བོད་ཡིག

e-texts based on the ACIP/ALL Input

/ //rgya gar gyi mkhan por shAn+ti b+ha tra dang/ zhu chen gyi lots+tsha ba 'gos lha btsas kyis bsgyur cing zhus te gtan la phab pa// //rnal 'byor spyod pa'i bsgom pa'i don mdor bsdus te bstan pa/ 'jam dpal gzhon nur gyur pa la phyag 'tshal lo/ /ji skad du brjod pa'i ye shes de ni rtag pa dang chad par lta ba rnams kyis thob par mi nus te/ 'di ltar gal te yod par rnam par rtog na ni de'i phyir rtag pa nyid du 'dzin pa'i mdzad lhung par 'gyur/ ji ste med par rnam par rtog na ni de lta na yang chad par lta ba'i mthar ltung bar 'gyur te/ de bas na 'di ni dbu ma lam gyis 'byung ba'i dang tshul can yin pas ye shes de nyid de lta bur lta ba rnams kyis thob par mi nus so/ /de bas na dbu ma'i lam la brtson par bya'o/ /zhes bstan pa'i phyir/ dbu ma'i lam las byung ba yi/ /ye shes rnam par mi rtog de/ /rtag dang chad pa lta rnams kyi/ /thob par nus pa ma yin no zhes bya ba smos so/ /dbu ma'i lam de yang dpyad na rnam par rig pa tsam nyid de/ rnam par rig pa tsam nyid ni gtsor na rten cing 'brel bar 'byung ba'i dngos po mtshan ma'o/ /gzhan gyi dbang 'khrul pa tsam yin pas gzung ba dang 'dzin pa nyid du snang ba'i phyir/ gal te ji ltar snang ba de bzhin du yod na ni rtag pa'i mthar 'gyur ro/ /ci ste ci yang med na ni de lta na chad par 'gyur te/ de lta bas na gdags pa'i gzhi yod par khas blang bar bya dgos te/ de'i phyir/ dbu ma'i lam zhes bya ba yang/ rnam rig tsam nyid ma gtogs par/ /rig pas brtags na 'dir gzhan na/ rnam pa kun tu mi 'thad do/ /zhes bya ba smos so/ /'o na bdas dang rig pa mthun pa'i med las/ kun dga' bo yod ces bya ba ni rtag par 'gyur ro/ /med ces bya ba chad par 'gyur ro/ /de lta bas na de bzhin gshegs pa dbu ma'i lam gyi chos ston to zhes gsungs pa ji lta bu zhe na/ de ni nyes pa med de/ gtso bor gang zag dgag pa'i phyir gsungs kyi/ gzhan gtso bor byed pa ni ma yin te/ gzhan gtso bor mdzad pa ma yin pa de yang gang zag gsal ba mdzad pas bcom ldan 'das kyis gsungs so/ /de ltar rnam par rig pa tsam nyid du dbu ma'i lam du bsgrubs nas/ de la gzung pa'i phyir/ rdzogs pa'i byang chub 'dod rnams kyi/ /mi rtog ye shes bskyed pa'i phyir/ /de bas rnam par rig tsam du/ /bsgom pa rtag tu sbyar bar bya zhes bya ba smos so/ /gang dag bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa de dag gis rnam par mi rtog pa'i ye shes yongs su bsgrub pa'i phyir/ 'di thams cad rnam par rig pa tsam mo zhes rnam par rig ba tsam nyid du bsgom pa la rtag tu sbyar bar bya'o/ /de ltar rnam par rig par snang ba mthong ba skyes te/ thams cad la dngos po'i ngo bo mi mthong na/ gzung ba med par 'dzin pa yang med de zhes rnam par rig pa tsam yang yang dag par rjes su mi mthong ste/ de'i phyir gzung ba dang 'dzin par rtog pa dang bral bas/ rnam par mi rtog pa'i ye shes lhun gyis grub pa nyid du 'byung bar 'gyur te/ de'i phyir bsgoM pa la rtag tu sbyar bar bya zhes bya ba smos te/ 'di ni phan yon yin pas de'i phyir bsgribs shig ces ston te/ de ltar de bsgom pa la mngon par brtson pa'i blo gros dang ldan pa ni bcu rim gyis rnam par rtog pa rnam par 'jig pas mi rtog pa'i ngo bo nyid mthong ste/ gzung ba dang 'dzin pa'i bdag nyid gnyis po gang yin pa de yang gnyis med kyi ngo bo nyid du rtog cing/ 'di na brtag par bya ba yang med la/ rtog pa yang med de/ 'di thams cad med ba la sgro btags pa yin pas/ 'di kun ni rmo lam dang 'dra' zhes nges par byed de/ de'i phyir/ rnam rtog mi rtog bdag nyid yin/ gnyis dang gnyis med bdag nyid de/ 'di dag thams cad rmi lam bzhin/ 'di la rtag bya med rtog med ces bya ba smos te/ de ni 'di skad du phyin ci log tu gyur pa ma gtogs par chos phra rab tsam yang med de/ de bas na phyin ci log spangs tsam zhig bya bar zad do zhes bstan par 'gyur ro/ /dngos po gang yang bsnan med cing/ /gsal ba med de de'i phyir zhes bya bas ni/ de nyid bsgrub par byed de/ 'di la gsal bya ci yang med/ gzhag par bya ba ci yang med/ /yang dag nyid la yang dag lta/ /yang dag mthong bas rnam par grol/ /zhes bya ba de de'i phyir/ chos kyi rang gi ngo bo nyid/ /de bzhin nyid tsam mthong bas grol/ zhes bya ba smos so/ /rnal 'byor spyod pa'i bsgom pa'i don mdor bsdus te bstan pa/ slob dpon ye shes zla bas mdzad pa rdzogs so// //rtsa ba slob dpon klu yi ba shes gnyen gyis mdzad pa lags so/ //rgya gar gyi mkhan po pradz+nyA ba rma dang/ zhu chen gyi lo tsA ba bande ye shes sdes bsgyur cing zhus te gtan la phab pa'o// //*/ /shes rab kyi pha rol tu phyin pa'i man ngag slob dgon shan+ti bas mdzad pa bzhugs so/

CLOSE WINDOW