བོད་ཡིག

e-texts based on the ACIP/ALL Input

/ //rgya gar gyi mkhan po bi shud+hha sd+hi dang/ lotsA ba dge slong rtsangs de ben+d+re rkshi tas bsgyur cing zhu chen gyi lo tsA ba bnde dpal brtsegs kyis zhus te gtan la phab ba// // dbum rgyan gyi 'grel ba shan+ti pas mdzad pa bzhugs so/ / //rgya gar skad du/ ma b+hya ma kA la dka rgri t+ti ma hya ma pra ta pa da sid d+ha nA ma/ bod skad du/ dbu ma rgyan gyi 'brel pa dbu ma'i lam grub pa zhes bya ba/ 'jam dpal gzhon nur gyur pa la phyag 'tshal lo/ /grangs med gsum gyis nges byung zhing/ /ji srid 'gro gnas 'gro don du/ /yang dag sku gsum gyis bzhugs pa/ /thub pa khyed kyis rtag tu srungs/ /byams pa thogs med kyis gsungs shing/ /klu sgrub kyis kyang bzhed pa yi/ /tshad ma lung dang ldan pa yis/ /bden pa gnyis 'dir bshad par bya/ /bden pa gnyis zhes bya ba ni don dam pa'i bden pa dang/ kun rdzob kyi bden pa'o/ /de las 'dir bshad par bya pa 'dis rab tu byed pa'i brjod par bya ba bstan to/ /lhag mas ni de phyin ci ma log par 'jig rten pa'i tshad ma mngon sum dang rjes su dpag pa des grub pa ni grub pa kho na'o/ /bcom ldan 'das kyang mchog tu tshad ma yin te/ de bas na lung yang gzung ngo/ /tshad ma lung dang ldan pa yis zhes bya ba la/ lung 'dir theg pa chen po ste/ de yang zab mo'i don la 'phags pa 'ba' zhig tshad ma yin te/ de ni byams pa la sogs pas gsungs pa yin no/ / bcom ldan 'das byams pa byang chub sems dpa' i mthar phyin pa de ma thag tu mngon par rdzogs par 'tshang rgya ba dang/ 'phags pa thogs med sa gsum pa dang/ 'phags pa klu grub ni sa dang po yin te/ rab tu dga' ba'i sa bsgrubs nas/ bde ba can du de 'gro'o zhes gsungs pa'i phyir ro/ /bcom ldan 'das byams pas gsungs shing legs par gsungs la/ 'phags pa thogs med dang/ 'phags pa klu grub kyi yang ci ma gsungs sam/ gsungs pa smos pa ni rgyun ma chad par bstan pa'i phyir ro/ /bzhed pa smos pa ni des phyogs kha cig tu bstan pa'i phyir de yis phal cher rang bzhin gnyis bstan par grags so/ /kha cig tu gzhan gyis dbang kho na bstan gyi ci'i phyir thams cad stsam yin/ stong pa nyid bstan pas yang de ma smras kyang grub pa'i phyir ro/ /gzhan gyi dbang med na stong pa nyid chos nyid du mi 'gyur te/ ri bong gi rwa la bye brag tu byar med pa bzhin no/ /gsal ba'i rang bzhin rnams med na/ /de ji ltar 'phags pa rnams kyis thugs su chud par 'gyur/ byang chub kyi thabs dbu ma'i lam de 'dir ji lta bu zhig yan zhe na/ gnyis kyi bdag nyid thams cad med/ /gnyis su 'khrul pa'i bdag nyid yod/ /de ni ston pa'i bdag nyid de/ /dbu ma'i lam du de bzhed do/ /zhes bya ba smras te/ gnyis ni gzung ba dang 'dzin pa dang/ de'i bdag nyid mi rang bzhin no/ /des thams cad med pa ni phung po la sogs pa med pa'o/ /gnyis med pa gnyis su snang ba ni 'khrul pa'o/ /de la bdag nyid ni phung po la sogs pa gnyis pa'o/ /de'i phyir 'di na yod pa nyid do/ /de la stong pa nyid ni gnyis kyis stong pa ste/ gnyis dang bral ba gzhan gyi dbang gi bdag nyid phung po la sogs pa gsum pa'o/ /des na yang 'di dag ni yod pa nyid do/ /de ni dbu ma'i lam zhes bzhed do/ /dang po'i bzhin gyi chos rnams ni med pa'i phyir la/ gzhan dag gi ni yod pa'i phyir ro/ /'ga' zhig gis ni yod la/ 'ga' zhig med pa ni dbu ma'i don zhes bya'o/ /'o na rang bzhin de dag gi ming ci zhes bya/ yang gang las de ni de dag gi ming du btags zhe na/ kun brtags dang ni gzhan dbang dang/ yongs su grub pa 'di rnams ni/ brtags dang rgyu las skye ba dang/ mi 'gyur phyir na go rims bzhin/ zhes bya ba smras te/ 'di gsum gyi rang bzhin ni go rims ji lta bzhin du kun btags dang gzhan dbang dang yongs su grub pa zhes bya ba'i ming can te/ 'khrul pa la sgro btags pa'i phyir dang/ rgyu las skyes pa'i phyir dang/ mi 'gyur ba'i phyir go rims ji lta ba bzhin no/ /yang gang gzhan gyi dbang de nyid med pa la sgro 'dogs pa'i phyir yang dag pa ma yin pa'i kun tu rtog pa ste/ 'phags pa byams pas kyang dbus dang mdza' rnam par 'byed pa'i bstan bcos las/ yang dag ma yin kun rtog yod/ /de la gnyis po yod ma yin/ /stong pa nyid ni de la yod/ /de la yang ni de yod do/ /stong pa ma yin mi stong min/ /de lta bas na thams cad bshad/ /yod pas med pas yod pas na/ /de ni dbu ma'i lam yin no zhes gsungs so/ /gzhan dag ni 'di ltar gzhan du dbu ma'i lam smra ste/ 'di lta ste sngon po la sogs pa ni med pa ma yin te/ nyams su myong bas grub pa'i phyir ro/ /yod pa ma yin te/ rnam par dpyad na mi bzod pa'i phyir ro zhe na/ de ni bden pa ma yin te/ gang gi phyir zhe na/ de nyams su myong bas nyams su myong ba med pa 'gal bas sel gyi bstun pa ni ma yin te/ de'i phyir nyams su myong ba tsam gyi yod par mi 'grub la/ med par yang ma yin te/ mi rigs pa'i phyir ro/ /yod pa ma yin pa'i rigs par ni 'di 'gyur na/ gal te rnam par dpyad pa dang 'gal ba nyid grub na ni 'gyur ro/ /phung po la sogs pa'i chos don dam par med la/ kun rdzob tu yod pa 'di ni dbu ma'i lam yin par gzhan dag 'dod de/ de yang bden pa ma yin te/ dngos po'i chos rnams med na ni/ gal te kun rdzob ji ltar yod/ dam pa'i don du yod min phyir/ de ni yod par ji ltar 'gyur/ zhes bya ba ni gang gi phyir tshad ma dam pas gnod pa gang yin pa de ni don dam par med pa yin no/ /de tshad ma ma yin pa'i kun rdzob kyis yod par ni mi grub bo/ /de ji ltar kun rdzob tu yod ces brjod/ gzhan yang don dam par thams cad med par smra ba de la thams cad du ni kun med na/ /med pa ba las lhag pa 'thob/ /sngon yod pa ni gnyen po yis/ /bshig pa nyid na gzugs brnyan 'gyur/ /zhes bya ba smra ste/ thams cad du thams cad med par smra na/ med par las lhag par 'gyur te/ gang gi phyir med pa dag ni bden pa dang/ dkon mchog dang las dang 'bras bu la sogs pa med par lta'o/ /'on te sngar yod pa'i gnyen pos bshig par gyur pas chos rnams med do zhes zer na de'i tshe gzugs brnyan yin par thal bar 'gyur te/ 'phags pa shes rab kyi pha rol tu phyin pa las shes rab kyi pha rol tu phyin pa'i gzugs brnyan gsungs te/ gzugs mi rtag pa ni gzugs 'jig pa'i zhes bya ba nas/ rnam par shes pa mi rtag pa ni rnam par shes pa 'jig pa'o zhes bya ba'i bar du de dag 'thob par 'gyur ro/ /nus pa lta bu der snang bas/ gal te dbu ma de ci dgos/ /nus pa 'khrul pa las skyes pas/ /dgos pa'i bya ba rnams mi byed ces bya ba ni chos rnams don dam par nus pas stong pa'i phyir med kyang kun rdzob du yang nus pa dang ldan par snang bas de'i phyir dbu ma'i lam yin no zhes zer ba de 'dra ba'i dbu ma ci zhig dgos te/ 'di lta bu'i nus pa ni 'khrul pa las skyes pa yin te/ de ni med pas dgos pa'i bya ba rnams mi byed do/ /gang gi phyir kun rdzob du rgyu dang 'bras bu mthong na rgyu grub pas 'bras bu thob par 'gyur ro/ /sa bon la sogs pa las myu gu la sogs pa'i nus pa mthong bas mthong ba la rigs pa ma yin pa med do zhe na/ de lta mod kyi tshad mas chos rnams nus pa dang ldan par grub pas don dam pa nyid du yod par 'gyur bas de ni dbu mar mi 'gyur ro/ /gzhan yang nus pa'ang mthong bar mi 'gyur te/ sa bon la sogs de med phyir/ sa bon la sogs snang ba yi/ /blo yis de ni yod pa'i phyir zhes bya ba ni/ sa bon la sogs pa las myu gu la sogs pa'i nus pa zhes bya ba 'di dag ni/ 'khrul par ste/ gcig dang du ma'i rang bzhin dang bral ba'i sa bon la sogs pa ni med de/ de nus pa mi rigs pa'i phyir ro/ /sa bon la sogs par snang ba'i gzhan gyis dbang du bstan pa'i shes pa de la nus pa dang ldan te/ de ni yod pa'i phyir ro/ / gang tshad ma rnam 'grel mdzad pas 'di skad du/ sa bon las ni myu gu skyes/ /dus bas mi 'grub ci 'dra bar/ /phyi'i don la brten pa 'di/ /byed po shes par byed par gnas/ /de yang sa bon la sogs snang/ /de bzhin du ni byed dang 'brel/ / shes dang brten pa'i rtog yin par/ /gal te 'gal ba ci zhig yod/ /ces bya ba la sogs pa gsungs so/ /'phags pa lang kar gshegs pa las kyang/ rgyu dang rkyen las bzlog pa yi/ /byed pa po 'di bkag pa yis/ /sems tsam nyid du rnam gzhag cing/ /skye ba med par ngas bshad do/ /zhes gsungs so/ /rgyu ni rnam pa drug ste/ /lhan cig 'byung ba la sogs pa'o/ /rkyen ni bzhi ste/ rgyu dang dmigs pa la sogs pa'o/ /de dag las bzlog pa'i byed pa ni byed pa po dbang phyug la sogs pa'o/ /de dag bkag pas ni sems tsam nyid du skye bar rnam par gzhag ste/ de dag gis skyed pa'i skye ba med do zhes bya ba'i don to/ /klu grub kyi zhal snga nas kyis kyang ji skad du/ 'dir gang cung zad skye med cung zad 'gag pa'ang yod ma yin/ /skye ba dang ni 'gag pa dag /shes pa 'ba' zhig kho na'o zhes gsungs so/ /'dir zhes bya ba'i phung po dang khams la sogs pa ste/ nges par bzung ba'i bdun pa'o/ /shes pa 'ba' zhig ces bya ba ni gzhan gyi dbang gi shes pa'o/ /yang ji ltar skye ba nyid la skye ba med pa zhes bya zhe na/ gang zhig ci ltar skye med pa/ /gang gis skye par 'gyur ba ni/ /skye ba med cing de la brjod/ /mi bza' ba dang mi reg bzhin/ zhes bya ba smras te/ 'di ltar gang gi phyir gang zag kha cig za ba dang/ reg pa nyid kha cig mi za zhing reg par mi byed do zhes brjod do/ /mi za ba ni grong khyer gyi bya gag la sogs pa'o/ /mi reg pa ni gdol pa la sogs pa'o/ /de bzhin du yang dag pa ma yin pa'i kun tu rtog pa'i gang skye ba de ni skye ba med pa zhes bstan to/ /chos thams cad stong pa nyid du smra ba ni theg pa chen po pa yin zhes smras pa de la gzhan gyis smras pa/ stong pa nyid ni med pa yin te/ gang gi tshe thams cad med pa yin na de'i tshe 'gal la yang rgyu med do/ /rten cing 'brel par 'byung ba dang 'gal ba'i phyir ro/ /bden pa dang dkon mchog dang las dang 'bras bu la sogs pa la skur pa btab par 'gyur ro/ /gal te don dam par ni med la/ kun rdzob du ni yod do zhes zer na de yang bden pa ma yin te/ shing rta'i yan lag yod na shing rtar btags so/ /de bzhin du phung po yod na gang zag la gdags so/ /thams cad med pa nyid yin pa na ci zhig nye bar len cing ci zhig la gdags/ 'on te yang thams cad yod pa yang ma yin med pa yang ma yin pa dbu ma'i lam yin te/ thams cad med pa ma yin no zhes bdag cag smra'o zhe na/ de yang mi rigs te/ yod pa dang med pa phan tshun gzhan sel ba'i mtshan nyid gcig yin pa'i phyir gcig bkag pa nyid kyis gnyis pa mtshon pa'i phyir gnyis bkag pa ni mi rigs so/ /'dir slob dpon klu grub kyi lan btab ste/ gang zhig rten cing 'brel par 'byung/ /de ni stong pa nyid du bshad/ /de ni rgyur bcas btags pa ste/ /de ni dbu ma'i lam yin no/ /gang zhig gzhan gyi dbang gi ngo bo nyid rten cing 'brel par 'byung ba yin la/ de nyid la kun tu btags pa'i ngo bos med pa'i phyir ji ltar rten cing 'brel par 'byung ba la bskur ba btab par 'gyur/ nye bar len pa btags pa de nyid kyang rten cing 'byung ba yin te/ yang dag pa ma yin pa'i kun tu rtog pa yod na/ des nye bar len pa'i phung po la sogs pa rnams 'dogs pa'i phyir ro zhes dgongs pa yin no/ /gang zhig rten cing 'brel par 'byung/ de nyid dbu ma'i lam yin no zhes bya ba ni 'di ltar dgongs pa yin te/ kun tu brtags pa'i bdag nyid thams cad med la/ gzhan gyi dbang gi bdag nyid ni med pa ma yin te/ de'i phyir dbu ma'i lam zhes bya'o/ /de lta bas na gang gi phyir gnyis po med par smra ba de nyid kyi phyir yang dag pa ma yin pa'i kun tu rtog pa ni yod do/ /gang gi phyir de yod pa nyid kyi phyir gnyis kyi stong pa'i de la yod de 'di ni chos gsum gyi rang bzhin du 'grub par 'gyur ba yin no/ /kun tu brtags pa'i rang bzhin de ni yod pa ma yin gyi/ gzhan dag ni med pa ma yin pa 'di ni dbu ma'i lam yin no zhes nges par 'grub pa yin no/ /yang gang zhig yang dag pa ma yin pa'i kun tu rtog pa yang yod par mi bzhed pa'i phyir thams cad bstun pa yin zhes smra ba de la lan gdab par bya ste/ brtun pa 'ba' zhig yin pa na/ rgyu med pa dang res 'ga' min/ /nus pa med dang 'khrul pa tsam/ /thams cad tshad ma yin mi 'gyur/ /gal te thams cad brdzun par gyur pa yin na de'i tshe rgyu med pa'i phyir rgyu med par 'gyur zhing/ res 'ga' bar yang mi 'gyur te/ rgyu med gzhan la mi bltos phyir/ /rtag tu yod pa'am med par 'gyur zhes bya ba'i rigs pas so/ /nus pa med pas yin te/ nus pa med par yang mi 'gyur ba yod par nus pa'i mtshan nyid yin pa'i phyir ro/ /'khrul pa tsam thams cad kyi thob par 'gyur te/ med par gsal ba'i phyir ro/ /de bas ni ma 'khrul pa 'phags pa rnams kyi ma gzigs par thal bar 'gyur ro/ /thams cad 'khrul pa yin na yang mngon sum med pas rjes su dpag pa med pa'i phyir thams cad tshad ma ma yin pa ma lus pas thob po/ /gang yang des kun rdzob kyi mtshan nyid du bzhag pa/ ma brtags gcig pu nyams dga' ba/ /skye ba dang ni 'jig pa'i chos/ /don phyir dus su?? ldan pa yi/ /dngos po kun rdzob yin par 'dod ces smras pa de snga phyi 'gal ba yin te/ ma brtags gcig pu nyams dga' ba de ni gang zhig spyad pas 'gal ba'i phyir de med pa zhes bya ste/ de rnams kyis don byed pa dang/ /skye ba dang 'jig par gang las 'gyur/ gzhan yang gang gis chos rnams ngo bo nyid med par sgrub pa de la 'di ltar dri bar bya'o/ /dngos tsam snang dang nus pa dang/ /rten cing 'brel bar 'byung ba ni/ /khyed kyis rang bzhin med smras pas/ /chos rnams rab tu bkag par 'gyur/ /chos can rang bzhin mi 'grub dang/ /nyams su myong bas gnod pa dang/ /dang po'i phyogs dang lhag ma la/ /nus dang skye dang 'jig mi 'gyur/ /zhes bya ba la/ rang bzhin med pa'i tshig gis rang bzhin rnam par gcod de/ de yang dngos po tsam du gyur pa'am/ sna ba'am/ nus pa'am/ rten cing 'brel par 'byung ba'o/ /de la dngos po'i phyogs gnyis la rten mi 'grub pa dang/ rang gi ngo bo nyid 'grub pa dang/ nyams su myong ba dang 'gal ba yin no/ /lhag ma'i phyogs gnyis pa la nus pa dang/ skye ba dang 'jig pa med par 'gyur ro/ /dbus ma'i lam ni yod min chos rnams de dag snang/ /bems po las min gzhan las min/ /med pa las min nyes gnyis phyir/ /de phyir shes pa'i bdag nyid yod ces bya ba ni chos ni? phung po la sogs pa yod pa ma yin te/ gnyis med pa'i mtshan nyid las gcig dang du ma'i rang bzhin dang bral ba'i phyir ro/ /de bzhin du 'di dag snang ngo zhes bya bar ni grub bo/ /de dag rnam par dpyad na gang las 'di dag snang ba zhe na/ re? zhig bems po las ni ma yin te/ snang ba ni shes pa gcig bu dang ldan pa las 'grub pa'i phyir ro/ /shes pa yang gzhan las ni ma yin te/ gzhan gyis chos ni gzhan gyi spyod yul tu mi 'gyur ba'i phyir ro/ /rang bzhin med pa dang brdzun pa las ni mi 'gyur te/ gang gi phyir zhe na/ nyes pa gnyis yod pa'i phyir ro/ /'di ltar gal te 'di dag rang bzhin med na rgyu dang ldan pa'i shes pa'i dngos por ni mi 'gyur ro/ /de bzhin du yang res 'gar bar yang mi 'gyur te/ dus nges par 'grub pa la bltos pa med pa'i phyir ro/ /rten cing 'brel par 'byung ba yang spangs par 'gyur ro/ /de'i phyir shes pa'i bdag nyid du ni yod do/ /gang gi phyir bems po las ma yin pa dang/ gzhan las ma yin pa dang/ med pa las ma yin pa de'i phyir shes pa'i rang bzhin bden pa 'di nyid las brdzun par snang bar rig par bya'o/ /yod dang med pa'i bdag nyid ni/ /med do zhes ni ci zhig dgag ces bya ba ni gal te yod pa dang med pa'i bdag nyid med na/ /khyod kyi ci zhig dgag par bya/ gal te sgro btags yin zhe na/ kun rtog gi btags de bzhin no zhes bya ba smras te/ gal te sgro btags pa yi yod pa dang med pa'i bdag nyid bdag cag 'gog par byed do zhes zer na/ de lta yin na phung po la sogs pa yang dag pa ma yin pa'i kun tu rtog pa'i bdag nyid yod pa sgro btags par gyur pa nyid yin no/ /gang gis sgro btags pa yin zhe na/ yang dag pa ma yin pa'i kun btags pa nyid kyis so/ /de ni gsal ba'i ngo bo nyid yin pa'i phyir yang dag pa ma yin pa'i bdag nyid phung po la sogs pa gsal bar snang ngo/ /bdag ces bya ba gang las yin /bdag nyid med pa de ni gsal bar snang bar mi rigs te/ sgro ma btags pa'i bdag nyid med pa ji ltar snang zhe na/ sgro ma btags pa med pa'i phyir ro/ /phyi rol gyi don med pas kun tu rtogs pa'i shes pa 'khrul pa yin no/ /rnam par mi rtog pa'i ni ma yin te/ rang rig pa ni 'khrul par mi rigs pa'i phyir ro/ /de'i phyir de ni sngon po dang ser po la sogs pa'i sgro btags yin no zhes med par snang ba'i sgro btags ni/ rigs la mngon par zhen pa bzhin/ zhes bya ba smras te/ ji ltar rnam par rtog pa rdul du 'khrul pa ni med par rdul du snang bas de ni sgro btags pa yin no/ /de ltar rnam par mi rtog pa yang sngon po la sogs par 'khrul pa ni med pa'i sngon pa la sogs par snang ba sgro btags pa yin no/ /sgro btags pa de yang shes pa'i rdzas kyi bdag nyid yin par tshad mas gnod pa'i phyir ro zhes zer na/ brdzun pa nyid du grub pa yi/ /bye brag snang bas grub pa yin zhes bya ba smras te/ brdzun pa'i khyad par rnams kyang brdzun pa yin te/ de rnams snang ba nyid kyis grub pa yin no/ /tshad mas kyang dngos po nyid bsgrub pa'am/ 'gog pa ste phung po la sogs pa'i bdag nyid la tshad mas gnod pa'i bdag la sogs pa med do zhes sbyor ba'i phyir ro/ /rnam par rtog pa'i cha las phyi rol nyid dang thun mongs nyid la sogs pa snang ba grub pa pa lang bzhin no/ /tshad ma rnam par 'grel las kyang/ de la ngo bor gang snang ba/ /phyi rol gcig dang gzhan las ni/ /ldog pa lta bu de nyid min/ /yongs brtags yan lag dngos med phyir zhes gsungs pa dang/ yang ji lta bur ni rab brjod pa/ / sgra don de bzhin yod ma yin zhes gsungs pa/ de bas na brdzun pa shes pa'i rdzas kyi bdag nyid las brdzun pa nyid snang bar grub pa ste/ de bas na tshad mas gnod pa ma yin la/ dngos por gyur pa nyid yin par ni tshad mas gnod do/ /brtsun pa zhes brjod par ni rigs na grub pa'i sgra ci'i phyir smos zhe na/ smras pa/ brdzun pa yin yang bdag nyid de/ phyi'i don dang 'gal ba yin/ /thams cad brdzun par mi 'gyur phyir/ /de'i bye brag gang las snang/ /brdzun pa nyid mi 'grub pa ni gnyis te/ / sngon po la sogs pa dngos po ma yin pa'am/ /thams cad brdzun pa nyid do/ /gal te re zhig sngon po la sogs pa phyi'i don yin na de'i tshe de shes pa las don gzhan yin pa'i phyir dngos por gyur pa de'i bdag nyid du 'gal ba yin no/ /brdzun par yang 'gal ba nyid de/ 'di ltar sngon po la sogs pa mthong ba nyid ni gal te yang dag pa ma yin pa'i sngon po la sogs pa'i rang bzhin gyis so sor snang na de ni de'i bdag nyid brdzun par 'gyur na/ de ltar yod pa ma yin te/ sngon po la sogs pa yang brdzun par thal bar 'gyur ro/ /thams cad brdzun pa la yang sngon po la sogs pa'i bye brag tu snang bar mi 'grub ste/ brdzun pa nyid gang yang ma grub pa'i phyir ro/ /thams cad brdzun pa nyid la ni mngon suM dang rjes su dpag med pa ni sngar bstan pa nyid do/ /gal te brdzun dang yang dag rig /de yi bdag nyid 'brel par dka' / /rnam rtog don dang phyogs gcig tu/ /de bas shin tu 'brel par dka' / /zhes bya ba ni sgro btags de'i bdag nyid du 'brel par dka' ba ma yin te/ de bzhin du yang gal te 'brel par dka' bar sems na/ de lta na ni rnam par rtog pa de 'khrul par mi 'gyur te/ 'dir ba lang ma yin pa las ldog pa tsam rtogs par 'gyur ro/ /de rnam par rtog pa'i rang bzhin yin pa'i phyir rab tu snang ba la don gyi rang bzhin du zhen pa yin no/ /yongs su lhag pa'i rnam par rtog pa dang/ don gyi chos rnams gang yin pa de dag de'i rang bzhin ma yin te/ de bas na shin tu 'brel par dka' bar ci'i phyir mi sems/ brdzun pa ji ltar nyams su myong ba bzhin du rnam par bzhag pa la nyes pa med do zhes rtog pa la yang ci zhig nyes pa yod/ /gzhan yang zhen pa tsam gyis ni/ /shes pa 'dra ba'i bdag nyid de/ /gang gi rnam pa yin zhe na/ so so las gang yin pas dbye zhes bya ba ni rnam pa las gzhan gyi don rtogs par rnam par dbye bar mi nus te bum pa rtogs pa yin gyi snam bu ni ma yin no/ /'di ltar yang bum pa mthong bas bum pa'i rnam pa ltar de bzhin du bum pa'i rnam par rtog pa yin te/ de mthong ba bzhin no/ /rnam par rtog pas kyang thams cad kyi bdag nyid kyi dngos po yul du byed de/ dngos po yul du cha shas med pa'i phyir ro/ /rnam par rtog pa'i rnam pa de yang gcig las bzlog pa'i mtshan nyid du rig dang mngon par zhen pa'i phyir/ rnam rtog blo ni 'khrul pas grub /ces bya ba ni rnam par rtog pa'i blo nyid de ltar 'khrul pas gnyis su grub ste/ de nyid gcig las bzlog pa'i ngo bo rang gi rnam par rig pa'o/ / de nyid la ngon gyi rnam par zhen pa ni 'khrul pa yin no/ /de bzhin du rig pa gzhan yang kha cig tu 'khrul pa yin no/ /rig pa po gcig bu 'di nyid gal te sngon po la soT pa 'khrul pa yin na ma 'khrul pa gang la yin zhe na smras pa/ sngon po la sogs de yi blo/ /tha dad ma yin de 'drar 'dod/ /rtogs pa'i dngos de mngon sum ste/ sngo sogs bdag nyid de 'khrul yin/ /rigs pa'i dngos po de nyid ni gcig tu 'dod de/ sngon po la sogs pa rnams dang/ rig pa de tha dad med pa'i phyir ro/ /'on kyang rig pa de nyid rtogs pa'i bdag nyid rig par bya ba mngon sum gyi tshad ma yin la/ sngon po la sogs pa'i bdag nyid rig pa ni 'khrul pa yin te/ sngon po la sogs pa gcig dang du ma dang bral bas brdzun pa'i phyir ro/ /dper na rnam par rtog pa de nyid kyi dngos po la mngon sum gyi tshad ma yin la/ don du mngon par zhen pa las ni 'khrul pa yin no/ /sngon po la sogs pa dang/ de rtogs pa tha mi dad pa'i phyir ro/ /sngon po la sogs pa la gnod pa gang yin pa de nyid rtogs pa'i ngo bo la yang 'gyur ro zhe na/ smras pa/ mngon sum phyir phul byung med phyir/ /sgro btags min phyir rang rig pa/ /rtogs pa'i ngo bo gnod med pa/ /sngo sogs bzlog par gyur pa yin/ /yang rang rig pa'i ngo bo la gnod par byed pa ni med de/ de la de'i mngon sum yin pa'i phyir ro/ /mngon sum la ni gzhan gyis gnod par mi nus so/ /phul byung med ces bya ba ni mngon sum de la gnod par byed pa phul du byung ba med do/ /gang gis de la gnod par 'gyur/ sgro btags zhes bya ba ni gal te yang rtogs pa'i ngo bo la gnod na de'i tshe de sgro btags par 'gyur te/ de yang mi rigs te/ ngo bo gzhan med pa'i phyir ro/ /sngon po la sogs pa rang rig pas gnod pa nyid yin te/ go bzlog nas 'chad par 'gyur ba'i phyir ro/ /de la de'i rtog pa tsam gyis mngon sum du mi byed pa'i phyir dang/ gnod par byed pa'i tshad ma phul du byung ba yod pa'i phyir dang/ ser po la sogs pa las shes pa'i ngo bo gzhan yod pas sgro btags pa yin pa'i phyir ro/ /gcig dang du ma dang bral ba'i gtan tshigs kyi sngar sngon po la sogs pa la gnod na de'i bdag nyid rtogs pa la yang gnod do zhe na/ de ltar ma yin te/ 'di ltar thams cad brdzun pa'i tshul gyis shes pa 'di dag thams cad med pa snang ba 'khrul pa yin pas de bas mngon sum bcung zad kyang ma grub pa'o/ /de'i phyir tshul gsum la nges pa med pas gtan tshigs 'di dag thams cad gtan mi ltar snang bar 'gyur ro/ /de bas na rnam par brtags pa'i chos rnams med pa yang dag ma yin pa'i kun tu btags pa ni yod pas sgro btags pa des bdag nyid rig pa dang 'di ni snang ba med par gnas so/ /shes pa thams cad med snang na/ / mngon sum rjes su dpag pa 'ang med/ /rgyu med thams cad brdzun smra ba'i/ /smra ba nyid ni gang las 'gyur/ /zhes bya ba ni thams cad brdzun par smra bas yang grub pa smras pa/ gang gcig dang du ma dang bral ba de ni rang bzhin med pa yin te/ dper na ri bong gi rwa bzhin no/ /sngon po dang/ ser po la sogs pa de dag kyang gcig dang du ma bral ba'i phyir ro/ /zhe na/ de ni shin tu 'bral ba med do/ /'di ltar de dag gi shes pa thams cad brdzun par rig pa las med par snang ba de'i phyir 'khrul par 'gyur te/ 'khrul pa yang mngon sum ma yin no/ /de bas na rjes su dpag pa yang med de/ de'i phyir tshul gsum pa ma grub pas gtan tshigs thams cad de dag gi gtan tshigs ltar snang bar 'gyur ro/ /brdzun pa? ni gang gi yang rgyur mi 'gyur ro/ /yang gang rjes su dpag pa la rgyu med na de ji ltar rgyur 'gyur/ /gal te rjes su dpag pa la rgyu yod na de nyid kyis grub pa'i mdza' la gnod par 'gyur ro/ /gzhan yang thams cad brdzun pa nyid sngar bsngal to/ /gzhan yang sngon po la sogs pa'i chos 'dir gang las grub/ nyams su myong ba las so zhe na/ nyams su myong bar shes pa de ni brdzun pa yin te/ de la don grub pa med do/ /mngon sum gyis so zhe na ma yin te/ brdzun par snang ba nyid 'khrul pa yin pa'i phyir ro/ /gzhan yang gal te bral ba ni med pa yin pas nus pa thams cad bral ba'i phyir ji ltar gtan tshigs su 'gyur/ gal te ma yin par dgag pa yin na rang nyid la ma grub bo/ /gal te 'di rang bzhin gyis gtan tshigs yin nam/ khyab par byed pa 'gal ba dmigs pa'am/ khyab par byed pa mi dmigs pa yin na thams cad du rang nyid ma grub ste/ mi dmigs pa zhes bya ba ni yang dngos po dmigs pa'i mtshan nyid yin pa'i phyir ro/ /gal te yang sngon po la sogs pa rang bzhin med na de'i tshe chos can gyi rang bzhin gang yin/ 'on te sngon po la sogs pa'i rang bzhin chos can dang/ dngos po'i rang bzhin stong pa nyid du bsgrub par bya ba ni dngos po'i rang bzhin ni gcig nyid dang/ gzhan nyid kyis khyab pa yin gyi/ rang bzhin tsam ni ma yin no zhe na/ de yang mi rigs te khyab pa ma grub pa'i phyir ro/ /dngos su sgrub pa nus pa med de/ de'i sgrub par byed pa'i tshad ma mngon sum dang rjes su dpag pa med pa'i phyir ro/ /de nyid kyi phyir dpe'i chos can yang ma grub bo/ /yang na smra ba nyid ni gang las 'gyur/ zhes bya ba ni sgrub pa smra ba yang med la/ dgag pa smra ba yang med do zhes bya ba'i don to/ /thams cad brdzun par smra bas de dag smra na rang gi grub pa'i mdza' dang 'gal te/ de dag gzhan rtogs pa'i rgyu yin pa'i phyir ro/ /thams cad brdzun na thams cad rgyu med pa'i phyir ro/ /gzhan yang de'i sgrub pa dang sun 'byin pa thams cad rang nyid lam grub ste/ sgrub pa ni chad ma la rag lus pa'i phyir dang/ tshang ma yang khas mi len pa'i phyir ro/ /khas len na ni rang bzhin gsum gyi tshul du grub pas thams cad brdzun du smra ba ga la yin/ de lta na khyed dang gzhan la yang sgrub pa dang sun 'byin pa thams cad ma grub bo/ /bdag cag ni tshad ma med par rtsod do zhe na/ tshad ma yod de/ de'i phyir 'di ltar tshad ma ma grub pas bdag cag sgrub pa dang sun 'byin pa yin te/ tshad ma ni tshad ma brgyas kyang mi gnod de/ tshad ma ma yin pa pha rol gyi 'dod pa tsam gyis smos kyang ci dgos/ /gang gi phyir gnan la ma grub par brjod/ /phyogs 'di la gang brdzun pa las tha mi dad pa de yang brdzun te/ dper na brdzun pa'i ngo bo bzhin no/ /brdzun par snang ba'i shes pa yang yin no zhes bya ba la sogs pas pha rol gyi sbyor ba rnams la sun 'byin pa brjod par mi bya'o/ /thams cad yod par smra bas brjod pa/ gang rig par bya ba de ni brdzun ma yin te/ shes pa'i ngo bo bzhin no/ /sngon po la sogs pa rig par bya ba ni khyab par byed pa 'gal ba dmigs pa yin no zhe na/ de yang bzang po ma yin te/ 'di ltar gtan tshigs 'di ni brdzun pa gzhan sel ba'i rnam par rtog? pa la yang rig par bya ba 'jug pa'i phyir thun mong gi ma nges pa yin no/ /yang rig par bya ba ma yin pas brdzun pa la khyab pa ma grub pa'i phyir ldog pa la the tshom za ba yin no/ /yang na gcig dang du ma dang bral ba'i yul yin pa'i phyir dang/ de med pa'i yul du grub pa'i phyir gzhi ma grub pa yin no/ /yang na ni/ smra ba nyid ni gang las 'gyur zhes bya ba ni chos smra ba nyid ma yin no zhes bya ba'i don te/ 'di ltar thams cad brdzun par smra ba'i shes pa 'di dag thams cad 'khrul pa yin te de'i phyir shes rab kyi pha rol tu phyin pa ma 'khrul pa'i mtshan nyid kyang spong bar 'gyur la/ des bsgrub pa'i sangs rgyas dang byang chub sems dpa' rnams kyang ngo/ /rjes su dpag pa la skur pas thams cad mkhyen pa dang/ 'jig rten pha rol la sogs bsgrub pa la skur bar gyur pa dang/ rgyu dang 'bras bu la skur na las dang 'bras bu dang/ bden pa dang/ dkon mchog la skur pa yin te/ gang gis na 'di dag chos smra ba yin/ thams cad brdzun par smra ba'i smra ba nyid bkag pa yin no/ /gcig dang gzhan las des bral ba'i/ /shes te brdzun pa'i bdag nyid can/ /ji ltar gnyid kyis log pa yis/ /glang chen myos pa mthong ba bzhin no/ /lus dang ljon shing mtshe'u la sogs/ /sad pa rnams kyis mthong ba 'di/ /gcig dang du ma las grol ba'i/ /zhes pa de nyid yongs su gsal/ /zhes bya ba ni kho bo cag gi chos la bdag med par sgrub pa nyon cig /gang zhig gcig dang du ma dang bral ba yang dag par rig pa de ni brdzun pa'i bdag nyid can yin te/ dper na gnyid kyis log pas glang chen myos pa mthong ba bzhin no/ /yang dag par rig pa 'di yang gcig dang du ma dang bral ba'i phyir lus dang ljon shing dang rdzing bu la sogs pa mthong ba yang zhes bya ba ni rang bzhin gyis gtan tshigs so/ /ma grub ma yin gzhi grub phyir/ gang phyir 'di ni rang rig pas/ /lus sogs rang gi ngo bo grub/ /sna tshogs lhan cig rig pa'i phyir/ /mthun phyogs yod phyir 'gal ba min/ /rmi lam brdzun pa mthong ba bzhin/ /thams cad bsdus pas khyab grub phyir/ /ma nges pa yang ma yin no/ /gtan tshigs gzhi ma grub pa yang ma yin te/ lus dang ljon shing dang rdzing bu la sogs pa mthong bas lus la sogs pa'i chos can rig pa'i rang gi ngo bo nyams su myong ba de bzhin du rtogs pa nyid gyis nges pa'i phyir ro/ /de'i rang gi ngo bo ma grub pa yang ma yin te/ 'di ltar lus ni gcig ma yin te/ lag pa dang rkang pa la sogs pa 'di dag du mar de ltar rtogs pa'i phyir ro/ /du ma yang ma yin te/ lus gcig pa nyid du rtog pa'i phyir ro/ /gang zhig 'dir phra rab du ma ni cha shas yin la/ gang zhig gcig pu rags pa de ni cha shas can yin no zhes zer na/ ma yin te/ lag pa la sogs pa tshogs pa lus po gcig yin gyi/ yang de dag las lus po tha dad pa med par rtog pa'i phyir ro/ /cha shas can gcig pu khru bzhin pa'i tshang dang ldan pa lag pa dang rkang pa la sogs pa re rer rtog pa yod do zhes smra ba ji ltar ston pa ma yin te/ de lta bas na lag pa la sogs pa du ma ni lus gcig yin gyi/ gcig dang du ma dang bral bar yang dag par rig pa gtan tshigs kyi rang gi ngo bo chos can la ma grub pa ma yin no/ /gzhan yang lag pa dang rkang pa la sogs pa gcig ma yin te/ phan tshun rang gi ngo bo gzugs su rnam par dben par snang ba'i phyir ro/ /du ma yang ma yin te/ re re'i bdag nyid du gyur pa snang ba nyams su myong ba thun mong du rig pa med pas/ lhan cig tu 'brel par snang ba mi rig pa'i phyir ro/ /rang dang gzhan gyi sems bzhin no/ /lhan cig so sor snang ba yod de de nyid kyi phyir yang gtan tshigs kyi rang gi ngo bo gcig dang du ma dang bral ba yang dag par rig pa nyid chos can la ma grub pa ma yin no/ /gtan tshigs 'di 'gal ba yang ma yin te/ mthun pa'i phyogs rmi lam du glang po myas pa mthong ba la yang yod pa'i phyir ro/ /rmi lam ni brdzun pa mthong ba yin no zhes rab tu grags so/ /de'i bdag nyid ma yin pa de las snang ba ni mi rigs so/ /de'i glang po myos pa mthong ba 'di ni brdzun pa'i bdag nyid mthun pa'i phyogs la sgrub po/ /mthong ba nyid rang rig pa'o/ /brdzun pa la yang gcig dang du ma nyid med de/ de dag ni dngos po'i chos nyid yin pa'i phyir ro/ /de bas na gcig dang du ma dang bral ba'i yang dag par rig pa nyid mthun pa'i phyogs la yod par grub pas de'i phyir 'di 'gal ba yang ma yin no/ /ma nges par yang ma yin te/ dpe 'di nyid kyis thams cad nye bar bsdus pas khyab pa grub pa'i phyir ro/ /gang dang gcig dang du ma dang bral ba yang dag par rig pa de dang de dag thams cad ni brdzun pa'i bdag nyid yin te/ de gang las zhe na/ dngos po la khyab par byed pa gcig dang du ma nyid log na dngos po nyid log pas dngos po med pa nyid brdzun pa kho na ste/ de'i bdag nyid kyang yang dag par rig pa grub ste/ de med na yang dag par rig pa dang 'brel pa mi rigs pa'i phyir ro/ /dngos po nyid la de dag gis khyab pa ji ltar grub ce na/ phan tshun gzhan sel ba'i mtshan nyid dngos po'i chos dag ni dngos po gcig bkag na gnyis pa nges par grub pa'i phyir dngos po de nyid las 'da' mi nus so/ /de nyid kyi phyir gnyis kyi dngos po la khyab par grub bo/ /thams cad brdzun du smra bas smras pa/ bdag cag la dngos po ma grub ste/ dngos po'i chos kyang med pa'i phyir ro/ /de bas na gnyis kyis dngos po la khyab pa ma grub bo zhe na/ de ni mi rigs te/ gang gis phyir / blang ba la ni 'jug ldan zhing/ /dor ba las ni ldog pa can/ /dngos dang de chos la bsnyen pa/ /g.yo can de ni tshar bcad 'os/ /gang zhig blang bar bya ba btung ba dang bza' ba la sogs pa la 'jug pa dang/ dor bar bya ba pa bkres skom la sogs pa las ni ldog de'i phyir dngos po dang de'i chos nyid du nges pa'i phyir yin te/ dngos po med pa la ni bde ba dang sdug bsngal bsgrub pa dang dgag pa med par nges te/ de gnyis mi rig pa'i phyir ro/ /g.yo 'ba' zhig gi gzhan la bsnyon pa de lta bu ni tshogs kyi nang du tshar bcad par 'os pa yin no/ /gzhan yang dngos po zhes bya ba gang khyed kyis bkag par bya ba ci zhig yin/ yul med pa la dgag pa ni mi rigs so/ /gal te dngos po'i mtshan nyid dngos po yin na/ rang bzhin yang dngos po yin te/ de'i rang bzhin med par sgrub pas chos sam chos can bsgrub par bya bar bya ba yin te/ gal te de dag gi ngo bo gzhan yod na de'i tshe de nyid kyis rang bzhin med pa la gnod par 'gyur ro/ /de bas na ngo bo tsam gyis grub pa'i chos can dngos po'i chos dang bral ba bsgrub par bya ba yin par gyur to/ /dngos po de yang nus pa'i mtshan nyid kho na yin no/ /gzhan la ni bsgrub pa dang dgag pa mi rig pa'i phyir ro/ /nus pa'i dngos po'i mtshan nyid yin zhes gang bshad pa yin no/ /de'i phyir yang/ mtshan nyid dag gis dngos por 'grub/ /de phyir de nyid rjes su 'gro/ /gang phyir phan gzhan sel bdag /rang gi chos las dngos mi 'da' / /gang gi phyir mtshan nyid kyis dngos po 'grub na de nyid kyi phyir de gnyis kyi rjes su 'gro ba 'grub ste/ gcig dang du ma dag gis khyab po/ /gang gi phyir de dag phan tshun gzhan sel ba'i ngo bo yin no/ /gcig bkag pa nyid ni gnyis pa'i mtshan nyid do/ /de bas gsum pa med pa'i phyir dngos po gnyis las mi 'da' bas gnyis kyis khyab bo/ /de'i phyir ci zhig yin zhe na/ smras pa khyab par byed pa log pa yis/ /gdon mi za bar khyab bya ldog /thams cad bsdus pas khyab pa yis/ /rtsa ba'i gtan tshigs rjes su 'gro/ /phan tshun gzhan sel ba'i mtshan nyid kyi chos la gal te dngos pa mi 'da' na dngos po la sogs pa ji ltar 'da' zhe na/ ma yin dgag pa'i mtshan nyid chos/ /phan tshun gzhan sel bdag nyid gang/ /de gnyis dag la dngos mi 'da' / /dngos po min la de gnyis med/ /ma yin par dgag pa'i bdag nyid 'gal ba'i chos dag las dngos po mi 'da' ste/ dngos po gcig spangs na gnyis pa yod pas rnam pa gsum pa med phyir ro/ /sngon po la sogs pa ni dngos po ma yin pas de'i phyir chos de gnyis ka yang de la med do/ /de bas na gnyis ka dang bral ba gang yin pa de ni dngos po ma yin no/ /gal te de ltar yin na dngos po gzhan sel ba'i mtshan nyid dngos po la yang 'gyur gyi/ dngos po med pa la mi 'gyur ro zhe na/ dngos po med pa la sogs pa/ / gang phyir dgag pa'i bdag nyid min/ /ma yin dgag pa de thams cad/ /dngos po nyid kyis bsdu phyir ro zhes bya ba'i don ni 'di yin te/ gang ma yin par dgag pa de thams cad ni/ dngos po nyid kyis bsdus pa yin te/ de lta bas na dngos po med par bkag pa ni ma yin par dgag pa ma yin no/ /de'i phyir dngos po med pa ma yin gyi/ dngos po la ni ma yin no/ /de lta bas na 'di ltar nyes pa gsum spangs pa'i gcig dang du ma dang bral ba yang dag par rig pa'i gtan tshigs te/ brdzun pa'i bdag nyid lus dang ljon shing mtshe'u la sogs pa la mthong bas chos can la yod par grub bo/ /gang sangs rgyas dang byang chub sems dpa' 'jig rten las 'das pa'i mngon sum shes rab kyi pha rol tu phyin pa zhes bya ba de'i mtshan nyid bstan par bya'o/ /ye shes chos rnams thams cad la/ /kun tu 'khrul pa mi mnga' ba/ /yang dag mdza' bsgoms las byung ba/ /dam pa'i don la mngon sum yin/ / ye shes chos rnams thams cad la/ /zhes pa ni chos thams cad la dmigs nas chos thams cad kyi don dam pa yang dag par mkhyen pa'o/ /'khrul pa mi mnga' ba ni 'khrul pa med pa ste/ yang dag ma yin pa yang dag par mkhyen pa'i phyir dang/ mngon par brjod pa med pa'i phyir ro/ /yang dag pa'i mdza' ni yang dag pa'i mdza' ste/ stong pa nyid do/ /de bsgom pa ni zhi gnas dang lhag mthong gis te/ de las byung ba ni mngon sum ste/ don mngon sum du mdzad pa'i phyir/ dam pa yang yin la don yang yin pa'am/ ye shes dam pa'i don de la yod pa ni don dam pa'o/ /gzhan gyi dbang gi shes pa yis/ /phung po la sogs kun brtags pa/ /yang dag shes la snang ba yin/ /snang ba yongs su grub pa yin/ /phung po la sogs pa'i chos ji ltar rig pa bzhin gzung ba dang 'dzin pa'i mtshan nyid de dag ni yod pa ma yin pa zhig yod par mi rig pa ste/ gcig dang du ma dang bral ba'i phyir ro/ /'o na ji ltar snang zhe na/ gang gi phyir 'khrul pa'i bag chags las skyes pa'i phyir gzhan gyi dbang gi shes pa 'khrul pas kun tu brtags pa yin te/ phung po la sogs pa med pa'i bdag nyid de snang ba'i phyir ro/ /de nyid kyi phyir yang dag pa'i shes pa la de dag snang ba ma yin te/ yang dag pa dang brdzun pa gnyis gcig pa nyid du 'gal ba'i phyir ro/ /de mi snang bas de'i stong pa nyid kyi mtshan nyid ni yongs su grub pa nyid kyi rang bzhin de dag yang dag pa'i shes pa la snang ste/ de'i phyir de la 'khrul pa mi mnga' 'o/ /klu sgrub kyi zhal snga nas 'di skad du/ 'byung ba che la sogs bshad pa/ /rnam par shes su yang dag 'du/ /de shes pas ni bral gyur na/ /log par rnam brtags ma yin nam/ /zhes gsungs pa'i don ni 'di dag yin te/ /'byung ba chen po la sogs pa ni sa la sogs pa ste/ bcom ldan 'das kyis gang gsungs pa de dag rnam par shes par yang dag pa ma yin pa'i kun tu rtog pa la snang ba ni 'du ba yang dag par 'dus pa yin te/ yang dag pa ma yin pa'i bdag nyid des de snang ba'i phyir ro/ /de nyid kyi phyir yang dag pa shes pa bsgom pa'i stobs las byung ba'i 'bral ba ni nub pa ste/ mi snang bar gyur pa yin no/ /gang gi phyir log par rnam brtags ma yin nam/ zhes bya ba ni log pa'i shes pa nyid la snang ba ni yang dag pa'i shes pa la ma yin no/ 'dir sa la sogs pa rnam par shes par bsdu ba'i tshig yin pa'i phyir dang/ yang dag pa'i shes pa skyes? pa la 'khrul pa zlog pa'i tshig yin pa'i phyir gang zhig phyi rol gyi rang gi / gzugs kyi phung po 'dod pa dang/ gzhan phung po bzhi zad pa'i mtshan nyid 'khrul pa bzlog par 'dod pa de dag ni/ klu sgrub kyi slob ma ma yin te/ shes pa yod pa la sogs pa dgag par brjod pa'i phyir dang/ sa la sogs pa sgro btags par bstan pa'i phyir ro/ /yang gang zhig sngon po la sogs pa dang/ de shes pa nyid brdzun par 'dra ba nyid dang/ gnas par 'dra bar smra ba de dag kyang/ klu sgrub kyi slob ma ma yin no/ 'jig rten pa'i tshad ma'i dbang du byas nas tshigs su bcad pa bdun ston te/ /dkar po la sogs snang bas bsgrub/ /mi snang de nyid bkag pa yin/ /shes pa de nyid rang rig ste/ /gzhan du thug pa med par 'gyur/ /dkar po dang/ ser po dang/ dmar po la sogs pa snang bar grub ste/ dkar po dang/ ser po la sogs ba snang ba nyid ni/ nges pa'i phyir ro/ /gang snang ba med par gang zhig smra ba ni/ snang ba de nyid rang dang 'gal lo/ /rtogs pa ni rtog pa med pa dang 'gal lo/ /zhes gsungs ba yin no/ /snang ba de nyid shes pa yin te/ 'di ltar snang ba ni gsal ba'o/ /de dag gi ngo bo ma yin pa nges/ bdag nyid shes pa ma yin te/ de gsal ba dang 'brel pa med pa'i phyir ro/ /gzhan yang ma yin te/ rang gi gsal bas gzhan dang 'brel ba med pa'i phyir/ shes pa nyid du mi 'gyur ro/ /de'i phyir shes pa nyid snang ba yin te/ de nyid kyang rang rig pa yang yin te/ gang gi phyir snang ba'i ngo bo nyid kyi yang dag par rig pa yin gyi/ shes pa'ang rig pa ma yin te/ don bzhin no/ /'on kyang shes pa gzhan gyi rig pa yin no zhes zer na/ de lta yin na de yang shes pa gzhan gyis rig par bya dgos pas thun pa med par thal bar 'gyur ro/ /de bas na shes pa de nyid rang rig pa yin no/ /tshang ma de yang bslu med phyi med? mi bslu ba ni? 'brel ba'i phyir/ /rtogs pa'i dngos des nus par yod/ /de yi bdag nyid mtshan nyid do/ /shes pa de yang mi bslu ba yod na tshad mar 'gyur ro/ /mi bslu ba ni don la khrul pa med pa de/ de yang 'brel ba'i phyir ro/ / 'brel pa ni rag lus pa ste/ de ni rnam pa gnyis te/ de'i bdag nyid kyi mtshan nyid dang de las 'byung ba'i mtshan nyid do/ /de'i bdag nyid gang la yod pa de ni de'i bdag nyid do/ /yang gang gi bdag nyid gang yin pa nges ji ltar spongs/ gang zhig gang las skyes pa de de las 'byung ba mtshan nyid ji ltar spong bar 'gyur/ de la nges zhes bya ba ni shes pa'i rang gi rang gi ngo bo rtogs pa dang/ nus pa yang yod pa de'i bdag nyid kyi 'brel pa'i mtshan nyid yod do/ /de las yang gang zhig yin zhe na/ smras pa/ nus dang shes pa'i bdag nyid pas/ /de phyir mngon sum tshad ma yin/ /sngon po la sogs pa'i rig pa ni 'khrul pa ste/ de ni med par snang ba'i phyir ro/ /gal te de med par yang snang na/ yod pa'i sngon po la sogs pa gang/ /phyi rol ci'i phyir mi snang/ /sngon po la sogs pa ni med pa ste/ gcig dang du ma dang brel ba'i phyir ro/ /gzhan yang phyi rol mngon sum min gzhan phyir/ /'gugs pa min phyir 'khrul pa yin/ /de la re zhig phyi rol gyi sngon po la sogs pa shes pa'i mngon sum du 'gyur ba mi 'os te/ shes pa las don gzhan shes par gnas pa'i gsal ba dang 'brel ba med pa'i phyir ro/ /'khrul pa yang ma yin te/ 'di ltar chur 'khrul pa'i yul smig rgyu yin nam chu yin/ de la re zhig smig rgyu ni ma yin te/ de mi snang ba'i phyir ro/ /chu yang ma yin te/ de la de med pa'i phyir ro/ /smig rgyu nyid chu'i dngos por snang do zhes zer na med pa snang ba nyid du 'gyur ro/ /chu med pa ma yin te/ gzhan na yod pa'i phyir ro zhes zer na /ma kug bar de ci ltar snang/ /bkug na ni 'khrul pa ma yin no/ /bdag brgya byin la sogs pa yin no zhes sems pas kyang brgya byin la sogs pa thob par 'gyur ro/ /de lta bas na ma bkug pa'i phyir yang phyi'i ngon la 'khrul pa mi rigs so/ /bslu ba med pa'i rnam par mi rtog pa bshad zin to/ / //rtog pa can bshad par bya ste/ rnam rtog kha cig don gzhan la/ /gang phyir zhe na bslu ba med/ /rnam par rtog pa kha cig don gzhan la mi bslu mod kyi don gzhan la yang dag par mi rig pa ma yin nam / de la ji ltar mi bslu ba yin zhe na /mngon par zhen pa'i phyir ro/ /don gzhan yang dag pa ma rtogs kyang des zhen pa yin te/ de der de las byung ba'i gzhan dang gzhan brgyud las 'brel bas yed de/ de bas na de la mi bslu ba yin no/ /'o na ni de la don gzhan snang ba ma yin te/ mi snang ba la yang zhen pa ma yin te/ shin tu thal bar 'gyur ba'i phyir ro/ /de ltar bas na de ji ltar zhen par 'gyur/ 'di ni nyes pa med de/ ba glang ma yin pa las ldog pa'i rnam par rtog pa la snang ste/ de khra bo la yang yod pas de la yang dag par rig pa la zhen par rigs so/ /don dang shes pa shin tu tha dad ba'i phyir de nyid ngo bo gcig pa ma yin no zhes zer na/ de nyid med phyir brdzun pa ni/ /ji ltar snang bzhin rnam par gzhag /sgra dang rnam par rtog pa'i don gnyis ni brdzun pa yin te/ brjun pa la ni de kho na nyid med do/ /ji ltar rtog pa 'ba' zhig de'i de kho na yin gyi/ ji lta ba bzhin de kho na nyid ma yin no/ /ba lang gi rnam par rtog pa las ba yang ma yin pa las ldog pa rtogs pa yod pas/ 'di la rigs pas gnod pa med do/ /dpe bstan par bya ste/ ji bzhin yang dag dran pa dang/ ji ltar mngon sum rjes skyes ni yang dag par den pa ni yang dag par dran ba'o/ /mngon sum gyi rjes las skyes zhes bya ba ni mngon sum gyi stobs las skyes pa'i rnam par rtog pa'o/ /de yang tshad ma ma yin te/ de dag gzung ba 'dzin pa'i phyir ro/ /gal te yang rnam par rtog pa 'di dag mi bslu ba tsam gyis ni tshad ma ma yin te/ gzung ba 'dzin pa'i phyir ro/ /ji ltar gzung ba 'dzin pa'i phyir dran pa tshad ma ma yin pa de bzhin du mngon sum gyi rjes las skyes ba'i rnam par rtog pa'i yang yin te/ khyad bar med ba'i phyir ro/ /rnam par mi rtog pas dngos po bzung nas de'i rjes las skyes pa'i rnam par rtog pas rigs la sogs pa'i khyad par 'dzin te/ rigs la sogs pa ba lang dang ba'ang dkar por 'gro ba bzhin no zhes zer na/ thams cad rigs mthun pa dang mi mthun pa las ldog ba'i dngos po'i ngo bo yin te/ de rnam par mi rtog pas bzung bas ba lang ma yin pa las ldog pa ba lang dang/ dkar po ma yin pa las log ba'i dkar po dang/ mi 'gro ba las log pa'i 'gro ba'i shes bas ji ltar gzung ba 'dzin pa yin/ gzhan yang ba lang mthong na ba lang yin no zhes des pa ni ngon sum gyi/ /tshad ma ma yin te/ dngos pa'i ngo bo yang dag bar ma reg pa'i phyir ro/ /gal te reg na thams cad kyi bdag nyid nges par thal bar 'gyur ro/ / de bas na 'di ni yang dag par rig pa ma yin pa'i dngos po'i ngo bo la mngon par zhen pa yin pa'i phyir mngon sum gyi tshad ma ma yin no/ /rtags pa med pa'i phyir rjes su dpag nge? yang ma yin no/ /ba lang do zhes pa'i rnam par rtog bas kyang ba lang gri ngo bo nyams su mong ba yin no zhes zer na/ yang rtar rnam par rtog pas ba lang mthong ba de bzhin ne/ /rnam par mi rtog pas ba lang mthong ba ni rgyu ma tshang ba med pa'i phyir des bskyed pa dang/ ba lang gi rnam par rtog pa de bye brag med par 'khrul ba yin? te/ 'di ltar /zhen pa dang yul gcig yin pa'i phyir ro/ /rtar rnam par rtog pa ma yin te bklog? pa'i phyir ro/ /de ltar yin na rjes su dpag pa ni tshad ma yin par mi 'gyur te/ khyad par rjes 'gro med pa dang/ /sbyin grub pa sgrub pa yin/ /khyad par ni bsgrub par bya ba ma yin te/ de'i dpe la rjes su 'gro ba med pa'i phyir ro/ /sbyi nying bsgrub par bya ba yin na ni de'i phyir gzung ba dang 'dzin par 'gyur ro/ /'dir smras pa/ gang phyir khyad par 'dzin pa'i phyir/ /rjes su dag pa tshad ma yin/ /chos can ma 'grel rnam gcod pas/ /spyi yang 'dzin par byed pa yin/ /sbyi ni grub pa 'di dag sgrub pa yin zhes gang smras pa la/ sbyi gang du grub/ dpe'i chos can la'o zhes zer na/ de ltar yin na dpe'i chos can khyad par dang ldan pa de ji ltar spyir 'gyur 'on te/ de khyad par dang ldan yang spyi nyid yin na bsgrub par bya ba'i chos can gyis khyad pa ji ltar spyi ma yin /de bas na 'di ltar brjod par bya ste/ gal te gzhan dang ldan pa rnam par gcod pas khyad par du byas pa dpe'i chos can nyid gang yin pa de nyid gang yin pa de nyid ni spyi yin par mi 'gyur ro/ /'dir ma 'brel pa rnam par gcod pas khyad par du byas par 'dod de/ /dpe'i chos gang yin pa de nyid yang bdag cag ni ma 'brel par rnam par gcad pas me'i phyogs khyad par du byas pas rjes su 'gro ba la nyes pa med do/ /de nyid kyi phyir chos can dang ma 'brel pa rnam par gcod pas spyi yang bzung bas de ma 'brel pa rnam par gcod pa'i mtshan nyid kyang khyad par 'dzin to/ /de bas na rjes su dpag pa ni tshad mar rigs te/ ma bzung ba 'dzin pa'i phyir ro/ /gang de rang gi yul dang 'brel ba yin nam zhe na/ de brgyud de las byung ba ni/ /rjes su dpag blo'i 'brel pa yin/ /brgyud pas rjes su dpag pa'i shes pa'i yul dang/ de las byung ba'i mtshan nyid kyi 'brel pa yin no/ /'di ltar rjes su dpag par bya ba ni/ rtags las shes te rjes dpag yin/ /rjes su dpag par bya ba'i don las de'i rtags nges pa ni brgyud pas yin no/ /rtags nges pa las rjes su dpag pa ni 'jig rten pa'i tshad ma mtshan nyid yin no/ /kun nas nyon mongs dmigs pa dang/ /gang zhig dmigs pa can dag ni/ /kun rdzob dang ni don dam ni/ /de gnyis bden dang go rims bzhin/ /kun nas nyon mongs pa'i dmigs pa gang yin pa de ni kun rdzob kyi bden ba'o/ /rnam par dag pa'i dmigs pa gang yin pa de ni don dam pa'i bden pa'o/ /de yang gang zhig yin zhe na/ smras pa/ yang dag ma yin kun rtog yin/ /brtags pa'i bdag nyid kun rdzob nyid/ /de nyid stong pa'i bdag nyid ni/ /dam pa'i don du shes par bya/ /theg pa chen po las yod pa rnam pa bzhir bzhed de/ de bstan pa'i phyir smras pa/ bden pa de nyid kun rdzob dang/ /dam pa'i don du yod bar bzhed/ /brtags par yod dang rdzas yod dang/ /brtag dang yang dag min kun rtog/ kun rdzob kyi bden pa nyid ni kun rdzob tu yod pa'o/ /don dam pa'i bden pa nyid ni don dam par yod pa'o/ /kun brtags pa'i ngo bo ni brtags par yod pa yin te/ tha snyad tsam yin pa'i phyir ro/ /gzhan gyi dbang gi ngo bo ni rjes su yod pa yin te/ rten cing 'brel par 'byung bar yin pa'i phyir ro/ /de dag ni bden pa gnyis so/ /gang zhig bdag cag rnams kyi dang/ / thams cad brdzun smra'i shes byed dang/ /de rjes rtogs phyir de dag gi/ shing rta chen pos las du gsungs/ /mdo gang gi cha bdag cag gi shes par byed pa dang/ yang gang gzhan dag gi yang dag pa'i don rtogs par bya ba'i phyir shing rta chen po'i ni 'phags pa byams pa dang/ thogs med dang/ klu sgrub dang/ dbyig gnyen rnams kyis lam gang yin pa de gsungs te/ de dag gis yang dag par bstan pa'i phyir ro/ /de la bdag cag rnams kyis zhes bya ba ni rang bzhin gsum gyi tshul gyis shes par byed pa dgongs pa nges 'grel pa la sogs pa'i mdo'i cha rnams yin no/ /kun gyi mchog chos chen po'i me long lta bu zhes bya ba'i chos kyi rnam grangs kyi dpe'i don de nyid bstan par bya ste/ de ni theg pa chen po'i chos kyi me long chen po yin te/ de yang don bsdus nas don gtso cher bshad kyi gdon mi za bar tshig ni ma yin no/ /de byang chub sems dpa' sgra ji bzhin ma yin par chos la rnam par dpyod pas yang dag pa ma yin pa'i lta ba nyi shu rtsa brgyad 'byung ste/ 'di lta ste/ mtshan ma'i lta ba dang/ btags pa la skur pa 'dibs pa'i lta ba dang/ kun tu brtags pa la skur ba 'debs pa'i lta ba dang/ de kho na nyid la skur ba 'debs pa'i lta ba dang/ yongs su 'dzin par lta ba dang/ yongs su sgyur ba'i lta ba dang/ kha na ma tho ba med par lta ba dang/ nges par 'byung ba'i lta ba dang/ brnyas pa'i lta ba dang/ rab tu khro ba'i lta ba dang/ /phyin ci log gi lta ba dang/ skyed par lta ba dang/ khas mi len pa'i lta ba dang/ ngan g.yo ba'i lta ba dang/ bkur sti byed pa'i lta ba dang/ rmongs ba'i brtan ba'i lta ba dang/ rtsa ba'i lta ba dang/ lta ba med pa'i lta ba dang/ rab tu sbyor ba 'gegs pa'i lta ba dang/ nges par 'byung ba med par lta ba dang/ bsgribs pas sogs pa'i lta ba dang/ bsod nams ma yin pa skyed pa'i lta ba dang/ 'bras bu med par lta ba dang nges par 'dzin pa'i lta ba dang/ mi bden pa'i lta ba dang/ mi smra ba'i lta ba dang/ lta ba chen po dang/ mngon pa'i nga rgyal gyi lta ba zhes bya ba'o/ /de rnams kyi mtshan nyid de las gsungs te/ de yang mdor bstan pas gtso cher rang gi tshig bstan par bya ste/ chos thams cad rang bzhin med pa dang/ ma skyes pa dang/ ma 'gags pa dang/ gzod ma nyid nas zhi ba dang/ rang bzhin gyi yongs su mya ngan las 'das pa'o zhes bya'o zhes bcom ldan 'das kyis dgongs pas gsungs pa yin te/ dgongs pa de yang dgongs pa nges par 'grel pa la sogs pa'i mngos gsal bar bya'o/ /rang bzhin med pa yang rnam pa gsum gsungs te/ rang gi mtshan nyid ngo bo nyid med pa dang/ skye ba ngo bo nyid med pa dang/ don dam pa ngo bo nyid med pa'o/ /de la rang bzhin ni rang gi mtshan nyid de/ de'i rang bzhin med pa ni kun brtags pa'o/ /rang las byung ba ni skyes pa ste/ de'i rang bzhin med pa ni gzhan gyi dbang ngo/ /de ni don dam pa yang yin la ngo bo nyid med pa yang yin pas don dam pa'i ngo bo nyid med pa'o/ /de'i ngo bo nyid med pa ni yongs su grub pa'i ngo bo'o/ /ji ltar rang bzhin med pa de bzhin du ma skyes pa dang/ ma 'gags pa dang/ gzod ma nas zhi ba dang/ rang bzhin gyis mya ngan las 'das pa yang yin no/ /yang de'i dgongs pa ni yongs su mi shes bas rang gi rnam par dpyod pa la gnas nas skye ba med pa nyid med ba nyid do/ /zhes sgra ji bzhin par bcom ldan 'das kyis bstan pa yin no zhes dngos po med pa'i mtshan ma la mngon par zhen pa de dag ni mtshan mar lta ba'o/ /de bzhin du chos rnams kyi rang bzhin gsum la skur ba 'debs pas de la skur ba 'debs ba'i lta ba gsum 'byung ste/ btags pa la skur ba 'debs pa'i lta ba dang/ kun brtags pa la skur pa 'debs pa'i lta ba dang/ de kho na nyid la skur pa 'debs pa'i lta ba'o/ /des de la skur ba 'debs pa'i lta ba'o/ /des de la skur pa 'debs pa'i lta ba rnam par gzhag pa'i phyir rigs pa gang yang rung ba nyid kyis yongs su 'dzin pa dang/ nges pa'i don gyis mdo sde gzhan du yongs su sgyur ba ste/ de gnyis ni yongs su 'dzin pa'i lta ba dang/ yongs su sgyur ba'i lta ba'o/ /de la lta ba ni yang 'di ltar lta ba dag yin te/ lta ba 'di la nges par brten pas dag ba thams cad 'thob pa dang/ sngon gyi las kyi sgrib pa las nges par grol par 'gyur ro/ /lta ba gnyis po de dag ni kha na ma tho ba med par lta ba dang/ nges par 'byung ba'i lta ba'o/ /gsung rab yan lag bcu gnyis las nyan thos kyi sde snod la bkur sti mi byed pa dang/ skur pa 'debs pa'i lta ba mi mos pa la rang snang ba ste/ lta ba gnyis po de dag ni brnyas pa'i lta ba dang/ rab tu khro ba'i lta ba'o/ /de rang gi lta ba'i rjes su 'brangs te/ stong pa nyid dang/ mtshan ma med pa dang/ smon pa med pa la sogs phyin ci log gi mtshan nyid du 'jog par byed pa dang/ 'di ltar lta bar 'gyur ba yang yin te/ gang zhig chos nyid 'di la 'jug pa'am/ 'jug par byed pa de dag thams cad dpag tu med pa'i bsod nams bskyed bar 'gyur ro/ /lta ba gnyis po de dag ni phyin ci 'og tu lta ba dang/ skyed bar lta ba'o/ /des kyang de la skur ba 'debs pa'i lta ba'i dbang du byas nas pha rol pos brgal ba na rang cung zad kyang khas mi len ba dang/ tshig dor dang ltag chod kyis gzhan la lan 'debs ba ste/ lta ba gnyis po de dag ni khas mi len ba'i lta ba dang/ ngan g.yo'i lta ba'o/ /de 'dod pas 'di lta rab tu bzung ste/ de yang dag par rdzogs pa'i sangs rgyas bcom ldan 'das mchod par byed pas de lta bu'i bkur sti byed ba'i lta ba'o/ /lung dang rigs pa la mkhas pas lta ba ngan pa de la yang dag par 'byed par byed kyang de mi spong zhing 'di nyid bden gyi/ gzhan ni brdzun no zhes 'dzin pa de ni rmongs pa brtan pa'i lta ba'o/ /lta ba de dag thams cad kyi bag chags kyi gnas ngan len ni rtsa ba'i lta ba'o/ /lta ba bcu bdun po de dag nyid mdor bsdus na lta ba bcur 'gyur ro/ /'di ltar mtshan ma'i lta ba nyid la lta ba med par lta ba ste/ gang zhig mtshan ma'i lta ba de la lta ba med pa'i lta ba'o/ / btags pa la skur ba 'debs pa'i lta ba dang/ kun tu brtags pa la skur ba 'debs pa'i lta ba dang/ de kho na nyid la skur pa 'debs pa'i lta ba ni rab tu sbyor ba 'gegs par byed pa'i lta ba ste/ rgyu dang 'bras bu'i rab tu sbyor ba la skur ba 'debs pa'i phyir ro/ /yongs su 'dzin pa'i lta ba dang/ sgyur ba'i lta ba ni nges par 'byung ba med par lta ba yin te/ thabs pa ma yin pa la 'jug bas nges 'bras bu ma 'thob pa'i phyir ro/ /kha na ma thob med pa'i lta ba dang/ des par byung ba'i lta ba ni bsgribs pa la sogs pa'i lta ba ste/ brdzun tu rtoT bas sgrib pa zad pa med pa'i phyir ro/ /bsnyes pa'i lta ba dang/ rab tu khro ba'i lta ba ni bsod nams ma yin pa skyed pa'i lta ba yin te/ dam pa'i chos la brnyas pa dang/ tshangs bar sbyong ba la sdang ba dang ldan pas bsod nams ma yin pa bskyed pa'i phyir ro/ /phyin ci log tu lta ba dang/ skyes par lta ba ni 'bras bu med par lta ba yin te/ yang dag pa'i chos nyid rnam par gzhag pa dang/ 'dzin pa dang/ 'dzin tu 'jug pa'i khyad par mi shes pa'i phyir ro/ /khas mi len pI lta ba dang/ ngan g.yo'i lta ba ni nges par 'dzin pa'i lta ba yin te/ rigs pa ma yin pas rtsod pas rgyal ba med pa'i phyir ro/ /bkur sti byed pa'i lta ba ni mi bden pa'i lta ba yin te/ bden pa ma yin pa la des sgro 'dogs pa'i phyir ro/ /rmongs pa brtan pa'i lta ba ni mi smra ba'i lta ba yin te/ phyin ci log la mngon par zhen pa dang bcas pas don med bar smra ba bkag pa'i phyir ro/ /rtsa ba'i lta ba ni lta ba chen po yin te/ de las lta ba thams cad 'byung ba'i phyir ro/ /lta ba nyi shu rtsa bdun po de dang/ nyid mngon pa'i nga rgyal gyi lta ba yin te/ yang dag pa ma yin pa la mngon par zhen bas kun tu bskyed ba'i phyir ro/ /gang 'di ltar bcom ldan 'das kyis 'phags pa lang kar gshegs pa las/ blo gros chen po chos thams cad ni skye ba med pa yin te/ yod pa dang med pa las skye ba med ba'i phyir ro zhes gsungs te/ de'i don ji ltar yin zhe na/ chos rnams kyi rang bzhin gsum ste/ de la gnyis kyi rang bzhin ni skye ba med pa yin te/ thams cad ni ma yin no zhes bya ba'i don to/ /de ji ltar chu za ba dang rlung za ba'o zhes nges par bzung bas rtog pa de ltar 'dir yang gang zhig yod pa nyid ni res 'ga' yod pa ma yin te/ yongs su grub pa'i rang bzhin no/ /gang zhig med pa de ni res 'ga' yang yod pa ma yin te/ kun tu brtags pa'i rang bzhin no/ /de dag yod pa dang med pa ni ma skyes pa'i phyir skyes pa med pa yin te/ yang gzhan gyi dbang ni ma yin no/ /'di ltar de nyid las sems tsam nyid du rnam gzhag pas/ skye ba med par ngas bshad do zhes gsungs so/ /slob dpon klu sgrub kyi zhal snga nas kyis kyang/ skye ba dang ni 'gag pa ni/ /shes pa 'ba' zhig kho na'o zhes gsungs so/ /gang 'di skad du de la myu gu ni rang gis byas pa ma yin/ gzhan gyis byas pa ma yin/ gnyigs byas pa ma yin/ dbang phyug gis byas pa ma yin/ dus 'gyur bas ma yin/ rgyu med ba las kun tu byung ba yang ma yin/ 'on kyang sa bon la sogs pa'i tshogs pa yod na myu gu 'byung gi/ med na ni mi 'byung ngo/ /de'i phyir sa bon las myu gu 'byung ngo zhes gsungs te/ de'i don gang yin zhe na/ don ni 'di yin te/ rang gis byas ba ma yin zhes bya ba ni nye bar len ba can/ gyis ma yin pa'o/ /gzhan gyis ma byas zhes bya ba ni lhan cig byed pa tsam gyis ma yin pa'o/ /gnyi gas ma byas zhes bya ba ni byed ba po gnyis kyang mi rigs pa'i phyir ro/ /dbang phyug gis ma byas zhes bya ba ni de yang nus pa byas pa thams cad kyi rgyu gzhan dbang phyug yin pa'i phyir dang/ bya ba byed par mi rigs pa'i phyir dang/ sems med pa yang g.yo ba dang bral ba'i phyir ro/ /dus 'gyur bas ma yin zhes bya ba ni dus kyi rdzas dang gnas skabs pa yang mi rigs pa'i phyir ro/ /rgyu med pa las kyang ma yin zhes bya ba ni rgyu med pa las skye ba ma yin te/ rgyu la bltos pa med par res 'ga' yang mi rigs pa'i phyir ro/ /ji ltar sa bon la myu gu 'byung zhes bya zhe na/ de la smras pa/ 'on kyang zhes bya ba la sogs pa ni rtogs par sla'o/ /'o na ni 'di la mu stegs pa rnams kyi phyogs gcig stong pa'i nyes pa ji ltar mi 'gyur zhe na/ gang gi phyir chos thams cad kun tu brtags pa'i rang bzhin gyis stong pa yin te/ de nyid kyi phyir gang du yang dag pa'i shes pas yang stong pa nyid du bstan pa der kun tu brtag pa'i rang bzhin nyid byis pas bzung bar shes par bya ste/ don dam par gyur pas ma yin no/ /yang dag pa ni byis pa rnams la med de/ ngo bo gang zhig rtog ge pas mthong ba de ni yang dag pa'i kun rdzob ces bya ste/ 'phags pa lang kar bshegs pa las gang 'di skad du/ blo yi rnam par gzhig nas ni/ rang gi ngo bo bzung du med/ /gang phyir brjod du med pa dang/ /rang bzhin med ces bstan pa'ang yin/ /blo yi rnam par gzhig na ni/ /gzhan dbang med cing kun brtags med/ grub pa'i ngo bo'ang yod min na/ /ji ltar blo yi rnam par brtag /rang bzhin med cing rnam rig med/ /dngos po med cing kun gzhi med/ /ro mtshungs byis pa'i rtog ge pa/ /ngan pa rnams kyis 'di dag brtags/ /mtshan ma dngos po rnam rig dang/ /yid kyi g.yo ba gang yin las/ /nga'i sras rnams rab 'das nas/ de dag rnam par mi rtog dpyod ces bya ba'i don ji ltar yin zhe na/ smras pa/ tshigs su bcad pa dang po'i don thos pa'i rang bzhin gyis shes rab dang/ bsal bar ri? rab bzhin gyi shes rab po/ /'de ltar blo yi rnam par gzhig na ni zhes bya ba ni tshad mas dpyad na chos rnams kyi rang gi ngo bo ni rang gi mtshan nyid do/ /gang zhig byis pa rnams kyi blo la gzung ba nyid gzugs la sogs pa dang/ /'dzin pa nyid du tshor ba la sogs pa snang ba de dag gi rang bzhin gzung du med pa ni yang dag pa ma yin pa'i kun tu rtogs pa nyid du yongs su shes pa'i phyir dang/ de yang gzung ba dang 'dzin par mi rigs pa'i phyir dang/ gcig dang du ma dang bral ba'i phyir ro/ /de lta yin na de dag ni yang dag pa ma yin pa'i rang bzhin kun tu brtags par yod pa'o/ /byis pa'i blo de ni yang dag pa ma yin pa'i kun tu rtog pa'o/ /de'i phyir rang bzhin med pa zhes bya ba ni de dag gis rang bzhin med pa ste/ yongs su grub pa'i rang bzhin no/ /gang gi sgra ni brjod du med pa yang yin zhes rim pa bzhin du sbyar ro/ /de na rang bzhin gyis rnam par rtog pa'i spyod yul ma yin pa'i phyir ro/ /de lta bu'i rigs pas ni bsam pa'i rang bzhin kyi shes rab bstan to/ /de ltar bcom ldan 'das ma lus gsungs so/ /'di ni thos pa'i rang bzhin gyi shes rab kyang bstan to/ /'o na ni brjod du med pa bstan pa yang mi rigs te/ 'di ltar yang dag pa'i so sor rtog pa nyid rnam par mi rtog pa'i ye shes kyi rgyu yin gyi/ yang dag pa ma yin pa'i kun tu rtog pa ni ma yin te/ mi mthun pa'i phyogs yin pa'i phyir ro/ /rnam par mi rtog pa'i ye shes ni ma yin te/ de snga ma med pa'i phyir ro/ /de lta bas na yang dag pa yang rnam bar brtag pa yin pa'i brjod du med bar yang mi rigs so/ /'dir yang blo yi zhes bya ba la sogs pa smras pa las/ blo yi zhes bya ba ni yang dag pa'i so sor rtog pas so/ /rnam par bzhigs zhes bya ba ni med pa dang yod pa dang don dam pa nyid la sogs pa'i rnam pas yang dag par so sor rtog par bya ba gsum mo/ /ji ltar blo yi rnam par brtag ces bya ba ni nges pa nyid med zhes bya ba'i don to/ /nges pa ni gzhan sel ba'i yul can yin pa'i phyir dang/ gzhan sel ba'i yang de kho na nyid ma yin no zhes dgongs pa'i phyir ro/ /'o na ji ltar so sor rtog pa yin zhe na/ yang dag pa'i kun rdzob kyis so/ /'o na ni bdag dang chos rnams kyang yang dag pa nyid du 'jig rten las grags pa dang/ ser skya? dang gzags zan la sogs pa ched mar gyur pa rnams kyang yongs su bcad pa de dag ji ltar med ces bya zhe na/ min zhes bya ba la sogs pa smras te/ rang bzhin ni bdag gi rdzas so/ /rnam bar rig ni rnam par shes pa drug gi tshogs so/ /dngos po ni yul lo/ /kun gzhi ni gzhi ste/ dbang po drug go/ de thams cad med pa ni gtan tshigs ji skad bstan pas so/ /gang gi phyir zhe na/ byis pa ni bden pa ma mthong bas 'di dag brtags pa ni brdzun par brtags pa'o/ /de dag kyang 'di ji lta bu zhig can/ ro mtshungs byis pa'i rtog pa zhes bya ba la yang gi dan rtag par bya ste/ rteg pa med pa dang/ log par rtogs pa ni gzigs zan la sogs pa yin no zhes bya ba'i don to/ /'o na ji ltar rnal 'byor pa rnams rnam par mi rtog par 'gyur zhe na/ smras pa/ mtsham ma zhes bya ba naM ming dang mtshan ma dag go /dngos po zhes bya ba ni yul dang dbang po rnams so/ /rnam rig ces bya ba ni rnam par shes pa drug gyi tshogs so/ /de dag thams cad du snang ba nus pas rab tu 'das pa nyid/ de lta thams cad du gnyis su snang ba nub pas yid kyi g.yo ba gang yin pa med do/ /gnyis med pa'i shes pa'i ngo bo gcig po la rig bar bya ba dang/ so so rang gi rig pa por zhen pa de na dang so sor snang ba de gnyis ka las kyang shin tu 'das pa'o/ /sras zhes bya ba ni byang chub sems dpa' o/ /de dag ces bya ba ni gang zhig thos ba dang bsam pa dang zhig nas dang lhag mtheng rnams kyis yang dag pa'i shes pa las rab sbyor ba yin no/ /de la 'dir rnam par mi rtog pa'i shes ba ni rnam pa bzhir gsungs so/ /nyam por mi rtog pa la 'jug pa'i gzungs las rnam pa drug gsungs te/ rigs kyi bu rgyu 'di rnam par mi rtag pa'i dbyings la rnam par mi rtog pa zhes bya ba bstan te/ rnam par rtog pa thams cad kyi dpyod pa las yang dag par 'das pa nye bar len pa dang/ bstan pa thams cad mthong ba las yang dag par 'das pa nye bar len pa dang/ dbang pa'i rnam par rtog pa thams cad las yang dag par 'dis par nye bar len pa dang/ yul gyi rnam par rtog pa thams cad las yang dag par 'das pa nye bar len pa dang/ rnam par rig pa thams cad las yang dag bar 'das ba nye bar len pa dang/ nyon mongs pa dang/ nye ba'i nyon mongs pa dang/ shes bya'i sgrib pa thams cad la dmigs pa med pa nyid nye bar len pa'o/ /de'i phyir rnam par mi rtog pa dang/ dngos po med pa dang/ mthong ba med pa dang/ rab tu mi gnas pa dang/ snang ba med pa dang/ rnam par rig pa med pa dang/ gzhi med pa zhes gsungs te/ gzugs la sogs pa rnam pa drug gi rnam par rtog pa thams cad las 'das pa'i phyir rnam par mi rtog pa zhes bya ba'i don to/ /rnam par dpyad pas na gzugs te/ rnam par rtogs pa thams cad kyi rang dpyod pa de las yang dag par 'das pa'i phyir gzugs med pa'o/ /bstan pa la sogs pa thams cad kyis gzhan la gsal ba ni nges par mthong ba ste/ de las yang dag par 'das pa ni mthong ba med do/ /dbang po thams cad nyid rnam par rtog pa ste/ 'dzin par byed pa nyid du snang ba'i phyir ro/ /de las yang dag par 'das pa ni rab tu mi gnas ba ste/ rten rab tu gnas pa'o/ /yul thams cad nyid rnam par rtog pa ste/ gzung ba nyid du rab tu snang ba'i phyir ro/ /de las yang dag bar 'das pa ni snang ba med pa'o/ /rnam par rig pa ni rnaM bar shes pa drug ste/ de yang 'dzin pa nyid du so sor snang ba'i phyir rnam par rtog pa'o/ /de dag las yang dag par 'das pa'i phyir rnam par rig pa med pa'o/ /nyon mongs pa dang nye ba'i nyon mongs pa yang de bzhin du rnam par rtog pa yin te/ de rnams gzhi med pa nye bar len pa'i phyir gnas med pa zhes bstan to/ /de ltar yin na 'phags pa lang kar gshegs pa las mngon par rtogs pa de dag gi don gang yin zhe na/ chos kyi dbyings kun tu 'gro ba'i mthar phyin pa'i phyir rnal 'byor gyi sa gzhi po de dag gi don to/ /de la pha rol tu phyin pa dang/ byang chub kyi phyogs dang/ phyogs bcu dus gsum gyi dbye ba mdza' yas mod kyi/ mdor bsdus pa'i chos ni 'di dag yin te/ phung po lnga dang/ skye mched bcu gnyis dang/ khams bco brgyad ces bya ba 'di dag ni rnal 'byor gyi sa dang po yin te/ sbyor ba'i dmigs pa des ci snyed yod pa de snyed tsam la rnam par dpyod pa'i phyir ro/ /sa gzhan dag ni de dag ji lta ba bzhin du yong pa'i rang bzhin du gyur pa'i ngo bo gzung ba la sogs pas stong pa nyid la rnam par 'phyed pa'o/ /de la rnal 'byor gyis dang po ni chos thams cad sems su dmigs pa nyid kyi sems las phyi rol tu snang ba med de/ de nyid kyi phyir/ sems tsam la ni brten nas su/ /phyi rol don la mi rtog go zhes gsungs te/ rnal 'byor pa zhes 'og ma dang sbyar ro/ /sems tsam du snang ba ni sems las tha dad pa'i chos ma yin te/ sems las tha dad pa snang ba mi rig pa'i phyir ro/ /gzung ba med par shes pa 'di ni rnal 'byor gyi sa gnyis pa'o/ //de bzhin nyid la dmigs nas ni/ /sems tsam las kyang bzla bar bya/ /'dzin pa'i mtshan nyid ni sems te/ gzung ba med pas 'dzin pa med pa'i phyir ro/ / gnyis kyi stong pa'i shes pa de ni de bzhin nyid dmigs pa de la gnas pa sems tsam ste/ 'dzin pa'i mtshan nyid de las 'das te/ de nyid las 'das pa'i rnal 'byor gyi sa gsum pa'o// //'o na de bzhin nyid la dmigs pa'i sems snang ba med pa yin te/ gzung ba dang 'dzin pa mi snang ba'i phyir ro/ /de'i phyir ci de nyid la gnas par bya ba 'am/ yang na de las 'das pa yin zhe na/ smras pa/ sems tsam las ni bzlas nas ni/ snang ba med la bzla bar bya zhes gsungs so/ /de ci 'dra ba zhig la zla zhe na/ snang ba med las zhes gsungs te/ khyad par du 'phags pa thob pa'i phyir shin tu snang ba med pa la gnas par 'gyur ro/ / gang du ming dang mtshan ma dang/ gzung ba dang 'dzin pa thams cad nub pa de ni shin tu snang ba med pa'i ye shes de las gnas par 'gyur ba yin no zhes bya ba ni tshig gi lhag ma'o/ /de yi theg pa chen po mthong zhes bya ba ni de rnal 'byor gyi sa gzhi pa yin te/ theg pa chen po mngon sum du byas pa'i phyir ro/ /phyin par byed pas na theg pa ste/ theg pa yang yin la chen po'ang yin te/ byang chub sems dpa' i lam zhes bya ba'i don to/ /'o na lam nges 'gro ba ni ci 'dra ba zhig / 'gro bar bya ba ni ji lta bu zhig/ su zhig 'gro zhe na/ 'jug pa ltun gyis grub cing zhi/ /smon lam dag gis rnam par sbyangs/ /ye shes dam pa bdag med par/ /byang chub sems dpa' rab tu 'jug ces gsungs te/ 'jug pa ni sa gong ma gong mar 'phar ba'o/ /de dag pa 'jig rten pa'i sbyor pa'i lam gyi rjes la bsgom pa rjes su 'gro ba'i phyir lhun gyis grub pa ni lhun gyis grub pa'o/ /bgrod par bya ba'i ma'i rim pa dang bral ba'i phyir/ zhi ba'o/ /smon lam dag gis rnam par sbyangs zhes bya ba ni theg pa dman pas nyams pa'i rgyur gyur pa'i nyes pa rnams spangs pa'i phyir ro/ /ye shes dam pa zhes bya ba ni de bzhan gshegs par 'ong ba ste/ der 'gro bar bya ba yin no/ /de yang bdag med pa ste/ bdag du gyur pa'i ming dang mtshan ma dang gzung ba dang 'dzin par snang ba rnams la 'byung bar mi 'gyur bas nus pa'i phyir ro/ /rab tu 'jug ces bya ba ni 'gro'o zhes bya ba'i don to/ /'gro bar byed pa ni byang chub sems dpa' yin par bstan te/ nyan thos la sogs pa ni ma yin no zhes bya ba'i don to/ /tshigs su bcad pa 'di'i don ni byang chub sems dpa' mkhas pa las bzung nas bsgom par bya'i/ rang dgar ni ma yin no/ /de ma rnyed na yang dag pa'i don khong du chud pa'i byang chub sems dpas phyogs bcu na bzhugs pa'i de bzhin gshegs pa rnams la gdam ngag mnos par bsgom mo/ /'o na rang bzhin gsum gyis tshul dbu ma'i tshul zhes ji skad brjod ce na/ smras pa yod pa zhes bya ba ni mdza' gcig go/ /med pa zhes bya ba ni mdza' tshig gnyis pa'o/ /de dag gis dbus su gyur pa ni dbu ma'i tshul de/ rang bzhin rnams nges par rtogs pa'o/ /de yang gang zhig yin zhe na/ gang zhig chos thams cad yod pa yang ma yin med pa yang ma yin pa ste/ kun tu brtags pa'i rang bzhin gyis ni yod pa yang ma yin/ gzhan gyi dbang dang yongs su grub pa'i rang bzhin gyi ni med pa yang ma yin te/ gang dbus dang mdza' rnam par 'byed pa las/ yang dag ma yin kun rtog yod/ /de la gnyis po yod ma yin/ /stong pa nyid ni de la yod/ /de la yang ni de yod do/ /stong pa ma yin mi stong min/ /de lta bas na thams cad bshad/ /yod pas med pas yod pas na/ /de ni dbu ma'i lam yin no zhes gsungs pa yin no/ /don dam par ni med la/ kun rdzob tu ni yod pa de'i phyir/ dbu ma'i lam yin no zhes zer na/ de ni sngar bkag zin to/ /gzhan ni 'di ltar 'dod de/ ji ltar sgyu ma'i glang po snang ba ni yod pa ma yin no/ /de bzhin du chos thams cad kyang yod pa ma yin te/ de ni med pa snang ba yin par smra ste/ de bas na sgyu ma lta bu nyid chos thams cad dbu ma'i lam yin no/ /zhes zer ro/ /de yang bden pa ma yin te/ 'di ltar gal te 'di dag tshad mas med par grub na de'i phyir 'gas kyang yod par sgrub par mi nus so/ /tshad ma ma yin pa la snang ba tsam gyis lta smos kyang ci dgos/ gal te nus pa 'di'i mtshan nyid du ni yod pa ma yin gyi/ snang ba'i mtshan nyid du yod par 'dod na de lta na ni brtas pa tsam du yod par 'gyur ro/ /ri bong gi rwa de yang de tsam du yod kyi de med par ni mi 'gyur ro/ /'o na kyang ri pod gi rwa la sogs pa gcig du med par 'dod do/ /gzhan yid nus pa'i mtshan nyid du yod pa bkag na/ don dang don ma yi pa bsgrub pa 'jug pa dang/ ldog pa la sogs pa nges par mi 'gyur bar thal bar 'gyur bas de bas na yod par 'dod pas nus pa nyid yod par rigs kyi/ snang ba tsam ni ma yin no/ /'di ltar shing dang rdo ba la sogs pa rang gi ngo bos yod pa yang sgyu ma mkhan gyi bya bas glang po la sogs pa'i ngo bo med pa snang ba'i phyir shing la sogs pa yang sgyu mar smras pa ni de'i 'dod pa'o/ /'di ltar chos thams cad ni shes pa'i ngo bo yin la/ thog ma med pa'i bag chags kyis bslad pas sngon po la sogs pa'i ngo bor snang ste/ de bas na chos 'di dag thams cad sgyu ma lta bur 'dod do/ /de'i phyir sngon po la sogs pa'i rnam pa ni yod pa ma yin la/ 'khrul pa'i dngos po de dang stong pa nyid kyis ngo bo med pa ni ma yin te/ de ni dbu ma'i lam zhes bya bar 'dod pa de lta bas na/ de nyid rang bzhin gsum 'dod par gyur pa yin te/ tshul 'di ni dbu ma bar rigs so/ /de lta bas na sangs rgyas pa bzhin ji ltar yin/ gang zhig rnam pa med pa'i shes pas sngon po la sogs pa'i don rig par 'ded pa ni bye brag tu smra ba'o/ /gang zhig don gyi phan btags pas gzugs brnyan gyi rnam pa nyams su myong bas don rig par 'dod pa nyid ni mdo sde pa'o/ /yang gang zhig rnam par shes pa las phyi'i sngon po la sogs pa mi 'dod kyi/ 'o na kyang 'di dag rnam par shes pa nyid yin mod kyi / thog ma med pa'i bag chags kyi stobs kyi sngon po la sogs pa bskyed pa yin par smra ba de dag ni/ rnal 'byor spyod pa pa yin la rang bzhin gsum du smra bas ni dbu ma pa'o/ /yang gang zhig thams cad brdzun par smra ba ni dbu ma ltar snang ba yin no/ /tshad ma lung dang bstan bcos kyis sbyar bas/ /rtogs pa de 'dir dbu ma'i tshul yin te/ gang zhig rgyal pa yi ni gsungs don la/ /mi 'pham mgon po ji ltar tshad ma yin/ /phyin ci ma log pa la nges 'jug pa/ /chos kyi sku yi 'phrin las mdza' mar bstan/ /de ni sangs rgyas yum gyi don de yi/ / sna tshogs phyin ci log ni nges par 'dzams/ /shes rab pha rol phyin pa'i don la ni/ /tshad ma'i gtso bo 'dir ni byams pa yin/ /gang zhig zhal nas rgyal bas gsung bstan pa/ /phyin ci ma log pa la nges 'jug mdzad/ /tshad ma'i tshul la yang dag mkhas pa dang/ /sangs rgyas theg pa'i don la mkhas pa rnams/ /dbu ma rgyan gyi dga' bar bya ba'i phyir/ / rin chen 'byung gnas zhi bas sbyar ba yin/ /dbu ma rgyan kyi 'phrel pa dbu ma'i lam zhes bya ba mkhas pa rin chen 'byung gnas zhi ba'i zhal snga nas kyis mdzad pa rdzogs so// //lotsA ba shAkya 'od kyi rang 'byung du mdzad pa'o// / bsam gtan gyi sgron ma zhes bya ba'i man ngag 'phags pa thogs med kyis mdzad pa bzhugs so/

CLOSE WINDOW