བོད་ཡིག

e-texts based on the ACIP/ALL Input

sU tra lang kA rA di shlo ka sya dwa ya syA byA khyA naM/ bod skad du/ mdo sde rgyan gyi tshigs su bcad pa dang po gnyis kyi bshad pa 'phags pa 'jam dpal gzhon nur gyur pa la phyag 'tshal lo/ /yang dag par rdzogs pa'i byang chub tu mngon par rdzogs par byang chub pa/ bcom ldan 'das shAkya thub pa thugs rje chen pos gnon p a'i thugs kyis 'gro ba sna tshogs thugs kyis gzung ba'i dbang du mdzad nas chos kyi 'khor lo bskor bar mdzad pa gang la gang gi don du ji ltar gang dag gis bslab par bya ba'i don bzhi la dgongs nas/ 'khor rnams la mchog tu zab pa'i don can gyi mdo sde mdza' yas pa ston pa la 'jug par mdzad do/ /dus shin tu yun ring por goms par byas pa'i bsod nams dang ye shes yongs su smin pa'i bsam pa dang ldan pas/ de'i dus na nye ba rnams la yongs su dag pa'i rgyu nyid kyis bsam pa ji lta ba bzhin du don mdzad du zin na yang/ ston pa 'gro ba rnams kyi mig gcig tu gyur pa yongs su mya ngan las ' das pa na bdag cag lta bu'i gdul bya'i skye bo yongs su gzung bar bzhed nas yun ring por gnas pa'i don du gang sdud pa pos yang dag par bsdus pa yin no/ /snyigs ma lnga'i dus kyi sha zas sems can gyi tshogs kyi snying po med par gyur pa'i dus kyi tha ma de'i tshe na de'i don rtogs par dka' ba nyid kyi phyir 'bras bu med par gyur pa lta bur yang dag par gzigs nas de bde blag tu rtogs par bya ba'i don du/ 'phags pa thogs med kyi sgo nas slob dpon dbyig gnyen la phyed du gtad nas/ thams cad rjes su gzung bar bya ba'i phyir de nye bar ston pa'i bstan bcos mdo sde rgyan ces bya ba 'di/ /bcom ldan 'das byams pas nye bar bstan pa yin no/ /gang la don dang ldan pa'i ming rnam par shes par bya ba'i don du tshigs su bcad pa nye bar bkod de/ don dang ldan pa'i ming rnam par shes pas ni bstan bcos nyan pa po rnams kyis gus pa dang bcas pas 'jug pa'i yul du nye bar 'gro bar byed do/ /'di ltar yang 'dir don gyi rjes su 'gro bar khong du chud par bya ste/ ji ltar rin po che sna tshogs kyi 'od 'phro ba gser gyi rang bzhin gyi gdu bu dang/ dpung rgyan dang/ rna rgyan la sogs pa'i rgyan gyi mchog tu gyur pa'i bud med kyi yan lag rang bzhin gyis nyams dga' bar byed pa/ dbung pa'i yan lag la sogs pa mdzes par byed pa na 'jig rten la mchog tu dga' ba nye bar bskyed pa bzhin du/ nye bar bstan pa'i bstan bcos 'dis mdo sde'i mchog tu zab pa gsal bar byed pa nyid kyis dam pa rnams la mchog tu dga' ba skyed bar byed pa'i phyir 'di rgyan nyid dang 'dra ba yin no/ /'o n a de gang dag mdo sde'i don ji lta ba bzhin du gsal ba'i 'bras bu nye bar bstan pa la rang nyid 'jug pa la thos pa gcig nas gcig tu brgyud pa las byung ba'i shes rab dri ma med pa can phul du byung ba'i mkhas pa de dag bstan bcos 'di la mi 'jug pa 'am/ 'jug pa na ci yod par gyur pa 'am/ yod pa 'am/ yod par gyur pa ma yin nam/ de'i phyir rgyu mtshan gang gis na 'di nyid khyad par can gyi dga' ba bskyed pa'i rgyu nyid kyis rgyan nyid yin zhes bya ba'i dgos pa gsal ba'i don du phyin ci ma log pa nyid dang/ mi slu ba nyid dang/ don ma lus pa dag bsdus nas thun mong ma yin pa'i rgyu nyid du 'dir bstan pa yin zhes bstan pa'i don du don shes don ston zhes bya ba la sogs pa bstan to/ /gang 'dis ni mdo sde'i don ni brgyan par bya ba nyid dang/ bshad pa ni rgyan nyid dang/ de'i rgyu mtshan gong du brjod pa gsum bstan pa yin no/ /de la d on ston zhes bya ba ni ston pa nyid kyis nye bar bstan pa'i don ni rtag tu ltos pa dang bcas pa yin pas gang yin zhes bya ba'i dogs pa bsal ba'i phyir de dang 'brel pas khyad par dang bcas pa'i chos nye bar bstan pa'i phyir mdo'i don kho na brgyan par bya ba nyid do/ /mdo'i sde las gzhan pa'i chos na mdo'i sde bzhin du theg mchog bstan pa'i rnam pa ma yin te/ mdo'i sde kho nas shes par byas pa'i don la dbyangs kyis bsnyad pa'i sde la sogs pa rnam pa 'ga' zhig gis rjes su brjod pa yin pa'i phyir ro/ /de nyid kyi phyir theg mchog bstan pa zhes brjod par bya ba yin na /bstan bcos mdzad pas dbyangs kyis bsnyad pa la sogs pa rnam par gcad pa'i phyir 'dir bsgrub pa'i sgra lhag par brjod pa mdzad pa yin no/ /de yang sgrub pas na sgrub ces dngos po sgrub pa bstan pas ni ma shes pa shes pa'i don khong du chud par bya'o/ /bsgrub par bya ba yin pas bsgrub pa zhes las su sgrub pa ni shes par bya ba'i ngo bo yin no/ /'dir ni las su bsgrub pa bstan par mngon par 'dod do/ /de'i phyir don ni 'di yin te/ nyan thos dang rang sangs rgyas kyi byang chub kyi theg pa la bltos nas khyad par can yin pa'i phyir theg mchog ste/ rdzogs pa'i byang chub kyi lam yin no/ /de bstan pa ste bstan par shes par bya'o/ /sgrub pa ni sgrub pa bzhin pa ste/ rjes su gzung ba rang gis mi rtogs pa'i phyir des rtogs par bya ba'i rang bzhin te/ gang la yod pa de la de skad ces bya ste de'i'o/ /dngos po sgrub pa bstan na ni bstan pa'i sgra don du rtogs pa nyid yin pa'i phyir te 'bras bu med par thal ba bzlog par dka' o/ /de bas na de ltar sgrub pa'i sgra nye bar bstan pa'i phyir 'dir khyad par du bcas pa'i chos kyi sgras mdo'i sde kho na mngon par brjod pa yin no/ /de skad du yang 'grel pa mdzad pas chos tshol ba'i le'u las/ the tshom gyi gnyen por ni mdo sde yin te/ gang zhig gang la the tshom za ba de la don nges par bya ba'i phyir bstan pa'i phyir ro/ /yang na mdo sde ni chos kyi don bstan pa yin no zhes 'chad par 'gyur ba yin no/ /de bas na de lta bu de nyid yin te/ gang gi phyir mkhas pa rnams ni mdo'i sde dang/ dbyangs kyis bsnyad pa dang/ lung du bstan pa la sogs pa dang/ gsung rab kyi rnam pa'i grangs rjod bar byed pa na mdo'i sde kho na gtso bo yin pa'i phyir dang por gdon pa yin no/ /de lta bas na mdo'i sde'i don ni brgyan par bya ba nyid du 'dir brjod pa yin no/ / ston pa'i sgra ni bshad pa'i don yin pa'i phyir de dang de'i rjes su 'brel pa'i don ni bshad par bya pa nyid ma yin nam/ ji ltar na brgyan par bya ba nyid yin zhe na/ gal te don bshad ces bstan pa yin na bden te/ don ston rab tu byed pa zhes bstan par/ sgrub bzhin pa'i bshad pa khyad par can dang 'brel par khong du chud par bya ste/ des mkhas pa rnams la dga' ba skyed par byed pa'i phyir/ rgyan par byed pa de'i yul nyid du gyur pa'i don ji ltar na brgyan par bya ba'i bdag nyid du 'gyur ba ma yin/ don 'di nyid bstan bcos mdzad pas gser la brdungs byas 'dra zhing zhes bya ba la sogs pas dpe nye bar bkod pa sngon du 'gro bas/ chos de 'dir bshad pa yang dga' ba'i mchog bskyed do/ /zhes bya ba'i ngag gis ston par 'gyur ro/ /de lta bas na don ston rab tu byed pa zhes bya ba ni 'dir don brgyan par byed pa'i don du shes par bya'o/ /de ltar na su zhig rgyan par byed ci zhig rgyan par byed ces bya ba la sogs pa 'grel ba mdzad pas mngon par brjod pa'i dri ba dang/ lan gyis tshig rnams kyis don 'brel pa nyid du 'gyur ba yin no/ /sgra ji bzhin shes pa gang dag gis dgongs pa'i don khong du ma chud na 'grel ba su zhig rgyan par byed ci zhig rgyan par byed ces bya ba'i dogs pa gnyis bsal nas/ su zhig byed ci zhig byed ces gdon par rnam par brtags pa des ni/ snyom las? kyi bde ba la chags pa'i yid can gyis/ rtogs pa med pa nyid du khong du chud bar byed do/ /sgra ji bzhin ba shes pa nyid kyang/ de la gal yod de/ ci zhig gi don gyis rgyan du byed/ gang gi ched du rgyan du byed ces bya ba'i gang gi don ma nges pa nyid kyi phyir ro/ /'dir don ston rab tu byed pa zhes bya ba'i rjes su 'brel pa med bar tshig phyi ma dag gi don du rtogs pa ma yin te/ dogs pa nye bar mi byed pa'i phyir ro/ /gzhan yang ci zhig gi don gyis rgyan du byed ces bya ba la/ 'dir sgra dran pa la mkhas pa'i mngon pa'i nga rgyal can 'dis kyang don brgyan par bya ba'i bya ba las kyi dngos po thob pas don la zhes gnyis pa'i mdza' can nyid kyis mtshan nyid du thob pa yin na/ drug pa mi 'thad pa nyid du ji ltar mi spyod/ gang gi tshe rgyan par byed pa zhes bya pa 'di la/ don ston rab tu byed pa zhes bya ba'i don ji skad bshad pa'i rigs pas yin pa de'i tshe ni bstan par bya ba nyid 'dir las nyid du rtogs pa na don la de dang 'brel ba nyid du rtogs pa'i phyir/ de dang 'brel pa drug pa bstan pa la mi 'thad pa med do/ /de lta bu su zhig rgyan par byed ces bya ba la sogs pa ngag rnams ni ji ltar rnam par bzhag par nye bar bstan pa nyid bzang ba dang/ de mdzad pa po'i mngon par 'dod pa yang yin no/ /de bas na de ltar don ston rab tu byed pa/ theg mchog bstan pa'i rnam pa'i chos kyi zhes bya ba dag gi dum bu 'di tsam gyis rgyan bar bya ba nyid ni mdo'i sde'i don yin la/ rgyan nyid ni de nye bar ston par gyur pa'i bstan bcos 'di yin par brjod pa yin no/ /de la phyin ci ma log pa nyid la sogs pa'i/ rgyu mtshan gang gis brjod pa ste/ da ni de'i don bshad pa'i sgo nas gsal bar bya ste/ mkhas pa thamS cad rig pa ma yin pa/ mang du thos pa can yin yang kha cig mi shes pa'i phyir dang/ kha cig la the tshom za ba'i phyir dang/ kha cig la phyin ci log pa'i phyir/ rnam pa gzhan du bshad pa la 'jug bar byed pa ni phul du byung ba'i mkhas pa rnams la dga' ba bskyed pa ma yin pa'i phyir/ de dang mi mthun pa'i mtshan nyid la bstan pas 'dir rgyu mtshan dang po phyin ci ma log pa nyid nye bar bstan pa'i don du khyad par can gyis byed pa nges par sgrub pa 'di la/ don shes zhes bya ba la sogs pa smos so/ /'di skad bstan pa yin te/ chos dang/ don dang/ nges pa'i tshig dang/ sbobs pa so so yang dag par rig pa dag ma tshang na rnam pa gzhan du nye bar ston pa srid ba'i phyir/ phyin ci log pa nyid du yang 'gyur ba yin na/ 'dir ni mdzad pa pos bcu'i dbang phyug nyid yin pa'i phyir/ de tshang bar yod pa yin paS ji ltar ma phyin ci log tu nye bar ston par 'gyur/ 'di ltar chos kyi don shes zhes bya ba brjod pas na/ ston pa po la chos dang don so so yang dag par rig pa tshang ba nyid bstan to/ /ngag dang tshig rnams dri ma med pa zhes bya bas ni/ nges pa'i tshig so so yang dag par rig pa tshar? ba nyid do/ /'byor ba'i don tshul bla med gyur pa lnga'i bdag nyid ston par byed ces bya bas ni/ spobs pa so so yang dag par rig pa tshang ba nyid du bstan to/ /ngag las tshig rnams ji ltar tha dad pa yin/ tshig gam ngag gi ngo bo ma gtogs par byas pa'i ngag gam tshig rnams yod sred pa nyid na ma yin te/ de'i phyir gang yang rung ba bstan par bya ba nyid yin na/ cig car gnyi gar ston par byed ce na/ skyon de dag ni mod pa ma yin te/ tshig gi tshogs las gsal byed ki tshogs kyis mtshan nyid ni shin tu tha dad ba'i phyir ro/ /'di ltar tshig gi tshogs ni ngag gi tshogs yin la/ gsal byed kyi tshogs ni yi ge'i tshogs yin no/ /de skad du yang ming gi tshogs la sogs pa ni/ ming dang ngag dang yi ge'i tshogs zhes bshad do/ /'dir tshogs ni brjod pa'i tshogs yin par rig par bya'o/ /de'i phyir 'dir dag dang zhes bya ba'i sgras ni tshig gi tshogs dag chen po'i ngo bo bstan pa yin par blta bar bya ste/ de nyid kyang khongs su gtos? ma'i dag yang dag bar bsdus pa'i bdag nyid yin pa'i phyir dang/ don rtogs pa'i sgrub par byed pa nyid kyis dag nyid ni 'dir tshig yin pa'i phyir ro/ /tshogs kyi don ni bsags pa'i don nyid yin pa'i phyir ro/ /tshig rnams zhes bya ba'i sgras ni/ gsal byed kyi tshig gi khongs su gtogs pa'i dag gi ngo bo yin no/ /dgongs ba 'di nyid kyis kyang dag dang tshig dag ni/ gcig gi tshig dang/ mang po'i tshig gi mdza' can nyid du bstan to/ /ngag chen po ni gcig yin pa'i phyir dang/ khongs su gtogs pa'i ngag rnams ni mang po nyid yin pa'i phyir ro/ /de ltar tha dad pa yin du chung mod/ ngag kho na tshig 'phen pa nyid yin pa'i phyir/ 'dir de dag logs shig tu bstan zhes pa ji ltar mi 'thad pa ma yin zhe na ma yin te sgra gzhan gyis don gyi nye bar bstan pa yin yang/ rang gi sgras mngon bar brjod pa mthong ba'i phyir te/ dper na bram ze rnams 'das so/ /gnas 'jog kyang 'ongs so so zhes bya ba lta bu'o/ /de ni der gtso bo nyid du ston pa lta bur lhur len pa'i phyir skyon de med pa yin no zhe'o/ /'dir yang de rnams gtso bo nyid du gyur pa yang ci/ 'di'i rgyu mtshan nyid du ci'i phyir khas blang bar bya ba ma yin te/ de'i dbang gis dag ni ches gzung bar bya ba nyid du 'gyur ba'i phyir ro/ /gang gi phyir skyon dang ldan ba'i khongs su gtogs pa'i dag can gyis dag chen po de ni mkhas pa rnams kyi gzung ba ma yin pa nyid yin la gang la yon tan dang ldan par 'jug pa de ni gzung bar bya ba kho na yin no/ /de la yan lag brgyad kyi dag ni de'i mi mthun pa'i phyogs kyi dri ma dang bral ba'i phyir dri ma med pa'o/ /'di lta ste/ grong khyer pa ni mi zhan pa gang yin pa ste/ 'khor la khyab ba'i phyir ro/ /snyan cing 'jebs pa ni snyan pa gang yin pa ste/ yi ge mi rtsubs ba nyid kyi phyir ro / rnam par gsal ba ni legs par bshad pa gang min pa ste/ yi ge legs par nges par bshad ba nyid kyi phyir ro/ /rnam par rig par byed pa ni/ yi ge grags pa gang yin pa ste/ grags pa nyid mngon par brjod pa nyid kyi phyir ro/ /mnyan par 'os pa ni ji ltar rigs pa yin pa ste/ gdul bya dang rjes su mthun pa'i phyir ro/ /rten med ba ni zang zing med pa gang yin pa ste/ rnyed pa dang bkur sti dang/ tshigs su bcad pa dag la rten nyes pa med pa nyid kyi phyir ro/ /mi mthun ba med pa ni ran pa gang yin pa ste/ mi ran pa ma yin pa nyid kyi phyir te/ de las cig shes ni skyo ba skyed par byed pa nyid kyis mi mthun pa'i phyir ro/ /gtugs pa med pa ni yangs pa gang yin pa ste/ tshad mas yongs su dag pa'i don mngon par brjod pa nyid kyi phyir ro/ /bstan bcos mdzad pa bos/ /rgyal sras tshig na mi zhan pa/ /snyan cing legs bshad grags pa dang/ /ci rigs ba dang zang zing med/ /ran cing de bzhin yangs pa yin/ zhes bya ba 'dis dag phun sum tshogs pa 'di nyid ston par gyur ba yin no/ /tshig rnams kyi yan lag brgyad ni snga ma ji lta ba bzhin du dri ma med pa'i zhabs yin no/ /'di lta ste/ rigs pa ni gang dag tshad ma rnams dang mi 'gal ba'i don nye bar brjod pa nyid do/ /'brel pa ni ji ltar mdor bstan pa bzhin du don rgyas par bstan pa gang dag yin pa'o/ /mthun pa'i gang zag theg pa gsum dang mi 'gal bar 'jug pa nyid do/ /rung ba ni bde ba la brten pa gang yin pa ste/ sgra nyam da? ba med pa'i phyir ro/ /'byor ba ni gang dag grags pa'i don gyis don dang ldan pa nyid do/ /'phrod pa ni rigs pa gang yin pa ste/ gdul bya dang rjes su mthun pa nyid kyi phyir ro/ /'tsham pa ni gang dag mya ngan las 'das pa'i dbang du byas nas 'jug go /'brus? skyong gi yan lag gi tshogs su gyur pa ni gang dag slob pa'i 'phags pa'i lam yan lag brgyad dang rjes su 'thun pa'i phyir ro/ /rab tu dbye ba 'di nyid bstan pa dang de bzhin bshad ba dang/ theg dang mthun dang bde ba dang/ /grags pa dang ni ci rigs dang/ /nges par 'byung dang mthun pa'i phyir/ /de 'dir sems dpa' mchog rnams kyis/ /yi ge phun sum tshogs pa yin/ zhes bya ba'i tshigs su bcad pa phyed dang gnyis kyis bstan bcos mdzad pa po ston par 'gyur ro/ /de'i phyir 'di'i don ni 'di yin te/ gang zhig don shes pa yin zhing de lta bu'i dag dang/ tshig rnams kyi mdo sde'i don ston pa la 'jug pa de ni ji ltar na rnam pa gzhan du bshad pa'i dogs pa byed/ don shes pa nyid kyis na de mi shes ba dang the tshom za ba dang/ phyin ci log rnams bsal ba yin par mtshon par byed do/ /ngag dang tshig rnams dri med ces bshad pas ni/ skyon de rnams te de dang ldan pa nyid kyang rnam pa gzhan du chad par 'gyur ro/ /de ltar phyin ci ma log ba nyid bsgrub pa yin no/ /don shes pa'i spobs pa dang ldan zhing/ gzhan khong du chud par byed pa la mkhas pa yin yang /slu bar bsams nas 'jug pa ma yin nam/ gang gis na 'dir phyin ci na log pa nyid du nges par bshad par 'gyur ba ji ltar na rnam ba gzhan du yang 'chad pa mi srid pa nyid ces bya ba'i dogs pa de bsal ba'i phyir/ dgos pa dang de'i rgya bshad pa'i sgo nas rgyu mtshan gnyis pa mi slu ba nyid/ sdug bsngal bsgral phyir zhes bya ba la sogs pa smos so/ /'di skad bstan pa yin te/ gang gi phyir bskal ba du mar sdug bsngal ba'i skye bo la dmigs pa'i snying rje 'bad par goms pa las gang zhig de'i bdag nyid du gyur pa na nye bar bstan pa la 'jug pa de gang gis na slu? bar byed par 'gyur ba/ ji ltar na sdug bsngal bsgral ba las gzhan pa'i dgos ba rtsed mo la sogs pa 'dod par byed/ de'i phyir de'i bshad pa ni mi slu bar byed pa kho na'o/ /sgrub pa la bltos nas sdug bsngal mtshams nyid du rtogs pa'i phyir 'byung khung gis lnga pa sdug bsngal las zhes bstan par rigs pa ma yin nam/ ji ltar na sdug bsngal gyi zhes bstan/ sdug bsngal ba'i skye bo ni sdug bsngal las bsgral bar bya ba nyid yin no zhe na/ skyon de dag med de/ sdug bsngal gyi mtshams dang/ de dang ldan pa la 'brel pa srid pa'i phyir ro/ /gang gi phyir 'dod pas byed pa rnams 'jug pa de'i phyir/ 'dis 'brel ba'i dod pa tsam la rag las pa'i drug pa 'thad pa kho na'o/ /yang na bsgral ba'i byed pa po ni sdug bsngal las gzhan pa'i sdug bsngal ba'i bdag la sogs pa yang dag par med par bstan pa'i phyir de ltar bstan pa yin no/ /gang yang bdag tu lta ba bdag nyid bdag mtshan min/ /ngan par gnas min mtshan nyid mi 'dra phyir/ /gnyis las gzhan med de ni nor ba skyes/ /de phyir thar ba nor pa zad tsam yin/ /zhes bstan par 'gyur ro/ /de ltar na sdug bsngal bsgral phyir zhes bya ba 'dir/ 'khrul pa zad phyir zhes bya ba'i don du gnas pa yin no/ /sdug bsngal zhes bya ba'i tshig gis ni kun rdzob tu de nyid mngon par brjod pa yin no/ /de ltar na thams cad legs par gnas pa yin no/ /'di dag ni rtogs zin to/ /gal te rig bya rig pa dang/ snying rje'i rang bzhin can sdug bsngal zad pa nyid kyi 'bras bu rnams gzhan dag la sbyin pa'i don du nye bar bstan pa la 'jug pa ni phyin ci ma log pa nyid dang mi slu bar byed pa la brten pa yin te/ de'i phyir der da ltar thos pa dang ldan pa yin yang/ de'i 'bras bu grub pa ji ltar na mthong ba yin/ de'i phyir bstong pa 'di 'ba' zhig nye bar mtshon pa yin no/ / zhes/ phyi ma'i dus su sgro 'dogs pa rnam par gcad pa'i don du de 'jug pa'i rgyu mtshan gdul bya skal pa dang ldan pa nyid bstan pa'i don du/ de yis 'gro ba'i sems can la zhes bya ba smos so/ /'dir skal ba dang ldan pa nyid kyang de'i dang tshul can du sgrub pa'i rkyen gyis bsgrub pa nyid do/ /de la brtan nas nye bar bstan pa 'bras bu dang bcas pa kho na ste/ de ltar na cung zad kyang chad ba med do/ /gang phyir sprin las char 'bab kyang/ /sa bon med las mi 'byung ltar/ /sangs rgyas rnams ni 'byung na yang/ /skal pa med pas 'bras mo myong/ /zhes bshad pa yin no/ /de ltar na rgyan nyid la phyin ci ma log pa nyid dang/ mi slu bar byed pa nyid kyi rgyu mtshan bstan nas/ gsum pa don ma lus pa nyid de ston par bzhed nas/ 'byor pa'i zhes pa la sogs pa smos te/ gsung rab la ni gang gi de ma bstan na/ 'di'i don ma rdzogs bar 'gyur ba/ don rnam pa lngas lhag pa'i shes bya srid pa'am/ nye bar bstan pa srid pa yod pa ni ma yin te/ thams cad kun nas nyon mongs pa dang/ rnam par byang ba dag gis bsdus pa'i phyir ro/ /de la kun nas nyon mongs pa ni bsgrub bar bya ba dang/ bye brag tu shes par bya ba dang/ bsam bar bya ba don gsum gyis bstan to/ /rnam par byang ba ni bsam gyis mi khyab pa dang/ yongs su grub pa gnyis kyis bstan to/ /de ston ba'i nus pa dang ldan pa ni 'di nyid yin te/ ting nge 'dzin dang gzungs rab tu thob pa'i phyir ro/ /de'i phyir ji ltar na/ gzhan gyis bshad pa rnams don ma lus par gsal bar byed pa'i 'bras bu can du 'gyur/ de lta bas na ji skad bshad pa'i rgyu rnams kyi nye bar bstan pa'i bstan bcos 'di mkhas pa rnams la/ khyad par gyi dga' ba bskyed pa'i rgyu yin pa'i phyir rgyan nyid dang 'dra ba ni rigs pa kho na yin no/ /khyad par can gyi dga' ba'i rgyu de nyid kho na don rnam pa lnga'i dbang du byas nas/ bcom ldan 'das kyis bstan pa'i chos bshad pa'i bstan bcos 'di la go rims bzhin du gser las brdungs byas 'dra zhes bya ba la sogs pa'i dpe lngas bsgrub pa'i don du gser las brdungs byas 'dra zhes bya ba la sogs pa smos so/ /de la don rnam pa lnga ji 'dra ba yin zhe na/ rgyu mtshan dang/ ming dang/ rnam par rtog pa dnag/ de bzhin nyid dang/ yang dag pa'i ye shes zhes bya'o/ /de la rgyu mtshan ni kun gzhi rnam par shes ba dang/ nyon mongs ba can gyi yid dang/ 'jug pa'i rnam par shes pa'i rgyu mtshan nyid ni 'di phan tshun rgyu nyid yin pa'i phyir ro/ /ming ni rgyu mtshan de nyid brjod par bya ba ma yin yang mig btsum byed pa bzhin du yang dag par mtshon par byed pa'i brjod pa gang yin pa'o/ /rnam par rtog pa ni ji skad bshad pa'i rgyu mtshan gyi rang bzhin dang/ khyad par du rnam par rtog pa ste/ khams gsum pa dang mtshungs par ldan pa'i sems dang sems las byung ba'o/ /de bzhin nyid ni stong pa nyid do/ /yang dag pa'i ye shes ni de bzhin nyid la dmigs pa'i 'jig rten las 'das pa'i ye shes so/ /de rnams kyi go rims ni 'di nyid kho na yin te/ 'di ltar kun nas nyon mongs pa'i gdags pa'i gzhi yin pa'i phyir dang por rgyu mtshan no/ /kun nas nyon mongs pa gdags pa nyid kyi phyir/ de ma thag tu ming ngo/ /ming ji lta ba bzhin du kun nas nyon mongs pa'i gzhir rnam par rtog pa'i phyir/ de'i 'og tu rnam par rtog pa'o/ /kun nas nyon mongs pa de yang de bzhin nyid la yang dag pa'i ye shes kyis 'gog pa nyid yin pa de'i phyir/ de'i rjes la de bzhin nyid dang/ yang dag pa'i ye shes yin no/ /'grel? pa mdzad pas ni rgyu mtshan la bsgrub par bya ba zhes bya bar bstan te/ gzhan gyi dbang gi ngo bo nyid kyi rgyu dang rkyen las nges par 'byung ba'i phyir/ gser las brdungs byas 'dra ba'o/ /gang gi phyir gser ni gang du bu dang/ rna rgyan dang/ phung rgyan la sogs pa nyid du rang bzhin gyis grub pa'i ngo bo ma yin te/ bsreg pa dang bcad pa dang/ chus bran pa dang/ brdung ba la sogs pa'i rkyen rnams don med par thal ba'i phyir ro/ /ming ni bye brag tu shes par bya ba zhes bya ba ste/ gang gi phyir ming ni mar me bzhin du rung ba nyid kyis don shes par byed pa ni ma yin te/ brda rig pa bzhin du brda ma rig pas kyang don rtogs pa skye bar thal ba'i phyir ro/ /'o na ci zhe na/ 'di ni 'di'i brjod bya/ 'di ni 'di'i rjod par byed pa zhes skyes bu'i 'dod pas brtags pa'i brjod bya rjod byed kyi 'grel ba shes pas so/ /de nyid kyi phyir ming ji lte ba'i don ni mi srid pa'i phyir don gyi dbang du byas nas/ 'di kun brtags pa'i rang bzhin gyis khongs su 'dus par gzhan gyi brjod pa yin gyi/ rang gis ngo boS ni ma yin te/ rnam par rig pa'i ngo bo nyid yin pas de ni btags pa nyid ma yin pa'i phyir ro/ /shes pa de nyid kyang bye brag tu shes pa ste/ de yang brda shes pa bye brag tu shes pa po la bltos naS gzhan la 'gyur ba de'i phyir bye brag tu shes par bya zhes bstan te/ pad+ma rgyas pa bzhin no/ /gang gi phyir pad+ma ni 'byed bar byed pa skyes bu'i lag pa dang/ nyi ma'i 'od zer dang/ yongs su 'brel pa la bltos pa med par rnam par dbye ba'i mtshan nyid can gyis bye brag tu shes par bya ba'i yul du thob pa ma yin no/ /rnam par rtog pa ni bsam par bya ba zhes bya ste 'dus ma byas kyi khams la 'jug par bya ba'i phyir/ dam pa'i chos thos pa las byung ba'i tshul bzhin yid la byed pas/ de ni gdon mi za bar bsam par bya ba nyid yin pa'i phyir ro/ /rnam par rtog pa spangs pa med par ni 'dus ma byas kyi dbyings la 'jug par 'gyur ba ma yin no/ /rnam par rtog pa yang thog ma med pa ma rig pa'i bag chags kyi dbang gis brdzun pa yin yang rgyu mchan? la rang bzhin dang khyad par dag gi ming ji lta ba bzhin du bden pa nyid du mngon par zhen pas 'jug pa ni bdag nyid nye bar zhi ba'i thabs rig ba dang / rjes su mthun pa'i rnam par dpyod pa med par spong ba ma yin no/ /ji skad du rgyu gnyis dang rkyen gnyis dag gis yang dag par mthong ba skye ste/ pha rol gyis bstan pa dang bdag nyid la tshul bzhin yid la byed pa'o zhes gsungs so/ /de ma spangs na yang kun nas nyon mongs pa kho na mngon du byed par 'gyur gyis/ rnam par byang ba'i bde ba ni ma yin pa'i phyir kun nas nyon mongs pa spangs pa dang/ rnam par byang ba thob bar bya ba'i phyir rnam par rtog pa ni/ ming ji lta ba ni yul med pa nyid du bsam bar bya ba ste/ kha zas g.yos legs bzhin no/ /gang gi phyir kha zas legs par rang bzhin dang/ khyad par dag tu ma bsams par g.yos legs pa'am/ de nye bar longs spyod ba'i bde ba la chags ba'i yid can gyi bde ba sgrub par gyur ba ni ma yin no/ /des na de yang bsam par bya ba yin zhes grags pa'i phyir 'dir dper gyur pa yin no/ /de'i phyir de ltar gsung rab las bstan pa'i rgyu mtshan dang/ ming dang rnam par rtog pa'i don gsum ni/ dpe gsum gyis bsgrub bya dang/ bye bgra tu shes bar bya ba dang/ bsam bar bya ba nyid du bstan pa'i dbang du byas nas chos bstan par 'jug pas ji ston par 'gyur zhe na/ kun nas nyon mongs pa dang/ de'i tha snyad do/ /de la rgyu mtshan ni kun nas nyon mongs pa'o/ /ming dang rnam par rtog pa dag? ni de'i tha snyad yin te / de dag gis de nyid rang bzhin dang/ khyad par du tha snyad du btags pa'i phyir ro/ de tsam kho na 'khor ba yin te/ 'di tha snyad du bya ba dang tha snyad dag las lhag par 'gyur ba rigs ba ma yin no/ /de la sgrub par byed pa zhes bya bar brjod pa dang 'brel pas yang dag pa ma yin ba'i kun du rtog pa mtshan nyid kyis kun nas nyon mongs pa rgyu med pa can du rtog pa bsal bar mdzad pa yin rang gi ngo bo sgrub pa'i phyir/ gzhan la bltos pa kho na de ltar bsnyed pa'i yul yin pa'i phyir ro/ /rgyu mtshan zhes bya ba ni mi mthun pa'i rgyu can du rtog pa bsal ba yin te/ gang gi phyir de las gzhan pa'i rgyu mtshan nyid du srid ba yin na/ rgyun la brten nas phan tshun rgyu nyid du bsams nas de nyid rgyu mtshan nyid du mngon par brjod bar rig pa ma yin no/ /de nyid kyi phyir rang bzhin med pa nyid du yongs su bstan pas 'di snying rje can la brdzun pa nyid kyis mi skrag pa'i yul du yang bstan pa yin no/ /gang yang rang dang gang gi bdag nyid du/ /med phyir rang gi ngo bo la/ /mi gnas phyir dang 'dzin bzhin du/ /med phyir ngo bo nyid med 'dod/ /phyi ma phyi ma'i rten yin pas/ /ngo bo nyid med med pa yi/ /skye med 'gag med gzod nas zhi/ /rang bzhin mya ngan 'das pa 'grub/ /ces ston par 'gyur ro/ /de nyid kyi phyir yang dag pa ma yin pa'i kun tu rtog pa yang dag par rang bzhin med pa yin yang/ byis pa'i skye bo rang bzhin nyid kyis zhen pa de'i zhen pa nyid bsal ba'i don du/ 'di thams cad ni ming tsam ste/ 'di lta ste/ mig dang gzugs nas yid dang chos kyi bar du'o/ /ming ni gang dang gang dag gis/ /chos ni gang dang gang brjod pa/ /de la de ni yod ma yin de ni chos rnams chos nyid do/ /ming nyid ming gis stong pa ste/ /ming min la ni ming yod min/ chos kun ming dang bral ba ste/ /ming ni kun du brtags pa yin zhes bya ba'i phyogs la/ ming gi bdag nyid kyis tha snyad bye brag tu shes par bya ba nyid du bstan ba'i phyir brdzun pa'i yul can du bstan pa yin no/ /gang gi phyir rang bzhin gyi don dang ldan nam/ /de dang 'brel ba la yang dag bar srid na/ /rjod byed yul med pa can du bstan par rigs pa dang ldan ba ma yin no/ /rnam bar rtog ba'i bdag nyid kyis tha snyad kyi ming ji lta ba bzhin du 'jug pa'i yul tha mi dad pa'i phyir /yul med ba nyid du rtogs ba na/ kun nas nyon mongs pa nye bar zhi bar bya ba'i phyir/ ji ltar zhen pa'i yul gyi de nyid bsam pa'i sgo nas bsal bar bya ba nyid bstan ba'i phyir/ bsam bar bya ba nyid bstan pa yin no/ /'dir rang gi ngo bo rnam par dpyad pas sel ba ni ma yin te/ de yang rnam par rtog pa'i bdag nyid las ma log pas rnam par dpyod ba gzhan la bltos pa yin la/ de yang de'i ngo bo nyid yin pas gzhan la bltos pa yin na /thug pa med par 'gyur ba'i phyir /nam yang de yod pa mi srid bas grol ba med par thal bar 'gyur te/ de spangs pa kho na nyon mongs pa nye bar zhi ba'i bdag nyid can gyis grol ba'i phyir ro/ /sems dpa' mchog rnams ni rnam par rtog pa nyid kun nas nyon mongs bar khas len ba yin no/ /de yang gang tshe rnam par dpyod ba yi/ /rnam par dpyod pas dbyad byas gang tshe? thug ba med 'gyur te/ /rnam dpyod de la'ang dpyad phyir ro/ /dpyad bya dpyod par byed pa ni/ /rnam par dpyod ba rten yod min/ /rten med phyir ni skye ba med/ /de ni mya ngan 'das par brjod ces bstan to/ /de bas na de ltar gsung rab las bstan pa'i rgyu mtshan dang /ming dang rnam bar rtog pa rnams ni dpe gsum gyis bsgrub bar bya ba dang/ bye brag tu shes par bya ba dang/ bsam par bya ba nyid du bstan pa na dgongs pa gsal ba yin no/ /da ni dkyus ma nyid kyi rjes su 'brang bar bya ste/ gal te 'grel pa mdzad pas rnam par rtog pa ni bsam par bya ba zhes bshad ma bsam gyi ni khyab ba'i sgra don ci zhig brjod ce na / de bzhin nyid do/ /de ni chos thams cad kyi rang bzhin nyid yin no/ /rang bzhin gang yin pa de yang ji ltar 'di dag gi 'di yin zhes bsam par bya ba ma yin te/ spring yig legs pa bzhin no/ /gang gi spring yig legs pa rang/ bzhin gyis nyams dga' ba ni ji ltar spring yig legs pa yin zhes sus kyang bsam par bya ba ma yin te/ bcom ldan 'das kyis kyang/ de bzhin gshegs pa rnams byang yang rung de bzhin gshegs pa rnams ma byung yang rung/ chos rnams kyi chos nyid 'di ni gnas pa yin te/ 'di lta ste/ yang dag pa'i mdza' o zhes bya ba'i gsung la gnas pa nyid ces bya ba'i tshig gis gzhan ma yin pa'i don gyi de bzhin nyid 'di bsam gyis mi khyab ston par byed do/ /de ltar bsam gyis mi khyab pa'i sgras de bzhin nyid brjod pa yin du bcug na/ lhag mar gyur pas 'jig rten las 'das pa'i mthar thug pa'i lam gyis yang dag par bsdus pa yang dag pa'i ye shes yongs su grub pa'i sgras rjod pa ni/ don gang gis yongs su grub pa zhes brjod ce na/ don gang gis na rin po che'i snod yongs su gang bar grub pa ste/ ji ltar de ni rin po ches yongs su gang bar gyur pa na/ yongs su grub pa zhes brjod ba de bzhin du rnam par mi rtog pa'i ye shes kyang / rang gi mi mthun pa'i phyogs nges par spangs pa'i byang chub kyi phyogs kyi chos la sogs ba rin po che dag gi bdag nyid du gyur pa'i tshul du yongs su rdzogs pa ni yongs su grub pa zhes bya bar bstan ba yin no/ /de'i phyir de ltar de bzhin nyid dang/ yang dag pa'i ye shes kyi ngo bo gnyis kyi don dpe gnyis kyi bsam gyi mi khyab pa dang/ yongs su grub pa nyid du bstan pas chos ston pa 'jug ba ci zhig ston pa yin zhe na/ gang rnam par byang ba dang/ gang gis rnam par byang ba de gnyi ga'i rnam par byang ba ste/ 'di lta ste / rang bzhin gyis rnam par byang ba dang/ dri ma dang bral ba'i rnam bar byang ba zhes bya ba'o/ /de la dang po ni de bzhin nyid de/ rtag tu de bzhin kho nar yod pa'i phyir ro/ /de nyid kyi phyir de ni mi 'gyur ba yongs su grub pa bas mi 'gyur ba grub pa zheS brjod ba yin no/ /gnyis pa ni yang dag pa'i ye shes te/ de ni phyin ci log rnams gtan du spangs ba'i phyir dang/ phyis yang skye bar 'gyur ba nyid dang bral ba'i phyir phyin ci ma log par yongs su grub pas yongs su grub pa zhes brjod pa yin no/ /de tsam nyid ni rnam par byang pa yin no/ /de ltar na bla na med pa'i theg pa rtogs pa don lnga'i bdag nyid kyi tshul de bstan bas kyang/ mdo'i don ston ba don ma lus pa nyid yin no zhes bya bar bstan par rigs pa yin no/ /de ltar bshad pa 'di dag ni tsam gyis ni/ rgyu mtshan la sogs pa don rnam ba lnga'i dbang du mdzad nas /bcom ldan 'das kyis chos bstan ba gang yin pa de la go rims bzhin du/ gser las brdungs byas 'dra ba dang/ pad+ma rgyas pa dang/ kha zas g.yos legs pa dang/ spring yig legs pa dang/ rin po che'i snod kyi dpe dag gis bsgrub par bya ba dang/ bye brag tu shes par bya ba dang/ bsam par bya ba dang/ bsam gyis mi khyab pa dang/ yongs su grub pa nyid du bstan ba yin no/ /yang don rnam pa lnga'i dbang du byas nas bstan pa'i chos la/ mdo sde rgyan 'dis bshad pa ni go rims bzhin du dpe 'di dag gis khyad par can gyi dga' ba'i rgyu nyid du sbyar bar bya'o/ /de'i tshe ni brdungs byas dang/ rgyas pa'i sgra dag ni bzlas nas thob ba yin la/ kha zas g.yos legS pa sogs pa'i dpe gsum la ni / dang po bshad pa dang ma sbyar ba'i tshig gzhan rnams ma sbyar bar bstan par bya ba yin te/ de dag gang zhe na/ /kes pas nyen pa za ba 'dra ba dang/ thos pa 'dra ba dang/ phye ba ltar zhes bya ba de dag yin no/ /de na don 'di bsgrub par bya ste/ ji ltar gser las gdu? bu dang/ rna rgyan la sogs pa nyid du brdungs shing gzugs kyi rnam pa can du byas pa rang bzhin gyis nyams dga' bar byed pa yin yang/ brgyan par bya ba yang lang tshe ma'i gtso ma'i dpung ba'i yal ga la sogs pa la brdungs shing rgyan nyid du sbyar na/ dga' ba'i mchog bskyed par byed pa de bzhin du/ bsgrub par bya ba'i don gyis dbang du byas nas bstan pa'i chos 'di la 'thad pa'i sgrub byed kyi rigs pa ji lta ba de bzhin du rnam par bzhag par bshad pa na khyad par can gyi dga' bskyed par byed ba yin no / de bzhin du pad+ma rgyas pa ni rnam par phye ba ste/ ji ltar rgyas pa rtogs pa pos de lta bu nyid du mthong nas/ dga' ba skyed par byed pa de bzhin du /bye brag tu shes par bya ba'i don gyi dbang du mdzad nas bstan pa'i chos 'di rnam par bkrol ba yin no/ /ji ltar khams g.yos legs pa ni legs par bsgrubs pa ste/ bkres pas nyen pa za ba na/ de dag la mchog tu dga' bskyed par byed pa de bzhin du / bsam par bya ba'i don gyi dbang du byas nas bstan pa'i chos 'dis rnam par phye ba yin no/ /ji ltar spring yig legs pa thos ba ni don shes pa ste/ mkhas pa la khyad par can gyi dga' pa bskyed pa de bzhin du/ bsam par bya ba'i don gyi dbang du byas nas bstan pa'i chos 'di rnam par bshad pa yin no/ /ji ltar rin chen sgrom phye ba ni kha khabS phye ba ste/ rtogs pa po rnams kyi mthong ba'i yul du gyur pa nyid mchog tu dga' ba bskyed ba de bzhin du/ yongs su grub pa don gyi dbang du byas nas bstan pa'i chos 'dis don rnam par phye ba yin no/ /'di skad bstan pa yin te/ gser las brdungs byas la sogs pa ni rang bzhin gyis nyams dga' ba yin yang/ ji ltar rtogs pa po rnams kyis rtogs pa'i spyod yul du gyur pa kho na khyad par can gyi dga' bskyed par byed kyi/ rang gi ngo bo gnas pa nyid kyis ma yin pa de bzhin du/ don lnga'i dbang du byas nas bstan pa'i theg pa chen po'i mdo sde zhes bya ba'i chos 'di nye bar bstan pa'i bstan bcos 'di'i dbang gis rtogs ba po rnams la mchog tu dga' ba skyed par byed ba yin no/ /de'i phyir sngar bstan pa'i chos nyid rab tu dga' ba skyed par byed pa nyid kyis rgyan dang 'du? bar rgyan nyid du bstan pa yin no/ /de bas na de ltar rnam pa gnyis su dpe sbyar ba'i sgo nas tshigs su bcad pa 'di bshad pa yin par gdon mi za bar khas blang bar bya ba yin te/ 'grel pa mdzad pa'i dgongs pa yin pa'i phyir ro/ /gzhan du gal te don rnam pa lnga'i dbang du byas nas bstan pa'i chos 'dis rnam par bkrol ba na / dga' ba skyed par byed pa'i sgrub pa'i yan lag nyid du gser las brdungs byas pa la sogs pa nye bar bkod pa de lta bu kho na bstan bcos mdzad ba'i bshad bar bzhed pa yin na /de'i che 'dis da ni don gyi tshul lnga'i bdag nyid de tshigs su bcad pa gnyis pas ston par byed de zhes bya ba/ tshigs su bcad pa 'di'i 'jug par byed pa dang /ngag tha dad par bshad par byed pa ma yin par 'gyur ro/ /ngag tha dad bar bshad par mi bzhed pa yin na ni /de'i zhes bya ba 'dir de'i sgras rab tu bzung ba'i chos de mdo sde rgyan 'dis zhes bya ba 'dir yang des sgras bstan pa 'brel ba med pa kho nar 'gyur ro/ /dpe lngas zhes bya ba'i 'grel ba'i gzhung yang brjod bar 'os ba nyid ma yin te/ go rims bzhin du/ gser las brdungs byas pa la sogs pa ltar zhes bya ba 'dis don rtogs pa yin pa'i phyir ro/ /sngar bshad pa bstan pa'i rim pas ni mdza' dag kha na ma tho ba med pa yin te/ 'di ltar dpe lngas zhes bya ba 'di nas brtsams te / byang chub kyi phyogs dang mthun pa'i ngo bo nyid ces bya ba'i bar gyi dag gcig gis ni/ theg ba chen po'i chos kyi brjod bya rgyu mtshan la sogs pa'i dngos po sgrub bar bya ba la sogs pa nyid du bsgrub pa'i yan lag nyid du dpe sbyar bar mdzad nas/ mdo sde rgyan 'dis zhes bya ba la sogs pa'i dag gnyis pas ni/ rnam pa lnga bstan pa'i chos bstan bcos 'dis rnam par phye ba la dga' o? bskyed par byed pa nyid sgrub pa'i don du/ gser las brdungs byas zhes bya ba sogs pa'i dpe nye bar bkod pa 'grel pa mdzad pas /legs par brjod pa nyid yin pa'i phyi? thams cad du legs par gnas pa yin no/ /de nyid don rtogs la mkhas ma bsten pa dang tho chung bas/ /tshigs su bcad pa 'di nyid ji bzhin du ni rtogs pa med/ /de phyir 'di yi rnam bshad byas las byung ba'i bsod nams gang/ /de ni don kun grub pa'i gter bzhin du ni grub gyur cig / mdo sde rgyan las dang po'i skabs kyi tshigs su bcad pa gnyis pa'i bshad pa/ kha che'i yul gyi mkhas pa chen po dpal btsun pa sa shi'i? zhal snga nas kyi zhabs kyi pad+ma'i ze'u 'bru'i rdul gyis reg pa/ slob dpon gzhan la phan pa bzang po'i zhal snga nas mdzad pa rdzogs so/ / //thugs dam sa khwa char gyi dpal yid bzhin lhun gyis grub pa'i gtsug lag khang du kha che'i mkhan po paN+Ti ta sa ra hi ta b+ha dra'i zhal snga nas dang/ lots+tsha ba shAkya'i dge slong gzhon nu mchog gis bsgyur cing zhus te gtan la phab pa/ / //slar? yon tan rgya mtsho mched kyis lan cig zhus so// //mdo sde rgyan gyi bsdus? don mkhas pa dga' bar byed pa'i rgyan zhes bya ba mkhas pa dz+nyAn? sh+ri'i? zhal snga? nas mdzad pa bzhugs so/

CLOSE WINDOW