བོད་ཡིག

e-texts based on the ACIP/ALL Input

/ //slar? yon tan rgya mtsho mched kyis lan cig zhus so// //mdo sde rgyan gyi bsdus? don mkhas pa dga' bar byed pa'i rgyan zhes bya ba mkhas pa dz+nyAn? sh+ri'i? zhal snga? nas mdzad pa bzhugs so/ / //rgya gar skad du /sA tra a la dkar pa ni ra tha /bod skad du /mdo sde rgyan gyi don bsdus pa/ 'phags pa byams pa la phyag 'tshal lo/ /ma bshad pa'i skyon dang/ bshad pa'i skyon dang/ phyin ci log tu bshad pa'i skyon gsum dang bral bar bshad par bya'o/ /de ni ston pa dang ston pa'i chos dang/ bstan par bya bar chos dang/ bstan par bya ba'i thobs bla na med pa'o/ /dang po la ston pa'i dbye ba dang/ ser sna dgag pa dang /chos bstan pa don yod pa dang gsum mo/ /rgyal sras chog? ni mi zhan dang zhes bya ba la sogs pa tshig brgyad kyis ston pa'i tshig go/ rgyal ba byams pas mdzad pa'i mdo sde'i rgyan la bstan par bya ba'i chos ni gcig ste /nyes pa brgyad kyi gnyen por theg ba mchog go /de bstan bar bya ba'i thabs bla na med pa la gnyis te/ zab ba dang/ rgya che ba'o/ /de yang rnam pa gsum dang ldan pa'i dbang du byas nas bshad de/ sgra ni nges par rtogs pa'i dbang du byas nas bshad pa dang /sgrub pa nyams su len pa'i dbang du byas nas bshad ba dang /byang chub sems dpa' i rigs dang ldan pa'i mkhas pa'o dbang du byas te/ bshad pa'o/ /de yang sde snod gsum du bsdus nas rnam ba bzhi bzhi'i sgo nas bshad pa yin no/ /de ltar gzhung gi don bsdu na lnga yin te/ bsgrub bar bya ba dang /bye brag tu shes par bya ba dang/ bsam gyis mi khyab ba dang/ yongs su grub pa mthar thug pa'i don no/ /ming dang rgyu mtshan la sogs pa lnga ni mi bzhag ste / gzhung nas brjod byar ma bzhag pa dang /'byor ba'i don tshul bla na med pa ma yin pa'i phyir ro/ /'o na gang yin zhe na /'byor ba'i don tshul bla med rgyur ba lnga'i bdag nyid ston par byed ces bya ba de gong ma dang sbyar ba dang/ 'og ma dang sbyar ba gnyis byams pa'i dgongs pa yin la/ gong ma dang sbyar ba ni bla ma rgyud pa las shes te /de dbyig gnyen gyis ma bshad do/ /dbyig gnyen gyis 'og ma dang sbyar ba'i bshad ba 'di yin te/ gang la bslab bar bya ba'i yul theg pa chen po bkar bsgrub pa dang /sems bskyed kyi yul skyabs su 'gro ba mchog tu bsgrub pa dang /nye bar len pa'i rgyu theg pa chen po'i rigs bsgrub ba bstan te/ bsgrub bar bya ba gsum bsdus pa yin no/ /bye brag tu shes par bya ba ni gnyis te /sems bskyed pa dang khams dang gzhan gyi don phun sum tshogs pa bye brag dang shes par bya ba'o/ /bsam par bya ba ni gnyis te /zab ba'i de kho na dang/ rgya che ba thabs la mkhas pa'i de kho na 'ongS? bsam gyis mi bya ba la gnyis te / mngon par shes pa la sogs ba'i mthu bsam gyis mi khyab pa dang /dga' ba dang dad pa la sogs pa bdag dang gzhan yongs su smin pa bsam gyis mi khyab pa'o/ /yongs su grub pa'i don ni gcig ste/ mngon par byang chub bar mthar thug pa nyid do/ /'di ji ltar shes par byed pa gang yin zhe na sgrub pa'i? skabs zhes smos ba'i phyir dang / mthar yang nyes pa kun gyi dri ma med pa/ rnam pa thams cad mkhyen pa nyid 'thob /rin chen snod ni phye ba ltar/ sangs rgyas nyid ni yang dag bstan zhes 'byung pa'i phyir ro/ /de nyid kyi phyir zhe na/ sdom ni dang po sgrub skyabs rigs/ de bzhin du ni sems bskye dang /rang gzhan don dang de nyid don/ /mthu dang yod smin byang chub bo/ /zhes tshigs su bcad nas /gang la bslab par bya ba'i yul yongs su rdzogs pa'i don bstan pa'i don bstan pa'o/ /de la ji ltar bslab par bya zhe na/ mos pa nang? pa nyi dang ni/ /chos tshol? pa dang ston pa dang /de bzhin sgrub dang yang dag pa'i/ /gdams ngag rjes su bstan pa yin/ zhes bya ba gsungs te/ mgon pos chu bo'i 'phros lta bu'i bshad pa ni 'di yin te/ thog mar theg pa chen po mchog tu grub pa las brtsams nas mos pa 'byung ngo/ mos pa las chos tshol ba 'byung ngo/ de ston par byed ba dge ba'i bshes gnyen la rag las pas chos ston pa'o/ /de nas sgrub pa nan tan du bya ba yin/ bsgrub pa'i skabs zhes rang gi mi nas smos pa'i phyir bsgrub par bya ba'i don yin no/ /bye brag tu shes par bya ba ni yang dag par gdams ngag dang rjes su bstan pa yin no? bsam par bya ba ni de kho na nyid zab pa dang rgya che ba thabs la mkhas pa'i skabs so/ /thabs yang rnam pa gsum ste/ bsdu pa'i dngos po bzhin dang ldan pa'i pha rol tu phyin pa drug dang tshad? med pa bzhi ma? bsdus pa dkon mchog mchod pa la sogs pa bstan pa dang/ lam gyis bsdus pa byang chub kyi phyogs dang mthun pa'i chos bstan pa'o/ /bsam gyis mi khyab pa ni yon tan gyi skabs so/ /yongs su grub pa rtogs pa'i don so sor rang gis rig par bya ba ni mthar thug pa'o skabs yin te/ de ltar na bstan bcos kyi lus yongs su rdzogs pa mdor bzhag pa dang/ dpe lngas mtshon sa bkod pa 'og ma dang sbyar ba yin/ /gong ma dang sbyar pa rtogs pa brgyud 'ongs pa ni 'di yin te theg pa chen po la 'byor pa'i don tshul bla na med pa lnga ste/ gang zhe ma rig mchog dang ldan pa'i gang zag don shes bar nus pa la phyin ci ma log bar don ston pa dang / ston pa'i tshig dri ma med pa bstan pa dang /'gro ba lnga po sdug bsngal las bsgral ba'i ched yin pa dang /de'i rgyud snying rje chen po dang ldan pa'i bdag nyid dang/ bstan bar bya ba'i chos theg pa mchog tu gyur pa'o/ /de lnga ni tshe?/ bcad dang po'i don te/ dpe lngas mtshon ba'i don lnga ste/ mdor bstan pa'o/ /de lnga'i rgyas par bshad pa ni 'di yin te/ don shes kyi rgyas bshad ni dmigs par bya ba'i yul theg pa chen po'i rgyu 'bras bu dang bcas pa'i byang chub kyi skabs kyi bar ro/ /don ston gyi rgyas bshad ni theg pa chen po la mos pa chos tshol ba ji lta ba bzhin du ston pa'i skabs so/ /rab tu byed pa dag dang tshig rnams dri med kyi rgyas bshad ni/ rgyal sras tshig ni mi zhan cing nas/ yan lag drug cu bsam mi khyab kyi bar ro/ /sdug bsngal bsgral phyir gyi rgyas bshad ni/ sgrub ba'i skabs nas tshad med pa rnam par dbye ba'i bar ro/ /'gro la snying rje'i phyir te de'i bdag nyid kyis rgyas bshad ni rnam par dbye ba las brtsams ba man chad do/ /theg mchog bstan pa'i rnam pa'i chos kyi rgyas bshad ni ngo tsha rnam par dbye ba nas bzung ste/ mthar thug pa'i sangs rgyas kyi mtshan nyid rdzogs kyi bar gyis so/ /de ltar lus rnam par bzhag pa dang/ yan lag rgyas par bshad pa'i tshul gnyis su bshad pas mdo sde'i don bshad pa yin la/ tshigs bcad gnyis pas rgyan bshad de/ theg pa chen pa'i chos ni dga' ba bskyed pa'i phyir mdo sde'i rgyan ces bya ba yin no/ /gal te lus can dga' ba bskyed pas rgyan yin na /'di la dri ba rnam pa lnga bya ste /dri ba dang po ni theg pa chen po 'di bkar grub na bcom ldan 'das las khyad par du 'phags pa'i sgra dang don ci zhig byams pas bogs dbyung du yod nas dga' ba bskyed par byed ce na/ lan du gzugs rgyan rang bzhin yon tan ldan pa me long nang song na la sogs pa'o/ /dri ba gnyis pa ni theg pa chen po las 'ga' zhig gi tshe rnam par 'tshe ba bshad pa dang/ gang yang med pa nyid du ston ba'i phyir dga' ba bskyed pa ma yin no zhe na/ lan du ji ltar bsnams na rab dku la man chad smos so/ /dri ba gsum ba ni theg pa chen po las bskal pa dpag tu med par dka' ba spyad pa sna tshogs 'byung bas de'i phyir dga' ba bskyed ba ma yin no zhe na lan du chos bka' rgya chen zhes bya ba smos so/ /dri ba bzhi pa ni rtog pa dang ldan pa ni rang la phan pa chol ba yin na/ 'di las ni gzhan la phan pa'i phyir rang la sdug bsngal bskyed bas dga' ba bskyed pa ma yin no zhe na/ lan du/ rin chen rigs ldan rin thang med la sogs pa'o/ /dri ba lnga pa ni thun mong du grags pa'i sdud pa po med pa'i phyir dang /bdag cag la grags pa kho na theg pa chen po yin te /theg pa chen po bka' ma yin no zhe na/ lan du sngar lungS bstan? lhan cig byung man chad smos so/ /mdor bzhag pa las 'phros so/ /bstan bcos kyi rnam bzhag gzhan yang tshigs bcad dang po gnyis kyis bstan bcos kyis mtshan bshad pa dang/ de las 'phros pas le'u dang pos lus mdor bzhag pa bstan pa /skyabs 'gro bsnan pas rgyas bshad bstan/ nye bar len pa'i rgyu rigs dang/ rkyen sems bskyed nas 'bras bu mthar thug gi bar gyis shin tu rgyas par bshad pa bstan to/ /rgyal ba byams pas mdzad ba'i bstan bcos mdo sde'i rgyan gyis thog mar mtshan bshad pa'i sgo nas lus rnam par bzhag pa la gsum ste/ byed pa dang bya ba dang/ dgos ba'o/ /byed pa la rnam par dbye ba bdun te/ dbye ba po dang/ byed pa'i las dang/ byed pa dang/ byed pa po'i ched dang /rgyu'i don dang/ 'brel pa'i don dang /gnas kyi don no/ /bya ba ni lnga ste /bsgru par bya ba dang / bye brag tu shes bar bya ba dang/ bsam par bya ba dang/ bsam gyis mi khyab ba dang/ yongs su grub pa rtogs pa'i don so so rang gis rig par bya ba byang chub kyi phyogs dang mthun pa nyid do/ /de theg pa chen po mdo sde'i rgyan 'dis rim pa bzhin rnam par bkrol bas mkhas pa dga' ba bskyed pa'i phyir rgyan du bzhag go / chos de rang bzhin gyis rgyan dang ldan na bstan bcos 'dis rgyan du byas pa ci? yod ce na /gzugs rgyan rang bzhin la sogs pa smos so/ /dgos pa ni phan yon rnam pa gsum ste/ sgrib ba spong ba dang/ dbang 'byor ba'i rgyu dang/ 'phags pa'i nor la longs spyod pa'i rgyu'o/ /kha cig 'di skad du /'di dka' ma yin na phan yon lta? smos kyang ci dgos snyam pa la/ theg pa chen po sangs rgyas kyis bka' nyid du bsgrub par bye ba yin te/ gtan tshigs dang/ bsgrub bya bla na med ba'i thabs su grub pa dang/ de la skrag pa'i nyes dmigs rgyu dang bcas pa dang /skrag par mi bya ba'i shes pa'i gtan tshigs dang/ dgag pa mi 'grub pa'i rgyu mtshan dang /gnas ma yin pa la skrog mi dgos pa dang/ ma mos pa nyid kyis grub pa dang/ rang gis ma thob pa spang bar mi rigs pa dang /spang ba'i rgyu tshul bzhin ma yin pa yid la byed pa dgag pa dang/ khong du ma chud pas spang bar mi rigs pa ste bcu pa'o/ /de la sngar lung ma bstan pa la sogs pa gtan tshigs bdun no/ /sngar lung ma bstan pas sgrub pa des pa spang ba dang /yod med kyis ma grub pa spang ba dang/ spyod yul ma yin pa sgrub par byed ba ste gsum mo/ /theg pa chen por grub ba'i dkon mchogS la skyabs su 'gro bar mos pa bsgrub par bya ba la dgu ste/ skyabs su 'gro ba mchog gi khyad par dang/ de la spro bar bya ba dang/ de'i ngo bo dang /rgyu dang /'bras bu dang/ las dang/ ldan pa dang/ dbye ba dang/ phan yon no/ /de la skyabs su 'gro ba'i khyad par ni kun tu 'gro ba la sogs pa bzhi'o? de'i nye bar len pa'i rgyu bsgrub par bya ba'i phyir rigs yod pa dang / med pa dang/ rigs kyi phye ba dang /'bras bu khyad par du 'phags pa ste bzhi'o/ /yod pa yang/ yod dang mchog dang mtshan nyid dang/ /rtags dang rigs rab dbye ba dang/ /nyes dmigs dang ni phan yon dang/ ? rnam gnyis te rnam pa bzhi ste rnam pa dgu'o/ /de'i rkyen nang gi tshul bzhin yid la byed pa'i bdag nyid sems bskyed ba rnam pa bcu gsum ste/ mtshan nyid dang rab tu dbye ba dang/ rnam par bzhag pa dang /yang dag par blangs pa brda' las byung ba dang/ don dam pa dang /dpe'i che ba dang/ sems ma bskyed pa smad pa dang/ bskyed pa bsngags pa dang/ mi byed pa'i sdom pa 'thob ba dang/ sems mi ldog pa dang/ sdug bsngal gyis mi 'jigs pa dang/ sems can yal bar mi 'dod ba dang/ le lo mi rigs ba'o/ /bsdun gnyis te/ mtshan nyid dang/ dbye ba'o/ /de la drug ste/ mngon par rtogs pa'i dbye ba dang/ rnam par bzhag pa'i dbye ba dang /brdar brtags don dam gyi dbye ba dang /dpe'i sgo nas dbye ba dang /skyon dang yon tan gyi sgo nas dbye ba dang/ las kyi sgo nas dbye ba'o/ /sgrub pa ni dgu ste /mtshan nyid dang mnyam pa nyid dang /gzhan gyi don khyad par du bya ba dang/ gzhan gyi don sgrub pa'i dbye ba dang /de'i phun sum tshogs pa dang /sgrub pa'i khyad par dang/ spyod yul bsngo ba dang/ gzhan gyis nyes pa bzod pa dang/ sgrub pa'i che ba nyid do/ /bsam par bya ba de kho na nyid zab mo rnam pa drug gis bstan te/ don dam pa'i mtshan nyid dang /bdag tu lte ba phyin ci log dgag pa dang/ phyin ci log dmad pa dang/ bdag med kyang zhi bar rung ba dang /gnyen po ye shes la 'jug pa dang /ye shes kyi che ba nyid do/ /bsam gyis mi khyab pa'i mthu ni rnam pa bdun gyis bstan te/ mtshan nyid rnam par dbye ba dang/ rgyu dang 'bras bu dang /las dang ldan pa dang /'jug pa dang /che ba'i yon tan no/ /las la drug ste /mthong /ston /'od zer rnam par rol pa/ sprul pa dang zhing dag go/ yongs su smin pa ni rnam pa gnyis te bdun dang gzhan no/ /de la bdag yongs su smin pa rgya che ba'i bdag nyid dang bcas pa ste/ dga' dang dang dang ra? bzhi snying brtse dang/ /bzod dang yid gzhungs mthu can nyid dang ni/ /mi 'phrogs ba dang yan lag ldan pa rab/ /de ni rgyal sras yongs su smin pa'i mtshan/ /sems can yongs su smin pa ni lnga ste /rang bzhin dang /rab tu dbye ba dang/ phan bde'i bsam pa dang /sbyor ba pha rol tu phyin pa drug gis bsgrub pa dang/ mjug bsdu ba'o/ /yongs su grub pa'i don bla na med pa'i byang chub la gnyis te/ mdor bstan pa dang/ rgyas par bshad pa'o/ /dang po la 'di ste/ yang dag par 'grub pa dang/ ngo bo nyid dang/ dpe dang sangs rgyas nyid gnyis su med pa'i mtshan nyid mthu dang bcas pa'o/ /rgyas par bshad pa la bcu gnyis te /de skyabs gnas bla na med pa dang/ gnas yongs su gyur pa dang /mdzad pa lhun gyis grub pa dang/ rgyun mi 'chad pa dang /zag pa med pa'i dbyings zab pa dang/ 'byor pa rnam par dbye ba dang/ sems can yongs su smin par mdzad ba'i rgyu dang /chos kyi dbyings rnam par dag pa dang sku gsum dang/ ye shes rnam par dbye ba dang/ sangs rgyas thams cad gcig pa dang/ tha dad ba las grol ba dang/ sangs rgyas nyid la 'jug pa'i thabs dang/ phan tshun mdzad pa gcig ba dang/ sangs rgyas nyid la spro bar bya ba ste bcu gnyis so/ /skyabs gnas bla na med pa la gsum ste/ nyon mongs pa las skyob ba dang/ 'tshe ba las skyob pa dang/ 'chi ba la sogs pa las skyob pa dang /skyabs chen po bla na med pa'i rgyu mtshan dang /yongs su rdzogS pa dang/ yul dus rnam par rdzogs pa'i phyir ro/ /gnas yongs su gyur pa la bzhi ste/ gnyen po phun sum tshogs pa dang ldan pa dang /gzhan las khyad par du 'phags pa dang /yon tan gyi dbye ba dang/ dpe rnam pa gsum mo/ /zag med kyi dbyings zab pa la rnam pa gsum ste/ mtshan nyid dang gnas dang/ phrin las zab pa'o/ /dang po la bzhi ste/ rnam par dag pa'i mtshan nyid zab pa dang /bdag mchog gi mtshan nyid zab pa dang/ lung mi ston pa'i mtshan nyid zab pa dang /rnam par grol ba'i mtshan nyid zab pa'o/ /phrin las zab pa la bcu gcig ste/ yon tan gnas nyid dang / sems can smin mdzad dang /mthar thug gshegs dang/ chos ston phrin las dang /mdzad pa gcig dang/ ye shes du gcig 'jug rnam par mi rtag dang/ ye shes sna tshogs ye shes mi 'jug dang/ ye shes khyad par 'phags/ bde gshegs snying po can no/ /'byor pa rnam par dbye ba la gsum ste/ mthu phul du byung ba dang /rnam pa'i rab tu dbye ba dang /gzhan du gyur pa'i 'byor pa'i rab tu dbye ba'o/ /sems can yongs su smin par mdzad pa'i rgyu la bdun te /ji ltar smin par mdzad pa dang /ya mchan che ba nyid dang smin pa'i thabs mar ba dang / lhun gyis grub cing 'du byed pa dang bral ba dang/ de'i dpe dang /gcig nas gcig tu smin pa dang /ngoms pa dang/ 'phel ba med par bstan pa'o/ /chos kyi dbyings rnam par dag pa la drug ste/ ngo bo nyid dang /rgyu dang 'bras bu dang/ las dang ldan pa dang/ 'jug pa'o/ /mos pa'i le'u bdun gyis bstan te/ rnam par dbye ba dang/ bar du gcod pa dang/ phan yon dang/ theg pa chen po la mos pa len du gzhug pa dang /zhum pa dgag pa dang /bsod nams kyi khyad par dang/ mos pa'i 'bras bu'o/ / chos tshol ba la bcu dgu ste/ dmigs pa yongs su tshol ba dang/ de rnyed pa dang/ yid la byed pa dang/ chos kyi de kho na nyid dang/ de kho na nyid sgyu ma lta bur yongs su chol ba dang/ shes bya yongs su tshol ba dang/ kun nas nyon mongs pa dang rnam par byang ba yongs su tshol ba dang/ rnam par rig pa tsam dang/ mtshan nyid dang/ rnam par grol ba dang/ ngo bo nyid med pa dang/ mi skye ba'i chos la bzod pa dang/ theg pa gcig pa nyid dang/ rig pa'i gnas dang/ khams brtas pa dang /chos tshor ba'i rab tu dbye ba dang/ rgyu nyid du dang /spang bya rnam par rtog pa tshol ba dang /mjug bsdu ba phan yon dang bcas pa'o/ /de kho na sgyu ma lta bur tshol ba la bcu gcig ste/ sgyu ma'i mtshan nyid dang /dus gcig tu rtogs par spyod pa dang/ dpe dang sbyar ba dang/ don dang sbyar ba dang/ dgos pa dang sbyar ba dang/ rgyu mtshan dang sbyar ba dang /dpe'i dbye ba dang/ mi mthun pa dang gnyan po'i dbye ba dang / spong ba'i tshul dang /thar ba'i dpe dang /sgyu ma la sogs pa dpe brgyad kyi don bstan pa'o/ /chos ston pa bcu gcig ste/ ser sna dgag pa dang /chos don med pa ma yin pa dang /ston pa rnam par dbye ba dang /ston pa phun sum tshogs pa dang /tshig phun sum tshogs pa dang /yi ge phun sum tshogs pa dang/ ston ba'i che ba'i bdag nyid dang/ don phun sum tshogs pa dang/ ldem por dbongs? pa dang/ dgongs pa rnam par dbye ba dang/ shin tu rgyas pa bsdus ba phan yon dang bcas pa bstan pa dang/ chos bstan pa'i phan yon no/ /bsgrub pa'i le'u la brgyad/ rnam par dbye ba dang/ sgrub pa la bag yod par bya ba dang/ nyon mongs pa kho nas nyon mongs pa las nges par 'byung ba dang/ theg pa dman pa yid la byed pa spang ba dang/ rang bzhin gyis ngag pa la skrag pa spang ba dang/ chags pa las skyes pI ltung ba dgag pa dang/ ji ltar gang du sgrub pa dang/ sgrub pa'i 'khor gsum yongs su dag pa'o/ /bye brag tu shes par bya ba'i gdams ngag dang rjes su bstan pa la bcu gsum ste/ mos pa rnam par 'phel ba dang/ de bzhin du ni tshogs bsags pa la sogs pa dang/ chos kyi rgyun gyi ting nge 'dzin thob pa las gdams ngag rnyed pa dang/ de la dmigs pa'i sems drug bstan pa dang/ yid la byed pa bcu gcig bstan pa dang/ zhi gnas gyi sems dgu bstan pa dang/ de las rim gyis bsam gtan las su rung ba can yon tan dang bcas pa thob pa dang/ nges par 'byed pa'i cha dang mthun pa dang/ mthong ba'i lam dang/ de'i mtshan nyid rnam par bzhag pa dang/ che ba'i bdag nyid dang/ bsgom pa'i lam dang/ gdams ngag gi che ba'i bdag nyid bstan pa'o/ /thabs dang ldan pa'i las rnam par dbye ba la gsum ste/ kun nas slong ba'i thabS dang/ lta ba'i? thabs dang/ 'khor gsum yongs su dag pa'i thabs so/ /pha rol tu phyin pa drug la grangs dang de'i mtshan nyid go rims dang/ des pa'i tshig dang goms bya yon tan dang/ de dag rab dbye bsdu dang mi mthun phyogs/ yon tan phan tshun rnam nges yin shes bya'o/ / bsdu ba'i dngos po bzhi la drug ste/ ngo bo dang byed ba dang/ las dang grangs nges pa dang/ rab tu dbye ba dang phan yon no/ /mchod la sogs pa bzhi ni sangs rgyas la mchod ba dang/ dge bshes bsten pa dang/ tshad med pa bsgom pa dang/ de dag 'jug bsdu ba'o/ /mchod phag? rgyu mtshan dang ni yongs bsngo? dang/ /rten dang dngos dang rgyu dang ni/ /ye shes dang ni zhing ngag dang/ /gnas kyi sgo nas rab tu bstan/ /dge bshes bsten pa gzhi dang ni/ /rgyu mtshan dang ni yongs bsngo dang/ /rgyu dang ye shes zhing ngag dang/ /gnas kyi sgo nas rab tu bstan/ /tshad med pa la gsum ste/ khyad par dang/ rab tu dbye ba dang snying rje'i rnam par dbye ba'o/ /snying rje'i rnam par dbye ba la nyi shu rtsa gnyis te/ dmigs pa'i rab tu dbye ba dang/ 'bras bu lnga dang/ srid pa dang zhi bar mi gnas pa dang/ 'khor ba yongs su shes pa dang snying rje'i rgyu rnam par dbye ba dang ljon shing gi dpe dang/ phan yon dang/ snying rje tshoD pa dang bral ba dang/ snying rje byams pas khyad bar du 'phaD? pa dang skrag ba dang dga' ba'i rgyu mtshan dang/ snying rje'i sdug bsngal gyis bde ba zil gyis gnon pa dang/ snying rje byin pa'i phan yon dang/ sdug bsngal khas len pa dang/ rnam pa gsum po dang/ de'i 'bras bu 'phel ba dang/ sbyin pa la spro ba bskyed pa dang/ gzhan bde bas bde ba nyams su myong ba dang/ sbyin pa la rjes su rton pa dang/ brtse bas sbyin pa khyad par du 'phags pa dang/ nye bar spyang pa'i khyad par gyis dga' ba dang/ pha rol tu phyin pa nye bar sgrub pa dang/ snying je'i rkyen rnam pa bzhi dang/ snying rje chen po mchog gi rnam pa'o/ /byang chub kyi phyogs dang mthun pa la nyi shu rtsa bzhi ste/ ngo tsha'i rnam par dbye ba dang/ brtan pa dang/ mi skyo ba dang/ bstan bcoS shes pa dang/ 'jig rten shes pa dang/ rton pa dang/ so so yang dag par rig pa dang/ tshogs gnyis dang/ dran pa nye bar gzhag pa dang/ yang dag par spong ba dang/ rdzu 'phrul gyi rkang ba dang/ dbang po dang/ stobs dang/ byang chub kyi yan lag dang/ 'phags pa'i lam dang/ zhi gnas dang/ ltag mthong dang/ thabs la mkhas pa dang/ gzungs dang/ smon lam dang/ ting nge 'dzin dang/ chos kyis sdom dang/ de'i skad cig ma dang/ bdag med pa dang/ ngo? tsha? la sogs ba'i las mdor bsdus pa bstan pa'o/ /bsam gyis mi khyab pa'i yon tan nyi shu rtsa bzhi ste/ ngo mtshar tshe ba dang mi che ba rnam par dbye ba dang/ sems mnyam pa nyid dang/ phan 'dogs pa dang/ lan du phan 'dogs pa dang/ smon pa dang/ sbyor ba chung mi za ba dang/ yang dag pa'i sbyor ba dang/ yongs su nyams pa dang/ khyad par can gyi chos rnam par dbye ba dang/ bcos ma dang bcos ma ma yin pa'i yon tan dang/ 'dul ba rnam par dbye ba dang/ lung bstan pa dang/ nges par 'gyur ba dang/ gdon mi za bar bya dgos pa dang/ rtag par bya ba dang/ gtso bo'i dngos po dang/ gdags pa rnam par bzhag pa dang/ yongs su tshol ba dang/ yang dag pa ji lta ba bzhin du shes pa dang/ dpag tu med ba dang/ bshad pa'i 'bras bu dang/ theg pa chen po dang/ de'i 'bras bu dang/ byang chub sems dpa' rnam par dbye ba dang/ de'i mtshan gyi rnam par dbye ba'o/ /yongs su grub pa mthar thug pa'i skabs la bco brgyad/ rtags dang/ phyogs dang/ lhag pa'i bsam pa dang/ yongs su 'dzin pa dang/ skye ba dang/ gnas pa dang/ sa rnam par dbye ba mdor bstan pa dang/ sa'i mtshan nyid dang/ de'i gang zag dang/ de la bslab pa rnam par bzhag pa dang/ phung po rnam par gzhag pa dang/ grub pa dang/ sa la zhugs pa'i rtags dang/ pha rol tu phyin pa thob pa'i rtags dang de'i phan yon dang/ sa'i nges pa'i tshig dang/ thob pa dang/ spyod pa dang/ sangs rgyas kyi yon tan rnam par dbye ba'o/ /de yang bsdus na gnyis te/ rgyu'i khyad par dang/ ngo bo'i sgo nas so/ /rgyu la drug ste/ rtags dang/ phyogs dang/ bsam pa dang/ yongs su 'dzin pa dang/ skye ba dang/ sa'i sgo nas so/ /ngo bo'i sgo nas sangs rgyas kyi yon tan bco brgyad de/ tshad med pa dang/ rnam thar la sogs pa dang/ nyon mongs pa med pa dang/ smon nas mkhyen pa dang/ so so yang dag par rig pa dang/ mngon par shes pa dang/ mtshan dang/ dpe byad dang/ yongs su dag pa dang/ stobs dang/ mi 'jigs pa dang/ bsrung med dran pa nyer gnas dang/ bag chags bcom pa dang/ bsnyel ba mi mnga' ba dang/ thugs rje chen po dang/ ma 'dres pa'i yon tan dang/ thams cad mkhyen pa'i yon tan dang/ pha rol tu phyin pa rdzogs pa dang/ sangs rgyas kyi mtshan nyid rnam par dbye ba'o/ / /rgyal sras mi pham mgon la mngon sum du/ /rna ba'i snyim pas bdud rtsi'i rgyun 'thungs pas/ /skal ldan gang+gA pta? ra'i slob ma mi/ bram ze rin chen rdo rjes legs bzung nas/ /theg chen mdo sde ma lus pa yi don/ /mkhas pa dga' bar byed pa'i rgyan bshad pa/ /mkhas pa dz+nyA na sh+rI yis rna rgyan ltar/ /legs bzung des ni bshad pa mngon sum du/ /dge slong chos kyi brtson 'grus kyis mnyan nas/ /ma nor don tshig phreng ba ltar sbreng 'di/ /byams pa nyid las mkhas pa bzhis brgyud nas/ /phyi ma dag la snang bar bya phyir bris/ / theg pa chen po mdo sde'i rgyan gyi don bsdus pa/ slob dpon mkhas pa chen po dz+nyA na sh+rIs mdzad pa rdzogs so// //bod kyi lots+tsha ba dge slong chos kyi brtson 'grus kyis bsgyur ba'o/ /slar yang gu No da d+his lan cig zhus so// // dbus dang mdza' ? rnam par 'byed pa'i 'grel bshad slob dpon blo brtan gyis mdzad pa bzhugs/

CLOSE WINDOW