བོད་ཡིག

e-texts based on the ACIP/ALL Input

/ //rgya gar skad du/ sam+ba ra bidsha gi brit+ti/ bed skad du/ sdom pa nyi shu pa'i 'grel pa/ /bam po dang po/ /sdom pa ma lus rgya mtsho yi/ /mthar phyin 'jam pa'i? gsung mnga' la/ /phyag 'tshal nas ni sdom pa'i mchog /nyi shu pa ni gsal bar 'gro la/ /sangs rgyas sras dang bcas pa la/ /gus par phyag 'tshal ci nus mchod/ /phyogs dus kun nas bzhugs pa yi/ /byang chub sems dpa' rnams kyi khrims/ /bsod nams kun gyi gter gyur gang/ /de ni bsam pa dam pa yi/ /bla ma sdom la gnas shing mkhas/ /nus dang ldan las blang bar byas/ /zhes bya ba 'dis byang chub sems dpa' i sdom pa nod pa'i cho ga bstan to/ / byang chub sems dpa' i sa las de skad du 'byung ba'i phyir ro/ /de la byang chub sems dpa' khyim pa 'am/ /rab tu byung ba byang chub sems dpa' i bslab pa'i tshul khrims kyi phung po rnam pa gsum po 'di dag la slob par 'dod cing/ bla na med pa yang dag par rdzogs pa'i byang chub tu smon lam btab pas byang chub sems dpa' i smon lam btab pa'i phyir chos mthun pa sdom pa blangs ba mkhas pa/ dag gi rnam par rig byed kyi don 'dzin pa dang/ go bar nus pa de lta bu'i byang chub sems dpa' i rkang pa gnyis la thog mar phyag byas nas gsol pa gdab par bya ste/ bdag rigs kyi bu khyod las byang chub sems dpa' i tshul khrims kyi sdom pa yang dag par blang ba nod par 'tshal gyis de las gnad pa ma mchis na bdag la thugs brtse ba'i slad du cung zad cig gsan cing stsal ba'i rigs so zhes brjod par bya'o/ /de nas byang chub sems dpa' nus pa des byang chub sems dpa' 'dod pa de la byang chub sems dpa' o sdom pa'i phan yon rgya cher brjod nas/ sdom pa 'dod pa la bslab pa'i gzhi'i lci yang yang dag par brjod cing spro ba bskyed pa yang bya ste/ 'di skad ces brjod par yang bya'o/ /rigs kyi bu khyod nyon cig /khyod 'di ltar sems can ma brgal ba rnams bsgral ba dang/ ma grol ba rnams dgrol ba dang/ dbugs ma phyin pa rnams dbugs dbyung ba dang/ yongs su mya ngan las ma 'das pa rnams yongs su ma dan las 'da' ba dang/ sangs rgyas kyi gdung rgyun mi 'chad par 'dod dam/ de la khyod kyis sems bskyed pa bstan pa dang/ yi dam la brtan par bya'o zhes da ltar mi shes pa'i rigs mthong nas spro ba bskyed pa'i phyir brjod par bya'o/ /de nas 'dod pa des legs par gsol btab nas bla gos phrag pa gcig tu gzar te/ ' das pa dang ma byon pa dang da ltar byung ba'i sangs rgyas bcom ldan 'das rnams dang byang chub sems dpa' sa chen po la bzhugs pa ye shes dang mthu chen po thob pa phyogs bcu na bzhugs pa rnams la mchod pa byas nas de dag gi yon tan rnams kyang mngon sum du byas la snying nas dang ba'i sems sam/ yang na des ci nus pa dang/ rgyu'i stobs ci yod pas chung du yang bskyed la/ de bzhin gshegs pa'i sku gzugs mdun du bzhag ste/ legs par mchod pa byas nas gdung pa'i tshul gyis pus mo'i lha nga sa la gtsugs pa 'am tsog tsog por 'dug kyang rung ste/ byang chub sems dpa' mkhas pa de la 'di skad ces brjod par bya ste/ rigs kyi bu 'am tshe dang ldan pa 'am btsun pas kyang byang chub sems dpa' i tshul khrims kyi sdom pa yang dag par blang ba bdag la stsal du gsol zhes smras nas dran pa rtse gcig tu bzhag ste/ sems dang ba kho na bskyed nas/ de ni bdag gis ring po mi thogs par bsod nams kyi gter chen po bla na med pa zad mi shes shing dpag tu med pa 'thob par 'gyur ro snyam du don de nyid rjes su bsam zhing cad mi smra bar bya'o/ /de ltar zhugs pa'i byang chub sems dpa' de la byang chub sems dpa' mkhas pa bgrer yang rung stan la 'dug kyang rung ste/ des sems ma g.yengs bar 'di skad ces brjod par bya ste/ rigs kyi bu 'am chos kyi spun ming 'di zhes bya ba khyod byang chub sems dpa' yin nam/ byang chub tu smon lam btab bam zhes smros shing/ des kyang lags so zhes khas longs shig de'i 'og tu de la yang 'di skad ces brjod par bya ste/ rigs kyi bu ming 'di zhes bya ba khyod 'das pa'i byang chub sems dpa' thams cad kyi bslab pa'i gzhir gyur pa gang yin pa rnams dang/ tshul khrims su gyur pa gang yin pa dang/ ma 'ongs pa'i byang chub sems dpa' thams cad kyi bslab pa'i gzhir gyur pa gang yin pa rnams dang/ tshul khrims su gyur pa gang yin pa dang/ da ltan phyogs bcu dag na da ltar bzhugs pa'i byang chub sems dpa' thams cad kyang bslab pa'i gzhi gang yin pa rnams dang/ tshul khrims gang yin pa bslab pa'i gzhi gang dag dang/ tshul khrims gang dag la 'das pa'i byang chub sems dpa' thams cad kyis bslab par gyur pa dang/ ma 'ongs pa'i byang chub sems dpa' thams cad slob par 'gyur ba dang/ phyogs bcu dag na da ltar byung ba'i byang chub sems dpa' thams cad da ltar slob pa'i byang chub sems dpa' i bslab pa'i gzhi thams cad dang byang chub sems dpa' i tshul khrims thams cad de/ sdom pa'i tshul khrims dang/ dge ba chos sdud pa'i tshul khrims dang/ sems can gyi don bya ba'i tshul khrims nga las nod dam zhes smros shig /nges kyang nod lags so zhes khas longs shig /byang chub sems dpa' mkhas pa des kyang de ltar lan gnyis lan gsum du brjod par bya'o/ /dris na nod pa'i byang chub sems dpa' des kyang lan gsum gyi bar du khas blangs par bya'o/ /de ltar byang chub sems dpa' mkhas pa nges nod pa'i byang chub sems dpa' de la byang chub sems dpa' i tshul khrims kyi sdom pa yang dag par lan gsum gyi bar du phog ste khas len du yang bcug? nas/ nod pa'i byang chub sems dpa' de ma langs par de bzhin gshegs pa'i sku gzugs de nyid kyi spyan sngar phyogs bcu'i sangs rgyas dang byang chub sems dpa' bzhugs shing 'tsho skyong pa thams cad kyi zhabs la gtugs te thal mo sbyar nas/ 'di ltar mkhyen par mdzed du gsol ba bya ste/ byang chub sems dpa' ming 'di zhes bgyi ba 'dis bdag byang chub sems dpa' ming 'di zhes bgyi ba las byang chub sems dpa' i tshul khrims kyi sdom pa yang dag par blang ba lan gsum gyi bar du ma nos lags te/ bdag ming 'di zhes bgyi ba las byang chub sems dpa' ming 'di zhes bgyi ba 'dis byang chub sems dpa' i tshul khrims kyi sdom pa yang dag par blangs pa la bdag dbang du gyur par phyogs bcu'i 'jig rten gyi khams mdza' yas mu med pa dag tu 'phags pa'i mchog lkog tu gyur kyang/ thams cad du sems can thams cad lkog du ma gyur pa'i thugs mda' ba rnams la mkhyen par mdzad du gsol lo zhes de skad lan gnyis lan gsum gyi bar du brjod par bya'o/ /mkhas pa yin du zin kyang byang chub sems dpa' thams cad las byang chub sems dpa' tshul khrims kyi sdom pa yang dag par blang ba de mnod par mi bya ste/ dad pa med pa gang thog mar tshul khrims kyi sdom pa yang dag par blang pa 'di la ma mos shing mi 'jug la mi rtog pa las kyang nod par mi bya'o/ /brkam chags can dang/ chags pas zil gyis nan pa dang/ 'dod pa che ba dang/ cho ga mi shes pa las kyang mnod par mi bya'o/ /tshul khrims nyams pa dang/ bslab pa dag la gus par mi byed de lhod pa dag las kyang mnod par mi bya'o/ /khro ba dang/ kho na du 'dzin pa dang/ mi bzod pa shas che ba dang/ pha rol gyi nyes pa mi bzod pa las kyang mnod par mi bya'o/ /snyoms las can dang/ la lo can dang/ shas cher nyin mtshan du gnyid kyi bde ba dang/ blos 'babs pa'i bde ba dang/ nyal ba'i bde ba nyams su len pa dang/ 'du 'dzi'i gtam gyis dus yol bar byed pa las kyang gnod par mi bya'o/ /sems rnam par g.yengs te/ tha na ba 'jos tsam gyi bar du yang dge ba la sems rtse gcig tu bsgom mi nus pa las kyang mnod par mi bya'o/ /yid rtul po dang/ rmongs pa'i rang bzhin can dang/ ha cang sems zhum pa dang/ byang chub sems dpa' i mdo sde'i sde snod dang/ byang chub sems dpa' i mdo sde'i sde snod kyi ma mo la skur pa 'debs pa las kyang mnod par mi bya'o/ /byang chub sems dpa' sdom pa yang dag par blang ba'i cho ga 'di bzung zhing kun chub par byas kyang byang chub sems dpa' i sde snad la sdang zhing ma dang pa'i sems can rnams la gya tshom du bsgrags par mi bya zhing shes par mi bya'o/ /de ci'i phyir zhe na 'di ltar de dag gis thos na/ ma mos shing mi shes pa'i sgrib pa chen pos bsgribs pas skur pa 'debs par 'gyur ba'i phyir te/ de la skur pa 'debs pa de ni sdom pa la gnas pa'i byang chub sems dpa' bsod nams kyi phung po dpag tu med pa tsam dang ldan par gyur pa tsam du de ni sdig pa'i tshig dang/ sdig pa'i lta ba dang/ sdig pa'i kun du rtog pa de dag ji srid du thams cad kyi thams cad du ma spangs kyi bar du bsod nams ma yin pa'i phung po dpag tu med pa de tsam kho na dang ldan par 'gyur ro/ /byang chub sems dpa' i tshul khrims kyi sdom pa yang dag par blang bar 'dod pa la snga nas byang chub sems dpa' i mdo sde'i sde snod kyi ma me 'di las byang chub sems dpa' i slab pa'i gzhi rnams dang/ nyes pa'i gzhi gang dag bstan pa de dag bskrags par bya ste/ gal te snying nas brtags shing shes rab kyi so sor brtags nas spro bar 'gyur la/ pha rol gyis yang dag par 'dzin du bcug pa'i phyir yang ma yin/ pha rol dang 'gran pa'i phyir yang ma yin na/ byang chub sems dpa' brtan po yin par rig par bya ste/ tshul khrims kyi sdom pa yang dag par blang ba 'di cho ga 'di bzhin du des kyang mnod par bya zhing de la dbog par yang bya'o/ /byang chub sems dpa' tshul khrims kyi sdom pa yang dag par blang ba'i las de yongs su rdzogs nas byang chub sems dpa' de gnyigs phyogs bcu'i 'jig rten gyi khams mdza' yas mu med pa dag na bzhugs pa'i sangs rgyas dang byang chub sems dpa' di dag la mchod pa byas la gtugs te sdang bar bya'o/ /byang chub sems dpa' i tshul khrims kyi sdom pa yang dag blangs pa 'di ni tshul khrims kyi sdom pa yang dag par blangs pa thams cad las khyad par 'phags pa yin te/ bla na med pa dang bsod nams kyi phung po dpag tu med pa dang ldan pa dang/ sems kyi bsam pa mchog tu dge bas bskyed pa dang/ sems can thams cad la nyes par spyod pa rnam pa thams cad kyi gnyen por gyur pa yin no/ /so sor thar pa'i sdom pa yang dag par blangs pa dag ni 'di lta ste/ bsod nams yongs su bzung ba la brten nas tshul khrims kyi sdom pa yang dag par blang ba de'i brgya'i char yang nye bar mi 'gro'i/ /stong gi cha dang/ grangs dang/ cha dang/ bgrang pa da/ dpe dang rgyur yang nye bar mi 'gro'o/ /gzhan yang phan yon 'di dag yod de/ de tshe de la dge ba'i phyir/ /rgyal ba sras dang bcas rnams kyi/ /dge ba'i thugs kyi brtags par yang/ /bu sdug 'dra bar dgongs par 'gyur pa 'di ni chos nyid yin te/ de ltar tshul khrims kyi sdom pa yang dag par blang ba'i las yongs su rdzegs ma thag tu phyogs bcu'i 'jig rten gyi khams mdza' yas mu med pa dag na de bzhin gshegs pa rnams dang/ sa chen por tshung pa'i byang chub sems dpa' bzhugs te/ 'tsho skyong ba rnams la gang gi de dag 'di snyam du byang chub sems dpa' byang chub sems dpa' i tshul khrims kyi sdom pa yang dag par blang ba yang dag par mnos so snyam du dgongs par 'gyur ba de lta bu'i ltas 'byung bar 'gyur ro/ /de'i rjes la de dag kyang byang chub sems dpa' de la dgongs pa 'gyur te/ dgongs par gyur na ye shes gzigs pa 'jug go /de dag gis ye shes gzigs pa des 'di ltar byang chub sems dpa' ming 'di zhes bya p as 'jig rten gyi khams che go mo zhig tu byang chub sems dpa' ming 'di zhes bya ba las byang chub sems dpa' i tshul khrims kyi sdom pa yang dag par blang ba legs par mnos so zhes bya bar de ltar yang dag pa ji lta ba bzhin du thugs su chud par 'gyur te/ de dag thams cad kyang de la bu dang 'dra ba dang/ spun dang 'dra bar dgongs pa bzang pos so so nas thugs brtse bar mdzad do/ /de ltar dgongs pa bzang bos so so nas thugs brtse bar mdzad pa'i byang chub sems dpa' de'i dge ba'i chos rnams ni rgya cher 'phel bar 'gyur te/ nyams par mi 'gyur bar shes par bya'o/ /tshul khrims kyi sdom pa yang dag par blangs par mkhyen par gsol ba de yang de dag gi thugs su chud par rig par bya'o/ / byang chub sems dpa' i tshul khrims kyi sdom pa yang dag par blangs pa la gnas pa'i byang chub sems dpa' des 'di ltar bdag nyid kyis kyang brtag cing 'di ni byang chub sems dpas bya ba'i cha yin no/ /'dis ni bya ba'i cha ma yin no snyam nas/ de phyin chad de kho na bzhin du las su bsgrub par bya zhing bsrung bar bya'o/ /byang chub sems dpa' i mdo sde'i sde snod las kyang bsgrims te mnyan pa 'am/ /yang na byang chub sems dpa' i mdo sde'i sde snod kyi ma mos bsdus pa 'di las kyang mnyan to/ 'di ltar bcom ldan 'das kyis mdo sde de dang de dag tu byang chub sems dpa' rnams kyi bslab pa'i gzhi stong phrag du ma gsungs pa dag bsgrub pa'i phyir de kho na bzhin du bslab par bya'o/ /de la bya ba'i cha yin pa dang/ bya ba'i cha ma yin pa gang yin pa de yang mdor bsdus te smras pa/ gzhan rnams dang ni bdag la rung/ /sdug bsngal yin yang gang ba na dang/ /phan dang bde ba rnams bya ste/ /bde yang mi phan mi bya'o/ /de la phan pa ni tshe phyi ma la phan pa'o/ /bde ba ni bde bar tshor pa'o/ /bde ba rnams bya ste zhes bya ba spyir bshad pa 'di dgrol ba ni sdug bsngal yin yang gang byas na phan pa nyid du 'gyur na bya dgos te/ dper na smad pa'i yul la nye bar spyod pa las bkag na sdug bsngal du 'gyur ba lta bu ste/ de ni sman tsha ba nad pa bdag la phan par mi shes pa bdag la gnod du zin kyang de ni gnod par 'gyur ba gcig nas gcig tu brgyud pa'i gnyen por gyur pa ste/ tshe phyi ma la phan par 'gyur ro/ /de bas snying rje dang ldan pa rnams kyis bya ba'i cha yin pa nyid do/ /gang bde ba yin yang tshe phyi ma la gnod par 'gyur ba'i rgyu yin pa'i phyir tshe phyi ma la mi phan pa ni dper na smad pa'i yul la nye bar spyod pa'i bde ba ni 'phral gyi tshor ba bde ba myong ba tsam du zad de/ de ni 'phral gyi nyams dga' ba yin du zin kyang/ sdug bsngal mang po 'phel bar 'gyur te/ dper na 'bras sa lu'i chan dug dang 'dres pa bzhin no/ /de bas na snying rje can rnams kyis bya ba'i cham yin no/ /de la tshul khrims kyi sdom pa la gnas pa'i byang chub sems dpa' la pham pa'i gnas lta bur gyur pa'i chos bzhi yod de/ /de dag bstan par bya ba'i phyir/ /nyon mongs drag las byung ba yis/ /sdom pa zhig par gang gyur pa/ /de yi nyes pa bzhi po ni/ /pham par 'dra bar dgongs pa yi/ /zhes bya ba 'di smras so/ /pham pa'i gnas lta bur gyur pa'i chos 'di dag las gang yang rung ba'i chos gcig lan cig byas na yang de tshe 'di nyid la byang chub sems dpa' i chogs rgya chen po la sogs pa dang/ yongs su 'dzin pa'i skal ba med par 'gyur na thams cad byas na lta ci smos tshe 'di nyid la bsam pa rnam par dag par 'gyur ba'i skal ba med de/ de ni byang chub sems dpa' ltar bcos pa yin gyi/ yang dag pa'i byang chub sems dpa' ma yin no/ /pham pa'i gnas lta bu 'di dag kyang kun nas dkris pa chung du dang/ 'bring zhes tshul khrims kyi sdom pa yang dag par blangs pa de byang chub sems dpas btang bar mi 'gyur ro/ /kun nas dkris pa chen pos ni btang bar 'gyur te/ gang gi phyir byang chub sems dpa' 'pham pa'i gnas lta bu'i chos bzhi po 'di dag rgyun ma chad pa kun tu spyod pa dang/ ngo tsha shes pa dang/ khrel yod pa chung du tsam yang mi skyed pa dang/ des mgu par byed cing dga' ba dang/ de nyid la yon tan du lta ba can du gyur pa 'di ni kun nas dkris pa chen po yin par rig par bya'o/ /mdor bsdu na rgyu gnyis kho nas byang chub sems dpa' i tshul khrims kyi sdom pa yang dag par blangs pa btang bar 'gyur te/ bla na med pa yang dag par rdzogs pa'i byang chub tu smon pa yongs su btang ba dang/ pham pa'i gnas lta bu'i chos kyi kun nas dkris pa chen po kun tu spyod pa'o/ /de la byang chub kyi sems btang bas byang chub sems dpa' i sdom pa btang bar 'gyur ba ni gtso bo btang ba'i phyir te/ sangs rgyas btang bas dge slong gi sdom pa btang ba gzhin no/ /'o na 'dir yang de btang bas sdom pa nyams pa'i rgyur 'gyur bar ci'i phyir mi bshad go bla ba'i phyir ma bshad do/ /gtso ba bstan par byas pa la phas pham pa'i chos bstan pa'i phyir yang ma bshad do/ /byang chub sems dpa' gang? gis smon lam yang ma btang la phan pa'i gnas lta bu'i chos rnams kyi kun nas dkris pa chen po yang kun du ma spyad na cho rjes su zin kyang 'og dang/ steng dang thad ka thams cad du skyes pa'i byang chub sems dpas byang chub sems dpa' i tshul khrims kyi sdom pa yang dag bar blang pa spong bar mi 'gyur ro/ /byang chub sems dpa' tshe rjes su brjed na'ang dge ba'i bshes gnyen bsten pa la brten nas dran pa gso pa'i phyir yang dang yong du gnod par byed par zad kyi gsar du yang dag par len par byed pa ni ma yin no/ /nyes pa bzhi po de dag kyang gang zhe na/ rnyed dang bkur sti chags pa yi/ /bdag bstong gzhan la smod pa dang/ /sdug bsngal mgon med gyur pa la/ /ser sna chos nor mi ster dang/ /gzhan gyis bshags kyang mi nyan par/ /khro nas gzhan la tshog pa dang/ /theg pa chen po spong byed cing/ /dam chos 'drar snang ston pa'o/ /de la rnyed pa dang bkur sti la lhag par zhen ste bdag la bstod pa dang/ gzhan la smod pa ni byang chub sems dpa' i pham pa'i gnas lta bu'i chos dang pa'i? longs spyod dag yod de bdog bzhin du chags pa'i rang bzhin can gyis sdug bsngal dang/ bkres pa dang mgon med pa dang rten pa'i slong ba po legs par slong zhing 'ongs pa rnams la snying sra bas zang zing mi gtong ba dang/ chos la ser sna byed pa'i phyir legs par don du gnyer la 'os pa rnams la chos mi ston pa ni byang chub sems dpa' i pham pa'i gnas lta bu'i chos gnyis pa'o/ /gang gis byang chub sems dpa' la tshig rtsub mo smras ba tsam gyis gtong bar mi byed de/ khro ba'i kun nas dkris pa de lta bu 'phel bar byed la/ khro bas zil gyis non nas lag pa 'am/ bong ba 'am/ dbyug pas sems can rnams la brdog par byed/ rnam par 'tshe bar byed/ rnam par mtho 'tsham par byed la/ khro ba'i bsam pa bdo ba kho na zhe la bzung ste gzhan dag gi shad kyis sbyangs kyang mi nyan cing mi bzod la bsam pas mi gtong ba 'di ni/ byang chub sems dpa' i pham pa'i gnas lta bu'i chos gsum ba'o/ /byang chub sems dpa' i sde smod la skur pa 'debs pa dang/ bdag nyid dam gzhan dag gi g.yem la dam pa'i chos ltar bcos pa la mos nas/ dam pa'i chos ltar bcos pa dag la dga' ba dang/ rton pa dang/ 'jog pa ni byang chub sems dpa' i pham pa'i gnas lta bu'i chos bzhi ba'o/ /de ni 'di dpyad par bya ste/ gal te byang chub sems dpas pham pa'i gnas lta bu lan cig spyad pas byang chub sems dpa' i tshul khrims kyi sdom pa btang bar gyur pa dper na dge slong so so thar pa'i sdom pa las pham pa'i chos byung ba ltar gyur na/ de ci byang chub sems dpas yang dag par blangs par gyur pa des de 'di ltar dge slong so sor thar pa'i sdom pa las pham pa byung ba bzhin du tshe 'di nyid la yang dag par blang ba'i skal ba med pa yin nam zhe nam yin te/ sdom pa slar yang blang bar bya zhes bya ba smos so/ /de ltar chog sngar bshad pa bzhin du sdom pa slar yang mnod par bya'o/ /yang na thabs gzhan yang yod de/ des mnod par bya'o/ /de yang byang chub sems dpa' i sa las gal te yon tan de dag dang ldan pa'i gang zag med par gyur na/ byang chub sems dpas de bzhin gshegs pa'i sku gzugs kyi spyan sngar bdag nyid kyis byang chub sems dpa' i tshul khrims kyi sdom/ /yang dag par blang bar bya ste /'di ltar spyan sngar bla gos phrag pa gcig tu gzar nas pus mo g.yas pa'i lha ngas la gcugs sam/ /tsog tsog por 'dug kyang rung ste 'di skad du/ bdag ming 'di zhes bgyi ba phyogs bcu'i de bzhin gshegs pa dang/ sa chen po la bzhugs pa'i byang chub sems dpa' thams cad la gsol ba 'debs te/ /de dag gis spyan sngar byang chub sems dpa' i bslab pa'i gzhi thams cad/ byang chub sems dpa' i tshul khrims thams cad de/ sdom pa'i tshul khrims dang/ dge ba'i chos sdud pa'i tshul khrims dang/ sems can gyi don bya ba'i tshul khrims gang la 'das pa'i byang chub sems dpa' thams cad kyis bslabs pa dang ma 'ongs pa'i byang chub sems dpa' thams cad slob par 'gyur ba dang/ phyogs bcu na da ltar byung ba'i byang chub sems dpa' thams cad da ltar slob ba rnams bdag gis yang dag par bslang ngo zhes brjod par bya ste lan gnyis lan gsum du brjod nas ldang bar bya'o/ /lhag ma thams cad ni snga ma bzhin rigs par bya'o zhes 'byung do/ /thog ma yang de lta bu'i gang zag med par gyur na de ltar mnod par bya'o/ /nyon mongs pa drag po las nyes pa gyur ba rnams slar bslab pa'i cho ga bshad pa ni de yin no/ /nyon mongs pa 'bring las byung ba rnams ji ltar bya zhe na/ zag pa 'bring ni gsum la bshags/ zhes bya ba smras te/ gal te byang chub sems dpa' kun nas dkris pa 'bring gis pam ba'i gnas lta bu'i chos byas par gyur na/ de ni nyes byas kyi nyes pa yin te/ des nyan thos kyi theg pa pa yang rung/ byang chub sems dpa' i theg pa yang rung ste /gang zag gsum 'am/ de las lhag kyang rung/ gang dag tshig de brda phrad cing/ 'dzin nus ba rnams la bshags pa bya ste/ mdun du 'dug nas thog mar dngos po brjod do/ /'di skad ces tshe dang ldan pa rnams dgongs su gsol/ /bdag ming 'di zhes bgyi ba la ji skad du yongs su brjod pa'i gzhi las byang chub sems dpa' i 'dul ba dang 'ga' bnyes byas kyi nongs ba byung ste zhes brjod la/ de dag che dang ldan pa rnams la bdag bshags shing mthol te 'chab bo/ /bshags shing mthol bas bdag bde bar gnas par 'gyur gyi/ ma bshags ma mtho lan bde bar gnas mi 'gyur ro/ /khyod kyis 'di rnams nyes par mthong ngam zhes smras na mthong ngo zhes smra bar bya'o/ /phyis kyang sdom par byed dam zhes smra na chos bzhin 'dul ba bzhin du shin tu legs par spyi pos mnod par bgyi'o zhes de ltar lan gnyis lan gsum du brjod par bya'o/ /de ste kun nas dkris ba chung dus gang pham pa'i gnas lta bu'i chos byas par gyur na des ji ltar bya zhe na/ gcig gi mdun du lhag ma rnams zhes bya ba smras te/ lhag ma rnams ni zag pa chung dus byas pa'i nyes pa rnams te nyes byas su gtogs pa nyid de do dag ni gang zag gcig gi mdun du bshags par bya'o/ /snga ma bzhin du dngos po brjod nas/ tshe dang ldan pa dgongs su gsol/ /bdag ming 'di zhes bgyi ba la sogs pa smra bar bya'o/ /de nas gang 'og nas 'byung ba'i nyes pa nyon mongs pa can dang/ nyon mongs pa med pa nyes byas su gtogs pa dkon mchog gsum la mchod pa ma byas pa la sogs la de dag la ji ltar bya zhe na/ nyon mongs mi mongs bdag sems bzhin/ zhes bya ba smras te gcig gi mdun du yang bshags par bya'o zhes bya ba dang sbyar ro/ /bdag rang gi sems la ji lta ba bzhin du gyur pa ni bdag sems bzhin no/ /'di ltar rjes su mthun pa'i gang zag med na bdag gi sems kyi mdun du bshags par bya ste/ bdag gi sems gcig tu khrel yod pa dang/ ngo tsha shes pa dang/ dul pa dang/ zhi ba dang/ phyis mi bya ba'i bsam pa can dbang du gyur bar byas la bshags par bya ba de bzhin du gang zag gcig gi mdun du yang bshags par bya'o zhes bya ba'i tha chig ? bdag gi sems bzhin zhes bya ba'i dpe bstan pas kyang nyes pa byung ba gso ba'i thabs gzhan bshad pa yin no/ /byang chub sems dpa' i sde snod kyi ma mo las kyang gang gis mdun du bshags par bya ba'i dge slong mthun pa de lta bu med na yang byang chub sems dpas bsam pa thag pa nas phyis nyes pa mi 'byung bar sems bskyed cing phyis kyang bsdams par bya'o/ /de ltar byas na de nyes pa de las tshangs par bshad par bya'o/ /tshul 'di ni sngar bshad ba'i nyes pa zag pa 'bring dang chung du las byung ba rnams la yang shes par bya'o/ /nyon mongs pa can dang nyon mongs can ma yin pa'i nyes pa de dag kyang gang yin zhes dris pa dang/ de dag rgyas par bstan pa rtsom ste/ dkon mchog gsum la gsum mi mchod ces smras so/ /de ltar byang chub sems dpa' byang chub sems dpa' i tshul khrims kyi sdom ba la gnas pa nyin gcig de bzhin du de bzhin gshegs pa 'am / de bzhin gshegs pa 'am/ de bzhin gshegs pa'i mchod rten nam/ chos sam chos kyi glegs bam du byas pas byang chub sems dpa' i mdo sde'i sde snod dam/ byang chub sems dpa' i mdo sde'i sde snod kyi ma mo 'am/ dge 'dun la yang rung ste/ phyogs bcu dag nas chen por chud pa'i byang chub sems dpa' rnams kyi dge 'dun gang yin pa la mchod pa'i bya ba chu du 'am/ chen po ci yang rung ste/ tha na lus kyis phyag gcig tsam 'tshal ba dang/ chos dang dge 'dun gyi yon tan rnams las brtsams te chig bzhi ba'i tshigs su bcad pa gcig tsam tshigs du brjod pa dang/ tha na sems kyi sangs rgyas dang chos dang dge 'dun gyi yon tan rjes su dan pa sngon du 'gro ba'i dang pa gcig tsam yang ma byas par nyin mtshan 'da' bar byed nyes pa dang bcas shing 'gal ba dang bcas par 'gyur te/ gal te ma gus pa dang/ snyom las dang/ le lo nyes pa byung na ni nyon mongs pa can gyi nyes bar 'gyur ro/ /gal te brjod pas nyes pa byung na ni nyon mongs ba can ma yin pa'i nyes par 'gyur ro/ /sems 'khrugs pa la ni nyes pa med do/ /'dod pa'i sems kyi rjes su 'jug /nyes pa zhes bya ba thams cad du sbyar par bya ste/ de dag thams cad kyang nyes byas nyid do/ /gang gi phyir byang chub sems dpa' i sdom? pa la nyes pa'i rigs gnyis su zad pa 'byung ste/ pham pa'i gnas lta bu'i chos su gtogs pa dang/ nyes byas kyi chos su gtogs pa'o/ /dge slong gi sdom pa las nyes pa'i rigs lnga 'byung ba lta ba ni ma yin no/ /de la byang chub sems dpa 'dod pa che ba dang/ chog mi shes pa dang/ rnyed pa dang bkur sti la chags pa 'byung ba dang du len par byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /de spang ba'i phyir 'dun pa skyes shing brtson 'grus rtsom pa de'i gnyen po yongs su 'dzin pas de'i gags la gnas pa rang bzhin gyi nyon mongs pa shas che ba'i phyir zil gyis mnan nas yang nas yang du kun tu sbyod pa la nyes pa med do/ /rgan pa rnams la gus mi byed dris pa la ni lan mi 'debs/ /byang chub sems dpa' ches rgan zhing yon tan dang ldan la bkur sti bya bar 'os pa chos mthun pa mthong nas nga rgyal gyi non tam/ kun nas mnar sems kyi sems dang ldan nam/ khong khro ba'i sems dang ldan yang rung ste/ langs shing stan mi stobs pa dang/ gzhan dag smra zhing kun tu smra la yang dag par dga' bar byed cing 'dri ba la nga rgyal kho nas non tam/ kun nas mnar sems kyi sems dad ldan nam/ khong khro ba'i sems dang ldan yang rung ste/ rigs pa'i tshul gyis tshig slar brjod par mi byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /gal te nga rgyal gyis non pa ma yin/ kun nas mnar sems dang ldan pa ma yin/ khong khro ba'i sems dang ldan pa ma yin yang rung te snyoms las dang/ le lo 'am/ lung du ma bstan pa'i sems sam/ brjed pas byas na nyes pa dang bcas shing 'gal ba dang bcas pa kho nar 'gyur gyi/ nyon mongs pa can gyi nyes par ni mi 'gyur ro/ /nad tshabs che ba 'am sems 'khrugs pa la nyes pa med do de nyid kyis log pa la sad ba'i 'du shes kyi phrad du 'od pa dang/ smra ba dang/ kun tu smra ba dang/ yang dag par dga' bar byed pa dang 'dri ba la nyes pa mod do/ /gzhan dag la chos ston tam/ 'bel ba'i gtam rnam par gtan la 'bebs pa la brtson pa la nyes pa med de/ de ma yin pa gzhan dag yang dag par byed na nyes pa med do/ /gzhan dag la chos ston tam/ 'bel ba'i gtam rnam par gtan la 'bebs pa la rna blags te nyan na nyes pa med do/ /chos kyi tam la mi dga' bar 'gyur ba dang chos smra ba'i sems srung na nyes pa med do/ /thabs des sems can de dag dul bar byed cing 'dul ba la mi dge ba'i gnas nas bslang de dge ba'i gnas la 'god na nyes pa med do/ /dge 'dun gyi nang khrims srung na nyes pa med do/ /gzhan mang po rnams kyi sems srung na nyes pa med do/ /mgron pos 'dag gi rim byed cing/ /byang chub sems dpa' gzhan dag gis khyim 'am/ gtsug lag khang gzhan nam/ khyim gzhan dag tu zas dang skom dang/ gos la sogs pa yo byad rnams las nga rgyal gyis non tam/ kun nas mnar sems kyi sems dang ldan nam/ khong khro ba'i sems dang ldan yang rung ste/ mi 'gro zhing bos pa bdag gir ma byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /gal te nga rgyal kyis non ba ma yin/ kun nas mnar sems dang ldan pa ma yin/ khong khro ba'i sems dang ldan pa ma yin yang rung ste/ snyoms las dang le lo'i dbang gis ma song na ni nyon mongs pa can ma yin pa'i nyes par 'gyur ro/ /na ste mi nus pa 'am sems 'khrugs pa la nyes pa med do/ /yul 'dzad ma ring du gyur pa dang/ lam na 'jigs pa yod na nyes pa med do/ /thabs des dul bar 'dod cing 'dul bar 'dod la mi dge ba'i gnas nas bslang ste dge ba'i gnas su 'jog par 'dod na nyes pa med do/ /sngar gzhan la khas blangs na nyes pa med do/ /rgyun tu dge ba'i phyogs la brtson te dge ba'i phyogs kyi bar chad du 'gyur ba bsrung ba'i phyir ma song na nyes pa med do/ /chos kyis don sngon ma thos pa don dang ldan pa mnyan pa las nyams par 'gyur du dogs pa'i phyir ma song na nyes pa med do/ /chos kyi don mnyan pa ji lta ba bzhin du 'bel ba'i gtam rnam par gtan la 'bebs pa la yang de dang 'dra bar rig par bya'o/ /mtho 'tsham pa'i bsam pas bos na nyes pa med do/ /gzhan mang po dag gi kun nas mnar sems kyi sems srung na nyes pa med do/ /dge 'dun gyi nang khrims srung na nyes pa med do/ /gser la sogs pa len mi byed/ byang chub sems dpa' gzhan dag la gser dang/ dngul dang/ nor bu dang/ mu tig dang/ bai Dru rya la sogs pa nor gyi sa grangs rnam pa sna tshogs mang po mchog rnams thob cing dus kyi bstabs pa las kun nas mnar sems kyi sems dang ldan nam/ khong khro ba'i sems dang ldan pas len du mi btub cing spong bar byed na nyes pa dang bcas shing 'gal ba dang bcas par 'gyur te/ sems can yal bar 'dor pa'i phyir nyon mongs pa can gyi nyes par 'gyur ro/ /snyom las dad le los len par mi byed na nyes pa dang bcas shing 'gal ba dang bcas par ni 'gyur la/ nyon mongs pa can gyi nyes par ni mi 'gyur ro/ /sems 'khrugs pa la nyes pa med do/ /de blang bas sems chags par 'gyur bar mthong na nyes pa med do/ /de phyis 'gyod par 'gyur du dogs na nyes med do/ /des sbyin pa 'khrul du dogs na nyes pa med do/ /kun tu 'dzin pa gtad pa de'i rgyus sbyin bdag dbul zhing 'phongs par 'gyur du dogs na nyes pa med do/ /dge 'dun nam mchod rten gyi yin du dogs na nyes pa med do/ /gzhan las mi rigs par phrogs pa yin du dogs te/ rgyu des de dag bsad pa 'am/ bcings pa 'am/ chad pas bcad pa 'am/ gnod par 'gyur ba 'am/ smad par 'gyur ba zhig yin na nyes pa med do/ /chos 'dod pa la sbyin mi byed/ byang chub sems dpa' gzhan chos 'dod pa rnams la kun nas mnar sems dang ldan nam/ khong khro ba'i sems dang ldan nam rang bzhin gyi phrag dog can yin yang rung ste/ chos sbyin par mi byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /snyoms las dang le los sbyin par mi byed na nyes pa dang bcas shing 'gal ba dang bcas par ni 'gyur la/ nyon mongs pa can gyi nyes par ni mi 'gyur ro/ /mu stegs can glags 'tshol ba la ma byin na nyes pa med do/ /nad tshabs che ba dang/ sems 'khrugs pa la nyes pa med do/ /thabs des 'dul bar byed 'dod cing dul bar 'dod la/ mi dge ba'i gnas nas bslang ste dge ba'i gnas su 'god par 'dod na nyes pa med do/ /chos mi shes na nyes pa med do/ /gal te ma gus shing zhe sa med la spyod lam ngan pas nod pa la ma byin na nyes pa med do/ /dbang po rtul po chos rgya chen po bstan pa chos ston pas skrag cing log par lta ba dang/ log par mngon par zhen pa dang/ gnod pa dang/ nyams par 'gyur du dogs na nyes pa med do/ /de'i lag tu song na gzhan snod du ma gyur pa rnams chos 'phel du dogs na nyes pa med do/ /tshul khrims 'chal rnams yal bar 'dor/ byang chub sems dpa' sems can ma rungs pa rnams dang/ tshul khrims 'chal pa rnams ma rungs pa yin pa dang/ tshul khrims 'chal pa yin pa'i rkyen gyis kun nas mnar sems kyi sems dang ldan nam/ khong khro ba'i sems dang ldan pas yal bar 'dor na/ khyad du gsod na nyes pa dang bcas shing 'gal ba dang bcas par 'gyur te/ nyon mongs pa can gyis nyes par 'gyur ro/ /snyom las dang le los yal bar bor ba dang/ brjed pas khyad du bsad na nyes pa dang bcas shing 'gal ba dang bcas par ni 'gyur la/ nyon mongs pa can gyi nyes par ni mi 'gyur ro/ /de ci'i phyir zhe na/ byang chub sems dpa' ni sems can ma rungs pa rnams dang/ tshul khrims 'chal ba rnams dang/ sdug bsngal gyi rgyu la gnas pa rnams la ji ltar snying brtse ba'i sems dang/ byed 'dod pas nye par gnas pa lta bur tshul khrims dang ldan zhing lus dang dag dang yid kyi las kyi spyod pa zhi ba la ni de lta ma yin pa'i phyir ro/ /sems 'khrugs pa la nyes pa med do/ /thabs des do 'dul bar byed 'dod pa nas snga ma bzhin te nyes pa med do/ /gzhan mang po dag gi sems srung na nyes pa med do/ /dge 'dun gyis nang khrims srung na nyes pa med do/ /pha rol dad phyir slob mi byed/ sems can don la byang chub sems dpa' ni bcom ldan 'das kyis gzhan dag gi sems bsrung ba'i phyir ma dad pa rnams dad par bya ba dang/ dad pa rnams phyir zhing 'byung bar bya ba'i phyir so so thar pa'i 'dul ba las bcad pa'i kha na ma tho ba dang bcas pa rnam par bzhag pa gang yin pa de la nyan thos rnams dang mtshungs par slob ste tha dad par mi byed do/ /de ci'i phyir zhe na/ nyan thos rnams ni bdag gir na lhur len pa tsam du zad na/ de dag kyang ma dad pa rnams dad par bya ba dang/ dad pa rnams phyir zhing 'byung bar bya ba'i phyir gzhan gyi yid mi srung bar mi byed de bslab pa rnams la slob na/ byang chub sems dpa' gzhan gyi don lhur len pa rnams lta ci smos/ bcom ldan 'das kyis nyan thos rnams don nyung ba dang/ bya ba nyung ba dang/ snying las chung ngur gnas par bya ba las brtsams te bcas pa'i kha na ma tho ba dang bcas pa de la ni byang chub sems dpa' nyan thos rnams dang mtshungs par slob par mi byed do/ /de ci'i phyir zhe na/ nyan thos bdag gi don lhur len cing gzhan gyi don la mi lta bas gzhan gyi don la brtsams te de don nyung zhing bya ba nyung la snying las chung dur gnas pa ni mdzes kyi/ byang chub sems dpa' gzhan gyi don lhur len pas gzhan gyi don las brtsams te/ don nyung zhing bya ba nyung la snying las chung ngur gnas pa mdzes pa ma yin te/ 'di ltar byang chub sems dpas gzhan dag gis don du gos brgya snyed dang/ gos stong snying nye dur mi 'ong ba'i bram ze dang/ khyim bdag rnams las blang bar bya ste/ skabs 'byed pa zhig yod na yang sems can de dag gi chog gam mi tchog brtags nas ji tsam dgos pa blangs par bya'o/ /gos rnams la ji lta ba bzhin du lhung bzad rnams kyang de dang 'dra'o/ /ji ltar blang bar bya ba bzhin du bdag nyid kyis rgyu skud pa blangs pa nye dur mi 'ong ba'i thag pa la 'thag tu gzhug pa yang de dang 'dra'o/ /gzhan dag gi don du mon dar kyi mal stan brgya snyed dang/ stan du 'ding ba brgya snyed kyang nye bar bzhag par ba'o/ /gser dang dngul bye ba phrag 'bum las lhag par yang bdag gir bya'o/ /byang chub sems dpa' byang chub sems dpa' i tshul khrims kyi sdom pa la gnas pa ni de la sogs pa nyan thos don nyung zhing bya ba nyung la gnas pa ni de la sogs pa nyan thos don nyung zhing bya ba nyung la snying las chung ngur gnas pa las brtsams te bcas pa'i kha na ma tho ba dang bcas pa la mtshungs par mi slob bo/ /dge slong gang nyi ngur mi 'ong ba'i khyim bdag gam/ khyim bdag gi chung ma'i drung du song ste/ gos slong na spang ba'i ltung byed do/ /zhes bya ba de la sogs pa bslab pa'i gzhi rnams sdom pa gnyis la gnas pas gzhan gyi don btang ste/ bdag gi don lhur len par rig par bya'o/ /byang chub sems dpa' sems can gyi don las brtsams te kun nas mnar sems kyi sems dang ldan pa dang/ khong khro ba'i sems dang ldan pas/ don nyung zhing bya ba nyung la snying las chung ngur gnas par byed na nyes pa dang bcas shing 'gal ba dang bcas par 'gyur te/ nyon mongs ba can gyi nyes par 'gyur ro/ /snyoms las dang le los don nyung zhing bya ba nyung la snying las chung ngur gnas par byad na nyes pa dang bcas shing 'gal ba dang bcas par ni 'gyur la/ nyon mongs pa can gyi nyes par ni mi 'gyur ro/ / //bam po gnyis pa ste tha ma'o/ /snying brtser bcas na mi dge med/ rang bzhin gyi kha na ma tho ba dang bcas pa la byang chub sems dpa' thabs mkhas pa de lta bus kun tu spyad na/ des nyes par yang mi 'gyur la/ bsod nams mang po 'phel bar 'gyur ba yang yod do/ /'di ltar chom po dang/ rkun pos sog chags che ba'i bdag nyid can nyan thos dang/ rang sangs rgyas dang/ byang chub sems dpa' brgya phrag mang po dag zang zing cung zad tsam gyi phyir bsad par bya ste/ mtshams med pa'i las mang po byed pa la zhugs pa byang chub sems dpas mthong la/ mthong nas kyang 'di snyam du sems kyis sems mngon par 'du byed de/ srog chaT de bsad na bdag sems can dmyal ba rnams su skye bar 'gyur mod kyi bdag sems can dmyal bar skye ba ni bla'i/ sems can 'dis mtshams med pa'i las byas nas sems can dmyal bar 'gro na mi rung ngo snyam ste/ de lta bu'i bsam pas byang chub sems dpa' dge ba'i sems sam/ lung du ma bstan pa'i sems su rig nas 'dzem bzhin du phyi ma la snying brtse ba'i sems kho nas/ srog chags de bsad na nyes par yang mi 'gyur la bsod nams mang po yang 'phel bar 'gyur ro/ / 'di ltar byang chub sems dpa' ni mthu yod na sems can rgyal po'am blon po chen po gang dag shas cher bslang zhing sems can rnams la snying rje med la/ gcig tu nges par pha rol la gnod pa byed pa la zhugs pa dag gang la gnas na gzhi des bsod nams ma yin pa mang du 'phel bar 'gyur ba de dag snying brtse ba'i sems dang/ phan pa'i bsams pas rgyal srid kyi dbang phyug la dbang ba de las 'byin par byed do/ /chom po dang/ rkun po gzhan gyi nor 'phrog pa gang dag gis dge 'dun dang mchod rten gyi dkor mang po phrogs nas bdag gir byas te longs spyad par 'dod pa de dag las byang chub sems dpa' nor gyi phyir phrogs te/ nor longs spyod pa des dag la yun ring por gnod pa dang/ phan pa ma yin pa kho nar gyur na mi rung do snyam nas/ rkyen de kho na'i phyir slar phrogs te dge 'dun gyi ni dge 'dun la 'bul bar byed/ mchod rten gyi ni mchod rten la 'bul bar byed do/ /zhal ta byed pa'am/ kun dga' ra ba bsrung ba gang dag gis dge 'dun nam/ mchod rten gyi nor mi rigs par chud gson pa dang/ gang zag bdag nyid kyis spyod par byed pa de dag la byang chub sems dpas so sor brtags nas las de dang log par longs spyod ba des de dag la yun ring por gnod pa dang/ phan pa ma yin par gyur na mi rung ngo snyam nas/ dbang byed pa de las 'byin par byed de/ de ltar rnam grangs des byang chub sems dpa' ma byin par len bzhin du nyes par yang mi 'gyur la/ bsod nams kyang mang du 'phel bar 'gyur ro/ /'di ltar byang chub sems dpa' khyim pas bud med khyim thab med pa mi tshangs par spyod par gzir ba de la chags pa'i sems dang ldan pa zhig la kun nas mnar sems kyi sems dang ldan par gyur nas/ bsod nams ma yin pa mang du 'phel bar gyur na mi rung ngo snyam zhing / ci dga' dgur dge ba'i rtsa ba la sbyar ba dang mi dge ba yongs su dor bar bya ba la dbang du yang 'gyur ro snyam ste/ snying brtse ba'i sems kho na nye bar bzhag nas 'khrid pa'i chos brten na / mi tshangs par spyod pa 'khrig pa'i chos brten kyang nyes par yang mi 'gyur la/ bsod nams kyang mang du 'phel bar 'gyur ba lta bu'o/ /byang chub sems dpa' rab tu byung ba/ nyan thos kyi bslab pa mi 'jig par rjes su bsrung bas ni mi tshangs bar spyod pa brten pa rnam pa thams cad du mi bya'o/ /'di ltar byang chub sems dpa' sems can mang po srog thar bar bya ba dang/ bcing ba las thar bar bya ba dang/ lag pa dang/ rkang pa dang/ sna dang/ rna ba bcad pa las thar bar bya ba dang/ mig dbyung ba las bskyab par bya ba'i phyir byang chub sems dpa' bdag gi srog gi phyir yang shes bzhin du brdzun gyi tshig gang mi smra ba sems can de dag gi don gyi phyir so sor brtags nas smra bar byed de/ de ltar mdor bsdu na byang chub sems dpas ni ci dang cis kyang sems can rnams kyi don kho na mthong gi /don ma yin pa ni ma yin te/ bdag nyid kyang zang zing med pa'i sems dang ldan la/ sems can la phan par 'dod pa'i gzhi 'ba' zhig gis 'du shes bsgyur te shes bzhin du tshig gzhan smra la/ smra bzhin du nyes par yang mi 'gyur te/ bsod nams mang po yang 'phel bar 'gyur ro/ /'di ltar byang chub sems dpa' ni sems can gang dag mi dge ba'i bshes gnyen gyis yongs su zin pa de dag la snying brtse ba'i sems kho na la brten nas sems can 'di dag ni sdig pa'i grogs po dang brten pas yun ring por gnod pa dang/ pham pa ma yin bar gyur na mi rung ngo snyam ste/ ci nus ci lcogs kyi mi dge ba'i bshes gnyen de dag dang dbye ba'i tshig smra bar byed de/ des 'ga' zhig dbye bar kun du dga' o/ /byang chub sems dpa' rnams grangs des mdza' ba'i dbyen byas kyang nyes par mi 'gyur la/ bsod nams mang po yang 'phel bar 'gyur ro/ / ' di ltar byang chub sems dpa' ni sems can lam log par zhugs shing mi rigs ba byed pa dag la thabs des ci nas kyang mi dge ba'i gnas nas bslang ste dge ba'i gnas su 'god pa'i phyir rtag tu tshig rtsub pos drag tu sma 'bebs bar byed de/ de ltar byang chub sems dpas tshig rtsub bos smras kyang nyes par mi 'gyur la/ bsod nams kyang mang du 'phel bar 'gyur ro/ /'di ltar byang chub sems dpa' ni sems can gar dang glu dang rol mo'i sgra la mos pa rnams dang/ rgyal po dang/ chom rkun dang/ zas dang/ skom dang/ smad 'tshong ma dang/ lam srang gi gtam la sogs pa la mos pa rnams la/ gar dang glu dang rol mo'i sgra dang gtam sna tshogs la mkhas te/ snying brtse ba'i bsam bas gar dang glu dang rol mo'i sgra dang tshig 'khyal ba dang ldan pa'i gtam rnam pa sna tshogs kyis mgu bar byas shing 'dun par byas te dbang du byed cing dag nyan du bcu gnas/ mi dge ba'i gnas nas bslang ste dge ba'i gnas su dgod par byed do/ /de ltar byang chub sems pa'i tshig 'khyal ba smra yang nyes par mi 'gyur la/ bsod nams kyang mang du 'phel bar 'gyur ro/ /'tsho ba log pa dang du len/ byang chub sems dpa' tshul 'chos pa dang/ /?? sag dang/ gzhog slong ba dang/ 'thob kyis ?? pa? ba dang/ rnyed pas rnyed par byed 'dod pa log bas 'tsho bar byed pa'i chos byung ba rnams dang du len cing/ de dag gis mi 'dzem la sel bar mi byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /de gsal ba'i phyir 'dun pa skyes shing 'bad pa rtsom la nyon mongs pa shas tshe bas sems zil gyis mnan te kun tu sbyod pa ni nyes pa med do/ /'phyar nas rab tu rgod la sogs/ byang chub sems dpa' rgod pas yongs su zin pa'i sems kyis rnam par ma zhi ?? rnam par tshig? ba la dga' la rtag tu rgod pa dang/ kun tu rtse zhing kun tu ca co 'don la rgod cing g.yang byed pa dang/ gzhan dag rgod du gzhug par 'dod cing dga' bar bya bar 'dod na rkyen de nyid kyis nyes pa dang bcas shing 'gal ba dang bcas par 'gyur te/ nyon mongs ba can gyi nyes par 'gyur ro/ /brgod pas bya ba byas na nyon mongs pa can ma yin pa'i nyes par 'gyur ro/ /de bsal ba'i phyir 'dun bskyed na ni nyes pa med de snga ma bzhin no/ gzhan dag gi kun nas mnar sems skyes pa thabs des phyir bsal bar 'dod na nyes pa med do/ /gzhan dag gi mya ngan skyas ba bsal bar 'dod na nyes pa med do/ /gzhan de'i rang bzhin can de la dga' ba rnams bsdu ba'am/ bag dbab pa'am/ de dang mthun par bya ba'i phyir byed na nyes pa med do/ /gzhan dag byang chub sems dpa' mi dga' bar 'gyur du dogs pa dang/ kun nas mnar sems dang /rgyab kyis phyogs par 'gyur du dogs pa rnams la dga' ba'i bzhin gyis nang du bsam pa dag par bstan pa'i phyir byas na nyes pa med do/ /'khor ba gcig pu bgrod par sems/ byang chub sems dpa' gang byang chub sems dpas ni mya ngan las 'das pa mngon par dga' bas/ gnas par mi bya'i mya ngan las 'das pa la rgyab kyis phyogs te gnas par bya'o/ /nyon mongs pa dang nye ba'i nyon mongs pa rnams kyis kyang 'jigs par mi bya'o/ /de dag las sems kyang shin tu dben par mi bya ste/ 'di ltar byang chub sems dpas ni bskal pa grangs med pa gsum du 'khor ba na 'khor zhing byang chub yang dag par sgrub par bya dgos so snyam du de ltar lta zhing de skad smra na nyes pa dang bcas shing 'gal ba dang bcas par 'gyur te/ nyon mongs pa can gyi nyes bar 'gyur ro/ /de ci'i phyir zhe na/ byang chub sems dpa' nyan thos kyi ji ltar mya ngan las 'das ba la mngon bar dga' ba kun du brten par bya zhing/ nyon mongs pa dang nye ba'i nyon mongs pa rnams las sems skyo bar bya ba de las bye ba phrag 'bum 'gyur du mya ngan las 'das pa la mngon par dga' ba kun tu brten par bya zhing/ nyon mongs pa dang nye ba'i nyon mongs pa rnams las sems skyo ba bsgom par bya dgos te/ 'di ltar nyan thos ni bdag gcig bu'i don la brtson gyi byang chub sems dpa' ni sems can thams cad kyi don la rtson pa yin la des de ltar sems kun nas nyon mongs pa med pa la gom par bya ba yang dag par bsgrub dgos te/ de ni 'di ltar dgra bcom pa ma yin du zin kyang/ de las khyad du 'phags par kun nas nyon mongs pa med pa dang ldan pas zag pa dang bcas pa'i dngos po la spyod pa'i phyir ro/ /grags pa ma yin mi spong ba/ byang chub sems dpa' bdag gi tshig mi btsun par 'gyur ba'i dri ngas dang/ mi snyan pa dang/ gtam ngan par 'gyur ba bden ba'i dngos po mi srung zhing sel bar mi byed na nyes pa dang bcas shing 'gal ba dang bcas par 'gyur te/ nyon mongs pa can nyes par 'gyur ro/ /bden pa'i dngos po ma yin pa mi srung zhing sel bar mi byed na nyes pa dang bcas shing 'gal ba dang bcas bar ni 'gyur la/ nyon mongs pa can gyis nyes par ni mi 'gyur ro/ /pha rol mu stegs can yin nam/ gzhan gang yang rung ba mngon par zhen pa zhig yin na nyes pa med do/ /rab tu byung ba dang/ slongs mo spyod pa dang/ dge ba spyod pa'i gzhis ma snyen pa brjod na nyes pa med do/ /khro bas zil gyis non cing sems phyin ci log tu gyur pas brjod na nyes pa med do/ /nyon mongs bcas kyang 'tshes mi byed/ byang chub sems dpas gnod pa'i thabs dang thobs drag po gang gis sems can gyi don du gyur pa mthong bzhin mi dga' bar 'gyur ba bsrung ba'i phyir thabs de mi byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /tshe 'di'i don chung ngu zhig tu gyur la/ gzhi des yid mi dga' ba chen por 'gyur na nyes pa med do/ /gshel lan du gshe la sogs/ byang chub sems dpa' gzhan dag gshe ba la phyir gshe ba dang/ khro ba la phyir khro ba dang/ rdeg pa la phyir brdeg pa dang/ mched 'dru ba la phyir 'dru bar byed na nyes pa dang bcas shing 'gal ba dang bcas bar 'gyur te/ nyon mongs pa can gyi nyes par 'gyur ro/ /khro ba rnams ni yal bar 'jog /byang chub sems dpa' gzhan dag la nyes pa byas sam nyes pa byas su dogs kyang rung ste/ kun nas mnar sems kyi sems dang ldan pa dang/ nga rgyal gyis non pas mthun par shad kyis byang bar mi byed cing de yal bar 'dor na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /snyom las sam le lo'am bag med pas shad kyis byang bar ma byas na nyes pa dang bcas shing 'gal ba dang bcas par ni 'gyur la/ nyon mongs pa can gyi nyes par ni mi 'gyur ro/ /thabs des dul bar bya bar 'dod cing 'dul bar 'dod la mi dge ba'i gnas nas bslang ste/ dge ba'i gnas su 'god par 'dod na nyes pa med do/ /mu stegs can yin na nyes pa med do/ /rung ba ma yin pa kha na ma tho ba dang bcas pa kun tu spyod pas shad kyis byang bar byed du 'jug par 'dod pa zhig na nyes pa med do/ /gal te rang bzhin gyis 'thab krel can zhig yin te rtsod par byed la shad kyis byang bar byas na shas char 'khrugs te shed skye bar 'gyur na nyes pa med do/ /pha rol bzod pa'i ngang tshul can yin zhing kun nas mnar sems med pa'i ngang tshul can yin du re la/ gzhan la nyes pa byung ba las brtsams te shad kyis byang bar byed pa shin tu do tsha bar byed pa zhig yin na nyes ba med do/ /pha rol shad kyis 'chags pa spong/ byang chub sems dpa' rtsod pa byung ba 'ga' zhig las byung bar gyur nas gzhan dag chos bzhin du mthun par shad kyis byang bar byed kyang/ kun nas mnar sems kyi sems dang ldan zhing gzhan la mtho 'tshams pa'i bsam pas sam shad kyis sbyangs pa mi nyan na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /gal te kun nas mnar sems kyi sems dang mi ldan kyi/ mi bzod pa'i dang tshul can yin pas mi nyan na nyon mongs pa can gyi nyes pa nyid du 'gyur ro/ /thabs des pha rol gdul bar 'dod na nyes ba med de/ snga ma bzhin du thams cad du rig par bya'o/ /chos bzhin ma yin pa dang dus ma yin bar shad kyis sbyong bar byed na/ nyes pa med do/ /khro ba'i sems kyis rjes su 'jug /byang chub sems dpa' gzhan dag la khro ba'i bsam pa byung zhing 'dzin la byung ba dang du len na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /de spang ba'i phyir 'dun pa bskyed na nyes pa med de snga ma bzhin no/ /bsnyen bskur 'dod phyir 'khor rnams sdud /byang chub sems dpa' rim gro bya ba dang bsnyen bkur bya ba la yongs su zhen pa'i dbang du byas te/ zang zing dang bcas pa'i sems kyis 'khor sdud par byed na/ nyes ba dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /zang zing med pa'i bsam pas rim gro bya ba dang/ bsnyen bkur bya ba bdag gir byed na nyes pa med do/ /le lo la sogs sel mi byed/ byang chub sems dpa' snyom las dang le lo skyes te/ gnyid kyi bde ba dang nyal ba'i bde ba dang blos 'bebs pa'i bde bas dus ma yin pa dang/ tshon ma zin par bdag gir byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /na ste mi nus na nyes pa med do/ /lam gyis dub na nyes pa med do/ / de sbang ba'i phyir 'dun pa skyes pa la nyes pa med de snga ma bzhin du rig par bya'o/ /chags bas bre mo'i gtam la brten/ byang chub sems dpas 'du 'ji'i gtam la kun tu chags pa'i sems kyi dus las yol bar byed na nyes pa dang bcas shing 'gal ba dang bcas bar 'gyur te/ nyon mongs pa can gyi nyes par 'gyur ro/ /brjed pas yol bar byas na nyon mongs pa can ma yin pa'i nyes par 'gyur ro/ /pha rol smra zhing 'dug la de yang dran pa la gnas bzhin du pha rol gyi ngor skad cig tsam nyan pa la ni nyes pa med do/ /ya mtshan du 'dzin te 'dri ba tsam dang dris pa'i lan 'debs pa tsam byed pa le nyes pa med do/ /ting nge 'dzin gyi don me tshol/ /byang chub sems dpa' sems gnas bar bya ba las brtsams te / sems mnyam par 'jog par 'dod la kun nas mnar sems kyi sems dang ldan pa dang/ nga rgyal gyis non te gdams ngag nod du mi 'gro na nyes pa dang bcas shing 'gal ba dang bcas par 'gyur te/ nyon mongs pa can gyi nyes bar 'gyur ro/ /snyom las dang le lo byas na nyon mongs pa can ma yin pa'i nyes par 'gyur ro/ /na ste mi nus na nyes pa med do/ /gdams ngag log bar 'byung du dogs na nyes pa med do/ /bdag nyid mang du thos pa yin te/ sems mnyam par 'jog nus sam/ de gdams ngag gi gdams par bya ba byas zin na nyes pa med do/ /bsam gtan sgrib pa spong mi byed/ byang chub sems dpa' 'dod pa la 'dun pa'i sgrib pa byung ba nyams su myong bar byed cing sel bar mi byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes bar 'gyur ro/ /de spang ba'i phyir 'dun pa skyes shing 'bad kyang nyon mongs pa drag pos sems zil gyis non te kun tu spyad na nyes pa med do/ /'dod pa la 'dun pa ji lta ba bzhin du gnod sems dang/ rmugs pa dang gnyid dang/ rgod pa dang 'gyod pa dang/ the tshom yang de dang 'dra bar rig par bya'o/ /bsam gtan ro la yon tan lta /byang chub sems dpa' bsam gtan gyi ro myang bar byed cing bsam gtan gyi ro myang ba la yang yon tan du lta na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /de spang ba'i phyir 'dun pa skyes pa la ni nyes pa med de snga ma bzhin no/ /nyan thos theg pa spong bar byed/ byang chub sems dpa' gang byang chub sems dpa' nyan thos kyi thag pa dang ldan pa'i chos mnyan par mi bya'o/ /gzung bar mi bya'o/ /de la bslab par yang mi bya'o/ /byang chub sems dpa' nyan thos kyi theg pa dang ldan pa'i chos mnyan pa dang gzung bas ci byas te/ de la bslab mi dgos so zhes de ltar lta zhing de skad smras na nyes pa dang bcas shing 'gal ba dang bcas par 'gyur la/ nyon mongs pa can gyi nyes par 'gyur te/ 'di ltar byang chub sems dpas ni mu stegs can gyi bstan bcos rnams la yang brtson par bya dgos na/ sangs rgyas kyi gsung rab la lta ci smos/ gcig tu nges par de lhur len pa'i 'dun pa bzlog pa'i phyir na nyes pa med do/ /rang tshul yong bzhin de la brtson/ byang chub sems dpa' byang chub sems dpa' i sde snod yong bzhin du byang chub sems dpa' i sde snod la brtson par ma byas par byang chub sems dpa' i sde snod thams cad kyi thams cad du yal bar por nas/ nyan thos kyi sde snod la brtson par byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /brtson min phyi rol bstan chos brtson/ byang chub sems dpa' sangs rgyas kyi gsung rab yod bzhin du sangs rgyas kyi gsung rab la brtson par ma byas par mu stegs can gyi bstan bcos dag la brtson par byed na nyes pa dang bcas shing 'gal pa dang bcas par 'gyur te/ nyon mongs pa can gyi nyes par 'gyur ro/ /shin tu yid la gzhungs pa dang/ lob rkyen pa dang/ yun ring du mi brjed pa nus pa dang/ don sems pa dang/ rtog par byed nus pa dang/ sangs rgyas kyi gsung rab la rigs pas rtogs pa dang ldan pas blo mi 'gyur pa dang ldan te/ de las nyis 'gyur du nyin gcig du sangs rgyas kyi gsungs rab la brtson par byed na nyes pa med do/ /brtson par byas kyang de la dga' / byang chub sems dpa' de lta bu'i tshul dang yang ma 'gal bar mu stegs can gyi bstan bcos? phyi rol gyi bstan bcos dag la mkhas par byed pa na/ de la mngon par dga' ba'i tshul gyis byed cing des dga' bas 'dzin la des rangs par byed de/ sman tsha ba la brten pa bzhin du mi byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /theg pa chen po spong bar byed/ byang chub sems dpa' byang chub sems dpa' i sde snod la de kho na'i don nam/ sangs rgyas sam byang chub sems dpa' i mthu las brtsams te zab pa mchog tu zab pa'i gnas dag thos nas ma mas shing skur ba 'debs te/ 'di dag ni don dang ldan pa ma yin/ chos dang ldan pa ma yin te/ de bzhin gshegs pas gsungs pa ma yin/ sems can rnams la phan pa dang bde bar 'gyur ba ma yin no zhes zer na bdag nyid tshul bzhin ma yin pa yid la byed pa 'am/ gzhan gyi rjes su zhugs pas skur pa 'debs kyang rung nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /byang chub sems dpa' ni zab cing mchog tu zab pa'i gnas thob nas sems mos par ma gyur na/ de la byang chub sems dpas dad pa bskyed de g.yo med pas 'di ltar bdag ni 'ong bar gyur te mig med la/ de bzhin gshegs pa'i spyan gyis rjes su spyod par zad pas de bzhin gshegs pas dgongs te/ gsungs pa spangs pa ni bdag gi cha ma yin no zhes yang dag par bslab par bya'o/ /de ltar byang chub sems dpa' des bdag nyid ni mi shes par brtsis la/ de bzhin gshegs pa nyid chos de dag la lkog tu ma gyur par yang dag par lta na de lta na yang dag par zhugs pa yin no/ /mos pa med du zin kyang skur pa mi 'debs na nyes pa med do/ /bdag la bstod cing gzhan la smod/ byang chub sems dpa' zang zing dang bcas pa'i sems dang/ khong khro ba'i sems kyis gzhan dag la bdag la bstod cing gzhan la smod par byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /bstan pa gnas par bya bar 'dod pa'i phyir mu stegs can rnams zil gyis gnon par 'dod pa la nyes pa med do/ /thabs des gang zag de nyid 'dul bar 'dod pa la nyes pa med do rgyas par snga ma bzhin no/ /ma dad pa rnams dad par bya ba dang/ dad pa rnams phyir zhing 'byung bar bya ba'i phyir byed na nyes pa med do/ /chos kyi don du 'gro mi byed/ byang chub sems dpa' chos sgrogs pa dang dam pa'i chos kyi 'bel ba'i gtam rnam par gtan la 'bebs pa na nga rgyal gyis non pa dang/ kun nas mnang sems kyi sems dang ldan pa dang/ khong khro ba'i sems dang ldan pas mi 'gron nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /snyom las dang le los mi 'gron ton? mongs pa can ma yin pa'i nyes par 'gyur ro/ /ma tshong na nyes pa med do/ /na ste mi nus na nyes pa med do/ /log par ston du dogs na nyes pa med do/ /chos smra ba'i sems srung na nyes pa med do/ /yang dang yang du thos shing bzung la shes zin? pa'i don gyi gtam yin par shes na nyes pa med do/ /mang du thos pa dang thos 'dzin pa dang thob pa bsags pa yin na nyes pa med do/ /rtag tu dmigs pa la sems gnas te byang chub sems dpa' i ting nge 'dzin mngon par sgrub pa la brtson na nyes pa med do/ /shas rab rtul te chos len pa la zhan 'dzin pa la zhan cing dmigs pa la sems mnyam pa la sems mnyam par 'jog pa la zhan pa zhig yin na/ nyes pa med do/ /de la smod cing yi ge rten/ byang chub sems dpa' chos smra ba'i gang zag la bsam bzhin du khyad du gsod cing bkur sti mi byed la 'phya zhing bsting bar byed pa dang/ tshig 'bra la rton gyi don rton ?? byang? nyis? pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /dgos pa'i grogs su 'gro mi byed/ byang chub sems dpa' i sdom pa la gnas pa sems can gyi bya ba 'di lto ste/ dgos pa'i don sgrub pa dang/ lam du 'gro zhing 'ong ba 'am yang dag pa'i tha snyad dang las kyi mdza' la sbyor ba 'am/ longs spyod bsrung ba 'am/ bye ba bsdum pa 'am/ dga' ston nam/ bsod nams byed pa la kun nas mnar sems kyi sems dang ldan pa dang/ khong khro ba'i sems dang ldan pas grogs byed du mi 'gro na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /snyom las dang le los grogs byed du mi 'gro na nyon mongs pa can ma yin pa'i nyes par 'gyur ro/ /na ste mi nus na nyes pa med do/ /'tshol pa dang byed nus sam mgon yod cing rten yod na nyes pa med do/ /gnod pa dang ldan pa dang chos dang ldan pa ma yin pa'i bya ba la ma song na nyes pa med do/ /thabs des 'dul bar 'dod na nyes pa med do/ /rgyas par snga ma bzhin no/ /gzhan la sngar khas blangs zin na nyes pa med do/ /nus pa gzhan la bcol na nyes pa med do/ /rtag tu dge ba'i phyogs la brtson na nyes pa med do/ /rang bzhin gyis yid rtul zhing lung 'bog mi mkhas na nyes pa med de snga ma bzhin no/ /gzhan mang bo dag gi sems bsrung bar 'dod na nyes pa med do/ /dge 'dun gyi nang khrims srung na nyes pa med do/ /nad pa'i rim gro bya ba spong/ byang chub sems dpa' nad pa nad kyi thebs pa dang phrad pa na kun nas mnar sems kyi sems dang ldan pa dang/ khong khro ba'i sems dang ldan pas rim gro dang bsnyen bkur mi byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /snyom las dang le los mi byed na nyon mongs pa can ma yin pa'i nyes par 'gyur ro/ /bdag nyid na ste mi nus na nyes pa med do/ /pha rol nus shing mthun pa la bcol na nyes pa med do/ /nad pa mgon yod cing rten yod na nyes pa med do/ /bdag nyid kyis bdag gi rim gro dang/ bsnyen bkur byed nus na nyes pa med do nang rgyun rings kyis thebs te song tsam du 'dug na nyes pa med do/ /dge ba'i phyogs rgya chen po la brtag tu brtson te dge ba'i phyogs kyi bar chad du 'gyur ba srung ba'i phyir mi byed na nyes pa med do/ /shin tu shes rab rtul zhing legs par chos ston mi nus la/ legs par 'dzin mi nus na nyes pa med do// //gzhan la sngar khas blangs zin na nyes pa med do sdug bsngal sel bar mi byed la/ nad g.yog la ji lta ba bzhin du sdug bsngal ba'i grogs bya ba yang de dang 'dra bar rig par bya'o/ /bag med rnams la rigs mi ston/ byang chub sems dpa' tshe 'di dang phyi ma'i don la tshul bzhin ma yin par zhugs pa dag mthong na kun nas mnar sems kyi sems dang ldan pa dang/ khong khro ba'i sems dang ldan pas rigs pa dang tshul bzhin ston par mi byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /snyom las dang le los ston par mi byed na nyon mongs pa can gyi ma yin pa'i nyes par 'gyur ro/ /bdag mi shes mi nus na nyes pa med do/ /gzhan nus pa la bcol na nyes pa med do/ /de nyid kyis nus na nyes pa med do/ /dge ba'i bshes gnyen gzhan gyis yongs su zin na nyes pa med do/ /thabs des 'dul bar 'dod na nyes pa med do/ /rgyas par snga ma bzhin no/ /gang la rigs pas bstan par bya ba de kun nas mnar sems kyi sems dang ldan zhing bka' blo mi bde bas log par 'dzin pa dang/ dga' zhing gus pa med pas dmu rgod kyi rang bzhin can zhig na nyes pa med do/ /byas pa lan du phan mi 'dogs/ byang chub sems dpa' sems can phan 'dogs pa rnams la byas pa mi gzo zhing byas pa mi tshor ste/ kun nas mnar sems kyi sems dang ldan pas mthun pa'i phan gdags pas lan du phan mi 'dogs na/ nyes pa dang bcas shing 'gal bdang bcas par 'gyur te/ nyon mongs pa can gyi nyes bar 'gyur te/ snyom las dang le los mi byed na nyon mongs pa can ma yin pa'i nyes par 'gyur ro/ /bsgribs bzhin du ya nus shing ma lcogs na nyes pa med do/ /thabs nges 'dul bar 'dod na nyes pa med de snga ma bzhin no/ /de nyid lan du phan 'dogs mi 'dod nyis pa med do/ /gzhan gyi mya ngan bsad mi byed/ byang chub sems dpa' sems can nye du dang/ longs spyod las gyur sdug bsngal la gnas pa rnams kyi mya ngan byung ba kun nas mnar sems kyi sems dang ldan pas/ sel bar mi byed na nyes pa dang bcas shing 'gal ba dang bcas par 'gyur te/ nyon mongs ba can gyi nyes par 'gyur ro/ /snyom las dang le las sel bar mi byed na nyon mongs pa can ma yin pa'i nyes par 'gyur ro/ /nyes par mi 'gyur ba ni 'di lta ste/ bya ba dag la grogs mi byed pa las brtsams pa'i snga ma bzhin du rig par bya'o/ /nor 'dod pa la sbyin mi byed/ byang chub sems dpa' zas dang skom la sogs pa 'dod pa rnams yod dag par slong ba la/ bras dang skom la sogs pa yo byad rnams kun nas mnang sems kyi sems dang ldan pa dang khong khro ba'i sems dang ldan pas ma byin na nyes pa dang bcas shing 'gal ba dang bcas par 'gyur ro/ /snyom las dang le lo dang bag med pas ma byin na nyon mongs pa tsan ma yin pa'i nyes par 'gyur ro/ /longs spyod dag med de mi bdog na nyes pa med do/ /rung ba ma yin pa dang mi 'phrod pa slong na nyes pa med do/ /thabs de 'dul bar bya bar 'dod cing 'dul bar 'dod na nyes pa med do snga ma bzhin no/ /rgyal po la gnod ba srung na nyes pa med do/ /dge 'dun gyi nang khrims srung ma nye ba med do/ /'khor rnams kyi ni don mi byed/ byang chub sems dpas 'khro bsdus la kun nas mnar sems kyi sems dang ldan pas dus dus su legs par mi 'doms shing legs par rjes su mi ston pa dang/ phongs pa de dag gi phyi ma bram ze dang khyim bdag dang pa rnams las gos dang zas dang/ mal cha dang stan dang na ba'i gsos sman dang/ yo byad rnams chos bzhin du yongs su tshol bar mi byed na/ nyes pa dang bcas shing 'gal ba dang bcas par 'gyur te/ nyon mongs ba can gyi nyes par 'gyur ro/ /snyom las sam le lo 'am bag med pas mi 'doms shing rjes su mi ston la yongs su tshol bar mi byed na nyon mongs pa can ma yin pa'i nyes par 'gyur ro/ /thabs de dul bar bya bar 'dod cing 'dul bar 'dod na nyes pa med de snga ma bzhin no/ /dge 'dun gyi nang khrims srung na nyes pa med do/ /na ste mi nus na nyes pa med do/ /nus pa gzhan la bcol na nyes pa med do/ /'khor bsod nams dang ldan pa 'am/ yang na bdag nyid chos gos la sogs pa yongs su tshol nus par shes pa dang/ de dag gi gdams dag rjes su bstan pas gdams dag rjes su bstan par bya bas byas zin na nyes pa med do/ /sngon mu stegs can yin pa las chos skur 'ongs pa la de yang 'dul ba'i skal ba med pa'i rang bzhin can zhig yin na nyes pa med do/ /gzhan gyi blo dang mthun mi 'jug /byang chub sems dpa' kun nas mnar sems kyi sems dang ldan pas gzhan gyi sems dang mthun par mi byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /snyom las dang le lo dang bag med pas mthun par mi byed na/ nyon mongs pa can ma yin pa'i nyes par 'gyur ro/ /gzhan dag gi 'dod pa gang yin pa de mi 'phrod par 'gyur ba yin na nyes pa med do/ /na ste mi nus na nyes pa med do/ /dge 'dun gyi nang khrims srung na nyes pa med do/ /de'i 'dod pa 'phrod pa yin du zin kyang gzhan mang po dag gi 'dod pa ma yin zhing mi 'phrod na nyes pa med do/ /mu stegs can cher bcad pa'i phyir na nyes pa med do/ /thangs de dul bar 'dod cing 'dul bar 'dod na nyes pa med de snga ma bzhin no/ /yon tan bsngags pa smra mi byed/ byang chub sems dpa' kun nas mnar sems kyi sems dang ldan pas gzhan dag gi yang dag pa'i yon tan brjod par mi byed cing yang dag pa'i bsngags ba mi brjod pa dang/ legs par smra ba legs so zhes bya ba ma byin na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /snyom las dang le lo dang bag med pas ma smras na nyon mongs pa can ma yin pa'i nyes par 'gyur ro/ /rang bzhin gyis 'dod pa chung du yin par dpags te de dang mthun par byed na nyes pa med do/ /na ste mi nus na nyes pa med do/ /thabs des 'dul bar bya bar 'dod cing 'dul bar 'dod na nyes pa med de snga ma bzhin no/ /dge 'dun gyi nang khrims srung na nyes pa med do/ /gzhi des kun nas nyon mongs pa dang rgyags pa dang khengs pa dang gnod par 'gyur du dogs te/ de bsal ba'i phyir na nyes ba med do/ /yon tan rnams yon tan lta bcos pa yin te yang dag pa ma yin pa dang/ legs par smras pa yang legs par smras pa ltar bcos pa yin te/ yang dag pa ma yin na nyes pa med do/ /mu stegs can chor bcad pa'i phyir na nyes pa med do/ /gtam rdzogs rdzogs su sdod na nyes pa med do/ /rkyen du 'tsham par cher mi gcod/ byang chub sems dpa' sems can sma dbab pa'i rigs pa dang/ chad pas bcad pa'i rigs pa dang bskrab? pa'i rigs pa rnams nyon mongs pa can gyi sems kyis sma mi 'bebs sam/ sma 'bebs su zin kyang chad pas bcad pas mi 'chos sam/ 'chos su zin kyang skrod par mi byed na nyes pa dang bcas shing 'gal ba dang bcas par 'gyur te/ nyon mongs pa can gyi nyes par 'gyur ro/ /snyom las dang le lo dang bag med pas sma 'bebs par mi byed pa nas/ skrod par bar du mi byed na nyon mongs can ma yin pa'i nyes par 'gyur ro/ /bcos su mi rung ba'i rang bzhin can zhig ste/ gtam byar mi rung ba dang/ bka' blo mi bde zhing kun nas mnar sems kyi shas che ba la yal bar bor na nyes pa med do/ /dus la spong na nyes pa med do/ /gzhi de las 'thab pa dang/ 'chang 'dru ba dang/ 'gyed pa dang/ rtsod par 'gyur bar mthong na nyes pa med do/ /dge 'dun 'khrugs cing 'byed par mthong na nyes pa med do sems can de dag g.yo ba med de shas cher ngo cha shes pa dang/ khrel yod pa dang ldan pas myur ba myur bar mthun par byed pa zhig na nyes pa med do/ /rdzu 'phrul bsdigs la sogs mi byed/ byang chub sems dpa' rdzu 'phrul dang rnam par 'phrul pa dang mthu rnam pa sna tshogs dang ldan la/ sems can skrag par bya ba'i rig pa rnams skrag par bya ba dang/ sems can 'dun par bya ba'i rigs pa rnams 'dun par bya ba dang/ dad pas byin pa spong du gzhug pa'i snying rdzu 'phrul gyis skrag bar mi byed na nyes pa dang bcas shing 'gal ba dang bcas par 'gyur te nyon mongs pa can gyi nyes par 'gyur ro/ /sems can rnams gang du shas cher mngon par zhen pa mu stegs can 'phags pa la skur? pa 'debs pa log par lta ba dang ldan pa dag gcig yin na ma bstan kyang nyes pa med do/ /thams cad la yang lhag par sems 'khrugs pa dang/ sdug bsngal dang tshor bas nyen pa dang/ sdom pa ma nos pa la ni nyes pa med par rig par bya'o/ /de ltar byang chub sems dpa' byang chub sems dpa' i sdom pa la gnas pas nyes par 'gyur ba dang/ nyes par mi 'gyur ba dang/ nyen mongs pa can dang/ nyon mongs pa can ma yin pa dang/ chung du dang 'bring dang chen po yang rig par bya'o thog ma nyid nas kyang nyes pa mi 'byung bar gus pa bskyed par bya'o/ /nyes pa byung na yang chos bzhin du gso bas nyes pa las gso bar bya'o/ /byang chub sems dpa' i nyes pa'i lam la yang thams cad ma lus par nyes par 'gyur ba ni med do/ /bcom ldan 'das kyis byang chub sems dpa' i nyes pa ni/ phal cher zhe sdang las 'byung gi 'dod chags las byung ba ni mi yan par shes par bya'o/ /zhes gang gsungs pa de la dgongs pa ni 'di yin par blta bar bya ste byang chub sems dpa' sems can rnams la rjes su chags shing sems can la byams pa'i dbang du mdzad nas gang ci spyod kyang rung nge thams cad ni byang chub sems dpa' i bya ba yin te mi bya ba ma yin la/ bya ba'i rigs pa byed pa la ni nyes par 'gyur bar mi rigs so/ /byang chub sems dpa' sems can rnams la ldang ba ni bdag dang gzhan rnams la phan par spyod pa ma yin la/ de yang byang chub sems dpa' i bya ba ma yin te/ de ltar bya ba ma yin pa byed pa ni nyes par 'gyur bar rigs so/ /de nyid bstan pa'i phyir/ snying rjer ldan zhing byams phyir dang/ sems dge ba la nyes pa med ces bya ba 'di bshad do/ /sdom pa nyi shu pa'i 'grel pa byas pa'i bsod nams bdag gi gang thob pa/ /de yis 'gro ba thams cad gti mug rab rib mdza' dag bsal gyur nas/ /'jam dpal gzhon nu sangs rgyas gdung 'tsho ba sems can don gyi las la brtson/ /bslab pa rgya mtsho'i mthar phyin dge ba'i gter sdud bzhin du myur du gyur/ /sdom pa nyi shu pa'i 'grel pa slob dpon shAn+ta rak+Shi tas mdzad pa rdzogs so// //rgya gar gyi mkhan po bi dyA ka ra sid dang /zhu chen gyi lo tsa ba many+dzu sh+rI ba mas bsgyur cing zhus te gtan la phab pa/

CLOSE WINDOW