བོད་ཡིག

e-texts based on the ACIP/ALL Input

paN+Di ta mkhas ba chen po sa dzin dang/ lo tsA ba shAkya'i dge slong blo ldan shes rab kyis/ grong khyer dpe med de nyid du bsgyur ba'o// //theg pa chen po mdo sde'i rgyan gyi bshad pa bzhugs so// /rgya gar skad du/ sU trA langkAr b+hA Sh+yan/ bod skad du/ mdo sde'i rgyan gyi bshad pa/ sangs rgyas dang byang chub sems dpa' thams cad la phyag 'tshal lo/ /don shes don ston rab tu byed ba dag dang tshig rnams dri med pas/ /sdug bsngal bsgral phyir sdug bsngal 'gro la snying rje'i phyir te de'i bdag nyid/ /theg mchog bstan ba'i rnam pa chos kyi de yis 'gro ba'i sems can la/ /'byor pa'i don tshul bla med gyur ba lnga yi bdag nyid ston par byed/ /don shes don ston rab tu byed pa zhes bya ba la sogS ba ni ci zhes bstan ba las brtsams ba yin no/ /su zhig rgyan par byed ce na/ don shes pa'o/ /rgyan ci zhig rgyan par byed ce na/ don ston rab tu byed pa'o/ /cis she na/ dag dang tshig rnams dri med pas te/ dag dri ma med pas zhes bya ba ni/ grong khyer pa la sogs pas so/ / tshig dri ma med pa zhes bya ba ni/ tshig dang yi ge rigs bas dang 'brel pa zhes bya ba rgyas par 'byung ba ste/ dag dang tshig dang yi ge dag pa med par ni don bstan par mi nus so/ /gang gi phyir zhe na/ sdug bsngal bsgral phyir ro/ /gang las she na/ sdug bsngal 'gro la snying rje'i phyir te/ de'i bdag nyid sdug bsngal ba'i 'gro ba la snying rje ba gang yin pa'i snying rje'i de'i phyir ro/ /de'i bdag nyid ces bya ba ni snying rje'i bdag nyid do/ ci zhig gi bgyon du byed ce na/ theg pa chog bstan pa'i rnam pa chos kyi ste/ chos kyi rnam grangs gang la theg mchog bstan pa'i rnam pa yod pa'i chos de yi'o/ /gang gi ched du brgyan par byed ce na/ de yis 'gro ba'i sems can la'o/ /la zhes bya ba 'di ni ched yin te/ /theg chen pos 'gro ba'i sems can gyi ched du zhes bya ba'i tha tshig go/ rgyan rnams pa du zhig gis brgyan par byed ce na/ rnam pa lnga ste/ 'byor pa'i don tshul bla med gyur pa rnam pa lnga'i bdag nyid ston par byed do/ /'byor pa zhes bya ba ni rigs pa'o/ /bla med gyur ba zhes bya ba ni theg pa bla na med par gtogs pa'o/ de? ni? don gyi tshul lnga'i bdag nyid de tshigs su bcad pa gnyis pas ston par byed de/ gser las gjungs byas 'dra zhing pad+ma rgyas pa bzhin bkris pas nyen pa g.yos de gas kha zas za ba 'dra/ /'phrin yig legs pa thos 'dra rin chen sgros bye ltar/ /chos de 'dir bshad pa yang dga' ba'i mchog bskyed do/ /tshigs su bcad pa 'dis ni dpe lngas chos de don rnam pa lnga'i dbang du byas nas ston te/ bsgrub par bya ba dang/ bye brag tu shes par bya ba dang/ bsam par bya ba dang/ bsam gyis mi khyab pa dang/ yongs su grub pa rtogs pa'i don so so rang gis rig bar bya ba byang rgud kyi phyogs dang mthun pa 'di? bo nyid do/ /de mdo sde'i rgyan 'dis rnam par bkrol na go rim bzhin du/ gser las brdungs byas pa la sogs pa lta bu yin la/ de mdo sde'i rgyan dngos rnam par phye na dga' ba'i mchog bskyed do/ /gang gis tshe chos de rang bzhin kyis yon tan dang ldan pa yin na/ ji ltar de rgyan par byed ces bya ba'i klan ka 'di yongs su spang bar bya ba'i phyir/ /tshigs su bcad pa gsum pa ste/ gzugs rgyan rang bzhin yon tan ldan pa me long nang song na/ /mthong ba'i dbang gis mi rnams rab tu dga' ba'i mchog bskyed pa/ /de bzhin legs gsungs rtag tu rang bzhin yon tan ldan pa yi/ /chos kyang don rnams phye bas mkhas rnams 'di na dga' mchog bskyed/ /'dis ci ston zhe na/ dper na gzugs rgyan dang rang bzhin nyid kyi yon tan dang ldan pa me long gi nang du song na ma thob bI dbang giS rab tu dga' bI mchog bskyed pa de bzhin du leg par gsungs pa dag gis rtag tu yon tan dang ldan pa'i chos de yang don rnam par phye ba blo dang ldan pa rnams la dga' pa khyad bar can bskyed de/ de bas na dga' pa'i bya dang thab? bskyed pa'i phyir brgyan pa dang 'bra bar 'gyur ro/ /de'i 'og tu tshigs su bcad pa bsum gyis chos de la gus pa bskyed pa'i phyir pa na yon rnam pa gsum ston te/ ji ltar bsnams na ra ba dgu? la/ /myangs na zhim pa'i sman bzhin du/ chos kyang de bzhin gnyis su gnas/ /don dang yi ger shes bar bya/ /chos bka' rgya chen zab mo 'di/ /rgyal po bzhin du mnyes par bka' o/ /mnyes par byas na de bzhin du/ /lton mchog gi nor sbyin byed/ /rin chen rigs ldan rin thang med/ /lha mi shes pa'i mi mi mgu / de bzhin mi mkhas chos 'di la/ /bzlog na de bzhin mgu bar 'gyur/ /phan yon rnam pa gsum la/ sman gyi dpes ni sgrib pa spong ba'i rgyu nyid de/ /gnyis su gnas zhes bya ba ni/ /yi ge dang don du rnam par gnas pa'o/ /rgyal po ri dpes ni dbang 'byor pa'i rgyu gnyid/ mngon par shes pa la sogs pa yon tan khyad par can rnams kyi dbang phyug sbyin par byed pa'i phyir ro/ /rin po che rigs dang ldan pa rin thang med pa'i dpes ni/ 'phags pa'i nor la spyod pa'i rgyu nyid de/ /de ltar shes ba'i mi ni 'phags pa'i skye bo yin par rig par bya'o/ /dang po'i skabs rdzogs so// /kha cig theg pa chen po 'di sangs rgyas kyi bka' yang ma yin na/ /de la phan yon 'di lta ga la yod ces log par zhugs pa de dag la 'di sangs rgyas gyi bka' nyid du sgrub pa'i phyir/ gtan tshigs rnam par dbye ba las brtsams te tshigs su bcad pa/ sngar lung ma bstan lhan cig byung/ /spyod yul ma yin grub pa dang/ /long dang med na yod med dang/ /gnyen po dang ni sgra gzhan phyir/ /sngar lung ma bstan zhes bya ba ni/ gal te 'di dam pa'i chos kyi bar chad byed par phyis 'ga' zhig gis phyung ba yin na/ ci'i phyir ma 'ongs pa'i 'jigs ba bzhin du snga nas lung ma bstan/ lhan cig byung zhes bya ba ni theg pa chen po nyan thos kyi theg pa dang dus mnyam du byung bar dmigs? kyi/ phyis ni ma yin na ji ltar 'di sangs rgyas kyi bka' ma yin pa snyam du shes/ spyod yul ma yin zhes bya ba ni/ de ltar zab cing rgya che ba'i chos 'di ni rtog gi pa rnams kyi spyod yul ma yin te/ mu stegs can rnams kyi bstan bcos la de lta bu mi dmigs pa'i phyir ro/ /brjod du zin kyang de lam mos ba'i phyir 'di gzhan dag gis bshad do zhes bya bar yang mi rung ngo/ /grub pa zhes bya ba ni 'on te gzhan zhig gis mngon par rdzogs par sangs rgyas nas bshad do zhe na ni/ 'di sangs rgyas kyi bka' yin par nyid du grub ste/ gang zhig mngon par rdzogs par sangs rgyas nas/ de skad du 'chad pa de nyid sangs rgyas yin no/ /yod dang med na yod med dang zhes bya ba ni gal te theg ba chen po cung zad cig yon na ni/ de yod dang 'di sangs rgyas kyi bka' yin par grub ste/ 'di las gzhan pa'i theg pa chen po med pa'i phyir ro/ /'on te med na ni de med dang de nyan thos kyi theg pa yang med pas nyan thos kyi theg pa ni sangs rgyas kyi dka' yin gyi theg pa chen po ni ma yin no zhes bya ba de yang mi rung ste/ sangs rgyas kyi theg pa med par sangs rgyas rnams mi 'byung ba'i phyir ro/ /gnyen po zhes bya ba ni theg pa chen po bsgoms na rnam par mi rtog pa'i ye shes thams cad kyi gnas su gyur ba nyid kyis nyon mongs pa rnams kyi gnyen por 'gyur te/ de lta bas na sangs rgyas kyi bka' yin no/ /sgra gzhan phyir zhes bya ba 'di ni sgra ji bzhin gyi don ma yin no/ /de lta pas na sgra ji bzhin gyi don gyi rjes su 'brangs nas 'di sangs rgyas kyi bka' ma yin bar rig par ni mi bya'o/ /la la sngar lung ma bstan zhes bshad pa gang yin pa bcom ldan 'das kyis ched du ma dgongs nas ma 'ongs pa 'di lung ma bstan par zad do snyam du sems pa la btang snyoms su bzhag tu mi rung ba tshigs su bcad pa/ sangs rgyas rnams ni mngon sum spyan/ /bstan pa dag kyang bsrung bar mdzad/ /dus la'ang ye shes ma bsgribs pa/ /de phyir btang snyoms mi rung ngo/ /tshigs su bcad pa 'dis ci zhig sngon zhe na/ rgya gsum gyis ma 'ongs pa na bstan pa la gnod pa chen po la btang snyoms su bzhag tu mi rung ba ston te/ sangs rgyas rnams ni mngon sum pa'i spyan nyid kyis 'bad pa mi mnga' bar ye shes 'jug pa'i phyir dang/ bstan pa bsrung bar bya ba la 'bad pa dang bcas pa'i phyir dang/ dus thams cad la ye shes thogs pa mi mnga' ba nyid kyis ma 'ongs pa mkhyen ba'i mthus so/ /la la yod dang med na yod med phyir zhes bshad pa gang yin pa nyan thos kyi thag pa gang yin 'di nyid theg pa chen po yin pas 'di kho nas byang chub chen po 'thob po snyam du sems pas de'i phyir nyan thos kyi theg pa/ theg pa chen po nyid du mi rung bar tshigs su bcad pa/ mtshang ba dang 'gal ba dang/ thabs min de ltar ma bstan phyir/ /nyan thos kyi ni theg pa 'di/ /theg chen chos zhes bya ba min/ /mtshad ba zhes bya ba ni/ gzhan gyi don du bstan pa ste/ nyan thos kyi theg pa las ni nyan thos rnams bdag nyid skyo ba dang/ 'dod chags dang bral ba dang/ rnam par grol ba tsam gyi thabs shig bstan pa'i phyir gzhan gyi don du bstan pa ci yang med la/ rang gi don kho na gzhan dag la bstan pa ni gzhan gyi don du 'gyur bar 'os pa ma yin no/ /'gal ba zhes bya ba ni gzhan rang gi don la sbyor ba ni rang gi don kho na la rab tu sbyor ba yin la/ bdag nyid mya ngan las 'da' ba' i don rab tu sbyor ba de bla na med pa yang dag par rdzoD pI byang chub mngon bar rdzoD/ bar? 'chad? rgya bar 'gyur ro zheS bya ba 'di ni 'gal te/ nyan thos kyi theg pa kho nas ni byang chub kyi phyir ring mo zhig tu 'bad kyang sangs rgyas su 'gyur bar 'os pa ma yin no/ /thabs min zhes bya ba ni nyan thos kyi theg pa ni sangs rgyas nyid kyi thabs ma yin no/ /thabs ma yin pa rna ring mo zhig tu btsal kyang 'dod ba'i don 'thob par mi 'gyur te/ rwa la sogs pa las 'jo ba bzhin no/ /'on te 'dir byang chub sems dpas ji ltar bslab par bya ba gzhan du yang bstan to/ /de ltar ma bstan phyir te/ nyan thos kyi thog pa kho na theg pa chen po yin par ni mi 'os te / 'di las de lta bu bstan pa mi dmigs so/ /nyan thos kyi theg ba dang theg pa chen po phan tshun 'gal ba kho na yin pas phan tshun 'gal 'tshigs su bcad pa/ bsam pa dang ni bstanpa dang /sbyor ba dang ni rton pa dang/ / dus 'gal phyir na dman pa gang/ /de ni dman ba kho na yin/ /ji ltar 'gal zhe na/ dgal ba rnam pa lnga ste/ bsam pa dang/ bstan pa dang/ sbyor ba dang/ /rton pa dang/ dus 'gal ba dag gis so/ /nyan thos kyi theg pa las ni bdag mya ngan las 'das pa kho na'i phyir bsam pa dang/ de nyid kyi phyir bstan pa dang/ de nyid kyi phyir sbyor ba dang/ bsod nams dang ye shes kyi tshogs kyis bsdus pa'i ston pa yang tshud lo/ dus kyang thung ste/ tshe gsum gyis kyang de'i don 'thob bo/ /theg ba chen po las ni thams cad de las bzlog pa yin te/ de lta bas na phan tshun 'gal ba'i phyir theg pa dman pa gang yin pa de ni dman pa kho na yin gyis/ de theg pa chen po yin bar ni mi 'os so/ /la la sangs rgyas kyi bka' i mtshan nyid ni 'di yin te/ /gang mdo sde la yang 'jug/ 'dus ba la yang snang/ chos nyin dang yang mi 'gal ba nyid yin na/ theg ba chen po ni chos thams cad ngo bo nyid med pa nyid du ston pa'i phyir de lta yang ma yin te/ de lta bas na sangs rgyas kyi bka' ma yin no snyam du sems ni/ de'i phyir mtshan nyid dang mi 'gal bar tshigs su bcad ba rang gi mod la'ang 'jug pa dang/ rang gi 'dul la 'ang snang phyir dang/ zab pa'i phyir dang rgya che'i phyir/ /chos nyid dang ni 'gal ba med/ /tshigs su bcad pa 'dis ci ston ce na/ 'di ni rang gi theg pa chen po'i mdo la'ang 'jug pa kho na'o// rang gi nyon mongs pa theg pa chen po las byang chub sems dpa' rnams kyi nyon mongs pa 'byung ba gang yin pa 'dul ba la snang ste/ byang chub sems dpa' rnams kyi nyon mongs pa ni rnam par rtog pa yin no/ /zab cing rgya che ba'i mtshan nyid kyi phyir chos nyid dang yang mi 'gal te/ byang chub chen po 'thob par 'gyur ba'i chos nyid ni ? kho na yin no/ /de lta bsan mchan nyid dang 'gal ba med do/ /spyod yul ma yin zhes bshad pas de'i phyir rtog ge'i spyod yul nyid du mi rung bas tshigs su bcad pa/ rtog ge rten cing ma nges la/ /ma khyab kun rdzob skyo ba can/ /byis ? ni brten par 'dod/ /de phyir de ni de'i yul min/ /rtog ge de kho na nyid ma mthong ba la brten pa ni lung cung zad la rten pa yin no/ /dus gzhan na gzhan du shes pa'i phyir ma nges pa yang yin no/ /shes bya thams cad yul ma yin bsam khyab pa yin no/ /kun rdzob kyi bden pa'i yul can yin gyi/ /don dam pa'i bden pa'i yul can yang ma yin no/ /spobs ba yongs su gtugs par 'gyur ba'i phyir skyo ba can yang yin no/ /theg pa chen po ni mdo sde 'bum phrag du ma bstan pa'i phyir brten pa'i med pa nas skyo ba can ma yin pa'i bar du yin te/ de'i phyir de ni rtog ge'i spyod yul ma yin no/ /thabs ma yin pa'i phyir nyan thos kyi theg pas ni yun ring mo zhig tu yang sangs rgyas nyid 'thob bar mi nus so zhes bshad ba/ 'on theg ba chen po ji ltar thabs su rung zhe na/ thabs nyid du rung bar tshigs su bcad pa/ rgya che'i phyir dang zab pa'i phyir/ /yongs su smin dang rnam mi rtog /de phyir 'di las gnyis bstan te/ /de ni bla na med pa'i thabs/ /tshigs sud cad pa 'dis ci ston ce na/ mthu rgya chen po bstan pas sems can rnams yongs su smin par byed de/ mthu la mos pa'i sgo nas 'bad pa'i phyir ro/ /zab mo bstan pas rnam par mi rtog ste/ de'i phyir theg ba chen po 'di las de gnyis bstan to/ de ni bla na med pa ye shes kyi thabs yin te/ de gnyis kyi go rim gsab bzhin du sems can rnams yongs su smin bar byed pa'i phyir dang/ bdag nyid kyis sangs rgyas kyi chos yongs su smin par byed pa'i phyir ro/ /gang dag 'dis skrag pa de'i phyir gnas ma yin pa la skrag pa'i nyes dmigs dang rgyud kyi tshigs su bcad pa/ 'gro ba de gnas min la skrag pa gdud byed 'byung/ bsod nams ma yin phung chan bsags byas yun ring du/ rigs med grogs ngan sngon dge ma bsags blo ma sbyangs/ /chos 'dis skrag 'gyur 'di ni don chen 'di las lhung/ /skrag pa'i gnas ma yin pa la skrag pa ni de'i gnas ma yin pa la skrag pa ste/ ngan song dag tu gdung bar byed par 'gyur ro/ /de ci'i phyir zhe na/ bsod nams ma yin pa'i phung bo bsags pa byas pa'i phyir ro/ /dus ji srid du zhe na/ yun ring por ste /de ltar na nyes dmigs gang yin pa dang/ rgyu gang gis yin pa dang/ dus ji srid du yin pa de bstan to/ /yang ci'i phyir skrag ce na/ skrag ba'i rgyu rnaM pa bzhi ston te/ 'di la riD med 'am? grogS ngan ba 'am/ theg ba chen po'i chos nyid la blo gros ma sbyangs pa'am/ sngon dge ba ma bsags pa'o/ /don chen 'di laS ltung zhes bya ba ni/ byang chub chen po'i tshogs kyi don las ma thob pa'i nyams pa ste/ 'di ni nyes dmigs gzhan ston ba yin no/ /skrag pa'i rgyu bshad nas mi skrag ? 'gyur bshad par bya ste/ mi skrag pa'i rgyu nyid du tshigs su bcang ba de las gzhan dang gzhan med shin tu zab cing rjes song phyir/ sna tshogs ston zhing mang po'i sgo nas rtag tu ston dang ldan/ /ji skad bshad bzhin don min bcom ldan dgongs pa shin tu za ba/ /mkhas pa rnams kyis tshul bzhin brtaD na chos 'dir skrag mi 'gyur/ /de las gzhan med ces bya ba ni/ de las gzhan pa'i theg pa chen po med pa'i phyir ro/ /'on te nyan thos kyi theg pa chen po yin par gyur na ni/ /gzhan nyan thos dang rang sangs rgyas med par 'gyur te/ thams cad sangs rgyas kho nar 'gyur ro/ /shin tu zab ces bya ba ni/ thams cad mkhyen pa'i ye shes kyi lam mo/ /rjes song zhes bya ba ni dus mnyam du byung ba'i phyir ro/ /sna tshogs ston ces bya ba ni/ 'di las tshogs kyi lam sna tshogs ston gyi/ stong pa nyid 'ba' zhig ni ma yin te/ de lta bas na 'di ni dgongs pa can yin par 'gyur ro/ /mang po'i sgo nas rtag tu ston dang ldan zhes bya ba ni 'di dag mod de dang de dag las rnam grangs mang po dag gis yang dang yang du stong pa nyid ston te/ de lta bas na dgos pa chen po nyid yod par 'byur? ro/ /de lta ma min na lan cig dgag pa tsam mdzad bar 'gyur ro/ /ji skad bshad bzhin don min zhes bya ba 'di'i don ni sgra ji bzhin ma yin te/ de'i phyir yang skrag par rigs pa ma yin no/ /bcom ldan 'das dgongs pa shin tu zab ces bya ba ni/ /sangs rgyas bcom ldan 'das rnams kyi dgongs ba ni shin tu zab ste shes par bka' o/ de lta bas na bdag cag gis de ma shes pa'i phyir skrag par bya ba ma yin te/ mkhas pa rnams kyis de ltar tshul bzhin brtags na skrag par mi 'gyur ro/ /ring du rjes su zhugs pa'i ye shes kyi spyod yul nyid yin par tshigs su bcad pa/ 'di na dang por thos la brten nas yid la byed pa 'byung/ /tshul bzhin yid la byed ? yang dag don yul ye shes 'byung/ /de las chos 'thob de yod de las blo gros rab tu skya/ /gang tshe de ni so so rang rig med na ji ltar nges/ /dang por thos pa la brten nas tshul bzhin yid la byed ba 'byung ngo/ /tshul bzhin yid la bya ba ni/ tshul bzhin du zhes bya ba ni tha tshig ste/ tshul bzhin du yid la byed ba las 'jig rten las 'das pa'i yang dag pa'i de kho na nyid kyi don gyi yul can gyi ye shes 'byung ngo/ /de las de'i 'bras bu chos 'thob bo/ /thob pa de yod na de las rnam par grol ba'i ye shes rab tu skye'o/ /de ltar gang gi tshe blo gros de ni so so rang giS rig pa yin na/ de med na 'di ji ltar nges te/ 'di sangs rgyas kyi bka' ma yin no zhes bya bar ji ltar nges par 'gyur/ /skrag pa'i gzhi'i gnas ma yin pa nyid du tshigs su bcad pa/ bdag gis mi shes sangs rgyas zab mo mkhyen ma yin/ /zab mo ci yi phyir na rtog ge'i yul ma yin/ /ci'i phyir zab mo'i don rig pa dag thar 'gyur zhes/ /bya ba de ni skrag pa'i gnas su rigs ma yin/ /re zhig gal te bdag gis 'di mi shes pas skrag pa'i gnas yin no zhe na/ de ni rigs pa ma yin no/ /'on te sangs rgyas kyang zab mo thugs su chung ba ma yin na/ de ci'i phyir rig ston par 'gyur zhes skrag pa'i gnas yin no zhes na/ de yang rigs pa ma yin no/ /'on te ci'i phyir zab mo rtog ga'i yul ma yin zhes skrag pa'i gnas ma yin no zhe na/ de yang rigs pa ma yin no/ /'on te ci'i phyir zab mo'i don ni bdag kho na thar ba yin gyi/ /rtog go ba rnams ni ma yin zhes skrag pa'i gnas yin no zhe na/ de yang rigs ba ma yin no/ /ma mos pa nyid kyis grub par tshigs su bcad pa/ dman par mos shing khams kyang shin tu dman/ /grogs po dman ba dag gis yongs bskor ba/ /zab cing rgya che legs bar bshad pa'i chos/ /'di la gal te mos med grub pa yin/ /gang zhig dman pa la mos pa ni/ des na kun bzhi rnam par shes pa la bsgos pa'i khams dman pa kho na yang dag par 'grub ste/ grogs po dman pa la mos pa'i khams tsam du mtshungs pa dag kho nas yongs su bskor ba gang yin pa de gal te theg pa chen po'i chos zab cing rgya che ba legs bar bshad pa 'di na mos pa med na/ de nyid kyi theg pa chen po 'di mchog yin par grub bo/ /mdo sde ma thos pa spang du mi rung bar tshigs su bcad pa/ thos rjes 'brangs te blo lan thob nas ni/ /gang zhig thos la rab tu brnyas byed ba/ rnam pa sna tshogs dpag tu med lus la/ /rmongs pa gang gis phyir na nges par byed/ /de la ma mos la ni rag na/ /mdo sde ma thos ba rnams khyad par med par spong ba ni rig pa ma yin te/ gang zhig thos pa'i rjes su 'brang ba kho nas blo dang ldan pa thob nas thos ba nyid la brnyas par byed pa'i rmongs ba de thos ? na tshogs dpag tu med ba lus ba yang bzhin du gtan tshigs gang gi phyir/ 'di sangs rgyas kyi bka' ? ma yin no zhes nges par byed/ de la ni thos ba las stabs gzhan? med de/ de lta bsan ma thos par spong ba ni rigs pa ma yin no/ /gang thos pa de yang tshul bzhin yid bya'i/ tshul bzhin ma yin par ni ma yin no/ /zhes tshul bzhin ma yin par yid la byed pa'i nyes dmigs kyi tshigs su bcad pa/ don sgra ji bzhin yongs rtogs na/ /bdag nyid stems shing blo nyams 'gyur/ /legs bar gsungs pa'ang spangs pas na/ /brlag 'gyur chos la khong khro sgrib/ /bdag nyid snyams zhes bya ba ni/ bdag nyid kyi lta ba mchog tu 'dzin gyis mkhas pa las don mi tshol ba'o/ /blo nyams 'gyur zhes bya ba ni/ yang dag pa ji lta ba bzhin shes pa las ma thob par yongs su nyams pa'i phyir ro/ /legs par bshad pa'i chos spongS pa ni/ de'i gzhi las gsod ? bas ma yin pa 'phal ba'i phyir brlag par 'gyur ro/ /chos la khong khro ba'i sgrib pa ni chos kyis phongs par 'gyur ba'i las te/ 'di la nyes dmigs ni de yin no/ /sgra ji bzhin ma yin pa'i don shes par yang khong khro bar rig pa ma yin pas khong khro bar mi rung bar tshigS su bcad pa/ yid kyi nyes pa rang bzhin gdug pa ste/ /mi rigs pa yi gzugs la'ang mi rigs na/ /the tshom za ba'i chos la smos ci dgos/ /de phyir btang bsnyoms bzhag legs nyes pa med/ /rang bzhin gdug pa zhes bya ba ni/ rang bzhin gyis kha na ma tho ba dang bcas pa ste/ de lta bas na btang snyoms su bzhag pa'o/ /ci'i phyir zhe na/ de ni nyes pa med kyi khong khro ba ni nyes ba dang bcas pa yin no/ /theg pa chen po mdo sde'i rgyan las/ /theg pa chen po sgrub pa'i skabs rdzogs so// / skyabs su 'gro ba'i khyad par sdu bar tshigs su bcad pa/ kun tu 'gro dang khas len rtogs dang zil gnon par/ /dbye ba'i rang bzhin don rnams bzhi yi khyad par gyis/ /theg pa mchog phyir dkon mchog skyabs rab song ba gang/ /de nyid skyabs su song ba rnams kyi mchog ces bya/ /de nyid skyabs su 'gro ba rnams kyi mchog ces bya ba ci'i phyir zhe na/ rang bzhin gyi don gyi khyad par rnam pa bzhi'i phyir ro/ /de n? rnam pa bzhi ni/ /kun tu 'gro ba dang/ khas len pa dang/ rtogs pa dang/ zil gyis gnon par byed pa'i sgo nas rig par bya ste/ kun tu 'gro ba'i don dang/ khas len pa'i don dang/ rtog pa'i don dang/ zil gyis gnon pa'i don te/ de dag ni 'og nas ston to/ /de lta mod kyi mchog la skyabs su 'gro ba bya dka' ba med pa'i phyir/ kha dog mi spro bas skyabs su 'gro bar spro bar bya ba'i phyir tshigs su bcad pa/ gang phyir dang por nges par bya ba 'di bka' ste/ de ni bkal pa stong phrag du mar sgrub par bka' / gang phyir grub na sems can phan byed don chen te/ /de phyir theg chen 'di la skyabs don mchog yin no/ /'diS ni skyabs su 'gro bar des pa de smon lam dang sgrub pa'i khyad par dag gis grags pa'i rgyu nyid du rton par byed de/ 'bras bu thob pa'i khyad par gyis don chen po nyid do/ /sngar glengs pa kun tu 'gro ba'i don gyi tshigs su bcad pa/ gang zhig sems can thams cad bsgral bar zhugs pa dang/ /theg pa ye shes kun tu 'gro la mkhas par ldan/ /gang zhig mya ngan 'das la 'khor zhi ro gcig pa/ /de 'dra'i blo ldan de 'dir kun 'gror shes par bya/ /'dis ni kun du 'gro ba'i don rnam pa bzhi ston te/ semS can kun tu 'gro ba'i don ni/ sems can thams cad bsgral ba'i phyir zhugs pas so/ /theg pa kun tu 'gro ba'i don ni theg pa gsum la mkhas pa dang ldan pa'i phyir ro/ /ye shes kun du 'gro pa'i don ni gang zag dang chos la bdag med par mkhaS? ba dang ldan pa'i phyir re/ /mya ngan las 'das pa kun tu 'gro ba'i don ni 'khor ba dang/ zhi ba ro gcig pa'i phyir te/ de dag gis nyes ba dang yon tan la rnam par mi rtog pa'i phyir/ /de la 'khor ba dang mya ngan las 'das pa la bye brag med do/ /khas len pa'i don du tshigs su bcad pa/ /gang zhig dga' ba mang pos byang chub mchog don gnyer/ /gang zhig skyo ba med par bka' ba yang dag spyod/ /gang zhig rnam sangs rgyas nas sangs rgyas kun mnyam 'gyur/ /blo ldan de ni khas len mchog tu shes par bya/ /'dir ni khyad par rnam pa gsum khas len pa nyid kyi khyad par ston te/ smon lam gyi khyad par ni 'di ltar sangs rgyas gang kho na las skyabs su 'gro ba de kho na'i dngos po don du gnyer ba ste/ de'i yon tan gyis khyad par shes pa nyid kyi rab tu dga' ba mang ba'i phyir ro/ /sgrub pa'i khyad par ni/ 'di ltar skye ba med par bka' ba spyod pa'o/ /thob pa'i khyad par ni 'di ltar mngon par rdzogs par sangs rgyas nas sangs rgyas thams cad dang mnyam pa nyid du 'gyur ba'o/ /yang khas len pa'i khyad par de nyid sangs rgyas kyi sras kyi mchog nyid du legs par skyes? par tshigs su bcad pa gzhan gyis ston te/ sangs rgyas sras kyi mchog tu legs par gang skyes pa/ /sems dang shes rab dang ni tshogs ldan snying rje 'di/ /sa bon ma dang mngal nas ma ma mtshungs pa med/ /blo ldan de ni khas len mchog tu shes par bya/ /legs par skyes pa de yang btsun par skyes pa'i khyad par gyis ston par byed de/ sa bon dad ma dang/ mngal gyi gnas dang ma ma mtshungs pa med pas so/ /sems bskyed pa ni sa bon no/ /shes rab kyi pha rol tu phyin pa ni byang chub sems dpa' i ma'o/ /bsod nams dang ye shes kyi tshogs dang ldan pa ni mnga' gyis gnas te rtan du gyur pa'i phyir ro/ /snying rje ni ma? ma ste des bskyed pa'i phyir ro/ /legs par bskyes pa de nyid du lus kyi khyad par gyi khyad par du byed cing/ yang khas len pa de nyid kyi khyad par tshigs su bcad pa gzhan gyis ston te/ sna tshogs mtshan rnams kun gyis de'i lus brgyan// sems can thams cad smin par byed stobs thob/ /sangs rgyas bde chen mdza' laS zhe brnyed/ /sems can kun bskyab thabs chen bsham pa shes/ /lus kyi khyad par ni khyad par rnam pa bzhis ston te/ gzugs bzang pa'i khyad par ni/ mtshan rnams kyis brgyan pa'i phyir ro/ /sna tshogs zhes smos pa ni/ khor los sgyur ba la sogs pa'i mtshan las khyad par du bya ba'i phyir ro/ /stobs kyi khyad par ni/ sems can thams cad yongs su smin par bya ba'i stobs thob pa'i phyir ro/ /bde ba'i khyad par ni sangs rgyas kyi bde ba chen po mdza' yas bzhi brnyed pa'i phyir ro/ /ye shes kyi khyad par ni sems can thams cad yongs su bskyab par bya ba'i thabs chen po bsham pa shes pa'i phyir ro/ /phun sum tshogs pa rnam pa 'di bzhis rgyal po'i sras btsun par skyes so zhes bya bar shes te/ 'di lta ste/ gzugs phun sum tshogs pa dang/ stobs phun sum tshogs pa dang/ bde ba phun sum tshogs pa dang/ rang gi bzo shes pa phun sum tshogs pa'o/ /yang legs par skyes pa de nyid sangs rgyas kyi gdung mi gcod pa'i sgo nas tshigs su bcad pa gzhan gyis ston te/ sangs rgyas kun gyis 'od zer chen pos dbang bskur byin/ /de ni chos la dbang ba kun dang yang dag ldan/ /sangs rgyas 'khor gyi dkyil 'khor ston pa'i rnam pa shes/ /bslab pa bca' bas tshar bcad phan 'dogs byed la brtson/ /rgyu bzhis rgyal po'i sras su btsun par skyes pa rang gi rigs mi gcod de/ dbang bskur ba thob pa dang/ dbang thogs pa med pa dang/ brtsod pa brtag pa la mkhas pa dang/ tshar bcad pa dang/ phan 'dogs par byed pas so/ /de dang chos mthun par byang chub sems dpa' yang 'od zer dag gis dbang bskur ba 'thob pa dang/ ye shes thogs pa med pI phyir chos thams cad la dbang ba dang ldan pa dang/ sangs rgyas kyi 'khor gyi dkyil 'khor du ston pa'i rnam par shes pa dang/ bslab pa'i gzhi bca' ? bas nyes pa dang ldan pa dang yon tan dang ldan pa rnams tshar bcad pa dang phan 'dogs par byed ba nyid do/ /yang khas len pa'i khyad par de nyid blon po rten po lta bur tshigs su bcad pa gzhan gyis ston te/ blon po chen po lta bur pha rol phyin la 'jug pa'i phyir/ /byang chub chen po'i phyogs mthun bdal la brtag tu spyan byed phyir/ /gsang ba'i gnas ni rnam gsum rtag tu yang dag 'dzin pa'i phyir/ /sems can mang don rtag tu rgyun mi 'chad par rab byed phyir/ /'di la rgyu bzhi blon po chen por bzhag ste/ gtsun mo'i nang du 'gro ba'i phyir nang na spyod pa nyid dang /mdzod thams cad kyi spyan pa nyid dang/ gsang gtam la yid brtan pa nyid dang/ bgo bsha' la dbang ba nyid kyi so/ /de dang chos mthun par byang chub sems dpa' yang pha rol tu phyin pa rnams la 'jug pa dang/ mdo sde de dang de dag las byang chub chen po'i phyogs dang/ mthun pa bdal ba rnams la mi brjod pa'i chos can yin pa'i phyir rtag tu spyan byed pa dang/ rtag tu sku dang gsung dang thugs kyi gsang ba rnam pa gsum 'dzin pa dang/ sems can mdza' yas pa'i don byed pa'i phyir/ rtag tu rgyun mi 'chad par sems can mang po'i don byed pa'o/ /rtogs pa'i don nu? tshigs su bcad pa/ bsod nams phung chen srid gsum bla ma srid pa'i bde ba dang/ /sdug bsngal phung po chen por bzhi blo mchog bde ba dang/ /chos mang phung po mchog rab rtag pa'i sku ste dge ba'i tshogs/ /bag chags bzlog cing srid dang zhi las rnam par krol ba 'thob/ /de la chos 'di la mos pa'i dus nyid na bsod nams kyi phung po chen po 'thob po/ /sems bskyed pa'i dus na srid pa gsum gyi bla ma nyid do/ /bsams bzhin du skye ba yongs su 'dzin pa'i dus na srid pa'i bde ba'o/ /mngon par rtogs pa'i dus na sems can thams cad bdag nyid du khas blangs pas sdug bsngal gyi phung po chen po rab tu zhi ba ste/ 'das rab tu zhi bar byed pas na rab tu zhi ba'o/ /mi skye ba'i chos la bzod pa'i dus na blo mchog gi bde ba'o/ /mngon par rdzogs par byang chub pa'i dus rna chos mang po'i phung po la sogs pa ste/ de la sangs rgyas rnams kyi chos kyi sku ni mdo'i sde la sogs pa'i chos mdza' yas pa'i 'byung gnas yin pa'i phyir chos mang phung po'o/ /chos thams cad kyi mchog yin pa'i phyir mchog rab bo/ /zad mi shes pa'i phyir rtag pa'o/ /stobs dang mi 'jigs pa la sogs pa dge ba'i chos rnams bsags pa'i phyir dge ba'i tshogs so/ /de lta bu'i sku de dang/ bag chags bzlog pa dang/ 'khor ba dang mya ngan laS 'das pa dag la mi gnas pa'i phyir srid pa yang zhi ba dag las rnam par grol ba 'thob ste/ rnam pa de brgyad ni rtogs pa'i don to/ /zil gyis gnon pa'i don du tshigs su bcad pa/ blo ldan nyan thos tshogs bcas dge brgya chen don che dang/ /mdza' yas rtag rgyun mi 'chad zad mi shes pas zil gyis gnon/ /dge ba de yang 'jig rten 'jig rten ma yin yongs smin byed/ /dbang 'byor rnyed pa de ni phung po zhi bas zad mi shes/ /byang chub sems dpa' rgyu bzhis nyan thos rnams zil gyis gnon te/ dge ba'i rtsa ba rgya che ba nyid dang/ /don che ba nyid dang/ tshad med pa nyid dang/ zad mi shes pa nyid kyis so/ /dge ba rnam pa bzhi bshad pa gang yin pa de yang 'jig rten dang 'jig rten ma yin pa dang/ yongs su smin par byed pa dang/ dbang 'byor pa rnyed pa ste/ 'jig rten las 'das pa dang/ yongs su smin par byed pa dang/ dbang 'byor pa'o/ /yon tan de bzhi ni dge ba'i dbang du byas te bstan pa yin no/ /dbang 'byor pa gang yin pa de ni phung po zhi bas zad mi shes par rig par bya ste/ phung po lhag ma med pa'i mya ngan las 'das par yang mi zad pa'i phyir ro/ /skyabs su 'gro ba brjod par tshigs su bcad pa/ 'di ni de dngos 'dod pas khas len de yang snying brtse las rig bya/ /de las rnam pa kun mkhyen phan dang bde byed bka' la skyo ba med/ /nges par 'byung la theg pa kun gyis rton pa'i yon tan rtag tu ldan/ /brda dang chos nyid thob pa blo ldan rnams kyi skyabs 'gro 'di mchog yin/ /'dis ni skyabs su 'gro ba'i ngo bo dang/ rgyu dang/ 'bras bu dang/ las dang ldan pa dang/ dbye ba'i don rnams bstan te/ sangs rgyas nyid 'dod pas khas len pa ni skyabs su 'gro ba'i ngo bo nyid yin no/ /de yang snying rje las rigs par bya'o zhes bya ba ni rgyu'o/ /de las rnam pa thams cad mkhyen pa nyid ces bya ba ni 'bras bu'o/ /sems can rnams la phan pa dang bde ba byed cing dga' ba spyad pa dag la mi skyo ba ni las so/ /nges par 'byung bar bya ba la theg pa thams cad kyis rton pa'i yon tan dang ldan pa ni ldan pa'o/ /bdar gtags pa dang chos nyid kyis thob pa rags pa dang phra ba'i khyad par gyis rab tu dbye ba'i mtshan nyid ni dbye ba'o/ /skyabs su 'gro ba'i khyad par gyi tshigs su bcad pa /skyabS su 'gro ba 'dir song don chen te/ de ni dpag med yon tan tshogs 'phel 'gyur/ /'gro ba 'di la snying rje'i bsam pas khyab/ /mtshungs med 'phags chen chos kyang rgyal bar byed/ /'dir skyabs su 'gro ba don che ba nyid ni rang dang gzhan gyi don sgrub pa dag gis ston te/ rang gi don sgrub pa ni yon tan rnam pa mang po dpag tu med pa 'phel bas so/ /dpag tu med pa nyid ni rtog ge dang grangs dang dus kyis dpag tu med pa nyid las rig par bya ste/ yon tan 'phel ba de ni rtog gas kyang dpag tu med la grangs kyis kyang ma yin no/ /gtan du ba yin pa'i phyir dus kyis kyang ma yin no/ /gzhan gyi don sgrub pa yang bsam pa'i sgo nas ni snying rje khyab pas so/ /sbyor ba'i sgo nas theg pa chen po'i chos rgyas par byed pa'i phyir te/ theg pa chen po ni 'phags pa chen po rnams kyi chos yin no/ /skyabs su 'gro ba'i skabs rdzogs so// //rigs rab tu dbye ba bsdu bar tshigs su bcad pa/ yod dang mchog dang mtshan nyid dang/ /rtags dang rab tu dbye ba dang/ /nyes dmigs dang ni phan yon dang/ /dpe rnam gnyis te rnam pa bzhi/ /'dis ni rigs yod pa nyid dang/ mchog nyid dang mtshan nyid dang/ rtagS dang/ rab tu dbye ba dang/ nyes dmigs dang/ phan yon dang/ dpe zhes bya ba khyab par de dag bsdus te / khyad par de dag kyang so sor rnam pa bzhi bzhi'o/ /yod pa nyid du rnam par dbye bar tshigs su bcad pa/ khams rnams dang ni mos pa dang/ /sgrub pa tha dad dbye ba dang/ /'bras bu tha dad dmigs pI phyir/ /rigs yod nyid du nges par brjod/ /semS can rnams ni khams sna tshogs pa yin pa'i phyir/ khams kyi dbye ba dpag tu med de/ ji skad du ba ru ra'i mdo las bshad pa lta bu'o/ /de lta bas na khams kyi dbye ba de lta bu yang yid ches par bya dgos pas theg pa/ gsum gyi rigs tha dad pa yod do/ /sems can rnams kyi mos pa tha dad pa yang dmigs te/ thog ma kho nar la la theg pa 'ga' zhig kho na la mos par 'gyur ro/ /de ni rigs kyi dbye ba med par mi 'gyur ro/ /rkyen gyis dbang gis mos pa bskyed du zin kyang sgrub pa tha dad pa dmigs te/ kha cig ni nges par sgrub la/ kha cig ni ma yin no/ /de yang rigs kyi dbye ba med par mi 'gyur ro/ /'bras bu tha dad pa byang chub dman pa dang/ 'bring dang khyad par can rnams kyang dmigs te/ de yang 'bras bu ni sa bon gyi ngo bo dang mthun pa'i phyir/ /rigs kyi dbye ba med par mi 'gyur ro/ /mchog nyid du rnam par dbye bar tshigs su bcad pa/ de dge khyad par 'phags pa dang/ /thams cad dang ni don chen dang/ /mi zad pa yi rgyu mtshan phyir/ /rigs mchog nyid ces brjod pa yin/ /'dir rigs ni rgyu mtshan bzhis mchog nyid du ston te/ rigs de ni dge ba'i rtsa ba rnams khyad par du 'phags pa dang/ thams cad dang/ don chen po dang/ mi zad pa nyid kyi rgyu mtshan yin no// nyan thos rnams kyi dge ba'i rtsa ba ni de ltar sbyangs pa ma yin no/ /thams cad yod pa yang ma yin te/ stobs dang mi 'jigs pa la sogs pa med pa'i phyir ro/ /don chen po yang ma yin te/ gzhan gyi don med pa'i phyir ro/ /mi zad pa yang ma yin te/ phung po'i lhag ma med par mya ngan las 'da' bar mthar thug pa'i phyir ro/ /mtshan nyid rnam par dbye bar tshigs su bcad pa/ rang bzhin dang ni rgyas ba dang/ /de ni rten dang rten pa dang/ /yod ming nyid dang yon tan ni/ /sgrol ba'i don du shes par bya/ /'dis ni rigs rnam pa bzhi ston te/ rang bzhin du gnas pa dang/ yang dag par bsgrubs pa dang/ rten gyis ngo bo nyid dang/ brten pa'i ngo bo nyid de dag nyid dang go rim bzhin no/ /de ni rgyu 'i dngos por yod do/ /'bras bu'i dngos por med do/ /rigs ni yon tan sgrol ba'i don du yang rig par bya ste/ 'di las yon tan sgrol zhing 'byung ba'i phyir ro/ /rtags rnam par dbye bar tshigs su bcad pa/ sbyor ba'i sngon du snying rje dang/ /mos pa dang ni bzod pa dang/ /dge pa yang dag spyod pa ni/ /rig kyis rtags su shes par bya/ /byang chub sems dpa' i rigs kyi rtags ni rnam pa bzhi ste/ sbyor ba'i sngon rol nyid nas sems can rnams la snying rje ba dang/ theg pa chen po'i chos la mos pa dang/ dka' ba spyad pa dag la ji mi snyam pa'i don gyis bzod pa dang/ pha rol tu phyin pa'i rang bzhin gyi dge ba yang dag par spyod pa'o/ /rab tu dbye ba rnam par dbye bar tshigs su bcad pa/ rigs ni nges dang ma nges pa/ /rkyen rnams kyis ni mi 'phrogs dang/ /'phroD pa nyid de mdor na rigs/ /dbye ba 'di ni rnam pa bzhi/ /rigs ni mdor na rnam pa bzhi ste/ nges pa dang ma nges pa dang de dag nyid go rim bzhin du rkyen rnams kyis mi 'phrogs pa dang 'phrogs pa'o/ /nyes dmigs rnam par dbye bar tshigs su bcad pa/ nyon mong goms dang grogs ngan dang/ /phongs dang gzhan gyi dbang nyid de/ /mdor na rigs kyi nyes dmigs ni/ /rnam pa bzhi ru shes par bya/ /byang chub sems dpa' i rigs kyi nyes dmigs ni/ /gang gis na rigs la gnas kyang yon tan dag mi 'jug pa ni mdor na rnam pa bzhi ste/ nyon mongs pa mang ba dang/ mi dge ba'i grogs po dang/ yo byad kyis phongs pa dang/ gzhan gyi dbang du gyur pa'o/ /phan yon rnam par dbye bar tshigs su bcad pa/ ring mo zhig na ngan song du/ /'gro zhing myur du thar pa dang/ /de na 'ang sdug bsngal chung ngu myong/ /skyo bcas sems can smin par byed/ /byang chub sems dpa' i rigs la phan yon rnam pa bzhi ste/ ring mo zhig na ngan song du 'gro ba dang/ de dag nas myur du thar pa dang/ de dag tu skyes nas yang sdug bsngal chung ngu myong ba dang/ sems skyo zhing der skyes pa'i sems can rnams snying rjes yongs su smin par byed pa'o/ /gsar gyi rigs chen po dang 'dra par tshigs? su bcad pa/ gser gyi rigs bzhin shes par bya/ /dge ba dpag tu med pa'i gnas/ /ye shes dang ni dri med ldan// mthu rnams kyi yang gnas yin no/ /gser gyis rigs rin po che ni gser rnam pa bzhi'i gnas su 'gyur te/ mang po dang 'od gsal ba dang/ dri ma med pa dang/ las su rung ba'o/ /de dang chos mthun par byang chub sems dpa' i rigs kyang dge ba'i rtsa dpag tu med pa'i gnas dang ye shes kyi gnaS dang/ nyon mongs pa'i dri ma med ba'i gnas dang/ mngon bar shes pa la sogs pa'i mthu'i gnas yin te/ de lta bas na gser gyis rigs chen po lta bur rigs par bya'o/ /rin po che'i rigs chen po dang 'dra bar tshigs su bcad pa/ /rin chen mchog rigs bzhin shes bya/ /byang chub chen po'i rgyu mtshan phyir/ /ye shes che dang ting 'dzin 'phags/ /sems can mang po'i don gnas phyir/ /rin po che'i rigs chen po ni rin po che bzhi'i gnas su 'gyur te/ rigs dang ldan pa dang/ kha dog phun tshum tshogs pa dang/ dbyibs phun sum tshogs pa dang/ tshad phun sum tshogs pa'o/ /byang chub sems dpa' i rigs kyang de dang 'dra bar rigs par bya ste/ byang chub chen po'i rgyu mtshan yin pa'i phyir dang/ ye shes chen po'i rgyu mtshan yin pa'i phyir dang/ 'phags pa'i ting nge 'dzin gyi rgyu mtshan yin pa'i phyir te/ ting nge 'dzin ni sems yang dag par gnas pa'o/ /sems can mang po yongs su smin par byed pa'i rgyu mtshan yin pa'i phyir te/ sems can mdza' yas pa yongs su smin par byed pa'o/ /rigs med pa la gnas pa rnam par dbye bar tshigs su bcad pa/ la la gcig tu nyes par spyod nges yod/ /la la dkar po'i chos rnams kun du bcom/ /la la thar pa'i cha mthun dge ba med/ /dkar po dman pa yod pa rgyu dang bral/ /don 'di la ni rigs med pa la gnas pa yongs su mya ngan las mi 'da' ba' i chos can yin par bzhed do/ /de yang mdor bsdu na rnam pa gnyis te/ de'i dus dang gtan yongs su mya ngan las mi 'da' ba' i chos can no don dus su yongs su mya ngan las mi 'da' ba' i chos can yang rnam pa bzhi ste/ gcig tu nyes par spyod pa dang/ dge ba'i rtsa ba kun du chang pa dang/ thar pa'i cha dang mthun pa'i dge ba'i rtsa ba med pa dang/ dge ba dang/ dge ba'i rtsa ba dman pa yod pa rnams yongs su ma rdzogs pa'o/ /gtan yongs su mya ngan las mi 'da' ba' i chos can ni rgyu dang bral ba ste/ gang la yongs su mya ngan las 'da' ba' i rigs nyid med pa'o/ /rang bzhin dang rgyas pa'i rigs rnam par dbye ba nyid du tshigs su bcad pa/ zab cing rgya cher bshad pa gzhan la phan phyir bstan pa'i chos chen la/ /mi shes bzhin du mos pa shin tu rgya chen byung zhing sgrub pa bzod/ /de dag tha mar rnam gnyis mchog phun sum tshogs 'gyur gang yin de/ /byang chub sems dpa' rang bzhin yon tan ldan de rgyas pa'i rigs las shes/ /zab cing rgya che bar bshad pa gzhan la phan par bya ba'i phyir bstan pa theg pa chen po'i chos rgya chen po la zab cing rgya che ba'o/ /don mi shes bzhin du mos pa rgya chen po 'byung zhing bsgrub pa las yang mi skyo la/ tha mar yang phun sum tshogs pa rnam pa gnyis kyi mchog byang chub chen po phun suM tshogS pa 'thob par 'gyur ba gang yin pa de ni byang chub sems dpa' i rigs rang bzhin gyis yon tan dang ldan pa dang rgyas pa'i che ba yin par rigs par bya'o/ /rnam pa gnyis zhes bya ba ni/ gnyis pa 'jig rten pa dang nyan thos dag go /mchog ceS bya ba ni khyad par du 'phags pa'o/ /'bras bu'i sgo nas rigs khyad par bya bar tshigs su bcad pa/ yon tan shin tu rgya che byang chub shing bskyed phyir/ /bde dang sdug bsngal chen po zhi ba thob bya'i phyir/ /bdag dang gzhan la phan bde byed pa 'bras bu'i phyir/ /rig mchog de ni rtsa ba bzang po lta bu yin/ /'dis ni byang chub sems dpa' i rigs byang chub kyi shing rab? dang gzhan la phan pa dang bde ba byed pa'i 'bras bu can rtsa ba bzang po nyid yin par bstan to/ /rigs kyi skabs rdzogs so// //sems bskyed pa'i mtshan nyid du tshigs su bcad pa/ spro ba che dang rtson pa che/ /don che ba dang 'byung ba che/ /byang chub sems dpa' i sems pa ste/ /don gnyis ldan pa'i sems 'byung ba/ /spro ba chen po ni go cha'i brtson 'grus kyis te zab mo dang yun ring por bka' ba spyad bsgrub ba la sa spro ba'i phyir ro/ /brtson pa chen po ni go cha ji lta ba bzhin du sbyor pa'i brtson 'grus kyis so/ /don chen po ni bdag dang gzhan la phan pa'i ched kyi phyir ro/ /'byung ba chen po ni byang chub chen po yang dag par 'grub pa'i phyir ro/ /'dis yon tan rnam pa gsum yongs su bstan te/ skyes bu byed pa'i yon tan ni tshig gnyis kyis so/ /don byed pa'i yon tan dang/ 'bras bu 'dzin pa'i yon tan ni tshigs gnyis kyis so/ /don dang ldan pa ni byang chub chen po dang sems can gyi don bya ba la dmigs pa'i phyir ro/ /yon tan gsum dang don gnyis la dmigs pa dang ldan pa'i sems pa ni sems bskyed pa zhes bya'o/ /sems bskyed pa rab tu dbye bar tshigs su bcad pa/ sems bskyed de ni sa rnams la/ /mos dang lhag bsam dag pa dang/ /rnam par smin pa gzhan du 'dod/ /de bzhin sgrib pa spangs pa'o/ /byang chub sems dpa' rnams kyi sems bskyed pa ni damS? pa bzhi ste/ mos pa sa spyod pa'i sa la ni mos pa las byung ba'o/ /sa bdun pa la ni lhag pa'i bsam pa rnam par dag pa'o/ /sa brgyad pa la sogs pa ni rnam par smin pa'o/ /sangs rgyas kyi sa la ni sgrib pa med pa'o/ /sems bskyed pa rnam bar gnyan la dbab par tshigs su bcad pa bzhi ste/ de yi rtsa ba snying rjer 'dod/ /rtag tu sems can phan par sems/ /chos la mos dang de bzhin de'i/ /ye shes tshol bar dmigs pa'o/ /gong du mdun pa 'gro ba ste/ sdom pa rgya chen de yi rten/ /lam 'gog pa ni mi mthun phyogs/ /slong zhing dang du len pa'o/ / bsod nams ye shes rang bzhin gyis/ /dge ba 'phel ba de'i phan yon/ /pha rol phyin la rtag sbyor ba/ /de ni nges par 'byung bar brjod/ /'di yi mthar thugs yin te/ /so so rang gis der sbyor bas/ /byang chub sems dpa' i sems bskyed pa/ /rnam par nges par shes par bya/ /de la rnam par gtan la dbab pa ni 'di yin te/ byang chub sems dpa' rnams kyi sems bskyed pa rnam pa bzhi po 'di'i rtsa ba ni gang/ bsam ba ni gang/ mos pa ni gang/ dmigs pa ni gang/ 'gro ba ni gang/ rten pa ni gang/ nyes dmigs ni gang/ phan yon ni gang/ nges par 'byung ba ni gang/ mthar thug pa ni gang/ zhe na/ smras ba/ snying rje chen po ni rtsa ba'o/ /rtag tu sems can la phan par sems pa'o/ /theg pa chen po'i chos la mos pa'o/ /de'i ye shes la tshol bar dmigs pa ste/ de'i ye shes la tshol ba'i rnam bar dmigs pa'i phyir ro/ /gong nas gong du 'dun pa ni 'gro ba'o/ /byang chub sems dpa' i tshul khrims kyi sdom pa ni rten no/ /laM gcod pa ni nyes dmigs te/ lam gcod pa de yang gang zhe na/ mi mthun pa'i phyogs theg pa gzhan gyi sems slong zhing dang du len pa'o/ /bsod nams dang ye shes kyi rang bzhin gyi dge bI rtsa ba 'phel ba ni phan yon no/ /rtag tu pha rol tu phyin pa la goms pa ni nges par 'byung ba'o/ /sa ni mthar thug pa yin te/ so so rang gi sa la sbyor bas gang zhig sa gang la zhugs pa'i sa de ni de'i mthar thugs ba yin no/ /yang dag par blangs pa brnga' las 'byung ba'i sems bskyed par tshigs su bcad pa/ grogs stobs rgyu stobs rtsa ba'i stobs/ /thos stobs dge ba goms pa las/ /mi brtan pa dang brtan 'byung ba/ /gzhan gyis bstan pa'i sems bskyed bshad/ /gzhan gyis bstan zhing gzhan gyi rnam par rig byed las sems bskyed pa gang yin pa de ni yang dag par blangs pa brda las 'byung ba zhes bya'o/ /de yang grogs kyi stobs las to/ dge ba'i bshes gnyen gyi ngor skye ba yang yod do/ /rgyu'i stobs las te/ rigs kyi mthus skye ba yang yod do/ /dge bI rtsa ba'i stobs las te/ de'i rigs rgyas ba'i sgo nas skye ba yang yong ngo/ /thos pa'i stobs las skye ba yang yod de/ chos kyi rnam grangs de dang bshad pa na mang du byang chub tu sems bskyed pa'i phyir ro/ /dge ba goms pa las te/ tshe 'di nyid la rtag tu nyan ba dang/ 'dzin ba dang /'chang ba la sogs ba las skye ba yang yod do/ /de yang grogs kyi stobs las ni mi brtan par 'byung bar rig par bya'o/ /rgyu la sogs ba'i stobs las ni brtan pa 'byung ngo/ /don dam pa'i sems bskyed bar tshogs su bcad pa bdun te/ rdzogs pa'i sangs rgyas rab bsnyen byas/ /bsod nams ye shes tshogs rab bsags/ /chos la mi rtog ye shes ni/ /skyes phyir de ni dam bar 'dod/ /chos dang sems can rnams dang ni/ /de yi bya ba sangs rgyas nyid/ /mchog la sems mnyam rnyed pa'i phyir/ /de yi rab dga' khyad par 'phags/ /skye ba rgya che de la spro/ /bsam pa yang ni dag ba dang/ /lhag ma dag la mkhas pa dang/ /nges par 'byung bar shes par bya/ / chos la mos pa sa bon dang/ /pha rol phyin mchog ma las skyes/ /bsam gtan las byung bde ba mngal?/ /snying rje bskyed ba'i ma ma'o/ /smon lam chen po bcu sgrub phyir/ /rgya che bar ni shes par bya/ /bka' ba yun ring mi skyo phyir/ / spro bar khong du chud bar bya/ /byang chub nye bar rtogs pa dang/ /de yi thabs shes rnyed pa'i phyir/ /bsam pa dag bar shes par bya/ /sa gzhan tshul la mkhas pa nyid/ /ji ltar rnam bzhag yid byed pas/ /de rtog nyid du shes phyir dang de nyid la yang mi rtog phyir/ /nges par 'byung bar shes par bya/ /tshigs su bcad pa dang pos ni/ /lung dang sgrub pa dang rtogs pa'i khyad par dag gis sems bskyed pa don dam pa yid nyid du ston par byed do/ /don dam pa'i semS skyed pa de yang ma? rab tu dga' ba la yin bas de'i rab tu dga' ba khyad par 'phags ba'i rgyu ston te/ de la chos rnams la sems mnyam pa nyid ni chos la bdag med par rtogs pa'i phyir ro/ /sems can rnams la sems mnyam pa nyid ni bdag dang gzhan mnyam pa nyid du rtogs pa'i phyir ro/ /sems can gyi bya ba dag la sems mnyam pa nyid ni bdag nyid kyi sdug bsngal dang 'dra bar de dag gis sdug bsngal zad par 'dod pa'i phyir ro/ /sangs rgyas nyid la sems mnyam pa nyid ni de'i chos kyi dbyings dang bdag dbyer med par rtogs pa'i phyir ro/ /don dam pa pa'i sems bskyed pas de nyid la don rnam pa drug tu rig par bya ste/ skye ba dang/ rgya che ba dang/ spro ba dang/ bsam pa dag pa dang/ lhag ma la mkhas pa dang/ nges par 'byung ba'o/ /de la skye ba ni sa bon dang ma dang mngal dang ma ma'i bye brag las rig par bya'o/ /rgya chen po ni smon lam chen po bcu mngon par sgrub pa'i phyir ro/ /spro ba ni dka' ba yun ring pos mi skyo bI phyir ro/ /bsam pa dag pa ni/ byang chub dang nye bar shes pa'i phyir dang/ de'i thabs shes pa'i phyir ro/ /lhag ma la mkhas pa ni/ sa gzhan dag la mkhas pa'o/ /nges par 'byung ba ni/ sa ji ltar rnam par bzhag ba bzhin yid la byed bas so/ /ji ltar yid la byed pas zhe na/ 'di ni rtog pa tsam mo zhes sa rnam par bzhag pa de tog ba nyid du shes ba'i phyir dang/ rtog pa nyid du shes pa de nyid la yang rnam par mi rtog pa'i phyir ro/ /dpe'i che ba nyid du tshigs su bcad pa drug ste/ bskyed ba sa dang mtshungs pa ste/ /gzhan ni bzang po'i gser dang 'dra/ /zla ba yang gyis tshes ba bzhin/ /gzhan ni me dang 'drar shes bya/ /gzhan ni gter chen bzhin shes bya/ /gzhan ni rin chen 'byung gnas bzhin/ /rgya mtshe? 'dra bar shes byar gzhan/ /rdo rje dang 'dra ri rab 'dra/ /sman gyi rgyal po 'dra ba ste/ gzhan ni mdza' chen 'drar shes bya/ /yid bzhin nor bu 'dra ba dang/ /gzhan ni nyi ma 'brar shes bya/ /gzhan ni dri za'i dbyangs snyan bzhin/ /gzhan ni rgyal po 'drar shes bya/ /de bzhin gzhan ni mdzod lta bu/ /lam po che dang 'drar? shes bya/ /theg pa 'dra bar shes bya ste/ /sems bskyed bkod ma 'dra ba yin/ /kun dga' i sgra dang 'dra ba ste/ /klu chen rgyun dang 'dra ba'o/ /rgyal sras rnams kyi sems bskyed pa/ /sprin dang 'dra bar bstan pa ste/ /de phyir de ltar yon tan phyug / sems ni dga' bas yang dag bskyed/ /byang chub sems dpa' rnams kyi sems bskyed pa dang po ni sa dang mtshungs te/ sangs rgyas kyi chos thams cad dang de'i tshogs 'phel ba'i rten du gyur pa'i phyir ro/ / bsam ba dang ldan ba'i sems bskyed pa ni gser bzang po dang 'dra ste/ phan ba dang bde ba'i bsam pa gzhan du 'gyur ba bsten pa'i phyir ro/ /sbyor ba dang ldan pa ni zla ba yar gyi ngo'i tshes ba bzhin te/ dge ba'i chos 'phel bar/ 'gyur ba'i phyir ro/ /lhag pa'i bsam pa dang ldan ba ni me dang 'dra ste/ shing gi bye brag dag ges ne bzhin du gong nas gong du khyad bar du 'gro ba'i phyir ro/ /lhag pa'i bsam pa ni khyad par rtogs pa'i bsam pa'o/ /sbyin pa'i pha rol tu phyin pa dang ldan pa ni gter chen po bzhin te/ zang zing gi longs spyod kyis sems can dpag tu med pa tshim par byed pa dang mi zad pa'i phyir ro/ /tshul khrims kyi pha rol tu phyin pa dang ldan pa ni rin po che'i 'byung gnas lta bu ste/ de las yon tan rin po che thams cad 'byung ba'i phyir ro/ /bzod pa'i pha rol tu phyin pa dang ldan pa ni rgya mtsho? dang 'bra ste/ nyam ? 'byung ba thams cad kyis mi 'khrugs pa'i phyir ro/ /brtson 'grus kyi pha rol tu phyin pa dang ldan pa ni rdo rje lta bu ste/ mi shigs pa nyid kyis sra ba'i phyir ro/ /bsam gtan gyis pha rol tu phyin pa dang ldan pa ni ri'i rgyal po dang 'dra ste/ g.yeng bas mi g.yo ba'i phyir ro/ /shes rab kyi pha rol tu phyin pa dang ldan pa ni sman gyi rgyal po lta bu ste/ /nyon mongs pa dang shes bya'i sgrib pa'i nad rab tu zhi bar byed pa'i phyir ro/ /tshad med pa dang ldan pa ni mja' bo chen po dang 'dra ste/ gnas skabs thams cad du sems can thams cad yal bar mi 'dor ba'i phyir ro/ /mngon par shes pa dang ldan pa ni yid bzhin gyi nor bu dang 'dra ste/ ji ltar mos pa bzhin de'i 'bras bu 'byor pa'i phyir ro/ /bsdu ba'i dngos po dang ldan ba ni nyi ma dang 'dra ste/ gdul ba'i le tog yongs su smin par byed pa'i phyir ro/ /so so yang dag par rig pa dang ldan pa ni/ dri za'i dbyangs snyan pa lta bu ste/ gdul bya 'dun par byed pa'i chos ston pa'i phyir ro/ /rton pa dang ldan pa ni rgyal po lta bu ste/ chud mi za ba'i rgyu yin pa'i phyir ro/ /bsod nams dang ye shes kyi tshogs dang ldan pa ni mdzod lta bu ste/ /bsod nams dang ye shes kyi tshogs mang po'i mdzod kyi gnas yin pa'i phyir ro/ /byang chub kyi phyogs dang mthun ba dang ldan pa ni lam po che lta bu ste/ 'phags ba'i gang zag thams cad gshegs shing rjes su gshegs pa'i phyir ro/ /zhi gnas dang lhag mthong dang ldan pa ni/ /theg pa lta bu ste/ bde blag? tu khyer ba'i phyir ro/ /gzungs dang spobs pa dang ldan pa ni bkod na lta bu ste/ chu 'dzin zhing mi zad par 'byin pa dang chos mthun par thos pa'i chos kyi tshig dang don 'dzin zhing mi zad pa 'byin pa'i phyir ro/ /chos bshad pa dang ldan pa ni/ kun dga' ba'i spa? dang 'dra ste/ thar pa 'dod pa'i gdul bya rnams la snyan pa thos par byed pa'i phyir ro/ /bgrod pa gcig pa'i lam dang ldan pa ni rlung gi rgyun dang 'dra ste / mi skye ba'i chos la bzod pa thong pa na rang gis ngang gi 'byung ba'i phyir ro/ /bgrod pa gcig pa nyid ni/ sa dang gtobs pa'i byang chub sems dpa' rnams kyi bya ba byed pa tha mi dad pa'i phyir ro/ /thabs la mkhas pa dang ldan pa ni sprin lta bu ste/ ji ltar snod kyi 'jig rten gyi 'byor pa thams cad sprin las 'byung ba ltar/ dga' ldan gyis gnas na bzhugs ba la sogs pa ston pa'i sgo nas sems can thams cad kyi don bya ba rnams de la rags las ba'i phyir ro/ / dpe nyi shu rtsa gnyis dang ldan pa'i sems bskyed pa 'di ni 'phags pa blo gros mi zad pas bstan pa'i mdo las/ mi zad pa nyid 'byung ba dang sbyar bar khong du chud par bya'o/ /sems bskyed pa bsmad? par tshigs su bcad pa/ cher 'os sems bskyed spangs pa'i skye bo dag / gzhan don sems dang de yi thabs rnyed dang/ /dgongs chen don dang de nyid mchog mthong bas/ /bde ba de spangs zhi bar 'gro bar 'gyur/ /sems bskyed pa de spangs pa'i sems can rnams kyis bde ba rnam pa bzhi mi 'thob ste/ byang chub sems dpa' rnams kyi gzhan gyi don sems pas bde ba gang yin pa dang/ gzhan gyi don gyi thabs rnyed pas bde ba gang yin pa dang/ dgongs pa chen pI don mthong ba ste/ theg pa chen po'i mdo zab mo dgongs pa can gyis don rtogs pas bde ba gang yin pa dang/ de kho na nyid mchog gi don chos la bdag med pa mthong bas bde ba gang yin pa'o/ /ngan 'gro dang yongs su skyobs 'jigs pa med pa'i phyir/ /sems bskyed pa bsngags par tshigs su bcad pa/ blo ldan sems mchog skyes ma thag tu yang/ /mdza' yas nyes pa byed las sems rab bsdams/ /gnyis 'phel byed pas rtag tu dge ba dang/ /brtse ldan bde dang sdug bsngal dag gis dga' / /byang chub sems kyi mchog de skyes ma thag tu sems can mdza' yas pa'i rten can gyi nyes pa byed pa las sems rab tu bsdams par 'gyur te/ de'i phyir 'di ngan 'gros 'jigs par mi 'gyur ro/ /de ni dge ba'i las dang snying brtse ba gnyis 'phel bar byed pas rtag tu dge ba dang ldan pa dang snying brtse ba dang ldan par yang 'gyur te/ des na de dge ba dang ldan pa'i phyir/ bde bas kyang dga' la snying brtse ba dang ldan pa'i phyir gzhan gyi don byed pa'i rgyu mtshan can gyi sdug bsngal gyis kyang dga' o/ /de'i phyir 'di bya ba mang pos yongs su skyobs kyang 'jigs par mi 'gyur ro/ /mi byed pa'i sdom pa thob par tshigs su bcad pa gang tshe gzhan gyi don phyir lus dang ni/ /srog la mi lta rab ngal khas len pa /de lta bu re gzhan gyi gnod pa yis/ /ji ltar ngan par byed pa'i las la 'jug /de'i bsdus pa'i don ni/ /gang zhig gzhan gyi don gyi phyir lus dang srog la yang mi lta ba'i phyir/ gzhan nyid ches sdug gi bdag? nyid ni ma yin pa de ji ltar gzhan gyis gnod pa byas pas bdag gis don du nyes par byed pa'i las la 'jug par 'gyur/ sems mi ldog par tshigs su bcad pa gnyis te/ de yis chos kun sgyu ma lta bu dang/ /skyed ba skyed mos tshal 'gro ltar rtogs nas/ /'byor ba'i dus na rgyud pa'i dus na 'ang 'di/ /nyon mongs sdug bsngal dag gis 'jigs ba med/ /rang gi yon tan sems can phan 'dogs dga' / /bsam bzhin skye pa rdzu 'phrul rnam par 'phrul/ /rgyan dang ston mos mchog rtse dga' ba /snying rje'i bdag nyid min pa rnams la med/ /byang chub sems dpa' i des chos thing sgyu ma lta bur mthong ba'i phyir/ 'byor pa'i dus na nyon mongs pa rnams kyis mi 'jigs la/ skye ba skyed mos tshal du 'gre ba lta bur mthong ba'i phyir/ rgud pa'i dus na sdug bsngal gyis mi o'jigs na/ de'i byang chub kyi sems 'jigs pa gang gis ldog par 'gyur/ /gzhan yang rang gi yon tan gyis rgyan dang/ gzhan la phan 'dogs pas dga' ba'i ston mo dang/ bsams bzhin du skye ba'i skyed mos tshal gyis dang/ brdzu 'phrul gyis rnam par 'phrul ba'i rtsed mos dga' ba'i byang chub sems dpa' dag kho na la yod kyi/ byang chub sems dpa' ma yin pa rnams la ni med na de dag giS seMs ji ltar bzlog par 'gyur/ sdug bsngal gyis 'jigs ba dgag bar tshigs su bcad pa/ gzhan don brtson ldan snying rje'i bdag nyid 'de/ /gang tshe mnar med pa la'ang dgar 'dzin pa/ /de 'dra ba dag srid na gzhan rten can/ /sdug bsngal byung ba rnams kyis ga la 'jigs/ /gzhan yang gzhan gyi don la brtson pa gang zhig snying rje'i bdag nyid can yin pa'i phyir/ mnar med pa la yang dga' bar 'dzin pa de ji ltar srid pa na gzhan gyi don gyi rgyu mtshan can gyi sdug bsngal 'byung ba dag gis 'jigs par 'gyur te/ gang gis phyir na'ang sdug bsngal gyis 'jigs pa'am sems ldog par 'gyur/ /sems can yal bar 'dor bar dgag par tshigs su bcad pa/ slob dpon brtse chen rtag tu brten pa'i bdag/ pha rol sdug bsngal dag gis sems gdung ba/ /gzhan gyi bya bar nye bar gnas pa la/ /gzhan gyi bskul ba'i don tu ngo lang tsha/ /slob dpon snying rje rtag tu bsten pa'i bdag nyid can pha rol gyi sdug bsngal dag gis sems gdung ba gang yin pa de la gal te gzhan gyi bya ba byed pa la dge ba'i bsheS gnyen bzhan dag gis bskul ba bya dgos pa ni te por ngo tsha'o/ /le lo smad? par tshigs su bcad pa/ mgo la sems can khur chen khyer ba yi/ /sems can mchog ni dal gyis 'gro mi mdzes/ /bdag gzhan sna tshogs 'ching baS rab bcings pa/ /brtson pa brgya 'gyur du ni bya ba'i rigs/ /byang chub sems dpa' mgo la sems can gyi khur chen po thogs nas pha rol gnod pa dal ba ni mdzes kyi/ /des nyan thos kyi brtson 'grus pas brtson 'grus brgya 'gyur du bya bar riD te/ 'di ltar de ni bdag dang gzhan gyi 'ching ba rnam pa sna tshogs nyon mongs pa dang las dang skye ba'i ngo bo dag gis shin tu bcings pa yin no/ /sems bskyed pa'i skabs rdzogs so// //sgrub pa'i mtshan nyid kyi tshigs su bcad pa/ gnas rtsom 'bras bu 'byung ba che bdag nyid/ /rgyal sras rnams kyi sgrub pa yin par 'dod/ /rtag tu len pa che dang bzod pa che/ /don chen yang dag sgrub pa'i bya ba byed/ /de la gnas chen po ni sems bskyed pa la gnas pa'i phyir ro/ / rtsom pa chen po ni rang dang gzhan gyi don rtsom pa'i phyir ro/ /'bras bu 'byung ba chen po ni 'bras bu byang chub chen po 'thob pa yin pa'i phyir ro/ /de nyid kyi phyir go rim bzhin du len pa che ba ste/ sems can thams cad nye bar len pa'i phyir ro/ / bzod pa che ba ste/ sdug bsngal thams cad dang du len pa'i phyir ro/ /don chen yang dag sgrub pa'i bya ba byed pa ste/ /sems can mang po'i don yang dag par sgrub pa'i phyir ro/ /rang dang gzhan gyi don khyad par med par tshigs su bcod pa/ gzhan dang bdag tu mnyam pa'i sems nyid dam/ bdag pas gzhan ches sdug pa rnyed nas ni/ /da ltar bdag bas gzhan don mchog tu shes/ /rang gi don gang gzhan gyi don gang yin/ /gzhan dang bdag mnyam pa'i sems nyid brnga las byung ba'i sems bskyed pa rnyed pa'i tshe mos pa'i sgo nas sam/ don dam pa pa'i sems bskyed pa rnyed pa'i tshe/ shes pa'i sgo nas rnyed nas sam/ yang na bdag pas gzhan ches shin tu sdug bsngal brnyed nas rgyu de nyid kyis bdag pas gzhan gyis don la khyad par 'phags par 'du shes pa'i byang chub sems dpa' la rang gi don ni gang zhig yin la gzhan gyi don gang zhig yin te/ de la gnyi ga khyad par med do/ /zhes bya ba'i tha tshig go gzhan gyi don khyad par du bya bar tshigs su bcad pa/ ji ltar snying rje'i bdag nyid gzhan gyi don gyis phyir/ /bdag la sdug bsngal mi bzang gdung ba rab byed pa/ /de ltar 'jig rten gdung ba'i las kyis gzhan dgra la/ /shin tu brtse pa med par rab tu 'jug ma yin/ /ji ltar 'di'i gzhan gyi don bdag nyid kyi don las khyad par du 'phagS pa de sgrub par byed de/ gzhan gyi don du bdag nyid la shin tu gdung bar byed pa'i phyir ro/ /gzhan gyi don sgrub par rnam par dbye bar tshigs su bcad pa gnyis te/ tha chad 'bring dang mchog chos nyid gnas la/ /legs par ston dang mgu byed 'jug pa dang/ /don la rnam nges dge nga yongs smin byed/ /de bzhin gdams ngag gnas dang blo rnams grol/ /yon tan khyad par can 'grub de bzhin du rigs su skye dang lung bstan dbang bskur dang/ /de bzhin gshegs mkhyen bla med go 'phang ste/ /bcu gsum bdag nyid 'di ni gzhan gyi don/ /sems can gyi ris rnam pa gsum po rigs dman pa dang 'bring dang khyad par can la gnas pa la byang chub sems dpa' i gzhan gyi don rnam pa bcu gsum ste/ rjes su bstan pa dang/ kun brjod pa'i cho 'phrul dag gis legs par ston pa dang/ rdzu 'phrul gyi cho 'phrul gyis mgu bar byed pa dang/ bstan pa khas len du gzhug pa'i phyir 'jug pa dang/ zhugs pa rnams the tshom gcod pa'i phyir don rnam par nges par byed pa dang/ dge ba'i rtsa ba yongs su smin par byed pa dang/ 'doms ba dang/ sems gnas bar byed pa dang/ shes rab rnam par gro ba par byed pa dang/ mngon par shes pa la sogs pa yon tan khyad par can rnams yang dag par 'grub par byed pa dang /de bzhin gshegs pa'i rigs su skye ba dang/ sa brgyad pa la lung bstan pa dang/ sa bcu pa la dbang bskur ba dang/ de bzhin gshegs pa'i ye shes dang ldan pa'o/ /rnam pa gsum po 'di dag ni ci rigs par rigs la gnas pa gsum byang chub sems dpa' i yin no/ /gzhan gyi don sgrub ba phun sum tshoD par tshigs su bcad pa skye bo dang mthun phyin ci ma log 'chad/ /mi 'gying ba dang bdag gis med la mkhas/ /bzod dul shin tu ring song mi zad pa/ /rgyal sras rnams kyi sgrub pa mchog yin no/ /'dis ni gzhan gyi don sgrub pa 'di phun sum tshogs pa yin pa de ston to/ /'di ji ltar phun sum tshogs pa yin zhe na/ gal te rigS la gnas ba'i skye bo dang mthun zhing/ byin ci ma log bar 'chad par 'gyur ba dang/ 'bying ba med par mgu bar 'gyur ba dang/ mi mthun pa mi byed pas bdag gi ba med par 'jug pa ste/ rdzu 'phrul gyis mi rlom zhing sems can zhugs pa rnams la bdag gi bar 'dzin pa med pa dang/ don rnam par nges par bya ba la mkhas pa'i sgrub pa yin te/ dge ba yongs su smin par bya ba la bzod pa'i sgrub pa yin/ /dul bas 'doms pa la sogs pa'i sgrub pa yin te/ mdul bas ni gzhan dag la gdams pa la sogs bstan par mi nus so/ /rigs su skyes pa la sogs pa shin tu ring du song ba'i sgrub pa yin no/ /ring du ma song ba'i sgrub pas ni/ gzhan dag rigs su skyes pa la sogs pas bya bar mi nus so/ /byang chub sems dpa' i sgrub pa 'di dag thams cad kyang las blangs pa'i sems can mi zad pa'i phyir mi zad pa yin te/ de'i phyir yang phun sum tshogs pa yin par rig bar bya'o/ /sgrub pa byang du bya bar tshigs su bcad ba gnyis te/ 'dod ldan skye bo 'jigs pa che la 'jug /srid dag? phyin ci log bde g.yo ba la/ /zhi dga' rang gi len par rab zhi la/ /snying rje'i bdag nyid len kun zhi la brtag /skye po rmongs pa rang gi bde don brtson/ /rtag tu de ma thob par sdug bsngal 'gyur/ /brtan pa rtag tu gzhan don brtson pa ni/ /gnyis ga'i don byas mya ngan 'da' bar 'gyur/ /de la 'dod pa rnams 'jigs pa chen po nyid yin pa ni lus dang sems kyi sdug bsngal la mang po dang/ ngan 'gror 'gro ba'i rgyu yin pa'i phyir ro/ /phyin ci log gi bde ba g.yo ba ni gzugs dang gzugs med pa'i srid ba'i dga' ba rnams mi rtag pa nyid kyi phyir dang/ /'du byed kyi sdug bsngal gyis don dam par sdug bsngal ba'i phyir ro/ /len pa dag ni nyon mongs pa rnams su rig par bya ste/ sdug bsngal len pa'i phyir ro/ skye bo rmongs pa rtag tu rang bde ba'i don du zhugs pa ni bde ba mi 'thob kyi/ sdug bsngal kho na 'thob po/ /byang chub sems dbang gzhan gyis don du zhugs pa ni/ rang gi gzhan gyis don bsgrubs nas mya ngan las 'das pa'i bde ba 'thob ste/ 'di ni sgrub pa'i khyad par gzhan yin no/ /sbyod yul yongs su snga bar tshigs su bcad pa/ rgyal sras spyod tshe ji lta ji lta bur/ /dbang po'i spyod yul sna tshogs 'jug 'gyur ba/ /de lta de ltar rigs shing mthun tshigs gis/ / sems can phan phyir de mngon 'du/ byed do/ /byang chub sems dpa' spyod lam byed pa'i spyod pa la 'jug pa na rnam pa gang dang gang gis mig la sogs pa'i dbang po'i spyod yul sna tshogs la 'jug pa'i rnam pa de dang der 'brel zhing 'dra ba'i tshig gis sems can rnams la phan par bya ba'i phyir/ de thams cad ji ltar spyod yul yongs su dag pa'i mdo las rgyas par bstan pa bzhin mngon par 'du byed do/ /sems can rnams la mi bzod pa dgag bar tshigs su bcad pa/ rtag tu nye pas rang dbang med par byas sems kyis/ /skye bo la ni blo ldan nyes par mi 'dzin te/ /mi 'dod bzhin du log par sgrub par 'gyur ro zhes /skye bo dag la snying rje rnam par 'phel phyir ro/ /rtag tu nyon mongs pa rnams kyis rang dbang med par? byas pa'i sems dang ldan pa'i skye bo la byang chub sems dpa' nyes par mi 'dzin to/ /de ci'i phyir zhe na/ 'di dag ni mi 'dod bzhin du lag par sgrub pa dag tu 'gyur ro/ zhes bya bar rig nas snying rje'i 'phel bar 'gyur ba'i phyir ro/ /sgrub pa'i che ba nyid kyi tshigs su bcad pa/ sgrub pa 'di ni srid dang 'gro ba kun/ /zil gyis mnan 'gro zhi ba mchog dang ldan/ /yon tan sna tshogs tshogs kyi rnam par 'phel/ /byams pa'i sems dpas rtag tu 'gro ba sdud/ /che ba nyid ni rnam pa bzhi ste/ zil gyi gnon ba'i che ba nyid ni/ srid pa gsum dang 'gro ba lnga po thams cad zil gyis mnan nas 'gro ba'i phyir te/ ji skad du shes rab kyi pha rol tu phyin pa las/ rab 'byor gal te gzugs dngos por gyur kyis/ /dngos po med pa yin na shes rab kyi pha rol tu phyin ba 'dis lha dang mi dang lha ma yin du bcas pa'i 'jig rten zil gyis mnan nas nges pa 'byung bar mi 'gyur zhes bya ba la sogs pa rgyas par gsungs pa lta bu'o/ /mya ngan las 'das pa'i che ba nyid ni mi gnas pa'i mya ngan las 'das pa dang ldan pa'i phyir ro/ /yon tan gyi che ba nyid dang/ sems can yongs su mi gtong pa'i che ba nyid ni yon tan gyis 'phel ba dang/ 'gro ba sdud pa'i phyir ro/ /sgrub pa'i skabs rdzogs so// //don dam pa'i mtshan nyid du tshigs su bcing pa/ yod min med min de bzhin min gzhan min/ /skye dang 'jig med 'bri bar mi 'gyur te/ 'phel ba med cing rnam par dag pa'ang med/ /rnam par dag 'gyur de ni don dam mtshan/ /gnyis med pa'i don ni don dam pa ste/ /gnyis med pa'i don de yang rnam pa lngas yang dag par ston to/ /kun brtagS pa dang gzhan gyis dbang gi mtshan nyid kyis ni yod ba ma yin no/ /yongs su grub pa'i mtshan kyis ni med ba ma yin no/ /kun brtags pa dang gzhan gyis dbang dag dang yongs su grub par gcig pa nyid med pes de bzhin ma yin no/ /de dag kho na dang gzhan ba nyid med pas gzhan ma yin no/ /chos kyi dbyings 'dus ma byas pa'i phyir skye ba yang med/ 'jigs pa yang med do/ /kun nas nyon mongs pa dang rnam par byang ba dag 'gag pa dang skye ba de bzhin gnas pa'i phyir 'bri bar yang mi 'gyur/ 'phel bar yang mi 'gyur ro/ /rang bzhin gyis kun nas nyon mongs pa can ma yin pa'i phyir/ rnam par dag bar 'gyur ba med do/ /glo bur gyi nyon mongS? ba dang bral ba'i rnam par ma dag pa yang ma yin te/ de ltar na gnyis med pa'i mtshan nyid rnam pa lnga po de ni don daM pa'i mchan nyid yin par rig bar bya'o/ /bdag tu lta ba'i phyin ci log dgag par tshigs su bcad pa/ bdag tu lta ba bdag nyid bdag mtshan min/ /ngan par gnas min mtshan nyid mi 'dra phyir/ /gnyis las gzhan med de ni nor par skyes/ /de phyir thar pa nor tsam zad pa yin/ /re zhig bdag tu lta ba nyid ni bdag gi mtshan nyid ma yin no/ /ngan par gnas pa nyid kyang ma yin te/ 'di ltar de ni bdag gi mtshan nyid du kun brtags pa'i bdag dang mtshan nyid mi 'dra ba'i phyir ro/ /de yang nye bar len pa'i phung po lnga ste/ nyon mongs pa'i gnas ngan len gyis rab tu bskyed pa'i phyir ro/ /'di gnyis las gzhan pa'i bdag gi mtshan nyid kyang mi dmigs te/ de lta bas na bdag ni med kyi bdag tu lta ba gang yin ba de? ni nor pa skyes pa yin no/ /bdag med pa nyid kyi phyir/ thar pa yang nor pa tsam zad pa yin par rig par bya'i grol ba ni 'ga' yang med do/ /phyin ci log smad par tshigs su bcad pa gnyis te/ ji ltar 'khrul pa tsam bsten skye po yis/ sdug bsngal rang bzhin rgyun chags rtogs mi 'gyur/ /rings min rig nyid sdug bsngal sdug bsngal med/ /chos kyi rang bzhin de yi rang bzhin min?/ brten nas dngos rab skye bar mngon 'jug ba'i/ /skye bo ji ltar gzhan gyis byas la bsten/ /gang phyir yod pa mi mthong med mthong bas/ /'di 'dra'i mun nag rnam pa de gang zhig/ ji ltar na 'jig rten 'di bdag tu lta ba nor ba tsam la bsten nas 'du byed rnams kyis sdug bsngal gyis ngo bo nyid rtag tu rjes su 'brel pa mi mthong ste/ /sdug bsngal gyis rang bzhin de ni ye shes kyis rig bar bya mi dgos te/ sdug bsngal nyams su myong bas rig pa yin no/ /sdug bsngal ma spangs pas sdug bsngal bar gyur pa yin la sdug bsngal dang ldan pa'i bdag med pa'i phyir sdug bsngal bar gyur pa med do/ /gang zag la bdag med pas chos tsam du zad pa'i phyir chos kyi rang bzhin yin no/ /chos la bdag med pas chos kyi rang bzhin ma yin no/ /yang gang gis che 'jig rten gyis de dang de la brten nas dngos po de dang de dag 'byung ngo zhes bya bar dngos po rnams kyi rten cing 'brel par 'byung ba mngon sum du mthong ba na de ji ltar mthong ba la sogs pa ni gzhan gyis byas gyis/ rten cing 'brel bar 'byung ba ni ma yin de/ /zhes lta ba 'di la brten/ 'jig rten gyis mun nag gang rten cing 'brel bar 'byung pa yod pa ni mi mthong gi/ med pa bdag tu rtogs pa 'di 'dra ba de gang zhig yin te/ yod pa ni mun pas mi mthong bar nus kyi/ med pa mthong bar ni ma yin no /bdag nad par zhi ba rung bar tshigs su bcad pa/ 'di la don dam tshul gyis zhi ba dang/ /skye ba de gnyis khyad par ci yang med/ /'on kyang dge ba'i las rnams byed la dag /skye ba zad pas zhi ba 'thob par bshad don dam pa'i tshul bdag med par mnyam pa nyid kyis 'khor ba dang mya ngan las 'das pa dag la tha dad du bya ba ci yang med do/ /'on kyang gang dag thar pa'i lam sgomS ba dge ba'i las byed ba dag gi skye ba zad pas thar ba 'thob par 'gyur ba nyid do/ /phyin ci log smad pa byas nas de'i gnyen po don dam pa'i ye shes la 'jug par tshigs su bcad pa bzhi ste/ byang chub sems dpa' bsod nams ye shes kyi/ /mdza' yas pha rol tshogs rnams legs bsags nas/ /chos la sems pa shin tu rnam nges phyir/ /don gyis rnam pa brjod pa'i rgyu can rtogs/ /de yis brjod pa tsam du don rig nas/ /der snang sems tsam la ni yang dag gnas/ /de nas chos dbyings gnyis kyi mtshan nyid dang/ /bral ba mngon sum nyid du rtogs par 'gyur/ /sems las gzhan med par ni blos rigs nas/ /de nas sems kyang med pa nyid du rtogs/ /blo dang ldan pas gnyis po med rig nas/ /de ma ldan pa'i chos kyi dbyings la gnas/ /blo dang ldan pa'i mi rtogs ye shes stobs/ /rtag tu kun nas mnyam par song ba yis/ /de la brten pa'i nyes tshoD tshang tshing dag /dug sman chen pos dug bzhin sel bar byed/ /gcig gis ni tshogs chen po bsags pa dang/ ting nge 'dzin la brten nas bsags pa'i phyir chos bsam pa shin tu rnam par nges pa nyid dang/ yid kyi brjod pa yin pa'i phyir chos de dag don du snang bar rtogs pa'i phyir de la 'jug pa rab tu ston to/ /dus rab tu dbye ba grangs med pas 'di'i pha rol yongs su rdzogs pa na mdza' yas pha rol yin no/ /gnyis pas ni don rnams yid kyi brjod pa tsam du rig nas der snang ba'i sems tsam la gnas pa ston te/ 'di ni byang chub sems dpa' i nges par 'byed pa'i cha dang mthun pa'i / gnas skabs yin no/ /de phan chad ni chos kyi dbyings gnyis kyi mtshan nyid gzung ba dang/ 'dzin pa'i mtshan nyid dang bral ba mngon sum nyid du rtogs te/ 'di ni mthong ba'i lam gyi skabs yin no/ /gsum pas ni ji ltar 'dis chos kyi dbyings mngon sum nyid du rtogs pa ston to/ /ji ltar 'dis mngon sum du rtogs she na/ sems las gzhan pa'i dmigs pa gzung ba med do zhes bya bar blos rtog nas gzungs pa med na 'dzin pa yang med pa'i phyir sems tsam po de yang med pa nyid du khong du chud do/ /de gnyis med pa nyid du rig nas de dang mi ldan pa'i chos kyis dbyings gzung ba dang/ 'dzin pa'i mtshan nyid dag dang bral ba la gnas te/ de ltar na chos kyi dbyings mngon sum nyid du rtogs pa yin no/ /bzhi pos ni sgom pa'i lam gyiS gnas skabs na gnas yongs su gyur pas don dam pa'i ye shes la 'jug pa ston te/ rnam par mi rtog pa'i ye shes kyi stobs kyis dus kun du mnyam pa nyid du song bas de la brten pa'i nyes pa'i tshogs ring du rjes su zhugs pa/ gnas ngan len gyi mtshan nyid dag / dug sman chen? pos dug bzhin du sel ba'i phyir ro/ /de gang la mnyam pa nyid du song zhe na/ gzhan gyi dbang gi ngo bo nyid la'o/ /don dam pa'i ye shes kyi che ba nyid kyi tshigs su bcad pa/ thub pas gsungs pa'i dam chos legs bzhag ba/ /rtsa ba'i chos kyi dbyings la blo gros gzhag/ dran rgyu rtog ba tsam rig bstan ba dag/ myur du yon tan rgya mtsho'i pha rol 'gro/ byang chub sems dpa' don dam pa'i ye shes la zhugs pa de sangs rgyas kyis gsungs pa'i don dam pa'i chos legs par bzhag pa'i rtsa ba'i sems bsdus pa'i chos la dmigs pa'i chos kyi dbyings la blo gros bzhag nas dran pa gang dang gang skye ba'i dran pa 'jug pa de dag thams cad rtog pa tsam du khong du chud de/ de ltar na myur du yon tan rgya mtsho'i pha rol sangs rgyas nyid du 'gyur bas 'di ni don dam ba'i ye shes kyi che ba nyid yin no/ /kho na nyid kyi skabs rdzogs so// //mthu yi mtshan nyid rnam par dbye bas tshigs su bcad pa/ skye dang dge sems dge dang mi dge bskyed/ /de yi gnas dang 'byung ba mngon sum gang/ /shes pa kun 'gro rab tu dbye bcas la/ /thogs med bstan pa thob pa'i mthu yin na/ /gzhan dag gi skye bshes pa ni/ /'chi 'pho dang skye ba mngon bar shes pa yin no/ /de dang de dag tu skyes pa rnams ci smra ba'i tshig shes pa ni/ /lha'i rna'i mngon par shes pa yin no/ /sems shes pa ni sems kyi rnam grangs mngon par shes pa yin no/ /sngon dge ba dang mi dge ba bskyed pa she pa ni/ sngon gyis gnas nas mngon par shes pa yin no/ /gang na 'dul ba dag 'khod pa de'i gnas su 'gro ba shes pa ni/ rdzu 'phrul gyis yul mngon par shes pa'o/ /ji ltar sems can rnams skye ba las 'byung bar 'gyur ba'i 'byung ba shes pa ni/ zag bzang pa mngon bar shes pa yin te/ de ltar na 'jig rten gyi khams thams cad du don drug po de dag rab tu dbye ba dang bcas pa la shes pa mngon sum du gyur pa thogs pa med pa gang yin pa de ni byang chub sems dpa' rnams kyi mthu mngon par shes pas bsdus pa yin no/ /mthu'i mtshan nyid rnam par dbye ba la /rang bzhin gyis don ni bshad zin to/ /rgyu'i don las brtsams te tshigs su bcad pa/ bsam gtan bzhi pa shin tu dag thob nas/ /mi rtog ye shes yongs su bzung ba dang/ /ji ltar rnam gnas yid la byed pa las/ /mthu 'grub pa yi dam pa 'thob par 'gyur/ /rten gang dang/ ye shes gang dang/ yid la byed pa gang gis mthu de yang dag bar 'grub pa de ston to/ /'bras bu'i don las brtsams / /tshigs su bcad pa/ gang gis 'phrags dang lta dang tshangs pa yi/ /gnas pa dpe med rgya ches rtag tu gnas/ /phyogs de song sangs rgyas sems can dang /yang dag mchog phyed rnam par dag pa snyed/ /mthu de'i 'bras bu rnam pa gsum ston te/ bdag nyid Sh+ya? pags pa la sogs pa'i bde bar gnas ba mthong ba med pa mchog dang 'jig rten gyis khams gzhan dag tu song ste/ sangs rgyas rnams la mchod pa dang/ sems can rnams rnam par sbyong ba'o/ /las rnam pa drag gi don las brtsams nas tshigs su bcad pa bzhi ste/ mthong ba'i las dang ston pa'i las las btsams te tshigs su bcad pa/ 'chags dang 'jigs bcas sems can bcas pa yi/ /'jig rten khams kun sgyu ma lta bur mthong/ /dbang ldan ji ltar 'dod bzhin de dag dang/ /rnam bcas sna tshogs dag kyang yang dag ston/ /bdag nyid kyis kyang 'jig rten gyis khams 'chags pa dang 'jig pa dang bcas shing sems can dang bcas pa thams cad sgyu ma lta bu nyid du mthong la/ /dbang bcu thob pa'i phyir dbang dang ldan pa gzhan dag la yang ji ltar 'dod pa bzhin de dag dang/ gzhan yang g.yo ba la sogs pa'i rnam pa sna tshogs ston pa'i phyir te/ de dag kyang ji skad du/ sa bcu pa'i sa brgyad pa las bstan pa lta bu yin no/ /'od zer gyis las las brtsams te tshigs su bcad pa/ 'od zer btang bas shin tu sdug bsngal pa'i/ /ngan song ba dag mtho ris 'gro bar byed/ /bdud gnas gzhal med khang mtho mdzes pa dag/ bdud bcas kun tu bskyod cing skrag par byed/ /'od zer gyis las rnam pa gnyis ston te/ /ngan song du skyes pa rnams dang ba bskyed nas mtho ris su skye bar byed pa dang/ bdud kyi gnas bdud dang bcas pa rnams bskyod pas mi dga' byed pa'o/ /rnam par rol pa'i las dang sprul pa'i las las brtsams te tshigs su bcad pa/ de ni mchog tshogs nang du ting nge 'dzin/ /dpag med rnam par rol pa kun ston zhing/ /las dang skye dang mchog gi sprul pa yis/ /sems can rnams kyi don du dus kun gnas/ /sangs rgyas kyi 'khor gyi dkyil 'khor gyi nang du ting nge 'dzin dpag tu med pas rnam par rol pa kun du ston pa'i phyir dang/ sprul pa rnaM pa gsuM gyis rtag tu sems can gyi don byed pa'i phyir te/ sprul pa rnam pa gsum na bza' i las kyi gnas sprul pa dang/ 'dul ba'i dbang gis ji ltar 'dod pa bzhin skye ba sprul pa dang/ dga' ldan gyis gnas na bzhugs pa la sogs pa mchog sprul pa'o/ /zhing yongs su dag pa'i las las brtsams te tshigs su bcad pa/ ye shes dag la dbang phyir zhing rnams ni/ /ji ltar 'dod bzhin bstan phyir dag pa 'thob/ /sangs rgyas mtshan mi grag /bar sangs rgyas mtshan/ /yang dag bsgrags pas de dag khams gzhan 'byed/ /yongs su sbyor brna pa gnyis kyis te/ /snod yongs su sbyor bas ni ye shes la dbang pa'i phyir ji ltar 'dod pa bzhin/ /sangs rgyas kyi zhing shel dang baiDUrya la sogs pa'i rang bzhin du kun tu ston pa'i phyir ro/ /sems can yongs su sbyong bas ni/ / s angs rgyas kyi mtshan med pa'i 'jig rten gyi khams dag tu skyes pa'i sems can rnams la sangs rgyas kyi mtshan yang dag par bsgrags pas dad pa len du bcu gnas de dang mi bral ba'i 'jig rten gyis khams dag tu bskyed pa'i phyir ro/ /ldan pa'i don las brtsams te tshigs su bcad pa/ 'dab gshog kun tu rgyas pa'i bya bzhin du/ /sems can smin par byed par nus pa nyid/ /sangs rgyas la ni shin tu bsngags pa 'thob/ /skye dgu rnams la tshig bzung 'os par 'gyur/ /ldan pa rnam pa gsum ston te/ sems can yongs su smin par byed nus pa dang ldan pa dang/ bsngags pa dang ldan pa dang/ tshig bzung bar 'os pa dang ldan pa'o/ /'jug pa'i don las brtsams te tshigs su bcang ba/ mngon par shes pa drug dang rig pa gsum/ /rnam thar brgyad dang de bzhin zil gnon brgyad/ /zad par skye mched bcu dang ting nge 'dzin/ /dpag tu med pa bstan pa thob pa'i mthu/ /byang chub sems dpa' i mthu ni rab tu dbye ba drug gis 'jug ste/ mngon par shes ba dang/ rig pa dang/ rnam par thar pa dang/ zil gyis gnon pa'i skye mched dang/ zad par gyi skye mched dang/ ting nge 'dzin dpag tu med pa'i rab tu dbye bdag gis so/ /de ltar rnam bar dbye ba'i mtshan nyid gyi don drug giS mthu bshad nas/ de'i che ba'i bdag nyid brjod pa'i phyir tshigs su bcad pa/ de ni dbang mchog thob pa'i blo dang ldan/ /'gro ba dbang med rang dbang dkod rtag tu/ /gzhan la phan dga' gcig tu mngon dga' ste/ /seng ge bzhin du rab/ brtan srid na spyod/ /che ba'i bdag nyid rnam pa gsum ston te/ /bdag nyid ye sheS kyi mchog la dbang thob pas 'gro ba nyon mongs bas rang dbang med pa rang dbang yod pa la 'god pa'i phyir dbang gi che ba'i bdag nyid dang/ rtag tu gzhan la phan par bya ba la gcig tu mngon par dga' ba'i che ba'i bdag nyid dang/ srid pas mi 'jigs pa'i che ba'i bdag nyid do/ /mthu'i skabs rdzogs so// //byang chub sems dpa' yongs su smin par bsdu bar tshigs su bcad pa/ dga' dang dang dang rab zhi snying brtse dang/ /bzod dang yid gzhungs mthu can nyid dang ni/ /mi 'phrogs pa dang yan lag ldan pa rab/ /de ni rgyal sras yongs su smin pa'i mtshan/ /dga' ba ni theg pa chen po bshad pa'i chos la'o/ / dang pa ni de ston par byed pa la'o/ /rab tu zhi ba ni nyon mongs pa rnams so/ /snying brtse ba ni sems can rnams la'o/ /bzod ba ni bka' ba sbyong pa la'o/ /yid gzhungs pa ni len pa dang/ 'dzin pa dang/ khong du chud pa dag la'o/ /mthu can nyid ni rtogs par bya ba la'o/ /mi 'phrogs pa ni bdud dang phas kyi rgol ba dag gis so/ /yan lag ldan pa mi spong ba'i yan lag rnams dang ldan pa nyid do/ /rab ces bya ba ni/ dga' ba la sogs pa chen po nyid ston par byed do/ /rnam pa dgu po de ni mdor na byang chub sems dpa' rnams kyis bdag yongs su smin par yin par rig par bya'o/ /dga' ba yongs su smin pa las brtsams te tshigs su bcad pa/ grogs mchog la sogs gsuM dang brtson rab dang/ mthar phyin dam pa dang ni chos mchog sdud/ /dam chos cher gzung phyin ni snying rje can/ /yang dag yongs su smin pa'i mtshan nyid 'dod/ /grogs po mchog la sogs pa gsum ni skyes bu dam pa la brten pa dang/ dam pa'i chos nyan pa dang/ tshul bzhin yid la byed pa'o/ /brtson pa'i rab ni brtson 'grus chen po rtsom pa'o/ /mthar phyin pa'i dam pa ni/ bsam gyis mi khyab pa'i gnas thams cad la the tshom med pa'o/ /chos kyi mchog bsdud pa ni theg pa chen po'i chos srung pa ste/ de la zhugs pa rnams la che ba dag las bsrungs pa'i phyir ro/ /de ni byang chub sems dpa' i theg pa chen po'i chos yongs su gzung ba'i dbang du byas nas/ dga' ba yongs su smin pa'i mtshan nyid yin par rig par bya ste/ rgyu gang gis yongs su smin par 'gyur zhe na/ grogs po mchog la sogs pa gsum gyis so/ /de'i yongs su smin pa gang zhe na/ brtson pa'i rab dang mthar phyin pa'i dam pa dang ldan pa'o/ /lha gang yin zhe na/ chos kyi mchog sdud pa ste/ 'dis ni de dag yongs su bstan to/ /dad pa yongs su smin pa las brtsams te tshigs su bcad pa/ yon tan shes dang sems kyang mi phyed dang/ ting 'dzin myur du thob dang 'bras bu myong/ /ston la yid ches bya phyir rgyal sras kyi/ /yang dag yongs su smin pa'i mtshan nyid 'dod/ /de yongs su smin pa yang rgyu dang rang bzhin dang las kyis bstan to/ /yon tan shes pa ni 'di ltar bcom ldan 'das de ni de bzhin gshegs ba zhes bya ba la sogs pa rgyas par 'byung ba lta bu ste/ rgyu'o/ shes nas dad pa thob pa'i phyir sems mi phyed pa ni rang bzhin no/ /ting nge 'dzin myur du thob ba dang/ de'i 'bras bu mngon par shes pa la sogs pa nyams su myong ba ni las so/ /rab tu zhi ba yongs su smin pa las brtsams te tshigs su bcad pa/ shin tu sdom zhing nyon mongs rtogs pa spong/ /bar chad med cing dge la mngon par dga' / /rgyal ba'i sras kyi nyon mongs bsal ba'i phyir/ /yang dag yongs su smin pa'i mtshan nyid 'dod/ /nyon mongs sel ba ni byang chub sems dpa' i rab tu zhi ba ste/ de yongs su smin pa yang rgyu dang rang bzhin dang las kyis bstan to/ /dran pa dang shes bzhin dag gis dbang po rnams shin tu sdom pa ni rgyu'o/ /nyon mongs pa can gyi rnam par rtog pa spong ba ni rang bzhin no/ /gnyen po sgom pa la bar chad med ba dang dge ba la mngon par dga' ba ni las so/ /snying brtse ba yongs su smin pa'i mtshan nyid kyi dbang du byas te tshigs su bcad pa/ rang bzhin snying brtse gzhan kyi sdug bsngal mthong/ /dman pa'i sems kyang yang dag rab tu spong/ /khyad par 'gro dang 'gro ba'i mchog gyur lus/ /gzhan la snying brtse yongs su smin pa'i mtshan/ /de rang bzhin te rigs dang/ gzhan sdug bsngal bar mthong ba dang/ theg pa dman pa yongs su spong bas yongs su smin par 'gyur ba ni rgyu'o/ /yongs su smin pa 'phel bar 'gyur ba'i phyir khyad bar du 'gro ba ni rang bzhin no/ /phyir mi ldog pa'i sa la 'jig rten thams cad pas lus mchog tu gyur ba ni las so/ /bzod pa yongs su smin pa'i mtshan las brtsams te tshigs su bcad pa/ rang bzhin bstan pa so sor brtags bsgoms pa/ /grang sogs shin tu sdug bsngal rtag mi mdzad khyad par 'gro dang dge la mngon par dga' / /bzod pa yongs su smin pa'i mtshan nyid 'dod bstan pa dang mi mjed pa dang bzod pa zhes bya ba ni rnam grangs te/ yongs su smin pa la rigs dang so sor brtags te bsgom pa ni rgyu'o// grang ba la sogs ba'i sdug bsngal mi bzod pa rnams dzi mi mdzad pa ni rang bzhin no/ /bzod pa khyad par du 'gro ba dang/ dge ba la mngon bar 'dod pa ni las so/ /yid gzhungs pa yongs su smin pa laS brtsams te tshigs su bcad pa / rnam smin dag cing thos sogs dran mi mjed/ /de bzhin legs bshad nyes par smras pa dag /rang shes blo chen skye bar rung ba nyid/ /shin tu yid gzhungs yongs su smin pa'i mtshan/ /de la yid bzhungs pa dang mthun pa'i rnam par smin pa dag ni rgyu'o/ /dran pas thos pa dang bsam pa dang bsgoms pa byas nas/ /ring mo zhig lon pa dang smas nas ring mo zhig lon pa mi brjed pa dang legs bar bshad pa dang/ nyes par smras pa'i don rab tu shes pa ni yid gzhungs pa yongs su smin pa'i rang bzhin no/ /'jig rten las 'das pa'i shes rab skya bar rung ba nyid ni las so/ /mthu thob pa yongs su smin pa las brtsams te tshigs su bcad pa/ dge ba gnyis kyis khams gnyis rtas ba dang/ /rten ni 'bras bu skye bar rung ba'i mchog /yid la bsam grub 'gro ba'i mchog gyur pa/ /mthu thob yongs su smin pa'i mtshan nyid do/ /de la bsod nams dang ye shes gnyis kyis bsod naMs dang ye shes de gnyis kyi sa bon rtas pa ni yongS su smin pa'i rgyu'o/ /rten rtogs par bya bar rung ba ni/ de yongs su smin pa'i rang bzhin no/ /yid la bsam pa phun sum tshogs pa grub pa dang/ 'gro ba'i mchog tu gyur pa ni las so/ /mi 'phrogs pa yongs su smin pa las brtsams te tshigs su bcad pa/ chos bzang rigs pas rnam dpyad bsam pa can/ /rtag tu bdud kyis bar chad byed pa med/ /khyad par rnyed dang gzhan gyi phyogs sun 'byin/ /mi 'phrogs yongs su smin ba'i mtshan nyid do/ /dam pa'i chos la rigs pas rnam par dpyad pa/ byas ba'i bsam pa ni de yongs su smin pa'i rgyu'o/ /lam la bdud kyi bar chad bya bar mi nus shing/ /bdud kyi bar chad med pa ni rang bzhin no/ /khyad par rtogs pa dang gzhan gyi phyogs sun 'byin pa na las so/ /spong ba'i yan lag dang ldan pa yongs su smin ba laS brtsams te tshigs su bcad pa/ dge ba bsags dang rten kyang brtson par rung/ /dben dang dge ba mchog la mngon par dga' / /rgyal ba'i sras kyi yan lag ldan pa yi/ /yang dag yongs su smin pa'i mtshan nyid do/ /de yongs su smin pa'i rgyu ni dge ba'i rtsa ba bsags pa'o/ /rten brtsom 'grus rtsom par bzod pa ni rang bzhin no/ /dben pa dang dge ba'i mchog la mngon bar dga' ba ni las so/ /bdag yongs su smin ba rnam pa dgu'i che ba'i bdag nyid las brtsams te tshigs su bcad pa/ de ltar dngos po rnam dgu smin pa'i bdag /pha rol yongs su smin byed rung dang ldan/ /chos kyi rang bzhin rgyun 'phel bdag nyid can/ /rtag tu 'gro ba'i gnyen mchog gyur ba yin/ /de'i tshe ba'i bdag nyid ni rnam pa gnyis te/ gzhan yongs su smin par bya ba'i ston par gyur pa dang/ rtag tu chos kyi skus 'phel ba'o/ /de nyid kyi phyir 'gro ba'i gnyen gyi mchog tu gyur ba yin no/ /sems can yongs su smin pa rnam par dbye ba las brtsams te tshigs su bcad pa bcu gcig go /ji ltar rma dang zas la de dag gi/ gzegs dang spyad du rung ba smin 'dod ltar/ /de bzhin rten 'dir phyogs gnyis zhi ba dang/ /de bzhin dpyad pa nyid du smin pa bstan/ /'dis ni yongs su smin pa'i rang bzhin ston te/ ji ltar rma'i yongs su smin pa brtol ran pa yin pa dang/ kha zas kyi yongs su smin pa spyad du rung ba de bzhin du sems can rnams kyi rten rma dang kha zas lta bu la gzag pa lta bu mi mthun pa'i phyogs zhi ba dang dpyad pa lta bu gnyen po'i phyogs spyad du rung ba ni rten yongs su smin pa ste/ phyogs gnyis ni 'dir mi mthun pa'i phyogs dang gnyen po'i phyogs yin par rig par bya'o/ /tshigs su bcad pa gnyis pa/ lus can bral bar smin byed de bzhin du/ /yongs smin rab smin mthun par smin byed gzhan/ /legs par smin byed rtogs pa smin byed dang/ /rtag min gong du smin byed bshad par 'dod/ /'dis ni yongs su smin pa'i rab tu dbye ba ston te/ nyon mongs pa dang bral bar smin par byed pa ni bral bar smin par byed pa'o/ /thams cad du theg pa gsum gyis smin par byed pa ni yongs su smin par byed pa'o/ /phyi rol pa'i yongs su smin pa las khyad par du 'phags pa'i phyir mchog tu smin par byed pa ni rab tu smin bar byed pa'o/ /gdul bya ji lta ba bzhin du chos ston pa'i phyir 'tsham par smin par byed pa ni mthun par smin par byed pa'o/ /grus par smin par byed pa ni legs par smin par byed pa'o/ /rtogs pas smin par byed pa ni rtogs pa smin par byed pa'o/ /phyin ci ma log pa'i ? gyi rtag tu smin par byed pa ni rtag tu smin par byed pa'o/ /yongs su nyams par mi 'gyur ba'i don gyis gong nas gong du rim gyis smin par byed pa ni gong nas gong du smin par byed pa ste/ de ltar na rnam pa brgyad po 'di ni gzhan yongs su smin ba'i rab tu dbye pa yin no/ /tshigs su bcad pa gsum pa dang bzhi pa/ ji ltar rgyal sras phan pa'i bsam bas 'dir/ /'gro kun rnam par smin byed gnas pa ltar/ /de bzhin pha dang ma dang gnyen bshes rnams/ /bu dang gnyen pa rnams la legs mi gnas/ /ji ltar brtse bdag bde dang phan sbyor phyir/ /sems can gzhan la byams 'dod de ltar ni/ /skye bo bdag la byams par mi 'dod na/ /rab sdug skye ba gzhan bstan smos ci dgos/ /'di gnyis kyis ci ston ce na/ byang chub sems dpa' bsam pa ji lta bu sems can rnams yongs su smin bar byed pa'i bsam pa de ston par byed de/ phan pa dang bde ba la yang dag par sbyor pa'i phyir/ pha ma dang gnyen bshes kyi bsam pa las khyad par du 'phags pa dang? 'jig rten bdag la byams pa las khyad bar du 'phags pa'i bsam pa yin no/ /'jig rten bdag la byams pa ni bdag nyid phan ba ma yin pa dang/ bde ba ma yin pa la sbyor ro/ /tshigs su bcad pa lhag ma rnams kyis ni sbyor ba gang gis sems can rnams yongs su smin par byed pad pha rol tu phyin pa sgrub pas yang dag par ston te/ sbyin pa ji lta bus sems can rnams ji ltar yongs su smin bar byed pa de las brtsams te tshigs su bcad pa/ byang chub sems dpa' i lus dang longs spyod dag/ gzhan la mi sbyin pa ni yod med de/ /phan 'dogs rnam pa gnyis kyis gzhan smin byed/ /mnyam bar sbyin pa'i yon tan ngoms mi 'gyur/ /sbyin pa rnam pa gsum gyis sems can yongs su smin par byed de/ rang gi lus dang longs spyod thams cad sbyin pa dang/ mi mnyam pa med par sbyin pa dang/ doms pa med par sbyin bas so/ /ji ltar yongs su smin par byed ce na/ tshe 'di dang tshe phyi ma la phan 'dogs bas te/ phongs pa med par 'dod ba yongs su rdzogs par byed pa'i phyir dang/ des bsdus nas dge ba la 'god pa'i phyir ro/ /tshul khrims ji lta bus sems can rnams ji ltar yongs su smin par byed pa de las brtsams nas tshigs su bcad pa/ bstan pa rang bzhin lhag par 'tshe ba med/ /bdag dga' bag yod 'di la gzhan 'god cing/ /phan rnam gnyis 'dogs rnam par smin pa dang/ /rgyu mthun yon tan brgyud pas gzhan smin byed/ /tshul khrims rnam pa la ste/ bstan pa'i tshul khrims dang/ rang bzhin gyi tshul khrims dang/ lhag par 'tshe ba med pa'i phyir yongs su rdzogs pa'i tshul khrims te/ dge ba bcu'i las kyi lam yongs su rdzogs pa'i phyir/ 'tshe ba med pa ni lhag par 'chab med ba ste/ sa gnyis pa las ji skad 'byung ba bzhin no/ /bdag nyid de la dga' ba'i phyir/ rtogs ba'i tshul khrims dang/ bag yod pa'i phyir rtag tu 'khrul ba med pa'i tshul khrims kyis so/ /ji ltar yongs su smin par byed ce na/ tshul khrims la 'god pas tshe 'di dang tshe phyi ma la phan pa rnam ba gnyis byed bas so/ /gzhan la tshe phyi ma la phan 'dogs pa ni rnam par smin pa dang rgyu mthun ba'i yon tan dag brgyud pas byed de/ de'i rnam par smin pa dang rgyu mthun pa dag phan tshun mthun pas rgyun mi 'chad ba'i phyir ro/ /bzod ba ji lta bus sems can rnams ji ltar yongs su smin bar byed pa de las brtsams nas tshigs su bcad ga gzhan gnod byed la phan byed blo ldan pa/ /gnod byed drag po dag kyang rab tu bzod/ /thabs rigs gnod ? bzod pa de dag gis/ /gnod byed dger yang dag len du 'jug /gzhan gnod pa byed ba la phan pa byed pa'i blo dang ldan pa'i phyir gnod pa byed pa drag po la ji mi snyam pa'i bzod pas yongs su smin par byed de/ phan pa byed pa'i blo nyid ni bzod pa'i pha rol tu phyin pa yongs su rdzogs par 'gyur ba dang mthun par 'jug pa las rig par bya'o/ /ji ltar yongs su smin par byed ce na/ gnod pa byed pa la mi mjed pa'i phyir tshe 'di la phan 'dogs pa dang/ thabs shes pa gnod pa byin pa la mi mjed pa de dag gis gnod pa byed pa rnams dad par byas nas dge ba yang dag par len du 'jug pa'i phyir tshe phyi ma la phan 'dogs pas so/ /brtson 'grus ji lta bus sems can ji ltar yongs su smin par byed pa de las brtsams te tshigs su bcad pa/ rgyal sras brtson 'grus mchog la brten pa ste/ /sems can tshogs rab smin par byed pa na/ /pha rol sems dge gcig gis phyir yang ni/ /bskal pa bye ba stong duAng skyo mi 'gyur/ /brtson 'grus chen po yun ring por mi skyo bas te/ yun ring por skyo ba nyid ni gzhan gyi sems dge ba gcig gi phyir yang bskal pa bye ba stong brag tu mi skyo bas sems can mdza' yas ba yongs su smin par byed ba'i phyir ro/ /de nyid kyi phyir ji ltar yongs su smin bar byad ce na/ sems dge ba la yang dag par sbor bas tshe 'di dang tshe phyi ma la phan 'dogs pas so/ /zhes bshad par 'gyur ro/ /bsam gtan ji lta bus ji ltar yongs su smin par byed pa de las brtsams te tshigs su bcad pa/ yid kyi dbang ni bla na med thob nas/ /gzhan gyis mchod 'dod thams cad nges bcom ste/ /mchog gi bstan la gzhan dag 'dun byed cing/ /de dag dge? bas yang dag 'phel bar byed/ /bsam gtan gyi dbang bla na med pa thob pa dang/ zang zing med pa gzhan gyis mchod par 'dod pa thams cad des par bcom pas yongs su smin par byed de/ gzhan sangs rgyas kyi bstan pa la 'dun par byed pa dang/ 'dun par byas pa la dge ba'i chos spel ba'i sgo nas yongs su smin par byed do/ /shes rab ji lta bus ji ltar yongs su smin par byed pa de las brtsams te tshigs su bcad pa/ de nyid dgongs don tshul las rab nges te/ /sems can the tshom shin tu sel bar byed/ /de phyir rgyal ba'i bstan la de gus pas/ /rang gzhan dge pa'i yon tan rnam 'phel byed/ /byang chub sems dpa' de de kho na'i don gyis tshul dang/ dgongs pa'i don gyi tshul la shin tu rnam par nges pa'i shes rab gyis yongs su smin par byed do/ /ji ltar yongs su smin par byed ce na/ sems can rnams kyi the tshom rnam par sel ba'i phyir ro/ /de'i phyir de dag bstan pa la gus pas bdag dang gzhan gyi yon tan yang dag par 'phel bar byed pa nyid kyis so/ /'jug bsdu ba'i tshigs su bcad pa/ de ltar byang chub sems dpa' snying rje yi/ /'gro kun bde 'gro'i 'gro ba 'am dge gsum la/ ? ba chung ngu dang mchog dang 'dir? dag gis/ /'jig rten yod dang mnyam par 'jug bas 'dul/ /'dis ni sus 'dul ba ste/ byang chub sems dpa' dang/ gang gis 'dul ba ste snying rje dang/ gang 'dus? pa ste 'gro ba mdza' dag dang/ gang du 'dul ba ste bde 'gror 'gro ba'am/ theg pa gsum dang yongs su smin par byed pa'i rnam pa ji lta bu dag dang/ dus ji srid pa de dag yongs su bstan bas yongs su smin pa'i che ba'i bdag nyid mdor bstan to/ /de la rnam pa chung ngu ni mos pas spyod pa la gnas pa'i byang chub sems dpa' i 'o/ /mchog ni brgyad pa la sogs pa la gnas pa'i 'o/ /'drir ni 'dun pa la gnas pa'i yin par rig par bya'o/ / 'jig rten yod pa ji srid ba de dang mnyam par 'jug pas te/ gtan du zhes bya ba'i tha tshig go /yongs su smin pa'i skabs rdzogs so// //thams cad mkhyen pa nyid la tshigs su bcad pa gnyis te/ gsum pa ni de dag nyid kyi bshad par gyur pa'o/ /dka' spyod dpag med brgya phrag dang/ /dpag med dge ba bsags pa dang/ /dpag tu med pa'i dus dang ni/ /dpag med sgrib pa zad ba'i phyir/ /sgrib pa kun gyi dri med pa/ /rnam pa thams cad mkhyen nyid 'thob/ /rin chen snod? ni phye ba ltar/ / sangs rgyas nyid ni yang dag bstan/ /ngal brgyas rmad byung dka' spyad dge kun bsags/ /bskal mchog dus ring 'gro ba'i sgrib kun zad/ /sang gtogs sgrib pa ? bcom sangs rgyas te/ /de ni mthu che rin chen smod phye bzhin/ /yang dag bar 'grub ba dang/ ngo bo nyid dang/ dpe'i sgo nas sangs rgyas nyid bstan te/ dka' ba spyod pa brgya phrag ji snyed dang/ dge ba'i tshogs ji snyed dang/ dus ji srid dang nyon mongs ba dang/ shes bya'i sgrib pa ji tsam spangs pas yang dag par 'grub pa 'di ni yang dag bar 'grub ba'o/ /sgrib pa thams cad kyi dri ma med pa rnam pa thams cad mkhyen pa nyid 'thob pa ni ngo bo nyid do/ /rin po che'i snod che ba ni de'i dpe'o/ /sangs rgyas nyid de'i gnyis su med pa'i mtshan nyid mthu dang bcas pa la tshigs su bcad pa gnyis te/ gsum pa ni de dag nyid kyi bshad par gyur pa'o/ /chos rnams thams cad sangs rgyas nyid/ /chos ni gang yang yod ma yin/ /de ni chos dkar rang bzhin yang/ /de yis de ni brjod ma yin/ /rin chen chos kyis rgyu mtshan phyir/ /de ni rin chen 'byung gnas bzhin/ /dge ba'i lo tog rgyu mtshan phyir/ /de ni sprin dang 'dra bar 'dod/ /de bzhin nyid tha dad pa'i rang bzhin ma yin pa'i phyir dang/ sangs rgyas nyid kyang de rnam par dag pas rab tu phye ba'i phyir chos thams cad kyang sangs rgyas nyid yin la chos gang yang kun brtags pa'i chos kyi ngo bo nyid du yod pa ma yin no/ /pha rol tu phyin pa la sogs pa dge ba rnams de'i ngo bor yongs su gyur ba'i phyir sangs rgyas nyid de ni chos dkar po'i rang bzhin yang yin la/ pha rol tu phyin pa la sogs pa pha rol tu phyin pa'i ngo bor yongs su ma grub pa'i phyir/ de dag gis de bstan par bya ba yang ma yin te/ 'di ni gnyis su med pa'i mtshan nyid yin no/ /rin po che'i 'byung gnas dang/ sprin lta bu nyid ni mthu yin te/ bstan pa'i chos rin po che rnams de las rab tu 'byung ba'i phyir dang/ gdul bya'i rgyud kyi zhing la dge ba'i lo tog rnams rab tu bskrun pa'i phyir ro/ /sangs rgyas nyid ni chos kun ldan pa 'am yang na chos kun bral ba ste/ rin chen chos rab che yangs 'byung phyir rin chen chos kyi 'byung gnas bzhin/ /skye dgu rnams la legs bshad mi zad chos kyi char chen 'bebs pas na/ /'byung bo'i lo tog dkar po shin tu che 'phel rgyu phyir sprin dang 'dra/ /tshigs su bcad pa gsum pa 'dis ni don de nyid ston to/ /chos rin po che rab tu che zhing yangs pa 'byung ba'i rgyu mtshan yin pa'i phyir rin po che'i 'byung gnas bzhin no/ /skye dgu rnams la legs par bshad pa mi zad pa'i chos kyi char chen po 'bebs pas ni zhes bya bar 'dis tshigs rnam par sbyar bar rig par bya'o/ /'byung po rnams kyi dkar po'i lo tog shin tu chen po 'phel ba'i rgya yin pa'i phyir sprin dang 'dra'o/ /sangs rgyas de nyid skyabs bla na med pa yin pa la tshigs su bcad pa lnga'o/ /rtag tu nyon mongs tshogs kun dang/ /nyes par spyod pa thams cad dang/ /rga dang 'chi bdag las kyang/ /sangs rgyas nyid ni yongs su skyob/ /'dis ni mdor na nyon mongs pa dang las dang skye ba'i kun nas nyon mongs pa las yongs su skyob pa'i don gyis skyabs nyid yin par ston to/ /'tshe bdag ni thams cad dang?/ /ngan song dang? ni thabs min dang/ /'jig tshogs theg pa dman dag las/ /de phyir skyabs kyi dam pa'o/ /gnyis pa 'dis ni 'tshe ba la sogs pa las yongs su skyob pa'i phyir rgya cher bstan to/ de la 'tshe ba thams cad las yongs su skyab pa nyid ni/ sangs rgyas kyi mthus long ba rnams kyis ni mig thob bo/ /'on ba rnams kyis ni rna ba thob bo/ /sems 'khrugs pa rnams kyis ni rang gi sems thob po/ /nang 'go ba rnam ni zhi bar gyur to/ /zhes bya ba de lta bu la sogs pa gang yin pa'o/ /ngan song las yongs su skyab pa nyid ni sangs rgyas kyi 'od kyi der song pa rnams thar par byas pa'i phyir dang/ der ni 'gro ba la 'god pa'i phyir ro/ /thabs ma yin pa las yongs su skyob pa nyid ni mu stegs can gyi lta ba las slong ba'i phyir ro/ /'jig tshogs las yongs su skyab pa nyid ni theg pa gnyis kyis yongS su mya ngan las zlo ba'i phyir ro/ /theg pa dman pa las yongs su skyob pa nyid ni ma des pa'i rigs can rnams theg pa chen po la 'grod pa gcig par byed pa'i phyir ro/ /sangs rgyas nyid de skyabs ni dpe med mchog tu 'dod/ /sna tshogs 'jigs gyur 'jig tshogs kun dang theg pa dang/ /ngan song rnam mang bsdug bsngal thob min song ba rnams/ /skye dang 'chi dang nyon mongs ngan song kun las srung/ /gsum pa 'dis ni gang gis na skyabs de nyid dpe med cing mchog nyid kyis bla na med pa yin pa de don de nyid kyis ston to/ /sangs rgyas chos kyis shin tu rdzogs pa'i sku gang yin/ /dam pa'i chos la sems can rab 'dul mkhyen pa gang/ /'gro ba kun la thugs rjes pha rol phyin pa gang/ sangs rgyas nyid de 'dir ni skyabs kyis mchog tu 'dod/ /bzhi pa 'dis ni rgyu gang dag gis skyabs de de ltar bla na med pa yin pa de ston te/ rang gi don gyi mthar thug pa'i dbang du byas nas sangs rgyas kyi chos stobs dang mi 'jigs pa la sogs pa shin tu rdzogs pa'i ngo bo nyid kyi phyir ro/ /gzhan gyi don mthar thug pa'i dbang du byas nas dam pa'i chos la sems can 'dul pa'i thabs mkhyen pa'i phyir dang/ thugs rjes pha rol tu phyin pa'i phyir ro/ /'jig rten ji srid sems can gyi/ /gnod dang phun sum tshogs pa kun/ /bzlog cing 'byor par bya ba'i phyir/ /sangs rgyas skyabs chen nyid du 'dod/ /tshigs su bcad pa lnga pa 'dis ni dus ji srid du semS can ji snyed cig gi gang gi don du skyabs yin pa de mdor ston to/ /gang gi don du zhes bya ba ni/ gnod pa thams cad bzlog pa dang/ phun sum tshogs pa thams cad 'byor par bya ba'i phyir ro/ /gnas yongs su gyur ba la tshigs su bcad pa drug ste/ /gang la nyon mongs shes bya'i sgrib pa'i sa bon du ring rtag ldan pa/ /spong ba shin tu rgya che rnam pa kun gyis rab tu bcom gyur zhing/ /gnas gyur chos dkar yon tan mchog rab ldan pa thob pa sangs rgyas nyid/ / de ni mi rtog par dag shin tu yul che ba ye shes lam gyis 'thob/ /'dis ni mi mthun phyogs kyi sa bon dang bral ba dang/ gnyen po phun sum tshogs pa dang ldan pas gnas yongs su gyur pa dang/ lam rnam pa gnyis thob pas ji ltar 'thob pa yang bstan te/ 'jig rten las 'das pa'i ye shes shin tu rnam par dag pa'i lam 'thob pa dang/ de'i rjes la thob pa shes bya mdza' yas pa'i yul can gyis ye shes kyi lam 'thob pas so/ /dus ring zhes bya ba ni thog ma med pa'i dus nas so/ /spong pa shin tu rgya che ba rnam pa kun gyis zhes bya ba ni sa'i rnam pa dag gis so/ /de bzhin gshegs pa de ni der bzhugs nas/ ri dbang mtho steng bzhugs bzhin 'gro la gzigs/ /zhi bar mdog dga' i 'gro la 'ang thugs rje na/ /srid la mngon dga' i skye bo gzhan ci smos/ /gnyis pa 'dis ni gnas yongs su gyur ba de gzhan las khyad par du ston te/ de la gnas pa ni ri'i dbang po mthon po la bzhugs pa bzhin du 'jig rten chos shin tu dman pa la gzigs so/ /gzigs nas kyang nyan thos dang rang sangs rgyas rnams la'ang thugs rje na/ de dag las gzhan pa lta smos kyang ci dgos/ /gnas la 'jug dang rab 'jug mi 'jug dang/ ldog dang kun 'jug gnyis dang gnyis min dang/ mnyam dang khyad 'phags kun 'gro bdag nyid ni/ /de bzhin gshegs pa rnams kyi yongs gyur 'dod/ /gsum pa 'dis ni de'i yon tan gyi dbye ba ston te/ gnas la zhes bya ba ni gnas yongs su gyur pa gang yin pa de yang dag par ston to/ /de bzhin gshegs pa rnams kyi yongs su gyur pa de ni gzhan gyi don du 'jug pa'o/ /chos thams cad las khyad zhugs pa'i phyir mchog tu 'jug pa ni rab tu 'jug pa'o/ /kun nas nyon mongs pa'i rgyu la mi 'jug pas mi 'jug pa'o/ /kun nas nyon mongs pa las ldog pas zlog pa'o/ /gtan du ba yin pa'i phyir kun tu 'jug pa'o/ /mngon par rdzogs par byang chub pa dang/ yongS su mya ngan las 'da' bston par 'jug pas gnyis su 'jug pa'o/ /'khor ba dang mya ngan las 'das pa la mi gnas pa'i phyir 'dus byas dang 'dus ma byas nyid gnyis su mi 'jug pa ni gnyis ma yin par 'jug pa'o// nyan thos dang rang sangs rgyas dag dang rnam par grol ba 'dra ba nyid kyis mnyam du 'jug ba'o/ /stobs dang mi 'jig pa la sogs pa sangs rgyas kyi chos rnams kyis mi mnyam pa'i phyir khyad par du 'phags par 'jug pa'o/ /theg pa thams cad ston par 'gro ba'i phyir kun tu 'gro ba'i 'jug pa'o/ /ji ltar nam mkha' rtag tu kun song 'dod/ /de bzhin de yang rtag tu kun song 'dod/ /ji ltar nam mkha' gzugs gyur kun tu song// de bzhin de yang sems can tshogs kun song/ /bzhi pa 'dis ni bstan pa dang bshad pa phyed snga ma dang byed phyi ma dag gis de'i rang bzhin gyis sangs rgyas kyi thams cad du song ba nyid nam mkha' dang chos mthun par ston to/ /sangs rgyas kyi sems can gyis tshogs kun tu song ba nyid ni sems can thams cad bdag nyid du zhal gyis bzhes pa yongs su grub pa las rigs par bya'o/ /ji ltar chu yi snod chag na/ /zla ba'i gzugs brnyan mi snang ba/ de bzhin sems can ngan pa la/ /sangs rgyas gzugs kyang mi snang ngo/ /lnga pa 'dis ni thams cad du song ba yin yang snod du ma gyur pa'i sems can rnams la sangs rgyas kyi sku mi snang ba dpes sgrub par byed do/ /ji ltar me ni gzhan du 'bar/ / gzhan du zhi bar 'gyur ba ltar/ /de bzhin sangs rgyas rnams pa yang/ /snang dang mi snang shes par bya/ /drug pa 'dis ni sangs rgyas kyis gdul ba dag yod na/ /sangs rgyas 'byung bas de snang ba/ /btul nas yongs su mya ngan las 'da' bas de mi snang ba me 'bar ba dang zhi ba dang chos mthun pas sgrub par byed do/ /sangs rgyas kyi mdzad pa lhun gyis grub pa rgyun mi 'chad pa'i tshigs su bcad pa bzhi ste/ ji ltar rnga dag mi brdungs par/ /sgra ni kun tu 'byung ba ltar/ /de bzhin rgyal ba gzo med par/ /bshad pa dag ni kun tu 'byung/ /ji ltar nor bu 'bad med par/ /rang gi 'od ni ston pa ltar/ /sangs rgyas rnams kyang gzo med par/ /de bzhin mdzad pa nges par ston/ /tshigs su bcad pa 'di gnyis kyi ni rnga ma brdungs pa'i sgra dang/ nor bu'i 'od dang chos 'thun par sangs rgyas kyi mdzad pa lhun gyis grub par sgrub pa'o/ /ji ltar mkha' la 'jig rten gyi/ /bya ba rgyun mi 'chad par snang/ /de bzhin zag med dbyings na yang/ /rgyal ba'i mdzad brgyun mi 'chad/ /ji ltar mkha' la rtag tu ni/ /bya ba nyams shing 'byung ba ltar/ /de bzhin zag med dbyings na yang/ /sangs rgyas 'phrin las skye zhing 'bri/ /'di gnyis kyis ni sangs rgyas kyi mdzad pa rgyun mi 'chad pa nyid ston te/ sangs rgyas kyi mdzad pa ni rgyun mi 'chad pa'i phyir nam mkha' 'chad ba med pa la 'jig rten gyi bya ba gzhan dang gzhan 'byung ba dang 'jig pa de dang 'dra'o/ /zag pa med pa'i dbyings zab pa la tshigs su bcad pa bcu drug go /snga ma phyi ma khyad med kyang/ /sgrib pa kun gyi dri med pa/ de bzhin nyid ni sangs rgyas 'dod/ /dag pa ma yin ma dag min/ /snga ma dang phyi mar khyad med pa'i phyir dag pa yang ma yin la/ phyis sgrib pa thams cad kyi dri ma med pa'i phyir ma dag pa yang ma yin te/ dri ma dang bral bas so/ /ston pa nyid ni rnam dag na/ /bdag med mchog gi bdag thob pas/ /sangs rgyas dag pa'i bdag thob phyir/ /bdag nyid chen po'i bdag tu gyur/ /zag pa med pa'i dbyings de la sangs rgyas rnams kyi bdag nyid kyi mchog ston te/ de ci'i phyir zhe na/ bdag med pa mchog gi bdag nyid kyi phyir ro/ /bdag med pa mchog ni de bzhin nyid rnam par dag pa'o/ /de yang ngo bo nyid kyi don gyis sangs rgyas rnams kyi bdag yin no/ /de rnam par dag na sangs rgyas rnams kyis bdag med pa mchog gi bdag nyid dag pa 'thob bo/ /de bas na sangs rgyas rnams kyis dag pa'i bdag thob pa'i phyir bdag nyid chen po'i bdag tu gyur ba yin te/ dgongs pa 'dis ni zag pa med pa'i dbyings las sangs rgyas rnams kyi bdag gi mchog rnam par 'jog go/ de phyir sangs rgyas yod min zhing/ /med bar yang ni mi brjod do/ /de ltas sangs rgyas de skad 'dri/ /lung ma bstan pa'i tshul du 'dod/ /rgyu de nyid kyi phyir sangs rgyas ni yod pa zhes kyang mi brjod do/ /de bzhin nyid ni gang zag dang chos med pa'i mtshan nyid yin pa'i phyir ro/ /sangs rgyas nyid ni de'i bdag nyid yin pa'i phyir med pa zhes kyang mi brjod de la de bzhin gshegs pa na ngos phan chad yod dam med ces bya ba la sogs pa yod pa dang med pa 'dri ba la lung ma bstan pa'i tshul du 'dod do/ /ji ltar lcags la tshab dang/ /mig la rab rib zhi ba ltar/ sangs rgyas sems dang ye shes la/ /yod dang med bar mi brjod do/ /ji ltar lcags la tsha ba zhi ba dang/ mig la rab rib zhi ba ni gdud ba dang rab rib med pa'i mtshan nyid yin pa'i phyir yod pa'ang ma yin la/ zhi ba'i mtshan nyid du yod pa'i phyir med pa'ang ma yin pa de bzhin du/ sangs rgyas rnams kyi sems dang ye shes la gdungs pa dang rab rib lta bu 'dod chags dang ma rig pa dag zhi ba ni yod par mi brjod de/ /sems dang shes rab rnam par grol ba dag ni des rab tu phye ba'i phyir ro/ /med ba yang ma yin te/ rnam par grol ba'i mtshan nyid de lta bur yod pa'i phyir ro/ /zag med dbyings na sangS rgyas rnams/ /mkha' ltar lus ni med phyir dang/ /sngon gyi lus rjes 'brang ba'i phyir/ /gcig min mang po nyid ma yin/ /zag pa med pa'i dbyings na sangs rgyas rnams sngon gyi lus kyi rjes su 'brangs baS ni gcig pa nyid kyang ma yin nam mkha' ltar lus med pas na mang po nyid kyang ma yin no/ /stobs sogs sangs rgyas chos rnams la/ /byang chub rin chen 'byung gnas 'dra/ /'gro ba'i dge ba'i lo tog la/ /sprin chen dang yang 'bra bar 'dod/ /bsod nams ye shes ba rdzogs phyir/ /zla ba nya ba lta bur 'dod/ /ye shes snang ba byed pa'i phyir/ /nyi ma chen po 'dra bar 'dod/ /rin po che'i 'byung gnas dang/ sprin lta bu nyid dang/ zla ba nya ba dang/ nyi ma chen po lta bu'i tshigs su bcad pa 'di gnyis kyi don ni go bar zad do/ /ji ltar nyi ma'i dkyil 'khor gyi/ /'od zer dpag tu med 'dres shing/ /rtag tu bya ba gcig la 'jug/ 'jig rten la yang snang bar byed/ /de bzhin bzag med dbyings na yang/ /sangs rgyas dpag tu med 'dres shing?/ / mdzad pa gcig ni mtshad pa la/ /ye shes snang ba mdzad bar 'dod/ /gcig giS ni 'od zer 'dris par bya ba gcig pa nyid kyi dpes phrin laS 'dra ba nyid du ston te/ 'od zer rnams kyi bya ba gcig nyid ni smin pa dang/ skems pa la sogs par bya ba mthun pa nyid las rig par bya'o/ /gnyis pas ni zag pa med pa'i dbyings na sprul pa la sogs pa'i mdzad pa gcig pa nyid ston to//dper na nyi ma'i 'od zer gcig/ byung na 'di zer kun byung ba/ /de bzhin sangs rgyas rnams kyi yang/ / ye shes 'byung bar shes par bya/ /dus gcig tu 'od zer thams cad 'byung ba ltar sangs rgyas thams cad kyi ye shes dus gcig tu 'jug par ston to/ /ji ltar nyi ma'i 'od zer dag /'jug la bdag gir bya ba med/ /de bzhin sangs rgyas ye shes kyang/ /'jug la bdag gir mdzad mi mnga' /nyi ma'i 'od zer gcig btang bas? so/ /'gro 'di snang bar byed pa ltar/ /de bzhin shes bya thams cad la/ /sangs rgyas ye shes cig cha bsnang/ /bdag gir bya ba med pa dang/ / shes bya cig char snang bar byed pa la/ go rim bzhin du tshigs su bcad pa gnyis te/ don brda phrang par zad do/ /ji ltar nyi ma'i 'od zer rnams/ /sprin la sogs pas bsgribs par 'dod/ /de bzhin sangs rgyas ye shes rnams/ /sems can gyis ni nyes bas bsgribs/ /ji ltar 'od zer rnams rab tu snang bar bya ba la sbrin la sogs pas bsgribs pa de bzhin du/ sangs rgyas kyi ye shes kyang sems can rnams snyigs ma lnga shas che ba'i nyes pas snod du ma gyur pa nyid kyis bsgribs so/ /ji ltar mdud pa'i dbang gis na/ /gos la tshon bkra mi bkra ba/ /de bzhin 'phen pa'i dbang gis na/ /grol ba'i ye shes bkra mi bkra/ ji ltar mdud ba'i khyad bar gyis/ /gos la kha cig tu ni tshon khra bo nyid du 'gyur la/ kha cig tu ni khra bo nyid du mi 'gyur ba de bzhin du sngon gyi smon lam gyi spyod pa'i stobs bskyed pa'i khyad par las sangs rgyas rnams kyi rnam par grol ba'i ye shes ni bkra ba nyid du 'gyur la/ /nyan thos dang rang sangs rgyas rnams kyi rnam par grol ba'i ye shes ni khra bo nyid du mi 'gyur ro/ /dri med dbyings la sangs rgyas kyi/ /mtshan nyid dang ni gnas pa dang/ /phrin las zab ba 'di bshad pa/ /mkha' la tshon gyi ri mo 'dri/ /dri ma med pa'i dbyings la sangs rgyas rnams kyi zab ba rnam pa 'di gsum bshad de/ tshigs su bcad pa bzhis ni mtshan nyid zab pa'o/ /lnga bas ni gnas pa zab pa ste/ gcig pa nyid dang tha dad pa nyid du mi gnas pa'i phyir ro/ /lhag ma rnams kyis ni phrin las zab pa'o/ /mtshan nyid zab pa de yang rnam par dag pa'i mtshan nyid dang/ bdag mchog gi mtshan nyid dang/ lung ma bstan pa'i dngos po'i mtshan nyid dang/ rnam par grol ba'i mtshan nyid las brtsams te bshad do/ /phrin las zab pa ni byang chub kyi phyogs la sogs pa rin po che'i gnas nyid kyi phrin las dang/ sems can yongs su smin bar mdzad pa'i phrin las dang/ mthar thug par gshegs pa'i phrin las dang/ chos ston pa'i phrin las dang / sprul ba la sogs pa mdzad pa'i phrin las dang/ ye shes la 'jug pa'i phrin las dang/ rnam par mi rtog pa'i phrin las dang/ ye shes rnam pa sna tshogs pa'i phrin las dang/ ye shes mi 'jug pa'i phrin las dang/ rnam par grol bar 'dra ba las ye shes khyad par du 'phags pa'i phrin las las brtsams te bshad do/ /zag pa med pa'i dbyings de spros pa med pa'i phyir nam mkha' dang 'dra ba la zab mo'i rab tu dbye ba ston pa de ni dper nam mkha' la tshon gyis 'dri ba dang 'dra bar rig par bya'o/ /de bzhin nyid ni thams cad la/ /khyad par med kyang dag gyur ba/ /de bzhin gshegs nyid de yi phyir/ /'gro kun de yi snying po can/ /de bzhin nyid ni thams cad la khyad par med la/ /de bzhin gshegs pa yang de rnam par dag pa'i ngo bo nyid yin te/ de'i phyir sems can thams cad ni de bzhin gshegs pa'i snying po can zhes bya ba 'byor ba/ rnam par dbye ba la tshigs su bcad pa bcu gcig go/ nyan thos rnams kyi 'byor pas ni/ /'jig rten pa yi zil gyis gnon/ /rang sangs rgyas kyi sa pa yis/ /nyan thos kyi yang zil gyis gnon/ /de yis byang chub sems dpa' yi/ /'byor pa'i char yang mi phong do/ /de yi de bzhin gshegs pa yi/ /'byor pa'i char yang mi phod? do/ /'di gnyis kyiS ni mthu phul du byung ba'i khyad par gyis sangs rgyas rnams kyi 'byor pa nyid ston to/ /sangs rgyas rnams kyi 'byor pa ni/ /gang gi gang du ji ltar dang/ /ji tsam dus gang 'jug pa ni/ /bsam yas dpag tu med par 'dod/ /gsum pa 'dis ni rnam pa'i rab tu dbye pa dang/ zab ba'i khyad par dag gis sngon to/ /ji ltar bsam gyis mi khyab pa yin/ ji ltar tshad med pa yin zhe na/ smas pa de gang zag gang gi don dang/ 'jig rten gyi khams gang du dang/ ji ltar te ci 'dra? ba dag gis dang/ mang nyung ji tsam pa dang/ dus gang du 'jug pa yin no/ /tshigs su bcad pa lhag ma rnams kyis ni gzhan du gyur ba'i khyad par gyis 'gro ba'i dbye bston to// dbang po lnga rnams gzhan gyur na/ /don kun 'jug dang thams cad kyi/ /yon tan brgya phrag bcu gnyis 'byung/ /'byor pa dam pa 'thob par 'gyur/ /dbang po lnga gzhan du gyur na/ dbang po lnga bo thams cad don lnga po thams cad la 'jug ba'i 'byor pa dam pa dang/ de la yang so sor yon tan brgya phrag bcu gnyis 'byung ba la 'byor pa dam pa rnam pa gnyis 'thob bo/ /yid ni gzhan du gyur pa na/ /'byor dang mthun spyod mi rtog pa'i/ /ye shes shin tu dri med la/ /'byor pa dam pa 'thob par 'gyur/ /yid gzhan du gyur na 'byor pa dang mthun par spyod pa rnam par mi rtog pa'i ye shes shin tu rnam par dag pa la 'byor pa'i mchog rnyed par gyur te/ de dang lhan cig 'byor pa'i ye shes thams cad 'jug go / don bcas 'dzin pa gzhan gyur na/ /ji ltar 'dod bzhin longs spyod dag /bstan phyir zhing ni dag pa la/ /'byor ba dam pa 'thob par 'gyur/ /don gzhan du gyur ba dang/ 'dzin pa gzhan du gyur ba na zhing rnam par dag pa la 'byor pa'i mchog 'thob par 'gyur te/ des ji ltar 'dod pa bzhin du longs spyod kun tu ston par byed do/ /rnam rtog gzhan du gyur na ni/ /dus rnams rtag tu ye shes dang/ /las rnams kun la thogs med la/ /'byor pa dam pa 'thob par 'gyur/ /rnam par rtogs pa gzhan du gyur na/ ye shes dang phrin las thams cad la dus thams cad du thogs pa med pa la 'byor pa'i mchog 'thob par 'gyur ro/ /rten ni gzhan du gyur pa na/ / sangs rgyas dri med gnas la ni/ /mi gnas mya ngan 'das pa yi/ /'byor pa dam pa 'thob par 'gyur/ /rten gzhan du gyur na sangs rgyas rnams kyi zag pa med pa'i dbyings su mi gnas pa'i mya ngan las 'das pa la 'byor pa dam pa 'thob par 'gyur ro/ /'khrig pa gzhan du gyur na ni/ /sangs rgyas bde bar gnas pa dang/ /mo mthong nyon mongs med pa la/ /'byor pa dam pa 'thob par 'gyur/ /'khrig pa gzhan du gyur na sangs rgyas kyi bde bar gnas pa dang/ bud med mthong na nyon mongs ba med pa dang gnyis la 'byor pa daM pa 'thob bar 'gyur ro/ /nam mkha' 'du shes gzhan gyur na/ /bsam pa'i don ni 'byor pa dang/ 'gro gzugs rnam par 'byed pa la/ /'byor ba dam pa 'thob par 'gyur/ /nam mkha' i 'du shes rnam par gyur na gnyis kho na la ste/ gang gis nam mkha' i mdzad du 'gyur ba bsam pa'i don 'byor ba dang/ ji ltar 'dod ba bzhin du 'gro ba'i phyir dang/ nam mkha' byed pa'i phyir 'gro ba dang/ gzugs rnam par ? byed pa la 'byor pa'i mchog 'thob par 'gyur ro/ /de ltar sangs rgyas dri med pa'i/ /gnas na gzhan gyur dpag med bas/ /bsam yas bya ba sgrub pa yis/ 'byor pa dpag tu med par 'dod/ /de ltar sgo 'dis na sangs rgyas rnams kyi zag pa med pa'i dbyings ni gzhan du gyur pa yang dpag tu med la/ de la yang phrin las bsam gyis mi khyab pa sgrub pa'i 'byor pa dpag tu med par rig par bya'o/ /sangs rgyas de nyid kyis sems can yongs su smin par mdzad pa'i rgyul tshigs su bcad pa bdun no/ /'di na 'jig rten phyogs phyogs rgyal ba'i legs bshad pas/ /dge ba 'phel pa'i 'jig rten rnam dag mchog tu 'gro/ /dge ba ma bsags dge ba 'phel ba'i mchog tu 'gro/ /de ltar ma smin smin pa rtag 'gro 'ang ma lus min/ /'dis ni yongs su smin par mdzad pa ci 'dra ba'i rgyur 'gyur de ston te/ /dge ba'i rtsa ba bsags pa rnams ni rnaM par grol ba mchog tu'o/ /dge ba'i rtsa ba ma bsags pa rnams ni dge ba'i rtsa ba bsags par ro/ /ma srin? pa ni dge ba'i rtsa ba 'phel ba'i mchog tu 'gro bas smin par 'gro'o/ /smin pa ni shin tu rnam bar dag pa'i mchog tu 'gro'o/ /de ltar dus rtag 'gro yang 'jig rten mdza' yas pa'i phyir ma lus par yang mi 'gyur ro/ /de ltar 'jig rten phyogS phyogs bstan rnams rtag par dus kun tu/ /byang chub chen po 'thob dka' yon tan mchog ldan rmad byung can/ /rtag bstan skyabs med rnams kyi skyabs gang yin pa thob pa de/ /ya mtshan che la tshul bzang spyad phyir ya mtshan che pa? 'od med/ /'dis ni byang chub sems dpa' yongs su smin pa rnams kyi yongs su smin pa ya mtshan che ba dang/ /ya mtshan ched med pa'i mtshan nyid bstan to/ /rtag par dus kun tu zhes bya ba ni/ rtag tu dang rgyun mi 'chad par ro/ /tshul bzang spyad ba ni de dang mthun pa'i las spyad ba'o/ /de ni cig car la lar sgo mang brgya nas chos kyi 'khor lo dang/ /la lar skye ba mi snang la lar skye bo'i spyod pa sna tshogs dang/ /la lar byang chub thams cad la lar de ni mya ngan 'das ston kyang/ /de ni gnas de las kyang rnam par g.yo mi mnga' la thams cad mdzad/ /gsum pa 'dis ni cig car sgo mang po nas yongs su smin par mdzad pa'i thabs la sbyor ba'i rgyu ston te/ ji ltar gang la gnas te sems can rnams 'dul ba'o// skye ba'i spyod pa sna tshogs ni skyes pa'i rabs kyi khyad par gyis so/ /gnas las kyang mi g.yo ba zhes bya ba ni zag pa med pa'i dbyings las so/ /sangs rgyas rnams ni 'di snyam lus can 'di ni bdag gis smin byas she'am/ 'di ni rab tu smin bya gzhan yang de ltar smin par byed snyam du/ /'du mdzad mi mnga' bar yang phyogs phyogs kun tu rtag par sgo gsum nas/ /dge ba'i chos rnams kyis ni skye bo rab tu smin par 'gyur ba nyid/ /bzhi pa 'dis ni de yongs su smin par spyod? ba'i rgyu mngon par 'du mdzad pa mi mnga' bar ston te/ /sgo gsum nas zhes bya ba ni theg pa gsum gyis so/ /ji ltar nyi ma 'bad med phyogs phyogs kun tu 'od zer dag/ rab 'byams gsal ba mang gos le tog rnam smin byed pa ltar/ /de bzhin chos ldan nye mnga' rab zhi byed ba chos kyi 'od/ /rab 'byams dag gis phyogs phyogs kun tu sems can rnam smin mdzad/ /lnga pa 'dis ni mngon par 'du mdzad pa mi mnga' bar yongs su smin par mdzad pa'i dpe ston to/ /ji ltar mar me gcig las mar ma'i tshogs rab med/ /dpag med grangs med 'byung yang de la zang? pa med/ /de bzhin smin pa gcig las smin pa'i tshogs rab mang/ /grangs med dpag med 'byung yang de la zad ba med/ /drug pa 'dis ni gcig nas gcig tu yongs su smin bar mdzad pa bstan to/ /ji ltar rgya mtsho chen po 'di na chu yi ngos par mi 'gyur zhing/ /chu chen mang po rab tu 'bab pas 'phel bar yang ni mi 'gyur ba/ /de bzhin sangs rgyas khams kyang dag pa 'jug pa rtag rgyun mi 'chad pas/ ngoms pa mi mnga' 'phel bar mi 'gyur de 'dir rmad du byung ba'i mchog/ bdun pa 'dis ni yongs su smin pa rnams kyi rnam par grol ba'i 'jug pa la rgya mtsho dper brjod pas chos kyi dbyings la go skabs yod pa'i phyir doms pa yang mi mnga' la/ /lhag pa med pa'i phyir 'phel ba yang mi mnga' bar ston to/ /chos kyi dbyings rnam par dag pa la tshigs su bcad pa bzhi'o/ /chos rnams kun gyi de bzhin nyid/ /sgrib gnyis dag ba'i mtshan nyid de/ /dngos po gshigs ba de la dmigs/ /dbang zad mi shes mtshan nyid do/ /tshigs su bcad ba 'di ni ngo bo nyid kyi don las brtsams pa yin te/ /chos thams cad kyi de bzhin nyid? nyon mongs pa dang/ shes bya'i sgrib pa gnyis rnam par dag pa'i mtshan nyid dang/ /dngos po ngo la dmigs bshes pa dag la dbang zad mi shes ba'i mtshan nyid do/ /de bzhin nyid shes thams cad nas/ /sgomS pa las ni yang dag 'byung sems can kun la rnam kun tu/ /gnyis bskyed mi zad 'bras bu can/ /gnyis pa 'di ni rgyu'i don dang 'bras bu'i don las brtsams pa yin te/ thams cad nas de bzhin nyid shes pa bsgoms pa ni chos kyi dbyings rnam par dag pa'i rgyu'i/ /thams cad nas zhes bya ba ni chos kyi rnam grangs kyi sgo thams cad nas so/ /sems can thams cad la rnam pa thams cad du phan pa dang bde ba gnyis skyed ba mi zad pa nyid ni 'bras bu'o/ /sku dang gsung dang thugs sprul pa'i/ /sbyor ba'i thabs kyi las can te/ /ting nge 'dzin dang gzungs sko dang/ /dpag tu med pa gnyis dang lan/ /gsum pa 'di ni phyin las kyi don las brtsams pa yin te/ sku la sogs pa rnams gsum sprul ba ni phrin las so/ /ting nge 'dzin dang/ gzungs kyi sgo dag dang/ bsod nams dang ye shes tshogs dpag tu med pa gnyis dang ldan pa ni ldan pa'i/ /rang bzhin chos rdzogs longs spyod dang/ /sprul pa dag gis tha dad 'jug /'di ni sangs rgyas rnam dag gi/ chos dbyings rnam par dag par bshad/ /bzhi pa 'di ni 'jug pa'i don las brtsams pa yin te/ rang bzhin dang/ longs spyod rdzogs ba dang/ sprul ba'i sku 'jug pas tha dad du 'jug pa can yin no/ /sangs rgyas kyi sku rab tu dbye ba la tshigs su bcad pa bdun no/ /sangs rgyas rnams kyi sku dbye ba/ /rang bzhin longs spyod rdzogs pa dang/ /gzhan ni sprul pa'i sku yin te/ dang po gnyis pa'i rten yin no/ /sangs rgyas rnams kyi sku ni rnaM pa gsum ste/ rang bzhin pa ni chos kyi sku gnas yongs su gyur pa'i mtshan nyid do/ /longs spyod rdzogs pa ni gang gis 'khor gyi dkyil 'khor dag tu chos la longs spyod rdzogs bar mdzad pa'o/ /sprul pa ni gang gis sems can gyi don mdzad pa'o/ / longs spyod rdzogs pa khams kun tu/ /'khor yongs su sdud dang zhing dang mtshan/ /sku dang chos rdzogs longs spyod dang/ mdzad ba dag gis tha dad do/ /de la longs spyod rdzogs ba ni/ /'jig rten gyi khams thams cad na 'khor gyi dkyil 'khor dang/ /sangs rgyas kyi zhing dang/ mtshan dang/ sku dang/ chos la longs spyod rdzogs pa dang/ mdzad pa dag gis tha dad pa yin no/ /rang bzhin sku ni mnyam pa dang/ phra zhing de dang 'brel pa dang/ /dgyes dgur longs spyod bstan pa la/ /longs spyod rdzogs 'byor rgyur 'dod do/ /sangs rgyas thams cad kyi rang bzhin gyi sku ni khyad par med pa nyid kyis mnyam pa dang/ shes par dka' ba nyid kyis phra ba dang/ longs spyod rdzogS pa'i sku de dang 'brel ba dang/ ji ltar dgyes par longs spyod bstan par bya ba la longs spyod rdzogs pa ba 'byor pa'i rgyu yin h+no/ /sangs rgyas sprul pa dpag med pa/ /sprul pa'i skur ni 'dod pa ste/ /don gnyis phun sum tshogs pa ni/ /rnam pa thams cad gnyis la gnas/ /sangs rgyas rnams kyi sprul pa'i sku ni sangs rgyas kyi sprul pa'i bye brag dpag tu med pa'o/ /longs spyod rdzogs pa ni rang gi don phun sum tshogs pa'i mtshan nyid do/ /sprul pa ni gzhan gyi don phun sum tshogs pa'i mtshan nyid do/ /don gnyis phun sum tshogs pa de yang rang bzhin gyis sku dang/ longs spyod rdzogs pa'i sku dang gnyis la go rim bzhin du gnas so/ /bzo dang skye dang byang chub che/ /mya ngan 'das ba rtag ston pas/ /sangs rgyas sprul pa'i sku 'di ni/ /rnam par grol ba'i thabs chen no/ /sprul pa'i sku de ni rtag tu 'dul ba'i don du pi wang len pa la sogs pa gzo dang skye ba dang/ mngon par rdzogs par byang chub pa dang/ mya ngan las 'das pa ston pa dag gis rnam par grol ba'i thabs chen po yin pa'i phyir/ gzhan gyi don phun sum tshogs pa'i mtshan nyid du rig par bya'o/ /sku gsum dag gis sangs rgyas kyi/ /sku bsdus par ni shes bya ste/ /sku gsum dag gis rang bzhin gyis/ /don 'di rten dang bcas par bstan/ /sku gsum dag gis sangs rgyas rnams kyi sku thams cad bsdus par rig par bya ba la/ /sku gsum po de dag gis kyang rang dang gzhan gyi don rten dang bcas par bstan te/ gnyis po ni rang dang gzhan gyi don gyis rab tu phye ba'i phyir dang/ de gnyis kyang de la bsten pa'i phyir te/ ji skad sngar bshad pa bzhin no/ /de dag rten dang dgongs pa dang/ /phrin las kyis ni mnyam pa nyid/ /rang bzhin dang ni rgyun mi 'chad/ /rgyun gyis de dag rtag pa nyid/ sangs rgyas thams cad kyi sku gsum po de dag ni go rim bzhin du rnam pa gsum gyis khyad par med de/ rten gyis ni chos kyi dbyings tha mi dad pa'i phyir ro/ /dgongs pas ni sangs rgyas kyi dgongs pa tha dad pa med pa'i phyir ro/ /phrin las kyis ni thun mong pa'i phyir ro/ /sku gsum po de dag la go rim bzhin du gang gis na de bzhin gshegS ba rnams sku rtag pa'o/ /zhes brjod pa rtag pa nyid rnam pa gsum du rig par bya ste/ ngo bo nyid kyi sku ni rang bzhin gyis rtag pa'i phyir rang bzhin gyis rtag nyid do/ /longs spyod rdzogs pa'i sku ni rgyun mi 'chad pas te/ chos la longs spyod rdzogs pa rgyun mi 'chad pa'i phyir ro/ /sprul pa'i sku ni brgyun gyis te/ mi snang bar byas nas yang dang yang du sprul pa kun tu ston pa'i phyir ro/ /sangs rgyas kyi ye shes rnam par dbye ba la tshigs su bcad pa bcu ste/ me long ye shes mi g.yo ste/ ye shes gsum ni de la brten/ /mnyam pa nyid dang so sor rtog/ bya ba sgrubs pa kho na'o/ /sangs rgyas rnams kyi ye shes ni rnam pa bzhi ste/ me long lta bu'i ye shes dang/ mnyam pa nyid ye shes dang/ so sor rtog pa'i ye shes dang/ bya ba sgrub pa'i ye shes so/ /me long lta bu'i ye shes ni mi g.yo ba'o/ /ye shes gsum ni de la brten pa dang/ g.yo ba'o/ /me long ye shes nga yi med/ /yongs su ma chad rtag tu ldan/ /shes bya kun la ma rmongs la/ /rtag tu de la mngon phyogs min/ /me long lta bu'i ye shes ni rtag tu nga yi ba med pa dang/ yul gyi sgo nas yongs su ma chad pa dang/ dus kyi sgo nas rtag tu ldan pa dang/ rtag tu sgrib pa dang bral ba'i phyir ro/ /shes bya thams cad la ma rmongs pa yang yin la/ rnam pa med pa'i phyir de dag mngon du phyogs pa yang ma yin no/ /ye shes kun gyi rgyu mtshan phyir/ /ye shes 'byung gnaS chen po 'dra/ /long spyod rdzogs pa'i sangs rgyas nyid/ /ye shes gzugs brnyan 'byung phyir te/ /mnyam pa nyid kyis ye shes la sogs pa de dag gi rnam pa thams cad kyi rgyu yin pa'i phyir ye shes thams cad kyi 'byung gnas lta bu'o/ /de ni longs spyod rdzogs ba'i sangs rgyas kyang yin la/ /ye shes kyi gzugs brnyan 'byung ba'i phyir/ /me long lta bu'i ye shes zhes kyang bya'o/ /sgom pa dag bas sems can la/ mnyam pa nyid kyi ye shes 'dod/ /mi gnas zhi bar zhugs pa ni/ /mnyam nyid ye shes yin par 'dod/ /byang chub sems dpa' mngon bar rtogs pa'i dus na sems can rnams la mnyam pa nyid kyi shes pa thob pa gang yin pa de sgom pa dag pa'i sgo nas byang chub thob pa'i dus ni mi gnas pa'i mya ngan las 'das par zhugs pa ni mnyam pa nyid kyi ye shes su 'dod do/ /dus rnams kun tu byams pa dang/ thugs rje chen po dag dang ldan/ /sems can rnams la mos pa bzhin/ /sangs rgyas sku ni nges par ston/ /dus thams cad du byams pa chen po dang/ thugs rje chen po dang ldan pa dang/ sems can rnams la mos pa ji lta ba bzhin du sangs rgyas kyi sku nges bar ston par mdzad pa yin te/ 'di ltar sems can kha cig gis ni de? bzhin gshegs pa kha dog sngon por/ /kha cig gis ni kha dog ser por mthong ngo/ /zhes bya ba de lta bu la sogs pa'o/ /so sor rtogs pa'i ye shes ni/ /shes bya kun la rtag mi thogs/ /ting nge 'dzin dang gzungs rnams kyi/ /gter dang 'dra ba kho na yin/ /'khor gyi dkyil 'khor rnams su ni/ /'byor ba thams cad ston mdzad pa/ /the tshom thams cad gcod pa yi/ /chos chen char ni rab tu 'bebs/ /so sor rtogs pa'i ye shes ni tshigs su bcad pa ji lta ba bzhin no/ /bya ba sgrub pa'i ye shes ni/ /khams rnams kun tu sna tshogs shing/ /dpag med bsam yas sprul pa yis/ /sems can don ni sgrub pa'o/ /bya ba sgrub sgrub pa'i ye shes ni 'jig rten gyi khams thams cad du sprul pa rnam pa sna tshogs dpag tu me pa bsam gyiS mi khyab pa dag gis sems can thams cad kyi don mdzad pa'o/ /sangs rgyas sprul pa de rtag tu/ /mdzad pa sgrub pa'i bye brag dang/ /grangs dang zhing gis rnam kun tu/ bsam mi khyab par shes par bya/ /sangs rgyas kyi sprul pa de ni rtag tu bya ba mdzad pa'i bye brag dang grangs dang zhing gi sgo nas rnam pa thams cad du bsam gyis mi khyab par rig par bya'o/ /'dzin pa'i phyir dang sems mnyam phyir/ /yang dag chos rab ston phyir dang/ /bya ba sgrub ba nyid kyi phyir/ /ye sheS bzhi po yang dag 'byung/ /de la 'dzin pa'i phyir ni thos ba'i chos rnams la'o/ /sems mnyam pa'i phyir ni sems can thams cad la bdag dang gzhan mnyam pa nyid kyis so/ /lhag ma ni don go bar zad do/ /sangs rgyas gcig pa nyid dang/ du ma nyid ma yin pa'i tshigs su bcad pa/ tha dad rigs don yod phyir dang/ rdzogs dang thog ma med pa'i phyir/ /sangs rgyas gcig min dri med gnas/ /tha dad min phyir mang po 'ang min/ /sangs rgyas ni gcig kho na'o/ /zhes bya ba 'di ni mi 'dod do/ de ci'i phyir zhe na/ /rigs tha dad pa'i phyir te/ sems can sangs rgyas kyi rigs can mdza' yas pa de la gcig kho na zhig mngon par rdzogs par sangs rgyas kyi/ gzhan dag ni mngon par rdzogs par 'tshang mi rgya'o/ zhes bya ba 'di ci'i phyir mngon par rdzogs bar 'tshang mi rgya ba'i phyir/ byang chub sems dpa' gzhan gyi bsod nams dang ye shes kyi tshogs don med par 'gyur ro/ /don med par ni rigs ma yin te/ de lta bas na don med pa ma yin pa'i phyir yang sangs rgyas gcig kho na ma yin no/ /su yang sangs rgyas nyid la mi 'dod pa'i phyir sangs rgyas kyis sems can gyi don mdzad pa yang rdzogs par 'gyur te/ de ni rigs pa ma yin no/ /tshogs med par yang sangs rgyas nyid du kyi? rung la/ sangs rgyas gzhan med par yang tshogs mi rung ba'i phyir thog ma'i sangs rgyas 'ga' yang med pas thog ma med pa'i phyir yang sangs rgyas gcig tu rigs pa ma yin no/ /zag pa med pa'i dbyings na chos kyi sku la tha dad pa med pa'i phyir/ sangs rgyas rnaMs kyi sku mang po nyid du yang mi 'dod do/ /sangs rgyas nyid la 'jug pa'i thabs kyi tshigs su bcad pa bzhi'o/ /med pa gang yin de nyid ni/ /yod pa yi ni dam pa yin/ /rnam pa kun tu mi dmigs pa/ /dmigs pa yi ni mchog tu 'dod/ /kun brtags pa'i ngo bo nyid du med pa gang yin pa de nyid yongs su grub pa'i ngo bo nyid du yod pa'i dam pa yin la/ /kun brtags pa'i ngo bo nyid rnam pa thams cad du mi dmigs pa gang yin pa de nyid yongs su grub pa'i ngo bo nyid mi dmigs pa'i mchog yin no/ /sgom pa rnam par mi lta ba'i/ /sgom pa dam par 'dod pa ste/ /thob par lta ba med rnams kyi/ /thob pa yang ni dam par 'dod/ /sgom pa mi dmigs pa gang yin pa de nyid sgom pa dam pa yin la/ thob pa mi dmigs pa gang yin pa de nyid thob pa dam pa yin no/ /bla ma ring dang mtshan ma yang/ /bdag gi brtson 'grus blta ba yi/ /byang chub sems dpa' nga rgyal can/ /byang chub las ni ring zhes bya/ /gang dag sangs rgyas nyid la bla ma ya mtshan gyi chos dang ldan par lta ba dang/ de yang dag par 'grub par bya ba dus ring bar lta ba dang/ mtshan ma ste sems can gyi dmigs par lta ba dang/ bdag ni brtson 'grus brtsams pa yin te/ /sangs rgyas nyid thob bar bya'o/ /zhes bdag nyid kyi brtson 'grus su lta ba'i byang chub sems dpa' nga rgyal can de lta bu de dag ni dmigs pa can yin pa'i phyir/ byang chub las ring ba zhes bya'o// ji skad bshad pa 'di dag kun/ /rtog pa tsam du lta ba yi/ /byang chub sems dpa' rtog med rnams/ /byang chub thob ces nges par brjod/ /'di dag thams cad ni rtog pa tsam zhes bya bar lta ba rnams ni rtog pa tsam de la yang mi rtog pa'i phyir byang chub sems dpa' rtogs pa med pa rnams ni mi skye ba'i chos la bzod pha thob pa'i gnas skabs na don du byang chub 'thob pa dang 'dra bar nges par brjod do/ /sangs rgyas rnams phan tshun mdzad pa gcig pa nyid la tshigs su bcad pa bzhi'o/ klu dag sa yi 'og tu ma song ba/ /gnas rnams tha dad chu yang tha dad pa/ /chu yang chung zhing bya ba tha dad byed/ /chu gnas spog? chags phra mo'i nyid spyad 'gyur/ /rgya mtshor song bar gyur na thams cad kyang/ /gnas rnams gcig cing chu yang che la gcig / bya ba gcig cing chu la gnas pa yi/ /srog chags mang po'i rtag tu nyer spyod che/ /sangs rgyas nyid du ma zhugs bstan pa rnams/ /rten kyang tha dad blo gros tha dad cing/ /rtogs chung rang gi bya ba tha dad la/ /sems can nyung don rtag tu nyer spyad 'gyur/ /sangs rgyas nyid du zhugs na de dag kun/ /rten kyang gcig cing rtogs pa che la gcig /mdzad pa gcig tu 'dres shing rtag par yang/ /sems can tshogs che'i nye bar spyad pa che/ de la klung gi gnas tha dad pa ni rang gi snod tha dad pa nyid du byed pa nyid du byed pa'i phyir ro/ /phra mo'i nye bar spyad pa zhes bya ba ni chung du rnams kyi nye bar spyad pa'o/ /lhag ma ni ngon go bar zad do/ /sangs rgyas nyid la spro bar bya bar tshigs su bcad pa/ de ltar sangs rgyas nyid ni dkar pa'i chos/ /ngo bo med ldan phyir phan bde'i rgyu yi phyir/ /bde dge dam pa mi zad 'byung gnas phyir/ /blo ldan byang chub sems dge blang ba'i rigs/ /de ltar sangs rgyas nyid ni rang gi don phun sum tshogs pas dkar po'i chos dpe med pa dang ldan pa'i phyir dang/ gzhan gyi don phun sum tshogs pas phan pa dang/ bde ba'i rgyu yin pa'i phyir dang/ bde bar gnas pa'i khyad par gyis bde ba kha na ma tho ba med pa mchog zad pa mi shes pa'i 'byung gnas yin pa'i phyir blo dang ldan pas der smon pa yongs su bzung ba'i sgo nas byang chub kyi sems blangs pa'i rigs so/ /byang chub kyi skabs rdzogs so// // sdom ni dang po sgrub skyabs rigs/ /de bzhin du ni sems bskyed dang/ /rang gzhan don dang de nyid don/ /mthu dang yongs smin byang chub go /byang chub kyi skabs 'di dang po nas bzung ste/ ril gyis byang chub kyi le'u yi rjes su 'brang ba ste sbyar bar khong du chung bar bya'o/ /mos pa rnam par dbye ba la tshigs su bcad pa gnyis so/ /skyes dang ma skyes 'dzin dang gzung gyur dang/ /grogs blangs bdag nyid dang ni nor pa dang/ /ma nor gzhan dang mngon sum ma yin gzhan/ /sgras byung tshol ba dang ni lta ba dang/ /skyes pa ni 'das pa dang da ltar byung ba'o/ /ma skyes pa ni ma 'ongs pa'o/ /'dzin pa ni nang gi ste/ /gang gis dmigs pa la mos par byed pa'o/ /gzung bar gyur pa ni phyi rol gyi sde gang la dmigs pa nyid du mos pa'o/ /grogs po las blangs pa ni rags pa'o/ /bdag nyid las 'byung ba ni phra ba'o/ /nor pa ni dman pa ste/ log par mos pa'i phyir ro/ /ma nor ba ni gya nom ba'o/ /mngon sum pa ni nye ba ste rkyen nye ba'i phyir ro/ /mngon sum ma yin pa ni ring ba ste bzlog pa'o/ /sgra las byung ba ni thos pa las byung ba'o/ /tshol ba pa ni bsam pa las byung ba'o/ /lta ba ni bsgomS pa las byung ba ste so sor rtog pa'i phyir ro/ /'broD? dang 'dres dang mi mthun phyogs ma 'dres/ /dman dang rgya che sgribs dang ma bsgribs dang/ /brtson dang mi brtson bsags dang ma bsags pa/ /bstan zhugs ring du song ba'i mos pa'o/ /'phrogs pa ni chung du'o/ /'dres pa ni 'bring po'o/ / mi mthun pa'i phyogs rnams dang ma 'dres pa ni chen pa'o/ /dman pa ni theg pa gzhan la'o/ /rgya chen po ni theg pa chen po la'o/ /bsgribS pa ni khyad par du 'gro bar bya ba la sgrib pa dang bcas pa'o/ /ma bsgrib pa ni sgrib pa med ba'o/ /brtson pa ni rtag tu dang gus pas byas te sbyor ba'i phyir ro/ /mi brtson pa ni de dag dang bral ba'o/ /bsags pa ni rtogs par rung ba'o/ /ma bsags pa ni bzlog pa'o/ /bstan par zhugs pa ni sa la zhugs pa'o/ /ring du song ba ni sa lhag ma rnams la'o mos pa'i bar du gcod pa la tshigs su bcad pa gsum mo/ /yid la mi byed mang ba dang/ /le lo rnal 'byor 'khrugs pa dang/ /grogS ngan dge ba zhan pa dang/ /tshul bzhin ma yin yid la byed/ /skyes pa la ni yid la mi byed pa mang ba 'ang? du gcod do/ /ma skyes pa la ni le lo'o/ /gzung ba dang 'dzin par 'gyur ba la ni rnal 'byor 'khrugs pa ste/ /de kho na bzhin du mngon par zhen pa'i phyir ro/ /grogS po las blangs ba ni grogs po ngan pa ste log par 'dzin du 'jug ba'i phyir ro/ /bdag nyid mos pa la ni dge ba'i rtsa ba nyam chud ba'o/ /ma nor ba la tshul bzhin pa yin pa yid la byed pa bar? du gcod de/ de dang 'gal ba'i phyir ro/ /bag med pa dang thos pa nyung/ /thos dang bsam pa nyung dus mchog /zhi btsam gyi nga rgyal dang/ /de bzhin ma 'dris yin par 'dod/ /mngon sum pa la ni bag med pa ste/ de ni bag yod pas byas pa'i phyir ro/ /sgra las byung ba ni thos pa nyung ba ste/ nges pa'i don gyi mdo sde ma thos pa'i phyir ro/ /tshol ba pa la ni thos pa tsam gyi chog par 'dzin pa dang/ /bsam pa nyung dus tshog bar 'dzin pa'o/ /lta ba pa la ni bsom pa tsam gyi mchog par 'dzin pa dang/ zhi gnas tsam gyis mngon pa'i nga rgyal byed pa'o/ /'phrogs ba dang// 'dres pa dag la ni ma 'dres pa bar du gcod do/ /mi skyo ba dang de bzhin skye/ /sgrib ba dang ni mi brtson pa/ /tshogs ma bsags pa mos pa yi/ /bar du gcod par shes par bya/ /dman pa la ni 'khor ba las mi skyo ba'o/ /rgya chen po ni skyo ba'o// ma bsgribs pa la ni sgrib pa'o/ /brtson pa la ni mi brtson pa'o/ /pa sogs pa la ni ma bsags ba par du gcod do/ /mos pa'i phan yon la tshigs su bcad pa lnga ste/ bsod nams tshe dang 'gyod pa med/ /yid bde ba dang bde ba che/ /chung mi za dang bstan pa dang/ /de bzhin khyad par 'gro ba dang/ /chos ni mngon par rtogs pa dang/ /bdag dar gzhan don khyab pa'i mchog/ mngon shes myur bde dag ni/ /mos pa yis ni phan yon yin/ /skyes pa da ltar byung ba'i ni bsong? ni sa chen po'o/ /'das pa'i ni 'gyod pa med pa ste/ yid la gcags pa med pa'i phyir ro/ /'dzin pa dang gzung bar gyur pa'i ni yid bde ba chen po ste/ ting nge 'dzin dang ldan pa'i phyir ro/ /dge ba'i grags pos bskyed pa'i ni chud ma zi/ pa'o/ /bdag nyid mos pa'i ni bstan pa'o/ /mnor pa dang/ mngon du ba dang/ /thos pa las byung ba la sogs pa nas 'bring gi bar gyi ni khyad par du 'gro ba'o/ /chen po ni chos mngon par rtogs pa'o/ /theg pa dman pa'i ni/ bdag gi don thob pa'o/ /rgya chen po'i ni gzhan gyi don thob pa'i mchog go/ ma bsgribs pa dang/ brtson pa la sogs pa dkar po'i phyogs rnams kyi phan yon ni mngon par shes pa myur ba nyid do/ /'dod pa can gyi de phyi? 'dra/ /ting 'dzin pa'i ru sbal bzhin/ /rang don byed pa'i de bran 'dra /gzhan don byed pa'i rgyal po bzhin/ /ji ltar khyi ni rtab tu ltags shing sdug bsngal gyi nyon tshog mi shes/ /ji ltar ru sbal de ni chu yin dan kun nas bskums shing 'dug ji ltar dren ni rtag tu 'jigs shing skrag pa'i lus kyi rnam par rgyu/ /ji ltar rgyal po yang ni bka' yis yul la dbang bsgyur gnas pa dang/ /de bzhin g.yo ma dang gnaS dang rang gzhan phan byed na byed pa'o/ /mos pa sna tshogs dag gis rtag tu khyad par shes par bya ? theg pa chen po de la mchog tshul bzhin rig nas ni/ /'di na brtan pas den? de nyid rtag par rab tu tshol/ /yang 'dod pa can rnams kyi mos pa ni khyi? dang 'dra'o/ /'jig rten pa'i ting nge 'dzin dang ldan pa rnams kyi ni ru sbal bzhin no/ /rang gi don dang ldan pa rnams kyi ni bran dang 'dra'o/ /gzhan gyi don dang ldan pa rnams kyi ni rgyal po bzhin no/ /don de nyid gzhan gyis bstan nas gzhan gyi theg pa chen po la mos pa yang dag par len du 'thug pa yin no/ /mos pa la zhum pa dgag par tshigs su bcad pa/ gang phyir sems can mir gyur pa/ tshad med skad cig re re la/ /rdzogs pa'i byang chub thob de'i phyir/ /zhum pa dang du blang mi bya/ /rgyu gsum gyis zhum par rigs pa ma yin te/ 'di ltar mir gyur pas 'thob pa dang/ dpag tu med pas 'thob pa dang/ rtag tu 'thob pa'o/ /mos pa'i bsod nams kyi khyad par la 'tshigs su bcad pa gnyis te/ gzhan dag la ni zas byin pa'i/ /bsod nams 'phel ba ji lta bar/ /bdag nyid za ba'i ma yin pa /de bzhin gzhan don rten gyi chos pa bstan las mod las gsungs pa yi/ /bsod nams cher 'byung thob pa ltar/ /rang gi don gyi rten gyi chos/ /bstan las thob pa ma yin no/ /ji ltar gzhan gyi don gyi dbang du byas nas/ bzas phyin pa'i bsod nams skye bar 'gyur ba ltar? rang gi don gyi dbang du byas nas bdag nyid za ba'i ma yin pa de bzhin du gzhan gyi don gyi rten theg pa chen po'i tshes bstan pa la/ theg pa chen po'i mdo de dang de dag las gsungs pa'i bsod nams 'byung ba chen po 'thob pa ltar rang gi don gyi rten nyan thos kyi theg pa'i chos bstan pa las ni ma yin no/ /mos pa'i 'bras bu yongs su bsdu bar tshigs su bcang pa/ de ltar 'phags pa chen po'i chos ni yongs gyur la/ /blo dang ldan pas rtag tu mos pa che bskyed na/ /bsod nams rgya chen rgyun mi 'chad dang de 'phel dang/ /yon tan dpag tu med pas bdag nyid chen por 'gyur/ /gang la dang gang zhig dang mos pa ji lta bus 'bras bu yongs su 'dzin pa ste/ /theg pa chen pa'i chos rgya chen po la blo gros dang ldan pas mos pa yongs su nyams par mi 'gyur ba rgya chen pos 'bras bu rnam pa gsum po bsod nams rgya chen po 'phel ba dang/ mos pa de nyid 'phel ba dang/ de'i rgyu las byung ba yon tan mtshungs pa med pas bdag nyid chen po sangs rgyas nyid yongs su 'dzin to/ /mos pa'i skabs rdzogs so// //chos yongs su tshol ba'i skabs las/ dmigs pa yongs su tshol ba la tshigs su bcad pa bzhi'o/ /sde snod dag ni gsum sam gnyis kyang rung// bsdus pa'i phyir te rgyu ni dgus 'dod do/ /de ni bag chags rtogs dang zhi ba dang/ /rab tu rtogs pas rnam par grol bar byed/ /ste snod gsum ni/ mdo sde dang/ 'dul ba dang/ chos mngon pa rnams so/ /gsum bo de dag nyid theg pa dman pa dang/ theg pa mchog? gi bye brag gis gnyis su 'gyur te/ /nyan thos kyi sde snod dang/ /byang chub sems dpa' i sde snod do/ /gsum po 'am/ gnyis po de yang ci'i phyir sde snod ces bya zhen/ /smras pa bsdus pa'i phyir te shes bya'i don thams cad bsdus pa'i phyir ro/ /ci'i phyir gsum yin zhe na/ rgya dgus te/ the tshom gyi gnyen bor ni mdo sde ste/ gang zhig don gang la the tshom za ba nges par bya ba'i ched du bshad ba'i phyir ro/ /mdza' gnyis la sbyor ba'i gnyen por ni 'dul ba ste/ kha na ma tho ba dang bcas pa'i yongs su sbyad pa bkag pa'i sgo nas 'dod pa'i bsod nams la rjes su sbyor pa'i mdza' dang/ kha na ma tho ba med pa'i yongs su spyad ba rjes su gnad pa'i sgo nas bdag nyid dub pa la sbyor ba'i mdza' ? rang gi lta pa mchog tu 'dzin pa'i gnyen por ni chos mngon pa ste/ chos kyi mtshan nyid phyir ci ma log par ston pa'i phyir ro/ /yang mdo sdes ni bslab pa gsum bshad do/ /'dul bas ni lhag pa'o tshul khrims dang/ lhag pa'i sems sgrub pa yin te/ tshul khrims dang ldan pa ni 'gyod pa med pa la sogs pI rim gyis ting nge 'dzin 'thob pa'i phyir ro/ /chos mngon pa bas ni lhag pa'i shes rab bsgrubs pa yin te/ /don phyin ci ma log par rab tu 'byed pa'i phyir ro/ /yang mdo sdes? ni chos dang don bshad do/ /'dul bas ni chos dang don sgrub pa ste/ nyon mongs pa 'dul ba la rab tu brtson pas de gnyis rtogs pa'i phyir ro/ /chos mngon pas ni chos dang don 'bral ba'i gtam rnam par gtan la dbab pa la mkhas pa ste/ rgyu dgu po 'di dag sde snod gsum du 'dod do/ /de yang 'khor ba las rnam par grol bar bya ba'i tha tshig yin te/ des ji ltar rnam par grol par byed ce na/ des ni bag chags rtogs rang zhi ba dang/ /rab tu rtogs dang rnam par grol par byed/ /thos pas ni sems la bag chags kyi sgo nas so/ /bsam pas ni rtogs par byed pa'i sgo nas so/ /bsgoms pas ni zhi gnas gyis zhi bar byed pa'i sgo dang/ lhag mthong gis rab tu rtogs pa'i sgo nas so/ /mdo dang chos mngon 'dul ba dag /mdor na don ni rnam bzhir 'dod/ /blo dang ldan pas de shes nas/ /rnam pa thams cad mkhyen ba 'thob/ /mdo sde dang/ chos mngon ba dang/ 'dul ba de dag ni mdor bsdus na/ so so re re zhing don rnam pa bzhi bzhi ste/ byang chub sems ? de rnams shes nas thams cad mkhyen pa nyid 'thob po/ /nyan thos kyis ni tshigs su bcad pa gcig gi don shes pas kyang zag pa zang pa 'thob po/ /gnas rnams dang ni mtshan nyid dang/ chos don smos phyir mong? yin no/ /mngon du'i phyir dang yang yang dang/ /zil gnon rtogs phyir mngon pa'i chos/ /ji ltar na so so re re zhing don rnam pa bzhi yin zhe na/ gnas dang mtshan nyid dang chos dang don smos pa'i phyir mdo sde ste/ de la gnas na yul gang du/ /gang gis gang gi phyir bshad pa'o/ /mtshan nyid ni kun rdzob kyi bden pa'i mtshan nyid dang/ don dam pa'i mtshan nyid do/ /chos ni phung po dang/ khams dang/ skye mched dang zas dang rten cing 'brel par 'byung ba la sogs pa rnams? so/ /don ni dgongs pa'o/ /mngon du'i phyir dang/ yang dang yang gi phyir dang/ zil gyis gnon pa'i phyir dang/ rtogs pa'i phyir chos mngon pa yin par rig par bya ste/ mya ngan las 'das la mngon du phyogs pa'i chos ni chos/ mngon pa ste/ bden pa dang/ byang chub kyi phyogs dang mthun pa dang/ rnam par thar pa'i sgo la sogs pa ston pa'i phyir ro/ /yang dang yang du ston pa'i chos mngon pa ste/ chos re re la yang gzugs can dang/ gzugs can ma yin pa dang/ bstan du yod pa la sogs pa'i bye brag gis mang du ston pa'i phyir ro/ /zil kyis gnon pa'i chos ni chos mngon pa ste/ brtsad pa dang brtsad pa'i bzhi la sogs pas phas kyi rgol bzil gyis gnon pa'i phyir ro/ /'dis ni mdo sde'i don rtogs par 'gyur bas na chos mngon pa'o/ /ltung dang 'byung dang ldang ba dang/ /nges par 'byung dang gang zag dang/ /bcas par dang ni rab dbye dang/ /rnam par res phyir 'dul ba nyid/ /ltung ba dang/ 'byung ba dang/ ldang ba dang/ nges par 'byung ba'i sgo nas 'dul ba yin par rig par bya ste/ de la ltung pa ni ltung ba'i ris lnga'o/ /ltung ba rnams 'byung ba ni mi shes pa dang/ pag med pa dang/ nyon mongs/ pa mang ba dang/ ma gus pa las so/ /ldang ba ni bsam pas yin bya? chad pa'i las kyis mi ma yin no/ /nges par 'byung ba ni rnam ba bdun te/ bshags pa dang/ bslab pa sbyin pa la sogs pa chad pa'i khas len pa dang/ bslab pa bcas pa la rnam grangs kyis gnang pa'i phyir glod pa dang/ dge 'dun tshogs pas bslab pa'i gzhi bag yangs su byas pa'i phyir bag yongs su byas pa dang/ dge slong dang dge slong ma dag pho mos kyi mtshan gyur pa na ltung ba/ thun mong ma yin pa ni rten yongs su gyur pa dang/ chos kyi sdom gyi rnam pa so sor rtog pa'i khyad par te/ yang dag par so sor rtog pa dang bden pa mthong bas ltung pa phra mo'i yang phra mo med pa'i chos nyid thob pa'i phyir chos nyid thob pa'o/ /yang don rnam pa bzhis 'dul ba yin par bya ste/ gang zag las ni gang la brten nas bslab pa 'cha' ba' o/ /bcas pa las ni nam gang zas gi nyes pa gsol ba na/ ston pas dge 'dun bsdus te brlab pa 'cha' bar mdzad pa'o/ /rab tu dbye ba las ni gang bslab pa'i gzhi bcas pa las mdor bstan pa ste rnam par nges pa las ni de la ltung ba 'am lhur ? med pa ni ji lta bu zhes nges par 'dzin pa'i phyir ro/ /dmigs pa rnyed pa yongs su tshol ba la tshigs su bcad pa gsum mo/ /dmigs pa chos dang nang dang ni/ /phyi dang gnyis ni yin par 'dod/ /don gnyis kyis ni gnyis po rnyed/ /gnyis po dag ni mi dmigs pas/ /dmigs pa chos ni bshad pa gang yin pa'o/ /lus la sogs pa ni nang dang phyir ro/ /de la 'dzin par gyur pa'i lus la sogs pa ni nang ste dmigs pa chos so/ /gzung bar byung ba ni phyi'o/ /de dag nyid kyi de bzhin nyid gnyis so/ /de la nang dang phyi'i dmigs pa gnyis ni don gnyis kyis go rim bzhin du rnyed de/ /gal te bzung ba'i don las 'dzin pa'i don tha mi dad par mthong ba 'am/ 'dzin pa'i don las gzung ba'i don tha mi dad par mthong na'o/ /phyi nang gi dmigs pa gnyis po thams cad kyi de bzhin nyid rnyed pa de gnyis nyid mi dmigs pa las rigs par bya'o/ /yid kyi brjod pas bshad bzhin don/ /rab dang don du snang ba ni/ /brjod las yin par rab 'dzin phyir/ sems ni ming la gnas pA phyir/ /thos la sogs bA shes bsum gyi/ /chos kyi dmigs pa rnyed par 'gyur/ /dmigs pa rnam pa gsum rnyed pa/ /sngar bshad de la yang dag brten/ /chos pa dmigs pa rnyed pa ni/ /thos pa dang bsam pa dang/ bsgom pa las byung ba'i shes pa gsum gyis 'gyur ro/ /de la mnyam bar bzhag pa'i sems kyis yid kyi brjod pa dag gis ji skad bshad pa'i don la rab tu 'dzin pa'i phyir/ /thos pa las byung ba'i shes pas de rnyed de/ yid kyi brjod pa dag gis zhes bya ba ni yang dag bar rtog pa dag gis so/ / rab tu dang ba ni mos pa ste nges pa'o/ /rab tu 'dzin pa'i phyir zhes bya ba ni rab tu rnam par 'byed pa'i phyir ro/ /don du snang ba ni brjod pa las yin par rab tu 'dzin pa'i phyir bsams pa laS byang ba'i shes pas de rnyed de/ /gal te yid kyis brjod pa kho na las don 'di snang gi/ dmigs pa gnyis rnyed pa las ji skad bshad pa ltar yid kyi brjod pa/ las/ gzhan pa ni ma yin no/ /zhes bya bar mthong na'o/ /sems ming la gnas pa'i phyir bsgoms pa las byung ba'i sheS pas de snyed par rig par bya ste/ gnyis mi dmigs pas rnyed pa las ji skad bshad pa ltar gnyis mi dmigs pa'i phyir ro/ /de nyid kyi phyir dmigs pa rnam pa gsum rnyed pa sngar bshad pa de ni chos kyi dmigs pa brnyed pa la yang dag par brten pa yin par rig par bya'o/ /yid la byed pa yongs su tshol ba tshigs su bcad ba lnga ste/ rigs gsum ba dang bya ba byed/ /mi gnod rten bcas gzhan yin te/ /mos pa 'jog par byed dang gzhan/ /'dun pa drag por byed pa dang/ /dman dang rdzogs rten rnam pa gnyis brjod dang bcas dang brjod med nyid/ /shes pa dang ni mtshungs ldan pa/ /rnal 'byor gyur ga bcas ba dang/ /de ni 'dres la dmigs pa dang/ /ma 'dres pa la dmigs pa med/ /rnam pa lnga dang rnam bdun nyid/ /'di yi yongs su shes pa lnga/ /rnam pa bsgom dang ldan pa ni/ bzhi dang sum cu rtsa bdun no/ /de ni lam gnyis rang bzhin te/ phan yon gnyis dang nod pa dang/ /sbyor ba pa dang dbang bsgyur dang/ /chung dang rgya che'i bdag nyid de/ /rnal 'byor rnams kyi yid byed 'di/ /thams cad bdag/ nyid yid par 'dod/ /rnal 'byor yid la byed pa ni rnam pa bco brgyad de/ rigs nges pa dang/ bya ba byed pa dang/ rten rnam par dbye ba dang/ mos pa 'jog par byed pa dang/ 'dun pa skyed par byed pa dang/ ting nge 'dzin la brten pa dang/ shes pa dang mtshungs par ldan pa dang/ 'dres pa la dmigs pa dang/ ma 'dres pa la dmigs pa dang/ yongs su shes pa nges pa dang/ sgom pa'i rnam pa la zhugs pa dang/ zhi gnas dang lhag mthong gi lam gyi rang bzhin dang/ phan yon yid la byed pa dang/ nod par byed pa dang/ sbyor ba'i yid la byed pa dang/ dbang bsgyur ba'i yid la byed pa dang/ chung du yid la byed pa dang/ rgya chen po yid la byed pa'o/ /de la rigs des pa ni nyan thos la sogs pa'i res su nges pa yin pa'o/ /bya ba bye pa ni tshogs bsags pa'i gang yin pa'o/ /rten rnam par dbye ba ni gnod ba dang bcas pa khyim na gnas pa'i rten can dang/ gnod pa med pa rab tu 'byung ba'i rten can gang yin pa'o/ /mos pas 'jog par byed pa ni sangs rgyas rjes su dran pa dang ldan pa gang yin pa'o/ /'dun pa skyed par byed pa ni de la yid chos pa dang ldan pa gang yin pa'o/ /ting nge 'dzin la brten pa ni nyer bsdogs dang dngos gzhi'i ting nge 'dzin dang ldan pa gang yin pa ste/ rtag pa dang bcas dpyod pa dang bcas ba ste/ rtog pa med pa la byor pa tsam dang/ rtog pa yang med dpyod pa yang med pa'o/ /shes pa dang mchungs par ldan pa ni rnal 'byor gyi rgyu dang/ rnal 'byor gi shes pa dang bcas pa gang yin pa ste/ de yang go rim bzhin du thos pa dang bsam pa las byung/ ba dang/ bsgoms pa las byung pa'o/ /'dres pa la dmigs ba ni rnam pa lnga ste mdo dang sdom gyi tshigs su bcad pa dang/ nye bar bstod pa dang/ ji snyed bzung ba dang/ ji snyed bstan pa la dmigs/ pa'o/ /ma 'dres pa la dmigs pa ni rnam pa bdun te/ ming la dmigs pa dang/ tshigs la dmigs pa dang/ yi ge la dmigs pa dang/ gang zag la bdag med pa la dmigs pa dang/ chos la bdag med pa la dmigs pa dang// gzugs can gyi chos la dmigs pa dang/ gzugs can ma yin pa'i chos la dmigs pa'o/ /de la gzugs can gyi chos la dmigs pa ni/ lus la dmigs pa gang yin pa'o/ /gzugs can ma yin pa'i chos la dmigs pa ni tshor ba dang/ sems dang/ chos la dmigs pa'o/ /yongs su shes pa nges pa ni yongs su shes par bya ba'i gzhi dang/ yongs su shes par bya ba'i don dang/ yongs su shes pa dang/ yongs su shes pa'i 'bras bu dang/ de rab tu rig pa rnams la ste/ de la yongs su shes par bya ba'i gzhi ni sdug bsngal lo/ /yongs su shes par bya ba'i don de nyid la mi rtag pa dang/ sdug bsngal ba dang/ stong pa dang bdag med pa'o/ /yongs su sheS pa ni lam mo/ /yongs su shes pa'i 'bras bu ni rnam par grol ba'o/ /de rab tu rag pa ni rnam par grol ba'i ye shes mthong bra'o/ /sgom pa'i rnam pa la zhugs pa ni/ rnam pa bzhi pa sgom pa dang/ rnam pa suM cu rtsa bdun bsgom pa'o/ /de la rnam pa bzhi bsgom pa ni /gang zag la bdag med pa'i rnam pa bsgom pa dang/ chos la bdag med pa'i rnam pa bsgom pa dang/ mthong ba'i rnam pa bsgom pa dang/ shes pa'i rnam pa bsgom pa'o/ /de la rnam pa sum cu rtsa bdun bsgom pa ni/ mi sdug pa'i rnam pa bsgom pa dang/ sdug bsngal gyi rnam? pa bsgom pa dang ? mi rtag pa'i rnam pa bsgom pa dang/ bdag med pa'i rnam pa bsgom pa'i dran pa nye bar bzhag pa dag gis dus na'o/ /'thob pa'i rnam pa bsgom pa dang/ bsten pa'i rnam pa bsgom pa dang/ bsal ba'i rnam pa bsgom pa dang/ gnyen pa'i rnam pa bsgom pa ni yang dag par spong ba dag gis dus na'o/ /mchog par 'dzin pa'i gnyen po yid la byed pa bsgom pa ni gang gis tshe 'dun pa bskyed par byed pa nang?/ /rnam par g.yeng ba dang/ the tshom gyis gnyen po yid la byed pa bsgom pa ni gang gis tshe 'bang par byed/ brtson 'grus rtsom par byed pa na ste/ go rim bzhin no/ /rgod pa'i gnyen po ting nge 'dzin gyi rnam pa bsgom pa ni gang gis tshe sems rab tu 'dzin pa na'o/ /zhum pa'i gnyen po ting nge 'dzin gyis rnam pa bsgom pa ni gang gis tshe yang dag par rab tu 'jog pa na ste/ /'di dag ni go rim bzhin du rdzu 'phrul gyi rkang pa bzhi po dag gis dus na rig par bya'o/ /sems gnas pa 'jig rten las 'das pa'i phun sum tshogs pa la yid ches pa'i rnam pa bsgom pa dang/ ji ltar yid ches pa'i rnam pa bsgom pa de bzhin du 'bad pa'i rnam pa bsgom pa dang/ chos mi brjod pa'i rnam pa sgom ba dang/ sems gnas pa'i rnams sgoM pa dang/ rab tu rnam par 'byed pa'i rnam pa bsgom ba ni dbang po dag gis dus na'o/ /yid la byed pa lnga po de dag nyid mi mthun pa'i phyogs spangs pa ni stobs dag gi dus na'o/ /rdzogs pa'i byang chub tu snang ba'i rnam pa'i bsgom pa dang/ de nyid la rnam par 'byed pa dang/ spros pa dang yid bde ba dang/ las su rung ba dang/ sems gnas pa dang/ mnyam pa nyid kyi rnam pa bsgom pa ni byang chub kyi yan lag bdun dag gis dus na'o/ /thob par nges pa'i rnam pa bsgom pa dang/ yongs su spyod ba'i shes pa'i rnam pa bsgom pa dang/ gzhan la go bar byed pa'i rnam pa bsgom pa dang/ 'phags pa dgyes pa'i tshul khrims la zhugs pa'i rnam pa bsgom pa dang/ yo byad bsnyungs ba'i tshul kun tu spyod ba'i rnam pa bsgom pa dang/ sngon bsgomS pas thob pa'i lam goms pa'i rnam pa bsgom pa dang/ chos la gnas pa'i rgyu mtshan mi brjod pa'i rnam pa bsgom pa dang/ mtshan ma med pa la sems gnas pas gnas yongs su gyur pa'i rnam pa bsgom pa ni/ lam gyi yan lag gis dus na'o/ /zhi gnas dang lhag mthong bsgom ba lam gyi rang bzhin dag la ni bshad pa gang yang med do/ /phan yon yid la byed ba ni rnam pa gnyis te/ gnas ngan len sel ba dang/ lta ba'i mtshan ma sel ba'o/ /nod par byed pa ni sangs rgyas dang byang chub sems dpa' rnams la chos kyi rgyun gyi gdam ngag gnod par byed pa'ang yin pa'o/ /sbyor ba'i yid la byed ba ni rnam pa lnga ste/ ting nge 'dzin gyi spyod yul grangs nye bar rtog pa sbyor ba pa ni gang gis mdo la sogs pa la ming dang tshig dang/ yi ge'i grangs nye bar rtogs par byed pa'o/ /gnas pa nye bar rtogs par sbyor ba pa ni gang gis gnas rnam pa gnyis nye bar rtog par byed pa ste/ tshad yod par gnas pa ni yi ge rnams so/ /tshad med par gnas pa ni ming dang tshig dag go /kun tu rtog ba nye bar rtog pa sbyor ba pa ni/ gang gis gnyis la brten nas gnyis su kun tu rtog pa nye bar rtog par byed pa ste/ ming du kun tu rtog pa la brten nas don du kun tu rtog pa dang/ don du kun tu rtog pa la brten nas/ ming du kun tu rtog pa'o/ /yi ge ni kun brtag par bya ba ma yin no/ / rimS pa nye bar rtog pa sbyor ba pa ni gang gis ming 'dzin pa sngon du 'gro ba can gyi don 'dzin pa 'jug pa nye bar rtog par byed pa'o/ /rtogs pa sbyor ba pa ni rnam pa bcu gcig tu rig par bya ste/ glo bur ba nyid rtogs pa dang/ snang ba'i rgyu mtshan rtogs pa dang/ don mi dmigs pa rtogS pa dang/ dmigs pa mi dmigs pa rtogs pa dang/ chos kyi dbyings rtogs pa dang/ gang zag la bdag med pa rtogs pa dang/ chos la bdag med pa rtogs pa dang/ bsam pa dman ba rtogs pa dang/ yangs shing bdag nyid chen bo'i bsaM pa rtoD pa dang/ ji ltar rtoD pa'i chos rnaM par bzhag pa rtoD pa dang/ chos rnaM par bzhag pa rtoD pa'o/ /dbang bsgyur pa'i yid la byed pa ni rnam pa gsum ste/ nyon mongs pa'i bsgrib pa shin tu rnam par dag pa dang/ shes bya'i sgrib pa shin tu rnam par dag pa dang/ yon tan mngon par sgrub pa ni shin tu rnam par dag pa'o/ /chos kyi de kho na nyid kyi don yongs su tshol ba la tshigs su bcad pa gnyis so/ /rtag tu gnyis bral 'khrul pa'i rten gang yin dang gang zhig rnam kun tu/ /brjod par nus ma yin zhing spros pa'i bdag nyid de kho na/ /shes bya spang bya rang bzhin dri med 'dod gang rnam par sbyang bya ste/ /de ni nam mkha' gser dang chu ltar nyon mongs pa las rnam dag 'dod/ /de kho na nyid rtag tu gnyis dang bral ba ni kun brtaD pa'i ngo bo nyid yin te/ gzung ba dang 'dzin pa'i mtshan nyid du gtan med pa'i phyir ro/ /'khrul pa'i rten ni gzhan gyi dbang ste/ des der kun tu rtog pa'i phyir ro/ /brjod du med cing spros pa med pa'i bdag nyid ni yongs su grub pa'i ngo bo nyid do/ /de la de kho na nyid dang po ni yongs su shes par bya ba yin no/ /gnyis pa ni spang bar bya ba yin no/ /gsum pa ni glo bur gyi dri ma las rnam par sbyang par bya ba yin te/ rang bzhin gyi rnam par dag go /rang bzhin gyi rnam par dag pa ma yin pa de ni nam mkha' dang gser dang chu lta bur nyon mongs pa las rnam par dag pa yin te/ nam mkha' la sogs pa ni rang bzhin gyis ma dag pa yang ma yin la/ /de dag glo bur gyi dri ma dang bral ba'i sgo nas rnam par dag par mi 'dod pa yang ma yin no/ /'gro ba dag na de las gzhan yang cung zad yod min la/ 'gro ba ma lus pa la yang de kun tu rmongs pa'i blo/ /yod pa kun nas spangs te med la mngon zhen gang yin pa/ /'jig rten rmongs pa'i rnam ba tshabs chen 'di go ji lta bu/ /'jig rten na chos kyi dbyings kyi mtshan nyid de lta bu las gzhan ni cung zad kyang med de/ chos nyid dang chos tha mi dad pa'i phyir ro/ /lhag ma ni don go bar zad do/ de kho na nyid la sgyu ma lta bu yongs su tshol ba'i tshigs su bcad pa bco lnga'o/ /ji ltar sgyu ma de bzhin du/ /yang dag ma yin kun rtog brjod/ /sgyu ma byas par ji lta bar/ /de bzhin gnyis su 'khrul pa brjod/ /'khrul ba'i rgyu mtshan shing dang bong ba la sogs pa sgyu ma'i sngags kyis btab pa ji lta ba de bzhin du yang dag pa ma yin pa'i kun tu rtog pa gzhan gyi dbang gi ngo bo nyid kyi rnam par rig par bya'o/ /ji ltar sgyu ma de la sgyu ma byas pa rta dang glang po che/ gser la sogs pa'i de'i ngo bor snang ba de bzhin du yang dag pa ma yin pa'i kun tu rtogs pa de la gnyis su 'khrul pa gzung ba dang 'dzin pa nyid du snang ba kun brtags pa'i ngo bo nyid kyi rnam par rig par bya'o/ /ji ltar de la de med pa/ /de bzhin du ni don dam 'dod/ /ji ltar de ni dmigs pa lhar/ /de bzhin du ni kun rdzob nyid/ /ji ltar de la de med de/ /sgyu ma byas pa de la glang po che la sogs pa med pa de bzhin du gzhan gyi dbang de la kun brtag gnyis kyi mtshan nyid med pa don dam par 'dod do/ /ji ltar sgyu ma byas pa de glang po che la sogs pa'i ngo bor dmigs pa de bzhin du yang dag pa ma yin pa las kun brtag pa de kun rdzob kyi bden par dmigs so/ /de na ni de yi rgyu/ /gsal bar dmigs pa ji lta bar/ /de bzhin gnas ni gzhan gyur la/ /yang dag ma yin rtog pa dmigs/ /ji ltar sgyu ma byas pa de med na de'i rgyu shing la sogs pa'i don yang dag pa gsal bar dmigs pa de bzhin du gnas gzhan du gyur na/ gnyis su 'khrul pa med pa'i phyir yang dag pa ma yin pa'i kun tu rtog pa'i don yang dag par dmigs so/ /ji ltar 'jig rten ma 'khrul ba/ /de yi rgyu la 'dod dgur spyod/ /de bzhin sdom brtson ma 'khrul ba/ /gnas gzhan gyur la dgyes dgur spyod/ /ji ltar 'jig rten ma 'khrul ba de'i rgyu shing la sogs pa la 'dod dgur rang dbang du spyod pa de bzhin du 'phags pa 'phrul pa mi mnga' ba yang gnas gzhan du gyur pa la 'dod dgur rang dbang du spyod do/ /de lta bu ni des yod/ de yi dngos po yod ma yin/ /de ltas sgyu ma la sogs pa/ /yod dang med pa nyid du brjod/ /tshigs su bcod pa 'di'i don go bar zad do/ /de la yod par med pa yin/ /med pa yod pa nyid ma yin/ /sgyu ma dag la sogs pa/ /yod med khyad par med pa'ang brjod/ /de la yod pa ni med pa yin te/ de lta bur yod pa gang yin pa de ni med pa ma yin no/ /med pa ni yod pa nyid ma yin te/ glang po che la sogs par med pa gang yin pa de ni yod pa ma yin no/ /sgyu ma la sogs pa yod pa dang med ba de dag khyad par med pa yang brjod de/ de la de ltar yod pa gang yin pa de nyid glang po che la sogs bar med pa yin la/ glang po che la sogs pa med pa gang yin pa de nyid de lta bur yod pa ma yin bas so/ /de bzhin gnyis snang de la yod/ /de yi dngoS po yod ma yin de ltar gzugs la sogs pa la/ /yod dang med ba nyid du brjod/ /de bzhin du yang dag ma yin pa'i kun tu rtog pa 'di la gnyis su snang ba ni yod do/ /gnyis kyi dngos po ni med do/ /de lta baS ni yang dag pa ma yin pa'i kun tu rtog pa'i ngo bo nyid gzugs la sogs pa la yod pa dang med pa nyid brjod do/ /de la yod pa med pa yin/ /med pa yod pa nyid ma yin/ /gzugs la sogs pa dag pa la ni/ yod med khyad par che ba 'ang brjod/ /de la yod pa nyid ni med pa ma yin te/ /gnyis su snang ba gang yin pa'o/ /med pa nyid ni yod pa ma yin te/ gnyis kyi dngos po med pa nyid gang yin pa'o/ /gzugs la sogs pa la yod pa dang med pa khyad par med pa yang brjod de/ gnyis po snang bar yod pa gang yin pa de nyid gnyis kyi dngos por med pa ma yin pas so/ /sgro 'dogs pa dang skur pa yi/ /mdza' rnams dgag par bya phyir dang/ /theg pa dman pas 'gro ba dag/ dgag par bya phyir 'dod pa yin/ /ci'i phyir yod pa dang med pa dag gcig tu chad pa dang/ khyad par med pa 'dir yang 'dod ce na/ go rim bzhin du sgro 'dod gas dang/ skur pa 'debs pa'i mdza' dgag pa'i phyir dang/ theg ba dman pas 'gro ba bdag pa'i phyir 'dod pa yin te/ med pa la med gnyid du rig nas sgro 'dogs par mi byed do/ /yod pa la yod pa nyid du rig nas skur pa 'debs par mi byed do/ /de gnyis khyad par med pa nyid du rig naS yod paS yid 'byung bar mi 'gyur te/ de lta bas na theg pa dman pas nges par mi 'byung ngo/ /'khrul pa'i rgyu dang 'khrul pa ni/ /gzugs kyi rnam par rig pa dang/ /gzugs can min nam rig par 'dod/ /med phyir cig shos kyang med 'gyur/ /gzugs su 'khrul pa'i rgyu rnam par rig pa gang yin pa de ni gzuD kyi rnam par rig pa yin la/ gzugs su 'khrul pa gang yin pa de ni gzugs can ma yin pa'i rnam par rig pa yin par 'dod do/ /gzugs kyi rnam par rig pa med pa'i phyir gcig shos gzugs can ma yin pa'i rnam par rig pa yang med de/ rgyu med pa'i phyir ro/ /sgyu ma'i glang po'i gzugs 'dzin pa/ /'khrul phyir gnyis su brjod pa ste/ de la ji bzhin gnyis med kyang/ /gnyis po dag tu nye bar dmigs /keng rus kyis ni gzugs 'dzin pa/ /'khrul phyir gnyis su brjod pa ste/ /de la ji bzhin gnyis med kyang/ /gnyis po dag tu nye bar dmigs/ /sgyu ma'i glang po che'i gzugs 'dzin pa'i 'khrul pa las gzung ba dang/ 'dzin pa gnyis su brjod de/ de la gnyis po ji lta bar med kyang gnyis su rnam par dmigs so/ /keng rus kyi gzuD brnyan yid la byed pa'i der 'dzin pa yang 'khrul pa las gnyis su brjod de snga ma bzhin no/ /'khrul pa'i mtshan nyid chos gang yin/ /de bzhin yod dang de bzhin med/ /yod med khyad par med pa'i phyir/ /yod dang med dang sgyu ma 'dra/ /'khrul bI mtshan nyid kyi chos mi mthun pa'i phyogs kyi ngo bo nyid gang dag yin pa de dag ni yod pa dang med pa dang sgyu ma lta bu yin no/ /ci'i phyir zhe na/ yang dag pa ma yin pa'i kun tu rtog pa nyid du de bzhin yod pa'i phyir yod pa yin no/ /gzung ba dang 'dzin pa nyid du de bzhin med pa'i phyir med pa yin no/ /yod ba dang med pa'i de dag khyad par med pa'i phyir/ yod pa yang ma yin la med pa yang ma yin no/ /sgyu ma'i mtshan nyid kyang de dang 'dra ste/ de lta bas na sgyu ma lta bu yin no/ /gnyen po'i chos ni gang yin pa/ /de bzhin med dang de bzhin yod/ /de bzhin med phyir mtshan nyid med/ /sgyu ma dang yang 'dra bar bstan/ /gnyen po'i chos dran pa nye bar bzhag pa la sogs pa sangs rgyas kyi bstan pa gang dag yin pa de dag kyang mtshan nyid med pa dang/ sgyu ma lta bur bstan to/ /ci'i phyir zhe na/ ji ltar byis pa rnams kyi gzung ba de bzhin med pa'i phyir dang/ ji ltar bshad pa de ltar yed pa'i phyir dang/ ji ltar bcom ldan 'das kyis lhums? su 'jug pa dang/ bltams pa dang/ mngon par 'byung ba dang/ mngon par rdzogs par byang chub pa la sogs pa kun tu bstan pa de bzhin med pa'i phyir te/ de ltar na mtshan nyid med pa yin no/ /yod pa ma yin yang yod pa lta bur snang ste/ de lta bas na sgyu ma lta bu yin no/ /dpe'i don du tshigs su bcad pa/ sgyu ma'i rgyal po sgyu ma yin/ /rgyal po gzhan gyis pham pa ltar/ /gang dag gis ni chos mthong ba'i/ /rgyal sras de dag nga rgyal med/ /gnyen po'i chos gang dag yin pa de dag ni sgyu ma'i rgyal po lta bu ste/ kun nas nyon mongs pa spang bar bya ba'i phyir/ rnam par byang ba la dbang byed pa'i phyir ro/ /kun nas nyon mongs pa gang dag yin pa de dag kyang dpe'i don gyis rgyal po lta bu yin no/ /kun nas nyon mongs pa 'grub pa la dbang byed pa'i phyir ro/ /de'i phyir gnyen po de dag gis kun nas nyon mongs pa pham par byed pa ni/ rgyal pos rgyal po 'bebs pa lta bur blta bar bya ste/ de shes pas phyogs gnyis ka la byang chub sems dpa' rnams nga rgyal med par 'gyur ro/ sangs rgyas rnams sangs rgyas mchog rnams kyis de dang de las 'dus byas dang / gsungs pa sgyu ma rmi lam smig rgyu gzugs brnyan dang 'dra mig yar? dang/ brag cha lta bu dang ni chu zla'i gzugs 'dra sprul dang 'drar shes bya/ /drug dang gnyiS? dang drug mtshan nyid dang gsum po re re 'dod/ /gang du bcom ldan 'das kyis chos rnams ni sgyu ma lta bu'o/ /zhes bya ba nas sprul pa lta bu'o/ /zhes bya ba'i thar gsungs pa de la chos rnams sgyu ma lta bu ni nang gi skye mched drug ste/ bdag dang srog la sogs pa med bzhin du de ltar snang ba'i phyir te/ /rmi lam lta bu ni phyi'i ma mched drug ste/ de nye bar spyad pa'i dngos por med pa'i phyir ro/ /smig rgyu lta bu ni sems dang sems las byung ba'i chos gnyis te/ 'khrul par byed pa'i phyir ro/ /yang? gzugs brnyan lta bu ni nang gi skye mched drug kho na ste sngon gyi las kyi gzugs brnyan yin pa'i phyir ro/ /mig yor lta bu ni nang gi skye mched rnams kyi grib ma lta bu zin ba'i phyir/ phyi'i skye mched drug kho na ste/ de'i dbang gi 'byung bas/ /drug tshan gnyis 'dod pa ni drug tshan gnyis su 'dod pa yin no/ /brag rtsa lta bu ni bshad pa'i chos rnams so/ /chu zla'i gzugs lta bu ni ting nge 'dzin la brten pa'i chos rnams te/ ting nge 'dzin ni dang pa? nyid kyi chu lta bu yin pa'i phyir ro/ /sprul pa lta bu ni bsams bzhin du srid par skye ba yongs su len pa yin te/ bya ba thams cad la kun nas nyon mongs ba med par sbyor ba'i phyir ro/ /shes bya yongs su tshol ba'i tshigs su bcad pa/ yang dag min rtogs yang dag min/ /yang dag ma yin min mi rtogS/ rtog min mi rtog ma yin pa/ /shes bya thaMs cad yin par brjod/ /yang dag pa ma yin pa'i rtog pa ni 'jig rten las 'das pa'i ye shes kyi rjes su mthun pa ma yin ba'i rnam par rtogs pa gang yin pa'o/ /yang dag pa yang ma yin la/ yang dag pa ma yin pa yang ma yin pa ni de'i rjes su mthun ba nges par 'byed pa'i cha dang mthun pa'i bar gang yin pa'o/ /mi rtog pa ni de bzhin nyid dang/ 'jig rten las 'das pa'i ye shes so/ /rtog pa yang ma yin mi rtog pa yang ma yin pa ni 'jig rten las 'das pa'i rjes las thob pa 'jig rten pa'i ye shes te/ shes bya thams cad ni de tsam du zad do/ /kun nas nyon mongs pa dang/ rnam par byang ba yongs su tshol ba la tshigs su bcad pa gnyis te/ rang gi khams la gnyis snang zhing/ /ma rig nyon mongs lhan cig tu/ /'jug pa'i rnam rtog rab byung ste/ rdzas gnyis rnam par spangs pa yin/ rang gi khams las zhes bya ba ni rang gi sa bon kun gzhi rnam par shes pa las so/ /gnyis su snang zhes bya ba ni gzung ba dang 'dzin par snang ba'o/ /ma rig pa dang nyon mongs pa dang lhan cig 'jug pa zhes bya ba ni 'di dag lam rig pa dang nyon mongs pa rnams dang lhan cig 'jug pas na 'di dag ni ma rig pa dang nyon mongs pa dang lhan cig 'jug pa yin no/ /rdzas gnyis spangs pa ni/ gzung ba'i rdzas dang 'dzin pa'i rdzas te/ de ltar kun nas nyon mongs pa yongs su btsal bar bya'o/ /dmigs pa'i khyad par thob pa yis/ /rang gis dbyings la gnas ldan phyir/ /de nyid gnyis su snang med par/ /'jug ste pags dang mnga' bzhin no/ /dmigs pa'i khyad par thob pa zhes bya ba ni? chos kyi dmigs pa rnyed pa gang yin pa ste/ de ni sngar bshad zin to/ /rang gi/ /dbyings la gnas ldan phyir zhes bya ba la/ rang gi /dbyings ni rnam par rtogs pa rnams kyi de bzhin nyid do/ /de la gnas pa ni ming la sems gnas pa'i phyir ro/ /ldan pa'i phyir zhes bya ba ni goms pas sgoms pa'i lam dang ngo/ /gnas yongs su gyur ba'i rnam par rtog pa de nyid gnyis su snang ba med par 'jug ste/ pags pa dang mnga' bzhin no/ /ji ltar pags pa de nyid khengs pa dang bral bas gnyen por 'gyur ba dang/ mnga' de nyid mes pa bsros pa dang drang por 'gyur ba de bzhin du zhi gnaS dang lhag mthong bsgoms pa ngag gis sems dang shes rab rnam par grol ba thob na gnas gzhan du gyur pa la rnam par rtog pa de dag nyid yang gnyis su snang ba mi jug ste/ de ltar rnam par byang ba yongs su bcol bar bya'o/ /rnam par rig pa tsam yongs su tshol ba la tshigs su bcad pa gnyis te/ sems ni gnyis su snang ba ste/ /de bzhin chaD soD snang ba 'am/ /dang la sogs par snang bar 'dod/ /nyon mongs dge chos yod ma yin/ /sems tsam po 'di gzung bar snang ba dang/ 'dzin par snang ba dang/ gnyis su snang bar 'dod do/ /de bzhin du de nyid 'dod chags la sogs pa nyon mongs par snang ba 'am/ dad pa la sogs pa dge ba'i chos su snang bar 'dod la/ de dag tu snang ba las gzhan pa kun nas nyon mongs pa'i chos 'dod chags la sogs pa'i mtshan nyid dam/ dge ba dad pa la sogs pa'i mtshan nyid ni med de/ dper na gnyis su snang ba las gzhan pa gnyis kyi mtshan nyid med pa bzhin no// sems ni sna tshogs snang ba dang/ rnam pa sna tshogs can du 'jug /de la snang ste yong dang med/ /de phyir chos kyi ma yin no/ /sems 'di nyid rnam grangs kyis 'dod chags su snang ba 'am/ zhe sdang du snang ba'am/ de las gzhan pa'i chos su snang ba sna tshogs su snang ba dang/ cig car dad pa dang brtson 'grus la sogs pa'i rnam pa ste/ rnam pa sna tshogs can du 'jug go /nyon mongs pa can dang dge ba'i gnas skabs kyi sems la snang ba yod pa'am med pa ni nyon mongs pa can dang dge ba'i chos rnaMs kyi ni ma yin te/ der snang ba las ma gtogs pa de'i mtshan nyid med pa'i phyir ro/ /mtshan nyid yongs su tshol ba la tshigs su bcad pa brgyad de/ /gcig gis bstan to/ /lhag ma rnams kyis ni bshad do/ /sangs rgyas rnams kyis sems can la phan gdags phyir ni mtshan gzhi dang/ /mtshan nyid dang ni mtshon pa dang/ /rab tu dbye bas yang dag bshad/ /'dis ni bstan to/ /sems ni lta bcas gang yin dang/ /de yi gnas skabs mi 'gyur ba/ /'di ni mdor na mtshan bzhi ste/ /rab tu dbye ba tshad med do/ /de la sems ni rnam par shes pa dang gzugs so/ /lta ba ni sems las byung ba'i chos rnams so/ /de'i gnas skabs ni sems dang ldan pas yin pa'i chos rnams/ /mi 'gyur ba ni nam mkha' la sogs pa 'dus ma byas te/ de'i rnam par rig pa rtag tu de bzhin du 'jug pa'i phyir ro/ /de ltar na mtshan bzhi ni mdor bsdu na rnam pa de lnga yin no/ /rab tu dbye na tshad med do/ /ji ltar brjod don 'du shes kyi/ /rgyu mtshan de yi bag chags dang/ /de las kyang don snang ba ni/ /kun brtags pa'i mtshan nyid do/ /mtshan nyid ni mdor bsdu na rnam pa gsum ste/ kun brtags la sogs pa'i mtshan nyid do/ /de la kun brtags pa'i mtshan nyid ni rnam pa gsum ste/ ji ltar brjod pa'i don gyi 'du shes kyi rgyu mtshan dang/ brjod pa de yi bag chags dang/ bag chags de las kyang tha snyad la mi mkhas pa rnams la brjod pa'i don gyi 'du shes med par don du snang ba gang yin pa'o/ /de la brjod pa ji lta ba bzhin du don du 'du shes pa sems laS byung ba ni ji ltar brjod pa'i don gyi 'du shes so/ /de'i dmigs pa gang yin pa de ni rgyu mtshan yin no/ /de ltar na kun brtags bar bya ba gang yin ba dang/ rgyu bag chags gang las yin pa de gnyi ga 'dir kun brtags ba'i mtshan nyid du bzhed ngo/ /ming dang don ni ji lta bar/ /don dang ming du snang ba gang/ /yang dag min rtog rgyu mtshan ni/ /kun rtags pa yi mtshan nyid de/ /rnam grangs gzhan yang ming dang don ji bzhin par ni ming dang don ji lta bar ro/ /don dang ming du snang ba ni don dang ming du snang ba'o/ /gal te ming ji lta bar don nam/ don ji lta bar ming du snang na yang dag pa ma yin pa'i kun tu rtog pa'i dmigs pa 'di ni kun brtags ba'i mtshan nyid yin te/ kun brtags bar bya ba ni 'di lta ste/ ming dang? don zhes bya ba ni 'di tsam du zang pas so/ /rnam gsum rnam gsum snang ba can/ /'dzin dang gzung ba'i mtshan nyid de/ /yang dag ma yin kun rtog ni/ /gzhan gyi dbang gi mtshan nyid do/ /'di la rnam pa gsum dang rnam pa gsum du snang ba yong ba na/ rnam pa gsum dang rnam pa gsum du snang ba can no/ /de la rnam pa gsum du snang ba ni gnas su snang ba dang/ don du snang ba dang lus su snang ba'o/ /yang rnam pa gsum du snang ba'i ni yid dang/ 'dzin pa dang rnam par rtog par snang ba ste/ yid ni rtag tu nyon mongs pa can gang yin pa'o/ /'dzin pa ni rnam par shes pa lnga'i tshogs so/ /rtog pa ni yid kyi rnam par shes pa'o/ /de la rnam pa gsum du snang ba dang po ni gzung ba'i mtshan nyid do/ /gnyis pa ni 'dzin pa'i bdag nyid do/ /de ltar na yang dag pa ma yin pa'i kun tu rtog pa 'di ni gzhan gyi dbang gi mtshan nyid yin no/ /med dang yod nyid gang yin dang/ /yod dang med pa mnyam nyid dang/ /ma zhi zhi dang rnam mi rtog /yongs su grub pa'i mtshan nyid do/ /yongs su grub ba'i mtshan nyid ni/ /de bzhin nyid yin te/ de ni kun brtags pa'i chos thams cad kyi med pa nyid yin no/ /de'i med pa nyid du yod pa'i phyir yod pa nyid kyang yin no/ /yod pa dang med pa de dag tha mi dad pa'i phyir ro/ /yod pa dang med pa mnyaM? pa nyid kyang yin no/ /nye ba'i nyon mongs pa'i blo bur ba dag gi ma zhe ba nyid kyang yin no/ /rang bzhin gyis rnam par dag pa'i phyir zhi ba nyid kyang yin no/ /rnam par mi rtog pa ni spres pa med pas rnam par rtog bI spyod yul ma yin pa'i phyir ro/ 'dis ni de bzhin nyid kyi mtshan nyid rnam pa gsum yongs su bstan te/ rang gi mtshan nyid dang/ kun nas nyon mongs pa dang/ rnam par byang ba'i mtshan nyid dang/ rnam par mi rtog pa'i mtshan nyid do/ /mtshan nyid rnaM pa gsum bshad zin to/ rgyu mthun chos la dmigs nas ni/ /tshul bzhin yid la byed pa dang/ /sems kyi dbyings la gnas pa dang/ /don yod pa dang med par mthong/ /mtshon pa ni rnal 'byor gyi sa rnam pa lnga ste/ gzhi dang bskyed pa dang/ me long lta bu dang/ snang ba dang rten to/ /de la gzhi ni rgyu mthun pa'i chos te/ sangs rgyas kyi thugs su chud nas bshad pa gang yin pa de ni thugs su chud pa de'i rgyu mthun pa yin no/ /bskyed pa pa ni tshul bzhin yid la byed pa'o/ /me long lta bu ni sems kyi dbyings la gnas ba'i ting nge 'dzin te/ gong du ming la gnas par bshad pa/ gang yin pa de nyid do/ /snang ba ni don yod pa dang/ med ba nyid du mthong ba 'jig rten las 'das pa'i shes rab ste/ gang gis yod pa la yang yod pa yang dag pa ji lta ba bzhin du mthong la/ med pa la yang med yang dag pa ji lta ba bzhin du mthong ba'o/ /rten ni gnas gzhan du gyur pa'o/ /de ni mnyam pa nyid du 'gyur/ /'phaD riD shin tu dri med pa/ /mnyam dang khyad 'phags dri med cing/ /'phel med pa yi mtshan nyid 'dod/ /mnyam pa nyid du 'gyur ba ni/ /'phags pa'i rigs zag pa med pa'i dbyings na de las gzhan pa'i 'phags pa dag dang ngo/ /sangs rgyas rnams kyi 'phags pa'i riD dri ma med pa de la yang rnam par grol bar mnyam pa nyid kyis nyan thos dang/ rang sangs rgyas dag dang mnyam pa yin no/ /khyad par rnam pa lngas khyad bar? du 'phags pa yang yin te/ rnam bar dag pa'i khyad par gyi ni nyon mongs pa bag chags dang bces te rnam par dog pa'i phyir ro/ /yongs su dag pa'i khyad par gyis ni zhing yongs su dag pa'i phyir ro/ /sku'i khyad par gyis ni chos kyi sku'i phyir ro/ /longs spyod rdzogs pa'i khyad par gyis ni 'khor gyis dkyil 'khor dag tu chos kyi longS spyod rdzogs par rgyun mi 'chad par 'jug pa'i phyir ro/ /phrin las kyi khyad par gyis ni dga' ldan gyi gnas na bzhugs ba la sogs pa sprul ba dag gis sems can gyi don mdzad pa rjes su sgrub pa'i phyir ro/ /de la ni kun nas nyon mongs pa'i phyogs 'gag pa na 'bri ba yang med la/ rnam par byang ba'i phyogs skye ba na 'phel ba yang med do/ /de ltar na rnal 'byor gyi sa rnam pa lnga po 'di ni mtshon ba yin te/ des mtshan gzhi dang mtshan nyid de mtshon bar byod do/ /rnam bar grol ba yongs su tshol ba la tshigs su bcad pa drug ste/ sa bon gzhan du gyur pa'i phyir/ /gnas don lus su snang ba dag /gzhan du gyur pa zag med dbyingS/ /de ni rten kun 'gro ba can/ /sa bon gzhan du gyur pa'i phyir zhes bya ba ni kun gzhi rnam par shes pa gzhan du gyur pa'i phyir ro// gnas dang don dang lus su snang pa'i rnam par shes pa rnams gzhan du gyur pa ni zag pa med ba'i dbyings te/ rnam par grol ba'o/ /de ni kun tu 'gro ba can te nyan thos dang rang sangs rgyas la mnga' ba yin no/ /yid dang 'dzin dang rnam par rtog /gyur phyir rnam par mi rtog dang/ /zhing dang ye shes las dag la/ /dbang ni rnam pa bzhi yin no/ /gyur pa'i don ni yid dang 'dzin pa dang rnam par rtog pa bzlog pa ste/ go rim bzhin du rnam par mi rtog pa dang zhing dang ye shes dang las dag la dbang rnam pa bzhi yin no/ /dbang de mi g.yo la sogs pa'i/ /sa gsum la dni rnam bzhi ste/ /gcig la rnam gnyis de las gzhan/ /dbang re re ni 'dod payin/ /dbang de yang sa mi g.yo ba la sogs pa gsum la rnam pa bzhi rig par bya ste/ sa mi g.yo ba gcig la rnam pa gnyis te/ mngon par 'du byed pa md par rnam par mi rtog ba'i phyir rnam par mi rtog pa dang/ sangs rgyas kyi zhing yongs su dag pa'i phyir zhing la dbang ngo/ /de las gzhan pa'i sa la ni dbang re re ste/ leD pa'i glo gros la ni so sor yang dag par rig pa'i khyad bar thob pa'i phyir ye sheS la dbang ngo/ /chos kyi sprin la ni mngon par shes pa'i las rnams la thogs pa med pa'i phyir las la dbang ngo/ /blo dang ldan pas srid gtogs bdag med rnam pa gnyis ga'ang rig 'gyur la/ de yang mnyam par shes nas de ni 'dzin pa'i sgo nas de nyid 'jug /de nas de la yid gnas phyir na de la de yang mi snang ngo/ /de mi snang ba grol ba yin te/ mchog tu dmigs dang bral ba'o/ /rnam par grol ba'i rnam grangs gzhan yang byang chub sems dpas srid pa gsum du gtogs pa bdag med pa rnam pa gnyis rig par gyur la/ bdag med pa rnam pa gnyis po de yang kun brtags pa'i gang zag med pa bzhin du/ /kun brtags pa'i chos med par shes pa'i phyir/ mnyam par shes nas te/ rnam pa thams cad du med pa'i phyir ni ma yin no/ /'di ni 'dzin pa tsam mo/ /zhes 'dzin pa'i sgo nas de kho na nyid rnam par rig ba tsaM? la 'jug go /de nas de kho na nyid rnam par rig pa tsam de la yid gnas pa'i phyir / de kho na nyid rnam par rig pa tsam de yang mi snang ngo/ /de mi snang ba ni grol ba mchog tu dmigs pa dang bral ba gang yin pa ste/ gang zag dang chos dag mi dmigs pa'i phyir ro/ /tshogs kyis gzhi dang bskyed yod na/ /ming tsam du ni mthong bar 'gyur/ /ming tsam mthong ste der mthong na/ /de yang phyis ni mi mthong ngo/ /rnam grangs gzhan yang tshogs kyis zhes bya ba ni tshogs bsags pa'i sngon gyi tshogs kyi stobs kyis so/ /gzhi zhes bya ba ni thos pa'o/ / bskyed pa yod na zhes bya ba ni/ /tshul bzhin du yid la byed pa'o/ /ming tsaM mthong bar 'gyur ro/ /zhes bya ba ni mngon bar brjod pa tsam du ste don dang bral bar ro/ /ming tsam du mthong ste zhes bya ba ni rnam par rig pa tsam du ste/ ming ni gzuD can ma yin pa'i phung pho bzhi yin pa'i phyir ro/ /der mthong na de yang phyis mi mthong pa nyid de/ don med na de'i rnam par rig pa mi mthong ba'i phyir ro/ /de bas na 'di ni mi dmigs pa'i rnam par grol ba yin no/ /sems ni gnas ngan len dang bcas/ /bdag lta'i zhags pas zin par ni/ /rab tu 'jug par 'gyur te de/ /nang du gnas phyir 'dog par 'dod/ /rnam grangs gzhan yang sems 'di ni skye ba rnams su gnas ngan len dang bcas par rab tu 'jug go /bdag tu lta ba'i zhaD bas zin pa zhes bya ba ni gnas ngan gyi rgyu ston te/ bdag tu lta ba rnam pa gnyis kyis zin pas na de'i phyir gnas ngan len dang bcas pa yin no/ /de nang du gnas pa'i phyir ldog go/ zhes bya ba ni/ sems de sems kho na la gnas pa'i phyir te/ dmigs pa mi dmigs pa'i phyir ro/ /ngo bo nyid med pa yongs su tshol ba la tshigs su bcad pa gnyis te/ rang dang rang gi bdag nyid du/ /med phyir rang gi ngo bo la /mi gnas phyir dang 'dzin bzhin de/ /med phyir ngo bo nyid med 'dod/ /rang med pa'i phyir ngo bo nyid med pa ni chos rnams rkyen la rag las pa'i phyir ro/ /rang gi bdag nyid du med pa'i phyir ngo bo nyid med pa ni 'gag pa rnams yang de'i bdag nyid du mi skye ba'i phyir ro/ /rang gi ngo bo la mi gnas pa'i phyir ngo bo nyid med pa ni skad cig ma yin pI phyir ro/ /de ltar na ngo bo nyid med pa rnaM pa gsum po 'di ni 'dus byas kyi mtshan nyid gsum dang sbyar bar rig par bya'o/ /'dzin pa bzhin de med pa'i phyir ngo bo nyid med pa la de med pa'i zhes bya ba ni ngo bo nyid med pa'i phyir te/ ji ltar byis ba rnams ngo bo nyid rtag pa dang/ bde ba dang/ gtsang ba dang/ bdag gam/ kun brtags pa'i mtshan nyid gzhan du 'dzin ba de ltar ngo bo nyid 'di med pas de'i phyir yang chos rnams ngo bo nyid med pa nyid du 'dod do/ /phyi ma phyi ma'i rten yin pas ngo bo nyid ni med ba yis/ /skye med 'gag med gzod nas zhi/ /rang bzhin mya ngan 'das ba grub/ /ngo bo nyid med pas ni skye ba med pa la sogs pa grub ste/ gang zhig ngo bo nyid med pa de ni ma skyes pa'o/ /gang ma skyes pa de ni ma 'gags pa'o/ /ma 'gags pa de ni gzod ma nas zhi ba'o/ /gang gzod ma nas zhi ba de ni rang bzhin gyis yongs su mya ngan las 'das pa'o/ /de ltar na ngo bo nyid med pa la sogs pa 'di dag phyi ma phyi ma'i rten yin pas ngo bo nyid med pas skye ba med la soD pa grub pa yin no/ /mi skye ba'i chos la bzod pa yongs su tshol ba la tshigs su bcad pa 'phagS ba ste thog ma dang ni de nyid gzhan nyid dang/ /rang gi mtshan nyid rang dang gzhan du 'gyur/ /kun nas nyon mongs pa dang khyad par la/ /skye ba med pa'i choS la bzod par bshad/ /chos brgyad la skye ba med par bzod pa ni mi skye ba'i chos la bzod pa'o/ /de thog ma ni 'khor ba la ste/ de la thog ma skye ba med do/ /de nyid dang gzhan nyid ni snga ma dang phyi ma rnams la ste/ 'khor ba na chos gang dag sngar skyes pa de dag nyid skye ba ni med de/ de'i ngo bor mi skye ba'i phyir ro/ /gzhan dag kyang ma yin te/ sngon med pa'i rnam par mi skye ba'i phyir ro/ /rang gi mtshan nyid ni/ kun brtags pa'i ngo bo nyid la ste/ de la ni nam yang skye ba med do/ / rang skye ba med pa ni gzhan gyi dbang la'o/ /gzhan du 'gyur ba ni yongs su grub pa la ste/ de la ni gzhan du 'gyur bar skye ba med do/ /kun nas nyon mongs pa ni spangs ba la ste/ zad pa shes pa thob ba la nyon mongs pa skye bar mi blta'o/ /khyad par ni sangs rgyas kyi chos kyi sku rnams la ste/ de dag la ni khyad par du skye ba med do/ /de ltar na chos de dag la skye ba med pa'i choS la bzod par bshad do/ /theg pa gcig pa nyid yongs su tshol ba la tshigs su bcad pa bdun te/ chos dang bdag med grol ba rnams/ /mtshungs phyir rigs ni tha dad phyir/ /bsam gnyis thob phyir sprul pa'i phyir/ /mthar thugs phyir na theg gcig nyid/ /nyan thos la sogs pa'i chos kyi dbyings tha mi dad pas na chos kyi dbyings mtshungs pa'i phyir theg pa gcig pa nyid de / bgrod par bya bas na/ theg pa yin bas so/ /nyan thos la sogs pa'i bdag med pa 'dra bas bdag med pa mtshungS pI phyir theg pa gcig pa nyid de/ /'gro ba pos na theg pa yin pas/ /rnam par grol ba mtshungs pa'i phyir theg pa gcig pa nyid de/ 'gro bas na theg pa yin pas so/ /nyan thos la sogs pa'i rigs su ma nges pa rnams theg pa chen pos nges par 'byung bas rigs tha dad pa'i phyir theg pa gcig pa nyid de/ /'dis 'gro bas na theg pa yin pas so/ /bsam pa gnyis thob pa'i phyir theg pa gcig pa nyid de/ sangs rgyas rnams kyis sems can thams cad la bdag nyid kyi dgongs pa brnyes pa'i phyir dang/ nyan thos de'i ris su nges pa sngon byang chub kyi tshogs spyad pa rnams sangs rgyas kyi mthus de bzhin gshegs bas rjes su bzung ba'i khyad par phyogs tsam thob par bya ba'i phyir rgyud tha mi dad par mos pa'i sgo nas bdag nyid kyis sangs rgyas kyi dgongs pa thob pa'i phyir ro/ /de ltar na bsams pa gcig pa nyid thob pas sangs rgyas dang nyan thos rnams gcig pa'i phyir theg pa gcig ba nyid do/ /sprul pa'i phyir theg pa gcig pa nyid do/ /ji skad du nga ni lan brgya phrag du mar nyan thos kyi theg pas yongs su mya ngan las 'das so/ /zhes gsungs pa lta bu ste/ gdul ba rnams kyi don du de ltar ston pa'i phyir ro/ /mthar thug pa'i phyir yang theg pa gcig pa nyid de/ gang phan chad bgrod par bya ba med pa de ni theg pa yin pas sangs rgyas nyid kho na theg pa gcig yin no/ /de lta bas na mdo de dang de las ni dgos pa de dang des theg pa gcig ba nyid du gsungs par rig par bya'i/ theg pa gsum med pa ni ma yin no/ /yang ci'i phyir sangs rgyas rnams kyis dgongs pa de dang nges theg ba gcig pa nyid du bshad ce na/ kha cig dang ni drang phyir dang/ /gzhan dag yang dag bzung ba'i phyir/ /rdzogs pa'i sangs rgyas rnams kyis ni/ /ma nges rnams la theg gcig bshad/ /kha cig drang ba'i phyir zhes bya ba ni nyan thos kyi rigs can ma nges pa gang dag yin pa'o// gzhan dag yang dag bar bzung ba'i phyir zhes bya ba ni byang chub sems dpa' i rigs can ma nges pa gang dag yin ba'o/ /nyan thos ma nges rnam gnyis te/ /theg don mthong dang ma mthong ba'o/ /don mthong 'dod chags bral ba dang/ /'dod chagS bral min 'di dman pa'o/ /nyan thos ma nges pa yang rnam pa gnyis su rig par bya ste/ theg pa'i don mthong ba ni bden pa mthong ba theg pa chen pos nges par 'byung ba gang yin pa'o/ /theg ba'i don ma mthong ba ni bden pa mthong ba theg pa chen po nges par 'byung ba gang yin pa'o/ /don mthong ba yang 'dod pa dag las 'dod chags dang bral ba dang/ 'dod chags dang ma bral ba'o/ /don mthong ba rnam pa gnyis su bshad pa gang yin pa 'di ni dman pa yin te/ rtog pa bul ba yin par rig par bya'o/ /de gnyis 'phags pa'i lam thob pa/ /srid pa dag tu bsgyur ba'i phyir/ /bsam gyis mi khyab bsgyur ba yi/ /skye ba dang ni yang dag ldan/ /don mthong ba ni gnyis ni 'phags pa'i lam thob ba srid ba dag ? bsgyur ba'i phyir/ /bsam gyis mi khyab bsgyur ba'i skye ba dang ldan par rig par bya'o/ /'phags pa'i lam de skye bar bsgyur ba ni bsam gyis mi khyab ste/ de lta bas na bsam gyis mi khyab par bsgyur ba yin no/ /gcig gi smon lam dbang? giS? na/ skye ba rab tu sgrub par byed/ /gcig shos phyir mi 'ong ba dang/ /ldan phyir sprul pas rab tu sgrub/ /de gnyis la gcig ste 'dod chags dang ma bral ba gang yin pa de ni smon lam gyi dbang gis ji ltar 'dod pa bzhin du skye ba 'dzin to/ / cig shos ni phyir mi 'ong ba dang ldan pa'i stobs kyis sprul pa dag? gis 'dzin to/ /de gnyis yang dang yang du ni/ /rang sems kun tu 'byung ldan pas/ /mya ngan 'das la mngon dga' i phyir/ /rtogs pa bul ba yin par 'dod/ /de gnyis yang rang gis nyan thos kyi sems skyo ba dang ldan pa yang dang yang du kun tu 'byung bas mya ngan las 'das pa la lhag par dga' ba'i phyir rtogs pa bul ba yin par 'dod/ yun ring mo zhig na mngon par rdzogs par 'tshang brgya ba'i phyir ro/ /don byas ma yin de sangs rgyas/ /med par skyed nas sprul don gnyer/ /bsam gtan don brtson der brten nas/ /byang chub dam pa 'thob par 'gyur/ /bden pa mthong ba 'dod chags dang ma bral ba don ma byas pa slab pa gang yin pa de ni sangs rgyas med pa'i dus su skyes nas sprul pa don du gnyer bas bsam gtan gyis don du brtson par 'gyur zhing sprul pa de la yang brten nas rim gyis byang chub dam pa 'thob par 'gyur ro/ /bcom ldan 'das kyis gnas skabs gsum la gnas pa de la dgongs nas/ dpal phreng gi mdo las/ me'i dpes nyan thos su gyur nas/ rang sangs rgyas su 'gyur ro/ /phyis ni sangs rgyas su yang 'gyur ro/ /zhes gsungs te/ gang gi tshe sngon bden pa mthong ba'i gnas skabs dang/ gang gi tshe sangs rgyas med pa'i dus su bdag nyid kyiS bsam gtan bskyed nas skye ba'i lus bor te/ sprul pa'i lus 'dzin pa dang/ gang gi tshe byang chub dam pa 'thob pa'i gnas skabs so/ /rigs pa'i gnas yongs su tshol ba la tshigs su bcad pa/ rigs ba'i gnas lnga dag la brtson par ma byas bar/ /'phags mchog cis kyang thaMs cad mkhyen nyid mi 'gyur te/ de lta bas na gzhan dag tshar bcad rjes bzung dang/ /bdag nyid kun shes bya phyir de la de brtson byed/ /rigS ba'i gnas ni rnam pa lnga ste/ nang rig pa dang/ gso ba rig ba dang/ gtan tshigs rig ba dang/ sgra rig pa dang/ gzo'i las kyi gnas rigs ba'o/ /de dag gang gi phyir byang chub sems dpas btsal bar bya ba de ston te/ bye brag med par ni thams cad mkhyen ba nyid thob bar bya ba'i phyir ro/ /bye brag tu ni gtan tshigs rig pa dang/ sgra rig ba ni gzhan de dag lam mos pa rnams tshar bcad ba'i phyir yongs su tshol lo/ /gso ba rig ba dang/ bzo'i las kyi gnas rig ba ni gzhan de dag las mos pa rnams la phan gdags pa'i phyir yongs su tshol lo/ /nad rig ba ni bdag nyid du kun shes bar bya ba'i phyir yongs su tshol lo/ /khaMs rtas pa yongs su tshol ba la tshigs su bcad pa bcu gsum ste/ pha rol tu phyin pa yongs su rdzogs bar bya ba'i phyir/ pha rol phyin pa dang ldan pa'i yid la byed pa gang dag khams rtas bar byed ba de dag kho na tshigs su bcad pa 'di dag gis bstan to/ /de la tshigs su bcad ba dang po ni 'di yin te/ rgyu dmigs nas ni dga' ba dang/ rten la de rjes dran pa dang/ 'bras bu thun mong 'dod ba dang/ /ji ltar byang chub bzhin mos ba'o/ /de dag kyang rgyu dmigs nas dga' ba yid la byed pa nas bdag nyid mchog tu nges par 'dzin ba yid la byed ba'i bar dag yin no/ /de la rgyu dmigs nas dga' ba yid la byed ba ni/ re zhig dang po kho nar byang chub semS dpa' rigs la gnas ba bdag nyid la pha rol tu phyin pa rnams kyi rigs mthong ba dang/ rgyu dmigs nas dga' bas pha rol tu phyin pa'i khams rtas bar byed do/ /rigs la gnas ba bla na med pa yang dag par rdzogs ba'i byang chub tu? sems bskyed bas de'i 'og tu rten la de rjes su dran ba yid la byed pa ste/ byang chub sems dpa' de dag nyid la pha rol tu phyin ba rnams kyi rten du gyur ba byang chub gyi sems yang dag bar rjes su mthong ba dang 'di snyam du 'di lar? bdag la byang chub kyi sems yod bas na gdon mi za bar pha rol tu phyin ba 'di dag yongs su rdzogs bar 'gyur ro snyam du yid la byed do/ /sems bskyed pa ni pha rol tu phyin pa rnams kyis rang dang gzhan gyi don la rab tu sbyor ba 'bras bu mthun mong 'dod pa yid la byed do/ /pha rol tu phyin pa 'di dag gi 'bras bu ni gzhan dang thun mong du gyur cig gzhan du ma gyur cig snyam du mngon par 'du byed pa'i phyir ro/ /rang dang gzhan gyi don la rab tu sbyor ba ni/ kun nas nyon mongs pa med pa'i thabs de kho na nyid kyi don rtogs bar 'gyur bas de'i 'og tu ji ltar byang chub ba bzhin du mos pa yid la byed ba ste/ ji ltar sangs rgyas bcom ldan 'das rnams kyis pha rol tu phyin ba mngon par rdzogs par sangs rgyas ba dang/ mngon bar rdogs par 'tshang rgya bar 'gyur ba dang/ mngon bar rdzogs bar sangs rgyas ba de bzhin du bdag kyang mos so snyam du mngon par 'du byed ba'i phyir ro/ /thams cad du yang go rim ni de lta bur rig bar bya'o/ /mthu ni rnam ba bzhi dag gis/ /dga' dang nges bar mi skyo dang/ /mi mthun phyogs dang gnyen bo la/ /sgrub ba rnam ba bzhi yin no/ /mthus dga' ba yid la byed ba ni mthu rnam ba bzhi yang dag bar mthong nas dga' ba'i phyir ro/ /mthu rnam ba bzhi ni/ mi mthun ba'i phyogs spong ba dang/ tshogs yongS su smin ba dang/ rang dang gzhan la phan ba dang/ tshe phyi ma la rnam bar smin pa dang/ rgyu mthun ba'i 'bras bu 'byin pa nyid do/ /sems can dang rang gi sangs rgyas kyi chos yongs su smin ba las brtsams te nges bar skyo ba med ba yid la byed ba ni semS can thams cad kyi log bar sgrub ba dang/ sdug bsngal 'bab pa thams cad kyi nges bar skyo ba med par mngon par 'du byed pa'i phyir ro/ /byang chub dam ba 'thob par 'gyur ba'i phyir mi mthun ba'i phyogs dang gnyen po la sgrub ba rnam ba bzhi yid la byed pa ni sbyin pa la sogs pa'i mi mthun pa'i phyogs ser sna la sogs ba so sor 'chags ba dang/ gnyen po sbyin pa la sogs pa la rjes su yi rang ba dang/ de'i ched kyi chosz bshad pa'i phyir sangs rgyas la gsol ba gdab ba dang/ de dag byang chub tu bsngo ba'o/ /rab dang yang dag nod pa dang/ /gzhan la sbyin bar 'dun pa dang/ go cha dang ni smon lam dang/ /mngon bar dga' dang bya ba'i yid/ /mos pa'i stobs bskyed pa las brtsams nas/ pha rol tu phyin pa'i ched kyi chos dang don la rab tu dang ba yid la byed ba'o/ /chos yongs su tshol ba las brtsams te yang dag par nod ba yid la byed pa ni/ /chos de nyid la mi smod pa'i tshul gyis yongs su 'dzin pa'i phyir ro/ /bshad pa las brtsams nas sbyin par 'dun ba yid la byed ba ni gzhan dag la chos dang don rab tu bshad pa'i phyir ro/ /sgrub pa las brtsams te go cha yid la byed pa ni/ sbyin pa la sogs pa yongs su rdzogs par bya ba'i phyir go gyon pa'i phyir ro/ /smon lam yid la byed pa ni/ de yongs su rdzogs pa'i rkyen dang phrad par bya ba'i phyir ro/ /mngon par dga' ba yid la byed ba ni/ kye ma bdag ni sbyin pa la sogs ba sgrub pas yang dag par sgrub par byed do snyam du mngon bar dga' ba'i phyir te/ yid la byed pa gsum po 'di dge kho na gdams ngag rjes su ston? pa dang sbyar bar bya'o/ /thabs dang ldan ba'i las yid la byed pa ni kun tu rtog ba dag gis rnam pa thams cad du sbyin pa la sogs pa la sbyor ba yid la byed pa'i phyir ro/ /sbyin sogs rnam pa drug la ni// mthu thob ba dang yongs smin dang/ /mchod pa dang ni bsten ba la/ /yang dag spro ba mchog dang brtse/ /spro ba yid la byed bzhin rnam pa bzhi ste/ sbyin ba la sogs pa rnam ba drug po sbyin pa nas/ shes rab kyi sbyin ba'i bar dang/ de bzhin du tshul khrims la sogs pa rnam pa drug la mthu thob pa dang/ pha rol tu phyin pa dag kho nas bsdu ba'i dngos po'i sbyor bas sems can yongs su smin pa dang/ mchod pa ste/ sbyin pas rnyed pa dang/ bkur sti'i mchod ba dad lhag ma rnams kyis sgrub pa'i mchod ba dang pha rol tu phyin pa phyin ci ma log par 'doms pa'i don du dge ba'i bshes gnyen bsten pa la spro ba yid la byed par rig par bya'o/ /brtse ba yid la byed pa ni tshad med ba bzhis yin te/ sbyin pa la sogs bsgrub pas byams pa dang/ ser sna la sogs pa dang 'grogs bas sems can rnams la snying rje ba dang/ sems can sbyin pa la sogs pa dang ldan pa rnams la dga' ba dang/ de dag la kun nas nyon mongs pa med par mos pa'i sgo nas btang snyoms su byed pa yin no/ /ma byas ngan bar byas ba la/ /ngo tsha 'gyod dang yul la dga' / /skyo la dgra bo'i 'du shes dang/ /'god dang brjod pa'i blo gros so/ /ngo tsha shes pa'i chos las brtsams te/ ngo tsha ba yid la phyed pa ni sbyin ba la sogs ba ma byas pa'am/ yongs su ma rdzogs ba 'am? log par byas ba dag la ngo tsha ba'o/ /ngo tsha nas ni 'jug pa dang ldog bar bya ba'i phyir dang/ yun mi ring bar 'gyod par byed do/ /ma gu ba las brtsams te sbyin pa la sogs ba dmigs pa la dga' ba yid la byed ba ni sems rnam par g.yeng ba med par kun tu 'dzin ba'i phyir ro/ /skyo ba med bar yid la byed pa ni sbyin pa la sogs pa la sbyor bas skyob la dgra bo'i 'du shes su byed ba'i phyir ro/ /'god bar 'dun ba yid la byed ba ni/ pha rol tu phyin pa dang ldan pa'i bstan bcos la 'god par mngon par 'du byed pa'i phyir ro/ /'jig rten shes pa nyid las brtsams te brjod pa yid la byed ba ni bstan bcos de nyid 'jig rten la snod ji lta ba brjod par mngon par 'du byed ba'i phyir ro/ /sbyin sogs rdzogs ba'i byang chub kyi// rten yin dbang phyug la sogs min/ /gnyis po dag la skyon dang ni yon tan so so yang dag rig/ rten yid la byed pa ni byang chub 'thob pa'i rten ni sbyin pa la sogs pa yin gyi/ /dbang phyug la sogs pa ma yin pa'i phyir ro/ /so so yang dag par rig pa yid la byed pa ni ser sna dang sbyin pa la sogs pa mi mthun pa'i phyogs dang gnyen po dag la skyon dang yon tan du so so yang dag par rig pa'i phyir ro/ /bsags pa rjes su dran pa yis/ /dga' dang don chen mthong pa dang// rnal 'byor rnam par mi rtog dang/ /de 'dzin rkyen dang phrad 'dod pa/ /bsags pa rjes su dran pas dga' ba yid la byed pa ni sbyin pa la sogs pa bsags na bsod nams dang ye shes kyi tshogs bsags par yang dag par mthong ba'i phyir ro/ /don chen po mthong ba yid la byed ba ni/ sbyin pa la sogs pa byang chub kyi phyogs dang mthun pa'i ngo bo'i don gyis byang chub chen po 'thob pa'i don du yang dag par mthong ba'i phyir ro/ /'dod pa yid la byed pa ni de yang rnam pa bzhi ste/ rnal 'byor 'dod pa yid la byed pa ni/ zhi gnas dang lhag mthong gi rnal 'byor sgom par 'dod pa'i phyir ro/ /rnam par mi rtog pa 'dod ba yid la byed pa ni pha rol tu phyin pa yongs su rdzogs par bya ba'i don du thabs la mkhas par 'dod pa'i phyir ro// 'dzin pa 'dod pa yid la byed pa ni/ pha rol tu phyin pa'i ched kyi chos dang don 'dzin par 'dod pa'i phyir ro/ /rkyen dang phrad par 'dod pa yid la byed pa ni yang dag pa'i smon lam mngon par 'du byed pa'i phyir ro/ /log par 'dzin pa rnam pa bdun/ /spong pa'i mthun ni thob pa dang/ /ngo mtshar ngo mtshar med pa la/ /'du shes rnam pa bzhi nyid do/ /pha rol tu phyin pa rnams kyis log par 'dzin ba rnam pa bdun spong ba'i mthu thob pa mid la byed pa la log par 'dzin pa rnam pa bdun ni med pa la yod par 'dzin pa dang/ nyes pa dang ldan pa la yon tan dang ldan pa nyid du 'dzin pa dang/ /yon tan dang ldan pa la yon tan dang ldan pa ma yin pa nyid du 'dzin pa dang/ 'du byed thams cad la rtag pa dang/ bde par log par 'dzin pa gnyis dang/ chos thams cad la bdag tu log par 'dzin pa dang/ mya ngan las 'das pa la ma zhi bar log par 'dzin pa ste/ de dag gi gnyen por stong pa nyid la sogs pa'i ting nge 'dzin gsum dang/ chos kyi sdom bzhi ston to/ /ngo mtshar la 'du shes rnam pa bzhi yid la byed pa ni/ pha rol tu phyin pa rnams la rgya che ba'i 'du shes dang/ yun ring pa'i 'du shes dang/ lan la re ba med pa'i 'du shes dang/ rnam par smin pa 'a? mi lta ba'i 'du shes so/ /ngo mtshar med pa la yang 'du shes rnam pa bzhi yid la byed de/ ngo mtshar med pa rnam pa bzhi ni/ pha rol tu phyin pa rnams rgya che ba dang yun ring ba nyid yin na/ 'bras bu sangs rgyas nyid mngon par 'grub pa dang/ gnyis po de nyid yod na rang dang gzhan la sems mnyam par 'jog pa dang/ de dag bas khyad par du 'phags pa brgya byin la sogs pa las mchod pa la sogs pa rnyed du zin kyang lan la re ba med pa dang/ 'jig rten thams cad las mngon par 'phags pa'i lus dang longs spyod 'thob tu zin kyang rnam par smin pa la mi lta ba nyid do/ /sems can rnams la snyoms pa dang/ bdag nyid chen po mthong ba dang/ /gzhan gyi yon tan lan re ba dang/ /gsum du smon dang rgyun du'o/ /snyoms ba yid la byed pa ni/ sbyin pa la sogs pas sems can thams cad la mnyam pa nyid 'jug par mngon par 'du byed pa'i phyir ro/ /bdag nyid chen po mthong pa yid la byed pa ni pha rol tu phyin pa rnams sems can la phan pa nyid du yang dag par mthong ba'i phyir ro/ /lan re ba yid la byed pa ni gzhan dag la sbyin pa las? pa'i yon tan la 'jug pas so/ /smon pa yid la byed pa ni/ sems can dag la pha rol tu phyin pa rnams gnas gsum du smon pa'i phyir te/ byang chub sems dpa' i sa'i mthar thug pa dang/ sangs rgyas kyi sa'i mthar thug pa dang/ sems can gyi don byed ba smon pa'i phyir ro/ /rgyun tu yid la byed ba ni/ /sbyin pa la sogs pas dus don yod par mngon par 'du byed pa'i phyir ro/ /sangs rgyas bstan pa bsgrub pa'i phyir/ /tshul rol mi gnas sems pa dang/ /der dman dar ba'i sems can la/ /mi dga' ba dang rab dga' pa'o/ /yang dag pa'i sbyor ba yid la byed pa ni/ phyin ci ma log bar sgrub pa'i phyir tshu rol tu mi gnas pa'i yid la byed pa'i phyir ro/ /mi dga' ba yid la byed pa ni/ sems can sbyin pa la sogs pas dman pa rnams la'o/ /dga' ba yid la byed pa ni sems can sbyin pa la sogs pas dar ba rnams la'o/ /sgom pa bcos dang/ yang dag la/ /ma dad pa dang dad pa dang/ /dang du mi len yid byed dang/ /lung bstan nges par dga' ba'o/ /ma dad pa yid la byed pa ni/ pha rol tu phyin pa ltar bcos pa sgom pa la'o/ /dang pa yid la byed pa ni yang dag pa la'o/ /dang du mi len pa yid la byed pa ni/ ser sna la sogs pa'i mi mthun pa'i phyogs sbyin pa la sogs pas 'dul bar mngon par 'du byed pa'i phyir ro/ /dga' ba yid la byed pa ni rnam pa gnyis te/ pha rol tu phyin pa yongs su rdzogs pa lung bstan pa 'thob par dga' ba yid la byed pa dang/ pha rol tu phyin pa nges pa'i sa la gnas pa 'thob par dga' ba yid la byed pa'o/ /phyi ma'i tshe la mthong ba'i phyir/ /'jug sems mnyam par lta pa'i phyir/ /mchog chos rnams la zhugs pa yis/ /bdag nyid mchog tu nges 'dzin phyir/ /tshe phyi ma la mthong ba'i phyir 'jug pa'i yid la byed pa'i ni/ /byang chub sems dpa' yin phan chad 'gro ba gang du son yang sbyin pa la sogs pa gdon mi za bar bya dgos so snyam du mngon par 'du byed pa'i phyir ro/ /mnyam pa nyid du lta ba yid la byed ba ni de las gzhan pa'i byang chub sems dpa' rnams dang lhan cig pha rol tu phyin ba rtag tu bya bar mos pa'i phyir ro/ /bdag nyid mchog tu nges par 'dzin pa yid la byed pa ni pha rol tu phyin pa mchog gi chos la zhugs pas bdag nyid gtso bo'i ngo bor yang dag par mthong ba'i phyir ro/ /pha rol phyin bcu'i rgyus byung ba/ /dge ba yid la byed 'di dag/ rtag tu byang chub sems dpa' yi/ /khams ni rtas par byed pa yin zhes bya ba ni mjug sdud pa'i tshigs su bcad pa ste don go bar zad do/ /chos yongs su tshol ba'i rab tu dbye ba la tshigs su bcad pa gnyis te/ rgyas dang lhag pa'i bsam dang chen po ni/ /brtan pa'i yongs su tshol ba yin par 'dod/ /de dag gis ni spang dang bcas pa dang spang ba med dang de bzhin dbang 'byor pa'o/ /byang chub sems dpa' rnams kyi tshol ba ni/ /sku med pa dang bcas dang sku thob dang/ /sku yongs su rdzogs dang nga rgyal mang ba dang/ /nga rgyal phra dang nga rgyal med par 'dod/ /chos yongs su tshol ba ni rnam pa bcu gsum ste/ rgyas par ni thos pa la mos pa rgyas pas so/ /lhag pa'i bsam pa'i ni chos kyi sgo'i rgyun gyis so/ /chen po ni dbang 'byor ba thob pa rnis? kyi'o/ spang ba dang bcas ba ni dang po'o/ /spang ba med par ni gnyis pa'o/ /dbang 'byor pa ni gsum pa'o/ /sku med ba ni thos pa dang bsam ba las byung ba ste/ chos kyi sku dang bral ba'i phyir ro/ /sku dang bcas pa ni mos pas spyod pa na bsgom pa las byung ba'o/ /sku thob pa ni sa bdun dag la'o/ /sku yongs su rdzogs pa ni sa lhag ma rnams la'o// nga rgyal mang ba ni mos pas spyod ba'i sa la'o/ /nga rgyal phra ba ni sa bdun pa dag la'o/ /nga rgyal med pa ni sa lhag ma rnams la'o/ /rgyu nyid kyi chos yongs su btsal ba la tshigs su bcad pa/ bstan chos gzugs dang gzugs mi la/ /mtshan dang de bzhin nad med dang/ /mngon shes rnams kyis dbang phyug dang/ /de zad mi shes nyid kyi rgyu/ /chos ni gzugs la ni mtshan gyi rgyu'o/ /gzugs ma yin pa la ni nad med pa'i rgyu ste/ nyon mongs pa'i nang rab tu zhi bar byed pa'i phyir ro/ /mngon par shes pa rnams kyis dbang phyug gi rgyu yang yin no/ /de dag zad mi shes ba nyid kyi rgyu yang yin te/ phung po lhag ma ma lus pa'i mya ngan las 'das pa na yang rgyun mi 'chad pa'i phyir ro/ /de nyid kyi phyir tshangs bas zhus ba'i mdo las/ chos bzhi dang ldan pa'i byang chub sems dpa' rnams chos yongs su tshol bar 'gyur te/ dkon pa'i don gyis rin po che'i 'du shes dang/ nyon mongs pa'i nad rab tu zhi bar byed pa'i don gyis sman gyi 'du shes dang/ chud mi za bI don gyis nor gyis 'du shes dang/ sdug bsngal thams cad rab tu zhi ba'i don gyis mya ngan las 'da' ba' i 'du shes dang ldan ba zhes gsungs so/ /mtshan rnams ni mdzes par byed pa'i phyir rin po che lta bu ste/ de bas na de'i rgyu yin pa'i phyir chos la rin po cher 'du shes so/ /nad med pa'i rgyu yin pa'i phyir sman du 'du shes so/ /mngon par shes pa rnams kyis dbang phyug gi rgyu yin pa'i phyir nor du 'du shes so/ /de dag zad mi shes pa nyid kyi rgyu yin pI phyir mya ngan las 'das par 'du shes te/ zad pas 'jigs pa med pa'i don gyis so/ /rnam par rtog pa yongs su tshol ba'i tshigs su bcad pa/ rgyal ba'i sras rnams kyis ni med dang yod pa dng/ sgro 'dogs skur pa'i rtogs dang gcig nyid du ma nyid/ /rang dang khyad par rtog dang ming don ji bzhin du/ /mngon par zhen pa'i rtog pa yang dag spang bar bya/ /byang chub sems dpas rnam par rtog pa bcu spang bar bya ste/ med bar rnam par rtog pa ni gang gi gnyen por shes rab kyi pha rol tu phyin pa las/ 'di la byang chub sems dpas byang chub sems dpa' nyid du yod par zhes gsungs pa yin no/ /yod par rnam par rtog pa ni gang gi gnyen por byang chub sems dpa' yang dag par rjes su mi mthong zhes bya ba la sogs pa gsungs pa yin no/ /sgro 'dogs pa'i rnam par rtog pa ni gang gi gnyen por shA ri'i bu gzugs ni gzugs kyi ngo bo nyid kyis stong do/ zhes gsungs pa yin no/ /skur pa 'debs pa'i rnam par rtog pa ni gang gis gnyen por stong pa nyid kyis ni ma yin no/ zhes gsungs pa yin no/ gcig pa nyid du rnam par rtog pa ni gang gnyen por gzugs kyi stong pa nyid gang yin pa de ni gzugs ma yin no/ zhes gsungs pa yin no/ /tha dad pa nyid du rnam par rtog pa gang gis gnyen por stong pa nyid las kyang gzugs gzhan ma yin te/ gzugs nyid stong ba nyid stong pa nyid gzugs so/ zhes gsungs pa yin no/ /rang gi mtshan nyid la rnam par rtog pa ni gang gi gnyen por gzugs gang yin pa de ni ming tsam me/ zhes gsungs ba yin no/ /khyad par la rnam par rtog ba ni gang gi gnyen por gzugs la ni skye ba yang med/ 'gag pa yang med kun nas nyon mongs pa yang med/ /rnam par byad pa yang med do/ zhes gsungs pa yin no/ /ming ji lta ba de bzhin du don du mngon par zhen pa'i rnam par rtog pa ni nang gi gnyen bor ming ni bcos ma ste zhes bya ba la sogs pa gsungs pa yin/ /don ji lta bar ming du mngon par zhen pa'i rnam par rtog pa ni gang gi gnyen por byang chub sems dpas ming de dag yang dag par rjes su mi mthong ngo/ /yang dag par rjes su ma mthang na mngon par mi zhen to/ zhes bya ba gsungs pa yin te/ don ji lta bar snyam du dgongs pa yin no/ /de ltar blo gros dge ba brtson 'grus drag bsten nas/ /de bzhin nyid bcas gnyis kyi chos nyid yongs btsal? ma/ de phyir rtag tu skye dgu rnams kyi ston par 'gyur/ /de ni brgya mtsho bzhin du yon tan rnams kyis gang/ /'jug sdud pa'i tshigs su bcad pa 'dis yongs su tshol ba'i che ba'i bdag nyid rnam pa gsum ston te/ thabs kyis che ba'i bdag nyid ni brtson 'grus drag po nyid kyi phyir dang/ kun rdzob dang don dam pa'i chos nyid yongs su chol ba nyid kyi phyir ro/ /de bzhin nyid dang bcas pa ni bden pa zhes bya ba'i tha tshig go/ gzhan gyi don gyi che ba'i bdag nyid ni skye dgu rnams kyis ston par 'gyur ba'i phyir ro/ /rang gi don gyi che ba'i bdag nyid ni rgya mtsho bzhin du yon tan rnams kyis gang ba'i phyir/ chos yongs su tshol ba'i skabs rdzogs so// //chos ston pa la ser sna dgag pa'i tshigs su bcad pa/ brtan pa rnams ni srog dang longs spyod tshogs ches rnyed cing snying po med pa dag/ rab dga' i yid kyis sems can sdug bsngal rnams la sbyin rnams rgya chen rtag gtong na/ /chos yangs? skye dgu rnam ba kun du phan byed tshogs ches rnyed min zhing/ /shin tu btang yang zad med 'phel 'gyur ba lta lan cig ma yin smos ci dgos/ /byang chub sems dpa' rnams ni snying rjes srog dang longs spyod chogs chen pos rnyed cing zad par 'gyur bas snying po med pa dag kyang sems can sdug bsngal bar 'gyur ba rnams la sbyin pa brgya chen po rtag tu btong na/ chos gang zhig tshegs chen pos rnyed par ma yin zhing/ shin tu btang yang zad pa med la/ 'phel bar 'gyur ba lta smos kyang ci dgos/ /chos la don med pa dang don yod pa nyid kyi tshigs su bcad pa gnyis te/ gang phyir so so rang rig bya phyir bcom ldan 'das kyis chas ma bstan/ /thugs rje'i bdag nyid sbrul chen lta bus rigs bshad dbugs 'dra'i chos rnams kyis /skye bo nyid kyi chos la kun nas drangs te nyid zhi zhal gyi sgo/ rnam par dag pa rgya chen thun mong zad mi shes la yang dag bkod/ /de la sprul chen po lta bu ni sangs rgyas rnams so/ /de dag nyid kyi zhe ba zhal gyi sgon chos kyi sku ste/ nyon mongs pa dang shes bya'i sgrib pa bag chags dang bcas pa rnam par dag pas rnam par dag pa rgya cha ba dang/ sangs rgyas thams cad dang thun mong ba dang/ gtan du ba'i phyir zad mi shes pa yang yin no/ /de ltas rnal 'byor can gyi sgom pa gang yin don med min/ /de ltas bde bar gshegs kyi bstan pa gang yin de yang don med min/ /gal te thos pa tsam gyis don mthong 'gyur na sgom pa don med 'gyur/ /gal te ma thos par yang sgom 'jug 'gyur na bstan pa don med 'gyur/ /de lta bas na rnal 'byor can rnams kyi bsgoms pa don med par mi 'gyur te/ de'i dbang gis sau rang gis rig par bya ba'i chos rtogs pa'i phyir ro/ /bstan pa yang don med par mi 'gyur te/ rigs par bshad pa'i chos rnams kyis nyid kyis chos nyid la skye bo kun nas 'dren pa'i phyir ro/ /bsgoms pa dang bshad pa ji ltar don med par mi 'gyur pa de ni tshigs su bcad pa phyed kyis ston to/ /lhag ma ni don go bar zad do/ /ston ba rnam par dbye ba'i tshigs su bcad pa/ sems pa mchog gi ston pa ni/ /lung dang rtogs dang dbang 'byor las/ /kha dang gzugs ni thams cad dang/ /nam mkha' las kyang 'byung ba yin/ /de la dbang 'byor pa las ni sa chen po la zhugs pa rnams kyi gang yin pa'o/ /gzugs thams cad las ni shing dang sil snyan la sogs pa'i bar las kyang 'byung ba yin no/ /lhag ma ni don go bar zad do/ /ston pa phun sum tshogs pa la tshigs su bcad pa gnyis te rgya che the tshom spong ba dang/ /gzung 'os de nyid gnyis ston pa/ /'di ni byang chub sems dpa' yis/ /ston pa phun tshogs yin zhes bya/ /tshigs su bcad pa 'di ni 'phags pa tshangs pas zhus pa'i mdo las/ chos bzhi po dam pa'i chos yongs su 'dzin pa dang/ bdag nyid kyi shes rab sbyangs pa dang/ skyes bu dam pa'i las byed pa dang/ kun nas nyon mongs pa dang/ rnam par byang ba yang dag bar ston pa dang ldan pa'i byang chub sems dpa' sems dpa' chen po rnams ni chos kyi sbyin pa chen po rnam par 'byed do/ /zhes gang gsungs pa'i don bzhi ston pa yin te/ gcig gis ni mang du thos pa'i phyir ston pa rgya chen por 'gyur ro/ /gnyis pas ni shes rab che ba'i phyir the tshom spong ba ste/ gzhan dag gi the tshom gcod pa'i phyir ro/ /gsum pas ni kha na ma tho ba med pa'i las can yin pa'i phyir gzung bar 'os pa'o/ /bzhi pas ni bden pa gnyis kyis kun nas nyon mongs pa'i mtshan nyid dang/ rnam par byang ba'i mtshan nyid kyi de kho na nyid rnam pa gnyis ston par 'gyur ro/ /sems dpa' mchog gi ston pa ni/ /'jam zhing rgyags bral mi skyo dang/ /gsal zhing sna tshogs rigs pa dang/ /'go zhing zang zing med kun 'gro/ tshigs su bcad pa gnyis pa 'di la 'jam pa ni gzhan gyis brgal? ba la tshig rtsub mo mi 'byin pa'i phyir ro/ /rkyags? pa dang bral ba ni stong dam grub na rgyags par mi 'gyur ba'i phyir ro/ /mi skyo ba ni dub ba med pa'i phyir ro/ /gsal ba ni zad par ston pas slob dpon gyi dpe ma/ /byung med pa'i phyir ro/ /sna tshogs ni mi bzlos pa'i phyir ro/ /rigs pa ni tshang ma dang mi 'gal ba'i phyir ro/ /'go ba ni tshig dang yi ge grags pa'i phyir ro/ /zang zing med pa ni dad pa'i lhag par bya ba don du mi gnyer ba'i phyir ro/ /kun tu 'gro? ba ni theg pa gsum car la 'gro ba'i phyir ro/ /tshig phun sum tshogs pa'i tshigs su bcad pa/ rgyal sras tshigs ni mi zhan pa/ /snyan zhing legs bshad grags pa dang/ /ci rigs ba dang zang zing med/ /ran zhing de bzhin yangs pa yin/ /mi zhan pa ni grong khyer pa ste/ /'khor la khyab pa'i phyir ro/ /snyan pa ni snyan zhing 'jebs pa'o/ /legs par bshad pa ni rnam par gsal ba ste/ yi ge legs par nges par bshad pa'i phyir ro/ /grags pa ni rnam par rig par byed ba ste/ grags pa brjod pa'i phyir ro/ /ci rigs pa ni mnyan par 'os pa ste/ gdul ba dang mthun pa'i phyir ro/ /zang zing med pa ni brten pa med pa ste/ rnyed pa dang/ bkur ste dang/ tshigs su bcad pa la mi brten pa'i phyir ro/ /ran pa ni mi mthun pa med pa ste/ ran pa la mi skyo ba'i phyir ro/ /yangs pa ni gtugs pa med pa'o/ /yi ge phun sum tshogs pa la tshigs su bcad pa gnyis te/ bstan dang de bzhin bshad pa dang/ /theg dang mthun dang bde ba dang/ /grags pa dang ni ci rigs dang/ /nges par 'byung dang mthun ba'i phyir/ /bstan ba ni tshig dang yi ge rigs pa ste/ rigs pa dang mi 'gal ba'i phyir ro/ /bshad pa ni 'brel pa ste/ bstan pa dang mi 'gal ba'i? phyir ro/ /theg pa dang mthun bzhi mthun pa ste/ theg pa gsum char dang mi 'gal ba'i phyir ro/ /bde ba ni rung ba ste/ sgra nyam nga ba med pa'i phyir ro/ /grags pa ni 'byor pa ste/ don grags pa nyid kyis 'don pa'i phyir ro/ /ci rigs pa ni 'phrod pa ste/ gdul ba dang mthun pa'i phyir ro/ /nges bar 'byung ba ni 'tsham pa ste/ mya ngan las 'das pa'i ched kyi phyir ro/ /mthun pa ni 'grus skyong gi yan lag gi tshogs te/ slob pa'i 'phags pa'i lam dang mthun pa'i phyir ro/ /de mthor? sems dpa' mchog rnams kyi/ /ye ge phun tshogs yin zhes bya/ /bde gshegs gsung ni mdza' yas te/ /yan lag drug cu bsam mi khyab /yan lag drug cu bsam gyis mi khyab pa ni/ gsang ba pa'i bdag pos bstan pa las/ sangs rgyas kyi gsung rnam pa drug cu bstan pa/ zhi ba'i blo gros gzhan yang de bzhin gshegs pa'i gsung ni rnam pa drug bcu dang ldan par 'byung ste/ mnyen pa dang/ 'jam pa dang/ yid du 'ong ba dang/ yid du 'thad pa dang/ dag pa dang zhes bya ba la sogs pa rgyas par 'byung ba gang yin pa'o/ /de la mnyen pa ni sems can gyi khams kyi dge ba'i rtsa ba ston pa'i phyir ro/ /'jam pa ni mthong pa'i chos kho na la reg na bde ba'i phyir ro/ /yid du 'ong ba ni don bzang ba'i phyir ro/ /yid du 'tha'? ba ni yi ge bzang ba'i phyir ro/ /dag pa ni 'jig rten las 'das pa gang na med pa'i rjes la thob pa'i phyir ro/ /dri ma med pa ni nyon mongs pa'i bag la nyal ba dang/ bag chags thams cad dang bral ba'i phyir ro/ /gsal ba ni tshig dang yi ge rab tu grags pa'i phyir ro/ /snyan cing 'jebs pa ni mu stegs can blo gros ngan pa thams cad kyi lta ba 'joms pa'i stobs kyi yon tan dang ldan pa'i phyir ro/ /mnyam par ma 'os pa ni sgrub pas nges par 'byung ba'i phyir ro/ /mi tshugs pa ni phas kyi rgol ba thams cad kyis mi rdzi ba'i phyir ro// snyan ba ni dga' bar byed pa'i phyir ro/ /dul ba ni 'dod chags la sogs pa'i gnyen po yin pa'i phyir ro/ /mi rtsub pa ni bslab pa bca' ba'i thabs byed pa'i phyir ro/ /mi brlang ba ni de las 'das nas nges par 'byung ba'i thabs yang dag par ston pa'i phyir ro/ /rab tu dul ba ni theg pa gsum char gyis 'dul ba bston pa'i phyir ro/ /rnam snyan pa ni rnam par g.yeng pa'i gnyen po yin pa'i phyir ro/ /lus sim par byed pa ni ting nge 'dzin bskyed pa'i phyir ro/ /sems tshim par byed ba ni lhag mthong gis rab tu dga' ba bskyed pa'i phyir ro/ /snying dga' bar byed ba ni the tshom gcod par byed pa'i phyir ro/ /dga' ba dang bde ba ? bskyed pa ni lag par nges bar sel ba'i phyir ro/ /song su gdung ba med ba ni sgrub ba la 'gyod pa med pa'i phyir ro/ /kun tu shes par bya ba ni thos pa las byung ba'i shes pa phun sum tshogs pa'i rten yin pa'i phyir ro/ /rnam par rig par bya ba ni bsam pa las byung ba'i shes pa phun sum tshogs pa'i rten yin pa'i phyir ro/ /rnam par gsal ba ni slob dpon gyi dpe mkhyud med par chos bston pa'i phyir ro/ /dga' bar byed pa ni rang gi don rjes su thob pa rnams dga' bar bya ba yin pa'i phyir ro/ /mngon bar dga' bar byed ba ni rang gi don rjes su ma thob pa rnams kyis dga' bar bya ba yin pa'i phyir ro/ /kun shes par byed pa ni bsam gyis mi khyab pa'i chos yang dag par ston ba'i phyir ro/ /rnam par rig par byed ba ni bsam gyis mi khyab pa'i chos yang dag par ston pa'i phyir ro/ /rigs pa ni tshad ma dang mi 'gal ba'i phyir ro/ /'brel pa ni gdul ba la ji ltar rigs bar ston pa'i phyir ro/ /zlos pa'i skyon med pa ni don med pa ma yin pa'i phyir ro/ /seng ge'i sgra'i shugs ni mu stegs can gyi tshogs thams cad skrag bar byed pa'i phyir ro/ /glang po che'i sgra skad ni rgya che ba'i phyir ro/ /'brug gi sgra dbyangs ni brjid pa'i phyir ro/ /klu'i dbang po'i sgra ni gzung bar 'os pa'i phyir ro/ /dri za'i? glu dbyangs ni snyan pa'i phyir ro/ /ka la bid? ga'i sgra dbyangs ni rno ba dang 'jig pa'i phyir ro/ /tshangs ba'i sgra dbyangs bsgrags ba ni thag ring bo grags pa'i phyir ro/ /shang shung ti'u sgra dbyangs su grag pa ni grub pa thams cad kyi sngon du 'gro ba'i bkra shis yin pa'i phyir ro/ /lha'i dbang po'i sgra dbyangs ltar snyan pa ni mi 'da' bar bya ba yin pa'i phyir// rnga'i spra ni bdud dang phyir rgol ba thams cad las rnam par rgyal ba'i sngon du 'gro ba yin pa'i phyir ro/ /ma khengs pa ni bstod kyang kun nas nyon mongs pa med pa'i phyir ro/ /mi dma' ba ni smad kyang kun nas nyon mongs pa med? pa'i phyir ro/ /sgra thams cad kyi rjes su zhugs pa ni thams cad lung bstan pa'i mtshan nyid la rnam pa thams cad du rjes su zhugs ba'i phyir ro/ /tshigs zur chag pa med pa ni bsnyel te mi gsung ba'i phyir ro/ /ma tshang ba med pa ni gdul ba'i bya ba la dus thams cad du nye par gnas pa'i phyir ro/ /ma zhum pa ni rnyed pa dang bkur sti la mi bstan pa'i phyir ro/ /mi zhan pa ni bsnyengs pa dang bral ba'i phyir ro/ /rab tu dga' ba ni mi skyo ba'i phyir ro/ /khyab pa ni rig pa'i gnas thams cad la mkhas pa dang ldan pa'i phyir ro/ /tha ba dang bcas pa'i tshad ni sems can rnams kyi de dag gi don thams cad sgrub par byed pa'i phyir ro/ /rgyun chags pa ni rgyun ma 'chad pa'i phyir ro/ /'brel ba ni rnam pa sna tshogs su nye bar gnas pa'i phyir ro/ /sgra thams cad rdzogs par byed pa ni/ gsung gcig las sgra'i rnam par rig pa rnam pa du ma nye bar gnas pa'i phyir ro/ /dbang po thams cad tshim par byed pa ni gsung gcig las sgra'i rnam par rig pa rnam ba du ma nye bar gnas pa'i phyir ro/ /dbang po thams cad tshim par byed pa ni gcig las don du ma'i rnam par rig pa nye bar gnas pa'i phyir ro/ /ma rmad pa ni dam bcas pa ji lta ba bzhin pa'i phyir ro/ /mi 'gyur ba ni dus la bab pa rab tu sbyar ba'i phyir ro// ma btab pa ni rtab rtab por mi gsung ba'i phyir ro/ /'khor kun tu grag pa ni 'khor nye ba dang rigs pas mtshungs par thos pa'i phyir ro/ rnam pa thams cad kyi mchog dang ldan pa ni 'jig rten pa'i den? thams cad dpe'i chos su sgyur? ba'i phyir ro/ /ston pa'i che ba'i bdag nyid kyi tshigs su bcad pa bzhi ste/ dag tshig shin tu rigs pa dang/ /bstan dang rnam 'byed the tshom bcod/ /lan mang byed dang ldan pa ni/ /mgo smos rnam spros go rnams la/ /brjod pa ni dag gis so/ /'dogs pa ni chig shin tu rigs pa dag gis so/ /rab tu 'jog ba dang/ rnam par 'byed pa dang/ rnam par 'brel ba ni go rim bzhin du bstan pa dang/ rnam par 'byed pa dang/ the tshom gcod ba rnams kyis so/ /gsal bar byed ba ni bshad pa la nges pa'i stobs bskyed pa'i phyir lam mang du byed pa dang ldan par ston pa yin no/ /ston pa ni mgo smos pas go ba rnams la'o/ /yang dag par rab tu ston pa ni rnam par spros na go ba rnams la'o/ /sangs rgyas rnams kyi ston pa 'di/ /'khor gsum gyis ni dag pa ste/ /'di ni nyes pa brgyad dag dang/ /bral ba nyid du shes par bya/ /'khor gsum gyis dag pa zhes bya ba ni gang gis ston pa ste/ dag dang tshig dag dang ji ltar ston pa ste/ bstan pa la sogs pa'i rnam pa dang/ gang dag la ston pa ste/ mgo smos pa dang rnam par spros na go ba rnams kyis so/ /yang ston pa 'di nyid go rim bzhin du nyes pa brgyad dang bral bar rig par bya ste/ le lo dang ni mi 'go dang/ /skabs mi 'byed dang ma nges dang/ the tshom dag ni mi gcod dang/ /de dang bral ba brtan mi byed/ /nyes pa brgyad po de dag kyang le lo dang/ mi 'go ba dang/ go skabs mi 'byed pa dang/ don nges pa ma yin pa nyid dang/ the tshom mi gcod pa nyid dang/ de dang bral ba brtan por mi byed pa ste/ nges par zhes bya ba'i tshig go / skyo ba dang ni sir sna nyid/ /'di dag gtam gyis nyes par 'dod/ /de dag med phyir sangs rgyas kyi/ /bshad pa bla na med par 'gyur/ /skye ba dang ni gang gis yang dang yang du ston par mi byed pa'o/ /ser sna nyid ni zad bar yang dag par rab tu ston par mi byed pa'i phyir ro/ /don phun sum tshogs ba'i tshigs su bcad pa gnyis te/ dad dang dga' dang blo rnams kyi/ /rgyu phyir chos 'di dge ba yin/ /don rnam gnyis lan gzung smad dang/ /yon tan bzhi can tshangs spyod ston/ /gzhan dang thun mong ma yin ldan pa dang/ /khams gsum nyon mongs rnam spong rdzogs byed dang/ /ngo bo nyid dag dri ma dag pa ste/ /tshangs spyod yon tan bzhi ldan yin bar 'dod/ /yon tan bzhi can gyi tshangs bar spyod pa yang dag par rab tu ston pa'i chos ni go rim bzhin du thos ba dang/ bsam pa dang bsgoms pa dag gis dad pa dang/ dga' ba dang/ blo'i rgyu yin pa'i phyir thog ma dang/ bar dang tha mar dge ba yin no/ /de la dang ba ni mos ba dang yid ches pa'o/ /dga' ba ni rigs pas nges par brtags pa'i sgo nas thob pa nyid du nus bar rigs nas rab tu dga' ba'o/ /blo ni sems mnyam par bzhag pa'i yang dag par ji lta ba bzhin du shes pa'o/ /don rnam pa gnyis dang ldan pas de'i phyir don bzang po yin te/ kun rdzob dang don dam pa'i bden pa dang ldan pa'i phyir ro/ /gzung slabs de'i phyir tshig 'bru bzang po yin te/ tshig dang yi ge grags pa'i phyir ro/ /yon tan gzhi can gyi tshangs bar spyod pa la ma 'dres pa ni gzhan dag dang thun mong ma yin ba'i phyir ro/ / yongs su rdzogs pa ni khams gsum ba'i nyon mongs pa spong ba yongs su rdzogs pa'i phyir ro/ /yongs su dag pa ni ngo bo nyid kyis rnam par dag pa'i sgo nas zag ba med pa'i phyir ro/ /yongs su byang ba ni dri rnam bar dag ba'i sgo nas zag pa zad pa rnam kyi rgyud rnam par dag pa'i phyir ro/ /ldem por dgongs pa rnam par dbye ba'i tshigs su bcad pa gnyis te/ bzhugs pa ldem bor dgongs pa dang/ mtshan nyid ldem bor dgongs pa gzhan/ /gnyen po ldem por dgongs pa dang/ /bsgyur la ldem por dgongs pa ste/ /nyan thos dang ni ngo bo nyid/ /de bzhin nyes pa gdul ba dang/ /brjod pa zab pa nyid la ni/ /ldem bor dgongs pa rnam pa bzhi/ /sangs rgyas kyi bshad pa la ldem por dgongs pa rnam pa bzhir rig par bya ste/ gzhung pa la ldem por dgongs ba dang/ mtshan nyid la ldem por dgongs pa dang/ gnyen po la ldem por dgongs pa dang/ bsgyur ba la ldem por dgongs pa'o/ /de la gzhug pa la ldem por dgongs pa ni nyan thos rnams la blta bar bya ste/ bstan pa la 'jug par bya ba'i don du mi skrag par bya ba'i phyir gzugs la sogs pa yod pa nyid du bstan pa'i phyir ro/ /mtshan nyid la ldem por dgongs pa ni kun brtags pa la sogs pa'i ngo bo nyid gsum la blta bar bya ste/ chos thams cad ngo bo nyid med pa dang/ ma skyes pa la sogs par bstan pa'i phyir ro/ /gnyen po la ldem por dgongs pa ni nyes pa rnams gdul bar bya ba la blta bar bya ste/ ji skad du sgrib pa brgyad kyi gnyen por theg pa mchog phan yon dang bcas pa bshad pa'i zhar la tshigs su bcad pa gnyis 'chad par 'gyur ba lta bu'o/ /bsgyur ba la ldem por dgongs pa ni brjod pa zab mo la blta bar bya ste/ ji skad du snying po med la snying por shes/ /phyin ci log la logs par gnas/ /nyon mongs pas ni rab nyon mongs/ /byang chub dam pa 'thob par 'gyur/ zhes gsungs pa lta bu'o/ /de la dgongs pa ni 'di yin te/ /snying po med la snying por shes zhes bya ba ni gang dag gi blo rnam par g.yeng ba med pa la snying por 'dzin pa ste/ gtso bor sems pa zhes bya ba'i tha tshig go/ snying po ni sems kyi rnam par g.yeng ba'o/ /phyin ci log la legs par gnas zhes bya ba ni/ rtag pa dang/ bde ba dang/ gtsang ba dang/ bdag tu 'dzin pa las bzlog ste/ phyin ci log mi rtag pa la sogs pa la yongs su mi nyams pa'i sgo nas legs par gnas pa yin no/ /nyon mongs pas ni rab nyon mongs/ zhes bya ba ni/ yun ring por bka' ba sbyod pa'i ngal bas shin tu nyon mongs pa yin no/ /dgongs ba rnam bar dbye ba'i tshigs su bcad pa/ mnyam pa nyid dang don gzhan dang/ /de bzhin du ni dus gzhan dang/ /gang zag gis ni bsam ba la/ /dgongs pa rnam pa bzhir shes bya/ /dgongs pa rnam pa bzhi la mnyam pa nyid la dgongs pa ni/ 'di ltar nga nyid de'i tshe yang dag par rdzogs pa'i sangs rgyas rnam par gzigs su gyur to/ zhes gsungs pa lta bu ste/ chos kyi sku la khyad par med pa'i phyir ro/ /don gzhan la dgongs pa ni 'di ltar chos thams cad ni ngo bo nyid med pa ma skyes ba'o/ zhes bya ba la sogs pa gsungs pa lta bu ste/ don sgra ji bzhin ma yin pa'i phyir ro/ /dus gzhan la dgongs pa ni/ 'di ltar gang dag bde ba can du smon lam 'debs pa de dag der skye bar 'gyur ro/ zhes gsungs pa lta bu ste/ dus gzhan na snyam du dgongs pa yin no/ /gang zag gi bsam pa la dgongs pa ni/ 'di ltar dge ba'i rtsa ba de nyid kha cig la ni bsngags la chung dus chog shes pa kha cig la ni smad pa lta bu'o/ /theg pa chen po'i mdo shin tu rgyas pa bsdus pa las tshigs su bcad pa gnyis ngo phan yon dang bcas pa blangs te smras pa/ sangs rgyas chos la brnyas pa dang/ le lo cung zad chos 'dzin dang/ /nga rgyal 'dod chags spyod pa dang/ /'gyod dang ma nges ldog pa ni/ sems can rnams kyi sgrib pa ste/ de yi gnyen por theg pa chog gsungs/ /des de'i bar du gcod pa yi/ /nyes pa thams cad spong bar 'gyur/ /gang zhig tshig ga mngon sgo nas/ /tshig bcad gnyis 'dzin par sbyor ba/ /sems can blo ldan mchog de yis/ /yon tan rnam bcu thob 'gyur te/ /khams ni zad par rtas pa dang/ 'chi ba'i tshe na rab dga' mchog/ ji ltar 'dod par skye ba dang kun tu tshe rabs dran pa dang/ /sangs rgyas rnams dang phrad pa dang/ /de las theg mchog thos pa dang/ /mos pa blo dang bcas pa dang/ /sgo gnyis byang chub myur 'thob pa'o/ /sangs rgyas chos la brnyas pa dang/ zhes bya ba la sogs pa tshigs su bcad pa lnga ste/ de la ma nges pa ldog pa ni/ byang chub sems dpa' ma nges pa rnams theg pa chen po las ldog pa'o/ /theg pa mchog gsungs pa ni theg pa chen po bstan pa yin no/ /sangs rgyas la brnyas pa'i sgrib pa'i gnyen por gsungs pa ni 'di lta rang nyid de'i dus na yang dag par rdzogs pa'i sangs rgyas rnam par gzigs su gyur to/ zhes gsungs pa lta bu'o/ /chos la brnyas pa'i sgrib pa'i gnyen por gsungs pa ni/ gang gla'i klung gi bye ma 'di snyed dang mnyam pa'i sangs rgyas rnams la bsnyen bkur byas nas bzod theg pa chen po'i rtogs pa skye'o zhes bya ba lta bu'o/ /le lo'i sgrib pa'i gnyen por gsungs pa ni/ gang dag bde ba can du smon lam 'debs pa de dag der skye bar 'gyur ro/ zhes bya ba dang/ de bzhin gshegs pa zla 'od dri med kyi mtshan smos pa tsam gyis bla na med pa yang dag par rdzogs pa'i byang chub tu nges pa yin no/ zhes bya ba lta bu'o/ /cung zad tsam gyis chog par 'dzin pa'i sgrib pa'i gnyen por gsungs pa ni/ gang du bcom ldan 'das kyis la lar sbyin ba la sogs pa smad la gzhan du ni bsngags pa lta bu'o/ /'dod chags spyod pa'i sgrib pa'i gnyen por gsung ba ni/ gang du bcom ldan 'das kyis sangs rgyas kyi zhing gi 'byor pa bsngags pa lta bu'o/ /nga rgyal spyod pa'i sgrib pa'i gnyen por gsungs pa ni/ gang du bcom ldan 'das kyis sangs rgyas la la'i phun sum tshogs pa lhag par bsngags pa lta bu'o/ /'gyod pa'i sgrib pa'i gnyen por gsungs pa ni/ gang dag sangs rgyas dang byang chub sems dpa' rnams la gnod pa byed pa de dag thams cad ni mtho ris su 'gro bar 'gyur ro/ zhes bya ba lta bu'o/ /ma nges pa ldog pa'i sgrib pa'i gnyen por gsungs pa ni/ nyan thos chen bo rnams sangs rgyas nyid du lung bstan pa dang/ theg pa gcig tu bshad pa lta bu'o/ /khams zad par rtas pa ni/ theg pa chen po'i rten can gyi khams thams cad rtogs pa gang yin pa ste/ de'i sgrib pa dang bral ba'i sgo nas theg pa chen po thams cad la mos pa 'thob pa'i phyir ro/ /sgo gnyis ni ting nge 'dzin gyi sgo dang/ / gzungs kyi sgo'o/ /mthong ba'i chos la ni phan yon rnam pa gnyis so/ /tshe phyi ma la ni rnam pa brgyad de rim gyis gong nas gong du khyad par 'thob pa'i sgo nas rig par bya'o/ /ston pa'i phan yon gyis tshigs su bcad pa/ de ltar blo bzang skyo ba med ldan brtse ba can/ /snyan par rab grags chog bzang shes ldan pa yi/ /byang chub sems dpa' legs par smra ba yin pa ste/ /bshad pas skye bo'i nang na nyi ma bzhin du lham/ /rgyu lngas legs par smra ba nyid dang nyi ma bzhin du lham pa'i phan yon yin te/ 'jig rten 'dun par byed pa'i sgo nas ya mtshan du gyur pa'i phyir ro/ /sgyu lnga ni gang gis phyin ci ma log pa dang/ yang dang yang du dang/ zang zing med pa'i sems dang/ tshig bzung bar 'os pa dang/ gdul ba dang 'tsham par 'chad pa yin no/ /bshad pa'i skabs rdzogs so// //sgrub pa rnam par dbye ba la tshigs su bcad pa drug ste/ blo ldan gnyis la log nyid dang/ /yang dag nyid rnam spangs gsum gyis/ /gang zag dang ni chos dag la/ / bdag med rnam gnyis kun shes nas/ /ji skad du don kun shes shing chos kun shes nas chos dang mthun pa'i chos la zhugs pa yin/ mthun par zhugs pa yin/ mthun pa'i chos la spyod pa yin zhes 'byung ba de ston par byed/ de la gang zag dang chos la bdag med ba shes pa rnam pa gnyis ni gzung ba dang 'dzin pa med pa'i phyir ro/ /gnyis la log pa nyid dang yang dag pa nyid spangs pa gsum ni kun brtags pa'i ngo bo nyid med pa la stong pa nyid kyi ting nge 'dzin dang gzhan gyis dbang dang yongs su grub pa'i ngo bo nyid dag yod pa la smon pa med pa dang/ mtshan ma med pa dag go/ 'jig rten pa'i ting nge 'dzin gsum po 'di ni 'jig rten las 'das pa'i ye shes 'dren pI phyir log par nyid kyang ma yin la/ 'jig rten las 'das ba ma yin pa'i phyir yang dag pa nyid kyang ma yin no/ /don shes pas ni chos rnams kun/ /gzings dang 'dra ba nyid du rig/ /thos pas chog bar 'dzin spong bas nges na chos shes pa zhes brjod/ /de ltar don shes pa ni mdo la sogs pa'i chos thams cad gzings lta bu nyid du shes shing thos ba tsam gyis chog par 'dzin pa spong bar byed do/ des na chos shes pa yin no/ /so so'i skye bo'i shes pa yis/ /de bzhin du ni gnyis rtogs nas/ /shes pa de yongs rdzogs bya'i phyir/ /mthun pa'i chos na rab tu sgrub/ /so so'i skye bo'i don dang chos shes pa gnyis po des de bzhin du ji skad bshad pa'i bdag med pa gnyis rtogs nas/ shes pa de yongs su rdzogs par bya ba'i phyir sgrub par byed de/ de ltar na mthun pa'i chos la 'jug pa yin no de nas nges ni sa dang por/ /byang chub sems dpa' de'i bdag nyid/ /kun dang mnyam par 'jig rten las/ /'das pa'i ye shes bla med 'thob/ /de nas nges 'jig rten las 'das pa'i ye shes bla na med pa 'thob bo zhes bya ba ni theg pa ches khyad par du 'phags pa gzhan med pa'i phyir ro/ /sa dang po rab tu dga' ba la byang chub sems dpa' thams cad dang mnyam par ro/ /de'i bdag nyid ces bya ba ni de'i sa rnams dang po?/ /de ltar cha thun par zhugs pa yin te/ de'i sa pa'i byang chub sems dpa' dang mnyam pa nyid kyi phyir ro/ /mthong bas spang bya'i nyon mongs rnams/ /thams cad yang dag zad byas nas/ /shes bya'i sgrib pa spang bya'i phyir/ /sgom pa la ni rab tu sbyor/ /tshigs su bcad pa 'di'i don go bar zad do/ /rnam 'jog rnam par mi rtog pa'i/ /ye shes lhan cig sbyod pa yis/ /de bzhin sa ni lhag ma la/ /mthun pa yi ni chos spyod do/ /lhag mas ni mthun pa'i chos spyod pa nyid ston te/ rnam par 'jog ba dang/ rnam par mi rtog pa zhes bya ba ni sa rnam par 'jog pa'i ye shes dang/ /rnam pa ni rtog ba'o/ /lhan cig spyod pa yis zhes bya ba ni rjes su 'brel bar spyod pa ste/ phan tshun bar chad med pas so/ /sgrub pa la bag yod par bya ba'i tshigs su bcad pa bzhi ste/ blo ldan gang du sgrub pa'i yul/ /lags par rnyed dang gnas bzang dang/ /sa bzang ba dang grogs bzang dang/ /rnal 'byor bde ba'i yon tan ldan/ /mthun pa'i yul du gnas pa la sogs pa 'khor lo bzhis bag yod par bya ba ston te/ de la tshigs su bcad pa 'dis ni mthun pI yul du gnas ba ston te/ /legs bar rnyed ba ni chos gos dang bsod snyoms la sogs pa'i 'tsho ba'i yod byad rnams tshogs chung dus rnyed pa'i phyir ro/ /gnas bzang ba ni rkun po la sogs pa skye bo ngan pa dag mi gnas pa'i phyir ro/ /sa bzang ba ni nad med pa'i sa yin pa'i phyir ro/ /grogs bzang po ni grogs tshul khrims dang lta ba mthun pa'i phyir ro/ /rnal 'byor bde ba ni nyin par 'du 'ji nyung zhing ljan ljin nyung ba'i phyir dang/ mtshan mo sgra chung ba la sogs pa'i phyir ro// byang chub sems dpa' thos mang dang/ /bden mthong smra mkhas brtse ba can /skyo med skye ba dam pa ni/ /chen po yin par shes par bya/ /gnyis pa 'dis ni skyes bu dam ba nyid ston te/ lung dang rtogs pa dang/ tshig tu smra ba dang/ zang zing med pa'i sems dang/ snyoms las med pa nyid kyi yon tan ldan pa'i phyir ro/ /dmigs pa bzang dang stan ba bzang/ /thabs bzang ba dang nges 'byung dang/ /sbyor ba bzang po'i bdag nyid kyi/ /yang dag smon lam yin par bshad/ /gsum pa 'di ni bdag nyid ni yang dag pa'i smon lam tshul bzhin yid la byed pas bsdus pa ston te/ dam pa'i chos la dmigs pa dang/ tshogs bsags pa dang/ zhi gnas la sogs pa'i rgyu mtshan dus su sgom pa dang/ gong du bya ba yod pa ? cung zad tsam gyis chog bar mi 'dzin pa dang/ rtag tu dang gus par byas te sbyor ba'i phyir ro/ /dga' dang dal bar skye ba dang/ /nad med pa dang ting 'dzin dang/ /rnam par 'byed bar byed rgyu ni/ /sngon chang bsod nams byas pa nyid/ /bzhi pa 'dis ni rgyu rnam pa ldas sngon bsod nams byas pa nyid ston te/ dga' ba'i rgyu nyid ni gang gis na mi mthun pa'i yul du gnas na yang dga' ba ma yin no/ /ngal bar skye ba'i rgyu nyid ni/ /gang gis na skyes bu dam pa la brten pa 'thob pa yin no/ /nad med pa dang/ ting nge 'dzin dang/ shes rab kyi rgyu nyid ni/ gang gis na bdag nyid kyi yang dag pa'i smon lam 'grub pa yin na/ /nyon mongs pa kho nas nyon mongs pa las nges par 'byung pa'i tshigs su bcad pa gsum ste/ chos kyi dbyings ni ma gtogs pa/ /gang phyir chos med de yi phyir/ /sangs rgyas rnams kyis de dag las/ /nges 'byung chags sogs yin par dgongs/ /bcom ldan 'das kyis 'dod chags las ma gtogs bar 'dod chags las nges par 'byung bar nga mi smra ste/ zhes dang dang/ gti mug dag kyang de dang 'dra'o/ zhes gang gsungs pa de'i dgongs pa ston te/ gang gis phyir cho la nyid la ma gtogs pa'i chos med pas chos kyi dbyings la ma gtogs pa'i chos med pa de'i phyir 'dod chags la sogs pa'i chos nyid kyang 'dod chags la sogs pa'i ming 'thob la/ de yang 'dod chags la sogs pa las nges par 'byung ba yin bas de la dgongs pa ni de yin par rig par bya'o/ /chos kyi dbyings ni ma gtogs par/ /gang phyir chos med de yi phyir/ /kun nas nyon mongs bstan pa la/ /blo ldan dgongs pa de yin 'dod/ /mi rig pa dang/ byang chub ni gcig go/ zhes kun nas nyon mongs pa bstan pa der yang dgongs pa ni de kho na yin te/ ma rig pa dang byang chub kyi chos nyid la de dag nye bar brtags pa'i phyir ro/ /gang phyir chags sogs de nyid la/ / tshul bzhin 'jug pa de yi phyir/ /de las rnam grol 'gyur des na/ /de yis de dag las nges 'byung/ /'dod chags la sogs pa de dag kho na la tshul bzhin du 'jug na de dag las rnam par grol bar 'gyur ro/ /de lta bas na de dag yongs su sheS pa nyid de dag gi nges par 'byung ba yin pas 'di la dgong pa ni de yin no/ /nyan thos dang rang sangs rgyas kyi yid la byed pa yongs su spangs pa'i tshigs su bcad pa gnyis te/ sems can ched du dmyal ba'i srid par gnas pa yiS/ /sdug bsngal mi bzang cis kyang rgyal sras gnod byed min/ /zhi srid yon tan skyon gyis theg pa dman zhugs pa'i/ /rnam rtog dge ba sna tshogs blo ldan gnod byed yin/ /blo dang ldan pa dmyal bar gnas pa dus kun tu/ /byang chub dri med yangs pa'i bar du gcod byed min/ /theg pa gzhan la rab bsil rnam rtog bdag phan pa/ /rab tu bde bar gnas kyang bar du gcod par byed/ /tshigs su bcad pa 'di gnyis la gcig gi sgrub bar byed pa ni gnyis pa yin te/ gnyi ga'i don go bar zad do/ / ngo bo nyid med pa dang/ rang bzhin gyis rnam par dag pa la skrag pa dgag pa'i tshigs su bcad pa bzhi ste/ chos med pa dang dmigs pa dang/ /kun nas nyon mongs med rnam dag /sgyu ma la sogs 'dra ba dang/ /de bzhin nam mkha' 'drar shes bya/ /ji ltar tshul bzhin bris pa'i ri mo la/ /mthon dman med kyang snang ba de bzhin du/ /yang dag ma yin rtog la rnam kun tu/ /gnyis po rtag tu med kyang snang bar 'gyur/ /ji ltar chu ba rnyogs pa las dangs pa dang/ /dngos po nyid de de las skye min gyis/ /de ni de la dri ma bral bar zad/ /de bzhin rang sems dag la tshul de nyid/ /sems ni rtag tu rang bzhin 'od gsal 'dod/ /de ni glo bur nyes pas ma rung byas/ /chos nyid sems las gzhan pa sems las gzhan ni/ /'od gsal ma yin rang bzhin pa brjod do/ /chos med pa la yang yin par chos kyang dmigs so zhes bya ba ni/ byis pa rnams skrag pa'i gnas yin la/ chos kyi dbyings rang bzhin gyis kun nas nyon mongs pa yang med la/ phyis rnam par dag go zhes bya ba yang skrag pa'i gnas yin te/ de dag go rim bzhin du sgyu ma la sogs ba dang 'dra ba dang/ nam mkha' dang 'dra bar rab tu bsgrubs pas des mi skrag pa 'gog bar byed do/ /de bzhin du ri me'i mthon dman dang 'dra ba dang/ chu brnyogs pa las dangs pa dang 'dra par go rim bzhin no/ /tshigs su bcad pa bzhi pas ni/ sems chu dang 'dra bar sgrub ste/ ji ltar chu rang bzhin gyis dang pa laS glo bur gyi brnyogs pas brnyogs pa yin pa de bzhin du/ sems rang bzhin gyis 'od gsal bar 'dod pa las glo bur gyis nyes bsam rungs par bya'o/ / chos nyid kyi sems las ma gtogs pa sems gzhan te/ gzhan gyis dbang gi mtshan nyid ni/ /rang bzhin gyis 'od gsal ba nyid du mi brjod do/ /de lta bas na sems ni 'dir chos nyid kyi sems kho na yin par rig par bya'o/ /'dod chags laS skyes pa'i ltung ba dgag pa'i tshigs su bcad pa bzhi ste/ byang chub sems dpa' sems can la/ /bu gcig pa la bya ba bzhin/ /rkang gi khong nas byams pa che/ /de ltas rtag phan byed par 'dod/ /sems can rnams la phan byed phyir/ /de la chags skyes ltung mi 'gyur/ /'di yi zhe sdang rnam kun tu/ /sems can kun dang 'gal par 'gyur/ /ji ltar phug ron dang rang gi bu mchog byams/ /rang gi bu de nye bar 'khyud nas 'dug/ de 'dra ba la khong khro 'gal ba ltar/ /brtser bcas lus can bu pa 'ang de dang 'dra/ /gang phyir byams pa de phyir khong khro 'gal/ /gang phyir zhi ba de phyir gnod sems 'gal/ /gang phyir don byed de phyir sgyu sems 'gal/ /gang phyir sems byed de phyir 'jigs med 'gal/ /byang chub sems dpa' sems can rnaMs la byams pa gang yin pa de ni 'dod chags su dgongs te/ sems can la phan par byed pa'i rgyu yin pa'i phyir/ de dag la des byas ba'i ltung ba 'gog par byed do/ /phug ron dper brjod pa ni/ de 'dod chags mang ba'i phyir bu la byams pa yang shin tu cha ba'i phyir ro/ /byang chub sems dpa' brtse ba dang bcas pa ni/ sems can rnams la khong khro ba dgal lo/ /byang chub sems dpal rnams ni gang gi phyir byams pa la sogs pa dang ldan pas sems can rnams la byams pa dang/ gnod pa zhi ba dang/ don sgrub ba dang/ dga' ba bskyed bas sim par byed pa yin pa de'i phyir yang khong khro ba yang 'gal/ /de sngon du 'gro ba can gyis gnod pa'i sems la sogs yang 'gal lo/ /sgrub pa rab tu dbye ba'i tshigs su bcad pa lnga ste/ sman bzang bo la nad pa bzhin/ 'khor ba la ni 'jug par byed/ /nad pa la ni sman pa bzhin/ /sems can rnams la sgrub par byed/ /phran ma grub pa ji bzhin du/ /bdag nyid la ni sgrub par byang/ /zong la tshong pa ji bzhin du/ /'dod pa dag la sgrub par byed/ /gsal gtso blag mkhan bzhin du/ /las la rab tu sgrub par byed/ /bu gzhon ba la pha bzhin du/ sems can mi 'tshe sgrub par byed/ /me don gnyer pa gtsug shing ltar/ /rtag par rab tu sgrub par byed/ /yid brtan bzhin du lhag pa'i sems/ /ma rdzogs pa la sgrub par byed/ /sgyu ma mkhan ltar shes bya la/ /shes rab kyis ni sgrub par byed/ /de ni byang chub sems dpa' yi/ /ji ltar gang du sgrub par 'dod/ /ji ltar gang dang gang du sgrub pa de ston par byed de/ /ji ltar zhes bya ba ni sman bzang po la sogs pa la nad pa la sogs pa ltar ro/ /gang du zhes bya ba ni 'khor ba la sogs bar te/ so sor brtags nas 'khor ba bston ba'i phyir dang/ snying rjes sems can nyon mongs pa'i nang kyis theg pa yongs su mi gtong ba'i phyir dang/ rang gi sems legs par 'tshos pa'i phyir dang/ sbyin pa'i pha rol tu phyin pa la sogs pas go rim bzhin du longs spyod 'phel bar byed pa'i phyir dang/ lus la sogs pa'i las yongs su sbyong ba'i phyir dang sems can gnod par byed pa dag gis mi 'khrugs ba'i phyir dang/ dge ba'i chos sgom pa la bar chad med par brtson pa'i phyir dang/ ting nge 'dzin gyi ro myang bar mi byed pa'i phyir dang/ shes bya la phyin ci ma log pa'i phyir ro ro/ /sgrub pa'i 'khor gsum yongs su dag pa'i tshigs su bcad pa/ de ltar rtag tu brtson 'grus rgya chen ldan/ /gnyis yongs smin par bya ba la rab brtson de/ /rim gyis dri med mi rtog blo mchog gis/ /sgrub pa bla na med par rab tu 'gro/ chos la bdag med pa'i ye shes rnam par mi rtog bas bsgrub pa po dang/ bsgrub par bya ba dang/ bsgrub pa la mi rtog pa'i phyir 'khor gsum yongs su dag par rig par bya'o/ /gnyis yongs su smin bar bya ba rab brtson de zhes bya ba ni sems can rnams dang bdag nyid ngo bsgrub pa'i skabs rdzogs so/ / //gdams ngag rjes su bstan pa rnam par dbye ba'i tshigs su bcad pa lnga bcu rtsa gcig ste/ bskal pa grangs med nges 'byung zhing/ /mos pa rnam par 'phel byed pa/ ji ltar chu yis rgya mtsho bzhin/ /dge chos rnams kyis yang dag rdzogs/ /mos pa rnam par 'phel byed pa/ zhes bya ba ni chen po'i gnas skabs su phyin pI phyir ro/ /lhag ma ni don go bar zad do/ /de bzhin du ni tshogs bsags pa'i/ /rgyal sras gzod nas dag pa'o/ /legs par shes shing sems dge ba/ /bsgom pa la ni rab tu sbyor/ /bzod ma dag pa ni/ byang chub sems dpa' i sdom pa yongs su sbyangs pa'i phyir dang/ don phyin ci ma log par 'dzin pa'i sgo nas theg pa chen po la lta ba drang bor byas pa'i phyir ro/ /legs par shes pa ni thos pa mang ba'i phyir ro/ /sems dge ba ni sgrib pa dang bral ba'i phyir ro/ /de tshe chos kyi rgyun la ni/ /sangs rgyas rnams las zhi gnas dang/ /ye shes yangs pa thob bya'i phyir/ /gdams ngag rgya chen rnyed par 'gyur/ /tshigs su bcad pa 'di'i don go bar zad do/ /de nas dang po sdom brtson de/ /mdo yi sde la sogs pa'i chos/ /mi gnyis don ni rnam 'byed pa/ /mdo sogs ming la sems 'jog go/ de nas de ni rim bzhin du/ /tshig rab dbye las dpyod byed cing/ /so so'i nang na tshul bzhin du/ /de yi don yang rnam par dpyod/ /don de dag ni nges bzung nas/ /chos la kun nas sdom par byed/ de yi don ni shog bya'i phyir/ /de nas de ni smon par byed/ /dang por mdo'i sde dang/ dbyangs kyis brnyad pa'i sde la sogs pa'i chos la mdo la sogs pa'i mings bcu pa zhes bya ba la sogs de lta bu gang yin ba de la sems 'jog par byed do/ /tshigs su bcad pa gsum pa 'dis ni sems drug bstan te/ rtse ba'i sems yang/ rjes su dpyod pa'i sems dang/ rnam par dpyod pa'i sems dang/ nges par 'dzin pa'i sems dang/ sdom pa'i sems dang/ smon ba'i sems so/ /de la rtsa ba'i sems ni/ mdo sde la sogs pa'i chos rnams kyi ming la dmigs pa gang yin pa'o/ /rjes su dpyod pa'i sems ni/ gang gis mdo'i sde la sogs pa'i ming gi sgo nas dmigs pa rnams kyi tshig rab tu dbye ba'i rjes su 'gro ba'o/ /rnam par dpyod pa'i sems ni/ gang gis don dang yi ge dpyod bar byed pa'o/ /de la don ni rnam pa bzhis dpyod par byed de/ /'grang ba dang/ 'jal ba dang/ rtog pa dang/ so sor rtog pas so/ /de la 'grang ba ni grangs 'dzin pa ste/ dper na gzugs ni skye mched bcu dang/ gcig gi phyogs so/ /tshor ba ni tshor ba drug pa tshogs so/ zhes bya ba de lta bu la sogs ba'o/ /'jal ba ni grangs dang ldan pa'i chos kyi mtshan nyid la sgro 'dogs pa dang/ skur pa 'debs pa med par 'tsham par 'dzin pa'o/ /rtog pa ni tshad mas rtog pa'o/ /so so rtags pa ni bgrangs pa dang/ gzhal ba dang/ brtags pa'i don la blta pa'o/ /yi ge rnam pa gnyis kyis spyod par byed de/ yi ge tshogs pa rnam don dang bcas nyid dang/ /sil bu rnams don med pa nyid kyis so/ /nges par 'dzin pa'i sems ni gang gis ji ltar rjes su dpyad ba 'am/ rnam par dpyad pa de'i rgyu mtshan nges par 'dzin pa'o/ /sdom pa'i sems ni ji ltar rnam par dpyad pa'i don rtsa ba'i sems la bsdus te/ kun nas sdom pa'i rnam par 'byung ba'o/ /smon pa'i sems ni ting nge 'dzin gyi don tam/ de yongs su rdzogs par bya ba'i don tam/ dge sbyong gi tshul gyis 'bras bu'i don tam/ sa la 'jug pa'i don tam/ khyad par du 'gro ba'i don kyang rung/ gang gi don du rab tu btson pa de la 'dun pa dang lhan cig 'byung ba'o// 'di sems kho na dmigs par snang ba 'byung gi/ sems la ma gtogs pa'i dmigs ba ni med do/ /zhes sems tsam du shes kyang rung/ ma shes kyang rung ste/ dmigs pa ni sems yin te/ gzhan ma yin pas sems rnam pa drug po dmigs par rnam par bzhag go/ yid kyis brjod pa rgyun chags su/ /btsal bya so sor brtag bar bya/ /yid la byed pa brjod med pa/ /ro gcig pa kyang dpyad par bya/ /chos kyi ming ni bsdoms ra 'ang 'di/ /zhi gnas lam du shes par bya/ /lhag mthong lam ni de don rnams/ /rnam par dpyod par shes bar bya/ /zung du 'brel pa'i lam ni de/ /sdom pa yin par rnam shes bya/ /zhum pa'i sems ni rab gzung ste/ /rgod pa yang ni zhi bar bya/ /de nas dmigs pa de la ni/ /mnyam par gyur na btang snyoms bzhag / de la rtag tu bya ba dang/ /gus par byas te sbyar bar bya/ /tshigs su bcad pa bzhi po 'dis ni yid la byed pa bcu gcig bstan te/ /rtog pa dang bcas shing dpyod pa dang bcas pa dang/ rtog pa med pa la dpyod pa tsam dang/ rtog pa yang med dpyod pa yang med pa dang/ zhi gnas yid la byed pa dang/ lhag mthong yid la byed pa dang/ zung du 'brel ba yid la byed pa dang/ rab tu 'dzin pa'i rgyu mtshan yid la byed pa dang/ zhi gnas kyi rgyu mtshan yid la byed pa dang/ btang snyoms kyi rgyu mtshan yid la byed pa dang/ rtag tu sbyor ba'i yid la byad pa dang/ gus par yid la byed ba'o/ /dmigs pa la ni sems gtad nas/ /de rgyun rnam par g.yeng mi bya/ /rnam g.yeng myur du rtogs byas nas// de la slar ni bslan par bya/ /blo ldan gong nas gong du yang/ /sems ni nang du bsdu bar bya/ /de nas yon tan mthong ba'i phyir/ /ting nge 'dzin la sems gdul lo/ /rnam g.yeng nyes pa mthong ba'i phyir/ /de la mi dga' zhi bar bya/ /brnab sems yid mi bde la sogs/ /langs pa de bzhin zhi bar bya/ /de nas sdom brtson can gyis ni/ /sems la mngon par 'du byed bcas/ /rang gi ngang gis 'byung ba 'thob/ /de skom pa las 'du mi byed/ /tshigs su bcad pa bzhi po 'dis ni semS gnas ba rnam pa dgus gnas pa'i thabs bstan te/ rnam pa dgu ni/ sems 'jug par byed/ kun tu 'jog par byed/ nges par 'jog par byed/ /nye bar 'jog par byed/ 'dul bar byed/ zhi bar byed/ nye bar zhi bar byed/ /rgyud gcig tu byed/ mnyam par 'jog par byed/ ces bya ba yin no/ /de nas de yis lus dang sems/ /shin tu sbyangs pa che thobs nas/ /yid la byed dang bcas shes bya/ /de yiS de ni 'phel byas nas/ /'phel ba ring du 'gro ba yis/ /dngos gzhi'i gnas pa nges 'thob bo/ / mngon shes don du gnyer bas de/ /sbyangs na las su rung ba'i mchog /bsam gtan las 'thob mngon par shes/ /mngon par sgrubs pa'i sgo nas de/ /sangs rgyas dpag tu med pa la/ /mchod pa'i phyir dang mnyan pa'i phyir/ /'jig rten khams ni rnamS su 'gro/ 'dis ni sangs rgyas dpag med la/ /bskal dpag med par bsnyen bkur byas/ /de la bsnyen bkur byas pa'i phyir/ /sems ni las rung mchog tu 'gyur/ /bsam gtan las su rung ba mchog tu 'gyur ro/ /zhes bya bar sbyar ro/ /bskal pa dpag tu med par gyur pa zhes bya ba ni grangs med dpag tu med par gyur par ro/ /tshigs su bcad pa 'di rnams kyi lhag ma'i don go bar zad do/ /de nas de dag sngon rol tu/ /phan yon lnga ni 'thob 'gyur te/ des na rnam par dag pa'i snod bla na med pa nyis 'gyur 'di'i/ /lus las gnas ngan len pa kun/ /skad cig re re la zad 'gyur/ /lus dang sems ni kun tu yang/ /shin tu sbyangs pas gang bar 'gyur/ /chos rnams snang ba thams cad du/ /yongs su chad pa med rtogs 'gyur/ /yang dag pa yi rgyu mtshan ni/ /ma brtags pa dag rab tu mthong/ /de bzhin chos sku rab rdzogs dang/ /rnam par dag par bya ba'i phyir/ /blo dang ldan pas rnam kun tu/ /rtag tu rgyu yongs 'dzin par byed/ /de nas dag pa'i sngon rol tu phan yon lnga 'thob bar 'gyur te/ dag pa zhes bya ba ni lhag pa'i bsam pa dag pa'i sa'o/ /de dag thob pas ni rnam par dag pa'i snod nyid 'thob ste/ bla na med pa ni theg pa bla na med pa'i phyir ro/ /de bzhin chos sku rab rdzogS dang/ rnam par dag par bya ba'i phyir zhes bya ba ni/ byang chub sems dpa' sa bcu pa la ni yongs su rdzogs pa'o/ /sangs rgyas kyi sa la ni rnam par dag pa'o/ /phan yon lnga po 'di dag las/ /gsum ni zhi gnas kyi phyogs dang mthun pa yin la/ gnyis ni lhag mthong gi phyogs dang mthun pa yin par rig par bya ste/ 'di'i bar du ni 'jig rten pa'i yang dag par 'grub pa yin no/ /de nas de 'drar gyur pa yi/ /byang chub sems dpa' mnyam bzhag pas/ /yid kyi brjod pa ma gtogs bar/ /don kun rab tu mi mthong ngo/ /chos kyi snang ba 'phel bya'i phyir/ /brtson 'grus bstan pa kun tu brtsom/ /chos kyi snang ba 'phel nas ni/ /sems tsam bzhi gnas par 'gyur/ /de nas don kun snang ba ni/ /sems su rab tu snang bar 'gyur/ /de tshe de yi gzung ba yi/ /rnam par g.yeng ba spang sa par 'gyur/ /de nas de la 'dzin pa yi/ /rnam par g.yeng ba 'ba' zhig lus/ /de tshe bar chad med ba yi/ /ting nge 'dzin la myur du rig /de'i 'og tu nges par 'byed pa'i cha dang mthun pa rnams te/ nam zhig byang chub sems dpa' de lta bu sems mnyam par bzhag pas yid kyi brjod pa la ma gtogs pa thams cad ma mthong gi /'di'i yid kyi brjod pa kho na rang gi mtshan nyid dang/ spyi'i mtshan nyid du snang bar mthong ba ni/ /de ni 'di'i dro bar gyur pa'i gnas skabs yin te/ gang gi dbang du mdzad nas chu bo tshwa? sgo can gyi mdo las/ snang ba zhes bya ba 'di ni chos la nges bar rtog pa'i bzod pa'i tshig bla dags so/ /zhes gsungs pa ni snang ba 'di yin no/ /de chos kyi snang ba nyid kyi spel ba'i phyir mi gnas pa'i byed pas brtson 'grus brtan po rtsom par byed pa de mi 'di'i rtse mo'i gnas skabs yin no/ /chos kyi snang ba 'phel nas sems la gnas te/ 'di ni sems kho nar zad do/ zhes bya bar rdzogs pa'i phyir ro/ /de nas don du snang ba thams cad ni sems kho nar zad kyi/ don sems las gzhan pa ni ma yin no/ /zhes bya bar mthong ste/ de'i tshe na 'di'i gzung ba'i rnam par g.yeng ba spangs la 'dzin pa'i rnam par g.yeng ba 'ba' zhig lus so/ /de ni 'di'i bzod ba'i gnas skabs yin no/ /de'i tshe bar chad med pa'i ting nge 'dzin la yang myur du reg par 'gyur te/ de ni 'di'i 'jig rten ba'i chos kyi mchog gi gnas skabs yin no/ /ci'i phyir de 'di'i bar chad med pa zhes bya zhe na/ 'di ltar de yi mjug thogs su/ /'dzin pa'i rnam par g.yeng ba spong/ /'di dag go rim bzhin du ni/ /dro bar gyur ba yin zhes bya/ /de ltar na 'di dag ni nges par 'byed ba'i cha dang mthun par dro bar gyur ba la sogs pa yin no/ /de nas des ni 'jig rten laS/ /'das ba'i ye shes bla med pas/ /rnam par mi rtog dri ma med/ /'dzin pa gnyis dang bral ba 'thob/ /de yan chad ni mthong ba'i lam gyi skabs yin te/ bla na med pa ni ye shes bla na med pas so/ /rnam par mi rtog pa ni/ gzung ba dang 'dzin pa'i rnam par rtog pa dang bral ba'i phyir ro /dri ma med pa ni mthong bas spangs bar bya ba'i nyon mongs pa spangs pa'i phyir te/ 'dis ni rdul dang bral ba dang/ dri ma dang bral ba zhes bshad ba yin no/ /'dzin pa gnyis dang bral ba ni gzung ba dang 'dzin pa dang bral ba'i phyir ro/ /de 'di'i gnas yongs gyur ba ste/ /sa? ni dang po yin par 'dod/ /'di'i de bskal ba dpag med kyis/ /shin tu rnam par dag par 'gyur/ /tshigs su bcad pa'i de'i don go bar zad do/ /chos kyi dbyings ni mnyam pa nyid/ /rab tu rtogs nas de yi tshe/ /rtag tu sems can thams cad la/ /bdag dang mtshungs pa'i sems 'thob ste/ /sems can rnams la bdag med dang/ /sdug bsngal dang ni don bya dang/ /lan mi re la 'di sems snyoms/ /rgyal sras gzhan dang 'dra ba yin/ /chos la bdag med pas mnyam pa nyid rtogs nas mtshungs pa nyid rnam pa lngas rtag tu sems can thams cad la bdag dang mtshungs pa'i sems nyid 'thob ste/ bdag med pa'i mtshungs pa nyid dang/ sdug bsngal mtshungs pa nyid kyis ni rang bzhin gyi rgyud dag la bdag med pa dang/ sdug bsngal dag khyad par med ba'i phyir ro/ /bya ba mtshungs pa nyid kyis ni rang dang gzhan gyi sdug bsngal spangs par bya dgos bar mtshungs pa'i phyir ro/ /lan mi re ba mtshungs pa nyid kyis ni bdag nyid las bzhin du gzhan las lan mngon par mi 'dod pa'i phyir ro/ /de las gzhan pa'i byang chub sems dpa' dang mtshungs pa nyid kyis ni/ ji ltar de dag gi mngon par rtogs pa de bzhin du mngon par rtogs pa'i phyir ro/ /des ni khams gsum 'dus byas rnams/ /yang dag ma yin kun rtog par/ /ye shes shin tu rnam dag pa/ /gnyis su med pa'i don gyis mthong/ /des ni khams gsum pa'i 'dus byas rnams yang dag pa ma yin pa'i kun tu rtog pa tsam du mthong ste/ ye shes shin tu rnam par dag pa ni 'jig rten las 'das pa'i phyir ro/ /gnyis su med pa'i don gyis zhes bya ba ni gzung ba med pa dang/ 'dzin pa med pa'i don gyis so/ /de dag med pa'i ngo bo ni/ /mthong ba'i spang bya rnams las grol de nas de tshe mthong ba'i lam/ /thob pa zhes ni nges par brjod/ /gzung ba dang 'dzin pa med pa de'i ngo bo chos kyi dbyings mthong bas/ spang bar bya ba'i nyon mongs pa rnams las rnam par grol bar mthong ngo/ /med pa'i stong pa nyid shes shing// de bzhin yod pa'i stong nyid dang/ rang bzhin stong pa nyid shes pas/ /stong pa shes pa zhes brjod do/ /byang chub sems dpa' de ni stong pa nyid rnam pa gsum shes pa'i phyir stong pa zhes bya'o/ /med pa'i stong pa nyid ni kun brtags pa'i ngo bo nyid de/ rang gi mtshan nyid kyis med pa'i phyir ro/ /de bzhin du yod pa'i stong pa nyid ni gzhan gyis dbang ste/ de ni ji ltar brtags pa de ltar med kyi/ /rang gi mtshan nyid kyis ni yod do/ /rang bzhin gyis stong pa nyid ni yongs su grub pa'i ngo bo nyid de/ /stong pa nyid kyi ngo bo nyid yin pa'i phyir ro/ /mtshan med gzhi ni rnam rtogs rnams/ /yang dag zad pa yin zhes bya/ /smon pa med par gyur pa de/ yang dag ma yin kun rtog go /mtshan ma med pa'i gzhi ni rnam par rtog pa rnams yang dag par zad pa yin la/ smon pa med pa'i gzhi dmigs pa de ni yang dag pa ma yin pa'i kun tu rtog pa dmigs pa yin par shes par bya'o/ /rgyal sras byang chub phyogs mthun pa/ /rnam pa sna tshogs thams cad ni/ rtag tu mthong pa'i lam de dang/ lhan cig tu ni thob par 'dod/ /byang chub sems dpa' i byang chub kyi phyogs dang mthun pa'i chos dran pa nye bar bzhag pa la sogs pa sna tshogs thams cad mthong ba'i lam de dang lhan cig 'thob par rig par bya'o/ /gang zhig blo yis 'gro ba 'dus byas tsam/ /bdag med sdug bsngal rgyas pa tsam shes te/ don med rang bzhin bdag lta rnam spangs nas/ /bdag nyid che lta don chen rnyed pa gang/ /'di na bdag lta med pa bdag tu lta/ sdug bsngal med par shin tu sdug bsngal 'gyur/ /rang la phan byas bdag la ji lta bar/ /don kun byed la lan kyang re ba mang/ /gang zhig grol ba mchog gis sems grol la/ /'ching ba mi bzad yang ring pos bcings// sdug bsngal mthar thug pa ni ma mthong yang/ /rab tu sbyor ba nyid dang byed pa nyid/ /'di na 'jig rten tshe gcig rang sdug bkur mi nus/ /'jig rten gnas pa srid du gzhan sdug bsngal/ /bsdoms pa smos ci dgos te bsam du med/ /byang chub sems dpa' de las bzlog pa yin/ /rgyal sras sems can rnams la dga' ba dang/ /byams pa gang yin sbyor dang mi skyo gang/ /de ni srid ba dag na ngo mtshar che/ /sems can bdag dang mtshungs phyir de lta'ang min// tshigs su bcad pa lnga po 'di dag gis ni byang chub sems dpa' mthong ba'i lam thob pa'i che ba'i bdag nyid brjod de/ /don med pa'i rang bzhin gyi bdag tu lta ba ni 'jig tshogs la lta ba nyon mongs pa can gang yin pa'o/ /bdag nyid chen po'i lta ba don chen po ni sems can thams cad la bdag dang mnyam pa'i sems rnyed pa'i phyir/ bdag tu lta ba gang yin pa ste/ de ni don thams cad byed pa'i rgyu yin pa'i phyir don chen po yin no/ /don med ba'i rang bzhin gyi bdag tu lta ba med par bdag tu lta ba ni don chen po gang yin ba'o/ /rang gi rgyu las skyes pa'i sdug bsngal med par yang sems can thams cad kyi rgyud las skyes pas shin tu sdug bsngal bar gyur pa'o/ /grol ba mchog ni theg pa bla na med pas sems ma mthong ba'i lam gyis spang bar bya ba rnams las grol ba/ sems can thams cad kyi rgyud las byung ba'i 'ching ba mi bzad pa yun ring pas kyang bcings pa'o/ /sems can gyi khams nam mkha' bzhin du mdza' yas pa'i phyir/ sdug bsngal gyi mthar thug pa ma mthong yang sems can rnams kyi sdug bsngal mthar bya ba'i phyir rab tu yang sbyor la/ sems can tshad med pa'i don byed pa nyid do/ /byang chub sems dpa' de las bzlog pa yin no/ /de ni 'jig rten gnas? pa ji srid bar sems can thams cad gyi sdug bsngal bsdoms pa bkur bar nus so/ /byang chub sems dpa' sems can rnams la dga' ba gang yin pa dang/ phan pa dang bde bar 'dod pa gang yin pa dang/ de'i don du sbyor ba gang yin pa dang/ der sbyor ba la mi skyo ba gang yin pa de thams cad ni 'jig rten na shin tu ngo mtshar yang che la/ /sems can thams cad bdag dang mtshungs pa'i phyir ngo mtshar yang mi che'o/ /de nas de ni lhag pa yi/ /sa rnams sgom pa'i lam 'di la/ /ye shes rnam pa gnyis bo dag/ sgom phyir rab tu sbyor bar byed/ /rnam par mi rtog ye shes de/ /sangs rgyas chos ni sbyong bar byed/ /gzhan ni ji bzhin rnam 'jog pa/ /sems can rnams ni yongs smin byed/ /grangs med gnyis ni rdzogs pa yis/ /bsgom pa yin tshar phyin te/ /sgom pa tham thob nas ni/ /byang chub sems dpa' dbang bskur ba/ /rdo rje lta bu'i ting nge 'dzin/ /rtog pas mi shegs thob nas ni/ /gnas gzhan gyur pa mthar thug pa/ /sgrib pa kun gyis dri med dang/ /gang la gnas nas sems can kun/ /? phyir rab tu sgrub byed pa/ /rnam pa thams cad mkhyen pa yi/ /go 'phang bla na med pa 'thob/ /'di dag gis ni sgom pa'i lam bsten te/ ye shes rnam pa gnyis la rnam par mi rtog pa ni gang gis na bdag nyid kyi sangs rgyas kyi chos rnam par sbyong rab byed ba yin no/ /ji lta ba bzhin du rnam par 'jog pa ni/ 'jig rten las 'das pa'i rjes las thob pa 'jig rten pa ste/ gang gis na sems can yongs su smin par byed pa yin no/ /grangs med pa gnyis kyi sgom pa'i tha ma mjug tu phyin pa thob nas dbang bskur ba'i byang chub sems dpa' ni rnam par rtog pI bag la nyal gyis mi shigs pa'i don gyis rdo rje lta bu'i ting nge 'dzin 'thob bo/ /de'i 'og tu gnas gzhan du gyur pa'i mthar phyin pa dang/ gang la gnas nas 'khor ba'i srid par mngon par rdzogs par byang chub pa dang/ yongs su mya ngan las 'das pa yang dag par ston pa la sogs pas sems can rnams la phan pa rab tu sgrub par byed pa thams cad mkhyen pa nyid kyi go 'phang bla na med pa nyon mongs pa dang/ shes bya'i sgrib pa thams cad kyi dri ma med pa 'thob bo/ /de ltar mthong dka' i thub pa rtag mthong ba/ /thos pa mnyam med las byung rab dang ba'i/ /shugs kyis rtag par shin tu sems tshim pa/ /ji lta bur ni don chen 'gyur ma yin/ /chos kyi sgo la rnam par gnas pa la/ /de bzhin gshegs rtag mngon sum 'goms mdzad cing/ /co nas 'dren bzhin nyes pa tshang tshing? nas/ /tshan gyis drangs te byang chub la 'god do/ /sangs rgyas rnams ni rtag tu rang don yang dag sbyor la legs par bsngags pa dang/ /log bar sbyor la smod mdzad gnas dang rnam 'byed lhur len mchog gi sems can la/ /gang zhig spangs dang bsten pas bde gshegs bstan pa 'di la rnal 'byor yongs 'gyur ba/ /bar chad mthun pa'i chos ni rnam pa thams cad rgyal rnams tshul bzhin 'di na ston/ /tshigs su bcad pa gsum po 'di dag gis ni gdams ngag gi che ba nyid ston te/ gang gi chos kyi sgo'i rgyun la gdams ngag 'thob pa des ni rtag tu sangs rgyas mthong bar 'gyur ro/ /des na gang gis na shin tu dang ba'i shugs kyis sems tshim par byas pa 'di sangs rgyas rnams rtag tu mthong ba de don chen por 'gyur ba mtshungs pa med pa'i chos thos so/ /lhag ma ni don go bar zad do/ /rjes su bstan pa rnam pa bzhi ni tshigs su bcad pa gcig gis ston te/ lhag pa'i tshul khrims kyi dbang du mdzad nas/ byang chub sems dpa' rang gis don las yang dag par sbyor ba la bsngags pa mdzad pa dang/ logs par sbyor ba la smod pa mdzad pa dang/ ltag pa'i sems dang/ lhag pa'i shes rab kyi dbang du mdzad nas gnas pa dang/ rnam par 'byed ba lhur len pa la de dag gi bar du gcod pa dang/ de dag dang mthun ba'i chos rnam pa thams cad ston pa'o/ /gang zhig spangs pa dang bstan pas zhes bya ba ni bar du gcod ba dang mthun pa ste go rim bzhin no/ /rnal 'byor zhes bya ba ni zhi gnas dang/ lhag mthong sgom pa'o/ /de ni mthong ba rab dag mi rtog byang chub kyis/ /'jig rten thams cad zil mnan mun pa chen po yang/ /rnam pa kun tu bsal nas nyi ma chen po dag/ shar ba bzhin du 'gro ba rnams la lam me'o/ /de ltar rtag tu dge ba bsags pas rab gang zhing/ /thub ba las ni rtag tu gdams dag che thob pa'i/ /sems dpa' mchog ni sems kyi ting nge 'dzin rab yangs pa/ /thob nas yon tan rgya mtsho'i pha rol 'gro bar 'gyur/ /tshigs su bcad pa 'di dag gi don go bar zad do/ /gdams dag rjes su bstan pa'i skabs rdzogs so// //sdom ni/ mos pa med ba nyid dang ni/ /chos tshel dang bshad pa dang/ de bzhin sgrub dang yang dag pa'i// gdams ngag rjes su bstan pa yin/ /mjug sdud pa'i tshigs su bcad pa ste/ don go bar zad do/ /thabs dang ldan ba'i las rnam par dbye ba'i tshigs su bcad pa bzhi ste/ ji ltar nags tshal dang ni lus can ri bo dang/ /chu bo rnams kyi rten ni kun nas sa yin pa/ /de bzhin mkhas pa rnams kyi las rnams gsum po yang/ /kun nas sbyin pa la sogs dge ba'i yin par brjod/ /tshigs su bcad pa 'dis ni kun nas slong ba'i thabs bstan te/ sbyin pa la sogs ba'i dge ba pha rol tu phyin pa dang/ byang chub kyi phyogs dang mthun pa la sogs pa rnam pa thams cad ni las gsum gyis kun nas bslang ba'i phyir ro/ /mkhas par? rnams kyi zhes bya ba ni byang chub sems dpa' rnams kyi'o/ /nags tshal la sogs pa smos pa ni nye bar spyad par bya ba dang/ nye bar spyod pa po dang/ bstan pa dang/ mi bstan pa'i dngos po nges par bstan pa'i phyir ro/ /shin tu dka' ba'i ngo bo sna tshogs pa/ /bskal pa mang ngos tshar phyin mngon brtson bdag nyid can/ /rgyal sras rnaM ni lus dang ngag sems rang bzhin gyis/ /las rnams dag gis 'di na yid 'byung 'gyur ba med/ /ji ltar bdag la phan 'dod dug dang mtshon dang ni/ /gnam lcags lce dang dgra las rang gi lus zlog pa/ /de bzhin rgyal sras theg pa dman pa rnam gnyis las/ /las rnams gsum gyis bdag nyid zlog par byed pa yin/ /tshigs su bcad pa 'di gnyis kyis ni ldang ba'i thabs ston te/ theg pa chen po la skyo ba dang/ theg pa gzhan du ltung ba las slong ba'i phyir go rim bzhin no/ /yid 'byung ba ni skyo ba zhes bya ba'i tha tshig go /theg pa dman pa dang ldan pa'i las ni theg pa dman par sems yongs su bsngo ba'i phyir dang/ theg pa chen po la dge ba'i rtsa ba gtsang? pa'i phyir dang/ dge ba ma skyes mi bskyed cing dge ba'i lo tog skyes pa 'joms pa'i phyir dang/ sangs rgyas nyid phun sum tshogs pa thob ba'i gegs su gyur ba'i phyir dug la sogs pa dang chos mthun pa yin no/ /rtag tu rnam par mi rtog las can las min zhing las kyi bya ba dang rnam gsum la mi lta ste/ des na 'dis ni de thabs yang dag bzung ba'i phyir/ /las rnams dag pa mdza' yas de yi pha rol 'gro/ tshigs su bcad pa bzhi pa 'dis ni 'khor gsum yongs su dag pa'i sgo nas lus? rnaM par gang? pa'i thabs ston te/ byed pa po dang/ las dang bya ba rnamS ni dmigs pa'i phyir ro/ /mdza' yas pa zhas bya ba ni mi zad pa'i phyir ro/ /thabs dang ldan ba'i las kyi mdzad pa rdzogs so// //pha rol tu phyin pa rab tu dbye ba'i bsdu bI sdom mi grangs dang de yi mtshan nyid go rim dang/ /nges pa'i tshig dang goms bya yon tan dang/ /de dag rab dbye bsdu dang mi mthun phyogs/ /yon tan phan tshun rnam nges yin zhes bya/ /grangs rnam par dbye ba'i tshigs su bcad pa drug ste/ re zhig longs spyod dang lus phun sum tshogs pa dang/ 'khor brtsom phun sum tshogs pa mngon mtho dang/ /rtag tu nyon mongs dbang nyid mi 'gro dang/ /bya ba rnams la phyin ci ma log pa'o/ /zhes bya ba ni dang po'o/ /de la pha rol tu phyin pa bzhis ni mngon par mtho ba rnam pa bzhi ste/ sbyin pas ni longs spyod phun suM tshoD pa'o/ /tshul khrims kyis ni lus phun sum tshogs pa'o/ /bzod paS ni 'khor phun suM tshoD pa ste/ 'di ltar de bsnyen pas tshe phyi ma la skye bo mang po dga' bar 'gyur ro/ /brtson 'grus kyis ni brtsom pa phun sum tshoD pa ste/ las kyi mdza' thams cad 'grub pa'i phyir ro/ /lnga pa pa ni nyon mongs pa'i dbang du mi 'gro ba nyid do/ bsam gtan gyis ni nyon mongs pa rnam par gnon pa'i phyir ro/ /drug pas ni bya ba rnams la phyin ci ma log pa ste/ bya ba thams cad yang dag pa ji lta ba bzhin du rab tu shes pa'i phyir ro/ /de ltar na mngon par mtho ba dang/ de la yang kun nas nyon mongs pa med pa dang/ bya ba la phyin ci ma log pa dang/ rtsom pa'i dbang du byas nas pha rol tu phyin pa drug rnam par bzhag go?/ sems can? don la rab brtson pa/ /gtong dang mi gnod bzod pas byed/ /gnas dang grol ba bzhir bcas pas/ /rang don rnam pa thams cad spyod/ /ces bya ba ni gnyis pa ste/ byang chub sems dpa' sems can gyis don rnams la yang dag par rab? tu brtson? pa pha rol tu phyin pa gsum po sbyin pa dang/ tshul khrims dang bzod pa dag gis go rim bzhin du gtong ba dang mi gnod pa dang gnod pa byed pa bzod pas sems can gyi don byed do/ /gsum gyis ni sems gnas pa dang rnam par grol ba bzhi dang bcas pas rang gi don rnam pa thams cad bcas/ brtson 'grus la brten nas/ go rim bzhin du bsam gtan dang/ shes rab dag gis sems mnyaM par ma bzhag pa mnyam par bzhag par 'jog pa'i phyir dang/ mnyam par bzhag ba rnam par grol ba'i phyir ro/ /de ltar na gzhan gyis don dang/ rang gi don las brtsams te pha rol tu phyin pa drug go/ mi phongs pa dang rnam par mi 'chod dang/ rnam 'tshe? bzod dang bya bas mi skye dang/ /dga' byed legs par brjod pa de yi phyir/ /gzhan gyi don ni rang gi don yin no/ /zhes bya ba ni gsum pa yin te/ byang chub sems dpa' i gzhan gyi don mdza' dag ni sbyin pa la sogs pas go rim bzhin du gzhan dag la yo byad kyis mi phongs pa dang/ rnam par mi 'tshe ba dang/ rnam par 'tshe ba bzod pa dang/ grogs byas la skyo ba med pa dang/ rdzu 'phrul la sogs pa'i ma thus 'ga' bar byed pa dang/ the tshom gcod pa'i sgo nas legs par brjod pa dag gis 'gyur ro/ /de'i phyir na gnas kyi don ni byang chub sems dpa' rang gi don du 'gyur te/ gzhan gyi don ni rang gi don yin pa'i phyir dang/ byang chub chen po 'thob pa'i phyir ro/ /de ltar na rang dang gzhan gyi don mdza' dag gi skabs kyi pha rol tu phyin pa drug go / longs spyod mngon par mi dga' dang/ /rab gus gnyis la mi skyo dang/ /rnal 'byor rnam par mi rtog pa/ /theg chen mdza' dag 'dir zad do/ /zhes bya ba ni bzhi pa ste/ sbyin pas ni byang chub sems dpa' longs spyod rnams la mi lta ba'i phyir mngon par mi dga' o/ /tshul khrims yang dag par blangs bas ni byang chub sems dpa' bslab pa dag la shin tu gus pa nyid do/ /bzod pa dang/ brtson 'grus kyis ni go rim bzhin du sems can dang sems can ma yin pas byas pa'i sdug bsngal dang/ dge ba rab tu sbyor ba dang gnyis la skyo ba med do/ /bsam gtan dang shes rab dag gis ni zhi gnas dang lhag mthong mi bsdus pa'i rnal 'byor rnam par mi rtog pa ste/ theg pa chen po mdza' dag 'di tsam du zad do/ /de'i phyir theg pa chen po kun bsdus pa'i dbang du byas nas pha rol tu phyin pa drug go/ yul rnams la ni ma chags lam/ /de thob rnam g.yer? sdom pa'i lam/ /sems can mi btang 'phel ba dang/ /sgrib pa rnam par sbyong pa'i gzhan? zhes bya ba na lnga pa'o/ /de la sbyin pa ni yul rnams ni chags pa'i lam yin te/ gtong ba la goms pas de la chags pa dang bral ba'i phyir ro/ /tshul khrims ni de thob pa'i rnam par g.yeng ba dag yang dag par sdom pa rnams kyi lam yi ta/ dge slong gi sdom pa la gnas pa la yul thob par bya ba'i phyir/ las kyi mdza' i rnam par g.yeng ba thams cad mi 'byung ba'i phyir ro/ /bzod pa ni sems can mi gtong ba'i lam ste/ gnod pa byed pa thams cad kyi sdug bsngal gyis yid mi 'byung ba'i phyir ro/ /brtson 'grus ni dge ba 'phel ba'i lam ste/ brtson 'grus brtsams pa la de 'phel bar 'gyur ba'i phyir ro/ /bsam gtan dang shes rab ni/ sgrib pa rnam par sbyong ba dag gi lam yin te/ de gnyis kyis nyon mongs pa dang shes bya'i sgrib pa rnam par sbyor ba'i phyir ro/ /lam zhes bya ba ni thabs te/ de ltar na lam gyi rnam pa thams cad kyi dbang du byas nas pha rol tu phyin pa drug go/ bslab gsum dbang du mdzad nas ni/ /rgyal bas pha rol phyin pa drug/ yang dag bshad de dang po gsum/ /tha ma gnyis kyis rnam pa gnyis/ /gcig ni gsum char la yang gtogs/ /zhes bya ba ni drug pa'o/ /de la lhag pa'i tshul khrims kyi bslab pa ni pha rol tu phyin pa dang po gsum ste/ tshogs dang bcas pa dang 'khor dang bcas pa gzung ba'i phyir ro/ /sbyin pas longs spyod la mi lta na tshul khrims yang dag par len to/ /yang dag par blangs pa ni bzod pas bshe ba la slar mi gshe ba la sogs pas srung ngo/ /rnam pa gnyis zhes bya ba ni/ lag pa'i seMs dang/ lhag pa'i shes rab kyi bslab pa'o/ /de ni tha ma gnyis kyis bsdus te/ bsam gtan dang/ shes rab dang go rim bzhin no/ /gcig pu gtson 'grus kyi pha rol tu phyin pa ni bslab pa gsum char du yang gtogs te/ brtson 'grus ni thams cad kyi grogs su gyur pI phyir ro/ /mtshan nyid rnam par dbye ba'i tshigs su bcad pa drug ste/ sbyin pa mi mthun phyogs nyams dang/ rnam par mi rtog ye shes ldan/ /'dod pa thams cad yongs rdzogs byed/ /sems can rnam smin byed rnam gsum/ /byang chub seMs rnams kyi sbyin pa'i mtshan nyid ni rnam pa bzhi ste/ ser sna spangs pa'i phyir mi mthun pa'i phyogs nyams pa dang/ chos bdag med ba rtogs pa dang ldan pa'i phyir/ rnam par mi rtog pa'i ye shes dang ldan pa dang/ gang ci 'dod ba de la de sbyin pa'i phyir/ 'dod pa thams cad yongs su rdzogs par byed pa dang/ sbyin pas bsdus nas theg pa gsum la skal pa ji lta ba bzhin du sbyong ba'i phyir sems can yongs su smin par byed pa rnam pa gsum mo// tshul khrims mi mthun phyogs nyams dang/ /rnam par mi rtog ye shes ldan/ /'dod pa thams cad yongs rdzogs byed/ /sems can rnam smin byed rnam gsum/ /bzod pa mi mthun phyogs nyams dang/ rnam par mi rtog ye shes ldan// 'dod pa thams cad yongs rdzogs byed/ /sems can rnam smin byed rnam gsum/ /brtson 'grus mi mthun phyogs nyams dang/ /rnam par mi rtog ye shes ldan/ /'dod pa thams cad yongs rdzogs byed/ /sems can rnam smin byed rnam gsuM bsam gtan mi mthun phyogs nyams dang/ /rnam par mi rtog ye shes ldan/ /'dod pa thams cad yongs rdzogs byed/ /sems can rnam smin byed rnam gsum/ /shes rab mi mthun phyogs nyams dang/ /rnam par mi rtogs ye shes ldan/ /'dod pa thaMs cad yongs rdzogs byed/ /sems can rnam smin byed rnam gsum/ /sbyin pa'i mtshan nyid rnam pa bzhi ji lta bar tshul khrims la sogs pa 'di dag gis yang de dang 'dra bar rig par bya'o/ /'di dag gi mi mthun pa'i phyogs ni 'chal ba'i tshul khrims dang/ khro ba dang/ lo lo dang/ rnam par g.yeng ba dang/ 'chal pa'i shes rab ste/ go rim bzhin no/ /'dod pa thams cad yongs su rdzogs par byed pa nyid ni tshul khrims la sogs pas gzhan dag la lus dang/ ngag thams cad yang dag dang sdom pa dang gnod par byed pa la bzod pa dang/ grogs dang/ yid la 'thad pa dang/ the tshom gcod pas 'dod pa yongs su rdzogs par byed pa'i phyir ro/ /sems can yongs su smin par byed pa nyid ni/ /tshul khrims la sogs pas mgu bar byas te/ theg pa gsum la yongs su smin par byed pa'i phyir ro/ /go rim rnam par dbye ba'i tshigs su bcad pa/ snga ma la brten phyi ma skye/ /dman dang mchog tu gnas phyir dang/ /rigs pa dang ni phrad pa'i phyir/ /de dag rim par bstan pa yin/ /rgyu gsum gyis sbyin pa la sogs pa de dag rim par bstan to/ /snga ma la brten nas phyi ma skye ba'i phyir ni longs spyod la mi lta ba'i tshul khrims yang dag par len to/ /tshul khrims dang ldan na bzod par 'gyur ro/ /bzod pa dang ldan na brtson 'grus rtsom mo/ /brtson 'grus brtsams na ting nge 'dzin bskyed par byed do/ /seMs mnyam par bzhag na yang dag pa ji lta ba bzhin du rab tu shes so/ /snga ma dman la phyi ma mchog tu gnas pa'i phyir ni sbyin pa ni dman la/ tshul khrims ni mchog yin pa nas/ de bzhin du bsam gtan ni dman la shes rab ni mchog yin pa'i bar du yin no/ /snga ma ni rags la phyi ma ni phra ba'i phyir ni sbyin pa ni 'jug bsla ba'i phyir dang/ bya sla ba'i phyir rags la/ tshul khrims ni de bas ches 'jug dka' ba'i phyir dang/ /chos bya dka' ba'i phyir phra ba nas/ de bzhin du bsam gtan ni rags la/ shes rab ni phra ba'i bar du yin no/ /des pa'i tshig rnam par dbye ba'i tshigs su bcad pa/ dbul ba 'dor bar byed pa dang/ bsil ba 'thob dang khro bzod dang/ /mchog sbyor ba dang yid 'dzin dang/ /don dam shes pa'i phyir bshad do/ /dbul bar 'dor bar byed pas na sbyin pa'o/ /bsil ba thob par byed pas na tshul khrims te/ de dang ldan pa la yul gyi mtshan ma'i nyon mongs pa'i yongs su gdung ba med pa'i phyir ro/ /khro ba bzod pa zhes bya ba ni bzod pa ste/ des khro ba bzod pa'i phyir ro/ /mchog dang sbyor bar byed bas na brtson 'grus te/ dge ba'i chos la sbyor ba'i phyir ro/ /yid nang du 'dzin par byed pas na bsam gtan no/ /'dis ni don dam pa shes pas na shes rab bo/ /sgom pa rnam par dbye ba'i tshigs su bcad pa/ thams cad sgom po dngos po dang/ /de bzhin yid la byed pa dang/ /bsam pa dang ni thabs dag dang/ /dbang 'byor nyid la brten par brjod/ /pha rol tu phyin pa sgom pa ni dngos po la brten pa nas dbang 'byor pa nyid la brten pa'i bar rnam pa lnga yin no/ /de la dngos po la brtan pa yang rnam pa bzhi ste/ rgyu la brten pa ni rigs kyis stobs kyis pha rol tu phyin pa rnams la sgrub pa goms pa gang yin pa'o/ /rnam par smin pa la brten pa ni lus phun sum tshogs pa'i stobs kyis gang yin pa'o/ /smon lam la brten pa ni sngon gyis smon lam gyi stobs kyis gang yin pa'o/ /so sor rtog pa'i stobs la brten pa ni/ / shes rab kyi stobs kyis pha rol tu phyin pa rnams la sgrub ba goms pa gang yin pa'o/ /pha rol tu phyin pa sgom pa yid la byed pa la brten pa yang rnam pa bzhi ste/ mos pa yid la byed pa ni pha rol tu phyin pa dang ldan pa'i mdo sde thams cad la mos pa yin no/ /ro myang ba yid la byed pa ni/ pha rol tu phyin pa thob pa dag la yon tan du lta ba'i tshul gyis ro myang bar byed pa yin no/ /rjes su yi rang ba yid la byed pa ni/ 'jig rten gyi khams thams cad kyi sems can thams cad kyi sbyin pa la sogs pa la rjes su yi rang ba yin no/ /mngon par dga' ba yid la byed pa ni/ bdag nyid dang sems can thams cad kyi pha rol tu phyin pa'i khyad par ma 'ongs pa la mngon par dga' ba yin no/ /pha rol tu phyin pa bsgom pa bsam pa la bsten pa ni rnam pa drug ste/ ngom mi shes pa'i bsam pa dang/ rgya chen po'i bsam pa dang/ dga' ba'i bsam pa dang/ phan pa'i bsam pa dang/ ma gos pa'i bsam pa dang/ dge ba'i bsam pa'o/ /de la byang chub sems dpa' i sbyin pa la ngoms mi shes pa'i bsam pa ni byang chub sems dpa' sems can gcig la yang skad cig ma gcig la 'jig rten gyi khams gang gA'i klung gi bye ma snyed rin po che sna bdun gyis bkang ba dang/ lus gang gA'i klung gi bye ma snyed sbyin par byed cing/ de bzhin du bskal? pa gang gA'i klung gi bye ma snyed du skad cig ma re re la sbyin par byed la/ sems can gcig la ji lta ba de bzhin du/ bla na med pa yang dag par rdzogs pa'i byang chub tu yongs su smin par bya ba'i sems can gyi khams ji snyed pa de dag la rnam grangs 'dis sbyin par byed kyang byang chub sems dpa' sbyin pa'i bsam pa la doms pa med pa nyid gang yin pa ste/ bsam pa de lta bu gang yin pa de ni byang chub sems dpa' i sbyin pa la doms mi shes pa'i bsam pa yin no/ /byang chub sems dpa' sbyin pa brgyud pa de lta bu yang skad cig tsam yang nyams par mi byed cing byang chub gyi snying po la 'dug gi bar du rgyun gcod par mi byed de/ bsam pa de lta bu gang yin pa de ni byang chub sems dpa' i sbyin pa la rgya chen po'i bsam pa yin no/ /sems can de dag de ltar sbyin pas rjes su 'dzin pa ni/ byang chub sems dpa' ches dga' bar 'gyur gyi/ sbyin pa des rjes su bzung ba'i sems can de dag ni de lta ma yin te/ bsam pa de lta bu gang yin pa de ni byang chub sems dpa' i sbyin pa la dga' ba'i bsam pa yin no/ /byang chub sems dpa' sems can gang dag la de ltar sbyin pas phan 'dogs pa'i sems can de dag dga' nyid la ches phan 'dogs pa yin par yang dag par rjes su lta ba ltar bdag nyid ni ma yin te/ de dag ni bla na med pa yang dag par rdzogs pa'i byang chub nye bar ston pa'i phyir ro/ /bsam pa de lta bu gang yin pa de ni byang chub sems dpa' i sbyin pa la phan pa'i bsam pa yin no/ /byang chub sems dpa' sems can rnams las de ltar sbyin pa las byung pI bsod nams rgya chen po mngon par 'dus byas kyang lan dang rnam par smin par don du gnyer ba yang ma yin te/ bsam pa de lta bu gang yin pa de ni byang chub sems dpa' i sbyin pa'i pha rol tu phyin pa bsgom pa la ma gos pa'i bsam pa yin no/ /byang chub sems dpa' sbyin pa'i phung po de ltar rgya che ba'i rnam par smin pa gang yin pa de yang sems can rnams kho na la 'dar gyi/ bdag nyid la ni ma yin zhing/ sems can thams cad dang thun mong du byas nas bla na med pa yang dag par rdzogs pa'i byang chub tu yang yongs su bsngo bar byed de/ bsam pa de lta bu gang yin pa de ni byang chub sems dpa' i sbyin pa'i pha rol tu phyin pa bsgom pa la dge ba'i bsaM pa yin no/ /de la byang chub sems dpa' i tshul khrims kyi pha rol tu phyin pa bsgom pa nas/ shes rab kyi pha rol tu phyin pa bsgom pa'i bar la ngoms mi shes pa'i bsam pa ni byang chub sems dpa' lus gang gA'i klung gi bye ma snyed kyi tshe'i tshad bskal pa gang gA'i klung gi bye ma snyed du rtag par yo byad thams cad kyis phongs bzhin du/ stong gsum gyi stong chen po'i 'jig rten gyi khams me mar mur gyis rab tu gang bar spyod lam rnam pa bzhi byed cing/ tshul khrims kyi pha rol tu phyin pa'i skad cig ma gcig nas shes rab kyi pha rol tu phyin pa'i skad cig ma gcig gi bar sgom par byed cing/ rnam grangs nges gang gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i tshul khrims kyi phung po ji snyed pa nas shes rab kyi phung po ji snyed pa'i bar gyi tshul khrims kyi phung po nas shes rab kyi phung po'i bar de sgom par byed kyang byang chub sems dpa' i pha rol tu phyin pa bsgom pa'i bsam pa nas/ shes rab kyi pha rol tu phyin pa bsgom pa'i bsam pa'i bar la ngoms par med pa nyid gang yin pa ste/ bsam ba de lta bu gang yin pa de ni byang chub sems dpa' i tshul khrims kyi pha rol tu phyin pa bsgom pa la ngoms mi shes pa'i bsam pa nas/ shes rab kyi pha rol tu phyin pa sgom pa la ngoms mi shes pa'i bsam pa'i bar yin no/ /'di ltar byang chub sems dpa' tshul khrims kyi pha rol tu phyin pa bsgom pa brgyud pa nas/ shes rab kyi pha rol tu phyin pa bsgom pa brgyud pa'i bar de mi gtong zhing byang chub kyi snying po la 'dug gi bar du rgyun gcod par mi byed de/ bsam pa de lta ba gang yin pa de ni byang chub sems dpa' i tshul khrims kyi pha rol tu phyin pa bsgom pa nas/ shes rab kyi pha rol tu phyin pa bsgom pI bar la rgya chen po'i bsam pa yin no/ tshul khrims kyi pha rol tu phyin pa bsgom pa nas/ shes rab kyi pha rol tu phyin pa bsgom pa'i bar des sems can rnams rjes su 'dzin pa na/ byang chub sems dpa' ches dga' bar 'gyur gyi/ rjes su bzung ba'i sems can de dag ni de ltar ma yin te/ bsam pa de lta bu gang yin pa de ni byang chub sems dpa' i tshul khrims kyi pha rol tu phyin pa bsgom pa nas/ shes rab kyi pha rol tu phyin pa bsgom pa'i bar dag la dga' ba'i bsam pa yin no/ /byang chub semS dpa' sems can gang dag la de ltar tshul khrims kyi pha rol tu phyin pa bsgom pa nas/ shes rab kyi pha rol tu phyin pa bsgoM pI bar gyi phan 'dogs pa'i sems can de dag bdag nyid la ches phan 'dogs pa yin par yang dag par rjes su lta bltar bdag nyid la ni ma yin te/ de dag ni bla na med pa yang dag par rdzogs pa'i byang chub nye bar rton pa'i phyir ro/ /bsam pa de lta bu gang yin pa de ni byang chub sems dpa' i tshul khrims kyi pha rol tu phyin pa bsgom pa nas sheS rab kyi pha rol tu phyin pa'i bar gyi phan pa'i bsam pa yin no/ /byang chub sems dpa' de ltar tshul khrims kyi pha rol tu phyin pa las byung ba nas/ shes rab kyi pha rol tu phyin pa las byung ba'i bar gyi bsod nams rgya chen po mngon par 'dus byas kyang lan dang rnam par smin pa don du gnyer ba yang ma yin te/ bsam pa de lta bu gang yin pa de ni/ byang chub sems dpa' i tshul khrims kyi pha rol tu phyin pa bsgom pa nas/ shes rab kyi pha rol tu phyin pa bsgom pa'i bar lam gos pa'i bsam pa yin no/ /byang chub sems dpa' de ltar tshul khrims kyi pha rol tu phyin pa bsgom pa las byung pa nas/ shes rab kyi pha rol tu phyin pa bsgom pa las byung ba'i bar gyi bsod nams kyi phung po de lta bu'i rnam par smin pa gang yin pa de yang sems can rnams kho na la 'dar gyi/ bdag nyid la ni ma yin zhing/ /sems can thams cad dang thun mong du byas/ bla na med pa yang dag par rdzogs pa'i byang chub tu yang yongs su bsngo bar byed de/ /bsam pa de lta bu gang yin pa de ni byang chub sems dpa' i tshul khrims kyi pha rol tu phyin pa bsgom pa nas/ shes rab kyi pha rol tu phyin pa bsgom pI bar la dge ba'i bsam pa yin no/ /pha rol tu phyin pa bsgom pa thabs la brten pa ni rnam pa gsum ste/ rnam par mi rtog pa'i ye shes kyis 'khor gsum yongs su dag par so sor rtog pa'i phyir te/ 'di ltar thabs de ni yid la byed pa thams cad mngon par 'grub par byed pa yin no/ /pha rol tu phyin pa bsgom pa dbang 'byor pa nyid la brten pa ni rnam pa gsum ste/ sku la dbang 'byor pa nyid dang/ spyod pa la dbang 'byor pa nyid dang/ ston pa la dbang 'byor pa nyid do/ /de la sku la dbang 'byor pa nyid ni de bzhin gshegs pa'i sku gnyis po ngo bo nyid kyi sku dang/ longs spyod rdzogs pI sku yin par blta bar bya'o/ /de la spyod pa la dbang 'byor pa nyid ni/ sprul pa'i sku yin par blta bar bya ste/ des ni sems can thams cad la chos dang mthun pa'i spyod pa rnams thams cad ston par byed do/ /ston pa la dbang 'byor pa nyid ni/ pha rol tu phyin pa drug po rnam pa thams cad ston pa la thob pa med pa yin no/ /rab tu dbye ba bsdu ba'i tshigs su bcad pa bcu gnyis ste/ sbyin pa la sogs pa so sor don drug tu rab tu dbye ba'i phyir ro/ /don drug ni ngo bo nyid dang rgyu dang 'bras bu dang/ laS dang ldan pa dang 'jug pa'i don rnams so/ /de la sbyin pa'i rab tu dbye ba? la tshigs su bcad pa gnyis te/ don rnams gtong bar byed pa dang/ /rtsa ba sems pa la brten dang/ /lus dang longs spyod phun tshogs dang/ /gnyis rjes 'dzin dang rdzogs byed dang/ /de yang ser sna med ldan dang/ /chos dang zang zing mi 'jigs gtong/ /sbyin pa de 'drar yongS sheS naS/ /mkhas pa yang dag sgrub par byed/ sbyin pa'i ngo bo nyid ni len pa po rnams la don gtong ba'o/ /rgyu ni ma chags la sogs pa dang lhan cig skyes pa'i sems dpa' o/ /'bras bu ni/ lus phun sum tshogs pa tshe la sogs pas bsdus pa dang/ longs spyod phun sum tshogs pa ste/ gnas lnga'i mdo las 'byung ba bzhin no/ /las ni rang dang gzhan rjes su 'dzin pa dang/ byang chub chen po'i tshogs yongs su rdzogs par byed pa'o/ /ldan pa ni/ ser sna med pa ste/ ser sna med pa dag la yod do/ /'jug pa ni chos dang zang zing dang mi 'jig pa sbyin pa'i rab tu dbye bas so/ /tshul khrims kyi rab tu dbye ba la tshigs su bcad pa gnyis te/ yan lag drug zhi bsam pas zin/ /bde 'gro gnas ba sbyin byed dang/ /rten dang zhi dang 'jig pa med/ /bsod nams tshogs dang ldan pa dang/ /brdar brtags chos nyid thob pa ste// sdom la gnas pa rnams la yod/ /tshul khrims de 'drar yongs shes nas/ /mkhas pa yang dag sgrub par byed/ /yan lag drug ces bya ba ni ngo bo nyid do/ /yan lag drug ni tshul khrims dang ldan par gnas pa nas bslab pa'i bzhi rnams la yang dag par slangs te/ slob pa zhes bya ba'i bar yin no/ /zhi ba'i bsam pas zin pa zhes bya ba ni rgyu ste/ mya ngan las 'das pa'i bsam pas yang dag par len pa'i phyir ro/ /bde 'gro gnas pa sbyin byed dang/ zhes bya ba ni 'bras bu dang/ tshul khrims kyiS bde 'gror 'gro ba'i phyir dang/ 'gyod pa med pa la sogs pa'i rims gyis sems gnas pa thob pa'i phyir ro/ /rten dang zhi dang 'jigs pa med/ /ces bya ba ni las te/ tshul khrims ni yon tan thams cad kyi rten yin no// nyon mongs pa'i yongs su gdung bzhi bas zhi ba'o/ /srog gcod pa la sogs pa'i rkyen can gyi rten 'jigs pa dang/ kha na ma tho ba dang/ kho na rnams mi 'byung ba'i phyir 'jigs pa med pa'o/ /bsod nams tshogs dang ldan pa dang zhes bya ba ni ldan pa ste/ dus thams cad du lus dang ngag dang yid kyis las yang dag par kun tu spyod pa'i phyir ro/ /brdar btags chos nyid thob pa ste/ /sdom la gnas pa rnams la yod/ /ces bya ba ni 'jug pa ste/ de la brdar btags pas thob pa ni so sor thar pa'i sdom pas bsdus pa'o/ /chos nyid kyis thob pa ni bsam gtan dang/ zag pa med pa'i sdom pas bsdus pa'o/ /de ni 'di'i rab tu dbye bas 'jug pa ste/ rab tu dbye ba rnam pa gsum gyis 'jug pa'i phyir ro/ /sdom la gnas pa rnams la yod/ ces bya ba ni rten gyis 'jug pa'o/ /bzod pa rab tu dbye ba la tshigs su bcad pa gnyis te/ mi 'jed ji mi snyam shes dang/ /snying rjes chos la brten pa'i phyir/ phan yon lngar ni yang dag bshad/ /de ni gnyis kyi don byed de/ /dka' thub gtso dang kun tu ldan/ /de la de ni rnam gsum 'dod/ /bzod pa de 'drar yongs shes nas/ /mkhas pa yang dag sgrub par byed/ /mi mjed thi mi snyam shes dang/ /zhes bya ba ni bzod pa rnam pa gsum gyi ngo bo nyid yin no/ /gnod pa byed pa la mi mjed pa'i bzod pa ni mi mjed pI bzod pa ste/ mi thing bI phyir ro/ /sdug bsngal la ji mi snyaM pa'i bzod pa dang/ chos la nges par rtog pa'i bzod pa yang go rim bzhin no/ /snying rjes chos la brten pa'i phyir/ /zhes bya ba ni rgyu ste/ chos la brten pa ni tshul las khrims yang dag par len pa dang/ thos pa chub pa'o/ /phan yon lngar ni yang dag bshad ces bya ba ni 'bras bu ste/ ji skad du/ mdo las bzod pa la phan yon lnga ste/ kho na mi mang ba yin/ dbyen mi mang ba yin/ bde ba dang yid bde ba mang ba yin/ 'gyod ba med par 'chi ba'i dus byed pa yin/ lus zhig nas kyang bde 'gro mtho ris gyi 'jig rten dag tu skye bar 'gyur ro zhes gsungs pa lta bu'o/ /de ni gnyis kyi don byed de zhes bya ba ni/ mi mjed pa dang/ ji mi snyam pa dang/ shes pa zhes bya ba'i dbang du byas pa'o/ /'di ni las yin te/ ji skad du/ gang zhig pha rol 'khruD sheS nas/ bdag nyid de la nyer zhi ba/ /de ni bdag dang pha rol dang/ /gnyis po dag gi don byed do/ /zhes bshad pa lta bu'o/ /dka' thub gco dang kun tu ldan/ /zhes bya ba ni ldan pa ste/ ji skad du/ bzod pa ni bka' thub kyi mchog go zhes bshad pa lta bu'o/ /de la de ni zhes bya ba ni rten gyis 'jug pa'o/ /rnam gsum 'dod ces bya ba ni/ rab tu dbye bra? 'jug pa ste/ bzod pa rnam pa gsum gyi rab tu dbye bas ji skad du sngar bshad pa lta bu'o/ /brtson 'grus kyi rab tu dbye ba la tshigs su bcad pa gnyis te/ dge la yang dag spro ba dang/ /dad dang 'dun la brten pa dang/ /dran sogs yon tan 'phel byed dang/ /kun nas nyon mongs gnyen po dang/ /ma chags la sogs yon tan ldan/ /de dag la ni de rnam bdun/ /brtson 'grus de 'drar yongs shes nas/ /mkhaS pa yang dag sgrub par byed/ /dge la yang dag par spro ba dang/ zhes bya ba ni ngo bo nyid de/ dge la zhes bya ba ni de las gzhan pa'i bya ba la spro ba bsal ba'i phyir ro/ /yang dag spro ba zhes bya ba ni/ gzhan mu stegs can gyi thar pa'i don du spro ba bsal pa'i phyir ro/ /dad dang 'dun la brten pa dang zhes bya ba ni rgyu ste/ dad pa dang don du gnyer ba ni brtson 'grus rtsom par byad do/ /dran sogs yon tan 'phel byed dang zhes bya ba ni 'bras bu ste/ brtson 'grus brtsamS pa la dran pa yang ting nge 'dzin la sogs pa'i yon tan 'byung ba'i phyir ro/ /kun nas nyon mongs gnyen po dang/ /zhes bya ba ni las te/ ji skad du/ brtson 'grus brtsams pa ni sdig pa mi dge ba'i chos rnams dang ma 'dres par bde bar gnas so zhes gsungs pa lta bu'o/ /ma chags la sogs yon tan ldan/ /zhes bya ba ni ldan pa'o/ /de dag la zhes bya ba ni brtson 'grus brtsams pa dag? la ste/ de ni rten gyis 'jug pa'o/ /de rnam bdun zhes bya ba ni rab tu dbye bas 'jug pa ste/ de yang lhag pa'i tshul khrims la sogs pa'i bslab pa gsum la lus dang sems kyi brtson 'grus rtag tu byed pa dang/ gus par byed pa gang yin pa'o/ /bsam gtan gyi dbye ba la tshigs su bcad pa gnyis te/ sems ni nang du gnas pa dang/ dran dang brtson 'grus la brten pa/ /bde ba skyed par byed pa dang/ / mngon shes gnas la dbang bsgyur ba/ /chos rnams kyi ni gtso bo ste/ de dag la yod de rnam gsum/ /bsam gtan de 'drar yongs shes nas/ /mkhas pa yang dag sgrub par byed/ /sems ni nang du gnas pa dang/ /zhes bya ba ni ngo bo nyid do// dran dang brtson 'grus la brten pa zhes bya ba ni rgyu ste/ dmigs pa ma brjed na brtson 'grus la brten nas bsam gtan mngon par sgrub pa'i phyir ro/ /bde ba skyed par byed pa dang/ zhes bya ba ni 'bras bu ste/ bsam gtan gyi 'bras bu ni gnod pa med par skye ba yin pa'i phyir ro/ /mngon shes gnas la dbang bsgyur ba zhes bya ba ni las te/ bsam gtan gyis mngon par shes pa la dbang bsgyur ba'i phyir dang/ 'phags pa dang lha dang/ tshangs pa'i gnas la dbang bsgyur ba'i phyir ro/ /chos rnams kyi ni gtso bo ste/ zhes bya ba ni gtso bo? dang ldan pa yin te/ ji skad du/ chos thams cad kyi gtso bo ni ting nge 'dzin to zhes gsungs pa lta bu'o/ /de dag la yod ces bya ba ni bsam gtan pa dag la ste/ 'di ni rtan gyis 'jug pa'o/ /de rnams gsum zhes bya ba ni rtog pa dang bcas shing/ dpyod pa dang bcas pa dang/ rtog pa med pa la dpyod pa tsam dang/ rtog pa yang med dpyod pa yang med pa'o/ /yang dga' pa dang ldan pa dang/ sim pa dang ldan pa dang/ btang snyoms dang ldan pa ste/ 'di ni rab tu dbye bas 'jug pa'o/ /shes rab kyi dbye ba la tshigs su bcad pa gnyis te/ shes bya yang dag rab rnam 'byed/ /ting nge 'dzin la rten pa dang/ /kun nas nyon mongs shin tu grol/ /shes rab 'tsho ba legs bshad dang/ /chos rnams kyi ni mchog yin te/ /de dag la yod de rnam gsum/ /shes rab de 'drar yongs shes nas/ /mkhas pa yang dag sgrub par byed/ /shes bya yang dag rab rnam 'byed/ /ces bya ba ni ngo bo nyid de/ shes bya zhes bya ba ni 'jig rten pa'i bya ba yang dag par rab tu rnam par 'byed pa gsal ba'i phyir ro/ /yang dag pa zhes bya ba ni log pa ma yin pa'o/ /ting nge 'dzin la brtan pa dang/ zhes bya ba ni rgyu ste/ 'di ltar sems mnyam par bzhag pas yang dag pa ji lta ba bzhin du rab tu shes so/ /kun nas nyon mongs shin tu grol zhes bya ba ni 'bras bu ste/ 'jig rten pa dang/ 'jig rten las 'das pa dman pa dang/ 'jig rten las 'das pa chen po'i rab tu rnam par 'byed pa des ni kun nas nyon mongs pa las shin tu rnam par grol bar 'gyur ro/ /shes rab 'tsho ba la legs bshad dang/ zhes bya ba shes rab kyis 'tsho ba dang/ legs par bshad pa ni 'da' i? las yin te/ des ni shas? rab kyi 'tsho ba rnaMs kyi nang na bla? na med par 'tsho ba dang/ chos yang dag par chad bar yang byed do/ /chos rnams kyi ni mchog yin te/ zhes bya ba ni mchog nyid dang ldan pa ste/ ji skad du/ shes rab ni chos thams cad kyi mchog go zhes gsungs pa lta bu'o// de dag la yod de rnam gsum zhes bya ba ni 'jug pa ste/ shes rab can dag la yod pa'i phyir ro/ /rab tu dbye ba rnaM pa gsuM gyis 'jug pa ni 'jig rten pa dang/ 'jig rten las 'das pa dman pa dang/ 'jig rten las 'das pa chen po'o/ /sbyin pa la soD pa so so'i don drug tu rab tu phye bas rab tu dbye ba bshad zin to/ / //bsdu ba rnam par dbye ba'i tshigs su bcad pa/ dkar po'i chos kun rnam par g.yengs pa dang/ /mnyam par bzhag dang gnyis kar shes par bya/ /pha rol phyin pa gnyis dang ni/ /gnyis dang gnyis kyis yongs su bsdus/ /dkar po'i chos kun ni sbyin pa la sogs pa'o/ /de la rnam par g.yengS ba ni pha rol tu phyin pa dang po gnyis kyis bsdus te/ sbyin pa dang yang dag bar blangs pa'i tshul khrims dag ni mnyam par bzhag pa ma yin pa'i phyir ro/ /mnyam par bzhag pa'i phyi mi'i gnyis kyis te/ bsam gtan dang/ yang dag pa ji lta ba bzhin gyi shes rab dag ni mnyam par bzhag pa yin pa'i phyir ro/ /gnyis ka ste mnyam par bzhag pa dang/ mnyam par ma bzhag pa ni pha rol tu phyin pa gnyis kyis bsdus te/ bzod pa dang/ brtson 'grus kyi pha rol tu phyin pa dag ni mnyam par bzhag pa dang/ mnyam par ma bzhag pa yin pa'i phyir ro/ /mi mthun pa'i phyoD rnam par dbye ba'i tshigs su bcad pa drug ste/ byang chub sems dpa' i sbyin pa ni/ /ma chags mi chags chags pa med/ /chags pa nyid kyang ma yin te/ /ma chags mi chags chags pa med/ /chags pa rnam pa bdun ni/ sbyin pa'i mi mthun pa'i phyogs yin te/ longs spyod la chags pa dang/ bshol ba la chags pa dang/ de tsam gyis tshogs par 'dzin pa la chags pa dang/ lan la re ba la chags pa dang/ rnam par smin pa la chags pa dang/ de'i mi mthun pa'i phyogs la tshags pa'i bag la nyal yang dag par ma nyams pa'i phyir mi mthun pa'i phyogs la chags pa dang/ rnam par g.yeng ba la chags pa'o/ /rnam par g.yeng ba de yang rnam pa gnyis te/ yid la byed pa'i rnam par g.yeng ba ni theg pa dman pa la dman pa'i phyir ro/ /rnam par rtog pa'i rnam par g.yeng ba sbyin pa po dang/ len pa po dang/ sbyin par rnam par rtogs pa'i phyir ro/ /de bas na chags pa rnam pa bdun las grol ba'i phyir sbyin pI ma chags pa nyid lan bdun bshad do/ /byang chub sems dpa' i tshul khrims ni/ /ma chags mi chags chags pa med/ /chags pa nyid kyang ma yin te/ ma chags mi chags chags pa med/ /byang chub sems dpa' i bzod pa ni/ /ma chags mi chags chags pa med/ /chags pa nyid kyang ma yin te/ ma chags mi chags chags ba med/ /byang chub sems dpa' i brtson 'grus ni/ /ma chags mi chags chags pa med/ /chags pa nyid kyang ma yin te/ ma chags mi chags chags pa med/ /byang chub sems dpa' i bsam gtan ni ma chags mi chags chags pa med/ /chags pa nyid kyang ma yin te/ ma chags mi chags chags pa med/ /byang chub sems dpa' i shes rab ni/ /ma chags mi chags chags pa med/ /chags pa nyid kyang ma yin te/ ma chags mi chags chags pa med/ /ji ltar sbyin pa la ma chags pa bshad pa ltar tshul khrims nas shes rab kyi bar la yang de dang 'dra bar rig par bya'o/ /khyad par ni 'di yod de/ longs spyod la chags pa'i sbyin par 'chal pa'i tshul khrims la sogs pa la chags par brjod par bya'o/ /mi mthun pa'i phyogs la chags pa ni de'i mi mthun pa'i phyogs kyi bag la nyal yang dag par ma bcom pa'i phyir ro/ /rnam par togs pa'i rnam par g.yeng ba ni ci rig par 'khor gsum du rnam par mi rtog pa'i phyir ro/ /yon tan rnam par dbye ba'i tshigs su bcad pa nyi shu rtsa gsum ste/ sangs rgyas sras rnams slong dang phrad na rang gi srogs kyang rtag tu btong/ /snying rjes gzhan las lan kyang mi ro? 'dod pa'i 'bras bu don mi gnyer/ sbyin pa de nyid kyis kyang skye bo thams cad byang chub gsum la bkod/ /sbyin pa ye shes kyis yongs zin pas 'jig rten dag la mi zad bzhag /ces bya ba ni tshig gi don ni go bar sla'o/ /rgyal ba'i sras rnams sdom dang brtsom pa'i rang bzhin tshul khriMs gsum rtag blangs/ /mtho ris mngon par mi 'dod yang dag thob kyang de la chags mi skyed/ /tshul khrims de nyid kyis kyang skye bo thams cad byang chub gsum la bkod/ /tshul khrims ye shes kyis yongs zin pas 'jig rten dag na mi zad bzhag / ces bya ba la tshul khrims rnam pa gsum ni sdom pa'i tshul khrims dang/ dge ba chos sdud pa'i tshul khrims dang/ sems can don byed pa'i tshul khrims te/ 'di rnams las gcig ni sdom pa'i rang bzhin yin no/ /gnyis ni brtson pa'i rang bzhin no/ /sangs rgyas sras rnams shin tu bya dka' de bzhin mi yi gnod kun bzod/ /mtho ris gnyer dang mi nus pas min 'jigs pas ma yin phan ltas min/ /bzod pa bla na med pas skye bo thams cad byang chub gsum la bkod/ /bzod pa ye shes kyis yongs zin pas 'jig rten dag na mi zad bzhag/ ces bya ba ni sdug bsngal la ji mi snyam pa'i bzod pa dang/ gnod pa byed pa la mi mdzad pa'i bzod pa dang go rim bzhin no/ /rgyal ba'i sras rnams go cha sbyor ba'i bdag nyid brtson 'grus dpe med byas/ /rang dang gzhan gyi nyon mongs tshogs gzhom byang chub dam pa 'thob par byed/ /brtson 'grus de nyid kyis kyang skye bo thams cad byang chub gsum la bkod/ /brtson 'grus ye shes kyis yongs zin pas 'jig rten dag na mi zad bzhag / ces bya ba ni go cha'i brtson 'grus dang sbyor ba'i brtson 'grus yin no/ /rgyal ba'i sras rnams ting nge 'dzin mang ldan bsam gtan rnam pa thams cad bsgrubs/ /bsam gtan bde ba phul gyis gnas shing snying rjes skye ba dman la brten/ /bsam gtan de nyid kyiS kyang skye bo thams cad byang chub gsum la bkod/ /bsam gtan ye shes kyis yongs zin pas 'jig rten dag na mi zad bzhag /ces bya ba la/ ting nge 'dzin mang po dang ldan pa zheS bya ba ni/ /byang chub sems dpa' i ting nge 'dzin mdza' yas pas bsdus pa'o/ /rgyal ba'i sras rnams de nyid shes bya gang yin mdza' dag rnam kun shes/ /mya ngan 'das la'ang blo yis chags rab ma bskyed 'khor bar smos ci dgos/ /ye shes de nyid kyis kyang skye bo thams cad byang chub gsum la bkod/ /ye shes sems can yongs su bzung bas 'jig rten dag na mi zad ba nag /ces bya ba la de nyid ces bya ba ni don dam pas bsdus pa'i spyi'i mtshan nyid gang zag dang/ chos la bdag med pa'o/ /shes bya gang yin pa mdza' dag rnam pa kun tu zhes bya ba ni rang gi brda la sogs pa'i mtshan nyid kyi dbye ba mdza' yas pas tha dad pa'i shes bya gzhan gang yin pa de yin no/ /sbyin pa la sogs pa rnams ni rnam par mi rtog pa'i ye shes kyis yongs su zin pas mi zad pa nyid de/ /phung po'i lhag ma med pa'i mya ngan las 'das pa na yang de mi zad pa'i phyir ro/ /ye shes ni sems can yongs su bzung bas mi zad pa nyid de/ snying rjes sems can rnams yongs su mi gtong ba'i phyir ro/ /tshigs su bcad pa drug po 'di rnams kyis bsdus pa'i don ni tshigs su bcang pa bdun pa/ rgya che ba dang zang zing med/ /don che ba dang mi zad pa/ /sbyin la sogs pa thams cad kyis/ /yon tan bzhir ni shes par bya/ /zhes bya bas bstan te de la rtsa ba dang bos ni sbyin ba la sogs pa'i rgya che ba nyid yongs su bstan to/ /gnyis pas ni zang zing med pa nyid do/ /gsum pas ni don chen ba nyid de/ sems can gyis don chen po sgrub pa'i phyir ro/ /bzhi pas ni mi zad pa nyid de/ de ltar na tshigs su bcad pa de dag gis de rnams kyi yon tan bzhir rig par bya'o/ /slong ba mthong rdzogs dga' ba dang/ /mi dga' ba dang smon pa yang/ /sbyin pa po ni brtser ldan pas/ /lhag par ldan pas rtag zil gnon? no/ /slob pa pa'i skye bo la sbyin pa po mthong ba dang/ de las ci 'dod pa thob pas yid la re ba yongs su rdzogs pas dga' ba gang yin pa dang/ ma mthong ba dang/ yongs su ma rdzogs pas mi dga' ba dang/ de mthong ba dang/ yid la re lo? yongs su rdzogs par smon pa skyo ba gang y in pa de ni byang chub sems dpa' la dus thams cad du slong ba me mthong ba dang/ de'i yid la re bo yongs su rdzogs pa dang/ ma mthong ba dang/ yongs su ma rdzogs pas lhag par skye ste/ de'i phyir sbyin pa po brtse ba dang ldan pas lhag par ldan pa'i sgo nas de dag thams cad zil gyis gnon to/ /brtse bas sems can rnams la ni/ /srog dang longs spyod chung ma dag /rtag gtong shin tu dga' byed pa/ /de spong ji ltar srung mi 'gyur/ /de dag spong ba ni de spong ba ste/ gzhan gyi srog dang longs spyod dang chung ma dag go/ 'dis ni lus kyi nyes par spyod pa rnam pa gsum las ldog pa'i tshul khrims kyi yon tan ston to/ 'phags ba mi lta sems snyoms shing/ /mi 'jigs brtse phyir kun ster ba/ /gzhan la gnod par byed ba yi/ /log pa'i tshig ni ji ltar smra/ /'dis ni brdzun du smra ba las log pa'i yon tan ston te/ brdzun du smra ba ni bdag nyid kyi phyir te/ lus dang srog la lta bas sam/ skye bo gzhan gyis phyir te/ skye bo mdza' ba la byams pas saM?/ 'jigs pas te/ rgyal po la sogs pas skrag pas sam/ zang zing cung zad tsam gyi phyir te/ rnyed pa'i don du smra bar 'gyur grang na/ byang chub sems dpa' ni rang gi lus dang srog la mi lta ba dang/ bdag nyid dang snyoms pa'i sems kyis sems can thams cad la sems snyoms pa dang/ 'jigs pa lnga las yang dag par 'das pa'i phyi mi 'jigs pa dang/ bdog pa thams cad yongs su gtong ba'i phyir/ slong pa po rnams la thams cad ster ba yin na de rgyu gang gis brdzun du smra bar 'gyur/ snyoms par phan par 'dod pa brtse ba can /gzhan gyi sdug bsngal skye bas shin tu 'jigs/ /sems can gdul ba la ni legs brtson pa/ /ngag gi nyes rnams gsum las shin tu ring/ byang chub sems dpa' ni sems can thams cad la snyoms par phan par 'dod pa yin na/ de ji ltar gzhan dag la sheS pa dbye ba'i phyir phra ma byed par 'gyur/ /gzhan gyi sdug bsngal bsal ba'i bsam pa can yin pa'i phyir brtse ba can gzhan gyi sdug bsngal skye bas shin tu 'jigs pa yang yin na/ de ji ltar gzhan dag la sdug bsngal bskyed pa'i phyir/ /tshig rtsub po smra bar 'gyur/ /sems can rnams ba/ dul ba la rab tu brtson pa yang yin na/ de ji ltar tshig kyal pa smra bar 'gyur te/ de lta bas na 'di ni ngag gi nyes pa rnam pa gsum po phra ma dang/ tshig rtsub pa dang/ tshig kyal pa las shin tu ring ba yin no/ /thams cad gtong pa snying rje can/ /brten 'byung chos la rab mkhaS? pa/ de ni yid kyi nyon mongs kun/ /ji lta bur na dang du lan/ /brnab sems dang/ gnod sems dang/ log par lta ba ste/ go rim bzhin no/ /'di ni 'chal pa'i tshul khrims kyi gnyen po'i chos kyi khyad par dang ldan pa'i phyir/ /byang chub sems dpa' rnams kyi tshul khrims rnam par dag pa'i yon tan yin par rig par bya'o/ /brtse ldan gang che gnod pa byed pa dang/ /gzhan la phan pa'i sdug bsngal la rtag tu/ /phan pa'i 'du shes dga' brnyed gyur pa/ de yis gang la ci zhig bzod par bya/ /gnod pa byed pa la bzod pa bya dgos pa yin na/ /byang chub sems dpa' ni de la phan pa'i 'du shes 'thob ste/ bzod pa'i tshogs kyi rgyu mtshan yin pa'i phyir ro/ /sdug bsngal la yang du chod? pa bya dgos pa yin na/ /byang chub sems dpa' ni gzhan la phan pa'i rgyur gyur pa'i sdug bsngal de la yang rtag tu dga' ba 'thob pa na gang la gnod pa byed pa'i 'du shes kyang mi 'byung /sdug bsngal gyi 'du shes kyang mi 'byung ba ngas? gang la ci zhig bzod par bya/ /gzhan la gzhan gyi 'du shes bral ba dang/ /bdag pas ches lhag gzhan la rtag byams dang/ /bka' ba spyod phyir brtse ba dang bcas la/ /brtson 'grus dka' ba min la shin tu dka' / /brtse ba dang bcas pa ni/ byang chub sems dpa' ste/ brtse ba dang bcas pang la gzhan gyi don du bka' ba spyod pa'i brtson 'grus gang yin pa de dka' ba yang ma yin la/ shin tu dka' ba yang yin no/ /ji ltar dka' ba ma yin zhe na/ gzhan la gzhan gyi 'du shes dang bral ba'i phyir dang/ rtag tu bdag pas ches lhag par gzhan dag la byams pa'i phyir ro/ /ji ltar shin tu dka' ba yin zhe na/ de ltar gzhan gyi 'du shes dang bral ba dang/ bdag pas ches lhag par byams pa'i brtson 'grus gang yin pa de'o/ /gsum gyis bsam gtan bde ba chung/ /bdag bde zhen pa yongs nyams 'gyur/ /zad 'gyur rmongs dang bcas par 'dod/ /byang chub sems dpa' i bzlog pa'o/ /'jig rten pa rnams kyi bsam gtan ni bde ba chung ba'o nyan thos dang rang sangs rgyas rnams kyi ni bdag nyid bde ba'o/ /'jig rten pa rnams gyi ni 'jig tshogs la zhen pa'o/ /nyan thos dang/ rang sangs rgyas rnams kyi ni mya ngan las 'das pa la zhen pa'o/ /'jig rten pa rnams kyi ni yongs su nyams par 'gyur ba'o/ /nyan thos dang/ rang sangs rgyas rnams kyi ni zad par 'gyur ba ste/ phung po'i ltag ma med pa'i mya ngan las 'das par de zad par 'gyur ba'i phyir ro/ /thams cad kyi yang ci riD? par nyon mongs pa can dang/ nyon mongs pa can ma yin pa'i rmongs pas rmongs pa dang bcas pa'o/ /byang chub sems dpa' rnams kyi bsam gtan ni bde ba mang ba dang/ bdag dang gzhan bde ba dang/ ma zhen pa dang/ yongs su ma nyams pa dang/ mi zad pa dang/ rmongs pa med pa yin no/ /ji ltar mtshan mo lag nom dang/ /khebs sgron de bzhin shes pa gsum/ /snying rje can gyi shes pa ni/ /nyi ma'i zer bzhin mtshungs pa med/ /ji ltar mun khung na lag nom dag gi shes pa yul chung bar mngon sum ma yin pa dang/ mi bsal ba ltar so so'i skye bo rnams kyi yang de dang 'dra'o/ /ji ltar phug tu sgron mas shes pa nyi tshe ba'i mngon sum dang/ shin tu dri ma med pa ma yin pa ltar nyan thos dang/ rang sangs rgyas kyi yang de dang 'dra'o/ /ji ltar nyi ma'i 'od zer dag gis shes pa kun nas mngon sum dang/ /shin tu dri ma med pa ltar byang chub sems dpa' rnams kyi yang de dang 'dra ste/ de nyid kyi phyir de ni mtshungs pa med pa yin no/ /sbyin pa rten dang gzhi dang ni/ /rgyu mtshan dang ni yongs bsngo dang/ /rgyu dang ye shes zhing dag dang/ /gnas kyi sgo nas mchog tu 'dod/ /de la rten ni byang chub sems dpa' o/ /gzhi mchog ni zang zing sbyin pa'i ni nang gi dngos po'o/ /mi 'jigs ba sbyin pa'i ni ngan song dang 'khor bas 'jigs ba dag la de dag gis mi 'jigs pa'o/ /chos sbyin pa'i ni theg pa chen po'o/ /rgyu mtshan ni snying rje'o/ /yongs su bsngo ba ni gang gis 'bras bu byang chub chen po don du gnyer ba'o/ /rgyu ni sngon sbyin pa'i pha rol tu phyin pa la goms pa'i bag chags so/ /ye shes ni gang gis 'khor gsum yongs dag pa'i sbyin pa byin pa ste /sbyin ba po dang sbyin par bya ba dang/ len pa po rnams su rnam par mi rtog pa'i phyir ro/ /zhing ni rnam pa lnga ste/ slong ba dang/ sdug bsngal dang/ rten med pa dang/ nyes par spyad pa spyod pa dang/ yon tan dang ldan pa'o/ /bzhin phyi mi phyi ma zhing dam pa yin no/ /de dag med na lnga ba'o/ /gang la gnas nas sbyin pa'i gnas ni rnam pa gsum ste/ mos pa dang/ yid la byed pa dang/ ting nge 'dzin to/ /mos pa ni/ ji skad du/ sgom pa rnam par dbye ba las mos pa yid la byed pa bshad pa lta bu'o/ /yid la byed pa ni ji skad du/ de nyid las ro myang ba dang/ rjes su yi rang pa dang/ mngon par dga' ba yid la byed pa bshad pa lta bu'o/ /ting nge 'dzin ni nam mkha' mdzod la sogs pa ste/ ji skad du de nyid las/ /dbang 'byor pa bshad pa lta bu'o/ /de ltar na rten la sogs pa mchog gis sbyin pa mchog yin no/ /'dir ni gang zhes bstan pa yin par rig par bya ste/ gang gis dang/ gang dang/ gang gis dang/ gang gi phyir dang/ gang las dang/ gang gis yongs su zin par dang/ gang las dang rnam pa ji snyed sbyin pa de ni sbyin pa yin no/ /tshul khrims rten dang bzhi dang ni/ /rgyu mtshan dang ni yongs bsngo dang/ /rgyu dang ye shes zhing dag dang/ gnas kyi sgo nas mchog tu 'dod/ /bzod pa rten dang bzhi dang ni/ /rgyu mtshan dang ni yongs bsngo dang/ /rgyu dang ye shes zhing dag dang/ /gnas kyi sgo nas mchog tu 'dod/ /brtson 'grus rten dang bzhi dang ni/ /rgyu mtshan dang ni yongs bsngo dang/ /rgyu dang ye shes zhing dag dang/ /gnas kyi sgo nas mchog tu 'dod/ /bsam gtan rten dang gzhi dang ni/ /rgyu mtshan dang ni yongs bsngo dang/ /rgya? dang ye shes zhing dag dang gnas kyi sgo nas mchog tu 'dod/ /shes rab rten dang gzhi dang ni/ /rgyu mtshan dang ni yongs bsngo dang/ rgyu dang ye shes zhing dag dang/ gnas kyi sgo nas mchog tu 'dod/ /tshul khrims kyi gzhi mchog ni /byang? chub sems dpa' i sdom pa'o/ /bzod pa'i ni ngan pa stabs chung dus gsod pa dag go/ brtson 'grus kyi ni pha rol tu phyin pa sgom pa dang/ de'i mi mthun pa'i phyogs spang ba'o/ /bsam gtan gyi na byang chub sems dpa' i ting nge rnams so/ /shes rab kyi ni de bzhin nyid de/ /tshul? khrims la sogs pa thams cad kyi zhing ni theg pa chen po'o/ /lhag ma ni snga ma bzhin du rig par bya'o/ /byang chub sems dpa' i sbyin pa ni/ /sems can gcig bde bskal mang du/ /gnod pa byed kyang dga' 'gyur na/ /de las bzlog pa smos ci dgos/ /gal te byang chub sems dpa' rnams kyi sbyin pa ni sems can gcig kho na bde bar 'gyur la/ bdag la ni bskal pa mang por gnod pa byed du zin kyang/ 'on kyang snying rje'i khyad par gyis de dag de la dga' bar 'gyur na/ sems can yang du ma zhig la bde bar 'gyur la/ bdag nyid la yang bskal pa mang por ngan? pa byed pa gang yin pa lta smos kyang ci dgos/ /lus can rnams ni gang phyir nor 'dod pa/ brtan rnams de nyid lus can rnams la btong/ /skye bo rnams ni lus phyir nor 'dod de/ /de nyid bstan rnams brgya phrag rnams su gtong/ /de la phyed snga ma phyed phyi mas bshad do/ /gang tshe lus nyid gtong ba yang yid sdug mi bsngal ba/ /de tshe rdzas ngan lta la smos kyang ci zhig dgos/ /de 'di'i 'jig rten 'das pa de des dga' 'gyur ba/ /gang yin de ni de yi yang ni bla ma yin/ /'di la gang gi tshe lus nyid gtong ba na/ /yid sdug bsngal bar mi 'gyur ba de ni 'di'i 'jig rten las 'das pa yin no zhes bstan to/ /de sdug bsngal des bde bar 'gyur ba gang yin pa de ni de yi yang bla ma yin pas 'jig rten las 'das pa de bas kyang bla ma yin no/ /ji ltar blo ldan 'di na kun gtong ba'i/? don gnyer skye bo dga' bas dga' ba ltar/ /de ltar slong mo pa dag blang bya ba/ /'dod dgu thob pa dag gis dga' mi 'gyur/ /kun gtong ba zhes bya ba rang gi srog man chad gtong bas so/ /'dod dgu thob pa dag gis zhes bya ba ni ci 'dod pa thob pa dag gis so/ /blo can bdog dgu btang bas nor med pa/ /bdag nyid nor ldan sems pa ji lta bar/ /slong ba long spyod kun rdzogs bdag nyid ni/ /de ltar no dang ldan par mi sems so/ /ji ltar blo ldan 'di na sbyin pa bzang pos tshul bzhin du// don gnyer tshim byas de la phan chen 'dogs? par sems pa ltar/ /de bzhin slong mo pa dag shin tu nor mang thob nas ni/ /sbyin pa po la rnyed pa'i rgyu yis drin du mi rtsi'o/ /tshigs su bcad pa gnyis kyi don ni go bar zad do/ /lam ga'i 'bras mchog ldan pa'i shing las longs spyod ji lta bar/ /lus can rnams kyis gang gis nor rdzas rgya cher blangs nas ni/ /bdag nyid dogs dang bral bar rang nyam spyod par byed pa la/ /btang dga' pa longs spyod can de byang chub seMs dpa' las gzhan min/ /'di la btang ba la dga' ba'i longs spyod yod pas na btang dga' longs spyod can te/ de ni byang chub sems dpa' las gzhan ma yin par rig par bya'o/ /lhag ma ni don go bar zad do/ /gco dang de'i rgyu las gyi dbye ba dang/ rnam pa'i dbye ba rten gyi dbye ba dang/ /bar chad rnam bzhi gnyen po'i dbye ba yis/ /brtson 'grus yongs sheS bya zhes rab tu bstan/ rab tu dbye ba rnam pa drug po gtso bo'i dbye ba dang/ /de'i rgyu 'di bye ba dang/ las kyi dbye ba dang/ rnam pa'i dbye ba dang/ rten gyi dbye ba dang/ bar chad rnam pa bzhi'i gnyen po'i dbye bas brtson 'grus yongs su shes par bya ste/ bstan pa 'di ni tshigs su bcad pa phyi ma rnams kyis bshad do/ /dge ba'i tshogs kyi nang na brtson 'grus mchog/ 'di ltar de lta brten nas de rjes 'thob/ /brtson 'grus kyis ni mod la bde gnas mchog /dngos grub 'jig rten 'das dang 'jig rten gtogs/ /dge ba'i tshogs kyi nang na brtson 'grus mchog ces bya ba ni brtson 'grus dge ba'i chos thams cad kyi gtso bo yin par bstan to/ /'di ltar de la brten nas de rjes 'thob/ /ces bya ba ni gtso bo'i rgyu bstan ste/ 'di ltar brtson 'grus la brten nas dge ba'i chos thams cad 'thob po/ /brtson 'grus kyis ni mi la bde bar gnas mchog / dngos grub 'jig rten 'das dang 'jig rten gtogs/ /zhes bya ba ni las bstan pa ste/ brtson 'grus kyis ni mthong ba'i chos la bde bar gnas pa'i mchog dang/ 'jig rten las 'das pa dang/ 'jig rten pa thams cad 'grub par byed do/ /brtson 'grus kyis ni srid gcod 'dod pa 'thob/ /brtson 'grus kyis ni dag par ba 'gyur ldan/ /brtson 'grus kyis ni 'jig tshogs 'das nas grol/ /brtson 'grus kyis ni byang chub mchog sangs rgyas/ /'jig rten pa dang/ 'jig rten las 'das pa'i dngos grub kyi bye brag gis sgo nas rnam grangs gzhan gyis brtson 'grus kyis la kho na bstan te/ de la rab tu 'gyur ba ni 'jig rten pa'i dngos grub gtan du ba ma yin pa'i phyir ro/ /gzhan yang nyams dang 'phel ba'i brtson 'grus dang/ thar pa'i dbang dang mi mthun pa'i phyogs spangs gzhan/ /de nyid rab zhugs yongs su sgyur byed dang/ /brtson 'grus don chen des tshigs gzhan du 'dod/ /thog mar go cha'i brtson 'grus de nas ni/ /tshul bzhin rab zhugs stong ba'i brtson 'grus te/ ma zhum mi 'khrugs mchog mi shes brtson 'grus/ /rnam pa thams cad sangs rgyas rnams rab gsungs/ /'di ni rnam pa'i dbye ba ste/ de la nyams? dang/ 'phel ba'i brtson 'grus ni yang dag par spong ba rnams la ste/ gnyis la mi dge pa'i chas? nyams par byed pa dang/ gnyis la dge ba'i chos 'phel bar byed pa yin no/ /thar pa'i dbang gi brtson 'grus ni dbang po rnams la ste/ 'di ltar thar pa la dbang byed pa'i don gyis dbang po rnams yin pas so/ /mi mthun pa'i phyogs spangs pa ni/ /stobs rnams la ste/ 'di ltar mi mthun pa'i phogs kyis mi rdzi ba'i don gyis stobs rnams yin pas so/ /de kho na nyid la rab tu zhugs pa ni/ /byang chub kyi yan lag rnams la ste/ mthong ba'i lam la de rnam par bzhag pa'i phyir ro/ /de yongs su sbyar bar byed pa ni/ /lam gyi yan lag rnams la ste/ 'di ni sgom pa'i lam la gnas yongs su 'gyur ba'i rgyu yin pI phyir ro/ /don chen po'i brtson 'grus ni/ /pha rol tu phyin pa'i ngo bo nyid de/ rang dang gzhan gyis don mngon par sgrub pa'i phyir ro/ /go cha'i brtson 'grus ni sbyor ba'i phyir go bgos pa yin no/ /sbyor ba'i brtson 'grus ni/ /de bzhin du sbyor ba'i phyir ro/ /ma zhum pa'i brtson 'grus ni/ /rtog par bya ba rgya chen po la yang zhum pa med pas phyir ro/ mi 'khrugs pa'i brtson 'grus ni/ grang ba dang che ba la sogs pa'i sdug bsngal gyis mi 'khrugs pa'i phyir ro/ /chog mi shes pa'i brtson 'grus ni/ /rtogs pa cung zad tsam gyiS mchog par mi 'dzin pa'i phyir ro/ /go cha'i brtson 'grus la sogs pa 'di dag nyid/ /mdo las mthu dang ldan pa dang/ brtson 'grus dang ldan pa dang/ spro ba can dang/ pha rol gnon pa bstan pa dang/ dge ba'i chos rnams la brtson pa ma gtang ba zhes 'byung ba dang go rim bzhin no/ /theg pa gsum brtson skye bo la brten nas/ /bsam blo can dang rgya rab che ldan phyir/ /brtson 'grus tha ma 'bring dang mchog gzhan te/ de ni don chung pa dang don chen 'dod/ /'dis ni rten gyis bye brag gis brtson 'grus kyi dbye ba bstan te/ theg pa gsum la rab tu brtson pa'i skye bo gang yin pa de la brten nas go rim bzhin du brtson 'grus tha ma dang/ 'bring dang mchog tu rig par bya'o ci'i phyir zhe na/ bsam pa dang blo zhan pa dang/ rgya rab tu chen po dang ldan pa'i phyir ro/ /bsam pa dang blo zhan pa ni theg pa gnyis la rab tu brtson pa rnams kyi ste/ bdag 'ba' zhig gi yus su byed pa'i phyir ro/ /rgya rab tu chen po na theg pa chen po ni rab tu brtson pa rnams kyi ste/ rang dang gzhan gyi don gyi skabs yin pa'i phyir ro/ /de nyid kyi phyir brtson 'grus de ni go rim bzhin du don chung ba dang/ don chen por 'dod pa rang gi don gyi yus su byed pa'i phyir dang/ rang dang gzhan gyi don gyi skabs yin pa'i phyir ro/ /brtson 'grus ldan pa longs spyod kyis pham med/ /brtson 'grus ldan pa nyon mongs kyis pha ma med/ /brtson 'grus ldan pa skyo bas pham pa med/ brtson 'grus ldan pa thob pas pham pa med/ /ces bya ba 'di ni bar du gcod pa rnam pa bzhi'i gnyen po'i dbye ba ste/ gang gis sbyin pa la sogs pa la 'jug par mi 'gyur ba sbyin pa la sogs pa'i bar du gcod pa ni rnam pa bzhi ste/ longs spyod la chags pa ni de kun tu 'dzin pa'i phyir ro/ /nyon mongs pa ni de yongs su bcod pa la lhag par zhen pa'i phyir ro/ /skyo ba ni sbyin pa la sogs pa la sbyor bar brtson pa la yongs su skyo ba'i phyir ro/ /thob pa ni sbyin pa la sogs pa cung zad tsam gyis mchog par 'dzin pa'i phyir ro/ /de dag gi gnyen po'i bye brag gi brtson 'grus rnam pa 'di bzhi bshad do/ /phan tshun rnam par nges pa rnam par dbye ba'i tshigs su bcad pa/ /phan tshun bsdus phyir rab dbye'i phyir/ /chos nyid phyir dang rgyu mtshan phyir/ /pha rol phyin drug rnaM kun tu/ rnam par nges par shes par bya/ /phan tshun bsdus pa'i phyir rnam par nges pa ni ma 'jigs pa'i sbyin pas ni tshul khrims dang bzod pa bsdus te/ 'di ltar de gnyis kyis mi 'jigs pa sbyin par byed do/ /chos kyi sbyin paS ni bsam gtan dang sheS rab dag ste/ 'di ltar de gnyis kyi chos sbyin par byed do/ /gnyigs ni brtson 'grus te/ 'di ltar des gnyis ga sbyin par byed do/ /dge ba'i chos sdud pa'i tshul khrims kyis ni sbyin pa la sogs pa bsdus te/ de bzhin du bzod pa la sogs pas thams cad bsdus pa yang ci rigs par sbyar bar bya'o/ /rab tu dbye bas rnam par des pa ni/ /gzhan gyi rgyud la tshul khrims la sogs pa 'jig pa'i phyir sbyin pa ni rnam pa drug ste/ sbyin pa'i sbyin pa dang/ tshul khrims kyi sbyin pa nas shes rab kyi sbyin pa'i bar ro/ /chos nyid kyis rnam par nges pa ni sbyin pa la sogs pa'i don gang dag la mdo la sogs pa snang ba gang drag yin pa dang/ mdo la sogs pa'i chos gang dag la sbyin pa la sogs pa snang pa gong dag yin pa de dag ni phan tshun bsdus pa yin par rigs par bya'o/ /rgyu mtshan gyi phyir rnam par des pa ni sbyin pa ni tshul khrims la sogs pa'i rgyu mtshan yin te longS spyod la mi lta na tshul khrims la sogs pa la 'jug pa'i phyir ro/ /tshul khrims kyang sbyin pa la sogs pa'i rgyu mtshan yin te/ dge slong gi sdom pa yang dag par blangs na yongs su 'dzin pa thams cad gtong ba'i phyir dang/ tshul khrims la gnas na bzod pa la sogs pa dang ldan pa'i phyir ro/ /dge ba'i chos sdud pa'i tshul khrims yang dag par blangs pa ni/ sbyin pa la sogs pa thams cad kyi rgyu mtshen? yin te/ de bzhin du bzod pa la sogs pa phan tshun gyi rgyu mtshan kyi dngoS po yin pa yang ci rigs bar sbyar bar bya'o/ /bsdu ba'i dngos po rnam par dbye ba'i tshigs su bcad pa bdun te/ bsdu ba'i dngos po bzhi ni/ sbyin pa dang/ snyan par smra ba nyid dang/ don spyod pa nyid dang/ don mthun pa nyid dang/ de la/ sbyin mtshungs de ston len 'jug dang/ bdag nyid rjes su 'jug rnams kyis/ /snyan par smra dang don spyod dang/ /don mthun nyid du 'dod pa yin/ /sbyin pa ni mtshungs par 'dod/ /pha rol tu phyin pa dag gi skabs nas ji skad du bshad pa lta bu yin no/ /snyan par smra ba ni de ston pa yin no/ /don spyod pa ni de yang dag par len du 'jug pa'o/ /de zhes bya ba'i sgras ni pha rol tu phyin pa rnams bzung ste/ pha rol tu phyin pa ston pa dang/ pha rol tu phyin pa yang dag par len du 'jug pa zhes bya ba'i tha tshig go / don mthun pa nyid ni gang la gzhan yang dag par lam du 'jug pa de la bdag nyid rjes su 'jug pa'o/ /yang ci'i phyir bsdu ba'i dngos po bzhir 'dod ce na/ 'di ni gzhan dag la/ phan par byed pa'i thabs dang ni/ /'dzin par byed dang 'jug byed dang/ /de bzhin rjes su 'jug byed pa/ /bsdu ba'i dngos po bzhin shes bya/ /sbyin pa ni phan par byed pa'i thabs te/ /zang zing gi sbyin pas lus la phan pa skyed ba'i phyir ro/ /snyan par smra pa ni 'dzin par byed pa ste/ /bye brag tu mi shes pa dang/ the tshom za bar don 'dzin du 'jug pa'i phyir ro/ /don spyod pa ni 'jug par byed pa ste/ dge ba la 'jug par byed pa'i phyir ro/ /don mthun pa ni/ rjes su 'jug par byed pa ste/ yang dag par len du 'jug par byed pa po ni ji skad smras pa de bzhin byed pa yin no zhes bya bar rig nas des dge ba gang la gzhan dag gcug ba de la rjes su 'jug pa yin no/ /dang pos snod? 'gyur dngoS po ste/ /gnyis pa yis ni mos pa yin/ /gsum pa yis ni sgrub pa ste/ /bzhi pas rnam par sbyong ba'o/ /zang zing gi sbyin pas ni snong du rung bar 'gyur te/ chos nyan du btub par byed pa'i phyir ro/ /snyan par smra baS ni chos de la mos par byed do/ /de'i don bye brag tu shes par byed pa dang/ the tshom gcod pa'i phyir ro/ /don spyod pas ni chos bzhin du sgrub par byed do/ /don mthun pas yun ring por sgrub pa'i phyir sgrub pa de rnam par sbyong bar byed de/ 'di ni bsdu ba'i dngos po rnams kyi las yin no/ zang zing dang ni chos kyis te/ dmigs pa'i chos la sogs pa yis/ /sdu ba gnyis kyi sgo nas ni/ /bsdu ba'i dngos po bzhir 'dod do/ /gang yang bcom ldan 'das kyis zang zing gis bsdu ba dang/ chos kyis bsdu ba dang/ bsdu ba gzhan gnyiS gsungs pa de dag gis bsdu ba'i dngos po 'di dag kho na bsdus te/ dang po ni zang zing gi bsdu bas so/ /lhag ma rnams ni chos kyi bsdu bas so/ /de dag kyang chos rnam pa gsum po dmigs pa'i chos dang/ sgrub pa'i chos dang rnam par sbyong ba'i choS dang go rim bzhin no/ /rnam pa'i de bye ba'i sgo nas ni/ /bsdu ba dman dang 'bring dang mchog /phal cher don med don yod dang/ /rnam kun don yod shes par bya/ /'di ni bsdu ba'i rnam pa'i rab tu dbye ba'o/ /de la byang chub sems dpa' rnamS kyi bsdu ba dman pa dang/ 'bring dang/ mchog ni theg pa gsum la rab tu zhugs ba dag la rig par bya ste/ go rim bzhin no/ /phal cher don med pa ni mos pas spyod pa'i sa la'o/ /phal cher don yod pa ni sa la zhuD pa rnams kyi'o/ /rnam pa thams cad du don yod pa ni sa brgyad pa la sogs pa la ste/ sems can gyi don gdon mi za bar 'grub pa'i phyir ro/ /'khor sdud pa dang ldan pa rnams/ /tshul 'di la na yang dag brten/ /kun kyis don kun 'grub byed cing/ /thabs bzang yin par rab tu bsngags/ /su dag 'khor sdud pa la zhugs pa de dag thams cad kyis ni 'di lta ste/ bsdu ba'i dngos po bzhi'i thabs kho na la yang dag par brten te/ 'di ltar 'di ni thad? kun 'grub par byed pa dang/ thabs bzang ba yin par sangs rgyas rnams kyis rab tu bsngags so/ /bsdus dang sdud par 'gyur ba dang/ gang dag da ltar sdud byed pa/ /de kun de 'dra de lta bas/ /'di ni sems can smin byed lam/ /'dis ni semS thams cad yongs su smin par bya ba la bsdu ba'i dngos po bzhin dus gsum du yang bgrod pa gcig pa'i lam nyid yin par ston te/ lam gzhan med pa'i phyir ro/ /de ltar rtag tu longs spyod mchags blo/ /bsdom brtson pa'i pha rol phyin gnas bdag / srid yul mtshan ma rnam par mi rtog pa/ /de ni sems can tshigs sdud byed pa yin/ /'dis ni ji skad du bshad pa'i pha rol tu phyin ba drug la gnas pa'i byang chub seMs dpa' i bsdu ba'i dngos po'i sbyor ba ston te/ pha rol tu phyin pa dag dang/ bsdu ba'i dngos po dag gis go rim bzhin du rang dang gzhan gyi don sgrub pa'i phyir ro/ /pha rol tu phyin pa'i skabs rdzogs so// //sangs rgyas la mchod pa'i rnam dbye ba'i tshig su bcad pa rnam pa bdun te/ rab dang sems dang ldan pa yis/ /tshogs gnyis rdzogs par bya ba'i? phyir/ /sangs rgyas rnams la gos sogs kyis/ /mngon sum mngon sum min par mchod/ /sangs rgyas 'byung ba don yod par/ /smon lam dang ni ldan pa yi/ /gsum po dmigs par mi byed pa/ /sangs rgyas mchod pa rdzogs pa yin/ /sems can dag ni tshang med pa yongs su smin par byed pa gzhan/ /rdzas dang sems kyi sgo nas gzhan/ /mos pa dang ni smon pa dang/ /brtse dang bzod pa dag dang ni/ /yang dag spyod pa'i sgo dang ni/ /gzhi la gtod dang rtogs pa dang/ grol dang de bzhin nyid kyis gzhan/ /de ltar na tshigs su bcad pa 'di bzhis ni/ /rgyu mtshan dang ni yongs bsngo dang/ rten dang dngos dang rgyu dang ni/ /ye shes dang ni zhing dag dang/ gnas kyi mchod pa rab bstan par/ /rig par bya ste/ de la rgyu mtshan ni rab tu dang ba dang ldan pa'i sems so/ /yongs su bsngo ba ni/ bsod nams dang ye shes kyis tshogs yongs su rdzogs par byed pa'o/ /rten ni mngon sum dang lkog tu gyur ba'i sangs rgyas rnams so/ /dngos po ni gos la sogs pa'o/ /rgyu ni dag la sangs rgyas 'byung ba don yod par gyur cig ces sngon smon pa'o/ /ye shes ni mchod par byed pa dang/ mchod par bya ba dang/ mchod pa mi dmigs pa'i phyir rnam par mi rtog pa'o/ /zhing ni sems can tshad med pa rnams te/ nga? yongs su smin par bya ba'i phyir/ de dag gis de la rab tu sbyar bas de dag la de btab bya'i phyir ro/ /gnas ni rdzas dang sems te/ de la rdzas la brten nas mchod pa ni gos la sogs pa'o/ /sems la brten nas mchod pa ni ro myang ba dang/ rjes su yid rang ba dang/ mngon par dga' ba'i yid la byed pa ngag dang/ mos pa la sogs pa ji skad du bshad pa 'di lta ste/ theg pa chen po la mos pa byang chub tu sems bskyed pa ste/ 'dir tshigs su bcad pa sbyang ba'i dor smon lam nyid smon par bshad pa dang/ sems can la brtse ba dang/ dka' ba spyod pa'i sdug bsngal bzod pa dang/ pha rol tu phyin pa yang dag par spyod pa dang choS la tshul bzhin yid la byed pa'i sgo nas ste/ de ni phyin ci ma log pa'i phyir bzhi la btod pa yin no/ /yang dag pa'i lta ba'i sgo nas ni mthong ba'i la nam la ste/ de ni yang dag pa ji lta ba bzhin du rtog pa'i phyir bzhi rtogs pa yin no/ /rnam par grol ba'i sgo nas ni nyon mongs pa las rnam par grol ba'i phyir nyan thos rnams kyi yin no/ /de bzhin nyid kyi sgo nas byang chub chen po 'thob ste/ 'di ni mchod pa'i rnam pa'i dbye ba yin no/ /rgyu dang 'bras bu nyid dang ni/ /bdag nyid dang ni gzhan dag dang/ /rnyed dang bkur sti nyid dang ni/ /sgrub pa'i sgo nas de rnam gnyis/ /mchod pa chung dang chen po de/ /nga rgyal bcas dang nga rgyal med/ /sbyor dang 'gro ba nyid dang ni/ /smon pa'i sgo nas ngar 'dod do/ /zhes bya ba 'di ni dus la sogs pa'i dbye bas rnam pa'i dbye ba gzhan yin te/ de la rgyu ni 'das pa'o/ /'bras bu ni da ltar byung ba'o/ /rgyu ni da ltar byung ba'o/ /'bras bu ni ma 'ongs pa'o/ /de ltar na rgyu dang 'bras bu'i sgo nas 'des pa dang/ ma 'ongs pa dang/ da ltar byung ba'i rigs par bya'o/ /bdag nyid ces bya ba ni nang gi'o/ /gzhan dag ces bya ba ni phyi'i 'o?/ /rnyed pa dang bkur sti ni rags pa'o/ /sgrub pa ni phra ba'o/ /chung ngu ni dman pa'o/ /chen po ni gya nom pa'o/ /yang nga rgyal dang bcaS pa ni dman pa'o/ /nga rgyal med pa ni gya nom pa ste /'khor gsum du rnam par mi rtog pa'i phyir ro/ /dus gzhan na sbyar bar bye ba ni ring ba'o/ /de'i dus ni sbyar bar byang? ni nye ba'o/ /'gro ba rnam par chad pa'i ni ring ba'o/ /de ma thag pa'i ni nye bar? yang mchod pa gang zhig che phyi ma la sbyar bar smon lam 'debs pa de ni ring ba'o/ /gang zhig bya bar smon laM btab pa de ni nye ba'o/ /yang sangs rgyas la mchod pa'i mchog gang yin par rig par bya zhe na/ rang gi sems kyis sangs rgyas rnams mchod pa/ / chos la mos dang bsam dang dbang 'byor dang/ /rnam par mi rtog thabs yongs bzung ba dang/ /kun dang don gcig nyid la 'jug pas mchog /ces bya ba smos te/ rnam pa lngas rang gis sems kyis sangs rgyas rnams mchod pa mchog tu rig par bya'o/ /'di lta ste mchod pa dang ldan pa'i theg pa chen po'i chos la mos pa dang/ bsam pa ste/ bsam pa dgu po ro myang ba dang/ rjes su yi rang ba dang/ mngon par dga' ba'i bsam pa dag dang/ ngom? mi shes pa dang/ rgya chen po dang/ dga' ba dang phan pa dang/ ma gos pa dang/ dge ba'i bsam pa gang dag pha rol tu phyin pa bsgom pa las bstan pa rnams dang/ dbang 'byor pa nyid do/ /nam mkha' mdzad la sogs pa'i ting nge 'dzin dang/ rnam par mi rtog pa'i ye shes kyi thabs yongs su bzung ba dang/ byang chub sems dpa' chen po thams cad dang/ don gcig pa nyid la 'jug pa'i sgo nas te/ don thams cad ni 'dres pa nye bar 'dres pa yin pa'i phyir ro/ /dge ba'i bshes gnyen la brten pa rnam par dbye ba'i tshigs su bcad pa bdun te de la tshigs su bcad pa phyed dang lngas ni/ /bsten pa brten dang bzhi dang ni/ /rgyu mtshan dang ni yongs bsngo dang/ /rgyu dang ye shes zhing dag dang/ /gnas kyi sgo nas rab tu bstan/ /gshes gnyen dul bzhi zhing nyer zhi ba/ /yon tan lhag pa brtson bcas lung gis phyug / de nyid rab tu rtogs pa smra mkhas ldan/ /brtse ba'i bdag nyid skyo ba spangs la brten/ /bsten pa'i rten ni yon tan de lta bu dang ldan pa'i bshes gnyen yin te/ dul ba ni tshul khrims dang ldan pa'i phyir dbang po dul bas so/ zhi ba ni ting nge 'dzin dang ldan pa'i phyir sems nang du zhi bar gnas pas so/ /nye bar zhi ba ni shes rab dang ldan pa'i phyir nyon mongs pa nye bar gnas pa nye par zhi bas so/ /yon tan lhag ma ni mnyam pa'am chung ba ma yin pa'o/ /brtson pa dang bcas pa ni/ gzhan gyi don la g.yal ba ma yin pa'o/ /lung gis phyug pa ni thos pa nyung du ma yin pa'o/ /de kho na nyid rab tu rtog pa ni de kho na nyid khong du chud pa'i phyir ro/ /smra mkhas pa dang ldan pa ni smra mkhas pa dang ldan pa'o/ /brtse ba'i bdag nyid ni zang zing gi sems med pa'i phyir ro/ /skyo ba spangs pa ni rtag tu chos ston pa'i phyir ro/ /bkur sti rnyed pa dag dang rim gro dang/ /sgrub pa'i sgo nas bshes gnyen bsten par bya/ /zhes bya ba ni/ rten bzhi'i de bzhin blo ldan chos la ni/ /shes bsam dus su 'dud pas bshes gnyen bgrong/ /ces bya ba ni rgyu mtshan rnams gsum ste/ kun shes par 'dod pa nyid dang/ dus shes pa nyid dang/ nga rgyal med pa nyid do/ /de ni bsnyen bkur rnyed la 'dod pa med/ /bsgrub par bya phyir du? yongs bsngo bar byed/ /ces bya ba ni yongs su bsngo ba ste/ sgrub pa'i don du rten gyi rnyed pa dang bkur sti'i don du ni ma yin no/ /bstan pa ji skad bstan pa sgrub pa des/ /de yi sems ni yang dag mgu bar byed/ /ces bya ba ni bsten pa'i rgyu ni ji skad bstan pa bzhin du sgrub pa yin te/ des de'i sems mgu bar 'gyur ba'i phyir ro/ /theg pa gsum la mkhas pa blos rtogs nas/ rang gi theg pa 'grub par bya phyir 'bang/ /ces bya ba la ye shes ni theg pa gsum la mkhaS pa yin no/ /sems can tshad med yongs su smin par? phyir dang/ zhing dag pa yang sbyang bar bya ba'i phyir/ /zhes bya ba ni de bsten pa'i zhing rnam pa gnyis te/ sems can tshad med pa dang sangs rgyas kyi zhing yongs su dag pa ste/ gang du gnas nas chos thos pa de dag 'jog pa'i phyir ro/ /de chos bgo skal la spyod yon tan ldan/ /bshes gnyen rab tu bsten bya zang zing min/ /zhes bya ba ni brten pa'i gnas yin te/ /chos kyi bgo skal la spyod pa la brten nas dge ba'i bshes gnyen la brten par bya'i/ /zang zing gi bgo skal la spyod pa la ni ma yin no/ /'di man chad tshigs su bcad pa phyed dang gnyis kyis ni bsten pa'i rnam pa'i dbye ba rig par bya ste/ blo dang ldan pa rgyu dang 'bras bu dang/ chos sgo rjes 'gro phyir dang thos mnyam dang/ sems kyis rnal 'byor nga rgyal bcas pa dang/ nga rgyal med yid ldan pas bshes gnyen bsten/ /de la blo dang ldan pa rgyu dang 'bras bu dang/ zhes bya ba ni 'das pa la sogs par dbye ba ste snga ma bzhin no/ /chos sgo rjes 'gro phyi dang zhes bya ba ni/ nang dang phyi'i bye brag gis ni chos kyi sgo'i rjes su 'gro ba ni chos kyi sgo'i rgyun no/ /phyi ni phyi rol lo/ /thos pa mnyan pa dang/ sems kyi rnal 'byor zhes bya ba ni rags pa dang phra ba'i dbye ba ste/ mnyan pa ni rags pa'o/ /bsam pa dang bsgom pa ni phra ba ste/ de nyid sems kyi rnal 'byor yin no/ /nga rgyal dang bcas pa dang/ nga rgyal med pa'i yid dang ldan pas she bya ba ni dman pa dang/ gya nom pa'i dbye ba'o/ /blo ldan 'gro dang sbyor ba dang/ smon pa'i sgo nas dge bshes bsten zhes bya ba ni ring ba dang/ nye ba'i dbye ba ste/ snga ma bzhin du sbyar bar bya'o/ /bsten pa'i mchog gang zhe na/ tshigs su bcad pa bdun te/ rang gi sems kyi bshes gnyen mchog bsten pa/ /chos la mos dang bsam dang dbang 'byor dang rnam par mi rtog thabs yongs bzung ba dang/ /kun dang don cig nyid la 'jug pas mchog /ces bya ba ste snga ma bzhin no/ /tshad med pa rnam par dbye ba'i tshigs su bcad pa bcu gnyis te/ bstan pa'i tshangs pa'i mi mthun spangs/ /rnam par mi rtog ye shes ldan/ /dmigs pa rnam pa gsum la 'jug/ sems can rnams ni yongs smin byed/ /tshangs pa'i gnas pa ni tshad med pa bzhi ste/ byams pa dang/ snying rje dang/ dga' ba dang/ btang snyoms so/ /byang chub seMs dpa' ? de dag kyang mtshan nyid bzhir rig par bya ste/ mi mthun ba'i phyogs spangs pa dang/ gnyen po'i khyad par dang ldan pa dang/ dmigs pa rnam pa gsum la 'jug ba'i phyir 'jug pa'i khyad par te/ 'di ltar de dag ni sems can la dmiD pa dang/ chos la dmigs pa dang/ dmigs pa med pa'o/ /las kyi khyad par ni/ sems can yongs su smin par byed pa'i phyir ro// //sems can dang/ chos la dmigs pa dag kyang seMs can gyi ris sam/ chos gang la 'jug/ dmigs pa med pa dag kyang dmigs pa gang la 'jug ce na/ brtan pa rnams kyi de dag bde 'dod dang/ sdug bsngal gyi nyams thag dang bde ba dang/ nyon mongs can dang de dag bstan chos dang/ /de yi de bzhin nyid la rab tu 'jug/ sems can la dmigs pa ni bde bar 'dod pa nas sems can gyi tshogs nyon mongs pa can gyi bar la 'jug ste/ 'di ltar byams pa ni sems can rnams la bde ba dang ldan pa'i rnam pa yin no/ /snying rje ni sdug bsngal dang bral ba'i rnam pa yin no/ /dga' ba ni bde ba dang mi 'bral ba'i rnam pa yin no/ /btang snyoms ni tshor ba de dag la sems can rnams kyi kun nas nyon mongs pa med par sgrub pa'i rnam pa yin no/ /chos la dmiD pa ni/ de dag bstan pa'i chos la ste/ gang la gnas pa de dag bstan pI chos la 'jug go/ dmigs pa med pa ni de bzhin n id la 'jug pa ste/ de dag rnam par mi rtog pa'i phyir dmigs pa dang 'dra byas na/ dmigs pa med pa'o gzhan yang/ de don de bzhin nyid phyir dang/ zhib thob bas dag phyir dang/ /las gnyis nyon mongs zad pa'i phyir/ /byams pa dmigs pa med pa yin/ /rgyu 'di bzhis byams pa dmigs pa med pa yin par rig? par bya ste/ de bzhin nyid la dmigs pa dang/ mi skye ba'i chos la bzod pa thob pa'i sgo nas khams rgyas pas de rnam par dag pa dang/ las gnyis te/ lus dang dag gi las byams pa'i rgyu mthun pas bsdus pa gang yin pa dang/ nyon mongs pa zad pa ste/ 'di ltar nyon mongs pa ni dmigs par bshad te/ yid kyi rang bzhin gyi 'dud pa rnams spangs pa'i phyir dmigs par 'chad do zhes 'byung ba'i phyir ro/ /de dag g.yo dang mi g.yo dang/ /chags pas ro myangs min shes bya/ /tshangs pa'i gnas pa de dag kyang/ /rnam pa bzhir rig par bya ste/ de la g.yo ba ni nyams pa'i skal ba can te/ yongs su nyams par 'gyur ba'i phyir ro/ /mi g.yo ba ni gnas pa dang khyad par du 'gyur ba'i skal pa can te/ yongs su nyams par mi 'gyur pa'i phyir ro/ /chags pas zhes bya ba ni bde baS g.yen spyos pa ste/ sems rgya chung bas so/ /ro myangs pa ni nyon mongs pa can no/ /ro myangs pa ma yin pa ni nyon mongs pa can ma yin pa te/ 'di ni tshangs pa'i gnas pa rnams kyi nyams pa'i skal pa can la sogs pa'i rnam pa'i dbye ba yin no/ /de dag las/ byang chub sems dpa' i mig yo ba/ /chags dang bral ba rab tu gnas/ /g.yo ba la yang ma yin la ro myangs pa dag la yang ma yin no/ /mnyam bzhag ngo bo nyid min chung/ /'bring dang dman pa'i sa pa dang/ bsam pa dman dang nga rgyal bcas/ /gang yin de dman gzhan nyid lhag/ 'di ni chung du dang/ /chen po'i dbye ba'o/ /de la chung du ni rnam pa drug ste/ mnyam par ma bzhag pa'i ngo bo nyid thams cad dang/ mnyam par bzhag pa yang chung du dang/ /'bring gang dag yin pa yang / gong ma gong ma'i byang chub sems dpa' i sa la ltos nas dman pa'i sa pa gang dag yin pa dang/ nyan thos rnams kyi bsam pa dman pa dang/ nga rgyal rang bcas pa mi skye ba'i chos la bzod pa dang bral ba gang dag yin pa de dag ni dman pa ste chung du yin no zhes bya ba'i tha tshig go/ gzhan nyid ni lhag pa'o zhes bya ba ni ji skad bshad pa las bzlog pa ni chen po yin par rig par bya'o/ /tshangs pa'i gnas pas gnas pa yin/ blo ldan rtag tu 'dod par skye /des ni tshogs rnams rdzogs byed cing/ /sems can dag kyang rnam smin byed/ /kun tu tshangs dang mi 'bral la/ /de yi mi mthun phyogs dang bral/ /bag med 'gyur kyang de yi rkyen/ /mi bzang bas kyang mi 'gyur ro/ /rgyu dang 'bras bu dang/ rtags kyi dbye ba ste/ de la tshangs pa'i gnas pa dag gis gnas pa zhes bya ba ni rgyu'o/ /'dod pa'i sems can rnams kyi nang na skye'o zhes bya ba ni rnam par smin pa'i 'bras bu'o/ /tshogs rnams rdzogs par byed do zhes bya ba ni bdag po'i 'bras bu'o/ /sems can dag yongs su smin par byed do zhes bya ba ni skyes bu byed pa'i 'bras bu'o/ /thams cad du tshangs pa'i gnas pa dge dang mi 'bral bar 'gyur ro zhes bya ba ni rgyu mthun pa'i 'bras bu'o/ /de'i mi mthun pa'i phyogs dang bral ba zhes bya ba ni bral ba'i 'bras bu'o/ /bag med par gyur kyang zhes bya ba ni mi mthun pa'i phyogs mngon du gyur kyang ngo/ /rkyen mi thad pas kyang mi 'gyur zhes bya ba ni rtags so/ /tshigs su bcad pa gzhan bzhis ni skyon dang yon tan dag dbye ba ste/ byang chub sems dpa' gnod sems dang/ /rnam 'tshe mi dga' gnod sems dang/ 'dod pa'i 'dod chags dang ldan pa /nyes dmigs rnam pa mang la reg/ ces bya ba ni skyon te/ tshangs pa'i gnas pa med na de'i mi mthun pa'i phyogs dang ldan pa'i phyir ro/ /de la gnod sems la sogs pa'i ni go rim bzhin du/ byams pa la sogs pa'i mi mthun pa'i phyogs yin te/ gnod sems dang 'dod pa'i 'dod chags dag ni btang snyoms kyi yin no/ /ji ltar nyes dmigs rnam pa mang po la reg ce na/ bshad pa/ nyon mongs rnams kyis bdag 'joms sems can 'joms shing tshul khrims 'joms/ /nyams bcas rnyed pas dman zhing srung dang de bzhin ston pas smod/ /brtsod bcas mi snyan de ni gzhan du mi khom rnams su skye/ thob dang ma thob nyams pas yid la sdug bsngal chen po 'thob/ /de la tshigs dang po gsum gyis ni bdag nyid la yang gnod par byed la/ gzhan la yang gnod par byed/ gnyis ga la yang gnod par byed pas na de ni nyes dmigs yin par ston te/ nyams pa dang bcas pa la sogs pa tshig drug gis ni mthong ba'i chos kyi kha na ma tho ba 'phel lo zhes bya bar ston to/ /ji ltar 'phel zhe na/ 'di la bdag nyid dang/ gzhan dag dang/ lha dang ston pa yang smod la/ tshangs pa mtshungs par spyod pa mkhas pa gzhan dag kyang chos nyid kyis rnam par smod do/ /phyogs dang phyogs mtshams su yang 'di'i sgra dang tshigs su bcad pa mi snyan pa dag 'byung ste/ de lta bas na 'di ni nyams pa dang bcas pa nas mi snyan pa zhes bya ba'i bar 'dis go rim bzhin du ston to/ tshigs lhag ma gsum gyis ni go rim bzhin du tshe phyi ma dang/ mthong ba'i chos dang/ tshe phyi ma'i kha na ma tho ba 'phel te/ de las skyes pa'i sems kyi sdug bsngal dang /yid mi bde ba so sor myong bar 'gyur bas 'di ni nyes dmigs yin par ston to/ /nyes pa 'di kun byams sogs la/ /legs par gnas la mi 'byung ste/ nyon mongs can min sems can gyi/ /don du 'khor ba yongs mi gtong/ /zhes bya ba ni tshangs ba'i gnas pa dang ldan pa'i yon tan rnam pa gnyis ston te/ ji skad bshad pa'i skyon med pa dang/ kun nas nyon mongs pa med kyang sems can gyi phyir 'khor ba yongs su mi gtong pa'o/ /ji ltar rgyal ba'i sras rnams sems can la/ /byams pa la sogs sems pa 'di 'byung ba?/ /sems can thams cad yon tan ldan pa yi/ /bu gcig pa la'ang de lta ma yin no/ /zhes bya ba 'dis ni byang chub sems dpa' i byams pa la sogs pa che ba nyid du ston to/ /snying rje'i rnam par dbye ba la/ de'i dmigs pa'i rab tu dbye ba las brtsams nas tshigs su bcad pa gnyis te/ rab 'bar dgra yi dbang du song/ /sdug bsngal gyis non mun pas bsgribs/ /bgrong dka' i lam la kun tu zhugs/ /'ching ba che dang yang dag ldan/ /zas chen dug dang 'dres la zhen/ /lam ni rab tu stor gyur pa/ /lam gol rab zhugs stobs chung ba'i/ /sems can rnams la snying rje'o/ /de la rab tu 'bar bzhi 'dod pa'i 'dod chags kyis 'dod pa'i bde ba la chags pa rnams so/ /dgra'i dbang du song ba ni dge ba la zhugs pa la bdud kyi bar chad byas pa rnams so/ /sdug bsngal gyis non pa ni sems can dmyal ba la sogs par sdug bsngal gyis zil gyis non pa rnams so/ /mun pas bsgribs pa ni/ shen pa la sogs pa gcig tu nyes par spyod ba rnams te/ las kyi rnam par smin pa la kun tu rmongs pa'i phyir ro/ /bgrod dka' ba'i lam la kun tu zhugs pa ni yongs su mya ngan las mi 'da' ba' i chos can rnams te/ 'khor ba'i? lam gtan rgyun mi gcod pa'i phyir ro/ /'ching ba chen po dang yang dag par ldan pa ni/ gzhan mu stegs can thar pa la sogs kun tu zhugs pa rnams te/ lta ba ngan pa sna tshogs kyi 'ching ba dam pos bcings pa'i phyir ro/ /zas chen po dug dang 'dres pa la zhen pa ni/ snyoms par 'jug pa'i bden pa la zhen pa rnams te/ de dag gi snyoms par 'jug pa'i bde ba nyon mongs pa can ni/ /dper na kha zas zhim bo dug dang 'dres pa dang 'dra ste/ de las rab tu nyams par 'gyur ba'i phyir ro/ /lam rab tu stor pa ni mngon pa'i nga rgyal can rnaMs te/ thar pa'i lam nor pa'i phyir ro/ /lam gol ba la rab tu zhugs pa ni/ /ma nges pa theg pa dman pa la rab tu zhugs pa rnams so/ /stobs chung ba ni byang chub sems dpa' tshogs yongs su ma rdzogs pa rnams te/ de ltar na sems can rnam pa bcu po 'di dag ni byang chub sems dpa' i snying rje'i dmigs pa yin no/ /snying rje'i 'bras bu lnga bstan pa'i tshiD su bcad pa/ 'tshe spangs byang chub mchog gi sa bon dang/ bde ba bskyed dang gdung byed 'dod pa'i rgyu/ /ngo bo nyid sbyin chos la brtan pa yi/ /rgyal ba'i sras la byang chub thag mi ring/ /de la che ba spangs pa nyid kyis ni de'i mi mthun pa'i phyogs rnam par 'tshe ba spangs pa'i phyir bral ba'i 'bras bu bstan te/ byang chub mchog gi sa bon nyid kyis bdag po'i 'bras bu'o/ /go rim bzhin du gzhan dang bdag nyid la bde ba bskyed ba dang/ gdung bar byed par nyid kyis ni skyes bu byed pa'i 'bras bu'o/ /'dod pa'i rgyu nyid kyis ni rnam par smin pa'i 'bras bu'o/ /ngo bo nyid sbyin pa nyid kyis ni rgyu mthun pa'i 'bras bu ste/ ma 'ongs pa na 'bras bu snying rje khyad par du 'phags pa sbyin pa'i phyir ro/ /de ltar na rnam pa lnga po'i snying rje la brten nas sangs rgyas nyid thag mi ring bar rig par bya'o/ /'khor ba dang mya ngan las 'das pa la mig nas pa nyid kyi tshigs su bcad pa/ snying rje blo mchog 'khor bar gtogs pa yi/ /sdug bsngal bdag nyid kun dang bdag med pa'ang// rnam par shes nas skyo bar mi 'gyur zhing/ /nyes par rab tu gnod bar yang mi 'gyur ro/ /byang chub sems dpa' 'khor bar gtogs pa thams cad yang dag pa ji lta ba bzhin yongs su shes nas snying rje dang ldan pa'i phyir skyo bar yang mi 'gyur la/ /blo mchog dang ldan pa'i phyir nyes pa dag gis gnod par yang mi 'gyur ro/ /de ltar na mya ngan las 'das pa la yang mi gnas la/ /'khor ba la yang gnas par ma 'gyur te/ go rim bzhin no/ /'khor ba yongs su shes pa'i tshigs su bcad pa/ /'jig rten sdug bsngal bdag nyid lta ba yi/ /brtse dang ldan pas sdug bsngal de dang ni/ /de yongs spangs pa'i thabs kyang ji bzhin rig /nyams da? bar byed skyo bar yang mi 'gyur/ /de yang ji bzhin du rig go /zhes bya ba ni sdug bsngal yang dag pa ji lta ba bzhin du ste/ gang gis na sdug bsngal de 'gag par 'gyur ba sdug bsngal yongs su spangs pa'i thabs kyang rig go/ nyams da bar byed ces bya ba ni snying rje bar byed pa'o/ /'dis ni byang chub seMs dpa' 'khor ba'i sdug bsngal dang de yongs su spangs pa'i thabs yang dag pa ji lta ba bzhin du shes kyang snying rje'i khyad par gyis skyo bar mi 'gyur ro/ /zhes bya bar rab tu ston to/ /snying rje'i rab tu dbye ba'i tshigs su bcad pa gnyis te/ snying rje'i bdag nyid can gyi brtse ba 'di/ /rang bzhin dang ni so sor brtags pa dang/ de sngon goms bar byas dang ldan pa dang/ /mi mthun phyoD nyaMs rnam dag thob pa bzhi/ /'di ni go rim bzhin du rigs kyi khyad par dang/ yon tan dang/ skyon yongs su brtags pa dang/ tshe rabs gzhan na yongs su goms pa dang/ 'dod chags dang bral ba thob pa'i sgo nas rig par bya ste /de'i mi mthun pa'i phyogs rnam par 'tshe ba spangs na rnam par dag pa 'thob pas de? ltar na 'dod chags dang bral ba thob pa'i sgo nas yin no/ /mnyam dang rtag min lhag pa'i bsam pas min/ /sgrub pa'i sgo dang 'dod chags dang bral ba dang/ /mi dmigs pas min gang de brtse min te/ de bzhin brtse med gang de byang chub min/ /de la mnyam ba ni sems can bde ba la sogs pa la ste/ gang cung zad ci tshor ba de ni 'dir sdug bsngal ba'o zhes bya bar rig pas so/ /rtag ba ni phung po'i lhag ma med pa'i mya ngan las 'das pa na yang de mi zad pa'i phyir ro/ /lhag pa'i bsam pas ni sa la zhugs pa rnams kyi ste/ bdag dang gzhan mnyan pa nyid kyi bsam pa thob pa'i phyir ro/ /sgrub pa'i sgo nas ni sdug bsngal las yongs su skyo bar byed pas so/ /'dod chags bral bas ni de'i mi mthun pa'i phyir? rnam par 'tshe ba spangs pa'i phyir ro/ /mi dmigs pas ni mi skye ba'i chos la bzod pa thob pa'i phyir ro/ /snying rje shing dang 'dra ba'i chigs su bcad pa la ste/ snying rje dang ni bzod dang sems pa dang/ /smon lam skye ba sems can yongs smin byed/ /dang po rtsa ba tha ma 'bras mchog dang/ 'di ni snying rje'i ljon shing chen po yin/ /zhes bya ba 'od ni rtsa ba dang/ snying po dang/ yal ga dang/ lo ma dang/ me tog dang/ /'bras bu'i gnas skabs pa'i snying rje'i shing yin par rig par bya ste/ de'i rtsa ba ni snying rje'o/ /sdong po ni bzod pa'o/ /yal ga ni sems can gyi don la sems pa'o/ /lo ma ni skye ba bzang po dag tu smon pa'o/ /me tog ni skye ba bzad po'o/ /'bras bu ni sems can yongs su smin pa byed pa'o/ /rtsa ba snying rje med gyur na/ /dka' spyod bzod pa nyid mi 'gyur blo ldan sdug bsngal mi bzod na/ /sems can don sems nyid mi 'gyur/ /sems pa dang ni brol ba'i blo/ /skye ba dkar po rnam dag tu/ smon las 'debs par mi 'gyur ro/ /skye ba bzang po ma thob na/ /sems can yongs smin byed mi ba byung/ /tshiD bcad ba 'di gnyis kyis ni snga ma las phyi ma skye ba dang/ chos mthun pI phyir snying rje la sogs pa la rtsa ba la sogs pa'i dngos bor sgrub bar byed do/ /snying rje'i chub byams pa ste/ /de sdug bsngal na bde ba yis/ /sangs rgyas tshul bzhin yid byed pas/ /yal ga rgya chen 'phel ba dang/ /smon lam rgyun mi ma bcad pas/ /lo ma 'dor len rkyen rnams gnyis/ /grub pa de phyir me tog dang 'bras bu don yod shes par bya/ /tshigs su bcad pa 'di gnyis kyis ni snying rje'i shing gi rtsa ba dang chu ba la sogs pa dang chos mthun par ston par byed de/ /snying rje ni rtsa ba yin par bshad do/ /de'i chu ba ni byams pa ste/ nges de rgyas par byed pa'i phyir ro/ /byams pa'i sems dang ldan pa ni/ /gzhan sdug bsngal bas sdug bsngal bar 'gyur te/ nges na byang chub sems dpa' sems can gyis don la zhugs pa la snying rje'i sgo nas sdug bsngal skye ba gang yin pa de las bde ba skyes pas spangs pa rgyas par 'gyur te/ bzod pa rgyas par 'gyur zhes bya ba'i tha tshig go / de ni sdong phor bshad de/ sdong po ni spangs pa yin no/ /theg pa chen po la tshul bzhin yid la byed pa rnam pa mang pos yal ga 'phel bar 'gyur te/ sems ba ni yal ga zhes bshad do/ /snga ma dang phyi ma 'gag pa dang skye ba'i rim gyis smon lam gyis rgyun ma bcad pas smon lam rnams lo ma 'dor ba dang/ len pa dang chos mthun par rig bar bya'o/ /nang gi rkyen grub pa ste/ rang gi rgyud yongs su smin pa las me tog lta bu'i skye ba don yod par rig par bya'o/ /phyi'i rkyen yongs su grub pa ste/ gzhan gyi rgyud yongs smin pa las 'bras bu lta bu sems can yongs su smin par byed pa don yod par rig par bya'o/ /snying rje'i phan yon gyi tshigs su bcad pa/ /snying rje chen po yon tan 'byung ? gyis sems can rnams la snying rje su mi byed/ /'di ltar 'di dag la ni sdug bsngal yang/ /brtses bskyed bde ba gzhal du med pa 'byung/ /'dir snying rje chen po'i yon tan ni phyed 'og mas bstan te/ lhag ma mngon go bar zad de/ /snying rje'i chags pa med pa'i tshigs su bcad pa/ snying rjes zin pa'i brtsir ldan rnams/ /zhi la'ang yid ni mi gnas na/ /'jig rten bde dang rang srog la/ /chags bar 'gyur ba smos ci dgos/ /'jig rten thams cad ni 'jig rten gyi bde ba dang/ /rang gi srogs la chagS so/ /de la yang chags ba med pa nyan thos dang/ rang sangs rgyas rnams ni sdug bsngal thams cad nye bar zhi ba mya ngan las 'das pa la gnas so/ /byang chub sems dpa' rnams ni snying rjes zin pa'i phyir mya ngan las 'das pa la yang yid mi gnas na/ de dag la chaD par 'gyur ba lta smos kyang ci dgos/ /snying rjes byams pa khyed par du 'phags pa'i tshigs su bcad pa gsum ste/ kha na ma tho med pa'i byams pa gang/ /de ni yod min 'jig rten pa yang min/ /blo ldan rnams kyi brtse bas byams pa ni/ /kha na ma tho med cing 'jig rten 'das/ /pha ma la sogs pa'i byams pa ni sred pa'i rang bzhin dang/ kha na ma tho ba dang bcas pa'o/ /'jig rten pa'i snying rjes gnas pa rnams kyi kha na ma tho ba med kyang/ /'jig rten pa yin no/ /byang chub sems dpa' rnams kyi byams pa ni stong rje'i rang bzhin dang/ kha na ma tho ba med pa dang/ 'jig rten las 'das pa yin no/ /ji ltar kha na ma tho ba med pa yin zhe na/ sdug bsngal dba' rgal che dang me shes pa'i/ /mun ba che la rten par gyur pa yi/ / 'jig rten 'dren pa'i thabs gang yin pa de/ /ji ltar kha na ma tho med mi 'gyur/ /sdug bsngal gyi dba' rgal chen bo dang/ mi shes pa'i mun pa chen po la zhes bya bar sbyar te/ lhag ma ni don go bar zad do/ /ji ltar na 'jig rten las 'das pa yin zhe na/ 'jig rten byang chub rang sangs rgyas pa yi /dgra bcom rnams la byams pa de med na/ /de las gzhan la smos kyang ci dgos pa/ /ji ltar 'jig rten 'das pa ma yin 'gyur/ /byang chub so sor sangs rgyas pa ni/ /byang chub rang sangs rgyas pa rnams so/ /lhag ma ni don go bar zad do/ /skrag pa la mngon par dga' ba'i rgyu mtshan gyis tshigs su bcad pa byang chub sems dpa' sdug bsngal med/ /brtse bas sdug bsngal 'gyur ba gang/ /de la dang bor kun tu skrag/ /reg nas shin tu mngon par dga' / /sdug bsngal med ces bya ba ni/ /sems can rnams la sdug bsngal med par bya ba'i phyir ro/ /byang chub sems dpa' rnams la snying rjes sdug bsngal skye ba gang yin pa de la dang por ni kun tu skrag par 'gyur te/ mos pas spyod pa'i sa la bdag dang gzhan mnyam pa nyid kyis sdug bsngal la yang dag pa ji lta ba bzhin ma reg pa'i phyir ro/ /lhag pa'i bsam pa rnam par dag pa'i sa la reg nas ni shin tu mngon par dga' o/ /snying rje'i sdug bsngal gyis bde bzil gyis gnon pa'i tshigs su bcad pa/ brtse bas bskyed pa'i sdug bsngal 'jig rten gyi/ /bde ba thams cad zil gyis gnon 'gyur zhing/ /don byas rnams kyang de dang mi ldan gang de las ngo mtshar che ba ci zhig yod/ /byang chub sems dpa' rnams kyi snying rjes bskyed pa'i sdug bsngal nyid 'di ltar 'jig rten pa'i bde ba gang yin pa thams cad zil gyis gnon bde lta bu'i bde bar 'gyur zhing/ dgra bcom pa don byas pa rnams byang? bde ba de dad mi ldan na gzhan dag lta smos kyang ci dgos pa gang yin pa de las ngo mtshar che ba ni med do/ /snying rjes byas pa'i sbyin pa'i phan yon gyi tshigs su bcad pa/ bstan pa'i brtse dang ldan pa'i sbyin ba yis// sbyin pa'i bde ba byed ba gang yin pa/ /de la khams gsum nye bar spyad rnams kyi/ /bde ba de yis char yang mi phog do/ /bde ba de la 'jig rten gsum gyi bde pI nye bar spyad ba rnams kyis bde ba byas pa gang yin pa nges kyang char yang mi phod do zhes bya ba 'di ni phyed 'og ma'i don yin te/ lhag ma ni don go bar zad do/ /brtse bas sdug bsngal khas len pa'i tshigs su bcad pa/ /sems can don phyir brtse bas sdug bsngal gyi/ /rang bzhin 'khor ba gang yin mi gtong na/ /snying rje can rnams gzhan la phan pa'i phyir/ /sdug bsngal cis te khas len byed mi 'gyur/ /sdug bsngal thams cad ni 'khor ba'i sdug bsngal gyi khong du gtogs te/ des khas blangs pas sdug bsngal thams cad khas blangs par 'gyur ro/ /gsum dang de dag gi 'bras bu 'phel ba'i tshigs su bcad pa/ brtse dang ldan pa'i snying rje sbyin ba dang/ /longs spyod dang ni de las byas pa dang/ /rjes su bzung bas bskyed dang de yi mthus/ /byas pa'i bde brtag tu 'phel bar 'gyur/ /byang chub sems dpa' rnamS la 'tshe rabs/ thams cad du gsum 'phel bar 'gyur te/ snying rje la goms pas snying rje dang/ snying rje'i dbang gis sbyin ba dang/ sbyin pa'i dbang gis longs spyod dag go/ gsum po de dag las kyang 'bras bu bde ba rnam pa gsum 'byung ste/ snying rje las byams baS bskyed pa dang/ sbyin pa las sems can rjes su 'dzin pas bskyed pa dang/ longs spyod dag las de rjes su 'dzin par byed pa'i mthus byas pa'o/ /sbyin pa la spro bar bya ba'i tshigs su bcad pa/ snying rjes rgyas bar bya zhing 'phel bar bya/ /sbyin pas yongs smin bya zhing bde bar bya/ /kun tu drang bar bya zhing bkri bya zhes/ /zhan pa rnams la rab tu smra dang 'dra/ /sbyin pa la zhan pa rnams la zhes bya bar sbyar te/ snying rje ni yon tan drug po ngo bo nyid rgyas pa dang/ longs spyod dag gis de sbel ba dang/ sbyin pas sems can smin par bya ba dang/ sbyin pa bo'i bde ba skyed ba dang/ byang chub chen po'i tshogs kun tu 'dren pa dang/ byang chub chen po dang/ nye bar khrid pas byang chub sems dpa' sbyin pa la zhan pa rnams la spro ba bskyed pa dang 'dra'o/ /gzhan bde bas bde ba nyams su myong ba'i tshigs su bcad pa/ /snying rjes sdug bsngal dag gis sdug bsngal ba/ /bde ba skyed par gang gis bde bar 'gyur/ /de phyir brtse dang ldan pas gzhan bde ba/ /bskyed nas bdag nyid bde bar? byed pa yin/ /byang chub sems dpa' snying rjes gzhan gyi sdug bsngal dag gis sdug bsngal ba de ji ltar sems can rnams la bde ba ma bskyed par bde bar 'gyur/ /de lta bas na byang chub sems dpa' ni gzhan dag la bde ba bskyed nas bdag nyid bde bar byed pa kho na'o zhes bya bar rig par bya'o/ /brtsa bas sbyin ba la rjes su ston ba'i tshigs su bcad pa drug ste/ snying rje can ni rtag tu rang sbyin la/ /ston dang 'dra ste rang bde mi 'dod pa/ /longs spyod rnams kyi sa gzhan dag bde bar gyis/ /yang na tha dad min bde bdag la 'ang min/ /snying rje can bde ba ni gzhan gyi bde ba med na med de/ de lta bas na bde ba tha dad pa ma yin pa'i phyir ro/ /byang chub sems dpa' ni de med par bdag nyid sbyin pa'i 'bras bu bde ba mi 'dod do/ /de bdes bde ba bdag gis sbyin pa ni/ /'bras dang bcas te sems can rnams la byin/ /gal te khyod kyis bdag la bya ba yod/ /de dag nyid la shin tu 'bras bur byos/ /gang phyir de dag bde ba nyid bdag gi bde ba yin pas sbyin pa byin bar byed ba dag gis sbyin pa dang/ sbyin pa'i 'bras bu de sems can rnams la sbyin ba de'i phyir 'bras bur bya ba ji snyed yod pa thams cad de dag po na la 'bras bu gyis shig ces byang chub sems dpa' snying rjes sbyin pa la rjes su ston to/ / sbyin pa bo ni longs spyod mi 'dod kyang/ /longs spyod shin tu mngal bzang dang phrad/ /bdag ni bde ba de 'dod ma yin te/ /'di ltar bdag ni sbyin ba rgyud dang ldan/ /sbyin pa po longs spyod la rgyab kyis phyogs pa la longs spyod shin tu mang po dang/ shin tu bzang po dag nye bar gnas te/ sems rgya che ba'i phyir de ni chos nyid yin no/ /bdag ni longs spyod dag de ltar nye gnas pa'i bde ba gang yin pa de ni mi 'dod de/ /'di ltar bdag ni de rgyun chags par 'dod pa'i phyir sbyin pa la brgyud pa dang ldan ba yin gyis bde ba la ni ma yin no/ /bdag ni rtag tu brtse bas bdog ba kun/ /yongs su gtong ba gang yin de ltos la/ /des na khyod kyis bdag ni de'i 'bras la/ /don gnyer med pa nyid du shes par bya/ /bdag ni rtag tu snying rjes sbyin pa'i 'bras bu thams cad yongs su gtong ba de nyid kyi phyir khyod kyi bdag la sbyin pa'i 'bras bu don du gnyer ba nyid du rig par bya'o/ /zhes byang chub sems dpa' sbyin pa la rjes su ston par byed do/ /gal te khyod 'bras thob pa mi gtong na/ /sbyin la mngon dga' yin par mi 'gyur te/ /'di ltar skad cig mo? yang sbyin med na/ /sbyin la mngon par dga' ba nyid ma yin/ /zhes bya ba'i tshigs su bcad pa ni don go bar zad do/ /ma byas ba la 'bras bu mi 'byin? te/ 'di ltar lan bltas bdag gi cha ma yin/ /khyod ni gang zhig khyod byed pa de la 'bras bu 'byin te/ /de lta bas na lan la lta bas bdag gi cham yin gyi/ /'di ltar bdag ni/ khyod kyi lan la lta dang bral bas na/ /'bras bu shin tu gzhan la gtong ba yin// 'di ni don go bar zad do/ /brtse bas sbyin ba'i tshigs su bcad pa gnyis te/ rgyal sras rnams gyi brtse bas sbyin pa ni/ /kha na ma tho med cing dag ba'i gzhi/ /bde ba 'dren par byed ba nyid dang ni/ /rjes su bsrung bcas tshol med gon? pa med/ /de la kha na ma tho ba med pa ni gzhan la mi gnod par sbyin pa'i phyir ro/ /gzhi dag ba ni dug dang mtshon dang chang la sogs pa spong ma pa'i sgo nas dngos po rung ba sbyin pa'i phyir ro/ /bde ba skyed pa ni/ /sbyin bas kun tu bsdus nas dge ba la sbyor ba'i phyir ro/ /rjes su bsrung ba dang bcas pa ni 'khor gyi skye ba la mi gnod par gzhan la sbyin pa'i phyir ro/ /tshol ba med pa ni ma bslangs kyang don gnyer ba nyid dam/ phongs par khong du chur? nas bdag nyid kyis sbyin pa'i phyir dang/ yon gnas mi 'dam pa'i phyir ro/ /gos ba med pa ni/ lan dang rnam par smin pa la dga' ba med pa'i phyir ro/ /rnam pa gzhan yang/ rgyal sras kyi brtse bas sbyin pa ni/ /mdza' dag rgya che gtso dang rtag ba dang/ /dga' dang zad zing med dang dag pa dang/ /byang chub la gzhol dge la gzhol ba yin/ /de la mdza' dag ni nang ba phyi'i dngos po sbyin pa'i phyir ro/ /rgya chen po ni dngos po mang po sbyin pa'i phyir ro/ /gtso bo ni dngos po gya nom pa sbyin pa'i phyir ro/ /rtag pa ni yang dang yang du sbyin pa'i phyir ro/ /dga' ba ni so sor brtags ba med par rab tu dga' bas sbyin pa'i phyir ro/ /zang zing med pa ni gos pa med pa ji lta ba bzhin no/ /dag pa ni gzhi dag pa ji lta ba bzhin no/ /byang chub la gzhol ba ni byang chub chen por yongs su bsngos pa'i phyir ro/ /dge ba la gzhol ba ni bde ba skyed pa ji lta ba bzhin no/ /nye bar spyad pa'i khyad par gyi tshigs su bcad pa/ ji ltar bde ba gsum gyis tshim pa'i yid/ /brtse ldan yongs su gtong bas dga' 'gyur bas/ /longS spyod can dag nye bar spyad pa yis/ /de ltar dga' bar 'gyur ba ma yin no/ /de la bde ba gsum ni sbyin pas dga' ba dang/ gzhan rjes su 'dzin pas dga' ba dang/ byang chub kyi tshogs rdzogs pas dga' ba'o/ /lhag min don go bar zad do/ /pha rol tu phyin pa mngon par sgrub pa'i snying rje'i tshigs su bcad pa/ bkren la brtse dang ma rungs pa la brtse/ /kun 'khrugs la brtse bag chen rnams la brtse/ /yul gyi gzhan dbang can la sn ying rje dang/ /log par mngon par zhen pa snying rje ba'o/ / de la bkren pa ni ser sna can rnams so/ /mi rungs pa ni tshul khrims 'chal pa gzhan la gnod pa rnams so/ /kun tu 'khrugs pa ni khro ba can rnams so/ /bag med pa ni le lo can rnams so/ /yul gyi gzhan dbang can ni 'dod pa dag la sems rnam par g.yeng? pa rnams so/ /log par mngon par zhen pa ni/ /shes rab 'chal ba mu stegs can la sogs pa'o/ /pha rol tu phyin pa'i mi mthun pa'i phyogs la gnas pa 'di dag la/ snying rje ba gang yin pa de ni bkren pa la sogs pa la snying rje ba yin te/ de yang de'i mi mthun pa'i phyogS rnaM par sun 'byin pa'i phyir pha rol tu phyin pa mngon par sgrub par byed par 'gyur ro/ /de ltar na pha rol tu phyin pa mngon par sgrub pa'i snying rje zhes bya'o/ /snying rje'i rkyen bstan pa'i tshigs su bcad pa/ bde dang sdug bsngal de rgyu laS byang chub sems dpa' i snying rje ste/ /rgyu dang bshes gnyen rang bzhin las/ /byang chub sems dpa' i snying rje'o/ /de la phyed gong mas ni snying rje'i dmigs pa'i rkyen ston te/ tshor ba rnam pa gsum la dmigS naS sdug bsngal nyid gsum gyis snying rje bar byed pa'i phyir ro/ /bde ba yang ma yin sdug bsngal ba yang ma yin pa'i tshor ba ni bde ba dang sdug bsngal dag gi rgyu yin te/ yang de dag 'dren pa'i phyir ro/ /phyed 'og mas ni go rim bzhin du rgyu dang bshes gnyen dang rang bzhin dag gis snying rje'i rgyu dang/ bdag po dang mtshungs ba de ma thag pa'i rkyen rnams ston to/ /snying rje chen po nyid kyi tshigs su bcad pa/ /byang chub sems dpa' i snying rje ni/ /mnyam par shes bya de bsam phyir/ /sgrub phyir 'dod chags bral phyir dang/ /mi dmigS phyir dang dag phyir ro/ /de la mnyam pa ni tshor ba rnam pa gsum char gyi gnas skabs su gang ci tshor ba de nyid 'dir? sdug bsngal ba'o zhes bya bar rig pa'i phyir ro/ /de yang bsam pa'i phyir ni sems kyis snying rje ba'i phyir ro/ /sgrub pa'i phyir ni de yongs su skyong ba'i phyir ro/ /'dod chags dang bral ba'i phyir ni de'i mi mthun pa'i phyogs rnam par 'che ba spangs pa'i phyir ro/ /mi dmigs pa'i phyir ni bdag dang gzhan dang snying rjer mi dmigs pa'i phyir ro/ /rnam par dag pa'i phyir ro/ /sa brgyad pa la mi skyo ba'i chos la bzod pa thob pa'i phyir ro/ /rang gi sems kyis byams la sogs/ /bsgom pa chos la mos pa dang/ bsam dang dbang 'byor nyid dang ni/ /rnam par mi rtogs gcig phyir mchog /ces bya ba'i don ni gong du bshad pa'i rjes su 'brangs te khong du chud par bya'o/ /de ltar bcom ldan 'das la dang ba rab skyes shing/ /rdzas dang bkur sti chen pos shin tu rgyun mchod ldan/ /yon tan mang ldan phan byed bshes la rtag bste la/ 'gro la rjes su brtse ba grub pa kun thob 'gyur/ /'dis ni ji skad bshad pa'i mchod pa dang bsten pa dang tshad med pa rnams kyi go rim dang yon tan mdor bsdus nas ston te/ rdzas dang bkur sti chen pos shin tu rtag tu mchod pa ni rdzas dang bkur sti chen pos shin tu rgyun tu ? pa dang ldan pa ste/ bkur sti ni yang dag pa'i sgrub pa yin par rig par bya'o/ /de ltar na rnyed pa dang bkur sti dang sgrub pa'i mchod pa dang ldan pa yin no/ /yon tan mang po dang ldan pa ni de las gzhan bdag dang ngo/ /phan par byed pa ni rjes su brtse bar byed pa nyid kyis rig par bya'o/ /grub pa kun thob par 'gyur ro zhes bya ba ni rang dang gzhan gyi grub pa 'thob par 'gyur ba'o/ /mchod pa dang bsten pa dang tshad med pa'i skabs rdzogs so// //ngo tsha ba rnam par dbye ba'i tshigs su bcad pa bcu drug ste/ ngo tsha mi mthun phyogs spangs dang/ /rnam par mi rtog ye shes ldan/ /kha na ma tho med dman yul/ sems can smin byed bstan pa'i yin/ /'dis ni ngo bo nyid dang/ grogs dang/ dmigs pa dang/ las phun sum tshogs pas byang chub sems dpa' i ngo tsha ba'i mtshan nyid rnam pa bzhi ston to/ /yul kha na ma tho ba med cing dman pa ni nyan thos dang rang sangs rgyas kyi theg pa ste/ de ni kha na ma tho ba med pa yang yin la theg pa chen po bas dman ba yang yin pas nges kyang byang chub sems dpa' ngo tsha'o/ /ji ltar sems can rnams yongs su smin par byed ce na/ ngo tsha ba de nyid la gzhan dag rab tu 'god pa'i phyir ro/ /pha rol tu phyin pa drug po yi/ /mi mthun phyogs ni 'phel ba dang/ /gnyen po 'grib bas byang chub sems/ /mi bzang ngo tsha skye bar 'gyur/ /'di ni byang chub sems dpa' rnams kyi 'phel bar dang 'grib pas ngo tsha ba yin te/ pha rol tu phyin pa'i mi mthun pa'i phyogs 'phel ba dang/ de'i gnyen po yongs su 'grib pa'i shin tu ngo tsha ba skye ba'i phyir ro/ /brtan rnams pha rol phyin pa drug /brten pa la ni le lo dang/ /nyon mongs rjes su mthun chos la/ /sbyor ba las kyang ngo tshar 'gyur/ /'di ni mi sbyor ba dang sbyor bas ngo tsha ba yin te/ pha rol tu phyin pa sgon ba la mi sbyor ba dang/ nyon mongs pa dang mthun pa'i chos dbang bo'i sgom bsdams ba la soD pa la sbyor bas ngo tsha ba skye ba'i phyir ro/ /mnyam gzhag ngo bo nyid min chung/ 'bring dang dman ba'i sa pa dang/ /bsam pa dman dang ngar bcas pa'i/ /ngo tsha dman de las gzhan lhag /'di ni ngo tsha ba chung ngu dang chen po ste/ tshigs su bcad pa 'di'i don ni/ sngar bshad pa'i rjes su 'brangs nas khong du chud par bya'o/ /'di man chad tshigs su bcad pa bzhi dang gsum gyis gom bzhin du ngo tsha ba'i mi mthun ba'i phyogs dang/ ngo tsha ba'i skyon dang/ yon tan gyi dbye ba ston to/ blo ldan ngo tsha med pa ni/ /tshul bzhin min pas nyon mongs dag dang du len cing khong khro dang/ yal bar 'dor dang nga rgyal gyis/ /sems can rnams dang tshul khrims 'joms/ /zhes bya ba 'dis ni bdag nyid la yang gnod par byed la/ gzhan la yang gnod par byed/ /gnyi ga la yang gnod par byed ces bstan to/ /tshul bzhin ma yin pas zhes bya ba ni/ tshul bzhin ma yin pa yid la byed pas so/ /yal bar 'dor bas ji ltar sems can rnams 'joms she na/ /sems can gyi don la bag med pa'i phyir ro/ /'gyod pas nyams dang bcas 'gyur zhing/ /bkur stis dman pa 'thob 'gyur nges/ /da de ldan mi min tshogs dang ni/ /ston pas kyang ni btang snyoms mdzod/ /rgyal sras chos dang mthun rnams kyis/ /rnam par smin zhing 'jig rten las/ /mthong ba'i chos la mi snyan 'thob/ /gzhan du phyir zhing mi khom skye/ /zhes bya ba 'dis mi mthong ba'i chos kyi kha na ma tho ba 'phel lo zhes ston te/ go rim bzhin du bdag nyid dang/ /gzhan dang lha dang ston pa dag smod pa'i phyir dang/ tshangs pa mtshungs par spyod pa mkhas pa dag chos nyid kyis rnam par smin pa'i phyir dang/ phyogs dang phyogs mtshams su yang sdig pa can gyi mi snyan pa 'byung ba'i phyir ro/ /gzhan du phyir zhing mi khom skye/ /zhes bya ba 'dis ni tshe phyi ma'i kha na ma tho ba 'phel lo? zhes bstan te/ mi khom pa rnams su skye ba'i phyir/ /des na chos dkar thob pa dang/ ma thob pa las rnams nyams 'gyur/ /zhes bya ba 'dis ni mthong ba'i chos dang tshe phyi ma'i kha na ma tho ba 'phel lo zhes bstan to/ /dge ba'i chos thob pa las yongs su nyams pa dang/ ma thob pa las yongs su nyams pa dang/ go rim bzhin no/ /de phyir sdug bsngal gnas pa dang/ /yid kyang rnal du mi gnas 'gyur/ /zhes bya ba 'dis ni de las skyes pa'i sems kyi sdug bsngal dang/ yid mi bde ba so sor myong bar 'gyur ro/ /zhes bstan to/ /rgyal sras ngo tsha ldan rnams la/ /nyes ba 'di dag kun mi 'byung/ /zhes bya ba 'di nas bzung ste ngo tsha ba'i yon tan yin par rig par bya ste/ 'di ltar nyes pa 'di dag kyang mi 'byung bas so/ /mkhas pa rtag tu lha dag dang/ mi rnams su ni yang dag skye/ /zhes bya ba 'di ni de'i rnam par smin pa'i 'bras bu yin no/ /blo ldan ngo tshas? myur du ni/ /rdzogs pa'i byang chub tshogs rdzogs byed/ /ces bya ba de ni bdag po'i 'bras bu'o/ /rgyal ba'i sras ni seMs can rnams/ /smin byed skyo bar mi 'gyur nyid/ /ces bya ba 'di ni skyes bu byed pa'i 'bras bu yin no/ /de rtag mi mthun phyogs dang ni/ /gnyen po dang bral ba'i bral 'gyur/ /zhes bya ba 'dis ni bral ba dang rgyu mthun pa'i 'bras bu dag bstan te 'di lta ste/ mi mthun pa'i phyogs dang bral ba nyid dang gnyen po dang ma bral ba nyid do/ /de ltar rgyal sras ngo tsha ldan/ /phan yon de dag 'thob par 'gyur/ /zhes bya bas ni ji skad bshad pa'i nyes pa med pa dang yon tan dang ldan pa 'thob po zhes bstan to/ /byis pa shin tu gos bzang gyon yang ni/ /khrel dang bral phyir nyes pas dri ma can/ /rgyal sras ngo tsha shes pa'i gos can ni/ /dga' ba med kyang nyes pa'i dri ma bral/ /'dis ni ngo tsha med pa ni de la gzhan pa'i gos gyon yang nyes bas dri ma can yin pa'i phyir la/ ngo tsha dang ldan pa ni gcer bur 'dug kyang dri ma med pa'i phyir/ /ngo tsha ni gos khyad par du 'phags pa yin no zhes ston to/ /rgyal pa'i sras ni khrel dang ldan gyur pa/ /nam mkha' bzhin du chos kyis mi gos 'gyur/ /chos kyi zhes bya ba ni 'jig rten pa'i chos rnams kyis so/ /rgyal sras rnams kyi nang du 'dus gyur pa/ /ngo tsha shes pas brgyan pa mdzes pa yin/ /tshigs su bcad pa 'dis ni ngo tsha ba nam mkha' dang rgyan dang 'dra ba nyid du ston to/ /byang chub sems dpa' rnams ni ngo tsha bas/ /gdul ba rnams la ma bzhin byams pa nyid/ skyab par bya ba'i sems can mal bar bor na ngo tsha ba'i phyir ro/ /ngo tsha ba ni nyes pa thams cad las/ /'khor ba kun tu bsrung bar byed pa'ang yin/ /glang po che dang rta'i tshogs la sogs pa dang 'dra ba'i phyir ro/ /gos la sogs pa'i dpe 'di rnams gyis ngo tsha baS gnas pa na nyon mongs pa'i gnyen po nyid dang/ /rgyu ba na 'jig rten gyis chos kyi gnyen po nyid dang/ chos mthun pa dang/ gnas pa dang mthun pa nyid dang/ sems can yongs su smin bar byed pa dang mthun pa nyid dang/ nyon mongs pa can ma yin par 'khor ba dang thun pa nyid ston to/ /kun la dang du mi len pa dang/ /kun la dang du mi len zhing/ /kun la mi 'jug 'jug pa ni/ /khrel ldan khrel bas byas pa'i rtags/ /'dis ni ngo tsha ba dang ldan pa'i rtag ngo tsha bas byas pa rnam pa bzhi ston te/ 'di lta ste/ nyes pa thams cd la dang du mi len zhing mi 'jug pa dang/ yon tan thams cad la dang du len zhing 'jug pa'o/ /rang gi seMs kyis khrel sgom pa/ /chos la mos dang bsam pa dang/ /dbang 'byor ba dang me rtog dang/ /gcig pa nyid kyis gtso bo yin/ /zhes bya ba 'di'i bshad pa ni snga ma bzhin no/ /brtan pa rnam par dbye ba'i tshigs su bcad pa bdun te/ byang chub sems dpa' i bstan pa ni/ de las gzhan pa thams cad las/ /mtshan nyid dang ni rab dbye dang/ /mi 'gyur bas ni khyad par 'phags/ /brtson 'grus ting 'dzin shes rab ni/ /snying stobs sran thub bstan par 'dod/ /gang phyir gsum gyis byang chub sems/ /'jigS pa med par rab tu 'jug / 'dis ni bstan pa'i mtshan nyid rnams grangs dang bcas sgrub pa dang bcas par bshad de/ /brtson 'grus la sogs pa ni mtshan nyid do/ /snying stobs la sogs pa rnams grangs so/ /lhag ma ni sgrub pa'o/ /ji ltar gsum po 'dis 'jigS pa/ med par rab tu 'jug ce na/ zhum dang g.yo dang rmongs pa mos/ /bya ba rnams la 'jig pa ste/ de phyir gnyug ma gsum la ni/ /brtan pa'i ming du shes par bya/ /bya ba thams cad la 'jigs pa ni yang na ni zhum ba'i sems kyis skye ste/ de la mi spro ba'i phyir/ /yang na ni g.yo ba'i sems kyis te/ sems rnal du mi gnas pa'i phyir ro/ /yang na ni rmongs pas te/ de'i thabs mi shes pa'i phyir ro/ /de dag gis gnyen po ni go rim bzhin du brtson 'grus la sogs pa ste/ de lta bas na brtson 'grus la sogs pa gnyug ma gsum la brtan pa zhes bya ba rig par bya'o/ /gnyug ma zhes bya ba ni so sor brtag pa med par byed pa'o/ /rang bzhin dang ni smon laM dang/ /lta ba med pa nyid dang ni/ /seMs can log bar sgrub pa dag zab cing rgya che thos pa dang/ gdul bya gdul bar dka' ba dang/ /rgyal sku bsam gyis mi khyab dang/ /dka' ba dag ni sna tshogs dang/ /'khor ba gtong ba med nyid dang/ /de nyid nyon mongs med pa la/ /brtan pa'i bstan pa skye ba ni/ /de las gzhan dang mi mtshungs te/ /brtan ldan rnams gyi mchog tu 'dod/ /tshigs su bcad pa gsum po 'dis ni brtan pa'i rab tu dbye ba ston to/ /go rim bzhin du rigs dang/ sems bskyed pa dang/ rang gi don dang/ gzhan gyi don dang/ de kho na nyid kyi don dang/ mthu dang/ sems can yongs su smin par byed pa dang/ byang chub mchog gi sgo nas so/ /de la mi lta ba nyid ni rang gi don la zhugs pa lus dang srog la mi lta ba nyid las rig par bya'o/ /yang dga' ba spyod pa dang/ bsams bzhin du srid par skye ba dang/ de na kun naS nyon mongs pa med pa'i sgo nas kyang rab tu dbye ba yin no/ /phye ma leb dang 'dab chags dang/ /rgya mtsho dgiS? ri? rab ltar/ /brtan pa groD ngan sdug bsngal dang/ /zab mo thos bas mi g.yos so/ /'dis ni byang chub sems dpa' i brtan pa'i mi 'gyur ba nyid ston te/ dpe gsum gyis mi g.yos pa dang go rim bzhin du rig par bya'o/ /mi skye ba'i rnam par dbye ba'i tshigs su bcad pa gnyis te/ byang chub mi skyo mnyam med pa/ /gzhi gsum thos pas mi ngoms dang/ /brtson 'grus che dang sdug bsngal la / khral dang brtan la brten pa ste/ /byang chub che la 'dun pa drag /blo ldan rnams kyi mi skyo ba/ /sa rnams la ni ma rdzogs dang/ /rdzogs dang shin tu rdzogs par 'dod/ /'di gnyis kyis ni gzhi dang/ rten dang/ ngo bo nyid dang/ rab tu dbye ba'i sgo nas mi skyo ba bstan te/ gzhi gsum ni thos pas mi ngoms pa dang/ yun ring por brtson 'grus rtsom pa dang/ 'khor ba'i sdug bsngal la'o/ /khrel yod pa dang brtan pa la brten nas de dag gis skyo ba skyes naS ngo tsha zhing mi skyo bar yang byed do/ /byang chub chen po la 'dun pa drag po zhes bya ba ni ngo bo nyid de/ 'dun pa log na skyo bar 'gyur bas so/ /ma rdzogs pa ni moS baS spyod pa'i sa la'o/ /rdzogs pa ni sa bdun po dag la'o/ /shin tu rdzogs ba de yan chad kyi sa la ste/ 'di ni rab tu dbye ba yin no/ /bstan bcos shes pa nyid kyi tshigs su bcas pa gnyis te/ bstan pa'i bstan bcos shes pa nyid/ /gzhi dang ched du bya ba dang/ las dang mtshan nyid dag dang ni/ /mi zad nyid dang 'bras bu ni// yang dag 'grub pas khyad par 'phags/ /ting nge 'dzin dang gzungs sgos bsdus/ /sems can smin par byed pa dang/ /dam chos 'dzin par byed pa'ang yin/ /de la bstan bcos shes pa nyid kyi ni rig pa'i gnas lnga ste nang gi rig pa dang gtan tshigs rig pa dang/ sgra rig pa dang/ gso ba rig pa dang/ bzo'i las kyi gnas rig pa'o/ /ched du bya ba ni/ rang dang gzhan gyi don bya ba'o/ /las ni gzhi dang po la bdag nyid sgrub cing gzhan dag la yang de yang dag par ston pa dang/ /gnyis pa la de'i skyon yongs su shes shing pha rol rgol ba tshar bcad pa dang/ gsum pa la bdag nyid nges pa'i tshig bzang po brjod cing gzhan yid ches par byed pa dang/ bzhi pa la gzhan dag gi nad rab tu zhi bar byed pa dang/ lnga pa la gzhan dag la de 'gro? bshad? byed pa'o/ /bstanbcos shes pa nyid kyi mtshan nyid ni gzhi lnga po 'di dag nyid thos shing 'dzin pa dang/ tshig gis byang ba dang/ yid kyis rtags pa dang/ mthong pas legs par rtogs pa dag yin te/ thos nas go rim bzhin du de 'dzin pa dang/ kha ton byed pa dang/ ci rigs par de dag gi skyon dang yon tan khong du chud pa'i sgo nas rab tu dang pa'i yid kyis don sems pa dang/ legs par bshad pa dang nyes par bshad pa dmigs phyed pa'i phyir ro/ / mi zad pa nyid ni phung po'i lhag ma med pa'i mya ngan las 'das pa na yang mi zad pa'i phyir ro/ /'bras bu yang dag par 'grub pa ni chos thams cad rnam pa thams cad du mkhyen pa nyid do/ /byang chub sems dpa' rnams kyi bstan bcos shes pa nyid de yang ting nge 'dzin gyi sgo ngag dang/ gzungs kyi sgo dag gis bsdus pa sems can yongs su smin par byed pa yang yin te/ ting nge 'dzin gyi sgo dag nas de'i bya ba sgrub ba'i phyir ro/ /dam pa'i chos 'dzin par byed pa yang yin te/ gzungs dag gis de 'dzin pa'i phyir ro/ /'jig rten shes pa nyid kyi tshigs su bcad pa bzhi ste/ brtan rnams 'jig rten shes pa nyid/ /lus dang ngag dang yid dang ni/ /bden pa shes pas mnyam pa med/ /de la gzhan pa dag las 'phags/ /ji ltar lus kyis she nang? bshad pa/ brtan rnams rtag tu 'dzum par byed/ /ji ltar ngag gis she na/ bshad pa/ gsong po dag tu smra ba yin/ /de yan ci'i phyir zhe na/ bshad pa/ sems can snod du bya ba'i phyir/ /don gang gi ched du sems can snod du bya semS bshad pa/ dam chos bsgrub par bya ba'i phyir/ /ji ltar bden pa shes pas zhe na/ /bshad pa/ gang phyir bden pa gnyis las ni/ /'jig rten rnam dag 'byung bar 'dod/ /gnyis kyis nub 'gyur de yis phyir/ /de shes 'jig rten shes zheS bya/ /bden pa gnyis kyis ni 'jig rten 'khor bar yang dang yang du 'byung ste/ gang dang gang gis 'byung ba'i phyir ro/ /'phags pa dang lam gyi bden pa gnyis kyis ni nub par 'gyur te/ /gang yin pa dang/ gang gis nub par 'gyur ba'i phyir// de lta bas na de shes pa ni 'jig rten shes pa zhes bya ste/ 'jig rten 'byung ba dang nub par 'gyur ba shes pa rab dang ldan pa'i phyir ro/ /de dag zhi bya thob bya'i phyir/ /blo ldan bden pa rnams la sbyor/ /gang gis blo ldan bden shes phyir/ /'jig rten shes zhes nges par brjod/ /'dis ni 'jig rten shes pa nyid kyis las bstan te/ de la zhi bar bya ba ni sdug bsngal dang kun 'byung gi bden pa dag go /thob par bya ba ni 'gog pa dang lam gyi bden pa dag go /ston pa rnam par dbye ba'i tshigs su bcad pa rnam pa gsum ste/ gcig lag bstan pa'i chos dang ni/ /de ston dgongs pa can dang ni/ /nges don chad ma ldan pa dang/ /de yi brjod med thob pa'o/ /'di ni ston pa rnams kyi mtshan nyid de/ /des tshad ma dang ldan pa'i don ni ston pa 'tshad mar mdzad pas nges bar byas shing rnam par phye ba gang yin pa'o/ /brjod pa med pa thob pa ni rtogs pa'i ye shes 'jig rten las 'das pa na de ni brjod du med pa'i phyir ro/ /lhag ma ni don go bar zad do/ /spongs dang ji skad bshad pa dang/ log par yang dag shes pa dang/ /brjod dang bcas pa 'thob pa dag /'dir ni dgag par bstan pa yin/ /ston pa dang po la ni gtsug lag gi chos srong ba'i gang zag dgag par bstan to/ /gnyis pa la ni tshig 'bru sgra ji bzhin gyi don te dgongs ma can gyi don ni ma yin no/ /gsum pa la ni log par bsams pa'i don phyin ci log tu drangs pa'o/ /bzhi pa la ni brjod pa dang bcas pa'i shes pa so so rang gis rig par bya ba ma yin pa'o/ /mos dang rnam par dpyod pa dang/ gzhan las ji bzhin thos pa dang/ /brjod pa med pa'i ye shes las/ /brtan rnams nyams par mi 'gyur ro/ /'di ni ston pa'i phan yon yin te/ /ston pa dang pos ni gtsug lag gis chos la mos pa las nyams par mi 'gyur ro/ /gnyis pas ni bdag nyid kyis dgongs pa can gyis don dbyed pa las so/ /gsum pas ni gzhan las de'i don gyi tshul phyin ci ma log par thos pa las so/ /bzhi pas ni 'jig rten las 'das pa'i ye shes las so/ /so so yang dag par rig pa rnam par dbye ba'i tshigs su bcad pa bzhi ste/ /rnam grangs dang ni mtshan nyid dang/ /tshigs dang ye shes shes pa'i phyir/ /byang chub sems dpa' i yang dag rig /bzhi po mtshungs pa med par 'dod/ /dang po ni rnams grangs shes pa ste/ don re re'i ming gi rnam grangs ji snyed pa shes pa yin no/ /gnyis pa ni mtshan nyid shes pa ste/ don gang yin pa de'i ming shes pa yin no/ /gsum pa ni tshig shes pa ste/ yul mi so so'i skad gang dag yin pa shes pa'o/ /bzhi pa ni ye shes shes pa ste/ bdag nyid kyi spobs pa gang yin pa ste/ 'di ni yang dag par rig pa rnams kyi mtshan nyid yin no/ /bstan pa la ni rab brtson pa'i/ /gang dang gang gis ston pa ni/ /chos dang don ni gnyis po dag /tshig dang shes pa khro nas ston/ /chos ni bstan dang bshad phyir dang/ /rnam pa kun tu gnyis thob phyir/ /rgol ba rnams kyi lan 'debs phyir/ /so so yang dag rig pa bzhi/ /zhes bya ba ni bzhi nyid kyi rgyu yin no/ /bstan pa la rab tu brtson pa'i gang zhig gang gis ston pa de la ye shes dgos so/ /gang zhig ston zhe na/ chos dang don to/ /gang gis ston zhe na/ tshig dang shes pas so/ /de la chos dang don dag ston pa ni chos bstan pa dang bshad pa'i phyir ro/ /tshig gis ston pa ni gnyis po de nyid naM pa thams cad du thob par byed pa'i phyir ro/ /shes pas ston pa ni rgol ba rnams lan 'debs pa'i phyir ro/ /de bas rta? gang zhig gang gis ston pa de shes pa'i phyir/ so so yang dag par rig pa bzhir rnam par bzhag go /mnyam nyid so so rang rig nas/ /phyis ni rab tu shes pa yin/ /the tshom thams cad gcod byed pa/ /so so yang dag rig par brjod/ /'dis ni so so yang dag par rig pa rnams kyi nges pa'i tshig dang las bstan te/ 'jig rten las 'das pa'i ye shes kyi chos thams cad mnyam pa nyid de bzhin nyid so so rang gis rig nas/ /dus phyis de'i rjes la thob pa'i shes pas rnam grangs la sogs pa rab tu shes pa ni so so yang dag par rig pa zhes bya ba'i nges pa'i tshig yin no/ /gzhan dag gi the tshom thams cad gcod par byed pa zhes bya ba ni las ma yin no/ /tshogs rnam par dbye ba'i tshigs su bcad pa rnam pa bzhi ste/ byang chub sems dpa' rnams kyi tshogs/ /bsod nams ye shes mtshungs pa med/ /gcig gis 'khor par mngon mtho byed/ /gzhan gyis nyon mongs med par 'khor/ /'dis ni tshogs gang yin pa dang gang gi don du yin pa de bstan to/ /chogs ni rnam pa gnyis te/ bsod nams kyi tshogs dang/ ye shes kyi tshogs so/ /de la bsod naMs kyi tshoD kyis ni 'khor ba ni mngon par mtho bar 'gyur ro/ /ye shes kyi tshogs kyis ni kun nas nyon mongs pa med par 'khor bar 'gyur ro/ /sbyin dang tshul khrims bsod nams kyi/ /tshogs yin shes rab ye shes kyi/ /gsum po gzhan ni gnyis ka ste/ /lnga char yang ni ye shes tshogs/ /'dis ni pha rol tu phyin pa rnams kyis tshogs gnyis po bsdus par ston te/ bzod pa dang brtson 'grus dang bsam gtan gyi stobs kyis ni gnyis ga byed do/ /de lta bas na gsum po ni tshogs gnyi ga yin no/ /yang pha rol tu phyin pa lnga po thams cad shes rab tu yongs su bsngos pa'i sgo nas ye shes kyi tshogs yin par rig par bya'o/ /rgyun du sgom pa thob nas ni/ /dge la yang dang yang du sgrub/ /bstan pa'i tshogs gang yin pa de/ /don kun sgrub bar byed pa yin/ /'di ni tshogs nges pa'i tshigs dang las yin te/ sam zhes bya ba ni rgyun du'o/ /b+ha zhes bya ba ni sgom pa thos nas so/ /ra? zhes bya ba ni yang dang yang du sgrub ba'o/ /de na thams cad sgrub par byed pa zhes bya ba ni las te/ rang dang gzhan gyi don dag sgrub pa'i phyir ro/ /'jug dang mtshan ma med pa dang/ /lhun gyis grub par bya ba dang/ /dbang bskur mthar thug bya ba'i phyir/ /brtan rnams tshogs ni sgrub par byed/ /'di ni tshogs kyi rab tu dbye ba ste/ /de la mos pas spyod pa'i sa'i tshogs ni sa la 'jug pa'i phyir yin no/ /sa drug po dag gis ni mtshan ma med pas bdun pas bsdus pa'i phyir yin te/ de na mtshan ma kun tu mi spyod pa'i phyir ro/ /sa brgyad pa'i ni lhun gyis sgrub pa ste/ de las gzhan pa'i sa gnyis bsdus pa'i phyir yin no/ /de gnyis kyis tshogs ni dbang bskur ba'i ste/ sa bcu pas bsdus pa'i phyir yin no/ /de'i tshogs ni mthar thug pa ste/ sangs rgyas kyis sa bsdus pa'i phyir yin no/ /dran pa nye bar bzhag pa rnam par dbye pa'i tshigs su bcad pa rnam pa gsum ste/ blo ldan dran pa nyer bzhag pa/ /bsgom pa rnam pa bcu bzhi yiS/ /mtshungs pa med pa'i phyir na de/ /de las gzhan las khyad par 'phags/ /bcu bzhi po gang dag gis she na/ rten dang gnyen po dag dang ni/ de bzhin du ni 'jug pa dang/ /dmigs pa dang ni yid byed dang/ /thos pas sgom pa khyad par 'phags/ /mthun dang rjes su 'jug pa dang/ /yongs su shes dang skye ba dang/ /chen po dang ni mtsho gnyid dang/ /bsgomS dang yang dag 'grub pas gzhan/ /zhes bya ba rnam pa bcu bzhi po 'di dag gis byang chub sems dpa' rnams kyi dran pa nye bar bzhag pa sgom pa khyad par du 'phags te/ rten gyis ji lta bu zhe na/ theg pa chen po thos pa dang bsams pa dang bsgoms pa las byung ba'i shes rab la brten nas so/ /gnyen pos ji lta bu zhe na/ lus la sogs pa'i chos la bdag med par 'jug pa'i sgo nas phyin ci ma log bzhi'i gnyen po mi gtsang ba dang/ sdug bsngal ba dang/ mi rtag pa dang/ bdag med pa'i 'du shes rnams kyis yang gnyen po yin pa'i phyir ro/ /'jug pas ji lta bu zhe na/ dran pa nye bar bzhag pa bzhis go rim bzhin du bdag nyid kyang sdug bsngal dang/ kun 'byung ba dang/ 'gog pa dang/ lam gyi bden pa la 'jug cing gzhan dag kyang 'dzud pa'i phyir te/ dbus dang mdza' rnam par 'byed pa las ji skad bshad pa lta bu yin no/ /dmigs pas ji lta bu zhe na/ sems can thams cad kyi lus la sogs pa la dmis pa'i phyir ro/ /yid la byed pas ji lta bu zhe na/ lus la sogs par mi dmigs pa'i phyir ro/ /thob pas ji lta bu zhe na/ lus la sogs pa dang bral bar bya ba'i phyir yang ma yin/ /mi 'bral bar bya ba'i phyir yang ma yin no/ /mthun pas ji lta bu zhe na/ pha rol tu phyin pa dang mthun pas de'i mi mthun pa'i phyogs gyi gnyen po yin pa'i phyir ro/ /rjes su 'jug pas ji lta bu zhe na/ 'jig rten pa dang/ nyan thos dang/ rang sangs rgyas rnams kyi yang rjes su 'jug pas de dag la de bstan pa'i phyir de dang ldan pa'i dran pa nye bar gzhag pa bsgom bI phyir ro/ /yongs su shes pas ji lta bu zhe na/ lus ni sgyu ma lta bu nyid du yongs su shes pa ste/ de kho na bzhin du yang dag pa ma yin pa'i ngo bo snang ba'i phyir ro/ /tshor ba ni smi lam lta bu nyid du yongs su shes pas te/ de kho na bzhin du log par nyamS su myong ba'i phyir ro/ /sems ni nam mkha' bzhin du rang bzhin gyis 'od gsal bar yongs su shes pas so/ /chos rnams na nam mkha' glo bur gyi rdul dang du ba dang sprin dang khug snas khebs pa bzhin du glo bur ba nyid du yongs su shes pas so/ / skye bas ji lta bu zhe na/ bsams bzhin du srid par skye ba na 'khor los sgyur ba la sogs par gyur ba'i lus dang tshor ba la sogs pa khyad par du 'phags pa phun sum tshogs shing de la kun nas nyon mongs pa med pas so/ /chen pos ji lta bu zhe na/ rang bzhin gyis dbang po rno ba nyid kyis dran pa nye bar bzhag pa sgom pa chung ngu yang de las gzhan pa dag bas che ba'i phyir ro/ /mchog nyid gyis ji lta bu zhe na/ sgom pa yongs su grub pa rnams 'dres pa nye bar 'dres pa lhun gyis grub par sgom pa'i phyir ro/ /bsgoms pas ji lta bu zhe na/ shin tu bsgoms pas phung po'i lhag ma med pa'i mya ngan las 'das pa na yang de mi zad pa'i phyir ro/ /yang dag par 'grub pas ji lta bu zhe na/ sa bcu dang sangs rgyas nyid du yang dag par 'grub pa'i phyir ro// yang dag par spong ba rnam par dbye ba'i tshigs su bcad pa lnga ste/ brtan pa rnams kyi yang dag spong/ /lus can kun dang mtshungs pa med/ /dran pa nye bar gzhag pa yi/ /nyes pa rnams kyi gnyen por sgom/ /dran pa nye bar bzhag ba sgom pa ji skad bshad pa de dag gi mi mthun pa'i phyogs nyes pa rnams kyi gnyen por yang dag par spong ba sgom mo zhes bya ba ni yang dag par spong ba'i spyi'i mtshan nyid yin no/ /rab tu dbye ba ni/ 'khor ba nye bar spyad pa dang/ sgrib pa dag ni dor ba dang/ yid la byed pa dor ba dang/ /sa rnams la ni 'jug pa dar/ mtshan ma med par gnas pa dang/ lung bstan pa na thob pa dang/ /sems can rnams yongs smin bya dang/ /dbang ni bskur bar bya ba dang/ zhing rnams dag par bya phyir dang/ /mthar thug nyid du bya ba'i phyir/ /byang chub sems dpa' blo ldan rnams/ /mi mthun phyogs kyi gnyen por sgom/ /'di ni yang dag par spong bsgom pa'i rab tu dbye ba ste/ 'khor bar phun sum tshogs pa rnams la kun nas nyon mongs pa med par yongs su longS spyod pa dang/ sgrib pa lnga dor ba dang/ nyan thos dang rang sangs rgyas kyi yid la byed ba dor ba dang/ sa la 'jug pa dang/ sa bdun pa la mtshan ma med par gnas pa dang/ sa brgyad pa la lung bstan pa thob pa dang/ dgu pa la seMs can rnams yongs su smin par bya ba dang/ bcu pa la dbang bskur ba dang/ gsum char la zhing rnam par dag par bya ba'i phyir dang/ sangs rgyas kyis sa la mthar thug bar bya ba'i phyir/ mi mthun pa'i phyogs gang dag yin ba de dag gi gnyen por yang dag par spong ba sgom par rig par bya ste/ 'di ni de'i rab tu dbye ba yin no/ /'dun pa la ni brten nas su/ /rnal 'byor rgyu mtshan bcas sgom pa/ /yang dag spong ba thams cad la/ /gnyen po zhes ni nges par brjod/ /'don? 'dun pa bskyed do/ /'bad do/ /brtson 'grus brtsom mo sems rab tu 'dzin to/ /yang dag par rab tu 'jog go zhes bya ba'i tshig 'di rnams kyi don bstan te/ 'dun pa la brten nas zhi gnas dang lhag mthong zhes bya ba'i rnal 'byor sgom zhing 'bad do/ /sgom pa de yang zhi gnas dang/ rab tu 'dzin pa dang/ btang snyoms kyi rgyu mtshan dag dang lhan cig sgom ste/ de lta bas na rgyu mtshan dang bcas pa yin no/ /yang ji ltar sgom zhe na/ 'di lta na zhi gnas dang rab tu 'dzin pa'i nye ba'i nyon mongs pa zhum pa dang rgod pa dag gi gnyen por brtson 'grus rtsom mo/ /brtson 'grus ji ltar rtsom zhe na/ sems rab tu 'dzin to/ /yang dag par rab tu 'jog go /de la rab tu 'dzin pa ni shes rab kyis so/ /yang dag par rab tu 'jog pa ni zhi gnas kyis so/ /mnyam pa thob nas ni btang snyoms su 'jog ste/ rnal 'byor sgom pa 'di ni yang dag par spong ba'i rab tu dbye ba ji skad bshad pa thams cad la gnyen po zhes bya'o/ /rdzu 'phrul gyi rkang pa rnam par dbye ba'i tshigS su bcad pa rnam pa lnga ste/ brten pa rnams kyi rdzu 'phrul gyi/ /rkang pa mtshan nyid mchog ldan bzhi/ /bdag nyid dang ni gzhan dag gi /don kun 'grub pa'i phyir skye'o/ /'jig rten dang 'jig rten las 'das pa'i don thams cad 'grub par rig par bya ste/ lhag ma ni don go bar zad do/ /rten dang rab tu dbye ba dang/ thabs dang mngon par sgrub pa yi/ /blo ldan rdzu 'phrul rkang pa rnams/ /rnam ba kun tu rnam bzhag 'dod/ /bstan pa 'di'i bshad pa ni lhag ma yin te/ bsam gtan pha rol phyin brten nas/ /rab tu dbye bdag dang thabs/ /rnam bzhi mngon par sgrub pa ni/ /rnam pa drug tu brjod pa yin/ /bsam gtan gyi pha rol tu phyin pa la brten nas 'dun pa dang brtson 'grus dang/ sems dang dpyod pa'i ting nge 'dzin gyi dbye bas rab tu dbye ba rnam pa bzhi'o/ /thabs kyang rnam pa bzhi kho na'o/ /mngon par sgrub pa ni rnam pa drug go /thabs rnam pa bzhi gang zhe na/ gcig ni 'bad par byed pa ste/ gnyis pa phan 'dogs bdag nyid yin/ /gsum pa gtod par byed pa ste/ /bzhi pa gnyen po pa yin no/ /spong ba'i 'du byed brgyad las 'dun pa dang rtsol ba dang dad pa ni 'bad par byed pa'i thabs te/ dad cing don du gnyer na 'bad pa'i phyir ro/ /shin tu spyangs pa ni phan 'dogs par byed pa'o/ /dran pa dang shes bzhin nye bar gtong par byed pa ste/ /gcig gi sems dmigs pa las mi 'phro bar byed pa'i phyir dang/ gnyis pas 'phro ba rab tu shes pI phyir ro/ /sems pa dang brtang? snyoms ni gnyen po'i thabs yin te nye ba'i nyon mongs pa zhum pa dang rged pa dag dang/ nyon mongs pa rnams kyi gnyen po yin pa'i phyir ro/ /mngon par sgrub pa rnam pa drug gang zhe na/ mthong ba dang gdams ngag dang/ /gnas pas rnam par brtse ba dang/ /smon lam dang ni dbang dag dang/ /chos thob pa ni sgrub ba'i phyir/ /de la mthong ba ni spyan rnam pa lnga po sha'i spyan dang/ lha'i spyan dang/ shes rab kyi spyan dang chos kyi spyan dang/ sangs rgyas kyi spyan no/ /gdams dag ni mngon par shes pa grub ste/ de dag gis go rim bzhin du nye bar song nas skad dang sems dang 'ong ba dang 'gro ba rig par byas nas nges par 'byung bar bya ba'i phyir 'doms pa'i phyir ro/ /gnas pas rnam par brtse ba ni/ /'di ltar byang chub sems dpa' rnams ting nge 'dzin gyis sprul pa la sogs pa rnam pa du mas rnam par brtse ba yin no/ /smon lam ni smon lam shes pa gang gis byang chub sems dpa' smon lam gyi stobs can rnams smon lam khyad par can gyis rnam par rtse ba'o/ /de dag gi lus dang 'od dang dbyangs ni dgrad bar sla ba ma yin te/ rgyas par sa bcu pa'i mdo las ji skad 'byung ba lta bu yin no/ /dbang yang de nyid las/ dbang bcu ji skad bstan pa lta bu yin no/ /chos thob pa ni stobs dang mi 'jigs pa dang sangs rgyas kyi chos ma 'dres pa rnams thob pa ste/ de ltar na 'di ni mthong ba la sogs pa mngon par sgrub pa rnam pa drug yin no/ /dbang po rnam par dbye ba'i tshigs su bcad pa/ byang chub spyod dang thos mchog dang/ /zhig nas lhag mthong dad sogs kyis/ /gzhi yin par ni shes bya ste/ don grub byed pa'i skabs kyis so/ /dad pa'i dbang bo'i gzhi ni byang chub ste dmigs pa zhes bya ba'i don to/ /brtson 'grus kyi dbang po'i ni byang chub sems dpa' i spyod pa'o /dran pa'i dbang po'i ni theg pa chen pos bsdus ba'i thos pa'o/ /ting nge 'dzin gyi dbang po'i zhi gnas so/ /shes rab kyi dbang po'i gzhin lhag mthong ngo/ /de dag gi don gyi skabs kho nas dad pa la sogs pa 'di dag dbang byed pa'i don kyis dbang po rnams shes bya'o/ /stobs rnam par dbye ba'i tshigs su bcad pa/ / dad sogs sa la 'jug pa ste/ kun nas nyon mongs can du 'dod/ /mi mthun phyogs nyams chung bas yang/ /de dag nyid la stobs zhes bya/ /tshigs su bcad pa 'di'i don go bar zad do/ /byang chub kyi yan lag rnam par dbye ba'i tshigs sku bcad pa rnam pa bdun te/ sar zhugs ba la byang chub kyi/ /yan lag rnam par bzhag bar brjod/ /chos rnams dang ni sems can kun/ /mnyam pa nyid du rtogs phyir ro/ /'dis ni gnas skabs gang du gang zhig rtogs pas byang chub kyi yan lag rnams rnam par bzhag pa de bstan te/ sa la zhuD pI gnas skab na go rim bzhin du chos la bdag med pa dang/ bdag dang gzhan mnyam pa nyid kyis chos thams cad dang sems can thams cad mnyam pa nyid du rtogs pa'i phyir ro/ /'di man chad ni byang chub kyi yan lag rnams 'khor lo la sogs pa rin po che sna bdun dang chos mthun par ston te/ shes bya ma rgyal rgyal bya'i phyir ro/ /dran bdag ni ? tu spyod/ /shes bya ma rgyal ba rgyal ba'i bya ba'i phyir te/ dper na 'khor los sgyur ba'i 'khor lo rin po che yul ma phebs pa 'bebs pa lta bu'o/ /'di yi rnam 'byed rtog pa yi/ /mtshan ma thams cad 'joms par byed/ /dper na glang bo rin po che phyir rgol ba 'joms par byed ba lta bu'o/ /'di yi brtson 'grus ma lus pa/ /myur du rtogs par bya phyir 'jug /mngon par shes pa myur ba nyid sgrub pa'i phyir te/ dper na rta rin po che myur du sa chen po rgya mtsho'i mdza' klas par 'gro ba lta bu'o/ /chos kyi snang ba rnam par 'phel ba'i// dga' bas rtag tu rgyas par 'gyur/ /byang chub sems dpa' i brtson 'grus brtsams pa'i chos kyi snang ba rnam par 'phel bar 'gyur ro/ /des na rtag tu lus thams cad dga' bar chim par byed do/ /de dper na nor bu rin po che'i snang ba'i khyad par gyis 'khor los sgyur ba'i rgyal bo dga' bar byed pa lta bu'o/ /sgrib pa kun las thar pa'i phyir/ /shin tu sbyangs pas bde ba 'thob/ /gnas ngan len thams cad yang dag bar bcom pa'i phyir te/ dper na bud med rin po ches 'khor los bsgyur ba'i rgyal po dga' ba nyams su myong blta bu'o/ /ting nge 'dzin las bsams ba'i don/ /'byor ba nye bar skye bar 'gyur/ /dper na 'khor los sgyur ba'i 'byor ba khyim bdag rin po che las grub pa lta bu'o/ /btang snyoms kyis ni thams cad du/ /'di ni ji ltar 'dod bzhin gnas/ /rjes la thob dang mi rtog pa'i/ /gnas pas mchog ni rtag tu gnas/ /btang snyoms zhes bya ba ni rnam par mi rtog ba'i ye shes te/ des byang chub sems dpa' thams cad du ji ltar 'dod pa bzhin du gnas te/ de'i rjes la thob pa'i gnas bas gzhan 'bul zhing gzhan 'dor ba'i phyir dang/ rnam par mi rtog pa'i gnas pas de la rtsom pa med par gnas par byed pa'i phyir te/ dper na 'khor los sgyur ba'i blon po rin po che dpung gi tshogs yan lag bzhi pa dbul bar bya ba yang 'bul la/ /dor bar bya ba yang 'dor zhing gong du dpung gi tshogs yan lag bzhi pa ma dub par phyin pa deng song nas kyang gnas par byed do/ /yon tan de lta'i sems dpa' ni/ /'khor los sgyur ba 'dra bar 'jug/ yon tan de lta bu dang ldan pa'i byang chub sems dpa' ni 'khor los sgyur ba dang 'dra bar 'jug go/ rtag tu rin chen bdun lta bu'i/ /byang chub yan lag rnams kyis bskor/ /zhes bya ba ni byang chub kyi yan lag rnams rin po che dang 'dra ba nyid du mjug sdud par byed pa yin no/ /rang bzhin yan lag gnas yan lag/ gsum pa des 'byung yan lag ste/ /bzhi pa phan yon yan lag yin/ /rnaM gsum nyon mongs med yan lag/ 'dis ni byang chub kyi yan lag gang yin pa dang/ ji ltar yan lag yin pa de ston to/ /de la dran pa ni gnas kyi yan lag ste/ thams cad de la brten nas 'byung ba'i phyir ro/ /chos rab tu rnam par 'byed ba ni? rang bzhin gyi yan lag ste/ byang chub ni de'i ngo bo nyid yin pa'i phyir ro/ /brtson 'grus ni nges par 'byung ba'i yan lag ste/ des mthar thug pa ma thob kyi bar du rgyun mi bcod pa'i phyir ro/ /dga' ba ni phan yon gyi yan lag ste/ sems dga' bar byed ba'i phyir ro/ /shin tu sbyangs pa dang ting nge 'dzin dang btang snyoms ni kun nas nyon mongs pa med pa'i yan lag ste/ gang gis gang la brten nas nyon mongs pa med pa gang yin pa zhes bya ba rnam pa gsum ni kun nas nyon mongs pa med pa'i yan lag yin pa rig bar bya'o/ /lam gyi yan lag rnam par dbye ba'i tshigs su bcad pa gnyis te/ de yi 'og tu ji lta bar/ /rtogs pa'i rjes su 'jug pa skye/ rnam bzhag ji bzhin rtogs pa dang/ /rnam par bzhag la 'jug pa dang/ /las gsum rnam par dag pa dang/ /shes bya dag dang lam dang ni/ /yon tan khyad bar can gyi ni/ /sgrib pa'i gnyen po sgom pa'o/ /byang chub kyi yan lag gi 'og tu yang dag pa ji lta ba bzhin du rtogs pa'i rjes su 'jug pa ni yang dag pa'i lta ba'o/ /rtogs ba de nyid kyi rnam par bzhag pa yongs su dpyod pa ni yang dag ba'i rtog ba'o/ /de rnam par bzhag pa mdo sde la sogs pa bcom ldan 'das kyis gsungs pa la 'jug pa yang de nyid yin te/ des de'i don rtogs pa'i phyir ro/ /las gsum rnam par dag pa ni/ /yang dag pa'i dag dang las kyi mdza' dang 'tsho ba ste/ dag dang lus dang gnyis ka'i las bsdus pa'i phyir ro/ /yang dag pa'i rtsol ba la sogs pa ni go rim bzhin du shes bya'i sgrib pa dang lam gyi sgrib pa dang/ yon tan khyad par can gyi sgrib pa'i gnyen po sgom pa ste/ yang dag ba'i rtsol bas ni yun ring po mi skyo bar shes bya sgrib pa'i gnyen po sgom bar byed do/ /yang dag pa'i dran pas ni zhi gnas dang rab tu 'dzin pa dang/ btang snyoms kyi rgyu mtshan dag la zhum pa dang rgod pa med pa'i phyir/ /lam mngon sum du bya ba'i ched du sgrib pa'i gnyen po sgom par byed do/ /yang dag pa'i ting nge 'dzin gyis ni yon tan khyad par can mngon par sgrub pa'i sgrib ba'i gnyen po sgom par byed do/ /de ltar na lam gyi yan lag rnam pa brgyad du rnam par gzhag go /zhi gnas dang lhag mthong rnam par dbye ba'i tshigs su bcad pa gsum ste/ yang dag gnas pa la brten nas/ /sems la sems ni 'jog phyir dang/ /chos rab rnam par 'byed pa'i phyir/ /zhi gnas dang ni lhag mthong yin/ /yang dag pa'i ting nge 'dzin la brten nas sems la sems 'jog pa'i phyir dang/ chos rnams rab tu rnam par 'byed pa'i phyir/ go rim bzhin du zhi gnas dang lhag mthong yin par rig par bya'i ting nge 'dzin med par ni ma yin te/ 'di ni zhi gnas dang lhag mthong gi mtshan nyid yin no/ /de ni kun 'gro cha gcig dang /cha gcig ma yin rgyur 'dod do/ /zhi gnas dang lhag mthong de ni yon tan gang dang gang 'dod pa de dang de sgom ba'i phyir kun tu 'gro ba yin te/ ji skad du mdo las/ dge slong kye ma bdag gis 'dod ba dag las dben par 'dod na zhes bya ba nas/ rgyas par dge slong nges chos gnyis po 'di kho nas bsgom bar bya'o/ /'di lta ste/ zhi gnas dang lhag mthong ba zhes bya ba la sogs pa'i bar du gsungs pa lta bu yin no/ /zhi gnas dang lhag mthong cha gcig pa ni gang gi tshe zhi gnas lhag mthong sgom par byed pa'o/ /gnyis ka'i cha ni gang tshe cig car gnyi ga sgom par byed pa'o/ /byang chub sems dpa' rnams kyi ni gnas dang lhag mthong de ni mos pas spyod pa'i sa la rgyu yin par 'dod do/ /rtogs dang nges par 'byung ba dang/ /mtshan med 'du mi byed pa dang/ /yongs dag rnam par dag pa la/ /brtan pa'i zhi gnas lhag mthong gi/ rnal 'byor de sa kun 'gro ste/ thams cad sgrub par byed pa yin/ /zhes bya ba ni rgyur 'dod do zhes bya ba la sogs pas ni zhi gnas dang lhag mthong gi bar du dbye ba dang las bstan pa yin te/ rnal 'byor ni thabs yin par rig bar bya'o/ /de la rtogs pa ni sa dang po la 'jug ba'o/ /nges par 'byung ba ni sa drug pa'i bar te/ /de dag gi mtshan ma dang bcas pa'i sbyor ba las nges par 'byung ba'i phyir ro/ /mtshan ma med pa ni sa bdun pa'o/ /'du mi byed pa ni sa gzhan gsum ste/ mngon par 'du byed pa med par 'byung pa'i phyir ro/ /'du bye ba ni 'du byed pa ste/ de 'di la med pas 'du byed med pa'i/ /sa gsum po de nyid la brten nas sangs rgyas zhing yongs yongs su sbyang bar bya la/ sangs rgyas nyid kyang thob par bya ste/ 'di ni go rim bzhin du yongs su dag pa dang/ rnam par dag pa yin no/ /thabs la mkhas pa rnam par dbye ba'i tshigs su bcad pa gnyis te/ sangs rgyas chos rnams rdzogs bya dang/ /sems can rnams yongs smin bya dang/ /myur thob bya ba 'grub pa dang/ /lam rgyun mi gcod lam mkhaS pa/ byang chub sems dpa' sa kun la/ /thabs ni mtshungs pa med pa ste/ /thabs mkhas de la brten nas ni/ /de dag don kun sgrub par byed/ /'dis ni thabs lam mkhas ba'i rab tu dbye ba dang las bstan te/ de la sangs rgyas kyi chos yongs su rdzogs bar byed pa'i thabs ni rnam par mi rtog pa'i ye shes so/ /sems can yongs su smin par byed pa ni bsdu ba'i dngos po bzhi'o/ /myur du mngon par rdzogs bar byang chub pa'i ni sdig pa thams cad ni so sor gshags zhes bya ba nas bdag gi ye shes rdzogs par byang chub par gyur cig ces bya ba'i bar te/ so sor bshags pa dang/ rjes su yi rang ba dang/ gsol ba dang/ yongs su bsngo ba yin no/ /bya ba 'grub pa'i ni ting nge 'dzin dang gzungs kyi sgo rnams te/ de dag gis sems can gyi don gyi bya ba sgrub pa'i phyir ro/ /lam rgyun mi gcod pa'i ni mi gnas pa'i mya ngan las 'das pa yin no/ /byang chub sems dpa' rnams kyi sa thams cad la thabs rnam pa lnga po 'di la mkhas pa ni de las gzhan pa dag dang mtshungs pa med pa yin te/ /'di ni rab tu dbye ba yin no/ /rang dang gzhan gyi don thams cad sgrub pa ni las so/ /gzungs rnam par dbye ba'i tshigs su bcad pa gsum pa ste/ rnam smin thos la goms pa dang/ ting nge 'dzin gyis gzungs dag ni/ /chung du dang ni chen po ste/ chen po de yang rnam pa gsum/ /blo ldan ma zhugs zhugs pa yang/ /ma dag sa pa rnams kyi ni/ /chung du dang ni 'bring po ste/ /dag pa'i sa ba'i gzungs chen yin/ /byang chub sems dang yang dang yang/ /de la yang dag rten nas ni/ /rtag tu dam pa'i chos dag kyang/ /rab tu ston cing 'dzin par byed/ /'dir yang gzungs kyi rab tu dbye ba dang/ las bstan te/ de la gzungs ni sngon gyi las kyi rnam par smin pa dang? mthong ba'i chos la mang du thos pas len pa dang 'dzin par nus pa'i khyad par gyi sgo nas thos pa la goms pa dang/ ting nge 'dzin la brten pas rnam pa gsum mo/ /de yang rnam par smin pa dang thos pa la goms pa dag gis ni chung du yin par rig par bya'o/ /ting nge 'dzin gyis ni chen po yin no/ /chen po de yang rnaM pa gsuM ste /sa la ? zhuD pa rnaMs kyi ni chung du'o/ /sa la ma zhuD pa ma dag pa rnamS kyi ni 'bring ste sa bdun po dag gi'o/ /yongs su dag pI sa pa'i ni chen po ste sa lhag ma rnams gyi'o/ /'di ni gzungs kyi rab tu dbye ba ste/ las kyi dam pa'i chos rab tu ston pa dang/ 'dzin pa yin no/ /smon lam rnam par dbye ba'i tshigs su bcad pa gsum ste/ bstan pa rnams kyi smon lam ni/ /sems pa 'dun dang bcas pa ste/ /de ni ye shes kyis bskul ba/ /sa rnams kun la nyams pa med/ /de ni rgyur gyur zhes bya ste/ /sems tsam las ni 'grub pa'i phyir/ /sems las mod la 'bras bu can/ /da ni ma 'ongs don 'grub byed/ /sna tshogs che dang byang chub bar/ /sa rnams gong nas gang du ni/ rnam dag byang chub sems dpa' yi/ /rang gzhan don rab sgrub byed yin/ /'dir smon lam ni ngo bo nyid dang /gzhi dang /sa dang/ rab tu dbye ba dang/ las kyis bstan te/ ngo bo nyid ni sems pa mdun pa dang mtshungs par ldan pa yin no// bzhin ni ye shes so/ /sa thams cad ces bya ba ni sa'o/ /smon laM de ni sems khon las mdo? la 'bras bur 'gyur ba'i phyir dang/ ma 'ongs pa na 'dod pa'i don 'grub pa'i phyir rgyur gyur ba yin no/ /sems lam med la 'bras bur 'gyur ba yang sems tsam las ji ltar 'dod pa'i don 'grub pa'i sgo nas rig par bya ste/ smon lam gang gis byang chub sems dpa' smon lam gyi stobs can rnam par brtse ba de'i lus bgrang bar slab ma yin no zhes bya ba rgyas par 'byung ba lta bu'o/ /sna tshogs pa ni mos pas spyod pa'i sa la 'di lta 'di ltar gyur cig ces bya ba yin no/ /chen po ni sa la zhugs pa'i smon lam chen po bcu'o/ /rnam par dag pa ni byang chub kyi bar du sa gong nas gong du rnaMs dag pa'i khyad par gyi phyir te/ 'di ni rab tu dbye ba yin no/ /rang dang gzhan gyi don du rab tu sgrub par byed pa ni las so/ /ting nge 'dzin gsum rnam par dbye ba'i tshigs su bcad pa gsum ste/ ting 'dzin gsum gyi spyod yul ni/ /bdag med rnam pa gnyis po dang/ /bdag tu 'dzin pa'i rten dang ni/ /de rtog nyer zhi yin zhes bya/ /ting nge 'dzin rnam pa gsum gyi spyod yul rnam pa gsum du shes par bya ste/ stong pa nyid kyi ting nge 'dzin gyi ni gang zag dang chos la bdag med pa'o/ /smon pa med ba'i ting nge 'dzin gyi ni de gnyi ga la bdag tu 'dzin pa'i brten pa'i rten nye bar len pa'i phung po lnga'o/ /mtshan ma med pa'i ting nge 'dzin gyi ni rten de gtan du nye bar zhi ba yin no/ /ting 'dzin de ni gzung 'dzin ngo bo'i phyir/ /rnam pa gsum du shes par bya/ /gzung ba spyod yul rnam pa gsum la 'dzin pa'i ting nge 'dzin gang dag yin pa de dag ni stong pa nyid la sogs pa'i ting nge 'dzin yin pas gzung ba 'dzin pa'i ngo bos? ting nge 'dzin gsum du shes par bya'o/ /de dag kyang go rim bzhin du / rnam par mi rtog rgyab kyis phyogs/ /rtag tu dga' dang ldan pa'o/ /stong pa nyid kyi ting nge 'dzin ni rnam par mi rtog pa ste/ gang zag dang chos dag la bdag tu rnam par mi rtog pa'i phyir ro/ /smon pa med pa'i ni bdag tu 'dzin pa'i rten de la rgyab kyis phyogs pa yin no/ /mtshan ma med pa ni de'i rten nye bar zhi ba de la dus thams cad du dga' ba dang mtshungs par ldan pa yin no/ /yongs su shes dang spang ba dang/ /mngon sum du ni bya ba'i phyir stong nyid la sogs ting 'dzin rnams/ /don rnam gsum du yongs su sgrags/ /stong pa nyid ni gang zag dang chos la bdag med pa dag yongs su shes par bya ba'i phyir yin no/ /smon pa med pa ni de dag la bdag tu 'dzin ba'i sten spangs ba'i phyir yin no/ mtshan ma med ba'i ting nge 'dzin de ni nye bar zhi ba mngon sum du bya ba'i phyir yin no/ /chos kyi sdom par dbye ba'i tshigs su bcad pa gnyis te/ sems can rnams la phan bzhed pas/ /ting nge 'dzin gyi rgyu nyid du/ /chos kyi sdom ni rnam pa bzhi/ /byang chub sems dpa' rnams la bshad/ /de la 'dus byas thams cad ni mi rtag ba'o/ /'du byed thams cad ni sdug bsngal ba'o zhes bya ba ni smon pa med pa'i ting nge 'dzin gyi rgyu'i dngos por bstan to/ /chos thams cad ni bdag med pa'o zhes bya ba ni stong pa nyid kyi'o/ /mya ngan las 'das pa ni zhi ba'o zhes bya ba ni mtshan ma med pa'i ting nge 'dzin gyi'o/ /yang mi rtag pa'i don nas zhi ba'i don gyi bar du ci zhig yin zhe na/ bshad pa/ brtan pa rnams kyi bzhi po de/ /med pa'i don dang rnam rtog don/ /kun tu rtog don kho na dang/ /rnam rtog nye bar zhi ba'i don/ /byang chub sems dpa' rnams kyi mi rtag pa'i don ni med pa'i don te/ rtag tu med pa yang yin pa de ni mi rtag pa yin pas de dag gi kun brtagS pa'i mtshan nyid gang yin pa'o/ /sdug bsngal ba'i don ni yang dag pa ma yin pa'i rnam par rtog pa'i don te/ gzhan gyi dbang gi mtshan nyid gang yin pa'o/ /bdag med pa'i don ni kun tu rtog pa tsam gyi don te/ kho na zheS bya ba'i sgras nges par gzung ba'i phyir kun brtags pa'i bdag med kyi kun tu rtog pa tsam zhig ni yod pas kun brtags pa'i mtshan nyid kyi med pa'i don ni bdag med pa'i don to zhes bshad pa yin no/ /zhi ba'i don ni rnaM par rtog pa nye bar zhi ba'i don te/ yongs su grub pa'i mtshan nyid mya ngan 'das pa yin no/ /gzhan gyi dbang gi mtshan nyid skad cig la 'jig pa'i don yang mi rtag pa'i don du rig par bya ste/ de lta bas na de rab tu sgrub pa'i phyir skad cig ma nyid rnam par dbye ba'i tshigs su bcad pa bcu'o/ /mi rung rgyu las skye phyir dang/ /'gal phyir rang nyid mi gnas phyir/ /med phyir mtshan nyid nges phyir dang/ /rjes su 'jug phyir 'gag pa'i phyir/ /yongs su 'gyur pa dmigs phyir dang/ /de'i rgyu nyid dang 'bras bu'i phyir/ /zin pa'i phyir dang bdag po'i phyir/ /dag dang sems can rjes 'jug phyir/ /de la 'og nas 'dus byas thams cad skad cig ma zhes 'byung ba 'di ni dam bca' ba yin par rig par bya'o/ /de yang ji ltar 'jug ce na/ skad cig ma nyid med par 'du byed rnams 'jug ba mi rung ba'i phyir te/ /rgyun gyis 'jug pa ni 'jug pa yin na de yang skad cig re re la skye ba dang 'gag pa med par mi rung ngo/ /'on te dus gzhan gyi bar du gnas nas snga ma dang phyi ma 'gag pa dang/ skye ba'i sgo nas rgyun gyis 'jug par 'dod na/ de'i mi mjug thogs su 'jug par mi 'gyur te/ rgyun med pa'i phyir ro/ /skyes pa ni rgyun med par dus gzhan gyi bar du yod par yang rung sa ma yin no/ /ci'i phyir zhe na/ rgyu las skye ba'i phyir te/ 'dus byas thams cad ni rgyu las skye zhing yod do zhes bya ba'i tha tshig go/ de gal te byung nas dus phyis yod na de la gdon mi za bar rgyu dgos te/ rgyu med na dang po kho na nas med pI phyir ro/ /de ni rgyud kho nas yod par 'gyur bar yang rigs pa ma yin no/ /de rgyud sbyang zin pa'i phyir ro/ /rgyu gzhan yang mi dmigs te/ de lta bas na gdon mi za bar skad cig re re la snga ma'i rgyu can gzhan zhig yod do zhes bya bar rig par bya'o/ /de ltar na skyes pa rgyun med par dus gzhan gyi bar du yod par mi rung ngo/ /ji ste 'di ltar gang gi don du rgyu dgos par 'gyur ba skyes zin pa yang skye ba ni ma yin gyi/ /skyes pa phyis dus gzhan na 'gag bar 'gyur te/ skyes ba tsam kho nas ni ma yin no zhes bya bar 'dod de byis ci zhig gis 'gag bar 'gyur/ /gal te skye ba'i rgyu kho nas so zhe na/ /de ni rigs pa ma yin no/ /ci'i phyir zhe na /skye ba dang 'gag pa dag 'gal ba'i phyir ro/ /'gal bdag gi rgyu 'dra bar ni mi rigs te/ dper na grib ma dang nyi ma dag bgrang ba dang dro ba dag gi lta bu'o/ /dus gzhan na 'gag pa nyid kyi 'gal ba'i phyir ro/ /gang dang 'gal zhe na/ bcom ldan 'das kyiS dge slong dag 'du byed de dag thams cad ni sgyu ma lta bu skye zhing 'jig pa/ dus re zhig pa/ yun thung dur gnas pa'o zhes gsungs pa gang yin pa'i lung dang yang 'gal lo/ /rnal 'byor pa rnams kyi yid la byed pa dang yang 'gal te/ de dag ni 'du byed rnams la skye ba dang 'jig pa dag tu yid la byed pa skad cig re re la 'di rnams 'gag par mthong ngo/ /de lta ma yin na 'chi ba'i dus la sogs pa na 'gag par mthong ba gzhan dag ji lta bar de dag kyang yid 'byung ba dang/ 'dod chags dang bral ba dang /rnam par grol ba dag tu mi 'gyur ro/ /yang gal te 'du byed skyes pa dus gzhan gyi bar du gnas par 'gyur na/ bdag nyid dam gnas pa'i rgyu 'ga' zhig gis gnas par 'gyur grang na/ re zhig bdag nyid gnas par ni rigs pa ma yin na/ /ci'i phyir zhe na/ phyis bdag nyid mi gnas pa'i phyis te/ gang gis na 'dis gnas par mi nus/ /de med pa'i phyir gnas pa'i rgyus kyang rigs pa ma yin te/ de ni cung zad kyang mi dmigs so/ /'on te gnas pa'i rgyu med du zin kyang 'jig pa'i rgyu med pas gnas la 'jig pa'i rgyu dang phrad nas ni phyis mes sngon po nyid du 'jig go snyam du sems na/ de med pa'i phyir de ni rigs pa ma yin te/ 'jig pa'i rgyu ni phyis kyang cung zad kyang med do/ /mes sngon po nyid 'jig go zhes bya ba yang rab tu ma grub bo/ /de'i mthun ni mi 'dra bar skye ba la rab tu 'grub ste/ 'di ltar de dang 'brel pa las sngon po nyid kyi rgyun mi 'dra bar 'dzin gyi rnam pa thams cad du mi 'jug pa nyid ni mi yin no/ /chu bskol ba rnams kyang me dang 'brel ba las nyung ba dang chos nyung ba skye ba'i sgo nas mthar shin tu dman pas nam yang mi skye bar 'dzin gyi/ me dang phrad pa las de cig car kho nar med pa ni ma yin no/ /mtshan nyid nges pa'i phyir skyes pa ni 'ga' yang gnas par rung ba nyid ma yin no/ /bcom ldan 'das kyi 'dus byas mi rtag pa nyid du gsungs pa gang yin pa de ni 'dus byas kyi mtshan nyid nges pa yin na/ /de gal te skyes pa tsam gyis 'jig par mi 'gyur na ni 'di'i dus cung zad cig mi rtag pa nyid du mi 'gyur baS mi rtag nyid kyi mtshan nyid ma ? thal bar 'gyur ro/ /'on te skad cig re re la sngon med pa skyen de nyid 'di yin no zhes bya bar ngo shes par yang mi 'gyur ro snyam du sems na/ 'dra bar rjes su 'jug pa'i phyir der ni 'gyur ba kho na ste/ sgyu ma mkhan gyi sgang sgong dang 'dra'o/ /'dra ba'i phyir de'i bla 'byung gi de yod pa'i phyir ni ma yin no zhes bya ba ci mngon zhe na/ 'gag pa'i phyir te/ de kho na bzhin du gnas pa ni skad cig ma dang po khyad bar med pa'i phyir mthar yang 'jig par mi 'gyur ro/ /de ltabS na de nyid 'di yin no zhes bya bar ni nges par mi gzung ngo/ /mthar yongs su 'gyur ba dmigs pa'i yang phyir te/ yongs su 'gyur ba zhes bya ba ni gzhan nyid du 'gyur ba'o/ /de gal te phyi dang nang gi dngos po rnams la dang po kho nas nas brtsams bar ma gyur na ni 'jug tu yongs su 'gyur ba dmigs par mi 'gyur ro/ /de lta bas na zho'i gnas skabs na 'o ma lta bur rim gyis 'phel na mthar mngon par 'gyur ba gang yin ba gzhan du 'gyur ba nyid ni dang po kho na nas brtsams pa yin la/ /ji srid du gzhan nyid du 'gyur ba de phra ba'i phyir/ /yongs su mi chos pa de srid du ni 'dra ba rjes su 'jug pas de nyid 'di yin no zhes bya bar shes so zhes bya bar grub po/ /de lta bas na skad cig re re la gzhan nyid du 'gyur ba'i phyir skad cig ma nyid du rab tu grub po/ /yang gang gis rab tu grub ce na /de'i rgyu nyid dang 'bras bu'i phyir zhes bya bas te/ skad cig ma'i rgyu yin pa'i phyir dang/ skad cig ma'i 'bras bu yin pa'i phyir zhes bya ba'i tha tshig ste/ sems ni skad cig mar rab tu sgrub po/ /de'i rgyun mig la sogs pa 'du byed gzhan dag yin no/ /de lta bas na de dag kyang skad cig ma yin no zhes bya bar grub po/ /skad cig ma yin pa las skad cig ma 'byung bar ni 'os pa ma yin te/ dper na mi rtag pa las rtag pa lta bu'o/ /yang 'du byed thams cad kyang sems kyi 'bras bu yin no/ /'di ci mngon zhe na/ zin pa'i phyir dang/ bdag pa'i phyir ? dag pa dad sems can gyi rjes su 'jug pa'i phyir te/ mig la sogs pa'i 'du byed rnams ni nges rjes su zin par 'jug pa'i sgo nas rten dang bcas par zin pa ste/ de lta bas na sems kyi 'bras bu yin no/ /sems ni 'du byed rnams kyi bdag po yang yin te/ ji skad du/ bcom ldan 'das kyis 'jig rten 'di ni sems kyis khrid cing sems kyi 'don te sems byung zhing byung ba'i dbang du 'gyur ro/ /zhes gsungs pa dang/ de bzhin du rnam par shes pa'i rkyen gyis ming dang gzugs zhes kyang gsungs pa lta bu ste / de de lta bas na 'du byed rnams na sems kyi 'bras bu yin no/ /sems dag pa'i rjes su 'jug pa'i yang phyir te/ 'du byed rnams ni rnal 'byor pa rnams kyi sems dag pa'i rjes su 'jug go/ ji skad du/ /dge slong bsam gtan pa rdzu 'phrul dang ldan pa sems la dbang thob pas ni gal te shing gi phung po 'di la gseng du mos na de la de de kho na nyid bzhin du 'gyur ro zhes gsungs pa lta bu ste/ de'i phyir 'du byed rnams seMs kyi 'bras bu yin no/ /sems can gyi rjes su 'jug pa'i yang phyir te/ 'di ltar sems can sdig pa byed pa rnams la phyi'i dngos po rnams ngan par 'gyur la/ bsod nams byed pa rnams la gya nom par 'gyur ro/ /de bas nang dag gi sems kyi rjes su 'jug pa'i phyir 'du byed rnams sems kyis 'bras bu nyid du grub po/ /de'i phyir skad cig ma nyid yin te/ de'i rjes su byed pa'i phyir skad cig ma'i 'bras bu skad cig ma ma yin pa yin par ni mi rung ngo/ /de ltar nar zhig tshigs su bcad pa gnyis kyis khyad par med par 'du byed rnams skad cig ma nyid du sgrubs pa yin no/ /yang nang gi rnams sgrub pa'i phyir tshigs su bcad pa lngar rig par bya ste/ dang po je bas je che dang/ /rgyas dang rten gyi dngos po dang/ / 'gyur dang yongs su smin pa dang/ /de bzhin dman dang khyad par 'phags/ /'od gsal ba dang 'od mi gsal/ /yul gzhan 'gro dang sa bon bcas/ /sa bon med pa'i ngo bo dang/ /gzugs brnyan du ni skye ba ste/ skye ba rnam pa bcu bzhi la/ rgyu dang tshad kyi khyad par dang/ /rgyas ba don med mi rung dang/ /rten nyid du ni mi srid dang/ /gnas pa la ni mi srid dang/ dang po mi 'jig mthar mi 'gyur/ /de bzhin dman dang khyad par 'phags/ /'od gsal ba dang 'od mi gsal// 'gro med gnas ba mi rung dang/ /tha ma nyid ni mi srid phyir/ /sems kyi rjes su 'jug pa'i phyir/ /'dus byas thams cad skad cig ma/ /dang po je bas je che dang/ /zhes bya ba nas/ 'dus byas thams cad skad cig ma zhes bya ba'i bar 'di dag gis skad cig ma nyid ji ltar 'grub ce na / nang gi 'du byed rnams kyi skye ba ni rnam pa bcu bzhi ste/ dang por skye ba ni dang po nyid du bdag gi ngo bo mngon par grub pa gang yin pa'o/ /je bas je cher skye ba ni skye ba'i skad cig ma dang po phyin chad gang yin pa'o/ /rgyas pas ni zas dang nyal ba dang tshangs par spyod pa dang snyoms par 'jug pa'i rgyas pas gang yin pa'o/ /rten gyi dngos pos ni rten mig la sogs pas mig gi rnam par shes pa la sogs pa gang yin pa'o/ /'gyur bar ni 'dod chags la sogs pas kha dog la sogs pa rnam par 'gyur ba'i sgo nas gang yin pa'o/ /yongs su smin par ni mngal na gnas pa dang/ byis pa dang/ gzhon nu lang tsho dang dar la bab pa dang/ rgan mo'i gnas dag na gang yin pa'o/ / dman pa nyid dang khyad par du 'phags pa nyid du ni ngan 'gro dang bde 'gro ba? skye ba rnams kyi gang yin pa ste/ go rim bzhin no/ /'od gsal ba nyid du ni 'dod pa sprul pa dang/ 'dod pa gzhan gyis sprul pa dang/ gzugs dang gzugs med pa dag tu skye ba rnams kyi gang yin pa ste/ sems tsam la rang gi las pa'i phyir ro/ /'od mi gsal ba nyid du ni de las gzhan du skye ba rnams kyi gang yin pa'o/ /yul gzhan du 'gro bar ni yul gzhan du skyes pa 'gags nas yul gzhan du skye ba gang yin pa'o/ /sa bon dang bcas pa nyid du ni dgra bcom pa'i phung po tha ma gang dag yin pa de dag ma gtogs pa'o/ /sa pbon med pa nyid du ni tha ma de dag gang yin pa'o/ /gzugs brnyan nyid du ni rnam par thar pa'i bsam gtan pa rnams kyi ting nge 'dzin gyi dbang gis gzugs brnyan zhes bya ba'i 'du byed rnams skye ba gang yin pa'o/ /skye ba rnam pa bcu bzhi po 'dir? dag la nang gi 'du byed rnams rgyu dang tshad kyi khyad par dang/ zhes bya ba la sogs pa'i rgyus skad cig ma nyid du rig bar bya ste/ re zhig dang por skye ba la ni rgyu nyid kyi khyad par gyi phyir ro/ /gal te de rgyu nyid kyis khyad par du ma gyur na/ des na rgyu khyad par med pa'i phyir/ 'du byed kyi 'jug pa phyi ma'i khyad par phyi ma phyi ma dmigs par 'gyur ro/ /khyad par yod na ni de'i phyi ma phyi ma dag las de gzhan yin pa'i phyir ri skad cig ma nyid du grub po/ /je las je cher? skye ba la ni tshad kyi phyir ro/ /tshad ni bod? zhes bya ba'i tha tshig ste/ skad cig re re la gzhan du 'gyur ba med par tshad khyad par yod par mi 'gyur ro/ /rgyas par skye ba la ni skye ba don med pa'i phyir te/ rgyas pa ni nye bar ston pa'o/ /skad cig ma nyid med na de don med par 'gyur te/ de kho na bzhin du gnas pa'i phyir ro/ /rgyas bde nyid mi rung ba'i yang phyir te/ skad cig re re la ches rgyas bar mi rung ngo/ /rten gyis dngos po skye ba la ni rten nyid du mi srid pa'i phyir te/ rten gnas bzhin du de la brten pa mi gnas pa ni rung ba ma yin te/ /theg pa gnas bzhin du de la zhon pa mi gnas pa bzhin no/ /de lta ma yin na rten nyid du mi srid par 'gyur ro/ /'gyur ba skye ba dang yongs su smin par skye ba la ni/ gnas pa la ni mi srid dang/ /dang po mi 'jig mthar mi 'gyur/ /de bzhin du gnas pa nyid la ni 'dod chags la sogs pas 'gyur ba yang mi srid la/ gnas skabs gzhan dag tu yongs su smin pa yang mi srid de/ dang po nas mi 'jig pa yin na tha mar yang 'gyur ba med pa'i phyir ro/ /'gyur ba dang yongs su smin par skye ba la ji lta ba de bzhin du dman pa dang/ khyad par don du skye ba la yang skad cig ma nyid du rig par bya ste/ de kho na gnas pa'i 'du byed dag la ni gang gis ni ngan 'gro 'am bde 'gror skye bar 'gyur ba las kyi bag chags 'jug pa rnyed par ? 'gyur gyi rim gyis rgyud yongs su 'gyur pa'i khyad par las ni 'jug pa rnyed par rung ngo/ /'od gsal ba dang 'od mi gsal bar skye ba la yang de kho na bzhin du skad cig ma nyid du mi rung ste/ re zhig 'od gsal ba la ni de bzhin du gnas pa la sems la rags lus te 'jug pa mi srid pa'i phyir ro/ /'od mi gsal ba la yang dang po nas 'jig pa med na tha mar 'gyur ba mi rung ba'i phyir ro/ /yul gzhan du 'gro bar skye ba ni 'gro ba med pa'i phyir ro/ /'du byed rnams la 'gro zhes bya ba yul gzhan du 'pho ba'i mtshan nyid kyi bya ba dga' yang mi rung ste/ de ni skyes pa'am ma skyes pa zhig 'du byed yul gzhan du 'gro bar byed grang / gal te skyes pas so zhe na/ des na 'gro ba'i dus na gang du yang ma song bas gnas pa kho na la 'gro ba 'thad pa ma yin no/ /'on te ma skyes pas so zhe na/ des na 'gro ba med na sor ba zhes bya bar mi rung ngo/ /bya ba de yang gal te yul de nyid na gnas pa'i 'du byed la bya ba byed do zhe na/ /rung ba ma yin te/ gnas pa ni yul gzhan du ma phyin pa'i phyir ro/ /'on te yul gzhan na gnas pa la'o zhe na yang rung ba ma yin te/ bya ba med na yul gzhan du ma phyin pa'i phyir ro/ /bya ba ni yul de 'am gzhan na gnas pa'i 'du byed las gzhan du yang mi dmigs pa'i phyir ro/ /de lta bas na 'du byed rnams yul gzhan dag tu rgyun gyis skye ba las gzhan pa'i 'gro ba ni med do/ /de med pa'i phyir skad cig ma nyid du grub po/ /yul gzhan du bar chad med par skye pa'i mtshan nyid kyi 'gro ba ni rgyun du mas rig par bya ste/ sems kyi dbang gis kyang yod do/ /dper na 'chags pa la sogs pa'i gnas skabs kyi lta bu'o/ /sngon gyis las kyi 'phen pas kyang yod de/ /dper na srid ba bar mo'i lta bu'o/ /'phangs pa'i dbang gis kyang yod de/ dper na mnga' 'phangs pa'i lta bu'o/ /'brel pa'i dbang gis yod de/ dper na gzhon pa dang chu brgal bar zhugs pa rnams kyi lta bu'o/ /deng pa'i dbang gis kyang yod de/ dper na rtswa rlung gis brdas ba rnams kyi lta bu'o/ /ngo bo nyid kyi dbang gis kyang yod de/ /dper na rlung ni thad dkar 'gro/ me ni gyen du 'bar/ chu ni gzhol ba'i 'bab pa lta bu'o/ /mthus kyang yod de/ dper na kha cig ni gsang sngags dang sman gyi mthus lcags dag ni khab long gi mthus/ rdzu 'phrul dang ldan pa rnams ni rdzu 'phrul gyi mthus 'gro ba lta bu'o/ /sa bon dang bcas pa dang sa bon med pa'i ngo bor skye ba la ni gnas pa mi rung dang/ tha ma nyid ni mi srid phyir skad cig ma nyid du rig par bya ste/ sa bon dang bcas pa dang sa bon med pa'i ngo bor skye ba la gnas pa mi rung ba'i phyir skad cig re re la rgyu'i ngo bo med par de bzhin du gnas pa ni dus gzhan nas sa bon gyi ngo bo 'am/ skad cig mtha ma la sa bon med pa nyid du rung pa ma yin no/ /sngar sa bon dang bcas pa nyid yin la/ /skad cig ma tha ma la sa bon med pa nyid du khas blangs pa mi nus te/ de med na tha ma nyid du mi srid ba'i phyir ro/ /de lta na ni tha ma nyid kyang mi srid do/ /gzugs brnyan du skye ba la ni sems kyi rjes su 'jug pa'i phyir skad cig ma nyid du rig par bya ste/ skad cig re re la sems kyi dbang gis de bzhin du skye ba'i phyir ro/ /de ltar na re zhig nang gi 'du byed thams cad skad cig mar bsgrubs pa yin no/ /de ni tshigs su bcad pa gsum gyis phyi'i skad cig ma nyid du sgrub ste/ 'byung ba rnams dang don rnam drug /skad cig nyid du brjod pa ni/ /skam dang 'phel dang rang bzhin gyis/ /g.yo dang 'phel dang 'grib pa'i phyir/ /'byung ba de dang 'brel phyir dang/ /yongs su 'gyur ba bzhi yi phyir/ /kha dog dang de ro dang reg/ 'dra phyir de ni de dang 'dra/ /bud shing rag las 'jug pa'i phyir/ rje?? bas de cher dmigs pa'i phyir/ /sems rjes 'jug phyir dri ba'i phyir/ /des na phyis yang skad cig ma/ /phyi'i de gang zhe na/ 'byung ba chen po bzhi po dag dang/ don rnaM pa drug bo kha dog dang dri dang ro dang reg bya dang sgra dang chos kyi skye mched ba'i gzugs te/ de bas na 'byung ba rnams dang/ don rnam pa drug ni skad cig ma nyid du brjod do/ /ji ltar shes zhe na/ re zhig chu dag skam pa dang 'phel ba'i phyir te/ chu mig dang mtsho dang 'tshe'u la sogs pa chu dag rim gyis 'phal ba dang/ skam pa dmigs so/ de gnyi ga yang skad cig re re la yongs su 'gyur ba med par mi 'gyur te/ phyis kyang khyad par gyi rgyu med pa'i phyir ro/ /rlung ni rang bzhin gyis g.yo ba'i phyir dang/ 'phel ba dang 'grib pa'i phyir ro/ /gnas pa ni g.yo ba nyid du mi 'gyur te/ 'gro ba med pa'i phyir ro zhes bya ba ni rab tu bsgrubs zin to/ /'phel ba dang 'grib pa dag kyang med de/ /de kho na bzhin du gnas pa'i phyir ro/ /sa ni de dang 'brel ba'i phyir dang/ yongs su 'gyur ba bzhi'i phyir ro/ /de zhes bya ba'i sgras ni chu yang gzung la rlung yang gzung ste/ sa ni 'chags pa'i dus na rlung dang bcas pa'i chu dag las 'byung ngo/ /de lta bas na de'i 'bras bu yin pa'i phyir/ /de yang skad cig mar rig par bya'o/ /sa la yongs su 'gyur ba rnam pa bzhi yang dmigs te/ las kyis byas pa ni sems can rnams kyi khyad par gyis so/ /gnod pas byas pa na bsnun pa la sogs pas so/ /'byung pas byas ba ni mi la sogs pas so/ /dus kyis byas pa ni dus gzhan gyi bar du yongs su gnas pas so/ /de yang skad cig re re la gzhan skye ba med par ni mi rung ste/ 'jig pa'i rgyu med pa'i phyir ro/ /kha dog dang dri dang ro dang reg bya rnams ni sa la sogs pa dang rgyu dang 'dra ba'i phyir/ /de kho na bzhin du skad cig ma nyid du rig par bya'o/ me ni bud shing la rag las te/ 'byung ba'i phyir skad cig ma nyid yin te/ me byung na me dang lhan cig byung pa'i bud shing de kho na bzhin du gnas pa med do/ /'dzug tu bud shing med pa yang gnas par 'gyur du 'ong bas bud shing chig pa'i me yang gnas par nus par rung ba ma yin no/ /tshigs su bcad pa sbyor ba'i ngor kha dog la sogs pa ni sngar brjod la me ni phyis brjod do/ /sgra yang dril bu la sogs pa'i dus gzhan gyi bar du dmigs pa gang yin pa de yang je bas je che bar dmigs pa'i phyir/ /skad cig ma nyid du rig par bya ste/ skad cig re re la skad cig ma nyid med par ni je bas je che bar dmigs par mi 'gyur ro/ /chos kyi skye mched pa'i gzugs kyang sems kyi rjes su 'jug pa'i phyir skad cig ma nyid du grub pa kho na ste/ ji skad du sngar bshad pa lta bu'o/ /de lta bas na phyi yang skad cig ma nyid du grub pa yin no/ /yang dri bas kyang 'du byed thams cad skad cig ma nyid du grub po/ /ji ltar byas pas zhe na/ re zhig skad cig ma ma yin par smra ba la ci'i phyir khyod 'du byed rnams brtag pa nyid du 'dod la/ skad cig ma nyid du mi 'dod ces bya ba 'di dri bar bya'o/ /gal te de 'di skad du skad cig re re la mi rtag ba nyid mi 'dzin pa'i phyir ro zhes zer ro/ /de la 'di skad ces brjod par bya ste/ mar me la sogs skad cig mar rab tu grub pa'i dngos po dag la yang mi g.yo ba'i gnas skabs na de mi 'dzin pa'i phyir skad cig ma nyid ma yin par ci'i phyir mi 'dod/ /gal te de 'di skad du snga ma bzhin du byis mi 'dzin bI phyir ro zheS zer na/ de la 'di skad ces brjod par bya ste/ 'du byed rnams la ci'i phyir de ltar mi 'dod/ gal te 'di skad du mar me la sogs ba ni de las gzhan pa'i 'du byed rnams dang mi 'dra ba'i phyir ro zhes zer na/ /de la 'di skad ces brjod par bya ste/ mi 'dra ba ni rnam pa gnyis te/ ngo bo nyid mi 'dra ba dang/ 'jug pa mi 'dra pa'o/ /de la gal te re zhig ngo bo nyid mi 'dra ba yin par 'dod na de nyid kyi phyir dpe nyid du rung ngo/ /de'i ngo bo nyid kho na ni de'i dper mi 'gyur te/ dper na mar me'i mar me dang/ ba lang gi ba lang lta bu'o/ /'on te 'jug pa mi 'dra ba yin no zhe na/ de nyid kyi phyir dpe nyid du rung ste/ mar me la sogs pa ni skad cig ma nyid kyi rjes su 'jug par rab tu grub pa'i phyir ro/ /yang de la khyod cig bzhon pa 'dug la bzhon pa la zhon pa 'gro bar 'dod dam zhes bya ba 'di dri bar bya'o/ /gal te ma yin no zhes zer na/ de la 'di skad ces brjod par bya ste/ mig la sogs pa gnas la de dag la brten pa'i rnam par shes pa rgyun gyis 'gro zhes bya bar ni mi rung ngo/ /gal te 'di skad du snying po las rten ba'i mar me rgyun gyis 'gro la snying po ni gnas par mthong ba ma yin zhes zer na/ de la 'di skad ces brjod par bya ste/ ma mthong ste/ de'i rgyun gyi dang po skad cig re re la 'gyur ba skye ba'i phyir ro/ /gal te 'di skad du 'du byed rnams skad cig ma nyid yin na ci'i phyir mar me bzhin du skad cig ma nyid du ma grub ces zer na/ de la 'di skad ces brjod par bya ste/ phyin ci ma log gi gzhi yin pa'i phyir te/ rgyun 'dra ba 'jug pas 'di dag gi skad cig ma nyid mi shes te/ 'di ltar gzhan dang gzhan nyid yin mod kyi/ de nyid 'di yin no snyam pa'i phyin ci log skye'o/ /de lta ma yin na mi rtag pa la rtag par phyin ci log par yang mi 'gyur ro/ /de med na kun nas nyon mongs pa yang mi 'gyur na rnam par byang ba lta mos kyang cing gos/ /de ltar na brgal zhing brtag pa'i sgo nas kyang 'du byed thams cad kyang skad cig ma nyid du rab tu grub po/ gang zag la bdag med pa rab tu sgrub pa'i phyir bdag med pa'i rnam par dbye ba'i tshigs su bcad pa bcu gnyis te/ /gang zag btagS par yod nyid du/ /brod bya rdzas su ma yin no/ /mi dmigs phyin ci log pa dang/ /kun nas nyon mongs nyon mongS rgyu/ nyes pa gnyis phyir de las 'di/ /gcig dang gzhan du brjod bya min/ /phung po bdag tu thal ba dang/ /de rdzas nyid du thal 'gyur phyir/ /gal te rdzas yod brjod min pa'i/ /dgoS pa yang ni brjod dgos so/ /gcig dang gzhan du brjod min pa/ /dgos pa med par mi rigs so/ /mtshan nyid dang ni 'jig rten na/ /mthong phyir bstan bcos sgo nas kyang/ /bud shing mi bzhin gnyis su ni/ /brjod min mi rung dmigs phyir ro/ /gnyis yod rnam shes skye ba'i phyir/ /de rkyen ma yin don med phyir/ /de phyir lta ba po nas ni/ /grol po'i bar du mi 'gyur ro/ /bdag po nyid gcig yin na ni/ /mi rtag mi 'dod 'byung mi byed/ /de las mtshan nyid sgrub dgos te/ /rdzogs pa'i byang chub gsum la gnod/ /nyes pa gsum phyir lta sogs la/ /de yi byed pa rang byung min/ /byed pa de yi rkyen can yang/ /lta sogs byed pa med pa yin/ /byed po min phyir mi rtag phyir/ /cig car rtag tu 'jug pa'i phyir/ /lta la sogs pa byed pa ni/ /rang 'byung nyid du mi rung ngo/ /de bzhin gnas dang zhig pa ni/ /snga na med dang mi rtag dang/ /phyogs gsum pa yang med pa'i phyir/ /rkyen nyid du ni mi rung ngo/ /'di ltar chos rnams thams cad ni/ /bdag med dam pa'i don du na/ /stong nyid bdag tu dmigs pa ni/ /nyes par bshad pa kho na yin/ /kun nas nyon mongs rnam byang ba'i/ /gnas skabs gcod pa'i bye brag dang/ /'jug dang rgyun gyi bye brag kyang/ /gang zag gis ni nye bar bstan/ /bdag tu lta ba bskyed mi dgos/ /gom pa thog ma med dus can/ gang zag yod na thams cad ni/ /'bad med thar pa 'am thar pa med/ /ci gang zag yod pa zhes brjod par bya ba 'am/ med pa zhes brjod par bya zhe na/ bshad pa/ gang zag btags bar yod nyid du/ /brjod bya rdzas su ma yin no/ /'di ltar btags par ni yod do zhes brjod par bya la rdzas su ni med do zhes brjod par bya ste/ de ltar mgo gcig tu ma yin pa'i smra ba yongs su bzung na med pa nyid kyis nye pa'i go skabs su yang mi 'gyur la/ yod pa nyid kyi yang ma yin no// yang de rdzas su med do zhes bya ba ji ltar rig par bya zhe na/ mi dmigs pa'i phyir te/ de ni gzugs la sogs pa bzhin du rdzas mi dmigs so/ /dmigs pa zhes bya ba ni blos rtogs pa ma yin na/ gang zag ni gang zag tu smra pa rnams kyis blos mi rtogs pa yang ma yin la / bcom ldan 'das kyis kyang mthong ba'i chos kho na la bdag dmigs shing 'dogs par byed do/ /zhes gsungs na/ ji ltar dmigs pa yin zhe na/ de de ltar mi dmigs pa ni rdzas su dmigs pa ma yin no/ /ci'i phyir zhe na/ phyin ci log pa'i phyir re/ 'di ltar bcom ldan 'das kis bdag med pa la bdag go snyam du phyin ci log go zhes gsungs so/ /de lta bas na de ltar gang zag tu 'dzin pa gang yin pa de ni phyin ci log yin no/ /'di ji ltar rtogs she na/ kun nas nyon mongs pa'i phyir te/ 'di lta ste/ nga dang nga'i zhes bya ba ni 'jig tshogs la lta ba'i nyon mongs pa'i mtshan nyid kyi kun nas nyon mongs pa yin te /phyin ci ma log pa ni kun nas nyon mongs par 'gyur bar 'os pa ma yin no/ /de kun nas nyon mongs pa yin no zhes bya bar yang ji ltar rig par bya zhe na/ nyon mongs pa'i rgyu yin pa'i phyir te/ /'di ltar 'dod chags la sogs pa nyon mongs pa rnams ni de'i rgyu can du skye ba'o/ /yang gzugs la soD zhes bya ba'i gzhi gang la gang zag la ces 'dogs pa gang yin pa de dang ci gang zag gcig pa nyid du brjod par bya 'am/ 'on te gzhan pa nyid du brjod par bya zhe na/ bshad pa/ de las 'di gcig dang gzhan du brjod bya min/ /ci'i phyir zhe na/ nyes pa gnyis kyi phyir ro/ /nyes pa gnyis po gang gis phyir zhe na/ phung po dag tu thal ba dang/ /de rdzas nyid du thal 'gyur phyir/ /gcig pa nyid yin na ni phung po rnams kyang bdag nyid de du thal bar 'gyur la/ gang zag kyang rdzas nyid du thal bar 'gyur ro/ /gzhan nyid yin na ni gang zag rdzas su yod pa nyid du thal bar 'gyur ro/ /de ltar na gang zag btags par yod pa'i phyir/ /brjod par bya ba ma yin pa nyid du rigs te/ de nyid kyi lung du ma bstan pa'i dngos por yang grub bo// gang dag ston pa'i bstan pa las 'das te/ gang zag rdzas su yod pa nyid du 'dod pas de dag la 'di skad ces brjod par bya'o/ /gal te rdzas yod brjod min pa'i/ /dgos pa yang ni brjod dgos so/ /ci'i phyir zhe na/ gcig dang gzhan du brjod min pa/ dgos pa med par mi rigs so/ /'on te dpe tsam gyis gang zag brjod par bya ba ma yin pa nyid du 'dod de /dper na bud shing las me gzhan dang gzhan nyid ma yin par brjod bar bya ba ma yin blta bu'o zhen ? de dag la 'di skad ces brjod par bya ste/ mtshad nyid dang ni 'jig rten na/ /mthong phyir bstan bcos sgo nas kyang/ /bud shing me bzhin gnyis su ni/ /brjod min mi rung/ gcig pa nyid dang gzhan pa nyid du ste/ me zhes bya ba ni me'i khams so/ /bud shing ni 'byung ba lhag ma rnams te/ de dag gi mtshan nyid tha dad bas bud shing laS me gzhan pa kho na yin no/ /'jig rten na yang me med par yang/ shing la sogs pa bud shing mthong la/ bud shing med par yang me mthong bas gzhan pa nyid grub bo/ /bstan bcos las kyang bcom ldan 'das kyis gang gis yang med dbud shing dag brjod du med par ma gsungs pa 'di ni rigs pa ma yin no/ /bud shing med par me yod de zhes bya ba 'di'i ltar shes zhe na/ dmigs pa'i phyir te/ 'di ltar me rlung gis khyer ba na 'bar bzhin du rgyangs bcad par yang 'gro'o/ /'on te yang de na ni rlung bud shing yin no zhe na/ de nyid kyi phyir me dang bud shing dag tha dad pa nyid du grub po/ /gang las zhe na/ gnyis su ni dmigs pa'i phyir zhes skabs su bab pa'o/ /gnyis ni der me dang bud shing nyid du dmigs pa yin no/ /mthong ba po nas rnam par shes pa po'i bar dang/ byed pa po dang/ za ba pa dang/ shes pa po dang/ grol ba po gang yin pa'i gang zag de ni yod pa kho na'i zhe na/ de ni mthong ba por yang mi rung la grol ba po'i bar du yang mi rung ste/ de ni lta ba zhes bya ba la sogs pa'i ming can rnam par shes pa rnams la rkyen gyis ngo bo 'am/ bdag po nyid kyis byed pa po zhig tu 'gyur grang na/ de la re zhig gnyis yod rnam shes skye ba'i phyir/ /de rkyen ma yin ci'i phyir zhe na/ don med pa'i phyir te/ de la de'i mthun cung zad kyang ma mthong ngo/ /bdag po nyid gcig yin na ni/ /mi rtag mi 'dod 'byung mi byed/ /de rnam par shes pa 'byung ba la bdag po nyid gcig yin na ni/ rnam par shes pa 'dod pa mi rtag pa yang 'byung bar mi byed la/ mi 'dod pa yang 'byung bar mi byed pa kho na'o/ /de lta bas na gnyi ga ltar yang mi srid pa'i phyir /de ni mthong ba po nas grol ba po'i bar yin par mi rung ngo/ /gzhan yang gal te gang zag rdzas su yod na dre'i las mtshan nyid sgrub dgos te/ gang zhig rdzas su yod pa de'i ni las dang mtshan nyid kyang dmigs te/ dper na mig la sogs pa'i lta ba la sogs pa dang/ gzugs dang ba la sogs pa lta bu yin na/ gang zag gi ni de lta yang ma yin te/ de lta bas na de ni rdzas su med do de rdzas su 'dod na/ sangs rgyas bcom ldan 'das kyi rdzogs par byang chub pa rnam pa gsum po zab mo mngon par rdzogs par byang chub pa dang thun mongs ma yin pa mngon par rdzogs par byang chub ba dang/ 'jig rten las 'das pa mngon par rdzogs par byang chub pa la yang gnod par 'gyur ro/ /gang zag mngon par rtog pas ni zab mi? yang cung zad kyang mngon par rdzogs par byang chub par yang mi 'gyur la/ /gzhan mu stegs can dang thun mongs ma yin pa yang ma yin/ 'jig rten nam 'dres pa yang ma yin te/ 'di ltar 'dzin pa de ni 'dzin te thams cad kyi go ba/ mu stegs can mngon par zhen pa/ yun ring po nas 'khor ba ni 'dris pa yang yin no/ /gzhan yang gang zag mthong ba po nas rnam par shes pa po'i bar zhig yin na de lta ba la sogs pa la byed pa dang bcas pa 'am/ byed pa med pa zhig tu 'gyur grang na/ byed pa dang bcas pa'i byed ba de yang rang byung ? glo bur ba 'am/ de'i rkyen can zhig tu 'gyur grang na/ nyes pa gsum phyir lta sogs pa la/ /de yi byed pa rang byung min/ /nyes pa gsum po 'chang ba de nyid kyi phyir byed pa de'i rkyen can yang min zhes bya bar sbyar ro/ /byed pa med pa yin na ni/ lta sogs byed pa med pa yin zhes bya ba 'grub par 'gyur te/ gang zag lta ba la sogs pa la byed pa med na ji ltar de lta ba po nas rnam par shes pa po'i bar yin/ /nyes pa gsum gyi phyir zhes bshad pa nyes pa gsum po gang gis phyir zhe na/ byed po min phyir mi rtag phyir/ /cig car rtag tu 'jug pa'i pa'i phyir/ lha? la sogs pa byed pa ni/ /rang byung nyid du mi rung ngo/ /gal te lta ba la sogs pa la gang las mthong ba la sogs par 'gyur ba'i byed pa glo bur ba zhig yin na/ 'o na ni gang zag de dag gi byed pa po ma yin pas ji ltar de mthong ba po nas rnam par shes pa po'i bang yin/ /yang glo bur ba nyid yin na ni/ ltos ba med pa'i phyir nam yang byed pa med par mi 'gyur bas mi rtag par mi 'gyur ro/ /byed pa rtag pa yin na yang mthong ba la sogs pa cig car dang rtag tu 'byung par 'gyur ba'i nyes par 'gyur ro/ /de lta bas na lta ba la sogs pa la byed par de byung ba nyid du mi rung ngo/ /de bzhin gnas dang zhig pa ni/ /snga na med dang mi rtag dang/ /phyogs gsum yang med pa'i phyir/ /rkyen nyid du ni mi rung ngo/ /'on te byed pa gang zag gi rkyen can yin no zhe na/ gnas pa de ni rkyen nyid du rung ba ma yin te/ sngon med pa'i phyir ro/ /de de'i rkyen nyid yin na ni gang zag ni nam yang med pa ma yin pas ci'i phyir/ sngon rol gang gis che mi skyes pan? byed par med par 'gyur/ /zhig pa yang rkyen nyid du mi rung ste/ gang zag mi rtag pa nyid du thal bar 'gyur ba'i phyir ro/ /phyogs gsum pa bzhes pa yang yin la/ zhig pa yang yin no zhes bya ba 'ga' yang med pas byed pa de'i rkyen can nyid du rung ba ma yin te/ de ltar na re zhig rims pa las rten/ /nas gang zag rdzas su mi dmigs pa yin no/ /'di ltar chos rnams thams cad ni /bdag med dam pa'i don du na/ /stong nyid bdag tu dmigs pa ni/ /nyes par bshad pa kho na yin/ /bcom ldan 'das kyis chos kyis mdo dag las ni/ chos thams cad ni bdag med pa'o/ zhes bshad do/ /don dam pa stong pa nyid las ni/ las kyang yod/ las kyi rnam par smin pa yang yod kyis chos su brdar brtags pa ma gtogs pa gang zhig phung po 'di dag 'dor zhing phung po gzhan nyid mtshams sbyor bar byed pa'i byed pa po ni mi dmigs so zhes bshad do/ /lnga pa las ni bdag tu dmigs par la nyes dmigs lnga ste/ bdag tu lta ba dang/ srog tu lta bar 'gyur/ mu stegs can rnams dang khyad par med par 'gyur/ lam gol bar zhugs par 'gyur/ stong pa nyid la yang 'di'i sems 'jug par mi 'gyur/ dad par mi 'gyur/ yang dag par gnas par mi 'gyur/ mos par mi 'gyur/ 'di'i 'phags pa'i chos rnams kyang rnam par byang bar mi 'gyur ro zhes bshad de/ de ltar ma lung gi sgo nas kyang rub ba ma yin no/ /bcom ldan 'das kyi kun shes pa dang ldan pa dang/ khung khyer ba dang dad pas rjes su 'brang ba la sogs pa'i gang zag rnam par bzhag pa'i sgo nas gang zag kyang de dang de las bshad de/ rdzas su med pa nyid gcig yin na ni/ ci'i phyir bshad ce na/ kun nas nyon mongs rnam byang ba'i/ /gnas skabS gcod pa'i bye breg dang/ /'jug dang rgyun gyi bye brag kyang/ gang zag yis ni nye bar bstan/ /kun nas nyon mongs pa dang rnam par byang ba'i gnas skabs dang/ gcod pI bye brag dag dang/ de dag gi 'jug pa'i bye brag dang/ rgyun gyi bye brag ni gang zag gdags pa med par bshad par mi nus so/ /de la yongs su shes pa'i mdo las ni/ yongs su shes bar bya ba'i chos rnams ni kun nas nyon mongs pa'o/ /yongs su shes pa ni rnam par byang ba'o zhes bshad pa'o/ /khur khyer khya'i mdo las ni/ khur dang khur khyer ba ni kun nas nyon mongs pa'o/ /khur 'dod pa ni/ rnam par byang ba'o zhes bshad pa de dag gi 'jug pa'i bye brag dang/ rgyun gyi bye brag kyang kun shes pa dang ldan pa dang/ khur phyed ba'i gang zag gangs? pa med par bshad par mi nus la/ byang chub kyi phyogs dang mthun pa'i chos kyi gnas skabs sbyor ba dang mthong ba dang/ sgom pa dang mthar thug pa'i lam gyi bye brag gi rnam pa 'du ma zhig yod ba de dag gi 'jug ba'i bye brag dang rgyun gyi bye brag kyang dang pas rjes su 'brang ba la sogs pa'i gang zag gang 'du? pa med par bshad par mi nus te/ gang zag rdzas su med pa nyid cig yin na ni ci'i phyir bshad ces bya ba 'di la tshul ni 'di lta bu yin par rig par bya'o/ /de ltar ma yin na/ gang zag bshad pa dgos pa med par 'gyur te/ re zhig 'di bdag tu lta ba bskyed pa'i phyir/ dgos pa ni ma yin te/ 'di ltar bdag tu lta ba bskyed mi dgos/ /gna' nas skyes zin pa'i phyir ro/ /de goms par bya ba'i phyir yang ma yin te/ 'di ltar goms pa thog ma med dus can/ /gal te yang bdag tu lta bas thar pas 'di bshad do zhe na/ de lta yin na ni/ thams cad 'bad pa med par thad par 'gyur te/ 'di ltar bdag tu lta ba ni/ bden pa ma mthong ba thams cad la yod do/ /yang na ni thar pa med pa kho nar 'gyur te/ ji ltar sdug bsngal la sdug bsngal du ma bzung ba las phyis 'dzin pa lta bur/ sngar bdag la bdag med par gzung ba las/ bden pa mngon par rtogs pa'i dus na bdag tu 'dzin pa ni 'ga' yang med kyi/ sngon gyi lta ba phyis kyang de dang 'dra bar thar par mi 'gyur ro/ /yang bdag cig yod na ni gdon mi za bar ngar 'dzin pa dga' yir 'dzin pa dag giS bsad sred pa dang/ de'i rgyu can gyi nyon mongs dag gdon mig bar 'byung bar 'gyur bas de'i phyir yang thar bar mi 'gyur ro/ /yang na ni gang zag yod par khas blangs par mi bya ste/ de yod na ni gdon mi za bar nyes pa 'di dag tu thal bar 'gyur ro/ /de ltar yon tan de dag dang/ /rtag ldan byang chub sems dpa' ni/ /bdag nyid don yang mi 'dor zhig/ /gzhan gyi don yang sgrub par byed/ /ngo tsha shes pa dang brtan pa la sogs pa'i yon tan rnams kyi las mdor brtan pa yin no// //byang chub kyi phyogs dang mthun pa'i skabs rdzogs so// //ngo tshar che ba rnam par dbye ba'i tshigs su bcad pa gsum ste/ rang gi lus dang sdom pa'i phyir/ /phun sum tshogs pa yongs gtod dang/ /nyam chung rnams la bzod pa dang/ /lus dang srog la mi lta bar/ /brtson 'grus rtsom pa dang bsam gtan gyis/ /bde la ro myang mang nyid dang/ shes rab la ni mi rtog pa/ /blo ldan rnams kyi ngo char 'dod/ /de bzhin gshegs rigs skye ba dang/ /lung bstan pa dang dbang bskur dang/ /byang chub rab tu thob pa yang/ /ngo mtshar che ba yin par 'dod/ de la tshigs su bcad pa gnyis kyis ni pha rol tu phyin pa drug las brtsams te /sgrub pa'i ngo mtshar tshe ba bshad do/ /sbyin pa la ni rang gi lus btong ba ngo mtshar che la/ /tshul khrims sdom pa'i ched du ni phun sum tshogs pa rgya chen po gtong ba ngo mtshar che ba'o/ /lhag ma ni don go bar zad do/ /tshigs su bcad pa gsum pas ni/ byang chub sems dpa' i 'bras bu bzhi las brtsams te 'bras bu'i ngo mtshar che ba bshad de/ sa dang po dang brgyad pa dang bcu pa la slob pa'i 'bras bu gsum dang/ sangs rgyas kyis la mi slob pa'i 'bras bu bzhi pa mchog yin no/ /ngo mtshar mi che ba rnam par dbye ba'i tshigs su bcad pa/ 'dod chags bral dang snying rje dang/ /de bzhin sgom mchog thob pa dang/ sems mnyam phyir na de dag la sbyor ba ngo mtshar che ma yin/ /de dag la zhes bya ba ni pha rol tu phyin pa rnams la ste/ 'dod chags dang bral ba la brten nas sbyin pa la sbyor ba ngo mtshar mi che'o/ /snying rje la brten nas/ tshul khrims dang bzod pa dang/ sgom pa mchog la brten nas sa brgyad pa la mngon par 'du byed pa med cing rnam par mi rtog pa'i brtson 'grus la sogs pa la sbyor ba ngo mtshar mi che'o/ /bdag dang gzhan mnyam pa'i sems nyid la brten nas pha rol tu phyin pa thams cad la sbyor ba ngo mtshar mi che ba nyid de bdag nyid kyi don bzhin du gzhan gyi don la skyo ba med pa'i phyir ro/ /sems mnyam pa nyid kyi tshigs su bcad pa gsum ste/ ji ltar blo ldan sems can la/ /rab tu byams par gyur pa ltar/ /sems can bdag dang chung ma dang/ /bu bshes gnyen la de lta min/ /don gnyer ba la phyogs med dang/ /tshul khrims rtag tu ma nyams dang/ /kun tu bzod cing thams cad phyir/ /brtson 'grus chen po rtsom pa dang/ /rtag tu bsam gtan dge ba dang/ /shes rab rnam par mi rtog nyid/ /byang chub sems dpa' de dag la/ /de ltar sems mnyam shes par bya/ /tshigs su bcad pa gcig gis ni sems can rnams la mnyam pa bstan to/ /gnyis kyis ni pha rol tu phyin pa rnams la'o/ /sems can rnams ni bdag nyid la sogs pa la byamS pa mnyam pa nyid dang ldan pa yang ma yin la gtan du ba yang ma yin te/ 'di ltar des 'ga' bdag nyid kyang bsod par byed do/ /byang chub sems dpa' rnams kyi ni/ /sems can thams cad la mnyam pa nyid dang/ gtan du ba yin no/ /pha rol tu phyin pa rnams la sbyin pa la sems mnyam pa nyid ni don du gnyer ba la phyogs med pa'i phyir ro/ /tshul khrims la ni rtag tu phra rab tsam yang mi nyams pa'i phyir ro/ /kun tu bzod cing zhes bya ba ni yul dang dus dang sems can rnams la bye brag med par ro/ /thams cad kyi phyir brtson 'grus rtsom pa ni rang dang gzhan gyi don dang dge ba thams cad kyi don du mnyam par spyod ba'i phyir ro/ /lhag ma ni don go bar zad do/ /phan 'dogs pa nyid rnam par dbye ba'i tshigs su bcad pa bcu drug ste/ snod yid du ni byed pa dang/ /tshul khrims dag la 'god pa dang/ /gnod pa la ni gzod pa dang/ /don byed par ni 'gro ba dang/ /bstan pa 'di la 'dzud ba dang/ /the tshom gcod par byed pa 'di/ /blo ldan rnams kyi sems can la/ /phan 'dogs nyid du 'dod pa yin/ /tshigs su bcad pa 'di gn yis kyis pha rol tu phyin pa drug gis byang chub sems dpa' rnams kyi phan 'dogs pa nyid ji lta bu yin pa de yongs su bstan te/ sbyin pas na sems sbyin pas na sems can rnams dge ba bya ba la snod nyid du byed do/ /bsam gtan gyis ni 'dzud par byed de/ mthu'i khyad par dang ldan pa'i phyir ro/ /ltag ma ni don go bar zad do/ /tshigs su bcad pa lhag ma rnams kyis phan 'dogs pa nyid/ ma la sogs/? ba dang chos mthun par bstan te/ gang dag rtag tu sems can rnams/ bsam pa nyams pas 'dzin byed cing/ /'phags pa'i sa la bskyed pa dang/ dge ba 'phel bar byed pa dang/ /nyes byas las ni yongs bsrung dang/ /thos pa byad bar byed/ ni/ las lnga dag gis rgyal sras rnams/ /sems can ma dang 'dra ba yin/ /sems can gyi ma dang 'dra ba ni sems can rnams kyi ma lta bu'o/ /ma ni bu rnams la phan pa rnam pa lnga byed de/ khong? na 'dzin par byed/ skyed par byed/ snun par byed/ gso bar byed/ kun tu skyed par byed/ dam grog las kyang srung bar byed/ smra ba la yang slob par byed do/ /byang chub sems dpa' rnams kyi las lnga po 'di dag kyang de dang chos mthun par rig par bya ste/ 'phags pa'i sa ni 'phags pI chos yin par rig par bya ste/ sems can kun la rtag par ni/ /dad ba skyed par byed pa dang/ /lhag pa'i khrims sogs slob pa dang/ /rnam par grol la sbyor ba'i phyir/ /sangs rgyas la ni gsol ba dang/ /de dag sgrib pa spod ba'i phyir/ /las lnga dag ni ? rgyal sras rnams/ /sems can pha dang 'grab yin/ /pha ni bu rnams la phan pa rnam pa lnga byed de/ de dag gi sa bon 'debs par byed/ ba tho? slab par byed/ thab rir bab pa'i chung ma len par byed gshes gnyen dam pa dag la 'doms par byed/ ji ltar pha'i bu lon des gzhal dgos ba med ba ltar chags nyen med par byed do/ /byang chub sems dpa' i las lnga po 'di dag kyang/ /de dang chos mthun par rig par bya ste/ byang chub sems dpa' rnams kyi 'phags pa'i lus 'thob pa'i sa bon? ni dad pa yin no/ /bzo ni slong pa yin no/ /chung ma ni rnam par grol ba ste/ rnam par grol bI dga' ba dang bde ba yang dag par myong ba'i phyir ro/ /dge ba'i bshes gnyen dag ni sangs rgyas rnam so/ /chags nyen lta bu ni sgrib? pa'o/ /gang dag bstan par mi 'os ? pa/ sems can rnams la gsang byed cing/ /bslab las nyams la? smod pa dang/ /phun sum tshogs pa bsngags pa nyid/ /gdams dag sbyin par byed pa dang/ /bdud rnams spron par byed pa ste/ /las lnga dag gis rgyal sras rnams/ /sems can rtsa lag 'dra ba yin/ /bya? lag dag ni rtsa lag rnams la phan pa rnam pa lnga byed de/ gsang par bya ba gsong bar byed/ /sbyod pa dan pa la smod par byed/ /spyod pa bzang po la bsngags par byed/ /bya ba rnams la grogs kyi ngo por 'gro bar byed/ nyam da ba'i gnas dag las zlog par byed de/ /byang chub sems dpa' rnams kyi las lnga po 'di dag kyang de dang chos mthun par rig par bya ste/ 'os pa ma yin pa dag la zab mo bshad par gsad pa'i phyir dang/ bslab pa nyams pa dang/ phun sum tshogs pa dag la go rim bzhin du smod pa dang bsngags pa'i phyir dang/ rtogs par bya ba'i ched du 'doms pa'i phyir dang/ bdud kyi las sbron pa'i phyir ro/ /kun nas nyon mongs rnam byang la/ /gang dag rang blo ma 'khrul ba/ /'jig rten 'jig rten min pa yi/ / phun tshogs zad par sbyin par byed/ /skyo ba med pas mi phyed cing/ /rtag tu phan dang bde 'dod pa/ /las lnga dag gis rgyal sras rnams/ /sems can grogs po 'dra pa yin/ /grogs po'i phan pa dad bde ba dang byin ci/ /log pa dang/ bde ba dang ? pa nye? bar sgrub pa dang / mi phyed pa'i 'gyur ba dang/ rtag tu phan pa dang bde ba 'dod pa gang yin pa de ni grogs po yin te/ de bzhin du byang chub sems dpa' rnams kyang las lngas sems can rnams la ban 'dogs par rigs par bya'o// 'jig rten pa'i phun sum tshogs pa ni bde ba ste/ des bde ba nyams su myong pa'i phyir ro/ /'jig rten las 'das pa ni phan pa ste/ kun nas nyon mongs pa'i nad kyi gnyen po'i phyir ro/ /gang dag sems can min bya la/ /rtag tu brtson pa dang ldan zhing/ yang dag nges bar 'byung ba smra/ /log par sgrub pa rnams la bzod/ /phun sum tshogs pa gnyis sbyin byed/ /de yi thabs la mkhas pa ni/ /las lnga dag gis rgyal sras rnams/ /sems can bran dang 'dra ba yin/ /bran ni jo bo la las lngas yang dag par 'jug ste/ ldang ba phun sum tshogs pa yin/ byi ba rnams la mi slu ba yin/ spyo ba dang brdeg ba la sogs pa gzod pa yin/ /dgos pa thams cad byed pa'i phyir bzo ba yin/ /mkhas shing thabs shes pa yin no// byang chub sems dpa' rnams kyi las lnga po 'di dag kyang de dang chos mthun par rig par bya ste/ /phun sum tshogs pa gnyis ni 'jig rten pa dang 'jig rten las 'das pa yin par rig par bya'o/ /gang dag mi skye'i chos la ni/ /bzod pa thob par 'dod pa dang/ /theg pa thams cad ston pa dang/ /rnal 'byor grub par sbyor ba dang/ /bzhin mdzes lan du phan 'dogs dang/ /rnam par smin la mi lta ba/ /las lnga dag gis rgyal sras rnams/ /sems can slob dpon 'dra ba yin/ /slob dpon ni slob ma rnams la las rnam pa lngas phan 'dogs par 'gyur te/ bdag nyid legs par bslabS? pa yin/ /thams cad slob pa yin/ /bzhin mdzes shing des pa'i rang bzhin can yin te/ sems la zang zing med pa yin no/ /byang chub sems dpa' rnams kyi las lnga po 'di dag kyang de dang chos mthun par rig par bya'o/ /sems can don la shin tu brtson/ /tshogs rnams rdzogs par byed pa dang /tshogs bsags myur du grol bar byed/ /mi mthun phyogs ni sbong byed cing/ /'jig rten 'jig rten ma yin pa'i/ /phun suM sna tshogs la sbyor ba/ /las lnga dag gis rgyal sras rnams/ /sems can mkhan po 'dra ba yin/ /mkhan po ni lhan cig gnas pa rnaMs la laS rnaM pa lngas phan 'dogS pa yin te/ rab tu 'byin par byed bsnyen bar rdzogs par byed/ /nyes pa yongs su spang pa la rjes su ston par byed/ zang zing dang/ chos kyi yongs su sdud par byed do/ /byang chub sems dpa' rnams kyi las lnga bo 'di dag kyang de dang chos mthun bar rig par bya'o/ /lan du phan 'dogs pa rnam bar dbye ba'i tshigs su bcad ba gnyis te/ longs spyod rnams la mchags pa dang/ /tshul khrim nyams pa med pa dang/ /byas pa gzo dang ldan pa dang/ /sgrub pa la yang sbyor ba'i phyir/ /pha rol phyin pa drug po la de ltar 'jug pa'i lus can dag / byang chub sems dpa' rnams la ni/ /de bzhin lan du phan 'dogs yin/ /de bzhin zhes bya ba ni ji ltar byang chub sems dpa' rnams de dag la phan 'dogs pa bzhin du'o/ /de la longs spyod rnams lam chags pas ni sbyin pa la 'jug go/ tshul khrims nyams pa med bas ni tshul khrims la'o/ /phan 'dogs pa'i byang chub sems dpa' la drin chags ba'i sgo nas byas pa gzo pa dang ldan pas ni bzod pa la ste/ de dag ni bzod pa la/ dga' bas so/ /sgrub ba'i sbyor bas ni/ brtson 'grus dad bsam gtan dad/ shes rab dag la ste/ gang gis dad gang du sgrub pa'i phyir ro/ /smon pa rnam par dbye ba'i tshigs su bcad pa/ rtag tu 'phel dang nyams pa dang/ /sems can rab tu smin pa dang// sa la khyad par 'gro ba dang/ /bla na med pa'i byang chub 'dod/ /byang chub sems dpa' rnams ni rtag tu pha rol tu phyin pa 'phel ba dang/ de'i mi mthun pa'i phyogs nyams pa dang/ sems can yongs su smin pa dang/ sa la khyad par du 'gro ba dang/ bla na med pa yang dag par rdzogs pa'i byang chub ste gnas lnga 'dod do/ /sbyor ba chud mi za pa nyid rnam par dbye ba'i tshigs su bcad pa/ 'jigs spangs yang dag bskyed ba dang/ /the tshom dag ni gcod pa dang/ /sgrub pa yi ni gdams dag la/ rgyal sras rtag tu chud mi za/ /byang chub semS dpa' rnaMs kyi sbyor ba ni/ sems can gyi don rnam pa bzhi po chos zab cing rgya che ba la skrag pa spang pa dang/ byang chub kyi sems yang dag par bskyed pa dang/ byang chub kyi sems bskyed pa rnams kyi the tshom gcod pa dang/ pha rol tu phyin pa sgrub pa'i gdams dga' chud mi za ba yin par rig par bya'o/ /yang dag par sbyor ba nyid rnam par dbye ba ni tshigs su bcad pa gnyis te/ re ba med pa'i sbyin pa dang/ yang srid mi 'dod tshul khrims dang/ /thams cad la ni bzod pa dang/ /yon tan kun 'byung brtson 'grus dang/ /de bzhin bas gtan gzuD med min/ /shes rab thabs dang ldan pa ni/ /pha rol phyin pa drug po la/ /brtan pa rnams kyi yang dag sbyor/ /ji ltar du dkon mchog brtsegs ba las/ rnam par smin pa la re ba med pa'i byin ba dang/ zhes bya ba la sogs pa rgyas par 'byung ba lta bu'o/ /yongs su nyams pa dang khyad par du 'gyur ba'i skal btsan gyi chos rnam par dbye ba'i tshigs su bcad pa gnyis te/ longs spyod chags dang nyams bcas dang/ /nga rgyal nyid dang bal ba'i sems dang/ /ro myang ba dang nam? rtogs ni/ brtan pa rnams kyi nyams pa'i rgyu/ /de dag gnyen po la gnas pa'i/ /byang chub sems dpa' rnams kyis ni/ /de las bzlog phyir khyad par gyi bskul can chos su shes par bya/ /pha rol tu phyin pa drug gi mi mthun pa'i phyogs ni nyams ba'i skal ba can yin la/ de dag gi gnyen po ni/ /khyad par du 'gyur ba'i skal ba can yin par rig par bya'o/ /bcos ma dang yang dag pa'i ston rnam bar dbye? ba'i tshigs su bcas pa gnyis te/ gcig ni rtsa ba drug pa yin no/ /sprul pa dang ni tshul chos dang/ /bzhin mdzes pa ni ston pa dang/ /de bzhin 'phral la 'jug pa dang/ /lus dang ngag ni zhi ba dang/ /de bzhin smra mkhas phun sum tshoD/ /de dag sgrub dang bral ba ni/ /byang chub sems dpa' rnams dag gi/ yang dag min pa nyid du bshad/ /bzlog par rab tu sbyor rnams kyi/ /de dag yang dag nyid du bshad/ /byang chub sems dpa' i yon tan sprul pa la sogs pa drug ni pha rol tu phyin pa drug gi bcos ma yin par rig par bya'o/ /lhag ma ni don go bar zad do/ /'dul ba rnam par dbye ba'i tshigs su bcad pa/ /blo ldan de dag sa kun tu/ /sbyin la sogs pa nyer bsgrubs pas/ /sems can rnams kyi mi mthun phyogs/ /rnam pa drug ni 'dus bar byed/ /pha rol tu phyin pa drug gi mi mthun pa'i phyogs ni rnam pa drug ste/ ser sna dang/ 'chal pa'i tshul khrims dang/ khro ba dang/ le lo dang/ rnam par g.yed ba dang/ 'chal pa'i shes rab dag dang/ go rims bzhin no/ /lhag ma ni don go bar zad do/ /lung bstan pa rnam par dbye ba'i tshigs su bcad pa gsum ste/ gang zag dus kyi bye brag gis/ /blo ldan lung bstan rnam pa gnyis/ /byang chub dang ni lung ston pa/ /gzhan yang chen por brjod pa ni/ /mi skye bzod pa thob pa yis/ /nga rgyal rtsol ba spangs pa dang/ /sangs rgyas rgyal sras thams cad dang/ /ngo bo gcig tu gyur pa las/ /yang de zhing dang ming dang ni/ /dus dang bskal pa'i ming dang ni/ /'khor dang dam ba'i chos dag kyang/ /gnas pa'i bsgo nas der 'dod do/ /de la gang zag gi bye brag gis lung ston pa ni/ gang zag rigs la gnas ba sems bskyed pa mngon sum dang/ mngon sum ma yin par gnas ba la lung ston pa'i phyir ro/ /dus kyi bye brag gis ni dus dpag tu yod pa dang/ dpag tu med par lung ston pa'i phyir ro/ /gzhan yang byang chub tu 'am/ 'di dus che ge mo zhig na de bzhin gshegs pa mtshan 'di zhes bya bas lung ston par 'gyur ro/ /gzhan yang sa brkyang pa la mi skye ba'i chos la bzod pa thob pas bdag ni sangs rgyas su 'gyur ro snyam pa'i nga rgyal spangs pa dang/ mtshan ma'i rtsol ba thams cad spangs pa dang/ de dag dang bdag gi rgyud dang par ma mthong ba'i sgo nas sangs rgyas dang byang chub sems dpa' thams cad dang lhan cig ngo bo gcig par gyur pa las lung bstan pa gzhan gang yin pa de ni chen po yin no/ /yang zhing la sogs pas lung ston pa ni dus 'di tsam zhig na bskal pa 'di zhes bya ba la sangs rgyas kyi zhing 'di lta bu zhig tu sangs rgyas mtshan 'di zhes bya bar 'gyur te/ 'di'i 'khor ni 'di lta bur 'gyur ro/ /'di'i dam pa'i chos ni dus 'di srid cig tu gnas par 'gyur ro zhes byar ro/ /nges par 'gyur ba'i rnam par dbye ba'i tshigs su bcad ba rtsa ba drug pa ste/ blo ldan rnam pa thams cad du/ /phun tshogs skye dang mi skyo dang/ /rtag tu sgom bar byed pa dang/ /ting nge 'dzin nyams pa med ba dang/ bya ba 'grub dang lhun grub pa'i/ /bzod pa thob la nges par 'gyur/ /pha rol tu phyin pa drug gi dbang du byas nas nges par 'gyur ba rnam pa 'di drug bstan te/ phun sum tshogs pa la nges par 'gyur ba ni/ rtag tu longs spyod phun sum tshogs pa rgya chen po 'thob pa'i phyir ro/ /skye ba la nges par 'gyur ba ni rtag tu ji ltar 'dod pa bzhin skye ba yongs su 'dzin pa'i phyir ro/ /mi skyo ba la nges par 'gyur ba ni/ rtag tu 'khor ba'i sdug bsngal rnams kyis mi skyo ba'i phyir ro/ /rtag tu sgom pa la nges par 'gyur ba ni/ /rtag tu sgom pa rgyun mi gcod pa'i phyir ro/ /ting nge 'dzin nyams pa med pa dang/ bya ba 'grub pa la nges par 'gyur ba ni rtag tu ting nge 'dzin yongs su mi nyams pa'i phyir dang/ sems can gyi bya ba sgrub pa'i phyir ro/ /lhun gyis grub par mi skye ba'i chos la bzod pa thob par nges par 'gyur ba ni/ rtag tu lhun gyis grub par rnam par mi rtog pa'i ye shes kyis gnas pa'i phyir ro/ /gdon mi za bar bye dgos pa rnam par dbye ba'i tshigs su bcad pa rtsa ba drug ste/ mchod bslab yang dag blang ba dang/ /snying rje dge ba sgom pa dang/ /de bzhin dgon par bag yod dang/ /thos don ngoms mi shes pa nyid/ /sa rnams kun la brtan pa yi/ /gdon mi za bar bya ba nyid/ /gdon mi za bar bya dgos pa 'di drug ni/ pha rol tu phyin pa drug gis dbang du byas pa ste/ tshigs su bcad pa don ni go bar zad do/ /rtag tu bya ba rnam par dbye ba'i tshigs su bcad pa gnyis te/ 'dod pa'i nyes dmigs shes ba dang/ / 'khrul pa dag la rtog pa dang/ /sdug bsngal dang du len nyid dang/ /dge ba dag ni sgom pa dang/ /bde ba ro myang med nyid dang/ /mtshan ma rnam par mi rtog pa/ /sa rnams kun la bstan pa yi/ /rtag tu bya ba dag yin no/ /pha rol tu phyin pa drug yongs su sgrub pa'i phyir rtag tu bya ba drug ste/ tshigs su bcad pa dag gi don ni go bar zad do/ /gtso bo'i dngos po rnam par dbye ba'i tshigs su bcad pa rtsa ba drug ba ste/ chos sbyin tshul khrims dag pa dang/ /mi skye bzod pa thob nyid dang/ theg chen brtsog? 'grus rtsom ba dang/ /mdza' la snying rje ldan gnas dang/ /shes rab blo dang ldan rnaMs kyi/ /pha rol byin pa gtso bor 'dod/ /rnam pa 'di drug ni pha rol tu phyin pa drug gi gtso bo yin te 'di la tshul khrims rnam par dag pa ni 'phags pa dgyes pa'i tshul khrims so/ /mdza' la snying rje dang ldan par gnas pa ni bsam gtan bzhi pa snying rje tshad med ba dang ldan pa ste/ lhag ma ni don go bar zad do/ /gdags ba rnam bar bzhag rnam par dbyed ba'i tshigs su bcod pa bzhi ste/ mdo sogs rnam pa'i bye brag gis/ /rig pa'i gnas ni rnam gzhag pa/ /sa rnams kun la rtag pa yi/ /chos rnams bzhag pa yin shes bya/ /de bzhin nyid ni rnam bdun la/ /brten nas bden pa rnam par bzhag /rigs pa grel pa rnam bzhag pa/ /rnam pa bzhi dang rnam gsum nyid/ /tshul bzhin yid la byed pa dang/ /yang dag lta ba 'bras ldan dang/ /tshad mas rnam 'byed bsam mi khyab/ /rigs pa bzhin ni shes par bya/ /bsam ba dang ni bshad nyid dang/ /sbyor ba dang ni tshogs dag dang/ /'grub pa'i rab tu dbye ba yis/ /theg pa rnam pa gsum du 'dod/ /chos dang/ bden ba dang/ rigs pa dang/ theg pa gdags pa rnam par bzhag pa'i dbye bas gdags pa rnam par bzhag pa rnam pa bzhi'o/ /de la mdo'i sde dang dbyangs kyis bsnyang pa'i sde la sogs pa'i rnam pa'i bye brag gis rig pa'i gnas lnga rnam par bzhag pa ni/ chos rnam par bzhag pa yin bar rig par bya'o/ /de las gzhan pa'i rig pa'i gnas rnams ni de'i khongs su 'dus pa kho na ste/ theg pa chen po las byang chub sems dpa' rnams la bshad do/ /de bzhin nyid rnam pa bdun bo 'jug pa'i de bzhin nyid dang/ mtshan nyid kyi de bzhin nyid dang/ rnam par rig ba'i de bzhin nyid dang/ gnas ba'i de bzhin nyid dang/ / log par sgrub pa'i de bzhin nyid dang/ rnam bar dag pa'i de bzhin dang/ yang dag pa'i de bzhin nyid la brten nas bden pa rnam bar bzhag pa yin no/ /rigs pa gdags pa rnam par bzhag pa ni rnam pa bzhi ste / ltos ba'i rigs ba dang/ bya ba byed pa'i rigs pa dang/ 'thad pa sgrub ba'i rigs pa dang/ chos nyid kyi rigs pa'o/ /theg pa gdags pa rnam par bzhag ba ni/ /rnaM pa gsuM ste/ nyan thos kyi theg pa dang/ rang sangs rgyas kyi theg pa dang/ theg pa chen po'o/ /de la ltos pa'i rigs pa ni/ theg pa gsum char la tshul bzhin yid la byed ba ste/ de la ltos nas rkyen des 'jig rten las 'das pa'i yang dag pI lta ba skye ba'i phyir ro/ /bya ba pa'i rigs pa ni/ /yang dag pa'i lta ba 'bras bung nga bcas pa'o 'thad pa sgrub ba'i rigs pa ni/ mngon sum la sogs pa'i tshang mas yongs su rtog pa'o/ /chos nyid kyi rigs pa ni bsam gyis mi khyab pa'i gnas te/ /chos nyid ni grub pa yin pas gdod ci'i phyir tshul bzhin yid la byed pa las yang dag pa'i lta bar 'gyur zhe 'am/ de las 'bras bu nyon mongs pa spong bar 'gyur zhes bya ba de lta bu la sogs pa bsam bar bya ba ni ma yin no/ /theg pa gsum rnam par bzhag pa ni bsam pa dang/ bcad pa dang/ sbyor ba dang/ tshogs dang/ yang dag par 'grub pa dang/ rnam pa lnga'i sgo nas rig par bya ste/ bsam pa dang/ bshad pa dang/ sbyor ba dang/ tshogs dang/ yang dag 'grub pa dman ba rnams ni nyan thos kyi theg ba'o/ /'bring rnams ni rang sangs rgyas kyi theg pa'o/ /mchog rnams ni theg ba chen po ste/ bsam pa ji lta ba dang/ 'dod pa ji lta bar chos bshad pa yin no/ /chos bshad pa ji lta bar de la sbyor ro/ /sbyor ba ji lta bar tshogs rdzogs so/ /tshogs ji lta bar byang chub yang dag par 'grub po/ /yongs su tshol ba'i rnam bar dbye ba'i tshigs su bcad pa/ ming dang dngos dag phan tshun du/ /blo bur ba ni yid du btsal/ /'dogs ba rnam pa gnyis po 'dir/ /de tsam nyid du tshol ba'o/ /chos rnams la yongs su tshol ba ni rnam pa bzhi ste /ming yongs su tshol ba dang/ dngos po yongs su tshol ba dang/ ngo bo nyid gdags pa yongs su tshol ba dang/ khyad par gdags pa yongs su tshol ba'o/ /de la dngos po la ming glo bur ba nyid du yongs su tshol ba ni ming yongs su tshol ba yin par rig par bya'o/ /ming la dngos bo glo bur ba nyid du yongs su tshol ba ni dngos po yongs su tshol ba yin par rig par bya'o/ /de gnyis 'brel ba la ngo bo nyid dang khyad par 'dogs pa dag gang gis tsam du yongs su tshol ba ni/ ngo bo nyid dang khyad bar 'dogs pa yongs su tshol? ba yin bar rig bar bya'o/ /yang dag pa ji lta ba bzhin yongs su shes pa rnam par dbye ba'i tshigs su bcad pa brgyad de/ thams cad dmigs su med ba'i phyir/ /yang dag ye shes rnam pa bzhi/ /sa rnams kun la bstan pa yi/ /don kun grub par byed par 'gyur/ /chos rnams yang dag pa ji lta ba bzhin shes pa ni rnam pa bzhi ste/ ming yongs su tshol ba dang ldan pa ste/ dngos po yongs su tshol ba dang ldan pa dang ngo bo nyid dang khyad bar 'dogs pa yongs su tshol ba dang ldan ba'o/ /de yang ming la sogs pa 'di dag thams cad mi dmigs pa laS rig bar bya ste/ phyed 'og mas ni yang dag pa ji lta ba bzhin yongs su shes pa ni che ba'i bdag nyid las kyi ston to/ /'ching ba yi ni rten dag dang/ /longs spyod sa bon rgyu mtshan 'dir/ /sems dang sems las byung ba rnams/ /rten bcas sa bon bcas te bcings/ /de la rten gyi rgyu mtshan ni snod gyi 'jig rten no/ /longs spyod kyi rgyu mtshan ni gzugs la sogs pa yul lnga'o/ /sa bon gyi rgyu mtshan ni/ de dag gi sa bon kun gzhi rnam par shes pa gang yin pa ste/ rgyu mtshan rnam ba gsum po 'dir sems dang sems las byung ba rten dang bcas pa rnams dang/ de dag gi sa bon kun bzhi rnam bar shes ba gang yin ba yang bcings so/ /rten ni mig la sogs pa yin par rig par bya'o/ /mdun bzhag mtshan ma gang yin dang/ /bdag nyid 'jug pa gang yin pa/ /thams cad rnam 'jig blo ldan gyis/ /byang chub mchog ni thob par 'gyur de ltar mi rtog ba rim bde lta bus zhes brjod bar bya ste/ de la mdun du bzhag pa'i mtshan ma ni/ /thos pa dang bsams pa dang bsgoms pa'i sbyor bas dmigs bar byas pa'i kun brtags ba gang yin pa'o/ /bdag nyid 'dug pa ni rang bzhin gyis dmigs bar 'gyur gyi/ /'bad pas kun brtags pa ma yin pa gang yin pa'o/ /de rnam par 'jig pa ni 'bral ba ste/ dmigs pa med pa'i ngo bo'o/ /de'i thabs ni mtshan ma'i gnyen po rnam par mi rtogs pa'o/ /de gnyi ga yang rim gyis 'byung ste/ sngar ni bzhag pa la'o/ /phyis ni bdag nyid 'dug pa'o/ /de la phyin ci log bzhi dang ldan pa'i gang zag gi mtshan ma rnam bar 'jig pa'i rnal 'byor pas ni nyan thos kyi byang chub 'am/ rang sangs rgyas kyi byang chub 'thob po/ /chos thadM kyi mtshan ma rnam par 'jig bas ni byang chub chen po 'thob ste/ 'dis ni yang dag pa ji lta ba bzhin yongs su shes pas 'ching ba ji ltar yongs su shes na thar par 'gyur ba de bstan to/ /de bzhin nyid dmigs shes ba dang/ /gnyis su 'dzin pa rnam spangs dang/ /gnas ngan len lus mngon sum pa/ /blo ldan de zad byed par 'dod/ /'dis ni ngo bo nyid gsum ji ltar yongs su shes pas gzhan gyi dbang gi ngo bo nyid zad par 'gyur ba de yongs su bstan te/ de bzhin nyid la dmigs pa nyid kyis yongs su grub pa'i ngo bo nyid yongs su shes ba dang/ gnyis su 'dzin pa rnam par spangs pa nyid kyis kun brtags pa dang/ gnas ngan len gyi lus mngon sum pa nyid kyis gzhan gyi dbang yongs su shes pas gnas ngan len gyi lus kun bzhi rnam par shes pa gzhan gyi dbang de nyid zas bar 'gyur ro/ /de zad par byed ba ni de zad ba'i ched du'o/ /de bzhin nyid dmigs ye shes ni/ /rnam pa tha dang med bsgoms shing/ /yod dang med don mngon sum pa/ /rnaM rtog dbang 'byor nyid ces bya/ /rnam pa tha dang pa med pa bsgoms pa ni mtshan ma dang de bzhin nyid dag tha mi dad pa nyid du mthong ba'i phyir ro/ /'dis ni nyan thes kyi mtshan ma med pa las byang chub sems dpa' i mtshan ma med ba khyad du zhugs par yongs su bstan te/ /de dag ni mtshan ma dang mtshan ma med pa dag tha dad pa nyid du mthong bas mtshan ma thams cad yid la mi byed pa dang/ mtshan ma med pa'i dbyings yid la byed pa'i sgo nas mtshan ma med pa la snyoms par 'jug go/ byang chub sems dpa' rnams ni de bzhin nyid la ma gtogs pa'i mtshan ma ma mthong bas mtshan ma med par mthong ste/ de'i phyir de dag gi ye shes de ni rnam pa tha dad pa med par bsgoms pa yin no/ /yod pa'i don de bzhin nyid dang med pA don mngon sum pa ste/ rnam par rtog pa ji lta ba bzhin don thams cad grub ba'i sgo nas rnam par rtog pa la dbang 'byer pa nyid thob pa'i phyir/ rnam par rtog pa la dbang 'byor pa nyid ces bya'o/ /byis pa yang dag nyid bsgribs nas/ /yang dag ma yin kun tu snang/ /byang chub sems dpa' de gsal nas/ /yang dag nyid ni kun tu snang/ /'dis ni ji ltar byis pa rnams la rang gi ngang gis yang dag pa ma yin pa mtshan ma kho na snang gi /yang dag pa ji bzhin nyid ni ma yin pa dang/ de bzhin du byang chub sems dpa' rnams la rang gi ngang gis yang dag pa kho na snang gi/ yang dag pa ma yin pa ni ma yin no zhes bya bar nye bar bstan to/ /don med pa dang don yod dag /mi snang snang ba nyid shes bya/ /de ni gnas gzhan gyur ba ste/ 'dod dgur sbyod phyir thar ba yin/ /don med pa mtshan ma mi snang ba nyid dang/ don yod pa de bzhin nyid snang ba nyid ni gnas gzhan du gyur pa yin par rig par bya ste /des de dag mi snang ba nyid dang snang ba yin no/ /de nyid thar pa yin par yang rig par bya'o/ /ci'i phyir zhe na/ 'dod dgur spyod pa'i phyir te/ de'i tshe rang dbang du 'gyur zhing rang bzhin gyis mtshan ma kun tu mi spyod pa'i phyir rang gi sems la dbang bsgyur bar 'byung? ngo? don chen rnam pa thams cad du/ /gzhan dang gzhan rigs mthun snang ba/ /bar chad byed yin de lta bas/ /yongs shes byas nas de spang ngo/ /'di ni zhing yongs su sbyong ba'i thabs yang dag pa ji lta ba bzhin yongs su shes pa ? yin no/ /don chen bo ni snod kyi 'jig rten te/ gzhan dang gzhan 'byung ba na de nyid 'di yin no zhes ? bar rigs mthun par snang ngo/ /de ni de ltar snang bas sangs rgyas kyi zhing yongs su dag par bya ba la bar chad byed par 'gyur te/ de lta bas zha bar chad byed bar yongs su shes par byas nas/ de ltar snang ba de spang bar bya'o/ /dpag tu med pa rnam par dbye ba'i tshigs su bcad pa/ yongs smin rnaM par sbyad bya dang/ /thob bya smin par rung bya dang/ /yangdag bshad pa'i dngos po ni/ /blo ldan rnams kyi dpag tu med byang chub sems dpa' rnams kyi dpag tu med pa'i dngos po ni rnam pa lnga ste/ yongs su smin par bya ba'i dngos po ni sems can gyi khams khyad par med par ro/ /rnam par sbyang bar bya ba ni snod kyi 'jig rten gyis bsdus pa'i 'jig rten gyi khams so// thob par bya ba ni chos kyi dbyings so/ /yongs su smin par rung bar bya ba ni gdul ba'i khams so/ /yang dag par bshad pa'i dngos po ni 'dul ba'i thabs kyi khams so/ /bshad ba'i 'bras bu rnam par dbye ba'i tshigs su bcad pa gnyis te/ byang chub sems ni skye ba dang/ /mi skye ba yi bzod pa nyid/ /dri med? mig ni dman pa dang/ /zag pa zad pa nyid dang ni/ /dam chos yun ring gnas pa dang/ /bye brag shes gcod longs spyod nyid/ /de la zhugs pa blo ldan gyis/ /bshad pa'i 'bras bu yin zhes ba/ bshad ba la zhugs pa'i byang chub sems dpa' i nyan pe rnams la bshad pa'i 'bras bu ni rnam pa brgyad du rigs par bya ste/ kha cig ni byang chub tu sems bu skyed do/ /kha cig ni mi skye ba'i chos la bzod pa 'thob po/ /kha cig ni chos rnams la chos kyi mig rdul med cing dri ma dang bral ba theg pa dman pas sdud pa bskyed do/ /kha cig ni zag pa zad pa 'thob po/ /rgyud de 'dzin pas dam pa'i chos kyang yun ring du gnas par 'gyur re/ /don bya brag tu mi sheS pa rnams kyang bye brag tu shes par 'gyur ro/ /the tshom za ba rnams kyi the tshom yang gcod par 'gyur ro/ /nges pa rnams kyang dam pa'i chos kyi dga' ba'i ro kha na mtho ba med pa rgya chen po la longs spyod par 'gyur ro/ /theg pa chen po nyid rnaM par dbye ba'i tshigs su bcad pa gnyis te/ dmigs pa che ba nyid dang ni/ /de bzhin sgrub pa gnyis dag dang/ /ye shes brtson 'grus rtsom pa dang/ /thabs la mkhas par gyur pa dang/ /yang dag 'grub pa chen po dang/ /sangs rgyas 'phrin las chen po dang/ /chen po 'di dang ldan pa'i phyir/ /theg chen zhes ni nges par brjod/ /chen po nyid rnam pa bdun dang ldan pa'i phyir theg pa chen po zhes nges par brjod de/ /dmigs pa chen po nyid ni mdo'i sde la sogs pa'i chos rgya chen po dpag tu med pa dang ldan pa'i phyir ro/ /sgrub pa chen po nyid ni/ rang gi don dang gzhan gyi don gnyis sgrub pa'i phyir ro/ /ye shes chen po nyid 'di ni rtogs pa'i dus na gang zag la bdag med pa dang chos la bdag med pa gnyis shes pa'i phyir ro/ /brtson 'grus rtsom pa chen pa nyid ni/ bskal pa grangs med pa gsum du rtag tu dang gus par byas te sbyor ba'i phyir ro/ /thabs la mkhas pa chen po nyid ni 'khor ba yongs su mi gtong zhing kun nas nyon mongs pa med pa'i phyir ro/ /yang dag par 'grub pa chen po nyid ni/ stobs dang mi 'jigs ba dang sangs rgyas kyi chos ma 'dres pa yang dag par 'grub pa'i phyir ro/ /sangs rgyas kyi 'phrin las chen po nyid ni/ /yang dang yang du mngon par rdzogs? par byung chub pa dang/ mya ngan las 'das pa chen po kun tu ston pa'i phyir ro/ /theg pa chen po bsdus pa rnam par dbye ba'i tshigs su bcad pa gnyis te/ rigs nang chos la mos po dang/ /de bzhin sems na bskyed pa dang/ /sbyin la sogs pa sgrub pa dang/ /skyon med pa la 'jug ? dang/ ? sems can rnams yongs smin byed dang/ /zhing ni rnam par spyod ba dang/ /mi gnas mya ngan 'das pa dang/ /byang chub mchog dang ston pa'o/ /dngos po rnam pa bcu po 'dis theg pa chen po mdza' dag bsdus te/ de la sems can rnams yongs su smrin bar byed pa ni sa la zhugs pa'i sa bdun pa'i bar la rig par bya'o/ /zhing yongs su sbyor ba dang/ mi gnas pa'i mya ngan las 'das pa ni phyir mi ldog par? yin rnam pa gsum la'o/ /byang chub mtshog ni sangs rgyas kyi sa la ste/ mngon par rdzogs par byang chub pa dang/ mya ngan las 'das pa chen po ston pa yang de nyid la rig par bya'o/ /lhag ma ni don go bar zad do/ /byang chub dpa' rnam bar dbye ba'i 'tshig su bcad pa bcu ste/ gcig ni mos pa dad ldan pa/ /lhag pa'i bsam pa dag ba gzhan/ /mtshan ma dang mtshan med dang/ /mngon bar 'du byed med sbyod pa/ /lnga po 'di dag kun la byang chub sems dpa' yin zhes bya/ /de la mtshan ma sbyod ba ni sa gnyis pa nas bzung ste drug pa'i bar du'o/ /mtshan ma med par spyod pa ni bdun pa la'o/ /mngon par 'du byed pa med bar sbyed pa ni de yan chad do/ /lhag ma ni don go bar zad do/ /'dod la ma chags las gsum rnam par dag/ krho bzil gnon yon tan mchog lhur lan/ /chos las mi g.yo de nyid zab mo mthong/ / byang chub dga' ldan byang chub sems dpa' yin/ /'dis ni pha rol tu phyin pa drug sgrub pa dang byang chub chen por smon pa'i sgo nas byang chub sems dpa' i mchog nyid yongs su bstan to/ /phan 'dogs 'dod dang gnod pa med lta dang/ /gzhan kyi gnod pa dang du len pa dang/ /bstan pa bag yod mang du thos pa dang/ /gzhan gyi don brtson byang chub sems dpa' yin/ /de la brten pa ni brtson 'grus brtsams sdug bsngal dag gis sba mi 'god ba'i phyir ro/ /bag yod ba ni bsam gtan gyi bde ba dag la ma chags pa'o/ /lhag mi ni don go par zad do/ /rang gi yongs su bzung ba'o/ sa dmigs zhes/ /longs spyod ma chags zhe la 'khon mi 'dzin/ /rnal 'byor rgyu mtshan la mkhas lta ngan med /nang du rab gnas byang chub sems dpa' yin/ /de la longs spyod dag la ma chags pa ni gang zhig de dag spangs nas rab tu 'byung ba yin no/ /rgyu mtshan la mkhas ba ni zhi gnas la sogs pa'i rgyu mtshan gsum la mkhas pa'i phyir ro/ /nang la rab tu gnas pa ni theg pa chen po las mi g.yo ba'i phyir te/ theg pa chen po ni byang chub sems dpa' rnams kyi nad yin no/ /lhag ma ni don go bar zad do/ /brtse dang ldan pa ngo tsha yon tan gnas/ /sdug bsngal dang len rang gi bder ma chags/ /dran gtso shin tu mnyam par bzhag pa'i bdag /theg pa mi 'khrugs byang chub sems dpa' yin/ de la bran pa gtso bo ni/ /bsam gtan dang ldan pa dran pa'i stobs kyis sems mnyam par 'jog pa'i phyir ro/ /shin tu mnyam par bzhag pa'i bdag nyid ni/ /rnam par mi rtog pa yi ye shes so/ /lhag ma ni don go bar zad do/ /sdug bsngal sel ba sdug bsngal mi byed/ /sdug bsngal bzod pa sdug bsngal 'jigs pa med /sdug bsngal rnam grol sdug bsngal mi rtog pa ?sdug bsngal khas len byang chub sems dpa' yin/ /de la sdug bsngal las rnam par grol ba ni/ bsam gtan dang ldan pa 'dod pa'i khams las 'dod chags dang bral bas sdug bsngal gyi sdug bsngal nyid las grol ba'i phyir/ sdug bsngal khas len pa 'khor ba khas len pa'i phyir ro/ /lhag ma ni don go bar zad do/ /chos la mi dga' rang bzhin chos la dga' / /chos la smod cing chos la mngon par brtson/ /chos la dbang pa chos la mun pa med/ /chos gtsor byed pa byang chub sems dpa' yin/ /de la chos la smod pa ni/ /mi bzod pa la smod pa'i phyir ro/ /chos la dbang ba ni snyoms par 'jug pa la'o/ /chos gtsor byed pa ni byang chub chen po lhur len pa'o/ /tshig sbyar ba la bde pas chos nyid 'dir chos su bshad do lhag ma ni don go bar zad do/ /longs spyod bag yod nges la bag yod dang/ /bsrung la bag yod dge la bag yod dang/ /bde la bag yod chos la bag yod dang/ /theg pa bag yod byang chub sems dpa' yin/ /de la bsrung ba la bag yod ba ni bzod pa dang ldan pa rang dang gzhan gyi sems rjes su bsrung ba'i phyir ro/ /chos la bag yod pa ni/ yang dag pa ji lta ba bzhin du rab tu shes pa'i phyir ro/ /lhag ma ni don go bar zad do/ /ma gus ngo tsha nyes chung ngo tsha dang/ /mi bzod ngo tsha yongs nyams ngo tsha dang/ /rnam 'phro ngo tsha lta chung ngo tsha dang/ /theg chen ngo tsha byang chub sems dpa' yin/ /de la ma gus pas ngo tsha ba ni/ gang zhig slong ba la khyad du gsod pas so/ /nyes pa chung dus ngo tsha ba ni/ kha na ma tho ba phra rab tsam dag la yang 'jigs pas lta bas so/ /lta ba chung dus ngo tsha ba ni/ chos la bdag med par rtogs pas so/ /lhag ma ni don go bar zad do/ /tshigs su bcad pa 'di dag thams cad kyis ni rnam grangs gzhan gyis pha rol tu phyin pa drug sgrub pa dang/ byang chub chen por smon pa'i sgo nas byang chub sems dpa' i mtshan nyid rig par bya'o/ /'di dang pha rol dang ni btang snyoms dang 'du byed ldan dang dbang 'byor nyid thob dang/ /mtshungs par ston dang 'bras bu chen yis/ /byang chub sems dpa' phan 'dogs byed la 'dug /sbyin pas ni 'di kho na la sems can rnams la phan pa la 'jug go/ tshul khrims kyis ni skye ba khyad par can thob nas gzhan du'o/ /'du byed dang ldan pa zhes bya ba ni brtson 'grus dang ldan pa'o/ /'bras bu chen po yis zhes bya ba ni sangs rgyas nyid kyis so/ /lhag ma ni don go bar zad do/ /'dis ni byang chub sems dpa' i pha rol tu phyin pa drug dang/ byang chub chen por smon pas ji ltar sems can rnams la phan 'dogs par 'gyur ba de yongs su bstan to/ /byang chub sems dpa' i mtshan spyir rnam par dbye ba'i tshigs su bcad pa brgyad de/ byang chub sems dpa' sems dpa' che/ /blo ldan nyid dang gsal ba'i mchog/ rgyal sras rgyal pa'i gzhi dang ni/ /rgyal byed rgyal ba'i myu gu dang/ /rtsal ldan dang ni 'phags mchog dang/ /ded dpon dang ni grags mchog dang/ /snying rje can dang bsod nams che/ /dbang phyug de bzhin chos dang ldan/ /bcu drug po 'di dag ni sbyir byang chub sems dpa' rnamS kyi mtshan don dang mthun pa yin no/ /de nyid bzang rtogs don chen legs rtogs dang/ /don kun rtogs dang rtag tu rtogs pa dang/ /thabs rnams rtogs par 'gyur ba'i khyad par rgyu/ /des na byang chub sems dpa' zhes bya'o/ /rtogs pa'i khyad par rnam pa lngas byang chub sems dpa' zhes bya ste/ gang zag dang chos la bdag med pa rtogs pa dang/ rang dang gzhan gyi don rtogs pa dang/ don thams cad rnaM pa thams? cad du rtogs pa dang/ yongs su mya ngan las 'das pa kun tu ston pa na yang mi zad par rtogs pa dang/ gdul ba ji lta ba bzhin du 'dul ba'i thabs rtogs pas so/ /bdag rjes rtogs dang lta ba phra rtogs dang/ /rnam rig sna tshogs rnaMs rtog? dang kun/ /yang dag min rtogs yin par rtogs pa'i rgyu/ /des na byang chub sems dpa' zhes bya'o/ /'dir yang sems can yid dang rnam par shes pa rtogs pa dang/ de rnams kyang gang dag pa ma yin pa'i kun tu rtogs pa nyid du rtogs pa'i sgo nas/ rtogs pa'i khyad par rnam pas bzhi ston te/ de la sems ni kun bzhi rnam par shes pa'o/ /yid ni de la dmigs pa bdag tu lta ba la sogs pa dang mtshungs par ldan pa'o/ /rnam par shes pa ni rnam par shes pa'i tshogs drug go /ma rtogs rtogS dang rjes su rtogs pa rtogs/ /dngos med rtogs dang rab tu skye ba rtogs/ /ma rtogs rtogs dang so sor rtogs pa'i rgyu/ /des na byang chub sems dpa' zhes bya'o/ /'dir ni ma rig pa rtogs pa dang/ rig pa rtogs pa /kun brtags pa la sogs pI ngo bo nyid gsum rtogs pa'i sgo nas rtogs pa'i khyad par rnaM pa lnga ston te/ de la ma rtogs pa nyid du rtogs pa so sor rtogs pas yongs su grub pa'i ngo bo nyid rigs par bya'o/ /don med rtogs dang don dam rtogs pa dang/ /don kun rtogs dang mdza' dag don rtogs dang/ /rtogs bya rtogs gzhi rtogs pa rtogs pa'i rgyu/ /des na byang chub sems dpa' zhes bya'o/ /'dis ni khyad par rnam pa lnga ston to/ /gzhan gyi dbang gi mtshan nyid rtogs pa dang/ yongs su grub pa'i mtshan nyid rtogs pa dang/ kun brtags pa'i mtshan nyid rtogs pa dang/ shes bya thams cad rnam pa thams cad du rtogs pa dang/ rtogs par bya ba dang/ rtogs pa po dang /rtogs pa 'khor gsum yongs su dag par rtogs pa'i phyir ro/ /grub par gyur pa rtogs dang gnas rtogs dang/ lhums rjes rtogs dad rim pa rtogs pa dang/ /rab tu rtogS dang the tshom gsal rtogs rgyu/ /des na byang chub sems dpa' zhes bya'o/ /de la grub par gyur ba rtogs pa ni sangs rgyas nyid do/ /gnas rtogs pa ni gang gis ni dga' ldan gyis gnas na bzhugs pa'i lhums rjes su rtogs pa ni gang gis bu mi bya lhums su 'jug pa'o/ /rim pa ston pa rtogs pa ni gang gis na lhums nas bltams zhing 'dod pa la yongs su longs spyod pa dang/ rab tu 'byung ba dang/ dka' ba spyod pa dang/ mngon par rdzogs par byang chub pa ston pa yin no/ /rab tu rtogs pa dang the tshom bsal ba rtogs pa ni/ /gang gis na sems can rnams kyi the tshom thams cad bcad pa'i phyir chos kyi 'khor lo bskor ba yin no/ /blo dang ldan pa blo thob ma thobs dang/ /rab gnas rtogs dang rjes su rtogs pa dang/ so sor chang blo brjod med pa bcom ldan/ /da can blo gros ma smin yang dag smin/ /'dir ni 'das pa la sogs pa'i rtogs pa rnam pa bcu gcig gis byang chub sems dpa' yongs su bstan te/ de la blo thobs pa dang blo ma thob pa dang rab tu gnas pa ni rtogs pa 'das pa dang ma 'ongS pa dang da ltar byung ba dag dang go rim bzhin no/ /rtogs pa ni/ rang gis rtogs pa'i phyir ro/ /rjes su rtogs pa ni/ gzhan las rtogs pa'i phyir te/ /'dis ni nang dang phyi'i rtogs pa ston to/ /so sor 'chad par byed pa dang brjod pa med pa'i blo zhes bya ba ni rigs pa dang phra ba'o/ /nga rgyal can dang da bcom pa zhes bya ba ni dman pa dang gya nom pa'o/ /blo gros ma smin pa dang yang dag par smin pa zhes bya ba ni rtogs par dri ba dang nye ba ston pa yin no/ /yon tan gyi skabs rdzogs so// //rtags rnam par dbye pa'i tshigs su bcad pa gnyis te/ brtse dang snyan par smra ba dang/ /bstan pa nyid dang lag brkyang nyid/ /dgongs pa zag mo nges 'grel ba/ /'di dag blo ldan rnams kyi rtags/ /yongs su bzung mos pa thob pa dang/ /mi skyo gnyis kyis bsdu ba'i phyir ro/ bsam pa dang ni sbyor ba las/ /rtags dir rnam par shes par bya/ /de la tshigs su bcad pa dang pos ni byang chub sems dpa' i rtags lnga ston to/ /gnyis pas ni de dag gi las dang mdor bsdu ba'o/ /da la brtse ba ni /byang chub kyi sems kyis sems can yongs su bzung ba'i phyir ro/ /snyan par sbra ba ni/ sems can rnams kyis sangs rgyas kyi bstan pa la mos pa thob par bya ba'i phyir ro/ /bstan pa nyid ni bya dka' ba spyod pa la sogs pas mi skyo bar bya ba'i phyir ro/ /lag brkyang ba nyid dang dgongs ba nges par 'grel pa ni gnyis kyis bsdu ba'i phyir te/ zang zing dang chos kyis go rim bzhin no/ /rtags lnga po 'di las brtse ba ni bsam pa'i sgo nas rigs par bya'o/ /lhag ma ni sbyor ba'i sgo nas so/ /khyim pa dang rab tu byung ba rnam par dbye ba'i tshigs su bcad pa gsum ste/ byang chub sems dpa' rtag tu ni/ /khyim pa 'khor los sgyur rnams su/ /gyur nas skye ba thams cad du/ /sems can rnams kyi don byed do/ /sa rnams kun la blo ldan gyi/ /rab byung lan pas thob pa dang/ /chos nyid kyis na thob pa gzhan/ /rab tu byung ba ston byed yin/ /rab tu byung ba'i phyogs dag ni/ /yon tan tshad med rnams dang ldan/ /de ltas sdom brtson ma khyim pa yi/ /byang chub sems dpa' las khyad 'phags/ tshigs su bcad pa gcig gis ni byang chub sems dpa' i khyim pa'i phyogs ji lta bu zhig la gnas te/ sems can gyi don byed ba de yongs su bstan to/ /gnyis pas ni rab tu byung pa'i phyogs ji lta bu zhig le'o?/ /de la rab tu byung ba ni rnam? pa gsum du rig par bya ste/ yang dag par len pas thob pa dang/ chos nyid kyis thob pa dang/ sprul pa rnams kyis ston par byed pa'o/ /gsum pas ni rab tu byung ba'i phyogs khyim pa'i phyogs las khyad par du 'phags par yongs su bstan to/ /lhag pa'i bsam pa rnam par dbye ba'i tshigs su bcad pa rtsa ba drug pa ste/ sa rnams kun la brtan pa yi/ /pha rol sdug ba'i 'dras bu dang/ /'di la dge ba 'jug 'dod dang/ /mya ngan 'das par 'dod pa dang/ /ma dag rnam dgar bdag pa/ /sems can rnams la gsal bar 'dod pa 'dis ni mdor na lhag pa'i bsam ba rnam pa lnga yongs su bstan te/ bde ba'i lhag pa'i bsam pa ni pha rol tu sdug pa'i 'bras bu 'dod pa'o/ /phan pa'i lhag pa'i bsam pa ni/ 'di gnyis la dge ba la 'jug par 'dod pa'o/ /mya ngan las 'das par 'dod pa ni de gnyi ga'i lhag pa'i bsam pa kho na yin pas gzhan ma yin par rig par bya'o/ /lhag pa'i bsaM pa ma dag pa la sogs pa gsum ni ma zhugs pa rnams dang/ sa la zhugs pa rnams dang/ phyir mi ldogs pa'i sa thob pa rnams ste go rim bzhin no/ /yongs su 'dzin pa rnam par dbye ba'i tshigs su bcad pa/ sa rnams kun la blo ldan pa'i/ /smon lam dang ni sems mnyam dang/ /bdag por gyur pa dag dang ni/ /'khor sdud pa yis yongs su 'dzin/ /byang chub sems dpa' rnams kyi sems can rnams yongs su 'dzin pa ni rnam pa bzhi ste/ smon lam gyis yongs su 'dzin pa ni/ /byang chub kyi sems kyi sems can thams cad yongs su 'dzin pa'i phyir ro/ /sems mnyam pa nyid kyis yongs su 'dzin pa ni mngon par rtogs pa'i dus na bdag dang gzhan mnyam pa nyid thob pa'i phyir ro/ /bdag pos yongs su 'dzin pa ni/ /rje bor gyur pa 'di gang dag gi rje bo yin pa'o/ /'khor sdud? pas yongs su 'dzin pa ni/ /smol ma'i dzogs? nye bar len pa'i phyir ro/ /skye ba rnam par dbye ba'i tshigs su bcad pa/ /blo ldan rnaMs gyi las dang ni/ /gzhan yang smon lam dag dang ni/ /ting nge 'dzin dang dbang 'byor pa'i/ /dbang gis skye bar 'dod pa yin/ /byang chub sems dpa' rnams kyi skye ba ni rnam pa bzhi ste/ las kyi dbang gis ni mos pa'i spyod pa'i sa la gnas pa rnams las kyi dbang gis 'dod pa'i gnas su skye ba gang yin pa'o/ /smon lam gyi dbang gis ni sa la zhugs pa rnams sems can yongs su smin par bya ba'i phyir ro/ /dud 'gro la sogs pa'i gnas dman par yang skye ba gang yin po'o/ /ting nge 'dzin gyis dbang giS ni bsaM gtan rnams bzlog nas 'dod pa'i khams su skye ba gang yin pa'o/ /dbang 'byor ba'i dbang gis ni/ /sbrul pa dag gis dga' ldan gyi gnas la sogs par skye bar kun tu ston pa gang yin pa'o/ /gnas pa dang sa rnam par dbye ba'i sdom gyi tshigs su bcad pa/ mtshan nyid gang zag bslab pa dang/ /phung po grub pa rtags dang ni/ /nges pa'i tshig dang thob pa yis/ /gnas pa dang ni sa nyid do/ /mtshan nyid rnam par dbye ba las brtsams nas tshigs su bcad pa lnga ste/ stong pa nyid ni mchog rtogs nas/ /las rnams chud mi za bar gnas/ /bsam gtan rab ba des gnas nas ni/ /de yi 'og tu 'dod bar skye/ /de nas byang chub phyogs mthun rnams/ /'khor ba dag tu yongs su bsngo/ /sems kun nyon mongs med par ni/ /sems can rnams yongs smin par byed/ /ched du bsam te skye bas na/ /kun nas nyon mongs rjes su bsrung/ /bgrod pa gcig pa'i lam dang 'brel/ /mtshan med gcig tu nges pa'i lam/ /mtshan ma med pa lhun gyis grub/ /zhing yang rnam par spyod pa ste/ /de yi 'og tu sems can ni/ /smin par byed pa 'grub par 'gyur/ /ting nge 'dzin dang gzungs rnams dang/ /byang chub rnam par dag pa nyid/ /rnam par bzhag pa 'di dag gis/ /sa yi mtshan nyid shes par bya/ /gnas pa bcu gcig ni sa bcu gcig go/ de dag gis mtshan nyid las dang po'i mtshan nyid stong pa nyid mchog mngon par rtogs pa ste/ gang zag dang chos bdag med pa mngon par rtogs pa'i phyir ro/ /gnyis pa'i ni las rnams chung mi za ba la rnam par gnas pa ste/ dge ba dang mi dge ba'i las kyi lam dang de'i 'bras bu rnam pa sna tshogs shes pa'i phyir ro/ /gsum pa'i ni byang chub sems dpa' bsam gtan bde ba phul du byung ba dag gis gnas nas de dag las yongs su ma nyaMs bzhin du 'dod pa'i khaMs su skye ba yin no/ /bzhi pa'i ni byang chub kyi phyogs dang mthun pas mang du gnas kyang byang chub kyi phyogs dang mthun pa rnams 'khor bar yongs su bsngo ba yin no/ /lnga pa'i ni 'phags pa'i bden pa bzhis mang du gnas pas bdag nyid kyi sems la kun nas nyon mongs pa med par sems can rnams yongs su smin par byed pa yin te/ bstan bcos dang gzo sna tshogs byed pa'i phyir ro/ /drug pa'i na? rten cing 'brel par 'byung bas mang du gnas pas bsams bzhin du srid par skye ba na der kun nas nyon mongs pa rjes su bsrung pa yin no/ /bdun pa'i ni 'dres pa nya bar 'dres pa nyid kyis bgrod ba gcig pa'i lam la gnas pa brgyad pa dang 'brel pa mtshan ma med par gcig tu nges pa'i lam yin no/ /brgyad pa'i ni mngon par 'du byed pa med pa'i mtshan ma mong pa la gnas pa'i phyir/ /mtshan ma med pa yang lhun gyis grub pa dang sangs rgyas kyi zhing yongs su sbyod ba yin no/ /dgu pa'i ni so sor yang dag par rig pa la dbang ba nyid kyis sems can yongs su smin pa 'grub par 'gyur ba yin te/ rnam pa thams cad du sems can yongs su smin par nus pa'i phyir ro/ /bcu pa'i ni ting nge 'dzin gyi sgo dang/ gzungs kyi sgo rnams rnam par dag pa nyid yin no/ /bcu gcig pa sangs rgyas kyi sa'i mtshan nyid ni/ byang chub rnam par dag pa nyid yin te/ shes bya'i sgrib pa rnam pa thams cad spangs pa'i phyir ro/ /sa rnams kho na la gang zag rnam par dbye ba las brtsams nas tshigs su bcad pa gnyis te/ byang chub sems dpa' ? pa rnam dag pa/ /tshul khrims shin tu rnam dag mnyam par bzhag chos la nga spangs rgyud dang kun nyon mongs?/ /rnam par dag pa tha dad nga rgyal med/ /skad cig gcig blo thob pa btang snyongs pa/ /zhing rnam sbyong ba sems can smin byed par/ /mkhas pa mthu chen lus yongs su rdzogs pa dang/ /nges par ston la mkhaS pa dbang bskur yin/ /sa bcu po de dag la byang chub sems dpa' bcu rnam par bzhag ste/ sa dang po la ni/ gang zag dang chos su lta ba'i gnyen po'i ye shes thob pa'i phyir/ /lta ba rnam par dag pa yin no/ /gnyis pa la ni ltung pa'i 'khrul pa phra mo kun tu spyod pa yang med pa'i phyir tshul khrims shin tu rnam par dag pa yin no/ /gsum pa la ni mi nyams pa'i bsam gtan dang/ ting nge 'dzin thob pa'i phyir mnyam par bzhag pa yin no/ /bzhi pa la ni mdo'i sde la sogs pa'i chos la tha dad pa nyid kyi nga rgyal spangs pa'i phyir/ chos la nga rgyal spangs pa yin no/ /lnga pa la ni sems dang bsam pa rnam par dag pa mnyam pa nyid bcus rgyud thams cad mnyam pa nyid du 'jug pa'i phyir rgyud tha dad par nga rgyal med pa yin no/ /drug pa la ni/ rten cing 'brel bar 'byung ba'i de bzhin nyid kyis mang du gnas pas na nag po dang dkar po'i phyogs dag gis de bzhin nyid la kun nas nyon mongs pa dang rnam par byang bar mi lta pa'i phyir/ kun nas nyon mongs pa dang rnam par byang ba tha dad par nga rgyal med pa yin te/ rang bzhin gyis rnam par dag pa'i phyir ro/ /bdun pa la ni mtshan ma med par gnas pa'i mthus/ skad cig re re la byang chub kyi phyogs dang mthun pa sum cu rtsa bdun bsgom pa'i phyir/ skad cig gcig dang ldan ba'i blo thob pa yin no/ /brgyad pa la ni lhun gyis grub par mtshan ma med pa la gnas pa'i phyir/ byang chub sems dpa' phyir mi ldog pa'i sa la zhugs pa rnams dang 'dres pa nye bar 'dres pa'i phyir btang snyoms pa dang/ sangs rgyas kyi zhing rnam par sbyong par byed pa yin no/ /dgu pa la ni sems can yongs su smin par byed pa la mkhas pa ste snga ma bzhin no/ /byang chub sems dpa' i sa bcu pa la ni/ /mngon par shes pa chen po thob pa'i phyir/ mthu chen por yang rnaM par bzhag go/ ting nge 'dzin dang gzungs gyi sgo tshad med pas khyab pa'i phyir/ lus yongs su rdzogs par yang rnam par bzhag go/ dga' ldan gyi gnas na gnas pa la sogs pa'i sbrul pa nges par ston pa'i phyir lus nges par ston pa la mkhas par yang rnam par bzhag go/ de na sangs rgyas thamS cad las dbang bskur ba thob pa'i phyir/ sangs rgyas nyid du dbang bskur ba yin par yang rnam par bzhag go/ bslab pa rnam par bzhag pa las brtsams nas tshigs su bcad pa lnga ste/ chos nyid rab tu rtogs nas 'dir/ /lhag pa'i tshul khrims lhag sems dang/ /lhag pa'i shes rab la rjes slob/ /shes rab spyod yul gnyis yin te/ /chos kyi de nyid dang de ni/ /mi shes shes sogs 'jug pa nyid/ / shes rab spyod yul de lta bas/ /des gnyis la rnam par gnas/ /bslab pa rnams dang bsgoms pa yi/ /'bras bu gzhan ni rnam pa bzhi/ /mtshan med 'du byed dang bcas par/ /gnas pa 'bras bu dang po yin/ /de nyid mngon 'du byed med dang/ /zhing ni rnam par dag pa dag/ 'bras bu gnyis par 'dod pa yin/ /sems can smin par 'grub nyid dang/ /ting nge 'dzin dang gzungs rnams ni/ /'grub pa 'bras bu dam pa yin/ /'bras bu rnam pa 'di bzhi ni/ /sa bzhi po la yang dag brten/ /sa dang po la chos nyid de bzhin nyid rtogs nas gnyis pa la lhag pa'i tshul khrims la slob go /gsum pa la lhag pa'i sems la'o/ /bzhi pa dang lnga pa dang drug pa dag la ni lhag pa'i shes rab la ste/ sa bzhi pa la ni byang chub kyi phyogs dang mthun pas bsdus pa'i shes rab bo/ /de yangs gnyi ga la ni spyod yul gnyis pa can te/ gnyis ni chos kyi de kho na nyid sdug bsngal la sogs pa'i bden pa dang/ de mi sheS ba dang shes pa la sogs pa'i 'jug pa rten cing 'brel par 'byung ba lugs dang mthun pa dang lugs par mi mthun pa'o/ /de mi shes pa la sogs pa'i 'jug pa ni ma rigs pa la sogs pa'o/ /de shes pa la sogs pa'i 'jug pa ni rigs pa la sogs pa ste/ /de lta bas nas gnyi ga la yang lhag ba'i shes rab rnam bar bzhag go / de yan chad bslab pa'i 'bras bu rnam pa bzhi ni go rim bzhin du sa bzhi la brten par rig par bya ste/ de la 'bras bu dang po ni mtshan ma med par gnas pa 'du byed pa dang bcas pa'o/ /'bras bu gnyis pa ni mtshan ma med par gnas pa de nyid mngon par 'du byed pa med pa dang/ zhing yongs su dag pa yin par rig bar bya'o/ /lhag ma ni don go bar zad do/ /phung po rnam par bzhag pa las brtsams nas/ tshigs su bcad pa gnyis te/ chos nyid rab tu rtogs nas 'dir/ /tshul khrims kyi ni phung po sbyong/ /de yi 'og tu ting 'dzin dang/ /shes rab phung bo rnam par sbyong /de las gzhan pa dag la ni/ /sgrib rnam bzhi dang thogs pa yi/ /sgrib pa las kyang rnam grol dang/ /grol ba'i ye shes rnam par sbyong/ /de las gzhan pa dag la zhes bya ba ni sa bdun pa nas sangs rgyas kyi sa'i bar du ste/ rnam par grol ba dang rnam par grol ba'i ye shes gnyi ga rnam par sbyong ngo/ /rnam par grol ba de yang 'bras bu rnam pa bzhi'i sgrib pa las rig par bya'o/ /sangs rgyas kyi sa la ni/ /thoD ba'i sgrib pa las te/ sangs rgyas rnams ni gang gis na gzhan dag zhes bya ba la shes pa thogs par 'gyur ba de las rnam par grol bas thams cad la ye shes thogs pa mi mnga' o/ /lhag ma ni don go bar zad do/ /grub ba rnam par bzhag pa las brtsams nas tshigs su bcad pa gsuM ste/ sa rnaMs thaMs cad ma grub dang/ /grub pa dag tu sheS par bya/ /grub ba dag kyang ma grub dang/ grub par dag tu ma 'dod do/ /grub pa ji ltar rnam bzhag bzhin/ /yid la byed pas de rtog par/ /shes pa'i phyir dang de nyid la/ /rnam mi rtogs phyir rnam shes bya/ /so so rang rig bya phyir dang/ /sangs rgyas rnams kyi yul gyi phyir/ /so rnams kun la bsgom pa dang/ grub pa yang ni bsam mi khyab/ /de la mos pas spyod pa'i sa la ni ma grub pa'o/ /lhag ma rnamS ni grub pa ste/ de ltar na de dag ni sa thams cad yin no/ /grub ba dag la yang bdun ni ma grub pa yin no/ /lhan ma dag ni grub pa ste/ mngon par 'du bya ba med par 'jug pa'i phyir ro/ /gang yang gong du sa rab tu dga' ba grub par bshad ba de la grub pa ni sa ji ltar rnam par bzhag pa bzhin yid la byed pas sa rnam par bzhag pa de rtog ba tsam du shes pa'i phyir dang/ de yang rnam par mi rtag pa'i phyir rig par bya ste/ gang gi tshe sa rnam par bzhag pa de rtogs pa tsam du shes shing rtog pa tsam de la yang rnam par mi byed na/ /de ltar na bzung ba dang 'dzin pa'i rnam par mi rtog pa'i ye shes thob bI phyir sa yongs su grub pa zhes bshad pa yin no/ /gzhan yang sa thams cad las rnams bsgom pa dang/ grub ba gnyi ga bsam gyis mi khyab ste/ 'di ltar de dag gi byang chub sems dpa' rnams kyi so so rang gis rig par bya ba dang/ sangs rgyas rnams yul yin gyi gzhan dag gi ni ma yin no/ /sa la zhugs pa'i rtogs rnam par dbye ba las brtsams nas tshigs su bcad pa gnyis te/ snang dang bcas dang mos pa dang/ /ma zhum pa dang mi dman nyid/ /gzhan dring mi dman nyid/ /gzhan dring mi 'jog bdag nyid dang/ /thams cad rab tu rtogs ba dang/ /kun las sems ni mnyam pa dang/ /bkri dang rjes su chags med dang/ thabs shes 'khor du skye ba ni/ /kun la rtags su 'dod pa yin/ /rnam pa bcu po 'di ni sa thams cad la byang chub sems dpa' la zhugs pa'i rtags yin par rig par bya ste/ /sa gang la zhugs pa de la snang ba dang/ gang lam zhugs ba de la mos pa zhes bya ba 'di ni rtags gcig go/ ma zhum pa nyid ni chos zab cing rgya che ba dam pa dag la'o/ /mi dman pa nyid ni dka' ba spyod pa rnams la'o/ /gzhan gyi dring mi 'jog pa nyid ni rang gi sa la'o/ /sa thams cad rab tu rtogs pa ni de dag mngon par sgrub ba la mkhas pa'i phyir ro/ /kun sems mnyam pa nyid ni sems can thams cad la bdag dang sems mnyam pa nyid do/ /dkrir mi btub pa nyid ni snyan pa dang mi snyan pa'i sgra dag gis so/ /rjes su chags pa med pa ni/ /'khor los sgyur ba nyid la sogs pa'i phun sum tshogs pa dag la'o/ /thabs la mkhas pa ni/ mi dmigs par sangs rgyas nyid kyi thabs shes pa'i phyir ro/ /skye ba ni dus rtag tu sangs rgyas kyis dkyil 'khor rnams su skye ba ste/ 'di dag ni sa rnams la byang chub sems dpa' i rtags gzhan yin no/ /pha rol tu phyin pa thob pa'i rtags rnam par dbye ba'i tshigs su bcad pa gnyis te/ 'dun pa med pa ma yin chagS dang 'khu ba'i snying med khro min le lo med/ /byams dang snying rje min pa'i blo gros ngan rtogs rnam rtogs 'phrogs pa med blo gros rnam par g.yengs min bde bas mi 'phrogs sdug bsngal dag gis gnod pa med/ /dge ba'i bshes la nye bar brten cing thos pa lhur len ston pa mchod la brtson/ /thabs mchog shes pa gang zhig bsod nams yang dag bsdus pa shin tu rgya chen kun/ /gzhan dang thun mong byas nas nyin gcig bzhin du rdzogs pa'i byang chub yongs bsngo zhing/ /bzang po'i gnas su skyes pa rtag tu dge byed mngon shes yon tan rnams kyis rtsen/ /sangs rgyas sras de kun gyi bla na 'dug pa yon tan gter du shes par bya/ /byang chub sems dpas pha rol tu phyin pa bcu thob pa'i rtags rnam pa bcu drug ston ste/ rtags rnam pa bcu drug ni rtag tu pha rol tu phyin pa rnams la sgrub pa'i 'dun pa dang ma bral ba nyid dang pha rol tu phyin pa drug po re re'i mi mthun pa'i phyogs dang bral ba nyid dang/ thabs la mkhas pa'i pha rol tu phyin pa'i rtag theg pa gzhan yid la byed pas sems rnam par ma g.yengs pa nyid dang/ phun sum tshogs pa'i bde pa dag la ma chags pa nyid dang/ rgud pa dang bka' ba spyod pa'i sdug bsngal dag gis sbyor ba las mi ldog pa nyid dang/ dge ba'i bshes gnyen la brten cing thos pa lhur len pa nyid dang/ ston pa mchod pa gtsor byed pa nyid dang/ yid dag par yongs su bsngo ba dang/ smon lam gyi pha rol tu phyin pa'i sangs rgyas dang byang chub sems dpa' i gnas su skye ba'i phyir gnas bzang por skye ba dang /stobs kyi pha rol tu phyin pa'i de'i mi mthun pa'i phyogs gyi chos dang ma 'dres pa'i phyir rtag tu dge byed pa nyid dang/ ye shes kyi pha rol tu phyin pa'i mngon par shes pa'i yon tan gyis rnam par brtse ba'o/ /de la byams pa ni/ gnod sems kyi gnyen po ste/ bde ba nye bar sgrub pa'i rnam pa can gyi bsam pa yin no/ /snying rje ni rnam bar 'tsho ba'i gnyen po ste/ bsdug bsngal dang phral ba'i bsam pa yin no/ /rtog pa ni ngo bo nyid du rtog pa'o/ /rnam par rtog pa ni khyad par du rtog pa rig ma ? thya'o?/ /de nyid kyi phan yon rnam par dbye ba'i tshigs su bcad pa la? rnams kun la rnam kun tu/ /blo ldan rnams kyi phan yon ni/ /zhi gnas lhag mthong gnyi ga la/ /lnga po'i bdag nyid dag tu 'dod/ /sa thams cad la byang chub sems dpa' rnams kyi pha rol tu phyin pa thob pa de nyid kyi phan yon kyi rnam pa thaMs cad ni rnam pa lngar rig par bya ste/ skad cig re re la gnas ngan len gyi rten thams cad zad par 'gyur/ /sna tshogs kyi 'du shes dang bral ba'i chos kyi dga' ba la yang dga' ba 'thob par 'gyur/ /thams cad du rnam pa yongs su mchad pa'i chos kyi snang ba tshad med pa yang yang dag par shes par 'gyur/ /'di'i rnam par dag pa'i skal pa dang mthun pa'i rgyu mtshan rnam par brtags pa yin pa dag kyang kun tu spyod par 'gyur/ /chos skyi sku yongs su rdzogs pa 'grub par bya ba'i phyir/ gong naS cheS gong du rgyu phun suum tshogs pa yang yongs su 'dzin par byed do/ /de la dang po dang gnyis pa ni zhi gnas kyi phyogs dang mthun pa dag yin par rig par bya'o/ /gsum pa dang bzhi pa ni/ lhag mthong gi phyogS dang mthun ba dag yin no/ /lhag min gnyi ga'i phyogs dang mthun pa yin no/ /sa'i nges pa'i tshigs rnam par dbye ba'i tshigs su bcad pa dgu ste/ byang chub la ni nye ba dang/ /sems can don sgrub mthong ba la/ /rab tu dga' ba skye 'gyur te/ de phyir rab dga' zhes brjod do/ /'di la ni bshad du cung zad kyang med do/ /'chal tshul brtsom pa'i dri bral phyir/ /dri ma med pa'i sa zhes bya/ /'chal pa'i tshul khrims kyi dri ma dang theg pa gzhan yid la byad pa'i dri ma las 'das pa'i phyir/ /dri ma med pa'i sa zhes bya ste/ de lta bas na bdag gis bsgrub tu mtshungs pa la rnam pa thams cad yongs su spyad ba mngon par sgrub pa kho na la brtsom par bya'o zhes 'byung pa'i phyir ro/ /chos kyi snang ba chen po ni/ /byed ba'i phyir na 'od byed pa'o/ /'di ltar de ltar de la ting nge 'dzin gyi stobs kyi chos tshad med pa yongs su tshol zhing 'dzin pa'i phyir gzhan dag la chos kyi snang ba chen po byed do/ /'di ltar byang chub phyogs mthun chos rab tu sreg byed 'od lta bu/ /de dang ldan phyir sa de ni/ /gnyis po sreg pas 'od 'phro can/ /byang chub kyi phyogs dang mthun pa'i bdag nyid kyis shes rab de ni de la phal cher gnyis po sreg par nye bar gnas te/ gnyis ni 'dir nyon mongs pa'i sgrib pa dang/ shes bya'i sgrib pa yin par rig par bya'o/ /sems can rnams yongs smin byed cing/ /rang gi sems kyang bsrung ba'i phyir/ /blo ldan rnamS kyi sbyang dka' ba/ /de phyir sbyang dka' zhes bya'o/ /de la ni sems can yongs su smin par byed pa mngon par brtson yang/ /sems can gyi log par sgrub pas kun nas nyon mongs par mi 'gyur te/ de gnyi ga yang bya dka' ba'i phyir sbyang bka' ba yin no/ /shes rab pha rol phyin brten naS 'khor ba dang ni mya ngan 'das/ /gnyis 'dir mngon du gyur pa'i phyir/ /mngon du gyur pa'i sa zhes bshad/ /de ni shes rab kyi pha rol tu phyin pa la brten nas mya ngan las 'das pa dang 'khor ba dag la mi gnas pa'i phyir/ 'khor pa dang mya ngan las 'das pa dag la mngon du gyur pa yin no/ /bgrod cig lam dang 'brel pa'i phyir/ /ring du song ba'i sar 'dod do/ /bgrod pa gcig pa'i ma ni sngar bstan pa yin no/ /de dang 'brel pa'i phyir ring du song ba yin te/ sbyor ba'i mthar phyin par song ba'i phyir ro/ /'du shes gnyis kyis mi g.yo'i phyir/ /mi g.yo ba zhes nges par brjod/ /mtshan ma la brtsol ba'i 'du shes dang/ mtshan ma med pa la rtsol ba'i 'du shes dang/ 'du shes gnyis kyis mi g.yo ba'i phyir ro/ /so so yang dag par rigs blo bzang/ /sa de legs pa'i blo gros yin/ /so so yang dag par rig pa'i blo gros bzang ba'i phyir/ /zhes bya ba ni gtso bo yin pa'i phyir ro/ /sbrin bzhin gnyis kyis nam mkha' chos/ /khyab pa'i phyir na chos kyi sprin/ /gnyis kyis khyab? pa'i phyir zhes bya ba ni sprin bzhin du ting nge 'dzin dang gzungS kyi sgos thob pa'i chos rten la yod pa nam mkha' lta bu la khyab pI phyir chos kyi sprin zhes bya'o/ /dge bsgrub pa sna tshogs la/ /dga' bas rtag par thams cad du/ /gnas phyir byang chub sems dpa' yi/ /sa rnams gnas pa yin par 'dod/ /dge ba sgrub pa rnaM pa sna tshogs kyi phyir dga' bas rtag par thams cad du gnas pa'i phyir/ /byang chub sems dpa' rnams kyi sa dag ni gnas pa zhes bya'o/ /'byung po dpag med 'jigs med phyir/ /dpag tu med pa de dag la/ /phyir phyir gong du 'gro ldan phyir/ /de dag nyid ni sang 'dod do/ /'byung po dpag tu med pa 'jigs pa med par bya ba'i phyir/ /med pa de dag la phyir phyir zhing gong du 'gro ba dang ldan pa'i phyir gnas pa de nyid la yang sa rnams zhes bya ste/ 'byung po de dpag tu med pa 'jigs pa med par bya ba'i phyir zhes bya ba ni 'byung po dpag tu med pa rnamS kyi 'jigs pa spang ba'i phyir ro/ /dpag tu med pa de dag la zhes bya ba ni re re la yang tshang med pa'i phyir ro/ /gong du 'gro ba dang ldan pa'i phyir zhes bya ba ni sa gong mar 'gro ba dang ldan pa'i phyir ro/ /thob pa rnam par dbye ba'i tshigs su bcad pa/ /sa thob pa ni mos pa dang/ /spyod pa dag la 'jug pa dang/ /rtogs pa'i phyir dang sa rnams ni/ /'grub pa'i sgo nas rnam pa bzhi/ /sa rnams thob pa ni rnam pa bzhi ste/ mos pas thob pa ni mos pas spyod pa'i sa la ji skad bshad ba mos pas so/ /spyod pas thob ba ni/ de nyid la chos spyod ba bcu la 'jug bas so/ /rtogs pas thob pa ni/ /sa la 'jug pa'i tshe don dam pa rab tu rtogs pas so/ /'grub pas thob pa ni phyir mi ldog pa'i sa la 'jug pa'i tshe'o/ /spyod pa rnam par dbye ba'i tshigs su bcad pa rtsa ba drug pa ste/ lus can theg pa chen po dang/ /theg pa dman la mos pa rnams/ /gnyi ga 'dun par bya ba dang/ /gdul ba'i phyir ni bstan rnams kyi/ /spyod pa bzhi po mdo bzhin du/ /rjes su 'brangs nas bshad pa yin/ /de la pha rol tu phyin pa'i spyod ba ni theg pa chen po la mos pa rnams kyi phyir bshad do/ /byang chub kyi phyogs dang mthun pa'i spyod pa ni/ /nyan thoS dang rang sangs rgyas kyi theg pa la mos pa rnams kyi phyir ro/ /mngon par shes pa'i spyod pa ni/ /theg pa chen po dang dman pa la mos pa gnyi ga mthus 'dun par bya ba'i phyir ro/ /sems can yongs su smin par bya ba'i spyod pa ni/ gnyis bo nyid kyi yongs su smin bar bya ba'i phyir te/ yongs su smin pa ni/ 'dir 'dul ba yin no/ /sangs rgyas kyi yon tan rnam par dbye ba'i tshigs su bcad pa mang ste/ re zhig tshad med pa rnam par dbye ba las sangs rgyas la bstod ba mas brtsams te/ tshigs su bcang ba gcig go sems can rnams la brtse ba can/ /phrad dang bral ba'i dgongs pa can/ /ma bral ba yi dgongs pa can/ /phan bde dgongs khyod la phyag 'tshal/ /'dir sems can rnams la brtse ba nyid ni phan pa dang bde ba'i dgongs pa nyid kyis bstan to/ /bde ba'i dgongs pa nyid kyang byams pas bde ba dang phrad par dgongs pa nyid dang/ snying rjes sdug bsngal dang bral ba'i dgongs pa nyid dang/ /dga' bas bde ba dang mi 'bral ba'i dgongs pa nyid kyis bstan te/ /phan pa'i dgongs pa nyid ni btang snyoms kyis bstan to/ /de yang kun nas nyon mongs pa med pa nyid kyi dgongs pa'i mtshan nyid du rigs par bya'o/ /rnam par thar ba zil gyis gnon pa'i skye mched dang/ zad par gyi skye mched rnam par dbye ba'i tshigs su bcad pa/ thub pa sgrib kun nges par grol?/ /'jig rten thams cad zil gyis gnon/ /khyod kyi mkhyen pas shes bya khyab/ /thugs grol khyod la phyag 'tshal lo/ /'dir bcom ldan 'das kyi rnam par thar pa'i khyad par ni/ nyon mongs pa dang shes bya'i sgrib pa ? las nges par grol ba nyid kyis bston to/ /zil gyis gnon pa'i skye mched kyi khyad par ni/ 'jig rten thams cad zil gyis gnon pa nyid dang/ nyid kyi thugs la mngal sgyur bas ji ltar bzhed pa bzhin dmigs pa dang sprul pa dang/ yongs su sgyur ba byin gyis brlab pa nyid kyis so/ /zad par gyi skye mched kyi khyad par ni/ /shes bya thams cad la ye shes kyis khyab pas ston te/ de nyid kyi phyir rnam par thar pa la sogs pa'i yon tan gyi mi mthun pa'i phyogs las grol bas na thugs grol ba yin no/ /nyon mongs pa med pa rnam par dbye ba'i tshigs su bcad ba/ sems can dag ni thams cad kyi/ /nyon mongs ma lus thams cad 'dul/ /nyon mongs 'joms mdzad nyon mongs la/ /thugs rjes bcas mkhyod la phyag 'tshal/ /'dir bcom ldan 'das kyi nyon mongs pa med pa'i khyad par sems can thams cad kyi nyon mongs pa 'dul ba dang/ nyon mongs ba skye ba rnams la yang de dag gi nyon mongs pa'i gnyen po mdzad pa dang/ skye bo nyon mongs ba can la rjes su brtse pas yang dag par bstan te/ nyon mongs pa med par gnas pa gzhan dag ni/ /sems can rnams kyi de dag la dmigs pa'i n yon mongs pa 'ga' kho na zhig ? ba'i rkyen tsam yongs su spong gi/ nyon mongs pa skyes pa rgyud las sel bar ni mi byed do/ /smon nas shes pa rnam par dbye ba'i tshigs su bcad pa/ lhun gyis grub cing chags mi mnga' / /thogs pa mi mnga' rtag par ni/ /mnyam par bzhag cing dri kun gyi/ /lan ldog khyod la phyag 'tshal lo/ /'dir bcom ldan 'das kyi smon nas mkhyen pa'i khyad par ni rnam pa lngas yang dag par bstan te/ lhun gyis grub par mngon du 'gyur ba nyid dang/ chags pa mi mnga' bar mngon du 'gyur ba nyid dang/ /shes bya thams cad la thogs pa mi mnga' ba nyid dang/ rtag tu mnyam par bzhag pa nyid dang/ sems can rnams kyi the tshom thams cad gcod pa nyid kyis bston te/ smon nas shes pa thob pa gzhan dag ni smon pa lhun gyis grub pas smon nas shes pa mngon du byed pa ma yin no/ /chags pa med pa yang ma yin te/ snyoms par 'jug pa la bltos pa'i phyir ro/ /thogs pa med pa yang ma yin te/ nyi tshe shes pa'i phyir ro/ /rtag tu mnyam par bzhag pa yang ma yin la/ the tshom thams cad gcod pa ma yin no/ /so so yang dag par rig pa rnam par dbye ba'i tshigs su bcad pa/ rten dang brten pa bshad bya dang/ /gsum dang mkhyen pa 'chad byed la/ /blo gros rtag thogs mi mnga' ba/ /legs ston khyod la phyag 'tshal lo/ /'dir ni mdor na gang dang gang gis bshad par bya ba de la blo gros rtag tu thogs pa mi mnga' ba nyid gyis/ /bcom ldan 'das kyis so so yang dag par rig pa bzhi bstan te/ de la rten chos dang/ de la rten pa don dang gnyis ni bshad par bya ba'o/ gsung dang mkhyen pa dang gnyis kyis ni 'chad par byed do/ /legs par ston nyid kyis ni/ /'di dag gis las yang dag par bstan to/ /mngon par shes pa rnam par dbye ba'i tshigs su bcad pa/ gshegs nas spyod pa mkhyen mdzad de/ /de dag skad cig sems can gyi/ /'od dang 'gro dang nges 'byung la/ /legs 'doms khyod la phyag 'tshal lo/ /'dir mngon par shes pa drug gis bcom ldan 'das kyi yang dag par 'dams pa nyid bstan te/ /rdzu 'phrul gyi mngon par shes pas gdul ba'i drung du gshegs nas sems kyi rnams grangs mngon par shes pas sems kyi spyod pa mkhyen par mdzad de/ /lha'i rna pa'i mngon par shes pas de dag gi skad kyis/ /mngon par shes pa lhag ma gsum gyis/ /go rim bzhin du ji ltar sngon gyis mdza' nas 'dir 'ong ba dang/ ji ltar phyi ma'i mthar 'gro ba dang/ ji ltar 'khor ba las nges par 'byung ba mkhyen pas de bzhin du gdams dag stsol bar mdzad do/ /mtshan dang dpe byang bzang po rnam par dbye ba'i tshigs su bcad pa/ lus can kun gyis khyod mthong na/ /skyes bu dam pa lags par 'tshal/ /mthong ba tsam gyis rab dang bar/ /mdzad pa khyod la phyag 'tshal lo/ /'dir bcom ldan 'das lnga skyes bu chen po nyid du yid ches pas mchan dang dpe byad bzang po rnams kyi las mthong ba tsam gyis gzhan dag rab tu dang ba bskyed par mdzad pa nyid yang dag par bstan to/ /yongs su dag pa rnam par dbye ba'i tshigs su bcad ba /len dang gnas dang gtong ba dang/ /sprul dang yongs su sgyur ba dang/ /ting nge 'dzin dang ye shes la/ /mnga' rnyes khyod la phyag 'tshal lo/ /'dir dbang rnam pa bzhis bcom ldan 'das kyis yongs su dag pa bzhi po rnam pa thams cad du yongs su bstan te/ rten yongs su dag pa ni/ lus len pa dang/ gnas pa dang/ gtong ba la mnga' bas so/ /dmigs pa yongs su dag pa ni sprul? pa dang/ yongs su sgyur ba mnga' bas so/ /thugs yongs su dag pa ni/ rnam pa thams cad du ting nge 'dzin la mnga' bas so/ /shes rab yongs su dag pa ni/ rnam pa thams cad du ye shes la mnga' bas so/ /stobs rnaM par dbye ba'i tshigs su bcad pa/ thabs dang skyabs dang dag pa dang/ /theg chen nges par 'byung ba la/ /sems can rnams la rab slu ba'i/ /bdud 'joms khyod la phyag 'tshal lo/ /'dir don bzhi la sems can rnams la rab tu slu bar byed pa'i bdud gang yin pa de 'joms par mdzad pa nyid kyis/ /bcom ldan 'das kyi stobs rnams kyi las yang dag par bstan te/ 'di lta ste/ bde 'gro dang/ ngan 'gror 'gro ba'i thabs la rab tu bslu ba dang/ lha la sogs pa'i skyabs ma yin pa la skyabs su rab tu slu ba dang/ zas pa dang bcad pa'i 'dag pa tsam gyis dag par rab tu slu ba dang/ theg pa chen pos nges par 'byung ba la rab tu slu bar byed pa'o/ /gnas bar gnas ma yin pa mkhyen pa'i stobs kyis/ bcom ldan 'das don dang po la bdud 'joms par mdzad pa yin par rig par bya'o/ /las bdag gir bya ba mkhyen pa'i stobs kyis ni gnyis pa la'o/ /bsam gtan dang rnam par thar pa dang ting nge 'dzin dang/ snyoms par 'jug pa mkhyen pa'i stobs kyis ni gsum pa la'o/ /dbang po mchog dang mchog ma yin pa nyid la sogs pa mkhyen pa'i stobs kyis ni bzhi pa la ste/ dbang po dman pa la sogs pa spangs nas mchog dag la sbyor ba'i phyir ro/ /mi 'jigs pa rnam par dbye ba'i tshigs su bcad pa/ rang bzhan don du ye shes dang/ /spangs dang nges 'byung bgegs byed par/ /ston mdzad mu stegS gzhan dag gis/ /mi rdzi khyod la phyag 'tshal 'tshal lo/ /'dir rang gis don du ye shes dang spangs ba ston par mdzad pa nyid dang/ gzhan gyis don du nges par 'byung ba dang/ bgegs ston par mdzad pa nyid kyis/ gzhan mu stegs can rnams kyis mi rdzi ba'i phyir/ /go rim bzhin du bcom ldan 'das kyi mi 'jigs ba rnams bzhi bsnyed do/ /bsrung ba med pa dang/ dran pa nye bar bzhag pa rnam bar dbye ba'i tshigs su bcad pa/ bsrung med bsnyel ba mi mnga' bas/ /'khor gyi nang na bag brkyang gsung/ /kun nas nyon mongs gnyis spangs pa/ /'khor sdud khyod la phyag 'tshal lo/ /'dis ni bcom ldan 'das kyi bsrung ba med pa gsum pa dang / dran pa nye bar bzhag pa gsum pa dang/ de dag gi lam 'khor sdud pa nyid yongs su bstan te/ de dag gis ni go rim bzhin du 'khor gyi nang du srung ba med pa'i phyir/ /bag brkyang ste gsung ba yang min la/ bsnyel ba mi mnga' ba nyid kyis rtag tu dgongs pa nye bar gnas pas rjes su chags pa dang/ khong khro ba med pa'i phyir kun nas nyon mongs pa gnyis spangs pa yang yin no/ /bag chags yang dag bar bcom par rnam par dbye ba'i tshigs su bcad pa / kun mkhyen khyod la rgyu ba dang/ /gnas pa kun la rtag par ni/ /kun mkhyen min spyod mi mnga' ste/ /yang dag don ldan khyod phyag 'tshal/ /'dis ni rgyu ba dang gnas pa thams cad la rtag tu thams cad mkhyen ba ma yin pa'i spyad ba mi mnga' ba'i phyir/ /bcom ldan 'das kyi bag chags thams cad yang dag par bcom pa yongs su bstan te/ thams cad mkhyen pa ma yin pa ni/ nyon mongs pa zad kyang/ /bag chags yang dag par ma bcom pa'i phyir/ res 'ga' glang po che 'khrul pa dang/ shing rta 'khrul pa dang/ lhan cig thug pa la sogs pa thams cad mkhyen pa ma yin pa'i spyod pa byed de/ ji skad du/ bzhag pa'i bu'i mdo las gsungs ba lta bu'o/ /yang dag pa'i don du thams cad mkhyen pa nyid yin pa'i phyir/ bcom ldan 'das la ni de mi mnga' 'o/ /bsnyel ba mi mnga' ba nyid rnam par dbye ba'i tshigs su bcad pa/ sems can kun gyi bya ba la /khyod ni dus las mi 'da' bas/ /mdzad pa rtag tu don mnga' ba/ /mi bsnyel khyod la phyag 'tshal lo/ /'dis ni sems can gang gi don gang yin pa/ gang gis dus su bya ba de'i dus las mi 'da' ba' i phyir/ bcom ldan 'das kyi mdzad pa rtag tu 'bras bu yod pa yin no zhes bsnyel ba mi mnga' ba'i chos nyid ngo bo nyid dang/ las kyi sgo nas yang dag par bstan to/ /thugs rje chen po rnam par dbye ba'i tshigs su bcad pa/ 'jig rten kun la nyin mtshan du/ /lan drug tu ni? so sor gzigs/ /thugs rje chen po dang ldan pas/ /phan dog? ngas? khyod la phyag 'tshal lo/ /'dir bcom ldan 'das kyi thugs rje chen po las dang ngo bo nyid kyis yongs su bstan te/ bcom ldan 'das ni thugs rje chen pos nyin mtshan lan drug tu/ /su ni nyams /su ni 'phel zhes bya ba de lta bu la sogs par 'jig rten las so sor gzigs so/ /de dang ldan pa'i phyir bcom ldan 'das sems can thams cad la rtag tu phan par dgongs pa yin no/ /ma 'dres pa'i yon tan rnam par dbye ba'i tshigs su bcad pa/ spyod ba dang ni rtogs pa dang/ /ye shes dang mi phrin las kyis/ /nyan thos rang sangs rgyas kun gyis/ /bla ma khyod la phyag 'tshal lo/ /'dir sangs rgyas kyi chos ma 'dres pa/ spyod pas bsdus pa drug dang/ rtogs pas bsdus pa drug dang/ ye shes kyi bsdus pa gsum dang/ phrin las kyis bsdus pa gsum gyis de las gzhan pa'i sems can mchog /nyan thos dang rang sangs rgyas rnams pas kyang mchog tu gyur pa nyid kyis/ / bcom ldan 'das sems can thams cad kyi mchog nyid du yongs su bstan te / de la de bzhin gshegs pa la 'khrul pa mi mnga' / ca co mi mnga' / bsnyel ba mi mnga' / / thugs mnyam par ma bzhag pa mi mnga' / tha dad pa'i 'du shes mi mnga' / so sor ma brtags pa'i btang snyoms mi mnga' zhes bya ba ni /sangs rgyas kyi chos ma 'dres gang dag sangs rgyas kho na la mnga' i/ gzhan dag la spyod pas bsdus pa drug yin no/ /'dun pa nyams pa mi mnga' / brtson 'grus dang/ dran pa dang/ ting nge 'dzin dang/ shes rab dang/ rnam par grol ba nyams pa mi mnga' zhes bya ba ni rtogs pas bsdus pa drug yin no/ /gang 'das pa'i dus la de bzhin gshegs pa'i ye shes ma chags ma thogs pa dang / ma 'ongs ba dang/ da ltar byung ba'i dus la de bzhin gshegs ba'i ye shes ma chags ma thogs pa zhes bya ba ni ye shes kyis bsdus pa gsum yin no/ /de bzhin gshegs ba'i sku'i phrin las thams cad dang/ gsung gi phrin las thaMs cad dang/ thuD kyi phrin laS thaMs cad ye shes sngon du 'gro zhing ye shes kyi rjes su 'brangs ba zhes bya ba ni/ phrin las kyis bsdus pa gsum yin no/ /rnam pa thams cad mkhyen pa nyid rnam par dbye ba'i tshigs su bcad pa/ sku gsum dag gis byang chub che/ /rnam pa kun brnyes thams cad du/ /sems can kun kyi the tshom dag /gcod pa khyod la phyag 'tshal lo/ /'dis ni sku gsum gyis rnam pa thams cad byang chub ba brnyes pa'i phyir dang/ shes bya thams cad rnam pa thams cad du mkhyen pa'i phyir/ bcom ldan 'das kyi rnam pa thams cad mkhyen pa nyid yongs su bstan te / sku gsum ni ngo bo nyid dang/ longs spyod rdzogs pa pa dang/ sbrul pa pa'o/ /shes bya thams cad kyi rnam pa thams cad ci khyen pa nyid ni /'dir lha dang mi la sogs pa'i sems can thams cad kyi the tshom thams cad gcod pa'i phrin las gyis bstan to/ /pha rol tu phyin pa yongs su rdzogs ba'i rnam par dbye ba'i tshigs su bcad pa/ 'dzin pa med cing nyes pa med/ /rnyog pa med cing mi gnas pa/ /mi g.yo chos rnams thams cad la// spro med khyod la phyag 'tshal lo/ /'dis ni pha rol tu phyin pa drug gi mi mthun pa'i phyogs mdza' dag las nges par grol bas/ bcom ldan 'das kyis pha rol tu phyin pa drug yongs su rdzogs pa brjod do/ /de la 'dzin pa nyid ni/ longs spyod la kun tu 'dzin pa med pa'i phyir rig par bya'o/ /nyes pa med pa nyid lus la sogs pa'i las dri ma med pa'i phyir ro/ /rnyog ma med pa ni/ /'jig rten gyi choS dang/ sdug bsngal dag gis sems rnyog pa can du mi byed pa'i phyir ro/ /mi gnas pa nyid ni rtogs pa chung ngu dang /ngan ngon tsam la mi gnas pa'i phyir ro/ /mi g.yo ba'i nyid ni /rnam par mi g.yeng ba'i phyir ro/ /sprod ba med pa nyid ni/ rnam par rtog pa'i spros pa thams cad kun tu mi spyod pa'i phyir ro/ /sangs rgyas kyi mtshan nyid rnam par dbye ba'i tshigs su bcad pa gnyis te/ dam pa'i don ni grub pa ste/ /sa kun las ni nges par byung/ /sems can kun gyi mchog tu gyur/ /sems can thams cad rnam grol mjad/ /yon tan mi zad mnyam med ldan/ /'jig rten gang dang dkyil 'khor na'ang/ /snang ba lha dang mi rnams kyis/ /rnaM pa kun tu mi mthong ngo/ /'dir ngo bo nyid dang/ rgyu dang/ 'bras bu dang/ las dang ldan pa dang/ 'jug pa'i don drug gis sangs rgyas kyi mtshan nyid yongs su bstan te/ de la don dam pa grub ba ni/ de bzhin nyid rnam par dag pa ste/ de ni sangs rgyas kyi ngo bo nyid kyi sku'o/ /byang chub sems dpa' i sa thams cad las nges par byung ba nyid ni rgyu'o/ /sems can thaMs cad kyi mchog tu gyur ba nyid ni 'bras bu'o/ /seMs can thams cad rnam par grol bar mdzad pa nyid ni las so/ /yon tan mi zad pa dang/ mnyam pa med pa dang ldan pa nyid ni ldan pa'o/ /'jig rten gyi khams sna tshogs su snang ba nyid mi sprul pa'i skus so/ /'khor gyis dkyil 'khor rnams na'ang / snang ba nyid ni/ longs spyod rdzogs ba'i skus so/ /rnam pa thaMs cad du mi snang ba nyid ni chos kyi skus te/ 'jug pa'i rab tu dbye ba rnam pa gsum yin no// // theg pa chen po'i mdo sde'i rgyan byang chub sems dpa' chen po rtogs pa rnam par byang bas bshad pa las/ spyod pa dang mthar thug pa'i skabs zhes bya ba ste/ le'u nyi shu rtsa gcig pa'o// // theg pa chen po'i mdo sde'i rgyan gyi bshad pa rdzogs so/ / //rgya gar gyi mkhan po shAkya sing ha dang /zhu chen gyi lo tsA ba bande dpal brtsegs la sogs pas bsgyur cing zhus te gtan la phab pa/ / //theg chen mdo sde kun gyi rgyan/ /bshad pa 'di yi gzhung tshad ni/ /sho lo ka um stong dag dang rtsa/ drug brgya lnga bcu yin par bsgrags/

CLOSE WINDOW