བོད་ཡིག

e-texts based on the ACIP/ALL Input

/ // */ /rnal 'byor spyod pa'i sa'i rnam bshad/ /*/ /rgya gar skad du/ yo ga tsarya b+hU mi bi byA khyA/ bod skad du/ rnal 'byor spyod pa'i sa rnam par bshad pa/ tshig gi mnga' bdag 'jam dpal gzhon nur gyur pa la phyag 'tshal lo/ / 'jig rten kun la phan phyir thogs med ces bya bas/ /chos rgyun ting 'dzin stobs kyis drangs ba bdud rtsi'i chos/ /'phags pa mi pham zhal gyi bum pa nas blugs pa/ /gsan pa'i snyim pas gsol ba de la phyag 'tshal lo/ /'phags pa thogs med thub pa dpag bsam shing gyur las/ /tshig gi yal ga 'khrungs las yi ge'i me tog gi /char pas rna brgyan blo gter gyur pa dpal yon can/ /de'i gcung po dpal ldan de la phyag 'tshal lo/ /theg pa gsum po mdza' dag ston pas don che la rnam par ma bshad pas tha bar gyur pa rnal 'byor spyod pa'i sa 'di bdag bas kyang blo ngan pa rnams la phan gdags pa'i phyir skabs skabs nas rnam par dgrol ba'i thegs pa rnams bsdu bar bya'o/ /de la bstan pa 'di ni rnam pa gnyis kyi phyir brtsams te/ byang chub sems dpa' theg pa gsum la mkhas pa bskyed par bya ba dang/ nyan thos dang rang sangs rgyas kyi rigs can dag kyang 'di nyid la bslab nas rang gi theg pas rang nges par 'byung pa'i phyir ro/ /yang rnam pa gnyis kyi phyir te/ sangs rgyas kyi bka' nyams pa dbye bar bya ba dang/ ma nyams ba rgyas par bya ba'i phyir ro/ /yang rnam pa gnyis kyi phyir te/ theg pa chen po la the tshom za ba dang/ mi shes pa dang/ phyin ci log tu gyur pas ma zhugs pa'i sems can dag kyang yod de/ de dag la chos kyi mtshan nyid ma nor ba bstan pas gcig tu nges par rtogs par bya zhing tshar bcad nas khong du chud par byas par 'gyur ba dang/ kha cig zhugs su zin kyang dgongs pa sna tshogs can gyi mdo sde mnyan na blo rnam par rmongs pa dag kyang yod de/ de dag la yang phan btags pa byas par 'gyur ba'i phyir ro/ /yang rnam pa gnyis kyi phyir te/ drang ba'i don gyi mdo snga la sgra ji bzhin du mngon par zhen pa rnams mtshan nyid kyi rjes su 'brang bas mdo sde'i ldem por dgongs pa la 'jug pa'i phyir byis pa'i lta ba thams cad spang bar bya ba dang/ de nyid kyi phyir stong pa nyid kyis skrag pa rnams kyi lta ba spang bar bya ba'i phyir ro/ /yang rnam pa gnyis kyi phyir te/ bsdus pa la dga' ba rnams la phan gdags pa'i phyir mdo sde dag las mtshan nyid rgyas par bshad pa bsdu bar bya pa dang/ rgyas pa la dga' ba rnams la phan gdaD pa'i phyir chos sgroD pa la chos kyi rab tu dbye ba mdza' yas pa'i phyogs bstan bar bya ba'i phyir te/ dogs pa de dag la sogs pa mdo sde de dang de dag las gsungs pa gang yin pa de ni rnal 'byor spyod pa'i sa gang zhe na zhes bya ba dang sbyar te/ 'di ltar rnal 'byor spyod pa'i sa bstan pa zhes bya ba'i mdo las/ yang dang yang du rnal 'byor spyod pa'i sa la bslab par bya'o/ /zhes bya ba la sogs pa gsungs pa'o/ /de bzhin du 'phags pa blo gros rgya mtshos zhus pa'i mdo las kyang/ yang dag par zhugs pa ni rnal 'byor spyod pa'i sa zhes 'byung ngo/ /'phags pa zla ba smon ma'i ting nge 'dzin las kyang rnal 'byor spyod pa'i sa gang zhe na/ byang chub kyi phyogs kyi chos sum cu rtsa bdun sgom pa'i sa'o zhes 'byung ngo/ /tshangs pas zhus pa chen po'i mdo las kyang/ bcom ldan 'das rnal 'byor pa'i sa las yang dag par zhugs pa ni chos gang yang skye ba'am 'gag par mi 'gyid do/ /zhes bya ba la sogs pa gsungs so/ /yang na bstan bcos mdzad? pas/ bstan bcos kyi lus su gyur pa gzhi lnga sems la gzhag pa rnams bstan par 'dod pa dang/ de bstan pa tsam thos pa'i slob ma la de rnam par dbye zhing lan gdab pa'i tshig yang dag par 'byung ba'i rgyur gyur pa'i dri pa brjod pa'i phyir/ rnal 'byor spyod pa'i sa gang zhe na zhes bya ba smos so/ /de la gzhi lnga ni 'di dag yin te/ rnal 'byor spyod pa'i sa dang/ de gtan la dbab pa dang/ sde snod gsum bsdus pa'i gzhi dang/ de rnam par bshad pa'i sgo'i gzhi dang/ rnam grangs la mkhas pa'i gzhi'o// de la ma yin na sngar ma bstan par gang zhe na zhes bya ba ni dri ba'i tshig de 'byung bar mi 'gyur ro/ /de la rnal 'byor zhes bya ba ni zhi gnas dang lhag mthong zung du 'drel par 'jug pa'i lam ste/ skye mched drug rnam par 'byed pa zhes bya ba'i mdo las de'i zhi gnas dang lhag mthong mnyam par zung du 'jug go / zhes bya ba la sogs pa gsungs pa lta bu'o/ /yang na ting nge 'dzin la rnal 'byor zhes bya ste/ mnyam par gzhag pa'i sa las yang dag pa'i rtsol ba dang dran pa ni rnam 'byor yid la byed pa dang/ mthun na sdud pa'i rgyu yin no/ /zhes bya ba la sogs pa smos pa lta bu'o/ /yang na dad pa dang/ 'dun pa dang/ thabs dang/ brtson 'grus la rnal 'byor zhes bya ste/ de dag gis sbyor ba'i phyir ro/ /de yang thos pa las byung ba'i sa las rnal 'byor gang zhe na/ de ni rnam pa bzhi ste/ dad pa la sogs pa'o/ /zhes ji skad smos pa lta bu'o/ /yang na thabs nyid la rnal 'byor zhes bya'o/ /yang na ldan pa ma yin pa'i 'du byed de/ de yang rigs pa bzhi'o/ /de gnyis ni gtan la dbab pa bsdu ba las ldan pa ma yin ba dag bshad pa'i skabs nas 'byung ngo/ /yang na yang dag par sgrub pa la bya ste/ dgongs pa can gyi don gyi tshigs su bcad pa las/ rnal 'byor gang gis bslab pa de dag sgrub par byed ces bya ba la sogs pa gsungs pa lta bu'o/ /yang na dbye na 'jig rten pa dang/ 'jig rten las 'das pa dang/ sbyor ba dang/ bar chad med pa dang/ rnam par grol ba dang/ khad par dang/ chung du dang/ 'bring dang/ chen po'i lam ni rnal 'byor zhes bya ste/ thos pa las byung ba'i sa las rnal 'byor gang zhe na/ de ni rnam pa dgu ste zhes ji skad rgya cher smos pa lta bu'o/ /bsdu na gnyen po ni rnal 'byor zhes bya ste/ sgom pa las byung ba'i sa las gnyen po bsgom pa gang yin pa de ni rnal 'byor bsgom pa yin par blta'o/ /zhes bya ba la sogs pa ji skad smos pa lta bu ste/ de ni nyan thos dang thun mong ba'i rnal 'byor ro/ /byang chub sems dpa' rnams kyi ni shes rab dang snying rje'i khyad bar zung du 'brel par 'jug par mi gnas pa'i mya ngan las 'das pa ste/ de ni thun mong ma yin pa'i rnal 'byor ro/ /yang na gnyis kyis mi g.yos pa dang ldan pa'i phyir sas bsdus pa'i ye shes ni rnal 'byor zhes bya'o/ /yang na thabs la mkhas pa la bya ste/ rigs pa'i phyir rnal 'byor zhes bya'o/ /yang na rten cing 'brel par 'byung ba la so sor rtog pa la bya ste/ yon tan rin po che'i 'byung gnas kyi le'u zhes bya ba'i mdo las rnal 'byor spyod pa ji lta bu lags zhes zhus pa dang/ rten cing 'brel par 'byung ba rgya cher bstan pa lta bu'o/ /yang na kun nas nyon mongs pa dang/ rnam par byang ba gnyis kyi ngo bo nyid med pa la bya ste/ de la sbyor ba'i phyir ro/ /de yang tshangs pa chen pos zhus pa'i mdo las/ rnal 'byor spyod pa ni chos gang la yang skyed par mi byed 'gog par mi byed cing chos gang yang grub bar mi 'dod la/ mngon par rtogs par mi 'dod do/ /zhes gsungs pa lta bu ste/ de la kun nas nyon mongs pa ngo bo nyid med pa'i rnal 'byor spyod pa ni chos gang yang skye ba'am 'gag par yang dag par rjes su mi mthong ngo/ /rnam par bya ba 'di nyid med ba'i rnal 'byor la spyod pa ni chos gang yang thob par mi 'dod cing mngon par rtogs par mi 'dod pa'i phyir ro/ /yang na yongs su dag pa'i de bzhin nyid la rnal 'byor zhes bya ste/ 'phags pa lang kar gshegs pa'i mdo las/ yang tshol ba mi rtog cing snang ba med pa gang gi tshe/ gzung ba dang ni 'dzin pa dang/ /grol dang bcings ba mi mthong ba/ /de tshe rnal 'byor snyoms zhugs pa/ /nga mthong 'gyur bar dogs pa med/ /ces ji skad gsungs pa lta bu'o/ /yang na stong pa nyid yid la byed pa la rnal 'byor zhes bya ste/ shes rab kyi pha rol tu phyin pa las shA ri'i bu byang chub sems dpa' i rnal 'byor chen po ni 'di yin te/ 'di lta ste stong pa nyid kyi rnal 'byor ro/ /shA ri'i bu stong pa nyid la spyod pa'i byang chub sems dpa' ni nyan thos kyi sar mi ltung zhing sangs rgyas kyi zhing yongs su dag par byed pa'i bar du yang 'gyur ro/ /zhes bya ba la soD pa'i snyad? gsungs pa lta bu'o/ /yang na 'phags pa shes rab kyi pha rol tu phyin pa nyid rnal 'byor gyi mchog yin te/ de yang shA ri'i bu byang chub sems dpa' i rnal 'byor gang ji snyed pa de dag gi nang na shes rab kyi pha rol tu phyin pa'i rnal 'byor ni mchog ces bya'o/ /gtso bo dang mi mnyam pa dang mnyam pa'i bar zhes bya'o/ /de ci'i phyir zhe na shA ri'i bu 'di lta ste/ /shes rab kyi pha rol tu phyin pa'i rnal 'byor 'di ni gong na med pa yin pa'i phyir ro/ /zhes ji skad gsungs pa lta bu'o/ /yang na des bsdus pa rnam par mi rtog pa'i ting nge 'dzin la bya ste/ bstan pa la khyab pa las shes rab kyi pha rol tu phyin pa nyid rnal 'byor yin te/ de la bsgom pa ni rnal 'byor bsgom pa yin no/ /zhes ji skad bshad pa lta bu'o/ /rnal 'byor zhes bya ba'i sgra nyid kyis kyang gsung rab mdza' dag sdud par nus na/ rnal 'byor spyod pa'i sa zhes bya bas lta smos kyang ci dgos te/ de tsam gyis chog go /de la spyod pa zhes bya ba ni bsten pa'o/ /nyan pa dang sems pa la sogs pa'i rim gyis de dag gi spyod pa mtshungs pa ni 'dul ba yin te/ 'di lta ste sgrub pa'i rim pa la sogs pa'o/ /rnal 'byor spyod pa ni 'phags pa nyan thos la sogs pa ste/ ci rigs su sbyar ro/ /de dag gis de ni rta'i dkyus lta bu ste 'gro ba'i yul yin no/ /de ni 'di las phyi rol pa rnams med do/ /yang na rnal 'byor spyod pa dag 'di la brten nas rang gis chos rtas pas mngon par 'phel ba ste/ lo rtog gi sa dang 'dra ba de ni de dag gi sa yin no/ /yang na ji skad smos pa'i sar bsdus pa'i ye shes kyi spyod pa mngon du byed pa de skyed pa'i gnas dang mthun pa ste/ sa dang 'dra bas na sa'o/ /yang na rnal 'byor spyod pa dag sa 'di la spyod par byed cing rang gi chos kyi longs spyod nyams su myong bar byed pas ba lang gi sa dang 'dra bar de ni de dag gi sa yin no/ /yang na rnal 'byor spyod pa ni de bzhin gshegs pa rnams te mi gnas pa'i mya ngan las 'das po dang/ mnyam pa nyid kyi ye shes la sogs pa'i rnal 'byor la spyod pa'i phyir ro/ /de dag gi yul rnam thams cad du spros pa med pa'i dbyings gang yin pa de ni rnal 'byor spyod pa'i sa'o/ /de thob par byed pa'i bstan bcos gang yin pa de la yang de skad ces bya ste/ chos mngon pa bzhin no/ /yang na rnal 'byor spyod pa'i gnas skabs ston pa'i bstan pa de la yang sa zhes bya bas sa bcu dang 'dra ste phyogs ni de lta bu'o/ /sa re re la yang don mang du yod pas/ sa rnam par bzhag pa mdza' yas par 'gyur ba'i nyes pa mthong nas/ mngor na zhes bya ba smras so/ /sa rnams kyi rnam par bzhag pa ni/ rang bzhin gang dang ji ltar 'jug /de la de yi gnas skabs dang/ /go rims gang dang gang 'thob dang/ /tha mar de yi 'gro ba ste/ /gnyis dang gsum dang ba zhi po dang/ /gsum pa dag dang gsum dag dang// gnyis po dag gis sa rnams kyi/ /bsdu ba yongs su bstan pa yin/ /de la rnam par shes pa 'khor dang bcas pa'i rang bzhin gyi gang zag rtog pa dang bcas pa la sogs pa'i rnam pa la 'jug pa'i tshe mnyam par bzhag pa la sogs pa'i gnas skabs na thos pa dang/ sems pa dang/ bsgom pas rim gyis byang chub gsum po gang yang rung ba 'thob bo/ /byang chub 'thob pa de'i 'gro ba ni rnam pa gnyis te/ phung po'i lhag ma dang bcas pa'i mya ngan las 'das pa'i gnas skabs dang/ phung po lhag ma med pa'i yongs su mya ngan las 'das pa'o/ /rnam grangs gzhan du na 'jug pa las brtsams nas chos thams cad sdud pa dang/ de rab tu dbye ba dang/ de'i gnas skabs ston pa ni sa gnyis dang/ gsum dang/ bzhi po dag gis go rim bzhin du bstan to/ /de bzhin du ldog pa la brtsams nas sa gsum dang/ gnyis so/ /bsdu ba'i tshigs su bcad pa ni/ 'jug pa dang ni ldog pa yi /bsdu dang de yi dbye ba dang/ /de yi gnas skabs bshad pa ni/ /sa rnams kyis ni yongs su bstan/ / yang rnam grangs gzhan du na/ /'jig rten pa yi sa dang ni/ /de bzhin 'jig rten 'das pa'i sa/ /gnas dang lam dang gnas skabs ni/ /dgu dang brgyad kyis yongs su bstan/ /yang rnam grangs gzhan du na/ /sems can ji ltar 'jug pa dang/ /de la de yi gnas skabs dang/ /de dag ji ltar ldog pa dang/ /de la de yi gnas skabs so/ /rnam grangs dang po gnyis dang zhes bya ba la sogs pa'i tshigs su bcad pa gzung bar bya ste/ sa rnams kyi go rims kyang de nyid kyis bstan to/ /'di ltar kun nas nyon mongs pa dang rnam bar byang ba rtogs par 'dod pa'i rnal 'byor spyod pas ni dang po kho nar 'khor bar 'jug pa dang/ de las ldog pa gang yin pa dang/ ji ltar 'jug pa dang/ 'jug pa'i gnas skabs gang yin pa dang/ de la ji ltar ldog pa dang/ ldog pa'i gnas skabs gang yin zhes de'i gzhi'i dngos po sems can gyi rdzas btsal bar bya'o/ /nyon mongs pa spong ba dang mi spong ba'i gnas skabs kyang shes par bya ste/ yid mched pa skye bar 'gyur pas de'i phyir gnas skabs kyang btsal bar bya'o/ /rnam par shes pa'i tshogs lnga dang ldan pa'i sa zhes bya ba ni rnam par shes pa'i tshogs lnga las brtsams pa ste/ ji ltar 'dul ba las rgyal po dang rkun po las brtsams ba ni rgyal po dang ldan pa dang/ rkun po dang ldan pa'i gtam yin par shes so/ /zhes 'byung ba lta bu'o/ /ci'i phyir rnam par shes pa'i tshogs lnga po dag sa gcig tu bstan cing de yang yid kyis bas sngar bstan zhe na/ dmigs pa la rnam par rtog pa zhes bya ba la sogs pa 'og nas 'byung ba'i las kyi khyad par lta bu med cing rigs gcig pa'i phyir gcig tu byas so/ /de'i phyir brjod par bya ba nyung bas na sngar bstan to/ /yid kyi sa ni de las bzlog pa yin pas na log pa gcig tu bstan la brjod par bya ba'i phyir phyis bstan to/ /ngo bo nyid dang zhes bya ba la sogs pa la/ ci'i phyir dge ba la sogs pa gzhan dag mi smos par ngo bo nyid la sogs pa don lnga po dag nyid brjod ce na/ de dag gi gtso bo yin pa dang/ de dag gis thams cad bsdus pa'i phyir te/ 'di ltar de'i rang gi ngo bo gang yin pa dang/ de gang las 'byung ba dang/ don gang yin zhes bya bas kyang ngo bo nyid dang rgyu dang 'bras bu dang/ grogs dang/ las yongs su shes par 'gyur bas de'i phyir don lnga po de dag bstan pas gzhan dag kyang bsdus pa yin no/ /dge ba la sogs pa nyid kyang grogs la sogs pa yin pa'i phyir dge ba la sogs pa'i rab tu dbye ba yang 'di nyid du 'dus pas na logs shig tu ma bstan te/ de'i phyir de dag gis thams cad bsdus pa yin no/ /de'i phyir 'og nas kyang chos lnga po 'di dag gis ni phung po la mkhas pa yang bsdus pa yin no/ /de'i phyir 'og nas kyang chos lnga po 'di dag gis ni phung po la mkhas pa yang bsdus la sangs rgyas kyi bka' dngos po dgu'i bar du yang bsdus so zhes 'byung ngo/ /mig gi rnam par shes pa zhes bya ba la sogs pa la/ de la mig ni rgyur byas pa'i gzugs te/ nam mkha' phyogs gcig pas na/ rdzas drug po lus dang/ sa dang gzugs dang/ dri dang ro dang reg bya rnams dang tha dad par mi gnas so/ /yang na kun gzhi'i rnam par shes pa rnam par ma gzhag kyang sa bon bcu gcig dang ldan te/ yul lnga dang/ /'byung ba chen po gzhi dang/ lus dang/ mig gi'o/ /nges pa'i tshig gi tshigs su bcad pa ni/ ma zad bar du gzugs spyod dang/ /g.yo zhing skad cig pa nyid dang/ /rnam pa bzhi por grags pa dang/ mdzes pa'i las las gyur pa yin/ /rnam par shes pa zhes bya ba ni/ dngos po dang/ byed pa dang/ gzhi zhes bya bar grags so/ /de ni byed pa por yang snang ste/ zas lta bu zhes bya ba'i mdo las/ rnam par shes par byed cing rnam par shes par byed pas na de'i phyir rnam par shes pa'i phung po zhes bya ste/ ci zhig rnam par shes zhe na/ gzugs rnams dang sgra rnams la sogs pa'o/ /zhes ji skad gsungs pa lta bu'o/ /mig gi rnam par shes pa zhes bya ba ni mig la brten pa'i rnam par shes pa yin pas na mig gi rnam par shes pa zhes bya'o/ /yang na rnam par shes pa gang gis mig la phan 'dogs pa dang gnod pa byed ba la bya ste/ 'di ltar rnam par shes pa dang mtshungs par ldan pa'i tshor bas dbang po la phan pa dang gnod par 'gyur ba'i phyir ro// yang na mig gi rnam par shes pa 'gyur bar byed ba'i phyir te/ mig ser gyi nad la sogs pas btab pa rnams kyi mig gi dbang gis rnam par shes par yang 'gyur ba'i phyir ro/ /yang na gang mig gi phyir mthun pa la bya ste/ mig nyams pa la sogs pa'i rjes su 'jug bar byed pa'i phyir ro/ /yang na mig rnam par shes pa zhes bya ba ni rang gi sa bon dang rjes su 'brel ba'i phyir de'i dbang gis mig las mngon par 'grub pa la bya'o/ /yang na rna ba la sogs pa rnam par bcad pa'i phyir de ni mig gi zhes brjod do/ /yang na gnas kyi phyogs la rnam par shes pa skye ba yod pa'i phyir mig la zhes bya'o/ /ci'i phyir rnam par shes pa'i khams kho na ngo bo nyid kyis bstan pa la de las gzhan ba mig la sogs pa'i khams dag ni bstan zhe na/ rnam par shes pa ni rnam pa du mas byed pas skad cig re re la ngo bo nyid tha dad pa spang bar mi bya ba'i phyir te/ de ni spre'u lta bu zhes bya ba'i mdo las bstan pa yin no/ /rnam pa de dag kyang gang gis byas she na/ de'i phyir gnas dang dmigs pa la sogs ba bstan to/ /mig la sogs pa ni dang por skyes pa'i ngo bo nyid gang yin pa de bzhin du 'jug pa'i phyir khong du chud par sla bas na de dag gi ngo bo nyid ni nges pa bstan mi dgos so/ /yang rnam pa gcig tu na sems ni rtse ba'i bdag gi rdzas kyi gzhi yin pas gtso bo yin pa'i phyir te/ nges de las gzhan pa'i chos rnams rnam par sgrub bar byed ba'i phyir ro/ /de'i phyir rnam par dag gis ni sa bstan gyi mig la sogs pas ni ma yin no/ /gang mig la brten nas gzugs so sor rnam par rig pa'o zhes bya ba la/ gang mig la brten nas so sor rnam par rig pa zhes bya bas kyang grub mod kyi gzugs smos pa ni gzugs kyi gzugs brnyan gyi rnam pa'i ngo bo nyid bstan ba'i phyir ro/ /yang na brten nas zhes bya ba'i sgra ni dmigs pa la yang snyegs pas yid kyi rnam par shes pa dang mtshan nyid 'dres par 'gyur ba rnam par bcad ba'i phyir te/ 'di ltar 'og nas rkyen gyi mtshan nyid bshad ba'i skabs nas kha dog dang/ dri dang/ ro dang/ reg bya rnams ni 'dzin pa tsam du grags ba'i shes pa'i rten yin no/ /zhes 'byung ngo/ /des par 'byin pa'i skabs nas kyang yul rnams dmigs par 'dod pa zhes smras nas/ rten nges nyon mongs pa can gyi tshor ba kun tu 'byung ngo/ /zhes ji skad bshad pa lta bu'o/ /kun gzhi rnam par shes pa ni rnam par shes pa gzhan dag la med pa'i khyad par gyis bye brag tu bstan pa'i phyir/ sa bon thams cad pa zhes bya ba la sogs pa smos te/ 'di ltar mig gi rnam par shes pa ni chos thams cad kyi sa bon gyi gzhi ma yin te/ de med kyang dril sogs pa bzhin du mig la sogs pa 'byung bar snang ba'i phyir ro/ /lus len par byed pa yang ma yin te/ de ma skyes na lus gson po yang ro bzhin du rul bar thal bar 'gyur ba dang/ de yod kyang rna ba la sogs pa ma zin pa nyid du thal bar 'gyur ba'i phyir ro/ /rnam par smin bar bsdus pa yang ma yin te/ dus thams cad du ma bsgribs la lung du ma bstan pa nyid yin pa thal bar 'gyur ba'i phyir te/ /lhag ma rnams la yang de bzhin du sbyar te/ kun gzhi rnam par shes pa ni de las bzlog pa'i khyad par bshad pa dang ldan pa yin no/ /ci gzhan dgag pa tsam gyi phyir kun gzhi rnam par shes pa'i mtshan nyid de skad smos par zad dam zhe na/ de lta ma yin te/ lung dang rigs pa yang yod de/ de ni 'og nas yid kyis bshad ba'i skabS nas shes par bya'o/ /de la sa bon thams cad pa zhes bya ba la sogs pa tshig gsum gyis ni mdor na kun gzhi rnam par shes pa rgyu dang 'bras bu'i dngos por bstan te/ de la rgyu'i dngos po la skyed ba'i rgyu ni/ sa bon thams cad pa zhes gang smos pa'o/ /gnas pa'i rgyu nyid ni lus len par byed pa zhes gang smos pa ste/ 'di ltar des zin na lus rul par mi 'gyur pa'i phyir ro/ /'bras bu'i dngos po ni rnam par smin pa bsdus pa zhes gang smos pa'o/ /yang gcig tu na sgro 'dogs pa dang/ skur ba'i mdza' i mnyen por bstan te/ de la skur ba ni 'di dag thams cad rgyu med pa las byung ngo/ /zhes zer ba ste/ de'i mnyen por sa bon thams cad pa zhes bya ba bstan to/ /sgro 'dogs pa ni rnam pa gnyis te/ bdag tu ngo bo nyid yod par sgro 'dogs pa de'i gnyen por ni/ lus len par byed pa zhes bya ba bstan to/ /de nyid la rtag pa nyid do/ /zhes bye brag tu sgro 'dogs pa de'i gnyen por ni/ rnam par smin ba bsdus ba zhes bya ba bstan te/ 'di ltar rnam par smin pa ni las dang nyon mongs ba'i dus na ma byung ba las phyis byung ba yin pa'i phyir ro/ /gang 'byung ba chen po bzhi po dag ces bya ba la sogs pa ni mig gi 'bras bu'i mtshan nyid dang/ rgyu'i mtshan nyid dang/ ngo bo nyid kyi mtshan nyid dang/ khyad par gyi mtshan nyid bstan te/ tshig re re dang gnyis kyis yongs su bstan to/ /rgyur byas pa zhes bya ba la/ rgyur byas ba'i don ni rgyu las byung ba'i don to/ /mdo sde las gzugs rgyur byas nas nga'o snyam pa 'byung bar 'gyur ro/ /zhes ji skad gsungs pa lta bu ste/ nga'o snyam pa'i nga rgyal gyi rgyu ni gzugs yin no zhes bya ba'i tha tshig go / bstan du med la zhes bya ba ni ston pa zhes bya ba mig gi rnam par shes bas mi mthong ba'i phyir ro/ /thogs pa dang bcas pa'o/ /zhes bya ba la/ gcig la gcig mi reg par yul gnod par byed pa'i don ni thogs pa dang bcas pa'i don yin na/ mig ni thogs pa dang bcas pa ma yin te/ 'di ltar nam mkha' la dri la sogs pa dang yul gcig pa'i phyir mig la ni de gnyis ka med pa ma yin nam zhe na/ de lta yin du zin kyang mig gi rang gi 'byung ba chen po thogs pa dang bcas pa de dag gi nam mkha' yul gcig pa la khyab pas na de dag gis byas pa'i thogs pa yang rgyur byas pa'i gzugs rnams la bstan to/ /gang mig gi rnam par shes pa'i snga rol tu 'das ma thag pa'i rnam par shes ba'o/ /zhes bya ba de ni yid kyi rnam par shes pa la bya ste/ 'og nas rnam par shes pa'i tshogs lnga'i skad cig gnyis lhan cig tu 'byung ba yang med la phan tshun gyi mjug thogs su phan tshun 'byung bar 'gyur bar yang lnga pa gzhan dang gzhan 'gags ma thag pa las gcig 'byung bar kho nar ma nges so zhes 'byung ngo/ /sngon gyi spros pa dga' ba rgyur gyur pa zhes bya ba la sogs pas ni kun gzhi rnam par shes pa dang 'jug pa'i rnam par shes pa sems las byung ba dang bcas pa de dag ni gcig rgyu yin no/ /zhes ston to/ /sngon gyi spros pa dga' ba rgyur gyur pa zhes bya bas ni 'jug pa'i rnam par shes pa dang sems las byung ba de dag ni kun gzhi rnam par shes pa'i rgyu yin par bstan to/ /sa bon thams cad pa zhes bya bas ni kun gzhi rnam par shes pa ni gzhan dag gi rgyu yin par bstan te/ 'di ltar chos 'di pa dag gi thos pa las byung ba la sogs pa'i rnam par shes pa 'khor dang bcas pa dag ma gtogs pa gzhan dag ni spros pa zhes bya'o/ /de dag nyid dga' ba yang yin te/ 'khor ba la mngon par dga' ba'i phyir ro/ / de dag nyid rgyu yang yin te/ de dag gi dbang gis 'gro ba rnams su rnam par smin pa mngon par 'grub pa'i phyir ro/ /yang don gzhan du na spros pa zhes bya ba ni nang gi phung po rnams la bya ste/ 'di ltar 'og nas kyang spros pa dang 'jig tshogs kyi dngos po rnams ni don gcig pa yin no/ /zhes 'byung ngo/ /de la dga' ba ni bdag la chags pa yin no/ /de ni kun gzhi rnam par shes pa mngon par 'grub pa'i rgyu yin te/ 'di ltar bdag bde bar 'gyur bar bya'o/ /zhes las byed ba de yang rnam par smin pa'i rgyu yin pa'i phyir ro/ / yang na skye ba'i tshe bdag la chags pa kun tu 'byung ba ni nyid mtshams sbyor ba'i rgyu yin pas na de'i phyir spros pa la dga' ba ni mngon sum gyi rgyu yin te/ 'di ltar 'og nas thams cad 'chi ba'i tshe mi gsal ba'i 'du shes kyi gnas skabs su ma gyur bas na yun ring po nas goms pas bdag la chags pa 'byung bar 'gyur te/ de'i dbang gis bdag 'chi bar 'gyur ro snyam nas lus la mngon par dga' bar 'gyur te/ de ni de'i mngon par grub pa'i gzhi yin no/ /zhes bya ba la sogs pa 'byung ngo/ /yang gcig tu na spros pa zhes bya ba ni sa bon la bya ste/ 'di ltar 'og nas sa bon gyi rnam grangs bshad ba'i skabs nas kyang sa bon dang/ bag chags dang/ spros? pa dang/ rgyu zhes bya ba la sogs pa ni sa bon gyi rnam grangs su gtogs so zhes 'byung ngo/ /dga' ba zhes bya ba ni 'dod chags la bya ste/ de gnyis ka yang rnam bar smin pa'i rnam par shes pa'i rgyu yin te/ 'di ltar sred bas bsdus pa'i sa bon ni srid pa yin la/ sred ba'i rkyen gyis ni rnam par smin pa mngon par 'grub pa'i phyir ro/ /yang don gzhan du spros pa zhes bya ba ni nang gi rnam par smin pa'i 'bras bu rmongs pa'i tha snyad kyi gzhi ste ngar 'dzin pa'o/ /'di ltar 'og nas tshigs su bcad pa rnam par bshad pa'i skabs nas/ 'byung bar 'gyur ram mi 'gyur zhes/ de'i phyir spros pa khas len to zhes bya ba 'byung ngo/ /de la dga' ba ni bdag la bde ba'i dbang du byas te/ de la mngon par dga' ba sngon du btang nas spros pa la mang du gnas pa'o/ /de ltar las gnas pa'i las gang yin ba nges bskyed pa'i bag chags ni spros pa la dga' ba rgyur gyur pa yin te/ rgyu zhes bya ba'i sgra ni sa bon gyi rnam grangs su rtogs so/ zhes sngar smras ba'i phyir ro/ /de ni bdag tu 'dzin pa gzhir gyur ba kun gzhi rnam par shes pa tshe rabs gzhan na 'byung ba'i rgyu yin no/ / de la nang la rmongs pa gong yin pa dang/ ngar 'dzin pa'i bar des ni ma rig? pa bstan to/ /de la dga' ba'i las kyi bag chags bskyed pa gang yin pa de ni ma rig pa'i rkyen gyi 'du khyed rnams so/ /'du byed kyi rkyen gyis ni rnam par shes pa ste/ yan lag gzhi'i sa bon gyi gnas yin no/ /bag chags des ni kun gzhi rnam bar shes pa skyed do/ /rnam par shes pa'i rkyen las 'bras bur gyur ba de ltar byung ba'i dus kyi ming dang gzugs la sogs pa 'di 'byung ste/ de ltar sngon gyi mdza' las bar? gyi mdza' i rnam par smin pa mngon par grub bas ji ltar kun gzhi rnam par shes pa'i rang bzhin mngon par 'grub par 'gyur ba de bstan to/ /yang don gzhan dun spros pa zhes bya ba'i spros pa'i bag chags la bya ste de nyid rgyu yin no/ /dga' ba ni srid pa'i rkyen gyis srid ba zhes bya ba'i rgyu yin te/ spros pa dang dga' ba de gnyis ka yang rgyu yin no/ /bag chags la rnam pa gnyis te/ srid pa'i yan lag gi bag chags ni las kyi sa bon gang rnam par smin pa'i dngos po gzhan skye bar byed pa'o/ / spros ba'i bag chags kyi ngo bo nyid kyi sa bon no/ /'dir de gnyis ka kun gzhi rnam par shes pa'i rgyu nyid du bstan pas ni rkyen gyi tshogs mdza' dag smras pa yin te/ rang gi sa bon dang las las byung bar bstan pa'i phyir ro/ /'di ltar de ni kun gzhi rnam par shes pa gzhan dang lhan cig tu skye ba dang 'gag pa med bas na de bag chags de ga la yod/ sngon med pa'i bag chags bsgo ba yang med do/ /rkyen rnams kyi sa bon rnams rtas par byed de/ de las srid pa 'byung ste ji ltar thog ma med pa can gyi 'khor ba na kha cig sems can gyi dngos por bgrang ba dang/ kha cig de la ma yin pa dang/ de la yang kha cig nyan thos kyi ris kho nar gyur ba la sogs pa bzhin du sa bon 'di yang ngo bo nyid du grub ste/ 'og nas byung ba'i tshang ma dag gis rtogs par bya'o/ /de yang rnam pa du ma yod de/ zhes bya ba ni sngon po la sogs pa tha dad pa'i phyir ro/ /nam mkha' zhes bya ba ni kha cig na re bai DUrya ltar snang ba ma gtogs pa rgyur byas pa'i gzugs gzhan dag yin no/ /zhes zer ro/ /yang kha cig na re de nyid kyi gnas skabs kyang gtogs so zhes zer ro/ /kha dog gcig pa'o/ /zhes bya ba ni kha cig sna tshogs ma yin ba la zer ro/ /yang kha cig na re gzhan du mi 'gyur ba la bya ste/ ji ltar bum pa la sogs pa'i kha dog gzhan du 'gyur ba ltar nam mkha' de de lta ma yin te/ 'byung ba chen po med pa'i phyir ro zhes zer ro/ /yang kha cig na re de la kha dog gcig pur zad de/ ting nge 'dzin gyi gzugs bzhin no zhes zer ro/ /yang kha dog gang zhe na zhes bya ba la sogs pas ni kha dog rnams kyi ngo bo nyid gtan la 'bebs te/ sngar ni grangs tsam zhig bstan pa'i phyir ro/ /gang gzugs dang 'dra ba zhes bya ba ni dbyibs la ma bltos pa'i dngos po tsam la bya'o/ /dbyibs gang zhe na/ gang gzugs rgyas pa zhes bya ba ni kha dog gi rdul phra rab rnams bsags pa kho na'i gnas skabs la dbyibs zhes brjod pa yin te/ de'i phyir de ni btags pa'i yod par brjod pa yin no/ /gzugs kyi skye mched du bsdus pa'i phyir sngon po la sogs pa bzhin du de yang rdzas nyid du snang ba yin nam zhe na/ gang gi tshe chos can gyi bye brag log par sgrub pa'i phyir gtan tshigs 'gal ba de'i tshe ji ltar snang ste/ 'di ltar 'khrul pa med pas sngon po la sogs pa bzhin du kha dog las ngon gzhan ma yin pa nyid dang/ ring po dang thung du'i ngo bo nyid la sogs pa yang med par sgrub pa'i phyir ro// 'gal bar 'khrul ba med pa'i phyir ma nges pa yang ma yin te/ 'di ltar sgra la sogs pa'i khams kyiS ma bsdus pa kha dog med ba'i bum pa la sogs pa btags pa yod pa yin pa'i phyir ro/ /gang de dag las gud na bum pa cing yang med de/ de'i phyir sgrub dang ldan no/ /zhes zer ba de yang rtsid zhing sla ste/ kho bos kyang brjod nus so/ /kha dog ni dbyibs las gud na med ba'i phyir dpe med bar gyur to/ /gang gzhi med pa'i phyir gtan tshigs ma grub pa'o/ /de bzhin du mig gi rnam par shes ba'i yul yin pa'i phyir ro/ zhes bya ba la sogs pa la yang gtan tshigs kyi skyon gsum sbyar bar bya'o/ /gang gzugs rgyas pa ring po la sogs pa'i rnam par yongs su bcad ba'i rnam ba'o/ /zhes bya ba la ring bor 'dzin pa'i blo ni ring por yongs su gcod pa ste/ des gzung bar bya ba gang yin pa de ni ring po'o/ /de nyid ces bya ba'i tshig gis ni rnam par rig byed kyang btags ba'i yod pa nyid yin par ston to/ /rgyur byas ba ni lung du ma bstan pa yin pa'i phyir rnam par rig byed kyang bum pa bzhin du lung du ma bstan pa nyid du thal bar mi 'gyur ram zhe na/ de kun nas slong bar byed ba sems pa'i dbang gi dge ba la sogs par rnam par gzhag pa'i phyir thal bar 'gyur ba med do/ /yang gcig tu na gdags pa rnams ni btags pa'i chos kyi dngos po thams cad kyi rjes su 'jug par ma nges pas na de ni gyi na'o/ /gang gi tshe btags pa dge ba dang mi dge ba'i ngo bo nyid kyang ma yin la 'phen par byed pa yang ma yin na/ ci'i phyir de las nyid du rnam par bzhag ce na/ ji skad du rgyu dang bcas gzhi dang bcas pa'i mdo lung las mig dang gzugs la brten nas rnyog pa can gti mug las byung ba'i yid la byed ba skye'o/ /de la ma rig ba gang yin pa de ni gti mug go /rmongs pa'i 'dod pa gang yin pa de ni sred pa'o/ /sred pa can gyi rnaM par rig byed gang yin pa de ni las yin no zhes gsungs pa'i phyir ro/ /bcom ldan 'das kyis de nyid las su gsungs ba'i phyir 'di nyid rigs pa yang yin te sems pa bzhin no/ /yang na 'jig rten gyi rjes su zhugs pa ni tshul yin pa'i phyir ro/ / skyes pa 'gags pa zhes bya ba'i tshig ni chos 'di ba kha cig rnam par rig byed kyi gnas gzugs ni dus gzhan du yang gnas par 'dzin cing de ltar rtogs pa dag yod pa bsal ba'i phyir ro/ /mi mthun pa'i rgyus zhes bya ba ni mngon par 'du byed bar nges pa'i sems pa gcig las gcig byung ba las kun nas slong ba'i sems las bslad ba'i rtsol bas bskyod nas phyogs de nyid du gzugs 'byung ba dang mi mthun pa'i rlung gis so/ /bar du mchod pa 'am zhes bya ba ni rnam bar rig byed dbyibs de nyid rnam par ma 'khrugs par yul gzhan du 'gro ba'o/ /bar du chod pa dang bcas pa 'am zhes bya ba ni yang dang yang du rnam par 'khrugs pas so/ /'byung ba dang zhes bya ba ni bya ba'i ngo bo nyid ston to/ /phyogs de nyid du yang mi 'gyur ba 'byung ba ni zhes bya bas ni rnam par rig byed g.yo ba med kyang bya ba'i ngo bo nyid yin par bstan to/ /rnam grangs su gtogs pa'o zhes bya bas ni spyi dang bye brag ston te/ de la sbyin kha dog dang dbyibs dang rgyas pa dang rnam par rig byed dang las dang byed pa zhes bya ba dag go / bye brag ni snang ba zhes bya ba la sogs pa'o/ /de la snang ba ni phyogs gcig tu byung ba'i kha dog gsal ba'o/ /gsal ba zhes bya ba ni kun nas so/ /ring po zhes bya ba ni dbyibs dang rgyas pa phyogs gcig tu shas cher 'byung ba'o/ /thung du zhes bya ba ni de bas thung ba'o/ /spyod pa zhes bya ba ni thob pa'i don rnams la nye bar spyod pa'i lus kyi las gang yin pa'o/ /g.yo ba zhes bya ba ni ma thob pa rnam pa rtsol zhing g.yo bar byed ba'i lus kyi las gang yin pa ste/ de ni g.yo ba zhes bya'o/ /rgyur bstan ba'i phyir ri mo las bzhin no/ /yongs su g.yo ba zhes bya ba ni de gnyis ka la brtson 'grus cher rtsom pa'i lus kyi las so/ /spyod yul dang/ yul dang/ dmigs pa zhes bya ba rnams kyi don gyi bye brag na gang gi bya ba la gnod pa med pa de ni de'i spyod yul lo/ /yang na gang gi blo gang la spyod pa la bya'o/ /nyon mongs pa sna tshogs kyis 'ching bar byed pa'i don ni yul zhes bya ste/ sna tshogs kyis 'ching bar byed ba'i phyir ro/ /yang ? bya ba la gnod pa med pa snga snga ma bzhin no/ /bdag tu snang ba'i 'dzin pa skyed ba'i don ni dmigs pa'i don to/ /kha dog lta bu'o zhes bya ba ni du ba dang khug sna la sogs pa'o/ /de ltar na dmigs pa de ni bstan pa dang/ bshad pa dang/ bshad pa'i bar du dbye ba dang/ ngo bo nyid dang/ rnam grangs dang/ bsdu ba rnams kyis bstan te/ gzugs gang zhes bya ba la sogs pa dang/ mdor na kha dog dang zhes bya ba la sogs pa dang/ sngon po dang zhes bya ba la sogs pa dang/ yang kha dog gang zhe na zhes bya ba la sogs pa dang/ de la kha dog ni zhes bya ba la sogs pa dang/ yang de nyid ces bya ba la sogs pa'i tshig gis go rims bzhin du bstan to/ /de la dbyibs dang rnam par rig byed ni kha dog las gud na med pa'i phyir/ yang de nyid ces bya ba la sogs pas kha dog nyid kyi bsdu ba bstan to// de dang lhan cig 'byung zhing mtshungs par ldan pa sems las byung ba'i chos rnams te zhes bya ba la/ mtshungs par ldan pa zhes bya ba bzung ba kho nas kyang lhan cig byung ba dang sems las byung ba nyid grub bo zhe na/ lhan cig 'byung ba kho na yin no/ /zhes nges par bya ba'i phyir dang/ sems las byung ba zhes bya'i sgra brjod pas sems la brten pa nyid du bstan pas sems gtso bo yin par shes par bya ba'i tshig gzhan yang smos te/ de'i phyir de dag ni grags kyi don du bshad pa yin no/ /yang na spyi dang bye brag gi sgra yin te/ gzhan dang mi 'khrul ba'i bye brag yin pas nyes pa med do/ /reg pa zhes bya ba ni yul sdug pa dang mi sdug pa dang/ gnyis ka las bzlog pa nyid du gzung ba'i rnam pa ste/ go dor mis bzhin du bde ba dang/ sdug bsngal ba dang/ sdug bsngal yang ma yin bde ba yang ma yin ba'i tshor ba'i rten po yin la/ dbang po yang de bzhin du 'gyur ba'i rgyu'o/ /'di ltar sems las 'byung bar brjod par snang ba yid la byed pa la sogs pa bzhin du de bzhin du de med na mig gi rnam par shes pa 'byung bar mi 'gyur bas de'i phyir de ni rdzas su yod do/ /yang gcig tu na yid la byed ba la sogs pa thams cad kyang chad ma gsum gyis khong du chud bar bya ste/ de la lung ni skye mched drug bstan pa de dag las bcom ldan 'das kyis yid la byed pa nye bar gnas par gyur na zhes ji skad gsungs pa dang/ de bzhin du mig dang gzugs la brten nas mig gi rnam par shes pa 'byung ste/ /gsum 'dus pa ni reg pa'o/ /reg pa dang lhan cig skyes pa ni tshor ba dang 'du shes dang sems pa'o zhes ji skad gsungs pa lta bu'o/ /tshor ba la sogs pa gsal ba rnams ni mngon sum ste/ rang gis rigs pa'i phyir ro/ /rnam par shes pa tsam du smra ba ltar na yul so sor rnam par rig pa dang/ las tha dad pa'i phyir gzugs bzhin du rnam bar shes pa las gzhan yin no/ /mdo sde pa kha cig gi phyir tshor ba bzhin du sems las byung ba dag yang pa brjod pa'i phyir reg pa dang yid la byed pa la sogs pa dag kyang gzhan ba yin no/ /yang na de las phung po gzhan yin pa'i phyir gzugs bzhin te/ rigs pa ni de dag la sogs pa'o/ /lnga po de dag kun tu 'gro ba yin pa'i phyir rjod do/ /ci'i phyir lnga kho na zhe na/ de dag las gang yang rung bzhig mngon yul gyi longs spyod kyi bya ba yongs su rdzogs par mi 'gyur ba'i phyir nyung bar yang ma yin la dran pa dang/ 'dun pa la sogs pa ni 'khrul ba yod pa'i phyir mang ba yang ma yin no/ /de la yid la byed pa med na rnam par shes pa mi 'byung ba kho nar 'gyur te chags pa mtshang ba'i phyir ro/ /bcom ldan 'das kyis kyang yid la byed pa nye bar gnas na mig gi rnam par shes pa 'byung bar 'gyur ro/ zhes ji skad gsungs pa lta bu'o/ /yang gcig tu yid la byed pa dang/ sems pa med na ma ? sgrubs shing mngon pr 'dus ma byas par rnam par shes pa ji ltar 'byung bar 'gyur/ 'du shes dang tshor ba med na yul mtshan mar 'dzin pa dang/ myong ba med pa kho nar 'gyur te/ de'i phyir rnam par shes pa 'byung ba ni don med pa nyid du 'gyur ro/ /reg pa med na tshor ba dang/ 'du shes dang sems pa dag kyang mi 'byung ba kho nar gyur te/ rten po med pa'i phyir ro/ /bcom ldan 'das kyis kyang 'byung ba dang 'jig pa bstan pa'i mdo las reg pa byung na char ba 'byung la/ tshor ba byung na 'du shes dang 'du byed 'byung ngo/ /zhes ji skad gsungs pa lta bu'o/ /yang tshor ba'i phung po dang/ 'du shes kyi phung po dang/ 'du byed kyi phung po gang yin pa de dag thams cad ni reg pa las brten pa yin no/ /zhes kyang gsungs so/ /de bzhin du gnas brtan shA ri'i bu'i mdo las kyang reg pa'i rkyen gyis tshor ba 'byung ste/ reg pa med na tshor ba mi 'byung ngo zhes gsungs te/ de'i phyir de dag gi gdon mi za bar 'byung bar 'gyur ba yin no/ /'dun pa ni 'dod pa'i dngos po kho na la 'byung bar 'gyur te/ gzhan la ma yin no/ /dran pa yang 'dris pa'i dngos po kho na la ste/ gzhan la ma yin la/ /de dag la sogs pa gzhan yang 'khrul pa yod pa'i phyir ma nges pas de'i phyir kun tu 'gro ba ni lnga kho nar zad do/ /sems las byung ba'i chos gzhan gang dag ces bya ba ni dran pa dang/ dang pa dang/ 'dod chags la sogs pa'o/ /rnam pa du yod par rtogs pas de las gzhan pa'i sems las byung ba dag bzhin du de dag dmigs pa yang tha dad par dogs pa gsal ba'i phyir/ dmigs pa gcig la zhes bya ba smos so/ /ngo bo nyid kyi bye brag la dmigs pa'i phyir de dag gi dmigs pa tha dad ba ma yin nam zhe na/ de lta yin du zin kyang dmigs pa'i dngos po gcig pa'i phyir de skad ces smras so/ /rnam pa du ma ste zhes bya ba ni yul gyi mchan nyid tha dad pas 'dzin pa'i rnam pa tha dad pa'i phyir rang gi rnam pa tha dad pa la bya ste/ 'di ltar 'og nas kyang yul de nyid la sdug pa dang/ mi sdug ba dang/ gnyis ka las bzlog pa'i mtshan nyid gang yin pa ni reg pas rig par byed do/ /de nyid las tha snyad kyi mtshan ma'i mtshan nyid gang yin pa ni 'du shes kyis rig bar byad do/ /zhes bya ba la sogs pa 'gyur ngo/ /re re 'byung la zhes bya ba ni sde tshan gcig las sems las byung ba yang gcig kho na 'byung gi gnyis pa mi 'byung ste/ don byas zin pa'i phyir ro/ /dmigs pa dang bcas pa zhes bya ba la/ gang gi tsho mig gi yul yang gzuD yin pa'i tshe de la ci'i phyir sems las byung ba rnamS dmigs pa dang bcas pa kho nar rnam par gzhag la/ /mig la sogs pa dag ni ma yin nam zhen/ /gang dmigs pa dang bcas na byung la med na mi 'byung ba de ni dmigs pa dang bcas pa yin no/ /gang de med kyang 'byung ba de ni dmigs pa dang bcas pa ma yin no/ /yang 'di la yul ni dmigs pa ma yin te/ ci zhe na/ 'dzin pa'i rnam pa yin pas na brtsad du med do/ /de ni rnam pa drug tu blta bar bya ste zhes bya ba la de dag gi las ni mang du yod mod kyi las rnam pa drug kho nar brjod pa ni yid kyi rnam par shes pa las bye brag tu bstan pa'i phyir ro/ /'di ltar yid kyi rnam par shes pa ni rang gi yul dang/ gzhan gyi yul dang/ rang gi mtshan nyid dang/ spyi dang 'brel pa can gyi mtshan nyid la sogs pa dang/ dus gsum dang/ rgyun la yang dmigs pas na de las bye brag tu bstan pa'i phyir tshig bzhi po de dag smos so/ /yid kyi rnam par shes pa ni rang dbang dang/ gzhan gyi dbang dge ba la sogs pa nyid yin gyi lnga po dag ni gzhan gyi dbang kho nar zad de/ rnam par rtog pa med pa'i phyir ro/ /las kun nas slong ba dang sdug pa dang mi sdug pa'i 'bras bu yongs su 'dzin pa la yang de bzhin du brjod par bya'o/ /sgra rnams kyi rnam par gzhag pa ni kun nas nyon mongs pa dang rnam par byang ba'i dbang du byas pa ste/ de la kun nas nyon mongs pa las brtsams nas zin pas bskyod pa las byung ba'i sgra dang/ /ma zin pas bskyod pa las byung ba'i sgra dang de'i rab tu dbye ba yongs su bstan to/ /de la zin pas bskyod pa las byung ba la yang rnam pa gsum ste/ ma zin pa las byung ba dang/ zin pa dang/ ma zin pa las byung ba dang/ zin pa las 'byung ba ste/ tshig gsum dang/ bzhi dang/ gnyis dang sbyar ro/ /ma zin pas bskyod pa las byung ba ni rlung dang shing gi sgra gcig bu dang sbyar ro/ /de'i rab tu dbye ba yang rnam pa gsuM ste/ 'byung ba las gyur ba tha snyad dang tha snyad ma yin pa dang/ gsal ba dang mi gsal ba dang/ /gcig dang bum? ste/ tshig bzhi dang/ gsum dang/ gnyis dang sbyar ro/ /rnam par byang ba las brtsams nas thog ma dang/ /bar dang/ tha ma rnams su lung nod pa la sogs pa sgra lnga smos pa sbyar ro/ /de la gang byed pa'i sgra zhes bya ba ni gang mkhan gyi lus dang rgyan gyi lus dang sgra'o/ /sgra bo che zhes bya ba ni zin pa dang ma zin pa las byung ba'i sgra sna tshogs 'dres ba las rlom pa dang bcas pa'i sgra 'byung ngo/ /phung po bsdu ba'i tshigs su bcad pa ni/ /kun nyon mongs dang de rab dbye/ /rnam par byang ba gsum gsum ste/ /sgra tshig bcu dang dgu dag dang/ /lhag ma rnams kyis yongs su bstan/ /yang rnam grangs gzhan du na de nyid 'jug pa dang ldog pa las brtsams pa ste/ de la 'jug pa'i rnam pa ni bzhi ste/ ma zin pa'i 'byung ba chen po'i rgyu las byung ba dang/ zin pa dang ma zin pa'i 'byung ba chen po'i rgyu las byung ba dang/ zin pa'i 'byung ba chen po'i rgyu las byung ba ni tshig gsum pa gnyis kyi bstan to/ /de'i rab tu dbye ba ni tshig bcu gsum gyi bstan to/ /rab tu dbye ba yang bye brag yod pa'i phyir rnam pa bzhi ste/ rten du gtogs pa dang/ brjod pa dang/ brjod par bya bar gtogs ba dang/ tshad du gtogs pa dang/ rang bzhin dang/ 'gyur bar gtogs pa'o/ /de la rten ni sems can du bgrang ba dang/ sems can du bgrang ba ma yin pa'o/ /sems can yang rnam par byang bar rung ba dang mi rung ba'o/ /mi rung ba ni dud 'gro'i skye gnas la sogs ba'i 'gro ba ste/ de ni glang po che lta bu ste/ glang po che dregs pa dga' ba'i sgra 'ur ru ru ni sgra bo che zhes bya'o/ /dud ba ni bud med dang skyes pa'o/ /sems can du bgrang ba ma yin pa de ni rlung dang nags tshal gyi sgra lta bu'o/ /rjod bar gtogs pa'i bye brag ni gsal ba? dang mi gsal ba nyid do/ /brjod par bya bar gtogs pa'i bye brag ni don dang ldan pa dang don med pa nyid do/ /tshad ni chung du dang 'bring po dang chen po nyid do/ /rang bzhin ni chos kyi ngo bo nyid rnam par ma 'khrug pa gnas dang gnas ma yin pa la brten pa'i sgra ste/ chu klung gi sgra lta bu'o// 'gyur ba ni chos gzhan gyis shin tu g.yengs pa las gzhan du 'gyur ba 'byung ba'i gnas de la brten pa ste/ ca co'i sgra lta bu'o/ /de bzhin du 'byed par byed pa zhes bya ba'i glung gis chu dag bskyod pa las sgra 'byung ba de la bya'o/ /ldog ba yang dus gzhi'i bye brag gis rnam pa bzhi ste/ len pa'i dus dang/ de nas 'don pa'i dus dang/ de nas 'chang ba'i dus dang/ de nas bdag dang gzhan gyi rgol ba la tshar bcad pa dang phan gdags ba'i dus so/ /bsdu ba'i tshigs su bcad pa ni/ /'jug dang de yi rab dbye dang/ /ldog pa yang na rnam bzhi ste/ /dung dang sgra chen lung nod pa'i/ sgra la sogs pas yongs su bstan/ gang nang dang phyi rkyen du gyur ba nyid do/ /zhes bya ba nang dang phyi'i 'byung ba dag ni sgral byung ba'i byed rgyu yin gyi/ gnas ni ma yin no/ /sgra'i gnas ni rang gi 'byung ba chen po bzhi dag kho na ste/ sgra kho na bzhin du gnas so/ /gang dbang po dang tha dad du mi gnas pa'i sgra de ni dbang po'i 'byung ba chen po dag kho na la gnas pa ste/ de'i phyir de ni zin pa yin par 'dod do/ /sgra 'byung ba ni yul ji srid du gag pa'i yul de nyid du 'phral la khyab par byed cing cig car du 'byung ste/ mar me'i 'od dang 'dra'o/ /de'i phyir che chung du 'byung zhing 'gro ba ma yin no/ /dri zhes bya ba la sogs pa'i tshig rnams kyis ni brda'i mtshan nyid dang/ rnam pa bsdu ba'i mtshan nyid dang/ spyi'i mtshan nyid dang/ phan 'dogs pa dang/ gnod pa byed pa'i mtshan nyid dang/ rab tu dbye ba'i mtshan nyid dang/ rang gi ngo bor gtogs pa'i rnam grangs kyi mtshan nyid dang/ gzhan gyi ngo bor gtogs pa'i rnam grangs kyi mtshan nyid bstan te/ gcig dang gcig dang gnyis dag dang/ /gsum po dag dang gcig dang ni/ /lnga po dag dang bzhi rnams dang/ /lhag ma rnams kyi yongs su bstan/ /ro la yang de bzhin du brjod par bya'o/ /reg bya'i rnam par gzhag pa ni gdags par bya ba'i gzhi dang/ gdags par bya ba'o/ /gdags par bya ba'i gzhi ni 'byung ba rnams so/ /gdags par bya ba dag ni yang ba nyid la sogs pa ste/ 'byung ba chen po de lta bur gyur ba dag kho na la gdags par bya ba yin pa'i phyir ro/ /de la lci ba ma yin pa rnams dang/ lci ba rnams dang/ dang ba rnams dang/ dad ba ma yin pa rnams dang/ chu dang rlung 'dres pa las byung ba rnams ni go rims bzhin du yang ba nyid la sogs pa 'dogs par byed do/ /ston pa ma tshad ba rnams la ni bkres pa dang/ skom pa dang/ nyam tshung ba dag go /nga ma tshang ba med cing mi mnyam pa med pa rnams la ni doms pa dang nyams stobs so/ /mi mnyam par gyur bas 'khrug pa 'byung ba rnams dang/ na tshod rnam par gyur ba byung ba rnams dang/ srog gi dbang po 'gag ba rnams dang/ khrag gi nyes pa byung ba rnams dang/ zas ngan pa zos pas ngal ba byung ba rnams dang/ sa dang chu 'dres pa las byung ba rnams dang/ 'bad pa dang sha thang ba dang ldan pa rnams dang/ 'bad pa dang sha thang ba med pa rnams dang/ mnyen zhing snyi ba rnams dang/ dri mas yongs su gos pa dang bral ba rnams la ni nad la sogs pa 'dogs par byed do/ /gdags par bya ba rnams kyi rnam par gzhag pa yang 'di dag yin te/ mi 'bying ba dang 'bying ba las ni yang ba nyid dang/ lci ba nyid do/ /ma nabs na phan pa dang gnod pa las ni/ bam? ba nyid dang rtsub pa nyid do/ /rkang pa phyil ba las ni 'dred pa nyid do/ /nges par bcir du rung ba las ni nem nem bo nyid do/ /lhag ma rnams ni lus 'gyur ba las gdags bar bya'o/ / mig kyang yongs su nyams zhes smos pa ni gcig ma tshang? na yang rnam par shes pa 'byung ba med do/ /zhes bstan pa'i phyir ro/ /mig gi rab tu dbye ba de yang rnam pa lnga ste/ lhag ma ma lus pa dang/ nyams pa dang bcas pa dang/ lhan cig skyes pa dang/ las las gyur pa dang/ nang dang phyi rol gyis gnod pa'i gyur pa'o/ /lhan cig skyes pa zhes bya ba ni dmus long lta bu'o/ /gzugs kyang snang bar gyur du zin kyang zhes bya ba ni gzugs gang bsun du yod pa dang/ ha cang phra mo ma yin pa dang/ ma reg pa dang/ ma bsgribs pa dang/ snang ba dang bcas pa dang/ ha cang bskal pa ma yin pa dang/ rang dang 'og ma'i sa pa dag go /lha'i mig dang ldan pa kha cig gi ni mun khung ni yang mthong ste ci ti gsu sbyar ro/ /de dang 'byung ba yid la byed pa yang nye bar gnas par gyur na zhes bya ba la/ yid la byed pa ni rnam pa lngas nye bar gnas par 'gyur te/ 'dod pa dang/ goms pa dang/ gzhan gyis mtshon pa dang/ dran pa dang/ yul rags pas so/ /de dang 'byung ba yid la byed pa zhes bya ba ni sems kyi 'jug pa gang yin pa rang gi bag chags sang pas gnas yongs su ma nyams pa de dang/ gzugs snang bar gyur pa de dang/ mig gi rnam par shes pa de dang lhan cig tu mngon par 'grub pa'o/ /sems rnam pa gsum 'byung bar 'gyur te zhes brjod ba'i rigs pa las dmigs par gyur te zhes smos pa ni mig gi rnam par shes pa dang lhan cig tu bgrang bar bya ba'i phyir ro/ /nye bar gnas pa las byung ba zhes bya ba ni don gyi ngo bo nyid tsam nye bar gnas pa'i phyir ro/ /'di ltar yid kyi rnam par shes pa yang rnam pa de lta bur gyur pa yin pas nye bar gnas pa las byung bar 'dod do/ /'og nas kyang de la yid kyi rnam par shes pa rtsol ba med la rnam par g.yengs shing ma 'dris pa la dmigs pa na/ 'dun pa la sogs pa 'jug pa mang pa'i yid kyi rnam par shes pa de yang nye bar gnas pa las byung bar brjod bar bya'o/ zhes ji skad 'byung lta bu'o/ /'o na gang 'og kho na nas dang po ni mig gi rnam bar shes pa nyid do/ /zhes 'byung ngo zhe na/ dang po nyid ni mig gi rnam par shes pa'o/ /zhes de ltar blta bar bya ste/ de ni rtag tu rnam par mi rtog ba yin pa'i phyir ro/ /dang po zhes bya ba ni nye bar gnas pa las byung ba bzhin no/ /tshol ba pa zhes bya ba ni mig gi rnam par shes pas mthong ba'i yul 'das pa de nyid la mngon par gsal bar bya ba'i tshul gyi yongs su tshol ba la bya'o/ /gsal ba de nyid la 'di ni sngon po'o/ /zhes bya ba'i 'du shes dang 'brel ba'i dran pa dang ldan ba'i yid kyi rnam par shes pa 'byung ba de ni nges pa zhes bya'o/ /de le nye bar gnas pa las byung ba ni don tsam la dmigs ba ste/ /yul gyi gzugs brnyan gyi ngo bo yin no/ /tshol ba pa ni don la rnaM par rtog pa dang bcas pa ste gzugs brnyan gyi mtshan ma la rjes su dbyed pa dang mthun pa'o/ /nges pa ni don la rnam par rtog pa dang/ de'i ming la dmigs par byed pa'o/ /nges pa'i sems phan ched nas zhes bya ba ni de rnam par rtog pa nyid yin pa dang/ rang gi 'dod chags la sogs pa dang ldan pa dang/ de ma thag tu mig gis rnam par shes pa la sogs pa la 'dod chags la sogs pa 'phen par byed pas de'i phyir de'i rgyu mthun pa zhes bya bas bstan to/ /'der chol ba pa ni 'khor lo dang po kho na la 'byung gi nges pa'i 'og tu 'byung ba mig gi rnam par shes pa la sogs pa'i 'jug thogs su 'khor lo gnyis pa la sogs pa dag la ni mi 'byung ste/ yul gsal bar 'gyur ba'i phyir ro/ /'o na tshol ba pa ni mjug thogs su nges par 'byung de zhe na/ 'khor lo dang po la 'byung ba mig gi rnam par shes pa la sogs pa nye bar gnas pa las byung ba'i dbang du byas nas smras pa'i phyir nyes pa med do/ /lhan cig rgyu ba rnam par ma bzhag na tshol ba pa yin par lta'o/ /rnam par bzhag na ni ma yin te/ lhan cig rgyu ba nyid kyi mngon par gsal bar byas zin pa nyid kyi phyir ro/ /'dir ni lhan cig rgyu ba med kyang rnam par bzhag la/ bzhag nas ni lhan cig rgyu ba dang lhan cig go /zhes 'byung ba dang/ 'dir ni kun gzhi rnam par shes pa bag chags kyi gzhi yin par bshad la/ gzhan nas ni gzugs la sogs pa'o/ zhes 'byung ste bstan bcas thams cad dang 'gal ba kho na ma yin nam zhe na/ rnal 'byor spyod pa'i sa ni tshul rnam pa bzhis zab pa yin gyis ma rtogs bzhin du spong ba ma byed par sdod cig /rjes su 'jug pa'i tshul ni 'gyur byed kyi chu klung gi mdo las byang chub kyi yan lag rnams ni bsgom pa'i lam yin no/ /zhes ji skad gsungs pa lta bu dang/ rnam par gten la dbab pa bsdu ba las kyang 'jug pa'i rnam par shes pa dang gzugs kyi bye brag gi sems kyi bag chags kyi gzhi yin te/ kun gzhi rnam par shes pa rnam par ma bzhag pa'i phyir ro/ zhes 'byung ba lta bu'o/ /mtshan nyid kyi de kho na'i tshul ni yongs su rdzogs shing ldem par dgongs pa ma yin pa'i mtshan nyid kyi de kho na bstan pa'i phyir te/ ji skad du rnam par gtan la dbab pa? bsdu ba las lhan cig rgyu ba la sogs pa bshad pa lta bu'o/ /gzhug pa'i tshul ni kha cag don zhib mo dag la khad kyis gzhug pa'i phyir te/ ji ltar rnam par gzhag pa 'di nyid du 'di ltar kun gzhi rnam par shes pa smos kyang de'i dmigs pa la sogs pa'i rnam par dbye ba ma byas te/ dmigs pa phra ba dang/ gya tshom du 'jug par dka' ba'i phyir te/ de bzhin du lhan cig rgyu ba'i yang rnam par dbye ba yang ma byas pa lta bu'o/ /mdo sde'i ldem por dgos pa'i tshul ni 'og nas bsgom pa las byung ba'i las mdza' dag ni byams pa yin no/ /zhes ji skad 'byung ba dang/ rten cing 'brel bar 'byung ba'i skabs nas rnam par shes pa gang zhe na/ 'jug pa'i rnam par shes pa drug yin zhes rnam par bye ba lta bu ste/ de'i phyir bstan bcos kyi dgongs pas ma rtogs par spong bar byed pa ni rigs pa ma yin no/ /rnam par shes pa'i tshogs lnga dang ldan pa'i sa'i bshad pa'o/ /rnal 'byor spyod pa'i sa rnam par bshad pa/ yid kyi sa gang zhe na zhes bya ba la/ yang ces bya ba'i sgra 'di ni rnam par shes pa thams cad kyi rnam grangs su gtogs pa ste/ ji skad du rnam par gtan la dbab pa bsdu ba las/ rnam par shes pa 'di dag thams cad ni sems dang yid ces kyang bya'o/ /zhes 'byung ba lta bu'o/ /'dir ni gong du bshad ba'i rnam par shes pa lnga po ma gtogs pa dag gzung bar bya ba'o/ /gang gi tshe bye brag gi rnam grangs su bya ba de'i tshe ni 'das ma thag pa dang nyon mongs pa can gyi yid kho na la bya'o/ /yang na yid ces bya ba ni gnas su gyur ba'i rnam par shes pa la bya'o/ / gnas kyang rnam pa bzhi ste/ sa bon gyi gnas ni kun gzhi rnam par shes pa'o/ /'byung ba'i go 'byed pa'i gnas ni 'das ma thag pa'i rnam par shes pa'o/ /mtshan ma la 'ching ba'i gnas ni nyon mongs pa can gyi yid yin te/ 'di ltar rnam par gtan la dbab pa bsdu ba las kyang/ yid kyi rnam par shes pa de yid la gnas pa zhes bya ste/ yid ma 'gags na rnam par rig pa rnams kyang mtshan ma la bcings pa las mi 'grol la/ 'gags na de las grol bar 'gyur ro zhes 'byung do/ /kun nas nyon mongs pa dang rnam par byang ba'i gnas ni yid kyi rnam par shes pa yin te/ 'dod chags la sogs pa dang/ dad pa la sogs pa'i gnas yin pa'i phyir ro/ /de'i phyir yid ces bya ba'i sgras ni thams cad bsdus pa yin no/ /sa bon thams cad dang ldan pa zhes bya ba la sogs pa'i tshig bzhi pa rnam par gzhag pa ni ji ltar na sa bon thams cad dang ldan pa yin zhe na/ gnas kyi dngos por 'gyur ba'i phyir ro/ /ji ltar na gnas kyi dngos por gnas pa yin zhe na/ len par byed pa yin pa'i phyir ro zhes tshig snga ma phyi mas bshad pa'i phyir ro/ /yang don gzhan du na phung po lngas bsdus pa'i chos rnams kyi bag chags kyi rten yin pa'i phyir ba dang/ nges ni zin pa mig la sogs pa'i gnas kyi dngos po nye bar len pa'i phyir te/ ji skad du rnam par gtan la dbab pa bsdu ba las/ kun gzhi rnam par shes pa ni rnam pa gnyis kyis 'jug pa'i rnam par shes pa'i rkyen gyi bya ba byed de/ gnas sbyin bar byed pa dang/ sa bon gyi dngos por ro/ /de la gnas sbyin par byed pa ni des zin pa'i dbang po gzugs can rnams la rnam par shes pa lnga 'byung la/ ma zin pa rnams la ni ma yin no/ /zhes bya ba la sogs pa 'byung ba lta bu'o/ /rnam par shes pa dang ming dang gzugs dag mdung khyim gyi tshul du gcig la gcig rten cing gnas kyi dngos por gnas pa'i phyir dang/ des zin na gzugs kyang sems can du bgrang ba nyid du 'gyur ba'i phyir ro/ /yang don gzhan du na mthong ba dang gnas pa dang 'phel ba dang chud mi za ba'i bye brag gis rgyu rnam pa bzhi bstan te/ de dag kyang tshig bzhi po dag gis go rims bzhin du bstan to/ /yang don gzhan du kun gzhi'i don rnam pa bzhi ste/ 'byung ba dang ldan pa'i 'du byed rnams de la 'bras bu'i dngos por sbyor bar byed pa 'am/ de dag la de rgyu'i dngos por spyor bar byed pa'i phyir kun gzhi zhes bya ba dang/ sems can rnams de la bdag tu sbyor pa'i phyir kun gzhi zhes bya ba dang/ de dang po kho nar mer mer por zhugs pa na grub pa dang bde ba gcig pa'i phyir kun gzhi zhes bya ba dang/ des lus zin pa'i phyir kun gzhi zhes bya ste/ len par byed pa'i don ni kun gzhi zhes bya'o/ / don gzhi po de dag ni chig? bzhi po rnams dang go rims bzhin du sbyar ro/ /de ltar na tshig bzhi po de dag gis ni kun gzhi'i don gsal ba kho nar bstan pa yin no/ /lhag ma rnams kyis ni de'i ngo bo nyid ston to/ /rnam par smin par sdus pa kun gzhi rnam par shes pa gang yin pa'o/ /zhes bya ba la/ ci kun gzhi rnam par shes pa'i mtshan nyid ji skad smras pa'i tshig tsam gyis grub par zad dam/ 'on te khong du chud par bya ba'i phyir thabs 'ga' zhig kyang yod ce na/ te por yod de re zhig lung ni theg pa gnyis te/ de la theg pa chen po ni 'dul ba sgrogs pa zhes bya ba'i mdo las/ byang chub sems dpa' 'dul ba zab mo la mos pa zhes bya bas bcom ldan 'das ma rig pa'i rtsa ba rnam par bzhag pa gang lags zhes zhus pa dang/ rigs kyi bu len pa'i rnam par shes pa la thog ma med pa'i dus sngon gyi mdza' mi mngon pa'i ma rig pa'i bag chags sa bon du yongs su 'dzin pa'i tshul gyis zhes bya ba la sogs pa gsungs so/ /yang de nyid las rigs kyi bu rnam par smin pa'i rnam par shes pa ni 'du byed rnaM kyis kho na gyi gnas yin no/ / zhes gsungs so/ /chos mngon ba'i mdo las kyang/ sangs rgyas bcom ldan 'das ni shes bya'i gnas bye brag khyad par du 'phags pa gsung ba'o zhes bya bas shes bya'i gnas nying yin par rgya cher rnam par phye ste bstan to/ /'phagS pa blo gros rgya mtshos zhus pa'i mdo las kyang rnam par shes pa ni zag pa dang bcas ba'i sa bon yin no/ /zhes 'byung ngo/ /de bzhin du 'phags pa rin po che bkod pa las kyang/ blo gros yangs pa rnam par shes pa des de ltar lus 'di nye bar bzung zhing blangs pa na len pa'i rnam par shes pa zhes bya'o/ /de ltar de ni lus 'di la grub pa dang bde ba gcig pa'i phyir 'brel ba dang rab tu 'brel pas kun gzhi rnam par shes pa zhes kyang bya'o/ /blo gros yangs pa len pa'i rnam par shes pa de la brten cing gnas nas rnam par shes pa'i chogs drug po dag 'byung bar 'gyur te/ de la rnam par shes pa dang bcas pa'i mig dang gzugs rnams la brten nas mig gis rnam par shes pa 'byung bar 'gyur te zhes bya ba la sogs pa gsungs so/ /shin tu rgyas pa'i sde yangs pa'i tshul zhes bya ba'i mdo las kyang/ bcom ldan 'das rnam par shes pa 'bras bu dang bcas pa kho na'i mtshan nyid gang lags zhes zhus pa dang/ rigs kyi bu bsgos pa'i rnam par smin pa'i rnam par shes pa med na med dang gzugs 'grub pa'i rkyen gyi 'du byang rnams nyid kyan med par 'gyur te/ 'di ltar 'du byed kyis bsgos pa'i rnam pa ni ming dang gzugs kyis rkyen nyid du gdags pa nyid yin no/ zhes gsungs so/ /de bzhin du 'phags pa la dkar gsheD pa'i mdo las kyang/ blo gros chen po mig gi rnam par shes pa ni rgyu bzhi dag gis 'byung ngo/ /bzhi gang zhe na/ 'di lta ste/ rang gi sems snang ba la khong du ma chud pa dang/ thog ma med pa'i dus na spro pa'i gnas ngan lan gyi gzugs kyi bag chags la mngon par zhon pa dang/ rnam par shes pa'i rang bzhin gyi ngo bo nyid dang/ gzugs rnam pa sna tshogs kyi mtshan nyid la ngo mtshar du 'dzin pa yin te/ blo gros chen po rgyu bzhi po de dag gis kun gzhi rnam par shes pa chu'i rlung lta bu las 'jug nga'i rnam par shes pa'i rlabs 'byung ngo zhes bya ba la sogs pa gsungs so/ /yang de nyid las rnal 'byor pa rnams ni 'di snyam du bdag cag rnam par shes pa rnams bkag nas snyoms par 'jug go snyam du sems kyang de dag ni rnam par shes pa ma 'gags bzhin du snyams par 'jug ste/ bag chags kyi sa bon ma 'gags pa'i phyir ni ma 'gags pa'o/ /yul la 'jug cing 'dzin pa med pas ni 'gags so/ /blo gros chen po kun gzhi rnam par shes pa rgyu zhing 'jug pa de ltar shin tu phra bas de bzhin gshags pa dang/ sa la rab tu gnas pa'i byang chub sems dpa' rnams ma gtogs par gzhan nyan thos dang/ rang sangs rgyas dang/ mu stegs can gyi rnal 'byor pa rnams kyis khong du chud par slab ma yin no/ /zhes gsungs so/ /de bzhin du 'phags pa stug po bkod pa'i mdo las kyang/ zla ba skar ma'i tshogs dang lhan cig mkha' la gnas pa ltar/ /de bzhin kun gzhi rnam shes dag dang lhan cig lus la gnas/ /rang gi las kyis 'phangs pas dbang po rlung gis khyab gnas ltar/ /rnam par shes pa'ang rlabs bdun dag dang lhan cig 'byung bar 'gyur/ /zhes gsungs so/ /yang de nyid las/ de bzhin kun gzhi rnams shes rnam shes bdun gyi bag chags dang/ rtag tu lhan cig gnas shing 'byung yang nyon mongs 'gyur ba med/ /ces kyang gsungs so/ /theg pa chen po'i mdo sde rnams ni sangs rgyas kyi bka' ma yin pa ma yin te/ gcig las 'phros pa'i lung la sogs pa bzhin du byang chub kyi phyogs ston pa dang/ gang zag la bdag med par ston pa dang/ dkon mchog gsum gyi yon tan brjod pa dang/ nyon mongs pa spong ba'i thabs stan pa la sogs pa rgyu mdza' yas pa'i phyir ro/ /nyan thos kyi theg ba la yang gsum po che chen po'i mdo las gsungs pa/ che dang ldan pa shA ri'i bu 'di lta ste/ dper na mdung khyim gnyis nam mkha' la sgrengs te gcig la gcig brten na de nyid gcig la gcig brten cing 'dug gi ji ste gcig phyung na ni cig shos kyang 'gyel bar 'gyur ro / de bzhin du chos gnyis po 'di dag kyang gcig la gcig brten cing gcig la gcig brten nas gnas pa yin te/ 'di lta ste/ rnam par shes pa'i rkyen gyis ming dang gzugs so/ /ming dang gzugs kyi rkyen gyis kyang rnam par shes pa'o/ /zhes gsungs so/ /yang mdo sde dag las bcom ldan 'das kyis ming dang gzugs rnam par phye ba las kyang ming gang zhe na/ phung po gzugs can ma yin pa bzhi po dag go zhes gsungs shing/ gang du yang gzhan du ma yin te/ de'i phyir ming dang gzugs dang lhan cig 'byung ba bzhir 'gyur ba'i rnam par shes pa gzhan zhig kyang yod par 'dod par bya'o/ /de bzhin du dang po'i khyad par gyi cha dang mthun pa zhes bya ba'i mdo las kyang/ btsun pa 'di ltar 'du byed rnams ni rnam par shes pa'i tshogs drug po dag dang lhan cig 'byung ba rnam par shes pa dang mtshungs par ldan pa rnams dang 'byung lags na de ci'i slad du 'du byed kyi rkyen gyis rnam par shes pa zhes bgyi lags/ dge slong 'di ltar rnam par shes pa'i tshogs drug po bsod nams dang/ bsod nams ma yin pa dang/ mi g.yo ba'i 'du byed rnams dang lhan cig tu 'byung zhing mtshungs par ldan pa ma 'gags pa rnams ni tshe rabs gzhan gyi rnam par shes pa gsar skyed ba'i tshul gyis rnam par smin pa'i rnam par shes ba la 'du byed kyi bag chags 'jog par byed do/ /zhes gsungs so/ /de bzhin du 'phags pa'i dge 'dun phal chen sde dang/ gnas bstan ba'i sde dang/ thams cad yod par smra ba'i sde dang/ gos dmar sde dang/ sa ston sde dang/ rnam par bye ste smra ba'i sde dag las kyang/ rtsa ba'i rnam par shes pa dang/ sred ba'i yan lag dang/ kun gzhi dang/ 'khor ba can gyi phung po zhes bya ba la sogs pa'i bar du rang gi sgra dang rnam grangs kyis ci rigs su bstan pa dag gis lam po che btong pas de la sogs pas theg pa chen po bsdus pa la sogs par rnam par gtan la phab pa yin no/ /mdo sde sil bu rnams kyang sngar bshad pa'i gtan tshigs dag kho nas sangs rgyas kyi bka' nyid yin par khong du chud par bya ste/ re zhig lung ni de dag yin no/ /rigs pa yang nges pa'i yid kyi rnam par shes pa ni rten du gyur pa'i sems dang lhan cig 'jug par nges pa yin te/ rab tu gsal ba'i rnam par 'jug pa'i phyir te/ de la brten pa'i 'du shes la sogs pa bzhin no/ /chos mi mthun pa ni 'gog pa'i snyoms par 'jug pa'i sems bzhin no/ /de bzhin du mig gi rnam par shes pa'i phyogs la yang gzugs tsam la mngon sum du dmigs pa'i phyir te/ de la brten pa'i tsher ba bzhin no/ zhes brjod par bya'o/ /ldog pa ni ri la sogs pa lta bu'o/ /de bzhin du rna ba'i rnam par shes pa la sogs pa dag la yang re re nas brjod par bya'o/ /yang rnam par shes pa'i tshogs lnga po dag gis phyogs la yang gzugs kyi phyogs cig la dmigs pa'i phyir te/ snga ma bzhin du brjod par bya'o/ /de bzhin du yid kyi rnam par shes pa ni rgyu gcig cing dus gcig pa'i rnam par shes pa la brten pa ste bag chags bsgo bar byed pa'i phyir te/ de dang mtshungs par ldan pa'i 'dod chags la sogs pa bzhin no/ /ldog pa ni snga ma bzhin no/ /de bzhin du kun gzhi rnam par shes bstan pa'i tshig ni bden pa'i don yin te/ de bzhin gshegs pas gsungs ba'i phyir ro/ /phung po la sogs pa bshad pa'i tshig bzhin te/ de bzhin gshegs pas gsungs pa nyid yin par ni dang po kho nar byas ba la sogs pa yin no/ /kho thos? gzhan gyi dor byas te rjes su dpag pa brjod par zad kyi zhib mo so so rang gis rig par bya ba'i chos ni rtog ges rnam par gzhag par rigs pa ma yin te/ ji skad du mdo sde las kyang/ bcom ldan 'das kyi chos ni legs par gsungs pa mkhas pa rnams kyi so so rang gis rig par bya ba yin no/ zhes bya ba'i bar du gsungs pa lta bu'o/ /yang grogs po dag ngas ni zab mo mthong bar dka' ba brjod par dka' ba brtag par bya ba ma yin pa rtog ge'i spyod yul ma yin pa'i chos thugs su chud do/ /zhes bya ba la sogs pa gsungs so/ / de bzhin du ngag dang tshig gi ched du byas pa las kyang lung ma gtogs par rtog ge yis/ chos rnams rnam par gnas ma yin/ /drang srong rnams kyis shes pa gang/ /de yang lung ni sngon du btang/ /long ba rkang pas nom byed cing/ /nyam ba'i lam du brgyug rnams ltar/ /rjes su dpag pa gtsor 'dzin rnams/ /rnam par ltung ba dka' ma yin zhes kyang brjod pa'i phyir ro/ /de lta bas na gang dag kha cig gsung rab mdza' dag las 'byung ba'i kun gzhi rnam par shes pa la rtog ge skam po tsam gyis gnod par byed pa de dag ni shin tu gzu lums byed pa yin pas rnam par gtan la dbab pa bsdu ba las de dag gis rtog ge gsum dbyung bar byas/ skabs de re zhig gzhag go /nyon mongs pa can gyi yid ces bya ba la sogs pa la/ de la bdag tu lta ba ni kun gzhi rnam par shes pa la dmigs shing lhan cig 'byung la rtag tu kun tu 'byung ba ste/ gzhan dag kyang de bzhin no/ /ci'i phyir nyon mongs pa can gyi yid nyon mongs pa bzhi po kho na dag dang rtag tu mtshungs par ldan par gzhag ce na/ dge ba la sogs pa kun tu spyod pa na lus la lhan cig skyes pa'i ngar 'dzin pa phra mo dang rjes su 'brel pa'i phyir bdag dang bdag gi zhes bya bar blta'o/ /de med par mi 'byung ba'i phyir bdag la spang pa dang/ nga rgyal 'byung bar 'gyur ro/ /rmongs pa med na gzhan dag 'byung bar mi 'gyur ba'i phyir ma rig pa zhes bya ba yang yod de/ de'i phyir nyung ba yang ma yin la/ zhe sdang la sogs pa ni de las bzlog pa'i phyir mang du yang med de/ rgya cher ni 'og nas rnam par gtan la dbab par bsdu bar bshad par bya'o/ /nyon mongs pa can gyi yid kyi mtshan nyid ji skad smras pa de yang lung dang rigs pas khong du chung par bya ste/ de la lung ni thog pa chen po dang/ nyan thos kyi theg pa'o/ /ji skad du 'phags pa lang kar gshegs pa'i mdo las kyang/ sems dang yid dang rnam shes ni/ /mtshan nyid don du rab tu brtags/ /brgyad po mtshan nyid tha dad min/ /mtshan gzhi med cing mtshan nyid med ces gsungs pa lta bu'o/ /yang de nyid las/ de bzhin rnam shes bdun po ni/ /sems dang lhan cig ldan pa'o/ zhes kyang gsungs so/ /de bzhin du sngar kun gzhi rnam par shes pa rnam par gtan la dbab pa'i skabs su 'phags pa stug po bkod ba'i mdo las 'byung ba'i tshigs su bcad pa gnyis smos pa yang brjed par bya'o/ /ji skad du mdo sdel? bu dag las kyang/ nyon mongs can yid rtag tu yang/ /nyon mongs lhan cig 'byung zhing 'gag /de ni nyon mongs pa dag las/ /grol bar ma gyur mi 'gyur ro/ zhes 'byung ngo/ /rigs pa yang yid kyi rnam par shes pa ni sa bon gyi gnas las gzhan pa'i gnas lhan cig 'byung ba dang ldan pa yin te/ dge ba la sogs pa'i bye brag sna tshogs yod pa'i phyir ro/ /mig gi rnam par shes pa bzhin te/ chos mi mthun pa ni nam mkha' la sogs pa'o/ /yang gcig tu na de ma thag pa'i yid las byung pa'i phyir te snga ma bzhin no/ /de bzhin du gzugs la sogs pa'i yul la 'dzin pa'i phyir te snga ma kho na bzhin no/ /yang na chos kyi khams yongs su gcod pa'i phyir de la brten pa'i shes rab bzhin te phyogs ni de lta'o/ /gzhi gzugs cn yin par 'byung bas gtan tshigs 'gal lo/ zhes bya ba yang med de/ thams cad yod par smra ba rnams dang/ 'phags pa gnas brtan pa dag gi lung gis kyang gnod pa byas ba'i phyir dang/ yid kyi rnam par shes pa ni gnas lhan cig 'byung ba dang ldan pa yin te/ rnam par rtog pa yod pa'i phyir ram/ chos kyi khams spyod yul du gyur pa yin pa'i phyir te/ de la gnas pa'i sems las byung ba bzhin pas de la sogs pa rjes su dpag pa dag gis kyang gnod pa byas ba'i phyir ro/ /'phags pa'i lam gyis ma nges pa yang gang yin te/ kha cig na re yid gyur pa yod pa'i phyir ro/ /zhes zer ro/ /yang kha cig na re zag pa dang bcas shing 'jig rten pa'i yin pas bye brag tu byas pa'i phyir ro/ zhes zer bas de'i phyir yid grub pa yin no/ / dmigs pa rnam par rig par byed pas nye bar gnas pa gang yin pa'o/ zhes bya ba ni dmigs pa rnam par rig par byed pa 'byung ba la bya ste/ de ni rnam par shes pa thams cad kyi mtshan nyid kyang yin mod kyi 'on kyang rnam par shes pa bdun pa dag gi bye brag las logs shig tu bkar bas na yid kyi rnam par shes pa kho na gzung bar bya'o/ /bstan du med cing thogs? pa med pa'i gzugs zhes bya ba la/ de ni rnam pa gnyis te/ rdzas su yod pa dang/ btags ba'i yod ba'o/ /ting nge 'dzin gyi khyad par grub pa'i 'bras bus gang yin pa de ni rdzas su yong pa'o/ /ting nge 'dzin de yang 'jig rten pa zag pa dang bcad pa yin gyi 'jig rten las 'das pa zag pa med pa ni ma yin no/ /de ni rnam par mi rtog pa'i phyir ro/ /gzugs de ni rnam par rtog pa'i ting nge 'dzin gyis rnam par bsgrubs pa yin pa'i phyir to/ de ni snang ba tsam du zad kyi de la dri la sogs pa yang med las la sogs pa yang med do/ 'byung ba'i byed rgyu med pa'i phyir ba dang/ dgos pa med pa'i phyir ro/ /'o na 'og nas ting nge 'dzin gyi spyod yul gyi gzugs de ni ting nge 'dzin gang dag ldan pa'i de ldan pa kho na'i 'byung ba chen po dag rgyur byas pa yin no/ zhes 'byung ba ma yin nam zhe na/ der ni brten pa'i 'bras bu rten brjod par zad de/ bdag gi don de rna ba 'di bdag gis thos zhes bya ba lta bu'o/ /sa gang dang ldan pa'i 'byung ba chen po la brten pa'i ting nge 'dzin gang yin pa'i ting nge 'dzin de ni 'byung ba de dag gi 'bras bu yin par bstan te/ de yang snyoms par 'jug pa la la brten pa kho na yin gyi 'byung ba chen po la brten pa ni ma yin te/ ji skad du rnam par gtan la dbab pa bsdu ba las kyang snyoms par 'jug ba'i 'bras bu'i gzugs gang chos kyi skye mched du gtogs pa de ni snyoms par 'jug pa la brten pa kho na yin par rig par bya'i/ 'byung ba chen po la brten pa ni ma yin te// de dang 'dra ba'i gzugs brnyan la dmigs pas ting nge 'dzin grub pa'i phyir 'byung ba chen po ngag rgyur byas pa zhes brjod par zad kyi/ de la brten te 'byung ba ni ma yin no/ zhes 'byung ngo/ /rnam par rig byed ma yin pa'i gzugs gang yin pa de ni btags pa'i yod pa yin te/ de ni spong ba'i sems pa la gdags pa yin pa'i phyir ro/ /gzugs su brjod pa ni sems pa de'i bye brag gi dbang gi 'byung ba'i rlung gis khams kyis lus dang ngag skyod pa la brjod pa'i phyir ro/ /ldan pa ma yin pa ma yin pa'i phyir 'du byed kyi phung por ma gtogs pas sa bon rnams logs shig tu bstan par bya ba'i phyir/ sa bon thams cad ces bya ba smos so/ /snga na med pa la sogs pa dang/ bum pa la sogs pa dag kyang ci'i phyir ma smos she na/ de dag ni sems dang sems las byung ba dag las tha dad pa ma yin pa'i phyir te/ sems dang sems las byung ba dag gis gzugs brnyan gyi mtshan ma tsam yin pa'i phyir ro/ /yang na de dag ni rnam par rig byed bzhin du yul rnams las don gzhan pa ma yin pa'i phyir brjod pa kho na yin no/ /yid la byed pa zhes bya ba la sogs pa la/ yid la byed pa la sems pa lnga po dag ni rnam par shes pa'i tshogs lnga dang ldan pa'i sa'i skabs su tshad ma gsum gyi khong du chud par byas zin no/ /lhag ma rnams kyi mngon sum dang rtags kyang snga ma bzhin no/ /lung ni brjod bar bya ste/ ji skad du bcom ldan 'das kyis chos thams cad ni 'dun pa'i rtsa ba las byung ba'o/ /zhes gsungs pa lta bu'o/ /de bzhin du bdag gi sems ni ci nas kyang nang gi skye mched drug po 'di dag la bdag med par mos so/ /de bzhin du dran pa dang/ rjes su dran pa dang/ rab tu dran pa dang/ nye bar dran pa dang/ dran pa nyid dang/ mi brjed pa dang/ brjed pa med pa'i chos nyid dang/ sems pa'i mngon par brjod pa gang yin pa de ni dran pa zhes bya'o/ /de bzhin du sems gnas pa dang/ yang dag par gnas pa dang/ rab tu gnas pa dang/ nye bar gnas pa dang/ shin tu gnas pa dang/ mi g.yeng ba dang/ mi 'phyar ba dang/ bsdus pa dang/ zhi gnas dang/ ting nge 'dzin dang/ sems rtse gcig pa nyid gang yin pa de ni ting nge 'dzin zhes bya'o/ /de bzhin du chos rnams la rnam par 'byed pa dang/ rab tu rnam par 'byed pa dang/ chos rab tu rnam par 'byed ba dang/ yang dag par rtog pa dang/ nye bar rtog pa dang/ bsten pa dang/ rab tu rtogs pa dang/ yod 'dzin dang/ yid gzhungs pa dang/ blo dang mkhas pa dang/ shes rab dang/ rtog pa dang/ lhag mthong gang yin pa de ni shes rab ces bya'o/ /de bzhin du de bzhin gshegs pa la dang pas zhen pa yin no// zhes bya ba la sogs pa dang/ de bzhin du chos gnyis bo ni 'jig rten skyong bar byed pa yin te/ ngo tsha shes pa dang khrel yod pa'o/ /yang ngo tsha bar bya bas na ngo tsha bar byed la/ khrel bar bya bas khrel yod par byed do/ /zhes bya ba la sogs pa dang/ de bzhin du ma chags pa dang/ zhe sdang med pa dang/ gti mug med pa ni dge ba'i rtsa ba yin no/ /de bzhin du brtson 'grus brtsams pa la gnas pa ni mthu dang ldan pa yin no/ zhes bya ba la sogs pa dang/ de bzhin du yid dga' bas lus shin tu sbyangs pa yin no// de bzhin du dge ba'i chos gang dag ji snyed 'byung ba de dag thams cad ni bag yod pa'i rtse ba las byung ba yin no/ /de bzhin du brnab sems dang yid mi bde ba bsal ba'i phyir sems btang snyoms su byed do/ /btang snyoms la gnas pa ni dran pa dang shes/ bzhin can yin no/ /de bzhin du mkhas pa nye bar shes pa ni rnam par mi 'tshe ba yin no/ /de bzhin du chaD pas chos rnams mi shes so/ /zhes tshigs su bcad pa dang/ de bzhin du zhe sdang can ni zha sdang gi zil gyis gnon pa yin no/ /rmongs pa ni gti mug gis zil gyis gnon pa yin no/ /de bzhin du gsum po 'di dag ni nga rgyal gyi rnam pa yin te/ bdag che'o snyam pa la sogs pa'o/ /de bzhin du des kun tu sbyor ba gsum spangs pa yin te/ 'jig tshogs la lta ba dang/ tshul khrims dang brtul zhugs mchog tu 'dzin pa dang/ the tshom mo/ de bzhin du ka tya'i bu 'jig rten 'di ni gnyis la gnas te/ 'di lta ste/ yod pa nyid dang/ med pa nyid la gnas pa'o/ zhes bya ba 'di mthar 'dzin par lta ba yin par bstan pa dang/ yang de ni chod par smra ba yin no/ zhes gsungs pa dang/ tshangs ba'i dra ba las kyang rtag par smra ba yin no/ /de bzhin du phyin ci log tu mthong ba ni log par lta ba yin no/ /de bzhin du 'chal par 'dzin pa ni rang gi lta ba mchog tu 'dzin cing gnas pa yin no/ zhes bya ba la sogs pa dang/ de bzhin du khro ba dang/ khon du 'dzin pa dang/ sgyu dang/ g.yo'i bar du 'gyur ro/ /de bzhin du byis pa so so'i skye bo thos pa dang mi ldan pa ni nang med pa'i rgyags pas myos pa dang/ lang tsho'i rgyags pas myos pa dang/ gson pa'i rgyags pas myos pa yin no/ /zhes bya ba la sogs pa dang/ de bzhin du gzhan dag la mtho 'tsham pa'i rang bzhin can de ni rnam par 'tshe ba yin no/ /de bzhin du ngo tsha bar byas pas ngo tsha med pa dang/ sdig pa mi dge ba'i chos rnams skyes pas ngo tsha bar mi byed do/ /khrel bar bya bas khrel med pa dang sdig pa mi dge pa'i chos rnams skyes pas khrel bar mi byed do/ /de bzhin du de'i lus kyi rmugs pa yang 'byung bar 'gyur ro/ /yang rmugs pa dang gnyid che ba ni lus lci bor 'gyur ro/ / de bzhin du khengs pa ni rgod pa yin no/ /de bzhin du 'di la kha cig ji srid du ma dad pas sems la khyad par byas te mi gnas pa de srid du nges dge ba'i chos rnams spong bar mi 'gyur ro/ /de bzhin du brtson 'grus zhan pa ni le lo can yin no/ /de bzhin du bag yod bdud rtsi'i gnas yin te/ bag med 'chi ba'i gnas yin no/ zhes tshigs su bcad pa dang/ de bzhin du shes bzhin ma yin par gnas pa ni brjed ngas par 'gyur ro/ /de bzhin du 'dod pa'i yon tan lnga la rjes su mthun par zhugs pa ni sems rnam par g.yengs pa yin no/ /zhes bya bas rnam par g.yeng ba bstan pa dang/ 'gyod pas 'chi ba'i dus byed pa de ni lus zhig nas zhes bya ba la sogs pa dang/ de bzhin du mang du za ba de ni gnyid dang ldan par 'gyur zhes tshigs su bcad pa dang/ rtog pa dang dpyod pa dang ldan pa ni tshig smra bar byed kyi rtog pa dang dpyod pa med pa ni ma yin no/ zhes kyang gsungs so/ /yid la byed pa la sogs pa'i mtshan nyid ni chos mngon pa kun las btus pa la sogs pa dang 'dra bsam smras so/ /nyon mongs pa'i rtsa ba rnams kyi yang 'og nas rtog pa dang bcas pa la sogs pa'i sa dag las nyon mongs pa rab tu 'byed pa'i skabs nas 'byung ngo/ /lhag ma rnams kyi mtshan nyid kyi khyad par brjod par bya ste/ de la khro ba ni gzu lums su smra ba ste/ khong khro bas kun nas dkris pa'o/ /'khon du 'dzin pa ni de nyid las nang gi bsam pas dgra'i dngos por 'dzin pa'o/ /'chab ba ni sdig pa mkhyud pa'o/ /'tshig pa ni nyon mongs pa can te yongs su gdung ba'o phrag dog ni pha rol 'byor pa la mngon par dga' ba'i mi mthun pa'i phyogs te mi bzod pa'o/ /ser sna ni yo byad rnams la kun tu 'dzin pa'o/ /sgyu ni slu ba'i bsam pas gzhan du gnas la gzhan du ston pa'o/ /g.yo ni sems drang po ma yin pas mi gsal zhing gsal ba ma yin par sgrub po/ rgyags pa ni phun sum tshogs pa gang yang rung bas khengs pas nyon mongs pa can gyi sems gang yin pa'o/ /rnam par 'tshe ba ni sems can bred ngas pa la mtho 'tsham par rtsom pa ste snying rje med pa'o/ /ngo tsha med pa ni bdag la mi bltos pa'i phyir kha na ma tho bas mi 'dzem pa'o/ /khrel med pa gzhan la mi bltos pas so/ /rmugs pa ni lus dang sems slong ba'o/ /rgod pa ni nye du'i rnam par rtog pa la sogs pa la brten nas nye bar ma zhi zhing 'byar ba'o/ /ma dad pa ni dad pa dang mi mthun pa ste/ dge ba la sems mngon par yid mi ched pa'o/ /le lo ni 'dod pa'i bsod nyams la phan yon du lta zhing dge ba la sems mngon par mi spro ba'o/ /bag med pa ni kun nas nyon mongs pa las sems mi srung ba dang/ rnam par byang ba mi bsgom pa'o/ /brjed ngas pa ni nyon mongs pa dang ldan pa'i dran pa'o/ /rnam par g.yeng ba ni lus dang ngag gi sbyong pa mi rtogs pa'i rgyu ste/ sems rnam par 'phro ba'o/ /shes bzhin ma yin pa ni nyon mongs pa dang ldan pa'i shes rab bo/ /'gyod pa ni 'dod pa dang mi 'dod pa ma byas pa la sems kyis dmigs nas yid la gcags pa'o/ /gnyid ni rnam par shes pa'i tshogs lnga mngon par sdud par byed pa'o/ /rtog pa ni shes rab dang sems pa'i rang bzhin te mngon par mi rtog pa'i dus na go rims bzhin du shes rab dang sems pa la brten nas go bar bya ba dang/ bye brag tu go bar bya ba'i rnam pas rags pa yongs su tshol ba'i yid la brjod pa'o/ /dpyod ba ni de bzhin du so sor rtog pa'i rnam pa ste/ zhib ming rjes su dpyod pa'i yid la brjod pa'o/ /de lta bu dang mthun pa zhes bya ba ni ru gdug dang 'phya smod la sogs pa ngag ste/ de dag gi mtshan nyid kyang gzhan la gnod pa'i ngang tshul ni ru gdug go /'phya ba'i dang tshul la sogs pa ni 'phya smod ces bya ste/ gzhi bsdu ba'i skabs nas gzung bar bya'o/ /sems las byung ba de dag kyang kun tu 'gro ba dang/ so sor nges par kun tu 'gro ba dang/ dge ba dang/ nyon mongs pa dang/ nye ba'i nyon mongs pa rnams su rnam par bzhag go /de la kun tu 'gro ba rnams ni rnam par shes pa'i tshogs lnga dang ldan pa'i sa'i skabs su rnam par bzhag pa byas zin to/ /so sor nges par kun tu 'gro ba rnams ni 'dod pa dang/ nges pa dang/ 'dris pa dang/ brtag pa dang/ dmigs pa la so sor nges par 'jug pa nyid yin te/ go rims bzhin du rnam par bzhag par bya'o/ /dge ba rnams kyi rnam par bzhag pa ni dus drug po nges pa'i dus dang /sdig pa las ldog pa'i dus dang/ dge ba'i phyogs bya ba'i dus dang/ 'jig rten pa'i 'dod chags dang bral ba'i dus dang/ 'jig rten las 'das pa'i 'dod chags dang bral ba'i dus dang/ sems can la phan 'dogs pa'i dus su 'jug pa las brtsams nas/ gcig dang/ gnyis dang/ bzhi dang/ gcig dang/ gnyis dang/ gcig dang/ go rims bzhin no/ /nyon mongs pa rnams ni nye ba'i nyon mongs pa rnams kyi gzhi yin pas gtso bo yin pa'i phyir nye ba'i nyon mongs pa rnams sngar smos shing logs shig tu bstan te/ de dag kyang bza' bar bya ba gang yin pa dang/ za ba po gang yin pa dang/ de la phyin ci ma log pa gang yin pa de dag la log par sgrub pa'i phyir rnam par bzhag go / de la bza' bar bya ba ni bde ba dang/ sdug bsngal ba dang/ sdug bsngal ba yang ma yin bde ba yang ma yin pa'i tshor ba rnams te/ de dag la log par sgrub pa ni 'dod chags dang/ zhe sdang dang/ gti mug rnams te go rims bzhin no/ /za ba po ni sems can te/ de la bdag tu rab tu 'dzin cing log par sgrub pa ni nga rgyal yin no/ /de la phyin ci ma log pa ni yang dag par nges pa ste/ de la log par sgrub pa ni log par nges pa dang ma nges pa'o/ /de gnyis kyang lta ba rnams dang the tshom ste/ go rims bzhin no/ /nye ba'i nyon mongs pa rnams ni gzhi rnam pa drug gi phyir rnam par gzhag ste/ thab mo dang rtsod pa la sogs pa'i gzhi dang rnyed pa la sogs pa 'jig rten gyi chos kyi gzhi dang/ tshul khrims la gnod pa'i gzhi dang/ zhi gnas dang mi mthun pa'i phyogs kyi gzhi dang/ dbang po lnga ni mi mthun pa'i phyogs 'bras bu dang bcas pa'i gzhi dang/ bslab pa gsum gyi dri ma'i gzhi rnams te/ de dag kyang bzhi dang/ drug dang/ gnyis dang/ gnyis dang/ drug dang/ bzhi dang/ go rims bzhin no/ /de la dad pa la sogs pa dbang po lnga po dag ni mi mthun pa'i phyogs ni ma dad pa la sogs pa'o/ /de dag gi 'bras bu ni bag med pa ste/ de dag gis dge pa'i chos rnams bsgom par mi byed pa'i phyir ro/ /tshul khrimS kyi dri ma ni 'gyod pa yin te/ shin tu 'gyod pa dang ldan pa ni tshul khrims rnam par ma dag par shes pa na rgyun tu 'gyod pa'i dri mas gong du mi rtsol pa'i phyir te/ de'i phyir de ni 'dir nye ba'i nyon mongs pa yin par 'dod do/ /gang nyes pa byung na skad cig nyid du 'gyod par byed pa de ni dge ba yin pa'i phyir nye ba'i nyon mongs pa ma yin no/ /de bzhin du gnyid kyang ting nge 'dzin gyi dri ma yin par brjod par bya'o/ /shes rab kyi dri ma rtog pa dang dpyod pa gnyis yin te/ 'di ltar shin tu yun ring por nges par rtogs dran pa rmongs pa dang blo'i khrugs par 'gyur ba'i phyir ro/ /de'i phyir rnam par gtan la dbab ba bsdu ba las kyang/ de gnyis nye ba'i nyon mongs pa nyid yin par brjod par bya'o/ /de lta ma yin na dge ba la sogs par dbya ba'i chos ma phye bas nye ba'i nyon mongs pa nyid yin par rtogs dka' bar 'gyur ro/ /yang rnam grangs gzhan du na de dag ni mtshungs par ldan pa rnam pa bzhi'i phyir rnam par bzhag ste/ re re yang mi dge ba dang nyon mongs pa can gyi sems dang mtshungs par ldan pa'i phyir khro ba la sogs pa bcu ste/ gang du gcig 'byung ba der gnyis pa mi 'byung ba'i phyir ro/ /mi dge ba'i sems thams cad dang mtshungs par ldan pa'i phyir ngo tsha med pa dang khrel med pa gnyis so/ /khams gsum pa'i nyon mongs pa can gyi sems thams cad dang mtshungs par ldan pa'i phyir rmugs pa la sogs pa brgyad de/ /nyon mongs pa can dang nyon mongs pa can ma yin pa'i sems dang mtshungs par ldan pa'i phyir 'gyod pa la sogs pa'o/ /'jug cing rjes su 'jug par byed do/ /zhes bya ba ni rgyus kun nas bslang ba dang de'i skad cig mas kun nas bslang ba dang de'i skad cig mas kun nas bslang ba dag gis so/ /de'i rgyu las byung ba rgyu mthun pa kun nas slong ba'i phyir ro/ /zhes bya ba ni yid kyi rnam par shes pa de ni de'i rgyu las byung ba rgyu mthun pa yin te/ mig gi rnam par shes pa la sogs pa dge ba dang mi dge ba dag go /de'i kun nas slong ba ni dge ba dang mi dge ba nyid du 'byung ba'o/ /khyad par gyur pa'i las zhes bya ba ni las snga ma ni rnam par shes pa'i tshogs lnga po dag ? dang thun mong dang thun mong ma yin pa'i phyir ro/ /ra ro bar byed pa zhes bya ba ni chang 'thungs te 'khrugs par byas pas 'byung ba 'khrugs par gyur pa'i phyir lus 'gyur ba dang sems 'gyur bar gyur pa'o/ /rnam par rtog pa bdun po dag ni rnam pa dang/ ngo bo nyid dang mtshungs par ldan pas rnam par bzhag ste/ gnyis dang/ gsum dang/ gnyis dang ge rims bzhin no/ /'das pa la dmigs pa'i rnam par rtog pa ni 'das pa gsal bar myong pa'i mtshan ma yul du byas pa na de'i phyir mtshan ma can zhes bya'o/ /ma 'ongs pa'i yul mtshan ma bkra bar yod kyang dmigs pa ma myong ba'i phyir mtshan ma can ma yin pa kho na zhes bya ste/ de ni gsal ba ma yin pa'i phyir ro/ /rang gi dang gis 'jug pa zhes bya ba la sogs pa ni nye bar gnas pa las byung ba la sogs pa'i ngo bo nyid kyi bye brag gis de ni rnam pa gsum mo/ /mtshungs par ldan pa yang rnam pa gnyis te/ nyon mongs pa can dang nyon mongs pa can ma yin pa'o/ /gzhan dag ni gzhan du rnam par 'chad de/ sngon nyams su myong ba'i don rnams la zhes bya ba ni sngon nyams su myong ba de dang 'dra ba da ltar byung ba kho na dag la sngon nyams su myong ba'i rjes su 'brang bas sgro btags te mtshan mar bzung nas 'jug pa'i phyir mtshan ma can yin te/ 'dir ni gang yod pa nyid dang mngon par phrad pa ni mtshan ma khyad par can yin par 'dod do/ /de'i phyir ma 'ongs pa la rnam par rtog pa ni mtshan ma can ma yin te/ mtshan mar bya ba yod kyang yod pa nyid dang mngon par phrad pa ma yin pa'i phyir ro/ /'das pa la dmigs pa'i rnam par rtog pa ni bltos pas gnyi kar yang brjod par mi bya ste/ mtshan mar bya ba mi gsal ba'i phyir dang/ yod pa nyid dang mngon par phrad pa ma yin pa'i phyir te/ de bas 'dir ma brjod do/ zhes zer ro/ /de ltar na de ni dmigs pa la rnam par rtog pa ma yin pas thams cad 'dus par mi rung bar 'gyur ro/ /yul gyi stobs kho nas zhes bya bas ni 'dun pa la sogs pa med kyang yul nye bar gyur cing nye bar gnas pa tsam las so/ /nges pa phan chad nas yang dang yang du rnam par rtog pa thams cad mi so sor rtog pa kho na yin no/ / ltong? du ma bstan pa gang yin pa zhes bya ba ni nyon mongs pa can bstan zin pa'i phyir ma sgribs la lung du ma bstan pa la bya'o/ /med pa la sgro 'dogs par mi byed ces bya ba la/ lung du ma bstan pa yang rigs pa yang ma yin/ rigs pa ma yin pa yang ma yin rigs pa ma yin pa yang ma yin par bsdus ba yin pas med pa la sgro 'dogs par mi byed pa'i phyir de la yang thal bar mi 'gyur ram zhe na/ dgag pa tsam brjod par 'dod pa'i phyir mdza' de gnyis ka'i gnyen por dbu mar bsgrubs pa bzung bas na thal bar mi 'gyur ro/ /yang na lung du ma bstan pa yang bdag gi spyod lam dang bzo bya'o/ /zhes bya ba la sogs pas sgro 'dogs par byed pa kho na yin te/ bdag rtag go zhes bya ba la sogs par sgro 'dogs pa la mdon par zhen par mi byed do/ /rigs pas bskyed pa rnam par bshad pa'i rnam grangs dag gis ni go rims bzhin du rang gi rtog pa las byung ba dang/ lung las byung ba dang/ rtog pa las byung ba'i shes rab yongs su bstan to/ / chos gnas pa'i zhes bya ba ni chos rnam par rang rang gi rang dang spyi'i mtshan nyid la sogs pas rnam par gnas pa la bya'o/ /rtogs pa dang zhes bya ba ni sbyor ba'i gnas skabs la mtshan mar 'dzin pas so/ /yongs su shes pa zhes bya ba ni de las nges par mthong bar 'gyur ba'o/ /ra ro bar byed ces bya ba la/ 'dir tshig gnyis kyis ni las kyi nyes pa bstan to/ /skrag cing 'jigs pa zhes bya ba la/ mchog tu skrag pa ni skrag pa zhes bya'o/ /khyad par smra bar mi 'dod pa ni 'jigs pa zhes bya'o/ /'byung bos bslams pa zhes bya ba ni mi ma yin pas byin gyis brlabs pa ste/ skrag pa med kyang de sems rnam par g.yeng ba'i rgyu yin pa'i phyir ro/ /mun pa'i mtshan ma yid la byed pa zhes bya ba ni snang ba yod dam med kyang rung ste/ mun pa'i mtshan ma la yid 'jug par byed pa'o/ /de'i kun nas dkris pa mi bzod pa zhes bya ba la/ 'dir de'i zhes bya ba ni gnyid la bya'o/ /gnyid kyi kun nas dkris pa yang rnam pa gsum ste/ chung du dang 'bring dang chen po'o/ /chung dus ni dmiD pa rnams la mi gsal bar 'jug go / 'bring gyi ni sems dang bcas pa bzhin du gnyid log go /chen pos ni rang gi sems rgyun chad pa'am shugs kyis sad par byed de/ de'i phyir de'i kun nas dkris pa mi bzod? pa zhes bya'o/ /rlung dang mkhris pas dkrugs pa zhes bya ba la/ mkhris pa ni rgyu'i gtso bo'i dngos po yin no/ /rlung ni grogs po tsam nyid du zad do/ /rgyal ba'i kun nas dkris pa zhes bya ba la/ kun nas dkris pa zhes bya ba'i sgras ni ba rgyal bas zil gyis non pa yang kun nas dkris pa gzhan dang 'dra bar ston to/ /brgyal ba'i dus kyi 'og tu rang gi lus so sor rig pa'i ngo bo'i yid kyi rnam par shes pa gdon mi za bar 'byung ste/ yid kyi rnam par shes pa ni brgyal ba las ldang bar byed pa'i las kho na yin no/ /lus dang ngag gi las kyi gnas lta bu'i shes pa zhes bya ba ni spyod lam ni 'di lta bu zhig bya'o/ /tshig 'di lta bu zhig brjod do/ /zhes lus dang ngag gi las kyi rgyur gyur pa'i 'dun pa skyed par byed pa'o/ /gnas lta bu zhes bya ba'i sgra rgyu yin par brjod pa ni 'di skad du/ nye bar gnas pa'i chos rnams ni 'dod pa la 'dod chags kyi gnas lta bu yin no/ zhes 'byung ba'i phyir ro/ /de'i rnam pa dang rtags dang mtshan ma yid la mi byed pa zhes bya ba ni rnam pa dang rtags dang mtshan ma gang yin pa dag yid la ma byas pas yongs su nyams par 'gyur ba ste/ rnam pa dag ni ji ltar 'dod pa'i khams kyi 'dod chags dang bral ba 'dod pa'i khams sun 'byin ba'i rags pha la sogs pa dang/ bsam gtan dang po la mngon par dga' ba'i gzhi la sog pa'o/ /rtags rnams ni gang dag gis bdag ring po mi thog par bsam gtan dang po la snyoms par 'jug go zhes bya ba 'am/ snyoms par zhugs so/ zhes bya ba 'am/ ldang ngo zhes bya bar shes par 'gyur ba ste/ grong du 'jug pa'i rtags yin no/ /mtshan ma ni rnam pa gnyis te/ dmigs pa dang gzhi'o/ /yang na ting nge 'dzin gyi spyod yul gyi gzugs brnyan la bya'o/ /yongs su nyams par 'gyur ba'i chos zhes bya ba la/ yongs su nyams par 'gyur ba'i chos rnams ni 'dod pa la rnam par rtog pa la sogs pa ste/ ji skad du skye mched drug gi mdo las kyang dge slong dag ngas khyed cag la yongs su nyams bar 'gyur ba'i chos rnams bstan par bya'o/ /zhes bya ba la sogs pa dang/ mig gis rnam par shes par bya ba'i gzugs rnams la brten nas 'dod ba la kun tu rtog pa rnams dang/ sbyor bar 'gyur ba rnams dang/ chags par gyur pa rnams 'byung bar 'gyur te/ dge slong dag gal te de dag la mngon par dga' bar byed na dge ba dag la yongs su nyams par 'gyur ro/ zhes bya ba la sogs pa'i bar du rgya cher gsungs pa lta bu'o/ /nyon mongs pas bsgribs pa zhes bya ba ni sred pa la sogs pa shes che ba'i bsam gtan pa'o/ /sdig pa'i bsam pa shes chen po la lhag par spyod pa'i chos dang ldan pa zhes bya ba ni sdig pa'i bsam ba dang sdig pa la lhag par spyod pa'i chos de gnyis ka dang ldan pa ste/ des ni bsam pa dang sbyor brgud par ston to/ /lhun stug par byed pas thar thug par 'gro ba zhes bya ba la/ lhun stug par byed pa zhes bya ba ni rgyun du bstan pa ste/ des chang pa'i mthar thug par 'gro bar 'gyur ba'i phyir ro/ /'gyod par mi byed pas zhes bya ba ni snying rje med par gyur pas phyir blang ba'i rgyur gyur pa yid la gcags pa'i gnas med par ston to/ /the tshom skye zhing nges par rtogs pas zhes bya ba ni log par lta ba ngas par bcom nas the tshom skyes pa'i phyir ba 'am/ yang dag pa'i lta ba skyes pa'i phyir ro/ /zhes bya ba'i tha tshig go /tshe'i tshad yod pas zhes bya ba ni gnyis ka yang 'chi ba'i rgyu yin par bsams nas tshad yod pa zhes bya ba la sogs pa smras so/ /gang dag sems can thams cad ni tshe dpag tu med pa kho nas 'phangs pa yin no/ /zhes zer ba de dag ni mdo sde las tshe zad pas 'chi bar 'gyur gyi bsod nams zad pas ni ma yin pa yang yod do/ zhes bya ba la sogs pa 'byung ba dang 'gal lo/ /ma zhu ba bsags pa 'byin par byed pa zhes bya ba la/ / 'byin pa zhes bya ba ni bsad pa'i don de dag bsang pa dang 'dra'o/ /mi tshangs par spyod pa'o/ /zhes bya ba ni shin tu sten pas khams zad par 'gyur ba'i phyir ro/ /lung du ma bstan pa'i sems su gnas te zhes bya ba la nyan thos kyi sa rnam par gtan la dbab ba las skye ba na 'dod pa na spyod pa'i dge ba'i sems kyi mjug thogs su sa gong ma pa'i nyon mongs pa can 'byung bar 'gyur ro/ zhes 'byung ngo zhe na/ ji ltar dge bzhin du 'chi ba bstan pa de ltar skye ba'i yang yin pas nyes pa med do/ /gzugs mthong ba 'khrul par 'gyur ro/ zhes bya ba ni mdza' ba shes dang nyed du la sogs pa ngo mi shes pas log par mthong ba'i phyir ro/ /de ma byas kyang rung ste zhes bya ba ni dge dang mi dge ba'i mchog ma byas pa 'am mang du ma byas pa'o/ /gang lan mang du goms par byas pa zhes bya ba ni dper na bya rog dag las zho bsrung ngo/ /zhes bya ba bzhin du nye bar mtshon pa'i don to/ /shin tu lci bdod? nye ba ni de'i tshe na tshes? stobs dang ldan pa nyid do/ /de sbyang nas zhes bya ba ni phal cher spyad pa la bya'o/ /'dir zhes bya ba ni snga ltas rnams myong bar 'gyur zhes bya ba 'di dang sbyar gyi sngar byas pa 'di dang sbyar ba ni ma yin no/ /phye ma red kyi dus smos pa ni phye ma red kyi dus na grib mche ba bzhin du nges 'das ba'i las sngon rab tu nyal ba yang de'i tshen ltas 'byin pa la sogs pa'i bya bas rnam par mched par 'gyur ba'i phyir ro/ /'bab cing zhes bya ba la sogs pa'i tshig rnams ni go rims bzhin du chung ngu dang/ 'bring rang chen po yin te/ tshig phrad rnaMs kyi don chung ba dang/ lhag pa dang /mngon du shes che ba'i don yin pa'i phyir ro/ /mi dge ba'i las kyi 'bras bu yin la zhes bya ba ni gdol pa la sogs pa dag nyid mun pa yin te/ chos nag po dang mthun pa'i phyir ro/ /bdag ni med par 'gyur ro snyam nas zhes bya ba ni bdag chad par 'gyur ram 'on te chad par mi 'gyur zhing skye bar 'gyur ro snyam du sems shing ma 'ongs pa'i lus la mngon par dga' bar byed pa'o/ /mngon par spong bar byed kyi zhes bya ba ni 'jug bcom pa'i phyir te/ bag med par spyod pa nyam chung ba'i phyir ro/ /bdag ni med par 'gyur ro/ zhes bdag tu lta ba de gang yin re zhig kun brtags pa ni ma yin te/ rgyun tu zhugs pa la sogs pa dag gis de spangs pa'i phyir ro/ /lhan cig skyes pa yang ma yin te/ rgyu ba bsal ba'i phyir ro/ /phyir mi 'ong ba ni nyon mongs pa can gyi yid? dang mtshungs par ldan pa'i phyir kun tu 'byung ba med do/ /zhes bya bar 'gal te 'di ltar de ni rtag tu kun tu 'byung ba'i phyir ro zhe na/ de ni kun brtags pa yang ma yin la/ nyon mongs pa can gyi yid la brten pa yang ma yin te/ de ni rnam par rtog pa can lhan cig skyes pa bsgom pas spang bar bya ba gzhan zhig yin te/ 'og nas khong du chud par bya'o/ /phyir mi 'ong pa rnams ni de'i tshe bdag la chags pa de kun tu spyod par mi 'gyur ro/ zhes bya ba ni gnyen po'i stobs bskyed par gyur pa dang/ grogs phel cher mtshang ba'i phyir ro/ /sems can dmyal ba pa rnams ni 'chi ba la mngon par dga' ba'i phyir ma gtogs so zhes smos so/ /dbang po nyams pa rnams ni rim gyis shi ba yin no/ /lus 'dod pa ni lus gyob? pa'i rten yin te/ gnas kyi gtso bo yin pa'i phyir ro/ zhes smras pa de'i phyir de lus la chags pa skyes pa dang zhes bya ba smos so/ /rgyud? de gnyis zhes bya ba ni smras ma thag pa'o/ /rang gi sa bon las zhes bya ba ni ngo bo nyid kyis grub pa ste yang dang yang du rang gi 'bras bur gyur pa bar mdo'i srid pa kun tu 'byung ba 'thob pa'i stobs skyed par byed pa'i sa bon las so/ /phyar ba nag po zhes bya ba ni re ba las byas pa ste mi phal pa'i gos yin no/ /de rigs mi mthun pa'i mig ji lta bu'i spyod yul du 'gyur zhe na/ de ni lha'i mig shin tu rnam par dag pa'i spyod yul yin no/ zhes bya ba smos so/ /bdag dang skal ba rnams dang zhes bya ba ni skyes bas skyes ba'i lta bu'o/ /mig ni thur du gsal te zhes bya ba ni sems can dmyal ba pa dag gi dbang du byas pa yin no/ /dud 'gro rnams ni gang du skyes pa de dang mthun par 'jig rten gyi khams 'og mar ro/ /bsod nams bsten pa ni las kyi dbang giS 'gro ba gong ma'i 'du shes kyis 'gro'o/ /nges ba med do/ zhes bya ba ni de mngon du gyur pa'i phyir ro/ /yang zhag bdun du gnas so/ zhes bya ba ni tshe de tsam du zad? pa'i phyir ro/ /bdun phrag bdun gyi bar du yang gnas so zhes bya ba ni de tsam gyis na bar mdo'i srid pa'i las kyi shugs zad par 'gyur ba'i phyir te/ de lta bas na de'i tshe nad? gzhan gyis zil gyis non pas na rigs mi mthun pa gzhan du skye bar 'gyur ro/ /gal te las gzhan kyi bya ba yongs su gyur pas zhes bya ba ni gal te sngon byas ba'i las gzhan mngon du gyur pa bar ma do'i srid pa la gnas pa'i rnam par smin pas gang byas pa des yongs su rdzogs par byed pa'i phyir ro/ /kha cig na re dgra bcom pa mngon pa'i nga rgyal can sems can dmyal bar skye ba 'chi ba'i srid pa la gnas pa kho na ni skye ba'i mtshan ma mthong ba'i phyir log bar lta bas der skye ba yod do/ zhes zer ro/ /kha cig na re? de las 'das phan chad ni zhes bya ba ni de'i tshe na las rnams kyi tshogs pa sgrub par byed pa'i phyir ro/ zhes zer ro/ /'o na bdun pa dang po nyid nas kyang ci'i phyir mi byed ce na/ de tsam gyis na/ las kyi nus pa yongs su smin pa rab kyi mthar phyin pa thob pa'i phyir des gzung bar dka' ba'i stobs kyi rkyen 'dren par byed pa'i phyir ro/ /zhag bdun gyis shi 'phos pa de yang zhes bya ba ni zhag bdun phrag bdun po gang yang rung ba dag gis de nas shi 'phos nas bar mdo'i srid pa gzhan du skye bar 'gyur ba ste/ 'dir bar ma de'i srid pa de nyid du byas pa'i las kyis sam gzhan gyis yin pa ni gcig tu ma nges so/ /bar ma do'i srid pa'i las yongs su rdzogs pa kho na dang/ tshe 'di nyid la myong bar 'gyur ro/ /zhes bya ba'i grub ba'i mdza' 'di ni kho bo cag gi ma yin no/ /sngar bshad pa rnams ni phal cher yod par smra ba'i chos mngon pa la 'dris pa las 'ongs pa yin no/ /dri'i phyir 'gro bas na dri za zhes kyang bya'o/ zhes bya ba la/ arb+ha zhes bya ba ni 'gro ba'i don yin pa'i phyir ro/ /dris rtas par 'gyur ba zhes bya ba ni de nyid de'i zas yin par ston to/ /lus kyis 'gro bas 'gro'i dmigs pa'i 'gro bas ni ma yin no/ zhes bya ba ni yul gzhan du 'byung ba dang ldan pa'ang phyir bum pa la sogs pa bzhin du lus kyis 'gro ba yin gyi/ gzugs med pa'i rnam par shes pa tsam ni yul rgyu ba med pa'i phyir dmigs pa la 'dzin pa lta bus 'gro ba ni ma yin no/ /sems can gyi rgyud ni rgyun chad cing 'byung bar mi rigs te/ 'bru la sogs pa bzhin du rgyun gyis 'jug pa'i phyir ro/ /de'i phyir 'dis ni skye ba'i gnas su 'byung ba ni dmigs pa tsam du zad do/ zhes zer ba bkag pa yin no/ /'o na theg pa chen po'i mdo rnam par shes pa 'pho ba zhes bya ba las/ bzang skyong gang khyod 'di skad du ji ltar na rnam par shes pa 'dis lus bor nas 'pho zhing 'gro bar 'gyur zhes zer ba ni me long gi gzugs brnyan lta bu dang/ rgya'i 'bur lta bur 'gro bar 'gyur ro/ /zhes gsungs pa de ji lta bu zhe na/ bstan pa de ni byis pa la sogs pa gang 'jig rten 'di nas 'jig rten pha rol tu 'pho'o zhes yun ring po nas rnam par shes pa la bdag nyid dang/ rtag pa nyid du 'dzin par goms pa'i sems can de yod pas/ de dgag pa'i phyir phung po 'di dag la brten nas phung po gzhan dag rgya'i 'bur kho na bzhin du 'byung bar 'gyur ro/ zhes bstan pa yin gyi/ bar ma do'i srid pa dgag pa'i phyir ni ma yin pas na de la 'gag pa ci zhig yod/ mdo sde de'i don ni kho na yin gyi gzhan du mi bzhed par ji ltar shes par bya zhe na/ don gzhan du rtogs par bya zhe na/ jig 'gal ba med do/ zhes smra'o/ /gal te de ltar yi ge bsgyur ba tsam gyi mdo sde rnams gzhan du drang du rung na ni mdo sde thams cad 'chol pas na yid brtan du ni mi rung ngo zhe na/ ci'i phyir de ltar 'gyur te/ lung dang rigs pa yod pas na de dag gi bar mdo'i srid pa'i lus su grub pa'i phyir mdo sde de'i don de ltar drang du rung ngo/ /de la rigs pa ni smras zin to/ /lung yang nyan thos kyi theg pa ni 'og nas ba rjod par bya'o/ /theg pa chen chen po brjod par bya ste/ 'phags pa dam pa'i chos dran pa nye bar gzhag pa'i mdo las sems can dmyal ba mnar med pa las brtsams nas de yang mthong ba rnam par 'khrul cing snum zad pa'i mar me bzhin du de'i bar mdo'i srid pa'i gzugS thogs pa med pa'i byis pa lo brgyad lon pa tsam du 'byung bar 'gyur ro/ zhes gsungs so /de bzhin du mngal du 'jug pa'i mdo las kyang dga' bo 'di la pa dang ma chags par gyur ba dang dri za nye bar gnas pa'i bar du gyur na/ dga' bo da ltar 'jug par 'bod pa'i dri za ni bar ma do'i srid pa ba zhes bya'o/ /zhes 'byung ngo/ /rnam grangs kyi lung dag las kyang bar ma do'i srid pa zhes bya ba 'byung ste/ ji skad du srid pa bdun pa zhes pa'i mdo las kyang srid pa bdun pa zhes bya ba ni sems can dmyal ba'i srid pa dang las kyi srid pa dang/ bar mdo'i srid pa'i bar dag ste/ /dri za dri za zhes bya'o/ /zhes gsungs pa lta bu'o/ /ji skad du gnas gsum mngon du gyur na mngal du 'jug par 'gyur te/ ma nyams pa de zhing zla mtshan dang ldan pa dang/ pha dang ma chags bar gyur cing phrad pa dang/ dri za yang nye bar gnas par gyur pa'o/ /zhes kyang bsungs pa lta bu'o/ /skye ba dang 'gag pa'i tshul ni snga ma bzhin du blta bar bya'o/ /zhes bya ba ni srang gi mgo mjug mthos dman du 'gyur ba'i tshul bzhin du'o/ /de der log par zhes bya ba ni ri dags bshor bar bya'o/ /rtsed mo bya'o snyam pa las de'i 'og tu brdeg pa dang du bar 'gyur ba'o/ /yongs su tsha ba chen pos kyang zhes bya ba ni sems can dmyal ba'i mes so/ /de nas snga ma bzhin du der dga' ba dang zhes bya ba ni sngon goms pa bzhin du'o/ /ma nyams bde zhing zhes bya ba ni mngal gyi 'dzin nus pa'i lus kyi gnas skabs su gyur ba ste/ ci 'dra zhe na/ zla mtshan dang ldan pa zhes bya ba smos te/ nga'i? phyir la nyams bde zhing zhes bya ba ni ma smos so/ /de ji skad du mngal du 'jug pa'i mdo las kyang dga' bo zla mtshan zhes bya ba ni dus dang dus tshod la bya ste/ de la bud med kha cig ni zhag gsum na'o/ /zhes gsungs so/ /de la skye gnas kyi nyes pa? gang zhin? zhes bya ba la/ skye gnas kyi nyes pa ni glo bur dang/ lhan cig skyes pa'o/ /glo bur ni rlung gis ma rung bar byas pa la sogs pa'o/ /lhan cig skyes pa dag ni dbyibs gyur pa dang/ dbyibs ma gyur na yang bags shun la skyon yod pa'o/ /de la dbyibs gyur pa zhes bya ba ni skye gnas kyis khu chu bzhi bas nas phyir 'dzag pa'am 'jig pa'o/ /pags shun gyi rkyon zhes bya ba ni rma'i skyon yod pa'i don te/ de ni snug dang chu ser la sogs pa 'dres pa yang na khu chu de rul bar 'gyur ro/ /bska ba yod ba zhes bya ba ni de bska bar gyur na yang dang yang du skam par 'gyur bas nal nal por mi 'jug ste/ de'i phyir der khu chu dang khrag zad bar 'gyur ro/ /de na pha ma gnyis nyal ba byed pa yang med bzhin du zhes bya ba ni phyin ci log tu gyur par ston pa'o/ /gal te bud med du 'gyur bar 'dod na ni zhes bya ba ni mngal du dbang po 'byung bar 'gyur ba gang yir pa des tha snyad du brjod do/ /nyal bar 'dod pa skye bar 'gyur ro/ /zhes bya pa ni gnyis kyis gnyis sprod par 'dod pa'o/ /bud med dang bral bar 'dod pa skye'o/ /zhes bya ba la/ 'dir bud med ces bya ba ni ma? la bya'o/ /snga ma bzhin du rig par bya'o zhes bya ba ni bar ma de'i sid pa de mi snang bar 'gyur skye ba'i srid pa 'grub par 'gyur ba'o/ /'jug pa'i tshe zhes bya ba i skye ba'i sems la mi bya'i bar ma do'i srid pa na gnas pa nyid kyi sems de la bya ste/ de'i tshe na de ltar shin tu gsal ba'i yid kyi rnam par shes pa med pa'i phyir ro/ /'jug par 'gyur ro/ zhes bya ba ni khu chu dang khrag skye gnas na gnas pa kho na'i khu chu dang khrag gi thigs pa rnam par shes pa'i dbang gis mngal gyi gnas su 'jug pa la bya'o de las gzhan pa'i dbang po'i 'byung ba chen po cha phra ba dang 'dres pa zhes bya ba ni dbang ba med pa'i gong bu snga ma de la 'byung ba chen po gang dag yod pa de las gzhan pa dbang po'i gnas kyi 'byung ba chen po cha phra ba dag dang 'dres pa la bya'o/ /de dang mthun pa'i zhes bya ba ni dbang po dang bcas pa nyid kyang de'i rnam pa yongs su btang ba'i phyir ro/ /dbang po'i 'byung ba chen po de dag kyang zhes bya ba ni mig la sogs pa rgyur byas pa'i gzugs rnams kyi rten po ste/ tha mi dad par 'byung bar 'gyur ba gang yin pa ? go / dbang po'i rten gyi 'byung ba chen po rnams zhes bya ba ni dper na mig gi 'bras bu dkar po'i 'byung ba chen po dag lta bu ste/ de bzhin du gzhan dag la yang ci rigs su sbyar ro/ /lus kyi ni gzhan dag gi rten po'i 'byung ba chen po dag ma gtogs par rten gyi 'byung ba chen po dag gud na med pa kho na yin no/ /gcig la gcig grub pa dang bde bas zhugs pa zhes bya ba ni gsus po che'i mdo las mdud khyim gyi dpe bstan pa lta bu'o/ /sa ben yengs su chang ba yin no/ /zhes bya ba ni kha cig na re zag pa dang bcas pa dang zag pa med pa'i chos rnams kyi nus pa yod pa la bya'o/ /zhes zer ro/ /kha cig na re kun gzhi rnam par shes pa la ni 'jig rten las 'das pa'i chos kyi sa bon med de/ 'di ltar 'jig rten las 'das pa'i chos rnams ni de bzhin nyid la dmigs pa'i rkyen gyi sa bon las byung ba yin gyi/ de'i bag chags bsags pa'i sa las byung ba ma yin no/ zhes bstan bcos las 'byung ngo/ zhes zer ro/ /de la phyogs snga ma smra ba dag gis lan btab pa?/ bstan bcos kyi don ni 'di yin te/ de bzhin nying la dmigs pa'i rkyen rnams kyis sa bon rtas par bya ba ni de dag gi rgyu yin gyi gnas ngan len gyi bag chags bsags pa ni ma yin te/ 'di ltar de ni gnas ngan len gyi skabs yin pa'i phyir ro/ /rnam par shes pa la zag pa med pa'i sa bon med na ni dang po nyid nas 'di ni nyan thos dang rang sangs rgyas dang de bzhin gshegs pa'i rigs can dang/ de dag gi rigs med pa'o/ zhes rnam par gzhag pa kho na yang mi rigs par 'gyur bas/ de'i phyir zag pa med pa'i ches rnams 'byung ba'i rgyus sa bon gyi rnam grangs kyi rigs yod do/ /'bras bu'i bye brag byang chub rnam gsum yang med par 'gyur te/ dmigs pa tha dad pa ma yin pa'i phyir re/ /de bzhin nyid la 'dod pa bzhin byed pa ci zhig yod na 'di ltar gcig la ni nyon mongs pa spang ba'i phyir nye bar gnas la/ gcig ni shes bya'i sgrib pa spang ba'i phyir nye bar gnas par 'gyur te/ de'i phyir rgyud la gnas pa'i rgyu yod par 'dod par bya'o/ /phyoD gnyis pa smra ba dag gis smras pa bstan bcos ni gzhan du drang bar mi nus te/ gal te gnas ngan len gyi bag chags des sa bon thams cad bsdus pa yin na 'jig rten las 'das pa'i chos rnams 'byung bar 'gyur ba'i sa bon gang yin te/ de dag gi rgyu gnas ngan lan gyi sa bon yin par mi rigs so/ zhes rab tu bsgrim te bstan to zhes zer ro/ /rigs rnam par gzhag pa yang de nyid las bstan te/ gang dag gi rgyud la de bzhin nyid la dmigs pa rtogs par mi 'gyur ba gtan du ba'i sgrib pa'i sa bon yod pa de da gni yongs su mya ngan las mi 'da' ba' i rags? rgyud la nyen mongs pa'i sgrib pa'i sa bon ni med la/ gtan du ba'i shes bya'i sgrib pa'i sa bon yod pa de dag ni kha cig nyan thos kyi rigs? can yin pa dang/ kha cig rang sangs rgyas kyi rigs can yin par rnam par bzhag go / gang dag la de gnyis ka med pa de dag ni de bzhin gshegs pa'i rigs can yin no/ /zhes 'byung ste/ 'bras bu rnam par bzhag pa yang de nyid kyis bstan to/ /gzhan dag gis smras pa/ gal te byang chub kyi sa bon med pa kho na yin na/ rnam pa gsum po gang med pas byang chub rnam gsum gyi sa bon gang med cing yongs su mya ngan las mi 'da' ba' i chos can yin zhes bya/ byang chub sems dpa' i sa las ni dbang po rnon po la sogS pa ni rgyu yin te nus pa dang rigs yin par 'dod do/ /dad pa la sogs pa'i sa bon mjug thogs kho nar gnas ngan len zhes bya ba yang med do/ zhes kyang 'og nas 'byung ba'i phyir ro/ /lung ni gcig tu ma nges la rigs pa ni yod de/ zag pa med pa'i sems dang sems las byung ba rnams ni rnam par smin pa'i rnam par shes pa la gnas pa'i sa bon las byung ba yin te/ 'byung ba dang ldan pa'i phyir ro/ /zag pa dang bcas pa'i sems dang sems las byung ba thams cad bzhin te/ chos mi mthun pa ni nam mkha' o/ /de bzhin nyid la dmigs pa ni 'jig rten las 'das pa'i sa kho na yin te/ lam yin pa'i phyir ro/ /'jig rten pa'i lam bzhin te/ chos mi mthun pa na nam mkha' o/ /ji ltar bkod pa'i bstan bcos ni drang bar mi nus te/ shin tu gsal bar rgya cher rnam par phye ba'i phyir ro/ /de'i phyir gnyi ga yang rnam par bzhag tu rung ste/ de bzhin nyid dang bden pa bzhi mngon par rtogs pa rnam par bzhag pa bzhin no/ /'gal ba yang med do/ /rnam par shes pa'i tshogs lnga dang ldan pa'i mjug tu gtan tshigs smras zin pa'i phyir ro/ /kha cig gis smras pa/ gal te gnyis ka rnam par gzhag na de gnyis las gcig ni drang ba yin la gcig ni gtso bo yin par 'gyur te/ dper na bstan pa 'di nyid la bden pa bzhi ngag rab tu rgya cher rnam par bzhag pa las brtsams te rnam par bzhag kyang de bzhin nyid rnam par bzhag pa ni bden pa'o/ /zhes gsungs pas na/ de ni gtso bo yin pa de bzhin du 'di la yang gang gtso bo yin par gang nas gsungs te/ lud dang rigs pa dag gi skabs kyang yod pas 'di la ni nges par 'byung ba'i thabs med do/ /ha cang thal bar 'gyur ba'i brjod pa 'di ni rnam par gten la dbab pa bsdu ba las nges par bya ba'o/ /lus mngon par 'grub pa gang ci yang rung ste/ zhes bya ba ni 'phags pa ma yin pa rnams yin no/ /zhes bsams pa'o/ /de gnyis ka ches rgya che bar 'gyur bas zhes bya ba la/ ming gi rgya cher 'gyur ba ni skye mched drug gi sgo nas mang du 'byung ba'i phyir ro/ /lus yongs su rdzogs par gyur gyi bar du skye bar lta'o/ /zhes bya ba ni rdzas yongs su rdzogs par 'gyur ba yongs su bsams pa'o/ /de la sa'i khams rgyur byas nas zhes bya ba ni de yul gnon cing skye skye/ de dang nam mkha' i yul gcig pa'i phyir gzugs rnams kyi skye ba'i yul gnod pa zhes bya ba skye'o/ /'jog par mi 'gyur ba'i tshul gyis brtan par byed do/ /zhes bya ba ni me'i khams kyang 'dzag par byed pa yin pas na khyad par du bstan to/ /spras pa la mngon par dga' ba nyid gtso bo'i rgyu yin par lta'o/ /zhes bya ba ni sa bon thams cad pa'i rnam par shes pa ni nges bskyed pa'i phyir ro/ /kha cig na re sa bon nyid rgyu'i rkyen yin pas na las ni bdag po'i rkyen yin no/ /zhes zer ro/ /'phags pa rnams ni sdug bsngal nyid du 'dzin to/ /zhes bya ba ni mngal du zhugs pa dag na'o/ /mngal du gnas pa la ni rang bzhin gyis zhes bya ba ni ngo bo nyid kho na yin te/ kun gzhi rnam par shes pa ni de dang mtshungs par ldan pa yin pa'i phyir ro/ /yul gyi rkyen las gyur pa yin no/ zhes bya ba ni yul gyi stobs las byung ba ste/ nyon mongs pa can la sogs pa'o/ /kha cig na re yul gyi stobs kho na las skyes pa gang yin pa ni dper na 'jig rten las 'das pa'i lta bu'o/ zhes zer ro/ /gang yul gyi rkyen las gyur pa yin no zhes bya ba la/ ci yul mngon sum du gyur na gdon mi za bar 'byung ba yin nam zhe na/ de la bde ba dang sdug bsngal dag ni chos 'ga' zhes bya ba la sogs pa smos so/ /thog ma med pa'i dus nas yod la zhes bya ba ni mngon par brjod pa'i/ bag chags kyi sa bon gyi ngo bo nyid ni grub pa yin pa'i phyir ro/ /sar bar 'gyur ro/ /zhes bya ba ni yongs su gsos pa'i gnas skabs gzhan thob pa'i phyir ro/ /'bras bu spyad zin pa yin te zhes bya ba ni mig la sogs pa'i sa bon gyi skad cig dang po kho na la ste/ de'i 'og tu rnam par smin par gyur pa'i sa bon las de 'byung ngo/ /lus rang gi sa bon las 'byung bar smras nas/ yongs su rdzogs pa yang rang gi sa bon las 'byung ba kho na yin par/ rang gi sa bon yang zhes bya ba la sogs pas ston to/ /'bras bu gzhan skye pa gang yin pa de yang zhes bya ba ni phyi rol gyi ste/ lus las gzhan yin pa'i phyir ro/ /tshe zad pa ni 'dir sa bon de zhes bya ba ni rnam par smin par 'gyur ba gang yin pa de'o/ / gang de'i rgyur gyur pa ngas ni de'i snga rol tu 'byung ba'i tshe 'bras bu spyang zin te/ rnam par smin par gyur pa'i sa bon bskyed par 'gyur ba'i phyir ro/ /sa bon de yang de nyid kyi sa bon 'dug pa yin no/ zhes bya ba ni 'bras bu 'byin par nus pa na'o/ / gcig la chags na yang thams cad la chags par brjod par bya'o/ zhes bya ba la/ gzugs na spyod pa rang gi lus la chags pa na 'dod pa na spyod pa'i lus spangs pa la ji ltar chags par 'gyur zhe na/ gzugs na spyod pa'i lus ni 'dod pa'i lus kyi sa bon yin te so so'i skye bo'i'o/ /de chags pa na don gyis de'i 'bras bu 'dod pa'i lus la yang chag pa yin no/ /yang na rgyur gyur bI lus la mngon sum du chags pa yin pa'i phyir ro/ /gcig las 'dod chags dang bral na yang thams cad las 'dod chags dang bral bar brjod par bya'o/ /zhes bya ba la/ gal te 'dod pa na spyod pa rang gi lus la 'dod chags dang bral bas khams gsum pa'i lus la yang 'dod chags dang bral ba yin na/ ci'i phyir gzugS dang gzugs med pa'i 'dod chags dang bral bar bya ba'i phyir rtsom par byed ce na/ rgyur gyur pa'i lus la 'dod chags dang bral yang 'bras bur gyur pa'i spang ba'i phyir 'dod chags dang bral bar rtsom par byed do/ /yang na smras ma thag pa thams cad las 'dod chags dang bral lo zhes bya'o/ /kha cig na re ji ltar 'di'i 'dod pa'i 'dod chags dang bral ba kho na dang 'dra'o/ zhes zer ro/ /sa bon nyon mongs pa'i phyogs gang yin pa de dag ni zhes bya ba ni nyon mongs pa 'khor dang bcas pa dag gi sa bon yin no/ /gnas ngan len zhes bya ba yang med do/ zhes bya ba ni las su mi rung ba'i don gyi gnas ngan len med pa'i phyir ro/ /de'i phyir 'di ltar zhes bya ba la sogs pa smras so/ /sa bon rnam par gtan la dbab pa bsdu ba las/ sa bon thams cad ni kun gzhi rnam par shes pa la yod pa'i gnas ngan len yin no/ zhes 'byung ba ni dge ba'i chos kyi sa bon ni gnas ngan len dang ldan pa'i phyir ro/ /las gzhan pa dag ni gnas ngan len gyi ran bzhin yin pa'i phyir ro/ /rang bzhin zhes bya ba ni ngo bo nyid yin pa la bya ste/ bag zan gyi rta bzhin zhes ston to/ /de bas na zhes bya ba la sogs pas ni 'di skad du gang gi phyir ji skad smos pa'i mtshan nyid kyis lus mdza' dag la gnas ngan len med pa'i phyir sdug bsngal nyid mi 'byung bas/ de'i phyir de bzhin gshegs pa rnams ni dad pa la sogs pa zag pa dang bcas par bsdu ba'i phyir 'du byed kyi sdug bsngal nyid kyi sdug bsngal 'dogs par mdzad do/ /zag pa med pa rnams ni nam yang de'i rjes su mi 'gro bas de dag la thal bar mi 'gyur ro/ zhes bstan par 'gyur ro/ /gzhan gyis bskyed pa 'am/ rang dang mthun pa'i 'bras bu 'dzin pa na khams so/ /de las byung bas don gyis rigs gzhan dang 'dra bas na rigs so/ /ngo bo nyid kyis grub pa na rang bzhin no/ /byed rgyu'i dngos por 'jug cing 'gro bas na rgyu'o/ /'jig pa'i bdag nyid kyi tshogs yin pas na 'jig tshogs so/ /'jig pa'i dang can gyi phung po de dag ni sa bon zhes bya ste/ ji skad du rnam par gtan la dbab pa bsdu ba las kyang sa bon ni 'du byed rnams la so so so sor dpye zhing gzhan du rnam par bzhag par mi nus mod kyi/ 'o na de ltar byung ba'i 'du byed de dag kho na la sa bon zhes bya'o/ /zhes 'byung ba lta bu'o/ /spro bar bya ba dang spro bar byed pas na spros pa ste/ gzung ba dang 'dzin par gyur pa'i skye mched kyi dang khams rnams so/ /de dag nyid sa bon yin te snga ma bzhin no/ /rgyud dang 'brel pa'i phyir kun gzhi rnam par shes pa ni kun gzhi zhes bya ste/ ji skad du 'di ltar de ni lus de la 'brel cing rab tu 'brel ba na kun gzhi zhes bya'o/ /zhes bstan pa lta bu'o/ /sa bon du gyur pa de nyid 'bras? bu len par byed pa'i phyir lan pa'o/ /'bras bur gyur na 'du byed kyi sdug bsngal nyid kyis sdug bsngal ba yin no/ /yang na de las byung ba'i chos rnams sdug bsngal ba yin no/ /'jig tshogs la lta ba dang nga'o? snyam pa'i nga rgyal gyi dmigs pa yin pa'i phyir de dag gi gnas yin no/ /rnam grangs de dag gi rnam par gzhag pa yang ngo bo nyid bstan pa dang/ bye brag bstan pa'/ /ngo bo nyid ni rgyu dang/ 'bras bu dang/ rang gi ngo bo dang/ las kyi bstan to/ /bye brag ni blang bar bya ba dang/ len par byed pa'i bye brag gis rnam pa gnyis te/ blang bar bya ba ni phung po dang khams dang skye mched rnams so/ /len par byed pa ni kun gzhi rnam par shes pa ste/ de yang ngo bo nyid dang rgyu dang 'bras bu ste/ rnam grangs gcig dang gcig dang gsum gyis bstan to/ /de lta bu dang mthun pa rnams ni zhes bya ba ni bag chags dang byed rgyu la sogs pa dag go /rkyen rnams dang mi ldan par byed cing zhes grogs nyams pas na spyod kyang mthu med pa'i phyir phyi mar 'bras bu 'byin par 'gyur ba'i nus pa? med pa la bya'o/ /nang gi rkyen la dbang ba yang 'thob bo zhes bya ba ni mig la sogs pa nang gi rkyen rnams dang/ sems dang sems las byung ba rnams la dbang ba yul rnams kyi mi 'phrogs pa la bya'o/ /mngal du 'jug pa'i mdo las zhes bya ba ni dga' bo de la bu de ni zhag bdun pa dang po la ma'i mngal du mer mer por 'gyur te/ mer mer po'i ngo bo nyid kyang ji lta bu zhe na/ 'di lta ste dper na 'bras bu 'am zho kha chu lta bu'o zhes bya ba la sogs pa mdo sde las rab tu mang du gsungs pa rnams mdor bsdus te brjod par bya'o/ /de la zhag bdun pa lngas ni go rims bzhin du mer mer po dang nur nur po dang ltar ltar po dang mkhrang gyur dang yan lag 'bur? bar 'gyur ro/ /de nas bzhis ni rkang lag 'gyus pa dang/ mkhregs pa dang/ bu ga dgu dang/ nad grol rnams dang/ bkres pa dang/ skom pa dang/ chu rgyus rnams dang/ mig la sogs pa 'byung ngo/ /gzhan drug gis ni mig la sogs pa'i gnas rnam par 'byed pa dang/ dang ba dang gsal ba dang/ mig la sogs pa bzhi po dag rim gyis 'thob par 'gyur ro/ /bzhis ni rus pa dang/ rus pa sbom po dang/ khrag dang/ bags ba dang/ bags pa gsal ba dang/ khrag gsal? ba dang/ skra dang de gsal bar 'gyur ro/ /brgyad kyis ni bskyed mos tshal la sogs ba'i 'du shes brgyad dang/ pags shun dang/ mdog rnams 'byung ngo/ /gnyis kyis ni yan lag rgyas par 'gyur ro/ /drug gis ni mi gtsang ba dang/ dri da ba dang/ mun pa la mi dga' ba'i 'du shes gsum 'byung ngo/ /gsum gyis ni rlung gi dbang gis skye gnas kyi sgo logs su bsgyur te 'dug par 'gyur ro zhes gsungs pa la bya'o/ /do nas zhag bzhi lon na btsa' bar 'gyur te zhes bya ba ni der zla ba dgu tshang ba'i phyir te/ phal che bas de skad bstan to/ /dangs ma ska ba des rtas par 'gyur ro zhes bya ba ni kha zas zhu ba na de de'i lte ba nas 'jug pa'o/ /mer mer po la sogs par 'gyur ba'i tshe na ni sra ba med pa'i phyir gtor bas rtas par 'gyur ro/ ya nga ba ma spangs pa zhes bya ba ni mas so/ /brang logs su mdun gyis phyogs shing zhes bya ba ni pa dang bsten par 'dod bas zhugs pa'i phyir gan rkyal du 'jug pa la bya'o/ /sgal tshigs phyogs su mdun gyis phyogs zhing zhes bya ba ni ma dang bsten par 'dod pas zhugs pa'i phyir sems de dang rjes su mthun par 'dug pa la bya'o/ /skye ba'i char gtogs pa zhes bya ba ni bcas pa'i gnas skabs la skye ba zhes bya ste/ de dang rjes su mthun pa'i phyir ro/ /lto na gnas so zhes bya ba ni 'dug pa'o skye ba'i char gtogs pa'i reg pa zhes bya ba ni btsas pa'i gnas skabs na 'byung ba la bya'o/ /'dogs pa zhes bya ba ni 'jig rten gyi brda'o/ /skyes pa'i rgyu zhes bya ba ni ming dang gzugs skyes pa ni dbang po yongs su smin pa'i rjes su 'gro ba'i rgyu yin pa la bya'o/ /gzhan dag kyang zhes bya ba ni pha dang ma dag las gzhan pa dag go /smra ba'i tha snyad dag slob tu 'jug ste zhes bya ba la/ ci'i phyir lus kyi las bor te ngag gi las bor dag gi las kho na bstan zhe na/ kha cig na re lus kyi las ni gdon mi za bar bslab par bya ba ma yin pa'i phyir ro zhes zer ro/ /yang kha cig na re tha snyad ces bya ba'i sgra ni spyi la snyegs pas brtsad du med do zhes zer ro/ /de bas na 'di lta ste zhes bya ba la sogs ba sgo gnyis kyis ni 'jig tshogs la lta ba gdags te bstan te/ gang na yang zhes bya ba ni 'gro ba rnams dang yul dang dus na'o/ /su yang zhes bya ba ni skyes ba dang bud med dang de las gzhan pa'o/ /ci yang med do zhes bya ba ni bu 'am phu nu'o/ /bdag kyang zhes bya ba la sogs pa dag la yang de bzhin du brjod par bya'o/ /shin tu rtogs par dka' ste zhes bya ba ni 'jig rten gyi ste/ bdag tu 'dzin pa la shin tu goms pa'i phyir ro/ /sems can rnams kyi 'jig pa dang 'chags par 'gyur ba'i las kyi 'gyur te zhes bya ba la 'jig pa zhes bya ba ni nye bar bstan du med pa yin pa'i phyir zhig ba'i bdag nyid kho na yin na/ ji ltar las kyi rgyu las byung ba yin zhe na/ dper na ma byin par len pa'i las longs spyod med par 'gyur ba bzhin du de dang mi mthun pa'i 'bras bu yin pa'i phyir te/ nang gi rnams zhes bya bas chos mi mthun pa'i dpes bstan pa'i phyir ro/ /tshe zang pas 'gyur ba lta bus ni ma yin no zhes bya ba ni tshe nyid med pas na che zad pa yang med de/ de ni dam bca' ba yin no/ /de ci'i phyir zhe na/ 'di ltar zhes bya ba la sogs pa ni gtan tshigs yin te/ de'i phyir phyi rol la srog yod par smra ba dag gis phyir de dag la tshe zad pas 'chi ba med de/ sems can gyi chos su grags pa med pa'i phyir te/ nam mkha' bzhin no/ /chos mi mthun pa ni mi lta bu'o// zhes de dag gis sgrub pa bstan to/ /sems can gyi chos su grags pa med pa rnam par dbye ba'i phyir/ phyi rol gyi dngos po rnams ni gzugs can zhes bya ba la sogs pa smos te/ gzugs can gyi dngos po kho na yin pa'i phyir ro/ /gzhan dag la yang de bzhin du sems can las bzlog pa yin par brjod par bya'o/ /'di ltar de dag ni las sna chogs mngon par 'du byed pa yin te zhes bya ba la/ 'di ltar snod kyang de dag gi las kho nas mngon par grub pa yin mde? kyi de la rigs mthun pa gang yin pa des de byung ba yin no/ /de bas ni de dag la ni bskal pa las lhag pa dang zhes bya ba ni sems can gyi ris kyi dbang du byas pa yin gyi de dag gi snod kyi gnas ni ma yin no/ /de ni grangs kyi gdags pas bskal pa chen po zhes bya'o zhes bya ba ni dus kyi tshad de tsam la grangs gcig tu tha snyad gdags pa'i phyir bzhag go zhes bya ba'i don to/ /de ni thams cad kyi tha mar 'jig la zhes bya ba ni mes 'jig pa las bsams pa yin no/ /de dag thams cad 'chi 'phos pa na zhes bya ba ni gang gi tshe sems can gcig kyang med pa la bya'o/ /dung 'gro 'jig pa dang zhes bya ba ni go rims smra bar mi 'dod pa'i phyir yi dags 'jig pa bas sngar bstan to/ /yang na 'di'i dung 'gro rnams la bsams pa'o/ /bsaM gtan gnyis pa'i bar du zhes bya ba ni mdo sde las gsungs pa mdor bsdus pa'o/ /than pa byung bas zhes bya ba ni 'char 'bab na tsha ba chen po med de chu 'brug pa'i phyir ro/ /nyi ma'i dkyil 'khor rnams ni sems can gyis stong pa kho nas 'byung bar 'gyur ro de lta ma yin du zin na nyi ma'i dkyil 'khor ni dus thams cad du lha'i bu mi gnas shing des stong pa kho na yin la rlung gi dbang gis 'khor bar 'gyur ro/ /lung las kyang lha'i bu nyi ma ni ri rab kyi lho 'am byang gi ngos gang du de mthong bded? song nas 'jug par byed do zhes 'byung ngo/ /drug pa'i phyogs gcig gis skems par byed do zhes bya ba ni lnga po dag gis bskams pa'i lhag mar? gang yin pa de ni drug pa shar ba na nyin mo kha cig gis zad par byed do/ /mdo nyid las/ ji skad 'byung ba bzhin du rgyuas par bya ste zhes bya ba ni dge slong bag 'di lta ste/ dper na mar ram 'bru mar nam mkha' la bsregs shing tshigs pa na du ba yang mang ba bzhin du sa chen po 'di dang ri'i rgyal po ri rab kyang bsregs shing tshig pa na du ba yang med la thal ba'i lhag ma yang med de/ dge slong dag 'du byed thams cad ni de ltar mi rtag pa mi brtan pa ste/ yid brtan du mi rung ba'i zhes bya ba la sogs pa gsungs so/ /gzhan dag ni 'di nyid du shin tu rnam par phye bas na ma bris so/ /thal ba'i lhag ma yang med par 'gyur te zhes bya ba ni kha cig na re dper na thal bas la gnas pa nam mkha' la rlung gis gtor ba na sa la gnas pa'i lhag ma de ni rdul gyi bag gam rtag pa tsam yang med pa lta bu yin no zhes zer ro/ /gang tshun chad chus 'jig pa lan bdun 'das par gyur pa de'i 'og tu yang med 'dag? pa lan cig 'byung de zhes bya ba ni me 'jig pa lan bdun 'das shing chus 'jig pa lan re ri 'byung ba lan bdun du bgrangs pa'i 'og tu'o/ /'di ltar 'ga' zhig la zhes bya ba la sogs pas ni rlung gis gzegs mar 'jig par byed pa yin pas su yang ma rtog cig ces ston to/ /'di lta ste/ snod 'chags pas zhes bya ba ni sems can rnam par gcad pa'o/ /de la 'jig pa gsum pa'i rtse mo nas zhes bya ba ni bsam gtan gnyis pa nas so/ /de bzhin du thams cad du yang sbyar bar bya'o zhes bya ba ni 'og ma rnams su 'o/ /mi dga' bar 'gyur te zhes bya ba'i sgra ni skyo ba'i rnam grangs la bya'i/ yid mi bde ba yin par mi brjod do/ /de'i sems mngon par 'du byed pas zhes bya ba ni tshangs par skye ba'i rgyu yin no/ /'dod pa na spyod pa'i lha'i ris bzhi po dag gi gzhal med khang nam mkha' la 'byung bar 'gyur te zhes bya ba ni bsam gtan gsum pa nas 'thab bral gyi gzhal med khang rnams la bya'o/ /nam mkha' la sprul pa bzhin du 'byung bar blta'o zhes bya ba ni rtsa ba'i rgyun gang du yang mi gnas shing bya ba gzhan gyis rnam par bkod pa med pa bkod pa sna tshogs dang ldan bzhin du nam mkha' kho na las 'byung ba'o/ /de dag tu yang snga ma bzhin du zhes bya ba ni tshe zad pa zhes bya ba la sogs pa'o/ /kun tu mdza' zhes bya ba bsrub pa la bya'o/ /steng gi chu'i 'khrug ? thung pa zhes bya ba ni chos lcags la sogs pa ni 'jig par 'gyur gyi gser ni mi 'jig pa'i phyir ro/ /'og chu'i 'khrug ba thug pa'i phyir zhes bya ba ni gser la sogs pa'i khams kyi chus rlung gi dkyil 'khor gyi steng na gru bzhir bskor ba gang yin pa'o? ri de dag gi ming rnams ni de dag gi rtse mo'i rnam pa 'dra ba'i bya brag las blta bar bya'o zhes bya ba ni rtse mo nyi ma'i shing rta'i gnya' shing 'dzin nus pa dang/ rtse mo'i dbus btud pa dang rtse mo rta'i? rna ba 'dra ba dang/ rtse mo blta na sdug pa dang/ rtse mo'i shing seng ldeng gi 'dra ba dang/ rtse mo shing rta'i mnga' lta bu rgya yod pa dang/ rtse mo ni mi dbyibs zhes bya ba'i dbyibs 'dra ba'i phyir go rims bzhin du ming gnya' shing 'dzin la sogs par btags so/ /ri rab chu'i nang du nub pa'i nang na zhes bya ba ni ltar snang ba nas chu dpag chad brgyad khri yod pa gang yin pa de ni ri rab kyi ma mdza' yod pa na'o/ /de'i 'og na ni zhes bya ba ni gangs kyi'o/ /nyi tshe ba'i sems can dmyal ba rnams zhes bya ba ni de nas phal che bar zad kyi de dag ni gzhan yang yod do/ / yan lag brgyad dang ldan pa ste zhes bya ba ni/ bsil dang yang dang 'jam pa dang/ /zhim dang gsal dang dri med/ /'thungs sam 'thung bar byed pa na/ /lto dang mgul nad mi 'byung ba'o zhes tshigs su bcad pa 'byung ba'o/ /ri rab de'i drung na yang zhes bya ba ni snang ba'i cha gang yin pa de'i kho ra khor yug gi phyogs gcig tu gyur pa kho na'o/ /rdzing bu de'i nang nas pad+ma'i rtsa ba dang rtsa lag blangs shing zhes bya ba ni drang ba la bya'o/ /bzang zhing zhes bya ba ni mcho tu mdzes pa'i phyir ro/ ldag la zhes bya ba ni mig tu 'thad pa'i phyir ro/ /mdzes pa zhes bya ba ni dang bskyed par byed pa'i phyir ro/ /de las chu rlung bzhi gyes te 'gro'o zhes bya ba ni de'i ngos bzhi nas 'byung ba la bya'o/ /ri rab de'i steng na zhes bya ba la/ steng zhes bya ba ni thog la bya'o/ /ri rab de'i phyogs bzhi zheS bya ba ni phyogs la bya ste/ dper na 'di ni phyogs tsam mo zhes bya la/ 'di ni phyogs tsam mo zhes brjod pa lta bu'o/ /gcig ni srin mo'i gling yin no zhes bya ba ni rnga yab gling la bya'o/ /snga ma kho na bzhin du zhes bya ba ni drangs pa la bya'o/ /zad? nas zhes bya ba la sogs pa bzhin no/ /kho na zhes bya ba'i sgra ni snga ma bzhin no zhes smras pa'i phyir grags pa kho na brjod pa'o/ /'od gsal gyi lha'i ris nas zhes bya ba ni bsam gtan dang po la sogs par te/ gsar du? skyes pa yin pa'i phyir ro/ /'dir sky bar 'gyur ro zhes bya ba ni 'dzam bu'i gling du'o/ /gzhan na ni ma yin no zhes bya ba ni tshe dpag tu med pa nyid la sogs pa med pa'i phyir ro/ /gzugs bzang zhing zhes bya ba ni gzugs mchog tu mdzes pa'i phyir te/ dper na lhas byin ni gzugs dang ldan no zhes bya ba yin no/ /yid las byung ba yin te zhes bya ba ni yid tsam las nges par byung ba yin pa'i phyir ro/ /de ltar thams cad mdo nyid las 'byung ba bzhin no zhes bya ba ni mi tshang ba med pa dang dbang po dman pa ma yin pa dang mdzes pa la soD pa dag go / mdo las ji skad 'byung ba kho na bzhin du rgyas par bya'o zhes bya ba ni gnas 'jog sa'i steng chus gcig tu khyab par gyur pa la rlung gis spris mar byas pa de ni sa'i bcud kha dog la sogs pa phun sum tshogs pa yin te/ kha dog ni 'di lta ste dper na mar sar lta bu'o/ /ro? ni 'di lta ste dper na sbrang ma'i sbrang rtsi ma bskol pa lta bu'o/ /de nas dus gzhan zhig na sems can brkam pa'i rang bzhin can zhig gis de sor mo'i rtse mos myangs te zos nas gzhan du yang de bzhin du byed do/ /de nas de dag gi lus sra ba dang lci bar gyur nas kha dog kyang yal lo/ /sa'i bcud de yang med par gyur to/ /de bzhin du sa'i zhags la sogs pa yang byung nas med par gyur to/ /zhes gsungs pa dag kyang brjod par bya'o/ /de'i 'og tu phan tshun mig gis mig tshugs su ltang ngo / zhes bya ba ni gcig la gcig mngon sum du rtog cing mtshan mar 'dzin pa'o/ /de'i 'og tu gnyis kyi gnyis sbrong pas nyal ba byed do zhes bya ba ni skyes pa dang bud med gnyis kyi dbang po gnyis sprod cing gcig tu sbyar ba'o/ / gzhan yang mod las ji skad 'byung ba bzhin du bram ze dang rje'u rigs dang/ dmangs rigs kyi rgyud rnams 'jig rten du 'byung ngo zhes bya ba ni gnas 'jog de nas sems can de dag kha cig gis yongs su 'dzin pa nad do/ /yongs su 'dzin pa ni 'bras so/ /yongs su 'dzin pa ni zug rdu'o/ /yongs su 'dzin pa ni sdug bsngal gyi rtsa ba'o zhes bya bar rig nas dgon pa'i gnas su dong zhing/ spyil po dang lo ma'i spyil bu dag byas te 'khod nas/ de dag nub mo'i zan 'dod na ni rgongs kar zas kyi phyir grong du 'jug go / dro ka'i zan 'dod na ni snga dro zas kyi phyir grong du 'jug go /de nas sems can de dag kha cig gis bsam gtan de dang rab tu dben pa de dag mngon par ma rtogs nas phyogs cig tu dong ste/ spyil po dang lo ma'i spyil bu dag tu 'khod nas 'dir bdag cag gis gsang sngags kyi gzhung dag bya'o/ /rig byed dag sbyar bar bya'o zhes de dag de nas gsang sngags kyi gzhung dag byed cing rig byed dag sbyor par byed do/ /de nas sems can de dag kha cig gis bsam gtan de dang/ rab tu dben pa de dang/ gsang sngags kyi gzhung de dang/ rig byed sbyar ba de dag mngon par ma rtogs nas yang dgon pa nas phyir grong du zhugs te khyim sgo bzhi pa dag byas te 'khod nas 'dir bdag cag gis sbyin pa dag sbyin no zhes bya ba la sogs pa rgya cher bya'o/ / de na 'di dag ni grong nas dgon par brten pas na phyi rol yid do zhes brjod pas bram ze zhes bya ba'i ming byung ngo/ /yang 'di dag ni bsam gtan mi byed pas ni tshig 'don pa'o zhes bya ba dang/ grong la brtan bas na grong mi zhes bya bar grags te/ gnas 'jog sngon bram ze'i rigs ni de ltar 'jig rten du byung ste/ gzhan dag kyang de bzhin du brjod par bya'o zhes gsungs pa dang sbyar ro/ /de gnyis las kyang zla ba'i dkyil 'khor ni ches mgyogs par 'gro ba dang zhes bya ba ni nyi ma ni zla pa gcig gis khyim las 'da' / zla ba ni nyin zhag gnyis dang nyin zhag gi bzhi cha gcig giS khyim las 'da' ba' i phyir ro/ /yang 'gros dman pa las bsams pa yin no zhes zer na/ 'gros phyin yang nyi ma bas mgyogs par 'gro ba kho na yin pas de'i bsam pa ni don med pa yin no/ /nyi ma'i dkyil 'khor gyis ni gling gnyis cig car snang bar byed la zhes bya ba ni gsum du yang snang mdo kyi bya ba byed pa'i phyir de skad smos so/ /yang na mthar gyi nub pa'i cha gang yin pa de bzhin du yang shar bar zad kyi cha nyid sum char snang ba ni ma yin no/ /de bas na gcig tu nyi ma phyed la zhes bya ba ni gang gi tshe nyin zhag mne ba de'i tshe de ltar bgrang gi gzhan na ni cha gzhan yod par lta'o/ /de dag gang gi tshe ri rab las thag ring du rgyu ba de'i tshe ni dgun du mngon no zhes bya ba ni 'dzam bu'i gling nas lho phyogs logs su ring du song ba'i phyir te/ de bas na rgyang ring ba'i phyir tsha ba yang med la grib ma yang byang phyogs logs su gzhol zhing ma sgribs kyang myur du mi snang par 'gyur ro/ /gang gi tshe nye bar rgyu ba de'i tshe ni tsha ba'i dus su mngon no zhes bya ba ni gling 'di dang nye ba'i phyir te/ de bas na tsha zhing nyi ma'i dkyil 'khor yang yun ring du snang ngo/ /zla ba'i dkyil 'khor ni yid tsam gyis steng du 'jud bas na zla gam du snang ste zhes bya ba la/ gal te zla ba'i 'gyur ba'i sbyor ba de lta bur snang ba yin na ci'i kyis 'phro steng rol na gnas par 'gyur te/ de lta bas na de'i grib mas bsgribs pa kho na yin no zhes bye brag tu smra ba rnams zer ro/ /gal te zla ba shas chung ba'i tshe na grib mas bsgribs pa'i phyir 'phro steng rol nas snang ba yin na ches brgyad la sogs pa dag la yang ci'i phyir mi snang ste/ 'di la snang ba'i gzugs kyi rdzas rnam sni ji lta bu'i dbyibs kyis kyang gnas par snang ste/ dper na khyim pa la sogs pa yod pa de bzhin du de la yang yod do/ /? sbal la sogs pa zhes bya ba la sogs pa'i sgras ni mdo sde las ri bong gi gzugs brnyan dang/ de las gzhan pa dag yod do zhes gsungs pa yang bsdu bar bya'o/ /de'i 'og tu sems can gang yang rung ba zhig ces bya ba ni mthun par 'jug pa'i tshul las dgongs pa'o/ /mdo sde dag las ni byang chub sems dpa' yin no /zhes 'byung ngo/ /kha cig na re lha yin no zhes zer ro/ /de'i 'og tu sems can dmyal ba'i srungs ma rnams ni sprul ba lta bur 'byung bar 'gyur ro zhes bya ba ni sems can ma yin par sems can dag lta bur snang ba la bya'o/ /chu'i rgyun la rgyun chad pa med cing zhes bya ba ni rgyun mi 'chad pa'o/ /bar 'tshams med par 'bar ba zhes bya ba ni rgyun gzhan dang yul gyi go skabs ring po med rgyun cig kho na bzhin du bar mtshams med pa la bya'o/ /de ni sangs rgyas kyi zhing gcig ces bya ste zhes bya ba ni gang du de bzhin gshegs pa 'byung ba ste/ de'i phyir mnyam du 'byung zhing 'jig pa gang yin pa de dag thams cad ni bya ba gcig pa'i phyir sangs rgyas kyi zhed? gcig ces bya'o/ /de nyi cher sems can gyi don mdzad par ma zad pa'i phyir/ der de bzhin gshegs pa byung nas zhes bya ba la sogs pa yang smos so/ /'dod pa la longs spyod pa bcu ste de dag kyang lung bar ma las 'byung ba bzhin no zhes bya ba ni mgon med zas sbyin las brtsams nas khyim bdag 'dod pa la longs spyod pa ni bcu po 'di dag yin te/ bcu gang zhe na/ khyim bdag 'di na 'dod pa la long spyod pa kha cig chos ma yin pas bab col du longs spyod pa ngag sgrub par byed de/ de chos ma yin pas longs spyod dag bsgrubs nas kyang bdag kyang legs par bde bar tshim par mi byed la/ pha ma ? yang ma yin/ bu dang chung ma dang bran dang bran mo dang las byed pa dang zho shas 'tsho ba rnams la yang ma yin no/ mdzad bshes dang nyed du dang blon po dang snag? gi gnyen mtshams rnams la yang ma yin/ dge sbyong dang bram ze rnams la yang gong du 'gro ba dang/ skal pa can du 'gyur ba dang/ rnam par smin pa bde ba dang/ phyi ma la mtho ris su 'gyur ba'i sbyin pa dag dus dus su sbyin par mi byed pa yin te/ khyim bdag de ni 'dod pa la longs spyod dang po ste/ 'jig rten na yod pa yin no/ /gzhan yang 'di na 'dod pa la longs spyod pa kha cig chos ma yin pas bab col du longs spyod pa dag bsgrub par byed de/ des chos ma yin pas bab col du longs spyod pa dag bsgrubs nas kyang bdag dang nye du dang snag gi gnyen mtshams kyi bar dag kyang legs par bde bar tshim par byed la/ dge sbyong dang bram ze dag la yang dus dus su mi byed ces bya ba'i bar du snga ma bzhin te de ni gnyis pa'o/ /gzhan yang 'di na 'dod pa la longs spyod pa kha cig chos ma yin pas bab col du longs spyod dag sgrub par byed de/ des chos ma yin pas bab col du longs spyod dag bsgrubs nas kyang bdag dang nyid du dang snag gi gnyen mtshams kyi bar dag kyang legs par bde bas tshim par byed la/ de dge spyod dang bram ze dag la yang dus dus su byed ces bya ba'i bar du snga ma bzhin te de ni gsum pa'o/ /chos ma yin pas gsum ji lta ba de bzhin du chos dang chos ma yin pas bab col dang bab col ma yin pas kyang gsum mo/ dag de la bye brag ni 'di yin te/ gzhan yang 'di na 'dod pa la longs spyod pa kha cig chos dang chos ma yin pas bab col dang bab col ma yin pas longs spyod dag sgrub par byed de/ de chos dang chos ma yin pas bab col dang bab col ma yin par longs spyod dag bsgrubs nas kyang bdag kyang mi byed do zhes bya ba la sogs pa snga ma bzhin du sbyar ro/ /de bzhin du chos kyi bab col ma yin par zhes bya ba gzhan gsum mo /de la dgu pa'i bye brag ni 'di yin te/ phyi ma la mtho ris su 'gyur ba'i bar du brjod nas/ longs spyod de dag la chags pa dang zhen pa dang/ mdud pa bor ba dang/ brgyal pa dang/ lhag par chags pa dang/ lhag par chags par gyur pa dang/ nyes dmigs su mi lta ba dang/ nges par 'byung ba mi shes par yongs su spyod pa'o/ /bcu ba yod dgu pa dang 'dra' bye brag ni longs spyod de dag la yang ma chags pa dang/ nges par 'byung ba shes pa'i bar gyi yongs su spyod pa yin no zhes gsungs so/ /sems can dmyal ba'i phung po dang/ sa bon dang 'bras bu bsdus pa rnams dang zhes bya ba la sogs pa la/ gal te sems can dmyal bar 'gro ba'i las kyi sa bon de yang sems can dmyal pa'i 'gro ba yin na ji ltar 'gro ba 'dres par mi 'gyur zhe na/ mi 'gro ba gang yin pa de kho na dang/ de'i las tha mi dad do zhes sus smras/ kun tu 'byung ba tsam gyiS 'dres pa ni mi 'dod de/ gzugs dang gzugs med pa'i snyoms par 'jug pa dang/ de'i sa bon yang 'dod pa na spyod pa nyid yin par thal bar 'gyur ba'i phyir te/ de lta bas na 'gro ba 'dren par 'gyur ba med do/ /sham zhes bya ba ni du'i dkris ma'o/ /skye mched drug las gang yang rung ba dag skye pa zhes bya ba ni ngan song rnams ni skye mched gnyis sam gsum la sogs pa yod pa la bya'o/ /thur du mi ltung ba'i rgyu yin pas zhes bya ba la/ rgyu'i don ni gzhi'i don yin par ston to/ / 'jig? snod ces bya ba ni sha sbrang dang sbrang bu mchu rings la sogs pa dag go / ched du byas pa zhes bya ba ni lus kyis mngon par 'du byed pa las byung ba yin pa'i phyir ro/ /chad du byas pa ma yin pa zhes bya ba ni rnam pa gnyis te/ rnam grangs 'og ma gnyis dang ldan pa rnams so/ /yongs su gzung ba'i dngos po rnams ni rgyu'i rnam pa gzhi'i phyir rnam par gzhag ste/ las kyis 'ching pa'i rgyus ni bdag la sogs pa'o/ /de gso ba'i rgyu ni zhing gi dngos po la sogs pa'o/ /pha rol tu bde ba'i rgyu ni bsod nams bya ba'i dngos po'o/ /'di la bde ba'i rgyu ni las kyi mdza' la sbyor ba'i dngos po la sogs pa'o/ /yo byad rnams ni rnam pa gcig gis rnam par bzhag ste/ 'di lta ste mthar gyis bya ba'i phyir ro/ /yang rnam pa gnyis kyis phyir te/ gnas pa'i yo byed dang lta ba'i yo byad de/ gnyis dang lhag ma rnams kyis so/ /yang sdug bsngal rnam pa gsum gyi phyir te/ lhan cig skyes pa dang/ 'gro ba las byung ba dang/ 'dod pas phongs pa'o/ /de la 'gro ba las byung ba ni gzhon pa'o/ /rgyun mi? 'chad par rjes su spyad pa rnams ni nad? par nas brtsams te bya ba gang yin pa sde/ de yang rang gi bya ba dang gzhan dag la yang sbyor du gzhug par bya bas rnam par gzhag go /pa? car zhes bya ba ni ngo tsha ba'i gnas g.yog pa'o/ /de dang ldan pa zhes bya ba ni pa car la sogs pa dang ngo/ /smra ba zhes bya ba ni song nas dang po kho nar 'dzum pa'i bzhin gyis brgyan pa'i tshig brjod pa'o/ /gtan byed pa zhes bya ba ni bab col du smra ba'o/ /so sor mgu bar byed pa zhes bya ba ni legs par byon tam/ zhes smra zhing ri mor bya ba dang bcas pa'i tshig la sogs pa yongs su bskyod pas spro ba bskyed par byed pa'o/ /bag ma gtong ba dang bag ma len pa ni nyi ma bzang po rtogs nas yo byang sdud pa'o/ /lhag par za ba zhes bya ba ni so so na cher za ba'o/ /'dus shing za ba zhes bya ba ni gcig tu tshogs nas za ba'o/ /'phags pa yo byad bsnyungs pa can dang ldan pa zhes bya ba ni lus la sogs pa'i yo byad bsnyungs pa'i dgos pa dang ldan pa'i'o/ /sems kyi sgrib pa bsal bar bya ba'i gtam zhes bya ba ni sems la sgrib par byed pa'i las spang ba'i phyir nye bar gnas pa'i 'o/ /rgyas par mdo las ji skad 'byung pa bzhin no zhes bya ba ni 'di lta ste/ tshul khrims kyi gtam dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba'i gtam dang/ 'dod pa chung ba'i gtam mo zhes bya ba la sogs pa'o/ /nyes rtsom nyi shu rtsa gnyis kyi rnam par gzhag pa ni smad pa la 'jug pa ste/ de yang rgyu dang 'bras bu dang bcas par gyur pa dang/ rgyur gyur pa'o/ /de la rgyu dang 'bras bu dang bcas bar gyur pa yang rnam pa gsum ste/ ma thob pa'i yul rnams sgrub pa las byung ba dang/ bsgrubs pa rnams bsrung pa las byung ba dang/ bsrung pa nyams pa dang/ phrogs pa las byung ba rnams te/ tshig bzhi dang/ bzhi dang/ bcus bstan to/ /rgyur gyur pa yang lus dang ngag dang yid kyi bye brag gis rnam pa gsum ste/ de la yid kyi nyes rtsom ni g.yo byed pa dang sbya gang yin pa yang 'drid pa'i sgras bstan to/ /lus kyi sgyu dang g.yo las byung ba kho na yin te/ lus kyi las gang yin pa ni drag shul yin no/ /zhes bstan to/ /ngag gi ni rdzun zer ba'o/ /gzhal blugs la sgyu byed pa zhes bya ba ni kha cig na re karSha pa Na sgyu byed pa'i zhes zer ro/ /kha cig na re gzhal ba ni bre yin te/ gzhan bring pa'i phyir de'i dbyibs 'chos pa la bya'o zhes zer ro/ /sems can gyi ris drug cu rtsa bzhi ni sems can gyi bye brag kun nas nyon mongs pa dang/ rnam par byad pa dag tu rung ba rnams dang/ de de dag nyid la 'jug pa rnams dang/ rnam par byang ba kho na la 'jug pa'i bye brag rnam pa gsum las brtsams te/ rnam par bzhag go /de la dang po ni 'gro ba dang rigs rnam par bzhag pa dang/ sems can du rnam par brtags pa dang/ las kyi bye brag ste tshig bco lngas bstan to/ /gnyis pa ni kun nas nyon mongs pa dang rnam par byang ba de dag nyid kyi gzhi dang/ bya ba dang yang dag par blang ba dang/ 'bras bu dang/ bsdu bar gtogs pa'i bye brag las brtsams te tshig gnyis dang/ gnyis dang gsum dang/ gnyis pa/ gsum gyi bstan te/ /gsum pa ni sdom pa'i bye brag las te/ sdom pa rnam pa brgyad kyi phyir ni tshig bdun gyis so/ /lhag ma rnams kyis ni sdom pa can mchog gi rab tu dbye ba ston to/ /sdom pa can mchog gi rab tu dbye ba can yang bye brag rnam pa lnga'i phyir te/ dge ba'i phyogs kyi bye brag dang/ sdud par bya ba'i yul gyi bye phrag rag ba bstan pa la gnod pa dang/ phan pa'i bye brag dang/ lung rtogs pa'i bye brag dang/ mi'i lus thob nas 'jig rten pa dang/ 'jig rten las 'das pa'i mchog brnyed pa'i bye brag ste/ tshig gsum dang/ dgu dang drug dang bcu dang/ gnyis kyis bstan to/ /de la lung dang rtogs pa'i bye brag gis ni so so'i skye bo rnams dang/ 'phags pa rnams ji ltar rnam par bzhag ste/ rtog pa'i bye brag gis ni bden pa mthong ba rnams la sogs ba'o/ /'tsho ba rnams ni sha thang ba chen po dang/ 'bring dang chung dus 'tsho ba'i phyir rnam par bzhag go /yi ge zhes bya ba ni yig 'bru rnams so/ /grangs zhes bya ba ni gcig gnyis zhes bya ba re re nas bskyed pa la sogs pa'o/ /shod dgod pa zhes bya ba ni bgrad pa de nyid sa la 'god par byed pa'o/ /kha cig na re shod dgod pa zhes bya ba ni sdom pa gong du spar pa la bya'o zhes zer ro/ /rtsos zhes bya ba ni bskyed pa la sogs pa sdom pa'o/ /kun nas bsrung ba rnams ni gang gis gang bsrung ba dang/ grogs par yin pa de las brtsams te rnam par gzhag go / dbyung? bu chung ge tshogs zhes bya ba ni dmag mi'o/ /nor gyi stobs zhes bya ba ni mdzod do/ /sdug bsngal rnams ni rang las byung ba dang/ gzhan las byung ba dang/ chog mi shes pa las byung ba sdug bsngal las brtsams te rnam par gzhag go / nga rgyal rnam pa bdun ni pha rol dman pa dang/ 'bring dang/ ltag pa dang/ bdag med pa dang bla ma dang don pa'i chos rnams las brtsams te rnam par gzhag go /cung zad snyam pa'i nga rgyal ni lhag? pa la gzhug pa'o/ /rgyags pa rnam pa 'dun la bzhi ni skye ba dang/ rga ba dang na pa dang 'chi ba la so sor rtogs pa'i mi mthun pa'i phyogs so/ /lhag ma rnams ni nang dang phyi rol gyis bsgrubs pa'i chos la so sor rtogs pa'i mi mthun pa'i phyogs so/ /nang zhes bya ba ni phyi rol la bltos pa rnam par gcod pa'o/ /rang zhes bya ba ni nang dag gi rgyud gzhan dag gis rgyud gzhan dag rnam par gcod pa'o/ /yang na 'jig rten gyis 'di lta bu'o zhes gzung bar mi nus pa la bya ste/ /nyams su ma myong ba'i phyir ba dang/ rang gis rtogs pas gzhan gyis rnam par rtog pa yongs su bcad pa'i phyir ro/ /so sor rig pa zhes bya ba la sogs pa la/ so sor rig pa zhes bya ba la sogs pa'i tshig bzhin nyes pa rnam pa bzhi'i gnyen po yin te nyes pa rnam pa bzhi ni log par rtog pa'i nyes pa dang/ shes pa mnyam par ma bzhag pa'i spyod yul gyi nyes pa dang/ de kho na'i ngo bo'i bar du chod pa'i nyes pa dang/ lkog tu gyur pa'i nyes pa'o/ /tha snyad kyi gzhi mang po dag gang zhe na/ de dag ni nges pa'i tshig gi gzhi rnams zhes kyang bya zhes bya ba la sogs pa la/ nges pa'i tshig rnams zhes bya ba ni don dang mthun pas ming du btags pa'i phyir ro/ /spros pa'i gzhi rnams zhes bya ba mi 'jig rten gyi tha snyad rab 'byams sna tshogs kyi gzhi yin pa'i phyir ro/ /don bsdus pa'i gzhi rnams zhes kyang bya ste zhes bya ba las zhes bya ba'i sgras ni thams cad bsdus pa yin/ dbang po zhes bya ba la sogs pa drug gis ni gnyis gnyis kyis so/ /gzhi'i tshogs de dag kyang bstan pa ni gcig gis so/ /bshad pa ni lhag ma rnams kyis te/ de yang byang chub sems dpa' 'dul ba dag la 'jug pa las brtsams pa yin no /'dul ba de dag la rnam pa gnyis te/ mu stegs can rnams dang/ de las gzhan par go /de la byang chub sems dpa' mu stegs can rnams dang lhan cig tu bya ba dang/ bdag la sogs pa'i dngos po gang la rnam par nges par bya ba dang/ gnang ba la sogs pa gang thob pa dang/ spang bar bya ba dang/ rnam par dbye ba bdun po gang gis tshig mngon par 'du bya ba dang/ gdags pa zhes bya ba la sogs pa gang gis don nges par bya ba de ston to/ /gdags pa zhes bya ba ni ming du gdags pa la bya'o/ /de las gzhan pa yang khyim pa dang/ rab tu byung ba'o/ /de la khyim pa ni rigs kyi 'du shes la sogs pa de dag gis don rnams ji ltar yang dag par sgrub par byed pa dang pha dang ma la sogs pa ngag yongs su bzung ba'i phyir gang gi don du yang dag par sgrub pa dang/ de yongs su gzung ba'i nyes pa 'khor ba yun ring du skye ba zhes bya ba la sogs pa nas/ rgud ba zhes bya ba'i mthar thug pa'i bar de dag nyams su myong bar 'gyur bas na/ byang chub sems dpa' de dag de la skyo bar bya ba'i phyir ston par byed do/ /rab tu byung ba yang ji ltar rab tu byung ba'i don rnams yang dag par sgrub par byed pa de ltar byang chub sems dpas ston par byed de/ rab tu byung ba'i don ni bslab pa gsum mo/ /de la lhag pa'i tshul khrims dang/ ting nge 'dzin ni mngon du 'ong ba zhes bya pa la sogs pa nas/ spros pa med pa rnams zhes bya ba'i mthar thug pa'i bar dag gis bstan to/ /shes rab ni bsgrub par bya ba dang/ sgrub pa'i rigs pa ji lta ba bzhin du go bar byed pa gang yin pa ste/ de ni nyams stobs zhes bya ba la sogs pa dang/ 'dres pa zhes bya ba la sogs pa nas/ bsgrags pa rnams zhes bya ba'i mthar thug pa'i bar gyis bstan to/ /yang khyim pa de'i don yang dag par sgrub pa ni dgos pa zhes bya ba la sogs pa'i tha snyad gang yin pa de dog ste/ de ltar tha snyad kyi rtsor pa byung ba la/ 'jig pa med pa zhes bya ba la sogs pa sgrub pa gang yin pa de la tshe? 'di'i nyes dmigs bsang pa dang bcing ba zhes bya ba la sogs pa nas/ rnyog pa can zhes bya ba'i mthar thug pa'i bar gang yin pa dag 'byung bas na de bzlog pa'i phyir de dag la ste ston par byed do/ /gnas zhes bya ba ni dran pa can la sogs pa'i khyim pa la bya'o/ /yang byang chub sems dpa' de gang gi mthus rnam par gtan la 'bebs par byed pa dang/ chos kyang ston par byed pa'i yid ches pa'i lung dang/ rjes su dpag pa de dag ni mjug tu bstan te/ de ltar na ji ltar sems can gyi don bya ba dang gang gi mthus bya ba de dag mdor bsdus te bston to/ /bsdu ba'i tshigs su bcad pa ni/ mu stags khyim pa dge slong la/ /byang chub sems dpa' i bshad pa ni/ /ji ltar gang gi mthu yin pa/ /de dag bstan bcos tshig gis bshad/ /ngo bo nyid la sogs pa las bar gyi rnam pa lnga po de dag ni zhes bya ba la sogs pa'i sgras ni gnas dang dmigs pa dang/ grogs rnams bsdu'o/ /de las gzhan pa btags pa'i yod pa'i chos rnams ni zhes bya ba la kha cig na re 'dus ma byas kyang btags pa'i yod pa yin no zhes zer ro/ ma gtogs so zhes bya ba ni byung ba'o/ /de dag dbyung ba ni gzugs can yang ma yin gzugs can ma yin pa yang ma yin pa la sogs pa'i mtshan nyid las skabs de'i rtsam pa 'byung ba'i phyir ro zhes bya ba sbyar ro/ /yang na rang nyid kyis kyang 'di ltar zhes bya ba la sogs pas sbyor bar byed de/ 'dir ni phyi dang nang gi dngos po rnams ni dang po kun gzhi rnam par shes pa'i sa bon las mngon par 'grub ste/ gzugs med pa nas shi 'phos nas 'dod pa'i lha rnams su skye ba na/ gzugs mngon par 'grub pa nyid sa bon gyi gzhi yin par de gsal ba'i phyir ro/ /ji skad du rnam par gtan la dbab pa bsdu ba las/ 'byung pa'i gzugs ni rgyur byas pa'i gzugs rnams kyi sa bon dang ldan pa yang yin la/ rang gi sa bon dang ldan pa dbang yin no/ zhes bya ba la sogs pa'i gzhung gis 'byung ba rnams ni dang po nyid nas gnyi ga'i sa bon dang ldan pa yin la/ sems dang sems las byung ba rnams kyang sa bon thams cad pa nyid du ston te/ /don thams cad du yang rjes su 'jug pa'i tshul las bsamS pa yin te/ 'di ltar kun bzhi rnam par shes pa rnam par ma bzhag pa la spros pa dang bcas pa'i dbye ba bstan pa'o/ /rnam par rig pa tsam du smra ba dag gis smras pa/ skad cig pa'i gzugs thams cad ni kun gzhi'i sa bon las byung ba kho na yin te/ de lta bur snang ba'i sems skye ba'i phyir ro/ /gang gang dag sems ni 'bru la sogs pa dag gi bdag po'i rkyen tsam du zad kyi rgyu'i rkyen ma yin no/ zhes zer ba de dag gis ni de las kun gzhi rnam par shes pa'i seMs can gyi 'jig rten 'grub pa'i rtsa ba yang yin te/ rten dang bcas pa'i dbang po rnams dang 'jug pa'i rnam par shes pa rnams skyed pa yin pa'i phyir ro/ /snod kyi 'jig rten 'grub pa'i rtsa ba yang yin te/ snod kyi 'jig rten skyed par byed pa yin pa'i phyir ro zhes bya ba la sogs pa'i gzhung de ma mthong pa yin no/ /de skyed pa sngon du 'gro ba'i phyir zhes bya ba ni 'byung ba chen po rnams 'byung ba ni de skyes pa yin no/ /de ni rgyur byas pa'i gzugs kyi sngon du 'gro ba yin te/ de yod na rgyur byas pa'i gzugs rnams 'byung ba'i phyir ro/ /'dir 'dus pa ni snga phyi med mod kyi rgyu dang 'bras bu la ni snga phyi yod do/ /yang na dus la yang snga phyi yod de/ 'dir 'byung ba ni rgyur byas pa'i gzugs med na mi 'byung ngo zhes bya bar nges pa med pa'i phyir ro/ /'di ltar rgyur byas pa'i gzugs skyes pa de 'byung ba'i phyogs dang tha dad? med par gnas pa'i phyir ro zhes bya ba ni 'byung ba rnams dang nam mkha' yul gcig pa'i phyir ro/ /thogs pa dang bcas pa dag ji ltar lhan cig na gnaS par rung zhe na/ 'o na lha bar mdo'i srid pa'i gzugs dang seMs mtshungs pa'i lha rnams dang/ lha'i bu lag brgyud kyi thogs pa dang bcas pa'i gzugs kyang ji ltar lhan cig gnas par rung ste/ de'i phyir skyes pa'i phra ba yin par 'dod par bya'o/ /da ni rnam par gtan la dbab pa bsdu pa las phra ba nyid ni rnam pa gsum ste/ gsal bas phra ba nyid dang/ skyes pa phra ba nyid dang/ dbang bsgyur ba phra ba nyid do zhes 'byung bas de las gzung bar bya'o/ /gzugs 'dus pa la yang rdul phra rab ni rnams kyang skye bar mi 'gyur te zhes bya ba la sogs pa ni rdul phra rab ni re re nas 'byung bar mi 'gyur te/ don med pa'i phyir ro/ /gal te byung nas sbyor bar byed na ni cha shas can du thal bar 'gyur ro/ /rdul phra rab ni blos tshad kyi mdza' yongs su bcad pa las 'dogs par zad de zhes bya ba ni 'dus pa la 'byed par byed pa na de dpogs par 'gyur te/ bshig nas rab kyi mthar phyin te gcad pa la sogs pa'i spyod yul las shin tu 'das pa gang yin pa de ni rdul phra rab ces bya ste/ blos yongs su bcang nas rnam par gzhag par bya ba 'ba' zhig tu zad do zhes bya ba'i tha tshig go /rdul phra rab kyang phyogs dang bcas pa yin te zhes bya ba la/ phyogs ni dpag tu rung ba bya ste/ de yod pa'i phyir phyogs dang bcas pa zhes bya bar zang kyi cha shas kyi phyogs dang bcas pa ni ma yin no/ /yang kha cig na re 'dus pa rnams 'du ba'i phyir rdul phra rab kyang phyogs dang bcas pa yin te zhes smos so zhes zer ro/ /de ltar cha shas dang bcas pa nyid du brjod par nus par 'gyur ro/ /yul lhan cig pa ni yul 'dab chags pa yin te/ 'di ltar yul gyi rnam pa gang yang rung ba zhing? bzung na/ lhag ma yang de'i rang bzhin lta bur gnas pa'i phyir te/ de'i phyir rdul phra rab rnams kyi 'dus pa bskyed pa ni ma yin no zhes bya ba smos so/ /rgyur byas pa'i gzugs thams cad kyang zhes bya ba ni 'byung ba dang 'byung ba las gyur pa 'dus pa la rgyur byas pa'i gzugs gang dag gnas pa la bya'o/ /rgyur byas pa'i gzugs gang 'byung ba dang tha dad bar 'jug pa yang la la yod do/ /dper na mar me dang rin po che snang blta bu'o/ /'on ji ltar de dag 'byung ba chen po dag gis skyed pa yin no zhes bya zhe na/ mar me dang rin po che yang 'byung ba chen po dag la brten nas 'byung ba'i phyir ro/ /de nyid kyi phyir 'byung ba chen po rnams ni 'byung ba chen po zhes bya ste zhes bya ba la/ /chen po zhes bya ba ni gzhan gyi gnas sbyin par byed pa la bya ste/ 'jig rten na yang rnam pa de lta bu la chen po zhes zer ba'i phyir ro/ /gzugs 'dus pa de dag kyang mdor bsdu na rdzas rnam pa bcu bzhi yod de zhes bya ba la/ dkar ba nyid la sogs pa dag ji ltar rdzas su yod ce na/ de'i gnas skabs kyi bye brag thob pa'i 'byung ba chen po de dag nyid lhag bar gyur pa'i 'byung ba chen po dag las logs shig tu bgrang ba'i phyir ro/ /yod kyi spyod yul gyi gzugs nyid ma gtogs so zhes bya ba ni de 'dus bar gnas ba ma yin pas 'dir mi bgrang ngo/ /ji skad bstan pa'i rdzas thams cad kyi khams dang ldan no zhes bya ba ni sa la sogs pa'i rdzas ji skad bstan pa thams cad kyi sa bon rnams de la yod do zhes ston to/ /lus kyi dbang po ni ci rigs su brjod par bya'o/ /ji lta bar dbang po gzugs can gyi gnas 'byung ba che pos bsdus pa yang de bzhin no zhes bya ba ni de dbang po dang spyi gcig pa'i phyir ro/ /de bas? na rnam par gtan la dbab pa bsdu ba las dbang po gzugs can gnas dang bcas pa gang yin pa dang/ rnam par shes pa gang yin pa de gnyis ni mdor na sa bon thams cad pa zhes bya'o zhes 'byung ngo// d e las gzhan pa'i 'dus pa ni dbang po gzugs can rnams ma gtogs par de las gzhan pa'i khams dang ldan no zhes bya ba ni rgyur byas pa'i gzugs ni rang gi sa bon dang ldan pa yin gyi 'byung ba'i gzugs ni rang dang rgyur byas pa'i sa bon dang ldan pa yin te/ ji ltar mthun pa bzhin du sbyar ro/ /de bas na 'og nas kyang 'byung ba chen po'i gzugs ni sa bon gnyis dang ldan pa yin te/ 'byung ba chen po'i sa bon dang rgyur byas pa'i gzugs kyi sa bon dang ldan no zhes 'byung ngo/ /de la mtshan nyid kyis bsdu bas/ rdzas bcu bzhi po de dag tu gyur to zhes bya ba ni rang gi mtshan nyid las 'dus pa yod pa gang yin pa'o/ /rang gi mtshan nyid la mig gi 'dus pa la rdzas bcu bzhi po dag med pa ma yin nam zhe na/ 'di ni 'dus pa spyir bstan pa yin no/ /dbye na mig la ni sa la sogs pa dang/ lus dang/ mig gi dbang po dang/ yul yang ci rigs pa dag yod par sbyar ro/ /gzhan dag la yang de bzhin du sbyar ro/ /lus la ni kha cig tu mig la sogs pa dbri bar bya'o/ /'di lta ste rdo dang zhes bya ba la sogs pa la/ gal te rnga la sogs pa la chu med na 'dus pa sus byas she na kha cig na re'i chu'i khams kyis bsdu ba byas te 'gag sa na shugs gnas pa de lta bu'i gnas skabs su 'dug go zhes zer ro/ /de la re zhig rang gi mtshan nyid las chu med kyang bya ba byed pa'i phyir de bzhin du skyes shing de bzhin du byung bar gyur te/ /yang na gang la chu med pa de las bsags shing 'dus pa mi 'byung ngo zhes bya ba de yang ci'i phyir/ rlung gi dkyil 'khor rdul dang bcas pa 'am zhes bya ba la/ ji ltar na 'byung ba las gyur pa 'dus pa gcig bu yin zhe na/ rdul ni de la sbyor ba'i phyir yul gcig na tha mi dad pas na de ni 'dus pa yin par mi bgrang ngo/ /de ltar na gang la gang dmigs pa de ni de'i mtshan nyid kyis yod la/ bya ba ni rang gi mtshan nyid kyis so/ /sgra ni gzugs 'dus pa thams cad la khams kyis tshul gyis yod do zhes bya ba ni 'byung ba dang 'byung ba las gyur pa nyid kyang 'dus pa yin mod kyi/ 'byung ba rnams la sgra'i khams yod kyi 'byung ba las gyur pa rnams la ni med do/ dkyil 'khor na rgyu ba zhes bya ba ni zla ba la sogs pa'i gzhal med khang dag ded pa gang yin pa'o/ /nam mkha' i khams zhes bya ba ni nang dang phyi rol na yod par bstan pa'i phyir 'dus byas yin no/ /mun pa'i gzugs dang/ snang ba'i gzugs zhes bya ba ni zag pa dad bcas pa ste/ spang bar bya ba yin par gsungs pa'i phyir ro/ /de'i phyir bcom ldan 'das kyis kyang mdo sde nyid las gang gi tshe 'di'i sems khams lnga po dag las 'dod chags dang bral zhing rnam par grol bar 'gyur ba de na 'di'i rnam par shes pa 'ba' zhig lus pa yin no zhes gsungs so/ /khong stong zhes bya ba ni snang ba dang mun pa'i gzugs de nyid kyi rnam grangs yin no zhes mdo las gsungs so/ /de yang sna la sogs pa'i spungs gang yin pa la bya'o/ /gang dag sna la sogs pa dang 'brel pa ni khong stong kho nar 'dod la/ grib ma la sogs pa'i dus ni nam mkha' yin par 'dod pa de dag ni ji skad gsungs pa dang 'gal lo/ /snang ba dang mun pa de yang kha dog shas che ba'i 'dus pa yin par lta bar bya'o zhes bya ba ni thams cad la ma yin pa'i phyir te/ mar me dang nye ba gang yin pa de ni me'i khams yod kyi/ ring ba de na ni de'i snang ba tsam kho nar zad do/ /kha cig na re zla ba nyi ma la sogs pa dag la yang chu'i khams la sogs pa dag yod do zhes zer ro/ /kha cig na re de la yod kyang bar mdo'i srid pa 'byung ba bzhin du skyes pa phra ba'i phyir mi dmigs so zhes zer ro/ /de dang 'dra ba'i rkyen yod pa las zhes bya ba ni 'dus pa chung ngu la sogs pa de dang de 'byung bar nus pa gang yin pa'o/ /sra ba nyid gang zhe na/ sa'o zhes bya ba la sogs pa ni skabs su bab pas mtshan nyid kyi mdo sde'i dum bu brjod pa yin no/ /tshig gzhan brjod pa ni don gyi de kho na gtan la dbab pa'i phyir ro/ /sra bar gyur pa gang zhe na/ de'i sa bon gang yin pa'o zhes bya ba ni sa'i khams kyi sla ba nyid 'byung ba'i phyir kun gzhi rnam par shes pa la gnas pa'i sa bon la bya'o/ /sra bar gyur pa ni skra la sogs pa 'am zhes bya ba ni gyur pa'i skra'i bye brag gi rnam grangs yin pa'i phyir te/ skra la sogs pa ni sa'i bye brag yin pa'i phyir ro/ /zin par gyur pa gang zhe na/ /zin pa nang gang yin pa'o zhes bya ba ni kun gzhi rnam par shes pas grub pa dang bde ba gcig tu zin pa'i phyir ro/ /yang sems dang sems las byung ba rnams kyis sa bon zin par gyur ba ni mtshan nyid zin pa yin no zhes bya ba ni kun tu zin pa ste/ de dag gi sa bon gyi gzhi yin pa'i phyir ro/ /de dag tu khas len pa'i phyir ro zhes bya ba ni bdag go /'di ni nga'i bdag ga zhes bdag gir byed ba'i phyir ro/ /chu'i khams la sogs pa la yang de bzhin du ci rigs par blta bar bya'o zhes bya ba ni chu dang gsher bar gyur pa la sogs pa dog / de la bsags pa las byung ba ni rnam pa gnyis te zhes bya ba la/ bsags pa las byung ba'i tshig gnyis ni rdzas mang po las gyur pa dang/ shin tu gsal ba las gyur pa yin no/ /de la gzugs ni gnyis so/ /de las gzhan ba 'og nas 'byung ba dag ni 'og mas so/ /'gyur ba'i rgyu mthun pa las 'byung ba zhes bya ba ni mi 'dra ba las byung ba'o/ /rang bzhin gyis rgyu mthun pa las zhes bya ba ni 'dra ba las byung ba'o/ /rnam par smin par skyes pa zhes bya ba ni kun gzhi rnam par shes pa dang/ de dang mtshungs par ldan pa rnaMs so/ /rnam par smin ba las skyes pa zhes bya ba ni mig gi rnam par shes pa la sogs pa dag go /de la zhes bya ba ni 'dir dngos po rnam pa lnga gnas gsum gyis bsdus pa de nyid la zhes bya bar sbyar ro/ sems thams cad du zhes bya ba ni dge ba dang/ mi dge ba dang/ lung du ma bstan ba'o/ /thams cad ma yin pa zhes bya ba la/ 'dir de'i don ni gang gi tshe 'dod ba? tsam la 'byung ba de'i tshe gzhan dag mi 'byung la/ res 'ga' ni gnyis/ ris 'ga' ni gsum 'byung gi / thams cad ngas par 'byung ba ni ma yin par blta bar bya'o/ /sa thams cad pa yin te zhes bya ba ni 'dod pa dang/ gzugs dang/ gzugs med pa dang/ zag pa med pa'i sa pa yin pa'i phyir ro/ /thams cad kyang ma yin zhes bya ba ni dang pa la sogs pa dag ste/ gang gi phyir yon tan mngon du byed pa'i tshen dad pa skye ba'i phyir dang/ ngo tsha shes pa la sogs pa dag kyang so so nges pa'i phyir ro/ /sa thams cad pa yang ma yin zhes bya ba ni 'dod chags la sogs pa ni zag pa med pa'i sa la med pa'i phyir sa thams cad pa ma yin no/ /thams cad du 'byung la zhes bya ba ni dge ba la sogs pa dag la'o/ /yul snang bar gyur pa ji lta bu yin zhe na zhes bya ba la sogs pa la/ dmigs pa rnam pa drug ste/ dang po ni sems can dang snod kyi 'jig rten du rtags pa'i gzugs so/ /gnyis pa ni mtshan nyid dang/ bya ba dang/ gnas skabs kyi bye brag gis rnam pa gsum ste/ de la gzugs kyi mtshan nyid kyi bye brag ni sngon po dang/ ser po dag la sogs pa dag go /bya ba'i bye brag ni rnam par rig byed dang/ rnam par rig byed pa yin pa'o/ /de dag gi bye brag gis yod pa'i phyir de nyid gnas? skabs kyi bye brag gi yin te/ yid du 'ong ba dang/ yid du mi 'ong ba la sogs pa dag go /de bzhin du sgra la sogs pa dag la yang ci rigs su sbyar bar bya'o/ / gsum pa ni shar la sogs pa'i phyogs rnams so/ /bzhi pa ni 'das pa la sogs pa'i skye brag go /lnga pa ni yang dag pa dang yang dag pa ma yin par gzung ba'i bye brag go /drug po ni dngos po mdza' dag gi phyogs cig tu gzung ba'i bye brag gis so/ sgrib g.yogs kyis sgrib pa zhes bya ba ni gos la sogs pas so/ /mi snang bar byed pa zhes bya ba ni gsang sngags dang sman la sogs pas so/ /zil gyi non pa zhes bya ba ni dper na nyi ma'i 'od zer rnams kyis skar ma dag bzhin no/ /mig slu bar byed pas ma bsgribs shing zhes bya ba ni rdzu 'phrul dang gsang sngags la sogs pa dag gis so/ /chung dus bskal ba zhes bya ba ni ma bsgribs kyang skye ba po phra mo la sogs pa dag lta bu'o/ /gang du rjes su chags pa der zhes bya ba ni yul mang po 'dus pa yod kyang gang 'dod par ro/ /gang du shin tu mtshan mar gzung ba zhes bya ba ni yang dang yang du 'dzin pa'i phyir ro/ /yang na shas cher 'jug pa la bya'o/ /shin tu rab tu bkra bar bzung ba dang zhes bya ba ni rnam pa mang pos 'dzin pa'i phyir ro/ /ches cher yid du 'ong ba 'am zhes bya ba la/ 'am zhes bya ba'i sgras ni yid du mi 'ong ba bzung ngo/ /shin tu 'dris shing zhes bya ba ni brdas gom shing 'dris par gyur pa'o/ /shin tu yongs su 'dris par gyur ba zhes bya ba ni dbang po'i sgo nas yongs su 'dris pa'o/ /yang na brdas 'dzin pa la goms pa'o/ /de lta ma yin na zhes bya ba ni gal te rgyu bzhi po de dag med par gyur na'o/ /dmigs pa gcig la rtag tu yid la byed pa rnam pa gcig pu 'byung bar 'gyur ro zhes bya ba ni gzhan la 'byung ba'i rgyu med pa'i phyir dmigs pa dang po kho na rgyu nye bar gyur ba'i phyir ro/ /rnam par shes pa'i tshogs lnga'i skad cig gnyis lhan cig tu 'byung ba yang med la zhes bya ba ni mig gi rnam par shes pa'i skad cig gi mjug thogs su mig gi rnam par shes pa 'byung ba med pa la bya'o/ /phan tshun gyi mjug thogs su phan tshun 'byung bar 'gyur ba yang med do zhes bya ba ni mig gi rnam par shes pa'i mjug thogs su rna ba'i rnam par shes pa la sogs pa 'byung ba med pa la bya'o/ /yang kha cig na re de dag gi mjug thogs su mig gi rnam par shes pa yang 'byung ngo zhes zer ro/ /yang kha cig na re lhan cig tu 'byung ba yang med pa? zhes bya ba ni mig gi rnam par shes pa'i skad cig gnyi ga cig char 'byung ba med par bstan pa yin no zhes zer ro/ /yang kha cig na re lnga po dag cig car du 'jug pa med ba'i don zhes zer ro/ /phan tshun gyi mjug thogs su phan tshun du 'byung bar 'gyur ba med do zhes bya ba la sogs pa gang smras pa des ni rigs mthun pa rnams mjug thogs su 'byung ba dgag par byed do zhes zer ro/ / yid kyi rnam par shes pa nges par 'byung bar 'gyur ro zhes bya ba ni yul yongs su tshol bar byed pa'i sems kyi rgyud kyi bsam pa yin pa'i phyir ro/ /nges pa ni dus gzhan na yang mi 'byung ste/ de'i 'byung ba ni brda la sogs pa gsal bar nyams su myong ba la rags las ba yin pa'i phyir ro/ /de la yid kyi rnam par shes pa la ni rgyu gnyi gas 'byung ngo zhes bya ba ni yid kyi rnam par shes pa gnyid log pa la sogs pa'i gnas skabs dag na ni sngon gyi 'phen bas 'byung ngo/ /de dag ni rnam par mi rtog pa'i phyir ro zhes bya ba ni 'di ltar tshul bzhin ma yin ba'am/ tshul bzhin gyi mtshan ma bzung na 'dod chags dang/ dad pa la sogs ngag 'byung ste/ /lus las kyang/ drug pa bdag po rgyal po ste/ /chags par gyur na chags can yin/ /ma chags chags can ma yin te/ / chags na byis par brjod pa yin zhes bya ba la sogs pa gsungs pa lta bu'o/ /gang sems cig gam zhes bya ba ni mdo sde dag la sems gcig skyed pas bde 'gror 'gro'o zhes bya ba la sogs pa gsungs pa la bya'o/ /de'i phyi ma rnam shes bya ba ni bstan bcos las sems gnyis sam gsum gyis mngon par rtogs so zhes ji skad bshad pa la bya'o/ /chig gcig la brten nas dngos po gcig la dus ji tsam gyis rnam par rig pa 'byung ba de tsam la sems gcig cos? bya ba ni ji skad du bcom ldan 'das kyis bde bdag gsheD? pa ni ston pa'o/ /bde bar gshegs pa ni ston pa'o zhes de ltar sems bskyed par byed do zhes gsungs pa lta bu'o/ /de la bde bar gshegs pa ni ston pa'o zhes bya ba de ni tshig gcig yin te/ de la brten nas don ? pa de'i tshig 'dis yongs su bstan to zhes dus ji tsam gyis 'byung ba de ni rnam par rig byed gcig brjod pa 'bras bu yin pa'i phyir ro/ /de dang 'dra bar rgyu ba de la yang gcig ces bya'o zhes bya ba ni dpe de kho na la nges pa gang yin pa'i 'og tu rigs mthun pa kho na 'byung ba la bya'o/ /ting nge 'dzin la sogs pa gzhan la yang de bzhin no/ /de la yid kyi rnam par shes pa rtsol ba med cing rnam par g.yengs bar gyur pa zhes bya ba ni dmigs pa gzhan la glo bur du 'jug pa ste/ des na 'dun pa la sogs pa med par ston te/ rtsol ba'i rgyu'i gtso bo ni 'dun pa yin pa'i phyir ro/ /dmigs pa ma 'dris pa zhes bya ba 'dis ni dran pa dang goms pa dag med par bstan pa yin no/ /yang na 'das pa nyams su myong ba'am/ lan cig nyams su myong ba gang yin pa de ni ma 'dris pa zhes bya'o/ /'dun pa la sogS pa mjug pa med do zhes bya ba ni so sor nges pa lnga po de dag ni 'dod pa la sogs pa'i yul la 'byung bar nges pa yin pa'i phyir ro/ /yid kyi rnam par shes pa de ni nye bar gnas pa las 'byung ba zhes brjod par bya ste zhes bya ba ni don la rag pa tsam las las gzhan mi byed pa'i phyir ro/ /'das pa la dmigs pa kho na'o zhes bya ba la/ kha cig na re nye bar gnas pa las byung ba de nyid ni ma 'ongs pa la dmigs pa ma yin te/ de ni thos pa la 'dris ba yin pa'i phyir ro/ /gzhan du na de la rnam par shes pa skye bar mi 'gyur ro/ /da ltar byung ba la yang dmigs pa yang ma yin te/ de ni mig la sogs pa'i sgo nas/ so so rang rig pa la sogs pa dag la 'byung ba'i phyir de la rtsol ba gdon mi za bar yod do zhes zer ro/ /yang kha cig na re gzhan gyis byin gyis brlabs kyis blo bur du pha rol gyi sems la sogs pa mthong ba la 'dun pa la sogs pa med par yang da ltar byung ba la sogs pa la dmigs nas nye bar gnas pa las byung ba yod pas/ de'i phyir bshad pa de ni bzang po ma yin no zhes zer ro/ /yang kha cig na re 'das pa la dmigs pa kho na'o zhes bya ba de ni 'og ma dang sbyar bar bya ste/ 'das pa la dmigs pa yin yang/ da ltar gyi yul can kho na'o zhes bya ba ni rgyu gzhan gyi phyir ro zhes bya ba'i don to zhes zer ro/ /rnam par shes pa'i tshogs lnga po dag gi mjug thogs su byung pa'i yid tshol ba pa ma nges pa ni zhes bya ba la/ kha cig na re tshol ba ni 'khor lo dang po la'o/ /des pa ni gnyis pa la sogs pa dag la'o zhes zer ro/ /kha cig na re de lta na nges pas 'khor lo dang po spangs par 'gyur bas de'i phyir/ mjug thogs zhes bya ba'i sgra ni nye ba'i don la bya'o zhes zer ro/ /yang kha cig na re/ mjug thogs zhes bya ba'i sgra ni tshol ba pa kho na'i don du byas pa yin gyi nges pa dang 'brel ba ni med do zhes zer ro/ /de lta na bye brag gi 'bras bu med pa yin te/ gzhan du na bye brag 'byung ba med pa'i phyir chu skyar dkar mo bzhin no/ /yang na gang yang rung ba'i 'khrul pa yod pas bye brag gi sbyor ba byas so/ /de ltar gyi yul can kho na zhes bya ba'o zhes bya ba ni de dang 'dra ba la de nyid do zhes rgyun gcig tu byed pas da ltar gyi nyid do/ /kho na zhes bya ba'i sgra ni gal te na de ni 'das pa la dmigs pa zhes bya ba yang yin pa'i phyir ro/ /de la rnam par shes pas ni dngos po mdza' dag gi mtshan nyid rnam par shes par byed do zhes bya ba ni char dbye ba ma byas par rnam par shes pas ni bye brag med par yul mdza' dag gzuD kyi gzugS brnyan shes par byed pa'i phyir ro/ /de nyid rnam par ma gyur pa ni zhes bya ba ni don de la rnam par shes pa 'jug pa ni yid la byed ba la rag las pa'i phyir ro/ /rnam par sjes bar bya ba'i mtshan nyid ces bya ste zhes bya ba ni mthun mong ma yin pa'i bye brag gang giS yul rnam par shes pa'i spyod yul du 'gyur ba'o/ /de ni yid la byed pas rnam par shes par byed do zhes bya ba ni yid la byed pas de'i rnam par shes par bya ba de gzung nas dngos po rung ba la sems gtong par byed pa'i phyir ro/ /de ltar 'dzin pa'i rnam pa brjod pa 'di na rtogs sla bar 'gyur bas de ltar brtags pa yin na/ /dus mnyam pa yang de ni rnam pa de lta bu kho nar blta bar bya'o/ /btsun pa rengs byed la sogs pa dag yid la byed ba ni med pa kho na yin no zhes zer ba de yang rigs pa ma yin te/ yul gzhan la gtod pa'i tshe na de'i nus pa mthong ba'i phyir ro/ /de dag gis smras pa tshogs pa nyid sgrub par byed pa yin no zhe na/ bden te tshogs pa de nyid kyang yid la byed pa med par ni med do/ /bcom ldan 'das nyid kyis kyang de dang 'byung ba yid la byed ba nye bar gnas par ma gyur na zhes bya ba la sogs pa gang gsungs pas 'dir lan btab pa yin no/ /de ni rnam par shes pa'i tshigs lnga dang ldan pa'i sa bshad pa'i skabs su yang rdzas gzhan du bstan pa yin no/ /de nyid la reg bas rig pa gang yin pa de ni sdug pa dang mi sdug pa dang gnyi ga las bzlog pa'i mtshan nyid do zhes bya ba la/ yul sdug pa la sogs par 'dzin pa'i rnam pa ni reg pa'i rang gi mtshan nyid yin no/ /sdug pa nyid la sogs pa de dag gi bye brag gzhan du bzung ba gang yin pa de ni tshor ba'i gzung ba yin te/ dper na za ba bos yid du 'ong ba nyid du 'dzin pa de lta bu ni reg pa yin no/ /ji ltar de nyid yid du 'ong bas drangs nas yul de myangs bar gyur ba de lta bu ni reg pa las byung ba'i tshor ba yin te/ de gnyis kyi bye brag ni de yin no/ /btsun pa dpal 'dzin la sogs pa dag rnam par shes pa nyid reg pa yin no zhes zer ba de yang rigs pa dang ldan pa ma yin te/ de dang lhan cig 'byung bar gsungs pa'i phyir ro/ /gang zhig gang dang lhan cig 'byung bar gsungs pa de ni de las don gzhan pa yin te/ dper na rnam par shes pa de kho na las tshor ba bzhin no/ /yang rnam par shes pa las tha dad pa'i zas nyid du gsungs pa 'di'i yang phyir te/ yid la sems pa bzhin no/ /yang reg pa ni rdzas su yod pa yin te/ dmigs pa dang bcas pa nyid yin pas sems las byung ba dag tu btags pa'i phyir te 'du shes bzhin no/ /ldog pa ni bag yod pa la sogs pa dag go /yang tshor ba dang lhan cig tu sems las byung ba nyid yin par bstan pa'i phyir te sems pa bzhin no/ /ldog pa ni nam mkha' o/ /'di la lung yang yod de/ mig dang gzugs rnam gnyis la brten nas su/ /sems las byung ba'i chos rnams 'byung bar 'gyur/ /rnam shes rag pa sems pa 'du shes dang/ /'du byed gtogs rnams rgyur bcas lhan cig tu'o/ /zhes tshigs su bcad pa las gsungs so/ /btsun pa dpal 'dzin ni tshigs su bcad pa de la 'di skad du/ der ni sems las byung ba rnams rim gyis 'byung ba'i don du gsungs pa yin te/ rnam par shes pa bstan pa'i phyir pa 'am/ med na mi 'byung ba'i phyir ro/ /de la 'byung ba'i phyir mig dang gzugs dag las rnam par shes pa'i reg pa 'byung ngo/ /de nas sems pa la sogs pa sems las byung ba rnams kyang lhan cig tu 'byung bar 'gyur ba yin no zhes zer ro/ /de ni mi rung ste/ der bcom ldan 'das kyis gnyis la brten nas sems las byung ba rnams 'byung ngo zhes gsal bar gsungs kyi/ gsum zhes ma gsungs pas/ de'i phyir 'dir sgro btags te reg pa med par bshad pa ni cir yang mi rung ngo/ /rnam par shes pa bstan pa dang/ med na mi 'byung ba nyid kyang gnod pa med pa kho na yin te/ kho bo yang rnam par shes pa med na reg pa mi 'byung ngo zhes smra ste/ de la ci zhig tu 'gyur/ lhan cig tu 'byung ba zhes bya ba 'di ni lung yin no/ /kun du 'gro ba dag gi rigs pa ni rnam par shes pa'i tshogs lnga dang ldan pa'i skabs su smras zin to/ /'phags pa mang pos bkur ba la sogs pa dag shes rab la sogs pa dag sa chen po pa yin par smra ba dag gi phyir smras ba sems dmigs pa la bul bar 'jug pa na las mi dmigs ba'i phyir dad pa bzhin du shes pa med de/ de'i phyir shes rab ni sa chen po pa ma yin no/ /de bzhin du sems the tshom dang ldan na yang snga ma bzhin no/ /dran pa ni 'dris pa la dmigs pa yin par gnyi ga la yang grub bo/ /de las gzhan pa'i dmigs pa la ni lung yang med la rigs pa yang med do/ /gal te nyams su ma myong bar dran pa med do zhe na/ dran pa nyid kyis nyams su myong ngo zhes bya ba de yang ga la yod/ mi mthun pa'i dngos po la 'dod pa yang ga la yod/ ma nges pa'i don la mos pa yang ga la yod/ btsun pa 'dus bzang ni nges pa'i don la mos par mi 'dod de/ de ni mdo sde dang bstan bcos dang 'gal lo/ /mdo sde las ni bdag gi sems ni ci nas kyang skye mched drug po 'di dag la bdag med par mos so zhes 'byung ngo/ /gro zhin skyes kyi mdo las kyang nges pa kho na yin par gsungs kyi 'dod pa yin no zhes bya ba ni bkag go /bstan bcos las kyang mos pa ni dmigs pa yin no zhes 'byung ba'i phyir ro/ /ci ste de gnyis ka yang dran pa'i don yin no zhe na/ 'o na ni don rang gi 'dun pa nyid do/ /de lta bas na kun tu 'gro ba ni lnga kho na'o/ /tshor bas las ci byed ce na/ sred ba skye ba dang btang snyoms su 'jog pa'i las byed do zhes bya ba la/ bde ba'i tshor ba ni phrad par sred ba'i rgyu yin no/ /sdug bsngal gyi tshor ba ni 'bral bar sred pa'i rgyu yin no/ /sdug bsngal yang ma yin bde ba yang ma yin pa'i tshor ba ni gnyi ga med cing bar ma dor gnas pa'i dngos po'i mtshan nyid de/ btang snyoms su 'jog pa'i rgyu yin no/ /'o na sdug bsngal yang ma yin bde ba yang ma yin ba'i tshor ba'i ngo bo nyid gang yin zhe na/ ci'i phyir so ma nyi za/ 'di ltar sems las byung ba rnams kyi 'jug pa ni so so rang giS rig par bya ba yin te/ 'di ltar bde ba'i tshor ba ni sim par byed pa yin la/ sdug bsngal ni gdung bar byed pa yin na/ sdug bsngal yang ma yin bde ba yang ma yin pa'i byed pa gang yin par bzung ste/ de'i phyir de ni bde ba dang sdug bsngal med pa tsam yin par rtogs pa de lta bas na gnyi ga bkag par bstan pa yin no zhes grags ba'i phyir ro/ /kye reg pa dang sems pa la sogs pa dag ji ltar so sor rang gis rig par bya ba yin pa dang/ ci de dag kyang med pa yin nam je smos shig /de'i las ni sngar yang cung zad smras mod kyi gsal bar 'og nas brjod bar bya'o/ /gnyi ga bkag tu zin kyang mi gnag mi dkar ba'i las gzhan du de yang med pa tsam ma yin no/ /gzhan yang 'di la mang po dag the tshom thabs na de'i phyir btang snyoms 'di ni lung dang/ rigs pa dang/ rgyu dang/ 'bras bu dang/ dmigs pa dang/ gnas skabs dang/ bag la nyal dang/ rnam pa dang/ ngo bo nyid dang/ rab tu dbye ba dag gis go sla bar bya'o/ /de la lung ni sdug bsngal yang ma yin bde ba yang ma yin pa'i tshor ba myong ba na sdug bsngal yang ma yin bde ba yang ma yin pa'i tshor ba myong ngo zhes yang dag pa ji lta ba bzhin rab tu shes so zhes gsungs pa dang/ yang sdug bsngal yang ma yin bde ba yang ma yin pa myong bar 'gyur ba'i reg pa la brten nas sdug bsngal yang ma yin bde ba yang ma yin pa'i tshor ba 'byung bar 'gyur ro zhes gsungs pa dang/ de bzhin du bde ba yang spangs sdug bsngal yang spangs te/ snga nas yid bde ba dang yid mi bde ba yang nub pas bde ba yang ma yin sdug bsngal yang ma yin pa btang snyoms dang/ dran pa yongs su dag pa bsam gtan bzhi pa rdzogs par byas te gnas so zhes bya ba la sogs pa gsungs pa'o/ /rigs pa gang zhe na/ sdug bsngal yang ma yin bde ba yang ma yin pa'i gnas skabs kyi sems ni tshor ba'i rdzas dang mtshungs par ldan pa yin no/ /sems yin pa'i phyir te/ bde ba dang mtshungs par ldan pa'i sems bzhin no/ /chos mi mthun pa ni gzugs so/ /yang na tshor ba btang snyoms ni rdzas su yod pa yin te/ gsum du bgrang ba las 'byung ba'i phyir te snga ma bzhin no/ /yid kyi sa'i skabs su yang tshor ba med na sems 'byung ba yang med do zhes shes par byas pa yin no/ /sems can thams cad ni bde ba dang sdug bsngal dang ldan pa na yin pas/ de'i phyir btang snyoms ni rdzas su yod pa yin no/ /lung ni yod pa nyid tsam du bstan pas mthu zad pa yang ma yin no/ /'di ltar 'byung bar 'gyur ro zhes gsungs ba'i tshig yod pas na/ de'i rgyu ni bde ba yang ma yin sdug bsngal yang ma yin pa myong bar 'gyur ba'i reg pa yin no zhes bcom ldan 'das nyid kyis gsungs te/ de'i phyir myong bar 'gyur ba de las byung bar gsungs pas na de'i rdzas nyid du yod pa yin te/ bde ba myong bar 'gyur ba las bde ba yod par gsungs pa bzhin no/ /'bras bu ni mi 'bral bar sred pa yin no/ /dmigs pa ni phan 'dogs pa dang gnod pa byed ba las bzlog pa myong bar 'gyur ba'i mtshan nyid de/ dmigs ba'i dngos bo'i cha 'ga' zhig yin no/ /gnas skabs ni dbang po'i 'byung ba chen po la phan pa dang gnod pa las bzlog pa'i lus dang sems kyi gnas skabs dag go / bag la nyal ni sdug bsngal yang ma yin bde ba yang ma yin pa'i tshor ba la ni gti mug bag la nyal lo zhes gang gsungs ba'o/ /rnam pa ni ji skad smos pa'i dngos po'i gzugs brnyan gyi rnam pa 'byung ba'i/ /ngo bo nyid ni bde ba dang mi bde ba'i mdza' i phyogs su ltung ba dang bral ba ste/ bar ma dor gnas pa'i so sor rig pa'i rang gi ngo bo nyams su myong ba'o/ /rab tu dbye ba ni slob dpon gyis bye brag med par bstan kyang btang snyoms ni bar ma dor gnas pa'i don gyis rnam pa gcig pa yang yod do/ /kun nas nyon mongs pa dang rnam par byang ba la sogs ba'i bye brag gis ni rnam pa gnyis so/ /dge ba la sogs pa'i bye brag gis rnam pa gsum mo/ /brtson 'grus kyi btang snyoms dang/ tshor ba'i btang snyoms dang/ yan lag drug gi bteng snyoms dang/ tshangs pa'i gnas pa'i btang snyoms dang/ byang chub kyi yan lag gi btang snyoms dang/ 'du byed kyi btang snyoms dang/ lhag mthong gi btang snyoms dang/ bar mdor gnas ba'i btang snyoms dang/ bsam gtan gyi btang snyoms dang/ yongs su dag ba'i btang snyoms kyi bar dag gis rnam pa bcu'o/ /de la brtson 'grus kyi btang snyoms ha cang yang mi 'grus/ ha cang yang mi lhod? pa'i brtson 'grus su bgrang ste/ de'i dbang du mdzad nas/ de dus dus su btang snyoms kyi mtshan ma skom par byed do zhes bya ba la sogs pa gsungs so/ /tshor ba btang snyoms ni ji skad smos pa'i mtshan nyid yin te/ de'i dbang du mdzad nas/ gang gi tshe de'i sems 'dod ban? btang snyoms dang ldan par 'byung bar gyur pa zhes gsungs pa lta bu'o/ /yan lag drug gi btang snyoms ni rjes su chags pa dang/ khong khro ba spangs pa'i dgra bcom pa 'dod pa dang mi 'dod ba'i yul drug dang nye bar gyur cing/ yongs su dag pa'i rang bzhin gyi dngos po bor yang de'i rnam pa yod pa ste/ de'i dbang du mdzad nas 'di la dge slong zag pa zad pa ni mig gis gzugs rnams mthong na yid bde bar yang mi 'gyur/ yid mi bde bar yang mi 'gyur zhing btang snyoms su gnas te dran pa dang shes bzhin can yin no zhes gsungs so/ /tshangs ba'i gnas pa'i btang snyoms ni gnod sems dang 'dod pa la 'dod chags kyi mdza' las dben zhing bar mdor gnas pa nye bar sgrub par byed ba'i mtshan nyid de/ de'i dbang du mdzad nas/ btang snyoms dang ldan pa'i sems kyis phyogs cig tu mos te/ khyab bar byas nas rdzogs bar byas te gnas zhes bya ba la sogs pa gsungs so/ /byang nub kyi yan lag gi btang snyoms ni lhan cig 'byung ba'i chos rnams kyi bar ma dor gnas pa'i rnam par gyur pa ste/ de'i dbang du mdzad nas/ btang snyoms yang dag byang chub kyi yan lag sgom par byed do zhes gsungs so/ /'du byed kyi btang snyoms ni sgrib pa la sogs pa la so sor rtog cing dbyibs su ni mi 'dzin par bar mdor gnas bar gyur ba ste/ de'i dbang du mdzad nas/ de dang de dag las zhi gnas dang lhag mthong gi phyogs ni btang snyoms zhes bya'o zhes gsungs te/ de rnam pa mang du yod kyang 'dir bye brag med bar byas te gzhag pa yin no/ lhag mthong gi btang snyoms ni spong ba'i las kyi mjug thogs su bar ma do'i las la gnas par gyur pa ste/ de'i dbang du mdzad nas/ gang yod pa dang/ gang byung ba de spong bar byed cing btang snyoms par thob par byed do zhes gsungs so/ /de la bar ma dor gnas ba'i btang snyoms ni lhan cig skyes ba'i chos rnams mnyam du 'jug pa ste/ de'i dbang du mdzad nas/ 'dun ba la sogs pa spong ba'i 'du byed rnams kyi bar mdor gnas par gyur ba ni 'du byed rnams kyi bar mdor gnas pa yin no zhes gsungs so/ /bsam gtan gyi btang snyoms ni bde ba'i snying po la yang phyogs su ltung ba mi skyed pa ste/ de'i dbang du mdzad nas dran pa dang ldan par btang snyoms su gnas pa yin no zhes gsungs so/ /yongs su dag ba'i btang snyoms ni mi mthun pa thams cad yongs su dag cing mo mthun pa nye bar zhi ba la spyod ba med par gyur pa ste/ de'i dbang du mdzad nas/ btang snyoms dang dran pa yongs su dag ba zhes gsungs so/ /de dag thams cad kyang shes rab dang tshor ba dang 'du byed kyi btang snyoms kyi bye brag gis ni rnam par gsum du zad do/ /de la dus gsum rnam par bzhag pa ji lta bu yin zhe na zhes bya ba ni 'chi 'pho dang skye ba'o zhes bya ba des phyi dang nang gi dngos po rnams 'byung ba'i dbang du byas pa'i phyir dus rnams dang sbyar ro/ /yang gzhan dag na re de las gzhan pa btags pa'i chos rnams ni ma gtogs so zhes smos pa de dag kyang gang zhe na zhes bya ba de'i phyir 'dir dus la sogs pa dag brtsams so zhes zer ro/ /de lta na da ltar byung ba'i tshig kyang 'bras bu med pa yin la/ btags pa'i yod pa gzhan dag kyang ci'i phyir ma smos zhes bya ba la sogs par brjod par bya ba mang du 'byung ngo/ /sa bon rnams kyi ni chos de las tha mi dad pas na zhes bya ba la/ kha cig na re sa bon gyi rten rnam par shes pa 'am gzugs 'das pa de la ni sa bon yang 'das pa yin par gzhag gi rang las ni ma yin te/ 'dus byas kyi mtshan nyid med pa'i phyir ro/ /de yang 'bras bu ma byin pa'i sa bon gyi dbang du byas te brjod pa yin no zhes bsgrub pa'i phyir/ 'bras bu byin ma byin las zhes bya ba smos so / 'bras bu byin pa'i sa bon la ni de lta bur rnam par bzhag pa med de/ de med kyang rten ni da ltar gyi yin ba'i phyir te/ skyes zin pa'i phyir ro/ /de'i tshe na sa bon ni 'das pa nyid yin pa'i phyir ro zhes zer ro/ /yang kha cig na re de lta na 'bras bu ma yin pa zhes bya ba de tsam zhig brjod par bya bar zad na de'i phyir/ 'bras bu byin ma byin las zhes bya bas ni sa bon rnams 'das ba la sogs pa nyid du rnam par bzhag pa cig shos 'di bstan no zhes ro/ /yang kha cig na re da lta na yang 'am zhes bya ba'i sgra brjod par bya dgos pas/ de'i phyir de yang rigs pa ma yin no zhes bya zer ro/ /yang kha cig na re thams cad ltar yang nyes pa med de/ re zhig phyogs snga ma bas kyang 'bras bu ma byin pa las zhes nges par brjod dgos te/ de'i 'das pa nyid ni 'bras bu ma yin pa kho na'i phyir ro zhes shes par bya dgos ba'i phyir ro/ /gnyis pa'i yang 'am zhes bya ba'i sgra med kyang sbyor ba yod de/ dper na 'jig rten na yang 'gro 'ong skyel 'dug pa/ ji ltar 'dod bzhin byos zhes bya ba lta bu'o zhes zer ro/ /rgyu yod pa zhes bya ba ni 'dus ma byas rnam par gcod pa ste/ dus de dag ni 'dus byas kyi mtshan nyid kyis rab tu phye ba yin pa'i phyir ro/ /ji ltar rnam par bzhag ce na zhes bya ba la sogs bas ni skye ba la sogs pa dag ston te/ 'dir yang snga ma kho na bzhin du sbyar ro/ /kha cig na re sa bon rnams kyis skye ba la sogs pa rnam par gzhag pa ni rnam par shes pa'i rgyud thams cad la zhes bya ba la sogs bas sems dang mtshungs par ston to zhes zer ro/ /yang kha cig na re gang las skye ba de sa bon yin par ston to zhes bya ba des na/ de'i phyir rgyu yod la zhes smras pa yin no zhes zer ro/ /rkyen yod la zhes bya ba ni sa bon ma nyams pa la bya ste/ des ni rgyu'i rkyen bstan to/ /rkyen gyi dbang gis zhes bya ba ni rkyen gzhan gsum gyi dbang du byas ba'o/ /dang po chos gang 'byung ba de ni zhes bya ba ni rgyud kyi skad cig dang po 'byung ba la skye ba zhes bya bar ston te/ de'i phyir rgyud snga ma 'byung ba la zhes bya ba smos so/ /skyes ma thag ba'i skye btsam gyi skad cig rjes su 'jug pa ni gnas pa'o zhes bya ba ni skad cig gnas pa las bsams pa yin no/ /gzhan dag ni skad cig gnas pa mi 'dod bas tshig 'di rgyun gyi gnas pa kho na yin par yongs su bsgyur bar byed do/ /de rjes su 'jug pa zhes bya ba ni skye ba tsam gyi rgyun mi 'chad par 'jug pa la bya'o zhes zer ro/ /de lta na skye ba tsam zhes bya ba'i tshig lhag par gyur pas de'i phyir skad cig gnas pa kho na yin par 'dod par bya ste/ 'di ltar de dang de dag las de'i mtshan nyid kho na yin par bshad do/ /'dir rgyun gyi gnas pa ni rnam pa lnga po skad cig gnas pa dang/ rgyun gyi gnas pa dang/ rkyen la rag las pa'i gnas pa dang/ mi g.yang ba'i gnas pa dang/ rnam par bzhag pa'i gnas pa dag ni rab tu dbye ba 'ba' zhig tu gsungs par zad do/ /rnam par gtan la dbab pa bsdu ba las ni snga na med pa'i 'byung ba ni dngos po la ma ltos pa yin no zhes bshad la/ 'dir ni chos gang 'byung ba de ni skye ba zhes bya zhes bshad pa de ji lta mi 'gal zhe na/ de ni bye brag bstan pa yin no/ /de ma thag pa'i rkyen ni zhes bya ba ni tshogs gcig pa ni thams cad re re nas 'byung ba'i phyir mnyam pa yin no/ /rigs 'dra ba bar du ma chod pa rnams kyi rkyen du gyur ba'i phyir bar du mchod pa'i rkyen nyid do/ /yang na 'dod pa na spyod pa rnams kyi na de kho na dang mtshungs par ldan pa'i phyir mnyam pa yin no/ /yang na tshogs thams cad ni tshogs kyi rkyen yin par mnyam pa la bya'o/ /rnam par shes pa gang gi mjug thogs su rnam par shes pa gang dag 'byung bar nges pa de ni zhes bya ba ni drug po rnams kho na la bya'i kun gzhi yang ma yin la yid kyang ma yin no/ /sems las byung ba rnams kyang de bzhin te/ rnam par shes pa smos pas gcig gis dus mnyam bar 'khrul ba med pa nye bar mtshon pa yin no/ /bdag po'i rkyen ni sa bon ma gtogs pa'i rten gang yin pa ste zhes bya ba ni de ma thag pa'i rnam par shes pa ma gtogs pa ste/ de ni de ma thag pa'i rkyen gyis bsdus pa yin ba'i phyir ro/ /de'i grogs su gtogs pa'i chos gang yin pa rnams so zhes bya ba ni yid la byed pa la sogs pa dag go /dad pa la sogs pa dag gi dbang gis 'dod pa la sogs pa 'bras bu yongs su 'dzin par bstan pa'i phyir dge ba dang mi dge ba nyid gang yin pa dang zhes bya ba la sogs pa smos so/ /ngo bo nyid la sogs pa don lnga po gang dag smos pa de dag gis rkyen rnams bsdus par bstan pa'i phyir/ de'i las sa bon las ni rgyu'i rkyen rnam par bzhag go zhes bya ba la sogs pa dag smos so/ /sa bon gyis rgyu'i rkyen ma bsdus so zhe na/ bsdus te sa bon gyi gnas ni rgyu'i rkyen yin no zhes bstan pa'i phyir ro/ /ngo bo nyid las ni de ma thag pa'i rkyen rnam par bzhag go zhes bya ba ni phal che ba'i dbang du byas pa'i phyir te/ grogs kyang de yin pa'i phyir ro/ /grogs la sogs pa las ni bdag po'i rkyen rnam par bzhag go zhes bya ba la sogs pa'i sgra ni las kyi tshul gyi dbang du byas pa yin no/ /bdag po'i rkyen ni 'dod pa dang mi 'dod pa'i 'bras bu yongs su 'dzin pa'i phyir ro/ /de la las ni smras zin to/ /dge ba dang mi dge ba de yang rkyen kho na yin te/ skyed par byed pa'i don gyi rgyu'i don med pa'i phyir ro/ /rnam pa gnyis te/ skyes nas thob pa dang sbyor ba las byung ba'o zhes bya ba la/ de ni nyungs te/ mya ngan las 'das pa ma 'dus pa'i phyir ro zhe na/ 'dir thams cad bsdus pa ni ma yin gyi de ni rab tu dbye pa tsam du zad do/ /yang na mdo sde las gsungs pa'i rjes su smras pa yin no/ /bsod nams kyi cha dang mthun pa zhes bya ba ni 'bras bu mngon par mthong ba ma yin pa'o/ /bsod nams zhes bya ba ni sems pa dge ba'o/ /de nyid cha yin te/ tshogs kyi phyags gcig pa'i phyir ro/ /chogs mdza' dag ni de dang mthun pa yin la/ de yang de dag dang mthun pa yin no/ /yang na bsod nams kyi 'bras bu ni bsod nams ma yin no/ /de'i cha dang mthun pa ni sems dang sems las byung ba rnams te/ de dag gis mngon par bsgrubs pa'i phyir ro/ /bsod nams las skye ba dang brgyad ces bya ba ni mdo las 'di ni kha cig dge slong rnams dang bram ze rnams dang/ bkren pa rnams dang/ sdug phongs pa rnams dang/ lam du zhugs pa rnams dang/ slongs mo pa rnaMs la 'di lta ste/ zas dang/ skom dang/ bza' ba dang/ bca' ba dang/ bzhon pa dang/ gos dang/ phreng ba dang/ spos dang/ byug pa dang/ rgyab rten dang/ mar me'i sbyin pa dag sbyin par byed cing des mi skyid ba dag mthong na 'di snyam du kye ma bdag mi'i skyid pa rnams dang skal ba mnyam par skye bar gyur cig snyam du sems shing de la sems brten par byed pa la sogs pa nas/ lan mang du byed pa'i bar du ste/ de ni mi'i skyed pa rnams dang skal ba mnyam par skye ba'i gnas yod pa yin no/ /de la mi'i skyid ba ni 'di dag yin te/ 'di lta ste rgyal rigs shing sA la lta bu la sogs pa dang/ de lta bu'i rigs rnams su skyo bar 'gyur ba'o/ /de ci'i phyir zhe na/ tshul khrims dang ldan pa'i sems kyi smon pa 'grub pa'i phyir te/ de yang tshul khrims dag rnam par dag pa'i phyir ro/ / 'dod pa na spyod pa drug gi lha rnams dang/ tshangs ris rnams su yang de bzhin no/ /de la bye brag 'di yod de/ tshul khrims dang ldan pa'i sems kyi smon pa 'grub pa de yang 'dod pa ngag la 'dod chags dang bral ba yin te/ de dag ni bsod nams las skye ba brgyad pa dag yin no/ /sdug pa'i 'bras bu yongs su 'dzin pa'i don zhes bya ba ni dge ba zag pa dang bcas pa rnams kyi'o/ /dngos po yongs su shes pa la mkhas pa de 'bras bu'i don to zhes bya ba la/ dngos po ni de bzhin nyid do/ /de yongs su shes pa ni lam mo/ /de la mkhas pa ni sbyor ba dang rjes la thob pa'i ye shes so/ /de'i 'bras bu ni mya ngan las 'das pa yin no/ /de dag kyang mdor bsdu na dge ba rnams yin no/ /yang na dngos po de ni bden pa rnams so/ /yongs su shes pa la mkhas pa nyid lam yin no/ /de'i 'bras bu ni mya ngan las 'das pa ste/ de ni bden pa bzhi mngon par rtogs pa'i dbang du byas pa yin no/ /snga ma de bzhin nyid rtogs pa'i'o/ /dge ba'i chos la bgegs byed par gyur pa zhes bya ba la/ 'di'i mtshan nyid ni dge ba'i mtshan nyid rnam pa gnyis po ji skad spos pa dag las bzlog pa'i don yin no/ /kha cig na re mi sdug pa'i 'bras bu yongs su 'dzin pa'i phyir dang zhes bya ba la sogs pa gang bstan pa dag gi chog gi sgrib par 'gyur ba yin no zhes bya ba 'di ni mtshan nyid lhag pa yin no zhes zer ro/ yang kha cig na re 'dir dge ba zhes bya ba ni dge ba zag pa dang bcas pa la bya'o/ /de la bgegs byed par gyur pa ni 'dod chags la sogs pa dag go? / gang dag de la bgegs byed par gyur pa de dag la ni lam gyi bgegs chen po yin no/ /ma rig pa rnam pa gnyis te/ mi dge ba la 'jug pa'i las can dang/ yang dag pa'i shes pa'i bar du gcod pa'i las can no/ /de la dang po ni bgegs byed par gyur pa dag gi nang du 'dus so / cig shos ni sgrib par gyur pa yin no/ /de ni dngos po yongs su shes pa'i bar du gcod pa yin te/ de'i phyir dge ba'i tshig dag las bzlog pa ni mi dge ba'i tshig rnams yin par go rim bzhin du bstan to// de lta bas na mi sdug pa'i 'bras bu yongs su 'dzin pa'i phyir ni dge ba'i chos la bgegs byed par gyur pa yin la/ dngos po yang dag par yongs su mi shes pa'i phyir ni sgribs par gyur pa yin no/ /zhes go rims bzhin du bstan to zhes zer ro/ / gzhan ni lung du ma bstan ba'o zhes bya ba ni tha mal pa'i 'jug cing mngon par 'du byed pa med pa'i spyod lam byed pas 'brel pa'i sems gang yin pa ste/ gzhan dag la yang de bzhin no/ /phyag 'tshal ba la sogs pa byed pa'i spyod lam las byung ba dang/ gus bas de bzhin gshegs pa'i sku gzugs 'dri ba bzo'i gnas las byung ba ni dge ba yang yod do/ /de ni 'dir ma smos te/ thams cad du lung dum bstan pa ma yin no zhes bya ba de 'ba' zhig brjod par 'dod pa'i phyir ro/ /brjod par 'dod pa de yang rang gi phyogs dag gzhan du rnam par bzhag pa'i phyir ro/ /sprul pa byed pa las byung ba'i dge ba ni sems can rnams kyi don gyi phyir sangs rgyas la sogs pa'i sku sprul par byed pa gang yin pa'o/ /sems can rnams la mtho 'tsham pa ni phyir srin po la sogs pa 'jigs su rung ba'i gzugs sprul bar byed pa nyon mongs pa can de yang yod na ji lta zhig yod de/ de ni las las byung ba yin no/ /'dir ni ting nge 'dzin gyi 'bras bu yin par 'dod do/ /gang gi tshe rnam par smin pa las byung ba ni ming gi rnam par shes pa la sogs pa yin no zhes kyang smras na/ ci'i phyir rnam par smin pa las byung ba la yang rnam pa gsum yod do zhes ma brjod ce na/ dngos ma yin pa'i phyir te/ dngos ni rnam par smin pa'i rnam par shes pa ste/ 'dir ni rnam par smin pa kho na rnam par smin pa las byung ba yin par 'dod de/ rnam par smin pa'i rgyu las byung ba'i phyir ro/ /de yang kun gzhi rnam par shes pa ma gtogs par gzhan med pas de'i phyir nyes pa med do/ /yang na dngos po ma yin pa'i tshul gyis rnam par smin pa las byung ba rnam pa gsum yod do zhes brjod pa na yang su zhig 'gog par byed/ shes rab kyi mgo zhes bya ba ni mig gi rab tu dbye ba spyir bstan pa'i phyir ro/ /de la brtan pa ni gzugs na spyod pa'o zhes bya ba ni yun ring du gnas pa'i chos yin pa'i phyir ro/ / sdug pa zhes bya ba ni rten du gyur pa la bya'o/ /gnas kyi mig ces bya ba ni mig gi 'bras bu ste/ 'jig rten gyi brda las kyang khyod kyi mig ni autpal sngon po'i 'dab ma 'dra ba zhes bya ba la sogs pa brjod pa'i phyir ro/ /sprul pa'i mig ces bya ba ni mig gi rten pa phyi rol gyi gzugs so/ /thog pa zhes bya ba ni 'das pa dang da ltar gyi rang gi mtshan nyid do/ /ma thob pa zhes bya ba ni ma 'ongs pa'i rang gi mtshan nyid do/ /yang na thob pa dang thob pa med pa las so /sngon ma thob pa zhes bya ba ni sngon ma byung ba gang yin pa'o/ /de las bzlog pa ni sngon thob pa'o/ /rnam pa bcu ni med do zhes bya ba ni mdo sde dag las ma gsungs pa'i phyir ro/ /rnam pa bcu gcig ste zhes bya ba yang mdo sde gang nas gsungs te/ de bsdu ba byas pa de bzhin du rnam pa bcu yang bar? rung bar 'gyur ro zhes kha cig zer ro/ /de ni rigs pa ma yin te/ bstan bcos mdzad pa de nyid ni bcom ldan 'das kyis gsung rab mdza' dag rig pa yin pas 'dir ni de tshad ma yin no/ /mig rnam pa bcu gcig ste zhes bya ba ni skye mched drug gi mdo las/ mig gang ci yang rung 'das pa dang ma 'ongs pa zhes bya ba la sogs pa nas/ de thams cad la bdag kyang med la bdag gi yang med do zhes bya bar so sor brtag par bya'o zhes bya ba'i bar du gsungs so/ /de bzhin du gzhan dag gi rab tu dbye ba yang mthong ba yin gyis bdag nyid thos pa nyung ba yin pas skyon 'dogs pa thong zhig / gsal ba zhes bya ba gzugs na spyod pa rnams kyi'o/ /ro yod ces bya ba ni rdzus te skye ba ma yin pa rnams kyi ste/ shi nas ro snang ba'i phyir ro/ /ro med pa zhes bya ba ni rdzus te skyes pa rnams kyi'o/ /dbang po thams cad kyi rjes su 'jug pa'i phyir zhes bya ba ni de la mig la sogs pa dang lhag ma yod pa'i phyir ro/ /rnam pa gsum ste/ sems dang yid dang rnam par shes pa'o zhes bya ba ni sems la soD pa dag ni yid kyi skye mched du 'dus pa'i phyir de dag ni yid kho na zhes bya'o/ /rang gi rten dang bcas par snang zhes bya ba ni nor bu las byung ba'i 'od gang yin pa'o/ /bde bar snang ba zhes bya ba ni mig dga' bar byed pa gang yin pa'o/ /bsags par gnas pa'o zhes bya ba ni 'od lam ltos par dbyibs kyis rab tu phye ba gang yin pa'o/ /gnas su bsdu ba zhes bya ba ni khang khyim dang yang tog la sogs pa'o/ /rnam pa bdun te/ yongs su gzung pa rnam pa bdun po dag gis bye brag gis so zhes bya ba ni bdag dang pa ma la sogs pa gong du smos pa dag gi'o/ /rnam pa bcu ste/ yo byad bcu po rnams so zhes bya ba ni zas la sogs pa gong du smos pa dag go /bsgribs pa la lung du ma bstan pa zhes bya ba ni tshangs pa'i 'jig rten gyi ste/ de ni mi dge bar nges pa'i phyir ro/ /sil snyan gyi rnam pa lnga bsdus pa ste zhes bya ba ni kun du bsgrengs dang/ rnam par brgyus dang/ kun du bsgrengs shing rnam par brgyus dang/ stug po dang/ sbubs can no/ /sil snyan gyi sgra de yang gang dag gis lhan cig tu nye bar sbyor ba dang ngo bo nyid gang yin pa de ston to/ /'di lta ste 'jam pa la sogs pa rnams la'o zhes bya ba la/ 'tshong ba dang ltung ba'i 'dus te reg pa lci ba nyid dang yang pa nyid la'o/ /byug nom gyi 'dus te reg pa ni 'jam pa nyid dang rtsub pa nyid la'o/ /lus 'gyur ba'i 'dus te rog pa ni grang ba nas bzung ste/ mdangs bzang ba zhes bya ba'i bar dag la'o/ /'thob pa zhes bya ba ni sa bon mnyams pa dang yongs su rtas pa'o/ /srog gi dbang po zhes bya ba ni las des pas rnam par smin pa gnas pa'i dus kyi 'phan pa'o// rigs mthun pa zhes bya ba ni sems can rnams kyi rigs dang rang bzhin dang skye gnas la sogs pa 'dra ba'o/ /so so'i skye bo nyid ces bya ba ni mthong ba'i lam gyi sa bon yang dag par ma bcom pa'o/ /ming gi tshogs? zhes bya ba ni ngo bo nyid du btags pa las brtsams nas ji ltar brdar byas pa'i sga rnams te/ gzugs dang bum pa lta bu dag go /tshig gi tshoD rnaMs zhes bya ba ni de nyid kyi ngo bo nyid las btags pa'i yon tan dang skyon la sogs pa rnam par 'jog par byed pa'i sgra rnams so/ /yi ge'i tshogs rnams zhes bya ba ni de dag la brten nas brjod pa rnams so/ /'jug pa zhes bya ba ni rgyu dang 'bras bu rgyun no/ /so sor des pa zhes bya ba ni chos rnams kyi rgyu dang 'bras bu ma 'chol ba'o/ /'byor 'brel zhes bya ba ni thabs so/ /mgyogs pa zhes bya ba ni myur ba'i rnam pa'o/ /go rims zhes bya ba ni chos rnams rims kyis 'jug pa'o/ /dus zhes bya ba ni 'byung ba dang 'jig pa'i dbang du byas nas mtshams yongs su gcod pa'o/ /yul zhes bya ba ni phyogs kyi mtshams yongs su gcod par byed pa'i gzugs gnas pa'o/ /grangs zhes bya ba ni chos bgrang ba rnams kyi ji snyed yod pa'o/ /tshogs pa zhes bya ba ni rkyen mdza' dag phrad pa'o/ /tshogs pa ma yin pa zhes bya ba ni de las bzlog pa'o/ /lhag ma rnams ni chos mngon pa kun las btus pa la sogs pa dag las 'byung ba dang mtshan nyid 'dra'o/ /bye brag ni brjod par bya ste/ 'gog pa'i snyoms par 'jug pa zhes bya ba ni 'dir bskyed par bya ba nyid de/ 'di dang gzugs kyi khams su mngon sum du bya ba yin no/ /kun gzhi rnam par shes pa rnam par bzhag na ni gzugs med pa rnams na yang yod do/ /gal te ldan pa ma yin pa de dag gi rang gi mtshan nyid ci yang med pa yin na ci'i phyir de dag rnam par bzhag ce na/ mdo sde dag las de dag kun du tha snyad btags pa'i phyir ro/ /mdo sde las gang zag 'di ni dge ba'i chos rnams dang mi dge ba'i chos dang ldan pa yin no zhes gsungs pa yod pa de ni sa bon las dgongs te gsungs pa yin no/ /de ltar ci mngon zhe na/ de'i phyir mdo sde las dge ba'i sems dang ldan pa la sa bon med na ji ltar mi dge ba rnams dang ldan par 'gyur zhes gsungs pa'i phyir ro/ /gzhan dag kyang de bzhin te/ de dag ni 'og nas rgya cher dgong par bya'o/ /gal te mdo sde ngag las kun du tha snyad btags pa de dag gis de dag rnam par bzhag na 'du ba la sogs pa de dag kyang ci'i phyir ma gsungs te/ 'di ltar mdo sde las gtan du ba'i 'du ba dang 'bral ba yang ni de bzhin no zhes bya ba la sogs pa gsungs so zhe na/ gsungs so zin kyang 'gal pa ci yang med do/ /'o na ci'i phyir de tsam zhig gsungs shing ci'i phyir btagS pa yod pa yin par 'dod ce na/ de gnyis ni yid kyi sa rnam par gtan la dbab pa nas brjod par bya'o/ /mi g.yo ba zhes bya ba ni bsam gtan bzhi pa la bde ba dang sdug bsngal 'gag pa'o/ /'du shes dang tshor ba 'gog pa'o zhes bya ba ni snyoms par 'jug pa'i rnam par shes pa 'gog pa'o/ /de dag ni brgyad las kyang drug tu 'gyur ro zhes bya ba ni de bzhin nyid gsum po dag ma phye na'o/ /gzugs can ma yin pa ldan pa ma yin pa gdags pa'i chos su bsdus pa zhes bya ba ni gzugs nyid tsam dgag pa'i phyir gzugs can ma yin pa zhes bya bar zad kyi/ 'di ltar ldan pa ma yin pa ni gzugs la sogs pa'i bye brag dag la mtshan nyid gnyi gar yang mi dmigs so/ /rnam pa dgu ste/ 'das pa dang ma 'ongs pa la sogs pa'i bye brag gis so zhes bya ba ni nang dang phyi gnyis ga ma gtogs pa rnam par rig byed ma yin pa'i chos dang de bzhin nyid do/ /rnam pa bcu ni rnam pa bcu'i phyir te/ zhes bya ba la/ chos kyi khams rnam pa bcu ni gzugs dang/ tshor ba dang/ 'du shes dang/ sems pa rnams gcig tu byas pa dang/ ldan pa ma yin pa'i tshig rnams gcig tu byas pa dang/ nam mkha' dang so sor brtags pas 'gog pa dang/ so sor brtags pa ma yin pa'i 'gog pa dang/ de bzhin nyid gsum dang/ mi g.yo ba dang/ 'du shes dang/ tshor ba 'gog pa rnams te go rims bzhin du sbyar ro/ /mi rtag pa dang ma bral ba'i don zhes bya ba ni chos gang rkyen ma tshang bas ma byung ba de dang 'dra ba'i tshogs pa la brten nas 'byung ba ste/ de'i phyir mi rtag pa dang ma bral ba'i ngo bo ni so sor brtags pa ma yin pa'i 'gog pa yin no/ /tshor ba dang bral ba ma yin pa'i don zhes bya ba ni btang snyoms yod pa'i phyir ro/ /'di la grag pa rnams dmigs shing 'di la grag pa rnams dmigs pas na rna ba'o zhes bya ba la/ grag pa rnams zhes bya ba ni skye bo brjod pa'o/ /lus 'di ni dbang po zad par gyi rjes su song bas ni lus so zhes bya ba la/ lus zhes bya ba ni bsags pa'o/ /yun ring po nas 'di byis pa rnams kyis bcos shing bsrungs la bdag gir bzung ste zhes bya ba'i tshig rnams ni byi dor bya ba'i phyir ba dang/ gnod pa las yongs su bsrung pa'i phyir ba dang/ 'jig tshogs la lta pa'i gnas yin pa'i phyir ro/ /yul de dang der brtag par byar rung ba dang zhes bya ba ni yul la sogs par brtag tu rung pa'i phyir ro/ /skye ba zhes bya ba ni yul mnan nas 'gyur ba'o/ /'di la smra ba sna tshogs gnas pas de'i phyir smra zhes bya ba la/ gnas pa zhes bya ba ni so sor gnas pa'o/ /phung po la mkhas pa yang bsdus par rig par bya'o zhes bya ba ni phung por bsdus pa'i chos rnams kyi bye brag la dmigs pa'i shes rab nges pa ni ? ngo bo nyid kyis phung po la mkhas pa yin no/ /mkhas pa de rnams kyang log par 'dzin pa drug po ril por 'dzin pa dang/ 'byin pa por 'dzin pa dang/ chos bcu gnyis kyi rnam pa las lhag par 'dzin pa de'i phyir bcom ldan 'das kyis bram ze thams cad ces bya ba ni skye mched bcu gnyis po rnams so zhes gsungs pa dang/ gang zag 'jig rten gnyis su 'pho bar 'dzin pa dang/ chos rnam par gnas pa/ med par 'dzin pa dang/ yul gyi longs spyod la dbang byed pa bdag yin par 'dzin pa rnams rnam par gzhig pa'i phyir rnam par bzhag go /yang gcig tu na lta ba drug yongs su shes par bya ba'i phyir te/ 'jig tshogs la lta ba dang/ gtso bor lta ba dang/ longs spyod gnyis kyi rgyu bdag yin par lta ba dang/ yongs su 'gyur ba byed pa po yin par lta ba dang bdag rang dbang yin par lta ba dang/ chos bdag po med par 'jug par lta ba yongs su shes par bya ba'i phyir ro/ /sangs rgyas kyi bka' dngos po dgu yang bsdus par rig par bya'o/ zhes bya ba la/ sangs rgyas kyi bka' dngos po dgu ni phung po'i rgyud du gtogs pa las phung po kha cig go /skye mched drug las kyang gcig go bzhi dang ldan pa las ni dngos po bzhi'o/ /nyan thos kyi bshad pa dang/ bcom ldan 'das kyis gsungs pa las kyang gcig go / lam gyi sde tshan las ni dngos po gnyis te/ de dag kyang go rims bzhin du sbyar ro/ /'khor gyis longs spyod ni 'khor brgya de zhes bya ba la 'khor brgyad po dag ni gtso bo rnam pa lnga'i phyir rnaM par bzhag ste/ rigs dang/ nor dang/ dka' thub dang/ longs spyod dang/ de la 'dod chags dang bral ba'i phyir ro/ /de la rigs ni res 'ga' ni 'jig rten na rgyal rigs btsun par byed/ res 'ga' ni bram ze btsun par byed pa'i phyir rnam pa gnyis so// nor ni khyim bdag go / dka' thub ni dge spyod ngo/ /long spyod ni sa'i steng dang/ rtse mo dang/ gzhal med khang dag na gnas pa rnams kyi mchog yin pa'i phyir rnam pa gsum mo/ /de la 'dod chags dang bral ba ni tshangs ba'o/ /'dus pa dang tshogs rnams dang/ dus dang mtshan nyid rkyen rnams dang/ dge ba la sogs rab dbye dang/ /mkhas pa dngos po tha ma yin/ /zhes bya ba ni sdom gyi tshigs su bcad pa yin te/ gzhung las de la re zhig gzugs 'dus pa la zhes bya ba la sogs pa dang/ de? la sems dang sems las byung ba'i tshogs la zhes bya ba la sogs pa dang/ de la dus gsum rnam par bzhag pa ji lta bu yin zhe na/ zhes bya ba la sogs pa dang/ skye ba dang rga ba dang gnas pa dang/ mi rtag pa nyid ji ltar rnam par bzhag ce na zhes bya ba la sogs pa dang/ rkyen ni gzhi ste zhes bya ba la sogs pa dang/ dge ba dang mi dge ba dang lung du? ma bstan pa zhes gang bstan pa la de dag gi rab tu dbye ba gang zhe na zhes bya ba la sogs pa dang/ de la rnam par shes pa'i tshogs drug gi chos lnga po ngo bo nyid dang gnas dang dmigs pa dang grogs dang las 'di dag gis ni phung po la mkhas pa yang bsdus bar rig par bya'o zhes bya ba la sogs pa smos pa rnams dang go rim bzhin du sbyar ro/ /rnal 'byor sbyong pa'i sa las yid kyis rnam par bshad pa rdzogs so/ / //rtog pa dang bcas shing dpyod pa dang bcas pa'i sa ni gang/ rtog pa med pa la dpyod pa tsam gyis ni gang/ rtog pa yang med la dbyod pa yang med pa'i sa ni gang zhe na zhes bya ba la/ ci'i phyir sa gsum po dag gcig tu byas she na/ khams la sogs pa rnam par gzhag pa la khams gcig na yang 'dren mar yod pa'i phyir ro/ /tshul bzhin yid la byed pa rnam par bzhag pa la sogs pa dag la yang don gyi khyad par gyi gzhi mthun pa'i phyir te/ bye brag dbye par mi nus pa'i phyir ro/ /khams ni gsum ste/ 'dod pa'i khams dang/ gzugs kyi khams dang/ gzugs med pa'i khams te zhes bya ba la/ 'dod pa ni 'khrig pa'i 'dod chags so/ /de dang ldan pa'i khams yin te/ na le sham gyi btung ba bzhin no/ /gzugs kyi khams kyang de dang 'dra'o/ /rtag tu med par gzugs med pa'o/ /de dang ldan pa'i phyir te snga ma bzhin no/ /yang na 'dod pa ni zhing la sogs pa dge ste/ ji skad du don gyi sde tshan dang mthun pa dag las/ zhing dngos dbyig dang ba lang dang/ /rta dang nor bu gdub kor dang/ /bud med bran gyi gdong ngan la/ /stobs med pa 'am stobs ldan pa'i/ /mi gang mngon par chags byed pa/ /de ni yongs su zag pas nom zhes gsungs pa lta bu'o/ /de bzhin du gal te zas dang skom dang de bzhin ro dag gi /'dod pa de la khyod yid mi dga' par mi byed na zhes kyang gsungs so/ /gzugs dang ldan pa dang/ snyoms par 'jug pa dang ldan pa'i khams yin pa las bar gyi tshig mi mngon? par byas pa'i phyir ro/ /de na gzugs med pas gzugs med pa rnams te/ ltag ma ni snga ma bzhin no/ /thabs dang bcas pas 'jig tshogs 'gog pa zag pa med pa'i khams spros pa med pa zhes bya ba ni lam dang bcas pa'i mya ngan las 'das pa ma bya'o/ / 'ga' zhig gis de bsgoms na tshangs pa chen po nyid 'thob po zhes bya ba ni bsam gtan khyad par can la sgom pa ni mang mod kyi de bdag por 'gyur ba'i phyir 'khor los sgyur ba bzhin du der gnyis mi 'byung ba'i phyir ro/ /kha cig na re skye ba ni mang mod kyi de dag gi nang na 'ga' zhig gis phul du bsgoms pa'i phyir khrun la sogs pa'i khyad par thob pa yin no zhes zer ro/ /man ngag yid la byed pa'i khyad par gyis zhes bya ba ni rnal 'byor pa rnams kyi man ngag gi stobs las rtog pa la sogs pa sun 'byin pa la 'jug cing don tsam la dmigs pa spyod pa las byung ba'i mchog nyid yid la byed pa'i khyad pa yin no/ /yang don gzhan na man ngag gi khyad par dang/ yid la byed pa'i khyad par las te/ man ngag gi khyad par snga ma bzhin no/ /yid la byed pa'i khyad par ni nye bar gnas pa las byung ba'i rnam par shes pa rnaMs dang mtshungs par ldan pa ste/ de la de dag med ba'i phyir ro/ /mig gi rnam par shes pa la sogs pa gzhan dag la ni yid kyi rnam par shes pas 'phangs pa'i phyir de dag la yod do/ /'di ltar 'og nas kyang gal te rtog pa dang bcas shing dpyod pa dang bcas pa'i mig la sogs pa'i rnam par shes pa mngon sum du byed nas de ji ltar rtog pa med cing dpyod pa med pa yin par 'gyur zhes 'byung ba'i phyir ro/ /'di lta ste/ der skyes pa rnams shes bya ba ni bsam gtan gnyis pa la sogs par skyes pa rnams kyi sangs rgyas la phyag 'tshal lo zhes bya ba la sogs pa'i rnam par shes pa yod na'o/ /kha cig gis smras pa/ de ni sa 'og ma pa yin par yang mi rigs te/ de dge ba yin pa'i phyir ro// rang gi sa pa'i yang ma yin te/ rtog pa dang dpyod pa'i 'dod chags dang bral ba'i phyir ro zhe na/ sa 'og ma ba'i dge ba mngon sum du mi byed de/ /zhes bya ba de la rigs pa ci yod/ gal te dgos pa med pa'i phyir zhe na/ dgos na nges mngon sum du byed par 'gyur te/ dper na ma bsgribs la lung du ma bstan bzhin na /rang gi sa pa'i yang ma yin te/ 'dod chags dang bral ba'i phyir ro/ /zhes gang smras pa do la yang kha cig na re de snyoms par 'jug pa'i 'bras bu yin no zhes sus smras te/ 'on kyang de ni sbyor bas bskyed pa yin te/ dper na 'dod pa'i khams kyis ni rtog pa dang bcas shing dpyod pa dang bcas pa nyid yin yang rtog pa med cing dbyod pa yang med par 'gyur ro zhes bya ba bzhin du rang gi sa ba nyid yin yang nyes pa med/ / spangs pa zhes bya ba'i tshig ni kha cig spangs pa'i phyir te/ 'dod chags dang bral ba zhes bya ba'i tshig bzhin no/ /zhes zer ro/ /yang kha cig na re sa 'og ma pa'i kho na yin te/ spangs pa zhes bya ba'i tshig ni 'dun pa'i 'dod chags spangs pa'i phyir te/ ngo bo nyid spangs pa ni ma yin no zhes zer ro/ /lhag ma rnams na snga ma bzhin no zhes bya ba ni rtog pa med la dpyod pa tsam gyi sa la sogs pa dag go /sems can dmyal ba chen po'i/ /gnas brgyad la zhes bya ba la/ sems can dmyal ba zhes bya ba ni smad pa'i mi rnams te/ de dag gang du gnas par bya ba de yang de'i sgrar brjod do/ /dper na zla ba bzhin no/ /yang na der skyes pa rnams de dag gi bsod nams bde ba mi sbyin mi ster bas na sems can dmyal ba rnams zhes bya ste/ de nyid gnas yin pa'i phyir sems can dmyal ba'i gnas rnams zhes bya'o/ /dud 'gro zhes bya ba ni dud de 'gro ba'i phyir ro/ /yi dags zhes bya ba ni bkres pa'i sdug bsngal chen po thob pa'i phyir ro/ /yang na de na sim pas tshim par byed pa'i don med la bya'o/ /lha ma yin zhes bya ba ni smad ba'i lha rnams te/ dper na chud ma ngan ma zhes bya ba dang 'dra'o/ /'og nas de dag ni lha nyid yin na lha'i chos yang dag par blangs te gnas pa ma yin pas lha ma yin zhes bya'o zhes byung ba'i phyir ro/ /lha rnams zhes bya ba ni longs spyod rab mchog dag dang/ snyoms par 'jug pa rnams kyi rtse bar byed pa'i phyir ro/ /yang na rtsed mos rtse la sogs pa dag kyang ci rigs su brjod par bya'o/ /mi rnams zhes bya ba ni shed las skyed ba'i phyir te/ de'i dngos po 'dod par bya ba yin pa'i phyir ro/ / yang na de dag gis thos pa dang ldan pa rnams kyi yid la brjod par byed pas na mi rnams zhes bya'o/ /rgyal chen bzhi'i ris zhes bya ba la/ rgyal po chen po dag gi ris yin te/ de ni de dag gi lha yin pa'i phyir ro/ /sum cu rtsa gsum zhes bya ba ni sa sum cu rtsa gsum na gnas pa rnams te/ de dag kyang dam pa'i chos dran pa nye bar gzhag pa la sogs pa dag las gsungs pa yin no/ /yod na 'jig rten pa'i ming dang rjes su mthun par bya na de dag gi sde tshan gyi grangs sum cu rtsa gsum yod pa'i phyir te/ 'jig rten pa na re nor lha brgyad dang/ nyi ma bcu gnyis dang/ drag po bcu gcig dang/ tha skar gyi bu gnyis kyi sde tshan yod pa la bya'o zhes zer ro/ /'thab bral rnams zhes bya ba ni mdo sde las de dag la mel tshe'i thun re re zhing bya'i rgyal po rnams kyis mi rtag pa sgrogs par byed do zhes ji skad gsungs pa'i phyir ro/ /dga' ldan rnams zhes bya ba ni dga' ba'i dga' ba de thob pa'i phyir ro/ /'phrul dga' rnams zhes bya ba ni 'dod pa sprul nas dga' ba ston pa'i phyir ro/ /gzhan 'phrul dbang byed rnams zhes bya ba ni gzhan dag gis sprul pa'i yul rnams la dbang byed pa'i phyir ro/ /gnas brtan mo'u dgal gyi bus ji skad ngas sems can 'bar zhing rab tu 'bar la kun du rab tu mched cing 'bar te mi lce gcig tu gyur pa mthong ngo zhes bya ba la sogs pa gsungs pa lta bu'o zhes bya ba ni rgyal po'i khab? kyi nam mkha' la mthong? ba'i phyir ro zhes khungs bstan pa'o/ /bsam gtan dang po chung du dang 'bring dang chen por yongs su bsgoms pas zhes bya ba la sogs pa la/ gal te tshangs pa chen po yang bsam gtan dang po'i 'bras bu yin na 'o na bsam gtan khyad par can gyi 'bras bu gang yin zhe na/ de'i 'bras bu gnas gzhan yon tan mchog tu gyur pa ni tshangs chen rnams su gtogs pa kho na yin te/ grong la dgon pa'i gnas bzhin du mngon bar grub pa yin pas gang du de bsgoms na tshangs pa chen po la sogs par skye bar 'gyur ba'o/ /'o na bsam gtan dang po las khyad par du 'phags par gyur pas de'i 'bras bu sa gzhan kho na zhig thob bar 'gyur bas bsam gtan gnyis pa'i sa lta bur ji ltar mi 'gyur zhe na/ bsam gtan gzhi'i rnam par gzhag pa la bsam gtan khyad par can ni bsam gtan dang por 'dus pa'i phyir gtan tshigs ma grub pa yin no/ /gang tshe dang lus dang spangs pa la sogs pa 'bras bu'i bye brag yong ba'i phyir bsam gtan khyad par can ni bsam gtan dang po las gzhan yin no zhes zer ba de'i ltar na tshangs pa'i mdun na 'don rnams kyang tshangs ris rnams las tshe dang lus la sogs pa'i bye brag yod ba'i phyir bsam gtan dang de'i 'bras bur mi 'gyur ro/ /gzugs kyi khams kyi rnam par bzhag pa ni bsam gtan dang por skyed pa rnams ni sdig pa'i chos bsal ba'i phyir tshangs pa rnams shes bya ste/ de dag sdig ba'i chos spong ba la sbyong pa'i phyir ro/ /'od chung ba la sogs pa gong ma ni med de/ /spangs zin pa'i phyir ro/ / bsam gtan gnyis pa la ni 'od ces bya ba 'phel bas rab tu phye ba yin no/ /bsam gtan gsum pa la ni dge zhes bya ba bde ba'i snying pos rab tu phye ba yin te/ de ni rab tu zhi ba yin pa'i phyir dge zhes bya'o/ /bsam gtan bzhi pa la ni gzugs can rnaMs las yon tan mchog tu gyur pas rab tu phye ba yin te/ de dag kyang 'jug pa'i phyogs las brtsams nas gsum mo/ /ldog pa'i phyogs las brtsams nas lnga'o/ /gnyi ga la mi gnas pa las brtsams nas ni gcig go /yang na mdag pa dang ngag ba dang mdag? pa 'dres pa dang dag las brtsams nas snga ma bzhin no/ /de la tshangs ris rnams zhes bya ba la/ ris ni tshogs la bya ste tshangs pa rnams kyi ris ni/ tshangs pa'i 'khor ro/ /de yod pa'i phyir tshangs ris rnams zhes bya ste/ dper na dbyug pa can zhes bya ba dang 'dra'o/ /tshangs pa'i mdun na 'don zhes bya ba ni tshangs pa'i 'dun na 'dug par gyur pas na tshangs pa'i mdun na 'don rnams zhes bya'o/ /tshangs chen pa rnams zhes bya ba ni tshangs pa phal dag las mchog tu gyur pa'i phyir tshangs pa chen po rnams zhes bya'o/ /'ong chung rnams zhes bya ba la sogs pa ni 'od kyi khyon dang gsal ba dag chung ba'i phyir dang/ khyon tsam yod pa'i phyir ba dang/ kun nas gsal ba'i don gyis gnyi ga yod pa'i phyir te/ go rims bzhin du sbyar ro/ /dge chung rnams dang zhes bya ba la sogs pa ngag la yang de bzhin du sbyar ro/ /sprin med rnaMs zhes bya ba ni deng gi gnas gzhan bsam gtan las byung ba sprin lta bu med pa'i phyir ro/ /bsod nams skyes rnams zhes bya ba ni de'i byams pa phul du byung bas bsod nams mchog gi skyes pa la bya'o/ /'bras bu che rnams zhes bya ba ni 'bras bu'i mchog yin pa'i phyir ro/ /mi che ba rnams zhes bya ba ni bsam gtan spel mar bsgom pa chung ba'i phyir zag pa dang bcas pa'i bsam gtan chung zhing mi brtan pa la bya'o/ /mi gdung ba rnams zhes bya ba ni 'gyod pa med pa'i phyir ro/ /gya nom snang rnams zhes bya ba ni lus nye bar zhi ba'i phyir bde ba la snang bar bya'o/ /shin du mthong rnams zhes bya ba ni mthong ba shin du dag pa'i phyir ro/ /'og min rnams zhes bya ba ni de dag chu zheng la sogs pa yon tan rnams kyis gang gi 'og duAng ma gyur pa'i phyir 'og min rnams zhes bya'o/ /dbang phyug chen po zhes bya ba ni chos kyi sprin la chos kyi dbang phyug theb pa'i phyir ro/ /sa bcu yongs su bsgoms nas gang du skye ba'o zhes bya ba ni de na drag pa dang bcas pa yin pas so/ /yang na gnas gzhan ci yang med pa yang yin no zhes bya ba ni gzugs can ma yin pa rnams la ni yul na gnas pa med pa'i phyir ro/ /'og na de dag gi gong ma dang 'og ma yang ji ltar rung zhe na/ sems can rnams kyi tshe la sogs ba 'bras bu'i khyad par dang/ 'dod chags dang bral ba'i khyad par dang/ snyoms par 'jug pa'i khyad par yod pa'i phyir ro/ /gzugs med pa'i khams ni gnas gzhan bzhi po rnams so zhes bya ba la/ kha cig na re gzugs med pa'i khams ni snod na yod de/ snod rnams ni sems can mdza' dag gi thun mong gi las kyi mngon par grub pa'i phyir ro/ /sems can rnams la ni gzugs med de/ gzugs kyi 'du shes dang bral ba'i snyoms par 'jug pa'i 'bras bu yin pa'i phyir te/ de'i phyir yang na gnas gzhan ci yang med pa yang yin no zhes smos pa yin no zhes zer ro/ /de ni gnas brtan dge 'dun phal chen sde'i drin yin te/ gnas gzhan rnam par bzhag pa'i skabs yin pa'i phyir dang/ yang na gnas gzhan ci yang med pa yang yin no zhes kyang mgur nas gsungs pa'i phyir kho bo cag la brtsad par mi nus so/ /mdo'i khungs kyang gsal bar yod la brtan pa 'di yang gsal ba'i phyir gzhan drang ba yin grang/ mi rnams kyi lo lnga bcu gang yin pa de ni rgyal chen bzhi'i ris kyi lha rnams kyi nyin zhag gcig go zhes bya ba ni rtsi sla bar bya ba'i phyir nyi ma'i 'gros las du yongs su bgrang ba'o/ /tshangs ris ba'i seMs can rnams kyi che tshad ni bar gyi bskal pa nyi shu la bskal pa gcig tu bgrang ba'i bskal pa gcig go zhes bya ba ni mnyam par bgrang ba'i phyir ro/ /bskal pa gcig go zhes bya ba'i tshig ni mdo sde las gsungs pa'i phyir ro/ /de la mi rnams dang dud 'gro dang yi dags rnams kyi lus ni ror gyur te 'dug go zhes bya ba ni srid ba'i dbang du byas pa ste/ rdzus te skyes pa rnams la de med pa'i phyor ro/ / lha rnams ni 'chi 'pho dang ltung ba'i sdug bsngal nyams su myong bar 'gyur ro zhes bya ba ni 'dod pa na spyod pa rnams so/ /las kyi dbang gis skyes pa'i mtshon cha rnam pa sna tshogs rim gyis 'byung ba dag gis gcig la gcig bsnun par byed do zhes bya ba la/ rim gyis 'byung pa zhes bya ba ni rgyang ring ba la ni mda' gzhu rnams so/ /de nas thag nye ba la ni mdung thung rnams so/ /shin du thag nye ba'i bar dag la ni chu gri rnams so/ /des sems can de dag lcags kyi sa gzhi la kun du gcod cing kun du 'byad la zhes bya ba ni yan lag gnyis su byed pa dang/ gsheg par byed pa ste gnyis kyang kham bu dang dum bu dum bur byed pa la bya'o/ /lcegs kyi tho ba tsha zhing kun du rab tu 'bar ba dag gis rdung la dmyal zhing kun du dmyal lo zhes bya ba la/ dmyal zhing zhes bya ba ni ma lus par 'thag pa la bya'o/ /de dag de na sdug bsngal myong pa la bar skabs kyang med de zhes bya ba la/ bar skabs zhes bya ba ni mna' ba zhes bya ba'i tha tshig ste/ ji skad du 'dul ba las spang ba byas nas chos gos sbyin par bya'o zhes gsungs pa lta bu'o/ /'on kyang bdag cag ni bkres so zhes bya ba'i tshig ni 'di'i 'du shes kyi rjes su 'jug pa'o/ /lhag pa gcig bsdus ba na zhes bya ba ni lcags kyi rab tu 'dral bar yin par chos mthun pa'i phyir ro/ /'di lta ste mdo las dpal gyi dris pa na m o'u dgal gyi bus rgyas par brjod pa bzhin te zhes bya ba ni dpal ldan gyi btsun pa mo'u dag la gyi bu chen po dang snga dro bdag sham thabs dang chos gos bgos te lhung bzed thogs nas rgyal po'i khab tu bsod snyomS kyi phyir bya rgod phung po'i gi las babs pa dang/ de na btsun pa mo'u dag la gyi bu chen po phyogs shigs 'dzum pa mdzad par gyur na/ btsun pa 'dzum pa mdzad pa de'i rgyu ni gang lags/ rkyen ni gang lags zhes zhus pa dang/ tshe dang ldan pa dpal ldan kho bos sems can khang pa brtsegs pa tsam zhig nyam thag pa'i nga ros du zhing sdug bsngal mi bzang pa drag pa nyams su myong zhing steng gi nam mkha' las 'ong ba mthong? ngo/ /mthong nas kyang kho bo 'di snyam du/ de lta bu'i sems can/ de lta bu'i gnod sbyin/ de lta bu'i lus thob pa/ de lta bu'i sdug bsngal zhes bya ba la sogs par sems so zhes rgya cher 'byung ba'o/ /de nas bcom ldan 'das kyis dge slong rnams la bka' stsal pa dge slong dag pa'i nyan thos mig tu gyur pa gnas pa ni legs so legs so zhes bya ba la sogs pa dang/ dge slong dag sems can de ni sngon rgyal po'i khab 'di nyid na ba lang bsod par gyur te/ de'i las kyi rnam par smin pas lo mang por zhes bya ba la sogs pa gsungs pa dang/ mdo sde de nyid las gsungs pa'i khyad par 'di yin te rus gong dri ma nam pa dag la bya rog la sogs pas 'thog pa dag mthong ste/ mi de ni ba lang gsod pa'i slob ma yin no zhes bya ba'i bar dang/ de bzhin du thal gong gi steng dang/ kha dang sna dag la bya rog la sogs pas 'thog pa de ni gsod pa'i gshed ma yin no zhes bya ba dang/ lcags kyi dra ba 'bar bas dkris pa de ni nya pa yin no zhes bya ba dang/ rlig pa rdza ma tsam de ni gzhal blugs la sgyu byed byed pa yin no zhes bya ba sogs pa gsungs pa la bya'o/ /lces bldag pa zhes bya ba ni lces yang dang yang du? mchu gnyis la bldag par byed pa'o/ /drid ba zhes bya ba ni sha rlon la sogs pa'i dri'o/ /de la mir skyes pa'i sems can rnams ni phongs pa'i sdug bsngal 'di lta bu myong bar 'gyur te zhes bya ba la sogs pa ni zas dang/ skom la sogs pa'i sbyin pa sbyin par byed pa las bzlog pa rnams dang go rims bzhin du sbyar ro/ /lha'i bu mo rnam pas lta ma yin gyi bu mo rnams mchog yin pa dang/ lha ma yin rnams la yang lha rnams kyi bdud rtsi mchog yin pa'i phyir de la lha rnams ni lha ma yin gyi bu mo de dag gi phyir lha ma yin rnams dang 'gras par 'gyur ro/ /lha ma yin rnams ni bdud rtsi rnam pa bzhi'i phyir lha rnams dang 'gras par 'gyur ro zhes bya ba smos so/ /bdud rtsi rnam pa bzhi zhes bya ba ni kha dog sngon po la sogs pa rnams so/ /de'i phyir/ ched 'ga' mdo gzhan kha cig las 'gro ba tha dad pa'i bstan pas bstan to zhes bya ba ni 'phags pa dkon mchog brtsegs pa la sogs pa dag las so/ /de dag ni lha nyid yin na zhes bya ba de la btsun pa 'dus bzang ni de dag la bden pa mngon par rtogs par mi 'byung ba dang/ mi ma yin pa'i 'gro bar bsdus pa'i phyir yi dags yin par nges so zhes zer ro/ /de la phal cher gtan tshigs ma nges pa dag gis tha snyad 'dogs pa yin te/ gzugs dang gzug med ba dag dang/ byang gi sgra mi snyan dag na bden pa mngon par rtogs pa med kyang yi dags nyid med do/ /gal te mi las gzhan pa mi ma yin pa la dgag pa brjod pa na ni gtan tshigs ma nges pa yin no/ /gal te 'gal ba la ni de'i ma grub pa yin te/ mdo sde gang las kyang lha ma yin no zhes ni gsungs pa'i phyir te/ mdo sde las bcom ldan 'das kyi mngon sum du dbang po btsun po 'di dag ni sngon nas lha lags so zhes ji skad gsol ba'i phyir ro/ /de ni drang ba yang ma yin te/ mdo sde gang gi stobs kyis de drang bar gyur/ gal te rjes su dpag pa'i stobs kyis so zhe na/ 'di nyid la yang rjes su dpag pa lo legs pa yin no/ /thags pa zangs ris ni yi dags ma yin te/ bdud rtsi za ba'i phyir ba dang/ lha mo rnams na longs spyod par byed pa'i phyir ba dang/ lha rnams kyiS de dag gi bu mo dag yongs su longs spyad pa'i phyir ba dang/ sum cu rtsa gsum pa'i lha'i bu la sogs pa kha cig zil gyis gnon par byed pa'i phyir ba dang/ de dag 'joms par byed pa'i phyir ba dang/ de dag gi yongs su spyad pa bdag gir byed pa'i phyir ba dang/ de dang sum cu rtsa gsum pa rnams kyi longs spyod 'dra ba'i phyir ba dang/ der gtogs pa'i sems can rnams bde ba mang po la spyod pa'i phyir ba dang/ de dang ris mthun pa thams cad kyang gnyis ka la grags pa'i lha'i bu rnams dang mdog dang/ dbang phyug dang/ chu zheng dang/ dga' ba dang/ rtsed mo dang/ mthu dang/ kha zas la sogs pa'i longs spyod 'dra ba'i phyir ro/ /lha la sogs pa bzhin te phyogs ni de lta'o/ /ji ltar thags bzangs ris gnod sbyin yin pa ltar rab dgod dang/ lha ma yin thams cad kyang de bzhin no/ /btsun pa 'dus bzangs nges pa'i tshig tsam gyis lha ma yin rnams lha nyid yin par 'dog gang? byed cing/ 'di ltar de dag gis nges pa'i tshig kyang lha nyid las bzlog par byed de/ su ra zhes bya ba ni dbang phyug yin pas su ra ni lha rnams yin no/ /de bkag pa'i phyir lha ma yin rnams zhes bya ste/ de lta bu'i dbang phyug med pa'i tha tshig go zhes zer ba ni shin tu rmun pa yin no/ /lha'i chos yang dag par blangs te gnas pa ma yin pa zhes bya ba ni smad pa la dgag pa ston par byed de/ dper na bu nyid yin yang smad pa yin pa'i phyir 'di nga'i bu ma yin no zhes zer ba bzhin du lha ma yin rnams kyang de dang 'dra'o/ /sgrib pa dang bcas la zhes bya ba ni kha cig na re las dang rnam par smin pa'i sgrib bdag dang ci rigs su sbyar ro zhes zer ro/ /kha cig na re 'di shes par bya'o zhes brtsal kyang ji lta ba bzhin du mi shes pa la bya'o zhes zer ro/ /de la sems can dmyal ba rnam pa bzhi car na yang zhes bya ba ni tsha ba dang/ grang ba dang/ lhag pa dang/ nyi tshe'i sems can dmyal ba'i bye brag dag na'o/ /bde ba myong ba med de zhes bya ba ni kha cig na re rnam par smin pa las skyes pa'i bde pa'i dbang du byas pa yin no zhes zer ro/ /yang kha cig na re reg pa'i skye mched drug pa'i dbang du byas pa yin te/ bcom ldan 'das kyis kyang dge slong dag reg pa'i skye mched drug pa zhes bya ba'i sems can dmyal ba dag yod de/ gang dag der skye ba de dag ni shin tu sdug bsngal ? 'khon nyams su myong bar 'gyur de zhes gsungs pa'i phyir ro zhes zer ro/ phyi rol du bltas pa las skyes pa'i yo byad kyi bde ba dang sdug bsngal ba 'dres pas 'dres mar snang ngo zhes bya ba ni 'dren ma yin pa'i phyir spel ma zhes bya'o/ /rin po che sna bdun po dag 'byung ba ni mdo nyid las ji skad 'byung ba bzhin du brjod par bya'o zhes bya ba ni gleng gzhi mnyan yod na te/ dge slong dag 'khor los sgyur ba'i rgyal po byung na rin po che sna bdun 'jig rten 'byung bar 'gyur te/ sna bdun po de dag gang zhe na/ 'di lta ste/ 'khor lo rin po che dang zhes bya ba la sogs pa mdo sde las rgya cher 'byung pa rnams mdor bsdu te brjod par bya'o / dge slong dag 'khor los sgyur pa'i rgyal po ches bco lnga'i gso sbyong gi nyi ma de nyid la mgo dang bcas pa bkrus te gso sbyong byas nas/ blon po'i tshogs kyis yongs su bskor zhing 'dug pa na shar phyogs nas 'khor lo rin po che rtsibs stong la sogs pa dang ldan pa dag 'byung bar 'gyur te/ de yang brgya byin gyi tshig gis las thams cad pas byas nas rgyal po chen po rnams kyis rgyal po la ston par byed do/ /de bzhin du byang phyoD logS na bya skyibs lha ma yin gyi ngos zhes bya bden blang po cher brtan? zheS bya ba me tog ku mu dri'i mdog 'dra la/ de'i mgo bzang zhing sdo la gtsug lham bu chu gsher gyi mdog ltar dmar ba zhig gnas te/ de la 'khor glang po che brgyad stong yod de/ de dag kyang de dang 'dra ba sha stag yin no/ /de nas brgya byin gyis tshig gis glang po che'i rgyal po rab brtan bu tha chungs 'khor los sgyur ba'i don du gtong bar byed do/ /de bzhin du nub phyogs khogs na rta'i rgyal po sprin gyi shugs can la yang snga ma bzhin du tha chungs thams cad sngo la mgo nag pa yang gtong par byed do/ /nor bu rin po che ni klu rnams sam rgyal po bzhis ster bar byed do/ /dge slong dag 'khor los sgyur ba'i rgyal po byung na bud med rin po che gzugs bzang ba zhes bya ba la sogs pa yang 'jig rten du 'byung bar 'gyur ro/ de bzhin du lhag ma rnams kyang 'byung bar brjod par bya'o zhes gsungs pa la bya'o/ /lo ma dang yal ga dang lo ma dang lo ma gzhon nu ni dpag tshad brgyad cur khyab par 'dug go? zhes bya ba la/ sdod po'i sboms su yam dpag tshad nyi shu yod pas na de'i phyir da ni thad kar dpag tshad brgya yod do/ /ldog na ni dpag tshad lnga bcur ngad ldang ste zhes bya ba la la la dag? ji ltar na dri rdzi phyogs ma yin par 'gro bar 'gyur zhes zer na/ ci'i phyir mi gro/ 'di na ma mthong ba'i phyir ro zhe na/ ci khyod kyi gzugs med pa rnams kyang mthong ngam/ bcom ldan 'das ni tshad ma yin no/ /gzhan yang dper na de na ma brdungs par yang sgra 'byung la 'di na ni ma yin pa bzhin no/ /gzhan yang de dang 'di'i rnam par 'byong pa'i khyad par mi 'dra ba de bzhin du las kyi khyad par gyis mngon par grub pa'i phyir dri yang srid do/ /'o na mdo sde las me tog dri ni rdzi phrogs ma yin par mi 'gro'o zhes gsungs pa ji lta bu zhe na/ de ni 'di na grags pa'i dri las dgongs te gsungs pa yin no/ /dbyar zla ba bzhi zhes bya ba ni de'i tshe de me tog rgyas pa'i phyir ro/ /byang gi sgra mi snyan dag na ni shing ljon pa de lta bu dag la dpag bsam gyi shing rnams zhes bya ste zhes bya ba la bdud rtsi ni med do/ /rtag tu me tog man dA ra bas? pus? cu btsam du kheg? par 'dug ste zhes bya ba ni 'di pa'i pus mo la bya'o/ /zhi ba'i bde ba can mi g.yo ba myong ngo zhes bya ba ni bde ba dang sdug bsngal nye bar zhi ba'i phyir bsam gtan de ni zhi ba'i bde ba can yin te/ de'? phyir mi g.yo ba zhes bya ba smos te/ de ni de gnyi ga 'gags pas rab tu phye ba yin pa'i phyir ro/ /ji lta ji ltar lus sdug bsngal gyi snod du shin tu gyur pa zhes bya ba ni byed rgyu gong ma rnams med du zin kyang las rnams kho nas sdug bsngal skye ba dang rjes su mthun pa'i lus bskyed pa la bya'o/ /dgang ba la rtsol ba zhes bya ba la dgang ba zhes bya ba ni rung bar byed pa'i gzhu la bya'o/ /de la 'phags pa'i nor las byung ba'i bde ba ni 'phags pa'i nor bdun po zhes bya ba la/ nor bdun po zhes bya ba ni 'bras bu dang bcas ba dang/ rgyu dang bcas pa dang/ mngon par rtogs pa las brtsams nas rnam par bzhag ste/ 'bras bu ni rtogs nas dad pa rnams dang/ 'phags par dgyes pa'i tshul khrims rnams dang/ de las byung ba bya ba ma nges pa rnams so/ rgyu ni thos pa dang gtong ba dag go / mngon bar rtogs pa ni shes rab kyi ngo bo nyid do/ /'bras bu thob pa ma yin na yang de dang rjes su mthun pa'i phyir de dag rnam par gzhag go /de la 'phags pa'i nor las byung ba'i bde ba ni 'phags pa ma yin pa'i nor las byung ba'i bde ba las rnam pa bco lngas khyad par du 'phags te zhes bya ba ni 'phags pa'i nor las byung ba'i bde bas 'phags pa ma yin pa'i nor las byung ba'i bde ba shin du dman pa yin te/ thams cad du skyon dang bcas pa'i phyir ro/ /sgrub pa'i dus na yang phyi ma la mi 'dod pa yin te/ nyes par spyod pa kun nas slong ba yin pa'i phyir ro/ /tshe 'di la yang mi 'dod pa yin te/ kha na ma tho ba dang bcas pa la dga' ba dang ldan pa yin pa'i phyir ro/ /gal te 'ga' zhig kha na ma tho ba dang bcas pa la dga' ba dang ldan pa ma yin du zin kyang rang bzhin gyis chung ba dang/ dus thams cad pa ma yin pa dang/ sa thams cad pa ma yin pa zhes bya ba'i dman pa rnam pa de gsum gyis shin tu dman pa yin no/ /yongs su spod pa na phyis 'phags pa dang 'phags pa ma yin pa'i nor gnyi ga thob par byed ba ma yin pa dang/ che 'di la longs spyod na yongs su zad cing mthong thug par 'gyur ba'o/ /srung ban tshe 'di la rgyal po rnams sam chom rkun rnams la sogs pas gcang du rung ba dang/ tshe phyi mar yang 'di nas blangs nas 'gro bar 'gyur ba ma yin pa'o/ /yongs su spyad na che 'di la bsten mchog mi shes pa yin pa dang/ 'thab pa la sogs pa dang na pa la sogs pa skyed par byed pa dang/ phyi ma la yang sdug bsngal skyed par byed pa ni ma 'ongs pa'i sdug bsngal skyer dogs pa'i gzhi'i gnas su gyur pa'i phyir ro zhes gang gsungs pa'o/ /bsrungs na yang tshe 'di la phyin ci log dag gis kun du rmongs par byed pa dang/ phyi ma la yang sdug bsngal spong bar 'gyur ba ma yin pa'o/ /bsdu pa'i tshigs su gcad pa ni/ sgrub dang longs spyod srung ba dang/ /spyad dang bsrungS pa'i bye brag las/ /dus lnga 'di dang phyi ma la /dbye bas de dag gnyis gnyis so/ /'phags pa'i nor las byung ba ni de dag las bzlog pa yin par brjod par bya'o/ /'phags pa'i nor las byung ba ni nang gi rkyen la rag las pa'i phyir dus thams cad pa yin no zhes bya ba ni lung la bltos pa yin du zin kyang 'byung ba'i skad cig ni tshul bzhin yid la byed pa la rag las pa yin pa'i phyir ro/ /chos kyi longs spyod bde ba yongs su rdzogs pa zhes bya ba'i gtan tshigs ni bdud dang phyir rgol ba des par bcom pa'i phyir zhes bya ba yin te/ de'i phyir de gnyis ni mig gcig tu bsdu'o/ /de la 'dod pa can rnams kyi 'dod pa'i bde ba yid la bde ba'i gnas lta bu ni rjes su chags pa dang ldan zhes bya ba la sogs pa ni smras mthag pa lnga po dag las bzlog pa yin no/ /rjes su 'brel pa 'di yin pa dang zhes bya ba ni 'dod chaD dang ma bral ba rnams kyi ste/ kun tu rtogs pa'i rjes su 'gro ba'i phyir ro/ /yang phyir ldog par 'gyur la zhes bya ba ni 'dod chags dang bral ba rnams kyi'o/ /dben pa'i bde ba zhes bya ba ni yongs su rdzogs pa ma yin te/ 'jig rten las 'das pa ma yin pa'i phyir ro/ /bdud dar phyir rgol dang ldan pa yin te zhes bya ba ni sgyu ma lta bu zhes bya ba la sogs pa yul drug po dag gis ston te/ skye mched drug gi mdo las/ bdud kyang de yin la bdud sdig can yang de yin no zhes ji skad gsungs pa lta bu'o/ /de bzhin du legs 'byor gyi mdo las sems can ji lta bar bdud kyang de bzhin no zhes gsungs so/ /mdo nyid las ji skad rgyas par 'byung ba bzhin du rig par bya'o zhes bya ba ni dge slong gang zag zing dang bcas pa'i dga' ba yang yod/ zang zing med pa'i dga' ba yang yod/ zang zing med pa bas kyang ches zad zing med pa'i dga' ba yang yod do/ /bde ba dang/ btang snyoms dang/ rnam par thar pa yang de bzhin te/ 'dod pa'i yon tan lnga la brten te skyes pa'i dga' ba gang yin pa de ni zang zing dang bcas pa yin no/ /bsam gtan dang po rdzogs par bya ste gnas pa'i gang yin pa de ni zang zing med pa yin no/ /bsam gtan gnyis pa'i gang yin pa de ni zang zing med pa bas ches zang zing med pa yin no/ /de bzhin du bde ba yang rnam pa gsum ste/ 'dod pa'i yon tan lnga dang/ bsam gtan dang po dang gnyis pa'i'o/ /de bzhin du btang snyoms kyang 'dod pa'i yon tan lnga dang/ bsam gtan dang po dang gnyis pa'i'o/ /de bzhin du rnam par thar pa 'ang gzugs dang gzugs med pa dang ldan pa dag dang/ 'di la dge slong 'dod chags las sems rnams par grol ba zhes bya ba la sogS pa ni gsum pa'o/ /gnas pa'i bde ba zhes bya ba ni gnas pa de nyid shin tu rab tu zhi ba'i phyir ro/ /de la zas ki longS spyod ni 'di yin te zhes bya ba la sogs pa ni sngar de la longs spyod dang yongs su sbyad pa rnam par gzhag ba ni 'di yin te/ 'di lta ste bde ba dang/ sdug bsngal ba myong ba dang zas kyi longs spyod dang zhes gang smos pa de la zhes bya bar sbyar ro/ / rgyal chen bzhi'i ris kyis ni pha dang ma'i phrag pa 'am par bar byis ba lo lnga lon pa lta bu rdzus te 'byung bar 'gyur ro zhes bya ba la/ lta bu zhes bya ba ni 'dra ba'i don te ji skad du/ mig sman thur ma gsar bris ltar/ /rus pa'i brgyan rnams brgyan byas shing/ /pha rol tshor bar mi byed pa'i/ /byis pa rnams la rmongs pas khyab ces gsungs pa lta bu'o/ /de la skye bar dogs pa rnam par bzhag pa ni zhes bya ba ni khams gdags pa rnam par gzhag pa'i rab tu dbye ba drug yin par sbyar ro/ / ji ltar 'dod pa skye ba gsum dang/ bde ba skye ba gsum du rnam par bzhag ce na/ zhes bya ba ni ci'i phyir skye ba gsum kho nar zang la mang du rnam par mi bzhag snyam du bsams nas 'dri ba'o/ /de dag de ltar gnas pas dran pa brjed par 'gyur ro zhes bya ba ni kha zas kyi ste/ de'i phyir bkres pas 'chi'o/ /gcig la gcig mig gis mig tshugs su rtogs par byed de zhes bya ba ni gcig la gcig phrag dog gis so/ /dbang po yongs su rdzogs pa zhes bya ba ni thams cad dod pa'i phyir ro/ /dbang po yongs su smin pa rnams so zhes bya ba ni tha snyad shes pa'i phyir ro/ /bstan bcos la btags pa'i yod pa dang/ don dam par yod pa'i rgyu rnam par bzhag pa gcig tu bsdus na rgyu rnam ba bcu ston par 'gyur bas na/ de la rgyu'i mtshan nyid gang zhe na/ snga na yod pa gang yin ba zhes bya ba la sogs pa smos so/ /rang gi sa bon ni snga na yod pa ste zhes bya ba ni sa bon ni 'bras bu bas snga ba'i phyir ro/ /bsten nas zhes bya ba ni gtso bo'i rkyen la brten nas so/ /phrad na zhes bya ba ni phrad pa tsam du zad pa la bya'i yang dang yang du byed pa ni ma yin no/ /gnas gzugs can nam zhes bya ba ni mig la sogs pa dag gis 'byung ba chen po rnams te/ mig la sogs pa dang de dag gi rnam par shes pa rnams kyi gnas yin pa'i phyir ro/ /mya ngan las 'das pa'i bya ba ci zhig yong na gang gi phyir de'i rgyu brjod ce na/ thob par bya ba nyid kyi rgyu brjod pa yin gyi bskyed par bya'i rgyu ma yin pas na nyes pa ci yod/ rgyu zhes bya ba ni sa bon spong bar byed pa yin te/ lus nyon mongs pa dang bral bar byed pa yin pa'i phyir ro/ /las kyi mdza' ma log pa zhes bya ba ni mtshams med pa'i las rnams mi byed? pa la bya ste/ ji skad du lnga pa zhes bya ba'i mdo las/ log pa'i las kyi mdza' gang zhe na/ mtshams med pa lnga'o zhes gsungs pa'i phyir ro/ /shes bya ba smos shing 'dod pa ni snga na yod pa ste zhes bya ba ni shes bya gang yin pa la nges shing bsgrub par 'dod pa yang yod na de 'grub bar 'gyur ba ste/ don gang rang la nges na gzhan la yang go bar byed pa'i phyir ro/ /bzo shes pa ni snga na yod pa ste zhes bya ba la/ bzo'i gnas ni sngon byung ba sbyor ba tsam du zad kyi sngon ma byung bskyed pa ni ma yin te/ de bas na 'grub ces bya ba'i sgrar bstan gyi skye bar 'gyur zhes bya ba'i sgrar ni ma yin te/ de lta bas na 'dir skye zhes bya ba dang/ 'grub ces bya ba la bye brag ni de yod do/ /zas rnam pa bzhi dang phrad na zhes bya ba la sogs pa yang sngon byung ba nyid gnas par byed pa'i rgyu yin na/ /de yang 'grub ba nyid de/ 'di ltar rnam par smin pa la skyes pa'i rgyud yod na bsags pa las byung ba'i rgyud 'byung bar 'gyur ba'i phyir ro/ /gal te gnas shing zhes bya ba ma smos na/ nus pa med pa nus pa yod par byas pa'i phyir bsgrubs pa zhes bya bas na lta ba yang 'grub par 'gyur te/ de'i phyir gnas shing zhes bya ba ni bstan pa yin no/ /'tsho la zhes bya ba dang/ lha bar 'gyur ro zhes bya ba gnyis ni bshad pa yin no/ /'tsho la zhes bya ba ni gnod ba med pa nye bar sogs pa yin no/ /lta bar 'gyur ro zhes bya ba ni phan 'dogs pa nye bar sogs pa yin no/ /chos ci zhig byed par 'gyur zhe na/ rang gi sa bon ni sngan? od pa ste zheS bya ba la/ byed pa'i gzhir gyur pa'i mchos gang yin ba chos de'i sa bon ni byed pa'i sa bon no/ /chos de nyid gnas te gang gi tshe byed pa'i byed pa chos gzhan 'byung ba na byed pa'i sa bon ni bdag nyid yin no/ /rang gi byed pa yod cing zhes bya ba ni rang gi las byed de zhes bya bas rnam par bshad bar byed do/ /mig gi las ni lta ba'o zhes bya ba la/ kha cig na re mig gi rnam par shes pa 'byung ba'i tshe na mig ni rab tu gsal ba dang lhan cig tu 'byung ste/ rab tu gsal ba de ni mig gi rnam par shes ba skye bar spyod do/ /de lta bas na byed pa dang lta ba'i rgyu yin no zhes zer ro/ /yang kha cig na re mtshungs pa'i mig de nyid lta ba yang yin la/ de nyid byed pa yang yin gyi/ de dag dang mtshungs pa'i mig ni de la spyod pa pa yin no zhes zer ro/ /de lta na de la spyod pa yin no zhes brjod par mi bya ste/ 'di ltar spyod ba ni byed ba yin na/ gang la spyod pa ni de'i byed pa ma yin te/ dngos po dang gzhi gnyis 'dres par thal bar 'gyur ba'i phyir ro/ /bco lnga po 'di dag ni rgyu'i gnas yin te zhes bya ba ni rkyen dang 'bras bu la yang brjod bar bya'o/ / gcig kho nas de dag nye bar mtshon pa gong kho nar brjod pa yin pas ma smos so/ /rjes su tha snyad 'dogs pa'i rgyu zhes bya ba ni rje su tha snyad 'dogs par byed pa'i rgyu la bya ste/ rjes su tha snyad 'dogs par byed pa'i rgyu la bya ste/ rjes su tha snyad 'dogs bar byed pa'i rgyu de yang tha snyad gdags pa'i don gyi yul de la ? rjes su 'jug pa'i sgra dag gis kun nas bslang zhing 'jug pa ste/ sgra de dag nyid rgyu yin no/ /ji ste rjes su tha snyad 'dogs pa nyid rgyu lon yin zhe na/ de lta na yang da ni rnam pa de lta bu kho na yin pas sgra dag ni rgyu yin no/ /de dag gi rten yin pa'i phyir tshig ni gnas yin te/ dper na rtsub pa nyid la sogs ba dag gi gnas ni sa la sogs pa dag yin no zhes brjod do/ /tha mi dad pa yin yang rnam par gzhag pa'i khyad par yod pa'i phyir ro/ /de bzhin du tshig kyang sgra dag gi gnas yin no/ /'di ltar tshig thams cad ni sgra ma yin te/ skyes bu'i grag pa tsam yang tshig yin pa'i phyir ro/ /tshig gi ji ltar mthong ba dang zhes bya ba la sogs pa la/ tshig gis shes bya ba ni brda'i rjes su 'jug pa'i sgra rnams kyis so/ /de la rgyu'i gnas myong ba la brten nas bltos pa'i rgyu 'dogs par byed de zhes bya ba ni bde ba'i don du 'jug pa dang/ sdug bsngal yongs su spang ba'i don du 'jug pa thams cad ni mngon sum mam brgyud pa yin pas na de gnyis kho na la bltos pa'i rgyu 'dogs par byed do/ /bltos bar bya ba yin pas bltos pa'o/ /de nyid rgyu yin pas na bltos pa'i rgyu zhes bya'o/ /ji ltar na 'bras bu nyid rgyu yin zhe na/ rab tu sbyor bar byed pa yin pa'i phyir te/ bdun ba skyes nas gcig nas gcig tu brgyud te spyod pa yod pa'i phyir ro/ /yongs su tshol ba la sogs pa ni de'i rgyu'i spyod pa yin no/ /de la rgyu'i gnas bag chags la brten nas zhes bya ba la/ bag chags zhes bya ba ni srid pa'i yan lag gi bag chags te bdag po'i rkyen kyi ngo bo nyid yin no/ /'phen pa'i rgyu 'dogs par byed de zhes bya ba la 'phen pa'i rgyu zhes bya ba ni 'bras bu skyed pa'i skal pa can du 'jog pa ste/ de'i bag chags bsgo ba'i gnas ni rgyu yin no/ /de yang bag chags kyi dbang gis 'byung ba yin bas na bag chags ni gnas yin no/ /'du byed rnams zhes bya ba ni mngon pa r'du byed pa las byung ba'i kun gzhi rnam bar shes pa la bya'o/ /mang po tshig tu byas pa ni kha cig na re rgyud bzhin du mang ba'i phyir ro zhes zer ro/ /yang kha cig na re bag chags rnams 'dzin pa yin pa'i phyir ro zhes zer ro/ /yongs su bsgos pa zhes bya ba ni bag chags gsos pa la bya'o/ d e nyid kyi dbang gis phyi rol gyi dngos po rnams kyang phun sum tshogs pa dang rgyud par 'gyur ba'i phyir te zhes bya ba ni nang gi 'du byed kyi longs spyod kyi don du phyi rol rnams mngon par 'gyur bas na de nyid kyi dbang gis phun sum tshogs pa dang rgyud par 'gyur ro/ /rlan dang bcas pa'i sa bon zhes bya ba ni sred pas de ma thag tu 'bras bu skyes nus pa bskyed pa ste/ mngon par brjod pa'i bag chags na sa bon no/ /mngon par 'grub pa'i rgyu ni sred pa yin no zhes gsungs pa lta bu ste zhes bya ba 'di khungs yin te/ mngon par brlan pa'i sa bon de ni mngon par 'grub pa'i rgyu nyid yin pa'i phyir ro/ /phrad nas 'grags pa zhes bya ba ni mtshungs pa de ma thag pa'i rkyen la bya ste/ nye bar spyod par byed pa'i phyir ram/ 'gag pa'i tshe zhes kha cig gi lugs yin pa'i phyir ro/ /gzhan dag na re phrad nas 'gag pa zhes bya ba ni yul de dang dbang po la sogs pa'i bye brag dag tu byas pa yang yin no/ /zhes zer ro/ /de lta na de bzhin du zhes bya pa'i sgra ni go dka' bar 'gyur ro/ /byed pa zhes bya pa ni mig la sogs pa dag gi spyod pa gang yin pa ste/ mig gam yul thams cad ni rnam par shes pa skyed par mi byed pa'i phyir ro/ /skyes bu'i byed pa zhes bya ba ni yul thob par bya ba'i phyir yongs su g.yo bar byed pa'o/ /yongs su 'dzin pa'i rgyu zhes bya ba ni de dag gis yongs su zin na rang gi sa bon las 'bras bu 'byung ba ste/ de dag nyid yongs su 'dzin pa yang yin te/ de dag nyid rgyu yang min/ de dag nyid gnas kyang yin te snga ma bzhin no/ /de kho na la lta bas yongs su zin zhes bya ba la/ de kho na la lta zhes bya ba ni shes rab ste/ nges yongs su zin pa ni de dang mtshungs par ldan pa ste de'i dbang gis de las gzhan pa rnams kyang 'jug par 'gyur ro/ /khyad par can rnams zhes bya ba ni mnyam pa dang/ dman pa dag rang gi dang ? dug na ni rgyu khyad par can ma yin no/ /de bzhin du 'dod pa dang ldan pa'i dge ba'i chos rnams ni gzugs dang ldan pa dang/ gzugs med pa dang ldan pa dang/ ldan pa ma yin pa'i dge ba'i chos rnams kyang 'dren te/ de dang mthun pa'i phyir ro zhes bya ba ni kha cig na re brgyud pa las bsams pa yin no zhes zer ro/ /su la 'jigs pa na bsam pa de ltar rtog par byed/ gal te bye brag tu smra ba dag gis ring ba rnam pa bzhi brtags pas 'jigs so zhe na/ 'on 'phags pa gnas brtan pa dag gis 'dod pa na sbyod pa'i dge ba'i chos rnams kyis drangs ma thag tu gzugs med pa na spyod pa'i chos rnams 'byung bar 'gyur ro zhes brtags pa'i 'jigs pas kyang ci'i phyir brgyud pa'i bsams pa gtong bar mi byed/ de lta bas na sde ba gzhan dag gi bsgos pa'i rjes su 'gro ba mthong la theg pa chen po'i ma mo la bltos shig dang/ de las ni yongs su 'dris par byas pa'i rnal 'byor pa ni 'dod pa na spyod pa'i sbyor ba las byung ba'i sems kyi mjug thogs su gzugs med pa ngag la snyoms par 'jug go zhes ba sungs so// de'i phyir de ni mngon sum du 'dren par byed pa'i rgyu yang yin no/ /'dus ma byas pa mngon sum du bya ba yang 'dren to zhes bya ba ni mya ngan las 'das pa'i thob pa la bya ste/ sngar ni 'dus byas skyed pa bstan to/ /de la rgyu'i gnas mthu sna tshogs la brten nas zhes bya ba ni ldan pa ma yin pa'i 'du byed so sor nges pa zhes bya ba dang rgyu dang 'bras bu ma 'chol pa'i mtshan nyid yin te/ de rdzas gzhan du yod pa ni ma yin no/ /de nyid rgyu yin te/ de yang mthu sna tshogs kyis byas par nges pa yin no/ /de lta ma yin du zin ma mig las kyang rna ba'i rnam par shes pa la sogs pa dag 'byung bar 'gyur ro/ /de la rgyu'i gnas tshogs pa la brten nas zhes bya ba la/ /tshogs pa zhes bya ba ni rkyen rnams kho na la bya'i rgyu la ni bya'o/ /de ltar rgyu dang lhan cig tu bya ba byed pas de'i phyir/ lhan cig byed pa'i rgyu zhes bya'o/ /de ltar na yongs su 'dzin pa'i rgyu dang 'di'i bye brag ma bstan pa yin te/ de'i phyir lhan cig byed pa'i rgyu ni ji skad smos pa'i rgyu mdza' dag 'dus pa'i ngo bo nyid yin te/ gcig la gcig gi stobs kyis byed pa'i phyir/ lhan cig byed pa zhes bya'o/ /de'i phyir lhan cig byed pa'i rgyu 'di nyid du skye ba'i tshogs pa dang 'thob pa'i tshogs pa la sogs pa dag ston to/ /'dir smos pas gzhan dag tu 'ang ji ltar srid pa'i don smras pa yin te de dag ni de'i phyogs cig yin pa'i phyir ro/ /gzhan dag na re snga ma rnams ni phal cher skye ba'i rgyu yin te/ de'i phyir lhan cig byed pa'i rgyu 'di nyid du skye ba dang 'thob pa la sogs pa dag bstan pa yin no zhes zer ro/ /gzhan dag na re de lta bu srid mod kyi de dag la 'dus ba med pas na de'i phyir ma bstan to zhes brjod par rigs par 'gyur ro/ /de la rgyu'i gnas bar du gcod pa la brten nas mi mthun pa'i rgyu 'dogs par byed do zhes bya ba la/ ji ltar na med pa gzhan gyi rgyur 'gyur zhe na/ de lta bu'i tha snyad yod pas na nyes pa med do/ /'dir rgyur ji ltar de la byed par 'gyur zhes rgal ba de ni de'i rkyen ma tshang bar byed pa yin no/ /gal te bar du gcod pa ma yin pa nye bar gnas par gyur zhes bya ba ni mar me la sogs pas bar du gcod pa bsal ba la bya'o/ /'o na lhan cig byed pa'i gyu dang 'di la bye brag ci yod ce na/ kha cig na re rjas ni gcig pa yin mod kyi spyod pa la bye brag yod do zhes zer ro/ /yang kha cig na re snga ma'i rkyen mdza' dag dang 'grogs pa yin gyi bar du gcod pa ma yin pa ni rgyu gcig pu yin par zad do zhes zer ro/ /yongs su 'dzin pa'i rgyu dang ni sa bon las bye brag yod do/ /yang na bar du gcod pa med pa tsam nyid rgyur 'gyur te/ dper na chos kyi rgyun gyi rgyu yod pa yang nya ba tsam mo gyi phan 'dogs par byed pa de bzhin du 'ga' ? zhig med par gyur pa gang yin pa yang nye bar gyur pa na skye bar 'gyur bas de ni 'dra ba yin no/ /de la rkyen gyi gnas sa bon la brten nas rgyu'i rkyen 'dogs so zhes bya ba la/ sa bon zhes bya ba ni mngon par brjod pa'i bag chags kyi sa bon la bya ste/ gzhan dag tu ni bag chags bdag po'i rkyen yang yin no/ /de la rgyu'i gnas dang rkyen gyi gnas bag chags dang mthun pa la brten nas rnam par smin pa'i 'bras bu dang rgyu mthun pa'i 'bras bu 'dogs so zhes bya ba la/ rgyu'i gnas las kyi bag chags la brten nas rnam par smin pa'i 'bras bu 'dogs par byed kyi mngon par brjod pa'i bag chags la ni ma yin te/ de las mngon par 'grub pa ni rgyu mthun pa'i 'bras bu yin pa'i phyir ro/ /lung du ma bstan pa ni dman pa'i phyir dge ba dang mi dge ba rnams dang mthun pa yin par sngar yang rnam par ma gzhag pas rnam par smin pa'i 'bras bu ni mthun pa'i ni ma yin no/ /de la rgyu ni phan pa'i don to zhes bya ba ni nges pa'i tshig yin gyi de mtshan nyid ni ma yin no/ /lhag ma rnams ni thabs kyi rgyu'o zhes bya ba ni rjes su tha snyad 'dogs pa la sogs pa dag go / 'di lta ste mig ni mig gi rnaM par shes pa'i 'o zhes bya ba ni lhan cig 'byung ba'i rgyu yin pa mdo sde pa ngag gi smras pa/ rgyu ni lhan cig 'byung ba med pa kho na yin te/ mig dang gzugs ni snga la de las rnam par shes pa 'byung ba la sogs pa'i phyir ro/ /pha rol gyi sems shes pa yang da ltar byung ba la dmigs pa'i phyir ba dang/ rgyur byas pa'i gzugs kyang lhan cig byung ba'i 'byung ba la brten par mkhas blangs pa'i phyir ba dang/ de 'phel ba dang 'grib par 'gyur ba la sogs pa dang giS 'od kyang lhan cig skyes pa'i mar me rten pa nyid yin par snga ma dag gis bsgrubs pa'i phyir med pa kho na yin no zhes zer ba de ni rigs pa ma yin no/ /mig dang gzugs ni 'ji lta ste gnas dang dmigs pa nyid du rnam par shes pa'i rgyu'i dngos po tsam du zad do/ /skyes pa po ni lhan cig 'byung ba ma yin par yang 'dod la rag go /gzhan yang smra bar nus te/ mig gi rnam par shes pa ni 'das pa la dmigs pa ma yin te/ rtog pa med pa'i phyir te sgra bzhin no/ / gang 'das pa la dmigs pa de ni rnam par rtog pa yin te/ dper na dra ba can gyi yid kyi rnam par shes pa bzhin no/ /rnam par rtog pa ma yin pa'i rnam par shes pa'i dmigs pa 'das ma thag pa'i gzugs ni yul ma yin te/ 'das pa yin pa'i phyir ro/ 'gags nas lo brgya lon pa'i gzugs bzhin te/ skad cig de la 'gags pa dang 'gags nas lo rgya lon pa ni dngos po med pa'i rang bzhin nyid yin pa'i bye brag med do/ /log pa ni 'dus ma byas pa'o/ /gzhan dag rjes su dpag pa de lta bus 'jigs nas smras pa/ de ni dmigs pa ma yin gyi sngon po la sogs pa'i rkyen gyis mjug thogs kho nar sngon po la sogs par snang ba 'byung ba na de la dmigs pa zhes bya'o zhe na/ de'i dmigs pa'i dngos po yin par khas mi len na de'i rkyen gyi dngos po gzhan gang yin te/ khyed cag ni dmigs pa'i dngos po rang gi rnam par 'byung ba kho na yin par smra'o/ /rgyu lnga po de dag ni bsdu ba dang/ dus kyi rnam par bzhag go /bsdu ba yang don dam par yod pa dang/ brdar btags pa'i yod pa'i tshig gnyis bstan to/ /'gags ma thag pa ni 'di lta ste mngon bar 'grub pa'i rgyu'o zhes bya ba ni 'jug thogs su sbyong bar 'gyur ba ste/ bye brag nges rnam par bzhag go /'gags nas ring du lon pa ni 'di lta ste/ 'phen pa'i rgyu'o zhes bya ba ni dge ba dang mi dge ga'i 'du byed rnams kyi bag chags kyi 'jug pas 'bras bu skyed par byed pa'o/ /sdug pa'i rgyu zhes bya ba na dge ba'i bag chags dang mthun pa'i phyogs gcig yin no/ /mi sdug pa'i rgyu zhes bya ba ni mi dge ba'i bag chags dang mthun pa'i phyogs gcig yin no/ / lta ba'i rgyu zhes bya ba ni zas kyis bsdus pa ste/ mthun pa'i phyogs gcig kho na yin no/ /'jug pa'i rgyu zhes bya ba ni mi mthun pa'i rgyu dang de kho na la lta ba'i rgyu ma gtogs pa de las gzhan pa'o/ /ldog pa'i rgyu zhes bya ba ni ma gtogs pa gang yin pa gnyis so/ /'di lta ste mi rtag pa ni rgyu yin gyi zhes bya ba la/ kha cig na re mi rtag pa zhes bya ba ni med par dgag pa la bya ste/ de'i phyir rtag pa'i chos ni skye ba'i rgyu la sogs pa gang gi rgyur yang mi 'gyur ro zhes bya ba la sogs pas de nyid rnam par 'grel par byed do/ /de lta ma yin du zin na skyes la 'gags pa zhes bya ba de dang khyad par med par 'gyur ro/ /'di ltar skyes la 'gags pa zhes bya ba ni skye ba dang 'gag pa dang ldan pa yin no zhes 'chad do/ /'das pa ni dngos po med pa'i phyir rgyu'i? sngo po med pa yin no zhes zer ro/ /mi rtag pa'i chos mi rtag pa'i rgyur 'gyur ba yang zhes bya ba ni ma yin par dgag par 'gyur te/ mi rtag pa nyid rgyu yin no zhes bya ba 'dis ni snga ma nyid gtan la 'bebs par byed do/ /skyes la 'gags pa zhes gang 'byung ba des ni 'das pa nyid brjod pa yin te/ rgyu'i khyad par brjod par 'dod pa'i phyir ro zhes brjod par bya'o/ /yang kha cig na re ji ltar 'das pa ni dngos po med pa yin yang bag chags la sogs pa'i tshul gyiS rgyu yin pa de bzhin du bstan pa yin no zhes zer ro/ /rtag pa ni gang gi rgyur yang mi 'gyur ro zhes bya la/ kha cig na re rgyu'i don rnam pa bcu po dag tu mi rung ba'i phyir ro zhes zer ro/ /'o na yongs su 'dzin pa'i rgyu ni dbang po dang yul la sogs pa dag yin no zhes ma smos sam zhe na/ de'i yul ni 'dus byas yin par 'dod de/ yongs su 'dzin pa'i don yin par smras pa'i phyir ro/ /de lta na lhan cig byed pa'i rgyu yin par 'gyur ro/ /yang kha cig na re gzhan yang rgyu ni rnam pa bdun du gzhag pa yin te zhes bya ba'i tshig de ni 'dren pa dang/ 'phen pa dang/ mngon par 'grub pa'i rgyu las bsams pa yin te/ 'di ltar phyi ma'i rgyur 'gyur gyi skad cig de nyid kyi ma yin pa la sogs pas de las gzhan pa'i rgyu dag las khyad par du bstan pa yin no zhes zer ro/ /yang kha cig na re dngos yin pa'i phyir de ni skyed pa'i rgyu'i mtshan nyid kho na yin te/ de'i phyir 'di ltar mi rtag pa'i chos mi rtag pa'i rgyur 'gyur ba yang zhes bya ba la sogs pa smos so zhes zer ro/ /skyes pa 'gags pa zhes bya ba des ni 'ongs pa 'gog par byed do/ /kha cig na re skyes la zhes bya ba ni da ltar byung ba la bya'o/ /'gags pa zhes bya ba ni 'das pa la bya'o zhes zer ro/ /yang kha cig na re de ni 'das pa kho na yin par gsungs so zhes kyang zer re/ yang kha cig na re skyes lam 'gags pa zhes bya bar brjod de/ de dag gi rnam par rtog pa yang gnyis te/ da ltar byung ba dang 'das pa dag da ltar 'byung ba yin par rtog go mi rtag pa'i chos mi rtag pa'i rgyur 'gyur ba yang zhes bya ba la/ ji ltar na 'thob pa'i rgyu la 'bras bu mi rtag par ji ltar 'gyur/ sems dang sems las byung ba rnam par grol bar 'gyur ba'i byed pa yin pa'i phyir ro/ /dngos po gzhan zhes bya ba la/ dngos po gzhan gyi ni dus mnyam pa 'am dus phyi ma'i rgyu yin no/ /rang gi ngo bo phyi ma'i rgyur 'gyur gyi zhes bya ba la/ rang gi ngo bo la ni phyi ma'i rgyur 'gyur te/ dper na mig ni mjug thogs su 'byung ba'i mig gi rgyu yin pa lta bu'o/ /des ni sngar 'byung bar sems bar smra ba dag gis nyes pa'i lan yang btab pa yin no/ /de bas na skad cig de nyid kyi ma yin no zhes bya ba ni rang gi ngo bo kho na dang sbyar ba yin no/ /snga ma las gyur na byed kyi ma gyur bar mi byed de zhes bya ba ni rkyen gyis rgyur 'gyur bar byed pas 'bras bu'i rkyen gyi bya ba byed pa la bya'o/ /'thun zhing 'phrod pa las 'byung gi zhes bya ba ni de yang mthu yin te/ gal te mthun par gyur na ni rang dang mthun par skye ba'i phyir ro/ /'phrod par 'gyur na ni gzhan gyis skyed pa'i rkyen gyis dngos par 'gyur ba'i phyir ro/ /de la mtshan nyid gdags pa rnam par gzhag pa gang zhe na zhes bya ba la/ de la zhes bya ba ni khams dang mtshan nyid tshul bzhin dang zhes bya ba de la mtshan nyid gdags pa rnam par gzhag pa gang zhe na zhes bya bar sbyar ro/ /rtog pa dang dpyod pa rnams kyi lus gang zhe na/ rtog pa dang dpyod pa rnams dmigs pa la mngon par mi rtog pa ni sems pa'i lus yin la zhes bya ba la/ dmigs pa mngon par mi rtogs pa zhes bya ba ni nye bar brtag par bya ba'i dngos po la nges par mi rtog pa ste/ de'i tshen sheS rab med pa'i sems pa 'ba' zhig la gdags pa yin no/ /rtog pa dang dpyod pa rnams dmigs pa la mngon par rtog pa ni shes pa'i lus yin par rig par bya'o zhes bya ba ni de'i tshe na sems pa yang yod mdo kyi gtso bo ma yin te/ bya ba byed pa'i tshe na shes rab kyis skabs rnyed pas zil gyis non pa'i phyir ro/ /de'i phyir de'i tshe na sems pa de la rtog pa dang dpyad par bdags pa med do/ /'di ltar yang dag pa'i shes pa'i ngo bo nyid ni yang dag pa'i rtog pa kho na yin no zhes 'og nas kyang 'byung ngo/ /'di la lung ni bsam gtan pa rnam par 'byed pa zhes bya ba'i mdo las btsun ba rtog pa dang dpyod pa rnams kyi dngos po gang lags/ dge slong rtog pa dang dpyod pa rnaMs kyi dngos po ni sems pa dang shes rab yin no/ /btsun pa rtog pa dang dpyod pa rnams kyi gdags pa gang lags dge slong rtog pa dang dpyod pa rnams kyi gdags pa ni yid la brjod pa'i sgo nas 'jug pa'i sems pa dang shes rab yin no zhes gsungs pa'o/ /ci rtog pa dang dpyod pa dag sems gcig la yod dam zhe na/ gal te skad cig las brtsams te smra na ni med de/ gcig ni yongs su tshol ba'i rnam pa yin pa'i phyir ba dang/ cig shos ni so sor rtog pa'i rnam pa yin pa'i phyir ro/ /rnam pa tha dad pa yin pa'i phyir tshor ba dang 'du shes bzhin du mtshungs par ldan pa kho na ma yin nam zhe na/ de gnyis ni mtshungs par ldan pa yin par rigs te/ rdzas tha dad pa yin pa'i phyir pa dang/ dus mi mthun pa med pa'i phyir ro/ /rtog pa dang dpyod pa nyid na ma yin te/ rdzas gcig pa'i ngo bo nyid yin pa'i phyir ba dang/ don yongs su btsal nas de'i 'og tu so sor rtog par byed pa yin pa'i phyir ro/ /gal te rgyun las bsams te smra na ni de'i phyir yod do/ /de la yang mdo de nyid las nga btsun? pa rtog pa dang dpyod pa ngag ji ltar rjes su 'jug par 'gyur/ dge slong rgyun gyis na rtog pa dang dpyod pa dag na sems gcig la rjes su 'jug par 'gyur gyi/ skye pas ni ma yin no zhes gsungs so/ /de la rtog pa dang dpyod pa rnams kyi dmig pa gang zhe na/ mig gi tshogs dang tshig gi tshogs dang yi ge'i tshogs la brten pa'i don ni dmigs pa yin no zhes bya ba la tshogs la brten pa'i don ces bya ba ni de dag gis brjod par bya'o/ /ji ltar na de de dag gis dmigs pa yin zhe na/ d ni rnam pa dang 'brel pas yul la 'jug pa'i phyir te/ de bas na yid la brjod pa zhes bya'o/ /mig gi rnam par shes pa sogs pa dag la ji ltar rung zhe na/ yid kyi rnam par shes pas 'phangs pa'i phyir te/ zhe sdang la sogs pa bzhin no/ /kha cig na re nye bar gnas pa las byung ba la ni de dag mi srid pa kho na yin no zhes zer ro yang kha cig na re nye bar gnas pa las byung ba yang mngon par brjod pa dang 'brel pa kho nas don la 'jug pa yin te/ de lta ma yin na de'i don mngon par brjod pa'i mtshan nyid thaMs cad dang bral ba la yid kyi rnam par she pas sngon po'o zhes nges par bya zhing sgro 'dogs par yang mi rigs so zhes zer ro/ /dper na rjes las thob pa'i ye shes kyis ngas 'di lta bur mngon par rdzogs par khong du chud do zhes mngon par rtogs pa rnam par 'jog par byed kyang/ mngon par rtogs pa la rnam par rtog pa med pa de bzhin du 'di la yang rung bar 'gyur ba ma yin nam/ 'di ltar rnal 'byor pa'i rjes las thob pa'i ye shes kyi ni de lta bu kho nar rtogs pa ma yin te/ 'on kyang thabs byung ba de dag gis rtogs par byed pa yin no/ /snga ma yang de lta bu yin te/ 'di ltar yid kyi rnam par shes pas ni de lta bu kho nar rtogs pa ma yin te/ de ni myong ba dang brda'i thabs kyis de'i 'og tu rnam par 'jogs par byed do zhe na/ de ni mi rung ste/ mig gi rnam par shes pa la sngon bor snang ba'i mjug thogs su byung ba yid kyi rnam par shes pa yang de'i rnam pa dang 'dra bar khas blangs pa'i phyir ro/ /de dang mthun pa'i phyir snga ma la yang mngon par brjod pa yod par rje su dpag tu rung ngo/ /de bzhin nyid kyi ye shes dang rjes las thob pa'i ye shes gnyis la ni 'dra pa chung? zad kyang med de/ gcig ni shin tu rnam par mi rtog pa yin pa'i phyir ba dang/ cig shos ni gzung ba dang 'dzin par sgro 'dogs pa yin pa'i phyir ro/ /dmigs pa de nyid la gtod cing zhes bya ba ni mtshan ma la sems kyi yongs su tshol ba ste/ nges par rtog pa gang yin pa'o/ /bye brag tu gtod pa zhes bya ba ni/ de bzhin du so sor rtog cing 'jug sdud par byed pa'o/ /mngon par rtogs pa'i dus na ni yongs su btsal ba las nges par rtog go /mngon par mi rtogs pa la ni yongs su btsal ba las nges par rtog pa med de kun nas slong btsam du zad do/ /de ltar de gnyis ni shes rab dang sems pa'i rjes su 'jug pa dang go rims bzhin du bstan pa yin no/ /ngas kun nas slong ngo? zhes bya ba ni tshig kun nas slong bar byed pa la bya'o/ /yang na de dag las dag kun nas 'byung ba ste/ de dag sngon du 'go zhing tha snyad kyi rgyu yin pa'i phyir ro/ /rab tu dbye ba rnam pa bdun te/ mtshan ma can dang mtshan ma can ma yin pa nas / nyon mongs pa can ma yin pa'i bar du snga ma bzhin no zhes bya ba ni mtshan ma can dang/ mtshan ma can ma yin pa dang/ rang gi dang gis 'jug pa dang/ chol ba pa dang/ so sor rtog pa dang/ nyon mongs pa can ma yin pa rnams la bya'o/ /'jig rten 'das pa'i ye shes bya ba la/ 'jig rten pa'i kha cig la yang rnam par rtog bsad pa med pa'i phyir khams gsum pa'i yang rnam par rtog pa med la/ rtog pa dang dpyod pa med pa yang yod do/ /mngon par rtogs pa dang so sor rtog pa ni bsam gtan gnyis pa la sogs pa dag la yang yod na ci'i phyir de dag kyang rtog pa dang bcas shing dpyod pa dang bcas pa ma yin zhe na/ langs pa na yod pa kho na yin yang mnyam par gzhag pa na med pa'i phyir ro/ /de las gzhan pa zhes bya ba ni rtog pa dang dpyod pa dag las gzhan bdag la bya'o/ /sdug bsngal gyiS bskyod pa zhes bya ba ni sdug bsngal gyis gnod par gyur pa las byung ba rnams la bya'o/ /yid mi bde ba dang ldan pa zhes bya ba la/ ci'i phyir sdug bsngal dang ldan pa zhes smos she na/ kha cig na de yul mi 'dod pa sna tshogs rgyun du 'byung ba'i mig gi rnam par shes pa la sogs pa shugs kyis 'jug pa med pa'i phyir ro zhes zer ro/ /yang kha cig na re mig gi rnam par shes pa la sogs pa dag la sdug bsngal yod mod kyi brjed pa'i gnod pa yod pa'i phyir de la shugs kyis rtog pa dang dpyod pa dag ni med pas na de'i phyir de dag sdug bsngal dang ldan pa zhes mi bya'o zhes zer ro/ /yi dags rdzu 'phrul che ba rnams zhes bya ba ni dud 'gro kha cig la yang brjod par bya ste/ de dang 'dra ba na sngar yang phyogs cig tu byas pa'i phyir brjod pa kho na yin no/ /gcig tu nges par nang gi sdug pa'i yul gyi 'dus te reg pa zhes bya ba la/ nang gi zhes bya ba ni bsam gtan la skyes pa yin pa'i phyir ro/ /gcig tu nges par bde ba dang mi 'bral bar 'dod pa zhes bya ba ni bde ba thob pa yin pa'i phyir ro/ de la tshul bzhin yid la byedpa gdags pa rnam par gzhag pa? gang zhe na zhes bya ba la/ de la zhes bya ba ni/ khams dang mtshan nyid tshul bzhin dang zhes bya ba de la 'dir tshul bzhin yid la byed pa gdags pa rnam par bzhag pa gang zhe na zhes snga ma bzhin du sbyar par bya'o/ /gnas rnam pa drug ste/ 'di lta ste nges pa'i dus dang/ ldog pa'i dus dang/ las kyi dus dang/ 'jig rten pa'i 'dod chags dang bral ba'i dus dang/ 'jig rten las 'das pa'i 'dod chags dang bral ba'i dus dang/ sems can la phan 'dogs pa'i dus so zhes bya ba la/ dang po ni dad pa dang mtshungs? par ldan pa'i rtog pa dang dpyod pa rnams kyi'o/ /gnyis pa ni ngo tsha shes pa dang khrel yod pa dang mtshungs par ldan pa rnams kyi'o/ /gsum pa ni brtson 'grus dang bcas shing mchags pa la sogs pa dang mtshuns par ldan pa rnams kyi'o/ /bzhi pa ni shin du sbyangs pa dang/ mtshungs par ldan pa rnams kyi'o/ /lnga pa ni bag yod pa dang btang snyoms dang mtshungs par ldan pa rnams kyi'o/ /drug pa ni rnam par mi 'tshe ba dang mtshungs par ldan pa rnams kyi gnas yin no/ /ji ltar na nges pa'i dus dang ba'i gnas yin zhe na/ dad pas ni mos par dka' ba la yang de ni bcom ldan 'das kyis gsungs pa yin no zhes mos par byed la mos pa ni nges pa yin pa'i phyir ro/ /tshul bzhin yid la byed pa dang ldan pa'i rtog pa dang dpyod pa rnams kyi dngos po gang zhe na/ dngos po brgyad de/ sbyin pa las byung ba'i bsod nams bya ba'i dngos po dang/ tshul khrims las byung ba dang/ bsgoms pa las byung ba dang/ thos pa las byung ba dang/ bsams pa las byung ba dang/ de las gzhan pa'i sgom pa las byung ba dang/ so sor btags? pa las byung ba dang/ sems can phan 'dogs po las byung ba'o zhes bya ba la/ dang po dad pas mngon par bsgrubs pa'i rtog pa dang dpyod pa rnams kyi dngos po'o/ /lhag ma rnams ni ngo tsha shes pa dang/ /? yod pas bsgrubs pa dang/ ma chags dang zhe snga? ba med pas bsgrubs pa dang/ gti mug med pas bsgrubs pa dang/ brtson 'grus kyis bsgrubs pa dang/ shin tu sbyangs pas bsgrubs pa dang/ bag yod pa dang btang snyoms gyis bsgrubs pa dang/ rnam par mi 'tshe bas bsgrubs pa'i dngos go rnams te go rims bzhin du sbyar ro/ /de las gzhan pa'i sgom pa las zhes 'byung ba zhes bya ba la/ de las gzhan pa'i zhes bya ba ni byams pa la sogs pa dag ma gtogs pa'i'o/ /dngos po brgyad dag kyang mi dge ba'i rtsa ba'i gnyen po dang/ shin du dag par ? pa dang/ shin du dag pa dang/ lta ba dang/ sgrib pa rnam par gzhag ste/ de dag kyang chog gnyis dang/ gsum dang/ gcig dang/ gcig dang/ gcig dang go rims bzhin no/ /tshul bzhin yid la byed pa dang ldan pa'i rtog pa dang dpyod pa rnams kyi tshol ba gang zhe na 'di ltar 'di na kha cig ces bya ba la/ 'di ltar 'di na kha cig ces bya ba'i tshig ni dper brjod pa tsam yongs su bstan par bya ba'i phyir ro/ /chags pa zhes bya ba ni kun nas dkris pa dang mtshungs par ldan pa la bya'o/ /zhen pa zhes bya ba ni de nyid kyi rgyur 'brel pa la? bya'o/ /chums? pa zhes bya ba ni lhag par yongs su 'dzin cing kun du 'dzin pa la bya'o/ /mdud pa bor bzhes bya ba ni de nyid kyi rgyur 'brel pa la bya'o/ /brgyal ba zhes bya ba ni ches lhag pa la bya'o/ /lhag par chags pa zhes bya ba ni brgyal nas de'i bla ma'i tshig mnyen? po la sogs pa la bya'o/ /lhag par chags par gyur pa zhes bya ba de nyid kyi rgyun dang 'brel ba la bya'o/ /nyes dmigs su mi lta ba zhes bya ba ni gang gi phyir de nyin mtshan du doms mi myong zhing de la gzhol bar byed pa la bya'o/ /des par 'byung ba mi shes bzhin du zhes bya ba ni nges par 'byung ba rab tu mi shes pa la bya ste/ de dag las bzlog pa ni chags pa med pa zhes bya ba la sogs pa'i tshig rnams dang go rims bzhin du sbyar ro/ /yang dag par sgrub pa gang zhe na/ 'di ltar 'di na kha cig mar 'dzin pa dang zhes bya ba la sogs pa la/ mar 'dzin pa zhes bya ba la sogs pa'i tshig rnams ni bla ma'i gnas dang/ de las gzhan pa'i gnas la mchod pa bya ba las brtsams pa yin te/ de la bla na rnams ni phan 'dogs pas gtso bo rnams dang/ yon tan gyis gtso bo rnams dang/ rigs kyis gtso bo rnams te/ de dag la bsam pa thag pa nas mchod pa bya ba'i phyir te tshig lngas bstan to/ /sbyor ba ni tshig gcig gis so/ /de mar 'dzin pa zhes bya ba ni ma dang/ rjes su mthun par byed pa'i phyir te/ dper na yid du 'ong pa bzhin no/ /bar 'dzin pa zhes bya ba yang de dang 'dra'o/ /dge sbyong du 'dzin pa zhes bya ba ni dge sbyong rnams legs par byed pa'o/ /bram zer 'dzin pa zhes bya ba yang de dang 'dra'o/ /rigs kyi gtso bo la rim gro byed pa zhes bya ba la/ rigs kyi gtso bo rnams ni ? bo la sogs pa dag ste/ de dag la zhes pa la sogs pa byed pa ni de dag la rim gro byed pa yin no/ /ngon byed pa zhes bya b ni thams cad kyi bya ba sgrub par byed pa la bya'o/ /de las gzhan pa la mchod pa byed pa zhes bya bya ba ni thabs gang gis byed pa dang/ gang la bltos te byed pa dang/ ci zhig byed pa ste/ de dag kyang bya ba byed pa zhes bya ba la sogs pa'i tshig rnams kyis yongs su bstan te/ de la thabs ni rigs pas byed pa yin pa'i phyir bya ba byed pa kho na yin no/ /bltos pa ni 'jig rten gnyis ka re? yang kha na ma tho ba rnams la 'jigs par lta ba nyid yin te/ 'jig rten 'di dang 'jig rten pha rol du kha na ma tho ba rnams la 'jig par lta ba zhes bya ba'o/ /ci zhig byed ce na/ sbyin pa dag sbyin zhing bsod nams dag byed pa zhes bya ba la sogs pa dag go / yang sbyin bdag gi mtshan nyid ni rnam pa bzhi ste/ zhes bya ba la sogs pa ni bsod nams bya ba'i dngos po zhes bya ba ni mdo las sbyin pa las byung ba'i bsod naMs bya ba'i dngos po gang zhe na/ 'di ltar 'di na kha cig dge sbyong rnams dang/ bram ze rnams dang/ bkren pa rnams dang/ sdug phongs? pa rnams dang/ 'gron po rnams dang/ slongs mo pa rnams la 'di lta ste/ zas dang skom dang/ bca' ba dang/ bza' ba dang/ gzhon pa dang/ gos dang/ phreng ba dang/ spos dang/ byug pa dang/ gnas dang/ mar? mi? sbyin pa dag sbyin par byed dang?/ de'i 'bras bu ni longs spyod yin no zhes gsung pa'i mdo sde'i dum bu yin te/ 'dod pa zhes bya ba ni sbyin pa sbyin par byed pa ni de'i ngang tshul can yin pa'i phyir sbyin pa po zhes bya'o zhes gang gsuns pa la bya'o /phyogs mi 'dzin ba zhes bya ba ni gang dge sbyong dang bram ze rnams dang thams cad la sbyin pa sbyin par byed pa la bya'o/ /phongs pa sel ba zhes bya ba ni gang zas dang skom la sogs pas phongs pa dag la zas dang skom la sogs pa'i sbyin pa sbyin par byed pa la bya'o/ /yang dag par shes? pa zhes bya ba ni gang gis sbyin pa'i 'bras bu longs spyod yin par shes pa la bya'o/ /tshul khrims dang ldan pa'i mtshan nyid ni rnam pa bzhi ste zhes bya ba ni tshul khrims kyi phung por gtogs pa'i mdo las/ tshul khrims las byung ba'i bsod nams bya ba'i dngos po gang zhe na zhes rgya tshor gsungs pa mdor bsdus te brjod par bya na/ 'di la ston pa 'jig rten du byung zhing dam pa'i chos thog mar dge ba la sogs pa'i bar dag ston par mdzad na khyim bdag gam khyim bdag gi bu chos de nyan par byed /des chos de thos nas kyang dad pa rab tu 'thob pa dang/ rab tu byang ba'i bar dang/ srog gcod pa spong bar byed do zhes bya ba la sogs pa'i bar dang/ de tshul khrims kyi phung po de dang ldan pas dbang po rnams kyi sgo gcad de dran pa kun du srung zhing gnas so zhes bya ba la sogs pa dang/ tshul khrims de'i 'bras bu ni mtho ris yin no zhes bya ba'i bar du gsungs pa'i mdo sde'i dum bu yin te/ 'dod pa zhes bya ba ni dad pa rab tu thob pa zhes bya ba la sogs pa gang gsuns pa la bya'o/ /chu lon gyi glon pa zhes bya ba de srog gcod pa spong par byed do zhes bya ba la sogs pa gang gsungs pa la bya'o/ /kun du mi spyod pa zhes bya ba ni dbang po rnams kyi sgo bcad de dran pa kun du srung zhing gnas so zhes bya ba la sogs pa gang gsungs pa la bya ste/ de'i 'gro ba dang 'dug pa'i gnas skabs dag la 'chal pa'i tshul khrims kun du 'byung ba med pa'i phyir ro/ /yang dag par shes pa zhes bya ba ni gang gis tshul khrims kyi 'bras bu mtho ris yin par shes pa la bya'o/ /sgom pa pe'i mtshan nyid ni rnam pa bzhi ste zhes bya ba yang/ 'di ltar 'di na kha cig byams pa dang ldan pa? sems kho na med pa/ 'gran zla med pa gnod pa med pa/ yangs pa/ rgya chen por gyur pa/ mi gnyis pa/ tshang med pa shin tu bsgoms pas phyogs gcig tu mos par byas te khyab par byas nas bsgrubs te gnas so /de bzhin du gnyis pa dang/ de bzhin du gsum pa dang/ de bzhin du bzhi pa dang/ bla dang/ 'og dang/ tha dkar rnam pa thams cad du thams cad dang ldan pa'i 'jig rten 'di byams pa dang ldan pa'i sems 'khor med pa/ 'gran zla med pa/ gnod pa med pa/ yangs pa/ rgya chen por gyur pa/ mi gnyis pa/ tshad med pa shin du bsgom pas mos te bya ba par byas nas bsgrubs te gnas so/ /de'i rnam par smin pa yang tshangs pa'i 'jig rten yin no zhes gsungs pa'i mdo sde'i dum bu yin te/ de la bsams pa rnam par dag pa zhes bya ba ni byams pa dang ldan pa'i sems kho na med pa zhes bya ba la sogs pa gang gsungs pa la bya'o / nye bar sbyor ba rnam par dag pa zhes bya ba ni phyogs gcig tu zhes bya ba nas/ rnam pa thams cad du thams cad dang ldan pa'i 'jig rten 'di khyab par byas nas sgrubs te gnas so zhes bya ba'i bar du gang gsungs pa la bya'o/ /shes pa rnam par dag pa zhes bya ba ni gang gis bsgom pa las byung ba'i bsod nams bya ba'i dngos po'i rnam par smin pa tshangs pa'i 'jig rten yin par shes pa la bya'o/ /da ni zas sbyin pa rnam pa drug? ste zhes bya ba la sogs pas sbyin pa las byung ba la sogs pa bsod nams bya ba'i dngos po mdo sde las gsungspa'i tshig rnams rnam par 'jog par byed de/ 'dir zas sbyin pa rnam pa drug po dag ni dge sbyong rnams dang/ bram ze rnams dang zhes bya ba la sogs pa'i tshig drug dang go rims bzhin du sbyar ro/ /gnod pa ni rnam par brgyad de zhes bya ba rnams kyang zas dang zhes bya ba la sogs pa'i tshig rnams dang go rims bzhin du sbyar te/ bca' ba dang bza' ba gnyis ni kha zas ngan pa za bas gnod pa zhes bya ba dang sbyar ro/ /yang gnod pa ni rnam pa drug ste zhes bya ba la/ 'dir yang lhan cig skyes pa zhes bya ba ni bkres pa dang sgom pa la bya ste/ de'i gnyen por zas dang skom sbyin par byed do/ /de bzhin du 'dod pas phongs pa las byung ba zhes bya ba la sogs pa dag kyang bca' ba zhes bya ba la sogs pa mdo sde las gsungspa'i tshig gnyis gnyis dang/ re re dang go rims bzhin du sbyar ro/ /de las bzlog pa ni phan gdags pa ni rnam pa drug ste zhes bya ba rnams dang ci rigs su sbyar te/ de yang thas dang zhes bya ba la sogs pa mdo sde las gsungs pa'i tshig bzhi dang re re dang go rims bzhin du sbyar ro/ /mi mdza' ba'i mtshan nyid ni bzhi ste zhes bya ba dag ni kho na med pa zhes bya ba la sogs pa'i tshig bzhi las bzlog pa yin te/ de la 'khrug pa'i bsam pa mi gtong ba zhes bya ba ni kho na med pa zhes gang gsungs pa las go bzlog pa yin/ /byams pa dang ldan pa'i sems zhes bya ba ni bstan ba'i tshig yin no/ /sdug pa la rnam par bgegs byed pa'i gnas zhes bya ba ni 'gran zla med pa zhes gsungs pa las bzlog pa yin no/ /mi sdug pa bsgrub pa dang phan ba ma yin pa sgrub pa'o zhes bya ba la kha cig na re gnod pa la bya ste/ de las bzlog pa ni gnod pa med pa zhes gang gsungs pa yin no zhes zer ro?/ yang kha cig na re mdo sde gzhan dag las tshad med pa bzhi ni bsgom pa las byung ba'i bsod nams bya ba'i dngos po yin no zhes gsungs pas ni de dag gri mi mthun pa'i phyogs ni mdza' ba'i mtshan nyid bzhi po smos pa dag yin no/ /go rims bzhin du sbyar ro zhes zer ro/ /yo byad kyi bde pa bsgrub pa ni 'dod pa'i khams na'o/ /dga' ba dang bcas pa'i bde ba bslab? pa zhes bya ba ni bsam gtan gnyis pa man chad du dga' ba dang bcas pa'i bde ba nye bar bsgrub pa la bya'o/ /dga' ba med pa'i bde ba bsgrub pa zhes bya ba ni de'i gong ma la ste 'dir mdo sde'i tshigs kyang byams pa dang ldan pa'i sems kyis phyogs cig dang/ de bzhin du bzhi pa dang/ bla dang/ 'og? dang/ thad ka'i bar du rnam pa thams cad du thams cad dang ldan pa'i 'jig rten 'di khyab par byas nas bsgrubs te gnas so zhes bya ba la sogs pa gang gsungs pa yin no/ /bzhi po 'di dag ni mkhas pas bstan pa yin zhes bya ba mdo 'di'i rnam par bshad pa ni gang mthun par 'jug par khas blang ba ni bzhi po 'di dag yin te zhes bya ba la sogs pa ni bsod nams bya ba'i dngos po'i zhar la smos pa yin te/ 'dir mdo sde las mkhas pa rnams gyis bstan pa dang/ skyes bu bam pa rnams kyis bstan pa dang/ skeys bu dam pa ma yin pa rnams kyis bstan ba dang/ mdzangs pa rnams kyis sngags pa dang/ she pa rnams kyis ma smad pa dag ni rnam pa bzhi ste/ bzhi gang zhe na/ sbyin pa ni mkhas pa rnams kyis bstan pa dang/ shes pa rnams kyis ma smad pa'i bar dag yin no/ /srog chags 'byung po thams cad la mi 'tshe ba dang/ pha dang ma la bsnyen bkur byed pa dang legs par gsung pa'i chos 'dul ba la rab tu byung zhing bsnyen par rdzogs pa dge slon gi dngos po ni mkhas pa rnams kyis bstan pa dang/ she pa rnams kyis pha smad pa'i bar dag yin te/ sbyin dang mi 'tshe yang dag sdom/ /dul dang pha ma bsnyen bkur dang/ /zhing nyid dang changs? spyod ni// dam pa rnams kyis bstan pa ste/ /gang dag mkhas pas bsten bya'i gnas/ /de dag yang dag mthong na ni /mthong ba rdzogs ba'i 'phags par 'gyur/ /de ni 'jig rten zhi rten yin zhes gsungs pa yin te mi khrabs? bsten pa rnam pa bzhi ba de dag drang mthun par 'jug par khas blangs pa bzi po rnams su go rims bzhin du sbyar ro/ /de la skye bo yongs la mthun par 'jug pa khas blangs pa zhes bya ba la/ skye bo yongs shes bya ba ni sems can thams cad la bya ste/ yongs shes bya ba'i sgra ni kun gyi don yin pa'i phyir ro/ /tshogs par 'du 'os la mthun par 'jug par khas blang ba zhes bya ba la tshogs par 'du 'os zhes bya ba ni 'di'i tshul khrims la gnas pa gang yin pa'o/ /longs spyod che ba zhes bya ba la sogs pa 'bras bu rnams ni? phan gdags pa zhes bya ba la sogs pa dang go rims bzhin du sbyar ro/ /skal ba mnyam pa dang mthun par 'jug ces bya ba za ma'i 'bras bu ni mya ngan las 'das pa 'thob pa dang/ bde 'gror 'gro ba zhes bya ba la sogs pa yang mdo sde las gsungs pa'i tshig mthong ba rdzogs pa'i 'phags par 'gyur/ de ni 'jig rten zhi rten yin zhes gsungs pa dang sbyar te/ de la mya ngan las 'das pa thob pas mthong ba rdzogs pa'i 'phags pa yin la/ lhag ma rnams ni 'jig rten na zhi ba la brten pa yin par gsungs so// mkhas pa rnams kyi mkhas ba'i mtshan nyid ni gsum po 'di dag yin te zhes bya ba la sogs pa 'di yang snga ma bzhin du tshul khrims kyi phung po'i rgyud du gtogs pa las gsungs pa yin te/ bye brag tu na ste dran pa dang shes bzhin dam pa de dang ldan zhing shing drub dag gam grong stong dag gi gnas ma la dben pa dag tu gnas par byed de/ de der skyil mo krung bcas nas dran pa nye bar gzhag pa'i bar du byas te 'dug nas/ nges 'jig rten la brnab sems spangs shing brnab sems dang bral ba'i sems kyis lan mang du gnas so/ /de bzhin du bsgrib pa lnga po dag la yang brjod par bya ste/ de nem nur las brgal zhing the tshom las rgal nas dge ba'i chos rnams the tshom med cing the tshom las sems yongs su sbyor bar byed do/ /nges sgrib pa lnga po dag spangs nas 'dod pa rnams las dben pa zhes bya ba nas bsam gtan bzhi ba'i bar dag bsgrubs te gnas so/ /des de ltar sems yongs su dag pa dang/ 'phags pa'i bden pa bzhi mngon par rtogs pa'i bar dag la brten nas zag pa zad pa rjes su thob bo zhes gsungs pa ste/ de la dge ba yang dag par len pa zhes bya ba ni de rab tu 'byung bar byed do zhes gsungs pa la bya'o/ /dge ba la gcig tu nges pa zhes bya ba ni de dge ba'i chos rnams la the tshom med cing zhes bya ba nas bsam gtan bzhi pa'i bar dag bsgrubs te gnas so zhes bar gsungs pa'i bar dag la bya'o/ /dge ba la brten pa'o zhes bya ba ni 'phags pa'i bden pa bzhi mngon par rtogs pa zhes gang gsungs pa la bya ste/ de ltar dge ba dag las yongs su mi nyams pa'i chos can yin no/ /gzhan yang gsum ste zhes bya ba yang mdo sde de nyid las gsungs pa yin te/ de dag kyang rab tu 'byung ba dang/ bsam gtan rnams dang zag pa zad pa'i bar dag dag dang go rims bzhin du sbyar ro/ /kha cig ni gsum po dag tshul khrims kyi phung po tsam gyi rgyud du gtogs pa'i mdo las/ de nyid bsam gtan dang bcas pa dang/ de nyid mngon par gtogs pa dang bcas par 'byung ba dang go rims bzhin bu sbyar ro/ /rgyu la 'bras bu yod par smra ba gang zhe na/ 'di ltar 'di na dge sbyong ngam bram ze kha cig rtag pa rtag pa'i dus dang ther zug ther zug gi dus su rgyu la 'bras bu yod pa kho na zhes de ltar lta zhing de skad smra ba dag yod de zhes bya ba la/ rtag pa zhes bya ba ni rgyun mi 'chad pa la bya ste/ dper na rtag par zas sbyin no/ zhes bya ba lta bu'o/ /ther zug ces bya ba ni bar chad med pa ste/ /'dab chags las so/ /yang rtag pa zhes bya ba ni sngon byung ba ma yin pa ste/ gnas pa'i ngo bo nyid yin pa'i phyir ro/ /ther zug ces bya ba ni mi 'jig ba'i chos can la bya'o/ /rtag pa'i dus dang ther zug gi dus zhes bya ba gnyis ni gong ma gnyis rnam par bshad pa'i tshig? yin no/ /yang na rtag pa zhes bya ba las gros pa'i tshig bzhin bril ba dang/ rgyun dang skad cig la 'jig pa dang 'gyur ba'i mi rtag pa rnams med pa'i phyir te/ go rims bzhin du sbyar ro/ /de ltar lta zhing zhes bya ba ji ltar 'dod pa'i don la mngon par zhen pa'i phyir ro/ /de skad smra ba zhes bya ba ji ltar mngon par zhen pa bzhin du gzhan dag la yang brjod pas so/ /'di lta ste khyu mchog pa'i tshogs lta bu zhes bya ba ni mdo sde las den ba bram ze dmar po'i bu lus mi sdug bcom ldan 'das kyi drung du nye bar song nas 'di skad ces gsol to/ /kye gau tam 'di la bdag gi slob ma khyu mchog gi tshogs kyi rigs can de 'khor rnams la 'di skad ces gang yod pa de ni yod pa'o/ 'o gang med pa de ni med pa kho na'o/ /med pa la ni 'byung ba yang med do zhes mchi'o zhes bya ba la sogs pa gsungs pas ston par byed do/ /de dag kyang ci'i phyir rgyu la 'bras bu yod par lta zhing rnam par 'jog la yongs su ston par byed ce na zhes bya ba la/ lta zhing zhes bya ba ni rang gi lta ba mchog tu 'dzin pas so/ /rnam par 'jog la zhes bya ba ni tha snyad dang mi 'gal bar bstan bcos gzhag pas so/ /yongs su ston par byed ces bya ba ni gtan tshigs la sogs pa dag gis gzhan dag la brjod par byed pas so/ /'di ltar lung dang rigs pas byed de zhes bya ba la/ lung ni thos pa dang dran pa'o/ /de la dran pa ni thos pa gcig nas gcig tu brgyud pa zhes bya ba'o/ /thos pa ni slob ma rnams la bstan bcos// legs par rab tu ston pa ste/ sde snod byin pa'i tshul kyis zhes bya ba 'di yin no/ /rigs pa gang zhe na/ 'di ltar dge skyong bam bram ze rtog ge ba zhes bya ba la/ rtog ge zhes bya ba ni rnam grangs dang mtshan nyid kyis bstan te/ de la rnam grangs ni spyod pa can zhes bya'o/ /mtshan nyid ni 'di ltar gang slong bar byed pa de yang rtog par byed pa yin no zhes brjod pa de'i gnas skabs lta bur ma gyur pa la bya'o/ /rtog ge la rtogs pa'i sa zhes bya ba ni mnyam par ma bzhag pa'i gnas skabs la bya ste/ de yang lung med pa'i phyir rang gi spob pa las byung ba zhes bya'o/ /rtog pa med pa'i phyir so so'i skye bo pa zhes bya'o/ /mngon par brtags shing 'thad pa sgrub pa'i rigs pas rnam par bzhag pa'i phyir dpyod pa'i rjes su spyod pa zhes bya'o/ /dngos po gang ngag las dngos bo gang dag 'byung pa de dag ni de dag gi rgyu nyid du grags shing 'dogs kyis zhes bya ba ni gtan tshigs rnam par 'grel ba yin no/ /de las gzhan pa dag ni ma yin no zhes bya ba ni ldog pa yin no/ /de bas na 'bras bu de de la yod do/ /zhes mjug bsbas pa ni dam bca' ba'i tshig yin/ /de'i phyir pha rol gyi sbyor ba ni sa bon la myu gu yod de 'byung ba'i rgyu nyid du bzhag pa'i phyir ro/ /gang la myu gu med pa de ni myu gu 'byung ba'i rgyur mi bzhag ste/ dper na shes pa yod pa bzhin no/ /de ltar na de'i don du 'dzin bir byed ba'i phyir dang/ bya ba de dang de dag tu de dag nyid sbyor bar byed pa'i phyir 'bras bu de yang de dag las 'byung gi de las gzhan pa rnams las ma yin te zhes bya bar sbyar ro/ /de lta ma yin du zin na zhes bya ba la sogs pa ni ldog pa rnam par 'grel pa yin no/ /'dir de ya gal te nus pa'i sgo naS sa bon la myu gu yod par 'dod na ni brtsed du med bas cung zad kyang mi brjod de/ grub pa sgrub par byed pa ni skyon du 'gyur ba'i phyir ro/ /ji ste rang gi ngo bor yod par 'dod na ni de'i phyir de la 'di skad ces brjod par bya ste zhes bya ba la sogs pas dbyad par bya'o/ /rjes su 'gro ba med pa'i skyon ni mtshan nyid yod pa'i chos la zhes bya ba la sogs pas don gyi sgo nas smras pa yin no/ /yang na rtsing ba'i phyir ma smras pa kho na yin no/ /rgyur nges pa dang 'bras bur nges pa med pas zhes bya ba ni 'di ni rgyu'o 'di ni 'bras bu'o zhes bye brag tu dbye ba med pa'i phyir dam bcas pa ni 'jig rten dang mi mthun pa la sogs pa'i skyon yod do/ /ci ma skyes pa'i mtshan nyid dam? zhes bya ba la/ ma skyes pa'i mtshan nyid ces bya ba ni rang gi mtshan nyid ma thob pa la bya ste/ rjes su dpag pa nges ni dam bcas pa sun 'byin par byed de/ rang gi mtshan nyid ma skyes pa'i phyir rang bzhin gyis rang bzhin snga ma bzhin du sa bon la myu? gu med do/ /chos mi mthun pa ni sa bon dag la gzugs la sogs pa'i dang gi mtshan nyid yod pa'o/ /de yang pha rol gyis khas blangs pa'i phyir gnyis ka la grub bo/ /de lta bas na gal te ma skyes pa'i mtshan nyid gcig yin min zhes bya ba la sogs pa smos so/ nus pa yod par smra ba la yang skyon de kho na yod de/ nus pa ni 'bras bu las tha dad pa ma yin pa'i phyir ro/ /gal te skyes zin pa'i mtshan nyid gcig yin na ni zhes bya ba de la yang dam bcas pa'i skyon ni snga ma bzhin te/ rang gi mtshan nyid skyes pa'i gsal ba gzhan rnams ni sa bon las mi 'byung ba'i phyir ro/ /rgyu yod na rkyen las lto ste skye bar 'gyur ro zhes bya ba la/ rgyu yod na zhes bya ba ni nus pa dang ldan pa nye bar gnas sam sa bon yang dag par ma bcom zhing ma spangs pa la bya'o/ de la mtshan nyid rnam pa lngas na zhes bya ba la sogs pa'i dpes ni dgag pa kho na brjod pa yin no/ /de'i rten la dmigs ba 'di lta ste mig li mig gi rnam par shes pa lta bu zhes bya ba ni gzugs can ma yin pa nyid yin yang de la bya ba byed pa dmigs pa'i phyir yod pa yin no zhes rtogs par 'gyur ba lta bu'o/ /de nyid bzhin du rang gi mtshan nyid du dmigs pa 'di lta ste/ rgyu ni rjes su dpag bar bya ba ma yin zhing/ rang gi las byed pa lta bu zhes bya ba ni dper na rgyu la rjes su dpag par bya ba med pa de'i tshi 'bras bu yang de bzhin du 'gyur zhing 'bras bus kyang de bzhin du las bya'o/ /de bzhin du yod pa'i phyir te rgyu bzhin no/ /yang na 'di ltar bya ste/ sa bon skam po la ni myu gu med de/ bar du gcod pa med kyang myu gu dang bcas pa nyid du gzung du med pa'i phyir ro/ /dper na sems sam shes pa yod pa bzhin te/ chos mi mthun pa ni sa bon las myu gu mngon par grub pa'o/ /las la yang de bzhin du brjod par bya'o/ /rgyur 'gyur ba'am zhes bya ba ni 'bras thug po che la sogs pa bzhin du myu gu yang nyams par 'gyur bar bsams pa'o/ /yang na 'gyur ba'i rkyen rnams kyis 'gyur bar 'ong ba'o zhes bya ba ni rgyur 'gyur ba'i rkyen rnams ma gtogs par yang ngo/ /de dag 'di snyam du sems te/ rgyu la 'bras bu med na skye bar mi rung la zhes bya ba ni 'di ltar yod pa kho na la mngon par gsal bar byed de/ bsgribs pa'i phyir bum pa la sogs pa bzhin no/ /'bras bu bsgrubs ba'i phyir 'bang par mi byed pa yang ma yin no zhes bya ba ni 'jig rten la sogs pa dang 'gal pa yongs su sel bar byed do/ /de de ltar yongs su brtags nas zhes bya ba ni yongs su brtags nas mngon bar zhen ba las so zhes bya ba'i tshig lhag ma ro/ /ci sgrib pa'i rgyu med pa 'am sgrib pa yod par 'dod ces bya ba la sogs pas ni gtan tshigs ma grub par smras pa yin no/ /gal te yod na ni yod par yang 'dra na 'bras bu dang 'brel pa'i rgyu la yang ci'i phyir sgrib par mi byed de mi rung ngo zhes bya ba la/ 'bras bu dang 'brel ba zhes bya ba ni yul la sogs ba 'dra ba'i phyir ro/ /ji ste pha rol gyis tan tshigs ma grub par rigs nas sgrub par byed de/ /sa bon la myu gu bsgribs pa yin te/ yang na 'bras bu yin pa'i phyir ro dper na de nyid 'gyur ba bzhin no zhe na/ yod par ni gnyis ka la yang grub na ci sa bon las sam rang gi mtshan nyid las zhes smra bar mi 'dod pas na de'i phyir ci yod pa nyid sgrib pa'i rgyu yin rnam/ 'on te 'bras bu nyid sgrib pa'i rgyu yin zhes bya ba la sogs pas rgol zhing rtog par byed do/ /gal te yod pa nyid sgrib pa'i rgyu yin na ni des na rgyu yang yod ba yin pas yod pa ni dus thams cad du mngon par gsal ba ma yin par 'gyur bas mi rung ngo zhes bya ba la rgyu yang yod pa yin zhes bya bas ni de yang bsgribs pa yin pa'i phyir mngon par gsal bar bya ba yin no zhes bya ba'i don thob pa yin te/ de gnyis kyis ni ma nges pa yin par smra ste/ de lta bas na ma grub pa nyid kyi lan gdab par mi nus so/ /ci chos de las mngon par gsal ba tha dad pa ma yin pa 'am 'on te tha dad par 'dod ces bya ba 'dis ni dam bcas pa snga ma la rang gi rjes su dpag pa gnod pa smras pa yin no/ /gal te rgyu med pa zhig yin na ni des na rgyu med pa mngon par gsal bar byar mi rung ngo zhes bya ba ni rkyen nye bar gyur ba'i phyir dang po nyid nas mngon par gsal ba'i chos yin par thal bar 'gyur ro/ /gal te 'bras bu mngon par gsal bar bya ba yin na ni 'bras bu yin pa'i phyir mngon par gsal ba la mngon par gsal bar bya dgos par 'gyur bas/ de la yang gzhan gyis bya dgos pas thug pa med par 'gyur ro/ /gal te mngon par gsal ba ma yin pa las mngon par gsal bar byed na ni ci'i phyir 'bras bu yang mngon par gsal bar byed pa yin par mi 'dod de/ rjes su dpag pa des kyang gnod pa kho nar smras pa yin no/ /med pa'i med pa nyid ni mngon par gsal ba med pa yin no zhes bya ba ni rgyu'i dus na 'bras bu med na ni med pa kho na yin no/ /yod ba'i yod pa nyid ni mngon par gsal ba yin no zhes bya ba ni 'bras bu byung ba'i 'o/ /sgra'i mtshan nyid ni ji skad 'dogs pa kho na bzhin du zhes bya ba ni skye ba dang 'jig pa dang 'gyur ba la sogs pa med pas ther zug tu gnas par lta ba'o/ /yang na don dang 'brel pa tha snyad gang yin pa ni mi rtag pa'o/ /yang na brjod pas ni dbang po dang yul mngon par 'du byed do zhes ji skad smras pa la bya'o/ /rnam par gnas par lta ba zhes bya ba ni snga ma yang sgra'i mtshan nyid rnam par gnas pa kho nar lta'o/ /'dir mngon par gsal ba zhes bya ba'i bye brag ni brjod pas byas pa'i mngon par 'du byed pa ste/ bye brag ni de yin no// 'das pa dang ma 'ongs pa rdzas su yod par smra ba gang zhe na/ 'di ltar 'di na dge spyod dam bram ze 'am chos 'di pa kha cig kyang zhes bya ba la/ chos 'di pa kha cig kyang kun gyis bkur ba dang thams cad yod par smra ba bye brag tu smra ba la sogs pa'o/ /'das pa yang yod de/ ma 'ongs pa yang yod de/ da ltar byung ba bzhin du mtshan nyid kyis yongs su grub pa yin te/ rdzas su yod pa yin gyi btags pa'i yod pa ni ma yin no/ /zhes tshul bzhin ma yin pas de ltar lta zhing de skad smra ba dag kyang yod de zhes bya ba la/ 'di la sbyor ba ni 'das pa dang ma 'ongs pa ni rdzas su yod pa yin te/ rang gi mtshan nyid kyis yongs su grub pa yin pa'i phyir ba 'am/ dus yin pa'i phyir te da ltar byung ba bzhin no/ /chos mi mthun pa ni bong bu'i rwa bzhin no zhes sbyor bar byed do/ /de 'di snyam du sems te/ chos dang rang gi mtshan nyid gang gis rnam par gnas ba de ni de yongs su grub pa yin no zhes bya bas ni gtan tshigs dang po'i ma grub ba sel bar byed do /gal te ma 'ongs de med du zin na ni des na de'i tshe zhes bya ba la/ de'i tshe zhes bya ba ni ma 'ongs pa'i dus na'o/ /rang gi mtshan nyid ma zin par 'gyur ro zhes bya ba la sogs pas ni phyir rgol ba 'dod pa'i phyir ji ltar na des skyon thogs par 'gyur zhe na/ de 'di snyam du sems te/ gal te ma 'ongs pa'i gnas skabs mde'i mtshan nyid med du zin na da ltar byung ba'i gnas skabs su de'i mtshan nyid glo bur du 'byung bar 'gyur te/ mtshan nyid glo bur du 'byung bas sgro btags pa'i phyir 'dun pa la sogs pa yang gzugs can nyid yin par thal bar 'gyur ba dang/ ma 'ongs ba'i gnas skabs kyi chos la yang gzugs dang sgra la sogs par brjod pa med pa kho nar 'gyur te/ de'i mtshan nyid dang bral ba'i phyir ro snyam du sems so/ /gal te tha dad pa'i mtshan nyid ma yin na ni mtshan nyid dus gsum du rnam par bzhag mi rung ngo zhes bya ba ni de dus rnams su 'pho ba na skye ba 'am/ 'bri ba cung zad kyang med pas na de'i phyir da ltar byung ba bzhin te/ ma 'ongs pa log bar sgrub pa'i phyir 'gal ba yin no/ /gal te tha dad pa'i phyir mtshan nyid yin na ni yongs su grub pa'i mtshan nyid ces byar mi rung ngo zhes bya ba ni da ltar byung ba'i gzugs ni mig gis gzung ba kho na yin na/ de lta ma yin pas de las lhag pa'i gzugs kyi mtshan nyid gzhan med pa'i phyir yongs su grub pa nyid yin no zhes byar mi rung ste/ des ni ma grub pa smras pa yin no/ /gnyis pa yang 'gal bar 'khrul pa med pa yin te/ ma 'ongs pa ni rjes su yod pa ma yin te/ yongs su ma grub pa'i mtshan nyid yin ba'i phyir ro/ /bum pa bzhin te chos mi mthun ba ni da ltar byung ba'o/ /gal te rtag pa'i mtshan nyid cig yin na ni dus gsum du gtogs pa zhes byar mi rung ngo zhes bya ba ni/ gal te rtag pa'i mtshan nyid yin par khas len na chos can gyi ngo bo nyid log par 'gyur te/ ma 'ongs pa nyid nyams pa'i gtan tshigs gnyis ba ni rang la ma grub pa yin no// gal te mi rtag pa'i mtshan nyid yin na ni des na dus gsum du de kho na bzhin du yod do zhes byar mi rung ngo zhes bya ba la/ de kho na bzhin du yod do zhes byar mi rung ngo zhes bya ba ni ngo bo nyid las nyams pa kho na yin pas na de'i phyir gtan tshigs dang po ma grub pa yin no/ /gal te 'ongs pa zhig yin na ni des na yul na gnas par yang 'gyur la zhes bya ba la/ yul na gnas par 'gyur zhes byar ni mi grub pa'i mdza' las 'das pa dang ma 'ongs pa dang rnam par rig byed ma yin pa dang gzugs can ma yin pa'i chos rnams ni yul na gnas pa ma yin no zhes 'byung ba dang 'gal lo/ /da ltar dang yang bye brag med de zhes bya ba ni ma 'ongs pa nyid nyams pa kho nar 'gyur ba'o/ /gal te 'phos nas skye bar 'gyur na ni des na ma 'ongs pa yang ma skyes bar 'gyur la zhes bya ba la/ ma 'ongs pa yang ma skyes par 'gyur la zhes bya ba ni de zhig bar khas blangs pa'i phyir ro/ /sngon ma byung ba yang skyes par 'gyur pa dang zhes bya ba la/ de la nyes pa ci yod ce na/ lung las dus rnams ni bya bas rnam par gzhag pa yin no zhes gsungs pa dang 'gal lo/ /gal te las mi byed pa yin pa las las byed par 'gyur na ni des na ma byung ba byung bar 'gyur te zhes bya ba ni las ma byung ba las 'byung bar 'gyur ba'o/ /skyon snga ma rnams ji lta ba bzhin du 'gyur bas de yang mi rung ngo zhes bya ba la/ skyon snga ma rnams zhes bya ba ni ma 'ongs pa yang skyes par 'gyur la/ sngon ma byung ba yang skyes par 'gyur ba dang zhes bya ba la sogs pa ji skad smos pa rnams so/ /de la bye brag ni 'di yin te/ rang bzhin 'dres ba'i skyon yod pa'i phyir mi rung zhes bya ba la/ rang bzhin 'dres pa'i skyon zhes bya ba ni gal te ma 'ongs ba de ltar byung ba'i dngos po dang tha dang ba ma yin na ni/ de'i tshe ma 'ongs pa de nyid da ltar byung ba yin par 'gyur ba la sogs pa ste/ de dag thams cad kyang khas blangs ba'i sgo nas dam bcas pa'i skyon dag yod pa yin no/ /mtshan nyid ma rdzogs ba la sogs pa la rang bzhin 'dres pa'i skyen ji ltar yod pa de bzhin du las dang bcas pa'i phyogs la */ yang yod pa ma yin nam/ ji ltar bye brag tu dbye na de la ni 'brel ba'i bye brag yod pa'i phyir bye brag brjod par nus pas na skyon 'di ma nges par ma smos so/ /der ni 'khrul ba med pa'i phyir te/ 'di ltar de la ni las dang tha dad pa med par bstan gyi da ltar byung ba ma yin no/ /yang 'di skad ces zer te/ gal te 'das pa dang/ ma 'ongs pa med du zin na dmigs pa med par ji ltar blo 'jug par 'gyur zhes bya ba la sogs pa rgol zhing rtog pas ni 'das pa dang ma 'ongs pa ni yod pa yin te/ blo'i gzung ba yin pa'i phyir te/ da ltar byung ba bzhin no/ /skye mched rnams kyang dus gsum pa yin pa'i phyir te/ thams cad yod do zhes bya ba la sogs pa ni khungs yin no zhes bsgrub pa smras pa yin no/ /med pa la yang med bar shes so zhes gsungs pa zhes bya ba 'di ni dmigs pa med pa la blo 'jug pa'i dpe yin no/ /gal te yod do snyam pa de lta bu'i rnam pa yin na ni des na med par 'dzin pa'i blo yod do snyam pa'i de lta bu'i rnam par 'gyur du mi rung ngo zhes bya ba ni 'dzin pa'i rnam pa'i stobs kyis yul yod pa nyid du nges pa'i phyir don gyi rnam pa'i rnam par shes pa yongs su spangs na yul gyi ngo bo nyid nges par mi 'gyur ba'i phyir ro/ /dngos po yod pa la med do zhes ming la dmigs pa na 'khrul pa'i shes pa'i ngo bo'i blo 'jug pa yin nam zhe na/ ma yin te/ ming la dmigs pa dang/ de ni don la dmigs pa'i blo gnyis bye brag med ba'i thal par 'gyur ba'i phyir ro/ /'khrul pa'i shes pa de ni de'i don la dmigs par mi nus pa kho na yin no/ /med pa la med pa'i mtshan nyid yod pa dgongs nas gsungs pa yin te zhes bya ba la/ ji ltar na yod pas dben pa la yod do zhes brjod par rigs she na/ de yod pas dben pa yin no zhes sus smras te/ de la ni de las gzhan pa'i dngos po'i mtshan nyid med par zad de/ de'i phyir de la med pa nyid ces bya bar 'dod kyi bdag gi dngos po nyid las bltos nas ni ma yin no/ /rang gi mtshan nyid dang ldan pa'i dngos po la yang gzhan bltos nas 'dri ba med pa nyid do zhes bya ba yod de/ dper na sngon po la ser po'i ngo bo nyid lta bu yin yang ? sngon po de rnam pa thams cad du med par brjod par bya ba 'am/ med par shas zhes bya bas ni med pa'i chos nyid bstan te/ de bzhin du ma nor ba'i mtshan nyid 'dzin pa'i phyir bas kyang ngo/ /lan de dag gis ni ma nges pa nyid smras pa yin no/ /'bras bu'i mtshan nyid la dgongs nas zhes bya ba ni kha cig na re 'bras bu bskyed pa'i phyir 'das pa zhes bya ba'i 'bras bu yod pa'i phyir ni ma yin no zhes zer ro/ /skyes pa dang 'dra zhes bya ba ni skyes pa gang yin pa de'i ngo bo lta bu yin gyi sngon ma byung ba ma yin te/ dper na 'phags pa rnams kyi lam skyes pa gang yin pa ni phyis skye bar 'dus ba yang de dang 'dra ste/ sngon ma byung ba ma yin pa bzhin no/ /rtag tu rung ba ma yin pa zhes bya ba ni ma 'ongs pa gang yin pa ni bsam gyis mi khyab pa'i gnas kyis bsdus pa'i phyir ro/ /rkyen dang ldan pa zhes bya ba la/ 'bras bu da ltar byung ba na rkyen kha cig 'das par gyur pa ma yin nam zhe na/ 'bras bu mngon par grub pa na rkyen gyi dngos por bzhag pa'i phyir de'i tshe na rkyen dang ldan pa zhes bya'o/ /skyes pa dang 'dra ba dang zhes bya ba ni skyes pa kho na ste/ dper na mkhas pa'i rang bzhin can zhes bya ba lta bu'o/ /yang na skyes pa dang 'dra ba la bya'o/ /mi skye ba'i chos can zhes bya ba ni phyis skye bar mi 'gyur ba la bya'o/ /'bras bu 'das pa zhes bya ba ni 'bras bu'i dngos po 'das pa la bya'o/ /mi bltos pa'i gnas pa lta bu zhes bya ba ni sdug bsngal la bya'o/ /bdag tu smra ba gang zhe na zhes bya ba la sogs pa la/ tshig re re la sgrub pa dang sun dbyung ba brjod na mangs par 'gyur bas don gyi tshig rnams kho na mdor bsdus te brjod par bya'o/ /blo sngon du btang pa ma yin pas zhes bya ba ni gang dag gis kyang sngon ma btags pa ste/ de dag la yang seMs can gyi blo 'byung ba'i phyir ro/ /seMs can gyi blo 'jug pa'i mi rigs so zhes bya ba ni gal te de dang 'brel pa'i bdag med par gyur na zheS bya bar bsams pa'o/ /ming dang ldan pa ming dang 'brel pa'i 'du byed mthong na 'du shes kyi blo kho na 'jug pa'i rigs kyi zhes bya ba la/ ji ltar na de la 'du shes dmigs par 'gyur zhe na/ de'i 'bras bu mthong ba las 'gyur te/ dper na dams pa dang mthos pa las tshor ba bzhin no/ /'di ltar de sangs rgyas byin zhes bos na 'ong bar 'gyur te/ de'i phyir de'i ming yongs su chad pa'i 'du shes yod par mngon no/ /bdag gi mig gis gzugs rnams mthong bar 'gyur ro zhes bya ba ni blo gang yin pa de sngon du btang nas dpyod pa'o/ /mthong mthong zin no zhes bya ba la/ ji ltar de ltar bdag gis mthong zhes bya ba 'am/ sngon mthong zin no zhes bya ba de bzhin du mthong bar 'gyur ro zhes bya ba de yang blo sngon du btang ba yin no/ /mngon par 'du byed pa las zhes bya ba yang blo de sngon du btang ba yin no/ /las 'grub pa zhes bya ba ni spyod pa de yang blo sngon du btang ba yin no/ /gal te gzhan la 'dod na ni des na dbyibs dang ldan pa la bdag ces byar mi rung ngo zhes bya ba la/ 'di ltar pha rol po blo de ni gzhan pa yin no khas len la blo sngon du btang ba ma yin pas 'dzin pa'i phyir de dbyibs dang ldan pa de yang mi rung ste/ dbyibs dang gzugs gzhan pa ma yin pa'i phyir ro/ /gal te rang gi mtshan nyid las 'dod na ni nges na gang mthong ba de nyid la blo phyin ci log tu gyur pa'i phyir bdag gi blo mi rung do zhes bya ba la de nyid la zhes bya ba ni gzugs la sogs pa la'o/ /des na yul thams cad kyang yul thams cad kyi blo'i rgyur 'gyur bas mi rung ngo zhes bya ba ni mngon sum gyi rgyur 'gyur bas so/ /de las gzhan pa'i sems can bgrang ba la de las gzhan pa'i sems can du bgrang ba'i blo 'byung bar 'dod dam? mi 'dod ces bya ba 'dis ci zhig brtsad ce na/ sngar sems can gyi blor lhung ba ni don ji lta ba bzhin ma yin te/ blo sngon du ma btang bar 'jug ba'i phyir ro/ /de las gzhan pa kho na bzhin no zhes bya ba 'di la ma nges pa de nyid kyang yod mod kyi tshig mangs par 'gyur bas mi brjod do zhes sngar yang smras pa yin no/ /gal te mi 'byung na ni des na mngon sum gyi tshad ma la yang skur pa btab par gyur par mi rung ngo zhes bya ba la/ mngon sum ni nor ba nyid yin yang rang rig pa yin pa'i phyir ro/ /gal te blo'i rgyu las byung na ni bdag gi sbyong pa zhes bya ba mi rung ngo zhes bya ba la/ blo'i rgyu las byung ba zhes bya ba ni bdag gi rgyu las byung ba zhes bya bar brjod par bya'o zhes bsams pa'o/ /gal te mi rtag na ni 'gyur pa yod pas bdag gi spyod pa zhes byar mi rung ngo zhes bya ba ni bdag rtag bar mi rung ste gsal ba bzhin no/ /gal te rtsol ba'i bdag nyid can zhig yin na ni nges na rtag tu spyod pa dang ldan pas yang spyod do zhes byar mi rung ngo zhes bya ba la/ rtag tu spyod pa dang ldan pa nyid ni yang spyod par mi byed do zhes khyed cag gis brtags so zhes bya ba'i tha tshig go /gal te mi rtsol ba'i bdag nyid can zhig yin na ni nges na mi rtsol ba'i bdag nyid can spyod do zhes byar mi rung ngo zhes bya ba ni spyod pa ni rtsol bar rtogs pa'i phyir ro/ /gal te rgyu yod na ni sems can gyi spyod pa la yang byed du 'dug pa gzhan zhig yod par 'gyur bas mi rung ngo zhes bya bas ni thug pa med par 'gyur ba'i skyon smras so/ /gal te rang dbang yod na ni bdag nyid na ba dang rga ba dang 'chi ba dang sdug bsngal ba dang kun nas nyon mongs pa spyod pa'i mi rigs so zhes bya ba la/ rang dbang zhes bya ba ni rgyu dang bcas pa yang spyod par byed pa na rgyu la dbang byed pa'i phyir rang dbang zhes bya ba yang brtsams so/ /gal te gzhan gyi dbang gis spyod na ni bdag spyod do zhes byar mi rung ngo zhes bya ba ni nges na bdag spyod do zhes byar mi rung ngo/ /kha cig na re spyod pa bdag la ni gzhan pa rgyu dang rkyen de dag kho na'i spyod pa yod do zhes zer ro/ /yang kha cig na re dbang zhes bya ba ni bdag gi sgra'i rnam grangs yin pa'i phyir te/ bden smra'i bu'i mdo las kyang mer 'jug gi bu khyod bdag yin no zhes smra 'am/ tshor ba dang rnam par shes pa'i bar bdag yin no zhes smra 'am/ khyod gzugs la 'di ni bdag gi gzugs te 'di ltar ni gyur cig /'di ltar ni ma gyur cig ces bya ba'i dbang yod dam/ rnam par shes pa'i ral yang 'di ni bdag gi rnaM par shes pa ste/ 'di ltar ni gyur cig 'di ltar ni gyur cig ces bya ba'i dbang yod dam zhes gsungs so/ /de bzhin du dge slong gi mdo la sogs pa dag las kyang de skad gsungs so zhes zer ro/ /gal te rtag na ni mi rtag pa la bde ba dang sdug bsngal gyi phan pa dang gnod par 'gyur ba'i mi rigs so zhes bya ba la sogs pa'i skabs kyis ni thams cad ltar gyur na yang nyes par gnas par ston par byed do/ /gal te mi rtag na ni 'du byed rnams las logs shig na 'jig pa dang skye ba dang rgyun dang 'jug pa yang mi dmigs pas mi rung la zhes bya ba ni phung po rnams las logs shig na 'jig pa dang skye ba dang ldan pa la sogs pa med do zhes bya ba'i tha tshig go / 'dir zhig par gyur pa gzhan du ma byas par thob pa'i skyon du yang 'gyur bas mi rung ngo zhes bya ba ni pha rol po byed pa po ni gcig tu zad la/ de ni 'di nyid du zhig ste mi rtag pa'i phyir gzhan gyi dbang du gyur pa yin pas zol pa'i phyir ma byas pa dang phrad pa'i skyon du 'gyur ro/ /gang rgyun la byed pa po la sogs par tha snyad 'dogs pa de la ni nyes pa med do/ /phung po rnams dang tha dad ba zhes bya ba ni phung po dang ma 'brel pa nyid du logs shig na gnas shing phung po rnams la nye bar spyod pa'o/ /sems can 'dus ma byas su 'dod pa kho na ma yin nam zhe na/ 'dus byas kyi bya ba byed pa dang/ nye bar spyod pa la sogs pa mi byed pas na de la nyes pa 'di yod do/ /gal te phung po med pa zhig yin na ni zhes bya ba la/ phung po med pa zhes bya ba ni nye bar spyad par bya ba'i phung po med pa'i phyir ro/ /des na rtag tu kun nas nyon mongs pa can ma yin la lus dang 'brel pa med pas bdag ces byar mi rung ngo zhes bya ba ni lus dang 'brel pa med pa'i phyir ro/ /gal te lta ba la sogs pa la gdags na ni nges na lta ba la sogs pa 'di lta ba por 'gyur gyi bdag gi lta ba la sogs pa dang bye brag med pas lta ba por mi rung ngo zhes bya ba ni lta ba po gcig kho nar zad na gnyis pas ci zhig byar yod ces bya ba'o/ /gal te las yin na ni de yang sa bon dang 'dra bas des ni rtag par 'gyur te mi rung ngo zhes bya ba la sogs pas dpe bzhi rnams ni skyed pa dang/ 'gyur ba dang/ gzhi dang/ sgrib pa med pa'i bye brag gi phyir ro// la la ni skyed par byed pa dang/ la la ni skyed par mi byed kyi bskyed par 'gyur bar byed pa dang/ gcig ni gnyis ka yang mi byed mod kyi skye ba dang 'gyur ba na phyir 'jil zhing 'dzin pa la sogs pa cung zad byed pa dang/ gcig ni sum char yang mi byed med kyi gegs mi byed pa nyid du gnas pa ste/ rnam pa de tsam du zad pas na de'i phyir rnam pa bzhi smos so/ /gal te byed pa yin na ni des na gal te zer ba la sogs pa dang 'dra na des na ji ltar zor ba la sogs pas gzhan bcad pa la sogs pa'i bya ba byed pa de bzhin du lta ba la sogs pa las lta ba la sogs pa tha dad pa gzhan mi dmigs pas mi rung ngo zhes bya ba ni ji ltar gcod pa'i bya ba ni zer ba las gzhan te las la gnas par dmigs pa ltar lta ba zhes bya ba la ni de lta bu med de/ de nyid bya ba'i ngo bo nyid kho na yin pa'i phyir ro/ /de bzhin du da nyid byed pa po'i ngo bo nyid duAng 'gyur bas na de ni mi 'dra'o/ /gal te me lta bu zhig yin na ni nges na bdag tu rtog pa don med par 'gyur bas mi rung ste/ 'di ltar me mi sreg pa po med par yang bdag nyid kyis sreg par byed do zhes bya ba la zor ba dang me'i dpe gnyis kyis ni bye brag ni 'di yin te/ gcig ni bya ba rnams la yang dang yang byed pa na byed pa po la bltos pa yin la cig shos ni de lta ma yin no/ /gal te lta ba po la sogs pa'i mtshan nyid las gzhan zhig yin na ni des na tshang ma thams cad med pa'i mtshan nyid la bdag ces byar mi rung ngo zhes bya ba la tshad ma thams cad med pa'i mtshan nyid ces bya ba ni 'bras bu las rjes su dpag pa nyid med pa'i phyir ro/ /de la 'di skad ces kyang brjod par bya ste/ ci gang 'jug pa'i mtshan nyid dang ldan pa de 'jug kyang 'jug la ldog kyang ldog par 'gyur ram/ 'on te de'i mtshan nyid dang mi ldan pa de ltar 'gyur bar 'dod ces bya ba la ci'i phyir ldog pa'i mtshan nyid ces ma smos shen/ /kha cig na re 'jug pa las nyams pa nyid ldog pa kho na yin par smras pa bzhin no zhes zer ro/ /yang kho na re ldog kyang ldog par 'gyur ram zhes bya ba'i tshig tha mar bstan pas na thams cad du 'gyur ro zhes zer ro/ /gal te gang mtshan nyid dang ldan pa de de ltar 'gyur na ni des na 'du byed la 'jug pa'i mtshan nyid rnam pa lnga dmigs te zhes bya ba la 'di ltar pha rol la ni 'jug pa'i mtshan nyid rnam pa de lta bu ma grub mod kyi 'on kyang sgrub pas gdags par bya ste/ phung po la ma gtogs pa'i 'jug par byed pa med kyang 'du byed la la dag 'jug par 'gyur te/ 'di ltar rgyu dang ldan pa'i phyir ba dang/ 'gyur ba zhes bya ba'i bar gyi phyir te/ lus dang myu gu la sogs pa grags pa rnams ni mthun pa'i dpe yin no/ /chos mi mthun pa'i bung bu'i rwa 'am/ 'jug pa'i yang gzhan pa'o/ /de yang 'di lta ste 'du byed lus dang/ myu gu dang/ chu klung dang/ mar me dang/ bya ba dang/ gzhon pa'i rgyu rnams la dmigs te/ des na bdag med par yang byed rnams nyid 'jug cing ldog pa'i phyir mi rung ngo zhes bya ba la/ kha cig na re lus la sogs pa dpe mang po dag sros pa ni 'jug par byed ba'i bya ba ni de tsam du zad pas na de'i phyir drug kho na smos so zhes zer ro/ /yang kha cig na re 'di ltar bdag gi blos ni dpe thams cad la khang rgyu dang ldan pa la sogs pa thams cad yod mod kyi gzhan dag las gang du cung zad grags pa rnams smos te/ 'di ltar 'ug pa pa dag mar me ni gzhan dang gzhan du 'jug par 'gyur gyi/ lus ni de lta bu yin no zhes brjod pas na de'i phyir dpe mang du smos so zhes zer ro/ /gal te lus ni dpe yin na bsgrub pa gang yin zhe na/ ming ni bsgrub pa'o/ /gzugs ni dpe'o/ /yang na ji ltar log par rtog pa bzhin no/ /de la 'di skad ces kyang brjod par bya ste/ ci yul gyi bskyed pa dang/ sdug bsngal bas 'gyur ba gang yin pa dang zhes bya ba la sogs pa'i tshig gsuM ni zab po zhes bya ba la sogs pa'i tshig gsum dang go rims bzhin du sbyar ro/ /gal te bdag nyid la 'dogs na ni me sreg par bya'o/ /'od snang bar byed do zhes byar mi rung ngo zhes bya ba la/ mi ni g.yo ba med pa yin yang sreg pa'i rkyen gyi byed pa po yin no/ /gal te bdag nyid la 'dogs na ni zhes bya ba ni bdag gi sgrar sbyor ba la bya'o/ /des na tha snyad du gdags pa'i mi lus la yon tan bshes gnyen dang/ sangs rgyas byin zhes bya ba la sogs pa gdags su mi rung ngo zhes bya ba la/ ji ltar na 'di bdag yin no zhes 'dogs par byed ce na/ dang 'dzin pa dang gzhi gcig pa'i phyir ro/ /gal te gzhan la 'dogs na ni des na 'du byed tsam la bdag tu 'dogs par zad de/ bdag tu rtog pa don med par 'gyur bas mi rung ste zhes bya ba la/ gzhan la zhes bya ba ni lha'i bshes gnyen la sogs pa dag la'o/ /nyes pa gso bar byed pa'i phyir zhes bya ba ni de nga rgyal la sogs pa'i rtsa ba yin pa'i phyir ro/ /gal te mi dge ba yin na ni des na thams cad mkhyen pas gsungs pa dang zhes bya ba la sogs pa la/ thams cad mkhyen gsungs pa zhes bya ba ni bcom ldan 'das kyi thams cad mkhyed pa nyid du sgrub pa'i rjes su dpag pa yid la gzhag nas smras pa yin te/ 'dir tshig gi don ni 'di yin no/ /bdag med par lta ba ni mi dge ba ma yin te/ thams cad mkhyen pas dge ba yin par thugs su chud nas bstan pa'i phyir te byams pa yin no/ /chos mi mthun pa ni khro ba'o/ /bcom ldan 'das kyis 'phags pa zla ba sgron ma'i mdo las gzhon nu nga ni thams cad mkhyen cing thams cad gzigs pa yin no zhes gsungs pa las kyang thams cad mkhyen pa nyid yod par rjes su dpag tu rung ste/ chig de yang don ji lta ba kho na bzhin te/ bcom ldan 'das kyis ldam por dgongs te gsungs pa ma yin pa'i phyir ro/ /ma gsod par mngon par zhen pa ni sems can dmyal bar 'gyur zhes bya ba'i tshig bzhin te/ chos mi mthun pa ni de nyid thar par 'gyur ro zhes bya ba lta bu'o/ /ji ltar ldem por dgongs pa ma yin zhe na/ mdo gzhan dag las kyang bshad pa'i phyir te/ de las gzhan pa bzhin no/ /nyes pa rnams kyi gnyen por gyur pa zhes bya ba ni bdag la chags pa dam por 'dzin pa'i lam 'gog par byed pa yin pa'i phyir ro/ /gal te bdag kho na'o snyam du sems na ni de na nams kyang bdag med do snyam ba'i blo 'byung bar mi 'gyur bas mi rung ngo zhes bya ba ni bdag ni mi 'gyur ba'i phyir ro/ /gal te bdag tu lta ba yin na ni bdag med bzhin du 'du byed tsam la bdag tu lta ba'i dbang gis bdag yod do snyam du sems pa mi rung ste zhes bya ba la/ bdag tu lta ba'i dbang gis zhes bya ba ni de ltar goms pa'i phyir de la mngon par zhen pa yin te/ rang gi rkyen gyi rnam pas sgrub par khas len par zad kyi don yod pa dang med pa las ni ma yin no zhes bya bar stan? to/ /chos rnams la bdag 'dog la de rdzas su yod par 'gyur du 'ongs ba'i phyir/ de dag las tha dad ba dang tha dang pa ma yin par bzod par mi bya'o zhes bya ba la/ de la nyes pa ci yod ce na/ chogs dang rgyu dag la de nye bar 'dog pa'i phyir dang/ de dag kyang 'du byed rnams dang tha dad ba dang tha dad pa ma yin par mi bya ba'i phyir ro/ /de yang mi rtag pa'i mtshan nyid dang/ mi brtan pa'i mtshan nyid dang/ yid brtan du mi rung ba'i mtshan nyid dang/ rnam par 'gyur ba'i mtshan nyid ces bya ba'i tshig bzhin ni skye ba'i mtshan nyid dang/ rga ba dang/ na ba dang/ 'chi ba'i chos kyi mtshan nyid ces bya ba'i tshig bzhis go rims bzhin du bshad do/ /chos tsam gyi mtshan nyid dang/ sdug bsngal tsam gyi mtshan nyid yin te zhes bya ba'i tshig lhag ma gnyis ni byed pa med ba'i mtshan nyid dang/ spang bar bya ba'i mtshan nyid yin no/ /yang gcig tu na sdug bsngal rnam pa bdun las brtsams pa yin te/ rgyun gyi 'jig pa las byung ba dang/ skad cig gis 'jig pa las byung ba dang/ glo bur las byung ba dang/ bde ba nyams pa las byung ba dang/ rang gi rang gis byung ba dang/ rang dbang med ba las byung ba dang/ rang bzhin gyi sdug bsngal las byung ba'i sdug bsngal bdun las brtsams te bstan pa yin no/ /de la rang gi dang gis 'byung ba zhes bya ba ni skye ba la sogs ba'i bye brag gis tshig bzhi dang sbyar ro/ /yang gcig tu na pha rol po bdag rtag pa la soD brtog pa de dgag pa'i phyir mtshan nyid brgyad rnam par gzhag pa yin no// //*/ /byang sa'i 'grel ba yon tan 'od kyis mdzad pa bzhugs so/ /*/ /rgya gar skad du/ bo d+hi sadra? b+hU mi prat+ti/

CLOSE WINDOW