pa rnams kyi mi smra ba nyid la gnas te 'dug go / de nas bcom ldan 'das mtshan ma'i thun tha ma la 'di lta bur dgongs te/ rab tu byung ba 'di 'di ltar zhi bar gnas pa ni shin tu ngo mtshar ro/ /gang 'di skad bdag gis rab tu byung ba 'di la khyod kyi ston pa gang yin/ gang las rab tu byung/ gang gi chos la dga' zhes bri bar bya'o/ /de nas bcom ldan 'das kyis tshe dang ldan pa phu skar sa ri la 'di skad ces bka' stsal to/ /dge slong khyod kyi ston pa gang/ gang la brten te rab tu byung/ gang gi chos la dga' / tshe dang ldan pa 'di na dge slong gau ta ma zhes bya ba shAkya'i sras po shAkya'i rigs las skra dang kha spu bregs shing ngur smrig bgos nas dang pas yang dag par khyim nas khyim med par rab tu byung ste/ bla na med pa'i byang chub tu yang dag par rdzogs pa'i sangs rgyas bcom ldan 'das de bdag gi ston pa yin no/ /bdag de la rab tu byung zhing de'i chos la dga' o/ /dge slong khyod kyis ston pa mthong zhing ngo shes sam/ tshe dang ldan pa ma yin no/ /gzhan du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa bde par gshegs pa/ 'jig rten mkhyen pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das so zhes thos so// de nas bcom ldan 'das 'di snyam du dgongs te/ rigs kyi bu 'di bdag gi bstan pa las rab tu byung bas bdag gis 'di la chos bshad par bya'o/ /snyam du dgongs te/ tshe dang ldan pa phu skar sa ri la 'di skad ces bka' stsal to/ /dge slong thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa yongs su rdzogs pa/ yongs su dag pa/ tshangs par spyod pa/ gsal bar byed pa/ 'di lta ste khams drug rab tu rnam par 'byed pa zhes bya ba'i chos kyi rnam grangs bstan par bya yis/ de legs par rab tu nyon la yid la gzung zhig dang bshad par bya'o/ /khams drug rab tu rnam par 'byed pa'i chos kyi rnam grangs gang zhe na/ dge slong skyes bu 'di ni khams drug pa yin te/ gang las yid zag pa med pa nye bar mi 'jug pa reg pa'i skye mched drug pa dang/ yid kyi nye bar rgyu ba bco brgyad pa dang/ byin gyis brlabs pa bzhi pa yin no/ /zag pa med par 'jug na yid nye bar zhi bas rdzogs par byang chub pa zhes brjod do/ /de la 'di ni gdams pa ste/ shes rab bag med pa las bsrung ba dang/ gtong ba rab tu spel ba dang/ lam bsgom pa brten pa ste/ 'di ni khams drug rab tu rnam par 'byed pa'i chos kyi rnam grangs kyi mdor bstan pa'o/ /dge slong skyes bu 'di ni khams drug pa yin no zhes bstan pa de'i rgyas par bshad pa cung zad brjod par bya ste/ khams drug gang zhe na/ sa'i khams dang/ chu'i khams dang/ me'i khams dang/ rlung gi khams dang/ nam mkha' i khams dang/ rnam par shes pa'i zhes bya ba ste/ dge slong skyes bu 'di ni khams drug pa yin no zhes bstan pa de ngas rgyas par rab tu bshad do/ /skyes bu 'di ni reg pa'i skye mched drug pa yin no zhes bstan pa de'i rgyas par bshad pa cung zad cig brjod par bya ste/ reg pa'i skye mched drug gang zhe na gzugs mthong ba'i phyir mig gi 'dus te reg pa nas rna ba dang/ sgra dang/ sna dang/ dri dang/ lce dang/ ro dang/ lus dang/ reg bya de/ chos shes pa'i phyir/ yid kyi 'dus te reg pa'i bar du ste/ dge slong skyes bu 'di ni reg pa'i skye mched drug yin no zhes bstan pa de nges rgyas par bshad do/ /dge slong skyes bu 'di ni yid kyi nye bar rgyu ba bco brgyad pa yin no/ /zhes bstan pa de'i rgyas par bshad pa cung zad cig brjod par bya ste/ yid nye bar rgyu ba bco brgyad gang zhe na/ yid bde ba'i nye bar rgyu ba drug dang/ yid mi bde ba'i nye bar rgyu ba drug dang/ btang bsnyoms kyi nye bar rgyu ba drug go /yid bde ba'i nye bar rgyu ba drug gang zhe na/ dge slong 'di la mig gis gzugs rnams mthong nas yid bde ba'i gnas kyi gzugs rnams la nye bar rgyu bar byed do/ /rna ba dang/ sgra dang/ sna dang/ dri dang/ lce dang/ ro dang/ lus dang/ reg bya dang/ yid kyis chos rnams rnam par shes nas yid bde ba'i gnas kyi chos rnams la nye bar rgyu bar byed do/ /yid mi bde ba'i nye bar rgyu ba drug gang zhe na/ dge slong 'di la mig gi gzugs rnams mthong nas yid mi bde ba'i gnas kyi gzugs rnams la nye bar rgyu bar byed do/ /rna ba dang/ sgra dang/ sna dang/ dri dang/ lce dang/ ro dang/ lus dang/ reg bya dang/ yid kyi chos rnams rnam par shes nas yid mi bde ba'i gnas kyi chos rnams la nye bar rgyu bar byed do/ /btang snyoms kyi nye bar rgyu ba drug gang zhe na/ dge slong 'di la mig gis gzugs rnams mthong nas btang snyoms kyi gnas kyi gzugs rnams la nye bar rgyu bar byed do/ /rna ba dang/ sgra dang/ sna dang/ dri dang/ lce dang/ ro dang/ lus dang/ reg bya dang/ yid kyi chos rnams rnam par shes nas btang snyoms kyi gnas kyi chos rnams la nye bar rgyu bar byed do/ /dge slong de la yid bde ba'i nye bar rgyu ba drug dang/ yid mi bde ba'i nye bar rgyu ba drug dang/ btang snyoms kyi nye bar rgyu ba drug po 'di dag gcig tu bsdus na yid kyi nye bar rgyu ba bco brgyad du 'gyur te/ dge slong skyes bu 'di ni yid kyi nye bar rgyu ba bco brgyad yin no zhes bstan pa de ngas rgyas par rab tu bshad do/ /dge slong skyes bu 'di ni byin gyis brlabs bzhi pa yin no zhes bstan pa de'i rgyas par bshad pa cung zad brjod par bya ste/ byin gyis brlabs bzhi gang zhe na/ shes rab kyis byin gyis brlabs dang/ bden pa'i byin gyis brlabs dang/ gtong ba'i byin gyis brlabs dang/ nye bar zhi ba'i byin gyis brlabs so// dge slong skyes bu 'di ni byin gyis brlabs bzhi pa yin no zhes bstan pa de ngas rgyas par rab tu bshad do/ /de la 'di ni gdams pa yin te/ shes rab bag med par mi bya ba dang/ bden pa rjes su bsrung bar bya ba dang/ gtong ba rab tu spel bar bya ba dang/ thar pa'i lam brten par bya'o zhes bstan pa de'i rgyas par bshad pa cung zad cig brjod par bya ste/ dge slong ji ltar na shes rab bag med par mi bya zhe na/ dge slong 'di la lus 'di nyid kyi khams las so sor rtogs te/ lus 'di la sa'i khams dang/ chu'i khams dang/ me'i khams dang/ rlung gi khams dang/ nam mkha' i khams dang/ rnam par shes pa'i khams yod de zhes so sor rtog go /sa'i khams gang zhe na/ dge slong sa'i khams ni rnam pa gnyis te/ nang gi dang/ phyi'i de nang gi sa'i khams kyang yod/ phyi'i sa'i khams kyang yod do/ /nang gi sa'i khams gang zhe na/ nang gi bdag nyid sra ba dang/ mkhrang bar gyur pa drug tu gyur pa zin pa ste/ de yang gang zhe na/ 'di lta ste/ skra dang/ spu dang/ sen mo dang/ so dang/ rdul dang/ dri ma dang/ sha dang/ rus pa dang/ rgyus pa dang/ rtsa dang/ snying dang/ glo ba dang/ rgyu ma dang/ gnye ma dang/ pho ba dang/ long ka dang/ lto ba dang/ lgang? ba zhes bya ste/ gang yang lus 'di la gzhan yang nang gi bdag nyid sra ba dang/ mkhrang bar gyur pa/ drung du gyur pa zin pa 'di ni nang gi bdag nyid kyi sa'i khams zhes bya'o/ /phyi rol gyi sa'i khams gang zhe na/ gang yang phyi rol gyi sra ba dang/ mkhrang bar gyur pa drung du ma gyur pa ma zin pa 'di ni phyi rol gyi sa'i khams zhes bya'o/ /dge slong de la nang gi bdag nyid kyi sa'i khams dang/ phyi rol gyi sa'i khams de dag gcig tu mdor bsdus pa 'di la khams/ khams tsam/ khams kyi rab tu dbye ba nyid du rig nas/ de thams cad bdag gi ma yin/ bdag ma yin/ bdag 'di dag ma yin zhes yang dag pa ji lta ba bzhin gyi shes rab kyis mthong nas sa'i khams la 'dod chags dang bral ba 'di ni dge slong shes rab bag yod pa zhes bya'o/ /chu'i khams gang zhe na/ dge slong chu'i khams ni rnam pa gnyis te/ nang gi bdag nyid dang/ phyi rol gyi'o/ /nang gi bdag nyid kyi chu'i khams kyang yod/ phyi'i chu'i khams kyang yod do/ /nang gi bdag nyid kyi chu'i khams gang zhe na/ gang yang lus 'di la nang gi bdag nyid kyi chu'i khams mnyen pa dang/ mnyen par gyur pa drung du gyur pa zin pa ste/ de yang gang zhe na/ 'di lta ste/ mchi ma dang/ rdul dang/ mchil ma dang/ snabs dang/ zhag dang/ chu ser dang/ tshil dang/ mkhris ba dang/ bad gan dang/ rnag dang/ khu ba dang/ klang pa dang/ glang rgyas dag gci ba zhes ba pa ste gang yang lus 'di la gzhan yang nang gi bdag nyid mnyen pa dang mnyen par gyur pa drung du gyur pa zin pa 'di ni nang gi bdag nyid kyi chu'i khams zhes bya'o/ /phyi rol gyi chu'i khams gang zhe na/ gang yang phyi rol gyi chu/ mnyen pa dang/ mnyen par gyur pa/ drung ma yin pa ma zin pa 'di ni phyi rol gyi chu'i khams zhes bya'o/ /dge slong de la nang gi bdag nyid kyi chu'i khams dang/ phyi rol gyi chu'i khams de dag gcig tu mdor bsdus pa 'di la khams/ khams tsam/ khams kyi rab tu dbye ba nyid du rig nas de thams cad bdag gi ma yin/ bdag ma yin/ bdag 'di dag ma yin zhes yang dag pa ji lta ba bzhin gyis shes rab kyis mthong nas chu'i khams la sems 'dod chags dang bral ba 'di ni dge slong shes rab bag yod pa zhes bya'o/ /me'i khams gang zhe na/ dge slong me'i khams ni rnam pa gnyis te/ nang gi dang phyi rol gyi ste/ nang gi me'i khams kyang yod/ phyi rol gyi me'i khams kyang yod do/ /nang gi bdag nyid kyi me'i khams gang zhe na/ gang yang lus 'di la nang gi bdag nyid kyi me dang mer gyur pa dang/ dro ba dang/ dro bar gyur pa dang/ drung du gyur pa zin pa ste/ de yang gang zhe na/ 'di lta ste/ lus 'di la gdung bar byed pa dang/ yongs su gdung bar byed pa dang/ zos pa dang/ 'thungs pa dang/ bcas pa dang/ myangs pa yang dag par smin par 'gyur zhing 'ju bar byed pa zhes bya ba'i grangs su 'gro ba dang/ gang yang lus 'di la gzhan yang nang gi bdag nyid kyi me dang mer gyur pa zin pa 'di ni nang gi bdag nyid kyi me'i khams zhes bya'o/ /phyi rol gyi me'i khams gang zhe na/ gang yang phyi rol gyi me dang mer gyur pa/ dro ba dang dro bar gyur pa/ drung du ma gyur pa/ ma zin pa 'di ni phyi rol gyi me'i khams zhes bya'o/ /de la dge slong nang gi bdag nyid kyi me'i khams dang/ phyi rol gyi bdag nyid kyi me'i khams de dag gcig tu mdor bsdus pa 'di la khams/ khams tsam/ khams kyi rab tu dbye ba nyid du rig nas de thams cad bdag gi ma yin/ bdag ma yin/ bdag de dag ma yin zhes yang dag pa ji lta ba bzhin gyi shes rab kyis mthong nas me'i khams las sems 'dod chags dang bral ba 'di ni dge slong shes rab bag yod pa zhes bya'o/ /rlung gi khams gang zhe na/ dge slong rlung gi khams ni rnam pa gnyis te/ nang gi dang phyi rol gyi ste/ nang gi bdag nyid kyi rlung gi khams kyang yod do/ /phyi rol gyi bdag nyid kyi rlung gi khams kyang yod do/ /nang gi bdag nyid rlung gi khams gang zhe na/ dge slong gang yang lus 'di la nang gi bdag nyid kyi rlung dang rlung du gyur la zin pa ste/ de yang gang zhe na/ 'di lta ste/ gyen du rgyu ba'i rlung rnams dang/ thur du 'gro ba'i rlung rnams dang/ zur la gnas pa'i rlung rnams dang/ sgal bu la gnas pa'i rlung rnams dang/ lto ba la gnas pa'i rlung rnams dang/ gcod par byed pa'i rlung rnams dang/ pu gri lta bu'i rlung rnams dang/ gong bur gnas pa'i rlung rnams dang/ 'bral bar byed pa'i rlung rnams dang/ sdud pa'i rlung rnams dang/ 'joms par byed pa'i rlung rnams dang/ rlung 'jug par byed pa'i rlung rnams dang/ 'tshem par byed pa'i rlung rnams dang/ 'byung ba dang rdub pa'i rlung rnams dang/ yan lag gi rjes su 'gro ba'i rlung rnams dang/ zhes bya ste/ gang yang lus 'di la gzhan yang nang gi bdag nyid kyi rlung dang rlung du gyur pa yang mi g.yo ba drung du gyur pa zin pa 'di ni nang gi bdag nyid kyi rlung gi khams zhes bya'o/ /phyi rol gyi bdag nyid kyi rlung gi khams gang zhe na/ gang yang phyi rol gyi rlung dang rlung du bgrang ba dang yang zhing g.yo ba drung ma yin pa ma zin pa 'di ni phyi rol gyi rlung gi khams zhes bya'o/ /dge slong de la gang nang gi bdag nyid kyi rlung gi khams dang/ phyi rol gyi bdag nyid kyi rlung gi khams de dag gcig tu bsdus te 'di dag ni khams/ khams tsam/ khams kyi rab tu dbye ba yin zhes rig nas de thams cad bdag gi ma yin bdag ma yin bdag de dag ma yin zhes yang dag pa ji lta ba bzhin shes rab kyis mthong nas rlung gi khams la sems 'dod chags dang bral bar 'gyur ba 'di ni dge slong shes rab bag yod pa zhes bya'o/ / nam mkha' i khams gang zhe na/ dge slong nam mkha' i khams ni rnam pa gnyis te/ nang gi bdag nyid dang/ phyi rol gyi ste/ nang gi bdag nyid kyi nam mkha' i khams kyang yod/ phyi rol gyi bdag nyid kyi nam mkha' i khams kyang yod do/ /nang gi bdag nyid kyi nam mkha' i khams gang zhe na/ gang yang lus 'di la nang gi bdag nyid nam mkha' dang nam mkhar bgrang ba pags pa dang sha dang/ khrag gis mkhabs shing ma khyab pa ste de yang gang zhe na/ mig gi spubs dang/ rna ba'i spubs dang/ sna'i spubs dang/ kha'i bu ga dang/ kha'i sgo dang/ mgrin pa dang/ mgrin ba'i rtsa zhes bya ba 'am/ gang gis na zos pa de gang la gnas par byed pa/ gang gis zos pa dang/ 'thungs pa dang/ myangs pa dag 'og tu ltung bar byed pa dang/ gang yang lus 'di la gzhan yang nang gi bdag gi bdag nyid nam mkhar bgrang ba sha dang pags pa dang khrag gis ma khebs shing ma khyab pa ste/ 'di ni nang gi bdag nyid kyi nam mkha' i khams zhes bya'o/ /phyi rol gyi bdag nyid kyi nam mkha' i khams gang zhe na/ gang yang phyi rol gyi nam mkha' i dang nam mkhar gyur ba gzugs kyis ma khebs shing ma khyab pa ste/ 'di ni phyi rol gyi nam mkha' i khams zhes bya'o/ /dge slong de la gang nang gi bdag nyid kyi nam mkha' i khams dang/ phyi rol gyi bdag nyid kyi nam mkha' i khams de dag gcig tu bsdus te 'di dag ni khams/ khams tsam/ khams kyi rab tu dbye ba yin no zhes rig nas de thams cad bdag gi ma yin/ bdag ma yin/ bdag de dag ma yin zhes yang dag ba ji lta ba bzhin gyi shes rab kyis mthong nas nam mkha' i khams las sems 'dod chags dang bral bar gyur pa 'di ni dge slong shes rab bag yod pa zhes bya'o/ /dge slong dag khams lnga po 'di dag las 'dod chags dang bral zhing grol par gyur la/ rnam par shes pa khyad par can dag cing nges pa rnam par shes shing yongs su shes so/ /ci zhig rnam par shes zhe na/ bde bar rab tu shes so/ /sdug bsngal rab tu shes so/ /yid bde bar rab tu shes so/ /yid mi bde ba rab tu shes so/ /btang snyoms rab tu shes so/ /ji ltar bde ba'i tshor ba rab tu shes zhe na/ bde ba myong bar 'gyur ba'i reg pa las brten te byung ba'i tshor ba bde ba myong ba ste/ bde ba'i tshor ba myong ba na bde ba'i tshor ba myong ngo zhes ji lta ba bzhin rab tu shes so/ /de nas bde pa myong bar 'gyur ba'i reg pa de nyid 'gags te/ bde ba myong par 'gyur ba'i reg pa la brten te 'byung ba'i bde ba'i tshor ba yang 'gags la nye bar zhi ba dang/ bsil bar gyur pa dang nub par gyur ba'o/ /bde ba'i tshor ba ji lta ba bzhin du sdug bsngal gyi tshor ba dang/ yid bde ba'i tshor ba dang/ yid mi bde ba'i tshor ba dang/ btang snyoms myong bar 'gyur ba'i reg pa la brten te byung ba'i btang snyoms te/ btang snyoms myong ba na btang snyoms myong ba'o/ /zhes yang dag pa ji lta ba bzhin rab tu shes so/ /de nas btang snyoms myong bar 'gyur ba'i reg pa de nyid 'gags te/ btang snyoms myong bar 'gyur ba'i reg pa la brten te byung ba'i btang snyoms kyang 'gags la/ nye bar zhi ba dang/ bsil bar gyur ba dang/ nub par 'gyur ro/ /de 'di snyam du sems par 'gyur te/ bde ba'i tshor ba 'di ni rgyu gang las byung/ kun 'byung gang skye ba gang/ gang las rab tu byung/ de yang 'di snyam du sems te/ bde ba'i tshor ba 'di'i rgyu ni reg pa'o/ /kun 'byung ni reg pa/ skye ba ni reg pa/ reg pa las rab tu byung ba ste/ reg pa kun 'byung bas de dang de'i tshor ba de dang de kun 'byung bar 'gyur ro/ /reg pa 'gags pas de dang de'i tshor ba de dang de 'gags par 'gyur nye bar zhi ba dang/ bsil bar gyur pa dang/ nub par 'gyur te/ 'di lta ste/ shing gnyis 'dus shing phrang la tshogs pa las dro ba dang me 'byung bar 'gyur la/ ci ste shing gnyis ma 'dus ba 'am/ gnyis po med na mi 'byung zhing mi snang la bsil bar gyur cing/ shing ji lta ba de bzhin du reg pa kun 'byung bas de dang de'i tshor ba de dang de kun 'byung bar 'gyur ro/ /reg pa 'gags pas de dang de'i tshor ba de dang de'i 'gags bar 'gyur ro/ /nye bar zhi ba dang/ bsil bar gyur pa dang/ nub par 'gyur ro// dge slong gang gi phyir tshor ba bzhi po 'di dag las sems 'dod chags dang bral zhing grol na/ de nas btang snyoms yongs su dag cing yongs su byang ba khyad par can du 'gyur ro/ /'di snyam du sems par 'gyur te/ bdag gi tshor ba btang snyoms 'di ltar yongs su dag cing byed bas nam mkha' mdza' yas skye mched bsgrubs te/ sems de dang 'dra bar bsgoms pa dang/ de la brten te btang snyoms nye bar gnas pa dang/ de dang 'brel ba dang/ der zhen pa dang/ de'i rgyu can nam mkha' mdza' yas skye mched nye bar gnas par bya'o/ /de yang 'di snyam du sems te/ bdag gi tshor ba btang snyoms 'di ltar yongs su dag cing byang bas rnam shes mdza' yas skye mched dang/ ci yang med pa'i skye mched dang/ 'du shes med 'du shes med min skye mched la nye bar bsgrubs shing gnas te/ sems dang 'dra bar bsgom pa dang/ de la brten te btang snyoms nye bar gnas pa dang/ de dang 'brel pa dang/ der zhen pa dang/ de'i rgyu can gyi yod min gyi skye mched la nye bar gnas par bya'o/ /'di lta ste/ gser mgar ram gser mgar gyi slob ma mkhas pa legs par yongs su sbyangs pa sa le sbram? shes par byas nas rgyan gang la gang byed par 'dod pa de byed de/ de gal te rna rgyan nam/ gal te mgo'i rgyan nam/ gal te ska rags sam de gal te mgul rgyan nam/ de gal te sor mo'i rgyan nam/ gser ram dngul gyi phreng ba byed na/ de dang de la ngal bu ngal bus byed par 'gyur ro/ de bzhin du de 'di snyam du sems te/ bdag gi tshor ba btang snyoms 'di ltar yongs su dag cing byang bas nam mkha' mdza' yas skye mched la gnas ste/ sems de dang 'dra bar bsgom pa dang/ de la brten te btang snyoms nye bar gnas pa dang/ de dang 'grel ba dang/ der zhen pa dang/ de'i rgyu can nam mkha' mdza' yas skye mched la nye bar gnas par bya'o/ /de yang 'di snyam du sems bdag gi tshor ba btang snyoms 'di ltar yongs su dag cing byang bas rnam shes mdza' yas skye mched dang/ ci yang med pa'i skye mched dang/ 'du shes med 'du shes med min skye mched nye bar gnas te/ sems de dang 'dra par bsgom pa dang/ de la brten de btang snyoms nye bar gnas pa dang/ de dang 'brel pa dang/ der zhen pa dang/ de'i rgyu can gyi yod min med min skye mched la nye bar gnas par bya'o/ /de 'di snyam du sems par 'gyur te/ gang tshor ba btang snyoms nam mkha' mdza' yas skye mched la brten te gnas pa de yang 'dus byas te/ 'dus byas gang yin pa de ni mngon par dga' bar bya ba 'am/ mngon par brjod pa 'am/ zhen pa dang/ rab tu zhen cing gnas par bya ba ma yin no zhes rab tu rig nas nam mkha' mdza' yas skye mched la sems 'dod chags dang bral bar 'gyur ro/ de 'di snyam du sems par 'gyur te/ gang tshor ba btang snyoms rnam shes mdza' yas skye mched dang/ ci yang med pa'i skye mched dang/ 'du shes med 'du shes med min skye mched la brten te gnas pa de yang 'dus byas te/ 'dus byas gang yin pa de ni mngon par dga' par bya ba 'am/ mngon par brjod pa 'am/ zhen pa 'am/ rab tu zhen cing gnas par bya ba ma yin no zhes rab tu rig nas 'du shes med 'du shes med min skye mched la sems 'dod chags dang bral bar 'gyur ro/ /dge slong 'di ni shes rab bag yod pa zhes bya'o/ /de dge slong gang gi phyir skye mched bzhi po 'di dag las sems 'dod chags dang bral zhing grol bar gyur na/ de sems kyi mngon par 'du byed pa dngos po 'am dngos po med par mi byed de/ lus kyi mthar rig cing tshor ba na/ lus kyi mthar rig cing tshor ba'o zhes ji lta ba bzhin rab tu shes so/ /'tsho ba'i mthar rig cing tshor ba na 'tshor ba'i mthar rig cing tshor ba'o zhes ji lta ba bzhin rab tu shes so/ /lus zhig te shi ba'i mthar 'di dthams cad rig te/ thams cad ma lus par 'gags pa thams cad ma lus par nub pa/ yongs su zad cing byang bar 'gro bar 'gyur ro/ /dper na til mar dang sdong bu las sgron ma 'byung bar 'gyur la/ de la kha cig gis dus dus til gyis ma g.yos shing sdong bu nye bar ma bsdus na sgron ma'i nye bar len pa 'gags pas myur du 'chi bar 'gyur ro/ de bzhin du de lus kyi mthar rig cing tshor ba na/ lus kyi mthar rig cing tshor ba'o zhes yang dag pa ji lta ba bzhin du rab tu shes la/ 'chi ba'i mthar rig cing tshor na 'tsho ba'i mthar rig cing tshor ba'o zhes ji lta ba bzhin du shes te/ lus zhig ste shi pa'i mthar 'di thams cad rag ste/ thams cad ma lus par 'gags pa ma lus par nub pa/ yongs su zad cing yongs su byang bar 'gro bar 'gyur/ /de ltar mthong zhing de ltar shes na 'dod pa'i zag pa las sems rnam par grol bar 'gyur la srid pa dang ma rig pa'i zag pa las sems rnam par grol bar 'gyur zhing rnam par grol ba'i ye shes mthong bar 'gyur te/ bdag gi skye ba zad do/ /tshangs par spyod pa bsten to bya ba byas so/ /srid pa 'di las gzhan mi shes so zhes bya bar 'gyur ro/ /dge slong shes rab rnams kyis nang na mchog ni zag pa zad pa'o/ /de'i phyir de dang ldan pa'i dge slong shes rab kyi byin gyis brlabs mchog dang ldan par 'gyur ro/ /de'i rnam par grol pa bden pa'i byin gyis brlabs mchog dang ldan par 'gyur ro/ /dge slong brdzun pa'i mchog ni brdzun pa bslu ba'i chos so/ /dge slong bden pa rnams kyi mchog ni 'di lta ste/ ji lta ba nyid do/ /de'i phyir de dang ldan pa'i dge slong bden pa'i byin gyis brlabs mchog dang ldan par 'gyur ro/ /gang 'di nye bar len pa ni sngon gyi mi mkhas shing mi shes pa las nye bar len par 'gyur te/ de med na de'i dus na mi sdug pa dang yid du mi 'dod pa dang 'gyur ro/ /dge slong stong pa rnams kyi nang nas mchog ni 'di lta ste/ nye bar len pa thams cad las nges par 'byung ba srid pa zad pa/ 'dod chags dang dra lag 'gag pa mya ngan las 'das pa yin te/ de'i phyir de dang ldan pa'i dge slong gtang ba'i byin gyis brlabs mchog dang ldan par 'gyur ro/ /dge slong 'dod chags nye ba'i nyon mongs pa las sems rnam par ma grol/ zhe sdang nye ba'i nyon mongs pa dang/ gti mug nye ba'i nyon mongs pa las sems rnam par ma grol ba 'di dag dge slong 'dod chags zhe sdang gti mug ma lus par spangs nas nges par byung ba bral ba zad pa 'dod chags dang bral ba 'gog pa rab tu zhi ba nub pa nye bar zhi ba zhes bya'o/ /dge slong mchog tu nye bar zhi ba ni 'di dag yin to/ 'di lta ste 'dod chags zhe sdang gti mug ma lus pa spangs pa/ nges par byung ba/ bral ba zad pa/ 'dod chags dang bral ba 'gag pa rab tu zhi ba nub pa ste/ de'i phyir nga dang ldan pa'i dge slong ni nye bar zhi ba mchog gi byin gyis brlabs dang ldan par 'gyur ro/ /dge slong bdag ces bya ba 'di mi brtan pa/ de'i bdag ces bya ba 'di ni mi brtan pa/ 'byung bar 'gyur zhes bya ba 'di ni mi brtan pa/ 'byung bar mi 'gyur zhes bya ba 'di ni mi brtan pa/ gzugs 'byung bar 'gyur zhes bya ba 'di ni mi brtan pa/ gzugs med par 'byung bar 'gyur zhes bya ba 'di ni mi brtan pa/ 'du shes 'byung bar 'gyur zhes bya ba 'di ni mi brtan pa/ 'du shes 'byung bar mi 'gyur zhes bya ba 'di ni mi brtan pa/ 'du shes med min 'byung bar 'gyur zhes bya ba 'di ni mi brtan pa/ dge slong mi brtan pa ni nang/ mi brtan pa ni 'bras/ mi brtan pa ni zug rngu/ mi brtan pa ni sdug bsngal gyi rtsa ba yin no zhes rnam par shes nas dran pa dang shes bzhin dang ldan pas brtan pa'i sems kyis phal cher gnas par bya'o/ /ji ltar mi brtan pa de bzhin du rab tu shes pa dang/ spros pa dang/ 'dus byas yin no/ /dge slong bdag ces bya ba 'di ni sred par gyur pa/ de'i bdag ces bya ba 'di ni sred par gyur pa/ bdag 'byung bar 'gyur zhes bya ba 'di sred par gyur pa/ bdag 'byung ba yi 'gyur zhes bya ba 'di ni sred par gyur pa/ gzugs 'byung bar 'gyur zhes bya ba 'di ni sred par gyur pa/ gzugs med par 'byung bar 'gyur zhes bya ba 'di ni sred par gyur pa/ 'du shes 'byung bar 'gyur zhes bya ba 'di ni sred par gyur pa/ 'du shes 'byung bar mi 'gyur zhes bya ba 'di ni sred par gyur pa/ 'du shes med 'du shes med min 'byung bar 'gyur zhes bya ba 'di ni sred par gyur pa ste/ dge slong sred pa ni nad/ sred pa ni 'bras/ sred pa ni zug rngu/ sred pa ni sdug bsngal gyi rtsa ba yin no zhes rnam par shes nas dran pa dang shes bzhin dang ldan pas sred pa dang bral ba'i sems kyis phal cher gnas par bya'o/ /dge slong mi brtan pa dang/ rab tu shes pa dang/ spros pa dang/ 'dus byas dang/ sred par gyur pa 'di dag ma lus par spangs na nges par 'byung ba dang bral ba dang/ zad pa dang/ 'dod chags dang bral ba dang/ 'gog pa dang/ rab tu zhi ba dang/ nus pa dang/ nye bar zhi ba zhes bya'o/ /dge slong thub pa zhes bya ba ni gang la skye ba med pa dang/ rga ba med pa dang/ 'chi ba med pa dang/ zhe sdang med pa dang/ chags pa med pa dang/ yongs su gdung ba med pa ste/ de ci'i phyir zhe na/ 'di nyid rgyu dang rkyen med pas skye ba med pa'o/ /ma skyes na gang las rga bar 'gyur zhing/ ma rgas na gang las 'chi bar 'gyur la/ 'chi ba med na gang las zhe sdang bar 'gyur zhing/ zhe sdang med na gang las chags par 'gyur la/ rgas pa med na gang las yongs su gdung bar 'gyur zhes bdag gi skye ba zad do/ /tshangs par spyod pa bstan to/ /bya ba byas so/ /srid pa 'di las gzhan mi shes so zhes de nyid so sor rang gis rig pa'i shes rab kyis rab tu shes so/ /dge slong khams drug rab tu rnam par dbye ba zhes bya ba'i chos kyi rnam grangs thog mar dge bar tha mar dge ba don bzang po tshig 'bru bzang po/ /ma 'dres pa yongs su rdzogs pa/ yongs su dag pa/ yongs su byang ba/ tshangs par spyod pa gsal bar byed pa'i chos bshed par bya'o zhes khams rab tu dbye ba'i chos kyi rnam grangs ngas ji skad du bstan pa des rgyas par rab tu bshad do/ /chos kyi rnam grangs 'di bstan pa na tshe dang ldan pa phu skar sa ri chos rnams la chos kyi mig rdul med cing dri ma dang bral ba rnam par dag pa skyes so/ /de nas tshe dang ldan pa phu skar sa ri chos mthong ba dang/ chos thob pa dang/ chos rig pa dang/ chos khong du chud nas the tshom las brgal zhing/ som nyi las brgal te/ gzhan gyi rkyen gyis 'gro bar bya ba ma yin pa'i bstan pa'i chos rnams la mi 'jigs pa thob nas stan las langs te bla gos phrag pa gcig la gzar te/ bcom ldan 'das kyi zhabs la btugs te 'di skad ces gsol to/ /bcom ldan 'das ji ltar byis pa dang/ ji ltar rmongs pa dang/ ji ltar mi gsal ba dang/ ji ltar mi khas pa bdag gis ston pa la tshe dang ldan pa zhes yang dag par brjod pa ni sdig pa bgyis so/ /bde bar gshegs pa sdig pa bgyis so/ /btsun pa de la sdig par 'tshal zhing/ sdig par mthong la sdig par 'dzin pas thugs brtse bar mdzad du gsol/ dge slong khyod bden te/ ji ltar byis pa dang/ ji ltar rmongs pa dang/ ji ltar mi gsal ba dang/ ji ltar mi mkhas pa ston pa la tshe dang ldan pa zhes brjod pa ni sdig par 'gyur ro/ /dge slong gang gi phyir sdig pa shes shing sdig par mthong ba dang/ sdig par bshags shing phyis mi byed pa'i sdom pa blang bar bya'o/ /dge ba'i chos rnams 'phel bar 'dod par bya'o/ /de ci'i phyir zhe na/ dge slong gang 'ga' zhig sdig par shes shing sdig par mthong la sdig pa bshags shing phyis mi byed pa'i sdom pa 'dzin na dge ba'i chos rnams mi nyams shing 'phel bar 'gyur ro/ /de nas bcom ldan 'das tshe dang ldan pa phu skar sa ri la chos kyi gtam gyis yang dag par bstan/ yang dag par brjod cing yang dag par dga' par mdzad nas gdan las bzhengs te gshegs so/ /tshe dang ldan pa phu skar sa ri yang bcom ldan 'das kyi phyi nas song ste/ bcom ldan 'das kyi zhabs la spyi bos phyag byas te/ bcom ldan 'das la lan gsum bskor ba byas te/ bcom ldan 'das kyi drung nas log ste ring po ma lon par ba be'u gzhon nu ma yod pa zhig gis 'tsho ba dang bral bar gyur to/ /de 'chi ba'i dus na dbang po rnams rab tu gsal bar gyur bzhin yongs su dag par gyur/ pags pa'i mdog dkar bar gyur te/ /de nas nyin zhag de nyid kyi snga dri dge slong rab tu mang po chos gos bgos 'khar gsil thogs te rgyal po'i khab tu bsod snyoms la zhugs pa na/ rgyal po'i khab du bsod snyoms la rgyu ba'i dge slong mang po de dag gis 'di skad du thos te/ bcom ldan 'das rdza mkhan b+harga'i khang pa na tshe dang ldan pa phu skar sa ri khams drug rab tu rnam par dbye ba'i chos kyi rnam grangs kyi btul ba'i bkod pa bcom ldan 'das kyi zhabs drung nas log ste ring po ma lon par ba be'u gzhon nu 'brangs pa zhig gis 'tsho ba dang phral bar gyur te/ de 'chi ba'i dus na dbang po rnams yongs su gsal bar gyur/ bzhin gyi mdog yongs su dag par gyur/ pags pa yongs su dkar bar gyur zhes rgyal po'i khang tu bsod snyoms pa rnams kyi thos te/ zas kyi bya ba byas nas/ de 'og tu lhung bzed gyu ste/ lhung bzed dang chos gos rnams phyogs gcig tu bzhag nas/ rkang pa bkrus te bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas te/ phyogs gcig tu 'dug go /phyogs gcig tu 'dug nas bcom ldan 'das la 'di skad ces gsol te/ /btsun pa 'di na bdag cag snga dro chos gos ba gos lhung bzed thogs te rgyal po'i khab tu bsod snyoms la zhugs pa na?/ btsun pa bdag cag dge slong mang po bsod snyoms la zhugs pa de dag gis 'di skad thos te/ tshe dang ldan pa phu skar sa ri bcom ldan 'das rdza mkhan b+ha rga'i khang pa na tshe dang ldan pa phu skar sa ri khams drug rab tu rnam par dbye ba'i chos kyi rnam grangs kyis btul cing bkod pa bcom ldan 'das kyi zhabs drung nas log ste/ ring po ma lon par ba be'u gzhon nu 'brangs bzhig gi 'tsho ba phral bar gyur te/ de'i 'chi ba'i dus na dbang po rnams yongs su gsal bar gyur/ bzhin yongs su dag par gyur/ pags pa'i mdog yongs su dkar bar gyur ces thos so/ /btsun pa de'i 'gro ba ni ci zhig yin/ 'jig rten pha rol ni ci zhig yin/ dge slong dag rigs kyi bu de'i skye ba ni 'gag pa ste/ chos rnams la chos rnams rjes su rab tu shes te/ 'di lta ste/ chos kyi dbang du byas nas nga la gnod par 'gyur ba ma byas te/ dge slong dag rigs kyi bu de yongs su mya ngan las 'das pa'i lus la lus kyi mchod pa gyis shig / de nas bcom ldan 'das kyis tshe dang ldan pa phu skar sa ri lung bstan nas dge slong dag bcom ldan 'das la mngon par dga' zhing bcom ldan 'das kyis gsungs pa la mngon par rjes su yid rang ngo/ /'du shes dang sems pa'i chos de dag ni sems las byung ba'o zhes bya ba ni dge slong ma chos sbyin gyi mdo sngar bris pa bzhin blta bar bya'o/ /yang nyan thos kyi rnam par bshad pa las sdom gyi tshigs su bcad pa bcu gsum pa'i gsum pa'i mdo las tshe dang ldan pa bde byed kyis ji skad bstan pa bzhin te/ gzhan yang mdo de dang de las 'don pa lta bu'o/ /sems 'dod chags dang bcas pa la sogs pa 'byung ba'i phyir zhes bya ba ni mdo sde mang po las 'byung ste/ ci ltar re zhig rnam grangs rnam par bshad pa'i sdam? gyis tshigs su bcad pa gnyis pa dran pa nye bar gzhag pa dang pa'i mdo las ji ltar na dge slong sems la sems kyi rjes su blta zhing gnas zhe na/ dge slong 'di la sems 'dod chags dang bcas pa la sems 'dod chags dang bcas so zhes yang dag par ji lta ba bzhin du rab tu shes so/ /sems 'dod chags dang bral ba la sems 'dod chags dang bral lo zhes yang dag pa ji lta ba bzhin du rab tu shes so/ /zhe sdang dang bcas pa dang/ zhe sdang dang bral ba dang/ gti mug dang bcas pa dang/ gti mug dang bral ba dang/ bsdus pa dang rnam par g.yengs pa dang/ zhum pa dang/ rab tu bsdus pa dang/ mtho ba dang/ dma' ba dang/ nye bar zhi ba dang/ nye bar ma zhi ba dang/ mnyam par bzhag pa dang/ mnyam par ma bzhag pa dang/ bsgom pa dang ma bsgom pa dang/ sems rnam par grol ba dang/ sems rnam par ma grol ba'o zhes yang dag par ji lta ba bzhin rab tu shes so/ /sems shin tu rnam par grol ba la sogs pa shin tu rnam par grol ba'o zhes yang dag pa ji lta ba bzhin rab tu shes so/ /nang gi sems la sems kyi rjes su lta zhing gnas so/ /phyi'i sems la sems kyi rjes su lta zhing gnas so/ /nang dang phyi'i sems la sems kyi rjes su lta zhing gnas so/ /kun 'byung ba'i chos can la sems rjes su lta zhing gnas so/ /'jig pa'i chos can la sems rjes su lta zhing gnas so/ /kun 'byung ba dang 'jig pa'i chos can gyi sems la sems kyi rjes su lta zhing gnas so/ /sems so zhes dran pa dang dran pa nye bar gzhag par 'gyur ba nas rnam par shes pa tsam dang mthong ba tsam dang/ rab tu dran pa tsam gyis bar du brten cing gnas te/ 'jig rten cung zad nye bar mi len te/ 'di ltar dge slong sems la sems rjes su lta zhing gnas so/ /reg pa'i skye mched drug po 'di dag ni sngon gyi las yin par rig par bya'o zhes bya ba la gleng gzhi ni mnyan du yod pa na'o/ /dge slong dag khyed cag gi phung po ma yin zhing gzhan gyi yang ma yin gyi reg pa'i skye mched drug ste/ dge slong reg pa'i skye mched drug po 'di dag ni sngon gyi las mngon par 'dus byas pa/ mngon par dga' ba sngon gyi las nyid du rig par bya'o zhes nga smra'o/ /reg pa'i skye mched drug gang zhe na/ mig gi 'dus te reg pa'i skye mched dang/ rna ba dang/ sna dang/ lce dang/ lus dang/ yid kyi 'dus te reg pa'i skye mched do/ /dge slong dag de la 'phags pa nyan thos thos pa dang ldan pa rten cing 'brel bar 'byung pa shin tu legs par tshul bzhin dpyod par byed do/ /'di lta ste/ 'di yod pas 'di byung/ 'di skyes pa'i phyir 'di skye ste/ 'di lta ste 'di yod pas rnam par shes pa'i tshogs drug 'byung la/ reg pa'i tshogs drug dang/ tshor ba'i tshogs drug dang/ sred pa'i tshogs drug go /'di lta ste 'di yod pas skye ba dang/ rga ba dang na ba dang nang dang mya ngan dang smre sngags 'don pa dang/ sdug bsngal ba dang/ yid mi bde ba dang 'khrug pa rnams 'byung zhing de ltar na sdug bsngal gyi phung po 'di 'ba' zhig 'byung bar 'gyur te/ dge slong 'di ltar 'jig rten ni rgyu dang bcas shing rkyen dang bcas las rab tu byung ste/ de ltar na 'jig rten ni rgyu dang bcas pa las rab tu 'byung ngo/ /dge slong dag 'jig rten ni rgyu dang bcas pa rkyen dang bcas pa las rab tu 'gag par 'gyur ro/ /ji ltar 'jig rten rgyu dang bcas rkyen dang bcas pa las rab tu 'gag par 'gyur zhe na/ 'di lta ste/ 'di yod pas 'di 'byung 'di 'gags pas 'di 'gag ste/ rnam par shes pa'i tshogs drug po 'di med pas reg pa'i tshogs drug po/ tshor ba'i tshogs drug dang/ sred pa'i tshogs drug mi 'gyur zhing/ 'di lta ste/ 'di med pas skye ba dang/ rga ba dang/ na ba dang/ 'chi ba dang/ mya ngan dang smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'gag par 'gyur te/ de ltar na sdug bsngal gyi phung po chen po 'di 'ba' zhig 'gag par 'gyur ro/ /dge slong dag gang gi phyir 'phags pa nyan thos thos pa dang ldan pa 'jig rten 'byung ba dang bcas pa 'jig rten 'gog pa dang bcas pa yang dag pa ji lta pa bzhin gyi shes rab kyis rab tu mthong bar gyur cing rab tu rig pa dang/ rab tu yid la byed pa dang/ rab tu brten pa dang/ yang dag par rab tu rig pa zhes brjod do/ /'phags pa nyan thos dam pa'i chos 'di rtog shing mthong ba dang/ dam pa'i chos 'di nye bar rtogs pa dang/ 'di ni dam pa'i chos zhes bya bar rab tu rtogs thob dang/ slob pa'i ye shes dang/ slob pa'i mthong ba'i 'jig rten 'di mi dmigs pa'i shes rab dang ldan pa dang/ 'phags pa'i nges par 'byung ba dang/ rab tu nges pa dang/ rab tu nges par 'byung ba dang/ yang dag par sdug bsngal zad pa dang/ sdug bsngal mthar byed par gyur te/ de ci'i phyir zhe na/ dge slong dag 'di ltar 'phags pa nyan thos thos pa dang ldan pa 'jig rten kun 'byung ba dang 'jig rten 'gog pa dang bcas pa yang dag pa ji lta ba bzhin du shes rab tu mthong ba dang/ rab tu rig pa dang/ rab tu med la byed pa dang/ rab tu brten pa dang/ yang dag par rab tu rig pa'i phyir ro zhes bka' stsal to// //sems ni rang 'dzin pa'i rten pas bdag ces nye bar 'degs te zhes bya ba la/ bdag nyid bdag gi mgon yin te/ /gzhan ni su zhig mgon du gyur/ /bdag nyid legs par du lan ni/ /mkhas pas mtho ris thob par 'gyur/ /bzung bar dka' zhing myur bar 'jug/ gang du 'dod pa der 'jug byed/ /sems dul ba ni legs pa ste/ sems dul ba ni bde ba 'dren zhes gsungs so// //mig gis gzugs rnams mthong zhes bya ba ni mdo sde mang po las 'don te/ ji ltar re zhig gleng gzhi ni mnyan du yod pa na'o/ /dge slong dag drug po 'di dag la rtag tu gnas par bya ste drug gang zhe na/ dge slong dag 'di la dge slong mig gis gzugs rnams mthong nas yid bde bar mi 'gyur/ yid mi bde bar mi 'gyur/ dran pa dang shes bzhin dang ldan pas btang snyoms su gnas so/ /rna bas sgra dang/ snas dri dang/ lces ro dang/ lus kyi reg bya dang/ yid kyi chos rnams rnam par shes nas yid bde bar mi 'gyur/ yid mi bde bar mi 'gyur/ dran pa dang shes bzhin dang ldan pas btang snyoms su gnas te/ drug po 'di dag gis rtag tu gnas pa dang ldan pa'i dge slong ni rim sror? bya ba/ bkur stir? bya ba/ thal mo sbyar bar bya ba/ rab tu brjod par bya ba bla na med pa'i bsod nams kyi zhing 'jig rten gyi yon gnas zhes bya'o zhes bka' stsal to/ / //mig gi rnam par shes pas gzugs rnams zhes bya ba la sogs pa la/ 'dod pa rnams nyes dmigs mang por 'chad? ba'i mdo las 'don pa dang/ skye mched drug gi tshogs kyi mdo sde dang de las gsungs pa lta bu ste/ bcom ldan 'das ko ru pa na kol? ma shi'i grong khyer na bzhugs te/ de nas bcom ldan 'das kyis dge slong rnams la bos te/ dge slong dag thog mar dge ba/ bar du dge ba/ tha mar dge ba/ don bzang po/ tshig 'gru bzang po/ ma 'dres pa/ yongs su rdzogs pa yongs su dag pa/ yongs su byang ba/ tshangs par sbyod pa yongs su gsal bar byed pa'i chos bshad par bya ste/ 'di lta ste/ le'u bzhi ba zhes bya ba'i chos kyi rnam grangs legs par rab tu nyon la yid la zung zhig dang/ bshad bar bya'o/ /le'u bzhi pa zhes bya ba'i chos kyi rnam grangs gang zhes na/ dge slong dag mig gi shes par bya ba'i gzugs 'dod pa dang/ sdug pa dang/ dga' ba dang/ yid du 'ong ba dang/ 'dod par bya ba dang/ rab tu dga' bar bya ba yod de/ de dag mthong nas dge slong mngon par dga' ba dang/ brjod pa dang/ zhen pa dang/ lhag par zhen cing gnas pa dang/ mig gi rnam par shes par bya ba'i gzugs mi 'dod pa dang/ mi sdug pa dang/ mi dga' ba dang/ yid du mi 'ong ba dang/ 'dod par bya ba ma yin pa dang/ rab tu dga' bar bya ba ma yin pa dang/ sdug bsngal ba dang/ nad dang/ rjes su mi mthun ba dang yid dang mi mthun pa yod de/ de dag mthong na dge slong sdang ba dang/ khro ba dang/ gnod sems dang/ mi mos pa dang/ rab tu mi dga' zhing khro ba skyed pa 'di ni dge slong bdud sdig can gyi dbang du song zhing log par song ba zhes bya ba/ bdud sdig can gyis ji ltar dga' mgur byed ba zhes bya'o/ /bdud kyi 'ching ba las ma grol zhing bdud kyi dbang du gyur pa zhes brjod do/ /rna ba dang/ sna dang/ lce dang/ lus dang yid kyi rnam par shes par bya ba'i chos 'dod pa dang/ sdug pa dang/ dga' ba dang/ yid du 'ong ba dang/ 'dod par bya ba dang/ dga' bar bya ba yod de/ de dag mthong nas dge slong mngon par dga' ba dang/ brjod pa dang/ zhes pa dang/ lhag par zhen cing gnas pa dang/ yid kyi rnam par shes par bya ba'i chos mi 'dod pa dang/ mi dga' pa dang/ mi sdug pa dang/ yid du mi 'ong ba dang/ 'dod par bya ba ma yin pa dang/ rab tu dga' bar bya ba ma yin pa dang/ sdug bsngal ba dang/ nad? dang/ rjes su mi mthun pa yod de/ de dag mthun nas snga ma bzhin du khro ba nas bdud sdig can gyis ji lta ba 'dod pa bzhin byed pa zhes bya ba'i bar du'o/ /dge slong dag mig gi rnam par zhes pas shes par bya ba'i gzugs 'dod pa dang/ sdug pa dang/ dga' ba dang/ yid 'ong ba dang/ 'dod par bya ba dang/ dga' bar bya ba yod do/ /de dag mthong nas dge slong mngon par mi dga' ba dang/ mi brjod par dang/ ma zhen pa dang/ lhag par ma zhen cing gnas pa dang/ dge slong dag mig gis rnam par shes par bya ba'i gzugs mi 'dod pa dang/ mi sdug pa dang/ mi dga' ba dang/ yid du mi 'ong ba dang/ 'dod par bya ba ma yin pa dang/ rab tu dga' ba bya ba ma yin pa dang/ sdug bsngal ba dang/ nad dang/ rjes su mi mthun pa dag yod de/ de dag mthong nas mi sdang ba dang/ mi khro ba dang/ gnod sems med pa dang/ mi mos pa dang/ rab tu mngon par mi dga' ba ma yin pa dang/ khong khro ba mi skyed pa 'di ni dge slong bdud sdig can gyi dbang du ma song zhing legs par ma song pa zhes bya'o/ /bdud sdig to can gyis 'dod dgur byed pa ma yin zhes bya'o/ /bdud kyi 'ching ba las grol zhing bdud kyi dbang du ma gyur pa zhes bya'o/ /rna ba dang/ sna dang/ lce dang/ lus dang/ yid kyi rnam par shes par bya ba'i chos 'dod pa dang/ sdug pa dang/ dga' ba dang/ yid du 'ong ba dang/ 'dod par bya ba dang/ dga' bar bya ba yod de/ de dag mthong nas dge slong mngon par mi dga' ba dang/ mi brjod pa dang/ ma zhen pa dang/ lhag par ma zhen cing gnas pa dang/ yid kyi rnam par shes pas shes par bya ba'i chos mi 'dod pa dang/ mi dga' ba dang/ yid du mi 'ong ba nas snga ma bzhin du bdud kyi 'ching ba las grol zhing bdud kyi dbang du ma gyur pa zhes bya ba'i bar du'o/ /'di ni le'u bzhi pa zhes bya ba'i chos kyi rnam grangs te/ dge slong dag thog mar dge ba bar du dge ba/ tha mar dge ba/ don bzang po/ tshig 'bru bzang po/ zhes sdang ji skad du bshad ba'i chos bstan par bya'o zhes ngas bstan pa de rgyas par rab tu bshad do zhes bka' stsal to/ /bram ze mig ni gzugs rnams mthong bar bya ba la bsgom pa yin no zhes bya ba la/ skye mched drug gi tshogs las bsdus pa'i sdom gyi tshigs su bshad pa gnyis pa'i ngang po'i sdom gyi tshigs su bcad pa las brtson dang gzhan dang yang dag ldan/ /ma rig sprul gyis dog dang/ thos dang kA tyA ya na dang/ sna tshogs dga' ba'i dbang po'i zhes bya ba las kA tyA ya na'i mdo 'di ltar 'don te/ de nas bram ze dmar po yud tsam mi smra bar 'dug nas kA tyA ya na chen po la 'di skad ces gsol to/ /kA tyA ya na sgo sgo zhes brjod pa/ ci ste sgo sgo zhes brjod/ smras pa/ bram ze legs so legs so/ /sgo zhes bya ba'i dri ba dri bar rigs so/ /ngas khyod kyi sgo'i dri ba lung bstan par bya'o/ /bram ze mig ni gzugs rnams mthong bar bya ba la sgo yin no/ /rna ba ni dri/ lce ni ro/ /lus ni reg bya/ yid ni chos rnams rnam par zhes par bya ba la sgo yin no/ /smras pa kA tyA ya na khyod kyi sgo sgo zhes dri ba dris pa la lung bstan pa ni ngo mtshar ro/ /bcom ldan 'das kyis kyang ljongs kyi mi'i tshig la mngon par zhen par mi bya zhes bya ba la/ rnam par 'byed pa dang po'i sdom gyi tshigs su bcad bar khams drug dang/ skye mched drug 'chi bar brjod par la sogs pa'i mdo gsum las bshad de/ ljongs kyi mi'i tshig la mngon par zhen par mi bya'o/ /'jig rten gyi ming la rgyug par mi bya'o/ /zhes ngas bshad pa de rgyas par cung zad bshad par bya ste/ ji tsam gyis na ljongs kyi mi'i la mngon par zhen par 'gyur zhing ji tsam gyis na 'jig rten gyi ming la rab tu rgyug pa zhen dge slong dag 'di lta ste/ dngos po gcig po 'di nyid la skye bo/ gcig ka si zhes bya bar shes shing rab tu shes so/ /lhung bzed ces bya ba 'am/ she shi la zhes bya ba 'am/ rtsa ba zhes bya ba 'am/ tsi ta zhes bya ba 'am/ snod ces bya ba 'am/ kham phor zhes bya bar rab tu shes so/ /ji lta ji ltar skye bos shes pa de lta de ltar bstan cing spyod pa dang/ mngon par zhen pa dang tha snyad du byed de 'di nyid bden gyi gzhan ni rmongs pa'o/ /zhes tha snyad du byed de/ ji ltar skye bo rnams kyi nges tshig gi don du byas pa yin no zhes tha snyad du mi byed de/ de bzhin du kha cig gis bdag tu rab tu shes la/ sems can zhes bya ba 'am /gso ba zhes bya ba 'am/ skyes bu zhes bya ba 'am/ gang zag ces bya ba 'am/ shed las skyes pa zhes bya ba 'am/ shed bu zhes bya bar rab tu shes te/ de lta de ltar bstan cing spyod pa dang/ mngon par zhen pas 'di nyid bden gyi/ gzhan gyi gti mug go zhes tha snyad du byed do/ /ji ltar don brjod par bya ba'i phyir byas so zhes bya tha snyad du mi byed de/ de ltar na ljongs kyi mi nges pa'i tshig tshig la mngon par zhen cing 'jig rten gyi ming la rab tu rgyug par 'gyur ro/ /ji ltar na ljongs kyi mi'i nges pa'i tshig la mngon par mi zhen cing 'jig rten gyi ming la rab tu rgyug par mi 'gyur zhe na/ dge slong dag 'di lta ste/ dngos po gcig po nyid la skye bo kha cig gi ka si zhes bya bar shes shing rab tu shes so/ /lhung bzed ces bya ba 'am/ she shi la zhes bya ba 'am/ rtsod zhes bya ba 'am/ ci te zhes bya ba 'am/ snod ces bya ba 'am/ kham bor zhes bya bar rab tu shes te/ ji lta ji ltar skye bos rab tu shes pa de lta de ltar bstan cing dpyod pa dang/ mngon par zhen pas/ 'di nyid bden gyi gzhan ni gti mug pa'o zhes tha snyad du byed mod kyi skye bo rnams kyi nges pa'i tshig gi don du tha snyad du byed do/ /de bzhin du kha cig bdag ces rab tu shes shing sems can zhes bya ba 'am/ gso ba zhes bya ba 'am/ skye ba zhes bya ba 'am/ skyes bu zhes bya ba 'am/ gang zag ces bya ba 'am/ sheng? bu zhes bya ba 'am/ sheng las skyes pa zhes bya ba 'am/ skye ba zhes bya ba de lta de ltar bstan cing dpyod pa dang/ mngon par zhen pas 'di nyid bden gyi/ gzhan ni gti mug pa'o/ /zhes tha snyad du byed med kyi don stan par bya ba'i phyir byas so zhes tha snyad du byed de/ 'di tsam dus na ljongs kyi mi'i nges tshig la mngon par zhen par mi 'gyur la/ 'jig rten gyi ming la rab tu rgyug par mi 'gyur ro/ /ljongs kyi mi'i des pa'i tshig la mngon par zhen par mi byed do/ /'jig rten gyi mid la rgyug par mi bya'o zhes ngas bstan pa de rgyas par rab tu bshad do// /mdo las dbang po nyi shu rtsa gnyis zhes bya ba la sogs pa la/ gleng gzhi ni mnyan du yod pa na'o/ /de nas bram ze rang bzhin nyan bcom ldan 'das gang na ba der nye bar 'ongs te/ nye bar 'das nas bcom ldan 'das dang lhan cig yang dag par dga' ba dang/ yang dag par mgu ba dang/ rab tu dga' bar 'gyur ba'i gtam rnam pa sna tshogs byas te/ phyogs gcig tu 'dug go /phyogs gcig 'dug nas bram ze rang bzhin nyan gyis bcom ldan 'das la 'di skad ces gsol to/ /gau ta ma dri ba lung ston pa la skabs 'byed na/ bdag phyogs 'ga' zhig yongs su 'dri'o/ /bram ze ji ltar 'dod par dris shog /gau ta ma dbang po dbang po zhes brjod pa dbang po rnams ni du zhig /dbang po rnams dbang ba du zhig gis bsdus par 'gyur/ bram ze dbang po nyi shu rtsa gnyis so/ /nyi shu rtsa gnyis gang zhe na/ 'di lta ste mig gi dbang po dang/ rna ba'i dbang po dang/ sna'i dbang po dang/ lce'i dbang po dang/ lus kyi dbang po dang/ yid kyi dbang po dang/ mo'i dbang po dang/ pho'i dbang po dang/ srog gi dbang po dang/ bde ba'i dbang po dang/ sdug bsngal gyi dbang po dang/ yid bde ba'i dbang po dang/ yid mi bde ba'i dbang po dang/ btang snyoms kyi dbang po dang/ dad pa'i dbang po dang/ brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/ shes rab kyi dbang po dang/ mi shes pa'i kun shes par byed pa'i dbang po dang/ kun shes pa'i dbang po dang/ kun shes pa dang ldan pa'i dbang po zhes bya'o/ /bram ze nyi shu rtsa gnyis po 'di dag ni dbang po rnams zhes brjod do/ /'di tsam gyis na dbang po rnams bsdus par 'gyur ro/ /de nas bram ze rang bzhin nyan bcom ldan 'das kyi gsungs pa la mngon par dga' zhing rjes su yid rang nas bcom ldan 'das kyi zhabs drung nas song ngo/ /chos mngon pa'i mdzod kyi mdo dang sbyor ba'i TIk+ka nye bar mkho ba zhes bya ba las/ gnas dang po phal cher mdo dang sbyar ba'o/ / //mthong ba dang thos nas yang ba spang ba'i phyir zhes bya ba la sogs pa la/ mig dang ldan pa dka' ba'i gnas rnam par gnon par byed pa ltar/ mkhas pas 'tsho ba'i 'jig rten 'dir sdig pa dag ni yongs su spang/ /thos nas chos kun rnam par shes/ /thos nas sdig las 'da' bar byed/ thos nas don med rnam par spong/ thos nas mya ngan las 'das pa thob ces 'byung ba/ ji skad du de'i tshe dri za des sems gnyis po rjes su chags pa dang zhes bya ba la sogs pa la/ phra rgyas btags pa'i dbugs 'byung ba drug pa las mig 'gag shing 'das la/ mngal gyi rkyen ni phyin ci log pa zhes bya ba la sogs pa 'byung ngo/ /mngal du 'jug pa'i? mdo las kyang don 'di nyid yi ge gzhan du 'byung ste/ de la 'di ltar 'don te/ dga' bo ji ltar na sems can ma'i mngal du 'jug par 'gyur zhe na/ dga' bo 'di la pha dang ma chags par gyur cing 'dus pa dang/ ma rung zhing zla mtshan dang ldan pa dang/ dri za nye bar gnas nas na 'jug par 'gyur ro/ /dri za zhes bya ba 'di ni sred bar bar ma de'i sems can gyi tshig bla dags so/ /de yang rnam pa gnyis su 'gyur te/ kha dog bzang ba dang kha dog ngan pa'o/ /de la dmyal ba'i srid pa bar mdo'i kha dog ngan pa ste/ 'di lta ste ka ba tshig pa lta bu'o/ /dud 'gro'i srid pa bar mdo ni du ba'i kha dog lta bu'o/ /yi dwags kyi ni chu lta bu'o/ /'dod pa na spyod pa'i mi dang lha rnams kyi ni gser gyi kha dog go/ gzugs na spyod pa rnams kyi ni dkar po'o/ /gzugs med pa na spyod pa la ni srid pa bar ma med de/ gzugs med pa'i phyir ro/ /srid pa bar ma kha cig ni lag pa gnyis pa'o/ /kha cig ni rkang pa gnyis pa'o/ /kha cig ni rkang pa mang po can no/ /kha cig ni rkang ba gcig pa'o/ /'gro ba gang du sngon gyis las kyis skye bar 'gyur ba srid pa bar mdo'i sems can yang de dang 'dra bar 'gyur ro/ /srid pa bar mdo'i sems can thams cad kyang nam mkha' la 'gro ba thogs pa med pa rdzu 'phrul dang ldan pa lta bu'i lha'i mig dang ldan par 'gyur ro/ /ma zla mtshan dang ldan zhes bya ba ni dus dang dus na zla mtshan dang ldan pa'o/ /de la bud med kha cig ni zhag gsum dang lnga dang bdun gyi bar du zla mtshan dang ldan par 'gyur ro/ /kha cig ni rgyu dang rkyen gyi dbang gis yun ring por zla mtshan dang ldan par 'gyur zhing/ zla mtshan dang zla mtshan 'brel bar 'gyur ro/ /de la bud med gang sdug bsngal zhing 'gro ba ngan par gyur pa dang/ nye bar gdung ba dang/ 'khrug pa mang ba dang/ bza' ba dang/ btung ba dang gya nom pa ma yin na dus thung ngur zla mtshan dang ldan bar 'gyur te/ myur du yongs su zad cing gtugs bar 'gyur ro/ /dga' bo 'di lta ste dper na sa rtsub mo'i phyogs su chu btab na myur du yongs su zad cing gtugs par 'gyur ba de bzhin du bud med gang sdug bsngal zhing 'gro ba ngan bar gyur pa dang/ nye bar gdung ba dang/ 'khrug pa mang ba dang/ bza' ba dang/ btung ba gya na mo pa ma yin na dus thung ngur zla mtshan dang ldan par 'gyur ba ste/ myur du zad cing yongs su gtugs par 'gyur ro/ /bud med gang bde zhing 'gro ba bzang por gyur ba dang/ nye bar gdung ba dang 'khrug ba nyung ba dang/ bza' ba dang btung ba gya nom ba ni yun ring por zla mtshan dang ldan par 'gyur te/ myur du yongs su zad cing yongs su gtugs par mi 'gyur te/ dga' bo 'di lta ste dper nas 'jam po'i phyogs su chu btab na myur du yongs su zad cing gtugs par mi 'gyur ba de bzhin du bud med gang bde zhing 'gro ba bzang par gyur pa dang/ nye bar gdung ba dag 'khrug pa nyung ba dang/ bza' ba dang btung ba gya nom pa ni yun ring po zla mtshan dang ldan par 'gyur te/ myur du yongs su zad cing yongs su gtugs par mi 'gyur te/ zla mtshan la zla mtshan 'brel par 'gyur ro/ /dga' bo de la gal te pha la khu ba byung zhing ma la ma byung na re zhig de'i dus na mngal du 'jug par mi 'gyur ro/ /gal te ma la byung pa la ma byung na re zhig de'i dus na mngal du 'jug par mi 'gyur ro/ /ma dag par gyur cing pha ma dag par gyur pa dang/ pha dag cing ma ma dag par gyur pa re zhig de'i dus na mngal du 'jug par ma 'gyur ro/ /de'i dus na ma rlung gis bzung bar gyur pa 'am/ pha bzung ba 'am/ bad kan gyis bzung ba 'am/ khrag gis bzung ba 'am/ shas gang ba 'am/ sman can lta bu 'am/ nas kyi bar lta bu 'am/ grog mo'i rked pa lta bu 'am/ rnga mo'i gdong ba lta bu 'am/ khyi'i gdong pa lta bu 'am/ shing rta'i gdong pa lta bu 'am/ ka ba lta bu 'am/ 'dab ma lta bu 'am/ nang du rtse mo lta bu skyes pa 'am/ 'og tu zab pa 'am/ steng du za ba 'am/ mngal snod du ma gyur pa 'am/ khrag 'dzag pa 'am/ chung ba 'am/ khwa'i mchu lta bu 'am/ g.yas phyogs yangs pa 'am/ g.yon phyogs yangs pa 'am/ steng du yangs pa 'am/ 'og tu yangs pa 'am/ mtho ba 'am/ dma' ba dang/ sgur ba 'am/ yo ba 'am/ skyon dang bcas pa dang/ nyes pa dang bcas pa dang/ bi sa rak zhes bya ba'i srog chags kyis zos par gyur te/ re zhig de'i dus na mngal du 'jug par mi 'gyur ro/ /pha dang ma dbang thang chen po dang ldan par gyur la dri za dbang thang chung ngu dang ldan par gyur pa dang/ dri za dbang thang chen po dang ldan la pha dang ma dbang thang chung ngu dang ldan par gyur la/ re zhig de'i dus na mngal du 'jug par mi 'gyur ro/ /thams cad nus pa chen po dang ldan par 'gyur ro/ /pha dang ma dag gis bu rnyed par 'gyur ba las ma byas shing ma bsags pa dang/ dri zas kyang pha dang ma rnyed pa'i las ma byas shing ma bsags pa dang/ dri za la bud med dam skyes pa'i sems gnyis po las gang yang rung ba nye bar mi gnas na re zhig de srid du mngal du 'jug par mi 'gyur ro/ /dga' bo ji ltar na ma'i mngal du 'jug par 'gyur zhe na/ dga' bo 'di la pha dang ma gnyis chags par gyur cing 'dus pa dang/ ma rung zhing 'dus pa dang zla mtshan dang ldan pa dang/ dri za nye bar gnas na 'jug par 'gyur te/ pha dang ma'i khu ba byung zhing pha dang chags par gyur pa dang/ de'i dus pha dang rlung gis bzung bar ma gyur pa dang/ bad kan gyis ma bzung ba dang/ khrag gis ma bzung ba dang/ shas gang ba ma yin pa dang/ sman can lta bu ma yin pa dang/ nas kyi bar lta bu ma yin pa dang/ grog mo'i sked pa lta bu ma yin pa dang/ rnga mo'i gdong ba dang/ khyi'i gdong ba dang/ shing rta'i gdong ba dang/ ka ba lta bu dang/ 'dab ma lta bu dang/ nang du rtse mo lta bu skyes pa ma yin pa dang/ steng du zab pa dang/ 'og tu zab pa ma yin pa dang/ snod du gyur pa dang/ khrag 'dzag pa dang/ chung ba ma yin pa dang/ khwa mchu lta bu ma yin pa dang/ g.yas phyogs yangs pa dang/ g.yon phyogs yangs pa dang/ steng du yangs pa dang/ 'og tu yangs pa ma yin pa dang/ mtho ba dang dma' ba ma yin pa dang/ sgur ba ma yin pa dang/ skyon med pa dang nyes pa med pa dang/ pha dang ma dbang thang chen po dang ldan zhing dri za yang dbang thang chen po dang ldan par gyur pa dang/ pha dang ma dbang thang chung ngu dang ldan par gyur na dri za yang dbang thang chung ngu dang ldan par gyur pa dang/ pha dang ma dag gis bu rnyed cing thob par 'gyur ba'i las byas shing bsags pa dang/ dri zas kyang pha dang ma rnyed cing thob par 'gyur ba'i las byas shing bsags pa dang/ dri za la bud med dam skyes pa'i sems gnyis po las gang yang rung ba nye bar gnas na/ dga' bo 'di ltar ma'i mngal du 'jug par 'gyur ro zhes 'byung ste/ mdzod kyi gnas gsum par srid pa bar ma'i rnam bshad kyi skabs su yang dri za zhes bya ba 'di nyid drang bar bya'o/ /ji skad du 'jig rten 'di ni sems kyis khrid ces bya ba la/ rnam par 'byed pa bsdus pa'i sdom gyi tshigs su bcad pa gnyis pa'i dang po'i mdo las/ btsun pa 'jig rten 'di gang gis khrid/ gang gis drangs/ gang gis skye zhing skye ba la dbang sgyur/ de skad ces gsol ba dang/ bcom ldan 'das kyis dge slong de la 'di skad ces bka' stsal to/ dge slong legs so legs so/ /blo bzang po dang/ shes rab bzang po dang/ shes rab dang spyod pas 'jig rten 'di gang gis khrid/ gang gis drangs/ gang gis skye zhing skye ba la dbang sgyur zhes dge slong khyod kyi gang la 'di ltar dri ba legs so/ /de legs par nyon la yid la gzung zhig dang bshad par bya'o/ /dge slong 'jig rten 'di ni sems kyis khrid/ sems kyis yongs su drangs te/ sems kyis de skye zhing skye ba la dbang sgyur ro/ /gang gis 'jig rten 'di yongs su khrid cing yongs su 'dren pa dang/ gang gi skye ba la dbang sgyur ba des 'phags pa nyan thos dgra bcom pa mi 'gro zhing mi 'dren la de skyes shing skye ba la dbang mi sgyur te/ de ci'i phyir zhe na/ 'phags pa nyan thos sems la dbang sgyur bar byed kyi/ de la ni sems kyis dbang sgyur bar byed pa ma yin no zhes bya'o/ /bde bar gyur pa'i sems mnyam par 'jog par 'gyur ro zhes bya ba la/ skye mched drug gi mdor sngar bris pa bzhin no/ /ched du brjod pa bsdus pa'i sdom gyi tshigs su bcad pa gnyis pa'i mdo las der bstan pa bzhin du yang dang bar bya ste/ bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs te/ de nas tsha dang ldan pa kun dga' bo bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas nas phyogs gcig tu 'dug go / phyogs gcig tu 'dug nas bcom ldan 'das la 'di skad ces gsol to/ /btsun pa tshul khrims gang gi don du/ kun dga' bo yongs su gdung ba med pa'i don du'o/ /btsun pa yongs su gdung ba med pa gang gi don du/ kun dga' bo ji srid du dga' ba skyed pa'i don du'o/ /btsun pa dga' ba bskyed pa gang gi don du/ ji srid du rab tu dga' ba skyed pa'i don du'o/ /btsun pa rab tu dga' ba gang gi don du/ ji srid du shin tu sbyangs pa gang gi don du'o/ /btsun pa shin tu sbyangs pa gang gi don du/ kun dga' bo ji srid sems bde ba'i don du'o/ /btsun pa bde ba gang gi don du/ kun dga' bo sems mnyam par gzhag pa'i don du'o/ /btsun pa ting nge 'dzin gang gi don du/ ji srid du ji lta ba bzhin shes pa dang mthong ba'i don du'o/ /btsun pa ji lta ba bzhin shes pa dang mthong ba gang gi don du/ ji srid du skyo ba'i don du'o/ /btsun pa skyo ba gang gis don du/ kun dga' bo ji srid du 'dod chags dang bral ba'i don du'o/ /btsun pa 'dod chags dang bral ba gang gi don du/ kun dga' bo ji srid du rnam par grol ba'i don du'o/ /btsun pa rnam par grol ba gang gi don du/ kun dga' bo ji srid du yongs su mya ngan las 'das pa'i don du'o/ /kun dga' bo tshul khrims dang ldan na gdung ba med par 'gyur ro/ /gdung ba med na dga' ba skye bar 'gyur ro/ /dga' ba skyes na rab tu dga' ba skye bar 'gyur ro/ /lus ni shin tu sbyangs na bde ba skye bar 'gyur ro/ /bde ba myong na sems mnyam par 'jog par 'gyur ro/ /kun dga' bo sems mnyam par bzhag par na yang dag pa ji lta ba bzhin shes pa dang/ yang dag pa ji lta ba bzhin mthong bar 'gyur ro/ /yang dag pa ji lta ba bzhin shes shing yang dag pa ji lta ba bzhin mthong na yid 'byung bar 'gyur ro/ /yid byung na rnam par grol bar 'gyur ro/ /rnam par grol na yongs su mya ngan las 'das par 'gyur te/ kun dga' bo 'di ni chos nyid la chos kyi rgyu mthun pa'o/ /tshul khrims 'di la brten cing bsgoms te lan mang du byas na rab kyi mchog tu nye bar 'gro bar 'gyur te/ pha rol tu ma phyin pa pha rol tu 'gro bar 'gyur ba'i bar du'o zhes bka' stsal to// //sdug bsngal gyi rgyu can gyi dad pa zhes bya ba la sogs pa la/ gleng gzhi ni mnyan du yed? de pa na'o/ /de nas bcom ldan 'das kyis dge slong rnams la bos te bka' stsal pa/ dge slong dag mya ngan las 'das pa yang rgyu dang bcas par smra'o/ /dge slong dag mya ngan las 'das pa'i rgyu gang zhe na/ rnam par grol ba zhes brjod do/ /dge slong dag rnam par grol ba yang rgyu dang bcas par nga smra'o/ /dge slong dag rnam par grol ba'i rgyu gang zhe na/ 'dod chags dang bral ba zhes brjod de/ dge slong dag 'dod chags dang bral ba yang rgyu dang bcas par smra'o/ /dge slong dag 'dod chags dang bral ba'i rgyu gang zhe na/ yid 'byung ba zhes brjod de/ dge slong dag yang 'byung ba'i rgyu gang zhe na/ ji lta ba bzhin du shes pa dang mthong ba zhes brjod do/ /dge slong dag yang dag pa ji lta ba bzhin shes pa dang mthong ba yang rgyu dang bcas par nga smra'o/ /dge slong dag yang dag pa ji lta ba bzhin shes pa dang mthong ba'i rgyu gang zhe na/ ting nge 'dzin ces brjod do/ /dge slong dag ting nge 'dzin de yang rgyu dang bcas par nga smra te/ dge slong dag ting nge 'dzin gyi rgyu gang zhe na/ bde ba'o zhes brjod do/ /dge slong dag bde ba yang rgyu dang bcas par nga smra'o/ /dge slong dag bde ba'i rgyu gang zhe na/ shin tu sbyangs pa zhes brjod do/ /dge slong dag shin tu sbyangs pa yang rgyu dang bcas par nga smra'o/ /dge slong shin tu sbyangs pa'i rgyu gang zhe na/ dga' ba'o zhes brjod do/ /dge slong dag dga' ba yang rgyu dang bcas par nga smra'o/ rgyu med par ni ma yin te/ dge slong dag dga' ba'i rgyu gang zhe na/ rab tu dga' ba zhes brjod do/ /dge slong dag rab tu dga' ba yang rgyu dang bcas par nga smra'i/ rgyu med par ni ma yin te/ dge slong dag rab tu dga' ba'i rgyu gang zhe na/ yongs su gdung ba med pa zhes brjod do/ /dge slong dag yongs su gdung ba med pa yang rgyu dang bcas par nga smra'o/ rgyu med par ni ma yin te/ dge slong dag yongs su gdung ba med pa'i rgyu gang zhe na/ tshul khrims sdom pa zhes brjod do/ /dge slong dag tshul khrims sdom pa yang rgyu dang bcas par nga smra'i/ rgyu med par ni ma yin te/ dge slong dag tshul khrims sdom pa'i rgyu gang zhe na/ dbang po bsdams pa zhes brjod do/ /dge slong dag dbang po'i sdom pa yang rgyu dang bcas par nga smra'o/ /rgyu med par ni ma yin te/ dge slong dag dbang po bsdams pa'i rgyu gang zhe na/ dran pa dang shes bzhin zhes brjod do/ /dge slong dag dran pa dang shes bzhin yang rgyu dang bcas par nga smra'i rgyu med par ni ma yin te/ dge slong dag dran pa dang shes bzhin gyi rgyu gang zhe na/ tshul khrims yid la byed pa zhes brjod do/ /dge slong dag tshul khrims yid la byed pa yang rgyu dang bcas par nga smra'o/ /rgyu med par ni ma yin te/ dge slong dag tshul khrims yid la byed pa'i rgyu gang zhe na/ dad pa zhes brjod do/ /dge slong dag dad pa yang rgyu dang bcas par nga smra'i/ rgyu med par ni ma yin te/ dge slong dag dad pa'i rgyu gang zhe na/ sdug bsngal ba zhes brjod do/ /dge slong dag sdug bsngal ba yang rgyu dang bcas par nga smra'i/ rgyu med par ni ma yin te/ dge slong dag sdug bsngal ba'i rgyu gang zhe na/ rga shi zhes brjod do/ /dge slong dag rga shi yang rgyu dang bcas par nga smra'i/ rgyu med par ni ma yin te/ dge slong dag rga shi'i rgyu gang zhe na/ skye ba zhes brjod do/ /dge slong dag skye ba yang rgyu dang bcas par nga smra'i/ rgyu med par ni ma yin te/ dge slong dag skye ba'i rgyu gang zhe na srid pa zhes brjod do/ /dge slong dag srid pa yang rgyu dang bcas par nga smra'i/ rgyu med par ni ma yin te/ dge slong dag srid pa'i rgyu gang zhe na/ nye bar len pa zhes brjod do/ /dge slong dag nye bar len pa yang rgyu dang bcas par nga smra'i/ rgyu med par ni ma yin te/ dge slong dag nye bar len pa'i rgyu gang zhe na/ sred pa zhes brjod do/ /dge slong dag sred pa yang rgyu dang bcas par nga smra'i/ rgyu med par ni ma yin te/ dge slong dag sred pa'i rgyu gang zhe na/ tshor ba zhes brjod do/ /dge slong dag tshor ba yang rgyu dang bcas par nga smra'i/ rgyu med par ni ma yin te/ dge slong dag tshor ba'i rgyu gang zhe na/ reg pa zhes brjod do/ /dge slong dag reg pa yang rgyu dang bcas par nga smra'i/ rgyu med par ni ma yin te/ dge slong dag reg pa'i rgyu gang zhe na/ skye mched drug ces brjod do/ /dge slong dag skye mched drug kyang rgyu dang bcas par nga smra'i/ rgyu med par ni ma yin te/ dge slong dag skye mched drug gi rgyu gang zhe na/ ming dang gzugs zhes brjod do/ /dge slong dag ming dang gzugs kyang rgyu dang bcas par nga smra'i/ rgyu med par ni ma yin te/ dge slong dag ming dang gzugs kyi rgyu gang zhe na/ rnam par shes pa zhes brjod do/ /dge slong dag rnam par shes pa yang rgyu dang bcas par nga smra'i/ rgyu med par na ma yin te/ dge slong dag rnam par shes pa'i rgyu gang zhe na/ 'du byed ces brjod do/ /dge slong dag 'du byed kyang rgyu dang bcas par nga smra'i/ rgyu med par ni ma yin te/ dge slong dag 'du byed kyi rgyu gang zhe na/ ma rig pa zhes brjod do/ /dge slong dag ma rig pa'i rgyus 'du byed 'du byed kyi rgyus rnam par shes pa'i/ rnam par shes pa'i rgyus ming dang gzugs/ ming dang gzugs kyi rgyus skye mched drug /skye mched drug gi rgyus reg pa/ reg pa'i rgyus tshor ba/ tshor ba'i rgyus sred pa dang/ sred pa'i rgyus len pa dang/ len pa'i rgyus srid pa/ srid pa'i rgyus skye ba skye ba'i rgyus rga shi/ rga shi'i rgyus sdug bsngal ba/ sdug bsngal ba'i rgyus dad pa dang/ tshul khrims yid la byed pa dang/ dran pa dang shes bzhin dang/ dbang po sdom pa dang/ tshul khrims sdom pa dang/ gdung ba med pa dang/ dga' ba dang/ rab tu dga' ba dang/ shin tu sbyangs pa dang/ bde ba dang/ ting nge 'dzin dang/ skyo ba dang/ 'dod chags dang bral ba dang 'gog pa'i rgyus mya ngan las 'das pa'o zhes bka' stsal to// //mdo las bde ba'i tshor ba la ni 'dod chags rgyas par 'gyur/ sdug bsngal gyi tshor ba la ni zhe sdang rgyas par 'gyur zhes bya ba la sogs pa la/ ji skad du lung bar ma las sdom gyi tshigs su bcad pa gsum pa'i mthar dge slong ma chos sbyin gyi mdo de dang de dag mdzod kyi gnas dang por/ so sor brtags pa'i 'gog pa gang/ bral ba'i so so so so yin zhes bshad pa bzhin blta bar bya'o/ /lus tshor sim pa ma yin gang/ sdug bsngal dbang po zhes bya ba la sogs pa la/ gleng gzhi ni mnyan du yod pa na'o/ /dge slong dag lnga po 'di dag ni dbang po'o/ /lnga gang zhe na/ bde ba'i dbang po dang/ sdug bsngal gyi dbang po dang/ yid bde ba'i dbang po dang/ yid mi bde ba'i dbang po dang/ btang snyoms kyi dbang po'o/ /bde ba'i dbang po gang zhe na/ gang bde ba myong ba'i reg pa las skyes pa las dang sems kyi sim pa dang bde ba rig cing myong ba 'di ni bde ba'i dbang po'o/ sdug bsngal gyi dbang po gang zhe na/ sdug bsngal myong bar 'gyur ba'i reg pa reg pa las skyes pa lus dang sems kyi sim pa ma yin zhing sdug bsngal 'di ni sdug bsngal gyi dbang po zhes brjod do/ /yid bde ba'i dbang po gang zhe na/ gang yid bde ba myong bar 'gyur ba'i reg pa reg pa las skyes pa/ sems kyi sim pa dang bde bar rig cing myong ba 'di ni yid bde ba'i dbang po zhes bya'o/ /yid mi bde ba'i dbang po gang zhe na/ yid mi bde ba'i myong bar 'gyur ba'i reg pa reg pa las skyes pa sems kyi sim pa ma yin pa dang/ sdug bsngal ba 'di ni yid mi bde ba'i dbang po zhes bya'o/ /btang snyoms kyi dbang po gang zhe na/ btang snyoms myong bar 'gyur ba'i reg pa reg pa las skyes pa lus dang/ sems kyi sim pa yang ma yin sim pa ma yin pa yang ma yin bde ba yang ma yin sdug bsngal ba yang ma yin pa rig cing myong ba 'di ni btang snyoms kyi dbang po zhes bya'o zhes bka' stsal to/ / //gsum ni dri ma med ces bya ba la/ gleng gzhi ni mnyan du yod pa na'o/ /dbang po ni rnam pa gsum ste/ mi shes pa kun shes par byed pa'i dbang po dang/ kun shes pa'i dbang po dang/ kun shes pa dang ldan pa'i dbang po'o/ /slob pa slob par byed bzhin pa/ /drang po'i lam gyi rjes su 'jug /'phags pa'i lam gyi rjes mthun pa/ /rang gi sems ni rjes su srung/ /'di zad dang po'i shes pa ste/ /de nas kun shes bla ma ste/ /de nas skyob pa kun shes las/ /grol ba'i shes pa 'byung bar 'gyur/ /kun sbyor thams cad zad pa yi/ /mi g.yo rnam par grol ba ni/ /de'i dbang po phun tshogs shing/ /dbang po nye bar zhi bar 'gyur/ /bdud kyi bde las rnam rgyal zhing/ / lus kyi tha ma 'dzin pa yin zhes bka' stsal to/ /'di ltar 'phags pa'i gang zag rnam par bzhag pa mdzad nas zhes bya ba la sogs pa la/ gleng gzhi ni mnyan du yod pa na'o/ /dge slong dag dbang po lnga gang zhe na/ dad pa'i dbang po dang/ brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/ shes rab kyi dbang po'o/ /dge slong dag dbang po lnga po 'di dag rno zhing yongs su rdzogs pa na shes rab kyis rnam par grol ba'i dgra bcom par 'gyur ro/ /de bas zhan zhing rtul ba ni phyir mi 'ong ba zhes bya bar 'gyur ro/ /de bas rtul zhing zhan pa ni dad pa'i rjes su 'brang ba zhes bya ste/ dge slong dag gi phyir yongs su rdzogs pa dang yongs su rdzogs par byed pa dang/ phyogs gcig dang phyogs gcig byed pa ni dbang po lnga po 'bras bu dang bcas pa zhes bya'o/ /gang la dbang po 'di dag rnam pa thams cad du thams cad med pa de ni phyi rol so so'i skye bo'i phyogs la gnas par nga smra'o zhes gsungs so/ /gleng gzhi ni mnyan du yod pa na'o/ /dge slong dag dbang po lnga ni dad pa'i dbang po nas shes rab kyi dbang po'i bar du ste/ dbang po 'di dag che ba dang rno ba dang yongs su rdzogs pa gnyis ka'i cha las rnam par grol ba'i dgra bcom pa zhes bya ba/ de bas chung zhing zhan pa ni shes rab kyis rnam par grol ba'i dgra bcom pa zhes bya'o/ /de bas chung zhing zhan pa ni lus kyi mngon sum du byed pa zhes bya'o/ /de bas chung zhing zhan pa ni bar ma dor yongs su mya ngan las 'da' ba' i chos can zhes bya'o/ /de bas chung zhing zhan pa ni tshe gcig bar chad gcig pa zhes bya'o/ /de bas chung zhing zhan pa ni phyir mi 'ong ba zhes bya'o/ /de bas chung zhing zhan pa na rigs nas rigs su skye ba zhes bya'o/ /de bas chung zhing zhan pa ni mchog tu thogs na srid pa lan bdun pa zhes bya'o/ /de bas chung zhing zhan pa ni chos kyi rjes su 'brang ba zhes bya'o/ /de bas chung zhing zhan pa ni dad pa'i rjes su 'brang ba zhes bya'o/ /dge slong ngag dbang po'i pha rol tu phyin pa la rten nas 'bras bu'i pha rol tu shes par 'gyur ro/ /'bras bu'i pha rol tu phyin pa la brten nas dbang po 'bras bu dang bcas par 'gyur ro/ /dge slong dag gang la dbang po lnga po 'di dag rnam pa thams cad du gtan med pa de ni phyi rol pa so so skye bo'i phyogs la gnas pa'o zhes nga smra'o zhes gsungs so/ / //mdo las kyang sems can 'jig rten du skye zhing zhes bya ba la sogs pa la de nas bcom ldan 'das 'di snyam du ngas rtogs pa'i chos zab pa/ zab par snang ba/ blta bar dka' ba/ rtogs par dga' ba/ mkhas shing 'dzangs pas rig par bya ba/ ngas gzhan dag la bstan kyang gzhan dag gis rnam par mi shes shing nga la yang gnod pa ngal ba dang tshogs nyid du 'gyur bas bdag gcig du dben pa'i phyogs su mthong ba'i chos la bde bar gnas par rigs so zhes dgongs so/ /de nas bcom ldan 'das thugs las chung ngus chos mi ston par bzhugs pa dang/ tshangs pa stong gi bdag po 'di snyam du sems te/ kye ma 'jig rten 'di ni nyams so/ /'jig rten 'di rab tu nyams so// gang las da ltar de bzhin gshegs pa dgra bcom pa yang dag par rdzogs pa'i sangs rgyas rnams ni 'jig rten du re 'ga' zhig 'byung ste/ 'di lta ste/ au dum+ba ra'i me tog bzhin no/ /bcom ldan 'das thog mar chos mi gsung ba thugs pas chung ngur bzhugs pas bdag song ste gsol ba gdab par bya'o/ /de nas tshangs pa stong gi bdag po 'di lta ste/ skyes bu stobs dang ldan pa'i lag pa brkyang ba dang bskum pa tsam gyis tshangs pa stong gi bdag po tshangs pa'i 'jig rten nas mi snang bar gyur te/ bcom ldan 'das kyi mdun du 'dug ste/ de nas tshangs pa stong gi bdag po de'i tshe tshigs su bcad pa 'di skad ces gsol to/ /ma ga d+ha yi yul 'dir sngon chad chos/ /ma dag dri ma'i rjes su 'brel byung phyir// bdud rtsi'i sgo mo dbye bar mdzod cig chos/ /rdul bral dri ma med pa bshad du gsol/ /bcom ldan 'das kyis bka' stsal pa/ /tshangs pa nga yi tha ba kun/ /bcom nas tshogs chen gyis rtogs te/ /chos 'di srid pa'i 'dod chags kyis/ /dkris pas bde blag rtogs ma yin/ /rgyun phyogs su las bzlog pa'i lam/ /zab la shin tu lta ba dka' / /'dod chags kyis chags mun pa yi/ /phung po bsgribs pas mi mthong ngo/ /btsun pa sems can 'jig rten du skyes shing 'jig rten du rgas pa 'di rnams la dbang po rnon pa yang mchis/ dbang po 'bring pa yang mchis/ dbang po rtul po yang mchis te/ rang gi rgyud gdul sla ba dang/ rdul nyung ba dang/ rdul nyung ba'i rigs can gang mchis pa ngag dam pa'i chos ma thos na yongs su nyams par 'gyur te/ 'di lta ste/ autpa la'am/ ku mu da 'am/ puN+Da rI ka dag chu las skyes pa dang/ chu las 'phel ba dang/ chu las mngon par 'phags te gnas pa dang/ kha cig chu dang mnyam par gnas pa dang/ kha cig chur nus te gnas pa de bzhin du sems can 'jig rten du skyes shing 'jig rten du rgas pa 'di rnams la dbang po rnon po yang mchis/ dbang po 'bring po yang mchis/ dbang po rtul po yang mchis/ rang gi rgyud gdul sla ba dang/ rdul nyung ba dang rdul nyung ba'i rigs can yod mchis pa dag dam pa'i chos ma thos na yongs su nyams par 'gyur te/ sems can rnams kyis rtogs par 'gyur bas/ bcom ldan 'das chos bshad du gsol to/ /bde bar gshegs pa bshad du gsol/ /de nas bcom ldan 'das 'di snyam du rang nyid kyis sangs rgyas kyi spyan gyis 'jig rten la blta'o zhes dgongs nas/ de nas bcom ldan 'das rang nyid kyi sangs rgyas kyi spyan gyis 'jig rten la sems can 'jig rten du skyes shing 'jig rten du rgas ba 'di rnams la dbang po rnon po yang yod/ dbang po 'bring po yang yod dbang po rtul po yang yod la rang gi rgyud gdul sla zhing rdul nyung ba dang/ rdul nyung ba'i rigs can dag yod pas dam pa'i chos ma thos na yongs su nyams par 'gyur bar gzigs nas yang sems can de rnams la snying rje chen pos non pas/ de nas de'i tshe bcom ldan 'das kyis tshigs su bcad de bka' stsal pa/ tshangs pa mi la sman dpyad mang po yis/ /chos mchog rab tu bshad par bya ba min/ /bdud rtsi'i sgo mo rab tu dbye bar bya/ /su zhig nyan par 'dod pa rnams shog cig /de nas tshangs pa stong gi bdag po 'di snyam du bcom ldan 'das chos 'chad par 'gyur ro/ /bde bar gshegs pa chos 'chad par 'gyur ro snyam du rig nas dga' ba dang yid bde ba dang/ rab tu dga' ba dang/ yid bde ba'i mchog skyes te/ bcom ldan 'das kyi zhabs la spyi bos phyag byas te lan gsum du bskor ba byas nas de nyid du mi snang bar gyur to/ / //yang ngas ji srid du dbang po lnga po 'di dag bya ba la/ gleng gzhi ni mnyan du yod pa na'o/ /dbang po lnga ste/ lnga zhe na/ dad pa'i dbang po dang/ brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/ shes rab kyi dbang po'o/ /dge slong dag ji srid du ngas dad pa'i dbang po ji lta ba bzhin ma shes shing/ dad pa'i dbang po'i kun 'byung ba dang/ dad pa'i dbang po'i 'gog pa dang/ dad pa'i dbang po'i 'gog par 'gro ba'i lam ji lta ba bzhin ma shes pa de srid du nga lha dang bcas pa'i 'jig rten dang/ bdud dang bcas pa dang/ dge sbyong dang bcas pa'i tshangs pa'i skye dgu dang/ lha dang mir bcas pa las grol ba dang/ mi ldan pa dang/ rnam par mi ldan par mi 'gyur zhing sems phyin ci log rab tu mang po la gnas pa de srid du nga bla na med pa yang dag par rdzogs par mngon par byang chub pa zhes mi shes so/ /dge slong dag gang yang nga dad pa'i dbang po yang dag pa ji lta ba bzhin rab tu shes shing dad pa'i dbang po'i kun 'byung ba dang/ dad pa'i dbang po'i 'gog pa dang/ dad pa'i dbang po'i 'gog par 'gro ba'i lam ji lta ba bzhin shes shing brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/ shes rab kyi dbang po ji lta ba bzhin rab tu shes pa dang/ shes rab kyi dbang po'i 'gog pa dang/ shes rab kyi dbang po'i 'gog par 'gro ba'i lam ji lta ba bzhin shes nas de'i phyir lha dang bcas pa'i 'jig rten dang/ bdud dang bcas pa dang/ tshangs pa dang bcas pa'i zhes bya ba na nga byang chub zhes rnam par shes pa'i bar du'o/ /dge slong dag ngas dad pa'i dbang po'i kun 'byung ba dang/ mi snang ba dang/ ro myang ba dang/ nyes dmigs dang/ nges par 'byung ba ji lta ba bzhin mi shes shing/ brtson 'grus kyis dbang po dang dran pa'i dbang po dang/ ting nge 'dzin gyi dbang po dang/ shes rab kyi dbang po'i kun 'byung ba dang/ mi snang ba dang/ ro myang ba dang/ nyes dmigs dang/ nges par 'gyur ba ji lta ba bzhin mi shes pa de srid du da lha dang bcas pa'i 'jig rten zhes bya ba nas byang chub pa zhes ma shes so zhes bya ba'i bar du'o/ /dge slong dag gang yang ngas dad pa'i dbang po'i kun 'byung ba dang/ mi snang ba dang/ ro myang ba dang/ nyes dmigs dang nges par 'byung ba ji lta ba bzhin shes shing/ rgyas par brtson 'grus nas/ bla na med pa yang dag par rdzogs pa'i mngon par byang chub pa zhes mi shes pa'i bar du'o zhes bka' stsal to// //ji skad du tshangs spyod 'di la lags spyod cing zhes bya ba la sogs pa ni skye mched drug gi mdo'i bsdus pa'i sdom tshigs su bcad pa dang po'i las lnga pa nye ba'i mdo las/ gnas brtan shA ri'i bus tshigs su bcad pa 'di skad ces smras so/ /tshangs spyod 'di la legs spyod cing/ /lam la legs par bsgom pa ni/ /tshe zad dga' bar 'gyur ba ste/ /dper na nang dang bral ba bzhin/ /tshangs spyod 'di la legs spyod cing/ /lam la'ang shin tu bsgom pa ni/ /tshe zad dga' bar 'gyur ba ste/ /ji ltar dug gi snod bzhin no/ /tshangs spyod 'di la legs spyad cing/ /lam la legs par bsgoms pa ni/ /'bar ba'i khyim nas thar ba ltar/ /'chi ba'i tshe na mi dga' ste/ /tshangs spyod 'di la legs spyod cing/ /lam la'ang legs par bsgoms pa ni/ /rtswa dang shing dang mnyam par ni/ /'jig rten shes rab kyis mthong nas/ /de las don gnyer gzhan med cing/ /gzhan du nying mtshams sbyor mi byed/ yang ci'i phyir bcom ldan 'das kyis tshe'i dus byed btang zhing byin gyis brlabs zhe na zhes bya ba la sogs pa la/ mdo drug pa dang/ yongs su mya ngan las 'das pa chen po'i mdo'i tshig brgyad pa'i sdom gyi tshigs su bcad pa'i mdo las 'don pa lta bu ste/ de nas bcom ldan 'das 'di snyam du ji ltar sems mnyam par bzhag da tshe'i 'du byed byin gyis brlabs/ srog gi 'du byed dag stong bar 'gyur ba de lta bu'i ting nge 'dzin la snyoms par 'jug par bya'o snyam du dgongs nas/ de nas bcom ldan 'das ji ltar sems mnyam par bzhag na tshe'i 'du byed dag byin gyis brlabs nas srog gis 'du byed dag gtong bar 'gyur ba de lta bu'i ting nge 'dzin la snyoms par zhugs te/ tshe'i 'du byed gtang ma thag tu de'i dus na sa chen po g.yo ba dang/ thog 'bab pa dang/ yul tshig pa dang/ nam mkha' la lha'i rnga 'byung bar 'gyur ro/ /de nas bcom ldan 'das ting nge 'dzin las bzhengs te/ de'i tshe tshigs su bcad pa 'di skad ces bka' stsal te/ /sgong skyes sgo nga'i spubs grol ltar/ /nang gi bdag nyid mnyam gzhag pas/ /mi 'dra ba dang 'dra ba yi/ /srid pa'i 'du byed thub pas btang/ /gang yang ngas rdzu 'phrul gyi rkang pa bzhi po 'di de bzhin bsgom pas zhes bya ba la sogs pa la/ gleng gzhi ni mnyan du yod pa na'o/ /dge slong dag rdzu 'phrul gyi rkang pa bsgom pa bshad par bya'o/ /de legs par nyon la zhes pa la sogs pa snga ma bzhin no/ /dge slong dag ji ltar rdzu 'phrul gyi rkang pa bzhi bsgom par 'gyur zhe na/ 'di la dge slong 'dun pa'i ting nge 'dzin spong ba'i 'du byed dang ldan pa dben pa la gnas pa 'dod chags dang bral ba la gnas pa 'gog pa la gnas pa/ rnam par spong bas yongs su sgyur ba/ 'dun pa zhum par mi 'gyur la/ 'phyo bar mi 'gyur gnang du bsdus pa dang/ phyi rol tu rnam par g.yengs pa ma yin pa/ phyir dang sngon gyi 'du byed mi 'byung ba/ steng dang 'og gi 'du shes kyis sems la rgyas pas ma bsgribs shing snang ba dang bcas shing lhan cig par 'gyur pa'i sems 'byung bar 'gyur zhing/ 'di lta ste/ bdag sems la mun pa 'byung bar ma gyur cig ces bsgom par byed de/ dge slong dag brtson 'grus dang/ sems dang/ dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su sgyur ba spyod pa zhun par mi 'gyur zhing 'phyo bar mi 'gyur ba nang du bsdus pa dang/ phyi rol tu g.yengs pa ma yin pa'i phyis dang sngon gyi 'du shes dang steng dang 'og mi 'du shes sems la rgyal bar ma bsgribs shing snang ba dang bcas shing lhan cig par 'gyur ba'i sems 'byung bar 'gyur zhing 'di lta ste/ bdag gi sems la mun pa 'byung bar ma gyur ces bsgom par byed de/ dge slong dag de ltar na rdzu 'phrul gyi rkang pa bzhi bsgom par 'gyur ro/ /dge slong nga yang de bzhin du rdzu 'phrul gyi rkang pa bzhi bsgom zhing bsgoms nas rdzu 'phrul gyi rkang pa bzhi po dag gis rdzu 'phrul gyis yul rnam pa du mnyams su myong ste/ lha'i mig dang rna ba dang/ sngon gyi gnas rjes su dran pa dang/ 'chi 'pho ba dang skye ba shes pa dang/ sems kyi rnam grangs dang/ zag pa zad pa 'di lta bur gyur to/ /dge slong dag nga rdzu 'phrul gyi rkang pa bzhi po 'di dag gis 'dod na bskal pa 'am bskal pa las lhag par gnas par bya'o zhes gsungs so// //bde ba myong bar 'gyur ba'i las dang zhes bya ba la sogs pa la/ gleng gzhi ni mnyan du yod pa na'o/ /dge slong dag byis pa so so'i skye bo thos pa dang mi ldan pa dag 'byung ba chen po bzhi'i lus las skyes shing 'dod chags dang bral ba dang rnam par grol bar 'gyur gyi/ rnam par shes pa las ni ma yin no/ /de ci'i phyir zhe na/ 'byung ba chen po bzhi'i lus las rnam par 'jog pa dang/ nyams par mthong la/ gang yang 'di skad du ni sems dang yid ces bya ba dang/ rnam par shes pa zhes bya bar byis pa so so'i skye bo thos pa dang mi ldan pa de la skyo ba dang/ 'dod chags dang bral ba dang/ 'gog pa mi mthong ste/ de ci'i phyir zhe na/ dge slong dag byis pa so so'i skye bo thos pa dang mi ldan pa nyin mtshan rtag tu srung zhing skyong ba dang/ bdag gir nye bar 'gro ba dang/ zin pa dang/ 'di ni bdag/ 'di ni bdag gi bdag go zhes byis pa so so'i skye bo thos pa dang mi ldan pas de la skyo ba dang/ 'dod chags dang brel ba dang/ 'gog par mi mthong ngo/ /dge slong dag byis pa so so'i skye bo thos ba dang mi ldan pa gang zhig 'gyur? ba chen po bzhi'i lus la bdag tu khas len pa 'di ni mchog yin gyi/ rnam par shes pa ni ma yin te/ de ci'i phyir zhe na/ /'byung ba chen por bzhi'i lus ni yang dag par bde zhing bsrung nas lo bcu 'am/ nyi shu 'am/ sum cu 'am/ bzhi bcu 'am/ lnga bcu 'am/ brgya 'am/ de las lhag par gnas kyi/ gang yang 'di skad du sems zhes bya ba 'am/ yid ces bya ba 'am/ rnam par shes pa zhes bya ba de dang de dag ni nyin mtshan du 'jig cing de dag tu skad cig thang cig yud tsam du 'jig cing rnam pa du ma mang skye zhing skye'o/ /'gag cing 'gag go/ /'di lta ste/ spre'u dgon pa'i tshal na rgyu ba na shing gi yal ga dmigs la/ de btang nas yang gzhan dmigs te/ de bzhin du sems zhes bya ba dang/ yid ces bya ba dang/ rnam par shes pa zhes bya ba de dang/ de dag ni nyin mtshan du 'jig cing de dang de dag skad cig thang cig yud tsam du 'jig cing rnam pa du ma mang po gzhan skye zhing skye'o/ /'gag cing 'gag go /dge slong dag de la 'phags pa nyan thos thos pa dang ldan pa rten cing 'brel bar 'byung ba nyid du legs par sems shing yid la byed cing rtog par byed de 'di lta ste/ 'di yod pas 'di 'byung/ 'di skyes pa'i phyir 'di skye ste/ 'di lta ste/ bde ba myong bar 'gyur ba'i reg pa las rten te skyes pa tshor ba bde ba myong ba na de bde ba'i tshor ba myong zhing tshor ba bde ba rig go zhes yang dag pa ji lta ba bzhin rab tu shes so/ /de nas de'i bde ba myong bar reg pa 'gags shing bde ba myong bar 'gyur ba'i reg pa la brten te skyes pa tshor ba bde ba 'gag pa dang/ nye bar zhi ba dang/ bsil par gyur pa dang/ nub par 'gyur ro/ /bde ba'i tshor ba ji lta ba de bzhin du/ sdug bsngal gyi tshor ba dang/ yid bde ba'i tshor ba dang/ yid mi bde ba'i tshor ba dang/ btang snyoms myong bar 'gyur ba'i reg pa la brten te/ skye ba tshor ba btang snyoms myong bar btang snyoms zhing tshor ba btang snyoms rig go /zhes yang dag pa ji lta ba bzhin rab tu shes? so? de nas de'i btang snyoms myong bar 'gyur ba'i reg pa 'gag shing btang snyoms myong bar 'gyur ba'i reg pa la brten te skyes pa'i tshor ba btang snyoms myang 'gag shing nye bar zhi ba dang bsil bar gyur pa dang nub par gyur to/ /de 'di snyam du sems te/ tshor ba 'di dag gi rgyu gang/ gang las yang dag par byung/ gang las rab tu byung/ yang de 'di snyam du sems te/ tshor ba 'di dag ni reg pa'i rgyu can/ reg pa las yang dag par byung ba/ reg pa las skyes pa/ reg pa las rab tu byung ba ste/ tshor ba de yang dag par 'byung ba las rag pa de dang de yang dag par 'byung zhing reg pa de dang de 'gags pas tshor ba de dang de 'gags pa dang nye bar zhi ba dang/ bsil ba dang/ nub par 'gyur te/ dge slong dag de ltar mthong ba'i 'phags pa nyan thos lus la yang skyo bar gyur cing/ tshor ba dang/ 'du shes dang/ 'du byed dang/ rnam par shes pa la skyo ba skye ba'am/ 'dod chags dang bral ba'i 'dod chags dang bral ba dang/ grol zhing grol ba dang/ rnam par grol ba'i ye shes mthong bar 'gyur te/ bdag gi skye ba zad do/ /tshangs par spyod pa bsten to/ /bya ba byas so// bdag srid pa las gzhan mi shes so/ /zhes bya bar 'gyur ro zhes bka' stsal to/ /nga? ni ji ltar na de dag la pho zhes bya zhe na zhes bya ba la sogs pa gang las 'byung zhe na/ khams mang po las rnam par byed pa bsdus pa'i mthar bshad de/ 'di ni mdzod kyi gnas dang por de bzhin khams mang po pa zhes bya bar bris pa bzhin blta bar bya'o/ /kun nas mnar sems kyi gzhi med pa'i phyir dang zhes bya ba la kun nas mnar sems kyi gzhi dgu de dang de las 'don te/ ji ltar re zhig mdo drug pa'i dang po mdo las/ chos dgu ni gnod pa'i cha ste/ kun nas mnar sems kyi gzhi rnam pa dgu ste/ 'di dag la don med par 'dod pa/ mi phan par 'dod ba/ bde bar mi 'dod pa/ reg pa gnas bar mi 'dod pa/ grub pa dang bde bar mi 'dod pa 'dis bdag la gnas par byas so/ /byed do/ /byed par 'gyur ro zhes de la kun nas mnar sems skye'o/ /gang yang bdag la don 'dod pa dang/ phan par 'dod pa dang/ bde bar 'dod pa dang/ reg pa gnas par 'dod pa dang/ grub pa dang bde bar 'dod pa de la/ 'di don du mi 'dod pa dang/ phan par mi 'dod pa dang/ bde bar mi 'dod pa dang/ reg par gnas par mi 'dod pa dang/ grub pa dang bde bar mi 'dod pa 'dis de la gnod par byas so/ /byed do/ /phyis byed par 'gyur ro zhes kun nas mnar sems skye'o/ /gang yang bdag la don du mi 'dod pa/ phen par mi 'dod pa/ bde bar mi 'dod pa/ grub pa dang bde bar mi 'dod pa de la don du 'dod pa dang/ phan par 'dod pa dang/ bde bar 'dod pa dang/ reg par gnas par 'dod pa dang/ grub pa dang bde bar 'dod de/ de'i don byas so/ /byed do/ /phyis yang byed par/ 'gyur ro zhes de la kun nas mnar sems skye ste/ nyams pa'i cha 'di dag ni shin tu nyes dmigs can du gsal bar bcu las 'phro pa las bshad do// //mdo las kyang gang yang gzugs med pa'i rnam par thar pa zhi ba zhes bya ba la sogs pa la/ de nas bcom ldan 'das kyis dge slong rnams la bos te/ dge slong nga ston pa'i mdun na 'dug par gyur na ci ma rung snyam pa dang/ ngas ston pa la yongs su dri ba dris te/ dge slong rnams la chos kyi gtam par 'gyur pa dang/ tshul khrims rnams la yongs su rdzogs par byed pa dang/ ma bcos pa'i bsam gtan dang/ lhag mthong ba dang ldan pa dang/ stong pa nyid kyi gnas pa 'phel bar byed pa dang/ rang gi don dang 'brel cing rjes su thob pa dang/ mkhas pas ma dmad pa'i tshangs par spyod par gyur na ci ma rung snyam pa dang/ dge slong dag kye ma nga'i shes pa dang/ yang dag par mthong ba mi brjod cing/ lus zhig ste bde 'gro mtho ris su skye bar 'gyur ba dang/ tshul khrims yongs su rdzogs pa dang/ ma bcos pa'i bsam gtan dang lhag mthong dang ldan pa dang/ stong pa nyid kyi gnas pa 'phel bar byed pa dang/ rang gi don dang 'brel cing rjes su thob pa dang/ mkhas pas ma smad pa'i tshangs par spyod par gyur kyang ci ma rung snyam pa dang/ dge slong dag kye ma nga'i nye bar spyod pa gang zhe na chos gos dang/ bsod snyoms dang/ mal cha dang/ na ba'i gsos smon dang/ yongs su spyod pa de dag bya ba byas shing shin tu don dang 'bras bu che ba dang/ rjes su bsngags pa che ba dang/ rab tu rgya che ba dang/ tshul khrims rnams la phun sum tshogs par byed pa nas/ mkhas pas ma smad pas tshangs par spyod par gyur kyang ci ma rung snyam pa'i bar du'o/ /dge slong dag kye ma nga mi dga' ba bzod cing bdag la mi dga' ba skyes nas de sems mi 'khrug par gnas shing tshul khrims yongs su rdzogs par byed pa nas mkhas pas ma smad pa'i tshangs par spyod par gyur snyam pa'i bar du'o/ /dge slong dag kye ma nga 'jigs pa dang 'jigs pa'i dgra bzod cing 'jigs pa skyes na yang na de'i rgyus sems mi nyan par gnas pa dag tshul khrims rnams la yongs su rdzogs par byed pa nas/ mkhas pas ma smad pa'i tshangs par spyod par gyur kyang ci ma rung ba snyam pa'i bar du'o/ /dge slong dag kye ma bdag gis skye ba na skye bar sdig pa mi dge ba'i rtog pas sems mi nyams par gnas shing tshul khrims la yongs su rdzogs par byed ces bya bar snga ma bzhin no/ /dge slong dag kye ma bdag bkres pa dang skom pa dang/ sprang su dang/ sha sprang dang/ sdig sbrul gyi reg pa dang/ gzhan gyi nyes par smras pa dang/ nyes pa gnod pa'i tshig gi lam dang skye nas skye bar lus kyi tshor ba sdug bsngal ba/ drag pa/ rtsub pa yid du mi 'ong ba srog 'phrogs par byed pa'i bag chags bzod cing tshul khrims rnams la yongs su rdzogs par byed pa'i bar snga ma bzhin no/ /dge slong dag kye ma bdag 'dod pa las dben zhes bya ba man chad bsam gtan bzhi pa'i bar du bsgrub ste gnas par gyur na ci ma rung snyam pa dang/ tshul khrims la yongs su rdzogs par byed pa'i bar du snga ma bzhin no/ /dge slong dag kye ma bdag gang dag gzugs med pa'i rnam par thar pa zhi ba gzugs rnams las 'das pa de dag lus kyis mngon sum du byas shing rdzogs par byas te gnas na ci ma rung snyam pa dang/ tshul khrims rnams la yongs su rdzogs bar byed pa'i bar du snga ma bzhin no/ /de bzhin du rgyun tu zhugs pa'i 'bras bu dang/ lan cig phyir 'ongs pa'i 'bras bu dang/ phyir mi 'ongs pa'i 'bras bu dang/ rdzu 'phrul gyi yul dang/ lha'i rna ba dang/ sngon gyi las rjes su dran pa dang/ 'chi 'pho ba dang/ skye ba shes pa dang/ dge slong dag kye ma bdag zag pa rnams las zag pa med par sems rnam par grol ba dang/ shes rab rnam par grol zhing mthong ba'i chos nyid la rang nyid kyis mngon par shes pa mngon sum du byas te/ rig pa phun sum tshogs pa bdag gi skye ba zad do/ /tshangs par spyod pa bsten to/ /bya ba byas so/ /srid pa las gzhan mi shes so/ /zhes bya ba dang/ tshul khrims rnams la yongs su rdzogs par byed pa dang/ ma bcos pa'i bsam gtan dang shes rab dang ldan pa dang/ stong pa nyid kyi gnas pa 'phel bar byed pa dang/ rang gi don dang 'brel zhing rjes su thob pa dang/ mkhas bsam smad pa'i dpyod pa dang ldan par gyur kyang ci ma rung snyam pa dang/ zhes bka' stsal to/ /bar sdom la/ ston dang shes rab bsod snyoms dang/ /mi dga' ba dang 'jigs pa dang/ /rtog dang bzod dang bsam gtan dang/ /rnam thar 'bras bu mngon shes drug shing gi phung po 'di la khams sna tshogs yod do zhes bya ba la sogs pa la/ gleng gzhi ni rgyal po'i khab? na'o/ de nas tshe dang ldan pa shA ri'i bu dge slong mang po dang thabs gcig tu snga dro chos gos bgos lhung bzed thogs te/ bya rgod phung po'i ri las babs nas rgyal po'i khab tu bsod snyoms kyi phyir zhugs pa dang/ tshe dang ldan pa shA ri'i bus lam gyi bar du shing phung po chen po zhig mthong ngo/ /mthong nas lam nas 'das te dge slong gi dge 'dun gyi mdun du ji ltar 'tsham par stan bting ba la 'dug ste/ tshe dang ldan pa shA ri'i bus dge slong rnams la gos te/ tshe dang ldan pa gang dag dge slong bsam gtan dang ldan pa/ rdzu 'phrul dang ldan pa/ sems la dbang thob ba de gal te shing gi phung po 'di sar mos na yang de bzhin du 'gyur gyi/ gzhan du ni ma yin no/ /de ci'i phyir zhe na/ shing gi phung po 'di la sa'i yod de/ de'i phyir dge slong bsam gtan dang ldan pa/ rdzu 'phrul dang ldan pa/ sems la dbang thob pa de gal te/ shing gi phung po 'di sar mos na de bzhin du 'gyur gyi gzhan du ni ma yin no/ /tshe dang ldan pa dag gang dge slong bsam gtan dang ldan pa rdzu 'phrul dang ldan pa sems la dbang thob pa de gal te shing gi phung po 'di chu dang/ me dang/ rlung dang/ gser du mos na yang de bzhin du 'gyur gyi gzhan du ni ma yin te/ de ci'i phyir zhe na/ shing gi phung po 'di la gser gyi khams yod de/ de'i phyir dge slong bsam gtan dang ldan pa rdzu 'phrul dang ldan pa sems la dbang thob pa de gal te shing gi phung po 'di la gser du mos na de bzhin du 'gyur gyi/ gzhan du ni ma yin no/ /tshe dang ldan pa dag gang dge slong bsam gtan pa/ rdzu 'phrul dang ldan pa/ sems la dbang thob pa de gal te shing gi phung po 'di la gang dang gang du mos pa de dang der 'gyur gyi/ gzhan du ni ma yin te/ de ci'i phyir zhe na/ shing gi phung po 'di la khams rnam pa sna tshogs yod do/ de'i phyir dge slong bsam gtan dang ldan pa rdzu 'phrul dang ldan pa sems la dbang thob pa de gal te shing gi phung po 'di la khams rnam pa sna tshogs gang dang gang mos na yang de dang der 'gyur gyi/ gzhan du ma yin no/ /tshe dang ldan pa dag bsam gtan pa rnams kyi bsam gtan gyi yul dang/ rdzu 'phrul can rnams ni rdzu 'phrul gyi yul ni 'di ltar bsam gyis mi khyab ste/ tshe dang ldan pa dag de'i phyir 'di ltar bslab bar bya ste/ gang yang bsam gtan dang ldan pa dang/ rdzu 'phrul dang ldan pa dang/ sems la dbang thob par 'gyur ba de ltar bslab par bya'o zhes smras so/ /mdo las lus shin tu sbyangs pa zhes gsungs pa ma yin nam zhe na zhes bya ba la sogs pa la/ gling gzhi ni mnyan du yod pa na'o/ /de nas dge slong rab tu mang po dag snga dro chos gos bgos/ lhung bzed thogs te bsod snyoms kyi phyir mnyan yod du zhugs ba dang/ de nas dge slong rab tu mang po de dag 'di snyam du gyur te/ nam langs pa dang bdag cag mnyan yod du bsod snyoms rgyu yis/ de bar bdag cag gzhan mu stegs can gyi rab tu byung ba'i kun dga' ra ba gang na ba der 'gro bar bya'o/ /de nas dge slong rab tu mang po de dag gzhan mu stegs can gyi rab tu byung ba'i kun dga' ra ba gang la ba der nye bar song ste/ nye bar ming? nas mu stegs can gyi rab tu byung ba de dag dang lhan cig yang dag par bde ba dang/ yang dag par mgu ba dang/ yang dag par rab tu dga' bar 'gyur ba'i gtam rnam pa sna tshogs dag byas te/ phyogs gcig tu 'dug go /phyogs gcig tu 'dug nas/ dge slong rab tu mang po de dag la gzhan mu stegs can gyi rab tu byung ba de dag gis 'di skad ces smras so/ /khyed cag gi dge sbyong gau ta ma nyan thos rnams la dge slong dag khyed cag tshur shog /sgrib pa lnga po sems nye bar nyon mongs par byed pa/ shes rab nyams chung bar byed pa gegs kyi phyogs mya ngan las 'das pa ma yin pa 'jug par byed pa de dag spongs la/ dran pa nye bar gzhag pa bzhi la sems legs par gnas par bya'o/ /byang chub kyi yan lag bdun bsgom par bya'o/ /zhes chos ston par byed do/ de da cag kyang nyan thos rnams la khyed tshur shog cig / sgrib pa lnga po sems nye bar nyon mongs par byed pa shes rab nyam chung bar byed pa/ gegs kyi phyogs mya ngan las 'das par byed pa de dag spongs la dran pa nye bar gzhag pa bzhi la sems legs par gnas par byed do/ /byang chub kyi yan lag bdun bsgom par bya'o zhes chos ston par byed na/ 'di lta ste/ dge sbyong gau ta mas chos bshad pa dang/ bdag cag gis chos bshad pa khyed cag dang 'di la khyad par ci yang cing bsam pa tha dad pa dang rgyu tha dad pa ci yod/ de skad ces smras pa dang/ dge slong rab tu mang po de dag cad? mi smra bar 'dug go /de nas dge slong rab tu mang po de dag gzhan mu stegs can gyi rab tu byung bas bshad pa la rjes su yi rang bar yang mi byed/ khro bar yang mi byed do/ rjes su yi rang ba dang khro bar mi byed/ bzhin du stan las langs te song ngo/ /de nas dge slong rab tu mang po de dag mnyan yod du bsod snyoms sbyang cing zas kyi bye ba byas te zos pa'i 'og tu lhung bzed byung nas chos gos dang lhung bzed phyogs gcig tu bzhag nas rkang pa bkrus te/ bcom ldan 'das gang na ba der nye bar 'ongs te/ nye bar 'ongs nas bcom ldan 'das kyi zhabs la mgo bos phyag byas nas/ phyogs gcig tu 'dug go /phyogs gcig tu 'dug nas dge slong mang po de dag gzhan mu stegs can gyi rab tu byung ba de dag dang lhan cig gtam yang dag par brjod cing ji ltar gyur pa rgyas par bcom ldan 'das la gsol to/ /de skad ces gsol pa dang/ bcom ldan 'das kyis dge slong rab tu mang po de dag la 'di skad ces bka' stsal to/ /dge slong dag gzhan mu stegs can gyi rab tu byung ba de dag la 'di skad du brjod par bya ste/ bcom ldan 'das kyis sgrib pa lnga po ma bshad kyi 'on kyang sgrib pa lnga pa de nyid rnam grangs gang gis bcur 'gyur ba bshad do/ / bcom ldan 'das kyis byang chub kyi yan lag 'dun ma bshad kyi/ 'on kyang byang chub kyi yan lag bdun po de nyid rnam grangs gang gis bcu bzhir 'gyur bar bshad do/ /khyed cag gi sgrib pa lnga po de nyid rnam grangs gang gis bcur 'gyur byang chub kyi yan lag bdun po de nyid rnam grangs gang gis bcu bzhir 'gyur zhes 'di ltar dris pa na/ gzhan mu stegs can de dag gzhan dang gzhan gyi phyi rol dag stong pa 'am/ khro ba dang/ zhe sdang ba dang/ nga rgyal ba dang/ rtsa ba dang/ gnod sems dang/ mi bzod pa dang/ gshe bar byed par 'gyur ro/ /cang mi smra bar 'gyur ro/ /smra bar zhum zhing 'dug pa dang/ dpung pa lhod pa dang/ kha phyir phyogs pa dang/ spro ba med pa dang/ mchog tu mnyam par ma bzhag pa'i sems kyi gnas par 'gyur te/ de ci'i phyir zhe na/ dri pa 'di'i lung ston cing sems mgu bar byed par 'gyur ba ngas lha dang bcas pa'i 'jig rten dang/ bdud dang bcas pa'i 'jig rten dang/ dge sbyong dang bcas shing bram ze dang bcas pa dang/ tshangs pa'i skye dgu dang/ lha dang mi'i nang du yang dag par rjes su ma gzigs te/ gzhan du de bzhin gshegs pa'am 'drir thos pa'i de bzhin gshegs pa'i nyan thos ni ma gtogs so/ /dge slong dag sgrib pa lnga po nye bar bstan par 'gyur te/ sgrib pa lnga po de nyid rnam grangs gang gis bcur 'gyur zhe na/ dge slong dag 'dod pa la 'dun pa'i sgrib pa nye bar bstan par bya ste/ 'dod pa la 'dun pa'i sgrib pa rnam grangs gang gis gnyis su 'gyur zhe na/ nang gi bdag nyid kyi 'dod pa la 'dun pa rnams dang/ phyi rol gyi bdag nyid kyi 'dod pa la 'dun pa'o/ /de la nang gi bdag nyid kyi 'dod pa la 'dun pa rnams ni sgrib pa ste/ mngon par mi shes pa yang dag par mi rtogs pa mya ngan las 'das pa ma yin pa sgrub par byed pa'o/ /gang yang phyi rol gyi bdag nyid 'dod pa la 'dun pa de yang sgrib pa ste/ mngon par mi shes pa yang dag par mi rtogs pa mya ngan las 'das pa ma yin pa sgrib par byed pa'o/ /dge slong dag 'dod pa la 'dun pa'i sgrib pa nye bar bstan pa rnam grangs 'dis na gnyis su 'gyur ro/ /dge slong dag gnod sems kyi sgrib pa bstan par bya ste/ rnam grangs gang gis gnod sems kyi sgrib pa rnam pa gnyis su 'gyur zhe na/ gnod sems dang gnod sems kyi rgyu mtshan no/ /de la gang gnod sems ni sgrib pa ste/ mngon par mi shes pa yang dag par mi rtogs pa mya ngan las 'das pa ma yin pa sgrub par byed pa'o/ /gang yang gnod sems kyi rgyu mtshan de yang sgrib pa ste/ mngon par mi shes pa yang dag par mi rtogs pa/ mya ngan las 'das pa ma yin pa sgrub par byed pa'o/ /gnod sems kyi sgrib pa nye bar bstan pa rnam grangs 'dis gnyis su 'gyur ro/ /dge slong dag rmugs pa dang gnyid kyi sgrib pa nye bar bstan par bya ste/ rnam grangs gang gis rmugs pa dang gnyid rnam pa gnyis su 'gyur zhe na/ rmugs pa dang gnyid do/ /de la rmugs pa ni sgrib pa ste/ mngon par mi shes pa yang dag par mi rtogs pa/ mya ngan las 'das pa ma yin pa sgrub par byed pa'o/ /gang yang gnyid de yang mngon par mi shes pa yang dag par mi rtogs pa/ mya ngan 'das pa ma yin pa sgrub par byed pa'o/ /dge slong dag rmugs pa dang gnyid kyi sgrib pa nye bar bstan pa rnams grangs 'dis rmugs pa dang gnyid kyi sgrib pa rnam pa gnyis su 'gyur ro/ /dge slong dag rgod pa dang 'gyod pa nye bar bstan par bya ste/ rnam grangs gang gis rgod pa dang 'gyod pa gnyis su 'gyur zhe na/ rgod pa dang 'gyod pa yang yod do/ /de la rgod pa ni sgrib pa ste/ mngon par mi shes pa/ yang dag par mi rtogs pa/ mya ngan las 'das pa ma yin pa sgrub par byed pa'o/ /gang yang 'gyod pa de yang sgrib pa ste/ mngon par mi shes pa yang dag par mi rtogs pa mya ngan las 'das pa ma yin pa sgrub par byed pa'o/ /dge slong dag rgod pa dang 'gyod pa nye bar bstan pa rnam grangs 'dis rgod pa dang 'gyod pa rnam pa gnyis su 'gyur ro/ dge slong dag the tshom gyi sgrib pa nye bar bstan par bya ste/ rnam grangs gang gis the tshom gyi sgrib pa gnyis su 'gyur zhe na/ dge ba'i chos rnams la the tshom za ba yang yod/ mi dge ba'i chos rnams la the tshom za ba yang yod de/ de la dge ba'i chos rnams la the tshom za ba yang sgrib pa ste/ mngon par mi shes pa yang dag par mi rtogs pa mya ngan 'das pa ma yin pa sgrub par byed pa'o/ /gang yang mi dge ba'i chos rnams la the tshom za ba yang sgrib pa ste/ mngon par mi shes pa yang dag par mi rtogs pa mya ngan las 'das pa ma yin pa sgrub par byed pa ste/ the tshom gyi sgrib pa nye bar bstan pa rnam grangs 'dis the tshom gyi sgrib pa rnam pa gnyis su 'gyur ro/ /dge slong dag sgrib pa la nye bar bstan pa rnam grangs 'dis sgrib pa lnga po de nyid bcur 'gyur ro/ /dge slong dag byang chub kyi yan lag bdun nye bar bstan par bya ste/ rnam grangs gang gis na byang chub kyi yan lag bdun cu bzhir gyur zhe na/ dge slong dag dran pa yang dag byang chub kyi yan lag nye bar bstan par bya ste/ rnam grangs gang gis na dran pa yang dag byang chub kyi yan lag gnyis su 'gyur zhe na/ dge pa'i chos rnams la dran pa rab tu gnas pa dang/ mi dge ba'i chos rnams la dran pa rab tu gnas pa yang yod de/ de la dge ba'i chos rnams la dran pa rab tu gnas pa de yang byang chub kyi yan lag ste mngon par shes pa yang dag par rtog pa mya ngan las 'das pa yang dag par sgrub par byed pa'o/ /gang yang mi dge ba'i chos rnams la dran pa rab tu gnas pa de yang mngon par shes pa yang dag par rtogs pa mya ngan las 'das pa yang dag par sgrub par byed pa'o/ /dge slong dag dran pa yang dag byang chub kyi yan lag nye bar bstan pa rnam grangs 'dis de dran pa yang dag byang chub kyi yan lag gnyis su 'gyur ro/ /dge slong dag chos rab tu rnam par 'byed pa yang dag byang chub kyi yan lag nye bar bstan par bya ste/ rnam grangs gang gis na chos rab tu rnam par 'byed pa yang dag byang chub kyi yan lag rnam pa gnyis su 'gyur zhe na/ dge ba'i chos rnams la rab tu rnam par 'byed pa yang yod la/ mi dge ba'i chos rnams la chos rab tu rnam par 'byed pa yang yod do/ /de la dge ba'i chos rnams la rab tu rnam par 'byed pa de yang byang chub kyi yan lag ste/ mngon par shes pa yang dag par rtogs pa mya ngan las 'das par sgrub par byed pa'o/ /mi dge ba'i chos rnams la rab tu rnam par 'byed pa yang dag byang chub kyi yan lag ste/ mngon par shes pa yang dag par rtogs pa mya ngan 'das pa sgrub par byed pa'o/ /chos rnam par 'byed pa yang dag byang chub kyi yan lag nye bar bstan pa rnam grangs 'dis chos rab tu rnam par 'byed pa yang dag byang chub kyi yan lag rnam pa gnyis su 'gyur ro/ /dge slong dag brtson 'grus yang dag byang chub kyi yan lag nye bar bstan par bya ste/ rnam grangs gang gis brtson 'grus yang dag byang chub kyi yan lag gnyis su 'gyur zhe na/ mi dge ba'i chos rnams yongs su spong bar sgrub pa'i brtson 'grus kyang yod/ dge ba'i chos rnams phun sum tshogs par sgrub pa'i brtson 'grus kyang yod do/ /de la dge ba'i chos rnams yongs su spong bar sgrub pa'i brtson 'grus te byang chub kyi yan lag ste/ mngon par shes pa yang dag par rtogs pa mya ngan las 'das pa yang dag par sgrub par byed pa'o/ /dge ba'i chos rnams phun sum tshogs par sgrub pa'i brtson 'grus de yang byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o/ /dge slong dag brtson 'grus yang dag byang chub kyi yan lag nye bar bstan pa/ rnam grangs 'dis brtson 'grus yang dag byang chub kyi yan lag gnyis su 'gyur ro/ /dge slong dga' ba yang dag byang chub kyi yan lag nye bar bstan par bya ste/ rnam grangs gang gis na dga' ba yang dag byang chub kyi yan lag gnyis su 'gyur zhe na/ dga' ba yang yod/ dga' ba'i gnas lta bu'i chos kyang yod de/ de la dga' ba yang dag byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o/ /dga' ba'i gnas lta bu'i chos de yang byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o/ /dge slong dag dga' ba yang dag byang chub kyi yan lag nye bar bstan pa rnam grangs 'dis na dga' ba yang dag byang chub kyi yan lag rnam pa gnyis su 'gyur ro/ /dge slong dag shin tu sbyangs pa yang dag byang chub kyi yan lag nye bar bstan par bya ste/ rnam grangs gang gis ni shin tu spyad? pa yang dag byang chub kyi yan lag rnam pa gnyis su 'gyur zhe na/ lus shin tu sbyangs pa yang yod/ sems shin tu sbyangs pa yang yod de/ de la lus shin tu sbyangs pa de yang byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o/ /sems shin tu sbyangs pa de yang byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o/ /dge slong dag shin tu sbyangs pa yang dag byang chub kyi yan lag nye bar bstan pa rnam grangs 'dis na shin tu sbyangs pa yang dag byang chub kyi yan lag rnam pa gnyis su 'gyur ro/ /dge slong dag ting nge 'dzin yang dag byang chub kyi yan lag nye bar bstan par bya ste/ rnam grangs gang gis na ting nge 'dzin yang dag byang chub kyi yan lag rnam pa gnyis su 'gyur ro zhe na/ ting nge 'dzin kyang yod la ting nge 'dzin gyi rgyu mtshan kyang yod de/ de la ting nge 'dzin gyi byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o/ /ting nge 'dzin gyi rgyu mtshan de yang byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o/ /dge slong dag ting nge 'dzin yang dag byang chub kyi yan lag nye bar bstan pa rnam grangs 'dis ting nge 'dzin yang dag byang chub kyi yan lag rnam pa gnyis su 'gyur ro/ / dge slong dag btang snyoms yang dag byang chub kyi yan lag nye bar bstan par bya ste/ rnam grangs gang gis btang snyoms yang dag byang chub kyi yan lag rnam gnyis su 'gyur zhe na/ dge ba'i chos rnams la btang snyoms pa yang yod/ mi dge ba'i chos rnams la btang snyoms pa yang yod do/ /dge ba'i chos rnams la btang snyoms pa de yang byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o/ /mi dge pa'i chos la btang snyoms pa de yang mngon par shes pa yang dag par rtogs pa mya ngan las 'das pa sgrub par byed pa'o/ /dge slong dag btang snyoms yang dag byang chub kyi yan lag nye bar bstan pa/ rnam grangs 'dis na btang snyoms yang dag byang chub kyi yan lag rnam pa gnyis su 'gyur ro/ /dge slong dag byang chub kyi yan lag bdun nye bar bstan pa rnam grangs 'dis byang chub kyi yan lag bdun rnam pa bcu bzhir 'gyur ro zhes bka' stsal to/ /bcom ldan 'das kyis dga' ba dang/ dga' ba'i gnas lta bu'i chos rnams dga' ba yang dag byang chub kyi yan lag du gsungs pa dang/ khong khro ba dang khong khro ba'i rgyu mtshan gnod sems kyi sgrib par gsungs pa dang zhes bya ba la sogs pa la bris ma thag 'di nyid bldas te brjod par bya'o/ /yang dag pa'i lta ba dang/ rtog pa dang/ rtsol ba rnams zhes bya ba la sogs pa ni sngar dge slong ma chos sbyin gyi mdor bstan pa bzhin blta bar bya'o/ /reg pa'i skye mched drug po 'di dag ni sngon gyi las yin par rig par bya'o zhes bya ba la sogs pa la mdzod kyi gnas dang por rnam par smin pa las skyes pa dang/ rgyas las byung ba nang gi lnga zhes bya ba ji ltar re zhig gleng gzhi yang dag par ldan pa'i bsdus pa'i sdom gyi tshigs su bcad pa dang po'i sdom gyi tshigs su bcad pa gnyis pa'i mdo de dang de las shes par byed par bris pa bzhin no/ /'khor dang 'brel ba ma yin pa'i phyir zhes bya ba la gleng gzhi ni mnyan du yod pa na'o/ /dge slong dag brgyad po 'di dag ni 'khor te/ brgyad gang zhe na/ rgyal po'i 'khor dang/ bram ze'i 'khor ba dang/ khyim bdag gi 'khor dang/ dge sbyong gi 'khor dang/ rgyal chen bzhi'i 'khor dang/ sum cu rtsa gsum pa'i 'khor dang/ bdud kyi 'khor dang/ tshangs pa'i 'khor ro zhes bka' stsal to/ /dge slong rta thul gyi 'byung ba chen po 'di dag yongs su ma lus par 'gag par 'gyur zhes dris pa dang rgyal zhes bya ba la tshul khrims kyi phung po'i dang po'i sdom gyi tshigs su bcad pa gnyis pa'i mdo las bcom ldan 'das kyis ji skad du khyim bdag nye pa'i bu las brtsams so/ /khyim bdag gi bu gang gi tshe dge slong 'khor 'dis 'dus shing tshogs pa gang zhig gcig pu dben par ting 'dzin la mnyam par bzhag pa na sems la sems kyi rnam par dpyod pa 'di lta bu skye ba'i gnas yod de/ 'di lta ste/ 'byung ba chen po sa dang chu dang me dang rlung bzhi po 'di dag ma lus par gang du yongs su 'gag par 'gyur/ ma lus par yongs su nub pa dang/ zad pa dang gtugs par 'gyur snyam mo/ /de nas dge slong de 'dzam bu'i gling nas mi snang bar 'gyur te/ rgyal chen bzhi'i ris kyi lha rnams kyi nang du song ste/ de nas dge slong des rgyal chen bzhi'i ris kyi lha rnams la 'di skad ces smras so/ /'di lta ste/ 'byung ba chen po sa dang chu dang me dang rlung bzhi po 'di gang du ma lus par yongs su 'gag par gyur/ ma lus par yongs su nub pa dang zad pa dang/ yongs su gtugs par 'gyur/ de dag gi smras pa/ dge slong nged cag gis kyang 'di lta ste/ 'byung ba chen po sa dang chu dang me dang rlung bzhi po 'di gang du ma lus par yongs su 'gag pa dang/ yongs su nub pa dang/ zad pa dang/ gtugs par 'gyur ba mi shes shing mi mthong ngo/ /'on kyang bdag cag las chos khyad par du 'phags pa/ ches mchog tu gyur pa rgyal po chen po bzhi zhes bya ba yod kyi/ des 'di ltar 'byung ba chen po sa dang chu dang me dang rlung bzhi po 'di dag gang du ma lus par yongs su 'gag pa dang/ ma lus par yongs su nub pa dang zad pa dang gtugs par shes so/ /de nas dge slong de rgyal po chen po bzhi gang na ba der nye bar song ste/ nye bar song nas rgyal po chen po bzhi la 'di skad smras so/ /'di lta ste/ 'byung ba chen po sa dang chu dang me dang rlung bzhi'i 'di dag gang du ma lus par 'gag pa dang/ ma lus par yongs su nub pa dang/ zad pa dang/ gtugs par 'gyur/ dge slong bdag cag gis kyang 'di lta ste 'byung ba chen po sa dang chu dang me dang rlung bzhi po 'di dag gang du ma lus par yongs su nub pa dang zad pa dang gtugs par 'gyur ba mi shes shing mi mthong ngo/ /'on kyang bdag cag las ches khyad par du 'phags pa sum cu rtsa gsum pa'i lha zhes pa yod de de dag gis 'byung ba chen po 'di lta ste/ sa dang chu dang me dang rlung bzhi po 'di dag gang du ma lus par yongs su nub pa dang zad pa dang gtugs par 'gyur ba shes so/ /de nas dge slong de rgyal chen bzhi'i ris kyi lha rnams kyi nang nas mi snang bar gyur te/ sum cu rtsa gsum du song ste/ de nas dge slong des sum cu rtsa gsum pa'i lha rnams la 'di skad ces smras so/ /'di lta ste 'byung ba chen po sa dang chu dang me dang rlung dang bzhi po 'di dag gang du ma lus par yongs su 'gag par 'gyur/ ma lus par yongs su nub pa dang zad pa dang gtugs par i' gyur/ dge slong nged cag gis kyang 'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su nub pa dang/ zad pa dang gtugs par 'gyur ba mi shes shing mi mthong ngo/ /'on kyang bdag cag la ches khyad par 'phags pa ches mchog tu gyur brgya byin lha'i dbang po yod kyis nges 'byung ba chen po 'di lta ste/ sa dang chu dang me dang rlung bzhi po 'di dag gang du ma lus par yongs su 'gag pa dang/ ma lus par yongs su nub pa dang/ zad pa dang gtugs par 'gyur ba shes so/ /de nas dge slong de brgya byin lha'i dbang po gang na ba der nye bar song ste/ nye bar song nas brgya byin lha'i dbang po la 'di skad ces smras so/ /kau shi ka 'di lta ste 'byung ba chen po sa dang chu dang me dang rlung bzhi po 'di dag gang du ma lus par yongs su 'gag pa dang/ ma lus par yongs su nub pa dang/ zad pa dang gtugs par 'gyur/ dge slong bdag gis kyang 'di lta ste/ 'byung ba chen po sa dang chu dang me dang rlung bzhi po 'di dag gang du yongs su ma lus par 'gag pa dang/ ma lus par yongs su nub pa dang/ zad pa dang/ gtugs par 'gyur ba mi shes shing ma mthong mod kyi 'on kyang bdag pas chos khyad par du 'phags pa ches mchog tu gyur pa 'thab bral ba yod kyi/ nges 'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su 'gag pa dang ma lus par nub pa dang/ yongs su zad pa dang gtugs par shes so/ /de nas dge slong de rgyas par ji ltar sum cu rtsa gsum gyi lha dang brgya byin lha'i dbang po dang/ de bzhin du 'thab bral dang lha'i bu rab 'thab bral dang/ dga' ldan dang lha'i bu yongs su dga' ldan dang/ 'phrul dga' dang/ lha'i bu rab 'phrul dga' dang/ gzhan 'phrul dbang byed dang/ dbang sgyur gyi lha'i bu dang/ tshangs ris kyi lha'i rnams kyi nang du phyin te/ de nas dge slong des tshangs ris pa'i lha rnams la 'di skad ces smras so/ /'di lta ste 'byung ba chen po sa dang chu dang me dang rlung bzhi po 'di dag gang du ma lus par yongs su 'gag par 'gyur ba dang/ ma lus par nub pa dang zad pa dang gtugs par 'gyur/ de dag gis 'di skad ces smras so/ /dge slong bdag cag gis kyang 'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su 'gag par 'gyur ba dang/ ma lus par nub pa dang zad pa dang gtugs par 'gyur ba mi shes shing ma mthong mod kyi/ 'on kyang bdag cag bas ches khyad par du 'phags pa/ ches mchog tu gyur pa/ tshangs pa tshangs pa chen po/ dbang phyug byed pa po/ sprul pa po 'byin par byed pa/ 'byin pa po/ dngos po rnams kyi pha lta bur 'gyur ba tshangs pa chen po yod kyi des mi shes pa dang/ mi mthong ba dang/ mi rig pa dang/ rnam par mi shes pa cung zad tsam yang med kyi/ des 'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su 'gag par 'gyur ba dang ma lus par nub pa dang gtugs pa shes so/ /tshangs pa de gang na 'dug cing gang du gnas/ dge slong bdag cag gis kyang tshangs par gang na 'dug cing gang du gnas pa mi shes shing mi mthong mod kyi/ 'on kyang snang ba yod na tshangs pa mthong bar 'gyur ro/ /de nas 'khor de dag la snang ba byung ste/ tshangs pa gzhon nu gdong pa lnga po byis pa gzhon nu lta bu'i mdog can du mngon par gyur to/ /de nas dge slong des tshangs pa la 'di skad ces smras so/ /tshangs pa 'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su 'gag par 'gyur zhing/ ma lus par nub pa dang zad pa dang gtugs par 'gyur/ zhes 'di skad ces smras so/ /kho bo ni tshangs pa'o/ /tshangs pa chen po'o/ /dbang phyug go // byed pa po'o/ /sprul pa'o/ /'byin par byed pa po'o/ /'byin pa po'o/ /dngos po rnams kyi pha lta bur gyur pa'o/ /tshangs pa khyod tshangs pa ma yin nam ma yin yang rung/ dbang phyug dang byed pa po yin nam ma yin yang rung/ sprul pa po yin nam sprul pa po ma yin yang rung/ 'byin par byed pa dang 'byin pa po dang dngos po rnams kyi pha lta bur gyur pa yin nam 'byin par byed pa dang 'byin pa po dang dngos po rnams kyi pha lta bur gyur pa ma yin yang rung khyod la de dris pa ma yin gyis/ bdag khyod la 'di lta ste/ 'byung ba chen po sa dang chu dang me dang rlung bzhi po dag gang du ma lus par yongs su 'gag par 'gyur/ ma lus par nub pa dang zad pa dang gtugs par 'gyur zhes dris/ lan gnyis lan gsum du tshangs pas dge slong de la 'di skad ces smras so/ /dge slong bdag ni tshangs pa/ tshangs pa chen po zhes bya ba nas/ rgyas par sa dang chu dang me dang rlung zhes bya ba'i bar du'o/ /de nas tshangs pas dge slong de'i lag pa nas bzung ste/ dben pa'i phyogs gcig tu song nas 'di skad ces smras so/ /dge slong tshangs pa'i 'khor 'di dag thams cad bdag la tshangs pas mi shes pa dang/ mi mthong ba dang/ mi rig pa dang/ rnam par mi rig pa cung zad kyang med de zhes rnam par shes la/ 'on kyang bdag gis ni 'di lta ste 'byung ba chen po sa dang chu dang me dang rlung bzhi po 'di dag ma lus par gang du yongs su 'gag par 'gyur ba dang/ ma lus par nub pa dang/ zad pa dang gtugs par 'gyur ba mi shes shing ma mthong ngo/ /'on kyang dge slong khyod rang gis nyes shing nyes par byas te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bzhag nas don 'di lta bu'i bdag la yongs su 'dri snyam du sems sam/ dge slong 'on kyang bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs te/ dge slong 'dod na bcom ldan 'das gang na ba der nye bar song ste nye bar song nas/ bcom ldan 'das la don 'di lta bu yongs su dris shig /ji lta ba bzhin the tshom med par bcom ldan 'das de lung ston par 'gyur ro/ /de nas dge slong de tshangs pa'i 'jig rten nas mi snang bar gyur te/ mnyan yod du 'ongs nas gang na ba der song ste/ nye bar song nas nga la 'di skad ces gsol to/ /'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su 'gag par 'gyur ma lus par yongs su nub pa dang/ zad pa dang/ gtugs par 'gyur/ de la 'di skad ces bka' stsal to/ /dge slong skyes bu mkhas pa kha cig ni dpes bshad pa'i don shes par 'gyur bas dpe nyon cig /dge slong sngon byung ba 'dzam bu'i gling gis tshor ba mang po rgya mtsho la brgal ba'i grur zhugs shing pha rol gyi 'gram mthong ba'i bya khyer te nor gyi phyir rgya mtsho chen po brgal ba na/ ji srid du 'gro ba de srid du pha rol gyi 'gram mthong ba'i bya gtong bar byed do/ /gal te pha rol gyi 'gram mthong nas bya de gnas su phyir mi ldog par pha rol gyi 'gram du 'gro bar byed do/ /gal te pha rol gyi 'gram ma mthong na bya de de bzhin du gnas su ldog cing pha rol 'gram du 'gro bar mi byed do/ /de bzhan du dge slong khyod pha rol gyi 'gram ma mthong ba'i bya bzhin du tshangs pa'i 'jig rten gyi bar du phyin nas lung bstan pa ma thob ste/ slar nga'i drung du 'ongs so/ /'on kyang dge slong dri ba 'di 'di lta bur dri bar mi bya zhing/ dri ba 'di 'di lta bur 'dri na yongs su rdzogs par mi 'gyur te/ ji ltar dri ba dri bar bya ba dang/ ji ltar dri ba yongs su rdzogs par 'gyur ba de legs par nyon la yid la gzung zhig dang bshad par bya'o/ /gang du sa chu me dang ni/ /rlung dag rjes su mi 'jug dang/ /gang du ring dang thung ba dang/ /phra sbom dge dang mi dge dang/ /gang du ming dang gzugs dang ni/ /ma lus pa dag 'gag par 'gyur ro/ /de la ji lta ji ltar chos rnam par shes nas lung bstan par 'gyur ba 'gog pa ste/ rnam par shes pa bstan du med pa mdza' yas pa thams cad du khyab? cing khyab pa de 'byung bar mi 'gyur gyi/ 'on kyang sa dang chu dang me dang rlung yang 'jug par mi 'gyur la/ ring ba dang thung ngu dang/ phra ba dang sbom pa dang/ dge ba dang mi dge ba dang/ ming dang gzugs ma lus par yang 'di 'gag par 'gyur ro/ /btsun pa dge slong de'i ming ci yin/ khyim bdag gi bu rta thul zhes bya'o zhes bka' stsal to/ /bdag la bltos nas nyes pa rnams kyis mi 'dzem pa ni zhes bya ba la sogs pa la/ gleng gzhi ni mnyan du yod pa na'o/ /dbang du bya ba ni rnam pa gsum ste/ dbang du bya ba gsum gang zhe na/ 'jig rten gyi dbang du bya ba dang/ bdag gi dbang du bya ba dang/ chos kyi dbang du bya ba'o/ /'jig rten gyi dbang du bya ba gang zhe na/ 'di la 'phags pa nyan thos dgon pa 'am/ shing drung ngam/ khang pa 'di ltar yang dag par slob ste/ 'jig rten 'di ni rab tu mang ngo/ /'jig rten 'di'i dbyibs ni rab tu mang ngo/ /'jig rten rab tu mang po dang/ 'jig rten gyi dbyibs rab tu mang po 'di ni rdzu 'phrul dang ldan zhing mthu chen dang/ lha'i mig dang/ gzhan gyi sems ring po na 'dug pa mthong zhing de dag gis de mi mthong ba sems kyis sems la khyab par byas te/ yid kyis yid rab tu shes pa yod do/ /'di na bcom ldan 'das kyis nyan thos kyi dge 'dun rdzu 'phrul dang ldan zhing mthu che ba lha'i mig dang/ gzhan gyi sems shes pas ring po na 'dug pa mthong zhing de dag gis de mi mthong ba sems kyis sems la khyab par byas te yid kyis yid rab tu shes pa yang yod do/ /gal te nga chags sems dang 'dres pa sdig pa mi dge ba'i rnam par rtog pas rtog par byed na des bdag shes shing nges bdag mthong bar 'gyur la shes shing mthong nas brjod par 'gyur ro/ /rigs kyi bu khyim nas khyim med par dad pas rab tu byung nas chags sems dang 'dres pa'i sdig pa mi dge ba'i rnam par rtog pa rtog par byed do zhes mthong zhing smra bar 'gyur ro/ /gang yang de dag gis bdag shes shing/ gang yang de dag gis bdag mthong la/ gang yang bdag gis bdag nyid kyis bdag nyid shes shing bdag nyid mthong nas/ gang yang bdag gi bdag nyid kyis bdag nyid shes shing bdag gi bdag nyid kyis bdag nyid mthong la rnam par shes so zhes smra bar 'gyur ro/ /de ltar shes shing de ltar mthong nas brtson 'grus brtsom par 'gyur ro/ /mi zhum pa dang lus shin tu sbyangs pa dang brtun cing dran pa nye bar 'jog par 'gyur ro/ /shes bzhin dang sems mnyam par 'jog pa dang rtse gcig par 'gyur te/ de 'jig rten nyid kyi dbang du byas te/ mi dge ba spong zhing dge ba bsgom par 'gyur te/ 'di ni 'jig rten gyi dbang du byas pa zhes bya'o/ /bdag gis dbang du byas pa gang zhe na/ 'di la 'phags pa nyan thos dgon pa 'am shing drung ngam khang pa stong par 'di ltar yang dag par rjes su slob ste/ dgon pa dben pa de dang der skad cig skad cig gis rtogs pa khyad par du 'gro bar 'gyur te/ gal te bdag chags sems dang 'dres pa'i sdig pa'i mi dge ba'i rnam par rtog pa rtog par byed pa na/ de bdag gi tshul dang mi mthun zhing chos 'di lta bu rnam par mi shes so zhes de de ltar mthong nas brtson 'grus rtsom par 'gyur ro/ /mi zhum pa dang lus shin tu sbyangs pa dang brtun cing dran pa nye bar 'jog par 'gyur ro/ /shes bzhin dang sems mnyam par 'jog pa dang rtse gcig par 'gyur te/ de bdag gi dbang du byas nas mi dge ba spong zhing dge ba bsgom par 'gyur te/ 'di ni bdag gi dbang du bya ba zhes bya'o/ /chos kyi dbang du bya ba gang zhe na/ 'di la 'phags pa nyan thos dgon pa 'am shing drung ngam khang pa stong par 'di ltar yang dag par slob ste/ bcom ldan 'das kyi chos ni legs par gsungs pa/ yang dag par mthong ba nad med pa/ dus chad pa med pa/ nye bar gtong pa/ 'di mthong ba la don yod pa/ mkhas pa rnams kyi so sor rang gi rig par bya ba ste/ gal te bdag chags sems dang 'dres pa sdig pa mi dge ba'i rnam par rtog pa rtog par byed na/ de bdag gi tshul dang mi mthun zhing chos 'di lta bu rnam par mi shes so zhes de ltar shes shing de ltar mthong na brtson 'grus rtsom par 'gyur ro/ /mi zhum pa dang lus shin tu sbyangs pa dang brtun cing dran pa nye bar 'jog par 'gyur ro/ /shes bzhin du sems snyam par bzhag pa dang rtse gcig par 'gyur te/ de chos kyi dbang du byas nas mi dge ba spong ba dang dge ba bsgom par 'gyur ro/ /'di ni chos kyi dbang du byas pa zhes bya'o/ /sdig pa'i las rnams byed pa la/ /dben pa'i gnas ni yod ma yin/ /bden nam yang na brdzun yang rung/ /bdag nyid kyi ni rnam par shes/ /bdag nyid pha rol brnyes mi byed/ /dbang po'i mchog ni 'di yin no/ /bdag la yod pa'i sdig pa dag / rab tu gsang bar mi bya'o/ /'jig rten byis pa rnams ni dkar spyod pa/ /lha dang de bzhin gshegs pa rnams kyis gzigs/ /blo dang dran ldan 'jig rten 'di nyid kyi/ /dbang du byas te bdag gi sdig pa spongs/ /chos spyod bden pa pha rol gdon pa yi// thub pa chos kyi dbang byas nyams mi 'gyur/ gang zhig bdud spangs gshin rje rab bcom zhing/ /spangs par ldan pa skye ba zang la reg /de ni zhi zhing 'dod pa sdig pa spangs/ /skye dang rga las brgal bar nga smra'o zhes bka' stsal to/ /mdo las rtog pa dang dpyod pa dag ni dag mngon par 'du byed pa yin par gsungs te zhes bya ba la sogs pa la/ gang las bshad ce na/ dge slong ma chos sbyin gyi mdo sngar bshad pa dang/ 'dod pa can gyi mdo las nye bar bstan pa ma byas par bshad do/ /rnam par shes pa rnam par shes pa'o zhes bya ba la/ mdzod kyi gnas dang por phung po las sdom gyi tshigs su bcad pa'i mdza' i mdo las gzugs su rung bas na gzugs so zhes bya ba la sogs pa bstan pa bzhin no/ /mi slob pa'i chos bcu po 'di dag ces bya ba la sogs pa la/ gleng gzhi ni mnyan du yod pa na'o/ /dge slong dag bcu po 'di dag ni mi slob pa'i chos te/ bcu gang zhe na/ mi slob pa'i yang dag pa'i lta ba dang/ yang dag pa'i rtog pa dang/ yang dag pa'i dag dang/ yang dag pa'i las kyi mdza' dang yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin dang/ yang dag pa'i rnam par grol ba dang/ yang dag pa'i ye shes so/ /mi slob pa'i chos bcu po 'di skye cing thob pa kun tu ldan pa yan lag lnga rnam par spangs pa'i 'phags par 'gyur ro/ /yan lag drug dang ldan pa dang/ bsrung ba gcig pa dang/ brten pa bzhi pa dang/ rang sangs rgyas las rab tu 'das pa dang/ kun 'byung ba spangs pa dang/ rnam par rtog pa med pa dang/ lus kyi 'du byed shin tu sbyangs pa dang/ sems rnam par grol ba dang/ shes rab rnam par grol ba dang/ pha cig tu tshangs par spyod pa dang/ skyes bu'i mchog ces bya'o zhes bka' stsal to/ dge slong dag 'khor los sgyur pa rin po che sna bdun dang ldan pa zhes bya ba la sogs pa la/ lung bar ma'i sdom gyi tshigs su bcad pa gnyis pa las rgyas pa byis pa dang mkhas pa'i mdo las 'don te/ de lus kyi legs par spyad pa spyad/ ngag dang yid kyi legs par spyad pa spyad nas de'i rgyu dad de'i rkyen gyis lus zhig pa'i 'og tu bde 'gro mtho ris kyi lha'i 'jig rten du skye bar 'gyur ro/ /dge slong dag yang yang dag par smra bas smra te/ dben pa ni 'dod pa/ dben pa ni sdug pa/ dben pa ni dga' ba/ dben pa ni yid du 'ong ba ste/ mtho ris so zhes zer ba de ni yang dag par smra bas smra ba ste/ dge slong dag mtho ris ni 'dod pa mtho ris ni sdug pa/ mtho ris dga' ba mtho ris ni? yid du 'ong ba'o/ /de nas dge slong gzhan ni stan las langs te bla gos phrag pa gcig la gzar te/ bcom ldan 'das gang na ba der thal mo sbyar te/ bcom ldan 'das la 'di skad ces gsol to/ /btsun pa mtho ris ji tsam du bde/ dge slong ngas khyod kyi slar rtogs pa'i phyir bshad par bya'o/ /btsun pa dpe chung zhig mchis sam/ dge slong yod do/ /de nas bcom ldan 'das kyi dge slong de la 'di skad ces bka' stsal to/ /dge slong 'di lta ste/ 'khor los sgyur ba'i rgyal po rin po che sna bdun dang ldan pa mi bzhi po thams cad kyi dbang phyug thob pa/ gling bzhi'i rgyal po dang/ dbang phyug dang/ bdag po byed pa mchog tu bde ba dang ldan nam/ yid bde ba dang ldan nam/ btsun pa re zhig rin po che gcig dang ldan pa dang/ mi gcig la dbang ba dang/ gling gcig gi rgyal po dang/ dbang phyug dang/ bdag po byed pa yang mchog tu bde ba dang yid bde ba dang ldan na/ 'khor los sgyur ba'i rgyal po lta ci smos de nas bcom ldan 'das kyi sen mo'i rtse mor rdul gcig bsnams te/ dge slong de la thos te dge slong 'di ji/ snyam du sems/ nga'i sen po'i rtse mo la yod pa'i rdul 'di mang ngam/ sa chen po la gnas pa'i rdul gang mang/ btsun pa sen mo'i rtse mo la yod pa'i rdul 'di nyung zhing rab tu nyung ba shin tu rab tu nyung ste/ bcom ldan 'das sa chen po'i rdul gyi dper yang mi 'gro la/ brgya'i char yang/ stong gi char yang/ brgya stong gi char yang grangs su yang/ bgrang bar yang/ dper yang/ rgyur yang nye bar mi 'gro'o/ /dge slong ji ltar sen mo'i rtse mo la brten pa'i rdul sa chen po la brten pa'i rdul gyi dper nye bar mi 'gro la/ brgya'i char yang/ stong gi char yang/ brgya stong gi char yang/ grangs su yang/ bgrang bar yang/ dper yang/ rgyur yang nye bar mi 'gro ba de bzhin du 'khor los sgyur ba'i rgyal po rin po che sna bdun dang ldan pa/ gling bzhi dbang phyug dang/ rgyal po dang/ bdag po byed pa'i bde pa de lha'i bde ba'i dper yang mi 'gro la brgya'i char yang/ stong gi char yang/ brgya stong gi char yang/ grangs su yang/ bgrang bar yang/ dper yang/ rgyur yang nye bar mi 'gro'o/ /de ci'i phyir zhe na/ reg pa'i skye mched drug ces bya ba'i mtho ris yod de/ skyes pa'i sems can de dag mig gis gzugs gang mthong ba yid du 'ong ba mthong bar 'gyur gyi/ yid du mi 'ong ba mthong bar mi 'gyur la/ yid dga' bar 'gyur gyi mi dga' bar mi 'gyur/ dga' ba'i gzugs su 'gyur gyi/ mi dga' ba'i gzugs su mi 'gyur/ rab tu dga' ba'i gzugs su 'gyur gyi mi dga' ba'i gzugs su mi 'gyur te/ de'i rgyus gcig tu bde ba dang yid bde ba so sor rig par 'gyur ro/ /rna bas sgra dang/ snas dri dang/ lces ro dang/ lus kyis reg bya dang/ yid kyis chos rnam par shes na yid du 'ong ba shes par 'gyur gyi/ yid du mi 'ong ba ma yin la/ dga' ba'i gzugs su 'gyur gyi/ mi dga' ba'i gzugs ma yin/ rab tu dga' ba'i gzugs su 'gyur gyi/ rab tu mi dga' ba'i gzugs su ma yin te/ de'i rgyus gcig tu bde ba dang yid bde ba so sor myong bar 'gyur ro/ /dge slong gal te mkhas pa'i rang bzhin can de gnas de las gal te 'chi 'pho ba zhing 'dir mi rnams dang skal pa mnyam par 'ong na yang rigs gang dang gang du skye ba de dang der phyug cing nor mang la longs spyod che ba dang/ bdog pa mang ba dang/ rang dbang dang bcas par 'gyur ba dang/ nor dang 'bru dang/ rin po che dang/ gser gyi mdzod gang ba dang/ bran pho bran mo dang las byed pa'i skyes bu mang ba dang/ grogs po dang mdza' bo dang gnyen bshes dang/ snag gi gnyen mtshams mang bar 'gyur ba de lta bu dang skal pa mnyam pa'i rigs su skye bar 'gyur ro/ /thob pa rnyed dang ldan pa'o zhes bya ba la/ gleng gzhi ni mnyan du yod pa na'o/ /dge slong dag chos gcig dang ldan na dran pa nye bar gzhag pa bzhi sgom pa'i skal ba med de/ 'di lta ste ma rnyed pa'o/ /dge slong dag ma rnyed pa dang ldan na dran pa nye bar gzhag pa bzhi bsten pa'i skal pa med do/ /dge slong dag chos gcig dang ldan pa dran ba nye bar gzhag pa bzhi sgom pa'i skal pa yod de rnyed pa'o/ rnyed pa dang ldan na dran pa nye bar gzhag pa bzhi bsten pa'i skal ba yod do zhes bka' stsal to/ /bcom ldan 'das kyis kyang brgya la mi rnams dang skal pa mnyam par 'di lta bu nyid du 'ong na yang zhes bya ba la sogs pa la/ ji ltar re zhig byis pa dang mkhas pa'i mdo las go rim las zlog ste gnyis par bshad pa lta bu dang/ de'i rjes thogs la tshangs pa'i dra ba'i ming de dang de las 'don pa lta bu'o/ /mdo las sems can de dag yun ring por 'dug ste shes skye nas zhes bya ba la sogs pa la/ tshul khrims kyi phung po'i zhabs su tshangs pa'i dra ba las bshad pa dang/ mdzod kyi gnas gsum par lta ba drug cu rtsa gnyis ji ltar tshangs pa'i dra ba las bshad pa der 'don pa lta bu ste/ dge slong dag dge sbyong dang bram ze kha cig sngon gyi mdza' i bskal bar 'di lta ste dngos po gnyis po bdag dang 'jig rten rgyu med pa las byung zhing rgyu med pa las skyes par smra zhing mngon par smra ba dag yod de/ dge sbyong dang bram ze de dag gang zhig rtogs shing gang la brten nas 'di lta ste/ dngos po gnyis po bdag dang 'jig rten rgyu med pa las byung zhing rgyu med pa la skye bar mngon par smra zhing smra zhe na/ dge slong dag gzugs kyi khams la 'du shes med pa'i sems can zhes bya ba'i lha yod de/ yang sems can de dag 'du shes skyes nas gnas de nas 'chi 'pho bar 'gyur ro/ /de nas sems can gzhan zhig tshe zad de las zad de gnas de nas 'phos te brgya la mi rnams dang skal pa mnyam pa 'di lta bu nyid du 'ongs te/ cher skyes shing/ dbang po yongs su smin nas skra dang kha spu bregs te chos gos bgos shing dad? pas yang dag pa kho nar khyim nas khyim med par rab tu byung nas de dgon pa 'am shing drung ngam/ khang pa stong par yongs su gdung ba'i rgyu dang/ spangs pa'i rgyu dang/ lan mang du byas pa'i rgyu dang yang dag par yid la byas pa'i rgyus ji ltar sems mnyam par bzhag pa sngon gyi 'du shes rjes su dran pa sems de lta bur zhi ba'i ting nge 'dzin gyis mthong ste/ de 'di snyam du gyur te/ bdag dang 'jig rten 'di ni rgyu med pa las rab tu byung la/ de bzhin du bdag dang 'jig rten 'di ni rgyu med pa las rab tu skyes so/ /bdag sngon ma byung la da ltar yang dag par byung zhes dge slong dang po'i dngos po gang rtogs shing gang las brten cing gang zhig dmigs nas sngon gyi mdza' i bskal par bdag dang 'jig rten rgyu med pa las byung zhing/ bdag dang 'jig rten rgyu med pa las skyes so zhes mngon par smra zhing mngon par smra'o/ /re zhig skyil mo krung mi ba shig go snyam pa'i bsam pa 'di mi ldang ba'i phyir ro zhes bya ba la sogs pa la/ dge 'dun dbyen gyi gzhi'i mdo drub pa'i gzhi las 'di ltar 'don te/ byang chub sems dpa' klu'i rgyal po nag pos yang dag par bstod nas rdo rje'i gdan du mngon par phyogs te bzhugs na 'di snyam du dgongs te/ rtswa bting ba la 'dug par bya'o zhes rtog cing rtswa dgos pa na lha'i dbang po brgya byin gyis byang chub sems dpa' i thugs sems kyis shes nas spos kyi ri las reg na 'jam pa'i rtswa khung du blangs te bdag nyid rtswa 'tshong bkra shis kyis gzugs su mngon par sprul nas byang chub sems dpa' i mdun du 'dug go / byang chub sems dpas smras pa/ rab tu bzang po'i gdong la bdag la rtswa byin cig /de nas lha'i dbang po brgya byin gyis byang chub sems dpa' i zhabs la gtugs te gus pa dang bcas pas phul lo/ /de nas byang chub sems dpa' sa rtswa 'tshong bkra shis las rtsa blangs nas lhas byin gyis brlabs pa'i lam nas byang chub kyi shing drung du nye bar gshegs so/ /nye bar gshegs nas/ ma 'dres shing ma 'dres pa'i rtswa'i stan 'ding bar rtsom pa na/ de nas rtswa de dag ma 'dres par lhung bar gyur pa na/ byang chub sems dpa' 'di snyam du/ ji ltar rtswa 'di dag lhung ba las na bdag nges par bla na med pa'i ye shes rtogs par 'gyur ro/ /de nas rdo rje'i gnas na klu'i rgyal po ltar sku bskyil te skyil mo krung bcas te sku drang por bsrang nas dran pa nye bar gzhag pa mngon du phyogs shing sems bskyed cing tshig du yang brjod pa/ ji srid du zag pa med pa ma thob kyi bar du skyil mo krung 'di mi bshig par bya'o zhes brjod do/ /ci 'di dag la skyes nas yongs su nyams pa yod dam zhe na zhes bya ba la sogs pa la/ lung bar ma 'char byed kyi mdo las bdun pa'i mdza' i sdom gyi tshigs su bcad pa'i dang por 'di ltar 'don te/ tshe dang ldan pa dag 'di ni dge slong tshul khrims phun sum tshogs pa yang yin ting nge 'dzin phun sum tshogs pa yang yin shes rab phun sum tshogs pa yang yin la/ de yang dang yang du 'du shes dang tshor ba 'gog pa la snyoms par 'jug pa dang ldang ba'i gnas de yod do zhes yang dag par ji lta bu bzhin rab tu shes so/ /de mthong ba'i chos kho na la dang por nyid du kun shes pa yang thob par mi byed cing/ 'chi ba'i dus kyi tshe yang ma yin la lus zhig nas kyang kham gyi zas za ba'i lha las 'das te/ yid la byung ba'i lha'i lus gang yang rung ba zhig tu skye bar 'gyur ro/ /der skyes nas yang dang yang du 'du shes dang tshor ba 'gog pa la snyoms par 'jug pa dang ldang ba'i gnas de yod do zhes yang dag par ji lta ba bzhin rab tu shes so/ /de'i tshe tshe dang ldan pa 'char byed 'khor 'dus pa de'i nang na 'dug par gyur te/ de nas tshe dang ldan pa 'char byed kyis tshe dang ldan pa shA ri'i bu la 'di skad ces smras so/ /dge slong gnas ma yin zhing go skabs med de/ yid las byung ba'i lha'i lus gang yang rung ba zhig tu skyes nas yang dang yang du 'du shes dang tshor ba 'gog pa la snyoms par 'jug pa dang ldang ba 'di ni gnas med cing yang dag pa ji lta ba bzhin shes pa 'di ni gnas med do/ /de ltar lan gnyis lan gsum du smras so/ /de nas tshe dang ldan pa shA ri'i bu 'di snyam du bdag gis bshad pa la dge slong 'di lan gsum gyi bar du phyir zlog par byed khro bar byed cing tshangs pa mtshungs par spyod pa rnams kyang bdag gi bshad pa la rjes su yi rang bar mi byed pas na/ bdag bcom ldan 'das gang na ba der 'gro bar bya'o snyam du sems so/ /de nas tshe dang ldan pa shA ri'i bu bcom ldan 'das gang na ba der nye bar song ste/ nye bar song nas bcom ldan 'das kyi zhabs la? spyi bos phyag byas te phyogs gcig tu 'dug go / phyogs gcig tu 'dug nas tshe dang ldan pa shA ri'i bus dge slong zhes bas nas tshe dang ldan pa 'di na dge slong tshul khrims phun sum tshogs pa yang yin/ ting nge 'dzin phun sum tshogs pa yin/ shes rab phun sum tshogs pa yang yin la/ de yang dang yang du 'du shes dang tshor ba 'gog pa la snyoms par 'jug pa dang ldang ba'i gnas de yod do zhes bya ba yang dag pa ji lta ba bzhin rab tu shes so zhes bya ba'i bar du'o/ /de nas de'i tshe de'i dus na tshe dang ldan pa 'char byed 'khor de'i nang na 'dug par gyur to/ /de nas tshe dang ldan pa 'char byed kyis tshe dang ldan pa shA ri'i bu la 'di skad ces smras so/ /dge slong gnas ma yin zhing go skabs med de yid las byung ba'i lha'i lus gang yang rung ba zhig tu skyes nas yang dang yang du 'du shes tshor ba dang 'gog pa la snyoms par 'jug pa dang ldan pa 'di ni gnas med cing yang dag pa ji lta ba bzhin shes pa 'di ni gnas med do zhes de ltar lan gnyis lan gsum du smras so/ /de nas tshe dang ldan pa shA ri'i bu 'di snyam du ston pa'i mdun du yang bdag gis bshad pa la dge slong 'di phyir zlog par byed khong khro bar byed cing tshangs pa mtshungs par spyod pa rnams kyang bdag gis bshad pa la rjes su yi rang bar mi byed pas bdag cang mi smra bar bya'o snyam nas/ de nas tshe dang ldan pa shA ri'i bu car mi smra bar gyur to/ /de nas bcom ldan 'das kyis tshe dang ldan pa 'char byed la bos te/ 'char byed khyod kyis yid las byung ba'i lha'i lus gang yang rung ba gang yin par shes/ btsun pa ji srid gzugs can ma yin pa lha 'du shes can de dag ma legs sam/ skyes bu rmongs pa long ba khyod mig ldan pa dge slong shA ri'i bu dang lhan cig chos mngon pa dang 'dul ba'i gtam bya bar sems sam zhes de nas bcom ldan 'das kyis tshe dang ldan pa 'char byed la mngon sum du spyos nas tshe dang ldan pa kun dga' bo la bos te/ kun dga' bo khyod kyang dge slong gnas brtan rnams la rnam par gcos pa btang snyoms su byed dam/ skyes bu chen po dge slong gnas brtan gtses pa la snying rje yang ma skyes sam zhes de nas bcom ldan 'das kyis tshe dang ldan pa 'char byed dang/ tshe dang ldan pa kun dga' bo la mngon sum du spyos na/ dge slong rnams la bos te/ 'di na dge slong tshul khrims phun sum tshogs pa yang yin/ ting nge 'dzin phun sum tshogs pa yang yin/ shes rab phun sum tshogs pa yang yin la de yang dang yang du 'du shes dang tshor ba 'gog pa la snyoms par 'jug pa dang lngad? pa'i gnas de yod do zhes bya bar yang dag par ji lta ba bzhin du rab tu shes so/ /de mthong ba'i chos kho na la dang po nyid du kun shes pa thob par yang mi byed cing 'chi ba'i dus kyi tshe yang yin la/ lus zhig nas kyang kham gyi zas za ba ri? lha las 'das te yid las byung ba'i lha'i lus gang yang rung ba zhig tu skye bar 'gyur ro/ /der skyes nas kyang yang dang yang du 'du shes dang tshor ba 'gog pa la snyoms par 'jug pa dang ldang ba'i gnas de yod de zhes yang dag pa ji lta ba bzhin rab tu shes so/ /de skad ces bka' stsal nas/ bcom ldan 'das nang du yang dag 'jog gi phyir gdan las bzhengs te gtsug lag khang du zhugs so mdo las mthar gyis gnas pa'i snyoms par 'jug pa dgu zhes bya ba la sogs pa la/ gleng gzhi ni mnyan du yod pa na'o/ /dge slong dag mthar gyis gnas pa'i snyoms par 'jug pa ni dgu po 'di rnams te/ 'dod pa las dben pa sdig pa mi dge ba'i chos las dpe na ba/ rtog pa dang bcas pa dang dpyod pa dang bcas dben pa las skyes pa'i dga' ba dang bde ba can bsam gtan dang po nye bar sgrubs shing gnas te/ 'di ni mthar gyis gnas pa'i snyoms par 'jug pa dang po'o/ /de rtog pa dang dpyod pa nye bar zhi nas nad yongs su dar ste/ sems gcig tu gyur nas rtog pa dang dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa nye bar bsgrubs pa'i gnas te/ 'di ni mthar gyis gnas pa'i snyoms par 'jug pa gnyis pa'o// de dga' ba la 'dod chags dang bral nas/ btang snyoms su gnas te/ dran pa dang shes bzhin can bde ba lus kyis so sor myong la gang 'phags pa rnams kyis btang snyoms pa'o zhes brjod pa dran pa can bde ba dang ldan pa bsam gtan gsum pa nye bar sgrubs te gnas te/ 'dis mthar gyis gnas pa'i snyoms par 'jug pa gsum pa'o/ /de bde ba spangs sdug bsngal ba yang spangs shing yid bde ba dang yid mi bde ba sngar nyid du nub cing bde ba yang ma yin sdug bsngal ba yang ma yin pa'i btang snyoms yongs su dag pa'i bsam gtan bzhi pa nye bar sgrubs te gnas so/ /'di ni mthar gyis gnas pa'i snyoms par 'jug pa bzhi pa'o/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes nub cing sna tshogs kyi 'du shes yid la mi byed pas nam mkha' mdza' yas so zhes nam mkha' mdza' yas skye mched nye bar sgrubs te gnas pa 'di ni lnga pa'o/ /de nas rnam pa thams cad du nam mkha' mdza' yas skyed mched las yang dag par 'das te/ rnam shes mdza' yas so zhes rnam shes mdza' yas skye mched nye bar bsgrubs te gnas pa 'di ni drug pa'o/ de rnam pa thams cad du rnam shes mdza' yas skye mched las yang dag par 'das te/ ci yang med do snyam nas ci yang med pa'i skye mched nye bar bsgrubs te gnas pa 'di ni bdun pa'o/ /de rnam pa thams cad du ni yang med pa'i skye mched nye bar bsgrubs te gnas pa 'di ni brgyad pa'o de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa lus kyi mngon sum du byas te nye bar bsgrubs te gnas pa 'di ni dgu pa ste/ 'di ni mthar gyis gnas pa'i snyoms par 'jug pa dgu pa'o/ zhes bka' stsal to/ / //gsum 'dus pa'i reg pa dang/ reg pa las byung pa'i tshor ba dang zhes bya ba la sogs pa la/ ji ltar re zhig mdzod kyi gnas dang por lag pa brtags pa'i dpe'i mdo de dang de las 'don pa bzhin no/ /ma rig pa'i 'dus te reg pa las brten te skyes ba zhes bya ba la sogs pa la/ gleng gzhi ni mnyan du yod pa na'o/ /de nas bcom ldan 'das snga dro chos gos dang lhung bzed thogs te mnyan yod du bsod snyoms kyi phyir zhugs te/ mnyan yod du bsod snyoms spyad nas zas kyi bya ba mdzad nas/ gsol zin pa'i 'og tu lhung bzed rgyu? ste/ dge slong gi dge 'dun gyis ma mthong zhing nye bar gnas pa'i dge slong la ma sbran par tshes gos dang lhung bzed bsnams te/ nub phyogs su ljongs rgyu zhing an drwa'i tshal gang na ba der gshegs so/ /dge slong gzhan zhig an dra'i tshal na gnas shing 'gro ba des bcom ldan 'das gcig pu gnyis su med pa nye bar gnas pa med pa chos gos dang lhung bzed bsnams te/ nub phyogs su ljongs rgyu zhing an dra'i tshal du byon te a mra'i tshal du zhugs pa mthong ngo/ /mthong nas tshe dang ldan pa kun dga' bo gang na ba der nye bar song ste/ nye bar song nas tshe dang ldan pa kun dga' bo la 'di skad ces smras so/ /tshe dang ldan pa kun dga' bo khyod kyis shes sam/ 'di na bdag an dra'i tshal gnas shing 'gro ba na bcom ldan 'das gcig pu gnyis su med pa nye bar gnas pa med par chos gos dang lhung bzed bsnams te/ nub phyogs su ljongs rgyu zhing an dra'i tshal du byon te a mra'i tshal du bzhugs pa mthong ngo/ /dge slong gang gi tshe bcom ldan 'das dge slong gi dge 'dun gyis ma mthong zhing nye bar gnas pa'i dge slong la ma sbran par chos gos dang lhung bzed bsnams te gshegs pa de'i tshe na dge slong su yang bcom ldan 'das kyi zhabs nas mi 'bred ba ste/ de ci'i phyir zhe na/ de'i dus na bcom ldan 'das thugs las chung ngur bzhugs shing thugs las bskyungs te bzhugs so/ /de nas bcom ldan 'das byang phyogs kyi lnga len du ljongs rgyu zhing gshegs te/ shing sA la bzang po gzhan zhig gi drung du bsten te bzhugs so/ /de nas dge slong rab tu mang po tshe dang ldan pa kun dga' bo gang na ba der nye bar song ste/ nye bar song? nas tshe dang ldan pa kun dga' bo la 'di skad ces smras so/ /tshe dang ldan pa kun dga' bo bcom ldan 'das gang na bzhugs pa thos sam/ tshe dang ldan pa dag bcom ldan 'das nub phyogs su ljongs rgyu zhing zhes bya ba nas/ snga ma bzhin du shing sA la bzang po'i drung na bzhugs so zhes thos so/ /tshe dang ldan pa kun dga' bo mi shes sam/ bdag cag yun ring por bcom ldan 'das mthong bar 'dod pas sgom pas gdungs te/ bdag cag bcom ldan 'das mthong zhing blta bar 'dod pas/ tshe dang ldan pa kun dga' bo gal te khyod la mi gnod na bcom ldan 'das gang na ba der nye bar 'gro bas thugs brtse bar mdzad du gsol/ /de nas tshe dang ldan pa kun dga' bos dge slong rab tu mang bo de dag la cad mi smra bas dang du blangs so/ /de nas tshe dang ldan pa kun dga' bo dang dge slong rab tu mang po de dag de nyid kyi mtshan mo 'das pa dang/ snga dro chos gos dang lhung bzed thogs te bsod snyoms kyi phyir mnyan yong du zhugs te/ bsod snyoms spyad nas zas kyi bya ba byas te zos pa'i 'og tu lhung bzed gyur te/ ji ltar longs su spyod pa'i mal cha dag bsdus te chos gos dang lhung bzed thogs te/ ljongs rgyu zhing an dra'i tshal gang na ba der song ngo// de nas tshe dang ldan pa kun dga' bo dang/ dge slong rab tu mang po dag byang phyogs kyi lnga len du ljongs rgyu zhing pa ta la'i tshal gang na ba der phyin te/ de nas tshe dang ldan pa kun dga' bo dang/ dge slong rab tu mang po de dag chos gos dang lhung bzed phyogs gcig tu bzhag nas rkyad? pa bkrus nas/ bcom ldan 'das gang na ba der song ste/ nye bar song? nas bcom ldan 'das kyi zhabs la spyi bos phyag byas te phyogs gcig tu 'dug go/ phyogs gcig tu 'dug nas dge slong rab tu mang po de dag la bcom ldan 'das kyi chos kyi gtam gyis yang dag bar bstan/ yang dag par bgod/ yang dag par btsud/ yang dag par dga' bar byas so/ /de nas dge slong gzhan zhig 'khor des na tshogs shing 'dus pa de 'di lta bu'i sems la sems kyi rjes su rtog pa skyes te/ ji ltar shes shing ji ltar mthong ba'i rjes la zag pa thams cad zad bar 'gyur snyam mo/ de nas bcom ldan 'das kyis dge slong de'i sems thugs kyis mkhyen nas dge slong de dag la pos te/ dge slong dag las te 'khor 'dir 'dus shing tshogs te 'dug pa'i rigs kyi bu 'ba' zhig la 'di lta bu'i sems la sems kyi rnam par rtog pa skye ba'i gnas yod cing go skabs yod de/ ji ltar shes shing ji ltar mthong ba'i rjes de la zag pa zad par 'gyur zhes bya ba'o/ /ngas khyed la phung po rab tu rnam par 'byed pa zhes bya ba'i chos bshad bar bya ste/ 'di lta ste dran pa nye bar gzhag pa bzhi dang/ yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad de/ dge slong dag de ltar ngas? phung po rab tu rnam par 'byed pa zhes bya ba'i chos bstan to/ /ci ste yang rigs kyi bu 'dun pa drag po ma yin pa dang/ gdung ba drag po ma yin pa dang/ dga' ba drag po ma yin pa dang/ dang pa drag po ma yin na myur ba ma yin par 'di lta ste/ zag pa thams cad zad pa bla na med pa rjes su 'thob par 'gyur ro/ /dge slong dag de ltar ngas phung po rab tu 'byed pa zhes bya ba'i chos bstan pa de la ci ste rigs kyi bu 'dun pa drag po dang/ gdung ba drag po dang/ dga' ba drag po dang/ dad pa drag po yod na myur du 'di lta ste/ zag pa thams cad zad pa bla na med pa rjes su 'thob par 'gyur ro/ /dge slong dag byis pa so so'i skye bo thos pa dang mi ldan pa gzugs bdag yin no zhes yang dag par rjes su mthong ste/ de'i yang dag par mthong ba de ni 'dus byas te/ dge slong du byed gang? gi rgyu can dang/ gang las yang dag par byung ba dang/ gang las skyes pa dang/ gang las rab tu byung zhe na/ dge slong dag ma rig pa'i 'dus te reg pa las skyes pa'i tshor ba dang/ las la brten te sred pa dang/ de las byung ba'i 'du byed rnams 'byung ngo/ /dge slong dag sred pa gang gi rgyu can dang/ gang las yang dag par byung ba dang/ gang las skye ba dang/ gang las rab tu byung zhe na/ dge slong dag srid pa ni tshor ba'i rgyu can/ tshor ba las yang dag par byung ba dang/ tshor ba las skyes pa dang/ tshor ba las rab tu byung ba'o/ /dge slong dag tshor ba gang gi rgyu can dang/ gang las yang dag par byung ba/ gang las skyes pa/ gang las yang dag par byung zhe na/ dge slong dag tshor ba ni reg ba'i rgyu can/ reg pa las yang dag par byung ba/ reg pa las skyes pa rig pa las byung ba'o/ /dge slong dag reg pa gang gi rgyu can dang/ gang las yang dag par byung ba dang/ gang la skyes pa dang/ gang las yang dag par byung zhe na/ dge slong dag reg pa ni skye mched drug gi rgyu can dang/ skye mched drug las yang dag par byung ba/ skye mched drug las skyes pa/ skye mched drug las rab tu byung ba'o/ /dge slong dag las skye mched drug dang/ ming dang gzugs ni mi rtag pa dang 'du byas pa sems las byung ba ste/ rten cing 'brel bar 'byung ba'o/ /reg ba dang/ tshor ba dang/ sred pa dang/ 'dus byas kyang mi rtag pa dang/ 'dus byas pa dang/ sems las byung ba dang/ rten cing 'brel par 'byung bar yang dag par rjes su mthong ngo/ /de la gzugs bdag yin no zhes yang dag par rjes su mi mthong mod kyi/ bdag gzugs dang ldan no/ /zhes yang dag par rjes su mthong do/ /de bdag gzugs dang ldan no zhes yang dag par rjes su mi mthong mod kyi/ bdag la gzugs yod do zhes yang dag par rjes su mthong ngo/ /de bdag la gzugs yod do zhes yang dag par rjes su mi mthong mod kyi/ 'on kyang gzugs la bdag yod do zhes yang dag par rjes su mthong ngo/ /de gzugs la bdag yod do zhes yang dag par rjes su mi mthong mod kyi tshor ba bdag yin no zhes yang dag par rjes su mthong ngo/ /de tshor ba bdag yin no zhes yang dag par rjes su mi mthong mod kyi/ 'on kyang bdag tshor ba dang ldan no zhes yang dag par rjes su mthong do/ /de bdag tshor ba dang ldan no zhes yang dag par rjes su mi mthong mod kyi 'on kyang bdag la tshor ba yod do zhes yang dag par rjes su mthong ngo/ /de bdag la tshor ba yod do zhes yang dag par rjes su mi mthong mod kyi/ 'on kyang tshor ba la bdag yod do zhes yang dag par rjes su mthong ngo/ /de tshor ba la bdag yod do zhes yang dag par rjes su mi mthong mod kyi/ 'on kyang 'du shes bdag yin no zhes yang dag par rjes su mthong ngo/ /de 'du shes bdag yin no zhes yang dag par rjes su mi mthong mod kyi/ 'on kyang bdag 'du shes dang ldan no zhes yang dag par rjes su mthong ngo/ /de bdag 'du shes dang ldan no zhes bya bar yang dag par rjes su mi mthong mod kyi/ 'on kyang bdag la 'du shes yod do zhes yang dag par rjes su mthong ngo/ /de bdag la 'du shes yod do zhes yang dag par rjes su mi mthong mod kyi/ 'on kyang 'du shes la bdag yod do yang dag par rjes su mthong ngo/ /'du shes la bdag yod do zhes yang dag par rjes su mi mthong mod kyi /'on kyang 'du byed bdag yin no zhes yang dag par rjes su mthong ngo/ /de 'du byed bdag yin no zhes yang dag par rjes su mi mthong mod kyi/ 'on kyang bdag 'du byed dang ldan no zhes yang dag pa rjes su mthong ngo/ /de bdag 'du byed dang ldan no zhes yang dag par rjes su mi mthong mod kyi/ 'on kyang bdag la 'du byed yod do zhes yang dag par rjes su mthong ngo/ /de bdag la 'du byed yod do zhes yang dag par rjes su mi mthong mod kyi/ 'on kyang 'du byed la bdag yod do zhes yang dag par rjes su mthong ngo/ /de 'du byed la bdag yod do zhes yang dag par rjes su mi mthong mod kyi/ 'on kyang rnam par shes pa bdag yin no zhes yang dag par rjes su mthong ngo/ /de rnam par shes pa bdag yin no/ /zhes yang dag par rjes su mi mthong mod kyi/ 'on kyang bdag rnam par shes pa dang ldan no zhes yang dag par rjes su mthong ngo/ /de bdag rnam par shes pa dang ldan no zhes yang dag par rjes su mi mthong mod kyi/ 'on kyang bdag la rnam par shes pa yod do zhes yang dag par rjes su mthong ngo// de bdag la rnam par shes pa yod do zhes yang dag par rjes su mi mthong mod kyi/ 'on kyang rnam par shes pa la bdag yod do zhes yang dag par rjes su mthong ngo/ /de rnam par shes pa la bdag yod do zhes yang dag par rjes su mi mthong mod kyi/ 'on kyang chad bar lta ba dang/ med par lta bar 'gyur ro/ /de chad par lta ba dang med par lta bar mi 'gyur gyi/ 'on kyang dogs pa dang som nyi dang bcas par 'gyur ro/ /de dogs pa dang su ma nyi dang bcas par mi 'gyur gyi/ 'on kyang 'di ni de'i bdag yin no zhes 'di ni de'i bdag tu yang dag par rjes mthong ba dang/ de'i bdag tu rtog par gyur te/ 'di ni nga'i? bdag gi zhes yang dag par rjes su mthong ba de yang 'dus byas te/ dge slong dag 'dus byas te dag rgyu gang las byung/ gang las yang dag par byung zhes snga ma bzhin du rten cing 'byung ba'i bar du'o/ /slong dag 'di ltar zhes bzhin 'di ltar mthong ba'i rjes thogs su zag pa thams cad zad par 'gyur ro/ /dge slong dag 'di ji snyam du sems/ /gzugs rtag pa 'am mi rtag pa yin/ btsun pa mi rtag pa lags so/ /gang mi rtag pa de sdug bsngal ba 'am sdug bsngal ba ma yin/ btsun pa sdug bsngal ba lags so/ /gang yang mi rtag ba sdug bsngal ba yongs su 'gyur ba'i chos can de dag la 'phags pa nyan thos thos pa dang ldan pa dang/ ldan pa bdag tu nye bar rtog pa dang/ 'di ni nga'i? bdag yin no zhes rtog gam/ btsun pa ma lags so/ /dge slong dag 'di ji snyam du sems/ tshor ba dang/ 'du shes dang/ 'du byed dang rnam par shes pa brtag pa 'am zhes bya ba nas/ snga ma bzhin du rtog gam zhes bya ba'i bar du'o/ /chos kyi rnam grangs 'di bshad pa na dge slong rab tu mang po de dag nye bar len pa med par zag pa rnams las sems rnam par grol lo/ /bcom ldan 'das kyis kyang tshe dang drod dang rnam shes 'dis zhes bya ba la sogs pa la rnam par bshad pa rgyas par dge slong ma chos sbyin mdo las blta bar bya'o// //mdo las lus thob pa'i rnam pa bzhi ste zhes bya ba la/ gleng gzhi ni mnyam du yod pa na lo/ lus thob pa ni rnam pa bzhi ste/ bzhi gang zhe na/ lus thob pa gang zhig bdag nyid 'chi bar 'gyur gyis gsod pa ma yin pa yang yod/ lus thob pa gang zhig gzhan gyis gsod kyi bdag nyid 'chi ba ma yin pa yang yod/ lus thob pa gang zhig rang nyid 'chi zhing gzhan gyis kyang gsod ba yang yod/ lus thob pa gang zhig bdag nyid kyang mi 'chi la gzhan gyis kyang mo gsod? pa yang yod de'i dus na tshe dang ldan pa shA ri'i bu 'khor 'dus pa nga'i nang? na 'dug par gyur to/ /de nas tshe dang ldan pa shA ri'i bu stan las langs te/ bla gos phrag pa gcig tu gzar te/ bcom ldan 'das gang na ba der thal mo sbyar nas phyag byas te/ bcom ldan 'das la 'di skad ces gsol to/ /btsun pa de la lus thob pa gang zhig bdag nyid 'chi bar 'gyur gyi/ gzhan gyis gsod pa ma yin pa ni bdag nyid kyi rkyen gyis sems can de dag gnas de nas 'chi 'pho bar 'gyur ba rnams so/ /lus thob pa gang zhig gzhan gyis gsod kyis/ bdag nyid 'chi ba ma yin pa ni gzhan gyi rkyen gyis sems can de dag gnas de nas 'chi 'pho bar 'gyur ba rnams so/ /lus thob pa gang zhig bdag nyid kyang 'chi zhing gzhan gyis kyang gsod pa ni bdag nyid dang gzhan gyi rkyen gyis gnas de nas 'chi 'pho bar 'gyur ba rnams so/ /btsun pa de la lus thob pa gang zhig bdag nyid kyang mi 'chil? gzhan gyis kyang mi gsod pa'i sems can de dag gang du blta bar bgyi/ shA ri'i bu 'du shes med 'du shes med min skye mched du nye bar 'gro ba rnams so/ /btsun pa sems can de dag thams cad bdag nyid gnas de nas 'chi 'pho bar 'gyur ram 'on te kha cig/ shA ri'i bu sems can de dag las kha cig ni bdag nyid gnas de nas 'chi 'pho bar 'gyur la/ de dag las kha cig ni 'di ltar yongs su mya ngan las 'das par 'gyur ro/ /btsun pa ci'i rkyen gyis sems can de dag las kha cig ni bdag nyid gnas da nas 'chi 'pho bar 'gyur la/ de dag las kha cig ni 'di ltar yongs su mya ngan las 'da' bar 'gyur/ shA ri'i bu 'di na kha cig rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched nye bar bsgrubs te gnas shing/ de 'du shes med 'du shes med min skye mched kyi snyoms par 'jug pa'i ro myong zhing nges pa dang bcas pa dang zhen pa dang lhag par zhen cing gnas te/ de bla ma dang nges par 'byung ba dang/ 'di nyid bla na med pa dang nges par 'byung ba yin no zhes yang dag pa ji lta ba bzhin rab tu shes te/ lus zhig pa'i 'og tu 'du shes med 'du shes med min skye mched kyi lha rnams dang skal pa mnyam par skye bar 'gyur ro/ /der ji srid du tsho'i tshang yod par gnas te/ ji srid du tshe gnas pa'i 'du byed de dag yongs su zad pa dang gnas de nas yongs su 'chi 'dod bar 'gyur ro/ /shA ri'i bu 'di na kha cig rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched nye bar bsgrubs te gnas shing de 'du shes med 'du shes med min skye mched kyi snyoms par 'jug pa'i ro mi myong zhing nges par mi byed lam zhen cing lhag par ma zhen par gnas la bla ma dang bcas pa dang/ nges par 'byung ba ma yin pa'o zhes yang dag pa'i lta ba bzhin rab tu shes te/ lus zhig pa'i 'og tu 'du shes med 'du shes med min skye mched kyi lha rnams dang skal pa snyam par skye bar 'gyur ro/ /de der tsho'i tshad ji srid par gnas te/ ji srid du tshe gnas pa'i 'du shes de dag zad pa dang de bzhin du de yongs su mya ngan las 'das par 'gyur ro/ /shA ri'i bu 'di'i rgyu dang 'di'i rkyen gyis sems can de dag las kha cig gi bdag nyid gnas de nas 'chi bar 'gyur la/ sems can de dag las kha cig ni 'di ltar yongs su mya ngan las 'da' bar 'gyur ro zhes bka' stsal to/ / //rtsed mos myos pa rnams dang yid rab tu 'khrugs pa rnams zhes bya ba la/ dge slong dag 'dod pa'i khams na lha rtsed mos myos pa zhes bya ba yod de/ de dag gi dus na rtsed mo'i dga' ba dang ldan zhing gnas pa de dag rtsed mo'i dga' ba mang po dang ldan zhing gnas pas lus ngal ba dang dran pa nyams par 'gyur zhes dran pa yang dag par nyams pas sems can de dag gnas de nas 'chi 'pho bar 'gyur ro/ /dge slong dag 'dod pa'i khams na yang rab tu 'khrug pa pa zhes bya ba'i lha yod de/ de dag gang gi tshe mig gis mig tshug su mang? du blta bar 'gyur te/ de dag ni mig gis mig tshugs su lta ba na yid rab tu 'khrug par 'gyur ro/ /de dag yid rab tu 'khrugs pas gnas de nas 'chi 'pho bar 'gyur zhes mdzod kyi gnas gsum par tshul khrims kyi phung po'i mdor tshangs pa'i dra ba las bshad par 'gyur ro/ /sangs rgyas rnams kyis yang yin par brjod par bya zhes bya la/ ji skad du yongs su mya ngan las 'das pa'i mdo las/ bcom ldan 'das kyis tshe'i 'du byed byin gyis brlabs nas srog gi 'du byed btang ngo zhes dbang po'i skabs su srog ni rnam smin zhes bya ba der bris pa bzhin no/ /sku tshe'i sum tsha btang nas yongs su mya ngan las 'da' ba 'di ni sangs rgyas bcom ldan 'das rnams kyi chos nyid yin no/ /ston pa ni dug dang mtshon dang mtshon cha dang sngags dang 'khrul dang gnod pa'i thabs rnam pa sna tshogs dang/ lha dang lha ma yin gyi dbang po rnams kyis kyang bkrongs par mi nus pa 'di ni chos nyid yin no/ /mthong ba'i lam dang zhes bya ba la/ rnam par 'byed pa'i mdo'i sdom gyi tshigs su bcad pa gsum pa'i phung po las bslab pa'i sdom rab tu dga' ba'i ched du brjod ba rnam par 'byed pa las ji skad du dge slong dag chos 'di la shes rab chung ngus bsgom par bzod pa ni dang pa'i rjes su 'brang ba zhes bya ste/ yang dag pa nyid du nges pa'i sa non cing so so'i skye bo'i sa las rnam par 'das la rgyun tu zhugs pa'i 'bras bu ma thob par bar ma dor mi 'chi'o// dge slong dag chos 'di la shes rab chung ngus bsgom par bzod pa ni chos kyi rjes su 'brang ba zhes bya ste/ yang dag pa nyid du nges pa'i sa non cing zhes bya ba nas/ snga ma bzhin du rgyun tu zhugs pa'i 'bras bu ma thob par bar ma dor mi mchi'o zhes bya ba'i bar du'o/ /mdo 'di yang mdzod kyi gnas dang por/ 'du byed phung po bzhi las gzhan zhes bya bar bcom ldan 'das kyi mdo drug ba las ji skad du bshad par des bris pa bzhin no// //byams pa la snyoms par zhugs pa zhes bya ba la/ ji ltar re zhig bad sa la'i rgyal po 'char byed kyi btsun mo dpe med ma dang sngo bsangs ma mi mthun par sngo bsangs ma la rab tu khros so/ / //'jig rten na mdza' ba dang mi mdza' ba dang bar ma dag yod pas kha cig khyed la lha khros so zhes sngo bsangs ma la smras so/ /sngo bsangs mas rang gi 'khor rnams la bos te/ srid mo dag bdag cag thams cad byams pa'i ting nge 'dzin bsgom par bya'o zhes de thams cad byams pa la snyoms par zhugs pa dang/ bad sa'i rgyal po 'char byed kyis gzhu bkang nas mnga' 'phangs so/ /mnga' de lam phyed du phyin pa dang sa la ltung bar gyur to/ /yang gnyis pa bkang ba dang sngo bsangs mas smras pa/ lha ma 'phen? mdzod rnam pa thams cad kyi rnam pa thams cad du 'phog par mi 'gyur ro/ /rgyal pos smras gci khyod lha mo 'am/ klu mo 'am/ gnod sbyin mo 'am/ dri za mo 'am/ mi 'am ci mo 'am/ lto 'phye chen mo? zhig? yin nam/ bdag lha mo yang ma yin/ klu mo dang/ gnod sbyin mo dang/ dri za mo dang/ mi 'am ci mo dang/ lto 'phye chen mo ma yin gyi/ 'on kyang bdag ni bcom ldan 'das kyi nyan thos phyir mi 'ong ba yin no zhes rgyas par 'dul ba las 'don pa lta bu'o// //'gog pa la snyoms par 'jug pa zhes bya ba la/ dbyangs dang bcas pas bsdus pa'i sdom gyi tshigs su bcad pa gnyis pa bdud bsdigs pa'i mdo las/ gnas brtan maung+gal gyi bu chen pos bdud las bcoms te ji skad du/ sdig can yang dag par rdzogs pa'i sangs rgyas rnam par gzigs kyi dge slong 'tsho byed dang mkhas pa zhes bya ba mchog zung gcig zung mchog dang zung bzang po byung bar gyur to/ /gcig ni rdzu 'phrul can gyi mchog /gnyis pa ni shes rab can gyi mchog go /sdig can rgyu gang dang rkyen gang gis tshe dang ldan pa 'tsho byed la 'tsho byed 'tsho byed ming gang gi phyir byas zhe na/ sdig can tshe dang ldan pa 'tsho byed grong dam grong khyer gang du brten cing nye bar gnas te/ snga dro chos gos dang lhung bzed thogs nas grong dang grong khyer gang du bsod snyoms kyi phyir lus shin tu bsdams pa dang/ dbang po shin tu bsdams pa dang/ dran pa nye bar yang dag par bzhag pa bzhin du zhugs te/ de grong ngam grong khyer gang du bsod snyoms spyad nas zas kyi bya ba byas te/ zas zos pa'i 'og tu lhung bzed gyu nas/ dgon pa'i gnas su myur ba myur bar 'gog pa la snyoms par 'jug go /de ba lang rdzi dang/ phyug rdzi dang/ rtswa thu ba dang/ shing thu ba dang/ lam gyi 'tsho ba dang/ lam na gnas pa'i mi dag gis mthong nas de dag 'di snyam du 'phags pa 'di ni 'dug bzhin du dus las 'das so/ /gang bdag cag gi rtswa skam po dang/ shing skam po dang/ ba lang gi lci ba skam po bsdus te spar bar bya ba spar nas bsreg par bya'o snyam nas/ de nas rtswa skam po dang shing skam po dang/ ba lang gi lci ba skam po bsdus te spar bar bya ba spar nas me 'bar ba dang song ngo/ /de nas tshe dang ldan pa 'tsho byed nyin zhag de la snyoms par 'jug pa las langs te/ chos gos sprugs te snga dro chos gos dang lhung bzed thogs te/ grong ngam grong khyer du bsod snyoms kyi phyir lus shin tu bsdams pa dang/ dbang po shin tu bsdams pa dang/ dran pa yang dag par nye bar gzhag nas zhugs pa dang/ ba lang rdzi dang/ phyug rdzi dang/ rtswa thu ba dang/ shing thu ba dang/ lam gyi mtsho ba dang/ lam na gnas pa'i mi de dag gis mthong nas 'di snyam du bdag cag gis 'phags pa 'di 'dug bzhin dus las 'das par mthong nas rtswa skam po dang/ shing skam po dang/ ba lang gi lci ba skam po bsdus te spar bar bya ba spar nas/ me spar te 'ongs na/ tshe dang ldan pa 'phags pa 'di da rung yang 'tsho 'am snyam mo/ /sdig can rgyu 'di dang rkyen 'dis tshe dang ldan pa 'tsho byed la 'tsho byed ces ming du byas so zhes 'byung ngo/ /tshe dang ldan pa nye bar 'khor mu la phal su na'i mchod rten gyi rdo'i gos kyi rnyed pa las dge slong ma khab dang mtshon thogs te gnod pa'i sems skyes pa dang/ chos gos byin gyis ma brlabs pa nyid du 'gog pa la snyoms par zhugs so/ /des chos gos la khab dang mtshon cha brgyab nas shi'o snyam du byas song ngo/ /de yang ting nge 'dzin las langs te rgyal byed tshal du song nas gtam ji ltar gyur pa dge slong rnams la go bar byas zhes phran tshegs kyi sgo brgyad pa'i sdom gyi tshigs su bcad pa dang po las de ltar 'don to/ /mkhas pa rnams kyis mthong ba'i lam la snyoms par zhugs pa la sogs pa sems rtse gcig pa dang sems pa la rtse gcig sems med pa la de med ces mdzod kyi gnas gsum bar 'chi 'pho zhing skye ba bkag ste/ de lta bu'i spros pa 'chad par 'gyur bar rig par bya'o// //rgyal po'i drang srong zhes bya ba la gang yang 'khor los sgyur ba'i rgyal po bu thu bo rgyal srid kyi dbang phyug la dbang byed du bcug ste rab tu byung ba'o/ /'di lta ste rgyal po dang yang dag par ldan pa las 'don te/ lha chen po bcu gnyis pa'i mdo las bcom ldan 'das kyis ji skad du/ mi rnams kyi tshe lo stong phrag brgyad cu thub pa na lha chen po zhes bya ba 'khor los sgyur ba mdza' bzhi las rnam par rgyal ba/ chos dang ldan zhing chos kyi rgyal po chen po rin po che sna bdun dang ldan pa byung ste/ de'i rin po che 'di lta bu'i gzugs can gyi rin po che sna bdun byung ste/ 'di lta ste 'khor lo rin po che dang/ glang po rin po che dang/ rta rin po che dang/ bud med rin po che dang/ khyim bdag rin po che dang/ dmag dpon rin po che dang/ nor bu rin po che dang bdun no/ /de la bu dpa' ba brtul phod pa yan lag mchog gi gzugs dang ldan pa pha rol gyi sde rab tu 'joms pa stong du tshang ba yang byung bar gyur zhing/ sa chen po 'di rgya mtsho la thug bar ma lus par gnod pa med cing 'tshe ba med pa dang dbyug pa med cing mtshon cha med pas chos kyi rnam par rgyal te gnas so/ /de nas rgyal po chen po lha chen po dus gzhan zhig na 'dreg mkhan gyi skyes bu skra dang kha spu bregs pa na/ 'dreg mkhan gyi skyes bu la bos te/ skyes bu khyod kyis gang gi tshe da'i mgo bo la lha'i pho nya skra dkar skyes shing byung ba mthong ba de'i tshe khyod nga la smros shig / 'dreg mkhan gyi skyes bus rgyal po lha chen pos smras pa thos nas lha de bzhin no zhes gsol to/ /dus gzhan zhig gi tshe 'dreg mkhan gyi skyes bu rgyal po lha chen po skra dang kha spu 'dreg pa na/ rgyal po lha chen po la lha'i pho nya skra dkar skyes shing byung bar gyur pa mthong ngo/ /mthong nas rgyal po lha chen po la 'di skad ces gsol to/ /lha'i dbu la lha'i pho nya skra dkar skyes shing byung bar gyur pa mkhyen par mdzod cig/ de ngas? smras pa/ kyi? skyes bu khyod kyi skra dkar de gser gyi tshor gzungs kyi dal bu dal bus byung la da'i lag par byin cig / lha de bzhin no zhes 'dreg mkhan gyi skyes bus rgyal po lta chen po'i mgo las skyes pa'i skra dkar gser gyi tshor gzungs kyi dal? bu dal? bus bton te rgyal po lha chen po'i phyag du phul lo/ /de nas rgyal po lha chen pos phyag gnyis kyis skra dkar de bsnams nas brkyang zhing rab tu brkyang nas ched du brjod pa/ bdag gi yan lag mchog spyi bor/ /na tshong 'phrog pa dang por skyes/ /lha yi pho nya byung gyur pas/ /rab tu byung ba'i dus la bab// bdag gis mi rnams kyi bde ba ni longs spyad kyis lha'i bde ba btsal ba'i dus la bab bo/ /gang bdag gis rgyal bu gzhon nu bu thu bo la rgyal srid kyi dbang phyug la dbang byed du bcug nas rgyal po dang drang srong gi tshangs par spyod pa spyad par bya'o/ /de nas rgyal po lha chen pos rgyal bu gzhon nu thu bo la pho nya btang ste bkug nas 'di skad ces smras so/ /bu gzhon nu nga'i? mgo bo la lha'i pho nya skra dkar skyes shing byung ba shes par gyis shig /rab tu byung ba'i dus la bab bo/ /bdag gis mi rnams kyi 'dod pa ni yongs su sbyad kyis nga? ni lha'i bde ba btsal ba'i dus la bab pas/ bu gzhon nu khyod la sa chen po rgya mtsho la thug pa 'di khyod la sbyin gyis/ de dag la khyod kyis chos dang ldan pas yang dag par rjes su bstan par bya ste/ chos ma yin pas ni ma yin no/ /gang kha cig chos ma yin pas spyod cing mi mthun par spyod na yul las skrod? cig bu gzhon nu khyod la yang gang gi tshe lha'i pho nya skra dkar skyes shing byung bar gyur pa de'i tshe khyod kyang rgyal bu gzhon nu thu bo rgyal srid kyi dbang phyug la dbang byed du bcug la/ rgyal po drang srong gi tshangs par spyod pa spyod cing/ ji ltar yang bu gzhon nu khyod 'di lta bur nges pa'i dge ba'i lam la 'jug pa dang/ rjes su 'jug par bya'o/ /skyes bu tha chad dang/ skyes bu tha mar ma gyur cig/ bu gzhon nu gang kha cig 'di lta bu'i ngo bo'i skyes bu bzang po'i zung la 'jug pa dang/ 'di lta bu'i ngo bo'i nges pa dang dge ba'i lam la mi 'jug cing rjes su mi 'jug par 'gyur ba de skyes bu tha chad du 'gyur zhing skyes bu tha mar 'gyur ro/ /des na bu gzhon nu khyod la nga 'di skad du ji ltar khyod 'di lta bu'i ngo bo skyes bu bzang po'i zung la 'jug cing/ 'di lta bu'i ngo bo'i nges pa dang/ dge ba'i lam la 'jug pa dang rjes su 'jug par bya'o/ /khyod skyes bu tha mar ma gyur cig nga smra'o/ /de nas rgyal po lha chen po sras gzhon nu thu bo rgyal srid kyi dbang byed du bcug nas rgyal po'i drang srong gis tshangs par spyod pa spyad do/ /kun dga' bo rgyal po lha chen po rgyal bu gzhon nu thu bo rgyal srid kyi dbang phyug la dbang byed du bcug ste/ de yang rgyal po lha chen po zhes bya ba 'khor los sgyur ba mdza' bzhi las rnam par rgyal ba chos dang ldan zhing chos kyi rgyal po rin po chen sa bdun dang yang dag par ldan pa zhes bya ba nas snga ma bzhin du gnas so zhes bya ba'i bar du'o/ /kun dga' bo de'i yang bu dang bu'i bu dang/ tsha bo'i tsha bor rgyal por lha chen po stong phrag brgyad cu rtsa bzhis me te le'i gzhi 'di nyid du rgyal po drang srong gis tshangs par spyad pa spyod do/ /ji ltar 'khor los sgyur ba'i rgyal pos gnyi gas 'chi ba ma yin pa de bzhin du 'khor los sgyur ba btang nas rab tu byung ba yang rig par bya'o/ //rgyal ba'i pho nya zhes bya ba la rgyal ba ni bcom ldan 'das te de'i drung du phrin skyel ba'o/ /de ni phrin skyel ba'i don ma byas par tshe thung ngur 'gyur ba 'am/ gnyis ka'i rkyen gyis mi 'chi ste/ a mra skyong ma'i ne tso bzhin no/ /bcom ldan 'das skye ba 'phel ba'i ljongs na rgyu zhing chu bo can du phyin te/ chu bo can na bzhugs so zhes a ma skyong mas thos nas/ de la ne tso bzhin rgyas zhes bya ba mi skang smra ba dang go ba zhig yod nas/ ne tso bzhin rgyas la 'di skad ces smras so/ /bzhin rgyas khyod bcom ldan 'das gang na ba der nye bar song ste/ nye bar song nas de'i tshig gis bcom ldan 'das kyi zhabs la spyi bos phyag bgyis la/ gnod ba nyung ngam/ nyam nga ba chung ngam/ bskyod pa yang ngam/ 'tsho ba dang stobs dang ldan nam/ zo mdog ba de 'am/ bde ba la reg par gnas sam/ zhes smra'o/ /btsun pa a mra skyong ma btsun pa la 'di skad du gang gi tshe bcom ldan 'das yangs pa can du gshegs pa de'i tshe thog mar a mra'i tshal du thugs brtse bar dgongs nas gshegs su gsol zhes smros shig /de nas ne tso bzhin rgyas a mra skyong mas? smras pa thos nas bcom ldan 'das gang na ba der chas so/ /de li tsa byi gzhon nu rnams kyis mthong nas ji ltar bdag gis smad 'tshong ma'i ne tso 'gro yin 'dug gis zhes mnga' 'phangs par brtsams pa dang/ de dag gi spyi bor mnga' de dag lhung ba brtsams pa dang/ de nas ne tsos tshigs su bcad pa smras pa/ gzhan gyi yul ni mis gnod ba la/ /pho nya bcings pa min zhes thos/ /bdag ni rgyal ba'i pho nya ste/ lus can kun gyi gnod ma yin/ /de dag gis tshigs su bcad de smras pa/ khyod kyi tshig la bdag cag gi /mnga' yang chad cing ltung bar gyur/ /drang srong chen pos rab srungs pas/ /khyod ni 'jigs pa med par song /de nas ne tso bzhin rgyas bcom ldan 'das gang na ba der nye bar song ste/ nye bar song nas bcom ldan 'das kyi zhabs la sbyi bos phyag byas te/ bcom ldan 'das la 'di skad cas gsol to/ /a mra skyong ma btsun pa bcom ldan 'das kyi zhabs la sbyi bos phyag byed cing gnod pa nyung dam zhes bya ba nas/ snga ma bzhin du bde ba la reg par gnas sam zhes bya ba'i bar du 'dri'o/ /bzhin rgyas khyod dang a mra skyong ma bde bar gyur cig / a mra skyong ma btsun pa la 'di skad du gang gi tshe bcom ldan 'das yangs pa can du gshegs pa de'i tshe thog mar a mra'i tshal du thugs brtse bar dgongs nas gshegs su gsol/ bcom ldan 'das ne tso bzhin rgyas la cang mi gsung bas gnad bar mdzad do/ /de nas ne tso bzhin rgyas bcom ldan 'das kyis cang mi gsung bas gnad bar rig nas bcom ldan 'das kyi zhabs la mgo bos phyag byas nas bcom ldan 'das kyi drung nas song ngo/ /bcom ldan 'das kyi zhabs drung nas sems dang zhing ring po ma lon par khra ba tshig? gi srog dang phral bar gyur to/ /de 'chi ba'i dus byas pa'i 'og tu rgyal chen bzhi'i ri sa kyi lha rnams kyi nang du skyes so/ /'di ni chos nyid de lta bu skyes nas ring po ma lon par lta de la sems rnam pa gsum mngon du gyur te/ gang nas shi 'phos/ gang du skyes/ las gang gis skyes zhes skye bar 'gyur ro/ /de bltas na dud 'gro las 'chi 'phos nas rgyal chen bzhi'i ris kyi lha'i nang du skyes shing bcom ldan 'das la sems mngon par dad pa'i rgyu las song snyam mo/ /de nas ne tso'i sngon gyi skye ba'i lha'i bu 'di snyam du bdag zhag lon nas bcom ldan 'das kyi drung du zhal blta ba'i phyir 'gro ba ni tshul dang mthun ba ma yin no/ /bdag zhag ma lon pa nyid du bcom ldan 'das kyi zhal blta bar bya ba'i phyir nye bar 'gro bar bya'o snyam nas sngon ne tsor skyes pa'i lha'i bu rna cha gdub kor dri ma med pa g.yo zhing mu tig dang mu tig gi dra ba phyed bas brgyan cing nyin zhag de nyid la lha'i me tog autpa la dang/ pad+ma dang/ puN+Da ri ka dang/ man d+ha ra ba dag thogs te 'od zhing nye bar 'ongs nas bcom ldan 'das gang na ba der 'ongs te/ nye bar 'ongs nas bcom ldan 'das la me tog gis gtor te/ bcom ldan 'das kyi drung du chos nyan pa'i phyir 'dug go / da dung du yang sngon ne tsor skyes pa'i 'od kyis gnas rgyas par snang bas khyab par gyur to/ /de nas bcom ldan 'das kyis sngon ne tsor skyes pa'i lha'i bu'i bsam pa dang bag la nyal dang khams dang rang bzhin mkhyen par mdzad nas 'phags pa'i bden pa bzhi rtogs par 'gyur ba de lta bu chos bstan bar mdzad pa sngon ne tsor skyes pa'i lha'i bus thos nas 'jig tshogs la lta ba nyi shu'i ri'i rtse mo ye shes kyi rdo rjes bcom nas rgyun tu zhugs pa'i 'bras bu mngon sum du byas so/ /de bden pa mthong nas lan gsum du ched du brjod pa ched du brjod de/ btsun pa bdag cag la 'di lta bu phas ma byas mas ma byas/ mdza' bshes dang/ gnyen 'dun dang/ rgyal po dang/ lha rnams kyis kyang ma byas/ sngon gyi mdza' bo dang/ dge slong dang bram zes kyang ma byas pa bcom ldan 'das kyis mdzad de/ dmyal ba dang yi dags dang dud 'gro las bton te/ lha dang mi'i go 'phang la bzhag go /'khor ba mthar byas so/ /khrag dang mchi ma'i rgya mtsho bskam mo/ /rus pa'i ri bo las bsgral lo/ /ngan song gi sgo bkag go/ mtho ris kyi sgo phye zhing snang bar mdzad do/ /'jig tshogs la lta ba'i bram ye shes kyi rnga rdzas bcom nas rgyun tu zhugs pa'i 'bras bu mngon sum du byas te/ btsun pa bdag ni mngon par 'phags so/ /mngon par 'phags so/ /bdag bcom ldan 'das la skyabs su 'chi zhing chos dang dge 'dun la skyabs su 'chi zhing ji srid 'tsho'i bar du dge bsnyen gyi sdom pa 'dzin cing srog gi phyir mngon par dad pas skyabs su 'gro'o/ /de nas sngon ne tsor skyes pa'i lta'i bu thob par bya ba thob cing bsgrub par bya ba bsgrubs te/ zhing pa dang dpa' bo g.yul las rgyal ba lta bu dang/ nang pa nang las thar ba lta bus bcom ldan 'das kyis gsungs pa la mngon par dga' zhing rjes su yi rang nas 'byor ba gang gis bcom ldan 'das kyi zhabs drung du 'ongs pa'i 'byor ba de nyid dang rang gi gnas su song ngo/ / //rgyal bas bstan pa dang zhes bya ba la/ rgyal ba zhes bya ba ni bcom ldan 'das te/ nges par byin gyis brlabs pa ni rgyal bas bstan pa'o/ /bka' lung ni rnam pa gnyis te/ rigs pas nges pa dang lung bstan pa'o/ /de la rigs pas nges pa ni bka' lung stsal ba'o/ /lung bstan pa ni 'di dang 'di lta bur 'gyur bar 'gyur zhes bya ba ste/ re zhig rig pas nges pa ni khyim bdag gzi brjid kyi bu rab tu 'bar ba'i nang na gnas pa bcom ldan 'das kyis 'tsho byed la bka' lung stsal te/ de bzhin du byas pa dang/ de la gnod pa cung zad kyang ma gyur pa ji skad du ro bsreg pa'i nang me 'bar ba'i nang na gnas pa'i gzhon nu rgyal bas bka' stsal te blangs pa dang/ rgyal ba'i mthus nus pa bcom nas skad cig gis me de kha ba'i 'dam bur gyur te zhes 'byung ba bzhin no/ /lung bstan pa ni rgyal bas bstan pa ste/ khyim bdag gzi brjid kyi bu 'di lha dang mi'i dpa' nyams su myong nas dgra bcom pa'i 'bras bu mngon sum du byed par 'gyur ro zhes bya ba'i bar du'o/ /de ma'i lto na gnas pa na'ang 'chi ba'i rkyen du ma las 'das shing ma shi la ro sreg pa'i nang du bcug kyang ma tshig cing de bzhin gshegs pa ji ltar gsung ba dbang por mthong nas zhes bya ba la sogs pa khyim bdag gzi brjid kyi bu'i rtog pa brjod pa 'dul ba phran tshegs las rgyas par blta bar bya'o/ /yang na rgyal bas bstan pa zhes bya ba la/ rgyal bas bstan pa zhes bya ba ni rab tu phyug po'i ming yin par gzung bar bya ste/ ji ltar brjod par bya zhe na/ mnyan yod na ded dpon gzhan zhig yod de/ de rigs mnyam pa las chung ma blangs te/ de dang lhan cig brtse bar byed dga' mgur spyod par byed pa las/ sems can srid pa tha ma gzhan zhig de'i chung ma'i mngal du zhugs so/ /ded dpon de yang zod thogs te gzhan du song ngo/ /de yul gzhan du song ba dang de'i chung ma la khye'u zhig btsas so/ /de 'jig rten gyi gnod pa spang ba'i phyir ji ltar 'ga' zhig gis kyang shes par mi gyur ba de lta bu'i las dang sbyor bas khyod kyi 'di bsad par bya'o/ /zhes khol mo'i lag tu gtang ngo// de bzhin du des khyi'i tshang gi nang du bskyur ro/ /de khyi rnams kyis nyin mtshan rtag tu bsrung bar byed do/ /ji tsam na bcom ldan 'das snga dro chos gos dang lhung bzed thogs te/ dge slong gi dge 'dun gyis yongs su bskor cing dge slong gis dge 'dun gyis mdun du byas te mnyan yod du gshegs so/ /rgyal po sde rab tu pham byed kyang mnyan yod du 'ongs te bcom ldan 'das mthong ba dang/ bcom ldan 'das kyi khyi? bzhin du 'brangs so/ /de bzhin du khyim bdag mgon med zas sbyin yang dge bsnyen lnga brgya dang lhan cig 'khor skye bo stong phrag du ma dang phyogs ded 'ongs so/ /khyi rnams kyis bcom ldan 'das mthong ba dang so sor byer te song ste ji tsam na bcom ldan 'das kyi phyag dpung ba g.yas pa brkyang te/ gzhon nu de la gzigs te bka' stsal pa/ gzhon nu 'di mnyan yod na phyug po rnams kyi mchog byed par 'gyur ro/ /de'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par 'gyur ro/ /ji tsam na khyim bdag phyug po'i mchog ces bya ba zhig gis rgyal po la zhus pa/ bdag gis 'di gzung bar bgyi'o zhes rgyal bas bstan pa zhes bya ba'i ming btags par gyur zhes bya ba nas/ rgyas par blangs te chung ma la rig par byas pa'i bar du ste/ de la bu gsum dang bu mo smad ma zhes bya ba yod de/ chung mas smras pa/ rje'i sras bu 'di bdag cag gi khyim gyi las byed par 'gyur ram/ phyug pos smras pa/ 'di da ji ltar bya/ chung mas smras pa/ gsang bar bya'o/ /zhes byas pa bdug gi sbyor ba brtsams kyang gsang par ma nus shing mer bcug kyang ma tshig go /mtshon gyis gtubs kyang chod par ma gyur to/ /de nas de dang thag mi ring ba zhig na rgyal po sde rab tu pham byed kyi blang po che'i bres yod de de'i nang du bskyur ro/ /der yang glang po che rnams kyis nyin mtshan rtag tu bsrung zhing 'dug go /de bzhin du yang phyug pos slar blangs pa'i bar du'o/ /de bzhin du rgyas par khyi'i nang du bskyur ba dang de dag kyang nga bzhin du bsrung ba dang phyug pos slar blangs pa'i bar du dang/ chung mas smras pa/ lam po che'i bzhi mdor bzhag par bya'o zhes lam po che'i bzhi mdor bzhag pa'i bar du'o/ /de nas ljongs gzhan zhig na 'bras kyi phyug po zhes bya ba zod? gi 'tsho ba rto// cing ba nas so/ /de'i ming 'bras phyug po zhes bya ba btags so/ /nges 'bras shing rta lnga brgya bkang nas/ mnyan yod du 'ongs so/ /des khye'u de mthong nas shing rta 'gror ma btub pa dang/ de 'bras phyug pas khye'u blangs pa'i bar du 'o/ /khyim bdag phyug po'i mchog de yang/ nye ba'i phyir de'i gan du 'ongs pa dang/ phyug po'i mchog gis khye'u mthong ba'i bar du nas smras pa/ khye'u 'di gang nas 'ongs/ des smras pa/ lam po che'i bzhi mdo nas rnyed do// //phyug po'i mchog gis smras pa/ khye'u 'di rgyal po dang blon po dang yul ma'i mdun bdag cag gis rig bzhin du blangs shing sangs rgyas bcom ldan 'das kyis mnyan yod kyi phyug po'i mchog tu 'gyur ro/ /zhes rgyal bas bstan pa yin gyis/ khye'u 'di bdag la byin cig ces smras so/ /de dag gis kyang byin to/ /gang gi tshe tshar skyes de'i tshe khye'u yi ge bzung ste 'ong ba 'di khyod kyis zung la rdza mkhan gyi srag pa'i nan gdu sreg par bya'o zhes rdza mkhan gyi drung du btang ngo/ /de ji srid du yi ge bzung ste ra bar phyin pa dang phyug po'i mchog gi bu gsum po de na 'dus te 'dug pas 'di skad ces rgyal bas bstan gang du 'gro / des smras pa/ rdza mkhan gyi drung du'o/ /ji srid rgyas par phyug po'i mchog gi bus de las yi ge blangs te rdza mkhan gyi khang par sang ste/ rdza mkhan gyis bsang par gyur to/ /dgongs ka'i dus na rgyal bas bstan pa khang par zhugs pa dang/ phyug po'i mchog gis yi ge gar song zhes smras so/ /des pho bos blangs te song ngo zhes smras pa nas/ phyug po'i mchog gis rta pa gnyis btang ngo zhes bya ba'i bar du rgyas par dang/ de nas yang ji ltar 'ga' zhig gis kyang shes par mi 'gyur ba de lta bu'i las dang sbyor bas yi ge khyer nas 'ong ba'i gzhon nu 'di khyi'i tshad du gzhug par bya'o zhes btang ba dang/ de yi ge bzung ste ra bar phyin pa dang/ zhes pa nas rgyas par phyug po'i mchog gi bu gnyis par bar khyis zos pa'i bar du rgyas par bya ste/ bya ba'i gnas du btang ste khyod kyi 'di thab kyi nang du bcug ste tshig par bya'o zhes bang ste bu gcig po sgor bcings te bzhag pa dang zhes rgyas par nan gyis rgyal bas bstan pa las yi ge blangs te bya ba'i gan du sad ba dang/ bya bas me dong du bcug nas bsad pa dang/ thams cad du rta pa gnyis btang ba dang/ de dag gis ma slab par bsad do/ /de nas rang nyid mtshon thogs te rgyal bas bstan pa gsol bar rtsom pa khang pa nang ? mis? gang bar mthong nas las kyi mdza' i gnas su song ba dang/ der yang phyi rol gyi skye bos gang bar ? nas/ rgyal bas bstan pa mi yid ches bzhig gi drung du gang khye'u yi ge bzung ba 'di mthong ma thag tu sa brkos pa'i nang du gsang par gyis zhes yi ge bskur? te btang ngo/ /ji srid du rgyal bas bstan pa mnyan yod du phyin te/ ltas mkhan gyis mthong nas 'di skad ces gzhon nu 'di phun sum tshogs pa dang rgyud pa myong bar 'gyur ro zhes smras so/ /gzugs 'tshod mas bltas mkhan la dris pa dang des smras pa gzhon nu 'di de ring? phyug po'i mchog tu 'gyur ba 'am/ 'chi ba'i gnas skabs kyi khyim du 'jug par 'gyur ro/ /de nas de khyim du zhugs te nyal bar 'gyur ro/ /de nas de gzugs 'tshod mas de'i sor mo'i bar nas shog bu blangs te/ yongs su bsgyur te de'i sor mo'i bar du bzhag par gyur to/ /'di ltar bris te/ rgyal bas bstan pa 'di la 'dreg mkhan gyis skra dang khra spu bregs te/ bu mo gzugs 'tshod ma rgyan thams cad kyis brgyan te/ ljongs 'di tsam dang rgyal po dang blon po dang yul mis rig cing tshor bar chung ma'i don du sbyin par bya'o/ /ji srid rgyal bas bstan pa gnyid sang? nas yid ches pa la shog bu byin pa dang/ des kyang thams cad ma lus par de bzhin du byas so/ /ji tsam na phyug po'i mchog 'ongs te dris pa khyod kyis ji ltar ngas smras pa de bzhin du byas sam/ de'i nyis ltab du byas so zhes nges smras so/ /ji tsam na phyug po'i mchog kha nas khrag dron mo skyug cing dus las 'das par gyur ba'i bar du'o/ /de nas rgyal po sde rab tu pham byed kyis rgyal bas bstan pa phyug po'i mchog tu bzhag par gyur pa'i bar rgyas par byung ste/ des sangs rgyas dge slong gi dge 'dun gyi mdun du bltas te ston mo la spyan drangs shing phyug po'i mchog byas nas bcom ldan 'das kyi bstan pa la rab tu byung bas dgra bcom pa nyid thob par gyur to/ /de skad ces thob pa dang/ dge slong rnams the tshom skyes te bcom ldan 'das la zhus pa/ tshe dang ldan pa rgyal bas bstan pa las ci zhig byas nas gzhan gyi gnod pas ma gnod par gyur/ bcom ldan 'das kyis bka' stsal ba/ de'i phyir dge slong dag nyon cig /sngon byung ba 'das pa'i dus na ba ra NA si'i grong khyed du rgyal po tshangs pas byin zhes bya ba byung bar gyur te/ /de la bu gdug pa'i bsam pa can zhig skyes so/ /de'i mdun na 'don la bu snying rje'i bsam pa can zhig skyes so zhes bya ba nas rgyas par rgyal po tshangs pas byin dus las 'das par gyur nas de'i bu rgyal srid la bzhag par gyur to/ /ji tsam na mdun na 'don yang dus las 'das te/ rgyal pos tshod nas song la de'i thung? 'di? de shog dang mdun na 'don du gzhug par bya'o zhes bka' stsal to/ / ji tsam na de 'ongs pa mthong nas smras pa/ dgang gi tshe rgyal srid byad pa dag tshe khyod 'ga' re zhig nga'i drung du 'od? dam zhes rgyal pos mdun 'don du gzhug go /des smras pa/ des ba zhig byas te gang 'ga' zhig dgum par 'os pa de bdag gis rig bzhin du 'gum par mdzod cig / rgyal pos smras pa de bzhin no/ /ji tsam na srog chags brgya stong du ma rgyal po la zhus te srog las thar bar byas so/ /ji tsam dus bzhan? zhig? nga rgyal po'i gsang bar bya ba zhig gnas pa na/ nges smras pa/ mdun na 'don khrid la shog cig dang/ de la smras shing bltar gzhug go / ji tsam na rgyal po skyes bu de'i khang par zhugs te/ mdun na 'don gang na 'dug ces smras pa dang/ phyi rol du byung ste song ngo zhes smras so/ /ji tsam na rgyal pos gsang bar bya ba mdun na 'don gyis rgyal po la zhus pa dang/ rgyal pos smras pa/ khyod la sbyin no zhes bya ba nas/ rgyas par de skyo bo skyes nas rab tu byung ste rang sangs rgyas kyi byang chub mngon du byas so/ /mdun na 'don gyis ji srid 'tsho'i bar du nye bar spyad pa kun gyis bsnyen bkur byas nas smon lam btang pa'i mdun na 'don de ni rgyal bas bstan pa 'di yin no/ /las de'i rnam par smin pas gnod pa'i rgyu rnam pa du ma las grol zhing gzhan gyis nye bar gnod pas ma gnod do/ /phyug po mchog gi bu las ci zhig byas nas gcig ni rdza mkhan gyi khyim du bsregs/ gnyis pa ni ra ba'i nang du khyis zos/ gsum pa ni bya bas bsregs/ dge slong dag de'i phyir nyon cig sngon byung ba 'das pa'i dus na khur bus tshod byed pa gnyis zhig par tA ser 'ongs so/ /de'i 'og tu yang gnyis 'ongs so zhes bya ba nas/ rgyas par ming du bris te mthun zhing nor gcig par gyur to/ /gcig ni ba ra tA seng song nas zas kyi 'tsho ba byed la/ gsum ni tshod byed do/ /ji tsam na des rang sangs rgyas la bsod snyoms gcig 'bul ba de dag gis khros te smras pa/ gal te rab tu byung ba de'i dbang du gyur na rdza mkhan gyi rdza ma'i gnas su bsreg par bya'o/ /gnyis pas smras pa/ gal te rab tu byung ba de'i da'i dbang du gyur na gson bzhin ra bar khyi la sbyin par bya'o/ /gsum pas smras pa/ ngas bya ba'i thab tu bsreg par bya'o zhes gang gis tshig smras pa de bzhin du rnam par smin pa yongs su smin to/ /gang gis rang sangs rgyas la bsod snyoms 'bul ba de ni rgyal bas bstan pa yin no/ /chos len pa dang zhes bya ba la/ chos len pa yang rgyal bas bstan pa ltar mas dur khrod du bskyur yang bden pa mthong bar 'os pa yin bsam shi ba lta bu'o/ /mchog can dang zhes bya ba la/ rgyal po'i khab na tshe dang ldan pa mchog can zhes bya ba dang/ tshe dang ldan pa shA ri'i bu lhan cig gnas so/ /de bsod snyoms kyi phyir zhugs pa dang rgyal po'i khab na phyug po'i mchog ces bya ba zhig yod de/ de la 'bangs po yid ches pa rkun ma zhes bya ba yod de phyug pos bskyed mos tshal du song ste 'bangs po yid ches pa rkun ma la bskul cing smras pa/ song la khyim nas cung zad cig khyed la shog cig ces smras so/ /de smad 'tshong mas bslus te phyug po'i chung ma'i dpung pa gnyis gdu bu'i phyir gcad do/ /de mi rnams kyis bdas pa dang de'i lhung bzed du dpung pa gnyis po de bcug go / de ji srid du rgyal po ma skyes dgras mchog can gsal shing la bskyon pa'i bar du'o/ /ji tsam na 'phags pa shA ri'i bus gsal shing la gnas bzhin du gdam ngag phogs te yang dag par skyo nas dgra bcom pa nyid thob ste/ gsal shing khyer nas nam mkha' la mngon par 'phags so zhes rgyas par 'byung ba dang/ 'dam bu can gyi grong khyer na phyug po zhig la bu cig dang bu mo zhig dang gnyis skyes so/ /de gnyis phan tshun du shin tu mthun mo ji tsam de gnyis rtse ba las ltogs te ma'i drung du song nas smras pas/ ma bdag cag bkres kyis zan byin cig /de gnyen rnams la yongs su 'drim pas ngal bas khyod cag rang gnyis long la zo shig smras so/ /bus smras pa/ khyod gsal shing la skyon nam ces smras so/ /bu mos smras pa/ khyod kyis dpung pa gnyis bcad dam/ bdag cag gnyis la mi sbyin pa ci ste zhes smras so zhes rgyas par bcom ldan 'das 'od srung gi bstan pa la mchog can rab tu byung bas zhes bya ba'i bar du'o/ / //gang+gA len pa zhes bya ba la ba ra NA ser gang+gA len pa zhes bya ba phyug po'i bu nor gyis phyug cing yangs par gyur pa/ skye bo mngon par dga' ba dpal dang/ grags pa dang/ snyan pa dang/ blo yongs su dag pa dang/ mi dang/ glo bur du 'ongs pa dang/ rang gi mi dang/ lha dang/ dge slong de dang/ bram ze rnams kyis ming thos pa zhig byung bar gyur to/ /de dus res 'ga' zhig na skyed mos tshal gyi dga' ba yid kyis myong bar bya ba'i phyir be ra tA ser song ste/ phyi rol na kun tu 'khyam pa las sangs rgyas bcom ldan 'das chos kyi 'khor lo bskor ba'i gnas dga' zhing rab tu nyams dga' ba drang song chen po'i tshogs kyis 'khor lo bskor ba zhes bya bar phyin no/ /de shin tu ngo mtshar shing rmad du byung bas dga' ba chen po'i spyod pa mgo dang/ sha dang khrag dang/ mig dang/ lag pa dang/ rkang pa dang/ rta dang/ glang po che dang/ bu dang/ bu mo dang/ rgyal srid la sogs pa du mas slong ba'i skye bo rnams la rnam par 'gyed cing dga' bar byed pa/ brtul zhugs dang nges p a dang sdom pa yang dag par bden pas mi dge ba'i rtsa ba las nges par byung zhing rnam pa du ma sna tshogs kyis dka' ba mang po spyod pa las skyes pa'i che ba'i bdag nyid srog chags gzhan rnams kyis bsgrub cing rtogs par bya ba ma yin pa'i pha rol tu phyin pa shes bya mang po'i ma lus pa'i dra ba'i dngos po'i de kho na nyid rtogs pa'i gzhir gyur pa/ shes bya'i rgya mtsho chen po yang dag par bsrung ba las yang dag par byung ba/ bdag med pa'i ye shes rin po che rags pa dang/ phra ba dang/ nang dang/ phyi rol dang/ thag ring ba dang/ nye ba dang/ rang dang gzhan gyi rgyud la brten pa'i sgra dang don gyi bdag nyid du ma'i de kho na nyid rab tu rig pa/ thams cad rig pa'i sangs rgyas bcom ldan 'das kyi gsung rab kyi chos nye bar bstan pa yid yang dag par byung ste/ 'khor bar gnas pa'i nye bar spyod pa phab pa la mi bltos shing/ rab tu byung ba'i bde ba mchog la bltos shing yid la byed par gyur kyang pha dang ma las snang ba ma thob pa rab tu byung ba'i dngos po mi 'thob par yid la byas te/ pha dang mas rjes su gnang bar byas pa'i phyir yid la 'chi bar the tshom za ba tsam gyis gnas skabs gzhan thob kyang rjes su snang ba ma thob nas rim gyis srungs ma rnams snyoms las byed par gyur pa'i tshe gnyen dang khyim spangs te/ gang dang gang na bcom ldan 'das dang nyan thos kyi tshogs dang thabs gcig tu bzhugs pa/ gzhan gang yang rung ba dge slong dag bzhugs pa'i sa de dang der song ngo/ /de dang der bdag nyid kyi dgos pa smras pa dang/ pha dang mas ma gnang bar bcom ldan 'das kyi bstan pa la 'jug cing yon tan gyi tshogs su gyur pa'i rab tu byung ba ma rnyed par sems la bsams te/ skye ba 'di la bdag gis rig? la? sla yis rab tu byung bas ma thob kyis skyes gzhan du yang 'di dag nga'i bar chad du ma gyur cig ces gang bdag shi nas bcom ldan 'das kyi bstan pa la rab tu byung ba'i rgyus smon lam sngon du btang ste bdag nyid btang bar bya'o? zhes de dug zos kyang ma shi'o/ /mtshon gyis btubs kyang mchod cing/ g.yang dum tshengs? pa dang/ ri dang glang po smyon pa dang/ gang 'brog dgon par lcug mas bdag nyid bcings pa dang/ de lta bu la sogs pa srog gi bar chad du ma las 'ongs te/ gshin rje'i mche ba'i bar du zhugs par ma gyur nas dbugs dron mo ring po 'byin zhing 'dug go / yang smras pa/ gang las lha dang lha min mi'i 'jig rten sdug bsngal thob/ /'jig rten gsum mgon ring na gnas kyang drung du drangs te 'joms/ /de ni bdag gis mdza' grogs bzhin du btsal kyang ma rnyed ba/ /'chi la 'chi pa gzhan zhig yod dam cis ni mi mngon gyur/ /yang 'di snyam du rnam pa thams cad du 'chi ba'i thabs khyad par can gzhan zhig yod kyis de ni de ba rtsam par bya ste/ rgyal po'i khab tu song la gzhan gyi rdzas ma byin par blangs na de'i 'bras bu gnas par 'gyur te/ ma ga d+ha na rgyal po ma skyes dgra chad pa drag po byed pa yod de/ nges thos nas rkun ma zhes mthar byed cing? gshin rje'i khyim du 'jug par 'gyur ro zhes de rgyal po'i khab du phyin nas skye bo mang pos mthong ba nyid du rku bar brtsams pa dang/ rkun ma rkun ma zhes srung ma rnams kyis gang+gA len bzung ste lha 'di ni rjes su mi mthun zhing grong khyer gyi rkun ma ste/ rgyal pa'i khab kyi phyug po rnams rtogs par byed par yid ches pa rnams yid mi ches pa skyed par byed pa yin no zhes rgyal po la phul lo/ /de yang rgyal pos khyod rkun ma yin nam zhes bka' stsal pa dang/ des yin no zhes smras so/ /rgyal pos smras pa/ rgyal po'i khab kyi tshad? pa drag cing che ba ma thos sam/ nges smras pa/ ma thos pa yang ma yin mod kyis/ 'on kyang mi rig pa la chags pa dang/ de la 'jigs par mi gzung bas/ des na bdag gis 'jigs med par/ /rkun ma bya bar brtsams pa yin zhes pa dang lha 'on kyang/ gang la gang zhig mngon 'dod ba'o/ /dngos po de la de sbyar bya/ nyid ni bsrung bar bzhed pa ste/ bdag ni rku bar 'dod pa yin/ de nas rgyal po spos kyi glang po che myos pa'i rdul gyis dri bsnam zhing yang dag par tshor ba shin tu khro ba'i snyigs mas bzhin bsgyur te/ gang gal len la khang pa der sdigs mjug ste smin ma khro gnyer bskyed de/ gshed ma la tshig 'di skad du sdig pa byed pa 'di nyes par spyod pa 'di myur du rgyal po'i khab pa thams cad kyis thos par gsal shing la bskyon cig ces bka' stsal to/ /gshed ma'i skyes bu de dag gis ka ra bI ra'i me tog mgul bar btags te/ gsal shing bstan pa dang/ rgya che zhing mthob phrag pa la bkal te/ rgyal po'i khab kyi tshong dus dang/ 'dun sa dang/ bzhi mdo dang/ sum mdo dang/ ra ba tha dad pa du ma rnams su thos par/ kye mi dag 'di ni rkun ma ste me tog nang gi sbrul nag po ltar phyug pa thams cad dngul por byed pa rgyal po'i chos lugs las 'das pa de rgyal po'i bka' lung gis sdig pa byed pa 'di gsal shing la bskyon pa khyod cag bltos shig ces smras so/ /des smras pa/ bzhin bzad dag myur bar gsal shing rtse mo la rgyal po'i bka' lung bsgrubs shig /de dag gis smras pa/ rim pa 'di lta bus bya ba brtsan pa ma yin nam/ des yang smras pa/ 'chi ba'i bgegs su mi 'gyur bar myur du gyis shig /de dag gis smras pa/ khyod gson pa'i don du rkun ma byed pa ma yin nam/ ji ltar 'tsho ba yongs su btang bar lan mang du sems sam/ des smras pa/ 'gro ba 'di las gzhan med do/ /yang smras pa bud med byis pa gzhon nu rgan pa lang tshor babs mdun du/ /rkun ma nyid du rig par byas shing dpung pa rab bcings nas/ /rgyal pos bsad? par bka' lung stsal pa khyod kyi lag gnas pa/ /'chi bdag yul las 'gro ba gzhan med 'di ni nges pa yin/ /phan tshun du smras pa/ 'dis ni ma ga d+ha'i yul pa thams cad kyi rdzas 'phrog par nus so/ /ci ste zhe na/ 'tsho bas? yang bltos med par/ gzu lum su ni 'dug pa'i mi/ /'di la bsod nams yang na ni/ /rtogs par bya ba cung zad med par me sdig pa spyad pa bdag cag gis bsad par bya ba ni mang du mthong ste/ kha cig myos 'gyur 'dod cing ngo gzhan dag zas la gzhan ni chu/ /gzhan ni gnyen mthun mthong ba'i bde ba 'dod cing gzhan ni chang/ /bsang? bya'i skye bo phal cher gzhan ni skad cig gson pa tshe la/ /khyod ni srog nyams 'dod pa 'di ci rnam pa 'di gang las/ /des smras pa/ gang gis gang la dpal du rtogs pa des de don du gnyer par byed pa 'di ni 'jig rten gyi lugs yin la/ bdag kyang 'chi ba la dpal du rtogs nas don du gnyer ba yin kyis/ myur du bdag gi yid la re zhing don du gnyer ba yongs su rdzogs par gyis shig / gzhan du na bdag rkun ma zhes bstan pa don med par 'gyur ro/ /yang smras pa/ gsal shing la bskyon skra grol lus las khrag 'dzag cing/ /mig gi 'bras bu bya rog gis bton 'og tu 'jog pa dang/ /spyang ki kangka stag gis sha dang khrag dag yongs su bgreng gyur nas/ srog gi sbyin pa btang ste dur? khrod gnas su bdag srog dor ba bltos/ /de dag phan tshun du brtags te smras pa/ rnam pa du ma'i brjod pa 'di ni ngo mtshar te/ slar rgyal pos ma thos kyi bar du bdag cag gis de gsal zhing la bskyon par mi nus so/ /de nas gshed ma'i skyes bu zhig log ste rgyal po la zhus so/ /rgyal pos bkug nas dris pa khyod kyis 'di skad du brjod pa bden nam/ des lha mang lags so zhes smras so/ /rgyal pos smras pa shi ste don ci zhig 'grub par 'gyur/ des smras pa/ sangs rgyas kyi bstan pa la rab tu byung ba'o/ /rgyal pos smras pa/ gson bzhin ston pa ma thob na/ /shi nas ji ltar thob par 'gyur/ /gang las nges pa 'di skyes pa/ /ci yi don du bden par smros/ /des rgyal po la smras pa/ lha gal te bdag smra na rab tu byung ba'i phyir bdag shi bar 'dod do/ /rgyal pos smras ba/ khyod kyis go rim bzhin du ma bstan gyis/ /de ji ltar go rim bzhin du rgyas par smros shig /nges ji ltar brjod pa bzhin du rang gi gtam rgyas par smras nas gsol pa/ lta gzigs mdzod cig /gang las srog sbyin la sogs thub pa sdug bsngal myong gyur pa/ /de yi thams cad gzhan don bcas shing rang min gzhan don 'jug /de ltar rig kyang gang zhig bka' la gnas par mi byed pa/ /'du shes med cing rtswa phyung dang 'dra sa yi/ bur bus zad/ /ston pa zhir gshegs de'i tshogs ri mo 'drar thar gyur pa'i lam/ /de yi go 'phang sems rmongs 'phel bas btubs shing bsgribs pa na/ /phan pa ji ltar bya bar nus zhes de ltar nges par ni/ /mya ngan 'das pa ji srid blta ba'i sgra ni stobs med bya/ /gang zhig ngan 'gro sna tshogs bdag nyid gang du bkod pa ngad/ /gnas gcang? spangs pa'i bde 'gror yun ring ma skyes gang zhig yod/ /rnam mang gnas su bung bar ma gyur sems can gang zhig yod/ /blo sngan rang gzhan de ltar mthong ba 'gro ba'i phra rgyas 'grol/ /rgyal pos de'i tshig thos nas pad+ma'i sbubs ltar de mtshang ba'i spyan gyis smras pa/ kye bdag gis gzu lums su dpyad pa sngon du ma btang par gshed ma las bka' lung stsal lo/ /phyir rgol smra bar gyur pa sna tshogs kyi/ /las dang 'bras bu lkog gyur ma mthong ngam/ /khyod kyis bden pa mthong bar gyur tam ci/ /thub ces the tshom bsams pa 'di cis 'phags/ /sems la sangs rgyas rjes su dran bcas khyod bsad? cing/ /'jig rten gnod bcas bdag gis 'gro ba gang zhig 'gyur/ /bu gcig dga' bar mdzod cig sems dang bka' yi gnod bsal te/ /rim gyis lung bstan rab byung dngos po thob la shes par 'gyur/ /gsang bya gsang bya ma yin gnod dang zhi 'bras dka' lung can/ /'di la pha dang ma bzhin rgyal 'bangs kun la mnga' bdag ste/ /khyod ni nga yis srog sbyin bu yi mchog yin te/ rjes su gnang nas rab byung zhi thob the tshom ma byed cig/ bu mthong ngam/ sangs rgyas bcom ldan 'das thugs rje mchog gi spyod pa sna tshogs mda' ba/ bsam pa dang/ bag la nyal dang/ khams dang/ rang bzhin dang/ dbang po yongs su smin pa dang/ dge ba'i rtsa ba dang/ dus dang/ dus ma yin pa'i gnas skabs la bltos nas gdul bya la 'jug ste/ nga 'di snyam du khyod la rnam par smin pa'i nges pa'i las kyis 'phangs pa yod pas thugs rjes btang snyoms su mdzad do zhes dgongs so/ /drang srong chen po gang? la dus min dang/ /snod min mi 'bab btang snyoms mi mdzad pa/ /de'i phyir rnam pa 'dis ni btang snyoms mdzad/ /dus dang snod dang phan par gzigs nas gsung/ /de nas rgyal pos blon po rnams la bos te smras pa/ rgyal po'i khab pa rnams la 'di rgyal po'i bu yin no zhes thob par gyis shig /de nas blon po rnams kyis rgyal po'i bu la 'os pa'i gos dang/ rgyan dang/ phreng ba dang/ byug pa dang/ gdugs dang/ rgyal mtshan dang/ bran la sogs pa rnam pa sna tshogs dang/ rgyal po la sogs pa'i glang po che la bskyon nas grong khyer du bos pa/ ya mtshan can dang/ thos pa dang bcas pa khyod rnams nyon cig /'di ni yul ba r a NA ser phyug po'i bu gang+gA len zhes bya bcom ldan 'das kyi bstan pa la rab tu byung bar 'dod pa na pha dang ma las snang ba ma thob nas bdag ci nas 'jig rten pha rol tu thob par 'gyur zhes de 'chi ba'i thabs gzhan rtogs nas rkun mar? bstan te gsang par bka' lung stsal ba 'di da ltar rigs gzhan gyis mi 'phrogs pa'i rtog mthu'i che ba'i bdag nyid sa chen po'i thig le gcig par rgyal bar bya ba las rnam par rgyal ba'i lha ma skyes dgra'i sras su skyes so zhes thos par bya ste/ dga' ba dang skyo ba yang dag par skyes pa mang po phyi nas 'brang zhing mdun du byas te/ rgyal pos gnad nas smyug ma'i nags tshal gang na ba der song ngo/ /de der sngon gyi dus su byas pa'i rgyus bar chad thams cad zad cing nye bar grol te/ thob par rigs pa rab tu byung ba phun sum tshogs pa thob bo/ /de rab tu byung ba phun sum tshogs pa thob nas yid la byed pa phung po dang khams rab tu rnam par dbye ba rtog pa'i rim gyis kun tu sbyong ba dang/ 'chid ba dang/ nye ba'i nyon mongs pa dang/ kun nas dkris pa thams cad bcad kyis lcags sgrog gis 'ching ba shes rab kyi ral gris yang dag par bcad nas 'jig rten thams cad kyi tsha ba'i chi bar mchod par bya ba 'bras bu'i mchog dgra bcom pa nyid mngon sum du byas so/ /'dir mdo las bsdus te brjod kyi/ rgyas par ni rtog pa rjod pa brgya'i sdom? gyi tshigs su bcad pa bcu pa'i brgyad pa las blta bar bya'o/ / //chod dpon gyi bu grags pa gzhon nu zhes bya ba la/ bcom ldan 'das pa ra NA se'i chu bo sgrib ming kyi 'gram na bzhugs so/ /de'i tshe ba ra NA se na grags pa mchog gi rigs kyi bu zhig yod de/ nyin par bud med kyi rol mos rtse zhing dga' la yongs su spyod pa lus chad cing lus ngal? te lus lci bar gyur pas gnyid log par gyur to/ /bud med de dag kyang lus chad cing lus ngal te lus lci bar gyur pas gnyid log par gyur to/ /grags pa mchog gi rigs kyi bus bud med de dag sgren? mor khu chu 'dzag pa skra grol ba lag pa dag yengs pa gzhan dang gzhan gyi brdol smras byed pa dag mthong nas/ btsun mo'i 'khor de dag la dur khrod kyi 'du shes byung bar gyur te/ de nas rigs kyi bu grags pa gzhon nu mal stan chen po las babs te/ brgya stong ri ba'i mchil lham gnyis gon nas btsun mo'i grong khyer gyi sgo khang gang na ba der nye bar song ste/ nye bar song nas/ kye grogs po dag bdag ni rab tu gtsos so/ /bdag ni nye bar gtsos so/ /zhes 'o dod? bos pa mi ma yin pa rnams kyi sgo phye nas sgra mi thos par byas so/ /de nas rigs kyi bu grags pa gzhon nu tshong dus kyi sgo gang na ba der nye bar song song ste nye bar song nas kye grogs po dag bdag ni rab tu gtsos so ba sha? ni? nye bar gtsos so zhes 'o dod bos pas de ni ma yin pa rnams kyis sgo phye ste sgra mi grag par byas so/ /de nas rigs kyi bu grags pa gzhon nu tshong dus kyi sgo gang na ba der nye bar song nas kye grogs po dag bdag ni rab tu gtsos so/ /bdag ni nye ba gtsos so zhes 'o dong bos pa de mi ma yin pa rnams kyis sgo phye ste sgra mi thos par byas so/ /de nas rigs kyi bu grags pa gzhon nu chu bo sgrib med kyi 'gram gang na la der nye bar song ngo/ /de'i tshe na bcom ldan 'das chu bo sgrib med kyi 'gram / p hyi rol bla gab med pa na 'chag cing 'chag nas bzhugs pas rigs kyi bu grags pa gzhon nu rgyang ring po nas 'ongs pa gzigs shing rigs kyi bu grags pa gzhin nus bcom ldan 'das chu bo sgrib med kyi phyi rol bla khab med pa na 'chag cing 'chag par mthong nas dge spyod bdag ni gtses so kye dge sbyong bdag ni rab tu gtses? so zhes 'o dod bos so/ /de nas bcom ldan 'das kyis rigs kyi bu grags pa gzhon nu la 'di skad ces bka' stsal to/ /kye gzhon nu tshur shog /'di na nye bar 'tshe ba med pa dang/ nye bar 'tshe ba med pa'i gnas yod do/ /de nas rigs kyi bu grags pa gzhon nu brgya stong ri ba'i mchil lham brur? dag chu bo sgrib med kyi ngos su bor nas chu bo brgal te bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas nas phyogs gcig tu 'dug go /de nas bcom ldan 'das rigs kyi bu grags pa gzhon nu dang gtsug lag khang gang na ba der nye bar gshegs te/ nye bar song nas gdan bshams pa la bzhugs so/ /de nas rigs kyi bu grags pa gzhon nu bcom ldan 'das kyi zhabs la spyi bos phyag byas te phyogs gcig tu 'dug go/ phyogs gcig tu 'dug nas rigs kyi bu grags pa gzhon nu bcom ldan 'das kyis chos dang ldan pa'i gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas gang sangs rgyas bcom ldan 'das kyi sngon gyi dus kyi rgyu chos kyi gtam 'di lta ste/ sbyin pa'i gtam dang/ tshul khrims kyi gtam dang/ mtho ris kyi gtam dang/ 'dod pa rnams ro chung zhing nyes dmigs mang ba dang/ kun nas nyon mongs pa dang/ rnam par byang ba dang/ thar pa dang/ dben pa dang/ bsnga? pa dang/ rnam par byang ba'i phyogs rgyas par yang dag par gsal bar mdzad do/ /gang gi tshe bcom ldan 'das kyis des dga' pa'i sems dang/ dge ba'i sems dang/ rab tu dga' ba'i sems dang/ sgrib pa dang bral ba'i sems dang/ 'khor ba las yang dag par 'da' ba'i chos bstan pa shes par nus shing rigs pa de'i tshe sangs rgyas bcom ldan 'das rnams 'khor ba las yang dag par 'das pa'i chos bstan pa 'di lta ste/ sdug bsngal ba dang/ kun 'byung ba dang/ 'gog pa dang/ lam ste/ 'phags pa'i bden pa bzhi po rgyas par rab tu gsal bar mdzad do/ /'di lta ste/ gos dri ma dang bral zhing yongs su dag pa btso blag mkhan gyi lag du gtad na yang dag par tshan 'dzin par 'gyur ba de bzhin du rigs kyi bu grags pa gzhon nu stan la 'dug bzhin du 'phags pa'i bden pa bzhi mngon par rtogs te/ 'di lta ste/ sdug bsngal ba dang/ kun 'byung ba dang/ 'gog pa dang/ lam mo/ /rigs kyi bu grags pa gzhon nu chos mthong ba dang/ chos thob pa dang/ chos rig pa dang/ chos rtogs pa dang/ chos la the tshom dang yid gnyis dang bral ba dang/ gzhan gyi rkyen gyis bkri bar bya ba ma yin pa ston pa gzhan gyis bstan pa'i dring mi 'jog pa/ chos la mi 'jigs pa thob nas stan las langs te/ bcom ldan 'das gang na ba der logs su thal mo sbyar te/ bcom ldan 'das la 'di skad ces gsol to/ /btsun ba bdag ni mngon par 'phags so/ /rab tu 'phags so/ /de nas bdag bcom ldan 'das la skyabs su mchi'o/ /chos dang dge 'dun la skyabs su mchi'o/ /dge bsnyen du gzung du gsel/ /de nas bzung ste ji srid 'tsho'i bar du srog dang bsngos te skyabs su 'gro zhing mngon par dang ngo/ de nas btsun mo'i 'khor gyi nang nas gzhan zhig gnyid sang de bltas pa na grags pa gzhon nu rang gis mal stan chen po la mi snang ba mthong nas khyim bdag rigs mchog gi khang pa gang na ba der nye bar song ste/ nye bar song nas khyim bdag rigs mchog la 'di skad ces kye? jo bo grags? pa gzhon nu rang gi mal stan chen po la mi snang ba mkhyen par mdzod cig ces smras so/ /de nas khyim bdag rigs mchog 'di snyam du ci grags pa gzhon nu rkun ma 'am g.yon can gyis nor gyi phyir phyi rol tu khyer bar ma gyur snyam du rig par byas nas/ pho nya rta ba bzhi brdzangs so/ /rang nyid lag na mar me thogs pa'i skyes bu dang lhan cig chu bo sgrib med gang na ba der nye bar song nas/ khyim bdag rigs mchog gis chu bo sgrib med kyi 'gram du brgya stong ri ba'i mchil lham zung cig bzhag pa mthong nas de yang 'di snyam du ci gzhon nu 'di rkun ma 'am g.yon can gyi nor gyi phyir phyi rol tu khyer bar ma gyur te/ 'di lta ste chu bo sgrib med kyi 'gram du brgya stong ri ba'i mchil lham gnyis bo bzhag pas so/ /gzhon nu 'jug dogs 'di nyid nas chu bo sgrib med brgal bar gyur te/ 'di lta ste/ chu bo sgrib med kyi 'gram du brgya stong ri ba'i mchil lham gnyis po 'di bzhag par byas so zhes rig par byas nas 'jug dogs de nyid nas chu bo sgrib med brgal te/ bcom ldan 'das gang na ba der nye bar song ngo/ /bcom ldan 'das kyis rgyang ring po nas khyim bdag rigs mchog 'ong ba gzigs nas 'di snyam du gzhon nu 'di stan 'di las 'dug bzhin du mi mthong bar 'byung ba de lta bu'i ngas rdzu 'phrul mngon par 'du bya ba mngon par 'du bya'o snyam du dgongs nas/ de nas bcom ldan 'das kyis grags pa gzhon nu stan de nyid la 'dug bzhin du khyim bdag rigs mchog gis mi mthong bar 'gyur ba de lta bu'i rdzu 'phrul mngon par 'du mdzad do/ /de nas khyim bdag rigs mchog bcom ldan 'das gang na ba der nye bar song ste/ nye bar song nas bcom ldan 'das la 'di skad ces gsol to/ /bcom ldan 'das grags pa gzhon nu gang du song ba gzegs lags sam/ khyim bdag 'dug cig dang/ stan 'di nyid la 'dug bzhin du grags pa gzhon nu mthong bar 'gyur ba'i gnas de yod do/ /de nas khyim bdag rigs mchog 'di snyam du gal te/ bcom ldan 'das kyis gzhon nu mthong bar 'gyur ram snyam mo// bcom ldan 'das kyis bka' stsal pa/ khyim bdag des na gang gi tshe stan 'di nyid la 'dug bzhin du grags pa gzhon nu mthong bar gyur pa'i gnas de yod do/ /de de ltar rigs nas dga' ba dang/ yid bde ba dang/ rab tu dga' ba dang/ yid bde ba skyes te bcom ldan 'das kyi zhabs la spyi bos phyag byas nas phyogs gcig tu 'dug go / phyogs gcig tu 'dug nas khyim bdag rigs mchog bcom ldan 'das kyi chos dang ldan pa'i gtam gyis yang dag par zhes snga ma bzhin no/ /chos kyi rnam grangs 'di bshad pa na khyim bdag rigs mchog chos? rnams la chos kyi mig rdul med cing dri ma dang bral ba rnam par dag pa skyes so/ /grags pa gzhon nu rgyan thams cad kyis brgyan bzhin du nye bar len pa med par zag pa las sems rnam par grol lo/ /de nas bcom ldan 'das kyis rdzu 'phrul? mngon par 'du bya ba de slar brtul te/ tshigs su bcad ba 'di skad ces dka' stsal to/ /brgyan par byas kyang chos spyod cing/ /dul bsdams tshangs par spyod gyur cing/ /sems can kun la dbyug pa spangs/ /bram ze dge sbyong dge slong ste/ /de'i tshe dgra bcom pa drug yod la bdun pa ni bcom ldan 'das yin no/ /khyim bdag rigs mchog gi grags pa gzhon nu stan de nyid la 'dug pa mthong ste/ grags pa gzhon nu la 'di skad ces smras so/ /gzhon nu ma lus dal ba dang/ lus chad pa dang smre sngags 'don par 'gyur gyis khyim du 'dong? ngo?/ /de nas bcom ldan 'das kyis khyim bdag rigs mchog la 'di skad ces bka' stsal to/ /khyim bdag ji snyam du sems/ gang gis mi slob pa'i ye shes dang mi slob pa'i mthong bas 'phags pa'i bden pa bzhi po mngon par rtogs kyang khyim gyi gnas su 'dug cing yongs su bsags pa'i 'dod pa la longs spyod dam/ btsun pa ma lags so/ /ji ltar khyim bdag khyod slob pa'i ye shes dang/ slob pa'i mthong bas 'phags pa'i bden pa bzhi mngon par rtogs pa de bzhin du grags pa gzhon nu mi slob pa'i ye shes dang mi slob pa'i mthong bas 'phags pa'i bden pa bzhi mngon par rtogs so/ /btsun pa grags pa gzhon nu thob par legs par thob ste/ mi slob pa'i ye shes dang/ mi slob pa'i mthong bas 'phags pa'i bden pa bzhi mngon par rtogs lags so/ /bcom ldan 'das grags pa gzhon nu phyi bzhin 'brang ba'i dge slong dang rigs mchog gi khyim gan? ba der gshegs pa thugs brtse bar mdzad du gsol/ /bcom ldan 'das khyim bdag rigs mchog la cad? mi gsung par snang ngo/ /de nas khyim bdag rigs mchog bcom ldan 'das kyis cad mi gsung par rig nas/ bcom ldan 'das kyi zhabs la spyi bos phyag byas te song ngo/ /de nas bcom ldan 'das nyin zhag de nyid kyi snga dro chos gos dang lhung bzed thogs te phyi bzhin 'brang bzhin dge slong grags pa gzhon nu dang khyim bdag rigs mchog gi khyim ga la ba der gshegs so// de'i dus na tshe dang ldan pa grags pa'i btsun mo chen po dang gnyis pa mdun na gnas ma zhes bya ba lam gyi bar na bcom ldan 'das nam gshegs zhes sems shing 'dug go / tshe dang ldan pa grags pa'i btsun mo chen mo dang/ mdun gnas ma gnyis kyis bcom ldan 'das rgyang ring po nas gshegs pa mthong ste/ mthong nas bcom ldan 'das kyi gdan bshams te/ 'di ltar bcom ldan 'das bde bar gshegs sam/ bcom ldan 'das gdan bshams pa 'di la bzhugs su gsol zhes zhus te/ bcom ldan 'das gdan bshams pa la bzhugs so/ /de nas tshe dang ldan pa grags pa'i btsun mo chen mo dang mdun gnas ma gnyis kyi zhabs la spyi bos phyab byas te phyogs gcig tu 'dug go /phyogs gcig tu 'dug nas tshe dang ldan pa grags pa'i btsun mo gnyis po chen mo dang mdun gnas ma gnyis la chos dang ldan pa'i gtam gyis zhes bya ba nas/ rgyas par ji srid du 'phags pa'i bden pa bzhi mngon par rtogs te/ snga ma bzhin du skyabs su song zhing sems mngon par dang ba'i bar du'o/ /de nas tshe dang ldan pa grags pa'i btsun mo chen mo dang mdun gnas ma gnyis kyis bcom ldan 'das la 'di skad ces gsol to/ /de nas btsun pa 'dir zas kyi bya ba mdzod cig/ de nas bcom ldan 'das kyis tshe dang ldan pa grags pa'i btsun mo gnyis po chen mo dang? mdun gnas ma gnyis la cad? mig? sung bar gnang ngo// de nas tshe dang ldan pa grags pa'i btsun ma gnyis po chen mo dang mdun gnas ma gnyis kyis bcom ldan 'das dang tshe dang ldan pa grags pa gnyis bde bar zhugs par rig nas/ gtsang zhing gya nom pa'i bza' ba dang bca' ba rang gi lag nas brims zhing tshim par byas te/ bcom ldan 'das gtsang zhing gya nom pa'i bza' ba dang bca' ba rang gi lag nas tshim par brims pa rig cing/ lhung bzed rgyu ba dang/ stan dma' ba zhig blangs te bcom ldan 'das kyi drung du chos nyan pa'i phyir 'dug go /de nas bcom ldan 'das kyis tshe dang ldan pa grags pa'i btsun mo chen mo dang/ mdun gnas ma gnyis chos dang ldan pa'i gtam gyis yang dag par bstan/ yang dag par 'dzin du bcul? yang dag par gzed bstong/ yang dag par dga' bar mdzad nas gdan las bzhengs te gshegs so// mi ma yin pa rnams kyis sgo phye zhing sgra mi thos par byas te/ 'di 'ga' zhig gis kyang bsad par ma nus te/ skye ba tha ma pa yin pa'i phyir ro/ /'tsho byed kyang mas sgrom du bcug ste rgyal po'i sgor bskyur ba las bden par mthong bar rig par ma shi zhes gtam rgyud rgyas par 'dul ba las gos kyi gzhir blta bar bya'o/ /sogs pa'i sgras b+ha ba lob ta ka la sogs pa srid pa tha ma pa bden pa mthong bar rigs pa dag las g.yang sar bskyur ba yang ma shi bar dper byas pa ste/ de nyid kyi phyir ji skad bshad pa thams cad bsdu ba'i don du srid pa tha ma pa'i byang chub sems dpa' rnams dang zhes smos so/ /byang chub sems dpa' i yum de lhums na gnas pa zhes bya ba la sogs pa ni byang chub sems dpa' i mthu dang lha'i mthus rmad du byung ba'i sems mi mngal du zhugs pa la ji skad du/ ma ni bde zhing sems la sdig bral dang/ /skyes pa gzhan la 'dod pa med par 'gyur/ /khyim gyi phyogs bzhir lag na mtshon thogs pa'i/ /lha rnams bsrung ba'i don du khyab cing gnas zhes bya'o/ /yang ci'i phyir mdo las btsun pa zhes bya ba ni lus thob ba ni rnam pa bzhi ste zhes bya ba la sogs pa sngar gyi skabs su bris zin to/ /bde ba skye ba zhes bya ba la sogs pa la gleng bzhi ni mnyan du yod pa na'o/ /bde ba skye ba na rnam pa gsum ste/ 'di dag gi lus dben pa las skyes pa'i dga' ba dang bde bas mngon par tshim zhing yongs su tshim zhing yongs su dga' zhing yongs su khyab ste gnas so/ /de dag gi lus la rnam pa thams cad du mi gsal ba dang ma khyab pa cung zad kyang med de/ dben ba las skyes pa'i dga' ba dang/ bde ba dang/ yid bde ba ldan zhing tshe ring zhing dus ring mo zhig tu gnas pa'i sems can de dag yod de/ 'di lta ste/ tshangs ris kyi lha rnams te/ 'di ni bde ba skye ba dang po yin no/ /'di dag gi lus ting nge 'dzin las skyes pa'i dga' ba dang bde ba mngon par tshim zhing yongs su tshim la yongs su dga' bas yongs su khyab ste gnas so/ /de dag gi lus la rnam pa thams cad du mi gsal ba dang ma khyab ba cung zad kyang med de/ ting nge 'dzin las skyes pa'i dga' ba dang/ bde ba dang yid bde ba dang ldan zhing tshe ring zhing dus ring mo zhig tu gnas pa'i sems can de dag yod de/ 'di lta ste 'od gsal gyi lha rnams te/ 'di ni bde ba skye ba gnyis pa yin no// 'di dag gi lus dga' ba med pa'i bde bas mngon par tshim zhing yongs su tshim la/ yongs su dga' bas yongs su khyab ste gnas so/ /de dag gi lus la rnam pa thams cad du mi gsal ba dang ma khyab pa cung zad kyang med de/ dga' ba med pa'i bde ba ldan zhing tshe ring zhing dus ring mo zhig tu gnas pa'i sems can de dag yod de/ 'di lta ste dge rgyas kyi lha rnams te/ 'di ni bde ba skye ba gsum pa yin no zhes bka' stsal to/ /sems can lus tha dad pa dag kyang yang de zhes bya ba la sogs pa ni rnam pa shes pa gnas pa bdun du blta par bya zhing/ bcu las 'phros pa las 'don pa lta bu dang/ 'di nyid du mdzod kyi gnas dang por de bzhin gzhan yang ci rigs par zhes bya bar skye mched gnyis po zhes bya ba'i skabs su bstan pa bzhin no/ /mdo las gsum po 'di dag gi 'dus byas kyi mtshan nyid yin no zhes gsungs pa ma yin nam zhes bya ba la/ gleng gzhi ni mnyan du yod pa na'o/ /dge slong dag gsum po 'di dag ni 'dus byas 'dus byas su mtshon par byed pa ste/ gsum gang zhe na/ 'dus byas skye bar yang mngon no/ /'jigs pa dang gnas ba las gzhan du 'gyur bar yang mngon no/ /'dus ma byas ni skye bar mi mngon zhing 'jig pa dang gnas pa gzhan du 'gyur bar mi mngon no zhes bka' stsal to// //dper na skye ba'i 'byung ba zhes bya ba dang/ mi rtag pa nyid kyis 'jig pa zhes bya ba la/ ji skad du 'du byed thams cad mi rtag ste/ /skye zhing 'jig pa'i chos can yin/ /skyes nas 'jig par 'gyur bas na/ de dag nye bar zhi ba bde zhes 'byung ngo/ /de lta yin pas rigs kyi bu dpa' bo'i tshor ba ni rig bzhin du zhes bya ba la/ gleng gzhi ni mnyan du yod pa na'o/ /dge slong dag stobs dang ldan zhes bya ba ni/ rigs kyi bu dga' bo la yang dag par smra bas smra'i/ dge slong dag mdzes pa dang 'dod chags shas che ba zhes bya ba ni tshe dang ldan pa dga' bo la yang dag par smra bas smra'i/ gzhan la ni ma yin no/ /dge slong dag rigs kyi bu dga' bo dbang po'i sgo yongs su bsdams shing gnas pa dang/ zas kyi tshod shes pa dang/ nam gyi cha stong dang cha smad la mi nyal bar sbyor la brtson par gnas pa dang/ dran pa dang shes bzhin mchog dang ldan pas ji srid 'tsho'i bar du tshangs par spyod pa yongs su dag pa dang yongs su rdzogs pa spyad par nus so/ /dge slong dag de la rigs kyi bu dga' bo'i dbang po rnams kyis yongs su sgo bsdams pa gang zhe na/ dge slong dag rigs kyi bu dga' po mig gis gzugs rnams mthong nas mtshan mar mi 'dzin la/ mngon rtags su mi 'dzin cing mig gis dbang po lhag par sdom pas gdams shing gnas te/ 'jig rten gyi chags sems dang yid mi bde ba sdig pa mi dge ba'i chos rnams la sems zab pa dang bral zhing de dag la 'bad pa dang/ sdom zhing srung ste/ mig gi dbang po la mig gi dbang po bsdams te gnas so/ /rna bas sgra dang/ snas dri dang/ lces ro dang/ lus kyis reg bya dang/ yid kyis chos rnams rnam par shes nas mtshan mar mi 'dzin cing mngon rtags su mi 'dzin la zhes bya ba nas snga ma bzhin du sdom zhing srung ste/ yid kyi dbang pos yid kyi dbang po bsdams te gnas pa'i bar du ste/ dge slong dag 'di ni rigs kyi bu dga' bo'i dbang po'i sgo bsdams pa zhes bya'o/ /dge slong dag de la rigs kyi bu dga' bo'i zas kyi tshod shes pa gang zhe na/ dge slong dag rigs kyi bu dga' bo shes bzhin du zas za ste/ rtse ba'i phyir ma yin/ rgyags pa'i phyir ma yin/ 'tshig gi phyir ma yin/ rnam par brgyan pa'i phyir ma yin gyi/ ji srid du lus gnas shing rten pa dang/ bkres pa bzlog pa dang/ tshangs par spyod pa/ rjes su bzung ba'i phyir ro/ /tshor ba snga ma bzlog cing tshor ba/ gsang pa bskyed par bya ba'i phyir dang/ gang las stobs dang bde ba la reg pas gnas par bya ba'i phyir te/ 'di lta ste/ shing rta mkhan gyi skyes bu shing rta'i mig tu mar ram til mar skud par byed pa na rtse ba'i don du ma yin/ rgyags pa'i don du ma yin/ 'tshig gi don du ma yin/ rnam par brgyan pa'i don du ma yin gyi/ ji srid du khur theg par bya ba'i don du'o/ /skyes bu sman can rma la mar ram til mar skud par byed pa na/ rtse ba'i don du ma yin/ 'tshig gi don du ma yin/ rnam par brgyan pa'i don du ma yin gyi/ ji srid du rma las thar bar bya ba'i don du'o/ /dge slong dag de bzhin du rigs kyi bu dga' bo shes bzhin du zas za bar byed ces bya ba nas/ snga ma bzhin du bde ba la reg par gnas pa'i phyir zhes bya ba'i bar du ste/ dge slong dag rigs kyi bu dga' bo'i zas kyi tshong? shes pa zhes bya'o/ /dge slong dag de la rigs kyi bu dga' bo'i nam gyi cha stong dang cha smad la mi nyal ba'i sbyor ba la brtson par gnas pa gang zhe na/ dge slong dag rigs kyi bu dga' abo nyin mo rgyu ba dang gnas pa dag la chos rnams la sems sgrib pa med cing yongs su dag go/ de mtshan mo'i thun dang po la rgyu ba dang gnas ba dag las chos rnams la sems sgrib pa med cing yongs su dag nas mtshan mo'i thun bar pa la gtsug lag khang gi phyi rol du rkang pa bkrus nas glo g.yas pa phab ste/ rkang pas rkang pa mnan nas/ dran pa dang shes bzhin gyis smad ba'i 'du shes dang ldan pa'i 'du shes yid la byed cing nyal bar byed do/ /de mtshan mo'i thun tha ma la myur ba myur bar langs nas rgyu ba gnas pa dag la chos rnams la sems sgrib pa med cing yongs su dag go /dge slong dag 'di ni rigs kyi bu dga' bo'i nam gyi cha stong dang cha smad la mi nyal bar sbyor ba la brtson pa zhes bya'o/ /dge slong dag de rigs kyi bu dga' bo'i dran pa dang shes bzhin mchog gang zhe na/ dge slong dag de rigs kyi bu dga' bo'i shar phyogs su blta ba na sems thams cad dang ldan pas blta bar byed do/ /de gal te lho dang nub dang byang phyogs su blta ba na yang sems thams cad dang ldan pas blta bar byed do/ /de ltar blta bas na 'jig rten gyi chags sems dang yid mi bde ba sdig pa mi dge ba dag las sems zag pa dang bral bar 'gyur ro/ /dge slong dag rigs kyi bu dga' bo'i tshor ba ni rig bzhin du skye'o/ /rig bzhin du gnas so/ /rig bzhin du nub pa dang yongs su zad pa dang yongs su gtugs par 'gyur ba de yang dran bzhin du yin gyis ma dran par du ni ma yin no/ /'du shes dang spyod pa yin bzhin du skye ba dang/ rig bzhin du gnas pa dang/ rig bzhin du nub pa dang/ yongs su zad pa dang/ yongs su 'jug par 'gyur te/ de yang dran bzhin du yin gyi/ ma dran par ni ma yin no/ /dge slong dag 'di ni rigs kyi bu dga' bo'i dran pa dang shes bzhin mchog ces bya'o/ dge slong dag de lta bas na 'di ltar bslab par bya ste/ 'di lta ste rigs kyi bu dga' bo ltar dbang po'i sgo rnams yongs su bsdams te gnas pa dang/ 'di lta ste/ rigs kyi bu dga' bo zas kyi tshod shes pa dang/ 'di lta ste rigs kyi bu dga' bo bzhin du nam gyi cha stod dang cha smad la mi nyal ba'i sbyor ba la brtson pas gnas pa dang/ rigs kyi bu dga' bo bzhin du dran pa dang shes bzhin mchog dang ldan par dge slong dang dga' bo la gdams ngag 'dis dga' bo bzhin du blta bar bya'o/ /de nas dge slong ma gzhan zhig gis tshigs su bcad pa 'di skad ces smras so/ /dbang po bsdams shing so sor dran ldan dang? de bzhin zas tshong mnyam por rig pa dang/ /sems kyi rgyu mtshan de 'drar rig pa dag /tshe dang ldan pa dga' bor bcom ldan gsung zhes smras so// //tshigs bcad ming la brten pa ste zhes bya ba la gleng gzhi'i mnyan du yod pha na'o/ /de nas lha gzhan zhig kha dog mngon par 'phags shing rab tu 'phags pa dang mtshan mo bcom ldan 'das gang na ba der nye bar 'ongs te/ nye bar 'ongs nas bcom ldan 'das kyi zhabs la spyi bos phyag byas nas phyogs gcig tu 'dug go /da dung yang lha'i kha dog gis dze ta'i tshal thams cad du snang ba rgya chen pos khyab par gyur cing phyogs gcig tu 'dug nas de'i tshe lha des? tshigs su bcad ba 'di skad ces smras so/ /tshigs bcad rgyu ni ci zhig yin/ /de yi bkod pa gang zhig yin/ /tshigs su bcad pa gang la brten/ /tshigs bcad gzhi ni ci zhig yin/ /bcom ldan 'das kyis bka' stsal ba tshigs bcad rgyu ni 'dod pa ste/ /de yi bkod pa yi ge yin/ /tshigs bcad ming la brten pa ste/ /tshigs bcad gzhi ni snyan ngag mkhan/ /de nas lha de bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs la spyi bos phyag byas te de nyid du mi snab bar gyur to/ / //zag pa gang dag gi skye ba zhes bya ba la sogs pa la bcom ldan 'das ko tu pa na ko tu pa'i kal ma shad dam mya na bzhugs te/ de nas bcom ldan 'das kyis dge slong rnams la bos te/ dge slong dag shes pa dang mthong pas zag pa zad par nga smra'i/ mi shes pa dang mi mthong bas ni ma yin no/ /dge slong dag 'di ltar ci zhig shes pa dang mthong bas zag pa zad par nga smra'i?/ mi shes pas mi mthong bas ni ma yin zhe na/ 'di lta ste tshul bzhin du ma yin pa yid la byed pa dang/ tshul bzhin yid la byed pa'o/ /dge slong dag tshul bzhin ma yin pa yid la byed na 'dod pa'i zag pa ma skyes pa skye bar 'gyur zhing skyes nas 'phel zhing rgyas par 'gyur la/ srid pa'i zag pa dang ma rig pa'i zag pa ma skyes pa skye bar 'gyur zhing skyes pa 'phel bar 'gyur zhing rgyas par 'gyur ro/ /dge slong dag tshul bzhin yid la byed pas 'dod pa'i zag pa ma skyes pa mi skye cing skyes pa spong bar 'gyur ro/ /srid ba'i zag ba dang ma rig pa'i zag pa ma skyes pa mi skye zhing skyes pa spong bar 'gyur ro/ /dge slong dag byis pa so so'i skye bo thos pa dang mi ldan pa skyes bu dam pa ma mthong zhing 'phags pa'i chos la mi mkhas shing 'phags pa'i chos kyis ma dul de 'di ltar yang dag pa ji lta ba bzhin rab tu mi shes te/ bdag gi chos so zhes tshul bzhin ma yin pa'i yid la byed pas 'dod pa'i zag pa ma skyes pa skye bar 'gyur zhing/ skyes pa 'phel zhing rgyas par 'gyur ro/ /srid pa'i zag pa dang ma rig pa'i zag pa ma skyes pa skye bar 'gyur zhing skyes pa 'phel zhing rgyas par 'gyur ro/ /'di ltar yang bdag gis chos la tshul bzhin yid la byed pas 'dod pa'i zag pa ma skyes pa skyed cing skyes pa spong bar 'gyur ro/ /srid pa'i zag pa dang ma rig pa'i zag pa ma skyes pa mi skyed cing skyes pa spong bar 'gyur ro/ /zhes 'di ltar yang dag pa ji lta ba bzhin rab tu mi shes pas chos gang dag yid la bya ba ma yin pa'i chos de dag yid la byed cing/ chos gang dag yid la bya ba'i chos de dag yid la mi byed de/ /de chos gang dag yid la bya ba ma yin pa'i chos de dag yid la byed cing/ chos gang dag yid la mi byed pas ni 'di ltar 'dod pa'i zag pa ma skyes pa skye bar 'gyur zhing skyes pa 'phel bar rgyas par 'gyur ro/ /srid pa'i zag pa dang ma rig pa'i zag pa ma skyes pa skye bar 'gyur zhing skyes pa 'phel ba dang rgyas par 'gyur ro/ /'di ltar yang bdag gis chos la yid la byed pas 'dod pa'i zag pa ma bskyed pa mi bskyed cing skyes pa spong bar 'gyur ro/ /srid pa'i zag pa dang ma rig pa'i zag pa ma skyes pa mi bskyed cing skyes pa spong bar 'gyur ro zhes de 'di ltar yang dag pa ji lta ba bzhin rab tu shes pas chos gang dag yid la bya ba mi byed cing/ chos gang dag yid la bya ba'i chos de dag yid la byed do/ /de chos gang dag yid la bya ba ma yin pa'i chos de dag yid la mi byed cing/ chos gang dag yid la bya ba'i chos de dag yid la byed pas 'di ltar 'dod pa'i zag pa ma skyes pa mi bskyed cing skyes pa spong bar 'gyur ro/ /srid pa'i zag pa dang ma rig pa'i zag pa ma skyes pa mi bskyed cing skyes pa spong bar 'gyur ro/ /dge slong dag zag pa dang bcas pa gegs su gyur pa'i yongs su gdung ba nye bar 'khrug pa de ni rnam pa bdun te/ bdun gang zhe na/ zag pa dang bcas pa mthong bas spong bar bya ba yang yod/ zag pa dang bcas pa bsdams pa spang bar bya ba yang yod/ zag pa dang bcas pa spangs pas spang par bya ba yang yod/ zag pa dang bcas pa bsten pas spang par bya ba yang yod/ zag pa dang bcas pa dul bas spang bar bya ba yang yod/ zag pa dang bcas pa bzod pas spang bar bya ba yang yod/ zag pa dang bcas pa bsgoms pas spang bar bya ba yang yod do/ /zag pa dang bcas pa mthong bas spang bar bya ba gang zhe na/ dge slong dag byis pa so so'i skye bo thos pa dang mi ldan pa dag skyes bu dam pa ma mthong zhing 'phags pa'i chos la mi mkhas pa 'phags pa'i chos kyis mi dul ba de 'di ltar tshul bzhin ma yin pa yid la byed do/ /bdag 'das pa'i dus ma? byung bar gyur tam/ 'on te bdag 'das pa'i dus na byung bar ma gyur/ bdag 'das pa'i dus na ci 'dra bar byung bdag 'das pa'i dus na ji ltar byung bar gyur zhes bya ba dang/ phyi ma'i mthil rjes su 'brang bar 'gyur te/ bdag ma 'ongs pa'i dus na 'byung bar 'gyur ram/ 'on te ma 'ongs pa'i dus na 'byung bar mi 'gyur/ ma 'ongs pa'i dus na ci 'dra bar 'byung bar 'gyur ma 'ongs pa sdom pas bsdams pas zhes bya'o/ /zag pa dang bcas pa spangs pas spang par bya ba gang zhe na/ dge slong dag 'di la glang po che/ smyon pa thag ring du yongs su spang bar bya zhing/ khyi smyon pa dang/ ba brdung ba dang/ rta rgod dang/ gnas mi shes pa dang/ ngam grog dang/ mtsho dang/ g.yangs dang/ shing rta dang/ ljan ljin sdig pa can dang/ tha chad dang/ sdig pa can gyi grogs po dang/ sdig pa can gyi mal cha dang/ stan dang/ mal cha dang stan 'di lta bu la yongs su zhen pa mkhas pa tshangs par spyod pas mi srid pa srid par 'gyur ba dang/ brtag par bya ba ma yin pa rtog par byad ba de lta bu'i mal cha dang stan ring du yongs su spang par bya ste/ spangs na zag pa dang/ gegs dang/ yongs su gdung ba dang/ 'khrug pa skye bar yongs su spang par bya ste/ 'di ltar zag pa dang/ gegs dang yongs su gdung pa dang/ 'khrug pa mi skye pa 'di ni spangs pas spang par bya ba zhes bya'o/ /zag pa dang bcas pa bstan pas spang bar bya ba gang zhe na/ 'di la dge slong so sor brtag nas chos gos gon par byed kyi rtse ba'i phyir ma yin/ rgyags pa'i phyir ma yin/ 'tshag gi phyir ma yin/ brgyan pa'i phyir ma yin gyi/ ji srid du sbrang bu dang/ sha sbrang dang/ rlung dang tsha ba dang/ sdig sprul gyi rag pa gzhom par bya ba'i phyir dang/ ngo tsha ba dang gsang ba'i gnas dgab par bya ba'i phyir gon par byed do/ /so sor brtag nas bsod snyoms bsten par byed kyi rtse ba'i phyir ma yin/ rgyags pa'i phyir ma yin/ 'tshag gi phyir ma yin/ brgyan pa'i phyir ma yin gyi ji srid du lus 'di gnas pa dang mi bskom pa dang/ bkres pa bsal ba dang/ tshangs par spyod pa rjes su gzung ba dang/ tshor ba rnying ba rnams bsal shing tshor ba gsang ba bskyed par bya ba'i phyir dang/ 'tsho bar 'gyur ba dang/ stobs dang/ bde ba la reg par gnas par bya ba'i don du'o/ /so sor brtags te mal cha dang stan la nyal par byed de/ rtse ba'i phyir ma yin/ rgyags pa'i phyir ma yin/ 'tshag gi phyir ma yin/ brgyan pa'i phyir ma yin gyi/ ci srid du tha mal ba'i yongs su 'jig pa rnams gzhom pa dang/ ma nyams par bzhag pa'i phyir ro/ /de so sor brtags te na ba'i gsos sman bstan par byed de/ rtse ba'i phyir ma yin/ rnam par brgyan pa'i phyir ma yin gyi/ ji srid du lus kyi tshor ba sdug bsngal ba drag pa rtsub pa gnad gcod pa yid du mi 'ong srog 'phrog par byed pa bsal zhing dga' ba dang ldan par bya ba'i don du'o/ /gang zhig so sor ma brten pa zag pa dang bcas pa gegs? yongs su gdung ba dang nye bar 'khrug pa mi skye ba 'di ni so sor brtan pas spang bar bya ba zhes bya'o/ /zag pa dang bcas pa dul bas spang par bya ba gang zhe na/ 'di la dge slong 'dod pa'i rnam par rtog pa skyes pa mi bzod cing spong zhing srid la thag ring du byed pa dang/ gnod sems kyi rnam par rtog pa dang/ rnam par 'tshe ba'i rnam par rtog pa skyes pa ni bzod cing spong ba srid pa dang thag ring du byed cing 'dul ba/ zag pa dang/ bgegs dang/ yongs su gdung ba dang/ nye bar 'khrug pa skyes pa 'dul bar byed cing 'di ltar mi skye bar byed la/ zag pa dang/ gags dang/ yongs su gdung ba dang/ nye bar 'khrug pa 'dul bar byed pas sdom pa zhes bya'o/ /zag pa dang bcas pa bzod pas spang bar bya ba gang zhe na/ 'di la dge slong dge ba'i chos rnams la brtson 'grus brtsams shing gnas te/ stobs dang ldan pa'i brtson 'grus dang/ spro ba dang/ brtan pa dang/ pha rol gnan pa khur mi 'dor ba gang gi pags pa dang/ rtsa rgyus dang/ rus pa tsam zhig lus shing lus kyi sha dang/ khrag skam kyang dge ba'i chos rnams la brtson 'grus dang/ spro ba dang/ brtan pa dang/ pha rol gnon pa dang khur mi 'dor ba gang gis thob par bya ba ma thob pa de srid du brtson 'grus brtsom par 'gyur te/ de 'di snyam du brtson 'grus brtsams shing gnas nas lus dal ba skyes sam/ sems dal lam/ lus dang sems la rims nad byung ngam/ lus dang sems yongs su gdung ba 'am/ lus dang sems yongs su 'khrug pa skyes kyang tshe dang ldan pa de de'i rgyus brtson pa yongs su mi 'dor ro/ /tshe dang ldan pa de bkres pa dang skom pa dang/ sbrang bu dang/ sha sbrang dang/ rlung dang/ tsha ba dang/ sdig sprul gyis reg pa dang/ gzhan gyis shes par smras pa dang/ nyes par brjod pa'i tshig gis lam rnams bzod cing/ lus kyi tshor ba sdug bsngal pa drag pa rtsub pa gnad gcod pa yid du mi 'ong ba srog 'phrog par byed pa skyes shing skyes pa bzod par 'gyur zhing bzod pa bskyed do/ /gang zhig mi bzod na zag pa dang bcas pa gegs yongs su gdung ba nye bar 'khrug pa skye bar 'gyur ba de 'di ltar bzod na zag pa dang bcas pa gegs yongs su gdung ba nye bar 'khrug pa skye bar mi 'gyur ba 'di ni zag pa dang bcas pa bzod pas spang bar bya ba zhes bya'o/ /zag pa dang bcas pa bsgom pas spang par bya ba gang zhe na/ 'di la dge slong nye bar len pa dang bcas pa'i phung po lnga rnams la skye ba dang 'jig pa'i chos can du rdzas su blta zhing gnas te/ 'di lta ste/ 'di ni gzugs so/ /'di ni gzugs kun 'byung ba'o/ /'di ni gzugs 'gog pa'o/ /'di ni tshor ba dang/ 'du shes dang/ 'du byed dang/ rnam par shes pa'o/ /'di ni rnam par shes pa kun 'byung ba'o/ /'di ni rnam par shes pa 'gog pa'o zhes de nye bar len pa dang bcas pa'i phung po lnga po 'di nyid la skye ba 'jig pa'i chos can du rjes su blta zhing gnas te/ dran pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong ba yongs su bsgyur ba sgom par byed do/ /chos rab tu rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms byang chub kyi yan lag dben pa la gnas pa 'dod chags dang bral ba la gnas pa 'gog pa la gnas pa rnam par spong ba yongs su bsgyur ba bsgom par byed de/ gang zhig ma bsgom na skye bar 'gyur ba'i zag pa dang/ gegs dang yongs su gdung ba dang nye bar 'khrug pa de dag 'di ltar bsgom pas zag pa dang gegs yongs su gdung ba dang 'khrug pa skye bar mi 'gyur te/ 'di ni zag pa dang bcas pa bsgom pas spang bar bya ba zhes bya'o/ /de ltar na dge slong zag pa dang bcas pa gang dag mthong bas spang par bya ba de dag mthong bas spong bar 'gyur ro/ /zag pa dang bcas pa gang dag bsdams pas spang bar bya ba de dag bsdams pas spong bar 'gyur ro/ /zag pa dang bcas pa gang dag yongs su spangs pas spang bar bya ba de dag yongs su spangs pas spang ngo/ /zag pa dang bcas pa gang dag so sor brten pas spang bar bya ba de dag so sor brtan pas spong ngo/ /zag pa dang bcas pa gang dag dul bas spang bar bya ba de dag dul bas spong bar byed par 'gyur ro/ /zag pa dang bcas pa gang dag bzod pas spang bar bya ba de dag bzod pas spong bar byed de/ zag pa dang bcas pa gang dag bsgom pas spang bar bya ba de dag bsgom pa yongs su spong bar 'gyur ba 'di ni dge slong zag pa thams cad las sems rab tu bsdams pa zhes brjod de/ srid pa chad pa/ kun tu sbyor ba spangs pa/ yang dag pa'i ye shes kyis sdug bsngal mthar byed par 'gyur ro zhes bka' stsal to/ /de ltar na rab tu byed pa'i gzhung zhes bya ba la sogs pa la/ rab tu byed pa las dri ba stong 'byung pa las 'phags pa'i bden pa rnam par dbye ba'i mdo'i 'phags pa'i bden ba bzhi'i dri pa dang lan las ji skad du 'jig tshogs la lta ba'i rgyu can yin la 'jig tshogs la lta ba'i rgyu ma yin pa ni du 'jig tshogs lta ba'i rgyu yin la/ 'jig tshogs la lta ba'i rgyu can ma yin pa ni du/ 'jig tshogs la lta ba rgyu can yang yin la 'jig tshogs la lta ba'i rgyu yang yin pa ni du/ 'jig tshogs la lta ba'i rgyu can yang ma yin la 'jig tshogs la lta ba'i rgyu yang ma yin pa ni du zhe na zhes dri ba bkod nas lan gtab la/ gnyis ni 'jig tshogs la lta ba'i rgyu can yang ma yin la/ 'jig tshogs la lta ba'i rgyu yang ma yin no/ /gnyis la ni bye brag yod de sdug bsngal gyi bden pa dang/ kun 'byung ba ni 'jig tshogs la lta ba'i rgyu can yang yin la 'jig tshogs la lta ba'i rgyu ma yin te/ 'jig tshogs la lta ba'i rgyu can yang yan la 'jig tshogs la lta ba'i rgyu yang yin pas dang/ 'gog pa dang lam gyi bden pa ni 'jigs tshogs la lta ba'i rgyu can yang ma yin 'jig tshogs la lta ba'i rgyu yang ma yin pas so/ /de la 'jig tshogs la lta ba'i rgyu can yin la 'jig tshogs la lta ba'i rgyu ma yin pa ni 'das pa dang da ltar byung ba'i sdug bsngal mthong bas spang bar bya ba'i phra rgyas rnams dang/ de dag dang mtshungs par ldan pa'i sdug bsngal gyi bden pa ma gtags pa dang/ 'jig tshogs la lta ba dang/ de dang mtshungs par ldan pa'i chos rnams kyi skye ba dang rba kha dang/ gnas pa dang/ mi rtag pa ma gtogs pa de las gzhan pa sdug bsngal gyi bden pa nyon mongs pa can gang yin pa 'di ni 'jig tshogs la lta ba'i rgyu can yin la 'jig tshogs la lta ba'i rgyu ma yin pa zhes bya'o/ /'jig tshogs la lta ba'i rgyu yang yin la 'jig tshogs lta ba'i rgyu can yang yin pa ni gar dag ma gtogs pa rnams so/ /'jig tshogs la lta ba'i rgyu can yang ma yin la/ 'jig tshogs la lta ba'i rgyu yang ma yin pa ni sdug bsngal gyi bden pa nyon mongs pa can ma yin pa ste/ 'di ltar sdug bsngal dang kun 'byung gi bden pa'o/ / //gzugs bskyed pa'i rgyu gang yin pa dang/ rkyen gang dag yin pa de dag kyang zhes bya ba la/ glong gzhi ni mnyan du yod pa na'o/ /dge slong dag gzugs bskyed pa'i rgyu gang yin pa dang/ rkyen gang yin pa de dag kyang mi rtag na/ rgyu dang rkyen mi rtag pa las brten nas byung ba'i gzugs la brtag par ga la 'gyur/ tshor ba dang 'du shes dang 'du byed dang rnam par shes pa bskyed pa'i rgyu gang yin pa dang/ rkyen gang yin pa de dag kyang mi rtag na rgyu dang rkyen mi rtag pa las brten de skyes pa'i rnam par shes pa lta rtag par ga la 'gyur/ dge slong dag gzugs mi rtag pa tshor ba dang/ 'du shes dang 'du byed dang rnam par shes pa ni mi rtag pa ste sdug bsngal ba/ gang sdug bsngal ba de bdag med pa/ gang bdag med pa de thams cad de'i med pa/ nga yid bya ba med pa/ bdag gi bdag tu bya ba med pa/ 'di lta ste yang dag pa'i shes rab kyi lta bar bya'o/ /dge slong dag de ltar mthong ba'i 'phags pa nyan thos thos pa dang ldan pa gzugs la yid 'byung zhing/ tshor ba dang/ 'du shes dang/ 'du byed dang/ rnam par shes pa la yid 'byung bar 'gyur ro/ /gang yid 'byung ba de 'dod chags dang bral lo/ /'dod chags dang bral na grol bar 'gyur ro/ /grol na rnam par grol ba'i ye shes dang/ mthong bas bdag gi skye ba zad do/ /tshangs par spyod pa brten to/ /bya ba byas so// srid pa 'di las gzhan mi shes so zhes bya bar 'gyur ro zhes bka' stsal to/ / //sdug bsngal spangs par 'gyur ro zhes bya ba'i mdo 'di ji ltar drang zhe na zhes bya ba la sogs pa la gleng gzhi ni mnyan du yod pa na'o/ /dbang po lnga po 'di dag kun tu bsten goms par byas lan mang du byas nas 'das pa dang/ ma 'ongs pa dang da ltar byung ba'i sdug bsngal spangs par 'gyur zhing mi 'jug par 'gyur ro/ /lnga gang zhe na/ dge slong dag dad pa'i dbang po kun tu bsten goms par byas lan mang du byas na 'das pa dang ma 'ongs pa dang da ltar byung ba'i sdug bsngal spangs shing mi 'jug par 'gyur ro/ /brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/ shes rab kyi dbang po kun tu bsten goms par byas lan mang du byas na 'das pa dang ma 'ongs pa dang da ltar byung ba'i sdug bsngal spangs par 'gyur ro zhes gsungs so/ / //gzugs la 'dun pa dang 'dod chags gang yin pa de spongs shig ces bya ba la sogs pa la/ gleng gzhi ni mnyan du yod pa na'o/ /dge slong dag gzugs la 'dun pa dang 'dod chags gang yin pa de spongs shig / 'dun pa dang 'dod chags spangs na khyod kyis gzugs de lta bu yang spang na pa dang yongs su shes par yang 'gyur te/ shing rta la rtsa ba bcad pa bzhin du mi snang ba dang phyis mi skye ba'i chos can du 'gyur ro/ /dge slong dag tshor ba dang/ 'du shes dang/ 'du byed dang/ rnam par shes pa la 'dun pa dang 'dod chags gang yin pa de spongs shig /'dun pa dang 'dod chags spangs na khyod kyis 'dun pa dang 'dod chags yongs su spangs par 'gyur te/ shing tA la rtsa ba bcad pa bzhin du snang ba dang phyis yongs su mi skye ba'i chos can du 'gyur ro zhes bka' stsal to/ / //dper na sred pa rnam par spyad pa dag la zhes bya ba la sogs pa la/ gleng gzhi ni mnyan du yod pa na'o/ /dge slong dag dra ba dang 'khri shing dang/ mtsho dang/ rab tu 'phags pa dang gang gi skye dgu la sgrib pa/ rab tu sgrib pa/ khyab par byed pa/ rab tu khyab par byed pa/ bkab? pa dang/ g.yogs pa dang/ rab tu 'gebs pa dang/ dru bu 'dzings pa lta bu/ rtswa mun dza dang ba la dza lta bu dang/ 'gro ba dang 'ong bar gyur cing 'jig rten 'di nas 'jig rten pha rol tu nying mtshams sbyor bar byed pa 'khor bar 'khor zhing 'jug par byed pa bstan par bya ste/ dge slong dag srid pa'i dra ba dang/ 'khri shing dang mtsho dang/ rab tu 'bab pa dang/ gang na gang dang gang gis skye dgu la sgrib pa byed pa nas nying mtshams sbyor bar byed la 'khor bar 'khor zhing 'jug par byed pa'i bar du byed pa de gang zhe na/ dge slong dag nga'o zhes bya ba byung bar gyur cing/ nga 'di lta bu'o zhes bya ba byung bar gyur cing/ nga 'di 'dra'o snyam du byung bar gyur cing/ nga de lta ma yin no snyam du byung bar gyur cing/ nga bzang ngo snyam du byung bar gyur cing/ nga ngan no snyam du byung bar gyur cing/ 'gyur bar bya'o snyam pa dang/ 'gyur bar mi bya'o snyam pa dang/ 'di lta bur 'gyur bar bya'o/ /'di 'dra bar 'gyur bar bya'o/ /de lta ma yin par 'gyur bar bya'o snyam pa dang/ 'di lta bur gyur cig snyam pa dang/ 'di 'dra bar gyur cig snyam pa dang/ de lta ma yin par gyur cig snyam pa dang/ gyur kyang ci ma rung snyam pa dang/ 'di lta bur gyur kyang ma rung snyam pa dang/ 'di 'dra bar gyur kyang ci ma rung snyam pa dang/ de lta ma yin par gyur kyang ci ma rung zhes dge slong dag nang gi bdag nyid la brten te/ sred pa spyod pa bco brgyad 'byung bar 'gyur ro/ /dge slong dag de la bdag go snyam pa byung bar gyur cing/ bdag 'di lta bu'o snyam pa byung zhing/ bdag 'di 'dra'o snyam pa byung zhing/ bdag bzang po snyam pa byung bar gyur cing/ bdag ngan no snyam pa byung bar gyur la/ 'gyur bar bya'o snyam pa gyur zhing 'gyur bar mi bya'o snyam pa dang/ 'di lta bur 'gyur bar bya snyam pa dang/ 'di 'dra ba 'gyur bar bya snyam pa dang/ de lta ma yin par 'gyur bar bya'o snyam pa dang/ gyur cig snyam pa dang/ 'di lta bur gyur cig snyam pa dang/ 'dri 'dra bar ma gyur cig snyam pa dang/ de lta ma yin par gyur cig snyam pa dang gyur kyang ci ma rung snyam pa dang/ 'di lta bur gyur kyang ci ma rung snyam pa dang/ 'di 'dra bar gyur kyang ci ma rung snyam pa dang/ de lta ma yin par gyur kyang ci ma rung snyam pa zhes dge slong dag phyi'i bdag nyid la brten nas sred pa spyod pa bco brgyad po 'di dag 'byung bar 'gyur ro/ / de gcig tu bsdus na sred pa spyod pa sum cu rtsa drug 'byung bar 'gyur ro/ /dge slong dag 'das pa'i dus la brten nas sred pa spyod pa sum cu rtsa drug byung la/ ma 'ongs pa'i dus la brten nas sred pa spyad pa sum cu rtsa drug 'byung zhing/ da ltar byung ba'i dus la brten nas sred pa spyod pa sum cu rtsa drug byung ste/ gcig tu bsdus na sred pa spyod pa brgya rtsa brgyad 'byung bar 'gyur ro/ /dge slong dag 'di ni sred pa'i dra ba dang/ 'khri shing dang/ mtsho dang/ rab tu 'bags pa dang/ gang dang gang gis skye dgu 'di la sgrib pa dang rab tu sgrib pa zhes bya ba nas/ 'khor bar 'khor ba sgrub par byed pa zhes bya ba'i bar du'o/ /dge slong dag sred pa'i dra ba dang/ 'khri shing dang/ 'tsho dang/ rab tu 'bags pa gang dang gang gis skye dgu 'di la sgrib pa dang rab tu sgrib pa khyab par byed pa/ rab tu khyab par byed pa/ bka' ba dang/ g.yogs pa dang/ rab tu 'gebs pa dang/ dru bu 'dzings pa lta bu/ rtswa mun dza dang/ ba lang dza lta bu dang/ 'gro ba dang 'ong bar gyur pa 'jig rten 'di nas 'jig rten pha rol tu nying mtshams sbyor bar byed cing 'khor bar 'khor bar byed pa bstan par bya'o zhes ji skad du bstan pa de rgyas par rab tu bshad do zhes bka' stsal to/ /bcom ldan 'das kyis chos gang dag 'dus byas kyang rung 'dus ma byas kyang rung ba de dag gi mchog ni 'dod chags dang bral ba yin par bshad do zhes bya ba la/ gleng gzhi ni mnyan du yod pa na'o/ /dge slong dag btags pa'i mchog ni rnam pa gsum ste/ gsum gang zhe na/ btags pa'i mchog sangs rgyas dang/ btags pa'i mchog chos dang dge 'dun no/ /btags pa'i mchog sangs rgyas gang zhe na/ sems can gang rkang pa med pa dang/ rkang gnyis pa 'am/ rkang mang ngam/ gzugs can nam/ gzugs can ma yin pa 'am/ 'du shes can nam 'du shes med pa dang/ 'du shes med 'du shes med min skye mched gang ci yang rung ba de dag gi nang nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni mchog ces brjod do zhes bya'o/ /gang cung zad sangs rgyas la mngon par dang bas lha'i nang na lhar gyur pa mi'i nang na ming gyur pa de dag ni rnam par smin pa'i mchog la reg par bya'o/ /'di ni brtags pa'i mchog sangs rgyas zhes bya'o/ /btags pa'i mchog chos gang zhe na/ 'dus byas kyang rung 'dus ma byas kyang rung chos gang ci yang rung ba de dag gis na mchog ni 'dod chags dang bral ba yin par bshad de/ gang cung zad chos la mngon par dad pas mngon par dang ba/ lha'i nang na ltar gyur pa/ mi'i nang nang na mir gyur pa/ de dag ni 'di ltar rnam par smin pa'i mchog la re bar bya ste/ 'di na btags pa'i mchog chos zhes bya'o/ /btags pa'i mchog dge 'dun gang zhe na/ 'dus pa 'am tshogs sam tshogs pa 'am 'khor gang ci yang rung ba rnams kyi nang na mchog ni de bzhin gshegs pa'i nyan thos kyi dge 'dun yin par bshad de/ gang cung zad chos dang dge 'dun la mngon par dang bas mngon par dad pa/ lha'i nang na lhar gyur pa/ mi'i nang na mir gyur pa de dag ni 'di ltar rnam par smin pa'i mchog la re bar bya'o/ /'di ni btags pa'i mchog dge 'dun zhes bya'o zhes gsungs nas ston pas gzhan yang 'di skad ces bka' stsal to/ /chos mchog rnam par shes nas ni/ /yon tan bla na med pa'o/ /sangs rgyas mchog la rab dang ba/ /'jig rten mchog la rab tu dang/ /nyer zhi 'dod chags dang bral ba'i/ /chos mchog la ni rab dang dad/ /bsod nams zhing mchog bla med pa'i/ /dge 'dun mchog la rab dang cing/ /mchog gi sbyin pa byed pa la/ /bsod nams mchog ni rab tu 'dzin/ /tshe dang kha dog mchog dang ni/ /grags dang stobs dang bde ba dang/ /mal stan mchog dag thob 'gyur zhing/ /longs spyod sbyor pa nyid du 'gyur/ /gnas mchog la ni gnas pa dang/ /mdzes pa'i mchog ni thob par 'gyur/ /sbyin pa mchog la sbyin pa dang/ /chos kyi mchog dang ldan pa dang/ /shes rab phun sum tshogs byas nas/ /mya ngan 'das par 'gro bar 'gyur zhes bka' stsal to// // mdo las mthong ba'i chos la mya ngan las 'das pa thob pa'i dge slong zhes bya ba la/ gleng gzhi ni mnyan du yod pa na'o/ /de nas dge slong gzhan zhig nang du yang dag 'jog las langs nas bcom ldan 'das gang la ba der nye bar song ste/ nye bar song nas bcom ldan 'das kyi zhabs la spyi bos phyag byas te phyogs gcig tu 'dug go / phyogs gcig tu 'dug nas bcom ldan 'das la 'di skad ces gsol to/ /btsun pa dge slong mthong ba'i chos las mya ngan las 'da' ba thob pa dge slong mthong ba'i chos las mya ngan las 'das pa thob pa zhes bya ba/ btsun pa ji tsam gyis na mthong ba'i chos la mya ngan las 'das pa thob pa'i dge slong du gyur/ ji tsam gyis na bde bar gshegs pas mthong ba'i chos las mya ngan las 'das pa thob pa'i dge slong zhes tha snyad gdags pas btags/ de skad ces gsol ba dang/ bcom ldan 'das kyis dge slong de la 'di skad ces bka' stsal to/ /dge slong legs so legs so/ /dge slong khyod 'di lta bu'i dri ba 'dri ba mthong ba'i chos mya ngan las 'das pa thob pa zhes bya ba nas snga ma bzhin du tha snyad btags zhes bya ba'i bar du'o/ /dge slong khyod 'di lta bu 'dri 'am/ btsun pa de bzhin no/ /de'i phyir dge slong legs par nyon la yid la zung shig dang bshad par bya'o/ /dge slong gzugs la skyo ba dang 'dod chags dang bral ba dang 'gog pa dang nye bar len pa med par zag pa las sems rnam par grol zhing gnas na mthong ba'i chos la mya ngan las 'das pa thob pa'i dge slong zhes brjod par nus so/ /tshor ba dang/ 'du shes dang/ 'du byed dang/ rnam par shes pa la skyo ba dang/ 'dod chags dang bral ba dang/ 'gog pa dang nye bar len pa dag las sems rnam par grol zhing gnas na mthong ba'i chos la mya ngan las 'das pa thob pa'i dge slong zhes brjod par nus te/ dge slong 'di tsam gyis na mthong ba'i chos la mya ngan las 'das pa thob pa'i dge slong zhes bya bar 'gyur ro/ /dge slong 'di tsam gyis na bde bar gshegs pas mthong ba'i chos la mya ngan las 'das pa thob pa'i dge slong zhes tha snyad btags so/ /de nas dge slong de bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs la spyi bos phyag byas nas bcom ldan 'das kyi zhabs drung nas song ngo/ /'di skad du sdug bsngal 'di ma lus par spangs pa zhes bya ba la sogs pa la/ gleng gzhi ni mnyan du yod pa na'o/ /de nas dge slong gzhan zhig gcig pu dben pa na nang du yang dag 'jog la gnas pa na sems la yongs su rtog pa/ dge slong ji ltar shes shing ji ltar mthong na chos mthong bar 'gyur zhes 'di lta bu skyes so/ /de nas dge slong de nang du yang dag 'jog las langs nas bcom ldan 'das gang na ba der song ste/ nye bar song nas zhes pa nas/ bcom ldan 'das la 'di skad ces gsol to/ zhes bya ba'i bar du'o/ /btsun pa bdag 'di na gcig pu dben pa na nang du yang dag 'jog la gnas pa na sems la yongs su rtog pa/ ji ltar shes shing ji ltar mthong na chos mngon par 'gyur zhes 'di lta bu skyes so/ /dge slong de'i phyir legs par nyon la yid la gzung zhig dang gnyis shig bshad par bya'o/ /gnyis gang zhe na/ mig dang/ gzugs dang/ rna ba dang sgra dang/ yid dang chos kyi bar du ste/ 'di ni gnyis zhes bya'o/ /dge slong gang kha cig 'di skad du dge slong gau ta ma btags pa 'di ni gnyis ma yin gyis/ bdag gis 'di ltar gnyis po de las bzlog pa gzhan gnyis gdags par bya'o/ /zhes smra ba 'di ni tshig tsam dang/ dris pa'i lan yang dag par mi shes shing mgo rmongs par byed pa ste/ 'di ltar de'i yul ma yin pa'i phyir ro/ /de ci'i phyir zhe na/ dge slong mig dang gzugs la brten nas skyes pa mig gi rnam par shes pa dang/ gsum 'dus pa'i reg pa dang lhan cig skyes pa'i tshor ba dang/ 'du shes dang sems pa zhes bya ba 'di ni dge slong bdag gi gzugs can ma yin pa'i phung po bzhi dang/ gzugs can mig gi dbang po ste/ 'di tsam la mi zhes bya'o/ /de la sems can dang mi dang shed las skyes dang shed bu dang gang zag dang srog dang egso ba zhes 'dogs so/ /dge slong de la bdag gi mig gis gzugs rnams mthong ngo zhes bya ba las/ yid kyis chos rnams rnam par shes so zhes bya ba'i bar du nye bar 'dogs so/ /de la 'di dag kyang tha snyad de tshe dang ldan pa'i ming ni 'di zhes bya/ rus ni 'di lta bu/ rigs ni 'di lta bu/ bde ba dang sdug bsngal ni 'di lta bu zhig myong/ tshe ring zhing yun ring po 'di tsam zhig tu gnas/ tshe'i mdza' ni 'di tsam zhig tu gyur ces bya ba 'di ni dge slong dag 'du shes tsam 'di ni dam bcas pa tsam mo/ /ji ltar 'di thams cad tha snyad cig tsam yin zhe na/ dge slong chos 'di dag thams cad ni mi rtag pa dang/ mngon par 'dus byas pa dang/ sems las byung ba dang/ brten de skyes pa'o/ /gang mi rtag pa/ mngon par 'dus byas pa sems las byung ba brten de skyes pa de dag ni sdug bsngal ba/ de ni sdug bsngal skye ba dang/ sdug bsngal gnas pa dang/ mngon par 'phel ba dang/ gang sdug bsngal yang dang yang du rab tu 'byung ba'o/ /gang sdug bsngal 'di ma lus par spangs pa/ byang bar gyur pa/ zad pa/ 'dod chags dang bral ba/ 'gog pa/ rnam par zhi ba/ nub pa/ sdug bsngal gzhan dang nying mtshams sbyor ba med pa/ len pa med pa/ 'byung ba med pa gang yin pa 'di lta bu ste/ phung po thams cad nges par spangs pa/ srid pa zad pa/ 'dod chags dang bral ba/ 'gog pa mya ngan las 'das pa ste/ dge slong gang 'ga' zhig chos 'di rnams la sems shing 'jal ba dang gnas pa 'di ni phyis yid la yongs su gdung ba mi 'jug cing len pa med pa zhes bya'o/ /dge slong ci ste gang bdag gi sa bdag 'di ltar shes shing 'di ltar mthong ba de chos mngon par 'gyur ro/ /rna ba dang/ sna dang/ lce dang/ lus dang reg bya la brten nas skyes pa lus kyi rnam par shes pa dang/ gsum 'dus pa'i reg pa dang/ lhan cig skyes pa'i tshor ba dang/ 'du shes dang/ sems dpa' zhes bya ba 'di ni bdag gi gzugs can ma yin pa'i phung po bzhi dang/ gzugs can lus kyi dbang po ste 'di tsam la mi zhes bya'o/ /de la sems can dang mi dang shes las skyes pa dang/ shed bu dang skyes bu dang/ gang zag dang srog dang gso ba zhes tha snyad 'dogs so/ /dge slong dag de la bdag gi mig gis gzugs rnams mthong ngo zhes bya ba nas/ yid kyis chos rnams rnam par shes so zhes bya ba'i bar du tha snyad 'dogs te/ de la 'di dag kyang tshe dang ldan pa'i ming 'di zhes bya ba nas/ dge slong gang 'di ltar shes shing 'di ltar mthong ba de chos mthong bar 'gyur ro zhes bya ba'i bar du'o/ /dge slong yid dang chos la brten nas skyes pa yid kyi rnam par shes pa dang/ gsum 'dus pa'i reg pa dang lhan cig skyes pa'i tshor ba dang/ 'du shes dang/ sems pa zhes bya ba 'di ni dge slong bdag gi gzugs can ma yin pa'i phung po bzhi yin la/ 'byung ba chen po bzhi'i lus te 'di tsam la mi zhes bya ba'o/ de la sems can dang/ mi dang shed las skyes pa dang shed bu dang skyes bu dang gang zag dang srog dang gso ba zhes 'dogs so/ /dge slong de la bdag gi mig gis gzugs rnams mthong ngo zhes bya ba nas/ yid kyis chos rnams rnam par shes so zhes bya ba'i bar du nye bar 'dogs so/ /de la 'di dag kyang tha snyad do/ /tshe dang ldan pa'i ming ni 'di zhes bya ba nas/ dge slong gang 'di ltar shes shing 'di ltar mthong ba de chos mthong bar 'gyur ro/ /zhes bya ba'i bar du'o/ /bcom ldan 'das kyis de skad ces bka' stsal nas/ bde bar gshegs pas de skad gsungs nas ston pas gzhan yang 'di skad ces bka' stsal to/ /mig dang gzugs dag gnyis la brten nas ni// skyes par gyur pa sems las byung ba'i chos/ /rnam shes reg dang lhan cig tshor ba dang/ /'du shes sems dpa' dang ni rgyu dang bcas/ /gang zag shed las skyes dang shed bu dang/ 'di na bdag gam bdag gir bya ba med/ /phung po sdug bsngal yongs su 'gyur ba'i chos/ /skye ba'i chos can 'jig pa'i chos can yin/ /sems can mi dang shed skyes shed bu ste/ /'di dag yod ces 'dir ni btags pa yin/ /phung po'i rgyu mtshan rgyu las de dag las/ /gzhan yang rnam mang 'du shes skye bar 'gyur/ /ci ste dge slong bram ze gzhan gang dag /bdag cag gnyis las gzhan gnyis 'chad smras pa/ /tshig gi mngon par brjod pa'i skal ba can/ /'dri ba'i lan dag rab tu mi shes yin/ /las dang sred pa dang ni ma rig pa/ /phyi ma'i tshe la 'du byed rnams kyi rgyu/ /phung po dag las phung po gzhan yang du/ /nying mtshams sbyor ba gang zag ces smra'o/ /sred pa ma lus nye bar zhi ba dang/ ma rig nub cing rab tu 'gag pa na/ /sred pa zad pas sdug bsngal rab zad par/ /'di ltar spyan dang ldan pa'i sangs rgyas gsungs zhes bka' stsal to// //mar me shi bar gyur pa ltar zhes bya ba la sogs pa la/ yongs su mya ngan las 'das pa'i mdo dang/ dbyangs kyi tshogs kyi mdo las/ tshangs pa'i sgo'i mdor 'don 'don pa lta bu ste/ /sangs rgyas bcom ldan 'das yongs su mya ngan las 'das ma dag pa nyid du tshe dang ldan ba ma 'gags pas tshigs su bcad pa smras pa/ dbugs rdub pa dang/ dbugs 'byung ba dang/ /sems brtan par ni skyob pa gnas/ /mi g.yo zhi ba rtogs nas ni/ /spyan ldan yongs su mya ngan 'das/ /gang tshe rnam kun stobs lnga pa/ /ston pa dus mdzad gyur pa na/ de tshe 'jigs pa'i rgyu byung zhing/ /ba spu ldang ba byung bar gyur/ /zhum pa med pa'i sems kyis na/ tshor ba yongs su bzod mdzad cing/ /mar me shi bar gyur pa ltar/ /de yi sems kyis rnam par thar/ /lam gyi tshogs las kyang bslab pa'i sgo'i mdo 'di ltar tshigs su bcad pa 'don te/ de dag srog dang bral gyur cing/ /rnam par sred zad rnam par grol/ /mar me shi bar gyur pa ltar/ /sems ni de yis rnam par thar/ /zhes mdzod kyi gnas brgyad par tshul khrims dang ting nge 'dzin dang shes rab kyi rang bzhin zhes mdo 'chad par 'gyur ro/ /mdo las rkyen nyid ni bzhi ste zhes bya ba la sogs pa la/ bzhi las 'phyos pa'i mdo las/ rab tu rig dang rkyen dang ni bya bar gleng gzhi ni mnyan du yod pa na'o/ /zhes 'don pa lta bu'o/ /bcom ldan 'das kyis kyang bsam gtan rnams kyi yul ni bsam gyis mi khyab pa zhes gsungs so zhes bya ba la sogs pa la/ gleng gzhi ni mnyan du yod pa na'o/ /bzhi po 'di ni bsams gyis mi khyab pa'i gnas te/ bsam par byed na smyo bar 'gyur zhing mgo rmongs ba dang sems g.yengs pa thob par 'gyur ro/ /bzhi gang zhe na/ bdag bsam pa dang/ 'jig rten bsam pa dang/ sems can gyi las kyi rnam par smin pa dang/ sangs rgyas rnams kyi sangs rgyas kyi yul lo zhes bka' stsal to// // mi sdug pa dang lhan cig pa'i dran pa yang dag byang chub kyi yan lag ces bya ba la sogs pa la/ gleng gzhi ni mnyan du yod pa na'o/ /dge slong dag mi sdug pa bsgom par byed cing kun tu brten cing lan mang du byas na 'bras bu chen por 'gyur zhing bsdags pa che bar 'gyur ro/ /ji ltar 'bras bu che bar 'gyur ro/ /ji ltar 'bras bu che ba dang bsdags pa che ba'i sdug pa bsgom par 'gyur zhe na/ dge slong 'di la mi sdug pa dang lhan cig pa'i bran pa yang dag byang chub kyi yan lag dben pa la gnas pa/ 'dod chags dang bral ba la gnas pa/ rnam par spong bas yongs su bsgyur bar sgom par byed de/ dge slong 'di la mi sdug pa dang lhan cig par gyur pa'i chos rab tu rnam par 'byed pa dang/ dga' ba dang shin tu sbyangs pa dang/ ting nge 'dzin dang/ btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom par byed de/ dge slong 'di lta bur 'bras bu che ba dang bsdags pa che ba'i mi sdug ba bsgom par 'gyur ro zhes bka' stsal to/ /chos mngon pa'i mdzod kyi mdo dang sbyar ba'i Tik+ka nye bar mkho ba zhes bya ba las gnas gnyis pa phal cher mdo dang sbyar ba'o/ /'jig rten sna tshogs gang de 'dod pa min zhes bya ba la sogs pa la/ gleng gzhi ni mnyan du yod pa na'o/ /de na tshe dang ldan pa 'dod pa can bcom ldan 'das gang na ba der nye bar song ste/ nye bar song nas phyogs gcig tu 'dug pa'i bar du'o/ /de nas tshe dang ldan pa 'dod pa can bcom ldan 'das la 'di skad ces gsol to/ /btsun pa 'dod pa 'dod pa zhes bgyi ba 'di lta ste/ 'dod pa 'dod pa zhes bya ba 'di gang gi tshig bla dags lags/ 'dod pa 'dod pa zhes bya ba 'di 'dod pa'i yon tan lnga'i tshig bla dags ma yin gyi/ 'on kyang 'dun pa'i 'dod chags 'di la 'dun pa zhes bya'o/ /'jig rten sna tshogs gang de 'dod pa min/ /skyes bu'i kun rtog 'dod chags 'dod pa yin/ /'jig rten dag na sna tshogs de bzhin gnas/ /'on kyang brtan rnams de la 'dun pa 'dul/ /btsun pa 'on kyang lam rtogs shing brten pa dang/ bsgom pa dang lan mang du byas nas 'dun pa dang 'dod chags spong bar 'gyur ba yod dam/ 'dod pa can yod de/ di lta ste/ 'phags pa'i lam yan lag brgyad pa yang dag pa'i lta ba nas/ yang dag pa'i ting nge 'dzin gyi bar du'o/ /btsun pa rab tu rtogs pa dang/ brten pa dang/ bsgom pa dang/ lan mang du byas na 'dod pa spong ba'i lam 'di ni bzang ngo/ /de nas tshe dang ldan pa 'dod pa can bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs la spyi bos phyag byas te zhabs drung nas song ngo/ /'dod pa ni 'dod chags zhes rtogs par nus kyang chos mngon pa'i bstan bcos de dang de las 'dod pa'i 'dod chags nyid du rtogs par bya ba'i phyir kun tu rgyu 'tsho byed la/ 'phags pa shA ri'i bus ji skad du tshigs su bcad pa gnyis 'thad pa dang bcas pa bkod pa slob dpon gyis bris pa bzhin ni blta bar bya'o/ /mdo las dper na char gyi rgyun gnya' shing tsam 'bab pa na zhes bya ba la/ bcom ldan 'das yangs pa can gyi spre'u rdzing gi 'bram gyi gtsug lag khang na bzhugs te/ de nas bcom ldan 'das kyis dge slong rnams la bos te/ dge slong dag sems can ma rig pas bsgribs sred pas kun tu sbyor zhing sred pas gtums shing yun ring por 'khor bar mtshams sbyor zhing sdug bsngal gyi sngon gyi mdza' mi shes pa rnams kyi 'khor ba thog ma dang tha ma med de/ dper na char gyi rgyun gnya' shing tsam 'bab pa na bar snang la chu'i rgyun 'bab pa rnams kyi bar mtshams med de/ de bzhin du shar gyi phyogs kyi 'jig rten gyi khams chags pa dang/ 'jig pa dang/ gzhan zhig nas 'dug pa dang/ gzhan chags pa dang/ gzhan chags nas gnas pa rnams kyi bar dang mtshams med do/ /de bzhin du lho dang nub dang byang dang phyogs kyi 'jig rten gyi khams 'jig pa dang chags pa dang/ gzhan 'jig pa dang/ zhig nas 'dug pa dang/ gzhan chags pa dang/ gzhan chags nas gnas pa rnams kyi bar dang mtshams med do/ /dge slong dag sems ma rig pas bsgribs shing sred pas kun tu sbyor bas sred pas gtums te/ yun ring por 'khor bar mtshams sbyor ba ni sdug bsngal gyi mdza' mi shes pa rnams kyi 'khor ba thog ma dang tha ma med do/ /dge slong dag de'i phyir/ 'di ltar bslab par bya ste/ gang las srid pa chad pa dang/ gang rtogs pas sred pa mngon par mi grub pa de ltar dge slong dag khyed kyis bslab par bya'o/ / //'o na tshe dang chos de dag las ma gtags pa'i dmyal ba ma dmigs so zhes bya ba la sogs pa la/ 'di skad du kha che ba mdo 'don gyis/ nyi 'og pa rnams ni ma yin pas 'di ni ma rnyed do/ /yang snyigs ma rnam pa lnga mdo de dang de las 'don pa lta bu ste/ re zhig ji ltar yang dag par ldan pa'i las de'i mdo las btsun pa rgyu gang dang rkyen gang gis bcom ldan 'das kyis sngon ni bslab pa'i gzhi ches ches nyung ngu dag bcas kyang dge slong rab tu mang po dag dgra bcom pa nyid thob cing gnas la bcom ldan 'das kyis da ltar ni bslab pa'i gzhi ches mang po bcas kyang dge slong ches nyung ngu dag dgra bcom pa thob cing gnas par gyur/ dga' byed de bzhin no/ /ji ltar da ltar tshe'i snyigs ma dang/ nyon mongs pa'i snyigs ma dang/ dus kyi snyigs pa dang/ lta ba'i snyigs ma dang/ s ems can gyi snyigs ma dag gis dga' byed sems can rnams nyams par byas shing dam pa'i chos kyang nub pa'i dus na ston pas nyan thos kyis 'dul ba'i bslab pa gzhi ches mang po bcas kyang dge slong ches nyung ngu dag dgra bcom pa nyid thob cing gnas par 'gyur ro zhes 'byung ngo/ /rnam shes gnas pa bdun zhes bya ba la/ bdun las 'phros pa'i bdun pa'i sdom gyi tshigs su bcad pa brgyad cu pa la sogs pa la blta bar bya'o/ /'di nyid du yang mdzod kyi gnas dang por de las gzhan yang ci rigs par zhes bya ba'i skabs su skye mched gnyis po zhes bya ba 'grel par bris zin pa dang/ sems can gyi gnas 'chad par 'gyur ba las ming gzhan du byas pa rtogs par bya'o// //mdo las sems can de dag 'di snyam du zhes bya ba la sogs pa ni mdzod kyi gnas gsum pa 'di nyid du rten cing 'brel par 'byung ba'i skabs su tshangs pa'i dra ba las lta ba drug cu rtsa gnyis bshad pa/ ji skad du tshangs pa'i dra ba las zhes bya ba 'byung bar 'gyur te/ de la sngon gyi mdza' la rnam par rtogs pa rnams kyi dang po'i gzhi las 'di skad du 'don te/ dge slong dag 'jig rten 'jig par 'gyur ba'i dus yod do/ /'jig rten 'jig par gyur pa na sems can phal cher 'od gsal gyi lha'i ris su skye bar 'gyur te/ yid las byung ba'i gzugs can dbang po ma tshang ba med pa/ yan lag dang nying lag thams cad dang ldan pa/ kha dog dang dbyibs mdzes pa/ rang gi 'od can nam mkha' la thogs pa med par 'gro ba/ dga' ba za zhing dga' ba'i zas dang ldan pa tshe ring zhing dus ring por gnas par 'gyur ro/ /dge slong dag 'jig rten 'di 'chags par 'gyur ba'i dus yod de/ 'jig rten 'di 'chags pa na nam mkha' stong pa tshangs pa'i gzhal med khang mngon par 'grub par 'gyur ro/ /de nas sems can gzhan gang yang rung ba zhig tshe zad las zad bsod nams zad pas 'od gsal gyi lha'i ris nas shi 'phos nas/ tshangs pa'i gzhal med khang stong pa'i nang du skye bar 'gyur ro/ /de de na gcig pu zla med cing grogs med par gyur par yun ring zhing dus ring po zhig tu gnas te/ de nas sems can de dus ring por na kye ma bdag dang skal pa mnyam pa'i sems can gzhan dag kyang 'dir skyes na ci ma rung zhes sred pa skye shing mngon par dga' ba yang dag par skyes so/ /sems can de de ltar sems la smon cing gnas pa na sems can de dang skal ba mnyam pa sems can gzhan zhig tshe zad cing las zad pa bsod nams zad pas 'od gsal gyi lha'i ris nas shi 'phos nas tshangs pa'i gzhal med khang du skyes par gyur to/ /de nas sems can de 'di snyam du sems par gyur te/ bdag cig pu zla med cing grogs med pas tshe ring zhing yun ring bar gnas te/ kye ma bdag dang skal ba mnyam pa'i sems can gzhan dag kyang 'dir skyes na ci ma rung zhes dus ring por sred pa skyes shing dga' ba dang yang dag par skyes cing bdag gi sems la de ltar smon pas bdag dang skal ba mnyam pa'i sems can 'dir skyes la sems can 'di dag ni bdag gis sprul pa/ bdag ni sems can 'di dag gi dbang phyug/ byed pa po/ bsrung ba po/ rab tu 'byin pa po/ dngos po rnams kyi pha lta bur gyur ba po/ sems can de dag kyang 'di snyam du sems can 'di gcig pu zla med cing grogs med par gyur pa tshe ring zhing yun ring por gnas pa sems can de tshe ring zhing yun ring por gnas te/ kye ma bdag dang skal pa mnyam pa'i sems can gzhan dag kyang 'dir skyes na ci ma rung zhes sred pa skyes shing yang dag par dga' ba skyes pas sems can de'i sems la 'di ltar smon pas sems can de dang skal pa mnyam pa bdag cag kyang 'dir skyes shing sems can 'di ni bdag cag gi sprul pa po/ sems can 'di ni bdag cag gi dbang phyug /byed pa po/ 'byin pa po/ rab tu 'byin par byed pa/ dngos po rnams kyi pha lta bur gyur pa'o zhes 'byung ngo/ /'od gsal gyi lha'i ris de na sems can gang dag ces bya ba la sogs pa la/ bcom ldan 'das yangs ba can spre'u'i rdzing gi 'gram gyi gtsug lag khang gi nang na bzhugs te/ de nas bcom ldan 'das kyis dge slong rnams la bos te/ dge slong dag 'du byed thams cad ni mi rtag pa mi brtan pa la yid brtan par bya ba ma yin pa yongs su 'gyur ba'i chos can yin pas spang par bya'o// dge slong dag 'dus byas thams cad la skyo bar bya'o/ /'dod chags dang bral bar bya'o/ /rnam par grol bar bya'o/ /dge slong dag 'di lta bur 'gyur ba'i dus yod de dus ring por gyur pa na lha rnams kyi char gyi rgyun mi 'bebs par 'gyur te/ lha rnams kyi char gyi rgyun ma phab pas/ sa chen po'i sa bon gyi tshogs dang/ 'byung po'i tshogs dang/ sman dang rtswa dang nags tshal thams cad skam par 'gyur zhing mi 'byung bar 'gyur ro/ /dge slong dag 'dus byas 'di dag ni mi rtag pa mi brtan pa yid brtan par bya bar ma yin pa yongs su 'gyur ba'i chos can yin pas yongs su spang bar bya'o/ /dge slong dag 'dus byas thams cad la skyo bar bya'o/ /'dod chags dang bral bar bya ba'o/ /rnam par grol bar bya'o/ /dge slong dag gang las dus ring por gyur pa na nyi ma gnyis 'char ba'i dus yod do/ 'jig rten du nyi ma gnyis shar ba na sa chen po 'di 'am dam grog chung ngu dang/ dam grog chen po thams cad skam par 'gyur cing mi 'byung bar 'gyur ro/ /dge slong dag 'dus byas thams cad ni 'di ltar mi rtag pa mi brtan pa yid brtan par bya ba ma yin pa yongs su 'gyur ba'i chos can yin pas yongs su spang bar bya'o/ /dge slong dag 'dus byas thams cad la yongs su skyo bar bya'o/ /'dod chags dang bral bar bya'o/ /rnam par grol bar bya'o/ /dge slong dag gang las dus ring por gyur pa na 'jig rten 'dir nyi ma gsum 'char bar 'gyur ba'i dus de yod de/ dge slong dag 'jig rten na nyi ma gsum 'char ba na sa chen po 'di'i chu klung dang chu klung chen po thams cad skams shing mi 'byung bar 'gyur te/ dge slong dag 'dus byas 'di dag ni 'di ltar mi rtag mi brtan pa/ yid brtan par mi bya ba ma yin pa yongs su 'gyur ba'i chos can yin pas yongs su spang par bya'o/ /dge slong dag 'dus byas thams cad la yongs su skyo bar bya'o/ /'dod chags dang bral bar bya'o/ /rnam par grol bar bya'o/ /dge slong dag gang las dus ring por gyur pa na/ 'jig rten 'dir nyi ma bzhi 'char ba'i dus yod de/ dge slong dag 'jig rten 'dir nyi ma bzhi 'char ba na mtsho chung ngu dang gang mtsho chen po ma dros pa zhes bya ba dang/ chu klung chen po 'di lta ste/ gang+gA dang/ sind+hu dang/ si ta dang/ pak+Shu zhes bya ba de dag kyang de'i tshe skams par 'gyur zhing mi 'byung bar 'gyur ro/ /dge slong dag 'dus byas thams cad mi rtag pa mi brtan pa/ yid brtan par bya ba ma yin pa/ yongs su 'gyur ba'i chos can yin pas yongs su spang par bya'o/ /dge slong dag 'dus byas thams cad la yongs su skyo bar bya'o/ /'dod chags dang bral bar bya'o/ /rnam par grol bar bya'o/ /dge slong dag dus ring por gyur pa na 'jig rten 'dir nyi ma lnga 'char bar 'gyur ba'i dus yod de/ 'jig rten 'dir nyi ma lnga shar pa na mtsho chen po las chu dpag tshad brgya phrag gcig skams par 'gyur zhing nyams pa dang mi 'byung bar 'gyur ro// dpag tshad brgya phrag gnyis dang/ gsum dang bzhi dang lnga dang drug dang bdun gyi chu skams shing nyams pa dang mi 'byung bar 'gyur ro/ /dge slong dag nyi ma lnga pa 'jig rten 'dir shar ba na rgya mtsho chen po las chu dpag tshad stong phrag gcig skams par 'gyur zhing nyams pa dang mi 'byung bar 'gyur zhing dpag tshad stong phrag gnyis dang gsum dang bzhi dang lnga dang drug dang bdun gyi chu skams shing nyams pa dang mi 'byung bar 'gyur ro/ /dge slong dag nyi ma lnga pa 'jig rten 'dir shar ba na/ rgya mtsho chen po las dpag tshad stong phrag bdun gyi chu las par 'gyur zhing/ dpag tshad stong phrag drug dang lnga dang bzhi dang gsum dang gnyis dang gcig gi chu las par gyur te/ dge slong dag nyi ma lnga 'jig rten 'dir shar ba na rgya mtsho chen po las dpag tshad bdun gyi chu las par 'gyur zhing drug dang lnga dang bzhi dang gsum dang gnyis dang gcig gi chu las par 'gyur ro/ /dge slong dag nyi ma lnga pa 'jig rten 'dir shar pa na rgya mtsho chen po bdun gyi chu las rgyang grags bdun gyi chu las par 'gyur zhing drug dang lnga dang bzhi dang gsum dang gnyis dang rgyang grags gcig gi chu las par 'gyur ro/ /dge slong dag nyi ma lnga pa 'jig rten 'dir shar ba na rgya mtsho chen po las tA la bdun tsam gyi chu las par 'gyur zhing drug dang lnga dang bzhi dang gsum dang gnyis dang tA la gcig tsam gyi chu las par 'gyur ro/ /dge slong dag nyi ma lnga pa 'jig rten 'dir shar pa na rgya mtsho chen po las mi 'greng bdun tsam gyi chu las par 'gyur zhing/ drug dang lnga dang bzhi dang gsum dang gnyis dang mi 'greng gcig tsam gyi chu las par 'gyur ro/ /dge slong dag 'jig rten 'dir nyi ma lnga shar ba na rgya mtsho chen po las mgul pa tsam gyi cha las par 'gyur zhing mchan khung tsam dang lte ba tsam dang/ phyi zur tsam dang/ brla tsam dang/ rje ngar? tsam dang/ long bu nub pa tsam gyi chu las par 'gyur ro/ /dge slong dag nyi ma lnga pa 'jig rten 'dir shar ba na brgya mtsho chen po'i chu thams cad kyi thams cad du skams shing nyams pa dang mi 'byung bar 'gyur te/ sor mo'i rtse mo nub pa tsam du 'gyur te/ dge slong dag 'dus byas thams cad ni 'di ltar mi rtag mi brtan pa/ yid brtan par bya ba ma yin pa/ yongs su 'gyur ba'i chos can yin pas yongs su spang bar bya'o/ /dge slong dag 'dus byas thams cad la yongs su skyo bar bya'o/ /'dod chags dang bral bar bya'o/ /rnam par grol bar bya'o/ /dge slong dag gang las dus ring por gyur pa na 'jig rten 'dir nyi ma drug 'char bar 'gyur ba'i dus yod de/ dge slong dag nyi ma drug shar ba na sa chen po 'di dang ri'i rgyal po ri rab las du ba 'byung bar 'gyur zhing/ du ba rab tu 'thul ba dang/ rab tu du ba 'thul bar 'gyur te/ 'di lta ste rdza mkhan gyi bsreg khang la dang po me sbar bar dang po du ba 'byung bar 'gyur zhing du ba rab tu 'thul ba dang/ du ba kun tu 'thul bar gyur pa de bzhin du dge slong dag nyi ma drug po 'jig rten 'dir shar pa na sa chen po 'di ri'i rgyal po ri rab dang bcas pa la du ba 'byung bar 'gyur zhing/ du ba rab tu 'thul ba dang/ du ba kun tu 'thul bar 'gyur ro/ /dge slong dag 'dus byas thams cad ni 'di ltar mi rtag pa/ mi brtan pa/ yid brtan par bya ba ma yin pa/ yongs su 'gyur ba'i chos can yin pas yongs su spang bar bya'o/ /dge slong dag 'dus byas thams cad la yongs su skyo bar bya'o/ /'dod chags dang bral bar bya'o/ /rnam par grol bar bya'o/ /dge slong dag gang las dus ring por gyur pa na 'jig rten 'dir nyi ma bdun 'char bar 'gyur ba'i dus yod de/ dge slong dag 'jig rten 'dir nyi ma bdun shar ba na sa chen po 'di ri'i rgyal po ri rab dang bcas pa 'bar zhing rab tu 'bar te kun tu 'bar zhing me lce gcig tu gyur cing sreg par byed do/ /'di lta ste shing gi khur? bu bcu dag nyi shu dang/ sum cu dang/ bzhi bcu dang lnga bcu dang/ shing khur dang/ shing khur brgya stong phrag du ma dang/ shing gi khur bu gzhan brgya phrag du ma dang/ shing gi khur bu gzhan stong phrag du ma dang/ shing gi khur bu gzhan brgya stong phrag du ma las byung ba'i me'i phung po chen po sreg par byed pa/ de bzhin du dge slong dag 'jig rten 'dir nyi ma bdun shar ba na sa chen po ri'i rgyal po ri rab dang bcas pa 'bar zhing rab tu 'bar te kun tu 'bar te me lce gcig tu gyur cing sreg par byed do/ /dge slong dag sa chen po ri'i rgyal po ri rab dang bcas pa 'bar zhing rab du 'bar te/ kun tu 'bar zhing me lce gcig tu gyur nas sreg pa'i rtse mo rlung gis g.yengs pas tshangs pa'i gzhal med khang stong pa sreg par byed do/ /dge slong dag 'od gsal gyi lha'i ris de na sems can gang dag skyes nas ring du ma lon pa 'jig rten 'jig pa la mi mkhas shing 'chags pa la mi mkhas pa de dag me lce de mthong nas me lces tshangs pa'i gzhal med khang stong pa bsregs pa 'dir 'ongs par gyur na mi rung ngo zhes skrag nas yid chad cing skyo bar 'gyur ro/ /dge slong dag 'di 'od gsal gyi lha'i ris de na sems can de dag skyes nas ring du lon pa 'jig rten 'jig pa la mkhas shing 'chags pa la mkhas pa de dag sems can skrag pa de dag la grogs po dag ma 'jigs shig/ grogs po dag ma 'jigs shig/ me lce 'di sngon yang 'tshangs pa'i gzhal med khang stong pa bsregs nas de nyid du med par gyur to zhes dbugs 'byin par byed do/ /dge slong dag ri'i rgyal po ri rab 'bar zhing rab tu 'bar te kun tu 'bar zhing me lce gcig tu gyur cing bsregs pa na dpag tshad stong phrag gcig gzhal med khang tshig cing nyams pa dang mi 'byung bar 'gyur ro/ /gnyis dang gsum dang bzhi dang lnga dang drug dang dpag tshad stong phrag bdun gyi gzhal med khang tshig cing nyams pa dang mi 'byung bar 'gyur ro/ /dge slong dag sa chen po dang ri'i rgyal po ri rab tshig cing bsregs pa na thal ba tsam gyis lhag ma yang mi lus par 'gyur ro/ /dper na mar ram til lam nam mkha' la bsreg cing tshig pa dag la rjes tsam yang grib ma tsam yang ma lus par 'gyur ba de bzhin du/ dge slong dag sa chen po dang ri'i rgyal po ri rab tshig cing bsreg pa na rjes tsam gyi 'am grib ma tsam yang ma lus par 'gyur ro/ /dge slong dag de la rgya mtsho chen po skams par 'gyur zhing/ nyams pa dang mi 'byung bar 'gyur zhes bya ba la mngon du mthong ba gtogs par su zhig dang yid ches par 'gyur/ dge slong dag de la gang yang ri'i rgyal po ri rab tshig cing rab tu tshig pa dang nyams pa dang mi 'byung bar 'gyur zhes bya ba la mngon du mthong ba ma gtogs pa su zhig dang cing yid ches par 'gyur/ dge slong de dag las chen po tshig cing rab tu tshig pa dang/ nyams pa dang mi 'byung bar 'gyur ro zhes bya ba la mngon du mthong ba ma gtogs pa su zhig dad cing yid ches par 'gyur/ dge slong dag sngon byung ba ston pa mig bzang zhes bya ba phyi rol mu stegs pa rdzu 'phrul dang ldan pa 'dod pa las 'dod chags dang bral ba byung ste/ dge slong dag ston pa mig bzang gi nyan thos brgya phrags du ma dang/ nyan thos stong phrag du ma dang/ nyan thos brgya stong phrag du ma byung ste/ ston pa mig bzang nyan thos rnams la shin tu dri ma dang bral ba dang/ tshangs par spyod pa yongs su rdzogs par ston par mi byed kyi/ tshangs ris kyi lha dang skal pa mnyam pa ston te/ dge slong dag ston pa mig bzang gi nyan thos bslab pa rnam pa thams cad kyi thams cad du rdzogs pa de dag tshangs pa'i gnas bzhi bsgom nas 'dod pa la 'dun pa'i 'dod chags spangs shing phal cher gnas te/ tshangs pa'i 'jig rten gyi lha rnams dang skal pa mnyam par skye bar gyur to/ /gang gi rnam pa thams cad kyi thams cad du ma yin pa de dag las kha cig ni gzhan 'phrul dbang byed kyi lha rnams dang skal pa mnyam par skye bar 'gyur zhing/ kha cig ni 'phrul dga' dang/ kha cig ni 'thab bral dang/ kha cig ni sum cu rtsa gsum dang/ kha cig ni rgyal chen ris bzhi dang/ rgyal rigs shing sA la chen po lta bu rnams dang/ bram ze'i rigs shing sA la chen pa lta bu rnams dang/ khyim bdag shing sA la chen po lta bu rnams dang skal pa mnyam par skye bar gyur to/ /de nas ston pa mig bzang 'di mnyam du bdag nyan thos rnams dang lhan cig 'gro ba dang snyoms par 'jug pa ni tshul dang mthun pa ma yin gyis bdag gong ma bsam gtan gnyis pa bsgoms nas 'od gsal gyi lha rnams dang skal ba mnyam par skye bar bya'o snyam mo/ /de nas ston pa mig bzang gong ma bsam gtan gnyis pa bsgom nas 'od gsal gyi lha rnams dang skal ba mnyam par skyes so/ /dge slong dag khyod cag de'i tshe de'i dus na ston pa mig bzang zhes bya ba phyi rol mu stegs can rdzu 'phrul dang ldan pa 'dod pa las 'dod chags dang bral ba byung bar gyur cing/ de'i nyan thos gzhan brgya phrag du ma dang/ stong phrag du ma dang/ brgya stong phrag du ma byung bar gyur pa la gang 'di nyan thos rnams shin tu mthar thug pa dang shin tu dri ma dang bral ba dang/ tshangs par spyod pa yongs su rdzogs pa'i chos ston par mi byed kyi/ tshangs pa'i 'jig rten gyi lha rnams dang skal ba mnyam par ston pa de gzhan zhig yin snyam na/ de ltar mi lta ste/ da nyid de'i dus na ston pa mig bzang zhes bya ba phyi rol mu stegs can rdzu 'phrul dang ldan 'dod pa las 'dod chags dang bral bar gyur cing nga'i nyan thos gzhan brgya phrag du ma dang/ stong phrag du ma dang/ brgya stong phrag du ma byung bar gyur cing nga nyid de'i tshe de'i dus na nyan thos rnams shin tu mthar thug pa dang/ shin tu dri ma dang bral ba dang/ tshangs par spyod pa yongs su rdzogs pa'i chos mi ston gyi/ tshangs pa'i 'jig rten gyi lha rnams dang skal ba mnyam par ston par byed par gyur to/ /de ci'i phyir zhe na/ de'i tshe 'dod chags dang bcas par 'gyur cing zhe sdang dad gti mug dang bcas shing ma grol la/ skye ba dang/ rga ba dang/ na ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa dag las yongs su ma grol zhing sdug bsngal dang bcas par smra'o dge slong dag da ltar ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa skyes bu 'dul zhing kha lo sgyur ba dang/ lha dang mi rnams kyi ston pa/ sangs rgyas bcom ldan 'das 'jig rten du byung zhing 'dod chags dang bral zhing zhe sdang dang gti mug dang bral ba/ yongs su grol ba/ skye ba dang rga ba dang/ na ba dang/ 'chi ba dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa dang/ sdug bsngal las grol bar smra'o/ /dge slong dag dang ltar ni nyan thos rnams la shin tu mthar thug pa dang/ shin tu dri ma dang bral ba dang/ shin tu tshangs par spyod pa yongs su rdzogs pa'i chos bstan nas da ltar bdag nyan thos rnams bslab pa rnam pa thams cad kyi thams cad du yongs su rdzogs pa de dag ni sdug bsngal 'di dag yongs su zad par 'gyur ro/ /gang gis rnam pa thams cad kyi thams cad du ma yin pa de dag las kha cig 'og ma'i cha dang mthun pa kun tu sbyor ba lnga spangs te/ rdzus te skye zhing der yongs su mya ngan las 'da' ba mi ltung ba'i chos can du 'gyur ro/ /gang gis rnam pa thams cad kyi thams cad du ma yin pa de las kha cig ni kun tu sbyor ba gsum po 'dod chags dang zhe sdang dang gti mug bsrabs te lan cig phyir 'ong ba 'jig rten 'dir lan cig phyir 'ongs nas sdug bsngal mthar byed par 'gyur ro/ /gang gi rnam pa thams cad kyi thams cad du ma yin pa de dag las kha cig ni kun tu sbyor ba gsum spangs te rgyun tu zhugs pa mi ltung ba'i chos can rdzogs pa'i byang chub tu nges pa srid pa lan bdun par 'gyur te/ lha rnams dang mi rnams kyi nad du nying mtshams sbyar nas sdug bsngal gyi mthar byed par 'gyur te/ dge slong de'i tshe da ltar gnyis kar yang nga'i nyan thos rnams 'bras bu dang bcas shing rab tu byung bas 'bras bu bcas la tshangs par spyod pa yongs su rdzogs par gyur to zhes bka' stsal to/ sems can gyi ni gnas dgur 'dod bcas pa la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dge slong dag sems can gyi gnas ni dgu ste/ dgu gang zhe na/ sems can lus tha dad cing 'du shes tha dad pa dag kyang yod de/ 'di lta ste mi rnams dang lha kha cig ste/ 'di ni sems can gyi gnas dang po'o/ /sems can gzugs can lus tha dad cing 'du shes gcig pa dag kyang yod de/ 'di lta ste tshangs ris kyi lha de dag las dang por byung ba rnams so/ /'di ni sems can gyi gnas gnyis pa'o/ / sems can lus gcig cing 'du shes tha dad pa dag kyang yod do/ /'di lta ste 'od gsal gyi lha rnams te/ 'di ni rnam par shes pa sems can gyi gnas gsum pa'o/ /sems can lus gcig cing 'du shes gcig pa dag kyang yod de/ 'di lta ste/ dge rgyas kyi lha rnams te/ sems can gyi gnas bzhi pa'o/ /sems can gzugs can 'du shes med cing 'du shes dang mi ldan pa dag kyang yod de/ 'di lta ste 'du shes med pa rnams te/ 'di ni sems can gyi gnas lnga pa'o/ /sems can gzugs can ma yin pa gang dag rnam pa thams cad du gzugs kyi 'du s hes las yang dag par 'das shing thogs pa'i 'du shes rnams nub par gyur cing sna tshogs kyi 'du shes yid la byed pas nam mkha' mdza' yas so zhes nam mkha' mdza' yas skye mched nye bar bsgrubs te gnas pa dag kyang yod de 'di lta ste nam mkha' mdza' yas skye mched du nye bar 'gro ba'i lha rnams so/ /'di ni rnam par shes pa'i sems can gyi gnas drug pa'o/ /sems can ma yin pa gang dag rnam pa thams cad du nam mkha' mdza' yas skye mched las yang dag par 'das te/ rnam shes mdza' yas so zhes rnam shes mdza' yas skye mched nye bar bsgrubs te gnas pa dag kyang yod de/ 'di lta ste rnam shes mdza' yas skye mched du nye bar 'gro ba'i lha rnams so/ /'di ni sems can gyi gnas bdun pa'o/ /sems can gzugs can ma yin pa gang dag rnam pa thams cad du rnam shes mdza' yas skye mched las yang dag par 'das te/ cung zad med do snyam du cung zad med pa'i skye mched bsgrubs te gnas pa dag kyang yod de/ 'di lta ste ci yang med pa'i skye mched du 'gro ba'i lha rnams so/ /'di ni sems can gyi gnas brgyad pa'o/ /sems can gzugs can ma yin pa gang dag cung zad med pa'i skye mched las yang dag par 'das te/ 'du shes med 'du shes med min gyi skye mched bsgrubs te gnas pa dag kyang yod de/ 'di lta ste 'du shes med 'du shes med min skye mched du 'gro ba'i lha rnams te/ sems can gyi gnas dgu pa'o zhes bka' stsal to/ /gnas pa dag ni yang bzhi ste zhes bya ba la/ gleng gzhi ni mnyan du yod pa na'o/ /dge slong dag zas bzhi po 'di dag ni sems can byung ba rnams gnas par byed cing 'tsho ba dang/ srid pa tshol ba rnams la phan 'dogs par byed pa ste/ bzhi gang zhe na/ rags pa dang phra ba'i lam? gyi zas dang/ gnyis pa ni reg pa'o/ /gsum pa ni yid la sems pa'o/ /bzhi pa ni rnam par shes pa'i zas te/ dge slong dag zas bzhi po 'di rnams la dga' ba dang 'dod chags par 'gyur ro/ /gang la dga' ba dang 'dod chags pa yod pa de la rnam par shes pa gnas pa deng brten par 'gyur ro/ /gang la rnam par shes pa gnas shing brtan pa de la ming dang gzugs 'byung bar 'gyur ro/ /gang la ming dang gzugs yod pa de la 'du byed 'phel bar 'gyur ro/ /gang la 'du byed 'phel ba de la ma 'ongs pa'i yang srid pa mngon par 'grub par 'gyur zhing 'byung bar 'gyur ro/ /gang la ma 'ongs pa'i yang srid pa mngon par 'grub cing 'byung ba de lam 'ongs pa'i skye ba dang/ rga ba dang/ na ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung bar 'gyur te/ de ltar na sdug bsngal gyi phung po chen po 'di 'ba' zhig kun tu 'byung bar 'gyur ro/ /dge slong dag zas bzhi po 'di dag la dga' ba dang 'dod chags med par gyur na gang la dga' ba dang 'dod chags med pa de la rnam par shes pa gnas shing brtan par mi 'gyur ro/ /gang la rnam par shes pa gnas shing brtan pa med pa de la ming dang gzugs 'byung bar mi 'gyur ro/ /gang la ming dang gzugs med pa de la 'du shes 'phel bar mi 'gyur ro/ /gang la 'du byed 'phel ba med pa de la ma 'ongs pa'i yang srid pa mngon par 'grub par mi 'gyur ro/ /gang la ma 'ongs pa'i yang srid pa mngon par 'grub par mi 'gyur ba de la ma 'ongs pa'i skye ba dang rtsa ba dang/ na ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa dag nye bar 'gag par 'gyur ro/ /de ltar na sdug bsngal gyi phung po chen po 'di 'ba' zhig de ltar 'gag par 'gyur ro zhes bka' stsal to/ /gzhan yang bcom ldan 'das kyis rnam par shes pa'i gnas bzhi ni zhing gi ngo bor bstan la/ nye bar len pa dang bcas pa'i rnam par shes pa zad par ni sa bon gyi ngo bor bstan te zhes bya ba la/ chos kyi phung po las gzugs bdag ma yin zhes bya bar sdom gyi tshigs su bcad pa gsum pa'i sa bon gyi dpe las bshad pa dang/ mdzod kyi gnas drug pa 'di nyid du yang kun 'byung gi bden pa bshad pa'i skabs su sa bon gyi rnam pa lnga zhes bya ba la/ 'di ni nye ba len pa dang bcas pa'i rnam par shes pa'i tshig bla dags so zhes bya ba la sogs pa rang bzhin gcig par bshad pa dang/ mdzod kyi gnas dang por yang phung po'i go rim brjod par yang dag par bshad par blta bar bya'o/ /yi dags mngal nas skye ba 'ang yin zhes bya ba la/ sangs rgyas bcom ldan 'das rgyal po dang/ rgyal po'i blon po dang/ grong mi dang/ yul mi dang/ phyug po dang/ ded dpon dang/ lha dang/ klu dang/ gnod sbyin dang/ nam mkha' lding dang/ dri za dang/ mi 'am ci dang/ lto 'phye chen po rnams kyis bkur sti byas/ bla mar byas/ brjed par byas shing mchod de/ lha dang klu dang gnod sbyin dang/ lha ma yin dang/ nam mkha' lding/ ma 'am ci dang/ lto 'phye chen po gang gis bkur zhing sangs rgyas bcom ldan 'das grags pa dang/ bsod rnams chen po dang/ rnyed pa dang/ chos gos dang bsod snyoms dang/ mal cha dang/ stan dang/ na ba'i gsos sman dang/ nye bar sbyar ba thams cad dang ldan pa nyan thos kyi dge 'dun dang thabs gcig tu rgyal po'i khab kyi smyug ma'i tshal bya? ka? lan dag gnas pa na brten cing bzhugs so/ /de nas tshe dang ldan pa maung+gal gyi bu chen po snga dro chos gos dang lhung bzed thogs te/ rgyal po'i khab tu bsod snyoms kyi phyir zhugs te/ rgyal po'i khab tu bsod snyoms spyad nas zas kyi bya ba byas te zos pa'i 'og tu lhung bzed blangs nas/ lhung bzed dang chos gos mdza' gcig tu bzhag nas yi dags rgyu bo'i phyir song ba dang/ des bya rgod phung po'i ri'i drung du song nas yi dags mos gshin rje srin mo lta bu khrag gi thigs pas 'bags pa/ rus pas yongs su bskor ba/ dur khrod na gnas pa/ nyin mtshan du bu lnga lnga skye ba de lta bu sdug bsngal nyams su myong zhing bu la yongs su gdung ba dang bcas kyang ltogs pa'i dbang gis de dag yang za ba zhig mthong ngo/ /de nas gnas brtan maung+gal gyi bu chen pos khyod kyis sdig pa'i las ci zhig byas nas 'di lta bu'i sdug bsngal rnam pa du ma nyams su myong bar gyur zhes de la dris pa dang/ yi dwags mos smras pa/ nyi ma yod bzhin du sgron mas dgos pa ci zhig yod de bcom ldan 'das la dris dang bdag cag gis las ji lta bu bsags pa ston par 'gyur ro/ /de thos nas sems can sdig pa byed pa dag las ldog par 'gyur ro// de nas tshe dang ldan pa maung+gal gyi bu chen po bcom ldan 'das gang na ba der nye bar song ngo/ /de'i tshe na bcom ldan 'das yang dag par 'jog pa las bzhengs te/ 'khor rnams zhim zhing rab tu zhim pa sbrang rtsi ma bskol ba lta bu'i chos ston par byed de 'khor brgya phrag du mas bcom ldan 'das la dbang po mi g.yeng bar zhim pa'i chos nyan to/ /de nas sangs rgyas bcom ldan 'das mdun du gsung ba dang/ dga' bar gsungs pas legs par 'ongs sam/ zhes mdun du 'gro bas/ bcom ldan 'das kyis tshe dang ldan pa maung+gal gyi bu la bos te/ maung+gal gyi bu da ltar gang nas 'ongs/ maung+gal gyi bus smras pa/ btsun pa bcom ldan 'das bdag yi dwags rgyu ba nas mchis te/ der bdag gis yi dwags mo gshin rje srin mo lta bu khrag gi thigs pas 'bags pa/ rus pas yongs su bskor ba/ dur khrod? na gnas pa mthong ste/ bdag la 'di skad du/ bdag gi nyin mo bu lnga dang/ /de bzhin mtshan mo bu lnga dang/ /skyes nas de dag za mod kyi/ /'on kyang bdag la tshim pa med ces smras so/ /'dis sdig pa'i las ci zhig byas nas mi'i 'jig rten du drag cing rtsub pa'i sdug bsngal rnam pa du mnyams su myong zhing 'jig par gyur/ bcom ldan 'das kyis maung+gal gyi bu sdig pa'i las sbyor pa'i yi dwags mo de'i las ci zhig byas pa nyan par 'dod dam/ btsun pa de bzhin no/ /de nas maung+gal gyi bu legs par nyon la yid la gzung zhig dang bshad par bya'o/ /sngon byung ba 'das pa'i dus ba ra NA sa'i grong khyer du khyim bdag phyug por gyur cing nor mang ba longs spyod che ba/ yongs su bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig byung ste/ des rigs mnyam pa las chung ma blangs te/ de dang lhan cig rtse bar byed/ dga' bar byed/ yongs su spyod par byed pa las bu pho yang med bu mo yang med do/ /de lag pa 'gram pa la gtad de/ bdag gi khyim na nor mang po yod cing bu pho yang med bu mo yang med pas bdag gi nor thams cad bu med ces rgyal pos khyer bar 'gyur ro zhes sems khong du chud 'dug go / de bu dang bu mo 'dod pa'i phyir zhi ba dang/ chu lha dang/ rnam thos kyi bu dang/ brgya byin dang/ tshangs pa la sogs pa'i lha khyad par can gzhan dang gzhan dag la gsol ba 'debs par byed de/ 'di lta ste kun dga' ra ba'i lha dang/ tshal gyi lha dang/ gzhi mdo'i lha dang/ sum mdo'i lha dang/ gtor ma za ba'i lhan cig skyes ba'i chos can dang/ rtag par rgyun du 'brad? ba'i lha dag la gsol ba 'debs par byed de/ 'jig rten na gsol ba 'debs pa'i rgyus bu dang bu mo skye'o zhes grags pa yod mod kyi/ de ni de lta ma yin te/ gal te de ltar gyur na 'khor lo sgyur ba'i rgyal po bzhin du re re 'ang bu stong stong ldan par 'gyur ro/ /'on kyang gnas gsum mngon du gyur na/ bu pho dang bu mo dag skye bar 'gyur te/ gsum gang zhe na pha ma gnyis chags par gyur cing 'dus pa dang/ ma rung zhing zla mtshan dang ldan pa dang/ dri za nye bar gnas pa ste/ gnas gsum mngon du gyur na/ bu pho dang bu mo dag skye bar 'gyur gyi/ lha la gsol ba 'debs pas bu dang bu mo dag skye ba ma yin no/ /de 'di snyam du blo byung ste/ gal te sems can dang ldan par 'gyur srid kyis/ chung ma gnyis pa zhig blang bar bya'o snyam nas des rigs mnyam pa las chung ma gnyis ba zhig blangs te/ de dang lhan cig tu rtse bar byed dga' bar byed yongs su spyod par byed do/ /rtse bar byed dga' bar byed yongs su spyod par byed pa las dus gzhan zhig na sems can dang ldan par 'gyur ro/ /de dga' ba dang yid bde ba dang dga' bas bdag po la 'di skad ces smras so/ /kye rje'i sras dga' bar mdzod cig /bdag sems can dang ldan par gyur te/ ji ltar bdag gis dku? g.yas par rten cing gnas nas nges? par khye'u ru 'gyur ro/ /de dga' zhing rab tu dga' nas lus kyi stong bteg nas lag pa brkyang? nas ched du brjod pa/ da yun ring po nas mngon par 'dod pa'i bu'i gdod mthong zhing rigs dang rjes su mthun zhing mi mthun pa ma yin pa dang/ da'i? bya ba byed cing cher skyes na da gso ba'i bya ba byed pa dang/ nga'i rigs rgyud yun ring du gnas shing bdag cag shi zhing dus las 'das pa'i 'og tu nyung ngu 'am mang po yang rung sbyin pa bdag sbyin bsod nams dag byas te/ 'di dag pha ma gang du skyes pa der 'gro zhing rjes su 'brang bar gyur cig ces/ yon bdag sbyin par gyur cig ces brjod do/ /de sems can dang ldan par rig nas steng gi khang bzangs kyi gzhi dang ldan par bzhag ste/ grang ba dang grang ba la phan pa dang/ dro ba dang dro ba la phan pa dag rig par byas te/ sman pas bsgo ba'i kha zas ha cang kha ba ma yin pa dang/ ha cang mngar ba ma yin pa dang/ ha cang skyur ba ma yin pa dang/ ha cang mngal ba ma yin pa ste/ kha ba dang/ mngar ba dang/ skyur ba dang/ mngal ba dag spangs pa'i kha zas za zhing gnas te/ mu tig dang mu tig gi phreng bas brgyan cing gnas te/ lha mo dga' ba'i tshal na rgyu ba bzhin du khri nas khri dang/ khre'u nas khre'u ru 'og gi gzhi la mi 'bab cing sgra mi snyan pa cung zad kyang mi thos par ji srid du mngal yongs su smin par byed do/ /de nas de'i tshe chen mas de'i rim gro de dag mthong nas phrag dog gi sems skyes te/ gal te 'di la s kyes bu skyes na nges par nga la gnod par 'gyur gyis thabs shig bya'o snyam nas 'dod pa bsten pa rnams ni sdig pa'i las mi byed pa cung zad kyang med pas des mi 'dod pa'i g.yang sar ma? lhung bar byed cing 'dzag par byed pa rnam pa de lta bu'i mngal 'jig par byed pa'i rdzas byin te/ des? mthungs ma thag tu mngal rlugs? par gyur to/ /de nas chung ma gnyis pas de thams cad bsdus nas chen ma la smras pa khyod kyis nga la gang gis na mngal rlugs pa'i sman byin to/ /de nas chen mas gnyen rnams kyi nang du man 'dor bar brtsams pa/ gal te ngas khyod kyi mngal rlugs par byas na nga yi dags su gyur cig skye ba nas skye bar bu za bar gyur cig ces smras so/ /maung+gal gyi bu ji snyam du sems/ phyug pa'i chung ma de ni yi dwags mo 'di nyid yin te/ phrag dog gi dbang gis mngal rlugs? pa'i sman byin te/ de yis yi dwags su skyes shing gang rdzun du smra ba byas pa'i las kyi rnam par smin pas nyin mtshan du bu lnga lnga skye zhing za bar gyur to/ /maung+gal gyi bu de'i phyir dag gis nyes par spyad pa spang ba'i phyir 'bad par bya ste/ maung+gal gyi bu ji ltar rnam pa 'di lta bu'i rkyen yi dwags su skye bar 'gyur ba spang ba'i phyir bslab bar bya'o/ /bcom ldan 'das dgyes shing de skad ces bka' stsal pa dang/ tshe dang ldan pa maung+gal gyi bu dang/ lha dang/ klu dang/ lha ma yin dang/ nam mkha' lding dang/ mi 'am ci dang/ lto 'phye chen po de dag bcom ldan 'das kyis gsungs ba la mngon par dga' zhing rjes su yi rang ngo/ / //ji ltar na mdo las rdzus te skye ba'i nam mkha' lding gis rdzus te skye ba'i klu bza' ba'i phyir 'dren to/ /zhes gsungs zhe na zhes bya ba dang/ klu ni rnam pa bzhi ste/ sgo nga las skyes pa dang/ mngal nas skyes pa dang/ drod gsher las skyes pa dang/ rdzus te skye ba'o/ /nam mkha' lding yang rnam pa bzhi ste/ sgo nga las skyes pa'i nam mkha' lding dang/ mngal las skyes pa dang/ drod gsher las skyes pa dang/ rdzus te skyes pa'i nam mkha' lding ngo/ /sgo nga las skyes ba'i nam mkha' lding gis sgo nga las skyes pa'i klu bza' ba'i phyir 'byin par byed kyis/ mngal nas skyes pa dang/ drod gsher las skyes pa dang/ rdzus te skye ba ni ma yin te/ gal te 'byin par byed na de thal bar byed par 'gyur ro/ /drod gsher las skye ba'i nam mkha' lding gis sgo nga las skye pa dang/ mngal nas skye ba dang/ drod gsher las skye ba'i klu bza' ba'i phyir 'byin par byed rdzus te skye ba ni ma yin te/ gal te 'byin par byed na thal bar byed par 'gyur ro/ /rdzus te skye ba'i nam mkha' lding gis sgo nga las skye ba dang/ mngal nas skye ba dang/ drod gsher las skye ba dang/ rdzus? te skye ba'i klu bza' ba'i phyir 'byin te zhes gsungs so/ /mdo las srid pa ni bdun te zhes bya ba la/ gleng gzhi ni mnyan du yod pa na'o/ /srid pa ni bdun te/ dmyal ba'i srid pa dang/ dud 'gro'i srid pa dang yi dwags kyi srid pa dang/ lha'i srid pa dang/ mi'i srid pa dang/ las kyi srid pa dang/ srid pa bang? ma'o zhes gsungs so/ /dri za yang nye bar gnas par gyur na'o zhes bya ba la/ ji ltar re zhig mdzod kyi gnas gnyis pa 'di nyid du mngal du 'jug pa'i mdo las bshad pa dang/ go rims las zlog pa'i rim pa gsum pa yi dags sngar bstan pa bzhin dang/ srid pa bar ma rta len gyi bu'i mdo sde dang de las 'don pa bzhin no/ /gal te de lta na rta len gyi bu'i mdo zhes bya ba la/ tshangs pa 'dus pa'i dang po'i sdom gyi tshigs su bcad pa thams cad kyi mthar bcom ldan 'das rta len gyi bu gzhon nu las brtsams te/ bram ze gzhon nu sngon byung ba ri 'ar? gyi dgon pa gzhan zhig na/ drang srong rab tu mang po dag dgon pa na gnas te/ de dag la 'di lta bu'i sdig pa can gyi lta ba bram ze ni rigs mchog yin te/ gzhan ni dman pa yin no/ /bram ze'i rigs ni dkar ba gzhan ni nag po'o/ /bram zes ni dag par byed de gzhan gyis ni ma yin no/ /bram ze ni tshangs? pa'i snying las skyes/ kha las skyes pa/ tshangs pa las skyes pa tshangs pas byin pa zhes bya ba skyes so/ /dgon pa na gnas pa'i drang srong rab tu mang po de dag la sdig pa can gyi lta ba'i rnam pa bram ze rnams ni rigs mchog ces bya ba nas/ tshangs pas byin pa'i zhes bya ba'i bar du skyes pa na lha ma tang+ga'i rigs su skyes pa'i drang srong a se ta sa thos te/ thos nas chos gos gon cing chos gos steng du bkab ste/ chos gos kyis gtums nas/ mang du ri ba'i mchil? lham dang/ mu stegs dang nor bu'i yu ba can gyi bsil yab g.yob? cing rang gi gnas nas mi snang bar gyur te/ drang srong rab tu mang po dgon pa na sbyin bsreg byed pa'i gnas sreg khang gang na ba der song? ngo?/ /de nas dgon pa'i drang srong de las gzhan zhig gis lha ma tang ga'i rigs su skyes pa'i drang srong a se tas chos gos gon cing chos gos steng du g.yogs te/ chos gos kyis gtums nas mang du ri ba'i mchil lham dang/ mu tig dang nor bu'i yu ba can gyi bsil yab g.yob cing drang srong rab tu mang po sbyin sreg byed ba'i gnas dang sreg khang na 'dug pa mthong ngo/ /mthong nas dgon pa'i drang srong rab tu mang po gang na ba der nye bar song ste/ de dag gi drung du nye bar song nas dgon pa'i drang srong rab tu mang po de dag la 'di skad ces gsol to/ /da ltar bdag cag la sbyin sreg byed pa'i gnas dang/ sreg khang nas chos gos gen cing zhes bya ba nas 'dug pa zhes bya ba'i bar du ste/ bdag cag de'i drung du song nas mngon du phyogs shing khyod thal bar gyur cig ces dmod pa dor bar bya'o/ /de'i tshe dgon pa'i drang srong rab tu mang po da dag las gang dang gang la mngon du phyogs te/ khyod thal bar gyur cig khyod thal bar gyur cig ces dmod ba dor ba na de dag thal bar 'gyur ro/ /de nas dgon pa'i drang srong rab tu mang po de dag lha ma tang ga'i rigs su skyes pa'i drang srong a se ta gang na ba der song ste nye bar song nas lha ma tang ga'i rigs su skye ba'i drang srong a se ta la mngon du phyogs te/ khyod thal par cig /khyod thal bar gyur cig ces dmod par dor ro/ /ji lta ji ltar dgon pa'i drang srong rab tu mang po de dag lha ma tang ga'i rigs su skyes pa'i drang srong a se ta la khyod thal bar gyur cig ces dmod pa bor ba de lta de ltar lha ma tang ga'i rigs su skyes pa'i drang srong a se ta shin tu gzugs bzang ba dang/ shin tu blta bar bya ba dang/ shin tu rab tu dang bar gyur to/ /de nas dgon pa'i drang srong rab tu mang po de dag 'di snyam du bdag cag gis sngon gang dang gang la mngon du phyogs te/ khyod thal bar gyur cig khyod thal bar gyur cig ces dmod pa bor ba de thal bar gyur na da lta 'di ci ste/ ji lta ji ltar bdag cag gis mngon du phyogs te khyod thal par gyur cig khyod thal bar gyur cig ces dmod pa dor ba de lta de ltar shin tu gzugs bzang ba dang/ shin tu blta bar bya ba dang/ shin tu rab tu dang bar gyur pa ci las gyur ces bdag dri bar bya'o/ /des dgon pa'i drang srong rab tu mang po de dag lha ma tang ga'i rigs su skyes pa'i drang srong a se ta la 'di skad ces gsol to/ /khyod su zhig khyod cag gis lha ma? ta ga'i? rigs su skyes pa'i drang srong a se las thos sam thos so/ /bdag yin no/ /bzod par mdzod cig /bzod do/ /khyed cag la 'di lta bu'i sdig pa can gyi lta ba'i rnam pa bram ze ni rigs mchog yin no zhes bya ba nas tshangs bas byin zhes bya ba skyes pa bden nam/ de bzhin no/ /khyod cag gis bdag cag ma bram ze mo yin zhing bram ze dang lhan cig 'gro zhing bram ze ma yin pa dang/ de'i yang ma dang/ de'i yang ma dang zhes bya ba ma'i bdun rgyud kyi bar du bram ze ma yin zhing/ bram ze dang lhan cig 'gro ba yin zhing/ bram ze ma yin pa dang ma yin pa de lta bu shes sam yin na/ /yang khyed cag gi bdag cag gi pha bram ze yin zhing/ bram ze mo dang lhan cig tu 'gro zhing bram ze mo yin pa dang ma yin pa dang/ de'i yang pha dang/ de'i yang pha dang/ de'i yang pha'i bar du pha'i bdun rgyud kyi bar du bram ze yin zhing bram ze mo dang lhan cig 'gro ba dang/ bram ze mo ma yin pa dang ma yin pa de lta bu shes sam/ ma yin no/ /khyed cag gi mngal du 'jug pa thos sam thos so/ /ji lta ji ltar thos nas rnam pa gsum mngon du gyur na ma'i mngal du 'jug par 'gyur te/ gsum gang zhe na/ pha dang ma chags par gyur cing 'dus pa dang/ ma rung zhing zla mtshan dang ldan pa dang/ dri za nye bar gnas par gyur na ste/ gnas rnam pa 'di gsum mngon du gyur bas mngal du 'jug par 'gyur ro/ /khyed cag gis dri za nye bar gnas pa 'di gang yin pa/ rgyal rigs sam/ bram ze'i rigs sam/ rje rigs sam/ dmangs rigs sam/ 'on te shar phyogs nas 'ongs pa zhig gam/ 'on te lho dang nub dang byang phyogs nas 'ongs pa zhig shes sam/ ma yin no/ /de ltar na re zhig khyod cag gis bdag gi ma bram ze mo yin zhing bram ze dang lhan cig 'gro la bram ze ma yin pa dang ma yin pa zhes bya ba nas/ rgyas par snga ma bzhin du bdag cag gi pha bram ze yin zhing zhes bya ba nas/ snga ma bzhin du rgyas par byas te mi shes sam/ dri za nye bar gnas pa zhes bya ba nas/ bram ze zhes bya ba'i byang phyogs nas 'ongs pa ci'i phyir mi shes gal te gang ngam de lam gang du 'am gang du 'gro ba de bzhin no/ /ci ste khyed cag la 'di lta bu'i sdig pa can gyi lta ba'i rnam pa bram ze ni rigs mchog yin no zhes bya ba nas tshangs pas byin pa yin no zhes bya ba'i bar du skyes/ de skad ces smras pa dang/ dgon pa'i drang srong/ / rab tu mang po de dag cang mi smra bar gyur te/ de'i phyir re zhig dgon pa'i drang srong mang po de dag res lha ma tang ga'i rigs su skyes pa'i drang srong a se tas bram ze'i dri ba dris pa lan yongs su rdzogs par 'debs ma nus na/ khyod kyi dgon pa'i drang srong mang po de dag ni dur ba 'dzin pa tsam du yang mi rigs so/ /de nas bcom ldan 'das kyis gzhon nu dur ba 'dzin pa'i dpes spyos shing smad nas kha rog por gyur cing yi mug nas phrag pa smad nas thur du lta zhing spobs pa med pa dang rab tu sems shing gnas par gyur te zhes 'byung ngo/ /sngar gsungs zhes bya ba la/ gleng gzhi ni mnyan du yod pa na'o/ /lnga gang zhe na/ bar ma dor yongs su mya ngan las 'da' ba dang/ skyes nas yongs su mya ngan las 'da' ba dang/ mngon par 'du byed pa med par yongs su mya ngan las 'da' ba dang/ mngon par 'du bya ba dang bcas par yongs su mya ngan las 'da' ba dang/ gong du 'pho ba'o zhes bka' stsal to// //'gro mod zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag nye bar len pa med par yongs su mya ngan las 'da' ba skyes bu dam pa'i 'gro ba bdun bstan par bya ste/ legs par rab tu nyon la yid la gzung shig dang bshad par bya'o/ /skyes bu dam pa'i 'gro ba bdun gang zhe na/ 'di la dge slong 'di ltar bdag med do/ /bdag gi med do/ /bdag 'byung bar mi 'gyur ro/ /bdag gi 'byung bar mi 'gyur ro zhes rab tu bsgrubs te/ gang yod cing gang 'byung ba de spong zhing btang snyoms thob par 'gyur te/ de srid pa 'dis ma gos shing srid pa 'dis ma 'bags pa gzhan yang bla na med pa zhi ba'i go 'phang rab tu shes shing rtogs la/ go 'phang 'di nyid lus kyi mngon du byas te/ 'di ltar sgrub pa'i dge slong gi 'gro ba ni gang/ skye ba ni gang/ 'jig rten pha rol ni gang zhes yongs su 'dri na dper na zhogs ma'i me chung ngu mngon par 'grub pa bzhin du 'chi bar 'gyur ba de bzhin re zhig nga rgyal gyi lhag ma spang bar bya ba dang/ yongs su shes par bya ba de dag gang nga rgyal gyi lhag ma spangs shing yongs su ma shes pas tha ma'i cha dang mthun pa'i kun tu sbyor ba snga ma rnams spangs te bar ma dor yongs su mya ngan las 'da' bar 'gyur ba 'di ni dge slong dag skyes bu dam pa'i 'gro ba dang po zhes bshad do/ /gzhan yang dge slong 'di ltar bdag med do/ /bdag gi med do/ /bdag 'byung bar mi 'gyur ro/ /bdag gi 'byung bar mi 'gyur ro zhes bya ba nas/ snga ma bzhin du 'di ltar yongs su bsgrub pa'i dge slong gi 'gro ba ni gang skye ba ni gang/ 'jig rten pha rol ni gang zhes yongs su 'dri na/ 'di lta ste/ lcags kyi tsha tsha gnam du yang ba bzhin du 'chi bar 'gyur ba de bzhin du/ re zhig nga rgyal gyi lhag ma yongs su spang bar bya ba dang/ yongs su shes par bya ba de dag nga rgyal gyi lhag ma yongs su ma spangs shing yongs su ma shes pa tha ma'i cha dang mthun pa'i kun tu sbyor ba lnga spangs shing bar ma dor yongs su mya ngan las 'da' bar 'gyur ba 'di ni dge slong dag skyes bu dam pa'i 'gro ba gnyis pa zhes bshad do/ /gzhan yang dge slong 'di ltar zhes bya ba nas snga ma bzhin bu ji ltar bsgrub pa'i dge slong gi 'gro ba ni gang skye ba ni gang/ pha rol ni gang zhig ces 'dri na/ 'di lta ste/ de bzhin du re zhig nga rgyal gyi lhag ma yongs su spang bar bya ba dang/ yongs su shes par bya ba de dag nga rgyal gyi lhag ma yongs su ma spangs shing/ yongs su ma shes pa de tha ma'i cha dang mthun pa'i kun tu sbyor ba lnga yongs su spangs te/ bar ma dor yongs su mya ngan las 'da' bar 'gyur ba 'di ni dge slong dag skyes bu dam pa'i 'gro ba gsum pa zhes bshad do/ /gzhan yang dge slong 'di ltar zhes bya ba nas/ snga ma bzhin du 'di ltar bsgrub pa'i dge slong gi 'gro ba ni gang/ skye ba ni gang/ pha rol ni gang zhig ces 'dri na/ 'di lta ste/ de bzhin du re zhig nga rgyal gyi lhag ma yongs su spang bar bya ba dang/ yongs su shes par bya ba de nga rgyal gyi lhag ma spangs shing yongs su ma shes pa tha ma'i cha dang mthun pa'i kun tu sbyor ba lnga rnams yongs su spangs te/ skyes nas yongs su mya ngan las 'da' bar 'gyur ba 'di ni dge slong skyes bu dam pa'i 'gro ba bzhi pa zhes bshad do/ /gzhan yang dge slong 'di ltar zhes bya ba nas/ snga ma bzhin du 'di ltar bsgrub pa'i dge slong gi 'gro ba ni gang/ skye ba ni gang/ pha rol ni gang zhig ces 'dri na 'di lta ste/ de bzhin du re zhig nga rgyal gyi lhag ma yongs su spang bar bya ba dang/ yongs su shes par bya ba de dag nga rgyal gyi lhag ma yongs su spangs shing yongs su ma shes pa tha ma'i cha dang mthun pa'i kun tu sbyor ba lnga po rnams yongs su spangs te/ mngon par 'du byed pa dang bcas par yongs su mya ngan las 'da' ba 'di ni dge slong dag skyes bu dam pa'i 'gro ba lnga pa zhes bshad do/ /gzhan yang dge slong 'di ltar zhes bya ba nas snga ma bzhin du 'di ltar bsgrubs pa'i dge slong gi 'gro ba ni gang/ skye ra ni gang/ 'jig rten pha rol ni gang zhig ces 'dri na/ 'di lta ste/ lcags kyi gong bu 'am/ lcags kyi sdong po me 'bar zhing rab tu 'bar ba dang/ brdungs te brdungs pa na lcags kyi tsha tsha gnam du yar ba shin tu rgya chen po'i rtswa'i nang du lhung te du bar 'thul zhing me 'bar zhing de der du ba dag 'thul zhing me lce dag 'bar nas shin tu rgya chen po'i rtswa dang shing dag bsregs te ma lus par yongs su 'gags pas de bzhin du re zhig nga rgyal gyi lhag ma yongs su spang bar bya ba dang/ yongs su shes par bya ba de dag nga rgyal gyi lhag ma yongs su spangs shing yongs su ma shes pa tha ma'i cha dang mthun pa'i kun tu sbyor ba lta yongs su spangs shing mngon par 'du bya ba med par yongs su mya ngan las 'da' bar 'gyur ba ni dge slong dag skyes bu dam pa'i 'gro ba drug pa yin no zhes bshad do/ /gzhan yang dge slong 'di ltar zhes bya ba nas snga ma bzhin du 'di ltar bsgrub pa'i dge slong gi 'gro ba ni gang/ skye ba ni gang/ 'jig rten pha rol ni gang zhig ces 'dri na/ 'di lta ste/ lcags kyi gong bu 'am lcags kyi sdong bu me rab tu 'bar? ba dag brdungs pa las lcags kyi tsha tsha gnam du yar bas shin tu yangs shing rgya che ba'i rtswa dang shing du lhung nas du ba dag 'thul zhing me lce dag 'bar nas shin tu yangs shing rgya chen por gyur pa'i rtswa dang shing gi phung po dag bsregs te/ grong dang grong gi phyogs gcig dang grong khyer gyi phyogs gcig dang/ ljongs dang ljongs kyi phyogs gcig dang/ rtswa dang/ da ba dang/ gling dang/ nags tshal dag bsregs te/ grong dang/ grong gi phyogs gcig bsregs shing/ grong khyer dang/ grong khyer gyi phyogs gcig bsregs/ ljongs dang ljongs kyi phyogs gcig dang/ rtswa dang/ da ba dang/ gling dang/ nags tshal dag bsregs te/ lam gyi mdza' dang chu'i mthar 'ongs te rtswa sngon po yod pa'i sa phyogs su ma lus par 'gags shing shi ba de bzhin du de re zhig nga rgyal gyi lhag ma yongs su spang bar bya ba dang/ yongs su shes par bya ba de dag nga rgyal gyi lhag ma yongs su ma spangs shing yongs su ma shes pa tha ma'i cha dang mthun pa'i kun tu sbyor ba lnga yongs su spong zhing grong 'gro bar 'gyur ba 'di ni skyes bu dam pa'i 'gro ba bdun pa zhes bshad do/ /nye bar len pa med par yongs su mya ngan las 'da' pa gang zhe na/ dge slong 'di ltar bdag med do/ /bdag gi med do/ /bdag 'byung bar mi 'gyur ro/ /bdag gi 'byung bar mi 'gyur ro zhes sgrub cing gang yod cing gang 'byung ba ste spang/ spang bar bya'o zhes so sor btang snyoms thob cing de srid pa 'dis ma? gos? la srid pa 'dis ma 'bags par gyur te nas gong ma zhi ba'i gnas yongs su shes shing yongs su rtogs par 'gyur te/ gnas de 'dis lus kyi mngon sum du byed de 'di ltar bsgrub pa'i dge slong ni shar phyogs su 'gro bar nga mi smra'o/ /lho phyogs su ma yin/ nub phyogs su ma yin/ byang phyogs su ma yin/ steng du ma yin/ 'og tu ma yin/ phyogs mtshams su ma yin/ gzhan du na mthong ba'i chos de nyid la 'dun pa log cing zhi ba dang/ bsil bar gyur pa tshangs par spyod par 'gyur ro zhes nga smra ste/ /'di ni nye bar len pa med pa yongs su mya ngan las 'da' ba zhes bya'o/ /dge slong dag ngas khyod la skyes bu dam pa'i 'gro ba bdun dang/ nye bar len pa med par yongs su mya ngan las 'da' ba bshad par bya'o zhes ji skad du bstan pa de rgyas par rab tu bshad do// //bsam gtan dag gi bcu tshan bzhi zhes bya ba la sogs pa la/ nyan thos kyi rnam par bshad pa'i sdom gyi tshigs su bcad pa nyi shu pa las/ gleng gzhi ni mnyan du yod pa na'o/ /dge slong dag 'di na dge slong rnam pa gang dang rtags gang dang mtshan ma gang gis 'dod pa las dben pa/ sdig pa mi dge ba'i chos las dben pa/ rtogs pa dang bcas shing spyod pa dang bcas pa'i dben ba las skyes pa'i dga' ba dang bde ba can bsam gtan dang po nye bar bsgrubs te gnas par 'gyur ba de nyid kyi rnam pa de dag dang/ rtags de dag dang/ mtshan ma de dag yid la mi byed kyi/ 'on kyang gang de na dmigs pa'i gzugs can rnam pa 'am/ tshor ba'i rnam pa 'am/ 'du shes kyi rnam pa 'am/ 'du byed kyi rnam pa 'am/ rnam par shes pa'i rnam pa 'am/ chos de dag 'gro ba med par yid la byed de/ nad dang/ 'bras dang/ zug rngu dang/ gnod pa dang/ mi rtag pa dang/ sdug bsngal ba dang/ stong pa dang/ bdag med par yid la byed de/ de chos de dag la 'gro ba med par yid la byas shing nad dang/ 'bras dang/ zug rngu dang/ gnod pa dang/ mi rtag pa dang/ sdug bsngal ba dang/ stong pa dang/ bdag med par yid la byas pas/ chos rnams la sems skyo ba dang skrag pa dang/ dngangs bar 'gyur te/ chos de dag la sems skyo ba dang/ skrag pa dang/ dngangs pa dang/ 'di ni zhi ba/ 'di ni gya nom pa ste/ nye bar len pa thams cad las nges par 'byung ba/ sred pa zad pa/ 'dod chags dang bral ba/ 'gog pa'o zhes 'chi ba med pa'i dbyings las gtod par 'gyur ro zhes bka' stsal to/ /de bzhin du mdo rgyas pa 'gog pa mya ngan las 'das pa'i bar du blta'o/ /de de ltar shes shing de ltar mthong nas 'dod ba'i zag pa las sems rnam par grol bar 'gyur zhing/ srid pa'i zag pa dang ma rig pa'i zag pa las sems rnam par grol te/ bdag gi skye ba zad do/ /tshangs par spyod pa bstan to/ /bya ba byas so/ /gang srid pa 'di las gzhan mi shes so zhes rnam par grol ba dang/ rnam par grol ba'i ye shes mthong bar 'gyur ro/ /mdo de nyid 'gog pa dang/ mya ngan las 'das pa'i bar du'o/ /rnam par grol bar mi 'gyur mod kyi/ 'on kyang chos la 'dun pa de nyid dang/ chos la chags pa de nyid dang/ chos la dga' ba de nyid dang/ chos la mngon par dga' ba de nyid kyis tha ma'i cha dang mthun pa'i kun tu sbyor ba lnga spangs te/ bar ma dor yongs su mya ngan las 'da' bar 'gyur ro/ /bar ma dor yongs su mya ngan las 'da' bar mi 'gyur mod kyi/ skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur mod kyi/ mngon par 'du bya ba med par yongs su mya ngan las 'da' bar 'gyur ro/ /mngon par 'du bya ba med par yongs su mya ngan las 'da' bar mi 'gyur gyi/ mngon par 'du bya ba dang bcas par yongs su mya ngan las 'da' bar 'gyur ro/ /mngon par 'du bya ba dang bcas par yongs su mya ngan las 'da' bar mi 'gyur gyi gong nas gong du 'pho bar 'gyur ro/ /gong du 'pho bar mi 'gyur gyi/ 'on kyang chos la 'dun pa de nyid dang/ chos la sred pa de nyid dang/ chos la dga' ba de nyid dang/ chos la rab tu mngon par dga' ba de nyid kyis tshangs pa chen po'i lha rnams dang skal ba mnyam par skye bar 'gyur ro/ /tshangs pa chen po'i lha rnams dang skal ba mnyam par skye bar mi 'gyur gyi/ tshangs pa'i mdun na 'don gyi lha rnams dang skal ba mnyam par skye bar 'gyur ro/ /tshangs pa'i mdun na 'don gyi lha rnams dang skal ba mnyam par skye bar mi 'gyur gyi/ tshangs ris kyi lha rnams dang skal ba mnyam par skye bar 'gyur ro/ dge slong dag 'di na dge slong rnam pa gang dang/ rtags gang dang/ mtshan ma gang dag gis rtog pa dang dpyod pa nye bar zhi nas nad yongs su dang ste/ sems kyi rgyud gcig tu gyur cing rtog pa med cing dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa nye bar bsgrubs te/ gnas par 'gyur ba de nyid kyi rnam pa de dag dang rtags de dag dang mtshan ma de dag yid la byed kyi 'on kyang gang de na dmigs pa'i gzugs kyi rnam pa 'am/ tshor ba'i rnam pa 'am/ 'du shes kyi rnam pa 'am/ 'du byed kyi rnam pa 'am/ rnam par shes pa'i rnam pa ste/ de chos de dag las 'gro ba med par yid la byed de/ nad dang/ 'bras dang zug rngu dang/ gnod pa dang/ mi rtag pa dang/ sdug bsngal ba dang/ stong pa dang/ bdag med par yid la byed de/ chos de dag 'gro ba med par yid la byas shing/ nad dang/ 'bras dang/ zug rngu dang/ gnod pa dang/ mi rtag pa dang/ sdug bsngal ba dang/ stong pa dang/ bdag med par yid la byas pas/ chos rnams la sems skyo ba dang/ skrag pa dang yid 'byung bar 'gyur te/ de chos de dag la sems skyo ba dang/ skrag pa dang yid byung nas/ 'di ni zhi ba 'di ni gya nom pa ste/ 'di lta ste/ nye bar len pa thams cad las nges par 'byung ba/ sred pa zad pa/ 'dod chags dang bral ba 'gog pa mya ngan las 'das pa'o zhes 'chi ba med pa'i dbyings la sems gtod par 'gyur ro/ /mdo de nyid 'gog pa dang mya ngan las 'das pa'i bar du'o/ /de de ltar shes shing mthong nas 'dod pa'i zag pa las sems rnam par grol bar 'gyur zhing srid pa'i zag pa dang ma rig pa'i zag pa las sems rnam par grol bar 'gyur zhing bdag gi skye ba zad do/ /tshangs par spyod pa bsten to/ /bya ba byas so/ /gang srid pa 'di las gzhan mi shes so zhes rnam par grol ba dang/ rnam par grol ba'i ye shes mthong bar 'gyur ro// rnam par grol bar mi 'gyur mod kyi/ 'on kyang chos la 'dun pa de nyid dang/ chos la sred pa de nyid dang/ chos la dga' ba de nyid dang/ chos la mngon par rab tu dga' ba de nyid kyis tha ma'i cha dang mthun pa'i sbyor ba lnga spangs te/ bar ma dor yongs su mya ngan las 'da' bar 'gyur ro/ /bar ma dor yongs su mya ngan las 'da' bar mi 'gyur mod kyi/ 'on kyang skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur gyi/ mngon par 'du bya ba med par yongs su mya ngan las 'da' bar 'gyur ro// mngon par 'du bya ba med par yongs su mya ngan las 'da' bar mi 'gyur gyi/ mngon par 'du bya ba dang bcas par yongs su mya ngan las 'da' bar 'gyur ro/ /mngon par 'du bya ba dang bcas par yongs su mya ngan las 'da' bar mi 'gyur gyi/ gong du 'pho bar 'gyur ro// gong du 'pho bar mi 'gyur gyi/ de chos la 'dun pa de dang/ chos la sred pa de dang/ chos la dga' ba de dang/ chos la mngon par dga' ba de nyid kyis 'od chung gi lha rnams dang skal ba mnyam par skye bar 'gyur ro/ /'od chung gi lha rnams dang skal ba mnyam par skye bar mi 'gyur gyi/ tshad med 'od kyi lha rnams dang skal ba mnyam par skye bar 'gyur ro/ /tshad med 'od kyi lha rnams dang skal ba mnyam par skye bar mi 'gyur gyi/ 'od gsal gyi lha rnams dang skal ba mnyam par skye bar 'gyur ro/ /dge slong dag dge slong 'di na rnam pa gang dang/ rtags gang dang/ mtshan ma gang gis dga' ba las 'dod chags dang bral zhing btang snyoms su gnas pa dran pa shes bzhin can yin te/ bde ba lus kyi nyams su myong la/ gang 'phags pa rnams kyi btang snyoms pa'o zhes brjod pa dran pa dang bde bar gnas pa bsam gtan gsum pa nye bar sgrubs te/ nye bar gnas par 'gyur ba de nyid kyi rnam pa de dang/ rtags de dang/ mtshan ma de yid la mi byed kyi/ 'on kyang de nas dmigs pa'i gzugs kyi rnam pa 'am/ tshor ba'i rnam pa 'am/ 'du shes kyi rnam pa 'am/ 'du byed kyi rnam pa 'am/ rnam par shes pa'i rnam pa chos de dag la 'gro ba med par yid la byed cing/ nad dang/ 'bras dang/ zug rngu dang/ gnod pa dang/ mi rtag pa dang/ sdug bsngal ba dang/ stong pa dang/ bdag med par yid la byed de/ de chos de dag la 'gro ba t+med par yid la byed pa nas/ bdag med pa'i bar du yid la byas pas chos rnams la sems skyo ba dang/ skrag pa dang yid 'byung bar 'gyur te/ des chos rnams la skyo ba dang skrag pa dang yid byung ste/ 'di ni zhi ba/ 'di ni gya nom pa ste/ 'di lta ste/ nye bar len pa thams cad las nges par 'byung ba sred pa zad pa/ 'dod chags dang bral ba 'gog pa'o zhes 'chi ba med pa'i dbyings la sems gnod par 'gyur te/ mdo de nyid 'gog pa dang mya ngan las 'das pa'i bar du'o/ /de de ltar mthong zhing de ltar shes nas 'dod pa'i zag pa las sems rnam par grol par 'gyur la/ srid pa'i zag pa dang/ ma rig pa'i zag pa las sems rnam par grol bar 'gyur te/ bdag gi skye ba zad do/ /tshangs par spyod pa bsten no/ /bya ba byas so/ /gang srid pa 'dis las gzhan mi shes so zhes rnam par grol ba dang/ rnam par grol ba'i ye shes mthong bar 'gyur ro/ /rnam par grol bar mi 'gyur gyi/ de chos la 'dun pa de dang/ chos la sred pa de dang/ chos la dga' ba de dang/ chos la mngon par rab tu dga' ba de nyid kyi tha ma'i cha dang mthun pa'i kun tu sbyor ba lnga spangs te/ bar ma dor yongs su mya ngan las 'da' bar 'gyur ro/ /bar ma dor yongs su mya ngan las 'da' bar mi 'gyur gyi/ skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur gyi/ mngon par 'du byed pa med par yongs su mya ngan las 'da' bar 'gyur ro/ /mngon par 'du byed pa med par yongs su mya ngan las 'da' bar mi 'gyur gyi/ mngon par 'du byed dang bcas par yongs su mya ngan las 'da' bar 'gyur ro/ /mngon par 'du byed dang bcas par yongs su mya ngan las 'da' bar mi 'gyur gyi/ gong du 'pho bar 'gyur ro/ /gong du 'pho bar mi 'gyur gyi/ chos la 'dun pa de nyid dang/ chos la sred pa de nyid dang/ chos la dga' ba de nyid dang/ chos la mngon par rab tu dga' ba de nyid kyis dge chung gi lha rnams dang skal ba mnyam par skye bar 'gyur ro/ /dge chung gi lha rnams dang skal ba mnyam par skye bar mi 'gyur gyi/ tshad med dge ba'i lha rnams dang skal ba mnyam par skye bar 'gyur ro/ /tshad med dge ba'i lha rnams dang skal ba mnyam par skye bar mi 'gyur gyi/ dge rgyas kyi lha rnams dang skal ba mnyam par skye bar 'gyur ro/ /dge slong dag 'di na dge slong rnam pa gang dang/ rtags gang dang/ mtshan ma gang gis bde ba yang spangs/ sdug bsngal ba yang spangs shing/ yid bde ba dang yid mi bde ba snga nas yang nub cing/ bde ba yang ma yin sdug bsngal yang ma yin pa'i btang snyoms yongs su dag pa bsam gtan bzhi pa nye bar bsgrubs te gnas par 'gyur ba de nyid kyi rnam pa de dag dang/ rtags de dag dang/ mtshan ma de dag yid la mi byed kyi/ 'on kyang gang de na dmigs pa'i gzugs kyi rnam pa 'am/ tshor ba'i rnam pa 'am/ 'du shes kyi rnam pa 'am/ 'du byed kyi rnam pa 'am/ rnam par shes pa'i rnam pa'i chos de dag la 'gro ba med par yid la byed pa bya ba nas sred pa zad cing 'dod chags dang bral ba dang/ mya ngan las 'das pa'i bar du ste/ mdo de nyid 'gog pa dang/ mya ngan las 'das pa'i bar du'o/ /de de ltar shes shing de ltar mthong nas 'dod pa'i zag pa las sems rnam par grol bar 'gyur zhing/ srid pa'i zag pa dang/ ma rig pa'i zag pa las sems rnam par grol bar 'gyur te/ bdag gi skye ba zad do/ /tshangs par spyod pa bsten to/ bya ba byas so/ /gang srid pa 'di las gzhan mi shes so zhes rnam par grol ba dang/ rnam par grol ba'i ye shes mthong bar 'gyur ro/ /rnam par grol bar mi 'gyur gyi/ chos la 'dun pa de nyid dang/ chos la sred pa de nyid dang/ chos la dga' ba de nyid dang/ chos la mngon par rab tu dga' ba de nyid kyis tha ma'i cha dang mthun pa'i kun tu sbyor ba lnga spangs te/ bar ma dor yongs su mya ngan las 'da' bar 'gyur ro/ /bar ma dor yongs su mya ngan las 'da' bar mi 'gyur gyi/ skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur gyi/ mngon par 'du byed pa med par yongs su mya ngan las 'da' bar 'gyur ro// mngon par 'du byed pa med par yongs su mya ngan las 'da' bar mi 'gyur gyi/ mngon par 'du byed pa dang bcas par yongs su mya ngan las 'da' bar 'gyur ro/ /mngon par 'du byed pa dang bcas par yongs su mya ngan las 'da' bar mi 'gyur gyi/ gong du 'pho bar 'gyur ro/ /gong du 'pho bar mi 'gyur gyi chos la 'dun pa de nyid dang/ chos la sred pa de nyid dang/ chos la dga' ba de nyid dang chos la mngon par rab tu dga' ba de nyid kyis sprin med kyi lha rnams dang skal ba mnyam par skye bar 'gyur ro/ /sprin med kyi lha rnams dang skal ba mnyam par skye bar mi 'gyur gyi/ bsod nams 'phel gyi lha rnams dang skal ba mnyam par skye bar 'gyur ro/ /bsod nams 'phel gyi lha rnams dang skal ba mnyam par skye bar mi 'gyur gyi/ 'bras bu che ba'i lha rnams dang skal ba mnyam par skye bar 'gyur ro/ /dge slong dag 'di na dge slong rnam pa gang dang/ rtags gang dang/ mtshan ma gang gis rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing sna tshogs kyi 'du shes rnams yid la byed pas nam mkha' mdza' yas so zhes nam mkha' mdza' yas skye mched nye bar bsgrubs te gnas par 'gyur ba'i rnam pa de dang/ rtags de dang/ mtshan ma de yid la mi byed kyi 'on kyang gang na dmigs pa'i tshor ba'i rnam pa 'am/ 'du shes kyi rnam pa 'am/ 'du byed kyi rnam pa 'am/ rnam par shes pa'i rnam pa'i chos de dag la 'gro ba med par yid la byed pa nas/ snga ma bzhin du sred pa zad pa dang/ 'dod chags dang bral ba 'gog pa'i bar du mdo de nyid 'gog pa dang mya ngan las 'das pa'i bar du'o/ /de de ltar shes shing de ltar mthong nas 'dod pa'i zag pa las sems rnam par grol zhing srid pa'i zag pa dang/ ma rig pa'i zag pa las sems rnam par grol bar 'gyur te/ bdag gi skye ba zad do/ /tshangs par spyod pa bsten to/ /bya ba byas so/ /gang srid pa 'di las gzhan mi shes so zhes rnam par grol ba dang/ rnam par grol ba'i ye shes mthong bar 'gyur ro/ /rnam par grol bar mi 'gyur gyi/ chos la 'dun pa de nyid dang/ chos la sred pa de nyid dang/ chos la dga' ba de nyid dang/ chos mngon par rab tu dga' ba de nyid kyis skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur gyi/ mngon par 'du bya ba med par yongs su mya ngan las 'da' bar 'gyur ro/ /mngon par 'du bya ba med par yongs su mya ngan las 'da' bar mi 'gyur gyi/ mngon par 'du bya ba dang bcas par yongs su mya ngan las 'da' bar 'gyur ro/ /mngon par 'du bya ba dang bcas par yongs su mya ngan las 'da' bar mi 'gyur gyi/ gong du 'pho bar 'gyur ro/ /gong du 'pho bar mi 'gyur gyi chos la 'dun pa de nyid dang/ chos la sred pa de nyid dang/ chos la dga' ba de nyid dang/ chos la mngon par rab tu dga' ba de nyid kyis nam mkha' mdza' yas skye mched du nye bar 'gro ba'i lha rnams dang skal ba mnyam par skye bar 'gyur ro/ /dge slong dag 'di na dge slong rnam pa gang dang/ rtags gang dang/ mtshan ma gang gis nam mkha' mdza' yas skye mched las yang dag par 'das te/ rnam shes mdza' yas so zhes rnam shes mdza' yas skye mched nye bar bsgrubs te gnas par 'gyur ba'i rnam pa de dang/ rtags de dang/ mtshan ma de yid la mi byed kyi/ 'on kyang gang de na dmigs pa'i tshor ba 'am/ 'du shes sam/ 'du byed dam/ rnam par shes pa'i rnam pa'i chos de dag 'gro ba med par yid la byed pa nas snga ma bzhin du sred pa zad pa nas 'dod chags dang bral ba 'gog pa mya ngan las 'das pa'i bar du ste/ mdo de nyid 'gog pa dang mya ngan las 'das pa'i bar du'o/ /de de ltar shes shing de ltar mthong nas 'dod pa'i zag pa las sems rnam par grol zhing/ srid pa'i zag pa dang/ ma rig pa'i zag pa las sems rnam par grol bar 'gyur te bdag gi skye ba zad do/ /tshangs par spyod pa bsten to/ /bya ba byas so/ /gang srid pa 'di las gzhan mi shes so zhes rnam par grol ba dang/ rnam par grol ba'i ye shes mthong bar 'gyur ro/ /sems rnam par grol bar mi 'gyur gyi/ 'on kyang chos la 'dun pa de nyid dang/ chos la sred pa de nyid dang/ chos la dga' ba de nyid dang/ chos la mngon par rab tu dga' ba de nyid kyis/ tha ma'i cha dang 'dun pa'i kun tu sbyor ba lnga spangs te/ skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur gyi/ mngon par 'du byed med par yongs su mya ngan las 'da' bar 'gyur ro/ /mngon par 'du byed med par yongs su mya ngan las 'da' bar mi 'gyur gyi/ mngon par 'du bya ba dang bcas par yongs su mya ngan las 'da' bar 'gyur ro/ /mngon par 'du bya ba dang bcas par yongs su mya ngan las 'da' bar mi 'gyur gyi/ gong du 'pho bar 'gyur ro/ /gong du 'pho bar mi 'gyur gyi/ chos la 'dun pa de nyid dang/ chos la sred pa de nyid dang/ chos la dga' ba de nyid dang/ chos la mngon par rab tu dga' ba de nyid kyis rnam shes mdza' yas skye mched du nye bar 'gro ba'i lha rnams dang skal ba mnyam par skye bar 'gyur ro/ /dge slong dag 'di na dge slong rnam pa gang dang/ rtags gang dang/ mtshan ma gang gis rnam pa thams cad du rnam shes mdza' yas skye mched las yang dag par 'das te cung zad med do/ /snyam du cung zad med pa'i skye mched nye bar bsgrubs te gnas par 'gyur ba'i rnam pa de dag dang/ rtags de dag dang/ mtshan ma de dag yid la mi byed kyi/ 'on kyang gang de na dmigs pa'i tshor ba'i rnam pa 'am/ 'du shes kyi rnam pa 'am/ 'du byed kyi rnam pa 'am/ rnam par shes pa'i chos de dag 'gro ba med pa'i rnam par yid la byed pa nas/ snga ma bzhin du sred pa zad pa 'dod chags dang bral ba 'gog pa mya ngan las 'das pa'i bar du ste/ mdo de nyid 'gog pa dang mya ngan las 'das pa'i bar du'o/ /de ltar shes shing de ltar mthong nas 'dod pa'i zag pa rnams las sems rnam par grol zhing/ srid pa dang ma rig pa'i zag pa rnams las sems rnam par grol bar 'gyur ba nas/ srid pa 'di las gzhan mi shes so/ /zhes bya ba'i bar du'o/ /rnam par grol bar mi 'gyur gyi/ chos la 'dun pa de nyid dang/ chos la sred pa de nyid dang/ chos la dga' ba de nyid dang/ chos la mngon par rab tu dga' ba de nyid kyis tha ma'i cha dang mthun pa'i kun du sbyor ba lnga spangs te/ skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur gyi/ mngon par 'du bya ba med par yongs su mya ngan las 'da' bar 'gyur ro/ /mngon par 'du bya ba med par yongs su mya ngan las 'da' bar mi 'gyur gyi/ mngon par 'du bya ba dang bcas par yongs su mya ngan las 'da' bar 'gyur ro/ /mngon par 'du bya ba dang bcas par yongs su mya ngan las 'da' bar mi 'gyur gyi/ gong du 'pho bar 'gyur ro/ /gong du 'pho bar mi 'gyur gyi/ chos la 'dun pa de nyid dang/ chos la sred pa de nyid dang/ chos la dga' ba de nyid dang/ chos la mngon par rab tu dga' ba de nyid kyis ci yang med pa'i skye mched du nye bar 'gro ba'i lha rnams dang skal ba mnyam par skye bar 'gyur ro/ /dge slong dag 'di na dge slong rnam pa gang dang rtags gang dang mtshan ma gang gis rnam pa thams cad du ci yang med pa'i skye mched las 'das te/ 'du shes med 'du shes med min skye mched nye bar bsgrubs to/ gnas par 'gyur ba'i rnam pa de dang/ rtags de dang/ mtshan ma de dag yid la mi byed kyi/ 'on kyang de na gang dmigs pa'i tshor bar gyur pa 'am/ 'du shes su gyur pa 'am/ 'du byed du gyur pa 'am/ rnam par shes pa'i chos de dag la 'gro ba med par yid la byed cing/ nad dang 'bras dang/ zug? rngu dang gnod pa dang/ mi rtag pa dang/ sdug bsngal ba dang/ stong pa dang/ bdag med par yid la byed cing chos dag 'gro ba med par yid la byas pa nas/ bdag med pa'i bar du yid la byas pas de de chos rnams la sems skyo ba dang/ skrag pa dang yid 'byung bar 'gyur te/ de la chos rnams la sems skyo ba dang skrag pa dang yid byung nas/ 'di ni zhi ba/ 'di ni gya nom pa ste/ 'di lta ste/ nye bar len pa thams cad las nges par 'byung ba/ sred pa zad ba/ 'dod chags dang bral ba/ 'gog pa mya ngan las 'das pa'o zhes mdo de nyid dang 'gog pa dang yongs su mya ngan las 'das pa'i bar du'o/ /de de ltar shes shing de ltar mthong nas 'dod pa'i zag pa rnams las sems rnam par grol bar 'gyur zhing srid pa'i zag pa dang ma rig pa'i zag pa las sems rnam par grol ba bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes bya ba rnam par grol ba dang/ rnam par grol ba'i ye shes mthong bar 'gyur ro/ /rnam par grol bar mi 'gyur gyi/ chos la 'dun pa de nyid dang/ chos la sred pa de nyid dang/ chos la dga' ba de nyid dang/ chos la mngon par rab tu dga' ba de nyid kyi tha ma'i cha dang mthun pa'i kun tu sbyor ba lnga spangs te/ skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur gyi/ mngon par 'du byed pa med par yongs su mya ngan las 'da' bar 'gyur ro/ /mngon par 'du byed pa med par yongs su mya ngan las 'da' bar mi 'gyur gyi/ mngon par 'du bya ba dang bcas par yongs su mya ngan las 'da' bar 'gyur ro/ /mngon par 'du bya ba dang bcas par yongs su mya ngan las 'da' bar mi 'gyur gyi/ chos la 'dun pa de nyid dang/ chos la sred pa de nyid dang/ chos la dga' ba de nyid dang/ chos la mngon par rab tu dga' ba de nyid kyi 'du shes med 'du shes med min skye mched nye bar 'gro ba'i lha rnams dang skal ba mnyam par skye bar 'gyur ro zhes bka' stsal to/ / //de nas bdud sun 'byin byed ces bya ba la sogs pa la/ dbyangs dang bcas par bsdus pa'i sdom gyi tshigs su bcad pa gnyis pa'i mthar bdud bsdigs pa las 'don pa lta bu ste/ de nas bdud sun 'byin ces bya ba sdig pa can zhig 'di snyam du dge sbyong mgo reg 'di dag 'jug pa'i go skabs mi rnyed pa de ltar bdag gi bya ste/ gang bdag nyid kyi lus kyis bsad par bya'o snyam mo/ /de'i tshe yang dag par rdzogs pa'i sangs rgyas 'khor ba 'jig lhan cig gnas pa tshe dang ldan pa mkhas pa dang bram ze grongs lan bzhugs so/ /de nas yang dag par rdzogs pa'i sangs rgyas 'khor ba 'jig snga dro chos gos dang lhung bzed bsnams te/ phyi bzhin 'brang ba tshe dang ldan pa mkhas pa dang/ bram ze'i grong sa lar bsod snyoms kyi phyir zhugs so/ /de nas bdud sun 'byin byed kyis rdo ba dang gseg ma thogs te/ tshe dang ldan pa mkhas pa'i spyi bor bsnun te khrag 'dzag par gyur to/ /de nas tshe dang ldan pa mkhas b a spyi bor bsnun pa'i khrag 'dzag bzhin du bcom ldan 'das yang dag par rdzogs pa'i sangs rgyas 'khor ba 'jig gi phyi bzhin du grib ma ltar rjes su 'brang ba yang dag par rdzogs pa'i sangs rgyas 'khor ba 'jig glang po che'i lta bas lus thams cad kyi g.yas phyogs su gzigs pa na/ tshe dang ldan pa mkhas pa'i spyi bor bsnun te khrag 'dzag par gzigs so/ /gzigs nas e ma zhes gsungs pa 'di skad du kye ma bdud sun 'byin byed 'di ni shin tu yang tshod mi shes pa yin no zhes gsungs so/ /de nas bdud sun 'byin byed yang dag par rdzogs pa'i sangs rgyas 'khor ba 'jig gis e ma zhes gsungs ma thag tu rang gis lus de nyid kyis dmyal ba chen po mnar med par ltung bar gyur to zhes 'byung ngo/ /da ni mtshams med pa lnga'i las gang byas shing bsags nas de ma thag tu sems can dmyal bar skye'o zhes gsungs pa 'di ji ltar drang zhes bya ba la mtshams med pa lnga ni gleng gzhi mnyan du yod pa na'o/ /mtshams med pa lnga po 'di dag gi las gang gis gcig tu byas shing bsags pa de dag de'i rgyu dang rkyen gyis lus zhig ma thag tu dmyal bar skye bar 'gyur ro/ /lnga gang zhe na/ ma gsod pa dang/ pha gsed pa dang/ dgra bcom pa gsed pa dang/ dge 'dun gyi dbyen byed pa dang/ de bzhin gshegs pa'i sku la ngan sems kyis khrag 'byin ba'o zhes bka' stsal to/ /bar na khyod kyi lam rgyags kyang ni yang ma yin zhes gsungs pa'i tshigs su bcad pa ji ltar drang zhes bya ba la/ gleng bzhin mnyan du yod pa na'o/ /de nas bram ze gzhan zhig rgas shing 'khogs pa nas gzer ba/ sdig pa byas pa/ drag po byas pa/ sdig pa can bsod nams ma yin pa byas shing dge ba ma byas pa/ 'jigs pa mi 'jigs par ma byas shing skyabs ma byas pa zhig bcom ldan 'das gal ba der nye bar 'ongs nas bcom ldan 'das dang thabs gcig tu zhes bya ba nas/ mi 'jigs par byas/ phyogs gcig tu 'dug nas bram zes bcom ldan 'das la 'di skad ces gsol to/ /gau ta ma 'di na bdag bram ze rgas shing 'khogs pa nas gzer zhing sdig pa byas pa/ drag po byas pa/ sdig pa can/ bsod nams ma byas shing 'jigs pa la mi 'jigs par ma byas shing skyabs ma byas te/ gang bdag 'jig rten pha rol tu shi zhing dus las 'das pa na gling ngam/ skyabs sam/ dpung gnyen du gyur pa de lta bu'i chos bcom ldan 'das gau ta mas legs par bshad du gsol/ /bram ze khyod rgas shing 'khogs pa nas gzer zhing sdig pa byas par drag po byas pa/ sdig pa can/ bsod nams ma byas shing dge ba ma byas pa 'jigs pa la mi 'jigs par ma byas pa bden no/ /bram ze 'jig rten 'di 'di dag ni sems kyis 'khrid de 'di lta ste/ rga bas so// bram ze 'jig rten 'di ltar 'khrid par byed pa/ 'di lta ste/ rga ba skyes bu gang dang gang gis rang dbang du 'gyur ba'i lus kyi legs par spyad pa 'am/ ngag gis legs par spyad pa 'am/ yid kyis legs par spyad par gyur pas lus zhig ste shi ba'i 'og tu brten nas/ gling ngam/ skyabs sam/ skyo ba 'am/ dpung gnyen du 'gyur ba de lta bu khyod la rnam pa thams cad kyi thams cad du med do/ /de'i phyir bram ze khyod lus kyi legs par spyad pa spyad pa dang/ ngag gi legs par spyad pa spyod pa dang/ yid kyi legs par spyad pa spyod na pha rol du dus las 'das nas rten nam gling ngam/ skyabs sam/ skyob pa 'am dpung gnyen du 'gyur ro/ /bcom ldan 'das kyis de skad ces bka' stsal zhing bde bar gshegs pas de skad ces gsungs nas ston pas gzhan 'di skad ces bka' stsal to/ /bram ze na tshod khyer zin rga ba dang/ /na ba yin te gshin rje'i drung du phyin/ /bar na khyod kyi gnas kyang yod min zhing/ /khyod kyi lam rgyags kyang ni yod ma yin/ /mkhas pa'i snod gyur brtson 'grus rab brtsams nas/ dri ma bram zhing yan lag dang bral te/ /slar yang skye rgan 'chi mi 'byung ba/ /khyod kyis bdag nyid gling du gyur te byos/ /de nas bram zes de bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi drung nas song ngo// //byang chub sems dpa' rnams ni dper na gzhon nu thor bu ltar mtshan dang dpe bya dang bcas pa yin no zhes bya ba la/ gleng gzhi ni mnyan du yod pa na'o/ /de nas bcom ldan 'das kyi dge slong rnams la bos te/ dge slong dag skyes bu chen po'i mtshan sum cu rtsa gnyis dang ldan pa'i skyes bu chen po 'di'i 'gro ba ni 'gro ba gnyis su 'gyur te/ gzhan du ni ma yin te/ gal te khyim gyi gnas su gnas na 'khor los sgyur ba'i rgyal po mdza' bzhi las rnam par rgyal ba chos dang ldan zhing chos can chos kyi rgyal po rin po che sna bdun dang ldan pa ste/ de rin po che sna bdun ni 'di lta bu dag 'byung bar 'gyur te/ 'di lta ste/ 'khor lo rin po che dang/ glang po rin po che dang/ rta rin po che dang/ nor bu rin po che dang/ bud med rin po che dang/ khyim bdag rin po che dang/ bdun pa ni dmag dpon rin po che'o/ /de la bu dpa' zhing brtul phod pa yan lag mchog gi gzugs dang ldan pa/ pha rol gyi sde rab tu 'joms pa stong yongs su tshang par 'byung bar 'gyur zhing/ sa chen po 'di rgya mtsho la thug pa ma lus pa tsher ma med cing gnod pa med la/ dbyug pa dang mtshon cha med par chos kyis rnam par rgyal zhing gnas so/ /gal te sgra dang kha spu bregs shing chos gos bgos te dang bcas yang dag par kho nar khyim nas khyim med par rab tu byung nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas zhes 'jig rten du sgrar sgrogs par 'byung bar 'gyur ro/ /skyes bu chen po'i mtshan sum cu rtsa gnyis dang ldan pa'i skyes bu chen po'i 'gro ba ni 'gro ba gnyis su 'gyur ro/ /gzhan du ni ma yin te/ gal te khyim gyi gnas su gnas na 'khor los sgyur ba'i rgyal po mdza' bzhi las rnam par rgyal ba chos dang ldan zhing chos can chos kyi rgyal po rin po che sna bdun dang ldan pa ste/ de'i rin po che sna bdun ni 'di lta ste/ 'khor lo rin po che dang/ glang po rin po che dang/ rta rin po che dang/ nor bu rin po che dang/ bud med rin po che dang/ khyim bdag rin po che dang/ bdun pa ni dmag dpon rin po che'o/ /de la bu dpa' zhing brtul phod pa yan lag mchog gi gzugs dang ldan pa/ pha rol gyi sde rab tu 'joms pa stong yongs su tshang par 'byung bar 'gyur zhing/ sa chen po 'di rgya mtsho la thug pa ma lus pa 'tshe ba med cing gnod pa med pa/ dbyug pa dang mtshon cha med par chos kyis rnam par rgyal zhing gnas la/ gal te skra dang kha spu bregs shing chos gos bgos te dad pas yang dag kho nar khyim nas khyim med par rab tu byung na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas zhes 'jig rten du grags pa 'byung bar 'gyur ba de dag gang yin/ btsun pa bcom ldan 'das chos kyi rtsa ba bcom ldan 'das las byung ba bcom ldan 'das la brten pa lags pas/ bcom ldan 'das kyis dge slong rnams la bshad du gsol/ dge slong rnams kyis thos na 'dzin par 'gyur ro/ /de'i phyir dge slong dag legs par nyon la yid la gzung zhig dang bshad par bya'o/ /dge slong dag skyes bu chen po rnams ni zhabs legs par gnas pa yin te/ skyes bu chen po'i zhabs legs par gnas pa'i skyes bu chen po'i zhabs gnyis mnyam par 'gro ste/ 'di ni skyes bu chen po'i mtshan nyid do/ /zhabs kyi 'og gi mthil 'khor lo rtsibs stong dang ldan pa dag lte ba dang bcas pa/ mu khyud dang bcas pa rnam pa thams cad du yongs su rdzogs pa yod de/ dge slong dag 'di ni skyes bu chen po'i mtshan nyid de/ /dge slong dag skyes bu chen po'i rnams ni sor mo ring ba dang/ zhabs kyi rting ba yangs pa dang/ phyag dang zhabs 'jam pa dang/ phyag dang zhabs gzhon sha can yin te/ 'di lta ste/ shing bal gyi 'dab ma 'am ras bal gyi 'dab ma lta bu ste/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni phyag dang zhabs dra bar 'brel ba ste/ phyag gnyis dang/ zhabs gnyis sor mo dra bar 'brel ba 'di lta ste/ ngang pa'i rgyal po lta bu ste/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni long bu mi mngon pa yin zhing/ rje dar e Ne? la lta bur mtho ba dang/ dma' ba med pa dang/ sku'i chur ji srid par zheng du yang mnyam pa dang/ phyag ma btung par brla slebs par reg pa ste/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni 'doms kyi sba ba nub pa yin te/ 'di lta ste/ 'doms kyi sba pa spubs su nub pa rta cang shes sam/ glang po che cang shes lta bu ste/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni shing n+ya gro d+ha ltar sku'i chur ji srid par zheng du re srid de/ zheng du ji srid par chur yang de srid de/ dge slong dag 'di ni skyes bu chen po'i mtshan nyid do/ /dge slong dag 'di ni skyes bu chen po rnams ni yan lag gi spu gyen du phyogs shing spu re re nas g.yas phyogs su 'khyil cing skyes te/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni pags pa gser gyi 'od ldan pa yin te/ pags ba srab cing gser gyi mdog 'dra zhing pags pa srab cing rdul dang dri mas mi gos par gnas pa yin no/ /dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni sku'i bdun mtho ba yin te/ phyag gnyis dang zhabs gnyis dang phrag pa gnyis dang gcig ni lhag pa ste/ sku las bdun mtho bar skyes pa yin te/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni shas rgyas shing ro stong seng ge lta bur sku rgyas pa dang drang ba dang/ dpung pa'i mgo gnyis shin tu zlum pa dang/ tshems bzhi bcu mnga' ba dang/ tshems mnyam pa dang/ tshems thags bzang ba dang/ mche ba shin tu dkar ba dang/ seng ge'i 'gram pa dang/ ro bro ba'i mchog dang ldan pa yin te/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni ljags srab pa yin te/ ljags srab mor gyur pas zhal gyi dkyil 'khor khebs pa ste/ zhal gyi dkyil 'khor skra mtshams kyi mthar khebs pa yin te/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni tshangs pa'i dbyangs dang/ ka la bingka 'am/ lha'i rnga ltar yid 'phrog pa lha'i dbyangs dang ldan te/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni spyan yangs zhing ba'i rdzi ma lta bu dang/ spyi gtsug gtsug tor dang ldan pa dang/ smin mtshams kyi bar du mdzod spu dkar po dud lta bu g.yas phyogs su 'khyil ba skyes pa yin te/ dge slong dag 'di ni skyes bu chen po'i mtshan nyid do/ /dge slong dag skyes bu chen po'i mtshan sum cu rtsa gnyis po 'di dag gang la ldan pa de skyes bu chen po 'gro ba gnyis su 'gyur gyi/ gzhan du ma yin no/ /gal te khyim na gnas na 'khor los sgyur ba'i rgyal po mdza' bzhi las rnam par rgyal ba chos dang ldan zhing chos can chos kyis rgyal po rin po che sna bdun dang ldan pa ste/ de'i rin po che sna bdun ni 'di lta ste/ 'khor lo rin po che dang/ glang po rin po che dang/ rta rin po che dang/ nor bu rin po che dang/ bud med rin po che dang/ khyim bdag rin po che dang/ dmag dpon rin po che ni bdun pa'o/ /de la bu dpa' zhing brtul phod pa yan lag mchog gi gzugs dang ldan pa/ pha rol gyi sde rab tu 'dzems pa stong tshang ba 'byung bar 'gyur zhing rgya mtsho la thug pa'i sa 'di ma lus par 'tshe ba med cing gnod pa med par dbyugs pa dang mtshon cha med par chos kyis mngon par rgyal zhing gnas so/ /gal te skra dang kha spu bregs nas chos gos bgos nas dad pas yang dag par kho nar khyim nas khyim med par rab tu byung na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas zhes 'jig rten du mngon par grags par 'gyur ro zhes bka' stsal to/ /ji ltar mdo las skyes bu chen po'i mtshan sum cu rtsa gnyis gcig tu bshad pa de bzhin du dpe byad bzang po brgyad cu ni ma bshad de/ so sor 'thor ba bsdus te brjod par bya'o/ /mdo rnams kyang phal cher nub pas so/ /lung bzhi ba las rnyed pa dang/ rgya shug gi bu'i bstod pa'i mdo de dang de las bshad pa dang/ rgya mtsho lta bu'i bshad pa las mtshan dang dpe byad brjod cing bshad pa rnam par bkod de/ sangs rgyas bcom ldan 'das rnams ni sen mo'i tshad yangs pa yin zhing/ srab pa dang/ mtho ba dang/ zangs kyi mdog lta bu dang/ snum pa dang/ zlum pa dang/ rgyas pa dang/ sor mo byin gyis phra ba dag yin no/ /rtsa mdud pa med cing mi mngon pa dang/ shin tu phra ba dang/ long bu mnyam zhing mi mngon pa dang/ zhabs mnyam pa dang/ ma yo ba dang/ dmar ba dag yin no/ /seng ge dang glang po che dang pa'i rgyal po ltar g.yas phyogs su nye par gshegs pa dang/ byin pa ba spu med cing mkhrang? zhing chod mnyam pa dang/ byin pa legs par zlum zhing 'dus shing 'byor la mi mngon pa ma yin pa'i rje ngar dang/ brla chu shing gi sdong po ltar sdug cing ras bal ltar tshad mnyam zhing go rim bzhin rjes su 'brel ba dang/ gsang ba'i gnas zla ba phyed pa ltar yangs shing mtho la ba sbu nyung ba dang/ rgyab kyi smad 'jam zhing legs par 'dus la gru bzhi ha cang mi yangs shing ko kon d+ha ltar mdzis pa dag lte ba zab cing bug med pa dang/ mdog dmar zhing g.yas su 'khyil ba dang/ lto ba 'jam zhing ba spu med la mkhrigs shing rjes su mthun ba dang/ lto ba'i nang 'bar 'bur med cing kun du legs par zlum zhing yongs su dag pa dang/ rtsib logs mnyam par 'jug cing shas gang la shin du ring ba ma yin la 'jam pa dang/ ro rgyab nub pa ma yin zhing shas gang la cung zad thung la rdo rje'i dbyibs ltar skyes shing ring ba dang/ 'jam pa'i ri mo mtshams 'byor zhing mi mngon pa'i bkod pa dang/ sta zur rgyas shing gang la brtan cing mtshams 'byor la thugs kha mnyam la mtho zhing rgya che ba dang/ nu ma shin du rags pa ma yin zhing mtho ba dang/ dung ltar g.yas su 'khyil la ri mo shin du phra mo ma yengs par shin du mnyam zhing dmar ba dang/ thugs ka yul shin du skal bas bar yangs pa dang/ mtshan? khung shas rgyas shing yangs la mtho ba ma yin pa dang/ sku rgyab stong mkhrad zhing rgya che la shas gang zhing tshod mnyam pa dang/ dpung pa glang po che ltar cung zad mi mngon zhing mtshams 'byor la mkhrad zhing 'jam la mnyam pa dang/ 'gram pa mnyam zhing 'jam la ba spu med cing brtan la seng ge'i lta bu dang/ phyag mnyam zhing ring la zangs kyi mdog lta bu dang/ phyag gi ri mo zab cing ma 'dres la mi yo zhing thun tshags med la srab cing zangs kyi mdog lta bu dang/ sor mo'i tshigs phra zhing ma 'khrugs la dmar pa dang/ mthe chung srin lag las tshang lhag pa dang/ ba spu shin tu mang ba ma yin la phra zhing 'jam la mnyen la rtsa ba 'byor cing mnyam pa dang/ pags pa snum zhing ma 'khums la mnyam pa'i snying po can dang/ pags pa grang ba dang/ tsha ba'i reg pas mdog mi 'gyur ba dang/ sha snum zhing brtan la sdug bsngal ha cang rags pa ma yin zhing/ ha cang phra ba ma yin pa dang/ khrag band+hU dzI ba ka'i me tog lta bu 'am zangs mdog 'dra zhing 'jam la tsan dan gyi dri lta bu dang/ rus pa shas yog cing brtan la shin du mdzes pa dang/ rus pa'i mtshams klu mdud pa ltar mi mngon pa dang/ sku gdung rdo rje lta mi shigs shing legs par 'dus pa dang/ yan lag shin du rnam par dbyes shing mdzes pa dang/ sku rim par 'tsham zhing rgyas la yongs su dag cing bzhon sha can dang/ sbrang ba dang/ sme ba dang/ gnag bag med pa dang/ sku la nad kyis byas pa'i nyam chung ba med ba dang/ seng ge gzims cha bsten pas sku rnam par g.yengs pa dang bral ba dang/ pags pa rdul dang dri mas nye bar nyon mongs pa mang cing dag pa dang/ me dang nor bu dang sman chen po dang/ nyi ma dang zla ba lta bu'i 'od zer dang/ ri rab lta bu rab tu lci ba dang ldan pa dang/ dus su reg na bde ba'i reg pa dang ldan pa dang/ ba spu'i bu ga'i dri 'jam zhing mngar la ku su ma dang/ tsan dan lta bu'i bsung dang ldan ba dang/ zhal gyi dri autpa la sngon po sar pa lta bu rtag tu 'byung ba dang/ 'che ba med cing 'gram pa ring ba dang/ mnyen zhing gong bu ma yin pa'i dbugs dang/ gsung gi dbyangs zas gcod pa dang/ dman pa za ba dang/ dus yongs su 'gyur ba dang bral zhing mngon bar gsal ba'i chos 'chad pa dang/ shin tu 'khums pa dang rgya che ba ma yin pa dang/ spyod pa yongs su dag pa dang/ dpe byang yul na gnas shing yongs su gsal zhing rdzogs pa dang/ shin tu yongs su dang ba'i phyir mthong ba rab rib med pa dang/ mgrin pa ha cang ring ba dang ha cang thung ba ma yin zhing gnyer ma gsum gyis rnam par brgyan pa dang/ kos ko? tshang mnyam zhing brtan la yo ba med cing mi ring la rgya che ba dang/ mchu bim+ba? ltar dmang zhing 'jam la mdzes pa dang/ rnyil gyi sha band+hu dzI ba ka'i me tog ltar 'jam pa dang/ tshems gtsang zhing mnyen la dag cing mdzes pa dang/ mche ba mnyam zhing mtshams 'byor la zlum zhing rno la mnyen pa dang/ dgos pa dang bcad na tshems las g.yas phyogs su 'od zer skad cig gis spro ba dang/ ljags dri ma med cing 'jam la dmar zhing mnyen pa dang/ spyi gtsug glang po che'i spyi bo'i gtsug ltar rno zhing 'jam pa dang/ shangs 'jam zhing mtho ba dang/ /ba spu mi mthug cing 'jam la rtsa ba brtan mnyen la phra ba konda li ka sngon po lta bu dang/ mkhur tshos ha cang mtho ba dang rno ba ma yin la sha rgyas shing gang ba dang/ mi mnyam pa dang mnyams pa'i kha dog can dang/ dbral ba'i mtshams legs par dbyes shing dung dang zla ba 'khyil pa lta bu dang/ spyan yangs shing mnyen la 'jam zhing yongs su dag pa dang rab tu dang zhing ma 'khums pa'i rdzim dang/ mthong la dul zhing dag la mi yo bas khyab pa dang/ shin tu chung ba ma yin pa'i stobs mnga' ba'i phyir mi 'jug pa dang/ smin ma ring ba dang/ gnag pa dang/ 'jam ba dang/ rjes su 'tsham pa dang/ gnyen pa'i dpral ba gser gyi byang bu dang/ zla ba ltar 'jam zhing yangs pa dang/ zla ba'i dkyil 'khor yongs su rdzogs pa lta bu dang/ dbu sdug cing rdo rje ltar mkhregs pa dang/ gdugs ltar dbu yongs su rgyas pa dang/ dbu skra'i bkod ba 'jam zhing ma 'dzings pa bung ba ltar mnyen zhing 'jam la rjes su 'brel cing dri bsung mchog dang ldan ba dang/ sangs rgyas bcom ldan 'das lha dang/ lha ma yin dang/ mi dang klu'i 'gro bas spyi gtsug lta bar mi nus pa'o/ /kha che ba rnams ni sangs rgyas kyi sku la dpe byad bzang po 'jig rten thams cad la bkra shis pa 'byung bar byed pa 'di ltar byed de/ gnas brtan dbyig bshes kyis ji skad du phreng ba dang/ dung dang gdugs dang/ dpal gyi be'u bzang po dang/ lcags kyu dang/ rgyal mtshan dang/ mtshon dang/ zla ba dang/ chu dang/ pad+ma rnams kyis sku rnam par spras pa zhes bshad la/ don 'di nyid yang dag par brjod pa'i phyir ji skad du yang dag pa'i dpe byad bzang po brgyad cu bde bar gshegs pa'i mtshan bzang po'i 'khor gzhan yang nyon cig /gdugs dang/ rgyal mtshan dang/ lcags kyu dang/ dpal gyi be'u dang/ mu tig dang/ bum pa dang/ rta dang/ nya dang/ chu srin dang/ rus spal dang/ nam mkha' lding dang/ stag dang/ glang po che dang/ ka la pingka dang/ shang shang te'u dang/ khug rta dang/ ne tso dang/ khu byug dang/ ri dwags nag po dang/ rma bya dang/ ral gri dang/ rdo rje'i yan lag dang/ nor bu dang/ rin po che dang/ mdung dang/ rtse gsum dang/ dgra sta dang/ mnga' dang/ sprin dang/ drag po dang tshangs pa dang/ dbang po dang/ gzhon nu dang/ nyi ma dang/ 'phags skyes po dang/ zla ba dang/ mig mi bzang dang/ nor bdag dang/ yul 'khor skyong dang/ g.yung drung 'khyil ba dang/ pad+ma dang/ ba dan bzang po dang/ me long dang du rba gzhon nu dang/ mu tig dang/ gser dang/ sman chen po dang/ lta'i rnga dang/ drang srong chen po dang/ ba la dang dpung rgyan dang/ sor gdub dang/ rna cha dang/ seng ge dang/ khyu mchog dang/ me tog dang bcas pa'i shing gi yal ga dang zhes bya ba la sogs pa la brgyad cu ji skad du brjod pa thams cad mkhyen pa'i dpe byad bzang po brgyad cu mtshan nyid stong dang ldan pa mu stegs can rnams kyang mthong nas 'byor pa'i phyir mngon par dga' ba skye bar byed pa'o/ /'phags pa shes rab kyi pha rol tu phyin pa stong phrag nyi shu lnga pa las kyang mtshan dang dpe byad kyi le'u bzhi bcu dgu pa las 'don pa lta bu ste/ rab 'byor de bzhin gshegs pa'i dpe byad bzang po brgyad cu gang zhe na/ sangs rgyas bcom ldan 'das rnams ni 'du byed thams cad las sems 'dod chags dang bral ba'i phyir sen mo zangs kyi mdog lta bu dag yin no/ /sangs rgyas bcom ldan 'das rnams ni sems can thams cad la phan pa dang bde ba'i thugs mnga' ba'i phyir sen mo mdog snum pa dag yin no/ /sangs rgyas bcom ldan 'das rnams ni rigs rgyud mthon por skyes pa'i phyir sen mo mtho ba dag yin no/ /sangs rgyas bcom ldan 'das rnams ni tshul kha na mtho ba mi mnga' ba'i phyir sen mo zlum pa dag yin no/ /sangs rgyas bcom ldan 'das rnams ni dge ba'i rtsa ba yangs shing rgya che ba bsags pa'i phyir sen mo rgyas pa dag yin no/ /sangs rgyas bcom ldan 'das rnams ni dge ba'i rtsa ba rim gyis bsags pa'i phyir sen mo byin gyis phra ba dag yin no/ /sangs rgyas bcom ldan 'das rnams ni lus dang ngag dang yid dang 'tsho ba yongs su bsrungs pa'i phyir rtsa mi mngon pa dag yin no/ /sangs rgyas bcom ldan 'das rnams ni nyon mongs pa'i mdud pa las grol ba'i phyir rtsal mdud pa med pa dag yin no/ /sangs rgyas bcom ldan 'das rnams ni chos rnams la thugs shin tu mi mngon pa'i phyir long bu mi mngon pa dag yin no/ /sangs rgyas bcom ldan 'das rnams ni dka' ba'i gnas thams cad las yongs su sgrol ba'i phyir zhabs mnyam pa dag yin no/ /sangs rgyas bcom ldan 'das rnams ni mi'i seng ge yin pa'i phyir seng ge'i stabs su gshegs pa yin no/ /sangs rgyas bcom ldan 'das rnams ni mi'i glang po yin ba'i phyir glang pa'i stabs su gshegs pa yin no/ /sangs rgyas bcom ldan 'das rnams ni nam mkha' la gshegs pa'i phyir dang pa'i rgyal pa'i stabs su gshegs pa yin no// sangs rgyas bcom ldan 'das rnams ni skor phyogs kyi lam dang mthun par gshegs pa'i phyir khyu mchog gi stabs su gshegs pa yin no/ /sangs rgyas bcom ldan 'das rnams ni mdzes pa'i phyir mdzes par gshegs pa dag yin no/ /sangs rgyas bcom ldan 'das rnams ni thugs rtag tu mi g.yo ba'i phyir mi g.yo bar gshegs pa dag yin no/ /sangs rgyas bcom ldan 'das rnams ni tshul dang yon tan yongs su dag pa ston pa'i phyir sku 'khril bag dang bcas pa dag yin no/ /sangs rgyas bcom ldan 'das rnams ni sdig pa mi dge ba'i chos rnam par dag pa'i phyir sku byi dor byas pa lta bu dag yin no/ /sangs rgyas bcom ldan 'das rnams ni chos go rim bzhin 'chad pa'i phyir sku rim par 'tsham pa dag yin no/ /sangs rgyas bcom ldan 'das rnams ni sku gsung thugs yongs su dag pa'i phyir sku gtsang ba dag yin no/ /sangs rgyas bcom ldan 'das rnams ni thugs rang bzhin gyis 'jam pa'i phyir sku 'jam pa dag yin no/ /sangs rgyas bcom ldan 'das rnams ni rang bzhin gyis rnam par dag pa'i phyir sku rnam bar dag pa yin no/ /sangs rgyas bcom ldan 'das rnams ni chos 'dul ba yongs su rdzogs pa'i phyir dpe byad yongs su rdzogs pa dag yin no/ /sangs rgyas bcom ldan 'das rnams ni mdzes shing rgya che ba'i yon tan ston pa'i phyir sku khog yangs shing bzang ba dag yin no/ /sangs rgyas bcom ldan 'das rnams ni sems can thams cad la thugs mnyam pa'i phyir mnyam par gshegs pa dag yin no/ /sangs rgyas bcom ldan 'das rnams ni gzigs pa rnam par dag pa'i phyir rnam par dag pa yin no// sangs rgyas bcom ldan 'das rnams ni rab tu 'jam pa'i chos ston pa'i phyir sku 'jam zhing gzhon sha can dag yin no/ /sangs rgyas bcom ldan 'das rnams ni rtag tu thugs ma zhum pa'i phyir sku zhum pa med pa dag yin no/ /sangs rgyas bcom ldan 'das rnams ni dge ba'i rtsa ba mthon po dang ldan ba'i phyir sku rgyas pa dag yin no/ /sangs rgyas bcom ldan 'das rnams ni yang srid pa'i tshogs yongs su zad pa'i phyir sku shin du grims pa dag yin no/ /sangs rgyas bcom ldan 'das rnams ni rten cing 'brel par 'byung ba'i yan lag dang nying lag legs par spyad pa'i phyir yan lag shin tu rnam par dbyes pa dag yin no/ /sangs rgyas bcom ldan 'das rnams ni gzigs pa shin tu rnam par dag pa'i phyir gzigs pa rab rib med cing rnam par dag pa dag yin no/ /sangs rgyas bcom ldan 'das rnams ni tshul phun sum tshogs pa'i slob ma mnga' ba'i phyir dgu zlum pa dag yin no/ /sangs rgyas bcom ldan 'das rnams ni 'khor ba'i skyon rnam par dag pa'i dku'i skabs phyin pa dag yin no/ /sangs rgyas bcom ldan 'das rnams nga rgyal gyi de'u bcom pa'i phyir dku? ma rnyongs pa dag yin no/ /sangs rgyas bcom ldan 'das rnams ni chos rnams zad par mi byed pa'i phyir phyal phyang de ba dag yin no/ /sangs rgyas bcom ldan 'das rnams ni shin tu zab pa'i chos rtogs shing khong du chud ba'i phyir lte ba zab pa dag yin no/ /sangs rgyas bcom ldan 'das rnams ni rjes su mthun zhing gzung bar 'os pa'i slob ma mnga' ba'i phyir lte ba g.yas phyogs su 'khyil ba dag yin no/ /sangs rgyas bcom ldan 'das rnams ni kun nas mdzes pa'i slob ma'i tshogs mnga' ba'i phyir kun nas mdzes pa dag yin no/ /sangs rgyas bcom ldan 'das rnams ni thugs shin du gtsang ba'i phyir kun du spyod pa gtsang ba dag yin no/ /sangs rgyas bcom ldan 'das rnams ni chos 'dul ba gnag bag med pa ston pa'i phyir sku la smre ba dang gnag bag med pa yin no/ /sangs rgyas bcom ldan 'das rnams ni sku shing bal ltar yangs pa'i chos ston pa brnyes pa'i phyir phyag shing bal ltar shin tu 'jam pa yin no/ /sangs rgyas bcom ldan 'das rnams ni rang gi gnyen gyi tshogs spangs te/ dge sbyong chen po'i dngos po brnyes pa'i phyir phyag gi ri mo mdangs yod pa dag yin no/ /sangs rgyas bcom ldan 'das rnams ni bslab pa'i gnas ha cang spangs par mi 'cha' ba' i phyir phyag gi ri mo zab pa dag yin no/ /sangs rgyas bcom ldan 'das rnams ni 'jig rten thams cad gzugs brnyan lta bur rtogs pa'i phyir zhal la gzugs kyi gzugs brnyan snang ba dag yin no/ sangs rgyas bcom ldan 'das rnams ni mnyen pa sngon du 'gro bas 'dul ba'i phyir ljags mnyen pa dag yin no/ /sangs rgyas bcom ldan 'das rnams ni yon tan phra mo ma yin pa dang ldan pa'i phyir ljags srab pa dag yin no/ /sangs rgyas bcom ldan 'das rnams ni byis pa'i skye bo chags pa can rnams kyis rtogs par dka' ba'i phyir ljags dmar ba dag yin no/ /sangs rgyas bcom ldan 'das rnams ni glang po che'i nga ro dang 'brug gi sgras yongs su mi skrag pa'i phyir glang po che'i nga ro dang 'brug gi sgra dang ldan pa dag yin no/ /sangs rgyas bcom ldan 'das rnams ni snyan cing mnyen pa 'jam pa brjod pa'i slob ma mnga' ba'i phyir gsung snyan mnyen la 'jam ba dag yin no/ /sangs rgyas bcom ldan 'das rnams ni srid ba'i kun du sbyor ba rnam par log pa'i phyir mchi ba zlum pa yin no/ /sangs rgyas bcom ldan 'das rnams ni skye bo rnon po 'dul ba la mkhas pa'i phyir mche ba rno ba dag yin no/ /sangs rgyas bcom ldan 'das rnams ni chos 'dul ba shin du dkar ba'i phyir mche ba dkar ba dag yin no/ /sangs rgyas bcom ldan 'das rnams ni mnyam pa'i sa'i cha la bzhugs pa'i phyir mche ba mnyam ba dag yin no/ /sangs rgyas bcom ldan 'das rnams ni mngon par rtogs pa rim gyis ston pa'i phyir mche ba byin gyis phra ba dag yin no/ /sangs rgyas bcom ldan 'das rnams ni shes rab mthon po sar zhugs pa'i phyir shangs mtho ba dag yin no/ /sangs rgyas bcom ldan 'das rnams ni gdul bya gtsang ma'i skye po dang ldan pa'i phyir shangs gtsang ba dag yin no/ /sangs rgyas bcom ldan 'das rnams ni sangs rgyas kyi chos shin du rgya chen po dang ldan pa'i phyir spyan yangs pa dag yin no/ /sangs rgyas bcom ldan 'das rnams ni sku thams cad kun du stug pa'i phyir rdzi ma stug pa yin no/ /sangs rgyas bcom ldan 'das rnams ni mig dkar nag dbyes shing pad+ma'i 'dab ma rangs? pa lta bu'i lha dang lha ma yin dang/ mi gzhon nu rnams kyis mchog tu dga' bar bya ba'i phyir spyan dkar nag dbyes shing pad+ma'i 'dab ma lta bu dag yin no/ /sangs rgyas bcom ldan 'das rnams ni rtag tu mdun phyogs su gzigs pa'i phyir smin chugs ring ba yin no/ /sangs rgyas bcom ldan 'das rnams ni 'jam par 'dul ba la mkhas pa'i phyir rdzim 'jam pa dag? yin no/ /sangs rgyas bcom ldan 'das rnams ni skyon kun tu mkhyen pa'i phyir smin ma'i spu mnyam pa dag yin no/ /sangs rgyas bcom ldan 'das rnams ni dge ba'i rtsa ba 'jam zhing mnyen ba'i skyo bo'i rgyud 'dul bar byed pa'i phyir smin ma snum pa dag yin no/ /sangs rgyas bcom ldan 'das rnams ni chos mchog du don dang ldan pa mnga' ba'i phyir snyan shal sdug cing snyan zhal ring ba dag yin no/ /sangs rgyas bcom ldan 'das rnams ni g.yul las rnam par rgyal ba'i phyir snyan mnyan pa dag yin no/ /sangs rgyas bcom ldan 'das rnams ni gdul bya rgyud mnyam pa mnga' ba'i phyir snyan gyi dbang po ma nyams pa yin no/ /sangs rgyas bcom ldan 'das rnams ni lta bar song ba thams cad yongs su spangs pa'i phyir dpral ba legs par dbyes pa dag yin no/ /sangs rgyas bcom ldan 'das rnams ni dge sbyong dang bram ze dang pha rol rgol ba rnam par gnon pa'i phyir dpral pa'i dbyes che ba dag yin no/ /sangs rgyas bcom ldan 'das rnams ni smon lam yongs su rdzogs pa'i phyir dbu shing du rgyas pa dag yin no/ /sangs rgyas bcom ldan 'das rnams ni yul gyi skye bo la rnam par chags pa log pa'i phyir dbu skra bud ba ltar gnag pa yin no/ /sangs rgyas bcom ldan 'das rnams ni mthong ba dang bsgom pas spangs par bya ba'i phra rgyas spangs pa'i phyir dbu skra stug pa dag yin no/ /sangs rgyas bcom ldan 'das rnams ni chos dkar pos ma skyes pa'i bstan pa'i ro dang ldan pa'i phyir dbu skra 'jam pa dag yin no/ /sangs rgyas bcom ldan 'das rnams ni rtag tu ma 'dzings pa'i thugs dang ldan pa'i phyir dbu skra ma 'dzings pa dag yin no/ /sangs rgyas bcom ldan 'das rnams ni rtag tu tshig rtsub spangs pa'i phyir dbu skra mi gshor ba dag yin no/ /sangs rgyas bcom ldan 'das rnams ni skye bo byang chub kyi yan lag gi dri zhim pos rjes su mthun par 'jug pa'i phyir dbu skra dri zhim ba dag yin no/ /sangs rgyas bcom ldan 'das rnams ni phyag dang zhabs kyi mthil na dpal gyi be'u dang g.yung drung 'khyil pa mnga' ba'i phyir dpal gyi be'u dang g.yung drung 'khyil pas brgyan pa dag yin no/ /rab 'byor de bzhin gshegs pa'i sku dpe byad bzang po 'di dag dang ldan no/ /de nyid du gzhan du gnas brtan klu sgrub kyis yi ge gzhan dang tshig 'bru gzhan gyis rnam par bshad de/ ji skad du sangs rgyas yang dag dpe byad brgyad cu bo/ /nga yis rab bshad yid la dad skyed nyon/ /sangs rgyas bcom ldan 'das zhes rab brjod pa/ /sen mo bzangs mdog snum dang sen mo mtho/ /smra mchog rtsi ma mngon zhing rtsa yis ni/ /mdud pa mi mngon long bu mi mngon pa/ /rigs dwags rgyal dang klu yi stabs dag tu/ /rnam par gshegs shing zhabs la mi mnyam med/ /khyu mchog dang ba'i rgyal po'i stabs dang ni/ /g.yas su ldog cing mdzes par gshegs pa dang/ /byi dor byas 'dra rim par 'tsham pa'i sku/ /ma lo ba dang 'khril bag chags pa dang/ /khe? lag yang sa shing bzang dang gzhan yang ni/ /dpe byad yongs su rdzogs dang goms snyoms dang/ /sku zhum med dang gtsang zhing 'jam pa dang/ /gzhon sha chags shing sku ni rnam par dag /yan lag nying lag shin du rnam dbyes shing/ /thub pa'i dbang po shin du grims pa'i sku/ /gzigs pa rab rib med cing rnam bar ni/ /dag cing rab tu rgyas pa'i sku mnga' ba/ /sku ni 'bar 'bur med cing skabs phyin dang/ phyang de'i phyal dang lte ba'i bug pa zab/ /shin tu kun nas blta na rab mdzes shing/ /lte ba g.yas kyi phyogs su 'khyil ba dang/ /rgyal ba kun du sbyod pa rab gtsang shing/ /sme pa gnag bag smad du med pa dang/ /ljags mnyen srab cing zhal gyi gzugs brnyan 'char/ /rgyal pa'i zhal ni ha cang ring ba yin/ /glang chen nga ro 'brug gi sgra dang ni/ /mnyam pa'i dbyangs kyi mchog dang ldan pa dang/ /shing bal ltar 'jam shin tu gzhon sha can/ /phyag gi ri mo dmang zhing zab pa dang/ /phyang gi ri mo yo ba ma yin dang/ /phyag gi ri mo mchog tu yangs pa dang/ /shin tu snyan cing gnyen la 'jam pa'i gsung/ /mche ba zlum zhing mche ba rno ba dang/ /mche ba dgar zhing mchi ba mnyam pa dang/ /thub pa seng ge'i mche ba byin gyis phra/ /tshems ni shin du dkar zhing gcang ba dang/ /spyan yangs ba dang rdzi ma stug pa dang/ /'jam zhing shin du yangs la mi dkar dang/ /smin ma'i spu ni snum zhing 'jam pa dang/ /snyan shal sdug cing ring la snyan mnyam pa dang/ /bcom ldan snyan gyi dbang po mnyam dang/ /dpral ba shin tu leg par dbyes pa dang/ /dbu ni rgyas la yongs su rdzogs pa dang/ /dbu skra bud ba snum zhing dri zhim dang/ /dbu skra 'jam zhing yongs su ma 'dzings dang/ /dpal gyi be'u dang g.yung drung 'khyil pa yis/ /sangs rgyas dbu skra rnam par brgyan pa yin/ /gang gis mtshan rnams gsal byed pa/ /sangs rgyas yang dag dpe byad ni/ /bzang po brgyad cu 'di dag ste/ /bde gshegs thams cad gsal byed yin/ /mtshan mchog sum cu rtsa gnyis dang/ /dpe byad bzang po brgyad cu'i sku/ /sangs rgyas rjes su mi dran gang/ /'di dang pha rol gnyis kar nyams/ /gzhan yang slob dpon sna tshogs blo gros kyis ji skad du/ /bdag nyid snod mchog nyid du gzigs nas ni/ /bdag nyid yon gnas nyid du zhal 'ches te/ /'di ltar khyod kyis rtsa mchog tsam yang ni/ /sbyin bdag dbul ba de yang ma bkag gnad/ /gal te bgros na phyag g.yas brkyang nas ni/ /phyag g.yas rjes su gzung ba'i rjes mthun byed/ /khyod la dpe byad brgyad cus bstod pa yis/ /ji ltar bdag kyang rjes su gzung bar mdzod/ /mnga' bdag khyod kyi sku yi stobs kyi tshang// gzhal nus 'jig rten gsum na 'ga' mang 'dod/ /gus pa'i rnam pa'i 'byor pa 'di 'dra zhes/ /'phags pa gang phyir bdag 'dra ba yang gnang/ /khyod kyis sor mo ri yi spor gnas pa/ /sen mo zangs kyi mdog 'dra 'od zer can/ /pad+ma rA ga mdzes pa'i zla shar nas/ /gser gyi rang bzhin snying po mdzes par byas/ /rtse ltar mtho zhing phra la mnyam zhing 'phro/ /dbyangs bcas 'od gsal sen mo mdzes par byas/ /legs skyes autpal dmar po'i 'dab ma ltar/ /lto ba ma grums na chags mnyam zhing mtho/ /steng du sdug mnyen dpal gyis bsdams pa ltar/ /shin tu gsal ba'i mdangs kyis rnam par mdzes/ /lha mi phyag byed tshe na skad cig la/ /skyes bu 'dul ba'i sen mo me long bzhin/ /zhes bya ba la sogs pa mtshan dang dpe byad kyi bstod pa snyan dngags kyi rgyan dang bcas bar stong bar bya'o/ /gnas brtan thogs med kyis theg pa chen po'i chos mngon pa'i bstan bcos rnal 'byor spyod pa zhes bya ba las byang chub sems dpa' i sar mtshan dang dpe byad kyi le'u las dpe byad bzang po brgyad cu 'jig rten dang thun mong du bshad pa ni byad par du 'phags pa ma brjod pa'i phyir mngon par dad par byed pa ma yin pas mi bzung ngo/ /dpe byad bzang po 'di dag legs pa dang/ legs pa ma yin pa rnam par bzhag pa ni slob dpon go chas byin gyis snyoms par 'jug pa'i phung po rnam par bshad pa dbugs 'byung ba bzhi par rgyas par bshad pa blta bar bya'o/ / //dper na rgyal po kri ka'i rmi lam thun bcu zhes bya ba la sogs pa la/ gser phreng can gyi rtogs pa brjod pa las 'di ltar 'don te/ de nas rgyal po kri ki'i yang dag par rdzogs pa'i sangs rgyas 'od srung gang na ba der nye bar song ste nye bar song nas/ bcom ldan 'das yang dag par rdzogs pa'i sangs rgyas 'od srung gi zhabs la spyi bos phyag byas te phyogs gcig du 'dug go /phyogs gcig tu 'dug nas yang dag par rdzogs pa'i sangs rgyas 'od srungs pa rgyal po kri kis 'di skad ces gsol to/ /btsun pa mdang bdag mtshan mo rmi lam na rmi lam thun bcu mthong ste/ btsun pa glang po che chen po skar khung nas byung ba la mjug ma thogs pa dang/ skom pa ma yin pa rnams kyi phyi bzhin du khron pa bda' ba dang/ phye bre gang dang mu tig bro gang brje ba dang/ tsan dan shing tha mal pa la 'tshod ba dang/ kun dga' ra ba me tog dang 'bras bu phun sum tshogs la me tog dang 'bras bu phun sum tshogs pa de thams cad ma byin par len pas phrogs pa dang/ glang po chung dus spos kyi glang po che bsdigs pa dang/ spre'u mi gtsang ba 'bags pa gzhan la skud pa dang/ spre'u rgyal por dbang bskur ba dang/ snam bu gcig mi bco brgyad kyis bgos la snam bu yang de bzhin du gnas pa dang/ skye bo phal po che'i tshogs 'dus te tshig ngan brjod cing chad pa dang gnod pa byed pa bdag gis mthong ngo/ /mthong nas bdag rgyal srid las nyams pa 'am/ srog gi bar chad du 'gyur du 'od zhes bdag rengs shing 'jigs pa dang/ skrag par gyur to/ /de nas yang dag par rdzogs pa'i sangs rgyas 'od srung gis 'di skad ces bka' stsal to/ /rgyal po chen po ma 'jigs shig rgyu 'di las khyod rgyal srid las nyams pa dang/ srog gi bar chad du mi 'gyur gyis ma 'jigs shig /de ci'i phyir zhe na/ rgyal po chen po gang khyod kyis glang po che skar khung nas byung ba la mjug ma thogs pa mthong ba de ci'i snga ltas zhen/ ma 'ongs pa na skye dgu tshe lo brgya thub pa'i dus na shAkya thub pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas 'byung bar 'gyur te/ de'i nyan thos dag rang gi skye bo gnyen gshes rgya chen po spangs nas rab tu byung ste/ de ltar rab tu byung nas gtsug lag khang la khyim gyi 'du shes skye bar 'gyur zhing/ de nas ser sna kun du bstan cing lan mang du byas pas lus zhig ste shi pa'i 'og tu ngan song ngan 'gro rnams su ltung zhing skye bar 'gyur ba de'i snga ltas yin no/ /rgyal po chen po khyod kyis skom pa ma yin pa rnams kyi phyi bzhin khron pas bda' ba rmi lam du mthong ba de ci'i snga ltas zhe na/ de'i nyan thos dag bram ze dang khyim bdag rnams la chos ston pa de dag nyan par mi 'dod cing gnas par 'gyur ba de'i snga ltas so/ /rgyal po chen po khyod kyi phye bre gang dang mu tig bre gang brje ba rmi lam du mthong ba de ci'i snga ltas zhe na/ de'i nyan thos phyi tshol ba'i phyir dbang po dang stobs dang byang chub kyi yan lag gi yan lag la sogs pa'i rin po che yang dag par gsal bar byed de/ de'i snga ltas so/ /rgyal po chen po khyod kyis tsan dan shing tha mal par mthong ba rmi lam du mthong ba de ci'i snga ltas zhe na/ de'i nyan thos dag lus ma bsgoms pa 'byung bar 'gyur zhing/ tshul khrims ma bsgoms pa dang/ sems ma bsgoms pa dang/ shes rab ma bsgoms pa dag 'byung bar 'gyur la/ lus ma bsgoms pa dang/ tshul khrims ma bsgoms pa dang/ sems ma bsgoms pa dang/ shes rab ma bsgoms pas mu stegs kyi bstan pa 'dzin cing sangs rgyas kyi gsung rab dang mnyam par byed par 'gyur te/ de'i snga ltas so/ /rgyal po chen po khyed kyis kun dga' ra ba me tog dang 'bras bu phun sum tshogs pa dag ma byin par len pas phrogs pa rmi lam du mthong ba de ci'i snga ltas zhe na/ de'i nyan thos khyim la brten te dge 'dun gyi me tog dang 'bras bu btsongs shing btsongs te bzung nas 'tsho ba'i phyir sems pa dag 'byung bar 'gyur te/ de ni de'i snga ltas so/ /rgyal po chen po gang khyod kyis glang po chung ngus spos kyi glang po chen po skrag par byed pa de rmi lam du mthong na de ci'i snga ltas zhe na/ da'i nyan thos tshul khrims 'chal ba sdig pa'i chos can dag 'byung bar 'gyur te/ ngas gang dag dge slong tshul khrims dang ldan pa yon tan dang ldan pa/ des shing dge ba de dag bskrad nas gnas gzhan na gnas par 'gyur te/ de ni de'i snga ltas so/ /rgyal po chen po khyod kyis spre'u mi gtsang bas spags pa gzhan la skud pa rmis pa de ci'i snga ltas zhe na/ de'i nyan thos sdig pa'i chos can tshul khrims 'chal pa de dag gis dge slong tshul khrims dang ldan pa yon tan dang ldan pa des shing dge ba'i chos can dag la mi bden pa'i skyon 'gel bar 'gyur te/ de'i snga ltas so/ /rgyal po chen po khyod kyis spre'u rgyal por dbang bskur ba rmis pa de ci'i snga ltas zhe na/ de'i dus na ma ning yang rgyal po byed par 'gyur te/ de'i snga ltas so/ /rgyal po chen po khyod kyis snam bu gcig mi bco brgyad kyis bgos la snam bu yang de bzhin du gnas pa rmi lam du mthong ba de ci'i snga ltas zhe na/ de'i bstan pa kha bco brgyad du gyes par 'gyur la rnam par grol ba'i snam bu ni ral bar mi 'gyur te/ de'i snga ltas so/ /rgyal po chen po khyed kyis gang skye bo phal po che'i tshogs 'dus shing tshig ngan brjod de chad pa dang gnod pa byed pa rmi lam du mthong ba de ci'i snga ltas zhe na/ de'i bstan pa lo stong du gnas shing ngan par smra ba dang chad pa byed pas nub par 'gyur te/ de'i snga ltas yin te/ de'i phyir khyod rgyal srid las nyams pa 'am/ srog gi bar chad du mi 'gyur gyi rgyal po chen po ma 'jigs shig /de nas rgyal po kri ki yang dag par rdzogs pa'i sangs rgyas 'od srungs kyis dbugs phyung nas mngon par rab tu dad par gyur to zhes 'byung ngo// // dge slong ma dkar mo yang gos dang bcas par yin te zhes bya ba la/ bcom ldan 'das ser skya'i shing n+ya gra d+ha'i kun dga' ra ba na bzhugs te/ de nas shAkya'i nang na shAkya skyed pa zhes bya ba yod de/ phyug? cing zhes bya ba nas de de dang lhan cig rtse bar byed dga' bar byed/ yongs su spyod par byed pa la bu yang med bu mo yang med ces bya ba'i bar du'o/ /de bu mngon par 'dod pas zhi ba dang chu lha dang/ rnam thos kyi bu dang khyim gyi lha la sogs pa lha stong phrag du mal gsol ba 'debs par byed kyang bu ma skyes so/ /ji tsam du dus gzhan zhig na rtse dga' bar byed cing yongs su spyod par byed do/ /de rtse dga' zhing yongs su spyod par byed pa las dus gzhan zhig na chung ma sems can dang ldan par gyur te/ /des chung ma la smras pa/ bzang mo gal te bu pho skyes na de lta na legs/ 'di ltar bu mo skyes na lhan cig pa skrad bar? bya'o/ /ji tsam na zla ba dbu 'das pa'i 'og tu de'i chung mal bu mo gzugs bzang la mdzes shing blta na sdug pa mi'o kha dog ma thob pa gos dkar pos g.yogs pa mngal gyi nyes pas ma gos pa zhig btsas so/ /ji tsam na chung ma la bu mo btsas pa thos nas khro ba dang bcas pas nang du zhugs pa dang/ rkang pa lha'i gos kyis dkris pa'i bu mo de byin pa dang/ shAkyas bu mo de mthong nas ngo mtshar skyes par gyur to/ /de btsas pa'i btsas ston dag byas te ming 'dogs par byed pa na/ kye shes ldan dag bu mo 'di'i ming cing gdags/ gnyen rnams kyis smras pa gang dag phyir bu mo 'di gos dkar po dang bcas par skyes pa de'i phyir bu mo 'di'i ming dkar mo zhes gdags so/ /bu mo dkar mo ji lta ji ltar cher skyes pa de lta de ltar gos kyang skye zhing dri ma dang bral bar gyur to/ /de'i lus la rdul dang dri mas mi gos par gyur te// gang gi tshe bu mo dkar mo rim gyis chen por gyur pa de'i tshe/ de la rgyal po'i bu dang blon po'i bu dang/ phyug po'i bu dag gis slong du 'ongs shing de de dag gis gtses pa dang/ gal te nas? ma byin na bgrang bar 'gyur ro zhes de'i pha lag pa 'gram pa la btang de sems khong du chud cing 'dug par gyur to/ /ji tsam na bu mos pha sems shing 'dug pa mthong nas/ pha ci zhig sems de la ngas don de dag rgyas par brjod pa dang/ bu mos smros pa/ pha 'di snyad bya ci dgos/ bdag ni 'dod pa don du gnyer ba ma yin gyis/ bcom ldan 'das kyi bstan pa la rab tu byung gis pa mkhyen pa mdzod cig / de ji srid du pha dang mas gnang nas rab tu byung ste/ gos gang gis dkris te skyes pa de nyid yongs su rdzogs pa'i chos go ba? lnga par gyur to/ /des sbyor zhing brtson pa dang 'dun cing 'bad pas rgyu ba dang mi rgyu ba'i 'gro ba lnga'i 'khor ba 'di nyid rab tu rig nas 'khor ba'i 'du byed thams cad rdul ba ring? lhung ba dang rnam par 'gyur ba dang 'jigs pa'i chos can spangs te/ nyon mongs pa thams cad spangs shing khams gsum las 'dod chags dang bral ba gser? dang bde? ba/ nam mkha' dang lag mthil/ tsan dan dang ste'u ru mtshungs shing rig pa dang/ rnam par grol ba'i spobs pa can rnyed pa dang bkur sti la kha phyir phyogs pa lta'i dbang pos mchod cing gus par bya ba dgra bcom pa nyid mngon du byas so/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa dkar mos las ci zhig byas nas gang gis na phyug po'i rigs su skyes shing gzugs bzang zhing mdzes pa dang blta na sdug par gyur/ ci zhig byas pas na gos dkar pos dkris bzhin du skyes shing dgra bcom pa nyid mngon du byas par gyur/ bcom ldan 'das kyis bka' stsal pa/ dge slong dag dkar mo nyid kyis skye ba snga ma la las byas shing bsags la so sor thob par byas pa nu? pa bzhin du nye bar gnas pa ste/ gzhan gyis byas shing bsags pa gzhan su zhig gis nyams su myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu dang me dang rlung gi khams la rnam par smin par mi 'gyur gyi/ 'on kyang las byas shing bsags pa ni zin pa'i phung po dang khams dang skye mched la rnam par smin par 'gyur te/ lus can dag gis las rnams ni/ /bskal pa brgyar yang chung mi zad/ /tshogs shing bus la bab pa na/ /'bras bu rab tu 'gyur ba nyid/ /dge slong dag sngon byung ba 'das pa'i dus na/ bskal pa bzang po 'di nyid la/ skye dgu rnams tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa bde bar gshegs pa bla na med pa skyes bu 'dul zhing kha lo sgyur ba lha dang mi rnams kyis ston pa sangs rgyas bcom ldan 'das 'od srungs zhes bya ba 'jig rten du byung ste/ de ba ra NA se'i grong khyer drang srong smra ba ri dags kyi nags na brten cing bzhugs so/ /ji tsam na phyug po'i chung ma dang dad pa can rang bzhin bzang zhing dge pa'i bsam pa can zhig /bya ba 'ga' zhig gis phyir drang srong sma ba ri dwags kyi nags su 'ongs so/ /de nas sangs rgyas bcom ldan 'das skyos bu chen po'i mtshan sum cu rtsa gnyis dang/ dpe byad bzang po brgyad cus sku rnam par brgyan pa nyi ma stong pas lhag pa'i gzi brjid can byon pa/ rin po che'i ri bo lta bu'i 'od zer kun nas 'bar ba dang bcas zhing blta bar bya ba'i bcom ldan 'das des mthong nas zhabs la spyi bos phyag byas nas chos mnyan pa'i phyir phyogs gcig tu 'dug go / de nas bcom ldan 'das yang dag par rdzogs pa'i sangs rgyas 'od srungs kyis chos bstan nas/ bcom ldan 'das la mngon par dang ste/ bcom ldan 'das dge slong gi dge 'dun dang bcas pa gdugs tshod gsol nas dge slong gi dge 'dun la chos gos phul te/ rim gyis pha dang mas rjes su gnad nas bcom ldan 'das de'i bstan pa la rab tu byung ngo/ /dge slong dag ji snyam du sems/ phyug po'i chung ma de nyid dge slong ma dkar mo yin no/ /dge slong gi dge 'dun la spra? brgyad gi chos gos phul bas gos dkar pos dkris bzhin du skyes shing tshangs par spyod pa yongs su rdzogs shing yongs su bsrungs pa des na skye ba bcom zhing dgra bcom pa nyid mngon sum du byas so/ /dge slong dag de lta bas na las gcig tu gnag pa rnams kyi rnam par smin pa ni gcig tu ba zhes pa yin zhing/ gcig tu dkar ba rnams kyi ni gcig tu dkar ba/ 'dren ma rnams kyi ni 'dren ma yin pa de'i phyir dge slong dag las gcig tu gnas pa'i las rnams dang/ 'dren ma rnams spang bar bya zhing/ gcig tu dkar ba'i las rnams yongs su spyad par bya'o/ /bcom ldan 'das kyis de skad ces bka' stsal pa dang/ dge slong dag bcom ldan 'das kyis gsungs pa la mngon par dga' zhing rjes su yi rang ngo/ / //bcom ldan 'das kyis sems can rnams kyi las kyi rnam par smin pa ni bsam gyis mi khyab po zhes gsungs so zhes bya ba la/ bzhi las 'phros pa'i sgo lnga pa las sdom gyi tshigs su bcad pa gnyis pa'i mdo las bsam par bya ba rnam gnyis te bshad pa dang/ 'di nyid du yang go rim las bzlog pa'i mdzod kyi gnas gnyis par bshad pa lta bu'o// //btags pa las 'di skad du zhes bya ba la/ mdzod kyi gnas gnyis pa dbang po'i rnam par bshad pa phra rgyas btags pa la bshad pa bzhin no// //pha ma'i nur nur po'i mi gtsang ba las skyes zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag 'di lta ste/ 'di na sprul gdug pa gzi brjid drag pa dug drag pa bzhi sgrom gcig gi nang du bcug par gyur cing/ de nas skyes bu byis pa'i rang bzhin ma yin pa/ rmongs pa ma yin zhing yang dag pa'i shes pa dang ldan pa bde ba 'dod cing sdug bsngal mi 'dod pa 'tsho bar 'dod cing/ 'tsho ba dang rjes su mthun pa 'ga' zhig 'ongs te/ de la gzhan kha cig gis 'di skad ces smras so/ /kye skyes bu sprul gdug pa gzi brjid drag cing dug drag pa bzhi sgrom gcig gi nang du bcug cing khyod kyis de la dus dus su byug par bya/ dus dus su khrus bya zhing/ dus dus su zas sbyin par bya zhing/ dus dus su yang dag par bde ba la sbyar bar bya'o/ /kye skyes bu gang gi tshe sprul gdug pa gzi brjid brag cang dug drag pa bzhi po 'di dag las gang yang rung ba zhig khros par gyur na de'i rgyus khyod 'chi ba 'am 'chi ba la thug pa tsam gyi sdug bsngal nyams su myong bar 'gyur ro/ /kye skyes bu khyod bdag nyid kyi bya ba gang yin pa de byos shig ces smras na/ de nas skyes bu de sprul gdug pa gzi brjid che zhing dug drag pa bzhi sgrom gyi nang du bcug pas 'jigs nas/ gang gis na myur ba myur bar 'bros par byed pa na skyes bu gzhan zhig gis kye skyes bu khyod phyi phyi bzhin du bdar 'ong gis des khyod la gnod pa 'am gnod par 'gyur gyis kye skyes bu khyod rang gi bya ba gang yin pa de byos shig ces smras pa dang/ de nas skyes bu de sprul gdug pa gzi brjid che zhing dug drag pa bzhi sgrom gcig gi nang du bcug pa dang/ gshed ma'i skyes bu lag na ral gri thogs pa lngas rab tu 'jigs te gang gi na myur ba myur bar 'bros pa na/ skyes bu gzhan zhig gis skyes bu gshed ma'i kye skyes bu drug pa zhig gis phyi nas snyeg cing phyi nas nye bar 'ongs zhing 'dug gis/ nges khyod kyi mgo drungs nas bcad de sa la bsgyur bar 'gyur gyis/ kye skyes bu khyod rang gi bya ba gang yin pa de byos shig ces smras pa dang/ sprul gdug pa gzi brjid che ba bzhi sgrom gcig gi nang du bcug pa dang/ gshed ma'i skyes bu lag na ral gri thogs pa lnga dang/ gshed ma'i skyes bu drug pa drung na nye ba de dag gis shin tu 'jigs te myur ba myur ba 'bros pa dang/ des na grong pa zhig mthong ngo/ /de grong stong pa der zhugs te/ ji srid du khang pa stong pa der bltas pa na stong pa 'ba' zhig mthong ste/ rdzun pa nyid dang/ bslu ba nyid dang snying po med pa nyid mthong zhing gang gnod pa mthong ba de dag kyang brdzun pa dang/ bslu ba dang/ snying po med par mthong ba la skyes bu gzhan zhig 'di skad ces/ kye skyes bu khang pa stong pa 'dir grong la gnod pa'i rkun ma 'byung bar 'gyur gyis nges khyod bzung nas rnam pa thams cad kyi thams cad du srog dang phral bar 'gyur gyis/ kye'i skyes bu khyod rang gi bya ba gang yin pa de byos shig ces smras pa dang/ de nas skyes bu de sprul gdug pa bzhi zhes bya bas/ gshed ma'i skyes bu drung na nye ba dang/ g rong stong pa la gnod pa'i rkun ma dag gis rab tu 'jigs te myur bar myur bar bros pa na des de na chu bo chen po ri las 'bar ba'i chu bo rgyun ring zhing gting zab par myur bar 'gro zhing khyer bar bya ba khyer bar byed pa tshu rol gyi dogs dogs pa dang bcas pa 'jigs pa tha dad pas 'jigs su rung bar gyur cing/ pha rol gyi dogs zhi zhing bde ba grub pa dang/ bde ba dang bcas pa de tshu rol gyi dogs las pha rol gyi dogs su rgol bar byed par gru 'am rdzings med par gyur cing/ de lta bu'i chu bo chen po ri las 'bab pa'i chu bo rgyus ring zhing gting zab myur bar 'gro zhing khyer bar bya ba khyer bar byed pa tshu rol gyi dogs dogs pa dang bcas pa 'jigs pa dang bcas pa 'jigs pa tha dad pas 'jigs su rung bar gyur cing/ pha rol gyi dogs zhi zhing bde ba grub pa dang bde ba dang bcas pa 'di las chu las pha rol tu brgal bar byed pa gru 'am/ rdzings gang dag gis rtswa 'am shing dam yal ga dang 'dab ma dag bsdus te gzigs su zhugs shing/ gzings la brten te lag pa dang/ rkang ba'i rtsol ba brtsam par bya'o zhes de snyam du bsams nas/ rtsa dang shing dang 'dab ma dang lo ma dag phyogs gcig tu bsdus te/ gzings 'chid bar byed do/ gzings bcings te/ gzings la zhugs shing gzings la brtan gzings la gnas te/ lag pa dang rkang pa'i rtsol ba rtsom par byed de/ ji ltar lag pa dang rkang pa'i rtsal brtsom par byed pa de ltar sgrom spangs shing sprul gdug pa gzi brjid che zhing dug drag pa bzhi sgrom gcig gi nang du bcug pa spangs par gyur cing/ gshed ma'i skyes bu lag na ral gri thogs pa spangs par gyur cing/ gshed ma'i skyes bu drug pa drung na nye bar spangs shing/ khang pa stong pa spangs shing/ grong 'joms pa'i rkun ma spangs par gyur cing chu bo chen po ri las 'ba' cing rgyun ring la gting zab pa myur bar 'gro zhing khyer bar bya ba khyer bar byed pa ring du spangs par gyur cing/ tshu rol gyi dogs dogs pa dang bcas pa 'jigs pa dang bcas pa 'jigs pa tha dad pas 'jigs su rung ba spangs shing ring du byas par 'gyur zhing/ pha rol gyi dogs zhi zhing bde ba dang grub pa dang bde legs su brgal nas pha rol du phyin te tshangs shing gnas so/ /dge slong dag 'di ni ji srid du don shes par bya ba'i phyir dper byas pa yin gyi/ 'di'i don ni gzhan du blta bar bya ste/ dge slong dag sgrom zhes bya ba ni lus kyi tshig bla dags te/ gzugs can rags pa 'byung ba chen po bzhi las gyur pa/ pha dang ma'i mi gtsang ba nur nur po las brten te skyes pa/ 'bras chan dang zan don gyis gsos pa/ rtag par rgyun du brdzun pa bslu ba yongs su 'jig pa'i chos can gyi tshig bla dags so/ /sprul gdug pa bzhi zhes bya ba ni 'byung ba chen po bzhi'i tshig bla dags so/ /de bzhi gang zhe na/ sa dang/ chu dang/ me dang/ rlung ngo/ /dge slong dag sa'i khams 'khrugs na yang 'chi ba 'am mchi ba la thug pa tsam gyi sdug bsngal myong bar 'gyur ro/ /gshed ma'i skyes bu lag na ral gri thogs pa lnga zhes bya ba ni nye bar len pa'i phung po lnga'i tshig bla dags so/ /gshed ma'i skyes bu drug pa drung na nye ba zhes bya ba ni 'dod chags kyi tshig bla dags so// grong stong pa zhes bya ba ni nang gi bdag nyid kyi skye mched rnams kyi tshig bla dags so/ /dge slong dag dge slong rigs kyi bu mig la stong pa nyid du blta bar byed cing dge slong dag rna ba dang/ sna dang/ lce dang/ lus dang/ yid la rigs kyi bu de lta bas na stong pa nyid du mthong bar 'gyur zhing rdzun pa nyid dang/ bslu ba nyid du mthong bar 'gyur zhing/ dge slong dag rigs kyi bu mig la shin du rdzun pa dang/ bslu ba dang/ gsog dang/ snying po med par mthong bar 'gyur zhing/ dge slong dag rigs kyi bu rna ba dang sna dang/ lce dang/ lus dang/ yid la shin tu rdzun pa dang/ bslu ba dang/ gsog dang snying po med pa nyid du mthong bar 'gyur ro/ /grong 'joms pa'i rkun po zhes bya ba ni phyi'i skye mched rnams kyi tshig bla dags te/ gzugs yid du 'ong ba dang mi 'ong bas mig 'joms par byed do/ /rna ba sgras sna dres lce ros/ lus reg byas dge slong dag yid ni chos nyid du 'ong ba dang mi 'ong ba rnams kyis 'joms par byed do/ /dge slong dag chu bo chen po zhes bya ba ni chu bo bzhi po 'dod pa'i chu bo dang/ srid pa'i chu bo dang/ lta ba'i chu bo dang/ ma rig pa'i chu bo'i tshig bla dags so/ /dge slong dag rgyun ring po zhes bya ba ni srid pa gsum po 'dod pa'i srid pa dang/ gzugs kyi srid pa dang/ gzugs med pa'i srid pa gsum gyi tshig bla dags so/ /tshu rol gyi 'gram dogs pa dang bcas pa 'jig pa dang bcas pa 'jig pa tha dad pas 'jigs su rung ba zhes bya ba ni 'jig tshogs la lta ba'i tshig bla dags so/ /pha rol gyi 'gram zhi zhing bde ba grub pa dang bde ba bcas pa zhes bya ba ni phung po lhag ma dang bcas pa'i mya ngan las 'das pa'i tshig bla dags so/ /gzings zhes bya ba ni 'phags pa'i lam yan lag brgyad kyi tshig bla dags so/ /lag pa dang rkang pa'i rtsol ba rtsom pa zhes bya ba ni brtson 'grus brtsams pa'i tshig bla dags so/ /pha rol tu phyin cing brgal la tshangs shing gnas so zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyi tshig bla dags so/ /dge slong dag nyan thos rnams kyi dran par bya'o zhes bya ba nas/ 'di ni nga'i rjes su bstan pa'o zhes bya ba'i bar du gsungs so/ /kun dga' bo la gdams pa las kyang kun dga' bo gdams pa 'di ltar 'don? te/ sring mo lus zhes bya ba ni lus kyi tshig bla dags te/ gzugs can rags pa 'byung ba chen po bzhi las gyur pa pha'i mi gtsang ba nur nur po las skyes pa 'bras chan dang zan don gyis skyed cing rtag tu 'dul zhing yongs su nyams pa 'jig cing rnam par 'gyur ba'i chos can gyi tshig bla dags so/ /de bzhin du gzhan las kyang ngo/ /dge slong dag khyed kyis yun ring por zhes bya ba la sogs pa la bcom ldan 'das yangs pa can spre'u rdzing gi gtsug khang du bzhugs te/ de nas lam du gnas pa bzhi bcu po thams cad kyang dgon pa pa/ bsod snyoms pa/ phyis mi len pa/ slob pa 'dod pa las 'dod chags dang bral ba dag bcom ldan 'das gang na ba der nye bar 'ongs te/ nye bar 'ongs nas bcom ldan 'das kyi zhabs la spyi bos phyag byas te phyogs gcig tu 'dug go / de nas bcom ldan 'das 'di snyam du dge slong lam du gnas pa bzhi bcu pa 'di dag thams cad kyang dgan pa pa/ bsod snyoms pa/ phyis mi len pa/ slob pa 'dod pa las 'dod chags dang bral ba dag yin la/ gang bdag gis 'di dag 'di na 'dug bzhin du ji ltar nye bar len pa med par zag pa dag las sems rnam par grol bar 'gyur ba de lta bu'i chos bshad par bya'o snyam du dgongs nas/ de nas bcom ldan 'das kyis dge slong bzhi bcu'i tshogs la bos te/ dge slong dag sems can thog ma dang tha ma med pa'i 'khor bar ma rig pas bsgribs shing sred pa kun tu sbyor bas/ sred pas bcings pa yun ring po nas 'khor bar nying mtshams sbyor zhing 'khor ba rnams kyi sdug bsngal gyi mngon gyi mdza' mi shes so/ /dge slong dag 'di ji snyam du sems/ 'di ltar chu bo gang+gA gang nas 'bab pa rgya mtsho chen po gang du 'jug pa de'i bar gyis gang+gA'i chu mang ngam/ gang yang khyed cag gi yun ring po'i dus na 'khor bar nying mtshams sbyor ba'i khrags zags par gyur pa med/ btsun pa ji ltar bdag cag gis bcom ldan 'das kyis bshad pa'i don 'tshal ba ltar na/ 'di ltar chu bo chen po gang+gA gang nas 'bab pa dang/ rgya mtsho chen po gang du 'jug pa de'i bar gyi gang+gA'i chu bas bdag cag gi yun ring por 'khor bar nying mtshams sbyor ba'i khrag 'dzag pa nyid ches mang ngo/ /dge slong dag legs so legs so/ /'di ltar chu bo gang+gA gang nas 'bab pa dang/ rgya mtsho chen po gang du 'jug pa de'i bar gang+gA'i chu bas khyod cag gi yun ring por 'khor bar nying mtshams sbyor pa'i khrag zags par gyur pa ches mang ngo/ /dge slong dag 'di ji snyam du sems/ 'di ltar chu bo gang+gA'i gang nas 'bab pa dang/ rgya mtsho chen gang du 'jug pa de'i bar gyi gang+gA'i chu dang/ gang yang shar phyogs kyi rgya mtsho chen po dang/ lho phyogs dang/ nub phyogs dang/ byang phyogs kyi rgya mtsho chen po bzhi'i chu mang ngam/ gang yang khyed cag gi yun ring por 'khor bar nying mtshams zag pa mang/ btsun pa ji ltar bdag cag gis bcom ldan 'das kyis bshad pa'i don 'tshal ba ltar na 'di ltar na 'di ltar chu bo gang+gA gang nas 'bab pa dang/ rgya mtsho chen po gang du 'jug pa de'i bar gyis gang+gA'i chu dang/ gang yang shar phyogs kyi rgya mtsho chen po dang/ lho phyogs dang/ nub phyogs dang/ byang phyogs kyi rgya mtsho chen po bzhi'i chu bas bdag cag gi yun ring por 'khor bar nying mtshams sbyor ba'i khrag zags par gyur pa ches mang ngo/ /dge slong dag legs so legs so/ /'di ltar chu bo gang+gA gang nas 'bab pa dang/ rgya mtsho chen pho gang du 'jug pa de'i bar gyi gang+gA'i chu bo dang/ gang yang shar phyogs kyi rgya mtsho chen po dang/ lho phyogs dang/ nub phyogs dang/ byang phyogs kyi rgya mtsho chen po bzhi'i chu bos khyed cag gi yun ring bar 'khor bar nying mtshams sbyor ba'i khrag zegs par gyur pa 'di nyid ches mang de// de ci'i phyir zhe na/ dge slong dag khyed cag lun ring por glang po che dang/ skal ba mnyam par skyes te/ glang po cher gyur cing lag pa bcad pa nyams su myong ba dang/ rkang ba bcad pa dang/ rna ba bcad pa dang/ mgo bcad pa dang/ so 'don pa lan du mar nyams su myong bar gyur cing/ lan du mar khrag zags par gyur to/ /dge slong dag khyed cag khyi dang/ snga mo dang/ ba lang dang/ bong bu dang/ ra dang/ ri dags dang/ ma he dang/ phag dang/ khyim bya rnams dang skal ba mnyam par skyes shing khyim byar gyur te/ lag pa bcad pa nyams su myong ba dang/ rkang pa bcad pa dang/ rna ba bcad pa dang/ mgo bo bcad pa dang/ mchu gcod par gyur pa'i sdug bsngal du ma nyams su myang bar gyur cing lan mang du khrag zags par gyur to/ /dge slong dag khyad cag yun ring por rkun mar gyur te bzung ba dang/ mi gzhan gzhan gyis bzung ba 'phrog pa dang/ gzhan 'chid ba dang/ rgyun gcod pa dang/ bcings ba 'grol ba dang/ chom rkun pa dang/ grod 'jams pa dang/ grong khyer 'joms pa dang/ yul 'jams pa dang/ ljongs 'jams pa yin no zhes bzung ba dang/ der lan du mar lag pa bcad pa nyams su myong zhing/ rkang pa bcad pa dang/ rna ba bcad pa dang/ sna bcad pa dang/ mgo bo bcad pa nyams su myong zhing der lan du mar khrag zags par gyur te/ /dge slong dge slong dag khyed kyis yun ring por sdug bsngal drag pa tsha ba rtsub pa yongs su myong zhing dur khrod ba skyed do/ /khrag gi thigs pa blangs so/ /lan cig ma yin par dmyal ba dang/ lan cig ma yin par dud 'gro dang/ lan cig ma yin par yi dags dang/ lan cig ma yin par ngan song ngan 'gro log par ltung bar gyur to/ /dge slong dag gzugs rtag pa 'am mi rtag pa yin snyam sems/ btsun pa 'di ni mi rtag pa'o/ /gang mi rtag pa de sdug bsngal ba yin nam/ btsun pa 'di ni sdug bsngal ba'o/ /gang mi rtag pa dang/ sdug bsngal ba dang/ yongs su 'gyur ba'i chos can de la 'phags pa nyan thos thos pa dang ldan pa 'di ni bdag go? 'di ni bdag ste/ 'di ni bdag gi'o zhes bdag du khas len par byed dam/ btsun pa ma legs so/ /dge slong dag 'di ji snyam du sems/ tshor ba dang/ 'du shes dang/ 'du byed dang/ rnam par shes pa rtag pa 'am mi rtag pa yin snyam du sems/ btsun pa 'di ni mi rtag pa'o/ /gang mi rtag pa de sdug bsngal ba'am/ sdug bsngal ba ma yin/ btsun pa sdug bsngal ba/ gang mi rtag pa dang/ sdug bsngal ba dang/ yongs su 'gyur ba'i chos can de la 'phags pa nyan thos thos pa dang ldan pa 'di ni bdag go /'di ni bdag ste/ 'di ni bdag gi'o zhes bdag khas len par byed dam/ btsun pa ma lags so/ /dge slong dag de'i phyir gzugs gang 'das pa 'am ma 'ongs pa dang/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ dman pa 'am/ gya nom pa 'am/ thag nye ba 'am/ rgyang ring ba 'am/ de thams cad la 'di ni bdag gi ma yin no/ /'di ni bdag ma yin te/ bdag gi bdag med de zhes 'di ltar yang dag pa'i shes rab kyis lta bar bya'o/ /tshor ba dang/ 'du shes dang/ 'du byed dang/ rnam par shes pa gang cung zad 'das pa'am/ ma 'das pa 'am/ da lta 'byung ba 'am/ nang gi 'am/ phyi'i 'am/ rags pa'am/ phra ba'am/ dman pa'am gya nom pa 'am/ thag nye ba 'am/ rgyang ring ba de? thams cad la 'di ni bdag gi ma yin zhing bdag ma yin no/ /'di ni bdag gi ma yin no zhes 'di ltar yang dag pa'i shes rab kyis ji lta ba bzhin blta bar bya'o/ /dge slong dag de ltar mthong ba'i 'phags pa nyan thos pa dang ldan pa gzugs la yid 'byung zhing ma tshor ba dang/ 'du shes dang/ 'du byed dang/ rnam par shes pa la yid 'byung bar 'gyur ro/ /yid byung nas 'dod chags dang bral bar 'gyur ro/ /'dod chags dang bral nas grol bar 'gyur ro/ /grol nas bdag gi skye ba zad do/ /tshangs par spyod pa bsten to/ /bya ba byas so/ /yang srid pa mi shes so zhes rnam par grol ba'i ye shes mthong bar 'gyur ro/ /chos kyi rnam grangs 'di bshad pa'i tshe dge slong bzhi bcu'i tshogs rnams nye bar len pa med par zag pa dag las sems rnam par grol lo zhes gsungs so/ / //dmyal ba yi ni spyi'u tshugs yin zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams labs te/ dge slong dag yongs su gdung ba dang bcas pa dang/ yongs su gdung ba med pa'i chos bstan par bya yi de legs par nyon la yid la gzung zhig dang bshad par bya'o/ /yongs su gdung ba dang bcas pa'i chos gang yin zhe na/ dge slong dag skyes pa 'am bur med tshul khrims 'chal ba ? ? chos can gang lus kyi nyes par spyod pa 'am/ ngag dang yid kyis nyes par spyad pa dang ldan pa dag 'di ltar 'gyur te/ de'i dus na nad kyis thebs shing sdug bsngal zhing na lam la stan la 'jug cing khri dang stan gyi stong na 'dug pa la lus kyi tshor ba sdug bsngal ba drag pa tshab rtsub pa yid du mi 'ong ba srog 'phrog par byed pa rnams kyis reg pa na gang yang de 'di ltar 'gyur te/ sngon gyi lus kyi nyes par spyad pa dang/ ngag gi nyes par spyad pa dang yid kyi nyes par spyad pa de'i tshe de'i dus na mngon du 'gyur zhing ches gsal bar 'gyur ro/ /'di lta ste nyi ma nub pa'i dus na ri'am ri'i bang rim gyi grib ma sa la lhags par gyur/ rab tu lhags par gyur/ ches gsal bar lhags pa de bzhin du/ de 'di ltar gang gi tshe sngon gyi lus kyi nyes par spyad pa dang/ dag gi nyes par spyad pa dang/ yid kyi nyes par spyad pa de'i tshe de'i dus na mngon sum du 'gyur te/ rab tu mngon du 'gyur zhing ches gsal bar 'gyur ro/ /de 'di snyam du kye ma 'di ltar bdag gi lus dang ngag dang yid kyis sdig pa byas te/ sdig pa byas so/ /drag po byas so// nyes pa byas so/ /bsod nams ma byas so/ /dge ba ma byas shing 'jigs pa la mi 'jigs pa'i skyabs ma byas pas pha rol du 'gro bar 'gyur ro zhes 'gyod pa dang bcas par 'gyur te/ 'gyod pa dang bcas te shi ba ni legs pa ma yin zhing dus byed pa dang pha rol du 'gro ba ni legs pa ma yin no/ /'di ni 'gyod pa yongs su gdung ba dang bcas pa'i chos zhes bya'o/ /yongs su gdung ba med pa'i chos gang zhe na/ dge slong dag skyes pa 'am bud med tshul khrims dang ldan pa dge ba'i chos can gang lus kyis legs par spyad pa dang/ ngag gis legs par spyad pa dang/ yid kyis legs par spyad pa dang ldan pa dag 'di ltar 'gyur te/ de'i dus na nad kyis thebs shing sdug bsngal zhing na la mal stan la 'dug cing khri dang stan gyi steng na 'dug pa la lus kyis tshor ba sdug bsngal ba drag pa tsha brtsub pa yid du mi 'ong ba srog 'phrog par byed pa rnams kyis reg pa na gang yang de 'di ltar 'gyur te/ sngon lus kyis legs par spyad pa dang/ dag gis legs par spyad pa dang/ yid kyis legs par spyad pa de'i tshe na mngon du 'gyur zhing/ rab tu mngon du 'gyur la/ ches gsal bar 'gyur te/ 'di lta ste/ nyi ma nub pa'i dus na ri 'am ri'i bang rim gyi grib ma sa la lhags par gyur/ rab tu lhags par 'gyur ches gsal bar lhags pa de bzhin du de 'di ltar gang gi mngon lus kyis las legs par spyad pa dang/ ngag gis legs par spyad pa dang/ yid kyis legs par spyad pa de'i tshe de'i dus na mngon du 'gyur te/ rab tu mngon du 'gyur zhing ches gsal bar 'gyur ro/ /de 'di snyam du kye ma bdag gis 'di ltar lus dang ngag dang yid kyi dge ba byas te/ sdig pa drag po ma byas so/ /bsod nams byas so/ /dge ba byas shing 'jigs pa la mi 'jigs pa'i skyabs bya ste 'jig rten pha rol tu 'gro bar 'gyur ro zhes 'gyod pa med par 'gyur te/ 'gyod pa med par shi ba ni legs shing dus byed pa dang pha rol tu 'gro ba ni legs pa yin te/ 'di 'gyod pa yongs su gdung ba med pa'i chos zhes bya'o/ /dge slong dag yongs su gdung ba dang bcas pa dang/ yongs su gdung ba med pa'i chos bshad par bya'o zhes ji skad du bshad pa de rgyas par rab tu bshad do/ /'gyod pa dang bcas mi rnams kyi/ /'tsho ba shin tu dka' bar gnas/ /mi de rnams kyi 'gro ba dag/ gang du 'gro ba legs par nyon/ /yang sos dang ni thig nag dang/ /bsdus 'joms du 'bod gnyis dang ni/ /tsha dang rab tu tsha ba dang/ /mnar med pa zhes bya ba ste/ /de ltar de dag dmyal ba ni/ /brgyad ces bya ste rgal bar dka' / /drag po'i las kyis kun tu gang/ /re re la yang lhag bcu drug /rtsig pa bzhi dang sgo bzhi dang/ rnam phya ris su chad pa yin/ /lcags kyi ra bas kun nas bskor/ /lcags dag gis ni gang ba yin/ /de nas lcags 'bar sa gzhi ste/ /'bar ba'i me dang ldan pa yin/ /dpag tshad stong phrag du mar ni/ /me lce dag gis khyab par gnas/ /ser sna can rnams 'dul byed pa'i/ /me lce'i sgra ni bsgrub par dka' / /'joms shing ba spu ldang ba dang/ /'jigs par byed cing sdug bsngal byed/ /yang dag sdom dang dka' thub can/ /drang srong rnams la skur 'debs pa/ /de dag spyi'u tshugs dag tu ni/ /dmyal bar ltung ba dag tu 'gyur/ /'tshed bzhin pa yi nya bzhin du/ /de dag drag pos 'joms shing 'tshed/ /mtshon gyis bcom pa'i slu bzhin du/ /de dag rtag tu smre sngags 'don/ /'di ltar nyes par spyod pa rnams/ /'o dod chen po smre sngags 'don zhes bka' stsal to// //mngal du 'jug pa gsum dag zhes bya ba/ gleng bzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag mngal du 'jug pa ni rnam pa gsum ste/ shes bzhin du ma'i mngal du 'jug pa dang/ shes bzhin du gnas pa dang/ 'byung ba shes bzhin ma yin pa dang/ ma'i mngal du 'jug pa shes bzhin du ma yin gyi/ gnas pa dang/ 'jug pa shes bzhin dang/ ma'i mngal du 'jug pa dang/ 'byung ba dang/ gnas pa yang shes bzhin du gnas pa yod do zhes gsungs so/ /'di rgyas pa ni phra rgyas btags pa'i dbugs 'byung ba drug pa las blta bar bya'o// // 'di skad du bcom ldan 'das kyis las ni yod pa rnam par smin pa ni yod do zhes bya ba la sogs pa la/ bcom ldan 'das skyabs seng gi grong khyer kalma sha daM min bzhugs te/ de nas bcom ldan 'das kyis dge slong rnams la bos te/ dge slong dag thog mar dge ba/ bar du dge ba/ tha mar dge ba/ don bzang po/ /tshig 'bru bzang po/ /ma 'dres pa/ yongs su rdzogs pa/ yongs su byang ba tshangs par spyod pa/ gsal bar byed pa/ 'di lta ste/ don dam pa/ stong pa nyid ces bya ba'i chos kyi rnam grangs bstan par bya yis de legs par nyon la yid la gzung zhig dang bshad par bya'o/ /don dam pa stong pa nyid ces bya ba'i chos kyi rnam grangs gang zhe na/ mi skye ba na gang nas kyang mi 'ong/ 'gag pa gang du mi 'gro ste/ dge slong dag 'di ltar mig ni ma byung ba las byung zhing byung nas kyang yongs su 'jigs pa ste las ni yod do/ /rnam par smin pa ni yod do/ /chos su brdar btags pa ma gtogs pa phung po 'di 'dor bar byed cing phung po gzhan nying mtshams sbyor bar byed pa po ni mi dmigs so/ / de la chos su brdar brtags pa ni 'di yin te/ 'di lta ste/ 'di yod pas 'di 'byung/ 'di skyes pa'i phyir 'di skye ste/ 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs ming dang gzugs kyi rkyen gyis skye mched drug / skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung bar 'gyur te/ de ltar na sdug bsngal gyi phung po 'di 'ba' zhig 'byung bar 'gyur ro/ /'di ltar 'di med pas 'di mi 'byung/ 'di ma skyes pas 'di 'gag par 'gyur te/ ma rig pa 'gags pas 'du byed 'gag/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag / reg pa 'gags pas tshor ba 'gag/ tshor ba 'gags pas sred pa 'gag/ sred pa 'gag pas len pa 'gag /len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'gag par 'gyur te/ de ltar na sdug bsngal gyi phung po chen po 'di 'ba' zhig 'gag par 'gyur ro/ /'di ni don dam pa stong pa nyid ces bya ba'i chos kyi rnam grangs so/ /dge slong dag thog mar dge ba/ bar du dge ba/ tha mar dge ba/ don bzang po/ tshig 'bru bzang po/ /ma 'dres pa/ yongs su rdzogs pa/ yongs su byang ba/ tshangs par spyod pa/ yongs su gsal bar byed pa 'di lta ste/ don dam pa stong pa nyid ces bya ba'i chos kyi rnam grangs bshad par bya'o zhes ji skad du bstan pa de rgyas par rab tu bshad do zhes bka' stsal to/ / //dang po nur nur po yin no zhes bya ba la sogs pa la/ bcom ldan 'das ma ga d+har ljongs rgyu zhing gshegs te gnod sbyin dbang po'i khyim du mtshan mo gnas pa'i phyir gshegs so/ /de nas gnod sbyin dbang po bcom ldan 'das gang na ba der nye bar 'ongs te/ nye bar 'ongs nas bcom ldan 'das kyi zhabs la spyi bos phyog byas te phyogs gcig tu 'dug go /phyogs gcig tu 'dug nas gnod sbyin dbang pos tshigs su bcad ba 'di skad ces gsol to/ /srog gis ci zhig mi shes sam/ /srog gis ci zhig mi rtogs sam/ /srog ni gang du bcings shing gnas/ /srog gi 'ching ba ci zhig yin/ bcom ldan 'das kyis bka' stsal pa/ /srog gis gzugs rnams mi shes te/ /'du byed kyang ni rtogs ma yin/ /srog ni lus 'dir bcing shing gnas/ /srog ni 'ching ba sred pa yin/ /sangs rgyas gzugs ni srog min gsung/ /ji ltar chang tshing 'dir gnas shing/ /ji ltar rim gyis gong bur 'gyur// ji ltar lus 'di mngon 'phel 'gyur/ /dang po nur nur po yin no/ /nur nur po las mer mer po/ /mer mer po las nar nar skye/ /nar nar po las mkhrang 'gyur skye/ /mkhrang nas rkang lag 'byung ba dang/ /skra spu sen mo la sogs dang/ /dbang po gzugs can rnams dang ni/ /mtshams rnams rim gyis skye bar 'gyur/ /gang tshe ma yin bzas pa dang/ /btung ba gnyis ka longs spyad pas/ /mngal gyi nang na gnas pa'i mi/ /des ni gsol zhing skye bar 'gyur/ /de nas gnod sbyin dbang po bcom ldan 'das kyis gsungs pa la mngon par dga' zhing rjes su yi rang nas/ bcom ldan 'das kyi zhabs la spyi bos phyag byas te/ bcom ldan 'das kyi drung nas song ngo// //'di ltar gleng gzhi chen po'i rnam grangs las zhes bya ba la mdor bstan pa brjod pa las 'di ltar 'don te/ kun dga' po ming dang gzugs la rkyen yod dam zhes 'dri na/ /rkyen yod da zhes lan gdab par bya'o/ /kun dga' bo ming dang gzugs kyi rkyen gang yin zhes 'dri na/ rnam par shes pa rkyen yin no zhes brjod par bya'o/ /kun dga' bo rnam par shes pa'i rkyen gyis ming dang gzugs so zhes ngas ji skad du bstan rgyas par rab tu bshad do/ /kun dga' bo gal te rnam par shes pa ma'i mngal du zhugs par ma gyur na/ khu ba dang khrag gi nur nur po'i nang du mngon par brgyal bar 'gyur ram/ btsun pa ma lags so/ /kun dga' bo gal te rnam par shes pa ma'i mngal du zhugs par ma gyur ram/ 'phos par ma gyur na rnam par shes pa 'di lta bur nye bar 'gro bar 'gyur ram/ btsun pa ma lags so// kun dga' bo gal te byis ba dang/ gzhon nu dang gzhon nu ma dang/ lang tsho'i gnas skabs kyis rnam par shes pa dang po nas 'di ltar chad? cing ma byung bar gyur na ming dang gzugs 'di ltar rgyas shing yang ba rgya chen por 'gyur ram/ btsum? pa ma lags so// kun dpa' bo gal te rnam pa thams cad du rnam par shes pa med na ming dang gzugs gdags par nus sam/ btsun pa ma lags so/ /kun dga' bo gal te rnam pa thams cad du rnam par shes pa med na ming dang gzugs gdags par nus sam/ btsun ba ma lags so/ /kun dga' bo de'i phyir rgyu mtshan 'di dang/ rgyu 'di dang/ kun 'byung ba 'di lta ste/ rnam par shes pa'i rkyen gyis ming dang gzugs zhes bya'o/ /rnam par shes pa'i crkyen gyis ming dang gzugs zhes nges? ji skad du bstan pa de rgyas bar rab tu bshad do/ /'di ltar mdo de nyid las dge slong dag dge slong gis gang phan chad rten cing 'brel bar 'byung ba dang zhes bya ba la sogs pa la/ gleng gzhi ni mnyan du yod? pa na'o/ /dge slong dag rten cing 'brel bar 'byung ba dang/ rten cing 'brel par 'byung ba'i chos rnams bshad par bya yis de legs par nyon la yid la gzung zhig dang bshad bar bya'o/ /rten cing 'brel par 'byung ba'i chos rnams gang zhe na/ 'di ltar 'di yod pas 'di 'byung/ 'di skyes pa'i phyir 'di skye ste/ 'di ltar ma rig pa'i rkyen gyis 'du byed rnams zhes bya ba nas/ 'di 'ba' zhig kun tu 'byung bar 'gyur zhes bya ba'i bar du ste/ skye ba'i rkyen gyis rga shi zhes bya ba de bzhin gshegs pa byung yang rung/ de bzhin gshegs pa rnams ma byung yang rung ba 'di ni chos nyid do/ /chos rnams kyi chos nyid 'di ni rtag tu gnas pa'o zhes rang nyid kyi mngon par shes pas mkhyen cing mngon par sangs rgyas nas ston par byed/ 'chad par byed/ rab tu 'chad par byed/ rnam par 'byed par byed/ 'grel bar byed/ rgyas par byed/ ston cing yang dag par gsal bar byed de/ 'di ltar skye pa'i rkyen gyis rga shi dang/ srid pa dang/ len pa dang/ sred pa dang/ tshor ba dang/ reg pa dang/ skye mched drug dang/ ming dang gzugs dang/ rnam par shes pa dang/ ma rig pa'i rkyen gyis 'du byed rnams te/ de bzhin gshegs pa rnams byung ngam ma byung yang rung chos nyid de/ chos rnams kyi chos nyid 'di ni rtag tu gnas so zhes de bzhin gshegs pas rang nyid kyi mngon par shes pas mkhyen nas mngon par sangs rgyas nas ston par byed/ 'chad par byed/ rab tu 'chad par byed rnam par 'byed par byed/ 'grel bar byed/ rgyas par byed/ bsten cing yang dag par gsal bar byed de/ 'di ltar ma rig pa'i rkyen gyis 'du byed rnams zhes bya ba 'di ni chos rnams kyi gnas pa/ chos rnams kyi nges pa/ chos rnams kyi ji lta ba nyid/ de bzhin nyid/ mi 'gyur ba de bzhin nyid/ gzhan ma yin pa de bzhin nyid ji lta ba/ bden pa/ de kho na nyid/ ji lta ba bzhin mi 'gyur ba/ phyin ci ma log pa/ rkyen 'di tsam pa ste/ 'di ni rten cing 'brel bar 'byung ba go rim las zlog pa ste/ 'di ni rten cing 'brel par 'byung ba zhes bya'o/ /rten cing 'brel par 'byung ba'i chos rnams gang zhe na/ ma rig pa dang/ 'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi'i/ /dge slong dag de la skye ba dang rga shi ni mi rtag pa 'dus byas bsags pa/ rten cing 'brel par 'byung ba/ skye ba dang/ 'jig pa'i chos can/ 'dod chags dang bral ba'i chos can/ 'gag pa'i chos can du de ltar yongs su shes par bya'o/ /skye ba dang/ srid pa dang/ len pa dang/ sred pa dang/ tshor ba dang/ reg pa dang/ skye mched drug dang/ ming dang gzugs dang/ rnam par shes pa dang/ 'du byed kyang mi rtag pa/ 'du byas pa/ bsags pa/ rten cing 'brel par 'byung ba/ skye ba dang/ 'jig pa'i chos can/ 'dod chags dang bral ba'i chos can/ 'gog pa'i chos can du de yongs su shes par bya ste/ 'di ni rten cing 'brel bar 'byung ba zhes bya'o/ /dge slong dag gang yang 'phags pa nyan thos thos pa dang ldan pa rten cing 'brel bar 'byung ba dang/ rten cing 'brel bar 'byung ba'i chos rnams yang dag par shes rab kyi ji lta ba bzhin shes shing/ rab tu mthong zhing rab tu rdig la/ rab tu rten cing rab tu yid la byas shing/ legs par so sor rtogs na/ de ci bdag 'das pa'i dus na byung bar gyur ram 'on te byung bar ma gyur/ bdag 'das pa'i dus na ci zhig du byung bar gyur/ bdag 'das pa'i dus na ji ltar byung bar gyur zhes sngon gyi mdza' rjes su 'brang bar mi 'gyur ro/ /ci bdag ma 'ongs pa'i dus na/ 'byung bar 'gyur ram/ 'on te bdag ma 'ongs pa'i dus na 'byung bar mi 'gyur/ bdag ma 'ongs pa'i dus na ci zhig du 'byung bar 'gyur/ bdag ma 'ongs pa'i dus na ji ltar 'byung bar 'gyur zhes phyi ma mdza' i rjes su 'brang bar mi 'gyur ro/ /'di ci zhig 'di ji ltar yod pa ni ci zhig 'byung bar ni ci zhig sems can 'di dag gang nas 'ongs shing 'chi 'pho ba na gang du 'gro bar 'gyur zhes nang gi bdag nyid la the tshom za bar mi 'gyur ro/ /gang yang dge sbyong ngam bram ze gang kha cig 'jig rten gyi lta bar gyur pa tha dad pa 'di lta ste/ bdag tu smra ba dang/ yang dag par ldan ba dang/ mtshams sbyor ba byed par smra ba dang/ yang dag par ldan pa dang/ gso bar smra ba dang yang dag par ldan pa dang/ dge mtshan dang bkra shis su smra ba dang/ yang dag par ldan pa dag de'i tshe na yongs su shes shing yongs su spangs par 'gyur/ rtsa ba bcad par 'gyur te/ shing ta la rtsa ba bcad pa ltar ma 'ongs pa'i skal ba mi skye ba'i chos can du 'gyur te/ de ci'i phyir zhe na/ dge slong dag 'di ltar 'phags pa nyan thos thos pa dang ldan pa rten cing 'brel par 'byung ba dang/ rten cing 'brel par 'byung ba'i chos rnams yang dag pa'i shes rab kyis ji lta ba bzhin shes shing rab tu mthong zhing rab tu rig la rab tu yid la byas shing rab tu rten la legs par so sor rtogs pa'i phyir ro/ /dge slong dag rten cing 'brel bar 'byung ba dang/ rten cing 'brel bar 'byung ba'i chos rnams bstan par bya'o zhes ji skad du bstan pa de rgyas par rab tu bshad do zhes bka' stsal to/ /ma rig pa tshul bzhin ma yin pa yid la byed pa'i rgyu can du gsungs zhes bya ba la/ bcom ldan 'das skyabs seng ge'i grong khyer kolma sha daM mya na bzhugs te/ de nas bcom ldan 'das kyis dge slong rnams la bos te/ dge slong dag theg mar dge ba/ bar du dge ba zhes bya ba nas tshangs par spyod pa yongs su gsal bar byed pa 'di lta ste/ rgyu dang bcas rkyen dang bcas rgyu mtshan dang bcas pa zhes bya ba'i chos kyi rnam grangs bshad par bya yis de lags par zhes bya ba nas bshad par bya ba'i bar du'o/ /dge slong dag rgyu dang bcas rkyen dang bcas rgyu mtshan dang bcas pa zhes bya ba'i chos kyi rnam grangs gang zhe na/ dge slong dag mig ni rgyu dang bcas rkyen dang bcas rgyu mtshan dang bcas pa ste/ dge slong dag mig gi rgyu ni gang/ rkyen ni gang rgyu mtshan ni gang zhe na/ dge slong dag las ni rgyu/ las ni rkyen/ las ni rgyu mtshan no/ /dge slong dag las ni rgyu dang bcas rkyen dang bcas rgyu mtshan dang bcas pa'o/ /dge slong dag las kyi rgyu ni gang/ rkyen ni gang/ rgyu mtshan ni gang zhe na/ dge slong dag las kyi rgyu ni sred pa/ rkyen ni sred pa/ rgyu mtshan ni sred pa'o/ /dge slong dag sred pa yang rgyu dang bcas/ rkyen dang bcas/ rgyu mtshan dang bcas pa ste/ dge slong dag sred pa'i rgyu ni gang/ rkyen ni gang/ rgyu mtshan ni gang zhe na/ dge slong dag sred pa'i rgyu ni ma rig pa/ rkyen ni ma rig pa rgyu mtshan ni ma rig pa'o/ /dge slong dag ma rig pa yang rgyu dang bcas rkyen dang bcas rgyu mtshan dang bcas pa ste/ dge slong dag ma rig pa'i rgyu ni gang/ rkyen ni gang/ rgyu mtshan ni gang zhe na/ dge slong dag ma rig pa'i rgyu ni tshul bzhin ma yin pa yid la byed pa/ rkyen ni tshul bzhin ma yin pa yid la byed ba/ rgyu mtshan ni tshul bzhin ma yin pa yid la byed pa'o/ /dge slong dge? tshul bzhin ma yin pa yid la byed pa yang rgyu dang bcas/ rkyen dang bcas/ rgyu mtshan dang bcas pa'o/ /dge slong dag tshul bzhin ma yin pa yid la byed pa'i rgyu ni gang/ rkyen ni gang/ rgyu mtshan ni gang zhe na/ ming dang gzugs la brten nas ma rig pa las skyes pa yid la byed pa rnyog pa skyes te/ gang rmongs shing kun tu rmongs pa la ma rig pa de srid pa don du gnyer ro/ /sred pa dang bcas na rnam par rig byed kyi las byed de/ dge slong dag tshul bzhin ma yin pa'i yid la byed pa ni ma rig pa'i rgyu can/ ma rig pa ni sred pa'i rgyu can/ sred pa ni las kyi rgyu can/ las ni mig gi rgyu can no/ /dge slong dag rna ba dang/ sna dang/ lce dang/ lus dang/ yid kyang rgyu dang bcas/ rkyen dang bcas/ rgyu mtshan dang bcas pa ste/ dge slong dag yid kyi rgyu ni gang/ rkyen ni gang/ rgyu mtshan ni gang zhe na/ dge slong dag yid kyi rgyu ni las/ rkyen ni las/ rgyu mtshan ni las so/ /dge slong dag las kyang rgyu dang bcas/ rkyen dang bcas/ rgyu mtshan dang bcas pa ste/ dge slong dag las kyi rgyu ni gang/ rkyen ni gang/ rgyu mtshan ni gang zhe na/ dge slong dag las kyi rgyu ni sred pa/ rkyen ni sred pa/ rgyu mtshan ni sred pa'o/ dge slong dag sred pa yang rgyu dang/ rkyen dang bcas/ rgyu mtshan dang bcas pa ste/ dge slong dag sred pa'i rgyu ni gang/ rkyen ni gang/ rgyu mtshan ni gang zhe na/ dge slong dag sred pa'i rgyu ni ma rig pa/ rkyen ni ma rig pa/ rgyu mtshan ni ma rig pa'o/ /dge slong dag ma rig pa yang rgyu dang bcas/ rkyen dang bcas/ rgyu dang mtshan dang bcas pa ste/ dge slong dag ma rig pa'i rgyu dang/ rkyen dang/ rgyu mtshan gang zhe na/ tshul bzhin ma yin pa yid la byed pa ni rgyu'o/ /tshul bzhin ma yin ba yid la byed pa ni rgyu rkyen no/ /tshul bzhin ma yin pa yid la byed pa ni rgyu mtshan no/ /dge slong dag tshul bzhin ma yin pa yid la byed pa yang rgyu dang bcas/ tshul bzhin ma yin pa yid la byed pa yang rkyen dang bcas/ tshul bzhin ma yin pa yid la byed pa yang rgyu mtshan dang bcas pa ste/ dge slong dag tshul bzhin ma yin pa yid la byed pa'i rgyu ni gang/ rkyen ni gang/ rgyu mtshan ni gang zhe na/ dge slong dag yid dang/ chos la brten nas ma rig pa las skyes pa'i yid la byed pa rnyog pa skyes te/ gang rmongs shing kun du rmongs la/ ma rig pa de sred pa don du gnyer ro/ /sred pa dang bcas na rnam par rigs kyi las byed de/ dge slong dag tshul bzhin ma yin pa yid la byed pa ni ma rig pa'i rgyu can/ ma rig pa ni sred pa'i rgyu can/ sred pa ni las kyi rgyu can/ las ni mig gi rgyu can te/ 'di ni rgyu dang bcas/ rkyen dang bcas/ rgyu mtshan dang bcas pa zhes bya ba'i chos kyi rnam grangs te/ dge slong dag rgyu dang bcas/ rkyen dang bcas/ rgyu mtshan dang bcas pa'i chos bshad par bya ste zhes bya ba nas/ snga ma bzhin du rgyu dang bcas/ rkyen dang bcas/ rgyu mtshan dang bcas pa'i chos bshad pa'i chos bshad par bya'o zhes nges ji skad du bstan pa de rgyas par rab tu bshad do zhes bka' stsal to/ /mdo gzhan las ma rig pa'i 'dus te reg pa las byung ba'i tshor ba zhes bya ba la phung po'i sngon gyi tshigs su bcad pa bzhi pa'i dang po'i mdo mdzod kyi gnas gnyis par mi ldan pa'i 'du byed kyi 'gog pa'i snyoms par 'jug pa'i skabs su bris pa blta bar bya'o/ /bcom ldan 'das kyis khyed la rten cing 'brel par 'byung ba'i chos rnams kyang bshad par bya'o zhes bka' stsal zhes bya ba ni snga ma bzhin du de ma thag kho nar de dge slong dag khyed la rten cing 'brel par 'byung ba dang/ rten cing 'brel par 'byung ba'i chos rnams par bshad par bya zhes mdo bris pa blta bar bya'o/ /'di ni mdo'i don ma yin na zhes bya ba la sogs pa la gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag rten cing 'brel par 'byung ba'i theg pa dang/ rnam par dbye ba bshad par bya yis de legs par nyon la yid la gzung zhig dang bshad par bya'o/ /rten cing 'brel bar 'byung ba'i dang po gang zhe na/ 'di yod pas 'di 'byung/ 'di skyes pa'i phyir 'di skye ste/ 'di ltar ma rig pa'i rkyen gyis 'du byed dang/ 'du byed kyi rkyen gyis rnam par shes par rnam par shes pa'i rkyen gyis ming dang gzugs ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams kun du 'byung bar 'gyur te/ dge slong dag de ltar na sdug bsngal gyi phung po chen po 'di 'ba' zhig kun tu 'byung bar 'gyur te/ 'di ni rten cing 'brel par 'byung ba'i dngos po zhes bya'o/ /rnam par dbye ba gang zhe na/ ma rig pa'i rkyen gyis 'du byed ces 'byung ba ma rig pa gang zhe na/ sngon gyi mdza' mi shes pa dang/ phyi ma'i mdza' mi shes pa dang/ sngon dang phyi ma'i mdza' mi shes pa dang/ nang mi shes pa dang/ phyi mi shes pa dang/ nang dang phyi rol mi shes pa dang/ las mi shes pa dang/ rnam par smin pa mi shes pa dang/ las kyi rnam par smin pa mi shes pa dang/ rgyu mi shes pa dang/ 'bras bu mi shes pa dang/ rgyu dang 'bras bu mi shes pa dang/ sangs rgyas mi shes pa dang/ chos mi shes pa dang/ dge 'dun mi shes pa dang/ sdug bsngal dang/ kun 'byung dang/ 'gog pa dang/ lam mi shes pa dang/ rgyu las byung ba'i chos rnams mi shes pa dang/ dge ba dang mi dge ba rnams dang/ kha na ma tho ba dang bcas pa dang/ kha na ma tho ba med pa rnams dang/ brten par bya ba dang brten par bya ba ma yin pa rnams dang/ spang bya dang/ spang bya ma yin pa rnams dang/ dkar po dang/ nag po rnams dang/ rnam par dbye ba dang bcas pa'i rten cing 'brel bar 'byung ba'i chos rnams mi shes pa dang/ 'di ltar reg pa'i skye mched drug 'di ltar yang dag pa ji lta ba bzhin so sor ma rig pa ste/ gang yang de dang de la mi shes pa dang/ ma mthong ba dang/ mngon par ma rtog pa dang/ mun pa dang/ rmongs pa ma rig pa'i mun pa zhes bya ba ste 'di ni ma rig pa zhes bya'o/ /ma rig pa'i rkyen gyis 'du byed gang zhe na/ 'du byed ni rnam pa gsum ste/ lus kyi 'du byed dang/ ngag gi 'du byed dang/ yid kyi 'du byed do/ /'du byed kyi rkyen gyis rnam par shes pa zhes 'byung ba rnam par shes pa gang zhe na/ rnam par shes pa'i tshogs drug ste/ mig gi rnam par shes pa dang/ rna ba dang/ sna dang lce dang lus dang/ yid kyi rnam par shes pa'o/ /rnam par shes pa'i rkyen gyis ming dang gzugs zhes byung ba ming gang zhe na/ gzugs can ma yin pa'i phung po bzhi ste/ tshor ba'i phung po dang/ 'du shes kyi phung po dang/ 'du byed kyi phung po dang/ rnam par shes pa'i phung po'o/ /gzugs gang zhe na/ gzugs gang ci yang rung ba de thams cad ni 'byung ba chen po bzhi dag dang/ 'byung ba chen po bzhi dag rgyur byas pa ste/ gzugs 'di dang sngar bstan pa thams cad gcig tu bsdus te ? ? ? zhes bya'o/ /ming dang gzugs kyi rkyen gyis skye mched drug ces 'byung ba skye mched drug gang zhe na/ nang gi skye mched drug ste/ mig nang gi skye mched dang/ rna ba dang/ sna dang/ lce dang/ lus dang/ yid nang gi skye mched do/ /skye mched drug gi rkyen gyis reg pa zhes 'byung ba/ reg pa gang zhe na/ reg pa'i tshogs drug ste/ mig gi 'dus te reg pa dang/ rna ba dang/ sna dang/ lce dang/ lus dang/ yid kyi 'dus te reg pa'o/ /reg pa'i rkyen gyis tshor ba zhes 'byung ba tshor ba gang zhe na/ tshor ba gsum ste/ bde ba dang/ sdug bsngal ba dang/ bde ba yang ma yin sdug bsngal ba yang ma yin pa'o/ /tshor ba'i rkyen gyis sred pa zhes 'byung ba sred pa gang zhe na/ sred pa gsum pa ste/ 'dod pa'i sred pa dang/ gzugs kyi sred pa dang/ gzugs med pa'i sred pa'o/ /sred pa'i rkyen gyis len pa zhes 'byung ba len pa gang zhe na/ nye bar len pa bzhi ste/ 'dod pa nye bar len pa dang/ lta ba nye bar len pa dang/ tshul khrims dang brtul zhugs nye bar len pa dang/ bdag du smra ba nye bar len pa'o/ /len pa'i rkyen gyis srid pa zhes 'byung ba srid pa gang zhe na/ srid pa rnam pa gsum ste/ 'dod pa'i srid pa/ gzugs kyi srid pa dang/ gzugs med pa'i srid pa'o/ /srid pa'i rkyen gyis skye ba zhes 'byung ba skye ba gang zhe na/ sems can de dang de dag sems can gyi rigs mthun pa de dang der skye zhing yang dag par skye ba dang/ 'jug pa dang/ mngon par grub pa dang/ rab tu byung ba dang/ phung po thob cing khams dang skye mched thob la/ phung po mngon par grub cing dbang po dang grong mngon par rab tu byung ba ste 'di ni skye ba zhes bya'o/ /skye ba'i rkyen gyis rga shi shes 'byung ba rga shi gang zhe na/ gang spyi bor skra dkar dang/ 'khogs shing gnyer ma mang ba dang/ rgur po rgu po gre ba sgra dar dar? bos 'gags pa/ lus rgu zhing 'khar ba la brten pa/ sme ba'i thig les lus nyams pa/ lus bcings shing bcings pa dang/ dbang po rnams yongs su nyams shing yongs su smin pa dang/ 'jigs dang 'du byed rnams yongs su snyings shing rgas par gyur pa 'di ni rga ba zhes bya'o/ /'chi ba gang zhe na/ sems can gyi skal ba mnyam pa de dang de las 'chi 'pho zhing 'jig la nub cing tshe dang drod nyams pa phung po 'phos shing dbang po rnams 'gags te/ shi zhing dus byed par 'gyur ba 'di ni 'chi ba zhes bya ba ste/ 'chi ba 'di dang rga ba gnyis ka gcig tu bsdus nas rga shi zhes bya'o/ /'di ni rten cing 'brel par 'byung ba'i rnam par dbye ba zhes bya'o/ /dge slong dag khyed la rten cing 'brel par 'byung ba'i dang po dang rnam par dbye ba bshad bya'o zhes ji skad du bstan pa de rgyas par rab tu bshad do/ /'di lta ste glang po'i rjes lta bu'i mdo las zhes bya ba la/ glang po'i rjes lta bu'i mdo bar ma'i bdum po tha ma las bstan pa mdzod kyi gnas dang por blta bar bya'o/ /der bstan pa phyogs tsam 'di ltar 'don te/ sa'i khams gang zhe na/ tshe dang ldan pa dag sa'i khams ni rnam pa gnyis te/ nang dang phyi rol gyi'o/ /nang gi sa'i khams kyang yod do/ /nang gi sa'i khams gang zhe na/ gang yang lus 'di la nang gi bdag nyid kyi skra? ba dang/ mkhrad ba dang/ zin pa dang/ zin par gyur pa ste/ de gang zhe na/ 'di lta ste/ skra dang spu dang sen mo dang/ so dang rdul dang dri ma dang/ pags pa dang sha dang rus pa dang/ rtsa dang rgyus pa dang/ snying dang glo ba dang mchin pa dang/ mkhal ma dang/ rgyu ma dang gnyem dang/ pho ba dang long ka dang/ gang rags par gyur pa ste/ gang lus 'di la sra ba dang/ mkhrang ba zin pa dang/ zin par gyur pa 'di ni nang gi bdag nyid kyi sa'i khams zhes bya'o/ /de bzhin gshegs pa rnams byung yang rung ma byung yang rung zhes bya ba la/ gleng gzhi ni mnyan du yod pa na'o/ /de nas dge slong gzhan zhig bcom ldan 'das gang na ba der nye bar 'ongs te/ nye bar 'ongs nas zhes bya ba nas/ bcom ldan 'das la 'di skad ces gsol to zhes bya ba'i bar du'o/ /ci bcom ldan 'das kyis rten cing 'brel par 'byung ba byas sam/ 'on te gzhan zhig gis byas/ dge slong rten cing 'brel bar 'byung ba ni ngas kyang ma byas la/ gzhan gyis kyang ma byas kyi/ de bzhin gshegs pa rnams byung yang rung ma byung yang rung/ chos rnams kyi chos nyid 'di ni gnas pa/ chos kyi dbyings te/ de bzhin gshegs pa rang nyid kyis mkhyen cing mngon par sangs rgyas nas 'chad par byed ston par byed/ rnam par 'byed par byed/ 'brel pa dang ston cing yang dag par? gsal bar byed do/ /'di lta ste 'di yod pas 'di 'byung/ 'di skyes pas 'di skye ste/ ma rig pa'i rkyen gyis 'du byed/ 'du byed kyi rkyen gyis rnam par shes pa zhes bya ba nas snga ma bzhin du/ 'di 'ba' zhig kun tu 'byung bar 'gyur ro zhes bya ba'i bar du'o/ /'di ltar 'di med pas 'di mi 'byung/ 'di 'gags pas 'di 'gag par mi 'gyur te/ 'di ltar ma rig pa 'gags pas 'du byed 'gag ces bya ba nas skye ba dang rga shi 'gag par 'gyur zhes bya ba'i bar du'o/ /zhes bka' stsal to/ /dper na gzhan las ma rig pa yod na 'du byed rnams 'byung gis gzhan du ma rig pa'i rkyen med par 'du byed rnams ma yin na zhes bya ba la/ yang dag par ldan pa'i gleng gzhi las dang ldan pa dang/ 'brum bu can zhes bya ba'i sdom gyi tshigs su bcad pa gsum pa'i mdo sa can las 'di ltar 'don te/ de nas tshe dang ldan pa kun dga' bos bcom ldan 'das la 'di skad ces gsol to/ /btsun pa bcom ldan 'das kyis bshad pa'i don bdag gis 'tshal ba ltar na skye ba yod na rga shi 'byung bar 'gyur gyis/ gzhan du na skye ba'i rkyen med par rga shi 'byung bar mi 'gyur ro/ /skye ba dang/ srid pa dang/ len pa dang/ sred pa dang/ tshor ba dang/ reg pa dang/ skye mched drug dang/ ming dang/ gzugs dang/ rnam par shes pa dang/ ma rig pa yod na 'du byed 'byung bar 'gyur gyi/ gzhan du na ma rig pa med par 'du byed rnams 'byung bar mi 'gyur ro/ /btsun pa skye ba med na rga shi 'byung par mi 'gyur gyi/ gzhan du na skye ba 'gags pas rga shi 'gag par mi 'gyur ro// skye ba dang/ srid pa dang/ len pa dang/ sred pa dang/ tshor ba dang/ dag pa dang/ skye mched drug dang/ ming dang gzugs dang/ rnam par shes pa dang/ ma rig pa 'gags pas 'du byed 'gag par 'gyur gyi/ gzhan du na ma rig pa 'gags pas 'du byed 'gag par mi 'gyur ro/ /kun dga' po de de bzhin te/ de de bzhin no/ /skye ba yod na rga shi 'byung bar mi 'gyur gyi/ gzhan du skye ba med na rga shi 'byung bar mi 'gyur te zhes bya ba nas snga ma bzhin du ma rig pa 'gags pas 'du byed 'gag par 'gyur zhes bya ba'i bar du'o/ /lta pa drug cu rtsa gnyis ni tshangs pa'i dra ba las ji skad du 'byung ba bzhin te/ zhes bya ba la 'di skad bdag gis thos pa'i dus gcig na bcom ldan 'das dge slong gi dge 'dun brgya phrag phyed dang bcu gsum dang/ dge bsnyen stong dang/ slongs mo za ba lnga brgya dang lhan cig tu ma ga d+har ljongs rgyu zhing gshegs te/ rgyal po'i khab dang pa Ti li'i grong khyer gyi ba na rgyal po bzhugs smyug ma'i ldum bu can du mtshan mo bzhugs pa'i phyir gshegs so/ /de'i tshe de'i dus na kun tu rgyu rab dga' zhes bya ba rnam grangs du mas sangs rgyas kyi bsngags ba ma yin pa brjod chos dang dge 'dun gyi bsngags pa ma yin pa brjod par byed do/ /kun tu rgyu rab dga' i lhan cig gnas pa tshangs pas byin zhes bya ba rnam grangs du mas sangs rgyas kyi bsngags pa brjod/ chos dang dge 'dun gyi bsngags pa brjod de/ slob dpon dang nye bar gnas pa 'di gnyis ka yang lta ba gzhan dang gzhan du gyur cing/ 'dod pa dang blo tha dad par smra ba yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi phyi bzhin du 'brang bar gyur to/ /de nas dge slong rab tu mang po rgyal po bzhugs sa na 'dus par gyur cing 'dug pa de dag bar skabs su 'di lta bu'i gtam glengs langs te/ tshe dang ldan pa dag sems can rnams kyi mos pa sna tshogs pa ni ngo mtshar te/ gang gi phyir da ltar kun tu rgyur pa dga' sangs rgyas kyi bsngags pa ma yin pa brjod/ chos dang dge 'dun gyi bsngags pa ma yin pa brjod la zhes bya ba nas dge 'dun gyi bsngags pa brjod ces bya ba'i bar du'o/ /dge slong rab tu mang po rgyal po bzhugs sa na 'dus par gyur ces 'dug pa de dag 'di lta bu'i gtam brjod pa/ bcom ldan 'das nyin bar gyi gnas bas lha'i rna ba shin tu rnam par dag pa mi las 'das pas gsan to// gsan nas rgyal po bzhugs sa gang na ba der nye bar gshegs te dge slong gi dge 'dun gyi dbus su gdan bshams pa la bzhugs te/ bcom ldan 'das kyis dge slong rnams la bos te/ dge slong dag dge slong rab tu mang po rgyal po bzhugs sa na 'dus par gyur cing 'dug pa dag par skabs su gtam brjod pa ci lta bu gleng langs/ don ci'i phyir 'dus par gyur cing 'dug par gyur/ btsun pa bdag cag 'di na dge slong rab tu mang po bzhugs sa na 'dus par gyur cing 'dug pa dag bar skabs su 'di lta bu'i gtam brjod pa gleng langs te/ sems can rnams kyi mos pa sna tshogs pa ni ngo mtshar te/ gang gi phyir da ltar kun tu rgyur ba dga' sangs rgyas kyi bsngags pa ma yin ba brjod la/ chos dang dge 'dun gyi bsngags pa ma yin pa brjod ces bya ba nas dge 'dun gyi bsngags pa brjod ces bya ba'i bar du dang/ 'di lta bu bdag cag ces snga ma bzhin no/ /dge slong dag nga'i bsngags pa ma yin pa brjod pa dang chos dang dge 'dun gyi bsngags pa ma yin pa brjod par byed pa de la khyed cag mi brjod par mi bya ba dang/ ma dang pha dang sems mi dga' bar mi bya ba ste/ dge slong dag nga'i bsngags pa ma yin pa brjod/ chos dang dge 'dun gyi bsngags pa ma yin pa brjod pa de la khyed cag mi bzod pa dang/ ma dang pha dang sems mngon par mi dga' par gyur na de nyid khyed cag gi bar du gcod par 'gyur te/ de ci'i phyir zhe na/ dge slong de srid du khro ba dang gtum par 'gyur zhing yid du mi 'ong bar 'gyur te/ gzhan gyis spas pa'i don rnam pa thams cad du yongs su rdzogs par shes pa dang mthong bar 'gyur ba 'di ni gnas ma yin zhing go skabs med do/ /dge slong dag de lta bas na de'i phyir nga'i bsngags pa ma yin ba brjod pa dang/ chos dang dge 'dun gyi bsngags pa ma yin pa brjod pa yang dag pa ni dag pa nyid du shes par bya zhing/ 'di ni yang dag pa ma yin pa 'di lta bu ni yang dag pa ma yin pa ste/ /bdag cag la chos 'di med do zhes yang dag pa ma yin pa ni yang dag pa ma yin pa'o zhes yongs su sdong bar bya'o/ /dge slong dag nga'i bsngags pa brjod pa dang/ chos dang dge 'dun gyi bsngags pa brjod par byed pa na de la khyed dga' ba dang/ yid bde ba dang/ sems yed? yed por mi bya ste/ dge slong dag de'i bsngags pa brjod pa dang/ chos dang dge 'dun gyi bsngags pa brjod pa de la khyed cag dga' ba dang/ yid bde ba dang/ sems yeng? yeng par byed na/ de nyid khyed cag gi bar du gcod kyi bar du gcod par 'gyur te/ de ci'i phyir zhe na/ dge slong dag de de srid du dga' ba skye ba dang/ yid bde ba skye ba dang/ sems yeng? yeng por gyur na gzhan gzhan gyis smras pa ni don thams cad yongs su rdzogs par shes pa dang mthong bar 'gyur ba 'di ni gnas ma yin zhing go skabs med do/ /dge slong dag de lta bas na de'i phyir da'i bsngags pa brjod pa dang/ chos dang dge 'dun gyi bsngags pa brjod pa ni 'di ni yang dag pa 'di lta bu ni yang dag pa ste chos 'di dang bdag cag ldan na zhes yang dag pa ni yang dag par shes par bya zhing yang dag pa ma yin pa ni yang dag pa ma yin pa'o zhes yongs su spang bar bya'o/ /byis pa so so'i skye ba thos pa dang mi ldan pa de bzhin gshegs pa'i bsngags pa brjod cing smra ba 'di ni shin tu chung ste/ 'di lta ste tshul khrims tsam la 'am/ 'dod pa las dben pa tsam la'o/ /'di ltar na tshul khrims tsam la zhe na/ bcom ldan 'das ni tshul khrims dang ldan pa/ tshul khrims rdzogs pa ji skad smras pa de bzhin du byed pa/ ji ltar byed pa de bzhin du smras pa zhes bya ba dang/ bcom ldan 'das de ni srog gcod pa spangs shing srog gcod pa las lag pa dbyug pa dang mtshon cha spangs ba zhes bya ba spangs pa zhes bya ba nas rgyas par dpe'i bar du dang/ tshul khrims kyi phung po zhes bya ba nas phyi nas rnam par smin par 'gyur ro zhes bya ba'i bar du ste/ 'di ltar tshul khrims tsam la'o/ /ji srid dben pa la zhe na/ bcom ldan 'das de ni 'phags pa'i tshul khrims kyi phung po 'di dang ldan pas de dbang po'i sgo bsrungs shing gnas zhes bya ba nas dbang po'i sdom pa dang ldan pa de 'phags pa'i tshul khrims kyi phung po 'di dang ldan pas gshegs pa dang byon pa shes bzhin bzhugs shing/ gzigs pa dang/ rnam par gzigs pa dang/ gzims kyis ngal ba bsang ba dag la mi mkhyen bzhin du bzhugs zhes bya ba nas bsam gtan bzhi pa nye bar bsgrubs te gnas so zhes bya ba'i bar du'o/ /'di lta bu ni 'dod pa las dben pa'o/ /dge slong dag gzhan yang chos zab mo zab par snang ba/ yongs su dag pa yongs su byang ba de dag ni rang nyid kyis mngon par mkhyen cing mngon par sangs rgyas nas brten cing bshad pas gzhan gyis de bzhin gshegs pa yang dag pa ji lta ba bzhin gyi bsngags pa brjod cing smra bar 'gyur ro/ /dge slong dag dge sbyong ngam bram ze gang kha cig sngon gyi mthar rtog cing rtag par smra ba dag dang 'jig rten ni rtag pa'o zhes mngon par smra bas mngon par smra ba dag yod de/ 'di lta ste dngos po bzhi rnams la'o/ /dge slong dag bram ze de dag gang rtogs shing gang la brten te gang dmigs nas/ sngon gyi mthar rtog cing rtag par smra ba dag 'di ltar dngos po bzhi rnams la bdag dang 'jig rten ni rtag pa'o zhes mngon smra bas mngon par smra ba dag 'byung zhe na/ dge slong dag 'di na dge sbyong ngam bram ze kha cig dgon pa 'am shing drung ngam/ khang pa stong pa yongs su gdung ba'i rgyu dang/ spangs pa'i rgyu dang/ bsgoms pa'i rgyu dang/ lan mang du byas pa'i rgyu dang/ yang dag par ming la byas pa'i rgyu dang/ 'di lta bu'i sems zhi ba'i ting nge 'dzin thob par gyur te/ ji ltar sems mnyam par bzhag pa la 'jig pa dang 'chags pa'i bar gyi bskal pa nyi shu rjes su dran te/ de 'di snyam du bdag dang 'jig rten ni rtag pa'o/ /bdag dang 'jig rten rtag pa ni de kho na ltar 'gyur te/ bdag dgon pa 'am shing drung ngam khang pa stong par zhes bya ba nas 'jig pa dang chags pa'i bar gyi bskal pa nyi shu rjes su dran te bdag dang 'jig rten ni rtag pa ma slong ba mi 'gro ba gnod pa byar med pa/ rtag tu gnas pa rdo rje ltar gnas pa'o/ /sems can byung bar gyur pa 'di dag nyid nying mtshams sbyor zhing 'khor de rtag pa dang mnyam pa ni med do zhes bya bar 'gyur te/ dge slong 'di ni dngos po dang po ste gang rtogs shing gang la brten te gang dmigs pas sngon gyi mthar rtog cing rtag par smra ba dag bdag dang 'jig rten ni rtag pa'o zhes mngon par smra bas mngon par smra ba'o/ /dge sbyong ngam bram ze gzhan pa yang gang rtogs shing gang la brten te gang dmigs nas sngon gyi mthar rtog cing rtag par smra ba dag bdag dang 'jig rten rtag pa'o zhes mngon par smra bas mngon par smra zhe na/ dge sbyong dag 'di na dge sbyong dang bram ze kha cig ston pa 'am/ shing drung ngam khang pa stong par yongs su gdung ba'i rgyu dang/ spangs pa'i rgyu dang/ bsgoms pa'i rgyu dang/ lam mang du byas pa'i rgyu dang/ yang dag par yid la byas pa'i rgyu las de lta bu'i sems zhi pa'i ting nge 'dzin thob par gyur te/ ji ltar sems mnyam par bzhag pa na 'jig pa dang/ chags pa'i bar gyi bskal pa bzhi bcu yongs su dran nas/ de 'di snyan du bdag dang 'jig rten ni rtag pa'o/ /bdag dang 'jig rten rtag pa ni de kho na ltar 'gyur te zhes bya ba nas snga ma bzhin du 'jig pa dang chags pa'i bar du bskal pa bzhi bcu rjes su dren te/ bdag dang 'jig rten ni ma song ba mi 'gro ba gnod pa byar med pa rtag tu gnas shing rdo rje ltar gnas pa'i sems can byung bar gyur pa 'di dag nyid nying mtshams sbyor zhing 'khor de rtag pa dang mnyam pa ni med do/ /zhes bya bar 'gyur te/ dge slong dag 'di ni dngos po gnyis pa zhes bya ba nas snga ma bzhin du mngon par smra bas mngon par smra'o/ /zhes bya ba'i bar du'o/ /dge sbyong ngam bram ze gzhan gsum pa yang dag rtogs shes gang la brten te gang dmigs mngon gyi mthar rtog pa rtag par smra ba dag ces bya ba nas snga ma bzhin du ji ltar sems mnyam par bzhag na 'jig pa dang 'chags pa'i bar gyi bskal pa brgyad cu rjes su dran nas/ de 'di snyam du bdag dang 'jig rten rtag pa ste de ni de kho na ltar 'gyur te zhes bya ba nas rtag pa dang mnyam pa gzhan med do zhes bya ba'i bar du ste/ dge slong dag 'di ni dngos po gsum pa ste/ gang rtags shing gang la rton te/ gang dmigs nas sngon gyi mthar rtog pa rtag par smra ba dag bdag dang 'jig rten ni rtag pa'o zhes mngon par smra bas mngon par smra ba'o// dge sbyong ngam bram ze gzhan no zhig bzhi ba yang gang rtogs shing gang la brten te/ gang dmigs nas sngon gyi mdza' la rtog pa rtag par smra ba dag ces bya ba nas snga ma bzhin sems mnyam par bzhag pa ni mi las 'das pa'i lha'i mig rnam par dag pas sems can rnams kyi 'chi 'pho ba dang/ skye ba dang/ kha dog bzang po dang/ kha dog ngan pa dang/ dman pa dang/ gya nom pa dang/ bde 'gror 'gro ba dang/ bzang 'gror 'gro ba dag mthong nas de 'di snyam du bdag dang 'jig rten ni rtag pa'o bdag dang 'jig rten rtag pa ni de kho na ltar 'gyur te/ bdag dgon pa 'am shing drung ngam khang pa stong pa zhes bya ba nas sems snyam par bzhag pa na mi las 'das pa'i lha'i mig rnam par dag pa zhes bya ba nas ngan 'gror 'gro ba yang mthong zhes bya ba'i bar du bdag dang 'jig rten ni song zhing mi 'gro ba gnod pa bya ba med cing rtag tu gnas shing rdo rje ltar gnas pa'i sems can 'di dag nyid nying mtshams sbyor zhing 'khor te/ rtag pa dang mnyam pa med do zhes bya bar 'gyur te/ dge slong dag 'di ni dngos po bzhi pa ste gang rtogs shing gang la brten te gang dmigs nas sngon gyi mdza' la rtog pa rtag par smra ba dag bdag dang 'jig rten ni rtag pa'o zhes mngon par smra bas mngon par smra'o/ /dge sbyong ngam bram ze gang kha cig sngon gyi mthar rtog pa dag par smra ba dag bdag dang 'jig rten ni rtag pa'o zhes mngon par smra bas mngon par smra ba de thams cad ni dngos po bzhi po 'di dag las gong mar gyur pa med cing mi 'byung ngo/ /de dag ni de bzhin gshegs pas yang dag pa ji lta ba bzhin rab tu mkhyen te/ 'di dag ni lta bar gyur pa 'di lta bu 'dzin pa bsam pa 'di lta bu 'gro ba/ 'di lta bu skye ba 'di lta bu 'jig rten pha rol po 'di lta bu zhes de bzhin gshegs pas zhes yang dag par ji lta ba bzhin rab tu mkhyen te/ 'di dang 'di las gong mar gyur pa yang de bzhin gshegs pas yang dag par ji lta ba bzhin rab tu mkhyen nas rnam par mi dpyod mi rtog cing bdag nyid so sor ma grub pa zhes rtogs shing tshor ba'i kun 'byung ba dang/ skye ba mkhyen cing/ 'di ni sdug bsngal kun 'byung ba mkhyen par gyur to/ /dge sbyong dag 'di ni chos zab mo zab par snang ba zhes bya ba nas snga ma bzhin du dge slong dag ces bya ba'i bar du'o/ /dge sbyong dang bram ze kha cig sngon gyi mthar rtog pa rtag par smra ba dag bdag dang 'jig rten ni rtag pa'o zhes mngon par smra bas mngon par smra ba dag yod de/ 'di lta ste dngos po bzhi rnams la'o/ /dge sbyong ngam bram ze dag gang rtogs shing gang la brten te gang dmigs nas sngon gyi mthar rtog pa phyogs gcig par smra ba dag 'di ltar dngos po bzhi pa rnams la bdag dang 'jig rten phyogs gcig rtag pa'o zhes mngon par smra bas mngon par smra ba'i? 'byung bar 'gyur zhe na/ dge slong dag 'jig rten 'di 'jig cing 'jig par 'gyur ba de lta bu'i dus kyang yod do/ /'jig rten 'jig pa na sems can phal cher 'od gsal gyi lha rnams dang skal ba mnyam par skye bar 'gyur te/ der yid las byung ba'i gzugs can dbang po tshang zhing nyam pa med pa yan lag dang nying lag thams cad dang ldan pa kha dog dang dbyibs mdzes pa rang gi 'od can nam mkha' la 'gro ba/ dga' ba za zhing dga' ba'i zas dang ldan pa/ tshe ring zhing dus ring du gnas pa dag 'byung bar 'gyur ro/ /dge slong dag gang gi tshe 'jig rten 'di chags par 'gyur ba'i dus kyang yod de/ 'jig rten chags pa na nam mkha' stong pa la tshangs pa'i gzhal med khang stong pa mngon par 'grub par 'gyur te/ de nas sems can gzhan zhig tshe zad cing las zad la bsod nams zad pas 'od gsal gyi lha'i ris de nas 'chi 'phos te tshangs pa'i gzhal med khang stong ba der skye bar 'gyur te/ de de na gcig pu zla med cing grogs med par yun ring du tshe ring zhing dus ring por gnas par 'gyur te/ de nas sems can de tshe ring zhing dus ring por gnas pa na kye ma bdag dang skal pa mnyam pa'i sems can gzhan dag kyang 'dir skyes na ci ma rung zhes srid pa skyes shing mngon par dga' ba skyes so/ /sems can de 'di lta bu'i sems la smon par byed pa ni sems can gzhan tshe zad cing las zad cing bsod nams zad pa zhig 'od gsal gyi lha'i ris de nas 'chi 'phos nas tshangs pa'i gzhal med khang du skyes par 'gyur ro/ /de nas sems can de 'di snyam du bdag gcig pu zla med cing grogs med par tshe ring zhing yun ring du gnas te/ de la ngas yun ring por kye ma bdag dang skal ba mnyam pa'i sems can gzhan dag kyang 'dir skyes na ci ma rung zhes sred pa skyes shing mngon par dga' bar skyed cing 'di ltar bdag gi smon pas bdag dang skal pa mnyam pa'i sems can gzhan dag kyang 'dir skyes te sems can 'di ni ngas sprul pa/ bdag ni sems can 'di dag gi dbang phyug byed pa po/ /sprul pa po? 'byin pa/ 'byin par byed pa po/ /dngos po rnams kyi pha lta bu'o/ /sems can de dag kyang 'di snyam du bdag cag gis sems can 'di gcig pu zla med cing grogs med par tshe ring zhing dus ring por gnas te/ sems can de dus ring po zhig 'das kyi bar du kye ma bdag dang skal pa mnyam pa'i sems can gzhan dag kyang 'dir skyes na ci ma rung zhes srid pa skyes shing mngon par dga' ba bskyed cing/ sems can de 'di ltar sems la smon pas bdag cag kyang 'dir skyes te/ bdag cag ni sems can 'dis sprul pa/ sems can 'di ni bdag cag gis dbang phyug byed pa po/ /sprul pa bo/ /'byin pa/ rab tu 'byin par byed pa/ dngos po rnams kyi pha lta bur gyur pa'o/ /snyam du sems so/ /de nas sems can gzhan tshe zad cing las zad la bsod nams zad pa zhig de na 'chi 'phos te 'di lta bu mi rnams dang skal ba mnyam par 'ongs te/ ches skyes shing dbang po rnams yongs su smin te/ skra dang kha spu brags gos ngur? smrig dag bgos te/ dad pas yang dag pa kho nar khyim nas khyim med par rab tu byung ste/ de dgon pa 'am shing drung dam khang pa stong par yongs su gdung ba dang/ spangs pa dang/ bsgoms pa dang/ lan mang du byas pa dang/ yid la byas pas de lta bur sems zhi ba'i ting nge 'dzin thob ste/ ji ltar sems mnyam par bzhag pa na/ sngon gyi bdag nyid kyis nyams su myong ba dran nas de 'di snyam gyur te/ gang 'di dag ni tshangs pas sprul pa ste/ de ni rtag pa brtan pa yongs su mi 'gyur ba'i chos can te/ bdag cag tshangs pas sprul pa/ mi rtag pa mi brtan pa yongs su 'gyur ba'i chos can no zhes phyogs rtag pa dang/ phyogs gcig rtag pa ma yin par smra ba ste/ dge slong dag 'di ni dngos po dang po gang rtogs shing gang la brten te gang dmigs nas sngon gyi mthar rtog pa phyogs gcig rtag cing/ phyogs gcig mi rtag par smra ba dag bdag dang 'jig rten phyogs gcig go zhes mngon par smra bas mngon par smra'o/ /dge slong dag gzhan yang gnyis pa 'byung bar 'gyur te/ dge sbyong ngam bram ze gang rtogs shing gang la bsten te/ gang dmigs nas sngon gyi mthar rtog pa phyogs gcig rtag cing phyogs gcig mi rtag par smra ba dag bdag dang 'jig rten phyogs gcig rtag pa'o zhes mngon par smra bas mngon par smra zhe na/ dge slong dag tshangs pa 'di ltar lta zhing 'di skad du smra zhing 'di skad du smra ste 'di ltar sa dang/ chu dang/ me dang/ rlung bzhi po 'di dag ni mi rtag pa mi brten pa yid brtan du med pa yongs su 'gyur ba'i chos can no zhes bya'o/ /gang yang sems zhes bya ba'i mi yid ces bya ba 'am rnam par shes pa zhes ba pa 'di ni brtag pa brtan pa yid brtan par bya ba/ yongs su mi 'gyur ba'i chos can no zhes bya'o/ /de nas sems can gzhan tshe zad cing las zad pa'i bsod nams zad pa zhig gnas de nas 'chi 'phos te/ 'di lta bu mi rnams dang skal ba mnyam pa nyid 'ongs te ches skyes shing dbang po rnams yongs su smin pa dang skra dang kha spu bregs shing gos ngur smrig dag bgos te dad pa yang dag pa kho nar khyim med par rab tu byung zhing/ de dgon pa 'am shing drung ngam khang pa stong par gdung ba dang spong ba dang/ sgom pa dang/ lan mang du byas pa dang/ yid la byas pa'i rgyu las zhes bya ba nas/ sems mnyam par bzhag pa na gang gi tshe tshangs pa'i lta bar gyur pa so so nyams su myong nas de 'di snyam 'di ltar sa dang/ chu dang/ me dang/ rlung bzhi po 'di dag ni mi brtan pa/ yid brtan du med pa yongs su 'gyur ba'i chos can zhes bya'o/ /gang yang sems zhes bya ba 'am/ yid bya ba 'am/ rnam par shes pa zhes bya ba 'di ni rtag pa/ brtan pa/ yid brtan par bya ba/ yongs su mi 'gyur ba'i chos can zhes bya'o phyogs gcig rtag par 'gyur te/ dge slong dag 'di ni dngos po gnyis pa gang rtogs shing gang la brtan te gang dmigs nas sngon gyi mthar rtogs pa zhes bya ba nas snga ma bzhin du'o/ /dge slong dag gzhan yang gsum pa 'byung bar 'gyur te/ dge sbyong ngam bram ze gang rtogs shing gang la brten te gang dmigs nas sngon gyi mthar rtogs pa bdag dang 'jig rten phyogs gcig rtag cing brtan par mngon par smra bas mngon par smra zhe na/ dge slong 'dod pa'i khams na lha rtsed mos myos pa zhes bya ba yod de/ de dag gang gi tshe shin tu rtse zhing dga' ba dang ldan par gnas te/ de dag dge zhing dga' ba ldan par gnas pas lus ngal zhing dran pa nyams te dran pa yang dag par nyams pas de dag gnas de nas 'chi 'pho bar 'gyur te/ de nas sems can gzhan zhes bya ba nas/ snga ma bzhin du ji ltar sems mnyam par bzhag pa nas bdag nyid kyi sngon gyi dngos po so sor nyams su myong zhing dran nas de 'di snyam du gang de dag 'dod pa'i khams kyi lha rtsed mos myos pas zhes bya ba shin tu rtse zhing dga' ba dang ldan pa ma yin pa de dag ni rtag pa/ brtan pa g.yung drung yongs su mi 'gyur ba'i chos can no/ /gang dag bdag cag shin tu rtse zhing dga' ba dang ldan pa de dag ni mi rtag pa mi brtan pa/ g.yung drung ma yin pa yongs su 'gyur ba'i chos can ni zhes phyogs gcig rtag cing phyogs gcig mi rtag par smra ba ste/ dge slong dag ni dngos po gsum pa ste/ gang rtogs shing gang la brten nas zhes bya ba snga ma bzhin du'o/ /dge slong dag gzhan yang bzhi pa 'byung bar 'gyur te/ dge sbyong ngam bram ze gang rtogs shing gang la brtan nas gang dmigs nas sngon gyi mthar rtogs pa dag phyogs gcig rtag par smra ba dag ces bya ba'i bar snga ma bzhin du'o/ /dge slong dag 'dod pa'i khams na lha yid rab tu 'khrugs pa zhes bya ba yod de/ gang gi tshe de dag mig gis mig la gtad de lta bar 'gyur te de dag mig gis mig la gtsugs te lta bas na yid rab tu sdang bar 'gyur te/ yid rab tu sngar bas sems can de dag gnas de nas 'pho bar 'gyur te/ de nas sems can gzhan zhes bya ba nas snga ma bzhin du ji ltar sems mnyam par bzhag pa na bdag nyid kyi sngon gyi dngos po so sor myong zhing drin te 'di snyam du 'dod pa'i khams na gang yid rab tu 'khrugs pa pa zhes bya ba'i lha shin tu mig gis mig la gtad de de lta ma yin pa de dag ni rtag pa'o/ /brtan pa'o/ /g.yung drung ngo/ /yongs su mi 'gyur ba'i chos can no/ /gang dag bdag cag shin tu mig gis mig la gtad de lta ba de dag ni mi rtag pa'o/ /mi brtan pa'o/ /g.yung drung ma yin pa'o/ /yongs su 'gyur ba'i chos can no snyam du phyogs gcig rtag cing phyogs gcig mi rtag par smra ste/ dge slong dag 'di ni dngos po bzhi pa ste/ gang rtogs shing gang la brten nas gang dmigs shing sngon gyi mthar rtog pa phyogs cig rtag cing phyogs gcig mi rtag par smra ba dag bdag dang 'jig rten phyogs gcig rtag pa'o zhes mngon par smra bas mngon par smra ba'o/ /dge slong dag dge sbyong ngam bram ze gang kha cig sngon gyi mthar rtog pa dag bdag dang 'jig rten phyogs gcig rtag pa'o zhes mngon par smra bas mngon par smra ste/ 'di lta ste dngos po bzhi po 'di dag las gzhan med cing 'byung bar mi 'gyur ro zhes bya ba nas snga ma bzhin du'o/ /de dag gang zhe na zhes bya ba snga ma bzhin du'o/ /dge slong dag dge slong ngam bram ze sngon gyi mthar rtog pa dag bdag dang 'jig rten rgyu med pa las kun tu 'byung zhing rgyu med pa las skyes par mngon par smra bas mngon par smra te/ 'di lta ste dngos po gnyis po 'di dag la'o/ /dge sbyong ngam bram ze gang rtogs shing gang la brten te gang dmigs nas sngon gyi mthar rtog pa bdag dang 'jig rten rgyu med par smra ba dag /bdag dang 'jig rten rgyu med pa las skyes so zhes mngon par smra zhe na/ dge slong dag gzugs kyi khams na lha 'du shes med pa zhes bya ba yod de/ 'du shes skyes nas gnas de nas 'chi 'pho bar 'gyur te/ de nas sems gzhan zhes bya ba nas snga ma bzhin du ji ltar sems par bzhag pa sngon 'du shes skyes pa'i bar yang dag par rjes su dran te/ de 'di snyam du bdag dang 'jig rten ni rgyu med pa las kun tu 'byung ste/ rnam pa 'dis na bdag dang rgyu med pa las kun tu 'byung zhing/ bdag sngon ma byung pa las da ltar byung bar gyur te snyam mo/ /dge slong dag 'di ni dngos po dang po gang rtogs shing gang la brten te gang dmigs nas sngon gyi mthar rtog pa bdag dang 'jig rten rgyu med par smra ba dag ces bya ba snga ma bzhin no/ /dge slong dag gzhan yang gnyis pa 'byung bar 'gyur te/ dge sbyong ngam bram ze gang rtogs shing gang la brten te gang dmigs nas zhes bya ba nas mngon par smra bas mngon par smra'o zhes bya ba'i bar du'o/ /dge slong dag 'di na kha cig gcig tu rtog ge dang spyod pa bar gyur la/ rtog ge yongs su rdzogs pa'i sa la gnas par gyur cing/ so so skye bo rang la snang ba brjod cing dpyod pa kun tu dpyod pa de 'di snyam du bdag dang 'jig rten ni rgyu med pa las kun tu 'byung ngo/ /rnam pa 'dis na bdag dang 'jig rten rgyu med pa las kun byung ste bdag 'di na gcig tu byung ste bdag 'di na gcig tu rtog ge dang spyod pa par gyur la/ rtog ge yongs su rdzogs pa'i sa la gnas par gyur cig /so so skye bo rang la snang ba kun du spyod cing rtog ge dpyod pa kun tu dpyod pa na bdag dang 'jig rten ni rgyu med pa las kun tu 'byung ngo snyam ste/ dge slong dag 'di ni dngos po gnyis pa gang rtogs nas zhes bya ba snga ma bzhin no/ /dge slong dag dge sbyong dang bram ze gang kha cig sngon gyi mthar rtog pa bdag dang 'jig rten rgyu med pa las kun tu 'byung zhing rgyu med pa las kun du skye bar mngon par smra bas mngon par smra ba de dag ni dngos po gnyis pa 'di kho na ste/ 'di las lhag pa med cing 'byung bar mi 'gyur ro/ /de dag de bzhin gshegs pas yang dag pa ji lta ba bzhin rab tu mkhyen zhes bya ba nas/ snga ma bzhin du dge slong dag chos gzhan zab mo zab par snang ba de dag bshad par 'gyur ro zhes bya ba'i bar du'o// dge slong dag chos gzhan zab mo zab par snang ba de dag gang zhe na zhes bya ba nas/ snga ma bzhin du dge slong dag dge sbyong ngam bram ze kha cig sngon gyi mthar rtog pa bdag dang 'jig rten mdza' dang bcas pa dang mdza' dang bcas pa yang yin/ mdza' med pa yang yin pa dang/ mdza' dang bcas pa yang ma yin mdza' med pa yang ma yin no zhes 'di ltar dngos po bzhi po 'di dag la'o/ /dge sbyong ngam bram ze de dag gang rtogs shing gang la brten te gang dmigs nas sngon gyi mthar rtogs pa bdag dang 'jig rten mdza' dang bcas pa dang mdza' med pa dang/ mdza' dang bcas pa yang ma yin/ mdza' med pa yang ma yin pa dang/ mdza' med pa yang ma yin mdza' dang bcas pa yang ma yin par smra ba mngon par smra bas mngon par smra ba dag 'byung bar 'gyur zhe na/ dge slong dag 'di na dge sbyong ngam bram ze kha cig dgon pa 'am shing drung ngam khang pa stong par zhes bya ba nas snga ma bzhin du sems mnyam par bzhag pa na 'jig rten 'di ni mdza' dang bcas pa yin no zhes bya ba'i 'du shes can du gyur te/ de 'di snyam du 'jig rten ni mdza' dang bcas pa ste/ rnam pa 'dis 'jig rten ni mdza' dang bcas shing yongs su chad pa ste/ bdag dgon pa 'am shing drung ngam khang pa stong par brtson pa dang spangs pa dang bsgom pa'i rgyus zhes bya ba nas snga ma bzhin du mnyam par bzhag pa na 'jig rten mdza' dang bcas pa'i 'du shes can du gnas te 'jig rten ni mdza' dang bcas mdza' chad pa'o zhes bya ba ste/ dge slong dag 'di ni dngos po dang po ste gang rtogs zhes bya ba nas snga ma bzhin du'o/ /gnyis pa yang 'byung bar 'gyur te/ dge sbyong dang bram ze dag gang rtogs shing zhes bya ba nas snga ma bzhin du dge slong dag 'di ni dge sbyong ngam bram ze gang kha cig dgon pa 'am shing drung ngam khang pa stong par zhes bya ba nas sems mnyam par bzhag pa nas 'jig rten ni mdza' med pa yin no zhes 'du shes nye bar gnas par te/ 'jig rten 'di ni mdza' med pa dang mdza' thug pa med pa yin no zhes dge slong dag 'di ni dngos po gnyis pa gang rtogs nas zhes bya ba snga ma bzhin du'o/ /gsum pa yang 'byung bar 'gyur te/ dge sbyong ngam bram ze gang rtogs shing gang la brten nas zhes bya ba snga ma bzhin du'o/ /dge slong dag 'di na dge sbyong ngam bram ze gang kha cig dgon pa 'am/ shing drung ngam khang pa stong par ji ltar sems mnyam par bzhag pa na steng dang 'og gi 'jig rten mdza' dang bcas pa'i 'du shes dang thad kar mdza' med pa yin no zhes bya ba'i 'du shes gnas par gyur nas de 'di snyam du steng dang 'og gi 'jig rten mdza' dang bcas shing thad kar ni mdza' med pa yin te/ rnam pa 'dis steng dang 'og gi 'jig rten mdza' dang bcas shing thad kar ni mdza' med pa yin te/ bdag dgon pa 'am shing drung ngam khang pa stong par zhes bya ba nas sems mnyam par bzhag pa na steng dang 'og gi 'jig rten mdza' med cing thad kar mdza' dang bcas pa'i 'du shes nye bar gnas so zhes steng dang 'og gi 'jig rten mdza' dang bcas shing thad kar mdza' med pa yin no snyam te/ dge slong dag 'di na dngos po gsum pa gang rtogs shing zhes bya ba snga ma bzhin du'o/ /bzhi pa yang 'byung bar 'gyur te/ dge sbyong dang bram ze gang rtogs shing gang la brten te gang dmigs nas mngon gyi mthar rtogs pa bdag dang 'jig rten mdza' dang bcas pa dang mdza' med pa dang/ mdza' dang bcas pa yang ma yin/ mdza' med pa yang ma yin pa'o zhes mngon par smra bas smra zhe na/ dge slong dag 'di na dge sbyong ngam bram ze kha cig dgon pa 'am zhes bya ba nas/ sems mnyam par bzhag pa na 'jig rten mdza' dang bcas pa yang ma yin la mdza' med pa yang ma yin no snyam pa'i 'du shes nye bar gnas par 'gyur te/ de 'di snyam du 'jig rten ni mdza' dang bcas pa yang ma yin zhing mdza' med pa yang ma yin no/ /rnam pa 'dis 'jig rten mdza' dang bcas pa yang ma yin zhing mdza' med pa yang ma yin te/ bdag dgon pa 'am shing drung ngam khang pa stong pa zhes bya ba nas sems mnyam par bzhag pa na 'jig rten mdza' dang bcas pa yang ma yin zhing mdza' med pa yang ma yin no zhes 'du shes nye bar gnas par gyur to zhes bdag 'jig rten mdza' dang bcas pa ma yin mdza' med pa yang ma yin no snyam te/ dge slong 'di ni dngos po bzhi po gang rtogs shing gang la brten te dmigs nas zhes bya ba snga ma bzhin du'o/ /dge slong dag dge sbyong ngam bram ze gang kha cig sngon gyi mthar rtogs pa bdag dang 'jig rten mdza' dang bcas pa dang/ mdza' med pa dang/ mdza' dang bcas pa yang yin/ mdza' med pa yang yin/ mdza' dang bcas pa yang ma yin/ mdza' med pa yang ma yin par mngon par smra bas mngon par smra ba de thams cad ni dngos po bzhi po 'di las gong na med cing zhes bya ba bzhin du'o/ /dge slong dag chos gzhan gang dag zab mo zab par snang ba zhes bya ba nas snga ma bzhin du'o/ /chos 'di ltar zab mo zab par snang ba de dag kyang gang zhe na zhes bya ba nas snga ma bzhin du dge sbyong dang bram ze gang kha cig sngon gyi mthar rtogs pa 'chi ba med cing g.yeng ba med pa dag? 'chi ba med pa dang g.yeng ba med pa'i dri ba dris pa'i tshig las g.yeng ba skye bar 'gyur te 'di lta ste dngos po bzhi rnams la'o/ /dge slong dag 'di na dge sbyong ngam bram ze gang kha cig mi dge ba'i chos rnams yang dag par ji lta ba bzhin du mi shes shing dge ba'i chos sdug bsngal dang/ kun 'byung ba dang/ 'gog pa dang lam rnams yang dag pa ji lta ba bzhin du mi shes shing de 'di snyam du bdag gis mi dge ba'i chos rnams yang dag pa ji lta ba bzhin du mi shes shing zhes bya ba nas bdag gi lam rnams yang dag pa ji lta ba bzhin du mi shes zhes bya ba'i bar du'o/ /dge sbyong ngam bram ze mi dge ba'i chos rnams kyi dri ba 'dri zhing/ dge ba'i chos sdug bsngal ba dang/ kun 'byung ba dang/ 'gog pa dang/ lam rnams kyi dri ba 'dri bar 'gyur na/ mi dge ba'i chos dri ba 'di dag la dris pa lung ston cing/ dge ba'i chos sdug bsngal ba dang/ kun 'byung ba dang/ 'gog pa dang/ lam rnams kyi dri ba de dag la dris pa lung ston na/ de ni bdag gi rdzun du 'gyur ro/ /zhes dge sbyong ngam bram ze de rdzun du smra bas 'jigs shing rdzun du smra bas 'jigs par gyur la rdzun du smra ba yongs su smod par byed cing der gtod cing gnas la/ de'i rten dang/ gling dang dpung gnyen byed par gyur cing/ 'chi ba dang/ rnam par g.yeng ba'i tshig las rnam par g.yeng ba skye bar 'gyur te/ dge slong dag 'di ni dngos po dang po ste/ gang rtogs shing gang la brten cing gang la rtogs pa las mngon gyi mdza' la rtogs pa 'chi ba dang rnam par g.yeng ba'i dri ba dris pas rnam par g.yeng ba skye ba'o/ /gzhan yang gnyis par 'byung bar 'gyur te/ dge sbyong ngam bram ze gang rtogs shing zhes bya ba nas snga ma bzhin du'o/ /dge slong dag dge sbyong ngam bram ze kha cig mi dge ba'i chos r nams yang dag pa ji lta ba bzhin du mi shes shing zhes bya ba nas snga ma bzhin du de bdag gi rdzun du 'gyur zhing gang bdag gi rdzun de bdag gi log par 'gyur ro zhes dge slong ngam bram ze log par lta bas 'jigs shing log par lta bas 'jigs par 'gyur te log par lta ba yongs su smad par byed pa na der gtang cing gnas te zhes bya ba nas snga ma bzhin du'o/ /dge slong dag 'di ni dngos po gnyis pa ste/ dge sbyong ngam bram ze gang rtogs shing gang la brten cing gang dmigs nas zhes bya ba nas snga ma bzhin tshig gis sems rnam par g.yeng ba skye bar 'gyur ro zhes bya ba'i bar du'o/ /gzhan yang gsum pa 'byung bar 'gyur te dge sbyong ngam bram ze gang kha cig gang rtogs shing gang la brten te gang dmigs nas sngon mthar rtogs pa 'chi ba med pa dang g.yeng ba med pa zhes bya ba nas snga ma bzhin du'o/ /dge slong dag 'di na dge sbyong ngam bram ze kha cig mi dge ba'i chos rnams yang dag pa ji lta ba bzhin du mi shes shing dge ba'i chos rnams zhes bya ba nas snga ma bzhin du'o/ /de ni bdag gi rdzun du 'gyur zhing gang bdag gis rdzun gang yin pa de ni bdag gis log pa gang yin pa de ni yang dag pa ma yin pa'o/ /zhes dge sbyong ngam bram ze de yang dag pa ma yin pa'i mi shes pas 'jigs shing yang dag pa ma yin pa'i mi shes pas 'jigs nas yang dag pa ma yin pa'i mi shes pas yongs su smod cing/ der sems gtod cing gnas pa dang/ gling zhes bya ba nas tshig gis g.yeng ba skye bar 'gyur te/ dge slong dag 'di ni dngos po gsum pa ste zhes bya ba nas rnam par g.yeng ba skye bar 'gyur ro zhes bya ba'i bar ro/ /gzhan yang bzhi pa 'byung bar 'gyur te/ dge sbyong ngam bram ze gang rtogs shing gang la brten te gang dmigs nas zhes bya ba nas snga ma bzhin du'o/ /dge slong dag 'di na dge sbyong ngam bram ze rang bzhin gyis smongs par gyur cing blun par gyur pas de 'di snyam du gal te bdag gi drung du kha cig 'ongs nas 'jig rten pha rol yod do zhes dri ba 'dri na de la 'jig rten pha rol yod do zhes lung bstan par bya'o/ /bdag gis 'jig rten pha rol yod pa dang 'jig rten pha rol med do zhes dris pa de bzhin du lung bstan par bya'o/ /yod pa dang/ yod pa yang ma yin med pa yang ma yin pa dang/ de bzhin dang/ ma yin pa dang gzhan du dang/ gzhan du ma yin pa dang/ de ma yin/ de med/ de ma yin la de ltar ma yin zhes 'di na de la bdag gis de ma yin/ de ltar ma yin zhes bdag gis 'jig rten pha rol dris pa'i lung bstan par bya'o zhes dge sbyong ngam bram ze rmongs pas 'jigs shing rmongs pas 'jigs par gyur rmongs par byed na/ der gtod cing gnas te gling dang/ skyabs dang/ dpung gnyen du gyur cing/ 'chi ba med pa dang g.yeng ba med pa dris pa'i tshig las g.yeng ba skye bar 'gyur te/ dge slong dag 'di ni dngos po bzhi pa ste/ gang rtogs shing gang la brten te gang dmigs nas zhes bya ba nas g.yeng ba skye bar 'gyur ba'i bar du'o/ /dge sbyong ngam bram ze gang kha cig sngon gyi mthar rtogs pa 'chi ba med cing g.yeng ba med pa dag 'chi ba med pa dang/ g.yeng ba med pa'i tshig las g.yeng ba skye bar 'gyur ba de thams cad dngos po bzhi po 'di dag ste 'di las gong na med pa mi 'byung ste/ de dag de bzhin gshegs pas yang dag pa ji lta ba bzhin rab tu mkhyen te lta bar gyur pa 'di dag 'dzin pa dang dpyad pa dang zhes bya ba snga ma bzhin du'o/ /dge slong dag dge sbyong dang bram ze gang kha cig sngon gyi mdza' dang bcas pa'i lta bar gyur pa mngon par smra bas mngon par smra ba de thams cad ni lta bar gyur pa bco brgyad dag las gong na med cing mang ba ma yin no/ /de dag de bzhin gshegs pas yang dag pa ji lta ba bzhin rab tu mkhyen ces bya ba nas lhag par mkhyen to zhes bya ba'i bar du'o/ /dge slong dag chos gzhan gang dag zab mo zab par snang ba zhes bya ba snga ma bzhin du'o/ /dge slong dag chos gzhan gang dag zab mo zab par snang ba de dag gang zhe na zhes bya ba nas snga ma bzhin du'o/ /dge slong dag dge sbyong ngam bram ze phyi ma'i mdza' rtog pa 'du shes can du smra ba dag pha rol tu bdag 'du shes can du 'gyur ro zhes mngon par smra bas mngon par smra ste/ 'di lta ste/ dngos po bcu drug po 'di rnams la'o/ /dge sbyong ngam bram ze sngon gyi mthar rtog pa dngos po bcu drug po 'di dag la gang rtogs shing zhes bya ba nas snga ma bzhin du'o/ / dge slong dag 'di na dge sbyong ngam bram ze 'di ltar lta zhing 'di skad du bdag gzugs dang ldan la pha rol du 'du shes can du gyur zhing gzugs med pa dang/ gzugs dang bcas pa dang/ gzugs med pa dang/ gzugs dang bcas pa yang ma yin/ gzugs med pa yang ma yin la/ pha rol du 'du shes can du 'gyur ro zhes bya ba dang 'du shes gcig pa dang/ 'du shes tha dad pa dang/ chung ngu'i 'du shes dang/ tshad med pa'i 'du shes can du 'gyur ba yin no zhes bya ba dang/ gcig tu bde ba dang/ gcig tu sdug bsngal ba dang/ bde ba dang/ sdug bsngal ba dang/ bde ba yang ma yin sdug bsngal ba yang ma yin zhing bdag pha rol tu 'du shes can du 'gyur ro zhes bya ba ste/ dge slong dag bzhi bcu drug po 'di dag rtogs shing gang la brten cing gang dmigs nas phyi ma'i mthar rtogs pa 'du shes can du smra ba dag ces bya ba nas mngon par smra bas mngon par smra'o/ /dge slong dag dge sbyong ngam bram ze gang cung zad phyi ma'i mthar rtogs pa de thams cad ni bzhi bcu drug po 'di dag las gong na med cing mang ba ma yin no/ /de dag de bzhin gshegs pas yang dag pa ji lta ba bzhin du rab tu mkhyen cing/ de las bla mar gyur pa yang dag pa ji lta ba bzhin du rab tu mkhyen te 'di dag ni lta bar 'gyur ba 'dzin pa/ 'di ltar spyod pa 'di ltar sems pa/ 'di ltar rnam par spyod pa/ 'di ltar 'gro ba/ gom pa 'thad pa dang bcas pa/ 'di ltar pha rol du 'gro ba can yin no zhes de bzhin gshegs pas yang dag pa ji lta ba bzhin rab tu mkhyen to/ /de dag las bla mar gyur pa yang dag pa ji lta ba bzhin rab tu mkhyen te/ de dag de bzhin gshegs pas yang dag pa ji lta ba bzhin du rab tu mkhyen cing de las gong mar gyur pa yang dag pa ji lta ba bzhin mkhyen pas mngon par mi dpyod cing/ dpyod pa'i bdag nyid so sor rang gis rigs pa'i bdag nyid du yongs su mya ngan las 'das par mkhyen cing/ tshor ba'i kun 'byung ba dang 'gog pa mkhyen cing 'di ni sdug bsngal 'di ni sdug bsngal kun 'byung ba zhes lhag par mkhyen to/ /dge slong chos dag chos gzhan gang dag zab mo zab par snang ba zhes bya ba nas snga ma bzhin du'o/ /dge slong dag chos gzhan gang dag zab mo za ba par snang ba de gang zhe na zhes bya ba nas snga ma bzhin du'o/ /dge slong dag mdza' dang bcas la pha rol tu 'du shes can du 'gyur zhing/ mdza' med pa dang/ mdza' dang bcas pa dang/ mdza' med pa dang bcas pa yang ma yin/ mdza' med pa yang ma yin la pha rol tu 'du shes can du 'gyur ro zhes bya ba dang/ dge sbyong dang bram ze kha cig phyi ma'i mthar rtog pa dag pha rol tu bdag 'du shes med pa can du mngon par smra bas mngon par smra ba dag yod de/ 'di lta ste dngos po brgyad pa 'di dag la'o/ /de dge sbyong dang bram ze de dag dngos po brgyad po 'di rtogs shing gang la brten cing dmigs nas zhes bya ba snga ma bzhin no/ /dge slong dag dge sbyong ngam bram ze 'di ltar blta 'di ltar smra ba dag yod de bdag gzugs dang ldan la pha rol tu 'du shes med pa can du 'gyur ro/ /gzugs med pa dang/ gzugs dang bcas pa dang/ gzugs med pa dang gzugs dang bcas pa yang ma yin gzugs med pa yang ma yin la pha rol tu 'du shes med pa can du 'gyur ro zhes bya ba dang/ gang bdag mdza' dang bcas la pha rol tu 'du shes med pa can du 'gyur ro zhes bya ba dang/ mdza' med pa dang/ mdza' dang bcas pa dang/ mdza' med pa dang mdza' dang bcas pa yang ma yin/ mdza' med pa yang ma yin la/ pha rol tu 'du shes med pa can du 'gyur ro zhes bya ba ste/ dge slong dag dngos po brgyad po 'di dag gang rtogs shing zhes bya ba snga ma bzhin no/ /dge slong dag dge sbyong dang bram ze gang cung zad ces bya ba nas snga ma bzhin du lhag par mkhyen to/ /zhes bya ba'i bar du'o/ /dge slong dag chos gzhan gang dag ces bya ba snga ma bzhin du'o/ /dge slong dag dge sbyong dang bram ze phyi ma'i mthar rtogs pa 'du shes yod pa yang ma yin 'du shes med pa yang ma yin par smra ba dag bdag pha rol tu 'du shes yod pa yang ma yin med pa yang ma yin no zhes mngon par smra bas mngon par smra ste/ 'di lta ste dngos po brgyad po'i 'di rnams la'o/ /dge slong dag dge sbyong ngam bram ze de dag gang rtogs shing gang la brten cing gang dmigs nas phyi ma'i mthar rtog ba 'du shes yod pa yang ma yin par smra ba dag dngos po brgyad po dag la bdag pha rol tu 'du shes yod pa yang ma yin? med pa yang ma yin no zhes mngon par smra bas mngon par smra zhes na/ dge slong dag dge sbyong dang bram ze phyi ma'i mthar rtogs pa kha cig 'di ltar lta zhing 'di skad du smra ste/ bdag gzugs dang ldan pa pha rol tu 'du shes yod pa yang ma yin med pa yang ma yin pa dang/ gzugs med pa dang/ gzugs dang bcas pa dang/ gzugs med pa dang gzugs dang bcas pa yang ma yin/ gzugs med pa yang ma yin la/ pha rol tu 'du shes yod pa yang ma yin 'du shes med pa yang ma yin par 'gyur ro zhes bya ba dang/ bdag mdza' dang bcas par gyur la/ pha rol tu 'du shes yod pa yang ma yin med pa yang ma yin pa dang/ mdza' med pa dang/ mdza' dang bcas pa dang/ mdza' med pa dang mdza' dang bcas pa yang ma yin mdza' med pa yang ma yin la/ pha rol tu 'du shes yod pa yang ma yin med pa yang ma yin par 'gyur ro zhes bya ste/ dge slong dag dngos po brgyad po 'di dag gang rtogs shing gang la brten cing gang dmigs nas sngon gyi mthar rtog pa 'du shes yod pa yang ma yin med pa yang ma yin par smra ba dag / bdag pha rol tu 'du shes yod pa yang ma yin med pa yang ma yin par mngon par smra bas mngon par smra'o/ dge slong dag ces bya ba nas lhag par mkhyen te zhes bya ba'i bar du'o/ /dge slong dag chos gzhan gang dag ces bya ba snga ma bzhin du'o/ /gang zhe na zhes bya ba'i bar snga ma bzhin du'o/ /dge slong dag dge sbyong dang bram ze kha cig phyi ma'i mthar rtog ba chad par smra ba dag bdag pha rol du chad par 'gyur ro zhes mngon par smra bas mngon par smra ba dag yod de/ 'di lta ste/ dngos po bdun po 'di rnams la'o/ /dge sbyong dang bram ze de dag gang rtogs shing gang la brten cing gang dmigs nas zhes bya ba nas mngon par smra zhe na zhes bya ba'i bar du'o/ /dge slong dag dge sbyong ngam bram ze kha cig sngon gyi mthar rtog pa 'di ltar lta zhing 'di skad du smra ba dag yod de/ ji srid du bdag gzugs can te rags pa rags pa 'byung ba chen po bzhi'i rgyu las byung ba dang/ gnas pa dang nye bar gnas pa dang rtas pa de srid du nad dang bces/ 'bras dang bcas/ zug rngu dang bcas pa/ rims nad dang bcas pa'o/ /gang gi tshe bdag rgyun chad cing rnam par zhig la/ gcig nas gcig tu mi 'byung ba 'di tsam gyis na bdag yang dag par rgyun chad par 'gyur ro/ /'dod pa na spyod pa'i lha rnams dang/ gzugs na spyod pa'i lha rnams dang/ gzugs med pa nam mkha' mdza' yas skye mched du nye bar 'gro ba rnams dang/ gzugs med pa rnam shes mdza' yas skye mched du nye bar 'gro ba rnams dang/ gzugs med pa ci yang med pa'i skye mched du nye bar 'gro ba rnams dang/ gzugs med pa yod min med min skye mched du nye bar 'gro ba rnams su gson pa dang gnas pa dang rtas pa dang/ nye bar gnas pa de srid du nang dang bcas/ 'bras dang bcos zhes bya ba nas yang dag par rgyun chad par 'gyur ro zhes bya ba'i bar du'o/ /dge slong dag 'di ni dngos po bdun po gang rtogs shing gang la brten cing gang dmigs nas phyi ma'i mthar rtogs par chad par smra ba ces bya ba nas mngon par smra'o zhes bya ba'i bar du'o/ /dge sbyong dang bram ze gang zung zad ces bya ba nas de thams cad ni dngos po bdun po 'di las gong na med cing mang ba ma yin no/ /de dag de bzhin gshegs pas yang dag pa ji lta ba bzhin mkhyen cing zhes bya ba nas lhag par mkhyen to zhes bya ba'i bar du'o/ /dge slong dag chos gzhan gang zhes bya ba snga ma bzhin du'o/ /dge slong dag dge sbyong ngam bram ze gang phyi ma'i mdza' rtog ba mthong ba'i chos las 'das par smra ba dag mthong ba'i chos la mya ngan las 'das bar mngon par smra bas mngon par smra ste/ 'di lta ste/ dngos po lnga po 'di rnams la'o/ /dge sbyong dang bram ze de dag gang rtog shing zhes bya ba snga ma bzhin du'o/ /dge slong dag dge sbyong dang bram ze kha cig 'di ltar lta zhing 'di ltar smra ba dag yod do/ ji srid du bdag 'dod pa'i yon tan lnga po len pa dang/ khas len pa dang/ ldan pa dang/ rtse dga' zhing yongs su spyod pa de srid du bdag mthong ba'i chos la yongs su mya ngan las 'da' bar mi 'gyur ro/ /gang gi tshe bdag 'dod pa las dben zhing sdig ba mi dge ba'i chos las dben zhes bya ba nas bsam gtan bzhi ba nye bar bsgrubs te gnas so zhes bya ba'i bar du'o/ /'di tsam gyis na bdag mthong ba'i chos la mya ngan las 'das pa thob par 'gyur te/ dge slong dag 'di ni dngos po lnga po gang la rtogs shing gang la brten te/ gang la dmigs nas sngon gyi mthar rtog pa mthong ba'i chos la mya ngan las 'das par smra ba dag mthong ba'i chos la mya ngan las 'das par mngon par smra bas mngon par smra'o/ /dge slong dag dge sbyong dang bram ze gang cung zad ces bya ba nas de thams cad ni dngos po lnga po 'di dag las gong na med cing med ba ma yin no zhes bya ba'i bar du'o/ /de dag de bzhin gshegs pas zhes bya ba nas lhag par mkhyen to zhes bya ba'i bar du'o/ / dge sbyong ngam bram ze gang cung zad phyi ma'i mthar rtogs pa/ phyi ma'i mdza' dang bcas pa'i lta bar gyur pa mngon par smra bas mngon par smra ba de dag thams cad ni lta bar gyur ba bzhi bcu rtsa bzhi po 'di las gong na med cing mang ba ma yin no/ de dag de bzhin gshegs pas yang dag ba ji lta ba bzhin du rab tu mkhyen ces bya ba snga ma bzhin du'o/ /dge sbyong ngam bram ze gang cung zad sngon gyi mthar rtog cing sngon gyi mdza' dang bcas pa'i lta bar gyur pa mngon par smras pas mngon par smra ba dang/ phyi ma'i mthar rtog pa dang phyi ma'i mdza' dang lhan cig pa'i lta bar gyur pa mngon par smra bas mngon par smra ba de dag thams cad ni lta bar gyur pa drug cu rtsa gnyis po 'di dag las gong na med cing mang ba ma yin no/ /de dag de bzhin gshegs pas yang dag pa ji lta ba bzhin rab tu shes zhes bya ba snga ma bzhin du'o/ /dge slong dag de la dge sbyong ngam bram ze gang dag sngon gyi mthar rtog pa sngon gyi mdza' dang bcas pa'i lta bar gyur pas g.yengs pa dang/ gnas pa dang rab tu gnas pa dang/ mngon par zhen pa dang/ mngon par rab tu zhen pa dang/ phyi ma'i mthar rtog pa dang/ phyi ma'i mthar rtog pa dang bcas pa'i lta bar gyur pas g.yengs pa dang/ rab tu g.yengs pa dang/ gnas ba dang rab tu gnas pa dang/ mngon par zhen pa dang/ mngon par rab tu zhen pa de thams cad ni bdud sdig to can gyi dri bar chud cing dbang du gyur cing/ dbang du song ba ji ltar 'dod pa ltar byed pa/ bdud sdig te can gyi 'ching bas bcings shing/ bdud kyi dbang las ma grol ba zhes bya'o/ /dge slong dag dper na nya pa 'am nya pa'i slob ma mkhas pas dra ba mig chung ngu chung bcug ste/ 'chu ba na dge slong dag der srog chags rags pa g.yangs shing g.yeng ba de dag dra ba'i nang du 'gro zhing nya pa'i dbang du song zhing dbang du gyur pa lag par song ba ci ltar 'dod pa bzhin byed pa zhes bya bar rig par bya'o/ /dge slong dag de bzhin du dge sbyong ngam bram ze gang cung zad sngon gyi mthar rtogs pa dag ces bya ba nas snga ma bzhin du bdud kyi zhags pa las/ yongs su ma grol ba zhes bya'o zhes bya ba ni bar du'o/ /dge slong dag de las dge sbyong ngam bram ze gang dag sngon gyi mthar rtog pa rtag par smra ba dag bdag dang 'jig rten ni rtag pa'o zhes mngon par smra bas mngon par smra ste/ 'di lta ste dngos po bzhi po 'di rnams la'o/ /des dge sbyong ngam bram ze de dag yid 'khrug par 'gyur/ ma rig par 'gyur/ bag med par 'gyur/ rnam par rmongs shing srid pa'i g .yo ba dang bcas shing gnas par rig par bya'o zhes bya ba nas phyi ma'i mthar rtog pa mthong ba'i chos la mya ngan las 'das par smra ba dag mthong ba'i chos la mya ngan las 'das pa'i zhes mngon par smra bas mngon par smra ba ste 'di lta ste dngos po bzhi po 'di rnams la'o/ /des dge sbyong ngam bram ze de dag yid 'khrug par 'gyur ma rig par 'gyur/ bag med par 'gyur/ rnam par rmongs shing sred pa'i g.yo ba dang bcas shing gnas par rig par bya'o zhes bya ba nas phyi ma'i thar rtog pa mthong ba'i chos la mya ngan las 'das pa'o zhes mngon par smra bas mngon par smra ste/ 'di lta ste dngos po lnga rnams la'o/ /des dge sbyong ngam bram ze de dag yid 'khrug par 'gyur/ ma rig par 'gyur/ bag med par 'gyur/ rnam par rmongs shing sred ba'i g.yo ba dang bcas shing gnas par rig par bya'o/ /dge sbyong dag de la dge sbyong ngam bram ze gang dag sngon gyi mthar rtog pa rtag par smra ba dag bdag dang 'jig rten rtag go zhes mngon par smra bas mngon par smra ste/ 'di lta ste dngos po bzhi rnams la'o/ /de dag ni rten cing 'drel par 'byung ba ste rten cing 'brel par 'byung ba ma yin pa 'di ni gnas pa ma yin zhing go skabs med do zhes bya ba nas mthong ba'i chos la mya ngan las 'das par smra ba dag mthong ba'i chos la mya ngan 'das pa'o zhes mngon par smra bas mngon par smra ste 'di lta ste dngos po lnga po 'di rnams la'o/ /'di dag kyang rten cing 'brel par 'byung ba ste/ de dag rten cing 'brel bar mi 'gyur ro zhes bya ba 'di mi gnas ma yin zhing go skabs med do/ /dge sbyong dag de la dge slong ngam bram ze gang dag sngon gyi mthar rtog pa rtag par smra ba dag ces bya ba nas mngon par smra bas mngon par smra'o zhes bya ba'i bar du'o/ /'di ltar dngos po bzhi po 'di rnams la'o// d e dag kyang reg pa'i rkyen can te reg pa'i rkyen ma yin par gzhan du tshor ba 'byung bar 'gyur ba 'di ni gnas med do zhes bya ba nas phyi ma'i mthar rtog pa mthong ba'i chos la mya ngan las 'das par smra ba dag mthong ba'i chos la mya ngan las 'das pa'o zhes mngon par smra ba ste 'di lta ste dngos po lnga po gang rnams la'o/ /de dag kyang reg pa'i rkyen gyis gyur pa ste reg pa'i rkyen ma yin par gzhan du tshor ba 'byung bar 'gyur ba 'di ni gnas pa ma yin no/ /dge slong dag gang gi phyir reg pa'i skye mched drug po dag gi kun 'byung ba dang/ mi snang ba dang/ nyes dmigs dang/ ro myang ba dang/ nges par 'byung ba yang dag pa ji lta ba bzhin du rab tu shes shing/ de las bla mar gyur pa'i chos rnams yang dag pa ci lta ba bzhin shes pas gang yang zag pa dang bcas shing nyon mongs pa dang bcas pa yang srid par rnam par smin pa dang nad dang sdug bsngal ba dang/ ma 'ongs pa'i skye ba dang rga ba dang na ba dang 'chi ba de dag de bzhin gshegs pas spangs shing yongs su shes la shing tA la mgo bcad pa ltar rtsa ba nas bton cing yang mi skye ba'i chos du 'gyur ro/ /chos kyi rnam grangs 'di bshad pa na stong gsum gyi stong chen po 'jig rten gyi khams 'di lan gsum g.yos/ rab tu g.yos kun tu rab tu g.yos so/ /'gul rab tu 'gul kun tu rab tu 'gul lo/ /ldeg rab tu ldeg kun tu rab tu ldeg go /de'i tshe na tshe dang ldan pa kun dga' bo bcom ldan 'das kyi zur na rnga yab thogs te g.yob cing 'dug ste/ de nas tshe dang ldan pa kun dga' bos bcom ldan 'das la 'di skad ces gsol to/ /btsun pa bcom ldan 'das chos kyi rnam grangs 'di yi ming ci yin ci ltar bzung bar bya/ kun dga' bo de'i phyir chos kyi rnam grangs 'di rgyu'i dra ba zhes bya bar gzung zhig / don gyi dra ba dang/ chos kyi dra ba dang/ tshangs pa'i dra ba zhes bya bar yang gzung zhig /de'i phyir tshangs pa'i dra ba zhes bya ba ni chos kyi rnam grangs 'di'i tshig bla dags so/ de skad ces bka' stsal pa dang dge slong de dag bcom ldan 'das kyis gsungs pa la mngon par dga' zhing rjes su yid rang ngo/ /bar sdom la/ /rtag dang phyogs gcig rgyu med dang/ /mdza' yod de bzhin 'chi med dang/ /'du shes bcas dang 'du shes med/ /'du shes yod min med min chad/ /mya ngan 'das dang g.yengs pa dang/ yang dag rmongs pa zhes bya dang/ /brten nas byung dang dge bas so/ /ji skad du gcar bu pa rnams sgren mo gos med pa yin no zhes bya ba la lung ring po dang ba skye ba med pa'i mdo dang/ mu bzhi pa'i tshoms kyi dka' 'grel gyi sgo gnyis pa'i sdom gyi tshigs su bcad pa las/ bdag la phan pa zhes bya 'dir zhes bya ba las 'di skad 'don te/ bdag nyid gdung zhing bdag nyid yongs su gdung ba dang rjes su mthun zhing ldan la gzhan mi gdung zhing gzhan yongs su mi gdung ba dang rjes su mthun zhing ldan pa'i gang zag gang zhe na/ 'di ltar dka' thub can kha cig ngan pas 'tsha zhing skyes pa'i dus bzhin du sgren mor 'dug cing/ gos dang bral bar kun tu rgyu la lag pa gcig gis len pa dang/ de lag pa na dbyug ba thogs pa'i bsod snyoms mi len pa dang/ lag na mtshon thogs pa dang/ lag na chol zangs thogs pa dang/ zar ma thogs pa dang/ gang grong dang grong ma yin pa'i bar na sbrang bu bzhin du gnas par gyur pa'i bsod snyoms mi len pa dang/ gang gi sgo na khyim gnas par gyur pa dang/ gang na 'bras 'byung ba las bsod snyoms mi len pa dang/ gang na 'thag pa dang/ gang na sbrum ma yod pa dang/ gang na btsa' ba yod ba dang/ gang na 'tsho ba pa dang/ gang na med cing smra ba der mi 'gro ba dang/ gang na 'dug ces smra ba dang/ ston par byed pa dang/ nye bar ston par byed par mi 'gro zhing ngan pa dang sha mi za ba dang/ nya dang shing 'bras mi za ba dang/ chang mi 'thung ba dang/ sman gyi btung ba mi 'thung ba dang/ khyim cig tu rnyed pa dang/ gnyis dang gsum dang khyim bdun du rnyed pa len pa dang/ bza' ba dang btung ba mi za ba dang rjes su mthun zhing ldan pa dang/ kham bu gcig za zhing yongs su za ba dang/ kham bu gnyis dang/ gsum dang/ yun du za ba dang/ btung ba za zhing 'thung ba dang/ dus gcig tu longs spyod pa dang/ gnyis dang/ gsum dang/ bdun gyi mthar spyod cing za ba dang/ zla ba phyed nas yongs su spyad pa dang/ zla ba phyed kyi mthar za ba dang/ zla ba gcig lon nas za ba dang/ zla ba gcig nas za ba dang/ tshod ma za ba dang/ sngo za ba dang/ rgya 'bras za ba dang/ gzegs ma za ba dang/ ba lang gi lci ba za ba dang/ gar rdu? za ba dang/ dgon pa'i phyogs su 'dzin nas 'bras bu dang/ sa bon las bral ba dang/ rtsa ba dang 'bras bu dang 'tsho ba dang gzegs ma dang bcas shing gnas pa dang/ dur khred du gnas pa dang/ nye bar zhi ba na gnas pa dang ri la gnas pa dang/ rgyan 'chad ba dang/ ri dang dur khrod 'chang ba dang/ ril la ba 'chang ba dang/ skra'i la ba 'chad ba dang/ ra dang skra'i la ba 'chad? ba dang/ pags pa 'chad? ba dang/ g.yang gzhi 'chad? ba dang/ pags pa dang g.yang gzhi 'chad ba dang/ dur ba 'chad? ba dang/ cir ra nya 'chad ba dang/ dur ba dang tsir ra nya 'chad? ba dang/ dri ma 'chad ba dang/ 'dam 'chad? ba dang/ dri ma dang 'dam 'chad pa dang/ skra 'chad ba dang/ kha spu 'chad ba dang/ skra dang kha spu 'chad ba dang/ skra 'byed pa dang/ kha spu 'byid pa dang/ skra dang kha spu 'byid pa dang/ rjes su mthun zhing ltar gnas te/ lag pa gcig gnam du bsgreng ba dang/ g.yeng bar mi byed pa dang/ tsog tsog por 'dug pa spong ba dang/ rjes su mthun pas gnas pa dang/ 'bras bu la brten cing gnas pa dang/ 'bras bu la mal stan byed pa dang/ mtshon cha la brten pa dang/ mtshon cha mal stan du byed pa dang/ ba lang gi lci bas byugs ma thag pa'i sa gzhi la nyal ba dang/ chu'i nang du gnas pa dang/ ji srid dus gsum gyi bar du chur gnas pa dang/ mel kun tu spyod pa nas lan gsum du me la kun tu spyod pa'i bar du'o/ /rkang pa gcig gis gnas pa dang/ nyi ma la rjes su phyogs de nyi ma'i rjes su 'jug pa dang/ nye bar gdung ba du mas lus la gdung zhing yongs su gdung bar byed cing/ gdung ba dang nye bar gdung ba dang rjes su mthun zhing gnas pa ste/ 'di ni bdag nyid gdung zhing bdag nyid yongs su gdung ba dang rjes su mthun zhing ldan la/ gzhan mi gdung zhing gzhen yongs su mi gdung ba dang mthun zhing ldan pa'i gang zag ces bya'o/ /ji skad du dge slong dag bdag gam bdag gi zhes bya ba la/ rgyal po dang yang dag par ldan pa'i tshogs las drug pa ral pa can gyi mdo las ji skad du 'don te/ de nas bcom ldan 'das kyis ma ga d+he'i dbang phyug gi rgyal po gzugs can snying po la bos nas rgyal po chen po gzugs ni skye ba dang 'jig pa'i chos can te skye ba dang 'jig pa'i chos can du rig par bya'o/ /rgyal po chen po tshor ba dang 'du shes dang 'du byed dang rnam par shes pa yang skye ba dang 'jig pa'i chos can te skye ba dang 'jig pa'i chos can du rig par bya'o/ /rgyal po chen po rigs kyi bu dag gzugs skye ba dang 'jig pa'i chos can du rig nas gzugs yongs su shes par 'gyur ro/ /tshor ba dang 'du shes dang 'du byed dang rnam par shes pa skye ba dang 'jig pa'i chos can du yongs su rig nas rnam par shes pa yongs su shes par 'gyur ro/ /rgyal po chen po rigs kyi bu gzugs yongs su shes na bdag gi zhes nye bar mi 'gro/ nye bar mi len/ mi gnas shing mngon par mi zhen to/ /rgyal po chen po rigs kyi bu tshor ba dang 'du shes dang 'du byed dang rnam par shes pa yongs su shes nas bdag go zhes nye bar mi 'gro nye bar mi len mi gnas shing mngon par mi zhen to/ /rgyal po chen po rigs kyi bu gzugs la nye bar mi 'gro nye bar mi len/ mi gnas shing mngon par mi zhe na/ bdag gir mi byed na tshad med cing grangs med pa'i mya ngan las 'da' bar 'gyur ro zhes nga smra'o/ /rgyal po chen po rigs kyi bu tshor ba dang 'du shes dang 'du byed rnam par shes pa la nye bar mi 'gro/ nye bar mi len/ mi gnas shing mngon par mi zhen/ bdag gir mi byed na tshang med cing grangs med pa'i mya ngan las 'da' bar 'gyur ro zhes nga smra'o/ /de nas ma ga d+ha'i bram ze dang khyim bdag rnams 'di snyam du gzugs bdag ma yin/ tshor ba dang 'du shes dang 'du byed dang rnam par shes pa bdag ma yin na bdag ci zhig yin te sems can nam/ srog gam/ skye bu 'am/ gang zag gam/ shed las skyes pa 'am/ shed bu 'am/ byed pa po 'am/ byed du 'jug pa 'am/ skyed pa po 'am/ yang dag par skyed pa po 'am/ slong ba po 'am/ kun nas slong pa po 'am/ tshor ba po 'am/ tshor bar byed pa po 'am/ rab tu tshor ba po gang de dang der dge ba'i las rnams byas shing byas nas rnam par smin pa so sor myong bar 'gyur ba mi shes shing ma byung 'byung bar mi 'gyur zhing da ltar med do snyam du sems par gyur to/ /de nas bcom ldan 'das kyis bram ze dang khyim bdag de dag gi sems thugs kyis mkhyen nas/ dge slong rnams la phos te/ dge slong dag bdag dang gdag gi zhes bya ba ni byis pa so so'i skye bo? thos pa dang mi ldan pa btags pa'i rjes su ltung ba rnams kyi ste 'di la bdag dang bdag gir med do/ /sdug bsngal skye bzhin pa na skye zhing/ sdug bsngal 'gag bzhin pa na 'gag go/ 'du byed skye bzhin ba na skye zhing/ 'du byed 'gag bzhin pa na 'gag go /rgyu de dang rkyen de dag la brten nas sems can rnams kyi 'du byed kyi rgyun 'jug cing 'du byed kyi rgyun nying mtshams sbyor bar 'gyur ro/ /dge slong dag de bzhin gshegs pas mkhyen nas sems can rnams skye ba dang 'jig par 'dogs par mdzad do/ /bcom ldan 'das kyis thams cad la 'di skad du zhes bya ba la/ re zhig phung po'i mdza' i sdom las btsun pa ci phung po nye bar len pa lags sam/ 'on te phung po las gzhan zhig nye bar len pa yin/ dge slong dag phung po nye bar len pa ma yin zhing phung po las gzhan yang nye bar len pa ma yin gyi/ 'on kyang dga' ba la 'dod chags pa 'di ni nye bar len pa zhes bya'o// de bzhin du skye mched drug gi tshogs kyi drag po'i sdom las/ mig dang gzugs nas yid dang chos kyi bar du'o ste 'di ni nye bar blang bar bya ba zhes bya'o/ /gang dga' ba la 'dod chags pa ni nye bar len pa'i chos zhes mdo 'di gnyis mdzod kyi gnas lnga pa dang bdun pa dang 'chad par 'gyur ro/ /mdo las kun dga' bo tshe phyi ma la yang srid pa mngon par 'grub pa zhes bya ba la sogs pa la gleng gzhi ni mnyan du yod pa na'o/ /de nas tshe dang ldan pa kun dga' bo bcom ldan 'das gang na ba der nye bar 'ongs te nye bar 'ongs nas bcom ldan 'das kyi zhabs la spyi bos phyag byas te phyogs gcig tu 'dug go / phyogs gcig du 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa 'di lta ste srid pa zhes brjod pa/ srid pa srid pa zhes bya ba 'di gang gi tshig bla dags lags/ kun dga' bo srid pa ni gsum ste/ 'dod pa'i srid pa dang/ gzugs kyi srid pa dang/ gzugs med pa'i srid pa'o/ /kun dga' bo gal te 'dod pa dang yang dag par ldan pa'i las med na 'ga' yang gang du 'dod pa'i srid pa zhes 'dogs sam/ btsun pa ma lags so/ /kun dga' bo las kyi zhing dang/ sred pa'i rlan dang/ rnam par shes pa'i sa bon dang/ ma rig pa'i mun pa ste/ kun dga' bo rmongs par gyur pa'i sems can de dag sems dman pa la rnam par shes pa gnas par 'gyur te/ 'di lta ste 'dod pa'i sred par ro/ /kun dga' bo gzugs dang yang dag par ldan pa'i las med na 'ga' yang gzugs kyi srid pa zhes 'dogs sam/ btsun pa ma lags so/ /kun dga' bo las kyi zhing dang/ sred pa'i rlan dang/ rnam par shes pa ni sa bon dang/ ma rig pa ni mun pa ste/ kun tu rmongs par gyur pa'i sems can de dag sems bar ma la rnam par shes pa gnas 'gyur te/ 'di lta ste gzugs kyi srid par ro/ /kun dga' bo gzugs med pa dang yang dag par ldan pa'i las med na/ 'ga' yang gang du gzugs med pa'i srid pa zhes 'dogs sam/ btsun pa ma lags so/ /kun dga' bo las kyi zhing dang/ srid pa'i rlan dang/ rnam par shes pa'i sa bon dang ma rig pa'i mun pa ste/ kun tu rmongs par gyur pa'i sems kun de dag sems mchog la rnam par shes pa gnas par 'gyur te/ 'di lta ste gzugs med pa'i srid par ro/ /de ci'i phyir zhe na/ kun dga' bo gang yang ma 'ongs pa'i las mngon par 'byung zhing mngon par 'grub par 'gyur ba 'di la srid pa zhes bya'o zhes bka' stsal to/ /mdo las ma rig pa'i kun tu sbyor ba dang zhes bya ba de'i don du dris te/ kun tu sbyor ba ni rnam pa dgu ste/ 'dod chags kyi kun tu sbyor ba dang/ gnod sems kyi kun tu sbyor ba dang/ nga rgyal gyi kun tu sbyor ba dang/ ma rig pa'i kun tu sbyor ba dang/ lta ba'i kun tu sbyor ba dang/ mchog tu mdzin pa'i kun tu sbyor ba dang/ phrag dog gi kun tu sbyor ba dang/ ser sna'i kun tu sbyor ba dang/ the tshom gyi kun tu sbyor ba'o/ /'ching ba ni rnam pa gsum ste/ 'dod chags kyi 'chid ba dang/ zhe sdang gi 'chid ba dang/ gti mug gi 'chid ba dang/ phra rgyas ni rnam pa bdun te/ 'dod pa'i 'dod chags kyi phra rgyas dang/ gnod sems kyi phra rgyas dang/ srid pa'i 'dod chags kyi phra rgyas dang/ nga rgyal gyi phra rgyas dang/ ma rig pa'i phra rgyas dang/ lta ba'i phra rgyas dang/ the tshom gyi phra rgyas so/ /chu bo ni bzhi ste/ 'dod pa'i chu bo dang/ srid pa'i chu bo dang lta ba'i chu bo dang/ ma rig pa'i chu bo'o/ /sbyor ba ni bzhi ste/ 'dod pa'i sbyor ba dang/ srid pa'i sbyor ba dang/ lta ba'i sbyor ba dang/ ma rig pa'i sbyor ba'o/ /nyan thos kyi rnam par bshad pa'i sdom gyi tshigs su bcad pa bzhi pa las gnas brtan shA ri'i bu la kun tu rgyu 'dzam bu'i grib mas kun tu sbyor ba la sogs pa'i dri ba dris pa'i mdor bstan pa byas pa der shes par bya'o/ /mdo las 'dod chags kyis nye bar nyon mongs pa can du gyur pa'i zhes bya ba la sogs pa la gleng gzhi ni mnyan du yod pa na'o/ tshul khrims la brten cing tshul khrims la gnas pa dag chos gnyis shig goms par bya ste/ zhi gnas dang lhag mthong ngo/ /zhi gnas kun tu bsten cing goms par byas lan mang du byas na don ci zhig rjes su thob par 'gyur zhing/ lha mthong bsten cing goms par byas lan mang du byas na don ci zhig rjes su thob par 'gyur zhe na/ zhi gnas kun tu bsten cing goms par byas lan mang du byas na sems bsgoms par 'gyur zhing/ sems bsgoms na gang 'dod chags spong bar 'gyur ro/ /lhag mthong kun tu bsten goms par byas lan mang du byas na shes rab bsgoms par 'gyur zhing/ shes rab bsgoms na ma rig pa spong bar 'gyur te/ 'dod chags kyis nye bar nyon mongs pa can du gyur pa'i sems ni rnam par mi 'grol lo/ /ma rig pas nye bar nyon mongs par gyur pa'i shes rab ni rnam par mi bdag /dge slong dag 'dod chags dang bral ba'i sems ni rnam par grol la/ gti mug dang bral ba'i sems ni rnam par grol lo/ /dge slong gang 'dod chags spangs shing sems rnam par grol ba dang/ ma rig pa las 'dod chags dang bral zhing shes rab rnam par grol ba gang gis lus kyis mngon sum du byas par gyur pa de ni sred pa chad cing kun tu sbyor ba spangs pa yang dag pa'i yid kyis mngon par rtogs nas sdug bsngal mthar byas pa'i dge slong zhes bya'o zhes bka' stsal to/ /mdo las bdag gis de ltar mthong zhes bya ba la sogs pa la/ bcom ldan 'das rgyal po'i? nas? kyi 'od ma'i tshal bya ka lan+ta ka gnas pa na bzhugs te/ de nas kun tu rgyu be'u'i rigs bcom ldan 'das gang na ba der nye bar 'ongs te/ nye bar 'ongs nas bcom ldan 'das dang lhan cig yang dag par bde ba dang/ dga' ba dang/ yang dag par rab tu dga' bar 'gyur ba'i gtam rnam pa sna tshogs byas te phyogs gcig tu 'dug go / phyogs gcig tu 'dug nas kun tu rgyu be'u'i rigs kyis bcom ldan 'das la 'di skad ces gsol te/ /kye go'u ta ma dris pa la lung bstan pa'i slad du skabs 'byed na bdag phyogs 'ga' zhig yongs su 'dri'o/ /be'u the tshom za ba gang yin pa dris shig /kye go'u ta ma 'jig rten rtag ces bya ba 'di nyid bden gyi gzhan ni gti mug pa'o zhes 'di ltar lta zhing 'di skad smra 'am/ be'u 'jig rten rtag ces bya ba 'di nyid bden gyi gzhan ni gti mug pa'o zhes nga 'di ltar mi lta zhing 'di skad du mi smra'o/ /kye go'u ta ma mi rtag pa dang/ rtag kyang rtag la mi rtag kyang mi rtag pa dang/ rtag pa yang ma yin mi rtag pa yang ma yin pa dang/ mdza' dang bcas pa dang/ mdza' med pa dang/ mdza' dang bcas pa yang ma yin mdza' med pa yang ma yin pa dang/ srog de nyid lus dang/ srog las lus gzhan du gyur pa dang/ de bzhin gshegs pa grongs nas yod ces bya ba dang/ med ces bya ba dang/ yod kyang yod la med kyang med ces bya ba dang/ yod pa yang ma yin med pa yang ma yin no zhes bya ba 'di nyid bden gyi gzhan ni gti mug pa'o zhes 'di ltar lta zhing 'di skad du smra ba 'am/ be'u 'di lta ste 'jig rten mi rtag ces bya ba dang/ rtag kyang rtag la mi rtag kyang mi rtag pa dang/ rtag pa yang ma yin mi rtag pa yang ma yin pa dang/ mdza' dang bcas pa dang/ mdza' med pa dang/ mdza' dang yang bcas la mdza' med pa dang/ mdza' dang bcas pa yang ma yin mdza' med pa yang ma yin pa dang/ srog de nyid lus dang/ srog las lus gzhan du gyur pa dang/ de bzhin gshegs pa grongs nas yod ces bya ba dang/ med ces bya ba dang/ yod kyang yod la med ces bya ba dang/ yod pa yang ma yin med pa yang ma yin zhes bya ba nga 'di ltar mi lta zhing 'di skad ces smra'o/ /kye go'u ta ma lta ba 'di dag rnam pa thams cad kyi thams cad du khas mi len pa lta ba 'di dag nyes dmigs dang bcas par yang dag par rjes su mthong ngam/ be'u de la lta ba gang 'jig rten rtag pa'o zhes bya ba 'di nyid bden gyi gzhan ni gti mug pa'o zhes bya ba 'di nyid bden gyi gzhan ni gti mug pa zhes bya ba'i lta ba 'di ni lta bar gyur pa/ lta ba'i tshad tshing/ lta ba'i dgom pa/ lta bas g.yangs pa/ lta bas bskyed pa/ lta ba'i kun tu sbyor ba ste/ de ni sdug bsngal ba/ de ni gnod pa/ de ni nye bar 'tshe ba/ de ni yongs su sreg par byed pa ste/ mngon par mi shes shing mngon par mi rtogs shing mya ngan las 'das pa mi thob par byed pa ste/ lta ba gang 'jig rten rtag ces bya ba 'di nyid bden gyi gzhan ni gti mug pa'o zhes bya ba'o/ /de la be'u lta ba gang mi rtag pa dang/ rtag kyang rtag la mi rtag kyang mi rtag ces bya ba dang/ rtag pa yang ma yin mi rtag pa yang ma yin zhes bya ba dang/ mdza' dang bcas pa dang/ mdza' med pa dang/ mdza' dang yang bcas shing mdza' med pa dang/ mdza' dang bcas pa yang ma yin mdza' med pa yang ma yin pa dang/ srog de nyid lus dang/ srog las lus gzhan du 'gyur zhes bya ba dang/ de bzhin gshegs pa grongs nas yod ces bya ba dang med ces bya ba dang yod kyang yod la med kyang med ces bya ba dang/ yod pa yang ma yin med pa yang ma yin zhes bya ba 'di nyid bden gyi gzhan ni gti mug pa'o zhes smra ba 'di nyid bden gyi gzhan ni gti mug pa'o zhes bya ba 'di yang lta bar gyur pa/ lta ba'i tshang tshing lta bas g.yengs pa/ lta bas bskyed pa/ lta ba la spyod pa/ lta ba'i kun tu sbyor ba ste/ de ni sdug bsngal ba/ de ni gnod pa/ de ni nye bar 'tshe ba/ de ni yongs su sred par byed pa mngon par mi shes shing mngon par mi rtogs pa mya ngan las 'das pa thob par mi byed pa'o/ /go'u ta ma khyod kyi lta ba ci zhig /be'u de bzhin gshegs pa ni lta bar gyur pa spangs pa ste/ 'on kyang de bzhin gshegs pa'i lta bar gyur pa spangs pa ci zhig lta ba ci zhe na/ de bzhin gshegs pas sdug bsngal 'phags pa'i bden pa'o zhes yang dag pa'i shes rab kyis ci lta ba bzhin mthong zhing/ 'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam mo zhes rtogs shing 'phags pa'i bden pa yang dag pa'i shes rab kyis ji lta ba bzhin mthong ste/ bdag gis de lur shes shing de ltar mthong ste/ sred pa thams cad dang/ lta ba thams cad dang/ 'jug pa thams cad dang/ dar 'dzin pa dang/ nga yir 'dzin pa dang/ nga'o snyam pa'i nga rgyal la mngon par zhen pa'i phra rgyas thams cad spangs shing yongs su shes nas grib ma med par yongs su mya ngan las 'das so// go'u ta ma 'di ltar sems rnam par grol ba'i dge sbyong gang du 'gro bar 'gyur bar smra/ be'u de'i phyir khyed kyis ci ltar bzod pa de bzhin du lung ston cig dang bshad par bya'o/ /be'u 'di lta ste 'dir khyed kyis mdun du me spar nas spar ro zhes bya bar shes sam/ go'u ta ma me spar ro zhes bya bar 'tshal lags so/ /de nyid me shi na shi'o zhes bya bar shes sam/ go'u ta ma shi'o zhes bya bar 'tshal lags so/ /be'u gal te kha cig 'ongs te khyod kyi mdun du me spar ba de shar phyogs sam lho phyogs sam/ nub phyogs dang byang phyogs gang du song zhes 'dri na/ be'u 'di skad du 'dri ba la 'di sgang du lung ston/ go'u ta ma gal te kha cig 'ongs te bdag la 'di ltar 'drin/ de la bdag gis 'di skad du/ gang bdag gis mdun du me spar ba de gang rtswa dang/ shing dang/ yal ga dang 'dab ma la brtan te de tsam du 'bar la/ de dag yongs su zad cing gtugs shing gzhan nye bar len pa ma tshogs pas nye bar len pa med par shi bar 'gyur te/ de shar phyogs su ma song/ lho dang/ nub dang/ byang gi phyogs su ma song zhes lung bstan par bya'o/ /be'u de bzhin du de bzhin gshegs pas ngo bo gang gis gzugs su 'dogs shing nye bar 'dogs pa'i ngo bo de spangs shing yongs su shes la rtsa ba bcad cing/ shing ta la mgo bcad pa ltar skal ba mnyam pa phyis mi skye ba'i chos can du gyur to/ /gang dang gang gis tshor ba dang/ gang dang gang gis 'du shes dang/ gang dang gang gis 'du byed dang/ gang gis rnam par shes pa shes par 'dogs pa ngo bo de nyid kyi de bzhin gshegs pas spangs shing yongs su shes te/ rtsa ba bcad cing shing tA la mgo bcad pa ltar skal pa mnyam par phyis mi skye ba'i tshes can du 'gyur te/ shar phyogs su ma song/ lho dang nub dang byang phyogs su ma song ba ste zab cing rgya che la tshad med cing 'grang du med pa'i mya ngan las 'das pa zhes bya'o/ /go'u ta ma bdag dpe bshad par spobs so/ /be'u de'i dus la bab na spobs par gyis shig /go'u ta ma 'di lta ste/ grong dang grong khyer thag mi ring ba zhig na sa'i gzhi mdzes par byed pa sA la'i tshal zhig yod par gyur la/ sA la'i tshal de las gcig la lo du ma zhig ci la grangs mang du 'phel ba/ de yang nyin mtshan du yal ga rnying zhing pags pa bshus pa dang/ yal ga dang 'dab ma rim gyi nyams te/ de dus gzhan na shun pa dang bral/ pags pa dang bral/ yal ga dang lo 'dab dang bral te dag cing rnying po gnas par 'gyur te/ de bzhin du go'u ta ma chos 'dul pa/ pags pa dang shun pa dang bral zhing yal ga dang lo 'dab dang bral pa'i snying po gnas par 'gyur ro/ /go'u ta ma skye dgu kun gzhi la dga' zhing/ kun gzhi la rab tu dga' zhing /kun gzhi la mngon par dga' ba rnams la/ go'u ta ma kun gzhi med par chos rnams las mngon par byang chub ste/ de bzhin gshegs pa dgra bcom pa yang dag par rdzogs par byang chub pa go'u ta ma mchi'o zhes bya ba nas zhabs drungs nas song de zhes bya ba'i bar du'o/ /'di ltar mdo'i khungs chos gsum po 'di dag 'brel cing 'dus la zhes bya ba la sogs pa la gleng gzhi ni mnyan du yod pa na'o/ /dge slong dag rnam pa gnyis la brten nas rnam par shes pa skye bar 'gyur te/ gnyis gang zhe na/ mig dang gzugs dang/ rna ba dang sgra dang sna dang dri dang/ lce dang ro dang/ lus dang reg bya dang/ yid dang chos de 'di ni gnyis zhes bya'o/ /dge slong dge kha cig 'di skad du dge sbyong go'u ta mas gnyis su btags pa de bdag gis bsal te gzhan gnyis bstan par bya'o/ /zhes smra de ni tshig tsam ste dris pa'i lan yang dag par mi shes pa lan la smongs pa bskyed de/ de de'i yul ma yin pa'i phyir ro/ /de ci'i phyir zhe na/ mig dang gzugs la brten nas mig gi rnam par shes pa skye bar 'gyur te/ dge slong dag de la mig ni mi rtag pa/ 'dus byas pa tshogs shing brten nas byung ba'o/ /gzugs dang mig gi rnam par shes pa yang mi rtag pa 'dus byas ba tshogs shing brten nas byung ba ste/ chos 'di rnams nyid 'brel cing 'dus la tshogs pa gang yin pa de nyid la reg pa zhes bya'o/ /dge slong dag reg pas tshor bar byed/ reg pas sems par byed/ reg pas 'du shes par byed de/ chos 'di dag kyang mi rtag pa/ 'dus byas pa/ tshogs brten nas byung ba ste/ 'di lta ste reg pa dang/ tshor ba dang/ 'du shes dang/ sems pa'o/ /dge slong dag rna ba dang sna dang lce dang lus dang yid dang chos la brten nas yid kyi rnam par shes pa skye ste/ dge slong dag de la yid gang yin pa de yang mi rtag pa/ 'dus byas pa/ 'dus shing brten nas byung ba ste/ chos dang yid kyi rnam par shes pa yang mi rtag pa 'dus byas pa/ tshogs pa brten nas byung ba ste/ de ltar na chos gsum po 'di dag nyid 'brel cing 'dus la tshogs pa gang yin pa de ni reg pa zhes bya'o/ /dge slong dag reg pas tshor bar byed/ reg pas sems par byed/ reg pas 'du shes par byed de/ chos 'di dag kyang mi rtag pa/ 'dus byas pa/ tshogs pa brten nas byung ba ste/ 'di lta ste/ reg pa dang tshor ba dang 'du shes dang sems pa'o zhes bka' stsal to/ /'dir mdo'i khungs drug tshan drug pa'i chos kyi rnam grangs gang zhe na zhes bya ba la/ bcom ldan 'das skyabs seng na kol sha ma da mya zhes bya ba'i grong khyer na bzhugs te/ de nas bcom ldan 'das kyis dge slong rnams la bos te/ dge slong dag ngas khyed la drug tshan drug la zhes bya ba'i chos kyi rnam grangs thog mar dge ba/ bar du dge ba/ tha mar dge ba/ don bzang po tshig 'bru bzang po/ /ma 'dres pa/ yongs su rdzogs pa/ yongs su dag pa/ yongs su byang ba/ tshangs par spyod pa/ yongs su gsal bar byed pa bshad par bya yis de legs par nyon la yid la bzung zhig dang bshad par bya'o/ /drug tshan drug pa zhes bya ba'i chos kyi rnam grangs gang zhe na/ nang gi skye mched drug dang/ phyi'i skye mched drug dang/ rnam par shes pa'i skye mched drug dang/ reg pa'i tshogs drug dang/ tshor ba'i tshogs drug dang/ sred pa'i tshogs drug go /nang gi skye mched drug gang zhe na/ mig nang gi skye mched dang/ rna ba dang/ sna dang/ lce dang/ lus dang/ yid nang gi skye mched de/ 'di dag ni nang gi skye mched drug ste drug tshan dang po'o/ /phyi'i skye mched drug gang zhe na/ gzugs ni phyi'i skye mched dang/ skra dang/ dri dang/ ro dang/ reg bya dang/ chos ni phyi'i skye mched de 'di dag ni phyi'i skye mched drug ste drug tshan gnyis pa'o/ /rnam par shes pa'i tshogs drug gam zhe na/ mig gi rnam par shes pa dang/ rna ba dang/ sna dang/ lce dang/ lus dang/ yid kyi rnam par shes pa ste 'di ni rnam par shes pa'i tshogs drug tshan gsum pa'o/ /reg pa'i tshogs drug gang zhe na/ mig gi 'dus te reg pa dang/ rna ba dang/ sna dang/ lce dang/ lus dang/ yid kyi 'dus te reg pa ste/ 'di dag ni reg pa'i tshogs drug ste drug tshan bzhi pa'o/ /tshor ba'i tshogs drug gang zhe na/ mig gi 'dus te reg pa las skyes pa'i tshor ba dang/ rna ba dang/ sna dang/ lce dang/ lus dang/ yid kyi 'dus te reg pa las skyes pa'i tshor ba ste/ 'di dag ni tshor ba'i tshogs drug ste drug tshan lnga pa'o/ /sred pa'i tshogs drug gang zhe na/ mig gi 'dus te reg pa las skyes pa'i sred pa dang rna ba dang/ sna dang/ lce dang/ lus dang/ yid kyi 'dus te reg pa las skyes pa'i sred pa ste/ 'di dag ni sred pa'i tshogs drug ste drug tshan drug pa'o/ /dge slong dag mig bdag yin no zhes smra ba ni 'thad pa ma yin te/ de ci'i phyir zhe na/ dge slong dag mig ni skye ba dang 'jig par shes la/ gang skye ba dang 'jig par shes pa de ni skye bar 'gyur zhing 'jig par 'gyur ba 'di lta bu 'od ste de'i phyir 'thad pa ma yin no/ /dge slong mig ni bdag ces smra yang bdag ma yin no/ /gzugs dang mig gi rnam par shes pa dang/ mig gi 'dus te reg pa dang/ mig gi 'dus te reg pa las skyes pa'i tshor ba dang/ mig gi 'dus te reg pa las skyes pa'i sred pa bdag ces smra ba ni 'thad pa ma yin te/ de ci'i phyir zhe na/ dge slong dag mig gi 'dus te reg pa las byung ba'i tshor ba ni skye ba dang 'jig par shes la/ gang skye ba dang 'jig par shes pa de ni skye bar 'gyur zhing 'jig par 'gyur ba 'di lta bu 'ong ste de'i phyir 'thad par ma yin no/ /dge slong dag mig gi 'dus te reg pa las byung ba'i sred pa bdag ces smra ba gang yin pa de ni mig gi 'dus te reg pa'i rkyen gyis byung ba'i sred pa bdag ma yin no/ /rna ba dang/ sna dang/ lce dang/ lus dang/ dge slong yid bdag ces smra ba ni rigs pa ma yin te/ de ci'i phyir zhe na/ dge slong dag yid ni skye ba dang 'jig par shes la gang skye ba dang 'jig par shes pa de ni skye bar 'gyur zhing 'jig par 'gyur ba 'di lta bu 'ong ste/ de'i phyir 'thad pa ma yin no/ /dge slong dag yid ni bdag yin no zhes smra ba 'di ni yid ni bdag ma yin no/ /chos dang yid kyi rnam par shes pa dang/ yid kyi 'dus te reg pa dang/ yid kyi 'dus te reg pa las byung ba'i tshor ba dang/ yid kyi 'dus te reg pa las byung ba'i sred pa bdag yin no zhes smra ba de ni 'thad pa ma yin te/ de ci'i phyir zhe na/ dge slong dag yid kyi 'dus te reg pa las byung ba'i sred pa ni skye ba dang 'jig par shes la gang skye ba dang 'jig par shes pa de ni skye bar 'gyur zhing 'jig par 'gyur ba 'di lta bu 'ong ste de'i phyir 'thad pa ma yin no/ /yid kyi 'dus te reg pa las byung ba'i sred pa bdag ces smra ba ni yid kyi 'dus te reg pa las byung ba'i sred pa ni bdag med pa'o/ /de ci'i phyir zhe na/ dge slong dag mig dang gzugs la brten nas mig gi rnam par shes pa skye zhing gsum 'dus pa'i reg pa dang/ reg pa'i rkyen gyis tshor ba bde ba dang sdug bsngal ba dang/ bde ba yang ma yin sdug bsngal ba yang ma yin pa skye ste/ dge slong dag de la gang bde ba'i tshor bas reg na mngon par dga' zhing rab tu dga' la mngon par zhen cing gnas par 'gyur te/ bde ba'i tshor ba la 'dod chags rgyas par 'gyur ro/ /dge slong dag de la sdug bsngal gyi tshor bas reg na mi bzod cing/ khro ba dang gnod sems dang/ zhum zhing gnas te khro ba bsags par 'gyur te/ sdug bsngal gyi tshor ba la zhe sdang rgyas par 'gyur ro/ /zhes tshor ba 'di dag gi kun 'byung ba dang/ mi snang ba dang/ ro myang ba dang/ nyes dmigs dang/ nges par 'byung ba yang dag pa'i ci lta ba bzhin mi shes pa de bde ba dang sdug bsngal gyi tshor ba la gti mug rgyas par 'gyur ro/ /dge slong dag dge slong de bde ba'i tshor ba la 'dod chags rgyas pa ma spangs shing/ sdug bsngal gyi tshor ba la zhe sdang rgyas pa ma spangs la/ b de ba yang ma yin sdug bsngal ba yang ma yin pa'i tshor ba la gti mug rgyas pa ma spangs shing 'di lta ba dang nga rgyal gyi phra rgyas 'byung zhing ma rig pa las 'dod chags dang ma bral nas yang dag pa'i rig pa ma skyes par sdug bsngal mthar byed par 'gyur ba 'di ni gnas med do/ /dge slong dag dge sbyong de bde ba'i tshor ba la 'dod chags rgyas par 'gyur ba spangs shing/ sdug bsngal gyi tshor ba la zhe sdang rgyas par 'gyur ba spangs shing/ bde ba yang ma yin sdug bsngal ba yang ma yin ba'i tshor ba la ma rig pa rgyas par 'gyur pa spangs te/ 'di lta ba dang nga rgyal gyi phra rgyas mi 'byung zhing ma rig pa las 'dod chags dang bral nas yang dag pa'i rig pa skye ste sdug bsngal mthar byed par 'gyur ba 'di ni gnas yod do/ /dge slong dag rna ba dang/ sna dang/ lce dang/ lus dang/ yid dang/ chos la brten nas yid kyi rnam par shes pa skye bar 'gyur te/ gsum 'dus pa'i reg pa dang/ reg pa'i rkyen gyis tshor ba bde ba dang sdug bsngal ba dang/ bde ba yang ma yin sdug bsngal ba yang ma yin pa skye ste/ dge slong dag de la gang bde pa'i tshor ba la mngon par dga' zhing rab tu dga' la mngon par zhan cing gnas par 'gyur te/ bde ba'i tshor ba la 'dod chags rgyas par 'gyur ro/ /dge slong de la sdug bsngal gyi tshor bas reg na mi bzod pa skye zhing khro ba dang gnod sems zhum zhing gnas te khro ba bskyed nas sdug bsngal gyi tshor ba la zhe sdang rgyas par 'gyur ro zhes tshor ba 'di dag ni kun 'byung ba dang/ mi snang ba dang/ ro myang ba dang/ nyes dmigs pa dang/ nges par 'byung ba yang dag pa ci? lta ba bzhin du mi shes pa de bde ba dang sdug bsngal gyi tshor ba la gti mug rgyas par 'gyur ro/ /dge slong dag dge slong de bde ba'i tshor ba la 'dod chags rgyas pa ma spangs shing/ sdug bsngal gyi tshor ba la zhe sdang rgyas pa ma spangs la/ bde ba yang ma yin sdug bsngal ba yang ma yin pa'i tshor ba la gti mug rgyas par 'gyur ba ma spangs la/ 'di lta ba dang rgyal gyi phra rgyas 'byung hing ma rig pa las 'dod chag dang ma bral nas yang dag pa'i rig pa ma skyes par sdug bsngal mthar byed par 'gyur ba 'di ni gnas med do/ /dge slong dag dge slong de bde ba'i tshor ba la 'dod chags rgyas pa spangs shing/ sdug bsngal gyi tshor ba la zhe sdang rgyas pa spangs la bde ba yang ma yin sdug bsngal ba ma yin pa'i tshor ba la ma rig pa rgyas par 'gyur ba spangs shing/ 'di'i lta ba dang nga rgyal gyi phra rgyas mi 'byung zhing ma rig pa las 'dod chags dang bral nas yang dag pa'i rig pa skyes te sdug bsngal mthar byed bar 'gyur ba 'di ni gnas yod do/ /dge slong dag ci lta pa bzhin zhes bya ba'i yang dag par rjes su mthong ba mig tu gyur pa ye shes su gyur pa/ nye bar zhi bar 'jug pa mngon par shes pa/ rdzogs par byang chub ba/ mya ngan las 'das par 'jug par byed pa yod de/ dge slong dag ji lta ba bzhin zhes bya ba'i yang dag par rjes su mthong pa/ mig tu gyur pa/ ye shes su gyur pa/ nye bar zhi bar 'jug pa/ mngon par shes pa/ rdzogs par byang chub pa/ mya ngan las 'das par 'jug par byed pa de gang zhe na/ dge slong dag 'di la dge slong mig bdag med do zhes bya bar yang dag par rjes su mthong zhing/ gzugs dang/ mig gi rnam par shes pa dang/ mig gi 'dus te reg pa dang/ mig gi 'dus te reg pa las byung ba'i nang gi bdag nyid kyi tshor ba bde ba dang/ sdug bsngal ba dang/ bde ba yang ma yin sdug bsngal ba yang ma yin pa de yan bdag med do zhes yang dag par rjes su mthong ste/ dge slong dag 'di ni yang dag pa ji lta ba bzhin mthong ba zhes bya ba mig tu gyur pa zhes bya ba nas snga ma bzhin du mya ngan las 'das par 'jug pa'i bar du'o// 'di ni drug tshan drug pa zhes bya ba'i chos kyi rnam grangs so/ /dge slong dge ngas khyod la dug tshan drug pa zhes bya ba'i chos kyi rnam grangs thog mar dge ba/ bar du dge ba/ tha mar dge ba/ don bzang po/ tshig 'bru bzang po zhes bya ba nas snga ma bzhin du bshad par bya'o zhes gang bstan ba de rgyas par rab tu bshad do zhes 'byung ngo/ /reg pa dang tshor ba phan tshun 'bras bu nyid du 'dod pa 'di ni mdo las mi bzhed de zhes bya ba la gleng gzhi ni mnyan du yod pa na'o/ /dge slong dag sred pa sna tshogs la brten nas tshor ba sna tshogs 'byung ba ni ma yin zhing/ tshor ba sna tshogs la brten te reg pa sna tshogs 'byung ba ma yin la/ reg pa sna tshogs la brten nas khams sna tshogs 'byung ba ni ma yin gyi/ 'on kyang khams sna tshogs la brten nas reg pa sna tshogs bar 'byung bar 'gyur zhing reg pa sna tshogs la brten nas tshor ba sna tshogs tshor ba sna tshogs la brten nas/ sred pa sna tshogs 'byung bar 'gyur ro/ /dge slong dag khams gang cung zad khams su gyur ba de thams cad ni khams bco rgyad de/ mig gi khams dang/ gzugs kyi khams dang/ mig gi rnam par zhes pa'i khams dang/ rna ba'i khams dang/ sgra'i khams dang/ rna ba'i rnam par shes pa'i khams dang/ sna'i khams dang/ dri'i khams dang/ sna'i rnam par shes pa'i khams dang/ lce'i khams dang/ ro'i khams dang/ lce'i rnam par shes pa'i khams dang/ lus kyi khams dang/ reg bya'i khams dang/ lus kyi rnam par shes pa'i khams dang/ yid kyi khams dang/ chos kyi khams dang/ yid kyi rnam par shes pa'i khams so/ /'di ni khams rnams kyi khams sna tshogs pa zhes bya'o/ /dge slong dag ci ltar khams sna tshogs la brten nas reg pa kun 'byung bar 'gyur zhing reg pa la brten nas tshor ba sna tshogs/ tshor ba sna tshogs la brten nas sred ba sna tshogs kun 'byung bar 'gyur zhe na/ mig gi khams la brten nas mig gi 'dus te reg pa 'byung bar 'gyur gyi/ mig gi 'dus te reg pa la brten nas mig gi khams skyes ba ni ma yin gyi/ 'on kyang mig gi khams la brten nas mig gi 'dus te reg pa skye'o/ /mig gi 'dus te reg pa la brten nas mig gi 'dus te reg pa'i rkyen gyis tshor ba skye yi/ mig gi 'dus te reg pa'i rkyen gyis tshor ba la brten nas mig gi 'dus te reg pa skye ba ni ma yin zhing/ mig gi 'dus te reg pa'i rkyen gyis tshor ba la brten nas mig gi 'dus te reg pa'i rkyen gyis tshor ba'i sred pa skye yi/ mig gi 'dus te reg pa'i rkyen gyis tshor ba'i sred pa la brten nas mig gi 'dus te reg pa'i rkyen gyis tshor ba skye pa ni ma yin no/ /'on kyang mig gi 'dus te reg pa'i rkyen yis tshor ba la brten nas/ mig gi 'dus te reg pa'i rkyen gyis tshor ba'i sred pa skye'o/ /rna ba dang/ sna dang/ lce dang/ lus dang/ yid kyi khams la brten te yid kyi 'dus te reg pa skye'i yid kyi 'dus te reg pa la brten nas yid kyi khams skye ba ni ma yin gyi 'on kyang yid kyi khams la brten nas yid kyi 'dus te reg pa skye'o/ /yid kyi 'dus te reg pa la brten te yid kyi 'dus te reg pa'i rkyen gyis tshor ba skye'o/ /yid kyi 'dus te reg pa'i rkyen gyis tshor ba la brten nas yid kyi 'dus te reg pa skye ba ni ma yin no/ /yid kyi 'dus te reg pa'i rkyen gyis tshor ba la brten nas yid kyi 'dus te reg pa'i rkyen gyis tshor ba'i sred pa skye'i/ yid kyi 'dus te reg pa'i rkyen gyis tshor ba'i sred pa la brten nas yid kyis 'dus te reg pa'i rkyen gyis tshor ba'i skye ba ni ma yin no/ /'on kyang yid kyi 'dus te reg pa'i rkyen gyis tshor ba la brten nas yid kyi 'dus te reg pa'i rkyen gyis tshor ba'i sred pa skye'o/ /dge slong dag de ltar na khams sna tshogs la brten nas reg pa sna tshogs skye bar 'gyur zhing reg pa sna tshogs la brten nas tshor ba sna tshogs/ tshor ba sna tshogs la brten nas sred pa sna tshogs skye bar 'gyur to zhes bka' stsal to/ /'di skad du bcom ldan 'das kyi mdo sde la brten par bya'o zhes gsungs so zhes bya ba la/ mdo drug ba'i mdza' yongs su mya ngan las 'das pa chen po'i mdo las 'di ltar 'don te/ bcom ldan 'das yongs su spyod pa'i grong khyer gyi byang phyogs kyi grong shing sha ba'i tshal na bzhugs te/ de nas bcom ldan 'das kyis tshe dang ldan pa kun dga' bo la bos te/ kun dga' bo de nyid kyi phyir dang po dang tha mar mdo sde la brten par bya'i gang zag la brten par mi bya'o/ /kun dga' bo ji ltar na de dge slong mdo sde la brten par bya'i gang zag la brten par mi bya zhe na/ kun dga' bo 'di na dge slong kha cig 'ongs te 'di skad du tshe dang ldan ba dag 'di ni chos/ 'di ni 'dul ba/ 'di ni ston pa'i bstan pa ste bcom ldan 'das bdag gi mngon sum du bzung ba'i slad du'o zhes smra na/ de dge slong des bshad pa la spro bar yang mi bya/ skyon gdags par yang mi bya bar/ spro ba dang skyon brjod pa med par rna gtad de chos kyi yi ge dang tshig yang dag par bzung nas mdo sde dang bstun par bya/ 'dul ba la blta bar bya'o/ /gal te mdo sde dang bstun cing 'dul ba la bltas ba na mdo sde la mi 'jug / 'dul ba la mi snang/ chos nyid dang 'gal na/ dge slong de la dge slong gis 'di skad ces brjod par bya ste/ tshe dang ldan pa chos 'di bcom ldan 'das gyis ma bshad de/ tshe dang ldan pa chos 'di ni khyed kyis nyes par bzung pa ste/ 'di ltar chos 'di ni mdo sde dang bstun cing 'dul ba la bltas ba na/ chos 'di mdo sde la mi 'jug/ 'dul ba la mi snang/ chos nyid dang 'gal te/ 'di ni chos ma yin/ 'di ni 'dul ba ma yin/ 'di ni ston pa'i bstan pa ma yin no zhes dong bar bya'o/ /kun dga' bo yid dge slong gzhan zhi 'ongs te 'di skad du/ tshe dang ldan pa dag gnas che ge mo zhig na dge slong gi dge 'dun mang po gnas shing gnas brtan dang bcas pas so sor thar pa dang bcas pa yod de/ tshe dang ldan pa dag dge slong gi dge 'dun mang po las 'di ni chos/ 'di ni 'dul ba/ 'di ni ston pa'i bstan pa'o zhes bdag gis mngon sum du thos shing mngon sum du bzung ba'i phyir ro zhes smra na dge slong nges bshad pa la spro bar mi bya/ skyon gdags par yang mi bya bar spro pa dang/ skyon brjod pa med par chos kyi yi ge dang tshig yang dag par bzung nas mdo sde dang bstun par bya/ 'dul ba la blta bar bya'o/ /gal te mdo sde dang bstun cing 'dul pa la bltas pa na mdo sde la mi 'jug 'dul ba la mi snang/ chos nyid dang 'gal na/ dge slong de la dge slong dag gis 'di skad ces brjod par bya ste tshe dang ldan pa dge slong gi dge 'dun mang po de dag gis chos kyi tha snyad du 'dul ba'i tha snyad kyis chos ma yin pa dang 'dul ba ma yin pa bshad cing tshe dang ldan pa chos 'di ni khyed kyis nyes par bzung ba ste/ 'di ltar mdo sde dang bstan cing 'dul ba la bltas pa na/ mdo sde la mi 'jug cing/ 'dul ba la mi snang la chos nyid dang 'gal te/ 'di ni chos ma yin/ 'di ni 'dul ba ma yin/ 'di ni ston pa'i bstan pa ma yin no zhes dor bar bya'o/ /kun dga' bo yang dge slong gzhan kha cig 'ongs te/ 'di skad du tshe dang ldan pa dag gnas che ge mo zhig na dge slong mdo sde 'dzin pa dang/ 'dul ba 'dzin pa dang/ ma mo 'dzin pa rab tu mang po dag gnas te/ tshe dang ldan pa dge slong rab tu mang po de dag 'di ni chos/ 'di ni 'dul ba/ 'di ni ston pa'i bstan pa'o zhes de dag las bdag gis mngon sum du thos shing mngon sum du bzung ba'i phyir ro zhes smra na/ dge slong des bshad pa la yang spros par mi bya/ skyon gdags par yang mi bya bar spro ba dang/ skyon gdags pa med par rna gtad de chos kyi yi ge dang tshig yang dag par bzung nas mdo sde dang bstun par bya/ 'dul ba las blta bar bya'o/ /gal te mdo sde dang bstun/ 'dul ba las bltas na mdo sde la mi 'jug/ 'dul ba la mi snang/ chos nyid dang 'gal na/ dge slong de la dge slong dag gis 'di skad ces brjod par bya ste/ tshe dang ldan pa dge slong gi dge 'dun rab tu mang po de dag gis chos kyi tha snyad kyis chos ma yin pa dang 'dul ba ma yin pa bshad cing/ tshe dang ldan pa chos 'di ni khyod kyis nye bar bzung ba ste/ 'di ltar mdo dang bstun cing 'dul ba la bltas pa na/ mdo sde la mi 'jug/ 'dul ba la mi snang/ chos nyid dang 'gal te/ 'di ni chos ma yin/ 'di ni 'dul ba ma yin/ 'di ni ston pa'i bstan pa ma yin no zhes dor bar bya'o/ /kun dga' bo yang dge slong gang gzhan kha cig 'ongs te 'di skad du tshe dang ldan pa dag gnas che ge mo zhig na gnas brtan dang bcas pa ste gnas brtan du grags pa gzhan dang gzhan dag gnas te/ dge slong gnas brtan du grags pa gzhan de dag las bdag gis mngon sum du thos shing mngon sum du bzung ba'i phyir ro zhes smra na/ dge slong des bshad pa la spro bar yang mi bya/ skyon brjod par yang mi bya ste spro ba dang skyon gdags pa med par rna gtad de chos kyi yi ge dang tshig yang dag par bzung nas mdo sde dang bstun par bya/ 'dul ba la blta bar bya'o/ /gal te mdo sde dang bstun/ 'dul ba la bltas pa na/ mdo sde la mi 'jug/ 'dul ba la mi snang/ chos nyid dang 'gal na/ dge slong de la dge slong dag gis 'di skad ces brjod par bya ste/ tshe dang ldan pa dge slong gnas brtan de dag gis chos kyi tha snyad dang 'dul ba'i tha snyad kyis chos ma yin pa dang 'dul ba ma yin pa yang dag par bshad cing/ tshe dang ldan pa chos 'di ni khyod kyis nyes par bzung ba ste/ 'di ltar mdo sde dang bstun cing 'dul ba la bltas pa na mdo sde la mi 'dug / 'dul ba la mi snang/ chos nyid dang 'gal te/ 'di ni chos ma yin pa/ 'di ni 'dul ba ma yin pa/ 'di ni ston pa'i bstan pa ma yin pa'o zhes dor bar bya'o/ /kun dga' bo 'di na dge slong kha cig 'ongs te 'di skad du tshe dang ldan pa dag 'di ni chos 'di ni 'dul ba 'di ni ston pa'i bstan pa'o zhes bdag gis bcom ldan 'das las mngon sum du bzung ba'i phyir ro zhes smra na/ dge slong des bshad pa la spro bar yang mi bya bar spro ba dang skyon gdags pa med par rna gtad de chos kyi yi ge dang tshig yang dag par bzung nas mdo sde dang bstun par bya/ 'dul ba la blta bar bya'o/ /gal te mdo sde dang bstun/ 'dul ba la bltas pa na/ mdo sde la 'jug /'dul ba la snang/ chos nyid dang mi 'gal na dge slong de la dge slong dag gis 'di skad ces brjod par bya ste tshe dang ldan pa chos 'di ni bcom ldan 'das kyis bshad cing/ tshe dang ldan pas legs par bzung ste/ 'di ltar mdo sde dang bstun cing 'dul ba la bltas pa na mdo sde la 'jug /'dul ba la snang/ chos nyid dang mi 'gal te/ 'di ni chos/ 'di ni 'dul ba/ 'di ni ston pa'i bstan pa'o zhes yongs su bzung bar bya'o/ /kun dga' bo yang dge slong gzhan kha cig 'ongs te 'di skad du tshe dang ldan pa dag gnas che ge mo zhig na dge slong gi dge 'dun rab tu mang po bzhugs shing gnas brtan dang bcas pa so sor thar pa dang bcas pa ste/ tshe dang ldan pa dag dge slong gi dge 'dun rab tu mang po de dag las 'di lta ste/ 'di ni chos/ 'di ni 'dul ba/ 'di ni ston pa'i bstan pa'o zhes mngon sum du bzung ba'i phyir ro zhes smra na/ dge slong des bshad pa la spro bar yang mi bya/ skyon gdags par yang mi bya ste/ spro ba dang skyon gdags pa med par rna gtad de chos kyi yi ge dang tshig yang dag par bzung nas mdo sde dang bstun par bya/ 'dul ba la blta bar bya'o/ /gal te mdo sde dang bstun/ 'dul ba la bltas pa na mdo sde la 'jug /'dul ba la snang/ chos nyid dang mi 'gal na dge slong de la dge slong de dag gis 'di skad ces brjod par bya ste/ tshe dang ldan pa dge slong mang po dag gis chos dang 'dul ba yang dag par bshad de/ tshe dang ldan pas chos 'di legs par bzung ste/ 'di ltar mdo sde dang bstun 'dul ba la bltas pa na mdo sde la 'jug /'dul ba la snang/ chos nyid dang mi 'gal te/ 'di ni chos/ 'di ni 'dul ba/ 'di ni ston pa'i bstan pa'o zhes bzung bar bya'o/ /kun dga' bo yang dge slong gzhan kha cig 'ongs te 'di skad du tshe dang ldan pa dag gnas che ge mo zhig dge slong 'dul ba 'dzin pa dang mdo sde 'dzin pa dang ma mo 'dzin par rab tu mang po dag gnas te/ tshe dang ldan pa dge slong rab tu mang po de dag gis 'di ni chos/ 'di ni 'dul ba/ 'di ni ston pa'i bstan pa'o zhes bdag gis mngon sum du thos shing mngon sum du bzung ba'i phyir zhes smra na/ dge slong des bshad pa la spro bar yang mi bya skyon gdags par yang mi bya ste/ spro ba dang skyon gdags pa med par rna gtang ngo chos kyis yi ge dang tshig yang dag par bzung nas mdo sde dang bstun cing 'dul ba la blta bar bya'o/ /gal te mdo sde dang bstun 'dul ba la bltas pa na mdo sde la 'jug /'dul ba la snang/ chos nyid dang mi 'gal na dge slong de la dge slong dag gis 'di skad ces brjod par bya ste tshe dang ldan pa dge slong rab tu mang po dag gis chos dang 'dul ba yang dag par bshad cing/ tshe dang ldan pas chos 'di legs par bzung ste 'di ltar mdo sde dang bstun cing 'dul ba la bltas pa na/ mdo sde la 'jug / 'dul ba la snang/ chos nyid dang mi 'gal te/ 'di ni chos/ 'di ni 'dul ba/ 'di ni ston pa'i bstan pa'o zhes bzung bar bya'o/ /kun dga' bo yang dge slong gzhan kha cig 'ongs te 'di skad du tshe dang ldan pa dag gnas che ge mo zhig na gnas brtan dang bcas shing gnas brtan du grags pa gzhan dang gzhan gnas te tshe dang ldan pa dag bdag gis dge slong gnas brtan du grags pa gzhan dang gzhan de dag las 'di ni chos/ 'di ni 'dul ba/ 'di ni ston pa'i bstan pa'o zhes mngon sum du thos shing bzung ba'i phyir ro zhes smra na/ dge slong des bshad pa de la spro bar yang mi bya skyon gdags par yang mi bya ste spro ba dang skyon gdags pa med pa rna gtong ngo/ /chos kyi ye ge dang tshig dang yang dag par bzung nas mdo sde dang bstun par bya/ 'dul ba la blta bar bya'o/ /gal te mdo sde dang bstun 'dul ba la bltas pa na mdo sde la 'jug /'dul ba la snang/ chos nyid dang mi 'gal na dge slong de la dge slong dag gis 'di skad ces brjod par bya ste/ tshe dang ldan pa dge slong gnas brtan dag gis chos dang 'dul ba legs par bshad cing tshe dang ldan pas chos 'di legs par bya ste/ 'di ltar mdo sde la bstun cing 'dul ba la bltas pa na mdo sde la 'jug /'dul ba la snang/ chos nyid dang mi 'ga' na dge slong de la dge slong dag gis 'di skad ces brjod par bya ste/ tshe dang ldan pa dge slong gnas brtan dag gis chos dang 'dul ba legs par bshad cing tshe dang ldan pas chos 'di legs par bzung ste 'di ltar mdo sde la bstun cing 'dul ba la bltas pa na mdo sde la 'jug / 'dul ba la snang/ chos nyid dang mi 'gal te 'di ni chos/ 'di ni 'dul ba/ 'di ni ston pa'i bstan pa'o zhes bzung bar bya'o/ /kun dga' bo de la snga ma bzhin ni nag po brtan pa ste/ dge slong gis de dag legs par dpyad de rtogs nas 'di ni chos ma yin/ 'di ni 'dul ba ma yin/ 'di ni ston pa'i bstan pa ma yin no zhes dor bar bya'o/ /phyi ma bzhin ni chen po bstan pa ste dge slong dag gis de dag legs par dpyad de rtogs nas 'di ni chos/ 'di ni 'dul ba/ 'di ni ston pa'i bstan pa'o zhes bzung bar bya ste/ kun dga' bo dge slong 'di ltar mdo sde la brten par bya'i gang zag la brten nas gnas par mi bya'o/ /mig dang gzugs la brten nas mig gi rnam par shes pa g sum 'dus pa'i reg pa dang zhes bya ba la sogs pa la ji ltar re zhig skye mched drug las bsdus pa'i sdom gyi tshigs su bcad pa gnyis pa'i mdza' ma'i mdo sde dang de las 'don par mdzod kyi gnas gnyis par 'gog pa rdzas ma yin par sgrub pa'i skabs su 'dus ma byas la de dag med ces bya bar bris bzhin du blta bar bya'o/ /dper na byams pa dang lhan cig par gyur pa'i dran pa yang dag byang chub kyi yan lag ces bya ba la sogs pa la gleng gzhi ni mnyan du yod pa na'o/ /dge slong dag byams pa bsgom par bya ste/ byams pa kun tu bsten goms par byas lan mang du byas na 'bras bu che zhing phan yon chen por 'gyur ro/ /'bras bu chen po can dang/ phan yon chen po can gyi byams pa bsgom pa gang zhe na/ 'di ni dge slong byams pa dang ldan par gyur pa'i dran pa yang dag byang chub kyi yan lag / dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom par byed do/ /byams pa dang lhan cig par gyur pa'i chos rab tu rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms yang dag byang chub kyi dben pa la gnas pa/ 'dod chags dang bral ba la gnas pa/ 'gog pa la rnam par spong bas yongs su sgyur ba sgom par byed de 'di ltar na 'bras bu chen po can dang phan yon chen po can gyi byams pa sgom par 'gyur te/ byams pa ci lta ba bzhin du snying rje dang dga' ba dang btang snyoms kyang brjod par bya'o zhes bka' stsal to// 'o na gang mdo las tshor ba gang yin pa dang zhes bya ba la sogs pa la/ yang dag par ldan pa'i sdom gyi tshigs su bcad pa las gsum pa las gsum po che'i mdo las ji skad du/ tshe dang ldan pa shA ri'i bu tshor ba gang yin pa dang/ sems pa gang yin pa dang/ 'du shes gang yin pa dang/ rnam par shes pa gang yin pa'i chos 'di dag 'dres pa zhig 'am ma 'dres pa zhig /rnam par dbye ba'am rab tu rnam par dbye ba 'am bye brag gam/ mngon par 'dod pa 'am rgyu tha dad pa yod dam/ tshe dang ldan pa gsus po che tshar ba gang yin pa dang/ sems pa gang yin pa dang/ 'du shes gang yin pa dang/ rnam par shes pa gang yin pa'i chos de dag ni 'dres pa yin gyi ma 'dres pa ni ma yin no/ /chos 'di dag ni rnam par dbye ba 'am rab tu dbye ba 'am bye brag gam/ mngon par 'dod pa 'am rgyu tha dad par gdags pa rnyed pa ma yin no/ /de ci'i phyir zhe na/ gang myong bar byed pa de sems par byed do/ /gang sems par byed pa de 'dus te shes par byed do/ /gang 'dus te shes par byed pa de rnam par shes par byed de/ de'i phyir chos de dag ni 'dres pa yin gyi ma 'dres pa ni ma yin no/ /chos de dag ni rnam dbye ba 'am rab tu dbye ba 'am khyad par 'am mngon par 'dod pa 'am rgyu tha dad par gdags par rnyed pa ma yin no// 'di ni gsus po che'i mdo'i khungs so/ /tshe dang drod dag lhan cig pa la 'dres par gsungs pa'i phyir zhes bya ba la 'di yang gsus po che'i mdo las shA ri'i bu gang yang tshe dang drod ces bya ba chos 'di gnyis ni 'dres pa zhig gam ma 'dres pa zhig / chos 'di gnyis ni rnam par dbye ba 'am rab tu dbye ba 'am bye brag gam mngon par 'dod pa 'am rgyu tha dad par gdags pa rnyed dam/ tshe dang ldan pa gsus po che gang yang tshe dang drod ces bya ba'i chos 'di gnyis ni 'dres pa yin gyi ma 'dres pa ni ma yin no/ /chos 'di gnyis ni rnam par dbye ba 'am/ rab tu dbye ba 'am bye brag gam mngon par 'dod pa 'am rgyu tha dad par gdags pa rnyed pa ma yin no/ /de ci'i phyir zhe na/ gang na tshe yod pa de na drod yod cing gang na drod yod pa de na tshe yod cing/ gang la tshe yod pa de drod du gdags pa yod cing drod kyang tshor ro/ /'di lta ste/ dper na tshe dang ldan pa gsus po che til dang/ sdong bu la brten nas sgron me 'byung zhing gang na me lce yod pa der 'ong 'byung zhing/ gang na 'od yod pa de na me lce 'byung zhing/ me lce yod na 'od gdags su yod cing 'od yod na yang me lce ste de bzhin du tshe dang ldan pa gsus po che gang na tshe yod pa de na drod yod cing gang na drod yod pa de na tshe yod la/ gang la tshe yod pa de la drod gdags su yod cing drod kyang tshor ro/ /de ci'i phyir chos gnyis ni 'dres pa yin gyi ma 'dres pa ni ma yin no chos 'di gnyis ni rnam par dbye ba 'am rab tu dbye ba 'am bye brag gam mngon par 'dod pa 'am rgyu tha dad par gdags pa rnyed pa ma yin no/ /de yid nye bar rgyu ba las/ rnam pa dag ni yang bco brgyad/ ces bya ba la yid kyi nye bar rgyu ba bco brgyad po 'di dag ni skye mched drug gi mdza' sdom gyi tshigs su bcad pa rnam par dbye ba bsdus pa'i dang po'i chu'i khams dang/ skye mched drug gi mdo gnyis las skye mched drug rnam par dbye ba'i mdo mdzod kyi gnas dang por/ reg bya rnam pa gnyis yin te/ zhes bya'i tshig le'ur byas pa'i 'grel par dge slong dag skyes bu 'di ni khams drug pa yin no zhes bya bar bshad pa yin no/ /gang dag gi gnyen por rtag tu yod pa drug gnas yin te zhes bya ba la/ skye mched drug gi sdom gyi mdza' tshigs su bcad pa las/ yid mi bde dang yid bde dang/ /btang snyoms rtag tu yod pa drug /ces mngon pa mdzod kyi gnas dang por mig gis gzugs rnams mthong nas zhes bya bar bris pa bzhin no/ /ston pa'i bka' sum cu rtsa drug tu 'gyur te zhes bya ba la/ rnam par dbye ba bsdus pa'i mdo gnyis pa las 'di skad du 'don te/ ston pa'i bka' sum cu rtsa drug po 'di dag ni nang gi bdag nyid du rig par bya'o zhes ngas ji skad du bshad pa de cung zad rgyas par bshad pa ste/ ston pa'i bka' sum cu rtsa drug gang zhe na/ yid bde bzhin ba la brten pa drug dang/ yid bde ba nges par 'byung ba la brten pa drug dang/ yid mi bde ba zhen pa la brten pa drug dang/ yid mi bde ba nges par 'byung ba la brten pa drug dang/ btang snyoms zhen pa la rten pa drug dang/ btang snyoms nges par 'byung ba la brten pa drug go /yid bde ba zhen pa la brten pa drug gang zhe na/ dge slong dag mig gi rnam par shes par bya ba'i gzugs la brten nas yid bde ba skye bar 'gyur la/ yid bde ba de yang rnam pa gnyis te/ zhen pa la brten pa dang/ nges par 'byung ba la brten pa'o/ /yid bde ba zhen pa la brten pa gang zhe na/ mig gis rnam par shes par bya'i gzugs 'dod pa/ dga' ba sdug pa yid du 'ong ba/ 'dod par 'dus pa/ dga' ba skye ba ma thob pa thob pa dang/ sngon thob pa rjes su dran zhing/ yid bde ba skye ba 'di lta bu ni yid bde ba zhen pa la bstan pa zhes bya'o/ /yid bde ba nges par 'byung ba la brten pa gang zhe na/ gzugs ni mi rtag pa dang/ 'dod chags dang bral ba dang/ yongs su 'gyur pa dang/ 'gog pa dang/ nub pa dang/ nye bar zhi ba yin no zhes rig nas sngon dang da ltar byung ba'i gzugs thams cad mi rtag pa sdug bsngal ba yongs su 'gyur ba'i chos can yin no zhes rig nas yid bde ba skye ba 'di lta bu ni yid bde ba nges par 'byung ba la brten pa zhes bya'o/ /rna ba dang sna dang lce dang lus dang yid kyis rnam par shes par bya ba'i chos la brten nas yid bde ba skye bar 'gyur la yid bde ba de yang rnam pa gnyis te/ zhen pa la brten pa dang/ nges par 'byung ba la brten pa'o/ /yid bde ba zhen pa la brten pa zhen/ yid kyis rnam par shes par bya ba'i chos 'dod pa sdug pa dga' ba yid du 'ong ba 'dod pas bsdus pa dga' ba skyed pa ma thob pa thob pa dang sngon thob pa la rjes su dran zhing yid bde ba skye bar 'gyur ba 'di lta bu ni yid bde ba zhen pa la brten pa zhes bya'o/ /yid bde ba nges par 'byung ba la brten pa gang zhe na/ chos ni mi rtag pa dang yongs su 'gyur ba dang/ 'dod chags dang bral pa dang/ 'gog pa dang nye bar zhi ba dang nub pa yin no zhes rig cing/ sngon dang da ltar byung ba'i chos thams cad mi rtag pa sdug bsngal ba yongs su 'gyur ba'i chos can yin no zhes rig nas yid bde ba skye ba 'di lta bu ni yid bde ba nges par 'byung ba la brten pa zhes bya'o/ /yid mi bde ba zhen pa la brten pa drug gang zhe na/ mig gis rnam par shes par bya ba'i gzugs la brten nas yid mi bde ba skye bar 'gyur la/ yid mi bde ba de yang rnam pa gnyis te/ zhen pa la brten pa dang/ nges par 'byung ba la brten pa'o/ /yid mi bde ba zhen pa la brten pa gang zhe na/ mig gi rnam par shes pa'i gzugs mi 'dod pa/ mi sdug pa/ mi dga' ba yid du mi 'ong ba/ mi 'dod pas bsdus pa rab tu dga' ba mi skye ba ma thob par thob cing sngon thob pa dang/ sngon 'dod pa dang/ bral ba dang 'gag pa dang mi ldan pa dang yongs su 'gyur ba'i chos can du rjes su dran zhing/ yid mi bde ba skye bar 'gyur ba 'di lta bu ni yid mi bde ba zhen pa la brten pa zhes bya'o/ /yid mi bde ba nges par 'byung ba la brten pa gang zhe na/ gzugs rnams ni mi rtag pa/ yongs su 'gyur ba/ 'dod chags dang bral ba dang/ 'gog pa dang nye bar zhi ba dang/ nub pa yin no zhes sngon dang de ltar gyi gzugs thams cad mi rtag pa/ sdug bsngal pa yongs su 'gyur ba'i chos can du rig nas/ thar pa bla ma la 'dod pa skyed cing bdag nam zhig na mchog gi skye mched bsgrubs shing nye bar gnas 'phags pa'i skye mched nye bar bsgrubs shing nye bar gnas zhes bla na med pa'i thar pa la 'dod pa dang don du gnyer ba yongs su gdung ba dang yid bde ba skye bar 'gyur ba 'di ni yid mi bde ba nges par 'byung ba la brten pa zhes bya'o/ /rna ba dang sna dang lce dang lus dang yid kyi rnam par shes par bya ba'i chos rnams la brten nas yid mi bde ba de yang rnam pa gnyis te zhen pa la brten pa dang/ mngon par 'byung ba la brten pa'o/ /yid mi bde ba zhen pa la brten pa gang zhe na/ yid kyis rnam par shes par bya ba'i chos mi 'dod pa mi dga' ba yid du mi 'ong ba mi 'dod pas b sdus pa rab tu dga' ba mi skye ba ma thob pa thob cing sngon 'dod pa dang bral ba dang 'gag pa dang mi ldan pa dang yongs su 'gyur ba'i chos can rjes su dran zhing yid mi bde ba skye bar 'gyur ba 'di lta bu ni yid mi bde ba zhen pa la brten pa zhes bya'o/ /yid mi bde ba nges par 'byung ba la brten pa gang zhe na/ chos rnams ni mi rtag pa/ yongs su 'gyur ba/ 'dod chags dang bral ba/ 'gog pa nye bar zhi ba yin no zhes sngon dang da ltar gyi chos thams cad mi rtag pa sdug bsngal ba yongs su 'gyur ba'i chos can du rig nas thar pa bla ma la 'dod pa skyed cing bdag nam zhig na mchog gi skye mched nye bar bsgrubs shing gnas 'phags pa'i skye mched nye bar bsgrubs te gnas par 'gyur zhes/ bla na med pa'i thar pa la 'dod pa dang yid mi bde ba skye bar 'gyur ba 'di ni yid mi bde ba nges par 'byung ba la brten pa zhes bya'o/ /btang snyoms zhen pa la brten pa drug gang zhe na/ mig gi rnam par shes par bya ba'i gzugs la btang snyoms pa ste btang snyoms de yang rnam pa gnyis te/ zhen pa la brten pa dang/ mngon par 'byung ba la brten pa'o/ /btang snyoms zhen pa la brten pa gang zhe na/ dge slong dag byis pa so so'i skye bo thos pa dang mi ldan pa dag gzugs la btang snyoms shing/ gzugs la zhen ba dang/ gzugs la brten cing gzugs mi dor zhing gzugs mngon par bsgrub pa 'di lta bu ni gzugs la btang snyoms pa zhen pa la brten pa zhes bya'o/ /btang snyoms nges par 'byung ba la brten pa gang zhe na/ gzugs ni mi rtag pa yongs su 'gyur ba/ 'dod chags dang bral ba/ 'gog pa nye bar zhi ba nub pa yin no zhes sngon dang da ltar gyi gzugs thams cad mi rtag pa yongs su 'gyur ba'i chos can yin no/ /zhes rig nas so sor brtag shing so sor brtags nas btang snyoms su byed de 'di ni btang snyoms nges par 'byung ba la brten pa zhes bya'o/ /rna ba dang/ sna dang/ lce dang/ lus dang/ yid kyis rnam par shes par bya ba'i chos rnams la brten nas btang snyoms skyed par 'gyur la/ btang snyoms de yang rnam pa gnyis te/ zhen pa la brten pa dang/ mngon par 'byung ba la brten pa'o/ /btang snyoms zhen pa la brten pa gang zhe na/ dge slong dag byis pa so so'i skye bo mi mkhas shing thos pa dang mi ldan pa dag chos btang snyoms shing chos la zhen pa dang/ chos la brten cing chos mi 'dor la chos mngon par sgrub pa 'di lta bu ni chos la btang snyoms pa zhen pa la brten pa zhes bya'o/ /btang snyoms nges par 'byung ba la brten pa gang zhe na/ chos ni mi rtag pa/ yongs su 'gyur ba/ 'dod chags dang bral ba/ 'gog pa nye bar zhi ba nub pa yin no zhes sngon dang da ltar gyi chos thams cad mi rtag pa dang yongs su 'gyur ba'i chos can yin no zhes rig nas so sor brtags shing so sor brtags nas btang snyoms su byed de 'di ni btang snyoms nges par 'byung ba la brten pa zhes bya'o/ /dge slong dag de la yid bde ba zhen pa la brten pa drug dang/ yid mi bde ba zhen pa la brten pa drug dang/ yid bde ba nges par 'byung ba la brten pa drug dang/ yid mi bde ba nges par 'byung ba la brten pa drug dang/ btang snyoms zhen pa la brten pa drug dang/ btang snyoms nges par 'byung ba la brten pa drug ste gcig tu bsdus na ston pa'i bka' sum cu rtsa drug tu 'gyur ro/ /ston pa'i bka' sum cu rtsa drug po 'di dag ni nang gi bdag nyid du rig par bya'o zhes ngas ji skad bstan pa de rgyas par rab tu bshad do/ /sems can thams cad ni zas kyis gnas so zhes bya ba ni mdo'i tshig yin no zhes bya ba la/ mdo drug pa 'gro ba'i rnam grangs kyi mdo tshig go /zas rnams kyang gang dag ce na zhes bya ba la/ gleng gzhi ni mnyan du yod pa na'o/ /dge slong dag zas bzhi po 'di dag ni sems can byung ba rnams gnas par byed cing 'tsho bar byed pa/ srid pa 'tsho ba rnams la phan 'dogs par byed pa ste/ bzhi gang zhe na/ rags pa dang phra ba'i kham gyi zas dang/ gnyis pa reg pa dang/ gsum pa yid la sems pa dang/ bzhi pa ni rnam par shes pa'i zas so zhes bka' stsal to/ /mdo las gnod pa dang bcas pa'i lus mngon par grub pa nas gnod pa dang bcas pa'i 'jig rten du skye bar 'gyur ro zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ las ni rnam pa bzhi ste/ gnag la rnam par smin pa gnag pa'i las kyang yod/ dkar la rnam par smin pa dkar ba'i las kyang yod/ dkar gnag la rnam par smin pa dkar gnag gi las kyang yod/ las mi dkar mi gnag cing rnam par smin pa med pa las de dag zad pa'i phyir 'jug pa'i las kyang yod do/ /gnag la rnam par smin pa gnag pa'i las gang zhe na/ ji ltar gnod pa dang bcas pa'i lus kyi 'du byed byed cing bsams pa dang/ gnod pa dang bcas pa'i ngag dang yid kyi 'du byed byed cing bsags te/ de gnod pa dang bcas pa'i lus kyi 'du byed byas shing bsags la gnod pa dang bcas pa nye bar bsags shing bsags nas gnod pa dang bcas pa nye bar bsags shing bsags pas gnod pa dang bcas pa'i bdag nyid kyang dngos po mngon par 'grub par 'gyur zhing/ gnod pa dang bcas pa'i bdag nyid kyi dngos po mngon par grub nas gnod pa dang bcas pa'i 'jig rten du skye bar 'gyur zhing gnod pa dang bcas pa'i 'jig rten du skyes nas gnod pa dang bcas pa'i reg pa la gnod pa dang bcas pa'i reg pa reg nas gnod pa dang bcas pa'i tshor ba gcig tu sdug bsngal ba/ gcig tu drag pa gcig tu rtsub pa/ gcig tu yid du mi 'ong ba'i tshor ba nyams su myong bar 'gyur te/ 'di lta ste sems can dmyal ba na gnas pa rnams kyi lta bu'o/ /las kyis sems can rnams skyed cing sred par skyes nas 'di lta bu'i ngo bo yid du mi 'ong ba'i reg pa reg par 'gyur te de'i phyir sems can rnams ni las ji lta ba bzhin nye bar 'gro ba'o zhes nga smra ste/ 'di ni gnag la rnam par smin pa gnag pa zhes bya'o/ /dkar la rnam par smin pa dkar ba'i las gang zhe na/ 'di ltar gnod pa med pa'i lus kyi 'du byed cing bsags pa dang gnod pa med pa'i ngag dang yid kyi 'du byed byed cing bsags te de gnod pa'i lus kyi 'du byed byed cing bsags la gnod pa med pa nye bar bsags shing bsags nas/ gnod pa med pa nye bar bsags shing bsags pas gnod pa med pa'i bdag nyid kyi dngos po mngon par 'grub par 'gyur zhing gnod pa med pa'i bdag nyid kyis dngos po mngon par grub nas gnod pa med pa'i 'jig rten du skye bar 'gyur zhing gnod pa med pa'i 'jig rten du skyes gnod/ pa med pa'i reg pa reg par 'gyur zhing/ gnod pa med pa'i reg pas reg nas gnod pa med pa'i tshor ba myong ba gcig tu 'dod pa/ gcig tu sdug pa/ gcig tu dga' ba/ gcig tu yid du 'ong ba'i tshor ba nyams su myong bar 'gyur te/ 'di lta ste lha gzhal yas khang la gnas kyi lta bu'o/ /las kyis sems can rnams bskyed cing sred par skyed nas 'di lta bu ngo bo yid du 'ong ba'i reg pa reg par 'gyur te/ de'i phyir sems can rnams ni las ji lta ba bzhin nye bar 'gro ba'o zhes nga smra ste/ 'di ni dkar la rnam par smin pa dkar ba'i zhes bya'o/ /dkar gnag la rnam par smin pa dkar nag gi las gang zhe na/ ji ltar gnod pa dang bcas pa dang gnod pa'i lus kyi 'du byed byed cing bsags pa dang/ gnod pa dang bcas pa dang gnod pa med pa'i ngag dang yid kyi 'du byed byed cing bsags te/ de gnod pa dang bcas pa dang gnod pa med pa'i lus kyi 'du byed byed cing bsags la/ gnod pa dang bcas pa dang gnod pa med par bsags shing bsags nas/ gnod pa dang bcas pa dang gnod pa med pa nye bar bsags pas gnod pa dang bcas pa dang gnod pa med pa'i bdag nyid kyis dngos po mngon par 'grub par 'gyur zhing/ gnod pa dang bcas pa dang gnod pa med pa'i bdag nyid kyi dngos po mngon par grub nas gnod pa med pa'i 'jig rten du skye bar 'gyur zhing/ gnod pa dang bcas pa dang gnod pa med pa'i bdag nyid kyi 'jig rten du skyes nas gnas gnod pa dang bcas pa dang gnod pa'i reg pa reg par 'gyur zhing gnod pa dang bcas pa dang gnod pa med pa'i reg pa reg nas gnod pa dang bcas pa dang gnod pa med pa'i tshor ba nyams su myong bar 'gyur te 'di lta ste gcig tu 'dod pa dang mi 'dod pa dang gcig tu sdug pa dang mi sdug pa dang/ gcig tu dga' ba dang mi dga' ba dang/ gcig tu yid du 'ong pa dang yid du mi 'ong ba'i tshor bar nyams su myong bar 'gyur te 'di lta ste mi rnams dang lha'i phyogs gcig tu bzhag ste/ las kyis sems can rnams bskyed cing sred par skyes nas 'di lta bu'i ngo bo yid du 'ong ba dang yid du mi 'ong ba'i reg pas reg par 'gyur te de'i phyir sems can rnams ni las ji lta ba bzhin nye bar 'gro ba'o zhes nga smra'o/ /'di ni dkar gnag la rnam par smin pa dkar gnag gi las so/ /las mi dkar mi gnag la rnam par smin pa med cing las zad par bya ba'i phyir 'jug pa'i las gang zhe na/ gang gnag la rnam par smin pa gnag pa'i las de zad par byed pa'i sems pa dang/ gang dkar la rnam par smin pa dkar ba'i las de zad par byed pa'i sems pa dang/ gang dkar gnag la rnam par smin pa dkar gnag gi las de zad par byed pa'i sems pa ste/ 'di ni las mi dkar mi gnag la rnam par smin pa med cing las de dag zad par bya ba'i phyir 'jug pa'i las zhes bya'o zhes bka' stsal te/ mdzod kyi gnas bzhi par dkar nag la sogs bye brag gis/ las ni rnam pa bzhi yin no zhes bya bar mdo 'chad par 'gyur ro/ /de bzhin du mdo las zhes bya ba la sogs pa la/ gleng gzhi ni mnyan du yod pa na'o/ /gang gis mngon par 'grub pa'i kun tu sbyor ba ni spangs la skyes pa'i kun tu sbyor ba ma yin pa'i gang zag kyang yod/ gang gis skye ba'i kun du sbyor ba ni spangs mngon par 'grub pa'i kun tu sbyor ba ma yin pa'i gang zag kyang yod/ gang gis mngon par 'grub pa'i kun tu sbyor ba spangs shing skye ba'i kun tu sbyor ba yang spangs pa yod/ gang gis mngon par 'grub pa'i kun tu sbyor ba yang ma spangs shing skye ba'i kun tu sbyor pa yang ma spangs pa'i gang zag kyang yod do zhes bka' stsal to/ /mu dang po ni gzugs kyi khams las 'dod chags dang bral ba'i gong du 'phel ba'o/ /gnyis pa ni bar ma dor yongs su mya ngan las 'da' ba' o/ /gsum pa ni dgra bcom pa'o/ /bzhi pa ni rnam pa de dag ma gtogs pa'o/ /bcom ldan 'das kyis zas bzhi ni zhes bya ba la sogs pa la gleng gzhi ni mnyan du yod pa na'o/ /dge slong dag zas bzhi po 'di dag ni nad kyi rtsa ba/ 'bras kyi rtsa ba/ zug rngu'i rtsa ba/ rga shi'i rkyen yin te/ bzhi gang zhe na/ rags pa dang phra ba'i kham gyi zas dang/ gnyis pa reg pa dang/ gsum pa yid la sems pa dang/ bzhi pa rnam par shes pa'o/ /bzhi po 'di dag ni bsod nams kyi rgyu mthun pa/ dge ba'i rgyu mthun pa dang/ bde ba'i bzhi ste/ bzhi gang zhe na/ sangs rgyas la shes nas dad pa ni bsod nams kyi rgyu mthun pa/ dge ba'i rgyu mthun pa/ bde ba'i bzhi'o/ /chos la dang/ dge 'dun la dang/ 'phags pa dgyes pa'i tshul khrims ni bsod nams kyi rgyu mthun pa/ dge ba'i rgyu mthun pa/ bde ba'i bzhi yin no zhes bka' stsal to/ /bcom ldan 'das kyis gang gis phyi'i drang song 'dod pa las 'dod chags dang bral ba zhes bya ba la sogs pa la/ gleng gzhi ni mnyan du yod pa na'o/ /de nas khyim bdag ngan pa sbyin pa zhes bya ba bcom ldan 'das gang na ba der nye bar 'ongs te nye bar song nas bcom ldan 'das kyi zhabs la spyi bos phyag byas nas phyogs gcig tu 'dug go / phyogs gcig du 'dug nas khyim bdag ngan pa sbyin pa la bcom ldan 'das kyis 'di skad ces bka' stsal to/ /khyim bdag ci khyod dang khyim na sbyin pa dag gtong ngam bsod nams dag byed dam/ btsun pa de bzhin te/ bdag gi khyim na sbyin pa dag gtong bsod nams dag byed mod kyi ngan pa sbyin gyi mchog tu gyur pa ni ma yin no/ /khyim bdag ngan pa yang rung mchog tu gyur pa yang rung gnyis ka yang longs spyod kyi rnam par smin pa can te/ khyim bdag ngan pa yang rung mchog tu gyur ba yang rung dad pa med pas sbyin par byed/ ma gus pa dang/ rang gi lag nas ma byin pa dang/ dus ma yin par sbyin par byed na de'i rnam par smin pa myong bar 'gyur ba khyim gyi longs spyod chen po thob par mi 'gyur ro/ /zas? kyi longs spyod chen po dang/ gnas kyi longs spyod chen po dang/ mal cha dang stan gyi longs spyod dang/ zas kyi longs spyod chen po dang/ yongs su spyod pa chen po thob par mi 'gyur zhing/ gzugs dang sgra dang/ dri dang ro dang reg bya mchog thob par mi 'gyur te khyim bdag 'di lta bu'i rang bzhin gyi sbyin pa byin na 'di lta bu'i rnam par smin par 'gyur ro/ /khyim bdag ngan pa yang rung mchog du gyur pa yang dus dad pas sbyin par yang byed/ gus pas dang/ rang gi la gnas dang/ dus su rnam pa sna tshogs sbyin par byed na/ sbyin pa de'i rnam par smin pa so sor myong bar 'gyur ba khyim gyi longs spyod chen po thob par 'gyur zhing gos kyi longs spyod chen po dang/ gnas kyi longs spyod chen po dang/ mal cha dang stan gyi longs spyod chen po dang/ zas kyi longs spyod chen po dang/ yongs su spyad pa chen po thob par 'gyur zhing/ gzugs dang sgra dang dri dang ro dang reg bya mchog thob par 'gyur te/ khyim bdag 'di lta bu'i rang bzhin gyi sbyin pa sbyin na rnam par smin pa 'di lta bu la reg par bya'o/ /khyim bdag sngon byung ba 'das ba'i dus na bram ze shing sA la chen po zhes bya ba byung ste/ des bram ze rnams la sbyin pa 'di lta bu dag btang ste/ glang po che brgyad khri bzhi stong gser gyis brgyan cing gser gyis sbras la/ gser gyi dra bas g.yogs shin g/ gser gyis bkab pa bram ze rnams la sbyin pa btang ngo/ /rta brgyad khri bzhi stong gser gyis brgyan cing gser gyis spras pa/ gser gyi dra pas g.yogs shing gser gyis bkab pa dag bram ze rnams la sbyin pa btang ngo/ /shing rta brgyad khri bzhi stong shing rta bzhi po rnams te/ gser gyi shing rta rnams dang/ dngul dang/ bai DUrya dang/ shel gyi rang bzhin gyi shing rta rnams te/ seng ge'i pags pas g.yogs pa dang/ stag gi pags pas g.yogs pa dang/ gung gi pags pas g.yogs pa dang/ la ba dkar pos g.yogs shin ba dan gyis brgyan pa bram ze rnams la sbyin pa gtad do/ /gser gyi gzhong pa brgyad khri bzhi stong dngul gyi phye mas bkang ba dang/ dngul gyi gzhod pa brgyar khri bzhi stong gsar gyi phye mas bkang pa dag bram ze rnams la sbyin pa btang ngo/ /gzhal yas khang brgyad khri bzhi stong gser gyi rang bzhin dang/ dngul dang/ bai DUrya dang/ shel gyi rang bzhin bram ze rnams la sbyin pa btang ngo/ /gdan brgyad khri bzhi stong gdan rnam pa bzhi po gser gyi rang bzhin dang/ dngul dang/ bai DUrya dang/ shel gyi rang bzhin te/ ka ne ka sa g.yogs pa dang/ byang bus g.yogs pa dang/ ri mo can gyis g.yogs pa dang/ rnam par 'phel bas g.yogs pa dang/ pa la le kas g.yogs pa dang/ ka shi ka'i gos kyis g.yogs pa ba dan gyis brgyan pa dang/ khyogs brgyad khri bzhi stong phyogs rnams pa bzhi po/ /ka shi ka'i gos phra mos g.yogs pa dang/ khri ka phra mo dang/ go tam pa phra mo dang/ du gu la'i ras phra mos g.yogs pa dag go/ ba lang brgyad khri bzhi stong gser gyi rwa dang gdul gyi smig ma can be'u dang 'dzo? ba'i snod dang mdzom? kha na dang bcas pa dang bu mo brgyad khri bzhi stong gser gyi dpung rgyan dang mgul rgyan cin bram ze rnams la sbyin pa btang ste/ bza' ba dang btung ba dang bca' ba dang myang ba dang ldag pa gzhan lta smos kyang ci dgos te/ khyim bdag bram ze shing su la chen po dus kyis bram ze rnams la 'di lta bu'i ngo bo'i sbyin pa byin pa bas/ gang gis phyi'i drang srong 'dod pa las 'dod chags dang bral pa brgya la zas sbyin na sbyin pa de bas sbyin pa 'bras bu che'o/ khyim bdag gang bram ze shing sA la chen pos dus kyis bram ze rnams la 'di lta bu'i sbyin pa byin pa dang gang gis phyi'i drang srong 'dod pa la 'dod chags dang bral ba rgya la zas byin pa bas/ gang gis 'dzam bu'i tshal na 'dug pa'i skye bo gcig la byin na sbyin pa de bas spyin pa 'di 'bras bu che'o/ /khyim bdag gang bram ze shin sA la lta bu dus kyis bram ze rnams la 'di lta bu'i ngo bo'i sbyin pa byin pa dang/ gang gis phyi'i drang srong 'dod pa las 'dod chags dang bral ba brgya la sbyin pa byin pa bas/ gang gis rgyun du zhugs pa'i 'bras bu mngon du bya ba'i phyir zhugs pa gcig la byin na sbyin pa de bas sbyin pa 'di 'bras bu che'o zhes rgyas pa dang po nas brtsams te thams cad du brjod par bya ste/ tha ma nas brtsams pa 'chad bar 'gyur ro/ /gang gis rgyun du zhugs pa'i 'bras bu mngon du bya ba'i phyir zhugs pa brgya la sbyin pa byin pa bas/ gang gis rgyun tu zhugs pa gcig la sbyin pa byin na sbyin pa de bas sbyin pa 'di 'bras bu che'o/ /gang gis rgyun du zhugs pa brgya la sbyin pa byin pa bas/ gang gis lan cig phyir 'ong ba'i 'bras bu mngon du bya ba'i phyir zhugs pa cig la sbyin pa byin na sbyin pa de bas sbyin pa 'di 'bras bu che'o/ /gang gis lan cig phyir 'ong ba'i 'bras bu mngon du bya ba'i phyir zhugs pa brgya la sbyin pa byin pa bas/ gang gis lan cig gis lan cig phyir 'ong ba gcig la sbyin pa byin pa de bas sbyin pa 'di 'bras bu che'o/ /gang gis lan cig phyir 'ong ba brgya la sbyin pa byin pa bas/ gang gis lan cig phyir mi 'ong ba'i 'bras bu mngon du bya ba'i phyir zhugs pa gcig la sbyin pa byin na sbyin pa de bas sbyin pa 'di 'bras bu che'o/ /gang gis phyir mi 'ong ba'i 'bras bu mngon du bya ba'i phyir zhugs pa brgya la sbyin pa byin pa bas/ gang gis phyir mi 'ong ba cig la byin na sbyin pa de bas sbyin pa 'di 'bras bu che'o// gang gis phyir mi 'ong ba brgya la sbyin pa byin pa bas/ gang gis dgra bcom pa'i 'bras bu mngon du bya ba'i phyir zhugs pa gcig la spyan pa byin na sbyin pa de bas sbyin ba 'di 'bras bu che'o/ /gang gis dgra bcom pa'i 'bras bu mngon du bya ba'i phyir zhugs pa brgya la sbyin pa byin ba bas/ gang gi dgra bcom pa gcig la sbyin pa byin na sbyin pa de bas sbyin pa 'di 'bras bu che'o/ /gang gis dgra bcom pa brgya la sbyin ba byin pa bas gang gi phyogs bzhi'i dge 'dun la kun dga' ra ba 'bul na sbyin pa de bas 'di 'bras che'o/ /gang gis kun dga' ra ba de nyid du gtsug lag khang rab tu gnas pa byed na sbyin pa de bas 'di 'bras bu che'o/ /de bas kyang gang gis gtsug lag khang de nyid du ma la cha dang stan 'bul ba 'di lta ste/ khri dang khre'u dang stegs dang stan gru bzhi sbyin pa dang/ de bas kyang gang gis gtsug lag khang de nyid du dge slong rnams la rjes su mthun pa'i 'tsho ba rtag du 'bul ba dang/ de bas kyang gang gis sangs rgyas la skyabs su 'gro/ chos dang dge 'dun la skyabs su 'gro ba dang/ bslab pa'i bzhi yang dag par blang ste gnas na sbyin pa de bas 'bras bu che'o/ /de bas kyang gang gis byams pa dang lhan cig ba'i sems zhes rgyas par sbyar te/ khyim bdag gang shing sA la chen po lta bu dus kyi bram ze rnams la 'di lta bu'i ngo bo'i sbyin pa byin pa dang/ gang gis phyi'i drang srong 'dod pa dag las 'dod chags dang bral ba brgya la sbyin pa byin pa dang/ gang gis rgyun tu zhugs pa'i 'bras bu mngon du bya ba'i phyir zhugs pa brgya la byin pa dang/ gang gis rgyun tu zhugs pa brgya la byin pa dang/ gang gis lan cig phyir 'ong ba'i 'bras bu mngon du bya ba'i phyir zhugs pa brgya la byin ba dang/ gang gis lan cig phyir 'ong ba brgya la byin pa dang/ gang gi phyir mi 'ong ba'i 'bras bu mngon du bya ba'i phyir zhugs pa brgya la byin pa dang/ gang gis lan cig phyir mi 'ong ba brgya la byin pa dang/ gang gis dgra bcom pa'i 'bras bu mngon du bya ba'i phyir zhugs pa brgya la byin pa dang/ gang gis dgra bcom pa brgya la byin pa dang/ gang gis phyogs bzhi'i dge slong gi dge 'dun la kun dga' ra ba 'bul ba dang/ gang gis de nyid du gtsug la khang rab tu gnas par byed pa dang/ gang gis mal cha dang stan 'bul ba 'di lta ste/ khri dang khri'u dang stan dang stegs dang/ stan gru bzhi dag 'bul ba dang/ gang gis gtsug lag khang de nyid du dge slong rnams la rjes su mthun pa'i 'tsho ba nar ma 'bul ba dang/ gang gis sangs rgyas la skyabs su 'gro/ chos dang dge 'dun la skyabs su 'gro zhing bslab pa'i gzhi yang dag bar blangs te gnas pa dang/ gang gis byams pa dang lhan cig pa'i sems kho na med pa gnod pa med pa/ rgya che ba thams cad du khyab pa/ tshad med par rgyas bar byed pa bas/ gang gis 'du byed thams cad mi rtag par rjes su mthong zhing gnas pa dang/ 'bad rtsol dang bcas bar rjes su mthong ba dang/ 'dod chags dang bral bar rjes su mthong ba dang/ 'gog pa rjes su mthong ba dang/ so sor nub par rjes su mthong zhing gnas na/ khyim bdag 'di ltar bslab par bya'o/ zhes bka' stsal to// // 'on kyang lha'i bu 'chi ba'i chos can dag la zhes bya ba la/ gleng gzhi ni mnyan du yod pa na'o/ /dge slong dag sum cu rtsa gsum gyi lha kha dog dang ldan pa bde ba mang ba gzhal yas khang mtho ba'i nang du yun ring du gnas pa dag 'dod dam/ dge slong dag nyi ma dang zla ba 'di dag 'di ltar rdzu 'phrul che zhing mthu che bas kyang sum cu rtsa gsum gyi 'od mi shes te/ 'on kyang sum cu rtsa gsum pa rang gi 'ong dam? 'od zer ram snang ba shes so/ /lha'i bu 'chi ba'i chos can la sngon du 'chi ba'i ltas rnam pa lnga 'byung bar 'gyur te/ gos sar ba rnying par 'gyur ba dang/ me tog gi phreng ba ma rnying pa rnyings par 'gyur ba dang/ lus la dri mi zhim ba 'byung bar 'gyur ba dang/ mchan khung gnyis la rdul 'byung ba dang/ lha'i bu 'chi ba'i chos can rang gi stan la mi dga' ba ste/ sum cu rtsa gsum gyi lhas de dag gis lta'i bu de 'chi ba'i chos can yin no zhes rig nas lan gsum du gsol ba 'debs par byed de/ grogs po bde 'gror song cig/ bde 'gror song nas rnyed ba legs par rnyed par gyur cig/ rnyed pa legs par rnyed nas sangs rgyas kyi bstan pa legs par gnas par gyur cig ces lan gsum du gsol ba 'debs par byed do/ /de nas dge slong gzhan zhig stan las langs te bla gos phrag pa gcig tu byas nas bcom ldan 'das gang na ba der thal mo sbyar te/ 'di skad gsol to/ /btsun pa ji tsam gyis sum cu rtsa gsum pa'i lha rnams kyi bde 'gro'i 'gro zhes 'grang ba gang zhig lags/ ji tsam gyis na thob par bya ba legs par thob pa'i grangs su 'gro/ ji tsam gyis na legs par gnas pa'i grangs su 'gro/ dge slong sum cu rtsa gsum pa'i lha rnams kyi bde 'gro'i 'gro ba ni mi'o/ /gang mir gyur nas de bzhin gshegs pas mkhyen cing chos 'dul ba la dad pa thob pa ni lha rnams kyi rnyed pa legs par rnyed pa zhes bya ba'i grags su 'gro'o/ /de dang pa rgyas shin rtsa ba skyes shing gnas pa dang dge sbyong? dang bram ze dang lha dang bdud dang tshangs par bcas pa'i 'jig rten gyis mi 'phrogs pa zhes bya ba ni sum cu rtsa gsum pa'i lha rnams kyis legs par gnas pa zhes bya ba'i grangs su 'gro'o/ /dge slong dag 'on kyang mi rnams ni tshe thung zhing lha rnams ni tshe ring ba ste/ mi rnams kyi lo brgya gang yin pa de sum cu rtsa gsum pa'i lha rnams kyi nyin zhag gcig yin la/ des nyin zhag sum cu la zla ba gcig yin zhing zla ba bcu gnyis la lo gcig yin te/ lha'i lo stong ni sum cu rtsa gsum pa'i lha rnams kyi tshe'i tshad yin no/ /gang gi tshe lha'i bu gzhan zhig lha'i 'khor mang po dang tshogs shing 'dug pa na/ gang tshe zad las zad bsod nams zad pa zhig gnas de nas ltung zhing 'chi 'pho ste/ mi rnams dang skal ba mnyam par 'ongs te/ cher skyes shing dbang po yongs su smin te/ lus kyi legs pa spyad pa legs par spyad/ ngag dang yid kyi legs par spyad pa legs par spyad nas bde 'gro mtho ris kyi 'jig rten lha rnam kyi nang du skye ste/ dge slong lha'i bu rang gnas stong pa der slar skyes kyi bar du lha'i 'khor de stan las ldang bar mi 'gyur te/ rnam par rtog pa 'di lta bus mi rnams ni tshe thung zhing lha rnams ni tshe ring ba yin no/ /de la 'di skad ces brjod par bya ste/ gang gi tshe zad lha rnams ni/ /lha yi rigs nas 'chi 'pho tshe/ /grogs po bde 'gro mi rnams dang/ /skal mnyam nyid du khyod song zhig / mir gyur de bzhin gshegs pa la/ /rtogs shing dad pa rnyed gyur cig/ dad pa de yang gtan du dang/ /rtsa ba skye zhing gnas pa dang/ /ji srid 'tsho bar mi 'phrogs dang/ /dam pa'i chos rab rig pa dang/ /lus kyi nyes par spyad spangs shing/ /dag gi nyes sprad spong ba dang/ /yid kyi nyes spyad spangs pa dang/ /tshad med khyad par 'phags pa'o/ /lus kyis dge ba byed pa dang/ /dag gis dge ba byed pa dang/ /yid kyi dge ba byed pa dang/ /gzhan yang sa steng dam pa'i chos/ /changs par spyod pa bsten gyur ces/ /lan gsum bar du lha rnams kyis lha la gsol ba 'debs par byed/ /mi rnams nas mi 'chi 'pho ste/ /slar yang ji ltar snga ma bzhin zhes bka' stsal to/ /mdo las 'khrul pa can gyis ltas bstan pa ni 'dir ma bsdus so/ / //phung po gsum zhes bya ba la/ tshogs gsum pa las drug po yon? po dang skyon dang snyigs ma zhes sdom gyi tshigs su bcad pa lam 'di ltar 'don te/ yang dag pa nyid du nges pa gang zhe na zhes bya ba la/ gleng gzhi ni mnyan du yod pa na'o/ /dge slong dag log pa nyid dang/ /log pa nyid du 'gro ba'i lam bstan par bya'o/ /yang dag pa nyid dang yang dag pa nyid du 'gro ba'i lam bstan par bya ste/ de legs par nyon la yid la gzung zhig dang bshad par bya'o/ /log pa nyid gang zhe na/ dmyal ba dang/ yi dags dang/ dud 'gro ste ngan mong ngan 'gro log par ltung ba rnams so/ /log pa nyid du 'gro ba'i lam gang zhe na/ log pa'i lta ba dang/ log pa'i rtog pa dang/ log pa'i las kyis mdza' dang/ log pa'i 'tsho ba dang/ log pa'i rtsol ba dang/ log pa'i dran pa dang/ log pa'i ting nge 'dzin dang/ yang dag pa nyid gang zhe na/ gang 'dod chags gtan spangs pa dang/ zhe sdang gtan spangs pa dang/ gti mug gtan spangs pa dang/ nyon mongs pa dang bcas pa spangs pa'o/ /yang dag nyid du 'gro ba'i lam gang zhe na/ 'phags pa'i lam yan lag brgyad de/ 'di lta ste/ yang dag pa'i lta ba nas/ yang dag pa'i ting nge 'dzin gyi bar du'o/ /dge slong dag log pa nyid dang log pa nyid du 'gro ba'i lam bstan par bya zhing/ yang dag pa nyid dang/ yang dag pa nyid du 'gro ba'i lam bstan par bya'o zhes ngas ji skad du bstan pa de rgyas par rab tu bshad do zhes bka' stsal to/ /dge slong dag log pa nyid dang log pa nyid du 'gro ba'i lam bstan par bya zhing yang dag pa nyid dang/ yang dag pa nyid du 'gro ba'i lam bstan par bya ste/ de legs par nyon la yid la gzung zhig dang bshad par bya'o/ /log pa nyid gang zhe na/ dmyal ba dang/ yi dags dang/ dud 'gro rnams kyi ngan 'gro rnams so/ /log pa nyid du 'gro ba'i lam gang zhe na/ mi dge ba bcu'i las kyi las rnams te/ srog gcod pa dang/ ma byin? par len pa dang/ 'dod pas log par spyod pa dang/ rdzun du smra ba dang/ phra ma dang tshig rtsub mo dang tshig kyal pa dang/ brnab sems dang/ gnod sems dang/ log par lta ba rnams so/ /yang dag pa nyid gang zhe na/ gang 'dod chags gtan? spangs pa dang/ zhe sdang gtan spangs pa dang/ gti mug gtan spangs pa dang/ nyon mongs pa thams cad spang pa'o/ /yang dag pa nyid du 'gro ba'i lam gang zhe na/ 'phags pa'i lam yan lag brgyad po 'di lta ste/ yang dag pa'i lta ba dang/ yang dge ba'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dang yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to/ /zhes ngas bstan pa de rgyas par rab tu bshad do/ /dge slong dag log pa nyid dang log pa nyid du 'gro ba'i lam bstan par bya zhing yang dag pa nyid dang yang dag pa nyid du 'gro ba'i lam bstan par bya yis de legs par nyon la yid la gzung zhig dang bshad par bya'o/ /log pa nyid gang zhe na/ mtshams med pa'i las rnams te/ 'di lta ste/ ma gsod pa dang/ pha gsod pa dang/ dgra bcom pa gsod pa dang/ dge 'dun gyi dbyen byed pa dang/ de bzhin gshegs pa'i sku la ngan sems kyis khrag 'byin pa'o/ /log pa nyid du 'gro ba'i lam gang zhe na/ log pa'i lta ba nas/ log pa'i ting nge 'dzin gyi bar du'o// yang dag nyid gang zhe na/ 'dod chags gtan spangs pa la sogs pa snga ma bzhin no/ /yang dag pa nyid du 'gro ba'i lam gang zhe na snga ma bzhin no/ /dge slong dang/ log pa nyid dang log pa nyid du 'gro ba'i bstan par bya zhing/ yang dag pa nyid dang yang dag pa nyid du 'gro ba'i lam bstan par bya yis/ legs par nyon la yid la gzung zhig dang bshad par bya'o/ /log pa nyid gang zhe na/ mtshams med pa lnga'i las rnams te/ snga ma bzhin no/ /log pa nyid du 'gro ba'i lam gang zhe na/ srog gcod pa nas log par lta ba'i bar du'o/ /yang dag nyid gang zhe na/ gang 'dod chags gtan spangs pa la sogs pa snga ma bzhin no/ /yang dag pa nyid du 'gro ba'i lam gang zhe na/ snga ma bzhin no/ /dge slong dag log pa nyid du 'gro ba'i lam bstan par bya zhing yang dag pa nyid dang yang dag pa nyid du 'gro ba'i lam bstan par bya yis de legs par nyon la yid la gzung zhig dang bshad par bya'o zhes ngas ji skad bstan pa de rgyas par rab tu bshad do zhes gsungs so/ /de ltar de dag dmyal ba ni brgyad ces bya ba ni 'jig rten bstan pa'i mdzod kyi gnas kyi gong du bris pa bzhin blta bar bya'o/ /yi dags kyi rtogs pa brjod pa zhes bya ba la/ phran tshegs kyi sde snod las nyan thos kyi rnam par bshad pa brgya pa las 'don pa bzhi ste/ nyan thos kyi rnam par bshad pa las 'di nyung pa bas ches gzhung nyung bar btus pa ste/ sdom ni/ gzhal yas khang dang rus phreng dang/ /'phags med rna 'phyang sha dum dang/ /kham dang mda' dang mdung dang ni/ /phag mig bum pa lnga pa yin/ /gleng gzhi ni rgyal po'i khab na'o/ /de'i tshe tshe dang ldan pa mo'u dgal gyi bu chen po dang/ tshe dang ldan pa legs pa rgyal po'i khab bya rgod phung po'i ri la gnas so/ /de nas tshe dang ldan pa legs pa nang par langs te tshe dang ldan pa mo'u dgal gyi bu chen po gang na ba der nye bar song ste/ nye bar song nas tshe dang ldan pa mo'u dgal gyi bu chen po'i zhabs la phyag byas te phyogs gcig tu 'dug go /phyogs gcig tu 'dug nas tshe dang ldan pa legs pas tshe dang ldan pa mo'u dgal gyi bu chen po la 'di skad ces smras so/ /btsun pa mo'u dgal gyi bu chen po bya rgod phung po'i ri las babs te bdag cag rgyal po'i khabs su bsod snyoms kyi phyir 'gro ba'i dus la bab po/ /de'i tshe tshe dang ldan pa mo'u dgal gyi bu chen pos tshe dang ldan pa legs pa la cang mi smra bas khas blangs so/ /de nas tshe dang ldan pa mo'u dgal gyi bu chen po dang tshe dang ldan pa legs pa snga dro chos gos dang lhung bzed thogs te/ bya rgod phung po'i ri las babs te rgyal po'i khab du bsod snyoms la zhugs so/ /de nas tshe dang ldan pa maung+gal gyi bu chen pos phyogs gzhan zhig na 'dzum zhing 'dug go / tshe dang ldan pa legs pas tshe dang ldan pa maung+gal gyi bu 'dzum pa mthong ngo/ /mthong nas smras pa/ de bzhin gshegs pa 'am/ de bzhin gshegs pa'i nyan thos rnams ni rgyu med rkyen med par 'dzum pa mi mdzad na/ 'phags pa maung+gal gyi bu chen po 'dzum pa mdzad pa'i rgyu gang lags/ rkyen gang lags/ tshe dang ldan pa legs pa dri ba lung bstan pa'i dus la 'bab? kyis rgyal po'i khab du bsod snyoms spyad nas ston pa'i mdun du dris te/ de nas dris pa lung bstan la 'chad par 'gyur ro/ /de nas tshe dang ldan pa maung+gal gyi bu chen po dang tshe dang ldan pa legs pa rgyal po'i khab du bsod snyoms spyad nas zas kyi bya ba byas/ zos pa'i 'og tu lhung bzed gyu nas rkang pa bkrus te/ bcom ldan 'das gdan ba der nye bar song ste/ nye bar song nas bcom ldan 'das kyi zhabs la phyag byas te phyogs gcig tu 'dug go /phyogs gcig tu 'dug nas tshe dang ldan pa legs pas tshe dang ldan pa maung+gal gyi bu chen po la 'di skad ces smras so/ /btsun pa maung+gal gyi bu chen pos 'dzum pa mdzad pa'i rgyu gang lags/ rkyen gang lags/ tshe dang ldan pa legs pa bdag gis sems can gzhal yas khang lta bu nam mkha' las gyen du 'gro ba slong ba'i smre sngags 'don pa dang/ drag cig tsha la rtsub pa'i tshor ba sdug bsngal nyams su myong ba zhig mthong nas/ bdag 'di snyam du 'di lta bu'i sems can/ 'di lta bu'i bdag nyid kyi dngos po thob pas 'di lta bu'i drag cing tsha la rtsub pa'i sdug bsngal myong ngo snyam mo? de nas bcom ldan 'das kyis dge slong rnams la bos te/ dge slong dag pa'i nyan thos mig dang ldan par gyur pa shes par gyur pa/ chos can du gyur cing gnas pa legs so legs so/ nga yi nyan thos 'di lta bu'i shes pa dang mthong bar 'gyur pa'i gnas yod do/ /dge slong dag ngas kyang 'di lta bu'i sems can gzigs mod kyi su la yang ma gsungs te/ kha cig ngas bshad pa la ma dad par 'gyur te/ de ci'i phyir zhe na/ kha cig de bzhin gshegs pas bshad pa la ma dad na skyes bu rmongs ba de yun ring por don ma yin pa dang mi phan pa dang sdug bsngal bar 'gyur ro/ /dge slong dag sngon byung ba sems can 'di rgyal po'i khab tu gshed ma'i skyes bur gyur te/ de las de'i rnam par smin pas lo brgya phrag mang po dang/ lo stong phrag mang po dang/ lo brgya stong phrag mang por btsos so/ /las de nyid kyis lhag mas 'di lta bu'i sems can/ 'di lta bu'i gnod sbyin 'di lta bu'i bdag nyid kyi dngos po thob ste/ 'di lta bu'i drag cing tsha la rtsub pa'i sdug bsngal gyi tshor ba nyams su myong ngo/ /dge slong dag dge slong maung+gal gyi bus lung bstan pa ni de kho na ltar te gzhan du ma yin no zhes gzung bar bya'o/ /gleng gzhi de nyid kyi las byas nas bshad pa'i bar du ste/ tshe dang ldan pa legs pa bdag gis sems can keng rus kyi phrad pa sha dang khrag dang pags pa dang bral ba mi gtsang zhing dri nga la rtsa rgyus kyis dkris pa'i dri mi zhim pa/ bya rog gis za ba logs dag na bya rog dang kun tu rgyu ba nam mkha' las gyen du 'gro ba slong ba'i smre sngags 'don pa drag cing tsha la rtsub pa'i tshor ba sdug bsngal ba nyams su myong ba zhes bya ba nas rgyas par dge slong dag sems can 'di sngon rgyal po'i khab du gshed ma pa'i skyes bu'i khol bor skyes te/ de las de'i rnam par smin pas lo mang po dang lo brgya phrag mang por zhes bya ba nas gzung bar bya'o zhes bya ba'i bar du'o/ /tshe dang ldan pa legs pa ngas sems can pags pa med pa nam mkha' las gyen du 'gro ba slong ba'i smre sngags 'don pa dag mthong ste zhes bya ba nas/ rgyas par dge slong dag sems can 'di sngon rgyal po'i khab du bshan pa'i skyes bur gyur te/ de las de'i rnam par smin pa lo mang por zhes bya ba nas/ gzung bar bya'o zhes bya ba'i bar du'o/ /tshe dang ldan pa legs pa ngas sems can sha'i dum bu nam mkha' la 'gro ba slong ba'i smre sngags 'don pa zhes bya ba nas rgyas par dge slong dag sems can 'di sngon rgyal po'i khab tu mngal rlugs par byed pa'i bud med du gyur te/ de las de'i rnam par smin pa zhes bya ba nas/ gzung bar bya ba'i bar du'o/ /mngal rlugs bar byed pa ji lta ba bzhin du rlugs par byed du 'jug pa yang de dang 'dra'o/ /tshe dang ldan pa legs pa ngas sems can khab kyi ba spu can khab 'bar zhing/ rab tu 'bar la 'bar ba gcig tu gyur pa lus las 'byung zhing 'dzug pa nam mkha' la gyen du 'gro ba/ slong ba'i smre sngags 'don pa zhes bya ba nas rgyas par dge slong dag sems can 'di sngon rgyal po'i khab du glang po che 'dul ba'i skyes bur gyur te/ de las de'i las kyi rnam par smin pas zhes bya ba nas bzung bar bya'o zhes bya ba'i bar du'o/ /glang po che 'dul ba ji lta ba bzhin du rta 'dul ba dang/ ba lang 'dul ba dang/ gnod par byed pa yang de dang 'dra'o/ /tshe dang ldan pa legs pa ngas sems can mda'i ba spu can/ mda''bar zhing rab tu 'bar la 'bar ba gcig tu gyur pa lus las 'byung zhing 'dzug pa nam mkha' la gyen du 'gro ba/ slong ba'i smre sngags 'don pa zhes bya ba nas/ dge slong dag sems can 'di sngon rgyal po'i khab kyi grong khyer 'di nyid du ri dags 'tshor bar gyur te/ de las de'i rnam par smin pa zhes bya ba nas/ gzung bar bya'o zhes bya ba'i bar du'o/ /tshe dang ldan pa legs pa nges sems can mdung gi ba spu can mdung 'bar zhing rab tu 'bar la me 'bar ba gcig tu gyur pa lus las 'byung zhing 'dzug pa nam mkha' las gyen du 'gro ba slong ba'i smre sngags 'don pa zhes bya ba nas/ rgyas par dge slong dag sems can 'di rgyal po'i khab kyi grong khyer du rngon pa'i khol bor gyur te/ de las de'i rnam par smin pas zhes bya ba nas gzung bar bya'o zhes bya ba'i bar du'o/ /tshe dang ldan pa legs pa ngas sems can 'phags pa'i mig can kha dang sna gyen du bltas pa nam mkha' las gyen du 'gro ba slong ba'i smre sngags 'don pa zhes bya ba nas rgyas par dge slong dag sems can 'di sngon rgyal po'i khab kyi grong khyer du gshed mar gyur te/ de las de'i rnam par smin par zhes bya ba nas gzung bar bya'o zhes bya ba'i bar du'o/ /gshed ma ji lta ba bzhin du skra 'dzin pa yang de bzhin no// tshe dang ldan pa legs pa nges sems can bum pa tsam bum pa'i steng na 'dug pa 'gro ba na khur ba nam mkha' la gyen du 'gro ba slong ba'i smre sngags 'don pa dag ces bya ba nas/ rgyas par dge slong dag sems can 'di sngon rgyal po'i khab kyi grong khyer du sgyu byed pa'i skyes bur gyur te/ de las de'i rnam par smin pa zhes bya ba nas/ gzung bar bya'o/ /zhes bya ba'i bar du'o/ /khur pa la sgyu byed pa ji lta ba bzhin du sred la sgyu byed pa dang/ gzhal ba la sgyu byed pa bgrang ba la sgyu byed pa yang de bzhin no/ /sdom ni 'bar dang g.yo dang rlung dang ni/ /'brogs dang rdul dang tshig pa dang/ /mi gtsang bum pa bum bdun dang/ /lce dang shing 'dra la sogs pa'i/ /tshogs dag tha ma nyid dag du'o/ /sde tshan sdom du bsdebs pa yin/ /tshe dang ldan pa legs pa ngas sems can lcags kyi rang bzhin 'bar zhing rab tu 'bar la 'bar ba gcig tu gyur pa lus las 'byung zhing 'dzug nam mkha' las gyen du 'gro ba slong ba'i smre sngags 'don pa zhes bya ba nas rgyas par/ dge slong dag sems can 'di sngon rgyal po'i khab kyi grong khyer du nye bar 'gyur te/ de las de'i rnam par smin pas zhes bya ba nas gzung bar bya'o zhes bya ba'i bar du'o/ /nya pa ji lta ba bzhin zhes bya ba yang de bzhin no/ /tshe dang ldan pa legs pa nges sems can lcags kyi rang bzhin 'bar zhing rab tu 'bar la 'bar ba gcig tu gyur la nam mkha' la 'khyams shing/ nam mkha' las gyen du 'gro ba slong ba'i smre sngags 'don pa zhes bya ba nas rgyas par dge slong dag sems can 'di sngon rgyal po'i khab kyi grong khyer du ltas mkhan gyi bud med du gyur te/ mi bden pa'i sgyus skye po mang po bslus te/ de las de'i rnam par smin pas zhes bya ba nas gzung bar bya'o zhes bya ba'i bar du'o/ /tshe dang ldan pa legs pa nges sems can rlung gi dkyil 'khor ltar 'khyams shing/ nam mkha' la gyen du 'gro ba slong ba'i smre sngags 'don pa zhes bya ba nas rgyas par dge slong dag sems can 'di sngon rgyal po'i khab kyi grong khyer du ltas mkhan du gyur te de mi bden pa'i sgyus skye bo mang po bslus te/ de las de'i rnam par smin pas zhes bya ba nas gzung bar bya'o zhes bya ba'i bar du'o/ /tshe dang ldan pa legs pa ngas sems can 'dregs shing 'drogs pa lta bu/ yid chad cing yid chad pa lta bu/ skye bo bsed bsed po/ mgo gtums pa lta bu/ tsog tsog por 'dug nas nam mkha' la gyen du 'gro ba slong ba'i smre sngags 'don pa zhes bya ba nas rgyas par dge slong dag sems can 'di sngon rgyal po'i khab kyi grong khyer du bye byed par gyur la de las de'i rnam par smin pas zhes bya ba nas gzung bar bya'o zhes bya ba'i bar du'o/ /byi ba ba ltar bud med slu ba yang de bzhin no/ /tshe dang ldan pa legs pa ngas sems can rdul cing myags la mi gtsang ba dri ngan cing dri mi zhim pa nam mkha' las gyen du 'gro zhing slong ba'i smre sngags 'don pa zhes bya ba nas rgyas par/ dge slong dag sems can 'di sngon ba ra NA se'i grong khyer du bud med gzugs 'tshong mar gyur la des yang dag par rdzogs pa'i sangs rgyas 'od srungs kyi nyan thos tshul ma yin pas spyan drangs pa dang/ des khas ma blangs nas/ de mi dga' zhing khros nas ro rul bskol ba'i chus gtor ro/ /de las de'i rnam par smin par zhes bya ba nas 'di ltar gzung bar bya'o zhes bya ba'i bar du'o/ /tshe dang ldan pa legs pa ngas sems can lus kyi stong 'bar zhing rab tu 'bar la 'bar ba gcig tu gyur pas nges 'joms shing nam mkha' gyen du 'gro zhing slong ba'i smre sngags 'don pa zhes bya ba nas rgyas par dge slong dag sems can 'di sngon ba ra NA se'i grong khyer du rgyal po kri ki'i btsun mo dam par gyur la/ de bud med rnams dang lhan cig rgyal po kri ki'i gnas sa rtogs par byed pa na/ de yid mi dga' bas rab tu 'bar ba'i til de la gtor ro/ /de las de rnam par smin pas zhes bya ba nas/ de ltar bzung bar bya'o zhes bya ba'i bar du'o/ /tshe dang ldan pa legs pa ngas sems can mi gtsang ba'i nang du nub pa mdun dang rgyab dang legs su mi gtsang bas bskor ba/ zas su mi gtsang ba zab slong ba'i smre sngags so 'don pa zhes bya ba nas rgyas par dge slong dag sems can 'di sngon ba ra NA se'i grong khyer du rgyal po kri ki'i bram ze mdun na 'don du gyur la/ de yang dag par rdzogs pa'i sangs rgyas 'od srungs kyi nyan thos zas kyis phyir spyan drangs te/ mi gtsang bas bkang ba'i gzhod pa steng du zas kyis g.yogs te/ ji srid du dus kyi mthar kha cig gis sgyur bar 'gyur ba dang/ gzhan mi rnyed par gyur cig ces phyi nas 'di skad ces 'phags pa dag zhal zas bzang po 'di dag gsol cig longs spyod ces smras so/ /de'i tshe dge slong gi dge 'dun phal cher zan bcad par gyur te/ de las de'i rnam par smin pas zhes bya ba nas/ snga ma bzhin de ltar gzung bar bya'o zhes bya ba'i bar du'o/ /tshe dang ldan pa legs pa ngas sems can lcags kyi rang bzhin gyi bum pa lta bu 'bar zhing rab tu 'bar la 'bar ba gcig tu gyur pas rnam par grol ba lcags bkol bas steng du ldugs par byed pas/ nam mkha' la gyen du 'gro pa/ slong ba'i smre sngags 'don pa zhes bya ba nas rgyas par dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge slong gzhi ba par gyur la/ de'i dus na dge slong gi dge 'dun la thun mong du til mar gyi bum pa dag rnyed pa las dge slong 'gron po glo bur du 'ongs pa dang/ de la sems bskyed pa ji srid du dge slong glo bur du 'ongs pa 'di ma song gi bar du 'ged par mi bya'o zhes des de ltar byas pa dang/ de las de'i rnam par smin pas zhes bya ba nas/ snga ma bzhin du zhes bya ba nas de ltar gzung bar bya'o zhes bya ba'i bar du'o/ /tshe dang ldan pa legs pa ngas sems can lcags kyi gong bu bdun ltar 'bar zhing rab tu 'bar la 'bar ba gcig tu gyur pa lus las 'byung zhing 'jug pa dang/ nam mkha' las gyen du 'gro zhing slong ba'i smre sngags 'don pa zhes bya ba nas rgyas par dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge tshul du gyur la/ de'i dus na dge 'dun la 'dzam bu'i 'bras bu bdun rnyed pa las des sgyu'i sems kyis bdag gir byas pa las/ de las de'i rnam par smin pas zhes bya ba nas/ de ltar gzung bar bya'o zhes bya ba'i bar du'o/ /tshe dang ldan pa legs pa ngas sems can lcags kyis rang bzhin gyi ste'u lta bu 'bar zhing rab tu 'bar la 'bar ba gcig tu gyur bas lce 'joms shing nam mkha' las gyen du 'gro ba slong ba'i smre sngags 'don pa zhes bya ba nas rgyas par/ dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge tshul du gyur te/ dge 'dun gyi bu ram 'bags pa'i ste'u rku ba'i sems kyi lces bldags so/ /de las de'i rnam par smin pas zhes bya ba nas/ gzung bar bya'o zhes bya ba'i bar du'o/ /tshe dang ldan pa legs pa ngas sems can lcags kyis 'khor lo lta bu 'bar zhing rab tu 'bar la kun du 'bar zhing me lce gcig du gyur pas mchan khung gnyis nas 'khor lo 'khor zhing nam mkha' las gyen du 'gro ba/ slong ba'i smre sngags 'don pa zhes bya ba nas rgyas par dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge tshul du gyur te/ de'i dus na dge 'dun la sbrang rtsi'i kha zas kyi rnyed pa byung ba las/ des rku ba'i sems kyis sbrang rtsi'i bum pa mchan khung du bcug pa dang/ de las de'i rnam par smin pas zhes bya ba nas/ de ltar gzung bar bya'o zhes bya ba'i bar du'o/ /tshe dang ldan pa legs pa ngas sems can lcags kyi snam bu gon pa lcags kyi snam bus g.yogs pa lcags kyi stan la 'dug pa/ lcags kyi gong bu 'bar zhing rab tu 'bar la 'bar ba gcig tu gyur pa zas su za ba/ nam mkha' las gyen du 'gro ba/ slong ba'i smre sngags 'don pa zhes bya ba nas rgyas par/ dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge slong dam bzhag par gyur la/ des dge 'dun gyi ming don du gnyer nas dge 'dun gyi lhag ma rang nyid kyis bdag gir byas te/ de las de'i rnam par smin pas zhes bya ba nas/ de ltar gzung bar bya'o zhes bya ba'i bar du'o/ /dge slong ji lta ba bzhin du dge slong ma dang/ dge tshul dang/ dge tshul ma yang de bzhin no/ /tshe dang ldan pa legs pa ngas sems can lcags kyi rang bzhin gyi shing rta 'tshos par byed pa na lus kyi rting pa nas lus kyi ltag pa'i bar du 'gro bar byed cing/ lcags kyi rang bzhin gyi sa gzhi 'bar zhing rab tu 'bar la 'bar ba cig tu gyur pa'i lam gyis 'joms shing rab tu 'jom la nam mkha' las steng du 'gro ba slong ba'i smre sngags 'don pa zhes bya ba nas rgyas par/ dge slong dag sems can 'di sngon rgyal po'i khab kyi grong khyer du shing rtas 'tsho ba bar gyur la de las de'i rnam par smin pas zhes bya ba nas/ de ltar gzung bar bya'o zhes bya ba'i bar du'o tshe dang ldan pa legs pa ngas sems can kha'i lce bton te lcags kyi rang bzhin gyi phur pa brgyas btab ste sems can de'i lce la lcags kyi phur pa brgyas khyab cing rgyas par rab tu khyab par gyur te/ 'di lta ste/ khyu mchog gi pags pa phur pa brgyas khyab cing rgyas par khyab pa de bzhin du sems can de'i lce lcags kyi phur pa brgyas khyab cing rgyas par khyab par gyur ba nam mkha' las steng du 'gro ba/ slong ba'i smre sngags 'don pa zhes bya ba nas/ rgyas par dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge slong gzhi pa par gyur te/ de dge slong 'ongs pa dag skrod par byed de tshe dang ldan pa dag 'di na 'dug gnas dang bza' ba dang btung ba dang 'bras bu dag med kyis gnas gzhan gang na bza' ba dang btung ba rnyed pa der song ste gnas par gyis shig / 'di na chos gos dang bsod snyoms dang mal cha dang stan dang na ba'i rkyen sman gyi yo byad rnams med do zhes skrod par byed de/ der dge slong ma 'ongs ba dag mi 'ong zhing 'ongs pa dag 'gro bar byed de/ de las de'i rnam par smin pas zhes bya ba nas/ gzung bar bya'o zhes bya ba'i bar du'o/ /tshe dang ldan pa legs pa ngas sems can kha'i lce bton te/ lcags kyi rang bzhin gyi phur pa btab ste/ sems can de'i lce la lcags kyi rang bzhin gyi phur ba brgyas khyab cing rgyas par rab tu khyab par gyur te/ 'di lta ste/ khyu mchog gi pags pa phur pa brgyas khyab cing brgyas khyab pa de bzhin du sems can de'i lce la yang lcags kyi phur pa brgyas khyab cing rgyas par gyur par/ nam mkha' las gyen du 'gro ba/ slong ba'i smre sngags 'don pa zhes bya ba nas rgyas par/ dge slong dag sems can sngon yang dag par rdzogs pa'i sangs rgyas 'od srungs kyi gsung rab la dge slong gnyung mar gnas par gyur la/ de dge slong 'ongs pa dag la mgo reg gis rdul zhes skrod par byed de/ der dge slong ma 'ongs pa mi 'ong la 'ongs pa 'gro bar byed de/ de las de'i rnam par smin pas zhes bya ba nas de ltar gzung bar bya'o/ /zhes bya ba'i bar du'o/ /tshe dang ldan pa legs pa ngas sems can kha'i lce bton te lcags kyi rang bzhin gyi phur ba brgyas btab ste/ sems can de'i lce la lcags kyi phur pa brgyas khyab cing rgyas par gyur te/ 'di lta ste/ khyu mchog gi pags pa phur pa brgyas khyab cing rgyas par rab tu khyab pa de bzhin du sems can de'i lus la lcags kyi phur pa zhes bya ba nas rgyas par/ dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge slong dbang byed par gyur te/ de dge 'dun la mi mthun pa'i rgyu byed de/ des dge 'dun ku tsi dang bcas pa dang/ smra ba dang bcas pa dang/ rtsod pa nye bar 'dzin pas der dge slong ma 'ongs pa mi 'ong zhing 'ongs pa dag kyang 'gro ste/ de las de'i rnam par smin pas zhes bya ba nas/ gzung bar bya'o zhes bya ba'i bar du'o zhes gsungs so/ /shing las mi 'da' ba la dgongs nas gsungs pa yin no zhes bya ba la/ gang las bshad ce na/ yongs 'du'i mdo las te/ lung bar ma'i bdun pa'i bzhi pa 'jig rten btags pa las 'di ltar 'don te/ sum cu rtsa gsum gyi lha rnams kyi lha'i grong khyer gyi g.yas phyogs na yongs 'dus brtol zhes bya ba yod do/ yongs 'dus brtol de'i rtsa ba dpag tshad lnga sa la zug cing/ srid du dpag tshad lnga brgya slebs pa/ yongs 'du sa brtol de ni yal ga lnga pa ste/ yal ga cig ni shar du dpag tshad lnga brgyar slebs so/ /yal ga gnyis pa ni lho phyogs su dpag tshad lnga brgyar slebs so/ /yal ga gsum pa ni nub phyogs su dpag tshad lnga brgyar slebs so/ /yal ga bzhi pa ni byang phyogs su dpag tshad lnga brgyar sleb po/ /yal ga lnga pa ni nam mkha' la dpag tshad lnga brgyar slebs te/ khyab par gnas so/ /dpag tshad lnga brgya dang dpag tshad thad kar ro/ /dpag tshad lnga brgya ni brgyar ro/ /dpag tshad bco lnga dang gsum ni kun nas yongs su 'khor bar ro/ /shing yongs 'dus brtol de'i dri rdzi phyogs su ni dpag tshad lnga brgyar ro/ /rdzi phyogs ma yin par ni lnga brgyar ro/ /de nas tshe dang ldan pa kun dga' bo gcig pu dben pa na nang du yang dag par 'jog la 'dug pa 'di lta bu'i sems la sems kyi yongs su rtog pa skyes te/ dri'i rigs gsum po 'di dag ni rdzi phyogs su 'gro zhing rdzi phyogs ma yin par mi 'gro ba ste/ gsum gang zhe na/ 'di lta ste rtsa ba'i dri dang/ sdong bu'i dri dang/ me tog gi dri'o/ /de las gzhan pa'i dri'i rig gang ngam/ dri'i rigs gang zhig rdzi phyogs su yang mi 'gro zhing rdzi phyogs ma yin par yang mi 'gro ba dang/ rdzi phyogs dang rdzi phyogs ma yin par 'gro ba yang yod dam yongs su rtog pa skyes so/ /de nas tshe dang ldan pa kun dga' bo nang du yang dag 'jog las langs te/ bcom ldan 'das gang na bder nye bar song ste/ nye bar song nas bcom ldan 'das kyi zhabs la spyi bos phyag byas te phyogs gcig tu 'dug go /phyogs gcig du 'dug nas tshe dang ldan pa kun dga' bos bcom ldan 'das la 'di skad ces gsol to/ / btsun pa bdag 'di na gcig pu dben pa na nang du yang dag 'jog la 'dug pa na 'di lta bu'i sems la sems kyi yongs su rtog pa skyes te/ dri'i rigs gsum po 'di dag ni dri'i rigs rdzi phyogs su 'gro zhing phyogs ma yin par mi 'gro ba ste/ gsum gang zhe na/ 'di lta ste/ rtsa ba'i dri dang/ sdong bu'i dri dang/ me tog gi dri'o/ /de las gzhan pa'i dri rigs gang ngam dri'i rigs gang zhig rdzi phyogs su yang mi 'gro zhing rdzi phyogs ma yin par yang mi 'gro ba dang/ rdzi phyogs dang rdzi phyogs ma yin par 'gro ba de yod dam zhes sems la yongs su rtog pa skyes so/ /kun dga' bo de de bzhin te/ dri'i rigs gsum po 'di dag ni dri'i rigs rdzi phyogs su 'gro zhing rdzi phyogs ma yin par ma 'gro ba ste/ gsum gang zhe na/ rtsa ba'i dri dang/ sdong bu'i dri dang/ me tog gi dri'o/ /kun dga' bo de las gzhan pa'i dri'i rigs gang ngam dri'i rigs gang zhig rdzi phyogs su yang mi 'gro zhing/ rdzi phyogs ma yin par mi 'gro ba dang/ rdzi phyogs dang rdzi phyogs ma yin par yang 'gro ba yod de/ kun dga' bo dri'i rigs gang ngam dri'i rigs gang zhig rdzi phyogs su yang mi 'gro zhing rdzi phyogs ma yin par yang mi 'gro ba dang/ rdzi phyogs dang rdzi phyogs ma yin par 'gro ba de gang zhe na/ kun dga' bo 'di ni grong ngam grong khyer gzhan 'ga' zhig na skyes pa 'am bud med tshul khrims dang ldan pa dge ba'i chos can ji srid 'tsho'i bar du srog gcod pa spong zhing srog gcod pa las bzlog pa dang ma byin par len pa dang/ 'dod pas log par g.yem pa dang/ rdzun du smra ba dang/ 'bru'i chang dang/ bcos pa'i chang myos bar 'gyur ba bag med pa'i gnas las ldog cing gnas na/ de phyogs dang phyogs mtshams su yang dag pa'i skye bu yin no zhes grags par 'gyur te/ grong ngam grong khyer che ge mo zhig na skyes pa 'am bud med tshul khrims dang ldan pa dge ba'i chos can ji srid 'tsho'i bar du srog gcod pa spong zhing srog gcod pa las log pa dang/ ma byin par len pa dang/ 'dod pa log par g.yem pa dang/ rdzun du smra ba dang/ 'bru'i chang dang/ bcos pa'i chang myos par 'gyur ba bag med pa'i gnas spong zhing myos par 'gyur ba bag med pa'i gnas las slar log pa 'di lta bu gnas so zhes bya ba grags par 'gyur te/ kun dga' bo 'di ni dri'i rigs gang ngam dri'i rigs gang zhig rdzi phyogs su yang mi 'gro zhing rdzi phyogs ma yin par mi 'gro ba dang/ rdzi phyogs dang rdzi phyogs ma yin par yang 'gro ba dag yin no/ /ston pas gzhan yang 'di skad ces bka' stsal to/ /me tog dri ni rdzi phyogs min mi 'gro/ /rtsa ba 'am rgya spos tsan dan yang ma yin/ /mkhas rnams dri ni rdzi phyogs min 'gro ste/ /skyes bu dam pa phyogs bcu kun tu 'gro /a ka ru dang tsan dan dang/ /autpal dang bcas gser me tog /dri'i rigs de dag rnams las ni/ /tshul khrims dri mchog bla na med/ /a ka ru dang tsan dan gyi// dri ni cung zad tsam yin te/ /gang zhig tshul khrims ldan pa'i dri/ /'di dang lhar bcas grags par 'gyur/ /tshul khrims ldan pa de dag rnams/ /dag med pa ni spong bar 'gyur/ /bdud kyi lam gyis mi 'phrogs shing/ /yang dag rjes gnang rnam par grol// 'di ni bde legs lam yin te/ /'di ni shin tu rnam dag lam/ /bsam gtan ldan zhugs bdud rnams kyi/ /'chid ba rab tu zlog pa yin zhes bka' stsal to// //'di la 'dod pa skye ba gsum po ni/ 'dod pa'i lha dang mir bcas rnams zhes bya ba la/ gleng gzhi ni mnyan du yod pa na'o/ /'dod pa skye ba ni rnam pa gsum ste/ sems can 'dod pa nye bar gnas pa rnams 'dod pa nye bar gnas pa dag la dbang phyug gis dbang byed pa dag kyang yod de/ mi rnams dang lha kha cig ste/ 'di ni 'dod pa skye ba dang po'o/ /sems can 'dod pa spyod pa rnams 'dod pa rnams sprul zhing 'dod pa rnams la dbang phyug gis dbang byed pa dag kyang yod de/ 'di lta ste/ dper na 'phrul dga' i lha rnams lta bu'o/ /'di ni 'dod pa skye ba gnyis pa'o/ / sems can 'dod pa gzhan dag gis sprul pa rnams kyis sprul pa dag la dbang phyug gis dbang byed pa dag kyang yod de/ 'di lta ste/ dper na gzhan 'phrul dbang byed kyi lha rnams lta bu ste/ 'di ni 'dod pa skye ba gsum pa yin no zhes gsungs so/ /bde ba skye ba dag ni yang dag par 'gro ba'i rnam grangs las 'dod pa skye ba'i rjes thob mdo las 'byung ba mdzod kyi gnas gnyis par/ srog ni tshe yin zhes bya bar 'dir la lar ni dang por smos par rtogs par bya'o zhes bris pa blta bar bya'o/ /gling bzhi pa dang nyi zla dang zhes bya ba la/ gleng gzhi ni mnyan du yod pa na'o/ /dge slong dag gsum po 'di dag ni 'jig rten gyi khams rnams te/ gsum gang zhe na/ stong spyi phud kyi 'jig rten gyi khams dang/ stong gnyis pa bar ma'i 'jig rten gyi khams dang/ stong gsum gyi stong chen po'i 'jig rten gyi khams so/ /stong spyi phud kyi 'jig rten gyi khams gang zhe na/ ji srid du nyi ma phyogs gsal zhing snang bar byed pa de srid du stong gi 'jig rten gyi khams te/ nyi ma stong dang/ zla ba stong dang/ ri rab stong dang/ shar gyi lus 'phags stong dang/ nub kyi ba lang spyod stong dang/ byang gi sgra mi snyan stong dang/ lho'i 'dzam bu gling stong dang/ rgyal po chen po bzhi stong dang/ sum cu rtsa gsum stong dang/ 'thab bral stong dang/ dga' ldan stong dang/ 'phrul dga' stong dang/ gzhan 'phrul dbang byed stong dang/ tshangs pa'i 'jig rten stong rnams la ni stong spyi phud kyi 'jig rten gyi khams zhes brjod do/ /stong gnyis pa bar ma'i 'jig rten gyi khams gang zhe na/ ji srid du nyi ma phyogs snang zhing bsal bar byed pa de srid du stong gnyis pa bar ma'i 'jig rten gyi khams te/ nyi ma stong dang/ zla ba stong dang/ ri rab stong dang/ shar gyi lus 'phags stong dang/ nub kyi ba lang spyod stong dang/ byang gi sgra mi snyan stong dang/ lho'i 'dzam bu gling stong dang/ rgyal po chen po bzhi stong dang/ sum cu rtsa gsum stong dang/ 'thab bral stong dang/ dga' ldan stong dang/ 'phrul dga' stong dang/ gzhan 'phrul dbang byed stong dang/ tshangs pa'i 'jig rten gyi khams stong rnams te/ 'di ni spyi phud kyi 'jig rten gyi khams zhes bya ste/ dge slong dag gang stong spyi phud kyi 'jig rten gyi khams stong la ni stong gnyis pa bar ma'i 'jig rten gyi khams zhes bya'o/ /stong gsum gyi stong chen po'i 'jig rten gyi khams gang zhe na/ ji srid du nyi ma phyogs gsal bar byed pa de srid du stong gsum gyi 'jig rten gyi khams te/ nyi ma stong dang/ zla ba stong dang/ ri rab stong dang/ shar gyi lus 'phags stong dang/ nub kyi ba lang spyod stong dang/ byang gi sgra mi snyan stong dang/ lho'i 'dzam bu gling stong dang/ rgyal po chen po bzhi stong dang/ sum cu rtsa gsum stong dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed dang/ tshangs pa'i 'jig rten gyi khams stong rnams la ni stong spyi phud kyi 'jig rten gyi khams zhes bya la/ dge slong dag gang stong spyi phud kyi 'jig rten gyi khams stong la stong gnyis pa bar ma'i 'jig rten gyi khams zhes bya la/ gang stong gnyis pa bar ma'i 'jig rten gyi khams stong la ni stong gsum gyi stong chen po'i 'jig rten gyi khams zhes bya'o/ /bcom ldan 'das kyis de skad ces bka' stsal pa dang/ dge slong de dag bcom ldan 'das kyis gsungs pa la mngon par dga' zhing yi rang ngo// //yang ji ltar snod rnams kyi tshad? dang bye brag yod pa de bzhin du de na gnas pa'i sems can rnams kyi tshad? kyang bye brag yod dam zhe na zhes bya ba la/ bcom ldan 'das mnyan yod na rgyal byed kyi tshal mgon med zas byin gyi kun dga' ra ba na bzhugs te/ de nas bcom ldan 'das kyis dge slong rnams la bos te bka' stsal pa/ dge slong dag khyed cag sems can rnams kyi tshe'i tshad nyan par 'dod dam/ bcom ldan 'das de'i dus dang de'i dus la bab kyis/ bcom ldan 'das kyis dge slong rnams la sems can rnams kyis tshe'i tshad bstan du gsol/ dge slong rnams kyis thos nas 'dzin par 'gyur ro/ /dge slong dag de'i phyir legs par nyon la yid la gzung shig dang bshad par bya'o/ /btsun pa de bzhin no zhes dge slong de dag bcom ldan 'das kyis ltar nyan pa dang/ de nas bcom ldan 'das kyis 'di skad ces bka' stsal to/ /dge slong dag dmyal ba rnams kyi tshe nang na tshes ring ba ni bskal pa ste de dag las dus ma yin par 'chi bar 'gyur ba ni yod do/ /dud 'gro rnams kyi nang na tshe? tshes? ring ba ni bskal pa ste/ dus ma yin par 'chi bar 'gyur ba ni yod do/ /dge slong dag gang mi rnams kyi nyin zhag sum cu gang yin pa de yi dags rnams kyi nyin zhag gcig la/ nyin zhag de nyid kyis nyin zhag sum cu la zla ba gcig yin la/ zla ba bcu gnyis la lo gcig yin te/ de ltar rtsis pa'i lo lnga brgya ni yi dags rnams kyi tshe tshad do/ /mi rnams kyi tshe'i tshad du rtsis na lo stong phrag bco lngar 'gyur te/ dus ma yin par 'chi ba ni yod do/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /mchu dang mgrin pa skams shing shin tu sdug bsngal ba/ /lus ni brag gi ri ltar che zhing mtho/ /rang gis skra yis g.yogs shing rnam par bsgribs/ /shin tu ring cing kha ni khab mig tsam/ gcer bu rang gi skra yis rnam par bsgribs/ /rus pa'i 'khrul 'khor shin du mtho ba ste/ /smre sngags 'don cing lag na kar ba thogs/ /de dag bkres skom sdug bsngal gyis gdungs shing/ /slong ba'i sgra 'byin tshor ba sdug bsngal myong/ /ser sna bsten cing phan tshun phrag dog gis/ /las kyi 'bras bus yi dags 'jig rten skyes/ /dge slong dag shar gyi lus 'phags kyi tshe'i tshad ni lo nyis brgya lnga bcu ste/ dus ma yin par 'chi ba ni yod do/ /dge slong dag nub kyi ba lang spyod kyi mi rnams kyi tshe'i tshad ni lo lnga brgya ste/ dus ma yin par 'chi ba ni yod do/ /dge slong dag byang gi sgra mi snyan gyi mi rnams ni nga yir bya ba med cing yongs su 'dzin pa med la/ tshe nges shing tshe 'phos pa'i 'og tu 'gro ba khyad par can mtho ris su 'gro ste/ dge slong dag rnam pa 'dis na byang gi sgra mi snyan gyi mi rnams kyi tshe'i tshad ni lo stong ngo/ /dus ma yin par 'chi ba med do/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /phongs? pas sdug bsngal sems can dag / gzhan gyi nor dag 'dod byed cing/ /gzhan dge bkol zhing dman pa dag /de dag dam pa bsten mi byed/ /phyug cing nor rnams mang pa dang/ /nye bar longs spyod dang ldan pas/ /nor dang 'bras dang g.yogs 'khor ldan/ /de dag dam pa bsten par byed/ /'di ni ji srid 'tsho'i bar du/ /bsod nams dge ba'i las byed pas/ /lha bzhin dga' ba dang ldan pa'i/ /phun sum tshogs pa chen po 'thob/ /lkog gyur ma yin 'di dag bltos/ /'jig rten bde ba gang cung zad/ /de dag sngon gyi sbyin pa'i 'bras/ /sgra mi snyan pa'i mi rnams ni/ /nga yi med cing yongs 'dzin med/ /gos mchog rab tu bsten byed pa/ /de ni sngon gyi sbyin pa'i 'bras/ /de dag rnams la nad med cing/ /de na grang dang dro ba med/ /gzugs dang kha dog phun sum tshogs/ /de ni sngon gyi sbyin pa'i 'bras/ /byang gi sgra mi snyan gling na/ /ma tshang med cing dum bu min/ /gtsang ba'i 'bru dag skye ba ste/ /de ni sngon gyi sbyin pa'i 'bras/ /nor bu'i 'od kyi de dag rnams// rtag du gsal zhing mdzes par byed/ /gang de rnams la gtsang byed pa/ /de ni sngon gyi sbyin pa'i 'bras/ /de na tshod ma cung zad med/ /sran ma sogs kyang yod ma yin/ /kha dog dri dang ror ldan pa'i/ /'bras dag rtag tu longs spyod byed/ /rdza ma gcig tu btsos pa ni/ /stan las langs par gyur gyi bar/ /snod du zad par mi 'gyur te/ /de ni sngon gyi sbyin pa'i 'bras/ /ku ba bzhin du 'bras gzhan gyis/ /bcad nas yal ga las slar skye/ /ma smin pa yang smin par byed/ /de ni sngon gyi sbyin pa'i 'bras/ /yan lag brgyad ldan chu bo bzang/ /de dag chu bo shin tu bsil/ /'thungs na nod par mi 'gyur pa/ /de ni sngon gyi sbyin pa'i 'bras/ /glu gar dag gi shing rnams kyis/ /de dag rtag tu dga' bar byed/ /rtag tu yid ni bde byed pa/ / de ni sngon gyi sbyin pa'i 'bras/ /glu gar shing gis rab mdzes shing/ /gos kyi shing dag mang po dang/ /spos shing phun sum tshogs pa dag /de ni sngon gyi sbyin pa'i 'bras/ /glu gar dri dang me tog dang/ /chos gos rnams la rtag tu ni/ /gang dang 'dra pa 'dod pa dag / de dag de dang 'dra bar 'gyur/ /de dag sa gzhi 'jam pa ni/ /shing bal dag dang 'dra ba la/ /rtag tu rab tu dga' byed pa/ /de ni sngon gyi sbyin pa'i 'bras/ /de dag khro po yod min to/ /phan tshun dag du rtse zhing dpa' / /phrag dog ser sna med pa dag /de ni sngon gyi sbyin pa'i 'bras/ /mtshan gyi thun ni dang po la/ /skad cig tsam du char bab pas/ /rdul dag sel bar byed ba ni/ /de ni sngon gyi sbyin pa'i 'bras/ /de dag yongs su 'dzin med de/ /ma yis bu yang ngo mi shes pa mya ngan med cing dga' ba ste/ /de ni sngon gyi sbyin pa'i 'bras// ma yis lam stong dag du ni/ /bskur nas 'gro bar byed pa na/ /'dzub mo'i rtse las 'o ma 'dzag/ de ni sngon gyi sbyin pa'i 'bras/ /'ga' zhig shi na de dag rnams/ /du bar mi byed bskyur te 'gro/ gling dag kha yis gtsang byed pa/ /de ni sngon gyi sbyin pa'i 'bras shin tu yongs su bsrungs pa ste/ /glu dang gar gyi dga' bar byed/ rtsed 'jo dga' bar byed pa dag /de ni sngon gyi sbyin pa'i 'bras/ /mi rnams kyi ni tshe lo dag /stong phrag rab tu zad pa na/ /gzhan dag tu ni 'chi byed pa/ /de ni sngon gyi sbyin pa'i 'bras/ /mi yi lus kyi phan pa dang/ /longs spyod rgya chen la brten nas/ /lha yi nang du skye ba dag /de ni sngon gyi sbyin pa'i 'bras /dge slong dag 'dzam bu'i gling gi mi rnams kyi tshe ni 'phel ba dang 'grib pa las shes par bya ste/ tshe tshad dpag tu med pa dang/ /tshe lo stong phrag brgyad cu dang/ tshe lo brgya dang/ tshe lo bcu pa yang yin te/ dge slong dag da ltar ni 'dzam bu'i gling gi mi rnams yun ring du 'tsho na lo brgya thub pa/ /cung zad lhag pa yang yod do/ /tshad 'di tsam du yang dag pa'i bde ba myong bar byed do/ /dge slong dag lo brgya 'tsho ba na gnas skabs bcu nyams su myong bar 'gyur te/ sngas mtho ba la nyal ba'i byis pa ni gnas skabs dang po'o/ /rtse zhing dga' ba'i rang bzhin can gyi gzhon nu ni gnas skabs gnyis pa'o// 'dod pa spyod cing lang 'tsho la bab pa ni gnas skabs gsum pa'o/ /spro ba dang stobs dang ldan pa ni gnas skabs bzhi pa'o/ /shes rab dang spobs pa dang ldan pa ni gnas skabs lnga pa'o/ /dran pa dang spyod pa'i rang bzhin can ni gnas skabs drug pa'o/ /nges pa dang bcas par gyur pa gnas skabs bdun pa'o/ /rgyal pos shes shing dga' bar gyur pa ni gnas skabs brgyad pa'o/ /na zhing rgas par gyur pa ni gnas skabs dgu pa'o/ /tshe dang ldan yid dang bral bar gyur pa na gnas skabs bcu pa ste/ dge slong dag tshe lo brgya 'tsho ba na gnas skabs bcu nyams su myong bar 'gyur ro/ /dge slong dag lo brgya 'tsho ba na dus tshigs sum brgyar 'tsho bar 'gyur te/ dus tshigs brgya ni dgun no/ /dus tshigs brgya ni sos ka'o/ /dus tshigs brgya ni dbyar ro/ /dus tshigs sum brgyar 'tsho ba na zla ba brgya phrag bcu gnyis su 'tsho bar 'gyur te/ dgun zla ba bzhi dang/ sos ka zla ba bzhi dang/ dbyar zla ba bzhi'o/ /zla ba brgya phrag bcu gnyis su 'tsho ba na zla ba phyed pa brgya phrag nyi shu rtsa bzhir 'tsho bar 'gyur te/ dgun brgyad/ sos ka brgyad/ dbyar brgyad de/ zla ba phyed pa brgya phrag nyi shu rtsa bzhir 'tsho ba nyin zhag stong phrag sum cu rtsa drug du 'tsho bar 'gyur te/ bcu gnyis ni dgun no/ / bcu gnyis ni sos ka'o/ /bcu gnyis ni dbyar ro/ /nyin zhag stong phrag sum cu rtsa drug tu 'tsho ba na kha zas stong phrag bdun cu rtsa gnyis za bar 'gyur te/ gzhan ni phyed za ste/ de la 'di dag ni zas gzhan te/ khros pa na yang mi za/ sdug bsngal ba na yang mi za/ rtsol ba byed pa na yang mi za/ gso sbyong byed pa na yang mi za/ bya ba la chags pa na yang mi za/ rnyed pa na yang mi za/ ma rnyed pa na yang mi za/ gnyid log pa na yang mi za/ smyo ba na yang mi za/ bag med pa na yang mi za ste/ za ba dang mi za ba gcig tu bsdus nas zas stong phrag bdun cu rtsa gnyis su 'gyur ro/ /dge slong dag ngas 'dzam bu'i gling gi mi rnams kyi tshe'i tshad bshad cing/ 'chi ba dang/ zla ba dang/ zla ba phyed pa dag nyin zhag dang/ zas dang/ zas gzhan yang bshad zin to/ /dge slong dag gang mi rnams kyi tshe lo lnga bcu gang yin pa de ni rgyal po chen po bzhi rnams kyi nyin zhag gcig yin la/ des na nyin zhag sum cu la zla ba gcig zla ba bcu gnyis la lo 'khor ba gcig yin la/ ngas lha'i lo lnga brgya ni rgyal po chen po bzhi'i lha rnams kyi tshe'i tshad? yin no/ /mi rnams kyi lo'i grangs su brtsis na lo stong phrag dgu bcur 'gyur te/ dus ma yin par 'chi ba ni yod do/ /de ni dmyal ba chen po yang sos kyi nyin zhag gcig pa yin la nges na nyin zhag sum cu la zla ba gcig /zla ba bcu gnyis lo'i 'khor gcig ste/ de nas lo lnga brgya ni dmyal ba chen po yang sos kyi tshe'i tshad yin no/ /mi'i tshe'i tshad du bgrangs na lo bye ba brgya stong phrag bcu? dang/ bye ba phrag stong ngo/ /dus ma yin par 'chi ba ni yod do/ /de nas bcom ldan 'das kyis de'i tshe tshigs su bcad pa 'di skad bka' stsal to/ /lus kyi nyes spyad? spyod pa dang/ /ngag gi nyes spyad spyod pa dang/ /yid kyi nyes spyad spyod pa dang/ /gang yang skyon dag sdud byed pa/ /dmyal ba'i las kyi rnam smin gyis/ /yang sos dag tu skye 'gyur te/ /lo ni bye ba stong brag du/ /yang sos dag tu bcom par 'gyur/ /phan tshun kho na la dga' ba dang/ /skyes bu gnod pa byed pa dag/ dmyal ba dag gi las rnams kyis/ /yang sos dag tu skye bar 'gyur/ /dge slong dag yang mi rnams kyi tshe lo brgya gang yin pa de ni sum cu rtsa gsum pa rnams kyi nyin zhag cig yin la/ de nyid kyis brtsis pa'i nyin zhag sum cu la zla ba gcig/ zla ba bcu gnyis la lo gcig ste/ nges lha'i lo stong ni sum cu rtsa gsum pa rnams kyi tshe'i tshad do/ /de mi rnams kyi tshe'i tshad kyi grangs su brtsis na la bye ba phrag gsum dang 'bum phrag drug cu ste/ dus ma yin par 'chi ba ni yod do/ /de ni dmyal pa chen po thig nag gi nyin zhag gcig tu 'gyur la/ des nyin zhag sum cu la zla ba gcig /zla ba bcu gnyis la lo gcig yin la/ de nas lo stong ni dmyal ba chen po thig nag gi tshe tshang? yin no/ /de mi rnams kyi tshe tshad? kyi grangs su brtsis na lo 'bum phrag bye ba phrag bcu gnyis dang/ lo stong phrag bye ba phrag dgu bcu rtsa drug ste/ dus ma yin par 'chi ba ni yod da/ / de nas bcom ldan 'das kyis de'i tshe tshigs su bcad pa 'di skad ces bka' stsal to/ /sangs rgyas dge 'dun rnams dang ni/ /pha dang ma la brnyas pa dang /thig nag dag tu skye 'gyur te/ /sdug bsngal tshor ba myong bar 'gyur/ /gzhan dag gnas nas skrod byed cing/ /skyes bu mdza' bo 'byed pa dag /thig nag dag tu skye bar 'gyur/ /de bzhin dbyen dang brdzun dag dang/ /dmyal ba dag gi las rnams kyis/ /thig nag dag tu skye bar 'gyur/ /dge slong dag mi rnams kyi lo nyis brgya gang yin pa de ni lha 'thab bral ba rnams kyi nyin zhag gcig yin la de nyid kyis brtsis pa'i nyin zhag sum cu la zla ba bcu gnyis la lo gcig ste/ des na lha'i lo nyis stong ni 'thab bral gyi lha rnams kyi tshe'i tshad do/ /de mi rnams kyi tshe'i tshad kyi grangs su brtsis na lo bye pa phrag bcu bzhi dang/ lo 'bum phrag bzhi bcur 'gyur te/ dus ma yin par 'chi ba ni yod do/ /de nyid dmyal ba chen po bsdus 'joms kyi nyin zhag gcig yin la des nyin zhag sum cu la zla ba gcig / zla ba bcu gnyis la lo gcig tu brtsis pa'i lo nyis stong ni dmyal ba chen po bsdus 'joms pa rnams kyi tshe'i tshad yin no/ /de mi rnams kyi tshe'i tshad kyi grangs su brtsis na lo bye ba phrag bcu gcig dang/ lo 'bum phrag gsum dang/ lo stong phrag drug cu rtsa brgyad de/ dus ma yin par 'chi ba ni yod do/ /de'i tshe bcom ldan 'das kyis tshigs su bcad pa 'di skad ces bka' stsal to/ /dge ba rnam gsum mi byed pa/ /mi dge rnam pa gsum byed pa/ /dmyal ba'i las kyi rnam smin gyis/ /bsdus 'joms dag tu skye bar 'gyur/ /ra dang lug dang ma he dang/ /khyim bya dang ni phag dag dang/ /de bzhin srog chags gzhan gsod pa/ /bsdus 'joms dag tu skye bar 'gyur/ /dge slong dag mi rnams kyi lo bzhi brgya gang yin pa de ni dga' ldan gyi lha rnams kyi nyin zhag gcig yin la/ /de nyid kyis brtsis pa'i nyin zhag sum cu la zla ba gcig/ zla ba bcu gnyis la lo gcig/ des na lha'i lo bzhi stong ni dga' ldan gyi lha rnams kyi tshe'i tshad yin no/ /de nyid mi rnams kyi tshe'i tshad kyi grangs su brtsis na lo bye ba phrag lnga bcu rtsa bdun dang/ /lo 'bum phrag drug cu ste/ dus ma yin par 'chi ba ni yod do/ /de nyid dmyal ba chen po du 'bod kyi zhag gcig yin la nges nyin zhag sum cu la zla ba gcig /zla ba bcu gnyis la lo gcig tu brtsis pa'i lo bzhi stong ni sems can dmyal ba chen po du 'bod pa rnams kyi tshe tshad yin no/ /de mi rnams kyi tshe'i tshad du brtsis na lo bye ba phrag drug cu dang/ lo 'bum phrag bye ba phrag sum cu rtsa gcig dang/ lo stong phrag bye ba phrag bzhi bcu ste/ dus ma yin par 'chi ba ni yod do/ /de'i tshe bcom ldan 'das kyis tshigs su bcad pa 'di skad ces bka' stsal to/ /lag pa khrag dang bcas pa yis/ /srog dag gcod par byed pa dag / sdig pa'i las dag kun spyod pa/ /ngu 'bod dag du skye bar 'gyur/ /chags dang bral bzhin du 'bod du/ /yun rings dag tu bsreg par 'gyur/ /sgyu dang tshul 'chos byed pa dag /'jigs pa'i skad dag 'don par 'gyur/ /dge slong dag mi rnams kyi lo brgyad brgya gang yin pa de 'phrul dga' ba'i lha rnams kyi nyin zhag gcig yin la/ des nyin zhag sum cu la zla ba gcig /zla ba bcu gnyis la lo gcig tu brtsis pa'i lha'i lo stong phrag brgyad ni 'phrul dga' ba'i lha rnams kyi tshe'i tshad yin no/ /de mi rnams kyi tshe'i tshad du brtsis na lo bye ba brgya phrag sum cu dang/ lo 'bum phrag bzhi bcu ste/ dus ma yin par 'chi ba ni yod do/ /de nyid sems can dmyal ba chen po ngu 'bod chen po rnams kyi nyin zhag gcig yin la/ nyin zhag sum cu la zla ba gcig / zla ba bcu gnyis la lo gcig tu brtsis pa'i stong phrag brgyad ni sems can dmyal ba chen po ngu 'bod chen po ba rnams kyi tshe'i tshad yin no/ /de nyid mi rnams kyi tshe'i tshad du brtsis na lo bye ba phrag drug cu rtsa drug dang/ lo 'bum phrag bya ba phrag sum cu rtsa lnga dang/ stong phrag bye ba phrag lnga bcu rtsa gnyis te/ dus ma yin par 'chi ba ni yod do/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /lta ba'i thibs pos rab g.yogs shing// sred pas kun nas btul ba dang/ /sdig las kun tu spyod pa dag /ngu 'bod chen por skye bar 'gyur/ /gnod pa sna tshogs byed pa dang/ /khyim bdag 'bigs par byed pa dag /'bar zhing ba spu langs pa yi/ /ngu 'bod chen por sreg par 'gyur// 'dza' bo 'byed par byed pa dag / ral gri bya rgod khwa dag gis/ /bskor te za zhing 'joms par 'gyur/ /dge slong dag gang gis mi rnams kyi lo stong drug brgya gang yin pa de ni gzhan 'phrul dbang byed pa rnams kyi nyin zhag gcig yin la/ nyin zhag sum cu la zla ba gcig / zla ba bcu gnyis la lo gcig tu brtsis pa'i lha'i lo stong phrag bcu drug ni gzhan 'phrul dbang byed pa rnams kyi lha'i tshe tshang yin no/ /de mi rnams kyi tshe'i tshad du brtsis na lo bye ba phrag brgya nyi shu rtsa gcig dang/ lo 'bum phrag drug cu ste/ dus ma yin par 'chi ba ni yod do/ /de nyid dmyal ba chen po tsha ba'i des nyin zhag sum cu la zla ba gcig /zla ba bcu gnyis la lo gcig tu brtsis pa'i lo stong phrag bcu drug ni dmyal ba chen po tsha ba pa rnams kyi tshe'i tshad yin te/ de ma rnams kyis tshe'i tshad du bgrangs lo bye ba phrag lnga brgya dang/ lo bye ba bye ba phrag sum cu dang/ lo 'bum phrag bye ba phrag brgyad khri dang/ stong phrag bye ba phrag drug cu ste/ dus ma yin par 'chi ba ni yod do/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /dge sbyong dang ni bram ze dang/ /dam pa pha dang ma rnams la/ /rab tu gdung bar byed pa dag /rtag tu tsha bar skye bar 'gyur/ /skye bo mang po rnams la ni/ /yongs su gdung zhing gnod byed pa'i/ /dmyal ba yi ni las dag gis/ tsha ba dag tu skye bar 'gyur/ /dge slong dag khyed cag sems can dmyal ba chu bur can rnams kyi tshe'i tshad nyan par 'dod dam/ de bzhin te bcom ldan 'das de'i dus la bab po/ /bde bar gshegs pa de'i dus la bab kyis/ /bcom ldan 'das dge slong rnams la chu bur can du skyes pa'i sems can rnams kyi tshe'i tshad bstan du gsol/ de thos nas dge slong rnams kyis 'dzin par 'gyur ro/ /dge slong dag des na legs par rab tu nyon la yid la gzung zhig dang bshad par bya'o/ /dge slong dag 'di ni yul ko sa la'i til khal nyi shus gang ba'i rdzang pa kha? sngam zhig yod par gyur la/ de las skyes bu 'ga' zhig gis lo brgya zhing til 'bru re re bton la/ dge slong dag yul ko sa pla'i khal nyi shu'i til spyad mthar yongs su zad cing gtugs par 'gyur ba ni ches myur gyi/ chu bur can du skyes pa'i sems can rnams kyi tshe'i mdza' ni ma yin no zhes nga smra'o/ /ji lta chu bur can nyi shu gang yin pa de ni chu bur rdol pa ba gcig yin no/ /ji ltar chu bur rdol pa ba nyi shu gang yin pa de ni so thams thams ba gcig yin/ /ji ltar so thams thams pa nyi shu gang yin pa de ni a chu zer ba gcig yin na/ /ji ltar a chu zer ba nyi shu gang yin pa de ni kyi hud zer ba gcig yin no/ /ji ltar gyi hud zer ba nyi shu gang yin pa de ni autpal ltar gas pa gcig yin no/ /ji ltar autpal ltar gas pa nyi shu gang yin pa de ni pad+ma ltar gas pa gcig yin no/ /ji ltar pad+ma ltar gas pa nyi shu gang yin pa de ni pad+ma chen po ltar gas pa gcig yin no/ /gang gi phyir lhas byin gyi phyogs pa dge slong ko ka li ka dge slong shA ri'i bu dang/ maung+gal gyi bu la sems rab tu sdang bas sems can dmyal ba chen po pad+ma chen po ltar gas par skyes so/ /dge slong dag de lta bas na khyed kyis ka ba tshig pa la yang gdug pa'i sems skyed par mi bya na rnam par shes pa dang bcas pa la lta smos kyang ci dgos zhes de ltar bslab par bya'o/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /skyes bu'i skye ba thob pa dag /kha nas rtsub pa'i tshig smra zhing/ /nyes par bshad pa smra byed cing/ /bdag nyid rab tu 'joms par byed/ /gang zhig smad bya ba stong byed cing/ /bstong bya smad par byed pa dang/ /kha nas 'thad cing rtsod pa dag /bde pa myong bar mi 'gyur te/ /skad cig tsam gyi dus kyis kyang/ /rang gi nor dag 'phrog par byed/ /gang gis dus ni mang po rdung/ /bde gshegs yid rab sdang byed pa/ /chu bur rdol du stong phrag brgya/ /chu bur can du sum cu drug /gang zhig 'phags pa smod byed cing/ /lus ngag yid kyi sdig pa can/ /sdig sems mi bden smra ba dag / bdag gis rab tu bsags nas ni/ /kha na ma tho med stobs las/ /de dag zad cing spong byed 'gyur/ /dge slong dag sems can dmyal ba chen po rab tu tsha ba rnams kyi tshe'i tshang? ni bskal pa phyed yin te/ /dus ma yin par 'chi ba ni yod do/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /mi dge spangs pa 'dod pa yi/ /'bras bu mtho ris skye bar 'gyur/ /mi 'dod pa yi las byed pa/ /rab tu tsha bar skye bar 'gyur/ /dge sbyong dag dang bram ze dang/ /pha dang ma la gnod pa dang/ de bzhin bla ma gnod byed pa/ /rab tu tsha bar skye bar 'gyur/ /dge slong dag sems can dmyal ba chen po mnar med pa rnams kyi tshe'i tshang? ni bskal pa gcig yin te/ dus ma yin par 'chi ba ni yod do/ /gang gi phyir skyes bu rmongs pa lhas byin gyis de bzhin gshegs pa'i sku la ngan sems kyis khrag byung ba dang/ dge slong ma dgra bcom pa bsang pas rang gi lus de nyid kyis sems can dmyal ba chen po mnar med par skyes so/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /gang zhig 'phags pa'i bstan pa dang/ /chos kyis 'tsho ba'i 'phags pa la/ /rab tu khro bar byed pa dang/ /sdig can log lta ston byed pa/ /'bras bu 'gul ba gcod pa dang/ /'bras bu rang la gnod par 'gyur/ 'dod pa dag las ma grol na/ /sdig pa dag las grol mi 'gyur/ /dge ba dag las grol ba dag /sdig can gdung las grol mi 'gyur/ /de dang de dag ma grol na/ /pha rol dag tu 'ching bar 'gyur/ /'phags pa 'ching bar mi 'gyur te/ /sdig bcas byis pa 'ching bar 'gyur/ /rab tu che ba'i las byas pas/ /dmyal ba dag tu 'gro 'gyur te/ /dmyal ba'i las dag byas pa yis/ /mnar med dag tu skye bar 'gyur/ /dge slong dag tshangs ris pa rnams kyi lha'i tshe'i tshad ni bskal pa phyed yin te/ /dus ma yin par 'chi ba ni yod do/ /dge slong dag tshangs pa'i mdun na 'don gyi lha rnams kyi tshe'i tshad ni bskal pa gcig yin te/ dus ma yin par 'chi ba ni yod do/ /dge slong dag tshangs pa chen po'i lha rnams kyi tshe'i tshad ni bskal pa phyed dang gnyis te/ dus ma yin par 'chi ba ni yod do/ /dge slong dag 'od chung gi lha rnams kyi tshe'i tshad ni bskal ba gnyis te/ dus ma yin par 'chi ba ni yod do/ /dge slong dag tshad med 'od kyi lha rnams kyi tshe'i tshad ni bskal pa bzhi ste/ dus ma yin par 'chi ba ni yod do/ /dge slong dag 'od gsal gyi lha rnams kyi tshe'i tshad ni bskal pa brgyad de/ dus ma yin par 'chi ba ni yod do/ /dge slong dag dge chung gi lha rnams kyi tshe'i tshad ni bskal pa bcu drug ste/ dus ma yin par 'chi ba ni yod do/ /dge slong dag tshad med che ba'i lha rnams kyi tshe'i tshad ni bskal pa sum cu rtsa gnyis te/ dus ma yin par 'chi ba ni yod do/ /dge slong dag dge rgyas pa'i lha rnams kyi tshe'i tshad ni bskal pa drug cu rtsa bzhi ste/ dus ma yin par 'chi ba ni yod do/ /dge slong dag sprin med kyi lha rnams kyi tshe'i tshad ni bskal pa brgya nyi shu rtsa lnga lhag pa ste/ dus ma yin par 'chi ba ni yod do/ /dge slong dag bsod nams skyes kyi lha rnams kyi tshe'i tshad ni bskal pa phyed dang sum brgya ste/ dus ma yin par 'chi ba ni yod do/ /dge slong dag 'bras bu che ba'i lha rnams kyi tshe'i tshang? ni bskal pa lnga brgya ste/ dus ma yin par 'chi ba ni yod do/ /dge slong dag mi che ba'i lha rnams kyi tshe'i tshad ni bskal pa stong phrag gcig ste/ dus ma yin par 'chi ba ni yod do/ /dge slong dag mi gdung ba'i lha rnams kyi tshe'i tshad ni bskal pa stong phrag gnyis te/ dus ma yin par 'chi ba ni yod do/ /dge slong dag shin tu mthong pa'i lha rnams kyi tshe'i tshad ni bskal pa stong phrag bzhi ste/ dus ma yin par 'chi ba ni yod do/ /dge slong dag gya nom snang ba'i lha rnams kyi tshe'i tshad ni bskal pa stong phrag brgyad do/ /dus ma yin par 'chi ba ni yod do/ /dge slong dag 'og min gyi lha rnams kyi tshe'i tshad ni bskal pa stong phrag bcu drug ste/ dus ma yin par 'chi ba ni yod do/ /dge slong dag nam mkha' mdza' yas skye mched kyi lha rnams kyi tshe'i tshad ni bskal pa nyi khri ste/ dus ma yin par 'chi ba ni yod do/ /dge slong dag rnam shes mdza' yas skye mched kyi tshe'i tshang? ni bskal pa bzhi khri ste/ dus ma yin par 'chi ba ni yod do/ /dge slong dag ci yang med pa'i skye mched kyi lha rnams kyi tshe'i tshad ni bskal pa drug khri ste/ dus ma yin par 'chi ba ni yod do/ /dge slong dag 'du shes med 'du shes med min skye mched kyi lha rnams kyi tshe'i tshad ni bskal pa brgyad khri ste/ dus ma yin par 'chi ba ni yod do/ /dge slong dag mnar med pa'i sems can dmyal ba nas/ 'du shes med 'du shes med min skye mched kyi bar ni srid pa'i mdza' ni 'di tsam ste/ srid par skye ba ni 'di tsam ste/ 'di tsam gyis na 'gro ba lngar 'khor ba'i sems can rnams 'gro ba dang/ 'ong ba dang/ gnas pa dang/ 'chi 'pho dang skye ba zhes gdags so/ /dge slong dag srid pa dang srid par skye ba la mngon par dga' bar mi bya'o/ /cung zad tsam dang skad cig tsam du yang srid pa mngon par 'grub pa'i bsngags pa nga mi smra ste/ de ci'i phyir zhe na/ dge slong dag srid par mngon par 'grub pa ni sdug bsngal ba ste/ 'di lta ste/ mi gtsang ba ni chung yang dri mi zhim par gsal ba ste/ dge slong dag de bzhin du cung zad tsam mam skad cig tsam du srid pa mngon par 'grub pa'i bsngags pa nga mi smra ste/ de ci'i phyir zhe na/ dge slong dag srid pa mngon par 'grub pa ni sdug bsngal pa'i phyir ro/ /byis pa so so'i skye bo thos pa dang mi ldan pa rnams ni 'gro ba lnga'i 'khor bar rgyug ste/ mngon par rgyug cing rab tu rgyug la mi grol lo/ /yang dang yang du dmyal ba dang/ yang dang yang du dud 'gro dang/ yang dang yang du yi dags dang/ yang dang yang du ngan song ngan 'gror lhung ngo/ /dge slong dag de lta bas na de'i phyir khyed kyis 'di ltar bslab par bya ste/ srid pa dang srid pa mngon par 'grub pa bcad pa de ltar dge slong dag khyed kyis bslab par bya'o/ /bcom ldan 'das dgyes shing de skad ces bka' stsal pa dang/ dge slong dag de ltar bcom ldan 'das kyis gsungs pa la mngon par dga' zhing rjes su yi rang ngo/ /dge slong dag klu chen po brgyad po 'di dag ni zhes bya ba la gleng gzhi ni mnyan du yod pa na'o/ /dge slong dag klu chen po brgyad po 'di dag ni bskal par gnas shing sa 'dzin pa/ bya'i rgyal po nam mkha' lding gis mi rdzi ba/ lha dang lha ma yin gyi g.yul nyams su myong bar byed/ so sor nyams su myong bar byed pa ste/ de dag gang zhe na/ klu'i rgyal po dga' bo dang/ klu'i rgyal po nye dga' bo la sogs pa ste/ 'di dag ni mthu dang rdzu 'phrul rab tu che ba ste/ rgya mtsho la brten pa lha ma yin dang 'bab pa lha'i dbang po brgya byin gyi dpung byed pa ste/ stobs che ba/ dug che ba/ gzi brjid che ba/ brang gis 'gro ba/ thal mo'i tshul sna tshogs pa'o zhes bka' stsal to/ /til rdzang nang nas lo brgya zhing/ /til gcig phyung pas zad gyur pa zhes bya ba la sogs pa la/ go rim las zlog par le'u gnyis pa'i de ma thag pa'i mdo las te/ dbyangs dang tshoms dang lha yi sgo// bram ze ko ka glog dang rgyal/ /yangs pa can reg nyon mongs dang/ /ko ka li ka srid mi rtag ces 'byung ba'i ko ka li ka'i sdom gyi tshigs su bcad pa'i mdo las blta bar bya'o/ /nyi ma bdun 'jig rten du 'byung bar 'gyur te zhes bya ba ni lung bar ma'i bdun pa las 'di skad du 'don te/ mdzod kyi gnas 'di nyid du sems can gzugs can lus tha dad cing 'du shes tha dad pa dag kyang yod de zhes bya ba der mdo ji lta ba bzhin du ji ltar 'du shes tha dad par byed pa bris zin to/ /'jig rten gdags pa las kyang tshigs su bcad pa 'di ltar 'byung ste/ dus mthar 'tsho ba'i 'jig rten 'dir/ /sprin las chu dag mi 'byung ste/ /rtswa dang gel pa gso shing tshogs/ /nyi ma gcig gis sreg par 'gyur/ /de bzhin chu klung chung ngam grog/ nyi ma gnyis pas nyams shing skams// chu klung ngam grog chen po dag / gsum pa'i 'bar bas bsreg par 'gyur/ /yid 'ong ma dros zhes bya'i mtsho/ /mi ma yin ldan rgya che ba/ /gtsang ba'i chu yis rab gang ba/ /nyi ma bzhi pas skams par 'gyur/ /'byung po phal chen tshogs kyi gnas/ /rin chen 'byung gnas 'jigs sgra can/ /nyi ma bcu phyed pas gdungs shing/ /ma lus yongs su skams par 'gyur/ /sa dang rin chen bzhi rang bzhin/ /ri rab drug pas gdungs pa las/ /shin tu du ba 'thul bar 'gyur/ /bdun pa'i 'od zer 'bar ba yis/ /nyi ma bdun pas sregs par 'gyur/ /sa 'dzin pa dang sa rnams ni/ /rab tu 'bar bas bsreg par 'gyur/ /de nas me 'od rno zhing mtho/ /res 'ga' de yi 'od dag gis/ /dmyal ba dang ni yi dwags su/ /zhugs te rtag tu gdung zhing bsreg /spyod med shin tu 'od zer rno// gzi brjid chen po dang ldan pa/ /rtag tu gdungs pas nyams byed pa'i/ /rkun ma'i dpon po bdun zhes grag /'dod chags gzhal yas khang rnams dang/ /'dod pa'i rnam pa kun ldan pa'i/ /lha ma yin gyi gnas rnams dang/ /shin du yi 'ong 'dod lha'i tshogs tshangs dang bcas pa'ang sreg par 'gyur/ /ri rab dang ni sa chen dang/ /lha gnas zad cing 'gyur shes nas/ /blo ldan dam pa 'phags rnams blo/ /thar pa'i gnas la rtag 'jug gis/ /mdo las ni gtso bo smos zhes bya ba la/ rgyal po dang yang dag par ldan pa'i mdo gnyis pa las 'di ltar 'don te/ dge slong dag 'khor lo sgyur ba'i rgyal po 'jig rten du 'byung bar 'gyur te/ ji lta bu'i rang bzhin can gyi 'khor lo rin po che 'jig rten du 'byung bar 'gyur zhe na/ dge slong ngag 'di na rgyal po rgya la rigs spyi bos nas dbang bskur ba de tshes bco lnga'i nyin par mgo bos khrus byas shing gso sbyong la gnas te/ khang thog du song ste blon po'i tshogs kyis yongs su bskod cing 'dug pa na/ shar phyogs nas 'khor lo rin po che rtsibs stong dang ldan pa lte ba dang mu khyung dang bcas pa rnam pa rnam pa thams cad yongs su rdzogs pa/ mdzes pa/ bzo bos ma byas pa/ lha rdzas thams cad pa/ gser gyi rang bzhin 'byung bar 'gyur te/ rgyal po rgyal rigs spyi bo nas dbang bskur ba tshes bco lnga'i nyin par mgo bo khrus byas te/ gso sbyong la gnas shin khang thog tu song ste blon po'i tshogs kyis yongs su bskor zhing 'dug pa na/ shar phyogs nas 'khor lo rtsibs stong dang ldan pa lte ba dang mu khung dang bcas pa rnam pa thams cad rdzogs pa mdzes pa bzo bos ma byas pa/ lha rdzas thams cad pa gser gyi rang bzhin du 'byung bar 'gyur ro zhes thos nas de nas 'khor lo sgyur ba'i rgyal po 'di snyam du ci bdag 'khor lo sgyur ba'i rgyal po yin nam zhes/ nges 'khor lo sgyur ba'i rgyal po brtag par 'dod dam stan las langs te bla gos phrag pa gcig tu byas te/ pus mo g.yas pa'i lha nga sa la btsugs te/ lag pa gnyis kyis 'khor lo rin po che legs par blangs te/ lag pa g.yon par bzhag ste/ lag pa gsum pas 'khor lo sgyur zhing 'di skad smras te/ 'khor lo rin po che bzang po 'dis sngon gyi 'khor lo sgyur ba'i lam las rgyal zhing rnam par rgyal bar byed par gyur cig ces smra'o/ /de nas 'khor lo rin po che dang 'khor lo sgyur ba'i rgyal po shar phyogs su steng gi nam mkha' la 'khor lo rin po ches mdun du lam drang ste mngon par 'phags te 'gro bar 'gyur ro/ /'khor lo sgyur ba'i rgyal po 'khor lo rin po che dang lhan cig dpung gi tshogs yan lag bzhi dang 'gro ba na 'khor lo rin po che gang du gnas pa der 'khor lo sgyur ba'i rgyal po dpung ge tshogs yan lag bzhi dang bcas pa gnas par byed do/ / //khams mang po pa'i mdo las ji skad bshad pa lta bu ste/ gang snga phyi med par de bzhin gshegs pa dgra bcom pa yang dag par rdzogs pa'i sangs rgyas gnyis 'jig rten gyi khams gcig tu 'byung ba 'di gnas ma yin zhing go skabs med do/ /gcig ni gnas yin zhing go skabs yod do/ /gang snga phyi med par gling gcig tu 'khor lo sgyar ba'i rgyal po gnyis 'byung ba 'di ni gnas ma yin zhing go skabs med do/ /gcig ni gnas yin zhing go skabs yod do zhes 'byung ba med las ji skad du zhes bya ba la sogs pa ni lung ring po'i bdun pa'i mdo las 'don pa lta bu ste/ mdzod kyi gnas dang por phyag 'tshal ba'i tshigs su bcad pa 'di ltar de dag las sangs rgyas kyi chos dang zhes bya ba der bris par blta bar bya'o/ /bcom ldan 'das kyis tshangs pa'i mdo las zhes bya ba la/ ting nge 'dzin dang yang dag par ldan pa'i mdo drug pa las/ de nas tshangs pas bcom ldan 'das la 'di skad ces gsol to/ /grogs po dge sbyong ngam bram ze tshe ring zhing yun ring du gnas pa gang de dag gi nang du yang dag 'jog kyang khyed cag gi tshe dang mnyam pa dag byung ste/ dge sbyong ngam bram ze de dag ni nges par 'byung ba la nges par 'byung ba'i blo can/ nges par 'byung ba ma yin pa la yang nges par 'byung ba ma yin pa'i blo can te/ de de tsam du nges par 'byung ba shes shing mthong ba'i gnas te yod do/ / grogs po khyed ni nges par 'byung ba la nges par 'byung ba ma yin pa'i 'du shes can/ nges par 'byung ba ma yin pa la nges par 'byung ba'i 'du shes can te/ khyed ni nges par 'byung ba shes pa 'am mthong ba'i gnas med do/ /yang grogs po khyed ni sa la mngon par dga' ba/ sa la bsngags pa/ nga'i nye bar gnas pa/ dngos po la nye bar gnas pa/ nga'i ji ltar 'dod pa bzhin byed pa/ sa dang chu dang me dang rlung dang sa gzhi dang lha dang skye dgu'i bdag po dang tshangs pa la mngon par dga' ba tshangs pas bsngags pa/ nye bar gnas pa/ dngos po la nye bar gnas pa/ ji ltar 'dod pa bzhin bya ba'o/ /tshangs pa de bzhin no/ /dngos po bdun po de dag gang yang rung ba zhig bdag gi grangs su 'gro 'am/ der ma 'gyur ba 'am/ de dang 'dra bar rgyur ba 'am/ de lta bur gyur ram/ tshangs pa ngas ni brgyad po de dag dang khyod 'khor dang bcas pa yongs su shes so/ /khyod 'di lta bu rdzu 'phrul dang ldan pa'o zhes rig go /ji ltar grogs po khyod kyis brgyad po de dag dang bdag 'khor dang bcas pa yongs su shes sam/ de nas bcom ldan 'das kyis de'i tshe tshigs su bcad pa 'di skad ces bka' stsal to/ /ji srid nyi ma mun 'phrog cig /phyogs rab snang bar byed kyi bar/ /de srid stong gi 'jig rten la/ /ji ltar dbang sgyur rab tu byed/ /mchog dang mchog min rab tu shes/ /'dod chags bral dang bral min min/ /'di lta'i dngos po 'am dngos po gzhan/ /tshangs pa khyod kyis nyams su myong/ /de nas bcom ldan 'das kyis de'i tshe bdag nyid kyi dbang du byas te tshigs su bcad pa 'di skad ces bka' stsal to/ /ji srid nyi ma mun srog cing/ /phyogs rab snang bar byed kyi bar/ /de srid stong gi 'jig rten la/ /bdag ni dbang rab sgyur byed la/ /mchog dang mchog min rab mkhyen cing/ /'dod chags bral dang bral min mkhyen// 'di lta'i dngos po 'am dngos po gzhan/ /tshangs pa nga yis nyams su myong/ /mdo las ji skad du zhes bya ba la sogs pa la rgyas pa dang yang dag par ldan pa'i mdo dang po dang gnyis pa'i mdo dang po las te/ gleng gzhi ni mnyan du yed pa na'o/ /de nas bcom ldan 'das kyis dge slong rnams la pos te/ dge slong dag 'khor los sgyur ba'i rgyal po 'jig rten du byung ba rin po che sna bdun 'jig rten du 'byung bar 'gyur ro/ /bdun gang zhe na/ 'di lta ste/ 'khor lo rin po che dang/ glang po rin che dang/ rta rin po che dang/ nor bu rin po che dang/ khyim bdag rin po che dang/ bud med rin po che dang/ dmag dpon rin po che ni bdun pa ste/ dge slong dag 'khor lo sgyur ba'i rgyal po 'jig rten du rab tu 'byung ba na rin po che bdun po de dag 'jig rten du 'byung bar 'gyur ro/ /dge slong dag de bzhin du de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du byung na byang chub kyi yan lag bdun 'jig rten du rab tu 'byung bar 'gyur te/ byang chub kyi yan lag bdun gang zhe na/ 'di lta ste/ dran pa yang dag byang chub kyi yan lag dang/ chos rab tu rnam par 'byed pa dang/ brtson 'grus dang/ dga' ba dang/ shin tu sbyangs pa dang/ btang snyoms dang/ ting nge 'dzin byang chub kyi yan lag ni bdun pa te/ de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung ba na byang chub kyi yan lag bdun po de dag 'jig rten du rab tu 'byung bar 'gyur ro zhes bka' stsal to/ /gzhan yang skyes bu chen po'i mtshan sum cu rtsa gnyis dang ldan te/ 'di lta ste/ sangs rgyas bzhin no zhes bya ba la/ rgyal po dang yang dag par ldan pa'i mdo gsum pa dang bzhi pa las 'byung ba mdzod kyi gnas 'di nyid kyi srid pa bar ma'i rnam par bshad pa mtshan dpe byad dang bcas pa zhes bya bar bris zin to/ / //sngar byung sems can gzugs can bzhin zhes bya ba la/ bcom ldan 'das mnyan yod na ri dwags dgra'i ma'i kun dga' ra ba na rab tu byung nas ring po ma lon pa'i gnas 'jog dang ba ra d+hwa dza gnyis dang thabs gcig tu bzhugs so/ /de nas bcom ldan 'das dgongs ka nang du yang dag 'jog las langs te/ bsil khang nas babs te bsil khang gi grib ma zhig la 'chag cing bzhugs so/ /de nas tshe dang ldan pa gnas 'jog gis bcom ldan 'das dgongs ka bsil khang nas babs te/ bsil khang gi grib ma la gcig pu 'chag cing bzhugs pa mthong ngo/ /mthong nas tshe dang ldan pa ba ra d+hwa dza la 'di skad ces smras te/ tshe dang ldan pa bcom ldan 'das dgongs kyi dus na bsil khang nas babs te bsil khang gi grib ma la gcig pu 'chag cing bzhugs pa shes sam/ bdag cag bcom ldan 'das 'chag cing gang na bzhugs pa der bcom ldan 'das las cung zad cig chos zab mo rab tu snang ba nyan pa'i rnyed pa thob par bya'o/ /de nas tshe dang ldan pa gnas 'jog dang tshe dang ldan pa ba ra d+hwa dza gnyis bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas te/ bcom ldan 'das dang lhan cig 'chag cing 'gug go/ de nas bcom ldan 'das kyis tshe dang ldan pa ba shes tha la bos te/ khyed cag bram ze gnas 'jog dang ba ra d+hwa dza gnyis bram ze'i rigs las rab tu byung ste/ skra dang kha spu bregs te gos ngur smrig bgos te yang dag pa'i dad pa kho nas khyim nas khyim med par rab tu byung ngam/ bram ze kha cig 'di ltar yid du mi 'ong ba mi dga' ba 'ba' zhig yongs su rdzogs pas rnam par smad pas rnam par smod par byed dam/ btsun pa de bzhin te/ bram ze dag yid du mi 'ong ba mi dga' ba 'ba' zhig yongs su rdzogs pas rnam par smod pas rnam par smod par byed do/ /ji ltar khyod cag bram ze gzhon nu gnas 'jog dang ba ra d+hwa dza gnyis la yid du mi 'ong zhing mi dga' ba 'ba' zhig yongs su rdzogs pas rnam par smod pas rnam par smod par byed/ btsun pa bram ze rnams bdag cag la 'di skad du smra ste/ bram ze rnams kyi rigs ni mchog ste/ rigs gzhan ni dman pa'o/ /bram ze rnams ni rigs dkar ba ste/ rigs gzhan ni gnag pa'o/ /bram ze rnams ni tshangs pa'i bu ste/ lto ba las skyes pa/ kha las skyes pa/ tshangs pa las skyes pa/ tshangs pas sprul pa tshangs pas byin pa las khyed cag rigs mchog gtang nas rigs dman pa dag len par byed dam/ dkar po'i rigs gtang ste/ nag po'i rigs len par byed dam/ gang gis phyir da ltar khyed cag dge sbyong mgo reg sdig pa'i grogs po skye dgu'i bdag po ma yin pa rab tu byung ba'i rjes su rab tu byung ba ni ma legs shing ma rung ste/ shes rab cher nyams so zhes btsun pa 'di lta bu'i ngo bo yid du mi 'ong zhing mi dga' ba 'ba' zhig yongs su rdzogs pas rnam par smod pas rnam par smod par byed do/ /gnas 'jog bram ze rnams kyi gang smras pa de ni mi bden pa so sor ma brtags par smra ba ste/ ji ltar byis pa rmongs pa rnams 'di skad du smra ste/ bram ze rnams ni rigs mchog ste/ gzhan ni rigs dman pa'o/ /bram ze rnams kyi rigs dkar ba ste/ gzhan ni rigs gnag pa'o/ /bram ze rnams ni dag par byed pa/ bram ze rnams tshangs pa'i bu ste kha las skyes pa lto las skyes pa tshangs pa las skyes pa tshangs pas byin pa'o zhes smra ste/ de ci'i phyir zhe na/ gnas 'jog 'di ltar bram ze rnams bag ma len pa dang/ bag ma gtong ba la dang/ sbrum pa dang/ btsa' ba dang/ 'o ma mthun pa dang bram ze las skyes pa mthong zhing 'di ltar mngal nas skyes par mthong bzhin du rdzun du smra ba ste/ mi bden pa brjod bya ma yin pa rdzun du smra ba 'di skad du bram ze rnams kyi rigs ni mchog ste/ rigs gzhan ni dman pa'o/ /bram ze rnams kyi rigs ni dkar ba ste/ rigs gzhan ni nag pa'o/ /bram ze rnams tshangs pas byin pa zhes smra'o/ /gnas 'jog 'di ji snyam du sems/ rje ru rigs dang dmangs rigs dag lus kyi nyes par spyod pa dang/ dag gi nyes par spyod pa dang/ yid kyi nyes par spyod par byed la 'on te bram ze rnams ma yin nam/ btsun pa bram ze dang dmangs rigs dang rje'u rigs dag kyang lus kyi nyes par spyod pa dang/ dag gi nyes par spyod pa dang/ yid kyi nyes par spyo pa dag spyod par bgyid do/ /gnas 'jog ji snyam du sems/ bram ze rnams lus kyis legs par spyad pa dang/ ngag gis legs par spyad pa dang/ yid kyis legs par spyad par spyod cing 'on te rje'u rigs dang/ dmangs rigs dag ma yin nam/ btsun pa bram ze rnams lus kyi legs par spyad pa spyod cing dag gi legs par spyad pa dang yid kyi legs par spyad pa spyod la rje'u rigs dang dmangs rigs rnams kyang/ /gnas 'jog 'di ji snyam du sems/ rje'u rigs dang dmangs rigs dag lus k yi nyes par spyad pa spyod cing dag gi nyes par spyad pa dang yid kyi nyes par spyad pa spyad nas de'i rgyu dang de'i rkyen gyi lus zhig ste shi ba'i rkyen gyi ngan song ngan 'gro sems can dmyal ba rnams su skye bar 'gyur zhing bram ze rnams ma yin nam/ 'on te bram ze dang rgyal rigs dang rje'u rigs kyang yin/ btsun pa bram ze dang rje'u rigs dang dmangs rigs dag kyang lus kyi nyes par spyad pa spyod/ dag gi nyes par spyad pa dang/ yid kyi nyes par spyad pa spyad nas lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /gnas 'jog de ji snyam du sems bram ze rnams lus kyi legs par spyad pa spyad cing ngag dang yid kyi legs par spyad pa spyad nas de'i rgyu dang de'i rkyen gyis lus zhig ste shi ba'i 'og tu bde 'gro mtho ris kyi 'jig rten du skye bar 'gyur zhing rje'u rigs dang dmangs rigs dag ma yin nam/ 'on te rje'u rigs dang dmangs rigs kyang yin btsun pa bram ze dang rje'i rigs dad dmangs rigs rnams kyang lus kyi legs par spyad pa spyad cing/ ngag dang yid kyi legs par spyad pa spyad nas de'i rgyu dang de'i rkyen gyis lus zhig ste shi ba'i 'og tu bde 'gro mtho ris kyi 'jig rten du skye bar 'gyur ro/ /gnas 'jog de ji snyam du sems rje'u rigs dang dmangs rigs dag brnab sems dang/ gnod sems dang/ rmugs pa dang gnyid dang/ rgod pa dang 'gyod pa dang/ the rtsom rnams dang ldan zhing bram ze rnams ma yin nam/ 'on te bram ze rnams kyang yin/ btsun pa bram ze dang rje'u rigs dang dmangs rigs rnams kyang brnab sems dang/ gnod sems dang/ rmugs pa dang gnyid dang/ rgod pa dang 'gyod pa dang/ the tshom rnams dang ldan no/ /gnas 'jog de ji snyam du sems bram ze rnams la brnab sems med cing gnod sems dang/ rmugs pa dang gnyid dang/ rgod pa dang 'gyod pa dang/ the tshom rnams med cing rje'u rigs dang dmangs rigs dag ma yin nam/ 'on te rje ru rigs dang dmangs rigs rnams kyang yin nam btsun pa bram ze dang rje'u rigs dang dmangs rigs rnams kyang brnab sems med pa dang/ gnod sems dang/ rmugs pa dang/ gnyid dang/ rgod pa dang 'gyod pa dang/ the tshom med pa dang ldan no/ /ba se s+tha de ji snyam du sems/ dmangs rigs rnams lus kyis byed cing ngag dang yid kyis gnyis byed cing ngag dang yid kyi gnyis byed la bde ba dang sdug bsngal nyams su myong zhing bram ze rnams ma yin nam/ 'on te bram ze rnams kyang yin/ btsun pa bram ze dang rje'u rigs dang dmangs rigs rnams kyang lus kyis gnyis byed cing ngag dang yid kyis gnyis byed la bde ba dang sdug bsngal nyams su myong ngo/ /gnas 'jog 'di lta bu'i rang bzhin sdig pa mi bde ba'i chos rnam pa du ma yin pa de dag dang rje'u rigs dang dmangs rigs dag dang ldan zhing bram ze rnams ma yin pa dang/ gang ngas dge ba'i chos rnam pa mang po yongs su bshad pa de dag las cha tsam dang bram ze rnams ldan zhing rje'u rigs dang dmangs rigs dag ma yin na/ bram ze rnams kyi rigs ni mchog ste gzhan ni dman pa'o/ /bram ze rnams kyi rigs ni dkar ba ste gzhan ni rigs nag pa'o/ /bram ze rnams ni dag par byed pa tshangs pa'i bu ste kha las skyes pa skye ba las skyes pa tshangs pas byin pa'o/ /zhes brjod pa legs par 'gyur na/ gnas 'jog gang bram ze rnams ni tshangs pa'i bu ste kha las skyes pa snying las skyes pa tshangs pa las skyes pas tshangs pas sprul pa tshangs pas byin pa'o zhes yang dag par smra ba de ni nga la yang dag par smra bas yang dag par smra ste/ de ci'i phyir zhe na/ de ni de bzhin gshegs pa dgra bcom pa yang dag par rdzogs pa'i sangs rgyas kyi tshig bla dags te/ 'di ltar tshangs pa zhi zhing bsil bar gyur pa zhes bya ba la sogs pa'o/ /gnas 'jog ji snyam du sems de la bram ze rnams bag ma len pa dang gtong bar gdags pa dang/ chu dang sngags dang bsam gtan dag bya bar 'os pa yin nam/ btsun pa bram ze rnams bag ma len pa dang gtong ba dang chu dang chu sngags dang bsam gtan dag bya bar 'os pa yin no/ /gnas 'jog gang las bag ma len pa dang gtong bar gdags pa shes shing rigs su smra ba dang rus su smra ba dang lang tshor smra ba yang shes sam/ gnas 'jog sems can gang ris su smra bas bcings pa dang/ rtsod par smra bas bcings pa dag bla na med pa'i rig pa dang rkang par ldan pa mngon du byas pa dang mngon du byed par mi rigs so/ /gnas 'jog rigs su smra ba dang lang tshor smra ba btang ste/ bla na med pa'i rigs pa dang rkang par ldan pa mngon du byas shing mngon du byed par 'gyur ro/ /gnas 'jog 'di ji snyam du sems/ rgyal po gsal rgyal la ko sa la ba rnams kyis mngon par dga' bar byas shing bsnyen bkur dang phyag bya zhing thal mo sbyar bar byed dam/ btsun pa de de bzhin te/ rgyal po gsal rgyal sde rab tu pham byed la ko sa la ba rnams kyis mngon par dga' bar bya zhing bsnyen bkur ba dang thal mo sbyar zhing phyag 'tshal bar byed do/ /ba se s+tha 'di ji snyam du sems/ ko sa la'i rgyal po gsal rgyal de bzhin gshegs pa la mngon par dga' ba dang bsnyen bkur ba dang thal mo sbyar zhing phyag 'tshal bar byed dam/ btsun pa de de bzhin te/ ko sa la'i rgyal po gsal rgyal bcom ldan 'das la gus zhing rab tu gus par byed do// gnas 'jog ko sa la'i rgyal po gsal rgyal de bzhin gshegs pa la gus pa gus par 'jug pa ma yin gyi/ 'di ltar dge sbyong go'u ta ma ni rigs mthon po bdag ni rigs dma' ba/ dge sbyong gau'u ta ma ni grags pa che ba bdag ni grags pa chung ba/ dge sbyong gau'u ta ma ni nus pa che ba/ bdag ni nus pa chung ba/ dge sbyong gau'u ta ma ni longs spyod che ba/ bdag ni longs spyod chung ba zhes ma yin gyi/ 'on kyang chos nyid de la de bzhin gshegs pa la ko sa la'i rgyal po sde rab tu pham byed bsnyen bkur zhing bla mar byed mchod par byed de gus pa bas kyang gus par 'jug go / gnas 'jog dkyil 'khor gsum po 'di dag ni 'bres shing rab tu 'dres pa ste/ gal te dge ba dang mi dge ba'i chos sems can rnams mngon pa'i nga rgyal med pa 'di lta ste mi nyid do/ /gsum gang zhe na/ rgyal rigs kyi dkyil 'khor dang/ bram ze'i dkyil 'khor dang/ rje rigs kyi dkyil 'khor te/ gnas 'jog rgyal rigs kyi dkyil 'khor/ gyi thog mar byung ba gang zhe na/ gnas 'jog gang 'jig rten 'di 'jig par 'gyur ba'i dus yod do/ /'jig rten 'di 'jig par gyur pa na sems can phal cher 'od gsal gyi lha'i rigs rnams su skye bar 'gyur te/ de na de dag gzugs can yid las byung ba/ dbang po ma nyams shing tshang ba/ yan lag dang nying lag thams cad rdzogs pa/ mdzes shing kha dog dang ldan pa/ rang gi 'od can/ nam mkha' la 'gro ba/ dga' ba za zhing dga' ba'i zas can/ tshe ring zhing yun ring du gnas pa dag ste/ de'i dus na sa chen po 'di chus gang zhing rgya mtsho dang chu'i rang bzhin gcig tu 'gyur ro/ /sa chen po 'di rgya mtsho gcig du gyur pa'i steng du rlung gis mkhrang? zhing spris ma lta bur gyur te/ 'di lta ste 'o ma skol ba bsil mor gyur pa na steng du rlung gis spris ma mkhrang por gyur pa lta bu ste/ de bzhin du sa chen po rgya mtsho dang chu'i rang bzhin du gyur pa'i steng du rlung gis mkhrang zhing spris ma lta bur gyur te/ de nas sa chen po 'di kha dog phun sum tshogs ba dri dang ro phun sum tshogs pa/ 'di lta bu'i kha dog dang gzugs dang ldan pa ste/ 'di lta ste/ sprang ma'i sbrang rtsi ma skol ba lta bu'o/ /gnas 'jog 'jig rten 'di chags pa na 'jig rten 'dir 'od gsal gyi lha'i ris nas sems can tshe zad las zad bsod nams zad pa kha cig de nas shi 'phos te mi rnams dang skal pa mnyam pa nyid du 'od par 'gyur ro/ /gzugs can yid las byung ba dbang po tshang zhing ma nyams pa yan lag dang nying lag thams cad dang ldan pa/ mdzes shing kha dog dang ldan pa rang gi 'od can nam mkha' la 'gro ba/ dga' ba za zhing dga' ba'i zas dang ldan pa/ tshe ring zhing yun ring du gnas pa dag go /de'i dus na nyi ma dang zla pa 'jig rten du rab tu ma byung ste/ rgyu skar dang/ skad cig dang/ thang cig dang/ yud tsam dang/ nyin zhag dang/ zla ba phyed dang/ zla ba dang/ lo dag 'jig rten du ma byung zhing skyes pa dang bud med du gdags pa yang med do/ /gzhan du na sems can zhes bya ba'i grangs su 'gro'o/ /de na sems can bskam pa'i rang bzhin can gang yang rung ba zhig gis sor mo'i rtse mos de'i ro myangs so/ /ji lta ji ltar ro myangs pa de lta de ltar 'dod par gyur to/ /ji lta ji ltar 'dod pa de lta de ltar rim gyis kham gyi zas yongs su spyod par gyur to/ /sems can de sor mo'i rtse mos sa'i ro myangs par byed cing/ ji lta ji ltar myangs pa de lta de ltar 'dod par gyur cing ji ltar 'dod pa de ltar rim gyis kham gyi zas yongs su spyod par byed pa sems can gzhan de rnams kyis mthong ste/ mthong nas sa'i ro la sor mo'i rtse mos ro myangs par byed do/ /ji lta ji ltar myangs pa de lta de ltar 'dod par gyur ji lta ji ltar 'dod pa de lta de ltar rim gyis kham gyi zas yongs su spyod par byed do/ /gang yang sems can de dag sa'i ro'i kham gyi zas rim gyis yongs su spyod par byed pa na/ sems can de dag gis lus la lci ba nyid dang rtsub pa nyid du zhugs shing mdzas pa dang 'od nub cing mun pa dag 'jig rten du byung bar gyur te/ 'jig rten du mun pa byung na nyi ma dang zla ba 'byung bar 'gyur ba 'di ni chos nyid yin te/ rgyu skar dang ba skad cig dang/ thang cig dang/ yud tsam dang/ nyin zhag dang/ zla ba phyed pa dang/ zla ba dang/ lo yang 'jig rten du rab tu byung bar gyur to/ /de dag kha zas de za zhing yun ring du gnas te/ de dag las nyung zhing ches nyung bar za ba de ni kha dog dang ldan par gyur la/ gang mang zhing ches mang par za ba de dag ni kha dog ngan par gyur te/ zas rnam pa gnyis la brten nas kha dog rnam pa gnyis su gyur te/ kha dog rnam pa gnyis las sems can de dag khyod ni kha dog ngan zhing nga ni kha dog bzang po yin no zhes phan tshun brnyas pa byed par gyur to/ /sems can de dag kha dog gi mngon pa'i nga rgyal gyis sdig pa mi dge ba'i chos rtag du byed pa'i rgyus sa'i ro de dag nub par gyur to/ /sa'i ro de nub pa dang sems can de dag 'dus shing tshogs nas 'di skad du kyi hud ro/ /kyi hud ro zhes nyam thag pa'i smre sngags 'don to/ /'di lta ste/ mi'i nang na rngan pa cung zad tsam thob nas sngon gyi mi rnams kyi yi ge dang tshig 'bru'i rjes su tha snyad 'dogs par byed pa lta bu ste/ kyi hud ro kyi hud ro zhes de skad du smra bar byed do/ /gnas 'jog 'di ltar sa'i ro de nub pa dang sems can de dag 'dus shing tshogs nas 'di skad du kyi hud ro kyi hud ro zhes smre sngags 'don cing 'di skad du brjod par byed kyang de dag gis ngas smra sa pa'i sgra ni 'di/ ngas smras pa'i don ni 'di zhes sgra dang don ni mi shes so/ /gnas 'jog sa'i ro de nub pa dang sems can de dag las sa'i zhag cig byung bar gyur te/ kha dog phun sum tshogs pa zhig byung ste/ 'di lta bu'i kha dog dang ro dang ldan pa ste/ 'di lta ste/ dod kha'i me tog lta bu/ ro 'di lta ste sbrang rtsi ma skol ba lta bu'o/ /de dag zas de la za zhing dus ring zhing yun ring du gnas te/ de dag las gang nyung zhing ches nyung bar za ba de dag ni kha dog dang ldan par gyur la/ gang mang zhing ches mang bar za ba de dag ni kha dog ngan par gyur te/ zas rnam pa gnyis la brten nas kha dog rnam pa gnyis su gyur te/ kha dog rnam pa gnyis las sems can de dag khyad ni kha dog ngan zhing nga ni kha dog bzang ba yin no zhes phan tshun brnyas pa byed par gyur te/ sems can de dag kha dog gi mngon pa'i nga rgyal gyis sdig pa mi dge ba'i chos rtag tu byed pa'i rgyus sa'i zhag de yang nub par gyur to/ /sa'i zhag de nub pa dang sems can de dag 'dus shing tshogs nas 'di skad du kyi hud ro kyi hud ro zhes nyam thag pa'i smre sngags 'don te/ 'di lta ste/ da ltar mi rnams kyi nang na rngan pa cung zad tsam thob nas sngon gyi mi rnams kyi yi ge dang tshig 'bru'i rjes su tha snyad 'dogs par byed pa lta bu ste/ kyi hud rA sa kyi hud rA sa zhes smre sngags 'don par byed do/ /gnas 'jog 'di sa'i zhag de nub pa dang sems can de dag 'dus shing tshogs nas 'di skad du kyi hud ro kyi hud ro zhes smre sngags 'don zhing brjod par byed kyang ngas smras pa'i sgra ni 'di/ ngas smras pa'i don ni 'di zhes sgra dang don dag ni mi shes so/ /gnas 'jog sa'i zhag de nub pa dang sems can de dag la myu gu'i tshal kha dog phun sum tshogs pa zhig byung ste/ de lta bu'i kha dog dang ro dang ldan pa ste/ 'di lta ste/ ka daM ba'i me tog lta bu/ 'di lta bu'i ro ste 'di lta ste sbrang ma'i sbrang rtsi ma skol pa lta bu'o/ /de dag kha zas de za zhing dus ring zhing yun ring du gnas te/ de dgra las gang nyung zhing ches nyung bar za ba de dag kha dog dang ldan par gyur la/ gang mang zhing ches mang bar za ba de dag ni kha dog ngan par gyur te/ zas rnam pa gnyis la brten nas kha dog rnam pa gnyis su gyur de/ kha dog rnam pa gnyis las sems can de dag las khyod ni kha dog ngan zhing nga ni kha dog bzang ba yin no zhes brnyas pa byed par gyur te/ sems can de dag kha dog gis mngon pa'i nga rgyal gyis sdig pa/ mi dge ba'i chos rtag tu byed pa'i rgyus myu gu'i tshal de yang nub par gyur to/ /gnas 'jog myu gu'i tshal nub pa dang sems can de dag 'dus shing tshogs nas 'di skad du mdun du song mdun du song zhes smre sngags 'don par byed do/ /'di lta ste da ltar mi rnams la gang cung zad tsam rtsa rno ba de dag gis skrod cing skrod par byed na mngon gyi mi rnams kyi yi ge dang tshig 'bru'i rjes su tha snyad 'dogs par byed pa lta bu ste/ mdun du song mdun du song zhes smre sngags 'don par byed do/ /gnas 'jog myu gu'i tshal de nub pa dang/ sems can de dag 'dus shing tshogs shing mdun du song mdun du song zhes smre sngags 'don par byed kyang ngas smras pa'i sgra ni 'di/ ngas smras pa'i don ni 'di yin zhes smras pa'i sgra dang don ni mi shes so/ /gnas 'jog myu gu'i tshal de nub pa dang/ sems can de dag la ma rmos ma btab pa'i 'bras sA lu pags pa dang shun pa med cing gtsang la dag pa sor mo bzhi'i tshad tsam gyis 'khrigs pa dgongs ka brdas nas nad par skye zhing/ nad par brdas nas dgongs ka skye ba/ brdas shing brdas shing skye ba/ brdas pa dang skye ba yang mi shes pa dag byung bar gyur to/ /de dag de za zhing tshe ring zhing yun ring du gnas so/ /gang yang sems can de dag ma rmos ma btab pa'i 'bras sA lu zas su za ba dang yongs su spyod pa na dbang po tha dad pa dag byung bar gyur te/ gcig la ni pho'i dbang po gcig la ni mo'i dbang po/ /de nas pho dang mo'i dbang po dang ldan pa'i sems can de dag phan tshun du mig gis mig la btsugs de lta bar byed do/ /ji lta ji ltar mig gis mig la btsugs te lta ba de lta de ltar kun du chags so/ /ji lta ji ltar chags pa de lta de ltar sred do/ /ji lta ji ltar sred pa de lta de ltar log par zhugs so/ /sems can de dag log par zhugs pa sems can gzhan gyis mthong nas rdul dag gtor bar byed/ gseg ma dang gyo mo dag 'thor zhing 'di skad du/ kye sems can grong ba bya ba ma yin pa byed pa/ sems can grong pa bya ba ma yin pa byed pa da ltar sems can sun 'byin pa byed dam/ zhes smra bar byed do/ /'di lta ste/ da ltar ma'i nang nas pag ma gtod pa na phye ma dag 'thor bar byed/ spos dang/ phreng ba dang/ gos dag kyang 'thor zhing bu mo bde bar gyur cig /bu mo bde bar gyur cig ces smra ba lta bu ste/ de bzhin du sems can de dag log par zhugs pa sems can gzhan gyis mthong nas rdul dag 'thor bar byed cing gyo mo dang gseg ma dag kyang 'thor zhing 'di skad du/ kye sems can grong pa bya ba ma yin par byed pa grong pa bya ba ma yin pa byed pa da ltar sems can dag sun 'byin par byed dam zhes smra bar byed do/ /gnas 'jog gang sngon chos ma yin par 'dod pa de ni da ltar chos su mngon par 'dod la/ gang sngon 'dul ba pa ma yin pa de ni da ltar 'dul bar mngon par 'dod cing/ gang sngon smad pa gang yin pa de ni da ltar rjes su bsdags te/ /lan cig dang lan gnyis dang gsum dang bdun gyi bar du bsten par byed do/ /gang yang sems can 'di dag chos ma yin pa'i shin du sdigs pa can gyi brtul zhugs len cing gnas pa na 'di skad du bdag cag khyim bdag byas la der bya ba ma yin pa bya'o/ /zhes khyim bya ba'i 'du shes skyes so/ /khyim gyi tsom pa 'jig rten du byung ba'i dang po ni de yin no/ /de dag ni chos dang chos ma yin pa yin la/ 'di ni chos dang chos te/ mchog tu gyur pa ni rgyal po'i dbang po'o/ /de dag nub mo bza' bar bya ba'i sA lu nub mo len cing nad bar bza' bar bya ba nang par len du 'gro ba las/ de nas sems can brkam pa'i rang bzhin can gang yang rung ba zhig gi dgongs ba dang nang par gnyis dus gcig tu blangs so/ /de nas sems can gzhan de dag gis sems can de la 'di skad ces smras so/ /kye sems can bdag cag sA lu lon pa'i phyir cha bar bya'o/ /des 'di skad ces smras so/ /kye sems can dag shes par gyis shig/ bdag gis dgongs ka dang nang par dus gcig du blangs so/ /de nas sems can de dag 'di snyam du gyur te/ kye ma thabs 'di rab tu legs te/ bdag cag gis ni nyin gcig nas nyin zhag bdun gyi bar du blangs par bya'o zhes sems can de dag gis nyin zhag gcig nas nyin zhag bdun gyi bar du sA lu blangs so/ /gang yang sems can de dag ma rmos ma btab pa'i 'bras sA lu gsog 'jog gis spyod cing nye bar longs spyod pa na sA lu de dag shun pa dang/ sbun pa can du gyur cing brdas shing brdas pa dag kyang phyir mi skye la brdas pa dag kyang shes par gyur to/ /sA lu de dag ris su chad cing rigs su gnas par gyur te/ de nas sems can de dag 'dus shing tshogs na smre sngags 'don par byed/ bdag cag sngon gzugs can yid las byung ba/ dngos po ma nyams shing tshang ba yan lag dang nying lag thams cad dang ldan pa/ mdzes shing kha dog dang ldan pa/ nam mkha' la thogs pa med par 'gro ba/ dga' ba za zhing dga' ba'i zas dang ldan pa ring du gnas te/ bdag cag la sa'i zhag kha dog phun sum tshogs pa dag byung la bdag cag gis ma'i ro de kham gyi zas su rim gyis yongs su longs spyad pa las lci ba dang mkhrad? pa lus la zhugs pas mdzes pa dang 'ong nub cing mun pa 'jig rten du byung gyur to/ /bdag cag de dag za zhing dus ring zhing yun ring du gnas te/ bdag cag de dag nyung bar za ba de dag ni kha dog dang ldan par gyur la/ gang ches mang bar za ba de dag ni kha dog ngan par gyur te/ zas rnam ba gnyis la brten nas kha dog rnam pa gnyis pas sems can de dag khyod ni kha dog ngan zhing ngan ni kha dog bzang pa yin no zhes phan tshun brnyas pa byed par gyur te/ de dag bdag cag kha dog gi mngon pa'i nga rgyal gyis sdig pa mi dge ba'i chos rtag tu byed pa'i rgyus sa'i ro de nub ste/ sa'i zhag byung bar gyur te/ kha dog phun sum tshogs pa dri phun sum tshogs pa ro phun sum tshogs pa ste/ bdag cag de za zhing che'i bzhing yun du gnas so/ /bdag cag de dag las ches nyung bar za ba da dag ni kha dog dang ldan pa gang ces mang bar za ba de dag ni kha dog dang mi ldan par gyur te zas rnam pa gnyis la brten nas kha dog rnam pa gnyis su gyur te/ de dag bdag cag kha dog rnam pa gnyis las sems can sems can de dag khyod ni kha dog ngan cing da ni kha dog bzang ba yin no zhes phan tshun brnyas pa byed par gyur te/ da dag cag kha dog gi mngon pa'i nga rgyal gyis sdig pa mi dge ba'i chos rtag tu byed pa'i rgyus sa'i zhag de nub par gyur to/ /myu gu'i tshal zhig byung bar gyur te kha dog phun sum tshogs pa dri phun sum tshogs pa ro phun sum tshogs pa ste/ bdag cag de ja zhing dus ring zhing tshe ring dus ring du gnas te/ bdag cag de dag las gang ches nyung bar za ba de dag ni kha dog dang ldan par gyur la/ gang mang bar za ba de dag ni kha dog ngan par gyur te/ zas rnam pa gnyis la brten nas kha dog rnam pa gnyis su 'gyur te/ kha dog rnam pa gnyis las de dag khyod ni kha dog ngan zhing da ni kha dog bzang ba yin no zhes phan tshun brnyas pa byed par gyur te/ bdag cag kha dog gi mngon pa'i nga rgyal gyis sdig pa mi dge ba'i chos rtag tu byed pa'i rgyus myu gu'i tshal de dag nub ste ma rmos ma btab pa'i 'bras sA lu dag byung ste/ spun pa dang lkogs med cing gtsang ba sor bzhi tsam gyis 'khor ba nang brdas na nub skye zhing nub brdas na nang skye ba brdas shing brdas shing yang skye ba brdas pa dang skyes ba yang mi shes pa dag byung ste/ bdag cag de za zhing tshe ring zhing yun ring du gnas so/ /gang yang bdag cag 'bras sA lu gsog 'jog tu longs spyod par byed pa na sA lu de dag spun pa dang shun pa dang bcas par gyur cing brdas shing brdas pa dag kyang mi skye la/ brdas pa dang skyes par yang shes so/ /ris dang ris su gnas par gyur to/ /da ni bdag cag 'dus shing tshogs te zhing dag bgo bar bya/ mu dang mtshams dag gcad par bya'o zhes smras te/ de 'dus shing tshogs nas zhing dag 'god par byed/ mu 'dren cing mtshams dag 'jog par byed do/ /gnas 'jog 'di ni 'jig rten na mtshams byung ba rnams kyi dang po ni yin te/ chos dang chos ma yin pa'i de la chos kyi chos ni 'di yin te/ rgyal ba'i dbang po'i chos mchog go /de nas sems can gzhan gang yang rung ba zhig gis rang la sA lu yod bzhin du gzhan gyi sA lu ma byin par blangs so/ /de nas sems can de sA lu rang la yod bzhin du ma byin par lan pa byed pa mthong mthong do/ /mthong nas sems can de la 'di skad ces smras so/ /kye sems can khyed rang la sA lu yod bzhin du ci'i phyir gzhan la ma byin par len par byed pa/ sems can khyod phyin chad de ltar ma byed cig ces smra bar byed de des lan gnyis lan gsum du rang la sA lu yod bzhin du gzhan gyi lam byin bar blangs pa dang/ sems can de dag gis lan gnyis lan gsum du mthong nas sems can de la kye khyad rang la sA lu yod bzhin du gzhan gyi la ci'i phyir ma byin bar len pa song zhig ces smras so/ /de dag gis phar 'dren tshur 'dren byed cing tshogs kyi nang du smos cing gshung ba'i bar du byed do/ /kye'i sems can khyod rang la sA lu yod bzhin du gzhan gyi la ci'i phyir ma byin par len par byed ces smras so/ /de nas sems can de dag la sems can des 'di skad ces smras so/ /kye sems can de dag sems can 'di sA lu'i phyir phar 'dren tshur 'dren cing tshogs kyi nang du smad pa'i bar du byas so/ /de nas sems can de dag gis sems can de la 'di skad ces smras so/ /kye sems can khyod rang la sA lu yod bzhin du gzhan gyi la ci'i phyir ma byin par len te/ khyod sA lu'i rgyus las 'dren pa dang tshogs kyi nang du smod pa'i bar du byung gis phar song shig/ phyin chad de ltar ma byed ces smras so/ /de nas sems can de dag 'di snyam du gyur te/ sA lu'i rgyu las 'dren pa dang phan tshun tshogs kyi nang du smod pa bar du byung ba ma mthong ngam/ bdag cag rnams 'dus shing tshogs te bdag cag las gzugs bzang ba mdzes pa blta na sdug pa/ nus pa che ba zhig btus te zhing gi dpon por bskos te gang bdag cag las chad pas gcod par bya ba de dag chad pas gcod cing/ phan gdags par bya ba de dag la phan 'dogs par bya zhing bdag cag g i zhing phun sum tshogs par 'gyur ba de la chos dang ldan pa'i dbyar? dag sbyin par bya'o zhes sems can de dag 'dus shing tshogs nas sems can de dag la mdzes pa gzugs bzang ba blta na sdug ba stobs che ba zhig btus te zhing gi dbon por bskos so/ /des sems can chad pas gcad par bya ba dag chad pas gcod cing phan gdags par bya ba dag phan 'dogs par byed cing sems can de dag gi zhing phun sum tshogs par 'gyur ba chos dang ldan pa'i dpyar? dag 'bul bar byed do/ /skye bo mad pas bkur zhing skye bo mang pos bkur bas mang pos bkur ba mang pos bkur ba zhes bya ba'i ming byung ngo/ /zhing srung bas rgyal rigs rgyal rigs zhes bya ba'i ming byung ngo// tshul khrims 'phel zhing rgyas par spyod pa dang/ /shes rab 'phel zhing rgyas par spyod pa ste/ /chos kyis skye dgu dga' bar byed bas rgyas po zhes bya ba'i ming byung ngo/ /gnas 'jog 'jig rten du rgyal rigs kyi dkyil 'khor byung ba rnams kyi dang po ni 'di yin no/ de yang chos kyi ste/ chos ma yin pas ni ma yin te/ de la chos ni 'di yin te/ chos rgyal ba'i dbang po'i chos so/ /gnas 'jog bram ze rnams kyi dkyil 'khor 'jig rten du byung ba rnam kyi dang po gang zhe na/ de nas sems can de dag las sems can kha cig yongs su 'dzin pa ni nang/ yongs su 'dzin pa ni 'bras yongs su 'dzin pa ni zug rngu/ yongs su 'dzin pa ni sdug bsngal gyi rtsa ba zhes rig nas grong las dgon par yong ste/ yal ga dang 'dab ma dag bsdus te khang pa byed de/ nad za ba nad par grong du bsod snyoms kyi phyir 'jug cing nub za ba nub mo grong du bsod snyoms kyi phyir 'jug pa na/ de nas sems can de dag sems can de la 'di snyam du kye ma sems can 'di ni dka' ba spyod pa ste yongs su 'dzin pa ni nang/ yongs su 'dzin pa ni zug rngu /yongs su 'dzin pa ni sdug bsngal thams cad kyi rtsa ba zhes rig nas grong las dgon par song ste yal ga dang 'dab ma dag bsdus te khang pa byed do/ /de nad par za ba nad par grong du bsod snyoms kyi phyir 'jug/ dgongs ka za ba'i phyir dgongs ka grong du bsod snyoms kyi phyir 'jug par byed de/ de la sbyin par bya zhing mchod par bya ba yin no zhes shes so/ /de nas sems can kha cig bsam gtan gyi bde ba dang rab tu dben pa'i bde ba ma rtogs te/ phyogs gcig tu song nas sa'i khang pa byas te bdag cag 'dir gsang sngags dag 'ching par bya/ rig byed dag 'ching par bya'o zhes de dag de na gsang sngags dag 'ching zhing rig byed dag 'ching bar byed do/ /de nas sems can kha cig bsam gtan gyi bde ba dang/ rab tu dben pa'i bde ba dag mngon par ma rtogs te/ gsang sngags pa dang rig byed 'ching ba dag mngon par ma rtogs na slar yang grong gi mthar song ste khang pa sgo bzhi pa dag byas te gnas par byed do/ /bdag cag sbyin pa dag sbyin zhing bsod nams dag bya ste/ dge sbyong dang bram ze 'gro ba dang 'ong ba dag la ji ltar nus pa stobs ji lta bar bsod snyoms dag sbyin par bya'o zhes de de na sbyin pa dag gtong/ bsod nams dag byed cing dge sbyong dang bram ze 'gro zhing 'ong ba la nus pa ji lta ba dang stobs ji lta bar bsod snyoms dag sbyin par byed do/ /grong las dgon pa rten cing gnas yid phyir phyogs shing yid phyogs pas bram ze bram ze zhes bya ba'i ming byung ngo/ /yang dngos po gang bsam gtan byed pa de dag las bsam gtan zhes bya ba'i ming byung ngo/ /dgon pa las slar yang grong du zhugs pa de dag ni grong pa zhes bya ba'i ming 'byung ngo/ /gnas 'jog 'jig rten du bram ze'i dkyil 'khor byung ba rnams kyi dang po ni 'di yin no/ /de yang chos kyi yin gyi chos ma yin pas ni ma yin no/ /de la 'di ni chos chos kyi mchog rgyal ba'i dbang po'i chos so/ /gnas 'jog dmangs rigs kyi dkyil 'khor 'jig rten du byung ba rnams kyi dngos po gang yin zhe na/ de nas sems can brtson 'grus can kha cig khang pa so sor byas nas bzo'i gnas kyi las la gnas par byed de/ kye sems can 'di dag ni brtson 'grus rtsams shing khang pa so sor byas nas bzo'i gnas kyi las la gnas pas de yang rigs dmangs rigs zhes bya ba'i ming byung ngo/ /gnas 'jog 'jig rten du dmangs rigs kyi dkyil 'khor byung ba rnams kyi dang po ni 'di yin no/ /de yang chos yin gyi chos ma yin pa ni ma yin te/ de la chos ni 'di yin te rgyal ba'i dbang po'i chos so/ /dkyil 'khor rnam pa gsum 'jig rten du byung ba ni/ dkyil 'khor bzhi pa yang 'jig rten du byung bar gyur to/ /rgyal rigs kyi rigs kyi bu skra dang kha spu bregs gos dur smrig bgos te/ yang dag pa'i dad pas khyim nas khyim med par rab tu byung ba ni rgyal rigs rnams kyis mngon par brjod cing phyag 'tshal ba dang thal mo sbyar ba'i las bya bar rigs pa yin zhing/ bram ze'i rigs dang dmangs rigs kyis kyang mngon par brjod cing thal mo sbyar ba'i las bya bar rigs pa yin no/ /bram ze'i rigs dang rje'i rigs dang dmangs rigs kyi rigs kyi bu skra dang kha spu brags te gos dur smrig bgos nas yang dag pa'i dad pas khyim nas khyim med par rab tu byung ba ni rgyal rigs kyis mngon par brjod cing phyag bya ba dang thal mo sbyar bya bar rigs pa ma yin zhing/ bram ze'i rigs dang rje'u rigs dang dmangs rigs kyi kyang mngon par brjod cing phyag 'tshal ba dang thal mo sbyar zhing 'dud pa'i las bya bar 'os pa yin na/ /gnas 'jog rigs dang rus dang tshe 'brang rnams kyi nang na rgyal rigs mchog yin gyi/ bram ze ni ma yin te/ gnas 'jog tshangs pa stong gi bdag pos tshigs su bcad pa smras pa/ rigs su gyur pa'i rten byed pa'i/ /rkang gnyis rnams la rgyal rig mchog /rig pa dang ni rkang par ldan/ /lha dang mi yi nang na mchog ces tshangs pa stong gi bdag pos tshigs su bcad pa smras pa gang yin pa de ni legs par bshad pa yin zhing nyes par bshad pa ma yin ba la/ legs par brjod pa yin zhing nyes par brjod pa ma yin te/ nga yang 'di skad du/ rigs su gyur pa rten byed pa'i/ /rkang gnyis rnams la rgyal rigs mchog/ rig pa dang ni rkang pa ldan/ /lha dang mi yi nang na mchog ces smra'o/ /chos kyi rnam grangs 'di bshad pa na tshe dang ldan pa gnas 'jog dang/ tshe dang ldan pa ba ra d+hwa dza gnyis len pa med par zag pa las sems rnam par grol lo zhes gsungs so/ /bskal pa mtshon dang nad? dang ni zhes bya ba la sogs pa la 'dus pa gsum pa las snga ma gyi tshigs su bcad pa las sngan? gyi slob dpon mdo 'don pa bzhin te/ gnas rnam pa gsum gyis bskal pa mthar 'byin par byed de/ mtshon dang nad dang mu ge'o/ /gsum po de dag ni bar gyi bskal pa ste/ mtshon gyi bar gyi bskal pa dang/ nad kyi bskal pa bar ma dang/ mu ge'i bskal pa bar ma'o/ /'jig pa ni rnam pa gsum ste/ mes 'jig pa dang chus 'jig pa dang/ rlung gis 'jig pa'o/ /'jig pa'i rtse mo ni rnam pa gsum ste/ 'od gsal dang dge rgyas dang 'bras bu che ba dag ste/ gang gi tshe 'jig rten mes 'jig pa de'i tshe 'od gsal gyi lha dag 'jig pa'i rtse mor 'gyur ro/ /gang gi tshe 'jig rten chus 'jig pa de'i tshe dge rgyas kyi lha dag 'jig pa'i rtse mor 'gyur ro/ /gang gi tshe 'jig rten rlung gis 'jig pa de'i tshe 'bras bu che ba'i lha rnams 'jig pa'i rtse mor gyur ro/ /mdo las ji skad du sdug bsngal gyi dbang po 'gags so zhes bya ba la/ gleng gzhi ni mnyan du yod pa na'o/ /dge slong lnga po 'di dag ni dang po lnga ste/ lnga gang zhe na/ yid mi bde ba'i dbang po dang/ sdug bsngal gyi dbang po dang/ yid mi bde ba'i dbang po dang/ bde ba'i dbang po dang/ btang snyoms kyi dbang po'o/ /dge slong yid mi bde ba'i dbang po ni skye ba yin zhing yid bde ba'i dbang po ni skye ba yin no zhes yang dag pa ji lta ba bzhin rab tu shes so/ /de yang rgyu dang bcas shing rkyen dang bcas pa rnam pa dang bcas pa mngon par 'du byed pa dang bcas pa yin no zhes yang dag pa ji lta ba bzhin rab tu shes so/ /de 'di snyam du 'gyur te/ rgyu gang dang rkyen gang gis yid mi bde ba'i dbang po skyed par byed pa'i rgyu de dang rkyen de dag rtag pa zhig gang mi rtag ba zhig / yang de 'di snyam du gyur te/ gang yid mi bde ba'i dbang po skyed par byed pa'i rgyu gang yin pa dang rkyen gang yin pa'i yid mi bde ba skyed par byed pa'i rgyu gang yin pa dang rkyen gang yin pa de dag gang las rtag par 'gyur zhes de yid mi bde ba'i dbang po skyes shing byung ba dag mi rtag par rjes su lta zhing gnas so/ /rtsol ba dang bcas par rjes su lta ba dang/ 'gog par rjes su lta ba dang/ so sor rab tu zhi bar rjes su lta zhing gnas te/ de la 'di'i sems nye bar bsdud do/ /gang du 'di'i yid mi bde ba'i dbang po skyes shing byung ba ma lus par yongs su 'gag par 'gyur zhing ma lus par yongs su zad cing gtugs par 'gyur/ gang du 'di'i sems bsdud par 'gyur/ gang du 'di'i yid mi bde ba'i dbang po ma lus par yongs su 'gag par 'gyur zhe na/ 'di ni dge slong 'dod pa las dben zhes bya ba nas bsam gtan dang po bsgrubs te gnas so zhes bya ba'i bar du ste/ 'dir 'di'i sems nye bar bsdus shing 'dir 'di'i yid mi bde ba'i dbang po ma lus par yongs su 'gags shing ma lus par yongs su zad cing gtugs par gyur te/ 'di ni dge slong 'di lta ste yid mi bde ba'i dbang po nges par 'byung ba la mkhas shing lhag par bya'o zhes bya'o/ /dge slong sdug bsngal gyi dbang po ni skye ba yin zhing sdug bsngal gyi dbang po ni 'byung ba yin no zhes yang dag pa ji lta ba bzhin du rab tu shes so/ /de yang rgyu dang bcas shing rkyen dang bcas pa rnam pa dang bcas pa 'du byed pa dang bcas pa yin no zhes yang dag pa ji lta ba bzhin du rab tu shes so/ /de 'di snyam du rgyu gang dang rkyen gang gis sdug bsngal gyi dbang po skyes par byed pa'i rgyu de dang rkyen de dag rtag pa zhig gam mi rtag pa zhig /de 'di snyam du gang sdug bsngal gyi dbang po skyed par byed pa'i rgyu gang yin pa dang rkyen gang yin pa'i sdug bsngal gyi dbang po skyed par byed pa'i rgyu gang yin pa dang rkyen gang yin pa de dag rtag par lta ga la 'gyur zhes de sdug bsngal gyi dbang po skyes shing byung ba dag mi rtag par rjes su lta zhing gnas so/ /rtsol ba dang bcas par rjes su lta ba dang/ 'gag par rjes su lta ba dang/ so sor nub par rjes su lta zhing gnas pa ste/ de la de'i sems nye bar bsdud do/ /gang 'di'i sdug bsngal gyi dbang po skyes shing byung ba ma lus par yongs su 'gag par 'gyur zhing ma lus par yongs su zad cing gtugs par 'gyur ba dang/ gang du 'di'i sems nye bar bsdud cing gang du 'di'i sdug bsngal gyi dbang po ma lus par yongs su 'gag par 'gyur zhe na 'di na dge slong rtogs pa dang dpyod pa nye bar zhi nas zhes bya ba nas bsam gtan gnyis pa bsgrubs te gnas so zhes bya ba'i bar du'o/ /'dir 'di'i sems nye bar bsdud cing 'dir 'di'i sdug bsngal gyi dbang po ma lus par yongs su 'gags shing ma lus par yongs su zad cing gtugs par 'gyur te/ 'di ni dge slong 'di lta ste sdug bsngal gyi dbang po nges par 'byung ba la mkhas shing lhag par byang ba zhes bya'o/ /dge slong yid bde ba'i dbang ba ni skye ba yin zhing yid bde ba'i dbang po ni 'byung ba yin no zhes yang dag pa ji lta ba bzhin du rab tu shes so/ /de yang rgyu dang bcas shing rkyen dang bcas pa rnam pa dang bcas pa mngon par 'du byed pa dang bcas pa yin no zhes yang dag pa ji lta ba bzhin du rab tu shes so/ /de 'di snyam du 'gyur te/ gang yid bde ba'i dbang po skyed par byed pa'i rgyu gang yin pa dang rkyen gang yin pa zhes bya ba nas/ sdug bsngal gyi dbang po bzhin rgyas par bya ste/ gang du 'di'i sems sdud par 'gyur gang du 'di'i yid bde ba'i dbang po skyes pa dag ma lus par yongs su 'gag cing ma lus par yongs su zad cing gtugs par 'gyur zhe na/ 'di na dge slong dga' ba las 'dod chags dang bral zhing zhes bya ba nas/ bsam gtan gsum pa bsgrubs te gnas so zhes bya ba'i bar du'o/ /'dir 'di'i sems nye bar bsdud cing 'dir 'di'i yid bde ba'i dbang po skyes pa dag ma lus par yongs su 'gag cing ma lus par yongs su zad cing gtugs par gyur te/ dge slong 'di lta ste yid bde ba'i dbang po nges par 'byung ba la mkhas shing lhag par bya ba zhes bya'o/ /dge slong bde ba'i dbang po skyes shing byung ba dag yang dag pa ji lta ba bzhin rab tu shes so zhes bya ba sdug bsngal gyi dbang po bzhin brjod par bya'o/ /gang du 'di'i sems nye bar bsdud cing gang du 'di'i sdug bsngal gyi dbang po ma lus par yongs su zad cing gtugs par 'gyur zhe na/ 'di na dge slong bde ba spangs shing zhes bya ba nas/ bsam gtan bzhi pa bsgrubs te gnas so zhes bya ba'i bar du ste/ 'dir 'di'i sems nye bar bsdud cing/ 'dir 'di'i bde ba'i dbang po ma lus par yongs su 'gag cing zhes bya ba nas snga ma bzhin du bde ba'i dbang po'i nges par 'byung ba la mkhas shing lhag par byed pa zhes bya ba'i bar du'o/ /dge slong btang snyoms kyi dbang po skyes shing byung ba yang dag pa ji lta ba bzhin du rab tu shes so/ /de yang rgyu dang bcas pa zhes bya ba nas/ sdug bsngal gyi dbang po bzhin du rgyas par bya ste/ gang du 'di'i sems nye bar bsdud cing gang du 'di'i btang snyoms kyi dbang po ma lus par yongs su 'gag cing ma lus par zad cing gtugs par 'gyur zhe na/ 'di ni dge slong rgyu mtshan thams cad dang/ yid la byed pa dang/ sems kyi rgyu mtshan gyi ting nge 'dzin lus kyis mngon sum du byas shing gnas te/ 'dir 'di'i sems nye bar sdud cing 'dir 'di'i btang snyoms kyi dbang po ma lus par yongs su 'gag cing ma lus par zad cing gtugs par 'gyur te/ dge slong 'di lta ste 'di ni btang snyoms kyi dbang po'i nges par 'byung ba la mkhas shing lhag par byang ba zhes bya'o zhes gsungs so/ /bsam gtan bzhi pa ni nad bdag nyid kyi skyon dang bral ba'i phyir zhes bya ba la bar ma yang dag par ldan pa'i sdom gyi tshigs su bcad pa gnyis pa las/ 'jig rten dang po zhes bya ba'i mdo las te 'char byed 'don dge slong 'dod pa las dben zhes bya ba nas/ bsam gtan dang po nye bar bsgrubs te gnas so zhes bya ba'i bar du ste/ 'di ni 'dir 'phags pa rnams kyis g.yo ba dang bcas par gsungs pa ste/ gang 'dir 'phags pa rnams kyis g.yo ba dang bcas par gsungs zhe na 'di na rtogs pa dang dpyod pa dag ni 'phags pa rnams kyis g.yo ba dang bcas par gsungs so/ /gzhan yang dge slong rtog pa dang dpyod pa nye bar zhi nas zhes bya ba nas bsam gtan gnyis pa nye bar bsgrubs te gnas so zhes bya ba'i bar du ste/ 'di ni 'phags pa rnams kyi g.yo ba dang bcas par gsungs pa ste/ gang 'dir 'phags pa rnams kyis g.yo ba dang bcas par gsungs zhe na/ dga' ba dang bcas pa ni 'phags pa rnams kyis g.yo ba dang bcas par gsungs so/ /gzhan yang dge slong dga' ba las 'dod chags dang bral zhing bsam gtan gsum pa nye bar bsgrubs te gnas so zhes bya ba'i bar du ste/ 'dir 'di dag 'phags pa rnams kyis g.yo ba dang bcas par gsungs pa ste/ gang 'dir 'phags pa rnams kyis g.yo ba dang bcas par gsungs zhe na/ 'di ni bde ba 'di ni bde ba zhes bya ba ste 'phags pa rnams kyis g.yo ba dang bcas par gsungs so/ /gzhan yang bde ba spangs te bsam gtan bzhi pa nye bar bsgrubs shing gnas so zhes bya ba'i bar du ste 'di tsam ni 'phags pa rnams kyis mi g.yo bar gsungs so/ / //chos mngon pa'i mdzod kyi rnam par bshad pa nye bar 'kho pa zhes bya ba las mdzod kyi gnas gsum pa phal cher mdo dang sbyar ba rdzogs so/ / //lan ni gnyis te/ sems pa'i las dang bsam pa'i las so zhes bya ba ni gnyis pa'i mdo las rig par bya ste/ rnam grangs rnam par bshad pa mdza' i sdom gyi tshigs su bcad pa bdun pa yid 'byung ba'i mdo las 'di ltar 'don te/ dge slong dag las rig par bya zhing las 'byung ba'i rgyu dang/ las kyi rnam par smin pa dang/ las kyi rnam par dbye ba dang/ las 'gags pa dang/ las rnams 'gag par 'gyur ba rtogs shing rig par bya'o/ /dge slong dag las rig par bya'o zhes bya ba la las gang zhe na/ sems pa'i las dang bsam pa'i las te/ las 'di dang las 'di 'di ltar rig par bya'o/ /las 'byung ba'i rgyu rig par bya'o zhes bya ba las 'byung ba'i rgyu gang zhe na zhes brjod par bya ste/ dge slong dag ma rig pa ni las kyis kun 'byung ba'i rgyu'o/ /'di ni las kun 'byung ba'i rgyu'o/ /'di ltar ni las kun 'byung ba'i rgyu'o zhes rig par bya'o/ /las kyi rnam par smin pa rig par bya'o zhes bya ba las kyi rnam par smin pa gang zhe na/ gnag la rnam par smin pa gnag pa'i las kyang yod de/ dkar la rnam par smin pa dkar ba'i las kyang yod/ dkar gnag la rnam par smin pa dkar gnag gi las kyang yod/ mi dkar mi gnag cing rnam par smin pa med pa las de dag zad par byed pa'i las kyang yod/ 'di ni las kyi rnam par smin pa 'di ltar las kyi rnam par smin pa zhes rig par bya'o/ /las kyi rab tu dbye ba rig par bya'o zhes bya ba las kyi rab tu dbye ba gang zhe na/ las gzhan gyis ni dmyal bar skye ba mngon par 'grub par byed la/ las gzhan gyis ni dud 'gror skye ba dang/ las gzhan gyis ni yi dwags su skye ba dang/ las gzhan gyis ni mi rnams su skye ba mngon par 'grub par byed de/ 'di ni las rnams kyi rnam par dbye ba 'di ltar las rnams kyi rnam par dbye ba yin no zhes rig par bya'o/ /las 'gog pa rig par bya'o zhes bya ba las rnams kyi 'gog pa gang zhe na/ ma rig pa 'gags pa las las 'gag par 'gyur te/ 'di ni las rnams kyi 'gog pa 'di ltar las rnams 'gog go zhes rig par bya'o/ /las rnams 'gog par 'gyur ba'i lam rig par bya'o zhes bya ba las rnams 'gog par 'gyur ba'i lam gang zhe na/ 'phags pa'i lam yan lag brgyad po 'di lta ste/ yang dag pa'i lta ba nas yang dag pa'i ting nge 'dzin gyi bar dag ste/ 'di ni las rnams 'gog par 'gro ba'i lam 'di ltar las rnams 'gog par 'gro ba'i lam yin no zhes rig par bya'o/ /gang yang dge slong 'di ltar las yang dag pa ji lta ba bzhin rab tu shes shing las kun 'byung ba'i rgyu dang/ las kyi rnam par smin pa dang/ las kyi rab tu dbye ba dang/ las 'gog pa dang/ las 'gog par 'gro ba'i lam yang dag pa ji lta ba bzhin rab tu shes pa ni 'di lta ste/ dge slong las kyi mtshan nyid yang dag par mthong zhing/ yang dag par shes pa tshangs par spyod la skyo ba dang bcas pa zhes bya'o zhes gsungs so/ /mdo las gzugs rnam pa gsum pa gsungs te zhes bya ba la/ gleng gzhi ni mnyan du yod pa na'o/ /gnas rnam pa gsum gyis gzugs kyi gzugs bsdus te/ bstan du yod la thogs pa dang bcas pa'i gzugs kyang yod/ bstan du med la thogs pa dang bcas pa'i gzugs kyang yod/ bstan du med la thogs pa med pa'i gzugs kyang yod ces bka' stsal to/ /gzugs zag pa med pa yang gsungs te zhes bya ba la/ phung po can las/ dad pa gnyis dang dga' bo gnyis/ /rab tu 'jig dang 'pho ba can sa la ser dang dmar po dang/ /phung po chos dang zag bcas so zhes sdom gyi tshigs su bcad pa'i mdo mdzod kyi gnas dang por/ gang dag zag bcas nyer len pa'i zhes bya bar bris zin to/ / //'phel par yang gsungs te zhes bya ba la/ bcom ldan 'das ko'u shAm+bI na sgra can gyi kun dga' ra ba na bzhugs te/ de nas tshe dang ldan pa skul byed chen po bcom ldan 'das gdan? ba der nye bar song ste/ nye bar song nas bcom ldan 'das kyi zhabs la spyi bos phyag byas te/ phyogs gcig tu 'dug ga /phyogs gcig tu 'dug nas tshe dang ldan pa skul byed chen pos bcom ldan 'das la 'di skad ces gsol to/ /btsun pa rdzas las byung ba'i bsod nams bya ba'i dngos po 'bras bu che ba phan yon che ba gzi brjid che ba rgya che ba dag nyan pa'i skabs rnyed dam/ bcom ldan 'das kyis skul byed la 'di skad ces bka' stsal to/ /skul byed rnyed de rdzas las byung ba'i bsod nams bya ba'i dngos po bdun po 'di dag ni 'bras bu che ba phan yon che ba gzi brjid che ba rgya che ba dag ste/ gang dang ldan na dad pa'i rigs kyi bu 'am/ rigs kyi bu mo 'gro ba dang 'dug pa dang gnyid log pa dang sang na yang rung rtag tu rgyun mi 'chad par bsod nams skye zhing bsod nams nye bar skye ba dag ste/ bdun gang zhe na/ skul byed 'di na dad pa'i rigs kyi bu 'am dad pa'i rigs kyi bu mo phyogs bzhi'i dge slong gis dge 'dun la kun dga' ra ba 'bul bar byed pa 'di ni rdzas las byung ba'i bsod nams dang po ste/ 'bras bu che ba phan yon che ba gzi brjid che ba rgya che ba dag ste/ gang dang ldan pa'i dad pa'i rigs kyi bu 'am rigs kyi bu mo 'gro ba dang 'dug pa dag gnyid log pa dang sang pa na yang rung rtag par rgyun mi 'chad par bsod nams skye zhing bsod nams skye ba'o/ /skul byed gzhan yang dad pa'i rigs kyi bu 'am rigs kyi bu mo kun dga' ra ba de nyid du gtsug lag khang rtsig par byed pa 'di ni skul byed rdzas las byung ba'i bsod nams gnyis pa ste/ 'bras bu che ba zhes bya ba nas/ snga ma bzhin du bsod nams nye bar skye ba dag go zhes bya ba'i bar du'o/ /skul byed gzhan yang dad pa'i rigs kyi bu 'am dad pa'i rigs kyi bu mo gnas de nyid du mal cha dang stan dag 'bul bar byed pa 'di lta ste/ khri dang khri'u dang stan gru bzhi pa dag 'bul bar byed pa 'di ni skul byed rdzas las byung ba'i bsod nams bya ba'i dngos po gsum pa ste/ 'bras bu che ba zhes bya ba nas bsod nams nye bar skye'o zhes bya ba'i bar du'o/ /skul byed gzhan yang dad pa'i rigs kyi bu mo gnas de nyid du rjes su mthun pa'i 'tsho ba nar ma 'bul bar byed pa 'di ni skul byed rdzas las byung ba'i bsod nams bya ba'i dngos po bzhi pa ste/ 'bras bu che ba zhes bya ba nas snga ma bzhin du bsod nams nye bar skye ba zhes bya ba'i bar du'o/ /skul byed gzhan yang dad pa'i rigs kyi bu 'am rigs kyi bu mo glo bur 'ongs pa dag la sbyin pa byin par byed pa 'di ni skul byed rdzas las byung ba'i bsod nams bya ba'i dngos po lnga pa ste/ 'bras bu che ba zhes bya ba la sogs pa snga ma bzhin du bsod nams nye bar skye ba'i bar du'o/ /skul byed gzhan yang dad pa'i rigs kyi bu 'am rigs kyi bu mo nad pa dang nad g.yog dag la sbyin pa byin par byed na/ skul byed 'di ni rdzas las byung pa'i bsod nams drug pa ste/ 'bras bu che ba zhes bya ba nas snga ma bzhin du bsod nams nye bar skye ba'o zhes bya ba'i bar du'i/ /skul byed gzhan yang dad pa'i rigs kyi bu 'am dang pa'i rigs kyi bu mo rlung d mar dang lhags pa dang grang pa de lta bu'i rang bzhin dag byung ba na rlung dmar dang lhags pa dang char 'bab pa dang grang ba'i dus su dge slong gi dge 'dun la 'phags pa sku ma gsher zhing chos gos dag ma gsher bar 'di dag ba zhes la bde ba la reg par gnas par mdzod cig ces bza' ba dang skyo ma dang thug pa dag phyi rol du song ste 'bul bar byed do/ /skul byed 'di ni rdzas las byung ba'i bsod nams bya ba'i dngos po bdun pa ste/ 'bras bu che ba zhes bya ba nas snga ma bzhin bsod nams nye bar skye'o zhes bya ba'i bar du'o/ /skul byed bsod nams bya ba'i dngos po bdun po 'di rnams dang ldan pa'i dad pa'i rigs kyi bu 'am rigs kyi bu mo'i bsod nams dang bsod nams kyi 'bras bu dang bsod nams kyi 'bras bu rnam par smin pa ni 'di tsam zhes bsod nams kyi chad bzung bar mi nus te/ 'on kyang bsod nams mang zhing bsod nams kyi phung po chen po zhes bya ba'i grangs su 'gro'o/ /skul byed 'di lta ste/ chu bo chen po lnga po 'di dag ni ma 'dres par rgya mtshor 'bab pa ste/ 'di lta ste/ gang gA dang/ ya mun dang/ sar yu dang/ a dze ra ba ti dang/ chen po dag ste/ de la chu rdza ma 'di tsam dang/ chu rdza ma brgya phrag dang/ chu rdza ma brgya stong phrag 'di tsam yod do zhes chu'i tshad yongs su bzung bar mi nus kyi/ 'on kyang chu mang po dang chu'i phung po chen po chen po zhes bya ba'i grangs su 'gro'o/ /skul byed de bzhin du gang rdzas las byung ba'i bsod nams bya ba'i dngos po 'di rnams dang ldan pa'i dad pa'i rigs kyi bu 'am rigs kyi bu mo'i bsod nams dang/ bsod nams kyi 'bras bu dang/ bsod nams kyi 'bras bu rnam par smin pa 'di tsam yin no zhes bsod nams kyi tshad bzung bar mi nus kyi/ 'on kyang bsod nams mang zhing bsod nams kyi phung po chen po zhes bya ba'i grangs su 'gro'o/ /lan gnyis su yang tshe dang ldan pa skul byed kyis bcom ldan 'das la 'di skad ces gsol to/ /btsun pa rdzas las byung ba ma yin pa'i bsod nams bya ba'i dngos po 'bras bu che ba phan yon che ba gzi brjid che ba rgya che ba dag mnyan pa'i skabs mchis lags sam/ bcom ldan 'das kyis skul byed la bka' stsal pa/ skul byed yod de/ skul byed rdzas las byung ba ma yin pa'i bsod nams bya ba'i dngos po bdun po 'di dag ni 'bras bu che ba phan yon che ba gzi brjid che ba rgya che ba/ dad pa'i rigs kyi bu 'am rigs kyi bu mo gang dang ldan pa na 'gro ba 'am 'dug pa 'am gnyid log pa 'am sad pa na yod rung rtag tu rgyun mi 'chad par bsod nams nye bar skye ba nyid du 'gyur ba dag ste/ bdun gang zhe na/ skul byed 'di na dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos kyi dge 'dun grong ngam zhing gzhan dag na rten cing bzhugs so zhes thos nas thar pa dge ba yang dag par bsdud par byed pa'i dga' ba dang rab tu dga' ba 'thob pa ste/ skul byed 'di ni rdzas las byung ba ma yin pa'i bsod nams bya ba'i dngos po dang po ste/ 'bras bu che ba zhes bya ba nas snga ma bzhin du bsod nams nye bar skye'o zhes bya ba'i bar du'o/ /skul byed gzhan yang dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos kyi dge 'dun de nyid 'dir 'ong bar brtsom pa thos nas thar ba dge ba yang dag par sdud par byed pa'i dga' ba dang rab tu dga' ba 'thob pa ste/ skul byed 'di ni rdzas las byung ba ma yin pa'i bsod nams bya ba'i dngos po gnyis pa ste/ 'bras bu che ba zhes bya ba nas snga ma bzhin du bsod nams nye bar skye'o zhes bya ba'i bar du'o/ /skul byed gzhan yang dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos kyi dge 'dun de nyid lam du zhugs pa thos nas thar pa dge ba yang dag par sdud pa'i dga' ba dang rab tu dga' ba 'thob pa ste/ skul byed 'di ni rdzas las byung ba ma yin pa'i bsod nams bya ba'i dngos po gsum pa ste/ 'bras bu che ba zhes bya ba nas snga ma bzhin du bsod nams nye bar skye'o zhes bya ba'i bar du'o/ /skul byed gzhan yang dad pa'i rigs kyi bu 'am rigs kyi bu mo de de bzhin gshegs pa 'am de bzhin gshegs pa'i nyan thos de nyid grong dam zhing che ge mo zhig tu gshegs nas bzhugs so zhes thos nas thar pa dag pa yang dag par sdud par byed pa'i dga' ba dang rab tu dga' ba 'thob pa ste/ skul byed 'di ni rdzas las byung ba ma yin pa'i bsod nams bya ba'i dngos po bzhi pa ste/ 'bras bu che ba zhes bya ba nas snga ma bzhin du bsod nams nye bar skye'o zhes bya ba'i bar du'o/ /skul byed gzhan yang dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos kyi dge 'dun de nyid blta ba'i phyir 'gro zhing mthong na thar pa dge ba yang dag par sdud pa'i dga' ba dang rab tu dga' ba 'thob pa ste/ skul byed 'di ni rdzas las byung ba ma yin pa'i bsod nams bya ba'i dngos po lnga pa ste/ 'bras bu che ba zhes bya ba nas snga ma bzhin du bsod nams nye bar skye'o zhes bya ba'i bar du'o/ /gzhan yang skul byed dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos kyi dge 'dun de nyid las chos thos nas thar pa dge ba yang dag par sdud par byed pa'i dga' ba dang rab tu dga' ba 'thob pa ste/ skul byed 'di ni rdzas las byung ba ma yin pa'i bsod nams bya ba'i dngos po drug pa ste/ 'bras bu che ba zhes bya ba nas snga ma bzhin du bsod nams skye'o zhes bya ba'i bar du'o/ /skul byed gzhan yang dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos de nyid las chos thos nas sangs rgyas la skyabs su 'gro / chos la skyabs su 'gro /dge 'dun la skyabs su 'gro zhing bslab pa'i gnas yang dag par 'dzin pa ste/ skul byed 'di ni rdzas las byung ba ma yin pa'i bsod nams bya ba'i dngos po bdun pa ste/ 'bras bu che ba phan yon che ba gzi brjod che ba rgya che ba dad pa'i rigs kyi bu 'am rigs kyi bu mo gang dang ldan na 'gro ba 'am 'dug pa 'am gnyid log pa 'am/ sad pa na yang rung rtag par rgyun mi chad par bsod nams nye bar skye bar 'gyur ba dag go / skul byed rdzas las byung ba ma yin pa'i bsod nams bya ba'i dngos po 'di dag dang ldan pa'i rigs kyi buAm rigs kyi bu mo'i bsod nams dang/ bsod nams kyi 'bras bu dang/ bsod nams kyi 'bras bu rnam par smin pa'i tshad ni gzung bar mi nus kyi/ 'on kyang bsod nams mang po bsod nams kyi phung po chen po zhes bya ba'i grangs su 'gro'o/ /skul byed 'di lta ste/ chu bo chen po lnga po 'di dag ni 'dres shing rgya mtshor 'bab pa dag ste/ 'di lta ste/ gang+gA dang/ ya mu na dang/ mar yu dang/ a dze ra ba ti dang/ chen po dag ste/ de dag la chu rdza ma 'am/ chu rdza ma brgya 'am/ chu rdza ma stong ngam chu rdza ma stong phrag 'di tsam yod do zhes chu'i tshad gzung bar mi nus kyi/ 'on kyang chu mang po dang chu'i phung po chen po zhes bya ba'i grangs su 'gro'o/ /skul byed de bzhin du dad pa'i rigs kyi bu 'am rigs kyi bu mo rdzas las byung ba ma yin pa'i bsod nams bya ba'i dngos po 'di dag dang ldan pa'i de'i bsod nams dang/ bsod nams kyi 'bras bu dang/ bsod nams kyi 'bras bu rnam par smin pa ni 'di tsam mo zhes bsod nams kyi tshad gzung bar mi nus kyi/ 'on kyang bsod nams mang po dang bsod nams chen po zhes bya ba'i grangs su 'gro'o/ /'dir smras pa/ ji ltar gtsang dag 'jug dogs bde/ /rin chen 'byung gnas bkra shis mtshor/ /mi dang ri dags tshogs dag gis/ /bsten pa'i chu bo so sor 'bab/ /de bzhin mal stan gding ba'i dngos/ /sbyin pa'i mi la bsod nams rgyun/ /ji ltar rgya mtsho'i chu bzhin 'bab/ /ces bka' stsal to/ /ji skad du bcom ldan 'das kyis dge slong chos rtogs par bya zhes bya ba la skye mched drug gi tshogs kyis bsdus pa'i sdom gyi tshigs su bcad pa'i mthar 'di ltar 'don te/ thams cad thams cad yod do zhes/ /chos rnams thams cad dris pa dang/ /bram ze dge slong kun dga' bo/ /ston pas dge slong rnams la ni/ /logs par bshad pa go byas nas/ /tshigs su yang dag sde bas pa yin zhes mdzod kyi gnas dang por/ de dag rnams kyi rnam shes rten/ /mig la sogs gzugs dang pa rnams zhes bya ba der bris zin to/ /gang 'di skad du shes par bya ba zhes bya ba la sogs pa la bcom ldan 'das ko tu ba na kalma sha mya zhes bya ba'i ko tu pa'i grong khyer na bzhugs te/ de nas bcom ldan 'das kyis dge slong rnams la bos te/ dge slong dag thog mar dge ba zhes bya ba nas snga ma bzhin du tshangs par spyod pa yongs su gsal bar byed pa'i skye mched drug gi tshogs zhes bya ba'i chos kyi rnam grangs kyi chos bshad par bya ste/ de legs par nyon zhes bya ba nas bshad par bya ba'i bar du'o/ /skye mched drug gi tshogs kyi rnam grangs gang zhe na/ dge slong dag mig dang gzugs yang dag par ji lta ba bzhin ma shes shing ma mthong ba dang/ mig gi rnam par shes pa dang/ mig gi 'dus te reg pa dang/ mig gi 'dus te reg pa'i rkyen gyis skyes pa'i tshor ba bde ba 'am/ sdug bsngal ba 'am/ bde ba yang ma yin sdug bsngal ba yang ma yin pa yang dag pa ji lta ba bzhin ma shes shing ma mthong na/ mig dang gzugs la yang dag par dga' zhing mig gi rnam par shes pa dang/ mig gi 'dus te reg pa dang/ mig gi 'dus te reg pa'i rkyen gyis skyes pa'i tshor ba bde ba dang/ sdug bsngal ba 'am/ bde ba yang ma yin pa sdug bsngal ba yang ma yin pa la yang dag par dga' bar 'gyur ro/ /de la yang dag par chags shing rmongs la so sor rtog pa dang sems bcings shing nye bar len pa'i phung po lnga nye bar sogs par 'gyur te/ dga' ba'i 'dod chags dang lhan cig pa'i srid pa las yang srid par 'gro ba de dang der dga' ba'i 'dod chags 'jug cing de de dag du skye bar 'gyur te/ lus ngal ba dang/ sems ngal ba dang/ lus kyi rims nad dang/ sems kyi rims nad dang lus yongs su sreg pa dang/ sems yongs su sreg pa dang/ lus kyi 'bad rtsol dang/ sems kyi 'bad rtsol dang/ lus kyi sdug bsngal ba so sor nyams su myong ba dang/ sems kyi sdug bsngal ba so sor nyams su myong bar yang 'gyur zhing de lus dang sems kyi sdug bsngal so sor nyams su myong bas 'di ltar ma 'ongs pa'i skye ba dang/ rga ba dang/ na ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung bar 'gyur te/ de ltar sdug bsngal gyi phung po chen po 'di 'ba' zhig yang dag par 'byung bar 'gyur ro/ /dge slong dag rna ba dang/ sna dang/ lce dang/ lus dang/ yid dang/ chos yang dag pa ji lta ba bzhin ma shes shing ma mthong la/ yid kyi rnam par shes pa dang/ yid kyi 'dus te reg pa dang/ yid kyi 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin sdug bsngal ba yang ma yin pa yang dag pa ji lta ba bzhin ma shes shing ma mthong na/ de la yang dag par dga' bar 'gyur ro/ /de de la yang dag par chags zhing rmongs la so sor rtog cing sems bcings pa dang nye bar len pa'i phung po lnga nye bar sogs par 'gyur te/ dga' ba'i 'dod chags dang lhan cig pa'i sred pa las yang sred par 'gro ba de dang der skye bar 'gyur te/ lus ngal ba dang/ sems ngal ba dang/ lus kyi rims nad dang/ sems kyi rims nad dang/ lus yongs su sreg pa dang/ sems yongs su sreg pa dang/ lus kyi 'bad pa dang/ sems kyi 'bad pa dang/ lus kyi sdug bsngal so sor nyams su myong ba dang/ sems kyi sdug bsngal so sor nyams su myong bar yang 'gyur zhing de lus dang sems kyi sdug bsngal so sor nyams su myong bas 'di ltar ma 'ongs pa'i skye ba dang/ rga ba dang rna ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung bar 'gyur te/ sdug bsngal gyi phung po chen po 'di 'ba' zhig yang dag par 'byung bar 'gyur ro/ /dge slong dag mig dang gzugs yang dag par ji lta ba bzhin du rab tu shes shing/ mig gi rnam par shes pa dang/ mig gi 'dus te reg pa dang/ mig gi 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin sdug bsngal ba yang ma yin pa yang dag pa ji lta ba bzhin shes shing mthong na/ de la yang dag par dga' bar 'gyur ro/ /de dang de la yang dag par mi chags shing mi rmongs la so sor mi rtog cing sems mi 'chid la nye bar len pa'i phung po lnga nye bar mi sogs te/ dga' ba'i 'dod chags dang lhan cig pa'i sred pa las 'gro ba de dang der skye bar mi 'gyur zhing/ lus kyi ngal ba dang/ sems kyi ngal ba dang/ lus kyi rims nad dang/ sems kyi rims nad dang/ lus kun tu sreg pa dang/ sems kun tu sreg pa dang/ lus kyi 'bad rtsol dang/ sems kyi 'bad rtsol dang/ lus kyi sdug bsngal so sor myong ba dang/ sems kyi sdug bsngal so sor nyams su myong bar yang mi 'gyur zhing lus dang sems kyi sdug bsngal so sor myong bas ma 'ongs pa'i skye ba dang/ rga ba dang/ na ba dang/ 'chi ba dang/ mya ngan dang/ smre sngas 'don pa dang/ sdug bsngal ba dang/ yid mi bde ba dang/ 'khrug pa rnams 'byung bar mi 'gyur te/ de lta na sdug bsngal gyi phung po chen po 'di 'ba' zhig 'byung bar mi 'gyur ro/ /dge slong dag rna ba dang/ sna dang/ lce dang/ lus dang/ yid dang/ chos yang dag pa ji lta ba bzhin rab tu shes shing mthong la/ yid kyi rnam par shes pa dang/ yid kyi 'dus te reg pa dang/ yid kyi 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin sdug bsngal ba yang ma yin pa yang dag pa ji lta ba bzhin shes shing mthong na/ de de la yang dag par dga' bar mi 'gyur ro/ /de de la mi chags shing mi rmongs la so sor mi rtog cing sems mi 'ching la nye bar len pa'i phung po nye bar mi sogs te/ dga' ba'i 'dod chags dang lhan cig pa'i sred pa las yang sred par 'gro ba de dang der skye bar mi 'gyur zhing lus ngal ba dang/ sems ngal ba dang/ lus kyi rims nad dang/ sems kyi rims nad dang/ lus yongs su sreg pa dang/ sems yongs su sreg pa dang/ lus kyi 'bad rtsol dang/ sems kyi 'bad rtsol dang/ lus kyi sdug bsngal so sor myong pa dang/ sems kyi sdug bsngal so sor nyams su myong bar yang mi 'gyur te/ lus dang sems kyi sdug bsngal so sor myong bas ma 'ongs pa'i skye ba dang/ rga ba dang/ na ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung bar mi 'gyur te/ de ltar na sdug bsngal gyi phung po chen po 'di 'ba' zhig 'byung bar mi 'gyur ro/ /de de ltar shes shing de ltar mthong na 'phags pa'i lam yan lag brgyad bsgom pa yongs su rdzogs par 'gyur te/ yang dag pa'i lta ba bsgom pa yongs su rdzogs par 'gyur zhing/ yang dag pa'i rtog pa dang/ yang dag pa'i ngag dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin bsgom pa yongs su rdzogs par 'gyur te/ 'di'i yang dag pa'i las kyi mdza' dang/ 'tsho ba ngag ni sngon nyid du yongs su dag cing byang bar gyur te/ de ltar na go rim las zlog par 'phags pa'i lam yan lag brgyad bsgom pa yongs su rdzogs par 'gyur ro/ /dran pa nye bar bzhag pa bzhi bsgom pa yongs su rdzogs par 'gyur ro/ /yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi lan lag bdun bsgom pa yongs su rdzogs par 'gyur ro/ /zhi gnas dang lhag mthong 'dris shing mnyam par 'jug ste/ de chos gang dag mngon par shes par bya ba dang yongs su shes par bya ba'i chos de dag mngon par shes shing yongs su shes so/ /chos gang mngon par shes nas spang bar bya ba de dag mngon par shes nas rab tu spong ngo/ /chos gang dag mngon par shes nas mngon sum du bya ba'i chos de dag mngon par shes nas mngon du byed do/ /chos gang dag mngon par shes nas bsgom par bya ba'i chos de dag mngon par shes nas sgom par byed do/ /chos gang dag mngon par shes par bya ba dang/ yongs su shes par bya ba'i chos de dag mngon par shes par bya ba dang yongs su shes pa gang zhe na/ 'di lta ste/ ming dang gzugs so/ /'di ni chos gang dag mngon par shes pa dang yongs su shes par bya ba'i chos de dag mngon par shes shing yongs su shes pa zhes bya'o/ /chos gang dag mngon par shes nas yongs su spang par bya ba'i chos de dag mngon par shes nas yongs su spong ba gang zhe na/ ma rig pa dang srid pa'i sred pa ste/ 'di ni chos gang mngon par shes nas yongs su spang ba'i chos de dag mngon par shes nas yongs su spong ba zhes bya'o/ /chos gang dag mngon par shes nas mngon sum du bya ba'i chos de dag mngon par shes nas mngon du byed pa gang zhe na/ rig pa dang rnam par grol ba ste/ 'di ni mngon par shes nas mngon du bya ba'i chos de dag mngon par shes nas mngon du byed pa zhes bya'o/ /chos gang dag mngon par shes nas bsgom par bya ba'i chos de dag mngon par shes nas bsgom par byed pa gang zhe na/ zhi gnas dang lhag mthong ste/ 'di ni chos gang dag mngon par shes nas bsgom par bya ba'i chos de dag mngon par shes nas bsgom par byed pa'o/ /dge slong dag dge slong gang dag mngon par shes par bya ba dang yongs su shes par bya ba'i chos de dag mngon par shes shing yongs su shes par 'gyur ba dang/ chos gang dag mngon par shes nas spang bar bya ba'i chos de dag mngon par shes nas yongs su spong bar 'gyur ba dang/ chos gang dag mngon par shes nas mngon du byed pa'i chos de dag mngon par shes nas mngon sum du byed par 'gyur ba dang/ chos gang dag mngon par shes nas sgom par bya ba'i chos de dag sgom par 'gyur ba 'di ni dge slong zhes brjod do/ dge slong sred pa chad pa/ kun tu sbyor ba spangs pa/ yang dag pa'i mngon par rtogs pas sdug bsngal mthar byed pa zhes bya'o/ /'di ni skye mchod drug ces bya ba'i chos kyi rnam grangs te/ dge slong dag thog mar dge ba ces bya ba nas tshangs par spyod pa yongs su gsal bar byed pa'i chos bshad par bya ste/ 'di lta ste/ skye mched drug bstan pa chen po zhes bya ba'i chos kyi rnam grangs so zhes pas ji skad du bstan pa de rgyas par rab tu bshad do/ /spong ba chu lon du yod pa ste bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag log pa nyid dang yang dag pa nyid kyis chos dag bshad par bya ste/ de legs par nyon la yid la bzung zhig dang bshad par bya'o/ /log pa nyid gang zhe na/ log pa'i lta ba dang/ log pa'i rtog pa dang/ log pa'i ngag dang/ log pa'i las kyi mdza' dang/ log pa'i 'tsho ba dang/ log pa'i rtsom pa dang/ log pa'i dran pa dang/ log pa'i ting nge 'dzin to/ /'di ni log pa nyid ces bya'o/ /yang dag pa nyid gang zhe na/ 'di lta ste/ yang dag pa'i lta ba dang/ yang dag pa'i ngag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to/ /yang dag pa'i lta ba gang zhe na/ yang dag pa'i lta ba de ni rnam pa gnyis te/ 'jig rten pa'i yang dag pa'i lta ba zag pa dang bcas pa nye bar len pa dang bcas pa bde 'gro sgrub par byed pa yang yod/ 'jig rten las 'das pa'i yang dag pa'i lta ba zag pa med pa nye bar len pa med par sdug bsngal zad cing sdug bsngal mthar 'byin par byed pa sgrub pa yang yod/ 'jig rten pa'i yang dag pa'i lta ba zag pa dang bcas pa nye bar len pa dang bcas pa bde 'gro sgrub par byed pa gang zhe na/ lta ba gang sbyin pa yod do/ /mchod sbyin yod do/ /legs par spyad pa yod do/ /nyes par spyad pa yod do/ /legs par spyad pa dang/ nyes par spyad pa'i las kyi 'bras bu rnam par smin pa yod do/ /'jig rten 'di yod do/ /'jig rten pha rol yod do/ /pha yod do/ /ma yod do/ /sems can rdzus te byung ba yod do/ /'jig rten na dgra bcom pa yod do/ /yang dag par 'gro ba dang/ yang dag par rtog pa yod do zhes lta ba 'di 'jig rten pa'i lta ba ste/ 'di ltar chos rnams la rang nyid kyi mngon par shes pa mngon du bya ba phun sum tshogs pa rab tu rig pa ste/ skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes bya ba ste/ 'di ni 'jig rten pa'i yang dag pa'i lta ba zag pa dang bcas pa nye bar len pa dang bcas pa bde 'gro sgrub par byed pa dag go /'jig rten las 'das pa'i yang dag pa'i lta ba zag pa med pa nye bar len pa med pa sdug bsngal zad cing sdug bsngal mthar 'byin par byed pa gang zhe na/ 'di na 'phags pa nyan thos sdug bsngal la sdug bsngal du yid la byed cing kun 'byung la kun 'byung dang/ 'geg pa la 'gog pa dang/ lam la lam du yid la byed de/ yid la byed pa zag pa med pa dang yang dag par ldan pa rnams 'byed cing rab tu 'byed pa dang/ rnam par byed pa dang/ mtshon pa dang/ yang dag par mtshon pa dang/ sten pa dang/ rab tu shes pa dang/ shes rab dang/ blo dang/ rig pa dang / mkhas pa dang/ yongs su shes pa dang/ dpyod pa dang/ lta ba 'di ni 'phags pa'i 'jig rten las 'das pa'i yang dag pa'i rtog pa zag pa med pa nye bar len pa sdug bsngal zad cing sdug bsngal mthar 'byin par byed pa zhes bya'o// yang dag pa'i rtog pa gang zhe na/ yang dag pa'i rtog pa med pa de ni rnam pa gnyis te/ 'jig rten pa'i yang dag pa'i rtog pa zag pa dang bcas pa nye bar len pa dang bcas pa bde 'gro mtho ris sgrub par byed pa yang yod/ /'jig rten las 'das pa'i yang dag pa'i lta ba zag pa med pa/ nye bar len pa med pa/ sdug bsngal zad cing sdug bsngal mthar byed pa yang yod do/ /'jig rten pa'i yang dag pa'i rtog pa zag pa dang bcas pa nye bar len pa dang bcas pa bde 'gro sgrub par byed pa gang zhe na/ thar pa'i rnam par rtog pa dang/ gnod sems med pa'i rnam par rtog pa dang/ rnam par 'tshe ba med pa'i rnam par rtog pa ste/ 'di ni 'jig rten pa'i yang dag pa'i rtog pa zag pa med pa nye bar len pa med pa bde 'gro sgrub par byed pa dag go / 'phags pa'i 'jig rten las 'das pa'i yang dag pa'i rtog pa zag pa med pa nye bar len pa med pa sdug bsngal zad cing sdug bsngal mthar 'byin par byed pa gang zhe na/ 'di na 'phags pa nyan thos sdug bsngal la sdug bsngal du yid la byed cing/ kun 'byung la kun 'byung dang/ 'gog pa la 'gog pa dang/ lam la lam du yid la byed cing zag pa med pa'i yid la byed pa yang dag par ldan pa'i sems kyis dpyod pa dang/ rab tu spyod pa dang/ rnam par dpyod pa dang/ mngon par rab tu spyod pa dang/ rtog pa dang/ rnam par rtog pa dang/ bgrang ba dang/ yang dag par rtog pa ste/ 'di ni 'phags pa'i 'jig rten las 'das pa'i yang dag pa'i rtog pa zag pa med pa nye bar len pa med pa sdug bsngal zad cing sdug bsngal mthar byed pa zhes bya'o/ /yang dag pa'i ngag gang zhe na/ yang dag pa'i ngag de ni rnam pa gnyis te/ 'jig rten pa'i yang dag pa'i ngag zag pa dang bcas pa/ nye bar len pa dang bcas pa bde 'gro sgrub par byed pa yang yod/ 'jig rten las 'das pa'i yang dag pa'i ngag zag pa med pa nye bar len pa med pa sdug bsngal zad cing sdug bsngal mthar byed pa yang yod do/ /'jig rten pa'i yang dag pa'i ngag zag pa dang bcas pa nye bar len pa dang bcas pa bde 'gro bsgrub par byed pa gang zhe na / rdzun du smra ba spong ba dang/ phra ma spong ba dang/ tshig rtsub po spong ba dang/ tshig bkyal pa spong ba ste/ 'di ni 'jig rten pa'i yang dag pa'i ngag zag pa dang bcas pa nye bar len pa dang bcas pa bde 'gro sgrub par byed pa zhes bya'o/ /'phags pa'i 'jig rten las 'das pa'i yang dag pa'i ngag zag pa med pa nye bar len pa sdug bsngal zad cing sdug bsngal mthar 'byin pa gang zhe na/ 'di ni 'phags pa nyan thos sdug bsngal la sdug bsngal du yid la byed cing kun 'byung la kun 'byung dang/ 'gog pa la 'gog pa dang/ lam la lam du yid la byed de log par 'gro ba'i ngag gi nyes par spyod pa rnam pa bzhi spangs shing de las gzhan pa'i ngag nyes par spyad pas so sor ma rtags shing zag pa med pa dang bral ba dang/ rab tu bral ba dang/ rnam par bral bu dang/ bton pa dang/ mi byed pa'i sdom pa dang/ mi byed pa dang/ chad pa dang/ chu lon dang/ mi 'thob pa dang/ yang dag par mi 'thob pa dang/ 'da' ba dang/ yang dag par 'da' ba 'di ni 'phags pa'i 'jig rten las 'das pa'i gang zag pa med pa nye bar len pa med pa/ sdug bsngal zad cing/ sdug bsngal mthar 'byin par byed pa zhes bya'o/ /yang dag pa'i las kyi mdza' gang zhe na/ yang dag pa'i las kyi mdza' de ni rnam pa gnyis te/ 'jig rten pa'i yang dag pa'i las kyi mdza' zag pa dang bcas pa nye bar len pa dang bcas pa bde 'gro sgrub par byed pa dang/ 'phags pa'i 'jig rten las 'das pa'i yang dag pa'i las kyi mdza' zag pa med pa nye bar len pa med pa sdug bsngal zad cing sdug bsngal mdza' 'byin par byed pa yang yod do/ /'jig rten pa'i yang dag pa'i las kyi mdza' zag pa dang bcas pa nye bar len pa dang bcas pa bde 'gro sgrub par byed pa gang zhe na/ srog gcod pa spong ba dang/ ma byin par len pa spong ba dang/ 'dod pa las log par g.yem pa spong ba ste/ 'di ni 'jig rten pa'i yang dag pa'i las kyi mdza' zag pa dang bcas pa nye bar len pa dang bcas pa bde 'gro sgrub par byed pa zhes bya'o/ /'jig rten las 'das pa'i yang dag pa'i las kyi mdza' zag pa nye bar len pa med pa sdug bsngal zag cing sdug bsngal mthar 'byin par byed pa gang zhe na/ 'di ni 'phags pa nyan thos sdug bsngal la sdug bsngal du yid la byed cing kun 'byung ba la kun 'byung dang/ 'gog pa la 'gog pa dang/ lam la lam du yid la byed de/ log pa'i tshor bar 'gro ba'i lus kyi nyes par spyod pa rnam pa gsum spangs te/ de las gzhan pa'i lus kyi nyes par spyod pa dag so sor brtag pa dang/ zag pa med pa dang bral ba dang/ rab tu bral ba dang/ rnam par bral ba dang yang dag par 'das pa'i bar du ste/ 'di ni 'phags pa'i 'jig rten las 'das pa'i yang dag pa'i las kyi mdza' zag pa med pa nye bar len pa med pa/ sdug bsngal zad cing sdug bsngal mthar 'byin par byed pa zhes bya'o/ /yang dag pa'i 'tsho ba gang zhe na/ yang dag pa'i 'tsho ba de ni rnam pa gnyis ste/ 'jig rten pa'i yang dag pa'i 'tsho ba zag pa dang bcas pa nye bar len pa dang bcas pa bde 'gro sgrub par byed pa yang yod/ 'jig rten las 'das pa'i yang dag pa'i 'tsho ba zag pa med pa nye bar len pa med pa sdug bsngal mthar 'byin par byed pa yang yod do/ /'jig rten pa'i yang dag pa'i 'tsho ba zag pa dang bcas pa nye bar len pa dang bcas pa bde 'gro sgrub par byed pa gang zhe na/ gang 'di so sor brtags nas tshes dang ldan pas chos gos ngag tshol bar byed do/ /chos ma yin pas ni ma yin no/ /chos dang ldan pas mal cha dang/ stan dang/ na ba'i gso sman dang/ 'tsho ba'i yo byad dag 'tshol bar byed kyi/ chos ma yin pas ni ma yin pa ste/ 'di ni 'jig rten pa'i yang dag pa'i 'tsho ba zag pa dang bcas pa nye bar len pa dang bcas pa bde 'gro sgrub par byed pa dag ces bya'o/ /'jig rten las 'das pa'i yang dag pa'i 'tsho ba zag pa med pa nye bar len pa med par sdug bsngal zad cing sdug bsngal mthar 'byin par byed pa gang zhe na/ 'di na 'phags pa nyan thos sdug bsngal la sdug bsngal du yid la byed cing kun 'byung dang/ 'gog pa la 'gog pa dang/ lam la lam du yid la byed de/ log pa'i 'tsho ba so sor ma brtags shing zag pa med pa dang bral ba dang rab tu bral ba zhes bya ba nas yang dag par 'das pa'i bar du ste/ 'di ni 'jig rten las 'das pa'i yang dag pa'i 'tsho ba dag zag pa med pa nye bar len pa med pa sdug bsngal zad cing sdug bsngal mthar byed pa zhes bya'o/ /yang dag pa'i rtsol ba gang zhe na/ yang dag pa'i rtsol ba de ni rnam pa gnyis te/ 'jig rten pa'i yang dag pa'i rtsol ba zag pa dang bcas pa nye bar len pa dang bcas pa bde 'gro sgrub par byed pa yang yod/ 'jig rten las 'das pa'i yang dag pa'i rtsol ba zag pa med pa nye bar len pa med pa dang sdug bsngal zad cing sdug bsngal mthar 'byin par byed pa yang yod do/ /'jig rten pa'i yang dag pa'i rtsol ba zag pa dang bcas pa nye bar len pa dang bcas pa bde 'gro sgrub par byed pa gang zhe na/ gang 'dun pa dang/ brtson pa dang/ rtsol ba dang/ gnod pa dang/ pha rol gnon pa dang/ brtan pa dang/ rtsom pa dang/ spro ba dang/ chog par mi 'dzin pa dang/ sems yang dag par 'dzin pa dang/ rtag tu byed pa ste/ 'di ni 'jig rten pa'i yang dag pa'i rtsol ba zag pa dang bcas pa nye bar len pa dang bcas pa bde 'gro sgrub par byed pa zhes bya'o/ /'jig rten las 'das pa'i yang dag pa'i rtsol ba zag pa med pa nye bar len pa med pa sdug bsngal zad cing sdug bsngal mthar 'byin par byed pa gang zhe na/ 'di na 'phags pa nyan thos sdug bsngal sdug bsngal du yid la byed cing kun 'byung la kun 'byung dang/ 'gog pa la 'gog pa dang/ lam la lam du yid la byed de zag pa'i yid la byed pa dang yang dag par ldan pas 'dun pa dang zhes bya ba nas rtag tu byed do zhes bya ba'i bar tu ste/ 'di ni 'phags pa'i 'jig rten las 'das pa'i rtsol ba zag pa med pa nye bar len pa med pa sdug bsngal zad cing sdug bsngal mthar 'byin par byed pa zhes bya'o/ /yang dag pa'i dran pa gang zhe na/ yang dag pa'i dran pa de ni rnam pa gnyis te/ 'jig rten pa'i yang dag pa'i dran pa zag pa dang bcas pa nye bar len pa dang bcas pa bde 'gro sgrub par byed pa yang yod/ 'jig rten las 'das pa'i dran pa zag pa med pa nye bar len pa med pa sdug bsngal zad cing sdug bsngal mthar 'byin par byed pa yang yod do/ /'jig rten pa'i yang dag pa'i dran pa zag pa dang bcas pa nye bar len pa dang bcas pa bde 'gro sgrub par byed pa gang zhe na/ gang dran pa dang/ rjes su dran pa dang/ so sor dran pa dang/ rab tu dran pa dang/ mi brjod pa dang/ chos nyid mi brjod par sems la mngon par brjod pa ste/ 'di ni 'jig rten pa'i yang dag pa'i dran pa zag pa dang bcas pa nye bar len pa dang bcas pa bde? 'gro sgrub par byed pa zhes bya'o/ /'phags pa'i 'jig rten las 'das pa'i yang dag pa'i dran pa zag pa med par nye bar len pa med pa sdug bsngal zad cing sdug bsngal mthar 'byin par byed pa gang zhe na/ 'di na 'phags pa nyan thos sdug bsngal la sdug bsngal du yid la byed cing kun 'byung la kun 'byung dang/ 'gog pa la 'gog pa dang/ lam la lam du yid la byed de/ zag pa med pa'i yid la byed pa dang/ yang dag par ldan pas 'dun pa dang zhes bya ba nas rtag par byed ces bya ba'i bar du ste/ 'di ni 'phags pa'i 'jig rten las 'das pa'i dran pa zag pa med pa nye bar len pa med pa sdug bsngal zad cing sdug bsngal mthar 'byin par byed pa zhes bya'o/ /yang dag pa'i ting nge 'dzin gang zhe na/ yang dag pa'i ting nge 'dzin de ni rnam pa gnyis te/ 'jig rten pa'i yang dag pa'i ting nge 'dzin zag pa dang bcas pa nye bar len pa dang bcas pa bde 'gro sgrub par byed pa yang yod/ 'phags pa'i 'jig rten las 'das pa'i yang dag pa'i ting nge 'dzin zag pa med pa nye bar len pa med pa sdug bsngal zad cing sdug bsngal mthar 'byin par byed pa yang yod/ 'jig rten pa'i yang dag pa'i ting nge 'dzin zag pa dang bcas pa nye bar len pa dang bcas pa bde 'gro sgrub par byed pa gang zhe na/ gang sems gnas pa dang/ yang dag par gnas pa dang/ rab tu gnas pa dang/ kun tu gnas pa dang/ nye bar gnas pa dang/ yid rnam par mi g.yeng ba dang/ zhi gnas la sems sdud pa dang/ ting nge 'dzin la sems rtse gcig pa ste/ 'di ni 'jig rten pa'i yang dag pa'i ting nge 'dzin zag pa nye bar len pa dang bcas pa bde 'gro sgrub par byed pa zhes bya'o/ /'phags pa'i 'jig rten las 'das pa'i yang dag pa'i ting nge 'dzin zag pa med pa nye bar len pa med pa sdug bsngal zad cing sdug bsngal mthar 'byin par byed pa gang zhe na/ 'di ni 'phags pa nyan thos sdug bsngal la sdug bsngal du yid la byed cing kun 'byung la kun 'byung dang/ 'gog pa la 'gog pa dang/ lam la lam du yid la byed de/ zag pa med pa'i yid la byed pa dang/ yang dag par ldan pas sems gnas pa dang/ yang dag par gnas pa dang/ rab tu gnas pa dang/ kun tu gnas pa dang/ nye bar gnas pa dang/ yid rnam par mi g.yeng ba dang/ zhi gnas la sems sdud pa dang/ ting nge 'dzin la sems rtse gcig pa ste/ 'di ni 'phags pa 'jig rten las 'das pa'i yang dag pa'i ting nge 'dzin zag pa med pa nye bar len pa med pa sdug bsngal zad par byed cing sdug bsngal mthar 'byin par byed pa zhes bya'o/ /'di ni log pa nyid dang yang dag pa nyid ces bya'o/ /dge slong dag log pa nyid dang yang dag pa nyid bstan par bya'o zhes ngas ji skad du bstan pa de rgyas par rab tu bshad do zhes bka' stsal to/ /gang yang mdo las ji skad du zag pa dang bcas pa'i chos rnams gang zhe na/ zhes bya ba skye mched drug gi tshogs kyis bsdus pa'i sdom dang po las rtogs par bya ste/ de'i sdom gyi tshigs su bcad pa bdun pa'i mdza' las bstan pa mdzod kyi gnas dang por zag pa dang bcas pa 'di nyid ni rnam pa gsum ste/ zhes bya ba der bris zin to/ /mdo las 'di ci'i phyir khyad par du mdzad ce na zhes bya ba la gleng gzhi ni mnyan du yod pa na'o/ /dge slong dag drug po 'di dag ni sems kyi spags pa dang/ tha ba'i gzhi ste/ drug gang zhe na/ dge slong dag gzugs zag pa dang bcas pa nye bar len pa dang bcas pa ni sems kyi spags pa dang tha ba'i gzhi'o/ /sgra dang/ dri dang/ ro dang/ reg bya dang/ chos zag pa dang bcas pa nye bar len pa dang bcas pa ni sems kyi spags pa dang/ tha ba'i gzhi'o zhes gsungs so/ /dge slong tshul khrims dang ldan pa dge ba'i chos can zhes bya ba/ bcom ldan 'das pa'i ru 'du 'dam bu can gyi rtsa bar dbyar gnas pa'i phyir bzhugs te/ de'i tshe bcom ldan 'das kyi drung na dge slong rab tu mang po dag dbyar gnas pa'i phyir dgon par mtshams bcad de 'dug go /de nas dge slong rab tu mang po de dag dbyar zla ba gsum 'das nas chos gos byas pa byin gyis brlabs te/ chos gos dang lhung bzed thogs nas bcom ldan 'das gang na ba der nye bar song ste/ nye bar song nas bcom ldan 'das kyi zhabs la phyag byas te phyogs gcig tu 'dug go /phyogs gcig tu 'dug nas dge slong rab tu mang po de dag gis bcom ldan 'das la 'di skad ces gsol to/ /btsun pa bdag cag dbyar gnas lags te mtshams dag bshig lags sam/ dge slong dag khyed cag mtshams ma bshig cig /de ci'i phyir zhe na/ dge slong dag ji srid du mtshams gnas pa de srid du sbyin bdag gi bsod nams nye bar skye ba kho nar 'gyur zhing bsod nams mngon par 'phel ba kho nar 'gyur ro/ /dge slong dag bzhi po 'di dag ni bsod nams kyi rgyu mthun dge ba'i rgyu mthun bde ba thun mong pa nyid du sbyin bdag gis re bar bya ste/ bzhi gang zhen/ gang gi gtsug lag khang dge slong tshul khrims dang ldan pa dge ba'i chos can tshad med pa dang sems kyi ting nge 'dzin phun sum tshogs pa lus kyi mngon sum du byas te/ yongs su longs sbyad na de'i gzhi las sbyin pa po la tshad med pa'i bsod nams kyi rgyu mthun pa dang dge ba'i rgyu mthun bde ba thun mong ma yin pa nyid du rig par bya'o/ /tshad med pa dang sems kyi ting nge 'dzin phun sum tshogs pa lus kyis mngon sum du byas te/ chos gos dang bsod snyoms dang mal cha dang stan yongs su longs spyad na gzhi de las sbyin bdag la de las tshad med pa'i bsod nams kyi rgyu mthun pa dang/ dge ba'i rgyu mthun pa dang bde ba thun mong ba nyid du re bar bya ste/ dge slong bsod nams kyi rgyu mthun pa dang dge ba'i rgyu mthun pa dang/ bde ba thun mong pa bzhi po 'di rnams dang ldan pa'i sbyin bdag gi bsod nams kyi tshad ni 'di tsam bsod nams kyi 'bras bu ni 'di tsam bsod nams kyi 'bras bu rnam par smin pa 'di tsam zhes bzung bar mi nus te/ bsod nams mang zhing gzhan du bsod nams kyi phung po zhes bya ba'i grangs su 'gro ste/ 'di lta ste/ chu bo chen po bzhi po 'di dag ni 'dres shing rgya mtsho chen por 'bab pa dag ste/ 'di lta ste/ gang+gA dang/ ya mu na dang/ ma ra yu dang/ a dze ra ba ti dang/ chen po ste/ de dag la chu 'di tsam 'am chu rdza ma 'di tsam dang/ chu rdza ma brgya phrag 'di tsam dang/ chu rdza ma stong phrag 'di tsam dang/ chu rdza ma brgya stong phrag 'di tsam yod do zhes tshad bzung bar mi nus kyi/ gzhan du na chu mang po dang chu'i phung po chen po zhes bya ba'i grangs su 'gro'o/ / //dge slong dag de bzhin du bsod nams kyi rgyu mthun pa dang dge ba'i rgyu mthun pa dang bde ba thun mong ba bzhi po 'di rnams dang ldan pa'i bsod nams kyi tshad ni gzung bar mi nus te/ gzhan du na bsod nams mang ba dang bsod nams kyi phung po chen po zhes bya ba'i grangs su 'gro'o/ /ji ltar gtsang dag 'jug dogs ba de/ /rin chen 'byung gnas bkra shis mtshor/ /mi dang ri dags tshogs dag gis/ /bsten pa'i chu bo so so 'bab/ /de bzhin mal cha stan gding dngos/ /sbyin pa'i mi la bsod nams rgyun/ /ji ltar rgya mtsho chu bzhin 'bab ces gsungs so/ /gleng gzhi ni mnyan du yod pa na'o/ /'jig rten gyi chos ni rnam pa brgyad de/ 'di lta ste/ rnyed pa dang ma rnyed pa dang/ grags pa dang ma grags pa dang/ bstod pa dang/ smad pa dang/ bde ba dang/ sdug bsngal ba'o/ /zhes gsungs so/ /log par lta ba dang/ log par rtog par 'byung bar 'gyur ro zhes bya ba la/ gleng gzhi ni mnyan du yod pa na'o/ /dge slong dag ma rig pa sngon du 'gro zhing rgyu snga ma las sdig pa mi dge ba'i chos rnam pa du ma yang dag par 'byung zhing sogs par 'gyur te/ dge slong dag ngo tsha med pa dang/ khrel med pa las log pa'i lta ba 'byung bar 'gyur ro/ /log pa'i lta ba de las log pa'i rtog pa 'byung bar 'gyur zhing log pa'i ngag dang log pa'i las kyi mdza' dang/ log pa'i 'tsho ba dang/ log pa'i rtsol ba dang/ log pa'i dran pa dang/ log pa'i ting nge 'dzin rab tu 'byung bar 'gyur ro/ /rig pa dang ngo tsha shes pa dang/ khrel yod pa sngon du 'gro zhing sngon gyi rgyu mtshan las dge ba'i chos rnam pa du ma yang dag par skye zhing sogs par 'gyur te/ dge slong ngo tsha shes pa dang khrel yod pa las yang dag pa'i lta ba 'byung bar 'gyur zhing yang dag pa'i lta ba de las yang dag pa'i rtog pa 'byung zhing yang dag pa'i ting nge 'dzin gyi bar du 'byung bar 'gyur te/ 'phags pa nyan thos thos pa dang ldan pa dang ldan pa yang dag par ldan pa mnyam par bzhag pa 'di lta ste/ 'dod chags dang zhe sdang dang gti mug dag las sems rnam par grol ba zhes bya'o/ /de ltar 'phags pa nyan thos sems yang dag par rnam par grol ba yang dag pa nyid du shes par 'gyur te/ bdag gi skye ba zad do zhes bya ba nas/ srid pa 'di las gzhan mi shes so zhes bya ba'i bar du'o zhes gsungs so/ /ji skad du mdo las glang chen zhes bya ba la sogs pa la bcom ldan 'das mnyan yod kyi shar gyi kun dga' ra ba na ri dags dgra ma'i ma dad par lhan cig gnas pa tshe dang ldan pa 'char ka dang thabs gcig na bzhugs so/ /de nas bcom ldan 'das dgongs ka nang du yang dag 'jog las bzhengs te/ tshe dang ldan pa 'char ka la bos nas tshur shog shar phyogs kyi rdzing bur sku bkru ba'i phyir bdag cag 'gro bar bya'o/ /bcom ldan 'das kyis gsungs pa thos nas tshe dang ldan pa 'char ka btsun pa de bzhin no zhes gsol te/ de nas bcom ldan 'das phyi bzhin 'brang ba'i dge slong 'char ka dang shar phyogs kyi rdzing bu gang na ba der nye bar gshegs te/ nye bar gshegs nas chos gos dag dgon pa'i mdza' zhig tu bzhag nas shar phyogs kyi rdzing bu nas byung ste chos gos brkyang ba zhig sku skems par mdzad cing bzhugs so/ /de'i tshe go sa la'i rgyal po sde rab tu pham byed kyi glang po che se ga to zhes bya ba glang po che'i rgyal po chen po rol mo'i cha byad sna tshogs kyi sgra dang shar phyogs kyi rdzing bur 'ongs nas khrus byas shing 'thungs nas 'gro ba skye bo rnams kyis mthong ba na 'di skad du kye ma glang po che glang po che glang po bzang ngo zhes smra'o/ /ko sa la'i rgyal po sde rab tu pham byed kyi glang po che se gto zhes bya ba glang po che'i rgyal po chen po rol mo'i cha byad s na tshogs kyi sgra dang shar phyogs kyi rdzing bur 'ongs nas khrus byas shing 'thungs nas 'gro ba na skye bo dag 'di skad du kye ma glang po che glang po che glang po bzang ngo zhes smra ba tshe dang ldan pa 'char byed kyis mthong nas bcom ldan 'das la 'di skad ces gsol to/ /btsun pa ko sa la'i rgyal po sde rab tu pham byed kyis glang po che se ga to zhes bya ba nas glang po che rab tu bzung ngo zhes bya ba'i bar du ste/ ci btsun pa glang po che gcig pu lus skyes pa/ mthong nas skye bo dag glang po che glang po che glang po che chen po bzang ngo zhes smra 'am/ 'on te gzhan cung zad cig la yang smra/ glang po che lus chen por skyes pa skye bo dag gis mthong nas 'di skad du kye ma glang po che glang po che glang po che chen po rab tu bzang ngo zhes smra zhing rta dang khyu mchog dang ma he dang ra dang lug dang sprul dang skyes bu dang shing gi phung po chen po mngon par 'phel ba skye bo rnams kyis mthong nas 'di skad du kye ma glang po che glang po che glang po che chen po rab tu bzang ngo zhes smra mod kyi/ 'on kyang 'char byed lha dang bcas pa'i 'jig rten dang/ bdud dang bcas pa dang/ tshangs pa dang bcas pa dang/ dge sbyong dang bram zer bcas pa'i lta ba dang mi'i 'jig rten na lus dang ngag dang yid dang yid kyi nyes par spyad pa mi byed par glang po che zhes pa smra ste/ 'char byad de la de bzhin gshegs pa ni lha dang bcas pa dang/ bdud dang bcas pa dang/ tshangs pa dang bcas pa dge sbyong dang bram zer bcas pa lha dang mi'i 'jig rten na nyes par spyad pa mi byed pas glang po che zhes bya'o/ /de nas tshe dang ldan pa 'char ka 'di snyam du gyur te/ bcom ldan 'das la mngon sum du glang po che'i dpe tshigs su bcad pas bstod par bya'o snyam nas tshe dang ldan pa 'char gas bla gos phrag pa gcig la gzar te bcom ldan 'das gang na ba der lags su thal mo sbyar nas phyag 'tshal te bcom ldan 'das la 'di skad ces gsol to/ /bcom ldan 'das bdag spobs lags so/ /bde bar gshegs pa spobs lags so/ /bcom ldan 'das kyis 'char ka spobs par gyis shig ces bka' stsal pa dang/ de'i tshe tshe dang ldan pa 'char kas tshigs su bcad pa 'di skad gsol to/ /mir gyur rdzogs pa'i sangs rgyas ni/ /dul zhing mnyam par bzhag pa ste/ /tshangs spyod lam gyi spyod lam dang/ /thugs ni shin tu nye bar zhi/ /chos kun pha rol phyin pa la/ /gang yang mi rnams phyag byed cing/ /lha rnams kyis kyang phyag byas te/ /dgra bcom pa dag gis 'di ltar thos/ /kun spyor kun las rab 'das shing/ /mya ngan 'das pa'i pha rol phyin/ /gser ri rdo las grol ba ltar/ /'dod pa kun las nges par 'byung/ /rdzogs pa'i sangs rgyas sgra dbyangs ni/ /nyi ma bzhin du rab tu grags/ /glang chen rnams kyi nad dag tu/ /bden pa bla na med pa yin/ /legs par bsngags dang rnams mi 'tshe/ /glang chen rkang pa snga ma gnyis/ /dka' thub tshangs par spyod pa dag /glang chen rkang pa phyi ma gnyis/ /dad pa dang ni btang snyoms dag /glang chen chen po'i mche ba dag /dran pa mgrin pa shes rab mgo/ chos la sems pa dpung pa ste/ /rnam par 'byed pa rgyab yin te/ /bden pa rtsi ba log khog pa chos/ /dbugs dbyung rdub pa bsam gtan te/ /nang gi bdag nyid mnyam gzhag pa/ /glang chen gshegs na'ang mnyam par bzhag /bzhugs na'ang mnyam par bzhag pa ste/ /glang chen mnal na'ang mnyam par bzhag / bzhengs na'ang mnyam par bzhag pa yin/ /thams cad du ni glang chen dag /glang chen gyis ni rab tu bsdus/ /kha na ma tho rab spangs shing/ /kha na ma tho med par spyod/ /glang chen spyod cing rab spyod de/ /rnam par ma dpyad par ma yin/ /gsog 'jog rab tu spangs nas ni/ /'tsho ba dang ni mnabs par mdzad/ /gzhan gyis byin pa thams cad dang/ dad pas byin pa spyod par mdzad/ /'chid ba thams cad yongs bcang cing/ /phra rgyas thams cad rnam par spangs/ /gang dang gang gis rab byung ba/ ltos pa med par rab tu 'gro/ /ji ltar yid 'ong dri ldan pa/ /pad+ma dkar po mdzes pa dag /chu las rab tu byung yang ni/ /chu yis rab tu ma gos pa/ /de bzhin rdzogs sangs 'jig rten skyes/ /'jig rten skyon gyis ma gos te/ /ji ltar 'dam skyes pad+ma bzhin/ /ji ltar me dag 'bar ba na/ /shing dang bral na nye bar zhi/ /rnam par zhi zhing nges 'byung ba/ /mya ngan 'das pa zhes brjod do/ /rnam par shes bya'i don 'di dag /sgra dbyangs rnam par bshad nas shes/ /glang chen glang chen zhes brjod pa/ /gsal bar bstan pa go bar 'gyur/ /'dod chags spangs shing zhe sdang spangs/ /gti mug spangs shing zag pa med/ /phung po yongs su spangs pa na/ /glang chen mya ngan 'das zhes brjod ces gsungs so/ /lus la yongs su gdung med pas/ /tshul khrims yang dag blangs pa bde/ /gting log pa'ang bde ba ste/ /sad pa'ang 'phel bar 'gyur zhes gsungs so/ /gang yang bcom ldan 'das kyis ji skad du zhes bya ba bcom ldan 'das shAkya thub pa'i bstan pa la lo bcu gnyis skyon ma byung gi bar du dge slong gi dge 'dun la tshigs su bcad pa gsum gyis so sor thar pa'i med ston te/ sdig pa ci yang mi bya ste/ /dge ba phun sum tshogs par bya/ /rang gi sems ni yongs su gdul/ /'di ni sangs rgyas bskyes pa yin/ /lus kyi sdom pa legs pa ste/ /ngag gi sdom pa legs pa yin/ /yid kyi sdom pa legs pa ste/ /thams cad du ni sdom pa legs/ /kun tu bsdams pa'i dge slong ni/ /sdug bsngal kun las grol bar 'gyur/ /rag rnams bsrung zhing yang rnams rab bsdams te/ /lus kyis mi dge ba dag mi byed cing/ /las lam gsum po 'di dag rab sbyangs nas/ /drang srong gsungs pa'i lam ni rtogs par 'gyur/ /zhes gsungs so/ /mig gi dbang po sdom pas bsdams shing gnas so zhes bya ba la/ /ji ltar re zhig tshul khrims kyis dang po'i tshogs kyi rgyud chags gsum pa'i mdo de dang/ de las 'don pa lta bu ste/ de tshul khrims kyi phung po 'di dag yang dag par ldan zhing yid dang dbang po'i sgo bsrungs shing gnas te/ dran pas bsrungs pa dang/ dran pas shin tu bsrungs pa dang dran pas rab tu bsrungs te/ mi g.yengs par spyod do/ / m ig gis gzugs dag mthong nas mtshan mar 'dzin mngon rtags su mi 'dzin cing lhag par mig gi dbang po sdom pas bsdams shing gnas te sdig pa mi dge ba'i chos 'jig rten gyi brnab sems dang gnod sems dang yid mi bde ba las sems zag pa dang bral zhing de dag las sdom zhing mig gi dbang po bsrungs te/ mig gi dbang po sdom pas bsdams shing gnas so/ /rna bas sgra dang/ snas dri dang/ lces ro dang/ lus kyis reg bya dang/ yid kyis chos rnam par shes pa nas mtshan mar mi 'dzin mngon rtags su mi 'dzin cing lhag par dbang po'i sgo sdom pas bsdams shing gnas te/ sdig pa mi dge ba'i chos 'jig rten gyi brnab sems dang yid mi bde ba dag la sems zag pa dang bral zhing de dag la sdom pas bsdams shing yid kyi dbang po bsrungs te/ yid kyi dbang po sdom pas bsdams shing gnas so zhes gsungs so/ //bla ma'i chos khas blangs pas ni skye dgu bdag mo zhes bya ba la/ rnam grangs rnam par bshad pa'i mthar skye dgu bdag mo chen mo'i mdo las 'don te/ kun dga' bo 'on kyang ngas bud med kyi tshogs yongs su bsrung ba dang/ yongs su mi 'da' ba dang/ gang las bud med kyi tshogs ji srid 'tsho'i bar du slob par byed par 'gyur ba bla ma'i chos rnam pa brgyad bca' bar bya ste/ kun dga' bo dper na/ khyim bdag zhing pa dag dbyar 'das pa'i 'og tu ston gyi dus na chu yongs su bsrung shing yongs su mi 'da' bar bya ba'i don du chu ba'i 'gram 'am gtsang po'i 'gram du chu lon dag 'chid bar byed de/ kun dga' bo de bzhin du ngas bud med kyi tshogs rnams yongs su bsrung ba dang/ yongs su mi 'da' ba dang/ gang gis bud med kyi tshogs rnams ji srid 'tsho'i bar du slob par byed par 'gyur ba bla ma'i chos rnam pa brgyad bca' bar bya ste/ brgyad gang zhe na/ kun dga' bo bud med kyi tshogs dag gi rab tu byung zhing bsnyen par rdzogs pa dge slong ma'i dngos po dge slong dag las blang bar bya ste/ kun dga' bo 'di ngas ni bud med kyi tshogs yongs su bsrung ba dang yongs su mi 'da' bar bya ba dang/ gang las bud med kyi tshogs ji srid 'tsho'i bar du slob par byed par 'gyur ba bla ma'i chos dang po'o/ /kun dga' bo dge slong mas dge slong ma dag zla ba phyed phyed zhing gdams ngag dang rjes su bstan pas blang bar bya ste/ 'di ni bud med kyi tshogs yongs su bsrung zhing yongs su mi 'da' ba dang/ gang las bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa gnyis pa'o/ /kun dga' bo dge slong med pa'i gnas su dge slong ma dbyar gnas pa'i phyir 'gro bar mi bya ste/ 'di ni bud med kyi tshogs yongs su bsrung ba dang/ yongs su mi 'da' ba dang/ gang las bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa gsum pa'o/ /dbyar gnas pa'i 'og tu dge slong mas mthong ba dang/ thos pa dang/ dran pa'i gnas rnam pa gsum gyis gnyis ka'i dge 'dun la dgag dbye bya ba ste/ kun dga' bo ngas 'di ni bud med kyi tshogs yongs su bsrung zhing/ yongs su mi 'da' ba dang/ gang las bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa bzhi pa'o/ /kun dga' bo dge slong mas dge slong la rtsod par mi bya ba dang/ tshul khrims kyi skyon dang/ lta ba'i skyon dang/ spyod pa'i skyon dang/ 'tsho ba'i skyon dran par mi bya ba dang/ dge slong mas dge slong ma rtsod pa dang tshul khrims kyi skyon dang/ lta ba'i skyon dang/ spyod pa'i skyon dang/ 'tsho ba'i skyon dran par byed pa ni dgag par bya ba dag go /dge slong gis dge slong ma la rtsod pa dang/ tshul khrims kyi skyon dang lta ba'i skyon dang dpyod pa'i skyon dang 'tsho ba'i skyon dran par byed pa ni dgag pa ma yin no/ /kun dga' bo 'di ni ngas bud med kyi tshogs yongs su bsrung zhing yongs su mi 'da' ba dang gang las bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa lnga pa'o/ /kun dga' bo dge slong la dge slong mas khro bar mi bya zhing smra bar mi bya ste/ dge slong la dge slong mas rtsod cing khro la smra bar phyed pa bkag pa ste/ kun dga' bo 'di ni ngas bud med kyi tshogs yongs su bsrung zhing yongs su mi 'da' bar bya ba dang/ gang las bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa drug pa'o/ /kun dga' bo dge slong ma bla ma'i chos la 'das nas zla ba phyed du gnyi ga'i dge 'dun mgu bar spyad par bya ba ste/ kun dga' bo 'di ni ngas bud med kyi tshogs yongs su bsrung zhing yongs su mi 'da' bar bya ba dag las gang bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa bdun pa'o/ /dge slong ma lo brgya lon pas kyang de ring bsnyen par rdzogs pa'i dge slong la mngon par brjod cing phyag 'tshal ba dang/ stan las ldang ba dang/ 'dud pa'i las dag bya ba ste/ kun dga' bo 'di ni ngas bud med kyi tshogs yongs su bsrung zhing yongs su mi 'da' ba dang/ gang las bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa brgyad pa'o/ /kun dga' bo skye dgu'i bdag mo chen mo gau ta ma gal te bla mar gyur pa'i chos brgyad po 'di dag yang dag par sgrub na de nyid kyis rab tu byung zhing bsnyen par rdzogs nas dge slong ma'i dngos por 'gyur ro/ /de nas tshe dang ldan pa kun dga' bo bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs la spyi bos phyag byas te/ bcom ldan 'das kyi drung na song ste/ skye dgu'i bdag mo gau ta ma gang na ba der song ste nye bar song nas skye dgu'i bdag mo chen mo gau ta ma la 'di skad ces smras so/ /gau ta ma bud med kyi tshogs kyi rab tu byung zhing bsnyen par rdzogs te dge slong ma'i dngos po rnyed mod kyi 'on kyang bcom ldan 'das kyis bud med kyi tshogs yongs su bsrung zhing yongs su mi 'da' bar bya ba dang/ gang las bud med kyi tshogs ji srid 'tsho'i bar du slob par 'gyur ba bla ma'i chos brgyad bcas pa de nyon cig dang bshad par bya'o zhes gsungs so/ /pho nyas ni chos sbyin no zhes bya ba la gleng gzhi ni mnyan du yod pa na'o/ /mnyan yod na khyim bdag ri dwags dang sbyin pa zhes bya ba gnyis gnas te/ de gnyis bshes por gyur pa nas/ ji srid du ma skyes pa'i gnyen 'brel byas pa'i bar du ste/ ri dwags rtse zhing dga' ba dang yongs su spyod par byed pa las bu pho gcig rtsal te/ des de'i ming sa ga zhes btags so/ /sbyin pas ri dwags la bu pho cig skyes so zhes thos nas bdag gi bshes po la bu pho skyes pa de bdag gi mig par 'gyur ba'i gnas yod do zhes yang dag par rig nas des de la gos dang rgyan dag bskur ro/ /spyin pa rtse zhing dga' ba dang yongs su spyod par byed pa las bu mo zhig btsas so/ /gang gi tshe dge slong ma dag der zhugs te chos ston par byed pa de'i tshe bu mo de rna ba gtad de chos nyan par byed do/ /de'i gnyen gyi tshogs dag 'dus te/ bu mo 'di'i ming cir gdags zhes ming 'dogs par byed pa na bu mo 'di chos 'dod cing rna ba gtad de chos nyan par byed la khyim bdag sbyin pa'i khyim du skyes pas chos sbyin zhes gdags so zhes chos sbyin du btags so/ /khyim bdag sbyin pa la bu mo zhig skyes so zhes ri dwags kyis thos na bdag gi bshes po la bu mo skyes pa gang yin pa de ni bdag gi mna' mar 'gyur ba'i gnas yod do zhes yang dag par rig nas des de la gos dang rgyan dag bskur ro/ /chos sbyin gsos shing bskyed pa las cher skyes pa dang/ de pha dang ma'i drung du song nas smras pa/ yab yum mkhyen par mdzod cig /bdag ni dad pas yang dag par kho nar khyim nas khyim med par rab tu 'byung ngo/ /de gnyis kyis smras pa/ khyed ma skyes par ded cag gis ri dwags kyi bu la sbyin zin gyi khyo rang la dbang med do/ /de na dge slong ma autpa la'i mdog yang dang yang du chos ston par byed de/ de la chos sbyin gyis smras pa/ 'phags ma bdag dang pas yang dag pa kho nar khyim nas khyim med par rab tu 'byung 'dod na pha dang mas ma gnang gis/ khyod kyis bdag 'di nyid du mtshor bar rab tu dbyung du gsol/ des smras pa/ bcom ldan 'das la dri'o zhes nges rnam pa de dag dge slong rnams la bsnyad do/ /dge slong rnams kyis bcom ldan 'das la'o/ / bcom ldan 'das kyis bka' stsal pa/ dge slong ma autpa la'i pho nyas chos sbyin rab tu dbyung bar bya zhes chos sbyin gnas de na gnas bzhin du gsum la skyabs su 'gro ba dang dge bsnyen gyi sdom pa sbyin par bya'o/ /des khyod la dge 'dun gyis gsum la skyabs su 'gro ba sbyin zhing dge bsnyen gyi sdom pa dag byin gyis khyod go rim bzhin du rab tu byung ba nyid du 'gyur ro zhes smras so/ /de la chos gos bskon nas autpa la'i mdog gis chos bstan pa dang rab tu byung ba tsam gyis chos sbyin gyi rgyun tu zhugs pa'i 'bras bu mngon du byas so/ /autpa la'i mdog gis bcom ldan 'das la zhus pa dang/ bcom ldan 'das kyis bka' stsal pa/ autpa la'i mdog pho nyar byas te chos sbyin la bslab pa sbyin par bya zhing chos sbyin gnas de na gnas pa nyid du bslab pa sbyin par bya'o/ /autpa la'i mdog sod nas chos sbyin la smras shing bslab pa byin te chos bstan pa dang/ des lan cig phyir 'ong ba'i 'bras bu mngon sum du byas so/ /autpa la'i mdog gis bcom ldan 'das la chos sbyin gyis lan cig phyir 'ong ba'i 'bras bu mngon sum du byas so zhes smras pa dang/ bcom ldan 'das kyis bka' stsal pa/ autpa la'i mdog pho nyar byas te/ chos sbyin la tshangs par spyod pa yongs su rdzogs pa sbyin par bya zhing chos sbyin gnas de nyid na gnas bzhin du tshangs par spyod pa yongs su rdzogs par 'gyur ba sbyin par bya'o/ /autpa la'i mdog song ste smras shing tshangs par spyod pa yongs su rdzogs par byin zhing chos bstan pa dang/ des phyir mi 'ong pa'i 'bras bu mngon sum du bya'o/ /autpa la'i mdog gis bcom ldan 'das la chos sbyin gyis phyir mi 'ong ba'i 'bras bu mngon sum du byas so zhes gsol pa dang/ bcom ldan 'das kyis bka' stsal pa/ autpa la'i mdog pho nyar byas te chos sbyin la bsnyen par rdzogs pa sbyin par bya zhing chos sbyin khyim gyi gnas de nyid na gnas bzhin du bsnyen par rdzogs par bya'o/ /autpa la'i mdog song nas dge 'dun gyis khyod la bsnyen par rdzogs par byin no zhes chos sbyin la smras shing chos bstan pa dang/ des dgra bcom pa'i 'bras bu mngon sum du byas so/ /dgra bcom pa khyim gyi nang du gnas pa 'di ni gnas ma yin zhing go skabs med la gsog 'jog gis yongs su longs spyod cing 'dod pa spyod pa 'di ni gnas ma yin zhing go skabs med pa des pha dang ma la dgra bcom pa nyid mngon sum du byas te/ mchi lags so zhes smras so/ /bu mo re zhig sdod go rim bzhin bya zhes nas sbyin pas sangs rgyas dge slong gi dge 'dun dang lhan cig khyim du gdugs tshod la spyan drangs te/ sa ga la yang phrin skur ba/ 'di nas chos sbyin 'gro zhing 'dug pa/ gal te nus pa yod na zung zhig /de yang 'khor dang bcas pa 'ongs te sgo drung nas 'dug go /bcom ldan 'das gdugs tshod gsol nas chos bstan te gshegs so/ /chos sbyin phyin nas cha par brtsams pa dang/ sa gas chos sbyin gzung bar bya ba'i phyir lag pa brkyang ba dang/ de nas mkha' la mngon par 'phags te/ 'bar ba dang sreg pa dang glog 'byin pa dang 'char 'bebs pa dang rdzu 'phrul bya bar brtsams pa dang/ de sems mngon par dad nas 'phags ma khyod 'di lta bu'i yon tan gyis chos lhag par rtogs sam zhes smras te/ des de la ji srid 'tsho'i bar du nye bar mkho ba thams cad phul lo/ /rang byung gis bsnyan par rdzogs pa na dpe brjod gsal po ma rnyed pas ma bris so/ /dge slong 'od srung chen po ni 'dul ba las bshad do/ /legs sbyin ni snyigs ma lnga'i mdo las so/ /sde bzang drug cu'i tshogs na reg pa drug pa las 'don te/ de'i drug pa dang bzhi pa'i mdo las so/ /nyin zhag gcig pa ni mdo las bshad de zhes bya ba la gleng gzhi ni mnyan du yod pa na'o/ /dge slong dag 'phags pa'i lam yan lag brgyad dang yang dag par ldan pa'i gso sbyong ngag yang dag par bstan par bya yis/ de legs par nyon zhes bya ba nas/ bshad par bya'o zhes bya ba'i bar du'o/ /'phags pa'i lam yan lag brgyad dang ldan pa'i gso sbyong gang zhe na/ 'di na 'phags pa nyan thos 'phags pa'i lam yan lag brgyad dang ldan pa'i gso sbyong la bcas? par 'dong ba dag la yan lag brgyad pa sbyin par bya ste/ brgyad gang zhe na/ ji ltar dgra bcom pa dag ji srid 'tsho'i bar du srog gcod pa spangs te/ srog gcod pa las log pa dang/ dbyug pa spangs shing mtshon cha spangs te ngo tsha ba dang bcas pas sems can srog chags 'byung por gyur pa yan chad kyi srog nye bar bzung ste/ srog gcod pa las slar log pa de bzhin du bdag ming 'di zhes bya ba dus 'di nas bzung ste/ mtshan mo 'das shing nyi ma ma shar gyi bar du srog gcod pa spong zhing srog gcod pa las slar log ste/ yan lag dang po 'dis bdag 'phags pa dgra bcom pa de dag gi bslab pa la rjes su slob po rjes su bsgrub po/ /gzhan yang ji ltar dgra bcom pa dag ji srid 'tsho'i bar du ma byin par len pa spangs shing ma byin par len pa las log / sbyin pa pa'i sbyin pa dang sbyin pa bar pa dag la 'dod cing mi rgyu la ser sna med cing dag cing gtsang la bdag nyid yongs su bsrungs te/ ma byin par len pa spangs te ma byin par len pa las log pa de bzhin du bdag ming 'di zhes bya ba ma byin par len pa spangs shing ma byin par len pa las log ste/ yan lag gnyis pa 'dis bdag 'phags pa dgra bcom pa de dag gis bslab pa la rjes su slob po/ /rjes su bsgrub po/ /gzhan yang dgra bcom pa dag ji srid 'tsho'i b ar du mi tshangs par spyod pa spangs shing mi tshangs par spyod pa las log cing tshangs par spyod pa dga' bar spyod cing dag pa dang tshangs par spyod pa dang ldan pa 'gro ba'i chos spangs shing log par g.yem pa dang bral ba dang mi tshangs par spyod pa spangs te mi tshangs par spyod pa las slar log pa de bzhin du zhes bya ba nas bdag ming 'di zhes bya ba zhes bya ba nas/ yan lag gsum pa'o zhes bya ba'i bar du snga ma bzhin du'o/ /gzhan yang dgra bcom pa dag rdzun du smra ba spangs shing rdzun du smra ba las slar log pa dad pa dang/ yid ches pa dang bstan pa 'jig rten la sgro mi 'dogs shing rdzun du smra ba spangs shing rdzun du smra ba las slar log pa de bzhin du bdag ming 'di zhes bya ba zhes bya ba nas yan lag bzhi pa yin no zhes bya ba'i bar du'o/ /gzhan yang dgra bcom pa dag ji srid 'tsho'i bar du myos par 'gyur ba bag med pa'i gnas spangs shing myos par 'gyur ba bag med pa'i gnas las log pa de bzhin du bdag ming 'di zhes bya ba zhes bya ba nas/ yan lag lnga pa yin no zhes bya pa'i bar du/ gzhan yang ji ltar dgra bcom pa dag ji srid 'tsho'i bar du mal stan mthon po dang mal stan chen po dang/ dri dang phreng pa dang/ gar dang kha dog sgyur ba spangs te zhes bya ba nas/ yan lag drug pa 'dis zhes bya ba'i bar du snga ma bzhin du'o/ /gzhan yang dgra bcom pa dag ji srid 'tsho'i bar du glu gar dang rol mo spangs te glu gar dang rol mo las slar log pa de bzhin du bdag ming 'di zhes bya ba nas/ yan lag bdun pa yin no zhes bya ba'i bar du'o/ /gzhan yang dgra bcom pa dag ji srid 'tsho'i bar dus ma yin pa'i kha zas spangs te dus ma yin pa'i kha zas las log pa de bzhin du bdag ming 'di zhes bya ba nas dus ma yin pa'i kha zas spangs te dus ma yin pa'i kha zas las slar ldog ste/ yan lag brgyad pa 'dis bdag 'phags pa dgra bcom pa de dag gi rjes su slob po rjes su bsgrub po/ /lan gnyis lan gsum du brjod par bya ste/ 'di ni 'phags pa'i lam yan lag brgyad dang ldan pa'i gso sbyong zhes bya'o zhes gsungs so/ / //bshan pa dang byi ba byed pa nyin par dang mtshan mo zhes bya ba la/ 'dul ba'i ko lpags kyi gzhi las 'don pa lta bu ste/ rgya mtsho'i ngos su don mthun dang bral zhing nyams pa'i rna ba bye ba ri yi dwags kyi grong gnyis su zhugs shing de las yang dag par 'das pa nas ji srid du nyi ma tsub na gzhal yas khang cig mthong ste/ de na bud med mdzes pa gzugs bzang ba bzhi dang/ skyes bu mdzes pa gzugs bzang ba lta na sdug pa yan lag gi brgyan dang rna cha dang phreng ba sna tshogs kyis brgyan cing klubs pa 'dug ste/ /de dag dang lhan cig rtse zhing dga' la yongs su spyod par byed do/ /de dag gis de ring po nas 'ong ba mthong nas de la smras pa/ bye ba ri bde bar 'ongs pa legs so/ /mi ltogs sam mi skom mam zhes smras so/ /de 'di snyam du ci 'di nges par na lha 'am klu 'am gnod sbyin zhig yin snyam nas/ smras pa bdag ltogs shing skom mo/ /de dag gis de la khrus byas shing zan byin te/ de gzhal yas khang de nyid na 'dug pa nas ci tsam na nyi ma shar ba'i dus na/ de dag gis de la smras pa/ bye ba ri song shig 'dir gnod pa dag 'byung bar 'gyur ro/ /de de nas byung nas phyogs gcig tu song ste 'dug pa dang / de'i rjes la nyi ma shar ba'i dus na/ gzhal yas khang de nub par gyur cing bud med bzhi po nub nas khro zhing sre ba'i khyi bzhi byung bar gyur te/ de dag gis de'i mgo thur du bstan te ji srid du sos bcad cing dum bu dum bur zos pa nas ji tsam dgongs ka nyi ma nub pa'i dus na gzhal yas khang yang phyir byung zhing bud med bzhi po yang byung bar gyur te/ skyes bu de yang mdzes pa gzugs bzang pa blta na sdug pa yan lag gi rgyan dang rna cha dang phreng ba sna tshogs kyis brgyan cing klubs par gyur te/ de de dag dang lhan cig rtse zhing dga' ba yongs su spyod par byed do/ /de de dag gi drung du song ste/ kye khyod cag gis las ci zhig byas nas 'dir skyes de dag gi smras pa/ bye ba ri 'dzam bu'i gling gi mi rnams ni yid ches par dka' ba yin pas dad par mi 'gyur ro/ /nges smras pa/ ngas mngon sum du mthong na ci'i phyir dad par mi 'gyur/ de dag gis smras pa/ bye ba ri bdag grong gi bshan par gyur nas lug dag bsad cing btsongs shing bsgyur te 'tsho bar byed pa las 'phags pa kA tyA ya na bdag la thugs brtse bas 'ongs te smras pa/ bzhin bzangs chos ma yin pa sdig pa can gyi las 'di'i 'bras obu rnam par smin pa ni mi 'dod cing mi sdug pa yin no zhes smras kyang bdag gis de'i tshig ma mnyan no// de yang yang dgongs shing bskul te/ bzhin bzangs chos ma yin pa sdig pa can gyi las 'di'i 'bras bu ni mi 'dod pa yin no zhes smras kyang bdag gi de'i tshig ma mnyan pa dang des smras pa/ bzhin bzangs khyod lug dag nyin par gsod dam 'on te mtshan mo/ /bdag gis smras pa/ 'phags pa nyin par ro zhes smras so/ /des smras pa/ mtshan mo bdag la tshul khrims dag long cig /bdag gis de la mtshan mo tshul khrims dag blangs so// de las de'i rnam par smin pa ni mtshan mo 'di lta bu'i bde ba dag nyams su myong ngo/ /gang nyin par lug dag bsad pa'i las de'i rnam par smin pas nyin par rnam pa 'di lta bu'i sdug bsngal dag nyams su myong ngo zhes tshigs su bcad pa smras pa/ nyin par gzhan gyi srog gcad cing/ /mtshan mo'i tshul khrims yon tan ldan/ /de dag las de'i 'bras bu ni/ /bde dang mi bde nyams su myong/ /bya ba ri khyod grong du 'gro ba na/ /de na nga yi bu bshan pa yod kyis de la 'di skad ces smros shig / ngas khyed cag gi pha mthong ste/ de la 'di skad du chos ma yin pa sdig pa can gyis las 'di'i 'bras bu ni mi 'dod pa dang mi sdug pa yin no zhes smra'o/ /des smras pa/ kye skyes bu khyod 'di skad smra ba la 'dzam bu gling gi mi rnams ni yid ches par dka' ba yin pas dad par mi 'gyur ro/ /de dag gis? smras pa/ gal te dad par mi 'gyur na 'di skad du smra bar bya ste/ khyod kyi pha'i gdang? bu'i 'og na gser gyi bum pa gang ba c ig 'dug gis de thon la khyed cag rang yang bde bar gnas shing dus dus su 'phags pa kA tyA yan la yang bsod snyoms phul cig bdag gi ming gis yon dag phul zhing chos bshad par byas na las de ma lus par zad cing yongs su byang ba dang gtugs par 'gyur ro zhes smra'o/ /de de las yang dag par 'das pa nas ji tsam na nyi ma 'char ba'i dus na gzhal yas khang zhig gi nang na bud med mdzes pa gzugs bzang ba blta na sdug pa zhig dang skyes bu mdzes pa gzugs bzang ba blta na sdug pa zhig yan lag gi rgyan dang/ rna cha dang/ phreng ba sna tshogs kyis brgyan cing klubs pa zhig mthong ste/ de de dang lhan cig rtse zhing dga' la yongs su spyod pa mthong ngo/ /de dag gis de rgyang ring po nas mthong nas gus pas smras pa/ bye ba ri 'ongs pa legs so/ /mi ltogs sam/ mi skom mam zhes smras so/ /de 'di snyam du ci 'di nges par lha 'am/ klu 'am gnod sbyin zhig snyam nas smras pa/ bdag skom mo/ /ltogs so/ /de dag gi nga la khrus byas shing zan byin te/ de gzhal yas khang de nyid na gnas so/ /ji tsam na nyi ma nub pa'i dus na de dag gis smras pa/ 'dir gnod pa dag 'byung bar 'gyur gyis bye ba ri song zhig /de sa'i phyogs gcig mthong sa gcig byung ste 'dug pa dang/ de'i 'og tu dgongs ka nyi ma nub pa'i dus na gzhal yas khang de yang nub cing bud med de yang nub ste/ srin bu rkang pa brgya pa chen po zhig byung ste/ de skyes bu de'i lus ngag lan bdun du g.yogs shing dkris te/ skra nas rkang pa'i bar du zos so// ji tsam du nyi ma 'char ba'i dus na gzhal yas khang de yang phyis byung zhing bud med kyang byung zhing skyes bu de yang mdzes pa gzugs bzang ba blta na sdug pa yan lag gi rgyan dang/ rna cha dang phreng ba sna tshogs gyis klubs par gyur te/ de de dang lhan cig rtse zhing dga' ba yongs su spyod par byed do/ /de de dag gi drung du song ste/ kye phyed cag gis las ci zhig byas pas 'dir skyes/ des smras pa/ bye ba ri 'dzam bu'i gling gi mi rnams yid ches par dka' ba yin pas dad par mi 'gyur ro// des smras pa/ ngas mngon sum du mthong na ci'i phyir dad par mi 'gyur/ des smras pa/ bdag sngon grong gi bram ze byi bo byed par gyur la/ 'phags pa kA tyA ya na bdag la thugs brtse bas 'ongs te/ smras pa bzhin bzangs chos ma yin pa sdig pa can gyi las de'i 'bras bu ni mi 'dod pa dang yid du mi 'ong ba yin no zhes smras kyang bdag gis de'i tshig ma mnyan no/ /de yang dang yang du 'ongs te bskul bar byed de/ bzhin bzangs chos ma yin pa sdig pa can gyi las 'di'i 'bras bu ni mi 'dod cing yid du mi 'ong ba yin no zhes smras kyang bdag gis de'i tshig ma mnyan pa dang nges smras pa/ bzhin bzangs khyod byi ba nyin par byed dam/ 'on te mtshan mo byed/ ngas smras pa/ 'phags pa mtshan byed do/ /des smras pa bzhin bzangs de lta na nyin par tshul khrims kyi sdom pa dag bur? cig / ngas de las nyin par tshul khrims kyi sdom pa blangs te/ las de'i 'bras bu rnam par smin pas nyin par rnam pa 'di lta bu'i bde ba nyams su myong la/ gang mtshan mo byi ba byas pa'i las de'i 'bras bu rnam par smin pas mtshan mo rnam pa 'di lta bu'i sdug bsngal dag nyams su myong ngo zhes tshigs su bcad pa smras pa/ mtshan mo byi po byed pas myos/ /nyin mo tshul khrims yon tan ldan/ /de dag las de'i 'bras bu ni// bde dang mi bde nyams su myong/ /bye ba ri khyod grong du 'gro na bram ze byi bo byed pa bdag gi bu yod kyis de la 'di skad du smra bar bya ste/ khyod cag gi pa bdag gis mthong ste de la 'di skad du/ chos ma yin pa sdig pa can gyi chos 'di'i rnam par smin pa ni mi 'dod cing yid du mi 'ong ba yin no zhes smros shig / kye skyes bu khyod 'di skad smra ba la 'dzam bu'i gling gi mi rnams ni yid ches par dka' ba yin pas dad par mi 'gyur ro/ /des smras pa/ bye ba ri gal te mi dag ni 'di skad du khyod kyi pha hom? khung 'og na gser gyis bum pa gang ba zhig 'dug gis de thon la bdag nyid kyang bde bar gyis la 'phags pa kA tyA ya na la yang bsod snyoms phul zhing bdag cag gi ming gis yon phul zhing chos bstan ba dag gis dang/ las de ma lus par zad cing yongs su byad ba dang gtugs par 'gyur ro/ /zhes smra'o zhes gsungs so/ /de ltar ma yin na sngar gso sbyong ba mdo nas ji skad gsungs pa bzhin na mdo'i 'don pa 'di mi rigs so/ /gang yang ming chen gyi mdo las zhes bya ba la/ bcom ldan 'das ser skya'i gzhi n+ya gro d+ha'i kun dga' ra ba na bzhugs te/ de nas shAkya ming chen? bcom ldan 'das gang na ba der nye bar song ste zhes bya ba nas/ bcom ldan 'das la 'di skad ces gsol to/ /btsun pa ji tsam gyis na dge bsnyen du 'gyur lags/ ming chen khyim pa gos dkar pa can skyes po pha'i dbang po dang ldan pa zhig sangs rgyas la skyabs su 'gro/ chos la skyabs su 'gro/ dge 'dun la skyabs su 'gro zhing bdag dge bsnyen du bzung du gsol zhes tshig tu yang smra bar byed na/ ming chen 'di tsam gyis na dge bsnyen du 'gyur ro/ /btsun pa 'di tsam gyis na dge bsnyen du 'gyur ram/ btsun pa ji tsam gyis na sna gcig la slob par byed pa'i dge bsnyen du 'gyur/ ming chen dge bsnyen gang zhig srog gcod pa spong zhing srog gcod pa las slar ldog par byed na/ 'di tsam gyi sna gcig la slob par byed pa'i dge bsnyen du 'gyur ro/ /btsun pa 'di tsam gyi sna gcig la slob pa'i dge bsnyen du 'gyur ba lags sam/ btsun pa ji tsam gyis na bslab pa phyogs cig bsrung ba'i dge bsnyen du 'gyur zhe na/ ming chen dge bsnyen gang zhig srog gcod pa spong zhing srog gcod pa las slar ldog par byed pa/ ma byin par len pa spong zhing ma byin par len pa las slar ldog par byed na ming chen 'di tsam gyis na phyogs gcig la slob pa'i dge bsnyen du 'gyur ro/ /btsun pa 'di tsam gyis phyogs gcig la slob pa'i dge bsnyen du 'gyur ram/ btsun pa ji tsam gyis na phal cher slob pa'i dge bsnyen du 'gyur/ ming chen dge bsnyen gang srog gcod pa spang zhing srog gcod pa las slar ldog pa dang/ ma byin par len pa spong zhing ma byin par len pa las slar ldog pa dang/ 'dod pas log par g.yem pa spong zhing 'dod pas log par g.yem pa las slar ldog par byed na ming chen 'di tsam gyis na phal cher slob pa'i dge bsnyen du 'gyur ro/ /btsun pa 'di tsam gyis na phal cher spyod pa'i dge bsnyen du 'gyur ram/ btsun pa ji tsam gyis na bslab pa yongs su rdzogs pa'i dge bstan du 'gyur zhe na/ dge bsnyen gang zhig srog gcod gcod pa spong zhing srog gcod pa las slar ldog pa dang ma byin par len pa dang/ 'dod pas log par g.yem pa dang/ rdzun du smra ba dang 'bru'i chang dang bcos pa'i chang myos par 'gyur ba bag med pa'i gnas spangs te/ 'bru'i chang dang bcos pa'i chang myos par 'gyur ba bag med pa'i gnas las slar ldog par byed na/ ming chen 'di tsam gyis na slob ba yongs su rdzogs pa'i dge bsnyen du 'gyur ro/ /btsun pa 'di tsam gyis bslab pa yongs su rdzogs pa'i dge bsnyen du 'gyur ram/ de nas shAkyA ming chen zhes bya ba nas/ langs te song ngo zhes bya ba'i bar du'o/ /'jigs pas skrag pa'i mi rnams ni/ /phal cher ri dang nags tshal dang/ /zhes bya ba la cho 'phrul chen po'i mdo las 'di skad du 'don te/ de nas bcom ldan 'das kyis g.yas dang g.yon gyi logs nas pad+ma ngag byung ste/ de dag la sangs rgyas kyi sprul ba'i sku dag bzhugs te/ de dag gi yang g.yas dang g.yin gyi logs dag nas pad+ma dag byung ste zhes bya ba nas 'og min gyi bar du de bzhin du ste/ de dag la bcom ldan 'das kha cig ni 'bar bar byed la sreg pa dang char 'bebs pa dang/ blog 'byin pa byed la/ kha cig ni lung ston par mdzad/ kha cig ni dri ba 'dri bar mdzad/ kha cig ni lan 'debs par mdzad/ kha cig ni gshegs par mdzad/ kha cig ni bzhugs par mdzad/ kha cig ni gzigs par mdzad pa lta bur snang ste/ de nas bcom ldan 'das kyis de'i tshe tshigs su bcad pa 'di skad ces bka' stsal to/ brtsom par bya zhing 'byung bar bya/ /sangs rgyas bstan la 'dug par bya/ /'dzam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod par 'gyur// skye ba'i 'khar ba rab spangs nas/ /sdug bsngal tha mar byed par 'gyur/ /de nas bcom ldan 'das kyis ji ltar khye'u dang bu mos kyang 'og min gyi bar du sangs rgyas kyi sprul pa bsgribs pa med par mthong ba de bzhin du byin brlabs mdzad do/ /de nas bcom ldan 'das kyis dge slong rnams la bos te/ dge slong dag mtshan ma 'di dag zung zhig ces nas mi snang bar gyur te/ de nas rgyal po sde rab tu pham byed kyis mu stegs can rnams la 'di skad ces smras so/ /kye bcom ldan 'das kyis mi'i chos las khyad par du 'phags pa'i rdzu 'phrul dang cho 'phrul dag dang/ mi chos las bla na med pa'i rdzu 'phrul dag bstan pa mthong ngam/ nga ni khyed cag gi res la bab kyis khyed cag gis kyang mi'i chos las khyad par du 'phags pa'i rdzu 'phrul dang cho 'phrul dag ston cig ces smras pa dang/ 'od srungs rdzogs byed dang/ kun tu rgyu ba dag las kyi bu dang/ smra 'dod kyi bu yang dag par rgyal ba can dang/ mi 'pham skra'i la ba can dang/ kA tyA'i bu nog can dang/ gcer bu pa gnyen gyi bu rnams phan tshun dpung ba dag bsnun/ 'gyel te kha rog par gyur/ dpa' zhum par gyur/ 'phrag zhum par gyur/ spobs pa med par gyur te sems pa la zhugs te gnas so/ /ston pas 'di skad ces bka' stsal te/ /ji srid nyi ma ma gyur pa/ /de srid srin bus snang bar byed/ nyi ma shar bar gyur pa na/ /snang ba med cing nag por gyur/ /ji srid de bzhin gshegs pa ni/ ma byung bar du rtog ge snang/ /rdzogs sangs 'jig rten snang ba na/ /rtog gi mi snang nyan thos min/ /de nas phyag na rdo rje 'di snyam du skyes bu rmongs ba 'di dag de bzhin gshegs pa la yun ring po na nye bar 'tshe'o snyam pas gang gis na mu stegs can gyi rdzu 'phrul gyi khang pa mi snang bar gnas par 'gyur ba'i rlung dmar dang char pa dag btang ba dang/ de las kha cig ni 'jigs nas ri phug tu zhugs so/ /kha cig ni rtswa'i pug du/ kha cig ni nags kyi phug tu/ kha cig ni kun dga' ra bar kha cig ni lha khang du/ kha cig ni bcom ldan 'das kyi rdzu 'phrul gyi khang par zhugs so/ /de nas bcom ldan 'das kyis sangs rgyas dang sangs rgyas kyi rdzu 'phrul chen po dang lha dang lha rnams mthu chen pos ji ltar rdzu 'phrul gyi khang pa la char thigs pa cig tsam yang mi 'bab pa rnam pa de lta bur byin gyis brlabs so/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /'jigs pas skrag pa'i mi rnams ni zhes bya ba nas/ sdug bsngal kun las grol mi 'gyur zhes bya ba'i bar du'o/ /gang yang 'di ltar 'don te zhes bya ba la/ re zhig reg pa bzhi pa'i mdo de dang de las te/ de nas khyim bdag rigs mchog grags pa'i bu chos mthong ba/ chos thob pa/ chos rig pa/ chos kyi rnam grangs rtogs pa/ chos la the tshom las brgal zhing som nyi las brgal ba/ gzhan gyi rkyen gyis mi 'gro ba chos la mi 'jigs pa thob pa stan las langs nas/ bla gos phrag pa gcig tu byas te/ bcom ldan 'das gang na pa der thal mo sbyar te/ bcom ldan 'das la 'di skad ces gsol to/ /btsun pa bdag ni mngon par 'phags so/ /rab tu 'phags so/ /btsun pa bdag sangs rgyas la skyabs su mchi'o/ /chos dang dge 'dun la skyabs su mchi'o/ / dge bsnyen du bzung du gsol/ 'di nas bzung ste ji srid 'tsho'i bar du srog gcod pa spong zhing skyabs su 'gro ste mngon par dang ngo zhes gsungs te/ 'di yang mdzod kyi gnas gnyis par tshe zad pas 'chi ba zhes bya ba la sogs pas bris zin to/ /gang yang mdo las ji skad du dge 'dun zhes bya ba 'byung bar 'gyur ba de yang skyabs su song zhig ces bya ba la reg pa bzhi pa'i mdo de las 'di skad 'don te/ de nas bcom ldan 'das kyis tshong ba ga gon dang bzang po gnyis la bos te/ khyed cag sangs rgyas la skyabs su song zhig/ chos la skyabs su song zhig ma 'ongs pa'i dus na dge 'dun zhes bya ba 'byung bar 'gyur ba de la yang skyabs su song zhig/ de dag gis smras pa/ btsun pa de bzhin te/ sangs rgyas la skyabs su mchi'o/ /chos la skyabs su mchi'o/ /ma 'ongs pa'i dus na dge 'dun zhes bya ba 'byung bar 'gyur ba de la yang skyabs su mchi'o zhes gsungs so/ /bstan bcos las 'di skad du zhes bya ba la ye shes la 'jug pa las gang ji skad du gang sangs rgyas la skyabs su 'gro ba de ci zhig la skyabs su 'gro zhe na/ chos gang dag dang ldan nas sangs rgyas zhes brjod pa dang 'dogs pa dang ming dang tha snyad du bya ba ste/ sangs rgyas su byed pa'i chos mi slob pa la skyabs su 'gro zhes gsungs so/ /ji skad du bcom ldan 'das kyis zhes bya ba la 'dul ba phran tshogs kyi sgo bzhi pa las sdom gyi tshigs su bcad pa lnga par rdzu 'phrul gyi rnam pa 'di ltar 'don to/ /btsun pa ji ltar nad pa zhes bya ba la 'dul ba phran tshogs kyi sgo bzhi pa'i sdom gyi tshigs su bcad pa bzhi ba las/ tshe dang ldan pa nye bar 'khor gyis bcom ldan 'das la dris pa/ btsun pa bcom ldan 'das ji skad du nad pa bskyang zhing ji ltar nad pa gso bar bgyi/ nye bar 'khor rang bzhin gyi kha na ma tho ba ma gtogs par ji ltar bde bar nad pa bskyang bar bya'o zhes gsungs so/ /shAkya nad pa rnams zhes bya ba 'dul ba mu tig gi sgo dang po'i sdom gyi tshigs su bcad pa bcu pa la ste/ de las ji skad du mos par 'gyur ba'i chos bzhi po 'di dag dang ldan pa ni byis pa rmongs pa mi gsal ba skyes bu dam pa ma yin pa nyid du rig par bya ste/ bzhi gang zhe na/ srog gcod pa ma spangs shing/ ma byin par len pa dang/ 'dod pas log par g.yem pa dang/ 'bru'i chad dang bcos pa'i chang myos par 'gyur ba ma spangs pa'o/ /chos bzhi po 'di rnams dang ldan pa ni mkhas pa gsal ba skyes bu dam pa zhes bya ste/ bzhi gang zhe na/ srog gcod pa spangs shing srog gcod pa las slar log pa dang/ ma byin par len pa dang/ 'dod pas log par g.yem pa dang/ 'bru'i chang dang bcos pa'i chang myos par 'gyur ba bag med pa'i gnas las slar log pa'o/ /gleng gzhi ni mnyam du yod pa na'o/ /chos bzhi po 'di dag dang ldan pa ni byis pa rmongs pa mi gsal ba mi mkhas pa skyes bu dam pa ma yin pa zhes bya ste/ rdzun du smra ba dang/ phra ma'i tshig dang/ tshig rtsub mo dang/ tshig bkyal ba ma spangs pa'o/ /chos bzhi po 'di rnams dang ldan pa ni mkhas pa bsal ba skyes bu dam pa ste/ bzhi gang zhe na/ rdzun du smra ba spangs pa dang/ phra ma dang/ tshig rtsub po dang/ tshig bkyal pa spangs pa'o zhes gsungs so/ /lus dang ngag gi nyes par spyod pa'i tshoms las 'don pas srog gcod pa dang phra ma bzhin du myos par 'gyur ba 'thung ba yang nyes par spyod pa zhes bya'o/ /gang yang bcom ldan 'das kyis ji skad du zhes bya ba 'dul ba'i rab tu 'byung ba'i gzhi las 'di ltar 'don te/ tshe dang ldan pa khyod nyon cig /bzhi po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des 'di ltar rab tu byung zhing bsnyen par rdzogs pa'i dge slong gi ltung bar 'gyur ba'i chos su gsungs te/ de dag las gang yang rung ba zhig gi ltung bas dge slong ltung ba dang bcas par gyur na/ dge slong ma yin/ dge sbyong? ma yin/ shAkya'i bu ma yin te/ dge slong gi dngos po nyams shing bcom par 'gyur te/ dge sbyong gi dngos po zhig cing ltung ba dang pham pa dang phyir gsor mi rung bar 'gyur te/ 'di lta ste/ shing tA la'i mgo bcad pa bcos su med cing sngon por 'gyur du mi rung la 'phel zhing rgyas pa dang spangs par 'gyur du mi rung ba de bzhin du dge slong 'di lta bu'i ngo bo'i myos par 'gyur ba 'thung na yang dge slong ma yin/ dge slong ma yin/ shAkya'i bu ma yin te/ dge slong gi dngos po la snyams shing bcom par 'gyur te/ de'i dge sbyong gi dngos po zhig cing ltung ba dang/ pham pa dang/ phyir bcos su mi rung bar 'gyur ro zhes gsungs so/ /'di dag ni 'dul ba las bstan te zhes bya ba la/ rnam par 'byed pa'i pham po dang po las 'di skad du 'don te/ yang dge slong gang zhes bya ba nas/ dge slong ni rnam pa bzhi ste/ ming gi dge slong dang/ khas 'chis pa'i dge slong dang/ slong bas na dge slong dang/ nyon mongs pa bcom pa'i dge slong ngo/ /ming gi dge slong gang zhe na/ gang ming dang ming du brjod pa dang/ nges tshig dang btags pa dang rig byed dang/ tha snyad du dge slong zhes bya ba dang/ dge slong gi rigs dang/ spyir dge slong zhes brjod pa ste/ 'di na ming gi dge slong zhes bya'o/ /khas 'ches pa'i dge slong gang zhe na/ dge slong ma yin bzhin du dge slong zhes bdag nyid khas 'che zhing rkun mar gnas bzhin du bdag nyid dge slong zhes khas 'tsha ba ste/ 'di ni khas 'tsha ba'i dge slong zhes bya'o/ /slong bas na dge slong gang zhe na/ gang chos dang ldan par slong zhing 'tsha bar byed pa ste/ 'di ni slong bas dge slong zhes bya'o/ /nyon mongs pa bcom pa'i dge slong gang zhe na/ gang gi zag pa dang bcas pa'i kun nas nyon mongs pa yang srid par nang dang sdug bsngal kun 'byung ba dang/ ma 'ongs pa'i skye ba dang rgas pa dang na ba dang/ 'chi ba de dag spangs shing yongs su shes par gyur cing rtsa ba nas bcad de/ shing tA la mgo bcad pa bzhin du ma 'ongs pa'i skal pa mnyam pa mi skye ba'i chos can du byas pa ste/ 'di ni nyon mongs pa bcom pas na dge slong zhes brjod do/ /don 'di la ni gsol ba dang bzhi'i las kyi bsnyen dang rdzogs pa'i dge slong yin par dgongs te/ de yang khro ba med pa dang gnas par bya'o zhes gsungs so/ /dge 'dun gyi longs spyod pas kham bu gcig kyang ma gnang zhes bya ba la/ gleng gzhi ni mnyan du yod pa na'o/ /mu stegs can gyi nyan thos dge 'dun pas don du gnyer nas bya ba byed pa khyim bdag mgon med pas sbyin gyis mthong zhing rig nas 'di snyam du mu stegs can gyi nyan thos dge 'dun pas don du gnyer nas nyes par bshad pa'i chos la mu stegs kyi bya ba byed na/ bdag kyang skye bo mang po dge 'dun la yon dbul bar bya'o snyam mo/ /de nas khyim bdag mgon med zas sbyin bcom ldan 'das gang na ba der song ste/ nye bar song nas bcom ldan 'das kyi zhabs la spyi bos phyag byas nas bcom ldan 'das la 'di skad ces gsol te/ bcom ldan 'das mkhyen par mdzod cig / bdag kyang skye bo mang po'i tshogs bdag dge 'dun la yon dag 'bul bar 'gyur ba de ltar bgyi'o/ /bcom ldan 'das kyis bka' stsal pa/ khyim bdag gnang gis bskul bar gyis shig/ khyim bdag gis bskul nas 'di skad du 'phags pa bdag nyid kyis kyang bskul bar mdzod cig dang de ltar na bdag cag gi mdzes par 'gyur ro zhes pa'i skabs de lta bu dge slong rnams kyis bcom ldan 'das la gsol ba dang/ bcom ldan 'das kyis bka' stsal pa/ dge slong dag gis de la grogs dag sbyin par bya'o/ /khyim bdag gis smras pa/ gal te sgrogs par byed na bdag cag las bsod nams mang por 'gyur ro/ /bcom ldan 'das kyis bka' stsal pa/ dge slong dag gis bsgrags par bya'o/ /khyim bdag 'di lta bu'i zhes bsgrags par bya'o/ /des 'di skad ces 'phags pa rnams kyis bsgrags na bdag cag la bsod nams chen por 'gyur ro/ /bcom ldan 'das kyis bka' stsal pa/ dge slong gis bsgrag par bya zhing gtsug lag khang du 'ongs pa yang bsgrag bar bya'o// der sgrib pa dang bcas nas 'khor lo la 'dzags par bya'o/ /der chad pa dang chad pas gnod na gtsug lag khang bya'o/ /der skye bo mang po'i tshogs 'dus pas bsgribs shing mi mthong na sgro bzhi gdod par bya zhing sgro bzhi'i steng du 'jigs te bsgrag par bya'o/ /gos kyi rnyed pa mang du byung bas khyim bdag mgon med zas sbyin gyi rgyal byed kyi tshal gang bar byas so/ /der ma byin par len pa dag gis phrogs nas bcom ldan 'das kyis bka' stsal pa/ bzleg pa bya'o/ /gzhan gyi ltung ba dag sdud pa yang 'gegs par byed nas/ bcom ldan 'das kyis bka' stsal pa/ gang yang grogs pa dag zlog par bya'i gang bcings pa dag ni zlog par mi bya'o/ /de nas khyim bdag mgon med zas sbyin gyis smras pa/ bcom ldan 'das kyi nyan thos kyi dge 'dun tshul khrims phun sum tshogs pa/ ting nge 'dzin phun sum tshogs pa shes rab phun sum tshogs pa/ rnam par grol ba phun sum tshogs pa/ rnam par grol ba'i ye shes phun sum tshogs pa/ 'dud par bya ba/ rab tu 'dud par bya ba/ thal mo sbyar par bya ba/ 'dun par bya ba/ 'jig rten gyi bla na med pa'i yon gnas de dag la gos kyi phreng ba 'di dag bdag 'bul lo zhes smras so/ /de nas so so'i skye bo dag 'di skad du bdag cag 'ching ba mdza' dag pa rnams kyis 'di mi 'thob po zhes smras so/ /de nas slob pa dag 'di skad du/ bdag ni kun tu sbyor ba dag gis lhag ma dang bcas pas bdag cag gis kyang mi 'thob po zhes smras so/ /mi slob pa dag 'di snyams su zhes bya ba nas/ skabs de bcom ldan 'das la gsol ba zhes bya ba nas rgyas par ro/ /kun dga' bo song la dge slong rnams la 'di skad du khyed cag de'i drung na bsam pa thag pa nas mya ngan las 'das pa'i bsam pas tshangs par spyad pa spyod dam zhes smros shig /de nas tshe dang ldan pa kun dga' bos dge slong rnams la smras pa dang/ de dag gis smras pa/ btsun pa kun dga' bo de bzhin no/ tshe dang ldan pa kun dga' bos bcom ldan 'das la gsol pa dang/ bcom ldan 'das kyis bka' stsal pa/ de lta bas na rjes su gnang gis nga'i drung na bsam pa thag pa nas mya ngan las 'das pa 'dod cing tshangs par spyad pa spyod pa dag la kha zas ro brgya pa dang/ brgya stong ri ba'i gos dang/ gzhal yas khang lnga brgya dag gnad? mod kyi/ 'on kyang dge slong dag yongs su longs spyod pa ni lnga ste/ bdag pos yongs su longs spyod pa dang/ skal pas yongs su longs spyod pa dang/ rjes su gnang bas yongs su longs spyod pa dang/ bu lon gyis yongs su longs spyod pa dang/ rku bas yongs su longs spyod pa rnams so/ /de la bdag pos yongs su longs spyod pa ni dgra bcom pa'o/ /skal bas yongs su longs spyod pa ni slob pa'o/ /rjes su gnad? bas yongs su longs spyod pa ni so so skye bo dge ba'i chos can rnams so/ /bu lon gyis yongs su longs spyod pa ni yang yang ltung ba 'byung ba dag go / rku bas yongs su longs spyod pa ni tshul khrims 'chal ba rnams te/ rtsa ba'i ltung ba byung zhing dge sbyong ma yin pa la dge sbyong du khas 'che ba rnams la ni rjes su ma gnang ste/ dge slong tshul khrims 'chal pa dge 'dun gyis zas la kham bu cig tsam dang/ gnas sa phyi rting gang tsam yang ma yin no/ /de lta bas na rjes su gnang gis byung ba dag yang dag par bgo bar bya'o/ /de nas tshe dang ldan pa nye bar 'khor gyis bcom ldan 'das la zhus pa btsun pa bcom ldan 'das kyis tshul khrims 'chal ba bskrad par bya'o zhes gsungs na gang gis bskrad par bgyi/ nye bar 'khor dge 'dun gyis so/ /ji ltar bskrad par bgyi/ de'i snod dag gdon par bya'o/ /'dug rten dag gzhan du bskur bar bya zhing/ lhung bzed kyi gzhi rten yang la? gzhan du bskur zhing/ bar bur gyi snod kyang gzhan du bskur bar bya'o/ /btsun pa gal te skrong pa na ka ba la 'ju na ji ltar bskur bar bya/ ka ba bcad par bya'o/ /de dag gis slar bsab par bya/ dge 'dun gyis so/ /gal te de sgo skyes la 'ju na sgo skyes bton bar bya'o/ /gang gis de slar bsab par bya/ dge 'dun gyis so/ /'dul ba'i gleng gzhi gnyid pa'i sdom gyi tshigs su bcad pa bdun pa dang po las de skad du 'don to// //shing rul dag ni gsal bar bgyi zhes bya ba la/ bcom ldan 'das tsam pa ni rdzing gi 'gram na bzhugs te/ de nas bcom ldan 'das gso sbyong bco lnga pa de nyid kyi tshe dge slong gi dge 'dun gyi mdun du gdan ji lta ba bzhin bshams pa la bzhugs te/ dge slong gi dge 'dun la gzigs te cang mi gsung bar bzhugs so/ /de nas tshe dang ldan pa kun dga' bo stan las langs te bla gos phrag pa gcig tu gzar te/ bcom ldan 'das ga na ba der thal mo sbyar zhing phyag byas nas bcom ldan 'das la 'di skad ces gsol to/ /btsun pa dge slong gi dge 'dun 'dus shing tshogs nas mchis lags te/ bcom ldan 'das so so thar pa'i mdo 'don du gsol/ bde bar gshegs pa so sor thar pa'i mdo gdon du gsol/ de skad ces gsol pa dang/ bcom ldan 'das cang mi gsung bar bzhugs te/ tshe dang ldan pa kun dga' bo yang rang gi rtan la ji lta ba bzhin 'dug go /de nas mtshan mo'i thun dang po 'das shing thun par ba la bab pa na tshe dang ldan pa kun dga' bo stan las langs te/ bcom ldan 'das la 'di skad ces gsol to/ /btsun pa mtshan mo'i thun dang po 'dus shing thun par ba la bab lags kyis/ bcom ldan 'das so sor thar pa'i mdo gdon du gsol/ bde bar gshegs pa so sor thar pa'i mdo gdon du gsol/ de sgang ces gsol kyang bcom ldan 'das cang mi gsung bar bzhugs te/ tshe dang ldan pa kun dga' bo yang rang gi stan la 'dug go /de nas mtshan mo thun dang po 'das shing bar ma yang 'das la/ thun tha ma snang ba byung bar chos shing ring po ma thogs par skya reng 'char ba'i dus na tshe dang ldan pa kun dga' bo stan las langs te/ bcom ldan 'das la 'di skad ces gsol to/ /btsun pa mtshan mo'i thun dang po 'das shing bar ma yang 'das la/ thun tha ma la bab ste snang ba byung bar chas shing nga ni ring po mi thogs par skya rengs 'char ba'i dus la bab kyis/ bcom ldan 'das dang dge slong gi dge 'dun yun ring du bzhugs kyis/ bcom ldan 'das so sor thar pa'i mdo gdon du gsol/ bde bar gshegs pa so sor thar pa'i mdo gdon du gsol/ kun dga' bo dge slong gi dge 'dun gyi 'khor yongs su ma dag pa de srid du dgag gis khyod rang gi stan la ji lta ba bzhin 'dug cig / de nas tshe dang ldan pa kun dga' bo rang gi stan la ji lta ba bzhin 'dug go /de'i tshe na tshe dang ldan pa maung+gal gyi bu chen po 'khor 'dus pa de'i nang na 'dus shing 'dug par gyur te/ de nas tshe dang ldan pa maung+gal gyi bu chen po 'di snyam du bcom ldan 'das kyis dge slong gang la dgongs nas/ kun dga' bo dge slong gi dge 'dun gyi 'khor yongs su ma dag pa de srid du dgag gis khyod rang gi stan ji lta ba bzhin 'du gcig ces gsungs/ bdag gis dge slong gi dge 'dun thams cad la blta bar bya'o snyam nas/ de nas tshe dang ldan pa maung+gal gyi bu chen po sems ting nge 'dzin gang la mnyam par bzhag na dge slong gi dge 'dun thams cad snang bar 'gyur ba de lta bu'i ting nge 'dzin la snyoms par zhugs so/ /tshe dang ldan pa maung+gal gyi bu chen pos dge slong gi dge 'dun thams cad la bltas pa na dge slong gzhan zhig tshul khrims 'chal ba sdig pa'i chos can nang rul pa dung gi sgra ltar kun tu sbyod pa/ dge sbyong ma yin par dge spyod du khas 'che ba/ tshangs par spyod pa ma yin par tshangs par spyod par khas mche ba zhig dge slong gi dge 'dun gyi nang du 'dug pa mthong ngo/ /mthong nas stan las langs te dge slong de'i dpung pa nas bzung ste/ sgo'i phyi rol tu bton te/ 'di skad ces skyes bu rmongs ba nyams pa khyod phar song 'di ni khyed kyi dge slong gi tha ma ste/ de nas bzung ste dge slong gi gnas khang ngam longs spyod la ji ltar sngar bzhin du longs spyod par ma byed cig ces smras so/ /de nas tshe dang ldan pa maung+gal gyi bu chen pos dge slong de sgo'i phyi rol tu gton nas sgo lcags bcug cing lde mig dag bsdams nas/ bcom ldan 'das gang na ba der nye bar song ste/ nye bar song nas bcom ldan 'das la 'di skad ces gsol to/ /bcom ldan 'das kyis dge slong gang la dgongs nas tshe dang ldan pa kun dga' bo la 'di skad ces kun dga' bo dge slong gi dge 'dun yongs su ma dag pa de srid du dgag gis zhes bka' stsal pa'i dge slong de bdag gi dpung pa nas bzung ste/ sgo'i phyi rol tu bton lags so/ /'di skad ces skyes bu rmongs pa nyams pa khyod phar song/ 'di ni khyod kyi dge slong gi tha ma ste/ de nas bzung ste dge slong gi gnas khang ngam longs spyod la ji ltar sngar bzhin du longs spyod par ma byed cig ces smras te/ de sgo'i phyi rol tu bskrad nas sgo lcags bcug ste lde mig bsdams te mchis lags kyis/ bcom ldan 'das dang dge slong gi dge 'dun bzhugs nas ring du lon gyis/ bcom ldan 'das so sor thar ba'i mdo gdon du gsol/ bde bar gshegs pa so sor thar pa'i mdo gdon du gsol/ maung+gal gyi bu skyes bu rmongs pa nges bsod nams ma yin pa mang du bsags pa mthong ngam ston pa dang/ dge slong gi dge 'dun mtshan thog gcos pa mthong ngam/ ji ltar da lta skyes bu rmongs ba des bsod nams ma yin pa ming du bsags nas song ngo/ /maung+gal gyi bu de lta bas na khyed cag nyid kyis dang por zla ba phyed phyed zhing so sor thar pa'i mdo gdon par bya zhing de bzhin gshegs pas phyis zla ba khyed phyed cing so sor thar pa'i mdo gdon par 'gyur ro/ de ci'i phyir zhe na/ maung+gal gyi bu dge slong 'khor yongs su ma dag par de bzhin gshegs pas zla ba phyed phyed cing so sor thar pa'i mdo bton na skyes bu rmongs pa de'i mgo tshal pa bdun du 'gas par 'gyur ro/ /maung+gal gyi bu 'di lta ste/ 'di ni dge slong tshangs par spyod pa gzhon zhing rab tu gzhon pa rnams dang de 'di ltar 'gro ba dang 'das pa dang lta ba dang rnam par lta ba dang/ bskum pa dang brkyang pa dang chos gos snam sbyar len pa dang/ lhung bzed len pa la 'dra ste/ ji tsam na dge 'dun gyi spongs pa'i ltung ba gang rung ba zhig 'gal bar byed pa na/ de yang dge 'dun gyi spom po gang yang rung ba dag gsal bar byed par 'gyur ro/ /de la dge slong rnams 'di snyam du dge sbyong sun 'byin par byed pa 'byung bar 'gyur te/ dge sbyong gi sred de sde des dge slong 'dus pa 'di dag yang dag par rangs pa lta bus nyams par byas shing dge sbyong sun 'byin par ma gyur cig snyam ste/ 'di lta ste/ zhing pa'i khyim bdag dag nas kyi zhing phun sum tshogs par ba ba'i phyir nas kyi skyon du gyur pa de dang 'dra ba'i sred rtsa ba nas 'don par byed de/ 'di lta ste/ nas gzhan dang sdong bu dang 'dab ma dang/ yal ga dag 'dra zhing/ 'di lta ste/ ji srid du mgo bo ma byung gi bar du nas gzhan dang 'dra zhing/ mgo bo byung bar gyur pa na zhing pa'i khyim bdag de 'di snyam du 'di ni nas brlag par byed pa ste nas kyi sred byung ngo snyam nas khyim bdag zhing pa des zhing pa gzhan dag kyang brlag par byed par 'gyur du 'ong ngo zhes 'di dag rtsa ba nas bcad cing sgyur 'gyur te/ de bzhin du de 'gro ba dang 'ong ba dang chos gos snam sbyar dang lhung bzed len pa dag la 'dra bar 'gyur zhes bya ba nas snga ma bzhin du dge slong dag pa gzhan kyang sun 'byin par 'gyur tu 'ong zhes bya ba'i bar du'o/ /'di lta ste zhing pa'i khyim bdag dag dbyar 'das te ston gyi dus na chu 'gram gyi yur ba dag 'chos par 'dod na/ sta re rnon po dag thogs te nags kyi nang du zhugs nas de de na shing dag brdung bar byed rab tu brdung bar byed/ kun tu brdung bar byed de/ de na shing gang dag brdungs shing rab tu brdungs pa kun tu brdungs pa na/ sgra snyan zhing sgra zab la rnga'i sgra lta bu de dag khyim bdag zhing pa des 'dor bar byed do/ /de na shing gang dag brdungs rab cu brdungs kun tu brdungs pa na sgra mi brtan zhing sgra mi za ba la rnga'i sgra lta bu mi 'don pa de dag khyim bdag zhing ba des rtsa ba nas bcad de mgo bo dag blangs te/ gang yang rul cing snying po med par gyur pa dag dor nas chu'i yur ba dag 'chos par byed do/ /de bzhin du len pa dag las 'dra ste zhes bya ba nas/ snga ma bzhin du dge sbyod sun 'byin par byed pa byung zhing/ dge sbyong gi sred de dang dge sbyong gi shing rul pa lta bu'o/ /zhes bya ba nas 'dis dge slong gzhan dag kyang sun 'byin par gyur ces bya ba'i bar snga ma'i bzhin 'gro ba dang 'ong ba dang snam sbyar gyi bar du'o/ /'di lta ste/ khyim bdag zhing bdag 'bras kyis phung po 'phyar bar byed pa na/ 'bras gang dag brtan par gnas shing snying po dang bcas pa de dag phyogs cig gnas par 'gyur/ gang phub ma dang snying po med pa de dag rlung gis phyogs cig tu byed par 'gyur te/ 'dis gzhan dag kyang rlag par byed par 'gyur ro/ /zhes khyim bdag zhing pa des btsas shing bsrungs nas 'jig par byed do/ /de bzhin du lhung bzed len pa dag la 'dra bar 'gyur zhes bya ba nas/ dge sbyong sun 'byin par byed pa 'byung ngo/ /dge slong gi sred dang/ dge slong shing rul pa lta bu dang/ dge slong snying po med pa zhes bya ba nas gzhan dag kyang sun 'byin par 'gyur du 'ong ngo zhes bya ba'i bar du snga ma bzhin du'o/ /ston pas gzhan yang 'di skad ces bka' stsal to/ /kha na ma tho bcas shing 'khyog /sgyu dang ser sna dang bcas shing/ /bden par song ste nye bar spyod/ /sdig par lta zhing ma gus pa/ /rdzun du smra zhing mi shes pa/ /sdig pa 'dod cing khro ba dang/ lhan cig gnas pa shes byas nas/ /de dag 'dre zhing 'grogs pa dag /rtag tu rab tu spang bar bya/ /dge slong min pa dge slong du/ /smra ba sred bsal bar gyis/ /shing rul dag ni gsal bar gyis/ /snying po med pa dor bar gyis/ /sdig 'dod rnam par spangs nas ni/ /spyod lam phun sum tshogs pa dang/ /dag cing rab tu dag pa dang/ /lhan cig gnas par sems pa na/ /de dag 'dus shing tshogs pa rnams/ /sdug bsngal tha mar byed par 'gyur zhes gsungs so/ /'di ltar dge sbyong ni rnam pa bzhi ste zhes bya ba la/ drug ni drug pa'i mdo'i sdom gyi tshigs su bcad pa dang po las 'di ltar 'don te/ de nas bcom ldan 'das phreng ba can nas ljongs rgyu zhing sdig pa can du gshegs nas dza lo ka'i tshal na bzhugs so/ /sdig pa can gyi gyad rnams kyis bcom ldan 'das phreng ba can nas ljongs rgyu zhing sdig pa can du gshegs te/ dza lo ka'i tshal na bzhugs so zhes thos te/ thos nas 'dus shing tshogs te/ rab tu 'dus shing tshogs nas bcom ldan 'das gdan ba der nye bar song ste/ nye bar song nas bcom ldan 'das kyi zhabs la spyi bos phyag 'tshal te/ phyogs gcig tu 'dug go /phyogs gcig tu 'dug nas/ sdig pa can gyi gyad rnams la bcom ldan 'das kyis chos dang ldan pa'i gtam gyis yang dag par ston pa dang/ yang dag par bskul ba dang/ yang dag par dga' ba dang/ yang dag par gsal bar mdzad do/ /de'i tshe na 'khor 'dus pa de'i nang nas mgar ba'i bu tsunda zhes bya ba 'dus par gyur cing 'dug par gyur to/ /de nas bcom ldan 'das kyis sdig pa can gyi gyad rnams chos kyi gtam gyis yang dag par bstan cing yang dag par bskul yang dag par dga' bar mdzad nas cang mi gsung bar bzhugs so/ /sdig pa can gyi gyad rnams bcom ldan 'das kyis gsungs pa la mngon par dga' zhing rjes su yi rang ste/ bcom ldan 'das kyi zhabs la spyi 'os phyag byas te/ bcom ldan 'das kyi drung nas song ngo/ /mgar ba'i bu tsunda de nyid du 'dug go /de nas mgar ba'i bu tsunda sdig pa can gyi gyad dag song nas yun ring du lon pa dang/ stan las langs te bla gos phrag pa gcig tu gzang te/ bcom ldan 'das gang na ba der thal mo sbyar zhing phyag byas nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pa dge gis khyim du gdugs tshod gsol bar ci gnang/ bcom ldan 'das kyis mgar ba'i bu tsunda la cang mi gsung bar gnang bar mdzad do/ /de nas mgar ba'i bu tsunda bcom ldan 'das kyis cang mi gsung bas gnang par rigs nas bcom ldan 'das kyi zhabs la spyi bos phyag byas nas song ngo/ /de nas mgar ba'i bu tsunda de nyid kyi mtshan mo shing thogs dang 'bru dag btsos shing bcom ldan 'das dang dge slong gi dge 'dun la gtsang zhing bsod pa'i kha zas dang ston mo dag bshams te/ gdan bshams chu snod dag bzhag cing btsun pa gdugs tshod kyi dus la bab kyis nga ni bcom ldan 'das dus mkhyen par mdzad du gsol zhes dus tshod brjod par byed pa'i pho nya dag btang ngo/ /de nas bcom ldan 'das snga dro chos gos dang lhung bzad thogs te/ dge slong gi dge 'dun gyi tshogs kyis yongs su bskor cing dge slong gi dge 'dun gyi tshogs kyis mngon sum du byas te/ mgar ba'i bu tsunda'i gdugs tshod gang na ba der gshegs so/ /nye bar gshegs nas dge slong gi dge 'dun gyi gung la gdan bshams pa la bzhugs so/ /de nas mgar ba'i bu tsundas sangs rgyas dang dge slong gi dge 'dun mngon par phyogs shing bde bar bzhugs par rig nas rgya shug gi 'bras bu phun sum tshogs pa dang legs par sbyar ba'i 'bru dag gis rang gi lag nas 'bul zhing stobs par byed do/ /dge slong gi dge 'dun la yang gtsang zhing bsod pa'i kha zas dag rang gi lag gis 'bul zhing stobs par byed do/ /de'i tshe na dge slong sdig pa can dge slong gzhan zhig gi rmog brkus te 'chan khung du btsug ste/ dge slong sdig pa can de sangs rgyas kyi mthus sangs rgyas dang tsundas mthong ngo/ /de nas mgar ba'i bu tsundas rnam grangs du mar rgya shug gi 'bras bu phun sum tshogs pa dang legs par sbyar ba'i bcu? dag gis rang gi lag nas 'bul zhing stobs par byed cing dge slong gi dge 'dun la yang gtsang zhing bsod pa'i bza' ba dang btung bas rang gi lag nas 'bul zhing bstabs par byas nas bcom ldan 'das kyis gsol zhing phyag bcabs te lhung bzed gyu bar rig nas/ stan dma' ba zhig blangs te bcom ldan 'das kyi mdun du 'dug ste tshigs su bcad pa'i dbyangs kyis dri ba zhus pa/ pha rol brgal cing som nyi spangs/ /thub pa rab zang rnam 'dren mchog /kha lo sgyur mchog 'jig rten na/ /dge sbyong du mchis bdag dra'o/ /bcom ldan 'das kyis bka' stsal pa/ /dge sbyong bzhi ste/ lnga ba med/ /bdag gsal bar ngas shes bya/ /lam gyis rgyal dang lam ston dang/ /lam phyir 'tsho dang lam sun 'byin/ /gsol ba lam gyis rgyal ba gang la brjod/ /ji ltar mtshungs med lam ston yin/ /lam phyir 'tsho ba dris pas gsungs/ lam sun 'byin ba gsal par mdzod/ /bcom ldan 'das kyis bka' stsal pa/ /gang zhig the tshom zug rngu spangs/ /gzhan gyis bkri min mya ngan 'das/ /'jig rten lhar bcas ston pa yis/ /sangs rgyas lam gyis rgyal zhes brjod/ /blang dang spang bya mchog rig nas/ /chos rnams de bzhin ston cing 'byed/ /thub pa bkri min the tshom chad/ /lam ston dge sbyong gnyis pa yin/ /gang zhig chos gnas legs ston cing/ /dran pa'i bdag nyid lam phyir 'tsho/ /kha na ma tho med gnas slob/ /dge slong gsum pa lam phyir 'tsho/ /'phags pa'i rtags kyis g.yogs byas nas/ /'gran cing khyim sun 'byin pa dang/ /'chal cing mdul rgyu dang bcas/ /gzugs brnyan bzhin spyod lam sun 'byin/ /khyim pa thos ldan 'phags nyan thos/ /blo bzang 'di ltar bsams byas nas/ /thams cad 'di ltar ma yin zhes/ /shes nas ma dad par mi bya/ /ji ltar gdug bcas gdug bcas min/ /dag dang ma dag mnyam par byed/ /gcig gis sdig pa'i las byas nas/ /sdig bral gzhan la'ang skye bo dogs// kha dog gzugs dang mtshan nyid bzang/ /mthong nas gzhan la ches min bya/ /ma dul phal cher 'jig rten na/ /shin tu dul ba'i rtags kyis spyod/ /gser gyi gzugs bsnyan snying po lcags/ /phyi rol gser g.yogs sun 'byin ltar/ / nang du gdug bcas phyi rol tu/ /'khor dang bcas shing 'phags ltar spyod/ /de nas bcom ldan 'das mgar ba'i bu tsunda'i sbyin pa la rjes su thugs rangs shing thugs rangs par mdzad de/ dul shing kho na dang mi ldan pa'i// sbyin bdag bsod nams rab 'phel te/ /dge zhing sdig pa rab spangs nas/ /nyon mongs zad cing log par 'gyur/ /de nas bcom ldan 'das kyis mgar ba'i bu tsunda la tshe dang ldan pa'i gtam gyis yang dag par bskul zhing dga' bar mdzad nas bzhengs te gshegs so zhes gsungs so/ /bslab pa byin pa zhes bya ba la/ phran tshegs kyi sgo gnyis pa'i sdom gyi tshigs su bcad pa lnga pa las dga' byed la brten de bslab pa bcas pa'i dbang du mdzad nas 'dul ba las tshig le'ur byas pa bkod pa gal te nyes par gyur pa la/ 'chab sems cig kyang ma skyes na/ /pham pa byung bar gyur kyang ni/ /pham par 'gyur ba ma yin no/ /mdo sde dang 'dul ba las zhes bya ba la re zhig mdo sde ni sangs rgyas kyi rnam par bshad pa'i sdom gyi tshigs su bcad pa bzhi pa'i dang po las te/ mdzod kyi gnas 'di nyid du/ gzhan la'ang bsnyan gnas yod mod kyi/ /skyabs su mi 'ong ba la med ces bris par blta bar bya'o/ /'dul ba las kyang de lta bu bsnyil bar bya'o zhes gsungs so zhes bya ba la rab byung ba'i gzhi'i sdom gyi tshigs su bcad pa gnyis pa bslab pa'i gnas bzhi pa las te/ bya rig skod dang sun 'byin dang/ /rkun ma'i gnas dang ma ning dang zhes 'byung la/ phran tshogs kyi sgo bdun pa sdom gyi tshigs su bcad pa bzhi pa las kyang/ mtshan gnyis de bzhin mtshan gcig dang zhes 'byung la/ de nyid kyi phyir rab tu 'byin pa'i dus na brtag pa'i phyir mkhan pos 'di ltar dri bar bya ste/ khyod za ma ma yin nam/ ma ning ma yin nam/ mtshan gnyis pa ma yin nam zhes dri zhing de khas len na khyod mi skye ba'i chos can yin gyis song zhig ces brjod par bya'o zhes 'byung ngo/ / //gang yang mdo las ji skad du dge slong dag sgo nga las skyes pa'i klu ni zla ba phyed phyed cing zhes bya ba la/ gleng gzhi ni mnyan du yod pa na'o/ /dge slong dag sgo nga las skyes pa'i klu ni zla ba phyed phyed cing gnas nas byung ste shin tu yongs su dag pa'i yan lag brgyad dang ldan pa'i gso sbyong la nye bar gnas par byed de/ lus sa la bskyud cing gnas te rgyu ba dang mi rgyu ba'i 'jig rten gang la yang gnod pa mi byed do// de ci'i phyir zhe na/ dge slong dag sgo nga las skyes pa'i klu 'di snyam du bdag sngon mir gyur pa na shin tu yongs su dag cing phun sum tshogs pa'i bsnyen gnas yan lag brgyad pa ma bsrungs pas da ltar sgo nga las skyes pa'i klu rnams dang skal pa mnyam par skyes so/ /gal te bdag sngon mir gyur pa na shin tu dag cing phun sum tshogs pa'i gso sbyong yan lag brgyad pa dang bcas na/ bdag de ltar sgo nga las skyes pa'i klu rnams dang skal pa mnyam par skye bar mi 'gyur ro/ /de lta bas na bdag sngon mir gyur ba na phun sum tshogs shing shin tu yongs su dag pa'i gso sbyong yan lag brgyad pa ma bsrungs pas da ltar bdag sgo nga las skyes pa'i klu rnams dang skal pa mnyam par skyes so snyam du sems so zhes gsungs so/ /sgo nga las skyes pa ji lta ba bzhin du mang la nas skyes pa dang/ drod gsher las skyes pa dang rdzus te skyes pa yang de bzhin no/ /da ni mdo las 'byung ba'i las rnams bshad par bya ste zhes bya ba la/ dge ba la sogs pa'i las rnams bstan pa'i dbang du mdzad nas gsum tshar gsum da'i sdom gyi tshigs su bcad pa bdun pa'i lhag ma las bstan pa 'chad pa pa nyid kyi ji ltar rigs par mdo las nye bar bsdu bar bya ste/ de yang 'di skad du 'don te/ yon skyon snyigs ma snyigs ma can/ /nyes par spyad pa rnam gsum dang/ /gtsang grub lus bsod bsod min dang/ /'das sogs bde gshegs gsal bar mdzad/ /gnas gsum gyis ni bsdus pa dang/ /ched du bsam brjod gsum dag dang/ /las rnams gsum dang 'das dang dge /slob dang mthong dang 'dod dang gzugs/ /mthong ba'i chos la bde ba dang/ /yid bde ba dang sdug bsngal dang/ /log lta spang bya chung ngu dang/ /ser sna dang ni ser sna med/ /brnab sems brnab sems med pa dag /tshoms su yang dag sdebs pa yin/ /yon po ni rnam pa gsum ste/ lus kyi yon po dang/ ngag gi yon po dang/ yid kyi yon po'o/ /skyon ni rnam pa gsum ste/ lus kyi skyon dang/ ngag gi skyon dang/ yid kyi skyon no/ /snyigs ma can ni rnam pa gsum ste/ lus kyi snyigs ma can dang/ ngag gi snyigs ma can dang/ yid kyi snyigs ma can no/ /snyigs ma ni rnam pa gsum ste/ lus kyi snyigs ma dang/ ngag gi snyigs ma dang/ yid kyi snyigs ma rnams so/ /nyes par spyod pa ni rnam pa gsum ste/ 'dod chags kyi nyes par spyod pa dang/ zhe sdang gi nyes par spyod pa dang/ gti mug gi nyes par spyod pa'o/ /gtsang byed ni rnam pa gsum ste/ lus gtsang byed dang/ ngag gtsang byed dang/ yid gtsang byed do/ /thub pa ni rnam pa gsum ste/ lus thub pa dang/ ngag thub pa dang/ yid thub pa'o/ /'du byed ni rnam pa gsum ste/ lus kyi 'du byed dang/ ngag gi 'du byed dang/ yid kyi 'du byed do/ /'du byed rnam pa gsum las chos rnams su nye bar 'gro ba'i 'du byed bshad pa/ gzhan yang 'phags pa nyan thos 'di na 'di ltar slob ste/ gzugs gang ci yang rung ba de thams cad ni 'byung ba chen po bzhi ngag dang 'byung ba chen po bzhi ngag rgyur byas pa ste/ 'byung ba chen po bzhi gang yin pa de yang mi rtag pa 'dus byas pa bsams pas bsgrubs pa rten cing 'brel par 'byung ba yin no zhes rig nas mi g.yo ba la mos pa can du 'gyur te/ de de ltar rtogs nas de la lan mang du bsgrubs shing gnas so/ /skye mched la sems mngon par dang ste/ sems mngon par dang bas da ltar 'phags pa nyan thos mi g.yo ba la snyoms par 'jug cing shes rab rnam par grol par 'gyur ro/ /gang zhig bsgrubs pas rnam par shes pa mi g.yo g.yo bar 'gro bar 'gyur ba 'di ni gnas yod cing skabs yod de/ 'di ni mi gom? ba de nye bar 'gro ba'i las gnyis pa bstan pa'o/ /gzhan yang 'phags pa nyan thos 'di na 'di ltar yang dag par so sor slob ste/ mthong ba'i chos kyi 'dod pa gang yin pa dang/ pha rol gyi 'dod pa gang yin pa dang/ mthong ba'i chos kyi gzugs gang yin pa dang/ pha rol gyi gzugs gang yin pa mthong ba'i chos kyi 'dod pa'i 'du shes dang/ pha rol gyi 'dod pa'i 'du shes dang/ mthong ba'i chos kyi gzugs kyi 'du shes dang/ pha rol gyi gzugs kyi 'du shes 'di dag ni mi rtag pa 'dus byas pa bsams pas bsgrubs pa rten cing 'brel par 'byung ba yin no zhes rig nas mi g.yo ba la mos pa can du 'gyur te/ de de ltar rtogs nas de la lan mang du bsgrubs shing gnas so/ /skye mched la sems mngon par dang ste/ sems mngon par dad pas da ltar 'phags pa nyan thos mi g.yo ba la snyoms par 'jug pa'i shes rab rnam par grol bar 'gyur ro// gang zhig bsgrubs pas rnam par shes pa mi g.yo bar nye bar 'gro bar 'gyur ba 'di ni gnas yin zhing go skabs yod de/ 'di ni mi g.yo bar nye bar 'gro ba'i las gsum pa bstan pa'o/ /gzhan yang 'phags pa nyan thos 'di na 'di ltar yang dag par so sor slob ste/ mthong ba'i chos kyi 'dod pa gang yin pa dang/ pha rol gyi 'dod pa gang yin pa dang/ mthong ba'i chos kyi gzugs gang yin pa dang/ pha rol gyi gzugs gang yin pa dang/ mthong ba'i chos kyi 'dod pa'i 'du shes gang yin pa dang/ pha rol gyi 'dod par 'du shes gang yin pa dang/ mthong ba'i chos kyi gzugs kyi 'du shes gang yin pa dang/ pha rol gyi gzugs kyi 'du shes gang yin pa dang/ mi g.yo ba'i 'du shes gang yin pa'i 'du shes gang dag ni mi rtag pa 'dus byas pa bsam pas bsgrubs pa rten cing 'brel par 'byung ba yin no zhes rig nas ci yang med pa la mos par 'gyur zhing/ de de ltar rtogs te de lan mang du bsgrubs shing gnas so/ /skye mched la sems mngon par dad pa'i sems mngon par dang bas da ltar 'phags pa nyan thos ci yang med pa la snyoms par 'jug cing shes rab rnam par grol par 'gyur ro/ /gang zhig bsgrubs pas rnam par shes pa ci yang med par 'gro bar 'gyur ba 'di ni gnas yin zhing go skabs yod de/ 'di ni ci yang med pa'i skye mched du nye bar 'tho ba'i lam dang po bstan pa'o/ /gzhan yang 'phags pa nyan thos 'di na 'di ltar so sor yang dag par slob ste/ bdag 'ga' zhig tu 'ga' yang cung zad med do/ /bdag gi zhig tu 'ga' yang cung zad med do zhes rig nas ci yang med pa la mos par 'gyur te/ de de ltar rtogs nas de la lan mang du bsgrubs shing gnas te/ skye mched la sems mngon par dang ste/ sems mngon par dang bas da ltar 'phags pa nyan thos ci yang med pa'i skye mched la snyoms par 'jug cing shes rab rnam par grol bar 'gyur ro/ /gang zhig bsgrubs par rnam par shes pa ci yang med par 'gro ba 'di ni gnas yin zhing go skabs yod do/ /'di ni ci yang med pa'i skye mched tu nye bar 'gro ba'i sems gnyis pa bstan pa'o/ /gzhan yang 'phags pa nyan thos 'jig rten ni stong pa'o/ /'jig rten ni stong pa ste/ kye ma 'jig rten ni 'di ni stong pa'o zhes so sor rab tu rtag ste 'di lta ste/ rtag pa dang/ brtan pa dang/ g.yung drung dang/ mi 'gyur ba'i chos can gyis stong zhing bdag dang bdag gi dang bral ba'o zhes rig nas ci yang med pa'i skye mched la mos par 'gyur te/ de de ltar rtogs nas de la lan mang du bsgrubs shing gnas so/ /skye mched la sems mngon par dang ste/ sems mngon par dang bas da ltar 'phags pa nyan thos ci yang med pa la snyoms par 'jug cing shes rab rnam par grol bar 'gyur ro/ /gang zhig bsgrubs pas rnam par shes pa ci yang med par 'gro bar 'gyur ba 'di ni gnas yin zhing go skabs yod de/ 'di ni ci yang med pa'i skye mched du 'gro ba'i las gsum pa bstan pa'o/ /gzhan yang 'phags pa nyan thos 'di na 'di ltar yang dag par so sor slob ste/ mthong ba'i chos kyis 'dod pa gang yin pa dang/ pha rol gyi 'dod pa gang yin pa dang mthong ba'i chos kyi gzugs gang yin pa dang/ pha rol gyi gzugs gang yin pa dang/ mthong ba'i chos kyi 'dod pa'i 'du shes gang yin pa dang/ pha rol gyi 'dod pa'i 'du shes gang yin pa dang/ mthong ba'i chos kyi gzugs kyi 'du shes gang yin pa dang/ pha rol gyi gzugs kyi 'du shes gang yin pa dang/ mi g.yo ba'i 'du shes gang yin pa dang ci yang med pa'i 'du shes gang yin pa 'di dag ni mi rtag pa 'dus byas pa bsams pas bsgrubs pa/ rten cing 'brel par 'byung ba yin no zhes rig nas 'du shes med 'du shes med min skye mched la mos par 'gyur te/ de de ltar rtogs nas de la lan mang du bsgrubs shing gnas te/ skye mched la sems mngon par dang ste/ sems mngon par dang bas da ltar 'phags pa nyan thos 'du shes med 'du shes mang min skye mched la snyoms par 'jug cing shes rab rnam par grol bar 'gyur ro/ /gang zhig bsgrubs nas rnam par shes pa 'du shes med 'du shes med min skye mched du nye bar 'gro ba 'di ni gnas yin zhing go skabs yod do/ /'di ni 'du shes med 'du shes med min skye mched du nye bar 'gro ba'i las bstan pa'o/ de'i tshe na tshe dang ldan pa kun dga' bo bcom ldan 'das kyis rgyab na rnga yab thogs te/ bcom ldan 'das la rnga yab g.yo ba cing 'dug go / de nas tshe dang ldan pa kun dga' bos bcom ldan 'das la 'di skad ces gsol to/ /btsun pa 'di na dge slong 'di snyam du bdag med do/ /bdag gi med do/ /bdag 'byung bar ma gyur cig bdag gi 'byung bar ma gyur cig ces btsun pa de ltar rtogs pa'i dge slong mthong ba'i chos 'di nyid la yongs su mya ngan las 'da' bar 'gyur ram/ kun dga' po cig tu nges pa ma yin te/ kha cig ni yongs su mya ngan las 'da' bar 'gyur la kha cig ni mya ngan las 'da' bar mi 'gyur ro/ /btsun pa 'di na rgyu gang dang rkyen gang gis 'di ltar rtogs pa'i dge slong kha cig mthong ba'i chos nyid la yongs su mya ngan las 'da' bar 'gyur la/ kha cig ni yongs su mya ngan las mi 'da' bar 'gyur ba lags/ kun dga' bo 'di na dge slong 'di ltar rtogs par 'gyur te/ bdag med do/ /bdag gi med do/ /bdag 'byung bar ma gyur cig /bdag gi 'byung bar ma gyur cig ces gang yod cing gang byung ba de spangs shing btang snyoms su bya ba 'thob ste/ de btang snyoms la zhen cing nges par byed de/ kun dga' bo dge slong 'di ni nye bar len pa dang bcas shing mthong ba'i chos 'di nyid la yongs su mya ngan las mi 'da' ba zhes bya'o/ /btsun pa ci 'phags pa nyan thos de'i dus na nye bar len pa gang gis nye bar len pa dang bcas pa legs/ 'di lta ste/ srid pa'i rtse mo ste/ 'du shes med 'du shes med min skye mched kyi 'du byed lhag mas so/ /btsun pa 'phags pa nyan thos de'i dus na nye bar len pa gang gis nye bar len pa dang bcas pa'i nye bar len pa 'di ni mchog /nye bar len ba 'di gtso bo ste/ 'di lta ste/ srid pa'i rtse mo ste/ 'du shes med 'du shes med min skye mched kyi 'du byed lhag ma'o/ /kun dga' bo de de bzhin no de de bzhin te/ 'phags pa nyan thos de'i dus na nye bar len pa gang gis nye bar len pa dang bcas pa'i nye bar len pa de na mchog nye bar len pa de ni gtso bo ste/ 'di lta ste/ srid pa'i rtse ma ste/ 'du shes med 'du shes med min skye mched kyi 'du byed lhag ma'o/ /kun dga' bo 'di na dge slong 'di ltar rtogs par 'gyur te/ bdag gi med do/ /bdag gi med do/ /bdag 'byung bar ma gyur cig / bdag gi 'byung bar ma gyur cig ces gang yod cing gang byung ba de spong zhing btang snyoms su bya ba thob ste/ de btang snyoms la ro mi myong zhing mi zhen cing nges par mi byed de/ kun dga' bo dge slong 'di ni nye bar len pa dang bcas shing yongs su mya ngan las 'da' ba zhes bya'o/ /kun dga' bo rgyu 'di dang rkyen 'dis dge slong kha cig ni mthong ba'i chos nyid la yongs su mya ngan las 'da' bar gyur la/ kha cig ni mya ngan las 'da' bar mi 'gyur ro/ /btsun pa bcom ldan 'das kyis mi g.yo bar nye bar 'gro ba'i lam bstan cing/ ci yang med pa'i skye mched du nye bar 'gro ba'i lam yang bstan/ 'du shes med 'du shes med min skye mched du nye bar 'gro ba'i lam yang bstan/ nye bar len pa med par mya ngan las 'da' ba yang bstan lags kyi/ btsun pa 'phags ba'i rnam par grol ba'i lam bstan du gsol/ kun dga' bo 'di ni dge slong 'di ltar so sor yang dag par slob ste/ mthong ba'i chos kyi 'dod pa gang yin pa dang pha rol gyi 'dod pa gang yin pa dang/ mthong ba'i chos kyi gzugs gang yin pa dang/ pha rol gyi gzugs gang yin pa dang/ mthong ba'i chos kyi 'dod pa'i 'du shes gang yin pa dang/ pha rol gyi 'dod pa'i 'du shes gang yin pa dang/ mthong ba'i chos kyi gzugs kyi 'du shes gang yin pa dang/ pha rol gyi gzugs kyi 'du shes gang yin pa dang/ ci yang med pa'i skye mched gang yin pa dang/ 'du shes med 'du shes med min skye mched gang yin pa 'di tsam ni 'jig tshogs te/ ji tsam du 'jig tshogs yin pa de tsam du skye bar 'gyur/ na bar 'gyur/ rga bar 'gyur/ 'chi 'pho zhing skye bar 'gyur te/ 'di 'chi ba zhes bya'o/ /'chi ba med pa gang zhe na/ nye bar len pa spangs pa nges par byung ba/ srid pa zad pa 'dod chags dang bral ba 'gog pa ste/ kun dga' bo ngas 'phags pa'i chos 'dul ba mi g.yo bar nye bar 'gro ba'i lam bstan cing ci yang med pa'i skye mched du nye bar 'gro ba'i lam yang bstan cing 'du shes med 'du shes med min skye mched du nye bar 'gro ba'i lam yang bstan nye bar len pa med pa mya ngan las 'das pa bstan cing/ 'phags pa'i rnam par grol ba yang bstan te/ kun dga' bo 'di ni ston pas dge slong rnams la bya ba ste/ thugs rje dang rjes su brtse bas don du 'dod pa dang phan par 'dod pa de dag gis byas so/ /de ni khyed cag rnams kyis bya ba dgon pa dang/ shing drung dang/ khang pa stong pa dang/ ri dang/ ri'i phug dang/ sog ma'i spyil bu dang/ bla gab med pa dang/ dur khrod dang/ nags dag tu mal stan rnying pa dag la dge slong dag bsam gtan bya zhing bag med par mi bya ste/ phyis 'gyod par gyur te re/ 'di de'i rjes su bstan pa'o zhes gsungs so/ /bar sdom la/ mi dag rnam gsum bdag dang cung zad med/ /mthong chos bdag stong lta dang ji tsam bstan/ /de la mdo dang pas ni bsam gtan gyi lam bstan cing/ mdo gnyis pa la sogs pas ni gzugs med pa'i snyoms par 'jug par shes par bya'o/ /mig gi gzugs rnams mthong nas gzugs la so sor yang dag par rtog par byed do zhes bya ba la gleng gzhi ni mnyan du yod pa na'o/ /dge slong dag rnam gang? bar gang gis rnam grangs gang la rten te dge slong dang pa gzhan du gyur cing/ 'dod pa yang gzhan du/ thos pa yang gzhan du rnam pa yongs su spyod pa yang gzhan du mthong ba'i bsam gtan la bzod pa yang gzhan du gyur la/ srid pa 'di las gzhan mi shes so zhes yang dag pa nyid du lung ston pa de lta bu yod dam btsun pa bcom ldan 'das chos kyi rtsa ba/ bcom ldan 'das chos kyi spyan zhes bya ba nas bshad par bya'o zhes bya ba'i bar du'o/ /dge slong dag rnams grangs gang gis rnam grangs gang la rten te dge slong dang pa gzhan du gyur cing zhes bya ba nas/ snga ma bzhin du sred pa 'di las gzhan mi shes so zhes yang dag pa nyid du lung bstan pa de lta bu yod do zhes bya ba'i bar du snga ma bzhin no/ /dge slong dag rnam grangs gang gis rnam grangs gang la rten te zhes bya ba nas snga ma bzhin du srid pa 'di las gzhan mi shes so zhes yang dag pa nyid du lung ston par 'gyur ba de gang zhe na/ dge slong dag 'di ni dge slong mig gi gzugs rnams mthong nas gzugs la so sor yang dag par rtog par byed kyi/ gzugs rnams la 'dod chags par yang dag par so sor rtog par ni mi byed de/ /nang gi bdag nyid kyi mig gi rnam par shes pa gzugs rnams la chags pa med cing nang gi bdag nyid kyi mig gi rnam par shes pa gzugs rnams la chags pa med do zhes yang dag pa ji lta ba bzhin rab tu shes so/ /dge slong dag 'di na dge slong sna bas sgra la/ snas dri la/ lces ro la lus kyis reg bya la/ yid kyis chos rnams rnam par shes nas chos la so sor yang dag par rtog par byed kyi/ chos la 'dod chags par so sor yang dag par rtog par mi byed de/ nang gi bdag nyid kyi yid kyi rnam par shes pa chos rnams la chags pa med cing/ nang gi bdag nyid kyi yid kyi rnam par shes pa chos rnams la chags pa med do zhes yang dag pa ji lta ba bzhin rab tu shes so/ /gang yang dge slong de mig gis gzugs rnams mthong nas zhes bya ba nas/ snga ma bzhin du srid pa 'di las gzhan mi shes so zhes yang dag pa nyid du lung ston par 'gyur ba yod do zhes bya ba'i bar du'o/ /gang yang dge slong de rna bas sgra nas snga ma bzhin du yid kyi chos rnams rnam par shes nas chos so sor yang dag par rtog par byed kyi/ chos la 'dod chags par so sor yang dag par rtog par mi byed de/ nang gi bdag nyid kyi yid kyi rnam par shes pa chos rnams la chags pa med cing/ nang gi bdag nyid yid kyi rnam par shes pa chos la chags pa med do zhes yang dag pa ji lta ba bzhin rab tu shes na/ dge slong dag 'di ji snyam du sems/ chos 'di dad pa dang/ 'dod pa dang/ thos pa dang/ rnam pa yongs su dpyod pa dang/ mthong ba'i bsam gtan la bzod pas rig par bya ba yin snyam 'am/ btsun pa ma lags so/ /chos 'di ni yang dag pa lta ba nyid du yang dag pa'i shes rab kyis mthong zhing rig par bya ba yin no/ /btsun pa de bzhin no/ /dge slong dag 'di rnam grangs gang gis dang rnam grangs gang la brten nas dad pa yang gzhan du zhes bya ba nas/ srid pa 'di las gzhan mi shes so zhes yang dag pa nyid du lung ston pa zhes bya ba'i bar du snga ma bzhin no zhes gsungs so/ / //gang gi tshe bde ba'i tshor ba myong ba de'i tshe zhes bya ba la/ gang las nye bar bstan ce na/ /gleng gzhi chen po'i chos kyi rnam grangs las 'don te/ kun dga' bo ji tsam gyis na bdag nyid yang dag par rjes su mthong zhing bdag nyid yang dag par rjes su mthong ba zhes bya/ btsun pa bcom ldan 'das chos rnams kyi rtsa ba/ bcom ldan 'das chos rnams kyi spyan te/ bcom ldan 'das dge slong rnams don 'di bstan na dge slong rnams kyis thos nas legs par 'dzin par 'gyur ro/ /kun dga' bo de'i phyir legs par nyon la yid la zung zhig dang bshad par bya'o/ /kun dga' bo 'di ni tshor ba bdag yin no zhes yang dag par rjes su mthong zhing yang dag par rjes su mthong ngo/ /kun dga' bo gzhan yang 'di ni kha cig tshor ba bdag yin no zhes yang dag par rjes su mi mthong mod kyi/ 'on kyang bdag ni rig cing tshor ba'i chos can no zhes yang dag par rjes su mthong zhing yang dag par rjes su mthong ngo/ /kun dga' bo gzhan y ang 'di na kha cig tshor ba bdag yin no zhes yang dag par rjes su mi mthong zhing bdag ni rig cing tshor ba'i chos can yin no zhes yang dag par rjes su mi mthong mod kyi 'on kyang bdag ni so sor myong ba ma yin pa'o zhes yang dag par rjes su mi mthong zhing yang dag par rjes su mthong ste/ kun dga' bo de la tshor ba bdag yin no zhes yang dag par rjes su mthong zhing yang dag par rjes su mthong ba de la 'di skad du brjod par bya ste/ tshe dang ldan pa dag tshor ba ni gsum po 'di dag ste/ bde ba dang/ sdug bsngal dang/ bde ba yang ma yin sdug bsngal yang ma yin pa'o/ /tshe dang ldan pa dag gang gi tshe bde ba'i tshor ba myong ba de'i tshe tshor ba gnyis po sdug bsngal ba dang bde ba yang ma yin sdug bsngal ba yang ma yin pa'i tshor ba dag 'gag par 'gyur ro/ /khyod gang gi tshe bde ba'i tshor ba myong ba na bde ba'i tshor ba de yang mi rtag ste/ 'gag pa'i chos can te/ bde ba'i tshor ba 'gag pa na bdag dang bral zhing bdag 'ong ba med par gyur tam ci/ tshe dang ldan pa dag gang gi tshe sdug bsngal gyi tshor ba myong ba de'i tshe tshor ba gnyis po bde ba dang/ bde ba yang ma yin sdug bsngal ba yang ma yin pa'i tshor ba dag 'gag par 'gyur ro/ /khyod gang gi tshe sdug bsngal gyi tshor ba nyams su myong ba na sdug bsngal gyi tshor ba de yang mi rtag cing 'gag pa'i chos can te/ sdug bsngal gyi tshor ba 'gag pa na bdag dang bral zhing bdag 'ong ba med par gyur tam/ tshe dang ldan pa dag gang gi tshe bde ba yang ma yin sdug bsngal ba yang ma yin pa'i tshor ba myong ba de'i tshe tshor ba gnyis po bde ba dang sdug bsngal gyi tshor ba gnyis po dag 'gag par 'gyur ro/ /khyod gang gi tshe bde ba'i tshor ba myong ba na bde ba yang ma yin sdug bsngal ba yang ma yin pa'i tshor ba de yang mi rtag cing 'gag pa'i chos can te/ bde ba yang ma yin sdug bsngal ba yang ma yin pa'i tshor ba 'gags pa na bdag dang bral zhing 'ong ba med par gyur tam zhes so/ /kun dga' bo 'di ji snyam du sems/ de 'di ltar bde ba dang sdug bsngal 'dres shing 'chol ba'i tshor ba myong ba la tshor ba bdag yin no zhes yang dag par rjes su mthong bar dge 'am/ btsun pa ma lags so/ /kun dga' bo rnam grangs 'di na tshor ba bdag yin no zhes yang dag par rjes su lta zhing yang dag par rjes su lta ba 'di ni ngas mi bzod do/ /kun dga' bo de la kha cig tshor ba bdag yin no zhes yang dag par rjes su mi mthong mod kyi 'on kyang bdag ni rig cing tshor ba'i chos can no zhes yang dag par rjes su lta zhing yang dag par rjes su lta ba de la 'di skad du brjod par bya ste/ gang yang tshor ba med pa de la tshor ba po mi dmigs so/ /kun dga' bo gang tshor ba med pa de la tshor ba po mi dmigs na bdag ni rig cing tshor ba'i chos can no zhes smra ba de dag dge ba yin nam/ btsun pa ma lags so/ /kun dga' bo rnam grangs 'dis na bdag rig cing tshor ba'i chos can no zhes yang dag par rjes su lta ba 'di ni ngas mi bzod do/ /kun dga' bo de la tshor ba bdag yin no zhes yang dag par rjes su mi mthong zhing/ yang dag par rjes su mi mthong la/ bdag ni rig cing tshor ba'i chos can no zhes yang dag par rjes su mi mthong zhing yang dag par rjes su mi mthong mod kyi/ 'on kyang bdag ni so sor myong ba med pa'o zhes yang dag par rjes su lta zhing yang dag par rjes su mthong ba de la 'di skad ces brjod par bya ste/ tshe dang ldan pa dag gang la tshor ba med pa de la tshor ba po mi dmigs so/ /kun dga' bo gang la tshor ba med pa de la tshor ba po mi dmigs kyang bdag ces bya bar 'gyur ram/ btsun pa ma lags so/ /kun dga' bo bdag tu rlom pa thams cad du mi bden na bdag ni so sor rig pa med pa'o zhes yang dag par rjes su mthong ba na dge ba yin nam/ btsun pa ma lags so/ /kun dga' bo rnam grangs 'dis na bdag ni so sor rig pa med pa'o zhes yang dag par rjes su mthong zhing yang dag par rjes su mthong ba 'di ni ngas mi bzod do/ /kun dga' bo 'di tsam gyis na bdag yang dag par rjes su mthong zhing yang dag par rjes su mthong ba zhes bya'o/ /ji ltar dge slong gi dge 'dun la bud med ces brjod pa zhes bya ba la/ gang gi tshe bcom ldan 'das kyi gsung kau shAm+bI pa'i dge slong rnams kyis lan gsum gyi bar du phyir zlog pa dang/ de'i tshe dge slong rnams kyis the tshom thams cad gcod par mdzad pa sangs rgyas bcom ldan 'das la zhus pa/ de bzhin gshegs pas phrin las ci zhig mdzad nas las de'i rnam par smin pas bcom ldan 'das kyis dge pa'i gsung/ phan pa'i gsung/ gzung bar 'os pa'i tshig dag kyang kau shAm+bI pa'i dge slong rnams kyis lan gsum gyi bar du phyir bzlog / bcom ldan 'das kyis bka' stsal pa/ dge slong dag de bzhin gshegs pa nyid kyis te/ sngon gzhan gyis byas shing bsags pa dag gzhan su zhig gis nyams su myong bar 'gyur ba zhes bya ba nas/ lus can rnams la 'bras bur smin zhes bya ba'i par du'o/ /dge slong dag sngon byung ba 'das de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa bla na med pa skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das yang dag par rdzogs pa'i sangs rgyas ma pham pa zhes bya ba 'jig rten du byung ste/ de'i tshe na nga? byang chub sems dpa' i spyad pa spyod de phyug po'i bur gyur te/ bla na med pa'i byang chub tu sems bskyed cing rab tu byung ngo/ /rab tu byur nas sngo snod gsum bar gyur to/ /de nas dge slong gi dge 'dun la rtsod ba byung ste/ des rtsod pa de cher 'phel par byas so/ /ji tsam na dge slong mdor de 'dzin pa zhig gis de bton nas rtsod pa de zhi bar byas pa dang/ des bud med rnams kyi rtsod pa zhi bar byas sam zhes dge slong gi dge 'dun la bud med ces smras so/ /ngag gi nyes par spyad pa des de'i skyes ba'i dbang po nub cing bud med kyi dbang po byung bar gyur cing skye ba lnga brgyad bud med du skyes shing yang dag par rdzogs pa'i sangs rgyas rin chen gtsug tor can gyis de'i bud med kyi dngos po bzlog cing skyes pa'i dngos po thob par byas so/ /de nyid de'i tshe de'i dus na phyug po'i bur gyur cing byang chub sems dpa' i spyad pa spyod pa na sde snod gsum par gyur kyang ngas dge 'dun la ngag gis nyes par spyod pa smras pas las de'i rgyus gau shA mrI pa'i dge slong rnams gyis lan gsum gyi bar du de'i tshig phyir bzlog go / 'di nyid phran tshogs las sangs rgyas mang po'i rtogs pa brjod par tshigs su bcad par bya ste/ de nas sangs rgyas mi pham pa'i/ /sngon byung sde snod gsum par gyur/ /dge slong dge 'dun rtsod pa na/ dge 'dun bud med ces brjod pa'i/ /ngag gi nyes par spyad byas pas/ /bud med nyid du nye bar song/ /slar yang sems rab dang ba yis/ /skyes pa'i dngos po nyid du gyur zhes gsungs so/ /ji ltar zhung du ma zhes bya ba la/ rgyal po ka na ka'i nyung du ma long ba zhes bya ba cig yod do zhes grags ste/ de lam na 'gro ba na ba bar lnga brgya'i khyu zhig khrid de 'gro ba mthong nas/ 'di dag ci byed ces dris pa dang/ smras pa dbang po dag gdon pa'i phyir ro/ de 'di snyam du bdag kyang sngon byas pa'i las kyi rnam par smin pas 'di lta bur gyur la/ 'di yang 'di lta bur gyur te/ mi nges las 'di byas pas skye ba mang por rnam pa 'di lta bu'i sdug bsngal nyams su myong bar 'gyur ro zhes bsam pa'i khyad par drag po mngon du byas nas ba lang dang nyos te grol byas so/ /de nas nyung rum? de'i skyes pa'i dbang po byung bar gyur to/ /rgyal pos thos nas rab tu dga' te de nyid bud med kyi bsrung mar bzhag go/ ji ltar pi lin? ti'i bu'i gtam rgyud ces bya ba la/ bcom ldan 'das bcom rlag gi a mra'i kun dga' ra ba na bzhugs so/ /de'i tshe bram ze mo pi lin ti'i bu drug dus las 'das par gyur to/ /de de dag dus byas pas sgren mor byung te/ smyo zhing sems yengs nas de dang der 'khyams zhing bcom rlag gi a mra'i tshal gang na ba der song ngo/ /de'i tshe bcom ldan 'das dge slong brgya phrag du ma'i 'khor gi mdun gyis bltas te chos ston cing bzhugs so/ /bram ze mo pi lin tas thag ring po nas bcom ldan 'das mthong nas ngo tsha zhing 'dzems pa drang bcas pas gzugs bsdus te dran pa rnyed par gyur to/ /bcom ldan 'das kyis bram ze mo pi lin ta ring po nas gzig nas/ tshe dang ldan pa kun dga' bo la bka' stsal pa/ kun dga' bo bram ze mo pi lin ta la bla gos byin te dgab par gyis shig dang chos bshad pa bya'o/ /de nas tshe dang ldan pa kun dga' bo bram ze mo pi lin ta la bla gos byin zhing bram ze mo pi lin ta chos gos kyis g.yogs te/ bcom ldan 'das gang na ba der nye bar song ste nye bar song nas bcom ldan 'das kyi zhabs la spyi bos phyag byas te phyogs cig tu 'dug go/ phyogs cig tu 'dug nas bram ze mo pi lin ta la chos kyi gtam gyis yang dag par bstan par mdzad/ yang dag par bskul ba mdzad yang dag par dga' bar mdzad/ yang dag par rab tu gsal bar mdzad/ gang sangs rgyas bcom ldan 'das dus dang por bya ba 'di lta ste/ sbyin pa'i gtam dang/ tshul khrims kyi gtam dang/ mtho ris kyi gtam dang/ 'dod pa rnams ro chung zhing nyes dmigs dang bcas pa dang/ kun nas nyon mongs pa dang rnam par byang ba dang/ thar pa dad dben pa'i rjes su bsngags pa dang/ rnam par byad pa'i phyogs kyi chos rgyas par gsal bar mdzad de/ gang gi tshe bcom ldan 'das kyis dga' ba'i sems dang/ dge ba'i sems dang rab tu dga' ba'i sems dang/ sgrib pa dang bral ba'i sems dang/ chos khyad par can bstan pa'i snod du mkhyen pa de'i tshe sangs rgyas bcom ldan 'das kyis chos khyad par can ston par mdzad pa 'di lta ste/ sdug bsngal dang/ kun 'byung dang/ 'gog pa dang/ lam ste/ 'phags pa'i bden pa bzhi rgyas par rab tu gsal bar mdzad de?/ dper ni khrus mkhan kyis gos shin tu dag pa chos su bcug na mtshon rtsi len te/ de bzhin du bram zem pa lin te stan de nyid la 'dug bzhin du 'phags pa'i bden pa bzhi mngon du gyur te/ 'di lta ste/ sdug bsngal/ kun 'byung ba dang/ 'gog pa dang/ lam rnams mngon pa rtogs so/ /de nas bram ze mo pi lin ta chos mos/? chos mthong/ chos rig/ chos kyi rnam grangs khong du chud/ chos la tha tshom dang yid gnyis las brgal te/ ston pa'i bstan pa la gzhan gyi dring mi 'dzog cing chos rnams la mi 'jigs pa thob nas stan las langs te bcom ldan 'das gang na ba der thal mo sbyar nas phyag byed cing bcom ldan 'das la 'di skad ces gsol to/ /btsun pa bdag ni mngon par 'phags so/ /rab tu 'phags so/ /bdag 'di nas bzung ste bcom ldan 'das la skyabs su mchi'o/ /chos dang dge slong gi dge 'dun la skyabs su mchi'o/ /bdag dge bsnyen du bzung du gsol/ de nas bzung ste ji srid 'tsho'i bar du srog dang bsngos te spong zhing skyabs su 'gro la mngon par dang ngo/ /de nas bram ze mo pi lin ta bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs la spyi bos phyag byas te bcom ldan 'das kyi drung nas song ngo/ /de nas dus gzhan zhig na bram ze mo pi lin ta'i bu bdun pa dus las 'das par gyur to/ de dus las 'das pa na mya ngan mi byed de/ smre sngags 'don ba dang/ brang brdung ba dang/ sme bar mi byed cing/ rmongs pa med do/ /de nas ba ra d+hwa dza'i rigs kyi bram zes bram ze mo pi lin ta la 'di skad ces smras so/ /sngon ni rab tu dga' ba yi/ /bu dag dran par gyur pa na/ /gdung ba dang ni sdug bsngal cing/ /nyin mtshan zas dag gcod par byed/ /'dun pa dag ni rnam pa thams cad du/ /khyo rang gis ni zos sam ci/ /pi lin tas smras pa/ ci ste yang yang gdung bar bya/ /bu dang tsha bo stong phrag dang/ /gnyen bshes tshogs ni brgya phrag dag/ yun rings dus nas ngas zos shing/ /bram ze khyed kyis rang bzhin/ /bu dang tsha bo tshad med dag/ /phan tshun du ni zos nas ni/ /phyir yang skye ba dag tu 'gyur/ /mya ngan dang ni smre ba dang/ /yongs su gdung ba su zhig byed/ /skye ba dang ni 'chi ba las/ /nges par 'byung bar shes par gyis/ /ngas ni skyes dang 'chi ba las/ /ngas par 'byung bar rab shes shing/ /sangs rgyas kyis ni rab brtan pas/ /rab tu gdung ba med par byas/ /pi lin ta khyod ci yi phyir/ /rmad du byung ba'i gtam dag sgrogs/ /chos gang zhig gis rtogs shing shes/ /ci zhig rab tu zhig gyur nas pi lin ta khyod rmad byung ba'i/ /gtam dag rab tu smra bar byed/ /gram ze bcom rlag a mra'i tshal/ /rdzogs pa'i sangs rgyas bzhugs nas su/ /thub pa sdug bsngal thams cad dag/ spod bar byed pa'i chos rtogs te/ /sdug bsngal sdug bsngal kun 'byung dang/ sdug bsngal yang dag 'da' ba dang/ zhib mya ngan 'das 'gro ba'i/ /'phags lam yan lag brgyad pa dang/ /yang dag rjes ston bcom ldan 'das/ /de yi bstan pa bdag rab dga' / /de yi chos dag shes nas su/ /bu yi mya ngan med par 'gyur/ /bdag kyang a mra'i chal du 'gro/ /bdag gi bu yi mya ngan dag/ bcom ldan 'das kyis sel bar 'gyur/ /bram ze rdzogs sangs kha ba dang/ gser gyi mdog 'dra'i lpags pa can/ /rnam par 'dren pa chu bo brgal/ /ma dul ba dag 'dul bar byed/ /de nas bram ze de myur du/ /shing rta rta la zhon nas ni/ /dga' zhing rab tu dang ba yis/ /bcom brlag a mra'i nags su song/ /bram zes sangs rgyas mthong nas ni/ /sems dag rab tu dang bar 'gyur/ / mngon par dang ba'i sems bcas pas/ /ston pa'i drung du nye bar song/ /sdug bsngal sdug bsngal kun 'byung dang/ /sdug bsngal yang dag 'da' ba dang/ /zhi ba mya ngan 'das 'gro ba'i/ /'phags lam yan lag brgyad pa dag /de yi thos nas dang pa'i chos/ /de nyid du ni mngon par rtogs/ /de yi chos rnams shes nas su/ /rab tu byung ba'i dngos po 'dod/ /bram ze de ni rab byung nas/ /bag yod bzhin du spyod pa ni/ /nyin zhag gsum gyis gsum rig par/ /thub pa yi ni lung bstan to/ /bram ze gsum rig gyur nas ni/ /kha la sgyur ba 'di skad smras/ /khyod myur song la shing rta 'dis/ /bram ze mo la sbyin par gyis/ /pi lin ta la 'di skad brjod/ /khyod sems rab tu dga' bar gyis/ /bram ze sangs rgyas mthong nas ni/ /sems rab mngon par dang bar gyur/ /sems rab mngon par dad ba yis/ /ston pa'i drung du nye bar phyin zhes bya ba la sogs pa gsungs so/ /'di sred pa rnam pa drug ces bya ba la/ gnag la rnam par smin pa gnag pa'i las spyod pa ni rnam pa drug ste/ gnag la rnam par smin pa gnag pa'i longs spyod pa drug gang zhe na/ bshad pa la sogs pa dang/ mtshams med pa lnga dang/ tshul khrims 'chal pa rnam pa lnga dang/ tshul khrims 'chal pa bdun dang/ tshul khrims 'chal pa rnam pa brgyad dang/ tshul khrims 'chal pa bcu rnams so/ /dkar la rnam par smin pa dkar ba'i las spyod pa ni rnam pa bdun te/ dkar ba rnam par smin pa dkar ba'i las spyod pa bdun gang zhe na/ tshul khrims rnam pa lnga dang/ tshul khrims rnam pa bdun dang/ tshul khrims rnam pa brgyad dang/ tshul khrims rnam pa bcu dang/ bsam gtan bzhi dang/ tshad med pa bzhi dang/ gzugs med pa bzhi'o/ /mi gnag mi dkar la rnam par smin pa med pa'i las spyod pa bcu ste/ gzhan du ma bstan to/ /gong du dris pa de las nag po drug dkar po bdun/ dkar po yang ma yin nag po yang ma yin pa bcu/ dkar nag 'dres ma'i ni cung zad kyang ma bstan to/ /mdo thams cad la spyad par bya'o/ /de la mdo ni 'di ltar brjod par bya ste/ gleng gzhin mnyan du yod pa na'o/ /de nas bcom ldan 'das kyis dge slong rnams la bos te/ dge slong dag las ni rnam pa bzhi ste/ gnag la rnam par smin pa gnag pa'i las kyang yod/ /dkar po rnam par smin pa dkar ba'i las kyang yod/ dkar gnag la rnam par smin pa dkar gnag gi las kyang yod/ dkar po yang ma yin nag po yang ma yin la rnam par smin pa med cing las de dag zad par bya ba'i phyir 'jug pa'i las kyang yod do/ /gnag la rnam par smin pa gnag pa'i las gang zhe na/ tshul khrims 'chal ba rnam pa bcu'o/ /dkar la rnam par smin pa dkar ba'i las gang zhe na/ gzugs med pa bzhi'o/ /dkar nag la rnam par smin pa dkar nag gi las gang zhe na/ ji ltar gnod pa dang bcas pa'i lus kyi 'du byed cing nye bar sogs pa dang/ gnod pa med pa'i lus kyi 'du byed byed cing nye bar sogs pa'o/ /dkar po yang ma yin nag po yang ma yin la las de dag zang bar bya ba'i 'jug pa gang zhe na/ /'di na dge slong 'phags pa'i lam yan lag brgyad sgom par byed pa'o zhes gsungs so/ /de ltar na gzugs med pa na spyod pa dang gzugs med pas bsdus pa yang mdo las dkar la rnam par smin pa dkar ba'i las su bshad pa yin no/ /stong pa nyid chen po'i mdo las zhes bya ba la/ lung bar ma las/ dge sbyong dge sbyong mnyam gnyis dang/ dmigs bcas yongs shes rjes 'brang dang/ /chen po bzhi bcu stong nyid gnyis/ /tshoms su yang dag sdebs nas brjod ces bya ba'i sdom gyi mdza' i mdo las 'di ltar 'don te/ gang gi phyir 'phags pa nyan thos nye bar len pa'i phung po lnga rnams la rang gi sems kyis so sor brtag par bya ste/ ci nye bar len pa'i phung po lnga rnams la bdag tu mngon pa'i nga rgyal dang/ bdag tu 'dun pa'i phyag rgyas ma spangs shing yongs su ma shes ma 'gags shing ring du ma byas pa yod dam / 'on te nye bar len pa'i phung po lnga po 'di rnams la bdag tu mngon pa'i nga rgyal dang/ bdag tu 'dun pa'i phra rgyas ma spangs shing yongs su ma shes la ma 'gags shing ring du ma byas shing ring du ma byas pa med/ /kun dga' bo dge slong de gal te 'di ltar rang gi sems la so sor rtog par byed pa na/ nye bar len pa'i phung po lnga po 'di rnams la bdag tu mngon pa'i nga rgyal/ bdag du 'dun pa'i phra rgyas ma spangs shing yongs su ma shes la ma 'gags shing ring du ma byas pa yod do zhes rnam par shes nas/ 'phags pa nyan thos des nye bar len pa'i phung po lnga rnams la skye ba dang 'jig pa yang yang dag par rjes su lta zhing gnas te/ 'di lta ste 'di ni gzugs/ 'di ni gzugs kun 'byung ba/ 'di gzugs 'gags pa/ 'di ni tshor ba dang 'du shes dang 'du byed 'di ni rnam par shes pa 'di ni rnam par shes pa kun 'byung ba/ 'di ni rnam par shes pa 'gag pa zhes de nye bar len pa'i phung po lnga rnams la skye ba dang 'jig par yang yang dag par rjes su lta zhing gnas pas nye bar len pa'i phung po lnga rnams la bdag tu mngon pa'i nga rgyal dang bdag tu 'dun pa'i phra rgyas ma spangs shing yongs su ma shes la ma 'gags shing ring du ma byas pa de 'byung bar mi 'gyur ro/ /kun dga' bo gal te dge slong 'di ltar rang gi sems la so sor rtog pa shes na nye bar len pa'i bung po lnga rnams la bdag tu mngon pa'i nga rgyal dang/ bdag du 'dun pa'i phra rgyas ma spangs shing yongs su ma shes la ma 'gags shing ring du ma byas pa med cing/ kun dga' bo de de la dran pa dang shes bzhin dang ldan te chos 'di ni gcig tu dkar ba/ gcig tu dge ba/ gcig tu kha na ma tho ba med pa/ mi 'da' zhing bdud sdig pa can gyis yan dag par mi 'phrogs pa/ kun nas nyon mongs pa sdig pa mi dge ba'i chos yang srid par nang dang rnam par smin pa sdug bsngal skye ba dang rgas pa dang 'chi bas mi 'phrogs pa zhes bya'o/ /bstan bcos las zhes bya ba la rab tu byed pa'i rkang pa'i bsdu ba bstan pa'i rab tu byed pa drug pa'i sgo las/ nyes sbyar yongs su shes par bya ba zhes bya ba las so/ /nyes par spyad pa ni rnam pa gsum ste zhes bya ba la/ gleng gzhi ni mnyan du yod pa na'o/ /nyes par spyad pa ni rnam pa gsum ste/ lus kyi nyes par spyad pa dang/ ngag gi nyes par spyad pa dang/ yid kyi nyes par spyad pa'o/ /legs par spyad pa ni rnam pa gsum ste/ lus kyi legs par spyad pa dang/ ngag gi legs par spyad pa dang/ yid kyi legs par spyad pa'o/ /lus kyi nyes par spyod pa byas shing ngag gi nyes par spyod pa dang/ yid kyi nyes par spyod pa byas na sems can dmyal ba rnams su skye bar 'gyur ro// lus kyi legs par spyod pa byas shing ngag gi legs par spyod pa dang/ yid kyi legs par spyod pa byas na lha rnams su skye par 'gyur ro zhes gsungs so/ /bsags pa'i las mdo las zhes bya ba la/ gleng gzhi ni mnyan su yod ba na'o/ /de na bcom ldan 'das kyis dge slong rnams la bos te/ dge slong dag las byas shing bsags la nye bar bsags pa dag gi rnam par smin pa ni so sor myong bar 'gyur ro zhes smra'o/ /de yang mthong ba'i chos nyid la dang/ skyes nas dang/ lan grangs gzhan na myong bar 'gyur ba'o/ /dge slong dag las ma byas la ma bsags shing nye bar ma bsags pa'i las kyi rnam par smin pa ni so sor myong bar mi 'gyur ro zhes smra'o/ /dge slong dag de la lus kyis sdig pa mi dge ba'i las rnam pa gsum dang/ ngag gi bzhi dang/ yid kyi gsum byas shing bsags la nye bar bsags pas rnam par smin pa sdug bsngal zhing mi dge ba 'byin par 'gyur te/ dge slong dag ji ltar na lus kyis sdig pa mi dge ba'i las rnam pa gsum byas shing bsags la nye bar bsags pas rnam par smin pa sdug bsngal zhing mi dge ba 'byin par 'gyur ba gang zhe na/ kha cig srog gcod cing lag pa khrag dang bcas pa/ bcom zhing rab tu spong la ngo tsha ba med cing snying rje med pa gro kra spur yan chad kyi srogs chags 'byung po thams cad kyi srog nye bar bzung ste/ srog gcod pa las ma log par 'gyur ba dag go /kha cig ma byin par len te grong ngam dgon par song nas gzhan gyis ma byin pa rku ba'i grangs su gtogs pa ste/ ma byin par las ma log par gyur pa dag go/ kha cig 'dod pas log par g.yem pa mas bsrungs pa 'am/ phas bsrungs pa 'am/ ming pos bsrungs pa 'am/ sring mos bsrungs pa 'am/ gyos pos bsrungs pa 'am/ sgyug mos bsrung pa 'am/ gnyen gyis bsrungs pa 'am/ rigs kyis bsrungs pa 'am/ rus kyis bsrungs pa 'am/ chad pa dang bcas pa dang sgrib pa dang bcas pa'i gzhan gyi bud med gzhan gyis yongs su bzung ba la phreng ba 'phangs te/ de dang lhan cig stobs kyis mnan te 'dod pa spyod par byed cing 'dod pas log par g.yem pa las ma log par gyur pa dag go /dge slong dag lus kyis sdig pa mi dge ba rnam pa gsum po 'di dag byas shing bsags pas rnam par smin pa sdug bsngal zhing mi dge ba 'byin par 'gyur ro/ /dge slong dag ji ltar na dag gis sdig pa mi dge ba'i las rnam pa bzhi byas shing bsags pa nye bar bsags pas rnam par smin pa mi dge zhing sdug bsngal ba 'byin par 'gyur ba de gang zhe na kha cig rdzun du smra ste de rgyal po'i pho brang du 'gro 'am/ blon po'i khang par 'gro'am/ tshogs kyi nang du 'gro 'am/ 'khor gyi nang du 'gro ba na dbang pos 'dri ste/ kye skyes bu shes pa de smros shig /mi shes pa de ma smra zhig /de mthong ba de la smros shig /ma mthong ba de ma smra zhig/ des dbang pos dris pa na de mi shes bzhin du bdag gis shes so zhes smra/ ma mthong bzhin du bdag gis mthong ngo zhes bdag gi phyir dang gzhan gyi phyir dang zad zing cung zad tsam gyi phyir shes bzhin du rdzun du smra ste/ rdzun du smra ba las ma log par gyur pa'o// kha cig phra ma can du gyur te/ rab tu 'byed pa/ de las thos nas 'di dag la smra/ 'di dag las thos nas dbye bar gyur cig ces 'di la smras te/ tshogs 'byed par gyur te/ dad pa dang mi mthun zhing ma dul la rjes su mi mthun pa bas tshig smra zhing phra ma las ma log par gyur pa'o/ /kha cig tshig rtsub mo smra ba can du gyur te/ tshig gang snyan pa dang/ bde ba dang snying du 'ong ba dga' ba pha rol mgu ba/ gsal ba/ rnam par shes par bya ba/ gnyan par bya ba rjes su mthun pa/ skye bo mang po dga' ba/ skye bo mang po la sdug pa/ skye bo mang po rab tu dga' bar byed pa/ skye bo mang po yid du 'ong ga? mnyam par bzhag pa/ ting nge 'dzin sgrub par byed pa de lta bu'i tshig spangs te/ tshig gang brlang zhing rtsub pa/ pha rol gyi gnad gcod pa/ pha rol gyi rjes su mi mthun pa/ skye bo mang po mi 'dod pa/ skye bo mang po la mi sdug pa/ skye bo mang po mi dga' zhing skye bo mang po'i yid du mi 'ong pa/ mnyam par ma bzhag pa/ ting nge 'dzin ma yin pa sgrub par byed pa de lta bu'i tshig smra zhing tshig rtsub mo/ las ma log par gyur pa'o/ /kha cig tshig bkyal pa can du gyur te/ de yang tshig ma yin par smra ba/ mi bden par smra ba/ de kho na nyid ma yin par smra ba/ don ma yin pa smra ba/ ma zhi bar smra ba ste 'khrug cing dus ma yin par smra ba/ nye bar brtags pa ma yin pa/ chos ma yin pa dang/ don ma yin pa bsdud par byed pa/ dag bkyal pa las ma log par gyur pa'o/ /dge slong dag de ltar na dag gi sdig pa mi dge ba'i las rnam pa bzhi byas shing bsags la nye bar bsags pas rnam par smin pa mi dga' zhing sdug bsngal ba 'byin par 'gyur ro/ /dge slong dag ji ltar na yid kyis las rnam pa gsum byas shing bsags te nye bar bsags pa rnam par smin pa sdug bsngal zhing mi dge ba gang zhe na/ kha cig brnab sems can du gyur te/ 'dod pa rnams la yang dag par chags pa drag po ste/ gzhan gyi rdzas dang/ gzhan gyi nor dang/ gzhan gyi nye bar mkho ba rnams la brnab sems skye ba de gzhan gyi de bdag gir gyur kyang ci ma rung zhes brnab sems las ma log par gyur pa'o// kha cig gnod sems can du gyur te/ gdug pa'i yid kyis rnam rtog pa 'di snyam du sems can khyed rnams nyams shing pham la don ma yin pa phongs pa thob par gyur cig ces gnod sems las ma log par gyur pa'o/ /kha cig log par lta ba can du gyur te/ de lta ba phyin ci log pas 'di ltar lta zhing 'di skad du smra ste/ sbyin pa med do/ /mchod sbyin med do/ /legs par spyad pa med do nyes par spyad pa med do/ /legs par spyad pa dang nyes par spyad pa'i las kyi 'bras bu rnam par smin pa med do/ /'jig rten 'di med do/ /'jig rten pha rol med do/ /pha med do/ /ma med do/ /sems can rdzus te byung ba rnams med do/ /'jig rten na dgra bcom pa yang dag par song zhing yang dag par rtogs pa 'jig rten 'di dang pha rol tu mthong? ba'i chos nyid la rang nyid kyis mngon par shes la phun sum tshogs pa mngon sum du byas te/ bdag gi skye ba zad do/ /tshangs par spyod pa bsten to bya ba byas so/ /srid pa 'di las gzhan mi shes so zhes bya ba med do/ /zhes log par lta ba las ma lag par gyur pa dag go /dge slong dag 'di ltar yid kyis sdig pa mi dge ba'i las rnam pa gsum byas shing bsags la nye bar bsags pas rnam par smin pa mi dga' zhing sdug bsngal bdag 'byin par 'gyur ro/ /dge slong dag de la 'phags pa nyan thos lus kyi mi dge ba'i chos rnams spong zhing lus kyis dge ba'i chos rnams sgom par byed do/ /ngag dang yid kyis mi dge ba'i chos rnams spong zhing ngag dang yid kyis dge ba'i chos rnams sgom par byed do/ /byams pa dang lhan cig pa'i sems kho na? med pa 'gran zla med pa/ gnod pa med pa/ yangs pa thams cad du song ba tshad med pa legs par bsgoms pas phyogs gcig tu khyab par byas nas yongs su rdzogs par byas te gnas so/ /de bzhin du gnyis pa dang/ de bzhin du gsum pa dang/ de bzhin du bzhi pa dang/ steng dang 'og dang logs k yi 'jig rten 'di thams cad kyi thams cad du byams pa dang lhan cig pa'i sems kho na? med cing 'gran zla med pa gnod pa med pa yangs pa thams cad du song ba tshad med pa legs par bsgoms pas khyab par byas nas yongs su rdzogs par byas nas gnas so/ /de 'di snyam du sngon bdag gi sems ma bsgoms shing chung ngur gyur pa de ltar bdag gi tshad med cing legs par bsgoms par bya'o snyam pa'o/ /dge slong dag 'phags pa nyan thos thos pa dang ldan pa'i sems bag? med? pa mi srid cing mi ltung la mi gnas shing bgrang bar yang mi 'gyur ro/ /dge slong dag khye'u dang bu mo byams pa'i sems kyi ting nge 'dzin sgom par byed pa yang sdig pa mi dge ba'i las 'di lta ste lus dang ngag dang yid kyi las byed cing nye bar sogs par 'gyur ram/ gzhan dag las yun ring po don ma yin pa mi phan pa dang sdug bsngal de lta de ltar ston par 'gyur ram/ btsun pa ma lags so/ /dge slong dag legs so legs so/ /dge slong dag skyes pa 'am/ bud med dam/ khyim pa 'am/ rab tu byung bas kyang byams pa'i sems kyi ting nge 'dzin bsgom par bya'o/ /dge slong dag de ci'i phyir zhe na/ skyes pa 'am bud med dang khyim pa dang rab tu byung ba dag kyang lus 'di gtang nas pha rol tu 'gro bar 'gyur te/ dge slong dag sems kyi rjes su 'gro bar sems la rten pa sems kyis bcings pa sems la brten te 'jug pa'o/ /dge slong dag 'ga' zhig 'di skad du nga'i lus 'di nyid kyis sngon sdig pa mi dge ba'i las byas shing bsags la nye bar bsags pa de thams cad 'di la myong bar gyur cig skyes nas rang lan grangs gzhan la myong bar ma gyur cig ces dge slong dag de ltar byams pa'i sems kyi ting nge 'dzin dang ldan na phyir mi ldog par gnas shing bla na med pa'i chos so sor rig par 'gyur te/ de la 'phags pa nyan thos thos pa dang ldan pa lus kyi sdig pa mi dge ba rnams spong zhing lus kyi dge ba'i las rnams sgom par byed do/ /ngag dang yid kyi sdig pa mi dge ba'i las rnams spong zhing ngag dang yid kyi dge ba'i las rnams sgom par byed do/ /de snying r je dang dga' ba dang? btang snyoms dang lhan cig pa'i sems zhes bya ba nas snga ma bzhin du dge slong dag de ltar btang snyoms kyi sems kyi ting nge 'dzin dang ldan na phyir mi ldog par gnas shing bla na med pa'i chos so sor rig par 'gyur ro zhes bya ba'i bar du gsungs so/ /dge slong dge srog gcod pa ni rnam pa gsum ste zhes bya ba la/ gleng gzhi ni mnyan du yod pa na'o/ /dge slong dag srog gcod pa ni rnam pa gsum ste/ brnab sems las skyes pa dang/ gnod sems las skyes pa dang/ gti mug las skyes pa'o/ /dge slong dag ma byin par len pa dang/ 'dod pas log par g.yem pa dang/ rdzun du smra ba dang/ phra ma dang/ tshig rtsub mo dang/ tshig ba kyal pa dang/ brnab sems dang/ gnod sems dang log par lta ba ni rnam pa gsum ste/ brnab sems las skyes pa dang/ gnod sems las skyes pa dang/ log par lta ba las skyes pa'o/ /dge slong dag srog gcod pa spong ba ni rnam pa gsum ste/ ma chags pa las skyes pa dang/ zhe sdang med pa las skyes pa dang/ gti mug med pa las skyes pa'o/ /dge slong dag ma byin par len pa dang/ 'dod pas log par g.yem pa dang/ rdzun du smra ba dang/ phra ma dang/ tshig rtsub mo dang/ tshig bkyal pa dang/ brnab sems med pa dang/ gnod sems med pa dang/ log par lta ba med pa ni rnam pa gsum ste/ ma chags ba las skyes pa dang/ zhe sdang med pa las skyes pa dang/ gti mug med pa las skyes pa'o zhes gsungs so/ /ji skad du bcom ldan 'das kyis kyang tshe dang drod dang rnam shes kyis zhes bya ba la sogs pa la bcom ldan 'das 'khrug pa can chu bo gang+gA'i 'gram na bzhugs te/ de nas bcom ldan 'das kyis dge slong rnams la bos te/ dge slong dag 'di lta ste/ chu bo gang+gA'i rgyun gyis dbu ba'i phung po chen po khyer nas 'gro ba de mig dang ldan pa'i skyes bus mthong ste/ bsam shing tshul bzhin du brtags te/ des mthong zhing bsams te/ tshul bzhin du brtags pa ni mi bden par snang zhing/ brdzun slu ba gsog tu snang ngo/ /de ci'i phyir zhe na/ dbu ba rngos pa la snying po ci yang med pa'i phyir ro/ /dge slong dag de bzhin du gzugs ci yang rung ba 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ dman pa 'am/ gya nom pa 'am/ thag ring ba 'am/ thag nye ba de dag dge slong gis mthong ste/ bsam bzhin tshul bzhin brtags te/ des de mthong zhing bsams te/ tshul bzhin brtags pa na mi bden par snang zhing/ rdzun pa slu ba gsog tu snang ngo/ /snying po med pa dang/ nad dang/ 'bras dang/ zug rngu dang/ mi rtag pa dang/ sdug bsngal ba dang/ stong pa dang/ bdag med par snang ngo/ /de ci'i phyir zhe na/ gzugs kyi phung po la ci yang med pa'i phyir ro/ /dge slong dag 'di lta ste/ lhas char chen po phab pa na chu las chu bur du byung ba dag gzhan/ skye zhing gzhan 'gag ste/ de mig dang ldan pa'i skyes bus mthong ste/ bsams shing tshul bzhin brtags te/ des de mthong zhing bsams te tshul bzhin du bsams pa na mi bden par snang zhing/ brdzun ba slu ba gsog tu snang ngo/ /de ci'i phyir zhe na/ chu bur la snying po ci yang med pa'i phyir ro/ /dge slong dag de bzhin du tshor ba gang ci yang rung ba 'das pa 'am/ ma 'ongs pa 'am/ da ltar byung ba 'am/ nang gi 'am/ phyi yi 'am/ rags pa 'am/ phra ba 'am/ dman pa 'am/ gya nom pa 'am/ thag ring ba dang thag nye ba'i bar du ste/ de dag dge slong dag gis mthong zhing bsams shing tshul bzhin brtags pa dang/ des de mthong zhing bsams te tshul bzhin brtags pa na mi bden par snang zhing brdzun pa slu ba gsog dang nang dang/ 'bras dang/ zug rngu dang/ gnod par snang zhing mi rtag pa dang/ sdug bsngal ba dang/ stod pa dang/ bdag med par snang ngo/ /de ci'i phyir zhe na/ tshor pa'i phung po la snying po ci yang med pa'i phyir ro/ /dge slong dag 'di lta ste/ sos ka tha ma'i dus la bab pa na nam mkha' sprin dang bral zhing/ nyi ma dgung gi dus na bya mal smig rgyu g.yo ba dag de mig dang ldan pa'i skyes bus mthong ba ste bsams shing tshul bzhin brtags te/ des de mthong zhing bsams te tshul bzhin brtags pa na mi bden par snang zhing brdzun pa slu ba gsog tu snang ngo/ /de ci'i phyir zhe na/ smig rgyu la snying po ci yang med pa'i phyir ro/ /dge slong dag de bzhin du 'du shes gang ci yang rung pa 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ dman pa 'am gya nom pa 'am/ thag ring ba 'am/ thag nye ba'i bar du ste/ dge slong dag gis mthong ste bsams shing tshul bzhin brtags te/ des de mthong zhing bsams te/ tshul bzhin bsams pa na mi bden par snang zhing/ brdzun pa slu ba gsog dang nang dang 'bras dang zug rngu dang gnod par snang ste/ mi rtag pa dang/ sdug bsngal ba dang/ stong pa dang/ bdag med par snang ngo/ /de ci'i phyir zhe na/ 'du shes kyi phung po la snying po ci yang med pa'i phyir ro/ /dge slong dag 'di lta ste/ mig dang ldan pa'i skyes bu snying po don du gnyer zhing snying po tshol ba dag sta re rnon po thogs nas nags su zhugs te/ nges chu shing gi phung po chen po drang zhing legs par skyes la mi rtsub pa dag mthong nas ngas rtsa ba nas bcad de 'dab ma 'dab mar phye ba na des de la 'bras bu yang ma mthong na snying po lta smos kyang ci dgos/ skyes bu mig dang ldan pa des mthong ste bsams shing tshul bzhin brtags te/ des de mthong zhing bsams te tshul bzhin brtags pa na mi bden zhing brdzun pa slu ba gsog tu snang ngo/ /de ci'i phyir zhe na/ chu shing la snying po ci'ang med pa'i phyir ro/ /dge slong dag de bzhin du 'du byed gang ci yang rung ba 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ dman pa 'am gya nom pa 'am/ thag ring ba dang thag nye ba'i bar du ste/ dge slong dag gis de dag mthong ste bsams shing tshul bzhin brtags te/ des de mthong zhing bsams te tshul bzhin brtags pa na mi bden par snang zhing brdzun pa slu ba gsog dang nad dang 'bras dang zug rngu dang gnod par snang ste/ mi rtag pa dang/ sdug bsngal ba dang/ stong pa dang/ bdag med par snang ngo/ /de ci'i phyir zhe na/ 'du byed kyi phung po la snying po ci yang med pa'i phyir ro/ /dge slong dag 'di lta ste/ sgyu ma mkhan nam sgyu ma mkhan gyi slob ma mkhas pa dag lam gyi bzhi mdo chen por 'dug ste/ sgyu ma bzhi sprul pa ston par byed de/ 'di lta ste/ glang po che'i tshogs dang/ rta ba'i tshogs dang/ shing rta'i tshogs dang/ rkang thang pa'i tshogs te/ de dag mig dang ldan pa'i skyes bus mthong ste/ mthong nas bsams shing tshul bzhin brtags te/ des de mthong zhing bsams te tshul bzhin bsams pa na mi bden par snang zhing brdzun pa slu ba gsog tu snang ngo/ /de ci'i phyir zhe na/ sgyu ma la snying po ci yang med pa'i phyir ro/ /dge slong dag de bzhin du rnam par shes pa gang ci yang rung ba 'das pa 'am/ ma 'ongs pa 'am/ da ltar byung ba 'am/ nang gi 'am phyi'i 'am/ rags pa 'am/ phra ba 'am/ dman pa 'am/ gya nom pa 'am/ thag nye ba 'am/ thag ring ba'i bar du ste/ de dag dge slong dag gis mthong ste bsams shing tshul bzhin bsams te/ nges nga? mthong zhing bsams te tshul bzhin brtags pa na mi bden pa/ brdzun pa slu ba gsog deng? nad dang 'bras dang zug rngu dang gnod par snang zhing mi rtag pa dang/ sdug bsngal ba dang/ stong pa dang/ bdag med par snang ste/ de ci'i phyir zhe na/ rnam par shes pa'i phung po la snying po ci yang med pa'i phyir ro/ /bcom ldan 'das kyis de skad ces bka' stsal cing bde par gshegs pa de de skad gsungs nas/ ston pas gzhan yang 'di skad ces bka' stsal to/ /gzugs ni dbu ba rngos pa 'dra/ /tshor ba chu yi chu bur bzhin/ /'du shes smig rgyu lta bu ste/ /'du byed chu shing lta bu yin/ /rnam shes sgyu ma lta bu zhes/ /nyi ma'i gnyen gyis bka' stsal to/ /ji lta ji ltar tshul bzhin du/ /rab tu rtags shing brtags pa na/ /skye ba dang ni 'jig pa dang/ /slu ba dang ni gsog tu snang/ /shes rab dman pa rnams la ni/ /phung po 'di dag rnam ma bstan/ /chos gsum po ni rab spangs na/ /lus dang bral zhing spong bar 'gyur/ /tshe dang drod dang rnam shes kyis/ /gang tshe lus 'di 'dor byed cing/ /bor nas de tshe gnas pa ni/ /sems med ji ltar shing bzhin no/ /'di na 'di 'dra'i rgyud 'di dag /sgyu ma byis pa 'drid pa ste/ /gnod par byed pa'i zug rngu ste/ /mngon par rlom pa tsam med do/ /dge slong de ltar phung po rnams/ /rab tu brtags shing brtson 'grus rtsom/ /nyin mo dang ni mtshan mo dag / dran dang shes bzhin dang ldan na/ /'du byed zhi zhing rab zhi ba'i/ /go 'phang rab tu rtogs par 'gyur/ /bcom ldan 'das kyis de skad ces bka' stsal pa dang/ dge slong de ngag yid dga' zhing bcom ldan 'das kyis gsungs pa la mngon par dga' o/ /tshigs su bcad pa 'di dag sngar dge slong ma chos sbyin gyi mdor sngar bris zin mod kyi/ /de ltar na'ang bcom ldan 'das kyi gsung 'di mdo'i khungs dper nye bar bkod do/ /tha snyad bcu drug ces bya ba la/ mdo gcig nas mi snang ngo// brgyad tshan brgyad pa'i sgo dang po'i sdom gyi tshigs su bcad pa bdun pa dang bcu pa dang bcu gcig pa'i mdo ji ltar bstan pa go rim bzhin du 'don to/ /mdo sde smra ba zhes bya ba la/ gleng gzhi ni mnyan du yod pa na'o/ /de nas tshe dang ldan pa mchod byed kyi ma can dgongs ka nad du yang dag 'jog las langs te/ bcom ldan 'das ga na ba der nye bar song zhing nye bar song nas bcom ldan 'das la 'di skad ces gsol to/ /bcom ldan 'das bdag la mdor sdus pa de ltar chos legs par bshad du gsol zhes bya ba nas/ snga ma bzhin du srid pa 'di las gzhan mi shas so zhes bya ba'i bar du'o/ /de skad ces gsol pa dang/ bcom ldan 'das kyis tshe dang ldan pa mchod byed kyi ma can la 'di skad ces bka' stsal to/ /mchod byed kyi ma can khyod rgas pa na tshod du byin pa nga'i drung nas mdor bsdus pa nyan par 'dod na/ 'di na gsar bu rab tu byung nas ring po ma lon pa chos 'dul ba 'di la ring po ma lon pa dag ji ltar byed par 'gyur/ btsun ba bdag rgas shing 'khogs la na tshod du phyin pa yin yang bcom ldan 'das las mdor bsdus pa'i gdams ngag nyan bar 'dod do/ /bcom ldan 'das bdag la mdor bsdus pa de ltar chos legs par bstan du gsol zhes bya ba nas/ srid ba 'di las gzhan mi shes so zhes bya ba'i bar du'o/ /bcom ldan 'das la tshe dang ldan pa mchod byed kyi ma can gyis lan gnyis lan gsum du de skad ces gsol pa dang tshe dang ldan pa mchod byed kyi ma can la khyod rgas shing 'khogs pa na tshod du phyin pa de las gdams ngag mdor bsdus pa nyan par 'dod na 'di na gsang bu rab tu byung nas ring po ma lon pa/ chos 'dul ba 'di la ring po ma lon pa dag ji ltar byed par 'gyur zhes bka' stsal to/ /bcom ldan 'das la yang lan gnyis lan gsum du tshe dang ldan pa blo gros chen pos 'di skad ces gsol to/ /btsun pa bdag rgas shing 'khogs lan tshod du phyin pa yin yang bcom ldan 'das las gdams ngag nyan par 'dod de/ bcom ldan 'das bdag la mdor sdus pa de ltar chos legs par bstan du gsol zhes bya ba nas/ srid pa 'di las gzhan mi shes so/ /zhes bya ba'i bar du'o/ /bka' stsal pa/ mchod byed kyi ma can khyod kyis lan gsum gyi bar du don 'di mgo bas mchod byed kyi ma can de'i phyir khyod nyid la dri bar bya ste/ ji ltar bzod pa de bzhin du lung du ston cig /mchod byed kyi ma can 'di snyam du sems/ khyod kyis mig gis gzugs dag mthong zhing sngon mthong bar ma gyur ma mthong na gzhi de las khyod la 'di lta bu'i dngos po mthong bar bya'o zhes 'dun pa 'am/ chags pa 'am/ 'chum ba 'am/ dga' ba 'am/ chags zhe na nam/ lhag par chags par 'gyur ba skye ba 'am/ btsun pa ma lags so/ /mchod byed kyi ma can 'di ji snyam du sems/ khyod kyis rna bas sgra dang/ snas dri dang/ lces ro dang/ lus kyis reg bya dang yid kyis chos gang rnam par ma shes shing sngon rnam par shes bar ma gyur la rnam par ma shes na/ gzhi de las khyod la 'di lta bu'i dngos po rnam par shes par bya'o zhes 'dun pa 'am/ chags pa 'am/ 'chum pa 'am/ dga' ba 'am/ chags zhen nam/ lhag par chags par 'gyur ba skye 'am/ btsun pa ma lags so/ /mchod byed kyi ma can legs so legs so/ /'di ltar mthong ba ni mthong ba tsam/ thos pa ni thos pa tsam/ bye brag phyed pa ni bye brag phyed pa tsam mo/ rnam par shes pa ni rnam par shes pa tsam ste/ mchod byed kyi ma can gang gis na de dang nges khyod ma yin zhing gang gis na khyod kyis de dang de la ma yin la de dang des khyod la ma yin zhing 'di na ma yin zhing bar bar na ma yin pa 'di nyid sdug bsngal mthar byas pa zhes bya'o// bcom ldan 'das rnam par shes so/ /bde bar gshegs pa rnam par shes so/ /mchod byed kyi ma can ngas bsdus shing rnam par na phye bar bshad pas ji lta ji ltar don rgyas par shes par 'gyur /de nas de'i tshe tshe dang ldan pa mchod byed kyi ma can gyis tshigs su bcad pa 'di skad ces smras so/ /gzugs rnams mthong nas dran nyams shing/ /rgyu ba'i rgyu mtshan yid byas nas/ /sems ni yang dag chags myos nas/ /de la rtag par zhen cing gnas/ /de las rang bzhin du ma yi/ /tshor ba rnams ni skye zhing 'byung/ /brnab sems dang ni gnod sems kyis/ /sems ni rab tu bcom par 'gyur/ /gzugs dag nye bar bsags pa na/ /mya ngan 'das pa ring zhes brjod/ /sred bcas mya ngan 'das min zhes/ /nyi ma'i gnyen gyis bka' stsal to/ /gzugs la mngon par mi dga' zhing/ /gzugs rnams mthong nas dran ldan na/ /sems ni yang dag chags mi 'gyur/ /de las lhag par chags mi 'gyur/ /de las rang bzhin du ma yi/ /tshor ba skye zhing 'gyur mi 'gyur/ / brnab sems dang ni gnod sems kyis/ /sems 'di rnam par bcom mi 'gyur/ /gzugs dag nye bar mi gsog na/ /mya ngan 'das pa zhes brjod do/ /sred zad mya ngan 'das pa zhes/ /nyi ma'i gnyen gyis bka' stsal to/ /gzugs dang de bzhin tshor ba'i yang/ /ji ltar gnas pa bzhin mthong na/ /zad cing nye bar mi sogs te/ /de bzhin dran dang ldan par spyod/ /de bzhin sgra dang dri dang ni/ /ro dang reg bya rnams dang ni/ /chos rnams mthong nas dran nyams shing/ /dga' ba'i rgyu mtshan yid byas pas/ /sems ni yang dag chags myos nas/ /de la lhag par zhen par 'gyur/ /de la rang bzhin du ma yi/ /tshor ba rnams ni skye zhing 'byung/ /brnab sems dang ni gnod sems kyis/ /sems 'di rab tu bcom par 'gyur/ /chos dag nye bar sogs pas na/ /mya ngan 'das pa ring zhes brjod/ /sred bcas mya ngan 'das min zhes/ /nyi ma'i gnyen gyis bka' stsal to/ /chos la mngon par mi dga' zhing/ /chos rnams mthong nas dran ldan na/ /sems ni yang dag chags mi 'gyur/ /de la lhag par chags mi 'gyur/ /de las rang bzhin du ma yi/ /tshor ba 'byung zhing skye mi 'gyur/ /brnab sems dang ni gnod sems kyis/ /sems 'di rnam par bcom mi 'gyur/ /chos dag nye bar mi gsog pa/ /mya ngan 'das pa zhes brjod do/ /sred zad mya ngan 'das pa zhes/ /nyi ma'i gnyen gyis bka' stsal to/ /gzugs dang de bzhin tshor ba'i yang/ /ji ltar gnas pa bzhin mthong na/ /zad cing nye bar mi gsog te/ /de bzhin dran dang ldan par spyod do/ /btsun pa 'di ltar bcom ldan 'das kyis mdor bsdus shing rnam par ma phye bar bshad pa'i don rgyas par bdag gis 'tshal to/ /mchod byed kyi ma can legs so legs so/ /mchod byed kyi ma can khyod kyis ngas mdor bsdus te/ rnam par ma phye bar bshad pa'i don khyod kyis shes pa legs so/ /de ci'i phyir zhe na/ gzugs rnams mthong nas zhes bya ba nas de bzhin dran dang ldan par spyod ces bya ba'i bar du tshigs su bcad pa rgyas par ro/ /de nas tshe dang ldan pa mchod byed kyi ma can zhes bya ba nas/ bcom ldan 'das kyi drung nas song ngo zhes bya ba'i bar du'o/ /de nas tshe dang ldan pa mchod byed kyi ma can bcom ldan 'das las mdor bsdus pa'i gdams ngag thos nas dgra bcom pa sems rnam par grol ba'i bar du 'gyur to zhes gsungs so/ /mdo las ji skad du 'dod pa la 'dun pa'i dbang du byas nas zhes bya ba la/ ji ltar tshul khrims kyi phung po dbyug gu gsum pa'i mdo de dang de las 'don pa lta bu ste/ de 'phags pa'i tshul khrims kyi phung po dang/ yang zag par ldan zhing 'dis dbang po'i sgo bsdams shing yang dag pa'i dran pa dang shes bzhin 'di dag dang ldan zhing rnam par dben pa'i mal cha dang stan la brten te dgon pa dang shing drung dang khang pa stong bar gnas pa 'am/ de dgon pa 'am/ shing drung ngam/ khang pa stong par song ste/ skyil mo krung bcas shing lus drang por bsrang ste/ dran pa mngon du phyogs par bzhag nas 'dug ste/ sems la 'jig rten gyi brnab sems spangs te brnab sems dang bral bar? lan mang du gnas shing sems la brnab sems rnam par spyod bar byed do/ /gnod sems dang/ rmugs pa dang/ gnyid dang/ rgong pa dang/ 'gyod pa dang/ 'jig rten gyi the tshom spangs shing som nyi las ?? la cing the tshom las brgal te/ dge ba'i chos rnams la the tshom med cing the tshom las sems rnam par spyod par byed de de sems nye bar nyon mongs par byed pa shes rab nyam chung bar byed pa gegs kyi phyogs mya ngan las 'das pa ma yin pa sgrub par byed pa'i sgrib pa lnga po spangs nas 'dod pa las dben pa sdig pa mi dge ba'i chos rnams las dben pa zhes bya ba nas bsam gtan bzhi pa bsgrubs te gnas so zhes bya ba'i bar du'o/ med par lta bas rtsa ba gcod zhes bya ba la/ gang gis dge ba'i rtsa ba kun tu gcod cing ji ltar stan tu gcod la/ rnam pa gang gis kun tu gcod ce na/ smras pa/ gang zag kha cig gis pha dang ma bsam bzhin du srog dang phral nas 'gyod pa dang lhan cig pa'i sems cha tsam yang mi skyed la kha cig gis ba dang ma bsam bzhin du srog dang phral bar byas nas 'gyod pa cha shas tsam du skyed par byed de/ de na dge sbyong ngam/ 'jig rten rgyang pan pa'i rigs can med de zhes smra ba rgyu med par smra ba de dang de dag dge pa dang mi dge ba'i las rnams zhig cing chad nas med pa yin no zhes 'dogs te de de dang de'i drung du nye bar song nas dri ba 'di 'dri ste/ dge ba ni gang zhig yin/ kha na ma tho ba dang bcas pa ni gang zhig yin/ kha na ma tho ba med pa ni gang zhig yin/ ci zhig byas na dge bar 'gyur zhing sdig par mi 'gyur zhes dris pa dang/ des de 'gyod pa ma skyes pa mi skyed cing 'gyod ba skyes ba dag kyang myur? du sel bar byed de/ 'di skad du srog gcod pa ni 'bras bu dang bral ba ste/ 'bras bu med par don med pa/ skye ba med pa/ ro med pa/ bsngags pa med pa ste/ srog gcod pa la rnam par smin pa'i 'bras bu med do/ /ma byin par len pa dang/ 'dod pas log par g.yem pa dang/ rdzun du smra ba dang/ phra ma dang/ tshig rtsub mo dang/ tshig bkyal ba dang/ brnab sems dang/ gnod sems dang log par lta ba ni 'bras bu dang bral ba ste/ 'bras bu med pa don med pa/ skye ba med pa ro med pa bsngags pa med pa ste/ log par lta ba med cing log par lta ba'i 'bras bu rnam par smin pa med de zhes brjod la/ de de la 'dod cing bzod la yang dag par gsal bar byed do/ /gang tshig la 'dod cing bzod la gsal bar byed pa 'di tsam gyis na gang zag g.yon gyi lam du zhugs pa zhes bya ste/ 'di lta bu log par lta ba can/ log par rtog pa dang/ log pa'i las kyi mdza' dang/ log pa'i 'tsho ba log pa'i ting nge 'dzin can zhes bya'o/ /de 'di lta bu'i g.yon pa'i lam la zhugs pas nye bar spyod pa rnam pa gsum 'phel zhing drag por 'gyur zhing mang por 'gyur ro/ /legs par spyod pa rnam pa gsum 'bri zhing srab mor 'gyur zhing yang bar 'gyur ro/ /mi dge ba'i rtsa ba rnam pa gsum 'phel zhing drag por 'gyur sdug bsngal mang por 'gyur ro/ /dge ba'i rtsa ba rnam pa gsum 'bri zhing srab mor 'gyur zhing yang bar 'gyur la gseng tshags can du 'gyur ro/ /mi dge ba'i las kyi lam bcu mngon par 'phel zhing drag por 'gyur zhing stug la mang por 'gyur ro/ /dge ba bcu'i las kyi lam phra zhing srab mor 'gyur zhing gseng tshags can du 'gyur te/ g.yon phyogs kyi lam 'phel zhing drag por 'gyur zhing stug la mang por 'gyur ro/ /g.yas phyogs kyi lam 'bri zhing srab mor 'gyur la yang zhing gseng tshags can du 'gyur ro/ /de mang du srog gcod pa can du 'gyur zhing ma byin par len pa 'dod pas log par g.yem pa/ rdzun du smra ba/ phra ma smra ba/ tshig rtsub mo smra ba/ tshig bkyal ba smra ba/ brnab sems dang gnod sems dang sog par lta ba can du 'gyur te/ de 'di lta bu'i ma dul bas mang du gnas par 'gyur zhing ma bsdams pas mang du gnas par 'gyur te/ res 'ga' ci zhig ltar dge ba'i sems dang sems las byung ba'i chos rnams mngon du 'gyur ro/ /de nas yang mi dge ba nyid mang du kun tu spyod de gang yang phal cher g.yon phyogs pa ste/ dbyar phyi ma ston gyis dus la bab pa na glog chen po byung bas snang ba dang cung zad snang ba dang/ gzugs mthong bar byas nas myur du nub pa de bzhin du de 'di lta bu'i ma dul ba dang ma bsdams pa lan mang du gnas par 'gyur te/ brgya la res 'ga' zhig na dge ba'i sems dang sems las byung ba'i chos rnams mngon du 'gyur zhing de nas yang mi dge ba nyid du spyod par 'gyur to/ /gang yang phal cher g.yon phyogs pa ste/ 'di lta ste tsha bas gdungs shing tsha bas nyen pa'i skyes bu skom zhing ngal la tshad pas nyon pa dag k hron pa bsil mo'i nang du zhugs te myur du de nas byung na de'i chu dang chu'i thigs pa rags pa dag myur ba myur bar rgal? ltung bar 'gyur zhing 'di ltar ba spu'i bu ga na chu phra mo dag yod pa de bzhin du ma dul zhing ma bsdams pa lan mang du gnas pa 'di'i brgya la res 'ga' zhig dge ba'i sems dang sems las byung ba'i chos rnams mngon du 'gyur ro/ /de nas yang mi dge ba nyid mang du kun tu spyod par 'gyur te/ gang yang phal cher g.yon phyogs par 'gyur ro/ /de srog chags bya bar can bsams bzhin du srog dang bral ba la dge ba dang mi dge ba'i las kyi rnam par smin pa med/ /zhes dus gzhan du yang de 'gyod pa'i sems cha tsam yang skyed par mi byed de/ gang yang gang zag khyad par can srog dang phral ba la dge ba dang mi dge ba'i las kyi rnam par smin pa med do/ /zhes 'gyod pa'i sems cung zad tsam yang skyed par mi byed de/ 'di tsam gyis na gang zag 'di'i khams gsum pa'i dge ba'i rtsa ba kun tu chad pa/ zhes brjod par bya'o/ /gang zag 'di'i dge ba'i rtsa ba mthong ba'i chos nyid pa nyid ? sbyod pa'i skal pa med pa ste/ gang zag 'di'i dge ba'i rtsa ba rnams dmyal ba dag nas 'chi 'pho ba 'am skye ba na nges par nying mtshams sbyor bar 'gyur ro/ /gang yang 'di lta bu gang zag bsams bzhin du srog dang phral ba dang/ gang yang srog chags grog spur dag srog dang phral na gang zhig kha na ma tho ba chen por 'gyur zhe na/ kun nas dkris pa mnyam na rnam par smin pa mnyam par 'gyur ro/ /'di skad du zer ba yang yod de/ srog chags grog spur dag bsam bzhin du srog dang phral na kha na ma tho ba chen por 'gyur gyi/ /gang zag 'di lta bu ni ma yin te/ de ci'i phyir zhe na/ smras pa srog chags grog spur dag gi dge ba'i rtsa ba kun tu ma chad la gang zag 'di'i dge ba'i rtsa ba kun tu chad pa'i phyir ro zhes phra ba rgyas btags pa'i dbugs 'byung ba brgyad pa dang/ rnam par shes pa'i tshogs kyi phung po lnga las 'don to/ /tshul khrims kyi phung po las zhes bya ba la sogs pa la/ tshul khrims kyi phung po'i dbyug gu gsum pa'i mdo las 'di ltar 'don te/ ji ltar yang dbyug gu gsum pa dge spyod dam phra ma tha dad pas byin pa longs spyod cing rnam pa du ma lta bu'i phyir rjes su sbyor bas mngon par brtson pas gnas te/ 'di lta ste glang po che 'thab pa dang/ rta 'thab pa dang/ shing rta 'thab pa dang/ rkang thang 'thab pa dang/ rngo bas 'thab pa dang/ khu tshur 'thab pa dang/ khyu mchog 'thab pa dang/ ba lang 'thab pa dang/ ra 'thab pa dang/ lug 'thab pa dang/ khyim bya 'thab pa dang/ chu skyar 'thab pa dang/ khyim bya dang/ chu skyar 'thab pa dang/ skyes bu 'thab pa dang/ bud med 'thab pa dang/ gzhon nu 'thab pa dang/ gzhon nu ma 'thab pa dang/ khang pa dang/ khang bzang dang/ rgyal mtshan gyi mchog dang dpung gi mchog bshams pa la lta ba nyams su myong bar byed/ dge sbyong dam bram ze de dag rnam pa 'di lta bu'i lta ba la brtson pa'i sbyor bas sbyor zhing gnas pa dang/ khral bar bya'o zhes gsungs so/ /gang yang gnas brtan ma 'gags pas ji skad du zhes bya ba la sogs pa las rgyal po dang yang dag par ldan pa las/ 'khor lo gnyis dang mtshan gnyis dang/ /chu ral lha yi pho nya dang/ /a tag bi d+ha nga gi dang na/ /dngos dang phyis kyi mod dag go zhes bya ba'i mdo tha ma las/ bcom ldan 'das ba ra NA se na drang song smra ba ri dwags kyi nags na bzhugs te/ de nas dge slong rab tu mang po dag nye bar gnas pa'i phyir 'dus shing tshogs par gyur te/ 'dug pa dag par skabs su 'di lta bu'i gtam brjod pa byung ste/ tshe dang ldan pa dag khyim pa gos dkar po can gang gi khyim du nyi ma re re zhing karSha pa Na brgya rnyed pa dang/ gang gis dge slong tshul khrims dang ldan pa'i dge ba'i chos can ltung ba dang bral ba la bsod snyoms gcig yongs su longs spyod par phul na gang zhig mchog yin de nas gcig gis smras pa tshe dang ldan pa dag khyim pa gos dkar po can gang gi khyim du nyi ma re re zhing karSha pa na brgya rnyed pas gang gis dge slong tshul khrims dang ldan pa/ dge ba'i chos can ltung ba dang bral ba la bsod snyoms gcig yongs su longs spyod par phul na mchog tu 'gyur ro/ /gzhan gyis smras pa/ tshe dang ldan pa dag khyim pa gos dkar po can gang gi khyim pa can du nyi ma re re zhing karSha pa na brgya rnyed pa bas karSha pa Na stong rnyed kyang ci zhig bya/ gang gis dge slong tshul khrims dang ldan pa dge ba'i chos can ltung ba dang bral ba la bsod snyoms gcig yongs su longs spyod pa phul na mchog tu 'gyur ro/ /de'i tshe na tshe dang ldan pa ma 'gags pa 'khor 'dus pa de'i nang na 'dus shing tshogs par 'gyur te 'dug ste/ de nas tshe dang ldan pa ma 'gags pas dge slong rnams la bos te/ tshe dang ldan pa dag khyim pa gos dkar po can gang gi khyim du nyi ma re re zhing karSha pa Na brgya dang stong dang stong phrag brgya rnyed kyang ci zhig bya gang gis dge slong tshul khrims dang ldan pa dge ba'i chos can ltung ba dang bral ba la bsod snyoms gcig yongs su spyad par phul na ches mchog tu 'gyur te/ tshe dang ldan pa dag ba ra NA se 'di nyid du skyes bu dbul po rtswa thub zhig tu gyur pa mngon par dran te/ de nad par langs te zong ba thogs nas rtswa thu ba'i phyir ba ra NA se nas 'gro ste/ de'i tshe na rang sangs rgyas steng gnas zhes bya ba zhig ba ra NA se na nye bar rten cing bzhugs so/ /de nas bcom ldan 'das de snga dro chos gos dang lhung bzed thogs te bsod snyoms kyi phyir pA rA na ser bzhugs so/ /bcom ldan 'das de zhugs pa dag 'gro bas mthong zhing bdag 'gro ba yang bcom ldan 'das de zhugs par mthong ngo/ /de nas nga myur bar rtswa khur bu gang khyer nas bA rA na ser zhugs so/ /bcom ldan 'das de ji ltar ba ra NA ser lhung bzed bkrus te bsod snyoms kyi phyir zhugs pa de bzhin du phyir byung bar gyur te/ bsod snyoms gcig kyang ma brnyes so/ /bcom ldan 'das de byung nas gshegs pas bdag zhugs pa mthong nas 'di snyam du skyes bu 'di 'gro ba yang bdag zhugs pas mthong zhing da ltar skyes bu zhugs pa yang bdag 'gro bas mthong ba las na skyes bu 'di nges par zad kyi bya ba ma byas so/ /zhes dgongs nas nga'i phye bzhin du 'brangs so/ /de nas bdag rang gi khang par phyin nas rtswa'i khur bu phyogs gcig tu gzhag nas rgyab tu bltas pa dang/ bcom ldan 'das de sgo'i drung nas bzhugs pa mthong ngo/ /mthong nas bdag 'di snyam du bcom ldan 'das 'di bdag 'gro bas mthong zhing bdag 'gro ba yang bcom ldan 'das 'di zhugs pas mthong/ bdag zhugs pa yang 'di 'gro bas mthong la/ 'di 'gro bas kyang bdag zhugs pa mthong la da ltar 'di'i sgo drung na bzhugs pa mthong ba las na 'phags pa 'dis nges par zas kyi bya ba ma byas kyis gang bdag gi phyir bzhag pa'i zas de dag bcom ldan 'das 'di la bsod snyoms dbul bar bya'o snyam nas de nas bdag gis myur ba myur bar bcom ldan 'das kyis gdan bshams te/ bcom ldan 'das de la 'di skad ces bcom ldan 'das gdan bshams pa/ ji lta ba bzhin du bzhugs su gsol zhes smras nas bcom ldan 'das gdan bshams pa ji lta ba bzhin du bzhugs pa dang/ de nas nges bdag gi phyir bzhag pa'i zas dag bcom ldan 'das de la bsod snyoms phul ba dang bcom ldan 'das des bdag la 'di skad ces kye skyes bu de las phyed bdag la bsod snyoms phul la phyed khyod bza' bar gyis shig dang/ 'o skol gnyis ka'i bkres pa zlog par 'gyur ro zhes smras so/ /bdag gis 'di skad ces smras so/ /bdag cag ni khyim na gnas shing gzhi ba pa dag ste/ bdag cag la til dang 'bras dang mong gu yod la ma sha yang yod cing/ btsun pa bdag cag ni dus dang dus ma yin par za ba yang lags kyis bcom ldan 'das ni dus su gsol zhing dus su bzhed la dus bsdud pa lags kyis bcom ldan 'das thugs brtse bar dgongs la bdag la bsod snyoms 'di ba zhes su gsol/ /de nas bcom ldan 'das des thugs brtse bar bdag la bsod snyoms de bzhes so/ /de nas bcom ldan 'das de bsod snyoms pa zhes te/ lhung bzed thogs nas de bzhin du nam mkha' la gshegs so/ /tshe dang ldan pa dag ngas mngon par shes te/ bdag ni bsod snyoms gcig po de'i rnam par smin pas lan bdun gyi bar du sum cu rtsa gsum gyi lha bzang po'i rigs su skyes shing lan bdun gyi bar du 'khor los sgyur ba'i rgyal po mdza' bzhi las rnam par rgyal ba chos can chos kyi rgyal po// rin po che sna bdun dang ldan par 'gyur te/ de la bdag gi rin po che sna bdun ni 'di lta bu'i rang bzhin dag byung ste/ 'di lta ste/ 'khor lo rin po che dang/ glang po rin po che dang/ rta rin po che dang/ nor bu rin po che dang/ bud med rin po che dang/ khyim bdag rin po che dang/ dmag dpon rin po che rnams so/ /dpa' ba/ brtul phod pa/ yan lag mchog gi gzugs dang ldan pa/ pha rol gyi sde rab tu 'joms pa'i bu stong tshang ba yang byung bar gyur te/ /rgya mtsho la thug pa'i sa chen po 'di ma lus par gnod pa med cing 'tshe ba med pa la dbyug pa dang/ mtshon cha med la chos kyis rnam par rgyal nas gnas par gyur to/ /bdag ni bsod snyoms gcig po de'i rnam par smin pas da ltar shAkya'i rigs phyug po rnams su skyes te/ brgya phrag du ma dang/ stong phrag du ma dang brgya stong phrag du ma'i gser dang sa le sbram dag btang nas rab tu byung na/ dngos po ngan pa gzhan lta smos kyang ci dgos/ bdag ni bsod snyoms gcig po de'i rnam par smin pas ?don du gnyer ba dang tshogs chung ngu chos gos yongs su longs spyod cing bsod snyoms dang/ na ba'i gsos sman dang/ mal cha dang/ stan dang/ 'tsho ba'i yo byad dag don du gnyer ba dang/ tshogs chung ngus yongs su longs spyod do/ /tshe dang ldan pa dag bdag gis bcom ldan 'das de de ltar mthu dang byin gyis brlabs che bar shes nas bya ba mang du byed par 'gyur ba'i gnas yod cing skabs yod do/ /gang yang nyes par spyad pa rnam pa gsum las bcom ldan 'das kyis zhes bya ba la/ dbyangs dang bcas dang nye bar 'khor/ /brgya byin dris lan sa ga dang// sum cu dpe dang de yi phyed/ /tshoms su yang dag sdebs pa yin zhes bya ba'i sdom gyi tshigs su bcad pa gnyis pa'i nye bar 'khor gyi mdo las te/ de nas khyim bdag nye bar 'khor gcer bu pa gnyen gyi bus brtson par byas pas na lAn+d+rar? 'ongs te/ bcom ldan 'das gang na ba der nye bar song ste/ nye bar song nas bcom ldan 'das lhan cig yang dag par dga' bar gyur pa dang/ yang dag par mgu bar 'gyur ba'i gtam rnam pa sna tshogs byas te phyogs gcig tu 'dug go /phyogs gcig tu 'dug nas khyim bdag nye bar 'khor gyis bcom ldan 'das la 'di skad ces gsol to/ /gau ta ma gal te skabs 'byed na phyogs 'ga' zhig 'dri'o/ /khyim bdag ji ltar bzod pa bzhin du dris shig /gau ta ma gcer bu dka' thub can yun ring po nas 'ongs sam khyim bdag 'ongs so/ /gau ta ma yun ring po'i gcer bu dka' thub can dang gau ta ma lhan cig par skabs su gtam gzhan brjod pa dag byung bar gyur tam/ khyim bdag byung ngo/ /gau ta ma de'i phyir gau ta ma dang yun ring por gcer bu dka' thub can lhan cig par skabs su gzhan brjod pa byung ba de dag thams cad rgyas par bdag la bshad du gsol/ /de nas bcom ldan 'das kyis yun ring por gcer bu dka' thub can dang bar skabs su gtam gzhan brjod pa de thams cad khyim bdag nye bar 'khor la rgyas par bshad do/ /bshad nas khyim bdag nye bar 'khor yid dga' zhing rab tu dga' nas lus kyi stong brteg nas lag pa g.yas pa brkyang nas ched du brjod pa 'di skad du brjod pa 'di skad du ched du brjod de/ dka' thub can legs so/ /ji ltar ston pa'i nyan thos mkhas pa gsal ba dul ba mi 'jigs par smra ba/ ston pa'i bstan pa ba shes pas lus kyi nyes par spyod pa thams cad las kha na ma tho ba chen po nyid du bcas shing ngag dang yid kyi nyes par spyod pa de de ltar ma yin te/ ngag dang yid kyi nyes par spyod pa ro dang 'dra bas ci zhig byed par 'gyur zhes lus kyi nyes par spyod pa las brtsams te rags pa nyid du bstan to/ /de nas bcom ldan 'das kyis khyim bdag nye bar 'khor la 'di skad ces bka' stsal to/ /de nas khyim bdag khyod bdag dang lhan cig 'di na bar skabs kyi gtam brjod pa ni de gal te khyed kyis bden par rtog cing bzod la mi khro 'am/ bdag gau ta ma khyod dang lhan cig par skabs kyi gtam gzhan brjod pa na bdag bcom ldan 'das la bden par rtog cing bzod la mi khro'i/ khyim bdag 'di lta ste gcer bu pa thun bzhi pa thun bzhi pa'i sdom pa can de 'gro ba na srog chags phra zhing phra mo'i tshogs dag mang po dag 'tsho ba dang phral ste/ gcer bu pa gnyen gyi bu de'i 'bras bu ni ci zhig rnam par smin pa ni ci zhig yin par shes/ gau ta ma bsam bzhin du byas pas kha na ma tho ba chen por mi 'gyur ro/ /gal te bsams bzhin du na ni kha na ma tho ba chen por 'gyur ro/ /khyim bdag bsams bzhin du zhes bya ba gang la bya/ gau ta ma yid kyi las so/ /khyim bdag yid kyis byas pa yid kyis byas pa zhes lung ston na snga ma dang phyi ma mi mthun zhing phyi ma dang snga ma mi mthun par 'gyur ro/ /'khor gyi nang du 'di lta bu'i ngo bo bshad de/ lus kyi nyes par spyod pa thams cad las kha na ma tho ba chen po ste/ ngag gi nyes par spyod pa dang yid kyi nyes par spyod pa ni de lta ma yin te/ ngag gi nyes par spyod pa ro dang 'dra ba dang yid kyi nyes par spyod pa ro dang 'dra ba dag gis ci zhig byed par 'gyur zhes lus kyi nyes par spyod pa las brtsams te kha na ma tho ba rags pa nyid du bstan to/ /'di lta ste khyim bdag gcer bu pa thun bzhi pa thun bzhin pa'i sdod pa can chu dron mo rdeg cing chu grang mo mi 'dod pa de 'chi ba'i dus na chu grang mo 'dod kyang chu grang mo ma rnyed nas dus byed par 'gyur ro/ /gcer bu pa gnyen gyi bu de'i 'gro ba ni gang skye ba ni gang/ 'jig rten pha rol tu gdags pa ni gang gau ta ma yid chags pa zhes bya ba ni lha gang na pa der skye bar 'gyur ro// de ci'i phyir zhe na/ de'i sems de la bcings bzhin du dus las 'das pa'i phyir ro/ /khyim bdag yid kyi byas pa yid kyis byas pa zhes lung ston na snga ma dang phyi ma mi mthun zhing phyi ma dang snga ma mi mthun par 'gyur te/ 'khor gyi nang du 'di lta bu'i rang bzhin bshad de/ lus kyi nyes par spyod pa thams cad las kha na ma tho ba chen po ste/ ngag gi nyes par spyod pa dang/ yid kyi nyes par spyod pa ni da lta ma yin te/ ngag gi nyes par spyod pa ro dang 'dra ba dang/ yid kyi nyes par spyod pa ro dang 'dra ba dag gis ci zhig byed par 'gyur zhes lus kyi nyes par spyod pa'i las brtsams te kha na ma tho ba rags pa nyid du bstan to/ /khyim bdag 'di lta ste/ na lAn+d+ra 'di ltar 'byor pa rgyas pa bde ba lo legs pa skye bo dang mi mang pos gang bar gyur la/ de nas lag na ral gri dang phub thogs pa'i skyes bu 'ga' zhig 'ongs nas 'di skad du 'di ltar na lAn+d+ra 'di ltar 'byor pa rgyas pa bde ba lo legs pa skye po dang mi mang pos gang ba 'di nyin zhag gcig la brlag cing nyams par bya'o/ /don ma yin p as phongs par bya'o zhes smra na khyim bdag 'di lta bu sems pa'i skyes bu stobs dang ldan pa des na lAn+d+ra 'di ltar 'byor pa rgyas pa bde ba lo legs pa skye bo dang mi mang pos gang ba 'di nyin zhag gcig la brlag pa dang nyams pa dang don ma yin pas 'phongs par bya bar nus sam/ gau ta ma ma lags so/ /de ci'i phyir zhe na/ na lAn+d+ra 'di ltar 'byor pa rgyas pa bde ba lo legs pa skye bo dang mi mang pos gang ba 'di tshogs chung ngus skyes bu gcig gis brlag pa dang nyams ba dang don ma yin pas phongs par bya bar mi nus te/ gnyis dang gsum dang bdun gyis kyang brlag pa dang/ nyams pa dang/ don ma yin pas phongs par bya bar mi nus te/ gzhan du na skyes bu de ni phongs shing dug pa'i skal ba can du 'gyur lags so/ /khyim bdag 'di lta ste/ na lAn+d+ra 'di ltar 'byor cing rgyas pa bde ba lo legs pa skye bo dang mi mang pos gang bar gyur la phyi rol du mu stegs pa'i drang srong rdzu 'phrul dang ldan pa sems la dbang thob pa 'ga' zhig 'ongs nas 'di skad du na lAn+d+ra 'byor pa rgyas pa bde ba lo legs pa skye bo dang mi mang pos gang bde yid skad cig tsam khros pas brlag par bya'o/ /nyams pa dang don ma yin pas phongs par bya'o/ /thal bar bya'o zhes smra? na/ khyim bdag 'di ci snyam du sems/ stobs dang ldan pa'i phyi rol mu stegs pa'i d rang srong rdzu 'phrul dang ldan pa sems la dbang thob pa des na lAn+d+ra 'di ltar 'byor pa rgyas pa bde ba lo legs pa skye po dang mi mang pos gang ba 'di skad cig tsam yid khros pas brlag pa dang nyams pa dang don ma yin pas phongs pa dang thal bar bya bar nus sam/ gau tam phyi rol mu stegs pa'i drang srong rdzu 'phrul dang ldan pa sems la dbang thob pa des na lAn+d+ra tsam yid khros pas kyang na lAn+d+ra dang grong dang grong khyer gyi phyogs gcig dang/ ljongs dang ljongs kyi phyogs gcig kyang sreg par byed par 'gyur na/ ra dang 'dra ba'i na lAn+d+ra lta smos kyang ci dgos/ khyim bdag yid kyis byas pa zhes lung ston na snga ma dang phyi ma mi mthun zhing phyi ma dang snga ma mi mthun te/ 'khor gyi nang du 'di lta bu'i rang bzhin bshad de/ lus kyi nyes par spyad pa thams cad kha na ma tho ba chen po ste/ gang gi nyes par spyad pa dang/ yid kyi nyes par spyad pa ni de lta ma yin te/ ngag gi nyes par spyad pa ro dang 'dra ba dang/ yid kyi nyes par spyad pa ro dang 'dra ba dag gis ci zhig byed par 'gyur zhes lus kyi nyes par spyad pa las brtsams te rags pa nyid du bstan to/ /khyim bdag dbyig pa can gyi dgon pa dang/ ka ling+ga'i dgon pa dang/ ma tangka'i dgon pa de stongs par gyur cing dgon par gyur pa dag 'ga' zhig las thos sam/ gau ta ma thos lags so/ /dbyig pa can gyi dgon pa dang/ ka ling+ga'i dgon pa dang ma tangka'i dgon pa de dag cis stong par gyur cing dgon par gyur/ de skad ces bka' stsal pa dang/ khyim bdag nye bar 'khor cad mi smra bar gyur to/ / de nas bcom ldan 'das kyis khyim bdag nye bar 'khor la 'di skad ces bka' stsal to/ /khyim bdag lung ston cig /lung ston cig /ci'i phyir kha rog 'dug /'khar gyi nang du 'di lta bu'i rang bzhin dag smra ste/ gau ta ma dang bdag lhan cig par skabs kyi gtam brjod pa na gau ta ma la bdag bden par rtog cing bzod la mi khro'o zhes smras nas kha rag par 'dug gam/ gau ta ma bdag don 'di nyid sems shing kha rog 'dug ste/ ji ltar da ltar bdag gcer bu pa byis pa rmongs pa mi gsal ba mi mkhas pas yun ring por bdag bslus so/ /bsgribs shing 'khrul du bcug ste/ 'di skad du lus kyi nyes par spyod pa thams cad la kha na ma tho ba chen po ste/ ngag gi nyes par spyod pa dang yid kyi nyes par spyod pa ni de lta ma yin no/ /ngag gi nyes par spyod pa ro dang 'dra ba dang/ yid kyi nyes par spyod pa ro dang 'dra ba dag gis ci zhig byed par 'gyur zhes lus kyi nyes par spyod pa las brtsams te/ kha na ma tho ba rags pa nyid du bstan to/ gau ta ma drang srong rnams yid khros pas de ltar gyur to zhes thos so/ /'di nas bzung ste gau ta ma la mngon par dang ngo/ /log par lta ba kha na ma tho ba chen po yin no zhes bya ba la/ gleng gzhi ni mnyan du yod pa na'o/ /dge slong dag med par lta ba ni kha na ma tho ba chen po ste/ de ci'i phyir zhe na log par lta ba can gyi skyes bu'i lus kyi las dang/ de bzhin du lta ba'i ngag dang yid kyi las dang don du gnyer ba dang/ smon lam dang de'i rjes su 'jug pa'i chos 'du byed thams cad kyang mi 'dod pa mngon par 'grub par byed pa/ mi sdug pa dang/ mi dga' ba dang/ yid du mi 'ong ba dang/ yid du mi 'thad pa dang/ mngon par mi dga' ba nyid sgrub par byed pa ste/ de ci'i phyir zhe na/ lta ba de ni sdig pa can te 'di ltar log par lta ba'o/ /'di lta ste ni ma pa'i sa bon nam ku ba kha na te ma'i sa bon nam/ ko sha ta'i sa bon dag zhing bzang zhing gshin pa'i sa phyogs su btab na gang sa'i bcud ni sas len cing/ chu'i ni chus/ me'i ni mes/ rlung gi'i ni rlung gis blangs nas de thams cad kha ba dang tsha ba dang ro med pa can du 'gyur ro/ /de ci'i phyir zhe na/ 'di ltar sa bon ro kha ba dang tsha ba dang ro med pa can yin pa'i phyir ro/ /de bzhin du leg par lta ba ni mchog tu kha na ma tho ba chen po'o/ /log par lta ba can gyi skyes bu'i lus kyi las dang/ de bzhin du lta ba'i ngag dang yid kyi las dang/ don du gnyer ba dang/ smon lam dang de'i rjes su mthun pa'i chos 'du byed thams cad kyang mi 'dod pa mngon par 'grub par byed/ mi sdug pa dang/ mi dga' ba dang/ yid du mi 'ong ba dang/ yid du mi 'thad pa mngon par 'grub par byed pa ste/ de ci'i phyir zhe na/ lta ba de ni sdig pa can te 'di ltar log par lta ba'o/ /dge slong dag yang dag pa'i lta ba ni kha na ma tho ba med pa'i mchog ste/ de ci'i phyir zhe na/ yang dag par lta ba can gyi skyes bu'i lus kyi las dang/ ngag dang yid kyi las dang/ de'i don du gnyer ba dang/ smon lam dang/ de'i rjes su mthun pa'i chos 'du byed thams cad kyang 'dod par mngon par 'grub par byed bsdugs dang/ dga' ba dang yid du 'ongs pa dang yid du 'thad pa mngon par 'grub par byed pa ste/ de ci'i phyir zhe na/ 'di ltar lta ba de ni dge ba'o/ /'di lta ste/ bu ram shing gi sa bon nam/ 'bras kyi sa bon nam/ rgun 'bru'i sa bon dag zhing bzang zhing gshin pa la btab na de'i gang dang gang sa'i bcud ni sas len cing chu'i ni chus me'i ni mes/ rlung gi'i ni rlung gis blangs nas de thams cad mi kha zhing mi tsha la ro dang bcas par 'gyur te/ de ci'i phyir zhe na/ 'di ltar sa bon mi kha zhing mi tsha la ro dang bcas pa yin pa'i phyir ro/ /de bzhin du yang dag par lta ba ni kha na tho ba med pa'i mchog yin no/ /yang dag par lta ba can gyi lus kyi las dang/ de bzhin du lta ba'i ngag dang yid kyi las dang de'i don du gnyer ba dang/ smon lam dang de'i rjes su mthun pa'i 'du byed kyi chos thams cad kyang 'dod pa mngon par 'grub par byed pa/ sdug pa dang dga' ba dang yid du 'ong ba dang yid du 'thad pa bsgrub par byed pa ste/ de ci'i phyir zhe na/ 'di ltar yang lta ba de ni dge ba'o/ /dman pa'i chos ni bstan mi bya/ /bag med pa dang gnas mi bya/ /'jig rten 'phel bar mi bya ste/ /log par lta can 'dod mi bya/ /'jig rten pa yi yar dag lta/ /chen po gang la yod gyur pa/ /de ni skye ba stong du yang/ /ngan 'gror 'gro bar mi 'gyur ro zhes gsungs so/ /de nyid kyi phyir ji skad du grong dpen ngas 'di nas bzung zhes bya ba la sogs pa la/ bcom ldan 'das dge slong gi dge 'dun mang po brgya phrag phyed dang bcu gsum gyi dge slong dang/ dge bsnyen stong dang/ slong? mo za ba lnga brgya tsam dang thabs gcig tu grong nas grong du dang/ grong khyer nas grong khyer dang ljongs nas ljongs rgyu zhing na lAn+d+ra gang na ba der gshegs na lAn+d+ra'i a mras bskor ba'i tshal na bzhugs so/ /de'i tshe na mu ge chen po brgal bar dka' zhing slong mo pas zas dag rnyed par dka' ba byung bar gyur to/ /de nas gcer bu pa'i dge bsnyen grong dpon lag na ral gri thogs pa zhig gcer bu pha gang na pa der nye bar song ste/ nye bar song nas gcer bu pa'i rkang pa la mgo bos phyag byas phyogs gcig tu 'dug go /phyogs gcig tu 'dug pa dang/ grong dpon lag na ral gri thogs pa de la gcer bu pa dag gis 'di skad ces smras/ /grong dpon gang gi phyir ngos gnyis la bug pa yang pa'i lcags kyi thu lum lta bu'i dge sbyong gau ta mas dri ba dris nas lung bstan par yang mi nus bstan par bya ba ma yin par yang mi nus pa'i rtsod pa dag bya bar nus sam/ 'phags pa dag ji ltar na ngos gnyis la bug pa gnyis yod pa'i lcags kyi thu lum lta bu'i dge sbyong gau ta mas dri ba dris na lung bstan par yang mi nus/ lung bstan par bya ba ma yin par yang mi nus pa'i rtsod pa dag ji ltar lags/ grong dpon khyod dge sbyong gau ta ma gang na ba der nye bar song la nye bar song nas 'di skad ces smros shig /dge sbyong gau ta ma khyod khyim gyi skye ba sems sam khyim gyi bsngags pa dag brjod par byed dam/ gal te de ma yin no zhes zer na 'di skad ces brjod par bya ste/ de ltar na gau ta ma khyod dang phyis byis pa so so'i skye bo thams cad dang khyad par ci zhig yod/ gal te de de bzhin no zhes zer na 'di skad du brjod par bya ste/ dge sbyong gau ta ma khyod da ltar mu ge chen po brgal bar dka' zhing slong mo pas zas dag rnyed par dka' ba byung ba na dge slong gi dge 'dun mang po brgya phrag phyed dang bcu gsum gyi dge slong dang dge bsnyen stong dang slong mo pa za ba lnga brgya tsam dang lhan cig tu grong nas grong du grong khyer nas grong khyer du ljongs nas ljongs su rgyu zhing gau ta ma khyim rnams la ser ba bzhin du rgyu zhing gnod pa byed la khyim gyi skye bo 'joms par byed/ gau ta ma 'di ni mi rigs pa 'di ni mi 'dra ba 'di ni mi 'thad pa'o zhes grong dpon 'di skad du smras na nges gnyis na bu g.yod pa'i lcags kyi thu lum lta bu'i dge sbyong gau ta mas dris na lung bstan par yang mi nus bstan par bya ba ma yin par yang mi nus pa'i rtsod par 'gyur ro/ /'phags pa dag nus lags so/ /de nas gcer bu pa'i nyan thos grong dpon lag na ral gri thogs pa gcer bu pas bskul nas na lAn+d+ra gan ba der song ste/ bcom ldan 'das gal ba der nye bar song nas bcom ldan 'das dang lhan cig yang dag par dga' bar 'gyur ba dang/ yang dag par bde bar 'gyur pa'i gtam rnam pa sna tshogs byas ta phyogs gcig tu 'dug go / phyogs gcig tu 'dug nas grong dpon lag na ral gri thogs pa des bcom ldan 'das la 'di skad ces gsol to/ /gau ta ma khyod khyim rnams kyi skye ba rtog par byed dam khyim bdag gis bsngags pa brjod par byed dam/ grong dpon de bzhin gshegs pa ni yun ring mo nas khyim rnams kyi skye ba brtan par mdzad cing khyim bdag rnams kyi bsngags pa brjod par mdzad do/ /gau ta ma khyod da ltar mu ge chen po brgal bar dka' zhing slong mo pa dag gis zas dag rnyed par dka' ba byung ba na dge slong gi dge 'dun mang po brgya phrag phyed dang bcu gsum gyi dge slong dang/ dge bsnyen stong dang/ slong mo pa lnga brgya tsam dang thabs gcig tu grong nas grong dang grong khyer nas grong khyer dang/ ljongs nas ljongs su rgyu zhing/ khyim rnams la ser ba bzhin du gnod pa byed dam/ khyim gyi skye ba bcom par byed dam/ gau ta ma 'di ni mi rigs pa 'di ni mi 'dra ba 'di ni mi 'thad pa'o/ /grong dpon ngas 'di nas bzung ste/ bskal pa dgu bcu rtsa gcig yang dag par rjes su dran te/ zas sbyin pa ster bar bya ba'i phyir khyim gang la yang mi bde ba dang nyam nga ba dang gnod par mngon par mi mkhyen to/ /grong dpon 'on kyang khyed kyi mthong ngam/ khyim rnams phyug pa dang nor mang po dang/ yo byad rab tu mang ba dang/ pha'i nor mang ba dang/ nor dang gser dang sa le sbram dang/ mdzod dang bang ba dang khyim gyi chogs mang po dang/ bran pho dang bran mo dang las byed pa'i skyes bu mang po dang/ gnyen bshes dang/ snag gi gnyen mtshams mang po dang ldan pa dag mthong ngam/ de dag ni yun ring po'i dge ba las byung ba/ bden pa las byung ba/ nye bar zhi ba las byung ba'o/ /grong dpon brgyad po 'di dag ni khyim rnams 'jig cing skye bar mi 'gyur ba'i rkyen brgyad de/ brgyad gang zhen/ grong dpon rgyal po ni khyim 'joms par byed pa'o/ /rkun po dang/ me dang/ chu dang/ gter dang/ las kyi mdza' dang/ mi dga' bas sgro 'dogs pa dang/ bud med gang gis khyim dang/ khyim gyi yan lag rnams don ma yin pas phongs par byed cing skyer mi ster ba'o/ /grong dpon mi rtag pa zhes bya ba brgyad pa yang ngas bstan par byas te/ grong dpon gang kha cig rgyu dang rkyen brgyad po spangs nas 'di skad du dge sbyong gau ta ma ni khyim rnams la gnod par rtog cing skye bar mi rtog pa'o zhes smra na/ de'i tshig de lta ba ma spangs shing 'dod pa dang bzod pa dang log pa'i rnam par rtog pa ma spangs pa ste/ mda' thur du 'phangs pa ltar lus zhig ste shi ba'i 'og tu ngan song ngan 'gro log par ltung ba sems can dmyal ba rnams kyi nang du skye bar 'gyur ro/ /de skad ces bka' stsal ba dang/ grong dpon lag na ral gri thags pa du zhing mchi ma 'dzag ste/ de nas grong dpon lag na ral gri thogs pa du zhing mchi ma zag bzhin du bcom ldan 'das gang na ba der thal mo sbyar nas phyag byed cing 'di skad ces gsol to/ /bcom ldan 'das sdig pa bgyis so/ /bde bar gshegs pa sdig pa bgyis so/ ji ltar byis pa rmongs pa mi gsal ba mi mkhas par gyur pas gau ta ma la mi bden pa gsog rdzun du smra bas slad par bgyis so/ /gau ta ma de bdag gis sdig par mthong zhing sdig par shes nas mthol lags te/ gau ta ma bdag la thugs brtse bar mdzad du gsol/ grong dpon bden te sdig pa la sdig par mthong nas sdig par bshags sam/ ji ltar byis pa mi gsal ba mi mkhas par gyur pas gau ta ma la mi bden pa gsog rdzun du smra bas smad par byas pa de gang gi phyir grong dpon khyod kyis mi rigs par mthong zhing mthong nas bshags te/ phyis mi byed pa'i sdom pa 'dzin na mi 'phel zhing spong la dag pa'i chos rnams nyams par mi 'gyur te/ de ci'i phyir zhe na/ grong dpon gang kha cig sdig pa la sdig par mthong zhing shes nas mthol zhing phyis mi byed pa'i sdom pa 'dzin na mi 'phel zhing spong la dge ba'i chos rnams nyams par mi 'gyur ro/ /de nas grong dpon lag na ral gri thogs pa bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyis drung nas song ngo/ /bsod nams bya ba'i dngos po ni rnam pa gsum ste/ zhes bya ba la/ gleng gzhi ni mnyan du yod pa na'o/ /dge slong dag bsod nams bya ba'i dngos po ni gsum po 'di dag ste/ gsum gang zhe na/ sbyin pa las byung ba'i bsod nams bya ba'i? dngos po dang/ tshul khrims las byung ba'i bsod nams bya ba'i dngos po dang/ bsgom pa las byung ba'i bsod nams bya ba'i dngos po'o/ /sbyin pa las byung ba'i bsod nams bya ba'i dngos po gang zhe na/ kha cig sbyin pa por 'gyur te/ dge sbyong ngam bram ze dang snying rje ba dang slong ba dang lam du zhugs ba dag la 'di lta ste zas dang ston mo dang gos dang phreng ba dang dri dang byug pa dang khri dang sgron ma dag sbyin par byed pa ste/ 'di ni sbyin pa las byung ba'i bsod nams bya ba'i dngos po zhes bya'o/ / tshul khrims las byung ba'i bsod nams bya ba'i dngos po gang zhe na/ 'di na kha cig srog gcod pa las log pa dang/ ma byin par len pa dang/ 'dod pas log par g.yem pa dang/ rdzun du smra ba dang/ 'bru'i chang dang bcas pa'i chad myos par 'gyur ba bag med pa'i gnas spong zhing 'bru'i chad dang bcos pa'i chang myos par 'gyur ba bag med pa'i gnas las log par gyur pa'o/ /'di ni tshul khrims las byung ba'i bsod nams bya ba'i dngos po zhes bya'o/ /bsgom pa las byung ba'i bsod nams bya ba'i dngos po gang zhe na/ 'di na kha cig byams pa dang lhan cig par gyur pa'i sems 'khon med pa 'gran zla med pa gnod pa med pa yangs pa thams cad du khyab pa tshad med pa legs par bsgoms pas phyogs gcig tu rgyas par khyab par khyab nas bsgrubs te gnas so/ /de bzhin du gnyis pa dang gsum pa dang bzhi pa dang steng dang 'og dang phyogs bcu'i 'jig rten thams cad byams pa dang/ lhan cig pa'i sems kho na med pa 'gran zla med pa gnod pa med pa/ yangs pa thams cad du khyab pa tshad med pa legs par bsgoms pas rgyas par khyab par byas te/ bsgrubs nas gnas so/ /snying rje dang dga' ba dang/ btang snyoms dang lhan cig par gyur pa'i sems kho na med pa 'gran zla med pa gnod pa med pa/ yangs pa thams cad du song ba chad med pa legs par bsgoms pas phyogs gcig tu rgyas par khyab par byas te bsgrubs nas gnas so/ /de bzhin du gnyis pa dang gsum pa dang bzhi pa dang steng dang 'og dang thad ka'i phyogs bcu'i 'jig rten gyi khams thams cad btang snyoms dang lhan cig pa'i sems kho na med pa 'gran zla med pa gnod pa med pa yangs pa thang du song ba legs par bsgom pas khyab par byas te bsgrubs nas gnas so/ /'di na bsgom pa las byung ba'i bsod nams bya ba'i dngos po zhes bya'o/ /dge slong ngag de la sbyin pa las byung ba'i bsod nams bya ba'i dngos po bsten cing bsgoms te lan mang du byas pas longs sbyod chen po thob par 'gyur ro/ /tshul khrims las byung ba'i bsod nams bya ba'i dngos po bsten cing bsgoms te lan mang du byas na mtho rigs su skye bar 'gyur ro/ /bsgom pa las byung ba'i bsod nams bya ba'i dngos po brten cing bsgoms te lan mang du byas na bral ba 'thob par 'gyur ro/ /bcom ldan 'das kyis de skad ces bka' stsal te/ bde bar gshegs pas gsungs nas/ ston pas gzhan yang 'di skad ces bka' stsal to/ /thog ma tha mar bde 'byung ba'i/ /chos nyid rjes su bslab par bya/ /sbyin pa dang ni tshul khrims dang/ /byams pa'i sems ni bsgom par bya/ /chos gsum dag ni bsgom byas nas/ /rtag tu bde ba 'thob cing ldan/ /mkhas pa gnod med bde ba yi/ /'jig rten dag tu skye bar 'gyur/ /bcom ldan 'das kyis de skad ces bka' stsal pa dang/ dge slong de dag bcom ldan 'das kyis gsungs pa la mngon par dga' zhing rjes su yi rang de/ /sbyin bdag khyad 'phags dang sogs kyis zhes bya ba la gleng gzhi ni mnyan du yod pa na'o/ /dge slong dag skyes bu dam pa'i sbyin pa ni rnam pa lnga ste/ lnga gang zhe na/ dge slong dag mthun ma pa ded pas sbyin pa sbyin par byed/ gus par byas te dang/ rang gi lag nas dang/ dus su dang/ gzhan la mi gnod pa sbyin pa sbyin par byed do/ /dge slong dag dad pas sbyin pa'i sbyin pa po'i sbyin pa po'i 'bras bu rnam par smin pa gang zhe na/ kun dga' bo dad pas sbyin na phyug por 'gyur te/ nor mar zhing longs spyod che ba dang / nye bar 'kho ba mang ba dang/ nang gi mang po dang/ nor dang 'bru dang gser dang sa le sbram dang/ bang mdzod kyi tshogs mang po dang/ g.yog po dang g.yog mo dang las byed pa'i mi mang po dang/ grogs po dang nye du dang snag gi gnyen mtshams mang po dang ldan par 'gyur ro/ /dge slong dag dad bas sbyin pa'i sbyin pa po'i 'bras bu rnam par smin pa de ltar 'gyur ro/ /dge slong dag gus par byas te sbyin pa'i sbyin bdag gi 'bras bu rnam par smin pa gang zhe na/ gus par byas te sbyin pa byin na phyug por 'gyur ro/ /zhes bya ba nas grogs po dang mdza' bo dang nye du dang ? gi gnyen mtshams mang ba dang ldan par 'gyur ro zhes bya ba'i bar du ste/ pha dang ma dang/ bu dang g.yog po dang/ g.yog mo dang las byed pa'i mi rnams kyis gus par byed par 'gyur zhing grogs po dang/ mdza' bo dang nye du dang snag gi gnyen mtshams dang rgyal po dang/ lha dang/ sngon 'dris pa dang/ dge sbyong dang/ bram ze rnams kyis gus par byed par 'gyur ba ste/ dge slong dag gus par byas te sbyin pa ni sbyin pa po 'bras bu rnam par smin pa de ltar 'gyur ro/ /dge slong dag rang gi lag nas sbyin pa'i sbyin pa po'i 'bras bu rnam par smin pa gang zhe na/ rang gi lag nas sbyin pa sbyin na phyug por 'gyur ro zhes bya ba nas grogs po dang mdza' bo dang nye du dang snag gi gnyen mtshams? mang po dang ldan par 'gyur ro zhes bya ba'i bar du ste/ khyim gyi longs spyod rgya chen po la sems mngon par dga' bar 'gyur zhing gos kyi longs spyod rgya chen po thob pa dang/ zas kyi longs spyod spyod rgya chen po dang/ mal cha dang stan gyi longs spyod rgya chen po dang/ yid kyi longs spyod rgya chen po dang/ gzugs dang sgra dang dri dang ro dang/ reg bya'i longs spyod rgya chen po la sems mngon par dga' bar 'gyur/ /dge slong dag rang gi lag nas sbyin ba'i sbyin pa po'i 'bras bu rnam par smin pa de ltar 'gyur ro/ /dge slong dag dus su sbyin pa'i sbyin pa po'i 'bras bu rnam par smin pa gang zhe na/ dus su sbyin na phyug por 'gyur ro zhes bya ba nas grogs po dang mdza' bo dang nye du dang snag gi gnyen mtsho mas mang po dang ldan par 'gyur ro zhes bya ba'i bar du ste/ de'i longs spyod nyams shing zhig pa dag kyang phyir skye bar 'gyur te/ dge slong dag 'di ni dus su sbyin par byed pa'i sbyin pa po'i 'bras bu rnam par smin pa yin no/ /dge slong dag gzhan la mi gnod par sbyin par byed pa'i sbyin pa po'i 'bras bu rnam par smin pa gang zhe na/ gzhan la mi gnod pa sbyin pa sbyin na phyug por 'gyur ro zhes bya ba nas/ grogs po dag mdza' bo dang nye du dang snag gi gnyen mtshams mang po dang ldan par 'gyur ro zhes bya ba'i bar tu ste/ gang gis longs spyod mang ste brtson 'grus kyi mang po bsags shing rdul dang dri mas lus la khyab ste chos dang ldan zhing chos kyi rnyed pa de dag rgyal po 'am/ rkun po 'am me 'am/ chuAm/ mi dga' ba'i chad pa dag las gang gis kyang 'phrogs par nus pa ma yin te/ dge slong dag gzhan la mi gnod par sbyin pa byed na sbyin pa po'i 'bras bu rnam par smin pa de ltar 'gyur ro/ /mkhas pas dad gus rang lag nas/ /dus su mi gnod sbyin byed na/ /sbyin bdag sbyin pa yangs shing che/ /bskal pa chen po 'byung bar 'gyur zhes bka' stsal to/ /kha dog la sogs phun tshogs dang sa zhes bya ba la/ gleng gzhi ni mnyan du yod pa na'o/ /dge slong dag bzhi pa 'di dag sbyin ba ste/ bzhi gang zhe na/ kha dog dang dri dang ro dag phun sum tshogs pa ma yin pa'i sbyin pa yang yod pa kha dog phun sum tshogs pa yin la dri dang ro phun sum tshogs pa ma yin pa'i sbyin pa yang yod/ kha dog dang dri phun sum tshogs pa yin la ro phun sum tshogs pa ma yin pa'i sbyin pa yang yod/ kha dog dang dri dang ro phun sum tshogs pa'i sbyin pa yang yod do/ /de la gal te 'di lta bu'i sbyin pa kha dog dang dri dang ro phun sum tshogs pa ma yin pa 'di lta bu'i ngo bo'i sbyin pa dag sbyin par byed na phyug por 'gyur te/ nor mang zhing longs spyod che ba dang/ nye bar mkho ba mang ba dang/ pha'i nor mang ba dang/ nor dang 'bru dang gser dang/ sa le sbram dang bang ba dang mdzod mang po dang ldan par 'gyur ro/ /bran pho dang bran mo dang las byed pa'i mi mang po dang/ grogs pa dang mdza' bo dang nye du dang snag gi gnyen mtshams mang po dang ldan par 'gyur gyi/ mdzas shing gzugs bzang bar mi 'gyur te/ grags pa dang stobs che ba dang/ skye bo mang po dga' ba dang yid du 'ong bar mi 'gyur ro/ /dge slong dag 'di lta bu'i sbyin pa sbyin bdag gi 'bras bu rnam par smin pa 'di lta bur de bar bya'o/ /de la gal te 'di lta bu'i sbyin pa kha dog phun sum tshogs pa yin zhing dri dang ro phun sum tshogs pa ma yin pa 'di lta bu'i ngo bo'i sbyin pa dag sbyin par byed na phyug por 'gyur ro/ /zhes bya ba nas/ grogs po dang mdza' bo dang nye du dang snag gi gnyen mtshams mang po dang ldan par 'gyur ro zhes bya ba'i bar tu ste/ mdzes shing gzugs bzang por 'gyur gyi grags pa dang/ stobs che ba dang/ skye bo mang po dga' ba dang yid du 'ong bar mi 'gyur ro/ /dge slong dag 'di lta bu'i ngo bo'i sbyin pa sbyin par byed na rnam pa 'di lta bur re bar bya'o/ /de la gal te 'di lta bu'i sbyin pa kha dog dang dri phun sum tshogs pa yin la ro phun sum tshogs pa ma yin pa de lta bu'i ngo bo'i sbyin pa dag sbyin par byed na phyug por 'gyur ro zhes bya ba nas/ mdza' bo dang grogs po dang snag gi gnyen mtshams mang po dang ldan par 'gyur zhing mdzes shing gzugs bzang ba dang/ grags pa dang stobs che ba can du 'gyur gyi/ skye ba mang po dga' ba dang/ yid du 'ong bar mi 'gyur te/ dge slong dag 'di lta bu'i ngo bo'i sbyin pa sbyin par byed na rnam par smin pa 'di lta bur re bar bya'o/ /de la gal te 'di lta bu'i sbyin pa kha dog dang dri dang ro dang ro phun sum tshogs pa 'di lta bu'i ngo bo'i sbyin pa dag sbyin par byed na phyug por 'gyur ro zhes bya ba nas grogs po dang mdza' bo dang nye du dang snag gi gnyen mtshams mang po dang ldan par 'gyur ro zhes bya ba'i ba du ste/ mdzes shing gzugs bzang ba dang/ grags pa dang/ stobs che ba dang/ skye bo mang po dga' zhing yid du 'ong par 'gyur te/ dge slong dag 'di lta bu'i ngo bo'i sbyin pa dag sbyin par byed na rnam par smin pa 'di lta bur re bar bya'o/ /rnam pa du ma phun tshogs shing/ /ser sna med par sbyin byed na/ /rnam pa du ma phun tshogs pa'i/ /rnam par smin pa so sor bsten/ /mig gis yid 'ong gzugs mthong zhing/ /sgra dang dri dang de bzhin ro/ /lus kyi yid 'ong reg bya dag/ so sor kun tu bsten par 'gyur/ /las kyi rnam smin las skyes pa'i/ /yid kyis chos rnams shes pa dang/ /yid du 'ong ba shes 'gyur gyi/ /nam yang yid du mi 'ong min// rnam pa du ma phun tshogs shing/ /ser sna med par sbyin byed na/ /rnam pa du ma phun tshogs ba'i/ rnam par smin pa so sor bsten/ /lnga tshan lnga pa'i dmigs pa dang/ mi dmigs pa'i tshigs su bcad pa dang/ mu bzhi pa'i mdo'i tshig las 'di dag nye bar bkod pa'o// bcom ldan 'das kyis ji skad du dud 'gro'i skye gnas su gtogs pa brgya la zhes bya ba la sogs pa la/ bcom ldan 'das ser skya'i gzhi n+ya gro sta'i kun dga' ra ba na bzhugs te/ de nas skye dgu'i bdag mo chen mo gau ta mas gos sar pa gser gyi mdog lta bu zung gnyis khyer te/ bcom ldan 'das gang na ba der nye bar song ste nye bar song nas bcom ldan 'das kyi zhabs gnyis la spyi bos phyag byas nas phyogs gcig tu 'dug go/ /phyogs gcig tu 'dug nas skye dgu'i bdag mo chen mos bcom ldan 'das la 'di skad ces gsol to/ /btsun pa gos sar pa gser gyi mdog lta bu zung 'di gnyis bcom ldan 'das kyis mnabs par 'gyur ro zhes bcom ldan 'das kyis phyir dang nyid kyis bgyis pa lags kyis/ 'di dag bcom ldan 'das kyis thugs brtse ba'i slad du bzhes su gsol/ gau ta ma 'di dag dge 'dun la phul cig/ dge 'dun la phul na nga dang dge 'dun gyis longs spyod pa byas par 'gyur lam gnyis lan gsum du bcom ldan 'das la skye dgu'i bdag mo chen mos 'di skad ces gsol to/ /btsun pa gos sar pa gser gyi mdog lta bu zung gnyis po 'di bcom ldan 'das kyis mnabs par 'gyur ro zhes bcom ldan 'das kyi phyir rang nyid kyis bgyis pa lags kyis bcom ldan 'das thugs brtse ba'i slad du 'di dag bzhes su gsol/ bcom ldan 'das kyis kyang lan gnyis lan gsum du skye dgu'i bdag mo chen mo gau ta ma la 'di skad ces bka' stsal to/ /gau ta ma dge 'dun la phul cig/ dge 'dun la phul na nga dang dge 'dun gyis longs spyod ba byas par 'gyur ro/ /de'i tshe tshe dang ldan pa kun dga' bo bcom ldan 'das kyis rgyab logs na rlung yang thogs te/ bcom ldan 'das la rlung g.yob cing 'dug par gyur to/ /de nas tshe dang ldan pa kun dga' bos bcom ldan 'das la 'di skad ces gsol to/ /btsun pa skye dgu'i bdag mo chen mo gau ta ma ni bcom ldan 'das las na pa mang po byed pa ste/ bcom ldan 'das btsas ma thag tu yum sgyu ma dus las 'das te/ rang gi nu ma bsnun cing gsos cher bskyed pa lags kyis/ bcom ldan 'das thugs brtse bar dgongs te gos sar ba gser gyi mdog lta bu zung gnyis po 'di skye dgu'i bdag mo chen mo las bzhes su gsol/ kun dga' bo de de bzhin te/ skye dgu'i bdag mo chen mo gau ta ma ni nga la phan pa mang po byed pa btsas ma thag tu yum sgyu ma dus las 'das te rang gi nu ma bsnun zhing gsos cher bskyed pa yin mod kyi/ 'on kyang nga yang skye dgu'i bdag mo chen mo la phan pa mang po byed pa ste/ de ci'i phyir zhe na/ kun dga' bo dge ba'i bshes gnyen nga dang phrad pas skye dgu'i bdag mo chen mo sangs rgyas la mngon par dad cing chos dang dge 'dun la mngon par dad pa dang/ sangs rgyas la skyabs su song chos dang dge 'dun la skyabs su song/ sangs rgyas la mdza' gcig tu nges/ chos dang dge 'dun la mdza' gcig tu nges/ sangs rgyas dang chos dang dge 'dun la the tshom dang yid gnyis dang bral/ sdug bsngal dang/ kun 'byung dang/ 'gog pa dang lam ma the tshom dang yid gnyis dang bral/ bden pa mthong zhing phyir mi 'ong ba'i 'bras bu rtogs te kun dga' bo gang zag gang zhig gang zag gang zhig dang phrad pas sangs rgyas la mngon par dang/ chos dang dge 'dun la mngon par dang/ sangs rgyas la skyabs su song/ chos dang dge 'dun la skyabs su song/ sangs rgyas la mdza' gcig tu nges/ chos dang dge 'dun la mdza' gcig tu nges/ sangs rgyas dang chos dang dge 'dun la the tshom dang yid gnyis dang bral sdug bsngal dang kun 'byung dang 'gog pa dang lam la the tshom dang yid gnyis dang bral/ bden pa mthong zhing phyir mi 'ong ba'i 'bras bu mngon par rtogs te/ gang zag de la gang zag 'dis ji srid 'tsho'i bar du 'di lta ste/ chos gos dang bsod snyoms dang mal cha dang/ stan dang/ na ba'i gsos sman dang/ nye bar byas pa thams cad kyis lan glan par sla ba ma yin no/ /kun dga' bo dge 'dun du gyur pa'i yon gnas dang gang zag ni bcu bzhi yod de/ dge 'dun du gyur pa yon gnas bdun gang zhe na/ sangs rgyas la mngon du phyogs te dge slong gi dge 'dun la sbyin pa byin na dge 'dun yon gnas yin no/ /dge slong gi dge 'dun la sbyin pa sbyin na dge 'dun yon gnas yin no/ /dge slong ma'i dge 'dun la sbyin pa byin par byed na yang dge 'dun yon gnas yin no/ /gnyi ga'i dge 'dun la sbyin pa byin par byed na dge 'dun yon gnas yin no/ /dge slong gi dge 'dun 'di tsam gshegs shig ces sbyin pa sbyin par byed na yang dge 'dun yon gnas yin no/ /dge slong ma'i dge 'dun 'di tsam gshegs shig ces sbyin pa sbyin par byed na yang dge 'dun yon gnas yin no/ /gnyi ga'i dge 'dun la 'di tsam gshegs shig / ces sbyin pa sbyin par byed na dge 'dun yon gnas yin no zhes pa dang/ kun dga' bo ma 'ongs pa'i dus na sa'i rigs zhes bya ba la mgul ba chos gos tshal bu thogs pa dag 'byung bar 'gyur te/ de la yang bram ze dang khyim bdag gang zhig gis dge 'dun mngon par byas nas bsams shing dge 'dun du dmigs nas sbyin pa dag gtong bar 'gyur/ bsod nams dag byed par 'gyur/ de yang bsod nams kyi sgor 'gyur ro/ /zhes ba smra'o/ /da ltar gyi dge 'dun la bzod pa phun sum tshogs pa/ mdzes pa phun sum tshogs pa/ zhi ba phun sum tshogs pa/ dul ba phun sum tshogs pa/ skyod yul phun sum tshogs pa/ spyod lam phun sum tshogs pa/ spyod yul dang spyod lam phun sum tshogs pa/ tshul khrims phun sum tshogs pa/ ting nge 'dzin phun sum tshogs pa/ shes rab phun sum tshogs pa/ rnam par grol ba phun sum tshogs pa/ rnam par grol ba'i ye shes mthong ba phun sum tshogs pa sbyin pa'i dus su gyur pa/ rab tu sbyin pa'i 'os su gyur pa/ thal mo sbyar bar bya ba/ phyag gi 'os su gyur ba/ 'jig rten gyi bla na med pa'i yon gnas la lta smos kyang ci zhig dgos/ kun dga' bo phyi ral ba la sbyin pa dang/ legs par sbyin pa dang/ mchod sbyin dang/ sbyin pa'i zhing du gyur pa ji ltar dge slong gi dge 'dun yang dag par rjes su ngas ma mthong ngo/ /kun dga' bo 'phags pa'i? dge 'dun la bya ba chung ngu byas kyang ma 'ongs pa'i dus na 'bras bu chen po dang rjes su bsngags pa che zhing rgya che bar 'gyur ro/ /gang zag rnam pa bcu bzhi gang zhe na/ de bzhin gshegs pa dgra bcom pa yang dag par rdzogs pa'i sangs rgyas la sbyin pa sbyin par byed na gang zag so so g.yon gnas yin no/ /rang sangs rgyas la sbyin pa sbyin par byed na gang zag so so yon gnas yin no/ /dgra bcom pa la sbyin pa sbyin par byed na gang zag so so yon gnas yin no/ /dgra bcom pa'i 'bras bu mngon du bya ba'i phyir zhugs pa la sbyin pa sbyin par byed na gang zag so so g.yon gnas yin no/ /phyir mi 'ong ba la sbyin pa sbyin par byed na gang zag so so yon gnas yin no/ /phyir mi 'ong ba'i 'bras bu mngon du bya ba'i phyir zhugs pa la sbyin pa sbyin par byed na gang zag so so yon gnas yin no/ /lan cig phyir 'ong ba la sbyin pa sbyin par byed na/ gang zag so so yon gnas yin no/ /lan cig phyir 'ong ba'i 'bras bu mngon du bya ba'i phyir zhugs pa la sbyin pa sbyin par byed na gang zag so so yon gnas yin no/ /rgyun tu zhugs pa la sbyin pa sbyin par byed na gang zag so so yon gnas yin no/ /rgyun tu zhugs pa'i 'bras bu mngon du bya ba'i phyir zhugs pa la sbyin pa sbyin par byed na gang zag so so yon gnas yin no/ /phyi'i drang srong 'dod pa las 'dod chags dang bral ba la sbyin pa sbyin par byed na gang zag so so yon gnas yin no/ /skyes bu gang zag tshul khrims dang ldan pa la sbyin pa sbyin par byed na gang zag so so yon gnas yin no/ /tshul khrims 'chal ba'i skyes bu gang zag la sbyin pa sbyin par byed na gang zag so so yon gnas yin no/ /dud 'gror song ba'i srog chags la sbyin pa sbyin par byed na gang zag so so yon gnas yin no/ /kun dga' bo de la dud 'gror song ba'i srog chags dag la sbyin pa sbyin par byed na rnam par smin pa brgya 'gyur du re bar bya'o/ /tshul khrims 'chal ba'i skyes bu gang zag la sbyin pa sbyin na rnam par smin pa stong 'gyur du re bar bya'o/ /tshul khrims dang ldan pa'i skyes bu gang zag la sbyin pa sbyin par byed na rnam par smin pa 'bum 'gyur du re bar bya'o/ /phyi'i drang srong 'dod pa las 'dod chags dang bral ba rnams la sbyin pa sbyin par byed na rnam par smin pa bye ba 'bum 'gyur du ra bar bya'o/ /rgyun tu zhugs pa'i 'bras bu mngon du bya ba'i phyir zhugs pa la sbyin pa sbyin par byed na rnam par smin pa tshad med do/ /rgyun tu zhugs pa'i 'bras bu thob pa la byin na ches tshad med do/ /de bas kyang lan cig phyir 'ong ba'i 'bras bu mngon du bya ba'i phyir zhugs pa la byin na ches tshad med do/ /de bas kyang lan cig phyir 'ong ba la byin na ches tshad med do/ /de bas kyang phyir mi 'ong ba'i 'bras bu mngon du bya ba'i phyir zhugs pa la byin na ches tshad med do/ /de bas kyang phyir mi 'ong ba la byin na ches tshad med do// de bas kyang dgra bcom pa'i 'bras bu mngon du bya ba'i phyir zhugs pa la byin na ches tshad med do/ /de bas kyang dgra bcom pa la byin na ches tshad med do/ /rang sangs rgyas dang de bzhin gshegs pa dgra bcom pa yang dag par rdzogs pa'i sangs rgyas la 'bul bar byed pa lta smos kyang ci dgos/ kun dga' bo sbyin pa bzhi po 'di dag ni sbyin pa dag par byed pa bzhi ste/ bzhi gang zhe na/ sbyin pa po yongs su dag la len pa yongs su ma dag pa'i sbyin pa yang yod/ /len pa yongs su dag la sbyin pa po yongs su ma dag pa'i sbyin pa yang yod/ sbyin pa po yang yongs su ma dag cing len pa po yang yongs su ma dag pa'i sbyin pa yang yod/ sbyin pa po yang yongs su dag la sbyin pa len pa po yang yongs su dag pa'i sbyin pa yang yod do/ /sbyin pa po yang yongs su dag pa la len pa po yang yongs su ma dag pa'i sbyin pa gang zhe na/ kun dga' bo 'di ni sbyin pa'i bdag po tshul khrims dang ldan pa sdom pas bsdams pa/ lung mthong na 'bras bu mthong nas 'di ltar lta zhing 'di skad du sbyin pa yang yod do/ /sbyin pa sbyin na 'bras bu rnam par smin pa yod do zhes smra la/ len pa po tshul khrims 'chal cing sdom pas ma bsdams la lung ma mthong la 'bras bu ma mthong nas 'di ltar lta zhing 'di skad du smra ste/ sbyin pa med do/ /sbyin pa sbyin na 'bras bu rnam par smin pa med do zhes smra ba ste/ 'di ni sbyin pa po yongs su dag la len pa po yongs su ma dag pa'i sbyin pa zhes bya'o/ len pa po yongs su dag la sbyin pa po yongs su ma dag pa'i sbyin pa gang zhe na/ kun dga' bo 'di ni sbyin pa'i bdag po tshul khrims 'chal cing sdom pas ma bsdams shing lung ma mthong la 'bras bu ma mthong nas 'di ltar lta zhing 'di smad du smros te/ sbyin pa med do/ /sbyin pa byin pa la 'bras bu rnam par smin pa med zhes smra la/ len pa po tshul khrims dang ldan pa sdom pas bsdams shing lung mthong la 'bras bu mthong nas 'di ltar lta zhing 'di skad du smra ste/ sbyin pa yod do sbyin pa byin pa la 'bras bu rnam par smin pa yod do zhes smra ste/ 'di ni len pa po yongs su dag la sbyin pa po yongs su ma dag pa'i sbyin pa zhes bya'o/ /sbyin pa po yang yongs su ma dag la len pa po yongs su ma dag pa'i sbyin pa gang zhe na/ kun dga' bo 'di ni sbyin pa po tshul khrims 'chal cing sdom pas ma bsdams la lung ma mthong zhing 'bras bu ma mthong nas 'di ltar lta zhing 'di skad du smra ste/ sbyin pa med do/ /sbyin pa byin pa la 'bras bu rnam par smin pa med do zhes smra la/ len pa po yang tshul khrims 'chal cing sdom pas ma bsdams la lung ma mthong zhing 'bras bu ma mthong nas 'di ltar lta zhing 'di skad du smra ste/ sbyin pa med do/ /sbyin pa byin pa la 'bras bu rnam par smin pa med do/ /zhes smra ste/ 'di ni sbyin pa po yang yongs su ma dag la len pa po yang yongs su ma dag pa'i sbyin pa zhes bya'o/ /sbyin pa po yang yongs su dag la len pa po yang yongs su dag pa'i sbyin pa gang zhe na/ kun dga' bo 'di ni sbyin pa po tshul khrims dang ldan pa sdom pas bsdams shing lung mthong la 'bras bu mthong nas 'di ltar blta zhing 'di skad du smra ste/ sbyin pa yod do/ /sbyin pa byin pa la 'bras bu rnam par smin pa yod do zhes smra la/ len pa po yang tshul khrims dang ldan la sdom pas bsdams shing lung mthong la 'bras bu mthong nas 'di ltar lta zhing 'di skad du smra ste/ sbyin pa yod do/ /sbyin pa'i 'bras bu rnam par smin pa yod do zhes smra ste/ 'di ni sbyin pa yang yongs su dag la len pa po yang yongs su dag pa'i sbyin pa zhes bya'o/ /bcom ldan 'das kyis de skad ces gsungs shing/ bde bar gshegs pas de skad ces bka' stsal nas/ ston pas gzhan yang 'di skad ces bka' stsal to/ /gang zhig khrims ldan chos shes dang/ /las 'bras rnam par smin dad pas/ /tshul khrims spangs la sbyin byed na/ /sbyin 'di sbyin pa dag dag ces bya/ /gang zhig khrims bral chos mi shes/ /las 'bras rnam smin dang mi byed/ /tshul khrims ldan la sbyin byed na/ /sbyin 'di len pa dag ces bya/ /gang zhig khrims bral chos mi shes/ /las 'bras rnam smin dang mi byed/ /tshul khrims spangs la sbyin byed na/ /sbyin 'di 'bras bur cher mi brjod/ /gang zhig khrims ldan chos shes dang/ /las 'bras rnam par smin dad pas/ /tshul khrims ldan la sbyin byed na/ /sbyin 'di 'bras bu che zhes brjod/ /las 'bras rnam smin sngon dad pas/ /bran po bran mo 'am bkren pa 'am/ /rang min kun bcas sbyin byed na/ /sbyin 'di skyes bu dam pas bsngags/ /gang zhig lus ngag bsdams bdag nyid/ /lag brkyang bsod snyoms spyod pa yi/ /'dod chags bral la chags bral gyis/ /sbyin na zang zing sbyin pa'i mchog /ces gsungs so/ /bar sdom la/ dran zhing bzod ldan snyoms las med do/ /spyod dang gsong smra tshul khrims ldan/ /de bzhin du rdzas las byung ba'i bsod nams bya ba'i dngos po zhes bya ba la/ lung bar ma'i mdo bdun pa las 'don pa/ mdzod kyi gnas 'di nyid du 'phel dang zhes bya ba der ji skad du bris par blta bar bya'o/ /phan 'dogs pa'i khyad par las ni pha dang ma ste zhes bya ba la/ mdza' bo'i bu mo'i skyes pa'i rabs las gsungs te/ 'di ltar des karSha pa Na bzhi dang brgyad dang bcu drug dang sum cu rtsa gnyis byin pa dang/ rdog pa bsnun pas de la btsun mo rnams kyis bsnyen bkur byas pa dang/ mgo la 'khor lo 'khor ba'i bde ba dang sdug bsngal phan pa dang/ gnod pa'i 'bras bu nyams su myong ngo zhes bya ba la sogs pa bshad do/ /sems can phal cher phan pa byas na gnod pa byed la de'i 'bras bu mi 'dod pa nyid du yang dag par mthong nas de spang bar bya ba'i phyir dom dang ri dwags su skyes pa'i rabs dper brjod par byed de/ byang chub sems dpa' dom du gyur pa na zhag bdun gyi bar du char pa dang rlung byung ste/ shing thun zhig rang gi phug tu bcug ste/ lus la 'khyud cing grang ba bsal te rtsa ba dang 'bras bu'i kha zas dag byin te/ char pa dang rlung zhi ba dang thal mo sbyar nas des smras pa/ jo bo bdag gis phan pa'i lan ci bya ba gsungs shig /des smras pa/ bdag la phan pa'i lan cung zad kyang bya mi dgos kyis gzhan du na gzhan la ma smra bar gar 'dod par song zhig ces smras so/ /des sha cha gnyis la chags pa'i dbang gis rngon pa la smras te/ sha 'gyed par byed pa'i skal pa len par 'dod nas lag pa brkyang ba dang sa la ltung bar gyur to/ /yang byang chub sems dpa' ri dwags gser gyi logs shes bya bar gyur pa na/ skyes bu gzhan zhig 'ching ba dam pos bcings te chu bos khyer ba nyam thag pa'i smre sngags 'don pa zhig bton pa dang/ de smras pa/ phan pa'i lan ci 'dod pa smros shig / khyod kyi nga 'di na 'dug pa su la yang ma smra shig dang 'di tsam gyis phan pa'i las byas par 'gyur ro/ /de nor la chags pas rgyal po dbang po'i sde tshol bzhin pa la/ lha ri dwags kyi dbang po de bdag gis mthong ngo zhes lag pa brkyang ba dang/ las drag cing rtsub pa rnams kyi 'bras bu ni myur du 'byung bas lag pa sa la ltung bar gyur to/ /skyes pa'i rab sa gnyis po 'di dag ni 'dul ba gzhi las ji ltar lhas byin byas pa mi shes shing byas pa mi rig pa de nyon cig ces bya bar brgya byin dbang po sde chen po zhes bya ba'i sdom du rgyas par 'don to/ /mchog ni grol bas grol ba la zhes bya ba la/ gau ta ma'i mdo'i mdza' las tshigs su bcad pa nye bar bkod la/ rtogs pa brjod pa las kyang 'di ltar 'byung ste/ bcom ldan 'das mnyan yod na bzhugs te/ de nas ljongs gzhan zhig nas dge slong zhig mnyan du yod pa 'ongs so/ /de spyod yul mi mkhas pa zhig pas nga'i bsod snyoms gang las rnyed par 'gyur zhes rtog pa na ting nge 'dzin ma rnyed par gyur to/ /de la tshe dang ldan pa shA ri'i bus smras pa/ tshe dang ldan pa sems las chung ngus dge phyogs la sbyor cig dang/ ngas khyod la bsod snyoms sbyin par bya'o/ /de nas dge slong de bdag 'dod chags dang ma bral bar gyur pas ji ltar 'di'i bsod snyoms za zhes brtson 'grus brtsams pa dang dgra bcom pa nyid mngon sum du byas nas tshe dang ldan pa shA ri'i bus bsod snyoms phul lo/ /bcom ldan 'das kyis bka' stsal pa/ dge slong dag sngon byung ba 'das pa'i dus na rims nad ces bya ba'i rgyal po byung ste/ de rnam par rgyal bar byed pa'i yon gnas zhig byung ste/ de lha rnams kyis 'di skad du rgyal po chen po 'di na rnam par rgyal bar byed pa'i yon gnas zhig yod de/ de la bsod snyoms dag phul ces ces smras pa dang/ de gang na gnas zhes mi shes nas ji tsam na rgyal pos grong khyer stong phrag drug cu lo stong phrag drug cur sbyin pa dag byin yang rang sangs rgyas de la bsod snyoms gcig kyang ma phul te/ de ni snga dro bslang nas de'i 'og tu za'i/ dus ma yin par ni mi za ba'i phyir ro/ dge slong dag gang yang rgyal po des grong khyer stong phrag drug cu la lo stong phrag drug cur sbyin pa dag byin pa bas gang yang shA ri'i bus dge slong 'di la sbyin pa byin pa sbyin pa de ni sbyin pa 'di'i brgya'i char yang nye bar mi 'gro'o/ /zhes bya ba'i bar du rgyas par 'byung ngo/ /brgyad pa zhes bya ba la/ gleng gzhi ni mnyan du yod pa na'o/ /sbyin pa ni rnam pa brgyad de/ brgyad gang zhe na/ nye ba la sbyin pa dang/ 'jigs pa la sbyin pa dang/ bdag la sbyin pas sbyin pa dang/ bdag la sbyin par 'gyur bas sbyin pa dang/ sngon bdag gis pha dang mes po ngag gis byin par sbyin pa dang/ mtho ris kyi don du sbyin pa dang/ grags pa'i don du sbyin pa dang/ sems kyis rgyan dang/ sems kyis yo byad dang/ rnal 'byor gyi tshogs dang/ don gyi mchog thob par bya ba'i phyir sbyin pa sbyin pa ste/ de la gal te sems kyi rgyan gyi don dang/ sems kyi yo byad dang/ rnal 'byor gyi tshogs dang/ don gyi mchog thob par bya ba'i don tu sbyin pa 'di ni sbyin pa'i mchog ces brjod do/ /gtso bo zhes brjod do/ /bla ma zhes brjod do/ /'di lta ste/ ba las 'o ma/ 'o ma las zho// zho las mar sar/ mar sar las mar/ mar las mar gyi snying po ni mchog ces bya bar brjod do/ /gtso bo zhes brjod do/ /bla ma zhes brjod do/ /de bzhin du gal te sems kyi rgyan gyi don dang/ sems kyi yo byad kyi don zhes bya bas ni snga ma bzhin du bla ma zhes brjod de zhes bya ba'i bar du ste/ de ci'i phyir zhe na/ 'di lta bu'i rang bzhin gyi sbyin pa sbyin par byed na sems rab tu dang bar 'gyur ro/ /sems rab tu dang ba las dga' ba skye bar 'gyur ro/ /dga' ba las rab tu dga' ba skye bar 'gyur ro/ /rab tu dga' ba las lus sems shin tu sbyangs par 'gyur ro/ /lus sems shin tu sbyangs na bde ba myong bar 'gyur ro/ /bde ba las sems mnyam par 'jog par 'gyur ro/ /sems mnyam par bzhag na yang dag par ji lta ba bzhin shes shing yang dag pa ji lta ba bzhin mthong bar 'gyur ro/ /yang dag pa ji lta ba bzhin shes shing/ yang dag pa ji lta ba bzhin mthong na skyo bar 'gyur ro/ /skyon 'dod chags dang bral bar 'gyur ro/ /'dod chags dang bral na grol bar 'gyur ro/ /grol na rnam par grol ba'i ye shes mthor bar 'gyur te/ bdag gi skye ba zad do/ /tshangs par spyad pa bsten to/ /bya ba byas so/ /srid pa 'di las gzhan mi shes so/ /zhes bya bar 'gyur ro/ /gang phyir dus dang drang po dang/ /rnam pa du ma phun tshogs pa'i/ /ser sna med pas sbyin byed na/ /sbyin pa dag 'bras bu chen por 'gyur/ /sbyin pa legs par sbyin no zhes/ /sems ni rab tu dad bar 'gyur/ /sems rab dang ba'i mkhas pa la/ /dga' ba yang dag skye bar 'gyur/ /dga' ba de las rab dga' skye/ /rab tu dga' ba de lus sems ni/ /shin tu sbyangs pa skye bar 'gyur/ /dran ldan shin tu sbyangs pa la/ /bde ba yang dag myong bar 'gyur/ /sems pa de ting nge 'dzin la ni/ /sems rtse gcig tu 'jog par 'gyur/ sems mnyam 'jog la ji lta bzhin/ /yang dag shes shing mthong bar 'gyur/ /yang dag mthong nas lus la blo?/ /skyo ba yang dag skye bar 'gyur/ /lus la skyo ba'i dran ldan ni/ /yang dag 'dod chags bral bar 'gyur/ /'dod chags zhe sdang gti mug las/ /chags dang bral ba'i mkhas pa ni/ /tshangs par spyod pa rab bsten cing/ /bdag gi skye ba zad mthong 'gyur/ /srid pa 'di las mi shes zhes/ /'di ltar bsngags pa chen po 'gyur/ /gang yang dmigs pa med bcas nas/ /mi g.yo'i go 'phang thob par 'gyur zhes gsungs so/ /mdo las ji skad du/ gang zag bzhi po 'di dag ni tshangs pa'i bsod nams skyes pa zhes bya ba la/ bcom ldan 'das mnyan yod na rgyal byed tshal mgon med zas sbyin gyi kun dga' ra ba na bzhugs te/ de nas bcom ldan 'das kyis/ dge slong rnams la bos te/ gang zag bzhi po 'di dag ni tshangs pa'i bsod nams skyes pa ste/ bzhi gang zhe na/ gang zag gang gis sngon ma byas pa'i sa phyogs su/ de bzhin gshegs pa'i sku gdung dang bcas pa'i mchod rten rab tu gnas par byed de/ gang zag 'di ni/ tshangs pa'i bsod nams skyed pa dang po yin no/ /gzhan yang gang zag gis sngon ma byas pa'i sa phyogs su/ phyogs bzhi'i dge slong gi dge 'dun gyi/ gtsug lag khang rab tu gnas par byed pa ste/ gang zag 'di ni tshangs pa'i bsod nams skyed pa gnyis pa yin no/ /gzhan yang gang zag gis de bzhin gshegs pa'i nyan thos kyi dge 'dun byed pa sdum par byed pa ste/ gang zag 'di ni tshangs pa'i bsod nams skyed pa gsum pa yin no/ /gzhan yang gang zag gang gis/ byams pa dang lhan cig par gyur pa'i sems kho na med pa/ 'gran zla med pa/ gnod pa med pa/ yangs pa rgya che ba/ tshad med pa/ legs par bsgoms te/ phyogs gcig tu khyab par byas nas/ bsgrubs te gnas so/ /de bzhin du gnyis pa dang/ de bzhin du gsum pa dang/ de bzhin du bzhi pa dang/ steng dang/ 'og dang/ logs kyi 'jig rten gyis khams 'di thams cad du/ byams pa dang lhan cig pa'i sems kho na med pa/ 'gran zla med pa/ gnod pa med pa/ yangs pa rgya che ba/ tshad med pa/ legs par bsgoms te phyogs gcig tu khyab par byas nas/ /bsgrubs te gnas so/ /de bzhin du snying rje dang/ dga' ba dang/ btang snyoms dang lhan cig par gyur pa'i sems zhes bya ba nas/ snga ma bzhin du gang zag 'di ni tshangs pa'i bsod nams skyed pa bzhi pa yin no/ /zhes bya ba'i bar du'o/ /zhes gsungs so/ /chos sbyin nyon mongs can min pas zhes bya ba la sogs pa las/ gleng gzhi ni mnyan du yod pa na'o/ /sbyin pa ni rnam pa gnyis te/ chos kyi sbyin pa dang/ /zang zing gi sbyin pa'o/ /sbyin pa 'di ni chung ngu ste/ 'di lta ste/ /zang zing gi sbyin pa'o/ /sbyin pa 'di ni mchog tu gyur pa ste/ 'di lta ste/ chos kyi sbyin pa'o zhes gsungs so/ /chos mngon pa mdzod kyi rnam par bshad pa nye bar mkho ba las/

CLOSE WINDOW