བོད་ཡིག

e-texts based on the ACIP/ALL Input

bam po dang po/ /gsung gi mdza' bdag 'jam dpal gzhon nur gyur pa dang/ 'phags pa byams pa la phyag 'tshal lo/ /sa rnams ni bshad zin to/ /'di man chad ni sa de nyid kyi rnam par gtan la dbab pa la mkhas pa brjod par bya ste/ rnam par gtan la dbab pa la mkhas pa de la brten nas sa thams cad kyi dris pa lan gdab pa la mkhas par 'gyur ro/ /rnam par shes pa'i tshogs lnga dang ldan pa dang yid kyi sa'i rnam par gtan la dbab pa ni sa bon gyi gnas kun gzhi rnam par shes pa zhes gang smos pa'o/ / de'i yod pa nyid dang rab tu dbye ba ni ma bstan te/ ci'i phyir ma bstan pa dang/ ji ltar na de yod pa nyid dang/ rab tu dbye ba rig par bya zhe na/ de ni bcom ldan 'das kyis gsang ste bstan cing/ rnam par bzhag pa yin pas na/ de'i phyir ma bstan te/ bcom ldan 'das kyis ji skad du/ len pa'i rnam par shes pa zab cing phra/ /sa bon thams cad chu bo klung ltar 'bab/ / bdag tu rtog par gyur na mi rung zhes/ /byis pa rnams la ngas ni de ma bstan/ /ces gsungs pa lta bu'o/ /sdom ni/ len dang dang po gsal ba dang/ / sa bon las dang lus tshor dang/ /sems med snyoms par 'jug pa dang/ /de bzhin 'chi 'pho mi rung 'gyur/ /kun gzhi rnam par shes pa yod pa nyid ni/ rnam pa brgyad kyis khong du chud par bya ste/ 'di lta ste/ kun gzhi rnam par shes pa med na gnas len pa mi srid pa dang/ dang po 'jug pa mi srid pa dang/ gsal bar 'jug pa mi srid pa dang/ sa bon nyid mi srid pa dang/ las mi srid pa dang/ lus kyi tshor ba mi srid pa dang/ sems med pa'i snyoms par 'jug pa mi srid pa dang/ rnam par shes pa'i 'chi 'pho mi srid pas so/ /ci'i phyir gnas len pa mi rung zhe na smras pa/ rgyu rnam pa lnga ste/ 'di lta ste/ kun gzhi rnam par shes pa ni sngon gyi las mngon par 'du byas pa'i rgyu las byung ba yin la/ mig la sogs pa 'jug pa'i rnam par shes pa rnams ni da ltar byung ba'i rkyen gyi rgyu las byung ba yin te/ ji skad du rnam par shes pa rnams ni dbang po dang/ yul dang/ yid la byed pa'i dbang gis 'byung bar 'gyur ro zhes rgya cher bstan pa lta bu ste/ de ni rgyu dang po'o/ /gzhan yang rnam par shes pa'i tshogs drug po dag ni/ dge ba dang mi dge bar snang ste/ de ni rgyu gnyis pa'o/ /gzhan yang rnam par shes pa'i tshogs drug po dag la ni/ lung du ma bstan pa'i rnam par smin par bsdus pa'i rigs gang yin pa de mi dmigs te/ de ni rgyu gsum pa'o/ /gzhan yang rnam par shes pa'i tshogs drug po dag ni gnas nges pa las 'byung ste/ de la rnam par shes pa gnas pa gang dang gang nas 'byung ba de nyid kyis de zin par 'gyur gyi/ lhag ma rnams zin par 'gyur bas mi rung ngo/ /zin par yang mi rung ste rnam par shes pa dang bral ba'i phyir te/ de ni rgyu bzhi pa'o/ /gzhan yang yang dang yang gnas len pa'i skyon du thal bar 'gyur te/ 'di ltar mig gi rnam par shes pa ni lan 'ga' 'byung zhing lan 'ga' mi 'byung la/ lhag ma rnams kyang de dang 'dra ste/ de ni rgyu lnga pa'o/ /de ltar na sngon gyi las dang da ltar byung ba'i rkyen gyi rgyu las byung ba dang/ dge ba dang mi dge ba yin pa dang/ rigs de mi dmigs pa dang/ gnas nges pa dang/ yang dang yang len pa'i skyon du 'gyur ba'i phyir mi rung ngo/ /ci'i phyir dang po 'jug cing 'byung bar mi rung zhe na/ gal te la la 'di skad ces gal te kun gzhi rnam par shes pa yod na de'i phyir rnam par shes pa gnyis cig car 'byung bar 'gyur ro zhes zer na/ de la 'di skad brjod par bya ste/ de ni nyes pa med pa kho na las khyod nyid nyes par 'du shes par zad de 'di ltar rnam par shes pa ni gnyis cig par 'byung ba kho nar 'gyur ro/ /de ci'i phyir zhe na/ 'di ltar la la cig byar lta bar 'dod pa dang cig byar rnam par shes par bya ba'i bar du 'dod pa la/ dang po rnam par shes pa gang yang rung ba 'jug par 'gyur ba mi rung ste/ 'di ltar de la yid la byed pa dang dbang po dang/ yul yang bye brag med pa'i phyir ro/ /ci'i phyir rnam par shes pa cig byar 'byung ba med na/ yid kyi rnam par shes pa mig la sogs pa'i rnam par shes pa dang lhan cig dang/ mjug thogs su 'byung ba gsal bar mi rung zhe na/ 'di ltar gang gi tshe 'das pa'i dus na nyams su myong ba'i yul rjes su dran pa de'i tshe na ni yid kyi rnam par shes pa'i 'jug pa gsal ba ma yin la/ da lta byung ba'i yul la ni yid kyi 'jug pa de ltar mi gsal ba ma yin pas/ de'i phyir cig car 'byung ba 'am yid kyi rnam par shes pa gsal ba ma yin par rigs so/ /ci'i phyir rnam par shes pa'i tshogs drug po dag gcig gi sa bon nyid gcig yin par mi srid ce na 'di ltar dge ba'i mjug thogs su mi dge ba dang mi dge ba'i mjug thogs su dge ba dang gnyi ga'i mjug thogs su lung du ma bstan pa dang/ khams ngan pa'i mjug thogs su khams bar ma dang/ khams ngan pa'i mjug thogs su khams bzang po pa dang/ de bzhin du khams bzang po pa'i mjug thogs su khams ngan pa pa'i bar dang/ zag pa dang bcas pa'i mjug thogs su zag pa med pa dang/ zag pa med pa'i mjug thogs su zag pa dang bcas pa dang/ 'jig rten pa'i mjug thogs su 'jig rten las 'das pa dang/ 'jig rten las 'das pa'i mjug thogs su 'jig rten pa'i sems 'byung la de dag ni da ltar sa bon nyid du mi rung ba'i phyir dang/ sems kyi rgyud yun ring por rgyun chad kyang/ yun ring pos 'byung bar 'gyur bas de'i phyir yang mi rung ngo/ /ci'i phyir rnam par shes pa cig car 'byung ba med na las mi srid ce na/ 'di ltar las ni mdor bsdus na rnam pa bzhi ste/ snod rnam par rig pa dang/ gnas rnam par rig pa dang/ bdag go snyam du rnam par rig pa dang/ yul rnam par rig pa'o/ /de ltar rnam par rig pa de dag thams cad ni skad cig la cig car 'byung bar snang la/ rnam par shes pa gcig gi skad cig gcig la ni las shin tu tha dad pa de lta bu de dag mi rung ba'i phyir ro/ /ci'i phyir kun gzhi rnam par shes pa med na lus kyi tshor ba mi rung zhe na/ 'di ltar tshul bzhin nas tshul bzhin ma yin pa sems par byed pa dang/ rjes su rtog par byed pa 'am/ sems mnyam par ma gzhag pa gcig cig lus la tshor ba rnam pa du ma rnam pa mang po sna tshogs gang dag 'byung ba de dag mi 'byung ba'i rigs na snang ste/ de'i phyir yang kun gzhi rnam par shes pa yod de/ ci'i phyir kun gzhi rnam par shes pa med na sems med pa'i snyoms par 'jug pa mi srid ce na/ 'di ltar 'du shes med pa la snyoms par zhugs pa 'am/ 'gog pa la snyoms par zhugs pa'i rnam par shes ba lus dang bra ba kho nar 'gyur bas/ de'i phyir shi ba kho nar 'gyur ba zhig na bcom ldan 'das kyis ji skad du/ de'i rnam par shes pa ni lus dang bral ba ma yin no zhes gsungs pa'i phyir ro/ /ci'i phyir kun gzhi rnam par shes pa med na 'chi 'pho mi rung zhe na/ 'di ltar 'pho ba'i tshe'i rnam par shes pas lus ro stod dam/ ro smad du drod yal bar byed cing spong la yid kyi rnam par shes pa ni nam yang mi 'byung ba ma yin pas/ de'i phyir lus len par byed pa'i kun gzhi rnam par shes pa kho na dang bral bas lus kyi drod yal ba dang/ lus la tshor ba med par snang bar zad kyi/ yid kyi rnam par shes pa dang bral bas ni ma yin te/ de'i phyir yang mi rung ngo/ /sngon? ni/ dmigs dang mtshungs par ldan pa dang/ gcig gi rkyen nyid gcig yin dang/ lhan cig dngos pos 'jug pa dang/ kun nas nyon mongs ldog pa yin/ mdor bsdu na kun gzhi rnam par shes pa'i 'jug pa ni rnam pa bzhis rnam par bzhag la/ ldog pa ni rnam pa gcig gis rnam par bzhag par rig par bya ste/ 'di lta ste/ dmigs pas 'jug pa rnam par gzhag pa dang/ mtshungs par ldan pas 'jug pa rnam par bzhag pa dang/ gcig gi rkyen nyid gcig yin pas 'jug pa rnam bar bzhag pa dang/ lhan cig gi dngos pos 'jug pa rnam par bzhag pa ste/ rnam pa bzhi po de dag gis ni 'jug pa rnam par bzhag la/ kun nas nyon mongs pa ldog pa rnam par bzhag pas ni ldog pa rnam par gzhag par rig par bya'o// de la dmigs pas 'jug pa rnam par bzhag pa gang zhe na/ mdor bsdu na kun gzhi rnam par shes pa ni dmigs pa rnam pa gnyis kyis 'jug ste/ nang gi len pa rnam par rig pa dang/ phyi rol gyi snod rnam pa yongs su ma chad pa rnam par rig bas so/ /de la nang gi len pa ni kun brtags pa'i ngo bo nyid la mngon par zhen pa'i bag chags dang rten dang dbang po'i gzugs so/ /de yang gzugs can gyi khams na'o/ /gzugs can ma yin pa ni bag chags len pa kho nar zad do/ /de la phyi rol gyi snod rnam pa yongs su ma bcad pa rnam par rig pa ni kun gzhi rnam par shes pa nang gi len pa'i dmigs pa gang yin pa de nyid la brten nas/ rtag tu rgyun mi 'chad par 'jig rten dang snod kyi rgyun rnam par rig pa ste/ 'di lta ste/ dper na mar me 'bar ba ni snying po dang snum gyi rgyus ni nang du 'jug par 'gyur la/ phyi rol tu ni 'od 'byung bar byed pa bzhin du nang gi len pa'i dmigs pa dang/ phyi rol gyi dmigs pa 'di la yang kun gzhi rnam par shes pa'i tshul de dang 'dra bar blta par bya'o/ /dmigs pa de ni 'jig rten gyi khams pa rnams kyis kyang yongs su bcad par dka' ba'i phyir phra ba yin no/ /dmigs pa de ni rtag tu yod pa yin te/ lan 'ga' gzhan du 'gyur la/ lan 'ga' gzhan du 'gyur ba ma yin no/ /'on kyang dang po pa'i len pa'i skad cig la brten nas/ ji srid 'tsho ba'i bar du rnam par rig pa ro gcig pas 'jug par 'gyur ro/ /kun gzhi rnam par shes pa de ni dmigs pa la skad cig pa yin par blta bar bya ste/ skad cig pa'i rgyun gyi rgyud kyis 'jug pa yin gyi/ gcig pa nyid ni ma yin no/ /kun gzhi rnam par shes pa de yang 'dod pa'i khams na ni rgyu chung ngu'i dmigs ba can du brjod par bya'o/ /gzugs kyi khams na ni rgyu chen por gyur pa'i dmigs pa can no/ /gzugs med pa'i khams na nam mkha' mdza' yas skye mched dang/ rnam shes mdza' yas skye mched na ni rgyu tshad med pa'i dmigs pa can no/ /ci yang med pa'i skye mched na ni rgyu phra ba'i dmigs pa can no/ /'du shes med 'du shes med min skye mched na ni rgyu shin tu phra ba'i dmigs pa can du blta bar bya'o/ /de ltar na dmigs pa rnam pa gnyis rnam par rig pa dang/ phra ba rnam par rig pa dang/ 'dra ba rnam par rig pa dang/ skad cig pa rnam par rig pa dang/ chung ngu'i dmigs pa rnam par rig pa dang/ rgyu chen por gyur pa'i dmigs pa rnam par rig pa dang/ rgyu tshad med pa'i dmigs pa rnam par rig pa dang/ rgyu phra ba'i dmigs pa rnam par rig pa dang/ rgyu shin tu phra ba'i dmigs pa rnam par rig pas kyang kun gzhi rnam par shes pa dmigs pas 'jug pa rnam par bzhag par rig par bya'o/ /de la mtshungs par ldan pas 'jug pa rnam par bzhag pa gang zhe na/ 'di la kun gzhi rnam par shes pa mtshungs par ldan pa na sems dang mtshungs par ldan pa kun tu 'gro ba lnga po yid la byed pa dang/ reg pa dang/ tshor ba dang/ 'du shes dang/ sems pa rnams dang mtshungs par ldan no/ /chos de dag kyang rnam par smin par bsdus pa dang/ 'jig rten gyi mkhas pa rnams kyis kyang rtogs par dka' ba'i phyir phra ba dang/ gtan du dmigs pa gcig la mtshungs par 'jug pa yin no/ /sems las byung ba de dag las kun gzhi rnam par shes pa dang mtshungs par ldan pa'i tshor ba gang yin pa de ni gcig tu sdug bsngal yang ma yin bde ba yang ma yin pa dang/ lung du ma bstan pa yin no/ /de nyid kyis de las gzhan pa'i sems las byung ba'i chos rnams kyang rnam par bshad pa yin no/ /de ltar na sems las byung ba kun tu 'gro ba dang mtshungs par ldan ba dang rnam par smin par rigs 'dra ba dang mtshungs par ldan pa dang/ 'jug pa phra ba dang mtshungs par ldan pa dang/ dmigs pa gcig la mtshungs par 'jug pa dang mtshungs par ldan pa dang/ sdug bsngal yang ma yin bde ba yang ma yin ba dang mtshungs par ldan pa dang/ lung du ma bstan pa dang mtshungs par ldan pas kyang kun gzhi rnam par shes pa mtshungs par ldan pas 'jug pa rnam par gzhag par rig par bya'o/ /de la gcig gi rkyen nyid gcig yin pas 'jug pa rnam par bzhag pa gang zhe na/ 'di la kun gzhi rnam par shes ba ni rnam pa gnyis kyis 'jug pa'i rnam par shes pa'i rkyen gyi bya ba byed de sa bon gyi dngos po dang rten byed pas so/ /de la sa bon gyi dngos po ni 'jug pa'i rnam par shes pa dge ba dang mi dge ba dang lung du ma bstan pa 'byung bar 'gyur ba gang ci yang rung ste/ de dag thams cad ni kun gzhi rnam par shes pa'i sa bon dang ldan pa yin no/ /de la rten byed pa ni kun gzhi rnam par shes pas zin pa'i dbang po gzugs can rnams la brten nas/ rnam par shes pa'i tshogs lnga po dag 'byung bar 'gyur gyi ma zin pa dag las ni ma yin no/ /rnam par shes pa'i tshogs lnga po dag gi gnas mig la sogs pa dang 'dra ba yid dang yid kyi rnam par shes pa'i gnas kun gzhi rnam par shes pa yod na/ yid dang yid kyi rnam par shes pa yang 'byung bar 'gyur gyi med na ni ma yin no// de la 'jug pa'i rnam par shes pa ni rnam pa gnyis kyis kun gzhi rnam par shes pa'i rkyen gyi bya ba byed de/ tshe 'di la sa bon yongs su rtas par byed ba dang/ phyi ma la de mngon par 'grub pa'i sa bon yongs su 'dzin pa bskyed par byed pas so/ /de la tshe 'di la sa bon yongs su rtas par byed pa ni/ ji lta ji ltar kun gzhi rnam par shes pa la brten pa 'jug pa'i rnam par shes pa dge ba dang mi dge ba dang/ lung du ma bstan pa 'byung bar 'gyur ba de lta de ltar rang gi rten la rten de dang lhan cig skye ba dang 'gags pas bag chags sgo bar byed do/ /rgyu de dang rkyen des na 'jug pa'i rnam par shes pa rnams kyang phyir zhing dge ba la sogs pa'i dngos pos shin tu rtas pa dang/ shin tu sbyangs ba dang/ shin tu 'od gsal ba dag 'byung bar 'gyur ro/ /de'i bag chags kyi rigs gzhan ni phyi ma la kun gzhi rnam par shes pa de nyid kyi rnam par smin pa yongs su 'dzin pa'i phyir 'jug par 'gyur ro/ /de ltar na sa bon gyi dngos po dang rten byed pa dang/ sa bon yongs su rtas par byed pa dang/ sa bon yongs su 'dzin pas kyang kun gzhi rnam par shes pa dang/ 'jug pa'i rnam par shes pa gcig gi rkyen nyid gcig yin pas 'jug pa rnam par gzhag par rig par bya'o/ /de la lhan cig gi dngos pos 'jug pa rnam par gzhag ba gang zhe na/ kun gzhi rnam par shes pa ni res 'ga' ni 'jug pa'i rnam par shes pa gcig kho na dang lhan cig tu 'jug ste/ 'di lta ste yid dang ngo/ /'di ltar dar 'dzin pa dang/ nga'o snyam pa'i nga rgyal dang/ rlom ba'i rnam pa can gyi yid gang yin pa de ni sems yod pa dang/ sems med pa'i gnas skabs dag na yang dus rtag tu kun gzhi rnam par shes pa dang lhan cig 'byung zhing 'jug ste/ de ni kun gzhi rnam par shes pa la nga'o snyam pa dang/ bdag go snyam du dmigs shing rlon pa'i rnam pa can yin no/ /res 'ga' ni yid dang yid kyi rnam bar shes pa gnyis dang lhan cig 'byung zhing 'jug go / res 'ga' ni rnam par shes pa'i tshogs lnga po dag las gang yang rung ba gcig dang gsum dang ngo/ /res 'ga' ni rnam par shes pa'i tshogs lnga po dag las gnyis lhan cig 'byung ba dang bzhi dang ngo/ /ras 'ga' ni rnam par shes pa'i tshogs lnga po lhan cig 'byung ba dang bdun car gyi bar dag dang/ lhan cig 'byung zhing 'jug go /yid kyi rnam par shes pa de ni yid la brten pa zhes bya ste/ rgyu mtshan gyi yid ma 'gags na rnam par rig pa'i 'ching ba mi 'grol la/ 'gags na ni de 'grol ba'i phyir ro/ /yid kyi rnam par shes pa de ni gzhan gyi yul la dmigs pa dang/ rang gi yul la dmigs pa yin te/ de la gzhan gyi yul la dmigs pa ni rnam par shes pa'i tshogs lnga po dag gi yul la cig car ram/ cig car ma yin par dmigs pa gang yin pa'o/ /rang gi yul la dmigs pa ni rnam par shes pa'i tshogs lnga po dag gi dmigs pa med par chos la dmigs nas 'byung ba gang yin ba'o// kun gzhi rnam par shes ba de yang res 'ga' ni bde ba dang/ sdug bsngal yang ma yin bde ba yang ma yin pa'i tshor ba rnams dang 'dres par 'jug ste/ 'jug pa'i rnam par shes pa la brten nas/ tshor ba gang dag yin bdag de la brten nas 'byung ba'i phyir ro/ /de la mi rnams dang 'dod pa na spyod pa'i lha rnams dang/ dud 'gro dang/ yi dags kha cig gi nang na ni lhan cig skyes ba'i tshor ba sdug bsngal yang ma yin bde ba yang ma yin bde dang/ 'jug pa'i rnam par shes pa'i tshogs kyi tshor ba bde ba 'am/ sdug bsngal ba 'am/ sdug bsngal ba yang ma yin bde ba yang ma yin pa de dag gi rgyun 'dren mar lhan cig tu 'byung zhing 'jug go /sems can dmyal bdag na ni sdug bsngal ba yang ma yin bde ba yang ma yin pa'i tshor ba zil gyis mnan te/ sdug bsngal gyi rgyun 'ba' zhig ma 'dres pa de nyid dang lhan cig 'byung zhing 'jug ste/ de yang zil gyis mnan ba'i phyir rtogs par dka' ba yin par lta'o/ /sems can dmyal ba dag na sdug bsngal dang ci lta ba de bzhin du bsam gtan gsum gyis ba'i lha rnams la ni bde bar dang ngo/ /bsam gtan bzhi ba yan chad srid pa'i rtse mo'i bar dag la ni sdug bsngal yang ma yin bde ba yang ma yin pa dang ngo/ /kun gzhi rnam par shes pa res 'ga' ni 'jug pa'i rnam par shes par gtogs pa'i sems las byung ba'i chos dge ba dang mi dge ba dang lung du ma bstan pa rnams dang lhan cig 'byung zhing 'jug ste/ de ltar na kun gzhi rnam par shes pa ni 'jug pa'i rnam par shes pa rnams dang yang lhan cig 'byung zhing 'jug go /glo bur gyi tshor ba rnams dang/ glo bur gyi chos dge ba dang/ mi dge ba dang/ lung du ma bstan pa rnams dang yang lhan cig 'byung zhing 'jug ste/ de ni de dag dang mtshungs par ldan pa yin par na mi brjod do/ /de ci'i phyir zhe na/ dmigs pa mi mtshungs pa la 'jug pa'i phyir te/ 'di lta ste/ dper na mig gi rnam par shes pa ni mig dang lhan cig 'byung yang de ni de dang mtshungs par ldan pa ma yin pa de bzhin du 'di la yang chos mtshungs pa 'gas tshul de bzhin du blta bar bya'o/ /'di lta ste/ dper na sems las byung ba'i chos sems las byung ba nyid bye brag med pa rnams mtshan nyid sna tshogs yin pa'i phyir lhan cig gi dngos po 'jug pa la 'gal ba med pa de bzhin du/ kun gzhi rnam par shes pa dang/ 'jug pa'i rnam par shes pa rnams kyang lhan cig gi dngos pos 'jug pa la 'gal ba med par rig par bya'o/ /'di lta ste dper na chu'i rgyun dang chu rlabs rnams lhan cig gi dngos pos 'jug par 'gal ba med pa dang/ me long gi dkyil 'khor gsal ba dang/ gzugs brnyan rnams lhan cig gi dngos pos 'jug par 'gal ba med pa de bzhin du kun gzhi rnam par shes pa pa la yang 'jug pa'i rnam par shes pa rnams lhan cig gi dngos pos 'jug par 'gal ba med par blta bar bya'o/ /'di lta ste/ dper na mig gi rnam par shes pas dngos po gcig la res 'ga' ni gzugs kyi rnam par rigs gcig pa sna tshogs ma yin pa 'dzin par byed/ res 'ga' ni rnam pa sna tshogs du ma cig par 'dzin par byed do/ /mig gi rnam par shes pas gzugs la ji lta ba bzhin du/ rna ba'i rnam par shes pas sgra dag dang/ sna'i rnam par shes pas dri dag dang/ lce'i rnam par shes pas ro dag la yang de bzhin pa dang/ 'di lta ste/ dper na lus kyi rnam par shes pas reg bya'i dngos po gcig la res 'ga' ni reg bya rigs gcig pa sna tshogs ma yin pa 'dzin par byed la/ res 'ga' ni rnam pa sna tshogs du ma cig par 'dzin par byed pa de bzhin du yid kyi rnam par shes pa rnam par rtog pas kyang gcig dang sna tshogs du ma 'dzin pa la 'gal ba med par rig par bya'o/ /gang sngar bstan pa'i yid gang yin pa de ni dus rtag tu kun gzhi rnam par shes pa dang lhan cig 'byung zhing 'jug ste/ de ni yang dag par ma bcom gyi bar du dus rtag pa kho nar lhan cig skyes pa'i rang bzhin 'dra ba'i kun nas nyon mongs pa rnam pa bzhi po 'jig tshogs la lta ba'i kun nas nyon mongs pa dang/ nga'o snyam pa'i nga rgyal gyi kun nas nyon mongs pa dang/ bdag la chags pa'i kun nas nyon mongs pa dang/ ma rig pa'i kun nas nyon mongs pa dang/ mtshungs par ldan pa yin par blta bar bya'o/ /kun nas nyon mongs pa rnam pa bzhi po de dag kyang mnyam par gzhag pa dang/ mnyam par ma gzhag pa'i sa la dge ba la sogs pa dag la 'gal ba med par 'jug pa dang/ bsgribs la lung du ma bstan pa yin par blta bar bya'o/ /de ltar na 'jug pa'i rnam par shes pa dang lhan cig gi dngos po dang/ tshor ba dang lhan cig gi dngos po dang/ dge ba la sogs pa dang lhan cig gi dngos pos kyang kun gzhi rnam par shes pa lhan cig gi dngos pos 'jug pa rnam par gzhag par rig par bya'o/ /kun nas nyon mongs pa ldog pa rnam par gzhag pa gang zhe na kun gzhi rnam par shes pa ni/ mdor na kun nas nyon mongs pa thams cad kyi rtsa ba yin no/ /'di ltar de ni sems can gyi 'jig rten 'grub pa'i rtsa ba yin te/ dbang po rten dang bcas pa rnams dang/ 'jug pa'i rnam par shes pa rnams skyed par byed pa yin pa'i phyir ro/ /snod kyi 'jig rten 'grub pa'i rtsa ba yang yin te/ snod kyi 'jig rten skyed par byed pa yin pa'i phyir ro/ /gzhan yang sems can thams cad ni gcig gi dbang gcig yin pa'i phyir sems can phan tshun 'jug pa'i rtsa ba yang yin te/ 'di ltar de las gzhan pa'i sems can gyi mthong ba la sogs pas bde ba dang/ sdug bsngal la sogs pa nyams su myong bar mi 'gyur ba gang yin pa'i sems can de ni 'ga' yang med pa'i phyir ro/ /rnam grangs des na sems can gyi khams gang yin pa ni gcig gi dbang yin par rig par bya'o/ /de ltar kun gzhi rnam par shes pa de nyid ni sa bon thams cad pa yin pa'i phyir da ltar gyi dus na sdug bsngal gyi bden pa'i rang bzhin dang/ ma 'ongs pa'i dus su sdug bsngal gyi bden pa skyed par byed pa dang/ da ltar gyi dus nyid na kun 'byung ba'i bden pa skyed par byed pa yang yin no/ /de ltar na sems can gyi 'jig rten 'grub par byed pa dang/ snod kyi 'jig rten 'grub par byed pa dang/ sdug bsngal gyi bden pa'i rang bzhin yin pa dang/ ma 'ongs pa'i sdug bsngal gyi bden pa 'grub par byed pa dang/ da ltar gyi kun 'byung ba'i bden pa 'grub par byed pas kyang kun gzhi rnam par shes pa ni kun nas nyon mongs pa thams cad kyi rtsa ba yin par blta bar bya'o/ /kun gzhi rnam par shes pa thar ba'i cha dang mthun pa dang/ nges par 'byed pa'i cha dang mthun pa'i dge ba'i rtsa ba rnams kyi sa bon yongs su 'dzin pa gang yin pa de ni kun 'byung ba'i bden pa'i rgyu ma yin te/ thar pa la sogs pa'i cha dang mthun pa'i dge ba'i rtsa ba rnams ni 'jug pa dang 'gal ba nyid yin pa'i phyir ro/ /de byung na de las gzhan pa 'jig rten pa'i dge ba'i rtsa ba rnams ni chos 'od gsal bar 'gyur zhing/ des na de dag rang gi sa bon yongs su bzung ba la ches mthu dang ldan pa dang sa bon yongs su rtos pa bsgrub pa la ches stobs dang ldan par 'gyur ro/ /sa bon de las dge ba'i chos de dag kyang ches 'od gsal ba 'grub pa dang/ phyi ma la yang rnam par smin pa ches sdug pa dang/ tshes 'dod pa 'grub par 'gyur ro/ /bcom ldan 'das kyis kyang kun gzhi rnam par shes pa sa bon thams cad pa 'di la dgongs nas mig gi khams dang/ gzugs kyi khams dang/ mig gi rnam par shes pa'i khams dang/ yid kyi khams dang/ chos kyi khams dang/ yid kyi rnam par shes pa'i khams kyi bar du gsungs te/ kun gzhi rnam par shes pa la khams sna tshogs yod pa'i phyir ro/ /mdo nyid las kyang kun gzhi/ rnam par shes pa la khams du ma yod pa'i phyir ro/ /ji ltar dbang po'i tshogs kyi dpe mdzad pa lta bu'o/ /de ltar na kun nas nyon mongs pa'i rtsa ba kun gzhi'i rnam par shes pa de ni 'di ltar dge ba'i chos bsgoms pas rnam par ldog par rig par bya'o/ / dge ba'i chos sgom pa de yang so so'i skye bo sems gnas par bya ba'i phyir 'jug pa'i rnam par shes pa la dmigs pa'i yid la byed pas brtson par byed pa ni/ de'i dang por bden pa mngon par rtogs pa la 'jug par bya ba'i phyir sgom ste/ bden pa ma mthong bden pa rnams la mig ma thob pas ni kun gzhi rnam par shes pa sa bon thams cad pa rtogs par mi nus pa'i phyir ro/ /de de ltar zhugs shing nyan thos kyi yang dag pa nyid skyon med pa la zhugs sam/ byang chub sems dpa' i yang dag pa nyid skyon med pa la zhugs te chos kyi dbyings rtogs par byed pa na/ kun gzhi rnam par shes pa yang rtogs par byed do/ der kun nas nyon mongs pa thams cad la yang dag par 'dus par blta zhing/ de nang gi so so'i bdag nyid la phyi rol gyi mtshan ma'i 'ching ba dang/ nang gi gnas ngan len gyi 'ching bas bdag nyid nges par rtog par byed do/ /kun gzhi rnam par shes pa ni 'du byed kyi rnam par spros par bsdus pa de dag thams cad kyi khams pa yin pa'i phyir/ kun gzhi rnam par shes pa la gcig tu sdud pa dang/ gcig tu sdud pa dang/ gcig tu sogs par byed de/ gcig tu bsags nas de bzhin nyid la dmigs pa'i shes pas kun tu brten cing goms par byas pa'i rgyus gnas 'gyur bar byed do/ /gnas 'gyur ma thag tu kun gzhi rnam par shes pa spangs par brjod par bya ste/ de spangs pa'i phyir kun nas nyon mongs pa thams cad kyang spangs par brjod par bya'o/ /kun gzhi rnam par shes pa de'i gnas ni gnyen po dang/ dgra bos brgyur bar rig par bya'o/ /kun gzhi rnam par shes pa ni mi rtag pa dang/ len pa dang bcas pa yin la/ gnas gyur pa ni rtag pa dang len pa med pa yin te/ de bzhin nyid la dmigs pa'i lam gyis bsgyur ba'i phyir ro/ /kun gzhi rnam par shes pa ni gnas ngan len dang ldan pa yin la gnas gyur ba ni gnas ngan len thams cad dang/ gtan bral ba yin no/ /kun gzhi rnam par shes pa ni nyon mongs pa rnams kyi 'jug pa'i rgyu dang lam gyi 'jug pa'i rgyu ma yin la/ gnas gyur pa ni nyon mongs pa rnams kyi 'jug pa'i rgyu ma yin pa dang/ lam tu 'jug pa'i rgyu yin te/ gnas pa'i rgyu nyid yin pa dang/ skyed pa'i rgyu nyid ma yin pa'i phyir ro/ /kun gzhi rnam par shes pa ni dge ba dang lung du ma bstan pa'i chos rnams la dbang mi byed la/ gnas gyur ba ni dge ba dang lung du ma bstan pa'i chos thams cad la dbang byed pa'o/ /kun gzhi rnam par shes pa de'i spangs pa'i mtshan nyid ni de spangs ma thag tu len pa rnam pa gnyis spong ba dang/ sprul pa lta bu'i lus kun tu gnas pa ste/ phyi ma la sdug bsngal yang 'byung bar byed pa'i rgyu spangs pa'i phyir/ phyi ma la yang 'byung bar byed pa'i len pa spong ba dang/ tshe 'di la kun nas nyon mongs pa'i rgyu thams cad spangs pa'i phyir/ tshe 'di'i kun nas nyon mongs pa'i gnas ngan len thams cad spong ba dang/ gnas ngan len thams cad dang bral zhing srog gi rkyen du gyur pa tsam kun tu gnas so/ /de yod na lus kyi mdza' pa dang/ srog gi mdza' ba'i tshor ba myong bar byed de/ de'i phyir mdo sde las kyang 'di na de'i tshor ba thams cad de tsam gyis na yongs su gtugs par 'gyur ro zhes rgya cher ji skad du gsungs pa lta bu'o/ /de ltar na kun nas nyon mongs pa'i rtsa ba rnam par bzhag pa dang/ 'jug pa dang/ rtogs pa dang/ bsgom pa dang/ yid la byed pa rnam par gzhag pa dang/ gnas gyur pa rnam par bzhag pas kyang kun gzhi rnam par shes pa'i kun nas nyon mongs pa rnam par ldog pa rnam par gzhag par rig par bya'o/ /de ltar na 'di ni sems dang yid dang rnam par shes pa rnam par bzhag pa'i tshul yang dag pa yin te/ de ltar khams gsum pa'i sems dang yid dang rnam par shes pa thams cad ji skad bstan pa'i tshul 'dis kun nas nyon mongs pa'i tshul dang/ rnam par byang ba'i tshul thams cad khongs su chud par bya'o/ /sems dang yid dang rnam par shes pa'i tshul gzhan yongs su bstan pa gang yin pa de ni gdul ba'i rim pa nyid kyi phyir te/ 'di lta ste gdul ba byis pa'i shes rab can gyi dbang du byas nas thabs sla bas 'jug par bya ba'i phyir ro/ /gang kun gzhi rnam par shes pa dang ldan pa de 'jug pa'i rnam par shes pa dang yang ldan la/ gang 'jug pa'i rnam par shes pa dang ldan pa de yang kun gzhi rnam par shes pa dang yang ldan pa yin nam zhe na/ mu bzhi ste/ kun gzhi rnam par shes pa dang ldan pa la 'jug pa'i rnam par shes pa dang mi ldan pa ni gnyid log pa sems med pa dang/ brgyal bar gyur pa sems med pa dang/ 'du shes med pa'i snyoms par 'jug pa dang/ 'gog pa'i snyoms par 'jug pa la snyoms par zhugs pa dang/ 'du shes med pa'i sems can rnams kyi nang du skyes pa'o/ /'jug pa'i rnam par shes pa dang ldan la/ kun gzhi rnam par shes pa dang mi ldan pa ni sems yod pa'i gnas skabs na dgra bcom pa dang/ rang sangs rgyas dang/ phyir mi ldog pa'i byang chub sems dpa' dang/ de bzhin gshegs pa'o/ /gnyi ga dang ldan pa ni sems yod pa'i gnas skabs de las gzhan pa dag na'o/ /gnyi ga dang mi ldan pa ni dgra bcom pa dang/ rang sangs rgyas dang/ phyir mi ldog pa'i byang chub sems dpa' dang/ de bzhin gshegs pa 'gog pa la snyoms par zhugs pa dang/ phung po'i lhag ma med pa'i mya ngan las 'das pa'i dbyings na'o/ /gang gi phyir nang dang phyi rol gyi chos thams cad ngo bo nyid so sor nges pa ni/ so so rang rang gi mtshan nyid la rnam par gnas pa yin no/ 'o na ci'i phyir khams bco brgyad po dag las rnam par shes pa'i khams drug po dag ni ngo bo nyid las rnam par bzhag la/ de las gzhan pa'i khams rnams ni gnas dang/ dmigs pa dang/ grogs las rnam par bzhag ce na/ rnam par shes pa'i khams drug po gang yin pa 'di dag ni nyin mo dang/ mtshan mo de dang de dag 'das pa dang/ skad cig de dang de dag 'das pa dang/ thang cig dang/ yud tsam de dang de dag 'das nas/ rgyu de dag dang rkyen de dag la brten te/ mig la sogs pa gnas rnams dang/ gzugs la sogs pa dmigs pa rnams dang sems las byung ba grogs rnams kyis rnam pa du ma rnam pa mang po sna tshogs dag 'byung zhing/ gnas gang dang gang nas 'byung ba de dang de'i ming 'thob bo/ /'di lta ste/ dper na me ni rgyu gang dang gang kho na las brten te 'bar ba de dang de'i grangs su 'gro ste/ rtswa dag dang shing dag dang/ lci ba dag dang/ phub ma dag dang/ spur ma dag las brten te 'bar ba'i me ni rtswa'i me zhes bya ba nas/ rgyas par spur ma'i me zhes bya ba'i bar gyi grangs su 'gro ba de bzhin du mig dang gzugs rnams la brten te/ rnam par shes pa 'byung ba ni mig gi rnam par shes pa zhes bya ba'i grangs su 'gro ste/ de bzhin du rgyas par yid dang chos kyi bar la brten pa ni/ yid kyi rnam par shes pa zhes bya ba'i bar gyi grangs su 'gro bar rig par bya'o/ /de las gzhan pa mig la sogs pa'i khams rnams ni dang po ngo bo nyid gang kho nas byung bar gyur pa'i ngo bo nyid de kho na dang 'dra bar 'byung ba gcig nas gcig tu brgyud pas gtan tu rjes su 'jug par 'gyur ro/ /rnam par shes pa rigs gcig pa ni rgyu de dag dang rkyen de dag las brten te/ rnam pa tha dad pa'i ngo bo nyid du 'byung bas de'i phyir/ rnam par shes pa'i khams rnams ni ngo bo nyid kho na las rnam par bzhag la de las gzhan pa'i khams ni gnas dang dmigs pa dang grogs las rnam par gzhag go / rnam par shes pa'i tshogs yongs su shes par bya ba las brtsams te/ dge slong sems rnam par dag par bya ba la zhugs pas rnam pa dus sems yongs su shes par bya zhe na/ mdor bsdu na rnam pa gsum gyis te/ kun nas nyon mongs pa las kun dga' ba dang/ kun nas nyon mongs pa can gyi nyes dmigs dang/ kun nas nyon mongs pa rnam par bzlog pa'i thabs kyis so/ /ji ltar na dge slong sems rnam par dag par bya ba la zhugs pa/ kun nas nyon mongs pa la kun tu dga' ba las sems yongs su shes par byed ce na/ 'di na dge slong sems rnam par dag par bya ba la zhugs pa ni 'di snyam du sems te/ bdag gi sems 'di ni yun ring po nas kun nas nyon mongs pa la mngon par dga' ba ste/ kun nas nyon mongs pa la kun tu dga' bas/ yang 'dod chags dang bcas pa nyid las rnam par bslang ste/ 'dod chags dang bral ba nyid la nges par sbyor bar byed pa na/ 'dod chags dang bral ba nyid la nges par mi gnas shing mi dga' bar myur ba myur ba kho nar kun tu gyur cing/ 'dod chags dang bcas pa kho na la 'jug par byed/ rnam par grol bar byed/ rjes su rgyug par byed do/ /'dod chags dang bcas pa nyid kyi ji lta ba bzhin du zhe sdang dang bcas pa nyid dang/ gti mug dang bcas pa nyid dang/ zhum pa nyid dang/ rgod pa nyid dang/ nye bar ma zhi ba nyid dang/ rnam par g.yengs pa nyid kyi yang de dang 'dra ste/ bag med par gnas pa las rnam par bslang nas/ rgyas par dge ba'i chos rnams rtag tu bsgom pa'i bar la nges par sbyor bar byed pa na/ dge ba'i chos rnams rtag tu bsgoms pa la nges par mi gnas shing/ mi dga' bar myur ba kho nar kun tu gyur cing/ bag med pa la kun tu dga' ba'i bar kho na la 'jug par byed/ rnam par grol bar byed/ rjes su rgyug par byed do snyam du sems te/ dge slong sems rnam par dag par bye ba la zhugs pa ni de ltar kun nas nyon mongs pa la kun tu dga' ba las sems yongs su shes par byed do/ /dge slong sems rnam par dag par bya ba la zhugs pas de ltar kun nas nyon mongs pa la kun tu dga' ba las rang gi sems yongs su shes par byas nas/ kun nas nyon mongs pa can gyi sems de nyid nyes dmigs las 'di ltar yongs su shes par byed do/ /bdag gi 'dod chags dang bcas pa'i sems gang yin pa de ni bdag la gnod pa dang/ gzhan dag la gnod pa dang/ gnyi ga la gnod pa'i phyir 'jug pa dang/ tshe 'di dang tshe phyi ma dang tshe 'di dang tshe phyi ma'i kha na ma tho ba skyed par byed pa dang/ de dang de 'byung ba'i sems las byung ba sdug bsngal ba dang/ yid mi bde ba skye ba'i rkyen yang yin te/ 'dod chags dang bcas pa ji lta ba bzhin du bag med pa la mngon par dga' ba'i bar yang de bzhin du rig par bya'o zhes yongs su shes par byed cing/ de 'di snyam du sems te/ 'dod chags dang bcas pa'i sems dang/ bag med pa la mngon par dga' ba'i bar gyi sems 'di ni nyes dmigs dang bcas pa'i phyir/ yams kyi nad dang bcas pa dang/ gnod pa dang bcas pa dang/ 'go ba'i nad dang bcas pa dang/ 'khrug pa dang bcas pa yin no snyam du sems so/ /des de ltar rang gi sems kun nas nyon mongs pa/ can de nyes dmigs las yongs su shes par byas nas kun nas nyon mongs pa rnam par ldog pa la mkhas pa las 'di ltar yongs su shes par byed de/ bdag ni de ltar rang gi sems kun nas nyon mongs pa can nyes dmigs dang bcas pa yams kyi nad dang bcas pa/ gnod pa dang bcas pa/ 'go ba'i nad dang bcas pa/ 'khrug pa dang bcas pa 'di lta bu 'di'i dbang du 'gyur bar mi bya'o/ rang gi sems nyid la dbang bsgyur bar bya'o/ /rang gi sems la dbang bsgyur bar bya ba dang/ sems kyi dbang gis 'gyur bar mi bya bar rig nas/ so sor brtags shing so sor brtags te/ 'dod chags dang bcas pa'i sems de 'dod chags dang bcas pa nyid rnam par bzlog nas/ 'dod chags dang bral ba nyid la 'jog par byed/ dga' bar byed cing/ de la de'i phan yon nye bar ston par yang byed do/ /de bzhin du bag med par gnas pa'i bar las rnam par bzlog nas/ dge ba'i chos rnams rtag tu sgom pa la 'jog par byed/ dga' bar byed cing de la de'i phan yon nye bar ston par yang byed do/ /de ltar zhugs shing de la med du gnas pa de la de'i sems sngon kun nas nyon mongs pa la kun tu dga' ba yongs su spang? pa gang yin pa de/ so sor brtag mi dgos par dge ba'i chos rnams rtag tu bsgom pa la rang nyid mngon par dga' bar 'gyur ba de'i dus kyang yod de/ de'i skabs kyang yod par 'gyur ro/ /gang gi phyir dge slong sems rnam par dag par bya ba la zhugs pa de ltar rang gi sems kun nas nyon mongs pa la kun tu dga' ba nyid la brten te/ dpe med par 'gyur ba nyid yang dag pa nyid ji lta ba bzhin du shes par byed pa ni/ de ltar nyes dmigs las kun nas nyon mongs pa can gyi sems la yang mkhas par gyur la/ de ltar kun nas nyon mongs pa can gyi sems rnam par ldog pa la yang mkhas par 'gyur ro/ /de ltar na dge slong sems rnam par dag par bya ba la zhugs pa ni 'di lta ste/ zag pa rnams zad pas myur ba kho nar sems rnam par dag pa bla na med pa rjes su 'thob bo/ sems la mkhas pa'i rnam grangs dang/ sems rnam par ldog ba la mkhas pa'i rnam grangs gzhan yang yod de/ sems la mkhas pa'i rnam grangs ni kun brtags pa'i ngo bo nyid las brtsams te rig par bya'o/ /sems rnam par ldog pa la mkhas pa'i rnam grangs ni gzhan gyi dbang gi ngo bo nyid las brtsams te rig par bya'o/ /rnal 'byor spyod pa'i sa rnam par gtan la dbab pa bsdu ba// /bam po gnyis pa/ /dge bas sems yongs su bsgos pa'i phan yon ni gnyis te/ 'bras bu'i dus na bde ba la reg pa la nyid dang/ rgyu'i dus na dbang bsgyur ba nyid do/ /sems rnyogs pa can du 'gyur ba'i nyes pa ni gsum ste/ tshul bzhin ma yin pa yid la byed pa'i nyes pa dang/ bag la nyal gyi nyes pa dang/ kun nas dkris pa'i nyes pa'o/ /bcom ldan 'das kyis sems kho na la legs par rab tu tshul bzhin du so sor brtag par bya'o zhes gang gsungs pa dang/ dran pa nye bar gzhag pa dag las lus la lus kyi rjes su lta zhing gnas so zhes bya ba nas/ chos rnams la chos kyi rjes su lta zhing gnas so zhes bya ba'i bar du gang gsungs pa de la dgongs pa gang zhe na/ smras pa der ni sems yongs su brtag pa kho nar dran pa nye bar gzhag pa bzhis yongs su bstan pa yin te/ sems kyi len pa yongs su brtag pa dang/ sems kyi myong ba yongs su brtag pa dang/ sems kyi rnam par rig pa yongs su brtag pa dang/ sems kyi kun nas nyon mongs pa dang rnam par byang ba yongs su brtag pa ste/ de ltar na len pa dang/ myong ba dang/ dmigs pa rnam par rig pa dang/ kun nas nyon mongs pa dang/ rnam par byang ba dang bzhis sems kho na yongs su brtags pa yin no/ /dge bas sems yongs su bsgos ba'i phan yon ni gnyis te zhes bya bas ni mdo las ngas ni 'di lta ste sems ni ma bsgoms na mi mnyen zhing las su mi rung bar 'gyur/ /bsgoms na mnyen zhing las su rung bar 'gyur ba de lta bu'i chos gcig kyang yang dag par rjes su ma mthong ngo/ /zhes gsungs pa de'i don bstan pa yin no/ /sems rnyog pa can du 'gyur ba'i nyes pa ni gsum ste zhes bya ba la sogs pa ni mdo las lhung bzed dang/ me long dang/ chu'i rdzing gi dpe gsungs ba dag dang ci rigs par sbyar ro/ /dge slong gnas pa gsum po/ rnam par thar pa la gnas pa dang/ rnam par thar pa'i sgo la gnas pa dang/ rnam par thar pa'i sgo 'dren par byed pa'i chos la gnas pa la gnas pa ni sgrub pa rnam pa drug gis ston pa'i stan pa bzhin byed pa yin te/ rgyun mi 'chad par bsgrub pa dang/ legs par bzung zhing bsams pa la sgrub pa dang/ bsgoms pa las byung ba'i dge ba'i rtsa ba bskyed pa bsgrubs pa dang/ de la ro myang bar mi byed cing bden pa rab tu 'byed pa sgrub pa dang/ /de la mngon pa'i nga rgyal med par sgrub pa dang/ dad pas byin pa legs par yongs su longs spyod pa'i sgrub pas so/ /sbyin pa ni gnyis te/ len pa po'i sbyin pa dang/ sbyin pa po'i sbyin pa'o/ /sbyin pa'i 'bras bu ni gnyis te/ /longs spyod chen po nyid dang/ de'i rgyu mthun pa longs spyod la mos pa'o/ /dge slong gnas pa gsum la gnas pa zhes bya ba la 'dir rnam par thar pa la gnas pa zhes bya ba ni mdo las 'chi pa med pa'i dbyings bsgrubs te gnas so zhes gsungs pa'o/ /rnam par thar pa'i sgo la gnas pa zhes bya ba ni mdo las/ stong pa nyid dang/ mtshan ma med pa dang/ smon pa med pa'i dbyings la'o zhes gsungs pa'o/ /rnam par thar pa'i sgo 'dren par byed pa'i chos la gnas pa zhes bya ba ni mdo las/ skyo ba dang ldan pa'i yid la byed pa sgom pa'o zhes gsungs pa'o/ /rgyun mi 'chad par sgrub pa zhes bya ba la sogs pa bsgrub pa rnam pa drug gis ni mdo las btang ba med pa'i bsam gtan pa/ lhag mthong dang ldan pa/ khyim gyis stong pa rgyas par byed pa/ bdag gi don gyi rnal 'byor la brtson pa/ tshangs pa mtshungs par spyod pa mkhas pa rnams kyis ma smad pa/ yul 'khor gyi bsod snyoms 'bras bu yod par longs spyod pa zhes gsungs pa'i tshig de dag gi don yongs su bstan te/ sbyin pa ni gnyis te/ len pa po'i sbyin pa dang/ sbyin pa po'i sbyin pa'o zhes bya ba la sogs pa'i tshig gis na/ gal te sems can 'di dag gis sbyin pa'i 'bras bu dang/ sbyin pa kun 'gyed pa'i rnam par smin pa'i 'bras bu shes bar gyur na ni/ da ltar khams phyi ma khams tha ma gang yin pa de las kyang ma byin zhing ma bgos par za bar mi byed do zhes sbyin pa dang/ sbyin pa kun 'gyed pa gnyis kyi 'bras bu yod pa tha dad par gsungs par ston to/ /'thad pas bsgrub pa'i rigs pa las brtsams te/ gang gis ma 'ongs pa'i 'du byed kyi mtshan nyid kyis med cing yod pa ma yin pa kho na 'byung ngo zhes khong du chud par bya ba 'di la rig pa brjod pa gang yin/ gal te ma 'ongs pa'i chos 'du byed kyi mtshan nyid kyis yod pa kho na las 'byung bar 'gyur na de 'pho zhing 'byung ste/ ma 'ongs pa'i dus kyi yul nas da ltar gyi dus kyi yul du 'pho zhing 'byung bar 'gyur ram/ 'chi 'pho zhing 'byung ste/ ma 'ongs pa'i dus nas da ltar gyi dus su 'byung bar 'gyur ram/ brten nas 'byung ste ma 'ongs pa na de kho na bzhin du mi 'gyur bar gnas de las brten te gzhan kho na zhig da ltar gyi dus su 'byung bar 'gyur ram/ las dang bcas par 'byung ste ma 'ongs pa'i dus na las mi byed par gyur pa las/ da ltar gyi dus su las byed pa zhig 'byung bar 'gyur ram/ mtshan nyid rdzogs par 'byung ste/ ma 'ongs pa'i dus na mtshan nyid ma rdzogs par gyur pa las/ da ltar gyi dus su mtshan nyid rdzogs pa zhig 'byung bar 'gyur ram/ mtshan nyid mi 'dra bar 'byung ste/ ma 'ongs pa'i dus na ma 'ongs pa'i dngos po dang/ 'bras bu'i dngos po de gnyis kyi mtshan nyid mi 'dra bar gyur la/ da ltar gyi dus su da ltar gyi dngos po de gnyis kyis mtshan nyid 'dra ba zhig 'byung bar 'gyur grang na/ yod pa de'i 'byung ba ni rnam pa drug po de dag thams cad kyis mi rung ngo/ /de ci'i phyir zhe na/ yul na mi gnas pa dang/ phyogs na mi gnas pa ni yul nas yul gzhan du 'pho ba med pa'i phyir dang/ ma skyes pa dang ma byung ba la ni 'chi 'pho yang med pa'i phyir dang/ de las brten te 'byung na de gzhan kho na zhig byung bar zad kyi ma 'ongs pa yin la/ ma 'ongs pa de yang ma byung ba'i phyir dang/ chos thams cad don dam par g.yo pa med pa nyid kyi phyir mtshan nyid las gzhan pa'i las ma dmigs te/ mtshan nyid tsam 'ba' zhig la 'dogs pa kho nar zad pa dang/ gzhan pa nyid yin na yang ma 'ongs pa dang/ da ltar byung ba gnyis mtshan nyid mtshungs pas yod par 'dra ba bzhin du/ da ltar 'ba' zhig las dang bcas pa yin no zhes bya ba'i byed rgyu yang mi dmigs pa dang/ las kyang ma byung ba las 'byung bar 'gyur ba'i phyir dang/ bcom ldan 'das kyis ji skad du 'du byed thams cad ni mi rtag pa dang/ mi brtag pa yin no zhes legs par gsungs pa dang/ legs par brjod pa gang yin pa de la yang 'du byed kyi las ni mi rtag pa nyid yin la/ 'du byed rnams ni don las rtag pa nyid yin no zhes yongs su bstan pa nyid kyis shin tu gnod pa byas par 'gyur ba'i phyir dang/ mtshan nyid gcig pa yin par 'dra ba las/ gal te mtshan nyid la cha tha dad pa yod par gyur na/ ci'i phyir mtshan nyid cha tha dad par 'gyur ba dang/ mtshan nyid cha tha dad pa ma byung ba las/ byung bar mi 'gyur ba'i phyir dang/ ma 'ongs pa'i dngos po yang gzugs la sogs pa 'du byed kyi mtshan nyid las gud na mi dmigs pa dang/ 'bras bu ma 'ongs shing med pa yang 'bras bur da ltar byung ba yin pa'i phyir ro/ /'thad pas sgrub pa'i rigs pa las brtsams te/ gang gis ma 'ongs pa'i chos 'du byed kyi mtshan nyid kyis med cing/ yod pa ma yin pa las 'byung bar khong du chud par bya ba 'di la rigs pa brjod pa ni de yin te/ ma 'ongs pa ji lta ba de bzhin du 'das pa yang med par rig pa brjod pa 'di nyid kyis ci rigs par khong du chud par bya'o/ /de las 'das pa'i 'du byed rnams gang zhe na/ rang gi bdag nyid kyi dngos po las zhig cing rab tu nyams par gyur pa'i mtshan nyid gang yin pa'o/ /da ltar byung ba'i 'du byed rnams gang zhe na/ rang gi bdag nyid kyi dngos po las ma zhigs shing ma nyams par skye ba tsam gyi dus na gnas pa'i mtshan nyid gang yin pa'o/ /ma 'ongs pa'i 'du byed rnams gang zhe na/ rgyu ni yod cing med pa ma yin la/ rang gi mtshan nyid ma byung zhing bdag nyid ma thob pa gang yin pa'o/ /gal te ma 'ongs pa'i 'du byed rnams yod pa ma yin pa las 'byung bar 'gyur na/ nam mkha' i me tog dang mo gsham gyi bu dang/ ri bong rwa la sogs pa yang ci'i phyir mi 'byung zhe na/ 'di ltar de dag la ni 'byung ba'i rgyu med kyi 'du byed thams cad la 'byung ba'i rgyu so sor nges pa yod pa'i phyir ro/ /gal te 'du byed thams cad la 'byung ba'i rgyu so sor nges pa yod pa kho na yin na/ ci'i phyir 'du byed thams cad cig car mgo mnyam kho nar 'byung bar mi 'gyur zhe na/ 'du byed rnams ni rgyu yod kyang 'byung ba'i rkyen la bltos na 'byung bar 'gyur te/ 'du byed gang dang gang gi 'byung ba'i rkyen nye bar gnas par gyur pa'i 'du byed de dang de'i rgyu ni 'du byed de/ dang de mngon par 'grub par byed de/ de'i phyir 'du byed rnams la rgyu yod du/ zin kyang cig car mgo mnyam du 'byung bar mi 'gyur ro/ /de la 'du byed rnams kyi rgyu ni gang/ rkyen ni gang zhe na bcom ldan 'das kyi 'du byed rnams 'byung ba'i rkyen ni bzhi po 'di dag yin par gsungs te rgyu'i rkyen dang/ mtshungs pa de ma thag pa'i rkyen dang/ dmigs pa'i rkyen dang/ bdag po'i rkyen to/ /de la rgyu'i rkyen ni rgyu yang yin rkyen yang yin no/ /de las gzhan pa'i rkyen gsum po dag ni rkyen kho na yin te rgyu ni ma yin no/ /de la rgyu'i rkyen gang zhe na/ dbang po gzugs can rten dang bcas pa gang yin pa dang/ rnam par shes pa gang yin pa 'di gnyis ni mdor na sa bon thams cad pa zhes bya'o/ / dbang po gzugs can dang ldan pa ni/ dbang po gzugs can de dag dang/ de las gzhan pa'i chos gzugs can rnams kyi sa bon kyang yin la/ sems dang sems las byung ba'i chos thams cad kho na'i sa bon kyang yin no/ /rnam par shes pa dang ldan pa ni rnam par shes pa rnam pa thams cad po de'i sa bon yang yin la/ de las gzhan pa'i chos gzugs can ma yin pa rnams dang/ dbang po gzugs can rnams kyi sa bon yang yin no/ /'byung ba chen po'i gzugs ma gtogs pa/ de las gzhan pa'i chos gzugs can rnams ni rang gi sa bon dang ldan pa'i ngo bo nyid kho na yin par rig par bya'o/ /'byung ba chen po'i gzugs ni sa bon nyid dang ldan pa yin te/ 'byung ba chen po'i sa bon dang/ rgyur byas pa'i gzugs kyi sa bon dang ngo/ /de ltar na ji skad yongs su bsgrags pa'i chos rnams la/ de ltar sa bon gyi rgyud dang ldan ba ci rigs par rnam par bzhag pa gang yin pa de ni rgyu'i rkyen ces bya'o/ /gal te dbang po gzugs can rang gi 'byung ba chen po dang bcas pa dag sems dang sems las byung ba'i chos rnams kyi sa bon dang ldan pa ma yin du zin ni/ 'di na 'gog pa la snyoms par zhugs pa dang/ 'du shes med pa la snyoms par zhugs pa dang/ 'du shes med pa'i sems can lha rnams kyi nang du skyes ba'i rnam par shes pa phyis yang 'byung bar mi 'gyur ba zhig na 'byung ste/ de lta bas na dbang po gzugs can sems dang/ sems las byung ba'i sa bon dang ldan pa las brten te 'byung bar rig par bya'o/ /gal te rnam par shes pa gzugs kyi sa bon dang ldan pa ma yin du zin na/ so so'i skye bo gzugs med pa rnams su skyes pa tshe zad cing las zad nas de nas 'chi 'pho zhing yang 'og tu skye ba'i gzugs kyi sa bon med pas 'byung bar mi 'gyur ba zhig na 'byung ste/ de lta bas na gzugs kyi sa bon dang ldan pa'i rnam par shes pa de la brten nas/ de'i gzugs 'byung bar rig par bya'o/ / so so'i skye bo 'jig rten pa'i lam gyi bsam gtan dang po la snyoms par zhugs shing skyes pa'i de las gzhan pa 'dod pa na spyod pa'i chos nyon mongs can de dag gi sa bon gang yin pa de ni nyams pa yin gyi/ yang dag par bcom pa ni ma yin par rig par bya'o/ /de ci'i phyir zhe na/ 'di ltar so so'i skye bo de ni ting nge 'dzin de las yongs su nyams nas yang 'dod pa na spyod pa'i chos nyon mongs pa can rnams mngon du byed pa dang/ bsam gtan dang po'i snyoms par 'jugs de nas shi 'phos nas yang 'dod pa'i khams su skye bar 'gyur ba'i phyir ro/ /de la sa bon nyams pa ni mdor bsdu na rnam pa gsum du rig par bya ste/ yongs su spong bas nyams pa dang sun 'byin pas nyams pa dang/ zhi gnas kyis nyams pa'o// de la yongs su spong bas nyams pa gang zhe na/ 'di ltar 'di na la la khyim gyi 'dod pa'i longs spyod kyi yongs su spyod ba dag spong ba yang dag par blang ba len par byed cing de spong ba yang dag par blang ba de kun tu sten par byed/ sgom par byed/ lan mang du byed/ de kun tu brten pa'i rgyu dang/ bsgom pa'i rgyu dang/ lan mang du byas pa'i rgyus 'dod pa'i longs spyod kyi yongs su spyod pa la sems mi 'jug mi dga' kun tu mi gnas mos par mi byed cing de'i dbang dang/ de la dmigs pa'i nyon mongs pa skyed bu yang mi byed de/ de ni yongs su spong bas nyams pa zhes bya'o/ /sun 'byin pas nyams pa gang zhe na/ 'di ltar 'di na la las nyes dmigs kyi 'du shes sam/ mi sdug pa'i 'du shes sam/ rnam par sngos pa la sogs pa'i 'du shes sam/ tshul bzhin yid la byed pa gang yang rung pas 'dod pa de dag la/ de 'dod chags dang bral ba ma yin du zin kyang ji lta ji ltar mi mthun pa yin pa'i rgyus 'dod pa rnams la sems mi 'jug pa nas/ rgyas par mos par mi byed pa'i bar du de lta de ltar sun 'byin pa yin te/ de ni sun 'byin pas nyams pa zhes bya'o/ /zhi gnas kyi nyams pa gang zhe na/ 'di ltar 'di na la la 'jig rten pa'i lam gyi 'dod pa'i 'dod chags dang bral ba 'am/ gzugs kyi 'dod chags dang bral ba thob par byed cing/ zhi gnas kyis nye bar brtan pa'i sems kyi rgyu dang ldan pa de'i sems 'dod pa dag gam/ gzugs dag la mi 'jug pa nas/ rgyas par mos par mi byed pa'i bar de ni zhi gnas kyis nyams pa zhes bya'o/ /'phags pa nyan thos 'jig rten las 'das pa'i lam gyi 'dod pa'i 'dod chags dang bral ba dang/ khams gsum pa'i 'dod chags dang bral ba'i bar thob pa ni de ltar des khams gsum na spyod pa'i chos nyon mongs pa can de dag thams cad kyi sa bon thams cad kyi thams cad du yang dag par bcom pa yin no/ /de ci'i phyir zhe na/ 'di ltar 'phags pa nyan thos de ni tshe 'di nyid la 'dod chags dang bral ba de las yongs su nyams shing/ sa 'og ma pa'i kun nas nyon mongs pa sngon du byed mi srid pa dang/ sa gong ma dag tu skyes pa de nas shi 'phos nas yang sa 'og ma rnams su skye ba yang mi srid pa'i phyir ro/ /'di lta ste dper na 'bru nas la sogs pa'i sa bon nam mkha' 'am/ sa gzhi skam por gzhag pa rnams ni mi skye yang sa bon nyid med pa ni ma yin no/ /de dag nyid mes kun tu gdungs na thams cad kyi thams cad du sa bon nyid med pa bzhin du/ sa bon rnams kyi nyams pa dang yang dag par bcom pa 'di'i tshul yang de bzhin du rig par bya'o/ /'phags pa nyan thos phung po'i lhag ma med pa'i mya ngan las 'das pa'i dbyings su yongs su mya ngan las 'das pa de'i dge ba dang/ lung du ma bstan pa'i chos kyi sa bon gang yin pa de ni kun nas nyon mongs pa can gyi sa bon yang dag par bcom pa'i phyir nyams pa yin pas des ni phyi ma la rnam par smin pa mngon par 'grub par byed pa dang/ rang nyid skye bar yang mi nus te/ de ltar na 'di lta ste/ grogs yang dag par bcom pas nyams pa 'di ni nyams pa gzhan bzhi pa yin par rig par bya'o/ /de la gang zag 'ching ba mdza' dag dang ldan pa'i bde ba dang ldan pa 'am/ sdug bsngal ba dang ldan pa 'am/ sdug bsngal yang ma yin bde ba yang ma yin pa dang ldan pa'i sems gang dag 'byung ba de dag thams cad ni bde ba'i sa bon dang ldan pa dang/ sdug bsngal ba'i sa bon dang ldan pa dang/ sdug bsngal yang ma yin bde ba yang ma yin pa de yang ma yin pa'i sa bon dang ldan pa yin no/ /de'i dge ba 'am/ nyon mongs pa can nam/ lung du ma bstan pa'i sems gang dag 'byung ba de dag thams cad kyang dge pa'i sa bon dang ldan pa dang/ nyon mongs pa can gyi sa bon dang ldan pa dang/ lung du ma bstan pa'i sa bon dang ldan pa yin no/ /gang zag slob pa 'ching ba ma tshang ba dang ldan pa'i 'jig rten pa'i dge ba 'am/ nyon mongs pa can nam/ lung du ma bstan pa'i sems gang dag 'byung ba de dag thams cad ni de'i sgom pas spang bar bya ba'i nyon mongs pa gang dag ma spangs pa de'i sa bon dang ldan pa yin te/ de las gzhan pa chos thams cad kyi sa bon dang ldan par 'byung ngo/ /gang zag mi slob pa nyon mongs pa thams cad spangs pa'i 'jig rten pa 'am/ 'jig rten las 'das pa'i dge ba 'am/ lung du ma bstan pa'i sems gang 'byung ba de ni de nyon mongs pa can gyi chos thams cad kyi sa bon dang mi ldan pas dge ba dang/ lung du ma bstan pa'i chos thams cad kyi sa bon dang ldan par 'byung ste/ sa bon rnam par bzhag pa'i tshul 'di ni kun gzhi rnam par shes pa rnam par ma gzhag pa la rig par bya'o/ /rnam par gzhag pa la ni mdor bsdu na de la chos thams cad kyi sa bon yod par rig par bya ste/ sa bon de dag ni ma spangs pa dang/ spang bar bya ba ma yin pa'i chos de dag dang ci rigs su ldan par rig par bya'o/ /bcom ldan 'das kyis ji skad du dge slong dag dgra bcom pa yang tshe 'di la lhag pa'i sems las byung ba bde bar gnas pa bzhi po de dag las gang yang rung ba las yongs su nyams par nga smra zhes gang gsungs pa de la/ gal te de'i nyon mongs pa can gyi chos thams cad kyi sa bon dag yang dag par bcom na ni/ ji ltar de la 'og ma pa'i nyon mongs pa 'byung bar 'gyur/ gal te mi 'byung na ni ji ltar de yongs su nyams par 'gyur zhe na/ yongs su nyams pa ni gnyis po 'di dag yin te/ spong ba'i yongs su nyams pa dang/ gnas pa'i yongs su nyams pa'o/ /de la spong ba'i yongs su nyams pas ni so so'i skye bo kho na yongs su nyams par 'gyur ro/ /gnas pa'i yongs su nyams pas ni 'phags pa dang/ so so'i skye bo yang yongs su nyams par 'gyur ro/ /de la 'jig rten pa'i lam gyis nyon mongs pa spangs pa yang mngon du byed pa ni spong ba'i yongs su nyams pas yongs su nyams par 'gyur te/ gnas pa'i yongs su nyams pas yongs rsu nyams par 'gyur ba yang de yin no/ /'jig rten las 'das pa'i lam gyis nyon mongs pa spangs nas/ de las gzhan pa'i phral gyi bya ba dag la rab tu chags pa'i blo can yid la mi byed pa'i rgyus de'i mjug thogs su tshe 'di la bde bar gnas pa la sngon ji lta bar phyis kyang de bzhin du mngon du byed mi nus la/ sa 'og ma pa'i nyon mongs pa ni/ mngon du mi byed pa gang yin pa de ni de lta na gnas pa'i yongs su nyams par 'gyur ba yin gyi spong ba'i yongs su nyams pa ni ma yin no/ /gal te dgra bcom pa nyon mongs pa thams cad spangs pa'i nyon mongs pa can gyi chos de dag thams cad kyi sa bon yang dag par ma bcom na ni/ ji ltar de dgra bcom pa sems shin tu rnam par grol ba dang/ zag pa zad par 'gyur/ gal te yang dag par bcom na ni de'i sems kyi rgyud nyon mongs pa can gyi chos thams cad kyi sa bon med pa la tshul bzhin ma yin pa yid la byed pa tsam yang 'byung bar mi 'gyur na/ /nyon mongs pa lta smos kyang ci dgos te/ de lta bas na 'jig rten las 'das pa'i lam gyis nyon mongs pa spangs pa la ni yongs su nyams pa med par khong du chud par bya'o/ /de la mtshungs pa de ma thag pa'i rkyen gang zhe na/ sems dang sems las byung ba'i? chos gang dag gi 'jug thogs su sems dang sems las byung ba'i chos gang dag 'byung ba de dag ni/ de dag gi mtshungs pa de ma thag pa'i rkyen ces bya'o/ /de la rnam par shes pa drug po gang dag yin pa de dag ni rnam par shes pa drug po de dag mtshungs pa de ma thag pa'i rkyen yin te/ de dag ni yid las yid ces bya ba dang/ yid kyi skye mched ces bya ba dang/ yid kyi khams zhes bya bar yang gdags so/ /de la dmigs pa'i rkyen gang zhe na/ gzugs la sogs pa yul lnga po dag na rnam par shes pa'i tshogs lnga po dag gi dmigs pa'i rkyen yin no/ /nang dang phyi rol gyi skye mched bcu gnyis po thams cad ni yid kyi rnam par shes pa'i dmigs pa'i rkyen yin no/ /de la bdag po'i rkyen gang zhe na/ mig la sogs pa'i skye mched lhan cig byung ba rnams ni/ / mig gi rnam par shes pa la sogs pa'i bdag po'i rkyen yin no/ /rnam par shes pa rnams dmigs pa la gtod par byed pa'i yid la byed pa yang yin no/ /sems dang sems las byung ba'i chos lhan cig byung ba rnams kyang gcig gi bdag po'i rkyen yin no/ /dge ba dang mi dge ba'i las sngon du byas pa rnams kyang phyis 'bras bu 'dod pa dang mi 'dod pa rnam par smin par 'gyur ba'i bdag po'i rkyen yin no/ /zhing dang lung dang chu la sogs pa lo tog mngon par 'grub pa'i bdag po'i rkyen yin no/ /bzo shes pa dang bzo'i las de dang de dag ni 'jig rten pa'i bzo? dang las kyi gnas de dang de dag mngon par 'grub pa'i bdag po'i rkyen yin no/ /de la rgyu'i rkyen gang yin pa de ni skyed pa'i rgyu nyid yin no/ /de las gzhan pa'i rkyen gsum po dag ni skye ba'i thabs kho na yin par rig par bya'o/ /de lta bas na 'du byed gang dang gang gi skye ba'i thabs nye bar gnas par gyur pa'i 'du byed kyi sa bon de dang de ni 'du byed de dang de mngon par 'grub par byed de/ de'i phyir 'du byed thams cad ni cig car mgo mnyam du 'byung bar mi 'gyur ro/ /rkyen bzhi po de dag nyid las brten nas/ rgyu bcu po dag ni rnam par bzhag par rig par bya ste/ 'di lta ste/ byang chub sems dpa' i sa las bshad pa bzhin no/ /bcom ldan 'das kyis yid ni 'das pa'i 'du byed rnams las kyang brten te 'byung la/ /yid ni ma 'ongs pa'i 'du byed rnams las kyang brten te 'byung ngo zhes gang gsungs pa de la/ gal te 'das pa'i 'du byed rnams kyang med la ma 'ongs pa rnams kyang med na gang gi phyir bcom ldan 'das kyis yid 'byung ngo zhes gsungs pa'i yid kyi dmigs pa gang yin/ gal te yid dngos po med pa kho na zhig la dmigs na ni de la bcom ldan 'das kyis legs par gsungs pa dang/ legs par brjod pa gang yin pa 'di lta ste/ rnam par shes pa ni gnyis la brten te 'byung ngo/ /gnyis gang zhe na/ mig dang gzugs las rgyas par yid dang chos kyi bar las so zhes bcom ldan 'das kyis legs par gsungs pa dang/ legs par brjod pa de la ji ltar shin tu gnod par byas par mi 'gyur zhe na/ yid ni rnam par shes pa'i tshogs lnga po dag gi spyod yul ma yin pa'i don gang yin pa 'dzin par byed de/ de la bcom ldan 'das kyis chos gdags par mdzad nas/ yid dang chos rnams la brten te/ yid kyi rnam par shes pa 'byung ngo zhes gsungs so/ /bcom ldan 'das kyis dgongs pa de yang rgyu gang gis khong du chud par bya zhe na/ 'di ltar yid kyi rnam par shes pa ni 'das pa'i rnam par shes pa la dmigs pa yang yod/ ma 'ongs pa'i rnam par shes pa la dmigs pa yang yod mod kyi/ rnam par shes pa ni chos kyi skye mched du gtogs pa ma yin no/ /gzhan yang yod ba yang yod pa'i don gyis rnam par gnas shing yod pa'i don 'dzin par byed la/ med pa yang med pa'i don gyi rnam par gnas shing med pa'i don 'dzin par byed pas/ de la yid kyi rnam par shes pas ni yod pa yang don gang gis rnam par gnas pa'i don de nyid kyis rnam par shes par bya la/ med pa yang don gang gis rnam par gnas pa'i don de nyid kyis rnam par shes par bya'o/ /gal te de gnyi ga gnyi ga'i don gyis rnam par shes par mi byed na ni yid don thams cad la dmigs pa dang/ don thams cad 'dzin pa yin par mi 'gyur ro/ /gang de skad ces zer na/ des ni grub pa'i mdza' la yang shin tu gnod pa byes par 'gyur te/ ji ltar yod pa nyid med pa'o zhes brjod du ni tshul ma yin no/ /de lta bas na ji ltar 'das pa dang/ ma 'ongs pa de dngos po med pa de bzhin du de la dmigs pa'i yid kyang med la/ dmigs pa yin par khong du chud par bya'o/ /gzhan yang 'di la gang gis med pa la dmigs pa'i yid kyis rnam par shes pa yod do zhes khong du chud par bya ba'i rigs pa brjod pa spangs shing rgya che ba yang yod pa kho na yin te/ bcom ldan 'das kyis legs par gsungs pa dang/ legs par brjod pa ji skad du nang ngam phyi rol lam/ lam gnyi ga ma gtogs pa na bdag med do zhes gsungs pa gang yin pa de las/ bag med pa nyid de ni 'dus byas kyis bsdus pa yang ma yin 'dus ma byas kyi bsdus pa yang yin mod kyi/ spyi'i mtshan nyid yongs su rtog pa rnams la de la dmigs pa'i rnam par shes pa mi 'byung ba yang ma yin te/ de ltar na 'di ni rigs pa brjod pa dang po yin no/ /yang gzugs dang dri dang ro dang reg bya de lta de ltar byung ba rnams dang/ yongs su gyur pa rnams dang/ kun tu zhugs pa rnams la zas dang skom dang bzhon pa dang gos dang rgyan dang khang khyim dang dmag dang nags tshal la sogs pa 'dogs par byed pa'i zas dang skom la sogs pa dag gzugs la sogs pa las gud na cung zad kyang med de/ de'i med pa nyid gang yin pa de yang 'dus byas kyis bsdus pa yang ma yin/ 'dus ma byas kyis bsdus pa yang ma yin mod kyi rang gis tshan nyid yongs su rtog pa rnams la/ de la dmigs pa'i rnam par shes pa mi 'byung ba yang ma yin te/ de ltar na 'di ni rigs pa brjod pa gnyis pa yin no/ /yang thams cad la skur pa 'debs pa'i log par lta ba ji skad du sbyin pa med do/ /'dod pa med do/ /mchod sbyin med do zhes rgya cher sngar bstan pa lta bu gang yin pa de la/ gal te 'dod pa dang mchod sbyin la sogs pa med pa'i med pa nyid gang yin pa de yang yang dag par spong ba nyid yin na ni des na skyes bu gang zag de ltar lta ba'i de yang log par lta bar mi 'gyur te/ 'di ltar de ni yang dag par lta ba dang/ yang dag par smra bar 'gyur ro/ /ci ste med na ni log par lta ba rnams kyi de la dmigs pa'i rnam par shes pa yang 'byung bar mi 'gyur ba zhig na 'byung ste/ de ltar na/ 'di ni rigs pa brjod pa gsum pa yin no/ /yang 'du byed thams cad la rtag pa nyid dam brtan pa nyid dam ther zug pa nyid med de 'du byed thams cad la rtag pa nyid dang brtan pa nyid dam ther zug nyid de'i med pa nyid gang yin pa de yang 'dus byas kyis bsdus pa yang ma yin/ 'dus ma byas kyis bsdus pa yang ma yin mod kyi/ spyi'i mtshan nyid kyis yongs su rtog pa rnams la/ de la dmigs pa'i rnam par shes pa mi 'byung ba yang ma yin te/ gal te de la dmigs pa'i rnam par shes pa thams cad kyi thams cad du mi 'byung na ni/ des na 'du byed thams cad la rtag pa nyid dam/ brtan pa nyid dam/ ther zug nyid med par shes rab kyis yang dag pa ji lta ba bzhin du yang dag par rjes su ma mthong ba rnams la skyob dang 'dod chags dang bral ba dang rnam par grol ba med na ni len pa med par yongs su mya ngan las 'das par yang mi 'gyur bas/ de lta na sems can rnams kyi kun nas nyon mongs pa ni gtan tu rjes su 'brel par 'gyur ba zhig na mi 'gyur te/ de ltar na/ 'di ni rigs pa brjod pa bzhi pa yin no/ /yang 'du byed ma 'ongs pa rnams kyi 'byung ba nyid kyang re zhig med na/ 'jig pa lta yod par ga la 'gyur/ yang 'phags pa nyan thos rnams 'du byed ma 'ongs pa rnams la 'byung ba dang/ 'jig par rjes su lta zhing mi gnas la yang ma yin te/ de ltar na 'di ni rigs pa brjod pa lnga pa yin no/ /des na yid kyi rnam par shes pa med pa la dmigs pa ni yod pa kho nar chud par bya ste/ rnam par shes pa med pa la dmigs pa rab tu 'grub pa'i rigs pa brjod pa ni de lta bu dang 'thun pa gzhan yang yod par rig par bya'o/ /bcom ldan 'das kyis las 'das pa ni yod de gal te las 'das pa med du zin na 'di na la las gnod pa dang bcas pa dang/ gnod pa med pa'i tshor ba myong ba mi 'gyur zhes gang gsungs pa de la dgongs pa gang zhe na/ 'das pa'i tshe rabs rnams su las dge ba dang mi dge ba bskyed cing 'gags pas phyi ma la 'bras bu 'dod pa dang mi 'dod pa mngon par 'grub par de'i sa bon gyis 'du byed kyi rgyun phyi ma phyi ma yongs su bzung zhing yongs su bsgom pa las dgongs nas/ bcom ldan 'das kyis las 'das pa yod do zhes yongs su bstan te/ de ltar mi mthun pa rgyur smra ba gang dag dbang phyug dang/ brgya byin dang tshangs pa dang rang bzhin dang skyes bu gzhan la sogs pa las/ sems can rnams kyi dge ba dang mi dge ba 'byung bar lta zhing yongs su bston pa dag gis lugs dgag pa dang/ thams cad kyi thams cad du rgyu med par smra ba gang dag sems can rnams kyi dge ba dang/ mi dge ba 'byung ba rgyu med par lta zhing yongs su ston pa gang dag yin pa de dag gi lugs dgag pa'i don gyi dbang gnyis gzigs pas yongs su bstan to/ /bcom ldan 'das kyis 'du byed 'das pa rnams ni yod de/ 'phags pa nyan thos thos pa dang ldan pa ni de dag la mi lta bar gnas so/ /'du byed ma 'ongs pa rnams kyang yod de/ 'phags pa nyan thos thos pa dang ldan pa ni de dag la mngon par mi dga' bar gnas so zhes gang gsungs pa de la dgongs pa gang zhe na/ 'du byed 'das pa rnams ni 'bras bu bskyed pa las yod la/ /'du byed ma 'ongs pa rnams ni rgyu yongs su 'dzin pa las yod de/ 'di ltar da ltar gyi 'du byed rnams ni mtshan nyid gsum gyis rab tu phye ba yin te/ 'das pa rnams kyi 'bras bu'i dngos po dang/ ma 'ongs pa rnams kyi rgyu'i dngos po dang/ rang gi mtshan nyid kyi rgyun mi 'chad pas so/ /de ltar na bcom ldan 'das kyis yang gal te 'das pa dang mi 'das pa de 'du byed kyi mtshan nyid dang ldan pa kho nar 'gyur na 'das pa dang ma 'ongs pa'i dngos po de med do zhes mi bstan ba zhig na/ yongs su bstan pas na chos 'das pa dang ma 'ongs pa rnams la rdzas su mngon par zhen pa spang bar bya ba dang/ ji ltar 'das pa dang ma 'ongs pa med pa de bzhin du/ da ltar byung ba yang med do zhes mngon par zhen pa rnams kyi mngon par zhen pa de spang bar bya ba'i don gyi dbang de gnyis gzigs pas yongs su bstan to/ /bcom ldan 'das kyis khams 'das pa yang yod de/ khams ma 'ongs pa yang yod do zhes gang gsungs pa de la dgongs pa gang yin zhe na/ sa bon gyi rgyun 'bras bu bskyed zin pa ni khams 'das pa zhes bya'o/ /sa bon gyi rgyun 'byung ba 'bras bu ma bskyed pa ni khams ma 'ongs pa zhes bya'o/ /da ltar sa bon gyi rgyun 'bras bu ma bskyed pa nyid ni khams da ltar byung ba zhes bya'o/ /'di la dgongs pa ni de yin par rig par bya ste/ dge slong sa bon gyi rgyun la mkhas pa ni chos tshad med pa bdag nyid sna tshogs can de dang de dag gi khams la mkhas pa zhes bya'o/ /ci'i phyir gzugs la sogs pa 'du byed rnams las skye ba dang/ rga ba dang/ gnas pa dang/ mi rtag pa nyid dag rdzas gzhan du yod pa ma yin par khong du chud par bya zhe na/ re zhig 'du byed ma 'ongs pa nyid kyi yod pa nyid bkag pas skye ba'i rdzas su yod pa nyid kyang bkag pa kho nar rig par bya ste/ 'di ltar ma 'ongs pa'i skye ba ni med pa yin pas ji ltar gzhan skyed par 'gyur la/ da ltar gyi skye bas ni da ltar gyi 'du byed skyed pa mi nus pa'i phyir ro/ /gzhan yang skye ba zhes bya ba de'i rnam grangs ni mtshan nyid las 'di lta ste/ 'du byed rnams kyi mngon par 'grub pa dang/ skye ba dang 'byung ba nyid ces bya ba de dag yin na/ rnam grangs de dag la ma gtogs pa mtshan nyid bstan pa gzhan pa ni mi dmigs so/ /ji ltar 'du byed da ltar byung ba rnams nyid ni 'byung bar 'gyur ro zhes bya ba de ni mkhas pa mdzangs pas brjod par rigs pa'i tshul ma yin no/ / gang 'di skad ces 'di ltar 'du byed rnams kyi skye ba skye'o zhes zer ba des ni don gyis na/ ji ltar 'du byed da ltar byung ba rnams nyid 'byung bar 'gyur ro zhes bya ba de nyid yongs su bstan par zad do/ /gzhan yang rang gi sa bon gyi rgyu so sor nges pa dang ldan pa'i chos thams cad la skyed par byed pa'i skye ba gzhan brtags pas ci zhig bya/ gzhan yang skye ba 'du byed rnams kyi mngon par 'grub pa tsam zhig gam/ 'on te mngon par 'grub pa'i rgyur 'gyur ba zhig yin/ re zhig gal te mngon par 'grub pa tsam zhig yin na ni skye ba 'du byed rnams mngon par 'grub par byed pa yin te/ skye ba yod na mngon par 'grub par 'gyur ro zhes byar mi rung ngo/ /gal te skye ba 'du byed rnams kyi mngon par 'grub pa'i rgyu yin na ni/ des na 'du byed gcig la mngon par 'grub par byed pa dang/ mngon par 'grub pa'i skye ba gnyis 'byung bar 'gyur te mi rung ngo/ /skye ba ji lta ba bzhin du rga ba dang/ gnas pa dang/ mi rtag pa nyid dag kyang tshul de nyid kyis rigs par rig par bya ste/ de lta bas na skye ba la sogs pa yang 'du byed rnams la brtags pa'i yod pa yin par rig par bya'o/ /de la rgyu yod na rang gi mtshan nyid sngon ma byung ba 'grub pa ni 'du byed rnams kyi skye ba zhes bya'o/ /snga ma las phyi ma gzhan nyid du gzhan du 'gyur ba nyid ni 'du byed rnams kyi rga ba zhes bya'o// skye ba'i dus tsam la gnas pa ni 'du byed rnams kyi gnas pa zhes bya ste/ de lta bas na skye ba'i skad cig gi 'og tu 'jig pa'i skad cig ni 'du byed rnams kyi 'jig pa zhes bya'o/ /gal te 'dus byas la 'dus byas kyi mtshan nyid bzhi po skye ba dang/ rga ba dang gnas pa dang/ 'jig pa 'di dag dmigs na ci'i phyir bcom ldan 'das kyis skye ba dang/ 'jigs pa dang gnas pa las gzhan du 'gyur ba nyid dang gsum kho na gsungs she na/ 'du byed rnams ni dus gsum gyis rab tu phye ba yin te/ des na ma 'ongs pa'i dus na ma byung ba las 'byung bar 'gyur bas/ de'i phyir bcom ldan 'das kyis ma 'ongs pa'i dus las brten te 'byung ba yang 'dus byas kyi mtshan nyid yin par gsungs so/ /byung ba rnams 'das pa'i dus su zhig par gyur pas de'i phyir bcom ldan 'das kyis 'das pa'i dus las brten te zhig pa yang 'dus byas kyi mtshan nyid yin par gsungs so/ /gnas pa gang yin pa dang/ gzhan du 'gyur ba nyid gang yin pa'i mtshan nyid gnyis ni da ltar gyi dus kyi rab tu phye ba yin te/ 'di ltar gnas pa yang da ltar gyi dus nyid na dmigs pa yin la/ snga ma las phyi ma gzhan nyid du gzhan du gyur pa nyid kyang da ltar gyi dus nyid na dmigs pa yin pas/ de'i phyir bcom ldan 'das kyis da ltar byung ba'i dus las brten te/ gnas pa dang/ gzhan du 'gyur ba nyid gcig tu bsdus nas 'dus byas kyi mtshan nyid yin par gsungs so/ /gang gi tshe 'phags pa nyan thos kyis 'dus byas kyi mtshan nyid gsum dang ldan par yongs su brtag par byas pa'i tshe/ ci'i phyir 'phabs pa nyan thos phung po rnams la 'byung ba dang 'jig pa kho nar rjes su lta zhing gnas so zhes gsungs la gnas pa dang gzhan du 'gyur ba nyid rjes su lta zhing gnas so zhes ma gsungs she na/ gang gi phyir 'byung ba gang yin pa dang/ gnas pa las gzhan du 'gyur ba nyid gang yin pa'i mtshan nyid de gnyi ga yang 'byung bas rab tu phye ba yin pas/ de'i phyir mtshan nyid gnyis cha gcig tu mdzad de 'byung ba'i phyogs su rnam par bzhag nas 'byung bar rjes su lta zhing gnas so/ /zhes gsungs so/ /mtshan nyid gcig ni cha gnyis par rnam par gzhag nas 'jig par rjes su lta zhing gnas so zhes gsungs so/ /gzhan yang de ni mtshan nyid gang gis yid 'byung ba dang/ 'dod chags dang bral ba dang rnam par grol bar 'gyur ba'i mtshan nyid de nyid la yid la byed pas 'du byed rnams la mi rtag pa nyid du lta na skyo ba dang 'dod chags dang bral ba dang rnam par grol par 'gyur bas de'i phyir mi rtag pa nyid kho na yid la byed do/ /mi rtag pa nyid kyang ma byung ba las byung bas rab tu phye ba dang/ byung nas kyang med par 'gyur bas rab tu phye ba yin te ma byung ba las 'byung pa ni 'byung ba yin la/ byung nas med par 'gyur ba ni 'jig pa yin no// //bam po gsum pa/ /skye ba'i rab tu dbye ba yang rnam pa du ma yod par rig par bya ste/ 'di lta ste skad cig gi skye ba dang/ mtshams sbyor ba'i skye ba dang/ mngon par 'grub pa'i skye ba dang/ sems rnam pa tha dad pa'i skye ba dang/ mi 'dod pa'i skye ba dang/ 'dod pa'i skye ba dang/ ngan pa'i skye ba dang/ bar ma'i skye ba dang/ bzang po'i skye ba dang/ bla na yod pa'i skye ba dang/ bla na med pa'i skye ba'o/ /de la 'du byed rnams skad cig skad cig la skye ba ni skad cig gi skye ba zhes bya'o/ /kun tu sbyor ba mdza' dag yod pa 'am/ kun tu sbyor ba ma tshang ba yang rung sems can gyi ris de dang/ de nas shi 'phos nas sems can gyi ris de dang der phung po mngon par 'grub pa ni mtshams sbyor pa'i skye ba zhes bya'o/ /thor bu dang gzhon nu la sogs pa'i gnas skabs dags nas rgas pa'i gnas skabs kyi bar du 'gyur ba ni mngon par 'grub pa'i skye ba zhes bya'o/ /dmigs pa de dang des nyin mtshan de dang de dag 'das pa dang/ skad cig dang thang cig yud tsam de dang de dag 'das pas sems bde ba dang mtshungs par ldan pa 'am/ sdug bsngal ba dang mtshungs par ldan pa 'am/ sdug bsngal yang ma yin bde ba yang ma yin pa dang mtshungs par ldan pa 'am/ 'dod chags dang bcas pa 'am/ 'dod chags dang bral ba nas rgyas par shin tu rnam par grol ba 'am/ rnam par ma grol ba'i bar gyi rnam pa du ma rnam pa mang po sna tshogs skye ba ni sems rnam pa tha dad pa'i skye ba zhes bya'o/ /ngan 'gro sems can dmyal ba rnams dang dud 'gro dang yi dags rnams su sdug bsngal skye ba gang yin pa de ni mi 'dod pa'i skye ba zhes bya'o/ /bde 'gro lha dang mi rnams su bde ba skye ba gang yin pa de ni 'dod pa'i skye ba zhes bya'o/ /'dod pa'i khams ngan par mngon par 'grub pa ni ngan pa'i skye ba zhes bya'o/ /gzugs kyi khams bar mar mngon par 'grub pa ni bar ma'i skye ba zhes bya'o/ /gzugs med pa'i khams bzang por mngon par 'grub pa ni bzang po skye ba zhes bya'o/ /gzhan yang mngal du 'jug pa dang po ni ngan pa'i skye ba'o/ /mngal du 'jug pa bar ma ni bar ma'i skye ba'o/ /mngal du 'jug pa tha ma ni bzang po'i skye ba'o/ /rnam grangs gzhan yang nyon mongs pa can dang nyon mongs pa can gyi 'bras bu'i chos rnams kyi mngon par 'grub pa ni ngan pa'i skye ba zhes bya'o/ /dge ba dang dge ba'i 'bras bu can gyi chos rnams kyi mngon par 'grub pa ni bzang po'i skye ba zhes bya'o/ /dge ba dang mi dge ba'i 'bras bu can gyi chos lung du ma bstan pa rnams ma gtogs pa lung du ma bstan pa'i chos rnams kyi mngon par 'grub pa ni bar ma'i skye ba zhes bya'o/ /khams su gtogs pa rnams kyi skye ba las brtsams te/ ci yang med pa'i skye mched kyi bar du mngon par 'grub pa ni bla na yod pa'i skye ba zhes bya'o/ /'du shes med 'du shes med min skye mched du mngon par 'grub pa ni bla na med pa'i skye ba zhes bya'o/ /skad cig ma'i rgyud mtshams sbyor par gtogs pa rnams kyi skye ba las brtsams te/ dgra bcom pa'i 'chi ba tha ma'i char gtogs pa'i phung po rnams ma gtogs pa de las gzhan pa'i 'du byed gang ci yang rung bar 'grub pa de dag thams cad ni bla na yod pa'i skye ba zhes bya'o/ /rga ba'i rab tu dbye ba yang rnam pa du ma yod par rig par bya ste/ 'di lta ste lus rga ba dang/ sems rga ba dang/ tshe rga ba dang/ 'gyur pa rga ba dang/ lus 'gyur ba rga ba'o/ /de la spyi cer du gyur pa dang/ mgo skya ba la sogs pa rgyas par ji skad mdo las gsungs pa lta bu dag gis lus yongs su gyur pa ni lus rga ba zhes bya'o/ /bde ba'i tshor ba dang mtshungs par ldan pa'i sems yongs su gyur nas sdug bsngal ba dang mtshungs par ldan par 'gyur ba dang/ dge ba'i sems su gyur nas nyon mongs pa can du 'gyur ba dang/ 'dod pa'i don rnams la re ba dang ldan pa'i sems yongs su gyur pa ni re ba 'bras bu med par 'gyur ba de ni sems rga ba zhes bya'o/ /nyin mtshan de dang de dag 'das pa dang skad cig thang cig dang yud tsam de dang de dag 'das pas tshe 'gribs pa'i rim gyis thams cad kyi thams cad du yongs su zad par gyur pa ni tshe rga ba zhes bya'o/ /dbang phyug gi bdag po phun sum tshogs pa thams cad nyams pa dang/ nad med pa dang/ kha dog dang stobs dang/ rtas pa la sogs pa rnam par gyur pa ni 'gyur ba rga ba zhes bya'o/ /bde 'gror skyes shing legs par 'byor pa'i lus ngag las shi 'phos nas ngan 'gro ngan pa'i ris rnams su lus mngon par 'grub pa ni lus 'gyur ba rga ba zhes bya'o/ gang la brten nas rga ba'i rnam pa ji skad bstan pa de dag thams cad 'byung bar 'gyur ba'i rga ba gcig pa yod yod de 'du byed rnams kyi skad cig skad cig la gzhan nyid du 'gyur ba rga ba gang yin pa'o/ /gnas pa'i rab tu dbye ba yang rnam pa du ma yod par rig par bya ste/ 'di lta ste skad cig gnas pa dang/ rgyun gnas pa dang/ rkyen 'brel pas gnas pa dang/ rnam par mi g.yeng bar gnas pa dang/ lugs gnas pa'o/ /de la 'du byed 'byung ba skye ba'i dus tsam la gnas pa ni skad cig gnas pa zhes bya'o/ /de dang der mngon par 'grub pa'i lus de dang de dag zas de dang de la brten nas tshe ji srid par gnas pa dang/ phyi rol gyi snod kyi 'jig rten rnams bskal pa chen po'i mthar thug par gnas pa ni rgyun gnas pa zhes bya'o/ /bde ba dang sdug bsngal ba dang bde ba yang ma yin sdug bsngal ba yang ma yin pa'i tshor ba rnams dang/ dge ba dang mi dge ba dang lung du ma bstan pa'i chos rnams rang rang gis rkyen nye bar gnas na re shig gnas pa ni rkyen 'brel las gnas pa zhes bya'o/ /sems mnyam par bzhag pa ting nge 'dzin mngon du gyur pa ni rnam par mi g.yeng bar gnas pa zhes bya'o/ /yul gzhan du grong dang grong rdal dang yul 'khor dang/ rgyal po'i pho brang 'khor rnams dang/ rgyal po bzhugs pa dang/ bskos pa 'du ba'i sa dang/ bzo sbyangs kyi gnas rnams dang/ lag dub byed pa dag dang/ 'khor rnams la spyod tshul rnying pa dang bcas pa'i rjes su 'jug pa ni lugs gnas pa zhes bya'o/ /mi rtag pa nyid kyi bar du dbye ba yang rnam pa du ma yod par rig par bya ste/ 'di lta ste/ 'jig pa'i mi rtag pa nyid dang/ skye ba'i mi rtag pa nyid dang/ 'gyur ba'i mi rtag pa nyid dang/ 'bral ba'i mi rtag pa nyid dang/ 'byung bar 'gyur ba'i mi rtag pa nyid dang/ byung zin pa'i mi rtag pa nyid do/ /de la 'du byed skyes pa rnams 'jig pa ni 'jig pa'i mi rtag pa nyid ces bya'o/ /'du byed rnams ma byung ba las 'byung ba ni skye ba'i mi rtag pa nyid ces bya'o/ /'du byed 'dod pa da ltar gyi dus su mi 'dra ba 'byung ba mngon du gyur pa thams cad ni 'du byed rnams kyi 'gyur ba'i mi rtag pa nyid ces bya'o/ /yo byad sdug pa ma gyur ba rnams dang bral zhing de la dbang nyams pa ni 'bral ba'i mi rtag pa nyid ces bya'o/ /mi rtag pa nyid rnam pa bzhi po de dag nyid ma 'ongs pa'i dus na 'byung bar 'gyur ba'i mi rtag pa nyid ces bya'o/ /de ltar gyi dus na mngon du 'gyur ba ni byung zin pa'i mi rtag pa nyid ces bya'o/ /de la 'dod pa la longs spyod zag med par gyur pa rnams ni 'gyur pa'i mi rtag pa nyid dang 'bral ba'i mi rtag pa nyid dang phrad de/ yid la byed pa na rgyas par mya ngan byed sgyid lug par byed kyang 'du byed rnams las skyo bar mi 'gyur ro/ /gzhan mu stegs can dag ni mi rtag pa nyid de dag nyid shas cher ming la byed pa na skyo zhing 'dod pa las dben pa tsam la rten kyang 'du byed rnams kyi phyogs 'ga' las skyo bar 'gyur gyi gtan du ni ma yin no/ /'phags pa nyan thos ni mi rtag pa nyid thams cad yongs su rdzogs par yid la byed cing 'du byed rnams las gtan skyo ba dang rnam par grol ba'i bar du yang 'gyur ro/ /'thob pa dang rnyed pa dang ldan pa gang zhe na/ mdor bsdu na 'byung ba'i rkyen gyis yongs su zin cing sa bon yongs su rtag pa ni 'thob pa zhes bya ste/ rnam grangs des na 'thob pa yang btags pa'i yod pa yin par rig par bya'o/ /gal te 'thob pa rdzas su yod par gyur na/ de 'du byed rnams kyi 'byung ba'i rgyu 'am/ yang na chos dang mi 'bral bar 'gyur ba'i rgyur 'gyur grang na/ gal te 'du byed rnams 'byung ba'i rgyur gyur na ni/ des na ji srid du chos de thob par ma gyur pa'i snga rol na de'i 'byung ba'i rgyu thob pa yang med pas nam yang 'byung bar mi 'gyur te/ de lta na de gtan mi 'thob pa nyid du 'gyur ro/ /gal te chos dang mi 'bral ba'i rgyur gyur na ni nges na dge ba dang mi dge ba dang lung du ma bstan pa'i chos de dag thams cad kyi 'thob pa mgo mnyam du yod pas/ mi mthun pa de dag kyang mgo mnyam du kun 'byung bar 'gyur te/ de lta bas na gnyi ga yang mi rung ngo/ /chos rnams kyi 'byung ba'i rgyu ni so sor nges pa'i rkyen gyis rang gi sa bon yongs su zin pa'o/ /'bral ba'i rgyu ni rkyen gzhan mngon du gyur pas rkyen gzhan dang 'bral ba'o/ /de la rkyen bsgrub pa la dbang ba ni 'thob pa zhes gdags te/ dbang de la brten nas skyes bu gang zag de chos skyes nas 'phags pa gang dang gang mngon du bya bar 'dod pa de bskyed pa'i phyir myur ba myur ba kho nar rkyen sgrub par byed de/ de lta bas na de yang 'thob pa zhes bya'o/ /'thob pa de yang mdor bsdu na rnam pa gsum du rig par bya'o/ / sa bon dang ldan pa dang/ dbang dang ldan pa dang/ kun tu 'byung bar ldan pa'o/ /de la re zhig nyon mongs pa can dang lung du ma bstan pa dang/ skyes nas thob pa'i chos ma btsal bar kun tu 'byung ba gang yin pa de dag ni sa bon re zhig zhi gnas kyi nyams pas kyang nyams par ma byas la/ phags pa'i lam gyis kyang yang dag par ma bcom pa dang/ dge ba rnams kyi yang 'di lta ste/ dper na dge ba'i rtsa ba kun tu bcad pa rnams kyi ltar log par lta bas nyams par ma byas pa gang yin pa de ni sa bon dang ldan pa zhes bya ste/ 'di ltar ji srid du de'i sa bon de nyams par ma byas shing yang dag par ma bcom pa de srid du de nyon mongs pa can la sogs pa'i chos kun tu 'byung ba 'am/ kun tu 'byung ba de dag dang ldan pa zhes bya ba'i phyir ro/ /dge ba'i chos mngon par 'du bya bas bskyed pa rnams dang lung du ma bstan pa de dag kha cig gi 'byung ba'i rkyen gyis rgyu sa bon yongs su rtas pa yongs su zin pa ni dbang dang ldan pa zhes bya'o/ /de ltar gyi chos rnams mngon sum gyi dngos pos rang gi mtshan nyid kyis 'grub pa ni kun tu 'byung ba dang ldan pa zhes bya'o/ /de la srog gi dbang po gang zhe na sngon gyi las kyis de dang der lus mngon par grub pa gnas pa'i dus nges pa 'phangs pa ni tshe dang srog dang srog gi dbang po zhes bya'o/ /de yang rab tu dbye na nges pa dang/ me nges pa dang/ rjes su 'jug pa dang/ rjes su 'jug pa ma yin pa dang/ yun thung ba dang yun ring ba dang/ mthar thug pa dang/ mthar thug pa ma yin pa dang/ rang gi dbang bsgyur ba dang/ rang gi dbang bsgyur ba ma yin pa ste/ de la 'dzam bu'i gling pa'i mi rnams kyi tshe ma gtogs pa de las gzhan pa'i skye ba'i gnas na ni tshe nges pa yin no/ /'di na ni lan 'ga' ni yun ring ste dpag tu med do/ /lan 'ga' ni yun thung ngo/ /byang gi sgra mi snyan dag na ni ji ltar tshe so sor nges pa bzhin du bstan rjes su 'jug ste/ bar ma dor 'chi ba'i dus byed pa med pas rjes su 'jug pa yin no/ /de las gzhan pa thams cad na ni rjes su 'jug pa ma yin no/ /'dzam bu'i gling na mi tshe lo bcu pa rnams kyi tshe ni yun thung ba yin no/ /dud 'gro kha cig gi yang de dang 'dra ste/ 'di ltar dud 'gro kha cig gi tshe ni nyin zhag gcig tu snang la/ kha cig gi tshe ni nyin zhag gnyis dang/ gsum dang bcu'i bar du snang ba'i phyir ro/ /'du shes med 'du shes med min skye mched du skyes pa'i sems can rnams kyi tshe ni bskal pa chen po brgyad khri thub pas yun ring po yin no/ /dgra bcom pa rnams dang/ slob pa gang dag tshe 'di la yongs su mya ngan las 'das pa'i chos can rnams dang/ so so'i skye bo'i srid pa tha ma gang dag yin pa dag gi tshe ni mthar thug pa yin no/ /de las gzhan pa dag gi ni mthar thug pa ma yin par rig par bya'o/ /dgra bcom pa dang de bzhin gshegs pa dang byang chub sems dpa' gang dag tshe'i 'du byed gtong ba dang/ spel bar spyod pa dag ni srog gi dbang po la rang gi dbang bsgyur ba yin no/ /de las gzhan pa dag ni rang gis dbang bsgyur ba ma yin par rig par bya'o/ /de la rigs mthun pa gang zhe na/ mdor bsdu na skye ba'i gnas de dang der sems can khams mtshungs pa dang 'gro ba mtshungs pa dang/ skye gnas mtshungs pa rnams kyi rigs dang na tshod dang/ rang bzhin dang bong tshod mtshungs pa la sogs pa yan lag de dang des 'dra ba gang yin pa de ni ris mthun pa ste/ sems can mthun pa zhes kyang bya'o/ /de la sems can gang dag khams mthun pa nyid kyis mthun pa yang yod de/ khams gcig tu skyes pa gang dag yin pa rnams so/ /'gro ba ris mthun pa nyid kyis mthun pa yang yod de 'gro ba gcig tu skyes pa gang dag yin pa rnams so/ /skye gnas mthun pa nyid kyis mthun pa yang yod de/ skye gnas gcig tu mngon par 'grub pa gang dag yin pa rnams so/ /rigs mthun pa nyid kyis mthun pa yang yod de/ rigs gcig kho na la brten pa gang dag yin pa rnams so/ /gang dag kha dog dang/ chu zheng dang/ sgra brjod pa dang/ 'tsho ba mthun pa nyid kyis mthun pa dag kyang yod do/ /sems can gang dag yon tan dang skyon mthun pa nyid kyis mthun pa yang yod de/ 'di lta ste srog gcod pa dag dang mthun pa nas rgyas par log par lta ba rnams log par lta ba dag dang mthun pa'i bar dang/ srog gcod pa spangs pa rnams srog gcod pa spangs pa dag dang/ mthun pa nas rgyas par yang dag par lta ba rnams yang dag par lta bdag dang mthun pa'i bar dang/ rgyun tu zhugs pa nas dgra bcom pa dang rang sangs rgyas kyi bar dag dang/ rgyun tu zhugs pa la sogs pa dag dang mthun pa dang/ byang chub sems dpa' rnams byang chub sems dpa' dang mthun pa dang/ de bzhin gshegs pa rnams de bzhin gshegs pa dag dang mthun pa'o/ de la so so'i skye bo nyid gang zhe na/ khams gsum na spyod pa'i mthong bas spang bar bya ba'i chos kyi sa bon rnams yang dag par ma bcom pa tsam gang yin pa de ni so so'i skye bo nyid ces bya'o/ /de yang mdor bsdu na rnam pa bzhi ste/ yongs su mya ngan las mi 'da' ? ba'i chos can gyi rigs kyis bsdus pa dang/ nyan thos kyi rigs dang ldan pa dang/ rang sangs rgyas kyi rigs dang ldan pa dang/ de bzhin gshegs pa'i rigs dang ldan pa'o/ /de la tshogs pa gang zhe na/ chos de dang de dag sgyed pa'i phyir gang dag rgyur gyur ba dang/ gang rkyen du gyur pa de dag thams cad gcig tu bsdus pa ni tshogs pa zhes bya ste/ de nyid lhan cig byed pa'i rgyu zhes kyang bya'o/ /de yang rab tu dbye na/ tshor ba rnams myong ba'i tshogs pa yang yod de/ 'di ltar skye mched drug gi rkyen dang/ gzugs la sogs pa'i rkyen dang/ yid la byed pa la sogs pa'i rkyen gyi reg pa dang/ reg pa'i rkyen gyis tshor ba'o/ /yang srid pa mngon par 'grub pa'i tshogs pa yang yod de/ 'di lta ste ma rig pa'i rkyen gyis 'du byed rnams dang/ tshor ba'i rkyen gyis sred pa dang/ sred pa'i rkyen gyis len pa nas rgyas par skye ba'i rkyen gyis rga shi'i bar dag go /skye mched drug gnas pa'i tshogs pa yang yod de/ 'di lta ste/ zas bzhi dang srog gi dbang po'o/ /bzo'i gnas rnams 'grub pa'i tshogs ba yang yod de/ 'di lta ste/ bzo shes pa dang/ de dang ldan pa'i las kyis yo byad dang skyes bu'i rtsal lo/ /rnam par dag pa'i tshogs pa yang yod de/ 'di lta ste/ bdag dang gzhan gyi 'byor pa la sogs pa khom pa bcu gnyis 'dus pa'o/ /brdar btags pa'i tshogs pa gzhan pa yang yod/ 'di lta ste/ sems can rnams kyi blo gcig pa'i dbang du byas nas mi mthun pa med pa dang/ mi 'thab pa dang/ mi rtsod pa dang/ mi phrod pa med pa dang/ de la ming gi tshogs rnams gang zhe na/ chos rnams kyi ngo bo nyid du 'dogs pa dang/ rang gi mtshan nyid du 'dogs pa las brtsams te/ rjes su tha snyad gdags pa'i phyir longs su btags pa nye bar bzung nas ming tsam du rnam par 'jog pa gang yin pa de dag ni ming gi tshogs rnams zhes bya'o/ tshig gi tshogs rnams gang zhe na/ rang gi mtshan nyid du btags pa'i chos de dag nyid kyi bye brag tu 'dogs pa las brtsams te/ yon tan dang skyon dang/ kun nas nyon mongs pa dang rnam par byang ba'i spros pa rnam par 'jog pa ni tshig gi tshogs shes rnams bya'o/ /yi ge'i tshogs rnams gang zhe na/ ming gi tshogs dang/ tshig gi tshogs kyi rten gyi dngos por yi ge'i 'bru'i tshogs rnams ni yi ge'i tshogs rnams zhes bya ste/ shes bya brjod par bya ba'i dngos po la/ thams cad las bsdus pa ni yi ge'o/ /'brid? ni ming ngo/ /rgyas pa ni tshig go /yi ge tsam la brten nas ni sgra tsam so sor rig par 'gyur gyi don gyi don ni 'ga' yang so sor rig par mi 'gyur ro/ /ming la brten pas ni chos de dang de dag gi ngo bo nyid so sor rig pa dang sgra yang so sor rig par 'gyur gyi/ chos mang por yang rnam par 'byed pa so sor rig par ni mi 'gyur ro/ /tshig gi tshogs la brten pas ni thams cad so sor rig par bya'o/ /ming gi tshogs dang/ tshig gi tshogs dang/ yi ge'i tshogs de dag kyang rig pa'i gnas lnga po nang gi rig pa dang/ gtan tshigs kyi rigs pa dang/ sgra'i rig pa dang/ gom pa'i rig pa dang/ 'jig rten pa'i bzo dang las kyi gnas kyi rigs pa dag las brtsams te yongs su btags pa yin par rig par bya'o/ /de la 'jug pa gang zhe na/ 'du byed las kyi rgyu dang 'bras bu'i rgyun mi 'chad pa ni 'jug pa zhes bya'o/ /'jug pa sa bon gyi 'jug pa yang yod de/ 'di lta ste sa bon dang bcas pa'i chos mngon du gyur pa rnams kyi'o/ /dbang gi stobs kyis 'jug pa yang yod de/ 'di lta ste/ sa bon nyams par byas pa kun tu spyod pa dang ldan pa rnams kyi'o/ /sa bon dang 'bras bu'i 'jug pa yang yod de/ 'di lta ste sa bon dang bcas pa sa bon nyams par ma byas pa kun tu spyod pa dang ldan pa rnams kyi'o/ /ming gi rgyun gyi 'jug pa yang yod de/ 'di lta ste/ phung po gzugs can ma yin pa bzhi po rnams kyi'o/ /gzugs kyi rkyen gyi 'jug pa yang yod de/ 'di lta ste nang dang phyi rol gyi skye mched gzugs can bcu dang/ chos kyi skye mched du gtogs pa'i gzugs kyi'o/ /'dod pa'i khams kyi rgyun gyi 'jug pa yang yod de/ 'di lta ste 'dod pa na spyod pa'i 'du byed rnams kyi'o/ /gzugs kyis khams kyi rgyun gyi 'jug pa yang yod de/ 'di lta ste gzugs na yod pa'i 'du byed rnams kyi'o/ /gzugs med pa'i khams kyi rgyun gyi 'jug pa yang yod de/ /'di lta ste gzugs med pa na spyod pa'i 'du byed rnams kyi'o/ /bde ba'i rgyun gyi 'jug pa yang yod de/ 'di lta ste bde ba'i tshor ba rten dang bcas pa rnams kyi'o/ /sdug bsngal ba dang sdug bsngal ba yang ma yin/ / bde ba yang ma yin pa'i rgyun gyi 'jug pa yang de dang 'dra bar rig par bya'o/ /dge ba'i rgyun gyi 'jug pa yang yod de/ 'di lta ste 'du byed dge ba rnams kyi'o/ /mi dge ba'i rgyun gyi 'jug pa yang yod de/ 'di lta ste 'du byed mi dge ba rnams kyi'o/ /lung du ma bstan pa'i rgyun gyi 'jug pa yang yod de/ 'di lta ste 'du byed lung du ma bstan pa rnams kyi'o/ /mthun pa'i rgyun gyi 'jug pa yang yod de/ 'di lta ste rten cing 'brel par 'byung ba lugs su 'byung ba'i'o/ /mi mthun pa'i rgyun gyi 'jug pa yang yod de/ 'di lta ste/ rten cing 'brel par 'byung ba lugs su mi 'byung ba'i'o/ /de la so sor nges pa gang zhe na/ de bzhin gshegs pa rnams byung yang rung ma byung yang rung/ thog ma med pa dang ldan pa'i dus nas bzung ste/ chos rnams kyi rgyu dang 'bras bu sna tshogs ma 'dres pa nyid kyi chos nyid so sor nges pa'o/ /de la 'jug pa dang ldog pa so sor nges pa yang yod de/ 'di lta ste rten cing 'brel par 'byung ba lugs su 'byung ba dang/ lugs su mi 'byung ba'i'o/ /chos thams cad so sor nges pa yang yod de/ 'di lta ste skye mched bcu gnyis po rnams kyi de las gong na yang med de las lhag pa yang med pa'o/ /tshor ba so sor nges pa yang yod de/ 'di lta ste tshor ba gsum po dag gi de las gong na yang med la de las lhag pa yang med pa'o/ gnas pa so sor nges pa yang yod de/ 'di lta ste lus thams cad tshe ji srid pa dang/ phyi rol gyi dngos po rnams bskal pa chen po gnas pa'o/ /bong? tshod so sor nges pa yang yod de/ 'di lta ste sems can skye ba'i gnas gzugs can de dang de dag tu skyes pa rnams kyi bong tshod dang/ phyi rol gyi gling bzhi ba rnams kyi tshad so sor nges pa'o/ /de la sbyor ba gang zhe na/ chos de dang de dag gi kun tu tha snyad gdags pa dang/ rnam par gzhag pa dang/ so sor rtogs par bya ba'i thabs gang yin pa de ni sbyor ba zhes bya'o/ /rab tu dbye na rigs pa bzhi po 'di lta ste/ ltos pa'i rigs pa dang/ bya ba byed pa'i rigs pa dang/ 'thad pas sgrub pa'i rigs pa dang/ chos nyid kyi rigs pa dag ni sbyor ba zhes bya ste/ rigs pa de dag gi rab tu dbye ba ni 'di lta ste/ nyan thos kyis las 'byung ba bzhin du rigs par bya'o/ /de la mgyogs pa gang zhe na/ 'du byed rnams kyi 'byung ba dang/ 'jig pa'i tshul gyis myur du 'gro zhing rgyu ba nyid ni mgyogs pa zhes bya'o/ /de la 'du byed rnams kyi 'jug pa'i mgyogs pa yang yod de/ 'di lta ste 'du byed rnams kyi myur du skye ba dang 'gag pa'o/ /sems can sa la gnas pa rnams kyi rtul ba'i mgyogs pa yang yod de/ 'di lta ste mi dang glang po che dang rta la sogs pa'i'o/ /sems can bar snang la gnas pa rnams kyi mgyogs pa yang yod do/ 'di lta ste bya rnams dang/ bar snang la gnas pa'i lha dang gnod sbyin la sogs pa'i'o/ /sgra skad kyi mgyogs pa yang yod de/ 'di lta ste sgra 'byung ba'i'o/ /chu'i mgyogs pa yang yod de/ 'di lta ste chu klung gri? rgyun la sogs pa'i 'bar ba nyid do/ /me'i mgyogs pa yang yod de/ 'di lta ste sreg bya'i me'i 'gro ba nyid do/ /rlung gi mgyogs pa yang yod de/ 'di lta ste rlung gi tshogs chen po rgyun gyi'o/ /shugs kyi mgyogs pa yang yod de/ 'di lta ste mnga' dang/ 'khor lo la sogs pa'i 'phangs pa'i'o/ /shes pa'i mgyogs pa yang yod de/ 'di lta ste rnal 'byor pa'i shes rab myur ba nyid kyi shes bya rab tu 'byed pa nyid kyi'o/ /rdzu 'phrul gyis mgyogs pa yang yod de/ 'di lta ste rdzu 'phrul chen po dang ldan pa rdzu 'phrul gyis 'gro ba'i lus 'gro ba dang/ yid mgyogs pa'o/ /de la go rims gang zhe na/ 'du byed kyi rgyud so so so so dag la re re nas go rims snga phyis 'jug pa gang yin pa de ni go rims shes bya'o/ /de la 'jug pa'i go rims kyang yod de/ 'di lta ste ma rig pa'i rkyen gyis 'du byed rnams shes bya ba nas/ rgyas par skye ba'i rkyen gyis rga shi'i bar du'o/ /ldog pa'i go rims kyang yod de/ 'di lta ste/ ma rig pa 'gags pas 'du byed rnams 'gags ces bya ba nas rgyas par skye ba 'gags pas rga shi 'gags pa'i bar du'o/ /khyim pa dang rab tu byung ba rnams kyi rgyu ba dang/ gnas pa'i go rims kyang yod de/ 'di lta ste/ nad par sngar ldang ba dang lus kyi byi dor bya ba dang/ gos bgo ba dang/ las kyi mdza' la 'jug pa dang/ brtsal ba dang/ khrus bya ba dang/ byug pa bya ba dang/ me tog phreng bcing ba dang/ zas dang skom bsten pa dang/ nyal ba ni khyim pa rnams kyi rgyu ba dang gnas pa'i go rims yin no/ /sham thabs bgo ba dang/ bsod snyoms kyi phyir grong du 'jug pa dang/ mthar chags su rgyu ba dang/ bsod snyoms blangs nas phyir 'byung ba dang/ 'dug ste zas kyi bya ba byed pa dang/ lag pa bsnyal zhing lhung bzed bkru pa dang/ nang du yang dag 'jog la 'jug pa dang/ lung nod pa dang/ kha ton dang tshul bzhin bsam par bya ba dang/ nyin mo 'chag? pa dang 'dug pa dag gis sgrib par 'gyur ba'i chos rnams las sems rnam par sbyang ba dang/ mtshan mo'i gung thun la nyal ba la brten pa dang/ thun tha ma la myur ba myur pa kho nar ldang ba dang/ sham thabs bgo ba dang/ lus kyi byi dor bya ba dang/ de bzhin du dge 'dun la rgan rims kyis 'dud pa'i las bya ba dang/ gnas su gnas pa dang/ tshul shing mnod pa dang/ mal cha dang stan dang/ gnas dang/ rnyed pa mnod pa dang/ yongs su brim pa 'di ni rab tu byung ba'i phyogs la gnas pa rnams kyi rgyu ba dang gnas pa'i go rims yin no/ /mngon par 'grub pa'i go rims kyang yod de/ 'di lta ste/ byis pa dang gzhon nu la sogs pa'i gnas skabs brgyad po dag rims kyis 'byung ba'o/ /mngon par rtogs pa'i go rims kyang yod de/ 'di lta ste sdug bsngal la sogs pa 'phags pa'i bden pa bzhi po dag rims kyis mngon par rtogs pa'o/ /snyoms par 'jug pa'i go rims kyang yod de/ 'di lta ste mthar gyis gnas pa'i snyoms par 'jug pa dgu po dag la rim gyis snyoms par 'jug go / bslab pa'i go rims kyang yod de/ 'di lta ste/ lhag pa'i tshul khrims la brtan pa'i go rims kyis lhag pa'i sems skye ba dang lhag pa'i sems la brten nas lhag pa'i shes rab skye ba'o/ /de la dus gang zhe na/ nyi ma 'char ba dang nub pa'i dbang du byas te dus yongs su chad pa dang/ nye bar mtshon pa rnam par gzhag pa dang/ 'du byed rnams kyi 'byung ba dang/ 'jig pa'i dbang du byas te/ dus yongs su chad pa dang nye bar mtshon pa'i rnam par gzhag pa ni 'di lta ste/ dus tshigs dang/ lo dang/ zla ba dang/ zla ba phyed dang/ nyin mo dang mtshan mo dang/ skad cig dang/ thang cig dang/ yud tsam rnams dang/ 'das pa dang/ ma 'ongs pa dang/ da ltar byung ba rnams kyi dus shes bya'o/ /de la rnam grangs gang zhe na/ rdzas tha dad pa bgrang ba'i tshad yongs su chad pa dang/ nye bar mtshan pa rnam par gzhag pa ni grangs shes bya'o/ /de yang grangs gcig dang/ grangs gnyis dang/ de phan chad kyi grangs mang po dang/ mthar thug pa'i/ grangs grangs med pa ste/ de phan chad bgrang ba thams cad kyi grangs 'jug par mi 'gyur bas/ de'i phyir mthar thug pa'i grangs shes bya'o/ /de la sa bon gang zhe na/ sa bon ni 'du byed rnams las logs shig na rdzas gzhan med de/ 'du byed de ltar gyur pa dang/ de ltar byung ba dang/ de ltar gnas pa de dag nyid la sa bon zhes bya bar zad/ /'bras bu zhes kyang bya'o/ /'di la 'bras bu dang sa bon 'dres par yang mi lta ste/ de ci'i phyir zhe na/ 'du byed 'das pa rnam las brtsams pa de ni 'bras bu zhes bya la/ 'du byed ma 'ongs pa nyams las brtsams pa de ni sa bon zhes bya ste/ de ltar na sa bon gang las brtsams pa 'bras bu ni de las brtsams pa ma yin/ /'bras bu gang las brtsams pa sa bon yang de las brtsams pa ma yin pa'i phyir te/ de'i phyir sa bon dang 'bras bu 'dres par mi blta'o/ /'di lta ste dper na 'bras dang nas la sogs pa'i dngos po rnams kyi myu gu dang sdong bu dang 'dab ma la sogs pa sa bon de dag ni de dag la nges par brtags shing/ nges par brtags nas kyang de dag las logs shig na gzhan mi dmigs te/ 'bras dang nas la sogs pa'i dngos po de ltar gyur pa dang/ de ltar byung ba dang de ltar gnas pa gang dag yin pa de dag la brten nas de dag 'byung bar 'gyur ba kho na bzhin du/ de la yang tshul de bzhin du rig par bya'o/ /nyon mongs pa can gyi chos kyi sa bon nyams par byas pa ni bshad zin na/ dge ba'i chos kyi sa bon nyams par byed pa gang zhe na/ dge dang mi mthun pa nyon mongs pa can gyi chos rtag tu byed pa dang/ gus par byed pas ston pa ni nyams par byed pa dang po yin no/ /log par lta ba mchog tu 'dzin pa dang log par lta ba mang du byed pa ni nyams par byed pa gnyis pa yin te/ 'di lta ste/ dper na gzhan mu stegs can dag gi lta bu'o/ /log par lta bas skur pa 'debs pa mang du byed pa ni nyams par byed pa gsum pa yin te/ 'di lta ste dper na dge ba'i tsa ba yang dag par bcad pa rnams kyi lta bu'o/ /nyon mongs pa can gyi chos kyi sa bon yang dag par nyams par byed pa ni nyes pa byed pa bzhi pa yin te snga ma bzhin no/ /sa bon de dag thams cad kyang gcig tu bsdus nas rnam pa dgu yod par rig par bya'o/ /'bras bu skyed pa dang/ 'bras bu ma skyed pa dang/ 'bras bu nye bar gnas pa dang/ 'bras bu nye bar mi gnas pa dang/ chung ngu dang/ 'bring dang chen po dang/ nyams pa dang/ nyams par mi byas pa'o/ /de la 'bras bu skyed pa gang yin pa de ni 'bras bu nye bar gnas pa yin no/ /'bras bu nye bar gnas pa gang yin pa de ni 'bras bu skyed pa yin no/ /'bras bu ma bskyed pa gang yin pa de ni 'bras bu nye bar mi gnas pa yin no/ /'bras bu nye bar mi gnas pa gang yin pa de ni 'bras bu ma bskyed pa yin no/ /rang bzhin du gnas pa gang yin pa de ni chung ngu yin no/ /dge ba dang mi dge ba'i chos sgom pa mthar ma phyin pas shas cher gyur pa gang yin pa de ni 'bring yin no/ /mthar phyin pas shas cher gyur pa gang yin pa de ni chen po yin no/ nyams pa dang/ nyams par ma byas pa ni snga ma bzhin du rig par bya'o/ /sa bon mdor bsdus pa'i rnam par bzhag pa yang brjod par bya ste/ sa bon mdor bsdus pa'i rnam par gzhag pa gang zhe na/ chos thams cad kyi kun brtags pa'i ngo bo nyid la mngon par zhen pa'i bag chags kun gzhi'i rnam par shes pa la yod pa gang yin pa ste/ bag chags de yang rdzas su yod pa dang/ kun rdzob du yod pa'o/ /de la kun rdzob tu yod pa ni chos de dag la gzhan dang gzhan ma yin pa'i mtshan nyid du brjod par mi bya ste/ 'di lta ste dper na de bzhin nyid yin no/ /de yang kun tu 'gro ba'i gnas ngan len yin par brjod par bya'o/ /gal te bag chags nges sa bon thams cad bsdus la/ de yang kun tu 'gro ba'i gnas ngan len ces bya bar gyur na/ de ltar na 'jig rten las 'das pa'i chos rnams skye ba'i sa bon gang yin/ de dag skye ba'i sa bon gyi dngos po gnas ngan len gyi rang bzhin can yin par ni mi rung ngo zhe na/ smras pa 'jig rten las 'das pa'i chos rnams ni de bzhin nyid la dmigs pa'i rkyen gyi sa bon dang ldan par skye'i bag chags bsags pa'i sa bon dang ldan pa ni ma yin no/ /gal te bag chags bsags pa'i sa bon dang ldan par skye ba ma yin no/ de lta na ni ci'i phyir gang zag yongs su mya ngan las 'das pa'i chos can gyi rigs gsum rnam par bzhag pa dang/ gang zag yongs su mya ngan las mi 'da' ba' i chos can gyi rigs rnam par gzhag pa mdzad de/ 'di ltar thams cad la yang de bzhin nyid la dmigs pa'i rkyen yod pa'i phyir ro/ /zhe na/ smras pa/ sgrib pa dang/ sgrib pa med pa'i bye brag gi phyir te/ gang dag la de bzhin nyid la dmigs pa'i rkyen rtogs par bya ba la/ gtan tu sgrib pa'i sa bon yod pa de dag ni yongs su mya ngan las mi 'da' ba' i chos can gyi rigs dang ldan par rnam par bzhag la/ gang dag de ma yin pa de dag ni yongs su mya ngan las 'da' ba' i chos can gyi rigs dang ldan par rnam par gzhag go /gang dag la shes bya'i sgrib pa'i sa bon gtan du ba lus la zhen pa yod la/ nyon mongs pa'i sgrib pa'i sa bon ni med pa de dag las kha cig ni nyan thos kyi rigs can yin la/ kha cig ni rang sangs rgyas kyi rigs can yin par rnam par gzhag go /gang dag de lta ma yin pa de dag ni de bzhin gshegs pa'i rigs can yin par rnam par gzhag ste/ de'i phyir nyes pa med do/ /'jig rten las 'das pa'i chos skyes pa rnams kyis rjes su 'jug pa ni gnas gyur pa'i stobs bskyed pa las rig par bya ste/ de yang kun gzhi rnam par shes pa'i gnyen por gyur pa dang/ kun gzhi ma yin pa dang/ zag pa med pa'i dbyings dang/ spros pa med pa zhes bya'o// //bam po bzhi pa/ /de la rnam par rig byed gang zhe na/ de ni mdor bsdu na rnam pa gsum ste/ nyon mongs pa can dang/ dge ba dang/ lung du ma bstan pa'o/ /de la lus dang ngag dang yid kyi las kyi lam mi dge ba bcu po ma spangs pa kun tu spyod pa'i dbang du byas te/ lus kyi las dang/ ngag gi las rnam par rig par byed pa gang yin pa de ni nyon mongs pa can gyi rnam par rig byed ces bya'o/ /de dag nyid spong ba yang dag par len par byed pa'i lus kyi las dang ngag gi las rnam par rig par byed pa gang yin pa de ni dge ba'i rnam par rig byed ces bya'o/ /spyod lam las byung ba 'am/ bzo'i gnas las byung ba de kha cig gi lus kyi las dang ngag gi las rnam par rig par byed pa gang yin pa de ni lung du ma bstan pa'i rnam par rig byed ces bya'o/ /gzhan la rnam par rig par mi byed cing rang sems skyed par byed la/ nang gi yid rnam par rtog pas dge ba dang nyon mongs pa can dang/ lung du ma bstan pa'i chos kun tu spyod pa las brtsams te/ tshig kyang mi smra ba gang yin pa de ni yid kyi rnam par rig byed ces bya'o/ /de la lus yul nas yul gzhan du 'byung ba rtsam dang/ de nyid na 'gyur ba 'byung ba tsam ni lus kyi rnam par rig byed do/ /ngag tsam ni ngag gi rnam par rig byed do/ /de bzhin du sems mngon par 'du byed pa skyes pa'i sems pa tsam ni yid kyi rnam par rig byed do/ /de ci'i phyir zhe na/ 'du byed thams cad ni skad cig pa yin pa'i phyir yul nas yul gzhan du 'pho bar mi rigs pas/ 'du byed 'byung ba tsam ma gtogs par bya ba gzhan ni mig dang rna ba dang/ yid kyis kyang mi dmigs pa'i phyir te/ de lta bas na rnam par rig byed kyang btags pa'i yod pa yin par khong du chud par bya'o/ /de la sdom pa ma yin pa'i rigs su skyes zin pa gang la la 'tsho ba 'dis 'tsho ba bya'o zhes rang gi sems mngon par 'du byed cing/ de 'tsho ba de la 'dod pa bzod par byed pa ni de'i tshe nam bsdams pa yin par brjod par bya'o/ / sdom pa ma yin par gtogs pa tshul bzhin ma yin pa yid la byed pa rab tu dam pos bcom pas sems bsdus pa'i phyir ji srid du/ srog gcod pa las byung pa 'am de las gzhan pa'i mi dge ba'i las kyi lam las byung ba mi byed pa de srid du yang mi dge ba'i rtsa brgya chen po dang ldan pa yin no/ /gang las dang gang dang ji tsam du spyod par byed pa ni des na de tsam du shas cher mi dge ba dang ldan pa yin no/ /sdom pa ma yin pa'i rigs su skyes pa ji lta ba bzhin du gang bu yang rung pa gang dang gang nas 'ongs kyang rung ste/ sems skyed par byed pa yang de bzhin du rgyas par rig par bya'o/ /de ni ji srid du sdom pa ma yin pa'i sems pa spong bar mi byed pa de srid du ma bsdams par brjod par bya ste/ de ni nyin gcig bzhin du sems pha de mang du sogs pa dang/ las de kun tu spyod pas bsod nams ma yin pa mngon par 'phel bar rig par bya'o/ /de'i log par smon pa'i sems pa ma dad pa dang/ le lo dang brjed ngas pa dang/ rnam par g.yeng ba dang/ shes rab 'chal ba dang ldan pa las de yang dag par len par byed pa/ las de kun nas slong bar byed pa de yang ji srid du gtong ba'i rgyu dag gi spong bar mi byed/ yongs su gtong bar mi byed kyi bar du de phyin chad kyang sa bon dang kun tu spyod pa las rgyud du gtogs pa 'byung ba ni sdom pa ma yin pa zhes bya'o/ /de la sdig pa'i las de'i 'bras bu phyi ma la mi 'dod par 'gyur ba la yid mi ches shing/ mos par mi byed la rjes su mi 'jug pa gang yin pa de ni de'i ma dad pa yin no/ /de la mngon par dga' zhing ci 'dod pa bzhin 'jug la de 'dul ba lam mi spro ba gang yin pa de ni de'i le lo yin no/ /kha na ma tho ba dang bcas pa'i chos nyes pa dang ldan pa la kha na ma tho ba dang bcas par yang dag pa ji lta ba bzhin du mngon par mi brjod pa gang yin pa de ni de'i brjed ngas pa yin no/ /sems kyi rgyud rnam par 'khrug pa dang/ nyon mongs pa can dang mi brten par 'jug pa gang yin pa de ni de'i rnam par g.yeng ba yin no/ /skyon la yon tan du lta ba'i sems kyi rgyud phyin ci log tu 'jug pa gang yin pa de ni de'i shes rab 'chal ba yin no/ /tshul khrims sdig pa can gyi dbang du bya ste/ ma dad pa la sogs pa mi dge ba de dag dang ldan pa'i sems pa mi dge ba 'byung ba ni de'i tshul khrims 'chal pa zhes bya'o/ /de las bzlog pa ni sdom pa'i rjes su 'jug pa yin par ci rigs par rig par bya'o/ /de la bye brag ni 'di yod de/ sdom pa yang dag par blang bar 'os pa gang la sdom pa yang dag par len pa de la/ de dag las la la ni gzhan las dang rang yang len par byed do/ /de dag las la la ni rang kho na len par byed de dge slong gi sdom pa ni ma gtogs so/ /de ci'i phyir zhe na/ 'di ltar dge slong gi sdom pa ni thams cad kyis yang dag par blang bar 'os pa ma yin pa'i phyir te/ de la gal te dge slong gi sdom pa gzhan las nges par blang ba ma yin par gyur na/ de la gang dag rab tu byung bar 'os pa ma yin par rang la rag lus pa'i rab tu 'byung bas rab tu byung ba de dag thams cad kyis brtan pa brtan par mi 'gyur zhing/ legs par gsungs pa'i chos 'dul ba nyid kyang med par 'gyur bas/ de'i phyir dge slong gi sdom pa ni rang la rag lus pa kho na ma yin no/ /gal te dge slong gi sdom pa ma gtogs pa'i sdom pa rang gis yang dag par blang ba yod na/ ci'i phyir gzhan las yang dag par len par byed ce na/ gnyis pa 'di dag ni tshul khrims 'chal pa spong ba yang dag par blang ba rjes su bsrung ba'i yan lag yin te/ ngo tsha shes pa dang khrel yod pa'o/ /de la kha na ma tho ba kun tu spyod pa na gzhan las brten pa dang/ bdag nyid la brten te/ 'dzem pa nye bar gnas par 'gyur bas/ ji ltar na tshul khrims 'chal pa spong ba yang dag par blang ba rjes su srung ba'i yan lag yongs su rdzogs pas yang dag par blang ba byas par 'gyur bas/ de'i phyir gzhan las yang dag par len par byed do/ /gang la ngo tsha shes pa nye bar gnas pa de la ni khrel pa yang nye bar gnas la/ gang la khrel yod pa nye bar gnas pa de la ni ngo tsha shes pa de yang gdon mi za bar nye bar gnas pa ma yin te/ de lta bas na 'dir ngo tsha shes pa'i chos 'ba' zhig ches stobs dang ldan pa yin no/ /rang gi yang dag par blangs shing de kho na bzhin du srung bar byed pa gang yin pa de la yang bsod nams mtshungs shing khyad par med pa skye bar rig par bya'o/ de la sems bskyed nas drung du 'gro zhing gsol ba 'debs la gus pas smra ba la sogs pa la brtson zhing tshul dang mthun pa'i spyod lam gyis mdun du 'dug pa dang/ tshig gi mngon par 'dus byas pa'i don de nyid brjod par byed pa de ni de'i lus kyi rnam par rig byed dang/ ngag gi rnam par rig byed ces bya'o/ /yid kyi rnam par rig byed ni de gnyi ga'i sngon du 'gro ba yin no/ /rang gis yang dag par len pa la ni yid kyi rnam par rig byed 'ba' zhig kho na 'byung ngo/ /de la sdom ba ma yin pa las bzlog ba spong ba'i sems pa spong ba de dbang byed pa'i dbang po lnga dang ldan pa gang yin pa de ni sdom pa zhes bya'o/ /sdom pa yang dag par blang ba de yang rnam pa brgyar gtogs par rig par bya ste/ mi dge ba'i las kyi lam bcu spong ba las brten te/ srog gcod pa'i phyogs gcig spong pa nas log par lta ba'i bar gyi phyogs cig spong ba 'di dag ni rnam pa bcu'o/ /srog gcod pa phal cher spong ba nas log par lta ba'i bar phal cher spong ba 'di dag kyang gzhan rnam pa bcu'o/ /srog gcod pa thams cad spong ba nas log par lta ba'i bar thams cad spang ba 'di dag kyang gzhan rnam pa bcu'o/ /dus yun thung ngu nyin mtshan nam zla ba phyed dam/ zla ba 'am ler srog gcod pa spang ba nas log par lta ba'i bar spong ba 'di dag kyang gzhan rnam pa bcu'o/ /dus yun ring po la phan chad nas ji srid 'tsho'i bar du ni ma yin par srog gcod pa spong ba nas log par lta ba'i bar spong ba 'di dag kyang gzhan rnam pa bcu'o/ /ji srid 'tsho'i bar du srog gcod pa spong ba nas log par lta ba'i bar spong ba 'di dag kyang gzhan rnam pa bcu'o/ /bdag nyid srog gcod pa spong ba nas log par lta ba'i bar spong ba 'di dag kyang rnam pa bcu'o/ /gzhan dag de dag nyid yang dag par len du 'jug pa 'di dag kyang gzhan rnam pa bcu'o/ /de dag gi bsngags pa rnam grangs du mar rjod par byed pa 'di dag kyang gzhan rnam pa bcu'o/ /srog gcod pa spong ba nas log par lta ba'i bar spong ba mthong na yid bde bar 'dzin cing dga' ba dang yid bde ba skye ba 'di dag kyang gzhan rnam pa bcu'o/ /bcu pa rnam pa bcu po de dag gcig tu bsdus nas rnam pa brgyar 'gyur te/ bsod nams skye ba yang de tsam kho nar rig par bya'o/ /sdom pa de yang rnam pa brgyad du rig par bya ste/ kun nas slong ba'i sdom pa dang/ yongs su 'dzin pa'i sdom pa dang/ kun tu bsrung ba'i sdom pa dang/ phyir len pa'i sdom pa dang/ sdom pa chung ngu dang/ sdom pa 'bring dang/ sdom pa chen po dang/ yongs su dag pa'i sdom pa'o/ /de la yang dag par len pa'i snga rol kho nar spong ba yang dag par blang ngo snyam du sems mngon par 'du byed pa gang yin pa de ni de'i kun nas slong ba'i sdom pa yin no/ /gang gi tshe spong ba yang dag par len cing yongs su 'dzin par byed pa de ni de'i yongs su 'dzin pa'i sdom pa yin no/ /de de phyin bcad spong ba'i sems pa dbang po lngas yongs su zin pa'i dbang du byas te/ rtag tu de'i sa bon dang ldan pa skabs skabs su kun tu spyod pa dang ldan pa dbang po lngas yongs su zin pa'i sems pa dge ba sdom pa ji ltar blangs pa kun tu srung ba nyid 'byung bar 'gyur zhing/ des sdig pa'i grogs po dang phrad pa 'am/ nyon mongs pa mang bas sdig pa kun tu spyod pa la 'dun pa byung ngo cho ga la 'dzem? la bdag 'gal bar gyur cing ngan song du 'gro bar gyur na mi rung ngo snyam nas sel bar byed pa de ni de'i kun tu bsrung ba'i sdom pa yin no/ /gal te brgyal brjed ngas pas sdig pa kun tu spyod pa na myur ba myur ba kho nar dran pa nye bar bzhag ste/ nyes pa la nyes par 'chags shing mya ngan byas sel bar byed la/ phyin bcad kyang sdom par byed pa ni de'i phyir len pa'i sdom pa yin no/ /gal te las kyi lam gyi phyogs gcig dang/ dus yun thung ngur spong ba dang/ bdag nyid spong bar ni byed la/ gzhan ni de yang dag par len du mi 'jug pa dang/ de'i bsngags pa yang rnam grangs du mar mi brjod pa dang/ chos mthun pa mthong na yang yid bde bar mi 'dzin cing dga' ba dang yid bde ba mi mang ba de ni de'i sdom pa chung ngu yin no/ /gal te phal che ba dang/ dus yun ring du spong zhing ji srid 'tsho'i bar du ma yin pa dang/ bdag nyid kyang sdom par byed pa dang/ gzhan yang yang dag par len du 'jug la/ spong ba de'i bsngags ba ni rnam grangs du mar mi brjod pa dang/ chos mthun pa mthong na yang yid bde bar mi 'dzin cing dga' ba dang yid bde ba mi mang ba de ni de'i sdom pa 'bring yin no/ /gal te thams cad dang dus thams cad dang/ bdag nyid kyang spong ba dang/ gzhan yang yang dag par len du 'jug pa dang/ de'i bsngags pa yang rnam grangs du mar brjod pa dang/ chos mthun pa mthong na yang yid bde bar 'dzin cing dga' ba dang yid bde ba mang ba de ni de'i sdom pa chen po yin no/ /gal te sdom pa yang dag par blangs pa skyon med pa de nyid la brten nas 'gyod pa med pa'i rgyus bsam gtan dang po'i bar la snyoms par 'jug cing tshul khrims 'chal ba'i sa bon zhi gnas kyis nyams par byed pa de ni de'i bsam gtan gyi sdom pa yin te/ bsam gtan dang po ji lta ba de bzhin du gnyis pa dang gsum pa dang bzhi pa yang de bzhin du rig par bya'o/ /bye brag ni 'di yod de/ tshul khrims 'chal ba'i sa bon thag ring du bya ba de gnyen pos yongs su zin ba zhi gnas kyi lam gyis ches shin tu nyams par byed pa ste/ de ni yongs su dag pa dang pos de'i sdom pa yongs su dag pa yin par rig par bya'o/ /gal te tshul khrims kyi sdom pa skyon med pa de nyid dang/ bsam gtan gyi sdom pa de la yang brten nas bden pa rnams mngon par rtogs par byed cing/ phyir mi 'ongs ba'i 'bras bu yang 'thob par byed pa'i tshe na ni de'i tshul khrims 'chal pa'i sa bon thams cad yang dag par bcom pa yin no/ /gal te mi lcogs ba med pa la brten nas 'bras bu dang po thob par byed pa de'i cha na ni de'i ngan song du 'gro bar 'gyur ba'i tshul khrims 'chal pa'i sa bon yang dag par bcom pa yin no/ /de dag ni de'i 'phags pa dgyes pa'i tshul khrims yin te/ yongs su dag pa gnyis pa 'dis de'i sdom pa rnam par dag par yin par rig par bya ste de nyid de'i zag pa med pa'i sdom pa zhes bya'o/ /de'i zag pa med pa'i sdom pa de yang dgra bcom pa nyid 'thob pa la ni gnyen po dang rnam par dag pa'i khyad par gyis khyad par du 'gyur bar zad kyi/ mi mthun pa'i phyogs spang ba'i khyad par gyis ni ma yin no/ /de la sdom pa rnam par brgyad bo de dag thams cad gcig tu bsdus nas/ sdom pa rnam pa gsum rnam par gzhag ste/ yang dag par len pa'i sdom pa dang/ kun tu 'dzin pa'i sdom pa dang/ yongs su dag pa'i sdom pa'o/ /de la sdom pa dang po gnyis ni yang dag par len pa'i sdom pa yin no/ /kun tu bsrung ba'i sdom pa dang phyir len pa'i sdom pa de gnyis ni kun tu 'dzin pa'i sdom pa yin no/ /sdom pa chung ngu dang/ 'bring dang/ chen po rnams ni gnyis ka'i phyogs su gtogs pa yin par rig par bya'o/ /yang dag par len pa'i sdom pa dang yongs su 'dzin pa'i sdom pas ni bsam gtan gyi sdom pa dang/ zag pa med pa'i sdom pa'i sdom pa yongs su dag pa yin no/ /ci'i phyir bcom ldan 'das kyi sdom pa gsum po 'di lta ste/ dge slong gi sdom pa dang/ dge bsnyen gyi sdom pa dang/ bsnyen gnas pa'i sdom pa de dag rnam par gzhag ce na/ rgyu gsum gyis te/ bcom ldan 'das kyi 'dul ba ni gang dag nyes par spyod pa las dben par spyod pa dang/ 'dod pa las dben par spyod pa dag kyang yod/ gang dag nyes par spyod pa las dben par spyod la 'dod pa las dben par mi spyod pa dag yod gang dag nyes par spyod pa las dben par yang mi spyod la 'dod pa las dben par mi spyod pa dag kyang yod de/ de la 'dul ba'i rnam pa dang po'i dbang du mdzad nas ni dge slong gi sdom pa rnam par bzhag go / 'dul ba'i rnam pa gnyis pa'i dbang du mdzad nas ni dge bsnyen gyi sdom pa rnam par gzhag ste/ de ci'i phyir zhe na/ khyim gyis gnas gnod pa dang/ nyon mongs pa'i gnas na gnas pa'i bslab pa'i gzhi'i tshogs gcig tu lu gu rgyud ltar 'brel pa yongs su rdzogs pa yongs su bsrung bar ni mi nus pa'i phyir ro/ /'dul ba'i rnam pa gsum pa'i dbang du mdzad nas ni/ bsnyen gnas pa'i sdom pa rnam par bzhag te/ de ci'i phyir zhe na/ de ni gnyi ga las dben par spyod pa ma yin te/ de gnyis kyi rgyu yongs su bsrung ba rtsam yang dag par blangs shing/ bdag ni khur shin tu lci bas non pa yin no snyam du mi sems pa'i phyir ro/ /de'i yan lag ni gsum ste/ nyes par spyod pa las dben pas rab tu phye pa ni dang po gsum mo/ /'dod pa spyod pa las dben pas rab tu phye ba ni tha ma bzhi yin par blta bar bya'o/ /gcig ni gnyi gas rab tu phye ba yin te mi tshangs par spyod pa spong ba'o/ /dge slong gi sdom pa ni yan lag du zhig gis bsdus/ dge bsnyen gyi sdom pa ni yan lag du zhig gis bsdus/ bsnyen gnas pa'i sdom pa ni yan lag du zhig gis bsdus par rig par bya zhe na/ dge slong gi sdom pa ni yan lag bzhis bsdus par rig par bya ste/ yan lag bzhi gang zhe na/ bsnyen par rdzogs pa'i yan lag dang/ de dang mthun pa'i chos kyi bslab pa'i gzhi yang dag par blang ba'i yan lag dang/ gzhan gyi sems rjes su bsrung ba'i yan lag dang/ bslab pa'i tshogs yang dag par blangs pa'i rjes su srung ba'i yan lag go /de la gsol ba dang bzhi'i las bya ba dang/ ji ltar bslab pa'i gzhi che long dag gnod pa'i bsnyen par rdzogs pa'i yan lag yin te/ yan lag de dang ldan na dge slong de dang po kho nar dge slong tshul khrims des tshul khrims dang ldan ba zhes bya'o/ /de de'i 'og tu 'dul ba so sor thar ba la dge slong gi tshul khrims kyi rjes su mthun pa dang/ de dang ldan pa'i bslab pa'i gzhi gang dag yin pa de dag thams cad la bsdams shing spyod pa yin te/ des na so sor thar ba'i sdom pas bsdams pa zhes bya ste/ de ni de'i de dang mthun pa'i chos kyi bslab pa'i gzhi yang dag par blang ba'i yan lag yin no/ /yan lag de gnyis dang ldan pa'i cho ga phun sum tshogs pa dang/ spyod yul phun sum tshogs pa gang yin pa de ni gzhan gyi sems rjes su bsrung ba'i yan lag yin te/ cho ga phun sum tshogs pa dang/ spyod yul phun sum tshogs pa ni 'di lta ste/ nyan thos kyi sa las 'byung ba bzhin no/ /de la kha na ma tho ba phra rab tsam dag la 'jigs par lta ba gang yin pa dang/ nyes pa mi 'byung bar bya ba dang/ nyes pa byung ba las bslang ba'i phyir bslab pa'i gzhi yang dag par blangs te slob pa 'di lta ste/ 'jigs par lta ba dang/ byung ba de gnyis ni de'i bslab pa'i gzhi ji ltar yang dag par blangs pa rjes su bsrung ba'i yan lag yin no/ /de la dge bsnyen gyi sdom pa ni yan lag gsum gyis bsdus pa yin te/ yan lag gsum gang zhe na/ gzhan la gnod pa'i dngos po spong ba yang dag par blang ba'i yan lag dang/ yang dag par blangs pa las nyams pa phyir gso ba'i yan lag dang/ yang dag par blangs pa las mi nyams pa'i yan lag go / de la gzhan gyi srog la gnod pa dang/ longs spyod la gnod pa dang/ chung ma la gnod pa spong ba ni yan lag dang po yin no/ /brdzun du smra ba spong ba ni yan lag gnyis pa yin no/ /chang dang bcos pa'i chang dang sbyar ba'i chang bag med pa'i gnas spong ba ni yan lag gsum pa yin par rig par bya'o/ /de la bsnyen gnas pa'i sdom pa ni mdor bsdu na yan lag lngas bsdus pa yin te/ yan lag lnga gang zhe na/ gzhan la gnod pa spong ba yang dag par len pa'i yan lag dang/ bdag dang gzhan la gnod pa spong ba yang dag par len pa'i yan lag dang/ yang dag par blangs pa las nyams pa phyir gso ba'i yan lag dang/ yang dag par blangs pa las mi nyams par bya ba'i phyir dran pa nye bar 'jog pa'i yan lag dang/ dran pa rmongs par mi 'gyur ba'i yan lag go /de la gzhan gyi srog la gnod pa dang/ longs spyod la gnod pa dag spong ba ni yan lag dang po yin no/ /mi tshangs par spyod pa ni yan lag gnyis pa yin no/ /'di ltar de spangs pa de ni rang gi chung ma la mi brten pas bdag la gnod par yang mi 'gyur la/ gzhan gyi chung ma la mi brten pas gzhan la gnod par yang mi 'gyur ba'i phyir ro/ /brdzun du smra ba spong ba ni yan lag gsum pa yin no/ /chang dang bcos pa'i chang dang sbyar ba'i chang bag med pa'i gnas spong ba ma gtogs pa de las gzhan pa'i gnas gsum po spong ba ni yan lag bzhi pa yin no/ /de ci'i phyir zhe na/ 'di ltar de dus rtag tu gar dang glu dang rol mo'i sgra dang spos dang me tog phreng ba dang/ byug pa dang/ khri stan mthon po dang/ khri stan chen po dang/ dus ma yin pa'i zas la brten pa de dag gis bdag nyid dben par yud tsam yud tsam la mthong ba dang/ bdag ni gso sbyong gi gso sbyong byas pa yin no snyam du dus rtag tu dran pa nye bar gnas par 'gyur pa'i phyir ro/ /chang dang bcos pa'i chang dang sbyar ba'i chang bag med pa'i gnas spong ba ni yan lag lnga pa yin no/ /de ci'i phyir zhe na/ de bdag ni dran pa nye bar gzhag ste gnas pa yin no snyam du sems kyang yan lag des na chang gi myos pas myos shing rmongs te rang dbang med par 'jug par 'gyur ba'i phyir ro/ /de la dge slong ma'i sdom pa gang yin pa dang/ dge slob ma dang/ dge tshul dang/ dge tshul ma'i sdom pa gang yin pa de ni rab tu byung ba'i phyogs su gtogs par 'dra ba'i phyir/ dge slong gi sdom pa sten pa kho na bzhin du blta bar bya'o/ /de la dge bsnyen ma'i sdom pa gang yin pa yang khyim pa'i phyogs su gtogs pa'i phyir dang/ bslab pa 'dra bas rab tu phye ba'i phyir dge bsnyen gyi sdom pa rten pa kho na bzhin du blta bar bya'o/ /ci'i phyir bcom ldan 'das kyis dge slong rnams kyi sdom pa ni dge slong gi sdom pa dang/ dge tshul gyi sdom pa'i sde pa gnyis su bcas la/ dge slong ma rnams kyi sdom pa ni dge slong ma dang dge slob ma dang/ dge tshul ma'i sdom pa'i sde pa gsum du bcas she na/ bud med ni nyon mongs pa mang bas rims kyi dge slong ma'i sdom pa yongs su 'dzin du 'jug pa'i phyir te/ gal te dge tshul ma bslab pa'i gzhi nyung ngu dge la dga' bar gyur na/ de'i 'og tu dge slob ma'i bslab pa'i gzhi dag len du gzhug par bya ba dang/ gal te dge slob ma bslab pa'i gzhi ches mang po dag la dga' bar gyur na/ de'i 'og tu gya tshom du bsnyen par rdzogs su mi gzhug gi lo gnyis kho na sngon du gzhug pa dang/ gal te dga' bar gyur na de'i 'og tu bsnyen par rdzogs su gzhug pa dang/ de ltar de yun ring por bslab pa'i gzhi nyung ngu dag la bslab pa yongs su byang bar gyur nas de'i 'og tu dge slong ma'i sdom pa bslab pa'i gzhi'i tshogs mang po yongs su bzung ba la sleb par nus shing lcogs par 'gyur ba'i phyir ro/ /ci'i phyir bsnyen gnas pa'i sdom pa las dge tshul gyi sdom pa la gser dngul spong ba lhag par mdzad ce na/ 'di ltar dge tshul ni rab tu byung ba'i phyogs la gnas pa yin pas rab tu byung ba la ni gnas gnyis shin tu mi mdzes shing tshul dang mi mthun pa yin te 'dod pa'i bsod snyoms kyi mthar ltung ba rtsed mo'i dga' ba dang cha sdeg? ji ltar 'dod pa bzhin spyod pa'i rjes su brtson pa gang yin pa dang/ sogs 'jog gi longs spyod gang yin pa'o/ /de la tshul dang mi mthun pa'i gnas dang po yongs su spang ba'i phyir ni gar dang glu dang rol mo'i sgra la sogs pa nas dus ma yin pa'i zas kyi bar dag spong ba bcas so/ /tshul dang mi mthun pa'i gnas gnyis pa yongs su spang ba'i phyir ni gser dngul 'dzin pa spong ba bcas te/ 'di ltar gser dngul ni sog 'jog thams cad kyi rtsa ba dang gtso bo yin pa'i phyir ro/ /ci'i phyir dge tshul gyi gar dang glu dang rol mo'i sgra dang/ spos dang me tog phreng dang/ byug pa 'chang ba gang yin pa bsnyen gnas pa'i sdom pa la ni yan lag gcig tu mdzad la/ de de la ni yan lag gnyis su mdzad de bcas she na/ khyim pa rnams la ni gnas de tshul dang mi mthun pa ma yin la/ rab tu byung ba la ni tshul dang mi mthun pa yin pas de'i phyir khyim pa la ni ci nas kyang de las 'gal na nyes pa gcig bshags par zad kyi gnyis mi dgos par bya ba'i phyir yang bar mdzad nas bslab pa gcig tu bsdus te bcas so/ /de rab tu byung ba la ni ci nas kyang de de las 'gal na nyes pa gnyis bshags dgos shing gcig ma yin par bya ba'i phyir lci bar mdzad de/ gnas gcig po de nyid las phye nas yan lag gnyis su mdzad de bcas so/ /ci'i phyir za ma dang ma ning dag rab tu byung bar mi bya zhing bsnyen par rdzogs par yang mi bya zhe na/ 'di ltar za ma dang ma ning dag ni dge slong gi phyogs su rnam par gzhag na yang bud med kyi nyes pa brten par 'gyur la/ dge slong ma'i phyogs su rnam par bzhag na yang nom pa dang kun tu nom pa la sogs pas skyes pa'i nyes pa brten par 'gyur bas/ de'i phyir de dag ni de gnyis ka'i phyogs su gnas par 'os pa ma yin pas rab tu dbyung bar yang mi bya la bsnyen par rdzogs par yang mi bya'o/ /gzhan yang za ma dang ma ning dag ni nyon mongs pa mang ba dang/ rang bzhin gyis nyon mongs pa'i sgrib pas bsgribs pa yin pa'i phyir/ de dag gis ni gang gis so sor brtags shing so sor brtags nas re shig tshul khrims kyi phung po yongs su dag pa la kun tu spyod par 'gyur ba de lta bu'i so sor rtog pa skyed par yang mi nus na/ mi'i chos las bla ma mngon sum byed pa ga la 'gyur te de'i phyir yang de dag ni rab tu dbyung bar mi bya la/ bsnyen par rdzogs par yang mi bya'o/ /de'i sde par gtogs pa la ni skyes bu dam pa la yang dkon la yongs su brtag pa yang dka' o/ /ci'i phyir za ma dang ma ning dag skyabs su song zhing dge bsnyen gyi bslab pa'i gzhi dag yang dag par blangs te gnas su zin kyang dge bsnyen zhes brjod par mi bya zhe na/ dge slong dang dge slong ma la bsnyen bkur byed pa'i ngang tshul can ni/ dge bsnyen zhes bya na de dag gis ni bsdams su zin kyang dge slong la yang dang yang du kun tu 'dre bas bsnyen bkur mi bya la dge slong ma la yang mi bya'o/ /dge slong dang dge slong ma dag gis kyang de dag las bsnyen bkur bdag gir mi bya zhing rag par yang mi bya la/ dge bsnyen la ji lta ba de bzhin du yid brtan par yang mi bya ba yin pas de'i phyir de dag ni dge bsnyen zhes mi bya'o/ /bslab pa bsrung bar byed pa rnams kyi bsod nams yongs su 'dzin pa ni mtshungs par rig par bya'o/ /sdom pa yang ma yin sdom pa ma yin pa yang ma yin pa gang zhe na/ ji skad bstan pa'i sdom pa de dag kyang ma gtogs sdom pa ma yin pa yang ma gtogs pa yin dang lus dang ngag gis dge ba dang mi dge ba'i las byed pa gang yin pa de dag thams cad ni sdom pa yang ma yin/ sdom pa ma yin pa yang ma yin par gtogs par rig par bya'o/ /sdom pa rang gis blang ba dang/ gzhan las blang ba gang yin pa de gang gis gzhan las len tam/ rang gi len na sdom pa yang dag par blang ba de gnyis la 'di lta ste/ bsod nams dang bsod nams kyi bye brag 'ga' zhig yod dam zhe na/ gal te bsam pa mtshungs pas len par byed cing de bzhin du srung bar yang byed na ni bye brag 'ga' yang med par rig par bya'o/ /de la rgyu dus na dge slong gi sdom pa len par mi 'gyur zhing/ dge slong gi sdom pa 'dod kyang 'thob par mi 'gyur zhe na/ mdor bsdus na rgyu drug gis te/ bsam pa nyams pa dang/ lus nyams pa dang/ skyes pa nyid? nyams pa dang/ dge ba'i chos nyams pa dang/ gzhan gyi dbang du gyur pa dang/ gzhan rjes su bsrung bas so/ /de la gal te rgyal pos gnod pa byas sam choms rkun gyis gnod pa byas sam/ bu lon gyi nyams thag gam/ 'jig pas nyam thag gam/ 'tsho ba mad pas 'jigs shing skrag par gyur nas/ de 'di snyam du sems te bdag ni khyim gyi gnas na gnas pas dka' bas 'tsho bar byed pa yin gyi/ dge slong 'di dag ni tshegs chung ngus 'tsho bar byed pa yin pas ma la bdag dge slong gi nang du song ste/ bdag dge slong rnams dang chos mthun pa pa yin par bstan la/ tshegs chung ngus 'tsho bar bya'o snyam ste/ bsam pa de lta bu kho nas rab tu byung nas kyang 'di lta ste/ bdag dge slong tshogs shing 'dus pa rnams kyis tshul khrims 'chal ba yin par rig nas skrad par gyur na mi rung ngo snyam ste/ 'jigs pas bslab pa'i gzhi kha cig la bsdams te/ spyod par byed du zin kyang de bsam pa nyams pa yin pa'i phyir/ bsnyen par rdzogs pa ma yin pa kho nar brjod par bya ste/ de ni bsam pa nyams pa zhes bya'o/ /gal te 'di snyam du sems te/ bdag khyim 'di na gnas na dka' bas 'tsho bar 'gyur bas ma la bdag rab tu byung ba la tshegs chung ngus 'tsho bar bya/ ji ltar dge slong 'di dag tshangs par spyad pa spyod pa ltar ji srid 'tsho'i bar du tshangs par spyad pa spyod par bya'o snyam nas/ de ltar rab tu byung ba ni bsam pa nyams pa ma yin pa zhes ni brjod de/ gcig tu yongs su dag pa ni ma yin zhing de ni bsnyen par rdzogs pa ma yin par yang brjod par mi bya'o/ /'bras dang phol mig la sogs pa bar chad kyi chos las ji skad gsungs pa'i nad rnams dang ldan pa ni lus nyams pa zhes bya ste/ lus nyams pa rab tu byung ba de ni bla ma rnams la bsnyen bkur byed bar yang mi nus pas/ de ltar mi nus pa de ni bla ma rnams dang tshangs par mtshungs par spyod pa dag las bsnyen bkur gyi las gang yin pa bdag gir byed cing/ sbyin bdag dang ba can rnams las chos gos dang bsod snyoms la sogs pa dad pas byin pa yang bdag gir byed de/ de'i dad pas byin pa rnam pa de gnyis ka yang yongs su longs spyod pa la lci ba dang rung ba ma yin la/ dge ba'i chos rnams yongs su nyams par yang 'gyur ba yin pas/ de'i phyir lus nyams pa yang bsnyen par rdzogs par mi bya'o/ /za ma dang ma ning skyes pa nyid nyams pa dag kyang bsnyen par rdzogs par mi bya ste/ de la rgyu ni sngar bstan pa nyid yin par khong du chud par bya'o/ /ma ning ni mdor bsdu na rnam pa gsum du rig par bya ste/ yod ma ning dang/ phyogs gcig gi ma ning dang/ nyams pa'i ma ning ngo/ /de la skyes pa'i dbang po dang mi ldan pa kho nar bcas pa gang yin pa de ni yod ma ning zhes bya'o/ /zla ba phyed phyed cing skyes pa'i spobs pa skye ba dang/ bdag nyid la pha rol gyis sun 'byin pa 'am/ gzhan dag mi tshangs par spyod pa 'khrig pa'i chos kun tu spyod pa mthong ba na skyes pa'i spobs pa skye ba 'gyur ba gang yin pa de ni phyogs gcig pa'i ma ring zhes bya'o/ /mtshon la sogs pas chod pa 'am/ nad dang dug dang me dang gsang sngags la sogs pa'i gnod pas skyes pa'i dbang po sngon thob pa chad par gyur cing chad nas kyang skyes pa'i spobs pa mi 'byung ba gang yin pa de ni nyams pa'i ma ning zhes bya'o/ /de la ma ning dang po ni za ma yang yin la ma ning yang yin no/ /gnyis pa ni ma ning kho na yin gyi za ma ma yin no/ /gsum pa ni gal te pha rol po dag gis bdag la sun 'byin par mi byed na ni za ma kho na yin gyi ma ning ma yin no/ /gal te sun 'byin par byed na ni de za ma dang ma ning gnyis ka yin par brjod par bya'o/ /mtshams med pa'i las byed pa dang/ dge slong ma sun 'byin pa dang/ mu stegs can dang/ sku? thabs su gnas pa dang/ tha dad du gnas pa dang/ gnas par mi bya ba dag ni dag pa'i chos nyams pa yin pas bsnyen par rdzogs par mi bya ste/ 'di ltar de dag ni ngo tsha mi shes pa dang/ khrel med pa'i chos dri ma can chen pos ngo tsha shes pa dang/ khrel yod pa'i chos dkar po shin tu srab mor byas shing chung ngur byas pa'i phyir ro/ /rgyal pos bkrabs pa dang/ rgyal po la gnod pa byed pa dang/ rgyal po dang mi mthun pa'i las byed pa dang/ bu len gzhal dgos pa dang/ dran dang phrogs pa dang mchu thogs pa dang/ brjod pa yod pa dang/ pha mas ma gnang ba dag ni gzhan gyi dbang du gyur ba yin pas bsnyen par rdzogs par mi bya'o/ /sprul pa dag ni gzhan rjes su bsrung bas bsnyen par rdzogs par mi bya ste/ de ci'i phyir zhe na/ de ni klur gyur pa las chos rnams gzung ba'i phyir/ dge slong gi lus su yul nas bsnyen par rdzogs pa tshol bar byed pa yin te/ gal te klu de bsnyen par rdzogs par 'gyur/ dge slong du gyur pa de gnyid log na ni rang gis gzugs su gnas pas/ kun dga' i ra ba'i srung ba 'am/ dge bsnyen dag dge slong gi 'du shes kyis tsham tshom mad par drung du 'ongs te/ gzugs mi sdug pa mthong na 'di snyam du dge slong thams cad ni mi ma yin pa yin pas su zhig 'di dag la gsod? snyoms 'bul ba dang bya bar sems shes/ dge slong thams cad la zhe sdang gi sems bskyed cing sdig pa can gyi lta ba thob par gyur pas/ de'i phyir gzhan rjes su bsrung bas de dag kyang bsnyen par rdzogs par mi bya'o/ /de ltar na las byed pa'i slob dpon med pa dang/ mkhan po med pa dang dge 'dun tshul la gnas pa tshang par med pa ma gtogs par rgyu drug po de dag gis na dge slong gi sdom pa len par mi 'gyur ro/ /rgyu dus ni dge bsnyen gyi sdom pa len par mi 'gyur zhe na/ mdor bsdu na rgyu gnyis kyis te/ bsam pa nyams pa dang/ skyes pa nyid nyams pas so/ /de la bsam pa nyams pas ni thams cad kyis thams cad du len par mi 'gyur ba kho nar khong du chud par bya'o/ /skyes pa nyid nyams pas ni len pa yod du zin kyang sngar bstan pa'i rgyu nyid kyis na de dge bsnyen du ni brjod par mi bya'o/ bsnyen gnas pa'i sdom pa ni bsam pa nyams pa kho nas len par mi 'gyur bar khong du chud par bya ste/ gang la la dag gzhan gyi rjes su 'jug pa 'am/ rnyed pa dang bkur sti'i phyir bsnyen gnas pa'i sdom pa yang dag par len par dam 'cha' ba de dag kyang de la blang ba'i bsam pa med pa yin te/ de ltar na de ni de'i bsam pa nyams pa yin par rig par bya'o/ /len par mi 'gyur ba'i rgyu ji skad bstan pa de dag med pas ni sdom pa bstan pa de dag len pa yin par khong du chud par bya'o/ /de la rgyu dus na dge slong gi sdom pa blangs kyang gtong bar 'gyur zhe na/ mdor bsdu na rgyu lngas te bslab pa'i gzhi 'bul ba dang/ ltung ba'i rtsa pa lhag par spyod pa dang/ mtshan nub cing mtshan gnyis skyes pa dang/ dge pa'i rtsa ba bcad pa dang/ rigs mthun pa spangs pas kyang dge slong gi sdom pa blangs pa gtong bar 'gyur ro/ /dam pa'i chos rab tu rnam par zhig cing dam pa'i chos nub na ni dge slong gi sdom pa ma blangs pa ni blang du med la/ sngar blangs pa ni yongs su mi gtong bar rig par bya ste/ 'di ltar de'i tshe dus ngan pa byung ba de'i tshe na sems can 'ga' yang brtsams pa ma nyams pas bsnyen par rdzogs par 'gyur ba yang med na/ dge sbyong gi 'bras bu thob par 'gyur ba lta smos kyang ci dgos pa'i phyir ro/ /dge bsnyen gyi sdom pa ni mi mthun pa'i sems skyes pa dang/ dge ba'i rtsa ba chad pa dang/ ris mthun pa spangs pas yongs su gtong bar rig par bya'o/ /dam pa'i chos nub pas ni dge slong gi sdom pa ji lta ba bzhin du dge bsnyen gyi sdom pa dang/ /bsnyen gnas pa'i sdom pa yang de bzhin du rig par bya'o/ /bsnyen gnas pa'i sdom pa gtod pa ni nyi ma shar pa dang/ gal te sems mi mthun pa bskyed pa dang/ snga rol tu ris mthun pa spong zhing 'chi ba'i dus byed pa las khong du chud par bya'o/ / //bam po lnga pa/ /de la 'du shes med pa'i snyoms par 'jug pa gang zhe na/ dge rgyas kyi 'dod chags dang bral la/ /gong ma'i 'dod chags dang ma bral ba'i 'byung ba'i 'du shes sngon du btang ba'i yid la byed pas sems dang sems las byung ba'i chos rnams 'gog pa tsam dang/ nye bar zhi zhing mi 'byung ba tsam ni 'du shes med pa'i snyoms par 'jug pa zhes bya ste/ de yang btags pa'i yod pa yin gyi/ rdzas su ni ma yin no/ /de yang mdor bsdu na rnam pa gsum du rig par bya ste/ chung ngu bsgoms pa dang/ 'bring du bsgoms pa dang/ cher bsgoms pa'o/ /de chung ngu bsgoms pas ni tshe 'di las yongs su nyams par 'gyur zhing myur ba myur ba kho nar phyir bskyed par yang mi nus la/ 'du shes med pa'i sems can lha rnams kyi nang du skyes na yang/ ji ltar gzhan dag gis lus gzugs yongs su dag pa/ 'od gsal ba dang rgya che ba de ltar mi 'gyur zhing nges par bar skabs su 'chi ba'i dus byed par 'gyur ro// 'bring du bsgoms pas ni yongs su nyams par 'gyur zhing myur ba myur ba kho nar phyir bskyed par mi nus la/ de skyes na yang lus gzugs yongs su dag pa 'od gsal ba dang rgya che ba 'grub pa ni 'gyur mod kyi/ mthar thug pa shin tu yongs su dag par mi 'gyur zhing bar skabs su 'chi ba'i dus byed par yang 'gyur la nges pa ni ma yin no/ /cher bsgoms pas ni yongs su nyams par mi 'gyur la/ der skyes na yang lus gzugs yongs su dag pa 'od gsal ba dang rgya che ba yang 'grub cing mthar thug par shin tu yongs su dag par yang 'gyur la/ bar skabs su 'chi ba'i dus byed par yang mi 'gyur zhing/ tshe yongs su rdzogs nas zad par byed do/ /rgyu de dang rkyen de skyes nas thob pa ni sems dang sems las 'gyur ba 'gog pa de ni 'du shes med pa ba zhes bya'o/ /de la 'gog pa'i snyoms par 'jug pa gang zhe na/ /ci yang med pa'i skye mched kyi 'dod chags dang bral gong ma'i 'dod chags dang ma bral ba yang rung/ 'dod chags dang bral yang rung ba'i gnas pa'i 'du shes sngon du btang ba'i yid la byed pas sems dang sems las byung ba'i chos rnams 'gog pa tsam dang/ nye bas zhi zhing mi 'byung ba tsam ni 'gog pa'i snyoms par 'jug pa zhes bya ba ste/ 'jug pa'i rnam par shes pa tsam nye bar zhi bar zad kyi/ kun gzhi rnam par shes pa nye bar zhi ba ni ma yin no/ /de yang btags pa'i yod pa yin gyi rdzas su ni ma yin par rig par bya'o/ /de yang mdor bsdu na rnam pa gsum ste/ snga ma bzhin du chung ngu bsgoms pa la sogs pa'o/ /de la chung ngu bsgoms pas ni yongs su nyams par 'gyur zhing myur ba myur ba kho nar phyir bskyed bskyed par yang mi nus so/ /'bring du bsgoms pas ni yongs su nyams par 'gyur la/ myur ba myur ba kho nar phyir bskyed pa ni nus so/ /cher bsgoms pas ni yongs su nyams par mi 'gyur ba kho na yin no/ /de la slob pa phyir mi 'ong ba lus kyis mngon sum du byed pa dang/ mi slob pa gnyi ga'i cha las rnam par grol ba yang snyoms par 'jug go /'du shes med pa'i snyoms par 'jug pa la ni slob yang snyoms par mi 'jug la/ mi slob pa yang ni mi 'jug go / de ci'i phyir zhe na/ de la ni shes rab kyi spyod pa med la de'i gong na ches zhi ba'i gnas pa yod pa'i phyir te/ skye ba de ni dge ba'i chos ma thob pa rnams thob par bya ba la slu ba'i gnas yin no/ /de la na mkha' gang zhe na/ gzugs med pa tsam gyis rab tu phyo ba ni nam mkha' yin te/ 'di ltar gang la gzugs kyi rnam pa mi dmigs pa de la nam mkha' i 'du shes 'byung bar 'gyur bas de'i phyir de yang btags pa'i yod pa yin par rig par bya'i rdzas su ni ma yin no/ /so sor btags pa ma yin pa'i 'gog pa la gang zhe na/ de las gzhan ba skye ba'i rkyen mngon du gyur pa na de las gzhan pa skye bas/ de las gzhan pa mi skye zhing nye bar zhi ba'i 'gog pa tsam ni so sor btags pa ma yin pa'i 'gog pa zhes bya ste/ gang de'i tshe na ma skyes shing skye ba'i dus las thal ba de ni de'i tshe nam yang skye bar mi 'gyur bas/ de'i phyir de yang btags pa'i yod pa yin gyi rdzas su yod pa ni ma yin te/ de'i rang gi mtshan nyid ni gzhan cung zad kyang mi dmigs so/ /de yang chos kyi rnam pa dang ma bral ba'i phyir dus gzhan gyi tshe rkyen dang phrad na 'byung bar 'gyur bas de'i phyir so sor btags pa ma yin pa'i 'gog pa de ni gtan du ba ma yin no/ /slob pa bzhi mthong ba de sgo? nga las skye ba dang/ drod gsher las skye ba'i skye gnas dang/ byang gi sgra mi snyan du skye ba dang/ 'du shes med pa'i sems can du skye ba dang/ bud med dang/ za ma dang/ ma ning dang/ mtshan med dang/ mtshan gnyis par skye ba dang/ yang 'byung ba'i srid pa la sred cing smon pa dag so sor btags pa ma yin pa'i 'gog pa 'thob pa de ni gtan du ba yin par rig par bya'o/ /slob pa bzhi mthong ba ni nam yang/ yang byung ba'i srid pa la mngon par 'dod cing smon pa'i kun nas dkris pas yang 'byung ba'i srid pa mngon par sgrub par mi byed de/ sred pa'i sa bon lhag ma ma lus par yang dag par ma bcom pa kho na tsam du zad do/ /ci'i phyir sems dang mi ldan pa rnams shes bya zhe na/ de dag ni de dag la ming du btags pas tha snyad 'dogs par zad pa'i phyir te/ de dag kyang gzugs can rnams la yang gnyi ga ma yin pa dang/ bstan du yod pa rnams la yang gnyi ga ma yin par rnam par gzhag pa'i tshul rgya cher rig par bya'o/ /mkhas pa drug po 'di lta ste/ phung po la mkhas pa nas dbang po la mkhas pa'i bar du gang gsungs pa'i mkhas pa de dag gi rnam par gzhag pa ji lta bu yin par rig par bya zhe na/ sdom ni/ ngo bo nyid dang don rnam dbye/ /go rim dang ni bsdu dang brten/ /de la gzugs gang zhe na/ de ni rnam pa bcu gcig tu rig par bya ste/ mig la sogs pa reg bya'i mthar thug pa'i bar gyi skye mched bcu dang/ chos kyi skye mched du gtogs pa'i gzugs so de yang mdor bsdu na 'byung ba dang 'byung ba las gyur pa ste/ thams cad kyang gzugs su rung ba'i mtshan nyid yin no/ /tshor ba gang zhe na/ de ni rnam pa drug tu blta bar bya ste/ mig dang/ rna ba dang/ sna dang lce dang/ lus dang/ yid kyi 'dus te reg pa las byung ba'o/ /de yang rnam pa gsum dang rnam gnyis te/ lus kyi dang sems kyi'o/ /de la gzugs can la brten pa ni lus kyi'o/ /gzugs can ma yin pa la brten pa ni sems kyi'o/ /de ci'i phyir zhe na/ dbang po lnga po dag ni gzugs can yin pa'i phyir ro/ /gal te dbang pa lnga po dag gzugs can yin pa'i phyir mig la sogs pa dbang po gzugs can rnams la brten pa'i tshor ba gang yin pa de lus kyi yin par gyur na/ 'o na ci'i phyir mig la sogs pa'i dbang po de dag? lus kyi mtshan nyid kho na yin par mi 'gyur zhe na/ smras pa/ mtshan nyid mi 'dra ba'i phyir te/ 'di ltar de dag ni phan tshun mtshan nyid mi 'dra ba yin pa'i phyir ro/ /gal te mtshan nyid mi 'dra ba yin na mtshan nyid mi 'dra ba'i phyir lus kyi mtshan nyid ma yin pas/ des na de la brten pa'i tshor ba gang yin pa de yang rgyu de gnyis kyis na lus kyi ma yin par mi 'gyur ram zhe na/ smras pa/ de las gzhan pa'i dbang po gzugs can rnams ni lus las tha mi dad pa'i phyir de la nye bar gdags pa la nyes pa med do/ /gal te tha mi dad pas nyes pa med na de lta na yid kyang lus las tha mi dad par 'byung bas des na yid la brten pa'i tshor ba gang yin pa de yang lus kyi yin par 'gyur bas de'i phyir lus kyi tshor ba kho nar 'gyur gyi sems kyi ni ma yin par 'gyur ro zhe na/ smras pa/ lus ni dbang po gzugs can rnams las gtan tha dad pa ma yin la/ yid ni de lta ma yin pas nyes pa med de/ 'di ltar gzugs med par skyes pa'i sems can rnams la lus las tha dad pa'i yid kyi rnam par shes pa 'byung bar 'gyur bas de'i phyir dbang po lnga dang ldan pa'i tshor ba ni lus kyi kho na zhes bya ba la yid kyi 'ba' zhig sems kyi zhes bya'o/ /de lta bas na tshor ba ni mdor bsdu na/ lus kyi dang sems kyi yin la thams cad kyang myong ba'i mtshan nyid yin no/ /'du shes gang zhe na/ de yang snga ma bzhin du rnam pa drug go /de yang drug ste mtshan ma dang bcas pa'i 'du shes dang/ mtshan ma med pa'i 'du shes dang/ chung ngu'i 'du shes dang/ chen por gyur pa'i 'du shes dang/ tshad med pa'i 'du shes dang/ ci yang med pa'i 'du shes dang/ de yang mdor bsdu na 'jig rten pa dang 'jig rten las 'das pa'i'o/ /de la chung ngu'i 'du shes ni 'dod pa na spyod pa'i'o/ /chen por gyur pa'i 'du shes ni gzugs na spyod pa'i'o/ /tshad med pa'i 'du shes ni nam mkha' dang rnam shes mdza' yas skye mched na spyod pa'i'o/ /ci yang med pa'i 'du shes ni ci yang med pa'i skye mched na spyod pa'i ste/ de dag thams cad ni mtshan ma dang bcas pa'i 'du shes yin no/ /mtshan ma med pa'i 'du shes ni srid pa'i rtse mo'i 'du shes gang yin pa dang 'jig rten las 'das pa slob pa dang/ mi slob pa'i thams cad de thams cad kyang kun tu shes par byed pa'i mtshan nyid yin no/ /'du byed rnams gang zhe na/ de dag kyang snga ma kho na bzhin du rnam pa drug go /de yang 'di lta ste yul dang mthun par byed pa dang/ de dang phrad par bya ba dang/ de dang 'bral bar bya ba dang/ kun nas nyon mongs pa dang/ las kun tu blang bar bya ba dang/ sems kyis dbang bsgyur bar bya ba'i phyir sems mngon par 'du byed pa rnam pa lngar blta bar bya'o/ /'du byed rnams ni mdor bsdu na dge ba dang mi dge ba dang lung du ma bstan pa dag ste/ thams cad kyang mngon par 'du byed pa'i mtshan nyid yin no/ /rnam par shes pa gang zhe na/ de ni rnam pa drug tu blta bar bya ste/ mig gi rnam par shes pa nas yid kyi rnam par shes pa'i bar te/ de ni rnam par shes pa'i ngo bo nyid kyi dbye ba yin no/ /gzhan yang dbye ba rnam pa gsum yod par blta bar bya ste/ myong ba'i dbye ba dang dmigs pa las mtshan mar 'dzin pa'i dbye ba dang gnas skabs kyi dbye ba'o/ /de la myong ba'i dbye ba ni rnam pa gsum mo/ /dmigs pa la mtshan mar 'dzin pa'i dbye ba ni rnam pa drug go / gnas skabs kyi dbye ba ni rnam pa gsum mo/ /dbye ba de dag gcig tu bsdus na rnam par shes pa'i ngo bo nyid rnam pa bco brgyad du 'gyur te/ de ni phung po rnams kyi ngo bo nyid yin no/ /de la phung po'i don ni gang ci'i phyir na phung po rnam par bzhag pa yongs su bstan ce na/ gzugs gang yin pa ci yang rung ste/ 'das pa dang/ ma 'ongs pa dang/ da ltar byung ba nas thag ring ba dang/ nye ba'i bar dang gzugs ji lta ba bzhin rnam par shes pa'i bar du yang de bzhin te/ de dag gcig tu bsdus pa ni rnam pa thams cad du bsdus pa yin pa'i phyir bsdus pa'i don ni phung po'i don to/ /yang phung po de dag ni bdag nyid sna tshogs mang po yin pa'i phyir 'du byed tsam ste de las don gzhan pa'i bdag med par yongs su bstan pa'i phyir phung po rnam par gzhag par rig par bya'o/ /de la gzugs kyi phung po'i rab tu dbye ba gang zhe na/ de ni rnam pa drug tu blta bar bya ste/ dngos po dang mtshan nyid dang rnam par shes pa gnas pa dang/ mi gnas pa dang/ rnam par shes pa las dben pa dang mi dben pa dang/ 'du shes kyi spyod yul dang mdza' o/ /de la gzugs kyi dngos po ni gzugs gang yin pa ci yang rung ste/ de thams cad 'byung ba chen po bzhi dag rgyur byas pa'o/ /de la gzugs kyi rang gi mtshan nyid ni mdor bsdu na dang ba dang/ dad ba'i gzung ba dang/ yid kyi gzung ba'i gzugs so/ /spyi'i mtshan nyid ni gzugs su rung ba'i mtshan nyid do/ /de la rnam par shes pa gnas pa dang mi gnas pa ni zin pa'i gzugs gang yin pa de ni rnam par shes pa gnas pa zhes bya ste/ de yang rnam par shes pa dang 'dres pa grub pa dang bde ba gcig pa'i don gyi 'jug pa gang yin pa dang/ tshor ba rnams skye ba'i rten du gyur pa gang yin pa'o/ /de las bzlog pa ni ma zin pa yin par rig par bya/ de la rnam par shes pa las dben pa dang mi dben pa ni rnam par shes pa las mi dben pa'i gzugs gang yin pa de ni mtshungs pa zhes bya ste/ rnam par shes pa dang mtshungs par don la 'jug pa nyid kyi phyir ro/ /rnam par shes pa las dben pa'i gzugs gang yin pa de ni de dag dang mtshungs pa zhes bya ste rang gi rgyud dang mtshungs par rjes su 'jug pa nyid kyi phyir ro/ /de la 'du shes kyi spyod yul ni 'du shes gsum po 'di dag ni gzugs la dmigs pa yin te/ gzugs kyi 'du shes dang/ thogs pa'i 'du shes dang/ sna tshogs kyi 'du shes so/ /gzugs kyang mtshan nyid gsum ste snang ba dang bcas pa'i mtshan nyid dang/ yul gnod pa'i mtshan nyid dang/ /rgyas par gnas pa'i mtshan nyid de/ de dag kyang go rims bzhin du 'du shes gsum po dag gi spyod yul du gyur pa yin par blta bar bya'o/ /de la sngon po la sogs pa'i kha dog 'dzin par byed pa ni gzugs kyi 'du shes so/ /'gro ba thogs pa 'dzin par byed pa ni thogs pa'i 'du shes so/ /bud med dang/ skyes pa dang/ khang khyim dang/ zhing la sogs par nye bar 'dogs pa 'dzin par byed pa ni sna tshogs kyi 'du shes te/ de ni 'du shes kyi spyod yul gyi rab tu dbye ba yin no/ /de la gzugs kyi mdza' ni mdor bsdu na rnam pa gnyis te/ khams 'og ma dang/ khams par mar gtogs pa ste/ 'dod pa na spyod pa dang/ gzugs na spyod pa'o/ /de la gzugs med pa rnams na ni las kyi dbang gis grub pa nyid las brten nas gzugs med pa zhes bya bar zad de/ snyoms par 'jug pa'i dbang las brten nas ni ma yin te/ 'di ltar de la snyoms par 'jug pas mngon du gyur pa las thams cad na gzugs kyi rnam pa la dbang ba dmigs pa'i phyir te de yang snyoms par 'jug pa'i gzugs cha phra ba zhes bya'o/ /de la tshor ba'i phung po'i rab tu dbye ba gang zhe na/ de ni rnam pa lngar blta bar bya ste/ dngos po dang/ mtshan nyid dang/ rab tu skye ba dang nye bar btags pa dang/ nges par 'byung ba'o/ /de la tshor ba'i phung po'i dngos po ni myong ba nyid dang/ myong ba'i gnas dang mthun pa'i chos rnams so/ /de la rang gi mtshan nyid ni bde ba dang/ sdug bsngal ba dang/ sdug bsngal yang ma yin bde ba yang ma yin pa'i tshor ba'o/ /de la tshor ba'i phung po'i spyi'i mtshan nyid ni bde ba'i tshor ba ni 'gyur ba'i sdug bsngal nyid kyis sdug bsngal ba dang/ sdug bsngal gyi tshor ba ni sdug bsngal gyis sdug bsngal nyid kyis sdug bsngal ba dang/ sdug bsngal yang ma yin bde ba yang ma yin pa'i tshor ba ni 'du byed kyi sdug bsngal nyid kyis sdug bsngal pa'i dbang du mdzad nas/ gang ci tshor yang rung ste de 'dir sdug bsngal pa'o zhes bya'o/ /de la rab tu skye ba ni reg pa bcu drug las tshor ba rnams 'byung bar 'gyur ba ste/ 'di lta ste/ mig dang/ rna ba dang/ sna dang/ lce dang/ lus dang/ yid kyis 'dus te reg pa rnams dang/ thogs pa'i 'dus te reg pa dang/ tshig bla dags kyi 'dus te reg pa dang/ bde ba'i tshor ba dang mthun pa'i 'dus te reg pa dang/ sdug bsngal gyi tshor ba dang/ mthun pa'i 'dus te reg pa dang/ sdug bsngal yang ma yin bde ba yang ma yin pa'i tshor ba dang mthun pa'i 'dus te reg pa dang/ rjes su chags pa'i 'dus te reg pa dang/ khong khro ba'i 'dus te reg pa dang/ rig pa'i 'dus te reg pa dang/ ma rig pa'i 'dus te reg pa dang/ rig pa yang ma yin ma rig pa yang ma yin pa'i 'dus te reg pa las so/ /de la yul 'dzin par byed pa nyid las brten nas ni 'dus te reg pa drug po rnams dang/ thogs pa'i 'dus te reg pa rnam par bzhag go /yul la rnam par rtog pa nyid las brten nas ni tshig bla dags kyi 'dus te reg pa gcig tu rnam par gzhag go /yul myong bar byed pa nyid las brten nas ni bde ba la sogs pa'i tshor ba dang mthun pa'i 'dus te reg pa gsum rnam par bzhag go / kun nas nyon mongs pa dang rnam par byang ba nyid las brten nas ni rjes su chags pa dang/ khong khro ba dang/ ma rig pa'i 'dus te reg pa rnams dang/ rig pa dang/ rig pa yang ma yin ma rig pa yang ma yin pa'i 'dus te reg pa dag rnam par gzhag par rig par bya ste/ de ni tshor ba rnams kyi rab tu skye ba'i dbye ba yin no/ /mdo las de nas bcom ldan 'das nyag cig dben par gshegs te/ nang du yang dag 'jog la zhugs pa na/ thugs la thugs kyi yongs su rtog pa 'di lta bu byung ste/ tshor ba ni gang/ tshor ba kun 'byung ba ni gang tshor ba kun 'byung bar 'gyur ba'i lam ni gang/ tshor ba 'gog par 'gyur ba'i lam ni gang/ tshor ba ro myang ba ni gang/ nyes dmigs ni gang/ nges par 'byung ba ni gang yin snyam nas de 'di snyam du dgongs te/ tshor ba ni gsum po 'di dag yin te/ bde ba dang sdug bsngal ba dang/ sdug bsngal yang ma yin bde ba yang ma yin pa'o/ /reg pa kun 'byung bas tshor ba kun 'byung ba'o/ /reg pa 'gag pas tshor ba 'gag go /tshor ba mngon par dga' ba dang mngon par brjod pa dang/ lhag par chags pa dang/ lhag par chags shing gnas pa gang yin pa 'di ni tshor ba kun 'byung bar 'gyur ba'i lam yin no/ /tshor ba la mngon par dga' ba med pa dang/ mngon par mi brjod pa dang/ lhag par chags pa med pa dang/ lhag par chags shing mi gnas pa gang yin pa 'di ni tshor ba 'gog par 'gyur ba'i lam yin no/ /tshor ba las brten te/ bde ba skye ba dang/ yid bde ba skye ba gang yin pa 'di ni tshor pa'i ro myang ba yin no/ /tshor ba mi rtag pa dang/ sdug bsngal ba dang 'gyur ba'i chos can gang yin pa 'di ni tshor ba'i nyes dmigs yin no/ /tshor ba la 'dun pa'i 'dod chags 'dul ba dang/ 'dun pa'i 'dod chags spong pa dang/ 'dun pa'i 'dod chags las yang dag par 'da' ba gang yin pa 'di ni tshor ba las nges par 'byung ba yin no zhes gsungs pa ni de la nye bar brtag pa'i rab tu dbye ba ni zhes bya ba la sogs pa'i tshig gis rnam par bshad de/ de la nye bar brtag pa'i rab tu dbye ba ni tshor ba rnam pa brgyad po dag la tshor ba nye bar brtags pa yang dag par rdzogs pa'i sangs rgyas thams cad la byung la 'di lta ste tshor ba rnams ni du/ tshor ba rnams kyi kun 'byung ba ni gang/ tshor ba rnams kyi 'gog pa ni gang/ tshor ba rnams kyis kun 'byung bar 'gyur ba'i lam ni gang/ tshor ba rnams 'gog par 'gyur ba'i lam ni gang/ tshor ba rnams kyis ro myang ba ni gang/ nyes dmigs ni gang/ nges par 'byung ba ni gang zhes bya ste/ de la de ltar nye bar rtog pa na yang dag par rtog pa ni tshor ba ni gsum po 'di dag yin no/ /reg pa kun 'byung bas tshor ba kun 'byung ngo zhes rgyas par ji skad mdo las gsungs pa bzhin rnam par dbye bar rig par bya'o/ /tshor ba nye bar brtag pa rnam pa brgyad po de dag kyang rang gi mtshan nyid nye bar brtag pa dang/ tshe 'di la 'byung ba'i rgyu nye bar brtag pa dang/ de 'gog pa nye bar brtag pa dang/ tshe phyi ma la 'byung ba'i rgyu nye bar brtag pa dang/ de 'gog pa la nye bar brtag pa dang/ de gnyi ga la 'byung ba'i rgyu nye bar brtag pa dang/ de gnyi ga la 'byung ba 'gog pa nye bar brtag pa dang/ rnam par byang ba nye bar brtag pa yongs su bstan par blta bar bya ste/ de ni mdor bsdu na nye bar brtag pa'i rab tu dbye ba yin no/ /de la tshor ba rnams kyi nges par 'byung ba ni 'di lta ste/ yid mi bde ba'i dbang po las nges par 'byung ba ni bsam gtan dang po'o/ /sdug bsngal gyi dbang po las nges par 'byung ba ni bsam gtan gnyis pa'o/ /yid bde ba'i dbang po las nges par 'byung ba ni bsam gtan gsum pa'o/ /bde ba'i dbang po las nges par 'byung ba ni bsam gtan bzhi pa'o/ / btang snyoms kyi dbang po las nges par 'byung ba ni mtshan ma med pa'i dbyings te/ de ni tshor ba'i phung po'i nges par 'byung ba'i rab tu dbye ba yin no/ /de la 'du shes kyi phung po'i rab tu dbye ba gang zhe na/ de yang rnam pa lngar blta bar bya ste/ dngos po dang/ mtshan nyid dang/ phyin ci log dang/ phyin ci ma log pa dang/ yongs su spyod pa'o/ /de la 'du shes kyi phung po'i dngos po ni dmigs pa la mtshan mar 'dzin pa dang/ de'i gnas lta bu'i chos rnams so/ /de la rang gi mtshan nyid ni snga ma bzhin du rnam pa drug tu blta bar bya'o/ /de'i spyi'i mtshan nyid ni kun tu shes par byed pa'i mtshan nyid de/ de ni mtshan nyid kyi rab tu dbye ba yin no/ /de la phyin ci log gi rab tu dbye ba ni byis pa mi mkhas pa ma rig pa dang ldan pa tshul bzhin ma yin pa yid la byed pa/ dmigs pa mi rtag pa la rtag go zhes mtshan mar 'dzin pa 'byung ba ste/ de ni de'i 'du shes phyin ci log yin no/ /mi rtag pa la rtag pa ji lta ba bzhin du sdug bsngal ba la bde ba dang/ mi sdug pa la sdug pa dang/ bdag med pa la bdag tu mtshan mar 'dzin pa yang de bzhin no/ /'du shes phyin ci log de yang khyim pa rnams la ni sems phyin ci log tu 'gyur ro/ /rab tu byung ba de dag kha cig la ni lta ba phyin ci log tu 'gyur te/ de ltar na de ni phyin ci log gi rab tu dbye ba yin no/ /'du shes phyin ci log rnams kyi rnam grangs gzhan yang dngos po bzhi po de dag la log par mtshan mar 'dzin pa gang yin pa de ni 'du shes phyin ci log yin no/ /yul de la de ltar kun tu shes pa'i kun tu 'dod chags gang yin pa de ni sems phyin ci log yin no/ /phyin ci log gi dngos po de nyid la de ltar kun tu shes shing de ltar lhag par chags pa'i mngon par zhen pa dang/ 'dod pa dang/ ston pa dang/ rnam par 'jog pa gang yin pa de ni lta ba phyin ci log yin no/ /de la phyin ci ma log pa'i rab tu dbye ba ni/ mdzangs pa mkhas pa rig pa dang ldan pa tshul bzhin yid la byed pa dmigs pa mi rtag pa la mi rtag pa dang/ sdug bsngal la sdug bsngal ba dang/ mi sdug pa la mi sdug pa dang/ bdag med pa la bdag med do zhes yang dag par mtshan mar 'dzin pa 'byung ba gang yin pa ste/ de ni de'i 'du shes phyin ci ma log pa dang/ sems phyin ci ma log pa dang/ lta ba phyin ci ma log pa yang yin te/ de ltar na de ni phyin ci ma log pa'i rab tu dbye ba yin no/ /de la yongs su spyod pa'i rab tu dbye ba ni lnga po 'di dag ni 'du shes kyi yongs su gcod pa yin te/ yul yongs su spyod pa dang/ myong ba yongs su spyod pa dang/ brda yongs su spyod pa dang/ log par yongs su spyod pa dang/ bden pa'i don yongs su spyod pa'o/ /de la yul la mtshan ma dang/ /mngon rtags su 'dzin pa ni yul yongs su spyod pa yin no/ /yul las nges par 'byung ba'i tshor ba 'dzin pa ni myong ba yongs su spyod pa yin no/ /bdag gam gzhan dag la ming ni 'di zhes bya rigs ni 'di zhes bya rus ni 'di zhes bya/ zhes bya ba la sogs pa'i tha snyad du 'dzin pa ni brda? yongs su gcod pa yin no/ /yul la phyin ci log tu 'dzin pa ni log par yongs su gcod pa yin no/ /yul la phyin ci ma log par 'dzin pa'i bden pa'i don yongs su gcod pa yin te/ de ltar de ni 'du shes kyi phung po'i yongs su gcod pa'i rab tu dbye ba yin no/ /de la 'du byed kyi phung po'i rab tu dbye ba gang zhe na/ de yang rnam pa lngar blta bar bya ste/ yul dang/ gnas skabs dang/ kun nas nyon mongs pa dang/ rnam par byang ba dang/ mngon par 'du byed pa'o/ /de la yul ni sems pa'i tshogs drug po rnams 'du byed nyid du rnam par gzhag pa yin no/ /de la gnas skabs ni skye ba dang rga ba la sogs pa sems dang mi ldan pa'i 'du byed rnams kyi rnam par bzhag pa ste/ de ni gnas skabs kyi rab tu phye ba yin pa'i phyir ro/ /de la kun nas nyon mongs pa ni 'du byed kun nas nyon mongs par byed pa'i nyon mongs pa dang/ nye ba'i nyon mongs pa rnams kyi rnam par gzhag pa yin no/ /de la rnam par byang ba ni dad pa la sogs pa rnam par byang bar byed pa'i chos rnam par gzhag pa yin no/ /de la mngon par 'du byed pa ni yul dang mthun par byed pa zhes bya ba la sogs pa mngon par 'du byed pa rnam pa lnga ste/ snga ma bzhin du blta bar bya'o/ /de la rnam par shes pa'i phung po'i rab tu dbye ba gang zhe na/ de yang rnam pa lngar blta bar bya ste/ kun tu zhen pa dang/ kun nas nyon mongs pa dang/ gnas dang/ gnas pa dang/ rnam pa sna tshogs so/ /de la kun tu zhen pa ni 'dod pa'i khams na 'dod pa can rnams kyi rnam par shes pa ni phyi rol gyi gzugs la mngon par zhen pa las gzugs la kun tu zhen pa kho na zhes bya'o/ /gzugs kyi khams na rnam par dag pa'i lha rnams kyi rnam par shes pa ni nang gi ming dang gzugs la mngon par zhen pa las de gnyi ga la kun tu zhen pa zhes bya'o/ /gzugs med pa'i khams na rnam par shes pa ni nang gi ming la mngon par zhen pa las ming la kun tu zhen pa zhes bya ste/ de ltar na de ni rnam par shes pa'i kun tu dbye ba yin no/ /de la kun nas nyon mongs pa'i rab tu dbye ba ni byis pa rnams kyi rnam par shes pa ni sgo gnyis kyi kun nas nyon mongs par 'gyur te/ tshe 'di la yul la yongs su longs spyod pa'i sgo dang/ tshe phyi ma la skye ba dang/ rga ba la sogs pa sdug bsngal gyi sgo ste/ de ltar na de ni rnam par shes pa'i kun nas nyon mongs pa'i rab tu dbye ba yin no/ /de la gnas kyi rab tu dbye ba ni rnam par shes pa rjes su 'jug pa'i gnas ni drug po 'di dag yin te/ 'di lta ste/ mig la sogs pa skye mched drug po dag la brten nas rnam par shes pa'i tshogs drug po dag 'byung bar 'gyur ba ste/ de dag kyang phub ma dang/ shing dang/ lci ba dang/ bur ma'i me bzhin te/ de ltar na de ni rnam par shes pa'i gnas kyi rab tu dbye ba yin no/ /de la gnas pa'i rab tu dbye ba ni rnam par shes pa gnas pa bzhi po dag ste/ de dag kyang mdo las bzhi po 'di dag ni rnam par shes pa gnas pa'i rgyu dang len pa dang dmigs pa yin te/ gzugs la nye bar song ba'i rnam par shes pa gnas pa dang/ gzugs la dmigs pa'o zhes bya ba nas rgyas par nga ni rnam par shes pa 'di dag ni shar phyogs na gnas pa dang/ phyogs mtshams kyi bar na gnas par yang mi smra ste/ tshe 'di nyid la grib ma med pa dang/ mya ngan las 'das pa dang/ zhi ba dang bsil bar gyur pa dang tshangs par gyur pa yin no zhes bya ba'i bar du ji skad gsungs pa lta bu ste/ de bzhin gshegs pas gsungs pa'i mdo sdes yongs su bsdus pa de dag ni rnam par shes pa gnas pa dag yin no/ /'di man chad ni de'i mtshan nyid kyi rab tu dbye ba bshad par bya ste/ mdor bsdu na rgyu dang bcas pa'i gnas pa dang rgyu dang bcas pa'i gnas pa'i mdza' dang/ rgyu dang bcas pa'i gnas rab tu zhi ba de dag yongs su bstan to/ /de la nyon mongs pa'i gzhi gang yin pa dang/ de dang 'brel pa'i nyon mongs pa gang yin pa de ni rgyu dang len pa zhes bya'o/ /de gnyi ga yang dmigs pa zhes bya ste/ dmigs par bya ba dang dmigs par byed pa yin pa'i phyir ro/ /de la nyon mongs pa'i rgyu sred pas ltag par chags pa las ni dngos po la nye bar song ba yin par rig par bya'o/ /brnab sems la sogs pa las kyi rgyu'i mdud pa bzhis ni dngos po la dmigs par byed do/ /de la gnyis ka'i bag la nyal ba dang ldan pa'i dngos po ni gnas yin par rig par bya'o/ /de la gang zag so so'i skye bo dga' ba'i gnyen po yid 'byung ba ma thob pa'i des rnam par shes pa mngon par brlan pa ni phyi ma la lus yongs su 'dzin par byed pa dang/ yongs su rdzogs par byed pa dang phyir zhing 'byung ba ste/ de la so so'i skye bo'i lus ma spangs na/ yongs su 'dzin pa dang/ yongs su rdzogs par 'gyur ro/ /de la lus yongs su 'dzin pa dang/ yongs su rdzogs pa gang yin pa dang/ de la rgyun 'jug par nges pa de ni gnas pa zhes bya'o/ /lhag mar sngar bshad pa ni gnas pa'i rgyu yin par blta bar bya ste/ /de dag gcig tu bsdus pas ni rgyu dang bcas pa'i gnas pa zhes bya'o/ /gzugs can gyi khams na ni rnam par shes pa la 'ong ba dang 'gro ba yin par rig par bya'o/ /gzugs can ma yin pa ni 'chi 'pho dang/ skye bar zad de de gnyi ga yang tshe zad kyi bar du gnas pa yin no/ /de gnyi ga'i rgyas pa dang/ 'phel ba dang/ yongs pa'i don kyang snga ma bzhin du khong du chud par bya ste/ rnam par shes pa gnas pa'i mdza' dang/ gnas pa'i mdza' i rgyu ni de tsam du blta bar bya'o/ /gzhan du 'dogs par byed pa la ni yi ge tha dad pa nyid du 'gyur ba kho nar zad kyi/ don tha dad pa nyid ni med de/ de las gzhan pa'i don ni yul med pa'i phyir ro/ /gzhan dag gis legs par rgal zhing brtags na yang de las gzhan pa'i don gyi yul med pa nyid kyi phyir rab tu mi shes pas cung zad kyang 'debs par mi byed do/ /phyis bdag nyid tshul bzhin du nye bar rtog pa na bdag rmongs pas de bstan to zhes bdag nyid kyi rmongs pa nyid du rtogs par 'gyur ro/ /gang gi phyir mkhas pa ni gzugs rnam pa thams cad nas 'du byed kyi bar la sred pas bsdus pa'i 'dod chags kyi kun nas dkris pa spong ba las bral bar 'gyur gyi bag la nyal las ni ma yin no/ /de'i mdung pa nyon mongs pa'i char gtogs pa las kun nas slong bar byed pa dag kyang kun nas dkris pa kho na las spong bar 'gyur ro/ /'di ltar khyim pa'i phyogs la brten pa dag ni brnab sems dang/ gnod sems kyi mdud pa dag gis yul las rjes su 'dzin pa'i rgyu las byung ba dang/ sems can la gnod pa byed pa'i rgyu las byung ba'i las kun nas slong bar byed do/ /rab tu byung ba'i phyogs la brten pa dag ni tshul khrims dang/ brtul zhugs mchog tu 'dzin pa dang/ 'di bden no snyam du mngon par zhen pa mchog tu 'dzin pa'i mdud pa dag gis las kun nas slong bar byed de/ de dag gi tshul khrims dang brtul zhugs mchog tu 'dzin pa ni brnab sems kyi gnas lta bu yin la/ 'di bden no snyam du mngon par zhen pa mchog tu 'dzin pa ni gnod sems kyi gnas lta bu yin te/ des na mtho ris kyi 'jig rten ni 'dod par byed la/ mya ngan las 'das pa la ni skur pa 'debs par byed de mdud pa de dag kyang yid kyis rnam par rtog pas kun nas bslang ba yin par blta bar bya'o/ /de'i 'og tu gnyen po shas cher bsten pas 'dod chags dang mdud pa de gnyis kyi bag la nyal pa spong bar 'gyur te/ de spangs pa'i phyir nyon mongs pa gang gis gzugs dang tshor ba la sogs pa la dmigs par byed pa'i dmigs pa de gtan du bral bas rgyun chad par 'gyur ro/ /de rgyun chad pas bag la nyal ba dang bcas pa'i rnam par shes pa 'gag pa de gzugs dang tshor ba la sogs pa rnam par shes pa gnas pa de dag la mi gnas te/ de'i gnyen po'i rnam par shes pa rnam par dag pa'i phyir ro/ /de ltar na de ni gnas pa'i rgyu nye bar zhi ba yin par rig par bya'o/ /rgyu 'gags pa'i phyir phyi ma la lus yongs su 'dzin pa dang/ yongs su rdzogs par byed pa dang/ rgyun 'jug pa rnams 'byung bar mi 'gyur te/ de ltar na de ni gnas pa nye bar zhi ba yin no/ /de'i gnyen por gtogs pa rnam par shes pa rnam par dag pa gang yin pa de ni gnas pa ma yin pa zhes bya'o/ /de yang rgyu las mngon par rgyas par mi 'gyur ba yin no/ /rnam par thar pa'i sgo stong pa nyid yongs su rdzogs pa'i phyir mngon par 'dus ma byas pa yin no/ /rnam par thar pa'i sgo smon pa med pa yongs su bsgoms pa'i phyir chog shes pa yin no/ /rnam par thar pa'i sgo mtshan ma med pa yongs su bsgoms pa'i phyir gnas pa yin no/ /de ltar mngon par rgyas pa med pa nas gnas pa'i bar gyi phyir shin tu rnam par grol ba yin no/ /rgyu bar gyur ba na yang bdag dang bdag gir cung zad kyang mi 'dzin to/ /des na de gzugs la sogs par gyur kyang yongs su yi chad par yang mi 'gyur ro/ /rtags des na de rnam par dag pa'i bdag nyid du snang ngo/ /rnam par shes pa de ni rnam par dag pa nyid kyi phyir bdag nyid rgyu gzhan la mi bltos par rang gi ngang kho nas 'gag par 'gyur ro/ /rnam par shes pa de'i rgyun rgyun chad pa'i phyir phyogs bcur 'jug pa yang med do/ /'tsho ba dang 'chi ba la mngon par dga' ba med pa ni grib ma med ba zhes bya'o/ / yang na tshor ba rnams ni rnam par shes pa shing ljon pa lta bu de'i grib ma lta bu yin te/ de dag de'i tshe na mi 'byung bas/ de'i phyir yang de ni grib ma med pa zhes bya'o/ /zag pa dang bcas pa gang yin pa de ni tshe 'di la mya ngan las 'das pa yin no/ /zag pa med pa gang yin pa de ni rim gyis rlob pa'i rnam par grol bas zhi ba yin no/ /mi slob pa'i rnam par grol bas ni bsil bar gyur ba yin no/ /phung po 'gags pa'i phyir tshangs par gyur pa zhes bya'o/ /rnam par shes pa ni ngo bo nyid kyis kun nas nyon mongs par gyur pa ma yin te/ 'di ltar bcom ldan 'das kyis rang bzhin gyis 'od gsal ba yin no zhes gsungs pa'i phyir ro/ /de ci'i phyir zhe na/ skyon las gtan du rnam par ma dag na ni 'dod chags la sogs pa nyon mongs pa dang 'dra ba'i phyir ro/ / gzugs dang tshor ba la sogs pa bzhin du 'ba' zhig kun nas nyon mongs pa'i rgyu yang ma yin te/ 'di lta ste gzugs la sogs pa la ji lta ba bzhin du rnam par shes pa 'ba' zhig kho na la ni su yang sred par mi 'gyur pas/ de'i phyir rnam par shes pa ni rnam par shes pa gnas pa ma yin pa de ltar na de ni rnam par shes pa'i phung po'i gnas pa'i rab tu dbye ba yin no/ /de la rnam pa sna tshogs kyi rab tu dbye ba ni mdo las bcom ldan 'das kyis sems 'dod chags dang bcas pa dang/ 'dod chags dang bral ba dang/ zhe sdang dang bcas pa dang/ zhe sdang dang bral ba zhes bya ba nas rgyas par sems rnam par ma grol ba dang/ shin tu rnam par grol ba zhes bya ba'i bar du ji skad gsungs pa ste/ de ltar na de ni rnam pa sna tshogs kyi rab tu dbye ba gcig yin no/ /yang khams kyi rab tu dbye ba las ni 'dod pa na spyod pa rnams la ni sems bzhi yod de/ dge ba dang mi dge ba dang/ bsgribs la lung du ma bstan pa dang/ ma bsgribs la lung du ma bstan pa'o/ /gzugs na spyod pa rnams la ni gsum yod de/ mi dge ba ma gtogs pa rnams so/ /gzugs med pa na spyod pa rnams la yang gsum kho na ste/ mi dge pa ma gtogs pa rnams so/ /zag ba med pa'i ni slob pa dang mi slob pa'i sems so/ /'dod pa na spyod pa'i dge ba de yang rnam pa gnyis te sbyor ba las byung ba dang skyes nas thob pa'o/ /ma bsgribs la lung ma bstan pa ni rnam pa bzhi ste/ rnam par smin pa las skyes pa dang/ spyod lam las byung ba dang/ bzo'i gnas las byung ba dang sprul pa byed pa'i sems so/ /skyes nas thob pa de yang 'di lta ste lha dang klu dang gnod sbyin la sogs pa ste bsgoms pa'i 'bras bu med pa'i phyir ro/ /gzugs na spyod pa la ni bzo'i gnas las byung ba med do/ /gzugs med pa na spyod pa la yang med do/ /dge ba ni 'og ma la ji lta ba bzhin du gong ma thams cad la yong bar blta bar bya'o/ /sems rnam pa sna tshogs kyi rab tu dbye ba'i rnam pa gzhan yang 'dod pa na spyod pa la ni sdug bsngal mthong bas spang bar bya ba dang/ kun 'byung ba dang/ 'gog pa dang/ lam mthong ba dang/ bsgom pas spang bar bya ba yod do/ /'dod pa na spyod pa la ji lta ba de bzhin du gzugs na spyod pa la yang rnam pa lnga yod do/ /gzugs med pa na spyod pa yang rnam pa lnga yod do/ /zag pa med pa'i sems bcu drug pa yin no/ /de la sems rnam pa sna tshogs kyi rab tu dbye ba dang po'i rab tu dbye ba bshad par bya ste/ phyogs ni gsum po 'di dag yin te 'di lta ste/ ting nge 'dzin gyi phyir ma bskyod pa rnams dang/ bskyod ba ting nge 'dzin ma yin ba rnams dang/ ting nge 'dzin thob pa rnams so/ /de dag kyang shin tu rnam par ma dag pa rnams dang/ shin tu rnam par dag pa rnams so/ /de la phyogs dang po ni sems nyon mongs pa can rnams kyi 'dod chags la sogs pa kun nas dkris pa'i sems te/ lan 'ga' ni dge ba dang/ lung du ma bstan pa'i sems dang/ ldan pa rnams 'dod chags la sogs pa kun nas dkris pa dang bral bar yang 'gyur ro/ /phyogs gnyis pa ni lan 'ga' mang du zhi ba la sems gtod par yang byed la/ lan 'ga' ni brjed ngas pas 'dod pa'i yon tan lnga po dag la rjes su 'jug par yang 'gyur ro/ /lan 'ga' ni shin tu zhi ba'i phyir rmugs pa dang gnyid kyis kun nas dkris par yang 'gyur la/ lan 'ga' ni de spang ba'i phyir dang bar 'gyur ba'i dmigs pa la gtong par yang byed do/ /lan 'ga' ni de la yang legs par ma bstad pas rgod par yang 'gyur la/ lan 'ga' ni legs par bstad las rgod pa med par yang 'gyur ro/ /lan 'ga' ni zhum pa dang/ rgod pa'i sgrib pa ma spangs pas phyogs gnyi ga la yang nye bar ma zhi bar 'gyur la/ spangs pas ni nye bar zhi bar yang 'gyur ro/ /yid la byed pa dang/ dngos gzhi bsam gtan thob pa ni mnyam par gzhag pa yin no/ /mthob pa ni mnyam par ma gzhag pa yin no/ /lam gyi mthar thug par gyur pa'i phyir shin tu bsgoms pa yin no/ /spong ba'i mthar thug par gyur pa'i phyir shin tu rnam par grol ba yin no/ /de las bzlog pa ni shin tu bsgoms pa ma yin pa dang/ shin tu rnam par grol ba ma yin no/ /mnyam par gzhag pa yan chad ni phyogs gsum pa yin par blta bar bya ste/ de ltar de ni rnam par zhes pa'i rnam pa sna tshogs kyi rab tu dbye ba yin no/ /de la phung po rnams kyi go rims bstan pa'i rnam pa gang zhe na/ de ni rnam pa lngar blta bar bya ste/ skye ba las gyur pa dang/ gnyen po las gyur pa dang/ 'jug pa las gyur pa dang/ gnas pa las gyur pa dang/ rnam par gzhag pa las gyur pa'o/ /de la skye ba las gyur pa ni mig dang gzugs rnams la brten nas mig gi rnam par shes pa skye ba dang/ yid dang chos rnams la brten nas yid kyi rnam par shes pa skye ba'i bar de la ni dang por gzugs kyi phung po bstan la/ de'i 'og tu sems las byung ba'i chos rnams kyi gnas su gyur pa rnam par shes pa'i phung po bstan to/ /de'i 'og tu ni de la brten pa sems las byung ba'i chos tshor ba la sogs pa bstan te/ 'di ltar gsum 'dus pa las reg pa 'byung la/ reg pa'i rkyen gyis tshor ba la sogs pa'o zhes mjug thogs su smos pa'i phyir te/ de ltar na de ni phung po rnams kyi skye ba las gyur pa'i go rims bstan pa yin no/ /de la gnyen po las gyur pa ni phyin ci log bzhi po mi gtsang ba la gtsang par byin ci log dang/ sdug bsngal la bde bar phyin ci log dang/ bdag med pa la bdag tu phyin ci log dang/ mi rtag pa la rtag par phyin ci log dag gi gnyen por dran pa nye bar gzhag pa bzhi bstan pa de dag la dang por gzugs kyi phung po bstan la/ de'i 'og tu ni tshor ba'i phung po/ de'i 'og tu ni rnam par shes pa'i phung po/ de'i 'og tu ni 'du shes dang/ 'du byed kyi phung po bstan te/ de ltar na de ni gnyen po las gyur pa'i go rim yin no/ /de la 'jug pa las gyur pa ni dbang po dang yul la brten nas phung po gnyis te yul so sor myong bar byed pa dang/ yul la mtshan mar 'dzin pa'o/ /de'i 'og tu gcig gis ni tshe 'di la yul la yongs su longs spyod pa'i kun nas nyon mongs pa deng dge ba dang mi dge ba'i las mngon par 'du byed pas/ tshe phyi ma la skye ba la sogs pa kun nas nyon mongs par 'gyur ro/ /gcig ni kun nas nyon mongs par 'gyur ba yin pas de ni thams cad kyi tha mar bstan to/ / de la gnas pa las gyur pa ni rnam par shes pa gnas pa bzhi'i go rims dang/ rnam par shes pa ste/ de ltar na de ni gnas pa las gyur pa'i go rims yin no/ /de la rnam par gzhag pa las gyur pa ni/ dang por gang zag mthong nas gzugs kyi so sor ngo shes par gyur te/ de'i phyir gzugs kyi phung po rnam par gzhag go /de'i 'og tu tshor ba'i phung pos ni 'byor pa dang/ rgud pa dang/ bde ba dang/ sdug bsngal ba'o zhes rnam par 'jog par byed do/ /de'i 'og tu 'du shes kyi phung pos ni ming ni 'di zhes bya rims ni 'di zhes bya/ rus ni 'di zhes bya ba la sogs pa rnam par 'jog par byed do/ /de'i 'og tu 'du byed kyi phung pos ni de lta bu ni byis pa'o/ /de lta bu ni mkhas pa'o zhes rnam par 'jog par byed do/ /de'i 'og tu rnam par shes pa ni nang gi bdag rnam par 'jog par byed do/ /de phung po de dag la so sor rtog par byed pa dang/ bde ba dang ldan pa 'am/ sdug bsngal ba dang ldan par 'byung ba dang/ rjes su tha snyad 'dogs par byed pa dang/ byis pa 'am mkhas par shes bar byed pa dang/ rnam par 'jog par byed pas de ltar na de ni phung po rnams kyi go rims rnam par gzhag pa las gyur pa bstan pa yin no/ /yang bdag gi nye bar spyad pa'i dngos po dang/ bdag gi dngos po'i dbang du byas nas go rims gzhan pa lta bar bya ste/ de la bdag gi lus la brten pa dang/ yul las bde ba dang sdug bsngal myong bar byed pa dang/ bdag dang gzhan la ming ni 'di zhes bya rigs ni 'di zhes bya rus ni 'di zhes bya ba la sogs par rjes su tha snyad 'dogs par byed pa dang/ de gnyis la brten nas chos dang chos ma yin pa nye bar bstsogs par byed de/ de ltar na de na bdag gi nye bar spyod pa'i dngos po yin par rig par bya'o/ /phung po tha ma ni bdag gi dngos po nyid yin par blta bar bya'o/ /gzugs? kyi phung po ni phung po du dag dang/ khams du dag dang/ skye mched du dag dang/ srid pa'i yan lag du dag dang/ gnas dang gnas ma yin pa du dag dang/ dbang po du dag gis bsdus/ gzugs kyi phung po ji lta ba de bzhin du rnam par shes pa'i phung po'i bar du dag gis bsdus she na/ de la gzugs kyi phung po ni phung po gcig kho na dang khams dang skye mched bcu dang/ khams dang skye mched gcig gi phyogs dang/ srid pa'i yan lag drug gi phyogs dang/ gnas dang gnas yin pa'i phyogs gcig dang/ dbang po bdun gyis bsdus so/ /tshor ba'i phung po ni phung po gcig kho na dang/ khams dang skye mched gcig gi phyogs dang srid pa'i yan lag gcig dang/ srid pa'i yan lag gsum gyi phyogs dang/ gnas dang gnas ma yin pa'i phyogs gcig dang/ dbang po lnga dang/ dbang gsum gyi phyogs kyis bsdus so/ /'du shes kyi phung po ni gcig kho na dang/ khams dang skye mched gcig gi phyogs dang/ srid pa'i yan lag gsum gyi phyogs dang/ gnas dang gnas ma yin pa'i phyogs gcig gis bsdus la/ dbang po ni gang gis kyang ma bsdus so/ /'du byed kyi phung po ni phung po gcig kho na dang/ khams dang skye mched gcig gi phyogs dang srid pa'i yan lag bzhi dang/ srid pa'i yan lag lnga'i phyogs dang/ gnas dang gnas ma yin pa'i phyogs gcig dang/ dbang po drug dang dbang po gsum gyi phyogs kyis bsdus so/ /rnam par shes pa'i phung po ni phung po gcig kho na dang/ khams bdun dang/ skye mched gcig dang/ srid pa'i yan lag gcig dang/ srid pa'i yan lag bzhi'i phyogs dang/ gnas dang gnas ma yin pa'i phyogs gcig dang/ dbang po gcig dang/ dbang po gsum gyi phyogs kyis bsdus te/ de ltar na bsdu ba drug po phung pos bsdus pa nas dbang pos bsdus pa'i tshul de nyid kyis gcig gis gcig bsdus par ji lta ba bzhin du rig par bya'o/ /gzhan yang bsdu ba bcu yod par blta bar bya'o/ /'di lta ste khams kyi bsdus pa ni phung po la sogs pa de dag nyid rang gi sa bon gyis bsdus pa gang yin pa'o/ /mtshan nyid kyis bsdus pa ni phung po la sogs pa de dang nyid rang dang spyi'i mtshan nyid kyis bsdus pa gang yin pa'o/ /rigs kyis bsdus pa ni phung po la sogs pa de dag nyid rang gi rigs zad par gyis bsdus pa gang yin pa'o/ /gnas skabs kyis bsdus pa ni phung po la sogs pa de dag nyid bde ba'i tshor ba dang mthun pa la sogs pa'i gnas skabs rnams kyis bsdus pa gang yin pa'o/ /tha mi dad pas bsdus pa ni phung po la sogs pa de dag nyid kyi chos re re la yang phung po la sogs pa 'khor dang bcas pa thams cad kyis bsdus pa gang yin pa'o/ /dus kyis bsdus pa ni 'das pa dang/ ma 'ongs pa dang/ da ltar byung ba'i phung po la sogs pa de dag nyid de dag nyid kyis bsdus pa gang yin pa'o/ /yul gyis bsdus pa ni phung po la sogs pa gang du 'jug pa dang/ gnas gang nas 'byung ba de dag nyid de dag nyid kyis bsdus pa gang yin pa'o/ /mdza' dag gis bsdus pa ni phung po la sogs pa de dag nyid lnga nyid la sogs pas bsdus pa gang yin pa'o/ /phyogs gcig gis bsdus pa ni phung po la sogs pa de dag nyid rnam par phye ste/ ma tshang bas bsdus pa gang yin pa'o/ /don dam pas bsdus pa ni phung po la sogs pa de dag nyid de bzhin nyid kyi mtshan nyid kyis bsdus pa gang yin pa ste/ de dag thams cad gcig tu bsdus na/ phung po rnams kyi bsdu ba rnam pa bcu drug yod de/ phung po rnams la ji lta ba bzhin du dbang po rnams kyi bar la yang de bzhin no/ /gzhan yang tshes gsum gyis chos thams cad bsdus pa yin te/ gzugs kyi phung po dang/ chos kyi khams dang/ yid kyi skye mched kyis so/ /de la gzugs kyi phung po ni gnas du dag la brten nas 'jug par 'gyur/ ming gis bsdus pa'i phung po bzhi po dag ni gnas du dag la brten nas 'jug par 'gyur zhe na/ gzugs kyi phung po ni gnas drug la brten nas 'jug par 'gyur te/ 'di lta ste/ rten gyi gnas dang/ gnas kyi gnas dang/ yo byad kyi gnas dang dbang po'i gnas dang/ dbang po'i rten gyi gnas dang/ mthu las byung ba'i ting nga 'dzin gyi spyod yul gyi gnas la'o/ /de la ming gis bsdus pa'i phung po bzhi ni gnas bdun la brten nas 'jug par 'gyur te/ 'di lta ste/ 'dod pa dang/ re ba dang/ yul dang/ rnam par rtog pa dang/ yang dag par shes pa dang/ yang dag pa'i sbyor ba dang/ dag pa la'o/ /de la 'dod pa la longs spyod pa rnams kyi gnas skabs ni bzhi'o/ /sdom pa la gnas pa'i sdom brtson pa rnams gyi ni gcig pa'o/ /nyer brdzogs thob pa mnyam par gzhag pa rnams kyi yang gcig go/ dngos gzhi la gnas pa rnams kyi yang gcig ste/ de ltar na gnas bdun po de dag ni gnas skabs bzhir 'gyur ro// // bam po drug pa/ /'di man chad ni gzugs kyi phung po'i rab tu dbye ba bshad par bya ste/ de'i 'og tu ni mig gi phung po'i rab tu dbye ba bshad par bya'o/ /de la gzugs kyi rab tu dbye ba las brtsams nas/ sdom ni/ rdzas dang/ rdul dang skye ba dang/ dbyibs rgyun las dang skad cig dang/ ma 'dres pa dang spyod yul dang/ de bzhin phan tshun 'dres pa yin/ de la gzugs kyi phung pos bsdus ba'i mig la rdzas su du yod ce na/ smras pa mtshan nyid kyis bsdus pa'i rdzas ni gcig te/ mig gi rnam par shes pa'i gnas kyi gzugs dang pa'o/ /tha mi dad pas bsdus pa'i rdzas ni bdun te/ mig de nyid dang/ lus dang/ sa dang gzugs dang/ dri dang/ ro dang/ reg bya rnams so/ /de gnyi ga'i khams kyis bsdus pa'i rdzas ni bcu ste/ khams las rdzas bdun po de dag nyid dang/ chu dang/ me dang/ rlung gi khams rnams dang ldan pa'o/ /mig ji lta ba bzhin du rna ba dang sna dang/ lce yang de bzhin du lta bar bya'o/ /de la bye brag ni 'di yod de/ rna ba ni rna ba'i rnam par shes pa'i gnas kyi gzugs dang ba'o/ /sna ni sna'i rnam par shes pa'i gnas kyi gzugs dang ba'o/ /lce ni lce'i rnam par shes pa'i gnas kyi gzugs dang ba ste/ lhag ma ni snga ma bzhin no/ /lus la ni mig la sogs pa bzhi po dag dbri bar bya'o/ /de ci'i phyir zhe na/ de dag med kyang de 'ba' zhig dmigs pa'i phyir te/ de'i mtshan nyid kyang lus kyi rnam par shes pa'i gnas kyi gzugs dang ldan pa yin no/ /de dag gi spyod yul gyi mtshan nyid phyi rol gyi gzugs dang/ dri dang/ ro dang/ reg bya rnams ni dbang po thams cad 'bri bar bya ste/ gzhan thams cad ni snga ma kho na bzhin du blta bar bya'o/ /sgra dang sgra'i khams ni mi rtag pa yin pa'i phyir logs shig kho nar ston par byed de/ de la thams cad la yang gang la sgra yod pa de la de yang lhag par shes par bya'o/ /sgra'i khams kyang thams cad la lhag par blta bar bya'o/ /de la gzugs la sogs pa yul rnams kyi rab tu dbye ba ni 'di lta ste/ sa'i dngos bzhir bstan pa bzhin no/ /'jam pa nyid la sogs pa mdangs bzang ba'i mthar thug pa reg bya'i skye mched du gang bstan pa ni rgyur byas pa'i gzugs yin pa'i phyir/ de ni 'byung ba chen po de dag nyid la rnam par bzhag cing de dag nyid la gdags par rig par bya'o/ /de la 'byung ba chen po dang po nyid la brten nas ni 'jam pa nyid gdags so/ /'dus mkhregs nyid la brten nas ni lci pa nyid do/ /dang ba ma yin pa dang 'dus mkhregs ma yin pa nyid la brten nas ni rtsub pa nyid dang yang ba nyid do/ /mnyen zhing snyi ba nyid la brten nas ni nem nem po nyid do/ /chu dang rlung 'dres pa las byung ba nyid la brten nas ni grang ba'o/ /nye bar ston pa ma tshang bas mi mnyam pa nyid la brten nas ni bkres pa dang skom pa'o/ /nyam chung ba yang de bzhin no/ /de tshangs pas mi nyams pa med pa la brten nas ni nyam stobs dang tshim pa'o/ /legs par ma zhu bas 'khrugs pa'i mi mnyam pa la brten nas ni nad do/ /na tshod gyur pa'i mi mnyam pa la brten nas ni rga ba'o/ /srog gi dbang por gyur pa'i mi mnyam pa la brten nas ni 'chi ba'o/ /khrag la kun tu gnod pa'i mi mnyam pa la brten nas ni g.ya' ba' o/ /nyes par bzod pa'i mi mnyam pa la brten nas ni brgyal ba'o/ /sa dang chu 'dres pa la brten nas ni 'gred pa'o/ /'od pa dang 'gro ba dang brtsal ba dang 'bad pa'i mi mnyam pa la ni brten nas ni ngal ba'o/ /de dang bral ba'i mnyam pa la brten nas ni ngas sos pa'o/ /dri ma la sogs pa bsal zhing yongs su zhum pa dang bral ba la brten nas ni mdangs bzang ba gdags te/ de dag thams cad bsdus na 'byung ba chen po rnams kyi gnas skabs drug kho nar 'gyur te/ 'di lta ste/ dad ba rnams dang dang ba ma yin pa nyid lhan cig pa dang/ 'dus mkhregs pa nyid dang 'dus mkhregs pa ma yin pa nyid lhan cig pa dang/ snyi ba nyid dang/ 'dres pa dang/ mi mnyam pa dang mnyam pa'o/ /de ltar gnas skabs drug po de dag yod na brgyad du 'gyur la/ brgyad yod na yang drug tu 'gyur ro/ /gzugs la sogs pa reg bya'i mthad thug pa de dag thams cad ni rnam par shes pa gnyis kyis rnam par shes par bya ba dag yin te/ rang rang gi rnam par shes pas rnam par shes par bya ba dang yid kyi rnam par shes pas cig car ram/ rims kyis rnam par shes par bya ba yin no/ /mig la sogs pa lnga ni yid kyi rnam par shes pa gcig pus shes par bya ba yin no/ /de la gzugs gyi khams na dri dang ro ni med la de dag gi khams ni yod do/ /de ci'i phyir zhe na/ de gnyis ni khams kyi zas kyis bsdus pa yin pa'i phyir ro/ /de dag med pas sna'i rnam par shes pa dang/ lce'i rnam par shes pa yang med de/ kun tu 'byung ba kho nar med kyi khams las ni ma yin no/ /de la gzugs kyi phung pos bsdus pa'i gzugs thams cad las rnam pa dgu ni rdzas su yod do/ /reg byas bsdus pa las 'byung ba chen po bzhi ni rdzas su yod pa yin no/ /de las gzhan pa rnams ni btags pa'i yod pa yin par rig par bya'o/ /chos kyi skye mched du gtogs pa'i gzugs ni rnam pa gnyis te/ rdzas su yod pa dang btags pa'i yod pa'o/ /mthu las byung ba ting nge 'dzin gyi spyod yul sprul pa lta bu de'i 'bras bu dang/ de'i yul dang/ de dang mtshungs par ldan pa'i rnam par shes pa'i yul gang yin pa de ni rdzas su yod pa yin no/ /sdom pa dang sdom pa ma yin par gtogs pa ni btags pa'i yod pa yin no/ /ting nge 'dzin gyi spyod yul gyi gzugs de yang ting nge 'dzin 'byung ba chen po dag rgyur byas pa'i gzugs gang dang mtshungs par ldan pa de dag nyid dang de yang/ mtshungs par ldan pa yin no/ /'jig rten pa'i ting nge 'dzin zag pa dang bcas pa zag pa med pa la brten nas skye ba yin gyi/ 'jig rten las 'das pa las ni ma yin te/ de ni spros pa'i rnam pa dang bcas pa'i ting nge 'dzin gyi rgyu las byung ba yin pa'i phyir ro/ /sems mnyam par gzhag pa thams cad la ni gang gzugs mngon par 'grub par byed pa'i nus pa de med kyi/ de dag las la la yod de/ sprul pa 'byung bar byed pa bzhin no/ /rnam par ma brtags par sngon gyi yid la byed pa'i shugs kyis mun pa dang bral ba shin tu rnam par dag pa mngon par brjod par snang bar gyur pa gang yin pa de ni skyes pa yin par blta bar bya'o/ /rnam par btags shing rnam par brtags shing mos pa'i dbang gis snang ba gang yin pa de ni ma skyes pa yin par blta bar bya'o/ /de ni 'jig rten las 'das pa'i ting nge 'dzin gyi spyod yul ma yin yang la la de'i dbang gis byung ba yin par blta bar bya ste de yang bsam gyis mi khyab pa yin no/ /de la 'dod pa na spyod pa dang gzugs na spyod pa'i gzugs rdzas su yod pa la bye brag ci yod ce na/ gzugs na spyod pa'i gzugs ni mchog tu 'ang nges par 'byin pa'i phyir gsal ba dang/ 'og ma'i dbang po'i spyod yul ma yin pa'i phyir cha phra ba dang/ de'i lus la sdug bsngal gyi tshor ba med pa'i phyir sdug bsngal ba dang mi ldan pa yin gyi/ 'dod pa na spyod pa ni de lta ma yin pas/ de ltar na de gnyis kyi bye brag ni de yin no/ /yang mdor bsdu na gzugs kyi phung po'i mtshan nyid ni rnam pa drug yod par rig par bya ste/ rang gi mtshan nyid dang/ spyi'i mtshan nyid dang/ gnas dang/ gnas par 'brel pa'i mtshan nyid dang/ nye bar spyod pa'i mtshan nyid dang/ las kyi mtshan nyid dang/ cha phra pa'i mtshan nyid do/ /de la rang gi mtshan nyid ni sa la sogs pa'i phra ba la sogs pa'i mtshan nyid gang yin pa dang/ mig la sogs pa'i so so'i dad pa'i mtshan nyid gang yin pa'o/ /de la spyi'i mtshan nyid ni gzugs thams cad ni gzugs su rung ba'i mtshan nyid yin pa'o/ /de la gnas dang gnas par 'brel pa'i mtshan nyid 'byung ba chen po rnams gnas yin la/ rgyu byas pa'i gzugs rnams ni gnas pa yin no/ /de la nye bar spyod pa'i mtshan nyid ni nang gi skye mched gzugs can rnams kyi nye bar spyod pa'i dbang gis phyi rol gyi gzugs can rnams so sor 'byung ba ste/ nang gi skye mched kyi nye bar spyod pa dang mthun pa nyid du gzugs 'dus pa la la ni sra ba kho nar 'byung la/ la la ni gsher ba kho nar la lar ni ya dro ba kho nar/ la lar ni g.yo ba kho nar/ la lar ni 'dres pa kho nar 'byung ba'o/ /de la las kyi mtshan nyid ni 'di lta ste/ sa la sogs pa 'byung ba chen po rnams kyi brten pa dang/ sdud pa dang/ smin par byed pa dang/ skyod pa'i mtshan nyid de/ de las gzhan yang 'og nas rgyas par bstan par bya'o/ /de la cha phra ba'i mtshan nyid ni rdul phra rab kyi mtshan nyid gang yin pa'o/ /yang cha phra ba nyid ni rnam pa gsum ste/ 'bri ba cha phra ba nyid dang/ rang bzhin cha phra ba nyid dang/ sems kyi dbang sgyur ba cha phra ba nyid do/ /de la 'bri ba cha phra ba nyid kyis ni rdul phra rab cha phra ba bstan to/ /de la rang bzhin cha phra ba nyid kyis ni rlung la sogs pa dang/ bar ma do'i srid pa'i gzugs cha phra ba bstan to/ /de la sems kyis dbang bsgyur ba cha phra ba nyid kyis ni gzugs na spyod pa'i gzugs cha phra ba bstan te/ ji skad du lha sems mnyam pa mir gyur pa de dag gis ji ltar de dag smyur bu'i rtse mos phug pa'i khyon tsam gyis phyogs gcig tu 'khod kyang gcig la gcig thogs pa yang med la/ gcig la gcig gnod pa med ba dang/ de lta de ltar sems de dag yongs su spyang bar byas shing yongs su byi dor byas so zhes gsungs pa lta bu ste/ de ltar de lta bu dang mthun ba dag ni gzugs kyi phung po'i rdzas bsags pa yin par blta bar bya'o/ /de la gzugs kyi rdul phra rab rnam pa dus rnam par gzhag par rig par bya zhe na/ smras pa/ rgya cher ni sa'i dngos gzhir rnam par gzhag par byas zin to/ /mdor bsdu na ni rnam pa lnga ste/ 'di lta ste/ yongs su spyod pa dang/ rnam par dbye ba dang/ ma 'dres pa dang/ lhan cig pa dang/ cha shas med pas so/ /de la yongs su spyod pa las rnam par gzhag pa ni gzugs dbri ba'i mdza' blos yongs su spyad pa las rdul phra rab rnam par gzhag par zad kyi/ lus gzugs las ni ma yin te/ de'i phyir rdul phra rab kyi skye bar yang mi 'gyur la/ rdul phra rab bsags pa gzugs 'dus pa yang ma yin no/ /de la rnam par dbye ba las rnam par gzhag pa ni mdor bsdu na rdul phra rab ni rnam pa bco lnga yod de mig la sogs pa dbang po'i rdul phra rab rnam pa lnga dang/ gzugs la sogs pa yul gyi rdul phra rab rnam pa lnga dang sa la sogs pa 'byung ba rnams kyi rdul phra rab rnam pa bzhi dang/ chos kyi skye mched du gtogs pa'i gzugs rdzas su yod pa'i rdul phra rab rnam pa gcig go /de la ma 'dres pa las rnam par gzhag pa ni rdzas kyi rdul phra rab kyi rang gi mtshan nyid rnam par gzhag pa las so/ /de la lhan cig pa las rnam par bzhag pa ni rdul phra rab 'dus pa ste/ 'di ltar sa la sogs pa'i rdul phra rab kyi phyogs gcig na/ de las gzhan de dag phyogs gcig dang/ tha mi dad pas rdul phra rab 'dus par rnam par bzhag pa'i phyir ro/ /de la ci'i phyir na thogs pa dang bcas pa'i chos rnams phyogs gcig na tha mi dad par gnas pa dang/ thogs pa med pa nyid du 'gyur zhe na/ de mngon par 'grub pa ni 'jug pa dang mthun pa'i phyir de dang mthun pa'i las kyi dbang las de ltar mngon par 'grub par 'gyur ro/ /de ci'i phyir zhe na gzugs 'dus pa thams cad ni dbang po thams cad kyi yongs su longs spyod pa thun mongs yin phyir ro/ /de lta ma yin du zin na gal te 'dus pa thams cad las la sogs pa thams cad tha mi dad ba ma yin par gyur na ni de lta na 'dus pa mdza' dag mig la sogs pa'i rnam par shes pa'i yul ma yin par 'gyur te/ de'i phyir de dag gis yongs su longs spyod par mi 'gyur bas/ de lta bas na tha mi dad pa yin par rig par bya'o/ / gzugs gang la lar thogs par 'gyur la/ la lar thogs par mi 'gyur ba yang yod de/ 'di lta ste dper na bar ma do'i sred pa'i gzugs la sogs pa de dag thogs pa med pa bzhin du 'di la yang tshul? de bzhin du blta bar bya'o/ /de la cha shas med pa las rdul phra rab rnam par bzhag pa lnga ni rdul phra rab 'dus pa yod na ni rdul phra rab rnams cha shas yin gyi/ rdul phra rab rnams ni 'dus pa yin pa'i phyir cha shas gzhan med de/ rdul phra rab kyi phyogs gang yin pa de ni de nyid kyi phyogs yin gyi cha shas kyis rab tu phye ba ni ma yin no/ /de la rdul phra rab ji skad bstan pa ni mig lnga'i phyir rnam pa lnga ste/ sha'i mig dang/ lha'i mig dang/ 'phags pa'i shes rab kyi mig dang/ chos kyi mig dang/ sangs rgyas kyi mig go / rdul phra rab du zhig mig du zhig gi spyod yul dang yul yin par brjed par bya zhe na/ rdul phra rab thams cad ni sha'i mig dang/ lha'i mig ma gtogs pa de las gzhan pa'i mig rnams kyi spyod yul dang yul yin par brjod par bya'o// de ci'i phyir zhe na/ 'di ltar lha'i mig ni gzugs 'dus pa nang dang phyi rol dang/ 'og dang/ steng dang/ mdun dang/ rgyab dang/ snang ba dang/ mun pa dang bcas pa kho na 'dzin par zad kyi rdul phra rab tu 'byed/ rdul phra rab kyi ngo bo nyid ni shes rab kyis yongs su gcad cing rnam par bzhag pa yin pa'i phyir ro/ /de la ci'i phyir na rdul phra rab ma skyed pa dang/ ma 'gags par brjod par bya zhe na/ smras pa/ dang por mdza' dag 'dus te byung ba'i phyir dang/ tha mar yang rdul phra rab kyi gnas skabs su ma gyur gyi bar du nye bar sbyor ba yod pa'i phyir te/ chu'i thigs pa bzhin no/ /de la rnam pa lngas rdul phra rab la sems pa'i tshul bzhin ma yin par rig par bya ste/ gzugs 'dus pa la rdul phra rab rang gi bdag nyid kyis gnas par 'dzin pa ni rdul phra rab la sems pa tshul bzhin ma yin par rig par bya'o/ /rdul phra rab skye ba dang 'gag par 'gyur bar 'dzin pa dang/ rdul phra rab dang rdul phra rab phrad pa dang/ 'bral bar 'dzin pa dang/ gzugs 'dus pa ni rdul phra rab tsam gyi gnas skabs yin par 'dzin pa dang/ rdul phra rab sna tshogs nas gzugs 'dus pa don gzhan du gyur pa bskyed par 'dzin pa yang rdul phra rab la sems pa tshul bzhin ma yin par rig par bya'o/ /de la tshul bzhin la rab tu brtson pas ni tshul bzhin ma yin pa rnam pa lnga po de dag spangs te rdul phra rab bsam par bya'o/ /de la rdul phra rab rnam par bzhag pa las phan yon rnam pa lnga yod de ril po rab tu dbye ba rnam par gzhag pas ni rnal 'byor pa rnams kyi dmigs pa la gsal ba'i rgyu byas par 'gyur te de ni phan yon dang po yin no/ /'jig tshogs la lta ba spong ba'i rgyu byas par 'gyur ba ni phan yon gnyis pa'o/ /'jig tshogs la lta ba spong ba ji lta ba bzhin du nga rgyal spang ba'i rgyu byas par 'gyur ba ni phan yon gsum pa'o/ /de bzhin du nyon mongs pa'i kun nas dkris pa rnam par gnon pa'i rgyu byas par 'gyur ba ni phan yon bzhi pa'o/ /myur du mtshan ma rnam par 'jig pa'i rgyu byas par 'gyur ba ni phan yon lnga ba ste/ de ltar de lta bu dang mthun pa de ni rdul phra rab bsam pa yin no/ /de la gzugs can gyi rdzas rnams kyi skye ba ni mdor bsdu na rnam pa lngar blta bar bya ste 'di lta ste/ gnas las skye ba dang/ sa bon las skye ba dang/ 'phen pa las skye ba dang/ phan 'dogs las skye ba dang/ gnod pa byed pa las skye ba'o/ /de la gnas las skye ba ni 'byung ba chen po la brten nas 'byung ba chen po'i phyogs su de las gzhan ba rgyur byas pa'i gzugs skye bar 'gyur ba ste/ de'i phyir 'byung ba chen po bzhi la brten nas rgyur byas pa'i gzugs zhes bya ste/ phyogs gcig las nye bar blangs shes bya ba'i don to/ /de la gzugs 'dus pa gang la 'byung ba dang/ rgyur byas pa'i gzugs rang gi mtshan nyid las dmigs pa gang yin pa de nyid ni de la yod par rig par bya'o/ /gang la gang mi dmigs pa de ni de la med par rig par bya ste/ de ltar de ni yod pa dang med pa'i mtshan nyid rnam par bzhag pa mdor bsdus pa yin no/ /gal te gang la gang mi dmigs pa de yang/ de la ji ltar dmigs pa de bzhin du yod par gyur na/ de de dang rdzas mtshungs pa zhig gam rdzas mi mtshungs pa zhig tu 'gyur grang na/ gal te rdzas mtshungs zhes byar ni mi dmigs pas mi rung ngo/ /gal te rdzas mi mtshungs pa zhig yin na yang rdzas mi mtshungs pa de de tsam zhig gam/ mthu las yin grang na/ gal te de tsam zhig las zhes byar ni/ des na cung zad kyang dmigs su med pas mi rung ngo/ /gal te mthu las zhes byar ni/ des na mtshan nyid las tha dad ba'i mthu /gzhan mi dmigs pas mi rung ste/ de ltar de lta bu dang mthun pa de ni gnas las skyes pa yin par rig par bya'o/ /de la sa bon las skye ba ni rang gi sa bon las 'byung ba gang yin pa ste/ 'di lta ste dper na 'dus pa sra ba ni lan 'ga' ni rkyen nye bar gyur ba na sla bar gyur la sla ba yang lan 'ga' ni sra bar 'gyur ba dang/ grang ba yang dro bar 'gyur la/ dro ba yang grang bar 'gyur ba dang/ mi g.yo ba yang g.yo bar 'gyur la/ g.yo ba yang mi g.yo bar 'gyur ba dang/ de bzhin du kha dog bzang po dang/ kha dog ngan pa la sogs pa'i dbye ba yang rig par bya ste/ de ltar na rang gi mtshan nyid med kyang khams yod na 'dus ba de dang de las chos gzugs can bye brag can de dang de dag 'byung bar 'gyur te/ de ltar de lta bu dang mthun ba de ni sa bon las skye ba yin par rig par bya'o/ /de la 'phen pa las skye ba ni 'di lta ste/ nang gi dbang po gzugs can rnams kyi dbang gis phyi rol gyi dngos po bstan pa rnams 'byung ba ste/ 'di lta ste snod kyi 'jig rten rnams so/ /nang gi skye mched rnams kyang sngon gyi las kyi 'phen pa las 'byung ngo/ /de la 'dod pa nye bar gnas pa'i lha rnams dang/ 'dod pa nye bar gnas pa byang gi sgra mi snyan pa rnams kyi yo byad rnams ni yang dang yang 'phen pa'i skye ba las 'byung bar rig par bya'o/ /mi rnams kyi ni snod brtan pa dag las te/ de ltar de lta bu dang mthun pa de ni 'phen pa las skye ba yin par rig par bya'o/ /de la phan 'dogs pa las skye ba ni 'di lta ste/ chos gzugs can de dang de dag phan 'dogs pa'i rkyen de dang de dag las brten nas ches rtas pa dang/ shin tu rtas pa dang/ shin tu mchog dang/ shin tu khyad par du 'phags par skye bar 'gyur ba ste/ 'di lta ste dper na chu la sogs pas rlan pa rnams kyi myu gu la sogs pa lta bu ste/ de ltar de lta bu dang mthun pa de ni phan 'dogs ba las skye ba yin no/ /de las bzlog pa ni gnod pa byed pa las skye ba yin par rig par bya'o/ /de la 'dus pa skye ba na rdzas sna tshogs ma tshig la btags te chu dang sbyar ba rnam par gzhag pa bzhin du skye ba la bya'i til dang sran chung dang/ mon sren gre'u la sogs pa'i phung po rnam par gzhag pa lta bu la ni mi bya'o/ /de ci'i phyir zhe na/ bya ba byed pa'i phyir de ltar skye ba'i phyir te/ de ltar de'i skye ba'i rgyu ni dpang yin par rig par bya'o/ /gang gi tshe 'du byed thams cad rang gi sa bon las skye ba'i tshe ci'i phyir rgyur byas pa'i gzugs la 'byung ba chen po rnams rgyur byas pa zhes bya zhe na/ smras pa/ de dag 'gyur bas 'gyur ba dang/ gnas pa dang/ 'dzin pa'i phyir ro/ /de la rgyu gsum gyis na 'byung ba chen po gyur pas rgyur byas pa'i gzugs 'gyur ba 'byung ste/ skyes bu'i byed pa dang/ las dang snyoms par 'jug pas so/ /de la skyes bu'i byed pa ni sa'i mngon par gnod pa'i bye brag dang/ snod kyi bye brag dang/ zhing gi bye brag las rgyur byas pa'i gzugs de 'gyur bar snang ba dang/ chu ni mngon par brlan pa la sogs pa dang/ me ni yongs su smin pa la sogs pa dang/ rlung gis yongs su skam pa la sogs pas rgyur byas pa'i gzugs 'gyur bar snang ba ste/ de ltar na de ni 'byung ba chen po rnams las brten te rgyur byas pa'i gzugs 'gyur ba 'byung ba skyes bu'i byed pas byas pa yin par blta bar bya'o/ /de la las ni las dang mthun par dang por 'byung ba chen po 'byung la/ de'i 'og tu de dang mthun pa de las byung ba'i gzugs 'gyur ba 'byung ste/ de ltar na de ni 'byung ba chen po rnams las brten te rgyur byas pa'i gzugs 'gyur ba 'byung ba las kyis byas pa yin par blta bar bya'o/ /de la snyoms par 'jug pa ni snyoms par 'jug pa yang 'byung ba chen po sngon du 'gro ba nyid kyis rgyur byas pa'i gzugs 'gyur ba 'byung ba ste/ de ltar na de ni 'byung ba chen po rnams las brten te rgyur byas pa'i gzugs 'gyur ba 'byung ba snyoms par 'jug pas byas pa yin par blta bar bya'o/ /de la mdor bsdu na rgyu lngas ni 'byung ba chen po 'bras bu gzhan du gyur ba las 'bras bu gzhan 'grub par 'gyur te/ 'di lta ste 'byung ba chen po'i stobs dang/ skyes bu'i byed pa'i stobs dang/ rig sngags kyi stobs dang/ rdzu 'phrul gyi stobs dang/ las kyi stobs kyis so/ /'di nas shi 'phos shing shi ba'i dus byas pa'i bar ma do'i srid pa'i gzugs 'dus pa gang yin pa de rgyu gang dang rkyen gang gis 'byung zhe na/ smras pa/ rang gi sa bon ni rgyu yin la de skye bar 'gyur ba'i las ni rkyen yin par blta bar bya'o/ /bar ma do'i srid pa yod par rgyu gang gis khong du chud par bya zhe na/ smras pa/ shi 'phos nas sems dang sems las byung ba gnas med pa rnams yul gzhan du phyin mi srid pa'i phyir dang/ rnam par 'khrul pa tsam yin pas brag? tshe lta bur yang mi rung ba dang/ ma 'gags pa'i phyir gzugs brnyan lta bur yang mi rung ba dang/ 'gro ba med pa'i phyir dmigs pa 'dzin pa lta bur yang mi rung ste/ gang gi phyir dpe de dag mi rung ba de'i phyir bar ma do'i srid pa yod par rig par bya ste/ de ltar de lta bu dang mthun pa de ni gzugs kyi phung po'i skye ba bsam pa yin par rig par bya'o/ /de la yul gnon cing yul gang du de las gzhan pa dag kyang gnas par 'gyur bar gzugs kyi phung po skyes pa'i sngon du 'gro ba gang yin zhe na/ smras pa/ 'byung ba chen po dag sngon du 'gro zhing de dag nyid yul gnon pa yin par blta bar bya ste/ de las gzhan pa rgyur byas pa'i gzugs de ni de la brten nas/ yul der gnas par 'gyur ro/ /de la 'byung ba rnams kho na yul de la sgrib pa'i don gyis nye bar gnas pa yin gyi/ de las gzhan pa rgyur byas pa'i gzugs ni rang gi mtshan nyid kyis khyab pa'i don dang/ de'i dbang gis na de yang yul gnon par rig par bya'o/ /sa la sogs pa 'byung ba chen po bzhi po de dag ni rims bzhin du rags pa nyid yin par rig par bya ste/ de la sa'i khams 'bras bu dang bcas pa ni rten gyi don gyis gtso bo yin na/ /chu dang/ me dang/ rlung rnams kyi las ni rlan pa dang/ 'bar ba dang/ g.yo bar byed pa yin te/ de dag ni de las brten nas 'jug par 'gyur ro/ /de la sgra ni brjod ma thag tu 'jig pa'i phyir gzugs 'dus pa la rgyun brtan pa ma yin te/ yul de dang phyi rol la dmigs pa yin no/ /de ni de las brten te lan cig byung ba na yul gang grag pa'i yul de thams cad du cig char kho nar khyab par 'byung ste/ me'i 'od dang 'dra ba yin gyi ches che ba dang che bar 'byung zhing 'gro ba ni ma yin no/ /de la rlung ni rnam pa gnyis te/ brtan pa dang brtan pa ma yin pa'o/ /de la dkyil 'khor na rgyu ba ni brtan pa'o// nam mkha' la rgyu ba ni brtan pa ma yin pa kho na'o/ /rdzas kyi nang na rgyu ba ni rtag tu phan 'dogs pa yin no/ /'khrul 'khor des pa ni brtan pa yin no/ /de las gzhan pa rnams ni brtan pa ma yin par blta bar bya'o/ /de la nam mkha' i khams ni snang ba dang/ mun pas bsdus pa rgyur byas pa'i gzugs la nam mkha' i khams zhes bya'o/ /de yang brten pa dang brtan pa ma yin te/ sems can gang dag la rtag tu mun pa dang/ rtag tu snang ba yod pa de dag na ni brtan pa yin no/ /gang dag la de lta ma yin pa de dag na ni brtan pa ma yin pa ste/ de yang gzugs 'dus pa las brten pa yin par rig par bya'o/ /de yang gsal ba ni 'od kyis bsdus pa yin no/ /mi gsal ba ni bu? gas bsdus pa yin no/ /ring po dang thung ngu nyid la sogs pa gang dag dbyibs zhes bya ba de dag kyang ci rdzas su yod pa 'am/ btags pa'i yod pa yin par brjod par bya zhe na/ smras pa/ btags pa'i yod pa yin par brjod par bya'o/ /de ci'i phyir zhe na/ bsags pa las gnas pa ni dbyibs shes bya ba'i nges pa'i tshig yin pa dang bsags pa tsam dmigs pa dang/ mtshan nyid las gzhan pa'i don mi dmigs pa dang/ bltos shing bltos na ngo bo nyid 'dres par 'gyur ba dang/ de blos phye bas shing rta la sogs pa dang 'dra ba'i phyir ro/ /de la skye mched du gtogs pa'i gzugs snyoms par 'jug pa'i 'bras bu la ni kha dog tsam kho na yod par rig par bya'o/ /de ci'i phyir zhe na/ de las gzhan pa dri la sogs pa'i skye ba'i rgyu med pa'i phyir dang dgos pa med pa'i phyir ro/ /de bzhin du nam mkha' la rgyu ba'i rlung la yang dri la sogs pa lhan cig skyes pa ni med la/ 'dres pa las ni 'byung bar 'gyur ro/ /dkyil 'khor las phyi rol tu byung ba'i snang ba la yang de las gzhan pa'i 'byung ba rnams dang dri la sogs pa ni mi dmigs so/ /chos kyi skye mched du gtogs pa'i gzugs snyoms par 'jug pa'i 'bras bu gang yin pa de yang snyoms par 'jug pa la brten pa kho na yin par rig par bya'o/ /'byung ba chen po la brten pa ni ma yin te/ de dang rigs mthun pa'i gzugs brnyan la dmigs pa'i ting nge 'dzin las grub pa'i phyir 'byung ba chen po rnams rgyud byas pa zhes bya'i de la brten te skyes pa ni ma yin no/ /gzugs kyi phung po las chos du zhig ni bstan du yod la thogs pa dang bcas par gnas la/ du zhig ni bstan du med la thogs pa dang bcas par gnas du zhig ni bstan du yang med la thogs pa yang med par gnas she na/ smras pa/ mi'i spyod yul gang yin pa gcig ni rnam pa gnyi ga yin no/ /lhag ma rnams ni bstan du med la thogs pa dang bcas pa yin no/ /chos kyi skye mched du gtogs pa'i gzugs ni ma gtogs te de ni bstan du yang med la thogs pa yang med pa yin par blta bar bya ste/ de ltar de lta bu dang mthun pa de ni gzugs kyi phung ba'i dbyibs bsam pa yin no/ /de la gang dag gis gzugs kyi phung po 'jug par 'gyur ba'i gzugs kyi phung po'i rgyun du yod ce na/ smras pa gsum ste rgyu mthun pa las byung ba dang/ rnam par smin pa las skyes pa dang/ rgyas pa las byung ba'o/ /de la rgyu mthun pa las byung ba ni mthun pa ni mthun pa las byung ba rnam pa bzhi ste/ rnam par smin pa'i rgyu mthun pa las byung ba dang/ rgyas pa'i rgyu mthun pa las byung ba dang/ 'gyur ba'i rgyu mthun pa las byung ba dang/ rang bzhin gyi rgyu mthun pa las byung ba'o/ /de la rnam par smin pa'i rgyun ni dang po dang rgyun las byung ba ste/ 'di lta ste las las skyes pa'i rnam par smin pa dang/ rnam par smin pa las skyes pa'i rnam par smin pa ste/ las kyi 'phen pa kho nas de'i rnam par smin pa las dus gzhan na 'byung bar 'gyur ba gang yin pa'o/ /de la rgyas pa las byung ba ni rnam pa gnyis te yul la khyab pa'i rgyas pa las byung ba dang/ mtshan nyid rtas par byed pa'i rgyas pa las byung ba'o/ /de la rgyas pa las byung ba dang po ni gzugs can zas dang gnyis dang tshangs par spyod pa dang/ snyoms par 'jug pa dag gis rgyas pa yin par blta bar bya'o/ /de las gzhan pa'i zas dang/ de'i gnas dang/ yid la byed pa'i khyad par bsgom pa dang dus kyis yongs su smin pa las rig par bya'o/ /de la chos gzugs can rnams ni rgyas pa gnyis kyis rgyas par byed do/ / gzugs can ma yin pa rnams ni mtshan nyid rtas par byed pa'i rgyas pa 'ba' zhig gis rgyas par byed do/ /'dod pa na spyod pa'i gzugs ni zas rnam pa bzhi dang/ de las gzhan pa rgyas pa'i rgyu thams cad kyis rgyas par byed do/ /gzugs na spyod pa'i gzugs ni khams kyi zas kyis kyang ma yin la/ gnyid kyis kyang ma yin/ tshangs par spyod pas kyang ma yin no/ /dbang po gzugs can rnams kyi rgyun ni gnyis kyis 'jug par rig par bya ste/ de dag la rnam par smin pa las skyes pa dang/ rgyas pa las byung ba'i rgyun las rgyu mthun pa'i rgyun med pa'i phyir ro/ /gang gi tshe rnam par smin pa'i rgyun la yang 'phel zhing yangs la rgyas shing rgya che ba dmigs pa'i tshe/ rnam par smin pas bsdus pa yang ci'i phyir rgyas pa las byung bar mi 'gyur zhe na/ smras pa/ rgyas pa tha dad pa'i rgyun de la phan 'dogs pas nye bar bstan pa ni rnam par smin pa'i rgyu mthun pa las byung ba'i rgyun gyis 'phel ba nyid yin pa'i phyir ro/ /dbang pos ma bsdus pa'i gzugs la ni rnam pa gsum char med par rig par bya'o/ /sems dang sems las byung ba rnams ni rgyu mthun pa las 'byung ba dang/ rnam par smin pa las skyes pa dang/ rgyas pa gnyis las rgyas pa las byung ba yin no/ /chos kyi skye mched du gtags pa'i gzugs la ni rnam par smin pa las skyes pa med de lhag ma ni sems dang sems las byung ba bzhin du rig par bya'o/ /'dod pa'i khams na ni nang phyi rol gyi gzugs thams cad rnam par smin par 'gyur ro/ /gzugs kyi khams na ni dri dang ro med do/ /'dod pa'i khams na ni dbang po gzugs can rnams ma tshang bar yang rnam par smin par 'gyur ro/ /gzugs kyi khams na ni tshang ba rnams so/ /sgra'i khams na rnam par smin pa yin la sgra ni ma yin no/ /de ltar de lta bu dang mthun pa de ni gzugs kyi phung po'i rgyun bsam pa yin par rig par bya'o/ /gzugs kyi phung pos bsdus pa'i sa'i khams ni las du dang ldan pa yin/ rlung gi khams kyi bar du yang las du dang ldan pa yin zhe na/ smras pa/ thams cad kyang las lnga dang ldan pa yin par blta bar bya'o/ /de la sa'i khams ni mngon par gnod pas de yongs su 'gyur bar byed pa'i las can dang rten gyi las can dang/ gnas byed pa'i las can dang/ 'khrug pa'i las can dang/ phan 'dogs pa'i las can yin no/ /chu'i khams ni 'bab pa dang/ sdud pa dang/ /rlan pa dang/ 'khrug pa dang/ phan 'dogs pa'i las can no/ /me'i khams ni gsal ba dang/ smin pa dang/ sreg pa dang/ 'khrug pa dang/ phan 'dogs pa'i las can yin no/ /rlung gi khams ni g.yo ba dang/ bya ba'i rjes su 'jug pa dang/ ska ba dang/ 'khrug pa dang/ phan 'dogs pa'i las can no/ /yang 'byung ba chen po rnams ni rgyur byas pa'i gzugs 'jug la las lnga dang ldan par blta bar bya ste/ 'di lta ste/ skyes pa dang/ brten pa dang/ gnas pa dang/ rton pa dang/ 'phel bar byed pa'i las can yin no/ /de la bskyed pa ni 'gyur ba skye ba'i sngon du 'gro ba dag yin no/ /brten pa ni 'gyur ba 'byung ba'i yul tha mi dad pas rten du gyur pa dag yin no/ /gnas pa ni phan 'dogs pa dang/ gnod pa byed pa dag gis grub pa dang/ bde ba gcig pa'i don gyis gnas gyur pa dag yin no/ /rton pa ni de tsam las ma nyams shing kun tu 'dzin bas rton par gyur pa dag yin no/ /'phel bar byed pa ni 'phel zhing rgyas par 'gyur bas 'phel bar byed pa dag yin no/ /mig dang rna ba'i spyod yul gyi gzugs dge ba dang mi dge ba gang yin pa de ci'i phyir na dge ba dang mi dge ba nyid yin pa de las gzhan pa dag ma yin zhe na/ smras pa/ mdor bsdu na sems dpa' ni chung ngu dang 'bring dang/ chen po'i bye brag gis rnam pa gsum ste/ 'di lta ste/ lus dang ngag gi rnam par rig byed dge ba dang mi dge bar gdags pa 'jug pa la mngon par 'du byed pa'i sems pa dang/ nges pa'i sems pa dang/ kun nas slong ba'i sems pa'o/ /de mi sems pa chen po rten du gyur ba dang ldan pa'i phyir dge ba dang mi dge bar blta bar bya'o/ /gzugs 'dus pa las g.yo ba tha dad pa 'am/ tha mi dad par brjod par bya zhe na/ smras pa/ tha mi dad par brjod par bya'o/ /de ci'i phyir zhe na/ yul der skyes nas sam/ ma skyes par ram/ zhigs nas sam/ ma zhigs par g.yo ba la nyes pa med pa'i phyir ro/ /de la nyes pa ni 'di dag yin te/ gal te skyes nas g.yo na ni des na mtshan nyid spangs par 'gyur ro/ /gal te ma skyes par g.yo na ni des na g.yo ba dang mi ldan par 'gyur ro/ /gal te zhigs nas g.yon ni des na gong ma dang 'dra ba nyid du 'gyur ro/ / gal te ma zhigs par g.yon ni des na 'du byed kyi mtshan nyid gsal bar spangs par 'gyur ro/ /de las gzhan pa yul gzhan du skye ba'i rgyu dmigs pas na/ g.yo ba zhes bya ba don gzhan du gyur pa rdzas su yod pa ma yin par rig par bya ste/ de ltar de lta bu dang mthun pa de ni gzugs kyi phung po'i las bsam pa yin par rig par bya'o/ /de la gzugs kyi phung po thams cad ni skad cig pa yin par brjod par bya'o/ /de ci'i phyir zhe na/ skyes na 'jig pa dmigs pa'i phyir ro/ /skye ba'i rgyu ni 'jig pa'i rgyu yin par mi rung ste/ mtshan nyid mi 'dra ba'i phyir ro/ /skyes pa gnas pa'i rgyu de las gzhan pa yang mi dmigs pas de'i phyir 'du byed thams cad ni rang gi ngang gis 'jig pa yin pa rig par bya ste/ de'i phyir skad cig pa nyid rab tu grub bo/ /me la sogs pas 'jig pa'i rgyu nyid du rtog pa yang mi rung ngo/ /de ci'i phyir zhe na/ me la sogs pa de dag ni 'du byed de de dang lhan cig tu skye ba dang/ 'jig par dmigs pa'i phyir te/ de dag ni mi 'dra ba skye ba'i rkyen byed pa tsam yod par zad do// 'jig pa yang 'jig pa'i rgyur mi rung ngo/ /de ci'i phyir zhe na/ de dang lhan cig yod par mi rung ba'i phyir ro/ /skyes nas de 'jig par byed ces byar yang de'i rgyun chad par thal bar 'gyur ba'i phyir ro/ /'jig pa de 'jig pa tsam gyi ngo bo yin na ni 'jig pa'i rgyu yin par mi rung ngo/ /'on te 'jig pa de ngo bo nyid gzhan pa kho na zhig yin na ni/ des na 'jig pa'i mtshan nyid don gzhan du gyur pa de mi dmigs pas mi rung ngo/ /gal te me la sogs pa dang 'jig par byed do zhes rtog na ni/ des mar me la sogs pa dang sems sems byung nas byung ba rnams rang gi ngang gis 'jig go zhes bya ba mi 'thad par mi rung ngo/ /gal te de skye ba la nus pa gzhan dang gzhan yod par rtog na ni des na bye brag mi dmigs pas mi rung ngo/ /gal te gnyi gas phyogs gcig 'jig par nus so zhes rton na ni/ des na gnyi gas cha gnyi ga 'jig par nus pa'am/ cha gnyi ga 'jig par mi nus par thal bar 'gyur bas mi rung ste/ de ltar de lta bu dang mthun pa de ni gzugs kyi phung po'i skad cig pa nyid bsam pa yin par rig par bya ste/ 'di lta ste rang gi ngang gis 'jig pa'i rgyu dang/ me la sogs pa 'jig pa'i rgyu ma yin par bkag pa dang/ 'jig pa 'jig pa'i rgyu ma yin par bkag pa dang/ de gnyi ga 'jig pa'i rgyu ma yin par bkag pa las blta bar bya'o/ /yang 'du byed thams cad ni sems kyi 'bras bu yin pa'i phyir sems bzhin du skad cig pa nyid yin par rig par bya'o/ /ci 'byung ba chen po rnams las rgyur byas pa'i gzugs rnams mtshan nyid tha dad pa'am/ tha dad pa ma yin par brjod par bya zhe na/ smras ba/ tha dad par brjod par bya'o/ /de ci'i phyir zhe na/ mtshan nyid mi 'dra ba dmigs pa'i phyir ro/ /de la mtshan nyid mi 'dra ba ni 'di yin te/ 'di lta ste dbang po gzhan gyis rtogs pa ste/ 'di ltar 'byung ba chen po rnams ni dbang po gzhan gyis 'dzin par byed la/ rgyur byas pa'i gzugs rnams kyang dbang po gzhan gyis 'dzin par byed pa dang/ de bzhin du 'pho ba dang mi 'pho ba yang dmigs pa'i phyir te/ 'di lta ste/ til mar dag gis me tog dag gis dri 'pho ba ni dmigs la/ sra ba la sogs pa mi 'pho ba dang/ de bzhin du 'gyur ba dang mi 'gyur ba yang dmigs pa'i phyir te / 'di lta ste/ mar bzhu ba la sogs pa la kha dog dang ro la sogs pa 'gyur ba'i bye brag ni dmigs la/ sra ba la sogs pa ni mi dmigs te/ de lta bas na 'byung ba chen po dag rgyur byas pa'i gzugs dag ni mtshan nyid mi 'dra bar rig par bya'o/ /mtshan nyid mi 'dra ba dag la yang gcig pa nyid du mngon par zhen par byed na ni/ 'byung ba chen po rnams la yang thal bar 'gyur te/ 'di lta ste 'byung ba chen po rnams ni phan tshun mtshan nyid mi 'dra ba dag yin pas/ de lta na 'byung ba chen po yang gcig pa nyid du 'gyur ba'i phyir ro/ /de ltar na rgyur byas pa'i gzugs rnams ni 'byung ba chen po dag las mtshan nyid tha dad pa yin par rig par bya ste/ de ltar de lta bu dang mthun pa de ni 'byung ba chen po rnams kyi ma 'dres pa dang 'dres pa bsam pa yin par rig par bya'o/ /gzugs kyis bsgrub pa'i chos rnams las du zhig ni dbang por gyur pa dag yin/ du zhig ni spyod yul du gyur pa dag yin zhe na/ smras pa/ lnga ni dbang por gyur pa dag yin la/ drug ni spyod yul du gyur pa dag yin par rig par bya'o/ de la dbang por gyur pa rnams kyi spyod yul du gyur pa dag ji ltar na spyod yul yin zhe na/ de ni 'di lta ste/ sa'i dngos gzhir de la mig kyang yongs su ma nyams la zhes bya ba la sogs pa rgya cher bstan pa yin no/ /de la rgyu dus na dbang po yongs su nyams pa dang/ yongs su ma nyams par brjod par bya zhe na/ smras pa/ rgyu gnyis kyis te/ dman par gyur pa dang/ thams cad kyi thams cad du nyams pas so/ /de las bzlog pas ni yongs su ma nyams par brjod par bya'o/ /gzhan yang mdor bsdu na rgyu bzhis dbang po rnams 'gyur bar blta bar bya ste/ phyi rol gyi rkyen las skye ba ni 'di lta ste/ phan 'dogs pa dang/ gnod pa byed pa'i yul la yongs su longs spyod pa dag dang/ yul dang phan 'dogs pa pha rol gyi gnod pa dag gis 'gyur bar byed pa'o/ /nang gi rkyen las skye ba ni 'di lta ste/ so so'i nang gi tshul bzhin ma yin pa yid la byed pa las skyes pa'i 'dod chags kyis kun nas dkris pa la sogs pa kun nas nyon mongs pa rnams dang/ tshul bzhin yid la byed pa las skyes ba'i snyoms par 'jug pa sogs pas 'gyur bar byed pa'o/ /las kyi rkyen las skye ba ni 'di lta ste/ sngon gyi las kyi dbang gis gzugs sdug pa dang mi sdug pa la sogs pas 'gyur bar byed pa'i/ /ngo bo nyid las 'gyur ba skye ba ni 'di lta ste/ dbang po de dag nyid kyi mtshan nyid tha dad pas 'gyur bar byed pa'o/ /yid kyi dbang po'i yongs su nyams pa rnam pa dur blta bar bya zhe na/ smras pa/ rnam pa bzhi ste/ sgrib pas byas pa ni 'di lta ste/ sgrib pa lnga po dang las gang yang rung bas sems sgrib pa las so/ /g.yeng bas byas ba ni 'di lta ste/ gdon gyis brlams pa la sogs pas sems g.yeng bar byas pa las so/ /ma thob pas byas pa ni 'di lta ste/ bsam gtan dang gzugs med pa'i yon tan khyad par can ma thob pa'i sems de la sogs par byad pa las so/ /ma byed bas byas pa ni 'di lta ste/ thob pa dang bzo la sogs pa las yongs su byang bar ma byas pa'i sems las so/ /gzugs la sogs pa yul rnams dbang po rnams la ji ltar snang bar 'gyur zhe na/ smras pa/ gzugs ni mig dang ma phrad par snang bar 'gyur ro/ /ha chang cha phra ba ma yin pa snang bar 'gyur ro/ /bstan du yod pa snang bar 'gyur ro/ /ma bsgribs pa snang bar 'gyur ro/ / snang ba dang bcas pa snang bar 'gyur ro/ /ha chang bskal ba ma yin pa snang bar 'gyur ro/ /spyod yul na gnas pa snang bar 'gyur ro/ /gzhan yang la la'i mig la ni mun khrod na yang gzugs snang bar 'gyur ro/ /sgra ni rna ba dang ma phrad pa dang/ bsgribs ba dang/ ma bsgribs pa dang/ snang ba dang/ mun khrod dang/ ha cang cha phra ba ma yin pa dang/ ha cang bskal pa ma yin pa dang/ spyod yul na gnas pa grag par 'gyur ro/ /dri dang ro dang reg bya rnams ni rang rang gi dbang po rnams phrad pa dang/ spyod yul na gnas pa dag spyod yul du 'gyur ro/ /lha'i mig gzugs bstan du yod pa dang/ bsgribs pa dang/ mun khrod na 'dug pa dang/ bskal pa dang/ spyod yul na gnas pa yang snang bar 'gyur ro/ /'phags pa'i shes rab kyi mig la ni gzugs rnam pa thams cad spyod yul du 'gyur ro/ /sa'i dngos gzhir spyod yul rnam pa drug ces gang smras pa de'i rab tu dbye ba gang zhe na/ 'di lta ste/ gnas dang mtshan nyid dang/ phyogs dang dus dang/ gsal ba dang/ mi gsal ba dang/ phyogs gcig dang/ dngos po thams cad 'dzin pa ste/ de la dang po ni sems can gyi 'jig rten du gtogs pa dang/ snod kyi 'jig rten du gtogs pa'i gzugs so/ gnyis pa ni ngo bo nyid rnam pa gsum gyis ngo bo nyid kyi bye brag las te/ mtshan nyid kyi bye brag dang/ bya ba'i bye brag dang/ gnas skabs kyi bye brag gis so/ /de la gzugs kyi mtshan nyid kyi bye brag ni 'di yin te/ sngon po dang/ ser po dang/ dmar po dang/ dkar po zhes bya ba rgya cher bstan pa'o/ /de la bya ba'i bye brag ni 'di lta ste/ rnam par rig/ byed dang/ rnam par rig byed ma yin pa sdom pa dang/ sdom pa ma yin pa dang/ sdom pa yang ma yin sdom pa ma yin pa yang ma yin par bsdus pa dag yin par blta bar bya'o/ /de la gnas skabs kyi bye brag ni 'di lta ste/ yid du 'ong ba dang/ yid du mi 'ong ba dang/ btang snyoms kyi gnas lta bu dag yin par blta bar bya'o/ /de la sgra rnams ni mtshan nyid kyi bye brag ni zin pa'i 'byung ba chen po'i rgyu las byung ba rnams dang/ ma zin pa'i 'byung ba chen po'i rgyu las byung ba rnams dang/ zin pa dang/ ma zin pa'i 'byung ba chen po'i rgyu las byung ba rnams so/ /bya ba'i bye brag ni dag gi rnam par rig byed do/ /gnas skabs kyi bye brag ni snga ma bzhin du blta bar bya'o/ /de la dri rnams kyi mtshan nyid kyi bye brag ni rtsa ba dang sdong bu dang/ shun pa dang/ snying po dang/ lo ma dang/ me tog dang/ 'bras bu'i dri dag go /dri dang ro dang reg bya rnams la bya ba'i bye brag ni med do/ /de dag gi gnas skabs kyi bye brag ni snga ma bzhin du blta bar bya'o/ /de la ro'i mtshan nyid kyi bye brag ni kha ba la sogs pa ste snga ma bzhin du blta bar bya'o/ /reg bya'i mtshan nyid kyi bye brag kyang rnam pa du ma ste snga ma bzhin du blta bar bya'o/ /de la spyod yul gsum pa ni shar dang lho dang nub dang byang la sogs pa'i phyogs rnams yin par rig par bya'o/ /de la bzhi pa ni 'das pa dang/ ma 'ongs pa dang/ da ltar byung ba'i bye brag las blta bar bya'o/ /de la lnga pa ni yang dag pa dang yang dag pa ma yin par bzung ba'i bye brag las blta bar bya'o/ /de la drug pa ni phyogs gcig dang/ dngos po mdza' dag 'dzin pa'i bye brag las blta bar bya ste/ de ltar de lta bu dang mthun pa de ni gzugs can rnams kyi yul rnam pa snang bar 'gyur ba'i bye brag yin par rig par bya'o/ /de dang 'byung ba yid la byed pa gang yin zhe na/ gnas yongs su ma nyams pa de dang yul snang ba dang phrad pa de dang/ des sems can gyi 'jug pa mngon par grub pa gang yin pa ste/ de ltar de lta bu dang mthun pa de ni gzugs can rnams kyi phung po'i spyod yul bsam pa yin par blta bar bya'o/ /de la 'dod pa na spyod pa'i lus la gnas pa'i lus la gzugs na spyod pa'i 'byung ba chen po gang dag mngon par grub par 'gyur ba de dag 'og ma'i gzugs dang lhan cig pa yul gcig gam yul tha dad dam ji ltar gnas par brjod par bya zhe na/ smras pa bye ma dang chu bzhin du yul tha dad pa ma yin par gnas par brjod par bya ste/ de ltar de lta bu dang mthun pa de ni gzugs kyi phung po'i phan tshun 'dres pa bsam pa yin par blta bar bya'o/ /gzugs kyi phung po'i bsam pa rdzogs so// // bam po bdun pa/ /'di man chad ni ming gis bsdus pa'i phung po gzugs can ma yin pa bzhi po dag gi rnam par gzhag pa ci rigs par bshad par bya ste/ sa'i dngos gzhir sems gcig rnam par bzhag pa bshad pa gang yin pa de las brtsams nas de la dpe ni 'di yin te/ bcom ldan 'das kyis bde bar gshegs pa ni ston pa'o/ /bde bar gshegs pa ni ston pa'o zhes sems bskyed cing tshig tu yang smra na/ de ltar sems skyed par byed pa yang dge ba'i chos rnams la gces smras byed pa yin par nga? smra na/ lus dang ngag gis rjes su sgrub pa lta smos kyang ci dgos/ de bzhin du sems 'di snyed kyi mngon par rtogs par byed pa dang/ de bzhin du sems dang pa gcig gis ni bde 'gror 'gre bar 'gyur ro/ /zhes bya ba la sogs pa ji skad gsungs pa ste/ de la 'jug par gtogs pa'i sems kyi rgyun gcig gis ni tha snyad dang ldan pa'i sems gcig kun nas slong bar byed la/ tha snyad dang ldan pa'i rgyun gcig gis ni tshig brjod par byed cing lus kyi las kyang kun nas slong bar byed do/ / de la ci rnam par rtog pa can dang rnam par rtog pa med pa'i sems de ltar/ byung ba'i yul nyid kyis yul mtshungs pa 'am/ yul mi mtshungs par brjod par bya zhe na/ smras pa/ yul mtshungs par brjod par bya'o/ /rgyu gang gis zhe na/ smras pa/ rgyu gsum gyis gsal ba'i phyir dang/ de la rtsol ba'i phyir dang/ gnas gnyis kyis rtas par byas pa'i phyir ro/ /sems nyon mongs pa can du skye bar 'gyur ba gang yin pa de ci ngo bo nyid las nyon mongs pa can du brjod par bya 'am/ 'on te mtshungs par ldan pa las sam/ 'on te bag la nyal las she na/ smras pa/ mtshungs par ldan pa dang/ bag la nyal las yin gyi/ ngo bo nyid las ma yin no/ /gal te ngo bo nyid las nyon mongs pa can du gyur na ni de 'dod chags la sogs pa bzhin du gtan rnam par mi 'dag pa'i skyon du 'gyur ro/ /de lta bas na ngo bo nyid kyis kun nas nyon mongs pa can ma yin pa'i phyir sems ni rang bzhin gyis 'od gsal ba nyid du skye'o/ /de la kun nas dkris pa sems kun nas nyon mongs pa de gnyis gang yin pa brjod par bya zhe na/ smras pa/ mtshungs par ldan pa yin par brjod par bya'o/ /de la bag la nyal gang zhe na/ nyon mongs pa'i phyogs dang mthun pa'i gnas ngan len gang yin pa ste/ 'du byed rnams kyi nyes par kun tu gnas pa nyid dang/ nyes par zhugs pa nyid do/ /'phags pa rnams kyis gang 'du byed kyi sdug bsngal nyid kyis sdug bsngal bar mngon par rtogs nas/ 'du byed thams cad sdug bsngal bar gzigs shing gnas pa de yang ji ltar gzigs zhe na/ 'di lta ste rtog pa dang bcas shing spyod pa dang bcas pa'i sa'i dngos gzhir 'di lta ste/ yongs su gdung ba dang bcas pa dang/ 'bras bu dang bcas pa zhes bya ba la sogs pa rgya cher bstan pa bzhin du rig par bya'o/ /yang sems kun nas nyon mongs pa rnam pa gsum gyi kun nas nyon mongs pa thams cad bsdus par blta bar bya ste/ las kyis kun nas nyon mongs pa dang/ tshe'i kun nas nyon mongs pa dang/ nyon mongs pa'i kun nas nyon mongs pas so/ /de la kun nas nyon mongs pa dang po dang gnyis pa ni 'dod pa na spyod pa dag yin no/ /tha ma ni khams gsum na spyod pa yin no/ /de la sems kyi kun nas nyon mongs pa'i 'ching ba gang zhe na/ smras pa/ bag la nyal ba gang yin pa'o/ /las kyi 'ching ba gang zhe na/ smras pa/ las la dga' ba yang las kyi 'ching ba yin no/ /gnas gsum po 'di lta ste/ nges par 'byung ba'i sems dang/ nges par byung nas dga' ba 'thob pa dang/ lam la dga' ba thob pa la/ grags? byed pa'i las kyang las kyi 'ching ba yin no/ /rnam par smin pa'i sgrib pa dang mthun pa'i las kyang las kyi 'ching ba yin no/ /log par smon pa'i las kyang las kyi 'ching ba yin te/ bzhi po de dag yod na drug tu 'gyur la/ drug yod na yang bzhir 'gyur ro/ /rnam par shes pa 'byung ba na sems las byung ba'i chos kun tu 'gro ba du 'byung zhe na/ smras pa lnga ste/ yid la byed pa dang/ reg pa dang/ tshor ba dang/ 'du shes dang/ sems pa'o/ /kun tu 'gro ba ma yin pa du 'byung zhe na/ smras pa/ kun tu 'gro ba ma yin pa ni mang mod kyi gtso bo ni lnga ste/ 'di lta ste/ 'dun pa dang/ mos pa dang/ dran pa dang/ ting nge 'dzin dang/ shes rab bo/ /yid la byed pa gang zhe na/ sems kyi rtsol ba gang yin pa'o/ /reg pa gang zhe na/ gsum 'dus pa las don 'dzin pa gang yin pa'o/ / tshor ba gang zhe na/ gsum 'dus pa las don so sor myong ba gang yin pa'o/ /'du shes gang zhe na/ gsum 'dus pa nyid las dmigs par 'dogs pa la brdar 'dzin pa gang yin pa ste/ de yang rjes su sad pa dang/ tha snyad bag la nyal ba'o/ /de la rjes su sad pa ni 'di lta ste/ lha dang mi tha snyad la mkhas pa rnams kyi'o/ /tha snyad bag la nyal ba ni 'di lta ste/ byis pa tha snyad la mi mkhas pa rnams dang/ tha na ri dags dang bya rnams kyi'o/ /sems pa gang zhe na/ gsum 'dus pa las dmigs pa de la tshor ba dang/ phrad pa dang/ 'bral ba'i phyir sems mngon par 'du byed pa gang yin pa'o/ /'dun pa gang zhe na/ yul de dang de la de'i rjes su 'gro ba dang/ de 'dod pa nyid gang yin pa'o/ /mos pa gang zhe na/ yul de dang de la de'i rjes su 'gro ba dang/ de la nges par 'dzin 'dod pa gang yin pa'o/ /dran pa gang zhe na/ yul de dang de'i rjes su 'gro ba dang/ mngon par brjod pa nyid gang yin pa'o/ /ting nge 'dzin gang zhe na/ yul de dang de la de'i rjes su 'gro ba dang/ nges par sems pa la brten nas sems rtse gcig pa gang yin pa'o/ /shes rab gang zhe na/ yul de dang de la de'i rjes su 'gro ba dang/ chos rnams rab tu 'byed pa gang yin pa ste/ de yang rigs pas bskyed pa dang/ rigs pa ma yin pas bskyed pa dang/ rigs pa yang ma yin rigs pa ma yin pa yang ma yin pas bskyed pa'o/ /de la yid la byed pa las gang dang lan zhe na/ smras pa/ dmigs pa la sems gtod pa'i las can yin no/ /reg pa las gang dang ldan zhe na/ tshor ba dang/ 'du shes dang/ sems pa rnams kyi brten byed pa'i las can yin no/ /tshor ba las gang dang ldan zhe na/ sred ba skyes pa dang/ btang snyoms su 'jog pa'i las can yin no/ /'du shes las gang dang ldan zhe na / dmigs pa la sems kyis mtshan mar 'dzin pa dang/ tha snyad 'dogs pa'i las can yin no/ /sems pa las gang dang ldan zhe na/ rnam par rtog pa dang/ lus dang ngag gi las kun nas slong ba'i las can yin no/ /'dun ba las gang dang ldan zhe na/ brtson 'grus rtsom pa skyed pa'i las can yin no/ /mos pa las gang dang ldan zhe na/ dmigs pa la yon tan nam/ skyon nam/ gnyi ga ma yin pa la mos pa'i las can yin no/ /dran pa las gang dang ldan zhe na/ yun ring po nas bsams pa dang/ byas pa dang/ smras pa dran pa rjes su dran par byed pa'i las can yin no/ /ting nge 'dzin las gang dang ldan zhe na/ shes pa'i rten byed pa'i las can yin no/ /shes rab las gang dang ldan zhe na/ spros ba dang/ rgyu ba dang/ kun nas nyon mongs pa dang/ rnam par byang ba dang/ rjes su mthun bar kun tu rtog pa'i las can yin no/ /kun tu 'gro ba ma yin pa gang dag yin pa de dag dngos po so sor nges pa gang la skye bar 'gyur zhe na/ smras pa/ rnam pa bzhi po 'dod pa dang/ nges pa dang/ 'dris pa dang/ nye bar brtags pa la go rims bzhin du ste/ de la ting nge 'dzin dang shes rab ni tha ma la'o/ /lhag ma rnams ni go rims bzhin du gong ma gsum la'o/ /de la de las gzhan pa'i phung po gang dag ming gis bsdus pa/ sems dang mtshungs par ldan pa de dag nye bar gnas pa las byung ba yin par brjod par bya 'am/ tshor ba pa 'am/ nges pa yin par brjod par bya zhe na/ smras pa/ de dang rigs mthun pa'i sems la de dang rigs mthun pa nyid yin par brjod par bya'o/ /gzugs can ma yin pa'i phung po bzhi po 'di dag ni 'dres par brjod par bya'o/ ma 'dres pa ni ma yin no/ /chos 'di dag ni so sor phye na bye brag dmigs par brjod mi nus so zhes gang gsungs pa de ci'i phyir mtshan nyid tha dad par grub pa rnams 'dres pas bye brag med ces gsungs she na/ smras pa/ 'dus nas dmigs pa la nye bar spyod pa dang/ don rtogs pa yongs su rdzogs par 'gyur ba'i phyir te/ gzhan du na gang yang rung ba zhig med na don de yongs su rdzogs par mi 'gyur ba kho na'i phyir ro/ /sems dang sems las byung ba'i chos de dag la ming gi rnam grangs du yod ce na/ smras pa/ rab tu mang ste 'di lta ste/ dmigs pa dang bcas pa dang/ mtshungs pa dang ldan pa dang/ rnam pa dang bcas pa dang/ gnas dang bcas pa zhes bya ba dang/ de lta bu dang mthun pa rnams so/ /mig la sogs pa yang yul yod pa yin no/ ci'i phyir de dag nyid dmigs pa dang bcas pa yin la/ mig la sogs pa ma yin zhe na/ smras pa/ de dag ni yul med kyang skye bar 'gyur gyi/ sems dang sems las byung bo rnams ni de lta ma yin pa'i phyir ro/ /ci'i phyir mtshungs par ldan pa dag ces bya zhe na/ smras pa/ rdzas mtshungs pa dang/ yul mtshungs pa dang/ dus mtshungs pa dang/ bya ba byed pa mtshungs pa nyid kyi phyir ro/ /ci'i phyir rnam pa dang bcas pa dag ces bya zhe na/ smras pa/ dmigs pa ni gcig la rnam pa du ma 'jug pa'i phyir ro/ /ci'i phyir gnas dang bcas pa dag ces bya zhe na/ smras pa/ gnas pa sna tshogs las 'jug pa'i rang bzhin yin pa'i phyir ro/ /'dus byas kyi chos ni 'ga' yang gnas pa med pa ma yin no zhe na/ don gyi skabs 'dir bstan pa'i gnas kyi tshad ma ni mi byed do/ /ci'i phyir bde ba'i tshor ba'i cha mi mthun pa ni sdug bsngal gyi tshor ba zhes bya/ sdug bsngal gyi tshor ba'i cha mi mthun pa ni bde ba'i tshor ba zhes bya/ bde ba dang sdug bsngal gyi tshor ba'i cha mi mthun pa ni sdug bsngal yang ma yin bde ba yang ma yin pa'i tshor ba zhes bya zhe na/ smras pa/ rang gi rigs dang cha mi mthun pas cha mi mthun pa nyid yin pa'i phyir ro/ /ci'i phyir sdug bsngal yang ma yin pa'i tshor ba'i cha mthun pa ma rig pa zhes bya zhe na/ smras pa tshor ba dang/ kun nas nyon mongs pa thams cad kyi grogs yin pas cha mthun pa nyid yin pa'i phyir ro/ /ci'i phyir ma rig pa'i gnyen po rig pa zhes bya zhe na/ smras pa mi mthun pa'i phyogs dang/ gnyen po'i phyogs kyis gnyen po nyid yin pa'i phyir ro/ /ci'i phyir rig pa'i nye ba'i cha mya ngan las 'das pa zhes bya zhe na/ smras pa/ rgyu dang 'bras bur 'brel pas nye ba'i cha nyid yin pa'i phyir ro/ /phung po gzugs can ma yin pa bzhi po de dag gi dge par rnam par bzhag pa ni/ ji lta bu yin/ mi dge bar rnam par bzhag pa ni ji lta bu yin/ lung du ma bstan par rnam par bzhag pa ni ji lta bu yin zhe na/ de dag thams cad bye brag med pa'i sdom ni/ gnas dang ngo bo nyid dang ni/ mtshungs par ldan dang kun rdzob dang/ /chung ngu la sogs gzhi dbye dang/ /yon tan skyon dang mi mthun phyogs/ /de la dge ba'i gnas dag ni du zhe na/ mdor na bsdu ba drug ste/ 'di lta ste/ res ba'i dus dang ldog pa'i dus dang/ las kyi dus dang/ 'jig rten pa'i rnam par dag pa'i dus dang/ 'jig rten las 'das pa'i rnam par dag pa'i dus dang/ sems can la phan 'dogs pa'i dus so/ /ngo bo nyid gang zhe na/ 'di lta ste/ dad pa dang/ ngo tsha shes pa dang/ khrel yod pa dang/ ma chags pa dang/ zhe sdang med pa dang/ gti mug med pa dang/ brtson 'grus dang/ shin tu sbyangs pa dang/ bag yod pa dang/ btang snyoms dang/ rnam par mi 'tshe ba ste/ de ltar de dag ni dge ba'i chos rnams kyi ngo bo nyid yin no/ /chos de dag ji ltar phan tshun mtshungs par ldan par bya zhe na/ smras pa/ nges pa'i dus na ni tha dad pa dang mtshungs par ldan no/ /kun nas nyon mongs pa las ldog pa'i dus na ni bdag dang gzhan la brten nas ngo tsha shes pa dang/ khrel yod pa dang ngo/ /dge ba'i phyogs kyi las la 'jug pa'i dus na ni ma chags pa dang/ zhe sdang med pa dang/ gti mug med pa dang/ brtson 'grus dang ngo/ /'jig rten pa'i 'dod chags dang bral ba'i dus na ni shin tu sbyangs pa dang ngo/ /'jig rten las 'das pa'i 'dod chags dang bral ba'i dus na ni/ bag yod pa dang/ btang snyoms dang ngo/ /sems can la phan 'dogs pa'i dus na ni rnam par mi 'tshe ba dang ste de ni snying rjes bsdus pa yin pa'i phyir ro// dge ba'i chos de dag las du zhig ni kun rdzob tu yod/ du zhig ni rdzas su yod ce na/ smras ba/ gsum ni kun rdzob du yod pa yin te/ bag yod pa dang/ btang snyoms dang/ rnam par mi 'tshe ba'o/ /bag yod pa dang btang snyoms ni ma chags pa dang/ zhe sdang med pa dang/ gti mug med pa dang/ brtson 'grus kyi cha yin pa'i phyir te/ chos de dag ni kun nas nyon mongs pa med pa'i don gyis btang snyoms yin pa dang/ kun nas nyon mongs pa'i gnyen po'i don gyis bag yod pa yin par rnam par bzhag go / rnam par mi 'tshe ba ni zhe sdang med pa'i cha yin pa'i phyir ro/ /de la dge ba'i rtsa ba chung ngu gang zhe na/ smras pa/ mnyam par ma gzhag pa'i sa 'am/ mnyam par gzhag pa'i sa pa nyon mongs pa'i rnam pa chen po'i gnyen po gang yin pa'o/ /'bring gang zhe na/ smras pa/ 'jig rten pa'i mnyam par gzhag pa'i sa pa 'am/ nyon mongs pa'i rnam pa 'bring gi gnyen po gang yin pa'o/ /chen po gang zhe na/ smras pa/ 'jig rten las 'das pa 'am/ nyon mongs pa'i rnam pa chung ngu'i gnyen pa gang yin pa'o/ yang dge ba mngon par 'du byed pa las kyang chen po nyid yin par rig par bya'o/ /goms pa ngo bo nyid dang/ zhing dang/ dngos po dang/ rnam par dag pa las kyang chen po nyid yin par rig par bya'o/ /dge ba'i rtsa ba skye ba na gzhi du dag las skye bar 'gyur zhe na/ smras pa/ mdor bsdu na brgyad las te/ 'di lta ste/ sbyin pa las byung ba'i bsod nams bya ba'i dngos po dang/ tshul khrims las byung ba dang/ bsgoms pa las byung ba dang/ thos pa las byung ba dang/ bsams pa las byung ba dang/ de las gzhan pa bsgoms pa las byung ba dang/ so sor rtog pa las byung ba dang/ sems can la phan 'dogs pa'i dngos po las so/ /de la ji skad bstan pa'i gzhi de dag la ci rigs par tshe 'di dang/ tshe phyi ma la 'dod pa dang zhe sdang dang lta ba ngan pa dag las gang yang rung bas sngon kun tu sun phyung ba'i sems kyi rgyud la gang gis kun tu sun phyung ba de'i gnyen pos de dang mtshungs par mi ldan pa yin par blta bar bya'o/ /de la dge ba'i rab tu dbye ba gang zhe na/ smras pa/ 'di lta ste/ sa'i dngos gzhir rnam pa gcig nas rnam pa bcu'i bar du bstan pa'o/ /yang dge ba ni kun nas nyon mongs pa'i gnyen po las kyang yod do/ /kun nas nyon mongs pa nye bar zhi ba las kyang yod do/ /'dod pa'i 'bras bu yongs su 'dzin pa las kyang yod do/ /sems ni rgyud dag pa las kyang yod do/ /mchod rten byed pa las kyang yod do/ /sems can la phan 'dogs pa las kyang yod do/ /de ltar na de lta bu dang mthun pa de ni dge ba'i rab tu dbye ba yin par rig par bya'o/ /de la dge ba la nyes dmigs ni med de/ /de'i phan yon gang zhe na smras pa/ dge ba'i phan yon ni mang ste/ 'di lta ste nyon mongs pa'i kun nas dkris pa dang/ bag la nyal las sems rnam par sbyong bar byed pa dang/ dmigs pa la phyin ci log med par byed pa dang/ dge ba'i rtsa ba brtan par byed pa dang/ rgyu mthun pa las byung ba'i 'du byed kyi rgyud la 'jug par byed pa dang/ bdag la gnod par mi 'gyur ba dang/ gzhan la gnod par mi 'gyur ba dang/ gnyis ka la gnod par mi 'gyur ba dang/ tshe 'di pa'i kha na ma tho ba 'phel bar mi 'gyur ba dang/ tshe phyi ma la gnod pa'i kha na ma tho ba 'phel bar mi 'gyur ba dang/ tshe 'di dang phyi ma'i kha na ma tho ba 'phel bar mi 'gyur ba dang/ de las byung ba'i bde ba dang yid bde ba so sor myong bar byed pa dang/ skye bo la sogs pa'i sdug bsngal zad par byed pa dang/ mya ngan las 'das pa la mos pa 'phel bar byed pa dang/ de la yang sbyor bar byed pa dang/ longs spyod nyams par mi 'gyur ba dang/ 'khor gyi nang du bag khums pa med de sro bzang ba dang/ 'jigs pa med par 'gro bar 'gyur ba dang/ phyogs dang phyogs mtshams rnams su snyan pa rgya chen po grags par 'gyur ba dang/ dam pa rnams kyis bsngags par 'gyur ba dang/ 'gyod pa med par 'chi ba'i dus byed par 'gyur ba dang/ yul zhi gnas kyang bde 'gror skye bar 'gyur ba dang/ dge ba'i chos rnams las yongs su nyams par mi 'gyur pa dang/ bdag gi don rjes su thob par 'gyur ba ste/ de ltar de lta bu dang mthun pa dag ni dge ba'i phan yon mang po dag yin par blta bar bya'o/ /de la dge ba'i gnyen po las ji ltar rnam par bzhag ce na/ smras pa/ rnam pa bco lnga ste/ 'di lta ste/ rnam par sun 'byin pa gnyen po dang/ spong ba gnyen po dang/ kun tu 'dzin pa gnyen po dang/ thag bsrings pa gnyen po dang/ 'dod cing khas blangs pa'i kun nas dkris pa'i gnyen po dang/ 'dod cing khas blangs pa med pa'i kun nas dkris pa'i gnyen po dang/ bag la nyal gyi gnyen po dang/ nyon mongs pa chung ngu'i gnyen po dang/ nyon mongs pa 'bring gi gnyen po dang/ nyon mongs pa chen po'i gnyen po dang/ rnam par g.yeng ba'i gnyen po dang/ gzhen 'debs pa'i gnyen po dang/ rtse 'jil ba'i gnyen po dang/ rnam par gnon pa'i gnyen po dang/ bral pa gnyen po las so/ /de la nyon mongs pa can gyi chos rnams ni gnas gnyis kyis rab tu phye ba yin te/ nyon mongs pa rnams dang/ nye ba'i nyon mongs pa rnams kyis so/ /de la re zhig nyon mongs pa rnams kyi dbang du byas nas bshad par bya ste/ de'i 'og tu ni nye ba'i nyon mongs pa rnams bshad par bya'o/ /nyon mongs pa rnams kyi gnas du yod ce na/ smras pa/ drug ste/ ma rig pa dang bcas shing yid 'ong la kun nas nyon mongs pa can gyi yul dang/ ma rig pa dang bcas shing yid du mi 'ong la kun nas nyon mongs pa can gyi yul dang/ tshul bzhin ma yin pa'i yid la byed pa dang bcas shing kun nas nyon mongs pa can gyi yul dang/ ma rig pa dang bcas shing rang gi nye bar len pa'i phung po rnams dang/ sems can dman pa dang mtshungs pa dang khyad par du 'phags pa rnams dang thob par bya ba ma thob pa la phyin ci log dang/ yon tan la phyin ci log dang/ ma rig pa dang tshul bzhin ma yin pa yid la byed pa dang bcas shing dam pa ma yin pa'i chos nyan pa dang/ ma rig pa dang tshul bzhin ma yin pa yid la byed pa dang bcas shing dam pa ma yin pa'i chos nyan pa dang le lo'o/ /de la dang po ni phrad par mngon par dga' ba nyid kyi phyir ro/ /gnyis pa ni 'bral bar mngon par dga' ba nyid kyi phyir ro/ /gsum pa ni yul la phyin ci log pa nyid kyi phyir ro/ /bzhi pa ni 'gran cing mngon pa'i nga rgyal byed pa'i phyir ro/ /lnga pa ni log pa'i chos la mngon par zhen cing sgrub pa'i phyir ro/ /drug pa ni sgrub pa dang ldog? par mi byed pa'i phyir/ gnas yin par rig par bya'o/ /nyon mongs pa'i ngo bo nyid gang zhe na/ de yang rnam pa drug ste/ 'dod chags dang/ khong khro ba dang/ ma rig pa dang/ nga rgyal dang/ lta ba dang/ the tshom mo/ /nyon mongs pa gang dang nyon mongs pa gang mtshungs par ldan par brjod par bya zhe na/ smras pa/ ma rig pa ni thams cad dang mtshungs par ldan pa yin no/ /the tshom ni gang dang yang ma yin no/ /'dod chags dang khong khro ba ni phan tshun ma yin no/ /'dod chags dang khong khro ba nyid ni nga rgyal dang lta ba dang ste/ lan 'ga' gang gi tshe chags par gyur pa na rlom par byed pa 'am rtog par byed pa'i phyir ro/ /chags par 'gyur ba bzhin du zhe sdang bar 'gyur ba yang de bzhin no/ /nga rgyal dang lta ba yang lan 'ga' phan tshun mtshungs par ldan par 'gyur te/ gang gi tshe rlom par gyur pa na rtog par byed pa'i phyir ro/ /nyon mongs pa de dag la du zhig ni kun rdzob tu yod pa yin/ du zhig ni rdzas su yod pa yin zhe na/ smras pa/ lta ba ni kun rdzob tu yod pa yin te/ shes rab kyi cha yin pa'i phyir ro/ lhag rnams ni rdzas su yod pa dang sems dang sems las byung ba dag yin no/ /de dag ni chung ngu dang 'bring dang chen por rnam par bzhag pa ji lta bu yin zhe na/ smras pa/ gang dag thams cad kyi tha mar spong bar 'gyur ba de dag ni chung ngu dag yin no/ /gang dag par du spong bar 'gyur ba de dag ni 'bring dag yin no/ /gang dag dang por spong bar 'gyur ba de dag ni chen po dag yin no/ /yang nyon mongs pa rnams kyi chen po nyid ni rnam pa drug gis rig par bya ste/ 'di lta ste/ 'dod pa na skyes pa'i nyon mongs pa ni rang bzhin gyis chen po yin par bya ba dang/ /de bzhin du sngon goM pa dang/ de bzhin du gnas la gnas pa ste/ dbang po yongs su smin pa rnams kyi gang yin pa dang/ de bzhin du bsgrub tu mi rung pa ste/ yongs su mya ngan las mi 'da' ba' i chos can rnams kyi gang yin pa dang/ de bzhin du gnas ma yin pa bla ma dang sbyin gnas la sogs pa dag la 'jug pa gang yin pa dag dang/ las dang bcas pa ste/ las kun nas slong ba'i phyir nye bar gnas pa'i nyon mongs pa gang yin pa de ni chen po nyid yin par rig par bya'o/ /nyon mongs pa skye ba na gang las skye bar 'gyur ba'i nyon mongs pa rnams kyi gzhi gang zhe na/ smras pa/ 'dod chags kyi gzhi ni bcu ste/ 'di lta ste/ nye bar len pa'i phung po rnams dang/ lta ba rnams dang/ ma thob pa'i yul dang/ thob pa'i yul dang/ spyad nas 'das pa'i yul dang/ nyes par spyad pa dang/ bu dang 'dris pa dang/ yo byad dang/ yang 'byung ba dang/ 'jig pa rnams so/ /gzhi gang la 'dod chags ci 'dra bar 'byung zhe na/ smras pa bcu po dag las bcu po rnams go rims bzhin te/ 'di lta ste/ dngos po'i 'dod chags dang/ lta ba'i 'dod chags dang/ chags pa'i 'dod chags dang/ ser sna'i 'dod chags dang/ sgrib pa'i 'dod chags dang/ nye bar spyod pa'i 'dod chags dang/ bu tsha'i 'dod chags dang/ phyogs dang 'khor gyi 'dod chags dang/ yo byad kyi 'dod chags dang/ yang 'byung ba dang/ 'jig pa'i 'dod chags so/ /khong khro ba'i gzhi yang bcu ste/ bdag nyid dang sems can sdug pa rnams dang/ sems can mi sdug pa rnams dang/ 'das pa na gnod pa dang/ phan pa byas pa dang/ ma 'ongs pa na gnod pa dang/ phan pa byed par 'gyur ba dang/ da ltar byung ba na gnod pa dang/ phan pa byed pa dang/ yul yid du mi 'ong ba dang/ phrag dog dang/ sngon goms pa dang/ gzhan du blta ba ste/ de dag las khong khro ba rnam pa bcu rim bzhin du skye bar blta bar bya'o/ /de la gzhi drug las ni kun nas mnar sems kyi dngos po dgu po dag rnam par gzhag par rig par bya ste/ de dag thams cad ni sems can la khong khro ba sha stag yin no/ /de las gzhan pa dag las ni yul las khong khro ba'o/ /mi bzod pa sngon du 'gro ba sems can la khong khro ba dang/ goms pa sngon du 'gro ba dang/ de bzhin du blta bas khong khro ba de dag ni mdor bsdu na khong khro ba rnam pa gsum du 'gyur te/ sems can la khong khro ba dang/ yul la khong khro ba dang/ lta bas khong khro ba'o/ /ma rig pa skye ba'i gzhi ni bdun ste/ 'di lta ste/ dus kyi gzhi dang/ 'jig rten gnas pa'i gzhi dang/ 'pho ba'i gzhi dang/ mchog gi gzhi dang/ de kho na'i gzhi dang/ kun nas nyon mongs pa dang rnam par byang ba'i gzhi dang/ mngon pa'i nga rgyal gyi gzhi'o/ /gzhi de dag las mi shes pa rnam pa bdun nam/ rnam pa bcu dgur blta bar bya'o/ /de la dang po ni sgo gsum nas the tshom skye ba'i phyir ro/ gnyis pa ni so so nang gi skye mched drug dang/ phyi rol dang/ gnyi ga la bdag dang/ bdag gi dang/ mdza' bshes la sogs pa'i phyogs su lta ba skye ba'i phyir ro/ /gsum pa ni las dang rnam par smin pa dang/ de gnyi ga la byed pa po dang/ tshor ba po dang/ rgyu med pa dang/ mi mthun pa rgyur lta ba skye ba'i phyir ro/ /bzhi pa ni dkon mchog la skur pa 'debs pa'i phyir ro/ /lnga pa ni bden pa la skur pa 'debs pa'i phyir ro/ /drug pa ni log par bsgrub pa'i phyir ro/ /bdun pa ni bdag gi don mthob pa la mngon pa'i nga rgyal byed pa'i phyir ro/ /nga rgyal skye ba'i gzhi ni drug te/ sems can dman pa rnams dang/ sems can mtshungs pa rnams dang/ sems can khyad par du 'phags pa rnams dang/ so so nang gi nye bar len pa'i phung po rnams dang/ thob par bya ba ma thob pa la phyin ci log dang/ yon tan la phyin ci log pa ste/ de dag las nga rgyal las kyang nga rgyal la sogs pa nga rgyal rnam pa bdun skye'o/ /de la sems can khyad par du 'phags pa'i gzhi las ni nga rgyal rnam pa gnyis skye'o/ /gzhi lhag ma rnams las ni nga rgyal re re skye'o/ /lta ba rnams skye ba'i gzhi ni gnyis te/ sgro 'dogs pa'i gzhi dang/ skur pa 'debs pa'i gzhi'o/ /de la sgro 'dogs pa'i gzhi ni rnam pa bzhi ste/ bdag yod par sgro 'dogs pa dang/ rtag pa dang/ mi rtag pa nyid du sgro 'dogs pa dang/ mngon par mtho ba'i thabs su sgro 'dogs pa dang/ thar pa'i thabs su sgro 'dogs pa'o/ /skur pa 'debs pa yang rnam pa bzhi ste/ rgyu la skur pa 'debs pa dang/ 'bras bu la skur pa 'debs pa dang/ byed pa la skur pa 'debs pa dang/ yod pa'i dngos po la skur pa 'debs pa'o/ /de la sbyin pa med do zhes bya ba nas legs par spyad pa dang/ nyes par spyad pa med do zhes bya ba'i bar ni rgyu la skur pa 'debs pa'o/ /legs par spyad pa dang nyes par spyad pa'i las rnams kyi 'bras bu rnam par smin pa med do zhes bya ba ni 'bras bu la skur pa 'debs pa'o/ /'jig rten 'di med do zhes bya ba nas/ sems can bsdus te skye ba med do zhes bya ba'i bar ni byed pa la skur pa 'debs pa yin par blta bar bya ste/ 'di ltar byed pa zhes bya ba ni don gyi skabs 'dir skyes bu'i byed pa la bya ste/ de yang rnam pa bzhi ste/ 'di lta ste/ 'ong ba dang 'gro ba dang sa bon 'debs pa dang/ mngal 'dzin pa dang yang 'byung ba'i las skyes bu'i byed pa'o/ /'jig rten na dgra bcom pa dag med do zhes skur pa 'debs pa de dag la sogs pa ni yod pa'i dngos po la skur pa 'debs pa zhes bya ste/ gzhi brgyad dam gnyis po de dag la lta ba lnga skye bar 'gyur te/ 'di lta ste/ 'jigs tshogs la lta ba dang/ mthar 'dzin par lta ba dang/ lta ba mchog tu 'dzin pa dang/ tshul khrims dang/ brtul zhugs mchog tu 'dzin pa dang/ log par lta ba'o/ / gzhan yang mthar 'dzin par lta ba dang/ log par lta ba skye ba'i gzhi ni sngon gyi mthar rtogs pa rnams dang/ phyi ma'i mthar rtog pa rnams kyi gzhi drug cu rtsa gnyis yin te/ de dag ni mdo las 'byung ba bzhin du rig par bya ste/ gzhi de dag gi bye brag nyid kyi lta bar gyur pa drug cu rtsa gnyis su 'gyur ro/ /the tshom skye ba'i gzhi ni drug ste/ 'di lta ste/ dam pa ma yin pa'i chos nyan pa dang/ ston pa log par bsgrub pa mthong ba dang/ skur pa rnams dang/ yid ches pa rnams kyi lugs tha dad pa mthong ba dang/ rang bzhin gyi dman zhing mong rtul ba nyid dang/ rang bzhin gyis zab pa nyid kyi chos rnams dang/ chos rgya chen po rab tu bstan pa nyid do/ /nyon mongs pa rnams kyi rab tu dbye ba gang zhe na/ de dag thams cad kyi rab tu dbye ba ni rnam pa bco lnga ste/ 'di lta ste nyon mongs pa nang du ltas pa dang/ phyir ltas pa dang/ mthong bas spang bar bya ba dang/ bsgom pas spang bar bya ba dang/ 'dod cing khas blangs pa'i kun nas dkris pa dang ldan pa dang/ 'dod cing khas blangs pa med pa'i kun nas dkris pa dang ldan pa dang/ bag la nyal dang ldan pa dang/ chung ngu dang/ 'bring dang/ chen po dang/ rnam par g.yeng ba'i gnas skabs dang/ gzhan 'debs pa'i gnas skabs dang/ rnam par gnon pa'i gnas skabs dang/ bral ba'i gnas skabs so/ /nyon mongs pa rnams la phan yon ni med do/ /nyes dmigs mang po rnams gang zhe na/ 'di lta ste/ rtog pa dang bcas shing spyod pa dang bcas pa'i sa'i dngos gzhir 'di lta ste kun nas dkris pa la sems kyi rgyud kun nas nyon mongs par byed do zhes bya ba la sogs pa rgya cher bstan pa'o/ /nyon mongs pa ni gang gi gnyen po yang ma yin par rig par bya'o/ /'o na sred pa las brten te sred pa spang bar bya'o/ /nga rgyal las brten te nga rgyal spong bar byed zhes yang gsungs pa de ji lta bu zhe na/ de ni nyon mongs pa ma yin gyi/ sems mngon par 'du byed pa de ni dge ba yin te/ de ni 'dod pa dang khengs pa'i rnam pa dang chos mthun pa'i phyir sred pa dang nga rgyal zhes par zer te/ sems kun nas nyon mongs pa'i gnyen po bco lnga sngar ji skad bstan pa dag gi mi mthun pa'i phyogs ni nyon mongs pa bco lnga pa dag yin par blta bar bya'o/ /nye ba'i nyon mongs pa rnams kyi gnas gang zhe na/ de ni rnam pa dgur blta bar bya ste/ 'di lta ste phan tshun lhan cig gnas pa dang/ gcig la gcig gleng ba dang/ rnyed pa dang/ bkur sti dang/ 'tsho ba nyams pa dang/ bla ma la mi 'dud pa dang/ mi bzod pa dang/ lhag pa'i tshul khrims nyams pa dang/ lhag pa'i sems nyams pa dang/ lhag pa'i shes rab nyams pa'o/ /ngo bo nyid gang zhe na/ 'di lta ste/ khong khro ba dang/ khon du 'dzin pa dang/ 'chab pa dang/ 'tshig pa dang/ brag dog dang/ ser sna dang/ sgyu dang/ g.yo dang rgyags pa dang/ rnam par 'tsho ba dang/ ngo tsha med pa dang/ khrel med pa dang/ rmug pa dang/ rgod pa dang/ ma dad pa dang/ le lo dang/ bag med pa dang/ brjed ngas pa dang/ rnam par g.yeng ba dang/ shes bzhin ma yin pa dang/ 'gyod pa dang/ gnyid dang/ rtog pa dang/ dpyod pa dang/ de ltar de lta bu dang mthun pa 'di lta ste/ sa'i dngos gzhir rgya cher bstan pa dag ni nye ba'i nyon mongs pa rnams kyi ngo bo nyid yin par blta bar bya'o/ /de la dang po dang gnyis pa ni gnas dang po las skyes par rig par bya'o/ /gsum pa dang bzhi pa ni gnas gnyis pa las so/ /lnga pa dang drug pa ni gnas gsum pa las so/ /bdun pa dang brgyad pa ni gnas bzhi pa las so/ /dgu pa ni gnas lnga pa las so/ /bcu pa ni gnas drug pa las so/ / bcu gcig pa dang bcu gnyis pa ni gnas bdun pa las so/ /gzhan bcu gnyis ni gnas tha ma gnyis las skye bar 'gyur ro/ /de la lhag pa'i sems dang/ lhag pa'i shes rab ni sgo gsum gyis nyams par 'gyur te/ zhi gnas kyi mtshan ma nyams pa'i sgo dang/ rab tu 'dzin pa'i mtshan ma nyams pa'i sgo dang/ btang snyoms kyi mtshan ma nyams pa'i sgo nas so/ /de la dang pos ni rmugs pa dang gnyid bskyed do/ /gnyis pa ni rgod pa dang 'gyod pa'o/ /gnas gsum pas ni ma dang pa la sogs pa rtog pa dang dpyod pa'i mthar thug pa rnams bskyed do/ /de dag ji ltar phan tshun mtshungs par ldan par 'gyur zhe na/ ngo tsha med pa dang/ khrel med pa ni mi dge ba thams cad dang mtshungs par ldan pa yin no/ /ma dad pa dang/ le lo dang/ bag med pa dang/ brjed ngas pa dang/ rnam par g.yeng ba dang/ 'chal pa'i shes rab ni nyon mongs pa can gyi sems thams cad dang mtshungs par ldan no/ /gnyid dang 'gyod pa ni dge ba dang mi dge ba dang/ lung du ma bstan pa thams cad dang yang mtshungs par ldan no/ /lhag ma rnams ni phan tshun mtshungs par ldan pa ma yin par blta bar bya'o/ /nye ba'i nyon mongs pa de dag las du zhig ni btags pa'i yod pa yin/ du zhig ni rdzas su yod pa yin zhe na/ khro ba dang khon du 'dzin pa dang/ 'tshig pa dang/ phrag dog dang/ rnam par 'tsho ba khong khro ba'i char gtogs pa'i phyir btags pa'i yod pa yin no/ /ser sna dang rgyags pa dang/ rgod pa ni 'dod chags kyi char gtogs pa'i phyir de dag kyang btags pa'i yod pa yin no/ /'chab pa dang/ sgyu dang/ g.yo ba dang/ rmugs pa dang/ gnyid dang/ 'gyod pa ni gti mug gi char gtogs pa'i phyir de dag kyang btags pa'i yod pa yin no/ /ngo tsha med pa dang/ khrel med pa dang/ ma dad pa dang/ le lo ni rdzas su yod pa yin no/ /bag med pa ni snga ma bzhin du btags pa'i yod pa yin no/ /brjed ngas pa dang/ rnam par g.yeng ba dang/ 'chal pa'i shes rab ni gti mug gi char? gtogs pa kho na'i phyir thams cad btags pa'i yod pa yin no/ /rtog pa dang/ dpyod pa ni dag kun nas slong ba'i sems mngon par 'du byed pa'i char btogs pa dang/ shes rab kyi char gtogs pa'i phyir btags pa'i yod pa yin no/ /nye ba'i nyon mongs pa de dag ni chung ngu dang 'bring dang/ chen po nyid ji ltar blta bar bya zhe na/ 'di lta ste/ de dag ni nyon mongs pa rnams ji lta ba bzhin no/ /de dag gi gzhi yang nyon mongs pa rnams kyi gang yin pa de dag nyid yin no/ /rab tu dbye ba dang/ nyes dmigs dang/ mi mthun pa'i phyogs kyang 'di lta ste/ nyon mongs pa rnams kyi bzhin du blta bar bya ste/ de yang ci rigs par sbyar ro/ /lung du ma bstan pa'i chos rnams kyi gnas gang zhe na/ de dag ni bzhi ste/ 'di lta ste/ las kyis 'phangs te/ mngon par grub pa dang mngon par grub pa'i rgyu dang/ gnas pa dang 'tsho ba dang/ ting nge 'dzin gyi bye brag go /ngo bo nyid gang zhe na/ smras pa/ rnam par smin pa las skyes pa'i phung po rnams dang/ tha mal du 'jug pa dang/ mngon par 'du byed pas yongs su bsdus pa'i spyod lam dang/ de bzhin du bzo'i gnas dang rtse mo mngon par 'du byed pas yongs su bsdus pa'i sprul pa'o/ /de dag ji ltar phan tshun mtshungs par ldan par blta bar bya zhe na/ smras pa/ spyod lam byed pa dang/ bzo'i gnas byed pa ni lan 'ga' mtshungs par ldan pa yang yod de/ mdo las las kyi mdza' gang dag 'gro ba'i tshe na bla la/ sdod? pa na yang ma yin/ 'dug pa na yang ma yin/ nyal ba ma yang ma yin pa de lta bu dag kyang yod do/ /las kyi mdza' gang dag 'gro ba'i tshe yang bla la/ sdod pa na yang bla/ 'dug pa na yang bla/ nyal ba na yang bla ba ste/ de lta bu dag kyang yod do zhes bya ba'i bar du rgya chen ji skad gsungs pa lta bu'o/ / de las gzhan pa dag ni phan tshun mtshungs par ldan pa yin no/ /de dag las du ni rdzas su yod pa yin/ du ni btags pa'i yod pa yin zhe na/ smras pa/ de dag ni rnam par smin pas bsdus pa'i phung po rnams dang/ sems mngon par 'du byed pa'i khyad par la gdags pa yin pa'i phyir btags pa'i yod pa yin par brjod par bya'o/ /de dag gi chung ngu dang/ 'bring dang/ chen po gang zhe na/ smras pa/ rnam par smin pa las byung ba dang/ spyod dam byed pa ni gsal ba'i phyir chung ngu yin no/ /bzo'i gnas byed pa ni ches gsal ba'i phyir 'bring yin no/ /sprul pa ni rang bzhin gyis ches shin tu gsal ba'i phyir chen po yin par blta bar bya'o/ /yang rang bzhin gyis bye brag gis rnam grangs gzhan ni gzugs med pa na spyod pa'i rnam par smin pa ni chung ngu yin no/ /gzugs na spyod pa ni 'bring yin no/ /'dod pa na spyod pa ni chen po yin no/ /spyod lam 'dug pa dang nyal ba? ni chung ngu len no/ /'breng ba ni 'bring yin no/ /'chag pa ni chen po yin no/ /las dang po pa'i bzo'i gnas byed pa ni chung ngu yin no/ /bslabs pa yi ni 'bring yin no/ /slob dpon gyi ni chen po yin/ /ting nge 'dzin mthu chung ngu dang dang ldan pa thog pa'i sprul pa ni chung ngu yin no/ /ting nge 'dzin mthu 'bring dang ldan pa thob pa ni 'bring yin no/ /ting 'dzin mthu chen po dang ldan pa thob pa ni chen po yin te/ de ltar de lta bu dang mthun pa ni chung ngu dang 'bring dang chen po yin par rig par bya'o/ /de dag skye ba'i gzhi gang zhe na/ smras pa/ de ni rnam pa bcu gnyis su blta bar bya ste/ 'di lta ste/ thos pa las byung ba'i sar bshad pa bzhin no/ /de la rab tu dbye ba gang zhe na/ smras pa/ rnam par smin pa las byung ba ni 'gro ba lnga'i bye bra gis rnam pa lngar rig par bya'o/ /sbyor lam byed pa ni spyod lam bzhi'i bye brag gis rnam pa bzhi'o/ /bzo'i gnas byed pa ni gzhi rnam pa bcu gnyis kyi bye brag gis rnam pa bcu gnyis kho na'o/ /sprul ba byed pa ni so so'i skye bo dang/ nyan thos dang/ rang sangs rgyas dang/ byang chub sems dpa' dang/ de bzhin gshegs pa'i bye brag dang/ rtsed mo'i don dang/ gzhan gyi don dang/ lus dang ngag gi sprul pa'i bye brag gis rnam pa brgyad du rig par bya'o/ /de la rab tu dbye ba nyid kyis gzhi bsdus pa'i phyir de las gzhan pa dag gi bzhi ni log shig tu ma smos so/ /de la rnam par smin pa las byung ba ni gcig tu lung ma bstan pa yin no/ /gnyis ni rnam pa gsum du yang dmigs so/ /gcig ni rnam pa gnyis su dmigs so/ /rol mo las brten te/ nyon mongs pa can gyi sems dang ldan pas spyod lam byed pa gang yin pa de ni nyon mongs pa can yin no/ /nye bar zhi ba las brten pa gang yin pa de ni dge ba yin no/ /lhag par chags par gyur pas bzo byed pa gang yin pa de ni nyon mongs pa can no/ /dge ba mngon par 'du byed pa gang yin pa de ni dge ba yin no/ /sprul pa byed pa ni gzhan 'dun par bya ba'i rgyuAm sems can rnams kyi don du byed pa gang yin pa de ni dge ba yin no/ /nyon mongs can ni med do/ /de la phung po lnga po gang dag yin pa de dag gis bden pa dag bsdus la bden pa du dag gis kyang phung po du dag bsdus she na/ smras pa/ bden pa gsum gyis ni phung po lnga bsdus pa/ phung po lnga po dag gis kyang bden pa gsum bsdus so/ /'gog pa'i bden pa dang phung po rnams ni gcig gis gcig ma bsdus te/ 'gog pa ni de dag nye bar ni nges rab tu phye ba yin pa'i phyir ro/ /nyan thos kyis bden pa bzhi ni rnam pa bcu drug gis blta bar bya'o/ / zhes gang bshad pa de la ci'i phyir sdug bsngal gyi bden pa la rnam pa bzhis blta bar bya zhe na/ smras pa/ phyin ci log rnam pa bzhi'i gnyen por te/ de la rnam pa gcig ni byin ci log gcig gi gnyen po'o/ /rnam pa gcig ni phyin ci log gnyis kyi gnyen po'o/ /rnam pa tha ma gnyis ni phyin ci log tha ma gcig gi gnyen po yin no/ /ci'i phyir kun 'byung ba'i bden pa la rnam pa bzhis blta bar bya zhe na/ smras pa/ sred pa rnam pa bzhi'i phyir te de yang rtag pa dang/ bde ba dag gtsang bdag bdag tu sred pa'i bye brag las blta bar bya'o/ /de la sred pa dang po la brten na ni yang srid pa 'byung bar byed par mngon no/ /gnyis pa dang gsum pa la brten nas ni dga' ba'i 'dod chags dang ldan pa dang/ de dang der mngon par dga' bar mngon no/ /tha ma la brten nas ni lus la chags pa dang ldan pa'i srid pa 'ba' zhig blta bar bya'o/ /de la sred pa gang zhe na/ lus ngag la chags shing sbyor ba byed pa gang yin pa'o/ /yang srid ba 'byung bar byed pa gang zhe na/ phyi ma'i lus kyi khyad par 'dod pa gang yin pa'o/ /dga' ba'i 'dod chags dang ldan pa gang zhe na/ gzugs dang sgra dang/ dri dang/ ro dang/ reg bya dang/ chos 'dod pa la mngon du phyogs bar gyur pa 'am/ thob pa dag la dga' ba'i 'dod chags dang ldan pa gang yin pa'o/ /de dang der mngon par dga' ba gang zhe na/ de las gzhan pa'i gzugs la sogs pa 'dod pa dag la 'dod pa gang yin pa'o/ /ci'i phyir 'gog pa'i bden pa la rnam pa bzhis blta bar bya zhe na/ smras pa/ sred pa 'gog pa rnam pa bzhis rab tu phye ba'i phyir ro/ /ci'i phyir lam gyi bden pa la rnam pa bzhis blta bar bya zhe na/ smras pa/ sred pa 'gog pa skyed par byed pa rnam pa bzhi'i phyir ro// nyan thos kyi sar 'jig pa'i rnam pa la sogs pa rnam pa bcus/ de ni sdug bsngal bden pa la/ rnam pa bcus ni rtog byed na de ni rnam pa bzhi la 'jug /'gyur ba dang ni 'jig pa dang/ /bral ba dang ni nye ba dang/ /chos nyid kyi ni rnam pa dang/ /kun tu sbyor dang 'ching ba dang/ /mi sdug ba dang grub bde med/ /dmigs med rang dbang med pa yi/ /rnam pa de dag rig pas rtog /ces gang bshad pa de la/ /dmigs su med pa gang zhe na/ dbang po tsam dang/ yul tsam dang/ de las skyes pa'i myong ba tsam dang/ sems tsam dang/ bdag bdag ces bya ba'i ming tsam dang/ lta ba tsam dang/ mngon par brjod pa tsam dang/ /rnam pa bdun po de dag las legs shig na don gzhan du gyur pa'i bdag gi mtshan nyid dmigs su med pa ? yin pa'o?/ /rang dbang med pa nyid gang zhe na/ rten cing 'brel bar 'byung ba ni mi rtag pa dang sdug bsngal ba'i mtshan nyid kyis 'du byed rnams la bdag gi mtshan nyid med pa gang yin pa'o/ /rnam pa bcu po de dag las gang gis 'byung ba'i sdug bsngal nyid bsdus she na/ smras pa/ kun tu sbyor ba'i rnam bas bsdus te/ 'gyur ba'i dbang las byung ba'i yid mi bde ba ni 'gyur ba'i sdug bsngal nyid du blta bar bya'i/ 'gyur ba tsam nyid ni ma yin te/ yid bde ba dang bral ba rnams la yang de dmigs pa dang/ gnod par mi byed pa'i phyir ro/ /rnam pa gang gis sdug bsngal gyi sdug bsngal nyid bsdus she na/ smras pa/ mi sdug pa'i rnam pas so/ /rnam pa gang gis 'du byed kyi sdug bsngal nyid bsdus she na/ smras pa/ grub pa dang bde ba med pa'i rnam pas so/ /skye ba'i sdug bsngal dang/ mdor na nye bar len pa'i phung po lnga sdug bsngal ba zhes bya ba'i bar du gang gsungs pa'i rnam pa de dag las du zhig sdug bsngal gyi sdug bsngal nyid kyis bsdus she na/ smras pa/ dang po lnga'o/ /du zhig 'gyur ba'i sdug bsngal nyid kyis bsdus she na/ smras pa/ bar ma gnyis so/ /du zhig 'du byed kyi sdug bsngal nyid kyis bsdus she na/ smras pa/ tha ma gcig go /rnam grangs gzhan yang dang po bdun gyis ni sdug bsngal gyis sdug bsngal nyid bsdus so/ /de dag gi gnyen po dge ba rnams dang/ nyon mongs pa rnams kyis ni 'gyur ba'i sdug bsngal nyid bsdus so/ /tha mas ni 'du byed kyi sdug bsngal nyid bsdus te/ 'di ltar bcom ldan 'das kyis dral cing gyur pa'i sems zhes gsungs pa dang/ de bzhin du bcom ldan 'das kyis sgrib pas kun nas dkris pa de ni de las skyes pa'i sems las byung ba'i sdug bsngal dang/ yid mi bde ba so? sor myong ba'i phyir ro zhes gsungs pas na/ de'i phyir nyon mongs pa ni 'gyur ba'i sdug bsngal nyid kyis sdug bsngal ba yin par rab tu 'grub po/ /sdug bsngal ba rnam pa bzhi po mngon par 'grub pa'i sdug bsngal dang/ nang las brten pa'i sdug bsngal dang/ phyi rol las brten pa'i sdug bsngal dang/ gnas ngan len gyi sdug bsngal zhes gang gsungs pa de la sdug bsngal gang zhig rnam pa/ gang gis bsdus la/ sdug bsngal gang gis kyang rnam pa gang bsdus she na/ smras pa/ rnam pa dang po dang sdug bsngal dang po ni gcig gis gcig bsdus so/ /rnam pa gsum dang sdug bsngal 'og ma gnyis pa yang gcig gis gcig bsdus so/ /rnam pa gzhan gsum dang sdug bsngal 'og ma gsum pa yang gcig gis gcig bsdus so/ /rnam pa tha ma dang sdug bsngal tha ma yang gcig gis gcig bsdus so/ /de la sngar ni sred pa'i ngo bo nyid kyi rab tu dbye bas kun 'byung ba'i bden pa rnam par gzhag pa las rnam pa bzhir bstan to/ /de ni 'bras bu'i rab tu dbye ba las blta bar bya ste/ sdug bsngal rnam pa bzhi skyed par byed pa'i phyir ro/ /rnam pa bcu drug po gang dag yin pa de dag las du zhig stong pa'i rnam pa yin zhe na/ smras pa/ gnyis te sdug bsngal gyi bden pa las tha ma gnyis du zhig smon pa med pa'i rnam pa yin zhe na/ smras pa/ drug te sdug bsngal gyi bden pa las dang po gnyis dang/ kun 'byung ba'i bden pa las thams cad do/ /du zhig mtshan ma med pa'i rnam pa yin zhe na/ smras pa/ 'gog pa'i bden pa las thams cad do/ /du zhig ni rnam par dag pa'i rgyu nye bar mtshon pa'i rnam pa yin no zhe na/ smras pa/ lam gyi bden pa las thams cad do/ /gang gi tshe mi rtag pa'i 'du shes can bdag med pa'i 'du shes la gnas pa'i chog / ci'i phyir stong pa nyid dang por gsungs she na/ smras pa/ bdag med par lta ba skyes na mi rtag pa nyid du lta ba smon pa med pa nyid rnam par gzhag pa'i phyir te/ lta ba gnyis ni lnga phyir gcig gis gcig rnam par dag pa yin par shes/ 'phags pa'i bden pa bzhi po dag gis bshad pa'i go rims gzhan yang gang gis sdug bsngal bar gyur pa de ni dang po yin no/ /ji ltar sdug bsngal bar gyur pa de ni gnyis pa yin no/ /nag po'i phyogs gtugs nas yang gang gis bde ba gyur pa de ni gsum pa yin no/ /ji ltar bde bar gyur pa de ni bzhi pa yin te/ nang dang/ de'i rgyu dang/ nad med pa dang/ sman lta bu yin no/ /rnam grangs gzhan yang 'jig rten pa'i sdug bsngal 'byung ba'i go rims bzhin du bden pa rnams kyi go rims rnam par gzhag par byas te/ 'di ltar 'jig rten pa dag ni dang por sdug bsngal gang yang rung ba zhig gis thebs pa na de la rtog par byed do/ /de'i 'og tu gang las byung ba la'o/ /de'i 'og tu de las thar pa la'o/ /de'i 'og tu de las thar pa'i thabs la rtog par byed pa'i phyir ro/ / //bam po brgyad pa/ /bden pa'i don gang zhe na/ smras pa/ bstan pa dang mi mthun pa med pa'i mtshan nyid kyi don dang/ de mthong na rnam par dag pa'i rgyur gyur pa'i don ni bden pa'i don to/ /sdug bsngal gyi bden pa'i don gang zhe na/ smras pa/ nyon mongs pa las byung ba'i 'du byed kyi don to/ /kun 'byung ba'i bden pa'i don gang zhe na/ smras pa/ sdug bsngal gyi bden pa bskyed pa'i don to/ 'gog pa'i bden pa'i don gang zhe na/ smras pa/ de gnyi ga nye bar zhi ba'i don to/ /lam gyi bden pa'i don dang zhe na/ smras pa/ don gsum po dag sgrub pa'i don to/ /ci 'phags pa'i bden pa bzhi po de dag kun rdzob kyi bden pas bsdus pa yin dam/ yon te don dam pa'i bden pas bsdus sher/ smras pa/ don dam pa'i bden pas bsdus so/ /de ci'i phyir zhe na/ 'di ltar kun rdzob kyi bden pa ni bde ba dang/ sdug bsngal ba dang/ bde ba yang ma yin/ sdug bsngal ba yang ma yin pa'i ? nas dang mthun pa dag la rang gi mtshan nyid yongs su 'grub pa las rnam par gzhag la/ don dam pa'i bden pa ni sdug bsngal du ro gcig pa'i mtshan nyid kyi phyir/ spyi'i mtshan nyid kyis rnam par gzhag par blta bar bya ba'i phyir/ ci'i phyir sdug bsngal gyi bden pa ni yongs su shes par bya/ kun la byung ba'i bden pa ni spang bar bya/ 'gog pa'i bden pa ni mngon sum du bya/ lam gyi bden pa ni bsgom par bya zhe na/ smras pa/ sdug bsngal gyi bden pa ni phyin ci log bzhi'i gnas yin pas/ phyin ci log bsal ba'i phyir yongs su shes par bya'o/ /kun 'byung ba'i bden pa ni sdug bsngal gyi bden pas bsdus pa yin pa'i phyir/ sdug bsngal gyi bden pa yongs su shes su zin kyang/ da rung kun 'byung ba'i bden pa dang rjes su 'brel ba'i phyir kun 'byung ba'i bden pa ni spang bar bya ba yin no/ /mngon sum du bya ba ni mngon sum du bya ba'i don yin pas/ re mngon du byas nas 'gog pa la ni skrag cing dga' ba yongs su 'dzin pa'i phyir 'gog pa'i bden pa ni mngon du bya ba yin no/ /ji skad smos pa'i don gsum po dag bsgrub pa'i phyir lam goms par bya dgos pas na/ lam gyi bden pa ni bsgom par bya ba yin no/ /bden pa mngon par rtogs pa'i rnam pa du mtshan nyid ni ci 'dra zhe na/ smras pa/ mngon par rtogs pa'i don nges pa'i don te/ /de yang bden pa rnams la nges pa'i shes rab lhan cig 'byung ba rgyu dang bcas pa ste/ de ni re zhig mtshan nyid yin no/ /de yang rnam pa drug tu blta bar bya ste/ 'di lta ste/ rtog pa dang bcas shing dpyod pa dang bcas pa'i shar bshad pa'o/ /de la dang po gang zhe na/ smras pa/ bden pa rnams la nges par sems pa gang yin pa'o/ /gnyis pa gang zhe na/ smras pa/ dkon mchog gi don la nges pa'i phyir dkon mchog gsum po dag la shes nas dad pa gsum dang/ thos pa las byung ba'i shes rab nges pa gang yin pa'o/ /gsum pa gang zhe na/ smras pa/ 'phags pa dgyes pa'i tshul khrims rnams te/ ngan song ba'i las mi byed cing nges par sdom pa thob pa'i phyir ro/ /bzhi pa gang zhe na/ smras pa/ sngon sbyor ba'i lam la tshogs shin tu bsags pa'i tshe/ sems yongs su sbyar ba legs par byas pa na/ 'jig rten pa'i nges par ' byed pa'i cha dang mthun pa'i dge ba'i rtsa ba mthar thug pa'i rjes la so so'i bdag nyid la sems can gyi brda bsal ba'i chos la dmigs shing mthong bas spang bar bya ba'i nyon mongs pa'i phyogs dang mthun pa'i gnas ngan len chung ngu dang bral ba'i sems dang po skye ba dang/ de'i rjes la so so'i bdag nyid la chos kyi brda bsal ba'i chos la dmigs shing/ mthong bas spang bar bya ba'i nyon mongs pa'i phyogs dang mthun pa'i gnas ngan len 'bring dang bral ba'i sems gnyis pa skye ba dang/ de'i rjes la sems can thams cad dang/ chos thams cad kyi brda bsal ba'i chos la dmigs shing/ mthong bas spang bar bya ba'i nyon mongs pa'i phyogs dang mthun pa'i gnas ngan len thams cad dang bral ba'i sems gsum pa skye ba gang yin pa ste/ de ltar na de ni mthong ba'i lam yin no/ /de yang zung du 'brel pas 'jug pa'i lam yin te/ de ltar gyur pa de yang gsum ni lhag mthong dang mthun pa'i sems yin la/ gsum ni zhi gnas dang mthun pa'i sems yin yang zung du 'brel bas 'jug pa'i phyir gsum kho nar rnam par gzhag ste/ skad cig gcig la zhi gnas dang lhag mthong gnyi ga dmigs pa'i phyir ro/ /sems de dag ni rnam par gzhag pa'i bden pa la dmigs pa yin par blta bar bya ste/ dang po gnyis ni chos shes pa dang mtshungs par ldan pa yin la tha ma gsum pa gcig pu ni rjes su shes pa dang mtshungs par ldan pa yin par blta bar bya'o/ /sems de dag gi mthus de'i 'og ma mngon par rtogs pa gnyis pa la/ sdug bsngal la sogs pa rnam par gzhag pa'i bden pa rnams la sdug bsngal la sogs pa shes pa rnam par dag pa bar chad med pa skye ba'i phyir de dag kyang sdug bsngal dang/ kun 'byung ba dang/ 'gog pa dang/ lam shes pa nyid yin par rab tu grub pa yin par rig par bya'o/ /de ltar zhi gnas dang/ lhag mthong gi phyogs dang/ mthun pa'i sems gsum po de dag gis mthong bas spang bar bya ba'i nyon mongs pa nye bar zhi ba mngon du byed pa dang/ nyon mongs pa dang/ phung po thams cad zhi bar byed pa 'jig rten las 'das pa'i lam thob pa gang yin pa de ni mngon par rtogs pa'i shes pa bden pa mngon par rtogs pa shes par bya'o/ /mngon par rtogs pa'i mdza' las byung ba'i shes pa bden pa mngon par rtogs pa gang zhe na/ mngon par rtogs pa'i rjes las thob pa'i shes pa gang yin pa de ni mngon par rtogs pa'i mdza' las byung ba'i shes pa zhes bya ste/ shes pa de yang sems gsum pa'i mjug thogs su mthong ba'i lam las langs pas mngon du byas nas/ sngon 'jig rten pa'i shes pas dpyad nas/ rnam par gzhag pa'i bden pa sa 'og ma pa sa 'og ma'i dbang gis byung ba dang/ sa gong ma pa sa gong ma'i dbang gis byung ba rnams la/ chos dang rjes su rtogs pa'i shes pa dang 'dra ba kun rdzob shes pa 'jig rten pa dang 'jig rten las 'das pa 'am/ 'jig rten las 'das pa'i rjes las thob pa'i shes pas bden pa re re la yang go rims bzhin du 'dod pa'i shes pa dang/ mngon par rtogs pa nges pa'i shes pa gnyis gnyis 'byung ba ste/ de ltar mngon par rtogs pa snga ma las langs pa la gong ma 'am 'og ma'i bden pa dag la/ shes pa gnyis gnyis 'byung ba gang yin pa de ni mngon par rtogs pa'i mdza' las byung ba'i shes pa bden pa mngon par rtogs pa zhes bya'o/ /de la shes pa snga ma ni brda bsal ba'i chos la dmigs pa'i phyir rnam par rtags pa med pa yin no/ /shes pa phyi ma ni brnga ma bsal ba'i chos la dmigs pa'i phyir rnam par rtog pa dang bcas pa yin no/ /yang snga mas ni mthong bas spang bar bya ba'i nyon mongs pa'i bag la nyal gnas las spong bar byed do/ /phyi mas ni dmigs pa yid la byed pas de dag nyid kyi 'jug pa spong bar byed do/ /yang snga mas ni bsgom pa'i lam la 'jig rten las 'das pa'i lam gyis spong bar byed do/ /phyi mas ni 'jig rten pa dang 'jig rten las 'das pa'i lam gyis spong bar byed do/ /'jig rten pa'i lam 'ba' zhig gis bag la nyal yang dag par 'joms pa ni med de/ 'jig rten pa ni 'dris pa'i phyir dang/ mtshan ma la mngon par zhen pas 'jug pa'i phyir ro/ /de ni ji ltar mtshan ma la mngon par zhen pas 'jug pa de ltar mtshan ma rnam par 'jig par 'jug par mi 'gyur la/ ji ltar mtshan ma rnam par 'jig par mi 'jug pa de ltar gnas ngan len yang dag par 'joms par yang 'jug par mi 'gyur te/ de'i phyir des bag la nyal yang dag par 'joms pa med do/ /mthar thug pa'i mngon par rtogs pa gang zhe na/ smras pa/ bsgom pas spang bar bya ba dag spangs pa la zad pa shes pa dang mi skye ba shes pa gcig tu 'jig rten las 'das pa dang/ 'jig rten pa dang 'jig rten las 'das pa ni tshe 'di la nyon mongs pa thams cad nges par spangs pa dang/ phyi ma la yang phung po thams cad nges par 'gags pas na/ mthar thug pa'i mngon par rtogs pa zhes bya'o/ /de la 'jig rten las 'das pa'i zad pa shes pa gang zhe na/ zad pa la rnam par mi rtog pa'i shes pa gang yin pa'o/ /'jig rten pa dang 'jig rten las 'das pa'i zad pa shes pa gang zhe na/ zad pa la rnam par rtog pa dang bcas pa'i shes pa gang yin pa'o/ /'jig rten las 'das pa'i mi skye ba shes pa gang zhe na/ smras pa/ phung po 'gag pa de nyid kyi rgyu'i don gyis phyi mar phung po mi skye ba la rnam par mi rtog pa gang yin pa'o/ /'jig rten pa dang 'jig rten las 'das pa'i mi skye ba shes pa gang zhe na/ smras pa/ phyi mar phung po mi skye ba la rnam par rtog pa dang bcas pa gang yin pa'o/ /rigs bram ze gang dag yin pa de dag ni gnas gsum po dag yang dag pa dang/ bden pa las 'dogs par byed cing/ de nas kyang rigs bram ze de dag gnas gsum po de dag nyid la nyes pa gsum gyis yang dag par skyon chags pa'i sems kyis gnas par byed de/ de ltar de dag ni don dam par bram ze ma yin pa'i grangs su 'gro'o/ /gnas gsum po dag gang zhe na/ 'tsho ba dang bsod nams yang dag par rtsol ba dang/ 'bras bu la sems pa'o/ /de la rigs bram ze rnams kyi 'tsho ba ni shis par brjod pa dang/ bstod pa dang/ 'dod pa brjod pa dag gis 'tsho ba ste/ de la rigs bram ze rnams ni rgyal po 'am blon po chen po 'am/ bram ze 'am/ khyim bdag gam/ brong rdal gyi mi 'am/ yul gyi mi 'am/ nor can nam/ tshong dpon nam/ ded dpon nam/ gang las 'tsho ba'i yo byad slong bar byed pa de la/ de dag 'di skad du/ khyod kyi dag rnams zad de smeg med pa dang/ sdug bsngal ba dang/ zil gyis non pa dang/ bsad par gyur cig /de bzhin du khyod kyi dpal dang dbang thang ni mi g.yo ba dang/ rtag pa dang mi 'gyur ba dang/ mi 'brogs? par gyur cig ces shis par brjod pa sbyor bar byed do/ /de bzhin du bstod pa yang sbyor bar byed de/ 'di ltar khyod ni dpa' bo yin no/ /nyams stobs dang ldan pa yin no/ /snying stobs can yin no/ /khyed ni dgra rnams gsod par nus pa yin no/ /zhes bstod par yang byed do/ /dgra bsad par gyur na ni 'di skad ces brjod de/ khyed kyi ni 'di lta 'di ltar dgra rnams nges par bsad pa yin te/ khyed ltar dgra rnams dang bral ba'i skye bo ni 'jig rten na dkon no zhes rjod par byed do/ /yun ring po nas longs spyod dang yongs su spyod pa dang ldan pa las brtsams nas kyang 'di skad du/ khyod lta bu ni 'jig rten na dkon te/ 'di ltar dpal dang dbang thang mi g.yo ba dang ldan pa yin no zhes brjod par byed do/ /de skad ces 'dod pa brjod pa sbyor bar yang byed do/ khyod ni skyes bu dam pa mtshan 'di lta bu dang ldan pa nas ring por mi thogs par khyod kyi dgra thams cad zad de rmeg med pa dang/ zil gyis gnon pa dang/ bsad par yang 'gyur/ /khyod 'di lta bu'i mtshan dang ldan na/ lag skyong dpal dang dbang thang mi g.yo ba dang ldan par 'gyur zhes kyang brjod par byed do/ /de dag mnga' bshes kyi khyim dang/ slongs mo ster ba'i khyim de dag la yang/ khyim 'di gzhi bdag gi yin gyis 'di dag ni dge sbyong dang bram ze gzhan dag gis slang ba ni ma yin no snyam du bdag gir 'dzin par yang byed do/ /de dag gis de nas snyed ba chos gos sam/ bsod snyoms sam/ mal cha'am/ stan la sogs pa ji snyed pa'i snyed pa de dag kyang chags pa dang/ zhen pa dang/ 'chums pa dang/ mdud pa por ba dang/ brgyal ba dang/ lhag par chags pa dang/ / lhag par chags par gyur pas yongs su longs spyod par byed pa'o/ /de la rigs ni bram ze rnams kyi bsod nams yang dag par rtsom pa ni srog chags rnam pa sna tshogs du ma gsod pa dang ldan pa'i mchod sbyin ston par byed pa dang/ mchod sbyin de'i 'bras bu rtag pa'i gnas yin par brtags par ston pa dang/ mchod sbyin rtsom pa der 'gron du gnyer ba rnams kyang blang ba sna tshogs mchog mang po bdag gi bya ba'i rgyu mtshan gyis gcig la gcig rgyud cing 'khu ba'i sems mngon par 'du byed pa ste/ rnam pa gsum po de dag gis yang dag par rtsom par rig par bya'o/ /de la rigs bram ze rnams kyi 'bras bu la sems pa ni 'di lta ste/ lha ma yin gyi rigs rnams ni rigs bsad par bya ba yin no/ /lha'i rigs rnams ni rtag pa yin no/ /bram ze'i rigs ni mchog yin no/ /rigs gzhan ni dman pa yin no/ /bram ze ni rgyas par tshangs pa las skyes pa dang/ tshangs pas sprul pa dang/ tshangs pa'i bgo skal la spyod pa'o zhes bya ba'i bar du ste/ rigs bram ze gang yin pa de dag gi 'bras bu la sems pa ni bsam pa de lta bu dang rjod pa de lta bu dag gis rig par bya'o/ /de ltar rigs bram ze rnams ni gnas gsum po de dag la 'di ni bden pa kho na yin gyi/ gzhan ni brdzun pa yin no zhes nan gyis mchog tu bzung zhing mngon par zhen par byas nas tha snyad 'dogs par byed do/ /nyes pa gsum po gang dag gis sems skyon chags par gyur ce na/ ngag gi nyes pa dang/ nga rgyal gyi nyes pa dang/ mos pa'i nyas pas so/ / gnas gsum po de dag nyid la dag log pa 'jug pa gang yin pa de ni dag gi nyes pa yin par rig par bya'o/ /gnas bzang po ma yin pa gsum gdags pa byas pa dang/ tshig bzang po ma yin pa kun tu brjod pa las gzhan las brten te bdag che ba 'am/ mtshungs pa 'am/ chung bar rlom sems byed pa gang yin pa de ni de dag gi nga rgyal gyi nyes pa yin par rig par bya'o/ /de dag gnas gsum po de dag nyid la yon tan dang skyon ma spyad par gnas de dag la gcig tu mos par byed cing/ sangs rgyas rnams dang sangs rgyas kyi nyan thos rnams kyi legs par gdams pa mdzad cing legs par rjes su bstan pa mdzad kyang gnas dang gnas ma yin pa la legs par mi gnas pa dang/ yongs su brtags pa la legs par mi gnas pa dang/ lam la legs par mi gnas pa dang/ shis pa brjod pa la legs par mi gnas pa de ni de dag gi mos pa'i nyes pa yin par rig par bya ste/ nyes pa gsum po de dag kyang lta ba ngan pa'i nyes pas kun nas bslang bar rig par bya'o/ /de ltar na rigs bram ze rnams ni gnas gsum po de dag la nyes pa gsum po de dag dang ldan pas don dam par bram ze ma yin pa'i grangs su 'gro ba yin/ rigs bram ze ma yin yang gang dag gnas gsum po 'di dag bden pa dang/ yang dag pa las 'dogs par byed na/ de dag ni gnas gsum po de dag la nyes pa gsum gyis sems skyon chags pa med pas de dag ni rigs bram ze ma yin yang don dam par bram ze zhes bya ba'i grangs su 'gro'o/ /gnas gsum po dag gang zhe na/ /sems can thams cad bsad par bya ba ma yin no zhes gnas dang po 'di smra na/ bden pa nyid smra ba yin gyi brdzun pa ni ma yin te/ de'i phyir de dag gi gnas dang po 'di la dag gi nyes pas skyon chags pa med pa yin no/ /de dag gnas de dang bden pa smra ba des gzhan la brten nas bdag nyid che ba 'am/ mtshungs pa 'am/ chung bar rlom sems mi byed pas de'i phyir de dag gnas de la nga rgyal gyi nyes pas yang dag par skyon chags pa med pa'i yid dang ldan pa yin no/ /de dag gnas de la yon tan dang skyon rnam par dpyad pas dmigs pa des dge ba'i chos rnams mngon par 'phel bar yang dag par rjes su mthong bas kha na ma tho ba med pa'i lus dang sems kyis phan 'dogs pa tshe 'di la bde bar gnas pas/ sems can thams cad la byams pa'i rang bzhin gyis nyin mtshan du rjes su slob cing lan mang du gnas so/ /gnas de la gzhan dag gi dad pas mi 'gro zhing bdag rang gis bden pa de legs par mngon par rtogs pas de dag ni bden zhing mngon par zhen pa med pa zhes bya ste/ de'i phyir mos pa'i nyes pas skyon chags pa med pa'i sems dang ldan par rig par bya'o/ /de bzhin du 'du byed thams cad mi rtag pa'o zhes bya ba 'di ni gnas gnyis pa ste/ lhag ma ni snga ma bzhin no/ /chos thams cad bdag med pa'o zhes bya ba 'di ni gsum pa ste/ lhag ma ni snga ma bzhin du rig par bya'o/ /de la bye brag ni yod de/ bden pa gnyis pa la ni 'du byed thams cad la 'byung ba dang 'jig par rjes su lta bas nyin mtshan du rjes su slob cing lan mang du gnas so zhes brjod par bya'o/ /bden pa gsum pa la ni chos thams cad la bdag gir 'dzin pa med pa'i tshul gyis nyin mtshan du rjes su slob cing lan mang du gnas so zhes brjod par bya'o/ /gnas gsum po de dag la nyes pa gsum po de dag gis yang dag par skyon chags pa med pa'i sems dang ldan pa de dag ni rigs bram ze ma yin yang don dam par bram ze zhes bya ba'i grangs su 'gro ba yin no/ /bram zer byed pa'i gnas gsum po bden pa las nyes pa gsum dang bral ba de dag ni de bzhin gshegs pa kho nas mngon par rdzogs par thugs su chud de/ de dag ni mdo las sems can thams cad bsad pa ma yin pa zhes bya ba dang/ 'byung ba'i chos can gang yin pa de dag thams cad ni 'gog pa'i chos can yin no/ /zhes bya ba dang/ bdag kyang med la bdag gi yang med de/ bdag ni ci yang med gang yang med gang na yang med do/ /bdag kyang ci yang med gang yang med gang na yang med do zhes ji skad gsungs pa'i don rgya cher bshad pa yin par khong du chud par bya'o/ /phung po rnams kyi gnas skabs du yod ce na/ smras pa/ mang ste sems dang ldan pa ma yin pa 'di lta ste/ 'thob pa dang/ 'du shes med pa'i snyoms par 'jug pa la sogs pa rgyas par sngar bstan pa bzhin du rig par bya'o/ /'thob pa gnas skabs gang la gdags/ 'thob pa la rnam pa du yod ce na/ smras pa/ rgyu'i dbang kun tu 'byung ba'i skabs la'o/ /rnam pa gsum ste/ 'di lta ste/ sa bon dang ldan pa dang/ dbang dang ldan pa dang/ kun tu spyod pa dang ldan pa'o/ /'du shes med pa'i snyoms par 'jug pa dang/ 'gog pa'i snyoms par 'jug pa dang/ 'du shes med pa ba gnas skabs gang la gdags/ 'du shes med pa'i snyoms par 'jug pa dang/ 'gog pa'i snyoms par 'jug pa dang/ 'du shes med pa pa la rnam pa du yod ce na/ smras pa/ 'du shes med pa'i snyoms par 'jug pa ni dge rgyas kyi 'dod chags dang bral la/ gong ma'i ma yin pa'i 'byung ba'i 'du shes sngon du btang ba'i yid la byed pas ming 'gog pa'i gnas skabs la'o/ /de yang rnam pa gsum ste/ ngo bo nyid las ni dge ba yin no/ /gang zag las ni so so'i skye bo'i rgyud du gtogs pa yin no/ /skye ba las ni dang po 'dir bskyed cing de'i 'og tu gzugs kyi khams su bsam gtan bzhi pa la 'bras bu las so sor myong bar 'gyur ba yin no/ /'gog pa'i snyoms par 'jug pa ni ci yang med pa'i skye mched kyi 'dod chags dang bral ba'i gnas pa'i 'du shes mngon du gtor? ba'i yid la byed pas ming 'gog pa'i gnas skabs la'o/ /de yang rnam pa gsum ste/ ngo bo nyid las ni dge ba nyid yin no/ /gang zag las ni 'phags pa'i rgyud du gtogs te/ slob pa'i rgyud dam mi slob pa'i rgyud du gtogs pa yin no/ / skye ba las ni kun gzhi rnam par shes pa rnam par ma gzhag na ni dang por 'dir skyes shing/ de'i 'og tu gzugs kyi khams su mngon du byed do/ /mngon du byed pa ni gzugs kyi lus la rag las pa yin pa'i phyir ro/ /kun gzhi rnam par shes pa rnam par gzhag na ni mngon du byed pa thams cad du 'gro ba yin par blta bar bya'o/ /'du shes med pa ni 'du shes med pa'i sems can lha rnams kyi nang du skyes pa'i ming 'gog pa'i gnas skabs la'o/ /de yang rnam pa gsum ste/ ngo bo nyid las ni ma bsgribs la lung du ma bstan pa yin no/ /gang zag las ni so so'i skye bo kho na der skye'o 'phags pa ni ma yin no/ /skye ba las ni de ni 'du shes med pa'i snyoms par 'jug bsgrub par byed pa'i sems pa'i rnam par smin pa'i 'bras bu yin te/ 'du shes skyes nas sems can de dag de nas 'chi 'pho bar gyur ba yin no/ /srog gi dbang po gnas skabs gang la gdags/ de rnam pa du yod ce na/ smras pa/ las kyis 'phangs pa'i rnam par smin pa gnas pa'i dus nges pa'i gnas skabs la'o/ /de yang rnam pa gsum ste/ nges pa dang/ ma nges pa dang/ 'dod pa dang/ mi 'dod pa dang/ yo dang bskal ba'i grangs rnam par gzhag pa las so/ /ris mthun pa gnas skabs gang la gdags de rnam pa du yod ce na/ smras pa/ sems can 'dra ba'i gnas skabs la'o/ /rnam pa gsum ste/ skye ba rigs mthun pa dang/ rang bzhin rigs mthun pa dang/ bzo dang las kyi gnas kyis 'tsho ba'i ris mthun pa'o/ /skye ba gnas skabs gang la gdags/ rnam pa du yod ce na/ smras pa/ da ltar byung ba'i skabs la'o/ /rnam pa gsum ste/ skad cig gi skye ba dang/ nying mtshams sbyor ba'i skye ba dang/ gnas skabs kyi skye ba'o/ /rga ba gnas skabs gang la gdags/ rnam pa du yod ce na/ smras pa/ snga phyi'i gnas skabs la'o/ /rnam pa gsum ste/ gzhan nyid kyi rga ba dang/ gzhan du gyur pa'i rga ba dang/ nye bar spyod pa'i rga ba'o/ /gnas pa gnas skabs gang la gdags/ rnam pa du yod ce na/ smras pa/ skyes pa'i gnas skabs nyid la'o/ /rnam pa gsum ste/ skad cig gnas pa dang/ rgyun gnas pa dang/ lugs gnas pa'o/ /mi rtag pa nyid gnas skabs gang la gdags/ rnam pa du yod ce na/ smras pa/ skyes nas zhig pa'i gnas skabs la'o/ /rnam pa gsum ste/ 'jig pa'i mi rtag pa nyid dang/ 'gyur pa'i mi rtag pa nyid dang/ bral ba'i mi rtag pa nyid do/ /ming gi tshogs gnas skabs gang la gdags/ rnam pa du yod ce na/ smras pa/ brda'i tha snyad 'dogs pa'i gnas skabs la'o/ /rnam pa gsum ste/ nye bar 'dogs pa dang/ yang dag pa'i dngos po dang/ grags pa dang/ ma grags pa'o/ /ming gi tshogs ji lta ba bzhin du/ tshig gi tshogs dang/ yi ge'i tshogs kyang de bzhin du rig par bya'o/ /de la bye brag ni 'di yod de/ bstan pa'i tshig dang/ bshad pa'i tshig dang/ tshig gis bsdus pa dang/ yi ges bsdus pa'o/ /so so'i skye bo gnas skabs gang la gdags/ rnam pa du yod ce na/ smras pa/ 'jig rten las 'das pa 'phags pa'i chos ma bskyed pa'i gnas skabs la'o/ /rnam pa gsum ste/ 'dod pa na spyod pa dang/ gzugs na spyod pa dang/ gzugs med pa na spyod pa'o/ /'jug pa gnas skabs gang la gdags/ rnam pa du yod ce na/ smras pa/ rgyu dang 'bras bu'i rgyun gyis gnas skabs la'o/ /rnam pa gsum ste/ skad cig gcig nas gcig tu 'jug pa dang/ skye ba gcig nas gcig tu 'jug pa dang/ kun nas nyon mongs pa dang rnam par byang ba gcig nas gcig tu 'jug pa'o/ /so sor nges pa gnas skabs gang la gdags/ rnam pa du yod ce na/ smras pa/ chos tha dad pa'i mtshan nyid kyi gnas skabs la'o/ /rnam pa gsum ste/ mtshan nyid so sor nges pa dang/ rgyu so sor nges pa dang/ 'bras bu so sor nges pa'o/ /sbyor ba gnas skabs gang la gdags/ rnam pa du yod ce na/ smras pa/ rgyu dang 'bras bu mthun pa'i gnas skabs la'o/ /rnam pa gsum ste/ 'dus pa'i sbyor ba dang/ thabs kyi sbyor ba dang/ rigs pa'i tshul gyis bya ba byed pa'i sbyor ba'o/ /mgyogs pa gnas skabs gang la gdags/ rnam pa du yod ce na/ smras pa/ myur du 'jug pa'i gnas skabs la'o/ rnam pa gsum ste/ 'du byed kyi mgyogs pa dang/ skyes bu'i byed pa'i mgyogs pa dang/ rdzu 'phrul gyi mgyogs pa'o/ /go rim gnas skabs gang la gdags/ rnam pa du yod ce na/ smras pa/ 'du byed re re nas 'jug pa'i gnas skabs la'o/ / rnam pa gsum ste/ skad cig pa'i 'jug pa'i go rim dang/ lus 'jug pa'i go rim dang/ bya ba sgrub pa 'jug pa'i go rims so/ /dus gnas skabs gang la gdags/ rnam pa du yod ce na/ smras pa/ 'du byed kyi rgyun rgyun? mi 'chad pa'i gnas skabs la'o/ / rnam pa gsum ste/ 'das pa dang/ ma 'ongs pa dang/ da ltar byung ba'o/ /yul gnas skabs gang la gdags/ rnam pa du yod ce na/ smras pa/ gzugs yongs su bzung ba'i gnas skabs la'o/ /rnam pa gsum ste/ 'og gi yul? dang/ steng gi yul dang/ thad ka'i yul lo/ /grangs gnas skabs gang la gdags/ rnam pa du yod ce na/ smras pa/ chos yongs su gzhal pa yang dag par mtshon pa'i gnas skabs la'o/ /rnam pa gsum ste/ /gcig gi grangs dang/ gnyis kyi grangs dang/ mang po'i grangs so/ /tshogs pa gnas skabs gang la gdags/ rnam pa du yod ce na/ smras pa/ bya ba'i yan lag ma tshang ba med pa'i gnas skabs la'o/ /rnam pa gsum ste/ 'dus pa'i tshogs dang/ don gcig gi tshogs dang/ yongs su rdzogs pa'i tshogs pa'o/ /ma tshogs pa gnas skabs gang la gdags/ rnam pa du yod ce na/ smras pa/ ma tshogs pa'i gnas skabs dang/ rab tu dbye ba ni tshogs pa las bzlog pa las rig par bya'o/ /de la phung po rnams la gzugs can gyi mtshan nyid gang/ phung po rnams las du zhig ni gzugs can yin zhe na/ de nyid kyis de bshad par byas nas gzugs kyi ngo bo nyid kyi don gyi phung po gzugs can ni gcig go /bstan du yod pa rnams don gang gis yin du yod ce na/ smras pa/ bstan du yod pa'i mig gi spyod yul du don gyis so/ /gcig gi phyogs gcig go /thogs pa dang bcas pa rnams don gang gis yin du yod ce na/ smras pa/ thogs pa dang bcas pa ni phan tshun reg cing yul gnon pa'i don dang/ rags pa'i don gyis te rags pa'i don ni cha phra ba rnam pa gsum ma gtogs pa yin par rig par bya ste/ cha phra ba rnam pa gsum ni snga ma bzhin du rig par bya'o/ /gcig gi phyogs gcig go /zag pa dang bcas pa rnams don gang gis yin du yod ce na/ smras pa/ gnas ngan len dang rjes su 'brel pa'i don dang/ de'i gnyen po ma yin pa'i nyon mongs pas bskyed pa'i don gyis so/ /thams cad kyi phyogs gcig go /zag pa dang bcas pa'i don gzhan yang gang la nyon mongs pas nyes pa rnam bzhi skyed par nus pa de ni zag pa dang bcas pa yin no// nyes pa rnam bzhi gang zhe na/ smras pa/ rab tu ma zhi ba'i nyes pa dang/ nang dang/ phyi rol 'gyur ba'i nyes pa dang/ nyes par spyod pa kun nas slong ba'i nyes pa dang/ rgyu yongs su 'dzin pa'i nyes pa'o/ /de la dang po ni kun nas dkris pa kun tu spyod pa las gyur pa yin par blta bar bya'o/ /gnyis pa ni nyon mongs pa'i gzhi las rjes su spyod pa las gyur pa yin par blta bar bya'o/ /gsum pa ni nyon mongs pa'i rgyu las gyur ba yin par blta bar bya'o/ /bzhi pa ni yang srid pa 'phen ba las gyur pa yin par blta bar bya'o/ /'dus byas rnams don gang gis yin du yod ce na/ smras pa/ rgyu las byung ba 'byung ba'i skal pa can gyi don gyis so/ /'dus byas thams cad do/ /nyon mongs pa dang bcas pa rnams don gang gis yin du yod ce na/ smras pa/ gnod pa mang pos dbang bsgyur ba'i don gyis so/ /thams cad kyi phyogs gcig kho na'o/ /zang zing dang bcas pa rnams don gang gis yin/ du yod ce na/ smras pa/ sred pa dang lta ba mang pos dbang bsgyur ba'i don gyis so/ /thams cad kyi phyogs gcig kho na'o/ /zhen pa la brten pa rnams don gang gis yin/ du yod ce na/ smras pa/ 'dod pa'i 'dod chags mang pos dbang bsgyur ba'i don gyis so/ /thams cad kyi phyogs gcig kho na'o/ /'jig rten po rnams don gang gis yin/ du yod ce na/ smras pa/ spros pa'i gnas kyi don gyis so/ /thams cad kyi phyogs gcig kho na'o/ /gtogs pa rnams don gang gis yin du yod ce na/ smras pa/ khams gsum du 'jig rten pa'i don gyis so/ /thams cad kyi phyogs gcig kho na'o/ /'das pa rnams don gang gis yin du yod ce na/ smras pa/ rgyu dang 'bras bu spyad zin pa'i don gyis so/ /thams cad do/ /ma 'ongs pa rnams don gang gis yin du yod ce na/ smras pa/ rgyu dang 'bras bu ma spyad pa'i don gyis so/ /thams cad do/ /da ltar byung ba rnams don gang gis yin du yod ce na/ smras pa/ rgyu spyad zin pa'i don dang 'bras bu ma spyad pa'i don gyis so/ /thams cad do/ /nang gi rnams don gang gis yin du yod ce na/ smras pa/ skye mched drug po dag de dang 'brel pa'i don gyis so/ /gcig ni phyogs gcig dang bzhi'o/ /phyi rol gyi rnams don gang gis yin du yod ce na/ smras pa/ nang gi las bzlog pa'i don gyis so/ /gcig gi phyogs gcig go /rags pa rnams don gang gis yin du yod ce na/ smras pa/ ma gsal ba dang/ brtsags pa dang/ mtshan nyid rtas pa'i don gyis so/ /thams cad kyi phyogs gcig kho na'o/ /phra ba rnams don gang gis yin du yod ce na/ smras pa/ rags pa las bzlog pa'i don gyis so/ /thams cad kyi phyogs gcig kho na'o/ /dman pa rnams don gang gis yin du yod ce na/ smras pa/ mi rtag pa dang/ sdug bsngal ba dang/ mi gtsang ba dang/ nyon mongs pa can gyi don gyis so/ /thams cad kyi phyogs gcig kho na'o/ /bzang po rnams don gang gis yin du yod ce na/ smras pa/ dman pa las bzlog pa'i don gyis so/ / thams cad kyi phyogs gcig kho na'o/ /thag ring ba rnams don gang gis yin du yod ce na/ smras pa/ yul dang/ 'das pa dang ma 'ongs pa'i dus kyis bskal ba'i don gyis so/ /thams cad kyi phyogs gcig kho na'o/ /thag nye ba rnams don gang gis yin du yod ce na/ smras pa/ thag ring ba las bzlog pa'i don gyis so/ /thams cad kyi phyogs gcig kho na'o/ /'dod pa dang ldan pa rnams don gang gi yin du yod ce na/ smras pa/ 'dir skyes pa gnyen po ma thob pa 'am/ thob pa las langs ba dus gsum tu kun tu spyod pa'i don gyis so/ /thams cad kyi phyogs gcig kho na'o/ /gzugs dang ldan pa rnams don gang gis yin du yod ce na/ smras pa/ gzugs na spyod pa'i gnyen po thob pa snyoms par zhugs pa dang/ skyes pa gong ma'i gnyen po ma thob pa 'am/ thob pa de las langs pa dus gsum du kun tu spyod pa'i don gyis so/ /thams cad kyi phyogs gcig kho na'o/ /gzugs med pa dang ldan pa rnams don gang gis yin du yod ce na/ smras pa/ gzugs med pa dang ldan pa'i gnyen po thob pa de la snyoms par zhugs pa dang/ skyes pa gong ma'i gnyen po ma thob pa 'am/ thob pa de las langs pa dus gsum du kun tu spyod pa'i don gyis so/ /thams cad kyi phyogs gcig kho na'o/ /rnam grangs gzhan yang 'dod pa dang ldan pa rnams ni shin tu sbyangs pa dang bcas pa'i ting nge 'dzin dang/ de'i 'khor dang de'i 'bras bu'i chos kyis bsdus pa'i don gyis so/ /gzugs dang ldan pa rnams ni/ gzugs dang 'brel ba'i nyon mongs pa dang/ de las bzlog pas bsdus pa'i don gyis so/ /gzugs med pa dang ldan pa rnams ni gzugs dang mi ldan pa'i nyon mongs pa des bsdus pa'i don gyis rig par bya'o/ /dge ba rnams don gang gis yin du yod ce na/ smras pa/ phyi ma la bde ba'i 'bras bu'i don dang nyon mongs pa dang sdug bsngal spong ba'i gnyen po'i don gyis so/ / thams cad kyi phyogs gcig kho na'o/ /mi dge ba rnams don gang gis yin du yod ce na/ smras pa/ phyi ma la sdug bsngal ba'i 'bras bu'i don dang nyes par spyod pa kun nas slong ba'i don gyis so/ /thams cad kyi phyogs gcig kho na'o/ /lung du ma bstan pa rnams don gang gis yin du yod ce na/ smras pa/ de gnyi ga las bzlog pa'i don gyis so/ /thams cad kyi phyogs gcig go /rnam grangs gzhan yang dge ba rnams ni skyon med pa'i don dang/ skyon dang yon tan gyi gnyen po dang/ rjes su mthun pa'i don gyis so/ /mi dge ba rnams ni de las bzlog pa'i don gyis so/ /lung du ma bstan pa rnams ni de gnyi ga las bzlog pa'i don gyis so/ /slob pa rnams don gang gis yin du yod ce na/ smras pa/ slob pa'i sbyor ba las byung ba'i dge ba'i don gyis so/ /thams cad kyi phyogs gcig kho na'o/ mi slob pa rnams don gang gis yin du yod ce na/ smras pa/ bslab pa yongs su rdzogs pa la mkhas pa'i don gyis so/ /thams cad kyi phyogs gcig kho na'o/ /slob pa yang ma yin mi slob pa yang ma yin pa rnams don gang gis yin du yod ce na/ smras pa/ de lus gzhan pa dge ba dang/ nyon mongs pa can dang/ lung du ma bstan pa'i chos kyi don gyis so/ /thams cad kyi phyogs gcig kho na'o/ /mthong bas spang bar bya ba rnams don gang gis yin du yod ce na/ smras pa/ mngon par rtogs pa'i shes pa bden pa mngon par rtogs pas spang bar bya ba'i don gyis so/ /thams cad kyi phyogs gcig kho na'o/ /bsgom pas spang bar bya ba rnams don gang gis yin/ du yod ce na/ smras pa/ mngon par rtogs pa de'i gong ma bsgom pa'i lam gyis spang bar bya ba'i don gyis so/ / thams cad kyi phyogs gcig kho na'o/ /sdang bar bya ba ma yin pa rnams don gang gis yin du yod ce na/ smras pa/ nyon mongs pa can thams cad gtan spangs pa dang gnyen po'i don dang/ spangs zin pa'i don gyis so/ /thams cad kyi phyogs gcig kho na'o/ / gzugs can ma yin pa rnams don gang gis yin du yod ce na/ smras pa/ gzugs can ma yin pa la sogs pa'i don ni gzugs can la sogs pa ji skad bstan pa rnams las bzlog pa'i don gyis blta bar bya ste/ de ltar de lta bu dang mthun pa dag ni phung po rnams kyi rnam pa'i rab tu dbye ba dag yin no/ /phung po'i don ni spungs pa'i don to zhes gang gsungs pa de la spungs pa'i don gang zhe na/ smras pa/ spungs pa'i don ni bdag nyid sna tshogs mang po'i don dang/ de bzhin du phan tshun 'dres pa'i dngos pos 'jug pa'i don dang/ de bzhin du gcig tu mngon par bsdus pa'i don dang/ 'phel ba dang 'bri ba'i don to/ /ci'i phyir gzugs la gzugs shes bya zhe na/ smras pa/ yul de dang des skye ba'i don dang/ gzugs su rung ba'i don gyis so/ gzugs su rung pa'i don kyang rnam pa gnyis te/ lag pa la sogs pa 'dus te reg pas gnod pa byar rung ba'i don dang yul sna tshogs su byed pa'i don to/ /ci'i phyir phung po gzugs can ma yin pa bzhi po dag la ming zhes bya zhe na/ smras pa/ dmigs pa sna tshogs la nye bar gzhol ba'i don dang/ tha snyad las byung ba'i ming las brten te dmigs pa las rnam par rtog ba'i don gyis so/ /phung po rnams gang gis bsdus ci'i phyir bsdus pa rnam par gzhag ce na/ smras pa/ ngo bo nyid kyis bsdus so/ /rang gi rigs sna tshogs yongs su shes par bya ba'i phyir de rnam par gzhag go / chos rnams gang dang mtshungs par ldan/ ci'i phyir mtshungs par ldan par rnam par gzhag ce na/ smras pa/ gzhan gyi dngos po dang mtshungs bar ldan no/ /sems rang bzhin gyis 'od gsal ba la nyon mongs pa can dang nyon mongs pa can ma yin pa'i chos rnams 'phel ba dang 'bri ba yongs su shes par bya ba'i phyir de yang rnam par gzhag go / dge sbyod dang bram ze la la ming la sems tsam zhig rdzas su 'dod la sems las byung ba'i chos rnams ni mi 'dod pa gang dag? yod pa de dag kyang mi 'thad do/ /de ci'i phyir zhe na/ dang po kho nar phung po rnams snga kho nar bstan pa mi 'thad pa'i phyir ro/ /gal te gnas skabs kyi bye brag las lnga kho nar yongs su rtog na ni de'i gnas skabs kyi bye brag tu rtog pa yang skyon chags pa yin no/ /de ci'i phyir zhe na/ gnas skabs de dag gi phan tshun bya ba byed nus pa'i bye brag yod ba 'am med pa'i skyon tu thal bar 'gyur ba'i phyir te/ yod na ni mtshan nyid mi 'dra ba'i phyir rdzas gzhan yod bar thal bar 'gyur ro/ /de med na ni gnas skabs gzhan yod par rtog pa don med par 'gyur ro/ /rnam par shes pa'i tshogs drug gi gnas skabs tha dad ba lta bur rang ming rung ngo/ /de ci'i phyir zhe na/ rnam par shes pa'i tshogs drug po dag ni gnas dang dmigs pa tha dad pa'i phyir ro/ /gnas skabs de dag gi ni gcig la dmigs pa'i phyir mi rung ngo/ /yongs su gyur pa las kyang mi rung ngo/ /de ci'i phyir zhe na/ gzugs nyan la ni brdzogs? su 'gyur ba dang ldan pas? gnas skabs tha dad pa dag rung gi gzugs can ma yin pa la ni mi rung ste/ 'o ma dang zho dang mar sar la sogs pa dang 'du ba'i phyir ro/ / byed rgyu khyad par med pa'i phyir sems kyi gnas skabs gzhan du 'gyur ba ni mi rung ngo/ /skad cig gcig la gang gis gnas skabs gzhan la ston par 'gyur ba'i byed rgyu khyad par can gzhan ni mi dmigs te/ de lta bas na gnas skabs kyi bye brag kyang mi rung ngo/ /sems tsam zhig rdzas su yod pa ni lung dang 'gal bas kyang mi rung ste/ lung dang 'gal ba gang zhe na/ 'dod chags kyi nye bar nyon mongs pa can du 'gyur ba dang zhe sdang dang gti mug gis nye bar nyon mongs pa can du gyur pa'i sems ni rnam par grol bar mi 'gyur ro/ /zhes ji skad gsungs pa'o/ /de la 'gal ba ci yod ce na/ smras pa/ sems tsam ste gnyis cig char du 'byung ba med pa yin na 'dod chags la sogs pa rnam par rig pa la mi brten par thal bar 'gyur bas mi rung ba'o/ rnam par rig pa sngon du 'gro ba nyid du rtog na'ang de lta na nyos pa khyad par med la kho nar 'gyur ro/ /bcom ldan 'das kyis kyang lhan cig skyes pa'i tshor ba dang 'du shas dang sems pa zhes gsungs pa dang/ chos 'di dag ni 'dres pa ste ma 'dres pa ma yin pas chos 'di dag so sor phye zhing so sor phye na bye brag gam bsam pa 'am/ tha dad du bya ba rjod pa mi dmigs so zhes gang gsungs pa dang/ 'dres pa'i don de nyid rab tu grub par bya ba'i phyir mar me'i 'od kyis dpe mdzad pas na/ de'i phyir lhan cig skyes pa med na 'dres pa'i sgra yang mi rung ngo/ /skyes bu 'di ni khams drug dang ldan pa'o zhes gsungs pa'i lung gang yin pa de yang dgongs te gsungs pa yin pas nyes pa med do/ /de la dgongs pa gang zhe na/ smras pa/ dgongs pa ni gzugs dang yongs su g.yo ba dang/ sems las byung ba rnams kyi gnas gtso cher bstan pa yin par blta bar bya'o/ /de dang 'gal pas gnyen po'i lung yang dmigs ba'i phyir te/ de la gnyen po'i lung gang zhe na/ bcom ldan 'das kyis 'o ma dang zho dang/ mar sar gyi dpes? kha cig tu ni 'byung ba chen po bzhi las byung ba'i bdag rags pa dang kha cig tu ni gzugs can yid las byung ba dang kha cig tu gzugs can ma yin ba 'du shes kyi rang bzhin yin pa ji skad gsungs pa lta bu'o/ /de lta na ci 'byung ba chen po tsam zhig 'gyur ram 'on te sems tsam mam 'on te 'du shes tsam du 'gyur zhe na/ de'i phyir de dag dang de lta bu'i rnam pa dag bstan pa ni dgongs pa can yin par blta bar bya'o/ /de lta bas na phung po gzugs can ma yin pa bzhi po ming gis bsdus pa sems dang sems las byung ba zhes bya ba de dag ni phan tshun mtshungs par ldan par rab tu grub pa yin no/ /bar sdom ni/ lnga nyid 'thad pa med phyir dang/ de yi gnas skabs skyon phyir dang/ byed rgyu bye brag med phyir dang/ /lung dang 'gal bar 'gyur phyir ro/ /phung po'i dngos po la mkhas pa rdzogs so/ / //bam po dgu ba/ /mig gi khams gang zhe na/ smras ba/ mig ma spangs pa 'am/ spangs pa srog gi dbang pos yongs su zin pa gang yin pa'o/ /mig gi khams ji lta ba bzhin du/ yid kyi rnam par shes pa'i khams dang chos kyi khams kyi phyogs gcig gis bar du yang de bzhin no/ /gzugs kyi khams gang zhe na/ dbang po'i dbang gis byung ba'i gzugs gang yin pa de la de'i dbang gi gzugs kyi khams zhes bya'o/ /gzugs kyi khams ji lta ba bzhin du reg bya'i khams kyi bar du yang de bzhin no/ /bco brgyad po de dag las du ni rdzas su yod pa yin/ du ni btags pa'i yin zhe na/ smras pa/ rdzas su yod pa ni bcu bdun nam bcu gnyis te/ kun rdzob rnam par gzhag pa'i tshul gyis drug gcig tu byas nas sam/ gcig drug tu byas nas/ /mig gang yin pa mig gi khams kyang de yin la/ mig gi khams gang yin pa mig kyang de yin nam zhe na/ smras pa/ mu bzhi yod de/ mig yin la mig gi khams ma yin pa ni dgra bcom pa tha ma'i mig gang yin pa ste mu dang po'o/ / mig gi khams yin la mig ma yin pa ni gzugs can gyi khams su skyes pa'i mig ma skyes pa dang/ mig rab tu nyams pa dang/ mig ma thob pa dang/ mig 'gags ma thag pa dang/ gzugs med pa'i khams su skyes ba'i so so'i skye bo ste mu gnyis pa'o/ mig kyang yin la mig gi khams kyang yin ba ni rnam pa de dag ma gtogs pa sta mu gsum pa'o/ /mig kyang ma yin la mig gi khams kyang ma yin pa ni dgra bcom pa mig rab tu nyams pa dang/ gzugs med pa'i khams su skyes pa mig ma bskyed pa dang/ phung po lhag ma med pa'i mya ngan las 'das pa'i dbyings su yongs su mya ngan las 'das pa'i ste mu bzhi pa'o/ /mig ji lta ba bzhin du nang gi khams thams cad kyang de bzhin du ci rigs par rig par bya'o/ lus kyi khams la ni rnam par brtag dgos te/ dang po nas lus ma skyes pa zhes ci rigs par brjod bar bya'o/ /de bzhin du phyi rol gyi khams bzhi la yang ci rigs par brjod par bya'o/ /sgra'i khams ni gang gi tshe sgra phyung ba de'i tshe ni gnyi ga yin bar brjod par bya'o/ /gang gi tshe sgra ma byung ba de'i tshe de las gzhan pa'i khams kyi tshogs bzhin du khams 'ba' zhig yod kyi sgra ni med par brjod par bya'o/ /bco brgyad po de dag las du ni mtshungs pa yin du ni de dag dang mtshungs pa yin zhe na/ smras pa/ mig gi khams rnam bar shes pa dang bcas pa ni mtshungs pa yin no/ / mig gi khams la ji lta ba bzhin du lus kyi khams kyi khams kyi bar du yang de bzhin no/ /mtshungs pa dang de dag dang mtshungs pa ni dbang pos zin pa'i nang gi khams rnams la bsams pa yin kyi gzugs la sogs pa phyi rol gyi dag la mi med do/ /chos kyi khams ni dmigs pa dang bcas pa gang yin pa de ni med kyi khams dang 'dra bar blta bar bya'o/ /dmigs pa med pa gang yin pa de ni gzugs la sogs pa dang 'dra'o/ /khams rnams las du ni phrad nas 'dzin pa dag yin/ du ni ma phrad par 'dzin pa dag yin zhe na/ smras pa/ drug ni phrad nas 'dzin pa dag yin no/ /bzhin mi phrad bar 'dzin pa yin no/ /lnga ni 'dzin pa ma yin no/ /gcig gi phyogs gcig dang/ khams gcig ni'i phrad pa dang/ ma phrad par 'dzin pa yin no/ / du ni gzung ba kho na yin la 'dzin pa ma yin/ du ni gzung ba dang 'dzin pa yin zhe na/ smras pa/ bzung ba ni thams cad do/ /lnga dang gcig gi phyogs ni gzung ba kho na'o/ /bcu gnyis dang gcig gi phyogs ni 'dzin pa'ang yin no/ /du ni grogs dang bcas pas 'dzin pa yin/ /du ni grogs med par 'dzin ba zhe na/ smras pa/ bcu dang gcig gi phyogs ni grogs dang bcas pas 'dzin pa yin no/ /gcig dang gcig gi phyogs ni grogs med par 'dzin pa yin no/ /du zhig 'dod pa dang ldan ba kho na yin zhe na/ smras pa/ bzhi'o/ /du zhig gzugs dang ldan pa kho na yin zhe na/ smras pa/ 'ga' yang ma yin no/ /du ni gzugs med pa dang ldan pa kho na yin zhe na/ smras pa/ 'ga' 'ang ma yin no/ /'dod pa dang ldan pa las dung zhig gzugs dang ldan pa kho na yin zhe na/ smras pa/ bcu gcig go /gzugs dang ldan pa las du zhig gzugs med pa dang ldan pa kho na yin zhe na/ smras pa/ 'ga' 'ang ma yin no/ /du zhig khams gsum dang ldan pa yin zhe na/ smras pa/ gsum mo/ /du zhig zin pa yin du zhig zin pa dang ma zin pa yin/ du zhig ma zin pa yin zhe na/ smras pa/ lnga ni zin pa'o/ /lnga ni zin pa dang ma zin pa yin no/ /lhag ma rnams ni ma zin pa yin no/ /de ci'i phyir zhe na/ de las gzhan pa gang dag de dag 'dzin par 'gyur ba'i 'dzin par byed pa mi dmigs pa'i phyir ro/ /khams sna tshogs pa nyid gang zhe na/ de gnyi ga gcig tu bsdus pa la khams tshang med pa nyid ces bya ste/ dbang po'i tshogs kyi dpes nga ni khams rnams kyi khams kyi mdza' yod par mi smra'o/ /zhes ji skad gsungs pa lta bu'o/ /bar sdom ni/ rdza su yod ba gang yin dang/ /mu bzhi dang ni mtshungs pa dang/ /'dzin dang khams dang zin pa dang/ /sna tshogs pa dang du ma nyid/ /khams kyi don gang zhe na/ smras pa/ khams kyi don ni rgyu'i don dar sa bon gyi don dang rang bzhin gyi don dang rigs kyi don dang cha phra ba'i don dang gzhi'i don to/ /ci'i phyir zhe na mya ngan las 'das pa'i dbyings dang nam mkha' i khams la khams zhes bya zhe na/ smras pa/ sdug bsngal mi skye ba'i bzhi'i don dang lus dang mig la sogs pa yongs su g.yo ba'i bzhi'i don gyis so/ /ci zhig yongs su bstan par bya ba'i phyir khams rnam par gzhag ce na/ smras pa/ rgyu'i rkyen yongs su bstan par bya ba'i phyir dang/ dbang po dang yul dang nye bar spyod pa yongs su bstan par bya ba'i phyir ro/ / khams bco brgyad po 'di dag gi rab tu dbye ba gang zhe na/ smras pa/ re zhig mdor bsdu na rnam pa drug tu blta bar bya ste/ chos kyi khams ni 'di lta ste/ mig la sogs pa'i chos rnams so/ /dag pa'i khams ni 'di lta ste/ gang zag rigs la gnas pa rnams kyi khams gang dag yin pa'o/ /rang bzhin gyi khams ni 'di lta ste/ khams bco brgyad po ji skad bstan pa de dag nyid thog ma med pa'i dus nas skye ba phyi ma phyi ma dag tu rab tu grub pa gang yin pa dang/ gang zag rigs la gnas pa dang/ rigs la gnas pa ma yin pa rnams kyi thog ma med pa'i dus nas yongs su mya ngan las 'da' ba dang/ yongs su mya ngan 'da' ba ma yin pa'i chos nyid du rab tu grub pa gang yin pa'o/ /yongs su bsgoms pa'i khams ni 'di lta ste/ sngon dge ba dang ma dge ba yongs su bsgoms pa de dag nyid 'khor bar skye ba dang/ 'bri ba dang bye brag dang/ mya ngan las 'das pa thob pa'i rgyu nyid gang yin pa'o/ /'bras bu bskyed pa'i khams ni 'di lta ste/ de dag nyid 'bras bu bskyed nas 'gags pa gang yin pa'o/ /'bras bu ma bskyed pa'i khams ni 'di lta ste/ de dag nyid 'bras bu ma bskyed la 'gags pa 'am ma 'gags pa gang yin pa ste/ de ltar na de ni mdor bstan ba las khams drug yin gyi rgyas par bstan pa ni tshad med do/ /khams bco brgyad po de dag las du ni gzugs can dag ma yin pa nas/ du ni spang bar bya ba ma yin pa dag gi bar du yin zhe na/ rgya cher ji skad bstan pa'i mtshan nyid kyi rjes su zhugs kha sbyar bar bya'o/ /mig gis gzugs rnams mthong ba nas yid kyis chos rnams rnam par shes so zhes bya ba'i bar du ji skad gsungs pa de la/ ci mig la sogs pas mthong ba nas rnam bar shes pa'i bar du yin nam/ 'on te de dag gi rnam par shes pa dag gis mthong ba nas rnam par shes pa'i bar du yin zhe na/ smras pa/ don dam par ni mig la sogs bas kyang ma yin la/ de dag gi rnam par shes pa dag gis kyang ma yin no/ /de ci'i phyir zhe na/ dngos po rnams ni rten cing 'brel bar 'byung ba'i phyir dang/ skad cig pa'i phyir dang/ g.yo ba med pa'i phyir ro/ /brda'i tshul du ni gtso bo yin pa'i mig la sogs pa la mthong pa po la sogs pa nye bar gdags pa ches rigs so/ /de ci'i phyir zhe na/ mig la sogs pa dbang po rnams yod na ni rnam par shes pa 'byung ba ma tshang ba med par nges kyi/ rnam par shes ba'i rgyun ni yod du zin kyang mig la sogs pa dbang rnams tshang ba 'am ma tshang bar dmigs pa'i phyir ro/ /lta ba la sogs pa tsam la mthong ba la sogs pa nye bar gdags pa gang yin pa de ni don dam pa yin no/ /khams bco brgyad po de dag gi go rim bstan pa'i rgyu dag gang zhe na/ smras pa/ de dag ni mdor bsdu na rnam pa gnyis su blta bar bya'o/ /'di lta ste/ gsum gyi go rim kyi rgyu dang/ drug gi go rims kyi rgyu'o/ /de la gsum kyi go rims kyi rgyu gang zhe na/ smras pa/ gnas dang yul dang de gnyi ga la brten pa'i bye brag las te/ 'di ltar rnam bar shes pa ni dbang po la phyogs gcig gi don gyis brten ba dang/ yul la ni dmigs pa'i don gyi rten te/ /drug gi go rims kyi rgyu gang zhe ni/ smras pa/ mig la sogs pa ni spyod yul ches phal che ba dang sna tshogs pa dang yang dang yang 'byung ba'i phyir dang por bstan te de ni rgyu dang po yin no/ /yang 'jig rten gyi tha snyad kyi rjes su 'jug pa ste/ 'di ltar 'jig rten pa rnams ni dang por cig lta cig lta bar byed do/ /de'i 'og tu kun tu smra bar byed do/ /de'i 'og tu 'dus shing za ba dang lhag bar za bar byed do/ /de'i 'og tu nyi ma nub cig nam sros pa na mal shom zhing mal stan dang shing bal dang sngas nang tshangs can dang bud med kyi reg ba la rten par byed de ni rgyu gnyis pa yin no/ /yang dga' ba'i bye brag gi gnas las te de ni rgyu gsum pa yin no/ /yang mdzes pa'i bye brag yongs su 'dzin pa las te 'dod ba la longs spyod pa rnams kyi smin tshugs dang/ mig sman la sogs pas mdzes par byas pas ni mig go /rna cha dang rna rgyan la sogs las mdzes par byas pa ni rna ba yin gyi gzhan ni de lta ma yin te de ni rgyu bzhi pa yin no/ /yang bya ba dang zas dang 'khrig pa'i dbang las te/ 'di ltar sems can rnams ni lus dang ngag gi las dge ba dang mi dge ba dag gis thams cad la rtsol bar byed yongs su tshol bar byed do/ /de'i 'og tu kham gyi zas dag za bar byed do/ /tshim zhing rgyags ba dag 'khrig ba sten par byed de de ni rgyu lnga pa yin no/ /yang las dang bya ba'i bye grag yongs su 'dzin pa las te 'di ltar mig gis gzugs sna tshogs dag mthong nas 'gro'o/ /'gro ba na 'khrul pa med pa dang spyod lam ma 'khrul ba 'cha' bar byed do/ /dgra bo dang mdza' bshes tha ma las sngon mthong ba dang ma mthong ba gzhan dag gis do shes par yang byed do/ /yul gyi ngo shes par byed cing gzhan dag la ston par yang byed do/ /ming dang tha snyad 'dogs par byed do/ /bro gar dang zlos gar dang bzhad gang la sogs pa sna tshogs mang po dag gis dga' ba so sor myong bar yang byed do/ /lus kyang rtas bar byed de/ de ltar de lta bu dang mthun ba rnam pa du ma ni mig gi khams gyi las yin no/ /rna bas ni sgra sna tshogs dag nyan par byed do/ /legs pa gsungs pa dang nyes par bshad pa'i don kyang shes par byed do/ /mngon par brjod pas tha snyad 'dogs par yang byed do/ /rol mo'i sgras dga' ba so sor myong bar byed do/ /lus kyang rtas par byed de/ de ltar de lta bu dang mthun pa'i rna ba'i khams kyi las rab tu bla ba yin no/ /snas ni dri sna tshogs dag snom par byed do/ /dris 'gro bar yang byed do/ /dga' ba so sor myong bar yang byed do/ /lus rtas par yang byed de/ de ltar de lta bu dang mthun pa ni sna'i khams kyi las rab tu bla ba yin par rig par bya'o/ / lce'i khams kyis ni ro sna tshogs dag myong bar byed do/ /dga' ba so sor myong bar yang byed do/ /lus kyang rtag par yang byed de/ de ltar de lta bu dang mthun pa ni lce'i khams kyi las rab tu bla ba yin no/ /lus kyi khams kyis ni reg bya sna tshogs dag reg par byed do/ /dga' ba so sor myong bar yang byed do/ /de dang des lus rtas par yang byed la lan 'ga' ni dga' ba'i dngos po de dag nyid nyams par yang byed do/ /de ltar de lta bu dang mthun pa ni lus kyi khams kyi las rab tu bla ba yin te/ de ni go rim bstan pa'i rgyu drug ba yin no/ /yid ni mig la sogs pa drug de dag gi rnam grangs thams cad dang thams cad du 'gro ba yin pa'i phyir thams cad kyi tha mar bstan bar rig par bya'o/ /go rims kyi rgyu de dag gi bar sdom ni/ phal che ba dang tha snyad dang/ dga' dang mdzes dang bya ba gnyis/ /khams bco brgyad po de dag gis de las gzhan pa mdo las gsungs pa thams cad bsdus par rig par bya'o/ /ci'i phyir gzugs na spyod ba yul gyi 'dod chags dang bral pa rnams la sna'i khams dang lce'i khams 'byung bar 'gyur zhe na/ smras pa/ lus mdzes par bya ba'i phyir ngad de gnyis kyi 'dod chags dang ma bral ba'i phyir ro/ /gzugs kyis khams su bsam gtan gnyis pa dang de'i gong mar skyes pa/ gal te mig la sogs pa'i rnam par shes pa rtog pa dang bca' dpyod pa dang bcas pa mngon du byed na ni ji ltar na sa de rtog pa med cing dpyod pa med par 'gyur/ /gal te mngon du mi byed na ni ji ltar na dbang po gzugs can des de'i sa pa'i yul nyams su myong bar 'gyur zhe na/ smras pa/ rtog pa med pa dang dpyod pa med pa'i ting nge 'dzin ni rtog pa dang bcas dpyod pa dang bcas pa'i rnam par shes pa'i sa bon dang ldan pa yin pas/ de'i phyir de las langs pa la de kun tu 'byung bar rung ngo/ /langs pa'i rnam par shes pa de la dpyod pa de yang rtog pa med pa dang dpyod pa med pa'i ting nge 'dzin gyi sa bon dang ldan pa yin pas de'i phyir sa bon de ni rtog pa med pa dang dpyod pa med pa nyid ma yin no/ /rang bzhin gyis 'dod chags dang bral ba'i sems can de dag ni 'dod chags bral bas 'dod chags bral ba'i phyir de dag la rtog pa med kyang sa de la kun tu spyod pa la nyes pa med do/ /ci'i phyir mig gi khams cha gnyis su mngon par grub cing rna ba'i khams dang sna'i khams kyang de bzhin la gzhan ni de lta ma yin zhe na/ smras pa/ lus la mdzes par bya ba'i phyir ro// mig gi rnam par shes pa gang yin pa dang/ sna'i rnam par shes pa'i bar du gnyis las brten te/ skye ba gang yin pa de dag ci gcig tu brjod par bya 'am/ 'on te gnyis su brjod par bya zhe na/ smras pa/ gcig tu brjod par bya'o/ /de ci'i phyir zhe na/ gcig ma bsgribs shing rab tu ma nyams na rnam par shes pa gsal bar skye ba'i phyir dang/ bsgribs shing rab tu nyams na rnam par shes pa gsal bar mi skye ba'i phyir dang/ rnam par shes pa de ni gzugs can ma yin pa'i phyir gzugs bzhin du yul las gnyis su dbyer med pa'i phyir ro/ /mig dang mig gi rnam par shes pa gal te rgyu dang 'bras bu'i dngos po yin na de lta na ci ltar de gnyis lhan cig gi dngos po 'gyur/ gal te lhan cig gi dngos po yin na ni de ltar na ji ltar de gnyis rgyu dang 'bras bu'i dngos por rung zhe na/ smras pa/ sa bon dang myu gu bzhin du mig las brten te rnam par shes pa skye ba ni mi rung ngo/ /de ci'i phyir zhe na/ mig ni mig gi rnam par shes pa skyed pa'i rgyu ma yin pa'i phyir te/ 'on kyang gnas kyi rgyu yin pas de'i phyir de gnyis ni mar me dang 'od bzhin lan cig gi dngos po dang rgyu dang 'bras bu'i dngos pos rung ngo/ /mig dang mig gi rnam par shes pa ji lta ba bzhin du/ rna ba dang sna dang lce dang lus dang de dag gi rnam par shes pa rnams kyang de bzhin du blta bar bya'o// gzhan du na rang gi sa bon las skye bar gyur na mig la sogs pa'i rnam par shes pa gnas med pa las 'byung bar 'gyur bas mi rung ngo/ /'dod pa'i khams su skyes shing byung ba'i mig gi khams nges par 'byung bar 'gyur ro zhes brjod par bya 'am zhe na/ smras pa/ der ni gcig tu ma nges so/ /mig gi khams ji lta ba bzhin du rna ba dang sna dang lce'i khams rnams dang/ de dag gi rnam par shes pa'i khams rnams kyang de bzhin du rig par bya'o/ /lus kyi khams ni nges par 'byung te lus kyi rnam par shes pa'i khams rnams dang yid kyi khams dang chos kyi khams dang yid kyi rnam par shes pa'i khams dang gzugs dang sgra dang dri dang ro dang reg bya'i khams rnams kyang de bzhin no/ /gzugs kyi khams su skyes shing 'byung ba'i mig gi khams nges par 'byung bar 'gyur ro zhes? brjod par bya 'am zhe na/ smras pa/ nges pa yin no/ /mig gi khams ji lta ba bzhin du rna ba dang sna dang lce dang lus kyi khams rnams dang/ mig dang rna ba dang sna dang lce dang lus kyi rnam par shes pa'i khams kyang de bzhin te/ dri'i khams dang ro'i khams dang de dag gi rnam par shes pa'i khams dag ma gtogs pa de las gzhan pa thams cad ni nges par 'byung bar 'gyur ro/ /gzugs med pa'i khams su skyes shing byung ba la ni khams gsum po yid dang chos dang yid kyi rnam par shes pa'i khams rnams ma gtogs pa dang dbang bsgyur bas thob pa'i gzugs ma gtogs pa de las gzhan pa rnams ni nges par 'byung ba ma yin no gsum po dag ni der nges par 'byung bar blta bar bya'o/ /'di'i sdom tshigs su bcad pa ni phung po la mkhas pa'i dang 'dra bar blta bar bya'o/ /khams kyi dngos po la mkhas pa rdzogs so/ / //skye mched rnams kyi sdom gyi tshigs su bcad pa yang khams rnams kyi ji lta ba de bzhin du blta bar bya'o/ /mig gi skye mched gang zhe na/ mig thob cing ma spangs la de ma thag tu lus las 'gog pa'i chos can ma yin pa gang yin pa'o/ /mig gi skye mched ji lta ba bzhin du skye mched lhag ma rnams kyang ngo bo nyid las de bzhin du blta bar bya'o/ /skye mched dang reg pa'i skye mched gnyis la bye brag ci yod ce na/ smras pa/ skye mched ni ji skad bstan pa yin no/ /reg pa'i skye mched ni skye mched gang reg pa dang/ lhan cig pa de ma thag tu reg pa skye bar byed pa reg pa dang rjes su mthun pa'o/ /mig gang yin pa skye mched kyang de yin la skye mched gang yin pa mig kyang de yin nam zhe na/ smras pa/ mig yin la skye mched ma yin pa'ang yod de/ ? mig thob cing ma spangs la de ma thag tu 'gog ba'i chos can gang yin pa'o/ /skye mched yin la mig ma yin pa'ang yod de/ skye mched lhag ma skye mched kyi mtshan nyid kyis rnam par gnas pa rnams so/ /mig kyang yin pa skye? mched kyang yin pa yang yod de/ mig thob cing ma spangs la de ma thag tu 'phog pa'i chos can yang ma yin pa gang yin pa'o/ /mig kyang ma yin la skye mched kyang ma yin pa'ang yod do/ mig ma thob pa'am spangs pa dang de las gzhan la rna ba la sogs pa skye mched kyi mtshan nyid kyis nye bar mi gnas pa gang yin pa'o/ /skye mched gang yin pa reg pa'i skye mched kyang de yin la reg pa'i skye mched gang yin pa skye mched kyang de yin nam zhe na/ smras pa/ reg pa'i skye mched gang yin pa de ni skye mched kyang yin no/ /skye mched yin la reg pa'i skye mched ma yin pa yang yod de/ /mig la sogs pa reg pa dang mi ldan pa dang/ de ma thag tu reg pa skyed par mi byed pa dang 'gog pa'i chos ma yin pa gang yin pa'o/ /gzugs kyi khams su skyes shing byung ba'i sna gang yin pa dang lce gang yin ba de ni dus rtag tu skye mched ma yin ba kho nar blta bar bya'o/ /'du shes med pa'i sems can lha rnams kyi nang du skyes pa'i dbang po gang dag yin pa de dag kyang dus rtag tu skye mched ma yin pa kho nar blta bar bya'o/ /don gang gis na skye mched rnams zhes bya ci zhig yongs su bstan pa'i phyir skye mched rnam par gzhag ce na/ smras pa/ sems dang sems las byung ba'i chos rnams kyi skye ba'i sgo'i don dang/ rkyen gyi don dang/ thabs kyi don dang tshogs pa'i dngos po'i dang rten gyi don dang/ de dag snang ba'i gnas kyi don gyis so/ /mtshungs pa de ma thag pa dang/ dmigs pa dang/ bdag pa'i rkyen rnam pa gsum yongs su bstan par bya ba'i phyir skye mched rnam par gzhag go /skye mched rnams kyi rab tu dbye ba dang go rims ni khams bzhin du ci rigs par blta bar bya'o/ /bcom ldan 'das kyis mdo sde las zil gyis gnon pa'i skye mched brgyad dang/ de bzhin du rgyas par zad par gyi skye mched bcu dang?/ de bzhin du nam mkha' mdza' yas skye mched la sogs pa'i skye mched bzhi dang/ de bzhin du skye mched gnyis pa 'du shes med pa'i skye mched dang 'du shes med 'du shes med min skye mched dang/ de dag la sogs pa skye mched kyi sgrar bstan pa'i chos gang dag gsungs pa de dag kyang skye mched bcu gnyis pa dag gis mtshan nyid ji skad spos? pas ci rigs par bsdu bar rigs par bya'o skye mched rnams kyi rten kyang khams kyi kho na bzhin du blta bar bya'o/ /skye mched kyi dngos po la mkhas pa rdzogs so/ //de la rten cing 'brel bar 'byung ba'i chos rnams zhes bya ba la gang dag bdag po med pa dang byed pa po med pa dang tshor ba po med pa dang/ bdag nyid g.yo ba med pa dang rang dbang med pa dang rgyus bskyed pa dang/ rkyen la rag las shing 'jug pa dang ma byung ba las 'byung ba'i chos can dang byung nas 'jig pa'i chos can dang chos tsam gyis rab tu bya ba dang/ chos rnams kho nas mngon par brlan pa dang/ chos rnams kho na mngon par rlan par byed pa dang/ rgyud du gtogs pa dang/ de ltar de lta bu dang mthun pa de dag gi rten cing 'brel bar 'byung ba'i chos rnams kyi mtshan nyid ni yin par rig par bya'o/ /de la rgyu gang yin pa de la ni rten cing 'brel par 'byung ba zhes bya'o/ /'bras bu gang yin pa de ni rten cing 'brel bar byung ba zhes bya bar blta bar bya'o/ /de la ma rig pa'i bag la nyal ma spangs pa yod pas ma rig pa'i kun nas dkris pa 'byung ngo/ /ma rig pa'i kun nas dkris pa skyes pa'i phyir 'du byed rnams kyi 'jug pa skye'o/ /de bzhin du 'du byed kyi sa bon ma spangs pa yod pas 'du byed rnams 'byung ngo/ /'du byed rnams skyes pa'i phyir rnam par shes pa 'jug pa skye'o/ /de bzhin du rten cing 'brel bar 'byung ba'i yan lag lhag ma rnams kyi 'jug pa'i tshul yang ci rigs par rig par bya'o/ /de la srid pa dang skye ba dang rga shi ni btags pa'i yod pa'i chos yin par rig par bya'o/ /srid pa'i yan lag lhag ma rnams ni rdzas su yod pa'i chos yin par rig par bya'o/ /de la rten cing 'brel par 'byung ba'i rab tu dbye ba ni rnam pa lngas rnam par gzhag te/ lnga gang zhe na/ sdug bsngal 'phan pa'i rgyu'i gnas dang/ sdug bsngal mngon par 'grub pa'i rgyu'i gnas dang/ sdug bsngal 'phen pa'i rgyu dang/ sdug bsngal mngon par 'grub pa'i rgyu dang/ sdug bsngal mngon par 'grub pa nyid ni lnga'o/ /de la tshe 'di la ming dang gzugs kyi rkyen gyis skye mched drug mngon par 'grub pa ma spangs shing/ yongs su ma shes pa gang yin pa de la dmigs shing de gnas nas/ byis pa rnams kyi lus la kun tu rmongs pas 'byung ba gang yin pa de ni ma rig pa zhes bya'o/ /ma rig pa'i rkyen gyis de'i 'og tu 'du byed rnams dang phyi ma la reg pa'i rkyen gyis tshor ba'i bar du 'byung bar 'gyur te/ skye mched drug po de dag ni ma rig pa la sogs pa 'phen pa'i rgyu de'i gnas shes bya'o/ /de ltar kun tu rmongs pa'i reg pa'i rkyen gyis tshe 'di nyid la tshor ba 'byung ba gang yin pa de la gnas nas phyi rol gyi yul rnams la sred pa 'byung ngo/ /sred pa'i rkyen gyis de'i 'og tu len pa 'byung ngo/ /len pa'i rkyen gyis srid pa 'byung te/ de ltar mngon par 'grub pa'i rgyu de'i gnas ni reg pa'i rkyen gyis tshor ba de yin par blta bar bya'o/ /de la tshe 'di pa'i rnam par shes pa bsod nams dang bsod nams ma yin pa dang mi g.yo ba'i las kyis yongs su bsgos pa la/ ma rig pa'i rkyen gyis 'du byed rnams dang reg pa'i rkyen gyis tshor ba'i par phyi ma phyi ma'i sa bon dang ldan pa gang ba gang? dag yod pa de dag ni lus zhig nas/ phyi ma la rnam par shes pa la sogs pa skye ba dang rga shi'i ming can gyi sdug bsngal gzhan 'phen par byed de/ de ni de'i 'phen pa'i rgyu zhes bya'o/ /de la tshor ba'i rkyen gyis sred pa dang sred pa'i rkyen gyis len pa dang len pa'i rkyen gyis srad pa gang yin pa de ni phyi ma la sdug bsngal mngon par 'grub pa'i rgyu zhes bya'o/ /sdod byas pa'i las nyon mongs pas yongs su zin pa ma 'ongs pa'i skye ba la mngon du phyogs pa de nyid la srid pa zhes bya bar blta bar bya'o/ /srid pa'i rkyen gyis skye pa dang skye ba'i rkyen gyis rga shi gang yin pa de dag na sdug bsngal mngon par 'grub pa zhes bya'o// rnam par shes pa dang ming dang gzugs la sogs pa tshor ba'i mthar thug pa de dag nyid sngon sa bon gyi dngos po dang ldan pa'i tshan ni sdug bsngal 'phen pa'i rgyu zhes bya'i ming thob par 'gyur ro/ /de dag nyid de ltar 'bras bu bskyed zin pa ni skye ba dang rga shi'i ming can gyi sdug bsngal zhes bya ba'i ming 'thob bo/ /de la ma rig pa ni shes pa'i mi mthun pa'i phyogs sems las byung ba'i chos sgrib par byed pa'i bdag nyid yin par blta bar bya'i/ rig pa med pa tsam yang ma yin la/ log pa'i shes pa tsam yang ma yin no// de ci'i phyir zhe na/ re zhig gal te ma rig pa reg pa med pa tsam yin par gyur na ni/ de la chung ngu dang 'bring dang chen po nyid yod par mi 'gyur te/ med pa la ni chung ngu dang 'bring dang chen po nyid gang yang med pa dang/ ma rig pa'i bag la nyal dang kun nas dkris pa rnam par bzhag par mi nus pa dang/ med pa ni dus thams cad du mtshan nyid 'dra ba yin pas kun tu spyod pa dang rjes su 'brel pa gnyis yod par mi rung ba dang/ so so'i skye bo'i sems nyon mongs pa can dang dge ba dang/ lung du ma bstan pa rig pa dang bral ba thams cad la yang rig pa med par 'gyur bas/ des na sems de dag thams cad nyon mongs pa can du 'gyur ba dang/ med pa'i bdag nyid kyi chos ni 'dus byas kyis bsdus par yang mi rung la 'dus ma byas kyis bsdus par yang mi rung ba dang/ 'dus byas kyis kyang ma bsdus la 'dus ma byas kyis kyang ma bsdus pa gang yin pa de ni kun nas nyon mongs par yang mi 'gyur la rnam par byang bar yang mi 'gyur ba dang/ ma rig pa dang ma bral ba'i sems kyi rgyud la ni dus rtag tu rig pa skye bar yang mi rung ba dang/ ma rig pa 'gags na rig pa zhes gang gsungs pa de yang med pa la ni 'gags pa ji ltar yang mi rung ba'i phyir ro/ /gal te ma rig pa log pa'i shes pa tsam yin par gyur na yang/ de ltar na rig pas bsdus pa'i shes pa nyid ma gtogs pa de las gzhan pa'i shes pa thams cad lag pa'i shes pa yin par 'gyur ba 'am/ nyon mongs pa can gyi bdag nyid kyi shes pa gang yin pa de nyid log pa'i shes pa yin par 'gyur ba 'am/ nyon mongs pa dang mtshungs par ldan pa'i shes pa gang yin pa de log pa'i shes pa yin par 'gyur grang na/ gal te shes pa dang po log pa'i shes pa yin par gyur na ni/ /de lta na so so'i skye bo'i rgyud du gtogs pa'i shes pa dge ba dang lung du ma bstan pa thams cad kyang log pa'i shes pa yin par 'gyur pas de ni mi rung ngo/ /gal te nyon mongs pa can gyi bdag nyid kyi shes pa log pa'i shes pa yin par gyur na ni/ de lta na 'jig tshogs la lta ba la sogs pa lta ba lnga po dag kyang nyon mongs pa can gyi bdag nyid kyi shes pa zhes bya ste/ de la ma rig pa ni yang dag pa ji lta ba bzhin du mi rtogs pa'i mtshan nyid yin la lta ba rnams ni yang dag pa ji lta ba bzhin du ma rtogs na log pa'i dngos po la mngon par zhen pa'i mtshan nyid yin te/ 'di lta ste/ 'jig tshogs la blta ba ni ma rig pa'i dbang gis bdag dang/ bdag gi zhes mngon par byed pa de bzhin du lta ba lhag ma rnams kyang rang rang gi mngon par zhen pa'i rnam pas 'jug par 'gyur ba de dag kyang gti mug med par yang mi 'gyur bas/ de'i phyir gti mug gi rnam pa yang gzhan yin la/ lta ba rnams kyis rnam pa yang gzhan yin pa'i phyir/ ma rig pa nyon mongs pa can gyi bdag nyid kyi shes pa yin par mi rung ngo/ /gal te ma rig pa dang lta ba rnams mtshan nyid 'dra bar gyur na/ /des na bcom ldan 'das kyis bag la nyal bdun po dag tu lta ba'i bag la nyal rnam par bzhag pa mdzad par mi 'gyur la/ bcom ldan 'das kyis lta ba rnams la ma rig pa zhes bya ba'i ming ni gang duAng ma bstan to/ /gal te nyon mongs pa dang mtshungs par ldan pa'i log pa'i shes pa ma rig pa yin par gyur na de ltar na 'jig tshogs la lta ba la sogs pa lta ba lnga po gang dag yin pa de dag kyang shes pa'i ngo bo nyid yin pas/ shes pa'i rdzas gnyis mtshungs par ldan pa ni med pas/ de dag ni ma rig pa dang mi ldan pa yin par 'gyur ro/ /gal te 'dod chags la sogs pa nyon mongs pa'i dbang gis shes pa de gti mug nyid yin na ni/ des na 'dod chags la sogs pa'i dbang gis gti mug tu 'gyur gyi/ gti mug gi dbang dang gti mug sngon du 'gro ba las 'dod chags la sogs pa nyon mongs pa rnams 'byung ba ma yin par 'gyur ro/ /ji ltar nyon mongs pa dang mtshungs par ldan pa'i shes rab ni mtshungs par ldan pa las nyon mongs pa can yin gyi/ de'i ngo bo nyid ni ma yin pa de bzhin du/ gti mug gi bdag nyid ma yin pa de yang gti mug bdag nyid du drang bar rjod mi nus te/ dper na de las gzhan pa'i sems dang sems las byung ba'i chos nyon mongs pa can gyi bdag nyid ma yin pa/ nyon mongs pa dang mtshungs par ldan pa dag lta bu'o/ /de lta bas na ma rig pa ni sems las byung ba'i chos sems dang mtshungs pa ldan pa yin par lta bar bya'o/ /bcom ldan 'das kyis lus kyi 'du byed dang ngag gi 'du byed dang yid kyi 'du byed dang 'du byed gsum gsungs pa de la/ dbugs rdub pa dang dbugs 'byung ba'i rlung dag kyang lus kyang lus kyi 'du byed dag yin te/ rlung ni lus kyi las 'jug pa'i sngon du 'gro ba yin pa'i phyir ro/ /lus kyi las gang yin pa de nyid las kyi 'du byed yin par blta bar bya'o/ /de ltar rmongs pa la lus kyi las dang rjes su mthun pa'i rlung dag kyang 'byung ste/ de dag gis lus kyi las nyon mongs pa lcan 'jug par byed do/ /ji ltar dbugs rdub pa dang dbugs 'byung ba dag gis lus kyi las 'jug par byed pa de bzhin du/ rtog pa dang dpyod pa dag gis kyang ngag gi las 'jug par byed la/ /'du byed kyis kyang yid kyi las 'jug par byed de/ de dag thams cad gcig tu bsdus pa ni lus kyi 'du byed dang/ ngag gi 'du byed dang/ yid kyi 'du byed ces bya ste/ khams gang na gang yod pa'o/ /de la yan lag bcu gnyis po gang yin pa de dag las gnyis ni las kho nas bsdus pa yin te/ 'du byed dang srid pa'o/ /gsum ni nyon mongs pas bsdus pa yin te/ ma rig pa dang/ sred pa dang len pa'o/ /lhag ma rnams ni dngos pos bsdus pa yin par blta bar bya'o/ /de la yan lag gnyis po gang dag las kyi bsdus pa de dag las gcig ni 'phen pa'i las kyi bsdus pa'i las yin te/ 'di lta ste 'du byed rnams so/ /gnyis pa ni mngon par 'grub pa'i las kyis bsdus pa'i las yin te 'di lta ste srid pa'o/ /de la yan lag gsum po gang dag nyon mongs pas bsdus pa de dag las gcig ni/ 'phen pa'i las kun nas slong bar byed pa yin te 'di lta ste ma rig pa'o/ /gnyis pa ni mngon par grub pa'i las kun nas slong bar byed pa yin te/ 'di lta ste sred pa dang ldan pa'o/ /yan lag lhag ma gang dag dngos pos bsdus pa de dag las yan lag gnyis ni ma 'ongs pa'i sdug bsngal gyis bsdus pa yin te 'di lta ste skye ba dang rga shi'o/ /yan lag lnga ni ma 'ongs pa'i sdug bsngal gyi rgyus bsdus pa yin te/ 'di lta ste tshe 'di la 'du byed kyi rkyen gyis rnam par shes pa gang yin pa dang rnam par shes pa las bstan nas reg pa'i rkyen gyis tshor ba'i bar dag go /gang dag sngon gyi rgyus mngon par bsgrub ste da ltar dmigs pa rnam par smin pa'i 'bras bu bsdus pa'i yan lag lnga po de dag nyid ni da ltar byung ba'i sdug bsngal gyis bsdus pa dag ste/ 'di lta ste/ rnam par shes pa dang ming dang gzugs dang skye mched drug dang reg pa dang tshor ba'o/ /de la yan lag lngas bsdus pa'i 'bras bu gang yin pa de dang yan lag gnyis kyis bsdus pa ma 'ongs pa'i 'bras bu gang yin pa de dag gcig tu bsdus pa ni rten cing 'brel bar 'byung ba 'bras bur bsdus pa yin par blta bar bya'o/ / yan lag lhag ma rnams ni rten cing 'brel par 'byung ba rgyur bsdus pa yin par blta bar bya'o/ /mi shes pa de yang mdor bsdu na gnas lnga bskyed pa yin pa blta bar bya ste/ 'di lta ste so nyi skyed pa dang/ sred pa skyed pa dang/ gnas ma yin pa la dad pa skyed pa dang/ lta ba skyes pa dang/ mngon pa'i nga rgyal skyed pa'o/ /de la sngon gyi mdza' la sogs pa mi shes pa gang yin pa de ni som nyi skyed pa yin no/ /de la som nyi ni 'di yin te/ ci bdag 'das pa'i dus na byung bar gyur tam snyam pa dus gsum ngag la 'jug pa'i som nyi mdo las ji skad gsungs pa kho na bzhin no/ /de la 'das pa'i dus ni sngon gyi mdza' yin no/ /ma 'ongs pa'i dus ni phyi ma'i yin no/ /da ltar byung ba'i dus ni sngon gyi mdza' dang/ phyi ma'i mdza' zhes bya ste/ 'das pa'i dus la bltos nas ni phyi ma'i mdza' yin la ma 'ongs pa'i dus las bltos nas ni sngon gyi mdza' yin no/ /de la gang gi tshe 'das pa'i dus la som nyi za ba'i som nyi de ni sngon gyi mdza' mi shes pas bskyed pa yin par blta bar bya'o/ /gang gi tshe ma 'ongs pa'i dus la som nyi za ba'i som nyid ni phyi ma'i mdza' mi shes pas bskyed pa yin par blta bar bya'o/ /nang la som nyi za ste ci zhig yod cing 'gyur/ sems can 'di ga las 'ongs 'di nas shi 'phos nas gang du 'gro bar 'gyur snyam du som nyi za ba gang yin pa de ni sngon gyi mdza' dang phyi ma'i mdza' mi shes pas bskyed pa yin par blta bar bya'o/ /nang mi shes pa dang phyi rol mi shes pa dang nang dang phyi rol mi shes pa gang yin pa de ni/ nang dang phyi rol gyi 'du byed rnams la yang srid pa 'byung bar byed pa dang/ dga' ba'i 'dod chags dang ldan pa dang de dang der mngon par dga' ba'i sred pa gang yin pa des bskyed do/ /de la las dang rnam par smin pa dang las dang rnam par smin pa mi shes pas sems can rnams kyi las bdag gir bya ba nyid mi shes pa gang yin pa de la brten nas ni drag po dang khyab 'jug dang skye dgu'i bdag po la sogs pa gnas pa ngan pa dag la gus pa dang dad pa dang mos pa skye'o/ /sangs rgyas la sogs pa dang lam gyi mdza' thug pa'i bar dag mi shes pa gang yin pa de ni lta bskyed par rig par bya ste/ 'di ltar dkon mchog rnams mi shes pa dang bden pa rnams mi shes pas ni lta ba'i rnam pa drug cu rtsa gnyis kyi bar dag skyed par byed do/ /sbyin pa med do/ /mchod sbyin med do zhes rgya cher de ltar lta zhing de skad smra ba'i bar gang yin pa de na log par lta ba yin par rig par bya'o/ /rgyu dang rgyu las byung ba'i chos rnams dang dge ba dang mi dge ba dag mi shes pa rgya cher mdo las ji skad gsungs pa'i mi shes pa gang yin pa de ni bde 'gror 'gro ba'i thabs la mngon pa'i nga rgyal skyed par byed de/ 'di ltar dge ba dang mi dge ba la sogs pa'i chos rnams dang 'bras bu 'dod pa dang mi 'dod pa rnams yang dag pa ji lta ba bzhin du mi shes pa rnams ni/ zas mi za ba dang mar 'jug pa dang/ g.yang sar mchod pa la sogs pa thabs ma yin pa dag gis thabs su 'du shes shing mtho ris yongs su tshol bar byed do/ /reg pa'i skye mched drug po dag yang dag pa ji lta ba bzhin du ma rtogs pa'i mi shes pa gang yin pa de ni dge slong gi tshul gyi 'bras bu 'thob pa la mngon pa'i nga rgyal skyed par byed de/ 'di ltar reg ba'i skye mched drug rab tu rtogs pa'i shes pa med pa ni de la mngon pa'i nga rgyal byed par 'gyur ro/ /de la mtho ris kyi thabs la mngon pa'i nga rgyal byed pa gang yin pa dang dge sbyong gi tshul gyi 'bras bu la mngon pa'i nga rgyal byed pa gang yin pa de dag gcig tu bsdus pa ni mngon pa'i nga rgyal zhes bya'o/ /de lta na ma rig pa ni kun nas nyon mongs pa rnam pa lnga pa 'di dag spyod par byed de/ 'di lta ste/ som nyi'i kun nas nyon mongs pa dang/ sred pa'i kun nas nyon mongs pa dang mos pa'i kun nas nyon mongs pa dang/ lta ba'i kun nas nyon mongs pa dang/ mngon pa'i nga rgyal gyi kun nas nyon mongs pa'o/ /de la som nyi'i kun nas nyon mongs pas kun nas nyon mongs pa can du gyur pa'i byis pa ni som nyi thob pa dang the tshom thob pa dang/ gzhan gyi dring 'jog pa dang/ gzhan gyis bkri ba yin pas tshe 'di la sdug bsngal ba dang bde pa la reg pa med par gnas so/ /srid pa'i kun nas nyon mongs pas kun nas nyon mongs pa can du gyur pa ni yang 'byung bas skye ba dang rga ba dang na ba la sogs pa'i sdug bsngal mngon par 'grub par byed do/ /mos pa'i kun nas nyon mongs pas kun nas nyon mongs pa can du gyur pa ni rgyu med pa 'am mi mthun pa'i rgyu dbang phyug la sogs pa rgyu yin par rtogs shing skyes bu'i byed pa med pa kho nar gnas so/ /lta ba'i kun nas nyon mongs pa can du gyur pa ni nyes par spyod pa la ji 'dod dgur 'jug cing phyi ma la ngan song ba'i sdug bsngal mngon par grub par byed do/ /mngon pa'i nga rgyal gyi kun nas nyon mongs pas kun nas nyon mongs pa can du gyur pa ni skyes bu'i byed pa 'bras bu med pa dang 'bras bu dang bral bar byed do/ /rten cing 'brel par 'byung ba la mkhas pa'i rab tu dbye ba rgyas pa ni 'di lta ste/ sa'i dngos gzhir bstan pa bzhin du rig par bya'o/ /rten cing 'brel bar 'byung ba la mkhas pa'i rnam par gtan la dbab pa'i gzhung lhag ma ni mi snang ngo/ /rten cing 'brel par 'byung ba'i dngos po la mkhas pa rdzogs so/ / //gnas dang gnas ma yin pa la mkhas pa'i spyi sdom ni/ lus dang yongs su bstan pa dang/ /sgo dbye ba ni tha ma yin/ /gnas gang zhe na/ smras pa/ gzhe nga dang de la rigs pa dang ma 'gal ba gang yin pa'o/ /gnas ma yin pa gang zhe na/ smras pa/ gzhi de dang de la rigs pa dang 'gal ba gang yin pa ste/ de ni gnas dang gnas ma yin pa gnyis kyi lus yin no/ /bcom ldan 'das kyis don ci'i phyir gnas dang gnas ma yin pa la mkhas pa yongs su bstan ce na/ smras pa/ kun nas nyon mongs pa dang rnam par byang ba gnyis kyi yang dag pa'i thabs shes pas chung mi za ba yongs su bstan pa'i phyir ro/ /gnas dang gnas ma yin pa gnyis la sgo du yod par blta bar bya zhe na / smras pa/ bzhi ste/ 'di ltar bcom ldan 'das kyi gnas dang gnas ma yin pa nyid ni sgo bzhi kho nas bstan pa'i phyir te/ 'di lta ste/ 'grub pa'i sgo dang 'grags pa'i sgo dang 'thob pa'i sgo dang kun tu spyod pa'i sgos so/ /ci'i phyir gnas dang gnas ma yin pa nyid sgo bzhis bstan ce na/ smras pa/ rnam pa thams cad kyi rab tu dbye ba dag gi sgo kun tu bstan par bya ba'i phyir te/ rnam pa'i rab tu dbye ba de dag kyang gang zhe na/ 'grub pa'i sgo las brtsams te/ des ma bsdus pa'i rnam pa lhag ma rnams yongs su brjod par bya ste/ de'i rab tu dbye ba ni dbang po'i 'chal pa dang/ 'byung ba chen po'i 'chol ba dang yo byad 'byung ba'i 'chol pa las blta bar bya'o/ /de la dbang po'i 'chol ba 'di yin te/ mig gi dbang pos sgra dag nyan pa dang dri dag snom pa dang/ ro dag myang ba dang/ reg bya dag reg par 'gyur ba gang yin pa de ni gnas ma yin/ skabs ma yin te/ gnas med do/ /gzugs rnams la lta bar 'gyur ba gang yin pa de ni gnas yod do/ /mig gi dbang po ji lta ba bzhin du dbang po gzugs can/ lhag ma rnams kyis re re nas phan tshun 'chal ba'i rab tu dbye ba yang de bzhin du blta bar bya'o/ /de la 'byung ba chen po'i 'chol pa ni 'di yin te/ sas chu'i bya ba byed par 'gyur ba dang/ me'i bya ba dang/ rlung gi bya ba byed par 'gyur ba gang yin pa de ni gnas ma yin skabs ma yin te gnas med do/ /so so sa'i bya ba byed par 'gyur ba gang yin pa 'di ni gnas yod do/ /'byung ba chen po lhag ma rnams kyi phan tshun 'chol pa'i rab tu dbye ba yang de bzhin du blta bar bya'o/ /de la yo byad 'byung ba'i 'chol ba ni 'di yin te/ sa bon gzhan las myu gu'i rigs gzhan 'byung bar 'gyur ba gang yin pa 'di ni gnas ma yin skabs ma yin te gnas med do/ /de dang rigs mthun pa las gang yin pa de ni gnas yod do/ /bdag gi rwa rnams gzhos pa las 'o ma 'byung bar 'gyur ba gang yin pa de ni gnas ma yin skabs ma yin te gnas med do/ /nu ma dag las gang yin pa de ni gnas yod do/ /chu'i bum pa bsrubs pa las mar sar 'byung bar 'gyur ba gang yin pa de ni gnas ma yin skabs ma yin te gnas med do/ / zho las gang yin pa de ni gnas yod do/ /bye ma dag btsir ba las til mar 'byung bar 'gyur ba gang yin pa de ni gnas ma yin skabs ma yin te gnas med do/ /til dag las gang yin pa de ni gnas yod do/ /shing rlon pa gtsubs pa las me 'byung bar 'gyur ba gang yin pa nga ni gnas ma yin skabs ma yin te de ni gnas med do/ /shing skam po dag las gang yin pa de ni gnas yod de/ de ltar de lta bu dang mthun pa dag ni gnas dang gnas ma yin pa la rnam par rtog pa dang po'i dbang du byas nas rnam pa'i rab tu dbye ba yin par blta bar bya'o/ /gnyis pa'i dbang du byas nas gang zhe na/ /snang ba dang mun pa gnyis dus gcig 'grog par 'gyur ba gang yin pa de ni gnas ma yin skabs ma yin te gnas med do/ /ci bshas med par gcig pu 'byung bar 'gyur ba gang yin pa de ni gnas yod do/ /me dang chu gnyis lhan cig 'grogs par 'gyur ba gang yin pa de ni gnas ma yin skabs ma yin te gnas med do/ /gang yang rung ba gang yin pa de ni gnas yod do/ /gzugs 'dus pa gnyis gcig tu yul mtshungs par gnas par 'gyur ba gang yin pa de ni gnas ma yin skabs ma yin te gnas med do/ /rdul phra rab gcig gang yin pa de ni gnas yod do/ /rigs mthun pa'i sems gnyis sam sems sems las byung ba gnyis lhan cig 'grogs par 'gyur ba gang yin pa de ni gnas ma yin skabs ma yin te gnas med do/ /re re nas gang yin pa de ni gnas yod do/ /dge ba dang mi dge ba 'am dge ba dang lung du ma bstan pa 'am mi dge ba dang lung du ma bstan pa 'am/ bde ba dang sdug bsngal pa 'am rigs mi mthun pa gnyis dus gcig tu lhan cig tu 'grogs par 'gyur ba gang yin pa de ni gnas ma yin skabs ma yin te gnas med do/ /gang yang rung ba gang yin pa de ni gnas yod do/ /'bras bu 'dod pa dang mi 'dod pa gnyis lhan cig 'grogs par 'gyur ba gang yin pa de ni gnas ma yin skabs ma yin te gnas med do/ /gang yang rung ba de ni gnas yod de/ de ltar de lta bu dang mthun pa de ni gnas dang gnas ma yin pa la rnam par rtog pa gnyis pa'i dbang du byas nas rnam pa'i rab tu dbye ba yin par blta bar bya'o/ /gnas dang gnas ma yin pa la rnam par rtog pa gsum pa las brtsams nas rnam pa'i rab tu dbye ba gang zhe na/ smras pa/ mo gsham las bu 'byung bar 'gyur ba gang yin pa de ni gnas ma yin skabs ma yin te gnas med do/ /mo gsham ma yin pa las gang yin pa de ni gnas yod do/ /skyes nas ma ning bu skyed par 'gyur ba gang yin pa de ni gnas ma yin skabs ma yin te gnas med do/ /skyes pa gang yin pa de ni gnas yod do/ /long bas mig gis gzugs rnams mthong bar 'gyur ba dang/ 'o na pas rna bas sgra rnams thos par 'gyur ba dang/ sna rab tu nyams pas dri rnams tshor bar 'gyur ba dang/ lce rab tu nyams pas lces ro rnams myong bar 'gyur ba gang yin pa de ni gnas ma yin skabs ma yin te gnas med do/ /rab tu ma nyams pas gang yin pa de ni gnas yod do/ /tshogs ma bsags pas tshe 'di la slob pa dang mi slob pa'i rnam par grol ba mngon du byed par 'gyur ba gang yin pa de ni gnas ma yin skabs ma yin te gnas med do/ /tshogs bsags pas gang yin pa de ni gnas yod do/ /'phags pa'i lam ma thob pas mya ngan las 'das pa mngon sum du byed par 'gyur ba dang/ rang byang chub dang/ bla na med pa yang dag par rdzogs pa'i byang chub mngon sum du byed par 'gyur ba gang yin pa de ni gnas ma yin skabs ma yin te gnas med do/ /'phags pa'i lam thob pas gang yin pa de ni gnas yod do/ /mi dud 'gro'i skye gnas su song ba'i srog chags kyi kha zas rtsa la sogs pas dus ston bar byed pa dang/ lha mi'i kham gyi zas dang gzugs dang gzugs med pa na spyod pa'i sems can kham gyi zas za bar 'gyur ba gang yin pa de ni gnas ma yin skabs ma yin te gnas med do/ /de las bzlog pas gang yin pa de ni gnas yod do/ /de ltar de lta bu dang mthun pa'i gnas dang gnas ma yin pa la rnam par rtog pa gsum pa'i dbang du byas nas rnam pa'i rab tu dbye ba yin par blta bar bya'o/ /gnas dang gnas ma yin pa la rnam par rtog pa bzhi pa'i dbang du byas na rnam pa'i rab tu dbye ba gang zhe na/ smras pa/ sas rang gi mtshan nyid spangs te khams gzhan gyi mtshan nyid la brten par 'gyur ba gang yin pa de ni gnas ma yin skabs ma yin te gnas med do/ /de las bzlog pas gang yin pa de ni gnas yod do/ /sa ji lta ba bzhin du 'byung ba chen po gzhan dag kyang ci rigs par blta bar bya'o/ /'dod pa'i khams su skyes shing byung ba lha'i mig mthob pas lha'i gzugs dag mthong bar 'gyur ba gang yin pa de ni gnas ma yin skabs ma yin te gnas med do/ /mi'i gzugs dag mthong bar 'gyur ba gang yin pa de ni gnas yod do/ /de bzhin du dbang po lhag ma rnams kyis kyang ci rigs par blta bar bya'o/ /brkam zhing chags pas zil gyis non pas chags pa de ma spangs par longs spyod rnams la 'dzin pa med pa'i sems su 'gyur pa gang yin pa de ni gnas ma yin skabs ma yin te gnas med do/ /spangs pas gang yin pa de ni gnas yod do/ /de bzhin du zhe sdang dang gti mug dag gis kyang ci rigs par blta bar bya'o/ /chags pa la sogs pa nyon mongs pa dang nye ba'i nyon mongs pa rnams kun nas dkris pa las ma spangs par dran pa nye bar gzhag pa bzhi sgom pa gang yin pa de ni gnas ma yin skabs ma yin te gnas med do/ /spangs pas gang yin pa de ni gnas yod do/ /dran pa nye bar bzhag pa ji lta ba bzhin du byang chub kyi phyogs dang mthun pa gzhan dag kyang de bzhin no/ /de bzhin gshegs pa dang lhan cig rtsod par 'dod pa dang/ 'gyed par 'dod pa'i sems ma spangs la/ bzhed pa med par de bzhin gshegs pa mngon du 'gyur ba gang yin pa de ni gnas ma yin skabs ma yin te gnas med do/ /spangs pa 'am bzhed pa gang yin pa de ni gnas yod do/ /thams cad mkhyen pa thams cad gzigs pas shes bya chung zad mi mkhyen par 'gyur ba 'am bsnyel ngas pas thams cad mkhyen pa ma yin pa'i spyod pa mdzad par 'gyur ba gang yin pa de ni gnas ma yin skabs ma yin te gnas med do/ /thams cad mkhyen pa ma yin zhing thams cad gzigs pa ma yin pas gang yin pa de ni gnas yod do/ /byang chub sems dpa' sar chud pa sems can rnams la bsam pas kun nas mnar sems kyi sems bskyed par 'gyur ba 'am byang chub las phyir ldog par 'gyur ba gang yin pa de ni gnas ma yin skabs ma yin te gnas med do/ /sar chud pa ma yin pas gang yin pa de ni gnas yod de/ de ltar de lta bu dang mthun pa ni gnas dang gnas ma yin pa las rnam par rtog pa bzhi pa las brtsams nas rnam pa'i rab tu dbye ba yin par blta bar bya'o/ /gzhan yang mdor bsdu na gnas bzhi dang gnas ma yin pa bzhi yod par blta bar bya ste/ bltos pa'i rigs pa dang bya ba byed pa'i rigs pa dang 'thad pas bsgrub pa'i rigs pa dang chos nyid kyi rigs pa sngar bstan pa'i rigs pa de dag dang mi 'gal bar ston pa gang yin pa de ni gnas yin no/ /'gal bar ston pa gang yin pa de ni gnas ma yin te/ gnas bzhi po de dag dang gnas ma yin pa bzhi po de dag bsdus na gnas dang gnas ma yin pa la mkhas pa brgyad du 'gyur ro/ /rten cing 'brel par 'byung ba la mkhas pa dang/ gnas dang gnas ma yin pa la mkhas pa la bye brag ci yod ce na/ smras pa/ rten cing 'brel par 'byung ba la mkhas pa ni rgyu dang 'bras bu tsam du 'jug pa shes pas rab tu phye ba yin la/ gnas dang gnas ma yin pa la mkhas pa ni de'i phyin ci ma log par yin par shes pas rab tu phye ba yin no/ / gnas dang gnas ma yin pa'i dngos po la mkhas pa'i rnam par gtan la dbab pa'i gzhung lhag ma ni mi snang ngo/ /gnas dang gnas ma yin pa'i dngos po la mkhas pa rdzogs so// //bam po bcu pa/ /dbang po rnams kyi spyi sdom ni/ don dang rnam par bzhag pa dang/ /rab tu dbye ba tha ma yin/ /dbang po'i don gang zhe na/ smras pa/ dbang po'i don ni dbang byed pa'i don to/ /ci zhig yongs su bstan par bya ba'i don du zhe na/ smras pa/ gzhi de dang de la chos de dang de dag gtso bor yongs su bstan pa'i don du'o/ /dbang po nyi shu rtsa gnyis po dag gi rnam par gzhag pa ji lta bu yin zhe na/ smras pa/ drug ni yul 'dzin pa la dbang byed pa'i don gyis so/ /gnyis ni rigs rgyud rnam par bzhag pa la dbang byed pa'i don gyis so/ /gcig ni 'tsho ba'i don du las kyi mdza' i sbyor ba la dbang byed pa'i don gyis so/ /lnga ni las kyi 'bras bu la yongs su longs spyod pa la dbang byed pa'i don gyis so/ /gzhan lnga ni 'jig rten pa'i rnam par dag pa la dbang byed pa'i don gyis so/ /gsum ni 'jig rten las 'das pa'i rnam par dag pa la dbang byed pa'i don gyis rnam par gzhag par blta bar bya'o/ /rnam gangs gzhan yang drug ni yul gsal ba la yongs su longs spyod pa la dbang byed pa'i don gyis so/ /gnyis ni yul bsgribs pa la yongs su longs spyod pa la dbang byed pa'i don gyis so/ /gcig ni yul yongs su longs spyod pa mthar thug pa la dbang byed pa'i don gyis so/ /lnga ni yul la longs spyod pa la byung ba'i kun nas nyon mongs pa la dbang byed pa'i don gyis/ /brgyad ni rnam par byang ba la dbang byedpa' i don gyis rnam par bzhag par blta bar bya'o/ /rnam grangs gzhan yang drug ni yul la nang du bltas par yongs su longs spyod pa la dbang byed pa'i don gyis so/ /gnyis ni yul phyir bltas par yongs su longs spyod pa la dbang byed pa'i don gyis so/ /gcig ni lus la yongs su longs spyod pa la dbang byed pa'i don gyis so/ /lnga ni yul dang lus la yongs su longs spyod pa las byung ba'i kun nas nyon mongs pa la dbang byed pa'i don gyis so/ brgyad ni kun nas nyon mongs pa'i gnyen po rnam par byang ba dbang byed pa'i don gyis rnam par bzhag par blta bar bya'o/ /rnam grangs gzhan yang lnga ni lus mdzes pa la dbang byed pa'i don gyis so/ /gcig ni lus la dbang bsgyur ba la dbang byed pa'i don gyis so/ /gcig ni lus gnas pa la dbang byed pa'i don gyis so/ /gnyis ni lus skye ba la dbang byed pa'i don gyis so/ /lnga ni lus la phan pa dang gnod pa la dbang byed pa'i don gyis so/ /brgyad ni lus rnam par grol bar byed pa la dbang byed pa'i don gyis rnam par gzhag par blta bar bya'o/ /rnam grangs gzhan yang drug ni sems can gyi dngos po yongs su bstan pa la dbang byed pa'i don gyis so/ /gnyis ni sems can gyi dngos po skye ba la dbang byed pa'i don gyis so/ /gcig ni sems can gyi dngos po gnas pa dang 'chi 'pho ba la dbang byed pa'i don gyis so/ /lnga ni sems can gyi yul la yongs su longs spyod pa la dbang byed pa'i don gyis so/ /gzhan lnga ni sems can gyi mngon par mtho ba'i thabs la dbang byed pa'i don gyis so/ /gsum ni sems can gyi nges par legs pa la dbang byed pa'i don gyis rnam par bzhag par blta bar bya'o/ /rnam grangs gzhan yang drug ni sems can gyi dngos po yongs su bstan pa la dbang byed pa'i don kho nas so/ /gnyis ni sems can 'phel ba la dbang byed pa'i don gyis so/ /gcig ni sems can 'grib pa la dbang byed pa'i yongs su bstan pa'i don gyis so/ /lnga ni sems can gyi 'byor ba dang rgud pa yongs su bstan pa la dbang byed pa'i don gyis so/ /brgyad ni sems can gyi yon tan dang skyon yongs su bstan pa la dbang byed pa'i don gyis rnam par bzhag par blta bar bya'o/ /rnam grangs gzhan yang drug ni ming ni 'di zhes bya ba'i dbang du byas nas so/ /gnyis ni rigs ni 'di zhes bya rus ni 'di zhes bya zhes bya ba'i dbang du byas nas so/ /lnga ni zas ni 'di lta bu zhig za za/ bde ba dang sdug bsngal ni 'di lta bu zhig myong zhes bya ba'i dbang du byas nas so/ /gcig ni tshe ring khyed ni 'di tsam zhig /yun ni 'di srid gcig gnas gnas/ /tshe ni 'di tsam zhig thub zhes bya ba'i dbang du bya ste/ dbang po de dag ni khyim pa'i phyogs la spyod pa'i dbang du byas nas rnam par bzhag par blta bar bya'o/ /brgyad ni dad pa ni 'di lta bu zhig dang ldan pa brtson 'grus ni 'di lta bu zhig dang ldan zhes bya ba nas shes rab ni 'di lta bu dang ldan zhes bya ba'i bar dang 'di ltar ni zhugs pa yin no/ /'di ltar ni 'bras bu la gnas pa yin zhes bya ba'i dbang du byas te dbang po de dag ni rab tu byung ba'i phyogs la spyod pa'i dbang du byas nas rnam par bzhag par blta bar bya'o/ /rnam grangs gzhan yang drug ni rnal 'byor pa rnams kyi dbang po'i sgo bsdam pa la dbang byed pa'i don gyis so/ /gnyis ni dge sbyong gi tshul gyi 'bras bu'i phyir rab tu 'byung ba thob pa'i skal pa dang ldan pa la dbang byed pa'i don gyis so/ /gcig gi dge ba'i phyogs 'phel ba la dbang byed pa'i don gyis so/ /lnga ni shes bzhin du spyod pa la dbang byed pa'i don gyis so/ /lnga ni dge sbyong gi tshul gyi 'bras bu la sbyor ba'i lam la dbang byed pa'i don gyis so/ /gsum ni dge sbyong gi tshul gyi 'bras bu 'thob pa la dbang byed pa'i don gyis rnam par bzhag par blta bar bya'o/ /bar sdom ni/ yul la rjes su 'jug sogs dang/ /gsal dang nang du bltas pa dang/ /mdzes dang sems can rnam gnyis dang/ /btags dang bsdoms la sogs pa yin/ /mig gi dbang pos ci byed ce na/ smras pa/ gzugs rnams la bltas pa dang blta ba dang lta bar 'gyur ro/ /de bzhin du rna ba'i dbang po la sogs pa yid kyis dbang pa'i mthar thug pa rnams kyi las kyang ci rigs par blta bar bya'o/ /pho'i dbang po dang mo'i dbang po gnyis kyis ci byed ne/ smras pa/ chung ma dang bu dang bu mo dang pha ma dang de dang 'brel ba'i gnyen 'dab yongs su 'dzin pa kun tu snang bar byed do/ /srog dbang pos ci byed ce na/ smras pa/ gson pa dang 'tsho ba dang 'dug pa dang sded pa zhes bya ba'i grang ssu 'go bar byed do/ /tshor bar bsdus pa'i dbang po rnams kyis ci byed ce na/ smras pa/ 'byor ba dang/ rgud pa nyams su myong bar byed do/ /dang po la sogs pa'i dbang po rnams kyis ci byed ce na/ smras pa/ bde 'gror skye ba dang/ mya ngan las 'das pa'i tshogs yongs su rdzogs par byed do/ /dbang po tha ma gsum gyis ci byed ce na/ smras pa/ tshe 'di la mya ngan las 'da' ba 'thob par byed do/ /dbang po de dag las du ni rdzas su yod pa yin du ni ma yin zhe na/ smras pa/ bcu drug gi ni rdzas su yod pa yin na/ /lhag ma rnams ni ma yin no/ /du zhig gzugs kyis bsdus pa yin zhe na/ smras pa/ bdun no/ / du zhig sems kyis bsdus pa yin zhe na/ smras pa/ thams cad 'dus byas yin te/ dbang po la 'dus byas ma yin pa ni mod do/ /pho'i dbang po dang mo'i dbang po gang gi cha yin zhe na/ smras pa/ lus kyi dbang po'o/ /dbang po tha ma gsum gang gi cha yin zhe na/ smras pa/ dgu'i ste/ yid kyi dbang po dang/ dad pa la sogs pa lnga dang bde ba dang yid bde ba dang btang snyoms kyi dbang po rnams kyi'o/ /srog gi dbang po gang gi cha yin zhe na/ smras pa/ gang gi yang ma yin te de ni sngon gyi las kyis 'phangs pa'i dus nges pa la gdags pa'i phyir/ btags pa'i yod pa zhes bya'o/ /du zhig dge ba dag yin zhe na/ smras pa/ brgyad dam lnga 'am drug gi phyogs so/ /du zhig mi dge ba dag yin zhe na/ smras pa/ drug gi phyogs gcig go /du zhig lung du ma bstan pa dag yin zhe na/ smras pa/ brgyad dang lnga'i phyogs so/ /du zhig rnam par smin pa dang bcas pa yin zhe na/ smras pa/ gcig dang bcu'i phyogs so/ /du zhig rnam par smin pa med pa dag yin zhe na/ smras pa/ bcu gcig dang bcu'i phyogs so/ /du zhig rnam par smin pa dang bcas pa'i grogs dag yin zhe na/ smras pa/ tha ma gsum ste/ lha dang mi'i rnam par smin pa shin tu gsal zhing nges pa'i don gyis rnam par smin pa 'dod pa'i grogs dag yin no/ /du zhig rnam par smin pa yin zhe na/ smras pa/ gcig dang dgu'i phyogs so/ / du zhig gi sa bon dag rnam par smin pa yin zhe na/ smras pa/ thams cad kyi'o/ /du zhig rnam par smin pa ma yin zhe na/ smras pa/ bcu gnyis dang dgu'i phyogs so/ /du zhig rnam par smin pa las skyes pa dag yin zhe na/ smras pa/ thams cad kho na ste sa bon gyis bsdus pa'i rnam par smin pa las grub pa'i phyir ro/ /du zhig 'dod pa dang ldan pa dag yin zhe na/ smras pa/ bzhi dang bco lnga'i phyogs so/ /du zhig gzugs dang ldan pa dag yin zhe na/ smras pa/ bco lnga'i phyogs so/ /du zhig gzugs med pa dang ldan pa dag yin zhe na/ smras pa/ dbang po brgyad kyi phyogs so/ /du zhig ldan pa ma yin pa dag yin zhe na/ smras pa/ gsum dang dgu'i phyogs so/ /du zhig me lcogs pa med pa'i sa la dmigs she na/ smras pa/ bcu gcig go /gal te mi lcags pa med pa ni yid bde ba'i dbang po yod na/ de lta na ci'i phyir bsam gtan dang po bzhin du dga' ba dang bcas par rnam par mi gzhag ce na/ smras pa/ de na dga' ba g.yo ba'i phyir ro/ /de na de yod pa nyid du yid ches par 'gyur ba'i lung gang yin zhe na/ smras pa/ bcom ldan 'das kyis 'di na dge slong dben pa las skyes pa'i dga' ba dang/ bde bas lus de nyid mngon par rlan par byed/ yongs su khyab par byed/ yongs su tshim par byed de/ de'i lus la 'di lta ste/ dben pa las skyes pa'i dga' ba dang bde bas ma khyab pa dang khyab par bya ba chung zad kyang med do/ /zhes ji skad gsungs pa ste/ de la rnam grangs dang po dag gis ni mi lcogs pa med pa'i gnas skabs bstan to/ /rnam grangs thams cad ni dngos gzhi'i gnas skabs bstan to/ /bsam gtan dang po'i sa na dbang po du dag dmigs she na/ smras pa/ bco brgyad do/ /bsam gtan gnyis pa'i sa na yang de dag nyid do/ /bsam gtan gsum pa'i sa na dbang po du dag? dmigs shes na/ smras pa/ bcu bdun no/ /bsam gtan bzhi pa'i sa na ni bcu drug go/ nam mkha' mdza' yas skye mched kyi sa na dbang po du dag dmigs she na/ smras pa/ bcu gcig go/ nam mkha' mdza' yas skye mched kyi sa na ji lta ba bzhin du ji shes mdza' yas skye mched kyis dang ci yang med pa'i skye mched kyi sa na yang de bzhin du blta bar bya'o/ /'du shes med 'du shes med min skye mched kyis na dbang po du dag dmigs she na/ smras pa/ brgyad do/ /bsam gtan dang po'i sas bsdus pa'i dbang po rnams zag pa dang bcas pa 'am zag pa med par brjod par bya zhe na/ smras pa/ rnam pa gnyis gar brjod par bya'o/ /bsam gtan dang po'i sas bsdus pa dag ji lta ba bzhin du ci'ang med pa'i skye mched kyi sa'i bar gyis bsdus pa dag kyang de bzhin no/ / 'du shes med 'du shes med min skye mched kyi sas bsdus pa'i dbang po rnams ni rigs las ni zag pa dang bcas pa dag tu brjod par bya'o/ /rgyud las ni rnam pa gnyis gar brjod par bya'o/ /zag pa med pa de dag ni nyon mongs pa las rnam par grol pa las rig par bya'o/ /zag pa dang bcas pa dang zag pa med pa dag ji lta ba bzhin du spang bar bya ba dang spang bar bya ba ma yin pa dang/ 'jig rten pa dang 'jig rten las 'das pa dag kyang de bzhin du blta bar bya'o/ /'dod pa'i khams su skyes shing byung ba dbang po du ngag dang ldan par brjod par bya zhe na/ smras pa/ srid pa'i dbang du byas nas thams cad dang ngo/ /sems can dmyal bar skyes pa du dag dang ldan zhe na/ smras pa ? brgyad dang ni kun tu 'byung pa dang sa bon las ldan pa yin no/ /lhag ma rnams las gsum ma gtogs pa dag dang ni ldan pa'ang yod mi ldan pa'ang yod de/ /gsum dang ni kun tu 'byung ba las ni mi ldan pa la sa bon las ni gal te yongs su mya ngan las 'da' ba' i chos can ni ldan no/ /gal te yongs su mya ngan las 'da' ba' i chos can ma yin na ni mi ldan no/ /gzhan gsum dang ni kun tu 'byung ba las mi ldan no/ /sa bon las ldan no/ /sems can dmyal bar skyes ba ji lta ba bzhin de gcig tu sdug bsngal ba'i dud 'gro rnams dang yi dags rnams las yang de bzhin du blta bar bya'o/ /bde ba dang sdug bsngal 'dren mar nyams su myong ba rnams la ni tha ma gsum dang kun 'byung ba las ldan par blta bar bya'o/ /mar skyes pa dbang po du dag dang ldan zhe na/ smras pa /srid pa las ni thams cad dang ngo/ / mir skyes pa ji lta ba bzhin du ltar skyes pa yang de bzhin no/ /dbang po ma tshang ba dbang po du dag dang ldan zhe na/ smras pa/ lnga ma gtogs par srid pa las de las gzhan pa dag dang ngo/ /dbang po tshang ba ni srid pa las thams cad dang ngo/ /za ma du dang ldan zhe na/ smras pa/ lnga ma gtogs par srid pa de las gzhan pa thams cad dang ngo/ /bud med du dag dang ldan zhe na/ smras pa/ srid pa las nyi shu rtsa gcig dang ngo/ /skyes ba du dag dang ldan zhe na/ smras pa/ srid pa las nyi shu rtsa gcig kho na dang ngo/ mtshan gnyis pa du dag dang ldan zhe na/ smras pa/ srid pa las bcu dgu dang po/ /dge ba'i rtsa ba chad ba du dag dang ldan zhe na/ smras pa/ brgyad ma gtogs par srid pa de las gzhan pa dag go /dge ba'i rtsa ba ma chad pa du dag dang ldan zhe na/ smras pa/ srid pa las thams cad dang ngo/ /so so'i skye bo du dag dang ldan zhe na/ smras pa/ gsum ma gtogs par srid pa las bcu dgu dang ngo/ /bden pa mthong ba du dag dang ldan zhe na/ smras/ srid pa las thams cad dang ngo/ /slob pa du dag dang ldan zhe na/ smras pa/ srid pa las nyi shu rtsa gcig dang ngo/ /mi slob pa du dag dang ldan zhe na/ smras pa/ srid pa las bcu dgu dang ngo/ /rgyun tu zhugs ba'i 'bras bu'i phyir zhugs pa du dag dang ldan zhe na/ smras pa/ srid ba las nyi shu dang ngo/ rgyun tu zhugs pa du dag dang ldan zhe na/ smras pa/ srid pa las nyi shu lo na dang ngo/ /rgyun tu zhugs pa ji lta ba bzhin du lan cig phyir 'ong pa'i 'bras bu'i phyir zhugs pa dang lan cig phyir 'ong ba dang phyir mi 'ong ba'i 'bras bu'i phyir zhugs ba yang de bzhin du blta bar bya'o/ /phyir mi 'ong ba du dag dang ldan zhe na/ smras pa/ srid ba las bcu dgu dang ngo/ /phyir mi 'ong ba ji lta ba bzhin du dgra bcom pa nyid kyi 'bras bu'i phyir zhugs pa'ang de bzhin no/ /dgra bcom pa dbang po du dag dang ldan zhe na/ smras pa/ srid pa las bcu dgu kho na dang ngo/ /gzugs kyi khams su skyes pa dbang po du dag dang ldan zhe na/ smras pa/ srid pa las bco brgyad dang ngo/ /gzugs med pa'i khams su skyes pa dbang po du dag dang ldan zhe na/ smras pa/ srid pa las bcu gcig dang ngo/ / 'dod pa'i khams nas shi 'phos nas de nyid du skye ba na/ dbang po du dag ni spong bar byed du ni 'thob par byed ce na/ smras pa re zhig gzugs can rnams ni srid pa las ma tshang ba rnams spang bar byed cing ma tshang ba rnams 'thob par byed pa dang/ ma tshang ba rnams spong bar byed cing chang ba rnams 'thob par byed pa dang/ tshang ba rnam spong bar byed cing tshang ba rnams 'thob par byed pa dang/ tshang ba rnam spong bar byed cing ma tshang ba rnams 'thob par byed pa dang/ dman pa rnams spong bar byed cing dman pa rnams 'thob par byed pa dang/ dman pa rnams spong bar byed cing/ khyad par du 'phags pa rnams 'thob par byed pa dang/ khyad par du 'phags pa rnams spong bar byed cing khyad par du 'phags pa rnams 'thob par byed pa dang/ khyad par du 'phags pa rnams spong bar byed cing/ dman pa rnams 'thob par byed do/ /yid kyi dbang po dang srog gi dbang po gnyis kyi dman pa dang khyad par du 'phags pa spong ba dang 'thob par byed pa dag kyang de bzhin du blta bar bya'o/ /tsher ba'i dbang po rnams kyi dman pa dang khyad par du 'phags pa spong ba dang 'thob par byed pa dag kyang rnam par smin pa'i 'bras bu'i bye brag las de kho na bzhin du ci rigs par blta bar bya'o/ /dbang po dge ba rnams ni rgyu mthun ba'i 'bras bu las gong nas gong du khyad par du 'phags pa 'thob cing sngon gyi dman pa spong bar blta bar bya'o/ /khyad par du 'phags pa spong zhing dman pa 'thob pa skye ba las ni med de log pa'i sbyor ba med par byed do/ /dbang po tha ma ni thams cad kyi thams cad du skye ba dang mi mthun pa kho na yin no/ /'dod pa'i khams nas shi 'phos nas gzugs kyi khams su skye ba na dbang po du dag ni spong bar byed du ni 'thob par byed ce na/ smras pa/ sa 'og ma pa'i dbang po thams cad ni spong bar byed la/ gong ma pa'i thams cad ni srid pa las 'thob par byed do/ /'dod pa'i khams nas shi 'phos nas gzugs kyi khams su skye ba na ji lta ba de bzhin du gzugs med pa'i khams su skye ba na yang de bzhin no/ /gzugs kyi khams nas shi 'phos nas gzugs med pa'i khams su skye ba na yang de bzhin no/ /dbang po tha ma gsum ni dge sbyong gi tshul gyi 'bras bu'i sbyor ba thob pa las dmigs par 'gyur gyi 'chi 'pho dang skye ba las ni ma yin te/ sngon bsgoms pa'i stobs bskyed pas 'dir rgyu mthun pa ches gsal ba dag 'byung bar 'gyur zhig ches 'od gsal bar skye ba'i phyir rnam par smin pa'i 'bras bu ni rkyen du gyur pa dag yin no/ /bar sdom ni/ las dang rdzas dang gzugs sogs dang/ /dge la sogs dang rnam smin dang/ /khams dang sa dang 'thob pa dang/ /'chi 'pho skye ba kho na yin/ /dbang po du zhig yul gyi don gyis don dang ldan pa dag yin la du ni ma yin zhe na/ smras pa/ nyi shu rtsa gcig ni don dang ldan pa yin la/ gcig ni ma yin no/ /du zhig gzugs can ma yin pa dang lhan cig tu don la 'jug ce na/ smras pa/ gzugs can dang po bdun no/ /du zhig gzugs can dang gzugs can ma yin pa dang lhan cig tu don la 'jug ce na/ smras pa/ de las gzhan pa lhag ma rnams so/ /don dang bcas pa gang dag yin pa las dbang po lnga'i don gang zhe na/ smras pa/ gzugs la sogs pa yul so sor nges pa lnga'o/ /dbang po drug pa'i don gang zhe na/ smras pa/ chos thams cad do/ /pho dang mo'i dbang po gnyis kyi don gang zhe na/ smras pa/ reg byas bsdus pa kho na'i 'khrig pa sbyor ba'o/ /tshor ba'i dbang po lnga'i don gang zhe na/ smras pa/ bde ba dang sdug bsngal ba dang yid bde ba dang mi bde ba dang btang snyoms kyi gnas lta bu dag ste dbang po drug po de dag nyid kyi don rnams so/ /dran pa'i dbang po'i don gang zhe na/ smras pa/ spang bar bya ba dang/ 'thob par bya ba'i yul lo/ /brtson 'grus kyi dbang po'i don gang zhe na/ smras pa/ de gnyis kho na 'thob par bya ba la zhum pa med pa dang spang bar bya ba la zhus pa med pa'o/ /dran pa'i dbang po'i don gang zhe na/ smras pa/ mnyan pa dad bsam pa dang bsgom pa nges par 'dzin pa'o/ /ting nge 'dzin gyi dbang po'i don gang zhe na/ smras pa/ zhi gnas dang lhag mthong ngo/ /shes rab kyi dbang po'i don gang zhe na/ smras pa/ shes bya'i de kho na'o/ /mi shes pa kun shes par byed pa'i dbang po'i don gang zhe na/ smras pa/ bden pa mngon par rtogs ba la brtson pa dge ba'i chos la bdun pa nas bzung ste/ sbyor ba'i las thams cad la dbang po lnga'i don gang yin pa de nyid 'di'i don yin par blta bar bya'o/ /kun shes pa'i dbang po'i don gang zhe na/ smras pa/ rgyun tu zhugs pa'i 'bras bu nas bzung ste/ rdo rje lta bu'i ting nge 'dzin gyi bar du dbang po lnga'i don gang yin pa de nyid 'di'i don yin par blta bar bya'o/ /kun shes pa dang ldan pa'i dbang po'i don gang zhe na/ smras pa/ mi slob pa'i lam nas bzung ste/ phung po lhag ma med pa'i mya ngan las 'das pa'i dbyings kyi bar du dbang po lnga'i don gang yin pa de nyid 'di'i don gang yin par blta bar bya'o/ /du zhig gzugs can dag yin yin la don kyang gzugs can dag yin zhe na/ smras pa bdun no/ /du zhig gzugs can ma yin pa dag yin la/ don ni gzugs can dang gzugs can ma yin pa dag yin zhe na/ smras pa/ srog gi dbang po ma gtogs pa de las gzhan pa thams cad do/ /du zhig gzugs can yang ma yin gzugs can ma yin pa yang ma yin pa dag yin la/ don kyang gzugs can ma yin gzugs can ma yin pa'ang ma yin pa dag yin zhe na/ smras pa/ srog gi dbang po de nyid yin te btags pa'i chos yin pa'i phyir ro/ /du zhig bstan du yod pa dag yin la don kyang bstan du yod pa dag yin zhe na/ smras pa/ thams cad kyang bstan du med pa dag yin te/ gzugs can gcig dang lhag ma gzugs can ma yin pa rnams kyi phyogs ni don bstan du yod pa yin no/ /du zhig thogs pa dang bcas pa dag yin la don kyang thogs pa dang bcas pa dag yin zhe na/ smras pa/ gzugs can bdun no/ /lhag ma gzugs can ma yin pa thogs pa med pa dang bstan du med pa rnams kyi phyogs yin no/ /du zhig zag pa dang bcas pa dag yin la don kyang zag pa dang bcas pa dag yin zhe na/ smras pa/ bdun kho na'o/ /lhag ma rnams las nu ma gnyis ma gtogs pa dang sdug bsngal ba dang yid mi bde ba'i dbang po gnyis ma gtogs pa dag ni zag pa dang bcas pa dang zag pa med pa dag yin la don kyang zag pa dang bcas pa dang zag pa med pa dag? yin par blta bar bya'o/ /sdug bsngal gyi dbang po ni zag pa dang bcas pa dang zag pa med pa dag yin la don ni zag pa dang bcas pa yin no/ /yid mi bde ba'i dbang po ni thag pa dang bcas pa yin la don ni zag pa dang bcas pa dang/ zag pa med pa yin no/ /mi shes pa kun shes par byed pa'i dbang po ni dge sbyong gi tshul gyi 'bras bu dang thag ring zhing 'jig rten pa'i rnam par gtogs pa gang yin pa de ni zag pa dang bcas pa yin la/ dge sbyong gi tshul gyis 'bras bu dang thag nye zhing 'jig rten las 'das pa'i rnam par gtogs pa gang yin pa de ni zag pa med pa yin par blte? bar bya'o/ /du zhig 'dus byas dag yin la don kyang 'dus byas dag yin zhe na/ smras pa/ thams cad kyang 'dus byas yin te brgyad ni don kyang 'dus byas dag yin no/ /de las gzhan pa dag ni don 'dus byas dang 'dus ma byas pa dag yin no/ /du zhig nyon mongs pa dang bcas pa dag yin la don kyang nyon mongs pa dang bcas pa dag yin zhe na/ smras pa/ zag pa dang bcas pa ji skad bstan pa de bzhin du 'di'ang blta bar bya'o/ /zang zing dang bcas pa dang zhen ba la brten pa dang 'jig rten pa dang 'jig rten las 'das pa bstan pa dag kyang de bzhin du blta bar bya'o/ /du zhig 'das ba dag yin la don kyang 'das pa dag yin zhe na/ smras pa/ dbang po gzugs can rnams dang sdug bsngal gyi dbang po ma gtogs pa de las gzhan pa don dang ldan pa rnams kyi phyogs gcig go / gzugs can rnams dang sdug bsngal gyi dbang po ni 'das pa dag yin yang don ni 'das pa ma yin no/ /du zhig 'das pa dag yin la don ni da ltar phyung ba dag yin zhe na/ smras pa/ ji skad bstan pa de dag nyid kyi phyogs gcig go / de dag nyid 'das pa dag yin la don ni ma 'ongs pa dag yin par yang blta bar bya'o/ /de dag nyid da ltar byung ba dag yin la don 'das pa dag dang don ma 'ongs pa dag yin par yang blta bar bya'o/ /gzugs can thams cad dang sdug bsngal gyi dbang po dang sngar bstan pa de dag nyid kyi phyogs gcig ni da ltar dag yin la/ don yang da ltar gyi dag yin par yang blta bar bya'o/ /de dag nyid ma 'ongs pa dag yin la don 'das pa dag dang don ma 'ongs pa dag dang don dang da ltar byung ba dag yin par yang blta bar bya ste/ gzugs can rnams ni ma 'ongs pa dag yin yang don ni ma 'ongs pa dag ma yin no/ /du zhig 'dod pa dang ldan pa dag yin la don kyang 'dod pa dang ldan pa dag yin zhe na/ smras pa bzhi'o/ / dbang po gnyis ni 'dod pa dang gzugs dang ldan pa dag yin la don ni 'dod pa dang ldan pa dag yin no/ /gsum ni 'dod pa dang gzugs dang ldan pa dag yin la don yang 'dod pa dang gzugs dang ldan pa dag yin no/ /gnyis ni 'dod pa dang gzugs dang ldan pa dang ldan pa ma yin pa dag yin la don ni 'dod pa dang gzugs dang gzugs med pa dang ldan pa dang ldan pa ma yin pa dag yin no/ /bdun ni 'dod pa dang gzugs dang gzugs med pa dang ldan pa dang ldan pa ma yin pa dag yin la don kyang de dag nyid yin par blta bar bya'o/ /gcig ni gzugs dang ldan pa dang ldan pa ma yin pa yin la don ni thams cad dang ldan pa dang ldan pa ma yin pa yin no/ /gnyis ni ldan pa ma yin pa dag yin la don ni thams cad dang ldan pa dang ldan pa ma yin pa dag yin no/ /du zhig dge ba dag yin la don kyang dge ba dag yin zhe na/ smras pa/ brgyad ni dge ba dag yin la don ni dge ba dang mi dge ba dang lung du ma bstan pa dag yin no/ /lnga ni dge ba dang mi dge ba dang lung du ma bstan pa dag yin la don kyang dge ba dang mi dge ba dang lung du ma bstan pa dag yin no/ /gcig ni dge ba dang mi dge ba yin la don ni dge ba dang mi dge ba dang lung du mi bstan pa yin no/ /lnga ni lung du ma bstan pa dag yin la don kyang lung du ma bstan ba dag yin no/ /gnyis ni lung du ma bstan pa dag yin la don ni dge ba dang mi dge ba dang lung du ma bstan pa dag yin no/ /du zhig slob pa dag yin la don kyang slob pa dag yin zhe na/ smras pa/ dgu ni slob pa dang mi slob pa dang slob pa'ang ma yin mi slob pa'ang ma yin pa dag yin la don kyang rnam pa gsum car yin no/ /bdun ni slob pa'ang ma yin mi slob pa'ang ma yin pa dag yin la don kyang de dag nyid yin no/ /gcig ni rnam pa gsum char yin la don ni slob pa'ang ma yin mi slob pa'ang ma yin pa yin no/ /gcig ni slob pa dang slob pa yang ma yin mi slob pa'ang ma yin pa yin la don ni rnam pa gsum char yin no/ /gnyis ni slob pa dag yin la/ don ni rnam pa gsum char yin no/ /gcig ni mi slob pa yin la don ni rnam pa gsum char yin par blta bar bya'o/ /du zhig mthong bas spang bar bya ba dag yin la don kyang mthong bas spang bar bya ba dag yin zhe na/ smras pa/ bcu bzhi'i phyogs gcig ni mthong bas spang bar bya ba yin no/ /phyogs gcig ni bsgom pas spong bar bya ba yin no/ /bcu gnyis kyi phyogs gcig ni bsgom pas spang bar bya ba yin no/ /phyogs gcig ni spang bar bya ba ma yin pa yin no/ /bcu bzhi po de dag nyid las drug dang de dang de las gzhan pa drug dang/ gzhan gnyis ni spang par bya ba ma yin pa dag yin no/ /de la gzugs can rnams ni mthong ba dang bsgom pas spang bar bya ba'i don yin par blta bar bya'o/ /gzugs can ma yin pa rnams ni don rnam pa gsum char te/ mthong ba dang bsgom pas spang bar bya ba dang/ spang bar bya ba ma yin pa'i don dag yin no/ /dbang po du zhig don la kun nas nyon mongs pa'i btang snyoms kyis rab tu phye ba dag yin zhe na/ smras pa/ dge ba rnams ma gtogs pa ste/ dge ba rnams ni don la rnam par byang ba'i btang snyoms kyis rab du phye ba dag yin par blta bar bya'o/ /du zhig ni don phyin ci log tu gyur pa dag yin zhe na/ smras ba/ dge ba rnams dang dbang po drug ni don gyi dngos po gang dag yin pa ma gtogs pa rnams so/ /du zhig phyin ci log gi gnas dag yin zhe na/ smras pa/ gzugs can bdun no/ /du zhig phyin ci log gi ngo bo nyid dag yin zhe na/ smras pa/ drug gi phyogs so/ /du zhig phyin ci log gi gnyen po dag yin zhe na/ smras pa/ brgyad yin par blta bar bya'o/ /dbang po du dag gis don la skyon las nye bar rtog par byed ce na/ smras pa/ brgyad dang lnga dang gcig gis so/ / gang gi tshe 'du byed rnams yon tan bzhi dang ldan par dmigs pa de'i tshe ji ltar 'du byed rnams skyon las nye bar rtog par byed de/ gnas pa las ni 'di lta ste/ kha cig ni phung po rnams legs par bsnyen bkur byas na lo brgya 'am de bas lhag par gnas pa'o/ /mthu las ni 'di lta ste/ bde ba skyed par byed pa dang/ gtsang bar kun tu snang ba'o/ /dbang sgyur ba las ni 'di lta ste/ sgrub pa dang srung ba dang longs spyod pa dang gtong ba la rang gis dbang sgyur bar byed pa'o/ /chags pa las ni 'di lta ste/ de la brten pa'i chags pa rnam pa sna tshogs 'byung bar 'gyur te/ de ni 'du byed rnams kyi yon tan dang ldan pa'i mtshan nyid bzhi pa yin no zhe na/ smras pa/ 'di ltar chos de dag ni 'jig rten las yon tan du bzung mod kyi 'on kyang de dag thams cad ni skyon dang 'brel pa yin par rig par bya'o/ /de la skyon rnams gang zhe na/ smras pa/ gnas pa gtan du ma yin pa'i phyir dang/ sdug pa 'gyur ba'i mi rtag pa mngon du dmigs pa'i phyir dang/ 'chi ba'i mi rtag pa mngon sum du dmigs pa'i phyir 'du byed de dag yon tan dang po dang bral bar blta bar bya'o/ /de bzhin du des byas pa'i sdug bsngal rnam pa sna tshogs 'byung ba mngon sum du dmigs pa'i phyir dang/ mi gtsang ba mngon sum du dmigs ba'i phyir yon tan gnyis pa dang bral bar blta bar bya'o/ /de bzhin du rga ba dang na ba dang 'chi ba la sogs pa la 'dod dgur byar med pa mngon sum du dmigs pa'i phyir yon tan gsum dang bral bar blta bar bya'o/ /de bzhin du srin bu dang khyi dang phag la sogs pa ljan ljin mchog tu mi gtsang ba la chags pa dag mngon sum du dmigs pa'i phyir yon tan bzhi pa spangs par blta bar bya ste/ gang gi phyir yon tan thams cad dang bral bar 'gyur ba de'i phyir 'du byed rnams la rnam pa thams cad du skyon dang ldan pa de lta bu kho nar nye bar rtog par byed do/ /mig gi dbang po ci zhig gi ched du zhe na/ smras pa/ gzugs la lta ba'i ched du'o/ /yid kyi dbang po'i bar du ci zhig gi ched du zhe na/ smras pa/ thams cad kyang rang rang gi yul 'dzin pa'i ched du yin par blta bar bya'o/ /pho dang mo'i dbang po gnyis ci zhig gi ched du zhe na/ smras pa/ 'khrig pa brten pa'i ched du'o/ /srog gi dbang po ci zhig gi ched du zhe na/ smras pa/ 'chi ba'i srid pa'i snga rol gyi dus kyi srid pa'i ched du'o/ /tshor ba'i dbang po rnams ci zhig gi ched du zhe na/ smras pa/ yul yid du 'ong ba dang yid du mi 'ong ba la rjes su chags pa dang khong khro ba'i ched du'o/ /dad pa'i dbang po ci zhig gi ched du zhe na/ smras pa/ dge ba la 'jug pa'i ched du'o/ /brtson 'grus kyi dbang po ci zhig gi ched du zhe na/ smras pa/ zhugs pa dge? ba'i chos bsgom pa rgyun tu chud par bya ba'i ched du'o/ /dran pa'i dbang po ci zhig gi ched du zhe na/ smras pa/ shes bzhin du spyad pa'i ched du'o/ /ting nge 'dzin gyi dbang po ci zhig gi ched du zhe na/ smras pa/ ye shes dang mthong ba rnam par dag pa'i ched du'o/ / shes rab kyi dbang po ci zhig gi ched du zhe na/ smras pa/ nyon mongs pa spong ba'i ched du'o/ /mi shes pa kun shes par byed pa'i dbang po ci zhig gi ched du zhe na/ smras pa/ dge sbyong gi tshul gyi 'bras bu dang po dang gnyis pa dang gsum pa 'thob pa'i ched du'o/ /kun shes pa'i dbang po ci zhig gi ched du zhe na/ smras pa/ rdo rje lta bu'i ting nge 'dzin gyi bar dang mi slob pa'i dge sbyong gi tshul gyi 'bras bu 'thob pa'i ched du'o/ /kun shes pa dang ldan pa'i dbang po ci zhig gi ched du zhe na/ smras pa/ bar chad med par nyon mongs pa spong ba mngon du bya ba dang/ tshe 'di la bde bar gnas pa dang phung po 'gag pa'i ched du'o/ /bcom ldan 'das kyis 'di skad du lus ni gzugs can rags pa 'byung ba chen po bzhi las byung ba dang/ ma dang pha'i mi gtsang ba nur nur po las byung ba/ 'bras can dang zan dron gyis bskyed pa rtag tu bskon pa dang/ bkru ba dang/ mnye ba bya dgos pa dang/ bcas pa dang gshegs pa dang rnam par mthong ba dang rnam par 'jig pa'i chos can yin no zhes gsungs pa dbang po gang dag las brten nas she na/ smras pa/ dbang po gzugs can bdun las brten te gsungs so/ /de'ang mdor bsdu na rnam pa bstan pa dang pos ni 'dod pa na spyod pa'i dbang po gzugs can rnams kyi spyi'i mtshan nyid bstan to/ /gnyis pas ni rang gi mtshan nyid do/ /gsum gyis rgyu ste/ gnyis kyis ni skye ba'i rgyu'o/ /gcig gis ni skyes nas 'phel ba'i rgyu'o/ /gsum gyis ni 'gyur ba ste grang ba las gyur pa dang/ tsha ba las gyur pa dang yongs su ngal ba las gyur pa'o/ /bzhis ni yongs su 'gyur ba ste/ gnyis kyis ni gson pa nyid na gnod pa byas pa las gyur pa'o/ /gnyis kyis ni shi ba la gzhan dang rang gi ngang gis yongs su 'gyur bar blta bar bya'o/ /bcom ldan 'das kyis ring du song zhing gcig pu rgyu/ /lus med phug na nyal ba yin/ /zhes gsungs pa dbang po gang la brten nas shes na/ smras pa/ yid kyi dbang po las te/ sngon gyi mdza' las brtsams nas/ thog ma med pa'i phyir dang shes bya mdza' dag la dmigs pa'i phyir ring du song ba yin no/ /sems kyi rgyud re re nas 'jug pa'i phyir dang bdag po med pa'i phyir gcig pu rgyu ba yin no/ /gzugs med pa dang bstan du med pa dang thogs pa med pa'i phyir lus med pa yin no/ /gzugs dang ming la rten pa'i phyir phug na nyal ba yin par blta bar bya'o/ /bcom ldan 'das kyis bud med kyis ni skyes pa gnas brgyad po bro gar dang glu dang bgad pa dang/ bltas pa dang/ kha dog dang/ reg pa dang/ kun tu bsham pa dang rma 'dral ba dag gis 'ching bar byed do zhes gsungs pa dbang po gang dag las brten nas she na/ smras pa/ dbang po gnyis las te pho'i dbang po dang mo'i dbang po las so/ /de la rtse ba'i dus na ni gnas bzhis 'ching bar byed do/ /yongs su longs spyod pa'i dus na'ang gnas bzhis 'ching bar byed de/ rtse ba'i dus na ni lus dang ngag? dang kha bzhin dang mig gi 'jo skeg dag gis 'ching bar byed do/ /yongs su longs spyod pa'i dus na ni gzugs bzang ba dang/ mnye ba dang nye bar spyod pa dang shin tu gzhon sha can dag gis 'ching bar byed do/ /bcom ldan 'das kyis srog dang ldan pa dang gson pa dang 'jug pa dang 'tsho ba dang sdod par byed do zhes gsungs pa dbang po gang la brten nas she na/ smras pa/ srog gi dbang po las te dbugs rgyu ba dang shes pa yod pa dang ldan pa dang/ de las gzhan pa'i gnas skabs dang 'dra ba dang/ dbang byed bar 'gyur ba dang/ nad med pa'i phyir ro/ /bcom ldan 'das kyi ni bde ba dang/ tshor ba dang/ tshor ba las byung ba zhes gsungs pa dbang po gang dag la brten nas she na/ smras pa/ bde ba'i dbang po dang yid bde ba'i dbang po las te de las gzhan pa'i tshor ba'i dbang du byas nas/ rang gi mtshan nyid dang spyi'i mtshan nyid dang rten gyi mtshan nyid de dag bstan to/ /bde ba la sogs pa ji lta ba bzhin du mi bde ba la sogs pa dang bde ba'ang ma yin mi bde ba'ang ma yin pa la sogs pa la yang ci rigs par lta bar bya'o/ /bcom ldan 'das kyis de bzhin gshegs pa la dad pas nges par zhen pa dang rting tshugs pa dang rab tu rga nas pa ni 'jig rten nang gi sbyong ngam bram ze 'am lha 'am bdud dam tshangs pa 'am sus kyang chos dang mthun pas 'brogs par mi 'gyur ro zhes gsungs pa dbang po gang la brten nas she na/ smras pa/ dad pa'i dbang po las te thos pa dang bsam pa dang bsgom pa la mos pa dag gis dad pa'i don gyi snying po yongs su bstan to/ /de'ang snying po nyid yin pa ji ltar khong du chud par bya ba'i thabs de ni shes pa dang skye ba dang dbang dang rnam par dag pa khyad par can dag gis kyang de g.yos par mi 'gyur na mi phal pa dag gis lta ci smos zhes yongs su bstan to/ /don gyi snying po'i rnam grangs gzhan yang 'jig rten mos pa shin tu rnam par nges pas ni nges par zhen pa yin na/ /'jig rten las 'das pa'i mos pa'i rtsa bar gyur pa yin pa'i phyir gting tshugs pa yin no/ /'jig rten las 'das pa'i mos pa rnam par dag pas rab tu gnas pa'i phyir rab tu gnas pa yin te/ dang po ni bstan pa'i tshig yin no/ /gnyis ni bshad pa'i tshig yin par blta bar bya'o/ /bcom ldan 'das kyis mthu dang ldan pa dang brtson 'grus dang ldan pa dang spro ba dang ldan pa dang brtul ba dang bstan pa dang brtson pa dang ma por bar dge ba'i chos rnams la gnas so zhes gang gsungs pa dbang po gang la brten nas she na/ smras pa/ brtson 'grus kyi dbang po las te mdor bsdu na rnam pa lnga po ngag gis rnam pa thams cad kyi brtson 'grus de yongs su bstan pa yin te/ gtso'i brtson 'grus dang sbyor ba'i brtson 'grus dang mi zhum pa'i brtson 'grus dang mi 'khrul ba'i brtson 'grus dang chog mi shes pa'i brtson 'grus so/ /bcom ldan 'das kyis dran pa dang kun tu dran pa dang rjes su dran pa dang so sor dran pa dang mi brjed pa nyid dang sems pas mngon par brjed pa med pa nyid dang rab tu mi brjed pa nyid dang yang dag par mi brjed pa'i chos nyid ces gsungs pa dbang po gang las zhe na/ smras pa/ dran pa'i dbang po las te rnam grangs de dag gi don na 'di lta ste/ rnam grangs bsdu ba las rig par bya'o/ /bcom ldan 'das kyis sems gnas pa dang yang dag par gnas pa dang bsdus te gnas pa dang nye bar gnas pa dang/ dul ba dang zhi ba dang/ nye bar zhi ba dang rgyud gcig tu gyur pa dang ting nge 'dzin du 'jog pa? zhes gsungs pa dbang po gang las brten nas she na/ smras pa/ ting nge 'dzin gyi dbang po las te rnam grangs de dag gi don ni 'di lta ste nyan thos kyis las rig par bya'o/ /bcom ldan 'das kyis chos rnams rnam par 'byed par byed pa dang rab tu rnam par 'byed par byed pa dang/ yongs su rtog par byed pa dang yongs su dpyod par byed do zhes gsungs pa dbang po gang la brten nas she na/ smras pa/ shes rab kyi dbang po las te rnam grangs de dag gi don kyang 'di lta ste/ nyan thos kyis las rig par bya'o/ /de las gzhan pa'i dbang po dge ba rnams ni dad pa la sogs pa'i dbang pos bsdus pa yin pa'i phyir don gyi rnam grangs mi dmigs so/ /dbang po du dag la brten nas lus dran pa nye bar gzhag pa gdags par mdzad ce na/ smras pa/ bdun las so/ /dbang po du dag la brten nas tshor ba stan pa nye bar gzhag pa gdags par mdzad ce na/ smras pa/ lnga las so/ /dbang po du dag la brten nas sems dran pa nye bar gzhag pa gdags par mdzad ce na/ smras pa/ gcig las so/ /dbang po du dag la brten nas chos dran pa nye bar gzhag pa gdags par mdzad ce na/ smras pa/ tha ma brgyad dang srog gi dbang po las so/ /dbang po du zhig gtso ched sdug bsngal gyi bden pa'i gnas dag yin zhe na/ smras pa/ dgu'o/ /dbang po du zhig gtso ched kun 'gyur ba'i bden pa'i gnas dag yin zhe na/ smras pa/ lnga'o/ /dbang po du zhig 'gog pa'i bden pa'i gnas dag yin zhe na/ smras pa/ thams cad do/ /dbang po du zhig lam gyi bden pa'i gnas dag yin zhe na/ smras pa/ tham brgyad do/ / dbang po du dag la brten nas legs par bsam pa sems pa yin zhe na/ smras pa/ dgu las so/ /dbang po du dag la brten nas legs par smra ba brjod pa yin zhe na/ smras pa/ bcu las so/ /dbang po du dge la brten nas legs par byas pa'i las byed pa yin zhe na/ smras pa/ bcu drug las so/ /nyes par bsam pa sems pa dang nyes par smra brjod pa dang nyes par bya ba'i las byed pa yang de bzhin du ci rigs par blta bar bya'o/ /dbang po du dag gtso char nyon mongs pa rnams dang las rnams la brten nas 'byung zhe na/ smras pa/ dgu'o/ /dbang po du dag la brten nas nyon mongs pa rnams dang las dag 'byung zhe na/ smras pa/ lnga las so/ /dbang po du dag la brten nas nyon mongs pa dang las dag spong bar 'gyur zhe na/ smras pa/ tha ma brgyad las so/ /dbang po du dag gis 'jig rten pa dang 'jig rten las 'das pa'i dpal nyams su myong bar 'gyur zhe na/ smras pa/ gnyis ma gtogs pa rnams kyis so/ /dbang po du dag gis dpal nyams pa nyams su myong bar 'gyur zhe na/ smras pa/ bcu gcig gis so/ /dbang po du zhig dpal 'dren par byed pa dag yin zhe na/ smras pa/ tha ma brgyad do/ /bcom ldan 'das kyis 'dod pa la longs spyod pa rnams kyi dpal byed pa'i chos ni lnga po 'di dag yin te bzod pa dang/ nges pa dang mi yongs su brtag pa dang gtong ba spyod pa dang/ bag yod pa'o zhes gang gsungs pa de la bzod pa gang zhe na/ de'i mtshan nyid ni rnam pa gsum du blta bar bya ste mi 'khrugs pa dang phyir gnod pa mi byed pa dang kho na gyi bsam pa mi 'dzin pa'o/ /rnam pa'i rab tu dbye ba las ni rnam pa bcu ste/ /gnod pa byas pa bzod pa dang/ gnod pa byed pa nye bar gnas pa bzod pa dang/ gnod pa byed du dogs pa bzod pa dang/ gnod pa byed pa la phan 'dogs pa la bzod pa dang/ phan 'dogs pa la gnod pa byed pa la bzod pa dang/ gnod pa byed pa thams cad bzod pa dang/ thams cad las gnod pa byed pa bzod pa dang/ gnod pa byed pa shad kyis sbyong ba dang du len pa'i bzod pa dang/ gnod pa byed pa la so sor rtog pa'i stobs kyis brjod pa dang/ gnod pa byed pa rang bzhin gyis bzod pa ste/ de dag thams cad gcig tu bsdus pa ba ni gnod pa la mi mdzed pa'i bzod pa zhes bya'o/ /des phe gang zhe na/ gzhan gyis gnod pa byas pa la lus dang ngag dang yid kyis rjes su srung ba'i ngang tshul nyid yin te gzhan dag la bde ba dang yid bde ba kho na ma tho ba ma skyes pa ni skyed par mi byed la/ skyes pa ni rjes su srung bar byed pa dang/ sdug bsngal dang yid mi bde ba kha na ma tho ba dang bcas pa ma skyes pa ni mi skyed la skyes pa ni sel bar byed pa'o/ /de la bzod pas ni gzhan gyis gnod pa byas pa bzod par byed do/ /des pas ni gzhan dag la gnod pa mi byed de de ltar na de gnyis kyi bye brag ni de yod de/ mi yongs su brtag pa ni dus gnyis su blta bar bya'o/ /bsnyen pa'i dus dang bsko ba'i dus su'o/ /de la bsnyen pa'i dus ni rnam pa lngas mi yongs su brtags nas bsnyen par bya ste/ gus pa dang nus pa dang/ shes pa dang spyod pa dang/ cho ga shes pas so/ /gzhan rnam pa lngas ni mi yongs su brtags nas bsko bar bya ste/ las kyi mthar bsko bar 'os pa zhig na ni las kyi mdza' rnams su bsko bar bya'o/ /bsam pa'i las su bsko bar 'os pa zhig na ni bsam pa'i las rnams su bsko'o/ /g.yul ngo'i las su bsko bar 'os pa zhig na ni g.yul ngo'i las rnams su bsko'o/ /bdag dang nor bsrung bar bsko bar 'os pa zhig na ni bdag nyid dang nor bsrung ba'i las rnams su bsko'o// chos kyi las su bsko bar 'os pa zhig na ni chos kyi las rnams su bsko bar bya'o/ /gtong ba ni mdor bsdu na rnam pa lngar blta bar bya ste/ sa gzhi stong pa dang longs spyod gtong ba dang rkyen du 'bab pa gtong ba dang snyoms par gtong ba dang khyad par du 'phags pa gtong ba ste/ de'ang mtshan nyid las ni gang gis sbyin par byed pa de gtong ba'o/ /spyod pa ni gzhan dag la mi 'khu ba dang mi slu ba'i dang tshul nyid de/ mi 'khu ba de 'ang rnam pa la ste/ dams pa na mi 'khu pa dang yid brtan pa la mi 'khu ba dang nye bar spyod pas mi 'khu ba dang dam bcas pa las mi 'khu pa dang gzhan la tshol zhing mi 'khu'o/ /bag yod pa ni dge ba'i chos rnams bsgom pa dang mi dge bas sems byung ba gang yin pa ste/ rgyu dang 'bras bur 'bral pa las de gnyi ga 'ang mtshan nyid du rung ngo/ /de'ang rnam pa lnga kho nar blta bar bya ste/ longs spyod sgrub pa la bag yod pa dang longs spyod bsrung ba la bag yod pa dang bdag nyid bsrung pa la bag yod pa dang/ grags pa bsrung ba la bag yod pa dang chos spyod pa la bag yod ba pa'o/ /de dag thams cad bsdus na dpal sgrub bar byed pa'i stobs lngar 'gyur te/ dang tshul bzang po'i stobs dang grogs dang mdza' bshes bzang po'i stobs dang/ mi zhan pa'i stobs dang/ yid gcugs pa'i stobs dang/ chos kyi stobs so/ /dpal dang rnam pa lngar blta bar bya ste/ skye dgu rjes su dga' ba dang/ dbang phyug gi dbang po dang/ dgra thul ba dang brten pa la phan pa dang/ bde 'gror 'gro ba'o/ /de la stobs dang po bzhi bsdus pa ni/ dpal rnam pa bzhi sgrub par byed pa yin par blta bar bya'o/ /stobs lnga pa ni dpal lnga ba sgrub par byed ba yin no// //bam po bcu gcig pa/ /dbang Fpo du zhig sngon gyi nyon mongs pa dang las kyi 'phen pa las dmigs pa dag yin zhe na/ smras pa/ brgyad do/ /du zhig ming dang gzugs kyi rkyen las dmigs pa yin zhe na/ smras pa/ gcig go /du zhig reg pa'i rkyen las kyang dmigs pa yin zhe na/ smras pa/ lnga'o/ /du zhig 'bad pa'i rkyen las kyang dmigs pa yin zhe na/ smras pa / brgyad do/ /dbang po du zhig bsdams par bya ba dag yin zhe na/ smras pa/ brgyad do/ /du zhig yang dag par zhi bar bya ba dag yin zhe na/ smras pa/ gcig go /du zhig nye bar zhi bar bya ba dag yin zhe na/ smras pa/ lnga'o/ /du zhig ngo bo nyid gyis dul ba dang zhi ba dang nye bar zhi ba yin la dul ba dang zhi ba dang nye bar zhi bar bya ba'i phyir 'jug? pa dag kyang yin zhe na/ smras pa/ brgyad do/ /dbang po rnams kyi nyams pa gang zhe na/ smras pa/ khams mthun pa'i sa pa dag 'gags shing de las gzhan pa'i 'grub pa gang dag yin pa'o/ /rnam par nyams pa gang zhe na/ smras pa/ khams mi mthun pa'i sa pa dag 'gags shing de las gzhan pa 'grub pa gang dag yin pa'o/ /rab tu nyams pa gang zhe na/ smras pa/ de dang 'brel ba'i nyon mongs pa rab tu spong pa? dag gang yin pa'o/ /dbang po rnams kyi yongs su nyams pa gang zhe na/ smras pa/ 'jig rten pa'i 'byor pa dag snyoms par 'jug pa dang/ skye ba las nyams pa gang dag yin pa'o/ /nyan thos dang rang sangs rgyas dang byang chub sems dpa' i dbang po rnams la bye brag ci yod ce na/ smras pa/ mdor bsdu na rnam pa lngas bye brag tu gyur par blta bar bya ste/ rim pa'i bye brag dang nye bar ston pa'i bye brag dang/ 'ching ba'i bye brag dang/ sgrub pa'i bye brag dang/ yang dag par 'grub pa'i bye brag gis so/ /de la byang chub sems dpa' rnams kyi dbang po ni rang bzhin gyis che ba dag yin la nyan thos dang rang sangs rgyas rnams kyi ni chung ngu dang 'bring dag yin no/ /byang chub sems dpa' rnams kyi dbang po ni rig pa'i gnas thams cad la mkhas pas nye bar bston pa dag yin la nyan thos dang rang sangs rgyas rnams kyi ni rig pa'i gnas la mkhas pas phyogs gcig gis nye bar bstan pa dag yin no/ /byang chub sems dpa' rnams kyi dbang po ni snying rje'i zhags pas bcings pa dag yin la/ nyan thos dang rang sangs rgyas rnams kyi ni de dag ma yin no/ /byang chub sems dpa' rnams kyi dbang po ni bdag dang gzhan la phan pa'i phyir nye bar gnas pa dag yin la/ nyan thos dang rang sangs rgyas rnams kyi ni bdag la phan pa'i phyir nye bar gnas pa dag yin no// byang chub sems dpa' rnams kyi dbang po ni bla na med pa'i byang chub chen po'i 'bras bu yang dag par 'grub pa dag yin la/ nyan thos dang rang sangs rgyas rnams kyi ni dman pa dang 'bring yang dag par 'grub pa dag yin no/ /gang zag mi lcogs pa med pa la brten nas bden pa mngon par rtogs par bya ba'i phyir zhugs pa de 'bras bu yang thob par byed cing bsam gtan dang po las yid bde ba'i dbang po yang mngon du byed dam zhe na/ smras pa/ de dag la la ni byed do/ /de dag la la ni mi byed do/ /dbang po rno ba dge pa'i rtsa ba mang po sna tshogs kyis nye bar brtan pa gang yin pa de ni byed do/ /gzhan ni mi byed do/ /dbang po du dag gis bsam gtan dang po la snyoms par 'jug ce na/ smras pa/ brgyad kyis so/ /la la ni tha ma gsum gyis so/ /la la ni ma yin no/ /bsam gtan dang po la ji lta ba de bzhin du gnyis pa la yang de bzhin du blta bar bya'o/ /gsum pa la ni brgyad kho na ste/ de dag nyid ni ma yin no/ /bsam gtan bzhi pa dang gzugs med pa'i snyoms par 'jug pa dag ni bdun gyis so/ /la la ni tha ma gsum gyis snyoms par 'jug go /la la ni ma yin no/ /dbang po du dag gis rgyun tu zhugs pa'i 'bras bu 'thob ce na/ smras pa/ gcig gam brgyad kyis so/ /gnyis sam dgus ni lan cig phyir 'ong ba'i 'bras bu 'thob bar blta bar bya ste/ ? yid mi bde ba'i dbang po ni lam gyi rten yin yang lam gyi bsdus pa ma yin pa'i phyir de ni ma gtogs so/ /yid bde ba'i dbang po brtan pa ma yin pa'i phyir de yang ma gtogs so/ /ji ste gtogs na ni de lhag par blta bar bya'o/ /dbang po du dag gis phyir mi 'ong ba'i 'bras bu 'thob ce na/ smras pa/ bcu gcig gam gnyis kyis so/ /yid mi bde ba'i dbang po yang tshul de bzhin du blta bar bya'o/ /dbang po du dag gis dgra bcom pa nyid 'thob ce na/ smras pa/ gcig gam bcus so/ /rnam par thar pa gong ma la 'dod pa dang don du gnyer ba dang yongs su yi chad pa dang/ yid mi bde ba zhes gang gsungs pa de la 'dod pa gang zhe na/ smras pa/ gang gi phyir rnal 'byor pa de 'di snyam du sems te 'phags pa rnams kyis gnas gang bsgrubs te gnas pa'i zhes bya ba'o/ /don du gnyer pa gang zhe na/ smras pa/ gang gi phyir de 'di snyam du sems te gnas de bdag gis kyang bsgrubs te gnas par bya'o/ /yongs su yi tshad? pa gang zhe na/ smras pa/ dman pas chog par mi 'dzin pa gang yin pa'o/ yid mi bde ba gang zhe na/ smras pa/ gong na med pa la 'dod pa gang yin pa'o/ /de la rgyun tu zhugs pa dang lan cig phyir 'ong ba gnyis la ni rnam pa thams cad yongs su rdzogs pa'i phyir yid mi bde ba'i dbang po rnam par gzhag go/ phyir 'ong ba ni rnam pa dang po gnyis ni yod la gzhan gnyis ni med pa'i phyir yid mi bde ba'i dbang po rnam bar mi gzhag ste/ dge ba la 'dun pa 'ba' zhig tu zad do/ /yid bde ba'i dbang po las brten nas yid bde ba'i dbang po dang yid mi bde ba'i dbang po dang btang snyoms kyi dbang po spong ba yod dam zhe na/ smras pa/ mngon par 'byung ba la brten pa'i yid bde ba'i dbang po la brten nas zhen pa la brten pa gsum spong ba yod do/ /yid mi bde ba'i dbang po la brten nas yid mi bde ba'i dbang po spong? ba yod dam zhe na/ smras pa/ mngon par 'byung ba la brten pa nyid la brten nas zhen pa la brten pa spong ba yod do/ /btang snyoms kyi dbang po la brten nas btang snyoms kyi dbang po spang ba yod dam zhe na/ smras pa/ gcig pu nyid la brten pa'i btang snyoms la brten nas/ sna tshogs nyid la brten pa spong ba dang/ mi brten pa'i btang snyoms la brten nas gcig pu nyid la brten pa'i btang snyoms spong ba yod do/ /rgyun tu zhugs pa'i 'bras bu 'thob par byed pa'i mi shes pa kun shes par byed pa'i dbang po ni 'gog pa las spong bar byed cing mi skye ba las rnam par spong bar byed kyi rab tu spong bar yang mi byed yongs su spong bar yang mi byed do/ /dgra bcom pa nyid 'thob par byed pa'i kun shes pa'i dbang po'i tshul yang de bzhin du blta bar bya'o/ /gang zag du zhig dbang po rnams gsal bar byed pa dag yin zhe na/ smras pa/ slob pa thams cad dang mi slob pa ni lnga ste/ yongs su nyams pa dang/ 'chi bar sems pa dang rjes su srung ba'i chos can dang gnas pa las mi g.yo ba dang rab tu rtogs pa'i skal ba can rnams so/ /rang sangs rgyas kyang ma yin byang chub sems dpa' yang ma yin te rang bzhin gyi dbang po rno ba'i phyir ro/ /rgyun tu zhugs pa'i dbang po gsal bar bya ba'i phyir zhugs pa dbang po rnams kyang gsal bar byed pa lan cig phyir 'ong ba'i 'bras buAng 'thob par byed dam zhe na/ smras pa/ 'thob par byed do /phyir mi 'ong ba'i 'bras bu 'thob par byed dam zhe na/ smras pa/ 'thob par mi byed de gnyen po stobs chung ba dang thob par bya ba'i don rgya che ba'i phyir ro/ /phyir mi 'ong pa'i dbang po gsal bar bya ba'i phyir zhugs pa dbang po rnams kyang gsal bar byed la/ 'dod chags dang bral ba gzhan yang sgrub par byed dam zhe na/ smras pa/ sgrub par byed do/ /dgra bcom pa nyid mngon du byed dam zhe na/ smras pa/ de rgyu snga ma nyid kyi phyir ro/ /dbang po legs par dpyad pa ni thams cad kyang byed do/ /ci'i phyir dbang po rnams legs par spyod par byed ce na/ smras pa/ khyad par chung zad tsam gyis chog par mi 'dzin pa dang ting nge 'dzin gyi khyad par bsgrub pas stobs bskyed pa dang med? du thos pas stobs bskyed pa dang/ 'bel ba'i gtam rnam par gtan la dbab pa'i stobs bskyed pa dang/ chos zab mo la nges par gtogs pa'i bzod pas stobs bskyed par bya ba'i phyir ro/ /byang chub sems dpa' rnams kyi mi shes pa kun shes par byed pa'i dbang po la sogs pa gsum ji ltar rnam par bzhag ce na/ smras pa/ mos pas spyod pa'i sa la ni dang po rnam par gzhag go / de las gzhan pa lhag pa'i bsam pa rnam par dag pa la sogs pa'i sa dag la ni gnyis pa'o/ /de bzhin gshegs pa'i sa la ni dbang po gsum pa rnam par bzhag par blta bar bya'o// yongs su rdzogs pa du dag gis slob pa yongs su rdzogs pa yin par brjod par bya zhe na/ smras pa/ gsum gyis te dbang po yongs su rdzogs pas ni dbang po rnon po gang yin pa'o/ /snyoms par 'jug pa yongs su rdzogs pas ni rnam par thar pa brgyad la bsam gtan pa gang yin pa'o/ /'bras bu yongs su rdzogs pas ni phyir mi 'ong ba gang yin pa'o/ /mi slob pa la ni yongs su rdzogs pa rnam pa gnyis dmigs te/ dbang po yongs su rdzogs pa ni mi g.yo ba'i chos nyid kyis so// snyoms par 'jug pa yongs su rdzogs pa ni snga ma bzhin no/ /mi slob pa thams cad ni 'bras bu yongs su rdzogs pas yongs su rdzogs pa yin par blta bar bya'o/ /dbang po rnams ma dul ba dang ma spas pa dang ma bsrungs pa dang ma bsdams pa dang ma bsgom pa zhes gang gsungs pa'i rnam grangs de dag gi don gang zhe na/ smras pa/ mdor bsdu na rnam pa bzhis dbang po rnams dul ba nyid du bstan te/ so sor rtog pa'i stobs la brten pa ni dbang po rnams yul gang la gtang par mi bya ba de la ni mngon par 'du bya bas gtang par mi bya ba dang/ gang la gtad par bya ba de la ni mngon par 'du bya ba kho nas nyon mongs pa kun tu 'byung bar bsrungs shing gtod par byed do/ /spong ba gnyen po'i stobs la brten pa ni ji skad bstan pa'i yul de nyid la rang bzhin gyis rnam par mi rgyug pa dang rang bzhin gyis nyon mongs pa kun tu mi 'byung bar byed do/ /gang la dbang po dul ba rnam pa bzhi po de dag med pa de'i dbang po rnams ni mdul ba yin par blta bar bya ste/ ma spas pa'i phyir dang ma bsrungs pa'i phyir dang ma bsdangs pa'i phyir dang ma bsgoms pa'i phyir ro/ /gang la dbang po dul ba rnams bzhi po de dag yod pa de'i ni shin tu dul ba dang shin tu bsgoms pa'i bar dag de las bzlog pa las blta bar bya'o/ /ji ltar na ma dul ba dag sdug bsngal skyed par byed pa yin zhe na/ smras pa/ sdug bsngal rnam pa drug skyed pa'i phyir te/ kun nas nyon mongs pa can du gnas pa las skyes pa dang/ gzhan las nyams pa'i sdug bsngal dang/ gzhan las smad pa'i sdug bsngal dang/ 'gyod pa las skyes pa dang/ ngan 'gror 'gro ba las skyes pa dang/ skye ba la sogs pa'i sdug bsngal lo/ /shin tu dul ba dag ni de las bzlog pas sdug bsngal rnam pa drug spong pa'i phyir bde ba skyed par byed pa dag yin par blta bar bya'o/ /dbang po bcu bzhi dang sems can gyi tshogs gsum po dag ci bcu bzhis gsum bsdus sam 'on te gsum gyis bcu bzhi bsdus she na/ smras pa/ gsum gyis bcu bzhi bsdus kyi bcu bzhis ni gsum ma bsdus so/ /gang dag ma bsdus she na/ phyi rol gyi skye mched rnams kyi phyogs so/ /sems can gyi tshogs gsum ni 'dod pa dang gzugs dang gzugs med pa na spyod pa dag yin par blta bar bya'o/ /dbang po lnga dang tshor ba gsum po dag ci lngas gsum bsdus sam 'on kyang te gsum gyis lnga bsdus she na/ smras pa/ gcig gi gcig bsdus par blta bar bya'o/ /dbang po lnga dang byang chub kyi phyogs dang mthun pa'i chos sum cu rtsa bdun po dag ci lngas sum cu rtsa bdun bsdus sam 'on te sum cu rtsa bdun gyis lngas bsdus she na/ smras pa/ sum cu rtsa bdun gyis snga bsdus kyi lngas ni sum cu rtsa bdun ma bsdus so/ /gang dag ma bsdus she na yang dag pa'i ngag dang las kyi mdza' dang 'cho ba dang dga' ba dang shin tu sbyangs pa dang btang snyoms te/ de ltar drug po de dag gam chos bzhis ma bsdus so/ /dbang po gzhan lnga dang dbang po gsum po dag ci lngas gsum bsdus sam 'on te gsum gyis lnga bsdus she na/ smras pa/ gsum gyis lnga bsdus kyis lngas ni gsum ma bsdus so/ /gang dag ma bsdus she na/ yid kyi dbang po dang bde ba dang yid bde ba dang btang snyoms kyi dbang po rnams ma bsdus so/ /yongs su shes pa dgu po ngag dbang po du dag gis bsdus she na/ smras pa/ yongs su shes pa rnams ni spong ba yongs su shes pas bsdus pa yin pa'i phyir dbang po gang gis kyang ma bsdus so/ /de la yongs su shes pa dgu gang yin zhe na/ 'dod pa dang ldan pa'i sdug bsngal dang kun 'byung ba mthong bas spang bar bya ba rnams spangs pa ni yongs su shes pa dang po'o/ /gzugs dang gzugs med pa dang ldan pa'i de dag nyid spangs pa ni gnyis pa'o/ /'dod pa dang ldan pa'i 'gog pa mthong bas spang bar bya ba rnams spangs pa ni gsum pa'o/ sa gong ma pa'i de dag spangs pa ni bzhi pa'o/ /sa 'og ma dang gong ma bdag gis lam mthong bas spang bar bya ba dag spangs pa ni yongs su shes pa lnga pa dang drug pa'o/ /tha ma'i cha dang mthun pa spangs pa ni bdun pa'o/ /gzugs gyi 'dod chags zad pas ni brgyad pa'o/ /gzugs med pa'i 'dod chags zad pas ni yongs su shes pa dgu ba rnam par gzhag go /de la mdor bsdu na rgyu gnyis kyis yongs su shes pa rnams rnam par gzhag par blta bar bya ste/ bden pa rtogs pas spong ba dang khams las yang dag par 'da' bas spang ba'o/ /de la mtshan nyid 'dra ba dang/ khams mi 'dra ba dang/ 'dra bas ni dngos po gnyis rnam par gzhag go / mtshan nyid mi 'dra ba dang khams mi 'dra ba dang 'dri bas ni gzhan bzhi rnam par bzhag go /khams dman pa las yang dag par 'das pa ni gzhan gcig rnam par bzhag go /khams par ma las yang dag par 'das pa dang/ khams bzang po las yang dag par 'das pas ni yongs su shes pa gzhan gnyis rnam par bzhag par blta bar bya'o/ /mtshan dang dpe byad bzang po dang stobs dang mi 'jigs pa la sogs pas sangs rgyas kyi chos ma 'dres pa gang dag yin pa de ngag dbang po du dag gis bsdus she na/ smras pa/ mtshan dang dpe byad bzang po rnams ni lce'i dbang po dang dbang po bzhi po lus kyi dbang po dang po'i dbang po dang mig gi dbang po dang lce'i dbang po'i gnas rnams kyi bsdus so/ /stobs bcu ni de bzhin gshegs pa'i thugs kyi rgyud la mnga' ba'i shes rab kyi dbang po dang kun shes pa dang ldan pa'i dbang pos bsdus so/ /mi 'jigs pa bzhi ni lnga dang gcig bu de nyid kyis bsdus so/ /mi 'jigs pa bzhi rnams ji lta ba bzhin du bsrung ba med pa rnams kyang de bzhin no/ /dran pa nye bar gzhag pa gsum dbang po du dag gis bsdus she na/ smras pa/ dbang po gang dag gis kyang ma bsdus mod kyi 'on kyang dbang po drug gis yang dag par bsgrubs pa'i chags pa med pa dang zhe sdang med pas bsdus so/ /thugs rje chen po yang dbang po gang gis kyang ma bsdus te/ de dag gis yang dag par bsgrub pa'i zhe sdang med pa dang/ gti mug med pa dag gis bsdus so/ /bsnyel ba mi mnga' ba'i chos nyid ni stobs bzhin du blta bar bya'o/ /rnam pa thams cad dang mchog mkhyen pa yang stobs bzhin du blta bar bya'o/ /bag chags yang dag par bcom pa ni dbang po gang gis kyang ma bsdus mod kyi/ /kyang dbang po drug gis yang dag par bsgrub pa'i nyon mongs pa spangs pas bsdus so/ /gang gi tshe dgra bcom pas nyon mongs pa'i phyogs dang mthun pa'i gnas ngan len ma lus par spangs pa'i tshe dgra bcom pas gang ma spangs pa'i gnas ngan len gyi phyogs de gang zhig yod na/ de bzhin gshegs pas de spangs pas bag chags yang dag par bcom pa yin zhe na/ smras pa/ dgra bcom pas ni rnam par smin pa'i phyogs dang mthun pa de ma spangs la de bzhin gshegs pas ni spangs pa yin no/ /zas bzhi po 'di dag ni dbang po dang 'byung ba chen po 'phel ba'i phyir 'jug pa yin no/ /zhes gang gsungs pa de la zas bzhi ni gang dbang po dang 'byung ba chen po gang dag rgyas pa'i phyir ni 'jug par 'gyur zhe na/ smras pa/ zas bzhi ni kham dang reg pa dang yid la sems pa dang rnam par shes pa'i zas so/ /dbang po gzugs can lnga dang yid kyi dbang po'o/ /'byung ba chen po ni dbang po'i rten gyi 'byung ba chen po rnams so/ /de la lam gyi kha zas gang zhe na/ smras pa/ dbang po dang 'byung ba chen po rgyas par bya ba'i phyir nye bar spyad pa gang yin pa ste zas ma yin pa ni de las bzlog pa las blta bar bya'o/ /kham gyi zas ji lta ba bzhin du lhag ma rnams kyang zas dang zas ma yin yin par de bzhin du blta bar bya'o/ /kham gyi zas kyi ji ltar zas kyi bya ba byed/ de bzhin du rnam par shes pa'i zis kyi bar gyis kyang ji ltar zas kyi bya ba byed ce na/ smras pa/ stobs kyis rnam par shes pa la phan 'dogs par byed cing stobs dang ldan pas kyang dbang po 'byung ba chen po de dag rgyas par byed do/ /reg pas ni bde ba dang yid bde ba dang de la la la btang snyoms kyis phan 'dogs pas rnam par shes pa la phan 'dogs par byed la/ phan btags pa nges kyang dbang po dang 'byung ba chen po rgyas par byed do/ /yid la sems pas ni yul 'dod pa 'thob pa'i rgyu yang dag pa'i thabs nyon mongs pa can dang nyon mongs pa can ma yin pa la brten nas/ re ba'i yid bde ba ma 'ongs pa'i yul la dmigs pas rnam par shes pa la phan 'dogs par byed de de las kyang dbang po dang 'byung ba chen po rgyas par byed do/ /de ltar zas gsum po rnams kyi da ltar dang ma 'ongs pa la dmigs pas/ rnam par shes pa la stobs dang ldan pa nyid bskyed pa'i phyir dang rnam par shes pas kyang dbang po dang 'byung ba chen po rgyas par byed pa'i phyir zas bzhi po rnam par bzhag par blta bar bya'o/ /rnam par shes pa ji ltar na yid kyi dbang po'i zas yin zhe na/ de ltar nye bar rtan pa rnam pa gsum gyis nye bar brtan pa de gong nas gong du ches rtas pa ches stobs dang ldan par skye ba'i rgyur 'gyur ro/ /'o na gnyer dang tshangs par spyod pa dang snyoms par 'jug pa ngag dbang po dang 'byung ba chen po rgyas par byed pa yin na/ ci'i phyir zas yin par rnam par mi gzhag ce na/ smras pa/ rgyas pa ni gnyis po 'di dag yin te don gzhan la phan 'dogs pas rgyas pa dang gnod pa mi byed pas rgyas pa'o/ /de la gnyid la sogs pa ni rgyas pa phyi mas chos kyis rgyas par byed pa yin gyi snga ma shos kyis ni ma yin te/ de'i phyir de dag zas yin par rnam par mi bzhag go / ci'i phyir lus gnas par byed pa'i srog gi dbang po zas yan pa rnam par mi gzhag ce na/ smras pa/ de ni zas med na rgyas par byed pa ma yin pa'i phyir ro/ /kham gyi zas rags pa gang zhe na/ smras pa/ lhar gyur pa rnams kyi ma yin pa gang yin pa'o/ /cha phra ba gang zhe na/ smras pa/ lhar gyur pa rnams kyi gang yin pa ste/ 'di ltar de dag gi zas ni zos ma thag kho nar lus de nyid la 'ju bar 'gyur te/ rims kyis ma yin pa'i phyir ro/ /reg pa dang yid la sems pa dang rnam par shes pa'i zas rag pa gang zhe na/ smras pa/ 'dod pa ni spyod pa gang yin pa'o/ /cha phra ba gang zhe na/ smras pa/ gzugs dang gzugs med pa na spyod pa gang yin pa'o/ /sems can byung ba rnams gang zhe na/ da ltar skyes shing grub pa gang dag yin pa rnams so/ /'byung bar 'dod pa rnams gang zhe na/ smras pa/ ma 'ongs pa'i srid pa 'byung bar 'dod pa gang dag yin pa rnams so/ /gnas pa gang zhe na/ smras pa/ gnod pa med pas rgyas pa gang dag yin pa'o/ /'tsho ba gang zhe na/ smras pa/ phan 'degs pas rgyas pa gang dag yin pa'o/ /sems can byung ba rnams gnas pa dang/ 'tsho bar 'gyur ba'i zas de dag gang zhe na/ smras pa/ ji skad brjod pa'i byed pas so/ /ji ltar 'byung bar 'dod pa rnams la phan 'dogs par 'gyur zhe na smras pa sgo gsum gyis rnam par shes pa la nyon mongs pa dang las kyi kun nas nyon mongs pa dag gis kun nas nyon mongs pa rgyas pa rnam pa gnyis yod de/ sgo gsum gyis kun nas nyon mongs pa bsags pa'i rnam par shes pa de yang 'byung bar 'dod pa rnams kyi skye ba de'i mjug thogs su de las gzhan pa 'byung ba la phan 'dogs par byed do/ /kham gyi zas dus gang gi tshe zas nyed du rnam par bzhag ce na/ smras pa/ 'ju ba'i tshe na'o/ /yongs su longs spyod pa'i tshe na ni reg pa rnam par bzhag te/ des byas pa'i phan 'dogs pa rtas par byed pa gang yin pa'o/ /de'i phyir zas ni skye mched gsum gyis bsdus pa yin par rnam par bzhag gi kha dog gis ni ma yin te 'di ltar dri dang ro dang reg bya de dag de dag gi ro dang mthu dang rnam par smin pa la sogs pa yongs su 'ju bas phan 'dogs pa dang gnod pa khyad pa'i phyir ro/ /kham gyi zas gang yongs su longs spyod pa'i tshe na 'di lta ste/ kha ba dang che ba la sogs pas gnod pa byed la 'ju ba'i tshe na phan 'dogs pa'ang yod de/ /yongs su longs spyod pa'i tshe na phan 'dogs la 'ju ba'i tshe na gnod pa byed pa 'di lta ste zhim la mi 'phrod pa'ang yod de/ de'i phyir 'ju ba'i tshe kho na zas yin par gzhag gis longs spyod pa'i tshe na ni ma yin no/ /gang gi tshe de dag las gzhan pa 'du byed rnams kyi gnas pa'i rgyu mang po 'di lta ste/ skye ba dang/ sngon gyi las dang rdzu 'phrul rgyu dang rkyen tshogs pa dang bar chad spangs pa dag kyang dmigs pa'i tshe ci'i phyir zas kho na gsungs shes na/ smras pa/ zas rnams ni mang pa'i phyir dang/ bda' bran sla ba'i phyir dang/ dran pa nye bar gzhag pa dag la 'jug par sla ba'i phyir dang/ nyin gcig bzhin du bde ba rgyas par byed pa'i phyir de dag kho na bstan to/ /sems can dmyal ba rnams na ni kham gyi zas med do/ /mnyam par gzhag pa'i sa pa'i lha rnams la yang med de sems can dmyal ba pa rnams phal cher sngon gyi las kyi stobs bskyed pas gnas te de'i phyir dbang po dang 'byung ba chen po la gnod pa byed pa'i rgyu chen po dag gis kyang 'chi bar mi 'gyur ro/ /de dag la rlung cha phra mo rjes su zhugs pa'i zas tha snyad gdags par ma gtogs pa ni yod do/ /dbang po gang dag lus las de las gzhan pa las brten te 'byung ba de dag yul las kyang yin pa gang dag yul las brten te 'byung ba de dag lus las kyang yin nam zhe na/ smras pa/ re zhig gang dag yul las brten te 'byung ba de dag ni lus las kyang yin no// lus las brten te 'byung la yul las ma yin pa'ang yod de dbang po gzugs can de dag dang/ mtshungs pa gang dag yin pa rnams te de dag ni 'byung ba chen po la brten pa yin pa'i phyir de las gzhan pa las brten pa dag ces bya'o/ /dbang po gang dag las brten nas 'byung ba de dag thams cad gnas gcig pa dag yin man zhe na/ smras pa/ gnas gcig pa dag kyang yod de/ gzugs can de dag dang mtshungs pa rnams so/ /gnas gnyis pa dag kyang yod/ de dag nyid mtshungs pa rnams so/ /gnas gsum pa dag kyang yod de gzugs can gyi khams na yid kyi dbang po dang de las gzhan pa sems las byung ba'i dbang po gzugs can ma yin pa rnams so/ /gzugs can ma yin pa'i khams na ni de dag nyid gnas gnyis pa kho na yin par blta bar bya'o / dbang po gang dag sdug bsngal ba de dag thams cad sdug bsngal gyi mtshan nyid du gyur pa dag yin nam gang dag sdug bsngal gyi mtshan nyid du gyur pa de dag thams cad sdug bsngal ba dag yin zhe na/ smras pa/ dbang po gang dag sdug bsngal ba yin la de dag sdug bsngal gyi mtshan nyid ni ma yin pa dag kyang yod do/ bde ba'i dbang po dang yid bde ba'i dbang po'o/ /sdug bsngal ba yang yin la sdug bsngal gyi mtshan nyid kyang yin pa dag kyang yod de/ sdug bsngal gyi dbang po dang yid mi bde ba'i dbang po'o/ /sdug bsngal ba ni yin la bde ba dang sdug bsngal gyi mtshan nyid ma yin pa dag kyang yod de/ btang snyoms kyi dbang po'o/ /sdug bsngal pa'ang ma yin la sdug bsngal gyi mtshan nyid kyang ma yin pa dag kyang yod de/ dbang po tha ma gsum ste/ sdug bsngal gyi gnyen po yin pa'i phyir ro/ /dbang po gang dag dge ba yin pa'i dbang po de dag bde ba skyed par byed pa dag yin nam gang dag bde ba skyed par byed pa de dag dge ba dag kyang yin zhe na/ smras pa/ dbang po gang dag dge ba yin la bde ba skyed par byed pa ma yin pa dag kyang yod de/ sdug bsngal ba dang bcas yid mi bde ba dang bcas pas tshe 'di la tshangs par spyad pa spyod pa'i dbang po dge ba gang dag bde ba skyed par byed pa ma yin pa de dag go /bde ba skyed par byed pa yin la dge ba ma yin pa dag kyang yod de/ lung du ma bstan pa'i dbang po gang dag tshe 'di la nyon mongs pa can dang nyon mongs pa ma yin pa dang/ lung du ma bstan pa'i bde ba bskyed par byed pa dag go /dge ba'ang yin la bde ba skyed par byed pa'ang yin pa dag kyang yod de bde ba dang bcas yid bde ba dang bcas pas tshe 'di la tshangs par spyad pa spyod pa'i dbang po dge ba gang dag yin pa rnams so/ /dge ba'ang ma yin bde ba skyed par byed pa dag ma yin pa dag kyang yod de lung ma bstan pa dang/ mi dge ba'i dbang po gang dag tshe 'di la sdug bsngal bskyed par byed pa dag go / bar sdom ni/ don dang gnas dang 'thob pa dang/ /sdus dang zas dang mu rnams so/ /'du byed kyi don mdza' dag 'dzin par byed cing 'du byed kyi don mdza' dag 'dzin par byed pas phung po rnams so/ /rnam grangs gzhan yang rtag tu las dang nyon mongs pa rnams kyis 'phel bar byed cing/ rtag tu las dang nyon mongs pa rnams kyis 'phel bar byed pas phung po rnams so/ /rnam grangs gzhan yang rtag tu 'du byed cing 'jig par byed la rtag tu 'du byed cing 'jig par byed pas phung po rnams so/ /chos rnams skyed pa'i phyir 'jug par byed cing chos rnams skyed pa'i phyir 'jug par byed pas khams rnams te 'phen par byed ces bya ba'i tha tshig go /sems dang sems las byung ba'i chos rnams kyi gnas rgyas par byed cing sems dang sems las byung ba'i chos rnams kyi gnas rgyas par byed pa'i phyir skye mched rnams so/ /rkyen las myur du 'jig pa dang ldan la 'byung zhing rkyen las myur du 'jig pa dang ldan la 'byung bas rten cing 'brel par 'byung ba'o/ /kun nas slong ba'i phyir tshul yin la kun nas slong ba'i phyir tshul yin pas gnas so/ /tshul ma yin pa'i gnas ni ma yin no/ /lta ba la sogs pa la bdag po nyid dang ldan zhing lta ba la sogs pa la bdag po nyid dang ldan pas dbang po rnams so/ /de la phung po la sogs pa'i rnam par bzhag pa ni mdor bsdu na rgyu drug gis rig par bya ste/ lus rnam par bzhag pa dang/ lus can rnam par bzhag pa dang/ de'i 'jug pa'i thabs rnam par bzhag pa dang/ de nyid kyi 'dug pa la nyams ba dang khyad par du 'gyur ba'i thabs rnam par bzhag pa dang/ de la longs spyod pa'i bdag po rnam par bzhag pa dang/ mdor bsdu na mkhas pa drug po de dag gis legs par zin pas ma yin pa drug pa lus sems can zin pa ma yin pa dang/ rang bzhin dang dbang phyug la sogs pa mi mthun pa'i rgyu legs par zin pa ma yin pa dang/ lus de la gnas pa'i bdag po legs par zin pa ma yin pa dang/ de'i 'chi 'pho dang skye ba'i 'jug pa legs par zin pa ma yin pa dang/ dge ba dang/ mi dge ba la 'bad pa legs par zin pa ma yin pa dang/ de'i yul 'dod pa dang mi 'dod pa la longs spyod pa'i bdag po legs par zin pa ma yin pa rnam par bsal ba yongs su bstan pa yin no/ /phan yon du zhig yang dag par rjes su mthong bas chos rab tu dbye ba rnam par bzhag pa rab tu rnam par dbye ba la mkhas pa la brtson par bya zhe na/ mdor bsdu na phan yon rnam pa bcu ste/ 'jigs tshogs la lta ba yongs su shes par bya ba'i phyir ril po'i 'du shes rab tu gshig par byas par 'gyur ba dang/ yod cing med pa ma yin pa'i chos bden pa dang gnas pa las gnod par mi 'gyur ba dang/ bdag nyid kyang som nyi med cing the tshom med par 'gyur ba dang/ gzhan dag gis dri ba dris na'ang ma dad pa rnams dad par bya zhing dad pa rnams phyir zhing 'phel bar bya ba'i phyir dang/ bstan pa yun ring du gnas par bya ba'i phyir legs pa kho nar lan 'debs pas lan ldon par 'gyur ba dang/ rten cing 'brel par 'byung ba'i rig pa la 'jug par 'gyur ba dang/ brgya byin dang tshangs pa dang skye dgu'i bdag bdag po dang rang bzhin dang skyes bu dag gi byed pa po med pa nyid dang las med pa nyid du khong du chud par 'gyur ba dang/ bdag gi shes rab kyi dbang po rgyas shing 'phel la yangs par 'gyur zhing dge ba dang mi dge ba'i chos rnams dang/ rgyas par rten cing 'brel par 'byung ba rab tu rnam par dbye ba dang bcas pa'i bar dag yang dag pa ji lta ba bzhin du shes par 'gyur ba dang/ dge ba dang mi dge ba'i chos rnams dang rgyas par rten cing 'brel par 'byung ba rab tu rnam par dbye ba'i bar de dag la bdag gi dran pa legs par gnas par 'gyur ba dang/ chos kyi rjes su mthun pa'i chos la zhugs pa na dran pa nye bar gnas pa de nyid la brten cing gnas nas dge ba'i sems rtse gcig pa de nyid la reg par 'gyur ba dang sems rtse gcig pa de nyid la brten cing gnas nas 'phags pa'i shes rab kyi dbang po skye bar 'gyur ba dang/ 'phags pa'i shes rab kyi dbang po la brten cing gnas nas phyin ci log rnams spong bar 'gyur/ zag pa zad pa ni rjes su thob par 'gyur ba ste/ de ltar phan yon bcu po de dag yang dag par rjes su mthong bas chos rab tu dbye ba la mkhas pa la brtson par bya'o/ /rnam par shes pa'i tshogs lnga dang ldan pa'i sa dang yid kyis gnyis kyi rnam par gtan la dbab pa'o/ /sa de gnyis kyi rnam par gtan la dbab pa'i gzhung lhag ma ni mi snang ngo/ /rtog pa dang bcas shing sbyong ba dang bcas pa la sogs pa'i sa gsum gyi rnam par gtan la dbab pa ni ci'i phyir gshin rje la chos kyi rgyal po zhes bya/ ci sems can rnams la gnong ba nye bar sgrub pa'i phyir ram 'on te phan pa nye bar sgrub pa'i phyir yin/ gal te gnong pa nye bar sgrub na ni nges na chos kyi rgyal po zhes byar mi rung ngo/ /gal te phan pa nye bar sgrub na ni nges? na ji ltar sems can rnams la phan 'dogs par byed pa brjod dgos so zhe na/ smras pa/ phan pa nye bar sgrub pa yin gyi/ gnod pa nye bar bsgrub pa ni ma yin te/ 'di ltar de ni de dang nye bar gyur pa'i sems can de dag la de 'dra ba'i lus ngag gis/ khyed cag ni rang gis byas pa'i las kyi 'bras bu nyams su myong bar 'gyur ro zhes dran pa nye bar gnas par byed de/ des na rang gis byas pa'i las kyi 'bras bu bdag nyid kyis myong ba kun tu shes pa'i sems can de dag gshin rje'i sems can gyi las kyi dbang gis grub pa sprul pa lta bu sems can 'byung po ma yin pa de dag la kun nas mnar sems kyi sems med pa dang khong khro ba'i sems med pa dang khon du 'dzin pa'i bsam pa med par 'gyur la/ de'i 'og tu sems can dmyal bar skye bar 'gyur ba'i las sar ba dag sog par mi byed cing sngon gyi las zad par byas nas/ sems can dmyal ba'i 'gro ba dag nas yongs su thar bar 'gyur te/ de lta bas na gshin rje ni sems can dmyal ba rnams la phan pa nye bar bsgrub pa'i phyir chos kyi rgyal po zhes bya'o/ /de la sems can gang dag sems can dmyal ba rnams su skyes ma thag tu skye ba rjes su dran par 'gyur ba dag la ni chos kyi rgyal po gshin rje rjes su ston par mi byed do/ /gang dag skye ba rjes su mi dran pa rnams la ni rjes su ston par byed do/ /gang dag der skyes pa skye ba rjes su mi dran pa'i gang zag ni mdor bsdu na rnam pa gsum du rig par bya ste/ shin tu rmongs pa 'di lta ste/ dper na yul mdza' khob rnams su skyes pa rnam par mi dpyod cing yongs su mi dpyod par sdig pa la zhugs pa lta bu rnams dang/ shin tu bag med pa 'di lta ste dper na 'dod pa la longs spyod pa 'dod pa chen po dag la lhag par chags pa rnam par mi dpyod cing yongs su mi dpyod par sdig pa la zhugs pa lta bu rnams dang/ shin tu log par lta ba 'di lta ste/ dper na thams cad la skur pa 'debs pa'i log par lta ba dang ldan pa/ rnam par mi dpyod cing yongs su mi dpyod par sdig pa la zhugs pa lta bu rnams te de dag ni rang gis rjes su dran par byed mi nus pa de'i phyir de dag la rjes su dran par byed do/ /rgya mtsho chen po dag gis chu rnams ni rgyu gnyis kyis na lan tsha'i ro dang ldan par rig par bya ste/ der skyes pa'i sems can rnams kyi bsod nams kyi dbang dang/ skam la gnas pa'i sems can de dag kha cig gi bsod nams ma yin pa'i dbang gis te/ 'di ltar lan tsha'i ro de nyid la brten nas srog chags phra mo gang dag rgya mtshor skyes pa rnams mi rnams kyi spyod yul ma yin pas de dag la de rnams kyis gnod par byar med pa dang/ rgya mtsho chen po na rin po che'i khyad par sna tshogs gang dag yod pa de dag kyang lan tshwa'i ro de nyid la ba rten nas skam la gnas pa'i sems can de dag kha cig gis rnyed par dka' ba'i phyir ro/ /de la nyon mongs pa'i kun nas nyon mongs pa'i rab tu dbye ba ni rnam pa lngas rnam par gzhag ste/ lnga gang zhe na/ ngo bo nyid dang/ ngo bo nyid kyi rab tu dbye ba dang/ kun nas nyon mongs pa'i rab tu dbye ba dang/ spong ba'i rab tu phye ba dang/ gnyen po'i rab tu dbye bas so/ /de la ngo bo nyid gang zhe na/ mdor bsdu na ngo bo nyid ni rnam pa gnyis te/ nyon mongs pa rnams ni lta ba'i ngo bo nyid dang/ lta ba ma yin pa'i ngo bo nyid do/ /de la ngo bo nyid kyis rab tu dbye ba gang zhe na/ mdor bsdu na rnam pa bcur blta bar bya ste/ lta ba'i ngo bo nyid kyi nyon mongs pa rnams kyi rab tu dbye ba rnam pa lnga dang lta ba ma yin pa'i ngo bo nyid rnams kyi rab tu dbye ba rnam pa lnga ste/ de dag bsdus na nyon mongs pa ni rab tu dbye ba rnam pa bcur 'gyur te/ 'di lta ste/ 'jig tshogs la lta ba dang mthar 'dzin par lta ba dang log par lta ba dang lta ba mchog tu 'dzin pa dang tshul khrims dang brtul zhugs mchog tu 'dzin pa dang/ 'dod chags dang khong khro ba dang/ nga rgyal dang ma rig pa dang the tshom mo/ /de la 'jig tshogs la lta ba gang zhe na/ nye bar len pa'i phung po lnga po dag la bdag gam bdag gir blta ba dang/ mngon par zhen pa dang sems la 'jog pa gang yin pa de ni 'jig tshogs la lta ba zhes bya'o/ /de'ang rnam pa gnyis su rig par bya ste/ lhan cig skyes pa dang kun brtags pa'o/ /de la lhan cig skyes pa ni byis pa so so'i skye bo thams cad dang tha na ri dags dang bya rnams kyi yang yin no/ /kun brtags pa ni gzhan mu stegs can rnams kyi yin par blta bar bya'o/ /mthar 'dzin par lta ba gang zhe na/ nye bar len pa'i phung po lnga po dag la 'jig tshogs la blta ba de nyid kyi dbang du byas nas bdag rtag go zhe 'am bdag chad do zhes lta ba dang mngon par zhen pa dang sems la 'jog pa gang yin pa de ni mthar 'dzin par lta ba zhes bya'o/ /de la rtag par lta bas bsdus pa'i mthar 'dzin par lta ba ni lta ba'i rnam pa drug cu rtsa gnyis po dag las/ sngon gyi mthar rtog pa rtag par smras pa rnams dang/ la la rtag par smra ba rnams dang/ phyi ma'i mthar rtogs pa 'du shes can du smra ba rnams dang/ 'du shes med par smra ba rnams dang/ 'du shes yod pa'ang ma yin 'du shes med pa'ang ma yin par smra ba rnams kyi yin par blta bar bya'o/ /chad par lta bas bsdus pa'i mthar 'dzin par lta ba ni dngos po bdun gyis chad par lta ba'i dge sbyong dang bram ze rnams kyi yin par blta bar bya'o/ /de dag gi mthar 'dzin par lta ba de ni kun brtags pa kho na yin gyi lhan cig skyes pa ni mi dmigs te/ de ni tshe rabs gzhan du rjes su 'brel par 'byung ba kho na yin no/ /mthar 'dzin par lta ba la sogs pa de dag ni/ 'di lta ste/ sa'i dngos gzhir kun brtags pa dang kun brtags pa ma yin pa'i dbye bas bstan pa bzhin du blta bar bya'o/ /de la log par lta ba gang zhe na/ phyin ci log tu lta ba thams cad de shes bya'i dngos po la phyin ci log tu zhugs pa ni log par lta ba zhes bya'o/ /de'ang mdor bsdus na rnam pa gnyis su blta bar bya ste/ sgro 'dogs par byed pa dang/ skur pa 'debs par byed pa'o/ /de la lta ba bzhi po 'jig tshogs la lta ba dang mthar 'dzin par lta ba dang/ lta ba mchog tu 'dzin pa dang tshul khrims dang brtul zhugs mchog tu 'dzin pa thams cad ni sgro 'dogs par byed pa'i log par lta ba zhes bya'o/ /skur pa 'debs par byed pa'i log par lta ba gang zhe na/ rgyu 'am bya ba 'am 'bras bu la skur pa 'debs pa 'am yod pa'i dngos po 'jig par byed pa'i lta ba dang mngon par zhen pa dang sems la 'jog pa gang yin pa de ni skur pa 'debs pa'i log par lta ba zhes bya'o/ /de la sbyin pa med do/ /mchod sbyin med do/ /sbyin sreg med do/ /zhes bya ba ni rgyu la skur pa 'debs pa yin no/ /legs par spyad pa med do/ /nyes par spyad pa med do zhes bya ba ni bya ba la skur pa 'debs pa yin no/ /legs par spyad pa dang nyes par spyad pa'i las rnams kyi 'bras bu rnam par smin pa med do zhes bya ba ni 'bras bu la skur pa 'debs pa yin no/ /pha med do/ /ma med do/ /sems can brdzus te skye ba med do zhes bya ba nas 'jig rten na dgra bcom pa zag pa zad pa med do zhes bya ba ni/ yod pa'i dngos po 'jig par byed pa yin par rig par bya'o/ /log par lta ba de'ang dge sbyong dang bram ze sngon gyi mthar rtog pa rgyu med pa dang mdza' dang mdza' med pa dang lha mi spong bar smra ba rnams dang/ phyi ma'i mthar rtog la tshe 'di la mya ngan las 'da' bar smra ba rnams kyi yin par blta bar bya'o/ /de ltar na 'jig tshogs la lta ba'i rtsa ba las byung ba'i lta ba'i rnam pa drug cu rtsa gnyis po de dag ni lta ba gsum po 'di dag gis bsdus pa yin te/ 'di lta ste/ /rtag par lta bas bsdus pa'i mthar 'dzin par lta ba dang/ chad par lta bas bsdus pa'i mthar 'dzin par lta ba dang/ log par lta bas so/ /de la lta ba mchog tu 'dzin pa gang zhe na/ lta ba'i rnam pa drug cu rtsa gnyis po de dag re re la mchog tu gtso bo dang khyad par du 'phags pa dang dam par nan gyis mchog tu 'dzin cing mngon par zhen par byed la 'di kho na bden gyis gzhan brdzun pa yin te lta ba 'dis ni dag par 'gyur ro/ /'dis ni grol bar 'gyur ro/ /'dis ni nges par 'byung bar 'gyur ro/ /zhes rjes su tha snyad 'dogs par byed pa ni lta ba mchog tu 'dzin pa zhes bya'o/ /de la tshul khrims dang brtul zhugs mchog tu 'dzin pa gang zhe na/ lta ba mchog tu 'dzin pa dang rjes su mthun pa dang/ lta ba mchog tu 'dzin pa'i 'khor dang de dang mthun pa'i chos tshul khrims dang brtul zhugs yang dag par blang ba de nyid la mchog dang dam pa'i bar du nan gyis mchog tu 'dzin cing mngon par zhen par byed la 'di nyid bden gyi gzhan ni brdzun pa yin te/ lta ba 'dis ni dag par 'gyur ro 'dis ni grol bar 'gyur ro 'dis ni nges par 'byung bar 'gyur ro zhes rjes su tha snyad 'dog spar byed pa ni tshul khrims dang brtul zhugs mchog tu 'dzin pa zhes bya'o/ /de la 'dod chags gang zhe na/ sems kyi lhag par chags pa dang bcas pa gang yin pa'o/ /de'ang rnam pa bzhi ste/ lta ba rnams dang 'dod pa rnams dang gzugs rnams dang/ gzugs med pa rnams la'o/ /sems kyi kun nas mnar sems pa gang yin pa'o/ /de'ang rnam pa bzhir blta bar bya ste/ sems can gzhan rnams las gzhan du blta ba rnams dang/ gnod pa byed pa rnams dang/ sdug pa la gnod pa byed pa rnams dang/ mi sdug pa la phan 'dogs pa rnams la'o/ /nga rgyal gang zhe na/ gang sems kyi khengs pa gang yin pa'o/ /de'ang rnam pa bzhir blta bar bya ste/ lta ba rnams dang/ sems can las brten pa dang/ 'dod pa la longs spyod pa las brten pa dang/ yang srid pa las brten pa'o/ /de yang mdor bsdu na rnam par 'khrul pa'i nga rgyal dang/ rnam par 'khrul pa ma yin pa'i nga rgyal lo/ /de la sems can las brten pa'i nga rgyal ni nga rgyal rnam pa gsum ste snga ma bzhin no/ /'dod pa la longs spyod pa las brten pa ni 'di lta ste/ longs spyod chen po dang rtsa 'dzing chen po dang 'khor mang po dang ldan par gyur pa de la brten nas sems khengs pa gang yin pa'o/ /yang srid pa las brten pa ni 'di lta ste 'byung bar 'gyur ro/ /'byung bar mi 'gyur ro zhes bya ba nas rgyas par 'du shes yod pa'ang ma yin/ 'du shes med pa'ang ma yin par 'gyur ro zhes bya ba'i bar du g.yo ba dang rlom pa dang spro ba dang mngon par 'du byas pa'i srid pa'i rnam pa dag dang ldan par gyur pa'i sems khengs pa gang yin pa'o/ /de la rnam par 'khrul pa ma yin pa'i nga rgyal ni chung ba bas bdag che'o snyam pa dang mtshungs pa dang mtshungs so snyam du rlom pa'i'o/ /rnam par 'khrul pa'i nga rgyal ni de las gzhan pa'i nga rgyal lnga po dag la'o/ /gzhan yang longs spyod ngan pa dag gis bdag ni bde ba yin no/ /snyam du rlom par byed pa de'ang rnam par 'khrul pa'i nga rgyal yin la/ longs spyod rgya chen po dag gis bdag ni bde ba yin no snyam du rlom pa de ni rnam par 'khrul pa ma yin pa'i nga rgyal yin par blta bar bya'o/ /log par sgrub pa yang srid pa'i phyir rlom pa gang yin pa de'ang rnam par 'khrul pa'i nga rgyal yin la/ yang dag pa'i sgrub pas yang srid pa'i phyir rlom par byed pa de ni rnam par 'khrul pa ma yin pa'i nga rgyal yin par blta bar bya'o/ /de la ma rig pa gang zhe na/ shes bya'i de kho na rtogs par bya ba la sems la 'gebs par byed pa nyid dang sgrib par byed pa nyid do/ /de yang mdor bsdu na rnam pa bzhir rig par bya ste/ ma rtogs pa'i kun tu rmongs pa dang/ bag med pa'i kun tu rmongs pa dang/ nyon mongs pa can gyi kun tu rmongs pa dang/ nyon mongs pa can ma yin pa'i kun tu rmongs pa'o/ /shes bya'i don ma mthong ba dang/ ma thos pa dang bye brag pa phyir pa dang/ rnam par ma shes pa dag mi shes pa ni ma rtogs pa'i kun tu rmongs pa zhes bya'o/ /mthong ba dang thos pa dang bye brag phyed pa dang rnam par shes pa dag la rnam par g.yengs pa dang brjed ngas pas mi shes pa ni bag med pa'i kun tu rmongs pa zhes bya'o/ /sems phyin ci log tu gyur pas mi shes pa ni nyon mongs pa can gyi kun tu rmongs pa zhes bya'o/ /sems phyin ci log tu ma gyur pas mi shes pa ni nyon mongs pa can ma yin pa'i kun tu rmongs pa zhes bya'o/ /ma rig pa de dag thams cad gcig tu bsdus na mdo rnam pa gnyis su 'gyur te/ nyon mongs pa dang mtshungs par ldan pa dang/ ma 'dres pa'o/ /rmongs par ma gyur pa la ni nyon mongs pa 'ga' ang mi 'byung bas de'i phyir gang la 'dod chags la sogs pa de las gzhan pa'i nyon mongs pa rnams yod pa de la ni ma rig pa'ang yod pas nyon mongs pa dang mtshungs par ldan pa yin no/ /skyes bu gang zag shes rab rtul ba de las gzhan pa 'dod chags la sogs pa'i nyon mongs pas kun nas ma dkris pa sdug bsngal/ gyi bden pa la sogs pa la tshul bzhin ma yin pa'i yid la byed pa'i yang dag pa ji lta ba bzhin du kun tu mi snang ba nyid dang sems la 'gebs par byed pa nyid dang/ sgrib par byed pa nyid dang/ kun nas dkris pa nyid dang/ mun par gyur pa nyid gang yin pa de ni ma rig pa ma 'dres pa zhes bya'o/ /de la the tshom gang zhe na/ sems kyi yid gnyis dang gnyis kyi dngos po dang ma nges pa gang yin pa'o/ /de'i rab tu dbye ba ni mdor bsdu na rnam pa lngas rnam par bzhag par bya ste/ 'jig rten pha rol dang bya ba dang de'i 'bras bu dang bden pa rnams dang dkon mchog rnams la sems kyi yid gnyis za bas so/ /de ltar nyon mongs pa bcu po ji skad bstan pa de dag ni dngos po la dmigs pa las kyang 'byung la nyon mongs pa dmigs pa las kyang 'byung ngo/ /nyon mongs pa bcu po thams cad las rang gi sa pa rnams ni nyon mongs pa gcig la gcig dmigs pa dang rang gi sa pa'i zag pa dang bcas pa'i dngos po thams cad la dmigs pa yin no/ /sa 'og ma pa rnams ni sa 'og ma ba'i nyon mongs pa'i dngos po la dmigs pa yin no/ /sa gong ma pa rnams ni sa 'og ma ba'i nyon mongs pa'i dngos po la dmigs pa ma yin no/ /ji ltar de dag gcig la gcig dmigs pa dang/ sa 'og ma pa rnams gong ma pa la dmigs pa'i skabs 'di'i rnam par gtan la dbab pa'i gzhung lhag ma ni mi snang ngo/ / //bam po bcu gnyis pa/ /de la 'dod pa na spyod pa'i 'jig tshogs la lta ba lhan cig skyes pa gang yin pa de ni lung du ma bstan pa yin te/ yang dang yang kun tu 'byung ba'i phyir dang/ bdag dang gzhan la shin tu gnod pa'i gnas ma yin pa'i phyir ro/ /rtog pas mngon par zhen pa gang yin pa de ni mi dge ba yin no/ /sa gong ma pa'i ni zhi gnas kyis nye bar bstan pa'i phyir dang/ dkar po'i chos mang pos yongs su zin pa'i phyir lung du ma bstan pa yin no/ /sgribs pa ni ngo bo nyid kyis nyon mongs pa can dang skyon chags pa nyid yin pa'i phyir ro/ /lhag ma rnams ni 'di'i tshul bzhin du rig par bya'o/ /'dod pa na spyod pa'i nyon mongs pa rnams ni nye bar spyod pa'i gzhi'i gnas su gyur pa'i phyir mi dge ba yin par blta bar bya'o/ /de dag kyang rgyu gsum gyis na mi dge ba'ang yin la/ ngan song du 'gro bar 'gyur ba'ang yin gyi gzhan du ni nges pa med do/ /gsum gang zhe na/ gus pas byed pa dang rtag tu byed pas shas cher kun tu bsten par byed pa'i yon tan gyi blos de dag la skyon du lta ba dang nyes dmigs su lta ba skyed par mi byed pa 'di ni rgyu dang po yin no/ /yang nyon mongs pa de dag la brten cing gnas nas lus dang ngag dang yid kyi nyes par spyod pa byas shing bsags pa 'di ni rgyu gnyis pa yin no/ /yang nges gzhan dag dge ba'i phyogs la 'dun pa zlog cing mi dge ba'i phyogs yang dag par 'dzin du bcug pa 'di ni rgyu gsum pa yin te/ de'i ngan song du 'gro bar 'gyur ba'i las lan grangs gzhan la myong bar 'gyur pa sngon byas pa ni ma gtogs so/ /nyon mongs pa bcu po de dag las nyon mongs pa bdun ni yid kyi sa pa dag yin no/ /'dod chags dang khong khro ba dang ma rig pa ni rnam par shes pa'i tshogs lnga dang ldan pa'i sa pa yang yin no/ /'dod pa'i khams la lta ba bzhi dang nga rgyal ni yid bde ba dang btang snyoms dang mtshungs par ldan no/ /'dod chags ni bde ba dang yid bde ba dang btang snyoms rnams dang ngo/ /khong khro ba ni sdug bsngal dang yid mi bde ba dang ngo/ /log par lta ba ni yid bde ba dang yid mi bde ba gnyis dang ngo/ /the tshom ni yid mi bde ba kho na dang ngo/ /ma rig pa ni dbang po lnga po thams cad dang mtshungs par ldan no/ /mtshungs par ldan pa'i tshul 'di ni tshe? long du bstan pa yin te zhib tu ni 'og nas bshad par bya'o/ /gong ma na ni gang na dbang po gang srid pa de dang de'i sa pa'i nyon mongs pa dag mtshungs par ldan pa yin par rig par bya'o/ /nyon mongs pa bcu po de dag las mthong pas spang bar bya ba gang dag yin pa de dag ni gzhi med pa zhes bya ste/ de dag gis dmigs pa'i gzhi de bzhin du yongs su grub pa ma yin pa'i phyir ro/ /lhag ma rnams ni gzhi dang bcas pa dang gzhi med pa dag yin te/ de las bzlog pa'i phyir ro/ /'dod chags dang nga rgyal ni zag pa pa dang bcas pa'i gzhi'i phyogs yid du 'ong ba gcig la dmigs nas skye'o/ /khong khro ba ni phyogs yid du mi 'ong pa gcig la dmigs nas skye ste/ de'i phyir nyon mongs pa gsum pa de dag ni phyogs gcig las skye ba dang phyogs gcig 'dzin pa zhes bya'o/ /lhag ma rnams ni nang dang phyi rol dang bcas pa'i gzhi zeg pa dang bcas pa sdug pa'am mi sdug pa'am gnyi ga las bzlog pa las dmigs te skye bas/ de'i phyir thams cad du 'gro ba dang gzhi mdza' dag 'dzin pa rnams zhes bya ste/ de ltar na de dag ni nyon mongs pa rnams yin no/ /nyon mongs pa dang rjes su mthun pa dang nyon mongs pa dang lhan cig rgyu ba dang/ nyon mongs pa'i phyogs dang mthun pa ni nye ba'i nyon mongs pa rnams zhes bya'o/ /nye ba'i nyon mongs pa rnams gang zhe na/ nye ba'i nyon mongs pa rnams kyi rab tu dbye ba ni mdor bsdu na/ rnam pa bzhis rnam par bzhag ste/ mi dge ba'i sems thams cad las skye ba dang/ nyon mongs pa can gyi sems thams cad las skye ba dang mi dge ba'i sems so so las skye ba dang/ dge ba dang mi dge ba dang lung du ma bstan pa'i sems las skye ba thams cad du ma yin zhing dus thams cad du ma yin pa rnams kyis so/ /de la ngo tsha med pa dang khrel med pa ni mi dge ba'i sems thams cad las skye ba'i nye ba'i nyon mongs pa zhes bya'o// bag med pa dang rgod pa dang rmugs pa dang ma dad pa dang/ le lo dang log par 'dun pa dang log par mos pa dang log par dran pa dang rnam par g.yeng ba dang/ shes bzhin ma yin pa dang nyon mongs pa bcu po de dag ni nyon mongs pa can gyi sems thams cad las skye ba yin par rig par bya ste/ khams gsum po thams cad na'o/ /khro ba dang 'khon du 'dzin pa dang/ 'chab pa dang 'tshig pa dang phrag dog dang ser sna dang/ sgyu dang g.yo dang rgyags pa dang rnam par 'tshe ba dang/ nye ba'i nyon mongs pa bcu po de dag ni mi dge ba'i sems so so las skye ba yin par blta bar bya ste/ gang du gcig 'byung ba der gnyis pa mi 'byung ngo/ /de dag las sgyu dang g.yo dang rgyags pa ma gtogs pa rnams ni 'dod pa dang ldan pa yin no/ /sgyu dang g.yo ni bsam gtan dang po man chad na na yod do/ /rgyags pa ni khams gsum po yin par rig par bya ste/ de dag kyang gong ma pa'i sa pa dag ni lung du ma bstan pa yin no/ /de la rtog pa dang dpyod pa dang 'gyod pa dang gnyid dang nye ba'i nyon mongs pa bzhi po de dag ni dge ba'i sems dang mi dge ba'i sems dang lung du ma bstan pa'i sems la yang 'byung ste thams cad du dang dus thams cad du ma yin no/ /'di ltar yang dang yang du dang yun ring rjes su spyod pa'i lus ngal ba dang/ brjod pa dang/ sems nyams par 'gyur bas de'i phyir rtog pa dang dpyod pa dag kyang nye ba'i nyon mongs pa zhes bya ste/ /de gnyis kyang bsam gtan dang po man chad na yod do/ /'gyod pa dang gnyid ni 'dod pa na spyod pa yin no/ /de la mnyam par bzhag pa'i sa pa'i nye ba'i nyon mongs pa rnams ni 'di lta ste/ rtog pa dang dpyod pa dang sgyu dang/ g.yo dang/ rmugs pa dang rgod pa dang rgyags pa dang bag med pa dang/ le lo rnams te/ de la dang po bzhi ni bsam gtan dang po'i sa pa dag yin no/ /lhag ma rnams ni sa thams cad pa dag yin par rig par bya'o/ /bcom ldan 'das kyis gzhi phran tshegs las nye ba'i nyon mongs pa mya ngan dang smre sngags 'don pa dang/ sdug bsngal ba dang/ yid mi bde ba dang 'khrug pa'i bar du rgyas par bstan pa gang dag yin pa rnams dang/ bzhi bsdu ba las rnam par dbye ba byas pa gang dag yin pa de dag thams cad kyang nye ba'i nyon mongs pa rab tu dbye ba rnam pa bzhi po 'di dag gis ci rigs par bsdus par rig par bya'o/ /nye ba'i nyon mongs pa de dag kyang 'dod pa'i khams na ni mdor bsdu na gnas bcu gnyis las brten nas 'jug par rig par bya ste/ gnas bcu gnyis gang zhe na/ 'di lta ste/ nyes par spyod pa la mngon par zhen pa dang/ thab mo dang mtshang 'bru ba dang rtsod pa dang 'gyed pa dang tshul khrims nyams pa dang/ skyes bu dam pa ma yin pa'i chos yang dag par blangs te 'dug pa dang/ log par 'tsho ba dang/ 'dod pa la log par zhen pa dang/ ji skad bstan pa'i chos kyi don la nges par rtog pa dang/ sems ting nge 'dzin du bya ba'i phyir bsam pa'i don la nang gi sems kyi zhi gnas kyi rjes su mthun pa dang/ gcig la gcig zang zing gi longs spyod stobs pa dang/ gcig la gcig chos kyi longs spyod stobs pa dang/ ma 'dres par gnas shing bas mdza' i gnas mal du gnas pa dang/ rab tu dbye ba na gnas pas sdug bsngal nye bar gyur pa ste/ gnas bcu gnyis po de dag las brten nas chags pa la sogs pa 'khrug pa'i mthar thug pa'i bar gyi nye ba'i nyon mongs pa ji skad bstan pa rnams kyi 'jug pa rnam par gzhag par rig par bya'o/ /de la chags pa dang zhe sdang dang gti mug ni gnas dang po la'o/ /khro ba la sogs pa g.yo'i mthar thug pa'i bar dag ni gnas gnyis pa la'o/ /ngo tsha med pa dang khrel med pa ni gnas gsum pa la'o/ /nga rgyal la sogs pa nyes rtsom gyi mthar thug pa'i bar dag ni gnas bzhi pa la'o/ /tshul 'chos pa la sogs pa sdig pa'i grogs po'i mthar thug pa'i bar dag ni gnas lnga pa la'o/ /mi bzang pa dang zhen pa la sogs pa mi mthun pa la chags pa'i mthar thug pa'i bar dag ni gnas drug pa dag la'o/ /'jig tshogs la lta ba dang/ 'byung bar lta ba dang 'jig par lta ba ni gnas bdun pa la'o/ /'dod pa la 'dun pa la sogs pa yid la mi byed pa'i mthar thug pa'i bar dag ni gnas brgyad pa la'o/ /ru gdug dang 'phya smod ni gnas dgu pa la'o/ /mi gnas pa dang mi mnyan pa dang ris mthun pa'i rjes su mi 'jug pa ni gnas bcu pa la'o/ /'dod pa'i rnam par rtog pa la sogs pa khyim gyi 'byor pa dang ldan pa'i rnam par rtog pa'i mthar thug pa'i bar ngag ni gnas bcu gcig pa la'o/ /mya ngan la sogs pa ni gnas bcu gnyis pa la brten te 'jug par rig par bya'o/ /lta ba lnga po gang dag yin pa de dag ni shes rab kyi ngo bo nyid yin pa'i phyir phan tshun mtshungs par ldan par mi byed de/ ngo bo nyid dang ngo bo nyid mtshungs par ldan par mi rung ba'i phyir ro/ /'dod chags dang khong khro ba dang nga rgyal dang the tshom rnams ni phan tshun mi mthun pa yin pa'i phyir phan tshun mtshungs par ldan par mi byed de/ chags par gyur pa'i sems ni 'dud par 'gyur la rlom par gyur pa'i sems ni khengs par 'gyur pas/ de'i phyir 'dod chags dang nga rgyal yang phan tshun mi mthun pa dag yin par rig par bya'o/ /nye ba'i nyon mongs pa ji skad bstan pa de dag ni nyon mongs pa'i phyogs dang 'thun pa yin pa kho nar blta bar bya'o/ /de la re shig bag med pa ni nyon mongs pa thams cad kyi phyogs dang mthun par blta bar bya ste/ 'di ltar chags par gyur na yang bag med par 'gyur la the tshom zos pa'i bar du gyur na'ang bag med par 'gyur ba'i phyir ro/ /chags pa dang/ ser sna dang/ rgyags pa dang/ rgod pa ni 'dod chags kyi phyogs dang mthun pa dang/ 'dod chags kyi rgyu mthun pa dag yin no/ /khro ba dang khon du 'dzin pa dang/ yongs su gdung ba dang/ phrag dog dang/ rnam par 'tshe ba ni khong khro ba'i phyogs dang mthun pa dang/ khong khro ba'i rgyu mthun pa dag yin no/ /sgyu dang g.yo mi log par lta ba'i phyogs dang mthun pa dang/ log par lta ba'i sgyu ma thun pa dag yin no/ /'tshab pa ni g.yo'i phyogs dang mthun pa dang/ de'i rgyu mthun pa kho na yin par blta bar bya'o/ /nye ba'i nyon mongs pa lhag ma rnams ni gti mug gi phyogs dang sbyin pa dang/ gti mug gi rgyud mthun pa dag yin no// rtog pa dang dpyod pa gnyis ni ma gtogs te/ rtog pa dang dpyod pa gnyis ni shes rab dang sems pa'i ngo bo nyid yin par bya ste/ 'di lta ste/ dper na lta ba rnams bzhin no/ /shes rab gang yid la brjod pa la brten pa dmigs pa la mi mthun par rgyu zhing 'jug pa de ni de'i ngo bo nyid yin yang rtog pa dang bcas pa dang dpyod pa dang bcas pa zhes bya'o/ /de la dmigs pa gzhan la mi mthun par rgyu zhing yid la brjod pa la brten pa'i shes rab ches rags pa ni rtog pa yin no/ / de nyid la mi mthun pa ma yin par rgyu zhing ches cha phra ba ni? dpyad pa yin te/ de ni nyon mongs pa'i kun nas nyon mongs pa'i ngo bo nyid kyi rab tu dbye ba rnam par bzhag pa zhes bya'o/ /nyon mongs pa'i kun nas nyon mongs pa'i rab tu dbye ba rnam par bzhag pa gang zhe na/ mdor bsdu na nyon mongs pa dang nye ba'i nyon mongs pa ji skad bstan pa rnams kyis ni rgyu gnyis kyis sems can rnams kun nas nyon mongs par byed de/ 'di lta ste/ kun nas dkris pa dang bag la nyal gyis so/ /de la nyon mongs pa kun tu 'byung ba mngon du gyur pa ni kun nas dkris pa zhes bya'o/ /de nyid kyi sa bon ma spangs shing yang dag par ma bcom pa ni bag la nyal zhes bya ste/ gnas ngan len kyang de yin na/ /ma sad pa'i phyir ni bag la nyal yin la sad pa'i gnas skabs kyi phyir ni kun nas dkris pa yin no/ /de la 'ching ba mdza' dag dang ldan pa'i gang zag 'dod pa'i khams su skyes shing byung ba ni khams gsum na spyod pa'i nyon mongs pa rnams kyi bag la nyal dang ldan no/ /gzugs kyi khams su skyes shing byung ba'i so so'i skye bo ni 'dod pa na spyod pa'i nyon mongs pa rnams kyi bag la nyal zhi gnas kyi gnod pas nyams par byas pa dang ldan la/ gzugs dang gzugs med pa dang ldan pa'i nyon mongs pa rnams kyi ni ma nyams pa kho na dang ldan no/ /gzugs med pa'i khams su skyes shing byung ba'i so so'i skye bo ni 'dod pa dang gzugs na spyod pa'i nyon mongs pa rnams kyi bag la nyal zhi gnas kyi gnod pas nyams par byas pa dang ldan la/ gzugs med pa na spyod pa'i nyon mongs pa rnams kyi ni ma nyams pa kho na dang ldan no/ /khams las ji lta ba bzhin du sa las kyang tshul de bzhin du blta bar bya'o/ /kun nas dkris pa rang gi sa pa ni rang gi sa pa'i 'dod chags dang ma bral ba dang ldan te bral ba dang ni mi ldan no/ /sa 'og ma la gnas pa ni sa gong ma pa'i kun nas dkris pa dang ldan la sa gong ma la gnas pa ni 'og ma pa'i kun nas dkris pa dang/ nam yang mi ldan par brjod par bya'o/ /de la 'ching ba mdza' dag dang ldan pa'i gang zag gis nyon mongs pa'i kun nas dkris pa skyed nas 'gog par byed cing spong bar ni mi byed pa'i tshe na/ nyon mongs pa de 'das pa 'am ma 'ongs pa 'am da ltar byung ba'i dngos po gang dag dang ldan pa yin zhe na/ 'das pa dang ni ldan par gyur zan pas ldan pa ma yin no/ /de ltar byung ba dang ni de'i rigs bag la nyal dang ldan pa yin te gal te nyon mongs pa mngon du gyur na ni kun nas dkris pa dang yang ldan no/ ma 'ongs pa dang ni bag la nyal dang kun nas dkris pa dang yang ldan par 'gyur te ldan pa ni ma yin no/ /de'i rigs dang ji lta ba bzhin du de las gzhan pa'i nyon mongs pa thams cad dang yang de bzhin no/ /'ching ba mdza' dag dang ldan pa ji lta ba bzhin du 'ching ba ma tshang ba dang ldan pa'ang de bzhin du brjod par bya'o/ /de la bye brag ni 'di yod de de ni nyon mongs pa lhag ma rnams dang ldan par brjod par bya'o/ /gang gis tshe rnal 'byor pa nyon mongs pa'i kun nas dkris pa rnam par gnon par byed pa'i tshe ji ltar rnam par gnon par byed ce na/ gang de bsgom zhing nyon mongs pa'i kun nas dkris par rnam par gnon par byed pa'i nyon mongs pa rnams kyi kun nas dkris pa rnam par gnon pa'i gnyen po ni rnam pa gsum yod de/ nyon mongs pa rnams kyi ngo bo nyid dang nyes dmigs yongs su shes pa dang/ de'i gnyen po la dmigs pa'i mtshan ma yid la byed pa dang/ sems kyi rgyud la dge ba'i phyogs bstsags pa'o/ /yang dag par 'joms pa la ni yang dag pa'i lta ba mngon du btang ba'i lam yin par blta bar bya'o/ /gang gi tshe rnal 'byor pa nyon mongs pa spong bar byed pa'i chen ci kun nas dkris pa las spong bar byed dam 'on te bag la nyal las spong bar byed gang las spangs na spangs pa zhes brjod par bya zhe na/ bag la nyal las spong bar byed de kun nas dkris pa ni dang po nyid nas spangs zin pa'i phyir ro/ /bag la nyal las spangs nas spangs pa zhes brjod par bya'o/ /de ci'i phyir zhe na/ kun nas dkris pa las spangs la bag la nyal las ma spangs na ni yang dang yang du kun nas dkris pa 'byung bar 'gyur gyis/ bag la nyal las spangs na ni bag la nyal dang kun nas dkris pa gnyi ga las gtan 'byung bar mi 'gyur ba'i phyir ro/ /ci 'das pa spong bar byed dam 'on te ma 'ongs pa 'am da ltar byung ba spong bar byed ce na/ 'das pa'ang mi spong ma 'ongs pa'ang mi spong da ltar byung ba'ang mi spong mod kyi/ 'on kyang 'das pa dang ma 'ongs pa dang da ltar byung ba spong bar byed do/ /de la re zhig bag chags dang bcas pa 'das pa gang yin pa de ni rang gi dang nyid kyis 'gags pa'i phyir spangs zin pa yin pas de la ni ci 'ang spang du med do/ /ma 'ongs pa gang yin pa de na ma byung ba dang lus med pa yin pas de la yang ci yang spang du med do/ /bag la nyal dang bcas pa da ltar byung ba gang yin pa de ni skad cig las lhag par mi gnas te bag la nyal dang bcas pa dang bag la nyal med pa'i sems gnyis 'grogs pa ni med pas de'i phyir da ltar byung ba'ang mi spong ngo/ /'on kyang gzhan gyi sgra dang bdag nyid kyi tshul bzhin yid la byed pa las nyon mongs pa'i gnyen po'i sems yang dag pa'i lta ba dang mtshungs par ldan pa ni skye la de'i mi mthun pa'i phyogs bag la nyal dang bcas pa'i sems ni 'gags te/ de ltar na de skye ba'i dus gang yin pa de nyid de 'gag pa'i dus yin pas de nyid skye ba dang 'gags pa ni mgo mnyam du rig par bya'o/ /de la nyon mongs pa'i gnyen po'i sems yang dag pa'i lta ba dang mtshungs par ldan pa ni de ltar byung ba bag la nyal med pa yin no/ /skad cig de las thal ba ni 'das pa bag la nyal med pa yin no/ /ma 'ongs pa'ang bag la nyal med pa yin no/ /de ltar gnas gyur te bag la nyal gyi rgyun yang dag par chad na de'i rjes la 'jig rten pa'i dge ba dang lung du ma bstan pa'i sems de'i 'og tu phyis 'byung ba 'das pa dang ma 'ongs pa dang da ltar byung ba gang yin pa de'ang bag la nyal med pas/ de'i phyir 'das pa'ang spangs pa yin la/ da ltar byung ba dang ma 'ongs pa yang spangs pa zhes bya ste/ de ltar na de ni nyon mongs pa'i kun nas nyon mongs pa'i rnam par byang ba'i rab tu dbye ba yin no/ /de la nyon mongs pa'i kun nas nyon mongs pa'i log par bsgrub pa dang spang bar bya ba'i rab tu dbye ba rnam par gzhag pa gang zhe na/ de'i mdor bsdu na rnam pa bco lngar blta bar bya ste/ 'dod pa dang ldan pa'i sdug bsngal dang kun 'byung dang 'gog pa dang lam mthong ba dang/ bsgom pas spang bar bya ba'i zag pa rnams dang 'dod pa dang ldan pa rnam pa lnga po ji lta ba bzhin du gzugs dang ldan pa rnams dang gzugs mod pa dang ldan pa rnams kyang de bzhin no/ /de la 'dod pa na spyod pa'i sdug bsngal la ni nyon mongs pa bcu po thams cad log par zhugs pa yin no/ /kun 'byung ba la ni 'jig tshogs la lta ba dang mthar 'dzin par lta ba ma gtogs pa nyon mongs pa brgyad log par zhugs pa yin no/ /kun 'byung ba la ji lta ba bzhin du 'gog pa dang lam la yang de bzhin no/ /gong ma la ni bden pa thams cad la khong khro ba ma gtogs pa rnams 'dod pa'i khams na ji lta ba bzhin du ldog par 'jug par go rims bzhin du rig par bya'o/ /ji ltar sdug bsngal gyi bden pa la bag la nyal bcu log par zhugs pa yin zhe na/ mdor na nye bar len pa'i phung po lnga sdug bsngal ba zhes brjod pa la byis pa rnams ni nye bar len pa'i phung po lnga po de dag nyid la 'jig tshogs la lta ba'i mu nyi shu las mu lngas bdag tu lta bar byed la/ lhag rnams kyis ni bdag gir lta bar byed de/ de ltar na 'jig tshogs la lta ba ni sdug bsngal gyi bden pa la log par zhugs pa yin par blta bar bya'o/ /'jig tshogs la lta ba de nyid la brten nas nye bar len pa'i phung po lnga po de dag nyid la rtag pa 'am chad par dag pa rjes su lta bas/ de'i phyir mthar 'dzin par lta ba yang sdug bsngal la log par zhugs pa yin no/ /legs par spyad pa dang nyes par spyad pa'i las rnams kyi 'bras bu rnam par smin pa med do zhes bya ba'i bar du log par lta ba gang yin pa de dang pha med do/ /ma med do sems can rdzus te skye ba med do zhes log par lta ba gang yin pa de'i phyogs gcig kyang sdug bsngal la log pa bzhugs pa yin no/ /phyogs gcig ni kun 'byung ba la'o/ /bzhan mu stegs can rnams kyi sdug bsngal gyi bden pa la skur ba 'debs pa'i log par lta ba dge sbyong gau ta mas nyan thos rnams la sdug bsngal gyi bden pa gdags par byas pa gang yin pa de ni med do zhes zer ba gang yin pa de'ang sdug bsngal la log par zhugs pa yin no/ /dbang phyug dang skye dgu'i bdag po dang brgya byin dang tshangs pa zhes bya ba dang gang de lta bu dang mthun pa gzhan la yang rtag pa dang brtan pa dang ther zug go zhes lta ba gang yin pa log par lta ba de ni sdug bsngal la log par zhugs pa yin no/ /lta ba mchog tu 'dzin pa gang gis sdug bsngal gyi bden pa la log par zhugs pa'i lta ba de dag la dam par mchog tu 'dzin cing/ des dag pa dang grol ba dang nges par 'byung bar 'gyur ro zhes lta ba mchog tu 'dzin pa de'ang sdug bsngal gyi bden pa la log par zhugs pa yin no/ /lta ba de dang rjes su mthun pa dang de dang mthun pa'i chos tshul khrims dang brtul zhugs yang dag par blangs pa la dam par mchog tu 'dzin cing/ des dag pa dang grol ba dang nges par 'byung bar 'gyur ro zhes tshul khrims dang brtul zhugs mchog tu 'dzin pa gang yin pa de'ang sdug bsngal gyi bden pa la log par zhugs pa yin no/ /de la gzhan mu stegs can kha cig lta ba'i rnam pa de dag la gcig tu nges par mos pa'ang ma yin pa de dag sdug bsngal gyi bden pa gdags par mdzad pa 'di la gcig tu nges par skur pa 'debs pa'ang ma yin mod kyi 'on kyang sdug bsngal lam 'on te sdug bsngal ma yin snyam du yid gnyis can du gyur pa gang yin pa de dang gzhan yang sdug bsngal la yid gnyis za ba gang yin pa'i the tshom de'ang sdug bsngal la log par zhugs pa yin no/ /lta ba de dag nyid la mngon par chags pa dang zhen pa dang lhag par chags pa dang lta ba la 'dod chags pa'i 'dod chags de'ang sdug bsngal la log par zhugs pa yin no/ /de dang mi mthun pa gzhan gyi lta ba dag la kun nas mnar sems pa'i khong khro ba de'ang sdug bsngal gyi bden pa la log par zhugs pa yin no/ /lta ba de dag nyid kyis khengs pa'i nga rgyal de'ang sdug bsngal gyi bden pa kho na la log par zhugs pa yin no/ /lta ba de dag dang 'dod chags la sogs pa nyon mongs pa de dag dang mtshungs par ldan pa'i mi shes pa gang yin pa dang sdug bsngal gyi bden pa la mi shes pa ma 'dres pa 'ba' zhig pa gang yin pa de'ang sdug bsngal gyi bden pa la log par zhugs pa yin te/ de ltar ni nyon mongs pa bcu po de dag ni sdug bsngal gyi bden pa la log par zhugs pa dang/ sdug bsngal mthong bas spang bar bya ba dag yin no/ /ji ltar na kun 'byung ba'i bden pa la bag la nyal brgyad po log par zhugs pa dag yin zhe na/ dge sbyong dang bram ze rgyu med par smra ba rnams kyi log par lta ba gang yin pa de dang dge sbyong dang bram ze mi mthun pa rgyur smra ba rnams kyi dbang phyug la sogs pa/ dngos po rnams kyi byin pa po dang sprul pa po dang byed pa bo yin no zhes log par lta ba gang yin pa de dang/ byin pa med do mchod sbyin med do/ /sbyin sreg med do legs par spyad pa mad do nyes par sbyar ba med do zhes log par lta ba gang yin pa de dang dge sbyong dang bram ze lta mi spong bar smras kyi log par lta ba de dag las phyogs gcig gang yin pa dang/ gzhan mu stegs can rnams kyi kun 'byung ba'i bden pa la skur pa 'debs pa'i log par lta ba dge sbyong gau ta mas nyan thos rnams la kun 'byung ba'i bden pa gdegs pa byas pa gang yin pa de ni med do zhes zer ba gang yin pa'i log par lta ba de dag ni kun 'byung ba'i bden pa log par zhugs pa yin no/ /lta ba mchog tu 'dzin pa gang gis lta ba de dag la dam par mchog tu 'dzin cing de dag gis dag pa dang grol ba dad nges par 'byung bar 'gyur ro zhes lta ba mchog tu 'dzin pa de'ang kun 'byung ba'i bden pa la log par zhugs pa yin no/ /lta ba de dag dang rjes su mthun pa dang de dag dang mthun pa'i chos tshul khrims dang brtul zhugs yang dag par blang ba de la dam par mchog tu 'dzin cing des dag ba dang grol ba dang nges par 'byung bar 'gyur ro/ /zhes tshul khrims dang brtul zhugs mchog tu 'dzin pa gang yin pa de'ang kun 'byung ba'i bden pa la log par zhugs pa yin no/ /lhag ma 'dod chags la sogs pa the tshom gyi mthar thug pa rnams ni snga ma bzhin du blta bar bya ste/ de ltar na nyon mongs pa brgyad po de dag ni kun 'byung ba'i bden pa la log par zhugs pa dang kun 'byung ba mthong bas spang bar bya ba dag yin no/ /ji ltar na bag la nyal brgyad 'gog pa'i bden pa la log par zhugs pa yin zhe na/ dge sbyong dang bram ze mdza' dang mdza' med pa dang lha mi spong bar smra ba rnams kyi lta ba'i phyogs gcig gang yin pa dang dge sbyong dang bram ze tshe 'di la mya ngan las 'da' bar smra ba rnams kyi log par lta ba gang yin pa dang/ rgyas par 'jig rten na dgra bcom pa dag med do zhes log par lta ba gang yin pa las dgra bcom pa de dag kyang spangs pas rab tu phye ba dang shes pas rab tu phye ba ste/ de la spangs pa la skur pa 'debs pa'i log par lta ba gang yin pa dang gzhan mu stegs can rnams kyi 'gog pa'i bden pa la skur ba 'debs pa rnams kyi log par lta ba snga ma lta bu gang yin pa dang/ de dag gi log pa'i thar pa yongs su brtags pa'i lta ba gang yin pa'i log par lta ba de dag ni 'gog pa'i bden pa la log par zhugs pa yin no/ /lta ba de dag la lta ba na chog tu 'dzin pas snga ma bzhin du dam par mchog tu 'dzin pa'i lta ba mchog tu 'dzin pa gang yin pa de'ang 'gog pa'i bden pa la log par zhugs pa yin no/ /lta ba de dag dang rjes su mthun pa'i chos tshul khrims dang brtul zhugs yang dag par blang ba de la dam par mchog tu 'dzin cing/ des dag ba dang grol ba dang nges par 'byung bar 'gyur ro zhes tshul khrims dang brtul zhugs mchog tu 'dzin pa gang yin pa de'ang 'gog pa'i bden pa la log par zhugs pa yin no/ /khong khro ba ma gtogs pa lhag ma 'dod chags la sogs pa ni snga ma bzhin du rig par bya'o/ /'gog pa la skrag pa'i sems dang kun nas mnar sems kyi sems dang khong khro ba'i sems dang ldan pa'i khong khro ba gang yin pa de'ang 'gog pa'i bden pa la log par zhugs pa yin te/ lhag ma ni snga ma bzhin no/ /de ltar na bag la nyal brgyad po de dag ni 'gog ba'i bden pa la log par zhugs pa dang 'gog pa mthong bas spang bar bya ba dag yin no/ /de la ji ltar na bag la nyal brgyad po lam gyi bden pa la log par zhugs pa yin zhe na/ 'jig rten na dgra bcom pa med do zhes rgyas par bya ba de la shes pa sngon du 'gro ba'i 'dus byas zag pa med pa'i chos rnams la skur pa 'debs pa'i log par lta ba gang yin pa de ni lam la log par zhugs pa yin no/ /lta ba mi spong ba rnams kyi log par lta ba'i phyogs gcig gang yin pa de yang lam la log par zhugs pa yin no/ /gzhan mu stegs can rnams la skur pa 'debs pa'i log par lta ba dge sbyong gau ta mas nyan thos rnams la nges par 'byung ba'i lam bstan pa gang yin pa de ni nges par 'byin pa ma yin no/ /de ni sdug bsngal zad bar bya ba'i phyir nges par 'byin pa ma yin no zhes zer ba dang bdag med par lta ba'i tshul khrims dang brtul zhugs yang dag par blang ba dang de dang mthun pa'i chos gdags pa byas pa gang yin pa de'ang lam ngan pa yin no/ /de'ang lam bzang po ma yin no zhes zer ba'i log par lta ba gang yin pa de'ang lam la log par zhugs pa yin no/ /de dag 'di snyam du sems te/ bdag cag gi lam gang yin pa dang/ bsgrub? pa gang yin pa de ni sdug bsngal zad par bya ba'i phyir nges par 'byin pa yin no snyam pa'i log par lta ba gang yin pa de'ang lam gyi bden pa kho na la log par zhugs pa yin no/ /lta ba mchog tu 'dzin pa gang gis log par lta ba de la dam par mchog tu 'dzin cing/ des dag pa dang grol ba dang nges par 'byung bar 'gyur ro// zhes lta ba mchog tu 'dzin pa gang yin pa de'ang lam la log par zhugs pa yin no/ /de dang rjes su mthun pa'i chos tshul khrims dang brtul zhugs yang dag par blang ba la dam pa mchog tu 'dzin cing/ des dag pa dang grol pa dang nges par 'byung bar 'gyur ro zhes tshul khrims dang brtul zhugs mchog tu 'dzin pa gang yin pa de yang lam la log par zhugs pa yin no/ /lhag ma ni 'gog pa'i bden pa bzhin du blta bar bya'o/ /ji ltar 'dod chags la sogs pa nyon mongs pa rnams lam gyi bden pa la thob? par 'jug pa de bzhin du bag la nyal brgyad po de dag kyang lam gyi bden pa la log par zhugs pa dang lam mthong bas spang bar bya ba dag yin te/ de dag ni mthong bas spang bar bya ba'i zag pa rnams zhes bya'o/ /bsgom pas spang bar bya ba'i zag pa rnams gang zhe na/ 'dod pa na spyod pa'i khong khro ba dang/ khams gsum na spyod pa gsum ste/ 'dod chags dang nga rgyal dang ma rig pa'o/ /de dag kyang lam mchog tu goms pas spong par 'gyur bas de'i phyir bsgom pas spang bar bya ba rnams zhes bya'o/ / khams dang sa san? chung ngu dang 'bring dang chen po rnam pa gsum gsum yod pa de dag spang ba'i phyir lam yang rnam pa gsum kho nar 'gyur te lam chung ngu ni zag pa chen po rnams spang ba'i phyir 'jug par 'gyur ro/ /lam 'bring ni zag pa 'bring rnams gyi ro// lam chen po ni zag pa chung ngu rnams spong ba'i phyir 'jug par 'gyur ro/ /bsgoms pas spang bar bya ba'i zag pa de dag kyang rang gi dang kho nas zag pa dang bcas pa'i dngos po la zhugs pa dang yun ring po nas ye yod pa yin pas/ de'i phyir dbral dkab pa yin pas rang gi dngos po la log par zhugs pa yin te/ de ni nyon mongs pa'i kun nas nyon mongs pa'i log par 'jug pa dang spang bar bya ba'i rab tu dbye ba rnam par gzhag pa zhes bya'o/ /mthong ba dang bsgom pas spang bar bya ba'i zag pa ji skad bstan pa de dag gi dmigs pa ni mdor bsdu na rnam pa lngar rig par bya ste/ log par rnam par brtags pa'i dngos po la dmigs pa dang/ lta ba la dmigs pa dang/ tshul khrims dang brtul zhugs la dmigs pa dang/ rang gi rnam par brtags pa'i ming la dmigs pa dang/ rang gi ngang? gis yo yod pa'i dngos po la dmigs pa'o/ /de la gang dag sdug bsngal dang kun 'byung? ba'i bden pa la dmigs pa de dag ni log par rnam par brtags pa'i dngos po la dmigs pa zhes bya'o/ / the tshom ma gtogs pa lta ba mchog tu 'dzin pa dang/ 'dod chags la sogs pa mthong bas spang bar bya bdag ni lta ba la dmigs pa zhes bya'o/ /tshul khrims dang brtul zhugs mchog tu 'dzin pa'i tshul khrims dang brtul zhugs la dmigs pa zhes bya'o/ /'gog pa dang lam la dmigs pa dang khams mi 'dra ba dag la dmigs pa dag mi rang gis rnam par brtags pa'i ming la dmigs pa zhes bya ste/ nyon mongs pa ni nam yang 'gog pa dang lam la dmigs par ma gyur dmigs par mi byed dmigs par mi 'gyur la khams mi 'dra ba la yang ma yin pa'i phyir ro/ /gang dag bsgom pas spang bar bya ba de dag ni rang gi ngang gis ye yod pa'i dngos po la dmigs pa zhes bya'o/ /de la nyon mongs ba'i kun nas nyon mongs pa'i gnyen po'i rab tu dbye ba rnam par gzhag pa gang zhe na/ de ni mdor bsdu na rnam pa bzhir blta bar bya ste/ rgyud yongs su smin par byed pa'i gnyen po dang/ /nye bar spong ba'i gnyen po dang/ phyogs gcig spong ba'i gnyen po dang/ mdza' dag spong ba'i gnyen po'o/ /de la tshogs kyi lam rnam pa bcu gsum po nyan thos kyi sar ji skad bstan pa thams cad ni grub yongs su sten par byed pa'i gnyen po zhes bya'o/ /nges par 'byed pa'i cha dang mthun pa'i dge ba'i rtsa ba dro par gyur pa dang rtse mo dang bzod pa dang 'jig rten pa'i chos kyi mchog nyan thos kyi sa nyid du ji skad bstan pa rnams ni nye bor spong ba'i gnyen po zhes bya'o/ /de la mthong ba'i lam ni phyogs gcig spang ba'i gnyen po zhes bya'o/ /bsgom pa'i lam ni mdza' dag spong ba'i gnyen po zhes bya'o/ /de la mthong ba'i lam la yang dag par zhugs pa'i 'phags pa'i gang zag gi shes pa'i spyod pa ni ji lta bu yin/ sems du zhig gis ni mthong ba'i lam yongs su rdzogs par 'gyur/ ci mthong bas spang bar bya ba'i nyon mongs pa ni cig car ram? rim gyis sam ji ltar spong bar byed ce na/ mthong ba'i lam la yang dag par zhugs pa'i 'phags pa'i gang zag shes pa'i spyod pa ni mtshan ma med pa yin te/ de ni shes pas sdug bsngal la dmigs par byed mod kyi de de'i tshe na sdug bsngal gyis dngos po de la sdug bsngal lo snyam pa'i rnam par rtog pa'i mtshan mar 'dzin pa ni mi 'byung ngo/ /sdug bsngal ji lta ba bzhin du kun 'byung ba dang 'gog pa dang lam rnams la yang de bzhin te de de'i tshe na sngon kun rdzob kyi shes pas rnam par dpyad pa'i 'den pa dag la sngon 'du shes dang mtshan ma las rnam par grol ba'i shes pa spros pa med par don tsam 'ba' zhig shes pa'i de bzhin nyid la dmigs pa mtshan ma med pa 'ba' zhig 'jug par 'gyur te/ de'i cha na de'i shes pa'i spyod pa ni de lta bu yin no/ /mthong ba'i lam gyi rnam par gzhag pa ni rnam pa gnyis te/ bstan pa gnas pa'i rgyas pa rnam par gzhag pa spros pa dang bcas pa dang/ don dam pa rnam par gzhag pa so so rang rig pa spros pa med pa'o/ /de la rnam par gzhag pa dang po'i dbang du byas nas chos shes pa'i phyogs dang mthun pa'i sems bzhi dang/ rjes su rtogs pa shes pa'i phyogs dang mthun pa'i sems bzhi dang/ dus ji srid du sems brgyad po de dag 'byung bar 'gyur ba'i dus de srid du de'i m jug thogs su yongs su bsgoms pa'i sems zhi gnas 'ba' zhig la zhugs pa gcig kyang 'byung bar 'gyur te de dag bsdus na sems dgur 'gyur bas de dag gis mthong ba'i lam yongs su rdzogs par 'gyur te dus ji srid kyis sdug bsngal gyi bden pa ji ltar btags pa'i rnam par rig pas yongs su rdzogs par 'gyur ba de ni sems gcig brjod par bya'o/ /rnam par gzhag pa gnyis pa'i dbang du byas nas de bzhin nyid shes pa dang mtshungs par ldan pa gcig kho nas sems kyi rang bzhin las brtsams te mthong ba'i lam yongs su rdzogs par 'gyur ro/ /'dir zhi gnas kyi lam ni snga ma kho na bzhin du blta bar bya'o/ /de la mthong bas spang bar bya ba'i nyon mongs pa'i bag la nyal ni cha gnyis kyis rnam par bzhag pa yin te/ dad pa'i gzugs dang rjes su 'brel pa dang sems dang sems las byung ba dang rjes su 'brel pa las so/ /de la mthong ba'i lam ni zhi gnas dang lhag mthong zung du 'brel pas 'jug pa yin pa'i phyir/ 'phags pa nyan thos ni zhi gnas kyis spang bar bya ba dang lhag mthong gis spang bar bya ba'i bag la nyal rnam pa gnyi ga cig car spong bar byed do/ /de la dang po ni lhag mthong gis spang bar bya ba yin no/ /gnyis pa ni zhi gnas kyis spang bar bya ba yin te de'i phyir mthong ba'i lam yongs su rdzogs pa yin par brjod par bya'o/ /gal te lhag mthong gis phyogs su gtogs pa'i shes pa de dag mthong ba'i lam gyis spang bar bya ba'i bag la nyal dang 'brel par 'gyur zhing/ gnyen po nyid kyis sbyor bar mi byed na ni ma yin no/ /de'i phyir bcom ldan 'das kyis kyang dad pa'i rjes su 'brang ba dang chos kyi rjes su 'brang ba mthong ba'i lam la zhugs pa gnyis dang/ gang zag drug pa'ang mtshan ma med pa la gnas pa yin la/ de las gzhan pa lnga po dang pas mos pa dang mthong bas thob pa dang lus kyis mngon du byed pa dang shes rab kyi rnam par grol ba dang gnyi ga'i cha las rnam par grol ba de dag kyang 'gog pa la zhi ba'i 'du shes kyis gnas pa yin pas/ de'i phyir mtshan ma med par gnas pa zhes bya'o zhes gsungs so/ /'di lta ste dper na sman pa zug rngu 'byin pa ni la la zhig gi 'bras shin tu yongs su smin par rig? nas dang por mtshon rnon pos de brtol bar byed do/ /ji tsam du de brtol ba de tsam du de'i rnag 'dzag par 'gyur gyi rnag ma lus par 'dzag pa ni mi 'gyur ro/ /ji tsam du dral cing shin tu btsir bar bya ste yang dang yang du btsir na/ rnag 'khyims pa gang yin pa gzags pa ni 'gyur mod kyi 'on kyang de'i rma'i sgo de dag cing sos pa ni ma yin te/ de'i rma'i sgo de gso ba'i phyir phye mar gyi chang bu 'am/ rang snum bag can gyis glon par byed do/ /de ltar phye mar gyi chang bu 'am rma glon pa rang? snum bag can gyis glon pa'i rma de ni rim gyis 'tsho bar 'gyur ta? re? ni 'di lta ste/ don rnam par rig par bya ba'i phyir dper byas pa yin no/ /de la don ni 'di yin par blta bar bya ste/ 'bras smin ba ji lta ba de bzhin du ni mthong bas spang bar bya ba'i zag pa rnams kyi zag pa'i gnas lta bu'i dngos po rnams blta bar bya'o/ /mtshon gyis brtol ba ji lta ba de bzhin du ni lhag mthong gi phyogs su gtogs pa'i mthong ba'i lam blta bar bya'o/ /btsir ba ji lta ba de bzhin du zhi gnas kyi phyogs su gtogs pa'i mthong ba'i lam lta bar bya'o/ /rnag ji lta ba de bzhin du ni mthong bas spang bar bya ba'i bag la nyal du gtogs pa'i zag pa blta bar bya'o/ /rnam? dag ma sos ba ji lta ba de bzhin du bsgom pas spang bar bya ba'i zag pa bzhi dang bcas pas blta bar bya'o/ /phye mar gyi chang bu 'am rma glon pa'i rang snum bag can ji lta ba de bzhin du ni bsgom pa'i lam blta bar bya'o/ /de la so so'i skye bo 'dod pa'i khams sam/ gzugs kyi khams las 'dod chags dang bral bar byed pa gang yin pa de ni bsgom pa'i lam kho nas byed kyi de la mthor ba'i lam ni med do/ /'dod pa rnams las 'dod chags dang bral ba de'i 'dod pa'i 'dod chags dang gnod sems dang de dang mthun pa'i chos dang 'brel ba'i nga rgyal dang de dang mtshungs par ldan pa'i ma rig pa ni kun tu mi 'byung ba'i tshul gyis spang ba yin gyi/ 'jig tshogs la lta ba la sogs pa mthong bas spang bar bya ba dag ni de lta ma yin no/ /de dag kyang 'di na gnas pa lus 'di la gnas pa langs pa de la ni lan 'ga' kun tu 'byung bar 'gyur gyi gong mar skyes pa la ni mi 'byung ngo/ /de bzhin du so so'i skye bo gzugs kyi 'dod chags dang bral ba la khong khro ba ma gtogs pa/ de las gzhan pa'i nyon mongs pa rnams ci rigs par blta bar bya'o/ /snyoms par zhugs pa dang langs pa dang skyes pa rnams kyi rang gi sa pa'i mthong bas spang bar bya ba'i zag pa ni rkyen dang phrad na rtag pa kho nar kun tu 'byung ngo/ /de la gnas ngan len ni mdor bsdu na rnam pa gnyis te/ zag pa'i gnas ngan len dang zag pa dang bcas pa'i gnas ngan len to/ /de la dgra bcom pa la ni zag pa'i gnas ngan len gang yin pa de bsgom pas spang bar bya ba'i nyon mongs pa spangs pa'i phyir thams cad kyi thams cad tu bral ba ma yin no/ /de'ang bag la nyal dang bcas pa'i lus rnam par shes pa dang bcas pa la las su mi rung ba'i tshul gyis ngan par rnam par gnas pa nyid gang yin pa'o/ /zag pa dang bcas pa'i gnas ngan ni bag la nyal? spangs kyang sngon zag pas bskyed cing zag pas yongs su bsgos pa ste/ de dang 'dra ba'i las su mi rung ba'i tshul gyis ngan par gnas pa dang ngan par zhugs pa/ ches srab pa dang ches chung ba gang yin pa'o/ /zag pa dang bcas pa'i gnas ngan len de ni nyon mongs pa'i bag chags zhes bya ste/ de yang dgra bcom pa dang rang sangs rgyas kyis ni ma spangs kyi/ de bzhin gshegs pa nyag gcig gis spangs pa yin te/ de'i bag chags yang dag par bcom pa gang yin pa de ni sangs rgyas kyi chos ma 'dres pa zhes bya'o/ /de ni nyon mongs pa'i kun nas nyon mongs pa'i rab tu dbye ba rnam par gzhag pa rnam pa lnga zhes bya'o// bam po bcu gsum pa/ /bcom ldan 'das kyis kun rtog 'dod chags skyes bu'i 'dod pa yin zhes gang gsungs pa de la ci'i phyir nyon mongs pa'i 'dod pa 'ba' zhig 'dod pa'i sgrar bstan la/ dngos po'i 'dod pa ni ma yin zhe na/ smras pa/ nyon mongs pa'i 'dod pa rnams ni ngo bo nyid kyis kun nas nyon mongs pa can yin pa'i phyir ro/ /gzhan yang nyon mongs pa'i 'dod pa rnams kho nas dngos po'i 'dod par byed pa'i phyir ro/ /gzhan yang dngos po'i 'dod pas kun nas bslang ba kun nas nyon mongs pa'i nyes pa ni nyon mongs pa'i 'dod pas byas pa'i phyir te 'di lta ste dper na/ gang la la zhig gis kun tu rtog pa'i 'dod chags yongs su ma shes pas ma spangs par gyur na de dang por kho nar 'dod pa'i sred bas yongs su bsreg bar byed pa dang 'dod pa'i sred pas yongs su bsrag par 'dod pa yongs su tshol bar byed pa dang 'dod pa yongs su tshol bar byed pas lus dang sems yongs su ngal ba'i sdug bsngal nyams su myong bar 'gyur ba dang/ brtsal ba ma grub na ni kye ma bdag gi brtsal ba ni 'bras bu med do zhes ngal ba dang 'bras bu med ba'i sdug bsngal nyams su myong bar 'gyur ba dang/ grub na'ang kun tu bsrung ba'i gzhi'i phyir shin tu rtsol bar byed pa na kun tu bsrung ba'i sdug bsngal nyams su myong bar 'gyur ba dang/ yongs su longs spyod ba'i dus na'ang 'dod chags kyi mes yongs su bsreg cing nad nye bar ma zhi ba'i sdug bsngal nyams su myong bar 'gyur ba dang/ rgud par gyur ba ni yang mya ngan gyi sdug bsngal nyams su myong bar 'gyur ba dang/ rjes su dran pa na yang rnam par rtog pa'i sdug bsngal nyams su myong bar 'gyur ba dang/ de ltar rgyu des na lus dang ngag dang yid kyi nyes par spyod pa kun nas slong bar byed pa lta bu dang/ 'dod pa rnams yongs su spangs te/ rab tu byung ba ni 'dod pa rnams yongs su spangs nas kyang nyon mongs pa'i 'dod pa'i gzhi rnams yang len par byed de/ nyon mongs pa'i 'dod pa'i gzhi kho nas 'dod pa'i khams su skye ba dang/ rga ba dang/ na ba dang/ 'chi ba la sogs pa dang/ ngan song ba'i sdug bsngal mngon par 'grub par byed do/ /de ltar de lta bu dang mthun pa dag ni kun nas nyon mongs pa'i nyes pa yin te de'i rgyur gyur pa ni nyon mongs pa'i 'dod pa yin pas/ de'i phyir bcom ldan 'das kyis nyon mongs pa'i 'dod pa kho na 'dod pa'i sgras yongs su bstan gyi dngos po'i 'dod pa ni ma yin no/ /'dod pa'i 'dod chags skyed par byed pa'i kun tu rtog pa la rnam pa du yod ce na/ smras pa/ rnam pa brgyad yod de 'di lta ste/ zlog par byed pa dang/ sang par byed pa dang/ kun tu sbyong bar byed pa dang/ mtshan mar 'dzin par byed pa dang/ chags par byed pa dang/ rnam par 'dod pas byed pa dang nges par gnod par byed pa dang/ mchog tu chags par byed pa ste/ tshangs pas zhus pa'i mdo las/ zlog par byed dang sang byed dang/ /de bzhin kun tu sbyor byed dang/ /mtshan mar 'dzin byed chags byed dang/ /rnam par 'dod byed des gnod byed/ /de bzhin mchog tu chags byed ni/ /'dod pa'i 'dod chags skyed byed pa'i/ /kun tu rtog pa zhes bya ste/ /mkhas pas de dag yongs su spang zhes ji skad gsungs pa lta bu'o/ /de la zlog par byed pa ni dge pa la brtson pa'i sems kyi rgyud bzlog nas 'dod pa rnams la rtsol ba bskyed par byed pa gang yin pa'o/ /de sang par byed pa ni yul nye bar ma gyur cing mngon du ma gyur pa la 'dod pa'i 'dod chags kyis kun nas bkris pas kun tu 'ching bar byed pa gang yin pa'o// de la kun tu sbyor bar byed pa ni gang gis 'dod pa'i 'dod chags kyis kun nas bkris pa 'dod pa yongs su tshol bar byed pa'o/ /de la mtshan mar 'dzin par byed pa ni gang gis yul nye bar gyur cing mngon du gyur pa la mtshan mar 'dzin pa dang/ mngon brtags su 'dzin par byed pa'o/ /de la chags par byed pa ni yul nye bar gyur cing mngon du gyur pa la 'dod pa'i 'dod chags kyis kun nas bkris pas kun tu 'ching bar byed pa gang yin pa'o/ /de la rnam par 'dod par byed pa ni gang gis de ltar 'dod chags kyis kun nas dkris pa/ 'dod pa'i longs spyod rnam pa du ma mngon par 'dod par byed pa'o/ /de la nges par gnod par byed pa ni gang gis 'dod pa rnams yang dang yang du mngon par 'grub pa na gcig tu nges par yon tan du lta zhing nyes? dmigs su mi lta bar yongs su longs spyod pa'o/ /de la mchog tu chags par byed pa ni 'dod pa'i 'dod chags kyis kun nas bkris pa/ mthar thug pa dang mthar phyin pas kun nas 'ching bar byed pa gang yin pa'o/ /ci'i phyir 'dod pa na spyod pa pa'i nyon mongs pa thams cad las 'dod chags kho na 'dod pa'i mtshan nyid du yongs su bstan ce na/ smras pa/ rgyu gang kho nas sred pa kun 'byung ba'i bden pa'i mtshan nyid du yongs su bstan pa'i rgyu de nyid kyis 'di 'dra blta bar bya'o/ /de ci'i phyir kun tu rtog pa dang bcas pa'i 'dod chags 'dod pa'i mtshan nyid du yongs su bstan ce na/ smras pa/ 'dod chags sngon du gyur pa dang 'dod chags kun nas slong ba'i rgyu gang yin pa dang/ dngos po'i 'dod pa yongs su longs spyod pa'i rgyu gang yin pa de dag gcig tu bsdus nas kun tu rtag pa 'dod chags shes yongs su bstan to/ /gzhan yang rab tu byung ba 'dod pa spang ba 'dod pa'i kun tu rtog pa la kun tu rtog pa de dag kha cig gi kun tu rtog pa'ang 'dod pa'i mtshan nyid du yongs su bstan to/ /ci'i phyir sred pa kun 'byung ba'i bden pa'i mtshan nyid du yongs su bstan ce na/ smras pa/ rgyu gnyis kyi phyir te/ sred pa ni smon pa dang mi smon par byed pa nyid yin pa'i phyir dang/ khyab par 'jug pa nyid kyi phyir te 'di ltar lus dang longs spyod dag la smon pa la mngon du phyogs pa'i sred pa ni nye bar blang pa dang yongs su longs spyod pa'i phyir smon par yang byed do/ /mi smon par byed pa yang yin te/ de'i gnyen po dge ba la mi smon pa la mngon du phyogs pa ni de nye bar slang ba dang sbyor ba'i phyir mi smon par byed de de ltar smon pa dang mi smon pa las 'khor bar 'khor ba rgyun mi 'chad par 'gyur ro/ /de'i khyab par 'jug pa nyid kyang rnam pa gsum du rig par bya ste/ 'di lta ste gnas skabs la khyab pa ni tshor ba thams cad sgo lngas 'jug pa nyid kyi phyir te/ 'di lta ste/ phrad par mngon par dga' ba dang/ mi 'brel bar mngon par dga' ba dang/ mi phrad par mngon par dga' ba dang/ 'bral bar mngon par dga' ba dang/ rtag tu 'brel ba'i lus kun gzhi la chags pas so/ /dus la khyab pa ni 'di lta ste/ 'das pa la dmigs pa dang ma 'ongs pa la dmigs pa dang da ltar byung ba la dmigs pa'o/ /yul la khyab pa ni 'di lta ste/ tshe 'di pa dang/ tshe phyi ma pa'i lus la dmigs pa yul thob pa dang/ ma thob pa la dmigs pa'o/ /ci'i phyir 'dod chags dang bral ba dang zhe sdang dang bral ba dang gti mug dang bral bas sems 'dod chags dang bral par bya'o zhes gsungs la/ nyon mongs pa'i gzhi 'di lta ste/ gzugs dang/ tshor ba la sogs pa dag las ma yin zhe na/ smras pa/ de dag las 'dod chags dang bral na de dag las kyang 'dod chags dang bral bar 'gyur ba'i phyir ro/ /gzhan yang nyon mongs pa rnams ni kun nas nyon mongs pa dang bcas pa'i bdag nyid yin pas de'i phyir nyes pa mang ba'i phyir te 'di ltar gzhi las nyes pa gang la la 'byung bar 'gyur ba de dag thams cad ni nyon mongs pa las gyur pa yin par blta bar bya ste/ nyes pa de dag ni 'di lta ste/ phung po la mkhas pa'i skabs su mi dge ba'i nyes dmigs yongs su brtags pa sngar bstan pa bzhin du blta bar bya'o/ /gzhan yang bzlog par nus pa nyid kyi phyir te/ 'di ltar nyon mongs pa ni gzhi las bzlog par nus kyi gzhi ni thams cad kyi thams cad du mi nus pa kho na yin no/ /gzhan yang 'jig rten pa'i lam gyis mi sdug pa la sogs pa bsgoms pas dngos po sun phyung ste/ 'dod c hags dang bral ba'i sa la 'jug tu zin kyang 'di ltar de nyon mongs pa las sems rnam par ma grol ba'i phyir 'dod chags dang bral ba'i sa pa'i nyon mongs pa dang rjes su 'brel pa yin pas de'i phyir rnam grangs des kyang nyon mongs pa dang bral pa nyid kyis sems shin tu rnam par grol ba yin gyi gzhi'i 'dod chags dang bral bas ni ma yin no/ /skabs 'di'i rnam par gtan la dbab pa'i gzhung lhag ma ni mi snang ngo/ /ci'i phyir med sde dag las dang 'dzin pa dang/ nga yid 'dzin pa dang/ nga'o snyam pa'i nga rgyal dang/ mngon par zhen pa dang/ bag la nyal rnams de las gzhan pa'i nyon mongs pa dag las logs shig tu bkar te kun nas nyon mongs pa'i phyogs su yongs su bstan ce na smras pa/ rgyu gsum gyis te/ ngar 'dzin pa dang/ nga yir 'dzin pa gnyis ni log par bsgrub pa la mngon par phyogs pa nyid yin pa'i phyir te/ 'di ltar 'jig tshogs la lta ba la brten te de'i rtsa ba las byung ba'i lta ba'i rnam pa drug cu rtsa gnyis kun tu dmigs na thar pa 'dod kyang thar pa log par bsgrub par 'gyur pa'i phyir ro/ /nga'o snyam pa'i nga rgyal dang mngon par zhen pa gnyis ni yang dag par sgrub pa la mi phyogs pa nyid yin pa'i phyir te/ 'di ltar nga'o snyam pa'i nga rgyal mngon par zhen pa gnyis la brten nas/ chos 'dul ba 'di la dge ba'i bshes gnyen du gyur pa sangs rgyas dang sangs rgyas kyi nyan thos rnams dang/ skyes bu dam pa rnams kyi drung du mi 'gro zhing dge ba gang yin med dge ba gang yin zhes yongs su zhu bar mi byed yongs su 'dri bar mi byed la/ de dag 'ongs te dris na'ang bdag nyid ji lta ba bzhin du smra bar mi byed pa'i phyir ro/ /bag la nyal gcig pu ni khyad par thob pa las ltung ba nyid yin pa'i phyir te/ 'di ltar srid pa'i rtse mo'i bar du thob kyang sa 'og ma pa bag la nyal dang ldan yang phyir ltung zhing phyir ldog pa'i phyir ro/ /rnam grangs gzhan yang shes bya rab tu rtog par bya ba dang spong ba mngon du bya ba la gegs su gyur pa'i chos ni gnyis te/ log par bsgrub pa'i rgyu dang sdug bsngal skye ba'i rgyu'o/ /de log par bsgrub pa'i rgyu ni lta ba'i rnam pa drug cu rtsa gnyis po dag te/ de dag mngon par zhen na sems can rnams la/ lus dang ngag dang yid kyis log par sgrub par 'gyur ba'i phyir ro/ /sdug bsngal skye ba'i rgyu ni bag la nyal ma spangs pa'o/ /chos de gnyis kyi rgyu yang rnam pa gnyis te/ log par bsgrub pa'i chos kyi rgyu'i rgyu ni ngar 'dzin pa dang/ nga yir 'dzin pa'i rnam pa 'jig tshogs la lta ba'o/ /sdug bsngal skye ba'i rgyu'i rgyu ni nga'o snyam pa'i nga rgyal gyis dang po dang tha ma gnyis su mi bsgrub pa ste/ de la dang por ni mi nyan pa dang yang dag par mi bsgrub pa'i phyir ro/ /tha mar ni mngon pa'i nga rgyal byed ba'i phyir ro/ /rnam grangs gzhin yang leg par gsungs pa'i chos 'dul ba la mchog dang/ gtso bo dang/ rab dang/ rab mchog dang/ gya nom pa dang/ 'di las phyi rol pa rnams dang/ thun mong ma yin pa'i chos bzhi yang des bzhi gang zhe na/ bden pa rab tu rnam par 'byed pa dang/ rang gi tshangs pa mtshungs par spyod pa dag la yang dag par dga' bar byed pa'i chos rnams dang/ phas kyi rgol pa dag la zhe sdang med pa dang/ dag pa rnams las phyir mi ldog pa'o/ /nyes par bshad pa'i chos 'dul ba la ni de dag dang mi mthun pa'i chos bzhi yod de/ ngar 'dzin pa dang nga 'ir 'dzin pa'i rnam pa 'jig tshogs la lta ba dang/ nga'o snyam pa'i nga rgyal dang 'di bden no snyam du mngon par zhen cing mchog tu 'dzin pa dang bag la nyal ma spangs pa ste/ des na srid pa'i rtse mor skyes kyang yang phyir ldog par 'gyur ro/ /gzhan yang mngon par zhen pa na gnyis yod de/ dbang po dang yul la mngon par zhen pa dang/ sems can gcig la gcig mngon par zhen pa'o/ /de la dbang po dang yul la mngon par zhen pa ni ngar 'dzin pa dang nga 'ir 'dzin pa gnyis kyis blta bar bya'o/ /sems can gcig la gcig mngon par zhen pa ni nga'o snyam pa'i nga rgyal gyis blta bar bya ste/ bdag na tshe'o snyam pa la sogs pa'i rnam pa dag gis so/ /sred pa sdug bsngal gyi rgyu yin na ci'i phyir bcom ldan 'das kyis bdun pa'ang sdug bsngal gyi rgyu nyid du yongs su bstan ce na/ smras pa/ tshe 'di'i sdug bsngal gyi rgyu nyid yin pa'i phyir te/ 'di ltar sems can gang dag la 'dun pa 'am 'dod chags sam byams par gyur pa de dag rnam par gyur tam gzhan du gyur pa las mya ngan la sogs pa skye ba'i phyir ro/ /ci'i phyir sgrib pa lnga po dag rus sbal gyi sgrar gsungs shes na/ smras pa/ rnal 'byor yid la byed ba sgom pa'i mi mthun pa'i phyogs kyis yan lag lnga yod par chos mthun pa'i phyir ro/ /ci'i phyir khro ba sdig pa'i sgrar gsungs she na/ smras pa/ bka' blo ma bde ba dang tshig mi bzod pa nyid kyi dbang du byas nas gdams ngag dang rjes su bstan pa thob pa'i mi mthun pa'i phyogs kyi de dang rang bzhin 'dra ba nyid kyi phyir ro/ /ci'i phyir phrag dog dang ser sna dgu'i sgrar gsungs she na/ smras pa/ yang dag par dga' bar 'gyur pa'i chos kyi mi mthun pa'i phyogs kyi rnyed pa dang bkur sti 'dod pa'i gnas la kun tu spyod pa nyid kyi phyir ro/ /ci'i phyir 'dod pa rnams btsong? sha'i sgrar gsungs she na/ smras pa/ dge ba'i chos rnams rtag tu bsgom pa'i mi mthun pa'i phyogs kyi bdag po dang 'brel par yongs su grub pa ma yin pa nyid kyi phyir ro/ /ci'i phyir ma rig pa spre'u mjug rings kyis sgrar gsungs she na/ smras pa/ thos pa las byung ba'i shes pa mi mthun pa'i phyogs kyis de dang rang bzhin 'dra ba nyid kyi phyir ro/ /ci'i phyir som? nyi lam kha brag gi sgrar gsungs she na/ smras pa/ bsams pa las byung ba'i shes pa'i mi mthun pa'i phyogs kyis de dang rang bzhin 'dra ba nyid kyi phyir ro/ /ci'i phyir nga'o snyam pa'i nga rgyal khor yug gi sgrar gsungs she na/ smras pa/ bsgom pa las byung ba'i shes pa'i mi mthun pa'i phyogs kyis de dang rang bzhin 'dra ba nyid kyi phyir ro/ /ci'i phyir de las gzhan pa'i nyon mongs pa nyes par spyod pa kun nas slong bar byed pa dag kyang yod bzhin du chags pa dang zhe sdang dang/ gti mug kho na logs shig tu bkar te mi dge ba'i rtsa ba nyid du rnam par gzhag ce na/ smras pa/ mdor bsdu na/ las kyi rgyu rnam pa gsum yod pa'i phyir te/ zang zing gi rgyu'i phyir dang/ gzhan la gnod pa byed pa'i rgyu'i phyir dang/ log pa'i chos rnam par gzhag pa la mngon par zhen pa'i rgyu yin pa'i phyir te/ rgyu de dag la chags pa la sogs pa de dag gis zhen pa ci rigs par sbyar ro/ /bar sdom ni/ 'dod dang sred dang 'dod chags bral/ /ngar 'dzin la sogs de bzhin te/ /'dun dang ru sbal la sogs dang/ /de bzhin chags sogs gzhan yin no/ /'dod chags la sogs pa nyon mongs pa bcu po gang dag yin pa de dag las du ni las kun nas slong bar byed pa yin du ni ma yin zhe zhe na/ smras pa/ thams cad kyang las kun nas slong bar byed pa yin te/ ngan 'gror 'gro bar 'gyur pa'i las ni zil gyis gnon pa kun tu spyod pa'i nyon mongs pas kun nas slong bar byed de/ brjed ngas pa kun tu spyod pas kyang ma yin kun brtags pa dang/ rang bzhin pas kyang ma yin no/ /nyon mongs pa mtshan nyid dus brjod par bya zhe na/ smras pa/ mdor bsdu na mtshan nyid gsum gyis te/ rang gi mtshan nyid dang/ sri'i? mtshon ci dang/ bye brag gi mtshan nyid kyis so/ de la rang gi mtshan nyid ni 'dod chags la mgas? pa'i so so'i ngo bo nyid du gtogs pa yin par bya'o/ /de la spyi'i mtshan nyid ni bye brag med par thams cad kyang rab tu ma zhi ba'i mtshan nyid gang yin pa'o/ /de la bye brag gi mtshan nyid 'di lta ste/ rnam grangs gang gis bye brag gi mtshan nyid dang / 'jug pa'i bye brag gi mtshan nyid do/ /de la rnam grangs kyi bye brag gi mtshan nyid ni 'di lta ste kun tu sbyor ba dang 'ching ba dang bag la nyal dang nye ba'i nyon mongs pa dang kun nas bkris pa la sogs pa ste sa'i dngos gzhir bstan pa bzhin no/ /de la 'jug pa'i bye brag gi mtshan nyid ni 'di lta ste/ bag la nyal gyi 'jug pa dang/ dmigs pa'i 'jug pa dang kun tu 'byung ba'i 'jug pa dang/ rnam pa rab tu dbye ba'i 'jug pa dang/ stobs dang ldan pa dang stobs dang ldan pa ma yin pa'i 'jug pa dang/ rgyu dang 'bras bu'i 'jug pa dang/ log par bsgrub pa'i 'jug pa las blta bar bya'o/ /de la bag la nyal gyis 'jug pa'i mtshan nyid ni mdor bsdu na rnam pa bco brgyad du rig par bya ste/ 'di lta ste/ rang gi yul gyi rjes su song ba'i bag la nyal dang/ gzhan gyi rjes su song ba dang/ nyams pa dang/ ma nyams pa dang/ bag la nyal dang bag la nyal ma yin pa dang/ mdza' dag dang/ ma tshang ba dang/ yang dag par gzhom tu rung ba dang/ yang dag par gzhom du mi rung ba dang/ lhag pa dang/ mnyam pa dang/ stobs chung ba dang/ sad pa dang/ ma sad pa dang/ sdug bsngal mang po bskyed pa dang/ sdug bsngal nyung ngu bskyed pa dang/ sdug bsngal mi bskyed pa'o/ /de la rang gi yul gyi rjes su song ba ni khams gsum po dag na rang gis par gtogs pa gang yin pa'o/ /de la gzhan gyi rjes su song ba ni 'og ma 'am gong mar skyed pa 'og ma'am gong ma'i sa pa'i nyon mongs pa'i sa bon dang ldan pa gang yin pa'o/ de la nyib? pa ni 'jig rten pa'i 'dod chags dang bral ba'i sa 'og ma pa gang yin pa'o/ /de la ma nyams pa ni 'dod chags dang bral pa'am/ 'dod chags dang ma bral ba'i rang gis pa gang yin pa'o/ /de la bag la nyal ba ni rang gis pa gang yin pa'o/ /de la bag la nyal ma yin pa ni gzhan gyis pa gang yin pa'o/ /de la mdza' dag ni so so'i skye bo rnams kyi gang yin pa'o/ /de la ma tshang ba ni so so'i skye bo ma yin pa slob pa rnams kyi gang yin pa'o/ /de la yang dag par gzhom du rung ba ni yongs su mya ngan las 'das pa'i chos can rnams kyi gang yin pa'o/ de la yang dag par gzhom tu mi rung ba na yongs su mya ngan las mi 'da' ba' i chos can rnams kyi gang yin pa'o/ /de la lhag ma ni 'dod chags la sogs pa spyod pa rnams kyi gang yin pa'o/ /de la mnyam pa mi cha mnyam par spyad pa rnams kyi gang yin pa'o/ /de la stobs chung ba ni 'di lta ste/ nyon mongs pa chung ba rnams kyi gang yin pa'o/ /de la sad pa ni kun nas bkris pa'i 'bras bu can te kun nas bkris pa can du 'byung ba gang yin pa'o/ /de la ma sad pa ni kun dkris pa med par rjes su 'brel pa'i gang yin pa'o/ /de la sdug bsngal mang po bskyed pa ni 'dod pa na spyod pa gang yin pa'o/ /de la sdug bsngal nyung ngu bskyed pa ni gzugs dang gzugs med pa na spyod pa gang yin pa'o/ /de la sdug bsngal mi skyed pa ni dbang thob pa'i byang chub sems dpa' rnams kyi gang yin pa'o/ /gnas ngan len gyi lus dang gnas ngan len gyi bdag nyid bag? la nyal zhes gang gsungs pa de la/ ci nyon mongs pa'i phyogs dang mthun pa'i gnas ngan len de 'du byed de dag las gzhan du brjod par bya ba lam gzhan ma yin par brjod par bya zhe na/ smras pa/ gzhan du brjod par bya'o/ /de ci'i phyir zhe na/ 'di ltar nyon mongs pa'i phyogs dang mthun pa gnas ngan len yang dag par bcom pa'i dgra bcom pa rnams kyis 'du byed kyi rgyun rnam par ma chad pa'i phyir ro/ /gnas ngan len du zhig gis gnas ngan len bsdus she na/ smras pa/ rnam pa bco brgyad kyis te/ 'di lta ste/ rang bzhin gyis rnam par smin pa'i gnas ngan len dang rang bzhin gyis nyon mongs pa'i gnas ngan len dang/ rang bzhin gyis las kyi gnas ngan len dang/ nyon mongs pa'i sgrib pa'i gnas ngan len dang/ las kyi sgrib pa'i gnas ngan len dang/ rnam par smin pa'i sgrib pa'i gnas ngan len dang/ sgrib pa'i gnas ngan len dang legs par rtogs pa ma yin pa'i gnas ngan len dang/ mya ngan gyi gnas ngan len dang/ 'jigs pa'i gnas ngan len dang/ ngal ba'i gnas ngan len dang/ zas kyi gnas ngan len dang/ gnyid kyi gnas ngan len dang/ 'khrig pa'i gnas ngan len dang/ khams ma snyoms pa'i gnas ngan len dang/ na tshod 'gyur ba'i gnas ngan len dang/ 'chi ba'i gnas ngan len dang/ gzhan yang thams cad du 'gro ba'i gnas ngan len te de ni snga ma bzhin du blta bar bya'o/ /des la dmigs pa'i 'dug pa dang/ kun tu 'byung ba'i 'jug pa ni rang gi gnas su brjod par bya'o/ /rnam pa rab tu dbye ba'i 'jug pa ni 'di lta ste/ phung po la mkhas pa'i skabs su sngar bstan pa bzhin du blta bar bya'o/ /stobs dang ldan pa dang/ stobs dang ldan pa ma yin pa'i 'jug pa yang 'di lta ste/ sa'i dngos gzhir sngar bstan pa kho na bzhin du blta bar bya'o/ /de la rgyu dang 'bras bu'i 'jug pa ni 'di lta ste/ nyon mongs pa yang nyon mongs pa'i rgyu las byung ba yin la las kyang nyon mongs pa'i rgyu las byung ba yin/ skye ba yang nyon mongs pa'i rgyu las byung ba yin no/ /'bras buAng de bzhin du ci rigs par blta bar bya ste/ de la nyon mongs pa gang dag yin pa de dag las/ kha cig mi dge ba 'dod pa na spyod pa rnams ni rnam par smin pa dang bcas pa yin no/ /de las gzhan pa rnams ni rnam par smin pa med pa yin no/ /de la log par sgrub pa'i 'jug pa ni sa'i dngos gzhir mdor bstan pa las rnam pa bdun bshad pa ste/ de'i rab tu dbye ba gang zhe na/ de la 'jig tshogs la lta ba dang mthar 'dzin par lta ba dang log par lta ba ni shes bya log par rtogs pas 'phags pa'i bden pa bzhi po dag la log par zhugs pa yin no/ /ma rig pa ni de ma rtogs pa las so/ /the tshom ni de rtogs pa dang ma rtogs pa las so/ /lta ba mchog tu 'dzin pa dang/ tshul khrims dang/ brtul zhugs mchog tu 'dzin pa dang 'dod chags la sogs pa lta ba la dmigs pa mthong bas spang bar bya ba gang dag yin pa de dag thams cad log par rtogs pa la mngon par zhen pas/ log par zhugs pa yin te/ de dag thams cad kyang sdug bsngal gyi bden pa dang kun 'byung ba'i bden pa la ni de'i rgyu'i gzhi'i gnas las log par zhugs pa yin no/ /de dag thams cad kyang 'gog pa'i bden pa dang lam gyi bden pa la ni des skrag par kun tu skye ba las log par zhugs pa yin no/ /de dag thams cad las rang bzhin gang dag yin/ /de dag ni bsgom pa'i las la rang bzhin du kun tu spyod pa las log par zhugs pa yin no/ /de la sngar 'dul ba'i dbang du nyon mongs pa rnams kyi mi mthun pa'i phyogs dang gnyen po shin tu rags pa bstan pa ni 'di lta ste/ 'dul ba rnams nyon mongs pa dag la log par bsgrub pa sna tshogs kyi nyes pa khong du chud pa bskyed par bya ba'i phyir nyon mongs pa rnams kyi log par sgrub par rnam par gzhag pa yongs su bsun pa yin gyi/ 'dir ni nyon mongs pa rnams kyi log par bsgrub pa rnam par gzhag pa shin tu cha phra ba'i rnam pa ji lta ba bzhin du dbye bas yongs su bstan to/ /nyon mongs pa de dag las du ni gzhi dang bcas pa yin la du ni gzhi med pa yin zhe na/ smras pa/ lta ba rnams dang nga rgyal ni gzhi med pa yin te/ de dag ni 'du byed rnams la bdag med bzhin du yongs su brtags nas 'jug pa'i phyir/ 'dod chags dang khong khro ba ni gzhi dang bcas pa yin no/ /ma rig pa dang the tshom ni gnyi gar rig par bya'o/ /nyon mongs pa de dag las du ni bde ba'i dbang po dang mtshungs par ldan pa yin la du ni btang snyoms kyi dbang po'i bar dag dang mtshungs par ldan pa yin zhe na/ smras pa/ gang dag rang bzhin gyis nyon mongs pa yin pa de dag thams cad ni tshor ba gsum po dag la gang gi phyir dmigs shing kun tu spyod par byed pa de'i phyir rnam par shes pa'i tshogs thams cad dang ldan pa gang dag yin pa de dag ni dbang po thams cad dang mtshungs par ldan pa yin no/ /rnam par shes pa'i tshogs thams cad dang mi ldan pa gang dag yin pa de dag ni yid las byung ba'i dbang po thams cad dang mtshungs par ldan pa yin no/ /rang bzhin pa gang dag yin pa de dag gi mtshungs par ldan pa ni ci rigs par brjod par bya ste/ 'dod chags ni lan 'ga' bde ba dang yid bde ba dag dang mtshungs par ldan par byed la/ lan 'ga' ni sdug bsngal ba dang/ yid mi bde ba dag dang ngo/ /lan 'ga' ni btang snyoms dang mtshungs par ldan par byed do/ /de ji lta bu zhe na/ smras pa/ 'di ltar 'di na la la bde ba'i tshor ba dang phrad par skad pa 'am mi 'bral bar sred pa mdor du byas shing gnas te/ de ltar gyur pa de bde ba'i tshor ba dang ma phrad cing phrad par ma gyur la/ gral zhing ldan par ma gyur pa dang sdug bsngal gyi tshod pa dang me phrad par sred pa dang 'bral bar sred pa mngon du byas shing gnas te/ de ltar gyur pa de sdug bsngal gyi tshor ba dang phrad cing ma phrad par ma gyur la/ ma bral zhing bral bar ma gyur pa de ltar na 'dod chags ni lan 'ga' sdug bsngal dang yid mi bde ba dag dang mtshungs par ldan par byed pa yin no/ /de las bzlog par las ni bde ba dang yid bde ba dang mtshungs par ldan pa yin par rig par bya'o/ /'dod chags sdug bsngal yang ma yin bde ba'ang ma yin pa'i gnas skabs la ro myang ba las ni btang snyoms kyi dbang po dang mtshungs par ldan par rig par bya'o/ /khong khro ba ni lan 'ga' sdug bsngal dang yid mi bde bdag dang mtshungs par ldan par byed pa la lan 'gal ni bde ba dang yid bde ba dag mtshungs par ldan par byed do/ /de ji lta bu yin zhe na/ smras pa/ 'di ltar 'di na kha cig bdag nyid kyi lus la sdug bsngal gyis gnod pa'am sems la gnod pa'i zhe 'gras pa'i sems dang ldan par gyur nas bdag nyid kyi sdug bsngal gyi gnas skabs de nyid yid la byed dam/ 'du byed mi 'dod pa dag gam sems can mi 'dod pa dag gam chos mi 'dod pa dag la zhe 'gras ba dang ldan pa'i sems yid la byed pa de lta na/ khong khro ba sdug bsngal dang yid mi bde ba dag dang mtshungs par ldan par byed pa yin no/ /'di ltar 'di na kha cig dgrar gyur pa'i sems can mi 'dod pa rnams la zhe 'gras pa'i sems dang ldan pa ni sdug bsngal bar 'gyur ram ma gyur pa yid la byed pa dang bde bar mi 'gyur ba dang rgud pa yid la byed pa de lta na khong khro ba bde ba dang yid bde ba dag dang mtshungs par ldan par byed pa yin no/ /'jig tshogs la lta ba dang mthang 'dzin par lta ba ni bde ba dang ldan pa'i phung po rnams la/ bdag gam bdag gi dang rtag par yang dag par rjes su mthong ba las ni yid bde ba'i dbang po dang mtshungs par ldan par byed do/ /sdug bsngal ba dang ldan pa'i phung po rnams la bdag gam bdag gi dang rtag par yang dag par rjes su mthong ba las ni yid mi bde ba'i dbang po dang mtshungs par ldan par byed do/ /btang snyoms dang ldan pa'i phung po rnams la bdag gam bdag gi dang rtag par yang dag par rjes su mthong ba las ni btang snyoms kyi dbang po dang mtshungs par ldan par byed de/ /chad par lta bas bsdus pa'i mthar 'dzin par lta ba ni de las bzlog pa las rig par bya'o/ /lta ba mchog tu 'dzin pa dang tshul khrims dang brtul zhugs mchog tu 'dzin pa ni lta ba de dag mchog tu 'dzin pa las de bzhin du mtshungs par ldan par ci rigs par rig par bya'o/ /log par lta ba ni legs par bya ba byed pa rnams kyi gang yin pa de ni yid mi bde ba dang mtshungs par ldan pa yin par rig par bya'o/ /nyes par bya ba byed pa rnams kyi gang yin pa de ni yid bde ba mtshungs par ldan pa yin par rig par bya'o/ /nga rgyal ni lan 'ga' yid bde ba dang mtshungs par ldan par bye ba la lan 'ga' ni yid mi bde ba dang mtshungs par ldan par byed do/ /de ji lta bu zhe na/ smras pa/ nga rgyal ni mdor bsdu na rnam pa gnyis te/ khengs pa'i nga rgyal dang/ 'dud pa'i brgyal lo/ /de la khengs pa'i nga rgyal ni khengs pa rnam pa gsum gyis rig par bya ste/ khengs pa rnam pa gsum gang zhe na/ 'di lta ste/ yongs su 'jal bas khengs pa dang/ srid pas khengs pa dang/ rnyed pa dang/ bkur stis khengs pa'o/ /de la khengs pa'i nga rgyal ni yid bde ba dang mtshungs par ldan par byed do/ /'dud pa'i nga rgyal ni de las bzlog pa ste/ yid mi bde ba dang mtshungs par ldan par byed do/ /the tshom ni rnyed pa'am bkur sti 'am/ grags pa 'am bstod pa 'am bde ba'am bde 'gro la nges pa rnams la gzhan dag gis the tshom bskyed pa na yid mi bde ba dang mtshungs par ldan par byed do/ /rnyed pa med pa 'am bkur sti med pa 'am grags pa med pa 'am smad pa 'am sdug bsngal ba 'am/ ngan 'gro la nges pa rnams la gzhan dag gis the tshom bskyed pa ni yid bde ba dang mtshungs par ldan par byed do/ /ma rig pa ni snga chad dang mtshungs par ldan par byed do/ /mtshungs par ldan pa nye bar spyad pa'i dpe lhag ma rnams ni mi snang ngo/ / de la sngar ni ma 'tshol bar bya ba'i phyir nyon mongs pa rnams dang/ dbang po'i mtshungs par ldan pa'i tshul che long rnam par gzhag pa yin gyi 'dir ni rang gi dang gzhan gyi rgyud rnam pa sna tshogs kyi 'jug pa rab tu dbye ba'i phyir tshul zhib mos rnam par gzhag pa yin no/ /nyon mongs pa'i ris ni mdor bsdu na gsum po 'di dag yin te/ 'dod pa dang ldan pa dang gzugs dang ldan pa dang gzugs med pa dang ldan pa'o/ /nyon mongs pa'i ris gsum po de dag las du ni mi dge ba yin du ni lung du ma bstan pa yin zhe na/ smras pa/ de dag las dang po kha cig ni mi dge ba yin no/ /gnyis ni lung du ma bstan pa yin no/ /mi dge ba gang yin pa de ni rnam par smin pa dang bcas pa yang yin par blta bar bya'o/ /du ni bdag nyid mang po yin la du ni bdag nyid nga nyung ngu yin zhe na/ smras pa/ dang po ni bdag nyid mang po yin no/ /lhag ma dag ni de lta ma yin no/ /bdag nyid mang po dang bdag nyid nyung ngu ji lta ba bzhin du shas che ba dang yun ring ba dang nyon mongs pa can gyi rang bzhin dang/ shas tshe ba dang yun ring ba dang nyon mongs pa can gyi rang bzhin ma yin pa dang/ phyir bltas pa'i kun nas nyon mongs pa kun nas slong par byed pa dang/ nang du bltas pas kun nas nyon mongs pa kun nas slong bar byed pa dang/ nyes par spyod pa kun nas slong bar byed pa dang/ nyes par spyod pa kun nas slong bar byed pa ma yin pa dang/ sdug bsngal mang po bskyed par byed pa dang/ sdug bsngal nyung ngu bskyed par byed pa dang/ kha na ma tho ba chen po dang bcas pa dang/ kha na ma tho ba chung ngu dang bcas pa dang/ bul bar 'dod chags dang bral ba dang/ myur du 'dod chags dang bral ba dang/ 'dod chags dang ma bral bas rab tu phye ba dang/ 'dod chags par bral pas rab tu phye ba dang/ ting nge 'dzin dang mi mthun pa dang/ ting nge 'dzin dang mi mthun pa med pa dang/ rnam pa du mar skye ba des pa dang/ rnam pa gcig tu skye bar nges pa rnams kyang de bzhin du rig par bya'o/ /bar sdom ni/ mang dang nyon mongs can dang ni/ /spyod dang sdug bsngal nyid dang spang/ /kha na ma tho bul 'bral dang/ /ting nge 'dzin dang skye ba'o/ /nyon mongs pa rnams ji lta ba ni spong bar 'gyur/ /ji tsam gyis na nyon mongs pa rnams spang par brjod par bya/ /nyon mongs pa gang las ni spang bar bya/ /ci nyon mongs pa cig chang ram 'on te rims kyis spang bar bya/ go rims gang gis ni nyon mongs pa spangs par bya/ nyon mongs pa spong ba la rnam pa ni du yod/ nyon mongs pa spangs pa'i rtags ni gang dag yin/ nyon mongs pa spang ba'i phan yon ni gang zhe na/ smras pa/ tshogs yang dag par bsgrubs pa dang sbyor ba'i sa la zhugs pa dang mthong ba'i sa thob pa dang/ bsgom pa'i sa yongs su 'dris pas ni nyon mongs pa spang bar bya'o/ /mthar thug pa'i sa thob pa las ni nyon mongs pa spang par brjod par bya'o/ /rnam grangs gzhan yang rnal 'byor rnam pa bzhi bsdom pas ni nyon mongs pa spang bar bya'o/ /legs par bsgoms pas ni spang bar brjod par bya'o/ /rnal 'byor rnam pa bzhi ni 'di lta ste/ nyan thos kyi sar bstan pa bzhin no/ /rnam grangs gzhan yang sems kyi rgyud yongs su smin pa dang rjes su mthun pa'i gdams ngag dang so so'i rang gi tshul bzhin yid la byed pa dang gnyen po skyed pas ni nyon mongs pa spang bar bya'o/ /gnyen po mthar thug par gyur pa nyid kyis ni spangs par brjod par bya'o/ /rnam grangs gzhan yang nyon mongs pa'i gzhi yongs su shes pa dang/ nyon mongs pa'i ngo bo nyid yongs su shes pa dang/ nyon mongs pa'i nyes dmigs yongs su shes pa dang/ byung ba dang du mi len pa dang/ gnyen po yongs su 'dzin pa ni nyon mongs pa spang bar bya'o/ /gnyen po bskyed pas ni spangs pa brjod par bya'o/ /rnam grangs gzhan yang zhi gnas pa goms pa dang lhag mthong ba goms pas ni nyon mongs pa spang bar bya'o/ /mtshan ma'i 'ching ba las nges par grol ba dang gnas ngan len gyi 'ching ba las nges par grol bas ni spangs par brjod par bya ste/ bcom ldan 'das kyis ji skad du/ skye ba bo yis zhi gnas dang/ lhag mthong goms par byas na ni/ /gnas ngan len gyi 'ching ba dang/ /mtshan ma'i 'ching las grol bar 'gyur zhes gsungs pa lta bu'o/ /rnam grangs gzhan yang dmigs pa yongs su shes pa dang/ dmigs pa la mngon par dga' bas ni nyon mongs pa spang bar bya'o/ / gnas 'gag pa dang gnas gyur pas ni spangs par brjod par bya'o/ /nyon mongs pas ni mtshungs par ldan pa dang dmigs pa las spang bar bya ste/ 'di ltar gnyen pa skyes na nyon mongs pa mi skye zhing mi skye ba'i chos can duAng 'gyur pas mtshungs par ldan pa de las spangs pa yin no/ /mtshungs par ldan pa las spangs na dmigs par mi byed pas dmigs pa de las kyang spangs pa yin no/ /nyon mongs pa ni cig char spong bar rig par bya'i rim gyis ni ma yin no/ /de ci'i phyir zhe na/ 'di ltar mngon par rtogs pa'i shes pa bden pa rtogs pas mthong bas spang bar bya ba'i nyon mongs pa rnams spong bar 'gyur la/ mngon par rtogs pa de'ang bden pa 'dren ma la dmigs pa'i yid la byed pa dang mtshungs par ldan pa yin pas/ de'i phyir sems gsum gyis mthong bas spang bar bya ba'i nyon mongs pa sdug bsngal la sogs pa la log par zhugs pa thams cad cig car spong bar 'gyur ba'i phyir ro/ /bsgom pas spang bar bya ba rnams ni rim gyis spong bar rig par bya ste/ lam goms pas spang bar bya ba yin pa'i phyir ro/ / dang por ni 'di lta ste/ khyim na gnas pas mi dge ba'i las kyi mdza' rnams dang sdig pa can gyi lta ba spang bar bya'o/ /de'i 'og tu rab tu byung ba la mngon par dga' ba'i gegs su 'gyur pa 'dod pa'i rnam par rtog pa dang gnod sems kyi rnam par rtog pa dang/ rnam par 'tsho ba'i rnam par rtog pa spang par bya'o/ /de'i 'og tu sems mnyam par gzhag pa'i ting nge 'dzin gyi gegs su gyur pa nye du'i rnam par rtog pa dang yul gyi rnam par rtog pa dang mi 'chi ba'i rnam par rtog pa spang bar bya'o/ /de'i 'og tu yid la byed pa 'thob pa'i gegs su gyur pa dben pa la mngon par mi dga' ba'i phyogs dang mthun pa lus kyi gnas ngan len spang bar bya'o/ /de'i 'og tu mthong bas spang par bya ba'i nyon mongs pa spang bar bya'o/ /de'i 'og tu bsgom pas spang bar bya ba'o/ /de'i 'og tu sdug bsngal dang yid mi bde ba dang 'bral pa'o/ /de'i 'og tu bde ba dang yid bde ba dang 'brel pa'o/ /de'i 'og tu btang snyoms dang 'brel pa'o/ /de'i 'og tu snyoms par 'jug pa la sgrib pa'i phyogs dang mthun pa'i sgrib pa spang bar bya'o/ /de'i 'og tu de dag las gang zag kha cig gis ni shes bya'i sgrib pa'i phyogs dang mthun pa'i sgrib pa spang par bya ste/ de ltar go rims des nyon mongs pa spang bar bya'o/ /nyon mongs pa spong ba la rnam pa ni mang du yod par blta bar bya'o/ /de yang mdor bsdu na rnam pa gnyis te/ kun nas dkris pa spong pa dang/ bag la nyal spong ba'o/ /de la kun nas dkris pa spong ba dang 'dod chags spong ba dang zhe sdang spong ba dang the tshom gyi bar du spong ba dang 'jig tshogs la lta ba spong ba dang log par lta ba'i bar du spong ba dang/ sdug bsngal mthong pas spang par bya ba spong ba dang/ bsgom pas spang par bya ba'i bar du spong ba dang/ 'dod pa ldan pa spong ba dang gzugs med pa dang ldan pa'i bar du spong ba dang/ rnam par g.yeng ba spong ba dang gzhan 'debs pa'i spong pa dang/ rtse 'dzil bar byed pa'i spong ba dang/ rnam par gnon pa'i spong ba dang/ 'bral ba'i spong ba'o/ /de la 'bral ba'i spong ba gang yin pa de ni bag la nyal la nyal spong ba yin par blta bar bya'o/ /de la nyon mongs pa spangs pa ni kun tu chags par 'gyur ba'i chos dman ba 'am gya nom pa phrad pa 'am lkog na 'dug pa dag la/ shas chad? lta zhing dpyod bar byed kyang kun tu chags par mi 'gyur ro// ji ltar kun tu chags par 'gyur ba'i chos rnams la kun tu tshogs bar mi 'gyur pa de bzhin du zhe sdang bar 'gyur ba'i chos rnams la yang zhe sdang bar mi 'gyur la/ kun tu rmongs par 'gyur ba'i chos rnams la yang kun tu rmongs par mi 'gyur ro/ /de bzhin du mig gis gzugs rnams mthong na yid bde par yang mi 'gyur la/ yid bde bar yang mi 'gyur bar dran pa dang shes bzhin gyis btang snyoms su gnas par 'gyur ro/ /ji ltar mig gis gzugs rnams mthong ba bzhin du yid kyis chos rnams mthong ba'i bar du yang de bzhin no/ /de bzhin du rang bzhin gyis 'dod ba chung ba yin te mchog tu yongs su grub pa'i 'dod pa chung ba nyid dang ldan pa yin no/ /ji ltar 'dod pa chung ba bzhin du chog shes pa dang rab tu dben ba dang brtson 'grus brtsams pa dang/ dran pa nye bar gnas pa dang mnyam par gzhag ba dang/ shes rab dang ldan pa 'ang de bzhin no/ /rang bzhin gyis spros pa med pa la dga' ba yin te/ spros pa la so sor brtags nas sems 'dug bar byed de de ltar de lta bu dang mthun pa dag ni nyon mongs pa spangs pa'i rtags rnams yin par rig par bya'o/ /nyon mongs pa spangs pa'i phan yon ni mang du yod par rig par bya ste/ 'di lta ste/ sdug bsngal dang yid mi bde ba las rnam par 'das ba rjes su thob pa yin/ bde ba dang yang bde ba las rnam par 'das pa rjes su thob pa yin/ gzugs dang thogs pa dang sna tshogs kyi 'du shes las rnam par 'das pa rjes su thob pa yin/ ngan song ba'i sdug bsngal las yang dag par 'das pa rjes su thob pa yin/ skye ba la sogs pa'i sdug bsngal las yang dag par 'das pa'i rjes su thob pa yin/ dbugs phyin ba rjes su thob pa yin/ mchog tu dbugs phyin pa rjes su thob pa yin/ bsil ba'i dngos po thob pa yin/ mchog tu bsil ba'i dngos po rjes su thob pa yin/ tshe 'di la bde bar gnas pa'i mchog thob pa dang rang gi sems la dbang bsgyur ba dang ji ltar 'dod pa bzhin du rgyu zhing gnas pa dang yang phyir mi ldog pa'i chos can dang bdag gi don mdza' dag yongs su rdzogs pa dang bya ba thams cad la ched du btsal mi dgos pa yin no/ /de dag las kha cig ni gzhan la phan pa dang skye bo mang po la phan pa dang/ skye bo mang po la bde ba dang/ 'jig rten la snying brtse ba dang lha dang mi rnams kyi don dang phan pa dang bde ba'i phyir zhugs pa yang yin te de ltar de lta bu dang mthun pa dag ni nyon mongs pa rnams spangs pa'i phan yon mang po dag yin par rig par bya'o/ /nyon mongs pa rnams kyi dmigs pa gang yin/ de ni mdor bsdu na rnam pa bco lngar rig par bya ste/ mdza' dag la dmigs pa ni 'di lta ste/ 'jig tshogs la lta ba la sogs pa'i'o/ /phyogs gcig la dmigs pa ni 'di lta ste/ 'dod chags dang khong khro ba dang nga rgyal rnams kyi'o/ /gzhi dang bcas pa la dmigs pa ni 'di lta ste/ gzhi dang bcas pa'i nyon mongs pa rnams kyi'o/ /gzhi med pa la dmigs pa ni 'di lta ste/ gzhi med pa la dmigs pa'i nyon mongs pa rnams kyi'o/ /nang la dmigs pa ni 'di lta ste mnyam par gzhag pa dang mnyam par ma gzhag pa ma yin pa'i sa pa'i nyon mongs pa skye mched drug la dmigs pa rnams kyi'o/ / phyi rol la dmigs pa ni 'di lta ste 'dod pa'i yon tan lnga la dmigs pa'i nyon mongs pa rnams kyi'o/ /mngon sum la dmigs pa ni 'di lta ste/ de ltar la dmigs pa nyon mongs pa rnams kyi'o/ /lkog la dmigs pa ni 'di lta ste 'das pa dang ma 'ongs pa la dmigs pa'i nyon mongs pa rnams kyi'o/ /rang gi rigs la dmigs pa ni 'di lta ste/ rang gi rigs dang mthun pa'i nyon mongs pa la dmigs pa kho na'i nyon mongs pa rnams kyi'o/ /de las gzhan pa'i rigs la dmigs pa ni 'di lta ste/ gzhan gyi rigs dang mthun pa'i nyon mongs pa la dmigs pa kho na'i nyon mongs pa rnams kyi dang/ 'jig tshogs la lta ba la sogs pa nyon mongs pa'i gzhi la dmigs pa'i nyon mongs pa rnams kyi'o/ /'byung ba la dmigs pa ni 'di lta ste/ yang 'byung ba'i srid pa la dmigs pa'i nyon mongs pa rnams kyi'o/ /'drig pa la dmigs pa ni 'di lta ste/ chad ba dang 'jig pa la dmigs pa'i nyon mongs pa rnams kyi'o/ /rang gi yul la dmigs pa ni 'di lta ste/ 'dod pa'i khams ni 'dod pa na spyod pa'i nyon mongs pa rnams kyi'o/ /gzugs kyi khams dang gzugs med pa'i khams ni gzugs dang gzugs med ba na spyod pa'i nyon mongs pa rnams kyi'o/ /gzhan gyi yul la dmigs pa ni 'di lta ste/ gzugs kyi khams ni 'dod pa na spyod pa'i nyon mongs pa rnams kyi'o/ /gzugs med pa'i khams ni gzugs na spyod pa'i nyon mongs pa rnams kyi'o/ /de bzhin du sa 'og ma ni sa gong ma'i nyon mongs pa rnams kyi ste/ 'di ltar sa gong mar skyes pa rnams ni sa 'og ma ba'i sems can rnams bas bdag nyid rtag pa dang brtan pa dang bde ba dang/ gtsang pa dang/ yon tan khyad par du 'phags pa dang ldan no snyam du rlom sems byed ba'i phyir ro/ /yul ma yin pa la dmigs pa ni 'di lta ste/ yongs su brtags nas 'gog pa dang lam dang nges yongs su brtags pa'i sangs rgyas kyi chos rgya chen po thams cad la dmigs pa'i nyon mongs pa rnams kyi'o/ /nyon mongs pa rnams kyi kun tu 'byung ba gang zhe na/ smras pa/ de ni gang zag rnam pa nyi shu'i rnam pa nyi shu rkyen rnam pa nyi shus blta bar bya'o/ /gang zag rnam pa nyi shu gang zhe na/ smras pa/ khyim pa dang/ rab tu byung ba dang/ nyes par bshad pa'i chos can dang/ legs par gsungs pa'i chos can dang nyon mongs pa shes cher spang pa dang/ cha mnyam par spyad ba dang/ nyon mongs pa chung pa dang/ 'jig rten pa'i 'dod chags dang bral ba dang/ 'dod chags dang ma bral ba dang/ /gzhi mthong ba dang/ gzhi ma mthong ba dang/ mngon par zhen pa dang/ mngon par ma zhen pa dang/ spyod pa dang/ gnyid log pa dang/ sad pa dang/ gzhon nu dang/ dbang po yongs su smin pa dang/ yongs su mya ngan las 'da' ba' i chos can dang/ yongs su mya ngan las mi 'da' ba' i chos can no/ /nyon mongs pa kun tu 'byung ba rnam pa nyi shu gang zhe na/ smras pa/ 'dod cing khas blangs pa'i kun nas dkris pa kun tu 'byung ba dang/ 'dod cing khas blangs pa ma yin pa'i kun nas dkris pa kun tu 'byung ba dang/ so so yang dag par ma rig pa'i nyon mongs pa kun tu 'byung ba dang/ so sor yang dag par rig pa'i nyon mongs pa kun tu 'byung ba dang/ nyon mongs pa rigs pa kun tu 'byung ba dang/ nyon mongs pa mnyam pa kun tu 'byung ba dang/ nyon mongs pa cha phra ba kun tu 'byung ba dang/ nyon mongs pa nang du bltas pa kun tu 'byung ba dang/ nyon mongs pa phyir bltas pa kun tu 'byung ba dang/ /brjed ngas pa'i nyon mongs pa kun tu 'byung ba dang/ zil gyis gnon pa'i nyon mongs pa kun tu 'byung ba dang/ kun brtags pa'i nyon mongs pa kun tu 'byung ba dang/ rang bzhin gyi nyon mongs ba kun tu 'byung ba dang/ yongs su tshol ba'i nyon mongs pa kun tu 'byung ba dang/ rang dbang med pa'i nyon mongs pa kun tu 'byung ba dang/ rang dbang can gyi nyon mongs pa kun tu 'byung ba dang/ gzhi la mi gnas pa'i nyon mongs pa kun tu 'byung ba dang/ gzhi la gnas pa'i nyon mongs pa kun tu 'byung ba dang/ bsgrub tu rung ba'i nyon mongs pa kun tu 'byung ba dang/ bsgrub tu mi rung ba'i nyon mongs pa kun tu 'byung ba'i rkyen rnam pa nyi shu gang zhe na/ smras pa/ bde ba'i rkyen dang/ sdug bsngal gyi rkyen dang/ sdug bsngal yang ma yin bde ba yang ma yin pa'i rkyen dang/ 'dun pa'i rkyen dang/ rnam par rtog pa'i rkyen dang reg pa'i rkyen dang/ bag la nyal gyi rkyen dang/ sngon goms pa'i rkyen dang dam pa ma yin pa dang 'grogs pa'i rkyen dang/ dam pa ma yin pa'i chos thos pa'i rkyen dang/ tshul bzhin ma yin pa yid la byed pa'i rkyen dang/ ma dad pa'i rkyen dang/ le lo'i rkyen dang/ brjed ngas pa'i rkyen dang/ rnam par g.yeng ba'i rkyen dang/ shes rab 'chal pa'i rkyen dang/ bag med pa'i rkyen dang/ nyon mongs pa'i rkyen dang/ 'dod chags dang ma bral ba nyid kyi rkyen dang/ so so'i skye bo nyid kyi rkyen gyis nyon mongs pa kun tu 'byung bar 'gyur ro/ /khams dang gang dang gang du lus gang dang gang nying mtshams sbyor bar byed pa dang/ ci khams thams cad kyi nyon mongs pa thams cad kyi nying mtshams sbyor bar brjod par bya ba 'am 'on te ma tshang ba dag gis she na/ smras pa/ thams cad kyis yin gyis ma tshang ba dag gis ni ma yin no/ /de ci'i phyir zhe na/ 'di ltar 'dod chags dang ma bral ba ni rang gi skye ba'i gnas su skye bar 'gyur gyi 'dod chags dang bral ba ni ma yin te/ 'dod chags dang ma bral ba'i lus ni gzhan du lus gzhan skye ba'i rgyur gyur pa gang yin pa'i nyon mongs pa'i phyogs dang mthun pa'i gnas ngan len thams cad dang rjes su 'brel pa'i phyir te/ rnam grangs nges na nyon mongs pa thams cad kyis nying mtshams sbyor bar rig par bya'o/ /gzhan yang skye ba na lus la sred pa'ang? kun tu 'byung la bud med skyes pa la 'dod chags dang/ khong khro ba 'am kun tu 'byung ci bud med ngam skyes pa 'di bdag dang lhan cig 'grogs par 'gyur ram 'on te mi 'gyur snyam du the tshom med kun tu 'byung/ nang dang phyi rol pa dang 'dzin pa dang nga yir 'dzin pa dang nga'o snyam pa'i nga rgyal la sogs pa yang kun tu 'byung ba'i phyir te/ rnam grangs des kyang nyon mongs pa thams cad kyi nying mtshams sbyor bar rig par bya'o/ /gzhan yang nying mtshams sbyor ba ni/ mdor bsdu na bdun yod de/ kun nas dkris pa dang bag la nyal gyis nying mtshams sbyor ba ni 'di lta ste/ so so'i skye bo rnams kyi'o/ /bag la nyal gyis nying mtshams sbyor ba ni 'di lta ste/ gzhi mthong ba rnams kyi'o/ /shes bzhin du 'jug pas nying mtshams sbyor ba ni 'di lta ste/ 'khor los sgyur? ba rnams kyi'o/ /shes bzhin du 'jug cing gnas pas nying mtshams sbyor ba ni 'di lta ste/ rang sangs rgyas rnams kyi'o/ /thams cad du brjod pa med pas nying mtshams sbyor ba ni 'di lta ste/ byang chub sems dpa' rnams kyi'o/ /lam mngon par 'du byed bas nying mtshams sbyor ba ni 'di lta ste/ byang chub sems dpa' i nying mtshams sbyor ba ma gtogs pa rnams kyi'o/ /ye shes mngon par 'du byed pas nying mtshams sbyor ba ni 'di lta ste/ byang chub sems dpa' rnams kyi'o/ /gnod pa dang ldan pas nying mtshams sbyor ba ni 'di lta ste las mngon par 'du byed pas nying mtshams sbyor ba de nyid do/ /don dang ldan pas nying mtshams sbyor ba de nyid do/ /don dang ldan pas nying mtshams sbyor ba ni 'di lta ste/ ye shes mngon par 'du byed pas nying mtshams sbyor ba de nyid de de dag bsdus na nying mtshams sbyor ba bdun nam dgur 'gyur ro/ /gzhi de dag thams cad la tshig gong ma dang sbyor ba dang tshig 'og ma dang sbyar ba rnam par gtan la dbab pa'i tshul gyis mu bzhir bcad pa'i gzhung ni mi snang ngo/ /sdom ni/ las dang mtshan nyid gzhi dang ni/ /bde dang mi dge la sogs dang/ /spong dang dmigs dang kun 'byung dang/ /nying mtshams sbyor ba tha ma yin// //bam po bcu bzhi pa/ /las kyi kun nas nyon mongs pa'i rab tu dbye ba ni rnam pa lngas rnam par bzhag te/ las kyi lam gyi dngos kyi bsdus pa'i lus kyi las dang ngag gi las dang yid kyi las dang de dag nyid kyi sbyor bas bsdus pa'i las dang mjug gis bsdus pa'i las kyis so/ /de la mi dge ba'i las kyi lam ji skad bstan pa rnams chi dngos kyis bsdus pa'i mi dge ba'i lus kyi las dang ngag gi las dang yid kyi las zhes bya'o/ /srog gcod pa la sogs pa mi dge ba'i las kyi lam de dag gi rang gi mtshan nyid rnam par gzhag pa gang zhe na/ nyon mongs pa can gyi sems dang de'i bsam pas de nyid la las de kun tu spyad cing yongs su rdzogs pa ni/ srog gcod pa la sogs pa'i las kyi lam de dag thams cad kyi rang gi mtshan nyid bsdus pa yin par blta bar bya'o/ /de la nyon mongs pa can gyi sems ni chags shing chags pas zil gyis gnon pa dang sdang zhing sdang bas zil gyis gnon pa dang rmongs shing rmongs pas zil gyis non pa'o/ /gal te nyon mongs pa can gyi sems yod kyang de'i bsam pas kun tu ma spyad na/ yongs su rdzogs par byas kyang las kyi lam du gtogs pa'i las de yongs su rdzogs pa ma yin no/ /gal te nyon mongs pa can gyi sems kyang yod la de'i bsam pa'ang yod mod kyi sems phyin ci log gis dngos po gzhan kho na zhig la kun tu spyad na mthar thug par gyur tu zin kyang de ltar na las de yongs su rdzogs pa ma yin no/ /gal te nyon mongs pa can gyi sems kyang yod la de'i bsam pa'ang yod mod kyi kun tu ma spyad cing mthar thug bar ma gyur na/ de ltar na'ang las de yongs su rdzogs pa ma yin no/ /gal te nyon mongs pa can gyi sems kyang yod de'i bsam pa'ang yod la de nyid la yang kun tu sbyar mod kyi mthar thug par ma gyur na de lta na'ang pas de yongs su rdzogs pa ma yin pa'o/ /gal te nyon mongs pa can gyi sems kyang yod de'i bsam pa'ang yod la de nyid la'ang kun tu spyad pa mthar thug par yang gyur na de lta na de'i mi dge ba'i las kyi lam du gtogs pa'i las de yongs su rdzogs pa yin te de ltar rang gi mtshan nyid bstan pa des/ mi dge ba'i las kyi lam thams cad kyi rang gi mtshan nyid rjes su rtogs par bya'o// las kyi lam bcu po dag gi ngo bo nyid kyi rab tu dbye ba rgyas pa ni rnam pa lngas rnam par bzhag par blta bar bya ste/ rnam pa lnga gang zhe na/ 'di lta ste/ gzhi dang 'du shes dang/ bsam pa dang/ nyon mongs pa dang mdza' o/ /de la bzhi ni las kyi lam so so dag la so sor nges par blta bar bya ste/ de la brten nas sems can du bgrang ba 'am sems can du bgrang ba ma yin pa'i gzhi res mi dge ba bcu'i las kyi lam rnams ci rigs par 'byung ngo/ /'du shes ni rnam pa bzhir blta bar bya ste/ de la der 'du shes pa dang/ de ma yin pa la der 'du shes pa dang/ de la de ma yin par 'du shes pa dang/ de ma yin pa la de ma yin par 'du shes pa'o/ /de la bsam pa zhes bya ba ni 'du shes phyin ci log gam 'du shes phyin ci ma log pa'i byed 'dod pa nyid gang yin pa'o/ /de la nyon mongs pa ni 'di dag yin te/ 'di lta ste/ chags pa 'am zhe sdang ngam gti mug gam/ chags pa dang zhe sdang ngam chags pa dang gti mug gam zhe sdang dang gti mug gam chags pa dang zhe sdang dang gti mug thams cad do/ /de la mdza' ni 'di yin te 'di lta ste/ mngon par 'dod pa'i las de nyid kyi de dang 'brel pa'i sbyor bas dus de nyid kyi tshe 'am dus de'i 'og tu yongs su rdzogs par gyur pa ste/ de ltar na rnam pa lnga po de dag gis srog gcod pa la sogs pa log par lta ba'i mthar thug pa'i bar gyi las kyi lam bcu po der ba thams cad kyi ngo bo nyid rnam par bzhag pa rgya cher yongs su rdzogs par ci rigs par rig par bya'o/ /srog gcod pa'i gzhi ni srog dang ldan pa'i sems can no/ /gal te gsod bar byed pa de srog chags de la srog chags yin pa'i 'du shes kyang yod la/ srog chags gang gsad par 'dod pa la der 'du shes pa'ang yod pa de ni de la de'i 'du shes phyin ci ma log pa zhes bya'o/ /de 'du shes de la brten te 'di gsang par bya'o snyam du sems mngon par 'du byed pa de ni de'i gsod pa'i bsam pa yin no/ /de chags pas zil gyis non tam zhe sdang gis zil gyis non tam gti mug gis zil gyis non tam/ de dag las gnyid kyis non tam thams cad kyis zil gyis non nas de ltar sems mngon par 'du byed pa de ni de'i nyon mongs pa yin no/ /de bsam pa de dang de ltar nyon mongs pa can gyi sems kyis rang ngam gzhan dag gi gsad ba'i sbyor ba rtsom zhing mtshon gyis 'debs par byed la/ gal te bab ma thag kho nar sbyor ba des shi bar gyur na dus de nyid kyi tshe de'i las kyi lam yongs su rdzogs pas mthar thug pa yin par blta bar bya'o/ /gal te dus de nyid kyi tshe ma shi bar sbyor ba des dus gzhan gyi tshe na shi bar gyur na'ang dus gang gi tshe na shi bar gyur ba de'i tshe na mthar thug par rig par bya'o/ /ji ltar rnam pa lnga po de dag gi las kyi lam re re bstan pa'i gzhung ni mi snang ngo/ /ma byin pa len pa'i gzhi ni gzhan gyis yongs su bzung ba'o/ /'du shes ni de la der 'du shes pa'o/ /bsam pa ni 'phrog par 'dod pa nyid do/ /nyon mongs pa ni gsum po gang yang rung ba'o/ /mdza' ni gnas gzhan du spos pa'o/ /'dod pa la log par g.yem pa'i gzhi ni 'jug par bya ba ma yin pa'i bud med dang 'jug par bya ba yin na'ang/ yan lag ma yin pa dang gnas ma yin pa dang/ dus ma yin pa dag tu tshod ma yin pa dang mi rigs par byed pa dang/ skyes pa thams cad dang ma ning ngo/ /'du shes ni de la der 'du shes pa'o/ /bsam pa ni 'gro ba dong? pa'o/ /nyon mongs pa ni gsum po gang yang rung ba'o/ /mdza' ni gnyis kyis gnyis sprad pa'o/ /brdzun du smra ba'i gzhi ni mthong ba dang thos pa dang bye brag gi phyed pa dang rnam par shes pa dang ma mthong ba dang/ ma thos pa dang/ bye brag ma byed pa dang/ rnam par ma shes pa'o/ /'du shes mi mthong ba la sogs pa la bzlog par 'du shes pa'o/ /bsam pa ni 'du shes bsgyur te smra bar 'dod pa nyid do/ /nyon mongs pa ni chags pa dang/ zhe sdang dang/ gti mug gang yang rung ba'o/ /mdza' ni 'khor dang phas 'dri ba la go bar byas pa'o/ /phra ma'i gzhi ni sems can mthun pa dang mi mthus pa rnams so/ /'du shes ni gnyi ga la mthun pa dang/ mi mthun pa gang yang rung bar 'du shes pa'o/ /bsam pa ni dbye ba dang/ mi 'dun par 'dod pa nyid do/ /nyon mongs pa ni gsum po gang yang rung ba'o/ /mdza' ni dbye bar bya bas rnam par rig pa'o/ /ngag? rtsub po'i gzhi ni kun nas mnar sems kyi rgyur gyur pa'i sems can rnams so/ /'du shes ni de dag la der 'du shes pa'o/ /bsam pa ni ngag rtsub bor smra bar 'dod pa nyid do/ /nyon mongs pa ni gsum po gang yang rung ba'o/ /mdza' ni de ngag rtsub pos smras pa'o/ /tshig? khyal pa'i gzhi ni don med pa dang ldan pa'i don to/ /'du shes ni de la der 'du shes pa'o/ /bsam pa ni smra bar 'dod pa nyid do/ /nyon mongs pa ni gsum po gang yang rung ba'o/ /mdza' ni smras pa'o/ /brnab sems kyi gzhi ni gzhan gyi nor dang yo byad do/ /'du shes ni de la der 'du shes pa'o/ /bsam pa ni de ltar 'dod pa'o/ /nyon mongs pa ni gsum po gang yang rung ba'o/ /mdza' ni de la bdag gir bya bar nges pa'o/ /gnod sems kyi gzhi dang 'du shes ni ngag rtsub po'i ji lta ba bzhin no/ /bsam pa ni bsnun pa la sogs par 'dod pa nyid do/ /nyon mongs pa ni gsum po gang yang rung ba'o/ /mdza' ni bsnun pa la sogs pas nges pa'o/ /log par lta ba'i gzhi ni yod pa'i don to/ /'du shes ni bden pa yin par 'du shes pa'o/ /bsam pa ni de ltar 'dod pa'o/ /nyon mongs pa ni gsum po gang yang rung ba'o/ /mdza' ni skur pa gdab par nges pa'o/ /de la srog gcod pa ni rnam pa gsum ste/ kha na ma tho ba dang bcas pa rgyas pa las byung ba dang/ kha na ma tho ba dang bcas pa rgyas pa ma yin pa las byung ba dang/ kha na ma tho ba med pa'o/ /kha na ma tho ba bskyed pa'i rgyu ni gsum ni/ nyon mongs pa bskyed pa dang/ sdug bsngal bskyed pa dang/ 'dod pa yongs su rdzogs pa'o/ /de la dang po la ni rgyu gsum char yod par blta bar bya'o/ /gnyis pa la ni gnyis te/ 'dod pa yongs su rdzogs pa med do/ /gsum pa la ni gcig ste/ sdug bsngal bskyed pa kho na'o/ /de la brnab sems dang/ gnod sems dang/ yog par lta ba rnams kyi ngo bo nyid kyi mtshan nyid yongs su rdzogs pa ni rnam pa lngas rnam par bzhag par blta bar bya ste/ lnga gang zhe na/ 'di lta ste/ rang gi longs spyod dag la lhag par chags pa'i sems dang ldan ba dang/ 'di lta ste/ longs spyod sogs par 'dod pas brkam chags kyi sems dang ldan pa dang/ 'di lta ste/ gzhan gyi nor dang yo byad la sogs pa la bzad pa las yongs su rtog cing ro myang bar byed pas chums pa'i sems dang ldan pa dang/ 'di lta ste/ gzhan dag gi gang yin pa de bdag gir gyur cig snyam du sems mngon par 'du byed pas 'khu ba'i sems dang ldan pa dang/ 'di lta ste/ brnab sems kyi kun nas dkris pa des ngo tsha ba med pa dang nyes dmigs las nges par 'byung ba mi shes pas zil gyis non pa'i sems dang ldan pa yin te/ de la gal te ngang gi longs spyod dag la lhag par chags pa'i sems dang ldan yang/ de las gzhan pa'i sems dag mi snang ni/ de'i yid kyi nyes par spyod pa brnab sems kyi mtshan nyid yongs su rdzogs pa ma yin par blta bar bya'o/ /de bzhin du lhag par chags pa'i sems dang yang ldan la/ brkam chags kyi sems dang yang ldan mod kyi/ de las gzhan pa'i sems dag mi snang na/ brnab sems kyi mtshan nyid yongs su rdzogs pa ma yin no/ /de bzhin du rgya cher ji skad bstan pa'i rnam pa dag las rnam pa gang yang rung ba zhig ma tshang na brnab sems kyi mtshan nyid yongs su rdzogs pa ma yin par blta bar bya'o/ /yan lag thams cad kyis yongs su zin na ni brnab sems kyi mtshan nyid yongs su rdzogs pa yin no// de la gnod sems kyi rang gi mtshan nyid yongs su rdzogs pa yang rnam pa lnga kho nas rnam par gzhag par blta bar bya ste/ lnga gang zhe na/ gnod par byed pa'i rgyu la de dang mthun pa'i chos mtshan mar 'dzin pas zhe sdang gi sems dang ldan pa dang/ gnod pa byed pa mi bzod pas mi bzod pa'i sems dang ldan pa dang/ yang dang yang du tshul bzhin ma yin pa yid la byed pa rjes su dran pas kho na du 'dzin pa'i sems dang ldan pa dang/ kye ma sems can 'di dag brdegs sam gsad na ci ma rung snyam du rgya cher sems mngon par 'du byed pas 'khu ba'i sems dang ldan pa dang/ snga ma lta bu zil gyis non pa'i sems dang ldan pa yin te/ rnam pa lnga po de dag las gang yang rung ba zhig ma chad na gnod sems kyi mtshan nyid yongs su rdzogs pa ma yin la/ tshang bas ni yongs su rdzogs pa yin par blta bar bya'o/ /de la log par lta ba'i mtshan nyid yongs su rdzogs pa yang rnam pa lnga kho nas rnam par gzhag par blta bar bya ste/ lnga gang zhe na/ shes bya yang dag pa ji lta ba bzhin du yongs su mi shes pas rmongs pa'i sems dang ldan pa dang/ sdig pa'i bya ba la dga' bas drag shul gyi sems dang ldan pa dang/ tshul bzhin ma yin pa'i chos la rnam par rtog cing nges par rtog pas log pa'i rgyun tu zhugs pa'i sems dang ldan pa dang/ byin pa dang/ mchod sbyin dang/ sbyin srel dang/ legs par spyad pa la sogs pa med do/ /zhes skur pa 'debs pas rab tu nyams pa'i sems dang ldan pa dang/ log par lta ba'i kun nas dkris pa nges ngo tsha ba med pa dang/ nyes dmigs la nges par 'byung ba mi shes pas zil gyis non pa'i sems dang ldan pa yin te/ rnam pa lnga po de dag las kyang gang yang rung ba zhig ma tshang na log par lta ba'i mtshan nyid yongs su rdzogs pa ma yin la/ tshang bas ni yongs su rdzogs pa yin par blta bar bya'o// de la lag pas srog chags gsod na yang bsad pa yin par brjod par bya'o/ /bong ba 'am dbyug pa 'am mtshon cha 'am bcing ba 'am/ gor rar gzhug pa 'am/ zas bcad pa 'am/ gzhu ba'am/ gnod par byas pa'am/ brdeg pa 'am/ tha na gsang sngags sam/ sman rnams sam/ gshed byed dam byad dam/ ro langs dang ro langs byed la sogs pas gsod na yang bsad pa yin par brjod par bya'o/ /zang zing la sogs pa 'dod pas gsod na yang bsad pa yin par brjod par bya'o/ /gnod pa byed du dogs pa 'am/ sha glan par 'dod pa 'am/ chos 'dod pa 'am/ tha na dga' ba dang/ rtsed mo'i phyir gsod na yang bsad pa yin par brjod par bya'o/ /rang gi gsod dam/ gzhan dag gsod du bcug kyang rung/ bsad na srog gcod pa byas pa yin par brjod par bya'o/ /de la ngo mthan du gzhan gyi nor phrogs na yang ma byin par blangs pa yin par brjod par bya'o/ /'jab bus rku 'am/ khyim phug gam/ mdud pa bkrol lam/ lam bkag ste ril gyis 'phrog gam/ bu lon la dor byed dam/ gtams pa la dor byed dam/ g.yo dang sgyus bring de 'phrog gam/ 'jigs pa bstan nam/ gzhan gyi g.yo thabs kyis sam/ dbang du byas nas/ rang gis 'phrog gam/ gzhan dag 'phrog tu bcug na yang/ ma byin par blangs pa yin par brjod par bya'o/ /bdag gi don du 'phrog gam/ gzhan gyi don du 'phrog gam/ 'jigs pas 'phrog gam/ bsad pa'i don nam/ bcing ba'i don nam/ gnod par bya ba'i don nam/ longs spyod kyi don nam/ bsnyen bkur gyi don nam/ phrag dog gi rang bzhin nam/ zhe sdang gis 'phrog na yang/ thams cad ma byin par blangs pa yin par brjod par bya'o/ /de la 'jug par bya ba ma yin par 'jug na 'dod pa la log par g.yem pa yin par brjod par bya'o/ /yan lag ma yin par 'jug pa dang/ dus ma yin par 'jug pa dang/ gnas ma yin par 'jug pa na yang 'dod pa la log par g.yem pa yin par brjod par bya'o/ /de lam la sogs pa dang/ mas bsrungs pa la sogs pa mdo las ji skad gsungs pa rnams ni 'jug par bya bam yin pa zhes bya'o/ /skyes pa thams cad de rang gi ngang/ gzhan gyi yang 'jug par bya ba ma yin pa zhes bya'o/ /de la mngal gyi sgom gtogs pa de las gzhan pa'i yan lag rnams ni yan lag ma yin pa zhes bya'o/ /zla mtshan 'dzag pa dang/ zla ba tshang ba dang/ nu zho 'dzag pa dang/ gso spyong? la gnas pa dang/ nad ji lta bus thebs na 'khrig pa spyad du mi rung ba'i nad kyi thebs pa dang/ de'i tshod las lhag pa ni dus ma yin pa zhes bya'o/ /de la tshod ni 'di yin te lam lnga'i bar du byed pa ni tshod yin no/ /de las lhag pa ni tshod ma yin no/ /de la bla ma lta bu rnams kyi nya 'khor? dang/ mchod rten gyi gnas rnams dang/ skye bo mang ba'i mngon sum dang/ gang du de la gnod bar 'gyur ba'i sa phyogs 'bar 'bum can nam/ sa ba 'am/ de lta bu dang mthun pa'i gnas dag ni gnas ma yin pa zhes bya'o// de la rang 'gro na yang 'dod pa la log par g.yem pa yin par brjod par bya'o/ /gzhan dag la smyan byed du 'tshel na yang 'dod pa la log par g.yem pa yin par brjod par bya'o/ /ngo 'thon du 'gro ba 'am/ 'jab? bur 'gro 'am/ g.yo dang sgyu brid? de 'gro'am/ yid brtan te 'gro na lang 'dod pa log par g.yem pa yin par brjod par bya'o/ /de la bdag nyid kyi phyir brdzun smra na yang brdzun du smra ba yin par brjod par bya'o/ /gzhan gyi phyir ram 'jigs ba'i phyir ram/ zang zing chung zad tsam gyi phyir ma mthong bar/ /mthong ngo zhes smra 'am/ ma thos pa dang bye brag ma phyed pa dang/ rnam par ma shes par rnam par shes so zhes smra 'am/ mthong ba la ma mthong ngo zhes smra 'am/ thos pa dang bye brag phyed ba dang/ rnam par ga shes par rnam par ma shes so zhes smra na yang brdzun du smra ba yin par brjod par ba'o/ /yi ge'i zur gyis bsgyur cing smra 'am/ cang mi smra bas de'i don dang du len tam/ lus bsgyur ba'i mtshan mas ston bar byed dam/ mngon sum nyid du smra 'am/ gzhan dag smar pa? nug? na yang brdzun du smra ba yin par brjod par bya'o/ /dbye ba'i phyir gzhan la mi bsngags pa/ rjod pa'i tshig bden pa rjod par byed na phra ma yin par brjod par bya'o/ /mi bden pas snyan tshig gi sbyor ba la brten te gzhan dag la gnod pa bya ba'i phyir sgrogs sam/ nye bar sbyin pa la brten tam/ bsnyen bkur las brten tam/ bdag gi don gyi phyir ram/ gzhan dag gi don gyi phyir ram/ gzhan gyi lce rtan gyis dbyen gyi yon tan bstan tam/ tha na 'jig pa bstan te/ dbye ba'i phyir rang ngam/ gzhan dag tshig tu brjod du bcug na yang phra ma yin par brjod par bya'o/ /mngon sum du tshig rtsub po brjod par byed na ngag rtsub po yin par brjod par bya'o/ /lkog gam skye bo mang po'i mngon sum 'am/ dben par bden pa'i skyon gyi rjes su 'brang ba 'am/ mi bden pa'i skyon gyi rjes su 'brang ba yi ge'i zur gyis bsgyur bas sam/ rnar gshugs pas sam/ bdag nyid kyi lce rten gyis sam/ gzhan gyi lce rten gyis rgod pa 'am/ ma zhi ba 'am/ rigs kyi skyon las brten tam/ lus kyi skyon las brten tam/ bya ba'am tshul khrims sam/ kun tu spyod pa'i skyon las bten te/ rang ngam gzhan dag tshig rtsub po brjod du bcug na yang ngag rtsub po yin bar brjod par bya'o/ /bro gar las brten pa'i glu len na tshig kyal pa yin par brjod par bya'o/ /sil snyan la brten pa 'am/ de gnyi ga las brten pa 'am/ de gnyi ga las ma brtan pa'i glu len tam/ 'di las phyi rol pa'i bstan bcos don dang mi ldan pa de dag la dga' ba'i blos lung 'phrog gam/ kun chub par byed dam/? rgyas par dbyangs gyis kha ton byed dam/ gzhan dag la rgya cher yang dag par ston na yang tshig kyal ba yin par brjod par bya'o/ /thab mo dang/ 'tshang? 'bru ba dang/ rtsod pa dang/ 'gyed pa las brten te tshig brjod par byed dam/ 'du 'dzi'i gtam la dga' zhing rgyal po'i gtam zer ram/ rkun po'i gtam zer ram/ rgyas par yul gyi gtam 'am/ blon po chen po'i gtam gyi bar ram/ brdzun gyi tshig smra 'am/ phra ma'i tshig smra 'am/ ngag rtsub po smra 'am/ tha na rnam par ma brtags pa 'am kun tu ma brtags pa'i tshig don med pa brjod na yang tshig kyal pa yin par brjod par bya'o/ /tshig khyal pha ni gzhi bdun dang ldan ba yin te/ thab mo dang/ ma tshang 'bru ba dang/ rtsod pa dang/ 'gyed pa dang/ bram ze'i gsang sngags rnams dang/ nyam thag cing smra ba dang/ bgad pa dang rtses pa dang/ dga' par byas pa dang dga' dgur spyad pa smra ba dang/ 'du 'ji'i gtam smra ba dang/ ra? ro ba dang/ smyos pa lta bur smra ba dang/ log pa'i 'tsho bas smra ba'o/ khyim gyi rje dpon la 'dod ba'i rnam par skyed par byed pa/ kye ma khyim gyi rje dpon gang yin pa de bdag gi bran g.yog tu gyur cing ci 'dod pa bzhin du byang rung bar gyur na ci ma rung snyam pa ni ba? rno ba sems yin par brjod par bya'o/ /khyim gyi rje dpon de nyid kyi pha ma 'am/ bu 'am/ chung ma 'am/ bran? nam/ bran mo 'am/ las byed pa 'am/ zho shas 'tsho ba 'am/ rgyas par yongs su bzung ba'i dngos po bdun na mi/ zas la sogs pa lus kyi yo byad bcu po dag la yang de bzhin du rig bar bya'o/ /kye ma bdag la gzhan dag 'dod pa chung ba yin par yid ches par bya'o snyam du 'dod pa rnam pa bskyed par byed na yang brna ba sems yin par brjod par bya'o/ /'dod pa chung ba ji lta ba bzhin du cho? ga shes pa dang rab tu dben pa dang/ brtson 'grus brtsams pa dang/ dran pa nye bar gnas pa dang/ mnyam par gzhag pa dang/ shes rab can dang/ zag pa zad pa dang/ mang du thos pa dang/ gtang ba'i dang tshul can yang de bzhin no/ /kye ma bdag pha rol rgyal po nas/ rgyas par ded dpon dang/ dge slong dang/ dge slong ma dang/ dge bsnyen dang/ dge bsnyen ma'i bar dag gis bsnyen bkur bya ba dang/ bsti stad? du bya ba dang/ bla mar bya ba dang/ ri mor bya ba dang/ mchod par bya bar 'gyur ba dang/ kye ma bdag gis zas dang gos dang/ mal cha dang/ stan? dang/ nad kyi gso sman dang/ yo byad thob par gyur kyang ci ma rung snyam du 'dod pa'i rnam pa skyed par byed na yang brnab sems yin par brjod par bya'o/ /kye ma bdag nyid phyir ma lha'i 'jig rten du skye zhing lha'i 'dod pa'i yon tan lngas lce bar gyur snyam pa dang/ kye ma bdag phyi ma la drag po'i 'jig rten dang/ khyab 'jug gi 'jig rten dang/ mi skal pa can rnams dang/ skal ba mnyam par skye bar gyur cig ces bya ba nas/ rgyas par gzhan 'phrul dbang? byed kyi lha rnams dang skal pa mnyam pa'i bar skye bar gyur cig snyam du 'dod pa'i rnam pa skyed par byed na yang brnab sems yin par brjod par bya'o/ /tha nal? ma dang bu dang chung ma dang bran dang bran mo dang/ las byed pa dang/ zho shas 'tsho? ba dang/ mdza' bshes dang/ gos grogs dang/ nye du dang/ rgan rabs dang/ tshangs pa mtshungs par spyod pa rnams kyi yo byad la 'dod pa'i rnam pa skyed par byed na yang brnab sems yin par brjod par bya'o/ /'di ni bdag la gnod pa bya bar 'dod pa yin no snyam nas/ de la gnod par bya ba'i phyir sems par byed na gnod sems yin par brjod par bya'o/ /bdag la gnod ba byos byed byed par 'gyur ro snyam na sha de la gnod par bya ba'i phyir sems par byed na yang gnod sems yin par brjod par bya'o/ /rgyas par kun nas mnar? sems kyi dngos po dgu la yang de bzhin du rig par bya'o/ /kye ma bdag gi gshed ma rnams dang/ dgra bo rnams dang/ phas kyi dgra rnams dbang du 'gyur zhing bdag gis de dag gsad pa dang/ bcing ba dang/ spags? pa dang lcag dag gis gzhu ba dang/ de longs spyod rnams dang dbral ba dang/ bu smad rnams dang/ rtsa 'jing? dang/ 'khor dang khyim dang dbral bar bya'o snyam du kun nas mnar sems kyi sems skyed par byed na yang gnod sems yin pa brjod par bya'o/ /gzhan dag la bdag gi gshed ma rnams dang/ dgra bo rnams dang/ pas kyis dgra rnams la ji skad brjod pa'i gnod pa bya bar 'tshol ba'i kun nas mnar sems kyi sems bskyed par byed na yang gnod sems yin par brjod par bya'o// rang nyid de lta de ltar lus dang ngag dang yid kyis sgrub cing des de dag gis longs spyod rnams dang/ rtsa 'jing? dang/ 'khor dang/ grags pa dang/ nad med pa dang/ gson pa dang/ dge ba'i chos rnams yongs su nyams bar gyur cig snyam pa dang/ lus zhig nas kyang ngan song rnams su skye bar gyur cig snyam du kun nas mnar sems kyi sems skyed bar byed na yang gnod sems yin par brjod par bya'o/ /phyin pa med do snyam du nges par sems bskyed bar byed na yang log par lta ba yin par brjod par bya'o/ /rgyas bar rgyu la skur ba 'debs sam/ 'bras bu la skur pa 'debs sam/ bya ba la skur ba 'debs sam/ yod pa'i dngos po 'jig par byed na yang log par lta ba yin par brjod par bya'o/ /gang gi tshe log pa'i lta ba thams cad khog par lta ba zhes bya na ci'i phyir bcom ldan 'das kyi skur pa 'debs pa'i log par lta ba 'di kho na las kyi las rnams su log par lta ba yin par gsungs she na/ 'di ltar 'di ni log par lta ba thams cad kyi mchog yin te/ de ci'i phyir zhe na/ 'di lta ste/ 'di ltar log par lta ba 'di la brten nas dge sbyod dang/ bram ze kha cig dge ba'i rtsa ba yang dag par gcod par byed cing/ sdig ba la ci 'dod dgur spyod pa'i lta ba 'di ni shin tu sdig pa byed pa dang mthun pa yin pas de'i phyir mi dge ba'i las kyi lam rnams su de kho na gsungs kyi gzhan ni ma yin te/ log par lta ba'i mtshan nyid du rigs pa ma yin par lta bar bya'o/ /de la srog gcod pa ni rgyu lngas lci ba yin par brjod par bya ste/ lnga gang zhe na bsam ba dang/ sbyong ba dang/ gnyen po med pa dang/ log pa la mngon par zhen pha dang/ bzhis so/ /de la gal te chags ba'i bsam ba dag pos byed dam/ zhe sde dag bsam pa drag pas sam/ gti mug gi bsam pa drag pos byed pa ni srog gcod pa lci ba yin bar brjod par bya'o/ /de las bzlog pa ni yang ba yin no/ /gal te byed bar 'gyur ba'am/ byed pa 'am/ byas ba la sems dangs ba dang lnga cu ba dang/ rab tu dga' ba'i sems dang ldan pa dang/ rang? yang? byed la gzhan yang de yang dag par 'dzin tu 'jug pa dang/ de'i sngags brjod par byed pa dang/ chos mthun pa la mthong na yid dga' bar 'gyur ba dang/ yun ring bo nas bsags shing yun ring po nas bsags pa'i sems kyis byed pa dang/ rtag tu byed ba dang/ gus par byed ba dang/ lan cig la yang mar du gsod bar byed pa dang/ nyon mongs pa'i las rab tu drag pas gsong bar byed pa dang/ 'jigs pas de bya ba ma yin ba byed du bcug nas gsod bar byed pa dang/ zhan ba dang/ sdug bsngal ba dang/ bkren? skyad? pa/ nyi ma thag par smra ba dang/ snying rje bar sme sngags 'don bzhin du gsong bar byed ba ni sogs gcod pa sbyor ba las lci ba yin par brjod par bya'o/ /gal te srog gcod par byed pa yang yin la nyin gcig bzhin du bslab po 'ga' yang len par mi byed la/ zla ba byed la tshes brgyad dang/ tshes bcu bzhi dang/ tshes bco lnga la bsnyen gnas la gnas par mi byed pa dang/ dus dus su sbyin ba dag sbyin par mi byed ba dang/ bsod nams dag mi byed ba dang/ mngon du smra ba dang/ phyag 'tshal ba dang/ ldang ba dang/ thal mi sbyor ba/ 'dud pa'i las la sogs pa mi byed pa dang/ dus dus su ngo tsha shes pa dang/ khrel yod pa dang/ 'gyod ba shas chen po mi 'thob pa dang/ 'jig rten ba'i 'dod chags dang bral ba la mi reg pa dang/ chos mngon par rtogs pa la mi dge pa ni srog gcod pa gnyen po med pa las lci ba yin par brjod bar bya'o/ /gal te dge sbyong dang bram ze mchod sbyin log par byed pa rnams kyi lta ba'i rjes su yid 'dod bar byed cing/ chos 'dod pas srog gcod par byed par ni srog gcod pa la log bar la mngon bar zhen ba las phyi ba yin par brjod bar bya'o/ /gal te sems 'di snyam du sems te/ phyugs bsad ba la ni nyes pa med de/ 'di ltar phyag/ sa rnams ni skye dgu'i bdag las? yo byad kyi rgyur sprul ba yin pa'i phyir ro snyam du sems na yang srog gcod pa lci ba yin par brjod par bya'o/ /de ltar log par lta ba gang yang rung ba las brten te/ srog gcod par byed na yang srog gcod pa la log pa la mngon bar zhen ba las lci ba yin bar brjod bar bya'o/ /gal te dud 'gro'i skye gnas su skyes ba'i srog chags lings? chen po gsong par byed na/ sreg gcod pa bzhi las lci bar yin bar brjod par bya'o/ /gal te mi 'am mi 'chags pa gsang par byang? ngam/ gal te ba ma'am phu nu? 'am/ bla ma lta buAm/ gal te ming btags? pa 'am/ /gal te slob pa'am/ gal te byang chub sems dpa' 'am/ gal te dgra bcom ba 'am/ gal te rang sangs rgyas gsod bar byed dam/ de bzhin gshegs bsi? na dgrongs ba ma yin par shes bzhin du/ gal te gsod ba'i bsam bas de bzhin gshegs pa la ngan sems kyis khrag 'byin par byed ba ni srog gcod ba'i gzhi las lci ba yin bar brjod bar bya'o/ /ji skad bstan ba'i rgyu de dag las bzlog bas ni srog gcod pa yang ba yin par brjod par bya'o/ /'di man chad ni ma byin par len ba la sogs pa'i gzhi'i lci ba nyid dang yang ba nyid kyi rab tu dbye ba brjod bar bya ste/ lhag ma ni srog gcod ba bzhin du ji rigs bar blta bar bya'o/ /gal te mang po 'phrog par byed na ma byin bar len ba gzhi las lci pa yin par brjod bar bya'o/ /gal te bzang po'am/ /gal te yid brten ba la 'khu zhing 'phrog bar byed dam/ gal te dman ba dang/ bkran ba dag las 'phrog par byed dam/ gal te rab tu byung ba dang chos 'di bdag las 'phrog bar byed dam/ gal te grang du chud ba 'phrog par byed dam/ gal te slob ba las sam/ gal te sgra bcom ba las sam/ gal te sangs rgyas las sam/ gal te dge 'dun gyi 'am/ gal te mchod rten gyi 'phrog bar byed na yang ma byin par len pa gzhi las lci ba yin par brjod par bya'o/ /'jug par bya ba ma yin par 'jug pa las brtsams te/ gal te ma la nyel mo? byed dma'?/ ma dang 'brel pa 'am/ skyes pa yid gtsugs pa'i chung ma 'am brtul zhugs la gnas pa'i dge slong ma dang / /dge slob ma ? ? tshul ma la nyal po byed na yang 'dod pa la log par ga? lem? pa gzhi las lci ba yin par bya'o/ /yan lag pa yin par 'jug pa las brtsams te/ gal te/ bar 'jug na 'dod ba la log bar g.yem gzhi la lci ba yin par brjod par bya'o/ /dus ma yin par 'chug? par brtsams te/ gal te gso sbyong la gnas pa 'am/ zla ba tshad ba 'am/ nad kyis btab pa la nyal bo byed na 'dod pa la lag bar g.yems pa gzhi las lci ba yin par brjod par bya'o/ /gnas ma yin par 'jug ba las brtsams te/ ngal? te mchod rten gyi gnas sam/ mchod rten gyi drung ngam/ /dge 'dun gyi kun dga' ra bar nyal bo byed na/ 'dod ba la log bar g.yem pa bzhi las lci ba yin bar brjod bar bya'o/ /gal te gzhan brid bar 'dod cing bslu bar 'dod pas don mang por/ brdzun gyi tshig smra na brdzun du smra ba gzhi las lci ba yin bar brjod par bya'o/ /bzang po lam/ rab mchog gam/ gal te yid bcugs pa 'am/ gal te ma 'am/ gal te pa 'am/ rgyas par snga ma bzhin du de bzhin gshegs pa'i bar la brdzun zer na brdzun du smra ba gzhi las lci ba yin par brjod par bya'o/ /gzhan yang brdzun du smra ba ni gzhan dag srog gcod pa la 'jug par 'gyur ba yang yod/ longs spyod nyams pa la 'jug par 'gyur ba yang yod/ chung ma chung gzan pa la 'jug par 'gyur ba yang yod de/ de la brdzun du smra ba gang srog gcod pa lci ba bskyed par byed pa dang/ ma byin par len pa'i lci ba dang/ 'dod pa la log par g.yem pa'i lci ba skyod par byed pa de yang brdzun du smra ba gzhi las lci ba yin par brjod par bya'o/ /gal te dge 'dun dbye ba'i phyir brdzun zer na brdzun tu smra ba de ni brdzun du smra ba thams cad kyi nang ni lci ba yin par brjod par bya'o/ /gal te yun ring po nas bshes par byung ba rnams dbye ba'i phyir sbyor bar byed pa ni phra ma gzhi las lci ba yin par brjod par bya'o/ /gal te dge ba'i bshes gnyen dang 'byed par byed dam/ gal te ma dang bu dag gi ma gal te pha? dang? bu dag gam/ gal te dge 'dun 'byed par byed dam/ srog gcod pa dang/ ma byin par len pa dang/ 'dod pas log pa g.yem pa skyed pa'i phra ma ne snga ma'i tshul bzhin du rig par bya'o/ /pha ma la sogs pa dang bla ma lta bu ngag la ngag rtsub po brjod par byed pa ni ngag rtsub po gzhi las lci ba yin par brjod par bya'o/ /yang dag pa ma yin pa dang/ de kho na ma yin pa'i brdzun smra ba dang/ mngon sum du gsheb dang/ spyo ba dang/ brgyad bkag zer ba dang/ ngag rtsub po lci ba yin par brjod par bya'o/ /brdzun du smra ba la sogs par 'gyur ba'i tshig kyal ba gang yin pa de'i lci ba dang yang ba yang 'di lta ste/ de dag gi ji lta ba bzhin du blta bar bya'o/ /'thab mo dang/ mched 'bru ba dang/ rtsod pa dang 'gyed pa las brtan pa'i tshig kyal ba gang yin pa de yang lci ba yin no/ /chags pa dang ldan pa'i sems kyi phyi rol pa'i bstan bcos don dang mi ldan pa dag lung 'bog pa dang/ kha don byed pa dang/ gzhan dag la yang dag par ston pa gang yin pa de yang tshig rkyal ba gzhi las lci bar yin par brjod par bya'o/ /pha ma dang nye du dang/ bla ma lta bu dag la bsting slad dang/ co bri ba dang/ tshig gi lam mi bsha' ba kun tu brjod pa gang yin pa de yang tshig kyal pa gzhi las lci ba yin par brjod par bya'o/ /dge 'dun gyi dang/ mchod rten gyi yo byad dag la brnab sems skyed par byed pa ni brnab sems gzhi las lci ba yin par brjod par bya'o/ /bdag nyid kyi yon tan gyis mngon par brgyal byed cing rgyal po la sogs pa dang/ tshangs pa mtshungs par spyod pa mkhas pa rnams las shes kyi khe dang bkur sti'i 'dod pa skyed bar byed pa yang brnab sems gzhi las lci ba yin par brjod par bya'o/ /pha ma dang/ nye du dang/ bla ma lta bu dag la kun nas mnar sems skyed par byed pa ni gnod sems gzhi las lci ba yin par brjod par bya'o/ /nyes pa med pa dang/ bkren pa dang/ sdug bsngal ba dang/ snying rje ba'i gzhi dag la kun nas mnar sems skyed par byed pa yang gnod sems gzhi las lci ba yin par brjod par bya'o/ /nyes pa byas pa bsam pa thag pa nas 'chags par byed pa la kun nas mnar sems bskyed par byed pa yang gnod sems gzhi las lci ba yin par brjod par bya'o/ /thams cad la skur pa 'debs pa'i log par lta ba gang yin pa de ni gzhi thams cad la skur pa 'debs pa'i sgor zhugs pa yin pa'i phyir/ de las gzhan pa'i log par lta ba thams cad las lci ba yin par brjod par bya'o/ /gzhan yang 'jig rten na dgra bcom pa dang yang dag par song ba dang/ yang dag par zhugs pa rnams med do zhes bya ba'i bar du rgya cher lta ba gang yin pa de yang log par lta ba bzhi las lci ba yin par brjod par bya'o/ /ji skad bstan pa'i gzhi rnams ma gtogs pa de las bzlog pa thams cad ni yang ba yin par ci rigs par rig par bya'o/ / //srog gcod pa dang ldan pa'i mi dge ba ni byas la bsags pa ma yin pa yang yod do/ /bsags lam byas pa yang yod do/ /byas kyang byas la bsags kyang bsags pa yang yod do/ /ma byas shing ma bsags pa yang yod do/ /de la mu dang po ni byis pa mi mkhas pas byas ba dang/ rmi lam na byas ba dang/ ched dus byas pa dang/ mi 'dod bzhin du gzhan dag gis nan gyis byed du bcug pa dang/ lan cig kho na byas shing byas nas kyang 'gyod pa'i sems dang nyes dmigs kyi sems kyi rgyun drag pos bcom nas/ spong ba'i sdom pa yang dag par blangs pas shin tu bsab mor byas pa dang/ rnam par smin pa ni bskyed pa kho nar 'jig rten pa'i 'dod chags dang bral bas sa bon nas bcom pa dang/ 'jig rten las 'das pa'i spong ba'i lam gyis sa bon nas yang dag par bcom pa yin no/ /bsad lam byas pa ni 'di ltar 'di na la la srog chags bsad ba'i phyir yun ring po nas rjes su rtogs par byed rdzas su dpyod par byed pa re la srog gcod pa dang ldan pa'i mi dge ba bsags pa ni yod la/ des srog gcod pa ni ma byas pa yin no/ /byas kyang byas la bsags kyang bsags pa ni rnam pa gang dag gis byas la bsags pa ma yin pa dang/ bsags lam byas pa'i rnam pa ji skad bstan pa dag ma gtogs pa de las gzhan pa'i srog gcod pa thams cad do/ /ma byas shing ma bsags pa ni rnam pa de dag ma gtogs pa'o/ /lhag ma ma byin bar len pa la sogs pa nas tshig kyal pa'i mthar thug pa'i bar dag kyang srog gcod pa ji lta ba bzhin du ci rigs par blta bar bya'o/ /brnab sems dang gnod sems dang log par lta ba dag la ni bsags la byas ba zhes bya ba'i mu gnyis pa med do/ /mu dang po las kyang ched du ma byas par yang med la/ gzhan dag gis nan gyi byed du bcug pa yang med do// //bam po bco lnga pa/ /de la srog gcod pa kun tu brten cing goms par byas lan mang du byas pas sems can dmyal ba rnams su skye ba de ni srog gcod pa'i rnam par smin pa'i 'bras bu zhes bya'o/ /gal te de nas shi 'phos nas 'dir mi rnams dang skal pa mnyam par skyes na yang tshe thung bar 'gyur ba de ni srog gcod pa'i rgyu mthun pa'i 'bras bu zhes bya'o/ /phyi rol gyi snod kyi 'jig rten gyi bza' ba dang/ btung ba dang/ 'bras bu dang/ sman la sogs pa mthu chung ba dang/ nyams pa dang/ rnam par smin pa dang/ mthu stobs chung ba dang/ dka' zhing nad mang bar byed la/ des sems can phal cher tshe ma zad bzhin du dus ma yin par 'chi ba'i dus byed par 'gyur ba de ni srog gcod pa'i dbang gi 'bras bu zhes bya'o/ /de la de las gzhan pa'i las kyi lam rnams kyi rnam par smin pa'i 'bras bu dang/ rgyu mthun pa'i 'bras bu ni mdo las ji skad gsungs pa bzhin du blta bar bya'o/ /dbang gi 'bras bu ni bshad par bya ste/ de la ma byin par len pa'i dbang gi 'bras bus ni snod kyi 'jig rten na 'bras bu nyung ba dang/ 'bras bu mi grung ba dang/ 'bras bu rul ba dang/ 'bras bu lor ba dang/ than pa che ba dang/ char ches pa dang/ 'bras bu skam po dang/ 'bras bu med par 'gyur ro/ /'dod pa la log par g.yem pa'i dbang gi 'bras bu ni snod kyi 'jig rten na bshad pa dang/ gci ba dang/ 'dam rdzab dang/ ljan ljin mang ba dang/ mi gtsang ba mang ba dang/ dri nga ba mang ba dang/ dog pa dang/ nyam nga ba mang ba dang/ rdzas mi gtsang zhing dri nga ba mang du 'byung ba dang/ nyams mi dga' bar 'gyur ro/ /brdzun du smra ba'i dbang gi 'bras bus ni snod kyi 'jig rten na zhing las dang/ bru spyod pa'i las kyi mdza' rgyas par mi 'gyur ba dang/ mthun par mi 'gyur zhing/ phal cher slu ba dang/ 'jigs pa dang/ 'jigs su rung ba'i rgyu mang po dang ldan par 'gyur ro/ /phra ma'i dbang gi 'bras bus ni snod kyi 'jig rten na sa phyogs phyogs 'bar 'bur dang/ lcang lcong dang/ mtho dman dang/ bgrod dka' ba dang ldan zhing 'jigs pa dang/ 'jigs su rung ba'i rgyu mang po dang ldan par 'gyur ro/ /ngag rtsub po'i dbang gi 'bras bus ni snod kyi 'jig rten nas phyogs sdong du ma dang/ tsher ma'i gzhi dang/ rdo ba dang gseg ma dang/ gyo mo mang ba dang/ rtsub pa dang/ mdangs mi snum pa dang/ 'bab chu dang/ me tsho dang/ lteng ka med pa dang/ skams pa dang/ tsha rgod pa/ dge na dud dang/ tha cad dang/ sdig pa can gyis gzhi dang ldan zhing 'jigs pa dang/ 'jigs su rung ba'i rgyu mang po dang ldan par 'gyur ro/ /tshig kyal pa'i dbang gi 'bras bus ni snod kyi 'jig rten na 'bras bu'i shing ljon pa rnams la/ 'bras bu mi 'chags pa dang/ dus ma yin par 'bras bu 'chags pa dang/ dus su 'bras bu mi 'chags pa dang/ ma smin par smin pa 'dra bar snang ba dang/ rtsa ba mi brtan pa dang/ yun ring du mi gnas pa dang/ kun dga' ra ba nyams dga' ba dang/ nags tshal nyams dga' ba dang/ rjid bu nyams dga' ba mi mang ba dang/ 'jigs pa dang/ 'jigs su rung ba'i rgyu mang po dang ldan par 'gyur ro/ /brnab sems kyi dbang gi 'bras bus ni/ snod kyi 'jig rten na phun sum tshogs pa thams cad lo re re dang dus tshigs re re dang/ zla ba dang/ zla ba phyed dang/ mtshan mo dang/ mtshan ma re re zhing yang nyams pa dang/ 'bri bar 'gyur zhing/ de dag med bar snang gi /'phel bar ni ma yin no/ /gnod sems kyi dbang gi 'bras bus ni snod kyi 'jig rten na yams kyi nad mang ba dang/ gnad pa mang ba dang/ 'go ba'i nad mang ba dang/ 'khrug pa mang ba dang/ pha rol gyi dmag tshogs las gyur pa'i 'khrug long gi 'jigs pa mang ba dang/ seng ge dang/ stag la sogs pa gcan zan gnod ba byed ba mang ba dang/ sprul gdug ba dang/ sprul dang/ sdig pa dang/ srin gyi sde? mang ba dang/ gnod sbyin gdug pa dang/ rkun po la sogs pa mang bar 'gyur ro/ /log par lta ba'i dbang gi 'bras bus ni snod kyi 'jig rten 'byung khung mchog dang/ gtso bo dang/ khyad par du 'phags pa gang yin pa de nub par 'gyur ba dang/ dngos po mi gtsang ba dag mchog tu gtsang bar snang ba dang/ sdug bsngal bar gyur ba dag mchog tu bde bar snang ba dang/ gnas med pa dang/ skyob pa med pa dang/ skyabs med par 'gyur ro/ / //bcom ldan 'das kyis srog gcod pa nas de bzhin du log par lta ba'i bar ni rnam pa gsum ste/ chags pa las byung ba dang/ zhe sdang las byung ba dang/ gti mug las byung ba'o/ /zhes gsungs pa de la chags pa dang/ zhe sdang dang gti mug las byung ba'i srog gcod pa la sogs pa'i rab tu dbye ba gang zhe na/ gal te sha la sogs pa 'dod pas gsod par byed pa ni chags pa las byung ba'i srog gcod pa yin par brjod par bya'o/ /gal te gsad nas de la yod pa'i rdzas/ dag dbrog par bya'o/ /snyam pa de lta bu'i sems dang ldan pa dang/ gal te gzhan dag gis rngan pa byin pa dang/ gal te phan btags pa la lan du btags par 'dod pa dang/ gal te mdza' bshes kyis yongs su zin par 'gyur ro snyam pa dang/ gal te rje dpon gyi zas dang gos bdag gi byas nas de'i tshig gis gsod par byed pa yang chags pa las byung ba'i srog gcod pa yin par dig? bar bya'o/ /gal te 'di ni bdag la mi snyed pa nye bar bsgrub pa yin no/ /snyam pa dang/ 'di ni bdag gi rnyed pa'i bar chad byed pa yin no snyam nas/ gsod bar byed pa dang/ mi rnyed pa dang/ rnyed pa la ji lta ba bzhin du mi snyan pa dang snyam pa dang/ smad pa dang/ bstod pa dang/ sdug bsngal ba dang/ bde ba la yang ci rigs par blta bar bya ste/ thams cad kyang chags ba las byung ba'i srog gcod pa yin par lta bar bya'o/ /gal te 'di ni bdag la gnod pa byed ba ni zhe sdang las byung ba'i srog gcod pa yin par brjod par bya'o/ /gal te bdag la gnod ba byed pa rjes su dran nam gal te bdag la gnod pa byed par 'gyur du dogs sam/ gal te bdag la gnod pa byed par mthong ngam/ de bzhin du rgyas par kun nas mnar sems kyi dngos po dgu'i bar la snga ma bzhin du rig par bya ste/ thams cad kyang zhe sdang las byung ba'i srog gcod pa yin par brjod par bya'o/ /gal te chos kyi phyir gsod par byed de/ 'di dang bdag ni srog chags yin la/ gzhan dag kyang de la kun tu dga' bar byed ba yin pas/ gzhi des lus zhig nas mtho ris kyi 'jig rten du skye bar 'gyur ro snyam nas/ gcod par byed pa ni gti mug las byung ba'i srog gcod pa yin par brjod par bya'o/ /gal te bla ma rnams kyi don du gsod bar byed pa gang yin pa de ni chos dang legs par ldan pa yin no snyam pa de lta bu'i sems kyis gsod par byed pa dang/ gal te rig byed rnams dang tshangs pa dang/ skye dgu'i bdag po la smod pa dang bram ze rnams la gshe ba gsod par byed pa gang yin pa de ni chos dang legs par ldan pa yin no snyam pa de lta bu'i sems kyis gsod par byed pa yang gti mug las byung ba'i srog gcod pa yin par brjod par bya'o/ /gal te srog gcod pa byas shing bsags pa la rnam par smin pa med do zhes gzhan dag la ston par byed cing/ srog gcod pa yang dag par 'dzin du bcug nas gzhan dag kyang des yang dag par 'dzin du bcug pas gsod par byed na yang dag par 'dzin du 'jug pa de ni gti mug las byung ba'i srog gcod pa yin par brjod par bya ste/ de ltar gti mug las byung ba'i srog gcod pa ji skad bstan pa tha ma de ni de las gzhan pa'i las kyi lam log par lta ba'i mthar thug pa'i bar thams cad la yang de kho na bzhin du blta bar bya'o/ /gal te pha ma 'am/ mdza' bshes sam/ nye du dag mer gzhug pa 'am/ zas gcad pa 'am/ mya ngan dang/ g.yangs la sogs pas bral par byas nas chos su 'gyur ro snyam nas gsod par byed pa yang gti mug las byung ba'i srog gcod pa yin par brjod par bya'o/ /gal te gzhan gyi nor la mngon par chums pa dang ldan pas 'phrog par byed pa ni chags pa las byung ba'i ma byin par len pa yin par brjod par bya'o/ /gal te gzhan dag gis rngan pa byin te/ 'phrog par byed dam/ gal te phan btags pas yongs su zin par bya ba'i phyir ram/ gal te phyis phan 'dogs su re ba 'am/ gal te rje dpon gyi zas dang/ gos bdag gir byas nas/ de la tshig gis sam/ gal te snyan pa 'dod pa'am/ bstod pa 'dod pa 'am/ bde ba 'dod pas 'phrog par byed na yang thams cad chags pa las byung ba'i ma byin par len pa yin par brjod par bya'o/ /gal te 'di mi bdag la gnod pa byed par 'dod pa yin no snyam pa nas rgyas par kun nas mnar sems kyi dngos po dgu'i dbang du byas nas 'phrog par byed na dngos po de la gdon mi za bar chums pa yang med la/ gdon mi za bar don du gnyer ba yang med pas bzhi nges na zhe sdang las byung ba'i ma byin par len pa yin par brjod par bya'o/ /gal te gzhan la zhe sdang bas grong sreg par byed dam/ khang khyim sreg par byed dam/ tshong khang sreg par byed dam/ snod spyad dang yo byad sreg par byed pa ni zhe sdang las byung ba'i ma byin par len pa dang 'dra ba 'am ches lhag pa'i kha na ma tho bas reg par 'gyur ro/ /gal te gzhan la rab tu zhe sdang pas/ gzhan gyi rdzas 'phrog pa'i phyir gzhan dag spang nas/ de dag gis kyang de'i tshig gis 'phrog bar byed pa yang zhe sdang las byung ba'i ma byin par len pa yin par brjod par bya'o/ /gal te 'di lta bu'i sems kyis 'phrog par byed de/ bla ma rnams kyi don du 'phrog par byed pa gang yin pa de la ni chos su 'gyur ro snyam nas 'phrog par byed pa ni gti mug las byung ba'i ma byin bar len pa yin par brjod par bya'o/ /gal te 'di lta bu'i sems kyis 'phrog par byed de/ rig byed rnams dang/ tshangs pa dang/ skye dgu'i bdag po la smod pa las 'phrog par byed pa dang/ bram ze rnams la gshe ba las 'phrog par byed pa gang yin pa de la ni chos su 'gyur ro snyam nas 'grag par byed pa yang gti mug las byung ba'i ma byin par len pa yin par brjod par bya'o/ /gal te 'di lta bu'i sems kyis 'phrog par byed de/ mchod sbyin gyi don du mchod sbyin gyi rgyu dang/ mchod sbyin gyi yo byad dag? 'phrog par byed pa gang yin pa de la ni chos su 'gyur ro snyam nas 'phrog par byed pa yang gti mug las byung ba'i ma byin par len pa yin par brjod par bya'o/ /gal te mthong ngam thos sam y ongs su brtags nas tshul bzhin ma yin pa'i mtshan ma bzung bas 'dod chags kyis kun nas dkris pas kun nas dkris par gyur nas 'jug par bya ba ma yin pa'i gzhir 'jug pa ni chags pa las byung ba'i 'dod pa la sogs par g.yem par yin par brjod par bya'o/ /gal te rngan pa byin nas/ gzhan dag la smyan byas te/ de yang sbyor ba des 'jug par bya ba ma yin par 'jug na yang/ chags pa las byung ba'i 'dod pa la log par g.yem pa'i kha na ma tho bas reg par 'gyur ro/ /gal te mdza' bshes su yongs su bzung bar 'dod ngam/ gal te phan btags pa la lan glan bar 'dod dam/ gal te rje dpon gyi zas dang gos bdag gir byas nas de'i tshig gis sam/ gal te de las 'tsho ba 'am/ nor dang 'bru dang/ 'gron bu dang/ ser dag thob tu de bas 'dod pa rnams las log par g.yem pa mang chags pa las byung ba'i 'dod pa la log par g.yem pa yin par brjod par bya'o/ /gal te 'di ni bdag la gnod par byed par 'dod pa yin no snyam pa nas rgyas par kun nas mnar sems kyi dngos po dgu'i bar la brten nas/ nyal po byed cing de la dang po nas 'dod pa'i 'dod chags kyi kun nas dkris pa ni med mod kyi/ 'on kyang de la gzhi 'di mi mthun pa kho na yin pas dgra bo la gnod pa byas par 'gyur ro snyam du so sor brtags nas 'gro bar byed pa ni zhe sdang las byung ba'i 'dod pa la log par g.yem pa yin par brjod par bya'o/ /gal te gzhan la zhe sdang bas gzhan gyi chung ma la log par bsgrub pa'i phyir gzhan dag sbad nas de dag kyang de'i tshig gis 'dod pa de dag la log par g.yem par byed pa yang zhe sdang las byung ba'i 'dod pa la log par g.yem pa dang 'dra ba 'am/ khyad bar du 'phags pa'i kha na mtho bas reg par 'gyur ro/ /gal te 'di lta bu'i sems kyis nyal po byed de/ ma dang 'brel pa 'am/ pha dang 'brel pa 'am/ gzhan gyi bud med kyi gnad du mi rigs pas bskyed pas brjod pa na/ nyal po mi byed pa gang yin pa de ni bsod nams ma yin pa chen pos gos par 'gyur la/ nyal po byed pa ni bsod nams chen po dang ldan par 'gyur ro snyam nas chos ma yin pas 'jigs shing chos la gus pa nyal po byed pa ni gti mug las byung pa'i 'dod pa log par g.yem pa yin par brjod par bya'o/ /gal te zang zing cung zad tsam gyi phyir brdzu na zer ba ni chags pa las byung ba'i brdzun tu smra ba yin par brjod par bya'o/ /gal te bdag pha rol gyi longs spyod dag las nyams par byas na mi rung ngo snyam nas 'jigs pas brdzun zer ba yang chags pa las byung ba yin par brjod par bya'o/ /gal te snyan pa'i phyir ram/ gal te snod? pa'i phyir ram gal te bde ba'i phyir brdzun zer ba yang chags pa las byung ba'i brdzu na du smra ba yin par brjod par bya'o/ /gal te kun nas mnar sems kyi dngos po dgu las brten te/ brdzun zer ba ni zhe sdang las byung ba yin par brjod par bya'o/ /gal te bla ma'i don tam/ ba lang gi don tam/ mchod sbyin gyi yo byad kyi don du brdzun zer ba ni chos su 'gyur ro snyam pa de lta bu'i sems kyis de dag gis don du brdzun zer ba ni gti mug las byung ba'i brdzun du smra ba yin par brjod par bya'o/ /gal te rig byed kyi mi mthun pa'i phyogs dang/ tshangs pa dang skye dgu'i bdag po'i mi mthun pa'i phyogs kyi dge sbyong dang bram ze dag la brdzun gyi tshig gis slu bar byed pa ni chos su 'gyur ro snyam pa de lta bu'i sems kyis brdzun gyi tshig gis slu bar byed pa yang gti mug las byung ba'i brdzun du smra ba yin par brjod par bya'o/ /gal te chos la yang chos su 'du shes 'dul ba la yang 'dul bar 'du shes pa las/ 'du shes bsgyur te/ brdzun gyi tshig gis dge 'dun gyi dbyen byed pa de la chos ma yin 'gyur ba med do snyam nas brdzun zer ba yang gti mug las byung ba'i brdzun tu smra ba yin par brjod par bya'o/ /brdzun du smra ba ji lta bu bzhin du phra ma dang/ ngag rtsub po yang ci rigs bar blta bar bya'o/ /gal te dga' ba dang/ rtsed mo'i phyir tshig kyal pa smra ba ni chags pa las byung ba'i tshig kyal pa yin par brjod par bya'o/ /gal te shes kyi khe'i phyir ram/ rnyed pa'i phyir ram/ snyan pa'i phyir ram/ bstod pa'i phyir ram/ gal te bde ba'i phyir tshig kyal pa smra ba yang chags pa las byung ba'i tshig kyal pa yin par brjod par bya'o/ /gal te kun nas mnar sems kyi dngos po dgu la brten te/ smra ba ni zhe sdang las byung ba yin par brjod par bya'o/ /gal te de la de kho na'i don dang/ snying po'i don dang/ nges par 'byung ba'i don dang/ chos kyi don du sems shing tshig rkyal pa smra ba ni gti mug las byung ba'i tshig kyal ba yin par brjod par bya'o/ /gal te gzhan gyi nor dag dang gzhan gyi yo byad dag la sngon mtshan mar bzung nas/ gnod pa byed pa ma yin pa'i sems can rnams las yo byad 'dod pa kho na'i dbang cu byas nas/ gzhan dag gi gang yin pa de bdag gir gyur cig snyam pa'i sems skyed par byed cing/ sdug pa las sdug pa skyed par byed pa gang yin pa de ni chags pa las byung ba'i brnab sems yin par brjod par bya'o/ /gal te gzhan gyi longs spyod la/ sdug pa las mtshan mar ma bzung bar kun nas mnar sems kyi dngos po dgu'i dbang du byas nas gzhan dag gi gang yin pa de bdag gir gyur cig snyam pa'i sems bskyed pa dang/ zhe sdang ba gang yin pa la 'dod pa skyed par byed pa ni zhe sdang las byung ba'i brnab sems yin par brjod par bya'o/ /gal te khyab 'jug dang/ drag po dang/ brgya byin dang/ skye dgu'i bdag po'i 'jig rten don du gnyer ba las gzhol ba'i sems kyis mang du gnas pa gang yin pa ni des na bsod nams chen po dang ldan par 'gyur ro snyam pa de lta bu'i sems dang ldan pas de la gzhal ba'i sems kyis mang du gnas pa ni gti mug las byung ba'i brnab sems yin par brjod par bya'o/ /gal te rnyed pa'i phyir ram/ snyan pa'i phyir ram/ bstod pa'i phyir ram/ bde ba'i phyir gzhan dag la kun nas mnar sems bskyed cing de la 'di ni yun ring po nas bdag gi dgra bo yin no snyam du dgra bo'i 'du shes ni med pa dang/ sdug bas zhe sdang skyed par byed pa gang yin pa ni chags pa las byung ba'i gnod sems yin par brjod par bya'o/ /kun nas mnar sems kyi dngos po dgu'i dbang du byas nas dgra bo'i 'du shes can du gyur nas kun nas mnar sems kyi sems skyed par byed pa ni zhe sdang las byung ba'i gnod sems yin par brjod par bya'o/ /gal te chos 'di pa rnams sam/ dge sbyong dang bram ze gzhan dag gi lta ba la smod par byed cing/ lta ba de dag dang de la lta ba'i dge sbyong dang bram ze de dag la kun nas mnar sems kyi sems skyed par byed pa ni gti mug las byung ba'i gnad? sems yin par brjod par bya'o/ /gal te gang 'di ltar byin pa med do zhes bya ba la sogs par rgya cher lta ba de ni rgyal po la sogs pas bsnyen bkur bya ba dang/ chos gos la sogs pa rnyed pa rnyed par 'gyur ba zhig la don de nyid kyi dbang du byas nas/ de ltar lta bar byed pa ni chags pa las byung ba'i log par lta ba yin par brjod par bya'o/ /gal te bdag gi dgra po dag 'di ltar lta ste/ 'di lta ste/ byin pa yod do/ /mchod sbyin yod do/ /zhes rgya cher lta pas/ bdag dgra po rnams dang lta ba mthun pa ni bdag gi mi cha'i? snyam nas de dga' zhe sdang ba'i phyir 'di ltar byin pa med do/ /sdug pa med do zhes rgya cher lhag ni zhe sdang las byung ba'i log par lta ba yin par brjod par bya'o/ /gal te rigs pa ma yin pas bskyed pa'i rtogs pa chos tshul bzhin ma yin par bsam shing gzhal te nye bar brtags nas/ de ltar lta ba ni gti mug las byung ba'i log par lta ba yin par brjod par bya'o/ /de la srog gcod pa ni gsum char gyis rtsom par byed la/ zhe sdang gis mthar thug par byed do /srog gcod pa ji lta ba bzhin du ngag rtsub po dang gnod sems kyang de bzhin no/ /ma byin par len pa ni gsum char gyis rtsom par byed la/ chags pa kho nas mthar thug par byed do/ /ma byin par len pa ji lta ba bzhin du 'dod pa la log par g.yem pa dang/ brnab sems kyang de bzhin no/ /log par rta ba ma gtogs pa de las gzhan pa rnams ni gsum char gyis rtsom pa dang/ mthar thug par byed par blta bar bya'o/ /log par lta ba ni gsum char gyis rtsom par byed la/ gti mug kho nas mthar thug par byed do/ /de la srog gcod pa dang 'dod pa la log par g.yem pa dang/ brdzun du smra ba dang/ phra ma dang/ tshig rtsub po dang/ gnod sems rnams ni sems can la brten pa yin par rig par bya'o/ /ma byin par len pa dang/ brnab sems ni yo byad la brten pa yin par rig par bya'o/ /tshig kyal pa ni ming gi tshogs la brten pa yin par rig par bya'o/ /log par lta ba ni 'du byed la brten pa yin par rig par bya'o/ /de la mi dge ba'i las kyi lam de dag gi mi dge ba nyid ni rgyu gsum gyis shin tu yongs su rdzogs par 'gyur te/ gsum gang zhe na/ ngo bo nyid kyis nyes pa dang/ gzhi'i nyes pa dang/ gos pa'i nyes pas so/ /de la srog gcod pa dang ldan pa dang/ log par lta ba'i bar dang ldan pa'i sems pa da dag dang mtshungs par ldan pa thams cad ni nyon mongs pa can gyi bdag nyid yin pa'i phyir dang/ mi dge ba yin pa'i phyir ngo bo nyid kyi gnyis pas skyon chags pa zhes bya'o/ /gal te chags pa'i kun nas dkris pa bdo ba 'am/ zhe sdang dang gti mug gis kun nas dkris pa bdo bas 'byung na/ de ni gzhi'i nyes pas skyon chags pa yang yin la/ shin tu mi dge ba dang/ 'bras bu shin tu mi 'dod pa yang yin no/ /gal te mthar thug par gyur na/ de ni gos pa'i nyes pas skyon chags pa yang yin la/ shin tu mi dge pa dang/ 'bras bu'i shin tu mi 'dod pa yang yin no/ /de ci'i phyir zhe na/ 'di ltar gang la la zhig nyon mongs can gyi sems kyis gzhan dag la mi 'dod pa dang/ mi sdug pa dang/ mi dga' ba dang/ yid du mi 'ong ba'i sdug bsngal nye bar bsgrub par byed na/ sdug bsngal dang ldan pa'i sems de'i mthus sdug bsngal nye bar sgrub par byed pa'i gang zag de'i sems pa de/ kha na ma tho ba shin tu chen pos reg par 'gyur ba'i phyir te/ de ni de'i gos pa'i nyes pa zhes bya'o/ /de la 'di ltar bdag la sdug bsngal nye bar bsgrub par byed pa gang yin pa de kha na ma tho bas reg par gyur cig snyam pa de lta bu'i sems mngon par 'du byed pa med du zin kyang 'di ni chos nyid yin te/ de la reg par 'gyur ro/ /'di lta ste/ dper na rdo khab? long ni 'di snyam du lcags bdag gi drung du 'ong yang ci ma rung snyam du sems pa med du zin kyang 'di na chos nyid yin te/ de dang nye ba'i lcags ni mngon par 'du byed pa med pa kho nar kha ba long gi drung du 'gro ste/ de bzhin du 'dir yang tshul de bzhin du blta bar bya'o/ / me shel gyi dpe yang de bzhin du rig par bya'o/ /sems pa de la de'i mthu las skyes pa nye bar bsgo ba zhes bya ba'i chos gzhan 'ga' yang mi 'jug mod kyi/ 'on kyang sems pa de'i 'gyur ba tsam po de'i mthu las gyur par rig par bya'o/ /'di lta ste dper na/ las kyi mthus bskyed pa 'byung ba chen po bzhi po dag gi sra ba nyid dang/ gsher ba nyid dang/ dro ba nyid dang/ yang zhing g.yo ba nyid sna tshogs pa gang yin pa de dag ni 'byung ba chen po de dag las tha dad pa ma yin mod kyi/ 'on kyang de dag ni 'byung ba chen po rnams de ltar gyur pa tsam kho na yin te/ de yang las kyi mthu'i rkyen yin par rig par bya'o/ /las kyi mthu'i rkyen ji lta ba bzhin du rdzu 'phrul dang ldan pa'i mngon par 'du byed pa'i rkyen kyang de bzhin du blta bar bya ste/ 'di lta ste dper na bdud kyis grong khyer sa la can gyi bram ze dang khyim bdag rnams kyi sems de lta da ltar bsgyur te/ de dag ji ltar bcom ldan 'das la log par sgrub par byed pa de ltar byed mod kyi/ 'on kyang de dag gi sems dag la sgyur bar byed ba zhes bya ba chos lhag pa gang yang zhugs pa med kyi/ de rnams kyi sems dag gi 'gyur ba ni bdud kyis mngon par 'du byas pa'i mthu las byung ba kho na tsam yin par blta bar bya ste/ 'di la yang tshul de bzhin du rig par bya'o/ /de la las byas kyang byas la bsags kyang bsags pa zhes gsungs pa gang yin pa dang/ lci ba rnam pa lngas las lci bar gsungs pa gang yin de dag ni myong bar nges pa yin par brjod par bya'o/ /de las bzlog pa ni myong bar ma nges pa yin no/ /de yang rnam par smin par nges pa dang/ gnas skabs nges pa dang/ gnyi gar nges pa yin par brjod par bya'o/ /de la dgra bcom pa'i mi dge ba'i las myong bar nges pa sngon gyi tshe rabs gzhan du byas pa gang yin pa de ni sngon so so'i skye bar gyur ba na de nyid kyi tshe sdug bsngal chung zad tsam mam/ ngan don tsam nye bar gyur pas/ /de'i rnam par smin pa rnam par smin zin par brjod par bya'o/ /gnas gyur pas rnam par smin pa'i sa bon yang dag par bcom pas ni thams cad kyi thams cad du myong bar 'gyur ro/ /de ci'i phyir zhe na/ 'di ltar myong bar nges pa de ni bcom ldan 'das kyis sems kyi rgyud rnam par ma grol ba las brtsams te/ rnam par gzhag pa'i phyir ro/ /gang la la zhig gis srog chags lan gcig drangs shing gnod pa yang byas la/ bsad cing srog dang phral bar gyur na ci de la las gcig ces brjod par bya 'am/ 'on te gnyis shes brjod par bya zhe na/ smras pa/ las gnyis shes brjod par bya ste/ las de gnyis ni myur bar 'jug pa'i phyir gcig go snyam pa'i mngon pa'i nga rgyal 'byung bar blta bar zad kyi/ drangs la srog dbrog par bya'o snyam ba ni 'phrog pa'i dus na sems pa gcig yin la/ 'di la gnod pa byas te bsad par bya'o snyam pa ni sems pa gnyis pa yin te/ gang gi tshe 'dren par byed pa de'i tshe na ni gnod par mi byed la/ gang gi tshe gnod par byed pa de'i tshe na ni 'dren par mi byed do/ myur bar 'jug pas gcig cha'o snyam pa'i mngon pa'i nga rgyal skye bar zad pas/ de'i phyir las gnyis su brjod par bya'o/ /tshe 'di la myong bar 'gyur ba'i las ni mdor bsdu na rgyu gsum gyis rig par bya ste/ gsum gang zhe na/ zhing rgya che ba dang/ sems pa rgya che ba dang/ sems kyi rgyud rnam par dag pas so/ /de la zhing rgya tshe ba nyid ni rnams lngas blta bar bya ste/ sems can rnams la mchog tu phan pa'i lhag pa'i bsam pa las langs pa ni 'di lta ste/ byams pa la snyoms par 'jug pa las langs pa'o/ /sems can rnams mchog tu sems rjes su srung ba la gnas pa las langs pa ni 'di lta ste/ nyon mongs pa med pa'i ting nge 'dzin las langs pa'o/ /mchog tu rab tu zhi zhing mya ngan las 'das pa dang 'dra ba'i 'phags pa'i gnas pa las langs pa ni 'di lta ste/ 'gog pa'i snyoms par 'jug pa las langs pa'o/ /mi dge ba thams cad mi byed pa'i sdom pa thob pa ni 'di lta ste/ rgyun tu zhugs pa sems kyi rgyud shin tu rnam par dag pa'o/ /shin tu mthar thug pa ni 'di lta ste/ dgra bcom pa dang/ sangs rgyas la sogs pa dge slong gi dge 'dun ste/ de ltar pa de ni zhing rgya che ba nyid yin no/ /de dag la gal te snying thag pa nas dad pa'i sems kyis bsnyen bkur byas te/ dngos po rung ba dag 'bul bar byed na/ de ni sems pa rgya che ba nyid yin par blta bar bya'o/ /gal te des sngon gyi tshe rabs gzhan dag tu gzhi de dag nyid la gzhan dag gis chos gos la sogs pa 'bul bar brtsams pa la/ lus dang ngag dang yid kyi bar chad ma byas shing bgegs ma byas la nyon mongs pa can gyi sems kyis bsams shing bsgrub pa'i sgrib pa des sems kyi rgyud ma bsgribs na/ de'i sems kyi rgyud rnam par dag pa yin par blta bar bya'o/ /gal te de la rgyud gsum po thams cad tshogs par yod na/ de lta na de'i las de tshe 'di la myong bar 'gyur bas nges pa yin no/ /skyes nas myong bar 'gyur ba yang de yin la/ lan grangs gzhan la myong bar 'gyur ba yang de yin no/ /de las bzlog pa'i rgyu gsum gyis ni mi dge ba yang tshe 'di la myong bar 'gyur bar rig par bya'o/ /las dang skad cig gcig la skyes la/ tshe 'di la myong ba kho nar 'gyur ba de lta bu yang yod do/ /gang tshe 'di la myong bar 'gyur ba dang/ skyes nas myong bar 'gyur ba yang yod do/ /gang rnam pa gsum char du 'gyur ba yang yod de/ 'di lta ste dper na skud pa gcig la me tog gcig kho na zhig brgyur yod de/ me tog gi kho na zhig brgyur rung bar zad kyi de las lhag par brgyur mi nus pa de ltar srid thung ba gang yin pa dang/ gzhan yang me tog gnyis brgyur rung ba'i skud pa gang yin pa dang/ gzhan yang me tog gnyis brgyur rung ba'i skud pa gang yin pa dang/ gzhan yang me tog rab tu mang po dag brgyud rung ba'i skud pa gang yin pa lta bu dang/ 'di lta ste dper na chu'i rgyun chung ngu'i bdag nyid can ni bab ste/ gom pa gcig tu phyi ma nas thug par 'gyur ba dang/ gnyis pa ches che ba ni goms pa gnyis su phyin nas thug par 'gyur ba dang/ gsum pa chu'i rgyun chen po ni bab ste gom pa rab tu mang po dag gi bar du phyin nas thug par 'gyur ba lta bu dang/ 'di lta ste dper na/ tsha'i thigs pa rang bzhin gyis ro chung ngu gcig gis ni chu thigs pa gcig kho na zhig skyur por byed nus kyi/ de las lhag mi nus pa pa dang/ de bas ches rno ba'i tsha'i thigs pa gnyis pas ni chu'i thigs la gnyis kho na skyur por byed nus la de las lhag par mi nus pa dang/ de bas ches rno ba'i tsha'i thigs pa gsum pas ni chu rab tu mang po'i bar dag skyur por byed nus pa bzhin du/ las 'di la yang tshul de bzhin du blta bar bya'o/ /mi dge ba las kyi lam bcu po de dag ni 'dod pa dang ldan pa kho na yin la/ de dag gi rnam par smin pa yang 'dod pa'i khams kho na ste/ ngan song rnams su phal che la/ bde 'gro rnams su ni nyung ba yin no/ /ngan song ba de yang rgyun tu zhugs pas ni spangs pa yin no/ /so so'i skye'o 'jig rten pa'i 'dod chags dang bral ba gong mar skyes pas ni thams cad bcom pa yin la/ gtan spangs pa ni ma yin no/ /phyir mi 'ong ba 'di na gnas pa 'am/ der skyes pa dang/ dgra bcom pa thams cad kyis ni thams cad kho nar spangs pa yin no/ /lhag pa'i bsam pa dag pa'i sar chud pa'i byang chub sems dpas kyang thams cad gtan spangs pa yin te mi mjed pa'i stobs bskyed pa nyid kyis yin gyi nyon mongs pa dang bral bas ni ma yin no/ /de la sems pa ni las yin la/ las kyi lam ni ma yin no/ /srog gcod pa la sogs pa tshig kyal ba'i mthar thug pa'i bar dag ni las kyang yin la las kyi lam yang yin no/ /brnab sems dang/ gnod sems dang/ log par lta ba dag ni las kyi lam kho na yin la las ni ma yin par blta bar bya'o/ /las kyi lam rnams kyi rnam par gtan la dbab pa'i gzhung de las lhag pa ni mi snang ngo/ /sdom ni/ ngo bo nyid dang bsdu dbye dang/ /thabs dang lci dang yang ba dang/ /sogs dang 'bri dang sbyor ba dang/ /'bras bu skye ba'i nges pa yin/ /skye ba'i kun nas nyon mongs pa zhes gang gsungs pa de la skye ba ni mdor bsdu na rnam pa bcu gcig tu rig par bya ste/ gcig tu bde ba ni 'di lta ste/ lha kha cig tu skyes pa'o/ /gcig tu sdug bsngal ba ni 'di lta ste/ sems can dmyal ba rnams su skyes pa'o/ /bde ba dang sdug bsngal ba ni 'di lta ste/ lha dang/ mi dang/ dud 'gro dang/ /yi dags kha cig tu skyes pa'o/ /sdug bsngal ba yang ma yin bde ba yang ma yin pa'i skye ba ni/ 'di lta ste lha kha cig tu skyes pa'o/ /gcig tu yongs su ma dag pa'i skye ba ni/ 'di lta ste 'dod pa'i khams na so so'i skye bo rnams kyi'o/ /gcig tu yongs su dag pa'i skye ba ni 'di lta ste/ dbang po thob pa'i byang chub sems dpa' rnams kyi'o/ /yongs su ma dag pa dang yongs su dag pa'i skye ba ni 'di lta ste/ gzugs dang gzugs med pa'i khams ni so so'i skye bo rnams kyi'o// skye ba yongs su ma dag la/ skye mched drug yongs su dag pa dang ldan pa ni 'di lta ste/ 'dod pa'i khams na yongs su mya ngan las 'das pa'i chos can ngal? bar skyes pa rnams kyi'o/ /skye ba yongs su dag la/ skye mched yongs su ma dag pa dang ldan pa ni 'di lta ste/ gzugs dang gzugs med pa'i khams su skyes pa'i so so'i skye bo rnams kyi'o/ /skye ba yang yongs su ma dag la/ skye mchod kyang yongs su ma dag pa dang ldan pa ni 'di lta ste/ /'dod pa'i khams su skyes pa'i so so'i skye bo yongs su mya ngan las mi 'da' ba' i chos can rnams kyi dang/ yongs su mya ngan las 'da' ba' i chos can mi dal bar skyes pa rnams kyi'o/ /skye ba yongs su dag la/ skye mched kyang yongs su dag pa dang ldan pa ni 'di lta ste/ gzugs dang gzugs med pa'i khams su skyes pa'i slob pa so so'i skye bo ma yin pa rnams kyi'o/ /ji skad du khyed cag gis ni yun ring po nas ro'i mtshams sbyor ba skyed cing khrag gi thigs pa blangs so zhes gsungs pa de la ro'i mtshams sbyor ba gang zhe na/ smras pa 'di lta ste/ ro'i mtshams sbyor ba zhes bya ba de ni sred pa'i tshig gi rnam grangs yin te/ des ni kun 'byung ba'i bden pa yongs su bzung bar bstan to/ /khrag gi thigs pa blangs so zhes gsungs pa des ni sdug bsngal gyi bden pa yongs su bzung bar bstan to/ /bram ze'i rtogs pa brjod pa'i sde de las/ 'chi ba'i kun nas nyon mongs pa la brtsams te der bcom ldan 'das kyi lnga po 'di dag ni ma smyos pa'i smyon pa'i spyod pa dag yin te/ lnga gang zhe na/ yan lag chags pa dag 'tsho ba'i thabs gzhan yod bzhin du/ yan lag gshegs pa'i sgyus 'tsho bar byed pa gang yin pa de ni ma smyos pa'i smyon pa ni dang po yin no/ /gzhan yang chags shing chags pa'i zil gyis non pa dag chags pa'i gzhi'i rgyus longs spyod par yang mi byed sbyin par yang mi byed par longs spyod kyi tshogs chen po dag spangs nas 'chi ba'i dus byed pa kho nar 'gyur ba gang yin pa de ni ma smyos pa'i smyon pa'i spyod pa gnyis pa yin no/ /gzhan yang mtho rings 'dod pa dag lus dang ngag dang yid kyi legs par spyad pas bsdus pa'i mtho ris kyi thabs gzhan yod bzhin du mtho ris 'dod pa'i phyir bdag nyid mer sreg par byed pa dang/ chur 'chi bar byed ba dang/ g.yangs sa nas g.yang du gtong bar byed pa gang yin pa de ni ma smyos pa'i smyon pa'i spyod pa gsum pa yin no/ /gzhan yang thar pa 'dod pa dag 'phags pa'i lam yan lag brgyad pas bsdus pa'i thang ba'i thabs yod bzhin du/ thar ba 'dod pa'i phyir bdag nyid rnam pa du mar kun tu gdung bar byed/ yang dag par gdung bar byed/ yongs su gdung bar byed pa gang yin pa dang ma smyos pa'i smyon pa'i spyod pa bzhi pa yin no/ /gzhan yang shi ba'i rjes su mya ngan byed pa dag shi ba phyir 'ong ba med bzhin du/ shi ba'i rjes su mya ngan bya ba'i ched kyi phyir rnam pa du mar bdag nyid cho nges 'debs par byed lus 'dral bar byed/ mgo thal bas skud par byed zas mi za bar byed pa gang yin pa de ni ma smyos pa'i smyon pa'i spyod pa lnga pa yin te/ pha ma de bzhin du phu nu dang/ /de bzhin nye du mdza' bshes bu/ /nges med bdag gir 'dzin byed pa/ /de ni 'jig rten phyin ci log / mar gyur pa yang chung mar 'gyur/ /chung mar gyur ba mna' mar gyur/ /mna' mar gyur ba bran mor 'gyur/ /dgra yang khyim gyi bdag mor 'gyur/ /phar gyur ba yang bu phor 'gyur/ /bu phor gyur pa dgra bor 'gyur// dgra? ru? gyur pa ni bran 'gyur te/ /mdangs gzhug las mi 'gyur de bzhin/ /rgyal por gyur ba tshal zar 'gyur/ tshal bar gyur pa bkren pa dang/ /grong mi ngan pa dman pa dang/ /'jig rten rnams kyis smad par 'gyur/ /bram zer gyur ba rgyal rigs 'gyur/ /rgyal rigs rje'u rigs nyid du ste/ /rje'u rigs gyur pa dmang rigs dang/ /de bzhin gdol pa g.yung por 'gyur/ /gang dag khyod kyi bur skyes pa/ /stong gi phrag dang brgya phrag dang/ /khrag khrig phrag ni dum dag /dus gzhan na ni dgra bar 'gyur/ /ji ltar gar mkhan ltad mo'i dbus/ /bdag nyid sna tshogs ston byed pa'i/ /bdag nyid sna tshogs de bzhin du? ? skye bo ston par byed/ 'du byed 'di dag sgyu 'dra ste/ /rgyu rnams rkyen rnams las rnams dang/ /nyon mongs rnams kyis yang dang yang/ /rnam par bsgrubs pa sna tshogs yin/ /mi shes pa yis bsgrubs pa rnams/ /de ltar co 'dri sna tshogs dang/ /thob kyang 'khor ba nyid la ni/ /dga' zhing cis kyang skye mi byed/ /thal ba mchi ma smre sngags kyi/ /bdag nyid phyir zhing co 'dri la/ /mya ngan bya min mya ngan byed/ /gdung ba min la gdung bar byed/ /gzhan la gnyen 'dab 'du shes kyis/ /bdag nyid brdabs shing mya ngan byed/ /chos kyi spyod pa kun spangs nas/ /lag pa bsgreng ste tshe nges 'debs/ /gti mug nga rgyal rgyags ldan zhing/ yang dang yang du bag med byed/ /ces gsungs so/ /de bzhin du sbyar te/ rtsod pa'i dus kyi sgyon ni bzhi ste/ tshe yongs su 'grib pa dang/ bde ba yongs su 'grib pa dang/ yon tan yongs su 'grib pa dang 'jig rten gyi phun sum tshogs pa yongs su 'grib pa'o/ /rtsod pa'i dus na sems can rnams gcig la gcig gnas brgyad 'phreng bar mi byed de/ chos bgrang bar mi byed pa dang/ snyam pa dang/ bsten pa dang/ snying rje dang/ byams pa dang/ yon tan dang ldan pa dang/ phan 'dogs pa dang/ kun tu dga' ba 'grang bar mi byed do zhes kyang gsungs so/ / //bam po bcu drug pa/ /skye ba'i kun nas nyon mongs pa la ma rig pa'i rkyen gyis rga shi zhes bya ba'i bar du gang gsungs pa de la/ ma rig pa la sogs pa yan lag de dag gi rab tu dbye ba ji ltar blta bar bya zhe na/ smras pa/ mdor bsdu na rnam pa lnga ste/ rtags dang/ ngo bo nyid dang/ las dang/ chos dang/ rgyud dang 'bras bus so/ /de lam rig pa'i rtags dag gang zhe na/ smras pa/ ma rig pa'i rtags ni 'dod chags kyang yin/ khong khro ba yang yin/ nga rgyal yang yin/ ngar 'dzin pa dang nga yir 'dzin pa yang yin/ ngo tsha med pa dang khrel med pa yang yin/ bag med pa yang yin/ rang bzhin gyis kho re chung ba rang mo brtul ba yang yin/ gnyid che ba yang yin/ sems zhum pa yin/ sdig pa'i las kun tu spyod pa yang rtags yin no/ /ma rig pa'i ngo bo nyid gang zhe na/ smras pa/ mtshan nyid kyi ngo bo nyid ni bshad zin to/ /de ni rab tu dbye ba las ngo bo nyid de brjod par bya ste/ ma rig pa ni bag la nyal ba yang yod do/ /sad pa yang yod do/ /nyon mongs pa dang ldan pa yang yod do/ /'ba' zhig ba ma 'dres pa yang yod do/ /sems kyis zil gyis gnon par byed pa yang yod do/ /las kun nas slong bar byed pa yang yod do/ /nyon mongs pa can ma yin pa yang yod do/ /ngo tsha ba dang bral ba yang yod do/ /brtan pa yang yod do/ yongs su mya ngan las mi 'da' ba' i chos can rnams kyi'o/ /ma rig pa'i las gang zhe na/ smras pa/ ma rig pa ni don lkog tu gyur pa las yang kun tu rmongs par byed do/ /ma rig pa ni mngon sum dang/ ngan pa dang/ bar ma dang/ rab dang/ phan pa dang/ mi phan pa dang/ de kho na'i don dang/ mdza' bshes kyi don dang/ rgyu dang 'bras bu la yang kun tu rmongs par byed do/ /sems can kun tu rmongs pa ni bcu po 'di dag yin te/ sems can kun tu rmongs pa de dag gis sems can kun tu rmongs pa thams cad bsdus par 'gyur te/ ma tshang bas kun tu rmongs pa dang/ g.yeng bas kun tu rmongs pa dang/ rnam par g.yeng bas kun tu rmongs pa dang/ rang bzhin gyis kun tu rmongs pa dang/ mngon par zhen pas kun tu rmongs pa dang/ 'khrul pas kun tu rmongs pa dang/ kun tu rmongs pa brtan pa dang/ shin tu kun tu rmongs pa dang/ ma rtogs pas kun tu rmongs pa dang/ mngon sum la kun tu rmongs pa'o/ /de la ma tshang bas kun tu rmongs pa ni/ 'di ltar 'di na la la mig ma tshang ba 'am/ rna ba ma tshang bar gyur nas/ des na mig gi rnam par shes par bya ba'i gzugs rnams sam/ rna bas rnam par shes par bya ba'i sgra rnams la/ thams cad kyi thams cad du nyams su myong ba med pa las kun tu rmongs pa lta bu'o/ /de la g.yeng bas kun tu rmongs pa ni/ 'di ltar 'di na la la gnod pa 'am/ sdug bsngal ba 'am/ nad tshabs che ba 'am/ tshor bas sdug bsngal ba 'am/ smyos te sems 'khrugs nas/ des de legs par byas pa dang nyes par byas pa dag la kun tu rmongs pa lta bu'o/ /de la rnam par g.yeng bas kun tu rmongs pa ni/ 'di ltar 'din la la gzhan la sems 'brel bar gyur pas gzhan la legs par byas pa dang nyes par byas pa dag la kun tu rmongs pa lta bu'o/ /de la rang bzhin gyis kun tu rmongs pa ni/ 'di ltar 'di na la la mtho ga ma med pa dang ldan pa'i 'khor ba na/ rang bzhin kho nas sdug bsngal ba dang/ kun tu 'byung ba dang/ 'gog pa dang/ lam dang/ gang zag la bdag med pa dang/ chos la bdag med pa la kun tu rmongs pa lta ba'o/ /de la mngon par zhen pas kun tu rmongs pa ni/ 'di ltar 'di na la la phyi rol pa mu stegs can du gyur nas des na de 'jig tshogs la lta ba dang/ 'jig tshogs la lta ba'i rtsa ba las byung ba'i lta ba'i rnam pa dag la kun tu rmongs pa lta bu'o/ /de la 'khrul pas kun tu rmongs pa ni/ 'di ltar 'di na la la ming 'khrul pa 'am/ grangs 'khrul pa 'am/ dbyibs 'khrul pa 'am/ kha dog 'khrul pa 'am/ las 'khrul pas 'khrul pa dang/ mthun ba'i chos rnams la kun tu rmongs pa lta bu'o/ /de la kun tu rmongs pa brtan pa ni 'di ltar 'di na la la yongs su mya ngan las mi 'da' ba' i chos can du gyur nas des na de'i kun tu rmongs pa sangs rgyas rnams kyis kyang gzhig mi spyod par bstan pa lta bu'o/ /de la shin tu kun tu rmongs pa ni 'di ltar 'di na la la rtag par rgyun tu log par bsgrub pas/ log par sgrub pa'i rgyu las byung ba'i sdug bsngal gyis bcom par shes shing mthong yang/ de nyid la rgyug cing de nyid la mngon par dga' ba dang/ 'dod chags la sogs pa spyod pa gang yin pa lta bu'o/ /de la ma rtogs pas kun tu rmongs pa ni/ 'di ltar 'di na la la ma thos pa dang/ ma bsam pa dang/ ma bsgom pa'i phyir chos kyi don la kun tu rmongs pa lta bu'o/ /de la mngon sum la kun tu rmongs pa ni 'di ltar 'di na la la 'du byed rnams kyi mi rtag pa nyid mngon sum du yang dag par rjes su mthong bzhin du rtag par 'du shes pa dang/ sdug bsngal nyid mngon sum du yang dag par rjes su mthong bzhin du bde bar 'du shes pa dang/ mi gtsang ba nyid mngon sum du yang dag par rjes su mthong bzhin du gtsang bar 'du shes pa dang/ bdag med pa nyid mngon sum du yang dag par rjes su mthong bzhin du bdag tu 'du shes pa dang/ na ba'i chos nyid dang/ rga ba'i chos nyid dang/ 'chi ba'i chos nyid mngon sum du yang dag par rjes su mthong bzhin du bde bar 'du shes pa dang/ gnod pa med par 'du shes pa lta bu'o/ /gzhan yang ma rig pa ni gnas lnga la sgrib par byed pa yin te/ 'di lta ste/ ma rig pa ni de kho na'i shes pa thob pa dang/ nyon mongs pa nye bar zhi ba 'thob pa dang/ 'phags pa'i lam yongs su 'grub pa dang/ bde 'gror 'gro ba dang/ 'jig rten pa rnams kyi tshe 'di ba'i phun sum tshogs pa la sgrib pa byed pa yin no/ /ma rig pa'i chos nyid kyang gang zhe na/ ma rig pa ni ma rig pa gang dang ldan na rmongs pa zhes bya la/ gti mug gi brlams pa ma yin pa dang/ gti mug gi dri ma can ma yin pa dang/ gti mug gi dbang du gyur pa ma yin pa yang yod de/ 'di lta ste/ bag la nyal du gnas pa'i ma rig pa dang ldan pa'o/ /rmongs pa yang yin/ gti mug gis brlams pa yang yin la/ gti mug gi dri ma can ma yin pa dang/ gti mug gi dbang du gyur pa ma yin pa yang yod de/ 'di lta ste/ kun nas dkris par gtogs pa'i ma rig pa dang ldan pa'o/ /rmongs pa yang yin/ gti mug gis brlams pa yang yin/ gti mug gi dri ma can yang yin la/ gti mug gi dbang du gyur pa ma yin pa yang yod de/ 'di lta ste/ ma rig pa'i rgyu las byung ba'i sdig pa mi dge ba'i las kun nas slong bar byed pa'i ma rig pa dang ldan pa ste/ de ni las kun nas bslangs nas nyes par spyad pa des ngo tsha bar byed pa'i phyir ro/ /rmongs pa yang yin/ gti mug gis brlams pa yang yin/ gti mug gi dri ma can yang yin/ gti mug gi dbang du gyur pa yin pa yang yod do/ 'di lta ste ma rig pa'i rgyu las byung ba'i sdig pa mi dge ba'i las kun nas bslang nas nyes par spyad pa des ngo tsha bar mi byed pa'i phyir ro/ /de na ma rig pa rnam pa gsum gyis ni rmongs pa yin la/ gti mug can zhes mi bya'o/ /thams cad ni gti mug can zhes kyang bya'o/ /ma rig pa ni mun gnag gi chos can yang yod de/ 'di lta ste 'dod pa na spyod pa'o/ /mun pa'i chos can yang yod de/ 'di lta ste/ gzugs na spyod pa'o/ /rab rib kyi chos can yang yod de/ 'di lta ste gzugs med pa na spyod pa'o/ /ma rig pa'i rgyu dang 'bras bu gang yin zhe na/ smras pa/ rgyu ni 'di lta ste/ sa'i dngos gzhir bstan pa bzhin du blta bar bya'o/ /'bras bu ni srid pa'i yan lag thams cad do/ /gzhan yang de bzhin nyid dang bden pa'i don mi rtogs pa dang/ de bzhin nyid du de nyid la the tshom za ba dang/ log par des nas mi rtag pa la sogs pa la phyin ci log tu 'dzin cing mngon par zhen pa'i phyir ram/ bdag khyad du gsod pa'i phyir bden pa la skur pa 'debs ba 'am/ sgro 'dogs pa'o/ /srid pa'i yan lag lhag ma rnams kyi rnam par gtan la dbab pa'i gzhung ni mi snang ngo/ /de de la bcom ldan 'das kyis mig gi rnam par shes pa bskye ba'i rgyu ni mig yin la/ rkyen ni gzugs rnams yin no zhes bya ba nas/ lus kyi rnam par shes pa bskye ba'i rgyu ni lus yin la/ rkyen ni reg bya rnams yin no zhes bya bya ba'i bar du gang gsungs ba dang/ reg pa'i rkyen gyis tshor ba'o zhes gang gsungs pa dang/ de dang 'byung ba'i rnam par shes pa skye ba'i rgyu ni/ de dang 'byung ba'i yid la byed pa yin no zhes gang gsungs pa de la/ gang gi tshe mig la sogs pa'i mig gi rnam par shes pa la sogs pa'i skyed pa'i rgyu dag ma yin pa dang/ reg pa yang tshor ba'i skyed pa'i rgyu ma yin pa dang/ de dang 'byung ba'i yid la byed pa yang de dang 'byung ba'i rnam par shes pa'i skyed pa'i rgyu ma yin te/ 'di ltar de dag gi rang gi sa bon nyid skyed pa'i rgyu yin pa de'i tshe/ ci'i phyir mig la sogs pa ji skad bstan pa dag mig gi rnam par shes pa la sogs pa ji skad bstan pa dag gi rgyu yin par gsungs she na/ lhan cig 'byung ba gnas su bsdus pa bskyed par byed pa'i rgyu las dgongs te gsungs pa yin gyi/ mngon par 'grub pa'i rgyu las ni ma yin te/ 'di ltar lhan cig 'byung ba'i mig la sogs pa'i dbang po la brten nas/ mig la sogs pa'i rnam par shes pa dmigs pa de dang de la 'jug par 'gyur gyi/ ma brten par mi 'jug pa'i phyir dang/ de bzhin du lhan cig 'byung ba'i reg pa la brten nas tshor ba rnams skye bar 'gyur gyi/ ma brten par mi 'byung ba'i phyir dang/ de bzhin du lhan cig 'byung ba de dang 'byung ba'i yid la byed pa la brten nas de dang 'byung ba'i rnam par shes pa skye bar 'gyur gyi/ ma brten par ni mi 'byung ba'i phyir te/ de ltar na bcom ldan 'das kyis thams cad du yang lhan cig 'byung ba gnas su bsdus pa skyed par byed pa'i rgyu las dgongs te gsungs pa yin gyi/ mngon par 'grub pa'i rgyu 'am/ 'khor gyi rgyu las ni ma yin no/ /de ci'i phyir zhe na/ 'di ltar mig 'gags pas ni mig gi rnam par shes pa skyes pa'i gnas kyi bya ba byed par mi nus te/ rna ba la sogs pa lhag ma rnams kyang de dang 'dra ba dang/ reg pa 'gags pas kyang tshor ba skyes pa'i gnas kyi bya ba byed par mi nus pa dang/ de dang 'byung ba'i yid la byed pa 'gags pas kyang de dang 'byung ba'i rnam par shes pa skyes pa'i gnas kyi bya ba byed par mi nus pa'i phyir ro/ /gzhan yang rten cing 'brel par 'byung ba'i go rims kyi rnam grangs ni mdor bsdu na rnam pa bzhis rig par bya ste/ 'di lta ste/ 'phen pa'i go rims dang/ mngon par 'grub pa'i go rims dang/ yul la yongs su spyod pa'i go rims dang/ sdug bsngal la yongs su spyod pa'i go rims kyis so/ /de la ma rig pa'i rkyen gyis 'du byed rnams/ 'du byed kyis rnam par shes pa zhes bya ba ni 'phen pa'i go rims yin no/ /de la rnam par shes pa'i rkyen gyis ming dang gzugs ming dang gzugs kyi rkyen gyis skye mched drug ces bya ba ni mngon par 'grub pa'i go rims yin no/ /de la skye mched drug gi rkyen gyis reg pa/ reg pa'i rkyen gyis tshor ba zhes bya ba ni mngon par 'grub pa'i yul la yongs su spyod pa'i go rims yin no/ /de la tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi zhes bya ba ni sdug bsngal la yongs su spyod spyod pa'i go rims yin par rig par bya'o/ /phyogs 'di'i gzhung ni de las mi snang ngo/ /bcom ldan 'das kyis bar sa'i rgyal po 'char byed las brtsams nas/ bar? sa'i rgyal po 'chang byed bcom ldan 'das ga la ba der song nas/ bcom ldan 'das la 'di skad ces gsol grag ste/ btsun pa 'di na dge sbyong dang/ bram ze kha cig bdag ga la ba der mchis nas/ bdag la mngon sum du yang dag pa ma lags pa dang/ de kho na ma lags pa'i skyon dag gis sma 'bebs par bgyi de/ yang dag pa ma lags pa dang/ de kho na ma lags pa'i skyon dag gi dma''bebs par bgyid pa na/ bdag la sems zhum pa ma skyes lags so/ /de ci'i slad du zhe na/ 'di lngar bdag gis yang dag pa ma lags pa dang/ de kho na ma lags pa'i skyon de dag bdag la so sor brtags na yang dag par rjes su ma mthong ba'i slad du'o/ /gzhan yang dge sbyong dang/ bram ze kha cig bdag ga la ba der mchis nas/ bdag la mngon sum du yang dag pa ma lags pa dang/ de kho na ma lags pa'i yon tan dag gis spro bar bgyid de/ yang dag pa ma lags pa dang/ de kho na ma lags pa'i yon tan dag gis spro bar bgyid pa na yang bdag la dga' ba dang yid bde ba dang sems yeng yeng ba nyid ma skyes lags so/ /de ci'i slad du zhe na/ 'di ltar bdag gis yang dag pa ma legs pa dang/ de kho na ma lags pa'i yon tan de dag bdag la so sor brtags na/ yang dag par rjes su ma mthong ba'i slad du'o/ /dge sbyong dang bram ze de dag slar mchis nas/ bdag gcig pu dben par mchis pa ni sems la sems kyi yongs su rtog pa 'di lta bu skyes 'gal? te gal te bdag gis rgyal po'i skyon yang dag pa dag 'tshal bar gyur cing/ rgyal po'i yon tan yang dag pa dag kyang 'tshal bar gyur na/ bdag gis rgyal po'i skyon rnams ni yang dag par slang bar bgyi na/ gang bdag la rgyal po'i skyon yang dag pa dang/ rgyal po'i yon tan yang dag pa dag rgya cher yang dag par ston par rngo thogs pa'i dge spyong ngam/ bram ze de gang lags snyam pa de lta bu'i sems kyi yongs su rtogs pa skyes lags so/ /de nas bdag 'di snyam du sems par gyur lags te/ bcom ldan 'das 'di ni thams cad mkhyen pa/ thams cad gzigs pa lags pas/ des ni rgyal po'i skyon yang dag pa dang/ rgyal po'i yon tan yang dag pa dag mkhyen gyis/ bdag bcom ldan 'das kyi spyan sngar mchis la/ don de nyid yongs su zhu'o snyam du sems par gyur lags pas/ bcom ldan 'das la bdag don de nyid yongs su zhu lags so/ /bcom ldan 'das rgyal po'i skyon yang dag pa dang/ rgyal po'i yon tan yang dag pa de dag gang lags/ de skad ces gsol ba dang/ bcom ldan 'das kyi bad sa'i rgyal po 'char byed la 'di skad ces bka' stsal to/ /rgyal po chen po de'i phyir khyod kyis rgyal po'i skyon dag kyang rig par bya/ rgyal po'i yon tan dag kyang rig par bya ste/ rgyal pos ni nyams pa'i sgo dag kyang rig par bya/ thabs kyi sgo dag kyang rig par bya/ 'dod pa'i chos dag kyang rig par bya/ 'dod pa 'dren par byed pa'i chos dag kyang rig par bya'o/ /de la rgyal po'i skyon rnams gang zhe na/ rgyal po chen po bcu po 'di dag ni rgyal po'i skyon dag yin te/ de dag dang ldan na rgyal po longs spyod che zhing rtsa 'jing che la 'khor mang du zin kyang/ skyabs kyi 'os ma yin zhing skyabs su 'gyur ba'i 'os ma yin no/ /bcu gang zhe na/ rigs mi btsun pa yin/ rang dbang med pa yin/ rang bzhin gyis gtum pa yin/ 'khrug ba shas che ba yin/ bya dga' chung ba yin/ dam pa ma yin pa rnams kyi ngag snyan pa yin/ ma brtogs par byed cing chos lugs dang mi ldan pa yin/ chos la mi lta ba yin/ bye brag mi shes shing byas pa mi gzo ba yin/ rab tu myos shing gcig tu bag med par spyod pa yin no/ /ji ltar na rigs mi btsun pa yin zhe na/ 'di la rgyal po rgyal po'i rigs shin tu dman pa rkyen du 'bab pa ma yin par skyes pa 'am/ rgyal po'i rigs de nyid du bran mo'i bu 'am/ mi 'dra ba'i bur skyes pa 'am/ tshal za 'am/ blo grogs sam/ blon po 'am/ gros grogs kyi bur skyes pa yin te/ de ltar na rigs mi btsun pa yin no/ /ji ltar na rang dbang med pa yin zhe na/ 'di la rgyal po la las tshal za dang/ blo grogs dang/ blon po dang/ gros grogs dag de lta de ltar thabs bstod pas de rang gi bya ba de bya ba dang/ tshal za rnams gso ba dang/ ci 'dod pa bzhin du 'dod pa'i yon tan lnga po dag gis rtse ba 'am/ dga' ba 'am/ dga' dgur spyod pa la 'dod dgur byed du mi ster ba yin te/ de ltar na rgyal po rang dbang med pa yin no/ /ji ltar na rgyal po rang bzhin gyis gtum pa yin zhe na/ 'di la rgyal po tshal za rnams sam/ gzhan dag gis gzhi 'ga' kho na zhig la yid du mi 'ong ba'i dngos po ci yang rung ba cung zhig kun tu spyad pa na/ mngon sum du dma''bebs par byed tshig rtsub po brjod par byed ngan par byed/ 'khrug par byed/ gnod par byed/ yul yul bor gnas par byed cing/ 'khrug pa kun tu bskyed par byed pa dang/ gal te mngon sum du ma yin na yang lkog tu gzhan dag gi drung du brjod pa dang/ gal te mngon sum du yang ma yin lkog tu gzhan dag gi drung na yang ma yin mod kyi/ nang du yid kyis rab tu 'khrug pa mi mngon par kun nas mnar sems kyi sems dang khon du 'dzin pa'i sems bskyed la/ 'khrug pa'i bsam pa yun ring por ni mi bskyed mi 'dzin pa dang/ gzhan yang nang du yid kyis 'khrug pa mi mngon par byed cing/ kun nas mnar sems kyis sems dang ldan la/ khon gyi bsam pa dang/ 'khrug pa'i bsam pa yun ring por bskyed cing 'dzin par byed pa yin te/ de ltar rnam pa de dag gis mngon sum du gtum pa dang/ lkog na gtum pa dang/ mi mngon par gtum pa dang/ yun thung ngur gtum pa dang/ yun ring por gtum pa gang yin pa de ni/ rgyal po rang bzhin gyis gtum pa zhes bya ste/ rgyal po chen po de la yun ring por gtum pa ni kha na ma tho ba chen po dang bcas pa yin la/ gzhan ni de lta ma yin par rig par bya'o/ /ji ltar na 'khrug pa'i shas che ba yin zhe na/ 'di la rgyal po tshal za rnams nyes pa chung ngu dang 'gal ba chung ngu dag gis kyang thams cad kyi thams cad du longs spyod dag dang bral bar byed/ chung ma dag dang bral bar byed cing/ chad pa mchog gis kyang rjes su ston par byed pa yin te/ de ltar na rgyal po 'khrug pa'i shas che ba yin no/ /ji ltar na bya dga' chung ba yin zhe na/ 'di la rgyal po tshal za rnams kyi bkur sti dang/ bsnyen bkur gyis dga' bar byas mgu bar byas su zin kyang/ tshig 'jam po cung zad cung zad tsam las mi brjod cing longs spyod kyi bgo bsha' yang yongs su rdzogs pa dang/ tshul dang mthun par mi byed/ 'tsho ba'i bgo bsha' yongs su rdzogs pa dang/ tshul dang mthun par mi byed la/ de yang dbri skyung byas bskyung ba byas/ gya gyu byas/ yi chad par byas nas byed pa yin te/ de ltar na rgyal po bya dga' chung ba yin no/ /ji ltar na dam pa ma yin pa rnams kyi ngag snyan pa yin zhe na/ 'di la rgyal po gang zag mkhas pa ma yin par mkhas par rlom pa/ brkam chags can/ nye mgon byed pa/ tshul mi shes pa/ 'khu bar byed pa/ chos ma yin pa dang ldan pa gang yin pa de lta bu'i gang zag rnams kyi tshig mnyan pa dang/ bya bar sems shing des na de bya ba dang las kyang yongs su nyams par 'gyur longs spyod dag las kyang yongs su nyams par 'gyur/ grags pa las kyang yongs su nyams par 'gyur/ chos las kyang yongs su nyams par 'gyur ba yin te/ de ltar na rgyal po dam pa yin pa rnams kyi ngag nyan pa yin no/ /ji ltar na ma brtags par byed cing chos lags dang mi ldan pa yin zhe na/ 'di la rgyal po tshal za mthun par ma bskos/ yongs su ma bskos/ dmigs su ma phab/ rnam par ma brtags pa kun tu ma brtags par don mchog tu yid gcugs par bya ba'i las kyi mdza' de dang de dag tu bsko bar mi 'os pa'i tshul za rnams ni bsko bar byed/ bsko bar 'os pa rnams ni bsko bar mi byed/ las kyi mdza' de dang de dag las dbyung bar 'os pa'i tshal za rnams ni 'byin par mi byed/ dbyung bar mi 'os pa rnams ni 'byin par byed pa dang/ mthun par ma bskos/ yongs ma bskos/ dmigs su ma phab/ rnam par ma brtags/ kun tu ma brtags pas/ phan btags par 'os pa'i tshal za rnams la ni chad pas gcod par byed/ chad pas gcod par 'os pa rnams la ni phan 'dogs par byed pa dang/ rgyal po chen po'i chos lugs gang dag yin pa de dag kyang nges tshal za rnams la legs par rnam par ma bzhag pas/ nges na tshal za rnams kyang blon po chen po dang/ 'khor phal cher 'dus te 'dug pa'i tshe/ glo bur du gtam zer zhing gtam gyi 'jug mi stong pa dang/ rjes ma yin pa dang/ gus pa ma yin pa dag smra zhing bya bar yang sems la/ ji skad bsgo ba'i tshig bzhin du yang mi byed cing/ tshig la legs par gnas pa yod ma yin te/ de ltar na rgyal po ma brtags par byed cing/ chos lugs dang mi ldan pa yin no/ /ji ltar na chos la mi lta ba yin zhe na/ 'di la rgyal po 'jig rten pha rol la ma dang cing yid mi ches pa yin te/ de 'jig rten pha rol la ma dad cing yid mi tshes pas las dge ba dang/ mi dge ba rnams kyi 'bras bu phyis? tshe phyi ma la 'dod pa dang mi 'dod par 'gyur ba la yang dad par mi byed pa dang/ ma dad pas ngo tsha med cing lus dang ngag dang yid kyis nyes par spyod pa la ci 'dod dgur 'jug pa dang/ gzhan yang dus dus su so sor brtags nas sbyin pa dag mi sbyin pa dang/ bsod nams dag mi byed pa dang/ bsnyen gnas la mi gnas pa dang/ tshul khrims yang dag par blang ba la mi 'jug pa yin te/ de ltar na rgyal po chos la mi lta ba yin no/ /ji ltar na bye brag mi shes shing byas pa mi gzo ba yin zhe na/ 'di la rgyal po tshal za rnams dang/ blo grogs rnams dang/ gros grogs rnams la sems phyin ci log tu gyur pa yin te/ des gus pa las kyang de dag gi bye brag mi shes la/ nus pa dang/ shes pa las kyang de dag gi bye brag mi shes te/ de de ltar bye brag mi shes pas tshal za gus pa dang mi ldan pa rnams la ni gus pa dang ldan par 'du shes pa dang/ gus pa dang ldan pa rnams la ni gus pa dang mi ldan par 'du shes pa dang/ nus pa ma yin pa rnams la ni nus par 'du shes pa dang/ nus pa rnams la ni nus pa ma yin par 'du shes pa dang/ shes rab 'tshal ba rnams la ni shes rab dang ldan par 'du shes pa dang shes rab dang ldan pa rnams la ni shes rab 'chal bar 'du shes pa dang/ de ltar sems phyin ci log tu gyur pas tshal za gus pa dang mi ldan pa rnams dang/ nus pa dang mi ldan pa rnams dang shes rab 'chal pa rnams la ni bkur sti byed/ bla mar byed/ ri mor byed/ mchod par byed la/ gus pa dang ldan pa rnams dang/ nus pa dang ldan pa rnams dang shes rab dang ldan pa rnams la ni khyad du gsod par byed pa dang/ de'i tshal za yun ring po nas bsnyen bkur byed/ byed pa/ srid zhu che ba/ rga na po rgas pa dgog tu phyin pa gang dag yin pa de dag la yang mthu med pa dang/ stobs med pa dang/ nyam rtsal med par rig nas/ bsnyen bkur las kyang khyad du gsod par byed/ longs spyod kyi bgo bsha' dang/ 'tsho ba'i bgo bsha' las kyang khyad du gsod par byed cing/ gzhan dag gis brnyas na yang yal bar 'dor ba yin te/ de ltar na rgyal po bye brag mi shes shing byas pa mi gzo ba yin no/ /ji ltar na rab tu myos shing gcig tu bag med par spyod pa yin zhe na/ 'di la rgyal po gcig tu 'dod pa'i yon tan lnga po dag gis 'byor cing ldan par gyur nas/ rtse bar byed/ dga' bar byed/ dga' dgur spyod par byed cing/ dus dus su bya ba dag bya ba dang/ tshal za dag gso ba'i phyir brtson par mi byed pa yin te/ de ltar na rgyal po rab tu myos shing gcig tu bag med par spyod pa yin no/ /rgyal po chen po skyon bcu po dag dang ldan na rgyal po longs spyod che zhing rtsa 'jig che la 'khor mang du zin kyang skyabs kyi 'os ma yin zhing/ mngon du bgrod par bya ba'i 'os ma yin no/ /rgyal po chen po rgyal po'i skyon de dag las dang po gcig ni rigs kyi skyon yin no/ /de las gzhan pa'i skyon dgu ni rgyal po'i rang bzhin gyi skyon yin par rig par bya'o/ /de la rgyal po'i yon tan rnams gang zhe na/ rgyal po chen po bcu po 'di dag ni rgyal po'i yon tan dag yin te/ de dag dang ldan na rgyal po longs spyod chen po ma yin zhing/ rtsa 'jing chen po ma yin la/ 'khor mang ba ma yin du zin kyang skyabs kyi 'os yin zhing mngon du bgrod par bya ba'i 'os yin no/ /bcu gang zhe na/ rigs btsun pa yin/ rang dbang yod pa yin/ rang bzhin mi gtum pa yin/ 'khrug pa'i shas mi che ba yin/ bya dga' che ba yin/ dam pa rnams kyi dag nyan pa yin/ brtags te byed cing chos lugs dang ldan pa yin chos la lta ba yin/ bye brag shes shing byas pa gzo ba yin/ rab tu ma myos shing gcig tu bag med par mi spyod pa yin no/ /ji ltar na rigs btsun pa yin zhe na/ rgyal po rigs 'dra ba 'am/ mtho bar skyes pa'am/ 'dra ba'i bur skyes pa yin te/ de ltar na rigs btsun pa yin no/ /ji ltar na rang dbang yod pa yin zhe na/ rgyal po bya ba dag bya ba dang/ tshal za dag gso ba dang/ 'dod pa'i yon tan lnga po dgra gis rtse ba'am/ dga' dgur spyod pa la rang dgar 'jug cing de'i tshig kyang tshal za rnams dang/ blo grags rnams dang/ gros grogs rnams la brtsan par 'jug pa yin te/ de ltar na rang dbang yod pa yin no/ /de ltar na rang bzhin gyis mi gtum pa yin zhe na/ 'di la rgyal po tshal za rnams kyis gzhi 'ga' zhig la yid du mi 'ong pa'i dngos po ci yang rung ba rdog po zhig kun tu spyad kyang/ de rang bzhin gyis tshal za rnams la bzod par byed cing/ mngon sum du smra 'bebs par mi byed/ tshig rtsub po brjod par mi byed/ nang par mi byed/ 'khrug par mi byed/ gnod par mi byed/ yul yul bor gnas par mi byed cing/ 'khrug pa kun tu bskyed par mi byed pa dang/ lkog na yang ma yin pa dang/ nang du yid kyis 'khrug pa'i kun nas dkris pa mi mngon par mi byed pa dang/ kho na gyi bsam pa dang/ 'khrug pa'i bsam pa yun ring por bskyed cing 'dzin par yang mi byed cing mngon sum du gtum pa yang ma yin/ lkog na gtum pa yang ma yin/ mi mngon par gtum pa yang ma yin/ yun thung ngur gtum pa yang ma yin/ / //yun ring por gtum pa yang ma yin te/ de ltar na rgyal po rang bzhin gyis mi gtum pa yin no/ /ji ltar na 'khrug pa'i shas chung ba yin zhe na/ 'di la rgyal po tshol za ba rnams nyes pa chen po dang/ 'gal ba chen po byas kyang thams cad kyi thams cad du longs spyod dag dang 'bral bar mi byed chung ma dag dang 'bral bar mi byed cing/ chad pa mchog gis kyang rjes su rten pa mi byed cing/ de dag la nyes pa dang rjes su mthun pa'i chad pas rjes su ston par byed pa yin te/ de ltar na rgyal po 'khrug pa'i shas chung ba yin no/ /ji ltar na bya dga' che ba yin zhe na/ 'di la rgyal po bkur sti dang/ bsnyen bkur gyis bsti stang legs par byed pa'i tshal za rnams la dga' ba'i sems dang mgu ba'i sems dang ldan zhing/ dus dus su legs par yongs su rdzogs par tshig 'jam po kun tu brjod par byed cing/ longs spyod kyi bgo bsha' dang/ 'tsho ba'i bgo bsha' dag kyang/ dbri bskyung ma byas/ bskyungs pa ma byas/ gya byu ma byas/ yi chad par ma byas par yongs su rdzogs par byed pa dang/ mgu bar bya sla zhing/ mgu bar bya mi dka' ba yin te/ de ltar na rgyal po bya dga' che ba yin no/ /ji ltar na dam pa rnams kyi ngan nyan pa yin zhe na/ 'di la rgyal po gang dzag mkhas la mkhas bar mi rlom pa/ brkam chags med pa nye mgon mi byed pa/ tshul shes pa/ 'khu bar mi byed pa/ chos dang ldan pa gang dag yin pa de lta bu'i gang zag gi tshig mnyan pa dang/ bya bar sems shing/ des na de bya ba dag gis kyang 'phel bar 'gyur/ longs spyod pa dag gis kyang 'phel bar 'gyur/ grags pas kyang 'phel bar 'gyur/ chos kyis kyang 'phel bar 'gyur ba yin te/ de ltar na rgyal po dam pa rnams kyi ngag nyen pa yin no/ /ji ltar na brtags te byed cing chos lugs dang ldan pa yin zhe na/ 'di la rgyal po tshal za rnams mthun par bskos/ yongs bskos/ rnam par brtags kun tu brtags nas/ don mchog tu yid brten par bya ba'i las kyi mdza' de dang de dag tu msko bar mi 'os pa'i tshal za rnams ni bsko bar mi byed/ bsko bar 'os pa rnams ni bsko bar byed/ las kyi mdza' de dang de dag las dbyung bar 'os pa'i tshal za rnams ni 'byin par byed/ dbyung bar mi 'os pa rnams ni 'byin par mi byed/ phan gdags par 'os pa'i tshal za rnams la ni legs par phan 'dogs par byed/ chad pas gcod par 'os pa rnams la ni chad pas gcod par byed cing/ bya ba rnams la yang rjes su brtags nas/ byed kyi gya tshom du mi byed pa dang/ rgyal po'i chos lugs gang dag yin pa de dag kyang tshal za rnams la legs par rnam par bzhag pas des na de'i tshal za rnams kyang blon chen po rnams dang/ 'khor phal po che 'dus te 'dug pa'i tshe blo bur du gtam mi zer zhing/ gtam gyi mjug sdod pa dang/ rjes dang bcas pa dang/ gus pa dang bcas pa dag smra zhing bya bar yang sems la/ ji skad bsgo ba'i tshig bzhin du yang byed cing/ tshig la legs par gnas pa yin te/ de ltar na rgyal po brtags te byed cing chos lugs dang ldan pa yin no/ /ji ltar na chos la lta ba yin zhe na/ 'di la rgyal po 'jig rten pha rol la dad cing yid ches pa skyes pa yin te/ de 'jig rten pha rol pa dad cing yid ches ba skyes pas las dge ba dang mi dge ba rnams kyi 'bras bu phyis tshe phyi ma la 'dod pa dang mi 'dod par 'gyur ba la yang dad par byed pa dang/ dad pas ngo tsha dang ldan zhing lus dang/ ngag dang/ yid kyis nyes par spyod pa la ci 'dod dgur mi 'jug pa dang/ gzhan yang dus dus su so sor brtags nas sbyin pa dag kyang sbyin pa dang/ bsod nams dag byed pa dang/ bsnyen gnas la/ gnas pa dang tshul khrims yang dag par blang ba la 'jug pa yin te/ de ltar na rgyal po chos la lta ba yin no/ /ji ltar na bye brag shes shing byas pa gzo ba yin zhe na/ 'di la rgyal po tshal za rnams dang blo grogs pa rnams dang/ blon po rnams dang/ gros grogs rnams la/ 'di lta ste gus pa dang/ nus pa dang/ shes pa las kyang sems phyin ci log tu ma gyur cing/ de'i tshal za gang dag gus pa dang mi ldan pa de dag kyang yang dag pa ji lta ba bzhin du rab tu shes la/ gang dag nus pa dang mi ldan pa dang/ gang dag shes rab 'tshal ba de dag kyang yang dag pa ji lta ba bzhin du rab tu shes pa dang/ tshal za ba gang dag gus pa dang ldan pa de dag kyang yang dag pa ji lta ba bzhin du rab tu shes la/ gang dag nus pa dang ldan pa dang/ shes rab dang ldan pa de dag kyang yang dag pa ji lta ba bzhin du rab tu shes pa dang/ tshal za gang dag gus pa dang mi ldan pa dang/ nus pa dang mi ldan pa dang/ shes rab 'chal ba de dag la ni khyad du gsod par byed/ yongs su spong bar byed la/ tshal za gang dag gus pa dang ldan pa dang/ nus pa dang ldan pa dang/ shes rab dang ldan pa la ni/ bkur sti byed/ bla mar byed/ ri mor byed/ mchod par byed cing/ legs pa kho nar phan 'degs par yang byed pa dang/ de'i tshal za yun ring po nas bsnyen bkur bye byed pa/ rgan pa rgas pa gog tu phyin pa srid zhu che ba gang dag yin pa de dag la mthu med pa dang/ stobs med pa dang/ nyam rtsal med par rigs kyang sngon gyi byas ba rjes su dran pas bsnyen bkur las kyang khyad du gsod par mi byed/ longs spyod kyi bgo bsha' dang/ 'tsho ba'i bgo bsha' las kyang khyad du gsod par mi byed pa yin te/ de ltar na rgyal po bye brag shes shing byas pa gzo ba yin no// ji ltar ni rab tu ma myos shing gcig tu bag yod par gnas pa yin zhe na/ 'di la rgyal po dus dus su bya ba dag bya ba'i phyir brtson pa dang/ tshal za dag gso ba'i phyir brtson pa dang dus dus su 'dod pa'i yon tan lnga po dag gis 'byor cing ldan par gyur nas rtse bar byed/ dga' bar byed/ dga' dgur spyod pa yin te/ de ltar na rgyal po rab tu ma myos shing/ gcig tu bag yod par gnas pa yin no/ /rgyal po chen po rgyal po'i yon tan bcu po de dag dang ldan na rgyal po longs spyod che ba ma yin zhing/ rtsa 'jing che ba ma yin la/ 'khor mang ba ma yin du zin kyang/ skyabs kyi 'os yin zhing/ mngon du bgrod par bya ba'i 'os yin no/ /rgyal po chen po rgyal po'i yon tan bcu po de dag las dang po gcig ni rigs kyi yon tan yin no/ /de las gzhan pa dgu ni rang bzhin gyi yon tan yin par rig par bya'o/ //bam po bcu bdun pa/ /nyams pa'i sgo dag gang zhe na/ rgyal po'i nyams po'i sgo ni lnga ste/ lnga gang zhe na/ tshal za ma btags pa len pa rgyal po'i nyams pa'i sgo dang/ tshal za brtags pa len kyang mi snyan pa dang dus ma yin par spyod pa rgyal po'i nyams pa'i sgo dang/ bya ba bsam pa la bag med pa rgyal po'i nyams pa'i sgo dang/ longs spyod bsrung ba la bag med pa rgyal po'i nyams pa'i sgo dang/ chos spyod pa la bag med pa rgyal po'i nyams pa'i sgo'o/ /de la tshal za ma brtags pa len pa gang zhe na/ rgyal po chen po 'di la rgyal po tshal za rnams gus pa dang/ nus pa dang/ shes pa las kyang mthun par ma bsgos/ yongs su ma bsgos/ dmigs su ma phab/ rnam par ma gtags/ kun tu ma brtags par nye bar 'jog par byed rim gro byed cing/ de la longs spyod kyi bgo bsha' dang/ 'tsho ba'i bgo bsha' yongs su rdzogs par byed la/ de dag mchog tu yid brtan par bya ba'i gnas dag tu bgo zhing/ yid brton par yang byed la/ dus dus su tshig gi lam 'jam po kun tu brjod par yang byed pas/ de dag de'i rdzas gzhag pa la yang 'khu bar byed gsod pa rnams dang/ dgra bo rnams dang/ phyir rgol ba rnams dang/ g.yul sprod pa na de dag thog ma kho nar phan par gyur/ 'jigs par gyur/ nyams par gyur/ gzhan yang rgyal par gyur/ rgyab ston par gyur cing 'byed par byed la/ tshul ngan pa'i sbyor ba dag gis kyang bya ba dag chud gson par byed pa de dag ni/ de'i tshal za ma brtags pa len pa zhes bya'o/ /de'i tshal ma brtags pa len kyang mi snyan pa dang dus ma yin pa'i spyod pa gang zhe na/ rgyal po chen po 'di la rgyal po tshal za rnams gus pa dang nus pa dang/ shes pa las kyang mthun par bskos/ yongs su bskos/ dmigs su phab/ rnam par brtags kun tu brtags te/ nye bar 'jog par byed du zin kyang rim gro mi byed/ longs spyod kyi bgo bsha' dang/ 'tsho ba'i bgo bsha' rkyen du 'bab pa dag kyang yongs su rdzogs par mi byed la de dag mchog tu yid brtan par bya ba'i gnas dag tu bsko bar yang mi byed cing/ yid ston par yang mi byed la/ dus dus su tshig gi lam 'jam po dag kun tu brjod par yang mi byed par de la lan 'ga' rgyal po'i gsod pa dang/ dgra bo dang/ phyir rgol ba nye bar gnas pa nas rgyas par 'jig pa dang/ srog zad par byed pa'i bar dag dang phrad par gyur pa na/ gdod rim gro byed cing longs spyod kyi bgo bsha' dang/ 'tsho ba'i bgo bsha' rkyen du bab pa dag yongs su rdzogs par byed pa nas/ rgyas par tshig gi lam 'jam po dag kun tu brjod pa'i bar du byed pa'i tshe/ don de dag 'di snyam du sems te/ kye ma rgyal po 'di gang gi phyir da ltar gsod pa dang/ dgra bo dang/ phyir rgol ba nye bar gnas pa nas/ rgyas par 'jig pa dang/ srog zad par byed pa'i bar dag dang phrad pa na/ gdod bdag cag la rim gro byed pa nas/ rgyas par dus dus su tshig gi lam 'jam po dag kun tu brjod pa'i bar du byed nga las na/ ci tsam du g.yo dang ldan pa dang/ mchog tu g.yo dang ldan pa la ltos snyam ste/ rgyal po 'di don gyi phyir bdag cag la/ snyan pa kun tu brjod par zad kyi/ lhag pa'i bsam pa thag pa nas ni ma yin no snyam du rig nas/ gus pa yod pa yang ston par mi byed la/ nus pa yod pa dang/ shes rab yod pa yang ston par ma byed pa de ni/ de'i tshal za brtags pa len kyang mi snyan pa dang/ dus ma yin par spyod pa zhes bya'o/ /bya ba bsam pa la bag med pa gang zhe na/ 'di la rgyal po dus dus su dga' ba bya zhing/ dga' ba bsgrub pa'i don dag la bdag nyid dam skyes bu gang zag mkhas pa rnams dang lhan cig dga' ba'i sbyor ba legs par sems par mi byed/ 'jal bar mi byed/ nye bar rtog par mi byed pa dang/ dbye bar bya ba dbye bar bsgrub pa'i don dag dang/ sbyin bar bya ba sbyin pa bsgrub pa'i don dag dang/ g.yul gyi bya ba g.yul sgrub pa'i don dag dang/ mthu dang ldan pa'i phyogs yongs su bzung bar bya ba mthu dang ldan pa'i phyogs yongs su bzung ba bsgrub pa'i don dag la yang/ dbye ba'i sbyor ba nas mthu dang ldan pa'i phyogs yongs su bzung ba'i sbyor ba'i bar dag legs par sems par mi byed/ 'jal bar mi byed nye bar rtog par mi byed pa de ni/ de'i bya ba bsam pa la bag med pa zhes bya'o/ /longs spyod bsrung ba la bag med pa gang zhe na/ 'di la rgyal po las kyi mdza' chung ba dang/ las kyi mdza' ngan pa la sbyor ba dang/ las kyi mdza' i zhal ta byed pa med pa dang/ las kyi mdza' la so sor ma brtags pa dang/ rgyal po'i pho brang gi sgo ma bsrungs pa dang/ btsun mo'i 'khor gyi sgo ma bsrungs pa dang/ mdzod dang bang ba ma bsrungs pa dang/ / 'di lta ste bro gar mkhan dang/ zlos gar mkhan dang/ bzhad gar mkhan dang/ 'jo sgeg mkhan la sogs pa la spyod tshong ma rig par gtong pa dang/ tshe lo dang/ rgyan dor gyi nyes rtsom la shin tu zhugs pa de ni/ de'i longs spyod bsrung ba la bag med pa zhes bya'o/ /chos spyad pa la bag med pa gang zhe na/ 'di la rgyal po de'i phebs pa'i yul na dge sbyong dang bram ze rang bzhin dge bar grags pa 'dzangs pa/ gsal ba rigs pa grol? ba/ mkhas pa gnod par bya ba ma yi pa/ gnod par bya ba ma yin pa la dga' ba gang dag yin pa de dag gi drung du dus dus su song ste/ dge ba gang yin mi dge ba gang yin/ kha na ma tho pa dang bcas pa gang yin/ kha na ma tho ba med pa gang yin/ ci zhig byas na legs pa dang/ sdig la sdag pa med par 'gyur zhes yongs su 'dri bar mi byed/ yongs su zhu bar mi byed pa dang/ de dag las thos na yang de bzhin bsgrub par mi byed pa dang/ sbyin pa dag mi sbyin pa dang/ bsod nams ngag mi byed pa dang/ bsten gnas la mi gnas pa dang/ tshul khrims yang dag par blang pa la mi 'jug pa de ni de'i chos spyod pa la bag med pa zhes bya'o/ /lnga po de dag ni rgyal po'i nyams pa'i sgo ngag yin te/ de dag dang ldan na rgyal po tshe 'di pa'i don las kyang yongs su nyams par 'gyur la/ tshe phyi ma pa'i don las kyang yongs su nyams par 'gyur ro/ /de la nyams pa'i sgo dang po bzhis ni tshe 'di pa'i don las yongs su nyams par 'gyur ro/ /nyan sa ba'i sgo tha ma gcig gis ni tshe phyi ma pa'i don las yongs su nyams par 'gyur ro/ /de la thabs kyi sgo dag gang zhe na/ lnga ste/ lnga gang zhe na/ tshal za brtags pa len pa dang/ de dag la snyan pa dang/ dus su spyod pa dang/ bya ba bsam pa la bag yod pa dang/ longs spyod bsrung ba la bag yod pa dang/ chos spyad pa la bag yod pa'o/ /de la tshal za brtags pa len pa gang zhe na/ 'di la rgyal po tshal za rnams gus pa dang/ nus pa dang/ shes pa las kyang mthun par bskos/ yongs su bskos/ dmigs su phab/ rtag par brtags/ kun tu brtags nas nye bar 'jog par byed pa de ni de'i tshal za brtags pa len ba zhes bya'o/ /de dag la snyan pa dang dus su spyod pa gang zhe na/ 'di la rgyal po tshal za brtags pa nye bar bzhag pa de dag la rim gro byed cing/ longs spyod kyi bgo bsha' dang/ 'tsho ba'i bgo bsha' rkyen du 'bab pa dag kyang yongs su rdzogs par byed pa dang/ de dag mchog tu yid brtan par bya ba'i gnas dag tu yang bsko bar byed la/ yid rton par yang byed pa dang/ dus dus su tshig gi lam 'jam po dag kun tu brjod par byed pas/ de dag kyang de'i gsod pa dang/ dgra bo dang/ phyir rgol ba nye bar gnas shing 'jig pa dang/ srog zad par byed pa dang phrad pa na/ gus pa yod pa yang ston par byed/ nus pa yod pa dang shes rab yod pa yang ston par byed pa ni/ de'i de dag la snyan pa dang dus su spyod pa zhes bya'o/ /bya ba bsam pa la bag yod pa gang zhe na/ 'di la rgyal po dus dus su dga' bar bya ba dga' ba bsgrub pa'i don dag la dga' ba'i sbyor ba legs pa kho nar sems par byed/ 'jal bar byed/ nye bar rtog par byed pa dang/ dga' bar bya ba dga' ba bsgrub pa'i don dag la ji lta ba de bzhin du dbye bar bya ba bsgrub pa'i don dag dang/ sbyin par bya ba sbyin pa bsgrub pa'i don dag dang/ g.yul gyi bya ba g.yul bsgrub pa'i don dag dang/ mthu dang ldan pa'i phyogs yongs su gzung bar bya ba mthu dang ldan pa phyogs yongs su gzung ba bsgrub pa'i don dag la yang/ dbye ba'i sbyor ba nas mthu dang ldan pa'i phyogs yongs su gzung ba'i sbyor ba'i bar dag legs pa/ kho nar sems par byed/ 'jal bar byed/ nye bar rtog par byed pa de ni/ de'i bya ba bsam la la ngag yod pa zhes bya'o/ /longs spyod bsrung ba la bag yod pa gang zhe na/ 'di la rgyal po las kyi mdza' rgya chen po la sbyor ba dang/ las kyi mdza' bzang po la sbyor ba dang/ las kyi mdza' i zhal ta legs par byas pa dang/ las kyi mdza' la legs par so sor brtags pa dang/ rgyal po'i pho brang gi sgo legs par bsrungs pa dang/ btsun mo'i 'khor gyi sgo legs par bsrungs pa dang/ mdzod dang bang ba legs par bsrungs pa dang/ 'di lta ste/ bro gar mkhan dang/ zlos gar mkhan dang/ bzhad gang mkhan dang/ 'jo sgeg mkhan la sogs pa la longs spyod tshod rig par gtong ba dang/ tshe lo dang rgyan gyi dor nyes rtsom la shin tu ma zhugs pa de ni de'i longs spyod bsrung ba la bag yod pa zhes bya'o/ /chos spyod pa la bag yod pa gang zhe na/ 'di la rgyal po de'i phebs pa'i yul na/ dge sbyong dang/ bram ze rang bzhin dge bar grags pa/ mdzangs pa gsal ba rigs pa grol ba mkhas pa/ gnod par bya ba ma yin pa/ gnod par bya ba ma yin pa la dga' ba gang dag yin pa de dag gi drung du dus dus su song ste/ / dge ba gang yin/ mi dge ba gang yin/ kha na ma tho ba dang bcas pa gang yin/ kha na ma tho ba med pa gang yin/ ci zhig byas na legs pa dang sdig pa med par 'gyur zhes yongs su 'dri bar byed/ yongs su zhu bar byed pa dang/ de dag las thos na yang de lta de ltar sgrub par byed pa dang/ sbyin pa dag sbyin pa dang/ bsod nams dag byed pa dang/ bsnyen gnas la gnas pa dang/ tshul khrims yang dag par blangs pa 'jug pa de ni de'i chos spyod pa la bag yod pa zhes bya'o/ /lnga po de dag ni rgyal po'i thabs kyi sgo dag yin te/ de dag dang ldan na rgyal po tshe 'di pa'i don las kyang yongs su nyams par mi 'gyur la/ /tshe phyi ma pa'i don las kyang yongs su nyams par mi 'gyur ro/ /de la thabs kyi sgo dang po bzhis ni tshe 'di pa'i las yongs su nyams par mi 'gyur ro/ thabs kyi sgo tha ma gcig gis ni tshe phyi ma pa'i don las yongs su nyams par mi 'gyur ro/ /rgyal po rnams kyi 'dod pa'i chos rnams gang zhe na/ rgyal po'i 'dod pa dang/ sdug pa dang dga' ba dang/ yid du 'ong ba'i chos ni lnga pa 'di dag ste/ lnga gang zhe na/ skye dgu rjes su dga' ba dang/ dbang phyug gi bdag po dang/ dgra 'dul ba dang lus la phan pa dang/ bde 'gror 'gro ba ste/ lnga po de dag ni rgyal po'i 'dod pa dang sdug pa dang/ dga' ba dang yid du 'ong bar bya ba'i ches dag yin no/ / 'dod pa 'dren par byed pa'i chos dag gang zhe na/ lnga po 'di dag ni rgyal po'i 'dod pa 'dren par byed pa'i chos rnams yin te/ lnga gang zhe na/ skye dgu yongs su skyong pa dang/ sgrub phod pa dang/ thabs shes pa dang/ yul la legs par yongs su longs spyod pa dang/ chos spyod pa'o/ /ji ltar na rgyal po skye dgu yongs su skyong bar byed ce na/ 'di la rgyal po dang po kho nar chog shes pa dang/ log pa'i chags pas ma dkris pa dang/ longs spyod 'du ba'i sgo bzang po yod pas/ ci nas kyang longs spyod bsag cing spel bar 'dod kyi/ yongs su mi tshol mi byed pa dang/ gzhan yang rgyal po brkam chags mi byed pa dang/ chags pa med pa'i dkar po'i chos dang ldan pa dang/ de ci nus ci lcogs kyis rang gi mdzod dang bang ba nas rang gi nor phyung ste/ nor med pa dang/ longs spyod dang bral zhing gnas pa dag la sbyin par byed pa dang/ gzhan yang rgyal po des pa dang/ bzod pa dang ldan zhing grong gi mi rnams la tshig gi lam 'jam po dag gis kun tu brjod par byed pa dang/ de dag la dus dus su longs spyod gyi 'go bsha' dang/ 'tsho ba'i bgo bsha' rkyen tu 'bab pa dag byed pa dang/ de dag mi nus pa'i las su bsko bar mi byed pa dang/ las ngan par bsko bar mi byed pa dang/ las ha cang chen por bsko bar mi byed pa dang/ de dag gi nyes pa dang/ 'gal pa bzod par 'os pa dag bzod par bde ba dang nyes pa dang/ 'gal ba bden pa bzod par mi 'os pa de dag kyang dus dus su nyes pa dang/ mthun pa'i khrims dang sbyor bar byed de/ de ltar na rgyal po skye dgu legs par yongs su skyong bar byed pa yin no/ /de ltar skye dgu legs par yongs su skyong ba 'di yang dag par blangs te/ legs par spyad na/ skye dgu rjes su dga' bar 'gyur ro/ /sgrub phod pa gang zhe na/ 'di la rgyal po mkhas pa dang/ le lo med pa dang/ sgrub yod pa yin zhing/ de la phebs pa ni 'babs par byed/ phebs pa ni bsrung bar byed pa dang/ las kyi mdza' rgya chen po la sbyor ba nas/ snga ma bzhin du tshe lo dang rgyan dor gyi nyes rtsom gyi bar la shin tu ma zhugs pa dang/ skye dgu rnams kyi tshul dang/ tshul ma yin pa'i 'jug pa yongs su brtag pa la brtson pa dang/ chad pas gcad pas 'os pa rnams kyang legs par chad pas gcod par byed pa dang/ phan gdags par 'os pa rnams la yang phan gdags par byed pa yin te/ de ltar na rgyal po sgrub phod pa yin no/ /de ltar sgrub phod pa 'di yang dag par blangs te legs par spyad na dbang phyug gi bdag por 'gyur ro/ /thabs shes pa gang zhe na/ 'di la rgyal po dga' bar bya ba dga' ba bsgrub pa'i don dag la legs pa kho nar dga' bar sbyor bar byed pa nas/ rgyas par snga ma bzhin du/ ? mthu dang ldan pa'i phyogs yongs su gzung bar bya ba mthu dang ldan pa'i phyogs yongs su gzung ba bsgrub pa'i don gyi bar dag la yang/ legs pa kho nar mthu dang ldan pa'i phyogs yongs su gzung ba'i phyir sbyor bar byed de/ de ltar na rgyal po thabs shes pa yin no/ /de ltar thabs shes pa yin no/ /de ltar thabs shes pa 'di yang dag par blangs te/ legs par spyod na dgra thul bar 'gyur ro/ /yul la legs par yongs su longs spyod pa gang zhe na/ /'di la rgyal po longs spyod rnams kyi 'du ba dang 'god pa gzhal nas/ ha cang chung ba yang ma yin/ ha cang che ba yang ma yin par dran pas 'chi bar byed pa dang/ longs spyod chen po dang/ ldan pa dang/ longs spyad sna tshogs dang ldan pa dang/ dus tshigs kyi tshe ji lta ba bzhin du bston par bya ba'i longs spyod dang ldan pa dang/ 'khor dang bcas pa dang/ g.yog 'khor dang bcas pa'i longs spyod dang ldan pa dang/ gnas bzang po'i longs spyod dang ldan pa dang po gar dang glu dang sil snyan dang rol mo dang bcas pa'i longs spyod dang ldan pa dang/ kha na ma tho ba med pa'i longs spyod dang ldan pa yin te/ de la kha na ma tho ba med pa'i longs spyod ni 'di yin te/ nad kyi btab cing gnod pa'i tshe 'phrod pa za zhing mi 'phrod pa yongs su spong ba dang bde bar gnas pa'i tshe yang zhu nas za'i/ ma zhu bar mi za ba dang/ lhan cig tu za ba rnams tshogs te brim pa na/ gzhan dag bskrad cing brtsal nas/ bdag gcig pu bzang po mi za ba ste/ de ltar nas rgyal po yul la legs par longs spyod pa yin no/ /de ltar yul la legs par yongs su longs spyod pa 'di yang dag bar blangs te/ legs par spyad na lus la phan par 'gyur ro/ /chos spyod pa gang zhe na/ 'di la rgyal po dad pa dang ldan pa dang/ tshul khrims dang ldan pa dang/ thos/ pa dang ldan pa dang/ gtong ba dang ldan pa dang/ shes rab dang ldan pa yin no/ /ji ltar na dad pa dang ldan pa yin zhe na/ 'di la rgyal po 'jig rten pha rol la mngon par dad pa dang/ las dge ba dang mi dge ba rnams kyi 'bras bu rnam par smin pa phyis tshe phyi ma la 'dod pa dang mi 'dod par gyur pa la mngon par dad pa yin te/ de ltar na dad pa dang ldan pa yin no/ /ji ltar na tshul khrims dang ldan pa yin zhe na/ 'di la rgyal po srog gcod pa spangs shing srog gcod pa las phyir log pa dang/ de bzhin du ma byin bar len pa dang/ 'dod pa la log par g.yem pa dang/ brdzun tu smra ba dang/ chang 'bru'i chang dang bcos pa'i chang bag med pa'i gnas dang/ gnas de dag mdza' dag gam/ re re spangs shing phyir log pa yin te/ de ltar na tshul khrims dang ldan pa yin no/ /ji ltar na thos pa dang ldan pa yin zhe na/ des tshe 'di pa'i don las brtsams pa dang/ tshe phyi ma'i don las brtsams pa dang/ tshe 'di pa dang/ tshe phyi ma'i don las brtsams te/ chos mang po dag legs par mnyan pa dang/ legs par gzung ba dang/ kha ton byas pa dang yid kyi rjes su brtags pa dang/ mthong bas shin tu rtogs par byas pa yin te/ de ltar na thos pa dang ldan pa yin no/ /ji ltar na gtong ba dang ldan pa yin zhe na/ skye dgu ser sna'i dri mas kun nas dkris shing gnas pa na/ de ser sna'i dri ma dang bral ba'i sems kyis khyim na gnas shing lhug par gtong ba dang/ lag rkyong ba dang/ rnam par 'geng pa la dag pa dang/ mchod sbyin rgyun tu byed pa dang/ gtong ba phun sum tshogs pa dang/ sbyin pa la kun 'geng bar dga' ba yin te/ de ltar na gtong ba dang ldan pa yin no/ /ji ltar na shes rab dang ldan pa yin zhe na/ dge ba dang mi dge ba'i chos rnams yang dag pa ji lta ba bzhin du rab tu shes pa/ kha na ma tho ba dang bcas pa dang/ kha na ma tho ba med pa dang/ brten par bya ba dang/ brten par bya ba ma yin pa dang/ ngan pa dang/ gya nom pa dang/ nag po dang/ dkar po dang/ rten cing 'brel par 'byung ba rab tu dbye ba dang bcas pa'i chos rnams yang dag pa ji lta ba bzhin du rab tu shes pa dang/ de'i sems sdig pa can gyi brnab sems skyes pas sems yongs su gtogs shing mi gnas pa dang/ gnod sems dang/ khro ba dang/ khon tu 'dzin pa dang/ 'chab pa dang/ yongs su gdung ba dang/ phrag dog dang/ ser sna dang/ sgyu dang/ g.yo dang/ ngo tsha med pa dang/ khrel med pa dang/ sdig pa can gyi 'dod pa dang/ sdig pa can gyi lta bas sems yongs su gtugs shing mi gnas pa yin te/ de ltar na shes rab dang ldan pa yin no/ /de ltar na rgyal po chos spyod pa yin te/ de ltar chos spyod pa 'di yang dag par blangs te/ legs par spyad na bde 'gror 'gro bar 'gyur ro/ /rgyal ba'i 'dod pa 'dren par byed pa'i chos lnga po de dag ni tshe 'di dang tshe phyi ma la phan pa'i phyir 'jug par 'gyur ba yin te/ de la 'dod pa 'dren par byed pa'i chos dang po bzhi ni tshe 'di la phan pa'i phyir 'jug par 'gyur ba yin no/ /'dod pa 'dren par byed pa'i chos tha ma gcig ni tshe phyi ma la phan pa'i phyir 'jug par 'gyur ba yin no/ /rgyal po chen po nges rgyal po'i skyon rnams kyang bstan to/ /rgyal po'i yon tan rnams kyang bstan to/ /rgyal po'i nyams pa'i sgo rnams kyang bstan to/ /rgyal po'i thabs kyi sgo rnams kyang bstan to/ /rgyal po'i 'dod pa'i chos rnams kyang bstan to/ /rgyal po'i 'dod pa 'dren par byed pa'i chos rnams kyang bstan to/ /rgyal po chen po de'i phyir khyod kyis 'di ltar bslab par bya ste/ rgyal po'i skyon gang dag yin pa rnams ni spangs pa/ rgyal po'i yon tan rnams ni yang dag par blang par bya'o/ /nyams pa'i sgo rnams ni spangs la/ thabs kyi sgo rnams ni yang dag par blang bar bya'o/ /'dod pa'i chos rnams kyi don du 'dod pa 'dren par byed pa'i chos rnams kyang yang dag par blang bar bya'o snyam du bslab par par bya ste/ rgyal po chen po khyod kyis de ltar bslab par bya'o zhes gsungs zhes kyang grag go/ /skye pa'i sdug bsngal zhes bya ba nas mdor na nye bar len pa'i phung po lnga sdug bsngal zhes bya ba'i bar du gang du gsungs pa de la/ ji ltar na skye ba sdug bsngal yin zhe na/ smras pa/ rnam pa lngas te/ sdug bsngal dang ldan pa'i phyir dang/ gnas ngan len dang ldan pa'i phyir dang/ sdug bsngal gyi gnas yin pa'i phyir dang/ nyon mongs pa'i gnas yin pa'i phyir dang/ mi 'dod bzhin du 'bral ba'i chos nyid yin pa'i phyir ro/ /de la ji ltar na skye ba sdug bsngal dang ldan pa'i phyir/ sdug bsngal yin zhe na/ 'di lta ste sems can dmyal ba rnams dang/ gcig tu sdug bsngal pa'i yi dwags rnams dang de bzhin du mngal nas skye ba dang/ sgro nga la skye ba'i skye gnas su skye ba'i'o/ /ji ltar na gnas ngan len dang ldan pa'i phyir sdug bsngal yin zhe na/ smras pa/ khams gsum pa'i 'du byed thams cad ni nyon mongs pa'i phyogs dang mthun pa'i gnas ngan len dang ldan pa'i phyir las su mi rung ba dang dbang sgyur ba ma yin la/ khams gsum na spyod pa'i sems can rnams kyi 'du byed mngon par 'grub pa yang de dang rjes su 'brel ba nyid yin pas/ de'i phyir gnas ngan len dang ldan pa'i phyir sdug bsngal yin zhes bya'o/ /ji ltar na sdug bsngal gyi gnas yin pa'i phyir sdug bsngal yin zhe na/ smras pa/ rga ba la sogs pa'i sdug bsngal gyi bye brag rnams kyis gnas su gyur pa'i phyir ro/ /ji ltar na nyon mongs pa'i gnas yin pa'i phyir sdug bsngal yin zhe na/ smras pa/ 'di ltar skyes shing byung ba ni yul kun tu chags bar 'gyur ba rnams la yang kun tu chags par 'gyur zhing/ kun tu zhe sdang bar 'gyur ba rnams la yang kun tu zhe sdang bar 'gyur/ kun tu rmongs par 'gyur ba rnams la yang kun tu rmongs par 'gyur la/ gzhi des lus dang sems rab tu ma zhi zhing sdug bsngal te/ bde ba la reg par mi gnas pas/ de lta bas na nyon mongs pa'i gnas yin pa'i phyir sdug bsngal zhes bya'o/ /ji ltar rnga mi 'dod bzhin du 'bral ba'i chos nyid yin pa'i phyir sdug bsngal yin zhe na/ smras pa/ 'di ltar sems can skyes pa thams cad kyi 'chi ba'i dus byed pa ni/ gson pa'i mdza' 'chi ba dang/ tha mar 'chi ba yin pa'i phyir de yang de dag gi mi 'dod pa yin la/ gzhi nges kyang sdug bsngal kho na nyams su myong bar byed pas/ de lta bas na skye ba ni mi 'dod bzhin du 'bral ba'i chos nyid yin pa'i phyir sdug bsngal yin no/ /rga ba yang rnam pa lngas sdug bsngal yin par rig par bya ste/ 'di lta ste/ gnas lnga yongs su nyams pa'i phyir te/ gzugs bzang ba yongs su nyams pa'i phyir dang/ mthu stobs yongs su nyams pa'i phyir dang/ dbang po yongs su nyams pa'i phyir dang/ yul la longs spyod yongs su nyams pa'i phyir dang/ tshe yongs su nyams pa'i phyir ro/ /rna ba yang rnam pa lngas sdug bsngal nyin yin par rig par bya ste/ 'di lta ste/ lus kyi rang bzhin 'gyur ba'i phyir dang/ sdug bsngal dang yid mi bde ba mngon par 'phel zhing de la shes che bar gnas pa'i phyir dang/ yul gyi longs spyod yid du 'ong ba mi 'dod pa'i phyir dang/ yul gyi longs spyod yid du mi 'ong ba la mi 'dod bzhin du yongs su spyod dgos pa'i phyir dang/ srog gi dbang po dang 'bral bar 'gyur pa'i phyir ro/ /'chi ba yang rnam ba lngas sdug bsngal nyid yin par rig par bya ste longs spyod sdug pa phun sum tshogs pa dang/ 'bral pa nyid kyi phyir dang/ rtsa 'jing sdug pa phun sum tshogs pa dang 'bral ba nyid kyi phyir dang/ 'khor sdug pa phun sum tshogs pa dang/ 'bral ba nyid kyi phyir dang/ lus sdug pa phun sum tshogs pa dang/ 'bral ba nyid kyi phyir dang/ 'chi ba'i tshe sdug bsngal dang yid mi bde ba rab tu drag po nyams su myong bar 'gyur ba nyid kyi phyir ro/ /mi sdug pa dang phrad pa yang rnam pa lngas sdug bsngal nyid yin par rig par bya ste/ de dang phrad pas sdug bsngal dang yid mi bde ba nyid kyi phyir dang/ chad pas 'jig pa'i gnas nyid kyi phyir dang/ tshigs su bcad pa med pas 'jigs pa'i gnas nyid kyi phyir dang/ nyam de? bzhin du 'chi ba'i 'jigs pa'i gnas nyid kyi phyir dang/ chos las 'bral bas don 'gros 'jig pa'i gnas nyid kyi phyir ro/ /sdug pa dang bral ba yang rnam pa lngas sdug bsngal nyid yin par rig par bya ste/ de dang bral bas mya ngan skye ba nyid kyi phyir dang/ de bzhin du smre sngags 'don pa nyid kyi phyir dang/ de bzhin du lus la gnod pa nyid kyi phyir dang/ yon tan rnams las rjes su dran zhing 'dod pas yid yongs su gdung ba nyid kyi phyir dang/ de'i longs spyod ma tshang ba nyid kyi phyir ro/ /sdug pa dang bral ba'i sdug bsngal nyid ji lta ba bzhin du gang 'dod pa brtsal te mi rnyed pa de yang sdug bsngal ba nyid kyang de bzhin du rig par bya'o/ /mdor na nye bar len pa'i phung po lnga sdug bsngal nyid kyang rnam pa lngas sdug bsngal nyid yin par rig par bya ste/ mngon par 'grub pa'i sdug bsngal gyi snod nyid yin pa'i phyir dang/ mngon par 'grub pa la brten pa'i sdug bsngal gyi snod nyid yin pa'i phyir dang/ sdug bsngal gyi sdug bsngal gyi snod yin pa'i phyir dang/ /'gyur ba'i sdug bsngal gyi snod nyid yin pa'i phyir dang/ 'du byed kyi sdug bsngal nyid kyi rang bzhin yin pa'i phyir ro// //skyes bu gsum po skyes bu tha ma dang/ skyes bu 'bring dang/ skyes bu mchog 'di dag ni sgrub pa las brtsams pa ste/ de la gang bdag la phan pa'i phyir zhugs pa yang ma yin la/ gzhan la phan pa'i phyir zhugs pa yang ma yin pa de ni skyes bu tha ma yin no/ /de la gang bdag la phan pa'i phyir zhugs la/ gzhan la phan pa'i phyir ma yin pa dang/ gang gzhan la phan pa'i phyir zhugs la/ bdag la phan pa'i phyir ma yin pa de ni skyes bu bar ma yin no/ /de la gang bdag la phan pa'i phyir zhugs pa yang yin la/ gzhan la phan pa'i phyir zhugs pa yang yin pa de ni skyes bu'i mchog yin no/ /gzhan yang gang zag bzhi ste/ gang zag sdig pa byed la sdig pa la mi srid pa yang yod do/ /sdig pa la sred la sdig pa mi byed ba yang yod do/ /sdig pa byed la sdig pa la sred pa yang yod do/ /gang zag sdig pa mi byed la sdig pa la mi sred pa yang yod do/ /de la gang sdig pa'i 'bras bu rnam par smin pa phyi ma la mi 'dod par 'gyur ba la mngon par dad la/ brjed ngas pa dang/ bag med pa dang/ sdig pa'i grogs po dang/ bsten pas sdig pa byed pa de ni sdig pa byed la sdig pa la mi sred pa yin no/ /gang sngon sdig pa la goms pas sdig pa la kun nas dga' ba dang/ sdig pa la mngon par dga' pa dang/ sdig pa la dga' pas yid bsdus pa yin la/ de yang skyes bu dam pa la brten pa dang/ dam pa'i chos nyan pa dang/ tshul bzhin yid la byed pa la brten nas/ sdig pa'i 'bras bu phyi ma la mi 'dod par 'gyur ba yang dag par rjes su mthong bas/ so sor brtags shing so sor brtags nas sdig pa la phyir log pa de ni/ sdig pa la sred la sdig pa mi byed pa zhes bya'o/ /gang zag gang rang bzhin gyis sdig pa la mngon par dga' la/ sdig pa las phyir log pa yang ma yin pa de ni sdig pa byed la/ sdig pa la sred pa zhes bya'o/ /gang rang bzhin gyis sdig pa la mngon par mi dga' la/ sdig pa las kyang phyir log pa de ni sdig pa mi byed la/ sdig pa la mi sred pa zhes bya'o/ /de la gang zag gang sdig pa byed la sdig pa la sred pa de ni skyes bu tha ma yin par blta bar bya'o/ /gang zag gang sdig pa byed la/ sdig pa la mi sred pa dang/ sdig pa la sred la/ sdig pa mi byed pa de ni skyes bu 'bring yin par blta bar bya'o/ /gang zag gang sdig pa la mi sred la sdig pa mi byed pa de ni skyes bu mchog yin par blta bar bya'o/ /gzhan yang gang zag rgyal po gsum ste/ gsum gang zhe na/ 'dod pa'i longs spyod lhur len pa dang/ bya ba lhur len pa dang/ chos lhur len pa'o/ /de la dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no/ /gzhan yang gang zag gsum ste/ gsum gang zhe na/ bya ba ma yin par rang gi bya bar byed pa dang/ bya ba rang gi bya bar byed pa dang/ gzhan gyi bya ba rang gi bya bar byed pa'o/ /de la gang zag gang sdig pa'i spyod pas/ 'tsho bar byed pa de ni bya ba ma yin par rang gi bya ba byed pa'i gang zag ces bya'o/ /gang sdig pa'i spyod pas 'jigs shing/ dge pa'i spyod pa yang dag par blangs nas 'dug pa de ni bya ba rang gi bya bar byed pa zhes bya'o/ /byang chub sems dpa' ni gzhan gyi bya ba rang gi bya bar byed pa min par blta bar bya'o/ /de la gang zag dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin par blta bar bya'o/ /gsum po 'di dag ni rgyal po'i phun sum tshogs pa yin te/ rnam par smin pa phun sum tshogs pa dang/ skyes bu'i rtsal phun sum tshogs pa dang/ bsod nams phun sum tshogs pa'o/ /rgyal po phyug po'i khyim du skyes shing tshe ring ba dang/ nad nyung ba dang/ dbang cher grags pa dang/ yid gzhungs pa dang/ lhan cig skyes pa'i shes rab dang ldan pa gang yin pa de ni de'i rnam par smin pa phun sum tshogs pa zhes bya'o/ /rgyal po thabs kyis yongs su grin? pa'i sgud phong pa phun sum tshogs pa dang rtag par rgyun tu ldan pa gang yin pa de ni/ de'i skyes bu'i rtsa la phun sum tshogs pa zhes bya'o/ /rgyal po chos dang dan zhing chos la dga' chos la gnas la/ btsun mo'i 'khor dang/ gzhon nu rnams dang/ gros grogs rnams dang/ khrom gyi ru sna dang/ grong rdal gyi mi dang yul gyi mi rnams dang lhan cig tu sbyin pa dag sbyin pa dang/ bsod nams dag byed pa dang/ bsnyen gnas la gnas pa dang/ tshul khrims yang dag par blangs nas 'dug pa gang yin pa de ni de'i bsod nams phun sum tshogs pa zhes bya'o/ /de la rnam par smin ba phun sum tshogs pas ni sngon gyi las dge ba'i 'bras bu la yongs su spyod par byed do/ /skyes bu'i rtsal phun sum tshogs pas ni tshe 'di pa nyid gyis 'dod pa'i 'bras bu la yongs su spyod par byed do// bsod nams phun sum tshogs pas ni phyi ma la yang las dge ba'i 'bras bu rnam par smin pa phun sum tshogs pa la yongs su spyod par 'gyur ro/ /gang la phun sum tshogs pa rnam pa gsum char yang med pa de ni skyes bu tha ma yin no/ / gang la rnam par smin pa phun sum tshogs pa 'am/ skyes bu'i rtsal phun sum tshogs pa 'am/ gnyi ga phun sum tshogs par yod pa de ni skyes bu 'bring yin no/ /gang la phun sum tshogs pa rnam pa gsum char yod pa de ni skyes bu/ mchog yin no/ /rgyal po'i tshal za ni gsum ste/ gus pa dang ldan la nus pa dang mi ldan shes rab dang mi ldan pa dang/ gus pa dang yang ldan nus pa dang yang ldan shes rab dang mi ldan pa dang/ gus pa dang yang ldan nus pa dang yang ldan no shes rab dang yang ldan pa'o/ /de la dang po ni skyes bu tha ma yin no/ /gnyis pa ni skyes bu 'brid yin no/ /gsum pa ni skyes bu mchog yin no/ /gus pa dang yang mi ldan/ nus pa dang yang mi ldan shes rab dang yang mi ldan pa gang yin pa de ni tha ma pas kyang ches tha ma pa yin par rig par bya'o/ /tshig ni rnam pa bzhi ste/ mi snyan pa la snyan par grags pa dang/ snyan pa la mi snyan par grags pa dang/ mi snyan pa la mi snyan par grags pa dang/ snyan pa la snyan par grags pa'o/ /tshig dang yi yi ge 'jam zhing snyan la mi 'phrod pa gang min pa de ni dang po yin no/ /tshig dang yi ge rtsub la 'phrod? pa gang yin pa de ni gnyis pa yin no/ /tshig dang yi ge yang rtsub la mi 'phrad pa gang yin pa de ni gsum pa yin no/ /tshig dang yig gi yang 'jam snyan la 'phrod pa gang yin pa de ni bzhi pa yin no/ /de la mi snyan pa la mi snyan par grags pa'i tshig smra ba gang yin pa dang/ mi snyan la snyan par grags pa'i tshig smra ba gang yin pa de ni skyes bu tha ma yin no/ /snyan la mi snyan par grags pa'i tshig smra ba gang yin pa de ni skyes bu 'bring yin no/ /snyan la snyan par grag pa'i tshig smra ba gang yin pa de ni skyes bu mchog yin no/ /'dod pa la longs spyod pa ni gsum ste/ 'dod pa la longs spyod pa gang chos ma yin pas bab col du longs spyod dag yang dag par bsgrubs nas/ bdag nyid kyang legs par bde bar tshim par mi byed la bu yang ma yin chung ma yang ma yin pa nas/ rgyas par dge sbyong dang bram ze'i bar dag la yang yon 'dul bar mi byed pa yang yod do/ /'dod pa la longs spyod pa gang chos dang chos ma yin pas bab chol dang/ bab chol ma yin par longs spyod dag yang dag par bsgrubs nas/ bdag nyid kyang legs par bde bas tshim par byed do/ /bu dang chung ma nas rgyas par mdza' bshes dang/ gros grogs dang/ nye du dang/ rgan rabs kyi bar dag kyang legs par bde bas tshim par byed la/ dge sbyong dang bram ze dag la ni yon 'bul bar mi byed pa yang yod do/ /'dod pa la longs spyod pa gang gcig tu chos kyi bab chol ma yin pa kho nar longs spyod yang dag bar bsgrubs nas/ bdag nyid kyang legs par bde bas tshim par byed la/ rgyas par dge sbyong? dang bram ze'i bar dag la yang yon 'bul bar byed pa yang yod do/ /de la 'dod pa la longs spyod ba dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no/ /gang zag gang chags pa dang/ zhen pa dang 'chums pa nas/ lhag par chags par gyur pa'i bar gyis zas za bar byed cing nyes dmigs su mi blta la/ nges par 'byung ba rab tu mi shes pa yang yod do/ /gang zag gang chags pa med pa dang/ zhen pa med pa dang/ 'chums pa med pa dang/ mdud pa bor? ba med pa dang/ brgyal ba med pa dang/ lhags par chags pa med pa dang/ lhag par chags par gyur pa med pas so sor brtags shing zas za bar byed la/ nyes dmigs su yang lta/ nges par 'byung ba yang rab tu shes shing/ de'i zas spangs pa dang/ yongs su shes pa ma yin pa yang yod do/ /gang zag gang chags pa med pa nas lhag par chags par gyur pa med pa'i bar gyis so sor brtags shing zas za bar byed la/ nyes dmigs su yang lta/ nges par 'byung ba yang rab tu shes shing de'i zas de spangs pa dang/ yongs su shes pa yang yod do/ /de la gang zag dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no// //bam po bco brgyad pa/ /sbyin par bya ba'i dngos po las brtsams nas gang zag gsum ste/ gang zag gang dri phun sum tshogs pa sbyin la/ ro phun sum tshogs pa mi sbyin/ reg pa phun sum tshogs pa mi sbyin pa yang yod do/ /gang dri phun sum tshogs pa dang/ ro phun sum tshogs pa sbyin la/ reg pa phun sum tshogs pa mi sbyin pa yang yod do/ /gang dri dang ro dang reg pa phun sum tshogs pa sbyin pa yang yod do/ /de la dang po ni skyes bu tha ma yin no/ /gnyis pa ni skyes bu 'bring yin no// gsum pa ni skyes bu mchog yin par blta bar bya'o/ /sbyin pa'i zhing las brtsams nas gang zag gsum ste/ gang zag gang sdug pa 'am/ phan 'dogs pa la spyin par byed pa yang yod do/ /gang sdug bsngal ba la sbyin par byed pa yang yod do/ /gang yon tan dang ldan pa khyad par du 'phags pa la sbyin par byed pa yang yod do/ /de la dang po ni tha ma yin no/ /gnyis pa ni 'bring yin no/ /gsum pa ni mchog yin par rig par bya'o/ /rnam grangs gzhan yang gang sdug pa la sbyin par byed ba de ni tha ma yin no/ /gang phan 'dogs pa la sbyin par byed pa de ni 'bring yin no/ /gang sdug bsngal ba dang/ yon tan dang ldan pa la sbyin par byed pa de ni mchog yin no/ /sbyin pa'i lhag pa'i bsam pa las brtsams nas gang zag gsum ste/ sbyin pa'i snga rol nas yid dga' la/ sbyin pa'i tshe sems ni dga' zhing/ byin nas 'gyod bar gyur pa dang/ sbyin pa'i snga rol nas yid dga' zhing/ sbyin pa'i tshe yang sems dga' la/ byin nas 'gyod par gyur pa dang/ sbyin pa'i snga rol nas kyang yid dga' zhing/ sbyin pa'i tshe yang sems dga' la/ byin nas kyang 'gyod par mi 'gyur ba'o/ /de la dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no/ /tshul khrims las byung ba'i bsod nams bya ba'i dngos po yang dag par blang ba las gang zag gsum rnam par bzhag ste/ gang phyogs gcig spangs la/ dus thams cad du spangs pa yang ma yin/ bdag nyid kyis spangs la/ gzhan dag yang dag par 'dzin tu 'jug pa yang ma yin/ bsngags pa yang mi brjod/ chos mthun pa pa mthong na yid bde bar yang mi 'gyur ba de ni skyes bu tha ma yin no/ /gang thams cad spangs shing dus thams cad du spangs pa yang yin la/ de yang bdag nyid yin gyi/ gzhan dge? yang dag par 'dzin tu mi 'jug la/ bsngags pa brjod par yang mi byed/ chos mthun pa pa mthong na yang yid dga' bar yang mi 'gyur ba de ni skyes bu 'bring yin no/ /gang thams cad la snang ba de ni skyes bu mchog yin no/ /tshul khrims yang dag par len pa'i gzhi las kyang gang zag gsum rnam par gzhag bar rig par bya ste/ nyes par bshad pa'i chos 'dul ba la tshul khrims yang dag par len pa dang/ legs par gsungs pa'i chos 'dul ba la tshul khrims yang dag par len cing nyams par byed/ skyon can du byed pa dang/ gsum pa ni de nyid la nyams par mi byed/ skyon can du mi byed pa'o/ /de la dang po ni skyes bu pha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no/ /tshul khrims yang dag par len pa'i bsam pa las kyang gang zag gsum rnam par gzhag ste/ 'tsho ba'i bsam pas yang dag par len par byed pa dang/ mtho ris kyi bsam pas yang dag par len par byed pa dang/ gsum pa mya ngan las 'da' ba' i bsam pas yang dag bar len par byed pa'o/ /de la dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no/ /gzhan yang so sor thar pa'i sdom pa yang dag par blangs nas 'dug pa'i gang zag gsum ste/ bsnyen gnas pa'i sdom pa yang dag bar blangs nas 'dug pa yang yod do/ /dge bsnyen gyi sdom pa yang dag par blangs nas 'dug pa yang yod do/ /dge slong gi sdom pa yang dag par blangs nas 'dug pa yang yod do/ dang po ni tha ma yin no/ /gnyis pa ni 'bring yin no/ /gsum pa ni mchog yin no/ /dge slong gi sdom pa yang dag par blang ba nyid las kyang gang zag gzhan gsum ste /gang bsnyen par rdzogs pa'i yan lag dang ldan la/ de dang mthun pa'i chos bslab pa'i gzhi yang dag par blang ba'i yan lag dang mi ldan no?/ gzhan gyi sems rjes su bsrung ba'i yan lag dang yang mi ldan bslab pa'i gzhi ji ltar yang dag par blangs pa gzhin rjes su bsrung ba'i yan lag dang mi ldan pa yang yod do/ /gang yan lag dang po gsum dang ldan la/ tha ma dang mi ldan pa yang yod do/ /gang yan lag bzhi po thams cad dang ldan pa yang yod do/ /de la yang dang po ni tha ma yin no/ /gnyis pa ni 'bring yin no/ /gsum pa ni mchog yin no/ /gzhan yang gang zag gsum ste/ so sor thar pa'i sdom pa dang ldan pa yang yod do/ /so sor thar pa'i sdom pa dang/ bsam gtan gyi sdom pa dang ldan pa yang yod do?/ /so sor thar pa dang bsam gtan dang / zag pa med pa'i sdom pa dag dang ldan pa yang yod do/ /de la dang po ni tha ma yin na/ /gnyis pa ni 'bring yin no/ /gsum pa ni mchog yin no/ /gzhan yang gang zag gsum ste/ sdom pa yang ma yin sdom pa ma yin pas bsdus pa'i tshul khrims kyi sdom pa yang dag par blang ba dang ldan pa yang yod do/ da nyan thos dang ldan pa'i tshul khrims kyi sdom pa yang dag par blang ba dang ldan pa yang yod do/ /byang chub sems dpa' i tshul khrims kyi sdom pa yang dag par blang ba dang ldan pa yang yod do/ /de la yang dang po ni tha ma yin no/ /gnyis pa ni 'bring yin no/ /gsum pa ni mchog yin no/ /bsgom pa'i dbang du byas nas 'di lta ste/ yid la byed pa'i sbyor ba las gang zag gsum rnam par bzhag ste/ gang zag gang nan gyis 'jug pa'i yid la byed pa thob ba yang yod do/ /gang bar chad ba dan bcas par 'jug ba'am gang bar mi 'chad par 'jug pa yang rung ste/ rtsol ba dang bcas pas 'jug pa'i yid la byed pa thob pa yang yod do/ /rang gi ngang gis 'jug pa'i yid la byed pa thob pa yang yod do/ /de la yang dang po ni tha ma yin no/ /gnyis pa ni 'bring yin no/ /gsum pa ni mchog yin no/ /gzhan yang bsgom pa thob pa las gang zag gsum ste/ gang zag gang nang gi sems kyi zhi gnas thob la/ chos la rnam par lta ba'i lhag pa'i shes rab ma thob ba yod do/ /gang chos la rnam par lta ba'i lhag pa'i shes rab thob la nang gi sems kyi zhi gnas ma thob pa yang yod do/ /gang gnyi ga thob pa yang yod do/ /de la yang dang po ni tha ma yin no/ /gnyis pa ni 'bring yin no/ /gsum pa ni mchog yin no/ /gzhan yang gang zag gsum ste/ rtog pa dang bcas shing dpyod pa dang bcas pa'i ting nge 'dzin thob pa yang yod do/ /rtog pa med la dpyod pa tsam gyi ting nge 'dzin thob pa yang yod do/ /rtog pa yang med dpyod pa yang med pa'i ting nge 'dzin thob pa yang yod do/ /de la dang po ni tha ma yin no/ /gnyis pa ni 'bring yin no/ /gsum pa ni mchog yin no/ /bsgom pa kho na'i dbang du byas nas gnas ba las gang zag rnam par gzhag pa gsum ste/ gang zag gang nyon mongs pa can gyi bsam gtan gyis gnas pa yang yod do/ /dag pa'i 'jig rten pa'i bsam gtan gyis gnas pa yang yod do/ /zag pa med pa'i bsam gtan gyis gnas pa yang yod do/ /de la yang dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no/ /sems can gyi mi rim bcu ni dud 'gro dang/ bud med dang/ 'dod pa la longs spyod pa rnams dang/ bya ba don du gnyer ba rnams dang/ rab tu byung ba rnams dang/ thos pas 'tsho ba rnams dang/ rtogs par byed pa rnams dang/ rtog ge ba rnams dang/ dka' thub drag po pa rnams dang/ lus gtong? bar byed pa rnams te/ de dag gi 'dod pa dang sdug pa dang yid du 'ong ba'i chos ni tshe dang kha dog dang longs spyod dang mdza' ba shes dang/ tshul khrims dang/ thos pa dang/ tshangs par spyod pa dang/ shes rab dang chos dang/ mtho ris te? bcu po de dag go /dam pa'i chos nyan pa'i nye ba'i nyon mongs pa'i skyon ni drug po 'di dag yin te/ nga rgyal gyi skyon dang/ 'dun pa med pa'i skyon dang/ ma dang pa'i skyon dang/ lus dang sems la gnod pa'i skyon dang/ rnam par g.yeng ba'i skyon dang/ rnam par 'khrul pa'i skyon no/ /de dag gis ni gus par byas shing chos nyan par mi byed/ bla mar byas shing chos nyan par mi byed de/ rgyas par mdo las ji skad gsungs pa bzhin no/ /de la nye ba'i nyon mongs pa rnam par g.yeng ba'i skyon rnam pa gnyis te/ smra ba'i tshe na rnam par g.yeng ba dang/ smras nas rnam par g.yeng ba'o/ rnam par 'khrul pa'i skyon ni phyin ci log gang yin pa'o/ /las kyi kun nas nyon mongs pa kun nas slong ba ni rnam pa gsum ste/ mtshungs par ldan par kun nas slong ba dang/ skyed pas kun nas slong ba dang/ bdag pos kun nas slong ba ste/ nyon mongs pa gzhan grangs nas kun nas slong bar byed pa nyid kyi phyir ro/ /mi 'dod pa ni drug po 'di dag yin te/ dgra dang/ nad dang/ yul mi dga' ba dang/ skye ba la sogs pa'i sdug bsngal dang/ sman tshab dang/ goms par ma byas pa'i dge ba'o/ /de dag las gzhi ni yongs su spang bar bya ba yin no/ /gnyis ni bsten par bya ba yin no/ /'dod ba'i longs spyod ni rnam pa lnga ste/ /so sor myong bar bya ba'i longs spyod dang/ /yongs su srel na dga' ba'i longs spyod dang/ rnam par rtog pa'i longs spyod dang/ gzhan las thob pa'i longs spyod dang/ legs par ma zin pa'i longs spyod do/ /'dod pa'i skyon ni rnam pa brgyad de/ ro myong ba chung ba dang/ sdug bsngal mang ba dang/ nyes dmigs mang ba dang/ gzhan gyi gnod pa byas pa las gyur pa'i sdug bsngal gyi rgyu yin pa dang/ kun nas nyon mongs pa can gyis longs spyod pa'i rgyu yin pa dang/ ngan song ba'i sdug bsngal gyi rgyu yin pa dang/ rnam par rtog pa dang kun tu 'khrug pa'i sdug bsngal gyi rgyu yin pa dang/ longs spyod yongs su zad pa'i rgyu yin pa dang/ gnas su gzhag pa yongs su zad pa'i rgyu yin pa dang/ dge ba'i bar du gcod pa'i rgyu yin pa'o/ /'dod pa'i gzhi las gyur par rnam pa drug te gzhan gyi gnod pas 'gyur ba dang/ khams ma snyoms par 'gyur ba dang/ sems can sdug pa 'gyur ba dang/ lus 'gyur ba dang/ sems 'gyur ba dang/ mi rtag pa nyid kyis 'gyur ba'o/ / 'dod pa rnams la chos mthun pa rnam pa lngas nags tshal gyi ming du rig par bya ste/ mang nyid du chos mthun pa dang/ sna tshogs nyid du chos mthun pa dang/ sems can nye bar 'tsho ba nyid du chos mthun pa dang/ gnas nyid du chos mthun pa dang/ 'phel 'grib can nyid du chos mthun pas so/ / //rtog pa dang bcas shing dpyod pa dang bcas pa la sogs pa'i sa gsum gyi rnam par gtan la dbab pa rdzogs te/ de la yang la lar rnam par gtan la dbab pa'i gzhung ni mi snang ngo/ / //mnyam par bzhag pa'i sa'i dbang du byas nas rnam par gtan la dbab pa ni/ gang zag gang dag gis sems kyi rgyud nye ba'i nyon mongs pa'i rnam pa du mas nye bar nyon mongs par gyur pa de dag ni legs pa kho nar sems rtse gcig pa nyid la reg par 'gyur ba'i skal ba med pa yin no/ /nye ba'i nyon mongs pa rnam pa du ma dag gang zhe na/ g.yo dang ldan pa dang/ sgyu dang ldan pa dang/ gya gyu dang ldan pa dang/ gcam sgyu dang ldan pa dang/ ngo tsha med pa dang/ khrel med pa dang/ mdang ba dang/ le lo can dang/ brjed ngas pa dang/ mnyam par ma bzhag pa dang/ shes rab 'chal ba dang/ lhong pa dang/ mang bo pa dang/ blang bar bya la thog mar 'gro ba dang/ rab tu dben pa la brtson pa btang ba dang/ bslab pa dag la shas cher gus pa med pa dang/ dge spyod gi tshul la mi lta ba dang/ 'tshe ba'i bsam pas rab tu byung la mya ngan las 'da' ba' i bsam pas ma yin pa dag go /de la ji ltar na g.yo dang ldan pa yin zhe na/ bdag nyid skyon dang ldan yang ston pa'i spyan snga 'am/ tshangs pa mtshungs par spyod pa mkhas pa rnams kyi drung du yang dag pa ji lta ba bzhin du brjod par mi byed pa yin no/ /ji ltar na sgyu dang ldan pa yin zhe na/ de ci nas kyang bdag nyid yon tan dang ma ldan yang yon tan dang ldan par tshangs pa mtshungs par spyod pa mkhas pa rnams yang ches pa dang/ nges par rtogs par bya ba'i phyir/ bdag nyid kyi yon tan yang dag pa ma yin pa dag nye bar ston par byed pa yin no/ /ji ltar na gya gyu dang ldan pa yin zhe na/ lhag pa'i tshul khrims las tshul khrims nyams pa'am/ spyod pa las spyod pa nyams pa la mthong ba dang thos pa dang/ dogs pas glengs pa na/ gtam rlung bskur bar byed cing gtam gzhan du bsgyur bar byed pa ste/ rgyas par 'di lta ste/ mdo las sgyu dang g.yo nyid kyis dbang du mdzad nas ji skad gsungs pa lta bu'o/ /ji ltar na gcam sgyu dang ldan pa yin zhe na/ 'jigs pa 'am/ ngo bya ba 'am/ zang zing chung zad tsam gyi phyir gzhan dag gi nyes pa chen po brjod par mi byed gleng bar mi byed cing/ bsam pa thag pa nas ni ma yin pa dang/ tshangs pa mtshungs par spyod pa mkhas pa rnams la bcos ma'i rjes dang gus pa dang/ lus dang ngag gis las 'jam pos kun tu spyod pa yin no/ /ji ltar na ngo tsha med pa dang/ khrel med pa yin zhe na/ bdag nyid dam gzhan las brten te/ ngo tsha med pas/ bsams bzhin du nyes pa byed pa dang/ nyes pa byung na yang chos bzhin du phyir mi byed pa dang/ 'thab khrol byed pa dang/ 'tshang 'dru par byed pa dang/ rtsod par byed pa dang/ 'gyed par byed pa yin no/ /ji ltar na ma dad pa yin zhe na/ sangs rgyas dang/ chos dang/ dge 'dun dag la dad pa'i sems med pa dang/ sdug bsngal dang/ kun 'byung ba dang/ 'gog pa dang/ lam dag la yang yid mi ches par gyur pa yin no/ /ji ltar na le lo can yin zhe na/ dge ba'i phyogs spangs te/ gnyid kyi bde ba dang glos 'bebs pa'i bde ba dang/ nyal ba'i bde ba nyams su len pas nyin mtshan shas cher yol bar byed pa yin no/ /ji ltar na brjed nges pa yin zhe na/ byas nas yun ring du lon pa dang/ smras nas yun ring du lon pa yang rjes su mi dran la/ rjes su dran par byed kyang mi nus pa dang/ dbang po rnams kyi sgo ma bsdam pa dang/ shes bzhin du mi gnas pa yin no/ /ji ltar na mnyam par ma bzhag pa yin zhe na/ tha na mnyam par gzhag pa'i sa ba'i yid la byed pa tsam yang ma thob pa yin no/ /ji ltar na shes rab 'chal ba yin zhe na/ rang gi lta ba mchog tu 'dzin cing gnas pa dang/ mi mthun par 'dzin pa dang/ smra ba 'dor dka' ba yin no/ /ji ltar na lhod pa yin zhe na/ mi mkhas pa dang/ mi grims pa dang/ sgrub mi phod pa dang/ tshangs pa mtshungs par spyod pa mkhas pa rnams la lus kyi zhal ta mi byed pa yin no/ /ji ltar na mang po pa yin zhe na/ khyim na gnas pa dang/ rab tu byung ba rnams dang 'dre bar gnas pa dang/ 'dod pa'i rnam par rtog pa la sogs pa dang/ sdig pa mi dge ba'i rnam par rtog pa dag nas/ khyim gyi 'byor pa dang ldan pa'i rnam par rtog pa'i bar dag la lan mang du rjes su rtog cing rjes su dpyod par byed pa yin no/ /ji ltar na blang bar bya ba la thog mar 'gro ba yin zhe na/ dge 'dun gyi 'am gang zag gi rnyed pa blang ba 'di lta ste chos gos la sogs pa dang/ dge 'dun nas gang zag mgron du 'bod pa ni blang bar bya zhes bya ste/ der dge slong rnams kyi thog mar 'gro ba yin no/ /ji ltar na rab tu dben pa la brtson pa btang ba yin zhe na/ bas mdza' i gnas ma la dben pa/ skye bo sdig pa can med pa/ mi rnams kyis gsang ste/ bsten pa nang du yang dag 'jog dang rjes su mthun pa gang dag yin pa de dag thag ring du spong bar byed cing de la 'dun pa tsam yang skyed par mi byed pa yin no/ /ji ltar na bslab bdag la gus bshas chen po med pa yin zhe na/ phongs par gyur pa'i tshe bslab pa rnams yongs su gtong bar byed la/ lus dang srog yongs su gtong bar ni mi byed cing/ lus kyi bde ba dang srog ches ched che bar dod du gnyer la/ bslab pa'i gzhi rnams rjes su bsrung ba ni don du gnyer bar mi byed pa yin no/ /ji ltar na dge sbyong gi tshul la mi blta ba yin zhe na/ bslab pa rnams phul nas nyams par bya ba'i phyir 'dug par 'dod cing/ tshul khrims 'chal ba dang/ sdig pa'i chos dang/ nang rul ba nas rgyas par tshangs spyod pa ma yin par tshangs par spyod par khas 'che ba'i bar yin te/ dge sbyong gi 'bras bu rnams sam/ 'phags pa'i lam yan lag brgyad pa don du gnyer bar lta ga la 'gyur ba yin no/ /ji ltar na 'tsho ba'i bsam pas rab tu byung la/ mya ngan las 'da' ba' i bsam bas ma yin zhe na/ rgyal pos gtses bas rab tu byung ba 'am/ /chom rkun pas gtses pa 'am/ bu lon gyis nyam thag pa 'am/ 'jigs pas nyam thag pa'am/ longs spyod rnams nyam pa na 'tsho ba med pas 'jigs shing skrag pas rab tu byung ba yin gyi/ bdag nyid dul bar bya ba'i phyir ma yin/ bdag nyid zhi bar bya ba'i phyir ma yin/ bdag nyid yongs su mya ngan las 'da' ba' i phyir ma yin pa'o/ /de la nye ba'i nyon mongs pa dang po bzhi ni tshangs pa mtshungs par spyod ba rnams lhan cig 'grogs pa rgud pa las brtsams nas rnam par bzhag par blta bar bya'o/ /ngo tsha med pa dang/ khrel med pa ni lhag pa'i tshul khrims rgud pa las brtsams nas blta bar bya'o/ /ma dad pa la sogs pa shes rab 'chal ba'i mthar thug pa'i bar gyi nye ba'i nyon mongs pa rnams ni lhag pa'i sems dang/ lhag pa'i shes rab rgud pa las brtsams nas blta bar bya ste/ de la ma dad pa dang le lo dang ldan pa ni gnyi ga gung ba las brtsams ba yin no/ /brjed ngas pa/ rnam par g.yeng ba ni lhag pa'i sems rgud pa 'ba' zhig las brtsams pa yin no/ /shes rab 'chal ba ni lhag pa'i shes rab rgud pa 'ba' zhig las brtsams pa yin no/ /de la ma dad pa dang le lo dang ldan pa'i dbang du byas nas/ lhong ba dang mang po dang/ blang bar bya ba la thog mar 'gro ba dang/ rab tu dben ba la brtson pa btang ba rnams blta bar bya'o/ /brjed ngas ba dang/ sems rnam par g.yeng ba dang/ shes rab 'chal ba'i dbang du byas nas bslab pa dag la shes cher gus pa med pa dang/ dge sbyong gi tshul la mi lta ba dang/ 'tsho ba'i bsam pas rab tu byung la mya ngan las 'da' ba' i bsam bas ma yin par blta bar bya'o// //gang zag gsum gyi nye ba'i nyon mongs pa ni gnas gsum las byung ba yin par rig par bya ste/ gang zag gsum gang zhe na/ chos 'dir rab tu byung ba dang/ 'dod pa la longs spyod pa khyim na gnas pa dang/ 'di las phyi rol pa rab tu byung ba'o/ /de dag gi nye ba'i nyon mongs pa gnas gsum las byung ba gang zhe na/ gang zag dang po'i nye ba'i nyon mongs pa ni bdag med pa las byung ba yin te/ de yang rnam pa gnyis te/ chos gos la sogs pa rnyed pa dang bkur sti 'dod pa'i phyir bdag nyid las brtsams nas / bdag nyid kyi yang dag pa ma yin brjod par byed de/ mi'i chos bla ma smra bar byed pa dang/ gzhan las brtsams nas tshangs pa mtshungs par spyod pa rnams las lus dang ngag gi rnam par gnon par byed/ rnam par 'tshe bar byed/ mtho mtsham par byed bstid par byed pa'o/ /gang zag gnyis pa'i nye ba'i nyon mongs pa ni 'dod pa la lhag par zhen pa las byung ba yin te/ 'di lta ste/ 'dod pa las lhag par zhen pa'i rgyus 'dod pa la longs spyod pa ni/ lus kyis kyang nyes par spyod pa kun tu spyod la/ ngag dang yid kyis kyang nyes par spyod pa kun tu spyod pa'o/ /gang zag gsum pa'i nye ba'i nyon mongs pa ni log par sgrub pa las byung ba yin par blta bar bya ste/ de yang mdor bsdu na rnam pa gsum ste/ rab tu dben pa dang ldan pa dang/ 'du 'dzi dang ldan pa dang/ bslab pa dang ldan pa'o/ /de la rab tu dben pa dang ldan pa gang zhe na/ 'di las phyi rol pa ni bas mdza' i gnas mal dben par song ba na/ sgrib pa lnga po dag gis sems bsgribs pa dang/ lus dang sems kyi sdug bsngal so sor myong bas sdug bsngal bar gnas pa dang/ dad pa la sogs pa dbang po lnga dang bral bas nyon mongs pa'i gnyen po spangs pa yin te/ de ltar nyon mongs pa can du gnas pa dang/ sdug bsngal bar gnas pa dang/ de bsal ba'i gnyen po med la gang yin pa de ni nye ba'i nye ba'i nyon mongs pa rab tu dben pa dang ldan pa zhes bya'o/ /nye ba'i nyon mongs pa 'du 'dzi dang ldan pa gang zhe na/ phan tshun lta ba la 'dod pa'i mi mthun pa rtsod pas rang gi phyogs dang gzhan gyi phyogs la rnam par gnas pa rnams kyi khro ba dang/ khon du 'dzin pa nas/ rgyas par sgyur dang/ g.yo'i bar gang yin pa de ni de'i nye ba'i nyon mongs pa 'du 'dzi dang ldan pa zhes bya'o/ /nye ba'i nyon mongs pa bslab pa dang ldan pa gang zhe na/ bdag dang gzhan las brten te kha na ma tho ba kun tu spyod pas ngo tsha med pa tshul khrims nyams pa dang tshul khrims 'dral bar byed pa'i bag gang yin pa de ni nye ba'i nyon mongs pa lhag pa'i tshul khrims dang ldan pa zhes bya'o/ / 'jig rten pa'i snyoms par 'jug pas dman pa bas bdag mtho'o snyam pa dang/ 'dra ba bas bdag tshe'o snyam du sems khengs pa gang yin pa de ni de'i nyon mongs pa lhag pa'i sems kyi bslab pa dang ldan pa zhes bya'o/ /dge ba'i chos rnams la thos pa nyung ba dang yongs su mi spyod pa gang yin pa de ni de'i nye ba'i nyon mongs pa lhag pa'i shes rab kyi bslab pa dang ldan pa zhes bya'o/ /de dag thams cad gcig tu bsdus na/ chos ma yin pa spyod pa dang/ yang par spyod pa zhes bya ste/ mi dge ba'i don gyis ni chos ma yin pa spyod pa yin la/ 'bras bu mi 'dod pa'i don gyis ni/ yang bar spyod pa yin no/ /rnal 'byor ba zad par gyi skye mched bcu bsgom pa ni bya ba lnga byed pa yin te/ lnga gang zhe na/ zad par sa la sogs pa nas zad par dkar po'i mthar thug pa'i bar dag gis ni sprul pa dang dngos po bsgyur ba 'phogs pa'i rdzu 'phrul mngon par bsgrub par byed do/ /zad par nam mkha' mdza' yas skye mched kyi sni 'ong ba dang 'gro ba 'phags pa'i rdzu 'phrul mngon par sgrub par byed do zad par rnam shes mdza' yas skye mched kyis ni/ nyon mongs pa med pa dang/ smon nas shes pa dang/ so sor yang dag par rig pa la sogs pa'i yon tan mngon par sgrub par bya'o/ /zad par rnam shes mdza' yas skye mched grub na/ ci yang med pa'i skye mched kyi rnam par thar pa dang/ 'du shes med 'du shes med min skye mched kyi rnam par thar ba 'grub par 'gyur ro/ /de grub pa'i rgyas gnas pa mchog gis bsdus pa 'du shes dang/ tshor ba 'gog pa'i rnam par thar pa la snyoms par 'jug par 'gyur ro/ /rnam shes mdza' yas skye mched las ni khyab pa'i rnam pa mdza' yas pa dang/ tshad med pa mngon par 'grub par 'gyur bas de'i phyir gong du zad par rnam par gzhag pa med do/ /zil gyis gnon pa'i skye mched rnams dang/ ? par gyi skye mched rnams ni rnam par thar ba rnams kyi rnam par dag pa'i lam yin no/ /rnam par thar pa rnams shes bya'i sgrib pa las rnam par thar pas rab tu phye ba yin te/ shes bya'i sgrib ba ji tsam las nyan thos dang/ rang sangs rgyas rnams kyi sems rnam par 'grol bar 'gyur ba yin no/ /snyoms par 'jug par byed pa ni mdor bsdu na rgyu gsum gyis snyoms bar 'jug pa'i ro myang ba byed de/ snyoms par 'jug pa thob pa las langs pa ni gcang ba dang/ 'dod pa dang/ sdug pa dang/ dga' ba dang/ yid du 'ong ba las yang dag par rjes su dran pas ro myang bar byed do/ /ma thob ba 'am/ thob pa ma 'ongs pa la ni ro myang ba nyid kyi dbang du byas nas/ don gnyer ba ni mngon par dga' bas ro myang bar byed do/ /thob pa ni gtsang ba dang/ 'dod pa dang/ sdug pa dang/ dga' ba dang/ yid du 'ong brgya cher kun tu spyod pa las ro myang bar byed do/ /de ltar na gang las langs pa de'i ro myang bar byed pa dang/ gang la snyoms par zhugs pa de la ro myang bar byed pa yin te/ ro myang ba zhes bya ba ni de la kun tu chags shing lhag par zhen pa gang yin pa'o/ /sa 'og ma pa'i chos rnams ni gong mar skyes pa la kun tu mi 'byung bar rig par bya'o/ /sa gong ma ba'i chos rnams ni 'og mar skyes pa 'dod chags dang bral ba la kun tu 'byung ngo/ /'og mar skyes pa 'dod chags dang ma bral ba sems mnyam par ma bzhag pa ni gong ma la sred pa skyed par byed de/ sred pa de yang 'dod pa na spyod pa yin par brjod par bya'o/ /de yang nyon mongs pa can yang yod pa nyon mongs pa can ma yin pa yang yod de/ nyon mongs pa can gang zhe na/ gal te 'di snyam du kye ma bdag ni bde ba rgya chen po de lta bu dang ldan pa'i snyoms par 'jug pa la/ snyoms par 'jug par bya zhing/ bdag gis de la 'di lta 'di ltar ro myang bar yang bya'o snyam pa dang/ gong mar skyes na ni rtag pa dang ther zug tu yang 'gyur ro/ /snyam pa de lta bu'i sems skyed par byed pa'i sred pa ni nyon mongs pa can yin par brjod par bya'o/ /gal te 'dod chags dang bral ba'i bsam pa kho nas sems skyed par byed cing/ zhi ba dang khyad par du 'phags pa'i sa gong ma sgrub par byed pa'i srid pa de ni/ nyon mongs pa can ma yin par brjod par bya'o/ /chos rnams kyi spong ba'i rnam pa gsum ste/ gnyen pos spang ba dang/ kun tu spyod pas spong ba dang/ 'dor bas spong ba'o/ /de la spong ba dang po ni nyon mongs pa'i gzhis rab tu phye ba yin no/ /spong pa gnyis pa ni 'du byed skyes nas 'gag pas bar du phye ba yin no/ /spyod pa gsum pa ni gong mar skyes pa dang phung po'i lhag ma med par yongs su mya ngan las 'da' bar byed pa'i 'du byed sa 'og ma pa 'du byed thams cad yongs su gtong bas rab tu phye ba yin no/ /yongs su nyams pa ni gsum po 'di dag yin te/ ma thob pa'i chos las yongs su nyams pa dang/ thob pa'i chos la yongs su nyams pa dang/ kun brten pas yongs su nyams pa'o/ /'jig rten pa'i snyoms par 'jug pa rnams kyi nyer bsdogs dag la sbyor ba dang/ bar chad med pa dang/ rnam par grol ba'i lam gang yin pa de dag ni/ gang spang ba dang/ gang rtog par bya ba'i phyir rab tu sbyor zhing de dag la skyon dang zhi bar dmigs te/ 'og ma la ni skyon du'o/ /gong ma la ni zhi bar ro/ /khyad par gyi lam gang dag yin pa de dag ni khyab pa la dmigs pa yang yin la/ zag pa med pa la dmigs pa yang yin par blta bar bya'o/ /nyer bsdogs kyis bsdus pa'i yid la byed pa drug po/ /mtshan nyid so sor rig pa la sogs pa nas/ sbyor ba mthar thug pa'i bar? gang dag yin pa de dag las mtshan nyid so sor rig pa dbang? mos pa yid la byed pa ni sbyor ba'i lam gyis bsdus pa yin no/ /rab tu dben pa dang/ sbyor ba mthar thug pa gnyis ni bar chad med pa'i lam gyis bsdus ba yin no/ /dga' ba sdud pa ni lam rnam pa bzhi char gyis bsdus pa yin no/ /dpyod pa ni yid la byed pa ni khyad par gyi lam gyis bsdus pa kho na yin no/ /ci'i phyir bsam gtan rnams kyi bsam gtan pa'i yul bsam gyis mi khyab ces bya zhe na/ bsam gtan pa rnams kyis gang dang gang ji ltar mngon par 'du byed pa de dang de de bzhin 'gyur gyi gzhan du ma yin pa de ltar sems de yongs su sbyor ba byas pas/ de'i mthu de 'dra ste/ de ni chos nyid yin pas de'i phyir de ni rtogs pa'i lam gyis bsam gyis mi khyab pa zhes bya'o/ /gnyi ga yang dbang thob pa'i bsam gtan pa gnyis kyis dngos po bsgyur ba'i rdzu 'phrul gyis dngos po gcig la mos pa byas ma thag tu/ gnyi ga'i rdzu 'phrul thogs par 'gyur la/ rdzu 'phrul ches che ba gzhan zhig gis zil gyis mnan pa yang ma yin pa las de'i 'og tu dngos po de nyid la gcig gi rdzu 'phrul ni ji ltar 'dod pa bzhin du bsgyur pa la thogs pa med par 'jug la/ cig shos kyi ni thogs par gyur ba de la rgyu ci yod par rig par bya zhe na/ gnyi ga yang myur bar 'dra ba dang/ stobs 'dra ba dang/ mthu 'dra ba dang/ rdzu 'phrul mngon par 'du bya ba dus gcig tu bskyed par 'dra mod kyi/ mi 'dri ba mngon par 'du byed pa yin te/ rdzu 'phrul mi 'dra ba mngon par 'du byed pa des na de gnyis kyi rdzu 'phrul gcig la gcig thogs par gyur to/ /de nas gcig 'di snyam du sems te/ ci'i phyir bdag gi rdzu 'phrul thogs par gyur/ cha la bdag ting nge 'dzin las yongs su nyams pa 'am/ gcig tu ma gyur grang snyam du sems shing/ de ltar bsam gtan pa gcig gzhan yid la byed cing 'du ba'i/ cig shos kyis ni yid brel pa med par yang dang yang du rdzu 'phrul mngon par 'du bya ba de nyid byas pas na de'i rdzu 'phrul mngon par 'du bya ba de thogs pa med par 'jug go / mthu mi mnyam pa gnyis kyi ni gang khyad par 'phags pa de'i 'grub par 'gyur ro/ /mthu mnyam pa gnyis kyi yang gang gis sngar mos pa byas pa de'i 'grub par 'gyur gyi/ cig shos kyis ni ma yin no/ /bsam gtan pa ni bzhi po 'di dag yin te/ nyer bsdogs kyi bsam gtan pa dang/ nyon mongs pa can gyi ting nge 'dzin gyi bsam gtan pa dang/ dag pa 'jig rten pa'i bsam gtan gyi bsam gtan pa dang/ 'jig rten las 'das pa'i bsam gtan gyi bsam gtan pa'o/ /de la dang po ni yid la byed pa drug po mtshan nyid so sor rig pa la sogs pa nas/ sbyor ba thar thug pa'i bar dag la zhugs pa yin par blta bar bya'o/ /gnyis pa ni sred pa'i shas che ba'i bsam gtan pa nas/ the tshom shas che ba'i bsam gtan pa'i bar dag yin par blta par bya'o/ /gsum pa ni 'jig rten pa'i bsam gtan la de las gzhan pa'i dge ba'i 'di lta ste/ tshe 'di la bde bar gnas pa dang/ tshad med pa yid la byed pa dang/ 'jig rten pa'i yon tan mngon par bsgrub pa dang/ mngon par bsgrubs pa dag gis rnam par rtse ba dang nges par 'byed pa'i cha dang mthun pas yongs su zin pa'i tshe na yin par blta bar bya'o/ /bsam gtan bzhi pa ni rnam par thar pa'i sgo stong pa nyid dang/ smon pa med pa dang mtshad? ma med pas rab tu phye ba yin par rig par bya'o/ /'du shes med pa'i snyoms par 'jug pa ni gcig tu zag pa dang bcas par brjod par bya'o/ /'gog pa'i snyoms par 'jug pa ni zag pa med par brjod par bya ste/ nyon mongs pa dang bral ba'i phyir dang/ tshungs pa? ldan pa ma yin pa'i phyir dang/ dmigs pa med pa'i phyir dang/ nyon mongs pa rnams kyis ma skyes pa'i phyir ro/ /'jig rten las 'das pa ni sa 'thon por chud pa'i byang chub sems dpa' rnams ma gtogs par so so'i skye bo thams cad kyis spyad pa ma yin pa'i phyir byang chub sems dpa' rnams ni 'jig rten las 'das pa'i chos rnams mngon du byed kyang/ thabs la mkhas pas byed kyi/ nyon mongs pa spong bar ni mi byed do/ /slob pa yang ma yin mi slob pa yang ma yin par brjod par bya ba ni rgyu ba med pa dang/ mya ngan las 'das pa dang 'dra ba'i phyir ro/ / //bam po bcu dgu pa/ /lus su gtogs pa'i dran pa'i mdo rnam par bshad pa las/ dge slong sems rnam par dag par bya ba'i phyir zhugs pa'i nye ba'i nyon mongs pa ni bzhi ste/ ltung ba dang rnam par rtog pa dang/ lus la mngon par zhen pa dang/ yul la mngon par zhen pa'o/ /ltung ba ni 'gyod pa'i sgo nas ting nge 'dzin gyi bar chad byed do/ /rnam par rtog pa ni sgo gsum nas te/ rgod pa dang rtse ba las brtsams nas yul 'das pa rjes su dran pas rnam par g.yeng ba'i sgo dang/ nyes par mthong ba dang/ nyes par thos pa dang/ nyes par smras pa dang/ nyes par spyad pa'i thos pa dang/ sems pa tsam la mngon par dga' bas rnam par g.yeng ba'i sgo dang/ sngon goms pa'i stobs bskyed pa'i rnam par g.yeng ba'i sgo nas so/ /lus la mngon par zhen pa ni 'khor bas mi skyo ba'i sgo nas so/ /yul la mngon par zhen pa ni yul la 'ongs pa la mngon par dga' ba'i sgo nas so/ /de la nye ba'i nyon mongs pa dang po'i gnyen por ni yid la byed pa gcig bsgom par bya ste/ shes bzhin yid la byed pa'o/ /gnyis pa'i gnyen por ni yid la byed pa gsum bsgom par bya ste/ de dang rjes su mthun pa'i dmigs pa yid la byed pa dang/ de'i mtshan ma rtogs pas de'i gnyen po'i rnam par rtog pa yid la byed pa dang/ de'i gnas dang sems gdung ba yid la byed pa'o/ /gsum pa'i gnyen por ni ril po rab tu dbye ba yid la byed pa'o/ /bzhi pa'i gnyen por ni sdug pa yid la byed pa'o/ /yid la byed pa dang po kun tu bsten cing goms par byas lan mang du byas na brjed ngas pa spong bar 'gyur ro/ /gnyis pas ni lus dang yul la mngon par zhen pa sang bar byed pa spong bar 'gyur ro/ /gsum pas ni nyes par mthong ba la sogs pa ni rnam par g.yeng ba spang bar 'gyur ro/ /bzhi pas ni sngon goms pa'i stobs bskyed pa'i rnam par g.yeng ba spong bar 'gyur ro/ /lnga pas ni lus la sdug ba dang sems can du 'du shes pa spong bar 'gyur ro/ /drug pas ni 'dod chags rnam pa bzhi kha dog dang reg pa dang/ dbyibs dang/ nye bar spyod pa'i 'dod chags rnams spong bar 'gyur te/ de ltar yid la byed pa bsgom pa de dag las brten na/ nye ba'i nyon mongs pa de dag spong bar 'gyur zhing/ nyer bsdogs dang/ dngos gzhi dang bcas pa'i ting nge 'dzin thob pa dang/ dga' ba dang bcas pa dang/ dga' ba med cing bde ba la mngon par dga' ba yongs su dag pa thob pa las sems ting nge 'dzin du yang 'gyur ro/ /de ltar sems ma nyams 'gyur na/ de'i 'og tu sems can mi rtag pa nyid dang/ 'du byed mi rtag pa nyid kyang yang dag pa ji lta ba bzhin du rab tu shes par 'gyur ro/ /ji ltar na sems can mi rtag pa nyid yang dag pa ji lta ba bzhin du rab tu shes she na/ lha'i mig rnam par dag pa mi'i las shin tu 'das pas sems can rnams mthong ngo/ /zhes rgya cher ji skad gsungs pa ji lta bu'o/ /ji ltar na 'du byed mi rtag pa nyid yang dag pa ji lta ba bzhin du rab tu shes she na/ ma 'ongs pa dang 'das pa dang da lta byung ba yid la byed pa'i rjes su zhugs pa rnams rten cing 'brel par byung ba shes pa las so/ /lus su gtogs pa'i dran pa de ni gnas gsum po/ /lhag ba'i sems dang lhag pa'i shes rab kyi bslab pa'i yongs su sbyangs pa'i sa dang/ lhag pa'i sems kyi bslab pa dang/ lhag pa'i shes rab kyi bslab pa dag la yod de/ kun tu sbyor ba lhag ma rnams spangs pa'i phyir dran pa nye bar gzhag pa la sogs pa byang chub kyi phyogs dang mthun pa'i chos thams cad kyi gnas su gyur pa yin no/ /rgyu gsum gyis na 'di las phyi rol pa'i dge sbyong dang bram ze rnams dang thun mong ma yin pa ste/ yongs su sbyad pa'i sa la tshogs yongs su rdzogs pa dang/ zhi gnas kyi snying po la ro myang bar mi byed pa dang mya ngan las 'das pa la dga' zhing chags pa dang ldan pa'i sems la nyon mongs pa'i me 'byung ba'i gnas med pas so/ /dran pa yongs su bsgoms pa 'di'i tshogs yongs su rdzogs pa la brten nas 'bras bu yongs su dag pa bzhi ste/ grong na 'dug pa la 'jig rten gyi chos kyis bskyed pa'i nye ba'i nyon mongs pa med pa dang/ dgon pa na 'dug pa nyid la grong gis bskyed pa'i nye ba'i nyon mongs pa med pa dang/ de gnyi ga na 'dug pa la 'dzag gnod? byed pa la sogs pa'i sdug bsngal dang du blang dgongs pa'i nye ba'i nyon mongs pa med pa'o/ /zhi gnas kyi ro myang bar mi byed pa la brten nas/ 'bras bu yongs su dag pa lnga ste/ bsam gtan bzhi po rnam par dag pa dang/ zhi ba'i rnam par thar pa rnams so/ /mya ngan las 'das pa la dga' zhing chags pa dang ldan pa'i sems la nyon mongs pa'i me 'byung ba'i gnas med pa la brten nas 'bras bu yongs su dag pa dgu ste/ dang po'i 'bras bu gsum dang/ mngon par shes pa drug go /lus su gtogs pa'i dran pa de yang yongs su dag pa lngas bsdus pa yin par rig par bya ste/ mnyam par ma bzhag pa'i sa yongs su dag pa dang/ mnyam par bzhag pa'i sa yongs su dag pa dang/ bsdus pa'i sa yongs su dag pa dang/ thun mong ma yin pa yongs su dag pa dang/ thun mong ma yin pa'i 'bras bu yongs su dag pas so/ /lus gyur pa dang ldan pa dang/ der gtogs pa yin pa'i phyir lus su gtogs pa'i dran pa zhes bya'o zhes gsungs te/ gsus po che chen po'i mdo rnam par bshad pa yin no// //rnam par grol ba ni gnyis te/ shes rab rnam par grol ba dang/ sems rnam par grol ba'o/ /de la shes rab rnam par grol pa las btsams nas 'jig rten pa'i shes rab kyi spyod yul ni 'di lta ste/ nyes par spyod pa dang/ legs par spyod pa gzhi dang bcas pa rnam par gzhag pa las rig par bya'o/ /ngo bo nyid ni 'di lta ste/ nyes par spyod pa dang/ legs par spyod pa gzhi dang bcas pa de nyid kyi dge ba dang mi dge ba nyid la sogs pa'i rab tu dbye bas yang dag pa ji lta ba bzhin du yongs su shes pa las rig par bya'o/ /sems rnam par grol ba las brtsams nas sems kyi kun nas nyon mongs pa dang rnam par byang ba'i gnas nyid ni 'di lta ste gzugs la sogs pa yul 'dzin pa dang rnam par rig pa las rig par bya'o/ /'jig rten pa'i shes rab dang/ sems rnam par grol ba de nyid kyi 'bras bu ni 'di lta ste/ de dang mtshungs par ldan zhing 'dres pas kun nas nyon mongs pa'i rigs dman pa las rnam par slong ba las rig par bya'o/ /shes rab rnam par grol ba de nyid kyi dbang du byas nas/ 'jig rten las 'das pa'i shes rab kyi spyod yul ni/ 'di lta ste 'jig rten pa'i shes rab dang/ sems rnam par grol ba de nyid la sogs pa shes bya thams cad yang dag pa ji lta ba bzhin du yongs su shes pa las rig par bya'o/ /'jig rten las 'das pa'i shes rab dang rnam par grol ba de nyid kyi 'bras bu ni/ 'di lta ste/ kun nas nyon mongs pa'i rigs thams cad las rnam par slong ba las rig par bya'o/ /de la 'jig rten pa'i shes rab gang yin pa dang 'jig rten las 'das pa'i shes rab gang yin pa gcig tu bsdus pa ni yang dag pa'i lta ba zhes bya'o/ /yang dag pa'i lta ba de'i rgyu ni 'di lta ste sangs rgyas 'byung ba yod pa dang/ dam pa'i chos nyan pa dang/ de phyin ci ma log par yid la byed pa yin par rig par bya'o/ /'jig rten las 'das pa'i yang dag pa'i lta ba de'i 'bras bu'i mtshan nyid ni 'di lta ste snga phyir rtag pa dang/ mi mthun pa med pa las rig par bya'o/ /chos gang dag mi mthun pa'i phyogs yod cing byung na mi 'byung zhing 'gag par 'gyur ba dang/ mi mthun pa'i phyogs med cing 'gags nas 'byung ba de dag ni mi mthun pa dang bcas pa zhes bya'o/ /chos gang dag mi mthun pa'i phyogs yod kyang rung med kyang rung/ skyes kyang rung ma skyes kyang rung ste/ dus rtag tu yod pa de dag ni mi mthun pa med pa yin par rig par bya'o/ / de'i 'bras bu sems rnam par grol ba de'i dbang du byas nas spyod yul dang bcas pa dang/ de'i gnas rnam par dag pa ni 'di lta ste sems rnam par dag pa'i dbang gis dbang po gzugs can rnams kyi spyod yul la kun nas nyon mongs pa mi 'byung ba dang/ dbang po rnams kyang rnam par dag pa de'i rjes su 'jug pa las rig par bya'o/ /sems rnam par grol ba de'i gnas pa ni 'di lta ste/ tshe dang drod gcig la gcig brten cing gnas pa'i rgyun 'brel pa las rig par bya'o/ /'jig rten pa dang 'jig rten las 'das pa'i rnam par grol ba rnam ba gnyi ga'i 'bras bu'i khyad par ni 'di lta ste/ tshor ba bzhi dang bcas pa dag la kun tu rmongs shing sred pa dang bcas pa'i phyi ma la yang 'byung ba mngon par 'grub pa dang/ kun tu me rmongs shin sred pa med pa'i phyi ma la yang 'byung ba mngon par mi 'grub pa las rig par bya'o de dang 'dres shing mtshungs par ldan pa'i phyir/ de la brten pa sems las 'byung ba'i chos rnam par dag par rig pa ni/ 'di lta ste/ da ltar gyi rkyen gyis ma gos pa de so sor myong ba las rig par bya'o/ /rnam par grol ba de gnyis kyis gnas pa'i khyad par ni 'di lta ste/ rab tu zhi ba rnam pa drug po rnam par dag pa'i rnam par shes pa'i 'chi 'pho mnyam pas yin gyis/ de'i gnas mnyam pas ni ma yin te/ snyoms par 'jug pa'i dus na mngon par 'du bya ba med par snyoms par 'jug pas rab tu zhi ba dang/ ldang ba'i dus ona mngon par 'du bya ba med par ldang bas rab tu zhi ba dang/ rims kyi ldang ba dang/ snyoms par zhugs pa'i 'du byed pa rnam pa gsum 'byung ba rab tu zhi ba dang/ 'di lta ste dus gsum po dgon par tshangs pa mtshungs par spyod pa'i 'du 'dzi can gyi dang/ grong du khyim pa'i 'du 'dzi can gyi dang/ de gnyi gar 'du byed kyi mtshan ma la spyod pa'i yun ring pos ldang ba'i sems rab tu zhi ba dang/ 'di lta ste dus gsum po kho na gzugs can 'jig rten pa'i snyoms par 'jug pa mchog las ldang ba dang/ gzugs can ma yin pa 'jig rten pa'i snyoms par 'jug ba mchog las ldang ba dang/ 'jig rten las 'das pa sems dang bcas pa'i snyoms par 'jug pa las ldang ba'i phyir dang/ dus nye bas ldang ba'i sems rab tu zhi bas so/ /snyoms par 'jug pa de dag kyang 'gog pa'i snyoms par 'jug pa las langs pa kho na las 'thob pa ni ma yin gyi/ 'on kyang sngon thob pa rnams sngon du byed do/ /gnyis ni mthar gyis snyoms par 'jug ba dang/ de'i gong nas gong du snyoms par 'jug pa rnam par dag ba las thob pa yin no/ /gcig ni mthar gyis snyoms par 'jug pa las ma yin mod kyi/ 'on kyang mtshan ma med pa'i dbyings rab tu rtogs pa dang/ de'i gong nas gong du snyoms par 'jug pa rnam par dag pa las so/ /mtshan ma dang bcas pa'i snyoms par 'jug pa'i snyoms par 'jug pa dang/ gnas pa dang ldang ba ni mtshan ma dang bcas pa'i yid la byed pas so/ /mtshan ma med pa'i snyoms par 'jug pa'i snyoms par 'jug pa dang/ gnas pa ni mtshan ma med pas so/ /ldang ba ni mtshan ma dang bcas pas rig par bya'o/ /chos kyi gzhi'i mdo rnam par bshad pa yin no/ / //chos mngon pa dang 'dul ba mngon pa la mkhas pa'i dge slong ngam/ dge bsnyen kun shes pa las brtsams te/ dri ba dri bar 'dod pas ni rnam pa brgyad kyis dri bar bya ste/ rnam pa brgyad gang zhe na/ 'di lta ste/ kun shes pa'i gzhi dang/ kun shes pa'i mi mthun pa'i phyogs dang/ kun shes pa'i 'bras bu dang kun shes pa'i ngo bo nyid dang/ kun shes pa'i 'bras bu'i khyad par dang/ kun shes pa'i gnas dang/ kun shes pa'i phan yon dang/ kun shes pa yang dag par 'grub pas so/ /de la kun shes pa'i gzhi ni nye bar len pa'i phung po lnga bo dag ste/ nye bar brtags par bya ba nyid yin pa'i phyir ro/ /de la kun shes pa'i mi mthun pa'i phyogs ni sred ba'i kun nas nyon mongs pa dang/ lta ba'i kun nas nyon mongs pa'o/ /de la sred pa'i kun nas nyon mongs pas ni yang 'byung ba 'gog pa la/ mngon par dga' bar mi byed do/ /lta ba'i kun nas nyon mongs pas ni mngon par dga' yang rtogs par mi byed do/ /de la kun shes pa'i 'bras bu ni kun nas nyon mongs pa rnam pa gnyis po gang yin pa de nyid spangs pa'o// de la kun shes pa'i ngo bo nyid ni 'phags pa'i lam brgyad pa ste/ de yang 'di las phyi rol pa'i lta ba ngan pa sna tshogs kyi gnyen po yin no/ /'phags pa'i lam yan lag brgyad pa de yang kun nas nyon mongs pa rnam pa gsum gyi gnyen pos phung po gsum du rnam par gzhag pa yin te/ nyes bar spyod pa'i kun nas nyon mongs pa'i gnyen po dang/ 'dod pa'i kun nas nyon mongs pa'i gnyen po dang/ lta ba'i kun nas nyon mongs pa'i gnyen pos so/ /de yang 'jig rten las 'das pa yin du zin kyang 'dus byas yin no/ /de la kun shes pa'i 'bras bu'i khyad par ni spangs ba ste/ de ni 'jig rten las 'das pa dang 'dus ma byas pa yin no/ /de la kun shes pa'i gnas ni ting nge 'dzin de yang rnam pa bzhis rig par bya ste/ rigs las ni 'di lta ste/ ting nge 'dzin gang ci yang rung ste/ de thams cad ni bsam gtan gyi rigs yin no/ /de las gzhan pa'i bsam gtan gyi yan lag bstan ba las ni/ de las gzhan pa'i bsam gtan gyi yan lag bstan pa yin par khong du chud par bya'o/ /mtshan nyid dang/ skye ba'i dmigs pa'i mtshan ma dang/ 'grub pa'i rgyu'i mtshan ma las kyang khong du chud par bya'o/ /de la kun shes pa'i phan yon ni 'gog pa'i snyoms par 'jug par gnas pa mchog ste/ kun shes pa'i phan yon zhes bya'o/ /de yang rnam pa ldang rig par bya ste/ 'gog pa'i gzhi dang/ zhi ba dang/ tshul dang mthun pa dang tshul dang mi mthun pa'i gzugs brnyan dang/ snyoms par 'jug pa'i rgyu dang/ ldang ba'i rgyu dang ldang ba'i phan yon las kyang rig par bya'o/ /de la kun shes ba yang dag par 'grub pa ni nye bar len pa'i phung po lnga po de dag nyid la tshor ba rnam pa brgyad brtags pa gang yin ste/ ngo bo nyid brtags pa dang/ tshe 'di la 'jug pa'i rgyu brtags pa dang/ tshe 'di la 'jug pa 'gag pa'i rgyu brtags pa dang/ tshe phyi ma la 'jug pa'i rgyu brtags pa dang/ tshe phyi ma la 'jug ba 'gag pa'i rgyu brtags pa dang/ de gnyi ga la 'jug pa dang/ 'gag pa'i rgyu brtags pa dang/ 'jug pa'i rgyu'i rgyu brtag pa dang/ ldog pa'i rgyu'i rgyu brtag pa'o/ /de la bsam gtan gyi dngos gzhi gtso bo la ni bde ba dang ldan pa yang gnyen po yin no/ /nyer bsdogs thob pa'i mngon par 'byung ba la 'dun pa dang ldan pa sdug bsngal dang ldan pa yang gnyen po yin no/ /bsam gtan gyi dngos gzhi nyid la ni sdug bsngal yang ma yin bde ba yang ma yin pa dang ldan pa yang gnyen po yin te/ 'jug pa'i rgyu dgag pa'i phyir tshor ba'i gzhi kho na las yongs su bstan to/ /de la tshor ba gang ci yang rung ste/ de ni 'dir sdug bsngal ba yin no/ /zhes bya ba'i dbang du byas nas/ tshor ba gsum char yang don dam par na sdug bsngal ba yin no/ /de la mthun pa zhes bya ba ni gang yod na gang gdags pa de ni de dang mthun pa yin no/ /de la tshor ba thams cad kyang phan tshun mthun pa yin te/ thams cad kyang sdug bsngal gyis bsdus pa yin pa'i phyir ro/ /don dam pa'i sdug bsngal de yod na de mi shes ba yang yod do/ /de yod? na de'i gnyen por 'jig rten las 'das pa'i shes rab kyang yod do/ /de yod na de'i 'bras bu mya ngan las 'das pa yang yod de/ de'i phyir chos de dang de dag ni chos de dang de dag dang mthun pa zhes bya'o/ /gnyid kyi mdo rnam par bshad pa ni nang gi sems kyi gzhi gnas la rjes su brtson pa'i dge slong gnye ba'i nyon mongs pa de spang ba'i gnyen po ni rnam pa lngar rig par bya ste/ mun pa'i mtshan ma yongs su spangs pa dang/ yang dag par rab tu gzung bar bya ba mchog tu dga' ba'i gnas dang mthun pa'i chos rnams la yang dag par rab tu 'dzin par sbyor ba dang/ rig pas lta ba 'joms pa dang/ lta ba spyod pa dang/ lta ba'i gnas spyod ba'o/ /nye ba'i nyon mongs pa de spangs pa na/ ting nge 'dzin nye bar rtog pa ni lnga kho nar rig par bya ste/ lnga gang zhe na/ rab tu dben zhing rab tu dben par gnas pa dang/ ting nge 'dzin 'grub pa'i gtam dang/ kun nas nyon mongs gcan ma yin pa'i sems kyi rjes su mthun pa'i 'tsho ba'i yo byad rnams dang/ tshangs pa mtshungs par spyod pa la mkhas pa rnams las rjes su mthun ba'i gdams ngag dang rjes su bstan pa 'thob bar dka' blo bde ba nyid dang/ 'jig rten pa'i ting nge 'dzin dang/ snyoms par 'jug pa dag la ro myang ba yongs su spangs nas zad pa med pa'i rnam pas tshul bzhin yid la byed pa'o// //lhag pa'i sems la brtson ba'i dge slong gis ni rgyu gsum gyis nyon mongs pa can gyi rnam par rtog pa kun tu 'byung ba so sor bsal par bya ste/ dmigs pa yongs su spangs pa dang/ ngo bo nyid yang dag par sun dbyung ba dang/ ngo bo nyid yongs su spang ba las so/ /de la rgyu gsum gyis? na ngo bo nyid yongs su spong bar 'gyur te/ gnyen po'i stobs dang ldan pa dbang po rnon po'i ni lan cig gis so/ /gnyen po'i stobs dang mi ldan pa dbang po 'bring gi ni che rims las rim gyis so/ /gnyen po'i stobs dang mi ldan pa dbang po brtul po'i ni rnam bar rtog pa'i rgyu zang zing las shas cher skyon du yang dag par lta ba las so/ /gang zag gsum gyi ting nge 'dzin ni gsum du rig par bya ste/ lhag pa'i sems la brtson pa'i ting nge 'dzin ni sems can rnam pa bzhi po gnod pa byed ba rnams dang/ sdig pa byed pa rnams dang/ dge pa byed pa rnams dang/ phan pa byed pa'i sems can rnams la dmigs pa yin no/ /mthar thug par 'gro ba la brtson pa'i ting nge 'dzin ni chos la dmigs pa yin no/ /mngon par rtog pa la brtson pa'i ting nge 'dzin ni chos la dmigs pa kho na yin no/ /chen po rnam pa gsum gyis na ting nge 'dzin chen pos myur ba myur ba kho nar de bzhin nyid rtogs par 'gyur zhing/ rtogs nas kyang zag pa zad bar 'gyur te/ dmigs pa chen po dang/ mngon bar brtson pa chen po dang/ thabs kyis yongs su zin pa'i yid la byed pa chen pos so/ /dben pa gnyis ni myur ba myur ba kho nar de bzhin nyid rtogs par 'gyur ba yin te/ rgyu bar gyur pa na 'du 'dzi las dben pa dang/ gnas par gyur pa na rnam par rtog pa ngan pa las dben pa'o/ ting nge 'dzin dang mi mthun? pa'i chos ni lnga ste/ ltung ba dang rtag tu sbyor bar mi byed pa dang/ zhum pa dang/ gzhan las kun tu gnod pa 'byung ba'o/ /dben pa ni rnam ba gsum ste/ gnas pa dben pa dang/ lta ba dben pa dang/ nyan pa dben pa'o/ /sems rnam par spyod ba la zhugs pa'i dge slong gi ting nge 'dzin dang mi mthun pa dang/ ting nge 'dzin gyis bar du gcod pa'i snying thag pa'i skyon ni lnga po 'di dag yin te/ 'di lta ste khro ba dang/ nga rgyal dang/ 'dod pa'i 'dod chags dang/ 'jigs tshogs la lta ba dang mi bzod pa'o/ /snying thag ba nas ting nge 'dzin gyi mtshan ma ni lnga po 'di dag yin te/ de dag ni de dag gi gnyen por gnas pa yin pas na/ de'i phyir snying thag pa'i skyon rnams shes bya'o/ /mtshan ma lnga gang zhe na/ yo byad ngan don? tsam gyis chog shes pa dang/ dge ba gang yin zhes tshol pa dang/ lus dang longs spyod la mi lta ba dang/ 'khor ba dang mya ngan las 'das pa skyon dang yon tan du blta ba dang/ sbyor ba'i gnod pa bzod pa'o/ /de la khros shing khro ba'i bsam pa dang ldan pa ni gal te khyim rnams su rnyed pa dang/ rnyed par bya ba ma rnyed dam/ chung ngu 'am ngan pa'am/ bsgyangs te 'am/ gus bar ma byas par rnyed par gyur na/ de des khro ba dang/ 'khrug par 'gyur zhing/ gzhi de las gnod sems kyi rnam par rtog pa dang/ 'tsho ba'i rnam par rtog pa la lan mang du rjes su rtog par byed/ rjes su dpyod par byed de/ des na de'i ting nge 'dzin dang po nyid nas ma skyes pa ni skye bar mi 'gyur la/ skyes pa ni yongs su nyams par 'gyur ro/ /de la nga rgyal gyis mngon par zin cing nga rgyal gyis bsam pa dang ldan ba na rang bzhin nyid kyi chos rnams la gus pa ma skyes pa yin te/ de ni slob dpon dang bla ma dang sbyin gnas rnams la/ dus dus su lus 'dud par mi byed/ sems 'dud par mi byed cing/ 'di lta ste dge ba gang yin zhes yongs su btsal ba'i phyir yongs su zhu bar mi byed/ yongs su 'dri bar mi byed de/ des na ting nge 'dzin bsgrubs pa las brtsams pa'i don rtogs par mi 'gyur zhing/ gzhi de las rlon pa dang ldan pa'i rnam par rtog pa la lan mang du rjes su rtog par byed rjes su dpyod par byed de/ des na de'i ting nge 'dzin dang po nyid nas ma skyes pa ni skye bar mi 'gyur la/ skyes pa ni yongs su nyams par 'gyur ro/ /de la 'dod pa'i 'dod chags kyis chags shing 'dod chags kyi bsam pa dang ldan pa ni/ lus dang longs spyod dag la shin tu lta ba can yin pas/ des na de phyi rol gyi 'dod pa'i yon tan lnga po dag la rnam par g.yeng ba mang ba yin te/ gzhi des 'dod pa'i rnam par rtog ba dang/ nye du'i rnam par rtog pa dang/ yul gyi rnam par rtog pa dang/ khyim gyi 'byor pa dang ldan pa'i rnam bar rtog pa dag la lan mang du rjes su rtog par byed rjes su dpyod? par byed de/ des na de'i ting nge 'dzin dang po nyid nas ma skyes pa ni skye bar mi 'gyur la/ skyes pa ni yongs su nyams par 'gyur ro/ /de'i gnyen po mi sdug pa de yang mi sdug pa'i mtshan nyid gsum dang ldan pa yin par rig par bya ste/ mi gtsang ba'i mtshan nyid dang/ de dang rgyu mthun pa 'jig? pa'i mtshan nyid dang/ brten pa dang/ rten rab tu dbye ba'i mtshan nyid do/ /de la 'jig tshogs la lta ba pa ni 'jig tshogs lta lta bas zin pa'i rgyus 'jig rten gyi chos dang phrad pa na/ 'dud pa dang khengs ba dag gis gos par 'gyur bas de la btang snyoms su bya ba la/ de'i 'jig tshogs la lta ba mi mthun par gnas pa yin no/ /gzhan yang de nyid 'jig rten gyi chos kyi rgyu mtshan sred pa dang/ chags pa'i rgyun gyis 'das pa na/ de la btang snyoms su bya ba la/ de'i 'jig tshogs la lta ba mi mthun par gnas pa yin no/ /gzhan yang de nyid 'jig rten gyi chos kyi rgyu mtshan las byung pa'i rnam par? rtog pa bzang po ma yin la/ rnam par rtog pas kun tu gdung ba dang rnam par gdung bar gyur pas de la btang snyoms su bya ba la/ de'i 'jigs tshogs la lta ba mi mthun par gnas pa yin no/ /gzhan yang de nyid 'jig rten gyi chos kyi rgyu mtshan yongs su tshor bar byed pa na rnam par g.yen spyo? ba dang/ yongs su g.yo ba sna tshogs kyis gnod par 'gyur pas/ de la btang snyoms su bya ba la/ de'i 'jig tshogs la lta ba mi mthun par gnas pa yin no/ /gzhan yang de nyid 'jig tshogs la lta ba'i rgyu 'jig rten gyi chos kyi gnas mi rtag pa'i rgyu nye bar len par byed cing/ lhag par chags par byed de/ gzhi des mya ngan la sogs pas gnod par 'gyur bas de la btang snyoms su bya ba la/ de'i 'jig tshogs la lta ba mi mthun par gnas pa yin no// gzhan yang de nyid la 'og ma'i dri ma bsal ba'i phyir dge ba la brtson pa na sbyor ba de la mi dga' bas/ de'i mi mthun pa'i phyogs la btang snyoms su bya ba la/ de'i 'jig tshogs la lta ba mi mthun par gnas pa yin no/ /sa 'og ma pa'i dri ma bsal ba ji lta ba bzhin du/ sa gong ma pa'i dri ma bsal ba yang de bzhin te/ rgyu nges na de 'khor ba la ni skyon du blta'o/ /mya ngan las 'das pa la ni yon tan du blta'o snyam du sems kyang de las bzlog par 'gyur te/ des na de'i ting nge 'dzin dang po thob kyang bden pa mngon par rtogs pa'i ting nge 'dzin ma skyes pa mi skye bar 'gyur ro/ /de la mi bzod pa'i rang bzhin can mi bzod pa'i bsam pa dang ldan pa ni bden pa mngon par rtogs pa'i ting nge 'dzin 'thob kyang/ sha sbrang dang sbrang bu mchu rings la sogs pa mi bzod pa'i phyir sbyor ba spong bar byed cing/ le lo yang byed de/ des na de'i dngos gzhi zhugs pa'i ting nge 'dzin ma skyes pa yang skye bar mi 'gyur la/ skyes pa yang yongs su nyams par 'gyur ro/ /de la skyon gsum ni ting nge 'dzin dang po'i bar chad byed pa yin no/ /gcig ni bden pa mngon par rtogs pa'i ting nge 'dzin gyi bar chad byed pa yin no/ /gcig ni dngos gzhir zhugs pa'i ting nge 'dzin gyi bar chad byed pa yin no/ /rnam grangs gzhan yang brgyad po 'di dag ni slob ma spong ba'i rgyu mtshan yin te/ de dag las nyon mongs pa dang bcas pa kun nas nyon mongs par 'gyur zhing/ kun nas nyon mongs pa can du gyur na slob ma spong bar byed do/ /dgra bcom pa nyon mongs ba med pa rtag tu dran pa nye bar bzhag pa ni mi byed do/ /brgyad gang zhe na rang bzhin kyis zhe 'grags? pa'i sems dang ldan pa dang/ slob ma las bdag kho na'i rim 'gro 'ba' zhig 'dod pa dang/ rim gro 'dod pa ji lta ba bzhin du slob ma las rnyed pa 'dod pa dang/ slob ma ltung ba dang/ tshul khrims ngan pa kun tu sbyod pa dang/ slob ma rnams las phan pa byed pa dang/ gnod pa byed pa dgos pa dang/ mi dgos pa dang/ lhag pa'i tshul khrims kyi gdams ngag la gnod pa mi bzod pa dang/ lhag pa'i sems dang lhag pa'i shes rab kyi gnas pa'i gdams ngag la gnod pa mi bzod pa dang/ tshogs yongs su bsdu ba la gnod pa mi bzod pa'o// //sdom ni/ grangs dang mi mthun phyogs yan lag /de dag rgya cher rnam gzhag dang/ /dben dang sdug bsngal ba yo ba dang/ /gong ma'i yan lag khyad par yin/ /bsam gtan gzhi zhes gang gsungs pa la/ ci'i phyir bsam gtan bzhi kho nar zad de/ ches mang ba yang ma yin la ches nyung ba yang ma yin zhe na/ smras pa/ bde ba dang sdug bsngal las shin tu 'das shing yongs su rdzogs pa'i phyir te/ 'di ltar mthar gyis bsam gtan bzhi pa'i bar du bde ba dang/ sdug bsngal las shin tu 'das pa yin pa'i phyir ro/ /bsam gtan dang po'i mi mthun pa'i phyogs gang zhe na/ smras pa/ de ni rnam pa lngar rig par bya ste/ 'dod pa'i 'dod chags dang/ 'dod pa'i gnod sems dang rnam par 'tshe ba dang/ rnam par rtog pa dang/ sdug bsngal dang/ yid mi bde ba dang/ 'chal ba'i tshul khrims dang/ rnam par g.yeng ba'o/ /bsam gtan gnyis pa'i mi mthun pa'i phyogs gang zhe na/ smras pa/ de yang rnam pa lngar rig par bya ste/ bsam gtan dang po'i 'dod chags dang/ rtog pa dang dpyod pa dang/ sdug bsngal dang/ rgod pa dang/ ting nge 'dzin ma rdzogs ba'o/ /bsam gtan gsum pa'i mi mthun ba'i phyogs gang zhe na/ smras pa/ de ni rnam pa bzhir rig par bya ste/ bsam gtan gnyis ba'i 'dod chags dang/ yid bde ba dang/ dga' ba dang/ ting nge 'dzin ma rdzogs pa'o/ /bsam gtan bzhi pa'i mi mthun ba'i phyogs gang zhe na/ smras pa/ de yang rnam ba lngar rig par bya ste/ dbugs rdub pa dang/ dbugs dbyung ba dang/ bsam gtan gsum pa'i 'dod chags dang/ bde ba dang/ bde ba la rtsol ba dang/ ting nge 'dzin ma rdzogs pa'o/ /bsam gtan dang ba'i yan lag du zhe na/ smras pa/ yan lag lnga ste/ yan lag lnga gang zhe na/ rtog pa dang/ dpyod pa dang/ dga' ba dang/ bde ba dang/ sems rtse gcig ba nyid do/ /bsam gtan gnyis pa'i yan lag du zhe na/ smras pa yan lag bzhi ste yan lag bzhi gang zhe na/ nang yongs su dad ba dang /dga' ba dang/ bde ba dang sems rtse gcig pa nyid do/ /de la nang yongs su dang ba'i chos kyi ngo bo nyid gang zhe na/ smras pa/ dran pa dang/ shes bzhin dang/ btang snyoms kyi ngo bo nyid yin no/ /bsam gtan gsum pa'i yan lag du zhe na/ smras pa/ yan lag lnga ste/ lnga gang zhe na/ dran ba dang/ shes bzhin dang/ btang snyoms dang/ bde ba dang/ sems rtse gcig pa nyid de/ bsam gtan bzhi pa'i yan lag du zhe na/ smras pa/ yan lag bzhi ste/ yan lag bzhi gang? zhen? btang snyoms yongs su dag pa dang/ dran pa yongs su dag pa dang/ sdug bsngal yang ma yin bde ba yang ma yin pa dang/ sems rtse gcig pa nyid do/ /de la bsam gtan dang po la ni dran pa dang/ shes bzhin dang/ btang snyoms dag rtog pa dang/ dbyed pa'i sgos mngon par bsgrubs pas na/ de'i phyir yod kyang ma smos so/ /bsam gtan gnyis pa la ni ngo bo nyid las las byed pa dag yin yang/ sems dga' ba'i nyon mongs pas kun nas dkris pa yin pas de'i phyir nang yongs su dang ba'i ming gis bstan to/ bsam gtan gsum pa la ni sems kyi nye ba'i nyon mongs pa de dang bral ba'i phyir rang gi mtshan nyid de kho nas bstan to/ /de'i phyir dga' ba dang bral ba la sogs pa smos so/ /bsam gtan dang po'i gang dag yin pa de dag ni 'dod pa'i 'dod chags dang bral ba yin gyi/ dga' ba dang bral bas ma yin no/ /bsam gtan gnyis pa'i gang dag yin pa de dag ni rtog pa dang dpyod pa dang bral ba yin gyi/ dga' ba dang bral bas ni ma yin no/ /bsam gtan bzhi pa pa la de dag nyid shin tu yongs su dag par bstan to/ /de ci'i phyir bsam gtan thams cad la de dag gi tshul bzhin du rig par bya ste/ de yang ci rigs bar ro/ /ci'i phyir bsam gtan de dag yan lag lnga pa dang yan lag bzhi par rnam par gzhag ce na/ smras pa/ gnas pa'i brten dang/ gnas pa la phan pa dang/ gnas pa'i ngo bo nyid yin pa'i phyir ro/ /rnam grangs gzhan yang dmigs pa yid la byed pa dang/ dmigs pa la yongs su dpyod pa dang/ dmigs pa las mi 'phro ba'i phyir ro/ /rnam grangs gzhan yang phan 'dogs pa'i rten dang/ lhag pa'i sems kyi rten dang/ lhag pa'i shes rab kyi rten yin pa'i phyir ro/ /rnam grangs gzhan yang mi mthun pa'i phyogs nye ba'i nyon mongs pa can gyi gnas pa rnam pa gsum gyi gnyen po'i phyir te/ mi mthun pa'i phyogs nye ba'i nyon mongs pa can gyi gnas pa gsum gang zhe na/ 'di lta ste/ nyon mongs pa can gyi gnas pa dang/ sdug bsngal ba'i gnas pa dang/ kun tu rmongs pa'i gnas pa'o/ /rnam grangs gzhan yang bsam gtan pa rnams kyi 'dod pa la longs spyod pa dang/ chos mthun pa yin par blta bar bya ste/ 'dod pa la longs spyod pa rnams kyi yang dag par bya ba ni gsum po 'di dag yin te/ de dag gis 'dod pa la longs spyod pa rnams rab tu phye ba yin no/ /gsum gang zhe na/ 'di lta ste/ longs spyod legs par yongs su tshol ba dang/ yongs su btsal ba rnams la legs par longs spyod ba dang/ de la dbang bsgyur ba la rang dbang yod pa'o/ /de bzhin du bsam gtan pa rnams kyi yan lag kyang legs par bya ba gsum la brten nas rnam par bzhag par rig par bya ste/ de yang ci rigs par ro/ /rnam grangs gzhen yang bsam gtan pa rnams kyi yan lag ni dka' thub drag po'i gnyen por rnam par gzhag ba yin par rig par bya ste/ de dag gi gnyen po yang rnam pa gsum ste/ gnyen po med ba'i gnyen po dang/ lus dang sems la gnod pa'i gnyen po dang/ sems phyi rol tu ra? phro ba nye bar ma zhi pa'i gnyen po'o/ /ci'i phyir bsam gtan dang po la 'dod pa rnams las dben ba zhes gsungs nas/ sdig pa mi dge ba'i chos rnams las dben pa zhes gsungs she na/ smras pa/ 'dod pa rnams kyi rang gi mtshan nyid yongs su bstan ba'i phyir dang/ nyes dmigs kyi mtshan nyid yongs su bstan pa'i phyir ro/ /de la nyes dmigs kyi mtshan nyid ni 'di yin te/ 'dod pa rnams ni nyes par spyod pa kun nas bslang nas 'og tu ltung bar byed pa'i phyir sdig pa yin no/ /dge ba skye ba dang mi mthun pa yin pa'i phyir mi dge ba yin no/ /rnam grangs gzhan yang nyon mongs pa'i kun nas nyon mongs pa spangs pa yongs su bstan pa'i phyir dang/ sngon bsags pa'i las kyi kun nas nyon mongs pa spangs pa yongs su bstan pa'i phyir ro/ /rnam grangs gzhan yang khyim na gnas pa rnams kyi dngos po la yongs su spyod? pa'i sgo nas 'dod pa spang ba yongs su bstan pa'i phyir dang/ rab tu byung ba rnams kyi rnam bar rtog pa'i sgo nas de yang yongs su bstan pa'i phyir ro/ /rnam grangs gzhan yang 'dod pa'i rnam par rtog pa spang ba yongs su bstan pa'i phyir dang/ gnod sems dang rnam par 'tshe ba'i rnam par rtog pa spang ba yongs su bstan pa'i phyir ro/ rnam grangs gzhan yang phyi rol pa'i drang srong rnams kyi 'thob pa'i rtags yongs su bstan pa'i phyir dang/ yongs su nyams pa rnams kyi dmod pa 'dor ba yongs su bstan pa'i phyir/ ci'i phyir bsam gtan dang po la sdug bsngal gyi dbang po ma spangs she na/ smras pa/ de la de'i phyogs dang mthun pa'i gnas ngan len dang ma bral ba'i phyir te/ gal te de la sdug bsngal gyi dbang po spangs bar gyur na/ bsam gtan gnyis ba dang/ gnas pa'i khyad par dmigs par mi 'gyur bas de'i phyir ma spangs ba kho nar rig par bya'o/ /gang gi tshe bsam gtan dang po la sogs pa la rtog pa dang dpyod pa la sogs pa'i ting nge 'dzin la phan 'dogs pa dag /bsam gtan rnams kyi rang gi sa la phan 'dogs pa dang/ yongs su dag par 'gyur ba'i phyir 'jug pa yin na/ ci'i phyir/ bcom ldan 'das kyis g.yo ba'i ming du bstan ce na/ smras ba/ gzhan gyi sa las ltos te bstan pa yin gyi/ rang gi sa las ni ma yin no/ /ci'i phyir bsam gtan dang po la sogs pa la 'dod ba'i khams kyi bar nas gzung ste/ gong nas gong du yan lag dag rnam par bzhag ce na/ smras pa/ mdor bsdu na rgyu rnam pa gsum gyis te/ mi mthun pa'i phyogs kyi gnyen po dang/ rtog pa'i phan yon dang/ rtogs pas so/ /rgyu gsum po de dag ni bsam gtan bzhi po dag la yan lag lnga yongs su bzung ba bdag la yang ci rigs par rig par bya'o/ /bsam gtan dang po dang/ bsam gtan gnyis pa la khyad par ci yod ce na/ smras pa/ ting nge 'dzin yongs su rdzogs pa'i khyad par yod do/ khams gtan gnyis pa dang bsam gtan gsum pa la khyad par ci yod ce na/ smras pa/ phan 'dogs pa yongs su rdzogs pa'i khyad par yod do/ /bsam gtan gsum pa dang/ bsam gtan bzhi pa la khyad par ci yod ce na/ smras pa/ yongs su dag pa yongs su rdzogs pa'i khyad par yod do/ / //bam po nyi shu pa/ /ting nge 'dzin bsgom pa ni rnam pa bzhi ste/ tshe 'di la bde bar gnas pa thob par bya ba'i phyir dang/ ye shes dang mthong ba thob par bya ba'i phyir dang/ shes rab kyi rab tu dbye ba thob bar bya ba'i phyir dang/ zag pa zad pa thob par bya ba'i phyir ro/ /gang zag rnam pa bzhi las brtsams nas ting nge 'dzin sgom pa bzhi rnam par bzhag par rig par bya ste/ gang zag bzhi gang zhe na/ bden pa mthong ba mngon par shes pa myur la dka' ba'i lam thob pa dang/ so so'i skye bo 'dod chags dang bral ba lam ma thob pa sems can la dmigs pa'i tshad med pa thob pa dang/ bden pa mthong ba mngon par shes pa bul la sla pa'i lam thob pa dang/ bden pa mthong ba mngon par shes pa myur la sla pa'i lam thob pa'o/ /de la so so'i skye bo 'dod chags dang bral ba tshad med ba thob pa'i ye shes dag mthong ba ni 'chi 'pho dang skye ba mngon par shes pa thob pas yongs su dag pa yin par rig par bya'o/ /bden pa mthong ba mngon par shes pa bul la sla ba'i la la gnas pa ni dbang po rtul bas yongs su nyams ba'i chos can yin te/ de ni 'dod pa na spyod pa'i tshor ba dang 'du shes dang rnam par rtog pa dag la dran pa nye bar gzhag par bya zhing shes bzhin du yang bya'o/ /bsam gtan rnams ni 'dod chags dang bral bas rab tu phye ba yin te/ de la 'dod chags dang bral ba ni rnam pa drug tu rig par bya ste/ 'di lta ste/ rang bzhin gyis 'dod chags dang bral ba dang/ gnod pas 'dod chags dang bral ba dang/ ston pas 'dod chags dang bral ba dang/ yang dag phul gyis 'dod chags dang bral ba dang/ kun tu rmongs pas 'dod chags dang bral ba dang/ gnyen pos 'dod chags dang bral ba'o/ /de la rang bzhin gyis 'dod chags dang bral ba ni/ 'di lta ste/ dngos po rang bzhin gyis mi gtsang ba yongs su longs spyod pa'i 'os ma yin pa dag la mi mthun pa nyid gang yin pa dang/ de bzhin du sdug bsngal gyi tshor pa dag la mi mthun pa nyid gang yin pa dang/ de bzhin du bsam gtan dang po las 'dod chags dang bral ba'i bsam gtan gnyis pa la sogs pa la rtog pa dang dpyod pa la sogs pa mi mthun pa nyid gang yin pa'o/ /de la gnod pas 'dod chags dang bral ba ni 'di lta ste/ gnyis kyis gnyis sprod pas 'khrig pa'i chos brten pa'i yongs su gdung ba dang bral ba la mi mthun pa nyid gang yin pa dang/ de lta bu dang mthun pa gzhan yang blta bar bya'o/ /de la ston pas 'dod chags dang bral ba ni 'di lta ste/ legs par zos pa dang/ legs par 'thungs pa dang legs par tshim pa'i bza' ba dang/ btung ba la mi mthun ba nyid gang yin pa dang/ de lta bu dang mthun pa gzhan yang blta bar bya'o/ /de la yang dag phul gyis 'dod chags dang bral ba ni 'di lta ste/ longs spyod dang phun sum tshogs pa ches gya nom pa dang/ ches mchog tu gyur pa thob pa'i dman pa la mi mthun pa nyid gang yin pa dang/ de lta bu dang mthun pa gzhan yang blta bar bya'o/ /de la kun tu rmongs pas 'dod chags dang bral ba ni 'di lta ste/ mya ngan las 'das pa'i phan yon mi shes pa'i mya ngan las 'das pa la mi mthun pa nyid gang yin pa dang/ de lta bu dang mthun pa gzhan yang blta bar bya'o/ /de la gnyen pos 'dod chags dang bral ba ni 'di lta ste/ sun 'byin pa gnyen po 'am/ spong ba gnyen po 'am/ kun tu 'dzin pa gnyen po 'am/ thag sring ba gnyen po las brten te/ 'jig rten pa 'am/ 'jig rten las 'das pa'i lam gyis nyon mongs pa spong ba gang yin pa'o/ /ci'i phyir bsam gtan la gnas pa zhes bya zhe na/ smras pa/ nang gi dmigs pa la sems nye bar gtad pa ni phyi rol du rnam par mi g.yeng ba nyid kyi phyir ro// ci'i phyir bsam gtan la ting nge 'dzin ces bya zhe na/ smras pa/ shes bya'i dngos po dang cha mthun pa'i gzugs brnyan gyi dmigs pa la sems ting nge 'dzin du gnas pa nyid kyi phyir ro/ /ci'i phyir bsam gtan la zhi gnas zhes bya zhe na/ smras pa/ nyon mongs pa zhi bar bya ba'i phyir gnas par byed pa nyid kyi phyir ro/ /ci'i phyir bsam gtan la rtse gcig pa zhes bya zhe na/ smras pa/ 'di ni gnyis yin te mnyam par ma bzhag pa'i sa pa'i dmigs pa dang/ mnyam par bzhag pa'i sa pa'i dmigs pa'o/ /de la mnyam par ma bzhag pa'i sa pa gang yin pa de ni dmigs pa gcig pa yin no/ /cig shos ni ma yin te/ de'i phyir de la nye bar bstad pa'i sems ni rtse gcig pa zhes bya'o/ /de la 'dod chags dang bral ba'i yongs su nyams pa ni rnam pa bcur rig par bya ste/ 'di lta ste/ lus ma snyoms pas kyang yongs su nyams par 'gyur ba ni/ 'di ltar 'di na la la gnod pa drag pos reg pa las te/ 'di lta ste/ dper na shing shun can gyis bdag gis ting nge 'dzin de ma mthong nas bdag 'di snyam du bsams te/ bdag ting nge 'dzin de las yongs su nyams pa 'am gcig tu ma gyur grang snyam mo zhes smras pa lta bu'o/ /la la ni sngon ting nge 'dzin goms par ma byas pas rang bzhin gyis gnas ngan len mang ba yin te/ de gnas ngan len mang po des yongs su nyams pa'i chos can du 'gyur ro/ /yul gtso bos kyang yongs su nyams par 'gyur ba ni/ 'di ltar 'di na la la yul rgya chen po mngon du gyur pa thob pa las te/ 'di lta ste/ dper na phyi rol pa'i drang srong 'du shes med 'du shes med min skye mched kyi bar du thob ba bud med gzhon nu mdog bzang po chags par 'gyur ba'i reg pa la brten nas yongs su nyams par gyur ces grag ba lta bu'o/ /bkur stis kyang yongs su nyams par 'gyur ba ni/ 'di ltar 'di na la la gzhan las brnyed pa dang bkur stis thob pa na yongs su nyams par 'gyur ba te/ 'di lta ste/ dper na lhas byin lta bu'o/ /brnyas pas kyang yongs su nyams par 'gyur pa ni 'di ltar 'di na la la khros sam 'khrugs sam/ brgyad bkag pa na yongs su nyams par 'gyur ba ste/ 'di lta ste dper na phyi rol pa'i drang srong dag 'khrug pa na yongs su nyams nas dmod pa mdor bar yang byed pa lta bu'o/ /nga rgyal gyis kyang yongs su nyams par 'gyur ba ni/ 'di ltar 'di na la la snyoms par 'jug pa des bdag la bstod par byed gzhan dag la smod par byed pa lta bu'o// mngon pa'i nga rgyal gyis kyang yongs su nyams par 'gyur ba ni/ 'di ltar 'di na la la snyoms par 'jug pa de la rtogs pa'i mngon pa'i nga rgyal dang ldan pa lta bu'o/ /yid la mi byed pas kyang yongs su nyams par 'gyur ba ni/ 'di ltar 'di na la la yid la byed pa'i rnam pa dang rtags gang dag gis snyoms par 'jug par 'gyur ba de dag yid la mi byed pa lta bu'o/ /ma 'dris pas kyang yongs su nyams par 'gyur ba ni 'di ltar 'di na la la las dang po pa yin zhing dge ba'i phyogs gsar ba lta bu'o/ /rang gis pa'i nyon mongs pa mang du byed pas kyang yongs su nyams par 'gyur ba ni/ 'di ltar 'di na la la sred ba shas che ba'i bsam gtan pa 'am/ the tshom shas che ba'i bar gyis bsam gtan yin pa lta bu'o/ /tshe dang bsod nams dang las zad pas kyang yongs su nyams par 'gyur ba ni/ 'di ltar 'di na la la skye ba'i gnas de nas 'og tu 'chi 'pho ba lta bu'o/ /de la gang zag nyon mongs pa chung ba dang/ dge ba'i phyogs chung ba ni skad cig mang pos dka' bas yongs su nyams par 'gyur zhing/ skad cig mang pos dka' bas snyoms par 'jug par 'gyur ro/ /nyon mongs pa chung la dge ba'i phyogs che ba ni/ skad cig mang pos dka' bas yongs su nyams par 'gyur la/ skad cig gcig kho nas myur du snyoms par 'jug par 'gyur ro/ /gang zag nyon mongs pa che ba dge ba'i phyogs chung ba ni/ skad cig gcig kho nas myur du yongs su nyams par 'gyur la/ skad cig mang pos dka' bas snyoms par 'jug par 'gyur ro/ /gang zag nyon mongs pa che ba dang dge ba'i phyogs kyang che ba ni/ skad cig gcig gis myur du yongs su nyams par 'gyur zhing/ skad cig gcig gis myur du snyoms par 'jug par 'gyur ro/ /de la gang zag 'dod chags dang bral ba thob pa'i ting nge 'dzin de las langs pa ni lan 'ga' ting nge 'dzin spel ma 'dres pa yid la byed pa la gnas so/ /lan 'ga' ni ma 'dres pa'o/ /ting nge 'dzin de las sgra'i rkyen gyis ldang ba la ni/ mnyam par bzhag pa'i yid kyi rnam par shes pa dang lhan cig byung ba'i rna ba'i rnam par shes pa gzhan kho na skye bar 'gyur te/ mnyam par gzhag pa'i yid kyi rnam par shes pa de nyid sgra 'dzin pa ma yin pa'i phyir ro/ /gzhan du na de so sor ma rig par ldang ba nyid mi rigs te/ de'i phyir sgra 'dzin pa tsam gyis ldang ba ma yin gyi/ sgra so sor rig nas 'dod na/ de'i 'og tu ldang bar 'gyur ro/ /mnyam par bzhag pa'i sa'i rnam par gtan la dbab pa rdzogs te/ rnam par gtan la dbab pa'i gzhung lhag ma ni mi snang ngo/ /mnyam par ma bzhag pa'i sa'i rnam par gtan la dbab pa ni/ mnyam par ma bzhag pa'i sa'i ngo bo nyid kyis mnyam par ma bzhag pa yang yod de/ rnam par shes pa'i tshogs lnga lta bu'o/ /shin tu sbyangs pa med pa'i phyir mnyam par ma bzhag pa yang yod de/ 'dod pa na spyod pa'i sems dang sems las byung ba'i chos rnams so/ /ma brtsams pa'i phyir mnyam par ma bzhag pa yang yod de/ 'dod pa la longs spyod pa rnams kyi'o/ /rnam par g.yeng ba'i phyir mnyam par ma bzhag pa yang yod de/ las dang po ba ting nge 'dzin la rtson pa rnams kyi sems 'dod pa'i yon tan lnga la rnam par g.yeng ba'o/ /bsdus pa'i phyir mnyam par ma bzhag pa yang yod de/ las dang po pa rnams nyid kyis sems nang du bsdus pa'o/ /mthob pa'i phyir mnyam par ma bzhag pa yang yod de/ de dag nyid kyi sems rnam par g.yeng ba dang ldan pa'o/ /yongs su ma rdzogs pa'i phyir mnyam par ma bzhag pa yang yod de/ sbyor ba mthar thug pa'i yid la byed pa ma thob pa rnams kyi'o/ /kun nas nyon mongs pa'i phyir mnyam par ma bzhag pa yang yod de/ sbyor ba mthar thug pa'i 'bras bu thob pa ro myang bar byed pa rnams kyi'o/ /dbang med pa'i phyir mnyam par ma bzhag pa yang yod de/ de dag nyid ni sems nyon mongs can kyis dbang ma thob pa rnams kyi'o/ /rnam par ma dag pa'i phyir mnyam par ma bzhag pa yang yod de/ bag la nyal yang dag par ma bcom pa rnams kyi'o/ /langs pa'i phyir mnyam par ma bzhag pa yang yod de/ ting nge 'dzin thob pa las ma nyams pa langs pa rnams kyi'o/ /yongs su nyams pa'i phyir mnyam par ma bzhag pa yang yod de/ yongs su nyams pa rnams kyi'o zhes bya ba 'di la mnyam par ma bzhag pa'i sa dang po la brten nas ni sems gnas par bya ba'i phyir dang/ 'di lta ste/ rnam par sdos pa 'am/ rnam par rnag pa 'am/ rgyas par snga ma? bzhin du mtshan ma gzung bar bya'o/ /mnyam par ma bzhag pa'i sa gnyis pa la brten nas ni yid la byed pa thob par bya ba'i phyir brtson par bya'o/ /mnyam par ma bzhag pa'i sa gsum pa la brten nas ni dngos gzhi thob par bya ba'i phyir brtson par bya'o/ /bzhi pa la gnas pa ni dang po nyid nas rnam par mi g.yeng bar bya ba'i phyir dran pa nye bar bzhag par bya'o/ /sems rnam par g.yengs par gyur na yang/ shes bzhin gyis myur ba myur ba kho nar phyir bsdu bar bya'o/ /lnga pa la gnas pas ni rab tu dang bar 'gyur ba'i mtshan ma yid la bya zhing zhum pa'i mtshan ma rtog par bya ba la mkhas par yang bya'o/ /drug pa la gnas pa ni gdams ngag ma brjod par shas cher bsrung ba dang/ dran pa nye bar gzhag par bya zhing/ tshul khrims la brtson pa dang/ rtag tu byed pa dang gus par byed pa la brtson par yang bya'o/ /bdun pa la gnas pas ni ting nge 'dzin chung ngu dang ngan don tsam thob pas mchog mi shes par bya'o// brgyad pa la gnas pas ni kun nas nyon mongs pa la nyes dmigs su blta bar bya zhing/ ro myang ba la sogs pa'i kun nas nyon mongs pa yang dang du mi blang bar yang bya'o/ /dgu pa la gnas pas ni ting nge 'dzin la rtag tu sbyar bar bya zhing mtshan ma rtogs pa la mkhas par yang bya'o/ /bcu pa la gnas pas ni bden pa la mkhas pa la rtag tu shas cher brtson par bya'o/ /bcu gcig pa la gnas pas ni yongs su mi nyams par bya ba'i phyir bag yod par bya'o/ /bcu gnyis pa la gnas pas ni rab tu dben pa la brten par bya zhing/ tshul bzhin yid la byed pa yang rtag tu byed pa dang/ gus par byed pa'i sbyor bas rims kyis bsgom par bya'o/ /mnyam par ma bzhag pa'i sa'i rnam par gtan la dbab pa rdzogs te/ rnam par gtan la dbab pa'i gzhung lhag ma ni mi snang ngo/ sems yod pa'i sa las brtsams nas rnam par gtan la dbab pa ni/ sems kyi 'jug ba zhi mdor bsdu na rnam pa lngas rig par bya ste/ kun rdzob kyi tshul rnam par gzhag pa dang/ don dam pa'i tshul rnam par gzhag pa dang/ gnas dang gnas pa rnam par gzhag pa dang/ lhan cig dngos por rnam par gzhag pa dang/ kun nas nyon mongs pa dang/ rnam par byad ba rnam par gzhag pas so/ /de la kun rdzob kyi tshul rnam par gzhag pas ni 'di lta ste/ yid kyi sar sngar bstan pa bzhin du rig par bya'o/ /de la don dam pa'i tshul rnam par gzhag ba bshad bar bya ste/ don dam pa'i tshul rnam par bzhag pas 'jug pa gang zhe na/ mdor bsdu na rnam par shes pa ni rnam pa gnyis te/ kun gzhi rnam par shes pa dang/ 'jug pa'i rnam par shes pa'o/ /de la kun gzhi rnam par shes pa ni gnas yin no/ /'jug pa'i rnam par shes pa ni gnas pa yin te/ de yang rnam pa bdun te/ mig gi rnam par shes pa nas/ yid dang yid kyi rnam par shes pa'i bar te/ chu'i chu bo dang/ rlabs lta bu 'am/ me long dang gzugs brnyan lta bu yin no/ /de ltar na 'di ni don dam pa'i tshul rnam par bzhag pas gnas dang gnas pa rnam par bzhag pa yin no/ /de la rnam par shes pa de dag thams cad ni sems shes kyang bya/ yid ces kyang bya/ rnam par shes pa zhes kyang bya ste/ kun gzhi rnam par shes pa ni dngos su na sems yin te/ 'di ltar de ni sa bon thams cad kyis kun tu bsags shing nye bar bsags pa yin no/ /de yang dus rtag par len rgyu la dmigs pa dang/ bye brag med par ram gcig tu snod la dmigs pa yin no/ /yid ni dus rtag tu nga dang bdag gi zhes rlom sems kyi bdag nyid can yin no/ /rnam par shes pa ni yul so sor rnam par rig pa'i mtshan nyid gang yin pa'o/ /sems yod pa'i gnas skabs na/ gal te mig gi rnam par shes pa la sogs pa 'jug pa'i rnam par shes pa ma skyes na ni sems dang yid dang yid kyi rnam par shes pa gsum po de dag dus rtag par lhan cig 'byung zhing 'jug par rig par bya'o/ /gal te skyes na ni des na de'i lhan cig 'byung zhing 'jug ba lhag par rig par bya ste/ de ltar na re 'ga' ni bzhi'o/ /re 'ga' ni brgyad gyi bar yang lhan cig 'byung zhing 'jug par rig par bya'o/ /yid kyi rnam par shes pa gcig gis ni cig car du yul gcig gam gnyis sam rab tu mang po dang rang gi yul dang gzhan gyi yul la yang rnam par rtog par byed pas na de'i phyir yid kyi rnam par shes pa de'i 'jug pa ni bsam gyis mi khyab pa zhes bya'o/ /gal te yid dus rtag tu rlom sems kyi bdag nyid can rgyun kyis 'jug pa yin na/ des na bcom ldan 'das kyis 'jig rten las 'das pa'i yid ces gang gsungs pa de ji ltar rnam par bzhag ce na/ smras pa/ ming tsam gyi brdas gdags pa yin gyi don ji lta ba bzhin du ni ma yin no// rnam grangs gzhan yang de ni gnyen pos yang dag pa phyin ci ma log par sems dpa' nyid kyi phyir ro/ /gzhi des de ltar rnam par rtog pa 'jug pa nyid kyi phyir yid de ni yid kyi rnam par shes pa'i gnas shes bya'o/ /de la res 'ga' ni thams cad kyang bde ba'i tshor ba kho na dang lhan cig dngos pos mtshungs par ldan par 'jug go / res 'ga' ni sdug bsngal dang ngo/ /sdug bsngal yang ma yin bde ba yang ma yin pa dang yang ngo/ /kun gzhi rnam par shes pa dang mtshungs par ldan pa'i tshor ba gang yin pa de ni rtag tu sdug bsngal yang ma yin bde ba yang ma yin pa dang/ rnam par smin pa'o/ /de yang ma shi'i bar du rnam par shes pa'i rgyur gyi 'jug pa thams cad bo bde ba dang ldan pa dag dang/ sdug bsngal dang ldan pa dag dang/ sdug bsngal yang ma yin bde ba yang ma yin pa dang ldan pa dag tu rgyun mi 'chad par rgyun gyis 'jug pa yin no/ /de la de las gzhan pa'i tshor ba rnam pa gsum gang yin pa de ni bsgrubs ba/ lhan cig skyes pa ma yin pa dang/ res 'ga' 'byung ba yin par rig par bya'o/ /bsgrubs pa de mngon du gyur ba na/ lhan cig skyes ba de ni cha bra ba'i phyir yongs su bcad bar dka' ba yin no/ /de ltar de lta bu dang mthun pa de ni don dam par rnam par shes pa rnams kyi lhan cig gis dngos po 'jug pa rnam par gzhag pa yin par rig par bya'o/ /de la kun gzhi rnam par shes pa ni nyon mongs pa gang dang yang mtshungs par ldan pa ma yin no/ /yid ni dus rtag tu ye yod pa'i nyon mongs pa rnam pa bzhi po 'di lta ste ngar? 'dzin pa dang/ nga yir 'dzin pa'i rnam par 'jigs tshogs la lta ba dang/ nga'o snyam pa'i nga rgyal dang/ bdag la chags pa dang ma 'dres pa'i ma rig pa dang lhan cig gi dngos pos mtshungs par ldan te/ nyon mongs pa de dag kyang dge ba dang mi dge ba dang/ lung du ma bstan pa'i rnam par shes pa la 'gal ba med pa dang/ bsgribs la lung du ma bstan pa dang/ ye yod pa yin no/ /de las gzhan ba rnam par brtags pa rnams ni/ rkyen ji lta ba bzhin du 'jug pa yin par rig par bya'o/ 'jig rten pa'i lam ni ye yod pa'i nyon mongs pa bzhi po kun tu 'gro ba de dag nyams par byed pa'i gnyen po ma yin te/ 'di ltar de dag ni 'dod chags dang bral ba rnams ya yang kun tu 'byung ba'i phyir ro/ /nyon mongs pa de dag ni gang du lus skyes par gyur pa'i sa de ba nyid de/ 'dod chags dang bral ba de dag nyid kun tu 'byung bar rig par bya'o/ /de ci'i phyir zhe na/ 'di ltar de dag ni kun gzhi rnam par shes pa'i sa bon las byung ba kho na yin pas dus rtag tu yod pa dang mi mthun pa'i phyogs dang gnyen po'i phyogs kyi yul gyi rkyen can ma yin pa'i phyir ro/ /de dag ni 'jig rten pa'i 'dod chags dang bral ba la ni lam mngon du gyur kyang rung ma gyur kyang rung ste kun tu 'byung ngo/ /slob ma bzhi mthong ba la 'jig rten las 'das pa'i lam mngon du gyur na ni mi 'byung ngo/ /de las langs pa la ni kun du 'byung ste/ shin tu rtogs pa'i phyir dang/ ma spangs pa'i phyir ro/ /mi slob pa la ni rnam pa thams cad du kun tu mi 'byung ngo/ /de dag ni 'du shes med 'du shes med min skye mched kyi 'dod chags dang bral ba kho nas cig car spong bar rig par bya'i/ 'di lta ste/ dper na de las gzhan ba'i nyon mongs pa dag de ltar rim gyis spong ba ni ma yin no/ /de ltar de lta bu dang mthun pa dag ni kun nas nyon mongs pa dang/ rnam par byang ba'i 'jug pa rnam par bzhag pa yin bar rig par bya'o/ /sems yod pa'i sa rnam par gtan la dbab pa'i gzhung ni de las mi snang ngo/ /sems med pa'i sa las brtsams te rnam par gtan la dbab pa ni sems mi skye ba'i rgyu dag ni du/ rgyu du dag gis ni sems skye bar mi 'gyur zhe na mdor bsdu na bdun po 'di dag ni sems mi skye pa'i rgyu yin te/ de dag gi sems skye bar mi 'gyur ro/ /bdun gang zhe na/ rkyen med pa las kyang sems mi skye ba dang/ yid la byed pa med pa dang/ ma thob pa dang/ mi mthun pa dang/ spangs pa dang/ 'gag pa dang skyes pa las kyang sems mi skye'o/ /ji ltar na rkyen med pa las sems mi skye zhe na/ nang gi skye mched mig nyams par gyur pa dang/ phyi rol gyi skye mched gzugs mi snang bar gyur pa dang/ rgyas par phyi rol gyi skye mched chos kyi bar du mi snang bar gyur na re zhig de dang 'byung ba'i mig gi rnam par shes pa dang/ de dang 'byung ba'i yid kyi rnam par shes pa'i bar du 'byung bar mi 'gyur te/ de ltar na rkyen med pa las sems mi skye ba yin no/ /ji ltar na yid la byed pa med pa las sems mi skye ba yin zhe na/ nad gi skye mched rig? nyams par ma gyur cig / phyi rol gyi skye mched gzugs kyang snang la/ rgyas par phyi rol gyi skye mched chos kyi bar yang snang du zin kyang/ de dang 'byung ba'i yid la byed pa/ nye bar mi gnas na re zhig de dang 'byung ba'i mig gi rnam par shes pa dang/ de dang 'byung ba'i yid kyi rnam par shes pa'i bar du 'byung bar mi 'gyur te/ de ltar na yid la byed pa med pa las sems mi skye ba yin no/ /ji ltar na ma thob pa las sems mi skye ba yin zhe na/ 'di ltar 'di na la la 'dod pa'i khams la rags par yid la byed cing bsam gtan dang po la zhi bar yid la byed la/ de la bsam gtan dang po mngon du bya ba'i phyir lam shin tu kun tu ma bsten ma bsgoms lan mang du ma byas te/ nga goms par ma byas pa'i phyir bsam gtan dang po mi thob ste/ de ma thob pas bsam gtan dang po dang ldan pa'i sems ni mi skye ba de lta bu dang/ 'di ltar 'di na la la bsam gtan dang po dang bsam gtan gnyis pa dang gsum pa dang bzhi pa dang/ nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched la rags par yid la byed cing/ bsam gtan gnyis pa nas gzung ste/ 'du shes med 'du shes med min skye mched kyi bar la zhi bar yid la byed pa yang de bzhin du sbyar ro/ /'di ltar 'di na la la 'jig tshogs thams cad la sdug bsngal du yid la byed cing 'jig tshogs 'gog pa mya ngan las 'das pa la zhi bar yid la byed la/ /des 'jig tshogs thams cad spangs pa dang/ mya ngan las 'das pa mngon du bya ba'i phyir lam shin tu kun tu ma bsten ma sgoms/ lan mang du ma byas te de shin tu goms par ma byas pa'i phyir mya ngan las 'das pa thams cad kyi thams cad du mngon du mi byed de me mngon du ma byas pas kun sbyor ba dang/ 'ching ba dang/ bag la nyal ba dang/ nye ba'i nyon mongs pa dang/ kun nas dkris pa thams cad la sems shin tu rnam par grol ba mi skye ste/ de ltar na ma thob pa la sems mi skye ba yin no/ /ji ltar na mi mthun pa las sems mi skye ba yin zhe na/ 'di ltar 'di na la la bde ba myong bar 'gyur ba'i reg pas rig nas bde ba'i tshor ba myong ba'i bde ba'i tshor ba dang mtshungs par ldan pa'i sems mngon du gyur pa la sdug bsngal dang sdug bsngal yang ma yin bde ba yang ma yin pa'i tshor ba dang mtshungs par ldan pa'i sems gang yin pa de mi mthun pas mi skye ba dang/ de bzhin du sdug bsngal myong bar 'gyur ba dang/ sdug bsngal yang ma yin bde ba yang ma yin pa myong bar 'gyur ba'i rigs bas reg nas sdug bsngal ba dang/ sdug bsngal yang ma yin bde ba yang ma yin pa'i tshor ba myong ba'i sdug bsngal dang/ sdug bsngal yang ma yin bde ba yang ma yin pa'i tshor ba dang mtshungs par ldan pa'i sems mngon du gyur pa la/ bde ba dang sdug bsngal gyi tshor ba dang mtshungs par ldan pa'i sems gang yin pa de mthun pa'i mi skye ba dang/ 'di ltar 'di na la la 'dod chags kyi kun nas dkris bas kun nas dkris nas/ 'dod chags kyi kun nas dkris pa dang/ mtshungs par ldan pa'i sems mngon du gyur pa la/ gnod sems kyi kun nas dkris pa'i dang mtshungs par ldan pa'i sems gang yin pa de mi mthun pas mi skye ba dang/ zhe sdang gi kun nas dkris pas kun nas dkris nas zhe sdang gi kun nas dkris pa dang mtshungs par ldan pa'i sems sngon du gyur pa la/ 'dod chags kyi kun nas dkris pa dang mtshungs par ldan pa'i bar gyi sems gang yin pa de mi mthun pas mi skye ste/ de ltar na mi mthun pa las sems mi skye ba yin no/ /ji ltar na sbangs pa las sems mi skye ba yin zhe na/ 'di ltar 'di na la la 'phags pa'i lam yan lag brgyad pa shin cho bsgoms pas 'dod chags ma lus par zad pa myong ba dang/ zhe sdang dang gti mug ma lus par zad pa myong ba de la/ 'dod chags dang bcas pa'i sems spangs pa dang/ yongs su shes pa gang yin pa de spangs pas mi skye ba dang/ de la zhe sdang dang bcas pa dang/ gti mug dang bcas pa dang/ sems las byung ba'i nye ba'i nyon mongs pa gang yang rung bas nye bar nyon mongs can du gyur pa'i spangs pa dang/ yongs su shes pa gang yin pa de spangs pas mi skye ste/ de ltar na spangs pa las sems mi skye ba yin no/ /ji ltar na 'gags pa las sems mi skye ba yin zhe na/ 'di ltar 'di na la la 'du shes med pa'i sems can lha rnams kyi nang du skyes pa'am/ 'du shes med pa'i snyoms par 'jug pa la snyoms par zhugs pa 'am/ 'gog pa'i snyoms par 'jug pa la snyoms par zhugs pa de la/ de'i dus skabs der 'gag pas sems mi skye ba dang/ 'di ltar 'di na la la phung po'i lhag ma med pa'i mya ngan las 'das pa'i dbyings su yongs su mya ngan las 'das pa de la gtan 'gags pas sems mi skye ste/ de ltar na 'gags pa las sems mi skye ba yin no/ /ji ltar na sems pa las sems mi skye ba yin zhe na/ sems skyes pa thams cad ni da ltar skye ba'i skad cig gi 'og tu 'jig pa'i chos can yin pas na/ de ni da ltar skyes pa yin pa'i phyir mi skye la/ 'gags pa yang skyes zin pa kho na yin pas de nam yang mi skye ste/ de ltar na skyes pa las sems mi skye ba yin no/ /rgyu bdun po de dag gis ni sems mi skye bar rig par bya'o/ /de las bzlog pa'i rgyu bdun po 'di lta ste/ rkyen yod pa dang/ yid la byed pa yod pa dang/ thob pa dang/ mthun pa dang/ ma spangs pa dang/ ma 'gags pa dang/ ma skyes pa dag gis ni skye bar rig par bya'o/ /sems yod pa sems med pa'i sa'i rnam par gtan la dbab pa rdzogs te/ sa 'di gnyis kyi rnam par gtan la dbab gzhung lhag ma ni mi snang ngo// //thos pa las byung ba'i sa'i rnam par gtan la dbab pa ni gnas lnga po lus kyi las yongs su dag pa dang/ dag gi las yongs su dag pa dang/ yid kyi las yongs su dag pa dang/ sems can rnams la snying rje che ba dang/ bla na med pa dang ldan pa nyid kyis skyabs kyi 'os nye bar brtags nas skyabs su 'gro bar bya ste/ de la skyabs su 'gro bar bya ba ni du/ rgyu gang gis ni de dag nyid la skyabs su 'gro/ ji tsam gyis na skyabs su song ba yin/ skyabs su song ba'i ji ltar ni bsgrub par bya/ skyabs su song ba'i phan yon ni gang yin zhe na/ smras pa/ skyabs su 'gro bar bya ba ni gsum ste/ sangs rgyas la sogs pa'o/ /rgyu bzhis na de dag nyid la skyabs su 'gro bar bya ba yin te/ de bzhin gshegs pa ni shin tu dul ba'i bdag nyid dang/ rnam pa thams cad du gdul bya 'dul ba'i thabs la mkhas pa dang/ thugs rje che ba dang/ zang zing gi mchod pa thams cad kyis mnyes par bya ba ma yin gyi bsgrub po'i mchod pas nyes par bya bas so/ /de lta bus bstan pa'i chos gang yin pa dang/ de'i nyan thos kyi dge 'dun gang yin pa de yang de lta bu kho nas skyabs su 'os pa yin par rig par bya'o/ /rgyu bzhis na skyabs su song ba yin te/ yon tan shes pa dang/ /khas blangs pa dang/ gzhan mi smra bas so/ /skyabs su song ba'i yang dag pa'i bsgrub pa ni rnam pa bzhir rig par bya ste/ skyes bu dam pa la legs par bsten pa dang/ dam pa'i chos mnyan pa dang/ tshul bzhin yid la bya ba dang/ chos kyi rjes su mthun pa'i chos sgrub pa'o/ /yang dag par bsgrub pa ni rnam par bzhir rig par bya ste/ dbang po mi rgod par bya ba dang/ bslab pa'i gzhi yang dag par bya ba dang/ sems can la snying rje bar bya ba dang/ dus su dkon mchog mchod pa la brtson par bya'o/ /skyabs su song ba'i phan yon ni bzhi ste/ bsod nams rgya chen po thob pa dang/ dga' ba dang mchog tu dga' ba rgya chen po 'thob pa dang/ ting nge 'dzin 'thob pa dang/ rnam par dag pa 'thob pa'o/ /gzhan yang phan yon bzhi ste/ srung ba chen po dang ldan pa dang/ log par mos pa'i sgrib pa thams cad bsrab pa dang/ yongs su zad pa dang/ yongs su gtugs pa 'thob pa dang/ dam pa yang dag par song ba skyes bu dam pa rnams kyi nang du bgrang par 'gyur pa dang/ ston pa dang tshangs pa mtshungs par spyod pa rnams dang/ bstan pa la mngon par dad pa'i lha rnams kyi yid du 'ong zhing dga' bar 'gyur te/ che ge mo zhig bdag cag skyabs su 'gro ba gang dang ldan pas de nas shi 'phos nas 'dir skyes pa'i skyabs su 'gro ba de dag dang ldan zhing lan mang du gnas par na de ni bdag cag gi grogs su 'gyur bar 'ong ngo snyam nas yid dga' zhing ched du brjod pa ched du brjod par byed do/ /sangs rgyas dang chos dang dge 'dun dkon mchog rnams kyi khyad par ni rnam pa drug gis rig par bya ste/ mtshan nyid dang/ phrin las dang/ mos pa dang/ bsgrub pa dang/ rjes su dran pa dang bsod nams 'phel bas so/ /de la mtshan nyid las gyur pa'i khyad par ni sangs rgyas dkon mchog ni rang mngon par rdzogs par byang chub pa'i mtshan nyid do/ /chos dkon mchog ni mngon par rdzogs par byang chub pa'i 'bras bu'i mtshan nyid do/ /dge 'dun dkon mchog ni gzhan gyi man ngag gis yang dag par sgrub pa'i mtshan nyid do/ /de la phrin las gyur pa'i khyad par ni sangs rgyas dkon mchog ni lung legs par 'bog pa'i phrin las can no/ /chos dkon mchog ni nyon mongs pa dang sdug bsngal spong ba la dmigs pa'i phrin las can yin no// dge 'dun dkon mchog ni sgro ba mngon par 'phel bar byed pa'i phrin las can yin no/ /de la mos pa las gyur pa'i khyad par ni sangs rgyas dkon mchog la ni bsnyen bkur la gus pas zhen par bya'o/ /chos dkon mchog la ni mngon du bya ba la gus pas zhen par bya'o/ dge 'dun mchog la ni chos mthun pa pa'i dngos pos lhan cig 'grogs pa la gus pas zhen par bya'o/ /de la sgrub pa las gyur pa'i khyad par ni sangs rgyas dkon mchog la ni mchod pa dang rim gro nye bar sgrub pas bsgrub par bya'o/ /chos dkon mchog la ni rnal 'byor gyi sbyor ba goms par byas pas bsgrub par bya'o/ /dge 'dun dkon mchog la ni chos dang zang zing gi longs spyod thun mong gis bsgrub par bya'o/ /de la rjes su dran pas gyur pa'i khyad par ni sangs rgyas dkon mchog kyang rnam pa gzhan dag gis rjes su dran par bya la/ chos dkon mchog kyang rnam pa gzhan dag gis rjes su dran par bya/ dge 'dun dkon mchog kyang rnam pa gzhan dag gis rjes su dran par bya ba ste/ 'di lta ste/ 'di ltar bcom ldan 'das de ni zhes bya ba la sogs pas rgyas par bya'o/ /de la bsod nams 'phel ba las gyur pa'i khyad par ni sangs rgyas dkon mchog la ni sems can gcig gi dbang du byas pa'i bsod nams mchog 'phel bar 'gyur ro/ /chos dkon mchog la ni chos kyi dbang du byas pa'i bsod nams mchog 'phel bar 'gyur ro/ /dge 'dun dkon mchog la ni sems can mang po'i dbang du byas pa'i bsod nams mchog 'phel bar 'gyur ro/ /bram ze'i chos las dge sbyong gi chos rnams ba lngas khyad par du 'phags te/ chos rnam pa lnga gang zhe na/ 'di lta ste/ thos pa'i ches dang/ tshul khrims kyi chos dang/ yongs su bzung ba'i chos dang/ longs spyod kyi chos dang/ rtogs pa'i chos kyis so/ /de la bram ze rnams kyis thos pa'i chos ni don ngan pa dang/ gzhan dag la bstan par mi 'os pa dang/ tshig dang yi ge gsar ba'i phyir ngan pa yin no/ /dge slong gi thos pa'i chos ni de las zlos pa yin pas bzang bar rig par bya'o/ /de la bram ze rnams kyi tshul khrims kyi chos ni gang la ji ltar 'tshe ba gang rjes su gnang ba yin pa'i phyir ngan pa yin no/ /dge sbyong gi tshul khrims kyi chos ni de las bzlog pa yin pas bzang bar rig par bya'o/ /de la bram ze rnams kyi yongs su gzung ba'i chos ni bar du gcod pa zhing gi dngos po dang khang khyim gyi dngos po dang/ tshong khang gi dngos po la sogs pa yongs su zin pa'i phyir dang/ bu dang chung ma dang bran mo la sogs pa yongs su zin pa'i phyir ngan pa yin no/ /dge sbyong rnams kyi yongs su bzung ba'i chos ni sdug bsngal las nges par 'byung ba'i chos ma rtogs pa gzhan med pas bzang bar rig par bya'o/ /de la bram ze rnams kyi longs spyod kyi chos ni bar du gcod pa spos dang/ me tog phreng dang/ byug pa dang rgyan la sogs pas yongs su gzung longs spyod pa'i phyir dang/ gro gar mkhan dang zlos gar mkhan dang/ gzhad gang mkhan dang/ 'jo sgeg mkhan la sogs pa la lta bas yongs su longs spyod pa'i phyir dang/ 'khrig pa'i chos kyis longs spyod pa'i phyir ngan pa yin no/ /dge sbyong gi longs spyod kyi chos ni kha nam tho ba med pa thos pa dang bsam pa dang bsgoms pa las byung ba'i shes pas longs spyod pa'i phyir bzad par rig par bya'o/ /de la bram ze rnams kyi rtogs pa'i chos ni tshangs pa'i 'jig rten mdza' yin pa dang/ yang phyir ldog pa dang/ kun nas nyon mongs pa can yin pa dang/ sdug bsngal ba dang bcas pa'i phyir ngan pa yin no/ /dge sbyong gi rtogs pa'i chos ni mya ngan las 'das pa mdza' yin pa dang/ yang phyir mi ldog pa dang/ gcig tu dri ma med pa dang/ gcig tu bde ba yin pas bzang bar rig par bya'o/ /'dod pa tshol ba ni rnam pa lnga ste/ yongs su gzung ba tshol ba dang/ longs spyod tshol ba dang/ rtsed mo dang dga' ba tshol ba dang/ kun shes pa nyams po tshal ba dang/ grags pa dang/ sgro tshol ba'o/ /srid 'tshol ba yang rnam pa lnga ste/ chos nyid kyis tshol ba dang/ smon pas tshol ba dang/ kun tu rmongs pas tshol ba dang/ skyo bas tshal ba dang/ so sor brtags pas tshol ba'i/ /tshangs par spyod pa tshul ba yang rnam pa lnga ste/ btsal ba tsam tshol ba dang/ de 'thob par 'gyur ba tshol ba dang/ 'phral du 'thob pa tshol ba dang/ de'i 'og tu 'thob pa tshol? ba dang/ so sor brtags te phyis 'thob pa tshol ba'o/ /rnam grangs gzhan yang brdor btags pa tshol ba dang/ don dam pa tshol ba dang/ de yongs su btags pa tshol ba dang/ thabs med pa tshol ba dang/ thabs dang bcas pa tshol ba'o// // bam po nyi shu rtsa gcig pa/ /sa'i dngos bzhir rig pa'i gnas lnga bstan pa gang yin pa de la/ nang gi rig pa ni rig pa'i gnas thams cad dang/ bstan bcos thams cad dang gzhung lugs thams cad kyi nang na mchog dang gtso bo yin no// / de ci'i phyir zhe na/ rnam par dag pa'i gzhis rnam par dag pa'i don nyid yin pa'i phyir te/ kun nyon mongs pa dang rnam par byang ba'i don thams cad bsdus pas rnam par dag pa'i phyir dang/ phas kyi rgol ba thams cad kyis don de tshar mi chod pas rnam par dag pa'i phyir dang/ don de nyid la 'jug bla bas rnam par dag pa'i phyir dang/ zhugs pa rnams kyi sgrub pa chud mi za bas rnam par dag pa'i phyir ro/ /sangs rgyas kyi bka' de yang mdor bsdu na tshul drug gis khong du chud par bya ste 'di lta ste/ de kho na'i don gyi tshul dang/ 'thob pa'i tshul dang/ bshad pa'i tshul dang/ mdza' gnyis rnam par spangs pa'i tshul dang/ bsam gyis mi khyab pa'i tshul dang/ dgongs pa'i tshul gyis so/ /de la tshul snga ma gsum ni phyi ma gsum gyis khong du chud par bya ste/ 'di lta ste/ de kho na'i don gyi tshul ni mdza' gnyis rnam par spangs pa'i tshul gyis khong du chud par bya'o/ /'thob pa'i tshul ni bsam gyis mi khyab pa'i tshul gyis khong du chud par bya'o/ /bshad pa'i tshul ni dgongs pa'i tshul gyis khong du chud par bya'o/ /de la de kho na'i don nyid tshul yin pas/ de kho na'i don gyi tshul de dgongs pa nyid tshul yin pas dgongs pa'i tshul gyi bar du'o/ /tshul gyi don ni de dang de la ma nor ba nyid dang ji lta ba bzhin nyid dang phyin ci ma log pa nyid gang yin pa'o/ /de la de kho na'i don ni mdor bsdu na rnam pa drug tu rig par bya ste/ 'jig rten gyi grags pa ngag dang/ rig pa'i grags pa dang/ nyon mongs pa'i sgrib pa rnam par dag pa'i ye shes kyi spyod yul dang/ shes bya'i sgrib pa rnam par dag pa'i ye shes kyi spyod yul dang/ rnam par gzhag pa dang/ rnam par ma gzhag pa'o/ /de la de kho na rnam pa bzhi'i rab tu dbye ba ni 'di lta ste/ byang chub sems dpa' i sar sngar bstan pa bzhin du rig par bya'o/ /rnam par gzhag pa'i de kho na gang zhe na/ smras pa/ 'phags pa'i bden pa bzhi ste/ sdug bsngal ni sdug bsngal du rnam par bzhag pa dang/ lam gyi bar du lam du rnam par gzhag par bya'o/ /de ci'i phyir zhe na/ de ltar de ni kun rdzob rnam pa gsum gyis rnam par 'jog par byed pa'i phyir te/ 'jig rten gyi kun rdzob dang/ rigs pa'i kun rdzob dang/ rtogs pa'i kun rdzob kyis so/ /de la 'jig rten gyi kun rdzob kyis ni khang khyim dang bum pa dang dmag dang nags tshal dang/ grangs la sogs pa rnam par bzhag pa dang/ bdag dang sems can la sogs pa rnam par bzhag pas rnam par 'jog go /rig pa'i kun rdzob kyis ni phung po dang khams dang skye mched la sogs pa rnam par bzhag pas rnam par 'jog go / rtogs ba'i kun rdzob kyis ni rgyun tu zhugs pa'i 'bras bu la sogs pa dang/ de dag gi gnas rnam par 'jog go /de dag kyang mdor bsdu na rnam par bzhag pa rnam pa bzhir 'gyur te/ ji skad bstan pa gsum dang/ don dam pa'i kun rdzob kyis don dam pa'i bden pa rnam par bzhag pa ste/ de'i don ni so sor rang rig pa yin pa'i phyir rnam par bzhag par bya ba ma yin gi/ de shes pa skye ba dang mthun pa nyid las brten te/ rnam par 'jog go /rnam par ma bzhag pa'i de kho na gang zhe na/ smras pa/ chos rnams kyi de bzhin nyid gang yin pa'o/ /'thob pa gang zhe na/ 'thob pa ni mdor bsdu na rnam pa bzhi ste/ sems can rnams kyi las kyi rnam par smin pa 'thob pa dang/ nyan thos kyi theg pa 'thob pa dang/ rang sangs rgyas kyi theg pa 'thob pa dang/ theg pa chen po 'thob pa'o/ /de la sems can rnams kyi las rnam par smin pa 'thob pa ni/ las dge ba dang mi dge bar mngon par 'du byed pa las bdag gir bya ba nyid la brten nas/ rgyu des 'gro ba lnga'i 'khor bar sems can rnams kyi rnam par smin pa mngon par 'grub pa dang/ rnam par smin pa so sor myong ba gang yin pa'o/ /de la nyan thos kyi theg pa 'thob pa ni skyabs su 'gro ba la sogs pa nas/ dge sbyong gi rgyan gyi bar la bsten nas rnam pa lnga 'thob pa gang yin pa ste/ sa 'thob pa dang/ shes pa 'thob pa dang/ dad pa 'thob pa dang/ 'bras bu 'thob pa dang/ yon tan 'thob pa'o/ /de las 'thob ba ni sa gsum ste/ mthong ba'i sa dang/ bsgom pa'i sa dang/ mthar thug pa'i sa'o/ /de la shes pa 'thob pa ni shes pa dgu ste/ 'di lta ste/ chos shes pa dang/ rjes su rtog pa shes pa dang/ sdug bsngal shes pa dang/ kun 'byung ba shes pa dang/ 'gog pa shes pa dang/ lam ba shes pa dang/ de dag gis rjes las 'thob pa kun rdzob shes pa dang/ zad pa shes pa dang/ mi skye ba shes pa'o/ /de la dad pa 'thob pa ni shes nas dad pa bzhi po dag gi /de la 'bras bu 'thob pa ni dge sbyong gi 'bras bu bzhi po dag go /de la yon tan 'thob pa ni tshad med pa dang/ rnam par thar pa dang/ zil gyis gnon pa'i skye mched dang/ zad par gyi skye mched dang/ nyon mongs pa med pa dang/ smon nas shes pa dang/ so so yang dag par rig pa dang/ mngon par shes pa 'thob ste/ de dag thams cad kyi rnam par dbye ba ni snga ma bzhin du rig par bya'o/ /nyan thos kyi theg pa dag thob pa'i thob par byed pa'i rgyu ni 'jig rten pa'i lam gyis 'dod chags dang bral ba dang/ thar pa dang nges par 'byed pa'i cha dang mthun pa'i dge ba'i rtsa ba dag yin no/ /de la rang sangs rgyas kyi theg pa 'thob pa ni mdor bsdu na rnams gsum ste/ nges par 'byed pa'i cha dang mthun pa 'thob pa sngon du btang ba dang/ rtogs pa sngon du btang ba dang/ sngon du ma btang ba'o/ /de la 'thob pa dang po gnyis kyis ni rang rgyal ba rnams su 'gyur ro/ /tha mas ni bse ru lta bur 'gyur ro/ /de la theg pa chen po 'thob pa ni rnam pa brgyad de/ sems bskyed pa 'thob pa dang/ snying rje 'thob pa dang/ pha rol tu phyin pa 'thob pa dang/ bsdu ba'i dngos po 'thob pa dang/ sa 'thob pa dang/ dpag tu med pa lnga la de bzhin nyid khong du chud pa 'thob pa dang/ mthu bsam gyis mi khyab pa 'thob pa dang/ sangs rgyas kyi chos ma 'dres pa 'thob pa gang yin pa ste/ de dag gi rnam par dbye ba yang 'di lta ste/ byang chub sems dpa' sar sngar bstan pa bzhin du rig par bya'o/ /de la bshad pa ni mdor bsdu na gnas gsum gyis bsdus pa yin te/ sde snod bsdu ba dang/ ma mo bsdu ba dang/ de gnyi ga bsdu bas so/ /de la sde snod bsdu ba ni nyan thos kyi sde snod dang/ theg pa chen po'i sde snod do/ /de la ma mo bsdu ba ni sa bcu bdun dang/ bsdu ba bzhi'o/ /de la de gnyi ga bsdu ba ni/ mdor bsdu na rnam pa bcu ste/ 'di lta ste/ bden pa'i mtshan nyid bshad pa dang/ yongs su shes pa bshad pa dang/ spang ba bshad pa dang/ mngon du bya ba bshad pa dang/ bsgoms pa bshad pa dang/ de dag nyid kyi rnam pa rab tu dbye ba bshad pa dang/ de dag nyid kyi gnas dang gnas pa'i 'brel pa bshad pa dang/ yongs su shes pa la sogs pa'i bar du gcod pa'i chos bshad pa dang/ yongs su shes pa la sogs pa'i rjes su mthun pa'i chos bshad pa dang/ yongs su mi shes pa la sogs pa dang/ yongs su mi shes pa la sogs pa'i nyes dmigs dang phan yon bshad pa ste/ de ltar na de ni sde snod bsdu ba dang/ ma mo bsdu ba thams cad sdud par byed pas ma mo bsdus pa shes bya'o/ /yang mdor bsdu na bshad pa rnam pa bcu gnyis yod de/ 'di lta ste/ dngos po bshad pa dang/ ming gi rnam grangs bshad pa dang/ rang gi gzhung lugs brtag pa bshad pa dang/ gzhan gyi gzhung lugs brtag pa bshad pa dang/ drang ba'i don bshad pa dang/ nges pa'i don bshad pa dang/ kun rdzob kyi bden pa bshad pa dang/ don dam pa'i bden pa bshad pa dang/ gsang ba bshad pa dang/ rnam par phye ba bshad pa dang/ lan gdab pa'i dngos po bshad pa dang/ lan mi gdab pa'i dngos po bshad pa'o/ /de la dngos po bshad pa ni gzugs la sogs pa dang/ mig la sogs pa'i chos rnams so sor bshad pa yin pa'o/ /de la ming gi rnam grangs bshad pa ni 'di lta ste/ sangs rgyas bcom ldan 'das rnams kyi phung po dang/ khams dang skye mched dang rten cing 'brel bar 'byung ba dang/ gnas dang gnas ma yin pa dang/ dbang po dang bden pa'i ming dang dran ba nye bar gzhag ba la sogs pa'i ming gzugs can dang gzugs can ma yin pa dang/ bstan du yod pa dang/ bstan du med pa dang/ thogs pa dang bcas pa dang thogs pa med pa la sogs pa'i ming gis/ ming gi rnam grangs dpag tu med pa dag rgya cher bshad pa'i gang yin pa'o/ /de la rang gi gzhung lugs brtag pa bshad pa ni rnam par bshad la bsdu ba la brten nas mdo'i sde dang dbyangs kyis bsnyad pa'i sde dang lung bstan pa'i sde la sogs pa'i bshad pa dang yang dag par bshad pa gang yin pa'o/ /de la gzhan gyi gzhung lugs brtag pa bshad pa ni gtan tshigs kyi rig pa rnam pa bdun la brten nas phas kyi rgol ba tshar bcad pa dang/ rang gi smra ba'i gzhung gzugs pa gang yin pa'o/ /gtan tshigs kyi rigs pa rnam pa bdun ni 'di lta ste/ smra ba dang/ smra ba'i zhal che ba dang/ smra ba'i gzhi dang/ smra ba'i rgyan dang/ smra ba chad pas bcad pa dang/ smra ba las 'byung ba dang smra ba gces spras la dgos pa'i chos rnams so/ /de la drang ba'i don bshad pa ni bcom ldan 'das kyis mdo'i sde dang/ dbyangs kyis bsnyad pa'i sde dang/ lung bstan pa'i sde la sogs pa gang dag bshad la/ don rnam par ma phye ba drang bar bya dgos pa gang yin pa'o/ /de la nges pa'i don bshad pa ni de las zlog par rig par bya'o/ /de la kun rdzob kyi bden pa bshad pa ni tshig gi lam gyis brjod pa gang ci yang rung ste thams cad ni kun rdzob kyi bden pa yin no/ /ming dang 'du shes dang brjod pa'i dbang du bya ba 'di lta ste/ mtshan ma dang ming dang rnam par rtog pa gang ci yang rung ba de yang kun rdzob kyi bden pa yin no/ /de la don dam pa'i bden pa bshad pa ni 'phags pa'i bden pa bzhi bshad pa dang/ de bzhin nyid dang yang dag pa'i mdza' dang/ chos kyi dbyings bshad pa gang yin pa'o/ /de la gsang ba bshad pa 'di lta ste/ phal cher ni nyan thos kyi sde snod bshad pa gang yin pa'o/ /de la rnam par phye ba bshad pa ni 'di lta ste/ phal cher ni theg pa chen po'i sde snod bshad pa yin pa'o/ /de la lan gdab pa'i dngos po bshad pa ni 'di lta ste/ chos kyi mdo bzhi po dag bshad pa ste/ 'dus byas thams cad mi rtag pa zhes bya ba nas/ mya ngan las 'das pa ni zhi ba'o zhes bya ba'i bar dang/ de lta bu dang mthun pa dag bshad pa gang yin pa'o/ /de la lan mi gdab pa'o dngos po bshad pa ni 'di lta ste/ 'jig rten rtag gam zhes dris na de ni bdag gis lan ma btab po zhes smra zhing lan 'debs par mi byed pa dang/ de bzhin gshegs pa shi phan chad yod pa yang ma yin med pa yang ma yin nam zhes bya ba'i bar du dris na/ de ni bdag gis lan ma btab po zhes smra zhing lan 'debs par mi byed pa gang yin pa'o/ /de la lan mi gdab pa'i dngos po bshad pa ni rgyu rnam pa bzhis rig par byas ste/ med pa'i phyir lan mi 'debs ba'ang yod do/ 'di lta ste/ ci bdag phung po rnams las gzhan nam gzhan ma yin nam rtag gam mi rtag ces bya ba la sogs pa'o/ /don dang mi ldan pa'i phyir lan mi 'debs pa yod de/ 'di lta ste/ shing sha ba'i lo ma'i dpe'i mdo las/ ngas ni chos 'di snyed cig mngon par thugs su chud bar ma bstan to/ /de ci'i phyir zhe na/ chos de dag ni don dang ldan pa ma yin pa'i phyir ro zhes gsungs ba lta bu'o/ /zab pa'i phyir lan mi 'debs pa yang yod de/ 'di lta ste bdag yod dam zhes 'dri na/ phung po rnams la bdag tu 'dzin par 'gyur tam phung po rnams las don gzhan du gyur pa yod par 'dzin na mi rung bas lan mi 'debs pa dang/ bdag med dam zhes 'dri na/ skyes bu'i tha snyad la skur pa 'debs pa 'dzin par gyur na mi rung bas lan mi 'debs pa dang/ de bzhin du de bzhin gshegs pa shi phan chad yod dam zhes bya ba nas yod pa yang ma yin med pa yang ma yin nam zhes bya ba'i par du 'dri na zab pa'i phyir lan mi 'debs ba lta bu'o/ /de bzhin nyid kyi mtshan nyid rnam par bzhag pa las lan mi 'debs pa yang yod de/ 'di lta ste/ chos gang dag gi de bzhin nyid de ci chos de dag las gzhan nam gzhan ma yin zhes 'dri na lan 'debs pa lta bu ste/ 'di ltar mtshan nyid de de ni gzhan pa nyid kyang ma yin gzhan ma yin pa nyid kyang ma yin par rnam par gnas pa yin pa'i phyir ro/ /gzhan yang lan mi gdab pa'i dngos po bshad pa ni rgyu rnam pa bzhis rig par bya ste/ mu stegs can rnams kyis bshad pa yin pa'i phyir dang/ tshul bzhin ma yin pa'i phyir dang/ don dang mi ldan pa'i phyir dang/ rtsod pa'i gzhi'i gnas su gyur pa 'ba' zhig yin pa'i phyir ro/ /don dang mi ldan pa mi rgyu gnyis kyis rig par bya ste/ rgyu dang 'bras bu bsam pa dang bral ba nyid kyi phyir dang/ kun nas nyon mongs pa dang rnam par byang ba bsam pa dang bral ba nyid kyi phyir ro/ /mdza' gnyis rnam par spang ba gang zhe na/ de ni mdor bsdu na rnam pa drug tu lta bar bya ste/ yod pa ma yin pa la sgro 'dogs pa'i mdza' rnam par spang ba dang/ yod pa la skur ba 'debs pa'i mdza' rnam par spang ba dang/ rtag par 'dzin pa'i mdza' rnam par spang ba dang/ chad par 'dzin pa'i mdza' rnam par spang ba dang/ 'dod pa'i bsod nams la sbyor ba'i mdza' rnam par spang ba dang/ bdag nyid dal bar sbyor ba'i mdza' rnam par spang ba'o/ de dag gi rnam par dbye ba ni sngar de dang de dag tu bstan pa kho na bzhin du rig par bya'o/ /de la bsam gyis mi khyab pa gang zhe na/ mdor bsdu na bsam gyis mi khyab pa drug ste/ bdag la sems pa dang/ sems can la sems pa dang/ 'jig rten la sems pa dang/ sems can rnams kyi las kyi rnam par smin ba la sems pa dang/ bsam gtan pa rnams kyi bsam gtan pa'i yul dang/ sangs rgyas rnams kyi sangs rgyas kyi yul lo/ /de la bdag la sems pa dang/ sems can la sems pa dang/ 'jig rten la sems pa ni lta ba la brten na ni bsam gyis mi khyab pa dag yin no/ /lta ba la ma brten na ni bsam gyis mi khyab pa dag yin no/ /de la bdag la sems pa ni 'di ltar 'di na la la 'jig tshogs la lta ba la brten nas 'di snyam du sems te/ ci bdag 'das pa'i dus na byung bar gyur tam/ zhes bya ba nas rgyas bar dus gsum rnams su yang de bzhin du bdag ni gzugs can yin te/ de phan tshun 'du shes can rnam/ de bzhin du 'du shes med pa 'am/ 'du shes yod pa yang ma yin 'du shes med pa yang ma yin par 'gyur ro snyam pa dang/ gzugs can ji lta ba bzhin du gzugs can ma yin pa yang de bzhin te/ rgyas par 'di lta ste/ tshangs pa'i dra ba'i mdo las/ ji skad du rtag par smra ba rnams dang de bzhin du chad par smra ba rnams dang/ tshe 'di la mya ngan las 'das par smra ba rnams dang/ sngon gyi mthar rtog pa rnams dang/ phyi ma'i mthar rtog pa rnams dang/ ci rigs par sbyar bar blta bar bya'o/ /de bzhin du srog de lus de yin no snyam pa dang/ srog kyang gzhan la lus kyang gzhan no snyam pa dang/ 'di nyid zad par yin no snyam pa dang/ gnyis su med do snyam pa dang gzhan ma yin no na snyam pa dang/ bdag gi bdag ni ma chad pa ma yin no snyam du sems pa'o/ /de la sems can la sems pa ni 'di ltar 'di na la la 'jig tshogs la stang kho na la brten nas 'di snyam du sems te/ sems can ga las byung/ sems can gyi byed pa po su yin/ sems can gang gi bar du 'gro/ sems can gang du 'gag par 'gyur snyam du sems pa'o/ /de la 'jig rten la sems pa ni 'di ltar 'di na la la 'jig tshogs la rten nas 'di snyam du sems te/ 'jig rten rtag go zhes bya ba la sogs pa rgya cher bya'o/ /chos nyid las brtsams nas kyang 'di snyam du sems te/ bdag gi chos nyid dang/ sems can gyi chos nyid dang/ 'jig rten gyi chos nyid de 'di ci las de ltar byung snyam du sems shing chos kyi rigs pa kho nas mi 'brug? pa yin te/ de'i phyir de yang bsam gyis mi khyab pa'i gnas la sems pa zhes bya'o/ /de la sems can rnams kyi rnam par smin pa la sems pa ni rnam pa bzhis bsam gyis mi khyab pa yin te/ gnas dang dngos po dang/ rgyu dang rnam par smin pa las so/ /de la bsam gtan pa rnams kyi bsam gtan pa'i yul ni rnam pa gsum gyis bsam gyis mi khyab pa yin te/ de bzhin nyid zad pa'i don dang/ dbang bsgyur ba dang/ zag pa zad pa'i dbyings yang dag par 'grub pas so/ /de la sangs rgyas rnams kyi sangs rgyas kyi ni rnam pa lngas bsam gyis mi khyab pa yin te/ ji skad bstan pa gsum pa de dag nyid dang/ gzhan gnyis kyis te/ sgrib pa med pa dang/ sems can gyi don gyi bya ba mdzad pas so/ /de la dgongs pa gang zhe na/ mdor bsdu na rnam pa bcu drug ste/ yang dag par ston pa'i dgongs pa dang/ 'dun pa zlog pa'i dgongs pa dang/ yang dag par 'dzin du 'jug pa'i dgongs pa dang/ yang dag par gzengs bstod pa'i dgongs pa dang/ yang dag par rab tu dga' bar mdzad pa'i dgongs pa dang/ gzung ba'i dgongs pa dang/ the tshom bcang pa'i dgongs pa dang/ yongs su smin par bya ba'i dgongs pa dang/ ting nge 'dzin du bya ba'i dgongs pa dang/ rnam par grol bar bya ba'i dgongs pa dang/ don gzhan dang 'brel ba'i dgongs pa dang/ rtog par byed pa rnams la kha na ma tho ba med pa'i dga' ba dang mchog tu dga' ba bskyed pa'i dgongs pa dang/ smra ba po la nyan ba rnams ri mo cher bskyed par bya ba'i dgongs pa dang/ chos kyi tshul 'jug par bya ba'i dgongs pa dang/ dge ba mang par bya ba'i dgongs pa dang/ mtshan ma thams cad zil gyis mnan pa'i dgongs pa'o/ /de la ji ltar na mdza' gnyi rnam par spangs pa'i tshul gyis de kho na'i don gyi tshul khong du chud par bya zhe na/ sdug bsngal gyi bden pa nas lam gyi bden pa'i bar du rnam par gzhag pa la ni mdor bsdu na sgro 'dogs pa rnam pa bzhis sgro 'dogs pa'i mdza' yin te/ bdag tu sgro 'dogs pa dang/ rtag par sgro 'dogs pa dang/ bced par sgro 'dogs pa dang/ bde bar sgro 'dogs pa'o/ /de dag ni phyin ci log bzhi yin te/ de dag gi gnyen por dran pa nye bar gzhag pa bzhi dang/ shes pa bzhi bstan to/ /rgyu gang gis na bdag tu lta ba bdag tu sgro 'dogs par 'gyur zhe na/ de ni 'di lta ste/ rtog pa dang bcas pa spyod pa dang bcas pa'i sar rgyas par sngar bstan pa bzhin du rig par bya ste/ 'di ltar der ji ltar bdag mi rigs pa de ltar rgya cher bstan pa'i phyir ro/ /yang mdor bsdu na bdag ni phung po rnams las skye ba dang mtshan nyid dang las las kyang don gzhan du gyur pa mi dmigs pa'i phyir dang/ 'du byed rnams ni de dang mtshan nyid mi 'dra bar gnas pa'i phyir bdag med pa nyid du rig par bya'o/ /rtag pa nyid kyang ji ltar mi rigs pa de ltar snga ma kho na bzhin du blta bar bya'o/ /mi sdug pa nyid rnam pa drug kyang nyan thos kyi sar gya cher bstan zin to/ /sdug bsngal nyid rnam pa gsum yang 'di lta ste/ rtog pa dang bcas pa dang bcas pa'i sar bstan zin to de la skur ba 'debs pa'i mdza' ni bden pa bden pa'i mtshan nyid kyis rnam par bzhag pa de dag nyid la mtshan nyid des med pa nyid du 'dzin pa dang/ med pa nyid du yongs su ston pa'o/ /de ci'i phyir zhe na/ 'di ltar gang bden pa de dag la skur pa 'debs pa des ni mtshad ma gsum po mngon sum dang rjes su dpag pa dang/ yid ches pa'i lung dang/ kun nas nyon mongs pa dang/ rnam par byad pa la yang skur pa btab pa yin pa'i phyir te/ de lta bas na de ni skur pa 'debs pa'i mdza' yin no// gang mdza' gnyis la skur pa mi 'debs pa de ni bden pa de dag la mos pa dang/ rtog pa dang/ rim gyis rnam par dag pa thob par yang gyur ro/ /sdug bsngal gyi bden pa gang zhe na/ smras pa/ skye ba'i sdug bsngal zhes bya ba la sogs pa rgyas par snga ma bzhin te/ mdor bsdu na skye ba'i kun nas nyon mongs pa ji skad bstan pa ni sdug bsngal gyi bden pa zhes bya'o/ /kun 'byung ba'i bden pa gang zhe na/ smras pa/ nyon mongs pa'i kun nas nyon mongs pa dang las kyi kun nas nyon mongs pa ji skad bstan pa thams cad ni kun 'byung ba'i bden pa yin no/ /bcom ldan 'das kyi gtso bor ni sred pa yin pa bstan to/ /gtso bo'i rgyu rnams ni snga ma bzhin du rig par bya'o/ /'gog pa'i bden pa gang zhe na/ smras pa /nyon mongs pa thams cad yongs su gtugs nas spangs pa gang yin pa'o/ /spangs pa de yang rnam pa brgyad kyis te/ snga ma kho na bzhin du blta bar bya'o/ /de las sred pa zad pa dang 'dod chags dang bral ba zhes bya ba des ni phung po'i lhag ma dang bcas pa'i mya ngan las 'das pa'i dbyings yongs su bstan to/ /'gog pa dang mya ngan 'das pa zhes bya ba des ni phung po'i lhag ma med pa'i mya ngan las 'das pa'i dbyings yongs su bstan to/ /lam gyi bden pa gang zhe na/ smras pa/ tshogs kyi lam gang yin pa dang/ sbyor ba'i lam gang yin pa dang/ rnam par dag pa'i lam gang yin pa de dag thams cad gcig tu bsdus pa ni lam gyi bden pa zhes bya'o/ /bcom ldan 'das kyis gtso bor ni dge sbyong gi 'bras bu yongs su gzung ba las brtsams nas 'phags pa'i lam yan lag brgyad pa yin par bstan to/ /de la tshogs kyi lam ni rnam pa bcu gsum du rig par bya ste/ 'di lta ste/ nyan thos kyi sar bstan pa bzhin no/ /sbyor ba'i lam ni gtso bor 'di lta ste/ dro bar gyur pa dang/ rtse mo dang bzod pa dang 'jig rten pa'i chos kyi mchog gi gnas skabs na dran pa nye bar bzhag pa la sogs pa byang chub kyi phyogs dang mthun pa'i chos rnams yin no/ /rnam par dag pa'i lam ni mthong ba dang/ bsgom pa dang/ mthar thug pa'i lam gyis bsdus pa kho na'i byang chub kyi phyogs dang mthun pa'i chos rnam yin no/ /mthar thug par gyur pa'i yon tan mngon par bsgrub pa'i lam gang yin pa de yang lam gyi bden pa zhes bya ba'i grangs su 'gro'o/ /byang chub sems dpa' rnams kyi sbyor ba'i lam ni pha rol tu phyin pa drug gis bsdus pa yin par rig par bya'o/ /rnam par dag pa'i lam ni gtso bor shes rab kyi pha rol tu phyin pas bsdus pa yin te/ de'i byang chub kyi phyogs dang mthun pa'i chos thams cad kyang bsgom pa'i grangs su mi 'gro ba ni med do/ /de la mdor na nye bar len pa'i phung po lnga sdug bsngal zhes gang gsungs pa de la nye bar len pa'i phung po lnga'i rab tu dbye ba ni 'di lta ste/ yid kyis rnam par gtan la dbab bar phung po la mkhas pa las brtsams te bstan pa bzhin du rig par bya'o/ /sdug bsngal gyi bden pa dang/ kun 'byung ba'i bden pa de yang mdor bsdu na rnam pa gsum ste/ 'dod pa dang gzugs dang gzugs med pa dang ldan pa'i bye brag gis so/ phyogs bcu'i 'jig rten gyi khams mdza' yas mu med pa'i bye brag gis ni mdza' yas pa yin no/ /de'i gnyen por 'gog pa'i bden pa dang/ lam gyi bden pa yang de bzhin du rig par bya'o/ /bden pa de dag gi rnam par bzhag pa'i go rim bstan pa ni snga ma bzhin du rig par bya'o/ /bden pa de dag las brtsams/ /bden pa de dag las brten/ /bden pa de dag las gnas nas/ gang zag bcu gsum rnam par bzhag par rig par bya ste/ gang zag bcu gsum gang zhe na/ 'dod pa na spyod pa'i so so'i skye bo dang/ gzugs na spyad pa'i so so'i skye bo dang/ gzugs med pa na spyod pa'i so so'i skye bo dang/ 'dod pa na spyod pa'i slob pa dang/ gzugs na spyod pa'i slob pa dang/ gzugs med pa na spyod pa'i slob ba dang/ 'dod pa na spyod pa'i mi slob pa dang/ gzugs na spyod pa'i mi slob ba dang/ gzugs med pa na spyod pa'i mi slob pa dang/ 'dod pa na spyod pa'i rang sangs rgyas dang/ 'dod pa na spyod pa'i byang chub sems dpa' dang/ gzugs na spyod pa'i byang chub sems dpa' dang/ de bzhin gshegs pa bsam gyis mi khyab pa'o/ /gang zag de dag gi mngon par 'du byed pa yang rig par bya/ sgrib pa dang/ sems dang/ nyon mongs pa dang/ las dang/ dbang po dang/ khams dang/ mos pa dang/ bsam pa dang/ bag la nyal dang/ skye ba dang/ bag chags dang/ tshogs kyang rig par bya'o// de la mngon par 'du byed pa ni rnam pa bcu gnyis te/ dge ba mngon par 'du byed pa dang/ mi dge ba mngon par 'du byed pa dang/ lung du ma bstan pa mngon par 'du byed pa dang/ rab tu 'byung ba mngon par 'du byed pa dang/ de spel ba mngon par 'du byed pa dang/ de bsrung ba mngon par 'du byed pa dang/ skye ba mngon par 'du byed pa dang/ 'dod chags dang bral ba mngon bar 'du byed pa dang/ thar pa mngon par 'du byed pa dang/ dbang po sbyang ba mngon par 'du byed pa dang/ mngon par 'du byed pa mngon par bsgrub pa mngon par 'du byed pa dang/ gzhan gyi don bya ba mngon par 'du byed pa'o/ /de la sgrib pa yang rnam pa bcu gnyis te/ las kyi sgrib pa ni 'di lta ste/ mtshams med pa lnga'i las byed pa nyid kyi phyir ro/ /bag chags kyi sgrib pa ni 'di lta ste/ sngon nyes par byas pa'i las la goms pa'i bag chags nyid kyi phyir/ /bag med pa'i sgrib pa ni 'di lta ste/ 'dod pa'i longs spyod dang ldan pa 'byor ba chen po la gnas pa rnams kyi'o/ /chod pa'i sgrib pa ni 'di lta ste/ sgrib pa lnga po dag las gang yang rung bas sems bsgribs pa'i'o/ /le lo'i sgrib pa ni 'di lta ste/ le lo'i nye ba'i nyon mongs pas sems kun nas dkris pa'i'o/ /bar chad kyi sgrib pa ni 'di lta ste/ bar chad rnam pa bcu gcig las gang yang rung ba nye bar gnas pa'o/ /skye ba'i sgrib pa ni 'di lta ste/ mi khom par skye ba'o/ /mi skye ba'i sgrib pa ni 'di lta ste/ sangs rgyas bcom ldan 'das rnams mi 'byung ba'o/ /mos pa'i sgrib pa ni 'di lta ste/ sangs rgyas 'byung ba yod kyang log par blta ba'o/ /nyon mongs pa'i sgrib pa ni 'di lta ste/ shes rab rnam par grol pa rnams kyi sems gang las rnam par grol ba'o/ /snyoms par 'jug pa'i sgrib pa ni 'di lta ste/ gnyi ga'i cha las rnam par grol ba rnams kyis sems gang las rnam par grol ba'o/ /shes bya'i sgrib pa ni 'di lta ste/ de bzhin gshegs pa rnams kyi thugs gang las rnam par grol ba'o/ /de la sems ni mdor bsdu na rnam pa gnyis te sgribs pa dang mi bsgribs pa'o/ /nyan mongs pa yang mdor bsdu na rnam pa gnyis te/ kun nas dkris pa dang bag la nyal lo/ /las kyang mdor bsdu na rnam pa gnyis te/ sems pa dang/ bsam pa'o/ /dbang po yang mdor bsdu na rnam pa gnyis te/ rnam par dag pa'i cha dang mthun pa dang rnam par dag pa'i cha dang mthun pa ma yin pa'o/ /dbang po ji lta ba bzhin du khams dang mos pa dang bsam pa yang de bzhin du rig par bya ste/ de dag gi bye brag ni dbang po ni 'bras bur gyur pa yin la/ khams ni rgyur gyur pa yin no/ /mos pa ni rgyur gyur pa yin la/ bsam pa ni 'bras bur gyur pa yin no/ /bag la nyel yang mdor bsdu na rnam pa gnyis su rig par bya ste/ yang dag par gzhom par bya ba dang/ yang dag par gzhom par bya ba ma yin pa'o/ /skye ba yang mdor bsdu na rnam pa gnyis su rig par bya ste/ mi khom par skye ba dang/ khom par skye ba'o/ /bag chags kyang mdor bsdu na rnam pa gnyis su rig par bya ste/ de ma thag tu skye ba'i bag chags dang/ sngon skyes pa'i bag chags so/ /tshogs ni rnam pa gsum du rig par bya ste/ log pa nyid du des pa'i tshogs dang/ yang dag pa nyid du des pa'i tshogs dang/ ma des pa'i tshogs so/ /de la log pa nyid du nges pa yang rnam pa gnyis te/ rang bzhin gyis log pa nyid du nges pa dang/ spyor pas log pa nyid du nges pa'o/ /yang dag pa nyid du nges pa yang rnam pa gnyis te/ rang bzhin gyis yang dag pa nyid du nges pa dang/ sbyor ba yang dag pa nyid du nges pa'o// ma nges pa yang rnam pa gnyis te/ rang bzhin gyis ma nges pa dang/ sbyor bas ma nges pa'o/ /mngon par 'du byed pa la sogs pa rnam pa bcu gsum po de dag gis gang zag bcu gsum po dag ci rigs par rgya cher rig par bya'o/ /gang dge ba mngon par 'du byed pa de dag thams cad mi dge ba mngon par 'du byed pa dang mi ldan pa yin la/ gang mi dge ba mngon par 'du byed pa dang mi ldan pa de dag thams cad kyang dge ba mngon par 'du byed pa yin nam zhe na/ mu bzhi ste/ dge ba mngon par 'du byed pa yin la/ mi dge ba mngon par 'du byed pa mi ldan pa ma yin pa yang yod de/ las dkar gnag rnam par smin pa dkar gnag can mngon par 'du byed pa'i dge ba'i mngon par 'du byed pa gang yin pa'o/ /mi dge ba mngon par 'du byed pa dang mi ldan la/ dge ba ma yin pa ni lung du ma bstan pa mngon par 'du byed pa'o/ /mi dge ba mngon par 'du byed pa dang yang mi ldan la/ dge ba yang ma yin pa ni/ dkar ba rnam par smin pa dkar ba dang/ las zad par bya ba'i phyir mi gang mi dkar ba rnam par smin pa med pa'i las mngon par 'du byed pa gang yin pa'o// mi dge ba mngon par 'du byed pa dang bral pa ma yin lam yin pa ni gnas pa rnam par smin pa gnag pa'i las mngon par 'du byed pa'i mngon par 'du byed pa gang yin pa'o/ /mi dge ba mngon par 'du byed pa dang/ lung ma bstan pa mngon par 'du byed pa yang de bzhin du ci rigs par blta bar bya'o/ /gang las kyi sgrib pa dang ldan pa de bag chags kyi sgrib pa dang yang ldan la/ gang bag chags kyi sgrib pa dang ldan pa de las kyi sgrib pa dang yang ldan nam zhe na/ mu bzhi ste/ las kyi sgrib pa dang ldan la bag chags kyi sgrib pa dang mi ldan pa yang yod de/ 'di ltar 'di na la las tshe 'di la mtshams med pa lnga'i las byas shing bsags la/ tshe rabs snga ma la de'i tshe 'di las 'phags pa'i lam gyi bar du gcod pa'i las sdig pa can gyi mi dge ba gang yin pa de lta bu ma byas ma bsags pa lta ba'o/ /bag chags kyi sgrib pa dang ldan la las kyi sgrib pa dang mi ldan pa yang yod de/ de las bzlog pa'o/ /de gnyi ga dang ldan pa yang yod de/ gang gis tshe 'di la yang mtshams med pa lnga'i las dag byas shing bsags la/ tshe rabs snga ma la de'i tshe 'di la 'phags? pa'i lam gyi bar du gcod pa'i las sdig pa can mi dge ba gang yin pa de lta bu byas shing bsags pa lta bu'o/ /gnyi ga dang mi ldan pa yang yod de/ de las bzlog pa'o/ /de la rnam par ma bzhag pa'i bden pa gang zhe na/ chos rnams kyi de bzhin nyid yongs su grub pa'i rang bzhin/ 'phags pa'i ye shes kyi spyod yul/ 'phags pa'i ye shes kyi dmigs pa gang yin pa'o/ /de la sgro 'dogs pa'i mdza' gang zhe na/ smras pa/ chos rnams kyi ngo bo nyid ni mdor bsdu na rnam pa gsum ste/ kun rtag pa'i ngo bo nyid dang/ gzhan gyi dbang gi ngo bo nyid dang/ yongs su grub pa'i ngo bo nyid do/ /de la kun brtags pa'i ngo bo nyid ni tha snyad las byung ba gang ci yang rung ba ste/ kun brtags shing ming dang brdar rnam par gzhag pa nyid yin pa'i phyir ro/ /de la gzhan gyi dbang gi ngo bo nyid ni rten cing 'brel par 'byung ba gang yin pa ste/ gzhan gyi stobs kyis byung ba'i dngos po yin gyi/ rang gi stobs kyis byung ba'i dngos po yang yin pa'i phyir ro/ /de la yongs su grub pa'i ngo bo nyid ni snga ma kho na bzhin no/ /de la gzhan gyi dbang gi ngo bo nyid dang/ yongs su grub pa'i ngo bo nyid ni snga ma kho na bzhi no/ /de la gzhan gyi dbang gi ngo bo nyid dang/ yongs su grub pa'i ngo bo nyid la kun brtags pa'i ngo bo nyid du mngon par zhen pa gang yin pa de ni sgro btags pa'i mdza' yin par rig par bya'o/ /de ci'i phyir zhe na/ 'di ltar de'i ngo bo nyid ni de'i bdag nyid du mi rung ste/ ji ltar mi rung ba de ltar ni 'di lta ste/ byang chub sems dpa' i sa dang/ de rnam pa gtan la dbab pa las rgya cher bstan cing ston to/ /yang mdor bsdu na rgyu gsum gyi mi rung ste/ ming dang brjod pa sna tshogs du ma rnam par bzhag pa dang/ ming dang brjod pa med par de'i blo mi skye ba dang/ ming dang brjod pa ni don la 'jug pa yin pa'i phyir ro// skur ba 'debs pa'i mdza' ni gzhan gyi dbang gi ngo bo nyid dang/ yongs su grub pa'i ngo bo nyid yod pa la med do zhes rang gi mtshan nyid la skur pa 'debs pa gang yin pa ste/ de ltar mdza' gnyis rnam par spang ba'i tshul gyis de kho na'i don gyi tshul khong du chud par bya'o/ gzhan yang 'thob pa'i tshul dang bshad pa'i tshul gnyis ni bsam gyis mi khyab pa'i tshul dang dgongs pa'i tshul gnyis kyis ci rigs par khong du chud par bya'o/ /'dir don gzhan dang 'brel ba'i dgongs pa zhes gsungs pa don dang zhe na/ smras pa/ ming gi tshogs dang/ tshig gi tshogs dang/ yi ge'i tshogs rnams kyi don ni don gzhan dang 'brel ba yin te/ sgra ji bzhin ma yin mod kyi 'on kyang sgra ji bzhin spangs nas don gyi khyad par gzhan nyid ni don gzhan dang 'brel ba'i dgongs pa zhes bya'o/ /de la mdza' gnyis rnam par spang ba'i tshul gyis de kho na'i don gyi tshul khong du chud na thob par bya ba'i don 'thob bo/ /thob par bya ba'i don 'thob na de las gzhan pa'i 'thob pa'i tshul yang bsam gyis mi khyab pa'i tshul gyis khong du chud par 'gyur ro/ /bshad pa'i tshul thams cad ni sangs rgyas bcom ldan 'das rnams kyi dgongs pa'i tshul gyis khong du chud par 'gyur te/ de yang ci rigs par ro/ /de kho na'i don gyi tshul khong du chud pa'i skyon med pa la 'jug pa ni rnam pa lngar rig par bya ste/ 'di lta ste/ 'dod chags dang ma bral ba'i skyon med pa la 'jug pa dang/ 'dod chags dang shas cher bral ba'i skyon med ba la 'dug pa dang/ 'dod chags dang bral ba'i skyon med pa la 'jug pa dang/ rang sangs rgyas kyi skyon med pa la 'jug pa dang/ byang chub sems dpa' i skyon med pa la 'jug pa'o/ /gnas ngan lan pa'i mtshan nyid gang zhe na/ mdor bsdu na las su mi rung ba'i mtshan nyid gang yin pa ste/ las su mi rung ba'i mtshan nyid de yang mtshan nyid rnam pa lngar rig par bya ste/ lci ba nyid kyi mtshan nyid dang/ sra ba nyid kyi mtshan nyid dang/ sgrib pa'i mtshan nyid dang/ sgyid lug pa'i mtshan nyid dang/ dbang bsgyur ba med pas mi bzod pa nyid kyi mtshan nyid do/ /mtshan nyid de dag yod na kun nas nyon mongs pa'i phyogs dang mthun par gnas shing/ rnam par byang ba'i phyogs dang mi mthun par gnas pas na/ de'i phyir las su mi rung ba zhes bya'o/ /gang gi tshe rnam par bzhag pa'i bden pa bden pa nyid du gsungs pa de'i tshe/ ci'i phyir rnam par bzhag pa'i bden pa yongs su bstan ce na/ smras pa/ rnam par ma bzhag pa'i bden pa med na rnam par grol ba gnyis pa mtshan ma'i 'ching ba las rnam par grol ba dang/ gnas ngan len gyi 'ching ba las rnam par grol ba mi rung ste/ 'di ltar gang la la rnam par bzhag pa'i bden pa dag la spyod pa de dag thams cad ni mtshan ma la spyod pa yin te/ mtshan ma la spyod na mtshan ma'i 'ching ba las yongs su mi 'gro la la/ mtshan ma'i 'ching ba las yongs su ma grol na gnas ngan len gyi 'ching ba las kyang yongs su mi grol lo/ /rnam par ma bzhag pa'i bden pa la spyod pa ni mtshan ma la mi spyod pa ma yin te/ mtshan ma la mi spyod na mtshan ma'i 'ching ba las yongs su 'gro la la/ mtshan ma'i 'ching ba las yongs su grol na gnas ngan len gyi 'ching ba las kyang yongs su 'grol ba'i phyir ro/ /gal te rnam par ma bzhag pa'i bden pa kho nas 'ching ba las rnam par 'grol zhing rnam par dag par 'gyur ba yin na/ ci rnam par gzhag pa'i bden pa yongs su bstan ce na/ smras pa/ tshogs kyi lam dang sbyor ba'i lam rnam par dag par bya ba nyid kyi phyir ro/ /gal te mtshan ma dang bcas pa'i sems kyi spyod pa kho nas 'ching ba rnam pa gnyis las 'grol zhing rnam par dag par 'gyur na nyes pa ci yod ce na/ smras pa/ gang la la shin tu mnyam par bzhag pa'i sems kyis bsam gtan bzhi pa la brten te/ bden pa la dmigs pas nges par 'byed pa'i cha dang mthun pa'i dge ba'i chos rnams la 'jug pa de dag thams cad 'ching ba rnam pa gnyis las 'grol zhing/ rnam par dag par 'gyur ba'i rigs na/ rnam par dag par mi 'gyur te/ de'i phyir mi rung ngo/ /'jig rten pa dang 'jig rten las 'das pa'i lam gnyis kyi bye brag kyang med par 'gyur ba'i rigs na/ mtshan ma dang bcas pa dang/ mtshan ma med pa'i bye brag yod pas/ de'i phyir yang mi rung ngo/ /dbang po'i 'byung ba chen po rgyas pa ni rnam pa lnga ste/ 'di lta ste/ zas kyis rgyas pa dang/ gnyid log pas rgyas pa dang/ ya nga ba spangs pas rgyas pa dang/ tshangs par spyod pas rgyas pa dang/ snyoms par 'jug pas rgyas ba'o/ /de dag kyang mdor bsdu na rgyas pa rnam pa gnyis su 'gyur te/ nye bar ston pas rgyas pa dang/ gnod pa med pas rgyas pa'o/ /de la dang pos ni nye bar ston pas rgyas pa'o/ /bzhis ni gnod pa med pas rgyas pa'o/ /de la nye bar ston pa ni rnam pa bzhi ste/ zhu bas nye bar ston pa dang/ dga' bas nye bar ston pa dang/ re bas nye bar ston pa dang/ len pa'am 'dzin pas nye bar ston pa'o/ /'du byed ni rnam pa lnga ste/ lus kyi 'du byed dang/ ngag gi 'du byed dang/ yid kyi 'du byed dang/ las kyi 'du byed dang/ tshe'i 'du byed do/ /bag yod pa yang rnam pa lnga ste/ khyim pa'i phyogs la brten pa dang/ rab tu byung ba'i phyogs la brten pa dang/ mi dge ba spang ba'i phyir dang/ dge ba sdu ba'i phyir dang/ bsgom ba rtag tu bya ba'i phyir bag yod pa'o// de la khyim pa'i phyogs la brten ba ni rnam pa lnga ste/ snga ma bzhin no/ /rab tu byung ba'i phyogs la rten pa ni rnam pa bcu ste/ de yang nyan thos kyis rnam par gtan la dbab pa'i 'dul ba dang ldan pa las rgya cher bshad pa'o/ /mi dge ba spang ba'i phyir bag yod pa ni yang dag par spong ba gnyis kyis blta bar bya'o/ /dge ba bsdu ba'i phyir bag yod pa dang/ yang dag par sdod pa gzhan gnyis kyis blta bar bya'o/ /bsgom pa rtag tu bya ba'i phyir bag yod pa ni dge ba'i chos rnams la rtag tu dbye ba dang/ gus par byed sbyor ba rnams kyi yin par rig par bya'o/ /ming ni rnam pa lnga ste/ sems dang sems las byung ba rnams dang/ dge ba dang mi dge ba dang/ lung du ma bstan pa'o/ /gzugs kyang rnam pa lnga ste/ 'byung ba rnams dang/ 'byung ba las gyur pa dang/ bstan du yod la thogs pa dang bcas pa dang/ bstan du med la thogs pa dang bcas pa dang/ bstan tu med la thogs pa yang med pa'o/ /ma rig pa yang rnam pa lnga ste/ don la kun tu rmongs pa dang/ lta ba la kun tu rmongs pa dang/ bag med pa la kun tu rmongs pa dang/ de kho na'i don la kun tu rmongs pa dang/ mngon pa'i nga rgyal la kun tu rmongs pa'o/ /srid ba'i sred pa yang rnam pa lnga ste/ chos nyid kyis sred pa dang/ smon pas sred pa dang/ kun tu rmongs pa las sred pa dang/ yid skyo bas sred pa 'byung ba la sred pa dang/ so sor brtags te sred pa'o/ /ngo tsha ba med pa dang/ khrel med pa ni rnam ba lngas rnam par bzhag par rig par bya ste/ nyon mongs pa can kun tu spyod pa la mi 'dzem pa dang/ de bzhin du dge ba kun tu mi sbyor ba dang/ chos yang dag bar blangs pa gtong ba dang/ dam pa ma yin pa las brtan pa dang/ bya ba nan tan mi byed pa la mi 'dzem pas so/ /de las bzlog pa rnam pa lngas ni ngo tshar shes pa dang/ khrel yod par rnam par bzhag par rig par bya'o/ /bka' blo mi bde ba yang rnam pa lngas rnam par bzhag par rig par bya ste/ mi sgrub pa dang/ log par sgrub pa dang/ mi bzod pa dang/ mi 'dzem pa dang/ mi sdom pas so/ /sdig pa'i grogs po rnam par bzhag pa yang rnam pa lngas rig par bya ste/ ngo tsha med pa dang/ log par lta ba can dang/ le lo can dang/ log par zhugs pa dang/ dman pas so/ /de las bzlog pa rnam pa lngas ni bka' blo bde ba dang/ dge ba'i bshes gnyen gyi rnam par bzhag par rig par bya'o/ /zhi gnas kyi rnam par gzhag pa yang rnam pa lnga kho nas rig par bya ste/ 'jig rten pa'i nye bar bsdogs kyis bsdus pa'i zhi gnas dang/ de bzhin du gzugs kyi snyoms par 'jug pa'i dngos gzhis bsdus pa dang/ de bzhin du gzugs med pa'i snyoms par 'jug pa'i dngos gzhis bsdus pa dang/ 'jig rten las 'das pa'i nyan thos dang/ rang sangs rgyas kyi yid la byed pas bsdus pa dang/ 'jig rten las 'das pa'i byang chub sems dpa' i yid la byed pas bsdus pa'o/ /lhag mthong gi rnam par bzhag pa yang rnam pa lnga kho nas rig par bya ste/ ji snyed yod pa nyid dang/ ji lta ba bzhin du yod pa nyid dang/ mtshan ma las byung ba dang/ yongs su tshol ba las byung ba dang/ so sor rtog pa'o/ /'dod pa'i zag pa yang mdor bsdu na rnam pa lngas rnam par gzhag par rig par bya ste/ mnyam par ma bzhag pa'i sa pa'i dngos po las byung ba'i bag la nyal dang/ dge ba dang mi mthun pa dang/ nyes par spyod pa dang mthun pa dang/ 'dod pa la lhag par zhen pa dang/ 'gyur ba'i sdug bsngal gyi 'bras bu can gyi nyon mongs pa las 'dod pa'i zag par rig par bya'o/ /srid pa'i zag pa yang mdor bsdu na rnam pa lngas rnam par bzhag par rig par bya ste/ khams ngan par skye bar 'gyur ba'i nyon mongs pa gang yin pa dang/ khams par mar skye bar 'gyur ba dang/ khams bzang por skye bar 'gyur ba dang/ mi 'dod bzhin du srid pa skye bar 'gyur ba dang/ 'dod bzhin du srid pa skye bar 'gyur ba'i nyon mongs pa gang yin pa'o/ /thar pa log par 'dod pa rnams kyi ma rig pa'i zag pa yang mdor bsdu na rnam pa lngas rnam par bzhag par rig par bya ste/ 'du shes can du smra ba rnams kyi 'du shes su smra ba'i sgo nas 'jug pa'i ma rig pa gang yin pa dang 'du shes med par smra ba rnams dang/ 'du shes yod pa yang ma yin 'du shes med pa yang ma yin par smra ba rnams dang/ chad par smra ba rnams dang/ tshe 'di la mya ngan las 'da' bar smra ba rnams kyi sgo nas 'jug pa'i ma rig pa gang yin pa'o/ / bam po nyi shu rtsa gnyis pa/ /chos rnams kyi rab tu dbye ba'i tshul yang mngon bsdu na rnam pa lngar rig par bya ste/ 'di lta ste/ rtags dang/ ngo bo nyid dang/ las dang/ chos dang/ rgyu dang 'bras bu'o/ /de la rtags ni lus dang/ rgyu ba dang/ gnas opa las rig par bya'o// ngo bo nyid ni rang gi mtshan nyid dang bye brag gi mtshan nyid las reg par bya'o/ /las ni rang gi bya ba byed pa dang/ yang dag pa dang/ log par bsgrub pa las rig par bya'o/ /chos ni kun nas nyon mongs pa dang/ rnam par byad ba dang/ kun rdzob dang/ don dam pa'i bden pa las rig par bya'o/ /rgyu dang 'bras bu ni thag nye pa dang/ rgyang ring ba dang/ 'dod pa dang mi 'dod pa las rig par bya'o/ /bstan bcos ni gsum ste/ thos pa lhur len pa'i bstan bcos dang/ rtsod? pa lhur len pa'i bstan bcos dang/ sgrub pa lhur len pa'i bstan bcos so/ de la thos pa lhur len pa'i bstan bcos ni 'di lta ste/ bram ze'i gsang tshig rnams so/ /rtsod pa lhur len pa'i bstan bcos ni 'di lta ste/ 'di las phyi rol pa rnams kyi gtan tshigs kyi bstan bcos so/ /de la sgrub pa lhur len pa'i bstan bcos ni 'di lta ste sangs rgyas kyi bka' o/ /gzhan yang bstan bcos gsum ste/ 'di lta ste/ don med pa'i bstan bcos dang/ don log pa'i bstan bcos dang/ don dang ldan pa'i bstan bcos so/ /de dag kyang snga ma rnams dang ci rigs par sbyar bar bya'o/ /gzhan yang bstan bcos gsum ste/ ngan g.yo'i bstan bcos dang/ snying po med pa'i bstan bcos dang/ sdug bsngal las nges par 'byung ba'i bstan bcos so/ /de dag kyang snga ma rnams dang ci rigs par sbyar bar rig par bya'o/ /bstan bcos nye bar sbyor bar 'dod pa'i phyag bya bar 'os pa ni gnyis te/ de dag la phyag 'tshal nas bstan bcos brtsam par bya ste/ chos la gus pa la brten nas dang po bstan bcos mdzad pa'i ston pa dang/ don la gus pa la brten nas de'i don ston pa slob dpon rnams so/ /bstan bcos nye bar sbyor bar 'dod pas rgyu rnam pa drug gis bstan bcos nye bar sbyar bar 'os pa yin te/ chos kyi don mang du byas par 'gyur ro snyam pa dang/ sems can rnams la mos pa sna tshogs yod pa'i phyir de dag kha cig 'dis 'jug par 'gyur ro snyam pa dang/ don nyams pa dang rab tu nyams pa rab tu rnam par dbye bar bya ba'i phyir ro snyam pa dang/ don 'thor ba rnams bsdu bar bya ba'i phyir ro snyam pa dang/ don zab mo rnams gsal bar bya ba'i phyir ro snyam pa dang/ tshig 'bru mdzes pas mdzes pa bskyed par bya ba'i phyir ro snyam pa'o/ /bstan bcos nye bar sbyor bar 'dod pas bdag nyid yon tan bzhi dang sbyar nas bstan bcos nye bar sbyar bar bya ste/ sngon gyi slob dpon rnams la nga rgyal mi byed pa dang/ sems can rnams la snying rje che ba dang/ chos mthun pa pa rnams la byams pa dang/ bdag nyid mi sgrog pa'o/ /ji ltar na nga rgyal mi byed pa yin zhe na/ sngon gyi slob dpon rnams kyis kyang bstan bcos nye bar sbyar bar byas na bdag gis kyang ci'i phyir mi bya snyam pa de lta bu'i sems kyis bstan bcos nye bar sbyor bar mi byed kyi/ nga rgyal gyi khengs ba'i kun nas nyon mongs pa can gyi sems rnam par spangs nas bstan bcos nye bar sbyor bar byed pa yin no/ /ji ltar na sems can rnams la snying rje ba yin zhe na/ bstan bcos nye bar sbyar ba med na sems can gyi ris mang po dag 'di lta ste/ dge ba'i chos rnams las nyams pa dang/ yongs su nyams par 'gyur ba mthong ba dang/ yang gzhan dag skye ba dang rga ba zhes rgya cher 'byung bas nyen pa de dag gis kyang bstan bcos sbyar ba 'di la legs par bshad pa'i tshig gcig gis don kun shes shing de lta de ltar bsgrub par gyur na yang/ de ni de dag gi yun ring po'i don dang/ phan pa dang/ bde bar 'gyur ba yin no snyam pa de lta bu lo na'i dbang du byas nas bstan bcos sbyor bar byed pa yin no/ /ji ltar na chos mthun ba dag la byams pa yin zhe na/ bstan bcos sbyar ba med na chos mthun pa pa gzhan gyi don byed 'dod pa rnams 'di lta ste/ gzhan gyi don bya bas nyams pa dang/ yongs su nyams par yang dag par rjes su mthong bas de dag la byams pa kho na'i dbang du byas nas bstan bcos sbyor bar byed pa yin no/ ji ltar na bdag nyid mi sgrogs pa yin zhe na/ bdag la gzhan dag mkhas pa dang/ gsal ba dang/ yid gzhungs pa dang/ bstan bcos rnams byed pa dang/ don rnams rab tu brjod pa yin par yid ches par gyur na dad pa skye zhing dad pa'i dbang gis 'di lta ste/ rnyed pa dang bkur sti dag 'byung bar gyur na ci ma rung snyam pa de lta bu'i sems kyis bstan bcos sbyor bar mi byed kyi/ zang zing med pa'i sems kyis 'di lta ste/ bdag dang gzhan dag gi dge ba'i rtsa ba bskyed pa'i phyir bstan bcos sbyor bar byed pa yin no/ /de la de bzhin gshegs pas gsungs pa'i mdo sde rnams kyis don ji lta ba bzhin du rnam par 'grel ba ni mdo sde'i rgyan ces bya ste/ 'di lta ste/ dper na pad+ma kha ma phye ba ni ji ltar kha bye ba de ltar dga' bar byed pa ma yin pa'i phyir dang/ 'di lta ste/ dper na gser rdungs su ma byas pa ni ji ltar rdungs su byas pa de ltar dga' bar byed pa ma yin pa dang/ 'di lta ste/ dper na kha zas ma myangs pa ni ji ltar myangs pa de ltar dga' bar byed pa ma yin pa dang/ 'di lta ste dper na kun dga' ba'i phrin yig ma bklags pa ni ji ltar bklags pa de ltar dga' bar byed pa ma yin pa dang/ 'di lta ste dper na longs spyod 'du ba ma thob pa dag ni ji ltar thob cing bdag gir byas pa de ltar dga' byed pa ma yin pa de bzhin du/ de bzhin gshegs pas gsungs pa'i mdo sde rnams kyi don rnam par ma phye ba yang ji ltar rnam par phye ba de ltar dga' bar byed pa yin pas/ de'i phyir mdo sde'i rgyan ces bya'o/ /rtogs pa ni rnam pa bdun te/ yi ge'i rtog pa dang/ yi ge'i don rtogs pa dang/ 'dzin pa rtogs pa dang/ 'dzin pa'i don rtogs pa dang/ 'ching ba rtogs pa dang/ grol ba rtogs pa dang/ chos nyid rtogs pa'o/ /de la yi ge rtogs pa ni brtags pa las so/ /yi ge'i don rtogs pa ni ma brtags pa las so/ /de la 'dzin pa rtogs pa ni dbang po dang bcas pa'i rnam par shes pa rnam par gzhag pa 'am/ rnam par ma gzhag pa'i bden pa rtogs pa gang yin pa'o/ /'dzin pa rtogs pa ji lta ba bzhin du 'dzin pa'i don rtogs pa yang de bzhin no/ /de la 'ching ba rtogs pa ni mtshan ma'i 'chid ba 'am/ gnas ngan len gyi 'ching ba rtogs pa gang yin pa'o/ /gol ba rtogs pa ni de las bzlog par rig par bya'o/ /de la chos nyid rtogs pa ni chos gnas pa'i phyir 'di ltar chos nyid 'di ni gnas pa kho na ste/ dbang phyug las kyang ma yin rang bzhin dang skye sbu'i bye brag la sogs pa las kyang ma yin par rtogs pa gang yin pa'o/ /thos pa phun sum tshogs pa ni rnam pa bcur rig par bya ste/ 'di lta ste/ legs par ston pas bshad pa dang/ tshig dang yi ge gsal ba bshad pa dang/ ji snyed yod pa dang/ ji lta ba bzhin du yod pa'i don bshad pa dang/ sbyor ba thabs bla ba bshad pa dang/ sdug bsngal thams cad las nges par 'byin ba bshad pa ste/ lta bo de dag dang/ gzhan yang lnga ste/ klan ka tshol? ba'i bsam pa med pas nyan pa dang/ mya ngan las 'das par bsam bas nyan pa dang/ legs par nyan pa dang/ rab tu nyan pa dang/ ming dang tshig dang yi ge'i tshogs la brtan pa'i don legs par rtogs pas so/ /thos pa las byung ba'i sa'i rnam par gtan la dbab ba ste/ rnam par gtan la dbab pa'i gzhung lhag ma ni mi snang ngo/ / //bsam pa las byung ba'i sa'i rnam par gtan la dbab ba ni/ bsam ba ni mdor bsdu na rnam pa bzhi ste/ dngos po bsam pa dang/ yod pa dang med pa bsam pa dang/ rgyu dang 'bras bu bsam pa dang/ theg pa bsam pa'o/ de la dngos po bsam pa ni 'di lta ste/ dngos po drug las brtsams nas phung po dngos po nas dbang po'i dngos po'i bar dag go /de la yod pa dang med pa bsam pa ni 'di lta ste/ /sa'i dngos gzhir bstan pa bzhin no/ /de la rgyu dang 'bras bu bsam pa ni 'di lta ste/ rtag pa dang bcas dpyod pa dang bcas pa'i sar bstan pa bzhi no/ /de la theg pa bsam pa ni 'di lta ste/ nyan thos dang rang sangs rgyas dang byang chub sems dpa' sa rnams so/ /yang bsam pa ni rnam pa gnyis te/ nye bar bsam pa sems pa dang legs par bsam pa sems pa'o/ /de la nyes par bsam pa sems pa ni 'di lta ste/ sa'i dngos gzhir nag po'i phyogs kyis 'di lta ste/ 'di na la la bsam gyis mi khyab pa la sogs pa yongs su ma spangs par sems bar byed pa'o zhes bstan pa yin no/ /de las bzlog pa ni legs par bsam pa sems pa yin par rig par bya'o/ /nyes par bsam pa dang/ legs par bsam pa ji lta ba bzhin du/ chos ma yin pa dang ldan pa dang/ chos dang ldan pa dang/ 'dul ba ma yin pa dang ldan pa dang/ 'dul ba dang ldan pa dang 'phags pa ma yin pa dang/ 'phags pa dang/ mi dge ba dang/ dge ba dang/ bsten par mi bya ba dang/ bsten par mi bya ba dang/ ma legs pa dang/ legs pa dang/ nag po dang/ dkar po dang/ don dang mi ldan pa dang/ don dang ldan par ngan pa dang/ gya nom pa dang/ kha na ma tho ba dang bcas pa dang/ kha na ma tho ba med pa dang/ yongs su spang bar bya ba dang/ yongs su spang bar bya ba ma yin pa yang de bzhin no/ /de la bcom ldan 'das kyi 'di na 'phags pa nyan thos ni yod pa yang yod par/ med pa yang med par shes so zhes gang gsungs pa de la/ 'dir yod pa ni gang yin med pa ni gang yin zhe na/ mdor bsdu na rnam pa gnyis kyis yod pa ni yod par rig par bya ste/ gnyis gang zhe na/ skyes pa byung ba da ltar yod pa gang yin pa de ni yod pa yin par rig par bya ba dang/ rdzas dang dngos po dang don las yongs su grub pa gang yin pa de yang yod pa yin par rig par bya'o/ /mdor na rdzas su yod par rig par bya ba ni gang/ btags pa'i yod pa yin par rig par bya ba ni gang zhe na/ gang ci yang rung ste de las gzhan pa dag la mi ltos shing de las gzhan pa dga' mi brten par rang gi mtshan nyid 'dogs par byed pa de ni mdor na rdzas su yod pa yin par rig par bya'o/ /gang ci yang rung ste/ nga las gzhan pa dag la bltos shing de las gzhan pa dge la brten nas ngang gi mtshan nyid 'dogs par byed pa de ni mdor na brtags pa'i yod pa yin par rig par bya'i/ /rjes su yod pa ni ma yin te/ 'di lta ste/ gzugs la sogs pa'i phung po'i ming can gyi dngos po la brten cing bltos te/ gnas nas bdag ces bya ba 'am/ sems can zhes bya bar rgya cher nye bar 'dogs par byed pa'o/ /de la gzugs la sogs pa'i phung po'i ming can gyi dngos po ni rdzas su yod pa yin pa'o/ /sems can dang srog dang skye ba po rdzas su med pa ni btags pa'i yod pa zhes bya'o/ /gzugs la sogs pa'i phung po'i ming can gyi dngos po la bdag la sogs pa nye bar 'dogs pa bzhin du/ gzugs la sogs pa'i ming can gyi dngos po kho na la phung po la sogs pa'i nyes par 'dogs pa dang/ gzugs dang dri dang ro dang reg pa dge la bza' ba dang khur? ba dang/ bzhon pa dang/ gos dang/ rgyan dang/ khang khyim dang/ dmag dang/ nags tshal la sogs pa nye bar 'dogs pa dang/ 'dus byas kyi ming can gyi dngos po la skye ba dang/ rga ba dang/ gnas pa dang/ mi rtag pa dang/ sa bon dang rnam par rig byed dang/ rnam par rig byed ma yin pa dang/ thob pa dang/ 'thob pa ma yin pa dang/ srog gi dbang po dang/ ris mthun pa dang/ ming gi tshogs dang/ tshig gi tshogs dang/ yi ge'i tshogs rnams dang so so'i skye bo nyid dang/ tshogs pa dang ma tshogs pa dang/ 'jug pa so sor nges pa dang/ sbyor ba dang/ mgyogs pa dang/ go rims dang/ dus dang yul dang grangs nye bar 'dogs pa dang/ gzugs kyi 'jug pa med pa tsam la gnas te bltos shing brten nas nam mkha' zhes nye bar 'dogs te nam mkha' 'dus ma byas zhes gdags pa dang/ de'i mjug thogs su ming gi 'jug pa tsam la gnas te bltos shing brten nas/ 'du shes med par snyoms par 'jug pa dang/ 'gog pa'i snyoms par 'jug pa nye bar 'dogs shing gdags par byed pa yang de dang 'dra'o/ /'thad pas sgrub pa'i rigs pa las brtsams te/ gang gi bdag rdzas su med do zhes khong du chud par bya ba 'di la rigs pa brjod pa gang zhe na/ 'di ltar mi dmigs shing mi snang ba'i phyir ro/ /ji ltar mi dmigs she na/ phung po la ma gtogs pa nang dam phyi rol lam gnyi ga med par yang mi dmigs so/ /ji ltar mi snang zhe na/ ji ltar mig la sogs pa'i skye mched rdzas su yod pa dag rang rang gi las la snang ba de ltar bdag ni rang gi las la mi snang ngo/ /de ltar na bdag ni rang gi mtshan nyid las mi dmigs pa'i phyir dang/ rang gi las la mi snang ba'i phyir rdzas su med pa kho nar khong du chud par bya'o/ /gal te de ltar bdag mi dmigs shing mi snang ba yin na/ ci'i phyir gzhan mu stegs can kun tu rgyu dag gis dmigs shing mthong ste/ des na rdzas su yod do zhes 'dod par byed ston par byed/ 'dogs par byed ce na/ smras pa/ mi dmigs shing mi mthong mod kyi/ 'on kyang 'jigs tshogs la lta ba dang/ nga'o snyam pa'i nga rgyal la brtan nas log par rtog par byed cing /log par yongs su brtags nas byang tshul bzhin ma yin pas 'dod par byed ston par byed 'dogs par byed par zad do/ /de la ji ltar na bdag med pa'i phyir dang/ yod pa ma yin pa kho na'i phyir dmigs shing mi snang bar khong du chud par bya zhe na/ bdag yod na ring du pha rol tu song yang rung rnam pa bzhis rtog par 'gyur te phung po tsam 'am/ phung po rnams las gzhan te phung po rnams la gnas pa 'am/ phung po tsam yang ma yin phung po rnams las gzhan te/ phung po rnams la gnas pa yang ma yin mod kyi 'on kyang phung po rnams las gzhan pa phung po rnams las don gzhan du gyur pa'i chos gang dag yin pa de dag la gnas pa 'am/ phung po tsam yang ma yin phung po rnams las gzhan te phung po rnams las gnas pa yang ma yin phung po rnams las gzhan pa phung po las don gzhan du gyur pa'i chos gang d ag yin pa de dag la gnas pa yang ma yin mod kyi 'on kyang phung po med pa phung po'i chos thams cad dang mi ldan pa zhig drang ste bdag yod pa nyid las brtsams nas rtog par 'gyur ba ni rnam pa bzhi po de dag las gong nas yang med la de las lhag par yang med de/ bdag rdzas su yod pa nyid ni rnam pa thams cad kyis mi rung ngo/ /de ci'i phyir zhe na/ gal te bdag phung po tsam zhig yin na ni phung po rnams las gzhan ma yin te/ bdag phung po rnams la gdags pa tsam du zad par de ltar 'gyur ba'i rigs na/ 'di ltar phung po rnams ni mi rtag pa dang rang gi mtshan nyid gzhan dang ldan pa yin te/ de'i phyir de mi 'thad de/ gal te bdag phung po rnams las gzhan pa zhig yin na ni/ de yang mi rtag pa 'am/ rtag pa zhig yin gang na/ gal te mi rtag na ni skad cig re re la bdag gzhan skye zhing gzhan 'gag par 'gyur te/ 'dir gzhan 'chi zhing der gzhan skye ba dang/ gzhan byed cing gzhan gyis myong ba de ltar 'gyur ba'i rigs na/ phung po rnams las gzhan pa'i bdag skye zhing 'gag pa ni nang ngam phyi rol lam gnyi ga med par yang ci yang mi dmigs te/ de'i phyir de mi 'thad do/ /gal te rtag na ni rtag pa'i mtshan nyid ni 'di yin te/ 'gyur ba med pa gang yin pa'o/ /bdag de 'gyur ba med pa yin/ rgyu gnyis kyis 'gyur ba mi rung ste/ phyi ma la yang mi rung ba dang/ tshe 'di nyin? la yang mi rung ba'o/ /bdag 'gyur ba med pa yin na phyi ma la yang skye bar mi 'gyur rga bar mi 'gyur 'chi bar mi 'gyur bas/ res 'ga' lhar skye ba dang/ res 'ga' mi dang/ res 'ga' dud 'gro dang res 'ga' yi dags dang/ res 'ga' sems can dmyal bar skye bar 'gyur ba yang mi rung ngo/ /'gyur ba med pa yin na tshe 'di la yang yul 'dod pa dang mi 'dod pa dag gis bde bar yang mi 'gyur/ sdug bsngal bar yang mi 'gyur/ chags par yang mi 'gyur sdang bar yang mi 'gyur rmongs par yang mi 'gyur te/ mdor na bde ba dang/ sdug bsngal bdag dang/ nyon mongs pa dang/ nye ba'i nyon mongs pa gang yang rung ba dag gis kyang 'gyur bar mi byed do/ /de de ltar 'gyur ba med cing tshe phyi ma dang/ tshe 'di la bde bas phan 'dogs pa med na/ de dang 'brel ba'i nyon mongs pas kyang nye bar mi 'gyur la/ gzhi des chos dang chos ma yin pa spyod bar yang mi 'gyur ro/ /de sdug bsngal bas gnod pa med na yang/ de dag 'brel ba'i nyon mongs pas kyang nye bar nyon mongs par mi 'gyur la/ gzhi des chos dang chos ma yin pa spyod par yang mi 'gyur ro/ /de ltar tshe 'di la chos dang chos ma yin pa dang mi ldan pa de/ phyi ma la yang gang las brten nas de rtag bzhin du de'i so so'i bdag gi lus mi rtag pa 'gyur ba las gyur pa phyi ma la skye ba dang rga ba dang na ba dang 'chi ba la sogs pas 'gyur bar rtog pa'i 'dod pa dang mi 'dod pa'i lus kyang rgyu med pa la 'grub par mi 'gyur ro/ /de lta na bdag 'di so so'i bdag dang lus las skye ba yang med la rga ba dang na pa dang 'chi ba dang bde ba dang sdug bsngal ba dang nye bar nyon mongs pa yang med pas gtan grol ba kho nar 'gyur bas de'i phyir yang de mi 'thad do/ /gal te phung po rnams las gzhan pa rnams las don gzhan du gyur pa'i chos gang dag yin pa de dag la bdag gnas so zhe na/ des na phung po las don gzhan du gyur pa'i chos de dag ni rang gi mtshan nyid kyis mi dmigs na de dag la bdag gnas par lta ga la 'gyur te/ 'di lta ste/ dper na la la zhig 'di skad ces mo gsham gyi bu'i mgo la nam mkha' i me tog gi phreng ba bcings pa bdag gis mthong ngo zhes zer ba de dang 'dra bar 'di yang rtogs par bya ste/ de'i phyir de yang mi 'thad do/ /gal te bdag thams cad kyi thams cad du phung po thams cad dang mi ldan pa'i phyir phung po med pa yin par 'gyur na/ de phung po med pa yin pas gzugs can yang ma yin la/ lus dang yang mi ldan bde ba dang sdug bsngal ba dag dang yang mi ldan/ ming mang po rnam pa sna tshogs dang yang mi ldan/ dge ba dang mi dge ba dang lung du ma bstan pa'i sems pa dang yang mi ldan/ gzugs la sogs pa'i yul la yongs su longs spyod pa'i phyir yid kyi rnam par rtog pa dag dang yang mi ldan pas/ de ltar na bdag ni lus med pa dang/ tshor ba med pa dang/ ming med pa dang/ sems pa med pa dang/ rnam par rtog pa med par 'gyur te/ da ltar na kun nas nyon mongs pa can ma yin pas bdag ni tshegs chung ngus grol ba nyid du 'gyur te/ de'i phyir de yang mi 'thad do/ /gang gi phyir de ltar dang brtag pa rnam pa thams cad kyis brtags na mi 'thad pa de'i phyir bdag ni phung po rnams la gdags pa tsam du thad kyi rdzas su med par khong du chud par bya'o/ /gang gi phyir de ltar bdag ni med la phung po tsam ni yod na yang kun nas nyon mongs pa dang/ rnam par byang ba'i rang bzhin rung bar 'gyur te/ 'di lta ste nang dang phyi rol gyi skye mched byung zhing skyes pa yod na tshe 'di la ma rig pa'i 'dus te reg pa las byung ba'i tshor ba lus la phan 'dogs pa dang/ gnod pa byed pa 'byung bar 'gyur la/ de'i rkyen gyis phrad pa dang/ 'bral bar sred pa dang/ de dang 'brel ba'i nyon mongs ba dang nye ba'i nyon mongs pa rnams 'byung bar 'gyur zhing/ de'i don du dge ba dang mi dge ba'i las kyi 'jug pa yang snang la da ltar nyon mongs pa dang las grub na phyi ma la skye ba dang rga ba la sogs pa yang 'byung ba'i sdug bsngal gyi chos rnams kyang 'byung bar 'gyur te/ de ltar na re zhig phung po rnams mi rtag cing bdag med kyang kun nas nyon mongs par 'gyur ro/ /gzhan gyi sgra'i rgyu las byung ba dang/ bdag nyid kyi tshul bzhin yid la byed pa'i rgyu las byung bas ma rig pa 'gag cing rig pa skye bar 'gyur bas/ rmongs pa med pa tshor ba thams cad sdug bsngal las so sor rtogs pa de'i tshor ba rnams la sred pa de dang 'brel pa'i nyon mongs pa gang yin pa de yang spong bar 'gyur la/ bzhi des yang 'byung ba 'phel bar byed pa'i las dge ba dang/ mi dge ba yang 'byung bar mi 'gyur te/ de ltar las dang nyon mongs pa spangs pa'i phyir yang 'byung ba skye ba la sogs pa'i sdug bsngal dang bcas te 'byung bar mi 'gyur ro/ /gzhi des yang 'byung ba 'phel bar byed pa'i las dge ba dang/ mi dge ba yang 'jug par mi 'gyur te/ de ltar las dang nyon mongs pa spangs pa'i phyir yang 'byung ba skye ba la sogs pa'i sdug bsngal dang bcas te 'byung bar mi 'gyur ro/ /de ltar na bdag med cing phung po tsam yod na kun nas nyon mongs pa dang/ rnam par byang ba rung bar 'gyur ro/ /de la sems can du gdags pa ni 'di yin/ 'di lta ste/ sems can rkang med dang/ rkang gnyis pa dang/ rkang bzhi pa dang/ rkang mangs rnams dang/ sems can gzugs can rnams dang/ sems can gzugs can ma yin pa rnams dang/ sems can 'du shes can rnams dang/ sems can 'du shes med pa rnams dang/ sems can 'du shes yod pa yang ma yin 'du shes med pa yang ma yin pa'i skye gnas su skyes pa rnams so/ /de la sems can du gdags pa rnam pa dgu pa de dag thams cad ni mdor bsdu na rgyu gsum gyis rig par bya ste/ 'gro ba dang/ ldog pa dang/ lus g.yo ba'i rab tu dbye bas ni rkang med rnams nas rkang mangs kyi bar dag gi rnam par bdag par rig par bya'o/ /lus kyi rab tu dbye ba ni sems can gzugs can dang gzugs can ma yin pa rnams kyi gdags par rig par bya'o/ /sems kyi rab tu dbye bas ni sems can 'du shes can dang/ 'du shes med pa dang 'du shes yod pa yang ma yin 'du shes med pa yang ma yin pa'i skye gnas su skyes pa rnams kyi gdags par rig par bya'o/ /rab tu byung ba gcer bu pa zhes bya ba yod de/ de nang gi tshes srog dang ldan par bgrang ba rnams kyi skye ba dang mthun pa nyid du yang dag par rjes su mthong nas/ 'di skad ces shing ljon pa rnams la yang srog yod do zhes zer ro/ /de la 'di skad ces brjod par bya ste/ ci shing ljon pa rnams kyi skye ba gang yin pa de srog gi rgyu las byung ba yin nam/ 'on te de las gzhan pa'i skye pa'i rgyu las byung ba yin par 'dod/ gal te srog gi rgyu las byung ba yin na ni nges na de dag gi srog nyid ldog par mi 'gyur pa'i phyir nam yang mi skye ba mi 'gyur bas mi rung ngo/ /gal te nga las gzhan pa'i skye ba'i rgyu la 'gyur ba yin na ni nges na srog nying mang par rang gi rgyus skye bar yin pas mi rung ngo/ /de la 'di skad ces kyang brjod par bya ste/ ci srog med pa'i dngos po rnams kyi mi skye ba rgyu dang bcas par brjod dam/ 'on te rgyu med par brjod par 'dod/ gal te rgyu dang bcas par brjod du ni rgyur brjod pa mi dmigs pas mi rung ngo/ /gal te rgyu med par brjod na ni/ rgyu med par brjod pas so/ /de lta bu yin par mi rung ngo/ /de la 'di skad ces kyang brjod par bya ste/ ci shing ljon pa rnams dang srog rnams gcig tu mthun pa yin nam/ 'on te gcig tu mthun pa ma yin par 'dod/ gal te gcig tu mthun pa yin na ni nges na shing ljon pa rnams ni sa'i 'og tu nub pa dang sa'i steng du skye ba dang/ rang gi lus kyis mi g.yo ba dang/ brjod na yang mi brjod pa dang/ lags par byas pa ngad nyes par byas pa'i las la 'jug par yang mi snang ba dang/ yal ga dang yal ga gyes pa dag bcad na yang de las gzhan pa dag tu skye bas mi rung ngo/ /gal te gcig tu mthun pa ma yin na ni des na mthun na ni srog yod par mi mthun par ni srog med par 'gyur bas mi rung ngo/ /de ltar na skye ba'i rgyu de las gzhan pa yod pa 'am/ med pa dang/ srog med pa rnams kyi mi skye ba'i rgyur brjod pa yod pa 'am/ med pa dang/ gcig tu mthun pa 'am mi mthun pas kyang mi rung ngo/ /ci'i phyir gzugs dang dri dang ro dang reg bya de lta de ltar so sor gyur pa dag la bza' ba dang btung ba dang/ bzhon pa dang/ gos dang/ rgyan la sogs pa'i ming du btags pas gang yin pa de dag btags pa'i yod pa yin par rig par bya zhe na/ 'di ltar de dag gi ming ni gzugs la sogs pa'i ming 'dus pa la lar ni 'byung la/ la lar ni ldog ste/ gzugs la sogs pa'i ming 'dus pa gang la bza' ba'i ming 'gyur ba de la btung ba'i ming ldog la/ gang la btung ba'i ming 'byung ba de la gos kyi ming ldogs pa dang/ lhag ma dag la yang brdar btags pa'i ming de dag gi 'jug pa dang ldog pa de bzhin du rig par bya'o/ /gzugs dang dri dang ro dang reg pa dag gi ming ni bza' ba dang btung ba dang/ gos dang/ rgyan la sogs pa'i ming gi dngos po thams cad la khyad par med par 'byung bas/ de'i phyir bza' ba dang btung ba dang bzhon pa dang gos dang rgyan la sogs pa ni btags pa'i yod pa yin la/ gzugs dang dri dang ro dang reg bya dag ni rdzas su yod pa yin par rig par bya'o/ /btags pa'i yod pa'i chos rnams la brten pa'i ming rnam pa du ma mang po sna tshogs de dag kyang mdor bsdu na rnam pa gnyis su rig par bya ste/ 'dus pa gcig la brten pa dang/ 'dus pa du ma la brten pa'o/ /bza' ba dang/ btung ba dang/ bzhon pa dang/ gos dang/ rgyan la sogs pa so sor ba la brten pa ni 'dus pa gcig la brten pa yin no/ /ri mo'i las dang 'jim pa'i las dang/ khang khyim dang gzhal med khang dang dmag dang nags tshal la sogs pa la brten pa ni 'dus pa du ma la brten pa yin no/ /de la chos gzugs can rnams gang zhe na/ mdor bsdu na skye mched gzugs can bcu dang/ chos kyi skye mched du gtogs pa'i gzugs te/ gzugs kyi rang gi mtshan nyid dang ldan pa yin bas de la de nyid nye bar gzugs pa byas nas chos gzugs can rnams zhes bya'o/ /chos gzugs can de dag gi rab tu dbye ba ni rnam pa lngas rnam par gzhag ste/ lnga gang zhe na/ dngos po dang/ rang gi mtshan nyid dang/ spyi'i mtshan nyid dang/ khams dang/ las kyis so/ /de la gzugs kyi dngos po ni mdor bsdu na gzugs gang yin pa ci yang rung ste/ de thams cad 'byung ba chen po bzhi dag dang/ 'byung pa chen po bzhi dag rgyur byas pa'o zhes bya ba de yin par rig par bya ste/ de las gong na yang med la de las lhag ba yang med do/ /gzugs kyi rang gi mtshan nyid ni rnam pa gsum ste/ dad pa dang dad ba'i gzung ba dang/ yid kyi gzung ba'o/ /de la 'byung ba chen po bzhi rgyur byas pa mig la sogs pa'i skye mched du gtags pa rnam par shes pa lnga'i rten gyi gzugs dang ba rnam pa lnga ni gzugs dang ba zhes bya'o/ /mtshungs pa'i gzugs dang ba lnga po dag gi yul gzugs la sogs pa yul lnga po dag ni dad bas gzung ba'i gzugs zhes bya'o/ /de la rnam par shes pa dang bcas pa'i gzugs dang ba rnams ni rnam par shes pa rnams dang yul mtshungs pa'i phyir mtshungs pa rnams zhes bya'o/ /rnam par shes pa dang bral ba gang dag yin pa de dag ni rim gyis rang gi rgyun dang 'dra bar 'byung ba'i phyir de dag dang mtshungs pa rnams zhes bya'o/ /ting nge 'dzin gyi spyod yul gyi gzugs brnyan gyi gzugs ni yid kyi spyod yul gyi gzugs zhes bya'o/ /spyi'i mtshan nyid kyang rnam pa gsum du rig par bya ste/ gzugs thams cad ni yul mnan te gnas pa dang/ yul las rtag tu rung ba yin no zhes bya ba ni spyi'i mtshan nyid dang po yin no/ /dad ba'i gzugs dang dad pa'i gzung ba'i gzugs 'phel ba dang 'grib pa dang ldan pa thams cad ni spyi'i mtshan nyid gnyis pa yin no/ /lag pa'i 'dus te reg pa bong ba dang dbyug pa dang mtshon cha dang grang ba dang dro ba dang bkres pa dang skom pa dang sha sbrang dang sbrang bu mchu rings dang rlung dang nyi ma dang sdig sprul gyi 'dus te reg pa'i reg pa dag gis reg bar byar rung ba de dag thams cad ni spyi'i mtshan nyid gsum pa yin par rig par bya'o/ /de la mnyam par bzhag pa'i sa pa'i gzugs la sred pa dang las kyis mngon par bsgrubs pa'i gzugs gang yin pa de ni gzugs na spyod pa'i gzugs yin par rig par bya'o/ /mnyam par ma bzhag pa'i sa pa'i gzugs la sred pa dang las kyi mngon bar bsgrubs ba'i gzugs gang yin pa de ni 'dod pa na spyod pa'i gzugs zhes bya'o/ /khams las gzugs kyi rab tu dbye ba ni mdor bsdu na rnam pa gnyis po dag yin te/ gzugs med pa na spyod pa rnams la ni gzugs med do/ /de la gzugs kyi spyi'i mtshan nyid 'di lta ste/ lag pa dang bong ba la sogs pa'i 'dus te reg pa dag gis reg pa byar rung ba gang yin pa'i spyi'i mtshan nyid de ni thams cad du 'gro ba ma yin te/ 'dod pa na spyod pa'i lha rnams ma gtogs bad las gzhan pa'i 'dod pa'i khams na ni thams cad du 'gro ba yin no/ /'dod pa na spyod pa'i lha rnams kyi gzugs gang yin pa de ni lag pa dang dbyug pa dang mtshon cha'i 'dus te reg pa dag gis reg na gnod par ni 'gyur mod kyi/ grang ba dang tsha ba dang bkres ba dang skom ba la sogs ba'i 'dus te reg ba ni ma yin te/ de dag gi bza' ba dang btung ba la sogs pa yo byad thams cad ni 'dun pa bskyed pa tsam gyis legs par 'grub par 'gyur bas/ de'i phyir de dag la bkres pa dang skom pa dag 'byung yang gnod par mi 'gyur ro/ /gzugs na spyod pa'i gzugs ni lag pa dang dbyug pa dang mtshon cha'i 'dus te reg pa dag gis kyang reg na yang gnod par mi 'gyur la/ de las gzhan pa'i 'dus te reg ba dag gis kyang gnod bar mi 'gyur ro// lus kyi las dang ngag gi las dge ba dang mi dge ba dang lung du ma bstan pa gzugs can ni gzugs zhes bya ste/ de ltar na de ni las las gzugs kyi rab tu dbye ba rnam bar bzhag ba yin bar rig bar bya'o/ /chos gzugs can ma yin pa rnams kyi rab tu dbye ba ni de las gzugs? pa rnam ba lnga po dag nyid kyis rnam par gzhag par rig par bya'o/ /gzugs 'dus ba ni gzugs 'dus pa rnam bar gzhag pa las mdor bsdu na rnam pa gnyis te/ ma 'dres pa'i 'byung ba las gyur pa dang/ ma 'dres pa ma yin ba'i 'byung ba las gyur pa'o/ /de la ma 'dres pa'i 'byung ba las gyur ba ni gang la 'byung ba chen po gcig kho na dmigs pa yin no/ /ma 'dres pa ma yin pa'i 'byung ba las gyur pa ni gang la 'byung pa chen po gnyis sam de bas lhag pa dmigs ba dmigs pa yin no/ /de la ma 'dres pa'i 'byung ba las gyur pa'i gzugs 'dus pa la ni rdul phra rab ma gtogs par 'byung ba rnams 'dres shing dbyer med ba yin bar rig bar bya ste/ /'byung ba rnams kyi phyogs gcig dbyer med pa ni med pa'i phyir ro/ /ma 'dres pa ma yin ba'i 'byung ba las gyur pa'i gzugs 'dus pa la ni rdul phra rab gang yin pa de rgyur byas pa'i gzugs bzhin du de las gzhan pa'i 'byung ba chen po rnams dang/ phyogs gcig? dbyer med pa yin par rig par bya ste/ 'byung ba chen po de dag kyang rgyur byas pa'i gzugs nyid du mi 'gyur te/ gcig la gcig brten cing 'jug pa nyid ma yin pa dang/ yul tha dad pa gnon pa'i mthu yod pa'i phyir ro/ /de las 'byung ba dang 'byung ba las gyur pa rnams ni phyogs gcig dbyer med pa yin par blta bar bya ste/ 'di lta ste/ dper na nor bu 'od sngon po dang ser po dang dmar po dang/ dkar po dang ldan pa za ma tog tu bcug pa rnams kyi 'od sna tshogs dag don 'dres shing dbyer med pa dang 'dra bar dpe'i don yang snga ma bzhin du rig par bya'o/ /yang til dang sran chung dang/ mon sran gre'u la sogs pa dang/ phye ma zhib mo rnams dang/ sbrang rtsi dang bu ram la sogs ba bsres ba'i bsdus ba'i 'dus pa gang yin pa de ni phyogs gcig dbyer med pa yang ma yin la/ 'dres pa'i dngos pos dbyer med pa yang ma yin par blta bar bya ste/ 'on kyang 'dus pa de ni sbyor bas dbyer med pa dang/ mang po 'dus pa las byung ba yin bas 'dus pa gcig gi mtshan nyid ma yin no/ /de la gzhan pa ni 'dus pa gcig gi mtshan nyid yin par blta bar bya ste/ phyogs gcig dbyer med pa la brten ba ni 'dres ba'i dngos po dbyer med bar yang blta bar bya ste/ gzhan du na de mi rung ba'i phyir ro/ /de la chos bstan du yod ba rnams kyi rab tu dbye ba yang rnam pa lnga kho nas rnam par bzhag ste/ lnga gang zhe na/ 'di lta ste/ kha dog dang dbyibs dang/ rnam par rig byed dang/ mig gi yul dang/ mig gi rnam par shes pa'i dmigs pas so/ /chos bstan du med pa rnams kyi rab tu dbye ba yang de las zlog pa rnam pa lnga kho nas rnam par bzhag par rig par bya'o/ /de la chos thogs pa dang bcas pa rnams kyi rab tu dbye ba yang rnam pa lnga kho nas rnam par bzhag ste lnga gang zhe na/ yul mnan te gnas ba dang/ de las gzhan pa'i gzugs 'dus pa 'gro ba'i go skabs la sgrib pa dang/ lag pa dang bong ba dang dbyug pa la sogs pa'i 'dus te reg pa dag gis gzugs su rung ba dang/ dad ba'i gzugs thams cad kyi gzung ba yin pa dang/ dad ba'i gzugs la brten pa'i rnam par shes pa thams cad kyi dmigs pa yin bas so/ /chos thogs pa med pa rnams kyi rab tu dbye ba yang de las bzlog pa rnam pa lnga kho nas rnam par bzhag par rig par bya'o/ /de la chos bstan du med pa thogs pa med pa rnams kyi rab tu dbye ba yang rnam pa lnga kho nas rnam par gzhag par rig par bya ste/ lnga gang zhe na/ rgyu dang/ yul gnon pa dang/ snang ba dang/ 'gyur ba med pa dang/ dmigs pas so/ /de la mthu dang ldan pa'i ting nge 'dzin dang ldan pa'i gzugs la mos ba ni bstan du med la thogs pa med pa'i gzugs skye ba'i rgyu zhes bya'o/ /de skyes na yul na gnas par snang bas de'i phyir gzugs zhes bya ste/ de skye mched gzugs can bcu'i rang gi mtshan nyid dang ldan pa ni ma yin no/ /de'i ngo bo nyid du snang yang/ de las gzhan pa'i gzugs 'dus pa 'gri ba'i las kyi go skabs la yang sgrib par mi gnas la/ dad ba'i gzugs thams cad dang/ de la brten pa'i rnam par shes pa rnams kyi yul yang ma yin/ dmigs pa yang ma yin bas/ de'i phyir bstan du med la thogs pa med pa zhes bya'o/ /lag pa la sogs pa'i 'dus te reg pa dag gis gnod par byar med pas/ de'i phyir gyur pa med pa zhes bya'o/ /dngos gzhi'i ting nge 'dzin ni mthu dang ldan pa'i ting nge 'dzin ces bya ste/ gzugs de ni de'i dmigs pa yin gyi gzhan ni ma yin no/ /'di lta ste/ dper na/ sems thams cad kyis sprul pa sprul par mi nus kyi sems gang mthu dang ldan pa des sprul par nus pa de bzhin du mnyam par gzhag pa'i sems mthu dang ldan pa de la brten nas/ bstan du med la thogs pa med pa'i gzugs de/ sprul ba lta bur 'byung zhing de nyid de'i dmigs pa yin gyi/ mnyam par ma bzhag pa mthu dang mi ldan pa las ni ma yin no/ /chos bstan du yod la thogs pa dang bcas pa rnams kyi rab tu dbye ba yang de las bzlog pa rnam pa lnga kho nas rnam par bzhag par rig par bya'o/ / //bam po nyi shu rtsa gsum pa/ /de la chos zag pa dang bcas pa rnams kyi rab tu dbye ba yang rnam pa lta kho nas rnam par bzhag ste/ lnga gang zhe na/ gzhi dang bag la nyal dang mtshungs par ldam ba dang/ dmigs pa dang/ mngon par skye bas so/ /chos zag pa dang bcas pa rnams kyi gzhi gang zhe na dad ba'i gzugs dang de dang 'brel pa dang/ ma 'brel ba'i phyi rol gyi gzugs dang/ sems dang sems las byung ba'i chos nyon mongs pa can dang nyon mongs pa can ma yin pa rnams dang/ sems can sems las byung ba'i chos dge ba dang mi dge ba dang/ lung du ma bstan pa rnams so/ /de ltar zag pa dang bcas pa'i gzhi de ni rnam pa bzhin po bag la nyal dang mtshungs par ldan pa dang/ dmigs pa dang mngon par skye ba dag gis ci rigs par zag ba dang bcas pa yin par rig par bya'o/ /de la dang ba'i gzugs dad pa sems dang sems las byung ba'i chos ji skad bstan pa thams cad la nyon mongs pa'i sa bon yang dag par ma bcom pa dang ma spangs ba gang yin pa de ni bag la nyal zhes bya ste/ gnas ngan len kyang de yin no/ /de'i phyir ji skad du de ma lus par ma spangs pa'i bar du nges na de dag bag la nyal las zag pa dang bcas ba zhes bya'o/ /sems dang sems las byung pa'i chos nyon mongs pa can gang dag yin pa de dag ni mtshungs par ldan pa las kyang zag pa dang bcas pa zhes bya'o/ /mngon sum gyi spyod yul dang/ zag pa dang bcas pa'i dbang gis byung ba gang yin pa de ni zag pa'i dmigs pa las zag pa dang bcas pa zhes bya'o/ /de la da ltar gang yin pa de ni yod pa yin la 'das pa dang ma 'ongs pa gang yin pa de ni med pa yin no/ /dad ba la brten pa'i rnam par shes pa'i spyod yul gang yin pa de ni mngon sum gyi spyod yul yin la de las gzhan ba gang yin pa de ni mngon sum gyi spyod yul ma yin par rig par bya'o/ /zag pa dang bcas pa'i dbang gis byung ba 'di lta ste/ nag gi skye mched kyi dbang gis phyi rol gyi skye mched dag byung ba gang yin pa de yang de 'di no gas? pa kho na las zag pa dang bcas pa yin bar rig par bya'o/ /'di ltar nyon mongs pa gang 'das pa dang ma 'ongs pa la dmigs nas byung ba'i 'das pa dang ma 'ongs pa de ni med pa'i phyir dmigs pa las zag pa dang bcas pa zhes mi bya'o/ /da ltar gyi dngos po yin yang mngon sum gyi spyod yul ma yin pa yang yod de/ 'di lta ste/ dad pa'i gzugs dang/ sems dang sems las byung ba'i chos nyon mongs pa can dang/ dge ba dang lung du ma bstan pa thams cad do/ /de dag kyang nyon mongs pa'i dmigs pa las zag pa dang bcas pa zhe ni mi bya ste/ 'di ltar rang gis yongs su brtags pa'i mtshan mas de la nyon mongs pa 'byung ba de'i phyir te/ chos de gsal bar de'i spyod yul du gyur ba ni ma yin no/ /de la mngon par skye ba las zag pa dang bcas pa ni 'di lta ste/ bag la nyal yang ma spangs shing/ nyon mongs pa'i gnas dang mthun pa'i yul yang snang bar gyur la/ de la tshul bzhin ma yin pa yid la byed pa yang nye bar gnas par gyur na/ rgyu dang rkyen des chos gang la la skye ba 'am skyes pa 'am/ skye bar 'gyur ba de dag thams cad ni mngon par skye ba las zag pa dang bcas pa yin par rig par bya'o/ /gzhan yang mi dge pa'i nyon mongs pa dag las rnam par smin pa dang/ rnam par smin pa'i dbang gis 'bras bu'i phyi rol gyi dngos po gang dag mngon par 'grub par 'gyur ba de dag thams cad kyang mngon par skye ba las zag pa dang bcas pa yin par blta bar bya'o/ /gzhan yang lung du ma bstan pa'i nyon mongs pa gzugs dang gzugs med pa dang ldan pa dag gis der nying mtshams sbyor ba gang yin pa de yang nying mtshams sbyor zhing mngon par skye ba las zag pa dang bcas pa yin par rig par bya'o de ltar na chos zag pa dang bcas pa rnams kyi rab tu dbye ba ni rnam pa lnga po gzhi dang bag la nyal dang/ mtshungs bar ldan pa dang/ dmigs pa dang skye ba kho nas rnam par gzhag par rig par bya'o/ /de la chos zag pa med pa rnams kyi rab tu dbye ba yang rnam pa lnga kho nas rnam par bzhag ste/ lnga gang zhe na/ kun nas dkris pa dang bral ba'i phyir zag pa med pa zhes bya ba'i chos dag kyang yod de/ 'di lta ste/ dge ba dang lung du ma bstan pa'i sems dang sems las byung ba thams cad kyi gnas dang/ dmigs pa'i gzugs dang/ dge ba dang lung du ma bstan pa'i sems dang sems las byung ba'i chos rnams so/ /bag la nyal spangs pa'i phyir zag pa med pa zhes bya ba'i chos dag kyang yod de/ 'di lta ste/ mthong ba dang/ bsgom pas spang bar bya ba'i nyon mongs pa thams cad spangs pa'i dge ba gang yin pa dang/ rgyur byas pa'i gzugs lung du ma bstan pa de dag la la gang yin pa dang/ 'jig rten pa'i lung du ma bstan pa gang dag yin pa dang/ sems dang sems las byung ba'i chos dge ba gang dag yin pa rnams so/ /gang dag 'gag pa'i phyir zag pa med pa zhes bya ba'i chos dag kyang yod de/ 'di lta ste/ sems dang sems las byung ba'i chos nyon mongs pa can de dag mi 'byung bas zag pa med pa yin pa dang/ de dag mi 'byung pas rab tu phye ba'i mya ngan las 'das pa ste/ mya ngan las 'das pa yang zag pa med pa yin par brjod par bya'o/ /gang dag mthong bas spang bar bya ba spong ba'i gnyen po dang/ ngo bo nyid kyis rnam par grol ba'i phyir zag pa med pa zhes bya ba'i chos dag kyang yod de/ 'di lta ste/ mthong ba'i lam thams cad de/ /bsgom pas spang bar bya ba spong ba'i gnyen po dang/ ngo bo nyid dang kun rnam par grol ba'i phyir zag pa zhes bya ba'i chos dag kyang yod de/ 'di lta ste/ 'jig rten las 'das pa'i bsgom pa'i lam dang mi slob pa'i lam ste/ chos zag pa med pa rnams kyi rab tu dbye ba ni rnam pa lnga po de dag gis rnam par bzhag par rig par bya'o/ /de la chos nyon mongs pa dang bcas pa rnams kyi rab tu dbye ba yang rnam par bzhag pa'ang rnam pa lngas blta bar bya ste/ lnga gang zhe na/ 'di lta ste/ gnas dang/ gzhi dang/ ngo bo nyid dang/ grogs dang/ kun nas slong bas so/ /de la nye bar len pa'i phung po lnga ni chos nyon mongs pa dang bcas pa rnams kyi gnas zhes bya'o/ /de la ro myang ba la lhag par chags pa dang/ ro myang ba la yongs su zhen pa gang yin pa de ni nyon mongs pa'i gzhi zhes bya'o/ /de la mi rtag pa nyid dang/ sdug bsngal ba nyid dang 'gyur ba'i chos nyid gang yin pa de ni nyon mongs pa'i ngo bo nyid ces bya'o/ /nyon mongs pa de la mi shes shing rmongs pa gang yin pa de ni de'i grogs zhes bya'o/ /de la rten nas nag po'i phyogs rnam pa lnga 'byung ba ni de kun nas slong ba zhes bya ste/ de la 'dod pa dang lta ba la lhag par zhen pa las thab mo dang/ mtshang 'bru ba dang/ rtsod pa dang/ 'gyed pa 'am/ gzhan gang yang rung ba dag 'byung ba ni nag po'i phyogs dang po yin no/ /nyon mongs pa'i kun nas dkris pa gang yang rung bas mi 'dzem zhing de la shas cher gnas pa gang yin pa de ni nag po'i phyogs gnyis pa yin no/ /'di lta ste/ dka' thub drag po ba rnams sam/ de las gzhan pa'i dge sbyong dang/ bram ze zas mi za ba dang/ mer 'jug pa dang/ g.yang sar mchong ba la sogs pa la mos pa rnams kyi bslu ba'i lam gang yin pa de ni nag po'i phyogs gsum pa yin no/ /lus dang ngag dang yid kyis nyes par spyod pa gang yin pa de ni nag pa'i phyogs bzhi pa yin no/ /yang srid pa 'dod pa gang yin pa de ni nag po'i phyogs lnga pa yin no/ /de la dang pos ni kho na dang bcas pa dang/ nyes rtsom gyi sems kyis bde ba la reg par mi gnas par blta bar bya'o/ /gnyis pas ni nyon mongs pa'i yongs su gdung bas bdag nyid bde ba la reg par mi gnas par blta bar bya'o/ /gsum pas ni don med pa'i sdug bsngal dang/ yongs su ngal ba khas blangs pas bde ba la reg par mi gnas par blta bar bya'o/ /bzhi pas ni ngan song gi 'gro bar skye bas bde ba la reg par mi gnas par blta bar bya'o/ /lnga bas ni skye ba dang/ rga ba dang 'chi ba la sogs pa'i sdug bsngal dang mi 'bral pas bde ba la reg par mi gnas par blta bar bya'o/ /de la nye bar len pa'i phung po lnga po gnas su gyur pa de dag ni gzhi dang bcas pa dang/ grogs dang bcas pa dang/ kun nas slong ba dang bcas pa'i nyon mongs pa de dang ldan pas na chos nyon mongs pa dang bcas pa rnams zhes bya'o/ /chos nyon mongs pa can ma yin pa rnams kyi rab tu dbye ba yang de las bzlog pa rnam pa lnga kho nas rnam par bzhag pa yin no/ /de la nye bar len pa ma yin pa'i phung po dag ni gnas yin te/ de la bzhi dang bcas pa dang/ grogs dang bcas pa dang/ kun nas slong ba dang bcas pa'i nyon mongs pa de ma dmigs pas/ de'i phyir de dag ni chos nyon mongs pa can ma yin pa rnams zhes bya'o/ /de la chos zang zing dang bcas pa rnams kyi rab tu dbye ba yang rnam pa lnga kho nas rnam par gzhag ste/ lnga gang zhe na/ gnas dang gzhi la sogs pa rnam pa lngas te snga ma bzhin no/ /de la gnas ni nye bar len pa'i phung po lnga po nyid do/ /gzhi ni de nyid la bde ba dang/ yid bde ba'i gnas dang mthun pa ro myang ba'i gzhi'i chos yod pa rnams so/ /ngo bo nyid ni de la brten nas ro myang bas bsdus pa'i bde ba skye pa'o/ /grogs ni ro myong ba de la kun tu 'dod chags shing lhag par zhen pa gang yin pa'o/ /kun nas slong ba ni nag po'i phyogs rnam pa lnga ste/ snga ma kho na bzhin du rig par bya'o/ /nye bar len pa'i phung po lnga po gnas su gyur pa de dag ni gzhi dang bcas pa nas kun nas slong ba dang bcas pa'i bar gyi zang zing de dang ldan pa'i phyir zang zing dang bcas pa rnams zhes bya'o/ /chos zang zing mang po rnams kyi rab tu dbye ba yang de las bzlog pa rnam pa lnga kho nas rnam par bzhag par rig par bya ste/ 'di lta ste/ nyon mongs pa med pa sngar bstan pa bzhin du ci rigs par bya'o/ /chos zhen pa la brtan pa rnams kyi rab tu dbye ba yang rnam pa lnga kho nas rnam par gzhag par blta bar bya ste/ lnga gang zhe na/ gnas dang gzhi la sogs pa snga ma bzhin no/ /de la gnas ni 'dod pa dang ldan pa ni nye bar len pa'i phung po lnga po dag go /gzhi ni 'dod pa'i 'dod chags kyi gnas dang mthun pa 'dod pa'i yon tan lnga po dag go /zhen pa'i ngo bo nyid ni rkyen de dang dmigs pa de las byung ba'i 'dod pa'i 'dod chags so/ /grogs ni tshul bzhin ma yin pa yid la byed pa dang ldan pa'i log par sman pa 'dod pa la kun tu rtog pa ste/ de dang 'grogs na de kun tu rtogs pa'i 'dod chags zhes bya'o/ /kun nas slong ba ni nag pa'i phyogs rnam pa lnga ste/ snga ma bzhin no/ /'dod pa dang ldan pa'i nye bar len pa'i phung po lnga po de dag ni gzhi dang bcas pa dang/ grags dang bcas pa dang/ kun nas slong ba dang bcas pa'i zhen pa des yongs su zin pa'i phyir chos zhen pa la brten pa rnams zhes bya'o chos nges par 'byung ba la brten pa rnams kyi rab tu dbye ba yang de las bzlog pa rnam pa lnga kho nas rnam par bzhag par rig par bya ste/ snga ma bzhin no/ /de la chos 'jig rten pa rnams kyi rab tu dbye ba yang rnam pa lnga kho nas rnam par gzhag ste/ lnga gang zhe na/ 'jig rten pa'i dad ba'i gzugs dang/ dad pas gzung ba'i gzugs thams cad dang 'jig rten pa'i sems dang sems las byung ba'i chos nyon mongs pa can thams cad dang/ 'jig rten pa'i sems dang sems las byung ba'i chos lung du ma bstan pa thams cad dang/ 'jig rten pa'i sems dang sems las byung ba'i chos dge ba dang spang bar bya ba dang spangs pa thams cad dang/ 'jig rten pa'i ting nge 'dzin gyi spyod yul 'jig rten pa'o gzugs bstan du med la thogs pa med pa thams cad do/ /chos 'jig rten las 'das pa rnams kyi rab tu dbye ba yang rnam pa lnga kho nas rnam par gzhag ste/ lnga gang zhe na/ mthong bas spang bar bya ba'i gnyen po rnams dang/ bsgom pas spang bar bya ba'i gnyen po rnams dang/ 'du shes rnam par grol bas rnam par grol ba 'di lta ste/ nyan thos dang rang sangs rgyas dang/ byang chub sems dpa' rnams kyi spros pa med pa'i tshul zhugs pa'i shes rab dang/ de dang mtshungs par ldan pa'i sems dang sems las byung ba'i chos rnams dang/ de'i dmigs pa bstan du med la thogs pa med pa'i gzugs dang/ mi mthun pa'i phyogs kyi phyogs gcig rnam par grol bas rnam par grol ba 'di lta ste/ slob pa rnams dang/ mi mthun pa'i phyogs thams cad rnam par grol bas rnam par grol ba 'di lta ste/ mi slob pa rnams so/ /de las 'jig rten pa de dag kyang 'jig rten rnam pa lnga las brtsams nas der gtogs pa zhes bya ste/ 'jig rten rnam pa lnga ni sems can gyi 'jig rten dang/ snod kyi 'jig rten dang/ 'dod pa'i 'jig rten dang/ gzugs kyi 'jig rten dang/ gzugs med pa'i 'jig rten yin par blta bar bya'o/ /'jig rten las 'das pa'i chos gang yin pa de dag ni 'jig rten rnam pa lnga po der ma gtogs pa zhes bya'o/ /de la chos 'dus byas rnams kyi rab tu dbye ba yang rnam pa lnga kho nas rnam par gzhag ste/ phyi ma'i mdza' nas mi 'byung pa dang/ sngon gyi thar rnam par zhi ba dang/ dbus kyi mthar rang gi mtshan nyid la gnas pa dang/ rgyu dang rkyen gyi rgyun dang/ 'bras bu'i rgyun gyis so/ /chos 'dus ma byas rnams kyi rab tu dbye ba yang rnam pa lnga kho nas rnam par gzhag ste/ lnga gang zhe na/ de las bzlog pa rnam pa lnga kho na yin par rig par bya'o/ /mya ngan las 'das pa 'dus byas 'gags pa la gung na yod dam zhes 'dri ba yang tshul bzhin ma yin pa yin la/ lan 'debs pa yang tshul bzhin ma yin pa yin/ sems pa yang tshul bzhin ma yin pa yin par rig par bya'o/ /gung na med pa dang/ gung na yod kyang yod la med kyang med pa dang/ gung na yod pa yang ma yin med pa yang ma yin nas zhes 'dri ba yang tshul bzhin ma yin la/ lan 'debs pa yang tshul bzhin ma yin pa yin/ sems pa yang tshul bzhin ma yin pa yin par rig par bya'o/ /de ci'i phyir zhe na/ 'di ltar 'gog pa ni 'dus byas rnam par zhi ba tsam dang/ 'dus byas dang mtshan nyid mi 'dra bas rab tu phye ba yin pa'i phyir te/ de la 'dus byas rnam par zhi ba tsam yin pa'i phyir ni gung na yod dam zhes 'dri ba 'am/ lan 'debs pa 'am/ sems pa ni ma spros pa spros par byas pa yin no/ /'dus byas dang mtshan nyid mi 'dra ba'i phyir ni gung na med dam zhes 'dri ba dang/ lan 'debs pa dang/ sems pa yang ma spros pa kho na spros par byas pa yin no/ /ji skad bstan pa'i rgyu gnyis po bsdus pa de gnyis kyis ni gung na yod pa dang gung na med pa yin nam zhes 'dri ba dang/ lan 'debs pa dang/ sems pa nyid kyang mi rung ngo/ /mya ngan las 'das pa ni thams cad kyi thams cad du med pa yin no zhes gang 'di snyam du mya ngan las 'das pa ni 'dus byas 'gags pa las gung na yod pa yang ma yin med pa yang ma yin no snyam du sems shing 'dri ba dang/ lan 'debs pa dang/ sems pa de yang mi rung ste/ mya ngan las 'das pa'i don du dkar po'i chos thams cad legs par rtsom pa'i phyir mya ngan las 'das pa ni zhi ba dang spros pa med pa dang/ so so rang gi rig pa'i mtshan nyid du yod pa yin par rig par bya'o/ /de la dmigs pa'i chos rnams kyi rab tu dbye ba yang rnam pa lngas rnam par bzhag ste/ lnga gang zhe na/ dge ba yid la byed pa'i dmigs pa'i chos dag kyang yod/ mi dge ba yid la byed pa'i dmigs pa'i chos dag kyang yod/ lung du ma bstan pa yid la byed pa'i dmigs pa'i chos dag kyang yod/ khams su gtogs pa'i yid la byed pa'i dmigs pa'i chos dag kyang yod/ rnal 'byor dang ldan pa'i yid la byed pa'i dmigs pa'i chos dag kyang yod do/ /de la dge ba yid la byed pa'i dmigs pa ni dge ba dang/ mi dge ba dang/ lung du ma bstan pa'i chos rnams yin no/ /dge ba yid la byed pa'i dmigs pa ji lta ba bzhin du mi dge ba yid la byed pa dang/ lung du ma bstan pa yid la byed pa'i dmigs pa yang de bzhin du blta bar bya'o/ /de la 'dod pa dang ldan pa'i dge ba dang nyon mongs pa can dang/ lung du ma bstan pa yid la byed pa'i dmigs pa ni khams gsum pa'i chos thams cad do/ /gzugs dang ldan pa dge ba yid la byed pa'i dmigs pa yang khams gsum na spyod pa'i chos thams cad yin no/ /'di las phyi rol pa'i so so'i skye bo gzugs med pa la snyoms par zhugs pa 'am/ skyes pa rnams kyi gzugs med pa dang ldan pa'i dge ba yid la byed pa'i dmigs pa gang yin pa de ni rang gi sa pa kho na'i chos rnams yin gyi sa 'og ma ba dag ni ma yin no/ /byang chub sems dpa' dbang ma thob pa lhag mthong gis spyod pa gang dag yin pa dang/ nyan thos kyi theg pa pa bye brag phyed pa rgya chen po dang ldan pa gang dag yin pa dang/ slob pa gang dag yin pa dang/ dgra bcom pa gang dag yin pa de dag gi gzugs med pa dang ldan pa'i dge ba yid la byed pa'i dmigs pa ni sa 'og ma pa thams cad kyang yin no/ /byang chub sems dpa' dbang thob pa gang dag yin pa de dag ni gzugs med pa rnams su mi skye ste/ de dag gis de na sems can la phan gdags pa'i bya ba dang/ sangs rgyas kyi chos yongs su smin par bya ba dang/ sems can yongs su smin par bya ba rgya chen po ma mthong ba'i phyir te/ de ltar na de dag ni khams su gtogs pa'i yid la byed pa'i dmigs pa'i chos rnams yin par rig par bya'o/ /dmigs pa bsams pa las brtsams nas/ ming gis thams cad zil gyis gnon/ /ming las lhag pa yod ma yin/ /ming chos gcig gi dbang rjes su/ /thams cad 'gro ba kho nar 'gyur/ /zhes gang gsungs pa'i tshig de'i don gang yin zhe na/ smras pa/ mdor bsdu na rnam par byang ba'i rgyu brtag pa dang/ rang gi mtshan nyid brtag pa dang/ kun nas nyon mongs pa'i rgyu brtags pas gang zag la bdag med pa dang/ chos la bdag med pa de yongs su bstan pa yin no/ /de la gang zag la bdag med pa las ni ming gi phung po bzhi po dag yongs su shes pas rang gi yul gyi mtshan ma thams cad spangs pas zil gyis gnon la/ kun brtags pa'i ngo bo nyid kyi chos la bdag med par yongs su shes pa las ni tha snyad las byung ba'i ming yongs su shes pas de'i rten gyi mtshan ma thams cad zil gyis gnon to/ gzugs can ma yin pa'i phung po bzhi po dag las logs shig na bdag gi mtshan nyid kyi dngos po mi dmigs la/ tha snyad las byung ba'i ming las logs shig na kun brtags pa'i ngo bo nyid kyi dngos po yang mi dmigs so/ /de gnyi ga yongs su ma shes na yul gyi mtshan ma kun nas nyon mongs pa thams cad kun tu slong ba dang/ rjes su 'jug par 'gyur te yul gyi mtshan ma'i kun nas nyon mongs pa thams cad ni de'i dbang gis 'byung ba yin pa'i phyir ro/ /bcom ldan 'das kyis kyang de las dgongs nas chos kyi ngo bo nyid du 'dzin pa las ni bdag tu 'dzin pa 'byung bar 'gyur la/ de rtogs pas ni de yang rtogs par 'gyur ro/ /de rtogs na de ldog par 'gyur ro zhes gsungs so/ /rnal 'byor dang ldan pa'i yid la byed pa'i dmigs pa ni mdor bsdu na rnam pa bzhi ste/ khyab pa'i dmigs pa dang/ spyad pa rnam par spyod pa'i dmigs pa dang/ mkhas pa'i dmigs pa dang nyon mongs pa rnam par sbyod pa'i dmigs pa'o/ /dmigs pa de dag gi rnam par dbye ba ni nyan thos kyi sar bshad pa bzhin no/ /de la nyon mongs pa rnam par sbyod pa'i dmigs pa ni bcom ldan 'das kyis 'phags pa'i bden pa bzhi dang/ de bzhin nyid yin par gsungs so/ /de la sdug bsngal gsum zhes gang gsungs pa de la 'du byed kyi sdug bsngal nyid gang zhe na/ yang 'byung ba'i las dang/ nyon mongs pas bskyed pa'i 'du byed rnams kyi lus de dang de dag la nyon mongs pa dang/ sdug bsngal thams cad 'byung ba dang mthun pa kun tu 'gro ba'i gnas ngan len du gtogs pa gnas pa gang yin pa de ni gnas ngan len zhes bya ste/ de ni 'du byed kyi sdug bsngal nyid yin no/ /'du byed kyi sdug bsngal nyid de'i dbang du mdzad nas bcom ldan 'das kyis mdor na nye bar len pa'i phung po lnga po dag sdug bsngal ba zhes pa gsungs te/ de yang bde ba'i tshor ba dang/ sdug bsngal gyi tshor ba dang/ sdug bsngal yang ma yin bde ba yang ma yin pa'i tshor ba thams cad kyi rjes su 'gro ba yin no/ /gnas ngan len de yang sdug bsngal yang ma yin bde ba yang ma yin pa'i tshor ba la ni gsal ba dang mngon pa yin pas de'i phyir sdug bsngal yang ma yin bde ba yang ma yin pa'i tshor ba ni 'du byed kyi sdug bsngal nyid kyis sdug bsngal pa ces bya'o/ /bde ba dang sdug bsngal ba la rjes su chags pa dang/ khong khro ba dag gis rnam par dkrugs pa'i sems kyis gnas ngan len gyi sdug bsngal de ni yongs su bcad pas bla ba ma yin te/ 'di lta ste/ dper na la la zhig gi 'bras yongs su gdung ba dang bcas pa la kha sel ba'i reg pa dang phrad pas ni bde ba'i 'du shes skyed par byed la 'gyur byer kyis reg pa dang phrad pas ni sdug bsngal gyi 'du shes skyed par byed do/ /'bras yongs su gdung ba dang bcas pa de la reg pa re gnyi ga med na ni/ de'i tshe na 'bras de nyid kyi sdug bsngal tsam gsal ba dang mngon par 'gyur ba de bzhin du nyon mongs pa dang las kyis bskyed pa'i 'du byed gnas ngan len du gtogs pa gnas pa 'bras yongs su gdung ba'i gnas lta bu de la yang/ reg pa bsil ba dang phrad pa'i gnas lta bur ni bde ba'i tshor bar blta bar bya'o/ /'gyur byed kyi reg pa dang phrad pa'i gnas lta bur ni sdug bsngal gyi tshor bar blta bar bya'o/ /reg pa de gnyi ga med par 'bras tsam gyi gnas lta bur ni sdug bsngal yang ma yin bde ba yang ma yin pa'i tshor ba blta bar bya'o/ /de la bde ba'i tshor ba la ni lhag par chags par 'gyur bas de'i phyir de la ni 'dod chags bag la nyal zhes bya'o/ /sdug bsngal gyi tshor ba la ni kun nas mnar sems su 'gyur bas de'i phyir de la ni khong khro ba bag la nyal zhes bya'o/ /sdug bsngal yang ma yin bde ba yang ma yin pas rab tu phye ba gnas ngan len du gtogs pa 'du byed gnas pa'i lus mi rtag pa la rtag par phyin ci log dang/ sdug bsngal la bde ba dang/ mi gtsang ba la gtsang ba dang/ bdag med pa la bdag tu phyin ci log tu 'gyur bar de'i phyir sdug bsngal yang ma yin bde ba yang ma yin pa'i tshor ba la ni ma rig pa bag la nyal zhes bya'o/ /de la bde ba'i tshor ba la lhag par chags pa'i byis pa ni gzhi des tshe 'di la lus kyis nyes par spyod pa dang/ ngag dang yid kyis nyer bar spyod pa sbyar nas lus zhig ste shi ba'i 'og tu ngan song 'gro log par ltung ba sems can dmyal ba rnams su skye bar 'gyur ba dang/ yang 'byung ba'i sred pas phyi ma la skye ba la sogs pa'i sdug bsngal mngon par 'grub par byed de/ de ltar na de ni bde ba'i tshor ba la 'dod chags kun tu gnas pas phyi ma la 'gro ba lngar sdug bsngal skyed par byed do/ /sdug bsngal gyi tshor ba la kun nas mnar sems kyi sems dang ldan pa ni mi 'dod pas reg pas na des mya ngan byed/ sgyid lug bar byed/ smre sngags 'don par byed pa nas kun tu rmongs pa'i bar du 'gyur zhing/ bzhi des nyes par spyod pa gsum char sbyar nas ngan song rnams su skye bar 'gyur te/ de ltar na de ni sdug bsngal gyi tshor ba la khong khro ba kun tu gnas pas tshe 'di pa dang/ tshe phyi ma pa'i sdug bsngal mngon par 'grub par byed do/ /sdug bsngal yang ma yin bde ba yang ma yin pa'i tshor ba la de ltar sems phyin ci log tu gyur pa ni bde ba'i tshor ba la 'dod chags kyis bskyed pa dang/ sdug bsngal gyi tshor ba la khong khro bas bskyed pa'i sdug bsngal rnam pa gnyis po yongs su mi btang ba'i phyir sems pa dang/ yongs su mi btang ba'i phyir zhugs pa yin no/ /de'i phyir bcom ldan 'das kyis nyon mongs pa dang/ nye ba'i nyon mongs pa mang po yod pa de dag gi rtsa ba ni 'di lta ste/ 'dod chags dang zhe sdang dang gti mug gsum kho na yin par rnam par bzhag go / de nyid las dgongs nas bcom ldan 'das kyis bde ba'i tshor ba ni sdug bsngal du blta bar bya/ sdug bsngal gyi tshor ba ni zug ngur blta bar bya/ sdug bsngal yang ma yin bde ba yang ma yin pa'i tshor ba ni mi rtag pa dang/ 'gog pa'i chos can du lta bar bya'o/ /zhes gsungs te/ mi rtag par lta ba ni rim gyis phyin ci log thams cad spong bar 'gyur ro/ /de ni yang dag par sdug bsngal gyi bden pa'i dngos po yin te/ 'phags pa 'phags pa'i ye shes kyis ? gzigs pa rnams ni srid pa'i rtse mo pa'i phung po mchog tu rab tu zhi ba dag la yang dga' ba mi 'thob na/ shin tu dman pa dag la lta smos kyang ci dgos/ yang 'byung ba pa'i las dang nyon mongs pas 'du byed de skyed par byed pa gang dag yin pa de dag ni mtshan nyid kyis tshul gyis kun tu 'byung ba'i bden pa yin mod kyi/ bcom ldan 'das kyis mdo sde'i tshul gyis gtsor ni sred pa nyid yin par bstan to/ /nyon mongs pa'i phyogs kyi gnas ngan lan de spangs pa ni phung po'i lhag ma dang bcas pa'i mya ngan las 'das pa'i dbang du byas nas 'gog pa'i bden pa yin no/ /ma 'ongs pa rgyu yang dag bar chad pa rnams kyi mi 'byung ba dang/ da ltar byung ba sngon gyi rgyu dang ldan pa rnams kyi rang gis 'gag pa ni phung po'i lhag ma med pa'i mya ngan las 'das pa'i dbang du byas nas 'gog pa'i bden pa yin no/ /don dam pa 'dzin par byed pa'i yang dag pa'i lta ba dang/ yang dag pa'i lta ba sngon du btang ba'i 'phags pa'i lam yan lag brgyad pa ni lam gyi bden pa yin no/ /bden pa rnam par gzhag pa 'di ni sdug bsngal yongs su shes par bya ba dang/ kun 'byung ba spang ba dang/ 'gog pa mngon du bya ba dang/ lam bsgom pa'i phyir mtshan nyid bsdus te rnam par gzhag pas rnam par gzhag pa yin gyi/ rgya cher rnam par gzhag pa ni tshad med par rig par bya'o/ /sdug bsngal gyi bden po yongs su shes pa rags pa la brten nas cha phra ba la gzung pa'i phyir dang por skye ba la sogs pa sdug bsngal nyid du brtags te/ phyis nye bar len pa'i phung po lnga po dag bstan to/ /gnas pa grub pa'i chos rnams kyi rab tu dbye ba yang rnam pa lngas rnam par gzhag ste/ lnga gang zhe na/ khams gyi zas dang/ rag pa'i zas dang/ yid la sems pa'i zas dang/ rnam par shes pa'i zas dang/ srog gi dbang po lnga pa yin no/ /de la kham gyi zas ni rags pa yin pas 'dod pa'i khams na 'gro ba lnga ces na yod de/ nye tshe pa'i sems can dmyal ba de dag kha cig na yang yod la/ sems can dmyal ba chen po dag na ni med do/ zas lhag ma rnams pa khams gsum tshar na yang dmigs so/ /srog gi dbang po ni 'du byed rnams la sems can du nye bar btags pa mdzad nas/ bcom ldan 'das kyis chos de dag ni sems can rnams kyi gnas pa bsgrub pa zhes bka' stsal to/ /gang gi tshe rgyu bdun gyis 'du byed rnams gnas par 'gyur te/ bdun gang zhe na/ re zhig dang po kho nar skye ba ni 'du byed rnams kyi gnas pa'i rgyu yin te/ 'di ltar 'du byed skyes na gnas kyis ma skyes na mi gnas pa'i phyir ro/ /srog gi dbang po dang/ zas kyang yin no/ /sems la dbang pa rnams kyis rdzu 'phrul yang yin te/ 'di ltar de dag ni tshe'i 'du byed bsrings nas bskal pa 'am bskal ba las lhag par gnas pa'i phyir ro/ /rgyu dang rkyen tshogs pa yang gnas pa'i rgyu yin te/ 'di ltar ji srid rgyu dang/ rkyen dang ma bral ba de srid du/ dge ba dang mi dge ba dang/ lung du ma bstan pa'i chos rnams kyi gnas pa'i rgyun mi 'chad pa'i phyir ro/ /sngon gyi las kyi 'phen pa yang dge ba dang mi dge ba dang/ lung du ma bstan pa yid la byed pas bsgrubs pa'i 'du byed rnams kyi gnas pa'i rgyu yin te/ 'di ltar phyi rol gyi dngos po thun mong dang thun mong ma yin pa'i las kyis bskyed pa rnams kyi'o/ /bar du gcod pa med pa ni 'du byed rnams kyi gnas pa'i rgyu 'dun pa yin te/ 'du byed gang skye ba la gegs mi byed pa dang/ skyes pa'i 'dra ba'i rgyun dang mi mthun pa ma yin pa 'jig pa'i rgyu ma yin pa ni de gnas pa'i rgyu yin pa'i phyir te/ gzhan du ni 'jig pa kho nar 'gyur ba yin na/ ci'i phyir bcom ldan 'das kyis sems can rnams zas dag kho nas gnas pa yin par gsungs she na/ 'du byed rnams ni rgyu gzhan bdun po de dag gis gnas pa yang yin mod kyi/ 'on kyang gnas pa'i rgyu mang po 'di lta ste/ zas gzhi po de dag ni sgo mang po sna tshogs pa dag gis 'du byed rnams gnas par byed pa yin pa'i phyir dang/ gzhan yang zas las gyur pa'i gnas pa 'di ni byis pa gzhon nu yan cad kyis kyang gzung sla ba dang/ 'jug sla ba dang/ rtogs par sla ba yin gyi/ gzhan dag ni de lta ma yin pa'i phyir dang/ gzhan yang zas rnams ni dbang po dang/ 'byung ba chen po ma 'phel ba rnams 'phel bar byed pa dang/ nang kyis thebs pa rnams kyang nad med par byed pa yin gyi/ /gzhan dag ni de lta ma yin pa'i phyir dang/ gzhan yang sems can tshe ring po dag kyang zas ma rnyed na dus ma yin par 'chi bar 'gyur ba'i phyir dang/ 'di lta ste/ sems can thams cad zas kyi gnas pa yin no zhes bya ba'i lam 'di ni/ dran pa nye bar gzhag pa la sogs pa bsgom pa la 'jug bla ba yin pa'i phyir te de lta bas na rgyu lnga po de dag gis na sems can rnams zas dag gis gnas pa kho na yin par gsungs so/ /ci'i phyir sog gi dbang po'i dbang du mdzad nas sems can 'du byed rnams kyis gnas par gsungs she na/ gnas gang na lag 'ga' yang zas ma tshang ba med pa dang/ gang na zas tshogs chen pos yongs su brtsal mi dgos pa de lta bu'i gnas kyang yod med kyi gnas de na srog gi dbang po'i bdag kho nas gnas par 'gyur zhing/ gang dag gis tshe ji ltar 'phangs ba de dag gi ji ltar 'phangs de dag dus de srid du gnas par 'gyur bas/ de'i phyir gnas de'i dbang du mdzad nas/ srog gi dbang po sems can rnams 'du byed kyis gnas par gsungs so/ /de la kham gyi zas ni dri dang ro dang/ reg bya'i skye mched rnams kyis bsdus pa yin par brjod par bya'o/ /de ci'i phyir zhe na/ 'di ltar dri dang ro dang reg bya rnams legs par zhu bas ni 'phel bar byed la mi mthun par zhu bas ni 'grib par byed kyi/ de dag las gzhan pa gzugs la sogs pa ni 'phel ba'i phyir yang ma 'jug la/ 'grib pa'i phyir yang mi 'jug pa'i phyir te/ de lta bas na de dag ni kham gyi zas zhes mi bya'o/ /de la kham za ba'i tshe na yid du 'ong bas za ba'i dbang po rnams tshim par byed ba gang yin pa de ni kham gyi zas zhes brjod par mi bya mod kyi/ 'on kyang de ni reg pa'i zas yin par brjod par bya'o/ /gal te de 'phrod pas bde ba dang 'phel bar 'gyur pa de 'ju na ni de zhu ba na kham gyi zas yin par brjod par bya'o/ /gal te zhu yang bde ba dang 'phel par mi 'gyur na ni de zhur zin kyang kham gyi zas yin par brjod par mi bya'o/ /kham za ba'i tshe na yid du mi 'od bas zab po'i dbang po rnams tshim par mi byed pa gang yin pa de ni zas 'ga' yang ma yin par brjod par bya'o/ /gal te de nyid 'phrod pas zhu ba na bde ba dang 'phel bar 'gyur na ni de kham gyi zas yin par brjod par bya'o/ /gal te zhu ba na bde ba dang 'phel bar mi 'gyur na ni de zhur zin kyang zas yin par brjod par mi bya'o/ /kham gang yin pa de zas kyang yin la/ zas gang yin pa de yang kham yin nam zhe na/ mu bzhir ci rigs par brjod par bya ste/ de la kham yin la zas ma yin pa ni kham gang dbang po dang 'byung ba chen po 'phel bar mi 'gyur pa'o/ /zas yin la kham ma yin pa ni reg pa dang yid la sems pa dang/ rnam par shes pa gang dbang po dang 'byung ba chen po 'phel bar 'gyur pa'o/ /zas kyang yin la kham kyang yin pa ni kham gang dbang po dang 'byung ba chen po 'phel bar 'gyur pa'o/ /kham kyang ma yin la zas kyang ma yin pa ni reg pa dang yid la sems pa dang/ rnam par shes pa gang dbang po dang 'byung ba chen po 'phel bar mi 'gyur ba'o/ /reg pa la sogs pa lhag ma rnams la yang mu bzhi de bzhin du ci rigs par brjod par bya'o/ /de la rnam par smin pa dang bcas pa'i chos rnams kyang rig par bya/ rnam par smin pa yang rig par bya/ rnam par smin pa las skyes pa'i chos rnams kyang rig par bya'o/ /de la rnam par smin pa dang bcas pa'i chos rnams ni mdor bsdu na zag pa rnams dang/ zag pa dang bcas pa rnams so/ /de dag kyang stobs dang ldan pa dang/ nyams pa dang ma spyang pa dag yin no/ /de la zag pa rnams las ni mi dge ba gang dag yin pa de dag ni stobs dang ldan pa zhes bya'o/ /bsgribs la lung du ma bstan pa gang dag yin pa de dag ni mthu chung ba yin no/ /zag pa dang bcas pa rnams las kyang dge ba dang/ mi dge ba gang dag yin pa de dag ni stobs dang ldan pa yin no/ /de dag las gzhan pa ni mthu chung ba yin no/ /zag pa dang bcas pa gang dag 'jig rten pa dang/ 'jig rten las 'das pa'i 'dod chags dang bral ba dag gis spangs pa de dag ni nyams pa zhes bya'o/ /de las bzlog pa dag ni mnyams pa zhes bya'o/ /'das pa'i dus las brten te rnam par smin pa rnam par smin zin pa gang dag ni spyang zin pa zhes bya ste/ 'di ltar de dag gi rnam par smin pa ni 'das zin pa'i phyir med do/ /ma 'ongs pa'i dus su rnam par smin par 'byin par 'gyur ba gang dag yin pa dang/ da ltar rnam par smin pa nye bar gnas pa gang dag yin pa de dag ni ma spyad pa zhes bya'o/ /rnam grangs des na dge ba dang mi dge ba zag pa rnams dang bcas pa gang dag yin pa de dag ni ci rigs par zag pa dang bcas pa yin te/ de dag ni ma spangs pa dang/ de dag ni rnam par smin pa sngon rnam par ma smin pa dang/ de dag ni rnam par smin pa dang bcas pa dag yin no/ /zag pa med pa dang/ lung du ma bstan pa dang/ dge ba dang mi dge ba zag ba dang bcas pa zag pa rnams dang bcas te spangs pa dang/ rnam par smin pa rnam par smin zin pa gang dag yin pa de dag ni rnam par smin pa med pa yin par blta bar bya'o/ /de la 'chi ba'i sems tha ma ni rnam par smin pa yin no/ /nyid mtshams sbyar ma thag pa'i sems kyang rnam par smin pa yin no/ /de phan chad rang bzhin du gnas pa'i sems thams cad kyang rnam par smin pa yin no/ /de la dge ba dang nyon mongs pa can ma yin pa'i sems dang/ lung du ma bstan pa'i sems mngon par 'du byed pa dang bcas pa med pa gang yin pa de ni rang bzhin du gnas pa zhes bya'o/ /'dod chags dang bral ba las 'og ma pa'i dge ba'i sems dang/ lung du ma bstan pa'i sems mngon par 'du byed pa dang bcas pa mod pa 'byung ba dang yin pa de yang rnam par smin pa yin par rig par bya'o/ /rnam par smin pa de ni thams cad du yang ma bsgribs la lung du ma bstan pa kho na yin par brjod par bya'o/ /rnam par smin pa sa bon thams cad pa de las spangs pa dang/ ma thob pa ma gtogs pa dge ba 'am/ mi dge ba 'am lung du ma bstan pa'i chos gang dag ngang gi sa bon dang ldan par skye ba de dag thams cad ni rnam par smin pa las skyes ba yin pa brjod par bya'o/ /khams gsum thams cad na yang 'chi ba'i sems tha ma dang/ nying mtshams sbyor ba'i sems dang po'i 'og ma gnyis pa ni sdug bsngal yang ma yin bde ba yang ma yin pa'i tshor ba dang ldan pa yin par blta bar bya ste/ nyid mtshams sbyor ba'i sems dang po ma gtogs pa de dag ni thams cad du yang rnam par smin par smin par bsdus pa yin par blta bar bya'o/ /de las gzhan pa bde ba dang/ sdug bsngal gyi tshor ba dag ni rnam par smin pa las skyes pa yin par rig par bya'o/ /de'i sa bon rnam par smin pas bsdus gci 'dra ba de 'dra ba'i rgyu de dag dang/ rkyen de dag la brten nas rnam par smin pa de las skye'o/ /de la sems can dmyal bar skye ba'i sems can rnams kyi rnam par smin pa'i mjug thogs su ni rnam par smin pa las skyes pa'i sdug bsngal dang/ yid mi bde ba'i rgyun 'brel par 'byung ngo/ /sems can dmyal bar skyes pa rnams la ji lta ba bzhin du yi dags de dag kha cig la yang de dang 'dra'o/ /yi dags de dag kha cig dang/ dud 'gro rnams dang/ mi rnams dang/ 'dod pa na spyod pa'i lha rnams la ni rnam par smin pa'i mjug thogs su re dga' ni sdug bsngal dang/ yid mi bde ba 'byung/ res 'ga' ni bde ba dang/ yid mi bde ba 'byung/ res 'ga' ni sdug bsngal yang ma yin/ bde ba yang ma yin pa'i tshor ba 'byung bas gcig tu ma des so/ /bsam gtan dang po dang gnyis par skyes ba rnams la ni rnam par smin pa'i mjug thogs su rnam par smin pa las skyes pa'i yid ka bde ba kho na rgyun tu/ 'byung ngo/ /bsam gtan gsum par skyes pa rnams la ni sems las byung ba'i bde ba rgyun tu 'byung ngo/ /bsam gtan bzhi pa yan chad ni sdug bsngal yang ma yin bde ba yang ma yin pa'i tshor ba'i rnam par smin pa ste/ de nyid de na rnam par smin pa las skyes pa yin par blta bar bya'o/ /de la dge ba'i chos rnams ni bde ba dang yid bde ba rgya chen pos yongs su bsdus pa yin pa'i phyir sdug bsngal yang ma yin/ bde ba yang ma yin pa mngon du gyur kyang/ rnam par smin pa 'dod pa zhes bya'o/ /de las bzlog ba ni mi 'dod pa yin par rig par bya'o/ /de la las dkar ba rnam par smin pa dkar pa'i rnam par smin pa ni ma bsgribs la lung du ma bstan pa yin te/ gcig tu 'dod pa'i? tshor ba'i sa bon gyis yongs su zin pa yin pa'i phyir gcig tu 'dod pa dang/ gcig tu yid du 'ong ba yin par rig par bya'o/ /las gnag pa rnam par smin pa gnag pa'i rnam par smin pa de ni de las bzlog par blta bar bya'o las dkar gnag rnam par smin pa dkar gnag can gyi rnam par smin pa ni sa bon rnam pa gnyis dang ldan pa yin pas rnam par smin pa las skyes pa'i tshor ba yang rnam pa gnyis kho nar blta bar bya'o/ /de la las dkar gnag ni rigs kyi dbye bas kyang rnam par gzhag ste/ gnas gdan dkar po dang/ nag po gnyi ga srid pa'i gnas de pa'i las bsdus pa ni dkar gnag ces bya bar rnam par gzhag go /dngos po'i dbye bas kyang rnam par gzhag ste/ 'di ltar 'di na la las dngos po gang yang rung ba zhig la/ ris 'ga' ni? phan pa'i sems nyid nye bar gzhag la dngos po de nyid las res 'ga' ni gnod pa'i sems nyid nye bar bzhag pa lta bu dang/ gzhan dag las phrogs te sbyin pa sbyin par byed pa/ de lta bu'i dngos po'i dbye bas rnam par bzhag pa yin par blta bar bya'o/ /las dkar gnag ni ngo bo nyid las kyang rnam par gzhag ste/ 'di lta ste/ la las gzhan gang yang rung ba zhig la shes bzhin du phan par byas pas gzhan dag la gnod pa byas par 'gyur pa lta bu dang/ 'di ltar 'di na la las skyes bu drag shul can sdig byed pa dag la sdig pa la dga' bar ma byed ces zhe sdang dang ldan pa'i sems skye na/ sems de zhe sdang dang mtshungs par ldan pa'i phyir ni nag po'i chi la brten pa yin la/ sdig pa la mi dga' ba dang mtshungs par ldan pa'i phyir ni dkar po'i che la brten pa yin pas de'i phyir las de dang/ gzhan yang de lta bu dang mthun pa dag ni dkar gnag yin par brjod par bya'o// //bam po nyi shu rtsa bzhi pa/ /dge ba dang/ mi dge ba dang/ lung du ma bstan pa'i chos gang dag gi sa bon yang dag par ma bcom pa de dag thams cad ni skyed par byed pa mngon par 'grub pa'i rgyu des rgyu dang bcas pa'i chos rnams zhes bya'o/ /sngon byas pa'i las dang nyon mongs pa rnams kyi rnam par smin pa khams gsum du smin par 'gyur pa gang yin pa'i rnam par smin pa de ni 'dren pa'i rgyur gyur ba las dang nyon mongs pa de dag gis rgyu dang bcas pa zhes bya'o/ /de bzhin du mngal nas skye ba'i skye gnas su skye ba gang yin pa de yang 'dren pa'i rgyu gnas gsum po mngon du gyur pa des rgyu dang bcas pa yin par blta bar bya'o/ /drong gsher las skye ba'i skye gnas su skye ba gang yin pa 'dren pa'i rgyu drod gsher nye bar gyur pas/ rgyu dang bcas pa dang/ sgo nga las skye ba'i skye gnas su skye ba gang yin pa 'dren pa'i rgyu sgo nga'i spugs chags pa dang/ rgyu dang bcas pa yang de bzhin no/ /de bzhin du rnam par shes pa'i tshogs drug po dag kyang/ bdag po'i rkyen dang lhan cig byed pa'i rgyur gyur pa/ mig dang gzugs la sogs pa nas/ yid dang chos rnams kyi mthar thug pa'i bar gyis rgyu dang bcas pa yin par blta bar bya'o/ /de bzhin du sems dang sems las byung pa'i chos lhan cig skyes pa rnams kyang cig la gcig lhan cig byed pa'i rgyus rgyu dang bcas pa yin no/ /de bzhin du mi dge ba'i chos rnams kyang 'dren pa'i rgyur gyur pa skyes bu dam pa ma yin pa la brten pa dang/ dam pa'i chos ma yin pa nyan pa dang/ tshul bzhin ma yin pa yid la byed pa dag gis rgyu dang bcas pa yin par brjod par bya'o/ /dge ba'i chos rnams kyang 'dren pa'i rgyur gyur pa de las bzlog pa gsum po dag gis rgyu dang bcas pa yin par blta bar bya'o/ /de bzhin du kun nas nyon mongs pa can du gnas pa las byung ba dang/ log par rtsol ba'i yongs su ral ba don med pa las byung ba sdug bsngal dang/ yid mi bde bar gnas pa yang 'dren pa'i rgyu des rgyu dang bcas pa yin no/ /de bzhin du kun nas nyon mongs pa can ma yin par gnas pa las byung ba dang/ yang dag par rtsol ba'i yongs su ngal ba 'bras bu dang bcas pa las byung ba bde ba dang yid bde bar gnas pa yang 'dren pa'i rgyu des rgyu dang bcas pa yin par brjod par bya'o/ /'jig rten pa'i lam gyis 'dod chags dang bral bar 'gyur ba bsam gtan dang/ gzugs med pa mngon par bsgrub pa gang yin pa de yang 'dren pa'i rgyu des rgyu dang bcas pa yin no/ /tshe 'di la bsam gtan dang gzugs med pa'i snyoms par 'jug pa la brten nas/ gong du ci rigs par skye ba gang yin pa de yang 'dren pa'i rgyu ngas rgyu dang bcas pa yin no/ /'jig rten pa'i chos kyis bsgrubs pa 'jig rten las 'das pa'i chos gang dag yin pa de dag kyang 'dren pa'i rgyu nges rgyu dang bcas pa yin no/ /'jig rten las 'das pa'i chos 'phags pa'i lam gyis bsdus pa gang dag gis mya ngan las 'das pa sngon du byed par 'gyur pa'i mya ngan las 'das pa mngon du bya ba de yang 'dren pa'i rgyu nges? rgyu dang bcas pa dag yin te/ ji skad bstan pa'i rnam pa de dag gis ni rgyu dang bcas pa'i chos rnams kyis rnam par gzhag par rig par bya'o/ /de la skyed par byed pa mngon par 'grub pa'i rgyu ji skad bstan pa gang yin pa de ni rang gi rgyu mthun pa'i 'bras bu des 'bras bu dang bcas pa yin par brjod par bya'o/ /yang 'byung ba'i las dang nyon mongs ba gang dag yin pa de dag ni rang gi rnam par smin pa'i 'bras bu des 'bras bu dang bcas pa yin par brjod par bya'o/ /gnas gsum mngon du gyur pa gang yin pa dang/ drod gsher nye bar gnas pa gang yin pa dang/ sgo nga'i spubs chags pa gang yin pa dang/ mig dang gzugs la sogs pa gang yin pa dang/ sems dang sems las byung ba'i chos lhan cig skyes pa gang dag yin pa dang/ skyes bu dam pa ma yin pa la brten pa la sogs pa gang dag yin pa dang/ skyes bu dam pa la brten pa la sogs pa chos gsum po gang dag yin pa de dag thams cad ni rang rang gi dbang gi 'bras bus 'bras bu dang bcas pa yin par brjod par bya'o/ /de la kun nas nyon mongs pa can du gnas pa dang/ log par rtsol ba'i yongs su ngal ba 'bras bu med pas tshe 'di la sdug bsngal dang yid mi bde bar gnas par byed pa gang yin pa dang/ kun nas nyon mongs pa can ma yin par gnas pa dang/ yang dag par rtsol ba'i yongs su ngal ba 'bras bu dang bcas pas tshe 'di la bde ba dang yid bde bar gnas par byed pa gang yin pa de ni skyes bu'i byed pa'i 'bras bu des 'bras bu dang bcas pa yin par blta bar bya'o/ /'jig rten pa'i 'dod chags dang bral bar skye bar 'gyur ba'i lam ni bral ba dang/ dbang gi 'bras bus 'bras bu dang bcas pa yin par blta bar bya'o/ /'jig rten las 'das pa bden? pa 'jig rten pa'i lam dang/ mya ngan las 'das pa mngon du byas pa'i 'jig rten las 'das pa'i 'phags pa'i lam ni bral ba'i 'bras bus 'bras bu dang bcas pa yin par brjod par bya ste/ 'di ni gtan du thams cad dang bral ba'i 'bras bus 'bras bu dang bcas pa yin no/ /'jig rten pa ni gtan du thams cad dang bral ba'i 'bras bus 'bras bu dang bcas pa ma yin par blta bar bya ste/ 'dir de gnyis kyi bye brag ni de yod de/ /de ltar ji skad bstan pa'i rnam pa 'di lta ste/ rgyu mthun pa'i 'bras bu dang/ rnam par smin pa'i 'bras bu dang/ dbang gi 'bras bu dang/ skyes bu'i byed pa'i 'bras bu dang bral ba'i 'bras bu de dag gis ni 'bras bu dang bcas pa'i chos rnams kyi rab tu dbye ba rnam par gzhag par rig par bya ste/ de yang ci rig par sbyar ro/ /rgyu dang bcas pa ma yin pa dang/ 'bras bu dang bcas pa ma yin pa'i chos rnams ni de las bzlog par bya'o/ /de la rten cing 'brel par 'byung ba'i chos rnam zhes bya ba ni bdag med pa dang byed pa po med pa zhes bya ba 'di lta ste/ yid kyis rnam par gtan la dbab pa'i rten cing 'brel bar 'byung ba la mkhas pa'i skabs su gang dag sngar bstan pa bzhin no/ /de la gang gis nang rnams zhes bya ba'i nang gi chos rnams kyi rab tu dbye ba yang mdor bsdu na rgyu lngas rnam par gzhag ste/ lnga gang zhe na/ nye bar 'dogs pa dang/ mngon par zhen pa dang/ dbang dang/ sa bon yongs su 'dzin pa dang/ dngos pos so/ /de la re zhig gang la 'di lta ste/ bdag ce 'am/ sems can zhe 'am/ 'di ltar de'i ming ni 'di zhes bya ba rigs ni 'di zhes bya/ rus ni 'di zhes bya ces bya ba la sogs pa nas/ tshe'i mdza' ni 'di tsam zhig tu thub ces bya ba'i bar du de ltar nye bar 'dogs pa gang yin pa de ni nye bar 'dogs pa las nang zhes bya'o/ /gang la la 'di lta ste/ ngar 'dzin pa dang/ nga'o snyam pa'i nga rgyal gyis mngon par zhen pa de lta bu'i mngon par zhen pa 'byung bar 'gyur ba gang yin pa de ni mngon par zhen pa las nang zhes bya'o/ /gang gi dbang gis gzugs dang sgra la sogs pa phyi rol gyi skye mched rnams nye bar spyad pa'i phyir 'gyur bar 'gyur ba gang yin pa de ni dbang las nang zhes bya'o/ /dge ba dang/ mi dge ba dang/ lung du ma bstan pa'i chos thams cad kyi sa bon yongs su 'dzin pa gang yin pa de ni sa bon yongs su 'dzin pa las nang zhes bya'o/ /dad ba'i gzugs rnam pa lnga po gang yin pa dang/ sems dang yid dang/ rnam par shes pa gang yin pa de ni dngos po las nang zhes bya'o/ /dmigs pa las nang yin par brdar btags pa'i rnam par gzhag pa gzhan yang yod de/ 'di lta ste/ phyi rol gyi skye mched du gtogs pa yin yang nang na dmigs pa de ni nang zhes bya ba lta bu'o/ /de la ming dang gzugs ni phung po lnga po dag gis bsdus pa yin par rig par bya ste/ gzugs kyi phung po ni yul de dang der skye ba dang/ 'phel bar yang snang la lag pa dang yod pa la sogs pa'i 'dus te rag pa dag gis gzugs su yang rung bas/ de'i phyir de ni gzugs zhes bya'o/ /phung po lhag ma bzhi po dag ni sna tshogs su 'dogs pa'i dbang dang/ sna tshogs su 'dogs pa'i gnas kyis phal cher dmigs pa de dang de la 'jug cing gzhol bar byed pas/ de'i phyir phung po gzugs can ma yin pa bzhi po dag ni ming zhes bya'o/ /de la zin? pa'i chos rnams kyi rab tu dbye ba yang mdor bsdu na rnam pa lngas rnam par gzhag par rig par bya ste/ lnga gang zhe na/ re zhig dang por gzugs 'ba' zhig zin pa yin par blta bar bya ste/ de'i phyir de ni sems dang sems las byung ba'i chos rnams zin pa mi yin par de dag btsal ba byas pa yin no/ /nang gi dbang po dang dbang po dang 'brel ba'i gzugs gang dag yin pa de zin pa yin par blta bar bya ste/ de'i phyir de ni dbang po dang ma 'brel ba phyi rol gyi gzugs zin pa ma yin par de btsal bar byas pa yin no/ /sems dang sems las byung ba'i chos rnams kyis gnas su byas shing ma spangs pa'i gzugs gang yin pa de ni zin pa yin par blta bar bya ste/ de'i phyir des ni dbang po dang ma 'brel ba nang gi skra dang spu dang sen mo dang/ so la sogs pa dang shi ba'i ro? dag zin pa ma yin par de btsal bar byas pa yin no/ /zin pa'i gzugs de yang rgyu ba zhes rnam par 'gyur bas de'i phyir zin pa zhes bya ste/ bzhi gang zhe na/ phyi rol gyi gzugs kyi reg pa dang phrad pa dang nad gi khams 'khrugs pa dang mnyam par gyur pa dang/ 'dod chags dang/ zhe sdang la sogs pa nyon mongs pa kun tu 'byung ba dang/ dmigs pa la nye bar gtong pa ste/ 'di ltar zin pa'i gzugs la phyi rol gyi gzugs gnod par byed pas gnod par gyur pa na/ sdug bsngal ba dang/ na ba dang/ gnod par 'gyur la/ phan 'dogs pas reg pa na bde pa dang/ phan pa dang/ mi gnod par 'gyur ba dang/ khams 'khrugs pas kyang sdug bsngal ba dang/ gnod par 'gyur la snyoms par phan par 'gyur ba dang/ 'dod pa la 'dun pa la sogs pa nye ba'i nyon mongs pa rnams kyis kyang sdug bsngal ba dang/ nyes rtsom dang/ yongs su gdung bar 'gyur ba dang/ dmigs pa la log par nye bar gtong pa dag gis kyang sdug bsngal ba dang/ nyes rtsom dang/ yongs su gdung bar 'gyur la/ dmigs pa la shin tu sbyangs pas yang dag par nye bar gtong pas ni bde ba dang phan par 'gyur ba'i phyir te gnod pa dang/ phan 'dogs pa gang yin pa de ni 'gyur ba ces bya'o/ /de ltar na nang gi yang yin la gzugs kyang yin zhing/ sems dang sems las byung bas gnas su byas pa dang/ de ltar 'gyur ba gang yin pa de ni zin pa zhes bya'o/ /de las bzlog pa ni ma zin pa'i chos rnams yin par rig par bya'o/ /de la 'byung ba chen po rnams dang/ rgyur byas pa'i chos rnams ni chos gzugs can kho na yin par brjod par bya'o/ /de la ji ltar 'byung ba chen po rnams rang gi sa bon las skye ba de bzhin du rgyur byas pa'i gzugs kyang rang gis sa bon las skye ba yin na/ ci'i phyir rgyur byas pa'i gzugs 'byung ba chen po dag rgyur byas pa zhes bya zhe na/ 'byung ba chen po'i sa bon dbang po gzugs can dang/ sems dang ldan pa gang dag yin pa de dag ni rgyur byas pa'i gzugs kyi sa bon dag dang ldan pa yin te/ de dag gang gi tshe 'bras bu mngon par 'grub par byed pa de'i tshe na/ de dag dang ldan pa rgyur byas pa'i gzugs kyi sa bon dag kyang rang gi 'bras bu nges par mngon par grub par byed de/ de'i phyir rgyur byas pa'i gzugs de yang 'byung ba chen po dag rgyur byas ba zhes bya'o/ /de la 'byung ba chen po'i sa bon dbang po gzugs can dang ldan pa gang yin pa de ni phyogs dang bcas pa yin la/ dbang po gzugs can ma yin pa dang ldan pa gang yin pa de ni phyogs med pa yin par brjod par bya'o/ /'byung ba chen po de dag kyang mdor bsdu na rnam pa gnyis ste khams tsam gyis bsdus pa dag dang/ rang gi las byed pa dag yin no/ /de la sa bon du gyur pa gang yin pa de dag ni khams tsam gyis bsdus pa dag yin no/ /rang gi sa bon de las grub pa gang dag yin pa de dag ni rang gi las byed pa dag yin no/ /de dag kyang rgyur byas pa'i gzugs dang lhan cig gi dngos pos tha mi dad par 'jug pa dag yin te/ de dang 'dra ba'i rgyu las grub pa yin pa'i phyir/ /thams cad du yang thams cad 'dres shing ro gcig pa'i gong bu lta bu yin gyi/ phye dang 'bru? dang/ nor bu'i phung po lta bu ni ma yin no/ /'dod pa'i khams na ni gzugs 'dus pa gcig tu sra ba gang yin pa de la sa'i khams dang/ gzugs dang dri dang ro'i khams dag las byed pa yin no/ /gzugs kyi khams na ni gzugs kyi khams kho na las byed pa yin no/ /lhag ma chu dang/ me dang/ rlung dang/ sgra'i khams sa bon du gyur pa de dang 'brel pa dag ni rkyen dag la bltos pa yin te/ de ltar na chu dang/ me dang/ rlung gi ming can 'dus pa dag la go rims ci rigs par blta bar bya'o/ /de la nang gi gzugs 'dus pa la ni skra dang/ spu la sogs pa'i rab tu dbye bas/ sa la sogs pa'i khams thams cad las byed pa dang bcas par snang ste/ mdo las ji skad gsungs pa bzhin no/ /phyi rol la ni sa la sogs pa'i 'dus pa so sor ci rigs par blta bar bya'o/ /de dag kyang rkyen ji lta ji lta bu rig dang phrad pa'i 'bras bu de lta de lta bu'i rgyur gyur pa yin te/ 'di lta ste/ dper na shing skam po legs par gtsug pa las me 'byung ba dang/ tshon mo steng dang/ ro nye dang/ lcags dang/ dngul la sogs pa zhu bar 'gyur ba lta bu'o/ /reg bya'i skye mched du gtogs pa 'jam pa nyid dang/ rtsub pa nyid la sogs pa gang dag rnam par shes pa'i tshogs lnga dang ldan pa'i sar ji skad bstan pa de dag thams cad ni 'byung ba chen po'i bye brag kho na yin par rig par bya ste/ de lta bur gyur pa de dang 'dra ba de'i gnas skabs pa'i 'byung ba chen po de dag ni ci rigs par 'gyur ro/ /de dag la 'jam pa nyid la sogs pa gang dag nye bar gdags shing gdags pa byed pa de dag ni btags pa'i yod pa yin par rig par bya'o/ /de la bcom ldan 'das kyi phyi rol gyi reg bya'i skye mched ni 'byung ba chen po bzhi po dag dang/ 'byung ba chen po bzhi dag rgyur byas pa yin no zhes bya ba dang/ gzugs bstan du med la thogs pa med pa zhes gang gzung ba de la dgongs pa gang zhe na/ 'di la 'byung ba chen po rnams ni rgyur byas pa'i gzugs rnam pa gnyis skyed par byed de/ rang gi rigs kyi khyad par can dang/ gzhan gyi rigs kyis khyad par can no/ /de la rang gi rigs kyi khyad par can gyi rgyur byas pa'i gzugs ni 'byung ba chen po rnams kyi 'jam pa nyid dang/ rtsub pa nyid la sogs pa ste/ 'di ltar gang dag la 'jam pa nyid dang/ rtsub pa nyid ces rgya cher 'byung ba nye bar gdags pa'i 'byung ba chen pa phan tshun khyad par can du gyur pa de dag ni rgyu de dang rkyen des grub pa yin pa'i phyir ro/ /gzhan gyi rigs kyis khyad par can gyi rgyur byas pa'i gzugs ni mig dang rna ba la sogs pa nang gi skye mched lnga dang/ reg bya'i skye mched ma gtogs pa phyi rol gyi skye mched bzhi dang/ chos kyi skye mched kyi phyogs kyi gzugs rnams so/ /bcom ldan 'das kyis rang gi rigs kyis khyad par can gyi rgyur byas pa'i gzugs las dgongs nas 'byung ba chen po bzhi dag rgyur byas pa zhes gsungs so/ /bstan du med la thogs pa med pa'i gzugs zhes gang gsungs pa de 'byung ba chen po gang dag la brten pa yin par brjod par bya zhe na/ gal te mnyam par bzhag pa'i sems dang ldan pa 'dod pa na spyod pa'i chos gzugs can yid la byed pa la gzugs brnyan skye bar gyur na/ de ni 'dod pa na spyod pa'i 'byung ba chen po dag las brten pa yin par brjod par bya'o/ /gal te gzugs na spyod pa'i chos gzugs can yid la byed pa la gzugs brnyan skye bar gyur na/ de ni gzugs ni spyod pa kho na'i 'byung ba chen po dag las brten pa yin par brjod par bya'o/ /'byung ba chen po dag rgyur byas pa'i chos rnams kyi rnam par gtan la dbab pa'i gzhung lhag ma ni mi snang ngo// //srid pa'i chos rnams ni rang gi rten pa'i chos thams cad la bya ste/ gal te dgra bcom pa'i 'jig rten pa'i dge ba'i chos gang dag yin pa de dag 'jig rten pa yin pa'i phyir srid par gtogs pa yin par gyur na/ ci'i phyir zag pa med pa rnams shes bya zhe na/ de dag ni srid pa gsum du gtogs pa yin pa'i phyir srid bar gtogs pa zhes bya bar zad kyi de dag ni zag pa'i bag la nyal las rnam par grol ba kho na'i phyir zag ba med pa zhes bya'o/ /de la bcom ldan 'das kyis zag pa dang bcas pa'i chos rnams gang zhe na/ 'jig rten pa'i yid gang yin pa dang/ chos rnams dang yid kyi rnam par shes pa'o zhes gsungs pa de la dgongs pa gang yin zhe na/ bcom ldan 'das kyis 'jig rten pa'i yid dang/ chos rnams dang/ yid kyi rnam par shes pa spang bar bya ba ma spangs pa gang yin pa las dgongs te gsungs pa yin no/ /de la bcom ldan 'das kyis srid pa mang po 'dod pa'i srid pa dang/ gzugs kyi srid pa dang/ gzugs med pa'i srid pa zhes gang gsungs pa de dag gi rnam par gzhag pa ni 'di lta ste/ thos pa las byung ba'i sar sangs rgyas kyi bka' shes bya ba'i gnas su bstan pa bzhin no/ /de la bla na yod pa'i chos rnams ni mya ngan las 'das pa ma gtogs pa'i chos thams cad yin bar blta bar bya'o/ /mya ngan las 'das pa ni rgyu lngas bla na med pa yin par rig par bya ste/ lnga gang zhe na/ kun tu 'byung ba'i bden pa nye bar zhi ba dang/ sdug bsngal gyi bden pa nye bar zhi ba dang/ 'jigs pa med pa dang/ yams kyi nad med pa dang/ gnod pa med pa dang/ 'go ba'i nad med par bde ba dang/ tshe 'di la bde bar gnas pa bla na med pa la dmigs pa 'di lta ste/ mtshan ma med pa las gnas pa'i phyir dang/ bde ba'i don dang/ skyid pa'i don la rtag par gtan du mi slu ba nyid kyi phyir te/ rgyu lnga po 'dus pa de dag yin no/ /de dag gang la yod pa ni mya ngan las 'das pa kho na yin pas de'i phyir mya ngan las 'das pa ni bla na med pa zhes bya'o/ /bsgom par bya ba'i chos rnams ni 'dus byas kyi dge ba thams cad yin par rig par bya'o/ /de la bsgom pa ni mdor bsdu na/ rnam pa bzhir blta bar bya ste/ 'thob pa bsgom pa dang/ bsten pa bsgom pa dang/ spang ba bsgom pa dang/ gnyen po bsgom pa'o/ /de la dge ba'i chos ma skyes pa rnams bskyed pa'i phyir yid la byed pa bsgom pa gang yin pa de ni 'thob pa bsgom pa zhes bya'o/ /dge ba'i chos skyes pa rnams gnas pa dang/ mi brjed par bya ba'i phyir dang/ rgya cher 'byung ba ni bsten pa bsgom pa zhes bya'o/ /sdig pa mi dge ba'i chos skyes pa rnams spang ba'i phyir yid la byed pa bsgom pa gang yin pa de ni spang ba bsgom pa zhes bya'o/ /sdig pa mi dge ba'i chos ma skyes pa rnams mi bskyed pa'i phyir rnam par sun 'byin pa la sogs pa gnyen po yid la bya ba goms par byed pa gang yin pa de ni gnyen po bsgom pa ces bya'o/ /de la mtshan nyid so sor rig pa'i yid la byed pa nas gzung ste/ mos pa yid la byed pa'i bar ni rnam par sun 'byin pa gnyen po bsgom pa yin par rig par bya'o/ /rab tu dben pa yid la byed pa nas gzung ste/ sbyor ba mthar thug pa yid la byed pa'i bar ni spong ba gnyen po bsgom pa yin par rig par bya'o/ /sbyor ba mthar thug pa'i 'bras bu yid la byed pa ni kun tu 'dzin pa gnyen po bsgom pa yin par rig par bya'o/ de'i gong du yid la byed pa bdun po khyad par can du gtogs pa gang ma'i sa pa de dag thams cad ni thag bsring pa gnyen po bsgom pa yin par rig par bya'o/ /bsgom pa rnam paF bzhi po de dag thams cad bsdus nas bsgom pa rnam pa gnyis su blta bar bya ste/ sdom pa yang dag par blang ba bsgom pa dang/ yid la byed pa bsgom pa'o/ /de la lus bsgom pa ni sdom pa bsgom pa'o/ /tshul khrims bsgom pa ni yang dag par blang ba bsgom pa'o/ /bsam gtan gyi sa pa'i yid la byed pa bsgom pa dang/ bden pa shes pa'i sa pa'i yid la byed pa bsgom pa ni yid la byed pa bsgom pa yin par rig par bya'o/ /de la yid la byed pa bsgom pa dang po ni sems bsgom pa ces bya'o/ /gnyis pa ni shes rab bsgom pa ces bya'o/ /de la dgra bcom pa'i sems dang sems las byung ba tha ma ma gtogs pa 'das pa'i chos kun spyad zin pa ngo bo nyid zhig pa pa de las gzhan bdag bskyed pa'i mjug thogs kyi rkyen du gyur pa/ sems kyi rgyud las yongs su bsgos pa gang dag yin pa de dag ni 'gags nas bskal pa brgya stong lon du zin kyang/ 'dod pa rang mi 'dod pa'i rnam par smin pa rnam par smin par byed do/ /'das pa kha cig ni ji ltar nyams su myong ba dran pa kho na tsam yin la/ kha cig ni mi dran la 'gags par rab tu phye ba kho na tsam yin pas byed pa med pa yin par rig par bya ste/ de ltar na de ni 'das pa'i chos rnams kyi rab tu dbye ba yin par bdag par bya'o/ /'das pa'i chos de dag gi dngos po rab tu dbye ba yang mdor bsdu na/ rnam pa lngas rnam par bzhag par blta bar bya ste/ lnga gang zhe na/ skad cig 'das pa'i chos dag kyang yod de/ 'di lta ste/ 'du byed skad cig pa thams cad kyi nang na/ skad cig las 'das pa'i 'du byed thams cad do/ /shi 'phos las 'das pa'i chos dag kyang yod de/ 'di lta ste/ sems can de dang de dag sems can gyi ris de dang de dag nas shi 'phos zhes bya ba nas/ shi zhing 'du byed ces rgya cher 'byung ba'i bar dag go / 'jigs pas 'das pa'i chos dag kyang yod de/ 'di lta ste/ snod kyi 'jig rten du gtogs pa dag mes 'jig pa la sogs pas zhig pa gang dag yin pa'o/ /chos gang de dag yongs su nyams pa'i 'das pas 'das pa dag kyang yod de/ 'di lta ste/ la la dge ba'i chos dang/ yon tan dang/ bde bar gnas pa thob pa las yongs su nyams pa yin no/ /'gags pa'i 'das pas 'das pa'i chos dag kyang yod de/ 'di lta ste/ phung po'i lhag ma dang bcas pa dang/ phung po'i lhag ma med pa'i mya ngan las 'das pa'i dbyings su 'gags pa'o/ /ma 'ongs pa'i chos rgyu ma spyad pa/ ngo bo nyid ma spyad pa/ skye ba'i rkyen la ltos pa/ skye ba la mngon du phyogs pa/ skye ba dang thag nye ba 'am/ skye ba dang thag ring ba yang rung ste/ de dag gi rab tu dbye ba yang rnam pa lngas rnam par gzhag par blta bar bya ste/ skad cig ma 'ongs pa rnams dang/ skye ba ma 'ongs pa rnams dang/ 'chags pa ma 'ongs pa rnams dang/ kun tu spyod pa ma 'ongs pa rnams dang/ ma thob pa ma 'ongs pa rnams// da ltar byung ba'i chos rgyu spyad zin pa ngo bo nyid ma spyad pa/ skad cig gi 'og tu 'jig par nges pa/ kun nas nyon mongs pa thams cad kyis rab tu phye ba dang/ de dag las kha cig rnam par byang bas rab tu phye ba yang rung ste/ de dag gi rab tu dbye ba yang rnam pa lngas rnam par gzhag par blta bar bya ste/ skad cig da ltar byung ba rnams dang/ skye ba dang da ltar byung ba rnams dang/ 'chags pa da ltar byung ba rnams dang/ kun tu spyod pa da ltar byung rnams dang/ tha ma da ltar byung ba rnams te/ 'di lta ste/ dper na/ dgra bcom pa'i sems dang sems las byung ba'i chos tha ma lta bu'o/ /de la 'dod pa dang ldan pa'i chos rnams gang zhe na/ 'dod pa'i khams su skyes shing byung ba 'dod pa rnams las 'dod chags dang ma bral ba/ sems mnyam par ma gzhag pa'i de'i gnas skabs kyi chos skyes nas thob pa las sam/ yid la byed pa las kun tu spyad pa dang/ kun tu spyod pa dang/ kun tu spyod par 'gyur ba gang dag yin pa de dag ni 'dod pa dang ldan pa'i chos rnams zhes bya'o/ /gzugs dang ldan pa'i chos rnams gang zhe na/ 'dod pa'i khams nyid du skyes shing byung ba bsam gtan gang yang rung ba snyoms par zhugs pa 'dod pa rnams las 'dod chags dang bral ba/ gzugs rnams las 'dod chags dang ma bral ba/ de'i gong du sbyor ba ma brtsams ba/ ting nge 'dzin de las ma langs pa'i 'jig rten pa'i yid kyis pa'i chos yid la byed pa las kun tu spyad pa dang/ kun tu spyod pa dang/ kun tu spyod par 'gyur ba gang dag yin pa de dag ni gzugs dang ldan pa'i chos rnams zhes bya'o/ gzugs kyi khams su skyed pa de las 'dod chags dang ma bral ba gong du sbyor ba ma brtsams pa'i skyes nas thob pa las sam yid la byed pa las 'jig rten pa'i chos kun tu spyad pa dang/ kun tu spyod pa dang/ kun tu spyod par 'gyur ba gang dag yin pa de dag kyang gzugs dang ldan pa'i chos rnams zhes bya'o/ /gzugs dang ldan pa'i chos rnams ji lta ba de bzhin du gzugs med pa dang ldan pa'i chos rnams kyang ci rigs par blta bar bya'o/ /de la chos dge ba rnams gang zhe na/ chos dge ba rnams ni mdor bsdu na/ rgyu gnyis kyis dge ba rnams shes bya ste/ ngo bo nyid kyis phyin ci log tu gyur pa'i chos rnams kyi gnyen po dang/ bde bas te/ 'di ltar dge ba'i chos rnams ni ngo bo nyid kyis phyin ci ma log par dmigs pa la 'jug pa yin zhing/ gang dag phyin ci log tu gyur la/ nyon mongs pa can du dmigs pa la 'jug pa de dag gi gnyen por gyur pa yin pa'i phyir dang/ bde 'gro dang/ mya ngan las 'das par 'gro ba dang mthun pa yin pa'i phyir bde ba yin no/ /mi dge ba rnams ni de las bzlog pa'i rgyu gnyis kho nas blta bar bya ste/ ngo bo nyid kyi phyin ci log tu gyur pa dang/ mi dge bas so/ /lung du ma bstan pa rnams ni phyin ci log tu gyur pa yang ma yin/ phyin ci log gi gnyen po yang ma yin pa dang/ bde ba yang ma yin mi bde ba yang ma yin par blta bar bya'o/ /dge ba de'i rab tu dbye ba yang rnam pa lngas rnam par gzhag par rig par bya ste/ phyi ma la 'bras bu 'dod pa dang/ kun nas nyon mongs pa'i gnyen po ni 'di lta ste/ mi sdug pa la sogs pa 'dod chags la sogs pa'i gnyen po yin pa nas/ 'phags pa'i lam yan lag brgyad pa nyon mongs pa thams cad kyi gnyen po yin pa'i bar du'o/ /kun nas nyon mongs pa nye bar zhi bas rab tu phye ba ni 'di lta ste/ mya ngan las 'das pa'o/ /rnam par dag pa'i gnas pas rab tu phye ba ni 'di lta ste/ 'dod chags dang bral ba/ tshe 'di la bde bar gnas pa bde ba 'phags pa la sogs pas gnas pa rnams kyi'o/ /sems can la phan 'dogs pas rab tu phye ba ni 'di lta ste/ 'dod chags dang bral ba rnams kho na'i ste/ gzhan la snying brtse ba can gyi nyan thos rnams dang/ byang chub sems dpa' rnams dang/ de bzhin gshegs pa rnams kyi gzhan gyi don spyod pa'i dge ba sna tshogs gang dag yin pa rnams so/ /mi dge ba'i chos rnams kyi rab tu dbye ba yang de las bzlog pa rnam pa lnga kho nas rnam par bzhag par rig par bya ste/ phyi ma la 'bras bu mi 'dod pa dang/ kun nas nyon mongs pa'i gnyen po'i mi mthun par phyogs dang/ kun nas nyon mongs pa nye bar bzhi? bas rab tu phye ba dang/ nyon mongs pa can gyi gnas pas rab tu phye ba dang/ gzhan la gnod pas rab tu dbye bas so/ /dge ba'i rgyu lngas stobs dang ldan pa yin te/ lnga gang zhe na/ sbyor ba dang/ sngon goms pa dang/ yon tan khyad par can yongs su 'dzin pa dang/ zhing dang dngos po dang gnas dang/ ngo bo nyid kyis so/ /rtag tu sbyor ba dang/ gus pas sbyor bas byas pa dang/ rnam pa du ma byas pa 'di lta ste/ bdag gis byas pa dang/ gzhan dag de nyid yang dag par 'dzin du bcug pa dang/ de'i bsngags pa rnam grangs du mar brjod pa dang/ chos mthun pa pa mthong na yid rab tu dga' ba bskyed pa gang yin pa'i dge ba de ni sbyor bas stobs dang ldan pa yin par rig par bya'o/ /de la sngon gyi tshe rabs gzhan dag tu dge ba kun tu bston bsgoms lan mang du byas pa'i rgyu dang rkyen des/ de ltar rang bzhin gyis dge ba'i chos rnams la sems 'jug pa dang/ mi dge ba'i chos rnams la sems 'jug pa dang/ mi dge ba'i chos rnams la sems mi 'jug pa dang/ mi dge ba'i chos rnams par mi mthun pa nyid du kun? tu gnas pa gang yin pa'i dge ba de ni sngon goms pas stobs dang ldan pa yin par rig par bya'o/ /de la 'jig rten pa'i 'dod chags dang bral ba rnams dang/ 'phags pa bzhi mthong ba rnams kyi dge bas 'og ma ba dang/ thar pa 'am slan? med pa yang dag par rdzogs pa'i byang chub tu yongs su bsngos pa/ lta ba'i rnam pa thams cad dang bral ba gang yin pa de ni yon tan khyad par can yongs su 'dzin pas bstobs dang ldan pa yin par rig par bya'o/ de la sbyin gnas chen po'i zhing la/ dngos po gya nom pa/ bla ma'i gnas kyis phul ba gang yin pa'i dge ba de ni zhing dang/ dngos po dang/ gnas kyi stobs dang ldan pa yin par dag par bya'o/ /de la sbyin pa las byung ba'i dge ba gang yin pa de ni ngo bo nyid kyis tshul khrims las byung ba dang/ bsgoms pa las byung ba bas ches stobs byung ba yin no/ /tshul khrims las byung ba gang yin pa de ni ngo bo nyid kyis sbyin pa las byung ba bas ches stobs dang ldan pa yin la bsgoms pa las byung ba bas ni ches stobs chung ba yin no/ /bsgoms pa las byung ba'i dge ba gang yin pa de ni ngo bo nyid kyis sbyin pa las byung ba dang/ tshul khrims las byung ba bas shin tu stobs dang ldan pa yin te/ de ltar na dge ba ngo bo nyid kyis stobs dang ldan pa yin par rig par bya'o/ /mi dge ba yang de la brjod pa rnam pa lnga kho nas stobs dang ldan pa yin par rig par bya'o/ /chos lung du ma bstan pa rnams kyi rab tu dbye ba yang rnam pa lngas rnam par gzhag ste/ lnga gang zhe na/ rnam par smin par las skyes pa dang/ spyod lam las byung ba dang/ gzo'i gnas las byung ba dang/ sprul pa las byung ba dang/ ngo bo nyid las byung bas so/ /de la ngo bo nyid las byung ba'i lung du ma bstan pa ni 'di yin te/ rgyas pa las byung ba'i dbang po gzugs can lnga po gang dag yin pa dang/ phyi rol gyi skye mched gzugs can rnam par smin par ma bsdus pa dag las/ gzugs kyi skye mched dang/ sgra'i skye mched dge ba dang/ nyon mongs pa can ma gtogs pa gang dag yin pa rnams so/ /de la slob pa'i chos rnams gang zhe na/ gang zag slob pa rgyun tu zhugs pa dang/ lan cig phyir 'ong ba dang/ phyir mi 'ong ba'i chos 'jig rten las 'das pa 'dus byas dang/ 'jig rten pa'i dge ba gang dag yin pa de dag ni slob pa'i chos rnams zhes bya'o/ /de ci'i phyir zhe na/ 'di ltar de ni chos de dag la brten nas dus dus su lhag pa'i tshul khrims kyi slab pa la yang slob par byed/ lhag pa'i sems dang/ lhag pa'i shes rab la yang slob par byed pa'i phyir ro/ /mi slob pa'i chos rnams gang zhe na/ dgra bcom pa zag pa zad pa'i chos 'jig rten las 'das pa 'dus byas dang 'jig rten pa'i dge ba gang dag yin pa de dag ni mi slob pa'i chos rnams zhes bya'o/ /slob pa yang ma yin mi slob pa yang ma yin pa'i chos rnams gang zhe na/ rgyun tu zhugs pa la sogs pa dgra bcom pa'i mthar thug pa rnams kyi slob pa dang mi slob pa'i chos ji skad bstan pa de dag ma gtogs pa gang dag de las gzhan pa so so'i skye bo'i rgyud du gtogs pa dang/ de'i dbang gis byung ba'i chos thams cad ni slob pa yang ma yin mi slob pa yang ma yin pa'i chos rnams yin par rig par bya'o/ /de la mthong bas spang bar bya pa'i chos rnams gang zhe na/ 'jig tshogs la lta ba la sogs pa lta ba lnga dang/ lta ba de dag la 'dod chags dang/ khong khro ba dang/ nga rgyal gang dag yin pa dang/ de dag dang mtshungs par ldan pa dag dang/ bden pa rnams la ma rig pa ma 'dres pa dang/ bden pa rnams la yid gnyis dang/ ngan song du 'gro ba dang/ mthun pa'i las mthong bas spang bar bya ba gang dag yin pa de dag thams cad ni mthong bas spang par bya ba'i chos rnams zhes bya'o/ /bsgom pas spang bar bya ba'i chos rnams gang zhe na/ dge ba'i chos zag pa dang bcas pa thams cad dang/ ma sgribs la lung du ma bstan pa'i chos thams cad dang/ nyon mongs pa can gyi chos ji skad bstan pa rnams ma gtogs pa de las gzhan pa'i chos nyon mongs pa can thams cad ni bsgom pas spang bar bya ba'i chos rnams zhes bya'o/ /spang bar bya ba ma yin pa'i chos rnams gang zhe na/ 'jig rten las 'das pa slob pa thams cad dang/ mi slob pa'i rgyud du gtogs pa thams cad de de la 'jig rten las 'das pa gang dag yin pa de dag ni dus rtag pa kho nar ngo bo nyid kyis rnam par dag pa yin pa'i phyir spang bar bya ba ma yin no/ /de las gnas pa 'jig rten pa rnams ni spangs zin pa'i phyir spang bar bya ba ma yin no/ /de la chos zab mo mthong mthong bar dka' ba rnams gang zhe na/ chos thams cad zab mo mthong bar dka' ba yin par blta bar bya'o/ /de ci'i phyir zhe na/ 'di lta ste/ brjod du med pa'i bdag nyid dang/ tshig gi spyod yul las 'das pa'i ngo bo nyid 'di ni mchog tu zab pa yin te/ chos thams cad kyang brjod du med pa'i bdag nyid dang/ tshig gi spyod yul las 'das pa'i ngo bo nyid pas/ de dag ni brjod pa las brten pas gzung bar bya ba dang/ blta bar bya ba dang/ rtogs par bya ba yin pa'i phyir te/ de lta bas na zab mo mthong bar dka' ba yin par rig par bya'o/ /chos gzugs can rnams dang/ gzugs can ma yin pa rnams dang/ bstan du yod pa rnams dang/ bstan du med pa rnams dang/ thogs pa dang bcas pa rnams dang/ thogs pa med pa rnams dang/ bstan du med la thogs ba med pa rnams dang/ bstan du yod la thogs pa dang bcas pa rnams dang/ zag pa dang bcas pa rnams dang/ zag pa med pa rnams dang/ nyon mongs pa dang bcas pa rnams dang/ nyon mongs can ma yin pa rnams dang/ zang zing dang bcas pa rnams dang/ zang zing med pa rnams dang/ zhen pa la brten pa rnams dang/ mngon par 'byung ba la brten pa rnams dang/ 'jig rten pa rnams dang/ 'jig rten las 'das pa rnams dang/ gtogs pa rnams dang/ ma gtogs pa rnams dang/ 'dus byas rnams dang/ 'dus ma byas rnams dang/ shes par bya ba rnams dang/ rnam par shes par bya ba rnams dang/ dmigs pa dang/ gnas pa 'dren pa'i chos rnams dang/ rnam par smin pa dang bcas pa rnams dang/ rnam par smin pa med pa rnams dang/ rgyu dang bcas pa rnams dang/ rgyu med pa rnams dang/ 'bras bu dang bcas pa rnams dang/ 'bras bu med pa rnams dang/ rten cing 'brel par 'byung ba'i chos rnams dang/ nang gi rnams dang/ phyi rol gyi rnams dang/ ming dang gzugs kyis bsdus pa rnams dang/ zin pa rnams dang ma zin pa rnams dang/ 'byung ba chen po rnams rgyur byas pa dang/ 'byung ba chen po rnams rgyur byas pa ma yin pa dang/ srid pa rnams dang/ srid pa ma yin pa rnams dang/ bla na yod pa rnams dang/ bla na med pa rnams dang/ bsgom par bya ba rnams dang/ 'das pa rnams dang/ ma 'ongs pa rnams dang/ da ltar byung ba rnams dang/ 'dod pa dang ldan pa rnams dang/ gzugs dang ldan pa rnams dang/ gzugs med pa dang ldan pa rnams dang/ dge ba rnams dang/ mi dge ba rnams dang/ lung du ma bstan pa rnams dang/ slob pa rnams dang/ mi slob pa rnams dang/ slob pa yang ma yin mi slob pa yang ma yin pa rnams dang/ mthong bas spang bar bya ba rnams dang/ bsgom pas spang bar bya ba rnams dang/ spang bar bya ba ma yin pa rnams dang/ zab mo mthong bar dka' ba'i chos rnams kyi dbye ba rnam par bzhag pa ni ji snyad bstan pa de dag yin te/ legs par bsam pa sems pas tshul bzhin la rab tu brtson pas ni de ltar chos rab tu rnam par dbye ba la rnal 'byor du bya'o/ /bsam pa las byung ba'i sa pa'i rnam par gtan la dbab pa ste/ rnam par gtan la dbab pa'i gzhung lhag ma ni mi snang ngo/ / //bam po nyi shu rtsa lnga pa/ bsgoms pa las byung ba'i sa'i rnam par gtan la dbab pa ni mdor bsdu na bsgom pa rnam pa bcu drug tu rig par bya ste/ 'di lta ste/ nyan thos kyi theg pa dang ldan pa'i yid la byed pa bsgom pa dang/ theg pa chen po dang ldan pa'i yid la byed pa bsgom pa dang/ gzugs brnyan bsgom pa dang/ dngos po'i mdza' bsgom pa dang/ dgos pa yongs su grub pa bsgom pa dang/ 'thob pa bsgom pa dang/ bsten pa bsgom pa dang spang ba bsgom pa dang/ gnyen po bsgom pa dang nyi tshe ba bsgom pa dang/ kun tu 'gro ba bsgom pa dang/ g.yo ba yod pa'i bsgom pa dang/ mngon par 'du byed pa dang bcas pa bsgom pa dang/ grub pa bsgom pa dang/ bsgoms pa las byung ba ma yin pa'i chos bsgom pa dang/ bsgoms pa las byung ba'i chos bsgom pa'o/ /de la nyan thos kyi theg pa dang ldan pa'i yid la byed pa bsgom pa gang zhe na/ smras pa/ 'di ltar 'di na nyan thos nyan thos kyi chos nyid la gnas pa/ yang dag pa nyid du skyon med ba la zhugs pa 'am/ yang dag pa nyid du skyon med pa la ma zhugs pa/ sems can gyi don la mi lta ba/ bdag gi don la lta ba la rnam par gzhag pa'i bden pa yid la byed pa'i sgo nas/ de bzhin nyid la rjes su zhugs nas so so rang gi chos kyi dmigs pa dpag tu yod cing yongs su chang? bskyo ba dang/ 'dod chags dang bral ba dang/ rnam par grol ba'i rnam pa yid la byed pa sred bzang bar bya ba'i phyir sgom par byed pa de ni/ nyan thos kyi theg pa dang ldan pa'i yid la byed pa bsgom pa zhes bya'o/ /theg pa chen po dang ldan pa'i yid la byed pa bsgom pa gang zhe na smras pa/ 'di ltar 'di na byang chub sems pa'i byang chub sems dpa' i chos nyid la gnas pa/ yang dag pa nyid du skyon med pa la ma zhugs pa 'am/ yang dag pa nyid du skyon med pa la zhugs pa/ bdag gi don dang gzhan gyi don la lta ba la rnam par gzhag pa dang/ rnam par ma gzhag pa'i bden pa yid la byed pa'i sgo nas/ de bzhin nyid la rjes su zhugs nas/ so so rang gi chos kyi dmigs pa dpag tu med cing yongs su mchad pa/ snying rje'i dbang du byas nas sems can gyi don bya ba'i thabs kyis yongs su zin pa'i rnam pa bla na med pa'i go 'phang gnon pa'i rgyur gyur pa'i yid la byed pa/ bdag dang gzhan gyi srid bzang bar bya ba'i sgom par byed pa de ni theg pa chen po dang ldan pa'i yid la byed pa bsgom pa ces bya'o// gzugs brnyan sgom pa gang zhe na/ ting nge 'dzin gyi spyod yul gyi gzugs brnyan shes bya'i dngos po dang cha mthun pa rnam par rtog pa dang bcas pa/ lhag mthong gi phyogs dang mthun pa yid la byed pa 'am te/ de de 'dzin gyi spyod yul gyi gzugs brnyan shes ba'i dngos po dang cha mthun pa rnam par mi rtog pa zhi gnas kyi phyogs dang mthun pa yid la byed pa'i bsgom pa gang yin pa de ni gzugs brnyan bsgom pa zhes bya'o/ /dngos po'i mdza' bsgom pa gang zhe na/ nang dang phyi rol gyi chos 'das pa dang/ ma 'ongs pa dang/ da ltar byung ba rnams kyi rags pa dang/ cha phra ba nyid dang/ ngan pa dang gya nom pa nyid dang/ rgyang ring ba dang/ thag nye ba nyid dam/ de bzhin nyid la ji snyed yod pa nyid dang/ ji lta ba bzhin du yod pa nyid kyis yid la byed pa bsgom pa gang yin pa de ni dngos po'i mdza' bsgom pa ces bya'o/ /dgos pa yongs su grub pa bsgom pa gang zhe na/ 'jig rten pa dang 'jig rten las 'das pa'i bsam gtan nam/ snyoms par 'jug pa'i dngos gzhi la snyoms par zhugs pa'i bsgom pa gang yin pa de ni dgos pa yongs su grub pa bsgom pa zhes bya'o/ /'thob pa bsgom pa gang zhe na/ 'di ltar 'di na la la bsam gtan dang po la brten nas/ gal te mi rtag pa'i 'du shes sgom par byed dam/ gal te 'chi ba'i 'du shes kyi bar du bsgom par byed pa de/ de las gzhan pa rang gis ba 'am/ sa 'og ma ba'i 'du shes mngon du ma gyur ba dag gam des drangs pa 'jig rten pa'am 'jig rten las 'das pa'i yon tan de las gzhan pa dag gsal ba dang/ chos 'di gsal bar bskyed par bya ba'i phyir sgom par byed cing de dag la yang dbang dang ldan pa 'thob par 'gyur ba gang yin pa de ni 'thob pa bsgom pa zhes bya'o/ /bsten pa bsgom pa gang zhe na/ smras pa/ 'di ltar 'di na la la mi rtag pa la sogs pa dge ba'i 'du shes sam/ dge ba'i chos gang dang gang yid la byed pa de'i de bsten pa'i bsgom pas bsgom par byed pa gang yin pa de ni bsten pa bsgom pa ces bya'o/ /spang ba bsgom pa gang zhe na/ smras pa/ 'di ltar 'di na la la ting nge 'dzin gyi spyod yul gyi gzugs brnyan gyi mtshan ma yid la byed pas/ rang bzhin gyi mtshan ma khye'us khye'u 'byung ba'i tshul gyis mngon par 'byin par byed/ mngon par sel bar byed/ mngon par spong bar byed de/ 'di lta ste/ dper na la la zhig gi khyi'u ches phra bas khye'u ches spom pa 'byin par byed pa de bzhin du/ shin tu sbyangs pa'i tshogs kyis gnas ngan len gyi tshogs mngon par 'byin par byed/ mngon par sel bar byed/ mngon par spong bar byed pa gang yin pa de ni spang ba bsgom pa zhes bya'o/ /gnyen po bsgom pa gang zhe na/ smras pa/ rnam par sun 'byin pa gnyen po 'am spong ba gnyen po 'am/ kun tu 'dzin pa gnyen po 'am/ thag bsring ba gnyen po yid la byed pa'i bsgom pa gang yin pa de ni gnyen po bsgom pa zhes bya'o/ /de la rnam par sun 'byin pa gnyen po ni tshad med pa dag ma gtogs pa 'jig rten pa'i dge ba'i lam thams cad dang/ rnal 'byor pa rnams kyi rnam par 'phrul ba dang ldan pa'i yid la byed pa gzhan gang yin pa'o/ /de la spong pa gnyen po ni de bzhin nyid la dmigs pa'i yid la byed pa'o/ /de la kun tu 'dzin pa gnyen po ni/ de'i rjes las thob pa 'jig rten pa dang/ 'jig rten las 'das pa'i lam dang/ rnam par grol ba'i lam mo/ de la thag bsring ba gnyen po ni nyon mongs pa rnams spangs pa'i de'i gnyen po'i lam lan mang du byed pa dang/ sa gong ma pa'i lam lan mang du byed pa gang yin pa'o/ /rnam grangs gzhan yang thos pa dang/ bsams pa las byung ba'i lam ni sun 'byin pa gnyen po yin no/ /'jig rten las 'das pa'i lam ni spong pa gnyen po yin no/ /de'i 'bras bu gnas gyur pa ni kun tu 'dzin pa'i gnyen po yin no/ /'jig rten pa'i bsgom pa'i lam ni thag sring ba gnyen po yin no/ /nyi tshe ba bsgom pa gang zhe na/ smras pa/ mi rtag pa'i 'du shes la sogs pa dge ba'i chos rnams gang yang rung ba yid la byed pa'i bsgom pa gang yin pa de ni nyi tshe bsgom pa ces bya'o/ /kun tu 'gro ba bsgom pa gang zhe na/ smras pa/ chos thams cad la de bzhin nyid ro gcig par yid la byed pa'i bsgom pa gang yin pa de ni kun tu 'gro ba bsgom pa zhes bya'o/ /g.yo ba yod pa'i bsgom pa gang zhe na/ mtshan ma med pa bsgom pa la zhugs pa'i mtshan mas skabs skabs su rgyun chad pa dang bcas pa'i bsgom pa gang yin pa de ni g.yo ba yod pa'i bsgom pa zhes bya'o/ /mngon par 'du byed pa dang bcas pa bsgom pa gang zhe na/ smras pa/ de nyid la zhugs pa'i mngon par 'du byed pa las mtshan mas rgyun chad pa med par bsgom pa gang yin pa de ni mngon par 'du byed pa dang bcas pa bsgom pa zhes bya'o/ / grub pa bsgom pa gang zhe na/ smras pa/ nyan thos kyi theg pa 'am/ rang sangs rgyas kyi theg pa 'am/ theg pa chen pos thams cad kyi thams cad du gnas gyur pa chos thams cad la dbang thob pa'i bsgom pa gang yin pa de ni grub pa bsgom pa zhes bya'o/ /bsgom pa las byung ba ma yin pa'i chos bsgom pa gang zhe na/ smras pa/ mnyam par ma bzhag pa'i sa ba rnams kyi sbyin pa dang/ tshul khrims la sogs pa dge ba'i chos rnams kyi bsgom pa gang yin pa de ni/ bsgoms pa las byung ba ma yin pa'i chos bsgom pa zhes bya'o/ / bsgoms pa las byung ba'i chos bsgom pa gang zhe na/ smras pa/ mnyam par bzhag pa'i sa pa rnams kyi dge ba'i chos rnams kyi bsgom pa gang yin pa de ni bsgoms pa las byung ba'i chos sgom pa zhes bya'o/ /bsgoms pa las byung ba'i sa'i rnam par gtan la dbab pa ste/ ? rnam par gtan la dbab pa'i gzhung lhag ma ni mi snang ngo/ //nyan thos kyi sa'i rnam par gtan la dbab pa ni sa'i dngos gzhir gang zag rigs med pa la gnas pa gtan yongs su mya ngan las mi 'da' ba' i chos can zhes gang bshad pa de la gal te la la ji ltar gtan yongs su mya ngan las mi 'da' ba' i chos can yin snyam du yid gnyis dang/ the tshom skye bar gyur na/ de la ji skad ces brjod par bya ste/ ci sems can khams sna tshogs pa dang/ khams dpag tu med pa dang/ khams dman pa ba dang/ khams gya nom pa ba dag yod par 'dod dam/ 'on te mi 'dod/ gal te yod na ni nges na gang zag gtan yongs su mya ngan las mi 'da' ba' i chos can med ces byar mi rung ngo/ /gal te med na ni nges na sems can khams sna tshogs pa nas khams gya nom ba ba'i bar dag yod ces byang yang mi rung ngo/ /de skad lan btab kyang yang yongs su 'dri ste/ ji ltar sems can rnams la khams sna tshogs pa nyid nas/ khams gya nom pa ba nyid kyi bar dag yid kyang dbang ba med pa'i sems can med de yongs su mya ngan las mi 'da' ba' i chos can yang de bzhin no/ /yang na dbang po med pa yang sems tsam du ci'i phyir mi 'gyur zhe na/ de la 'di skad ces brjod par bya ste/ ci dbang po med pa gang yin pa de sems can yin nam/ 'on te sems can ma yin par 'dod/ gal te sems can yin na ni des na phyi rol gyi dngos po dbang po med pa rnams kyang sems can yin par 'gyur bas mi rung ngo/ /gal te sems can ma yin na ni nges na dbang po med pa yang sems can du ci'i phyir/ mi 'gyur zhes byar mi rung ngo/ /de skad lan gtab? kyang yang yongs su 'dri ste/ 'di lta ste/ dper na rgyal rigs su gyur pa las res 'ga' bram ze dang/ rje'u rigs dang/ dmangs rigs su 'gyur ba dang/ de bzhin du dmangs rigs su gyur ba las res 'ga' rgyal rigs kyi bar du 'gyur ba dang/ sems can dmyal ba bar gyur ba las res 'ga' lha'i bar du 'gyur ba dang/ lhar gyur pa las res 'ga' sems can dmyal ba ba'i bar du 'gyur ba de bzhin du/ yongs su mya ngan las mi 'da' ba' i chos can du gyur pa las kyang res 'ga' yongs su mya ngan las 'da' ba' i chos can du ci'i phyir mi 'gyur te/ de ci'i phyir gtan yongs su mya ngan las mi 'da' ba' i chos can ni 'ga' yang med do ce na/ de la 'di skad skad ces brjod par bya ste/ ci rgyal rigs nas dmangs rigs kyi bar dang/ sems can dmyal ba nas lha'i bar gang yin ba de khams thams cad pa yin nam/ 'on te khams re re ba yin bar 'dod/ gal te khams thams cad pa yin na ni des na dpe mi mthun pas mi rung ngo/ /gal te khams re re ba yin na ni nges na rgyal rigs su gyur nas 'ga' dmangs rigs kyi bar du 'gyur ba dang/ sems can dmyal ba bar gyur nas/ /res 'ga' lha'i bar du 'gyur ro zhes byar mi rung ngo/ /de skad lan btab kyang yongs su 'dri ste/ ji ltar rgyal rigs la sogs pa khams cad pa de kho na yin bzhin du/ yongs su mya ngan las mi 'da' ba' i chos can yang ci'i phyir yongs su mya ngan las 'da' bar mi 'gyur zhe na/ de la 'di skad ces brjod par bya ste/ ci yongs su mya ngan las mi 'da' ba' i chos can gyi khams gang yin pa dang/ yongs su mya ngan las 'da' ba' i chos can gyi sems can gang yin pa'i khams de gnyis phan tshun mi mthun pa yin nam/ 'on te mi mthun ba med par 'dod/ gal te mi mthun na ni des na yongs su mya ngan las mi 'da' ba' i chos can gyi khams ci'i phyir yongs su mya ngan las 'da' ba' i chos can gyi khams su mi 'gyur zhes byar mi rung ngo/ /gal te mi mthun pa med na ni gang zag de nyid yongs su mya ngan las mi 'da' ba' i chos can yang yin la/ de nyid yongs su mya ngan las 'da' ba' i chos can yang yin par 'gyur te mi rung ngo/ /de skad lan btab kyang yang yongs su 'dri ste/ 'di lta ste/ dper na/ sa'i phyogs la la na res 'ga' gser gyi rigs med pa las nges 'ga' gser gyi rigs yod pa dang/ res 'ga' nor bu dang/ mu tig dang/ baiDUrya la sogs pa'i rigs med pa las re 'ga' de dag gi rigs yod ba dang/ res 'ga' lan tshwa'i rigs med pa las res 'ga' de'i rigs yod pa dang/ res 'ga' 'byung khung rnam pa sna tshogs kyi rigs med pa las res 'ga' de dag gi rigs yod ba de bzhin du ci'i phyir yongs su mya ngan las mi 'da' ba' i chos can du gyur ba las res 'ga' yongs su mya ngan las 'da' ba' i chos can du mi 'gyur zhe na/ de la 'di skad ces brjod bar bya ste/ ci dper na sa'i phyogs de na de dag gi rigs med par gyur pa las de dag go rigs yod par gyur ba'am/ de dag gi rigs yod? par gyur ba las de dag gi rigs med par gyur pa de bzhin du/ nyan thos kyi rigs su nges par gyur ba las de'i rigs med par gyur pa nas/ theg pa chen po'i rigs su nges par 'gyur ba las de'i rigs med par gyur ba dang/ ma nges pa'i rigs su gyur ba las nges pa'i rigs kyi bar du gyur pa'am/ 'on te de lta ma yin par 'dod/ gal te yin na ni nges na thar pa'i char nga mthun pa'i dge ba'i rtsa ba 'bras bu med par 'gyur te/ de ltar na rigs rnam par gzhag pa nges pa med par 'gyur bas mi rung ngo/ /gal te ma yin na ni nges? 'di lta ste/ dper na/ sa'i phyogs bzhin du yongs su mya ngan las mi 'da' ba' i chos can rigs med pa la gnas par gyur nas/ rigs la gnas par 'gyur ba dang/ 'di lta ste dper na/ sa'i phyogs bzhin du yongs su mya ngan las 'da' ba'i chos can yang rigs la gnas par gyur nas/ rigs med pa la gnas par 'gyur bas mi rung ngo/ /de la 'di skad ces kyang brjod par bya ste/ ci yongs su mya ngan las mi 'da' ba' i chos can khams dman bab khams dman po kho na la gnas ba tshe de nyid la yongs su mya ngan las 'da' ba' i chos can du 'gyur rtam?/ 'on te de'i 'og tu yongs su mya ngan las 'da' ba' i chos can du 'dod/ gal te tshe de nyid la yin na ni des na ci de sangs rgyas dang chos dang dge 'dun la brten nas/ tshe de nyid la thar ba'i tshe dang mthun pa'i dge ba'i rtsa ba la skyed pa'i skal ba yang yod pa 'am/ 'on te med bar 'dod/ gal te skal ba yod na ni nges na sangs rgyas dang/ chos dang/ dge 'dun la brten te tshe 'di la thar ba'i cha dang mthun pa'i dge ba'i rtsa ba bskyed pa'i skal ba yang bas yongs su mya ngan las mi 'da' bar chos can zhes byar mi rung ngo/ /gal te skal ba med na ni nges na sangs rgyas dang chos dang/ dge 'dun la brten te/ tshe 'di la thar ba'i cha dang mthun pa'i dge ba'i rtsa ba bskyed pa'i skal ba med bas yongs su mya ngan las 'das pa'i chos can zhes byar mi rung ngo/ gal te phyi ma'i tshe rabs la yongs su mya ngan las 'da' ba' i chos can du gyur na ni des na ? sngar dge ba'i rtsa ba bsags nas/ de'i phyi ma'i tshe rabs la sangs rgyas dang chos dang/ dge 'dun la brten te/ thar ba'i cha dang mthun pa'i dge ba'i rtsa ba bskyed pa'i skal ba yod pa yin nam/ 'on te sngar dge ba'i rtsa ba ma bsags par de'i phyi ma'i tshe rabs la sangs rgyas dang/ chos dang/ dge 'dun la brten te/ thar pa'i cha dang mthun ba'i dge ba'i rtsa ba bskyed pa'i skal pa yod par 'dod/ gal te sngar dge ba'i rtsa ba bsags na ni des na tshe 'di nyid sangs rgyas dang/ chos dang/ dge 'dun la brten te/ thar pa'i cha dang mthun pa'i dge ba'i rtsa ba bskyed nas de'i phyi ma'i tshe rabs la yongs su mya ngan las 'da' ba' i chos can du 'gyur zhes byar mi rung ste/ 'di ltar rgyu ma tshang ba'i phyir ro/ /gal te sngar dge ba'i rtsa ba ma bsags na ni des na sngon dang phyis dge ba'i rtsa ba ma bsags par 'dra bas/ de'i phyi ma'i tshe rabs la yongs su mya ngan las 'da' ba' i chos can du 'gyur la/ de nyid la mi 'gyur zhes bya ba mi rung ngo/ /nyan thos rnams ni mdor bsdu na bcu po 'di dag yin te/ bcu gang zhe na/ dge ba'i khams can dang rkyen rnyed pa dang/ kun nas nyon mongs pa can gyi khams su skyes pa dang/ dag pa'i khams su skyes pa dang/ dus kyi mthar skyes pa dang/ dus bzang por skyes pa dang/ mig ma thob pa dang/ mig thob ba dang/ /mig rnam par dag pa dang/ mig shin tu rnam par dag pa'o/ /de la dang po ni rigs la gnas pa'o/ /gnyis pa ni zhugs pa'o/ /nyan thos gang 'jig rten gyi khams gang na sdug bsngal mang po sna tshogs dmigs pa der skyes shing/ de yang tshe'i snyigs ma nas/ sems can gyi snyigs ma la mthar thug pa'i bar gyi snyigs ma lnga 'byung ba'i go skabs yod pa de ni kun nas nyon mongs pa can gyi khams su skyes pa zhes bya'o/ /dag pa'i khams su skyes pa ni de las bzlog par rig par bya'o/ /nyan thos dus kyi mthar skyes pa ji ltar blta bar bya zhe na/ nyan thos dus kyi mthar skyes pa rnams ni phal cher rnyed pa dang/ bkur snyi? la gdub/ yang dag par mgu bar 'gyur ba'i chos rnams la mi phyogs pa/ 'dod chags dang/ zhe sdang dang/ gti mug dang/ dam pa ma yin pa'i chos mang ba/ phrag dag dang/ ser sna'i nye ba'i nyon mongs pas sems yongs su gtugs pa/ gnas la ser sna byed pa/ khyim la ser sna byed pa/ rnyed pa la ser sna byed pa/ bsngags pa la ser sna byed pa/ chos la ser sna byed pa/ g.yo dang sgyu dang ldan pa skyor 'byin pa/ dor byed pa nas rgyus par 'tsho ba'i bsam pas rab tu byung gi/ mya ngan las 'das pa'i bsam pas ma yin pa'i bar dang/ rgod pa/ khengs pa/ mi brtan pa/ mu tsor smra ba/ spyi brtol? che ba/ ngan g.yo dang ldan pa/ brjed ngas ba/ mnyam par ma bzhag pa/ sems rnam par 'khrul pa/ dbang po yal bar por ba/ nyon mongs pa mang yang nyon mongs pa kun tu 'byung ba yongs su gcod par mi byed/ sdug bsngal dang yid mi bde ba mang yang skyo ba mi skyed pa/ tshogs 'du ba mang ba bas mdza' gnas ma la dgon pa dag spangs pa/ tshogs kyi nang du 'od ba/ grong dang nye ba'i mal cha dang/ stan dag la brten cing de la kun tu dga' ba de bzhin du smra ba la kun tu dga' ba/ 'du 'ji'i? gtim la kun dga' ba/ 'du 'dzi la kun tu dga' dbang? gnyid rab tu 'dzin pa/ bag med pa lus ma bsgoms pa/ sems dang/ tshul khrims dang/ shes rab ma bsgoms pa/ de bzhin gshegs pa'i mdo sde chos zab mo stong pa nyid dang ldan pa/ rkyen 'di pa nyid kyi rten cing 'brel bar 'byung ba dang mthun pa gang dag yin pa de dag spangs nas/ snyan dngags mkhan gyis byas pa snyan dngags kyi yul yig sna tshogs pa/ tshig dang yig 'bru sna tshogs pa/ 'jig rten rgyang phan pa'i gsang tshig dang ldan pa gang yin pa de dag gus par bya ste/ lan cing de la mchog tu dga' ba skyed pa dam pa'i chos ltar bcos pa'i chos dag la chos su 'du shes shing/ de dag la dga' ba dang/ stan pa dang/ rab tu ston par byed pa/ chos dang 'dul ba la skur pa 'debs pa/ chos dang 'dul ba smra ba'i gang zag rnams la dgrar 'du shes pa/ phal cher tshul khrims 'chal pa/ sdig pa'i chos can nang rul ba/ nyes 'jog tu gyur pa/ lung bong ltar kun tu sbyod ba/ dge sbyong ma yin par dge sbyong du khas 'che ba/ tshangs par sbyong ba ma yin par tshangs par spyod par khas 'che ba/ bsams bzhin du ltung ba lci ba dag ma lus par 'byin pa/ lci ba dag kyang lhag ma ma lus bar 'byin na/ 'bring dang yang ba dag lta smos kyang ci dgos pa/ ltung ba byung na yang phal cher chos bzhin du phyir gso bar mi byed pa/ gzhan go bar bya ba'i phyir 'chags kyi/ bsam pa thag pa nas mi byed pa/ mdza' bshes kyi khyim pa dang/ slongs mo ster ba'i khyim dag nan gyis yongs su 'dzin par byed pa/ khyim na gnas pa'i bya ba dang/ khyim na gnas pa'i byed pa don med pa dang ldan pa dag la rtsol ba mang du byed pa dag 'byung bar 'gyur te/ de dag na khyim khyim pa gos dkar po can rnams la ches shas cher byams pa dang/ mdza' ba dang/ gus pa dang/ snying brtse ba'i sems nye bar 'jog par byed kyi/ tshangs pa mtshungs par spyod pa rnams la ni de lta mi byed do/ /tshul 'chos ba log pas 'tsho bar byed pa'i chos rnams kyis shas cher gnas so/ /gcig la gcig 'khur? ba'i sems nye bar 'jog cing thag khrol byed pa dang/ 'tshang 'bru ba dang/ rtsod pa dang/ 'gyed par byed do/ /snod spyad dang/ yo byad mang ba dang/ spyod tshul tsam lhur len par byed do/ /de dag gis gang dag rab tu byung ba dang/ bsnyen par rdzogs par byas ba de dag thams cad kyang/ zang zing dang bcas pa'i sems kyis bsnyen bkur dang yongs su spyod ba'i phyir byed la/ tshig tu ni snying brtse ba'i phyir khyed rab tu 'byung ngo/ /bsnyen par rdzags? par bya'o zhes sgrogs par byed do/ /de dag dang lhan cig gnas pa dang/ slob ma gang dag yin pa de yang rtag par rgyun tu bsnyen bkur dang/ yongs su spyad pas de dag gi sems srung du 'jug go /de dag de g.yel na dga' ba dang/ yid du 'ong ba dang/ phan 'dogs par byed pa/ mi g.yel ba gzhan dag la ni de lta mi byed do/ /de dag dge slong gang rmang grags che ba chos gos la sogs pa rnyed pa dang ldan pa de la bsnyen bkur byed/ bla mar byed/ rim gro byed/ mchod pa byed kyi/ de dag dge slong gang rmang grags mi che ba 'dod ba chung ba la sogs ba'i yon tan dang ldan pa de la ni brnyas par byed/ khyad du gsod par byed/ /gnod pa byed do/ /dge 'dun gyi 'am/ gang zag gi longs spyod la longs spyod pas 'gyod pa chung ba dang/ gang zag tshul khrims 'chal ba dag yongs su sdud pa dang/ phyogs la 'chags par byed do/ /kha cig ni 'gyod pa chung ba dang/ 'gyod pa ha cang che bar byed do/ /phal cher grags pa dang/ sgra dang/ tshigs su bcad pa dang/ rnyed pa dang/ bkur sti'i don du thos pa 'dzin par byed kyi/ bdag nyid dul bar bya ba'i don du ma yin te/ dus kyi lam ni nyan thos rnams ni de ltar de lta bu dang mthun pa'i kun nas nyon mongs ba'i chos rnams dang ldan par 'gyur te/ ston ba yongs su mya ngan las 'das shing/ bstan pa nub tu nye ba'i tshe na ni phal cher lus zhigs? te shi ba'i 'og tu yang ngan song ngan 'gro log par ltung ba/ sems can dmyal ba rnams su skye bar gyur ro/ /nyan thos dus bzang por skyes pa ni de las bzlog pa kun nas nyon mongs pa med pa'i chos rnams dang ldan par rig par bya ste/ ston pa mngon du gyur cing bstan pa la chu ngur ma byung la/ de bzhin gshegs pa gsar du byung ba'i dus kyi tshe na ni phal cher lus zhigs? te shi ba'i 'og tu bde 'gro mtho ris kyi 'jig rten lha dang mi rnams kyi nang du skye bar 'gyur ro/ /kha cig ni yongs su mya ngan las kyang 'da' o/ /so so'i skye bo'i nyan thos ni mig ma tho ba ba zhes bya'o/ /rgyun tu zhugs pa dang/ lan cig phyir 'ong ba dang/ /phyir mi 'ong ba ni mig thob pa zhes bya'o/ /dgra bcom pa shes rab kyis rnam par grol ba rnams ni mig rnam bar dag pa zhes bya'o/ /rig pa gsum dang ldan pa dang/ gnyi ga'i cha las rnam par grol ba de dag ni mig shin tu rnam par dag pa zhes bya'o/ /nyan thos gang yang dag pa ji lta ba bzhin du brtsal gang?/ tshe 'di la mi'i chos las bla ma mi 'thob pa yang yod de/ /nyan thos gang tshe 'di la ma'i chos las bla ma dge sbyong gi 'bras bu 'thob bar nus shing mthu yod kyang/ bag med pa'i rgyus mi 'thob pa yang yod do/ /zla ba lta bu'i mdo'i rnam par bshad pa ni bzhi pa 'di dag ni nyan thos rnams la dang par 'gyur ba'i chos rnams yin te/ de dag skye ba'i tshogs kyis mthong ngam thos na/ lus dang/ ngag dang/ yod rnams kyis bsod nams mang du bskyed bar 'gyur ro/ /bzhi gang zhe na/ tshul khrims dang ldan par gnas ba dang/ so sor thar ba'i sdom pas bsngags ba dang/ cho ga phun sum tshogs pa dang/ sbyong yul phun sum tshogs pa dang kha na ma tho ba phra rab tsam dag la yang 'jigs par blta ba dang/ bslab pa'i gzhi rnams yang dag par blangs te/ slob pa zhes mdo las ji skad gsungs pa de ni chos dang po yin no/ /gzhan yang 'dod pa chung ba dang/ chog shes pa zhes bya ba nas/ zag bzad pa shes pa mngon sum du bya ba'i phyir bsngags pa brjod par byed ces gsungs pa'i bar de ni chos gnyis pa yin no/ /gzhan yang nges pa dang/ 'grogs na bde ba dang/ tshangs pa mtshungs par spyod pa mkhas pa rnams la mi 'tshe ba'i rang bzhin can dang/ dge slong rnams kyang de dang lhan cig gnas par dga' ba dang/ shes nas dang pa bzhi dang ldan pa zhes gsungs pa de ni chos gsum pa yin no/ /gzhan yang rnyed pa la chags pa med pa dang/ bkur sti la chags pa med pa dang/ gzhan la snying brtse ba dang/ dge ba mi sbyoms pa dang/ sdig pa 'chags pa dang/ yang dag pa'i yon tan yod pa de dag gis de gzhan dag gis bdag la 'di ni yon tan de lta bu dang ldan pa yin no/ /zhes shes par gyur na tsam rung snyam du gzhan las shes kyi pa yongs su mi tshol ba zhes gsungs pa ni/ tshes bzhi pa yin no/ /nyan thos khyim rnams su 'gro bar 'dod pas ni nye ba'i nyon mongs pa gsum spangs pa khyim rnams su 'gro bar bya'o/ /gsum gang zhe na/ mdza' bshes kyi khyim yongs su 'dzin pa dang/ khyim la ser sna byed pa dang/ zang zing dang bcas pa'i sems kyis chos sbyin pa'o/ /de la nyan thos ni rnam pa drug gis mdza' bshes kyi khyim yongs su 'dzin pa'i nye ba'i nyon mongs pa spangs nas khyim du 'gro bar byed de/ res 'ga' 'gro zhing yang dang yang du ma yin pa dang/ chags par 'gyur ba'i dngos po la tshul bzhin ma yin pas mtshan mar gzung ba las 'dod chags skyes pas ngo tsha ba dang/ log pas chos gos la sogs pa spong zhing yongs su tshol ba las brtsams nas spyi rtol med pa dang/ mu cor? mi smra ba dang/ thugs thub mi byed pa dang/ legs par bsdams pa dang/ lus legs par spas ba dang/ lus kyi reg par bya ba ma yin pa la mi reg pa dang/ 'jug par bya ba ma yin pa la mi 'jug pa dang/ bza' bar bya ba ma yin pa mi za ba dang/ btung bar bya ba ma yin pa mi 'thung ba dang/ blang bar bya ba ma yin pa mi len pa dang/ dben pa la bzhol ba dang/ dben pa la 'bab pa dang/ dben pa la bab pa'i sems kyis dge ba rnam par brtag pa kho na la rnam par rtog par byed pa dang/ ri khrod dang/ gcod? rong gi gnas lta bu'i khyim ma dang pa rnams dang par bya ba dang/ khron pa rnying ba'i gnas lta bu'i khyim dang ba rnams phyir zhing 'phel par bya ba'i phyir 'gro bar byed do/ /rnam pa drug kho nas khyim la ser sna byed pa'i nye ba'i nyon mongs pa spangs nas khyim du 'gro bar byed de/ /khyim du son pa na sems can gyi dngos po la chags pa med cing lhag par chags pa med pa dang/ sems can gyi dngos po la ji lta ba bzhin du rnyed pa'i dngos po dang/ bkur bstir dngos po la yang de bzhin pa dang/ ma rnyed bas sdug bsngal bar mi 'gyur zhing/ yid mi bde bar mi 'gyur ba dang/ ma rnyed pa la ji lta ba bzhin du bkur sti med pa la yang de bzhin pa dang/ bdag dang gzhan gyi rnyed pa la sems snyoms pas/ bdag gi rnyed pa dang/ bkur sti'i phyir bdag gi bsngags pa mi brjod pa dang/ gzhan dag gi rnyed pa dang/ bkur sti'i bar chad bya ba'i phyir bsngags pa ma yin pa mi brjod par 'gro ba'o/ /dam pa drug kho nas zang zing dang bcas pa'i sems kyis chos kyi sbyin pa'i nye ba'i nyon mongs pa spangs nas khyim du 'gro ste/ dang bar rgyur nas lhag par byed bar re ba med cing/ nges par 'byung ba nyid kyi chos yang dag pa ji lta ba bzhin du rab tu shes nas 'gro ba dang/ gzhan dag la rnam pa gsum gyis dge ba'i chos bsam pa nye bar gzhag nas 'gro bar byed de/ gsum gang zhe na/ bde ba nye bar bsgrub pa dang/ sdug bsngal bsal ba dang/ gus par byas te nyan pa dang/ 'dzin pa dang chos kyi rjes su mthun pa'i chos sgrub par 'dod pa dang/ skye ba la sogs pa'i sdug bsngal gyis sdug bsngal bar gyur pa rnams sdug bsngal las rnam par thar bar bya ba dang/ grol ba'i bdag nyid kyi chos kyi chos nyid bzang po kho na las brten nas mdo sde dang/ 'dul ba dang/ ma mor gtogs pa brdar btags pa'i chos 'dzin par 'dod pa 'am/ klog par 'dod pa rnams la dam pa'i chos yun ring du gnas par bya ba'i phyir ston par byed pa'o/ /de la nye ba'i nyon mongs pa dang por spangs pas ni ma 'dres par gnas par 'gyur ro/ /gnyis pa spangs pas ni zang zing gi longs spyod legs par 'thob par mi 'gyur ro/ /gsum pa spangs pas ni chos kyi longs spyod legs par 'thob par 'gyur ro/ kha tsi ka'i mdo'i rnam par bshad pa ni nyan thos kun nas nyon mongs pa dang/ rnam par byang ba la brtson pas ni mdor bsdu na gnas gsum yongs su shes par bya ste/ kun nas nyon mongs pa dang/ rnam par byang ba'i gnas kun nas nyon mongs pa dang/ rnam par byang pa'i gnas las yongs su shes par bya ba dang/ kun nas nyon mongs pa kun nas nyon mongs pa las yongs su shes par bya ba dang/ rnam par byang ba rnam par byang ba las yongs su shes par bya'o/ /de la kun nas nyon mongs pa dang/ rnam par byang ba'i gnas gang zhe na/ lus 'di ni gzugs can rags pa 'byung ba chen po'i rgyu las byung ba zhes rgyas par mdo las gsungs pa gang yin pa ste/ de ni byis pa mi mkhas pa ma rig pa dang ldan pa rnams kyi ni kun nas nyon mongs pa'i gnas yin no/ /'dzangs pa mkhas pa rig pa dang ldan pa rnams kyi ni rnam par byang ba'i gnas yin no/ /kun nas nyon mongs pa gang zhe na/ 'di lta ste/ byis pas dge ba dang/ mi dge ba byas pa'i phyir sngar rjes su brtags shing bsams nas/ phyis lus dang/ ngag dang sems kyis dge ba dang mi dge ba byed pas/ 'gro ba lnga'i 'khor bar lus 'dod pa dang/ mi 'dod pa gnod pa dang bcas pa dang/ gnod pa med pa mngon par 'grub par byed pa'o/ /rnam par byang ba gang zhe na/ bslab pa gnyis na rnam par byang ba'i phyogs la gtso bo yin par rig par bya ste/ /'di ltar bslang pa gcig ni de bzhin nyid kyi shes pa'i rten gyi bya ba byed la/ cig shos ni nyon mongs pa dang 'bral bar byed pa'i phyir ro/ /rnam par byang ba de yang mdor bsdu na/ rgyu lngas rab tu phya ba yin te/ rgyu lnga gang zhe na/ ston pa dang/ sgrub pa po dang/ sgrub pa dang/ lhag pa'i sems kyi mi mthun pa'i phyogs kyi nye ba'i nyon mongs pa spong ba dang/ lhag pa'i shes rab kyi mi mthun pa'i phyogs kyi nye ba'i nyon mongs pa spong bas so/ /de la ston pa ni de bzhin gshegs pa'o/ /sgrub pa po ni nyan thos dbang po yongs su smin pa'o/ /de ni shin tu yid gzhungs pa yang yin no/ /sgrub pa ni dben pa shes pas bsdus pa'i shes rab ste/ de ni nyon mongs pa spong ba'i gnyen po bla na med pa yin pa'i phyir ro/ /tshes? bzhi ni lhag pa'i sems kyi mi mthun pa'i phyogs kyi nye ba'i nyon mongs pa zhes bya ste/ rab tu dben pa na gnas pa'i sgrib pa dang/ gdams ngag dang/ rjes su bstan pa mi bzod pa'i khro ba dang/ 'khrug pa dang/ rnyed pa dang/ bkur sti la lhag par chags pa'i phrag dog dang/ ser sna dang/ sngon spyad de myong ba'i yul rnams rjes su dran pa'i kun tu rtog pa'i 'dod chags bslab pa gtong ba dang rjes su mthun pa'o/ /lhag pa'i shes rab kyi mi mthun pa'i phyogs kyi nye ba'i nyon mongs pa'i phyogs ni gsum ste/ dang po kho nar brda'i tshul gyi chos kyi don ma rtogs pa'i ma rig pa dang/ chos kyi don rtogs kyang so so'i skye bor gyur pas bden pa rnams la som nyid dang/ yid gnyis dang/ the tshom ma spangs pa gang yin pa dang/ slob pa bzhin mthong ba'i bsgom pa'i lam gyis bsdus pa'i shes rab kyi mi mthun pa'i phyogs su gyur pa nga'o snyam pa'i nga rgyal lo/ /nye ba'i nyon mongs pa de dag spangs pas/ lhag pa'i sems dang/ lhag pa'i shes rab rnam par dag pas dgra bcom pa nyid kyi 'bras bu 'thob par rig par bya ste/ dgra bcom pa nyid de ni rnam par byang ba'i mchog yin par blta bar bya'o/ /nyan thos kyi kun nas nyon mongs pa dang/ rnam par byang ba'i gnas de yang mdor bsdu na/ rgyu gsum gyis yongs su shes par bya ste/ ngo bo nyid dang/ rgyu dang/ nyes dmigs kyis so/ /mi'i lus 'di'i ngo bo nyid ni mtshan nyid gnyis kyis rab tu phye ba yin te/ gzugs can gyis ni de las gzhan pa'i lus thams cad spyi'i mtshan nyid kyis rab tu phye ba yin no/ /dags pas ni so so rang gi mtshan nyid kyis rab tu phye ba yin te/ mi gsal ba nyid kyis lha'i lus dang mi 'dra ba'i phyir ro/ /de'i rgyu yang rnam pa gsum ste/ lus kyi spyi'i mtshan nyid kyi rgyu ni 'di lta ste/ 'byung ba chen po bzhi po dag go /mi'i lus de'i so so'i rang gi mtshan nyid kyi rgyu ni rnam pa gnyis te/ ma skyes pa skye pa'i rgyu ni 'di lta ste/ pha ma'i mi gtsang ba mer mer po'o/ /skyes pa gnas pa'i rgyu ni 'di lta ste/ 'bras chan dang/ zan dron la sogs pas rgyas pa'o/ /de'i nyes dmigs kyang rnam pa gnyis te/ sdug bsngal ba nyid dang/ mi rtag pa nyid do/ /de la sdug bsngal ba nyid grang ba'i tshe na/ grang ba'i sdug bsngal gyi gnyen po gos kyis gnyen po dang bcas pa dang/ tsha ba'i tshe na tsha ba'i sdug bsngal gyi gnyen po khrus kyis gnyen po dang bcas pa dang/ lam dang las kyi mthas yongs su ngal ba'i tshe na/ yongs su ngal ba'i sdug bsngal gyi gnyen po dang bcas pas sdug bsngal nyid yin par rig par bya'o/ /mi rtag pa nyid ni lag pa dang/ bong ba dang/ dbyug pa'i 'dus te reg pa dag gis 'jig pa'i chos can yin pa'i phyir dang/ mtshon cha'i 'dus te reg pa dag gis chod pa'i chos can yin pa'i phyir dang/ 'chi ba'i dus byas pa ni dong du gzhug pa 'am/ mer bsreg pa 'am/ dud 'gro'i skye gnas su skyes pa'i srog chags rnam pa sna tshogs dag gis kun tu bza' ba'i phyir dang/ de nyid ni nyi ma dang/ rlung gis yongs su skam par 'gyur ba'i phyir dang/ rnam par 'thor pa dang/ rnam par 'jig pa'i chos nyid yin pa'i phyir mi rtag pa nyid yin par rig par bya'o/ /de la 'dus pa rnam par 'bral ba ni rnam par 'thor ba yin no/ /rnam par 'thor pa nyid gyur nas/ mthar thams cad kyi thams cad du rnam par bral ba ni rnam par 'jig pa yin no/ /dmigs pa'i sems las brtsams nas/ ming gis thams cad zil gyis gnon/ /ming las ltag pa yod ma yin/ /ming chos gcig gi dbang rjes su/ /thams cad 'gro ba kho nar 'gyur/ /zhes gang gsungs pa'i tshig de'i don gang zhe na/ smras pa/ mdor bsdu na rnam par byang ba'i rgyu brtag pa dang/ rang gi mtshan nyid brtag pa dang/ kun nas nyon mongs pa'i rgyu brtag pas gang zag la bdag med pa dang/ chos la bdag med pa de yongs su bstan pa yin no/ /de la gang zag la bdag med pa las ni ming gi phung po bzhi po dag yongs su shes pas/ rang gi yul gyi mtshan ma thams cad spangs pas/ zil gyis gnon la kun rtags pa'i ngo bo nyid kyi chos la bdag med par yongs su shes pa las ni tha snyad las byung ba'i ming yongs su shes pas/ de la rten gyi mtshan ma thams cad zil gyis gnon to/ /gzugs can ma yin pa'i phung po bzhi po dag las logs shig na bdag gi mtshan nyid kyi dngos po mi dmigs la tha snyad las byung ba'i ming las logs shig na kun brtags pa'i ngo bo nyid kyi dngos po yang mi dmigs so/ /de gnyis ga yongs su ma shes na yul gyi mtshan ma kun nas nyon mongs pa thams cad kun nas ldang ba dang/ rjes su 'jug bar 'gyur te/ yul gyi mtshan ma'i kun nas nyon mongs pa thams cad ni de'i dbang gis 'byung ba yin pa'i phyir ro/ /bcom ldan 'das kyis kyang de las dgongs nas/ chos kyi ngo bo nyid du 'dzin pa las ni bdag tu 'dzin pa 'byung bar 'gyur la/ de rtogs pas ni de yang rtogs par 'gyur ro/ /de rtogs na de yang ldog par 'gyur ro zhes gsungs so// //bam po nyi shu rtsa drug pa/ bcom ldan 'das kyis nyan thos rnams kyi nyon mongs pa rnam pa spyod ba'i dmigs pa ni bden pa bzhi po 'di dag yin par gsungs te/ sdug bsngal la sogs pa snga ma bzhin no/ /gal te bden pa yang dag pa nyid yin pa'i phyir phyin ci ma log pa'i mtshan nyid yin na de ltar na phyi rol pa rnams kyi lta ba'i rnam pa log par mos pa gang dag yin pa dang/ log par smra ba gang dag yin pa de dag yang dag pa ma yin pa dang de kho na ma? yin pa dang/ log pa dang/ phyin ci log tu gyur pa yin pas de dag /ji ltar na bden pas bsdus pa yin par rig par bya/ gal te ma bsdus na ni des na de dag phyi ma la yang 'byung ba mngon par 'grub par byed par sdug bsngal gyi rgyur gyur par mi 'gyur ro zhe na/ 'di ltar de dag ni yang dag pa ma yin pa dang/ de kho na ma yin pa dang/ log pa dang/ phyin ci log tu gyur pa yin mod kyi 'on kyang de gang ni sdug bsngal dang/ kun 'byung ba'i bden pas bsdus pa yin par brjod par bya'o/ /de ci'i phyir zhe na/ de dag ni log pa nyid kyis bsdus pa yin mod kyi/ 'on kyang log pa nyid kyi mtshan nyid de kho nas de dag ni sdug bsngal gyi bdag nyid dang/ sdug bsngal gyi rgyu yin pas yang dag pa dang/ de kho na dang ma log pa dang/ phyin ci log tu ma gyur pa yin no/ /mi rtag pa'i don ni rnam pa gnyis kyis rig par bya ste/ 'di lta ste/ theg pa chen po'i tshul dang/ nyan thos kyi theg pa'i tshul las brtsams nas/ med pa'i don dang/ mtshan ma rnam par 'jig pa'i don gyis so/ /sdug bsngal gyi don yang rnam pa gnyis kyis rig par bya ste/ med pa la mngon par zhen pa'i bag chags kyi gnas ngan len gyi don dang/ tshor ba rnam pa gsum dang/ rjes su 'brel ba'i skye ba la sogs pa'i mtshan ma 'byung ba'i don gyis so/ /stong pa'i don kyang rnam pa gnyis kyis rig par bya ste/ gang zag gi ngo bo nyid dang bral ba'i mtshan ma'i don dang/ chos kyi ngo bo nyid dang bral ba'i mtshan ma'i don gyis so/ /bdag med pa'i don kyang rnam pa gnyis kyis rig par bya ste/ 'di lta ste/ theg pa chen po'i tshul dang/ nyan thos theg pa'i tshul las brtsams nas/ chos kyi ngo bo nyid la bdag med pa'i mtshan ma'i don dang/ gang zag gi ngo bo nyid la bdag med pa'i mtshan ma'i don gyis so/ /bstan pa ni rnam pa gnyis te/ mi rtag par bstan pa dang/ thogs pa med par bstan pa'o/ /rtogs pa yang rnam pa gnyis te/ 'dus byas kyi khams rtogs pa dang/ 'dus ma byas kyi khams rtogs pa'o/ /gang mi rtag pa de ni sdug bsngal ba'o zhes bya ba ni rgyu lngas rig par bya ste/ yongs su 'dzin pa las kyang yin te/ 'du byed mi rtag pa rnams kyi gnas ngan len yongs su 'dzin pa'i phyir ro/ /chos nyid las kyang yin te/ skye ba la sogs pa sdug bsngal gyi chos nyid yin pa'i phyir ro/ /rjes su 'brel pa las kyang yin te/ sdug bsngal gsum dang rjes su 'brel pa gnyid kyi phyir ro/ /rgyu las kyang yin te/ rmongs pa'i spyod pa'i rgyu nyid yin pa'i phyir ro/ /mngon par zhen pa las kyang yin te/ phyin ci log tu dmigs pa'i gzhi nyid yin pa'i phyir ro/ /gang sdug bsngal ba de ni bdag med pa'o zhes bya ba yang rgyu lngas rig par bya ste/ 'du byed sdug bsngal pa dag las de don gzhan du gyur par mi dmigs pa'i phyir dang/ de dag gi rkyen gzhan gyi dbang nyid yin pa'i phyir dang/ g.yo ba med pa nyid kyi phyir dang/ zad pa dang skye ba'i rgyun gyi rjes su 'jug pa nyid kyi phyir dang/ phan tshun gzhan gyi dbang nyid yin pa'i phyir ro/ /gang sdug bsngal ba de thams cad mi 'dod pa dang mi sdug pa dang/ sdug bsngal ba dang/ gnod pa dang mi mthun pa yin la/ mi 'dod pa dang/ mi sdug pa dang/ sdug bsngal ba dang/ gnod pa dang/ mi mthun pa gang yin pa de thams cad kyang sdug bsngal gyi bden pa yin nam zhe na/ re zhig mi 'dod pa dang/ mi sdug pa dang/ sdug bsngal ba dang/ gnod pa dang/ mi mthun pa gang yin pa de sdug bsngal gyi bden pa yang yin par blta bar bya'o/ /sdug bsngal gyi bden pas bsdus pa yin la de mi 'dod pa dang/ mi sdug ba nas rgyas par mi mthun pa'i bar ma yin pa yang yang de/ sdug bsngal gyi sdug bsngal nyid kyis bsdus pa'i 'du byed rnams ma gtogs pa/ de las gzhan pa 'gyur ba'i sdug bsngal nyid dang/ 'du byed kyi sdug bsngal nyid kyis bsdus pa'i 'du byed rnams/ /bcom ldan 'das kyis sdug bsngal gyi bden pa ni skye ba'i sdug bsngal dang/ rga ba'i sdug bsngal zhes bya ba nas rgyas bar mdor na nye bar len pa'i phung po lnga sdug bsngal ba zhes bya ba'i bar gyi rnam pa brgyad kyis rnam par dbye ba mdzad pa de la rnam pa du dag gis sdug bsngal gyi sdug bsngal nyid yongs su bstan la/ du dag gis ni 'gyur ba'i sdug bsngal nyid yongs su bstan/ du dag gis ni 'du byed kyi sdug bsngal nyid yongs su bstan ce na/ dang po lngas ni sdug bsngal gyi sdug bsngal nyid yongs su bstan to/ /bar ma gnyis kyis ni 'gyur ba'i sdug bsngal nyid yongs su bstan te/ sdug pa dang bral bas ni sdug pa dang phrad par 'gyur la/ 'dod pas phongs bas ni ma thob pa nyid kyis 'gyur ba'i phyir ro/ /tha ma mdor na nye bar len pa'i phung po lnga sdug bsngal ba ces bya ba gcig pus ni 'du byed kyi sdug bsngal nyid yongs su bstan to/ /gang mi rtag pa de ni sdug bsngal yang yin la/ gang sdug bsngal ba de yang mi rtag pa yin nam zhe na/ re zhig sdug bsngal ba gang yin pa de mi rtag pa'ang yin mod kyi/ mi rtag pa yin la sdug bsngal ba ma yin pa yang yod de/ 'di lta ste/ lam gyi bden pa'o/ /'di ltar lam ni sdug bsngal gyi tshor bas bsdus pa yang ma yin la/ lam ni 'gyur ba yang ma yin no/ 'gyur bas sdug bsngal bskyed par lta ga la 'gyur ba dang/ lam ni nyon mongs pa'i phyogs dang mthun pa'i gnas ngan len thams cad las rnam par grol ba dang/ skye ba'i rgyun thams cad mi mthun pa yin pas/ des na 'du byed kyi sdug bsngal nyid kyis sdug bsngal ba yang ma yin pa'i phyir ro/ /gang mi rtag pa dang/ sdug bsngal pa de thams cad stong pa dang bdag med pa yin nam zhe na/ de lta yin no zhes brjod par bya'o/ /stong pa dang/ bdag med pa gang yin pa de thams cad mi rtag pa dang/ sdug bsngal ba yin nam zhe na/ de la kun 'byung ba'i bden pa ni rnam pa bzhi char ro/ /lam gyi bden pa yang rnam pa gsum mo/ /'gog pa'i bden pa rnam pa gnyis te/ mi rtag pa yang ma yin sdug bsngal ba yang ma yin no/ /mi rtag pa dang sdug bsngal ba gang yin pa de thams cad mi rtag pa nyid kyi phyir sdug bsngal ba yin nam zhe na/ mi rtag pa nyid kyi phyir sdug bsngal ba yang yod?/ rang bzhin gyis sdug bsngal ba yang yod de/ 'du byed gang dag 'gyur ba'i sdug bsngal nyid kyis sdug bsngal ba de dag ni mi rtag pa nyid kyi phyir sdug bsngal ba yin no/ /gang dag sdug bsngal gyi sdug bsngal nyid dang/ 'du byed kyi sdug bsngal nyid kyis sdug bsngal ba de dag ni rang bzhin gyis sdug bsngal ba yin te/ gnod pa'i bdag nyid yin pa dang/ sdug bsngal bar gnas pa yin pa'i phyir ro/ /sdug bsngal gyi bden pa gang yin pa de kun 'byung ba'i bden pa yang yin nam/ kun 'byung ba'i bden pa gang yin pa de yang sdug bsngal gyi bden pa yin nam zhe na/ re zhig kun 'byung ba'i bden pa gang yin pa de ni sdug bsngal gyi bden pa yang yin mod kyi/ sdug bsngal gyi bden pa yin la kun 'byung ba'i bden pa ma yin pa yang yod de/ dgra bcom pa'i rgyud rnam par dag pa las byung ba 'jig rten pa'i chos dge ba dang/ lung du ma bstan pa thams cad dang/ so so'i skye bo rnams kyi lung du ma bstan pa'i chos 'bras bur gyur pa rnam par smin par bsdus pa thams cad dang/ da ltar byung ba skyes bu'i byed pa las skyes ba bde ba dang/ sdug bsngal ba dang/ sdug bsngal ba yang ma yin bde ba yang ma yin pa dang ldan pa'i 'du byed lung du ma bstan pa thams cad de/ de ltar 'du byed de dag thams cad ni sdug bsngal gyi bden pa kho nas bsdus pa yin par blta bar bya'o/ /'jig rten pa'i chos gang dag yang 'byung ba'i srid pa sun 'byin cing/ de la mi phyogs ba 'jig rten las 'das pa'i lam bskyed par byed pa de dag ci'i phyir kun 'byung ba'i bden bas bsdus pa yin zhe na/ de dag ni ngo bo nyid kyis yongs byung ba'i srid pa las mi phyogs pa yin mod kyi/ 'on kyang yang 'byung ba pa'i lus dang/ ngag dang yid kyis legs par spyad ba dang/ rjes su mthun pa yin par/ de'i phyir de dag kyang kun 'byung ba'i bden pas bsdus pa yin par rig par bya'o/ /gang gi tshe yang 'byung ba ba'i las dang nyon mongs pa thams cad mtshan nyid las kun 'byung ba'i bden ba yin pa'i tshe bcom ldan 'das kyis ci'i phyir sred pa kho na gdags pa mdzad ce na/ sred pa de ni nye bar len bkur nas slong bar byed pa dang/ las kun nas slong bar byed pa dang/ dngos po la khyad par byed ba yang yin la/ de skye ba na gnod pa rnam pa bco lngas rgyas par byed pa yang yin pa'i phyir ro/ /de la ji ltar yang 'byung ba ba yin pa dang/ dga' ba'i 'dod chags dang ldan pa dang/ de dang der mngon par dga' ba yang yin par ltar dngos po la khyab par byed ba zhes bya'o/ /de la yang 'byung ba ba'i sred pa ni rnam pa gnyis te/ yang 'byung ba la dmigs pa dang/ yang 'byung ba'i rgyur gyur pa'o/ /dga' ba'i 'dod chags dang ldan pa'i sred ba ni yul yid du 'ong ba thob pa dag la yongs su longs spyod pa 'am/ mi 'bral zhing yun ring du gnas pa nyid du sred pa gang yin pa'o/ /de dang der mngon par dga' ba ni yul ma thob pa 'dod pa dag dang phrad pa 'am/ phyir zhing 'byung bar sred pa gang yin pa'o/ /sred pa gang yin pa de dag thams cad yang 'byung ba pa dang/ dga' ba'i 'dod chags dang ldan pa dang/ de dang der mngon par dga' ba yin zhe na/ mu bzhi ste/ sred pa yin la yang 'byung ba pa yang ma yin/ dga' ba'i 'dod chags dang ldan pa yang ma yin/ de dang der mngon par dga' ba yang ma yin pa yang gong de/ gong ma'i rnam par thar pa la 'dod cing sman pa gang yin pa'o/ /yang 'byung ba pa dang/ dga' ba'i 'dod chags dang ldan pa dang/ de dang der mngon par dga' ba yin la/ sred pa ma yin pa yang yod de/ yang 'byung ba pa dang/ dga' ba'i 'dod chags dang ldan pa dang/ de dang der mngon par dga' ba'i sred pa de dang/ de las gzhan pa'i nyon mongs pa rnams dang mtshungs par ldan pa'i tshor ba dang/ 'du shes dang/ sems pa dang/ ma rig pa'o/ /sred pa de nyid rnam pa gsum yin pa ni mu gsum pa'o/ /rnam pa de dag ma gtogs pa ni mu bzhi pa yin par blta bar bya'o/ /yang 'byung ba pa'i sred pa gang yin pa de dga' ba'i 'dod chags dang ldan pa yang yin la/ dga' ba'i 'dod chags dang ldan pa gang yin pa de yang 'byung ba pa yin nam zhe na/ re zhig dga' ba'i 'dod chags dang ldan pa gang yin pa de ni yang 'byung ba pa yang yin mod kyi/ yang 'byung ba ba yin la? dga' ba'i 'dod chags dang ldan pa ma yin pa yang yod de/ nyon mongs pa can dang/ yid mi bde ba dang ldan pa'i sred pa dang/ 'bral bar sred pa dang/ mi phrad par sred pa gang yin pa'o/ /yang 'byung ba pa'i sred pa gang yin pa de de dang der mngon par dga' ba yang yin la de dang der mngon par dga' ba gang yin pa de yang/ yang 'byung ba pa yin nam zhe na/ re zhig de dang der mngon par dga' ba gang yin pa de ni yang 'byung ba pa yin mod kyi yang 'byung ba pa yin la de dang der mngon par 'ga' ba ma yin pa yang yod de/ yang 'byung ba la dmigs pa gang yin pa dang/ dga' ba'i 'dod chags dang ldan pa'i sred pa gang yin pa'o/ /dga' ba'i 'dod chags dang ldan pa'i sred pa gang yin pa de/ de dang der mngon par dga' ba yang yin la de dang der mngon par dga' ba gang yin pa de yang/ dga' ba'i 'dod chags dang ldan pa yang yin nam zhe na/ mu bzhi ste/ yul yid du 'ong ba thob pa dag la yongs su spyod par sred pa ni mu dang po'o/ /yid du 'ong ba ma 'ongs pa thob par ma nges pa de dag nyid la sred ba ni mu gnyis pa'o/ /de dag nyid 'thob par nges pa dag la skyed pa ni mu gsum pa'o/ /rnam pa de dag ma gtogs pa ni mu bzhi pa yin par blta bar bya'o/ /gang 'dod pa dang ldan pa'i tshor ba dang ldan pa de gzugs dang ldan pa'i tshor ba dang ldan pa yin la/ gang gzugs dang ldan pa'i tshor ba dang ldan pa de yang 'dod pa dang ldan pa'i tshor ba dang ldan pa yin nam zhe na/ mu bzhi ste/ 'dod pa dang ldan pa'i tshor ba dang ldan la gzugs dang ldan pa'i tshor ba dang mi ldan pa yod de/ 'dod pa'i khams su skyes shing byung ba de'i gnyen po gzugs na spyod pa ma thob pa'o/ /gzugs dang ldan pa'i tshor ba dang ldan la/ 'dod pa dang ldan pa'i tshor ba dang mi ldan pa yang yod de/ gzugs kyi khams su skyes shing 'byung ba'o/ /'dod pa dang ldan pa'i tshor ba dang yang ldan la/ gzugs dang ldan pa'i tshor ba dang ldan pa yang yod de/ 'dod pa'i khams su skyes shing byung ba de'i gnyen po gzugs na spyod pa thob pa'o/ /gnyi ga dang mi ldan pa yang yod de/ gzugs med pa'i khams su skyes pa dang/ 'phags pa bya ba byas pa 'jig rten las 'das pa'i sa la gnas pa/ 'dod pa'i khams dang/ gzugs kyi khams dag tu skyes shing byung ba dang/ 'gog pa la snyoms par zhugs pa'o/ /'dod pa dang ldan pa dang/ gzugs dang ldan pa'i tshor ba'i mu bzhi ji lta ba de bzhin du/ 'dod pa dang ldan pa dang/ gzugs med pa dang ldan pa'i tshor ba dang/ 'dod pa dang ldan pa dang/ ldan pa ma yin pa'i tshor ba dang/ gzugs med pa dang ldan pa'i tshor ba dang/ gzugs dang ldan pa dang ldan pa ma yin pa'i tshor ba dang/ gzugs med pa dang ldan pa dang ldan pa ma yin pa'i tshor ba'i mu bzhi yang ci rig par bya'o/ /'dod pa'i yon tan gang dag yin pa de dag nyes dmigs kyi skyon dang ldan pa'i 'dod pa dag kyang yin la/ nyes dmigs kyi skyon dang ldan pa'i 'dod pa gang dag yin pa de dag kyang 'dod pa'i yon tan dag yin nam zhe na/ smras pa/ mu bzhis te/ 'dod pa'i yon tan yin la nyes dmigs kyi skyon dang ldan pa'i 'dod pa ma yin pa dag kyang yod de/ gzugs dang/ sgra dang/ dri dang/ ro dang/ reg bya gang dag kun nas nyon mongs pa can ma yin par kun tu spyod nus pa'i 'tsho ba dang/ stobs dang/ bde ba dang/ kha na ma tho ba med pa dang/ bde ba la reg par gnas pa nyid kyis tshangs par spyod pa la phan pa dang/ lam gyi tshogs dang/ dge ba nye bar stsogs pa'i phyir 'jug par 'gyur ba dag go /nyes dmigs kyi skyon dang ldan pa dag yin la 'dod pa'i yon tan ma yin pa dag kyang yod de/ gzugs dang/ sgra dang/ dri dang/ ro dang/ reg bya gang dag gcig tu mi 'dod pa nyid dang/ mi sdug pa nyid dang/ mi dka' ba nyid dang/ yid du mi 'ong ba nyid kyi phyir 'jug par 'gyur ba rnams dang/ nyon mongs pa'i 'dod pa gang dag yin pa rnams so/ /nyes dmigs kyi skyon dang ldan pa yang yin la 'dod pa'i yon tan yang yin pa dag kyang yod de/ gzugs dang/ sgra dang/ dri dang/ ro dang/ reg bya gang dag kun nas nyon mongs pa can ma yin par kun tu spyod mi nus la/ 'dod pa nyid dang/ sdug pa nyid dang/ dga' ba nyid dang/ yid du 'ong ba nyid du 'gyur ba'o/ /'dod pa'i yon tan yang ma yin la/ nyes dmigs kyi skyon dang ldan pa'i 'dod pa ma yin pa dag kyang yod de/ gzugs dang/ gzugs med pa dang ldan pa'i nyon mongs pa dang/ gzhi thams cad do/ /bcom ldan 'das kyis nyes dmigs kyi skyon dang ldan pa'i 'dod pa'i yon tan las dgongs nas/ kun rtog 'dod chags skyes bu'i 'dod pa yin zhes gsungs so/ /sred pa gsum po de dag kyang mdor bsdu na/ rnam pa gnyis su blta bar bya ste/ dang po ni srid pa'i sred pa'o/ /gnyis ni longs spyod kyi sred pa'o/ /de la longs spyod kyi sred pa ni sred pa ni sred pa gnyis te/ longs spyod thob pa dang/ ma thob pa'i gnas kyi bye brag gis so/ /sred pa de dag kyang khams kyi rab tu dbye bas ni rnam pa gsum du 'gyur te 'dod pa'i sred pa dang/ gzugs kyi sred pa dang gzugs med pa'i sred pa'o/ /'dod pa'i khams su skyes pa 'dod pa na spyod pa'i yang 'byung ba mngon par 'dod pa dang/ longs spyod 'thob ba dag gis dga' ba dang/ ma thob pa dag la mngon par dga' ba'i sred pa gang yin pa de ni 'dod pa'i sred pa yin no/ /'dod pa'i khams su skyes pa 'am/ gzugs kyi khams su skyes pa 'dod pa rnams la 'dod chags dang bral ba'i gzugs na spyod pa'i yang 'byung ba mngon par 'dod pa dang/ gzugs kyi snyoms par 'jug pa thob pas dga' ba dang/ snyoms par 'jug pa'i khyad par gzhan dag 'thob pa la mngon par dga' ba'i sred pa gang yin pa de ni gzugs kyi sred pa yin no/ /gzugs kyi sred pa ji lta ba de bzhin du/ gzugs med pa'i sred pa yang ci rigs par rig par bya'o/ /yang 'byung ba pa'i sred pa de nyid rtag pa dang chad par lta ba la brten nas 'byung bar sred pa dang/ 'jig par sred par 'gyur bas/ de'i phyir sred pa de ni dngos po la khyab par byed pa zhes bya'o/ /ji ltar na sred pa skye ba na gnod pa rnam pa bco lnga rgyas par byed ce na/ bag la nyal brtan par byed pa dang/ kun nas dkris pas sems dang sems las byung ba'i chos rnams kun nas nyon mongs par byed pa dang/ sems kyi rgyud dmigs pa la phyin ci log tu 'jug par byed ba dang/ nye bar len pas bsdus pa de las gzhan pa'i nyon mongs pa rnams 'dren par byed pa dang/ rang gi rgyun gnas par byed pa dang/ sdig pa mi dge ba'i chos ma skyes pa rnams skye ba dang mthun par 'gyur ba dang/ sdig pa mi dge ba'i chos skyes pa rnams 'phel zhing rgyas pa dang mthun par 'gyur ba dang/ dge ba'i chos ma skyes pa rnams skye ba'i bar chad byed pa dang/ dge ba'i chos skyes pa rnams gnas pa dang/ mi brjed pa dang phyir zhing 'byung ba dang/ 'phel zhing rgyas par 'gyur ba'i bar chad byed pa dang/ nyes par spyod pa kun tu spyod pas ngan song pa'i sdug bsngal dang/ kun tu sbyor bar byed ba dang/ yang 'byung bar 'dod pas skye ba dang/ rga ba dang na ba'i sdug bsngal dang kun tu sbyor bar byed pa dang/ mya ngan las 'das pa la slag par byed ba dang/ 'khor ba la yon tan dang phan yon du log par 'dzin pas dga' bar byed pa de dang/ 'khor ba la ji lta ba bzhin du yul rnams la yang de bzhin ba dang/ bdag la gnod pa dang/ gzhan la gnod pa'i phyir sems par byed pa nas rgyas par de dang 'byung ba'i sems las byung ba'i yid mi bde ba so sor myong bar byed do zhes bya ba'i bar du mdo las ji skad gsungs pa bzhin no/ /'du byed nye bar zhi ba gang yin pa de 'gog pa'i bden pa yang yin la/ 'gog pa'i bden ba gang yin pa de yang 'du byed nye bar zhi ba yin nam zhe na/ re zhig 'gog pa'i bden pa gang yin pa de 'du byed nye bar zhi ba yang yin mod kyi 'du byed nye bar zhi ba yin la/ de 'gog pa'i bden pa ma yin pa yang yod de/ mi rtag pa nyid kyis 'gog pa dang/ so sor brtags pa ma yin pa'i 'gog pas 'du byed rnams nye bar zhi ba gang yin pa'o/ /chos gang dag 'gog pas 'gog pa'i bden pa zhes bya zhe na/ mdor bsdu na gnyis kyis te/ nyon mongs pa 'gog pa dang/ phung po 'gog pas so/ /nyon mongs pa 'gog pas ni phung po'i lhag ma dang bcas pa'i 'gog pa'i bden pa bstan la/ phung po 'gog pas ni phung po'i lhag ma med pa'i 'gog pa'i bden pa bstan to/ /gal te 'gog pa'i bden pa sngon ma byung ba las byung ba yin na/ ji ltar rtag pa yin par 'gyur/ gal te dus rtag pa kho nar yod pa yin na ni ci'i phyir sems can rnams yongs su mya ngan las ma 'das she na/ 'gog pa'i bden pa ni 'jug pa med pa'i mtshan nyid dang/ rgyu ba med pa'i mtshan nyid yin pas de la ni sngon ma byung ba las phyis 'byung bar 'gyur ba ci yang med de/ gang la 'byung ba dang/ 'jig pa med pa de ni rtag pa yin no/ /'gog pa'i bden pa de rtag pa yin yang gang dag gis gnas ngan len thams cad rgyun bcad pas mngon du byas pa de dag ni yongs su mya ngan las 'das pa yin la/ gang dag gis mngon du ma byas pa de dag ni yongs su mya ngan las ma 'das pa yin no/ /'gog pa'i bden pa yod na sems can rnams kyi mya ngan las 'das pa ni de mngon du byas pas rab tu phye ba yin gyi/ bskyed bas rab tu phye ba ni ma yin no/ /nyes pa bzhi rnam par spangs pas 'gog pa'i bden pa'i lan 'debs pa ni yang dag par lan 'debs pa yin par rig par bya ste/ sgro 'dogs pa'i nyes pa dang/ rang gi mtshan nyid log par yongs su rtog pa'i nyes pa dang/ mtshan nyid 'dres pa'i nyes pa dang/ skur pa 'debs pa'i nyes pa rnam par spangs pas so/ /de la 'du byed rnams zad ba las logs shig na 'gog pa yod do ces zer ba ni sgro 'dogs pa'i nyes pa yin no/ /logs shig na med do ces zer ba ni rang gi mtshan nyid log par yongs su rtog pa'i nyes pa yin no/ /logs shig na yod kyang yod la med kyang med ces zer ba ni mtshan nyid 'dres pa'i nyes pa yin no/ /logs shig na yod pa yang ma yin med pa yang ma yin zhes zer ba ni skur pa 'debs pa'i nyes pa yin no/ /gang gi tshe 'jig rten las 'das pa'i phung po lnga po thams cad lam gyis bsdus pa yin pa'i tshe/ ci'i phyir yang dag pa'i lta ba sngon du btang ba'i 'phags pa'i lam yan lag brgyad pa lam gyi bden pa zhes bya zhe na/ bslab ba gsum gyi dbang du byas pa'i phyir te/ slob pa ni 'di ltar dus dus su lhag pa'i tshul khrims kyi bslab ba la yang slob par byed cing/ dus dus su lhag pa'i sems kyi bslab pa la yang slob par byed/ dus dus su lhag pa'i shes rab kyi bslab pa la yang slob par byed la/ phung po gsum ni 'phags pa'i lam yan lag brgyad pa yin pas/ de'i phyir lam gyi bden pa ces bya'o/ /ci'i phyir yang dag pa'i dag dang/ las kyi mdza' dang/ 'tshe ba dag tshul khrims kyi phung por rnam par gzhag ce na/ smras pa/ yang dag pa'i chos kyi longs spyod dang/ zang zing gi longs spyod kyi dbang du byas pa'i rgyu gnyis kyis te/ yang dag pa'i dag dang yang dag pa'i las kyi mdza' ni rtsa ba'i tshul khrims te tshul khrims ni chos kyi longs spyod thams cad kyi gzhi yin pas yang dag pa'i chos kyi longs spyod kyi dbang du byas ba'o/ /yang dag pa'i 'tsho ba ni tshul 'chos la sogs pa log pas 'tsho bar byed pa'i chos rnams la mi rtan par chos gos la sogs pa yongs su tshol ba'i rtsa ba yin zhing bzhi yin pas yang dag pa'i zang zing gi longs spyod kyi dbang du byas pa'o/ /bcom ldan 'das kyis gang du yid kyi kun tu spyod pa yongs su dag pa lhag par gsungs pa der ni 'dod chags la sogs pa la brten nas 'chal pa'i tshul khrims kyi phyir sems pa gang yin pa dang/ tshul 'chos pa la sogs pa la brten nas chos gos la sogs pa yongs su tshol ba'i sems pa gang yin pa de ni yid kyi kun tu spyod pa yongs su ma dag pa nyid yin par rig par bya'o/ /ci'i phyir yang dag pa'i lta ba gang yin pa dang/ yang dag pa'i rtog pa gang yin pa dang/ yang dag pa'i rtsol ba gang yin pa de dag shes rab kyi phung po zhes bya ce na/ shes rab kyi las ni mdor bsdu na rnam pa gsum yod la/ de dag ni chos gsum po 'di dag gis yongs su rdzogs par byed pa'i phyir te/ chos kyi de kho na'i don rtog par byed pa ni las dang po yin no/ /de kho na'i don rtogs nas de kho na'i don de nyid gzhan dag la brjod pa dang/ 'dod pa dang/ 'jog pa dang/ rnam par 'byed pa dang/ rnam par 'grel pa dang/ gsal bar byed pa ni las gnyis pa yin no/ /kun tu sbyor ba lhag ma rnams spang ba'i phyir chos kyi rjes su mthun pa'i chos sgrub par byed pa ni las gsum pa yin te/ las de dag ni yang dag pa'i lta ba dang/ yang dag pa'i rtog pa dang/ yang dag pa'i rtsol ba dag gis go rims bzhin du yongs su rdzogs bar byed pa'i phyir ro/ /ci'i phyir yang dag pa'i dran pa dang/ yang dag pa'i ting nge 'dzin gyi phung po zhes bya zhe na/ smras pa/ rnam pa gnyis kyis te/ ngo bo nyid dang/ rten gyis so/ /ting nge 'dzin ni ngo bo nyid yin no/ /dran pa ni rgyu bzhis ting nge 'dzin gyi rten gyi bya ba byed pa yin te/ dran pa nye bar gzhag pa bzhi po dag la sems dmigs pa la nye bar gtad bar byed pa dang/ dbang po'i sgo bsdam pa dang/ shes bzhin du gnas pa dang/ dga' ba'i gnas lta bu'i dran pa yid la bya ba la ting nge 'dzin gyi rjes mthun pa dang/ sgrib pa'i gnyen po mi sdug pa la sogs pa yid la byed pa dag la lam la sgrib pa spong ba dang/ rab tu dben ba'i zhi gnas dang/ rab tu 'dzin pa dang/ btang snyoms kyi mtshan ma rtag tu byed pa dang gus par byed pa'i sbyor ba dag la mtshan ma yid la byed pas lan mang du byed pa ste/ de'i phyir dran pa ni ting nge 'dzin gyi rten yin no/ /de la yang dag pa'i lta ba ni mdor bsdu na rnam pa bcu gcig tu lta bar bya ste/ nang du lta ba dang/ 'bras dang zug rngu? dang/ sdig pa dang/ mi rtag pa nyid dang/ sdug bsngal ba nyid dang/ stong pa nyid dang/ bdag med pa nyid dang/ kun tu sbyor bar byed pa dang/ bral ba dang/ 'bral bar byed par blta ba'o/ /de la 'du byed rnam pa bzhi po nyon mongs pa'i kun nas dkris pa dang ldan pa rnams dang/ nyon mongs pa'i bag la nyal dang ldan pa rnams dang/ ro myang ba dang ldan pa rnams dang/ nyes dmigs dang ldan pa rnams la ni yang dag pa'i lta ba bzhi po nad? dang/ 'bras dang/ zug rngu? dang/ sdig par lta ba dag go rims bzhin du rig par bya'o/ /'du byed rnams la 'byung ba dang 'jig par lta ba ni mi rtag pa nyid du lta ba yin no/ /sdug bsngal gsum dang rjes su 'brel bar lta ba ni sdug bsngal nyid du lta ba yin no/ /de las gzhan pa bdag dang bdag gi dang bral ba ni stong ba nyid du lta ba yin no/ /'du byed de dag nyid la bdag dang bdag gi mtshan nyid med bar lta ba ni bdag med pa nyid du lta ba yin te/ de ltar 'di ni sdug bsngal gyi bden pa la dmigs pa'i yang dag pa'i lta ba yin no/ /kun 'byung ba'i bden pa la rgyu dang/ kun 'byung ba dang/ rab tu skye ba dang/ rkyen du lta ba gang yin pa de ni kun tu sbyor bar byed par lta ba zhes bya ste/ 'di ltar kun 'byung ba'i bden pa ni sdug bsngal gyi bden pa kun nas nyon mongs pa dang/ kun tu sbyor bar byed pa yin pa'i phyir ro/ /'gog pa'i bden pa la 'gog pa dang/ zhi ba dang/ gya nom pa dang/ ngas par 'byung bar lta ba gang yin pa de ni bral bar lta ba zhes bya ste/ 'di ltar 'gog pa'i bden ba ni nyon mongs pa dang/ phung po thams cad dang bral pas rab tu phye ba yin pa'i phyir ro/ /lam gyi bden pa la lam dang/ rigs pa dang bsgrub pa dang/ nges bar 'byin par lta ba gang yin pa de ni 'bral bar byed pa lta ba zhes bya ste/ 'di ltar lam gyi bden pa ni 'bral bar bya ba'i phyir 'gro ba yin pa'i phyir ro/ /gang gi tshe sngar mi rtag pa dang/ sdug bsngal ba dang/ stong ba dang bdag med par lta ba skye la/ phyis nang dang/ 'bras dang/ zug rngu? dang/ sdig par lta ba skye bar 'gyur ba'i tshe ci'i phyir sngar nang la sogs pa ston ce na/ smras pa/ gang zag la ma thob pa las dgongs nas nad la sogs ba sngar ston te/ 'di ltar slob pa ba lam mthong ba ni lhag pa'i bsam pas phung po rnams la sdig pa'i bar du lta la/ da ltar lta ba de'i kun tu sbyor ba lhag ma rnams spang ba'i phyir/ gong du mi rtag bar lta ba dang/ bdag med par lta ba'i bar dag chos yongs su dag par 'gyur ba'i phyir ro/ /mi rtag pa la sogs par lta ba de yang/ mdor bsdu na/ rnam pa gnyis te/ nad la sogs pa lta bar thob bar bya ba'i phyir de'i sngon du 'gro ba dang/ de 'dren par byed pa nad la sogs par lta ba'i gnas su gyur pa yongs su ma dag pa dang/ nad la sogs par lta ba thob pa'i phyir zhing 'byung ba dang/ sems shin tu rnam par grol bar bya ba'i phyir nad la sogs par lta ba la brten pa yongs su dag pa'o/ /rnam pa bcu gcig po de dag las stong ba nyid kyi rnam pa dang/ bdag med pa nyid kyi rnam pa gnyis ni stong pa nyid kyi rnam pa yin no/ /lhag ma brgyad ni smon ba med pa'i rnam pa yin no/ /'gog pa'i bden pa la bral ba'i rnam pa gang yin pa gcig pu ni mtshan ma med pa'i rnam pa yin no/ /bsgom pa'i lam la ni 'jig rten las 'das pa'i lam thams cad bden pa bzhi la dmigs pa yin du zin kyang/ khams gsum na spyod pa'i nyon mongs ba'i gnyen po yin par rig par bya ste/ 'di ltar slob pa bzhi mthong bas sngon chos shes pa dang/ rjes su rtogs pa'i shes pa gnyis kyis mngon sum dang/ lkog tu gyur pa'i 'du byed thams cad mngon par rtogs nas/ bsgom pa'i lam la 'du byed thams cad gcig tu bsdus shing cha gcig tu byas/ tshoms gcig tu byas nas/ mi rtag pa la sogs pa'i rnam pa dag gis lta bar zad kyi/ 'di dag ni 'dod ba na spyod pa'o/ /'di dag ni gzugs dang/ gzugs med ba na spyod pa'o/ /'di dag ni mngon sum mo/ /'di dag ni lkog tu gyur pa'o/ zhes rnam par rtog par mi byed de/ de lta bas na 'jig rten las 'das pa'i lam bsgom ba'i lam gyis bsdus pa thams cad ni sa 'og ma dang/ sa gong ma pa'i nyon mongs pa thams cad kyi gnyen po yin par blta bar bya'o/ /'phags pa ni phal cher bsgom pa'i lam la 'jig rten las 'das pa'i lam gyis rjes su 'jug pa na/ mtshan ma med pa'i rnam pa dag gis mtshan ma med pa'i dmigs pa med du yid la byed do/ /de ci'i phyir zhe na/ yid la byed ba de ni tshe 'di la shin tu bde bar gnas par bya ba dang/ nyon mongs ba spong bar 'gyur ba'i phyir ro/ /mngon par shes pa lnga dang/ nyon mongs pa med pa dang/ smon nas shes pa dang/ so so yang dag par rig pa dang/ de bzhin gshegs pa'i stobs dang mi 'jig pa la sogs pa sangs rgyas kyi chos ma 'dres ba rnams ni lam gyi rjes las 'thob cing rnam par dag pa dang lam la brten pa yin mod kyi/ de dag ni lam gyi bden pas bsdus pa ma yin no/ /gang gi tshe bden pa bzhi po thams cad kyang yongs su shes par bya ba dag yin pa'i tshe ci'i phyir sdug bsngal gyi bden pa kho na yongs su shes par bya zhes gsungs she na/ smras pa/ 'di ltar sdug bsngal gyi bden pa ni mtshan nyid gnyis kyis yongs su shes bar bya ba yin te/ rang gi mtshan nyid dang/ spyi'i mtshan nyid kyis so/ /de las gzhan pa dag ni rang gi mtshan nyid kho nas te/ kun 'byung ba'i bden pa la rgyu la sogs pa'i rnam pa dag gis yongs su shes par bya ba de yang de'i rang gi mtshan nyid yin la/ 'gog pa'i bden pa la 'gog pa la sogs pa'i rnam pa dag gis yongs su shes par bya ba de yang de'i rang gi mtshan nyid yin/ lam gyi bden pa la lam la sogs pa'i rnam pa dag gis yongs su shes par bya ba de yang de'i rang gi mtshan nyid yin te/ de'i phyir sdug bsngal gyi bden pa kho na yongs su shes par bya zhes gsungs so/ /gang gi tshe sdug bsngal gyi bden pa yang spang bar bya ba yin pa'i tshe ci'i phyir kun 'byung ba'i bden ba kho na spang bar bya zhes gsungs she na/ sdug bsngal gyi bden pa spong ba ni kun 'byung ba'i bden pa spang bas rab tu phye ba yin te/ de'i phyir kun 'byung ba'i bden pa kho na spang bar bya zhes gsungs so/ /bden pa rnams kyi mngon par rtogs pa ni rnam pa gnyis te/ shes pa mngon par rtogs pa dang/ spong ba mngon par rtogs pa'o/ /de la shes pa mngon par rtogs pa ni bden pa mtshan nyid mi 'dra ba dag la shes pa 'byung bas go rims gyis 'byung ngo/ /spong ba mngon par rtogs pa spang mthar gyis 'gyur ba nyid de/ nyon mongs pa spang ba mngon du bya ba ni shes ba 'byung ba la rag las pa'i phyir ro// //bam po nyi shu rtsa bdun pa/ /yang dag par brtson 'grus rtsom pa'i rgyu mtshan ni lnga ste/ dam pa'i chos ston pa dang/ rigs pa dang ldan pa dang/ 'grogs pa dang/ le lo dang brtson 'grus rtsom pa la nyes dmigs su lta ba dang phan yon du lta ba'i so sor rtog pa'i stobs dang/ rgyud yongs su smin pa dang/ snga phyi'i khyad par 'thob pa'o spong pa mngon du bya ba ni gnyis te/ sa bon nyams par byed pa'i spong ba mngon du bya ba dang/ sa bon gtan nas 'joms pa'i spong ba mngon du bya ba'o/ /bral ba ni gnyis te/ nyon mongs pa'i rnam pa dang bral ba dang/ nyon mongs pa'i gzhi'i 'ching ba dang bral ba'o/ /dge slong g.yo med ba dang/ sgyu med pa tshur shog ces gang gsungs pa de la/ de bzhin gshegs pas g.yo'i nyes dmigs du zhig yang dag par rjes su gzigs na/ g.yon can la yang dag par rjes su ston par mi mdzad ce na/ smras pa/ bcu gnyis te/ g.yon can ni g.yo'i gzhi'i rgyus de kho na'i shas pa mi 'thob pa dang/ snyan pa las yongs su nyams par 'gyur ba dang/ gzhan yid ches pa las yongs su nyams par 'gyur ba dang/ yon tan brtsegs pa las yongs su nyams par 'gyur ba dang/ dam pa rnams las yongs su mnyan pa gdams ngag las yongs su nyams par 'gyur ba dang/ sdig pa nang du byed pa dang/ sems kyi rgyud dge ba las thag ring du byed pa dang/ g.yo'i mi? mnyam pa'i gnod pas sems sdug bsngal zhing reg par mi gnas pa dang/ gzhan las sdug bsngal gyi chos rnams kyi dogs pa 'byung ba dang/ 'phags pa'i chos rnams kyi snod du mi 'gyur ba dang/ 'gyod bzhin du 'chi ba'i dus byed par 'gyur ba dang/ lus zhigs te shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ba'o// g.yo ni rnam pa brgyad dang/ gzhi bdun dang ldan pa yin par rig par bya ste/ de yang 'dod pa na spyod ba yin no/ /rnam pa brgyad gang zhe na/ rmongs par bya ba g.yo byed pa dang/ 'chab pa dang/ sgrogs pa dang/ 'jog pa dang/ 'dud pa dang 'khu ba dang/ 'dor ba dang/ snying rje bar ston pa la g.yo byed pa'o/ /gzhi bdun gang zhe na/ tha snyad kyi gzhi dang/ bskul ba'i gzhi dang/ rtsod pa'i gzhi dang/ mdza' bshes nyid du ston pa'i gzhi dang/ yid gcugs par ston pa'i gzhi dang/ bya ba la g.yo med pa'i gzhi dang/ gnod pa'i gzhi'o/ /de la gzhi dang bos ni g.yo can 'jig rten pa rnams dang lhan cig tha snyad byed pa na/ don med pa la don du ston pa dang/ don la don med par ston pa dang/ don med pa la don du ston pa dang/ don la don med bar ston pa ji lta ba de bzhin du/ don med pa la yod par ston pa dang/ yod pa la med par ston pas rmongs par byed do/ /de la gzhi gnyis bas ni g.yon can g.yo'i spyod pas kun nas bslad ba'i nyes par spyad? pa'i las dag la gzhan dag gis bskul ba na de nyes pa yang dag pa ni 'chab par byed la/ yon tan yang dag pa ma yin pa ni sgogs par byed do/ /de la gzhi gsum pas ni g.yon can phas kyi rgol ba dag dang lhan cig tu yon tan dang skyon yongs su brtag pa las brtsams te rtsod pa na phyogs bzang po ma yin pa yang 'jog par byed do/ /de la bzhi bzhi pas ni g.yon can ches stobs dang/ ldan zhing gtum pa gang las 'jigs pa yang dag par rjes su mthong ba de la lus dang ngag gis ches shin tu dman par byed cing/ 'dud pa des mdza' ba shes nyid du ston par byed do/ /de la gzhi lnga pas ni g.yon can gnam po gnyen po'i rang bzhin can gang las chung zad 'khus pas rnyed pa 'thob pa yang dag par rjes su mthong ba de la yid mi bcugs shing yid mi chas pa nyid yin bzhin du/ 'di lta ste/ rnam par bsgrub pa'i rgyu ba dang/ gnas pa rnam par dag pa nyid du bstan pa'i phyir bdag nyid mchog tu yid bcugs pa nyid dang/ mchog tu yid ches pa nyid du ston bar byed do/ /de la gzhi drug bya ba'i g.yon can mdza' bshes snying du sdug pa yid bcugs pa dag gi ma 'ongs pa'i bya ba rgya chen po dag la grogs bya bar khas blangs la bya ba de'i dus la bab pa'i tshe na 'di lta ste/ bdag nyid yongs su ngal ba rjes su bsrung ba nyid kyi phyir g.yo sna tshogs nye bar ston pas 'dor bar byed do/ /de la gzhi bdun pas ni g.yon can gnod pa gang yang rung ba zhig byung ba na/ gang las de'i gnod ba byung ba'i dgra bo de la/ 'di lta ste/ mya ngan dang/ sgyid lug pa dang/ rmongs pa'i bar dag bskyed pa'i phyir bdag nyid de ltar nyam thag pa dang/ sdug bsngal ba ma yin yang ci nas kyang nyam thag pa dang/ sdug bsngal lta bur ston par byed do/ /nyan thos bka' blo mi bde ba ni re zhig bden pa rnams las brtsams nas/ gdams ngag dang rjes su bstan pa nyid 'thob par 'os pa yang ma yin na/ bden pa rnams mngon par rtogs par 'gyur ba dang rnam par byed bar 'gyur ba'i skal ba lta ga la yod/ nyan thos bka' blo mi bde ba'i rtags ni dgu po 'di dag yin te/ de dag dang ldan pa'i nyan thos ni tshig mi bzod pa dang/ bka' blo mi bde ba yin par rig par bya'o/ /dgu gang zhe na/ gleng ba po'i gang zag gis glengs pa na/ tshig mi 'jam pa nyid las brtsams nas skabs las byung bas lan 'debs pa dang/ ma 'brel ba dang/ ma rdzogs pa dang/ gzhan du yongs su brtags nas lan 'debs pa de ni rtags dang po yin no/ /rnam par g.yengs pa'i tshig nyid las brtsams nas/ gtam gzhan gyis gleng ba 'dor bar byed/ spong bar byed pa 'di ni rtags gnyis pa yin no/ /khong khro ba'i kun nas dkris bas? rang gi sems 'khrug par byed pa dang/ slong bar byed pa dang/ rnyog ba can du byed pa de ni rtags gsum pa yin no/ /khong khro ba'i kun nas dkris pa nyid kyis mi mthun pa'i tshig dang/ nyes rtsom gyi tshig dang/ ngag rtsub po'i tshig brjod par byed pa de ni rtags bzhi pa yin no/ /'di dag la smra na/ bdag gis kyang 'di la ci'i phyir smra bar mi bya snyam du khengs pas rjod par byed pa de ni rtags lnga pa yin no/ /kha? na ma tho ba 'chab par byed pa de ni rtags drug pa yin no/ /khon gyi bsam pa 'dzin par byed pa de ni rtags bdun pa yin no/ /lan bya ba'i sems mang du byed pa de ni rtags brgyad pa yin no/ /gzhan dag gis gleng ba po'i yang dag pa'i yon tan brjod pa dang/ yang dag par bshad pa na mos par mi byed cing/ phyir bzlog pa dang/ slong ba dang/ phyir bshe bar byed pa de ni rtags dgu pa yin no/ /gang zag gleng ba po ni mdor bsdu na gnyis po 'di dag yin te/ bla ma'i gnas lta bu yang yin la grags pa dang/ bla ma'i gnas lta bu yang ma yin la ma grags pa'o/ /de la rtags dang po gnyis ni gleng ba po'i gang zag dang po las brtsams te blta bar bya'o/ /rtags lhag ma bdun ni gleng ba po'i gang zag gnyis pa las brtsams te blta bar bya'o/ /sa'i dngos gzhir tshul khrims kyi sdom pa las brtsams nas/ 'dul ba dang ldan pa'i rnam par gtan la dbab pa'i sdom ni/ bsdu dang bcas dang tshul khrims dang/ /bag yod sgrib dang slob gzhug dang/ /brtag dang brten dang blang ba dang/ /longs spyod dang ni zab pa dang/ /mos dang dpe yi dngos po'o/ /de la 'dul ba dang bcas pa'i so sor thar pa ni gnas bdun gyis bsdu ba yin te/ gnas bdun gang zhe na/ smras pa bka' dang rjes su gnas pa dang/ dgag pa dang/ ltung ba'i gzhi dang/ ltung ba dang/ ltung ba med pa dang/ ltung ba las bslang ba'o/ /de la bka' ni bcom ldan 'das kyis mi dge ba'i chos yongs su nyams pa dang/ dge ba'i chos mngon par 'phel bar 'gyur ba gang yin pa de la 'dul bar bka' stsol pa ste/ de ni bka' i mtshan nyid mdor bsdus pa yin gyi/ rgya cher rnam par dbye ba ni dpag tu med do/ /de la rjes su gnad ba ni bcom ldan 'das kyis nye bar ston pa'i rgyu dang/ kun nas nyon mongs pa can ma yin par kun tu spyod nus pa gang yin pa de 'dul bar rjes su gnang bar mdzad pa'o/ /de la 'gag pa ni bcom ldan 'das kyis rang bzhin gyis kha na ma tho ba dang ba bcas pa dang/ kha na ma tho ba med pa dang/ mi mthun pa gang yin pa de 'dul ba la dgag pa mdzad pa'o/ de la ltung ba'i gzhi ni mdor bsdu na/ rnam pa bco brgyad de 'di lta ste/ mi dge ba dang/ dge ba dang/ mi mthun pa dang/ lus kyi las dang/ ngag gi las dang/ yid kyi las dang/ tshul khrims nyams pa dang/ lta ba nyams pa dang/ cho ga nyams pa dang/ 'tsho ba nyams pa dang/ gzhan gyi sems rjes su bsrung ba dang/ gzhan la gnod pa rjes su bsrung ba dang/ yid mi ches pa'i gnas rjes su bsrung ba dang/ 'khrig pa dang/ lhung bzed dang/ chos gos dang/ bsod snyoms dang/ mal cha dang stan dang/ na ba'i gso sman dang/ yo byad do/ /de la mi dge ba ni rang bzhin gyis kha na ma tho ba dang bcas pa gang ci yang rung ba'o/ /de la dge ba dang mi mthun pa ni bcas pa'i kha na ma tho ba dang bcas pa gang ci yang rung ba'o/ /de la lus dang/ ngag dang/ yid kyi las la brten nas ni/ ltung ba sde lnga po thams cad ci rig par rig par bya'o/ /de bzhin du ltung ba'i gzhi de las gzhan pa dag kyang ltung ba sde lnga po dag la ci rigs par rig par bya'o/ /de la ltung ba ni mdor bsdu na ltung ba sde lnga po dag go /ltung ba sde lnga po de dag la ltung ba ji ltar 'byung zhe na/ smras pa/ rnam pa lnga ste/ 'di lta ste/ gzhi dang/ kun nas slong ba dang/ dngos po dang/ sbyor ba dang/ mdza' ste/ de dag gi rab tu dbye ba ni gzhi bsdu ba'i 'dul ba'i ma mo las rgya cher bshad par bya'o/ /yang ltung ba ni rnam pa dgu ste/ dge bsnyen gyi ltung ba dang/ dge bsnyen ma'i ltung ba dang/ dge tshul gyi ltung ba dang/ dge tshul ma'i ltung ba dang/ dge slob ma'i ltung ba dang/ dge slong ma'i ltung ba dang/ dge slong gi ltung ba dang/ so so'i skye bo'i ltung ba dang/ slob pa'i ltung ba'o/ /mi slob pa la ni ltung ba med do/ /de ci'i phyir zhe na/ 'di ltar de la ni bya ba med pa'i phyir chos nyid kyis thob pa kho nas bslab pa'i gzhi phran tshegs phra ba thams cad rgyun bcad pa yin la/ de ni nyon mongs pa can gyi ltung ba 'byin mi srid pa'i phyir ro/ /de la ltung ba med pa ni rnam pa bzhis rig par bya ste/ /'di lta ste/ las dang po ba dang/ smros pa dang sems rnam par g.yengs pa dang/ tshor bas nyen pa'o/ /de la ltung ba las bslang ba ni rnam pa lngas rig par bya ste/ 'di lta ste/ bdag las dang/ gzhan las dang/ bdag dang gzhan las dang/ lus gyur pa las dang/ lus spangs pa las so/ /de la bdag las ni 'di lta ste/ bsngam par bya ba las so/ /de la gzhan pa las ni/ 'di lta ste/ bden pa mthong ba'i ltung ba nyon mongs pa can ma yin pa las so/ /de la bdag dang gzhan las ni 'di lta ste/ so so'i skye bo'i ltung ba nyon mongs pa can dang/ nyon mongs pa can ma yin pa las so/ /de la lus gyur pa las ni 'di lta ste/ dge slong gi lus spangs nas/ dge slong ma'i lus su gyur pa 'am/ dge slong ma'i lus spangs nas dge slong gi lus su gyur pa 'am/ de bzhin du dge slong dang/ dge slong ma gnyi ga'i lus spangs nas/ de las gzhan pa'i mtshan du gyur pa 'am// mtshan med par gyur pa las so/ /de la lus spangs pa las ni 'di lta ste/ shi ba'i dus byas pa'o/ /bslab pa'i gzhi bca' ba rnam par dag pa ni bcu po 'di dag yin te/ 'di lta ste/ rigs pas rnam par dag pa dang/ 'bras bus rnam par dag pa dang/ phan 'dogs pas rnam par dag pa dang/ phyi rol gyis rnam par dag pa dang/ nang gis rnam par dag pa dang/ mdza' dag gis rnam par dag pa dang/ byams shing gus pas rnam par dag pa dang/ rnam par gnon pa'i gnyen po bsgom pas rnam par dag par dang/ bag la nyal spangs pa'i gnyen po bsgom pas rnam par dag pa dang/ rgyun rgyun mi 'chad pas rnam par dag pa'o/ /rnam grangs gzhan yang gzhi dang bcas pa'i bslab pa'i gzhi bcas pas rnam par dag pa dang/ 'dod pa'i bsod nams kyi rjes su brtson pa'i mdza' yongs su spangs pas rnam par dag pa dang/ bdag nyid ngal ba'i rjes su brtson pa'i mdza' yongs su spangs pas rnam par dag pa dang/ lhag pa'i cho gas rnam par dag pa dang/ lhag pa'i 'tsho bas rnam par dag pa dang/ chos mthun pa dang 'grogs pas rnam par dag pa dang/ 'thab ba med pa dang/ rtsod pa med pas rnam par dag pa dang/ nyon mongs pa zil gyis gnon pas rnam par dag pa dang/ nyan mongs pa dang bral bas rnam par dag pa dang/ dam pa'i chos yang dag par 'dzin pas rnam par dag pa'o/ /tshul khrims kyi gnyis pa ni bcu ste/ bslab pa bral ba'i nyes pa dang/ mngon par mi dga' ba'i nyes pa dang/ grogs dang bral ba'i nyes pa dang/ smon lam gyi nyes pa dang/ bag med pa'i nyes pa dang/ mngon pa'i nga rgyal gyi nyes pa dang/ bag la nyal rnam par ma dag pa'i nyes pa dang/ bsam pa rnam par ma dag pa'i nyes pa dang/ nges bar 'byin pa ma yin pa'i nyes pa dang/ brtul zhugs gyi nyes pa'o/ /tshul khrims kyi yon tan ni bcu ste/ mthun pa'i tshul khrims nyid dang/ rgyun chags kyi tshul khrims nyid dang/ 'gran zla med pa'i tshul khrims nyid dang/ gnod pa med pa'i tshul khrims nyid dang/ brtan pa'i tshul khrims nyid dang/ nges par 'byin pa'i tshul khrims nyid dang/ mi mthun pa'i phyogs las rgyal ba'i tshul khrims nyid dang/ mi ldog pa'i tshul khrims nyid dang/ thun mong ma yin pa'i tshul khrims nyid dang/ bla na med pa'i tshul khrims nyid dang/ dge slong 'dul ba'i bslab pa la brtson pas dus bcu dag tu bag yod par bya ste/ bcu po gang dag tu zhe na/ ltung ba las brtsams pa dang snyoms par 'jug pa las brtsams pa dang/ skye ba las brtsams pa dang/ bsod snyoms spyod pa las brtsams pa dang/ 'phral gyi bya ba las brtsams pa dang/ rnyed pa dang bkur sti'i longs spyod las brtsams pa dang/ thos pa yongs su tshol ba las brtsams pa dang/ dam pa'i chos bsam pa las brtsams pa dang/ rab tu dben pa las brtsams pa dang/ rtogs pa'i mdza' las brtsams pa'i dus su'o/ /ji ltar dge slong 'dul ba'i bslab pa la brtson pas ltung ba las brtsams nas/ dus dang po 'di la bag yod bar bya zhe na/ 'di na dge slong sngon gyi mdza' dang ldan pa zhes bya ba la sogs pa sngar bstan pa yan lag lnga pa bsdus pa'i bag yod pa dang ldan pa de ltar/ dge slong 'dul ba'i bslab pa la brtson pas/ ltung ba las brtsams nas/ dus dang po 'di la bag yod par bya'o/ /ji ltar dge slong 'dul ba'i bslab pa la brtson pas/ snyoms par 'jug pa las brtsams nas/ dus gnyis pa 'di la bag yod par bya zhe na/ 'di na dge slong dgon pa na 'dug kyang rung/ shing drung na 'dug kyang rung ste/ 'dod pa na 'dun pa'i sgrib pa nas/ the tshom gyi bar gyi sgrib pa byung ngo cog dang du mi len par spong bar byed/ sel bar byed/ byang bar byed cing/ de'i sgrib pa lnga po sems nye bar nyon mongs par byed pa/ mya ngan las 'da' bar mi 'gyur ba'i bar dag spangs nas/ dus dus su zhi gnas kyi mtshan ma yang sgom par byed/ dus dus su rab tu 'dzin pa'i mtshan ma yang sgom par byed/ dus dus su btang snyoms kyi mtshan ma yang sgom par byed cing/ de de ltar zhi gnas kyi mtshan ma la mkhas pa dang/ rab tu 'dzin ba'i mtshan ma la mkhas pa dang/ btang snyoms kyi mtshan ma la mkhas pas/ sems zhum pa 'am/ zhum du dogs par rig pa na/ legs pa kho nar rab tu 'dzin par yang byed/ sems rgod dam/ rgod du dogs par rig pa na/ legs pa kho nar nang du yang dag par zhi bar yang byed/ sems mnyam par gyur pa na/ btang snyoms su 'jog par yang byed pa/ de ltar ting nge 'dzin thob pa na/ ro myong bar yang mi byed cing/ mjug sdud par yang mi byed/ lhag par chags par yang ma byed/ lhag bar chags shing gnas par yang mi byed pa/ de ltar dge slong 'dul ba'i bslab pa la brtson pas dus gnyis pa de la bag yod par bya'o/ /ji ltar dge slong 'dul ba'i bslab pa la brtson pas skye ba las brtsams nas dus gsum pa 'di la bag yod par bya zhe na/ 'di na dge slong 'chi ba'i dus la bab pa'i tshe na/ 'di ltar mngon par 'du bya ba'i sems drag po mngon par 'du byed de/ ci bdag sangs rgyas la dmigs pa'i dran pas 'chi ba'i dus byed par 'gyur ram/ chos la dmigs pa dang/ dge 'dun la dmigs pa dang/ dge ba la dmigs pas dge ba'i sems dang ldan pas 'chi ba'i dus byed par 'gyur ram snyam du sems mngon par 'du byed de/ de lta de ltar de'i sems kun tu bsrung ba dang/ dran pa nye bar gnas par 'gyur ro/ /gang gi phyir sangs rgyas la dmigs pa'i dran pa'i/ 'chi ba'i dus byed pa nas/ rgyas par dge ba'i sems dang ldan pa'i bar gyis 'chi ba'i dus byed pa ni sangs rgyas la dmigs pa'i dran pas 'chi ba'i dus byed pa nas rgyas par dge ba'i sems dang ldan pa'i bar gyi 'chi ba'i dus byed pa de'i 'chi ba ni bzang ba yin/ 'chi ba'i dus byed pa yang bzang ba yin/ tshe phyi ma yang bzang ba yin te/ de ltar dge slong 'dul ba'i bslab pa la brtson pas dus gsum pa de la bag yod par bya'o/ /ji ltar dge slong 'dul ba'i bslab pa la brtson pas/ bsod snyoms spyod pa la brtsams nas dus bzhi pa 'di la bag yod par bya zhe na/ 'di na dge slong grong ngam/ grong rdal gang na nye bar brten cing gnas pa'i grong ngam grong rdal de nyid du de bsod snyoms yongs su dag pa'i mdo las/ ji skad gsungs pa thams cad spyod par byed pa de ltar/ dge slong 'dul ba'i bslab pa la brtson pas dus bzhi pa de la bag yod par bya'o/ /ji ltar dge slong 'dul ba'i bslab pa la brtson pas 'phral gyi bya ba las brtsams nas/ bum lnga pa 'di la bag yod par bya zhe na/ 'di na dge slong ltung bzed kyi las dang chos gos kyi las dang/ tshangs pa mtshungs par spyod pa mkhas pa rnams la zhal te bya ba'i las sam/ 'phral gyi bya ba gzhan gang yang rung ba de la bag yod pa byed cing/ ci nas krung mi tshigs pa dang/ mi rul pa dang/ mi brlag pa dang/ mi zhigs pa dang/ chud mi zos par byed pa dang/ ha cang bya ba mi byed pa dang/ ngan bar bya ba mi byed pa dang/ nyes par bya ba mi byed pa dang/ ha cang brdzun ste mi byed pa dang/ ha cang bsgyangs te mi byed pa dang/ rgod bag med pa dang/ nyon mongs pa can ma yin pa dang/ 'jig rten dang 'gal ba dang/ 'dul ba dang 'gal ba'i spyod bas mi byed pa de ltar dge slong 'dul ba'i bslab pa la brtson bas dus lnga pa de la bag yod par bya'o/ /ji ltar dge slong 'dul ba'i bslab pa la brtson bas/ rnyed pa dang bkur sti'i longs spyod las brtsams nas/ dus drug pa 'di la bag yod par bya zhe na/ 'di na dge slong rnyed ba dang bkur sti gang dang gang red kyang rung ste/ de rnyed pa de la chags pa med par yongs su longs spyod par byed pa dang/ zhen ba med pa dang/ 'chum ba med pa dang/ mdung pa bor ba med pa dang/ brgyal ba med pa dang/ lhag bar chags pa mang ba dang/ lhag bar chags shing gnas ba med pa dang/ nyes dmigs su lta ba dang/ nges par 'byung ba rab tu shes shing/ yongs su longs spyod bar byed pa dang/ de rnyed pa dang/ bkur sti byung ba zil gyis gnon par byed pa dang/ rnyed pa dang bkur sti'i sems bskyed pas de sems yongs su gdugs shing mi gnas pa de ltar dge slong 'dul ba'i bslab pa la brtson bas dus drug pa de la bag yod par bya'o/ /ji ltar dge slong 'dul ba'i bslab pa la brtson pas thos pa yongs su btsal ba las brtsams nas dus bdun pa 'di la bag yod par bya zhe na/ 'di ni dge slong snyan dngags mkhan gyis byas pa 'am/ snyan dngags mkhan gyis bsam pa dang/ yi ge sna tshogs pa tshig dang/ yi ge 'bru sna tshogs pa 'jig rten rgyang 'phan pa dang ldan pa de? lta bu'i thos ba spangs nas/ de bzhin gshegs pas gsungs pa'i mdo sde zab ba zab bar snang ba/ stong pa nyid dang ldan pa/ rkyen 'di ba nyid kyi rten cing 'brel par 'byung ba dang mthun pa gang dag yin pa de dag gus par bya ste/ len par byed kun chub par byed ba dang/ de klan ka dang/ phan yon la lta zhing/ chos kun chub par mi byed/ rtsod pa 'di lta bu las thar ba'i phan yon la lta zhing chos kun chub par mi byed/ rnyed pa dang bkur sti'i don du chos kun chub par mi byed par 'di lta ste/ bdag nyid dul bar bya ba dang/ bdag nyid zhi bar bya ba dang/ bdag nyid yongs su mya ngan las 'da' bar bya ba dang/ dge sbyong gi tshul gyi don dang/ bram ze'i don dang/ don gyi mchog thob par bya ba las brtsams te/ chos kun chub par byed pa dang/ des chos de dag legs par mnyan pa dang/ legs par bzung pa dang/ kha ton yongs su byang ba dang/ yid kyis rjes su brtags pa dang/ mthong bas shin tu rtogs par byas pa de ltar dge slong 'dul ba'i bslab pa la brtson pas/ dus bdun pa de la bag yod par bya'o/ /ji ltar dge slong 'dul ba'i bslab pa la brtson pas/ dam pa'i chos bsam pa las brtsams nas/ bsam pa'i ma byas ni spong bar byed/ la la la ni dad pas kyang mos par byed/ la la la ni shes rab kyis rnam par dpyod par byed cing/ don la rton pa sems par byed kyi/ tshig 'bru la? rton pa sems par mi byed la/ nag po bstan pa yang yang dag pa ji lta ba bzhin du rab tu shes la chen po bstan pa yang yang dag pa ji lta ba bzhin du rab tu shes shing snying por sems par byed/ bstan par sems par byed/ rgyas par sems par byed de/ bsam pa de yang mthar thug par byed kyis bar ma dor sgyid lug par mi byed pa de ltar/ dge slong 'dul ba'i bslab pa la brtson pas/ dus brgyad pa de la bag yod par bya'o/ /ji ltar dge slong 'dul ba'i bslab pa la brtson pas/ rab tu dben pa las brtsams nas/ dus dgu pa 'di la bag yod par bya zhe na/ 'di na dge slong khyim na gnas pa dang/ rab tu byung ba rnams dang/ 'dres par mi gnas shing/ lhan cig dga' bar yang mi byed/ lhan cig mya ngan yang mi byed pa nas/ rgyas par ci bya ba byung ngo cog gi bar dag yang dag par blangs te/ mthar thug par rjes su mi 'jug pa dang/ dgon pa nags 'dab dang bas mdza' i gnas mal dag tu gnas par byed pa dang/ sems can las dben pa dang/ yul dang rnam par g.yeng ba dang/ le lo dang/ zhi gnas dang/ lhag mthong dang/ zhi gnas dang lhag mthong gi nye ba'i nyon mongs pa las dben par byed pa de ltar/ dge slong 'dul ba'i bslab pa la brtson pas/ dus dgu pa de la bag yod par bya'o/ /ji ltar dge slong 'dul ba'i bslab pa la brtson pa/ /rtogs pa'i mdza' las brtsams nas/ dus bcu pa 'di la bag yod par bya zhe na/ 'di la dge slong yod pa yang yod par/ med pa yang med par/ bla na yod pa yang bla na yod par/ bla na med pa yang bla na med par yang dag pa ji lta ba bzhin du rab tu shes te/ yod pa las yod par/ med pa yang med par/ bla na yod pa yang bla na yod par bla na med pa yang bla na med par yang dag pa ji lta ba bzhin du rab tu shes nas kyang/ ma thob pa la thob par 'du shes med pa dang/ ma rtogs pa la rtogs par 'du shes med pa dang/ mngon pa'i nga rgyal med pa dang/ mngon pa'i nga rgyal gyis zil gyis non pa med par/ shes pa brda sprod par byed pa de ltar dge slong 'dul ba'i bslab pa la brtson pas/ dus bcu pa de la bag yod par bya'o/ /rab tu 'byung ba'i sgrib pa ni bzhi po 'di dag yin par rig par bya ste/ 'di lta ste/ bsam pa'i sgrib pa dang/ lus kyi sgrib pa dang/ las kyi sgrib pa dang/ rang dbang med pa'i sgrib pa'o/ /de la bsam pa'i sgrib pa ni 'di lta ste/ rgyal pos gtses pa ma rab tu 'byung bar 'dod pa yin zhes bya ba la sogs pa'o/ /de la lus kyi sgrib pa ni 'di lta ste/ long ba 'am/ 'on pa 'am/ za ma'am/ ma ning du gyur? pa 'am/ g.ya' ba 'am/ mdze 'am/ bol? mig gam/ skyigs bu la sogs pa'i nang skyon chags pa gang yang rung bas lus la gnod pa 'gyur pa yin zhes bya ba la sogs pa'o/ /de la las kyi sgrib pa ni 'di lta ste/ pha bsad pa dang/ ma bsad pa yin zhes bya ba la sogs pa'o/ /de la rang dbang med pa'i sgrib pa ni 'di lta ste/ pha mas ma gnang ba dang/ rgyal pos bkrabs pa dang/ phrogs pa dang/ rnyed brtson dang/ rjod pa yod pa zhes bya ba la sogs pa'o/ /de la rab tu byung bas 'dul pa la gnas lnga nges par slob du gzhug par bya ste/ 'di lta ste ltung ba slob tu gzhug pa dang/ ltung ba med pa dang/ lci ba dang/ yang ba dang/ so sor thar pa'i mdo 'don pa slob du gzhug pa'o/ /de la ltung ba dang/ ltung ba med pa ni snga ma bzhin no/ /de la ltung ba ni lci ba bye brag drug gis 'gyur te/ bca' ba'i bye brag gis lci ba ni 'di lta ste/ bslab pa'i gzhi bcas pa la'o/ /dngos po'i bye brag gis lci ba ni 'di lta ste/ ltung byed du 'dra ba las srog gcod pa la sogs pa rang bzhin gyi kha na ma tho ba dang bcas pa ni bcas pa'i kha na ma tho ba dang bcas pa las bye brag tu gyur pa'o/ /nyes pa'i bye brag gis lci ba ni 'di lta ste/ la la yang dang yang du ltung ba 'byin pa'o/ /nyon mongs pa'i bye brag gis lci ba ni 'di lta ste/ la la 'dod chags dang/ zhe sdang dang/ gti mug gi kun nas dkris ba shin tu drag pos ltung ba 'byin pa'o/ /mi shes pa'i bye brag gis lci ba ni 'di lta ste/ la la dge ba'i phyogs chung ba dang/ shes rab zhen pa de la ni ltung ba'i? ches shin tu sgrib par 'gyur ba ste/ de las bzlog pa gzhan la ni bcas pa 'dra ba dang/ dngos po dra ba dang/ nyes pa 'dri ba dang/ nyon mongs pa 'dra ba la yang ltung bas sgrib par mi byed do/ /'di lta ste dper na chu 'bab pa chung ngu ni rtswas rtsam gyis kyang dgag par nus la/ rtswa rtsam yang deng par mi nus kyi/ chu 'bab pa chen po ni rtsa khur dang shing khur gyis kyang dgag par mi nus la/ rtsA dang shing mang po yang deng par nus pa bzhin du/ 'di la yang tshul de bzhin du blta bar bya'o/ /dus kyi bye brag gis lci ba ni 'di lta ste/ la la ltung ba byung nas myur ba myur ba kho nar chos bzhin du phyir gos par mi byed par dus gzhan du yongs su gnas nas gso bar byed pa'o/ ltung ba yang ba ni de dag las bzlog par rig par bya'o/ /'dul pa 'dzin pas ltung 'byung ba la rnam pa ltas pas nas/ ltung ba sbyin par bya ste/ gcig tu kun nas nyon mongs pa dang/ gcig tu lhag par ma spyad pa dang/ gzhi las bca' ba dang/ de la nyes pa byung ba dang ma byung ba bstan pa dang/ gcig tu kun tu spyad pa ma yin pas so/ /de la gcig tu kun nas nyon mongs pa can gyi ltung ba ni 'di lta ste/ rang bzhin gyi kha na ma tho ba dang bcas pa'o/ /de la gcig tu ltung pa lhag par ma spyad pa la ni bstan par bya'o/ /ltung ba byung ba la ni ltung ba phyir gso ba'i las ci rigs par yongs su bstan par bya'o/ /de la bcom ldan 'das kyis gang zag gang 'das brten pa dang/ yul gang dang dus gang las brten nas/ bcas pa'i kha na ma tho ba dang bcas pa'i bslab pa'i gzhi bcas pa las/ gal te gang zag gzhan zhig yul gzhan dang/ dus gzhan du nyes pa de nyid la rten par byed na/ des de la yang bcom ldan 'das kyis nyes pa gang gzigs nas bcas pa de kho na bzhin du ltung ba phyir gso ba'i las yongs su bstan par bya'o/ /gal te nyes pa de la rten par mi byed na ni de la ltung ba sbyin par mi bya ste/ phyir gso pa'i las kyang yongs su bstan par mi bya'o/ de ltar de ni ltung ba yongs su brtag pa mdor bstan pa yin par rig par bya'o/ /dge slong 'dul ba la brtson pas gnas bdun la brten nas/ gnas drug la brtson par bya ste/ gnas bdun po gang dag la brten nas/ gnas drug po gang dag la brtson par bya zhe na/ smras pa/ ston pa la rten pa dang/ mkhan po dang/ slob dpon dang/ chos gos dang/ bsod snyoms dang/ mal cha dang/ san? dang/ na ba'i gso sman yo byad la brten nas/ chos la brtson par bya ba dang/ bslab pa dang/ gdams shing rjes su bstan pa dang/ ting nge 'dzin dang/ bgo bsha' dang/ bag yod pa la brtson par bya'o/ /de la chos ni so sor thar ba'i mdo dang/ de rnam par 'byed pa'i 'di? la bslab pa ni lhag pa'i tshul khrims kyi bslab pa dang/ lhag pa'i sems dang lhag pa'i shes rab kyi bslab pa'o/ /de la gdams shing rjes su bstan pa ni lhag pa'i tshul khrims kyi bslab pa la gdams shing rjes su bstan pa dang/ lhag pa'i sems dang/ lhag pa'i shes rab kyi bslab pa la gdams shing rjes su bstan pa'o/ /de la ting nge 'dzin ni mthar gyis gnas pa'i snyoms par 'jug pa dgu'o/ /de la bgo bsha' ni zang zing gi bgo bsha' dang/ chos kyi bgo bsha'o/ /de la zang zing gi bgo bsha' ni yang dag par mgu bar 'gyur ba'i chos drug las gcig gis so/ /chos kyi bgo bsha' ni ltag ma lnga so/ /de la bag yod pa ni mkhas pa lnga po phung po la mkhas pa nas/ gnas dang gnas ma yin pa'i bar dag la rtag tu byed pa dang/ sgom pa'i rjes su brtson pa gang yin pa'o/ /'dul ba la blang ba ni lnga po 'di dag yin te/ bdag gir bya ba blang ba dang/ byin len blang ba dang/ btams pa blang ba dang dbul ba blang ba dang gzhan gyi phyir blang ba'o/ /de la bdag gir bya ba blang ba ni rgyu gnyis kyis yongs su ma dag pa yin te/ lhag par chags pa dang/ gsog 'jog byed pa la gdu ba'o/ /de las bzlog pas ni yongs su dag pa yin/ /byin len blang ba yang rgyu gnyis kyi yongs su ma dag pa yin te/ gnas ma yin pa las len pa dang/ tshod ma zin pa dang/ chog bzhin ma yin par len pas so/ /de las bzlog pas ni yongs su dad pa yin no/ /btams pa blang ba yang rgyu gnyis kyis yongs su ma dag pa yin te/ gang zag ma brtags pa la gtams pa dang/ rung ba ma yin pa'i dngos po dang/ 'brel ba'i sems kyis so/ /de las bzlog pas ni yongs su dag pa yin no/ /dbul ba blang ba yang rgyu gnyis kyis yongs su ma dag pa yin te/ zhing ngan pa la dbul ba blang ba dang/ mi ltos pa ma yin par dbul ba blang pas so/ /de la zhing gsum po yon tan gyi zhing dang/ snying brtse ba'i zhing dang/ phan 'dogs pa'i zhing ma gtogs pa de las gzhan pa'i zhing dag ni zhing ngan pa yin par rig par bya'o/ /de las bzlog pas ni yongs su dag pa yin no/ /gzhan gyi phyir blang ba yang rgyu gnyis kyis yongs su ma dag pa yin te/ ma 'dris pa 'am/ ma bcol ba 'am/ ngo mi shes pa'i phyir len pa dang/ zang zing dang bcas pa'i sems kyis len pas so/ /de la bzlog pas ni yongs su dag pa yin no/ /'dul ba la dngos po'i longs spyod ni rgyu lngas rung ba ma yin te/ rab bzhin gyi kha na ma tho ba dang bcas pa dang/ rkyen du 'bab pa ma yin pa dang/ longs spyod par 'os pa ma yin pa dang/ gtogs pa ma yin pa dang/ rung ba ma byas pas so/ /de la rang bzhin gyi kha na ma tho ba dang bcas pa ni 'di lta ste/ blugs gzhal la sgyu byed pa dang/ srang la sgyu byed pa dang/ gzhan pa la sgyu byed pa dang/ gsang ba dang/ bcing ba dang/ gcad ba dang/ brdeg pa dang/ nan gyis gnod pa la sogs pa la brten nas dngos po'i longs spyod thob pa gang yin pa de ni rung ba ma yin no/ /de la rkyen du 'bab pa ma yin pa ni zhing gi dngos po dang/ khang khyim gyi dngos po dang/ tshong khang gi dngos po yongs su 'dzin pa'i longs spyod dang/ rta dang glang po che dang/ ba lang dang/ lug dang/ bya gag dang/ phag yongs su 'dzin pa'i longs spyod dang bud med dang skyes pa dang/ khye'u dang/ bu mo yongs su 'dzin pa'i longs spyod dang/ bran dang/ bran mo dang/ las byed pa dang/ zho shas 'tsho ba yongs su 'dzin pa'i longs spyod dang/ gser dang/ dngul yongs su 'dzin pa'i longs spyod dang/ 'bru tsam pa yongs su 'dzin pa'i longs spyod la sogs pa'o/ /de la longs spyod par 'os pa ma yin pa ni 'di lta ste/ bshad pa las byas pa'am/ gci ba las byas pa 'am/ mchil ma las byas pa 'am/ snabs las byas pa 'am/ khrag gis gos pa 'am/ rnag gis gos pa 'am/ rnag khrag gis gos pa 'am/ zhag dang chu se ral sogs pas gos pa 'am/ gzhan yang gang de lta bu dang mthun pa dang/ bcom ldan 'das kyis bshang gci la sogs pa'i bum pa ni longs spyod par rung ba ma yin no/ /zhes ji skad gsungs pa dag go /de la rtags ba ma yin pa ni 'di lta ste/ dge dun gyi longs spyod ma bsgo ba dang/ lhung bzed du ma chung cing/ lhung bzed du ma gtogs pa dang/ gang zag gi longs spyod ma byin pa dang/ ma btang ba dang/ lhug par ma byas pa dang/ yid bcugs pa'i gnas ma yin pa dang/ tshod ma zin pas so/ /de la rung bar ma byas pa ni rung ba rnam pa lngas rung bar ma byas ba ste/ rung ba lnga gang zhe na/ 'di lta ste/ byin len gyis rung ba dang/ nyams par byas pas rung ba dang/ gzhag pas rung ba dang/ dus kyi cho gas rung ba dang/ rnam par rtog pas btang bas rung ba'o/ /de las bzlog pa ni rung ba ma yin no// //bam po nyi shu rtsa brgyad pa/ 'dul ba ni bca' ba lngas zab par rig par bya ste/ bca' ba lnga gang zhe na/ bslab pa bca' ba dang/ ltung ba bca' ba dang/ nges par 'byung ba bca' ba dang/ bag yangs bca' ba dang/ las bca' bas so/ /de la bslab pa bca' ba ni gnas lngas zab par rig par bya ste/ rang dbang med pa ngang tshul khrims nyams pa'i nyes pa yang dag par bstan pa dang/ las ngan pa la mngon par dga' ba'i nyes pa yang dag par bstan pa dang/ de gnyi ga'i nyes pa lhag par spyad pa dang lhag par ma byas pas so/ /de la rang dbang yod pa ni 'di yin te/ gang gi tshe 'dul ba rnams nyon mongs pa'i dbang du ma song zhing/ nyon mongs pa rnams kyi rang dbang med par ma byas ba de'i tshe/ 'dul ba rang dbang can de lta bu dag bslab pa lhag par spyad pa la rang dbang yod pa kho nar mdzad pa'o/ /de la rang dbang med pa ni 'di yin te/ gang gi tshe gdul ba rnams nyon mongs pa'i dbang du song zhing nyon mongs pa rnams kyis rang dbang med par byas pa de'i tshe/ gdul ba rang dbang med pa de lta bu dag bslab pa lhag par spyad pa la rang dbang med par mdzad cing bslab pa'i gzhi 'cha' bar mdzad pa'o/ /de la tshul khrims nyams pa'i nyes pa yang dag par ston pa 'di yin te/ rang bzhin gyi kha na ma tho ba dang bcas pa gang yin pa de gcig tu lhag par spyad par mi bya'o/ zhes yang dag par gzigs nas/ tshul khrims rjes su bsrung ba'i phyir bslab pa'i gzhi 'cha' bar mdzad pa'o/ /de la las ngan pa la mngon par dga' ba'i nyes pa yang dag par ston pa ni 'di yin te/ dge ba'i phyogs la mngon par brtson pa'i gags? su yang dag par gzigs pa gang yin pa de'i ngnyen por bcas pa'i kha na ma tho ba dang bcas pa'i bslab pa'i gzhi 'cha' bar mdzad pa'o/ /de la de gnyi ga'i nyes pa lhag par spyad pa dang/ ma spyad pa ni 'di yin te/ de bzhin gshegs pas rang dbang yod pa dag la ni nyes pa de lhag par mi spyod par gzigs nas/ bslab pa'i gzhi 'cha' bar mi mdzad la/ rang dbang med pa dag la ni nyes pa de lhag par spyod par gzigs nas bslab pa'i gzhi 'cha' bar mdzad pa gang yin pa'o/ /de la ltung ba bca' ba yang gnas lngas zab par rig par bya ste/ de la ltung ba gang zhe na/ dge ba'i chos rnams skye ba la sgrib pa gang yin pa'o/ /sgrib pa de yang rnam pa lnga ste/ lhod? pa'i sgrib pa dang/ kha na ma tho ba'i sgrib pa dang/ khyad du gsod pa'i sgrib pa dang/ 'gyod pa'i sgrib pa dang/ shes bya'i sgrib pa'o/ /de la lhod pa'i sgrib pa ni dge ba'i chos rnams la le lo byed cing mngon par mi brtson pa gang yin pa'o/ /de la kha na ma tho ba'i sgrib pa ni 'di ltar 'di na la la 'dod chags kyi kun nas dkris pa 'am/ zhe sdang gi kun nas dkris pa 'am/ gti mug gi kun nas dkris pa'i sems las byung ba'i nye ba'i nyon mongs pa gang yang rung bas nye bar nyon mongs pa can du gyur pa na/ /de nyon mongs pa dang nye ba'i nyon mongs pa'i kun nas dkris pa skyes pa de dang du len par byed pa'o/ /de la khyad du gsod pa'i sgrib pa ni las ltar 'di na la la bslab pa la mi 'du zhing bslab pa la gus pa drag po med pa dang/ ltung ba la 'jigs par mi ltar zhing lhag par 'byin pa dang/ lhag par byung na yang phyir 'chags par mi byed pa dang/ ston pa bslab pa la mi gus pa'i rang bzhin can yin no/ /de la 'gyod pa'i sgrib pa ni 'di ltar 'di na la la nyon mongs pa can gyi 'gyod pa'i rgyun gyis reg cing 'gyod pa de yang legs par rab tu sel bar mi nus la/ kun tu 'gyod ba dang bcas/ rnam par 'gyod pa dang bcas pa yid la gcags pa dang bcas pa'o/ /de la shes bya'i sgrib pa ni 'di yin te/ 'di ltar 'di na yid la gcags pa dang/ bcas pa la la bslab pa rnam par ma dag pa'i gzhi'i rgyus mchog tu dga' ba mi skye la/ /rab tu mi dga' ba la ni dga' ba mi skye ba nas/ sems mnyam par? ma bzhag na yang dag pa ji lta ba bzhin rab tu mi shes shing ryang dag pa ji lta ba bzhin du mi mthong bas/ de'i phyir shes bya'i sgrib pa zhes bya'o/ /de la lhod pa'i sgrib pas reg pa ni nyon mongs pa dang/ nye ba'i nyon mongs pa dang du len pa'i rang bzhin can du 'gyur la/ dang du len pa'i rang bzhin can ni kha na ma tho ba'i sgrib pas reg par 'gyur ro/ /kha na ma tho ba'i sgrib pas reg na/ bslab pa dag la gus pa drag po med cing ltung ba 'byin 'dod par 'gyur la/ de ltar ltung ba 'byin 'dod pa ni khyad du gsod pa'i sgrib pas reg par 'gyur ro/ /khyad du gsod pa'i sgrib pas reg na nyon mongs pa can gyi yid la gcags pa bskyed cing/ yid la gcags pa skyes pa sel bar yang mi nus par 'gyur bas/ de ni 'gyod pa'i sgrib pas reg par 'gyur ro 'gyod pa'i sgrib pas reg pa ni yid la gcags pa dang bcas pa yin pas nges na de'i sems mnyam par 'jog pa'i bar du mi 'gyur la/ sems mnyam par ma bzhag pa shes bya'i sgrib pas reg par 'gyur te/ de ni sgrib pas de dag gi go rims yin no/ /de dag las bzlog pa sgrib pa med pa lngas ni lhod pa'i sgrib pa med pa dang/ kha na ma tho ba'i sgrib pa med pa dang/ khyad du gsong ba'i sgrib pa med dang/ 'gyod pa'i sgrib pa med pa dang/ shes bya'i sgrib pa med pa yin par rig par bya'o/ /de la lhag pa'i bsam pa nyams pas ni re shig ltung ba la slong bar yang mi 'gyur na/ ltung ba med par lta ga la 'gyur/ lhag pa'i bsam pa nyams pa gang zhe na/ de yang rnam pa lngas blta bar bya ste/ brtson 'grus rtsom mi 'dod pa yin/ nyon mongs pa dang du len 'dod pa yin/ ltung ba lhag par 'byin 'dod pa yin/ 'gyod pa sel bar mi 'dod pa yin/ ting nge 'dzin sgrub par mi 'dod pa yin no/ /lhag pa'i bsam pa phun sum tshogs pa la ni ltung ba yang med na/ ltung ba las bslang ba lta smos kyang ci dgos/ lhag pa'i bsam pa phun sum tshogs pa gang zhe na/ de yang rnam pa lngas blta bar bya ste/ brtson 'grus rtsom 'dod pa yin/ nyon mongs pa dang du len mi 'dod pa yin/ ltung ba 'byin mi 'dod pa yin/ 'gyod pa sel 'dod pa yin/ ting nge 'dzin bsgrub par 'dod pa yin no/ /bcom ldan 'das kyis nga ni bsam pa thag pas ltung ba lam ldang bar smra'i chad pa'i las kyis ni ma yin no zhes ji skad gsungs pa de la ltung ba ni gnas bcu las yongs su btsal bar bya ste/ so sor thar pa'i chos dang/ de rnam par 'byed pa'i 'dul ba dang/ ltung ba sde lnga po dag gi ltung bar rang gi mtshan nyid dang/ lci ba'i mtshan nyid kyi bye brag drug po bca' ba'i bye brag dang/ dngos po'i bye brag dang/ nyon mongs pa'i bye brag dang/ nyes pa'i bye brag dang/ gang zag gi bye brag dang/ dus kyi bye brag dang/ 'dzem pa med pa'i pham pa ma gtogs par de las gzhan pa lhag ma dang bcas pa'i mtshan nyid dang/ las dang po pa dang/ las dang po ba ma yin pa lhag par spyod pa dang/ lhag par spyod pa de dge slong rnams kyi ston pa la bsnyed pa dang/ bsnyad nas ston pas ltung ba bca' ba'i phyir dge 'dun bsdu ba dang/ bsdus nas dge 'dun la ltung ba bcas pa dang/ ltung ba bcas pa la phyis rjes su gnang ba dang/ /kag pa las so/ /de la nges par 'byung ba bcas pa yang gnas lngas zab par rig par bya ste/ kun nas nyon mongs pa med pa nges par 'byung pa dang/ gnod pas nges par 'byung ba dang/ bar chad kyis nges par 'byung ba dang/ gnyen po med pas nges par 'byung ba dang/ bshags pas nges par 'byung bas so/ /de la kun nas nyon mongs pa med pas nges par 'byung ba ni 'di ltar 'di na ltung ba'i gnas dang mthun pa'i chos phran tshegs phra ba gang yang rung pa lhag par spyad pa la la zhig la gal te dge ba'i chos rnams ni mngon par 'phel la/ mi dge ba'i chos rnams ni yongs su nyams par 'gyur na/ des de kun nas nyon mongs par yang mi 'gyur te/ de la kun nas nyon mongs pa med pa nyid nges par 'byung ba'i phyir de ni de'i kun nas nyon mongs pa med pa nges par 'byung ba yin no/ /de la gnod pas nges par 'byung ba ni gal te gnod pa dang/ sdug bsngal ba dang/ nad tshab che bas/ rang bzhin gyis kha na ma tho ba dang bcas pa'i chos rnams ma gtogs pa/ ltung ba'i gnas dang mthun pa'i chos gzhan dag lhag par spyod na/ de la gnod pa kho nas nges par 'byung ba'i phyir de ni de'i gnod pas nges par 'byung ba yin no/ /de la bar chad kyis nges par 'byung ba ni gal te srog gi bar chad dam/ tshangs par spyod pa'i bar chad mthong nas ltung ba'i gnas dang mthun pa'i chos phran tshegs phra ba gang yang rung ba'i ltung ba byung bar gyur na/ de la bar chad kho nas nges par 'byung ba'i phyir de ni de'i bar chad kyis nges par 'byung ba yin no/ /de la gnyen po med pas nges par 'byung ba zhig la te gus pa'i rang bzhin can yul slan na 'dug gam/ 'brog dgon pa na 'dug pa zhig gis yongs su longs spyad par bya ba'i dngos po gang yang rung ba zhig la yongs su longs spyad pa'i cho ga ma rnyed dam/ bar chad kyi gnas lta bu'i chos gang yang rung bas/ dngos po de yongs su longs spyad de/ ltung ba'i gnas dang mthun pa'i chos phran tshegs phra ba'i ltung ba byung bar gyur na/ de la gnyen po med pa kho nas nges par 'byung ba'i phyir/ de ni de'i gnyen po med pas nges par 'byung ba yin no/ /de la bshags pas nges par 'byung ba ni 'di ltar 'di na la la ltung ba snga lnga po dag las lhag ma dang bcas pa'i ltung ba byung ba tshangs pa mtshungs par spyod pa mkhas pa rnams kyi mdun du 'dul ba'i gsang bas 'chags par byed/ 'thol bar byed/ chos bzhin du phyir gso bar byed pa'o/ /de la ltung ba phran tshegs phral zhes bya ba ni rang bzhi gyis kha na ma tho ba dang bcas pa ma gtogs pa'o/ /de la bag yangs bca' ba yang gnas lngas zab par rig par bya ste/ rnam par dag pa dang/ dbye na spang ba dang/ gang zag rlabs po che don chen po dang ldan pa gzhug pa dang/ bstan pa 'phel bar bya ba dang/ dka' bas 'tsho ba spang bas so/ /de la rnam par dag pa ni 'di yin te/ dgra bcom dag bya ba byas pa rnams kyi dge 'dun du gyur na/ de dag gi bslab pa'i gzhi phran tshegs phra ba thams cad ni rnam par dag pa des bag yangs su gyur pa yin par rig par bya'o/ /de la dbye na sdang ba ni 'di yin te/ dge 'dun gyi nang na dge slong kha cig ni ltung ba 'byung ba la ma byung bar 'du shes pa dang/ ltung ba ma byung ba la byung bar 'du shes la/ kha cig ni ltung ba byung la byung bar 'du shes pa dang/ ltung ba ma byung la ma byung bar 'du shes pas/ gzhi nges thab mo dang/ mtshang 'dru ba dang/ rtsod pa dang/ 'gyed pa 'byung bar 'gyur zhing des dge 'dun mi bde bar 'gyur bas/ de'i phyir rtsod pa de nyid zhi bar bya ba'i phyir dge 'dun mthun pas gsol ba dang bzhi'i las kyis bslab pa'i gzhi phran tshegs phra ba bag yangs su byed pa'o/ /de la gang zag rlabs po che don chen po dang ldan pa gzhug pa ni 'di yin te/ 'di lta ste/ dge 'dun gyis gang zag rigs mthon po bstan pa la gces spras? byed pa zhig rnyed la/ de yang de ltar ma byas na 'jug par mi 'gyur na/ de gzhug pa'i don du dge 'dun mthun pas gsol ba dang/ gzhi'i las kyis bslab pa'i gzhi phran tshegs phra ba bag yangs su byed pa'o/ /de la bstan pa 'phel bar bya ba ni 'di yin te/ dus kyis mdza' rtsod pa'i dus kyis dus ngan pa byung ba'i tshe/ sems can dag bslab pa'i gzhi phran tshegs phra ba mang po dag la slob par mi 'dod cing/ ma zhug pa ni mi 'jug la/ zhugs pa sgyid lug par 'gyur te/ des bstan pa yongs su nyams par 'gyur zhing 'phel bar mi 'gyur bas/ gzhi de'i phyir dge 'dun mthun pas bstan pa 'phel bar bya ba'i phyir gsol ba dang gzhi'i las kyi bslab pa'i gzhi phran tshegs phra ba bag yangs su byed pa'o/ /de la dka' bas 'tsho ba spang ba ni 'di min te/ dus kyi mdza' rtsod pa'i dus ngan pa byung ba'i tshe/ dge slong dag bslab pa'i gzhi phran tshegs phra ba'i rgyus dka' bas 'tsho bar byed pas de'i phyir dka' bas 'tsho ba de nyid bag yongs su bya ba'i phyir dge 'dun mthun pas gsol ba dang bzhi'i las kyis bslab pa'i gzhi phran tshegs phra ba bag yongs su byed pa'o/ /las bca' ni las bcu la gang zag gang lngas zab par rig par bya ste/ las bcu gang zhe na bsnyen par rdzogs pa'i las dang/ sa tshigs kyi las dang/ gso sbyong gi las dang/ gnad pa'i las dang/ gnas par khas bslang ba dang/ dgag dbye'i las dang/ chang pa'i las dang/ phan gdags pa'i las dang/ gsol ba dang/ gsol ba dang gnyis kyi las dang/ ? gsol ba dang gzhi'i las so/ /gang zag lnga gang zhe na/ gang zag cang shes lta bu dang/ gang zag ne tsho lta bu dang/ gang zag ma dang lta bu dang/ gang zag glog lta bu dang/ gang zag ri mo bri ba lta bu'o/ /gang zag cad shes lta bu gang zhe na/ las bcu po de dag la don la rton pa yin gyi/ tshigs 'bru la rten pa ma yin pa dang/ don la brten nas 'jug par byed kyi/ sgra la ma yin pa dang/ tshig gi las de ma byas kyang don gang la tshig de 'jug pa'i don de kun tu spyod pa gang yin pa'o/ /gang zag ne tso lta bu gang zhe na/ tshig 'bru la rton pa yin gyi/ don la rton pa ma yin pa dang/ tshig 'bru la brten nas 'jug par byed kyi/ don gang la tshig de 'jug pa la mi 'jug pa gang yin pa'o/ /gang zag skar mnga' lta bu gang zhe na/ 'di ltar 'di na gang zag la la las kyi gzhi chung ngu zhig dang phrang? na yang sgro gdags pa mang du byas nas kun tu spyod par byed pa ste/ dper na skar mnga' lta bu'o/ /gang zag glog lta bu gang zhe na/ 'di ltar 'di na gang zag la la res 'ga' ni las legs par bslabs par kun tu snang la/ res 'ga' ni kun tu mi snang ste/ dper na glog? lta bu'o? rda? gang zag ri mo bri ba lta bu gang zhe na/ 'di ltar 'di na gang zag la la ji skad smras pa'i las la de kho na bzhin du 'jug par byed cing/ lhag chad med par byed pa ste dper na ri mo bri ba lta bu'o/ /'dul ba lhad can ni lnga ste/ bslab pa'i gzhi bca' ba lhad can dang ltung ba bca' ba lhad can dang/ nges par 'byung ba bca' ba lhad can dang/ bag yangs bca' ba lhad can dang/ las bca' pa lhad can no/ /bslab pa'i gzhi bca' ba lhad can gang zhe na/ bslab pa'i gzhi bca' ba mdo sde la yang mi 'jug /'dul ba la yang mi snang chos nyid dang yang mi mthun pa'o/ /de la chos nyid dang mi mthun pa ni 'di yin te/ mi dge ba'i chos rnams ni mngon par 'phel bar byed la/ dge ba'i chos rnams ni yongs su nyams par byed pa gang yin pa'o/ /ltung ba bca' ba lhad can gang zhe na/ 'di ltar 'di na la la ltung ba ni ltung ba ma yin par 'cha' bar byed la/ ltung ba ma yin pa ni ltung bar 'cha' bar byed pa'o/ /nges par 'byung ba bca' ba lhad can gang zhe na/ 'di ltar 'di na la la nges par 'byung ba ma yin pa ni nges par 'byung bar 'cha' bar byed la nges par 'byung ba ni nges par 'byung ba ma yin par 'cha' bar byed pa'o/ /bag yangs bca' ba lhad can gang zhe na/ 'di ltar 'di na la la bag yangs ma yin pa ni bag yangs su 'cha' bar byed la/ bag yangs ni bag yangs ma yin par 'cha' bar byed pa'o/ /las bca' ba lhad can gang zhe na/ 'di ltar 'di na la la chos ma yin pa'i las ni chos kyi las su 'cha' bar byed la/ chos kyi las ni chos ma yin pa'i las su 'cha' bar byed pa'o/ /gzhi bcu ma gtogs pa dge slong gi tshul khrims nyams pa dang/ lta ba nyams pa dang/ cho ga nyams pa dang/ 'tsho ba nyams pa dge slong gis gzhan dag la rjod par byed/ ston par byed/ rab tu ston par byed na/ rjod pa yongs su ma dag pa yin par brjod par bya'o gzhi bcu gang zhe na/ sangs rgyas dkon mchog la bsnun par 'dod pa'am/ rku bar 'dod pa dang/ sangs rgyas dkon mchog la ji lta ba bzhin du chos dkon mchog dang/ dge 'dun dkon mchog la yang de bzhin pa dang/ tshul khrims nyams pa'i phyogs sam lta ba dang/ cho ga dang/ 'tsho ba nyams pa'i phyogs 'phel zhing rgyas pa dang/ yangs par 'gyur bar mthong ngam/ dogs pa dang/ tshul khrims nyams pa 'am/ lta ba dang/ cho ga dang/ 'tsho ba nyams pa dam pa'i chos ma yin pa ston par mthong ngam thos bsam dogs pa dang/ tshul khrims nyams pa 'am/ lta ba dang/ cho ga dang/ 'tsho ba nyams pa mi dge ba'i gnas nas bslangs ste/ dge ba'i gnas su gzhag par 'dod pa dang/ dge slong tshul khrims nyams pa 'am/ lta ba dang cho ga dang/ 'tsho ba nyams pa 'chab par byed pa dag gzhan gyis shes par gyur na mi rung ngo/ /snyam nas gzhan dag gis sems rjes su bsrung ba'i phyir dang/ sbyin bdag dge bsnyen btsug lag khang gi /bdag pos dge 'dun la bdag ni dge slong tshul khrims nyams pa 'am lta ba dang cho ga dang 'tsho ba nyams pa 'dir gnas par mos pa ma mchis kyis khyed cag las gang gis su'i tshul khrims nyams pa 'am/ lta ba dang/ cho ga dang/ 'tsho ba nyams par mkhyen pa nges pa dag la mos par mdzod cig ces mkhyen par gsol la/ dge 'dun gyis kyang de'i ltar mnyan pa dang/ mtshams kyi nang du gzhan dag la gnod pa skyed par 'dod pa mthong ngam/ thos sam/ dogs pa dang/ dge 'dun gyi tshul khrims nyams pa 'am/ lta ba dang/ cho ga dang/ 'tsho ba nyams pa khyim sun 'byin pa sdig pa'i chos kun tu spyod gang chad pas brtsad pa'am/ spang bar mi nus pa'o/ /gang gis brjod pa yongs su ma dag par 'gyur ba'i rgyu gcig dang/ rkyen gcig kho na yang yod de/ gal te phrag dogs gi phyir ram/ zhe sdang gi phyir ram/ zang zing gi phyir smrad pa 'am/ dgod pa 'am nyams par 'gyur ba de lta bu'i rkyen nyid kyi dbang du byas nas/ rjod pa de ni rjod pa yongs su ma dag pa yin par brjod par bya'o/ /'dul ba la chos dang don yongs su byang bar byed pa'i dpe'i dngos po ni lnga po 'di dag yin te/ 'di lta ste/ skyes pa'i rabs dang/ byung ba dang/ 'dra ba dang sbyar ba dang rtogs pa brjod? pa'o/ de la skyes pa'i rabs ni byang chub sems dpa' i sngon gyi spyod pa las brtsams pa'o/ /de la byung ba ni sngon gyi tshul dang ldan pa gang ci yang rung ba'o/ /de la 'dra ba ni 'di lta ste/ 'o ma dang/ zho dang/ mar sar dang/ mar gyi snying khu'i dpes gang zag mchog dang 'dra ba dang/ 'jig rten pa'i gang zag gi chu bdun gyi dpes chos 'di pa'i gang zag bdun dang 'dra ba dang/ de lta bu dang mthun pa'i 'dra ba gzhan dag kyang rig par bya'o/ /de la sbyar ba ni 'di lta ste/ gzhu chen po'i dpe dang/ sman pa'i dpe dang/ de lta bu dang mthun pa'i dpe gzhan gyis kun nas nyon mongs pa dang/ rnam par byang ba dang/ rjes su mthun par sbyor ba dang/ 'jig rten pa'i dpe mthong ba'i 'brel pa gang yang rung bas kun nas nyon mongs pa'i phyogs dang/ rnam par byang ba'i phyogs dang mthun par sbyar ba'o/ /de la rtogs pa brjod pa ni ya mtshan che zhing/ rgya che pa mang ba'i dpe gang yin pa de'ang/ 'di lta ste/ ring po len gyi rtogs pa brjod pa dang/ gzhan yang de lta bu dang mthun pa dag go /shes bya'i chos rnams kyi rab tu dbye ba ni rnam pa lngas rnam par gzhag te/ lnga gang zhe na/ dngos po dang/ rnam pa'i lam gyi rab tu dbye ba dang/ shes pa'i rten dang/ shes pa'i rab tu dbye ba dang/ de las gzhan pa'i shes pa bsdus pas so/ /de la mdor bsdu na/ 'dus byas dang/ 'dus ma byas ni shes bya'i dngos po zhes bya'o/ /de yang rnam pa lnga ste/ shes bya rnam pa lnga pa de'i las kyang rnam pa lngar blta bar bya'o/ /shes bya rnam pa lnga gang zhe na/ shes bya ni btags pa las shes bya yang yod do/ /don dam pa las shes bya yang yod do/ /bya ba'i mdza' las shes bya yang yod do/ /gzhan dag gi sems kyi rgyu dge ba dang/ mi dge ba las shes bya yang yod do/ /rnam pa thams cad las shes bya yang yod do/ /de la kun rdzob shes pa ni btags pa las shes bya rab tu shes shing/ btags pa las rab tu shes nas kyang brda'i tshul gyis chos/ dge ba dang/ mi dge ba dang/ kha na ma tho ba dang bcas pa dang/ kha na ma tho ba med pa nas rgyas par rten cing 'brel par 'byung ba'i bar gyi chos rnams kyang/ yang dag pa ji lta ba bzhin du rab tu shes shing/ kha cig ni yongs su spang bar byed/ kha cig la ni so sor rten par byed do/ /de bzhin du 'jig rten gyi tha snyad kyang rab tu shes te/ 'jig rten pa'i spyod ngas rgyu ji lta ba dang/ rkyen ji lta ba bzhin du sgrub par yang byed do/ /chos shes pa dang/ rjes su rtogs pa'i shes pa dang/ sdug bsngal ba dang/ kun 'byung ba dang/ 'gog pa dang/ lam shes pa dag gis ni don dam pa rab tu shes shing/ don dam pa rab tu shes nas kyang/ mthong ba dang bsgom pas spang bar bya ba'i chos rnams kyi spong ba mngon sum du byed do/ /zad pa dang mi skye ba shes pa gnyis kyis ni bya ba'i mdza' rab tu shes so/ /bya ba'i mdza' rab tu shes nas kyang/ nges pa dang/ the tshom med pa dang/ rang gi spangs pa la mngon pa'i nga rgyal med do/ /pha rol gyi sems shes pas ni gzhan dag gi sems kyi rgyu ba dge ba dang/ mi dge ba rab tu shes so/ /de rab tu shes nas kyang gzhan dag gi bsam pa dang khams dang bag la nyal shes so/ /stobs bcu'i shes pas ni shes bya rnam pa thams cad rab tu shes so/ /de rab tu shes nas kyang gzhan dag la yang dag par gdams shing rjes su bstan pa rnam pa thams cad 'jug par byed cing sems can thams cad kyi som nyi thams cad gcod par byed/ sems can rnams mtho ris dang bde ba'i 'bras bu la 'god par byed cing/ sems can thams cad kyi bya ba thams cad la mthu yod pa yin te/ de ni shes bya rnam pa lnga po de'i las rnam pa lnga yin no/ /de la shes pa'i rten ni rnam pa gnyis te/ rang la phan pa bsgrub pa dang/ gzhan la phan pa bsgrub pa'o/ /de la spong ba dang rjes su mthun pa kun rdzob shes pa gang yin pa dang/ spang pa la don dam pa shes pa gang yin pa dang/ spangs pa la bya ba'i mdza' i shes pa gang yin pa de dag ni rang la phan pa'i rten dang ldan pa yin par rig par bya'o/ /de la? gzhan dag gi bsam pa dang/ khams dang/ bag la nyal dag la pha rol gyi sems shes pa gang yin pa dang/ shes bya rnam pa thams cad la stobs bcu'i shes pa gang yin pa'i shes pa de gnyis ni gzhan la phan pa'i rten dang ldan pa yin par blta bar bya ste/ shes pa'i rten gyi rab tu dbye ba ni 'di yin par rig par bya'o/ /shes ba'i rab tu dbye bas kun rdzob kyi shes pa ni dge ba dang/ mi dge ba dang/ lung du ma brtan pa dang/ zag pa dang bcas pa dang/ zag pa med par 'jig rten pa yin par blta bar bya'o/ /de la zag pa med pa ni spangs pa mi slob pa'i rgyud la dmigs pa gang yin pa ste/ de dang gzhan de dag thams cad ni kun rdzob shes ba 'jig rten pa yin par brjod par bya'o/ /lhag ma chos dang rjes su rtogs pa'i shes pa la sogs pa ni 'jig rten las 'das pa dang/ zag pa med pa yin par rig par bya'o// zad pa shes pa dang mi skye ba shes pa yang zag pa zad pa dag la skye zhing/ bdag gi zag pa rnams ni zad do/ /bdag la ni tshe phyi mar sdug bsngal mngon par 'grub par mi 'gyur ro snyam du zad pa dang mi skye ba de la yongs su gcod par mi byed pa gang yin pa de ni zag pa med pa dang/ 'jig rten las 'das pa yin no/ /yongs su gcod par byed pa gang yin pa de ni zag pa med pa kho na yin te/ de ni 'jig rten pa ste/ kun rdzob shes pas bsdus pa yin no/ /ma 'dris pa yin zhing dgra bcom pa'i rgyud la yod ba yin par yang blta bar bya'o/ /pha rol gyi sems shes pa ni 'jig rten pa kho na ste/ so so'i skye bo dang/ slob pa'i rgyud la yod pa gang yin pa de ni zag pa dang bcas pa yin no/ /mi slob pa'i rgyud la yod pa gang yin pa de ni zag pa med pa yin no/ /ci'i phyir kun rdzob shes pa dag pa'i rgyud la yod pa gang yin pa de zag pa med pa zhes bya zhe na/ 'di ltar de dag gis zag pa'i bag la nyal gang yin pa de yang dag par bcom pa dang/ shes pa de yang pha rol gyi sems shes pa kho na'i mngon sum gyi spyod yul yin la/ pha rol gyi sems shes pa de yang nyon mongs pa can ma yin te/ de ni nyon mongs pa can gzhan gyi spyod yul ma yin pa dang/ de ni rang bzhin gyis kyang nyon mongs pa rnams dang/ mtshungs par ldan pa ma yin pa'i phyir te/ de lta bas na de ni bag la nyal dang/ dmigs pa dang mtshungs par ldan pa las kyang zag pa med pa yin par rig par bya'o/ /stobs bcu'i shes pa ni de bzhin gshegs pa'i thugs kyi rgyud la mnga' ba'i mkhyen pa ma 'dres pa dang/ zag pa med pa dang/ 'jig rten pa yin par blta bar bya ste/ 'di ltar shes pa de dag thams cad ni spros pa dang bcas par rgyu ba yin pa'i phyir ro/ /de la de las gzhan pa'i shes pa bsdus pa'i rab tu dbye ba gang zhe na/ mngon par shes pa'i shes pa dang/ rnam par thar pa'i sgo'i shes pa dang/ so sor yang dag par rig pa'i shes pa dang/ nyon mongs pa med pa'i shes pa dang/ smon nas shes pa dang/ sangs rgyas kyi chos ma 'dres pa dang/ stobs dang/ mi 'jigs pa dang/ dran pa nye bar gzhag pa dang/ rnam pa thams cad mkhyen pa dag ste/ shes pa de dag kyang sngar bstan pa'i shes pa rnams kyis ci rigs par bsdus par rig par bya'o/ /de la mngon par shes pa lnga ni kun rdzob shes pas bsdus te/ so so'i skye bo'i rgyud la yod pa dang/ slob pa'i rgyud la yod pa dag ni zag pa dang bcas pas bsdus so// mi slob pa'i rgyud la yod pa dag ni zag pa med pas bsdus so/ /mngon par shes pa drug pa ni zad pa dang/ mi skye ba shes pa gnyis kyis bsdus te/ zad pa dang mi skye ba shes pa de gnyis ni snga ma kho na bzhin du rig par bya'o/ /rnam par thar pa'i sgo stong pa nyid kyis shes pa ni shes pa brgyad kyis bsdus te/ chos dang/ rjes su rtogs pa'i shes pa dang/ sdug bsngal dang/ kun 'byung ba dang/ 'gog pa dang/ lam gyi shes pa rnams dang/ zad pa dang mi skye ba shes pa 'jig rten las 'das pa dag gis bsdus so/ /rnam par thar pa'i sgo smon pa med pa'i shes pa ni shes pa drug gis bsdus te/ chos shes pa dang/ rjes su rtogs pa dang/ sdug bsngal dang/ kun 'byung ba dang/ zad par mi skye ba shes pa rnams kyis so/ /rnam par thar pa'i sgo mtshan ma med pa'i shes pa ni shes pa lngas bsdus te/ chos shes pa dang rjes su rtogs pa shes pa dang/ 'gog pa shes pa dang/ zad pa dang mi skye ba shes pa rnams kyis so/ /so so yang dag par rig pa'i shes pa dang/ nyon mongs pa med pa dang/ smon nas shes pa dang/ ma 'dres pa stobs bcu la sogs pa'i shes pa thams cad ni kun rdzob shes pas bsdus te/ dgra bcom pa nyid dang/ de bzhin gshegs pas thugs kyi rgyud la mnga' ba dag ni zag pa med pa yin par rig par blta bar bya'o/ /de la rnam par thar pa'i sgo rnams ni sa'i dngos gzhir mtshan nyid rnam par gzhag pa las bstan zin to/ /sangs rgyas kyi chos ma 'dres pa rnams dang/ so so yang dag par rig pa yang byang chub sems dpa' i sar bstan zin to/ /de la rdzu 'phrul gyi yul/ ni gang rdzu 'phrul gyi yul shes pa ni gang rdzu 'phrul gyi yul shes pa mngon du bya ba ni gang zhe na/ gcig tu gyur nas mang por 'gyur zhes bya ba la sogs pa nas/ rgyas par tshangs pa'i 'jig rten gyi bar tu lus kyis dbang sgyur bar byed do zhes bya ba gang yin pa de ni rdzu 'phrul gyi yul zhes bya ste/ rdzu 'phrul gyi yul shes pa des yul de nyams su myong ba dang/ nye bar ston par byed pas na de'i phyir rdzu 'phrul gyi yul zhes bya'o/ /mthu de dang ldan pa'i shes pa bsgoms pa las byung ba bsgoms pa'i 'bras bu gang yin pa de ni rdzu 'phrul gyi yul shes pa zhes bya ste shes pa de ni yul de nyams su myong ba dang/ nye bar stan par 'gyur bas na de'i phyir de ni rdzu 'phrul gyi yul shes pa zhes bya'o/ /shes pa de nyid kyi sa bon skye ba'i rkyen gyis yongs su zin cing/ yongs su rtag pa de'i rgyud kyi rjes su 'jug pa gang yin pa de ni rdzu 'phrul gyi yul shes pa mngon du bya ba zhes bya ste/ de dag thams cad gcig tu bsdus pa ni/ rdzu 'phrul gyi yul shes pa mngon du bya ba'i mngon par shes pa zhes bya'o/ /de la lha'i rna ba ni gang/ lha'i rna ba'i shes pa ni gang/ lha'i rna ba'i shes pa mngon du bya ba ni gang zhe na/ de la bsgoms pa'i 'bras bu rnams bsdus pa'i gzugs dang ba gang yin pa de ni lha'i rna ba zhes bya'o/ /rna ba de la brten pa'i rnam par shes pa dang mtshungs par ldan pa'i shes pa gang yin pa de ni lha'i rna ba shes pa zhes bya'o/ shes pa de mngon du bya ba ni snga ma bzhin du rig par bya ste/ de dag thams cad gcig tu bsdus pa ni lha'i rna ba'i shes pa mngon du bya ba'i mngon par shes pa zhes bya'o/ tshul de nyid kyis mngon par shes pa lhag ma thams cad kyi bstan pa yang rig par bya'o/ /bshad pa ni ci rigs par brjod par bya ste/ gzhan gyi sems 'dod chags la sogs pa dang/ bcas par 'jug pa gang yin pa de ni sems kyi rnam grangs shes bya'o/ /de la dmigs pa'i shes pa mthu dang ldan pa bsgoms pa la byung ba bsgoms pa'i 'bras bu gang yin pa de ni sems kyi rnam grangs shes pa zhes bya'o/ /shes pa de mngon du bya ba ni snga ma bzhin du blta bar bya ste/ de dag thams cad gcig tu bsdus pa ni sems kyi rnam grangs shes pa'i mngon par shes pa zhes bya'o/ /'das pa'i tshe rabs dag gi lus kyi rnam pa mngon par brjod pa ni sngon gyi skye ba rjes su dran pa zhes bya'o/ /de la rten cing de dang mtshungs par ldan pa'i shes pa mthu dang ldan pa bsgoms pa las byung ba/ bsgoms pa'i 'bras bu gang gis de la dran pa 'jug pa de ni sngon gyi skye ba rjes su dran pa shes pa zhes bya'o/ / lhag ma ni snga ma bzhin no/ /de la sems can rnams kyi kha dog bzang ba dang/ kha dog ngan pa la sogs pa'i rab tu dbye bas sems can gyi ris de nas shi 'phos nas/ sems can gyi ris de las gzhan par skye ba ni 'chi 'pho dang skye ba zhes bya'o/ /'chi 'pho dang skye ba la dmigs pa'i shes pa mig gi gzugs rab tu dad pa la brten pa bsgoms pa'i 'bras bu de dang mtshungs par ldan pa'i shes pa gang yin pa de ni 'chi 'pho dang skye ba shes pa zhes bya'o/ /lhag ma ni snga ma bzhin no/ /kun tu sbyor ba ma lus par yongs su gtugs pa gang yin pa de ni zag pa zad pa zhes bya'o/ /'jig rten pa'i zad pa shes pa dang mi skye ba shes pa de shar pa gang yin pa de ni zag pa zad pa shes pa zhes bya'o/ /lhag ma ni snga ma kho na bzhin du blta bar bya'o/ /de dag dang ldan pa'i rnal 'byor pa ni dus la bab na nye bar ston pa 'am/ gnas pa 'am/ gzhan dag gi don kun tu spyad pa 'am/ de la dri ba dris pa'i lan gdab pa/ mngon par shes par 'gyur bas na/ de'i phyir mngon par shes pa zhes bya'o/ /de la mngon par shes pa dang po gsum ni mngon par shes pa kho na yin gyi rig pa ni ma yin no/ /tha ma gsum ni mngon par shes pa yang yin la rig pa yang yin te/ dus gsum la kun tu rmongs pa'i gnyen por gyur pa'i phyir ro/ /de la dang des? ni gzhan dag 'dun par byed de/ bdag la gzhan dag gus pa dang/ ri mo cher skyed par yang byed do/ /gnyis pas ni gzhan dag gi dag? gi spyod pa dge ba dang mi dge ba shes te/ de la skul bar byed/ rangs par byed do/ gsum pas ni gzhan dag gi sems kyi rgyu ba dge ba dang/ mi dge ba kun shes par byas nas/ legs par 'dom par byed do/ /tha ma gsum gyis ni rtag pa'i mdza' dang/ chad pa'i mdza' spangs nas zag pa zad pa la mngon pa'i nga rgyal med par dbu ma'i lam legs par ston cing/ de la 'doms par yang byed do/ /dge slong dgra bcom pa gnyi ga'i cha las rnam par grol ba dbang po rnon po ni don gyi dbang gsum yang dag par rjes su mthong nas nyon mongs pa med pa la gnas par 'gyur te/ des sngon nyon mongs pa med pa'i ting nge 'dzin gyi phan yon dag rnam grangs du mar thos shing yid ches par yang gyur nas/ des bsam pa drag pos de la dmigs pa'i smon lam yang dang yang du yongs su bsgoms pas rgyu de dang rkyen des na dgra bcom pa nyid thob pa'i sems de nyid la 'jug par 'gyur bas/ de'i phyir nyon mongs pa med pa la gnas par 'gyur ba dang gzhan yang 'di na la la ni sngon so so'i skye bor gyur ba na sems can mang po dag la nyon mongs pa skyed cing/ rnam par 'tshe ba dang/ gnod sems kyang skyed pa yin pas/ de ni dgra bcom pa nyid thob pa na/ sngon gyi byis pa'i spyod pa des ngo tsha bas nyon mongs pa med pa la gnas par 'gyur ba dang/ gzhan yang 'di na la la ni dgra bcom pa nyid thob pa na/ skye bo'i tshogs mang po tshe 'di la 'bras bu 'dod pa myong bar 'gyur ba'i las byed du gzhug par 'dod pa dang/ tshe 'di'i 'bras bu 'dod pa la yang dag par sbyar bar 'dod pas/ de'i phyir nyon mongs pa med pa la gnas par 'gyur ba'o/ /de yang bsam gtan bzhi ba'i mdza' yongs su bsgoms pa la brten nas/ nyon mongs pa med pa zhes bya ba'i ting nge 'dzin la snyoms par 'jug cing/ ci nas kyang de la gzhan dag nyon mongs pa'i nyon mongs pa ji ltar yang rnam pa thams cad du skyed par mi 'gyur bar gzhan dag gi sems rjes su srung bar byed pas na/ de'i phyir nyon mongs pa med pa zhes bya'o/ de ni 'di ltar sems rjes su srung bar byed de/ de grong ma grong rdal gang dang gang na nye bar rten cing gnas pa'i grong dang grong rdal de na gnas pa thams cad kyi sems dag la mthang gyis rnam par lta bar byed cing 'di ltar lam po che thams cad dang/ khyim thams cad kyi so so'i gang zag rnams kyi ma 'ongs pa'i sems dag la yang rnam par lta bar byed de/ de de ltar rnam par lta bar byed pa na/ gal te grong 'di dang grong rdal 'di dang/ srang 'di dang/ khyim 'di'i gang zag 'dis bdag mthong ba tsam gyis nyon mongs pa skyed par 'gyur ram/ gal te mthong ba tsam gyis ma yin na yang rjes su sgrub pas nyon mongs pa skyed par 'gyur bar shes na/ de sems can de dag gis mthong pa thams cad kyis thams cad du yongs su spong par byed do/ /gal te de'i rjes su bsgrub pa rung bar mthong na ni de de'i tshe gzhi nges sems can de dag gis te bor mthong bar rjes su bsgrub par byed do/ /gal te de'i rjes su sgrub pa mi rung bar mthong zhing sgrub pa byas na/ gzhan gyi rgyud la nyon mongs pa skye bar bar mthong na ni de de'i tshe na gzhi des sems can de dag gis ye mi mthong bar byed do/ /gang kun tu rjod pa ji lta bu dang/ spyod lam ji lta bu dang/ chos gos la sogs pa blang ba'i longs spyod ji lta bu dang/ chos ston pa ji lta bu dang/ yang dag par 'dzin du gzhug pa ji lta bus gzhan dag gi rgyud la nyon mongs pa skye bar mthong ba'i tshig rjod pa de lta bu nas/ rgyas par yang dag pa 'dzin du gzhug pa de lta bu'i bar dag kyang yongs su sdod par byed pa de ltar gzhan dag? sems rjes su srung bar byed de/ shas cher de ltar gnas shing de ltar spyod pas na/ de'i phyir nyon mongs pa med par gnas pa zhes bya'o/ /de la smon nas shes pa gang zhe na/ 'di na dge slong dgra bcom pa gnyi ga'i cha las rnam par grol ba/ dbang po rnon pas bsam gtan bzhi pa'i mdza' yongs su bsgoms pa las brten nas/ nyan thos kyis nyan thos kyi shes pa'i spyod yul ji tsam pa dang/ rang sangs rgyas kyis rang sangs rgyas kyi spyod yul ji tsam pa'i shes bya de la 'di ltar 'di ltar shes par bya'o zhes smon lam btab nas/ bsam gtan gzhi ba'i mdza' yongs su bsgoms pa de la nyon mongs par 'jug par byed cing/ da ltar snyoms par zhugs pas ji ltar smon lam btab pa bzhin thams cad shes pa'o/ /de bzhin gshegs pa rnams kyi mkhyen pa ni shes bya thams cad la thogs pa mi mnga' o/ /de bzhin gshegs pa rnams ni nyon mongs pa med pa'i ting nge 'dzin la yang snyoms par mi 'jug ste/ 'di ltar de bzhin gshegs pa rnams la nyon mongs pa skye ba bcas pas sems can gyi don du 'gyur ba yid yod pas de ni de bzhin gshegs pa btang snyoms su gzhag par mi rigs pa'i phyir ro/ /ji ltar nyon mongs med pa dang/ smon nas shes pa dag bsam gtan bzhi pa'i mdza' yongs su bsgoms pa la brten nas mngon par bsgrub dgos pa bzhin du/ de bzhin gshegs pa'i mkhyen pa ma 'dres pa rnams kyang de bzhin du blta bar bya'o/ /mngon par shes pa la sogs pa lhag ma rnam ni bsam gtan thams cad la brten nas kyang/ mngon par bsgrub tu rung bar rig par bya'o/ /bden pa mngon par rtogs pa ni bsam gtan rnams kho na dang/ bsam gtan dang po'i nyer bsdogs mi lcogs pa med? pa la brten nas kyang mngon par rtogs par 'gyur gyi/ 'di ltar gzugs med pa'i snyoms par 'jug pa rnams las ni ma yin te/ 'di ltar gzugs med pa'i snyoms par 'jug pa'i lam ni zhi gnas shas che ba yin la lhag mthong chung ba yin pas/ lhag mthong chung ba'i lam gyis ni bden pa rnams mngon par rtogs par mi nus pa'i phyir ro/ /gzugs kyi khams sam/ gzugs med pa'i khams gong mar skyes pas kyang dang por bden pa rnams mngon par mi rtogs te/ 'di ltar gnas de dag ni skyo bar 'gyur dka' ba yin pas/ re zhig skyo ba chung ngus kyang bden pa rnams mngon par mi rtogs na/ gang na skyo ba chung ngu yang thams cad kyi thams cad du med pas lta smos kyang ci dgos pa'i phyir ro/ / //bam po nyi shu rtsa dgu pa/ /'di man chad ni kun rdzob shes pa dang/ 'jig rten las 'das pa zag pa med pa'i shes pa dang po dang/ bar dang/ tha ma dag tu ji ltar 'byung ba de ltar brjod par bya'o/ dang por so so'i skye bor gyur pa'i nyon mongs pa can gyi lta ba lnga po ji skad bstan pa dag dang/ 'dod chags la sogs pa dang mtshungs par ldan pa'i log pa'i shes pa gang yin pa de ni kun rdzob shes pa nyon mongs pa can yin te/ spyad par bya ba dang/ yongs su shes par bya ba yin no/ /de'i gnyen po bskyed pa'i phyir 'jig rten pa'i yang dag pa'i lta ba dad pa la sogs pas yongs su zin pa skyed par byed de/ de ni kun rdzob shes pa dge ba zag pa dang bcas pa yin no/ / de yang dag pa'i lta ba de las brten nas thos pa dang/ bsams pa las byung ba'i shes rab kyi dran pa nye bar bzhag pa dag la brtson par byed de/ de yang kun rdzob shes pa dge ba zag pa dang bcas pa yin no/ /de de la brten pas nges par 'byed pa'i cha dang mthun pa'i sbyor ba bsgoms pa las byung ba'i dran pa nye bar gzhag pa dag la brtson par byed de/ de yang kun rdzob shes pa dge ba zag pa dang bcas pa yin no/ /de de la brten nas mthong ba'i lam gyi sbyor ba nges par 'byed pa'i cha dang mthun pa dang ldan pa'i dran pa nye bar gzhag pa dag la brtson par byed de/ de yang kun rdzob shes pa dge ba zag pa dang bcas pa yin no/ /de de la brten nas mthong ba'i lam gyi bar chad med pa'i lam gyis bsdus pa 'jig rten pa'i chos kyi mchog bskyed par byed de/ de yang kun rdzob shes pa dge ba zag pa dang bcas pa yin no/ de ni re shig dang por so so'i skye bo'i sa la kun rdzob shes pa'i go rims yin par rig par bya'o/ /de 'jig rten pa'i chos kyi mchog gis bsdus pa'i kun rdzob shes pa de nyid la brten nas mthong ba'i lam la 'jug par byed cing/ mthong pa'i lam la yang dag par zhugs pa de sa bon rnam par dag pas kun rdzob shes pa dge ba zag pa dang bcas pa sngar yongs su bsgoms pa de nyid sgoms par byed do/ mngon par rtogs pa'i mdza' la mthong ba'i lam las langs pa de'i mthong bas spangs par bya ba'i chos gang dag las sngon rnam par grol bar 'gyur pa de dag las rnam par grol ba yin pa de yang skye bar 'gyur ro/ /de skyes pas 'phags pa'i gang zag de mthong bas spang bar bya ba'i nyon mongs pa rnams spangs pa la yongs su bcad par byed de/ bdag gi sems can dmyal ba rnams dang/ ngan song gi bar dag ni zad do/ /bdag ni rgyun tu zhugs pa yin no snyam du yang yang dag par rig par byed do/ /bdag nyon mongs pa rnams ni 'di ltar 'di ltar spangs so snyam du yang yang dag par rig par byed do/ /'dod na gzhan dag la yang ji ltar lan gdab par bya ba de ltar 'dogs par byed cing/ legs par brtags nas lan 'debs par yang byed do/ /bden pa rnams mngon par rtogs pa de yang shes rab kyis rnam par 'jog par byed do/ /de 'jig rten pa'i lam gyis de'i gong du gang dang gang las 'dod chags dang ma bral ba de dang de las 'dod chags dang bral bar bya ba'i phyir brtson par byed cing/ ci yang med pa'i skye mched kyi bar las 'dod chags dang bral bar yang mngon du byed do/ /'phags pa'i gang zag gis 'jig rten las 'das pa'i shes pa'i rjes las thob pa kun rdzob shes pa'i tshul des 'dod chags dang bral bar byed pa gang yin pa de dang/ 'phags pa ma yin pa'i lam gyis 'dod chags dang bral bar byas pa dang yin pa da ni mtshungs par rig par bya ste/ nyon mongs pa'i sa bon nyams par ni byed la/ yang dag par 'joms par ni mi byad pa yang de kho na bzhin no/ /kun rdzob shes pa de yang 'jig rten las 'das pa'i shes pa'i rjes las thob pa gang yin pa de mi 'jig rten pa dang/ 'jig rten las 'das pa yin par brjod par bya'i/ gcig tu 'jig rten pa ni ma yin no/ /de la brtson pa de'i lam ni bzhi yod par rig par bya ste/ sbyor ba'i lam dang/ bar chad med pa'i lam dang/ rnam par grol ba'i lam dang/ khyad par gyi lam rnams so/ /de la thams cad du gtogs pa'i bsgom pas spang bar bya ba'i nyon mongs pa chung ngu dang/ 'bring dang/ chen po'i bye brag rnam pa dgu po dag las rnam pa gang yang rung ba spong ba dang rjes su mthun pa ni lam dang po yin no/ /de ma thag tu spong ba ni lam gnyis pa yin no/ /spangs ma thag pa ni lam gsum pa yin no/ /de'i 'og tu spangs pa ni lam bzhi pa yin no/ /khyad par gyi lam de yang rnam pa gnyis te/ res 'ga' gal te de ma thag tu rnam pa gzhan spang ba'i phyir brtson par byed na ni rnam pa gzhan gyi sbyor ba'i lam gang yin pa de snga ma'i khyad par gyi lam yin no/ /lan 'ga' gal te de ma thag tu de tsam gyis tsheg par 'dzin cing gong du rtsol par mi byed dam/ bag med par gnas sam/ spong ba de nyid la so sor rtog pa'i shes pas/ so sor rtog par byed dam/ dpyod pa'i yid la byed pas dpyod par byed na ni khyad par phyi lam kho na yin no/ /de'i mi lcogs pa med pa ma gtogs pa nyer bsdogs thams cad la ni kun rdzob shes pa kho na yin byi/ /'jig rten las 'das pa ni ma yin no/ /de ci'i phyir zhe na/ 'di ltar mi lcogs pa med pa ni sems mnyam par gzhag pa dang po yin la/ bsam gtan dang po yan chad kyi bsam gtan dang/ ting nge 'dzin de ni ting nge 'dzin sngon du btang ba yin pa'i phyir te/ de lta bas na 'phags pa nyan thos ni de yan chad dngos gzhi las byung ba'i 'jig rten las 'das pa'i shes pa kho nas brtson par byed kyi/ nyer bsdogs las byung ba ni ma yin no/ /srid pa'i rtse mo pa'i shes pa yang gcig tu kun rdzob shes pas bsdus pa yin no/ /de ci'i phyir zhe na/ gnas de la yid la byed pa mi 'du shes med 'du shes med min skyed mched kyi rnam pa nyid yin pas/ 'jig rten las 'das pa'i yid la byed pa dang cha mi mthun pa yin la/ 'jig rten las 'das pa'i yid la byed pa ni 'du shes la snyams par 'jug pas bsdus pa yin pa'i phyir te/ de ni slob pa'i sems brtsams nas kun rdzob shes pa rab kyi mdza' dang ldan pa yin par blta bar bya'o/ /dgra bcom pa'i rgyud la yod pa zad pa shes pa dang/ mi skye ba shes pa nas bzung ste/ kun rdzob shes pas bsdug pa/ mngon par shes pa la sogs pa'i yon tan thams cad kyi bar ni dus phyi ma'i mdza' pa shin tu rnam par dag pa zag pa med pa kun tu spyod pa thams cad las rnam par grol ba 'jig rten pa yin no/ /byang chub sems dpa' rnams kyi sems pas spyod pa'i sa nas bzung ste/ mthar thug pa'i 'gro ba'i sa'i bar du dang po dang/ bar ma dang/ tha ma dag la ni thams cad du yang kun rdzob shes pa kho na yin par rig par bya'o/ /de la dang po ni mos pas spyod pa'i sa'o/ /bar ma ni lhag pa'i bsam pa dag pa'i sa nas bzung ste/ spyod pa nges pa'i sa'i bar ro/ /tha ma ni mthar thug par 'gro ba'i sa'o/ /sa de dag la byang chub sems dpa' rnams kyi shes pa rnam pa gnyis 'byung ste/ spros pa dang bcas pa'i 'du shes kyis spyod pa'i rnam pa dang/ spros pa med pa'i 'du shes kyis spyod pa'i rnam pa'o/ /de shin tu yongs su bsgoms pa'i phyir de bzhin gshegs par gyur nas ni de'i rjes la 'jig rten las 'das pa dang 'dra ba'i sgrib pa mi mnga' ba'i mkhyen pa kun rdzob shes pas bsdus pa brnyes par 'gyur ro/ /byang chub sems dpa' rnams la yang smon nas shes pa dang 'dra ba'i shes pa yod de/ de yang nyan thos dang rang sangs rgyas thams cad kyi smon nas shes pa las khyad par du 'phags pa yin no/ /mngon par shes pa la sogs pa dang/ stong pa nyid la sogs pa'i shes pa la sogs pa yang de bzhin du rig par bya ste/ byang chub sems dpa' rnams ni stobs bcu'i rigs dag la 'jug gi /nyan thos dang rang sangs rgyas rnams ni ma yin pa'i phyir ro/ /de ni re shig kun rdzob shes pa dang po dang/ bar ma dang/ tha ma dag tu 'byung ba yin par blta bar bya'o/ /'jig rten las 'das pa'i shes pa'i dang po dang/ bar ma dang/ tha ma dag ni mthong ba'i lam dang/ bsgom pa'i lam dang/ slob pa'i lam mo/ /de la mthong ba'i lam gyi chos shes pa'i phyogs dang mthun pa ni 'dod pa na spyod pa'i mthong bas spang bar bya ba rnams kyi gnyen po yin no/ /rjes su rtogs pa'i shes pa'i phyogs dang mthun pa ni gzugs dang/ gzugs med pa na spyod pa'i mthong bas spang bar bya ba rnams kyi gnyen po yin no/ /gang las rjes su rtogs pa'i shes pa mngon du byed pa de thams cad shes pa des gzugs dang/ gzugs med pa'i khams dag la rtog par byed dam zhe na/ smras pa/ des gal te sngon gzugs dang/ gzugs med pa dag thos pa dang/ bsams pa dang/ gzung bar gyur na ni rtog par byed do/ /de lta ma yin na ni rtog par mi byed do/ /shes pa lhag ma rnams ni lhag mthong gi phyogs dang zhi gnas kyi phyogs la chos shes pa dang rjes su rtogs pa'i shes pa'i phyogs dang mthun pa dag yin par rig par bya'o// de la mthong ba'i lam gyi shes pa dang po skyes na de las gzhan pa'i shes pa rnams kyi skye ba'i rkyen yongs su zin pa dang/ rgyu yongs su rtas par 'gyur zhing/ skad cig de nyid la mthong ba'i lam thams cad kyang 'thob par 'gyur ro/ /thob nas de'i rim gyis mngon du 'gyur bar blta bar bya ste/ mthong ba'i lam de na myur tu 'gro ba yin par rig par bya'o/ /bsgom pa'i lam ni gal te 'jig rten las 'das pa'i lam gyis 'dod chags dang bral bar bya ba'i phyir brtson par byed na ste/ de'i 'jig rten 'das pa dag ni sbyor ba'i lam la sogs pa snga ma bzhin du blta bar bya'o/ /de la sdug bsngal la sogs pa'i bden ba dag la spros pa dang bcas pa'i 'du shes kyis spyod na ni kun rdzob shes pa 'byung la/ spros pa med pa'i 'du shes kyis spyod na ni 'di gnyid las 'das pa'i shes pa 'byung ngo/ /mtshan ma dang bcas pa'i 'du shes kyis ni bden pa ji ltar mthong ba dang/ ji ltar rtogs pa rnams kyi mtshan ma legs par zin par 'gyur zhing shes pa sna tshogs la goms shing mkhas par yang 'gyur ro 'jig rten pa'i spyod pa'i rnam pa dag gis sems skyo bar yang 'gyur zhing/ chos kyi longs spyod sna tshogs byas par yang 'gyur te/ de'i phyir 'phags pa'i gang zag 'jig rten pa'i lam gyis kyang 'dod chags dang bral bar bya ba'i phyir brtson par byed do/ /mi slob pa'i sa la 'jig rten las 'das pa'i shes pa de nyid bsgom pas spang bar bya ba'i nyon mongs pa las rnam par grol ba'i phyir shin tu rnam par dag pa dang/ 'jig rten pa'i yon tan thams cad kyi gnas dang gzhir gyur pa dang sa 'og ma dang/ sa gong ma'i yon tan thams cad la dbang bsgyur bar byed pa de ni 'jig rten las 'das pa'i shes pa yin te/ de ltar 'jig rten las 'das pa'i shes pa dang po dang/ bar ma dang/ tha ma dag tu 'byung ba yin par blta bar bya'o/ /de la rdzu 'phrul gyi ? shes pa ni sbyor ba las byung ba yang yod do/ /skyes nas thob pa yang yod do/ /de la spyod ba las byung ba ni 'di lta ste/ 'dir skyes pa'i so so'i skye bo rnams dang/ slob pa rnams dang/ mi slob pa rnams dang/ byang chub sems dpa' rnams kyi bsgoms pa'i 'bras bu yin no/ /skyes nas thob pa ni gzugs kyi khams su skyes pa rnams kyi sngon bsgoms pa la brten nas phyis skyes nas thob pa gang yin pa dang/ 'dod pa na spyod pa'i lha rnams dang/ mi kha cig gi bsod nams kyi stobs kyis thob pa gang yin ste/ 'di lta ste/ dper na rgyal po nga las nu'i lta bu'o/ /rdzu 'phrul ni ris mthun pas bsdus pa'i bya ba rnams dang/ yi dags kha cig gi yang yin no/ /nor bu dang/ gsang sngags dang/ sman dag gi mthu yang 'di lta ste gshed byed dang/ byad stem dang/ ro langs dang/ ro langs phyed pa la sogs pa la rdzu 'phrul zhes bya'o/ /rab tu dbye ba'i tshul de nyid kyis de las gzhan pa'i mngon par shes pa bzhi po dag la mthu yang ci rigs par rig par bya'o/ /de la rnam par shes par bya ba'i chos rnams ni chos thams cad yin par blta bar bya ste/ de dag kyang rnam par shes pas ci rigs par rnam par shes par bya ba dag yin no/ /rnam par shes par bya ba'i chos rnams rnam par shes par bya ba'i phyir/ rnam par shes pa'i rab tu dbye ba yang rnam pa lngas rnam par gzhag ste/ lnga gang zhe na/ gnas dang dmigs pa'i rab tu dbye ba dang/ yongs su nyams pa dang/ yongs su ma nyams pa'i rab tu dbye ba dang/ dman pa dang/ gya nom pa'i rab tu dbye ba dang/ sems las byung ba'i chos kyi rab tu dbye ba dang/ mi mthun pa'i phyogs dang/ gnyen po dang/ skye ba'i rab tu dbye bas so/ /de la gnas dang dmigs pa'i rab tu dbye bas ni mig gi rnam par shes pa la sogs pa rnam par shes pa drug po drug po dag yin te/ de la mig gi rnam par shes pas ni gzugs dag rnam par shes par byed do// lhag ma rnams kyis kyang rang rang gi yul so sor rnam par shes par byed do/ /yid kyi rnam par shes pas ni mig dang gzugs rnams nas/ rgyas par yid dang chos rnams kyi bar yang rnam par shes par byed do/ /de la sdug bsngal gyi tshor ba dang mtshungs par ldan pa'i rnam par shes pa gang yin pa de ni yongs su nyams pa zhes bya ste/ des ni sdug bsngal dang yid mi bde ba'i gnas lta bu'i chos yid du mi 'ong ba rnams rnam par shes par byed do/ /bde ba'i tshor ba dang mtshungs par ldan pa'i rnam par shes pa gang yin pa de ni yongs su ma nyams pa zhes bya ste/ ngas ni bde ba dad yid bde ba'i gnas lta bu'i chos yid du 'ong ba rnams rnam par shes par byed do/ /sdug bsngal yang ma yin/ bde ba yang ma yin pa'i tshor ba dang mtshungs par ldan pa'i rnam par shes pa gang yin bde ni yongs su nyams par yang ma yin yongs su ma nyams pa yang ma yin pa zhes bya ste/ des ni btang snyoms kyi gnas lta bu'i chos rnams rnam par shes par byed de/ de ltar de ni yongs su nyams pa dang/ yongs su ma nyams pa'i rab tu dbye ba yin no/ /de la mi dge ba'i chos rnams sam/ bsgrabs pa'i chos rnams dang mtshungs par ldan pa'i rnam par shes pa gang yin pa de ni dman pa zhes bya ste/ des ni nyon mongs pa can gyi rnam par shes pa'i spyod yul gyi chos rnams rnam par shes par byed do/ /dge ba'i chos rnams dang mtshungs par ldan pa'i rnam par shes pa gang yin pa de ni gya nom pa zhes bya ste/ des ni dge ba dang ldan pa'i rnam par shes pa'i spyod yul gyi chos rnams rnam par shes par byed do/ /lung du ma bstan pa'i chos rnams dang mtshungs par ldan pa'i rnam par shes pa gang yin pa de ni dman pa yang ma yin/ gya nom pa yang ma yin pa zhes bya ste/ des kyang de'i spyod yul gyi chos rnams rnam par shes par byed de/ de ltar de ni rnam par shes pa'i dman pa dang/ gya nom pa'i rab tu dbye ba yin no/ /sems thams cad dang 'byung ba'i sems las byung ba rnams dang/ dge ba'i sems thams cad dang 'byung ba rnams ni sems las byung ba'i chos kyi rab tu dbye ba zhes bya'o/ /lhag ma ni 'di lta ste/ zag pa dang bcas pa'i chos rnams kyi skabs su sngar bstan pa bzhin du blta bar bya'o/ /de la sems thams cad dang 'byung ba ni lnga ste/ yid la byed pa dang/ reg pa dang/ tshor ba dang/ 'du shes dang sems pa'o/ /de dag gi mtshan nyid ni yid kyi sar bstan zin to/ /dge ba'i sems thams cad dang/ 'byung ba ni bcu ste/ 'di lta ste ngo tsha shes pa dang khrel yod pa dang/ ma chags pa dang/ zhe sdang med pa dang/ gti mug med pa dang/ dad pa dang/ brtson 'grus dang/ bag yod pa dang/ rnam par mi 'tshe ba dang/ btang snyoms so/ /de dag ni mnyam par gzhag pa'i sa pa'i sems la yang 'byung mnyam par ma gzhag pa'i sa ba'i sems la yang 'byung ste/ mnyam par gzhag pa'i sa pa'i sems la ni shin tu sbyangs par lhag par rig par bya'o/ /de la bag yod pa ni gtags pa'i chos yin par blta bar bya'o/ /de dag dang mtshungs par ldan pa'i rnam par shes pas ni chos thams cad rnam par shes par byed de/ de ltar de ni sems las byung ba'i chos las gyur pa'i rnam par shes par bya ba'i chos kyi rab tu dbye ba yin no/ /de la mi mthun pa'i phyogs su gyur pa ni sems bco lnga ste/ 'dod pa dang ldan pa'i sdug bsngal dang/ kun 'byung ba dang/ 'gog pa dang/ lam mthong ba dang/ bsgoms pas spang bar bya ba lnga dang/ 'dod pa dang ldan pa ji lta ba de bzhin du/ gzugs dang ldan pa lnga dang/ gzugs med pa dang ldan pa lnga'o/ /gnyen por gyur pa ni sems bcu drug pa ste/ zag pa med pa dang/ slob pa dang/ mi slob pa'i'o/ /mi mthun pa'i phyogs dang gnyen por gyur pa'i rnam par shes pa de dag gis kyang spyod yul ji lta ba'i chos rnams rnam par shes par byed do/ /skye ba'i rab tu dbye ba ni mdor bsdu na rnam pa lnga ste/ 'dod par skye ba'i rgyu dang/ gzugs su skye ba'i rgyu dang/ gzugs med par skye ba'i rgyu dang/ gong du 'gro ba dang/ 'og tu phyir 'ong ba'o/ /de la 'dod pa dang ldan pa'i sems dge ba dang/ nyon mongs pa can dang/ ma bsgribs la lung du ma bstan pa rnams kyi mjug thogs su 'dod pa dang ldan pa thams cad 'byung ste/ de ltar de ni 'dod par skye ba'i rgyu ba las rnam par shes pa rnams kyi skye ba'i rab tu dbye ba yin no/ /'dod pa dang ldan pa rnams ji lta ba bzhin du gzugs dang ldan pa dang/ gzugs med pa dang ldan pa'i rang rang gis pa'i rnam par shes pa gsum po dag gi mjug thogs su yang rang rang gis pa'i sems gsum po thams cad 'byung ngo/ /sngon bsam gtan dang/ gzugs med pa dag ma skyed pa skyed par byed pa la ni 'dod pa na spyod pa'i dge ba'i sems kyis mjug thogs su bsam gtan dang po'i dge ba'i sems 'byung zhing/ bsam gtan dang po'i sa pa'i dge ba'i sems kyi mjug thogs su yang bsam gtan gnyis pa'i sa pa'i dge ba'i sems 'byung la/ de bzhin du ci yang med pa'i skye mched kyi sa pa'i sems kyi mjug thogs su srid pa'i rtse mo pa'i dge ba'i sems kyi bar du 'byung bar 'gyur ro/ /gzugs na spyod pa'i dge ba'i sems kyi mjug thogs su ni slob pa'i sems kyang 'byung la/ slob pa'i sems kyi mjug thogs su ni mi slob pa'i sems kyang 'byung ngo/ /gal te des sngon bsam gtan dang/ gzugs med bdag skyed na ni de dag las yongs su nyams par yang mi 'gyur la/ de 'dod pa na spyod pa'i dge ba'i sems kyi mjug thogs su gong ma ba dang/ slob pa dang mi slob pa'i gzhi sems gang dang gang mngon du byed par 'dod pa de la/ rnam par dang mtshan ma dag legs par bzung ba'i phyir rnam par shes pa de dang de nyid kyang bar byed do/ /de bzhin du gong ma ba lhag ma rnams kyi dge ba'i sems kyi mjug thogs su sa gong ma ba'i sems dag kyang skye bar blta'o/ /'dod pa na spyod pa'i lung du ma bstan pa'i sems kyi mjug thogs su yang gzugs na spyod pa'i dge ba'i sems 'gyur ste/ 'di lta ste/ 'dod pa na spyod pa'i sprul pa'i sems gzugs na spyod pa'i 'bras bu dang ldan pa'i mjug thogs lta bu'o/ /gzugs na spyod pa'i dge ba'i sems de'i mjug thogs su yang 'dod pa na spyod pa'i lung du ma bstan pa'i sems 'byung bar rig par bya'o/ /de ni 'dod pa ni spyod pa nyid yin par rig par bya ste/ de'i gzugs brnyan gyi rigs 'dra ba nyid kyi phyir yin gyi/ ngo bo nyid la ni ma yin pa'i phyir ro/ /'dod pa na spyod pa'i sems dge ba dang/ lung du ma bstan pa dang ldan pa 'di nas shi 'phos pa'i mjug thogs su bsam gtan dang por skye ba nas srid pa'i rtse mo'i bar du skye ba la ni gong ma'i sa ba'i nyon mongs pa can gyi sems 'byung ste/ 'di ltar thams cad du yang nyon mongs pa can gyi sems kyis nyid mtshams sbyor bar byed pa'i phyir ro/ /de ltar de ni gong du 'gro ba las rnam par shes pa rang gi spyod yul nges pa rnams kyi skye ba'i rab tu dbye ba yin par blta bar bya'o// so so'i skye bo 'jig rten pa'i bsam gtan dang/ gzugs med bdag las yongs su nyams pa na nyon mongs pa can gyi sems kyis yongs su nyam par 'gyur te/ sa gong ma ba'i dge ba dang nyon mongs pa can gyi sems de'i mjug thogs su sa 'og ma ba'i nyon mongs pa can gyi sems de 'byung ngo/ /sa gong ma dag nas shi 'phos nas sa 'og ma dag tu skye ba ni sa gong ma pa'i dge ba dang/ nyon mongs pa can dang/ lung du ma bstan pa'i sems thams cad kyi mjug thogs su sa 'og ma pa'i nyon mongs pa can gyi sems kho na 'byung ste/ de ltar de ni 'og tu phyir 'ong ba las rnam par shes pa rnams kyi skye ba'i rab tu dbye ba yin par rig par bya'o/ /de ltar mi mthun pa'i phyogs dang/ gnyen po dang/ skye ba'i rab tu dbye ba las rnam par shes pas rang gi spyod yul du nges pa'i chos rnam par shes par bya ba rnams rnam par shes par byed do/ /shes pa'i snang ba la phan yon lnga yod de/ shes bya las mun pa thams cad sel bar byed pa dang/ 'jig rten pa dang/ 'jig rten las 'das pa'i yon tan dag gis lus la phan 'dogs shing tshim par byed pa dang/ don ma mthong ba ston par byed pa dang/ tshe 'di la dga' ba mchog sbyin par byed pa dang/ lus zhig nas go 'phang mchog sbyin par byed pa'o/ /shes pa'i snang ba'i yon tan ni rnam pa bco lngas phyi rol gyi snang ba las khyad par du 'phags par rig par bya ste/ bco lnga gang zhe na/ phyir rol pa'i snang ba ni gzugs kyi rang bzhin yin la/ shes pa'i snang ba ni shes rab kyi rang bzhin yin pa dang/ phyi rol pa'i snang ba ni phyi rol gyi rab rib 'joms pa yin la/ shes pa'i snang ba ni nang gi rab rib 'joms pa dang/ de bzhin du rtag tu dga' ba ma yin pa dang/ rtag tu dga' ba dag dang/ sems can rnams la yang dag par rab tu mi 'byed pa dang/ sems can rnams la yang dag par rab tu 'byed pa dang/ shar nas nub par 'gyur ba dang/ shar nas nub par mi 'gyur ba dang/ gzugs can dang/ gzugs can ma yin pa dang/ rags pa dang/ cha phra ba dang/ dgra bco mun pa yod pa dang/ dgra bo med pa dang/ g.yo ba dang/ mi g.ye ba dang/ sems can thams cad kyi don mi byed pa dang/ sems can thams cad kyi don byed pa dang/ 'dris pa'i gnas su khrid pa dang/ ma 'dris pa'i gnas su khrid pa dang/ sgrib pa thams cad sel bar mi byed pa dang/ sgrib pa thams cad sel bar byed pa dang/ chod pa sel bar mi byed pa dang/ chod pa sel bar byed pa dang/ tshad med pa snang bar mi byed pa dang/ tshad med pa snang bar byed pa dang/ mthong ba dang mi mthun pa dang/ mthong ba dang mthun pas so/ /dul ba nyid ni rnam pa gsum ste/ rtse 'jil ba dang/ rnam par gnon pa dang/ bag la nyal yang dag par 'joms pa las so/ /zhi ba nyid kyang rnam pa gsum ste/ rnam par rtog pa'i kun tu 'khrug pa med pa dang/ mtshan ma'i kun tu 'khrug pa med pa dang/ rang gi dang gis nang du mngon par dga' ba las so/ /legs par sdom pa yang rnam pa gsum ste/ lus legs par sdom pa dang/ dag legs par sdom pa dang/ yid legs par sdom pa las so/ /bram ze'i tshul yang rnam pa gsum ste/ zhugs pa bram ze'i tshul dang/ 'bras bu la gnas pa bram ze'i tshul dang mthar thug pa bram ze'i tshul lo/ /dge sbyong gi tshul yang rnam pa gsum ste/ zhugs pa dge sbyong gi tshul dang/ 'bras bu la gnas pa dge sbyong gi tshul dang/ mthar thug pa dge sbyong gi tshul lo/ /bram ze yang rnam pa gsum ste/ ming bram ze dang/ rigs bram ze dang/ sgrub pa bram ze'o/ /tshul khrims nyams pa ni rgyu bzhis 'gyur te/ nyams pa de yang tshul khrims la brten nas/ dge ba skyed par 'gyur ba gang yin pa de mi skyed pa ste/ ltung ba lhag ma ma lus par 'byin pa dang/ lhag ma dang bcas pa mi 'chags pa dang/ ltung ba byung ba brjes pa dang/ ltung ba med pa la ltung bar mngon par zhen la ltung ba la ltung ba med par mngon par zhen pas so/ /de las bzlog pa'i rgyu bzhis ni tshul khrims phun sum tshogs par rig par bya'o/ /tshul khrims yang dag par blang ba ni rgyu gnyis kyi rnam par dag pa dang/ phun sum tshogs par rig par bya ste/ grogs rnam par dag pa dang/ ngo bo nyid rnam par dag pas so/ /grogs rnam par dag pa gang zhe na/ lta ba rnam par dag pa dang/ cho ga rnam par dag pa dang/ 'tsho ba rnam par dag pa'o/ /ngo bo nyid rnam par dag pa gang zhe na/ gus par rdzas su slob pa dang/ mdza' dag la rjes su slob pa'o/ /rnam grangs gzhan yang tshul khrims yang dag par blang ba ni rgyu gsum gyis rnam par dag pa dang/ phun sum tshogs par rig par bya ste/ bsam pa rnam par dag pa dang/ 'tsho ba rnam par dag pa dang/ sgrub pa rnam par dag pas so/ /bsam pa rnam par dag pa gang zhe na/ thar pa'i phyir tshangs par spyad par spyod par byed kyi/ mtho ris kyi phyir yang ma yin pa'o/ /'tshor ba rnam par dag pa gang zhe na/ tshul dang mthun par yongs su tshol bar byed de/ ji ltar yongs su btsal bar bya ba dang/ gang nas yongs su btsal bar bya ba de ltar de nas yongs su btsal te/ 'tsho bar byed pa gang yin pa'o/ /de la ji ltar yongs su btsal bar bya zhe na/ tshul 'chos drus yongs su tshol bar mi byed pa dang/ kha gsag gi mi byed pa dang/ gzhogs slongs kyis mi byed pa dang/ thob kyis 'jal gyis mi byed pa dang/ rnyed pas rnyed par byed 'dod pas yongs su tshol bar mi byed pa de ltar yongs su btsal bar bya'o/ /gang nas yongs su btsal bar bya zhe na/ spyod yul ma yin pa lnga ma gtogs pa nas yongs su btsal bar bya'o/ /sgrub pa rnam par dag pa gang zhe na/ ltung ba'i 'bras bu mi 'dod pa la mngon par yid ches pas rgyu yang rung gnas kyang rung ste/ bsams bzhin du ltung ba mi 'byin ba dang/ byung na yang gzhan las phyin chad sdom pa yang dag par len pa dang/ chos bzhin du phyir byed pa'o/ /dge slong dbang po rnams kyi sgo bsdams pa nyid la brtson pas dran pa'i skyon rnam pa bzhi dang/ tshul bzhin ma yin pa yid la byed pa rnam pa bzhi yongs su shes par bya ste/ dran pa'i skyon rnam pa bzhi gang zhe na/ dran pa med pa dang/ dran pa mthu chung ba dang/ brjed ngas pa dang/ dran ba 'khrul ba'o/ /de la dran pa med pa na dbang po rnams kyi sgo bsdams pa nyid las brtsams nas chos ma mnyan pa dang/ ma bzung ba dang/ ma brtags pa'o/ /de la dran pa mthu chung ba ni thos pa dang/ gzung ba dang/ brtags su zin kyang/ rtag tu byed pa dang/ gus par byed pa'i sbyor bas kun tu ma brten cing/ goms par ma byas/ lan mang du ma byas pa'o/ /de la brjod das pa ni 'di lta ste/ kun tu brten cing goms par byas/ lan mang du byas kyang/ brgya la brgya lam na shes bzhin med par spyod par 'gyur ba'o/ /de la dran pa 'khrul pa ni 'di lta ste/ kun nas nyon mongs pa ma yin pa la kun nas nyon mongs par 'du shes pa dang/ kun nas nyon mongs pa la kun nas nyon mongs ma yin par 'du shes pa'o/ /tshul bzhin ma yin pa yid la byin pa rnam pa bzhi gang zhe na/ nyon mongs pa skye ba'i rgyu mtshan dang/ kun nas nyon mongs pa skye ba dang/ mtshungs par ldan pa dang/ 'dzem pa nyams pa dang/ ltung ba dang 'khrul ba kun nas slong bar byed pa'o/ /de la nyon mongs pa skye ba'i rgyu mtshan ni 'di lta ste/ mtshan mar 'dzin pa dang/ mngon rtags su 'dzin pa'i gzhi de las de'i sems kyi rjes su sdig pa mi dge ba'i chos rnams zag par 'gyur pa'o/ /de la kun nas nyon mongs pa skye ba dang mtshungs par ldan pa ni sdig pa mi dge ba'i chos de dag nyid dang/ kun tu spyod pa las ldan pa gang yin pa'o/ /de la 'dzem pa nyams pa ni 'di lta ste/ bzlog par bya bas zlog par mi byed pa ste/ sdig pa mi dge ba'i chos de dag nyid kun tu sbyong bas mi bzlog pa'o// de la ltung ba dang 'khrul ba kun nas slang bar byed pa ni 'di lta ste/ 'dzam pa med pa'i gzhi'i rgyus ltung ba 'byin par byed pa dang bslab pa 'bul bar sems pa'o/ /zas kyi tshod rig pa nyid la brtson pa'i zas kyi tshod rig pa nyid ni gnas brgyad spangs pas phun sum tshogs pa yin te/ brgyad gang zhe na/ zas la lhag par chags pa dang/ lus la lhag par chags pa dang/ srog gi dbang po 'gog pa dang/ bkres shing nyam chung ba dang/ lus lci ba dang/ nad med pa ma yin pa dang/ 'tsho ba yongs su ma dag pa dang/ bya ba mang po la rnam par g.yeng ba nyid do/ /mi nyal bar sbyor ba'i rjes su brtson pa ni mi nyal bar sbyor ba'i rjes su brtson pa yang gnas brgyad spangs pas phun sum tshogs pa yin te/ brgyad gang zhe na/ spyod lam gyis lus ngal ba nyid dang/ gnyid dang glos 'bebs pa dang/ nyal ba'i bde ba'i ro myang ba dang/ kun nas nyon mongs pa'i sgyu mtshan gyi rjes su 'brang ba dang/ kun nas nyon mongs pa'i gnyen po bsgom pa la mi brtson pa dang/ dus ma yin par mi nyal ba dang/ don med par mi nyal ba dang/ dus ma yin par nyal ba dang/ don med par nyal ba'o/ /mngon par 'byung ba'i sa ni mngon par 'byung ba rnam pa drug gi dbang du byas nas/ rnam par gzhag par rig par bya'o/ /mi mthun pa las mngon par 'byung ba dang/ med pa las mngon par 'byung ba dang/ khyim nas mngon par 'byung ba dang/ ma rdzogs pa pas mngon par 'byung ba dang/ sa 'og ma pa las mngon par 'byung ba dang/ 'jig tshogs las nges par 'byung ba'o/ /de la lus kyi mi mthun pa ni rnam pa lngar rig par bya ste/ 'gro ba dang mi mthun pa dang/ skye ba dang mi mthun pa dang/ /brtson 'grus rtsom pa dang mi mthun pa dang/ sgrib pa med pa dang mi mthun pa dang/ 'dod pa dang mi mthun pa pa'o/ /rkyen med pa ni rnam pa bzhi ste/ bshes gnyen med pa dang/ mnyan pa med pa dang/ lus dang/ rtogs pa nub pa'i phyir nub pas med pa dang/ sbyin bdag dang/ mal cha dang stan med pa'o/ /dge ba'i chos la 'dun pa ni stobs bzhis rig par bya ste/ rkyen gyis stobs dang/ rgyu yi stobs dang/ shes pa'i stobs dang/ sgrub pa'i stobs kyis so/ /legs par bsrungs pa'i chos 'dul ba la rab tu 'byung ba ni phun sum tshogs pa bzhis phun sum tshogs par rig par bya ste/ kun nas nyon mongs pa med cing yongs su nyon mongs pa dang mi mthun pa'i phyir rtags phun sum tshogs pa dang/ sangs rgyas kyis gsungs pa'i sgrub pa rjes su sgrub pa'i phyir las phun sum tshogs pa dang/ bsam pa phun sum tshogs pa dang/ 'grogs pa phun sum tshogs pa'o/ /tshul khrims kyi sdom pa yang rgyu lngas phun sum tshogs par rig par bya ste/ log par mi ltung ba dang/ nges par 'byin pa dang/ mi khro ba dang/ skyon med pa dang/ chog mi shes pas so/ /gnyen po rnam pa gnyis la brten nas/ dbang po sdom pa rnam pa bzhi 'byung bar rig par bya ste/ gnyen po rnam pa gnyis gang zhe na/ so sor rtog pa'i stobs dang bsgom pa'i stobs so/ /dbang po sdom pa rnam pa bzhi gang zhe na/ yul sdom pa dang/ kun nas nyon mongs pa sdom pa dang/ kun nas dkris pa sdom pa dang/ bag la nyal sdom pa'o/ /de la yul sdom pa ni nang du yang dag 'jog la brtson pa dran pas yid kun tu gsungs pa nyid yin te/ yul rnams la mi 'phro ba'i phyir ro/ /kun nas nyon mongs pa sdom pa ni rgyu bar gyur pa gnas skabs mnyam par spyod pa nyid yin te/ yul rnams la brnab sems dang/ yid mi bde ba yongs su spangs pa'i phyir ro/ /de nyid kyi rnam par dbye ba ni/ mtshan mar mi 'dzin pa nas/ de'i sems kyi rjes su sdig pa mi dge pa'i chos rnams zag par mi 'gyur pa'i bar dang/ mtshan mar bzung ba la rjes su rtogs pas/ de'i tshe mngon rtags su 'dzin pa de dag bsdam pa'i phyir sgrub par byed ces bya ba yin no/ /kun nas dkris pa sdom pa ni bsgom pa'i stobs kyis mig gi dbang po srung bar byed ces bya ba yin no/ /bag la nyal sdom pa ni mig gi dbang pos sdom pa sgrub par byed ces bya ba yin no/ /zas kyi tshed rig pa nyid kyang rgyu lngas phun sum tshogs par rig par bya ste/ gnyen po la brten pa dang/ mi mthun pa'i phyogs spong ba dang/ rang gi las byed pa dang/ gtogs pa dang/ de rnam par 'byed pas so/ /tshor ba rnying rnams ni bkros pas kun nas bslad pa'am/ zas kyis kun nas bslang pa'i sdug bsngal gyi tshor ba'o/ /'tsho ba ni tshangs par spyod pa 'phel ba'o/ /stobs ni mi mthun pa'i phyogs 'joms par nus pa'o/ /bde ba ni tshe 'di la bde bar gnas pa'o kha na ma tho ba med pa ni yon yongs su sbyong ba'o/ /bde ba la reg par gnas pa ni nyon mongs pa dang sdug bsngal spong ba mngon du byed pa'o/ /mi nyal ba ni rtag tu byed pa dang/ gus par byed pa'i sbyor ba dag gis brtson 'grus brtsams pa nyid kyis phun sum tshogs par rig par bya'o/ /de la gus par byed pa'i sbyor ba ni 'chag pa dang 'dug pa'i dus na de'i rjes su bsgrub pa las rig par bya ste/ 'dug pa'i dus na ni sgrib pa dang po dang/ gnyis pa dang/ bzhi pa dag la'o/ /'chag pa'i dus na ni gsum pa'o/ gnyi ga'i dus na ni lnga pa la'o/ /rtag tu byed pa'i sbyor ba ni nyin mo dang/ mtshan mo thun gnyis la mi nyal ba'i phyir dang/ gung thun la srog chags seng+ge dang/ chos mthun pas legs par nyal ba'i phyir ro/ /yun ring ba dang/ lhun sdug pa dang/ brjed pa dang/ rgyun 'chags pa'i gnyid spangs pa'i phyir rkang pa'i steng du rkang pa gzhag pa nas/ ldang ba'i 'du shes yid la byed pa'i bar du rig par bya'o/ /shes bzhin du spyod pa nyid ni gnas lnga pa tshod ran pa nyid kyi dbang du byas nas/ phun sum tshogs par rig par bya ste/ lnga gang zhe na/ 'gro ba dang/ blta ba dang/ rnyed pa dang bkur sti bdag gir bya ba dang/ yo byad la longs spyod pa dang/ dge ba'i phyogs la sbyor ba'o/ /dang pos ni spyod yul ma yin par ye? mi 'gro ba dang/ spyod yul du yang shin tu nam sros nas ldog par mi byed do/ /gnyis pas ni blo sngon tu ma gtang ba'i lta ba la ni dbang po phyir rlon par byed la/ blo sngon du btang ba'i lta ba la ni/ dran pa nye bar 'jog par byed do/ /gsum pas ni blang ba dang/ phyag 'tshal/ pa dag la lag pa dang/ rkang pa ha cang rkyang pa dang/ ha cang bskum par mi byed do/ /bzhi pas ni chos gos dang/ lhung bzed dang/ bsod snyoms kyis longs spyod la tshod rig par byed do/ /lnga pas ni nang du yang dag 'jog la brtson pas nyin mo 'chag pa dang/ 'dug pa dag gis 'gro ba dang/ 'greng ba dang/ 'dug pa dang/ mi nyal ba dang/ mtshan mo nyal ba la tshod shes par byed pa dang/ 'bel ba'i gtam rnam par gtan la 'bebs pa la brtson pas smra ba dang/ mi smra ba la tshod shes par byed pa dang/ de gnyis ka la lus las su dur bar bya ba'i phyir gnyis kyi snyom pa bsang ba la tshod shes par byed do/ / //bam po sum cu pa/ /dge slong rdzu 'phrul gyi rkang pa bsgom pa la brtson pa'i spong ba'i 'du byed ni yan lag bzhis bsdus? pa yin te/ bsgom pa'i yan lag dang/ khyad par rtogs pa'i yan lag dang/ nye ba'i nyon mongs pa rjes su bsrung ba rtogs pa'i yan lag dang/ nye ba'i nyon mongs pa rnam par dag pa'i phyir sdud pa'i yan lag gis so/ /de la sgom pa'i yan lag ni 'dun pa dang rtsol ba ste/ 'di ltar 'dun pa dang/ rtsol ba gnyis la brten nas rdzu 'phrul gyi rkang pa bsgom par byed do/ /khyad par rtogs pa'i yan lag ni dad pa dang shin tu sbyangs pa ste/ 'di ltar dad? pas ni khyad par rtogs nas gong ma'i rnam par thar pa la mngon par dang par byed la/ shin tu sbyangs pas ni lus dang sems kyi gnas ngan len shin tu spyod par byed do/ /nye ba'i nyon mongs pa rjes su bsrung ba rtogs pa'i yan lag ni dran pa dang shes bzhin te/ 'di ltar dran pas ni zhi gnas dang lhag mthong gi nye pa'i nyon mongs pa ma byung ba srung bar byed la/ shes bzhin gyis ni byung ba rtogs par byed do/ /nye ba'i nyon mongs pa rnam par dag pa phyir sdud pa'i yan lag ni sems pa dang btang snyoms te/ 'di ltar sems pas ni sems zhum pa phyir 'dzin par byed la/ btang snyoms kyis ni rgod pa nang du sdud par byed do/ /ting nge 'dzin thob pa la dbang byed pa'i chos ni bzhi ste/ rna ba gtong pa dang/ legs par 'doms pa dang/ sngon goms pa dang/ mang du thos pa'o/ /de la rna ba gtong ba ni 'di yin te/ 'dun pa skyes shing dad pa skyes nas dam pa'i chos nyan par byed pa ste/ des rgyu de dang rkyen des sems rtse gcig pa nyid thob par 'gyur ro/ /de la legs par 'doms pa ni 'di yin te/ go rims bzhin du 'doms pa dang/ phyin ci ma logs par 'doms pa la brten nas/ brtson 'grus btsams te gnas shing brtson pas/ rdzogs pa'i byang chub kyi phyogs dang mthun pa'i chos rnams la rgyun tu chud pa dang/ brtson 'grus kyis sgom par sbyor ba'i rjes su brtson par gnas pa ste des rgyu de dang rkyen des kyang sems rtse gcig pa nyid 'thob par 'gyur ro/ /de la sngon goms pa ni 'di yin te/ bsam gtan dang snyoms par 'jug pa dag la dus nye ba dang/ khang nye bar snyoms par zhugs pa yin te/ des rgyu de dang rkyen des kyang sems rtse gcig pa nyid 'thob par 'gyur ro/ /de la mang du thos pa ni 'di yin te/ thos pa mang ba dang/ thos pa 'dzin pa dang/ thos pa bsags pa yin zhing/ de gcig pu dben par song nas chos de dag la sems par byed/ 'jal bar byed/ nye bar rtogs par byed pa de/ des rgyu de dang rkyen des kyang sems rtse gcig pa nyid 'thob par 'gyur ro/ /ting nge 'dzin thob par bya ba la brtson pas chos bdun rig par bya ste/ nang gi ting nge 'dzin nyams pa'i rgyu dang/ phyi rol gyi ting nge 'dzin nyams pa'i rgyu dang/ nang gi ting nge 'dzin nyams pa dang/ phyi rol gyi ting nge 'dzin nyams pa dang/ nang gi ting nge 'dzin rgyu dang bcas pa nyams pa'i gnyen po dang/ phyi rol gyi ting nge 'dzin rgyu dang bcas pa nyams pa'i gnyen po dang/ de gnyis ka'i gnyen po'i bzhi'o de la nang gi ting nge 'dzin nyams pa'i rgyu ni le lo'o/ /de la phyi rol gyi ting nge 'dzin nyams pa'i rgyu ni rgod pa'o/ /de la nang gi ting nge 'dzin nyams pa ni rmugs pa dang gnyid do/ /de la phyi rol gyi ting nge 'dzin nyams pa ni 'dod pa'i yon tan lnga po dag la rjes su rnam par g.yeng ba'o/ /de la nang gi ting nge 'dzin rgyu dang bcas pa nyams pa'i gnyen po ni so sor rtog pa'i mtshan ma legs par gzung ba nyid do/ /de la phyi rol gyi ting nge 'dzin rgyu dang bcas pa nyams pa'i gnyen po ni lus 'di nyid la mi sdug par so sor rtog pa'o/ /de la de gnyi ga'i gnyen po'i gzhi ni snang ba'i 'du shes so/ /ji ltar na lus la kun 'byung ba'i chos can du rjes su lta zhing gnas she na/ da ltar gyi lus ni 'das pa'i dus nas zad las kun tu 'byung ba nyid du yang dag par rjes su blta ba'o ji ltar lus la 'jig pa'i chos can du rjes su lta zhing gnas she na/ da ltar gyi lus ni ma 'ongs pa'i dus su 'chi ba'i chos nyid yang dag par rjes su blta ba'o/ /ji ltar lus la kun 'byung ba dang/ 'jig pa'i chos can du rjes su lta zhing gnas she na/ lus zas kyi rkyen las byung ba ni da ltar gyi dus su gnas pa dang/ 'jig pa dang/ nyams pa dang/ yang 'byung ba nyid du yang dag par blta ba'o/ /lus yod par de'i dran pa shin tu nye bar gzhag pa yin no zhes bya ba ni/ de bzhin nyid kyi lus la 'jig rten las 'das pa'i dran pa'o/ /shes pa tsam zhes bya ba ni so sor nang gi zhi gnas kyi lam gyis so/ /mthong ba tsam zhes bya ba ni lhag mthong gi lam gyis so/ /yang dran pa tsam zhes bya ba ni de'i rjes las thob pa 'jig rten pa dang/ 'jig rten las 'das pa'i lam gyis so/ /ji ltar lus la mi rten par gnas she na/ snyoms par 'jug pa gang la brten nas/ dran pa nye bar gzhag pa dag sgom par byed pa'i snyoms par 'jug pa de la ro myang bar mi byed pa nas lhag par chags shing mi gnas pa'i bar ro/ /ji ltar 'jig rten la ci yang mi 'dzin pa yin zhe na/ phyin ci log bzhi spangs pa yin te/ de dag spangs pa'i phyir lus la sogs pa gtsang ba 'am/ bde ba 'am bdag gam/ rtag par mi 'dzin pa'o/ /mchog tu gdags pa las brtsams nas gang zag lnga rnam par gzhag par rig par bya ste/ gang zag lnga gang zhe na/ so so'i skye bo dga' ba dang bde ba la mngon par dga' ba dang/ gzhi mthong ba la zhugs pa sgrib pa spangs pa la mngon par dga' ba dang/ lta ba'i rnam pa la zhugs pa thar pa la mngon par dga' ba dang/ lta ba'i rnam pa la zhugs pa mthar thug par 'gyur ba dang/ gzhi mthong ba la zhugs pa mthar thug par 'gyur ba'o/ /de la gang zag so so'i skye bo dga' ba dang/ bde ba la mngon par dga' ba gang zhe na/ de ni gsum du blta bar bya ste/ 'dod pa las skyes pa'i dga' ba dang/ bde ba la mngon par dga' ba dang/ rtog pa dang bcas dpyod pa dang bcas pa'i ting nge 'dzin las skyes pa'i dga' pa dang/ bde ba la mngon par dga' ba dang/ rtog pa med cing dpyod pa med pa'i ting nge 'dzin las skyes pa'i dga' ba dang/ bde ba la mngon par dga' ba'o/ /gang zag bzhi mthong ba la zhugs pa sgrib pa spang ba la mngon par dga' ba gang zhe na/ de ni gnyis su blta bar bya ste/ nyon mongs pa'i sgrib pa spang pa la mngon par dga' ba dang/ snyoms par 'jug pa'i sgrib pa spang ba la mngon par dga' ba'o/ /de la gang zag nyon mongs pa'i sgrib pa spang ba la mngon par dga' ba ni tshe 'di la bde bar gnas pa rnams ma thob pa dang/ thob pa dang/ 'du shes kyi snyoms par 'jug pa rnam pa thams cad ma thob ba dang ma thob pa ste/ 'di lta ste/ gnas pa las brtsams pa dang/ shes bya yongs su brtags pa las brtsams nas so/ /de la gang zag snyoms par 'jug pa'i sgrib pa spang ba la mngon par dga' ba ni/ zil gyis gnon pa'i skye mched thams cad thob pa dang ma thob pa dang/ zad par gyi skye mched thams cad ma thob pa dang thob pa'o/ /de la gang zag lta ba'i rnam pa la zhugs pa thar pa la mngon par dga' zhe na/ 'di las phyi rol pa'i mu stegs can bdag med do/ /bdag gi ming ngo/ /bdag 'byung bar mi 'gyur ro/ /bdag gi 'byung bar mi 'gyur ro/ /snyam pa ste/ de yang ma thob pa dang thob pa yin no/ /de la gang zag lta ba'i rnam pa la zhugs pa mthar thug par 'gyur ba gang zhe na/ 'du shes med 'du shes med min skye mched ma thob pa dang/ thob pa'o/ /de la gang zag bzhi mthong ba la zhugs pa mthar thug par gyur pa gang zhe na/ reg pa'i skye mched drug po dag ma lus par spangs pa myong bar byed pa gang yin pa ste/ mchog tu gdags pa la brtsams nas/ gang zag lnga po de dag rnam par bzhag pa yin no/ /dge bsnyen gyi yon tan ni gsum ste/ dag pa dang byed pa dang/ bsgrub pa yin no/ /de la dag pa ni bsam pa dag pa dang/ tshul dag pa dang/ rtogs pa dag pa'o/ /de la bsam pa dag pa ni sangs rgyas la sogs pa la the tshom med pa dang/ ngo mtshar dang/ bkra shis dang ldan pa yin pa'o/ /de la tshul dag pa ni bslob pa dag yongs su rdzogs par byed pa yin no/ /de la rtogs pa dag pa ni 'jig rten pa dang/ 'jig rten las 'das pa'i rnam par dag pa rtogs pa'i phyir ro/ /de la byed pa ni dkon mchog gsum gyi bya ba byed pa'i phyir de la bsgrub pa ni chos mthun pa pa dang/ chos mthun pa pa ma yin pa rnams la shes pa nye bar bsgrub pa'i phyir ro/ /de la chos ni rnam pa gsum ste/ mnyan pa'i chos dang/ bsgrub pa'i chos dang/ mthar thug pa'i chos so/ /phyi rol pa rnams kyi bstan pa ni phyin ci log yin te/ smon nas tshangs par spyod pa la gnas pa'i phyir tshul khrims yang dag par mthong ba ma yin pa dang/ snyoms par 'jug pa dang/ nges par 'byung ba ma yin pa'i phyir/ gtan tu nye bar gtong ba ma yin pa dang/ de las gzhan pa'i mu stegs can dang thun mong dang so so'i skye bo dang thun mong pa yin no/ /legs par gsungs pa'i chos 'di ni de las bzlog pa yin pas yang dag par mthong ba nas/ mkhas pa rnams kyi so sor rang gis rig pa'i bar dag yin no/ /'dod pa rnams kyis 'thob pa dang/ gtong ba'i go rim ni sngar byas pa'i gtam gyis te/ gang gis 'thob ce na/ sbyin pa dang tshul khrims kyis so/ /gang du zhe na/ mtho ris su'o/ /gang gis longs spyad ce na/ ro myang bas so// gang gis gtong zhe na/ nyes dmigs kyis so/ /ji ltar dngos po'i 'dod pa dang/ nyon mongs pa'i gtong pa gtong zhe na/ mngon par 'byung ba dang/ rab tu dben pa'i phan yon dang/ rnam par byang ba'i phyogs dang mthun pa'i chos rnams kyis de yongs su bstan to/ /dge sbyong gi tshul gyi 'bras bu bzhi po dag ni yang phul yin te/ de dag las ltung ba med pa'i phyir dang/ 'jig rten las 'das pa yin pa'i phyir ro/ /tshangs pa mtshungs par spyod pa rnams kyis tshogs pa'i rgyu gsum gyis/ tshul khrims 'chal pa bskrad par bya ste/ gzhan rjes su bsrung ba nyid kyi phyir dang/ bla ma'i snod ma yin pa nyid kyi phyir dang/ dge 'dun mi brjod pa nyid kyi phyir ro/ /rgyu bzhis tshul khrims la mngon par dga' ba skye ste/ ston pa las ni mdza' gnyis yongs su spangs pa'i bslab pa bcas pa'i phyir ro/ /bdag nyid las ni 'dod chags la sogs pa shas mi che ba'i rang bzhin can yin pa'i phyir ro/ /grogs las ni de dag nges pa dang 'grogs na bde ba yin pa'i phyir ro/ /mngon par brtson pa las ni le lo med par gnas pa'i phyir ro/ / tshul khrims brtag pa ni rnam pa bzhi ste/ 'grogs pas yod pa nyid du yid ches pa dang/ phongs pa na yang brtag pas yid ches pa dang/ tha snyad la skyon med pas yid ches pa dang/ gtam dang 'bel pa'i gtam rnam par gtan la dbab pas ma nyams par yid ches pa ste/ lta ba ma nyams pa'i phyir ro/ /mi dge ba las bzlog pa'i tshe ni tshar gcad dka' o/ /dge ba la gzhag pa'i tshe ni myur du yongs su 'gyur ro/ /rtse gcig pa nyid la bzhag pa'i tshe ni gong du 'dod par 'gro'o/ /yang mi dge ba skyes pa spang ba dang/ dge pa ma skyes pa bskyed pa'i phyir sbyor ba'i tshe dang/ mi dge ba ma skyes pa mi skyed pa dang/ dge ba skyes pa gnas par bya ba'i phyir sbyor ba'i tshe dang/ mnyam par gzhag pa'i dge ba ma skyes pa skyed pa'i phyir sbyor ba'i tshe na'o/ /yang tshul khrims la brtson pa rnams kyi dang thos pa dang/ bsam pa las brtson pa rnams kyi dang/ bsgom pa la brtson pa rnams kyi'o/ /yang rab tu 'byung ba dang/ mngon par dga' ba dang/ rtag tu bsgom pa la bar chad byed pa'i phyir ro/ /dul ba ni da las zlog par byed pa ste/ de'i gags kyi nyon mongs pa spong ba'i phyir ro/ /legs pa zhes bya ba ni dul ba'i bsngags pa bstan pa'o/ /bde ba skyed pa zhes bya ba ni bshad pa yin no/ /ji ltar sems dben pa la gzhol ba yin zhe na/ gnas pa la 'du 'dzi dang ldan pa'i'o/ /ji ltar sems mngon par 'byung ba la gzhol ba yin zhe na/ grong du rgyu ba dang ldan pa'i 'o/ /ji ltar sems mya ngan las 'das pa la gzhol ba yin zhe na/ nang du yang dag 'jog la zhi gnas la sogs pa'i mtshan ma dang ldan pa'i 'o/ /rnam grangs gzhan yang nyon mongs pa las dben pa las brtsams nas ni dben pa la gzhol ba yin no/ /'khor ba las nges par 'byung ba las brtsams nas ni mngon par 'byung ba la gzhol ba yin no/ /mya ngan las 'das pa'i grong khyer du 'jug pas las brtsams nas ni mya ngan las 'das pa la gzhol ba yin no/ /tshor ba nying mtshams sbyor ba dang bcas pa thams cad 'gags pa'i phyir grib ma med pa dang/ mya ngan las 'das pa yin no/ /sdug bsngal gsum dang gtan bral ba'i phyir zhi ba yin no/ /nyon mongs pa'i rims nad kyi gdung ba dang gtan bral ba'i phyir bsil bar gyur pa yin no/ /bla na med pa'i go 'phang thob pa'i phyir tshangs par gyur pa yin no/ /dam pa'i chos nyan pa'i skyon ni gsum ste/ rnam par g.yeng ba dang/ rmongs pa dang/ mi gus ba'o/ /nyan pa'i snod ni rnam pa lnga ste/ dman pa'i sems nyid dang/ kun shes pa'i sems nyid dang/ don gzung ba'i sems nyid dang/ don legs par gzung ba'i sems nyid dang/ gus pa'i sems nyid do/ /legs par gsungs pa'i chos 'dul ba la ston pa'i yon tan ni lnga po 'di dag yin te/ de dag dang ldan pa'i ston pa ni 'di las phyi rol pa'i dge sbyong dang/ bram ze rnams zil gyis non pa yin no/ /lnga gang zhe na/ tshul 'brug pa med par kun tu spyod ba dang/ chos nyid legs par bcas pa dang bslab pa legs par bcas pa dang/ chos legs par bcas pa dang/ bslab pa legs par bcas pa dag la the tshom skyes so cog pa nyid dang/ nges par 'byin pa nyid 'doms pa'o/ /lam 'di nyid ni rgyu gsum gyis nges par 'byin pa yin te/ 'di lta ste/ bdag med par blta bas 'dris pa ma yin pa'i phyir dang/ 'phral du nyon mongs pa'i gnyen po yin pa'i phyir dang/ 'phral du thar pas skrag par mi byed pa'i phyir ro/ /dga' ba ni rnam pa bzhi ste/ yo byad bsnyungs pa'i dga' ba dang/ tshangs par spyod pa la gnas pa'i dga' ba dang/ yid la gcags pa med pa'i dga' ba dang/ spong ba bsgom pa nyid kyi dga' ba la dga' ba'o/ /dga' ba dang pos ni snying las chung ba nyid kyi bde ba 'dren par byed do/ /gnyis pas ni mngon par 'byung ba'i bde ba'o/ /gsum pas ni ting nge 'dzin gyi bde ba'o/ /bzhi pas ni rdzogs pa'i byang chub kyi bde ba 'dren par byed do/ /bcom ldan 'das kyis chos ni rgyu gnyis kyis legs par gsungs pa yin te/ tshigs 'bru legs par rnam par phye ba nyid dang/ legs par rab tu rtogs pa nyid kyis so/ /rgyu gnyis kyis tshig 'bru'i don legs par rtogs pa yin te/ legs par mngon par rdzogs par rtogs pa nyid dang/ nges par 'byin pa mngon par rdzogs par rtogs pas so/ /rgyu gnyis kyis nges par 'byin pa yin te/ bde 'gror 'gro bas nges par 'byin pa nyid dang/ rdzogs pa'i byang chub tu 'gro bas nges par 'byin pa nyid do/ /rgyu gnyis kyis rdzogs pa'i byang chub tu 'gro ba yin te/ som nyi med pa dang mi phyed pas so/ /rgyu gnyis kyis mi phyed pa yin te/ lta ba mi phyed pa dang/ 'dus pa dang ldan pas so/ /rgyu gnyis kyis 'dun pa dang ldan pa yin te/ rtogs pa brtan pa dang/ rten pa yod pas so/ /rgyu gnyis kyis rten pa yod pa yin te/ ye shes la rton gyis rnam par shes pa la mi rton pa dang/ ston pa de bzhin gshegs pa dgra bcom pa yang dag par rdzogs pa'i sangs rgyas yin pas so/ /rgyu gnyis kyis ston pa de bzhin gshegs pa dgra bcom pa yang dag par rdzogs pa'i sangs rgyas yin te/ som nyi thams cad gcod pa dang/ log par bsgrub pa mi dmigs pas so/ /spong ba'i gags kyi chos ni bzhi ste/ skyo ba med pa dang/ shes pa yongs su ma smin pa dang/ rnam par g.yeng ba dang/ bying ba'o/ /sdig pa byed pa dag la ni shes rab kyi mig ldongs par rig par bya'o/ /bsod nams byed pa dag la ni dri ma can du'o/ /gzhan mu stegs can la ni rab rib can du'o/ /chos dran pa nye bar gzhag pa bsgom pas ni kun nas nyon mongs pa'i chos bcu gcig yongs su shes par bya ste/ 'dod chags dang/ zhe sdang dang/ gti mug dang/ sdud pa dang/ rnam par g.yeng ba dang/ bying ba dang/ rgod pa dang/ nye ba'i nyon mongs pa'i rgyu mtshan dang/ rab tu dben pa la mngon par mi dga' ba dang/ ro myang bar mi byed ba dang/ mngon pa'i nga rgyal lo/ /'jig rten pa'i lam ni rgyu bzhis 'jig rten las 'das pa'i lam gyi grogs kyi bya ba byed de/ sgrib pa sel ba dang/ thag sring bas rnam par gnon pa dang/ skyo bas shig shig par byed pa dang/ chos kyi shugs kyis mngon par brlan par byed pas so/ /de bzhin gshegs pa'i lha'i spyan ni rgyu bzhis sems can thams cad kyi phyod yul can yin par rig par bya ste/ 'gro ba thams cad 'grub ba dang/ mthun pa'i las mngon par 'du byed pa la gnas pa'i sems can kun tu gzigs pa dang/ skye ba'i gnas sna tshogs mang po na gnas pa'i sems can kun tu gzigs pa dang/ bar ma do'i srid pa dang bcas pa'i 'chi 'pho dang/ skye ba dang ldan pa'i sems can kun tu gzigs pa dang/ bar ma do'i srid ba med pa'i 'chi 'pho dang/ skye ba dang ldan pa'i sems can kun tu gzigs pas so/ /rnal 'byor ba chos rtogs par bya ba dang chos rab tu rtogs par bya ba la brtson pa'i chos rtogs par bya ba dang/ chos rab tu rtogs par bya ba'i go rims ni bdun te/ 'di lta ste/ ston pa po la gus shing bsnyen bkur bya ba dang/ bsnyen bkur byas nas rna ba gtong ba dang/ rna ba bstad nas chos kyi rjes su mthun pa'i chos bsgrub pa dang/ chos kyi rjes su mthun pa'i chos bsgrubs nas sems gnas par bya ba'i phyir yang dag pa'i thabs yongs su gzung ba dang/ thabs yongs su gzung nas brtson 'grus brtsams pa dang/ brtson 'grus brtsams nas nang dang phyi rol la sems mi mnyam ba skye ba'i gzhi so sor spang? ba'i tshul gyis zang zing dang/ chos kyi sgrib pa rnam par dag par byed ba dang/ sgrib pa rnam par dag nas ting nge 'dzin gyi ro myang ba mi byed cing mngon pa'i nga rgyal med pa'o mi mthun pa'i phyogs rnam pa dgu'i gnyen por dran pa nye bar gzhag ba bzhi bsgom par bya ste/ dgu gang zhe na/ de ni skye ba med pa dang/ yid la byed pa med pa dang/ zhi gnas dang lhag mthong gi nye ba'i nyon mongs pa dang/ bying ba dang 'khrug pa la mi 'jed pa med pa nyid dang/ ngan don tsam gyis chog par 'dzin pa dang/ gdams ngag brjed pa dang/ ltung ba dang/ brtson pa btang ba nyid do/ /khyim med pa pa'i skyon ni lnga ste/ mngon par mi dga' ba'i skyon dang/ rnyed pa dang bkur sti la lhag par chags pa'i skyon dang/ shes kyi khe tshol ba'i skyon dang/ khyad du gsod pa'i skyon dang/ mngon pa'i nga rgyal gyi skyon no/ /khyim pa'i skyon yang lnga ste/ lhag par chags pa'i skyon dang/ bar du gcod pa'i 'dod pa la bsten pa'i skyon dang/ yongs su 'dzin pa'i skyon dang/ nyes par spyod pa la sbyor ba'i skyon dang/ legs par spyod pa la mi sbyor ba'i skyon no/ /byis pa'i rtags ni bzhi po 'di dag yin te/ legs par bya ba mi byed pa dang/ nyes par bya ba byed pa dang/ 'dren mar byed pa dang/ gcig tu legs par bya ba de nyid yang dag pa ji lta ba bzhin yongs su mi shes pa'o/ /gzhan yang byis pa'i rtags bzhi ste/ 'di lta ste/ blo gros ma nges pa dang/ blo gros log par rnam par nges pa dang/ sbyor ba mi rtsom pa dang/ tshul 'chos ba'o/ /gzhan yang byis pa'i rtags bzhi ste/ 'di lta ste/ gnas ma yin pa la dga' ba dang/ gnas ma yin pa la mya ngan byed pa dang/ zhugs pa la nges pa dang/ dang po nas mi rtog pa'o/ /gzhan yang byis pa'i rtags lnga ste/ log par mngon par rtog pa dang/ log par bcom pa dang/ de'i ngal ba phal cher 'bras bu med pa dang/ des mya ngan byed pa dang/ byis pa phal cher bsod nams chung zhing ? rje chung ba'o/ /'khor ba ni rgya mtsho dang chos mthun ba lngas rgya mtsho'i ming 'thob ste/ spyod yul tshad med par chos mthun pa dang/ gting slebs dka' bar chos mthun pa dang/ btud? du mi rung bar chos mthun pa dang/ rin po che chen po'i gnas yin par chos mthun pas so/ /chos kyi sbyin pa ni rgyu lngas zang zing gi sbyin pa las khyad par du 'phags pa yin te/ zang zing gi sbyin pa ni gzhan gyi sems kyi rgyud la nyes par spyod pa kun nas slong bar byed pa yin gyi chos kyi sbyin pa ni legs par spyod pa nges par kun nas slong bar byed pa'i phyir dang/ zang zing gi sbyin pa ni gzhan gyi sems kyi rgyu de la nyon mongs pa kun nas slong ba byed pa yin gyi/ chos kyi sbyin pa ni nyon mongs pa'i gnyen po yin pa'i phyir dang/ zang zing gi sbyin pa ni gzhan gyi sems kyi rgyud la rgyun tu kha na ma tho ba dang bcas pa'i bde ba skyed par byed pa yin gyi chos kyi sbyin pa ni rgyun tu kha na ma tho ba med pa'i bde ba bskyed pa'i phyir dang/ zang zing gi sbyin pa ni sangs rgyas rnams 'byung ba yod kyang rung/ med kyang rung mod pa yin gyi chos kyi sbyin pa ni sangs rgyas 'byung ba med na dkon pa'i phyir dang/ zang zing gi sbyin pa ni byin na zad pa'i chos can yin gyi chos kyi sbyin pa ni mi zad pa'i chos can yin pa'i phyir ro/ /sems lnga la ni dbang bsgyur bar bya'i sems de dag gi dbang du ni mi 'gyur bar bya ba yin te/ nyes par spyod pa'i sbyor ba las byung ba'i sems nye bar spyod pa la 'jug pa dang/ legs par spyod pa'i sbyor ba las byung ba'i sems legs par spyod pa la mi 'jug pa dang/ 'dod pa yongs su tshol ba'i sbyor ba las byung ba'i sems chos ma yin pas bab tshol du 'dod pa yongs su tshol ba la 'jug pa dang/ 'dod pa la longs spyod pa'i sbyor ba las byung ba'i sems chags pa nas nyes dmigs su mi lta ba dang/ nges pa'i 'byung ba rab tu mi shes pa'i bar gyis longs spyod pa la 'jug pa dang/ mngon par 'byung ba dang/ rab tu dben pa'i spyod ba las byung ba'i sems mngon par 'byung ba dang/ rab tu dben pa la phyir ldog cing 'dod pa rnams dang/ bsam gtan gyi ro myang ba la 'jug pa'o/ /nyon mongs pa'i gdon ni rgyu lngas 'byung po'i gdon las khyad par du 'phags pa yin te/ 'byung po'i gdon gyis zin pa ni gcig la gdon gcig gis zin pa yin gyis nyon mongs pa'i gdon gyis zin pa ni gcig la nyon mongs pa'i gdon du mas zin pa yin pa dang/ gzhan yang 'byung bo'i gdon gyis zin pa'i 'byung po'i gdon ni gsang sngags dag gam sman dag gam/ yo byad dag gis bsgrub sla ba yin gyi nyon mongs pa'i gdon gyis zin pa'i nyon mongs pa'i gdon ni bsgrub tu mi rung ba yin pa dang/ gzhan yang 'byung bo'i gdon gyis zin pa'i 'byung po'i gdon ni zin ba tsam kho nas byis pa dang/ bye'u dag yan cad kyis kyang rnam par shes pa sla ba yin gyi/ nyon mongs pa'i gdon gyis zin pa'i nyon mongs pa'i gdon ni 'jig rten gyi mkhas pa rnams kyis kyang rnam par shes pa dka' ba yin pa dang/ gzhan yang 'byung po'i gdon gyis zin pa'i gdon glo bur ba ste/ lhan cig skyes pa ma/ yin pa dang/ des de'i dang tshul du mi 'gyur ba yin gyi/ nyon mongs pa'i gdon gyis zin pa'i nyon mongs pa'i gdon ni glo bur ba ma yin pa ste/ lhan cig skyes pa dang/ des de'i dang tshul du 'gyur ba dang/ gzhan yang 'byung po'i gdon gyis zin pa'i 'byung bo'i gdon ni de las gzhan pa'i sems can thams cad dang thun mong ma yin pa yin gyi/ nyon mongs pa'i gdon gyis zin pa'i nyon mongs pa'i gdon ni de las gzhan pa'i sems can thams cad dang thun mong yin pas so/ /dge slong tshul bzhin ma yin pa sems pa la zhugs pa bden pa dang/ gnas pa las bdag nyid dmigs nas/ 'dogs par byed pa'i bslu ba ni rnam pa lngar rig par bya ste/ mu stegs can gyi bstan pa la 'jug pa dang/ mu stegs can gyi lta ba 'dzin pa dang/ gal te mi mjug na yang mu stegs can rnams dang/ chos mthun par 'gyur ba dang/ zhugs na yang nges par 'byin pa ma yin pa'i lam du zhugs par 'gyur ba dang/ ma zhugs na yang rgyu gnyis kyis chos 'di ba rnams dang ris mi mthun pa'i chos can du gyur ba ste/ bden pa mngon par rtogs pa'i gzhi log par bsgrub pa dang/ bden pa mngon par rtogs pa log par bsgrub bas so/ /'dod pa sbyod pa dang/ bsod nams spyod pa dang/ phan tshun gnas pa'i spyod pa las brtsams nas/ rjes su chags pa dang/ khong khro ba'i kun nas nyon mongs ba rnam ba drug dang/ gzhi bzhi dang/ gnyen po rnam pa lnga yod par rig par bya ste/ rjes su chags pa dang/ khong khro ba'i kun nas nyon mongs pa rnam pa drug gang che na/ yul la 'dod chags ba ste/ nges bar du gcod pa'i 'dod ba rnams la brten par byed pa dang/ dgra la zhe sdang ba ste/ des gnod pa byed pa'i sems can rnams la gnod sems sgrub par 'gyur ba dang/ dag la 'dod chags pa ste/ des dag gis yongs su bsdus pa'i sems can gzhan gyi dbang du gyur ba rnams la rnam par 'tshe ba dang/ rnam par 'tho 'tsham ba sgrub par byed pa dang/ lhas ba la zhe sdang ba ste/ des bde ba lhag pa dang/ dga' ba lhag pa'i sems can rnams la 'byor ba de ni/ 'dod cing bdag nyid 'dod pas phrag dog gi rang bzhin gyis mi dga' ba dang mngon par 'dre bar byed pa dang/ yon tan dang ldan pa la 'dod chags pa dang/ skyon dang ldan pa la zhe sdang ba ste/ des sems mi mnyam pas dge 'dun la sbyin ba dag sbyin zhing/ bsod nams dag byed pa dang/ gcig la gcig legs par byas pa dang/ nyes par byas pa byas pa dang/ ma byas pa la klan ka tshol bas sdug bsngal ba dang/ bde ba la reg par mi gnas pa'o/ /gzhi bzhi gang zhe na/ rnam pa dang po'i gzhi ni yul bzhi no/ /rnam pa lhag ma rnams kyi gzhi ni sems can yin no/ /rnam ba dang po gnyis kyi gzhi ni kun nas nyon mongs pa cha gcig ba nyid yin no/ /rnam pa lhag ma rnams kyi gzhi ni kun nas nyon mongs pa cha gnyis pa nyid yin no/ /gnyen po rnam pa lnga gang zhe na/ mi sdug ba dang/ byams pa dang/ snying rje dang/ dga' ba dang/ btang snyoms so/ /rnam grangs gzhan yang rjes su chags pa dang/ khong khro ba'i kun nas nyon mongs pa rnam pa drug dang/ gnyen po rnam pa lnga yod par rig pa ste/ rnam pa drug gang zhe na/ 'dod chags kyi dngos po dang/ zhe sdang gi dngos po dang/ 'dod chags dang/ zhe sdang dang/ gti mug gi kun nas nyon mongs pa la 'dod chags pa dang/ kun tu 'dod chags pa med pa dang/ kun tu zhe sdang ba med pa dang/ kun tu gti mug pa med pa'i kun nas nyon mongs pa med pa la 'dod chags pa dang/ kun tu 'dod chags pa med pa dang/ kun tu zhe sdang ba med pa dang/ kun tu gti mug pa med pa'i kun nas nyon mongs pa med pa la zhe sdang ba med pa dang/ 'dod chags dang/ zhe sdang dang/ gti mug gi kun nas nyon mongs pa la zhe sdang ba'o/ /gnyen po rnam pa lnga gang zhe na/ mi sdug pa dang/ byams pa dang/ yid la byed pa gsum ste/ kun nas nyon mongs pa phyin ci log par yid la byed pa dang/ kun nas nyon mongs pa med pa phyin ci ma log par yid la byed pa dang/ kun nas nyon mongs pa dang/ kun nas nyon mongs pa med pa gnyis la sems phyin ci log tu ma gyur pa'i de la 'dod chags dang/ zhe sdang yal bar 'dor ba yid la byed pa'o gang zag bzhi'i rab tu 'byung ba la yon tan lnga yod par rig par bya ste/ gang zag bzhi gang zhe na/ rang dbang can dang/ gzhan gyi dbang du gyur ba dang/ yongs su smin pa dang/ yongs su ma smin pa'o/ /rab tu 'byung ba'i yon tan lnga ji ltar rig par bya zhe na/ gang zag rang dbang can rab tu byung na rgyal po la sogs pa dang/ thun mong ba'i longs spyod dag spangs nas/ de dag dang thun mong ma yin pa'i tshul khrims dag la gnas par 'gyur te/ de ni yon tan dang po yin no/ /gang zag gzhan gyi dbang du gyur pa rab tu byung na gzhan gyi dbang dang/ tshig 'og na 'dug pa spangs nas/ dbang dang tshig 'og na 'dug pa la rang dbang yod par khas blangs par 'gyur te/ de ni yon tan gnyis pa yin no/ /gang zag yongs su smin ba rab tu byung na gal te kun tu sbyor ba lhag ma ma lus shing sdug bsngal thams cad kyi mthar phyin pa thob par gyur na/ de ni yon tan gsum pa yin no/ /gal te kun tu sbyor ba lhag ma bcas shing/ ngan song ba'i sdug bsngal gyi mthar phyin pa rdzas su thob par gyur na/ de ni yon tan bzhi pa yin no/ /gang zag yongs su ma smin pa rab tu byung na tshe 'di la khyim gyi gnod pa dang/ sdug bsngal rnam pa du ma dag las yongs su grol zhing 'di lta ste/ phyi ma lta rgyud yongs su smin par 'gyur ba'i thar pa'i cha dang mthun pa'i rtsa ba rnam pa du ma dag sogs par 'gyur te/ de ni yon tan lnga pa yin/ /zag pa dang bcas pa'i 'du byed thams cad ni sdug bsngal nyid rnam pa gsum gyi rnam pa dgu dang rjes su 'brel par rig par bya ste/ sdug bsngal nyid rnam pa gsum gang zhe na/ sdug bsngal gyi sdug bsngal nyid dang/ 'du byed kyi sdug bsngal nyid dang/ 'gyur ba'i sdug bsngal nyid do/ /rnam pa dgu gang zhe na/ sdug bsngal nyid gsum po re re'i rnam pa gsum gsum dang/ zeg pa dang bcas pa'i 'du byed thams cad rjes su 'brel bar gyur ba de dag ni rnam pa dgu yin te/ 'chi 'pho dang rjes su 'brel ba dang/ ngan song ba'i rgyu kun nas slong ba dang rjes su 'brel pa dang/ ngan song du skye ba dang rjes su 'brel pa dang/ mi rtag pa'i chos nyid kyis mi rtag pa dang/ rjes su 'brel ba dang/ sdug bsngal gyi chos nyid kyis sdug bsngal dang rjes su 'brel ba dang/ bdag med pa'i chos nyid kyis bdag med pa dang rjes su 'brel pa dang/ ro myang ba'i gnas lta bu'i 'du byed rnams kyi bde ba 'byung ba dang/ gnas pa dang rjes su 'brel pa dang/ 'gyur ba'i sdug bsngal de nyid la brtan nas mkhas pa rnams kyis kyang nges par 'byung ba yongs su ma zin pa nyid dang rjes su 'brel pa'o/ /dge slong 'khor gyi nang du rgyu ba ni yan lag bzhi dang ldan na/ 'khor la yang dag par rjes su ston pa dang/ 'khor yongs su sdud par 'os pa dang/ bdag la phan pa dang/ gzhan la phan pa'i phyir zhugs pa yin te/ bzhi gang zhe na/ nye ba'i nyon mongs pa dben pa dang/ des pas mi dben pa dang/ dge ba'i chos skyes pa rnams gnas pa dang/ mi brjed pa dang/ bsgom pa yongs su rdzogs par bya ba dang/ phyir zhing 'phel ba dang yangs par bya ba'i phyir nye bar rten pa nye bar bsgrub pa dang/ dge ba'i chos ma skyes pa rnams bskyed pa'i phyir nye bar ston pa bsgrub pa'o// ji ltar na dge slong nye ba'i nyon mongs pa rnams kyis dben pa yin zhe na/ nye ba'i nyon mongs pa ni lnga po 'di dag yin te/ khyim na 'dug na chags pa dang/ tshul khrims nyams pa dang/ sngon nyams su myong ba rjes su dran pa'i kun tu rtog pa dang ldan pa'i tshul bzhin ma yin pa yid la byed pa dang/ ma 'ongs pa'i yul la yongs su 'chums pa'i brnab sems dang/ yid mi bde ba dang/ chos la ser sna byed pa'o/ /byis pa 'byung ba dang/ 'byung ba las gyur pa'i gzugs rang gi mtshan nyid las yang dag pa ji lta ba bzhin mi shes pa gang yin pa ni pha dang/ ma dang bu dang/ chung ma nas mdza' bshes dang/ gros grogs dang/ nye du dang/ rgan rabs kyi bar dag yin no/ /snyam du rlom sems byed pas/ gzhi des khyim na 'dug na chags pa skyed par byed do/ /mkhas pa gzugs rang gi mtshan nyid tsam du sems can gyi 'du shes med pa la ni de mi 'byung ste/ de lta bas na de ni nye bar nyon mongs pa dang po des dben pa yin te/ 'di ltar gzugs kyi rang bzhin rnam par gzhag pa so sor gnas pa rnam pa sna tshogs la brten nas/ shin tu yun ring bar mthong ngam/ gzhan dag dang 'bres par mthong nas 'di snyam du sems te/ bdag gi pha dang ma dang bu dang chung ma nas rgyas par mdza' bshes dang/ gros grogs dang/ nye du dang/ rgan rabs kyi bar dag ni gzhan yin no snyam pa dang gzugs med par skyes pa'i sems can rnams la ni med do snyam du sems pa'i phyir ro/ /gzhan yang byis pa ni byis pa'i mtshan nyid kyang yang dag pa ji lta ba bzhin rab tu mi shes la/ mkhas pa'i mtshan nyid kyang yang dag pa ji lta ba bzhin rab tu mi shes te/ des de dag yang dag la ji lta ba bzhin rab tu mi shes pas/ nyes par bsam pa sems par/ nyes par smra ba brjod pa dang/ nyes par bya ba'i las byed pa dang/ lus dang ngag dang yid kyi kun tu spyad pa yongs su ma dag ba dang/ tshul khrims dang 'tsho ba yongs su ma dag pa yin gyi mkhas pas ni de dag yang dag pa ji lta ba bzhin rab tu shes pas snga las brlog pa yin par rig par bya ste/ de lta bas na nye ba'i rton mongs pa gnyis pa'i dben pa yin no/ /gzhan yang byis pa ni tshul bzhin ma yin pa yang dag pa ji lta ba bzhin rab tu mi shes la/ tshul bzhin yang tshul bzhin du yang dag ba ji lta ba bzhin rab tu mi shes pas 'dod pa'i 'dod chags kyi gnas lta bu'i tshe yi du 'ong ba sngon nyams myong bdag la tshul bzhin ma yin par yid la byed cing 'dod pa'i rnam par rtogs pas rnam par rtog par byed bar du len par byed de/ spong bar mi byed sel bar ma byed byang bar mi byed pa dang/ gnod sems kyis gnas lta bu'i yid du mi 'ong ba dag la gnod sems kyi rnam par rtog pas rnam par rtog pa dang/ rnam par 'tshe ba'i gnas lta bu yid du mi 'ong ba dag la rnam par 'tshe ba'i rnam par rtog pas rnam par rtog par byed de/ lhag ma rnams ni snga ma bzhin du shes par bya ste/ mkhas pa ni tshul bzhin ma yin pa yang tshul bzhin ma yin par yang dag pa ji lta ba bzhin rab tu zhes la/ tshul bzhin yang tshul bzhin du yang dag par ji lta ba bzhin rab tu shes pas/ ji skad bstan pa'i tshes ston nyams su myong ba de ni/ rjes su dran par yang mi byed la tshul bzhin du yang yid la byed do/ /brjod ngas bas pa rgyal 'dod pa'i rnam par rtog pa nas rnam par 'tshe ba'i rnam par rtog pa'i bar gang yin pa de la dmigs pa skyes na yang dang du mi len par spong bar byed/ sel bar byed byang bar byed de/ de lta bas na de ni nye ba'i nyon mongs pa gsum pa des dben pa yin no/ gzhan yang byis pa ni dbang po sdom pa'i phan yon yang yang dag pa ji lta ba bzhin rab tu mi shes la/ ma bsdams pa'i nyes dmigs kyang yang dag pa ji lta ba bzhin du mi shes pas/ so so'i yul da ltar byung ba mngon du gyur pa la rjes su chags pa dang khong khro bdag gis sems kun nas nyon mongs pa can du 'gyur ba dang/ gzugs la sogs pa yul yid 'du 'ong ba dag la lta bar 'dod pa de la yid du mi 'ong ba ni ma mthun pa yin pas de ltar yid du 'ong ba 'dod pa gang yin pa de ni de'i brnab sems yin par rig par bya la/ de ltar brnab sems dang ldan pa ni yul gzhan nye bar gyur pa na yid mi dga' bas yid ma bde bar yang 'gyur gyi/ mkhas pa ni de las bzlog pas snga ma'i tshul bzhin du blta bar bya ste/ de lta bas na de ni nye ba'i nyon mongs pa bzhi pa des dben pa yin no/ /gzhan yang byis pa ni chags pa dam pa ma yin pa'i chos kyi nyes dmigs yang dag pa ji lta ba bzhin rab tu mi shes shing/ de las gzhan pa'i ser sna bzhis dad ba na chos la yang ser sna byed pa yin gyi/ mkhas pa ni de'i nyes dmigs yang dag pa ji lta ba bzhin rab tu shes pa de las gzhan pa'i ser sna bzhi skyes na yang dang du mi len na/ chos la ser sna byed par lta ga la 'gyur te/ de ltar chos la ser sna dang bral ba de ni gang zag chos 'dod pa rnams la ston pa'i bstan pa mdo sde dang 'dul ba dang ma mo dang ldan pa'i lung 'bog par byed/ 'dzin du 'jug par byed pa nas rgyas par rgyun mi 'chad bar stan pa'i bar du byed cing/ slob dpon gyi dpe mkhyud kyang mi byed de de lta bas na de ni nye ba'i nyon mongs pa lnga po des dben ba yin no/ /de ltar na dge slong nye ba'i nyon mongs pas dben pa'i yan lag dang po dang ldan pa yin no/ / //bam po sum cu gcig pa/ /ji ltar na dge slong shes pa rnams kyis mi dben pa yin zhe na/ shes pa ni bzhi po 'di dag yin te/ bzhi gang zhe na/ dang por nye ba'i nyon mongs pa can ma yin pa'i sems kyi rgyud kyis 'phags pa'i lam yan lag brgyad pa rtogs pa las brtsams nas shes pa dang po'o/ /'phags pa'i lam yan lag brgyad pa thob par bya zhing 'grub par bya ba las brtsams nas shes pa gzhan gsum mo/ /dge slong so so'i skye bor gyur ba na 'di snyam du sems te/ 'phags pa'i lam yan lag brgyad pa ni sangs rgyas bcom ldan 'das rnams kyi 'dul ba 'phags pa 'di la yod kyi 'di las phyi rol pa mu stegs can thams cad kyi gnas kyi gzhung rnams la ni med do/ /gang la 'phags pa'i lam yan lag brgyad pa yod pa de la ni dge sbyong gi tshul gyi 'bras bu dang/ dge sbyong gi tshul dang/ dge sbyong gyi tshul gyi don mya ngan las 'das pa yang yod pa bdag gis dge sbyong gi 'bras bu dang/ dge sbyong gi tshul dang/ dge sbyong gi tshul gyi don rnams thob par bya ba'i phyir 'phags pa'i lam yan lag brgyad pa bskyed par bya zhing rnam par sbyang bar bya gor ma chag snyam du sems te/ des rnam pa de dag gis 'phags pa'i lam yan lag brgyad pa shes pa gang yin pa de ni 'phags pa'i lam yan lag brgyad pa rtogs pa las brtsams nas shes pa dang po'i zhes bya'o/ /des shes pa de nyid la brten cing gnas nas 'phags pa'i lam yan lag brgyad pa de ltar rig pa de thob par bya zhing grub par bya ba'i phyir shes pa gzhan gsum po thos pa las byung ba'i shes pa dang/ bsams pa las byung ba'i shes pa dang/ bsgoms pa las byung ba'i shes pa dag gi spro bar byed/ rtsol bar byed/ 'bad par byed de/ des thos pa las byung ba'i shes bas brtson par byed pa nas thos pa las byung ba'i shes pa rnam par dag par bya ba'i phyir/ de bzhin gshegs pas gsungs pa'i chos 'dul ba la rton pa'i tshe/ dam pa'i chos mnyan pa'i skabs su bab pa na song zhing bsnyen bkur byas te nyen par byed cing/ dga' ba dang mchog tu dga' ba rgya chen po dge ba mngon par 'byung ba dang ldan pa thob par byed do/ /de la rang gi mtshan nyid chog yin pas na rgya che ba'o/ /kha na ma tho ba med pas na/ dge ba'o/ /mya ngan las 'das pa dang ldan pas na mngon par 'byung ba dang ldan pa yin no/ /bsams pa las byung ba'i shes pas brtson par byed pa'i tshe na ni/ bsams pa las byung ba'i shes pa nyid rnam par dag par bya ba'i phyir gang na dge slong mdo sde dang 'dul ba dang ma mo 'dzin pa/ mdo sde dang 'dul ba dang ma mo'i 'brel pa'i gtam rnam par gtan la 'bebs par byed pa dag 'dus te/ 'khod par gyur ba der song zhing de dag la bden pa dag la brtsams te/ yongs su 'dri bar byed do/ /de dag gis kyang de la bden pa de dag gi rang gi mtshan nyid rtogs par bya ba'i thabs rnam par gzhag pa las dang po kho nar ma rtogs pa rnams ni rtogs par byed la rtogs pa rnams ni mi brjed par bya ba'i don gcig gis tshig 'bru tha dad bye brag tu rtogs par bya bas yongs su byang bar byed cing/ bdag med pa dang ldan pa bden pa mngon par rtogs par byed pa don gyi tshig zab pa shes rab kyi rtogs par byas nas/ de bzhin gshegs pas gsungs pa'i chos dang tshig stong pa nyid dang ldan yang ston par byed do/ /de thos pa las byung ba dang/ bsams pa las byung ba'i shes pa rnam par dag pa'i phyir/ bsgoms pa las byung ba'i shes pa yang dag par brtsams pa'i phyir dang/ rnam par dag par bya ba'i phyir nang gi lus la lus kyi rjes su lta zhing gnas pa nas rgyas par dran pa nye bar gzhag pa bzhi'i bar dag bsgom par rig par bya ste/ 'phags pa'i lam yan lag brgyad pa thob par bya zhing grub par bya ba las brtsams nas shes pa gsum po de dag yin te/ de ltar na dge slong shes pa rnams kyis mi dben pa yin no dge ba'i chos skyes pa rnams gnas par bya ba dang/ bsgom pa yongs su rdzogs par bya ba dang/ phyir zhing 'phel ba dang/ yangs par bya ba'i phyir nye bar rton pa gang zhe na/ zang zing gi longs spyod la brtsams nas/ sbyin pa po dang sbyin bdag dang pa dag las chos gos la sogs pa blang ba la tshong rig pa gang yin pa de ni de dag gi nye bar rton pa zhes bya'o/ /de ci'i phyir zhe na/ 'di ltar gzhi des dge slong lus mi ngal ba dang/ sems las su rung ba dang/ kun nas nyon mongs pa can ma yin pa'i sems skye bar 'gyur la/ dge ba'i chos de las kyang yongs su nyams par mi 'gyur zhing/ mngon par 'phel bar 'gyur ba'i phyir ro/ /dge ba'i chos ma skyes pa rnams bskyed pa'i phyir nye bar rton pa gang zhe na/ dge slong nas rgan pa tshul khrims kyis rgan pa/ dga' ba thams cad kyi nang na mya ngan las 'das pa la dga' ba mchog yin par shes pa/ lam shin tu bsgom pa/ mngon pa'i nga rgyal med pa gang yin pa de dag la 'dud pa dang/ rim gro byed pa dang legs par smras pa'i rjes su yi? rang bang byed pa dang/ g.yo mi byed pa dang klan ka tshol ba'i sems med pa nyid gang yin pa de ni de dag bskyed pa'i phyir nye bar rton pa zhes bya'o/ /de ci'i phyir zhe na/ 'di ltar de dag la de ltar legs par 'jug pa'i dge slong ni de dag las dge ba'i chos byang chub kyi phyogs dang mthun pa ma skyes pa rnams myur ba kho nar bskyed par bya ba'i phyir dus dus su rjes su mthun pa'i gang bas dag dang rjes su bstan pa thob par 'gyur ba'i phyir ro/ /de ltar na yan lag bzhi pa de dag yod na bcu gcig pa 'gyur la/ bcu gcig yod na yang bzhir 'gyur ro/ /don ni rnam pa bdun te/ rnam par dpyad par bya ba dang/ blang bar bya ba dang/ gsal bar bya ba dang/ bsgrub par bya ba dang/ bzlog par bya ba dang/ kun tu gzung bar bya ba dang/ bsdu bar bya ba'o/ /yid bde ba ni rnam pa bdun te/ thos pa las byung ba dang/ bsams pa las phyung ba dang/ bsgoms pa las byung ba dang/ sgrib pa med pa las byung ba dang/ 'brel pa'i gtam las byung ba dang/ rang gi yon tan rjes su dran pa las byung ba dang/ dman pas tshog? mi shes pa las byung ba'o/ /chos ni rnam pa lnga ste/ bshad pa'i chos dang tshul gyi chos dang/ gzung ba'i chos dang/ longs spyod kyi chos dang/ thob pa'i chos so/ /mnga' 'phang ba ni yon tan gsum gyi phun sum tshogs pa yin te/ gzhu'i yon tan dang/ mnga' i yon tan dang/ 'phen pa'i yon tan gyis so/ /de la gzhu'i yon tan ni gnyis te/ rgyu bzang po dang ldan pa dang/ legs par mthar phyin par byas pa'o/ /mnga' i yon tan gcig ste/ legs par mthar phyin par byas pa nyid do/ /'phen pa'i yon tan ni gsum ste/ 'phod mthar phyin pa dang/ 'phod la goms pa dang/ 'pho ba? slob dpon las bslab pa'o/ /de bzhin gshegs pa ston pa ni rnam pa gsum ste/ dus yun ring du ston pa dang/ rgyun mi 'chad par ston pa dang/ mi zlos par ston pa'o/ /de bzhin gshegs pa rnams kyi chos ston pa ni tshul gsum gyis dpag tu med pa yin te/ don sna tshogs pa nyid kyi tshul dang/ tshig 'bru sna tshogs pa nyid kyi tshul dang/ rgol ba'i lan sna tshogs pa nyid kyi tshul gyis so/ /lam du zhugs pa'i gnyen po ni rnam pa lngar rig par bya ste/ nyi ma'i gnyen po dang bgrod dka' ba'i gnyen po dang/ chu rlung gi gnyen po dang/ skom pa'i gnyen pa dang/ lus ngal ba'i gnyen po'o/ /tshul khrims rnam pa gnyis ni bde 'gror 'gro bar 'gyur ba yin te/ tshul khrims yang dag par blangs pa nyid dang/ tshul khrims ma ral ba nyid do/ /'dod pa la longs spyod pa'i tshe 'di'i don ni gsum ste/ longs spyod rnams bsgrub pa dang/ kun tu bsrung ba dang/ longs spyod de la chags pa med pa'o/ /tshe'i tshad ni rnam pa gnyis te/ ring ba dang thung ba'o/ /gnas skabs 'gyur pa yang rnam pa gnyis te/ rags pa dang phra ba'o/ /shes pa'i yon tan yang gnyis te/ don yang dag par rtogs pa'i yon tan dang/ ngo bo nyid kyi yon tan no/ /de la don yang dag par rtogs pa'i yon tan ni myur du yang dag par rtogs pa dang/ nges par yang dag par rtogs pa dang/ cha phra ba yang dag par rtogs pa'o/ /de la ngo bo nyid kyi yon tan ni mnyam par gzhag pa'i sa pa dang/ yongs su mi nyams pa dang/ 'jig rten las 'das pa dang/ legs par bsgoms pa dang/ rang gi spyod yul la nyams pa med pa dang/ rang gi rigs dang mthun pa ni dge ba'i rtsa bas khyad par du 'phags pa dang/ gzhan gyi rigs dang mthun pa'i dge ba'i rtsa bas khyad par du 'phags pa'o/ /bltos pa rnam pa gsum gyi gnyen po ni dran pa nye bar gzhag pa bzhi bsgom pa ste/ grogs la bltos pa dang/ rnyed pa la bltos pa dang/ yang 'byung ba'i srid pa gzhan la bltos pa'i 'o/ /sbyor ba dang mngon par rtogs pa dang/ rgyud las te/ 'dod pa'i 'dod chags dang/ ma rig pa'i gnyen pos sbyor ba dang rnam par ma gzhag pa dang/ rnam par gzhag pa'i bden pa rnams mngon par rtogs pa dang/ 'dod chags dang bral ba dang/ 'dod chags dang ma bral ba rnams kyi rgyud do/ /lus dang sa dang gnyen po las te/ ting nge 'dzin la mi brtson pa dang/ brtson pa dang thob pa dang/ ma thob pa las lus rnam par dag pa la sgrib pa dang/ yid la byed pa rnam par dag pa la sgrib pa dang/ de la sgrib pa'i gnyen po las so/ /mngon par rtogs pa rnam pa drug po bsams pa mngon par rtogs pa nas mthar thug pa'i mngon par rtogs pa'i bar du gang gsungs pa de la/ bsam pa mngon par rtogs pa'i rtags gang zhe na/ smras pa bsam pa mngon par rtogs pa dang ldan pa ni so so'i skye bor gyur pa nyid nas 'du byed thams cad mi rtag pa dang/ sdug bsngal ba dang/ chos thams cad bdag med pa dang mya ngan las 'das pa zhi ba'o zhes bya ba la/ ji nas kyang de las gzhan pa'i dge sbyong ngam bram ze 'am lha 'am bdud dam tshangs pa 'am sus kyang 'jig rten na chos dang mthun pas mi 'phrogs pa de ltar nges par gyur pa yin no/ /dad pa mngon par rtogs pa'i rtags gang zhe na/ smras pa/ dad pa mngon par rtogs pa dang ldan pa ni so so'i skye bor gyur pa yang rung/ so so'i skye bor gyur pa ma yin par yang rung ste/ tshe 'di 'am tshe 'di dang phyi ma la ston pa gzhan dang legs par gsungs pa'i chos gzhan dang dge 'dun legs par zhugs pa gzhan yod do zhes snyad 'dogs mi srid pa yin no/ /tshul khrims mngon par rtogs pa'i rtags gang zhe na/ smras pa/ tshul khrims mngon par rtogs pa dang ldan pa ni bsams bzhin du dud 'gro'i skye gnas su skyes pa'i srog chags kyis srog gcod pa dang/ ma byin par len pa dang/ 'dod pa rnams la log par g.yem pa dang/ shes bzhin du brdzun smra ba dang/ chang dang bcos pa'i chang dang/ sbyar ba'i chang dang/ bag med pa'i gnas la brten mi srid pa yin no/ /mngon par rtogs pa'i shes pa bden pa mngon par rtogs pa'i rtags gang zhe na/ smras pa/ mngon par rtogs pa'i shes pa bden pa mngon par rtogs pa dang ldan pa ni lta ba'i gnas byed pa dang/ rang gi rtogs pa la som nyi dang the tshom za ba dang/ skye ba'i gnas thams cad la dga' ba dang/ mtshan ma sbyong pas rnam par dag par yid ches pa dang/ nyan thos kyi theg pa 'am rang sangs rgyas kyi theg pa 'am theg pa chen po la skur pa 'debs shing spong ba dang/ ngan song ba'i las byed par yang mi srid pa yin na/ pha dang ma gsong ba la sogs pa mtshams med pa byed pa lta ga la srid de/ srid pa brgyad pa mngon par bsgrub pa'i bar du mi srid pa yin no/ /mngon par rtogs pa'i mdza' las byung ba'i shes pa bden pa mngon par rtogs pa'i brtags gang zhe na/ smras pa/ mngon par rtogs pa'i mdza' las byung ba'i shes pa bden ba mngon par rtogs pa dang ldan pa ni de la dri ba dris pa na/ 'jigs pa dang bag tsha ba skyed mi srid pa yin no/ /mthar thug pa'i mngon par rtogs pa'i rtags gang zhe na/ smras pa/ mthar thug pa'i mngon par rtogs pa dang ldan pa ni gnas lnga la spyod mi srid pa yin te/ bsams bzhin du srog chags kyi srog gcod pa dang/ ma byin par len pa dang/ mi tshangs par sbyor ba 'khrig pa'i chos la brten pa dang/ shes bzhin du rdzun gyi tshig smra ba dang/ gsogs 'jog gi longs spyod kyis 'dod pa rnams la longs spyod pa dang/ lung du ma bstan pa'i dngos po dag gis skrag pa dang/ bde ba dang sdug bsngal rang gis byas pa 'am gzhan gyis byas pa 'am/ rang dang gzhan gyis byas par yid ches pa dang/ bde ba dang sdug bsngal ngang? gis kyang ma byas gzhan gyis kyang ma byas par rgyu med pa las byung bar yid ches mi srid pa yin te/ de ltar de lta bu dang mthun pa dag ni mngon par rtogs pa de dag gi rtags dag yin par rig par bya'o/ /bsam pa mngon par rtogs pa'i ngo bo nyid gang zhe na/ smras pa/ bsams pa las byung ba'i shes rab chen po'i ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin no/ /dad pa mngon par rtogs pa'i ngo bo nyid gang zhe na/ smras pa/ 'jig rten pa dang 'jig rten las 'das pa'i dad pa chen po dkon mchog la dmigs pa'i ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin no/ /tshul khrims mngon par rtogs pa'i ngo bo nyid gang zhe na/ smas? ga? 'phags? pa dgyes pa'i lus dang ngag gi las kyi ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin no/ /mngon par rtogs pa'i shes pa bden pa mngon par rtogs pa'i ngo bo nyid gang zhe na/ smras pa/ rnam par ma gzhag pa'i bden pa la dmigs pa'i shes rab kyi ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin no/ mngon par rtogs pa'i mdza' las byung ba'i shes pa bden pa mngon par rtogs pa'i ngo bo nyid gang zhe na/ smras pa/ rnam par gzhag pa'i bden pa la dmigs pa'i shes rab kyi ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin no/ /mthar thug pa'i mngon par rtogs pa'i ngo bo nyid gang zhe na/ smras pa/ zad pa dang mi skye ba shes pa'i ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin te/ de ltar de ni mngon par rtogs pa de dag gi ngo bo nyid yin par rig par bya'o/ /mngon par rtog pa drug po de dag las/ du ni 'dod pa dang ldan pa yin/ du ni gzugs dang ldan pa yin/ du ni gzugs med pa dang ldan pa yin/ du ni ldan pa ma yin phyin? zhe na/ smras pa/ gcig ni 'dod pa dang ldan pa yin no/ /gcig gi phyogs gcig ni 'dod pa dang ldan pa yang yin/ gzugs dang ldan pa yang yin/ gzugs med pa dang ldan pa yang yin no/ /ldan pa ma yin pa yang yin no/ /gcig po de nyid kyi phyogs gcig dang lhag ma gsum ni ldan pa ma yin pa yang yin na/ /gcig ni ldan pa yang ma yin mi ldan pa yang ma yin no/ /mngon par rtogs pa drug po de dag las du ni mi lcogs pa med pa'i gnas la brten te dmigs pa yin/ du ni ci yang med pa'i skye mched kyi bar gyi gnas la brten te/ dmigs pa yin zhe na/ smras pa/ gcig ni gnas gang las kyang mi brten par dmigs pa yin no/ /lhag ma rnams ni gnas thams cad las brten nas dmigs pa yin te/ gsum dang gcig gi phyogs gcig ni gnas lnga las brten te skye'o/ /gal te mngon par rtogs pa'i shes pa bden pa mngon par rtog pa mtshan ma med pa'i phyir rnam par mi rtogs pa yin na/ ji ltar rtog pa dang bcas dpyod pa dang bcas pa'i gnas la brten te dmigs pa yin zhe na smras pa/ rtog pa dang dpyod pa la sogs pa bsam gtan mdza' dag tu de bzhin nyid yid la byed pa na snyoms par 'jug ste/ de'i phyir rtogs dang bcas dpyod pa dang bcas pa bsam gtan la brten te dmigs pa yin la/ de'i mtshan mas mtshan ma med pa dang rnam par rtog pa med pa yin par yang rig par bya'o/ /mngon? par rtogs pa de dag las du ni kun rdzob kyi bden pa la dmigs pa yin/ du ni don dam pa'i bden pa la dmigs pa yin zhe na/ smras pa/ gcig dang gcig gi phyogs gcig ni kun rdzob la dmigs pa yin no/ /gcig ni dmigs pa med pa yin no/ /gnyis dang gcig ni rnam par gzhag pa'i don dam pa'i bden pa la dmigs pa yin no/ /gcig ni rnam par ma gzhag pa'i don dam pa'i bden pa la dmigs pa yin no/ /mngon par rtogs pa de dag las du ni mtshan ma dang bcas pa yin du ni mtshan ma med pa yin zhe na/ smras pa/ bzhi ni mtshan ma dang bcas pa yin no/ /gcig ni mtshan ma med pa yin no/ /gcig ni mtshan ma dang bcas pa dang mtshan ma med pa yin no/ /mngon par rtogs pa de dag las du ni rnam par rtogs pa dang bcas pa yin/ du ni rnam par rtog pa med pa yin zhe na/ smras pa/ mtshan ma dang bcas pa dang/ mtshan ma med pa dag ji lta ba bzhin du rnam par rtog ma dang bcas pa dang/ rnam par rtog pa med pa dag kyang de bzhin du rig par bya'o/ /mngon par rtogs pa de dag las du ni yid bde ba dang ldan pa yin/ du ni bde ba dang ldan pa yin/ du ni btang snyoms dang ldan pa yin zhe na smras pa/ dang po ni yid bde ba dang ldan pa kho na yin no/ /lhag ma rnams ni yid bde ba dang/ bde ba dang btang snyoms dang ldan pa yin no/ /mdo par rtogs pa de dag las du ni rnam par sun 'byin pa yin no/ /du ni spong ba gnyen po yin/ du ni kun 'dzin pa gnyen po yin du ni thag sring ba gnyen po yin zhe na/ smras pa/ gnyis ni rnam par sun 'byin pa gnyen po kho na yin no/ /gcig gi spong ba dang kun 'dzin pa dang thag sring pa gnyen po yin no/ /gcig ni kun 'dzin pa dang thag sring ba gnyen po yin/ /gnyis ni gnyen po ma yin no/ /mngon par rtogs pa de dag las du ni kun nas dkris pa rnam par gnon pa'i gnyen po yin/ du ni bag la nyal yang dag par 'joms pa'i gnyen po yin zhe na/ smras pa/ gsum ni kun nas dkris pa rnam par gnon pa'i gnyen po yin no/ /gcig ni de gnyi ga'i gnyen po yin no/ /gnyis ni de gnyi ga'i gnyen po ma yin no/ /mngon par rtogs pa de dag las du zhigs dang sa la nyon mongs pa chung ngu dang 'bring dang chen po spang ba'i gnyen po yin zhe na/ smras pa gcig go /lhag ma rnams ni de dang mthun pa dang de'i grogs dag yin gyi spong ba'i gnyen po ni ma yin no/ /mngon par rtogs pa drug dang yongs su shes pa dgu la/ yongs su shes pa dgu gang zhe na/ 'dod pa dang ldan pa'i sdug bsngal dang kun 'byung ba mthong bas spang bar bya ba'i nyon mongs pa rnams spangs pa ni yongs su shes pa dang po'o/ /gzugs dang gzugs med pa dang ldan pa'i sdug bsngal dang kun 'byung ba mthong bas spang bar bya ba'i nyon mongs pa rnams spang bar ni yongs su shes pa gnyis pa'o/ /'dod pa dang ldan pa'i 'gog pa mthong bas spang bar bya ba'i nyon mongs pa rnams spangs pa ni yongs su shes pa gsum pa'o/ /'dod pa dang ldan pa'i lam mthong bas spang bar bya ba'i nyon mongs pa rnams spangs pa ni yongs su shes pa bzhi pa'o/ / gzugs dang gzugs med pa dang ldan pa'i 'gog pa mthong bas spang bar bya ba'i nyon mongs pa rnams spangs pa ni yongs su shes pa lnga pa'o/ /gzugs dang gzugs med pa dang ldan pa'o lam mthong bas spang bar bya ba'i nyon mongs pa rnams spangs pa ni yongs su shes pa drug pa'o/ tha ma'i cha dang mthun pa'i kun tu sbyor ba spangs pa ni yongs su shes pa bdun pa'o/ /gzugs kyi 'dod chags spangs pa ni yongs su shes pa brgyad pa'o/ /gzugs med pa'i 'dod chags spangs pa ni yongs su shes pa dgu pa'o/ /mngon par rtogs pa drug po de dag las du zhig yongs su shes pa gang gi 'bras bu yin zhe na/ smras pa/ gcig ni yongs su shes pa dgu'i 'bras bu yin no/ /lhag ma rnams ni 'bras bu ma yin no/ /mngon par rtogs pa de dag las spong ba gnyen po gang yin pa de ci skyes nas spong pa gnyan po yin nam/ 'on te ma skyes pas yin zhe na/ smras pa/ ma skyes pas ma yin no/ /skyes na yang dus phyis ni ma yin te/ 'di ltar nyon mongs pa spong ba dang gnyen po skye ba ni mgo mnyam du blta bar bya'o/ /de la gnyen po skyes pas nyon mongs pa spong ngo zhes bya bar ni nye bar gdags pa tha snyad gdags pa dang/ brdar gdags pa las bya ba yin no/ /mngon par rtogs pa de dag las du dag gis 'bras bu gang 'thob ce na/ smras pa/ gcig gis ni 'bras bu bzhi pa thams cad 'thob po/ /gcig ni dge sbyong gi tshul gyi 'bras bu thob pa yongs su rdzogs pa'i tshe 'byung ngo/ /lhag ma rnams ni gcig po 'thob pa'i grogs yin te/ 'thob pa'i sngon du 'gro ba yin/ /mngon par rtogs pa de dag las du dag gis dbang po rnams 'pho bar byed ce na/ smras pa/ gcig ma gtogs pa lhag ma thams cad kyis so/ /mngon par rtogs pa de dag las du dag gis mngon par shes pa la sogs pa yon tan khyad par can dag mngon par sgrub par byed ce na/ smras pa/ gcig ma gtogs pa lhag ma thams cad kyis/ /de la bsam pa mngon par rtogs pa ji'i las can du brjod par bya/ de bzhin du mthar thug pa'i mngon par rtogs pa'i bar yang ji'i las can du brjod par bya zhe na/ smras pa/ bsam pa mngon par rtogs pa ni yang dag par rtogs pas/ bsdus pa rnam par byang ba'i phyogs dang mthun pa'i dge ba'i chos skyed pa'i las can dang kha na ma tho ba med pa'i dga' ba dang mchog tu dga' ba skyed pa'i las can dang/ the tshom rnam par zlog pa'i las can dang/ bsgom pa'i rjes su 'jug pa'i las can dang/ de las gzhan pa'i mngon par rtogs pa dag skyed pa'i las can dang/ bde 'gror 'gro ba'i las can yin par rig par bya'o/ dad pa mngon par rtogs pa ni dkon mchog rnams la bsam pa dag pa nas mos pa mi g.yo ba bskyed pa'i las can dang/ yang dag par rtogs pas rnam par byang bar byed pa'i las can dang/ de dag las la la bde 'gror 'gro bar byed pa'i las can no/ /tshul khrims mngon par rtogs pa ni ngan song ba'i sdug bsngal las rnam par thar bar byed pa'i las can yin no/ /mngon par rtogs pa'i shes pa bden pa mngon par rtogs pa ni dge sbyong gi tshul gyi 'bras bu thams cad 'thob pa dang yon tan thams cad mngon par bsgrub pas rnam par byang bar byed pa'i las can dang/ de las gzhan pa'i mngon par rtogs pa dag bskyed pa'i las can dang/ bde 'gror rnam par smin pa'i 'bras bu ches 'od gsal ba mngon par 'grub par byed pa'i las can yin no/ /mngon par rtogs pa'i mdza' las byung ba'i shes pa bden pa mngon par rtogs pa ni rnam par gzhag pa'i bden pa dag la dris pa'i lan gdab pa la mkhas pa'i las can dang/ mngon par shes pa myur ba nyid kyi las can dang/ de'i gong ma'i mngon par rtogs pa dag skyed pa'i las can yin no/ /mthar thug pa'i mngon par rtogs pa ni tshe 'di la mchog tu bde bar gnas pa skyed pa'i las can dang/ sdug bsngal thams cad las rnam par thar par byed pa'i las can dang/ lus tha ma 'dzin pa'i las can yin no/ /bsam pa mngon par rtogs pa la rnam pa du yod/ de bzhin du mthar thug pa'i mngon par rtogs pa'i par la yang rnam pa du yod ce na/ smras pa/ bsam pa mngon par rtogs pa ni rnam pa du ma yod de/ 'di lta ste/ mdo'i sde la sems pa dang/ dbyangs kyis bsnyad pa'i sde dang/ lung bstan pa'i sde nas shin tu rgyas pa'i sde dang/ rnad? du byung ba'i chos kyi sde dang/ gtan la bab par bstan pa'i sde'i bar la sems pa dang/ sdug bsngal la sems pa dang/ kun 'byung ba dang 'gog pa dang/ lam la sems pa dang/ de bzhin nyid dang/ yang dag pa'i mdza' dang/ chos kyi dbyings la sems pa dang/ phung po dang khams dang skyed mched la sogs pa la sems pa dang/ nyan thos kyi theg ba la sems ba dang/ rang sangs rgyas kyi theg ba la sems pa dang/ theg ba chen po la sems ba dang/ de lta de lta bu dang mthun pa la sems pa dpag tu med par rig bar bya'o/ /dad pa mngon par rtogs pa ni 'das ba'i yang dag par rdzogs pa'i sangs rgyas rnams dang de dag gi chos dang de dag gi dge 'dun yang dag par rjes su dran ba dang/ 'das pa'i ji lta ba de bzhin du ma 'ongs pa dang da ltar byung ba dang/ 'jig rten gyi khams 'di dang de las gzhan pa phyogs bcu'i 'jig rten gyi khams dag gi yang dag par rdzogs pa'i sangs rgyas rnams dang/ de dag gi chos dang de dag gi dge 'dun yang dag par rjes su dran pa'i dad pa mngon par rtogs pa gang yin pa'o/ /tshul khrims mngon par rtogs pa ni rang bzhin gyis mi dge ba'i las kyi lam bcu spang ba'i rab tu dbye ba dang/ de bzhin du sems kyi rgyud kyi rab tu dbye ba rgyun du zhugs pa'i sems kyi rgyud nas/ dgra bcom pa nyid kyi bar gyi sems kyi rgyud dang/ rang sangs rgyas dang byang chub sems dpa' dang/ de bzhin gshegs pa'i sems kyi rgyud kyi rab tu dbye bas rnam pa du ma yod do/ /mngon par rtogs pa'i shes pa bden pa mngon par rtogs pa ni dran ba nye bar gzhag ba dang/ yang dag pa'i spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ lam gyi yan lag byang chub kyi phyogs dang mthun pa'i chos kyi rab tu dbye bas rnam pa du ma yod do/ /mngon par rtogs pa'i shes pa bden pa mngon par rtogs ba ji lta ba bzhin du mngon par rtogs pa'i mdza' las byung ba'i shes pa bden ba mngon par rtogs pa dang/ mthar thug pa'i mngon par rtogs pa yang de bzhin du rig bar bya'o/ /mngon bar rtogs pa de dag ming gang dang mngon bar brjod ba gang gis rnam par 'jog pa de'i ngo bo nyid yin par brjod par bya 'am/ 'on te de'i ngo bo nyid ma yin par brjod par bya zhe na/ smras ba/ tha snyad las ni de'i ngo bo nyid yin par brjod par bya'o/ /don dam bar ni de'i ngo bo nyid ma yin par brjod bar bya'o/ /de ci'i phyir zhe na/ 'di ltar chos nyid kyis chos thams cad kyi don brjod du med pa nyid yin pa'i phyir ro/ /de la bsam bar mngon bar rtogs pa rgyu gang las byung/ 'bras bu gang yin/ de bzhin du mthar thug pa'i mngon par rtogs pa'i bar yang rgyu gang las byung/ 'bras bu gang yin zhe na/ smras ba/ bsam pa mngon par rtogs pa ni sangs rgyas 'byung ba dang/ skyes bu dam pa la brten ba dang/ dam ba'i chos nyan pa dang/ sems kyi rgyud yongs su smin pa dang/ tshul bzhin yid la byed ba'i rgyu las byung ba yin no/ /las gang dang ldan pa de'i 'bras bu can no// bsam pa mngon par rtogs pa ji lta ba bzhin du mngon par rtogs ba thams cad kyang de bzhin du rig par bya'o/ /de la bye brag ni 'di yod de/ dad pa mngon par rtogs pa ni de las gzhan ba'i mngon par rtogs pa'i rgyu las byung ba yang yin no/ /de bzhin du tshul khrims mngon bar rtogs pa dang/ mngon par rtogs pa'i shes pa bden pa mngon par rtogs pa yang bsam pa mngon par rtogs pa'i rgyu las byung ba yang yin la/ nges? par 'byed pa'i cha dang mthun pa'i dge ba'i rtsa ba'i rgyu las byung ba yang yin/ rang gi rigs kyi rgyu las byung ba yang yin no/ /de bzhin du mngon par rtogs pa'i mdza' las byung ba'i shes ba bden pa mngon par rtogs ba yang mngon bar rtogs pa'i shes pa bden ba yang mngon par rtogs pa'i rgyu las byung ba yang yin no/ /mthar thug ba'i mngon par rtogs pa yang de bzhin no/ /mngon par rtogs ba drug dang/ mtshan nyid so sor rig ba la sogs pa'i yid la byed ba bdun po dag ci mngon bar rtogs pa drug gis yid la byed ba bdun bsdus sam/ 'on te yid la byed pa bdun gyis mngon par rtogs pa drug bsdus she na/ smras pa/ mngon par rtogs pa gnyis ni yid la byed ba gang gis kyang ma bsdus so/ /gcig ni dga' ba sdud pas bsdus so/ /gcig ni dga' ba sdud pa dang/ dpyod pa'i yid la byed pas bsdus so/ /gcig ni rab tu dben pa las byung ba dang/ dga' ba sdud pa dang/ sbyor ba mthar thug pas bsdus so/ /gcig ni sbyor ba mthar thug pa'i 'bras bus bsdus so/ /yid la byed pa lhag ma 'di lta ste mtshan nyid so sor rig pa'i yid la byed pa dang/ mos pa las byung ba'i yid la byed pa ni mngon par rtogs pa'i rgyu mthun pas bsdus pa yin pas mngon par rtogs pas ma bsdus par rig par bya'o/ /shes pa mdza' yas pa dang/ nges par 'byed pa'i cha dang mthun pa'i dge ba'i rtsa bdag mngon par rtogs pa gang gis bsdus she na/ smras pa/ gang gis kyang ma bsdus te/ de dag kyang mngon par rtogs pa'i rgyu mthun pa yin par rig par bya'o/ /bsam pa mngon par rtogs ba gang yin ba dang ba mngon par rtogs pa yang yin la/ dang pa mngon par rtogs pa gang yin pa de yang bsam pa mngon par rtogs pa yin nam zhe na/ smras pa/ mu bzhi ste/ de la bsam ba mngon par rtogs pa yin la dad pa mngon par rtogs pa ma yin pa ni dkon mchog la dmigs pa'i nges par sems pa ma gtogs ba/ de las gzhan pa la dmigs pa'i nges par sems ba'o/ /dad pa mngon par rtogs pa yin la bsam pa mngon par rtogs pa ma yin ba ni dkon mchog la dmigs pa'i dad pa thob ba dang bsgoms pa las byung ba gang yin ba'o/ /bsam pa mngon par rtogs pa yang yin la dad pa mngon par rtogs ba yang yin ba ni dkon mchog la dmigs ba'i nges par sems pa gang yin pa'o/ /rnam pa de dag ma gtogs pa ni mu bzhi pa yin no/ /tshul de nyid kyis de las gzhan pa'i mu bzhi dag kyang rig par bya ste/ nyan thos kyi sa las brtsams nas/ rnam par gtan la dbab pa'i lam la gcig bu sbyod pa dang/ tshig gong ma dang sbyor ba dang/ tshig 'og ma dang sbyor ba dang/ mu bzhi'i tshul ni dpag tu med bar rig par bya'o/ /ser sna dang dri ma de gnyis ka la ser sna'i dri ma zhes bya ste/ dri ma ni brgya zhing/ de dag gis dri ma can du gyur ba'i sems kyi rgyud ni ser sna'i gzhi'i gnas su gyur ba yin bas/ de'i phyir de dag ni ser sna'i dri ma zhes bya'o/ /brgyad gang zhe na/ sngon sbyin pa la ma goms pas tshe 'di la zang zing la gdu ba nyid dang/ lus dang srog la gas? cher lta zhing 'jig rten pha rol la mi lta ba nyid dang/ gang zag ser sna can rnams bar lhan cig 'grogs shing de dag gi rjes su 'jug pa nyid dang/ zhing mi mthun par lta zhing zhing yongs su tshol ba nyid dang/ sngon snying rje la goms shing de la phan yon du blta ba nyid dang/ tshogs chen pos longs spyod bsgrubs shing de la yongs su goms pa'i 'du shes kyis le lo dang snyoms las byed pa nyid dang/ lta ba mchog tu 'dzin cing gtong ba la kun nas nyon mongs pa dang bcas pa nyid dang/ longs spyod kyi bsam pas sbyin zhing der yongs su bsngo ba nyid do/ /dge legs kyi lam ni rnam pa lnga ste/ longs spyod 'grub pa dang/ bde 'gro 'grub pa dang/ sdug bsngal med pa 'grub pa dang/ bdag gi don 'grub pa dang/ sems can gyi don 'grub pa'o/ /de la longs spyod 'grub pa ni sbyin pa las byung ba'i bsod nams bya ba'i dngos po'o/ /de la bde 'gro 'grub pa ni tshul khrims las byung ba'i bsod nams bya ba'i dngos po'o/ /de la sdug bsngal med pa 'grub pa'i bsgoms pa las byung ba'i bsod nams bya ba'i dngos po'o/ /de la bdag gi don 'grub pa ni nyan thos dang rang sangs rgyas kyi lam mo/ /de la sems can gya don 'grub pa ni byang chub sems dpa' i lam mo/ /de thob par bya ba'i phyir 'du shes lnga bsgom par bya ste/ 'dod pa rnams la mi gtsang ba'i 'du shes dang/ lus rnams la 'tshe ba ngan pa'i 'du shes dang/ 'dod pa'i khams la 'jig pa dang bcas pa'i 'du shes dang/ 'du byed thams cad la mi rtag pa'i 'du shes dang/ sems can thams cad la snying brtse ba'i 'du shes so/ /mar gyi nying khu lta bu'i mdo'i rnam par bshad pa yin no// // ba ma bo sum cu gnyis pa/ /ji ltar mdo'i sde dang/ rmad du byung ba'i chos kyi sde dang/ gtan la dbab par bstan pa'i sde'i bar dag rab tu shes she na/ mdor bsdu na rnam pa lnga ste/ brda dang gzung ba dang/ go rims dang lung dang byed pas so/ /ji ltar brda la rab tu shes she na/ chos kyi rnam grangs gang gi ming dang brdar gdags pa gang yin pa de dag rab tu shes ba yin no/ /ji ltar gzung ba las rab tu shes she na/ ming gi tshogs dang/ tshig gi tshogs dang/ yi ge'i tshogs gang dag gis/ des chos kyis rnam grangs de dag bstan pa de dag rab tu shes pa yin no/ /ji ltar go rims las rab tu shes she na/ chos kyi rnam grangs kyi chos kyi rnam grangs dang/ tshig gis go rims rab tu shes pa yin no/ /ji ltar lung las rab tu shes she na/ 'di ltar chos kyi rnam grangs 'di dag ni de bzhin gshegs pas gsungs pa 'am/ nyan thos kyi bshad pa 'am/ khyim pas bshad pa 'am/ rab tu byung bas bshad do/ /zhes rab tu shes pa'o/ /ji ltar byed pa las rab tu shes she na/ 'di ltar chos kyi rnam grangs 'di dag ni bdag la phan pa dang/ gzhan la phan pa dang/ lha dang mi rnams la phan pa'i bar gyi phyir bshad do zhes rab tu shes ba ste/ rnam pa lnga po de dag gis mdo'i sde yang rab tu shes la/ gtan la dbab bar bstan pa'i sde'i bar yang rab tu shes so/ /ji ltar bshad pas de'i don rab tu shes she na/ rnam pa lnga kho nas slong ba dang/ tshig rab tu dbye ba dang/ mtshams sbyar ba dang/ rigs pa dang/ don mdor bsdu bas so/ /ji ltar kun nas slong ba las rab tu shes she na/ gdul ba de dag kha cig la yang dag par bstan pa dang/ de dag kha cig yang dag par rab tu dga' bar bya ba'i bar gyi phyir bshad ba rab tu shes pa'o/ /ji ltar tshig rab tu dbye ba las rab tu shes she na/ rnam grangs dang mtshan nyid dang nges pa'i tshig dang rnam par dbye ba rab tu shes ba'o/ /ji ltar mtshams sbyar ba las rab tu shes she na/ rnam pa bshad pa'i mtshams sbyor ba dang/ bsgrub pa'i mtshams sbyar ba dang/ yongs su rdzogs pa'i mtshams sbyar ba rab tu shes pa'o/ /ji ltar rigs pa las rab tu shes she na/ rigs pa bzhi po ltos pa'i rigs pa dang/ 'thad pas bsgrub pa'i rigs pa dang/ bya ba byed pa'i rigs pa dang/ chos nyid kyi rigs pas rab tu shes pa'o/ /ji ltar don mdor bsdu ba las rab tu shes she na/ 'di ni phung po dang ldan ba'i gtam mo/ /'di ni khams dang skye mched dang/ rten cing 'brel par 'byung ba dang/ gnas dang gnas ma yin pa dang/ bden pa dang ldan pa'i gtam mo/ /'di ni dran pa nye bar gzhag pa la sogs pa dang ldan pa nas/ 'phags pa'i lam yan lag brgyad pa dang ldan pa'i bar gyi gtam mo/ /'di ni las dang ldan pa'i gtam mo/ /'di ni nyon mongs pa dang ldan pa'i gtam mo/ /'di ni lhag pa'i tshul khrims la sogs pa'i bslab pa dang ldan pa'i gtam mo zhes rab tu shes pa'o/ /ji ltar dus shes pa yin zhe na/ rnam pa lnga kho nas te/ kun nas nyon mongs pa mngon du gyur pa rab tu rtogs pa dang/ kun nas nyon mongs pa mngon du phyogs pa rab tu rtogs pa dang/ kun nas nyon mongs pa can ma yin pa'i gnas skabs rab tu rtogs pa dang/ gnyen po yid la byed pa skyed pa dang/ gnyen po yid la byed pas so/ /ji ltar tshod shes pa yin zhe na/ bza' ba dang/ btung ba la sogs pa rgyas par bya ste/ de yang mdor bsdu na spong ba dang/ rjes su mthun ba rnam pa gnyis su rig par bya ste/ nye bar ston pa dang rjes su mthun pa dang/ brtson 'grus brtsams pa dang rjes su mthun ba'o/ /de la nye bar rton pa dang rjes su mthun pa ni/ bza' ba dang/ btud ba dang/ bca' ba dang/ myang ba'i tshod shes par byed pa gang yin pa'o/ /brtson 'grus brtsams pa dang rjes su mthun pa ni 'gro ba dang sdod ba la sogs pa'i tshod shes par byed ba gang yin pa'o/ /de la ji ltar bza' ba la sogs pa'i tshod shes bar byed ce na/ 'di lta ste/ blang ba dang/ yongs su longs spyod pa'i tshod shes pa ste/ de blang ba'i tshod shes pa ni dus gang gi tshe blang bar bya ba dang/ gang nas blang bar bya ba dang/ gang blang bar bya ba dang/ ci tsam blang bar bya ba'i tshod shes pa'o/ /dus gang gi tshe blang bar bya zhe na/ snga dro yongs su longs spyod pa'i dus gang yin pa de'i tshe'o/ /gang nas blang bar bya zhe na/ spyod yul ma yin pa lnga ma gtogs pa nas so/ /gang blang bar bya zhe na/ de bzhin gshegs pas rjes su gnang ba chad la sogs pa btung ba ma yin pa dang/ bza' ba ma yin pa ma gtogs pa rung ba'o/ /ci tsam blang bar bya zhe na/ bdag nyid la mi gnod pa dang gzhan la mi gnod par blang bar bya ba'i tshod ran pa gang yin pa'o/ /de la yongs su longs spyod pa'i tshod shes pa yang dus gang gi tshe yongs su longs spyad par bya ba dang/ gang du yongs su longs spyad par bya ba dang/ gang yongs su longs spyad par bya ba dang/ ji tsam yongs su longs spyad par bya ba'o/ /de la dus gang gi tshe yongs su longs spyad par bya zhe na/ snga ma bzhin du snga dro yongs su longs spyad pa'i dus gang yin pa de'i tshe'o/ /gang yongs su longs spyad par bya zhe na/ gtsug lag khang ngam/ grong khyer du 'bab pa'i phyogs su'o/ /gang yongs su spyad par bya zhe na/ snga ma bzhin du rung ba'o/ /ji tsam yongs su longs spyad par bya zhe na/ snga ma bzhin du rung ba'o/ /ji tsam yongs su longs spyad par bya zhe na/ gang gis bkres par mi 'gyur ba dang/ spong mi bzod par mi 'gyur ba dang/ khams mi mnyam pa skyed pa mi 'gyur bar drod ran par yongs su longs spyad par bya'o/ /de la brtson 'grus brtsams pa'i tshe shes pa yang dus gang gi tshe brtson 'grus brtsams par bya ba dang/ gang du dang gang dang/ ji tsam brtsam par bya ba'o/ /de la dus gang gi tshe brtson 'grus brtsams par bya zhe na/ 'gro ba'i dus su 'gro ba dang/ gnyid kyi snyom pa bsad par bya ba'i dus kyi bar du/ gnyid kyi snyom pa bsang bar bya ba'i dus su'o/ /gang du brtsam par bya zhe na/ kun dga' i ra ba 'am/ gtsug lag khang ngam/ khang khyim ngam/ 'chags ra ro/ /gang brtsam par bya zhe na/ 'gro ba dang sdang pa nas/ gnyid kyi sdom pa gsang bar bya ba'i bar dag brtsam par bya'o/ /ji tsam brtsam par bya zhe na/ gang gis brtson 'grus ha cang khum par yang mi 'gyur la/ ha cang rab tu 'dzin par yang mi 'gyur bar drod ran par brtsam par bya'o/ /ji ltar rgyal rigs kyi 'khor rab tu shes she na/ rgyal rigs kyi 'khor 'di'i ming ni 'di zhes bya/ rigs ni 'di zhes bya/ zas ni 'di lta bu zhig za za/ tshe'i mdza' ni 'di tsam zhig thu ba ces bya bar rab tu shes pa'o/ /khyim bdag gi 'khor gyi bar du yang de bzhin du rab tu shes so/ /ji ltar dge sbyong gi 'khor rab tu shes she na/ ming shes pa dang/ 'di dag ni gsar bu'o/ /'di dag ni bar ma'o/ /'di dag ni rgan rabs so/ /'di dag ni mdo sde 'dzin pa'o/ /'di dag ni 'bul ba 'dzin pa'o/ /'di dag ni ma mo 'dzin pa'o/ /'di dag ni rnal 'byor spyod pa'o zhes rab tu shes pa'o/ /bdag 'dir ji ltar 'gro bar bya ba nas/ ji ltar mi smra bar bya ba'i bar du rab tu shes pa ni mdor bsdu na/ gang gi don dang/ ji ltar 'gro bar bya ba nas mi smra bar bya ba'i bar ro/ /de la gang gi don du zhe na/ khyim pa'i phyogs su 'gro ba dang/ yo byad kyi don dang/ ma dad pa rnams dad par bya ba dang/ dad pa rnams phyir zhing 'phel bar bya ba dang/ nad pa dang nad tshabs che ba rnams yongs su dri ba dang/ sdug bsngal bar gnas pa rnams kyi mya ngan bsang ba dang/ phan tshun 'khu zhing mi mthun par gnas pa rnams mthun par bya ba dang/ gzhan gyi bya ba dang rjes su mthun pa'i don dang/ gzhan gyis gsol ba btab pa dang/ mkhan po dang slob dpon dang/ tshangs pa mtshungs par spyod pa'i rjes su bsgrub pa'i don dang/ dge 'dun gyi bya ba'i don du 'gro ba nas mi smra ba'i bar du byed pa'o/ /ji ltar 'gro bar byed ce na/ nyan thos kyi sar ji skad bstan pa bzhin no/ /ji ltar sdod ce na/ song nas khang khyim der tsham tshom med par mi mjug par nga rgyal med pa dang/ yongs su yi chad pa med pa dang/ 'khrug pa med par sgo drung na sdod pa dang/ khang khyim gyi nang du zhugs nas kyang/ mngon du phyogs pa dang/ gsong bor smra ba dang/ 'dzum pa sngar gtong ba dang/ khro gnyer med pa dang/ snyan par smra zhing sdod par byed pa'o/ /ji ltar 'dug par bya ba rab tu shes she na/ bsgo ba stan ci bting ba la tshul dang mthun pa'i spyod lam gyis 'dug pa'o/ /ji ltar de ltar sma? bar bya ba rab tu shes she na/ dus su dang/ rigs pa dang/ ran pa dang/ zhi ba dang/ gnam par smra bar bya ba rab tu shes pa'o/ /de la dus ni gsum ste/ nyan 'dod cing nyan mi 'dod pa ma yin pa ste/ de la nyan mi 'dod pa ni 'di yin te/ 'di ltar 'di na la la bkres pa 'am/ skes pa'am lus chad pa 'am/ ngal ba 'am/ rlung dang/ nyi mas yongs su gdungs pa ste/ de ni dus dang po yin no/ /spyod lam gyi gnas kyi spyod lam ma yin pas mi gnas pa yin no/ /'di na la la nyan 'dod kyang spyod lam ma yin pas gnas so/ /de la spyod lam ma yin pa ni 'di yin te/ min par 'dug pa la 'gred ste chos bshad par mi bya'o zhes so sor thar ba'i mdo las ji skad gsungs pa lta bu ste/ de ni dus gnyis pa yin no/ /kun nas nyon mongs pa can ma yin pa'i sems dang ldan pa yin gyi/ kun nas nyon mongs pa can gyi sems dang ldan pa ma yin te/ de la kun nas nyon mongs pa can gyi sems ni 'di yin te/ 'di lta ste brel pa 'am/ 'phral gyi bya ba de dang de dag la shas cher brtson pa dang/ bran dang/ las mi 'am gsod pa 'am/ phyir rgol ba 'am/ dgra bos sems 'khrug pa 'am/ khros pa 'am/ rnyog ma can du gyur pa ste/ de ni dus gsum pa yin no/ /de la rig pa rnam pa gsum ste/ slong ba na rung ba slong ba dang/ tshod ran par slong ba dang/ gtam zer ba na tshe kyi gtam don dang ldan pa zer ba'o/ /de la ran par yang rnam pa gsum gyis rig pa bya ste rnam par 'khrug pa ma yin pa dang/ tshig dang yi ge 'dus pa dag gis rnam par ma 'phros par chos ston pa dang/ zlos bu ma yin par smra ba ste/ tshig zlos bu dgos pa med pa don dang mi ldan pa ni chung zad tsam yang brjod par mi byed na/ mang po lta smos kyang ci dgos/ de la zhi ba yang rnam pa gsum ste/ spyod lam zhi ba dang/ sgra zhi ba dang/ sems zhi ba'o/ /de la spyod lam zhi ba ni 'di yin te/ dbang po rnams rab tu zhi ba dang/ mi g.yo ba dang/ mi rgod pa dang? yan lag nying lag dag mi 'gyur bas gtam zer pa'o/ /de la sgra zhi ba ni 'di yin te/ ha cang skad chen po ma yin pa dang/ brtad pa ma yin par tshig rjod par byed pa'o/ /de la sems zhi ba ni 'di yin te/ gnod pa byas kyang mi 'khrugs par tshig sman/ gnod pa ma byas na lta smos kyang ci dgos pa dang/ zang zing med pa'i sems kyi smra'o/ /de la tshig gnam po yang rnam pa gsum ste/ dus su smra ba nas zhi ba'i bar du smra ba na sngon goms pa'i tshul gyis sam/ tshe 'di la goms pa'i tshul gyi tha mal bar smra ba dang/ tshig de la bslab par 'dod pas so sor rtog pa'i stobs kyis zin pa dang/ de'i tshig de lkog gam/ mig sngar de thams cad du mi slu ba yin pa'o/ /de la ji ltar mi smra bar bya zhe na/ dus sngar te/ gal te gtam zer ba na nyan pa po mi nyan cing gtam rlung skur ba dang/ rnam par g.yeng ba ston par byed na/ de la smra ba pos mi smra bar bya ba dang/ gal te gtam zer ba na nyan pa po tshog gi mi nyan te zhes gtam spong bar byed na/ de la yang smra ba pos mi smra bar bya ba dang/ gal te gtam zer ba na nyan pa po smra ba po la klan ka tshol ba'i sems kyis rtsod pa dang/ nyes rtsom gyi tshig gis nye bar gnas na/ de la yang smra ba pos mi smra bar bya ba dang/ sbyin pa po dang sbyin bdag gis chos gos dang bsod snyoms la sogs pas 'gron du bos pa na yang mi smra bas 'gron du bos pa bdag gir bya ba dang/ phas kyi rgol ba nye bar 'ongs te gtam zer ba dang/ smra ba pos gtam mjug tu ma phyin gyi bar du yang mi smra bar bya'o/ /bdag gi dad pa nas rigs kyi bu nyid ji tsam pa ni rgyu gsum gyis rig par bya ste/ gnas dang ngo bo nyid dang dus kyis so de la ji ltar gnas las dad par rig par bya zhe na/ dad pa'i gnas kyi dngos po gang yin pa dang/ dmigs pa gang las dad pa skye ba dang/ bdag gi dad pa ni 'di tsam mo/ /dad pa'i gnas ni 'di yin no zhes yang dag pa ji lta ba bzhin du rab tu shes pa'o/ ji ltar ngo bo nyid las dad pa rig par bya zhe na/ dad pa chung ngu dang/ 'bring dang/ chen po nyid yang dag pa ji lta ba bzhin du rab tu shes pa'o/ /ji ltar dus las dad par rig par bya zhe na/ bdag gis dad pa ni dus 'di tsam nas skyes so zhes yang dag pa ji lta ba bzhin du rab tu shes pa'o/ /dad pa ji lta ba bzhin du tshul khrims la sogs pa nas/ spobs pa'i mthar thug pa'i bar yang de bzhin du rigs par bya'o/ /de la dad pa ni 'jug pa'i yan lag yin no/ /tshul khrims ni zhugs pa'i zhi gnas kyi lhag mthong yin no/ /thos pa ni lhag mthong gi yan lag yin no/ /gtong ba ni zhi gnas dang lhag mthong gi tshogs kyi yan lag yin no/ /bdag nyid kyi bsams pa las byung ba'i shes rab dang gzhan las rjes su mthun pa'i gdams ngag dang rjes su bstan pa ni zhi gnas dang lhag mthong sdud pa'i yan lag yin no/ /de la brten na zhi gnas dang lhag mthong thob pa dang/ dge sbyong gi tshul gyi 'bras bu yang thob par 'gyur ba'i phyir ro/ /bdag gi don rtogs na shes par 'dod pa the tshom can rnams kyi ji ltar rtogs pa la rnam par bzlog pa'i phyir spobs so/ /rigs kyi bu nyid ni rgal ba mi mthun pa lus dang ngag gis log par bsgrub pa dag la bzod pa dang nges pas bsdus pa yin no/ /de la ma dad pa ni rgyu gsum gyi 'gyur te/ dkon mchog gsum gyi yon tan mi shes pa dang/ mu stegs can gyi lta ba spyod pa dang/ sangs rgyas rnams sam sangs rgyas kyi nyan thos rnams kyis cho 'phrul gsum po gang yang rung bas ma btul pas so/ /yang dang yang du kun dga' i ra bar mi 'gro ba ni rgyu gsum gyis te/ bag med pa dang/ le lo'i dbang du song ba dang/ bya ba mang ba dang/ gang zag la mngon par dang pas so/ /nye bar mi 'gro ba'i rang bzhin can yang rgyu gsum gyis te/ rang bzhin gyi mi 'jigs pa dang/ nga rgyal gyis khengs pa dang/ tshig 'bru la rten pas so/ /bsnyen bkur mi byed pa'i rang bzhin can yang rgyu gsum gyis te/ mi mkhas pa dang/ 'thun par mi byed pa dang/ 'dun pa drag po med pas so/ /yongs su mi 'dri ba'i rang bzhin can yang rgyu gsum gyis te/ chos la mi mkhas pa dang/ don la mi mkhas pa dang/ de gnyi ga la mi mkhas pas so/ /rna mi gtong ba yang rgyu gsum gyis te rnam par rtog pa spyod pa dang/ 'du 'dzi mang ba dang/ sgrib pa dag gis sems kun nas nyon mongs pa can du gyur pas so/ /mi 'dzin pa'i rang bzhin can yang rgyu gsum gyis te/ mi nyan pa dang ngan par mnyan pa nyan pa dang shes rab ma rgyas shing shes rab khum pas so/ /chos la mi rtog pa yang rgyu gsum gyis te/ smra ba la dga' ba dang/ 'du 'dzi la dga' ba dang/ dpyod pa'i shes rab dang mi ldan pas so/ /chos kyi rjes su 'thun pa'i chos mi sgrub pa yang rgyu gsum gyis te/ lus dang srog la lta ba dang/ de nyid kyi dbang du byas nas rnyed pa 'dod pa dang/ bkur sti 'dod pas so/ /gzhan la phan pa'i phyir ma zhugs pa yang rgyu gsum gyis te/ rang bzhin gyis rigs dman pa dang/ snying rje chung ba dang/ mthu med pas so/ /dkar po'i phyogs ni de las bzlog pa las rig par bya'o/ /nyan thos rnams la spyod pa rnam pa du ma rnam pa mang po sna tshogs dmigs te/ 'di lta ste/ chu klung gi spyod pa dang/ ri'i spyod pa dang/ ri dags kyi spyod pa dang/ de lta bu'i spyod pa dag dmigs pa de la/ ci'i phyir nyan thos mngon par shes pa thob pa yi dags rnams kyi sbyang ba spyod pa ni yi dags rnams kyi bdag nyid kyi sngon gyi las kyi rnam par smin pa yongs su 'dri bar byed/ yongs su zhu bar byed/ ci bdag nyid kyi ngo mtshar tsam btsal bar bya ba'i phyir ram/ 'on te sems can la phan gdags pa'i phyir yin/ gal te bdag nyid kyi ngo mtshar tsam btsal ba'i phyir zhes byang ni mngon par shes pa thob pa la de mi rung ngo/ /gal te sems can la phan gdags pa'i phyir yin na ni des ji ltar sems can la phan 'dogs par byed pa brjod dgos so zhe na smras pa/ sems can la phan gdags pa'i phyir yin te/ de dag dang sems can gzhan dag la phan gdags pa'i phyir te/ 'di ltar nges rang gi mngon par shes pa'i stobs kyis yi dags de dag gi sngon gyi gnas rjes su dran par byed cing des na de dag gis bdag nyid kyi sngon nyes par bya ba'i lam dran nas/ ston pa dang/ skyo bar byed la chos bstan pa la yang sems gtong bar byed de/ rgyu des myur ba myur ba kho nar yi dags kyi skye gnas las yongs su thar bar 'gyur ba'i phyir te de ltar de ni yi dags de dag la phan 'dogs par byed pa yin no// de dag gi sngon gyi las kyis 'bras bu mi 'dod pa sna tshogs bstan pa de dag thos nas/ nyan thos mngon par shes pa thob pa nges gzhan dag kyang mos par byed cing/ gzhan dag gis kyang de de las thos nas yid skyo zhing mi dge ba spangs nas/ dge ba yang dag par blang pa la 'jug par 'gyur te/ de ltar de na de las gzhan pa'i sems can rnams la phan 'dogs par byed pa yin no/ /'dod pa na spyod pa'i gzugs ni rnam pa drug gis rags pa nyid yin par blta bar bye ste/ rags pa nyid rnam pa drug gang zhe na/ mang po nyid kyis rags pa nyid dang/ mi gtsang? ba nyid kyis rags pa nyid dang/ rtsub pa nyid kyis rags pa nyid dang/ lci ba nyid kyis rags pa nyid dang/ 'gyur ba nyid kyis rags pa nyid dang/ sems kyi rjes su mi mjug pa nyid kyis rags pa nyid do/ nyan thos kyi sa'i rnam par gtan la dbab pa rdzogs te/ rnam par gtan la dbab pa'i gzhung lhag ma ni mi snang ngo/ /rang sangs rgyas kyi sa'i rnam par gtan la dbab pa'i gzhung ni mi snang ngo/ /byang chub sems dpa' i sa'i rnam par gtan la dbab pa nyan thos kyi rigs sgrub pa bzhin du byang chub sems dpa' i rigs kyang 'grub par rig par bya'o/ /sems skyed pa ni rnam pa bcu ste/ 'di lta ste/ yang dag par blang pa brda las byung ba dang/ chos nyid kyis thob pa dang/ ma nges pa dang/ nges pa dang/ yongs su ma dag pa dang/ yongs su dag pa dang/ stobs chung ba dang/ stobs dang ldan pa dang/ 'bras bu yongs su ma grub pa dang/ 'bras bu yongs su grub pa'o/ /de la yang dag par blang ba brda las byung ba ni byang chub sems dpa' yang dag pa nyid du skyon med pa la ma zhugs pa thams cad kyi'o/ /de la chos nyid kyis thob pa ni byang chub sems dpa' yang dag pa nyid du skyon med pa la zhugs pa rnams dang/ nyan thos byang chub tu yongs su 'gyur pa pa rnams kyi'o/ /ma nges pa ni de'i rigs can ma yin pa rnams dang/ de'i rigs can sems skyed pa las phyir ldog pa'i chos can rnams kyi gang yin pa'o/ /sems skyed pa des nga ni de las bzlog pa las dag par bya'o/ /de la yongs su ma dag pa 'di ltar 'di na la la gzhan gyi rjes su zhugs pa 'am/ rgyal pos 'jigs pa 'am/ rkun pos 'jigs pa 'am/ 'dzin 'khris 'jigs pa 'am/ chu klung gis 'jigs pa 'am/ 'tsho ba'i phyir ram/ rnyed pa dang bkur sti'i phyir 'am/ kha gsag dang/ gzhog slongs kyi phyir nges par ma brtags/ yongs su ma brtags/ gzu lums su sems skyed par byed pa dang/ de lta bu dang mthun par sems skyed par byed pa gang yin pa de ni yongs su ma dag pa yin par rig par bya'o/ /yongs su dag pa ni de las bzlog pa las rig par bya'o/ /de la stobs chung ba ni 'di ltar 'di ni byang chub sems dpa' la la sems bskyed pa las 'dod chags dang zhe sdang dang/ gti mug gi kun nas dkris pa dag gis zil gyis gnon pa byed cing/ yang dag pa'i sgrub pa las rab tu nyams par byas nas/ log pa'i sgrub pa la kun tu sbyor bar byed pa'o/ /stobs dang ldan pa ni de las zlog pa las rig par bya'o/ /de la 'bras bu yongs su ma grub pa ni mos pas spyod pa'i sa nas bzung ste/ /sa bcu pa'i bar gyi'o/ /de la 'bras bu yongs su grub pa ni de bzhin gshegs pa'i sa la ste/ bcom ldan 'das kyis/ nga ni dka' pa spyod pa de las thar cing/ bdag nyid kyi yang dag pa'i smon lam dang/ byang chub dam par yang thob pa yin no zhes ji skad gsungs pa lta bu'o/ /sems skyed pa bcu po de dag las du ni nyon mongs pa can yin du ni nyon mongs pa can ma yin pa dang/ de lta bu la sogs pa'i rnam par gtan la dbab pa'i gzhung ni mi snang ngo/ /byang chub sems dpa' i sems bzhi ni rtag tu rgyu ni ma 'chad par rjes su bsrung bar bya ba yin te/ thos pa dang bsam pa las byung ba dang/ snying rje'i sems dang/ tshogs su 'gyur ba dang/ bsgoms pa las byung ba'o/ /byang chub sems dpas bdag gi don dang gzhan gyi don las brtsams nas sgrub pa ni dgu po 'di dag yin te/ 'khor ba las bsgrub pa dang/ sems can rnams la sgrub pa dang/ bdag nyid la sgrub pa dang/ 'dod pa rnams la bsgrub pa dang/ lus dang ngag dang yid kyi las la bsgrub pa dang/ sems can la tho mi 'tsham par bsgrub pa dang/ dge ba'i chos rnams rtag tu bsgom pa la sgrub pa dang/ rang gi sems kyi zhi gnas la bsgrub pa dang/ lhag pa'i shes rab chos rnam par mthong ba la sgrub pa'o/ /byang chub sems dpas 'khor ba la ji ltar bsgrub par bya zhe na 'di lta ste dper na nad pas sman tsha ba la bya ba ltar ro/ /sems can rnams la ji ltar bsgrub par bya zhe na/ 'di lta ste dper na sman pas nad ba la bya ba ltar ro/ /bdag nyid la ji ltar bsgrub par bya zhe na/ 'di lta ste dper na rje bo mkhas pas bran yongs su ma byad pa la bya ba ltar ro/ /'dod pa rnams la ji ltar bsgrub par bya zhe na/ 'di lta ste dper na tshong pa tshong pa'i lam du rgyu bas zong la bya ba ltar ro/ /lus dang ngag dang yid kyi las la ji ltar bsgrub par bya zhe na/ 'di lta ste dper na btso blag gis gos bag la bya ba ltar ro/ /sems can rnams la tho mi 'tsham par ji ltar bsgrub par bya zhe na/ 'di lta ste dper na phas bu gzhon nu phang bar bshad gci bor ba la bya ba ltar ro/ /dge ba'i chos rtag tu bsgom pa la ji ltar bsgrub par bya zhe na/ 'di lta ste dper na me 'dod pa bas gtsubs shing gtsubs pa la bya ba ltar ro/ /nang gi sems zhi gnas la ji ltar bsgrub par bya zhe na/ 'di lta ste dper na rje bos yid gcugs pa nor 'bul ba la bya ba ltar ro/ /lhag pa'i shes rab chos rnam par mthong ba la ji ltar bsgrub par bya zhe na/ dper na sgyu ma mkhan mkhas pas sgyu ma'i bya ba la bya ba ltar ro/ /rnam par gtan la dbab pa'i gzhung lhag ma ni mi snang ngo/ /sems can gyi ris lnga la log par sgrub pa ni snying rje med pa dang/ snying brtse ba med pa dang/ rjes su brtse ba med pa yin par brjod par bya'o/ /lnga gang zhe na/ 'dod pa dang/ phongs pa dang/ phan 'dogs par 'dod pa dang/ bde ba 'dod pa dang/ chos 'dod pa la'o/ /de la 'dod pa ni lnga ste/ zas 'dod pa dang/ gos 'dod pa dang/ gnas 'dod pa dang/ na ba'i gso sman dang/ yo byad 'dod pa dang/ skyabs 'dod pa'o phongs pa la ste/ sdug bsngal bar gnas pa dang/ 'khrul ba dang/ skyabs su 'ongs pa dang/ yid brtan pa dang/ rab tu brtud pa'o/ /phan 'dogs pa yang lnga ste/ pha ma dang/ bu dang/ chung ma dang/ bran dang bran mo dang/ las byed pa dang/ zho shas 'tsho ba dang/ mdza' bshes dang gros grogs dang/ nye du dang snag gi gnyen mtshams so/ /bde ba 'dod pa yang lnga ste/ las kyi mdza' 'byor ba'i bde ba 'dod pa dang/ las kyi mdza' 'byor pa dang/ mi 'bral ba'i bde ba 'dod pa dang/ dus tshigs 'gyur ba las byung ba'i sdug bsngal dang bral ba'i bde ba 'dod pa dang/ ngal gso pa'i bde ba 'dod pa dang/ khyad par sgrub pa'i bde pa 'dod pa'o/ /chos 'dod pa yang lnga ste/ dam pa'i chos ston par 'dod pa dang/ lung ma nod pa dang kha ton 'dod pa dang/ 'bel pa'i gtam rnam par gtan la dbab par 'dod pa dang/ gdams ngag dang rjes su bstan 'dod pa dang/ chos kyis rjes su mthun pa'i chos sgrub pa 'dod pa'o/ /de ya log par bsgrub pa ni byed pa'i sbyor ba las sam/ mi byed pa'i sbyor ba las sam/ gnod pa byed pa'i sbyor ba las sam/ tha mal pa'i sbyor ba las rig par bya'o/ /sems can rnams bskal pa med pa nyid ni rnam pa lnga te/ de dang ldan pa'i sems can rnams ni de bzhin gshegs pa rnams kyis kyang gdul bar dka' ba yin na/ byang chub sems dpa' rnams sam/ de las gzhan pa dag gis lta smos kyang ci dgos te/ de dag la ni de bzhin gshegs pa don du bzhed pa/ phan par bzhed pa/ bde bar bzhed pa rnams kyis kyang don dang phan pa dang/ bde ba'i bya ba de dag sku nyams su lta bar mi 'gyur zhing/ de la rtsom pa yang nyams par 'gyur ba yin na/ byang chub sems dpa' rnams sam/ de las gzhan ba dag gis lta smos kyang ci dgos te/ lnga gang zhe na/ rnam par dag pa'i skal ba med pa nyid dang/ sbyor ba'i skal ba med pa nyid dang/ de'i 'bras bu yongs su grub pa'i skal pa med pa nyid dang/ sbyor ba dang de'i 'bras bu yongs su 'grub pa'i skal pa med pa nyid dang/ phan gdags pa'i skal ba med pa nyid do/ /de la rnam par dag pa'i skal ba med pa nyid ni 'di yin te/ 'di ltar 'di na la la rang bzhin gyis yongs su mya ngan las mi 'da' ba' i chos can nyid yin pa'o/ /de la sbyor ba'i skal ba med pa nyid ni 'di yin te/ 'di ltar 'di na la la yongs su mya ngan las 'da' pa'i chos can nyid yin zhing/ sems kyi rgyud kyang yongs su smin pa yin mod kyi/ des de'i mod la yang dag pa'i sbyor ba la sgrib par 'gyur ba'i las byas shing bsags par gyur pas des tshe 'di la sbyor ba'i skal ba med pa yin pa'o de la de'i 'bras bu yongs su 'grub pa'i skal ba med pa nyid ni 'di yin te/ 'di ltar 'di na la la yongs su mya ngan las 'das pa'i chos can yin yang/ sems kyi rgyud yongs su ma smin pa yin pas/ des yang dag pa'i sbyor ba la sgrib par 'gyur ba'i las byas shing bsags pa ma yin yang/ des na de'i 'bras bu yongs su 'grub pa'i skal ba med pa yin pa'o/ /de la sbyor ba dang de'i 'bras bu yongs su 'grub pa'i skal ba med pa nyid ni 'di yin te/ 'di ltar 'di na la la rgyud yongs su mya ngan las 'das pa'i chos can nyid yin yang/ rgyud yongs su smin pa yang ma yin la/ des de'i mod la yang dag pa'i sbyor ba la sgrib par 'gyur ba'i las kyang byas shing bsags pas/ des gnyi ga'i skal ba med pa yin no/ /de la phan gdags pa'i skal ba med pa nyid ni 'di yin te/ 'di ltar 'di na la las de'i mod la dbul por 'gyur ba 'am/ phongs par 'gyur ba 'am/ sdug bsngal bar 'gyur ba nges par myong bar 'gyur ba'i las byas shing bsags pas/ des na de'i tshe 'di la phyug po nyid dam/ 'byor pa 'am/ bde bar 'gyur ba'i skal ba med pa yin no/ /skal ba med pa nyid rnam pa lnga ni de las bzlog pa las rig par bya'o de kho na'i don rnam par shes par 'dod pas mdor bsdus na dngos po lnga rnam pa shes par bya ba'i sdom ni/ bstan dang rnam par dbye ba dang/ /yod dang rdzas dang kun rdzob dang/ /rab tu skyed dang gzhan nyid dang/ /mtshan nyid rnam pa gzugs can yin/ /dngos po gang zhe na/ rgyu mtshan dang/ ming dang/ rnam par rtog pa dang/ de bzhin nyid dang/ yang dag pa'i shes pa'o/ /rgyu mtshan gang zhe na/ mdor bsdu na/ mngon par brjod pa'i tshig gi gnas su gyur pa'i dngos po gang yin pa'o/ /ming gang zhe na/ rgyu mtshan de nyid la tshig bla dags gang yin pa'o/ /rnam par rtog pa gang zhe na/ khams gsum na spyod pa'i sems dang sems las byung ba'i chos rnams so/ /de bzhin nyid gang zhe na/ chos bdag med pas rab tu phye ba/ /'phags pa'i ye shes spyod yul mngon par brjod pa thams cad kyi gzhi'i gnas su ma gyur pa'i dngos po gang yin pa'o/ /yang dag pa'i shes pa gang zhe na/ de ni mdor bsdu na rgyu gnyis su blta bar bya ste/ gcig tu 'jig rten las 'das pa dang/ 'jig rten pa dang 'jig rten las 'das pa'o/ /yang dag pa'i shes pa gcig tu 'jig rten las 'das pa gang zhe na/ gang gi nyan thos dang/ rang sangs rgyas dang/ byang chub sems dpa' rnams kyis de bzhin nyid rab tu rtogs par byed pa'o/ /des byang chub sems dpa' rnams rig pa'i gnas lnga po dag la sbyor bar byed pa na/ de bzhin nyid shes pa thams cad du 'gro bas de la lan mang du gnas shing/ shes bya'i sgrib pa rnam par dag pa 'thob par byed pa'o/ /yang dag pa'i shes pa 'jig rten pa dang 'jig rten las 'das pa gang zhe na/ gang gis nyan thos dang rang sangs rgyas rnams kyis yang dag pa'i shes pa dang pos de bzhin nyid rab tu rtogs nas/ 'jig rten las 'das pa'i shes pa dang po'i rjes las 'thob pa 'jig rten pa dang 'jig rten las 'das pas rnam par gzhag pa'i bden pa dag la khams gsum pa las yid skrag par byed pa dang/ khams gsum pa rab tu zhi ba'i ro myang bar byed cing/ de la lan mang du gnas pa nyid kyis myur ba myur ba kho nas nyon mongs pa'i sgrib pa rnam par dag pa yang dag par 'thob par byed pa'o/ /de yang ma 'dris pa'i don gyis ni 'jig rten las 'das pa yin la/ tha snyad kyi mtshan ma la dmigs pa'i don gyis 'jig rten pa yin pas/ de'i phyir 'jig rten pa dang 'jig rten las 'das pa zhes bya ba'o/ /bcom ldan 'das kyis kyang de la dgongs nas/ ngas ni 'jig rten pa'i shes pa yang yod par gsungs so/ /ngas ni 'jig rten las 'das pa'i shes pa yang yod par gsungs so/ /ngas ni 'jig rten pa dang 'jig rten las 'das pa'i shes pa yang yod par gsungs so zhes bka' stsal to/ /de la rnam par rtogs pas bsdus pa'i shes pa gang yin pa de ni 'jig rten pa kho na yin no/ /yang dag pa'i shes pa dang pos bsdus pa gang yin pa de ni 'jig rten las 'das pa kho na yin no/ /yang dag pa'i shes pa gnyis pas bsdus pa gang yin pa de ni 'jig rten pa dang 'jig rten las 'das pa yin no/ /rgyu mtshan yod par brjod par bya 'am med par brjod par bya zhe na/ smras pa/ yod par brjod par bya'o/ /ci ngo bo nyid dang bye brag gdags pa las 'dogs pa ji lta ba de ltar yod par brjod par bya 'am zhe na/ smras pa/ de ltar med? par brjod par bya'o/ /ci rnam par rtog pa'i spyod yul ji lta ba de ltar yod par brjod par bya 'am zhe na/ smras pa/ de ltar yod bar brjod par bya'o/ /rgyu mtshan de ltar yod pa nyid la mkhas pa'i byang chub sems dpa' ni rgyu mtshan yod par lan 'debs pa la yang mkhas pa yin la/ med par lan 'debs pa yang mkhas pa yin/ yod pa dang med par lan 'debs pa la yang mkhas pa yin/ yod pa yang ma yin med pa yang ma yin par lan 'debs pa la yang mkhas pa yin no/ / de ltar lan 'debs pa la yang mkhas pa de ni sgro 'dogs pa'i mdza' dang skur pa 'debs pa'i mdza' spangs nas/ dbu ma'i lam gyis chos kyi dbyings ston par byed do/ /ci rgyu mtshan brjod pa'i don gyis yod par brjod par bya 'am/ brjod du med pa'i don gyis yod par brjod par bya zhe na/ smras pa/ gnyi ga ltar yod par brjod par bya'o/ /ci'i phyir zhe na/ ji ltar brjod pa'i gzhi'i gnas su gyur pa de ltar gnas pa brjod pa'i don gyis ni yod par brjod par bya la/ ji ltar ngo bo nyid dang bye brag tu 'dogs pa yongs su ma grub pa de ltar brjod du med pa'i don gyis ni med par brjod par bya ba'i phyir ro/ /rgyu mtshan ji lta ba bzhin du ming dang rnam par rtog pa de de bzhin nyid dang/ yang dag pa'i shes pa yang de bzhin du yod par brjod par bya 'am zhe na/ smras pa/ de bzhin du yod par brjod par bya'o/ /rgyu mtshan rdzas su yod par brjod par bya 'am/ btags pa'i yod par brjod par bya zhe na/ smras pa/ 'du byed rdzas su yod pa rnams kyis ni rdzas su yod par brjod par bya'o/ /btags pa'i yod pa rnams kyi ni btags pa'i yod par brjod par bya ste/ rgyu mtshan yod pa'i 'du byed gang dag yin pa de dag kyang rnam pa gnyis so/ /ming rdzas su yod par brjod par bya 'am/ btags pa'i yod par brjod par bya zhe na/ smras pa/ btags pa'i yod par brjod par bya ste/ de ni rgyu mtshan tsam la nye bar gdags pa tsam yin pa'i phyir ro/ /rnam par rtog pa rdzas su yod par brjod par bya 'am/ btags pa'i yod par brjod par bya zhe na/ smras pa/ rdzas su yod par brjod par bya ste/ don dam pas bsdus pa yin pa'i phyir ro/ /yang dag pa'i shes pa rdzas su yod par brjod par bya 'am/ btags pa'i yod par brjod par bya zhe na/ smras pa/ gnyi gar brjod par bya ste/ ji ltar shes ba gang yin pa de ni rdzas su yod pa yin la/ shes pa'i 'khor sems dang sems las byung ba'i chos gang dag yin pa de dag kyang yang dag pa'i shes pa yin pa'i phyir rnam pa gnyis so/ /rgyu mtshan kun rdzob tu yod par brjod bar bya 'am/ don dam par yod par brjod par bya zhe na/ smras pa/ kun rdzob tu yod par brjod par bya'o/ /rgyu gnyis kyis te/ kun nas nyon mongs pa kun nas slong ba'i phyir dang/ gdags pa'i gzhi yin pa'i phyir ro/ /ming kun rdzob tu yod par brjod par bya 'am/ don dam par yod par brjod par bya zhe na/ smras pa/ kun rdzob tu yod par brjod par bya'o/ /rgyu gsum gyis te/ kun nas nyon mongs pa kun nas slong ba'i phyir dang/ gdags pa'i gzhi yin pa'i phyir dang/ tha snyad kyi gnas yin pa'i phyir ro/ /rnam par rtog pa kun rdzob tu yod par brjod par bya 'am/ don dam par yod par brjod par bya zhe na/ smras pa/ kun rdzob tu yod par brjod par bya'o/ /smras pa/ rgyu bzhi ste/ kun nas nyon mongs pa kun nas slong ba'i phyir dang/ gdags pa'i gzhi yin pa'i phyir dang/ tha snyad bag la nyal ba'i phyir dang/ tha snyad rjes su sad pa'i phyir ro/ /de bzhin nyid kun rdzob tu yod par brjod par bya 'am/ don dam par yod par brjod par bya zhe na/ smras pa/ don dam par yod par brjod par bya ste/ rnam par dag pa'i dmigs pa'i dngos po yin pa'i phyir ro/ /yang dag pa'i shes pa kun rdzob tu yod par brjod par bya 'am/ don dam par yod par brjod par bya zhe na/ smras pa/ dang po ni don dam par yod par brjod par bya'o/ /gnyis pa ni gnyi gar brjod par bya'o/ /rgyu mtshan gang la rab tu skye bar brjod par bya zhe na/ smras pa/ rgyu mtshan/ las rab tu skye ba dang/ sngon gyi rnam par rtogs pa las rab tu skye ba yin no/ /ming gang las rab tu skye bar brjod par bya zhe na/ smras pa/ gang zag gi 'dun pa las rab tu skye ba yin no/ /rnam par rtog pa gang las rab tu skye bar brjod par bya zhe na/ smras pa/ rnam par rtog pa las rab tu skye ba dang/ rgyu mtshan las rab tu skye ba yin no/ /de bzhin nyid gang las rab tu skye bar brjod par bya zhe na/ smras pa/ skye ba med par brjod par bya'o/ /yang dag pa'i shes pa gang las rab tu skye bar brjod par bya zhe na/ smras pa/ yang dag pa'i shes pa dang/

CLOSE WINDOW