བོད་ཡིག

e-texts based on the ACIP/ALL Input

Arya laM ka a ba tA ra brit+ti/ bod skad du/ 'phags pa langkar gshegs pa'i 'grel pa/ sangs rgyas dang byang chub sems dpa' thams cad la phyag 'tshal lo/ /kun mkhyen sangs rgyas 'gyur ba gsung bdag mtshungs/ /sems dpa' gnyis mi gnyis kyi chos mchog dang/ /'dus pa mdza' dag chud lam theg gsum la/ /phyag 'tshal nas ni shes dpal bzang ming gis/ /mos ba'i sems can rnams la phan gdags par/ /bdag gi blo dang gzhan gyi blor gsungs pa/ /langkar gshegs pa thos tshul chos dang ni/ /rigs pa yis ni bshad par byed pa'o// 'di skad bdag gis thos pa dus gcig na/ bcom ldan 'das langka'i grong rdal ri ma la ya'i rtse mo rin po che'i rigs kyi me tog s na tshogs kyis brgyan pa la bzhugs te zhes bya ba la sogs pa ni tshig la dbang thob pa la sogs pa yang dag par sdud par byed pa rnams kyi tshig go / gnas brtan btsun gtso 'jam dpal gyi thog ma dang tha ma'i re re'i gnas su btsun gtso'i byang chub s ems dpa' phyogs bcu'i 'jig rten gyi khams nas 'dus pa dang lhan cig tu sde snod bdun du theg pa chen po yang dag par bsdu ba byas so zhes grag go / gnod sbyin dang srin po la sogs pa gdul ba'i phyir langka'i grong rdal du bzhugs pas na mdo sde 'di langkar gshegs pa zhes bya'o// gnod sbyin shing rta la sogs par yang gsungs pa yin te/ gnod sbyin rnams mngon par rab tu dang bar bya ba'i phyir/ klag go zhes so/ /gnod sbyin 'bod sgrogs la sogs pa gang dag gis sngon rgyal ba la bsnyen bkur ba/ bsod nams kyi yan lag che ba dang/ sgyu ma'i rnam par thar pa thob pa dang/ gnas gsum du rnam par rgyal ba/ gzugs sna tshogs su bsgyur ba la dbang bas ji ltar 'dod pa bzhin du lus 'dzin cing gtong ba nor bu bzang la sogs pas brgyad la sogs pa'i dbang po rnams so/ /lhag ma rtogs par bya ba'i phyir de dag la chos zab mo ston to/ /'bod sgrogs kyang gzugs med pa'i ting nge 'dzin thob bo zhes mdo sde 'di nyid las 'byung ste/ lus spangs nas ain+d+ra nI la'i mgo glad can gyi pi waM du bzhugs te/ bcom ldan 'das la shardza la sogs pas pi waM blangs zhes pa'o/ /de bzhin du gzugs rnam pa sna tshogs su bsgyur ba'i rnal 'byor gyi dbang po snang ba dang bcas pa dang snang ba med pa'i ting nge 'dzin thob ba yin na/ ji ltar mthu bo che dga' ba can du gyur pas sgyel bar nus/ byang chub sems dpa' rnams ni gdul dka' ba'i sems can 'dul ba yin te/ 'phags pa btsun gtso rdo rje 'dzin la sogs pa yin no/ /gnod sbyin gyi dbang po la sogs pa'i gzugs kyis 'jig rten gsum du rnam par rgyal bar byed cing/ dbang phyug chen po btsun mo dang bcas pa zhabs kyis mnan te/ gzungs dang/ rnam par thar pa yang thob par byed pas phan 'dogs par mdzad pas te/ sems can yongs su smin par mdzad pa bsam du med pa dang/ byang chub sems dpa' i spyod pa bsam du med pa dang/ sangs rgyas kyi byang chub bsam du med pa'i phyir ro/ /ji ltar 'phags pa 'jam dpal gyi rgyud khro bo rnam par rgyal ba'i bskal pa las/ 'jam dpal gzhon nus bskal pa bshad pa gdul bya'i lha la sogs pa gdul ba dang/ lha mo la sogs pa sgrub pa'i phyir bcom ldan 'das 'phags pa rdo rje 'dzin gyis ngas bshad par bya'o zhes gsungs pa'o/ /dngos grub tu rab tu 'byed pa bshad pa dang/ 'phags pa zhi ba'i blo gros kyis dris pa/ snying rje che ba'i bstan pa la lag na rdo rje ji ltar na khyod kyis dag po dang/ 'dod pa dang ldan pa de skad du smra bar byed/ 'phags pa rdo rje 'dzin pa'i lan ni sngar smras pa yin te/ sems can yongs su smin par mdzad pa tshad med pa zhes bya ba la sogs pa'o/ /snying rje'i dbang gi phyir 'bod sgrogs la'ang de bzhin te/ sems can 'dul ba dang/ byang chub kyi spyad pa bsam du med pa'i phyir ji ltar byang chub sems dpa' i sde snod las 'byung ba snying rje'i sems nye bar bzhag ste/ mi dge ba bcu'i las kyi lam du 'jug tu zin kyang bsod nams mang du 'phel la ltung ba yang med do/ /mdo kun las btus pa las 'byung ba/ gal te mi dge ba bcu ? las kyi lam las kha na ma tho ba dang bcas pa chen po zhig byas na yang nang par dang nyi ma phyed na skyon med pa'i byang chub kyi sems bsgoms pas nyes pa med par 'gyur ro/ /lha chen po dang/ gtogs 'dod dang/ tshangs pa la sogs pa de dag kyang rdo rje'i dbang bskur bas dbang bskur bas na byang chub sems dpa' nyid dag go / de dag ni sangs rgyas su sgrub pa 'dod pa dang ldan no/ /zhes rnal 'byor gyi dbang po rnams la 'gal ba'i tshig ma yin no/ /tshe tha ma pa btsun mo dang rol pa rnam pa sna tshogs ni shes rab dang thabs la mkhas pas na btsun mo'o/ /sangs rgyas dang byang chub sems dpa' spyad pa'i ltad mos bsam du med pa sdong pos brgyan pa la sogs pa las rig par bya'o/ /dge slong chen po'i dge 'dun zhes pa ni gang dag la rdzu 'phrul yod pa de dag gzung ngo/ /byang chub sems dpa' chen po'i tshogs zhes pa ni rdzu 'phrul can de dag nyid 'khor du 'dus par bsnyad pa yin no/ /der mchog tu zab pa'i rnam par shes pa'i dbu ma'i ting nge 'dzin 'chad de/ de bas na gsungs pa sangs rgyas kyi zhing sna tshogs nas 'dus pa zhes so/ /ting nge 'dzin dang/ dbang dang/ stobs dang/ mngon par shes pa du mas rnam par rol pa zhes pa la/ ting nge 'dzin ni sems rtse gcig pa ste/ 'jig rten dang 'jig rten las 'das pa dang/ snang ba dang bcas pa dang/ snang ba med pa'i ting nge 'dzin du 'byed pa'o/ /dbang dang stobs thob pas mngon par shes pas gang dag rnam par rol pa de dag la de skad ces bya'o/ /mngon par shes pa ni lnga ste/ 'jig rten pa dang 'jig rten las 'das pa thun mong ba ste/ lha'i mig dang/ lha'i rna ba dang/ sngon gyi gnas dran pa dang/ gzhan gyi sems shes pa dang/ nam mkha' la 'gro ba'i rdzu 'phrul dang lnga'o/ /drug pa ni nyon mongs ba zad pa mngon par shes pa 'jig rten las 'das pa'i rnal 'byor pa rnams kyi yin te/ mi rtag pa dang/ bdag med pa dang/ sdug bsngal ba dang/ mi gtsang bar bsgoms bas gang zag la bdag med pa rtogs par byed de/ phyi rol 'dod pa'i 'dod chags dang bral ba rnams ni bdag tu lta ba ma spangs pas yang srid par nyid mtshams sbyor ro zhes so/ /btsun gtso byang chub sems dpa' rnams chos dang gang zag la bdag med pa dang po nyid du yongs su shes par gyur te/ de dag gis bdag kyang mi mthong na bdag gis lta ci smos te/ ji ltar shes rab kyi pha rol tu phyin pa las gsungs bas/ 'dod chags dang bral ba nyid dag thugs rje dang brtse bas byang chub sems dpa' i spyad pa spyod do zhes so/ /ji ltar yang dbu ma las gsungs pa/ mya ngan 'da' ba' i mdza' gang yin/ /'khor ba'i mdza' yang gang yin pa/ /de gnyis par na cung zad rtsig/ shin tu phra ba yod ma yin/ /shes rab kyis yongs su mya ngan las 'das kyang btsun gtso byang chub sems dpa' rnams thugs rjes gzhan gyi don spyod ces so/ /byang chub sems dpa' blo gros chen po la sogs pa dag ces pa ni snang ba dang bcas pa dang/ snang ba med pa'i ting nge 'dzin thams cad mi gnyis pa'i tshul la cher zab pa'i blo gros gang la yod pa dang/ gzhan gyi don du thams cad mkhyen pa la yongs su gsol zhing 'dri ba dang/ lan rgya che ba de ni de ltar blo gros che ba ste/ btsun gtso de gang dag gi thog mar smos @005a ba btsun gtso byang chub sems dpa' de dag ni thams cad mkhyen pa'i 'khor du de bzhin du mchod par bya ba yin no/ /sangs rgyas thams cad kyi phyag gi dbang bskur bas dbang bskur ba zhes pa ni mchog tu zab pa mi gnyis par rtegs pa kun tu reg pa dang mnyam pas sangs rgyas kyis dbang bskur ba dag thams cad mkhyen pa nyid dang/ sems can thams cad kyi don byed nus pa dang/ srid pa'i 'jigs pa thams cad spangs pa dang/ dbugs 'byin pa thob pa dang /de bzhin du btsun gtso sangs rgyas rnams kyis byang chub sems dpa' rnams la phyir mi ldog par gsung ba ni mgo la phyag gis dbang bskur ba'i tshul lo/ /bdag gi sems snang ba'i spyod yul yongs su shes pa'i don la mkhas zhes pa la/ bdag gi sems rnam par shes par bya ba yul nyid du mkhas pa gang dag gis don yongs su shes pa de dag ler skad ces bya'o/ /shes pa ma gtogs par phyi'i don med do zhes gang dag gis yongs su rtogs zhes bya ba'i tha tshig go/ phyi'i don sun 'byung ba ni mdo sde 'di nyid las 'byung ste/ gzugs ni rdul phran gzhigs pa na/ /rdul la cha ni yod pa min zhes pa'o/ /gzugs sbom po phyogs kyi char dbye na khang pa dang/ sde dang nags tshal bzhin te stong pa yin no/ /rdul phra mo yang phyogs kyi char dbye na stong pa nyid do/ /'o na ci zhig snang zhes thams cad mkhyen pa la gsol ba dang/ lan du gsungs pa/ phyi yi dngos po med par yang/ /sems ni rnam pa gnyis su snang zhes so/ /sems can sna tshogs kyi sems sna tshogs dang/ gzugs dang tshul dang/ sol? la rnam pa tha dad pa'i cha byang 'char ba zhes ba ni sems can sna tshogs kyi sems sna tshogs la gzugs kyi tshul rna las kyis 'dul ba'i cha byang 'chang ba'i dang tshul can gang yin pa de dag la de lta bu zhes bya ste/ gzugs brnyan gang dag gis sems can thul bar 'gyur ba de lta bu'i cha byad 'dzin par byed do/ /chos lnga dang rang bzhin dang/ rnam par shes pa ba dang @ 005b bdag med pa gnyis khong du chud par rtogs pa zhes pa ni mdo sde 'di nyid las 'byung ste/ theg pa chen po'i don thams cad bsdu ba ni chos lnga rnams dang rang bzhin dang/ rnam par shes pa brgyad rnams dang/ /bdag med gnyis kyi nang du ni/ /theg pa chen po thams cad 'dus/ /chos lnga la ming dang/ mtshan ma dang/ rtog pa dang/ yang dag pa'i ye shes dang/ de bzhin nyid do/ /de dag ni kun tu brtags pa dang/ gzhan gyi dbang dang/ yongs su grub par bsdu ste /ming ni kun tu pa rtags par ro/ /mtshan ma dang/ rtog pa ni gzhan gyi dbang du ro/ /yang dag pa'i ye shes dang/ de bzhin nyid ni yongs su grub par bsdu'o/ /rang bzhin ni chos kyi dbyings te/ srid pa dang thar pa'i thun mong gi chud pa la bya bar rtogs so/ /rnam par shes pa brgyad ni mig la sogs pa 'jug pa'i rnam par shes pa drug dang/ nyon mongs pa'i yang dang/ kun gzhi rnam par shes pa'o/ /bdag med pa gnyis na gang zag la bdag med pa dang/ chos la bdag med pa'o/ /gang yod pa de dag thams cad ni skad cig pa yin te/ se gol gyi sgra dang 'bab chu bzhin no/ /rtag pa ma skyes pas na yod par mi gzung ste/ mo gsham gyi bu la sogs pa bzhin pas na gang zag la bdag med do/ /chos la bdag med pa yang gzugs la sogs pa'i chos sbom pa dang bra ba rnams shes rab kyis gzhigs pa na khang pa dang/ sde dang/ nags tshal la sogs pa bzhin du stong par 'gyur ro/ /'di nyid du gsungs pa lus dang/ longs spyod gnas snang ba/ /kun gzhi kun tu 'byung ba ste/ /rnam brgyad rnam dgu de bzhin du/ /rgya mtsho'i rlabs rnams bzhin du'o/ /gang gi tshe shes par bya ba sbom pa dang/ phra pa shes rab kyis gzhigs te mi dmigs nas stong par gyur pa de'i tshe/ 'dzin pa dang/ gzung pa dang/ smra? ba dang/ smra bar bya ba dang/ bya ba dang/ byed pa po dang/ bskyed pa dang/ bskyed pa po dang/ dngos po dang/ dngos po ma yin pa la sogs pa gnyis su rnam par rtog pa med pas na mi gnyis par khong du chud cing rtogs su pa rnams so/ /gzung ba med pa nyid kyis 'dzin pa med bar 'jug ste/ ji ltar byams pa'i dgongs pa 'byed ba'i lugs las 'byung ba/ bdag dang sems can don rnams shes/ /rnam rig snang ba rab skye ba/ /de yi don ni med pa ste/ /de med pas na de yang med/ /byed pa po dang bya ba dang 'brel pa med do/ gang gi tshe na skad cig ba gcig pa de'i tshen skad cig pa gnyis pa med pa ste/ dngos po dang/ dngos po ma yin pa dag kyang 'brel pa med pas na du ma skyes par phan gdags pa bzhin no/ /blo gros chen po rims su 'byung pa mi 'thad pa dang/ cig car 'byung ba yang mi 'thad do/ /rgyus mtshan nyid ma thob pas na phan 'dogs pa dang/ phan gdags pa med de/ gnyi gas kyang bdag 'byung ba thob pa'i phyir ro/ de nas skyed par byed pas skye bar bya ba'i skyed pa la sogs pa chos gzhan mi byed do/ /ji ltar dbu ma las 'byung ba/ de ste skye ba 'dus byas na/ /mtshan nyid gsum yang der rigs te zhes pa'o/ /skye ba dang/ gnas pa dang/ 'gog pa mtshan nyid gsum mo/ /'on te skye ba 'dus ma byas/ 'dus byas mtshan nyid ji ltar rung/ /skye ba skye ba ji lta ba/ /bdag nyid gzhan gyis ma yin te/ /'gag pa la yang 'gag pa ni/ bdag nyid gzhan gyis ma yin no/ /des na skye ba po la sogs pa'i chos gud na med pa'i phyir rten cing 'brel par 'byung ba mi 'byung ba'o/ /byed pa po la mngon par chags pas 'khor bar gdags/ /byed pa po dang bya ba la mngon par chags pa med pa na de ldog ste chos dang gang zag la bdag med pa yongs su shes pa'i phyir ro/ /mi gnyis pa'i byang chub snang pa med pa'i ting nge 'dzin du rnam pa gnyis pa'i rnam par rtog pa'i gzugs brnyan thams cad mi snang ngo/ /snang ba dang bcas pa la mthong yang shes rab kyis mi mthong ngo// ji ltar 'phags pa shes rab kyi pha rol tu phyin pa las 'byung ba mi rtag pa dang/ sdug bsngal ba dang/ mi gtsang ba la sogs pa sgom pa na gzugs brnyan la sogs par snang ba nyid do/ /rgya mtsho'i klu'i rgyal po'i gnas nas zhag bdun lon de byung nas zhes pa ni mi las 'das pa'i rdzu 'phrul gyi cho 'phrul te/ bcom ldan 'das kyis 'gro ba gsum mgu bar byed pa'o/ /'jum pa mdzad ces pa ni gnyis kyis mi gnyis pa'i chos zab mo sngon gyi de bzhin gshegs pas kyang der bshad de/ rmi lam du snang ba bzhin du yun ring por thun mong du snang ste/ phyi'i don ri 'am rgya mtsho mching rnam zhes bya ba gang yang med pa'o/ /bcom ldan 'das kyi 'dzum pa ni rab rib can gnyis kyis zla ba gnyis su 'khrul ba bzhin du gang gis 'jig rten dpyad pa mtshungs bar ? par brtag go 'phags pa so so rang gi rig pa'i ye shes dang/ rtog ge'i lta ba dang/ mu stegs can dang/ nyan thos dang/ rang sangs rgyas dang/ 'phags pa'i yul de dag gis bsgoms pa'i chos bstan zhes pa ni gzung ba dang/ 'dzin pa dang/ dngos po dang/ dngos po ma yin pa dang/ smra ba dang/ smra bar bya ba dang/ bya pa dang/ byed pa pa rang/ bskyod pa dang/ skyed pa ba dang/ yod pa dang/ med pa la sogs pa'i/ rnam par rtog pa gnyis kyi rnam pa dang bral pa 'phags pa so so rang gi rig pa'i ye shes mi gnyis pa'i mtshan nyid de/ mchog tu zab ba/ gnyis kyis stong pa'o/ /rtog ge'i lha ba'i mtshan nyid kyi yang tshang ba dang/ gzhal bas rten cing 'brel par 'byung ba dang/ byang chub phyogs sum cu rtsa bdun gyi chos 'byed cing snang ba'i tshul du bstan no/ /ji ltar dge slong dag gzugs ni rtag pa yin nam mi rtag pa yin/ btsun pa 'di mi rtag pa lags so zhes so/ /gang mi rtag pa yin pa de sdug bsngal ba'o/ /'di ci bdag gam/ 'di bdag gi bdag gam/ bdag gi 'di 'am/ 'di bdag zhes pa dang/ bcom ldan 'das de ltar ma lags so/ /zhes te/ bdag tu lta ba'i ri'i rtse mo nyi shu ye shes/ kyi rdo rjes bcom ste/ dgra bcom pa mngon sum du byas so/ /bcom ldan 'das kyis mu stegs can gyi rnal 'byor pa rnams la chos kyi lta bas chos bshad do/ /rtog ger lta ba rnams la brgal ba'i lan du yang rtog pa dang/ gcig pa dang/ gnyis pa dang/ mi gnyis pa med do/ zhes tshos 'chad par mdzad do/ /rtag pa ni ma skyes pa'i phyir yod pa ma yin te/ ri bong gi rwa bzhin no zhes te/ bcom ldan 'das kyis gang zag la bdag med pas bsgrub par tshang mar gsungs so/ /gcig pa yang gtogs 'dod dang/ lha chen po dang/ tshangs pa la sogs pa khyab pa dang/ gzugs sna tshogs kyi rnal 'byor pa'i dbang po yang dag par mi rig ste/ grol ba dang/ ma grol ba dang/ phyug pa dang/ dbul ba la sogs pa gcig pa'i skyon du 'gyur ba'i phyir ro/ /gzugs gnyis pa yang mi rigs te k+Sha pa na ka dang/ dpyod pa can la sogs pas kun tu brtags pa'o/ /rang bzhin gcig la spyi dang khyad par gyi bdag nyid du rnam pa gnyis su mi rung ste/ gzhan gyi bya ba gzhan gyis byed par 'gyur ro/ /yang na gnyis kyi bdag nyid ma yin no/ /mi gnyis pa yang mi rigs te/ gcig dang/ du ma dang/ rtag pa dang/ mi rtag pa dang/ gzugs dang/ gzugs med pa la sogs pa dang bral ba yin na ni med pa'i gzugs nyid kun tu rtags par 'gyur ro/ /rgol ba de dag nyid bcom ldan 'das kyis lang+gang gshegs pa nyid du rgya cher bsal to/ /gang dag gi mos pa rgya che ba de dag gi rtog ge'i lta ba bcom ldan 'das kyis lta ba med par mdzad do/ /tshad ma dang/ gzhal bya rnam par bzhag pa ni gnyid kyis ma log pa'i dus na bslu ba dang/ bslu ba med par nges pas tha snyad pas tha snyad du byed pa gnyid kyis log pa'i dus na yang bslu ba dang/ bslu ba med par nges pa yod do/ /mtsho dang/ mya ngan gyi smig rgyu la sogs pa tshur mthong ste/ phyi'i don med du mtshungs kyang/ 'khrul pa rnam pa sna tshogs su 'gyur bar 'byed do// sems 'khrugs nas mgo 'khor ba dang/ brgyal ba la sogs pa snang pa lta bu ste/ 'khrugs pa shes rab kyis zhi ba na thar pa zhes bya'o/ /de nas gnod sbyin gyi bdag po zhes bya ba la sogs pa la de bzhin gshegs pa'i byin gyis brlabs ni de ltar rnam ba de lta bu ste/ gang gis 'jig rten gsum du rnam par rgyal ba'i bya ba 'bod 'grogs kyis bsal te/ /mchog tu dag pa'i 'dod chags dang bral ba thams cad mkhyen cing rnal 'byor gyi dbang po rnam pa sna tshogs kyi gzugs dang ldan pas cho 'phrul gyis mgu bar mdzad pa la mchod cing bsnyen bkur dang/ chos mnyan pa'i phyir me tog gi gzhal med khang nas babs nas de bzhin gshegs pa'i zhabs kyi drung du rim gro dang bcas par phyag 'chel te/ bcom ldan 'das kyis kyang rgya mtsho 'ching rnams kyi rlabs la gzigs nas/ gnas dang gnas pa'i dngos po 'brel bar ched du rjod pa ched du brjod par mdzad pa ni kun gzhi rnam par shes pa 'jug pa'i rnam par shes pa yul gyi rlung gis bskyod pa ni rten cing 'brel par 'byung ba ste/ ji ltar 'di nyid du gsungs pa/ /lus dang longs spyod gnas snang ba/ /kun bzhi kun tu 'byung ba ste/ /rnam brgyad rnam dgu de bzhin du/ /rgya mtsho rlabs rnams bzhin du'o/ /sems can la gzigs nas su ji ltar dad pa bzhin du chos bshad par mdzad pa ni sbyir gsung ba rang/ zur gyis gsung ba ste/ ji ltar mo gzhon rmi lam du/ /bu byung 'chi ba mthong ba dang/ /byung dga' shi bas mya ngan gnas/ /de ltar chos kun shes rab gyis zhes pa ste/ stong pa nyid dam/ mi rtag par rtogs par byed do/ /bcom ldan 'das la 'bong 'grogs kyis gi d+ha ra la sogs pa'i dbyangs kyis dkyil 'khor gyis pi baM blangs pa ste/ rtsod mo blo ma par blang bar ni/ /lnga pa au ma dbyangs dag ste/ /dang po drag po ngo mchod du/ /drug skyes khyu mchog de bzhin no/ /gangd+har ni sha dbyangs dag ni/ /snying rje rol ba blang bar bya/ /thab mo 'jigs dang bcas pa la/ /d+hai 'bad dbyangs ni blang bar bya'o/ /de ltar bas na 'bod 'grogs kyis/ /de na dang mthun par blangs ba ste/ /dbyangs kyi dkyil 'khor bar ta? dang/ /bi sha khi la'i gzhung las brtag par bya'o/ /dbyangs bdun rnams dang grong gsum dang/ /rgyal ba nyi shu rtsa gcig dang/ /ta na bzhi bcu dgu rnams ta/ /dbyangs ki dkyil 'khor de tsam mo/ /'bod 'grogs kyis lus mi snang bar byas te pi baM gi khog par zhugs nas tshigs su bcad bas glu blangs bas na snang ba med pa'i ting nge 'dzin thob cing rnal 'byor gyi dbang po yin pa'i phyir de ji ltar na gtags 'dod kyis bsgyel bar nus/ /gnod sbyin shing rta las ni gnod sbyin gyi rgyal po rnams sa brgyad kyi bdag po yin par 'byung ngo/ /rnam par shes par smra ba las na gtogs 'dod kyang sa bdun gyi dbang po yin pa 'dra ste/ ji ltar 'gi ta las 'byung ba/ /mi shes pas ni ye shes bsgrims/ /nges na skye bo rmongs par 'gyur/ /ye shes kyis ni mi shes pa/ /gang dag gis ni bcom pa na/ /de dag ye shes nyi ma bzhin/ /mchog tu snang bar 'gyur ba ste/ zhes bya ba la sogs pa'o/ /des nas gong ma la gnas pa rnams kyis shes rab dang thabs la mkhas pas sa 'og ma la gnas pa rnams 'dul bar byed do/ /btsun gtso byang chub sems dpa' rnams ni byang chub sems dpa' i sa bcu pa thob pa na dbang phyug chen por 'gyur te/ nges na 'bor 'grogs kyi dbang phyug chen po la mnyes par byed pa la nyes pa med do/ /ci de 'dod chags dang bral ba la dbang thob pas 'dod pa'i rtse bas rtse 'am/ 'on te 'dod chags dang ma bral ba zhig gam/ shin tu dga' ba rnam par dag pa'i gnas 'di yin te/ gang zhe na/ byang chub sems dpa' i gnas so/ /kha cig la ni rjes su chags pa dang/ kha cig la ni chags ba med par zhes rnal 'byor gyi dbang po rnams la gsungs ba'i zur sa bcu las 'byung ngo/ /byang chub sems dpa' i sa bcu bor dbang phyug chen por 'gyur bas na stod pa nyid kyi ting nge 'dzin thob par yang brtag go/ /dbang phyug chen pos smras pa'i rnal 'byor las byung ba/ dngos po med las thar par smras/ /'ching ba dngos por rtog pa las/ /de bas dngos po yongs spangs te/ /stong ba'i dngos por gnas par bya/ /ci gtsang gnas rigs kyi 'dod chags dang bral ba dbang phyug tu gzung par brtag ba/ ma /de ma yin te/ de ni ting nge 'dzin dang ye shes so/ /che ba nyid bar bal mi kas rang bzod smras pa ni yid ches par mi rung ste/ spra ba che rnams du ma bur blangs pa brgya byin lha'i dbang po'i smon lam gyis gson por gyur la/ gnod sbyin dang srin po rnams smras ma thag tu 'chi bar gyur zhes pa de lta na ni dbang pos thog mar ci'i phyir dmos mos ma bsad brgya byin yang ji ltar de dag gis bcings te 'ongs/ /de ni 'bod sgrogs kyis bstod bde bshad par bya ste/ sems kyis rang bzhin tshul nyid chos kyi gter/ /bdag med lta dang rnam bral dri ma med/ /so so rang rig shes bston pa yi/ /chos tshul mgon pos 'dir yang bshad du gsol/ /zhes pa la/ sems ma rtogs par gzugs la sogs pa'i phyi'i chos med pa ni bcom ldan 'das kyis 'di nyid du gsungs pa/ gzugs ni rdul phran gzhigs pa na/ /rdul phran cha ni yod pa min/ zhes pa la/ 'o na ci zhig snang zhes pa dang/ byi'i dngos po med par dbang/ /sems ni rnam pa gnyis su bzhed pa'o/ /lus dang longs spyod gnas snang ba/ /kun gzhi kun tu 'byung ba ste/ /rnam brgyad rnam dgu da bzhin du/ /rgya mtsho rlabs rnams bzhin du'o/ /chos kyi gter gyi sgras 'bod sgrogs kyis sngon thams cad mkhyen pa'i chos thos pa'i rjes su song bas kun gzhir brtags pa'i don du snang ngo/ /chos dang gang zag la bdag med pa rtogs pas lta ba dang bral ba ste/ rtag pa dang bdag dang/ byed pa po'i lta ba spangs pas na de nyid dri ma med pa'o/ /'khrul pa rnams kyi gang dang gang gis sdug bsngal rjes su 'brel par 'jug pa de dang de ni bdag tu chags pa las te/ mar me la sogs par phye ma leb bzhin no/ /'khor bar yang skye ba dang/ rga ba dang na ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa'i mtshan nyid kyi 'jug pa ni sdug bsngal rjes su 'brel pa zhes bya'o/ /'on te log pa'i shes pa ma gtogs par yang sdug bsngal rjes su 'brel par 'jug par 'gyur na/ de lta na ni ye shes kyi khyad par skyes pa rnams la yang gang ba dang/ g.yangs la sogs pa'i yul spong du zin kyang de nyid du ltung bar 'gyur te/ 'di ni mi mthun pa'i phyogs la gnod pa'i tshad ma'o/ /des na bdag tu chags pa las 'khor ba'i sdug bsngal 'byung ngo/ /bdag med @009a pa yongs su rtogs pas thar pa ste/ rdzu 'phrul gyi stobs dang/ mgu ba la sogs pas gzhan sus kyang byin pa'am grogs pa med do/ /bkra shis pa yin pa dang/ rin po che dang/ gser 'chad pa dang/ 'bras bu dang/ rtsa ba la sogs pa bza' ba dang/ 'bru ba dang/ sbyin bsrag dang/ g.yang sa la sogs pa dang/ thal bas bsku ba dang/ skra 'bal ba dang/ dri ma dang/ ral pa la sogs pa 'dzin pas kyang thar pa ma yin/ ba lang dang/ ri dags dang/ rma bya'i brtul zhugs la sogs pas kyang ma yin gyi/ bdag med pa yongs su rtogs pas lta ba thams cad spangs te thar bar 'gyur ro zhes 'bod sgrogs kyis bsams pa'o/ /so so rang rig ces pa ni yang dag par rig pa mngon sum ste/ mig gis shes pa nges par zhugs pa dbugs thub pa yang dag par rig pa bzhin no/ /ston ba ni mi gnyis pa ston pa ste/ mi rtag pa dang/ bdag med pa dang/ mi gtsang pa dang/ stong ba la sogs pa spyi'i rnam par chos bshad pa 'jug pa'o/ /de lta bu'i mtshan nyid dang ldan pa rang gi rig pa smra bar mi nus so/ /ji ltar tig na gang smras pa/ /don dang sgra yi khyad par la/ /smra bya smra ba 'dod ma yin/ /de sngon mthong ba ma yin phyir/ /spyir ni nye bar brjod par bya/ /chos kyi tshul ni gnyis kyis mi gnyis pa yin yang gnyis dang mi gnyis pa'i chos kyi tshul lo/ /de la gnyis kyi mtshan nyid ni phung po dang/ khams dang/ skye mched dang/ rten cing 'brel bar 'byung ba dang/ byang chub kyi phyogs kyi chos sum cu rtsa bdun dang/ stobs bcu dang/ mi 'jigs pa la sogs pa'i mtshan nyid do/ /mi gnyis pa'i rang bzhin ni 'dzin pa dang/ gzung ba dang/ rjod pa dang/ brjod par bya ba dang/ skyed pa dang/ bskyed par bya ba dang/ bya ba dang/ bye ba po dang/ dngos po dang/ dngos po ma yin par rnam par rtog pa dang dral pa'o/ /dge ba'i chos kyis yang dag bsags pa'i sku/ /bde gshegs 'khrul pas sprul bston pa ste/ /so sor rang rig rtog pa'i chos dgyes pa/ /thub pa ? mi lang+kar gshegs @ 009b pa'i dus/ /dge ba'i chos zhes bya ba ni sbyin pa la sogs pa pha rol tu phyin pa'i mtshan nyid can te/ de dag gis gang gi /sku yang dag par bsags pa de la bstod cing phyag 'tshal te/ phan 'dogs par gsol ba 'debs so/ /snga ma ni las kyi tshig go/ phyi ma ni 'bod pa'i tshig go/ 'phrul pas sprul bston pa ste zhes pa ni/ sangs rgyas mya ngan 'da' ba med/ /chos gyang nub par 'gyur ba min/ /sems can yongs su smin bya'i phyir/ /de dag mya ngan 'da' ba ston zhes pa ste/ 'phrul pas sprul pa'i sku rnams kyis de dag gis ston ces bya'o/ /'byung bar ston pa ni ji ltar gsungs pa/ gnas de nyid du sangs rgyas 'byung/ /'jig rten mkhyen pa'i bstan pa 'bar/ /ye shes mi ldan de mi mthong/ /gang gis sbyod dag ma sbyangs pa'o/ /gnyis kyi rnam pa'i gzhan gyi dbang ni kun rdzob kyi bden pa'o/ /mi gnyis pa'i tshul ni don des pa ste/ thams cad mkhyen pa'i snang ba dang bcas pa dang/ snang ba med pa'i ting nge 'dzin du 'byed pas bcom ldan 'das che par 'bad skrogs kyis bsgrags so/ /bdag nyid kyis rig pa gzhan la smra bar mi nus so/ /'o na rnal 'byor pa dag gis thos pa dang/ rtogs pa dang rnam par shes pa ji ltar gzhan la/ smra bar byed/ de bden te spyi'i rnam par chos bshad pa 'byung ngo/ /gzhan dag gi yang gang rang gi mtshan nyid yin pa rang gis rig par gyur pad ci bzhin dag la rang bzhin du ston nus sam/ gtan tshigs su b+ha tra ha ri'i tshigs su bcad pa bzhag pa/ me dang 'brel pas bdag tshig ces// sems pa gzhan du gyur pa ste/ tshig pa'i spras ni tshig pa'i don/ /shes par 'gyur ba gzhan du'o/ /d+harma kI rti'i gtan tshigs la btags pa sgra yis brjod par byed/ /de ni 'byor phyir 'dod pa ste/ de tshe rang gi mtshan nyid med/ /nges na de na btags pa med/ /bde la sogs pa'i bdag nyid ni// gzhan du mi stong 'brel mi nus/ /de phyir de dag rang rig pa/ /mngon par brjod dang 'brel pa med/ /yang dag don du don bdag nyid/ sbyor zhing tha dad med pa ste/ gzugs ni gcig par du ma zhes/ /de dag blo mis 'brul pa'o/ /thams cad mkhyen pa yang snang ba dang bcas pa dang/ snang ba med pa'i ting nge 'dzin ma lus pa'i rnal 'byor gyi dbang po don dam pa'i bden pa mi gnyis pa'i byang chub dngos po dang dngos pa ma yin pa'i rnam par rtog pa dang bral ba ste/ don dam pa'i thugs rjes snang ba dang bcas pa'i ting nge 'dzin la snyoms la bar 'jug go zhes so/ /langka 'di ni sngon gyi rgyal ba dang zhes bya ba la sogs pa ni sngon thams cad mkhyen pa las 'bod sgrogs chos nyan pa na/ btsun gtso byang chub sems pa'i 'khor 'dus pa ni gzugs mang po 'chad pa bzhugs zhes te/ lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ /mi'am ci dang/ lto 'phye chen po dang/ mi dang/ mi ma yin pa la sogs pa'i gzugs rnams kyis te /ji ltar sems can rnams dang cing 'dul bar 'gyur ba de lta bu'i gzugs rnal 'byor gyi dbang po rnams kyis byin gyis rlob po/ /gang gi tshe na sangs rgyas mang po la bsnyen bkur byas pa gzugs mang po 'chang ba'i rnal 'byor gyi dbang po gnod sbyin gnas pas na de'i tshom gnyis pa'i chos kyi yul 'tshal bas na bshad du gsol zhes 'bod sgrogs kyis sngar bstod cing gsol ba gdab bar bsams par brtag go/ bcom ldan 'das ni dgung bdun te zhes bya ba la sogs pa ni mchog tu yongs su dag la/ 'dod chags dang bral zhang thams cad mkhyen pa gzugs rnam pa sna tshogs kyi rnal 'byor gyi dbang po'i sems can mdza' dag gi don sgrub bar byed pa mi las 'das pa'i brtson 'grus dang rnal 'byor gyi dbang por bsgrags pa bsdud pa'i tshig go / grong rdal 'di na su gnas dang zhes bya ba la sogs pa ni 'bod sgrogs kyis gsol ba ste/ de las bshad pa'i tshul las rnam grol ba zhes bya ba la sogs pa ni/ /gzugs la sogs pa'i phung po ngo bo gnyis su mngon par tshogs? pa rnams la mi rtag pa dang/ bdag med pa dang/ mi gtsang ba dang/ sdug bsngal ba la sogs par ston par 'jug par rim gyis bstan pa smras pa yin no/ /so so rang gis rtogs pa'i spyod yul ni mi gnyis pa ste/ stong pa nyid dang/ mtshan ma med pa dang/ smon pa med pa'i rnam par thar pa'i sgo zab mo'i tshul la zhugs pa rnams kyi'o/ /lang+kar gshegs pa'i mdo sde ni zhes pa ni rnam par shes pa dbu ma'i tshul zab mo ste/ sangs rgyas snga mas gsungs pa'o/ /thams cad mkhyen pas bshad du gsol zhes 'bod sgrogs kyis gsol ba btab ces bya ba'i don te/ de ste sngon gyi thams cad mkhyen pa rnams gnod sbyin dag gis chos thos na mnyan par bya ba gzhan ci zhig yod ces gleng du dogs nas 'bod ? thogs kyis de spang bar smras pa/ rnal 'byor nyes dang rnam bral zhes bya ba la sogs ba'o/ /sngon gyi thams cad mkhyen pa las chos thos nas mi rtag pa dang/ bdag med pa dang/ sdug bsngal ba dang/ mi gtsang bar yongs su shes pas rtag pa dang/ bdag dang/ byed pa po dang/ 'khru ba dang/ sbyin bsreg dang/ g.yangs dang/ bkra shis dang/ bkra shis ma yin pa dang rin po che dang/ rtsa la sogs pa 'dzin pa'i rnal 'byor gyis thar par mngon pa'i nga rgyal gyis skyon dang bral nas gang zag dang chos la bdag med pa sems pa rnams so/ /gnod sbyin dag ni 'di na mchis/ /zhes pa ni sngon gyi thams cad mkhyen pas bsngags pa mu stegs can gyi rnal 'byor gyi skyon dang bral ba rnams so/ /de dag la gong ma'i yang gong ma'i chos bshad pas sa gzhan rtogs par byed ba'i phyir yang dag par 'jug par byed do zhes pa'o/ /theg chen tshul la dad pa yis zhes bya ba la sogs pa la theg pa chen po ni chen po rnams kyi theg pa yin pa'i phyir ro/ /yang na bsam pa che ba ste/ sems can thams cad sgrol bar zhugs pa'i phyir ro/ /tshogs che ba'i phyir te sa dang pha rol tu phyin pa'i khyad par gyis che ba nyid do/ /bskal pa du mar byang chub kyi spyod pa bka' bar spyad pas mi skyo bar ni dus che ba'o/ /'bras bu che ba ni 'dod chags dang bral ba dang/ thams cad mkhyen pa nyid dang/ 'gro ba ma lus pa'i don mdzad pa dang/ stobs bcu dang/ mi 'jigs pa la sogs pa'i yon tan gyi yan lag gis brgyan pa ste/ de dag rnam pa de lta bu'i theg pa chen pos rang zhugs nas gzhan dag kyang 'jug par bgyid ces te/ byang chub sems dpa' nyid dag gnod sbyin la sogs pa'i gzugs sna tshogs su snang ba'i don du 'bod sgrogs kyis bsams pa'o/ /srid gsum dbang po zhes bya ba ni 'dir bcom ldan 'das sems can thams cad kyi dbang po'i phyir ro/ /me tog gi gzhal med khang du bzhugs nas mchod pa bzhes te chos bshad pa mdzad do zhes pa'o/ /bsod sgrogs kyis kyang byang chub sems dpa' chen po btsun gtso blo gros chen po la bstod nas thams cad mkhyen pa la mu stegs can dang/ nyan thos dang/ rang sangs rgyas kyi chos dang bral ba theg pa chen po'i chos zab mo mchog tu yongs su dag pa sems can thams cad la phan par zhugs pa zhus shig ste/ rang rgyal nyan thos rtsams dang ni/ /mu stegs nyes las rnam par gol/ so so rang rig chos nyid gtsang/ /sangs rgyas pa ni thob byed pa'o/ /zhes bya ba de la rang sangs rgyas dang/ nyan thos kyis gang zag la bdag med pa yongs su rtogs kyang phyi'i don med par phyi'i don la mngon par chags pa'o/ /mu stegs can ni rtag pa dang/ bdag dang/ dbang po dang/ dam pa sbyin pa dang/ 'khru ba dang/ sbyin bsreg dang/ gad pa dang/ g.yangs dang/ gar byed pa dang/ klu len pa dang/ rnam pa sna tshogs kyi cha lugs 'dzin pa dang/ rin po che dang/ rtsa ba 'dzin cing bkra shis dang/ bkra shis ma yin pa za bas thar pa la 'khrul pa rnams so/ /'khrul pa de rnam pa gnyis gcad pa'i phyir mchog tu yongs su dag pa dngos po dngos po ma yin par rnam par rtog pa gnyis rtogs par byed pa theg pa chen po'i chos ston pa ni sangs rgyas sgrub par byed pa'o/ /bcom ldan 'das kyis sprul te der zhes bya ba la sogs pa ni thams cad mkhyen pas rin po che sna tshogs kyi 'byung gnas kyi rtse mo 'dzin sprul pa mdzad do/ /'bod sgrogs kyis kyang mchog tu yongs su dag pa rnal 'byor gyi par ba'i du ma la bzhugs pa gzugs sna tshogs mnga' ba'i bcom ldan 'das de la mchod pa'i phyir lus tha mar sprul pa byed do/ /stong phrag brgya pa'i mdo sde zhes bya ba ni mdo sde rnam pa brgya stong du klag ste stong pa ? sogs pI chen tu ni ji ltar shes rab kyi pha rol tu phyin par ro/ /yang na stong phrag brgya ni gang gi ljags don mdza' med par sems can pa snang ba thams cad mkhyen pa'i bsrung gi smras don du mar chud par byed pa'o/ /thams cad 'khor ni ma bri bar/ /re re la yang shin tu snang zhes pa ni rin po che 'byung gnas kyi ri thams cad du phyogs bcu'i 'jig rten gyi khams su gnas pa'i sangs rgyas kyi zhing thams cad dang/ de dag na bzhugs pa'i thams cad mkhyen pa rnal 'byor gyi dbang po la rin chen 'byung gnas kyi ri la snang ba ni nam mkha' i skar ma mang po chu'i snod kyi nang du snang ba bzhin du gzugs brnyan gyi tshul gyis so/ /ston pa dang ni rgyal sras rnams zhes bya ba la sogs pa ni/ ston pa dang gang dag 'khor der 'dus pa'i byang chub sems dpa' chen po rnams rnam pa de lta bu'i mig yod dang/ sgyu ma rnam par thar ba'i rma lam dang/ mig 'phrul bzhin du bstan nas mi snang bar gyur pa ni 'bod sgrogs la sogs pa rnam par shes pa'i yul las 'das nas mi rtag pa dang/ bdag med pa dang/ sdug bsngal ba dang/ mi gtsang ba yongs su shes par mdzad pa'i don/ /stong pa nyid dang/ mtshan ma med pa dang/ smon pa med pa'i rnam par thar ba'i sgo zab mo'i yul gyi rnal 'byor bsgom pa'i phyir ro/ /gnod sbyin 'bod sgrogs bdag gi lus/ /khyim na gnas par mthong ba dang/ zhes bya ba la sogs pa ni rnal 'byor pa'i dbang pos byin gyis brlabs pas 'khor sgrogs gyis thams cad rten cing 'brel par 'byung ba thog ma dang tha mar stong pa nyid dang/ dbus su gnyis kyis stong pa nyid par rtogs pa ste/ sems 'khrugs nas 'gro ba rnam pa sna tshogs su snang ba ni rmi lam dang mig 'phrul snang ba bzhin no/ /mgo 'khor ba dang/ brgyal ba la sogs pa lta bu'i 'khrugs pa ldog pa ni gang gi tshe 'bod sgrogs kyis shes rang kyis gzugs sgom pa dang/ phra mo mi dmigs pa de'i tshe gnyis zhi zhing bsam pa med pa dang/ snang ba med pa dang/ dngos po dang dngos po ma yin pa'i rnam par rtog pa med cing don dam pa'i bden pa mi gnyis pa'i chos nyid yang dag pa'i rig pa de ltar khong du chud par mdzad pa ni shes rab dang thabs kyis so/ /da de ltar shes rab kyi chos nyid rnam pa de lta bu'i mi rtog pa dang/ stong pa nyid du rtogs nas 'bod sgrogs kyis rgyu dang rkyen mang po rmi lam dang/ mig 'phrul dang/ mgal me'i 'khor lo dang/ dri za'i grong khyer dang/ smig rgyu dang/ chu zla dang/ mo gzhon gyi rmi lam du bum thong bar byed pa rnams kyis mi rtag pa dang/ stong pa nyid kyi don khyad par rtogs par byed pa'i don du'o/ /rmi lam dang mig 'phrul la sogs pa dper bzhag pa thams cad pa mi rtag pa dang/ stong pa nyid du'o/ /yang thams cad la thog ma dang tha ma'i stong pa nyid dang/ dbus su dngos po gnyis med pa'i stong pa nyid du'o/ /phyi'i don du bzung ba dang/ 'dzin pa nges par byed pa rnam pa gnyis pa thams cad la skye ba med par ro/ /'khrul ba'i dbang las de dag ni snang ba'i chos nyid do/ /shes rab kyis de dag mi dmigs zhes so/ /lta ba med cing lta ba'ang med/ /smra med smra bar bya med na/ /gzhan du rnam par rtog pa 'di/ /sangs rgyas dang ni chos ltar gnas zhes bya ba la/ /lta ba ni phyi'i don med pas na med da/ /lta ba yang de nyid kyi phyir med de/ bdag dang gzhan gyi rgyud kyi dbang gis sems 'khrugs pas snang ba'i chos nyid la dmigs pa ste/ shes rab kyis mi dmigs so/ /bcom ldan 'das ni da rod tsam du snang ba'i chos nyid de/ 'bod sgrogs kyis sgyu ma'i rnam par thar bsgom par byed do/ /ji ltar mthong bzhin du lta ba zhes bya ba la sogs pa ni snang ba dang bcas pa dang/ snang ba med pa'i ting nge 'dzin du 'byed par bzhugs pa'i thams cad mkhyen pa la mthong bar byed pa gang dag gis chos nyid la de ltar mthong ba'o/ /rnam par rtog pa mi 'jug cing zhes bya ba la sogs pa ni dngos po dang dngos po ma yin par rtog pa dang bral ba rtogs pa dag gang gi tshe na mthong bar gyur pa de'i tshe mchog tu yongs su dag pa bden pa rtogs pa'i ngo bo nyid de bzhin gshegs pa mthong ba yin no/ /gang gi tshe na rnam par rtog pa 'jug par 'gyur te/ 'dzin pa dang gzung ba'i ngo bor phyi'i don la mngon par chags pa de'i tshe gzugs kyi sku'i mtshan nyid du snang ba de ltar sangs rgyas bcom ldan 'das mthong yang chos gyi skur mi mthong ba'o/ /bcom ldan 'das ni rnam par rtog pa 'jug pa dang/ /mi 'jug pa las mthong ba dang mi mthong ba zhes bya'o/ /lang+ka'i bdag po zhes bya ba la sogs pa ni rtog pa ma rtogs par phyi'i don med pa ni 'di thams cad snang ba'i chos nyid kyi phyir te/ sems 'khrugs pa'i mthus mgo 'khor ba dang/ brgyal ba la sogs pa bzhin du mig yod du snang ba ste/ gang gi tshe shes par bya ba sbom pa dang/ phra ba shes rab kyis mi dmigs pa de'i tshe mi dmigs pa'i rnal 'byor ro/ /de ltar 'bod sgrogs kyis mi dmigs pa'i rnal 'byor gyi 'og tu rnam par rtog pa rgyu ba la gnas te/ rten cing 'brel te 'byung ba'i 'du byed rnams la thog ma dang tha ma'i stong pa nyid dang gnyis mi gnyis par mthong zhing dbus su gnyis kyi ngo bo nyid stong pa nyid la spyod cing sgyu ma dang 'dra ba'i chos nyid du rjes su byed do/ /sngon gyi dge ba'i rtsa bas bskul ba ni 'bod sgrogs kyis thams cad mkhyen pa la mchod cing bsnyen bkur ba dang/ chos nyan pa dang/ byang chub kyi sems sgom pa'i mngon par 'du byed pa'i bsod nams dang/ bcom ldan 'das kyi thabs du ma'i byin gyis brlabs kyis bskul ba'o// gtsug lag thams cad la mkhas pa'i bo zhes pa ni 'jig rten dang 'jig rten las 'das pa gnyis dang mi gnyis pa la sogs pa'i gtsug lag thams cad la 'bod sgrogs mkhas par smras pa yin no/ /thos pa dang/ sems pa dang/ sgom pa'i shes rab gang la yod pa de ni rnal 'byor de gnyis dang mi gnyis pa'i ting nge 'dzin gyi rnam par rtogs pa'o/ /gzhan gyi dring mi 'jog ces bya ba ni chos dang gang zag la bdag med par yongs su shes bas rtag pa dang/ bdag dang/ dbang po la sogs par lta ba spang ba ni mchog sbyin pa dang/ 'khru ba dang/ sbyin bsreg dang/ thogs pa med pa'i g.yang sa dang/ bkra shis dang/ bkra shis ma yin pa dang/ bza' ba dang/ cha lugs rnam pa sna tshogs su 'dzin pas 'khor ba las 'byung ba'i phyin ci log spong ba'o/ /bdag dang bdag gir rtag par mngon par chags pas bslang pa rnams la sdug bsngal du 'gyur ba ni mer phye ma leb bzhin no/ /bdag med pa rnam pa gnyis yongs su shes pa las bdag tu chags pa ldog pas 'khor ba'i sdug bsngal ldog ste/ mkhas pa ni bdag nyid kyis yongs su shes pa'o/ /rtog ger mi lta ba zhes bya ba ni khod du ma chud pa'i don @013a la ci 'di lta yin nam ma yin zhes rgyu la spyod pa ni rtog pa zhes bya'o/ /srid pa dang thar pa 'byed pa'i rgyu yongs su shes pa gdon mi za ba de la yod pas de la chos la tha tshom med do/ /bdag la sogs par lta ba dang bral bas gong nas gong dus thams cad kyi rang gi mtshan nyid rtogs par bya ba la mkhas pas na de la sa'i dbang por grub pa nyid do/ /sa thams cad yongs su sbyangs pa la mkhas pa gong ma'i yang gong mar sa thams cad kyi rang gi mtshan nyid rtogs par bya ba la mkhas pa /rang gi mtshan nyid khyad par du rtogs par byed pa gnyis dang mi gnyis pa'i ting nge 'dzin la mkhas shing/ sa thams cad kyi gong ba'i yang gong ma'i yon tan byang chub kyi tshogs bsod nams dang/ ye shes dang ldan pa la gzugs sna tshogs kyi rnal 'byor gyi dbang phyug chen por sangs rgyas thob pa'i phyir 'bod sgrogs la smra bar bya ste/ shes rab dang thabs la mkhas par bya ba chud pas na che ba'o/ /sems dang yid dang yid kyi rnam par shes pa'i rang bzhin dben pa la dga' ba zhes bya ba ni mdo sde 'di nyid las 'byung ste/ sems ni kun gzhi rnam shes te/ /dar sems nyid ni yid yin no/ /gang gis yul rnams 'dzin pa ni de ni rnam par shes zhes bya/ /sems ma rtogs par yul dang rnam par shes pa'i snang ba med de/ ji ltar rmi lam gyi dus na gzugs la sogs pa'i yul dang rnam par shes pa rnams snang yang de na yul med la/ mig la sogs pa'i rnam par shes pa yang med do/ /des na sems mnyam par ma 'dus pa'i phyir ma rig pa dang/ las rnam par smin pa'i stobs las 'gro ba rnam pa sna tshogs su snang ste/ sbom po dang phra ba'i gzugs shes rab kyis chad rnam par dbye ba ni/ gang gi tshe na mi dmigs pa de'i tsho grol bar 'gyur ro/ /rgyud gsum chad par lta ba zhes bya ba ni gang gi tshe na skad cig pa gcig pa de'i tshe na skad cig pa gnyis pa med pas na 'das pa dang/ ma 'ongs pa dang/ da ltar gyi skad cig pa gsum du 'du zhing 'brel pa ming/ snga ma'i 'og tu yod pas 'di yod/ zhes rten cing 'brel te 'byung bar rab tu nges shing las dang 'bras bu 'bral par rnam par bzhag pa 'ba' zhig go/ de bzhin nyid ces bya ba ni @ 013b 'bod sgrogs la chos dang gang zag la bdag med pa yongs su shes pa yod de / des na mu stegs can gyi lta ba'i nyes pa las rnam par grol zhes bya'o/ /mu stegs can thams cad kyi rgyu dang bral ba'i glong gyur pa zhes te/ gtogs 'dod dang/ lha chen po dang/ tshangs pa lang? sogs pa mu stegs can gyi rgyur kun tu rtog pa ni gang dang gang khyad par can gyi dbyibs yod pa de blo can gyi skyes bus byas pa yin te/ bum pa dang/ phru ba la sogs pa bzhin du lus dang/ byed pa pa dang/ gnas la sogs pa khyad par can gyi dbyibs so/ /chu'i stobs la sogs pas byas la sogs pa dbyibs su snang ba blo can gyis byas pa ma yin/ /dus kha cig tu 'dus pa'i mthus pad+ma la sogs pa'i myu gu 'byung ba der blo can byed pa po'i las mi snang ngo/ /ji ltar d+harma kI rtis smras pa/ mthun dang mi mthun dag gis ni/ gang dag gang las nyer skye ba/ ba la te de las rgyu gzhan na/ /de ltar 'gyur ba mdza' med do/ /des na gnyis dang mi gnyis par sma bas kun tu brtags pa'i rgyu mu stegs can gyes 'khrul ba'i mtshan 'bod sgrogs la med de/ rtag pa dang/ bdag tu chags pas 'khor ba'i sdug bsngal dang bdag med pa shes pas sdug bsngal ldog go zhes shes so/ /de bzhin gshegs pa'i snying po sangs rgyas kyis la nang du snyoms par zhugs po? zhes bya ba la/ de bzhin gshegs pa'i snying po ni sems can thams cad do/ de bzhin du nang gi mi gnyis par rtogs pa'i chos ni sangs rgyas kyi sa'o/ /gnyis su med pa'i chos nyid dang mnyam pas na ma spyir gnas pa bzhin du snyoms par zhugs pa'o/ /sgra thos pa ni 'bod sgrogs kyis de bzhin gshegs pa rnams kyi sgra'o/ /gang gi blo las blo gnas pa de nas tshig sbyar ro// gang la rnal 'byor de lta bu yod pa des tshig 'byed par bsgyur ro/ /lags legs so zhes bya ba ni de bzhin gshegs pa rnams de bzhin du blta bar bya'o zhes bya ba la sogs pa ste/ rtogs par mnyam pa nyid dang/ dngos po dang dngos po ma yin pa rnam par rtog pa spangs pa dang /don dam pa'i bden pa'i ngo bo nyid du de bzhin gshegs pa rnams mthong ba yin no/ /rnam pa gzhan du ltas na chad pa la gnas par 'gyur ro/ /zhes bya ba ni gal te yang sems ni kun nas nyon mongs pa dang/ rnam par byang ba'i rgyu ma yin par gyur na de'i tshe dge ba dang mi dge bar mngon par 'du byed pa rnams chad pa nyid du 'gyur ro/ /las dang 'bras bur 'brel pa rnams kyi gnas ni sems te/ ji ltar de kho na nyid sdus pa las gsungs pa/ sems 'di rang bzhin gyis 'od gsal pa ste/ gang ji ltar yongs su spyod pa de de ltar yang dag par grub pa'o zhes so/ /dge ba dang mi dge bar sems kyi mngon par 'du byed pa ji srid du yod pa da srid du gnyis kyi rnam pa nyid do/ /shes rab kyis sbom pa dang phra ba'i cha mi dmigs pa na don dam pa'i dad pa mi gnyis pa'i byang chub rtogs shes bya'o/ /de bzhin du yang sa'i dbang po rnams kyi rnal 'byor gyi dbang po nang du sbyong bas chos thams cad rnam par bsgom par bya ste/ phyi rol gyi don du lta ba la mngon par chags pas ni ma yin no/ /khyod kyis nyan thos dang rang sangs rgyas dang/ mu stegs can gyi mngon pa rtogs pa dang/ tshig gi don gyi spyod yul du ltung pa'i lta pa dang ting nge 'dzin du ma yin/ gtam dang sgrud pa dga' bar ma gyur pa zhes pa la/ mu stegs can ni rtag pa dang/ bdag dang dbang po dang/ mchog sbyin pa dang/ 'khru ba dang/ sbyin sreg dang/ kha 'tsho ba dang/ cha lugs sna tshogs dang/ gang dang/ glu dang/ bkra shis dang / bkra shis ma yin par rnam par rtog pa dang/ rin po che dang/ me tog la sogs pa 'dzin cing brtul zhugs la sogs pas thar pa kun tu rtog go /rtag tu bdag tu chags pas 'khrugs pas 'khor bar ltung ba ni phye ma leb bzhin no// sems can rnams kyi bdag tu chags pa log pa na 'khor ba'i sdug bsngal las rnam par grol bar 'gyur ro/ /de bas na mu stegs can kyi bdag med pa mi shes pas rnam par rtog pa du mas 'khor zhing thar pa'i rgyu mi rig go/ /'bod sgrogs la ni nyan thos las tha dad pa theg pa chen po'i chos bshad pa de lta bur bshad do/ /nyan thos nams ni phyi'i don la mngon par chags pa ste/ theg pa chen po la chos dang gang zag la bdag med cing bla na med pa'i ye shes thams cad mkhyen pa ni sems can thams cad la phan 'dogs par 'gyur ro/ /rnal 'byor chen po'i rnal 'byor dang ldan pa zhes pa ni thams cad mkhyen pa rnams kyi gnyis pa dang mi gnyis pI ting nge 'dzin to/ /pha rol rgol ba rab tu 'joms pa zhes bya ba ni mu stegs can gyi 'khrul par lta ba thams cad sel cing mun pa 'joms pa rnams te/ bdag med par smra ba bo rnams kyis rtag pa dang/ bdag dang/ /dbang po la sogs par lta ba dang/ 'khru ba dang/ sbyin sreg dang/ bkra shis dang/ bkra shis ma yin par rnam par rtog pa dang/ cha lugs rnam pa sna tshogs dang/ rin po che dang/ rtsa ba la sogs pa 'chad pas thar pa'o zhes rgol ba rnams kyi smra ba 'joms pa'o/ /lta ba ngan pa sel ba ni rtag pa dang/ bdag tu lta ba 'jig par byed do/ /bdag tu lta ba rnam par bzlog pa la mkhas pa ni blo zhib cing rnam par shes pa shin tu 'gyur ba mkhas pa ste/ shes rab dang thabs la mkhas pas sems kyi rgyud nyid la bdag go zhes smra bar byed de/ shes rab phra mos dpyod cing shes par bya ba spom po dang phra ba rnam par gzhigs nas gang gi tshe mtshan ma la cung zad kyang mi dmigs pa de'i tshe na sems bzlog pa la mkhas par 'gyur ro/ /theg pa chen po la spyod pa rnams zhes bya ba ni shes rab dang snying rje la sbyor bas/ theg pa chen po don gzhan pa spyod pa dang/ de dag dmigs pa dang bcas pa dang/ dmigs pa med pa'i ting nge 'dzin du 'byed pas bdag dang gzhan gyi don spyod do/ /snang ba dang bcas pa dang/ snang ba med pa'i ting nge 'dzin du 'byed pa ni mngon par rtogs pa zhes bya ste/ des na lang+ka'i bdag po 'di ni rtogs pa'o zhes bya ste /rtag pa dang/ bdag dang/ bde ba dang/ gcang pa'i dngos por phyin ci log thams cad kyi rnam par rtog pa spong ba'i phyir ro/ /ji ltar shes rab kyi pha rol tu phyin pa las 'byung ba dngos po dang dngos po ma yin pa mnyam pas mngon par mnyam par rtogs pa'o zhes pa'o/ /de bzhin gshegs pa'i bdag gi so so rang gis la 'jug pa khong du chud par bya ba'i phyir khyod kyis brtson par gyis shig ces bya ba ni sa yongs su sbyod ba dang/ sa la 'jug pa dang/ sa 'thob pa ste/ thos pa dang/ sems pa dang/ bsgom pa la mngon par bsgrub pas gong ma'i yang gong ma chud par 'gyur pa thams cad mkhyen pa nyid thob par bya ba dang/ sems can thams cad la phan par bya ba dang/ rnal 'byor gyi dbang po kho na sgrub pa'i phyir yin gyi/ nyan thos dang/ rang sangs rgyas dang mu stegs can gyi rjes su 'jug pa'i sgo'i spyod yul ni ma yin te / ji ltar bdag tu 'dzin pa dang/ snang ba'i mtshan nyid la mngon par chags pa dang/ 'byung ba dang/ yon tan dang/ rdzas la yang dag par rjes su spyod pa byis pa mu stegs can gyi rnal 'byor gyi rnal 'byor pa rnams kyis rtogs pa dang/ ma rig pa'i rkyen du lta ba la mngon par chags pas mngon par zhen pa nyan thos dang/ rang sangs rgyas ni mi rtag pa dang/ sdug bsngal ba dang/ bdag med pa dang/ mi gtsang bI rnam par phyi'i don la zhugs pa rnams so/ /de la mu stegs can ni rtag pa dang/ bdag dang/ dbang pos byin gyis brlabs te/ rdzas dang/ yon tan dang/ las dang/ spyi dang/ khyad par dang 'brel ba'i mtshan nyid du kun tu rtog par byed do/ phyi'i sa la sogs pa 'byung ba rnams la yon tan dang las rnams gcos zhes rdzas ni dgu te/ sa dang/ chu dang/ me dang/ rlung dang/ nam mkha' dang/ dus dang/ phyogs dang/ bdag dang/ yid ces so/ /de dag kyang rtag pa dang/ mi rtag pa yin te/ rdul phra mo'i rdzas rnams ni rtag pa'o/ /de dag gi ma brtsams pa yan lag can gyi rdzas sbom po ni mi rtag pa'o/ /yon tan rnams ni gzugs dang/ ro dang/ dri dang/ reg dang/ ched dang/ grangs dang/ tha dad pa dang/ sbyor ba dang/ bral ba dang/ gzhan dang/ gzhan ma yin pa dang/ blo rnams dang/ bde ba dang/ sdug bsngal ba dang/ 'dod pa dang/ zhe sdang dang/ nan tan yang ngo// yang zhes bya ba'i sgras gsher ba dang/ lci ba dang/ snum pa dang/ 'du byed dang/ ma mthong ba dang/ mthong ba dang/ sgra rnams te/ yon tan rnam pa nyi shu rtsa bzhi'o/ /las la yang rnam pa lnga ste/ len pa dang/ 'dor ba dang/ brkyang ba dang/ bskum pa dang/ 'gro ba ni las so/ /spyi ni rnam pa gnyis te/ mchog dang/ mchog ma yin pa'o/ /mchog ni tshig gi don gsum yod par byed pas na yod do zhes pa'o/ /spyi mchog ma yin pa yang ba yang nyid dang/ rta nyid dang/ bum pa nyid la sogs pa'o/ /khyad par rnams ni khyad par kyi blo skyed pa rnams te/ nye bar btags pa dang/ nye bar ma btags pa rnams so/ nye bar btags pa ni rigs dang/ yon tan dang/ byed pas byas pa ni btags pa'o/ /nye bar ma btags pa ni pha ma'i khyad par te/ ji ltar sa'i rdul rnams dang/ sa ma yin pa'i rdul rnams las brtsams te/ rigs dang yon tan du sbyor yang khyad par gyis khyad par du 'byed ces so/ /'brel pa 'dir blo 'brel pa ste/ rdzas la rdzas dang/ yon tan la yon ton dang/ las la las zhes so/ /khyad par can gyi rgyud kyi dra ba yongs su shes pas grol bar 'gyur ro zhes kha cig go/ grangs can rnams kyis bya ba ni de kho na nyid nyi shu rtsa lnga yongs su shes pas grol lo zhes te/ skyes bu'i yon tan las lhag ma rnam pa nyi shu rtsa bzhir byed pa yongs su shes pas so/ /yod pa dang/ rdul dang/ mun pa dang/ yon tan rnams mnyam par gnas pa ni gtso bo zhes so/ /de las chen po zhes te/ de ni blo'i rnam grangs so/ /chen po las dang byed pa'o/ /dar byed pa las de tsam lnga ste/ sgra la sogs pa yul lnga'o/ /de tsam lnga rnams las 'byung ba lnga dang/ blo'i dbang po lnga ste/ rna ba dang/ pags pa dang/ mig dang/ lce dang/ sna rnams so/ /lus kyi dbang po lnga ste/ tshigs dang/ lag pa dang/ rkang pa dang/ gsang khud dang/ mtshan ma'i mtshan nyid rnams so/ /yid ni kun tu rtogs pa'o/ /sems can sogs pa yul lnga'o/ /de tsam lnga kho na shes pa nyi shu lnga/ /gnas ni gang la gang dga' rung/ /mgo bregs ngal pa bud pu can/ /grol bar 'gyur la der dogs med/ /ces grangs can rnams kyis thad par rtog go /de ste nyon mongs pa yongs su zad pa ma gtogs par rang bzhin dang/ skyes bu'i khyad par khong du chud pas thar par gyur te/ de lta na ni bya dang/ rtsig pa dang/ snam bu dang/ bum pa la sogs pa'i khyad par khong du chud pas thar par cis na mi 'gyur/ srid pa yongs su ma zad kyi bar du khyad pa can rnams kyi rdzas dang/ yon tan la sogs pa'i khyad par yongs su shes pas thar par gyur te de lta bur zin na ni bye phung gi phye ma'i 'brum bu rnams kyi grangs khong du chud pas cis na yang thar par mi 'gyur/ de de bzhin du mu stegs can k+Sha ban ka rnams kyi lta ba ni yod par 'gyur ba dang/ med par 'gyur ba dang/ yod kyang yod la med kyang med par 'gyur ba'o/ /yod par 'gyur ba ni spyi'i bdag nyid du'o/ /med par 'gyur ba ni khyad par gyi bdag nyid du'o/ /yod kyang yod la med kyang med par 'gyur ba ni spyi dang khyad par gyi bdag nyid du ste/ de dag ni smra bar bya ba'i phyogs so/ /smra bar mi bya ba'i phyogs la spyi'i bdag nyid du yod par 'gyur ba khyad par gyi bdag nyid yang smra bar mi bya'o/ /spyi dang khyad par gyi bdag nyid du yod par 'gyur ba cig car smra bar mi bya'o/ /spyi dang khyad par gyi bdag nyid du yod kyang yod la med kyang med par 'gyur ba cig car yang smra bar mi bya'o// de de ltar 'bod sgrogs la mu stegs can gyi gti mug gi dra ba zlog pa'i don du thams cad mkhyen pas chos bshad do/ /rtag pa dang/ bdag dang/ dbang po dang/ gcig po dang/ gnyis dang/ mi gnyis pa la sogs pa'i rgyu dgag pa'i phyir yang 'bod 'grogs la chos bshad do/ /cha lugs rnam pa sna tshogs kyi brtul zhugs dang/ bkra shis dang/ bkra shis dang/ bkra shis ma yin pa dang/ rnam par rtog pas kun tu mi rtog pa'i phyir dngos po dang dngos po ma yin par mi rtog pa dang/ don dam pa'i bden pa rtogs pa byed pa dang/ mi gnyis pa khong du chud par byed pa'i chos bstan to/ /gzugs rnam pa sna tshogs kyi rnal 'byor gyi dbang po kho nar bsgrub pa dang/ gtogs pa 'di dang/ lha chen po dang/ tshangs pa la sogs pa rtag pa dang/ bdag dang/ byed pa po lta ba rnam par bcad pa'i don du yang dag pa'i don chos dang/ gang zag la bdag med pa zhi ba'i chos la 'jug par byed do/ /lang+ka'i bdag po bdag gi so so rang gis rig pa rtogs par byed pa'i theg pa chen po khong du chud pa 'di ni gzugs sna tshogs rab tu thob par byed pa'o zhes bya ba ni gzugs rnam pa sna tshogs su gyur pa dang/ gal te gzugs gcig rnam par bzlog kyang de bzhin du gzugs gzhan gyi gnas te 'jig par mi 'gyur ba ni snang ba dang bcas pa dang/ snang ba med pa gnyis pa dang mi gnyis pa'i ting nge 'dzin thob pas so/ /theg pa chen po khong du chud pa zhes bya ba ni nyan thos dang/ mu stegs can ma gtogs par rnam pa de lta bu'i theg pa chen po nyid kyis bdag dang gzhan gyi don phun sum tshogs pa bsgrub pa'i phyir gzugs rnam pa sna tshogs kyi rnal 'byor gyi dbang po chen po rnams kyi ting nge 'dzin gyi khyad par rnams yin no/ /theg pa chen po nyid kyis gang zag dang chos la bdag med pa khong du chud par byed pas na theg pa chen po de rnal 'byo khong du chud pas khyad par khong du chud pa bya ba dang/ mchog tu yongs su dag cing 'dod chags dang bral ba thams cad mkhyen pa rnal 'byor gyi dbang po sems can thams cad la phan 'dogs pa'i sa thob pa'o/ /khebs pa'i g.yogs ma rnam par shes pa sna tshogs kyi rlabs zlog par byed pa yin te zhes bya ba la sogs pa ni mnyam par mi 'du ba'i ma rig pas 'khrugs pa'i mthus rnam par shes pa sna tshogs kyi rnam par snang ba ni mgo 'khor ba dang brgyal ba la sogs pa bzhin no/ /dpyod pa'i shes rab mnyam par 'dus pa dang ldan pas shes par bya ba sbom po dang phra ba gzhig par byed pa na mi dmigs te stong par mthong ngo/ /de de ltar ma rig pas khebs pa'i g.yogs ma shes pas rtogs pa na yang ldog te /'di mi gnyis pa don dam pa'i bden pa rtogs par byed pa ni theg pa chen po'i rnal 'byor ces bya ba ste/ mu stegs can gyi rnal 'byor gyi gnas su ltung ba yin no zhes bya ba la sogs pa'o/ /mu stegs can gyi rnal 'byor gyi gnas ni 'khor bar ltung bar byed pa ste/ phyin ci log pa rnams kyi bdag tu chags pa mi ldog go/ ni @017a srid du bdag med pa yongs su shes par ma gyur ba de srid du thar bar mi 'gyur ro/ /rlung dgag pa la sogs ba'i rnal 'byor gyi gzugs rnam pa sna tshogs dang/ srid ba'i longs spyod mi 'thob bo/ /thal bas phyug pa dang/ dri ma 'chang ba dang/ skra 'bal ba dang/ ngal ba bsdus ba'i zhags pa dang/ cha byad sna tshogs dang/ kha 'tsho ba dang/ gar dang /glu dang/ 'grub? dang /sbyin sreg dang/ gang pa dang/ g.yangs dang/ grang ba dang /tsha ba dang/ nyi ma dang /lnga dang/ bkra shis dag bkra shis ma yin pa rnam par rtog cing rnal 'byor gyi dbang po mgu bar byed pa dang/ mchog slong ba la sogs pas thar bar mi 'gyur te/ ji srid du shes rab kyis mi rtag pa dang/ sdug bsngal ba dang/ mi gtsang ba dang/ stong ba nyid kyi tshes nyid ma dpyad pa de srid du rtag pa dang/ bdag tu chags pa mi ldog go/ mu stegs can gyi rnal 'byor du phyin ci log pa rnams ni 'khor ba nyid du ltung ba ste/ shes rab kyis grol bas de'i phyir thams cad mkhyen pas rgyu gsungs pa/ lang+ka'i bdag po mu stegs kyi rnal 'byor ni mu stegs can rnams kyi bdag tu mngon par zhen pa las 'byung ba'o zhes te/ bdag tu chags ba yod na ji ltar thar bar 'gyur zhes dgongs pa'o/ /gnyis pa dang mi gnyis par smra ba mu stegs can thams cad ni bdag tu mngon par chags pa la gnas bas bdag sdug bsngal las grol bar byed pa dang/ mchog tu dga' ba'i bsam gtan du bdag bde bar bzhag par bya'o zhes te/ bdag tu zhen pa de nyid mi ldog pa yin no/ /bdag med par smra ba rnams kyi skad cig mar 'jig bar yongs su shes pas bdag dang bdag gi sred pa gang yang mi 'jug go/ /rnam par shes pa'i rang bzhin gnyis kyi don la chags par lta bas mu stegs can rnams kyi las rnal 'byor 'di gzhan pa'o zhes bya ba la rnal 'byor 'di gzhan ba'o zhes bya ba ni mu stegs can rnams rnam par shes ba'i rang bzhin la de ltar gnyis kyi rnam pa med par yang rab rib dang / rmi lam gyi shes pa bzhin pa la 'dzin pa dang gzung ba'i ngo bor @ 017b gnyis kyi don du yongs su rtog par byed pa dang/ rang bzhin gyis 'od gsal zhing skad cig pa'i rmad mi gnyis pa'i rtogs pa 'dzin pa dang /gzung pa'i dngos po dang bral ba dngos po dang dngos po med pa'i rnam par rtog pa med pa yang dag par rig ba tsam ni dbang bo'i shes pa rtogs pa med par zhugs pas myong ba bzhin du mu stegs can rnams kyis khong du chud par mi byed do/ /chos dang gang zag la bdag med pa rtogs pas don dam pa'i bden pa mi gnyis pa rang gi rig pa yong ba dang/ med par smrar med pa nyid du bde bar gshegs pa rnams don dam pa'i dngos por khong du tshud par byed do/ /tshad ma dang/ gzhal bya la sogs pa tshig gi don bcu drug rnams gtan la phab pa yongs su shes pas gdon mi za ba'i gnas khong du chud par 'gyur ro zhes gang dag de skad smra ba de dag la yang tshad ma dang/ gzhal bya ma gtogs par tshig gi don med pa'i phyir ro/ /dogs pa dang/ dgos pa dang/ grub pa'i mdza' dang/ dpe dang yan lag dang/ rtog ge dang/ nges pa dang/ rtsod pa dang/ zug zug tu smra ba dang/ tho 'tsham pa dang/ rgyur snang ba dang/ klan ka ba dang/ rigs 'dra ba dang /tshar bcad pa'i gnas rnams kyang shes pa dang/ shes bar bya ba ma gtogs par med pa'i phyir ro/ /shes pa ma gtogs par shes par bya ba mi srid ces bya ste/ rab rib dang/ gzugs brnyan dang/ rmi lam dang/ mig 'brul la sogs pa bzhin du 'khrul ba'i mthus nyi shu lnga la sogs pa smra ba thams cad kyi gnyis kyi rnam pa snang ba ni bdag dang bdag gir mngon par chags pa'o/ /rtag pa ni ma skyes pas na ri bong gi rwa bzhin du dngos por med do/ /mi gnyis par smra ba rnams la phyi'i dngos po med du zin kyang 'on kyang de dag la gcig bur bdag dang tshangs pa dang/ dbang bo la sogs pa ma gtogs par dngos po gzhan med pas na grol ba dang / ma grol ba dang /phyug pa dang/ dbul ba la sogs pa cig pa'i skyon du 'gyur ro/ /bde bar gshegs pa dpe mi gnyis par smra ba rnams kyi phyi'i don med kyang skad cig pa'i chud pa'i rgyud 'byed bas mar me tha dad pa bzhin du bdag dang gzhan gyi rgyud kyi dbang gis mnyam bar mi 'dzin pa'i ma rig pa dang/ las rnam par smin pa'i mthus sems can mang po rnams la rnam pa sna tshogs kyi rnam pa tha dad par snang ngo/ /shes rab kyis dpyad de gang gi tshe shes par bya ba sbom pa dang/ phra ba yan lag tu rnam par phye ste stong par mthong ba de'i tshe/ bdag nyid mi gnyis pa'i chud pa yin pas 'khor ba dang mya ngan las 'das ba sdug bsngal med par 'byed bar mu stegs can gyi kun tu rtog pa ltar ma yin no/ /ji ltar dbu ma las gsungs pa/ /mya ngan 'das par rnam rtog med/ /'khor ba bsal bar bya ba min/ /gang na 'khor ba'ang mya ngan 'das/ /de ni ci zhig rnam par rtog/ len med pa ni mya ngan 'da' / /mya ngan 'das kyang nga yir 'gyur/ /gang dag 'dzin pa de dag lam/ /de ni legs min 'dzin ba'o/ /mya ngan 'das pa'i mdza' gang yin/ /'khor ba'i mdza' yang gang yin pa/ /de dag gnyis kyi bar na yang/ /cung zad phra ba yod ma yin/ /shes rab kyis dpyad nas mthong ba yang mi mthong ba ste/ mkhas ba yang dag grol ba rnams ni gzhan gyi don du gzugs brnyan dang dri za'i grong khyer la sogs pa bzhin du 'khor bar spyod do/ /nyan thos dang mu stegs can rnams ma gtogs par theg pa chen por snang ba'i tshul bzhin du dngos po dang dngos po ma yin par rnam par rtog pa brtsal te/ mdza' gnyis bcad pa don dam pa'i bden p mi gnyis par rtogs pa ni 'khor ba'i sdug bsngal zad ba yin no zhes 'bod sgrogs la chos bshad do/ /de bzhin gshegs ba mthong ba las zhes bya ba ni blos rtogs ba mthong ba nyid las de bzhin gshegs pa mthong ba yin zhes de ltar dgongs pa brtag go/ bdag gis zhes bya ba la sogs pa ni rnal 'byor can rnams kyi gtso bo thams cad mkhyen pa las gsol bar bya'o zhes 'bod sgrogs kyis bsams pa'o/ /de la rnal 'byor mnga' bas na rnal 'byor can no/ /thos pa dang/ sems pa dang/ sgom pa shin tu skyes bas rnal 'byor gyi dbang po yin no/ /rnal 'byor la mnga' mdzad pa ni rnal 'byor rnams de'i dbang du 'byung ba'i phyir snang ba dang bcas pa dang/ snang ba med pa'i ting nge 'dzin du 'byed pa las gang gis thams cad mkhyen pa 'gyur ba yin no/ /thos pa dag sems pa'i shes rab kyi dpyod pas thog mar snang ba dang bcas pa'i rnal 'byor rnams su 'gyur ro/ /gang gi tshe shes rab kyis gshig cing sbom pa dang phra ba mi dmigs pa de'i tshe bar du snang ba med pa'i rnal 'byor du rnam par bzhag bar 'gyur ro/ /gang gi che snying rje'i bag chags kyis glengs te gzhan gyi don byed pa de'i tshe / tha mar thams cad mkhyen cing gzugs rnam pa sna tshogs kyi rnal 'byor dbang por gyur te/ sems can rnams ji ltar 'dul bar 'gyur ba bzhin du lha dang /klu dang/ gnod sbyin dang/ lha ma yin dang/ nam mkha' lding dang/ mi'am ci dang/ lte 'phye chen po dang/ mi dang/ mi ma yin pa'i gzugs rnams kyis de ltar chos ston par mdzad do/ /bde bar gshegs pa la sems can rnams kyi kyang lha chen po dang/ changs pa la sogs ba'i gzugs su shes te/ ji ltar mdo sde 'di nyid du gsungs ba ste/ des na bcom ldan 'das rnal 'byor thams cad la mnga' mdzad pa yin no/ /mu stegs can gyi rnal 'byor rnam par bzlog ba'i phyir bcom ldan 'das la gsol bar bya'o zhes 'bod sgrogs kyis bsams ba'i don te/ thams cad mkhyen pa ni 'jig rten pa dang 'jig rten las 'das pa'i rnal 'byor kyi rjes su snyoms bar 'jug go zhes te/ ji ltar 'di nyid du gsungs ba/ bcom ldan 'das ni dbang phyug chen po mchog gi rnal 'byor la snyoms par 'jug go zhes te/ srid pa gsum po kha cig sprul kha cig snga nas sbrul pa te/ de ni theg pa rnams ston pa/ /de ni nga yi rang bzhin nas/ /dbang byug chen po gnas kyi mchog/ 'ob min shin tu rnam par mdzes zhes bya ba la sogs ba'o/ /khams gsum rnam par sprul pa gang/ /de yi 'od zer rab tu 'byung zhes ba'o/ /de de ltar ma lus ba'i rnal 'byor gyi dbang po thams cad mkhyen ba'i sku rnam pa sna tshogs kyi gzugs gyi chos 'phrul gyis sems can gyi tshogs mgu bar mdzad ba'o/ /so so rang gi rig pa zhes bya ba la sogs pa ni gnyis su med pa'i chos kyi sku ston pa'o/ /'phrul pas sprul ba dang bral zhes bya ba ni 'phrul pa sprul ba zhes bya'o/ /nyon mongs ba'i shing zad bar byed ces bya ba la/ nyon mongs ba ni 'dod chags la sogs ba ste/ yul ma des pa'i shes pa la rtag pa dang/ bdag dang/ bde ba dang/ gtsang ba'i phyin ci log rnams bgegs byed do/ /des na mi rtag po dang/ bdag med dang/ sdug bsngal ba dang/ mi gtsang ba dang/ stong ba bsgoms pas ldog par 'gyur ro/ /ji ltar gsungs pa gang gi tshe g.yogs ma med blta bu'i thams cad mkhyen ba'i ye shes shes par bya ba thams cad rab tu 'jug go zhes so/ /rgyal ba'i sras kyis yongs su bskor zhes bya ba ni snod chung du'i chu'i nang du grong dang/ kun dga' ra ba dag gzhal med khang dang/ skang? ma mang po rnams gzugs brnyan gyi tshul gyis phan tshun du thogs pa med bar snang ba bzhin du 'khor gyi dkyil 'khor rnams kyang nyag ma'i rtse mor snang bar 'gyur ro/ /don dam par na sems ma rig pas glongs te rnam pa gnyis su 'byung ngo/ /shes rab kyis snang ba med par 'gyur te/ de bas na snang ba dang bcas pa dang/ snang ba med ba'i ting nge 'dzin shes bas thams cad mkhyen pa yin te/ de'i phyir de ltar rnal 'byor la dbang mdzad cing gzugs rnam pa sna tshoD kyi rnal 'byor gyi dbang po sems can thams cad la phan ba mdzad cing bzhugs kyang yongs su mya ngan las 'das zhes bya ste/ dngos po dang dngos po ma yin par log par rtog pa spangs pa'i phyir ro/ /ji ltar 'di nyid du gsungs pa/ mtshan nyid dang ni bya ba dang/ dngos po mya ngan ni 'da' / /rnam rtog rnam shes bzlog pa na/ /nga ni mya ngan 'das ba'o/ /yod pa'i zlas drangs med pa ste/ /yod pa'ang med ba'i zlas drangs so/ /de bas med par shes mi bya/ /yod pa yang ni mi rtag go/ ji ltar shes rab kyi pha rol tu phyin pa las 'byung ba dngos po dang dngos po ma yin pa mnyam pa nyid kyis mngon par rtog par 'gyur ro zhes pa'o/ /thugs rje can dang thams cad mkhyen pa dang/ thams cad khyab pa zhes bya ba la sogs pa ni bcom ldan 'das kyi yon tan rgya cher spras pa yin no/ / thams cad du khyab pa zhes bya ba ni yang dag pa'i yon tan tshad mar gyur pas yang dag par bstong pa ste/ ye shes la gzugs med pas na yul rnam par chad pa med de gzugs can ma yin ba'i chos rnams ni phyogs su mi gnas zhes bya'o/ /de bas na/ thams cad rnam rtog med cing snang ba med/ /'phros pa rnams kyis ma 'phros pa/ /'di ni 'jig rten mgon po dag/ sangs rgyas bstan pa bdud rtsi'o/ /stong pa zhes par smra mi bya/ /mi stong par yang ma yin te/ /gnyis ka mi gnyis ma yin pa/ /de la bzhi po ga la zhig/ mu stegs can ni rtag pa dang/ nyan thos ni mi rtag ba dang/ theg pa chen po'i tshul ni rtogs rgyun rtag pa dang/ chad pa dang bral bas nyon mongs pa zad ba'i thar pa'o/ /byed ba dang mtshan nyid rnam par logs zhes bya ba ni gang byed ba 'am mtshan nyid brtags pa med pa'o/ /gnyis dang mi gnyis pa mu stegs can gyi rnal 'byor phyi rol dang bdag tu lta bas skyon can du byas pas spangs te/ don dam pa'i bden pa dngos po dang dngos po ma yin par mi rtog pa mi gnyis pa rtogs pa/ byed pa'i mtshan nyid dang bral ba/ bde bar gshegs ba'i rnal 'byor sangs rgyas kyis 'thob par byed pa shes bar 'dod/ /de la yang mu stegs can rnam kyis byed pa dang/ byed pa bor mngon bar chags pas 'khor bar gdags so/ /'du byed skad cig par yongs su shes pas bdag dang/ byed pa po dang/ byed pa la mngon par chags pa bzlog pas 'khor ba'i sdug bsngal ldog ste/ chos dang gang zag la bdag med par rtogs pas chags pa med par 'grol bar 'gyur ro/ /skad cig pa'i dngos po ni 'jig pa dang tha dad pa ma yin te/ de byed pa por bzhag tu ni skad cig pa gzhan du gnas shing byed ba med bas so/ /ji ltar 'phags pa'i dge 'dun chen po pa rnams kyi klog pa/ 'du byed rnams ni skad cig ma/ /mi brtan byed ba gal zhig/ gang 'byung byed pa de nyid de/ /byed pa por yang de nyid brjod/ /de de ltar na byed pa po dang byed pa mngon par 'brel ba dngos por gyur bar mi rung/ byed pa po las tha dad pa'i byed pa med/ de dang bral ba'i byed pa po yang bsngo bar mi bya'o/ /de bas na b+ha tra ha ris byed pa bstan pa las smras pa/ grub dang ma grub ji snyed ba/ /bsgrub pa'i phyir ni bstan par bya/ /rten pa'i rim gyi rang bzhin phyir/ /de ni byed par brjod ba'o/ /zhes pa ste/ byed pa 'byad zin to/ /nga ni mtshan nyid dbyed par brtsam ste/ ji ltar dbu ma las 'byung ba/ mtshon bya mtshan nyid gal te gzhan/ /mtshan la mtshan nyid med par 'gyur/ /gcig na'ang de gnyis mi 'grub ste/ /tha dad na yang gzhan du med ces pa'o/ /mtshan nyid la'ang mtshan nyid gzhan dgos par 'gyur ro/ /bdag nyid ma grub pas gzhan gyi mtshan nyid du ji ltar na 'gyur/ byed pa dang mtshan nyid kyi tha snyad byed pa rnam pa gnyis kyi shes pa la 'byung gi/ gnyis su med pa'i don dam pa'i bden pa rang gis rig cing rnam par mi rtog pa snang ba med pa la ni ma yin te/ ji ltar rdo rje gcod pa las gsungs pa/ ji tsam du mtshan phun sum tshogs pa de tsam du brdzun no/ /ji tsam du mtshan phun sum tshogs pa med pa de tsam du mi brdzun no zhes pa ste/ de bas na byed ba dang/ byed pa po dang/ mtshan mar bya ba dang/ mngon par brjod pa dang/ mngon par brjod bar bya ba dang/ chos dang/ chos can du rnam par rtog par 'phros pa ni tha snyad du bya ba yin gyi/ don dam bar bya ba ni ma yin no/ /ji ltar yang dbu ma las 'byung ba/ 'phros las 'das pa mi gnyis pa/ /gang dag sangs rgyas 'phros par byed/ /da dag 'phros nyams glen pa rnams/ /de bzhin gshegs pa mi mthong ngo/ /zhes pa'o/ gzhan gyi dbang 'dzin pa dang/ gzung ba'i rang bzhin gnyis kyis stong ba don dam pa'i bden pa mi gnyis pa yang dag par rig pa dbu ma'i rnal 'byor mu stegs dang nyan thos kyi rnal 'byor dang bral ba gang gis ye shes kyi khyad par rtogs par bya ba'i phyir bla ma'i rtogs pa chung par bya bar gsol lo snyam pa ni ji ltar dbum las 'byung ba/ su dag dngos po yod mthong dang/ med par mthong ba blo chung rnams/ /lta ba nyer zhi zhi ba ni/ /de dag rnams kyis mi mthong ngo/ /zhes pa ste/ de don dam pa tshul la yongs su dri bar 'bod sgrogs kyis nan tan bskyed pa ni/ rnam par mi rtog pa la spyod pa bde ba'i ting nge 'dzin la snyoms par 'jug pas gnas pa de bzhin gshegs pas thugs su chud ba'i sa thob par byed pa bdag gis chud pa yang 'phel bar 'gyur ro snyam mo zhes pa ste/ 'phros pa las 'das pa dngos po dang/ dngos po ma yin par rnam par mi rtog pa don dam pa'i bden pa mi gnyis pa'i rtogs pa sangs rgyas kyis thos par byed pa mchog tu 'phags pa'i rnal 'byor de 'di gzugs rnam pa sna tshogs kyi rnal 'byor gyi dbang po 'bod sgrogs kyis nyan cing shes par 'dod pa'o/ /ma skyes pa'i chos la bzod pa thob par thugs su chud nas zhes bya ba la sogs pa ni phyi rol gyi don du nges shing gang 'dzin pa dang/ gzung ba'i ngo bor gnyis kyi rnam par snang ba thams cad rab rib dang/ gzugs brnyan dang/ rmi lam dang/ mig 'phrul la sogs pa bzhin du de dag ma skyes pa nyid do/ /gzugs med par yang snang ba'i chos nyid kyi blo phyi'i don lta bur skyes pa yin te/ sbom po dang phra mo rnam par dbye ba na stong pa yin par shes nas chos mi skye bar bzod par 'gyur ro/ /rang bzhin med pa rnam pa gsum ste/ ji ltar dgongs pa nges par 'grel pa las gsungs pa mtshan nyid kyi rang bzhin med pa dang/ skye ba'i rang bzhin med pa dang/ don dam pa'i rang bzhin med pa'o zhes bya'o/ /phyi'i don dngos po la sogs pa'i mtshan nyid rtag pa dang/ mi rtag ji ltar brtags pa de ltar med ba ni mo gsham gyi bu la sogs pa bzhin no/ /skye ba'i rang bzhin med pa ni gnyis kyi rnam pa'i shes pa ma skyes pa ste/ rab rib dang/ gzugs brnyan dang/ rmi lam dang/ mig 'phrul la sogs ba'i gzugs bzhin no/ /don dam pa'i ye shes yongs su grub pa la yang gnyis kyi rnam pa'i rang bzhin med do/ /de de ltar chos la rnam pa gnyis med pa'i tshul gyis chos dang gang zag la bdag med pa'i yongs su shes bas 'bod sgrogs kyis mi skye ba'i chos la bzod pa thob bo/ /bdag med pa gnyis kyang byed pa po mngon par 'brel pa med pa dang/ 'dzin pa dang gzung ba dngos por gnyis kyi rnam par skye bar mi rung ste/ gang gi tshe na skad cig@021a pa gcig 'byung ba de'i tshe na gnyis pa med de/ 'das pa dang/ ma 'ongs pa'i mtshan nyid kyi phyir ro/ /ji ltar khyod rnam par rtog pa'i gnas shin tu gyur nas zhes bya ba la sogs pa la gnas gyur pa ni kun gzhi rnam par shes pa'o/ /sa rnams kyi mi mthun pa'i phyogs ni nyon mongs pa med pa'i mi shes ba dang 'jungs pa la sogs pa'i nyes pa'o/ /rab tu 'byed pa'i blo zhes bya ba ni shes rab bo/ /so so rang gis rig pa'i tshul gyi mtshan nyid ni mi gnyis pa'o/ /ting nge 'dzin gyi sangs rgyas rnams kyis zhes bya ba ni rdzogs longs spyod pa'i sku rnams kyis so/ /zhi pa ni nyon mongs pa zhi bar byed pa'o/ /nyes pa las 'das pa ni nyes ba dang bral ba ste/ gsum 'brel ba las dben pa zhes bya ste/ snga ma'i 'og tu 'di yod na 'di yod bar 'gyur ba 'ba' zhig ste/ snang ba dang bcas pa la gnyis kyi rnam par las dang 'bras bur 'brel bar snang ngo/ /snang ba med ba la ni gnyis kyi rnam par snang ba'ang med de/ 'das pa dang ma 'ongs ba dang/ da ltar gyis 'byed par snang ba'i rnam par rtog pa med pa'i phyir ro/ /bdag nyid la rig par bya ba dang/ rig pa bar gyur pa bdag nyid la byed pa med pas so/ /yang dag bar rig pa tsam zhig yin mod kyi/ 'on kyang dngos po dang dngos po ma yin pa'i rnam par rtog pa med do/ /der skyed ba la sogs pa'i chos gzhan med bsan bdag med pa gnyis la yang rnam par rtog pa rnams so sor mi snang ste/ ji ltar dbu ma las 'byung ba/ /gal te skye ba 'dus byas na/ /mtshan nyid gsum ldan der rigs te/ 'on te skye ba 'dus byas min/ /'dus byas mtshan nyid ji ltar rung/ /skye ba skye ba ji bzhin pa'i/ /bdag nyid gzhan gyis ma yin te/ /'gog pa la ni 'gog pa yang/ /bdag nyid gzhan gyis ma yin pa'o// zhes pas na/ rten cing 'brel te 'byung ba ni mi 'byung ba ste/ byed ba dang byed ba bor 'brel nas skye bar mi rung ba'i phyir ro/ /gnyis kyi rnam pa'i skad cig pa rnams la/ skye ba'i rang bzhin nyid med pa yin te/ des na bcom ldan 'das kyis 'bod sgrogs kyis bdag med pa gnyis la yang skye @ 021b ba med bar bzod pa thugs su chud nas cho 'phrul gyis mgu bar mdzad do/ /'phrul pas sprul ba rnams kyis bstan pa zhes bya ba ni rnam pa sna tshogs su mos pa rnams la bsams pa chud par mdzad pa'i gnas kyi dkyil 'khor lo/ /ngo bo'i de bzhin gshegs pa rnams kyis ni ma gsungs so zhes bya ba ni rgol ba dang lan gdab par ma gsungs so/ /thams cad mkhyen pas 'bod sgrogs mgu bar byas pa dang/ phyag 'tshal zhing gsol pa la sogs pa ni sngon gyi bcom ldan 'das rnams kyis kyang chos gnyis zhus pa'i lan bshad pa'i tshul bzhin du bla na med bzhin du btsam ldan 'das kyis kyang chos dang chos ma yin par rnam par rtog pa rnam pa gnyis su ji ltar 'byed pa bka' stsal du gsol/ 'bod sgrogs kyis ci bsams zhe na/ don dam pa'i bden pa gnyis su med par rnam par rig par bya ba'i chos nyid la chos dang/ chos ma yin pa rnam pa gnyis kyi rnam par rtog pa rnams mi srid ces so/ /gnyis kyi chos nyid la chos dang/ chos ma yin pa gnyis kyi rnam pa'i shes par rtogs pa ni 'phrul pas sprul pas bstan to/ /sa bcur dbang bskur ba der rnal 'byor gyi dbang por gyur te/ snang ba bzhin du chos kyi tshul rjes su mthun par don dam ba'i bden pa mi gnyis par rtogs pa la bzhugs pa'i ngo bo'i de bzhin gshegs pa'i sku rnams kyi tshig gi spyod yul du ma ltung bar chos ston par mdzad do/ /bcom ldan 'das chos la mda' mdzad pa nyid kyis chos gnyis po de legs bar bshad du gsal zhes bya ba la chos la mnga' mdzad ces bya ba ni snang ba dang bcas pa dang/ snang ba med pa'i ting nge 'dzin gyi thams cad mkhyen pa rnal 'byor gyi dbang po gzugs sna tshogs su cho 'phrul mdzad pas mgu bar mdzad ba'o/ /'jig rten pa thams cd kyi bsam pa'i dogs pa ji ltar ldog par 'gyur ba de ltar bshad du gsol zhes so/ /chos nyid kyang spad bar bgyid na chos ma mchis pa lta ci smos/ chos gnyis po de ji ltar spang bar 'gyur/ /chos sam chos ma mchis pa rnams gang lags/ gnyis spangs pa'i chos can rnam par rtog pa'i mtshan nyid du lhung ba rnams la ji ltar na mchis zhes bya ba ni don dam pa mi gnyis pa'i rtogs pa la chos dang chos ma yin par rnam par rtog pa gnyis mi snang ba'i phyir ro/ /khyad par du snang ba med na yang ji ltar na chos dang chos ma yin par 'byed pa yod de dag yod pa nyid de 'bras bur 'brel bar 'byed pa nges pa'i phyir ro/ /de dag don dam par yod pa ma yin par ji ltar yid ches par bya zhes 'dri ba la/ 'bor sgrogs kyis rigs pa gzhan smras ba/ 'byung ba las gyur ba ma lags pa'i zhes bya ba la sogs pa ste/ 'byung ba las gyur ba ma yin pa'i dngos bo dang dngos po ma yin pa ste/ yin pa'i sgra bsnan bar bya'o/ /gang dag yang don dam pa'i dngos bor mi 'gyur ba yang dag par phyi rol gyi don med bas na yang dag pa las ma gyur ba'o/ /de dag kyang spyi'i rnam par sgro btags bas rnam par rtog bar 'gyur ro/ /kun gzhi rnam bar shes pa yongs su ma rig pas khyad par gyi mtshan nyid ma mchis pa zhes bya ba la sogs pa la kun gzhi rnam par shes pa ni rang bzhin gyis 'od gsal ba la sogs pa'i ngo bo nyid yongs su mi shes pa ste/ mnyam par mi 'du ba'i ma rig bas 'khrugs pas sgra dang don du gnyis kyi rnam pa'i tha snyad 'byung ba ni don dam par yod pa ma yin no/ /bag chags bsags pa dang/ rnam par smin pa'i rim par dbye ba 'byed pa na rmi lam dang/ mig 'phrul pa la sogs pa bzhin no/ /chos dang chos med pa gnyis kyi rnam pa yang ji ltar yod ce na/ lus dang longs spyod gnas snang ba/ /kun gzhi kun tu 'byung ba ste/ /rnam brgyad rnam dgu de bzhin du/ /rgya mtsho rlabs rnams bzhin du'o/ /rmi lam gyi dus na gzugs la sogs pa yul dang/ mig la sogs pa'i rnam par shes pa dang/ bde ba dang sdug bsngal la sogs pa rang gis rig pa de rnams kyang med de/ kun gzhi rnam par shes pa 'ba' zhig yod de bdag dang gzhan gyi rgyud kyi dbang las nang blongs bas mgo 'khor ba dang/ brgyal ba la sogs pa bzhin du rnam pa sna tshogs kyi rnam pa snang do/ /skra shad 'dzings pa chu dang zheng du snang ba'i khyad par du 'byed pa bzhin der rnam pa gnyis su ji ltar 'byed ces 'bod sgrogs kyis gsol ba'o/ /ring du mi gnas pa dang skad cig mar 'jig pa'o/ /rtag pa yang yod pa ma yin te ma skyes bsan mo gsham gyi bu la sogs pa bzhin no/ /dbang bo'i shes pa ma dag pa'i yul can zhes bya ba ni mgo 'khor ba dang brgyal ba la sogs pa'i shes pa rnams kyi bzhin du gzugs la sogs pa yul gzung ba dang/ 'dzin ba'i rnam par snang gi/ de dag don dam par mchis pa ni ma lags zhes gsol ba dang/ snang ba dang bcas pa dang/ snang ba med ba'i ting nge 'dzin gzugs rnam pa sna tshogs kyi rnal 'byor gyi dbang po sems can thams cad la phan gdags bar zhugs pa'i bcom ldan 'das kyis dris ba'i lan du bka' stsal pa/ langka'i bdag po 'di ltar bum pa la sogs pa 'chag pa'i rang bzhin 'jig pa'i chos can rnams zhes bya ba la sogs pa ni don dam pa'i bden pa mi dmigs par gtogs pa la chos dang chos med pa la sogs pa so sor snang bar 'byed ba med du zin yang/ 'on kyang bum pa dang snam bu la sogs pa byis pa rnams kyi rnam par rtogs pa'i spyod yul bzhin du tha dang ba'i bye brag yod do/ /las dang 'bras bur 'brel ba'i da bdag dang gzhan gyi rgyud kyi dbang gi mthu las dge ba dang mi dge ba mngon bar 'du byed pa rnams kyis gang gi tshe gnyis kyi rnam pa yi shes pa so sor snang ba'i tshe rnam par bzhag go/ thams cad mkhyen pas kyang snang bar 'byed pa nyid kyis lan du gsungs pa ni don dam par chos dang chos med pa dbyer med mod gyi/ 'on kyang bum pa dang snam bu la sogs pa bzhin du so sor snang bar 'byed pas dbye ba yod na byis pa'i rnam par rtog pa nye bar bzung ste chos dang chos med pa tha dang pa'i bye brag gi 'bras bu de bzhin du 'di la yang ci'i phyir mi gzung/ ji ltar de kho na nyid bsdus pa las 'byung ba/ rigs kyi bu sems 'di ni rang bzhin gyis 'od gsal ba ste/ dge ba dang mi dge ba'i mngon par 'du byed pa rnams kyis gang ji ltar spyod pa bzhin du de de ltar yang dag par 'grub par 'gyur ro zhes pa ste/ sa dang pha rol rol tu phyin pa gang ma gang ma'i bsod nams kyi tshogs kyis mtshan gyis brgyan pa'i sku so sor smad ba rnams kyis sems can thams cad kyi don mdzad par spyod pa'i thams cad mkhyen bar 'gyur ro/ /sdig pa mngon par 'du byed pa rnams kyis kyang ngan? song du snang ba rnams mthong zhing rmi lam ngan pa bzhin du yun ring po mi bzad pa tshe ba'i 'bras bu rnam par smin pa ste/ rgyu dang 'bras bu'i ngo bo 'di yang rnam par shes pa gyur ba nyid yin te/ chos dang chos med pa so sor nges par sman pa snang ngo/ /phyi'i don med par yang rmi lam du mes tshig pa la sogs pa dang/ chu 'khru ba dang/ 'thung ba la sogs pa dgos pa bzhin du 'khor ba stong ba la yang chos dang chos med pa'i 'bras bur nges pa yin gyi/ 'phags ba'i ye shes khong du chud bar mthong bas ni ma yin no/ /'phags pa'i ye shes ni mi gnyis pa ste/ so sor snang bar 'byed pas bye ba ni ma yin pas dang rgyu dang 'bras bur 'brel bar 'jug pa chos dang chos med pa gnyis kyi rnam par snang bar 'byed pa med do/ /thams cad mkhyen pas rigs ba'i khyad par gzhan yang gsungs pa langka'i bdag po bum pa la sogs pa'i dngos po'i mtshan nyid sna tshogs su lhung ba rnams ni byis pa dag gi yin te/ 'phags pa rnams kyi ma yin pa lta zhog la/ rang bzhin gcig cing zhes bya ba ni mi gnyis pa don dam par rtog par bya'o/ 'bar ba cig las byung ba'i rab tu 'bar ba khyim dang/ gnas dang/ skyed mos tshe la dad/ khang ba la 'dug ba'i shing gi dbang gis 'od ring ba dang/ thung ba dang/ chung ba dang/ che ba'i khyad par dang/ tha dad ba'i bye brag tu snang ba zhes bya ba ni me cim gyis bzung ba spyir khyim la sogs ba'i 'bar ba la shing gi dbang gis thung du dang/ ring po la sogs pa'i khyad par rab tu shes par byed pa de bzhin du sems can thams cad la mi gnyis ba'i chos nyid chung ba tsam yod mod kyi 'on kyang bdag rang gzhan gyi rgyud kyi? dbang gis dam pa dang/ dam pa ma yin ba'i chos bshad bas bsod nams dang/ sdig ba mngon par 'du byed pa'i rgyud tha dad par 'byed pas dbye ba na rtogs pa khyad par can du 'gyur ba ni rgyu'i khyad bar las 'bras bu'i khyad par lta bu ste/ ji ltar d+harma kIrtis smras pa 'byed ba dang/ 'byed ba'i rgyu zhes bya ba 'di ni lta ste/ 'gal ba'i chos la gnas pa dang/ byed par 'byed pa'o zhes so/ /chos dang chos med pa so sor snang bar 'byed pas 'byed do zhes thams cad mkhyen pa'i dgongs pa rjes su dpag go/ ji ltar slob dpon d+har ma kI rtis smras pa/ gzhan du gzhan du 'grib pa yang/ /dbyer med min te gzugs mthong phyir/ /rang bzhin tha dad mi mthong bas/ /blos ni tha dad mi rtogs so zhes pa ste/ de bzhin du 'di la yang chos dang chos med pa tha dang ba'i bye brag yod bar ci phyir mi gthung me lce rgyud gcig tu gyur ba'i 'od 'phro ba tha dad ba'i bye brag tu mthong ba 'ba' zhig tu yang ma zad de/ langka'i bdag po sa bon gcig las byung yang myu gu dang/ ltar bu dang/ sog ma dang/ tshigs dang/ lo ma dang/ yal ga dang/ me tog dang/ 'bras bu dang/ gra ma'i bye brag yod pa de bzhin du phyi'i chos skye ba'i chos can thams cad kyi'o/ /nang gi rnams kyi yang ma rig pa las rab tu byung ba phung po dang/ khams dang skye mched du rtogs pa thams cad zhes bya ba la sa bon gcig las 'byung ba ni ji ltar myu gu dang/ ljang bu dang/ 'dab ma dang/ me tog dang/ 'bras bu la sogs pa'i rim pa tha dad bar dbye brkyen gyi khyad par gyis dbang las 'byed pas 'byed ba de bzhin du rtogs pa bdag dang gzhan gyi rgyud kyi dbang gis chos dang chos ma yin ma mngon bar 'du byed bas mtho ris dang ngan so sor snang ste/ bde 'gro dang/ ngan 'gro rnam pa ldar snang bas khams gsum du rnam pa sna tshogs su snang ba yin no/ /phung po dang khams dang/ skye mched la sogs par 'byed ba rnams ma rig pa las byung ba ni sems rgyu gcig nyid las snang ba yin te/ ji ltar 'phags pas bcu ba las gsungs pa/ kye rgyal ba'i sras khams gsum pa 'di ni sems tsam mo zhes bya'o/ /khams gsum du skyes ba'i chos thams cad la bde ba dang/ dbyibs dang/ brjod pa med pa dang/ 'gro ba'i khyad bar yang snang ngo/ /mtshan nyid gcig ba'i rnam bar shes pa yul la mngon par 'dzin par rab tu 'jug ba'i khyad par rab dang/ 'bring dang/ tha ma'i bye brag dang/ rnam par byang ba dang/ dge ba dang/ mi dge bar yang snang ngo zhes bya ba la khams gsum du skyes pa'i chos thams cad kyi khyad par snang ngo/ /bde bar byed pa dang/ dbyibs su 'byed pa ni khams gnyis su ste 'dod bde ba 'dod pa'i khams so/ /bsam gtan gyi bde ba ni gzugs kyi khams su ste/ lus kyi'o/ /de bsan khams gnyis ni bde bar 'byed pa dang/ /dbyibs kyis 'byed ba'o/ /bsam gtan gyi bar du ni yid kyi yang ngo/ /rnam par rtog pa dang bcas pa dang/ rnam par dpyod pa dang bcas pa ni bsam gtan dang po'o/ rnam par rtog pa dang rnam bar dpyod pa med pa ni bsam gtan gnyis pa'o/ /dga' ba dang bcas pa dang/ dga' ba med pa ni bsam gtan gsum pa dang bzhi ba'o/ /brjod pa med pa'i khyad par zhes bya ba ni gzugs dang gzugs med pa'i khams su 'brel te/ gzugs kyi khams su ni bsam gtan gnyis pa la sogs pa brjed pa med pa'o/ /gzugs med pa'i khams su ni gang na 'du shes med pa de yang brjod pa med pa'o/ /bsam gtan zhes khyad par ro/ /mtshan nyid gcig pa'i rnam par zhes pa ni rtog pa tsam gyis yin te/ khyad bar 'di ni rkyen gyi khyad par las so/ /rnal 'byor can rnal 'byor sgom pa rnams kyi rnal 'byor gyi lam la yang so so rang gi rig ba'i mtshan nyid kyi bya bar snang na zhes bya ba ni chung ba skad cig pa'i rgyun rab tu 'jug pa rnams ni rang gi mtshan nyid tha dang bar dbyer med kyang rnal 'byor goms bar byed pa snang ba dang bcas pa dang/ snang ba med pa gnyis pa dang/ mi gnyis pa'i ting nge 'dzin la gnas pa de dag la dbye ba yod na so so'i rnam par rtog pa las byung ba'i chos dang chos med pa'i khyad par lta ci phyir med de yod do zhes so chos dang chos med pa'i tha dang ba'i bye brag ni gnyis kyi rnam pa'i phyir te/ gzugs dang sgral sogs pa snang bzhin par thams cad mkhyen pas dgongs nas lang+ga'i bdag po chos dang chos med pa tha dang pa'i bye brag yod do zhes gsungs so/ /de'i phyir thams cad mkhyen pas rgyu'i khyad par gsungs pa/ rnam par rtog pa'i mtshan nyid kyi phyir zhes so/ /gang gi phyir zhe na/ rgyu dang 'bras bu'i dngos po rnam par rtog pas khong du chud par byed pa 'di yod bas 'dir 'gyur ro zhes rnam par rtog pa'i shes pas rnam par bzhag go/ gang yang rang gi mtshan nyid yin pa de ni mi gnyis pa ste/ der 'das pa dang/ ma 'ongs pa dang/ da ltar gyi la rig pa po dang/ rig par bya ba'i dngos por rnam par rtog pa'i snang bar 'byed ba med do/ /de la rang gis rig pas bdag nyid la bya ba med la/ bdag gi rang bzhin la sems kyang rgyu ba med na yi ge dang sgra lta ci smos/ de ni don dam pa'i bden pa mi gnyis pa'i rtogs pa zhes bya'o/ /rnam par rtog pa dang bcas pa dang rnam par rtog pa med pa'i shes pa rnams ni skye bo rnams dang/ rnal 'byor can rnams la yang yod do/ /mig la sogs pa'i shes pa ni me dang dud pa la sogs par snang ba gnyis kyi rnam bcan de de ma thag pa tsam gyis so sor snang ste/ btags pa mngon bar mi shes pa'i rnam par mi rtog pa des ni tha snyad med de/ des par zhugs pa dbang po'i shes pa rang gis rig pa yin mod kyi/ 'on kyang rnam par mi rtog pa'o/ /de bas na skye bo dang rnal 'byor ba rnams la chud pa mang du 'byed pa yin no/ /sangs rgyas pa rnams kyi ye shes gnyis su med mod kyi/ 'on kyang chu dpe 'byed pa las chos dang chos med par 'byed par 'gyur ro/ /tshangs pa dang dbang po la sogs par smra ba rnams/ kyi chung pa la khyad par med pas na chos dang chos med pa yang mi 'byed de/ grol ba dang/ ma grol ba dang/ phyug dbul la sogs pa gcig pa'i skyon du 'gyur ro/ /de la mu stegs can mi gnyis pa rnams la ni 'bod sgrogs kyis rgol ba rung ste/ sangs rgyas pa rnams kyi shes pa ni bdag dang gzhan gyi rgyud kyi dbang dang/ rkyen gyi khyad par gyi mthu las chos dang chos ma yin pa'i khyad par can du 'gyur ro/ /langka'i bdag po de la chos rnams gang zhe na/ 'di lta ste/ mu stegs can dang/ nyan thos dang rang sangs rgyas dang/ byis pa rnams kyi rnam par rtog pas rnam par brtags pa rgyu las yon tan dang rdzas kyi gzhi btsugs pa ni chos rnams zhes bya'o/ /de dag ni spang bar bya ba btang bar bya ba ste/ mtshan nyid du so sor rnam par brtags par mi bya ba ni rang gi sems snang ba'i chos nyid la med pa yin te zhes bya bas chos dang chos med pa tha dad pa'i bye@025a brag dang spong ba yang thams cad mkhyen pa gsung ngo/ /ji ltar mu stegs can khyad par can la sogs pa rtog pa ni rdul phra mo'i rdzos la yan lag can gnas te/ de bzhin du yon tan dang /las dang/ spyi dang/ 'brel pa ste/ de dag kyang chos dang chos can du 'byed par brtags pa ni spang bar bya'o/ /de ltar zhe na/ gzugs ni rdul phran gzhigs ba na/ rdul phran cha ni yod pa min zhes bya'o/ /'o na de ltar mtshan n id du brtags pa'i phyi rol gyi med na ci zhig snang zhes glengs pa dang/ thams cad mkhyen pas lan du gsungs pa/ rang gi sems snang ba'i chos rnams la med ces so/ /chos rnams ni rang gi sems la snang ba nyid de rab rib tu snang ba dang/ gzugs brnyan dang/ rmi lam dang/ mig 'phrul la sogs pa bzhin du chung pa ma rtogs par chung par bya ba phyi rol gyis med do/ /de de ltar na grangs can dang/ ne ya yi ka dang/ k+Sha pa na ka dang/ spyod pa can dang/ 'jig rten rkyang ban pa dang/ khyad par can la sogs pa smra ba po rnams kyi phyi'i don mi rigs te/ gang sngon po la sogs pa so so'i snang ba'i shes pa de ni rang gi dngos po 'dzin pa rab rib can la sogs pa'i snang ba bzhin no/ /phyi rol gyi sbos po dang phra mo phyogs kyi char rnam par dbye ba na/ khang pa dang/ sde dang/ nags tshal la sogs pa bzhin du stong ngo/ /rdzam la sogs pa'i chos byis pas kun brtags pa lus bu ma red pa rnams zhes bya ba ni rnam par phye ba na stong par 'gyur ro/ /rdul phra mo rnams kyang phyogs kyi sa dang par dbye ba na stong pa nyid do/ /de lta bur lhag mthong gis rab tu mthong na spong mdza' 'gyur ro zhes bya ste/ so sor snang du zin kyang rab rib kyi gzugs dang/ gzugs brnyan dang/ rmi lam dang/ mig 'phrul la sogs pa bzhin du shes rab kyis mi dmigs so/ /des na chos sbom bo dang phra mo gyis pas kun brtags pa de dag shes rab kyis spong ste/ mi 'dzin pa'i phyir ro/ /de la chos med pa rnams gang zhig /gang de dag bdag @ 025b nyid dum rang ba yin te / mtshan nyid kyi rnam par rtog pa rgyu ba med pa'i chos don gyi rgyu las byung ba de dag yang dag pa dang/ yang dag ba ma yin par 'jug pa med par mthong nas de'i phyir tshom med pa spong bar 'gyur ro zhes bya ba la bdag nyid du ma rig pa mtshan nyid kyi rnam par rtog pa rgyu ba med pa zhes bya ba ni gang dag la rang gi mtshan nyid du 'dzin pa'i chos gzugs la sogs pa bzhin du so sor snang pa yang med pa'o/ /de dag gi don ni rtag pa dang bdag la sogs pa'i rnam par rtog pa ste/ de'i rgyu las byung ba ni rnam par rtog pa rgyu ba med pa'o/ /yang dag pa las ma byung ba zhes bya ba ni yang dag par so sor snang ba las ma byung bas na byung ba med pa'o/ /de dag 'jug pa med par mthong nas chos med pa spong bar 'gyur te zhes bya ba ni de bas na/ ji ltar byis pa rnam rtog pa/ /de ltar dngos po yod ma yin /zhes bya ste/ rtag pa dang/ bdag dang/ bde ba dang/ gtsang bar phyi'i dngos por bskyed pa rnams so/ /de dag mi rtag pa dang/ bdag med pa dang/ sdug bsngal ba dang/ stong par yongs su shes pas chos med pa log pa'i shes pa'i mtshan nyid spang bar 'gyur ro/ /yang bdag nyid du mi rang pa'i chos rnams gang zhe na/ 'di lta ste/ ri bong dang/ rnga mo dang/ bong bu dang/ rta'i rwa dang/ me gsham gyi bu la sogs ba'i chos rnams te/ bdag nyid du ma red pa'i phyir zhes bya ba ni ri bong gi rwa la sogs pa de dag ma skyes bsan so sor snang ba yang med pa ste/ gzhan gyi dbang gi chos rmi lam dang/ mig 'phrul dang/ rab rib la sogs pa'i rang bzhin 'byung ba dang/ 'jig pa'i chos can 'dzin pa dang gzung ba'i rnam pa tsam du phyi rol gyi nges pa lta bur ma skyes pa'o/ /ri bong gi rwa la sogs pa de dag sgra'i don tsam nyid de/ ji ltar slob dpon d+harma kIrtis smras pa/ thog ma med ba'i bag chags byung/ /rnam par rtog las mthar phyin pa/ /sgra yi don te chos rnam gsum/ /dngos po dngos min gnyis ka'i gnas zhes pa'o/ /bum pa la sogs pa ltar ji ltar de dag rnam par shes pas mi gzung ba'i phyir spang bar bya ba de bzhin du rnam par rtog pa'i dngos po rnams kyang spang bar bya ba yin te/ de'i phyir chos dang chos med ba spangs pa yin no zhes bya ba ni gang na don gyi bya ba byed pa bum pa la sogs pa sal bar snang ba yang shes rab kyis rnam par phye ba ni stong pas spong bar 'gyur na ri bong gi rwa la/ sogs pa ma skyes pa dang/ snang ba med pa'i chos med pa rnams der so? sngar 'gyur ba lta ci smos te/ spong bar cher sla ba ni mi gzung ba nyid kyi phyir ro/ /ji ltar mdo sde 'di nyid du gsungs pa/ yod ba'i zlas drangs med pa ste/ /yod pa'ang med pa'i zlas drangs so/ /de bas med bar shes mi bya/ /yod par yang ni ma brtag go/ langka'i? bdag po khyod kyis chos dang chos med pa gnyis ji lta bur spang bar bya zhes smras pa de ni 'di ltar bshad do zhes bya ba ni thams cad mkhyen pas chos dang chos med pa snang ba dang bcas pa dang/ snang ba med par dbye bas ji lta/ 'byed pa dang/ /shes rab kyi gzung du med ba'i phyir ji ltar spang ba de yang gsungs so/ /gang yang langka'i bdag po khyod kyis sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la yang bdag gis dris te de dag gis kyang lan bla na no zhes smras pa yang langka'i bdag po sngon zhes bya ba 'di ni rnam par rtog pa'i tshig bla dags te zhes bya ba la sogs pa ni 'das pa dang/ ma 'ongs pa dang/ da ltar du yang rnam pra rtog pa snang bar 'byed pa rnams kyi chos dang chos med par byed do/ /de bzhin gshegs pa rnams ni de'i chos nyid kyis rnam par mi rtog pa zhes bya ba ni bsam pa med cing snang ba med pa mi gnyis pa'i don dam pa'i bden pa rang gis rigs pa la bzhugs bas na/ rnam par mi rtog ste/ snying rje'i bag chags kyis bskul bas snang ba dang bcas pa'i ting nge 'dzin gyi thams cad mkhyen pa rnal 'byor gyi dbang pos gzugs rnam pa sna tshogs kyi tsho 'phrul gyis skye bo mgu bar mdzad pa'i phyir chos ston to/ /rnam par rtog pa'i spros pa thams cad las ' das pa zhes bya ba ni bcom ldan 'das de bzhin gshegs pa rnams rang bzhin gyis 'od gsal ba gnyis su med pa'i rtogs pa don dam pa'i bden pa la yang dag par rnam par bzhuD pas dngos po dang dngos po ma yin pa'i rnam par rtog pa med cing spros pa dang bral pa rnams so/ /ji ltar dbu mar gsungs pa /spros las 'das pa mi gnyis pa/ /gang dag sangs rgyas spros par byed/ /de dag spros nyams glan pa rnams/ /de bzhin gshegs pa mi mthod do/ /gang dag yod par mthong ba rnams/ /dngos po rnams kyang med mthong ba/ /nyer zhi zhi blta bya ba/ /blo chung rnams kyis mi mthong ngo/ /spros pa med cing snang ba med/ /spras pa rnams kyis ma spros pa/ 'di ni 'jig rten mgon pa dag/ sangs rgyas bstan pa bdud rtsi yi/ /stong pa zhes par smra bya min/ /mi stong zhes par 'gyur ba dang min/ /gnyis dang mi gnyis shes pa yang/ /rnam zhi zhi lag la zhig /mya ngan 'das pa'i mdza' gang yin/ /'khor ba'i mdza' yang gang yin pa/ /de gnyis bar na cung zad kyang/ /shin tu phra ba'ang yod pa min/ /len med da ni mya ngan 'da' / /mya ngan 'da' pa da yir 'gyur/ /de ltar gang 'dzin de dag mi/ len pa legs min 'dzin pa'o/ /mya ngan 'da' ba' i rnam rtog med/ /'khor ba bsal ba ma yin te/ /gang 'khor mya ngan 'da' ba der/ /su zhig rnam par rtog par bya/ zhes bya ste/ de de ltar dngos po dang dngos po ma yin par rnam par rtog pa ? pa med ba'i rtog ba nyid thar pa ste/ ji ltar 'phags ma shes rab kyi pha rol tu phyin pa bdun brgya pa las gsungs pa/ 'di nyid mya ngan las 'das pa yin te gang zhe na/ mi sems pa nyid ces pa'o/ /ga? thugs kyi ngo bo nyid la brtags pa ltar ni ma yin gyis zhes bya ba ni gcig dang/ spom po dang/ che ba dang/ gzugs can dang/ reg pa can dang/ rdul phra mo las brtsams ba'i yan lag can zhes par rnam par mi brtag go/ gzhan du na ye shes thugs su chud pa bde ba'i don du mtshan ma med pa la spyod pa'i shes rab kyis rnam par sgom mo/ /de'i phyir de bzhin gshegs pa rnams ni ye shes kyi bdag nyid ces bya ba ni gang gi tshe sbom pa dang/ phra ba'i mtshan ma shes rab kyis gzhi gas pa na de'i tshe sgyu ma'i rnam par thar ba la gnaS pas gzigs kyang mi gzigs so/ /de bzhin gshegs pa rnams ye shes kyi bdag nyid ni dag pa 'jig rten gyi ting nge 'dzin la bzhugs pa ste/ byams dang snying rje dang/ dga' ba dang/ btang snyoms kyi yul du rnam par phye ste/ snod dang snod ma yin pa'i sems can rnams la mos pa ji bzhin pa de bzhin du chos bshad par mdzad do/ /ye shes kyi sku na mi snang ba'i ting nge 'dzin gyi yul las bzhengs nas snang ba dang bcas pa thams cad mkhyen pa'i ting nge 'dzin gyis gzugs rnam pa sna tshogs kyi rnal 'byor gyi dbang po bde bar gshegs pa gtogs 'dod dang/ tshangs pa dang lta chen po la sogs pa'i zugs kyis gnyis dang mi gnyis pa'i chos rnams kyi bye brag ston par mdzad do/ /gang gis mi rtag ce na/ yid kyis bdag dang zhes bya ba la sogs pa ste/ bdag dang srog la soD par rnam par rtog pa rnams kyis mi brtag ste yid kyis so/ /rtag ba'i bdag ni ma skyes pas na mo gsham gyi bul sogs pa bzhin du yod par mi rigs so/ /don du yang yul dang yul can gyi dngos por rnam par mi brtag go/ gzugs kyis chen nyid dang dbyibs dang rnam pa bzhin zhes bya ba la gzugs ni sngon po la sogs pa'i mtshan nyid pa'o/ /dbyibs ni rim pa'i gzugs te/ zlum po dang/ gru bzhi la sogs pas phye ba'o/ /rnam pa ni 'ong dang mun pa la sogs pa'i gzugs kyi rnam pa tsam te /de lta bu'i rnam pa thams cad ni gzhan gyi dbang ngo/ /snying rje'i bag chags kyis glengs te/ sbyin pa'i pha rol tu phyin pa la sogs pa'i bsod nams kyi tshogs las byung ba'i rnal 'byor can rnams kyi mtshan gyis brgyan ba'i sku la sogs pa sems can gyi don du snang ba ni ye shes nyid so sor snang ba yin no/ /skye bo rnams kyi yang bdag dang gzhan gyi sems kyi rgyud kyi bdag dang rkyen gyi khyad par gyis 'khrugs pa mnyam par ma 'dus pa'i ma rig pa dang/ las rnam par smin pa'i mthu las rnam pa sna tshogs kyi rnam pa rnam par shes pa'i so sor snang ngo/ /ji ltar mdo sde 'di nyid du mchog tu yongs su dag pa 'dod chags dang bral ba'i thams cad mkhyen pa rnal 'byor gyi dbang po gzugs rnam ba sna tshogs mnga' bas rab tu sgrub par mdzad pa brtags pa ni rang bzhin gyis dngos po thams cad ma skyes te/ gzhan dbang la ni brten nas ni/ /mi rnams rnam par rtog pa skye/ /rnam par rtog paS rnam spangs shing/ /gang tshe gzhan dbang dag pa ni/ /rdzogs pa de bzhin nyid ces bya/ /mdo sde mdo sder ngas smras so zhes pa'o/ kun rdzob dang don dam pa'i bden pas brtags pa dang/ gzhan gyi dbang dang/ yongs su grub pa rnams thams cad mkhyen pas de ltar ci ston/ /de bas na zhes bya ba ni bsdu bar mdzad pa ste /khyod kyis brtag par bya ba dang/ rnam par rtog ba dang bral bar bya'o zhes so/ de 'di nyid du gsungs pa/ dngos po tsam du brtags pa ste/ rnam par brtags pa byang par du/ /chos nyid rang gi mtshan nyid gang/ /chos nyid rang bzhin nyid da/ /brtags pa ni brjod pa tsam ste/ rtag pa dang/ bdag dang/ rdul phra mo dang/ yan lag can dang/ rdza la sogs par snang bar 'gyur bar dgongs par brtag go/ /byed par du rnam par rtog pa ni/ gzhan gyi dbang don gyi byed pa gsal bar nus pa 'dzin pa dang/ gzung ba'i dngos por brtag go / rang gi mtshan nyid ni yongs su grub pa don dam pa gnyis su med par rang gis rig pa'i chos nyid kyi rang bzhin du thams cad mkhyen pas thugs la dgongs bar rjes su dpag go /thams cad mkhyen pas yang rgyu'i don du gsungs pa/ langka'i bdag po 'di star yang sems can gyi spyod pa rnams ni rtsig pa'i ri mo'i gzuD dang 'dra ste zhes pa ni lus dang ngag gi spyod pa tha snyad kyi mtshan nyid ni so sor snang ba tsam ste gang dag/ gis rgyud gzhan par rjes su dpag par byed pa'o/ /ji ltar slob dpon d+harma kI rtIs smras pa/ thog mar blo byed bdag lus dang/ /mthong nas gzhan du de gzung phyir/ /blo zhes gal te shes gyur na/ /sems tsam tshul dang de mtshungs so/ khyi'i don med pas na bdag dang gzhan gyi rgyud kyi dbang las lus la sogs par snang ba so sor snang ngo/ /rmi lam du yang lha dang 'dre sha za la sogs pa'i dbang gi stobs las lus la soD pa tha dad par snang ba snang ngo/ /shin tu gtan la bab pa'i 'bras bus rgyu la bslu bar mi byed ces bya ste/ de bas na rab rib dang sa mnga' la sogs pa'i 'bras bu gsal bar snang yang nams kyang gzhan gyi blo bar rjes su mi dpag go/ don yang rgyu tsam ma yin gyi snang ba'i khyad par yang ngo/ /langka'i bdag po 'jig rten gnas pa ni/ g.yo ba med pa ste zhes bya ba ni su gang na snang ba de de nyid du 'gags pa ste/ de nyid kyi skad cig pa ni yul gzhan nas dus gzhan du 'phro ba mang pa ni skad cig pa'i phyir ro/ /thaMs cad mkhyen pas de nyid du rgyu gzhan gsungs pa/ las dang byed pa las bral ba zhes pa'o/ /byed pa dang byed pa po la mngon par chags pa ni ji ltar byed pa po rang dbang dang/ byed par 'dod pa'i mchog ni las dang/ byed pa pos byed pa bya bar brtsams pa na las shes bya'o zhes bya'o/ /byed pa bo dang las dang byed pa rnams la dbyer med de/ ji ltar 'phags pa dge 'dun chen po ba rnams kyis klog pa /'du byed thams cad skad cig pa/ /mi brtan par byed pa ga la zhig /'byung ba gang yin byed pa de/ /byed pa por yang de nyid brjod ces pa ste/ rtag pa dang mi rtag pa rnams la byed pa po'i tha snyad don dam par mi rung ngo/ /de ji lta zhe na/ sgro btags pa'i khyad par nyid de/ ji ltar b+ha tra ha ris smras pa/ grub dang ma grub ji snyed pa/ /bsgrub pa'i phyir ni bstan pa ste/ /rten pa rims kyis gzugs pas na/ /de ni byed ces mngon par brjod ces pa ste / rgyun la brten pa'i rim gyis rang bzhin ni yan lag gi skad cig pa gcig byed pa dang 'brel pa med de/ de bas na rten cing 'brel te 'byung ba mi 'byung ba ste /skyed pas bskyed ba'i skye ba med pa'i phyir ro/ /ji ltar dbu ma las gsungs ba/ gal te skye ba 'dus byas na/ /mtshan nyid gsum ni der rig ste/ /'on te skye ba 'dus ma byas/ /'dus byas mtshan nyid ji ltar rung/ /skye ba skye ba ji lta ba/ /bdag nyid gzhan gyis ma yin te/ /'gog pa la yang 'gog pa ni/ /bdag nyid gzhan gyis ma yin pa'o/ /nger de'i de lta bu'i dbu mar bshad pa rgya cher 'gyur te/ ji ltar sa dang po'i dbang po slob dpon klu sgrub kyis gsungs pa/ 'gog med skye pa med pa dang/ /chad med rtag pa med pa dang/ /sna tshogs don dang gcig don min/ /'ong ba med cing 'gro ba med/ /gang gis rten cing 'brel 'byung ba/ /spros pa nyer zhi zhi bar ni/ /yang ngag sangs rgyas gsungs gyur pa/ /gsungs mchog de la phyag 'tshal zhes bya'o/ /skye ba dang/ gnas pa dang/ 'gog pa rnams ni dngos po ma gtogs par yod par mi srid de/ rten cing 'brel te 'byung ba las dang 'bras bu nges par 'brel bas snga ma'i 'og tu 'di yod pas 'di yod par 'gyur ro zhes smos pa 'ba' zhig go / de lta bas na gzhan gyi dbang gi gnyis kyi rnam pa so sor snang ba'i rang bzhin pa rnams ni don dam par mi skye ba ste/ rmi lam dang mig 'phrul dang rab rib la sogs pa'i gzugs bzhin no/ /don dam pa'i bden pa gnyis su med par yang dag rig tu zin kyang de la khyad bar du gzung ba med de/ bdag nyid la rig bar bya ba dang rig po'i dngos por so sor snang ba'i rnam pa rtog pa med do// rgyud kyi rgyun la yang las dang byed pa med pa ni ji ltar rdo rje gcod pa las gsungs pa/ rab 'byor 'das pa'i sems kyang mi dmigs so/ /ma 'ongs pa'i sems kyang mi dmigs so/ /da ltar gyi sems kyang mi dmigs so zhes bya ba la 'das pa dang/ ma 'ongs pa dag ni dngos po med pa'o/ /da ltar gyi yang sems de nyid kyis sems de nyid ? mi dmigs so zhes bcom ldan 'das kyis dgongs pa'o/ /de bas na rten cing 'brel te 'byung ba las dang byed pa dang bral ba'o/ /chos thams cad yod pa ma yin zhes bya ba la yod pa ni ji lta bur @029a phyi dang nang gi dngos por 'dzin pa dang/ gzung ba gnyis kyi rnam pa gdon mi zabs gdon mi za bar byed pa rmi lam dang/ mig 'phrul dang/ gzugs brnyan dang/ rab rib la sogs pa'i rang bzhin pas na /de lta bur med ngo/ /mu stegs can gyi sems can rtag par kun tu brtags pa yang sems can ma skyes pas na mo gsham gyi bu la sogs pa bzhin no/ /mig dang rna ba la sogs pa'i skye mched rnams kyis kyang ji ltar sems can du gdags par bya ba de lta bur yang sems can med do zhes thams cad mkhyen pas sgrub pa gsungs pa/ 'di la gang yang nyan pa 'am mnyan par bya ba med do/ /langka'i bdag po 'jig rten gnas pa ni sprul pa dang mtshungs na mu stegs can gyis byis pa'i rnal 'byor ba rnams rnam par mi sgom mo zhes bas na/ nyan pa pos mnyan par bya ba sgra'i yul mnyan du med pa ni rmi lam la sogs pa bzhin du phyi'i don med pa'i phyir ro/ /'jig rten sprul pa dang mtshungs pa ni so sor snang ba tsam pas na gzugs la sogs pa'i yul rnams mig la sogs pa'i rnam par shes pa rnams kyis mi shes so/ /mu stegs can byis pa'i rnal 'byor pa rnams kyang rtag pa dang bdag dang phyi'i don la mngon par zhen pas don dam pa'i bden pa mi gnyis pa yang dag par rig pa mi sgom mo/ /langka'i bdag po gang gis de ltar mthong ba des ni yang dag par mthong ba ste/ rnam pa gzhan du mthong na rnam par rtog pa la spyod pa'o/ /de ltar rnam par rtog pa dang bcas pa rnams ni rnam pa gnyis su 'dzin te zhes bya ba gang dag rnam par rtog pa dang bcas pa ni 'dzin pa dang/ gzung ba sor snang ba nyid kyis rtag par bdag dang/ bdag gir mngon par zhen par rnam pa gnyis su 'dzin pa ni thams cad mkhyen pas dpes gsal bar sgrub par mdzad pa 'di lta ste/ me long gi nang du yong ba'i bdag gi gzugs kyi gzugs brnyan dang/ chu la bdag gi lus kyi grib ma dang/ @ 029b zla ba'i 'od dang/ khyim na me mar 'bar ba la bdag gi lus kyi grib ma dang brag cha 'am/ gzhan yang bdag gi rnam par rtog ba'i gzung ba rab tu gzung ba ste/ chos dang chos med pa rnam par rtog cing chos dang chos med pa'i spong pa la mi spyod de /spyod do/ rnam par rtog go /rgyas par byed pa? / rab tu zhi ba mi 'thob bo zhes te/ de la me long dang /chu dang/ snang ba'i nang du yod pa'i bdag gi gzugs kyi gzugs brnyan ni yod pa dang /med ces bya ba bzhin du chos dang chos med pa rnam par rtog par dpyod kyi/ yang 'di lta bur chos dang chos med pa spong bar mi byed do/ /ji ltar gzugs ni rdul phran gzhigs pa na/ rdul phran cha ni med pa ste/ zhes pa'o/ shes rab kyis dpyad pa na phyi'i dngos po med par mtshungs te/ ji bzhin du gzugs brnyan stong pa nyid pa de bzhin du lus kyang rmi lam dang/ mig 'phrul la sogs pa'i rang bzhin du 'jig rten du chung pa so sor snang ? zhes bya'o/ /brag cha la sogs par 'byed pas sgra? thos par rnam par rtog pa ni sgra de lta bur tha dang par yang gzhan yod pa ma yin te /rnam par rtog pa la spyod pa 'ba' zhig yin pas chos dang chos med pa'i rnam par rtog pa rab tu mi zhi ste/ des na de dag gis rnam par rtog pa rnams ni shes pas rab tu zhi ba mi 'thob bo zhes bya ste/ 'di ni rtse gcig pa'i tshig bla gdags te zhes bya'o/ /gang gi tshe gzugs la sogs pa'i m tshan ma sbom po dang phra mo mnyam par 'dus pa'i shes rab kyis gzhigs pa na gang yang mi dmigs pa de'i tshe dbang po'i shes pa mi rtog cing snang ba med par rang gis rig pa 'byung ba bzhin du rnal 'byor gyi dbang po mnyam par 'dus pa rnams don dam pa'i bden pa mi gnyis ba chung ba'i chos nyid rten gcig pa la ba nas pa'o/ /de lta bas na de bzhin gshegs pa'i snying por 'jug pa'i phyir ting nge 'dzin skye ba'o zhes bya'o/ /sems can thams cad ni de bzhin gshegs pa'i snying po zhes bya ste/ chung pa'i rang bzhin zhes bya ba'i don to/ /sems can thams cad la de bzhin gshegs pa 'byung zhes bya ste/ sems can thams cad kyi sems rab tu sangs pas sangs rgyas kyi ngo bo thob ste/ des na sems tsam thams cad mkhyen pa'i sangs rgyas bcom ldan 'das rnams su 'gyur ba ni snang ba dang bcas pa dang/ snang pa med pa'i ting nge 'dzin gyi rnal 'byor la goms shing bsod nams dang ye shes kyi tshogs mngon par spel ba'i phyir ro/ /gtogs 'dod dang /lha chen po dang/ tshangs pa la sogs pa gang dag kyang rnal 'byor gyi dbang po khyad par bdag la bstod par byed pa de dag kyang chung pa tsams sangs pas na chud pa tsam gyis dbang ston to/ /byang chub sems dpa' chos nyid kyis sems can gyi don la spyod pas gnyis pa dang/ mi gnyis pa'i ting nge 'dzin pa rnam par sbyong ba na de bzhin gshegs pa'i snying por 'jug pa'i phyir de dag la ting nge 'dzin skye'o/ /'phags pa langkar gshegs pa'i bshad pa ye shes dpal bzang pos byas pa las le'u dang por sgyu ma'i rnam par thar pa 'thob cing 'jig rten gsum las rnam par rgyal ba rnams la ma rtag pa dang/ thabs la mkhas pas byang chub sems dpa' i spyad ba dang/ chos dang chos ma yin pa gsol ba'i lan bka' stsal pa dang/ le'u phran gsum mo// //zab mo rgya chen chos rnams nor bu bzhin/ /rgya mtsho mchid rnams chen po gang las 'thob/ /sgrub pa gsal ba cis kyang de dag ni/ /mkhas pa'i byang chub lam du phyin par byas/ /gang yod de kun skad cig pa/ /glog gi 'khor lo 'dra ba ste/ /rmi stong shes dpal bzang tshig gi / bdag gzhan phan tshig dbang mchod gyur/ /de nas sangs rgyas kyi zhing thams cad du rgyu ba'i byang chub sems dpa' sems dpa' chen po glo gros chen po zhes bya ba la sogs pa la/ glo gros chen po gnyis pa dang/ mi gnyis pa'i chos kyi ting de 'dzin gyis chos rab tu 'byed par rgya che bas na blo gros chen po'o/ /lhan cig ces pa ni sangs rgyas kyi zhing thams cad nas khyon pa'i btsun gtso'i byang chub sems dpa' rnams dang ngo/ /sangs rgyas kyi zhing thams cad rgyu ba 'jig rten dang 'jig rten las ' das pa'i chos thams cad gsol ba'i lan 'dod pas skyon thams cad kyi rgyal mo bag chags dang bcas pa rtsa ba nas bton pa mchog tu kun dag pa 'dod chags dang bral zhing thams cad mkhyen pa rnal 'byor gyi dbang po cho 'phrul gyi rnam bdu ma dang/ gzugs rnam pa sna tshogs kyis chos ston pas sems can gyi rgyud mdza' med pa rangs par mdzad pa'i bcom ldan 'das bde bar gshegs pa la thog mar bstod de/ sems can gyi don du yongs su zhu bar byed do/ /de la bstod pa ni/ 'jig rten skye 'jig ma mchis te/ /nam mkha' i me tog rab tu 'dra/ /khyod kyi shes rab thugs rje yis/ /khyod kyis yod dang med ma dmigs zhes pa ste/ skye ba dang 'jig pa la sogs pa la skyed pa bos bskyed pa'i skye ba byed pa po dang/ byed pa po'i chos gzhan par kun tu brtag tu mi rung ngo/ /ji ltar khyad par can dang/ byA ba ra Na pa la sogs pas yongs su rtogs par de ltar skye pa dang/ gnas pa dang/ 'gog pa la sogs pa'i chos rnams gang zag dang chos la bdag med pa gnyis la yang tha dad pa yod pa ma yin te/ de bas na 'jig rten la yang skye ba la sogs pa yod pa ma yin zhes brtags pa'i don no/ /skad cig pa gcig ni su dang yang mi 'brel te/ gang gi tshe na skad cig gcig pa de'i tshe na/ skad cig gnyis pa med do/ /snga ma'i 'og tu 'di yod pas 'di yod pa ni rten cing 'brel te 'byung pa ste/ de yang skye ba dang 'jig pa la sogs pa dang bral ba'o/ /gang zag la bdag med pa'i skad cig ma rnams ni byed pa dang byed pa bor 'brel pas skye ba med pa dang/ chos la bdag med pa yang gnyis kyi rnam par skye ba med pa ni rmi lam dang mig 'phrul la sogs pa bzhin no/ /des na 'jig rten nam mkha' i me tog dang rab tu 'dra ste/ sbom po dang phra mo shes rab kyis tha dad par 'byed pas phye ba na mi dmigs te /stong par 'gyur ba ni khang pa dang/ sde dang/ nags tshal la sogs pa bzhin no/ /yod dang med ma dmigs zhes bya ba ni gnyis kyi rnam pa'i gnas ni yod pa dang med pa'i rnam par rtog pa'i tha snyad do/ /ji ltar 'di nyid du gsungs pa/ yod pa'i zlas drangs med pa ste/ /yod pa'ang med pa'i zlas drangs so/ /de bas med pa zhes mi bya/ /yod par yang ni mi rtag go/ zhes pa'o/ /ji ltar byis pa rnams rnam par rtog pa ni gnyid kyis ma log pa'i dus na/ gzugs yod la/ rmi lam gyi dus na ni med do zhes so/ /mkhas pa rnams ni shes rab kyis yod pa dang med pa mi dmigs pa ni thos pa dang sems dpa' i ye shes kyis so/ /de ltar bsam pa med pa dang/ snang ba med ba'i don dam pa'i bden pa mi gnyis bar rang gis rig pa la sangs rgyas bcom ldan 'das bzhugs pa rnams shes rab kyis mi dmigs pa lta ci smos/ thugs rjes kyang gzhan gyi don mdzad bar brtson z hing gang gi tshe don dam pa bshad par mdzad pas sbyin pa la sogs pa'i tshogs yongs su rdzogs par byed du gzhug pa de'i tshe sgyu ma byed pa'i skyes bu bzhin du mi dmigs pa ni gzugs rnam pa sna tshogs kyi rnal 'byor gyi dbang po sgyu ma'i rnam par thar pa la gnas pa rnams snang ba tsam la bzhugs te tha snyad mdzad do/ /chos rnams thams cad sgyu ma bzhin/ /sems dang rnam par shes pa spangs/ /khyod kyi shes rab thugs rje yis/ /khyod kyis yod dang med ma dmigs zhes pa ni rmi lam dang/ mig 'phrul dang/ gzugs brnyan dang/ rab rib la sogs pa'i rang bzhin lta bur gnyis kyi rnam pa'i sems dang/ rnam par zhes pa spangs te /sgyu ma 'dra ba'i snang ba tsam du snang ba'o/ /ji ltar 'di nyid du gsungs pa/ sems sa ni kun gzhi rnam shes te/ /dar sems nyid ni yid yin no/ /gang gis yul rnams 'dzin pa ni/ /de ni rnam par shes zhs bya zhes pa ste/ chud pa'i gnyis kyi rnam pa de dag ni mi skye ba ste/ sngar bshad pa bzhin no/ /'jig rten rtag dang chad spangs pa/ /khor gzug rmi lam 'dra pa ste/ /khyod kyi shes rab thugs rje yis/ /khyod kyis yod dang med ma dmigs zhes pa la/ de la rtag pa ni yod pa ma yin te/ med pa'i phyir ro/ /mi gnyis pa'i chud pa'i rgyud la chad pa yang med do/ /gnyis kyi rnam pa'i chad pa yang yun ring po dang yun thung du'i rmi lam bzhin no/ /chos dang gang zag bdag med dang/ /khyod kyis nyon mongs shes bya rnams/ /khyod kyi shes rab thugs rje dang/ /mtshan ma med paS rtag tu dag/ ces bya ba la mtshan ma med pa ni mi gnyis ba'i ye shes kyis 'dzin pa dang gzung ba'i dngos po mtshan ma gang yang mi 'dzin to/ /mtshan nam med pa'i rnaM par thar pa la gang gi tshe gnas pa de'i tshe gang zag dang chos la bdag med pa'i nyon mongs pa'i sgrib pa dang/ shes bya'i sgrib pa rnam par dag par 'gyur ro/ shes rab kyis mtshan ma thams cad mtshan ma med par bya ste/ stong par mthong ngo/ /stong pa la mtshan mar mi 'dzin pas sems kyis smon par mi byed do/ /sems kyis smon par mi byed cing de lta bur smon pa med pa'i rnam par thar pa'i sgor gyur kyang shes rab dang thugs rjes bdag dang gzhan gyi don la bzhugs pa yin no/ /mya ngan 'das par 'da' ba min/ /mya ngan 'das pa'ang khyod mi gnas/ /blo dang rig par bgyi dang bral/ /yod dang med pa'i phyogs kyang sbangs/ /zhes pa ni gang gi tshe shes rab kyis sgom pa dang phra ba gzhigs pa na/ dmigs bcud zad kyang mi mthod bde'i tshe na mi gnyis pa bsam pa med pa snang ba med pa'i don dam pa'i bden pa yang dag par rig pa'i sangs rgyas yin te/ blo dang rig par bya ba dang bral ba 'dzin pa dang gzung ba'i dngos po gnyis kyi rnam pa las grol bas dngos po dang dngos po med pas rnam par rtog pa dang bral ba ste/ ji ltar 'di nyid du gsungs pa/ mtshan nyid dang ni bya ba dang/ /dngos por mya ngan da mi 'da' / /rnam rtog rnam shes zlog pa na/ /da ni mya ngan 'das pa'o/ /zhes pa ste rtog pa dang /bdag dang/ gtsang ba dang/ bde ba'i dngos po'i phyin ci log gi rnam par rtog pa spangs pa'i phyir mya ngan las 'das pa yin gyi/ byed pa po dang byed ba'i rnam pa gnyis dang 'brel te /mya ngan 'da' pas mya ngan las 'das pa ni ma yin no/ /ji ltar bdun brgya pa las gsungs pa/ 'di lta ste/ mi sems pa de nyid mya ngan las 'das pa'o// de ltar skye 'jig spangs pa yi / thub pa'i zhi ba sus mthong ba/ /de dag 'di dang slad mar yang/ /chags med nyer len ma mchis 'gyur/ zhes pa ni/ bdag med pa gnyis la yang byed pa dang /byed pa por 'brel nas skye ba med par gang dag gis thub ba skye ba spangs pa de ltar mthong bde dag ni las dang nyon mongs pa'i srid par mngon par mtshams sbyar spangs te/ nye bar len pa med pas snang ba dang bcas pa dang /snang ba med pa'i ting nge 'dzin la bzhugs pa'i thams cad mkhyen pas 'jig rten thams cad la phan pa'i phyir gnyis su med pa'i shes rab kyis dngos po dang dngos po med pa'i rnam par rtog pa spangs te/ mya ngan las 'das par gnas pa yin no/ /chags pa med pa ni g.yo ba med pa'o/ /bcom ldan bdag ni blo can te/ /thag chen khong du chud par rtogs/ /dri ba brgya po rtsa brgyad pa/ /gsung ba'i mchog la zhu bar bgyi / zhes te/ ye shes 'jug pa'i rigs dang/ bdag gis sngon gyi rgyal ba rnams la bsnyen bkur byas pa smra ba yin te/ sems can rnams kyi log pa'i rnam bar rtog pa bsal ba'i phyir /ji ltar bdag gis sems can gyi don du sangs rgyas kyi zhing thams cad du zhu ba ltar ro/ /theg chen khong du chud par rtogs /zhes pa ni snang ba dang bcas pa dang /snang ba med pa'i ting nge 'dzin du 'byed pa'o/ /byang chub sems dpa' rnams kyi spyad pa sems can rnams kyi log pa'i rnam par rtog pa bsal ba'i don du zhu ba yongs su zhu bar 'tshal na/ bcom ldan 'das mchog tu yongs su dag pa 'dod chags dang bral zhing thams cad mkhyen pa rnal 'byor gyi dbang po gzugs rnam pa sna tshogs kyi cho 'phrul gyis mdza' yas pa'i sems can gyi rgyud mgu bar mdzad pa ji ltar spyan sngar nyid du sems can rnams kyi log pa'i rnam par rtog pa'i rgya mo ldog par 'gyur ba de ltar yang dag par zhu bar 'tshal ba bcom ldan 'das nyid mkhyen to zhes byang chub sems dpa' chen po blo gros chen pos dgongs pa'i don du dmigs so/ /thams cad mkhyen bas kyang 'khor gyi bsam pa thugs su chud nas/ nga la dris shig rgyal sras rnams/ /blo gros chen po khyod kyang dris/ zhes bcom ldan 'das kyis kyang btsun gtso blo gros chen po la skabs phye ba dang 'dri ba'i lung zhu bar byed do/ /bcom ldan 'das kyang gsung ba gang gang gis 'dri ba thams cad kyi lan lon par 'gyur ba 'jig rten dang/ 'jig rten las 'das par 'dri ba'i lan ni mchog tu zab mo gsungs pa'o/ /rnam pa gnyis kyis shes pa la shes rab kyis bye brag rab tu 'jug gi /gang yang don dam par mi sems pa mi gnyis pa yang dag par rig pa der ni snang ba dang bcas pa'i rtog pa thams cad ldog par 'gyur pa nyid do/ /so so rang gi spyod yul zhes pa ni rang gi rig par bya ba ste/ des na gang gis snang ba dang bcas dang/ /snang ba med pa'i ting nge 'dzin kyi khyad par gyi ye shes su 'gyur ba don dam pa'i bden pa mi gnyis pa yang dag par rig pa tsam nyid spyi'i rnam pa'i tshul gyis pas khyod la bstan par bya'o/ /zhes thams cad mkhyen pas dgongs pa'o/ /skabs phye ba dang blo gros chen pos tshig ma lus pa'i blo gros kyis thams cad mkhyen pa'i yul du gyur ba'i tshad ma dang/ gzhal ba dang/ brjod pa dang/ snang ba dang bcas pa dang/ snang ba med pa'i ting nge 'dzin rnams thugs su chung ba zhu bar byed do/ /ji ltar rtog ge rnam dag 'gyur/ /rtog ge ci yi slad du 'byung/ /ji lta bur na nor ba gda' / /ci yi blang du nor ba 'byung / ? ba la/ rtog ge ni rnam pa mang po yod de/ yang dag pa'i ye shes kyi stobs dang/ log ba'i ye shes kyi stobs las 'byung ba ste/ ji ltar ne ye yI ka rnams rtog pa tshad ma dang/ gzhal ba dang /dogs pa dang/ dgos pa dang/ @033a grub ba'i mdza' dang/ dpe dang/ yan lag dang/ rtog ge dang/ nges pa dang/ rtsod pa dang/ zug zug tu smra ba dang/ tho brtsams pa dang/ rgyur snang ba dang/ klan ka dang/ rigs 'dra ba dang/ tshad bcad ba'i gnas rnams yang dag bar shes pas gdon mi za ba rnams khong du chud par 'gyur ro zhes so/ /tshad ma dang gzhal ba ma rtogs par tshig gi don gzhan med do/ /gzhal ba yang ched ma ma gtogs par yong ba ma yin pa nyid de/ de ltar 'di nyid du gsungs pa/ gang zag rgyud dang phung po rnams/ /de bzhin rkyen dang rdul phran rnams/ /gtso bo dbang phyug byed pa rnams/ /sems tsam la ni rnam par rtog/ yang ji ltar gsungs pa/ gzugs ni rdul phran gzhigs pa ni/ /rdul phran cha ni yod pa min/ /'o na ci snang zhes gsol ba'i lan du thams cad mkhyen bas gsungs pa/ phyi yi dngos po med par yang/ /sems ni rnam pa gnyis su snang/ /dbyid ka'i smig rgyu ji bzhin du/ /g.yo bas sems ni bslu bar byed/ /ri dags rnams ni chur 'dzin te/ /de yi dngos po yod ma yin/ /de bzhin rnam shes sa bon ni/ /g.yo ba sems kyi sbyong yul la/ /byis ba 'dzin pa skye ba na/ /rab rib rab rib can bzhin du'o/ /zhes pa ste/ de de ltar bslu ba dang mi bslu ba la sogs pa tshad ma dang/ gzhal ba'i tha snyad 'di thams cad kun tu brtags ba'o/ /rmi lam du yang mtsho chen po la sogs par 'khru ba dang/ btung ba dang/ 'bog pa la sogs pa'i dgos pa dang der yang mya ngan gyi smig rgyu'i chu'i slu bar snang ngo/ /rnam pa de lta bu'i rtog gi ji ltar rnam par dag bar 'gyur zhe na/ gang gi cho? shes rab kyi mthus sbom po dang phra mo phyogs kyi char gzhigs te stong bar 'gyur ba de'i tshe tshad ma dang gzhal ba gnyis shes rab kyis cung zad kyang mi mthong nas mi gnyis ba nyid de/ nges par zhugs pa'i dbang po'i shes pa rang gis rig pa bzhin du don dam pa'i bden pa dngos po dang @ 033b dngos po med par rnam par mi rtog pa la gnas par 'gyur ro/ /de la rnam pa gnyis su snang bas blongs ba'i mthu nyid kyis mnyam par mi 'du ba'i ma rig pa yongs su smin pas mgo 'khor ba dang brgyal ba la sogs pa bzhin du bdag dang gzhan gyi rgyud kyi dbang dang rkyen gzhan pa rnams du ma'i dbang las kyang shes pa rnam pa sna tshogs su snang ngo/ /shes rab kyis dpyod pa ni mi snang bar 'gyur ba ni ji ltar slob dpon d+harma kIrtis smras pa/ blos ni myong byed gzhan med de/ /de la'ang myong byed gzhan yang med/ /'dzin dang gzung ba 'chem med phyir/ /de ni bdag nyid snang byed do/ /blo yi bdag nyid dbyer med kyang/ /'khrul par mthong ba rnams kyis ni/ /'dzin pa gzung ba yang dag rig/ tha dad bzhin du rtogs bar byed/ /ji ltar mthong ba de bzhin 'di/ /'dzin pa gzung ba rigs rnams la/ /tshad ma gzhal ba 'bras bu ni/ /med du zin kyang gzhag par bya/ /de de ltar gnyis kyi rnam pa'i rtog ge ma dag pa ni mi gnyis pa'i ye shes don dam pa'i bden pas rnam par dag par 'gyur ro/ /khyad bar rnams ni tshig gi don rnam pa drug yongs su shes pas mthar ro zhes kun rtog pa ni phyi'i don med par tshig gi don rnam pa drug po med pa nyid do/ /de dag gi rtog ge ma dag pa ni don dam pa'i bden pa mi gnyis ba yang dag par rig pas rnam par dag bar 'gyur ro/ /de kho na nyid nyi shu lnga yongs su shes pas mthar ro zhes grangs can rnams rnam par rtog pa phyi'i don med pas de dag gi yang gtso bo yul med bas na longs spyod med pa'i phyir spyod pa'i skyes bu yang ji ltar yod par 'gyur/ skyes bu'i rang bzhin sems pa can pas na rang gis rig pa tsam don dam pa'i bden pa mi gnyis ba'i ye shes nyid du rung ngo/ /ne yi ya'i ka dang khyad bar can gang dag yang bdag tshor ba can ma yin par kun tu rtog pa de dag gi dngos po rnam pa bcu drug dang/ drug gi khyad par tshor ba med pa la ji ltar yongs su shes par rung / rdzas dang/ yon tan dang/ las dang/ spyi dang/ khyad par dang/ 'brel pa rnams kyi khyad par bdag gis yongs su ji ltar shes/ bdag dang yid du sbyor ba las skyes pa'i shes pas chud par byed ces na ni de ma gtogs bar bdag dang yid med pa dag la rtog pa ni don med pa'o/ /bde ba dang/ sdug bsngal ba dang/ gti mug dang ldan pa ni gtso bo'i mnyam pa'i dus na yon tan gsum ste/ de 'dra ba ni chen po'i rgyu yin pa bkun tu rtog par byed do/ /chen po zhes bya ba ni blo'i rnam grangs so/ /chen po las ni nga rgyal lo/ /nga rgyal las ni sgra la sogs ba'i yul de tsam rnams lnga'o/ /de tsam rnam pa lnga las ni 'byung ba lnga dang/ blo'i dbang po lnga dang/ las kyi dbang po lnga rnams dang yid do// bdag tu chags pa yongs su shes pa ma gtogs bar gal te de lta bur yongs su shes pas thar par 'gyur na ni re lde dang/ rtsig pa la sogs pa'i khyad par yongs su shes pas cis na thar bar mi 'gyur/ /de bas na ne ya'i ka dang/ khyad par can gyi tshig gi don gyi khyad bar yongs su shes pas thar pa'i skyon 'di'ang mtshungs so/ /k+Sha ba na ka'i phyogs kyi thar par 'gyur bar smra bas kyang dogs pa ldog pa rim 'gyur ba nyid de /yod par 'gyur ba ni spyi'i bdag nyid dang med par 'gyur ba ni khyad par gyi bdag nyid dang/ yod kyang yod la med kyang med par 'gyur ba ni spyi dang khyad bar gyi bdag nyid du'o/ /yod par 'gyur ba spyi'i bdag nyid pa ni khyad par gyi bdag nyid du smra bar mi bya'o/ /khyad par gyi bdag nyid du yod par 'gyur pa yang spyi'i bdag nyid du smra bar mi bya'o/ /spyi dang khyad par gyi bdag nyid du yod kyang yod med kyang med pa ni cig char smra bar mi bya'o/ /spyi dang khyad par gyis bdag nyid du yod pa cig char smra bar mi bya'o/ /zhes ba k+Sha pa nak+Sha rnams kyi thar pa'i rgyur gdon mi za ba gang yang med de/ de'i phyir na rtog ge 'di ni ma dag pa ste/ des na de ni don dam pa'i bden pa mi gnyis pa yang dag par rig pas dag par 'gyur zhes bya'o/ /gang dag yang tshangs pa dang dbang po la sogs bar smra ba rnams kun tu rtog pa ni 'di thams cad tshangs pa yin te/ de bas na zhi ba la bsnyen bkur gyis shig ces pa gnyis su med par smra ba de dag gi grol ba dang/ ma grol ba dang/ phyug dbul la sogs pa gcig pa'i skyon du 'gyur ro/ /bde bar gshegs pa ba nams kyi mi gnyis ba'i chud pa ni mang po ste/ de bas na de dag gi rtog ge ni dag pa'o/ /spyod pa can rnams kyi rig pa ni rtag pa'i tshad ma ste zhes pa ni rtag pa ma skyes pa na ri bong gi rwa ltar dngos po med pas rtog ge 'di yang ma dag pa'o/ /gang yod pa de thams cad cig pa ste/ log pa'i sgra dang glog la sogs pa bzhin na/ /rtog bas ni rim dang cig car don byed bar 'gal ba'i phyir te/ gang la don byed ba'i mthu med pa de ni mo gsham gyi bu la sogs pa bzhin du dngos por yod pa ma yin no/ /'jig rten rkyang pan pa'i rtog ge yang phyi'i don med pas na 'byung ba'i 'gyur ba las 'gro ba'i rnam pa sna tshogs ma yin no/ /rgyu'i khyad par gyis byed pa ma gtogs par 'byung ba rnams kyang rnam pa sna tshogs su sus byed/ de bas na 'gro ba sna tshogs 'byung ba las gzhan par 'thad de /rgyu'i khyad bar las rjes su dpag to/ /der yang dbang po rgyu ma yin te / rtag pa ni ma skyes pas na mo gsham gyi bu la sogs pa bzhin du dngos por yod pa ma yin no/ /des na sdug bsngal gyi rjes su 'brel bar 'jug pa gang yin pa de dang do ni leg pa'i shes pas bdag tu zhen pa'i rgyu las 'byung ste/ mar me la sogs par bye ma leb la sogs pa bzhin no/ /sdug bsngal rjes su 'brel ces bya ba ni 'khor bar skye ba dang/ rga ba dang/ na ba dang/ 'chi ba dang/ mya ngan dang/ sle sngags 'don pa dang/ sdug bsngal ba dang/ yid blong ba dang/ 'khrug ba'i las mtshan nyid du 'jug pa'o/ /gal te log pa'i shes pa ma gtogs par yang sdug bsngal rjes su 'brel par 'jug par 'gyur na ni des dben pa'i ye shes skyes kyang g.yangs la sogs pa'i yul spong du zin kyang de nyid du ltung bar 'gyur ro zhes bya ste/ 'di ni mi mthun pa'i phyogs la gnod ba'i tshad ma ste/ des na rtag ba'i bdag la zhen pa dang/ las kyi srid par rab tu byung ste de zad pa nyid kyis thar pa ste/ phung por mi gnas shing 'jig pa'o/ /rab rib 'khrul 'das 'khrugs pa nye bzhi ba rab tu zhi/ /yod pa ma skyes nam mkha' i me tog rtog pa'ang cig car dang/ rim gyi don byed ma yin shes pa dpal bzangs tshad ma ni/ /tshul gnyis gdul ba bder gshegs pa yi yang mi gnyis la'o zhes bya'o// //de de bzhin du phran tshogs kyi rtog ge gzhan yang tshad mar rtog pa tsam la brten nas thar ba kun tu rtog pa ste/ khrus dang/ sbyin sreg dang/ ged pa dang/ g.yang sa dang/ bkra shis dang/ bkra shis ma yin par rnam par rtog pa'i mtshan nyid 'o ma dang/ 'o ma ma yin pa dang/ rtsa ba dang/ 'bras bu dang/ me tog dang/ rin po che dang/ gser la sogs pa 'chang ba dang/ thal bas bsku ba dang /skra 'bal ba dang/ ral ba'i cod pan gyis brgyan pa dang /gar dang/ glu dang/ dbang po mgu bar byed pa dang/ ba lang gi brtul zhugs dang/ ri dags kyi brtul zhugs pa sogs par rnam par rtog pa ni rtog ge ma dag pa ste/ bdag tu zhen pa yongs su ma spangs na ji ltar thar par rung/ rtag pa'i bdag tu chags pa'i mthu nyid las 'khor bar skye ba'i sdug bsngal rjes su 'brel par 'gyur te/ de bas na bdag med pa yongs su shes pas thar par rung ste/ de bzhin du yang bde bar gshegs pa rnams kyi rtog ge rnam par dag par 'gyur ro/ /ji ltar mchog tu yongs su dag pa 'dod chags dang bral zhing thams cad mkhyen pa rnal 'byor gyi dbang po gzugs kyi cho 'phrul gyis mdza' yas ba'i sems can gyi rgyud rangs bar mdzad pas ting nge 'dzin gyi rgyal po las gsungs pa/ bdag tu 'du shes la ni gang gnas pa/ de dag sdug bsngal la ni rab tu gnas/ /gang na sdug bsngal yod pa ma yin pa'i/ /bdag med de bdag gis ni mi shes so/ /rtog ge zhes bya ba ni don khong du ma chud pa'i rgyu khong du chud bar byed ba'o/ /de yang bde bar gshegs pa pa rnams kyi tshad ma'i rang bzhin ni don gsal bar chud par byed pa ste/ de lta na yang dag pa'i shes pa des rtog ge rnam par dag par 'gyur te/ gang gi the tshom du gyur te dngos po rnams mi rtog par mi 'gyur bas na 'byung ba'o/ /de de ltar yang dag pa'i shes pa dang/ log pa'i shes pa'i rten ni bde bar rtog pa dang 'khrul pa'i tha snyad de/ mi rtag pa dang/ bdag med pa dang/ sdug bsngal ba dang/ mi gtsang ba dang/ stong ba nyid kyi dngos po yongs su shes pas rtag pa dang/ bdag dang/ gtsang ba'i dngos por byin ci log pa'i shes pa ldog pas na mdo sde 'dis log pa'i shes pas rgya cher rnam par zlog par byed do/ /ci yi slad du sbrul dang zhing/ /khyod kyis mtshan dang mu stegs kyang snang byed rim pa ci slad du/ khyod kyis rgyal sras gang las lags/ /zhes bya ba ni phyi'i don med par grangs las 'das pa'i zhing rnams ji ltar snang/ 'jig rten 'di ni rmi lam lta bur chud pa'i snang ba lags na gang gis rmongs pa rnam par ldog pa de ltar 'jig rten la bshad du gsol zhes thams cad mkhyen pa'i yul du dri ba blo gros chen pos bsams par rjes su dpag go/ phyi'i don med par sprul pa rnams ji ltar na skur 'byed pa/ sgyu ma'i rang bzhin du 'jig rten la bshad du gsol/ phyi'i don med bar skyes bu chen po'i mtshan rnams ji ltar 'gyur ba de dag kyang sgyu ma'i rang bzhin du gang gis 'dus ba'i skye bo kun tu rmongs pa ldog par 'gyur ba de ltar bshad du gsol/ gnyis pa dang mi gnyis par smra ba'i mu stegs cn ji ltar ldog pa dang/ de dag gi rtsod pa dang chos dang gang zag la bdag med pa bstan pas bzlog tu gsol/ snang med rim pa ci slad du/ zhes pa ni phung po dang/ khams dang/ skye mched la sogs pa bshad nas rnam par shes pa tsam bshad par 'dod kyang dngos po dang dngos po med par rnam par mi rtog pa snang ba mang? pa'i ting nge 'dzin rim gyis bshad bar mdzad na snang ba dang bcas pa dang/ snang ba med pa'i ting nge 'dzin go rim du bshad par mdzad pa'i thams cad mkhyen pa'i dgongs pa de bstan du gsol/ /ji ltar 'di nyid du gsungs pa/ gcig la stan par gang mdzad pa/ /de ni gzhan la bstan pa min/ /nad pa'i dbang la sman pa bzhin/ /sman ni tha dad rtog byed ba'o zhes so/ /ting nge 'dzin rim gyis bsgoms pas sa dang pha rol tu phyin par khyad par gyi bsod nams dang/ ye shes kyi tshogs rgya che bas rgyal ba'i sras rnams kyi yon tan bla ma'i bla mar khyad par can du 'gyur ro/ /ji ltar 'di nyid du gsungs pa/ sa bdun dag ni sems yin te/ /snang ba med pa brgyad pa'o/ /sa gnyis dag ni gnas yin te/ /sa gzhan pa yi rang bzhin no/ /der? ltar chos rgya cher bstan du gsol/ /snang ba med pa'i rim pa ji lta bur mchis/ /de ma mchis nas bcu la dbang ba rnams kyi khyad par ji ltar 'di nyid du sgrub par mdzad pa/ bcu po pa ni dang po yin/ /dang po ba ni brgyad po yin/ /dgu bo yang ni bdun pa ste/ /snang med pa la rim ci yod/ ces bya ba la sogs pa ste/ sa dang por chos la bdag med par snang ba med pa'i ting nge 'dzin la snyoms par 'jug pa dang/ sa bcu por yang yin na stong pa nyid la khyad par ci ma mchis zhes pa la/ der sbyin pa la sogs pa'i pha rol tu phyin pa la sogs pa'i bsod nams kyi tshogs yang dag pa'i don du thams cad mkhyen pas bshad du gsol/ /grol ba gang du mchi bar 'gyur/ /bcings pa su lags pa gang gis 'grol/ /bsam gtan pa yi yul de gang// ji ltar theg pa gsum po lags/ zhes pa ni 'dod chags la sogs pa'i nyon mongs pa yongs su zad de sems ngag pa ni thar pa ste/ de ni gang yang mi 'gro'o/ /mu stegs can rnams kyis ni spu bur sbongs spyi bor brtol te nyi ma'i lam gyis zhi bar 'gro ba la sogs pas thar? pa'i gnas su kun rtog go/ gang na yang 'gro ba dang 'ong ba yod pa der skye ba'i gnas yin gyi thar pa ni ma yin no/ /grol ba gang du 'gro bar 'gyur ba ni thams cad mkhyen pas gang yang ma yin no zhes bstan du gsol/ /bcings pa? su zhig gang shis 'grol zhs bya ba ni phyugs kyi bdag pos phyugs kyi gtso bo bcings pa las bkrol bltar ni ma yin gyi/ ji lta zhe na/ yang dag ba'i ye shes kyis log pa'i shes pa bzlog pas bkrol ba ste/ ji ltar dbu ma las ? chags pa 'dod chags tha dad par/ /gal te 'dod chags sngar gyur na/ /de yi rkyen gyis 'dod chags 'gyur/ /chags med 'dod chags ci phyir zhig/ 'dod chags chags pa skye bar yang/ /rim pa de ni 'dra ba ste/ /'dod chags bzhin du chos rnams kun/ /lhan cig mi 'jug ltar cig min/ bsam gtan pa yi yul de gang/ zhes bya ba ni gang yang ma yin te/ gang ch+gs par byed pa dang/ gang du chags par 'gyur ba dang/ chos de des kun tu mi mthong ba ni shes rab kyis mi dmigs pa'i tshul gyis sdom po phra mo rnam bdag zhigs te gang yang mi mthong ngo/ /ji ltar theg pa gsum po lags zhes bya ba ni stong pa nyid la sna tshogs su bya ba med na ji ltar theg pa gsum du bzhag/ ji ltar thams cad mkhyen pas shA ri'i bu la/ /shes rab kyi pha rol tu phyin par lan du gsungs pa thams cad mkhyen pa sems can gyi don gyi tshogs kyis sa dang pha rol tu phyin pas khyad par du phye bas so/ /yang ji ltar 'di nyid du gsungs pa/ nyan thos dang ni rgyal ba gang/ /snang ba'i gzugs dag de dag ni/ /byang chub sems dpa' brtse bdag dag/ de dag sprul bston pa'o/ / @037a des na thams cad mkhyen pas khyod kyi theg pa gcig bu nyid bshad du gsol zhes bya'o/ /thams cad mkhyen pas sems can gyi mos ba'i khyad par las theg pa gsum du sgrub bar gsungs pa/ gcig la bshad pa gang yin pa/ de ni gzhan la bshad ba min/ /nad ba'i dbang las sman pa bzhin/ /sman ni so sor rtog par byed/ ces pa'o/ /de de lta bu ni tshigs su bcad pa bsdus ba las zhus pa thams cad kyi lan yod pas na 'di'i bshad pa yang rgya che bar der rig par bya'o/ /rkyen gyis skye ba de dag ci/ /'bras bu ci zhig rgyu ni gang/ /gnyis ka gzhan pa ci slad du/ /ji lta bur yang 'byung ba lags/ zhes bya ba ni skye ba dang/ skyed ba'i dngos po dang/ byed ba dang/ byed ba por 'brel te rkyen las 'bras bu 'byung ba cung zad kyang med de/ gang gi tshe na rgyu yod pa de'i tshen'bras bu med pas na rgyu ji ltar na yod/ ji ltar 'di nyid du thams cad mkhyen pas gsungs pa/ blo gros chen po bu ma skyes par yang phar 'dogs pa bzhin du rtog ge ba rnams kyi rim gyis 'byung bar mi 'thad pa dang /cig car 'byung par mi thad de /rgyus mtshan nyid ma thob ba'i phyir dang/ dus gcig tu pan bar bya ba dang/ phan par byed pa mi rung ste/ de bas gnyis ka gzhan ba'i phyir rgyu dang 'bras bu'i pos por mi rung ngo/ /ji lta bur yang 'byung ba lags zhes bya ba ni chen pa'? 'bras bu ji ltar na bya/ med pa byed par 'gyur na ni/ byang ba bkag par mi 'gyur ro/ /snga ma'i 'og tu 'di yod na 'di yod bar 'gyur zhes te/ rten cing 'brel te 'byung ba las dang 'bras bur nges par 'brel ba 'ba' zhi'o//gzugs med snyoms par 'jug pa dang/ 'gog pa de yang ji lta bu/ /'du shes 'gog pa ji lta bu/ /ci slad ji ltar sad par 'byur/ zhes bya ba ni shes rab kyi pha rol tu phyin pa sems 'jug pa 'gog pa'i rnal 'byor yin mod kyi/ 'on kyang gnyid lci ba la gnas pa bzhin pas na/ ji ltar na sang bar 'gyur/ bdag tu chags pa dang las dang tshe'i rgyun ji srid du mi ldog pa ni nyon mongs pa rnams 'gog pa bdag tu @ 037b chags pa yod na 'gog par 'gyur ro/ /'du shes 'gog pa ji lta bu zhes bya ba la/ 'du shes ni mtshan mar 'dzin ba'i bdag nyid de/ shes rab kyis stong pa nyid du khong du ma chud kyi ba ? yang ji ltar na 'gag bar 'gyur/ stong pa la mtshan mar mi 'dzin te /sems la mtshan ma med pas smon bar mi byed de/ de ltar na 'du shes thams cad dang bral ba'i sangs rgyas bcom ldan 'das su 'gyur ro/ /ci slad ji ltar sad par 'gyur/ zhes bya ba ni snying rje ba'i bag chags kyis sems can gyi don du sad nas/ sangs rgyas rnams gzigs kyang shes rab kyis mi gzigs so/ /gang dag la yang? nam mkha' mdza' yas dang/ rnam par shes pa mdza' yas dang/ 'du shes yod pa dang/ med pa yang rung ste/ rtag pa dang bdag tu 'du shes pas sems 'jug pa 'gags pa tsam la gnas pa'i mu stegs can rnams des ji ltar na/ srid ba'i srog? ma gyur kyang/ bsam gtan pa srid chags med rnams/ dar byed lcags gyus drangs ba dag /sems can dmyal ba yang gyur ba/ /de dag sad par ji ltar rung/ /rigs pa dang lung gi rjes su mthun par bdag gis cung zad cig bshad mod kyi dam pa'i chos 'di ba'i lan nges par ni thams cad mkhyen pas mkhyen te/ 'gro ba dang ni lus 'dzin kyang/ /ci yi slad du bya ba 'byung/ /ji ltar sal 'jug bar 'gyur /zhes bya ba ni su phyogs dang dus gang du skyes ba de de nyid du 'gags pas na bya ba ci'i blang du 'byung skad cig ba'i don gyi dngos po 'gags bas yul gzhan du 'gro ba'o/ /lus 'dzin pa yang rtag par byi'i don du 'du shes pas skad cig pa 'dra bar gzhan skye ba la gcig tu nges par 'dzin to/ /mgo 'khor ba dang/ brgyal ba la sogs pa bzhin du chud pa 'phrul pa'i rnam pa la phyi rol gyi bar sgro btags nas sems can rnams kyis gnyis kyi rnam pa'i phyin ci log 'khrul ba yin te/ des na snang ba med do/ /gzugs ni rdul phran gzhigs pa na/ /rdul phran chan yod pa min/ /zhes so /ji ltar sa la 'jug bar 'gyur zhes bya ba ni sbyin pa la sogs pa'i tshogs dang/ rnam pa gnyis kyi rnam par shes pa dang/ ting nge 'dzin gyi khyad par bla ma'i yang bla ma rnams kyis sa rnams su 'jug go/ phyi'i don med pas na yul dang dus kyi rim pas gal? sogs bar 'byed ba med do zhes par thams cad mkhyen pas sems can rnams la go bar mdzad du gsol zhes blo gros chen pos dgongs par brtag go/ srid gsum choms nas pha des su/ /gnas ni gang lags lus ni ci/ /gnas shing 'gro ba gang zhig tu/ /rgyal ba'i sras su ji ltar 'gyur / zhes bya ba ni khams gsum gyi 'dod chags dang bral ba rnams ni srid pa gsum tshoms nas 'gro'o/ /gnas zhes bya ba ni de dag la gnas yod de/ de dag kyang sangs rgyas su 'gyur ba'o/ /de dag gi lus ni ye shes kyi'o/ /de dag gnas ba'i mya ngan las 'das ba la gnas pas na/ 'jug pa dang ldog pa'i 'du shes kyis de dag 'phangs pa ste/ gang dag la'ang 'gro ba dang 'ong ba'i 'du shes yod bas so/ /rgyal ba'i sras su ji ltar 'gyur zhes bya ba des na 'dod chags dang bral ba yang srid pa gsum bcom ste/ 'gro ba med pa ni sangs rgyas su 'gyur ba'i byir zhes par blo gros chen pos dgongs bar brtag go /dbang dang ting nge 'dzin rnams dang/ /mngon par shes pa ji ltar 'thob/ /ji ltar sems ni mnyam bar 'jog? /rgyal ba khyu mchog bdag la gsungs/ zhes bya ba ni 'dod chags dang bral ba gang la snying rje'i sa bon yod pa de la sangs rgyas rnams kyis gzhan gyi don la bskul ba na byang chub sems dpa' i spyad bas mngon bar shes ba dang/ dbang dang/ ting nge 'dzin rnams yod par 'gyur ro/ /snying rje'i bag chags kyis glengs ba na/ chags pa med pa'i sems mnyam par 'jog ste/ sa bon thams cad kyi kun gzhi rnam bar shes pa mi dge ba'i bag chags spangs te/ dge ba'i bag chags de dge la yod do/ /de bas na 'di skad du gsungs pa/ yid dang rnam par shes ba dang/ kun gzhi de yang ji lta bur/ /snang la ji ltar 'jug pa lags/ /ji ltar snang las slad du ldog ces bya ba nas/ mtshan rnams rnam par dgod pa dang/ /bdag med ba'ang ji ltar 'gyur/ zhes bya ba'i bar du'o/ /nyan thos la sogs pa nges pa'i rigs su ji ltar 'gyur/ yod ni sems can thams cad de bzhin gshegs pa'i snying po zhes bya ste/ snod ma yin pa'i sems can gang yang med pas byang chub tu sems bskyed pa thams cad kyis thams cad kyang sangs rgyas su dgong bar bya bas na/ de ltar sgrub tu gsol zhes blo gros chen pos dri bar bsams pa'o/ /sems tsam du yang ji ltar rig par bya /phyi'i don du gdon mi za bas sems can rnams kyi tha snyad 'jug ste/ ji ltar phyi'i don ma mchis pa de ltar rig ba'i khyad par gyis sgrub par gsol/ /ji ltar don sun 'byin bar 'di nyid du gsungs pa/ gzugs ni rdul bran gzhigs pa na/ /rdul phran cha ni yod pa min/ /snang ba 'di ci zhes pa dang/ /gsungs pa/ phyi yi dngos po med bar yang/ /sems ni rnam pa gnyis su snang/ zhes pa ste rab rib dang/ mgo 'khor ba dang/ brgyal ba la sogs ba'i dngos po ltar ro/ /gang gi tshe na/ shes rab mnyam bar 'jog pas cung zad kyang mi dmigs pa de'i tshe/ sems tsam nyid la gnas par 'gyur ro/ /phung po dang/ /bams dang/ skye mched la sogs ba'i mtshan nyid ji ltar snang ba cam pa de ltar bstan du gsol/ chos dang gang zag la bdag med pa phang ji ltar 'gyur zhes bya ba ni phyi'i don med pa dang/ skad cig pas ji ltar 'jig par 'gyur /de ltar rig pa'i khyad par gyis bsgrub par gsol/ sems can ma mchis ji lta bu/ /kun rdzob bshad pa ji lta bu/ ji ltar rtag dang chad ba yi/ /lta ba rab tu 'byung mi 'gyur/ zhes bya ba ni sems can rnams/ gnyis kyang 'byung ba med de/ mu stegs can rnams kyis rtag pa yin par yongs su rtogs pa'i sems can de med de/ mo gsham gyi stsal? sogs ba bzhib du ma skyes pa'i phyir ro// mig la sogs pa'i skye mched rnams kyis gang la sems can du gdags bar bgyi ba yang phyi'i don ma mchis pas na de yang ma mchis par bstan du gsol/ kun rdzob bshad pa ci lta bu zhes bya ba ni gal te phyi'i don med na/ mgo 'khor ba dang brgyal ba la sogs pa bzhin du phyi'i don ma rtogs pa yang rnam pa sna tshogs kyi rnam par shes pa rab tu 'byung zhes par ro/ /ji ltar rtag pa la mngon par chags pa kha cig la thar bar yang bdag rtag pa yod ces ba dang/ ji ltar kha cig chad par mngon par chags te/ der thar pa thams cad kyis med ces pa de /'di rtag pa ba dang chad par smra ba skad cig ma'i rgyun don dam pa'i bden pa mi gnyis par yang dag par rig par ji bzhin du 'jig par mi 'gyur ba de bzhin du bshad du gsol/ ji ltar khyod dang mu stegs su/ /mtshan nyid rnams kyis 'gal mi 'gyur/ /sde pa rnams kyang ji lta bur/ ma 'ongs dus na 'byung ba gsungs/ zhes bya ba la mu stegs can ni grangs can dang/ khyad par can la sogs pa ste/ dbang po dang don gyi khyad par rnams kyis phyi'i don gyi mtshan nyid yongs su rtog la/ /phyi'i don med par yang phung po dang/ khams dang/ skye mched la sogs pa'i mtshan nyid de bzhin gshegs pa'i tshul dang/ ji ltar na 'gal bar mi 'gyur/ sde ba rnams ni thams cad yod par kun tu rtog ste/ thams cad du smra ba ba ni grangs can rnams kyis gsal ba dang/ mi gsal bar kun tu rtog pa bzhin du dus gsum du yang bya ba byed pa dang/ bya ba mi byed pa yod do zhes so/ /sa mi ti ba rnams ni gang zag rtag par 'dod do/ /de bzhin du 'phags pa dge 'dun chen po pa rnams dang/ gnas brtan chen po ba rnams kyang rtog pa tha dad pa dang/ 'dod pa tha dad pas phye ba phyi'i don du smra ba rnam pa bzhi po yang rnam pa bco brgyad du 'byed pa'i sde pa rnams ma 'ongs pa'i dus na ji ltar 'byung/ /blo gros chen pos dgongs pa ni gang gi de lta bur smra bar mi 'gyur ba'i theg pa chen po 'ba' zhig bshad du gsol zhes bang? ngo?/ /ji slad ji ltar stong pa nyid/ /ji ltar khyod kyi skad cig 'jig/ snying po ji ltar 'byung ba lags/ /ji ltar 'jig rten byed ma mchis/ zhes bya ba ni lta ba thams cad slong ba ste/ chos la bdag med pa yongs su mchis pa don dam pa'i bden pa mi gnyis par yang dag par rig par bya ba ni shes rab kyis mi dmigs ba'i tshul gyis 'gyur ro/ /gang yod pa de thams cad skad cig pa ste/ se gol gyi sgra bzhin no/ /rtag pa ni rims dang/ cig car don byed pa 'gal bas na ri bong gi rwa bzhin du med par de ltar thams cad mkhyen par skad cig par 'jig par sgrub tu gsol/ bshes pa'i shes pa ni log pa'i shes pa ste/ de las rtag par yid ches pa mi 'byung ste/ skra dang rtswa la sogs pa bcad na phyir skyes pa bzhin du 'dra ba'i dngos po gzhan skyes pa la shes pa 'jug go / chos dang gang zag la bdag med rtogs pas sems can thams cad de bzhin gshegs pa'i snying po par rab tu chud pa thob par 'gyur ro/ /'jig rten byed pa ma mchis pa ni 'dzin pa dag gzung pa dang/ brjod pa dang/ rjod pa dang/ bskyed pa dang/ skyed pa dang/ byed pa dang/ byed pa por 'brel ba med pa'i phyir ro/ /ji ltar don dam pa'i bden pa gnyis su med par chud la yod pa dang med par rjod par mi bya ba kun tu rtog pa dang bral bar gyur ba de ltar khong du chud par mdzad du gsol zhes blo gros chen pos dgongs pa'i don du brtag go/ ji ste 'jig rten smig rgyu 'dra/ /dri za 'dra dang smig rgyu dang/ /chu yi zla ba 'dra ba yang/ /ci yi slad pa bdag la gsungs/ zhes bya ba ni rmi lam dang/ mig 'phrul dang/ chu zla dang dri za'i grong khyer dang/ dgon pa'i smig rgyu la sogs pa/ chur 'khrul par snang ba bzhin du 'jig rten yang thog ma dang tha mar stong pa dang/ dbus su gnyis kyi rnam pa'i ngo bo nyid kyis stong pa ste/ 'khrugs pa'i mthu dang mnyam par mi 'du ba'i ma rig pa dang/ las kyi dbang dang/ bdag dang gzhan gyi rgyud dbang dang/ rkyen gyis khyad par dbang las 'jig rten rnam pa sna tshogs su snang ngo/ /thos pa dang/ sems pa dang/ sgom pa'i shes rab kyis rjes su 'brang bas gang gi tshe shes par bya ba sbom pa dang phra ba phyogs kyi char dbye bas phye ba na stong par mthong ba ni/ don dam pa'i bden pa gnyis su med pa yang dag par rig pa dngos po dang dngos po ma yin par rnam par mi rtog par mngon par rtog par 'gyur ro zhes thams cad mkhyen pas spyir sgra'i don du sgro btags te/ 'jig rten gyi glo bar chud par mdzad du gsol zhes blo gros chen pos dgongs pa'o/ /byang chub yan lag ji ltar cis/ /byang chub phyogs rnams ci las 'byung/ /yul 'khrug pa dang khrag khrug dang/ /ji ltar srid pa lta bar 'gyur/ zhes bya ba ni bsam gtan dang/ ting nge 'dzin yang dag pa'i byang chub kyi yan lag la sogs pa gang dag byang chub kyi phyir yan lag byed pa dang/ byang chub kyi phyogs kyi chos gang dag yang sum cu rtsa bdun rnams so/ /gang dag yang mu stegs can rnams kyis rtsod pa dang 'thab pas phan tshun du khrag khrug gis srog gcod pa la sogs pa'i chos dang yul 'khrugs nas bsreg pa dang/ rgol ba dang/ khro ba la sogs pa mchod sbyin po dang/ dran pa po dang/ brtag pa po rnams kyis chos su kun tu brtags pa rnal 'byor ba dang/ tshe len pa po rnams kyi zhi ba dang/ ma zhi ba'i gnyis kyi rnam ba'i shes pa las kyang ji ltar na 'jug /ji ltar srid pa lta bar 'gyur zhes bya ba ni mtho ris 'dod pas mchod bar bya zhes pas na/ gang gis phyi'i don du mngon bar chags pas 'khrul pa de dag ldog bar 'gyur bar gnyis su med pa don dam pa'i bden pa bdud rtsi'i chos de bstan du gsol/ ma skyes pa dang ma 'gags pa dang/ ji ltar nam mkha' i me tog 'dra/ /'jig rten ji ltar thugs su chud/ /ye ge med bar ji ltar gsungs/ zhes bya ba ni skye ba dang/ skyed pa dang/ byed pa dang /byed pa po la mngon par 'brel pas ma skyes pas nam skyes pa'o/ /skad cig pa'i dngos po ma gtogs par skye ba dang gnas pa dang/ 'gog pa la sogs pa gzhan pa'i chos med de/ des na ma 'gags pa'o/ /ji ltar dbu ma las 'byung ba/ /gal te skye ba 'dus byas na/ /mtshan nyid gsum ldan der rigs te/ /de ste skye ba 'dus ma byas/ /'dus byas mtshan nyid ji lta rung/ /des na bdag med pa gnyis la yang skye ba dang gnas pa dang/ 'gog pa la sogs pa'i chos gzhan med do/ /chos la bdag med pa la yang gzhan gyi dbang gi ngo bo nyid kyi gnyis kyi rnam pa rnams ma skyes ba ni rmi lam dang mig 'phrul la sogs pa bzhin no/ /de bas nam mkha' i me tog bzhin du shes rab kyis gnyis kyi rnam pa stong ste/ de ltar dmigs su med pa'i tshul gyis 'ji rten thugs su chud do/ /yi ge med pa ni bsam pa med cing snang ba med pa don dam pa'i bden pa mi gnyis par yang dag par rig pa mngon pa'i tshul gyis spyir sgra dang don du skyed de/ gnyis pa dang mi gnyis pa'i mtshan nyid kyi chos bshad par mdzad pa/ rnam par mi rtog pa de rnam par rtog pa dang bcas pa'i ye shes kyis bshad du gsol/ ci yis rnam par mi rtog 'gyur/ /ji ltar nam mkha' 'dra ba lags/ /de bzhin nyid ni rnam pa du/ /sems dang pha rol phyin pa du/ zhes bya ba ni gang gi tshe na/ shes par bya ba sbom po dang phra ba phyogs su dbye bas phye ste/ cung zad kyang mi dmigs pa de'i tshe chud pa mi sems shing rnam par mi rtog pa dang/ chags pa med pa'i nam mkha' dang 'dra bar 'gyur ro/ /de bzhin nyid la rnam pa gnyis yod de/ dri ma dang bcas pa dang/ dri ma med pa ste/ 'khor bar 'khrul pa'i rnam pa dang mi gnyis pa'i thar bar stong ba'o/ /sems zhes bya ba sems ni kun gzhi rnam shes te/ /dar sems nyid ni yid yin no/ /gang gis yul rnams 'dzin pa ni/ /de ni rnam par shes zhes bya/ zhes pa'o/ /dbang po dang don me @041a par yang sems nyid ni rmi lam gyi dus na/ mig la sogs pa'i rnam par shes pa'i rnam pa rnams su so sor snang ba ni/ /lus dang longs spyod gnas snang ba/ /kun gzhi kun tu 'byung ba ste/ /rnam brgyad rnam dgu de bzhin du/ /rgya mtsho rlabs rnams bzhin du'o/ /pha rol tu phyin pa ni theg pa chen po la pha rol tu phyin pa bcu'o/ /nyan thos kyi theg pa drug klog so /theg pa chen po ni thabs dang/ smon lam dang/ stobs dang/ ye shes kyi khyad par gyi mtshan nyid can te/ de'i phyir de ltar shes rab dang/ /thabs la mkhas pa dang/ smon lam dang/ sems can gyi don du spyad par byed pa sangs rgyas kyi lam gyi khyad par ni nyan thos kyi theg par ma gsungs so/ /'phags pa'i bden pa bzhi'i ye shes ni byang chub gsum gyi yang thun mong ba lags te/ des na sangs rgyas kyi lam sa dang/ pha rol tu phyin pa'i khyad par rnams kyis theg pa chen po'o/ /mdo sde rgya che ba nyan thos rnams kyis khong du ma chud pa stong pa nyid dang /mtshan ma med pa dang /smon pa med pa'i rnam par thar ba thob pa kha cig der 'jug pas na bshad du gsol/ /gang gis sa yi rim par 'gyur/ /snang med rgyu ba gang zhig lags/ /gang gis bdag med rnam pa gnyis/ /shes bya ji ltar rnam par bdag /ces bya ba ni chos la bdag med pa ni sa dang bor 'gyur ro/ /de ltar na ni gnyis su mi snang ba'i ting nge 'dzin gyi rim pa'i khyad par kyang ji ltar na 'gyur / rab dang/ 'bring dang /tha ma dang /g.yo ba dang mi g.yo ba'i rims pas 'gyur ro/ /gnyis kyi rnam pas bdag med pa gnyis te /so sor snang ba'i rnam par rtog pa'i khyad par gyis 'gyur ba dang/ de bzhin du thos pa dang sems pa'i ye shes kyi phung po dang/ khams dang/ skye mched la sogs pa so sor snang bas gang zag la bdag med pa'o/ /ci shes bya ji ltar rnam par 'dag ces bya ba ji lta zhe na/ gang gi tshe shes par bya ba shes rab kyis cung zad mi dmigs pa de'i tshe shes bya 'dag go /shes rab kyis @ 041b mi dmigs pa dang/ snying rjes dmigs te/ des na snang ba dang bcas pa dang/ snang ba med pa'i ting nge 'dzin dang /sa dang pha rol tu phyin pas bsod nams dang ye shes kyi tshogs 'phel ba na/ thams cad mkhyen pa'i gzhan gyi don 'phel bar 'gyur ro/ / de ltar 'jig rten las 'das ba'i zhu ba gsol nas/ gzhan gyi don du 'jig rten pa dang thun mong pa'ang gsol bar byed do/ /mgon po ye shes rnam pa dang/ /tshul khrims sems can 'byung gnas du/ /nor bu mu tig gser 'byung ba'i/ /rigs rnams su yis rang tu phyung/ /zhes bya ba ni thams cad mkhyen pa'i yul du gyur pa rnam par shes pa rnam pa du ma zhu bar byed pa ni shes rab dang/ bzo dang/ sgyu rtsal mdza' med pa rnams so/ /tshul khrims ni tshul khrims dang brtul zhugs snyems bar byed pa grangs med pa rnams so/ /sems can gyi 'byung gnas ni dge ba dang/ mi dge ba'i las mu med pa rnams so/ /de bzhin du rin po che'i 'byung gnas rnams te /sems can gyi las rnam pa sna tshogs las 'byung ba dang/ de dag blta bar bya ba'i gtsug lag kyang dpag tu med pa'i phyir te/ ji ltar mdza' yas pa'i sems can gyi the tshom spangs te/ bsam pa mgu bar 'gyur ba de ltar bshad du gsol zhes pa'o/ /'jig rten gyi zhu ba snying po med ba rnam pa de lta bu rnam pa thams cad mkhyen pas spong ba'i lan bka' stsal par mdzad ba/ ri rab la srang? du yod ba dang/ sa la rdul du yod pa dang/ yungs 'bru dang/ til 'bru dang/ 'bras dang/ nas dang/ sor dang/ mtho dang/ khru dang/ khru bzhi la gzhu dang/ de lta brgya la rgyad grags dang/ de bzhi la dpag tshad la sogs pa stong phrag brgya la 'bum dang/ bye ba dang/ dung phyur dang/ thar? 'bum dang/ shu rdog la sogs pa'i grangs su bya ba ci'i phyir ni mi 'dri/ skad cig /yud tsam thang cig dang bdun stong nyid brgya'o/ /yud tsam sum cu la thang cig go / thang cig de la skad cig pa sum khri drug stong ngo/ /thang cig sum cu la nyin zhag gcig go /nyin zhag gcig la skad cig pa bye ba phrag drug dang/ gzhi mthun brgyad khri ste// gang na phung po lnga skye zhing 'gag pa'o/ /skad cig /yud tsam/ thang cig /'dzums pa dang/ phye ba dang /chu tshod dang/ thun dang/ nyin zhag dang/ zla ba dang/ lo dang/ bskal ba'i grangs dang/ yul thams cad ci ste mi 'dri/ yal ga gzhon nu dang/ /shing gel pa dang/ rtswa dang/ nags tshal dang/ mya ngan gyi thang dang/ bye ma'i sgang gi mdza' dang/ bram ze rnams kyi chos kyi gtsug lag rig pa'i gnas rnam pa bco brgyad dang/ rtog ge drug dang/ rig sngags kyi yan lag drug dang/ /snga ma can gyi srung dang/ sman dpyad dang ngo/ / don gyi gtsug lag rnams de dag rnam pa bcu drug thams cad mkhyen pa'i yul du gyur pa cis na 'dri bar mi byed/ /sems can rnams kyi 'byung gnas la sogs pa go 'dun tshogs pa'i skye bo rnams kyi bsam pas 'dri ba dang/ shing dang bod ba la sogs pa rnams mang po byis pa rnams kyi rnam par rtog pa'i rgyal mo'i 'dri bas nyon mongs pa yongs su zad par mi byed pa thar pa ma yin no/ /mi rtag pa dang/ sdug bsngal ba dang/ mi gtsang ba dang/ stong pa bsgoms pas 'dod chags la sogs pa'i nyon mongs pa'i sgrib pa bas chags dang bcas pa thams cad mkhyen pa'i mkhyen par mdzad pa'i dkyil 'khor mdza' dag blang dor gyi khyad par 'ba' zhig tu snang bas na/ gang gis mi rtag pa dang sdug bsngal ba dang/ mi gtsang ba dang/ stong pa bsgom par sbyor bas nyon mongs pa yongs su zad cing thar pa dang/ thams cad mkhyen pa dang/ sems can gyi don du 'gyur bar sems can gyi phyir blang ba nyid de ltar bshad par mdzad do/ /gang gis khyod nyag ma'i don rnams dang bye ma la sogs pa'i bdag gi mtshan nyid kyi khyad par 'dri ba ni 'dod chags la sogs pa yongs su zad pa'i don dang/ de bzhin du thar par 'gyur ba ma yin no/ /'di ni sems can thams cad kyi 'dod chags la sogs pa'i nyon mongs pa bag chags dang bcas pa spong bar byed pa'i thabs ma phin? no/ /zhes thams cad mkhyen pa gsung ngo/ /sems can dngos po'i sna grangs dang/ /mngon par brjod? pa su yis bskyed/ /rig pa'i gnas dang bzo yi gnas/ /gang gis ji ltar rab tu bshad/ ces bya ba ni sems rang bzhin gyis 'od gsal zhing chud pa tsam de la ji ltar na mngon par brjod pa yod/ de ji lta zhe na/ bdag dang gzhan gyi rgyud kyi dbang gis kun tu slong nas mgo 'khor ba dang brgyal ba la sogs pa bzhin du /rnam pa sna tshogs kyi rnam pa'i rnam par rtog pa so sor snang bar dbye ba phye ba na/ mngon par brjod pa skye bo zhes thams cad mkhyen pas bstan du gsol/ /sems can rnams kyis ma rig bas mnyam par mi 'jig pa'i phyir sems can gyi 'jig rten dang/ snod kyis 'jig rten ngag gi yin/ /de bzhin du thun mong pa dang thun mong ma yin pa'i las kyi rnam par smin pa'i khyad par las khyad par du snang bar 'gyur ro/ /nges pa'i las so sor ston par byed pa ni rnam par shes pa dang bzo rnams la yang rab tu shs par 'gyur ro/ /rigs dang rigs ma yin par shes rab kyi dang/ blang ba sems can rnams kyi las kyis kun bskyed pa nas 'ga' zhig mkhas pa'i rigs su 'gyur ro zhes thams cad mkhyen pas de skad bsgrub tu gsol/ rig pa'i gnas dang bzo rnams kyang ye shes shin tu skyes pa'i shes rab can rnams kyis thams cad mkhyen pa'i man ngag rnams las gzhan bstan to/ /tshigs su bcad pa rnam pa du/ /tshigs bcad rkang pa ji lta bu/ /rigs pa rnam pa du zhig mchis/ /bshad pa dag kyang ji ltar 'gyur/ zhes bya ba ni gug skyed du 'jug pa dang/ yi ger 'jug pa tshigs su bcad par sbyor par bzhag pa rnam pa gnyis te /ya rabs kyi tshig go /de las gang yang 'phags pa ni ya rabs te/ de de ni ma rabs kyi tshigs su bcad ba'o/ /rigs pa la rnam pa mang po yod de/ gtsug lag dang rang bzo sprel bar bya ba'o/ /sgra'i don du brtags pa ni /sgra'i don du ji ltar sbyor bar 'gyur ba de ltar rang bzo rnams kyis sbyar bar bya'o/ /pho nya rjes su 'gro la sogs/ /gtso bo dar pa bzhin du ni/ /lnga yi dus dang ldan pa ste/ /shin tu bshad med 'jug pa nyid/ /shes rab can spo bas pa thogs pa med pa rnams kyis bshad pa 'di ni mdza' med pa nyid de /ji ltar smras pa /brgya las dpa' bo gcig cig 'byung/ /stong rnams las kyang mkhas pa gcig / stong phrag brgya las smra pa de gcig /sbyin gtong phod pa 'byung ngam min/ /skom dang kha zas sna tshogs dang/ /ji ltar 'khrig pa 'byung bar 'gyur/ /rgyal po 'khor los sgyur ba dang/ /khams kyi bdag po ji ltar lags zhes bya ba ni las rnam pa sna tshogs las sems can rnams kyi skom dang zas rjes su mthun pa bzhin du sna tshogs du mar dmigs so / 'khrig pa ni rtag pa dang/ mdzes pa dang/ gtsang bar phyin ci log pa dang/ g.yem byag? gi kha zas la sogs pa las kyang kun tu brtags pa'o/ /'dod chags dang bral ba rnams ni mi rtag pa dang/ sdug bsngal ba dang/ mi mdzes pa dang/ stong par bsgom pas dkyil 'khor gsum du mi dmigs pas na gang chags par 'gyur ba dang/ gang du chags par 'gyur ba dang/ gang gis chags par 'gyur ba des chos de mi mthong zhes bya ba la sogs pa ting nge 'dzin gyi rgyal po las rgya cher 'byung ngo/ /chos dang gang zag la bdag med pa yongs su shes pas 'dod ba'i longs? spyod la mos pa med kyang gzhan gyi don du smon lam gyi dbang thob pas las ji bzhin pa dang mthun par sa thams cad kyi 'khor los sgyur ba gling bzhi'i bdag po 'am/ khams kyi bdag po'i rgyal po thabs spyod par 'gyur ro/ / rab tu dga' ba'i byang chub sems dpa' i sar stobs kyi 'khor os sgyur barmi 'gyur zhing/ phal cher gling bzhi'i dbang por 'khor los sgyur bar gyur te/ sems can dge ba bcu'i lam du 'god par byed/ sbyin pa'i pha rol tu phyin pa yongs su rdzogs par byed pa ni/ zas 'dod pa la zas dang/ skom 'dod pa la skom dang/ de bzhin du gos dang mal ston la sogs pa su ci 'dod pa bzhin du kha na mtho ba med par thams cad la thams cad sbyin no/ /ji ltar rgyal srid bsrung bar 'gyur/ lha yi ris la rnam pa du/ /sa dang skar tshogs ci las gyur/ /nyi zla gnyis kyang ji lta bu /zhes bya ba ni byang chub sems dpa' thugs rjes gzhan gyi don mdzad pa rgyal srid ji ltar srung bar byed ce na/ gnod pa'i sems can skrod par byed de / ji ltar byang chub sems dpa' i sde snod las 'byung ba/ sems can mang bo la gnod cing/ dkon mchog gsum la mi dpen pa de la phan pa'i phyir snying rje'i sems nye bar bzhag ste /chad pa'i gtsog? bcad na yang ltung ba'ang med la bsod nams kyang cher 'gyur ro zhes pa'o/ /bsod nams can rnams bsod nams ji bzhin pa de bzhin du rnam pa du ma'i yul gyi ris su 'byed par skye bar 'gyur ro/ /lha'i 'jig rten du skyes pa'i 'jig rten gyi mgon po de dag gang gis dmod mo 'dor ba dang/ phan pa byed pa'i mthu can du 'gyur zhing sa dang skar tshogs 'byung ba so sor snang bar 'gyur ba de lta bu'i ting nge 'dzin yod do/ /yang na nyi ma dang zla pa dag las rnam pa du mas thams cad du 'jug pa bzhin no/ /thar pa rnam pa du zhig mchis/ /rnal 'byor ldan pa rnam pa du/ /slob ma rnam pa du zhig mchis/ /slob dpon du yang ji ltar 'gyur/ zhes bya ba ni mya ngan las 'das pa la rnam pa gnyis te/ phung po'i lhag ma lus pa dang bcas pa dang/ lhag ma med par 'byed pas phye ba'o/ /mu stegs can rnams ni mi'i 'jig rten gyi sdug bsngal dgrol pa'i mtshan nyid bas na lha'i 'jig rten du skye ba thar pa yin no zhes kun tu rtog go / kha cig gis ni bdag 'ba' zhig zhi ba dang/ ro gcig par sbyor ba ni rnal 'byor zhes te /tshangs pa'i bdag nyid mi gnyis pa dang/ sgra'i tshangs ba mi gnyis dang/ yod pa mi gnyis pa dang/ rnam par shes pa mi gnyis dang / bdag gi rang bzhin ni tshor ba dang bcas pa dang/ tshor ba med pa dang /khyab pa dang/ rdul tsam dang /rnam pa gcig pa dang /rnam pa du ma pa'o zhes so/ /rnal 'byor ldan pa la ni rnam pa mang po yod de /thog ma pa dang/ rnal 'byor gyi lam la gnas pa dang / rnal 'byor skyes pa'o/ /de gnyis pa dang mi gnyis pa'i rnal 'byor dbye bas 'byed cing sngags dang rgyud kyi ye shes kyi mchog thob pa /rnal 'byor gyi dbang po thams cad mkhyen pa nyon mongs pa dang/ las dang/ shes bya'i sgrib pa chags dang bcas pa ma lus par rtsa ba nas bton pa/ thugs rje dang shes rab kyis gzhan don spyod pa sa dang pha rol tu phyin pa'i khyad par rnams kyis bsod nams dang ye shes kyi tshogs yongs su rdzogs pa'o/ /slob ma thog ma pa ni thos pa dang/ sems pa la brtson pa'o/ /bar ma ni rig pa yongs su rdzogs pa'o/ /mkhas pa ni yang dag pa'i ye shes la rab tu zhugs pa dang/ 'khor ba'i sdug bsngal zad par bya ba la 'grus pa dang/ snying rje dang shes rab kyis sems can thams cad la phan par dga' zhing gang rnal 'byor gyi dbang po yin pa'o/ /slob dpon yang yang dag pa'i gtsug lag gi man ngag ston pa dang /rnal 'byor gyi lam du gzung bar byed pa pa dang/ ye shes kyi khyad par skyes pa dang /bdag dang gzhan gyi don nus pa dang/ 'dod chags la sogs pa'i nyan mongs pa'i skyon zad pa dang/ snying rje can dang shes rab kyis blang ba dang/ dor ba'i dngos po shes pa'o/ /sangs rgyas rnam pa du zhig lags/ /skyes ba'i rabs la rnam pa du/ /bdud la rnam pa du zhig mchis/ /ya mtshan can yang rnam pa du zhes bya ba ni theg pa gsum chad gyis kyang mngon par rdzogs par byang chub pas na shes rab rab dang/ 'bring dang/ tha ma'i bye brag gis mngon par rdzoD bar 'tsheng? rgya ba la brten te sangs rgyas su 'gyur ro/ /mu stegs can tshangs par smra ba po rnams kyis bya ba ni dag ba'i sangs rgyas ni grol zhes pa'o/ /zhi ba pa sna ba ni sangs rgyas pa sangs rgyas par byed pa ni sangs rgyas zhes so/ /sangs ma rgyas pa ni 'khor pa can no/ /rig pa'i dbang po dang /tshogs kyi dbang po la sogs pa lha chen po rnal 'byor gyi dbang po ni sangs rgyas par byed pa zhes bya'o/ /sangs rgyas ni zhi ba ste /nges na smras pa/ lus can cha bcas shes par bya/ /rig pa cha dang cha med rnams/ /cha med zhi ba de kho na/ /kun gyi steng du gnas pa'o/ /skyes pa'i rabs ni sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang/ smon lam dang/ stobs dang/ ye shes kyi pha rol tu phyin pa'i khyad par du mdza' med pa'o/ /bdung la rnam pa bzhi ste/ nyon mongs pa'i bdud dang/ phung po'i bdung dang/ 'chi bdag gi bdud pa dang/ lha'i bu'i bdud do/ /ya mtshan la rnam pa mang ste/ gnyis pa dang mi gnyis par smra ba rnams dang/ dbang po dod pa dang/ dbang po ma dod pa rnams dang/ khrus dang/ sbyin sreg dang/ gang pa dang/ g.yang@045a sar lus 'dor ba dang/ bkra shis dang/ bkra shis ma yin par rnam par rtog pa dang/ 'bras bu dang/ rtse ba dang/ 'o ma dang/ 'o ma ma yin pa dang/ 'bras dang/ chu dang/ lo ma za pa dang/ thal bas byag pa dang/ skra 'bal ba dang/ ral ba'i cod pan gyis brgyan pa dang/ gar dang/ glu dang/ ba lang dang/ ri dags dang/ ma bya'i brtul zhugs dang /cha byad rnam pa du ma dang/ rin po che dang/ gser la sogs pa 'dzin pas bdag tu smra? ba thams cad kyis rnam par thar par smra bas na bdag tu chags pa yongs su ma spangs kyi bar du thar bar mi rung po zhes thams cad mkhyen bas bsgrub par gsol/ /khyod kyis rang bzhin rnam pa du/ /sems ni rnam pa du zhig mchis/ /btags pa tsam yang ji lta bu/ /smra ba'i mchog gis bdag la gsungs /zhes bya ba ni thams cad mkhyen pa la rang bzhin rnam pa gnyis te/ snang ba dang bcas pa dang/ snang ba med pa'i ting nge 'dzin du dbye bas 'byed pa'o/ /sems ni kun? bzhi rnam par shes pa ste/ /de yang lus dang longs spyod gnas snang ba/ /kun gzhi kun tu 'byung ba ste/ /rnam brgyad rnam dgu de bzhin du/ /rgya mtsho rlabs rnams bzhin du'o/ /btags pa tsam ni gnys kyi rnam pa'i rnam par shes pa ste/ 'dzin pa dang gzung ba'i dngos pos khams gsum rnam par bzhag go? / phyi'i don yod pa ma yin te/ sbom po dang phra mo rnam par phye ba ni ji ltar stong par 'gyur ba de ltar thams cad mkhyen pas bstan du gsol zhes blo gros chen pos gzhan gyi ched du bsam par brtag go / nam mkha' i sprin rlung ci las gyur/ /dran dang yid gzhungs ji ltar 'byung/ /shing gi 'khri shing ji ltar mchis/ /srid gsum dbang pos bdag la gsungs/ zhes bya ba la sprin ni sbrin te /'jig rten mgon po la sogs ba'i lhas 'jig @ 045b rten gyi dgos par byed pa'o/ /yid gzhungs la sogs pa ni nad med pa las skyes pa'o/ /sems can rnams kyi thun mong dang/ thun mong ma yin pa'i las rnam pa sna tshogs kyis tshal stug po dang shing gi lcug ma la sogs pa'i dngos po skyes pa ste/ gang gis sems can rnams la drug dang dug sman la sogs pa'i khyad par du 'byed pa na phan pa dang/ gnod pa'i 'bras bu lags pas na/ de de ltar gzung par so sor snang ba'i rten cing 'brel te 'byung ba rnam pa sna tshogs pa srid pa gsum gyi dbang pos las kyis khyad par du bstan du gsol/ sems can mdza' dag gi bsod nams dang/ ye shes kyi tshogs las lhag pa las thams cad mkhyen pa'i ye shes byung ba rnal 'byor gyi dbang po mchog tu yongs su dag ba/ 'dod chags dang bral ba mdza' med pa'i sems can gyi rgyud kyi rgyun chen po rangs par mdzad pa /phung po la sogs pa'i gzugs kyi dbang po thams cad mkhyen pas las rnam pa sna tshogs bshad du gsol zhes pa'o/ /glang po ri dags rta blun rnams/ /gzung du rung ba ci slad du /ngan pa'i mi rnams ci las gyur/ bdag la sems lung sgyur bas gsungs/ /zhes bya ba ni sems 'di ni rang bzhin gyis 'od gsal bas na gang gis ji ltar yongs su sbyangs pa bzhin du de de ltar dge ba dang mi dge pa mngon par 'du byed pas grub par 'gyur ba ste/ shes rab dang blun po la sogs pa'i khyad par du 'byed pa na lha dang /mi dang/ sems can dmyal ba dang /yi dags dang /byol song du so sor snang ngo/ /ma rig pas mnyam par bzhag tu med pa dang/ las rnam par smin pa'i mthu dang/ bdag dang gzhan gyi rgyud gyi dbang gis bye brag rnams kyi rta dang/ glang po dang/ ri dags rmongs pa rnams sdig pa'i las rnam par smin pas zil gyis mnan pas na blun pa rnams mi blun pa rnams kyis gzung bar btub po/ /mi ma rabs tha shal ngan las la 'grus pa rnams des gzhan pa'i dbang phyug rnams kyis bkol bar byed do/ /kye de dag gi sems 'dul pa so ma? rtog? tu yongs su dag cing 'dod chags dang bral bas bshad du gsol/ khams drug 'dzin pa ci slad du/ /'dod chen par yang ji ltar 'gyur/ /skyes pa bud med ma ning rnams/ /ji ltar skye 'gyur bdag la gsungs/ zhes bya ba ni las kyi khams drug tu 'gyur te/ khams drug ni dus drug go /'dod chen pa ni gti mug gis longs spyod rnams la 'jug par 'gyur ro/ /bud med dang skyes ba dang/ ma ning rnams kyang las gang gis spyod pa dang/ mi spyod par 'jug pa de las rnam pa sna tshogs thams cad mkhyen pas bstan du gsol/ /rnal 'byor las ni ji ltar ldog /rnal 'byor la yang ji ltar 'jug /ci 'dra'i skyes bu ji lta bur/ /rnal 'byor bzhag pa dag la gsung pa zhes bya ba ni sems mnyam par 'dus pa can kun tu skyo bar 'gyur te/ skad cig pa tsam gyis rnal 'byor las yul rnams su 'jug par byed do/ /gang yang stong pa nyid dang/ /mtshan ma med pa dang/ smon pa med pa'i rnam par thar pa'i sgo rnams mi bsgom pa de ni phyi'i don mdzes pa dang/ mi mdzes par dmiD pa'i tshul du rnam par rtog par byed do/ /gang yang shes rab kyis phyi'i don sbom pa dang phra ba nyid rnam par gzhig cing mi dmigs pa ni rnal 'byor las mi ldog cing de ltar mnyam par 'deg pa la rgyun du 'jug ste/ yul rnams mi rtag pa dang/ sdug bsngal ba dang/ mi mdzes pa dang/ stong par mthong do/ /gang dag shes rab kyis sems mnyam par 'dus te/ yul rnams mi rtag ba dang/ sdug bsngal ba dang/ mi mdzes pa dang/ stong par mthong zhing skye ba can rnam pa de lta bu dang ldan pa dang/ rnal 'byor gyi dbang pos gang zag dang chos la bdag med pa de dag kyang bstan du gsol/ /'gro bar phyin pa'i sems can gyi/ /mtshan ma mtshan nyid ji lta bur/ /gang gis ji ltar phyug por 'gyur/ /mkha' ? 'dras bdag la bka' stsol zhig / tsas bya ba ni bces ma thag pa la/ rga ba dang/ 'jig pa dang/ mya ngan yang dag par snang bas na sngon gyi goms pa yod par rjes su dpag go /sdug bsngal dang bde ba bsgrub par gdon mi za par sngar yod pa'i phyir ro/ /spang ba dang blang pa dang/ btang snyoms kyi bla can rnams kyi shes ba'i khyad par bla ma'i yang bla ma gang dang gang yin pa de dang de ni slob ma rnams mkhas pa'i phul du phyin pa'i khyad par bzhin du thog ma thog mar thos? pa dang/ sems pa sogs par spyangs pa'i phyir te/ de bas na btsal ma thag pa dang/ shes rab la sogs pa'i khyad par yod do/ /tshor ba med pa'i 'byung ba rnams las de dag ji ltar na yod par 'gyur/ de bas na 'gro bar phyin pa rnams kyis shes rab la soD pa'i mtshan mas tshe gzhan bsgrub pa'o/ /byung ba rnams la khyad par med pas na 'gro ba'i rnam pa du ma? ji ltar na rung/ de dag tha dad pa'i phyir zhes de skad na ni/ byung ba rnams kyi tha dad pa'i khyad par du yang sus byed/ gal te rgyu gzhan gyi khyad par med na ni de dag gi che chung gi dngos po ji ltar 'gyur/ des na 'gro ba'i rnam pa sna tshogs gzhan du mi 'thad kyi rgyu gzhan rjes su dpag go /ji ltar thams cad mkhyen pas chos bcu pa las gsungs pa/ dud pas me ni shes par byed/ /bya bzhad kyis ni chu yod par/ /byang chub sems dpa' shes ldan gyi/ /rig ni mtshan ma rnams kyis shes/ /de bas na shes rab dang/ nad med pa dang/ longs spyod dang/ bzhin byad dang/ skad kyi nga rol sogs pa'i 'bras bu ni bsod nams las skyes pa dang dbul ba dang nad la sogs pa'i 'bras bu sdig pa las 'byung bar rjes su dpag go/ rgyu du ma las rnam pa sna tshogs kyi 'bras bu skyes pa ni/ tshon du mas ri mo bris ba dang 'dra'o/ /'jig rten gyi rnam pa sna tshogs phyug pa dang// dbul ba dang/ gzugs legs pa dang/ mi legs pa dang/ nad dang nad med pa'i mtshan ma las las skyes par rjes su dpag go /ji ltar ci zhig shAkya'i rigs/ /bu ram shing skyes ji ltar byung/ /yun rings drang srong dka' thub gang/ /khyod kyi de ni/ ji ltar bslabs/ /zhes bya ba ni 'gros pa chen po'i rigs su klog pa sngon ser skya'i gnas su drang srong ser skya gnas pas mes dben gyi srid mo chung mar long zhig par rgyal rigs gzhon nu rnams la nges smras pa dang/ de dag gis smras pa/ ci de ltar byed nus sam / yang des smras pa/ nus zhes so/ /des na shAkya zhes ming byung ngo/ /de dag las rgyal rigs gzhon nu zhig rab tu byung nas de'i gnas su rkun po zhig byung ba'i chad par de gsal shing gis phug ba dang/ de'i mkhan po dka' thub can du yun ring dka' thub gling skyes zhes bya ba nges de mthong nas / bu de ci zhes dris pa dang/ ji lta bur gyur ba nges mkhan po la smras pa'i 'og tu des kyang mu stegs can gyi lta bar smras pa /bu med la ni 'gro ba med ces so/ /de bas na bu skye bar gyis /ji ltar zhes pa dang smras pa / sngon gyi longs spyod kyi rjes su dran par byas te/ khu ba 'byin bar gyis shig de'i khu ba'i thigS pas bu gnyis su red ba bu ram shing gir bar zhugs pa dang/ drang srong gis bsos nas/ de'i phyir bu ram shing skys zhes ming du gyur to/ /khyod nyid zhing rnams thams cad du/ /mtshan dang de bzhin gzugs sna tshogs/ /rgyal ba'i sras kyis skor bar yab/ /ci yi slang du kun na gda' zhes bya ba ni nyi ma bzhin du gcig bu nyid 'jig rten tha dad par chu'i snod du sar snang ba bzhin du sprul pa mang po// 'phros nas gzugs rnam pa sna tshogs kyi rnal 'byor gyi dbang po mchog tu yongs su dag cing/ 'dod chags dang bral ba thams cad mkhyen pa'i ye shes kyis mdza' yas pa'i sems can gyi rgyud mgu bar mdzad pa/ skar ma'i bdag po skar ma'i tshogs kyis bskor ba bzhin du rnam pa mang po'i byang chub sems dpa' i 'khor gyi dkyil 'khor gyi dbus su bzhugs shing 'gro ba ma lus par gang par kun tu snang ngo/ /mtho ris kyi 'jig rten nas gshegs pa dang/ yum sgyu ma'i lhums su zhugs pa dang/ bltam pa dang/ gzhon nu rol pa dang/ dka' ba spyad pa dang/ bdud bcom pa dang/ /chos kyi 'khor lo bskor ba dang/ mya ngan las 'da' ba' i dbyings su mya ngan las 'da' bas/ sems can skyo bar mdzad pa dang/ sems can go 'dun gyi mdzad pas khyab pa gzugs rnam pa sna tshogs kyi rnal 'byor gyi dbang pos sems can rnams mang por rab tu 'byed pa chud par mdzad du gsol/ /ji ltar sha rnams bzar mi rung/ /ji ltar sha ni bkag pa lags/ /sha za'i rigs su skyes pa rnams/ /sha 'tshal bar yang ji ltar gyur/ /ces bya ba ni byang chub tu sems bskyed pas sems can thams cad la snying rje chen po 'jug ste/ de bdag nyid kyis gtong bas na des ji ltar sha za? bar 'gyur/ /gang yang nyan thos kyi theg pa pa snying rje med pa de la yang bkag pa ste/ sha dang nya la sogs pa ni/ /rab tu byung bas bsngos bzos na/ /brtse ba med pa'i sems skye bas/ /de'i tshe phyir gsod pa 'di 'byung bar 'gyur zhes bya bas so/ /sha'i 'dod chen la goms te sdig ba'i las kyis sha za ba'i rigs sha za bar 'gyur ba dang/ lha dang klu dang gnod sbyin dang/ dri za dang/ lha ma yin dang/ nam mkha' lding dang/ mi 'am ci dang/ lto 'phye chen po dang/ mi dang/ mi ma yin pa la sogs pa'i sems can rnams shi'i ro myong ba la chags pa sems can la gnod pa'i sems ji ltar spong bar 'gyur ba dang/ mdza' gsum gtsang zhing ltung bzed du rtsal ba 'bras la sogs pa bzhin du chags pa med cing btang snyoms kyi sems kyis kyis de? chos cig par thams cad mkhyen pas thun mong du chud par mdzad du gsol/ ji ltar ting nge 'dzin gyi rgyal po las gsungs pa/ 'dzangs pa blo can mkhas pa yis/ /zas gtsang zhim po cung zad 'gyur/ /de nyid du ni bzhag med na/ /rnal can de zab bkag med rung/ /ya rabs dang ma rabs kyi tshig la mngon par chags pa'i blo dgag pa'i don du ji bzhin du sems can rnams kyi don chung bar 'gyur ba de bzhin du/ sangs rgyas kyis gsung rab tu sgra sbyor ba mdzad de/ des na de rang gzhan du yang yul dbus kyi byar? klog go / ji ltar thams cad mkhyen pas gsungs pa/ dge slong dag phyi'i gtsug lag rnams ni lcags kyi se'u dang mtshungs te/ 'bad pa chen pos khong du chud bar bya ste/ khong du chud kyang 'dod chags dang bral ba dang zhi ba'i don med pas na 'bras bu med pa yin no/ /ji ltar zhing rnams nyi zla'i dbyibs/ /ri rab padmo 'dra ba dang/ /dpal be'u seng ge'i dbyibs 'dra ba/ /ci yi slad pa bdag la gsungs zhes bya ba ni zhing rnam pa du mar bzhag ba ni ji ltar sems can rnams la mngon par dang ba'i rgyur 'gyur ba de ltar thams cad mkhyen pa gzugs rnam pa lnga tshogs kyi rnal 'byor gyi dbang po rnams kyis byin gyis rlob par mdzad de/ ji ltar 'phags pa dri ma med par grags pas bstan pa las 'byung bdag la gsungs/ /zhes bya ba ni 'og dang/ bar dang/ ltag dang/ zhes so/ /des na nyi ma dang zla ba dang/ ri rab dang/ padmo dang/ dpal be'u mngon par mdzes pa'i rgyan rnams kyi zhing bkod par mdzad do/ /ji ltar 'phags pa 'jam dpal gyi zhing bkod pa'i rgyan dang/ bde ba can gyi zhing la sogs pa lta bu'o/ / steng dang 'og tu bkod pa dag / mig 'phrul 'dra ba ji lta bu/ /rin chen kun gyi zhing rnams kyang/ /ji ltar ci slang bdag la gsungs/ /zhes bya ba ni 'og dang/ bar dang/ ltag dang/ glo dang/ rgyun chags dang/ bar chad du zhing gi snang pa rnam bar gnas te/ de dag thams cad kyang phyi'i rnam par grub pa med par sgyu ma dang 'dra ba/ zhing so sor snang ba'i rim pa sems can rnams kyi las kyis rnam pa sna tshogs su snang ngo/ /ji ltar rdo rje gcod pa las 'byung ba/ zhing gi rgyan zhing gi rgyan zhes bya ba de dag ni zhing gi rgyan ma yin bar de bzhin gshegs bas gsungs so zhes ba'o/ /sems can gang dag la bsod nams kyi tshogs rnam par smin pa so sor snang bar 'gyur zhing bsod nams kyi tshogs rnams las grub pa thams cad ni rin po cher snang ngo/ /bi waM rnga yi dbyibs 'dra dang/ /'bras bu me tog sna tshogs 'dra/ /nyi zla dag dang rnam bral ba/ /ji ltar ci slad bdag la gsungs/ zhes bya ba ni bi waM la sogs pa'i ran bzhin gyi dbyibs dang me tog dang/ 'bras bu lta bu'o/ /nyi ma dang zla ba'i 'od dang bral ba ni rnam ba du ma'i bsod nams kyi khyad par gyis zhing gi rgyan dang rang gi 'od kyis so sor snang ngo/ /la la sprul pa'i sangs rgyas dang/ /sangs rgyas la la rnam smin byung/ /yang dag ye shes sangs rgyas rnams/ /ji ltar ci slang bdag la gsungs/ /zhes bya ba ni sprul pa gang dag mya ngan las 'da' bar byed pa de dag sprul pa'i sku'i sangs rgyas yin no/ /bsod nams dang ye shes kyi tshogs rnam/ par smin pa las byung ba gzugs rnam pa sna tshogs kyi rnal 'byor gyi dbang po lha la sogs pa'i rnal 'byor gyi dbang po mgu bar mdzad ba thog mar mngon par rdzogs par sangs rgyas pa thams cad mkhyen ba'i snang@049a ba dang bcas pa'i ting nge 'dzin la bzhugs te/ rnam par snang mdzad kyi sangs rgyas bcom ldan 'das btsun gtso de dag snang ngo/ /gang gi tshe shes rab kyis sbom pa dang phra ba/ gzugs ni rdul phran gzhigs pa na/ /rdul phran cha ni yod pa min/ zhes bya ba de'i tshe phyi'i don la mi dmigs te/ 'dzin pa dang gzung pa'i rnam pa dang bral nas pa sam pa med cing snang ba med pa gnyis su med pa'i don dam pa'i bden pa de bzhin nyid la rang gis rig par bzhugs pa de dag ni chos kyi sku'i de bzhin nyid kyis sangs rgyas bcom ldan 'das zhes bgyi pas na thams cad mkhyen pas sku gsum gyi khyad par bstan du gsol/ ci slad ji ltar 'dod khams su/ /rnam sangs ma rgyas bdag la gsungs// ci yi slad du 'og min du/ /chags bral khrod du mngon sangs rgyas zhes bya ba ni 'dod pa'i khams su sprul pa'i sku mngon par 'tshang rgya bar bstan pa ni rdzogs longs spyod pa'i sku bstan pa'i skal ba med cing rkyen du ma bab la sbrul pa'i sku 'tshang rgya ba'i rim par ma bstan na 'dod pa'i khams kyi sems can rnams yid mi ches te/ 'dod pa na spyod pa'i lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/ lto 'phye chen po dang/ mi dang mi ma yin pa'i sems can rnams drang ba'i don du bdud bcom nas 'dod pa'i khams su mngon par rdzogs par sangs rgyas par ci'i slad du 'og ma ni du/ chags bral khrod du mngon sangs rgyas/ /zhes bya ba ni gzugs kyi k hams su skyes nas gnas bcu bdun gyi bsam gtan la snyoms par zhugs pa'i rnams tshangs pa la sogs pa'i rnal 'byor la mngon par ya mtshan du 'dzin pa bsal ba'i don du der rdzogs long spyod pa'i sku rnam par snang mdzad mngon par @ 049b rdzogs par 'tshang rgya ba'i tshul gyi sangs rgyas te/ der rnal 'byor pa rnams la chos bshad par mdzad na mngon par rdzogs pa'i byang chub kyi ye shes kyi rgyun 'di bstan du gsol/ bde gshegs mya ngan 'das nas ko /bstan pa su zhig 'dzin par 'gyur/ /ston pa ji srid par du bzhugs/ /tshul yang ji srid gnas par 'gyur/ /zhes bya ba ni bcom ldan 'das kyi bstan pa khyad par du theg pa chen po ni btsun gtso tshig gi dbang po la gtang par 'phags pa 'jam dpal gzhon nu'i rgyud las klog go / 'di nyid du yang gsungs pa/ lho phyogs be ta'i yul du ni/ /dge slong dpal ldan cher grags pa/ /de ming klu zhes bong pa ste/ /yod dang med pa'i phyogs 'jig pa/ /da yi theg pa 'jig rten du/ /ba med theg chen rab bshad nas/ /rab tu dga' ba'i bsgrubs te/ /bde ba can du de 'gro'o/ /gang na rtog pa dang dge slong gi las yongs su rdzogs par 'gyur zhing nyams pa med par lo stong gi bar du bstan pa gnas par 'gyur ro/ /dus dam pa yang lo brgyad khri bzhi stong nas dus dar te/ skye dgu'i tshe lo brgyad khri na mchog tu yongs su dag cing 'dod chags dang bral pa thams cad mkhyen pa rnal 'byor gyi dbang po btsun gtso byams pa mngon par rdzogs par 'tshang rgya ba'i bar du'o/ /khyod kyi grub mdza' rnam pa du/ /lta ba dag kyang rnam pa du/ /dge slong dngos dang 'dul ba yang/ /ci slad ji ltar bdag la gsungs/ zhes bya ba ni grub pa'i mdza' la rnam pa gsum ste/ nyan thos dang/ rang sangs rgyas dang/ theg pa chen po'i bye brag tu phye ba'o/ /lta ba yang phyi'i don dang/ rnam par shes pa dang stong pa mi gnyis pa'i mtshan nyid du yang rnam pa gsum mo/ /'dul ba yang/ lnga dang brgyad dang bcu kun kyang/ /thams cad las bral khas len pa/ /dge bsnyen kha cig gnas pa dang/ /dge spyod bstan pa dge slong ngo/ /zhes bgyi ba de ltar bshad du gsol/ /rang rgyal rgyal sras nyan thos kyi/ /ci slad 'gyur ba brgya po dang/ /snang ba med pa brgyal po yang/ /ci yi slad pa bdag la gsungs/ zhes bya ba ni 'khrul pa nas 'pho ba brgya ni gnyis su med pa'i don dam pa'i bden pa'i rigs pas spong ngo/ /brgya ni mdza' med par nye bar brtag par byed pa'o/ /gnas 'pho ba ni bsal pa'o/ /de la yod pa dang med pa'i rnam par rtog pa kun tu spangs pa na snang ba med pa brgya yang gnyis su med do/ /rang sangs rgyas dang/ nyan thos dang/ byang chub sems dpa' rnams kyi stong pa nyid dang/ mtshan ma med pa dang/ smon pa med pa rnam par thar pa'i sgo gsum snang ba med pa'i ting nge 'dzin du rtogs pa mtshungs pa nyid do/ /ji ltar 'phags ma shes rab kyi pha rol tu phyin pa las byung ba de dag la snyoms par zhugs na ye shes gsum rab tu shes par 'gyur zhes so/ /'jig rten mngon shes gang gis byung/ /'jig rten 'das kyi 'ang ji lta bur/ /sems ni sa rnams bdun po yang/ /ji ltar ci slad bdag la gsungs/ zhes bya ba ni rdzu 'phrul gyis nam mkhar 'gro zhing 'bar ba dang/ snang ba la sogs pa'i/ /gzhan gyi sems shes pa dang /sngon gyi gnas rjes su dran pa dang/ lha'i mig dang/ lha'i rna ba zhes bya ba mngon par shes pa lnga ni 'jig rten pa'i rnal 'byor pa dang thun mong ba'o/ /nyon mongs pa zad pa shes pa drug pa ni 'jig rten las 'das pa ste/ bdag med pa yongs su shes pas 'grub pa ste/ de 'byung pas 'khor ba'i sdug bsngal las thar bar 'gyur ro/ /sems ni sa rnams bdun po yang/ /ji ltar zhes bya ba ni ji ltar 'di nyid du thams cad mkhyen pas gsungs pa/ sa bdun dag ni sems yin te/ /snang ba med pa brgyad pa'o/ /sa gnyis dag ni gnas yin te/ /sa gzhan nga yi rang bzhin no/ /phyi'i dngos po bsal te rnam par shes pa tsam gyis sa bdun gyi dbang po rnams mnyam par 'jog par byed do/ /ji ltar 'di nyid du gsungs pa/ /phyi yi dngos po bsal nas su/ /shes pa tsam la 'jug pas na/ /'di ni dbu ma'i nan tan te/ /da dang gzhan gyis bshad pa'o/ /sa brgyad po'i dbang po rnams ni dngos po dang dngos po med par mi rtog par dbu ma dri ma med pa'i ting nge 'dzin la snyoms par 'jug pa ste/ ji ltar 'di nyid du gsungs pa/ dngos min dngos po min yang min/ /yod dang med par mi dmigs pa/ /'di ni dbu ma'i nan tan te/ /da dang gzhan gyis bshad pa'o/ /ji ltar 'phags ma shes rab kyi pha rol tu phyin pa las byung ba/ dngos pos mngon par rtogs pa dang/ dngos po med pas mngon par rtog pa yang ma yin te/ dngos po dang dngos po med par mnyam pas mngon par rtogs zhes so/ /khyod kyis dge 'dun rnams pa du/ /ji ltar dge 'dun dbyen du 'gyur/ /sems can gso pa'i gtsug lag kyang/ /ji ltar ci slad bdag la gsungs /zhes bya ba ni so sor thar pa'i sdom pa pa dang/ gnyi ga sdom pa ba dang phyir mi ldog pa'i byang chub sems dpa' chen po dge 'dun no// dge 'dun gyi dbyen kyang nyan thos kyi theg pa pa dang 'gyur ro/ /gnas khang gcig tu gnas par mi bya ba dang/ lam gcig tu 'gro bar mi bya ste /ci'i phyir zhe na/ gang na nyan thos kyi theg pa pa'i ltung bar 'gyur ba de theg pa chen po'i ltung ba ma yin no/ /sems can gso pa'i gtsug lag tu gyur pa ni gti mug gi rgyu las sdig ba'i nad log pa'i ye shes kyi sa 'byung pa yang dag pa'i ye shes kyis ldog par 'gyur ba de de ltar thams cad mkhyen pas gsungs so/ /'od srungs log par dad sel dang/ /gser thub kyang ni da yin zhes/ /rgyal ba'i sras la gsung ba de/ /thub pa chen po ci slad gsungs /zhes bya ba ni mchog tu yongs su d ag pa 'dod chags dang bral ba zhing thams cad mkhyen pa rnal 'byor gyi dbang pos gzugs kyis cho 'phrul gyis mdza' yas pa'i sems can gyi rgyud mgu bar byed pa de ji bzhin pa rdzogs pa'i sangs rgyas nga yang de bzhin no zhes de lta bu'i don dgongs pa mdo sde 'di nyid du gsung pa mdzad do/ /bdag dang sems can cis med brjod/ /rtog dang 'jig gtam ji lta bu/ ci slad sems tsam yang dag nyid/ /thams cad du na bshad mi mdzad /ces bya ba la/ bdag dang sems can med par 'chad pa ni rtag pa dang bdag tu zhen pa'i 'khor ba'i sdug bsngal bcad pa'i phyir ro/ /rtag pa 'jig par 'chad pa yang byed pa por smra ba bcad pa'i phyir ro/ /rtag ba gang yang med de/ de ma skyes pas na yod pa ma yin pa mo gsham gyi bu la sogs pa bzhin no/ /yang dag pa nyid ni dngos po dang dngos po med pa'i rnam par rtog pa dang bral ba don dam pa'i bden pa gnyis su med par yang dag par rig pa'o/ /ci'i slad du sems tsam thams cad du bshad par mi mdzad ces bya ba de ltar blo gros chen pos phyi phyir gsol bas na thams cad mkhyen pos sgrub par mdzad pa gcig la bshad pa gang yin pa de ni gzhan la bshad pa min/ nad pa'i dbang las sman ba bzhin/ /sman ni so sor rtog pa'o/ zhes te/ nges na snod ma yin ba rnams la gnyis su med pa'i yang dag par ngas thams cad du mi 'chad do/ /ji lta zhe na/ thog ma pa gzung ba'i phyir phung po dang/ khams dang/ skye mched la sogs pa rim gyis ngas 'chad do/ /ci slad skyes bu na chung nor/ /a ru ra dang skyu ru che la /ke la sa dang 'khor yug ri/ /rdo rje sra ba 'di ji lta bu/ zhes bya ba la/ skyes bu dang na chung gi nor ni gang pho dang mo la mkho ba de thams cad ni nor te/ las las 'jig rten rnam pa sna tshogs byung ba'i phyir ro/ /a ru ra dang skyu ru ra'i tshal ni sman te/ skyon gsum 'phrog pas na thams cad la mkho pa'o/ /ke la sa dang khor yug ri/ /rdo rje sra ba'ang i lta bu/ zhes bya ba ni 'byung khung med pa'i rin po che'i 'byung gnas te/ sems can gyi don du byung ba lha rnams kyi gnas so/ /de'i drung na mi g.yor ri/ /rin chen sna tshogs rab brgyan cing/ /drang srong dri zas kun gang na/ /ji ltar ci slad bdag la gsungs/ /zhes bya ba ni ri rab kyi 'khor yug gi drung na rin po che'i 'byung gnas mi g.yo ba drang srong dang dri za rnams kyi gnas mchis pa bsod nams can gyi sems can rnams kyi bsod nams kyis rin po che'i 'byung gnas byung par thams cad mkhyen pas sgrub tu gsol/ gang gis sems can kyis bsod nams mngon par sbel ba'i slad du sems dang ba'i khyad par du 'gyur ba'o/ /lha chen gyis ni gsan pa dang zhes bya ba la sogs pa ni btsun gtso'i sangs rgyas ni lha thams cad kyi lha chen po yin no/ /dris pa brgya rtsa brgyad slar bsal ba nas gang dag 'khor ba dang/ log pa'i ye shes dang/ sdug bsngal zad pa'i don du mkho ba'i dris ba de dag gi lan ni thog mar legs so zhes gsungs te gsungs ngo/ /dris pa yang dag yang rtswa dang shing la sogs pa'i khyad par de dag la skyon che bar bshad cing de dag 'jig rten gyi ched du lan gsungs pa/ theg pa che tshul sna tshoD pa/ /sangs rgyas rnams kyi thugs mchog 'di/ /sangs rgyas 'jig rten mkhyen pa'i phul/ /lha chen gyis ni gsan pa dang/ zhes te /de 'dri ba brgya rtsa brgyad pa blang ba dang/ dor ba'i bye brag gis theg pa chen po'i tshul/ sna tshogs ni sangs rgyas rnams kyi thugs mchog yin no/ /de na lha chen po thams cad mkhyen pa'i rnal 'byor gyi dbang po mchog tu yongs su dag cing 'dod chags dang bral ba btsun gtso'i sangs rgyas/ btsun gtso'i byang chub sems dpa' chen po 'phags pa blo gros chen po la legs par bstabs pa/ shes rab chen po legs so legs/ /khyod kyis yongs su gang dris pa/ /de ni rim gyis ngas bshad kyis/ /blo chen nga las shes par byos/ /skye dang skye ba med pa dang// ji ltar mya ngan 'das dang stong/ /'pho dang rang bzhin med pa dang/ /sangs rgyas pha rol phyin dang sras zhes bya bar sngar dri ba ji ltar gsol pa bcom ldan 'das kyang de ltar bshad par mdzad de/ dri ba gang dag la skyes bu'i don du mkho ba med cing skyon che ba de dag bcom ldan 'das kyis skyon che bar gsungs zhing blo gros chen po la la na mi stsol ba ni sa la rdul ji snyed yod pa dang/ ri rab la srad du yod bdag nyi zer gyi rdul phra mo ji tsam bar /rdul phra mo bdun na ma brgyad la rdul phra mo thams cad kyang ji tsam yod pa ci'i phyir mi 'dri zhes te/ des ni rang bzhin gyis dngos po med pas na dngos po med pa ste/ ji ltar mo gsham gyi bu la sogs pa bzhin no/ /sgra ma gtogs pa rdul phra mo la rdzas brgyad do/ /mchog tu phra ba bdun la rdul gang? mar 'gyur ro/ /de bdun la rdul lo/ /de bdun bdun gyi gong ma'i grangs kyi ri bong dang/ lug dang ba lang gi spu rdzub dang/ sro me dang/ shig dang/ yungs kar dang/ ma se dang/ nam dang /to lo dang/ 'dzin pa dang/ gser srang gcig gi gangs la sogs pa'o/ /'jig rten gyi ni brgyad las grangs su 'dre ba'o/ /'dzin pa ni srang gi bzhi'i char grub pa'o/ /yungs kar bdun nam brgyad kyis nas gcig go /nas brgyad la tshigs so/ /tshigs bzhi la sor mo'o/ /sor mo bcu gnyis la mtho'o// mthe do le khru'o/ /khru bzhi la gzhu'o/ /gzhu lnga brgya la rgyad grags so/ /rgyad grags bzhi la dpag tshad kyi grangs la sogs pa yul lo/ /dus la sogs pa 'ang ci'i phyir na mi 'dri/ de dag las dri ba'i gtso rnams kyi lan ni blan par 'gyur mod kyi/ 'dri ba brgya rtsa brgyud po sangs rgyas kyis bsngags pa don dam pa'i bden pa yang dag pa nyid ces bya ba 'di ni nyon cig ces nas thams cad mkhyen pas ston par mdzad pa/ skye ba'i tshig dang mi skye ba'i tshig ces bya ba la sogs pa'o/ /de la skye ba'i tshig ni kun rdzob tu gzhan gyi dbang gi gnyis kyi rnam pa'o/ /mi skye ba'i tshig ni bdag med pa gnyis la byed pa dang byed pa po mngon par 'brel pa med pas snga ma'i 'og tu zhes bya na mi gnyis pa don dam pa'i tshig go /rtag pa'i tshig dang/ mi rtag pa'i tshig ni rgyun rtag pas na rtag pa'i tshig go / rang gi mtshan nyid du mi rtag pas na mi rtag pa'i cho go /mtshan nyid kyi cho ga dang mtshan nyid med pa'i tshig ces bya ba la/ mtshan nyid kyi tshig ni nrang gi mtshan nyid la skad cig par thams cad mkhyen pas dgongs pa'o/ /yang mched nyid ni mchan nyid ma ste/ don du ma'i phyir ro/ /dam pa'i chos dang mi 'gal ba'i sgra'i don du sbyor ba tsam du zad kyi/ khyad par ni thams cad mkhyen pas mkhyen to/ /mtshan nyid med pa'i tshig ni gang na mtshan ma cung zad kyang @053a mtshan mar bya ba med pa'am/ rnam par rtog pa med pa dngos po dang dngos po med par rnam par mi rtog pa de mi gnyis pa'o/ /gnas gzhan du 'gyur ba'i tshig dang/ gnas gzhan du 'gyur ba ma yin pa'i tshig ni skad cig pa dang skad cig pa ma yin pa ste/ thal dang zur gyi rim par rnam par rtog pa'i mu stegs can gyi blo'i rjes su mthun par mdzad de/ 'dus ma byas par dgongs pa'o/ /skad cig pa'i tshig dang skad cig pa med pa'i tshig ni skyes ma thag tu 'jig pas na skad cig pa ste/ thog ma dang tha ma'i dus su gnas pa'i rnam pa'i cha dang bral ba ni se gol gyi sgra la sogs pa de ma thag tu 'jig pa bzhin no/ /skad cig pa med pa'i tshig ni rgyun rtag pa'am dngos po med pa ste/ rtag pa ma skyes bas na dngos po med pa ni mo gsham gyi bu la sogs pa bzhin no/ /skad cig pa ma yin pa 'di rim dang cig char du don byed pa 'gal lo/ /gang la don byed pa'i mthu med pa de dngos pa ma yin te ri bong gi rwa bzhin no/ /rang bzhin yod pa'i tshig dang rang bzhin med pa'i tshig ni gang la bsregs pa dang 'tshed pa la sogs pa'i rang bzhin du don byed nus pa sra ba dang/ rlan pa dang /dro ba dang/ g.yo ba la sogs nges 'byung ba'i rang bzhin smos par bya'o/ /gang yang rnam pa thams cad kyi rnam par rtog pa dang bral pa/ yod pa dang med par brjod du med pa dang/ gnyis su med par yang dag bar rig pa de la yang rang bzhin med do/ /stong pa nyid kyi tshig dang/ stong pa nyid ma yin pa'i tshig ni yongs su grub pa'i chud pa gnyis kyi rnam pas stong pa nyid de/ ji ltar 'phags pa btsun gtso byams pas gsungs pa/ gnyis med med pa'i dngos po ni/ /stong pa yin ni mtshan nyid do/ /zhes so/ /stong pa ma yin pa yang gzhan gyi dbang gi rnam par shes pa gnyis kyi rnam @ 053b pas mi stong pa ste/ der byis pa rnams dngos por mngon par chags par 'jug pa ni ji ltar 'di nyid du gsungs pa/ lus dang longs spyod gnas snang ba/ /kun gzhi kun tu 'byung ba ste/ /rnam brgyad rnam dgu de bzhin du/ /rgya mtsho rlabs rnams bzhin du'o/ /tshad pa'i tshig dang /chad pa ma yin pa'i tshig ni skad cig pa chad pa dang /rgyun mi chad pa ste/ khyad par du dgongs pa'i don ni thams cad mkhyen pas mkhyen to/ /sems kyi tshig dang /sems med pa'i tshig ni gang na sems 'jug pa ste/ bzung ba dang/ 'dzin pa dang/ brjod pa dang/ rjod pa dang/ byed pa dang/ byed pa por tshig tu rnam par rtog pas mngon par 'brel pa de ni sems kyi tshig go /tshig ni 'gro ba ste/ gang na sems can rgyu ba med na rtog pa rnams kyi yi ge lta ci smos te da ni sems med pa'i tshig ste/ mi gnyis par yang dag deg? pa bsam pa med cing snang ba med pa don dam pa'i bden pa dngos po dang dngos po med par mi rtog pa'o/ /dbu ma'i tshig dang/ dbu ma ma yin pa'i tshig ni gang de na dngos po dang dngos po med par rnam par rtog pa dang bral ba ni dbu ma'i tshig go / ji ltar 'di nyid du gsungs pa/ /yod pa'i zlas drangs med pa ste/ /yod pa'ang med pa'i zlas drangs so/ /de bas med par shes mi bya/ /yod par yang ni mi rtag go /ji ltar shes rab kyi pha rol tu phyin pa las gsungs pa/ dngos pos mngon par rtogs par mi 'gyur ba dang /dngos po med pas kyang ma yin te/ ji ltar zhe na /dngos po dang dngos po med pa mnyam pas so/ /dngos po dang dngos po med par rnam par rtog pa de spangs pas chud par 'gyur ro/ /dbu ma ma yin pa'i tshig kyang gang na dngos po dang dngos po med par rnam par rtog par 'byung ba'o/ /ther zug pa'i tshig dang/ ther zug ma yin pa'i tshig ces bya ba la /ther zug pa'i tshig ni 'dus ma byas pa dang mya ngan las 'das pa'o/ /thor zug ma yin pa'i tshig ni 'gro ba ste/ skyes nas 'gro ba'i phyir ro/ /rkyen gyi tshig dang/ rkyen ma yin pa'i tshig ces bya ba la /rkyen gyi tshig ni rgyus gang 'bras bu byed pa'o/ /rkyen ma yin pa'i tshig ni gang mi byed pa ste/ ri bong gi rwa la sogs pa bzhin du de rtag pa'o/ /rgyu'i tshig dang /rgyu med pa'i tshig ni rgyu dang rkyen 'du pa tshogs nas 'bras bur dgongs pa'o/ /yang na rgyu'i tshig ni gang bsgrub par bya bsgrub pa'i rgyus ? de ltar sgrub bar byed pa'o/ /yang na rgyu med pa'i tshig ni rgyu dngos po med pas gang bsgrub par bya ba de mi 'grub pa'o/ /nyon mongs pa'i tshig dang/ nyon mongs pa med pa'i tshig ni 'dod chags dang/ zhe sdang dang/ gti mug la sogs pa ni nyon mongs pa'i tshig ste/ skye ba'i sdug bsngal lo/ /nyon mongs pa med pa'i tshig ni bden pa'i ye shes te/ sdug bsngal zad par byed pa'i rgyu'o/ /sred pa med pa'i tshig ces bya ba la /skye ba'i sdug bsngal gyi gnas ni sred pa'i rgyu las so/ /srid pa med pa'i tshig ni mya ngan las 'das pa ste/ 'dod chags dang bral ba la skye ba mi snang pa'i phyir ro/ /btsas ma thag pa la rga ba dang /'jig pa dang /mya ngan yang dag par rtog pas na blang ba dang/ dor ba dang/ btang snyoms kyi blo rnams bde ba dang sdug bsngal bar bsgrub par nges pa sngar yod pa'i phyir nges na sngon gyi goms pa yod par rjes su dpag go /thabs kyi tshig dang /thabs ma yin pa'i tshig ni shes rab dang thabs la/ mkhas pas gang na dgos pa byed nus pa de ni thabs kyi tshig go / gang na byed mi nus pa de ni thabs med pa'i tshig ste/ dus dang yul la bltos te bzhag par bya'o/ /mkhas pa'i tshig dang/ mkhas pa ma yin pa'i tshig ni gang dpyad cing shes rab kyis sbyor bar byed pa ni mkhas pa'i tshig go/ gdan yang sbyor bar mi byed pa de ni mkhas pa ma yin pa'i tshig go /dag pa'i chag dang/ dag pa ma yin pa'i tshig ni mi rtag pa dang /sdug bsngal ba dang/ mdzes pa ma yin pa nas stong pa'i ye shes ni dag pa'i tshig go / rtag pa dang/ bdag dang/ sdug bsngal pa med pa dang/ mdzes pa dang /stong pa ma yin pa'i dngos por phyin ci log gi shes pa ni dag pa ma yin pa'i tshig go /rigs pa'i tshig dang/ rigs pa ma yin pa'i tshig ni mi rtag pa dang / sdug bsngal ba dang /bdag med pa dang /mdzes pa ma yin pa dang/ stong pa'i tshul gyi tshad mas khyad par shes pa ni rigs pa'i tshig ste /rang bzhin gsum pa'i mtshan ma mngon par brjod par bya pa'i don to/ /rigs pa ma yin pa'i tshig ni rtag pa dang bdag dang/ sdug bsngal ba ma yin pa dang /mdzes pa la sogs pa'i shes pa'o/ /dpe'i tshig dang /dpe med pa'i tshig ni tshad ma khyab pa'i tshul gyi don gang la 'jig rten gyi rtog pa po rnams kyi blo mtshungs pa de ni dpe'o/ /de las brlog pa ni dpe ma yin pa'o/ /des na smras pa sgrub pas rgyu dang 'brel pa byed/ /sgrub pa med pa'ang med pa nyid/ /gang na dpe ni brjod bya pa/ /phyogs bcas phyogs med nyid du'o/ /slob ma'i tshig dang /sla bam ma yin pa'i tshig ni tshangs pa mtshungs par spyod pa phan 'dogs pa bla ma rnams dang rtsod pa ni slob ma'i tshig go /slob ma ma yin pa'i tshig ni 'gran da ba rnams dang thub thub du smra zhing 'di ni bla ma yang ma yin slob ma yang ma yin zhes pas na phal 'dus pa'i nang du gzhan pham par bya ba'i rigs se snyam nas chos dang bcas pa rgol pa po tshang gzod pa'o/ /bla ma'i tshig dang /bla ma ma yin pa'i tshig ni gang dam pa'i chos ston par byed pa de ni bla ma'o/ /gang yang phyir rgol par byed pa de ni bla ma ma yin pa'o/ /rigs kyi tshig dang/ rigs med pa'i tshig ni byang chub sems dpa' dang/ sangs rgyas dang/ nyan thos rnams kyi rigs te/ sems can rnams mtshan ma rnams kyis shes bar 'gyur ba ni ji ltar chos bcu pa las gsungs pa/ du bas me ni shes par byed/ /bya bzhad kyis ni chur shes byed/ /byang chub sems dpa' blo chen gyi/ /rigs ni mtshan ma rnams kyis shes/ /de ni rang bzhin gyis snying rje can yin la longs spyod rgya che ba dang/ sbyin pa la de'i sems rab tu 'jug go /nyan thos pa ni bdag la phan par zhugs pa dang/ rang sangs rgyas kyang bdag la phan par zhugs pa nyid yin no/ /gang la byang chub gsum duAng sems mi 'jug la/ 'khor bar mngon par dga' zhing skyo ba med pa de ni bdud kyi rigs pa yin pas na rigs med do/ /theg pa gsum gyi tshig dang /theg pa gsum med pa'i tshig ni/ chos dang gang zag la bdag med pa'i theg pa ni theg pa gsum gyi tshig go / rtag pa'i bdag dang/ tshangs pa dang/ dbang po la bsnyen bkur byed cing khrus dang/ sbyin sreg dang/ gang pa dang/ g.yang sa dang/ bkra shis dang/ bkra shis ma yin pa dang/ 'bras bu dang/ rtsa ba za ba dang/ rin po che dang gser la sogs pa 'chang bas thar rtogs pa ni theg pa gsum med pa'i tshig go / thal bas bskur pa dang/ skra 'bral ba dang/ ral pa'i cod pan gyis brgyan pa dang/ gang dang/ glu dang /ba lang gi brtul zhugs dang rma bya'i brtul zhugs la sogs pa 'di ni bdag tu zhen par sbyor ba yin gyi/ skye ba'i sdug bsngal gyi gnyen por gyur ba'i thar ba'i sgyu? ma yin te/ bdag med pa nyid thar pa'i rgyu yin pa na 'di thams cad theg pa gsum med pa'i tshig go /snang ba'i tshig dang/ snang ba med pa ma yin pa'i tshig ni shes rab kyis dpyad par bya ba gzugs ni rdul phran gzhigs pa na/ rdul phran cha ni med pas te/ /phyi yi dngos po med par yang/ /sems ni rnam pa gnyis su snang/ /zhes bya bar ro/ /bdag dang gzhan gyi rgyud kyi dbang gis dkrugs pa'i mdza' dang mnyam par 'jog pa med pa'i ma rig pa dang las rnam par smin pas slongs te mgo 'khor ba dang/ brgyal ba la sogs pa bzhin du rnam pa sna tshogs kyi rnam par shes pa 'byung ngo/ /gang gi tshe shes par bya ba sbom po dang/ phra ba phyogs kyi char rnam par phye ba na med par gyur nas gzugs la sogs pa thams cad stong par 'gyur te/ bsam pa med pa dang/ snang ba med pa dang/ don dam pa'i bden pa mi gnyis par yang dag par rig pa nyid gnas par 'gyur ba ni snang ba med pa'i tshig ste/ dngos po dang dngos po med pa'i rnam par rtog pa thams cad kyi snang ba dang bral ba'o/ /snang ba med pa ma yin pa'i tshig ni gzhan gyi dbang gi rnam pa gnyis kyi rnam par shes pa so sor snang ste/ sems can thams cad kyi 'khor ba nyid yin no/ /smon pa'i tshig dang/ smon pa med pa'i tshig ni bzang por spyod pa'i smon lam ste/ shes rab dang snying rje dang ldan pas na/ bdag dang gzhan gyi don dang/ thams cad mkhyen pa sangs rgyas thob par byed pa'i tshig dang/ gnas kyi tshig go /tshig ni 'gro ba dang/ tshig ni gsum yang sbyor te/ sgra rnams ni don du ma'i phyir ro/ /ji ltar tshig rgyud las 'byung ba/ /don 'grel pa yi mtshan ma dang/ /sgra gzhan la ni bsnyen pa dang/ /mtho ba yul dang dus rnams kyang/ khyad par dran pa'i rgyu rnams so zhes bya'o/ /smon pa med pa'i tshig ni 'phags pa'i bden pa bzhi rtogs nas bdag gi don du mya ngan las 'da' ba' o/ /'khor gsum gyi tshig dang/ 'khor gsum med pa'i tshig ni shes pa dang/ shes par bya ba dang/ shes pas shes zhes bya ba dang 'khor gsum mo/ /gang gi tshe shes rab kyis dpyad de gzugs rnam par bshig nas rdul phra mo la yan yan lag med de/ 'khor gsum mi mthong ba de'i tshe nang stong pa nyid dang/ phyi stong pa nyid dang/ tshogs su mi gnas pa dang/ 'jig pa nyid kyi phyir 'khor gsum stong pa ni 'khor gsum med pa'i tshig ste/ de lta bas na 'khrul pa med ces bya'o/ /mtshan ma'i tshig dang /mtshan ma med pa'i tshig ni bsam gtan gang la mi rtag pa dang/ bdag med pa dang /sdug bsngal ba dang/ mi mdzes pa la sogs pas gzugs kyi mtshan ma 'dzin pa de ni mtshan ma'i tshig go / gzugs ni rdul phran gzhigs pa na/ /rdul phran cha ni med pas te/ /zhes bya bar gang na gzugs kyi mtshan ma mi 'dzin pa dang/ tshor ba dang/ tshor ba'i rnam par tshor ba la sogs pa yang mi 'dzin pa ni mtshan ma med pa'i tshig ste / dngos po dang/ dngos po med par rnam par mi rtog cing/ don dam pa'i bden pa mi gnyis par yang dag par rig pa'o/ /'od med kyi? phyogs kyi tshig dag yod med kyi ? ma yin pa'i tshig ni spyi'i bdag nyid du yod par 'gyur ba dang/ khyad par gyi bdag nyid du med par 'gyur ba dang /spyi dang khyad par gyi bdag nyid du yod kyang yod la med par 'gyur ba dang/ spyi bdag nyid du yod par 'gyur ba yang khyad par gyis bdag nyid du smra bar mi bya'o/ /ka ba dang dngos po la sogs pas spyir rdza mar 'gyur ba dang/ ka ba chu 'dzin pa la sogs pas rdza mar med par 'gyur ba dang /ka ba sra ba la sogs pas rdza mar gyur kyang gru bzhi dang/ zlum pa la sogs pas ka ba rdza mar byed do/ /de bzhin du smra bar mi bya ba yang sbyar bar byas te/ ka ba dngos po la sogs pas spyir rdza mar gyur kyang khyad par gyi bdag nyid du smra bar mi bya'o/ /khyad par gyi bdag nyid du bum ba la sogs pa'i dgos pas yod par gyur kyang spyi'i bdag nyid du smra par mi bya'o/ /bum pa'i khyad par gyi bdag nyid du yod par gyur kyang ka ba la sogs pas spyir smra bar mi bya ba dang/ ka ba spyi'i bdag nyid du rdza mar gyur kyang khyad par gyi bdag nyid du smra bar mi bya ba ni ka ba spyi dang khyad par gyi bdag nyid du rdza mar gyur kyang cig char smra bar mi bya bar zhes bya ba'o/ /spyi dang khyad par gyi bdag nyid du yod la med kyang med par 'gyur ba ni cig char smra par mi bya ste /yul dang/ dus dang/ rim dang/ rnam pa la bltos nas thams cad yod pa dang med do zhes k+Sha pa na kas rnam pa bdun du 'gyur bar smra bo'i tshig ni yod med kyi tshig go/ yod med kyi phyogs ma yin pa'i tshig ni dngos po dang dngos po med par rnam par mi rtog cing don dam pa'i bden pa mi gnyis par yang dag par rig pa'o/ /gnyis ka'i tshig dang gnyis ka ma yin pa'i tshig ni grangs can rnams kyi gsal ba dang/ mi gsal ba thams cad yod pa dang/ spyod pa can rnams kyi tha dad pa dang tha dad pa ma yin pa'i gzugs yod ces pa de rnam pa de lta bu'i byis pa rnams kyis rnam par rtog pa'o/ /gsal ba'i don dang spyi dang/ khyad par can gyi dngos po thams cad dmigs su yod do zhes ni yi ya yi ka dang /khyad par can rnams rtog par byed pa'i 'khrul pa'i shes pa bsal ba'i don du thams cad mkhyen pas gnyis ka ma yin pa'i tshig bsgrub par gsungs pa ni rang gi mtshan nyid kyis don gyi bya ba ni nus kyi sbyir sgro btags pa ni rnam par rtog par dmigs pa'o/ /so so rang gi 'phags pa'i ye shes ki tshig dang / so sor rang gi 'phags pa'i ye shes med pa'i tshig ni gang gi tshe shes rab kyis dpyad pas stong pa nyid de/ phung por mi gnas pa dang/ 'jig pa nyid rgyur shes shing/ phung po gnas pa thams cad khang pa dang/ sde dang/ @057a nags tshal la sogs pa bzhin du phyogs kyi char rnam par dbye ba na stong bar 'gyur ro/ /rtag pa ma skyes pas na ri bong gi rwa lta bur dngos por yod pa ma yin pa de'i tshe chos dang gang zag la bdag med pa yongs su shes pa ni so so rang gi 'phags ba'i ye shes kyi tshig go/ de rang gi rig pa ni skad cig ma'i rgyun 'byung ba dngos po dang dngos bo med par rtog bar med bar 'gyur ba'o/ /gang yang bdag dang/ gtsang ba dang/ bde bar sgom pa'i phyin cis? log gi shes pa de ni so so rang gi 'phags pa'i ye shes med ba'i tshig go / mthong ba'i chos la bde ba'i tshig dang /mthong ba'i chos la bde ba med pa'i tshig ces bya ba ni 'gog pa la snyoms par 'jug pa dang/ stong pa nyid dang/ mtshan ma med pa dang/ smon pa med pa'i rnam par thar ba'i sgo ni khams gsum gyi 'dod chags dang bral ba'i mthong ba'i chos kyi bde ba'o/ /bzhengs nas dag pa 'jig rten gyi ye shes la zhugs pa thugs rje chen pos gzhan don mdzad pa'i thams cad mkhyen pa la mthong ba'i chos kyi bde ba med pa'o/ /zhing gi chig dang/ zhing med pa'i tshig ni sems mnyam bar ma bzhag pa'i bdag dang gzhan gyi rgyud kyi dbang gi mthu las mgo 'khor ba dang/ brgyal ba la sogs ba bzhin du 'jig rten chags ba'i zhing dkod pa'i rnam par shes ba'i rnam pa sna tshogs du ma'i rnam par snang ngo/ /gang gi tshe na shes bar bya ba sgom pa dang phra ba shes rab kyis phyogs kyi cha tha dad par rnam par phye ba na stong par mthong ba de'i tshe zhing ni zhing med pa'i tshig tu don dam par mi gnyis par shes so/ /rdul gyi tshig dang/ rdul med ba'i tshig ni rdul gyi tshogs sbom por snang ba la zhing gi 'du shes su 'gyur ro/ /gang gi tshan rdul mchog @ 057b tu phra pa nyid phyogs kyi char 'byed bas phye ba na stong bar 'gyur te/ de'i tshe rdul med pa'i tshig ste/ 'dzin pa dang/ gzung ba dang bral ba gnyis su med pa'i don dam pa'i bden pa yang dag par rig par 'gyur ro/ /chu'i chig dang/ chu med pa'i tshig ni phyi'i don med pas na chu la sogs par 'byung ba rnams med pa'i phyir chu'i tshig ni chu med pa'i chig yin no/ /bkru ba dang/ btung bar des par 'dzin pa ji lta bu lags snyam pa la thams cad mkhyen pas gsungs pa/ rmongs pa'i tshig dang/ rmongs pa med pa'i tshig ni chul sogs bar rmongs ba'i shes pa ye shes kyis spong ste/ shes rab kyis dpyad nas gang gi tshe na phyi'i sbom pa dang/ phra bar mi dmigs pa de'i tshe rmongs pa'i tshig ni rmongs pa med pa'i tshig tu 'gyur te/ 'khrul pa dang/ bral ba mi gnyis par 'gyur ro/ /byung ba'i tshig dang/ byung ba ma yin pa'i tshig ni bsreg pa dang/ 'tshed pa la sogs pa dgongs pa dang/ khrus dang/ 'phog la sogs pa ni 'byung ba la gnas pas ni de byung pa'i tshig go/ 'khrul pa las rmi lam la sogs pa bzhin du snang bas na byung ba'i tshig ma yin no/ /shes rab kyis spyod pas gang gi tshe na sbom pa dang/ phra ba rnam par gzhig cing phyi rol gyi mi dmigs pa de'i tshe byung ba med pa'i tshig tu 'gyur ro/ /grangs dang rtsis kyi tshig dang/ grangs dang rtsis med pa'i tshig ni yul dang dus la sogs pa'i grangs su 'byed pa phyi'i don med pas mi rung ste/ sa'i ju 'phra rmor phyogs kyi tshar 'byed pas dbye ba ? stong bar 'gyur ro/ /rdul bdun nam brgyad kyi grangs kyi rim pas phra ba'i spu'i thog ma dang de las 'dus pa'i yan lag dang /sro ma dang/ yungs kar gyi 'bru dang/ nas dang/ tshigs dang/ sor mo dang/ mtho dang/ khru dang/ gzhu brgya dag gi rim pas rgyad grags dang/ dpag tshad stong dang/ 'bum dang/ bye ba'i khyad par rnams kyis grangs su bgrang ba rnams ni phyi'i don la gnas ba'o/ /dus bgrang ba yang/ grang ba dang/ dro ba la sogs pa'i rim gyis bye brag nyid kyang phyi'i don la gnas pa ste/ phyi'i don kyang med pas na grangs dang rtsis kyi tshig ni grangs dang rtsis med pa'i tshig yin no/ /mngon par shes pa'i tshig dang/ mngon par shes pa med pa'i tshig ni 'bar ba dang/ char pa dbab pa dang/ nam mkhar 'gro ba ni 'dzin pa dang gzung ba'i dngos po yongs su shes pa yin no/ /phyi'i don med bas na thams cad stong pa'i phyir mngon par shes pa'i tshig ni mngon par shes pa med pa'i tshig tu 'gyur te gnyis kyi rnam pa dang bral ba gnyis su med par yang dag par rig cing don dam pa'i bden pa zhes bya ba'o/ /skyo ba'i tshig dang/ skyo ba med ba'i tshig ni phyi rol gyi don la mngon par chags pa'i phyi'i rnal 'byor pa rnams kyi rdza ma can dang/ skong ba dang/ gtong ba'i rlung la goms par bya ba dang/ rgyas pa can yang skyo ba'i tshig go /de las phyogs gcig pa'i dbugs 'byung ba dang/ rdub par rjes su dran pa de yang skyo ba'i chig ces bya'o/ /shes rab kyis dpyad de gang gi tshe shes par bya ba ci'ang mi dmigs pa de'i tshe na ye shes skyo ba med pa'i tshig bdag nyid kyi gnas so / stug po'i tshig dang/ stug po ma yin pa'i tshig ces bya ba la/ stug po ni rdul phra mo rnams 'dus pa snang ba'o/ /yang na stug po ni sprin rnams su rnam par rtog pa ste/ phyi'i don med pas na de gnyis ka dang stug po ma yin no/ /bzo dang sgyu rtsal rig pa'i tshig dang/ ? dang sgyu rtsal rig pa med pa'i tshig ni rnam pa gnyis kyi rnam bar shes pa la bzo dang sgyu rtsal rig pa'i tshig gnas par 'gyur ro shes rab kyis dpyad ba na rab rib dang rmi lam dag mig 'phrul la sogs pa'i rang bzhin bzhin du rnam pa gnyis pa thams cad ma skyes par mthong bas na mi gnyis ba'i shes pa la bzo dang sgyu rtsal rig pa'i tshig ni tshig med pa ste ldog par 'gyur ro?/ rlung gi tshig dang/ rlung med pa'i tshig ni nan tan gyi dkrugs nas 'byung ba dang/ rdub pa la sogs pa'i khyad 'du 'byed ba na sgra'i mtshan ma ni rlung gi tshig ste /gang gi tshe shes rab kyis dpyad de stong bar mthong ba de'i tshe rlung gi tshig ni rlung med pa'i tshig tu 'grub bo/ /sa'i tshig dang/ sa med pa'i tshig ni snang ba dang bcas pa'i rnal 'byor la sa'i tshig ste/ sems med cing snang ba med pa mi gnyis pa'i don dam pa'i bden pa yang dag par rig pa la gnyis kyi rnam pa'i sa thams cad kyi tshig ni shes rab kyis dpyad pas stong par mthong ste/ snang ba med pa la rim ci yod/ ces bya ba'o/ /bsam pa'i chig dang/ bsam pa med ba'i tshig ni rnam pa gnyis kyi rnam par shes pa la bsam pa 'jug ste/ shes rab kyis dpyad pa na gang gi tshe shes par bya ba cung zad kyang mi dmigs pa de'i tshe bsam pa'i tshig ni bsam pa med pa'i tshig ste/ gnyis su med cing bsam du med pa snang ba med pa'i don dam pa'i bden pa yang dag par rig pa gnas so/ /gdags pa'i tshig dang/ gdags pa med pa'i tshig ni rnam pa gnyis kyi rnam par shes pa la phung po dang/ khams dang/ skye mche la sogs par 'dogs par byed de/ gang mi gnyis pa dang sems pa med pa dang/ snang ba med pa der 'dogs par mi 'byung/ rang bzhin gyi tshig dang/ rang bzhin gyi med pa'i tshig ni gang la 'dzin pa dang/ gzung ba'i dngos po dang/ rjod pa dang brjod pa'i rnam pas dngos por bsdom par bya ba de ni rang bzhin gyi tshig go / shes rab kyis dpyad nas gang gi tshe na dmigs par bya ba cung zad la'ang mi dmigs pa de'i tshe/ rang bzhin med pa mi dmigs pa'i tshig tu 'gyur ro/ /phung po'i tshig dang/ phung po med pa'i tshig ni 'dus pa la phung por 'du shes 'jug ste/ 'phungs pa dang/ 'byung ba'i sgo dang/ rigs kyi don rnams su phung po dang/ skye mched dang/ khams rnams te/ ji srid du gnyis kyi rnam par shes pa yod pa de srid du gtsig ded du mar 'dus pa'i 'du shes rab tu 'jug go / gang gi tshe shes rab kyi shes par bya ba cung zad kyang mi dmigs pa de'i tshe phung po'i tshig ni phung po med pa'i tshig tu chud par 'gyur ro/ /sems can gyi tshig dang/ sems can med pa'i tshig ni mig la sogs pa'i skye mched rnams kyis sems can du gdags par kun tu rtog pa ste/ gang gi tshe na/ gzugs ni rdul phran gzhigs pa na/ /rdul phran cha ni med pa ste/ /phyi yi dngos por med par yang/ /sems ni rnam pa gnyis su snang zhes bya ba de'i tshe phyi'i don med pas sems can gyi tshig ni sems can med ba'i tshig tu shes rab kyis shes so/ /mu stegs can gyis rtags pa'i sems can du kun brtags pa yang ma skyes ba'i phyir dngos po med pa ni mo gsham gyi bu la sogs pa bzhin no/ /blo'i tshig dang/ blo med pa'i tshig ces bya ba la/ blo ni chung par bya ba la 'jug pa ste/ gang gi tshe na chud par bya ba shes rab kyis mi dmigs pa de'i tshe blo'i tshig ni blo med ba'i tshig tu 'gyur te/ stong pa gnyis su med cing gnyis kyi rnam pa dang bral ba don dam pa'i bden pa yang dag bar rig ba'o/ /mya ngan las 'das pa'i tshig dang/ mya ngan las 'das pa med pa'i tshig ni dngos po dang dngos po med pa'i rnam par rtog pa dang bral zhing gnyis su med pa ni don dam pa'i mya ngan las 'das pa'o/ /'phags pa nyan thos rnams kyis ni shes pa dang/ nyon mongs pa dang/ las kyi mya ngan las 'das pa ni kun rdzob tsam mo/ /yang dag pa der yang 'khor ba dang/ mya ngan las 'das par rnam par rtog pa med pa ni ji ltar dbu ma las 'byung ba/ mya ngan 'da' bar ma rtog med/ /'khor ba bsam pa ma yin te/ /gang 'khor mya ngan 'da' ba der/ /su zhig rnam par rtog par bya/ /len med dang ni mya ngan 'da' / /mya ngan 'da' ba nga yir 'gyur/ /de ltar gang 'dzin de dag ni/ /len pa legs min 'dzin ba'o/ /mya ngan 'da' ? ba'i mdza' gang yin/ /'khor ba'i mdza' yang gang yin?/ /de gnyis bar na cung zad kyang/ /shin tu phra ba yod pa min/ /gang dag yod par mthong ba dang/ /dngos po rnams kyang med mthong ba/ /lta ba nyer zhi zhi ba ni/ /blo chung dag gis mi mthong ngo/ /rnam par rtog med snang med pa/ /spros pa rnams kyis ma spros pa/ /de ni 'jig rten mgon po dag /sangs rgyas bstan pa bdud rtsi'o/ / spros las 'das pa mi gnyis pa/ /gang dag sangs rgyas spros par byed/ /de dag spros nyams glen pa rnams/ /de bzhin gshegs pa mi mthong ngo/ /stong pa zhes par smra bya min/ /mi stong zhes par 'gyur ba min/ /gnyis dang mi gnyis zhes pa yang/ /rnam bzhi zhe la ga la zhig /des na mya ngan las 'das pa'i tshig ni dngos po dang dngos po med pa'i rnam par rtog pa dang bral ba ste/ de nyid mya ngan las 'das pa med pa'i tshig ste/ mi gnas ba'i mya ngan las 'das ba'i phyir ro/ /yang na rnal 'byor pa'i ye shes ni mya ngan las 'das pa'i tshig go / 'khor bar sred pa dang/ mi shes pa dang /tshul khrims dang/ brtul zhugs snyems pa la sogs pa ni mya ngan las 'das pa med pa'i tshig go/ shes bya'i tshig dang/ shes bya med pa'i tshig ni gzugs la sogs pa shes bya ste/ gzugs rdul phran du gzhigs pa na rdul phra mo'i cha med bas shes rab kyis stong par mthong ste/ shes bya'i tshig de ni shes bya med pa'i tshig tu shes so/ /mu stegs can gyi tshig dang/ mu stegs can med ba'i tshig ni ji ltar khyad par can gyi rdzas dang/ yon tan dang/ las dang/ sbyi dang/ khyad par dang/ 'brel ba dang/ tshig gi don drug yongs su shes pas thar bar kun tu rtog pa dang/ bdag rtag cing gcig dang du ma bar rig sngags kyi mthar smra ba dang/ zhi ba pa dang/ ne yi ya yi ka dang/ grangs can dang/ k+Sha ba na ka la sogs pas kun tu rtog pas sngar bshad pa bzhin du sbyar bar bya'o/ /des na rtag pa dang/ bdag mu stegs can gyi tshig ni phyi'i don du rtog pa las byung ba ste/ shes rab kyis dpyad pa na mu stegs can med pa'i tshig tu 'gyur ro/ /khrag khrug gi tshig dang/ khrag khrug ma yin pa'i tshig ces bya ba la/ khrag khrug ni 'khrul ba ste/ 'khrul ba yang rtag pa dang/ bdag dang/ bde ba dang/ mdzes ba dang/ gtsang bar sgro 'dogs ba'i phyin ci log ste/ mi rtag pa dang/ sdug bsngal ba dang/ bdag med ba dang/ mi gtsang ba dang/ stong ba'i dngos po rnams la shes rab kyis dpyad de brtag pa dang/ bdag dang phyi'i don bsal bas khrag khrug gi tshig ni khrag khrug ma yin pa'i tshig du 'gyur ro/ /sgyu ma'i tshig dang sgyu ma med pa'i tshig ni gnyis kyi rnam pa'i rnam par shes pa ni sgyu ma'i tshig ? / don dam pa'i bden pa gnyis su med par yang dag par rig pa ni sgyu ma med ba'i tshig ste/ ji ltar rdo rje gcod pa las byung ba/ ji tsam du mtshan phun sum tshogs pa de tsam du brdzun no/ /ji tsam du mtshan phun sum tshogs pa med pa de tsam du mi brdzun no/ /rmi lam gyi tshig dang/ rmi lam ma yin pa'i tshig ni mnyam par mi 'jog pa'i ma rig dang /las rnam par smin pa las skyes pa gzhan gyi dbang gi gnyis kyi rnam pa'i rnam par shes pa ni rmi lam gyi tshig go / gnyis kyi rnam pas stong zhing bsam du med pa dang /snang ba med pa don dam pa'i bden pa mi gnyis pa yang dag par rig par grub pa ni rmi lam ma yin pa'i tshig go /smig rgyu'i tshig dang/ smig rgyu med pa'i tshig ni byed pa'i snang ba tsam gyis nor ba'i shes pa'i tshig smig rgyu'i tshig go / ci'i phyir zhe na/ rnam par shes pa las 'gyur ba gsal bar snang ba dang mchungs pas so/ /ji ltar rmi lam du yang mya ngan gyi thab la sogs pa la chur shes pa gdon mi za bar 'gyur ba de bzhin du rmi lam mang ba'i dus na yang phyi'i don med par mya ngan gyi smig rgyu la sogs pa la chung sgro 'dogs par byed de/ des na smig rgyu'i tshig ni smig rgyu med pa'i chig go /gzugs brnyan gyi tshig dang/ gzugs brnyan med pa'i tshig ni phya'i don med pas na bzhin gyi gzugs nyid med na/ de las gzugs brnyan du gyur ba lta ga la zhig ste /rmi lam du rmi lam gzhan pa lta bu bas na gzugs brnyan gyi tshig ni gzugs brnyan med pa'i tshig tu 'gyur ro/ /yang na gzugs ni lus te/ phyi'i don med pa'i phyir de yang gzugs med pa'i tshig go /'khor lo'i tshig dang /'khor lo med pa'i tshig ni 'gal ba nyid yongs su ma grub ste/ de'i tshe de'i 'bras bu gzugs brnyan ni 'khor lo med pa'i tshig go/ dri za'i tshig dang/ dri za ma yin pa'i tshig ni dri za'i grong khyer phyi'i rnam par grub pa med pas de de las lhag pa'i dgos pa@061a grub pa lta ci smos te / des na dri za'i tshig ni dri za ma yin pa'i tshig go /lha'i tshig dang/ lha ma yin ba'i tshig ni phyi'i don med pas na lha'i tshig gnas ni lha'i tshig ma yin no/ /zas skom gyi tshig dang/ zas skom med pa'i tshig ni rmi lam gyi 'dus na yang zas dang skom bza' btung bar 'gyur te/ phyi'i don med pas na de yod pa'ang ma yin te/ de bas na zas skom gyi tshig ni zas skom med ba'i tshig go /'khrig pa'i tshig dang /'khrig pa med ba'i tshig ni lus yod na ni 'khrig bar yang 'gyur na/ ji ltar lus ni/ gzugs ni rdul phran gzhigs pa na/ /rdul phran cha ni med pa ste/ /de lta bur phyi'i don med pas na/ de'i lus nyid la stong par mthong ste/ de'i tshe mi rtag pa dang /sdug bsngal ba dang/ bdag med pa dang/ mdzes ba ma yin pa dang/ stong par sgom pas 'khrig ba'i tshig ni 'khrig pa ma yin pa'i tshig tu khong du chud par 'gyur ro/ /lta ba'i tshig dang/ lta ba med ba'i tshig ni gzugs la sogs pa lta ba ste/ shes rab kyis spom po phra mo rnam par dbye ba na khang ba dang/ sde dang tshal la sogs pa bzhin du stong par gyur te/ des na lta ba'i tshig ni lta ba med pa'i tshig tu shes so/ /pha rol tu phyin pa'i chig dang/ pha rol tu phyin pa med pa'i tshig ni gnyis kyi rnam ba'i shes pas sbyin pa la sogs pa'i pha rol tu phyin pa'i tshogs su 'gyur ba gang gzhan gyi dbang gi gnyis kyi rnam par shes pa kun rdzob kyi bden pa ni rmi lam dang/ mig 'phrul la sogs pa bzhin du don dam bar grub pa ma yin te/ gnyis su med pa'i ye shes la mi snang ngo/ /shes rab kyis dpyod pa na shes bar bya ba mi dmigs ba'i rnal 'byor bsam du med pa/ snang ba med cing don dam pa'i bden pa gnyis kyi mi gnyis bar yang dag pa rig pa dngos po dang/ dngos po med par rnam par mi rtog po? @ 061b dge ba dang mi dge ba'i chos rnam pa gnyis pa thams cad mi snang ngo/ /tshul khrims kyi tshig dang /tshul khrims mang pa'i tshig ni 'di ni bya ba'o/ /'di ni mi bya'o zhes bya ste/ gnyis kyi rnam par shes phal tshul khrims su rnam par rtog par 'gyur gyi shes rab kyis dbyad pas gnyis kyi rnam pa thams cad ma skyes ba dang / stong pa dang /sems pa dang/ bral ba dang/ snang ba med cing mi gnyis pa'i tshul khrims don dam pa'i bden pa yang dag par rig pa dngos po med par rnam par mi rtog par mthong ste/ des na tshul khrims thams cad du rnam par rtog pa'i tshul khrims kyi tshig ni tshul khrims med pa'i tshig tu 'gyur ro/ /gnyi zla dang skar ma'i tshig dang/ gnyi zla dang skar ma med pa'i tshig ni bdag dang gzhan gyi rgyun gyi dbang dang/ dam pa dang dam pa ma yin pa'i chos bstan pa la sogs bas dge ba dang mi dge ba'i las las gnas rnam pa sna tshogs mang po byung zhing/ 'jig rten gyi mgon po la sogs par snang ba gnyis kyi rnam pa'i rnam par shes pa thams cad ni gzhan gyi dbang ste/ rmi lam dang/ mig 'phrul la sogs pa bzhin pas na nyi zla dang/ skar ma'i tshig ni don dam par stong pas nyi zla dang skar ma med pa'i tshig go /bden pa'i tshig dang /bden ba med pa'i tshig ni bden pa bzhi'i shes pa shes rab kyis dpyad pa na thams cad gnyis su med par rtog par 'gyur te/ de bas na bden pa'i tshig ni bden pa med pa'i tshig go/ /'bras bu'i tshig dang/ 'bras bu med pa'i tshig ni rtse mo nyi shur 'phags pa 'jig tshogs la lta ba'i ye shes kyi rdo rjes bcom pa ste/ dgra bcom pa'i 'bras bu mngon sum du thob bo zhes bya'o/ /de la rtse mo nyi shu zhes pa ni gzugs bdag go bar kun tu mthong ba dang/ bdag gzugs can dang/ bdag gi gzugs dang/ bdag la gzugs zhes par mthong ba de bzhin du tshor ba la sogs pa'i phung po bzhi rnams la yang sbyar bar bya'o/ /rmi lam dang mig 'phrul la sogs pa bzhin du gnyis kyi rnam pa'i shes pa thams cad ni stong pa yin te /ji ltar 'dir gzung ba dgra bcom pa ni sems kyi 'khrul ba zhes bya'o/ /ji ltar rdo rje gcod pa las 'byung ba/ rab 'byor bdag gis dgra bcom pa thob bo zhes pa dgra bcom pa la ci de snyam du 'gyur ram /bcom ldan 'das ma lags so/ /dgra bcom pa zhes bgyi ba'i chos de gang yang ma mchis so zhes te/ de de ltar na shes rab kyis dpyad bas gang zag la bdag med pa gnyis kyi rnam pa'i ye shes kyang stong par 'gyur te/ chos la bdag med pa don dam pa'i bden pa mi gnyis bar yang dag bar rig pa la dngos po dang dngos po med par rnam par mi rtog pas na/ 'bras bu'i tshig ni/ 'bras bu med pa'i tshig go /'gog pa'i tshig dang /'gog pa med pa'i tshig ni bzung ba dang/ 'dzin pa med ba'i phyir bdags bar bya ba yang med pas na/ 'gos? pa'i tshig ni/ 'gog pa med pa'i tshig go/ phung po'i lhag ma dang bcas pa'i 'gog par bdag gi skye ba zang ba dang tshangs pa'i spyod pa spyad pa dang/ 'di las srid pa gzhan mi shes te/ de lta bur bden pa bzhir bsgyur ba slob pa dang mi slob pa rnams la shes par bya ba dang shes pa la sogs pa sbyar bar bya'o/ /rnam pa gnyis ni shes pa thams cad ni mi gnyis pa ste/ don dam pa'i bden pa yang dag par rig pa dngos po dang dngos po med bar rtog cing/ sems med pa la mi snang ste/ de bas na 'gog pa'i tshig ni 'gog pa med pa'i tshig go /'gog pa las ldang ba'i tshig dang/ 'gog pa las ldang ba med pa'i tshig ni nyon mongs pa 'gog ba bden ba'i ting nge 'dzin las ldang ba ste/ mi rtag pa dang/ sdug bsngal ba dang/ bdag med pa dang/ gtsad pa ma yin pa'i rnam pa dag 'jig rten gyi bsam gtan gnyis kyi rnam pa snang ba rmi lam dang/ mig 'phrul dang gzugs brnyan la sogs pa'i shes pa bzhin du don dam pa'i bden pas stong ba ste/ gnyis su med pa don dam pa'i bden pa yang dag par rig pa la mi snang bas na 'gog pa las ldang ba'i tshig ni 'gog pa las ldang ba med pa'i tshig go / the tshom gyi tshig dang/ the tshom med pa'i tshig ni ci 'di ltar yin nam ma yin zhes pa gnyis kyi rnam pa'i shes pa la mos par 'gyur gyi gnyis su med pa la ni ma yin no/ /gang gi tshe shes rab kyis dpyad de stong pa nyid la phung por gnas pa med pa dang/ 'jig pa nyid yin par rtogs par gyur pa de'i tshe rtag pa dang/ bdag dang/ phyi'i don du 'khrul ba spangs te/ bsam pa dang bral zhing snang ba med pa don dam pa'i bden pa mi gnyis par yang dag par rig pa dngos po dang/ dngos po med par rnam par mi rtog pa/ dogs pa dang bral ba gnyis gnas so/ /mtshan gyi tshig dang/ mtshan med pa'i tshig ni chos dang/ chos can dang/ yon tan dang/ las dang/ spyi dang/ khyad par la sogs ba'i brtags pa ni mtshan nyid kyi tshig go /gang de'i gzhi yin pa'i rang gi mtshan nyid ni sgra'i don du sgro btags nas spyi'i rnam par mngon par brjod pa ste/ ji ltar slob dpon d+harma kIrtis smras pa/ don dam de ni bdag gnyis kyis/ /sbyor ba med cing tha dad med/ /gzugs ni gcig dang tha dad par/ /de dag blo yi 'khrul pa'o/ /ji ltar dbu ma las 'byung ba/ /mtshon bya mtshan nyid gal te gzhan/ /mtshan ma mtshan nyid med par 'gyur/ /gcig na'ang de gnyis mi 'grub ste/ /tha dad na'ang gzhan du med// de bzhin du chos dang chos can te/ des na mtshan gyi tshig ni mtshan med pa'i tshig go /yan lag gi tshig dang/ yan lag med pa'i tshig ces bya ba la/ yan lag ni lus de las phyi'i don med pa sran de yang med da des na yan lag gi tshig ni yan lag med pa'i chog go / sgyu rtsal rig pa yi dang /sgyu rtsal rig pa med pa'i tshig ni gnyis kyi rnam pa'i rnam par shes pa la/ sgyu rtsal gyi tshig tu 'gyur gyi/ gnyis su med pa la de ma snang ngo/ /bsam gtan gyi tshig dang/ bsam gtan med ba'i tshig ni bsam gtan pa dang/ bsam gtan du bya ba dang /bsam gtan dang de gsum ni phyi'i don mi rtag pa dang/ sdug bsngal ba dang/ mi mdzas par sgom pa la snang ngo/ /gang gi shes rab kyis dpyad de sbom po dang/ phra mo gzhigs te /mi dmigs pa de'i tshe mi gnyis pa bdag nyid kyis gnas par 'gyur ro/ /nor pa'i tshig dang/ nor pa med pa'i tshig ni gnyis kyi rnam pa'i shes pa nor ba'i tshig ste / de nyid shes rab kyis dpyad pa na gnyis kyi rnam pa'i nor ba dang bral ba nor med pa'i tshig tu 'gyur ro/ /snang ba'i tshig dang/ snang ba med pa'i tshig ni gzugs la sogs pa snang ba'i tshig ste/ gzugs ni rdul phran gzhigs pa na/ /rdul phran cha ni med pa ste/ zhes bya bas/ de de ltar stong ste/ snang ba med pa'i tshig tu 'gyur ro/ /srung ba'i tshig dang/ bsrung ba med pa'i tshig ni 'di bsrung bar bya ba dang/ 'di bsrung bar mi bya ba dang/ gnyis kyi rnam pa'i rnam par rtog pa la bsrung bar 'gyur gyi/ gnyis su med pa la de ldog ste/ de bas na bsrung ba'i tshig ni bsrung ba med pa'i tshig tu 'gyur ro/ /dus kyi tshig dang/ dus med pa'i tshig ces bya ba la/ dus ni rgyud yin te/ de yang gnyis kyi rnam pa'i shes pas 'dzin gyi gnyis su med pa las ni snang bas na dus med pa'i tshig tu yang dag par rtog par 'gyur ro/ /drang srong gi tshig dang drang srong ma yin pa'i tshig ni pa ta ni dza pa'i rnal 'byor la yan lag brgyad yod pa/ sdom pa dang/ nges pa dang/ stan dang/ srog gi 'bad pa dang/ phyis bsgrub pa dang/ bsam gtan dang/ 'dzin pa dang/ ting nge 'dzin to/ /drang srong a ga sta'i rnal 'byor yang/ srog 'bad de bzhin bsam gtan dang/ /phyis sgrub de nas 'dzin pa dang/ /rtog ge ting nge 'dzin de bzhin du/ /yan lag drug ni rnal 'byor brjod/ /drang srong sa na ka'i rnal 'byor ni/ /'dzum pa phye ba de bzhin du/ /la mo tsam du rnam shes bya/ /de bzhin bcu gnyis tsam po ni/ /srog 'bad par ni mngon brjod bya/ /srog 'bad bcu gnyis 'dzin pa ste/ /'dzin pa gnyis ni rnal 'byor yin/ /de ltar rnal 'byor ldan pa la/ /dbang phyug rab tu 'grub bar 'gyur ro/ /bdag gi mchog ni gzi brjid kyis/ /de ni 'bar bar mthong ba'o/ /de de ltar drang srong gi rigs srog gi 'bad pa la sogs pa'i dga' thub dka' bas kun tu nyon mongs bar 'gyur ba'o/ /'khor ba'i rgyun ni nyon mongs pa yin la/ bdag tu zhen sa yongs su zad par byed pa'i rgyu ni bdag med pa'i rnal 'byor yin pa de dag gis mi shes te/ /de mi shes pas grol ba med de/ 'khor bas na drang srong gi tshig ni drang srong ma yin ba'i tshig go /ji ltar ting nge 'dzin gyi rgyal po las gsungs pa/ gang dag bdag tu 'du shes gnas/ /de dag sdug bsngal shin tu gnas/ /gang na sdug bsngal med pa yi/ /bdag med de dag mi shes so/ /rgyal po'i srid kyi tshig dang/ rgyal po'i srid ma yin pa'i tshig ni rtag pa dang/ bdag dang/ bde ba dang/ mdzes pa'i dngos po phyin ci log pas dbang phyug 'dod par 'gyur ro/ /shes rab kyis dpyad de mi rtag pa dang/ bdag med pa dang/ sdug bsngal ba dang/ mdzes pa ma yin pa dang/ stong par shes pa na rgyal po'i srid kyi tshig ni rgyal po'i srid ma yin pa'i tshig go/ skye ba dang/ 'chi ba dang/ mngal du gnas pa dang/ ngan 'gror 'gro ba la sogs pa'i gnod pa thams cad la skyo bar 'gyur ba yang rgyal po'i srid kyi tshig ni rgyal po'i srid ma yin pa'i tshig go / gzung ba'i tshig dang gzung ba med pa'i tshig ni shes pa 'dis chung par byed/ rtogs par byed/ 'dzin par byed pas na gzung ba'i tshig go /ji ltar 'phags pa btsun gtso byams pas gsungs pa/ bdag dang sems can don rnams shes/ /snang ba rab tu skye ba ni/ /rnam shes de yang don med de/ /de med bas na de yang med/ ces bya bas na gzung ba med pa'i phyir gzung ba'i tshig ni gzung ba med pa'i tshig ste/ 'dzin pa'i rang bzhin gyis stong par 'gyur ro/ /rin po che'i tshig dang/ rin po che med pa'i tshig ni mdzes pa'i rnam par rin po che brjod pa yin te /de yang las rnam pa sna tshogs las skyes pa gnyis kyi rnam pa'i shes pas snang gi /gnyis su med pa'i don dam pa'i bden pa yang dag par rig pa la ni ma yin te/ des na rin po che'i tshig ni rin po che ma yin pa'i tshig go /lung bstan ba'i tshig dang/ lung bsten pa med pa'i tshig ni 'di rnams kyi lung ston par byed pas na tshig ni lung ston pa'o/ /gzugs kyi phung po med pas na de yang yod pa ma yin te /des na lung bstan ba'i tshig ni lung bstan pa med pa'i tshig go /'dod chen pa'i tshig dang /'dod chen med pa'i tshig ni longs spyod kyis mngon pa'i nga rgyal bskyed cing/ lhag pa la sogs pas na 'dod chen pa'i tshig ni 'dod chen med pa'i tshig ste/ ji ltar 'di nyid du bzung ba longs spyod la mos pa ni gnyis kyis rnam par shes pa la snang ga /gnyis su med cing bsam pa snang ba med pa'i don dam pa'i bden ba yang dag par rig pa la ni ma yin te/ lhag ma ni snga ma bzhin no/ /pho smos dang /ma ning gi tshig dang pho smos dang/ ma ning med pa'i tshig ces bya ba ni phyi'i don yod na ni pho smos dang/ ma ning gi chog tu rnam par brtag bar yang 'gyur gyi gang gi tshe/ gzugs ni rdul phran gzhigs pa na/ /rdul phran che ni med pa ste/ /zhes bya bas phyi'i don med par gyur pa de'i cho pho smos dang ma ning gi tshig ni pho smos dang ma ni nang med pa'i tshig go /bro ba'i tshig dang /bro ba med pa'i tshig ni/ rlom sems dpa' bo bzhin byad don/ /gtum po rtsed mo 'jigs byed rnams/ /snying rje rmad 'byung zhi pa yang/ /gar gyi bri ni dgu zhes bya/ /kha cig la ni bro rnams brgyad de/ zhi ba ni theg ma dang/ tha mar gnas pa yin te/ zhi ba nyid las 'gyur ba'i rim pa thob pa dang /rlom sems la sogs pa'i bro 'byung ngo/ /dngos po thams cad kho na las/ /gang gi gzugs ni mang 'gyur ba/ /de ni brol? gnas par bsam/ /lhag ma 'pho bar 'dod pa'i?// 'pho ba spyo phan pa dang/ /brtse med rgyags gnas le lo dang/ /brtse ba'i sems dang gti mug dang/ /dran pa myas la sogs pa'o/ /rlom sems la sogs pa'i rgyur bsam pa ni 'gyur ba'i gnas thob pa ste/ dgod pa dga' ba mya ngan dang/ khro ba spro ba de bzhin 'jigs/ /smad dang yang mtshan zhes pa ni/ /gnas pa'i dngos po bsgrags pa'o/ /'dir rnal 'byor gyi dpyad pa brtsams pas na bro ba'i dngos po dpyad bde 'dir spro bar mi bya ste/ rgya cher ni ba la ta'i@065a gtsug lag las rig par bya'o/ /de ci'i phyir zhe na /thams cad mkhyen pa 'dod chags dang bral ba/ mchog tu yongs su dag cing tshig gi dbang po rnal 'byor la mnga' dbang brnyes pas gzhan gyi don du ? thugs rje can gyi spong ba'i char gsungs par mdzad do/ /rtag pa dang/ bdag dang /bde ba dang/ gtsang ba'i dngos por phyin ci log pa rnams kyis rlom sems la sogs par 'gyur ba'i phyi'i don med par yongs su shes pas gang chags par 'gyur ba dang/ gang du chags par 'gyur ba dang/ gang gis chags par 'gyur ba'i chos des de kun tu mi mthong ste/ de bas na bro ba'i tshig ni bro ba med pa'i tshig go /gzhan yang 'o ma dang/ bu ram la sogs ba myong ba phyi'i don med pas rmi lam tshor ba bzhin pas na gnyis kyi rnam pa thams cad ni gnyis su med pa don dam pa'i bden pa yang dag par rig pa la mi 'jug pas bro ba med pa'i tshig go / byed pa'i tshig dang/ byed pa med pa'i tshig ni/ 'dus byas thams cad skad cig pa/ /mi brtan byed pa ga la zhig /gang 'byung byed pa de nyid de/ /byed pa por yang de nyid brjod/ ces bya ba ste/ byed pa dang byed pa po tha dad pa ma yin te/ skad cig pa'i tshig gi don byung ma thag tu 'jig pas na byed pa po de'i byed ba lta ga las yod pas des na byed pa'i tshig ni byed pa med pa'i tshig go/ /rgyu'i tshig dang/ rgyu med pa'i tshig ces ba la rgyu byed pa po ste /gang gi dus na rgyu yod pa de'i dus na 'bras bu med pa de'i skad cig pa ni zhig pa dang ma zhig pa gang dang yang mi 'bral te/ bya ba med pas ni snga ma'i 'og tu 'di yod na 'di yod par 'gyur zhes rten cing 'brel te 'byung ba 'ba' zhig ste/ des na rgyu'i tshig ni rgyu med pa'i tshig go /lus kyi tshig dang// @ 065b lus med pa'i tshig ni phyi'i don du sgro btags de lus su kun tu rtog pa ste/ gzugs ni rdul phran gzhigs pa na/ /rdul phran cha ni med pa ste/ zhes bya bas phyi'i don sngar sun phyung ba bzhin du phyi'i don med pas na lus kyi tshig ni lus med pa'i tshig go / rtog ge'i tshig dang/ rtog ge med pa'i tshig ces bya ba la rtog ge ni tshad ma dang gzhal ba ste /de yang gnyis kyi rnam pa'i rnam par shes pa las 'byung ba rmi lam dang /mig 'phrul la sogs pa bzhin du don dam par yod pa ma yin no/ /gang ne yi ya yi ka la sogs pas tshig gi don bcu drug dang/ drug dang /nyi shu lnga dang/ yod par 'gyur pa rnam pa bdun dang /tha dad pa dang/ tha dad pa ma yin pa dang /spyi dang khyad par du kun tu brtags pa tshad ma dang gzhal ba la sogs pa ni phyi'i don med pas shes rab kyis dbyad pa ni phung por mi gnas 'jig pa nyid pa'i phyir stong pa yin no/ /phyi rol gyi phung bor gnas pa sbom po dang phra mo rnam par gzhigS pa na khyim dang/ sde dang nags tshal la sogs pa bzhin du stong bar 'gyur ro/ /rtag pa ni ma skyes pas na ri bong gi rwa ltar dngos po med do/ /des na rtag pa dang bdag dang phyi'i don du kun tu brtags pa'i mu stegs can gyi rtog ge'i tshig ni rtog ge med pa'i tshig go / g.yo ba'i tshig dang /g.yo ba med pa'i tshig ni skye ba dang/ 'gog pa la sogs pa kun tu rtog pa gnyis kyi rnam pa'i shes pa la 'gyur gyi/ mi gnyis pa bsam pa med cing snang ba med pa don dam pa'i bden pa yang dag par rig pa / dngos po dang dngos po med par rnam par mi rtog pa la ni ma yin no/ /dbang po'i tshig dang/ dbang po med ba'i tshig ni lus la sogs pa'i tshig ste /lus dang dbang po la sogs pa'i tshig gi bshad pa ni phyi'i don sun dbyung ba bzhin no/ /ring po la sogs pa'i dbyibs med pas na/ de bzlog pa'i don du rnam pa mang po bshad pa yin te/ langkar gshegs pa 'phags ma shes rab kyi pha rol tu phyin pa dang 'dra bar dam pa'i chos thams cad kyi 'grel pa yin pas na thams cad mkhyen pa'i gsung der lhag chad kyi skyon du mi 'gyur bar bsams pa'o/ /'dus byas kyi tshig dang /'dus byas med pa'i tshig ni rgyu dang rkyen gyis byas pa ni 'dus byas so/ /'dus ma byas pa ni dngos po med pa'o/ /kha cig gis 'chad pa ni chung ba gnyis kyi rnam pas stong zhing yongs su dag pa ni 'dus ma byas pa nyid do/ /ji ltar dgongs pa nges par 'grel pa las 'byung ba/ rigs kyi bu 'dus byas dang 'dus ma byas zhes bya ba 'di ni ston pas btags pa'i tshig go /skad cig pa ni 'dus byas so/ /rgyun du 'brel pa ni 'dus ma byas so/ /'di ni sus kyang mi bya ste /chos kyi chos nyid de yongs su gnas pa'o zhes rgya cher ro/ /'dir 'dus ma byas kyi tshig ni 'dzin pa dang/ gzung ba dang bral ba'i stong pa don dam pa'i bden pa mi gnyis pa yang dag par rig pa la dgongs par rtog go/ rgyu dang rkyen gyis byas pa rnam pa sna tshogs kyi rnam pa ni rmi lam dang / mig 'phrul la sogs pa bzhin du skye ba'i rang bzhin med bas na yongs su grub pa yang dag par rig pa'i rang bzhin 'ba' zhig la gnod pa med do/ / 'phags ma shes rab kyi pha rol tu phyin pa bdun brgya pa bshad pa dang/ dgongs pa nges par 'grel par bshad pa'i rtsod pa'i gnas su bdag gis zhib tu bshad kyis 'dir yang sbyar bar bya'o/ /rgyu dang 'bras? bu'i tshig dang/ rgyu dang 'bras bu med pa'i tshig ces bya ba la/ rgyu ni byed pa ste/ gang gi tshe na 'bras bu yod pa de'i tshe na rgyu med do/ /ci'i phyir zhe na /skad cig pa gcig ni thog ma dang/ tha ma'i skad cig pa dang mi 'brel ba'i phyir te/ snga ma'i 'og tu 'di yod pas 'di yod par 'gyur ro zhes rten cing 'brel te 'byung ba 'ba' zhig go / des na byed pa dang byed pa por 'brel par gzhan gyis kun brtags pa'i rgyu dang 'bras bu'i tshig dang ni rgyu dang 'bras bu med pa'i tshig go / 'og ma'i tshig dang/ 'og min gyi tshig ces bya ba la/ 'og ma'i tshig ni 'khor bar gnas pa na'o/ /yang rnal 'byor sgom pa na mchog tu phyin nas mchog ni 'og min gyi tshig go /dus kyi tshig dang/ dus med pa'i tshig ni phyi'i don yod na ni grang ba dang dro ba la sogs pa'i khyad par gyis dus kyi tshig kyang kun tu brtags na phyi'i don med pas dus kyi tshig ni dus med pa'i tshig yin no/ /gang gi tshe shes rab kyis dpyad de /sbom ba dang phra ba rnam par gzhigs pa na khang pa dang/ sde dang /nags tshal la sogs pa mi dmigs pa de'i tshe sngar bshad pa bzhin du thams cad gnyis su med par sbyar bar bya'o/ /shing dang shing gel ba dang lcug ma gyes pa'i tshig dang/ shing dang/ shing gel pa dang/ lcug ma ma gyes pa med pa'i tshig ni rab tu rmongs ba rnams kyi de lta bur snang ba tsam la phyi'i don du kun rtog par byed de/ de dag la rmi lam gyi dus na yang shing dang yang shing mgal ba dang/ lcug ma gyes pa'i tshig snang ba de bzhin du / rmi lam med pa'i dus na yang phyi'i don kun tu rtog pa na/ gzugs ni rdul phran gzhigs pa na/ /rdul phran cha ni med pa ste/ /phyi yi dngos po med par yang/ /sems ni rnam pa gnyis su snang zhes bya ste/ des na shing dang/ shing gel ba dang/ lcug ma gyes pa'i tshig ni shing dang shing gel pa dang/ lcug ma ma gyes pa med gang gi tshe na shes rab kyis dpyad de ci yang mi snang zhing mi dmigs pa de'i tshe don dam pa'i bden pa mi gnyis pa yang dag par rig pa nyid gnyis pa yang dag par rig pa nyid gnas so/ /sna tshogs kyi tshig dang sna tshogs med pa'i tshig ces bya ba la/ sna tshogs ni gang gzhan gyi dbang nye bar skye ba ste/ de gnyis kyi rnam pa don dam par skye ba'i rang bzhin med pas na rmi lam dang mig 'phrul la sogs pa bzhin no/ /ji ltar slob dpon d+harma kI rtis smras pa/ dngos po gang gis brtag bya ba/ /yang dag de ni gzugs med de/ /gang phyir gcig dang du mar ni/ /de dag gzugs ni yod na yin/ /gang gi tshe na shes rab kyis shes par bya ba sbom po dang phra mo rnam par gzhigs te cung zad kyang mi dmigs pa de'i tshe bsam pa dang bral zhing snang ba med pa don dam pa'i bden pa yang dag par rig pa gnyis su med par grub pa nyid gnas so/ /de'i phyir dngos po dang dngos po med par rnam par mi rtog pa gnyis su med pa la rnam pa sna tshogs thams cad mi 'jug ste/ de bas na sna tshogs kyi tshig ni sna tshogs med pa'i tshig go /bstan pas gzung ba'i tshig dang /bstan pas gzung ba med pa'i tshig ni phyi'i don med pas na/ don dam par sgra'i don yod pa ma yin pa nyid do/ /bdag dang gzhan gyi dbang dang/ yid la byed pas nang slongs pa'i mthu dang/ snying rjes rnal 'byor ba rnams kyis rnam ba du ma'i sgra'i don du snang ba'i rnam shes pa 'ba' zhig rab tu 'byung ngo/ /tshe len pa rnams kyi yang mgo 'khor ba dang/ brgyal ba la sogs pa bzhin du ma rig pas dam pa dang/ dam pa ma yin pa'i chos bstan pa la sogs pas kyang bdag la snang ba 'byung ngo/ /des na bstan pas gzung ba'i tshig ni bstan pas gzung ba med pa'i tshig go / 'dul ba'i tshig dang/ 'dul ba med pa'i tshig ni 'di ni bya'o 'di ni mi bya'o/ /zhes bya ba 'dul ba'i tshig ni gnyis kyi rnam pa'i rnam par rtog pa la yod de/ gnyis kyi rnam par yang rmi lam dang /mig 'phrul la sogs pa bzhin du don dam par ma skyes pas na thams cad yod pa ma yin pa'i phyir don dam pa'i bden pa gnyis su med cing dngos po dang dngos po med par rnam par mi rtog pa yang dag bar rig pa'i tshul khrims la de mi snang ste/ des na 'dul ba'i tshig ni 'dul ba med pa'i tshig go / dge slong gi tshig dang/ dge slong med pa'i tshig ni spyir dge bsnyen la sogs pa rnams la srog gcod pa la sogs pa spangs pa'i mtshan nyid kyi 'dul ba'i tshig kyang yod do/ /dge slong rnams kyi ni so sor thar ba'i sdom pas bslab pa lhag par 'dzin te/ gnyis kyi rnam pa'i rnam par rtog par 'byung ba thams cad ni don dam pa'i bden pa mi gnyis pa'i tshul khrims las ldog pas na dge slong gi tshig ni dge slong med pa'i tshig go / byin gyis brlabs kyi tshig dang /byin gyi brlabs med pa'i tshig ni des 'di byin gyis brlabs zhes bya ba rnams gnyis kyi shes pa gnyis su med pa las ldog par 'gyur te/ de bas na byin gyis brlabs kyi tshig ni byin gyi brlabs med pa'i tshig ste / mi gnyis pa ni snga ma bzhin no/ /yi ge'i tshig dang/ yi ge med pa'i tshig ces bya ba la /yi ge'i tshig ni rnam par rtog pa'i shes pa'o/ /yi ge dang tshig dang brjod pa ni byed pa dang byed pa por mngon par 'brel te sbyor bar 'jug go zhes te/ ji ltar bya ka ra ta sa yongs su rtog par byed pa/ don gyi dngos por yid 'jug pa/ /gang la 'gro ba'i rab byed 'byung/ /tshangs ba sgra ni yang dag pa /thog ba med cing mi 'jig pa'o/ /'di ni tshangs sgra'i sprul pa ste/ /sgra yi mthus ni rnam par gnas/ /sgra tsam las ni byung ba yang/ /de nyid du ni zhi bar 'gyur zhes so/ /des na yi ge dang /'byor pa'i gnyis kyi rnam pa'i rnam par rtag pa'i shes pa thams cad ni yi ge med pa'i tshig ste/ don med pa'i bden pa gnyis su med par yang dag par rig pa la mi snang ba'i phyir ro/ /sgra rnams 'dus par smras pa ni/ /'dus pa'i rigs ni 'byung bar byed/ /yan lag med pa'i sgra gcig la/ /rim ni blo rjes bsgrub pa'o/ /thog ma'i tshig ni tha dad kun/ /tshig ni ltos bcas shes pa yang/ /brjod pa so sor blos mi mthun/ /tshul smra rnams kyi rnam pa mang/ /kha cig la la yi ge dang/ /tshig dang ngag? 'di brjod pa ste/ /yi ge ma rtogs tshig ces pa/ /gzhan ni yod pa ma yin te/ /dag ni yi ge tshig las kyang/ /lhag par cung zad yod pa min/ /tshig ces bya ba cung zad kyang/ /dngos po nges pa gang na'ang med/ /tshig rnams gzugs dang don yang rung/ /dag nyid las ni chung par 'gyur/ /la las tshig ni rnam gnyis dang/ /rnam bzhi rnam lngar phye ba ste/ /rang bzhin rkyen la sogs pa bzhin/ /dag rnams las ni bton nas so/ /ldan pa las mngon par brjod pa dang/ mngon par brjod pa las ldan pa'i mtshan nyid can gyi dag go zhes so/ /sbyong ba can dang/ bya ka ra Na la sogs pa yongs su rtog par byed pa ji snyed ci 'dra gang dag kyang/ /don gang so sor bsgrub pa yis/ /'bru rnams mthus ni rab shes pa/ /nges na yi ge don chud nyid/ ces pa ni rim gang zhig gis don gang zhig brjod par byed ba zhes so/ /la las smra ba ni dag gis smra bar byed kyis tshig gis ni ma yin te/ yi ge yan lag lag ltar the tshom skyed pa'i phyir ro/ /btags par smra ba sangs rgyas pa la sogs pa rnams la ni btags pa'i tha snyad pas na gnyis kyi rnam pa'i rnam par shes pa thams cad don dam pa'i bden pa mi gnyis pa'i shes pa las ldog pa ste/ des na yi ge'i tshig ni yi ge med pa'i tshig ces 'phags pa blo gros chen pos 'dri ba brgya rtsa brgyad gsol ba'i lan thams cad mkhyen pas mi gnyis pa'i tshig tu bka' stsal to/ /gang gnyis su med pa dang/ rnam pa gnyis su mi byed pa dang/ chad pa med pa dang/ phye ba med pa dang/ bden pa yang dag par rig pa de ni mi gnyis pa zhes bya'o/ /thams cad mkhyen pas sems can thams cad so sor chud par bya ba'i don du blang ba dang spang ba'i khyad bar du lhag pa dang/ chad pa dang/ zlos pa dang/ rnam grangs kyi sgra'i don tha dad du rgya cher sgrub pa ni sems can rnam pa mang po rab tu chud par 'jug pas na brgal bar mi bya'o/ /sems can gyi don du ji ltar 'gyur ba de bzhin du thams cad mkhyen pa'i tshig gi dbang po mchog tu yongs su dag pa'i 'dod chags dang bral ba gzugs rnam pa sna tshogs kyi rnal 'byor gyi dbang po cho 'phrul sna tshogs kyis mdza' yas pa'i sems can gyi bsam pa rangs par mdzad pa rnams sangs rgyas bcom ldan 'das su 'gyur ro/ /de'i phyir ye shes bzang dpal gyis tshig brgya rtsa brgyad sangs rgyas kyis blo gros chen po la gsungs pa 'di rigs pa dang/ lung dang/ bdag dang/ gzhan gyi grub pa'i mdza' i rjes su mthun par bshad pa'o/ /rtag tu bdag la chags pas srid pa 'byung/ /de zad nyid las thar bar 'gyur ba ste/ /tshogs gnas mi 'jigs min pa 'khrul rab rib/ /dra bas blongs pa bzhin du rab tu zhi/ /sbom po phyogs char? dbye stong rtag pa yang/ /nam mkha' padmo 'dra ste ma skyes pa/ /ye shes dpal bzang tshad ma tshul gnyis @069a ni/ /sangs pa mi gnyis yang dag 'dul ba yang/ /mdo sde rab mang smon lam gyis/ /gzhan dbang ji ltar bya snyam ste/ /shes rab snying rje yangs pas ni/ chos sbyin nan tan gzhan gyis gsol/ /tshig dbang bka' drin dri ba rnams/ /lan don khyad par dran yul gyur/ /bdag blo gzhan gyi the tshom med/ /shes dpal bzang pos des don bshad/ /blongs tshong 'bras bu gyur kyang bla/ /nor gyi bslang pa ma mthong rung/ /de drung bu 'brangs rgyags gsar can/ /legs sdig bltos med shes nas ni/ /mi rtag sdug bsngal mdzes min tshogs/ /'jig rten 'di ni rmi lam stong/ /ye shes dpal bzang tshig rnams kyis/ /mkhas pas skye thar nan tan gyi/ /de nas yang byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das rnam par shes pa rnams kyi skye ba dang/ gnas pa dang/ 'gag pa rnam pa du mchis/ bcom ldan 'das kyis bka' stsal ba/ blo gros chen po rnam par shes pa rnams ni skye ba dang/ gnas pa dang/ 'gag pa la rnam pa gnyis yod de /rtog pa po rnams kyis khong du mi chud do/ /'di lta ste/ rgyun 'gag pa dang/ mtshan nyid 'gag pa'o/ /rnam par shes pa rnams kyi skye ba yang rnam pa gnyis te/ rgyun skye ba dang/ mtshan nyid skye ba'o/ /gnas pa'ang rnam pa gnyis te/ rgyun gnas pa dang/ mtshan nyid gnas pa'o zhes bya ba ni 'phags pa blo gros chen pos gnyis kyi rnam pa'i zhu ba brgya rtsa brgyad kyi lan ni bcoM ldan 'das kyis gnyis su med pa don dam pa'i tshig brgya rtsa brgyad kyi spangs mod kyis/ /'on kyang 'phags pa blo gros chen pos gzhan gyi ched po spyi dang khyad par gyi rnam pa dri bar byed pa/ bcom ldan 'das rnam par shes ba @ 069b rnams kyi skye ba dang/ gnas pa dang/ 'gag pa rnam pa du mchis zhes pa la/ skye ba rnam pa gnyis zhes so/ /de nas de la rgyun skye ba ni gang la kun 'dus pa'i dbang gis rang gi mtshan nyid 'phen nus pa ste/ ji ltar bgegs med pa'i chu rgyun du 'bab pa la sogs pas 'dra ba'i skad cig pa gzhan 'debs nus pa'o/ /ji ltar se gol gyi sgra dang/ glog la sogs pa thog ma dang/ tha ma'i dus su gnas pa'i rnam pa'i cha dang bral ba'i skad cig pa rnams kyi skad cig pa mngon sum du 'dzin pa'o// rtog pa rnams kyis khong du mi chung ces bya ba ni gang gi tshe se gol gyi sgra bzhin du 'dra ba'i skad cig pa gzhan 'phen pa med pa'i tshe mngon sum gyis skad cig pa 'dzin to zhes thams cad mkhyen pas der dgongs pa'o/ /de la grangs can dang ne yi ya yi ka dang/ khyad par can gang dag gis dngos po skad cig pa drug gi bar du gnas par 'dod pa de dag gis skad cig pa'i mtshan nyid dang rgyun gyi mtshan nyid khong du mi chud do/ /ji ltar grangs can gyi 'gyur ba cha drug tu 'dod pa ni skye ba dang/ yod pa dang/ 'gyur ba dang/ rnam par 'phel ba dang/ 'grib pa dang/ 'jig pa zhes bya ba ste/ blo dang/ sgra dang/ me myur du 'jig pa rnams la yang do/ /rim dang cig tshar gcig tu yang brtag tu med na myur du 'jig pa'i rang bzhin la ji ltar 'gyur/ ne yi ya yi ka dang/ khyad par can rnams kyis skad cig drug tu gnas par kun tu rtog pa ni yod pa dang 'brel ba'i dus dang/ gnas pa'i dus dang/ tha mar yon tan skye ba'i dus dang/ dmigs pa'i dus dang/ 'jig pa'i rgyu bsnyen pa'i dus zhes so/ /de ste myur du 'jig pa skad cig pa drug tu gnas bar kun tu rtog na de'i tshe skad cig pa drug re re la yang skad cig drug gnas par kun tu rtog par gyis / nges na rtog ba pa rnams rtag bar 'khrul te/ rtswa dang skra la sogs pa bcad nas yang skyes pa de bzhin du rgyun gyi rang bzhin la 'dra ba'i skad cig pa gzhan 'byung ba mi shes pas na skad cig pa'i mtshan nyid khong du mi chud do/ /rtog pa ba rnams kyi shes pa ni tshad ma ste/ ji ltar gang gis lhas sbyin 'di de nyid yin zhes ba dang/ nyam chung ba dang /tshol ba dang/ kha dog? 'di nyid pa dang/ ring pa dang/ thung ba dang/ de sdug bsngal can 'di nyid dang bde ba can zhes de de ltar de dag rgyun la rtag par 'khrul nas de'i phyir rtog ba pa rnams kyis khong du mi chud do/ /de de ltar thams cad mkhyen pas skye ba dang/ gnas pa dang/ 'gog pa mtshan nyid dang / rgyun rnam pa gnyis su dgongs la/ rtog ba pa rnams rgyun la rtag par kun tu rtog pa ni ji ltar mu stegs can k+Sha pa nas kas kun tu rtog pa spyi bdag nyid du rtag par 'gyur ba dang/ spyi dang khyad par gyi bdag nyid du rtag kyang rtag la mi rtag par 'gyur ba dang/ spyi bdag nyid du rtag par 'gyur ba yang khyad par gyi bdag nyid du smra bar mi bya ba dang/ khyad bar gyi bdag nyid du mi rtag par 'gyur ba yang spyi'i bdag nyid du smra bar mi bya ba dang/ spyi dang khyad par gyis bdag nyid du rtag kyang rtag la mi rtag par 'gyur ba yang cig char smra bar mi bya ba dang/ spyi dang khyad par gyi bdag nyid du rtag par 'gyur ba yang/ cig char smra bar mi bya ste/ yul dang/ dus dang/ rim pa dang/ rnam pa la bltos te thams cad yod par 'gyur ba dang/ thams cad med bar 'gyur ba dang/ smra bar mi bya ba zhes ba de de ltar spyi dang khyad bar du rtog pa yang gang don kyi bya ba nus ba de nyid da ltar gyi dus na tshad mas rtogs par bya ba gzhal bar rnam par bzhag go / gang yang 'das pa dang/ ma 'ongs pa de ni med pa nyid de rgyud kyi rgyun la nor ba'i rtog pa ba rnams kyis rtag pa 'ba' zhig kun tu rtog pa ste/ ji ltar dpyod pa can rnams rtog par byed ba/ dngos po'i gzugs ni gcig min te/ /cig char dang ni rim gyis ni/ /'dod pa bzhin du rtog par byed/ /tshig ni rnam pa gzhan med do/ /'dres pa'i tshen? la ji lta bu'i/ /'dod pa bzhin du 'dzin par byed/ /rnam grangs dngos po de bzhin du/ /tha dad 'thad min 'dzin pa'o/ /ji ltar gcig po rnam grangs kyis/ /yul gzhan du ni 'gro ba yang/ /tha dad yul gyis tha mi dad?/ /sgra yang de bzhin dbyer med do/ /su zhig gcig par shes pa ltar/ yang yang shes bar 'gyur ba na/ /dus kyi rim pas dbyer med pa/ /de bzhin sgra ni dbyer med do/ /de ste dngos po du ma dang bral ba'i dngos po gcig med par gyur na ni de'i tshe gcig med na du mar yang ji ltar 'gyur/ tha dad pa dang tha dad ma yin par brtag la yang sgro rtags ste/ sgra'i don gyi tha snyad kun tu rtog par gyis don dam par na gang gcig gi rang bzhin yin pa de ni/ gnyis po'o ji ltar na 'gyur/ de'i tshe bdag gi gzugs dang/ gzhan gyi gzugs dbyer med pas na bdag gi gzugs dang/ gzhan gyi gzugs cis na yin/ 'jug pa'i rgyu'i khyad par med par tha dad pa dang/ tha dad pa ma yin pa rnam par rtog par yang ji ltar na rung/ rnam grangs gcig par 'gyur ro/ /'on te tha dad pa dang/ tha dad pa ma yin par 'jug pa'i rgyu'i khyad par yod do zhes na ni de'i tshe der 'jug pa'i rgyu'i khyad par bzhin du dngos po thams cad khyad par yod do/ /gang dag yang tshangs pa dang/ dbang po la sogs pa'i gzugs gcig pa'i 'gro ba kun tu rtog pa de dag la yang grol ba dang/ ma grol ba dang/ phyug dbul la sogs pa rnams gcig pa'i skyon du 'gyur ro/ /sangs rgyas ba ni gnyis par smra ba rnams kyi chud pa mang ba ste/ de dag nyid dag ba na thams cad mkhyen par 'gyur te/ snang ba dang bcas pa dang/ snang ba med pa'i ting nge 'dzin thob nas btsun gtso sangs rgyas bcom ldan 'das sems can gyi don la bzhugs so/ /thams cad mkhyen pas so sor rang gi rtags pa'i spyod yul don dam pa'i bden pa mi gnyis par yang dag par rig pa ston pa'i tshig brgya rtsa brgyad kyis phyi'i don bsal ba dang/ 'jig rten rgyad ban ba'i rtog pa pa gang dag gis rnam par shes pa'i rgyun chad bar gleng slong ba skad cig ba? gcig las rgyun ni tha dad pa yin nam/ ci tha dad pa ma yin nam /gal te tha dad ni tshig gi don gzhan zhig rtag par kun tu brtags par gyur pa'o/ /gal te tha mi dang na ni de'i tshe skad cig pa ma gtogs par rgyun gyi tshig gi don gang yang med do zhes pa ni gleng ba ma yin te/ snga ma'i 'og tu 'di yod pas 'di yod par 'gyur ro zhes bya ste/ ji ltar sngon myong ba dran pa dang/ snga ma zhig nas de'i 'og tu skyes pa'i sa bon dang myu gu laM saD pa rgyu dang 'bras bur 'brel ba ji bzhin pa de bzhin du dge ba dang mi dge pa'i las kyi rnam par smin pa'i 'bras bu so sor nges pa'o/ /de ltar slob pa rnams kyi mngon sum dang/ thos pa dang/ sems pa la sogs pas sbyangs pa las rim gyis shes rab kyi khyad par du gyur ba de bzhin du bces? ma thag pa rnams kyis yang shes rab la sogs pa'i khyad par rnams kun dmigs pa ste/ des na sngon gyi bag chags la goms par rjes su dbag go /de der 'jig rten gzhan sgrub pa'i tshad ni ye shes kyi bla ma'i khyad par gang dang gang yin pa de dang de dag ni snga ma snga ma thos pa dang/ sems pa la sogs pa'i 'du byed thog mar byas pa las te/ slob ma rnams kyis shin tu mkhas pa'i khyad par bzhin no/ /skyes ma thag pa'i shes rab? la sogs pa'i khyad par dga' ba dang 'jig pa dang mya ngan rtogs pa yang yod de/ blang ba dang/ dor ba dang/ btang snyoms kyi blo rnams la bde ba dang/ sdug bsngal du bsgrub par nges pa sngar yod pa'i phyir ro/ /skyes ma thag pa la yang yul kha cig tu khro zhing sdang ba dang/ kha cig tu ni dga' ba ste/ de ltar kha cig tu 'dor ba dang/ kha cig tu blang bar yang mthong ste/ des na sngon gyi goms pa yod par rjes su dpag go /de bas na sems kyi rgyud kyi rgyud ma chad pa ste/ 'khor bar kun tu nyon mongs pa dang /rnam par byang ba rnam par bzhag ba de nyid kyi dbang du byas te/ las dang 'bras bur 'brel pa yin gyi phyi'i don gyi ni ma yin no/ /de'i phyir 'phags pa blo gros chen pos gzhan gyi don du khyad par du shes par 'dod nas zhus pa/ thams cad mkhyen pas kyang spyi dang khyad par gyi bye brag tu de bzhin rgya cher sgrub par mdzad pa/ rnam par shes pa ni rnam pa gsum ste/ 'jug pa'i mtshan nyid dang/ las kyi mtshan nyid dang/ rigs kyi mtshan nyid do zhes pa ste/ de dag ni gzugs la sogs pa'i yul du snang ba'i rnams la mig la sogs pa'i rnam par shes pa gang 'jug pa de dag 'jug pa'i rnam par shes pa rnams so/ /gang de ma thag pa'i shes pa bya ba'i nan tan pa de ni las kyi mtshan nyid pa'o/ /gang khyab pa po kun gzhi rnam par shes pa ni rigs kyi mtshan nyid de/ ji ltar 'di nyid du sgrub par mdzad pa/ lus dang longs spyod gnas snang ba/ /kun gzhi kun tu 'byung ba ste/ /rnam brgyad rnam dgu de bzhin du/ /rgya mtsho rlabs rnams bzhin du'o/ /rmi lam gyi dus su rnam par shes pa gcig pu nyid yul dang yul can gyi dngos po du mar 'byung ste/ der gzugs la sogs pa yul yang med la/ mig la sogs pa'i rnam par shes pa yang med de/ yul thams cad du khyab ba 'dzin pa dang/ gzung ba'i dngos po kun gzhi rnam par shes pa gcig pu nyid snang ngo/ /thams cad mkhyen pas mdo de nyid la rnam pa gnyis su grub pa mdzad pa/ blo gros chen pos mtshan nyid brgyad du gsungs pa'i rnam par shes pa ni mdor rnam pa gnyis te / snang ba'i rnam par shes pa dang/ dngos po so sor rnam par rtog pa'i rnam par shes pa'o/ /blo gros chen po ji ltar me long la gzugs bzhin du snang ba la snang ba'i rnam par shes pa 'dzin te zhes pa kun tu rig pa la / de bzhin du gzuD 'dzin pa dang/ gzugs su snang ba'o/ gzugs su snang ba'o/ /blo gros chen po snang ba'i rnam par shes pa dang dngos po so sor rnam par rtog pa'i rnam par shes pa de gnyis ni zhes bya ba yul gyi rnam pa chud pa'i rnam par shes pa dang/ go/ snang ba'i rnam par shes pa ni mig la sogs pa'i rnam par shes pa'i bar du'o/ /dngos po so sor rnam par rtog pa'i rnam par shes pa ni/ yid kyi rnam par shes pa'o/ /gang gzugs la sogs pa'i dngos po so sor rnam par rtog pa'o// mig la sogs pa'i rnam par shes pa ni thams cad mkhyen pas rnam par mi rtog pa nyid du gsungs par rig par bya'o/ /de gnyis ni mtshan nyid tha mi dad cing zhes bya ba ni chud pa tsam gyi phyir ro/ /gcig gi rgyu gcig go zhes bya ba ni yid kyi rnam par shes pa mig la sogs pa'i rnam par shes pa rnams kyi de ma thag pa'i rkyen byed pa dang/ mig la sogs pa'i shes pa de dag kyang yid kyi rnam par shes pa de ma thag pa'i rkyen du nye bar 'gro ba'i phyir ro/ /blo gros chen po de la snang ba'i rnam par shes pa ni bsam gyis mi khyab bag chags yongs su 'gyur ba'i rgyu las 'byung ba'o/ /dngos po so sor rnam par rtog pa'i rnam par shes pa ni zhes pa mog 'khor ba dang/ brgyal ba la sogs pa bzhin du der phyi'i don rgyu ma yin par thog pa med pa'i dus kyi bag chaD dang/ mnyam par 'jog pa med pas btab pa'i sems dang/ dam pa dang dam pa ma yin pa'i chos bstan pa la sogs pa'i rgyud kyi dbang las rnam pa sna tshogs su rnam par gsal ba'i rnam par rtog pa'i rnam par shes pa skye ste/ 'on kyang rnam pa sna tshogs su 'khrul ba'i rnam pas nang slongs nas skyes pa rnams mngon sum dang gcig nas gcig tu brgyud de gcig gi rgyu gcig yin ba ni dbang po'i rnam par shes ba dang/ yid kyi rnam par shes pa dag phan tshun du de ma thag pa'i rkyen yin te/ de bas na de ltar 'jig rten phyi ma grub pas na 'khor ba'i thog ma med pa'o/ /de la blo gros chen po de dbang po'i rnam par shes pa thams cad 'gag pa ni 'di lta ste/ kun gzhi rnam par shes pa'i yang dag pa ma yin par kun tu rtog pa'i bag chags sna tshogs 'gag ba ste/ blo gros chen pa 'di ni mtshan nyid 'gag pa'o zhes bya ba la/ dbang po'i rnam par shes pa thams cad ni rang gi mtshan nyid du snang ba lnga po rnams bsam du med pa'i nor ba'i rnam par 'byung ba dang/ de'i 'og tu yid kyi rnam par shes pa ste/ kun gzhi rnam par shes pa la yang dag pa ma yin pa kun tu rtag pa'i bag chags la sogs pa'i rgyus 'gag par 'gyur ro/ /len pa'i rnam par shes ba las ni 'dir/ shes ba bdun ni skye ba ste/ de dag der ni sa bon sogs/ /bsags nyid rtags par byed pa ste/ /'di ni mtshan nyid 'gag pa'o/ /zhes bya ba ni rang gi mtshan nyid du byas pa 'gag par 'gyur ba'o/ /blo gros chen po rgyun 'gag pa ni gang las 'byung ba yin te/ blo gros chen po gang las zhes bya ba ni gang la gnas pa dang/ gang la dmigs pa'o/ /gang la gnas pa zhes bya ba ni mig la sogs pa la gnas te/ mig gi rnam par shes pa 'byung ba'o/ /gang la dmigs pa zhes bya ba ni gzugs la sogs pa la dmigs pa'o/ /de la gang la gnas pa gnas pa zhes bya ba ni thog ma med pa'i dus kyi spros pa gnas ngan yon gyi bag chags so/ /de la dmigs pa zhes bya ba ni bdag gi sems snang ba rnam par shes pa'i yul du rnam par rtog pa'o zhes bya ste/ 'khrul pa rnam pa sna tshogs kyi bag chags kyi nang gi mig la soD pa'i skye mched rnams la nang gi 'bras? bu'i? nang du 'go snyod kyi me tog tu snang ba rnams la gnas su kun rtag par byed pa'i rmi lam la sogs pa bzhin du 'dzin pa dang gzung ba'i bag chaD yongs su smin pa'i snang ba ni bdag gi sems snang ba'i yul gyi rnam pa tsam du zad kyi/ der skye mched gnyis kar yang phyi'i don med pa ni/ gang bdag sa byon las rnams shes/ /gang snang rab tu skye ba ste/ /skye mched rnam pa gnyis bar ni/ /de dag de yis thub pas gsungs/ /nang 'phrugs pa'i mthu las 'khrul pa rnam pa sna tshoD la rnam pa gnyis te kha cig gsal pI rang bzhin @073a pa ni mgo 'khor ba dang/ brgyal ba la sogs pa'i dngos po bzhin no/ /kha gcig mi gsal ba ste/ gang rnam par rtog pa dang bcas pa yin te/ rnam pa gnyis ka yang rmi lam la sogs pa bzhin du snang ngo/ /gnas ngan len gyi bag chags te/ 'khor ba'i gnas mnyam par 'jog pa med pa'i ma rig par 'gyur ba'i dus yin te/ shes rab kyi dbyad ba ni chos dang gang zag la bdag med pa kun shes pas ldog go /blo gros chen po 'di lta ste dper na 'jim ba'i rdul phra rab dang 'thim pa'i gong bu gcig pa yang ma yin/ tha dad pa'ang? ma yin ji ltar gser dang rgyan bzhin te /blo gros chen po ji ste 'jim ba'i rdul phra rab dang tha dad ba zhig yin na ni de dag las brtsams pa ma yin bar 'gyur na de ni 'jim pa'i rdul phra rab de dag las kyang brtsams bas na de'i phyir tha dad pa ma yin no/ /de ste tha dad pa ma yin na ni 'jim pa'i gong bu dang/ rdul phra rab bye brag med par 'gyur ro/ /de bzhin du blo gros chen po 'jug pa'i rnam par shes pa rnams kun gzhi rnam par shes ba'i rigs kyi mtshan nyid dang gal te tha dad pa yin na ni kun gzhi rnam par shes pa'i rgyu las 'byung bar mi 'gyur ro/ /de ste tha dad pa ma yin na ni 'jug pa'i rnam par shes pa 'gags na kun gzhi rnam par shes pa'ang 'gag par 'gyur na zhes bya ba la sogs pa rgya cher ro/ /rab tu phra ba'i rdul tshogs bar snang ba nyid rim pa gong ma thob na gong bu'i sgrar mngon par bya'o/ /'bras bu'i khyad par yan lag can gyi rdzas ni rdul gyis brtsams ba ma yin zhes ji ltar khyad par can dang/ /ne ya ya ya ka kun tu rtag ba ni khang pa dang/ sde dang/ nags tshal la sogs pa'i bzhin du 'dus ba'i yul me gtogs par de mi dmigs so/ /gang dag gi so so'i rim pa'i khyad par yin ba de de dag rang gi rigs las mi 'da' ba ni rgya mtsho mching rnam gyi rlabs chu'i rigs las mi 'da' ? @ 073b bzhin no/ /de bzhin du yang chen po'i tshed ni mig la sogs pa'i rnam par shes ba'i tshad kyi gzhi la gnas pa med la til gyi 'bru tsam gyi tshad kyi yul du bcad pa nyid bcam gyi tshad dam/ 'on te yul chu 'du dang yul mang po gnyis kar yang tshad chen po'i rnams/ 'byung zhes na ni de'i tshe de'i char gyur te yan lag can gyi rdzas la 'dus pa'i rang bzhin gyi skyon du 'gyur bas na de de ltar shin tu phra ba'i rdul 'dus ba las gong bu bzhin ma yin no/ /ji ltar grangs can rnams kun tu rtog pa phyogs de dang der lci ba dang/ de kha? dog ste/ de dag sma gtogs par rdzas gzhag par mi dmigs pas na de'i phyir phra ba'i rdul tshogs ma gtogs par rdzas gzhan pa ma yin no/ /rmi lam la sogs ba bzhin du gzhan ba dang/ gzhan pa ma yin par yang 'da' ba mi bya bas na khang ba dang/ sde rang/ tshal la sogs ba bzhin no/ /kun gzhi rnam bar shes pa'i gzung ba'i rnam pa dang 'jug pa'i rnam par shes pa'i 'dzin pa'i rnam pa ni thams cad la chung pa'i rang bzhin tha mi dad pa yod pas na thams cad mkhyen ba'i tshad ma kun tu brtags ba kun gzhi la yod do/ /ji ltar gsungs ba/ ji ltar sa bon rkyen las myu gu ste/ /sa bon gang yin myu gu de nyid min/ /de las gzhan min de nyid kyang ma yin/ /de ltar chang med rtag med chos nyid do/ /ji ltar rdul 'dus ba las snang ba las sa'i gong bu gcig pa dang/ tha dad pa mi rung ba de bzhin du kun gzhi rnam par shes pa ma gtogs par mig la sogs pa 'jug pa'i shes pa gcig ba dang tha dad par yang mi rung ngo/ /rmi lam gyi dus na rnam bar shes pa gcig po nyid yul dang yul can rnam pa du mar 'dzin ba dang/ gtud ba'i dngos por snang ba der tha dad pa dang / tha dad pa ma yin par dbyad par mi rung ngo/ /ji srid du 'khor ba'i gnas yod pa de srid du bdag dang gzhan gyi rgyud kyi dbang las skyes pa nang blongs zhing mnyam par mi 'jog pa'i ma rig pas mgo 'khor ba dang/ brgyal ba la sogs pa bzhin du sems can rnams la rnam pa sna tshogs kyi sems sbyor bar 'byed do/ /gang gi tshe shes rab kyis dpyad de shes par bya ba sbom po dang/ phra mo rnam par phye ste mi dmigs ba de dag mi gnyis par gyur pa de'i tshe dngos po dang/ dngos po med par rnam par mi rtog cing/ bsam pa dang bral ba dang/ yang dag par rig pa tsam du gdon mi za bar bdag nyid kyis gnas so/ /thams cad mkhyen pas kun gzhi rnam par shes pa'i rigs gcig dang ldan pa'i 'jug pa'i rnam par shes pa so so snang ba tsam gyis gnas dang gnas pa can gyi dngos por dgongs pa'o/ /kun gzhi rnam par shes pa dang/ 'jug pa'i rnam par shes pa rnams kyis yang rnam par tha dad par dmigs pa'i phyir der snang ba rnams la tha dad pa med pa ma yin te/ ji ltar slob dpon d+harma kIrtis smras pa/ gzhan la gzhan du 'grib ba yang/ /dbyer med min te gzugs mthong phyir/ /rang bzhin tha dad mi mthong bas/ /blos ni tha dad ni rtogs so/ /dngos po gang gis brtaD bya ba/ de gzugs yang dag yod pa min/ /gcig dang du ma'i rang bzhin du/ /de dag yod pa ma yin phyir/ /'o na kun gzhi rnam par shes pa dang 'jug pa'i rnam par shes pa gcig pa yin no zhes de ltar dogs nas thaMs cad mkhyen bas gsungs pa de ste tha dad pa ma yin di? zhes te/ de'i tshe 'jug pa'i rnam par shes pa 'gag na kun gzhi rnam par shes pa'ang 'gag par 'gyur na/ de ltar bdag gi rigs kyi mtshan nyid 'gag par yang mi 'gyur te zhes bya'o/ /de bas na slob dpon d+harma kArtis 'di skad du smras pa/ gzhan du dngos po gcig bo la/ /rnam grangs gzugs ni snang ba can/ /rnam pa bden par ji ltar rung/ /de yi gcig pa 'grib med do/ /yang dag rig pa'i rigs kyi mtshan nyid de'i gcig pa yang 'grib bar mi 'gyur ro zhes thams cad mkhyen pas dgongs pa'i don du brtag go / lus dang longs spyod gnas snang ba/ /kun gzhi kun tu 'byung ba ste/ /rnam brgyad rnam dgu de bzhin du/ /rgya mtsho rlabs rnams bzhi na du'o?/ /rmi lam gyi dus na kun tu rig pa tsam gcig pa nyid rnam pa mang po'i yul can du 'dzin pa dang gjug pa'i dngos por rnam par 'byung ngo/ /de de ltar chud pa'i spyir khyab pa yin gyi der gzugs la sogs pa'i yul dang/ mig la sogs pa'i rnam par shes pa rnams kyang med la/ der lus dang longs spyod bro myang ba la sogs pa'i kun tu tshor ba med de 'on kyang so sor snang ba de bzhin du gnyid kyis ma log pa'i dus na yang rnam pa sna tshogs du nang 'khrugs pa dang/ ma rig pa dang/ 'gyur ba'i mthu las rnam pa sna tshogs su 'khrul pa'i rnam pa rnams la tha dad pa dang/ tha dad pa ma yin par kun tu tshor bar byung pa shes rab kyis dbyad pa na stong zhing mig gnyis pa nyid gnas so zhes thams cad mkhyen pas dgongs ba'i don du brtag go / rigs kyi mtshan nyid kyi rnam par shes pa 'gag bar mi 'gyur gyi/ las kyi mtshan nyid ni 'gag go zhes pa ni so sor rig pa'i rjes su mthun pas rnam par shes pa'i rgyun kha cig chad pa med par 'khor bar 'jug pa'o/ /skyes ma thag pa'i shes rab la sogs pa'i khyad par kun gyis dmigs su yod de/ de bas na sngar thos pa dang/ sems pa la sogs pas spyangs par rjes su dpag go / byung ba rnams ni med pa nyid de /yod du zin kyang dran pa med pas na de dag gis sbyor bar mi rung ste/ de'i phyir sngon gyi goms pa dang ldan pa'i ye shes kyi rgyud 'byung ba yod bar rjes su dpag go / las kyi mtshan nyid 'gag ba ni/ mngon sum gyi tshad ma nyid de/ /las kyi mtshan nyid ces bya ba ni de kun gzhi rnam par shes pas 'jug pa'i rnam par shes pa'i zhes bsam pas dbye bar byed de/ kun gzhi rnam par shes pa? de dang rgyun 'brel bar gnas te/ de gser bzhin du rang bzhin gyi 'od gsal ba rkyen gyi bye brag gi mthus dri ma'i rnam pa lta bu de dang de dag chud pa nang 'byed pa'o/ /de la mtshan nyid kyis tha mi dad par gyur pas na de'i phyir nang blongs shing mnyam par mi 'jog pa'i ma rig ba dang las rnam par smin pa'i mthu las las kyi mtshan nyid mig la sogs pa'i rnam par shes pa skyes nas de dag chad par 'gyur ro/ /de dag char par gyur kyang don dam pa kun gzhi rnam par shes pa chad pa med do/ /de'i phyir blo gros chen po rnam par shes pa rnams kyi rang gi rigs kyi mtshan nyid 'gag par mi 'gyur gyi mtshan nyid ni 'gag go zhes pa gser rgyun du 'byung ba lta bu'i kun gzhi rnam par shes pa la yongs su zad pa med de/ dri ma'i rim ba 'ba' zhig lta bu'i mig la sogs pa 'jug pa'i rnam par shes pa rnams myur du skyes zhing 'jig pa ste/ skad cig pa kha cig ni rgyun tu gnas so/ /kha cig ni skad cig pa nyid du 'jig pa ste/ chu gzhung du 'bab pa dang/ mig gi mchi ma bzhin no/ /gal te gcig rgyun du gnas par mi 'gyur na de'i tshe sngon myangs pa dran par yang mi 'gyur te/ skyes ma thag pa'i shes rab la sogs pa'i khyad par med par 'gyur ro/ /blang ba dang dor ba dang/ btang snyoms kyi blo rnams la bde ba dang/ sdug bsngal bsgrub par gdon mi za ba sngar yod pa'i phyir skyes ma thag pa rnams kyi rga ba dang/ 'jigs pa dang/ mya ngan gyis rtogs pa rnams yul kha cig tu dmigs su yod de /des na rgyun tu gnas pa'i rnam par shes pa la snga ma dang phyi mar ldan pa'i sngon gyi goms pa yod pas na thos pa dang/ sems la sogs pa'i 'du byed kyis shes rab kyi khyad par du 'gyur/ rgyu las zhes bya ba la sogs pa ni mu stegs can gyis rtag pa dang kun tu brtags pa ni ma skyes pas na de med pa'i phyir rgyur mi rung ste/ de ji ltar na yi ya yi ka dang khyad par can kun tu rtog pa/ dbang po'i byin gyis bdag dang yid kun tu sbyor ba las shes pa skye'o zhes so/ /grangs can kun tu rtog pa ni sems can dang /rdul dang/ mun pa mnyam pa'i dus na gtso bo yin no/ /de la chen po 'byung zhes te /de ni blo yi rnam grangs so/ /de de ltar sems pa med pa'i rtag pa rnam par shes pa rnams kyi rgyu yin par mu stegs can rnams kun tu rtog go / de ltar yang gal te thog ma dang tha ma'i rgyun yon tan dang ldan pa thos ba dang/ sems pa la sogs pa'i shes rab kyi khyad par can gyi dngos po 'ga' zhig med par gyur na ni de'i tshe yon tan mngon par 'dus byas kyang rtag pa'i rgyus khyad par du mi 'gyur ba de nyid de/ sngon gyi goms pas khyad par can du byas pa'i chud pa grags par yang mi 'gyur te/ de bas na gtso bo dang/ skyes bu dang/ dbang po dang/ dus dang/ rdul phra mor smra bar mi rung ngo/ /gtso rtag cing gcig pa rang bzhin du ma dang/ rig sngags 'dzin pa mthar smra ba'i skyes bu kun brtags pa yang mi rung ngo/ gnyis pa dang mi gnyis par smra ba po rnams kyis dbang po rgyur kun tu brtag pa yang 'dod chags dang bral pa 'am/ 'dod chags dang bcas pa yang rung ste/ rgyur mi rung ngo/ /'dod chags dang bral ba zhig na ni gzhan sdug bsngal bar byas pas dgos pa ci yod/ 'dod chags dang ma bral ba zhig na ni bdag rang mi shes pas 'dod chags kyi bdag nyid sdug bsngal bar 'gyur ba ni phrad pa las bral na sdug bsngal thams cad du bskyed pa yin no/ /de'i dbang phyug ji lta bu zhig /gal te bsod nams kyi stobs las dbang por byung na ni de'i tshe gzhan yang dbang por 'gyur ro/ /'on te rgyu med pa las dbang po byung na ni de'i tshe thams cad kyang dngos por 'gyur gyi gcig pu nyid dbang po ma yin no/ /dus kyang dngos po'i rgyun ma gtogs par med pa nyid do/ /rdul phra mo rnams kyang rgyur mi rung ste/ thos pas nang sems pa la sogs pa'i 'du byed kyis sngar byas pa'i 'bras bu shes rab la/ sogs ba byung ba glen ba rnams las ji ltar 'byung/ kang dag yang tshangs pa? dang dbang po la sogs pa'i 'gyur ba 'dod pa de dag la grol ba dang/ ma? grol ba dang/ phyug dbul la sogs pa gcig pa'i skyon du 'gyur ro/ /gnyis par smra ba yang lus dang/ byed pa dang/ gnas la sogs pa rnams kyi dbyibs kyi khyad par yod pa'i phyir blo tsam gyi skyes bus thog mar byas so zhes pa ni byed pa pos thog mar byas ba'i rnam pa ji lta bu'i dbyibs su bzung ba de'i rnam pa de lta bur gzung ba med de/ de lha khang la sogs pa la byed pa po dang/ thig 'dzin pa la sogs par chud par byed kyi/ bye ma dang/ ri dang/ ri bong dang/ shing la sogs pa'i dbyibs la ni ma yin no/ /dbyibs kyi chos dang bcas pas dbyibs dang mthun pa tsam las rigs kyi khyad par dbye na rjes su mthun pa dang/ mi mthun pas gang la de'i bdag nyid dang/ de las skyes par 'brel par gzung ba de nyid rgyur rigs te/ da lta bas na mu stegs can rtag pa dang chad par smra ba rnams las bde bar gshegs pa rgyun smra bar khyad par rig par bya'o/ /gzhan yang blo gros chen po dngos po'i rang bzhin bdun yod de /'di ltar 'du ba dngos po'i rang bzhin dang/ dngos po'i rang bzhin gyi dngos po dang/ mtshan nyid kyi dngos po dang/ 'byung ba chen po'i rang bzhin rang bzhin gyi/ dngos po dang/ zhing gi dngos po dang/ rgyu rkyen gyi dngos po dang/ 'grub pa'i dngos po ste/ bdun no zhes bya ba la/ 'du ba dngos po'i rang bzhin ni kun 'byung gi rnam par ma rig pa dang/ las te de'i rgyu las che'o/ /de lam rig par bdag tu chags ba'i mtshan nyid de/ ma rigs pas nor nas mnyam par mi 'jog pa'i sems la mi rtag pa dang/ sdug bsngal ba dang/ bdag med pa dang/ mi mdzes pa rnams la rtag pa dang/ bdag dang/ bde pa dang/ gtsang ba'i phyin ci log tu gyur ba'i 'di? lta bu'i 'khrul ba ni ma rig pa zhes bya'o/ /de'i rgyu las sdug bsngal gyi mtshan nyid kyi phung po 'phungs pa ni dngos po'i rang bzhin gyi dngos po'o/ /mtshan nyid kyi dngos po ni yang sa bon dang ldan par brtag go /'byung ba chen po'i rang bzhin gyi dngos po ni sa la sogs pa ste/ sra ba dang/ blan pa dang/ dro ba dang/ g.yo ba'i bdag nyid du snang ba'o/ /zhing? gi dngos po ni 'jig rten chags pa'o/ /rgyu rkyen gyi dngos po ni rgyu'i 'o/ /'grub pa'i dngos po ni gang de las 'grub pa'o/ /sems rten cing 'brel te 'byung bar rtag pa'i don du kun nas nyon mongs ba dang/ rnam par byang bar rnam par bzhag ba ni mngon par shes pa skyes pa rnams nyid mkhyen te/ bdag ni sgra'i rjes su 'brang ba'i chod? ma can no/ /blo gros chen po gzhan yang don dam pa 'dun te/ 'di ltar sems kyi spyod yul dang/ shes rab kyi spyod yul dang/ lta ba gnyis kyi spyod yul dang/ lta ba gnyis las 'das pa'i spyod yul dang/ snang ba med pa'i spyod yul dang/ sras kyi sa las 'das pa'i spyod yul dang/ de bzhin gshegs pa'i so sor rang gis rig pa'i spyod yul te zhes bya ba la sems kyi spyod yul ni/ sems ni kun gzhi rnam par shes/ /dang sems nyid ni yid yin no/ /gang gis yul rnams 'dzin pa ni/ /de ni rnam par shes zhes bya/ zhes pa ste/ dri ma dang bcas pa dang/ dri ma med pa'i dus kyi sems la 'khor ba dang/ rnam par grol ba'i rim pa'o/ /rnam par shes pa yang mig la sogs ba'i rnam par shes ba gzugs la sogs pa gnyis kyi rnam par snang ba ste/ rmi lam la sogs pa bzhin du phyi'i don med par yang 'byung ngo/ /sbom po dang phra? mo rnam par gzhigs te/ gang gi tshe shes rab kyi shes par bya ba mi dmiD pa de'i tshe mi dmigs pa'i rnal 'byor bdag nyid kyi shes rab kyi spyod yul du mi gnyis pa'i rnal 'byor du 'gyur ro/ /lta ba gnyis kyi spyod yul zhes bya ba ni@077a rtag tu bdag dang bdag gir ? ba'i spyod yul lo/ /lta ba gnyis las 'das pa'i spyod yul zhes bya ba ni chos dang gang zag? la bdag med pa yongs su shes pa'i phyir ro/ /snang ba med pa'i spyod yul ni sa brgyud ba yan chad do/ /sras kyi sa las 'da' ba' i spyod yul zhes bya ba la/ sras kyi sa ni btsun gtso byang chub sems dpa' rnams kyis bcu rnams te/ de las 'da' ba' i rnal 'byor ni thams cad mkhyen pa'i sa la 'jug pa'o/ /de bzhin gshegs pa'i so sor rang gi rig pa'i spyod yul ni snang ba dang bcas ba dang/ snang ba med pa gnyis pa dang/ mi gnyis pa'i ting nge 'dzin dang/ thams cad mkhyen pa'i ye shes kyi yul lo/ /don dam pa de kho na nyid dang/ spang ba dang blang ba yang dag pa'i yul ni thams cad mkhyen pa nyid mkhyen te/ bdag cag sgra'i rjes su 'brang ba'o/ /'di dag ni blo gros chen po 'das pa dang/ ma 'ongs pa dang/ da ltar gyi de bzhin gshegs ba zhes pa la sogs pa la dngos po'i rang bzhin nyid ni don dam pa'i snying po yin te/ bdun pa gnyis la kun nas nyon mongs pa dang/ rnam par byang ba gnyis su gzhag go /'phags pa'i ye shes gang dang ldan nas rang dang spyi'i mtshan nyid du gtogs pa'i chos rnams la dgod par byed pa'o/ /khyad par gyi mtshan nyid ni/ sbrang rtsi dang chu la sogs pa 'dzin pa'o/ /spyi ni ka ba dang/ bru ba la sogs pa rnams kyi sra pa'o/ /bdag yul la rnam par rtog pa'i lta ba ni rtag pa dang/ bdag dang phyi'i don du rnam par rtog par lta bas rnam par shes pa'i rang bzhin ma shes nas mu stegs can phyis pa rnams kyis rmi lam la sogs pa bzhin du bdag gi sems snang btsam du gzugs la sogs pa khong du ma chud nas de dag gis phyi'i don du rtog par byed pa ni gnyid kyis ma log pa'i tshe na ni yod/ rmi lam gyi dus na ni med do zhes te/ rang gi sems snang ba ma gtogs pa'i phyir dngos po @ 077b dang dngos po med par smra bar 'gyur ro/ /blo gros chen po gzhan yang me shes pa dang/ sred pa zhes bya ba la sogs pa ni rnam par rtog pa'i rgyus srid pa gsum du 'gyur ba ste/ log pa'i rnam par rtog pa dang/ mnyam par 'jog pa'i ma rig pa dang/ las rnam par smin pa'i mthu las rtag pa dang bdag dang/ gtsang ba'i phyin ci log gis 'khor ba'i sdug bsngal 'jug go /ji ltar ldog pa de thams cad mkhyen pas sgrub par mdzad pa mi shes pa dang/ sred pa dang/ las kyi rkyen rnam par log pas so/ /de la mi shes pa ni yang dag pa ma yin par 'dus pa'i mtshan nyid de/ mi rtag pa ma rtag pa'i phyin ci log ba dang/ bdag med pa la bdag dang/ sdug bsngal ba la bde ba dang/ mi gtsang ba la gtsang bar phyin ci log pa dang/ de bzhin du mdzes par mngon du zhen te/ sred pas las byed do/ /de ltar phyin ci log gi blos bdag tu sred pas phye ma leb bzhin du srid par ltung ngo/ /mi rtag pa dang/ sdug bsngal ba dang/ stong ba dang/ bdag med par yongs su shes nas sdug bsngal ldog go zhes so/ /ces? dang gang zag la bdag med pa ji ltar yongs su shes par 'gyur ba de thams cad mkhyen pas gsungs pa/ rang gi sems snang ba sgyu ma dang/ sprin gyi yul dpe bshad par bya'o zhes te gzugs la sogs pa ni sems snang ba nyid de/ phyir don med pa ni rmi lam dang/ rab rib dang/ sgyu ma dang/ sprin dang/ gzugs brnyan la sogs pa'i rang bzhin bzhin no/ /de la sgyu ma'i dpes chos la bdag med pa sgrub par mdzad pa'o/ /sbrin gyi dpes mi rtag pa yin par tshang ma'i don nyid du bsgrub pa'o/ /blo gros chen po dge sbyong ngam bram ze gang la la ma byung pa'am/ yod pa rgyu las 'bras bu mngon pa dang/ dngos po yun rings su gnas pa dang/ rkyen rnams las phung po dang khams dang/ skye mched rnams skye ba dang/ gnas pa dang byung nas kyang 'jig par 'dod de zhes pa ni ne? yi ya yi ka dang/ khyad par can rnams med pa las 'bras bu 'byung bar 'gyur ro zhes smra bar 'gyur ro zhes smra bar byed pa dang/ grangs can rnams yod pa 'byung ngo zhes so/ /dngos po byung ba dus kha cig tu gnas zhes pa'o/ /dngos po'i 'jig pa yang rnam pa gnyis kyi phyir te/ 'dus pa'i rgyu 'jig pa dang/ ma 'dus pa'i rgyu 'jig pa las so/ /de la 'dus pa'i rgyu 'jig pa las zhes bya ba ni ji ltar rgyu spun zhig pa'i phyir snam bu 'jig pa'o/ /ma 'dus pa'i rgyu 'jig pa zhes bya ba ni ji ltar rgyu spun du sbyor ba zhig ba'i phyir snam bu 'jig pa'o/ /grangs can rtog pa ni chos bar gnas na ni chos gzhan ldog cing/ chos gzhan 'byung ba ste /med pa ni mi skye/ med ba ni mi 'gag ces so/ /ne yi ya yi ka dang/ khyad par yod ba dang/ med pa bar smra ba de dag kha cig ni rtog /kha cig ni mi rtog go zhes rtog par byed pa rgyu med pa can yod pa ni rtag pa yin zhes te / gang la rgyu med cing ma skyes pa de yod pa nyid du mi rung ste /ri bong gi rwa bzhin no/ /de yi 'bras bu yang dus gzhan du gnas par mi rigs te/ gal te de gnas pa'i rang bzhin pa yin na dus thams cad du ci ste mi gnas / 'on te gnas pa'i rang bzhin pa ma yin pa'i mthu? nyid kyis 'jig par 'gyur gyi dus gzhan du mi gnas so/ /mdo sde pa rnams kyi thar pa ni mar me med par 'gyur ba bzhin du 'phags pa'i bden pas 'ching ba las grol te phung po lnga chad do zhes so/ /rnam par 'jig pa dang chad pa ni skad cig pa'i rgyun chad ba'i don du dgongs pa'o/ /byung gnas kyang 'jig par 'dod de/ blo gros chen po de dag ni rgyun dang/ bya ba dang/ skye ba dang/ srid pa dang/ mya ngan las 'das pa dang/ lam dang/ las dang/ 'bras bu dang/ bden pa rnam par 'jig pa dang/ chad par lta bar 'gyur te zhes pa ni don gyi bya ba med pa'i phyir ro/ /yod pa la mngon par med de/ phyi'i don med pa'i phyir ro/ /de'i rgyun gyi 'bras bu'i dngos po ni mdo sde pa dang/ ne yi ya yi ka la sogs pa 'dod pa'o/ /mu stegs can rnams ni rtag pa'i dbang po'i byin gyis bdag dang yid kun tu sbyor ba las shes pa skye bar 'dod do/ /de bzhin du bdag dang/ dbang po dang/ yid dang/ don sbyor ba bral ba'i phyir ye shes chad ces so/ /rgyun la gnas pa'i ye shes la kun nas nyon mongs pa dang/ rnam par byad ba rnam par bzhag pa rnam par 'jog pa yin na rtag pa dang/ chad pa por smra ba de dag gi kun nas nyon mongs pa dang/ rnam par byang ba rnam par bzhag bar mi rung ngo/ /de ci'i phyir zhe na /gang 'di mngon sum du mi dmigs te/ thog ma dang tha ma mthong ba med pa'i phyir ro/ /blo gros chen po 'di lta ste/ rdza ma gyo mor gyur pa rdza ma'i bya ba mi byed do/ /sa bon tshig ba yang myu gu'i bya ba mi byed ces te/ mig la sogs pa'i rnam par shes pa rnams skyes ma thag tu 'jig par thog ma dang tha ma'i stong pa nyid khong du chud kyang kun gzhi rnam par shes pa rigs kyi mtshan nyid dang ldan pa/ lus dang longs spyod gnas snang ba/ /kun gzhi kun tu 'byung ba ste/ /rnam brgyad rnam dgu de bzhin du/ /rgya mtsho rlabs rnams bzhin du'o/ /thams cad du rgyun gyi rang bzhin du rnam par gnas pa ste/ de nyid rmi lam gyi dus na 'dzin pa dang gzung ba'i dngos po brtag pa mu stegs can rnams kyis de ltar khong du mi chung ngo/ /de ltar yang khong du mi chung pas bdag rtag ba dang gcig bu dang/ rig pa po phyi'i don rig par bya bar kun tu rtog pa ni rang gi sems snang ba khong du ma chung ba'i phyir ro/ /mig la sogs pa'i shes pa rnams kyis mngon sum du mi dmigs pa'i ni yi ya yi ka dang/ khyad par can rnams 'bras bu rnams kyi thog ma dang tha ma stong pa nyid du kun tu rtog par byed de/ bum pa dang sa bon la sogs pa gyo mo la sogs par gyur pa dang khum pa la sogs pa'i sngon dang tha mar sbrang rtsi dang chu 'dzin pa la sogs pa'i dgos pa skyed mi nus te / des na sngon logs su med pa dang/ zhom nas med pa'i dus na bum pa la sogs pa med do/ /'on te thog ma dang tha ma pa'i dus na dngos po yod na bdag gi bye ba cis na mi byed/ de'i steng du yod pa rnams la bya ba med pas na yod pa'ang ji ltar na skye bar 'gyur/ grangs can rnams kyis smra ba/ de ste med pa skye bar 'gyur na ni bye ma rnams las mar ci ste mi 'byung/ ru sbel gyi spu dang/ ri bong gi rwa dang/ nam mkha' i autpa la sogs pa med pa rnams ces na 'byung bar mi 'gyur / de de bzhin du k+Sha pa na kA dang spyod pa can rnams spobs pa ji bzhin par yod pa dang/ med pa dang/ gnyi gar smra bar rtog go /ji ltar 'jig rten rgyad ban pas smra ba /sa dang/ chu dang/ me dang/ rlung zhes bya ba ni yang dag pa yin te/ de dag las rnam par shes pa sems can mos par byed pa'i mthus bzhin pa dang/ chus chu bur bzhin du srog 'byung ste/ sems pa skyes bu'i lus su gsa bar gyur pa dang/ de 'dus pa'i lus la dbang por ming gdags so zhes ba'o/ /phyi'i don du smra ba de dag thams cad kyis kyang bdag gi sems snang ba khong du ma chud bas yod pa dang/ med pa dang/ gnyi ga las 'bras bur rnam par rtog go /yod pa dang med pa dang/ byed pa dang byed pa po 'brel te skye bar mi rung ngo/ /yod pa ni bya ba med pa'i phyir ro/ /med pa yang dngos por med pas rnam par rtog pa cam du zad do/ /med pa byed do zhes ji skad smras pa yin zhe na /dngos po med pa la byed pa ste /ji ltar yang mi byed do zhes byed pa bkag pa nyid du gyur pa'o/ /ji ltar 'dir thams cad mkhyen pas gsungs pa/ yod dang med las 'bras mi skye/ /yod med gang yang rkyen gyis min/ /rgyu rnams kyis kyang dngos po ni/ /skye bar 'gyur ba ji lta zhig /don de nyid sa dang bo'i dbang por? dbu mar bsgrubs pa/ yod dang med pa dag? la yang/ /rkyen gyi don ni mi rung ste/ /med na rkyen ni su yi yin/ /yod na rkyen gyis ci zhig bya/ /de bas na yod pa dang med pa byed pa po byed pa dang 'brel te las su bya ba mi rung ngo/ /gang gi tshe na rgyu'i skad cig ba yod pa de'i tshe 'bras bu'i skad cig pa med do/ /ji ltar na dngos po dang dngos po med pa 'brel par rung/ skad cig pa gcig ni su dang yang 'brel pa med de/ snga ma'i 'og tu 'di yod par 'gyur zhes rten cing 'brel te 'byung la/ las dang 'bras bur nges par 'brel ba 'ba' zhig go / de ltar na gang gis dge ba dang mi dge ba la sogs pa'i 'du byed rnams la kun nas nyon mongs pa dang/ rnam par byang bar rnam bar bzhag pa yod pa dang med pa ma yin zhing/ thams cad nyid las thams cad de ma thag pa ma yin te/ ji lta zhe na/ 'ga' zhig 'ga' zhig las de ma thag tu 'byung ba ste/ rus sbal gyi spu dang/ ri bong gi rwa? dang/ mo gsham gyi pu dang/ nam mkha' i autpa la sogs pa ltar rgyu med pa nyid las ni ma yin no/ /mig la sogs pa'i rnam par shes pa yang rgyu med pa las skye ba ma yin te/ thog ma dang tha ma'i mthar stang yang rgyu rkyen 'dus pa'i rgyu las 'byung bar 'gyur/ gsum phrad pa ni 'das pa dang/ ma 'ongs pa dang/ da ltar gyi skad cig ba rnams sam byed pa po dang/ las dang/ byed pa'i mtshan nyid du brtag pa'o/ /dam bcas ba nyams pa ni yod pa dang med pa la rgyu mi rigs te/ byed pa po la sogs pa dang ldan pa mang? pa'i phyir ro/ /yod pa dang med pa mtshungs pas na glags phye ste thams cad du thams cad yod pa'am med par 'gyur ba ni yod pa dang med pa las 'byung bar sma ba la nges pa'i rgyu med pa'i phyir ro/ /gsum phrad pa'i rkyen zhes bya ba ni gsum phrad pa nyid rkyen yin te rgyu'o/ /de'i byed pa ni 'das pa la sogs pa'i rim mam lhan cig kyang rung ste/ gsum phrad pa'i rkyen gyis byed ces so// gsum phrad pa'i mtshan nyid ni rgyu rnams nye bar brtag pa bya ba yin te / mig dang gzugs kyi rkyen gyis mig gi rnam par shes pa 'byung ste/ gsum 'dus na reg pa zhes bya ste/ de ma thag pa'i rkyen dang/ snang ba dad bar chad med pa la sogs pa rgyu yang yod do/ /des na rgyun tu gnas shing/ sngon myangs pa rjes su dran pa la sogs pa'i 'du byed dang ldan pa'i mig la sogs pa gsal ba'i rnam par shes pa dang ldan pa rnam par rtog pa yid shes pa skye zhing 'gag kyang sems pa med cing/ rnam par shes pa de dag thog ma dang/ tha mar gnas pa'i rgyu kun gzhi rnam par shes pa rgyun yin par rjes su dpag par bya'o/ /rmi lam du yang mig la sogs pa dang yul yang der med de/ thams cad kyi bdag nyid de nyid yod par mngon sum du rjes su myong ngo/ /gang dag kyang ne yi ya yi ka'i mu stegs can rnams dbang po dang don phrad de nye bar skyes pa'i shes pa bstan du med pa 'gyur ba med cing/ gdon mi za ba'i bdag nyid gang yin pa de ni mngon sum gyi mtshan nyid can gyi shes pa'o zhes rtog pa'o/ /khyad bar can rnams kyis ni bdag dang yid dang dbang po dang don du phrad pa las gang skye ba ni mngon sum gyi shes par rtog go / grangs can rnams kyi ni rna ba dang /phags pa dang/ mig dang/ sna dang/ lce rnams yid kyis byin gyis brlabs te 'jug pa rnams ni mngon sum gyi mtshan nyid can mngon sum tshad ma'o/ /spyod pa can rnams kyis ni skyes bu dang dbang po lhan cig tu 'byor te/ blo skyes pa de ni mngon sum pa'o/ /de thog mar byas te rjes su dpag pa la sogs pa'i tshad ma gzhan bzhag pa'o/ /k+Sha pa na ka rnams kyis ni spyi dang khyad par gyi yul mngon sum pa'o/ /thams cad kyi rjes su dpag pa ni mtshan mar bzung nas mngon sum du thog mar byas pa las so/ /'jig rten rgyang phan ba rtog pa ni yul nye ba ni mngon sum pa'o/ /yul ring ba ni rjes su dpag pa ste/ de bas na don la gdon mi za ba med do zhes pa'o// de dag thams cad kyis bdag gi sems snang ba khong du ma chud pa'i phyir phyi'i don du lhag par bskyed de/ byed pa dang/ byed pa po dang/ chad ma dang/ gzhal ba dang/ rjod pa dang/ brjod pa la sogs pa'i tha snyad rnams kun tu rtog go /rmi lam la sogs par yang gzung ba dang 'dzin pa dang byed pa dang byed pa po dang/ bskyed pa dang/ bskyed pa la sogs par snang ba'i rnam par rtog pa yod do/ /skad cig pa la ni skye ba dang/ gnas pa dang/ 'jig pa la sogs pa'i chos gud na med do/ /ji ltar dbu ma las 'byung ba/ /gal te skye ba 'dus byas na/ /mchan? nyid gsum ldan der rigs te/ /'on te skye ba 'dus ma byas/ /'dus byas mtshan nyid ji ltar rung/ /des na yod pa dang med ba la byed ba dang byed pa pos bskyed pa la sogs pa'i chos rnams mi rigs so/ /chos dang gang zag la bdag med pa gnyis la'ang bskyed pa la sogs pa'i phyi'i don ? sgro btags te /de dag gzhan par brtag par mi b ya'o/ /gang dag gnyis kyi rnam pa'i chos yin pa de dag rmi lam dang mig 'phrul la sogs pa bzhin du thams cad ma skyes pas na de'i phyir yod pa dang med pa skye bar mi rung ngo/ /de dag la zhes bya ba ni yod pa dang med pa la sogs par smra ba rnams la'o/ /med pa ni mi skye la/ med pa 'gag bar mi 'gyur te/ grangs can rnams kyi gsum phrang ba ni 'das pa dang/ ma 'ongs pa dang/ da ltar gyi rnams so/ /rgyu dang 'bras bu'i rang bzhin gyi mtshan nyid ces bya ba la sogs pa la/ yod pa dang med pa'i mtshan nyid yod par zhes pa ni mngon sum yod par byed pa ye yod pa'i spyi'i mtshan nyid de/ yon tan dang/ rdzas dang/ byed pa ldan pa'o/ /yon tan dang/ ldan pa ni 'brel pa'i rgyu'o/ /rdzas dang ldan pa zhes bya ba la sogs pa ni khyad par te/ 'das pa la sogs pa'i mtshan nyid yod par ston to/ /yod pa dang med pa las 'byung@081a ba zhes bya ba ni dam bcas pa dang 'gal ba ste/ de ste yon na ni ji ltar na 'byung bar 'gyur/ 'on te med pa 'byung bar 'gyur na dngos po med pa ji ltar na byung bar byed /cung zad kyang mi byed do zhes bya ste/ byed pa dgag pa'o/ /nges na rmi lam dang/ mig 'khrul dang 'dra ba'i rten cing 'brel te 'byung ba thog ma dang tha ma'i mthar stong pa dbus su 'dzin ba dang gzung ba gnyis kyi rang bzhin gyis stong ste/ kun gzhi rnam par shes pa 'ba' zhig rang bzhin gyis 'od gsal bar gnas pa ni bdag dang gzhan gyi rgyud kyi dbang dang/ rkyen gyi khyad par dang/ mnyam par 'jog pa med pas nang blongs pa ni gser dri ma can du 'gyur ba bzhin te/ mgo 'khor ba dang /brgyal ba la sogs pa bzhin du rnam pa sna tshogs kyi rnam par snang ngo/ /gang gi tshe shes rab kyis dpyad de/ sbom pa dang phra ba rnam par phye ste/ shes par bya ba mi dmigs pa de'i tshe bsam pa dang bral zhing snang ba med pa mi gnyis pa don dam pa'i bden pa yang dag par rig pa nyid gnas par 'gyur ro/ /chos dang gang zag la bdag med pa yongs su shes nas shes rab dang/ snying rje'i bag chags kyis bskul te sar dbye ba dbye ba 'byed ba na snang ba dang bcas pa dang/ snang ba med pa'i ting nge 'dzin thob nas yid bzhin gyi nor bu rin po che bzhin du sems can thams cad la phan par 'jug pa'i thams cad mkhyen pa gzugs sna tshogs kyi rnal 'byor gyi dbang por 'gyur ro/ /bsod nams dang/ ye shes kyi tshogs kyi khyad par las byung ba lha'i mig la sogs pa'i ye shes kyi mngon par shes pa dang ldan zhing stobs bcu dang/ mi 'jigs pa la sogs pa yon tan gyi tshogs? ma lus pa gzhan gyi don du 'byung ba rmi lam la sogs pa lta bur mig la sogs pa'i shes pa las khyad par can kun gzhi rnam par shes pa nyid sgyu ma'i rnam par thar par gnas shing snang ba dang bcas pa dang/ @ 081b snang ba med pa'i ting nge 'dzin gyi khyad bar du dbye ba na mdza' yas pa'i sems can gyi don du 'byed pa rnams kyis thams cad mkhyen pa yin no/ /ji ltar de kho na nyid bsdu ba las gsungs pa rigs kyi bu sems 'di ni rang bzhin gyis 'od gsal ba ste/ gang gis ji ltar spyod pa de ltar grub par 'gyur ro/ /so so'i skye bo lta ba dan pas zin pa de dag brtag pa'i sa la gnas pa tshad ma dang gzhal bar rnam par bzhag par yang rtag pa'i bdag dang don du rnam par rtog par byed do/ /de la rtag pa'i bdag ni tshad ma dang phyi'i don gzhal ba dang/ gang mthong ba de nyid la bdag gis reg go zhes 'jal bar byed pa de dang gis ni lus dang longs spyod gnas snang ba kun gzhi sems kyi rgyun dang ldan pa gang gis mi shes pa des na blun pa rnams kyis bdag 'di ltar bde ba dang/ bdag sdug bsngal ba'o/ zhes so sor bshad pa'i phyir rtag pa kho nas rtag par byed na skra dang rtsa la sogs pa bcad nas phyir skyes pa yang so sor shes pa 'jug pas na des rtag pa kho nar bsgrub par mi rung ngo/ /ne yi ya yi ka la sogs pas gang dag rjes su dpag par kun tu brtags pa de dag kyang de'i bdag nyid pa dang/ de las skye bar 'brel ba med de/ de bas na sbyor ba la sogs par 'brel bas nges pa ma yin no/ /de thog mar byas te rjes su dpag pa rnam pa gsum ni snga ma lta bu dang/ lhag ma lta bu dang/ spyis mthong ba'o/ /de la snga ma lta bu'i gang na rgyas 'bras bu dpag pa'o/ /de ni gang na rgyu yod pa der gdon mi za bar 'bras bu 'byung bar nges pa med do/ /lhag ma ni bye brag tu dbye ba med do/ /me dang du bar sbyor ba'i mtshan nyid ni 'brel par smra bar byed pa gang na sbyor ba gcig yod pa der sbyor byed pa gzhan yang yod par 'gyur ba'i rigs par nges pa med de mkhar ba dang skyes bu bzhin no/ /spyis rjes su dpag pa ni rgyu dang 'bras bur ma gyur ba'i bya bzhad las chu rjes su dpag pa'o/ /khyad par can gyi rjes su dpag pa yang sbyor ba dang/ yan lag can dang/ don gcig tu 'dus pa dang/ 'gal ba'i yang mtshan ma can no/ /sbyor ba ni rgyu sde me la du ba bzhin no/ /de ni gang na sbyor ba can gcig snang ba de ni yul dang dus dang mi gzhan pa yod par 'gyur ba nges pa med do/ /yan lag can yang rkang pa la lag pa lta bu ste/ rkang ba'i rgyu dang mtshan ma ni lag pa yin zhes pa de ni mdza' gcig tu nges pa med do/ /don gcig tu 'dus pa ni gzugs la reg pa lta bu ste/ de yang mun pa dang/ grib ma dang/ 'od dang/ snang ba la sogs pa'i gzugs la yang reg pa med do/ /'gal ba ni khyad par can gyis rnam pa du mar kun tu rtog par byed de/ rlung sprin dang kun tu sbyor ba na char pa 'bab par gyur zhes pa ni de lta bu'i char pa dang/ rnam pa du ma'i char pa yang yod na der char pa gang 'bab pa dang/ gang mi 'bab pa de khyad par du smra dgos so/ /'brel pa gcig las spyir mthong ba dang/ khyad par du mthong ba dang/ snga ma lta bu dang/ lhag ma lta bu yang grangs can gyi rjes su dpag pa'o/ /bdag po'i bdag gi dang/ 'gyur ba dang /yan lag la sogs pa kun tu brtags pa ni mi brtan pa yin te/ gang na bdag po yod pa der bdag gis te/ de'i cung zad kha cig tu mthong ba gzhan du yod par 'gyur bar nges pa med do/ /de de ltar k+Sha pa na ka dang/ spyod pa can la sogs pa rnams kyi mngon sum gyis thog mar byas pa sbyor ba la sogs par 'brel pa yang gzhan pa la rjes su dpag pa la slu bar byed pa ste/ de'i bdag nyid dang de las skyes pa dang bral ba'i phyir ro/ /des na rtog pa dang/ bdag dang/ phyi'i don kun tu rtog pas mngon sum dang rjes su dpag pa'i tshad ma dang gzhal ba la sogs par rnam par bzhag par byed pa lus dang longs spyod dang/ gnas su snang ba'i kun gzhi rnam par shes pa mi shes pas rtag pa'i sa la lta ba ngan bas zin ba'i rtog pa rnams log pa'i shes pas rtag pa dang/ bdag dang/ bdag gi dang/ phyi'i don nas mngon bar chags pa'i phyir 'khor bar sdug bsngal myong ngo/ /btsun gtso'i byang chub sems dpa' dge sbyong dang/ bram ze gang la la rang bzhin med pa sprin dang/ mgal me bskor ba zhes bya ba la sogs pa la rang bzhin med pa ni skad cig ma'i phyir ro/ /rmi lam dang mig 'phrul la sogs pa bzhin du gnyis kyi rnam pa can thams cad ma skyes pa'o/ /yang na byed pa po dang las la sogs pa med pa'i phyir ma skyes ba ste/ bdag med pa gnyis kyis bshad pa thams cad du sbyar dang? bya'o/ /gang dag shes rab kyis dpyad de/ sbom po dang/ phra mo rnam par gzhig pa na de dag 'khor ba dang/ mya ngan las 'das pa mnyam pa nyid thob par 'gyur ro zhes bya ste/ dngos dang dngos med mnyam pas ni/ /'phags pa rnams kyi 'bras bu 'byung zhes pa'o/ /'di nyid du yang gsungs pa/ /yod ba'i zlas drangs med pa ste/ /yod pa'ang med pa'i zlas drangs so/ /de bas med par shes mi bya/ /yod par yang na mi brtag go /'phags pa shes rab kyi pha rol tu phyin pa las kyang klog pa/ dngos pos ni mngon par rtog pa med dngos po med pas kyang mngon par rtog pa med de/ ji lta zhe na/ dngos po dang dngos po med par mnyam pas rtogs par 'gyur zhes so/ /ci smras pa yin zhe na/ dngos po dang dngos po med pa'i rnam par rtog pa spong ba las so zhes thams cad mkhyen pas dgongs par brtag go / ji ltar mdo sde 'di nyid du gsungs pa/ mtshan nyid dang ni bya ba dang/ /dngos por mya ngan 'da' ba med/ /rnam rtog rnam shes bzlog pa na/ /da ni mya ngan 'das pa'o/ /thams cad mkhyen pas de skad gsungs pa/ des ci zhig rtogs par byed ce na/ log pa'i rnam par rtog pa spangs pas mngon par rdzogs pa'i byang chub bo/ /de bas na rtag pa dang/ bdag dang/ bde ba'i dang gtsang ba'i dngos por phyin ci log pa'i rnam par rtog pa spong ba mthong yang shes rab kyis mi mthong ngo/ /ji ltar shes rab kyi pha rol tu phyin pa las byung ba/ rnam par sdos pa dang/ rnam par dmar ba dang/ rnam par gzhigs pa dang/ rnam par rnags pa rnamS la sogs pa mi dmigs pa'i tshul gyis shes rab kyis mi mdzes pa rnams sgom par byed pa na mthong yang mi mthong ngo/ /des na log pa'i rnam par rtog pa spong ba ni nang stong pa nyid dang/ phyi stong pa nyid dang/ stong pa nyid kyis stong pa nyid la sogs pa ste/ phung por mi gnas pa dang/ rnam par 'jog ba nyid kyi phyir ro/ /phyi'i dngos po phung por gnas pa med pa dang/ rnam par mi 'jig pa'i rtag pa yang med do/ /'phags ma shes rab kyi pha rol tu phyin pa'i don gyi bshad pa ni dam pa'i chos kyi 'brel pa langkar gsungs pa 'di nyid las 'byung ste/ gzugs ni rdul phran gzhigs pa na/ /rdul phran cha ni med pa ste/ /'on snang ba 'di ci lags zhes gsol ba'i lan du/ phyi'i dngos po med par yang/ /sems ni rnam pa gnyis su snang/ /dpyid kyi ri dags skom pa bzhin/ /g.yo bas sems ni rmongs par byed/ /ri dags rnams ni chur 'dzin ba/ /de yi dngos po yod pa min/ /de bzhin rnam shes sa bon ni/ /sems spyod yul du g.yo ba dang/ /so sor snang 'byung byis pa rnams/ /rab rib rab rib can yin no/ /thog ma med pa'i 'khor bar rang bzhin gyis 'od gsal ba rin po che gser gyi rang bzhin ltar rnam pa ngo bo nyid kyis dag ba'i kun gzhi rnam par shes pa ni bdag dang gzhan gyi rgyud kyi dbang gi khyad par gyi shugs dang/ dam pa dang/ dam pa ma yin pa'i chos bstan pa'i bag chags dang/ mi dge ba'i 'du byed pa rnams gser dri mas gos pa lta bu'i 'dzin pa dang/ gzung bar snang ba thal ba dang/ 'dzim pa'i se'u sa btso ba la sogs pa lta bur shes rab kyis dpyad de gnyis kyi dri ma med par bya'o/ /gang gi tshe na/ gzugs ni rdul phran bzhigs pa na/ /rdul phran cha ni med pa ste/ /zhes pas phyi rol gyi mi dmigs pa de'i tshe stong pa snang ba med pa gnyis kyi rnam pa dang bral ba sems pa med pa'i don dam pa'i yang dag par rig pa bdag nyid du gnas so/ /snying rje'i bag chags kyis bskul bas dag ba'i bag chags mngon par 'du byed pa dang/ thams cad mkhyen pa gzugs rnam pa sna tshogs kyi rnal 'byor gyi dbang po'i cho 'phrul rnams kyis yid bzhin gyi nor bu rin po che bzhin du sems can thams cad la don byed do zhes mdo sde spros pa'i don du thams cad mkhyen pas sgongS pa'o/ /snang ba dang bcas pas dang/ snang ba med pa'i ting nge 'dzin la bzhugs te/ rgyu mthun par byed pa dang/ chos nyid kyi sangs rgyas kyi khyad par rnams kyis thams cad mkhyen ba rab tu sangs rgyas pa yang sems mnyam par 'jog pa'i rgyud 'dag par mdzad pa'i slad du rnal 'byor pa rnams la chos bshad par mdzad do/ /sprul pa'i sangs rgyas bcom ldan 'das rnams thams cad mkhyen pa mchog tu yongs su dag cing 'dod chags dang bral ba gzugs rnam pa sna tshogs kyi rnal 'byor gyi dbang po cho 'phrul rnam pa sna tshogs kyis mdza' med pa'i sems can rnams mgu bar mdzad pa'i phyir gnyis pa dang mi gnyis pa'i chos rgol ba dang/ lan gdab ba dang/ tshad ma dang/ gzhal bya la sogs pa'i tshul dang/ phung po dang/ khams dang/ skye mched dang/ rten cing 'brel te 'byung ba dang/ byang chub kyi phyogs kyi khyad par du 'chang ba dang/ snang ba rnam pa sna tshogs kyi rjes su sod ba pa dang/ gang zag la bdag med ba kho na nyid la gzhol bar chos 'chad do/ /byang chub sems dpa' i spyod pa rnaM pa sna tshogs dang/ shes rab kyis thabs l a mkhas zhes bya ba ni gang gi tshe shes rab kyis dpyad de shes par bya ba mi dmigs pa de'i tshe chos kyi sku la bzhugs pa'i sangs rgyas bcom ldan 'das rnams bsam pa med? cing? snang ba med pa don dam pa'i bden ba mi gnyis pa'i chud pa ste/ de ni chos nyid kyi sangs rgyas zhes brjod do/ /de'i shes rab dang mthun pa'i btsun gtso'i byang chub sems dpa' gzhan dag kyang dngos po dang dngos po med pa'i rnam par mi rtog pa'i ting nge 'dzin las gnas pa 'khor ba dang mya ngan las 'das pa mnyam pa nyid thob bar 'gyur ro/ /ji ltar dbu ma las 'byung ba/ /mya ngan 'das pa'i mdza' gang yin/ /'khor ba'i mdza' yang gang yin pa/ /de gnyis bar na cung zad kyang/ /shin du phra ba yod pa min/ /zhes te/ gnyis kyi rnam par shes bas mthar dbye ba ni nus kyi gnyis su med pa'i chos nyid la ni ma yin te/ de bsan dngos po dang dngos po med pa'i rnam par spang ba ni mya ngan las 'das pa yin te/ sems kyi rgyud dag pa nyid do/ /gser gyi dri ma thal ba dang/ 'jim pa'i se'u sa btso ba la sogs pas rim gyis dri ma spang zhing sbyong ba bzhin du sems kyang mi rtag pa dang/ sdug bsngal ba dang/ mi mdzes ba dang/ stong par sgoms pas sems yul las bzlog par bya'o/ /dge ba mngon par 'du byed pa rnams kyis gnas kyi rim pa dang/ yul dang/ lus dang/ rkyen gyi khyad bar snang ba rnams kyis ai bra'i 'bras bu yongs su smin pa bzhin du sems kyang rim gyis yongs su smin par 'gyur ro/ /dngos po kha cig gi mun pa dus du mar yul du 'phrogs pa rnams kyang nyi ma dang zla ba'i 'od kyis cig car zad par 'gyur ba bzhin no/ /ji bzhin du yang me tog ku mu ta dang/ padmo 'od kyis rgyas par byed pa de bzhin du thams cad mkhyen pa yang sems can rnams kyi sems la skal ba yod pa dang/ med pa mkhyen par mdzad de/ nyi mas padmo'i tshal gyis padmo rim gyis cig bar rgyas par byed pa yin no/ /de ste yang tshangs pa dang dbang po la sogs pa chad pa'i bdag nyid kyi dngos po rtag pa nyid yin na ni rgyu med pas na yod par mi rigs te/ mo gshom gyi bu dang/ ri bong gi ra dang/ nam mkha' i au tpal la sogs pa bzhin du ma skyes pa'i phyir ro/ /des na rgyu dang bcas pa'i chud pa rnam nyid kun nas nyon mongs pa dang rnam par byang bar gzhag pa'i rigs so/ /kun gzhi rnam par shes pa rgyun 'brel bar 'jug pa rnams dge ba dang/ mi dge ba mngon par 'du byed pa rnams kyis khyad par can du rigs pas na mi rtag pa rnams kyi 'khrul pa yongs su zad de/ yongs su dag pa kho na de dag la 'thad do/ /de bas na bdag dang gzhan gyi rgyud kyi dbang dang/ rkyen gyi khyad par gyi mthus mgo 'khor ba dang brgyal ba la sogs pa bzhin du de dag gi rnam pa sna tshogs kyi rnam pa yod pa shes rab kyis dpyad de/ sgom po dang phra mo rnam par gzhigs pa na gang gi tshe mi dmigs pa de'i tshe chud pa rnams rgyun 'brel par 'jug pa bsam pa dang bral zhing snang ba med pa gnyis su med pa'i bdon dam pa'i bden pa rang gis gnas so/ /snying rje'i bag ch+gs kyi glengs pa na mchog tu yongs su dag cing 'dod chags dang bral ba thams cad mkhyen pa rnal 'byor gyi dbang po de dag gi gzuD rnam pa sna tshogs 'byung ngo/ /de lta bur yang de dag la snang ba dang bcas pa dang/ snang ba med pa gnyis pa dang/ mi gnyis pa'i ting nge 'dzin du dbye bar 'byed pa na rab tu dga' ba'i sa'i dbang por 'gyur te/ bdag dang gzhan gyi yon tan gi tshogs chen po 'byung ba'i sangs rgyas su 'gyur ro/ /de bas na byang chub sems dpas bdag gi grub pa'i mdza' la mkhas par bya'i gzhan gyi grub pa'i mdza' rnams la ni ma yin no/ /brtag pa dang/ bdag dang/ tshangs pa dang/ dbang@085a po la sogs pa ma skyes pas na ri bong gi rwa bzhin du med par rig par bya'o/ /de nas yang blo gros chen pos gsol ba zhes bya ba la sogs pa ste/ kun tu brtags pa dang/ gzhan gyi dbang dang/ yongs su grub pa'i rang bzhin shes rab kyis dpyad par bya ste/ ming dang/ mtshan ma dang/ rnam par rtog pa dang/ de bzhin nyid dang/ yang dag pa'i ye shes dang/ chos lnga de dag kun tu brtags pa dang/ gzhan gyi dbang dang/ yongs su grub ba'i khyad par du shes par bya'o/ /de la kun tu brtags pa ni ji srid du rnam par rtog pa rnams shes par yod pa de srid du kun brtags pa'o/ /gzhan gyi dbang las ni mtshan nyid ni gsal ba'i rnam pa gnyis kyi rnam pas stong pa ni yongs su grub pa'o/ /de la ming kun tu brtags par bsdu'o/ /mtshan ma dang rnam par rtog pa ni gzhan gyi dbang du'o/ /de bzhin nyid dang/ yang dag pa'i ye shes ni yongs su grub par ro/ /ji ltar dgongs pa nges par 'grel pa las byung ba/ rigs kyi bu rang bzhin med pa rnam pa gsum ste/ mtshan nyid rang bzhin med pa dang/ skye ba rang bzhin med pa dang/ don dam pa rang bzhin med pa'o/ /rtag pa dang/ bdag dang/ phyi dang/ yan lag can dang rdul phra mo'i bye brag ni mtshan nyid du gang dag gis dngos po rnams rnam par rtog par byed pa de dag gis med pas na mtshan nyid kyi rang bzhin med pa'o/ /byed pa dang byed pa pos stong pa nyid pas na rmi lam dang mig 'phrul la sogs pa bzhin du gzhan gyi dbang gi las kyi gnyis kyi rnam pa yang skye bar mi rung ngo/ / rnam pa gnyis kyi chud ba yongs su dag pa ni don dam pa'i rang bzhin med pa ste/ gnyis kyi rnam pa dang bral ba nyid do/ /ji ltar mdo sde 'di nyid du gsungs pa/ brtags pa'i dngos pos dngos po skye med kun/ /gzhan dbang rten nas mi rnams @ 085b rnam rtog ste/ /gang tshe gzhan dbang rnam rtog bral dag pa/ /grub pa de bzhin nyid par mdor ngas bstan zhes pa'o/ /gang gi tshe na shes rab kyis sbom po dang/ phra mo rnam par phye ste/ 'khrul ba'i gzugs stong bar mthong ba de'i tshe rnam par 'khrul pa lo gnas yang dag par rig pa mi gnyis pa nyid gnas so/ /de nas snying rje'i bag chags kyis bskul nas thams cad mkhyen pa gzugs rnam pa sna tshogs kyi rnal 'byor gyi dbang po mchog tu yongs su dag cing 'dod chags dang bral bom? 'phrul chen pos mdza' yas pa'i sems can gyi rgyud mgu par mdzad cing snang ba dang bcas pa dang/ snang ba med pa'i ting nge 'dzin gyi bye brag las 'khor ba yod kyi bar du gzhan gyi don du rgyun tu bzhugs so/ /des na sangs rgyas bcom ldan 'das rnams mya ngan las 'das pa las mi bzhugs shing/ 'khor ba dang mya ngan las 'das ba mnyam pa nyid brnyes pa zhes bya'o/ /rkyen gyis ma brtsams zhes bya ba ni gzhan gyi dbang la skye ba'i rang bzhin med par gsungs pa'o/ /phyi nang gi yul rnam par dben pa zhes bya ba ni mi gnyis pa'i chung pa la rnam pa med pa nyid pa'o/ /de ste phyi'i yul med na snang ba ci zhig ces pa dang/ de'i phyir gsungs pa sems phyi rol tu lta bas so/ /sems nyid rnam pa gnyis su snang zhes ba'i bar du'o// de ltar gnyis kyi rnam pa mi dmigs pa mtshan ma med pa'i ting nge 'dzin la gnas pa rnams rab tu dga' ba la sogs pa'i rim pa'i ting nge 'dzin 'thob bo/ /byed pa dang ldan pa'i skye ba dang bral zhes bya ba ni byed pa po dang/ las dang byed bas bskyed pa la sogs par 'brel pa dang bral ba'o/ /mu stegs can gyi gnas su nye bar 'gro ba zhes bya ba ni mu stegs can thams cad rangs par mdzad pa'i phyir dbang po'i gzugs kyis de dag la chos 'chad par mdzad do/ /gnas 'phos pa zhes bya ba ni ting nge 'dzin gyi rim gyis gnas 'pho ba'o/ /de bzhin gshegs pa'i sku ni chos kyi sku'o/ /rjes su 'brang ba rab tu thob pa rnams kyis zhes pa ni gang gi tshe phung po la sogs pa'i skye ba la sogs pa spros pa mi mthong ba de'i tshe snang ba med ba'i sangs rgyas kyi sa la 'jug bar 'gyur ba ni sems tsam yongs su 'dzin pas sa la 'jug par 'gyur ro/ /ting nge 'dzin du 'brel ba'i rim pa der sems rnams 'jog par byed do/ /bdag gis sems snang ba'i spyod yul dang rnam bar bral bar byed pa ni gang gi tshe shes rab kyis dmigs pa mi mthong ba'o/ /thams cad brjod pa ni dam pa'i chos kyi 'grel pa dang/ dam pa'i chos kyi tshig ces bya ba dang/ dam pa'i chos spyod pa dang zhes bya ba dang/ mtshan nyid thams cad spyod ces bya ba'i bar du'o/ /mtshan nyid dang/ mtshan mar bya ba gcig pa dang/ tha dad par mi rung ba ni sngar bshad pa bzhin no/ /rgya mtsho'i rlabs lta bu kun gzhi rnam par shes ba la 'jug pa'i rnam par shes pa rnams so/ /rang gi sems snang ba la 'dzin par khong du ma chud pa ni sems kyi snang ba bdag nyid kyi yin te/ de 'dzin pa dang de las gzhan pa rnam par dgag pa dang/ rnam pa gzhan med par ston par byed de de ni tshad ma gcig gi bya ba yin te /thams cad mkhyen pas gzhan spong ba'i rang gi mtshan nyid par dgongs par brtag go / 'dzin pa ni gzhan rnam par dgag pa'o/ /gnas ngan len ni 'khrul ba'i rang bzhin te/ de'i bag chags mngon par chags ba'o/ /rnam par shes pa ni 'jug / pa'i rnam par shes pa rnams so/ /de'i rang bzhin ni rgyu ste kun gzhi rnam par shes pa'o/ /rmi lam la sogs pa bzhin du dbyer med pas de'i ngo bo nyid du 'jog go /gzugs rnams sna tshogs kyi mtshan nyid ni kho dag dang dbyibs su rab tu bya ba'o/ /de la ngo mtshar gyi phyir mig pa dngos bas rnam par shes pa 'byung ngo/ /chu'i klung lta bu'i kun gzhi rnam par shes bskad cig ma 'brel par 'byung ba las rlabs dang 'dra ba'i dbang po'i chung? pa rnams 'byung ngo/ /thams cad mkhyen pas de dang mtshungs bar mdzad pa mig gi rnam par shes pa la ji ltar gzung ba de ltar lus kyi dbang po la sogs pa thams cad kyi rdul phra mo dang/ spu'i khung bu la gnas te 'jug ba'i rnam par shes pa rnams cig char ram/ rim gyis yul me long du gzugs brnyan snang ba bzhin no/ /de la yang me long gi gzugs su kun gzhi rnam bar shes pa la dgongs pa'o/ /sngon gzugs su snang ba'i sdug bsngal bag chags yongs su smin pa ni gzugs brnyan gyis/ /zugs su 'jug pa rnam par shes pa rnams te/ der so sor snang ngo/ /sngar yul du snang ba'i rlung gis btab pa'i bag chags yongs su smin pas rgya mtsho'i rlabs tha dad pa bslang ba bzhin du sems kyi rgya mtsho kun gzhi rnam par shes pa'i rlabs ni dbang bo'i chud pa ste kun gzhi'i rgyu'o/ /kun gzhi rnam par shes pa ni de'i bya ba'i mtshan nyid yod pa ste/ gang dag phan tshun gyi rgyur ldan ba'o/ /de ni kun gzhi dang 'jug pa'i chud pa gcig gi rgyud gcig yin no zhes bya ba'i bar du'o/ /las kyi mtshan nyid ni 'jug pa'i rnam par shes pa'o/ /rigs kyi mtshan nyid ni kun gzhi rnam par shes par bsgrubs ba'o/ /khong du mi chud pa ni rnam par shes pa lnga'i chogs te/ rnam bar mi rtog ba'i phyir ro/ /rgyu dang yul bye brag med pa'i mtshan nyid khong du chud pa ni rnam par rtog pa dang bcas pa yin gyi rnam par shes ba'o/ /rgyu la rnam pa gnyis te/ shes par byed pa dang/ skyed par byed pa ste/ ji ltar dud pas me dang/ sa bon gyi myu gu la'o/ /ming zhes ba ni yid kyi rnam par shes pa'o/ /yid la yang rnam pa gnyis te gzugs ma yin pa'i phung po rnams dang/ ming dang mtshan ma la sogs pa'i chos lnga rnams te/ yid de dag gi nang du song zhing khyab pa'o/ /bdag nyid ni rnam par shes pa'i tshogs lnga po ste bskyed pa'i phyir ro/ /de dag ces pa la sogs pa ni gcig la gcig rten cing 'brel te 'byung ba yin kyang bltos pa'i rnam par rtog pa med de / de dag ni sA? lu ljang pa'i mdo sde bzhin no/ /rang gi sems ni kun gzhi rnam par shes pa ste/ de snang ba nyid la phyi'i don du rnam par rtog par mngon par zhen bas yid kyi rnam bar shes pa dang lhan cig tu zhugs pas na dbang po'i rnam par shes pa 'ba' zhig ni gtso ma yin pa'i phyir ro/ /shin tu phra bar rgyu'i bag chags ni nges bar 'jug pa'i dbang po'i shes pa mnyam par bzhag pas chud pas mthur byed pa'i don lta bu ste/ de snang pa nyid la phyi'i don du rnam par rtog par byed pa dang/ shin tu phra bar 'gyur pa bdag gi mthur zhugs zhes bya ba'i bar du'o/ /kun gzhi rnam par shes pa rgyu zhing 'jug pa zhes bya ba la rgyu ba ni chung pa'o/ /gzhan du na sa'i mtshan nyid ces bya ba la sogs pa la shes rab ni 'phags pa'i ye shes la mkhas pa ste/ log pa'i shes pa bzlog pa'i don du shes rab kyi tshigs sbros pa dang bral bzhes bya ba ni snang ba dang bcas pa dang snang ba med pa'i ting nge 'dzin thob pa rnams kyis shes bya ba'i don to/ /nags tshal stug po zhes bya ba la sogs pa ni shes rab kyi rnal 'byor med pa rnams kyis 'dod chags dang bral ba'i chos tsam gyis rnam pa 'di lta bu'i chos yang dag pa nyid mthong bar mi nus so/ /rgyal bas mdun du byas pa rnams kyis zhes bya ba ni bsnyen bar byas pa rnams kyis so/ /yang na gang dag gis rgyal ba mdun du byas ba rnams kyis zhes tshig bsdu'o/ /rang gi sems snang ba'i rang bzhin nyid rnam par rtog pa'i spyod yul te yul lo/ /ji ltar rgya mtsho'i dpa' rlabs rnams zhes bya ba la sogs pa ni rgya mtsho las rlabs rnams 'byung ba tha dad ba ma yin pa ltar ro/ /sngon po dmar po lan tshwa dang zhes bya ba la sogs pa ni ji ltar 'od zer rnams gzugs kyi yul du gar 'char ba de'i kha dog lta bur snang ba ste/ kha dog de ni 'od zer rnams dang gcig pa yang ma yin/ tha dang la yang ma yin pa de bzhin du kun gzhi rnam par shes pa las shes pa bdun rnams so/ /lan tshwa ni kha dog du ma'o/ /de lta bur yang gnas sbyar ba/ au tpal sngon po'i tshal snang bas/ /nyi ma'i rkang la sngon por byas/ /mtshon cha dam pos bcings pa yi/ /lcags thag lcags sgrog bzhin du'o/ /rkang pa ni 'od zer rnams so zhes bya ba la sogs pa ni dge ba dang mi dge ba bdag la sogs pa'i bag chags kyis bsags pas na sems te/ sems ni kun gzhi rnam par shes/ /dang sems nyid de yid yin no/ /gang gis yul rnams 'dzin pa ni/ /de ni rnam par shes zhes bya zhes bya ste/ bcom ldan 'das kyis de ltar tha snyad kyi phyir brjod pa'i mtshan ma tha dad bar gsungs pa yin gyi/ don dam par ni brgyad po tha dad ma yin mtshan zhes te/ shes pa rnams kun gzhi rnam par shes pa las tha dad ba'i bdag nyid ma yin pa'i phyir ro/ /mtshan nyid ni so so'i mtshan ma ste/ mtshan nyid kyi gzhi dang mtshan nyid tha dad ba med pas mtshan nyid tha dad pa ma yin pa rnams te/ ji ltar dbu ma las 'byung ba/ /mtshon bya mtshan nyid gal te gzhan/ /mtshan la mtshan nyid med par 'gyur/ /gcig na'ang de gnyis mi 'grub ste/ /tha dad na yang bzhag tu med/ /rgya mtsho dang ni dpa' rnams ni/ /chur 'dra bas na tha mi dad pa de bzhin du sems can dang rnam par shes pa rnams chud pa ma gtogs par yongs su gyur pa tha dad par mi dmigs so/ /sems ni las rnams sogs zhes bya ba la sogs pa ni sems kun gzhi rnam par shes pas nye bar sogs so/ /yid kyang rnam pa sna tshogs su rnam par rtog pa'i bdag nyid kyis rnam grangs du mas nye bar sogs so/ /rnam par shes pa ni dbang po'i shes pas dge ba dang mi dge ba'i 'bras bu rig pa dang yang dag par tshor ba ste/ sems can rnams kyis lnga pos snang ba dmigs pa la phyi'i zhes brjod par byed do// rgya mtsho dang dpa' rlabs rnams tha dad pa ma mchis na kun gzhi dbang po'i shes pa rnams sngon po la sogs pa'i rnam pa de mchis pa de dag ji ltar na mthun pa'i chos lags/ sngon po la sogs pa'i kha dog sems la 'jug par bshad pa ni mtshan nyid kyi don du'o/ /su 'tshal bar bgyi ba'i slad du byis pa rnams kyi'o/ /de la 'jug pa med pa ni kha dog go /ci'i phyir zhe na/ gzung ba spangs pa'i phyir te/ kun gzhi rnam par shes pa gzung ba la 'jug pa'i rnam par shes pa 'dzin pa'i rnam pa rnams 'jug go / rgya mtsho yod pas dba' rlabs 'jug pa bzhin bas na mthun ba'i chos so/ /rgyu gsungs pa/ lus dang longs spyod gnas snang ba/ /zhes te/ sems kun gzhi rnam par shes pa gang yin pa der 'jug pa'i rnam par shes pa rnams 'jug ste/ der gnyis kyi rnam pa kho na yod pa ma yin zhes ba'i don to/ /me long du gzugs tha mi dad pa dang/ rmi lam gyi chung pa rang bzhin gyi gzugs tha mi dad par snang ba de bzhin du cig char snang ba yin te lhan cig tu snang bar nges pa na sems rang gi gzung ba dang/ tha mi dad pa ni thams cad mkhyen pa'i 'tshad ma'o/ /yul dang rnam par mi ldan pas zhes bya ba la sogs pa ni 'gyur ba rnam pa sna tshogs las yul/ rnam pa sna tshogs 'byung ngo/ /rmi lam la sogs pa dang khur skam ring po bzhin du rim dang cig char ro/ /lnga po rnams la snang bar mngon zhes pa? ni cig char ro/ /mnyam par bzhag pa ni g.yel bar gnas pa'i yid bzhin te/ de la mnyam pa cig char du gyur te/ lnga po rnams kyis myong ba'i rim pa med ba ni ltad mo lta ba bzhin no/ /tshon 'gyed pa bzhin du sems can mgu bar mdzad pa'i slang du chos rnam pa sna tshogs ci'i slang du gsungs/ tshon la ri mo yod pa min zhes te/ rgyu la 'bras bu yod pa ma yin te/ de'i 'bras bu mi dmigs pa'i phyir ro/ /des ni grangs can gyis yod pa las 'bras bu 'byung ba bkag pa'o/ /yang dag la ni yi ge med ces bya ba ni brjod du med cing mi gnyis pa yang dag par rig ba'o/ /bshad pa dag ni 'khrul pa'o zhes pa ni gzugs kyi phung po med pas na sgra yang med pa'i phyir ro/ /snang ba dang bcas pa'i ting nge 'dzin gzhan gyi dbang gi rnam pa sna tshogs kyi chos la gnas te/ spyi'i mtshan du yang dag par ston to/ /ci'i slad du rnal 'byor pa rnams la spyi'i mtshan nyid du ston ces de skad du dogs pa gsungs pa/ so so rang rig gang dag ni zhes bya ba la sogs pa'o/ /rgyal ba'i sras la 'di bstan gyi zhes bya ba la sogs pa ni rgyal ba'i sras rnams la gnyis su med pa'i spyi'i rnam par ston to/ /byis pa rnams la ni phung po la sogs pa gnyis kyi rnam par sbyir sgo? btags te ston to/ /gzhan gyi dbang la gzugs la sogs pa'i phung po med kyang sgyu ma la sogs pa bzhin du ston to/ /sems tsam nyid snang ba'i chos rnams kyis phyi'i don du mos pa mgu bar bya ba'i phyir gzugs la sogs pa'i phung por ston to?/ /zab mo'i chos la mos pa'i phyir chos rnams la mos pa'i mi gnyis pa ste /sman pas rnam pa du ma'i thabs kyis sman btang ba bzhin no/ /rtog ba can ni rtag pa dang/ bdag la sogs par smra ba dang/ 'phags pa nyan thos rnams phyi'i don du smra ba rnams kyi gnas 'phos pa'i kun gzhi rnam par shes pa mi gnyis pa ni yul ma yin no/ /rang gi sems snang ba zhes bya ba la sogs pa ni gzugs la@089a sogs pa rang gi sems la snang bas na mdzes pa la sogs pa'i rnam par rtog pa'i mtshan nyid ni mi gnas par rig par bya'o/ /gzhan yang zhes bya ba la sogs pa la sems ni kun gzhi rnam bar shes pa'o/ / der dpyod pa'i bdag nyid ni shes rab bo/ /'di ni 'di kho na nyid do zhes gdon mi za ba'i mtshan nyid ni ye shes so/ /de la gnas te shes par bya ba sbom po dang phra mo gang gi tshe gong du mi dmigs pa de'i tshe snang ba med pa'i ting nge 'dzin rtoD par 'gyur ba de lta bur 'phags pa'i ye shes kyi mtshan nyid gsum la brtson par bya'o/ /sngon gyi sangs rgyas kyi smon lam dang/ bdag gi smon lam mthun par gdab par bya ba ni bzang po spyod pa'i smon lam bzhin du'o/ /ji ltar mi g.yo ba'i sa snang ba med pa las langs te smon lam rnams kyis gzhan gyi don mdzad pa'o/ /so so rang gis rig pa de yang mi gnyis pa dang rnam pa gnyis su med pa gzhan gyi dbang gi rang bzhin ting nge 'dzin las skyes pa yang shes so/ /bong bu theng po lta bu ni sngon gyi shin tu phra mor rgyu ba spangs te/ mi g.yo bar gyur pa'o/ /de la snang ba med ces bya ba la sogs ba'i rnam par thar pa gsum thob pa'i nyan thos rnams dang/ mu stegs can thams cad la'ang snang ba med pa'i bsam gtan yod do/ /de la rigs 'dzin pa'i mthar smra ba dang/ zhi ba dang/ mthu bo cher smra ba mi gnyis par smra ba rnams la snang ba med pa'i mtshan nyid can mi gnyis pa'i bsam gtan yod des/ de bas na 'jig rten pa dang/ 'jig rten las 'das ba'i gtsug lag mang du thos nas yongs su 'dris pa las 'byung ngo/ /sngon gyi sangs rgyas kyi smon lam rnams la rang gi smon lam du byin gyis brlabs pa las 'byung ngo/ /so so rang gis rig pa 'phags pa'i ye shes kyi mtshan nyid ces @ 089b bya ba ni sngar smos pa bzhin du bshad pa'o/ /chos thams cad la mngon par zhen pa med pa zhes bya ba ni gang gi tshe na gzhan gyi dbang la sgyu ma lta bur shes pa de'i tshe/ chos thams cad mngon par zhen par mi 'gyur ro/ /sgyu ma lta bu'i snang ba dang bcas pa'i ting nge 'dzin gyi rgyu rnams kyis sa bcu ste / sbyin pa la sogs pa'i tshogs rdzogs par byas nas sangs rgyas kyi sa khong du chud pa'i rtogs pa rgyu ba la sogs pa 'byung ste/ snang ba med pa'i ting nge 'dzin la sa'i rim pa med pa ni ji ltar 'dir gsungs pa snang ba med la rim ci yod ces so/ /tshig brgya rtsa brgyad rab tu phye ba'i gnas zhes bya ba ni brtags pa dang/ gzhan gyi dbang dang yongs su grub pa'i mtshan nyid 'phags pa'i ye shes kyi dngos po rab tu mngon pa'i rang bzhin te/ kun rdzob dang don dam pa'i bden pa'i gzhi'o/ /de la 'phags pa'i ye shes kyi dbang po'i rang bzhin ni snang ba dang bcas pa dang/ snang ba med pa'i ting nge 'dzin du byed pas phye ba'o/ /tshig brgya rtsa brgyad la sogs par kun tu brtags bsgra dang don gyi tha snyad ni gzhan gyi dbang snang ba la 'jug pa rnam pa sna tshogs su 'byed par dris pa de la grub pa gnyis su med pa'i 'phags pa'i ye shes su lan glan no/ /gang la gnas shing zhes bya ba ni kun tu brtags pa dang/ gzhan gyi dbang la sogs pa mtshan nyid gsum la ni rang gi mtshan nyid ni sra ba dang/ gsher ba dang/ dro ba la sogs pa'o/ /spyi'i mtshan nyid ni mi rtag pa la sogs pa'o/ /yongs su brtags par rtogs par rab tu phye ba de nyid du mu stegs can rnams kyi rtag pa dad bdag la sogs pa rnam par 'phro ba'i rnam par rtog de gzhag go / bye brag shin tu rtogs pa gang gis shes bya ba ni mtshan nyid rnam pa gsum gyis chos la bdag med pa rab tu rgyu ba shin tu sbyangs te/ shes rab kyis dpyad de bdag med pa gnyis khong du chud pas mkhas par 'gyur ro/ /'phags pa nyan thos la sogs pa rnams kyi bdag gi don gyi bsam gtan gyi bde ba las 'das te gzhan gyi don du don dam pa sangs rgyas kyi sar de bzhin gshegs pa'i chos kyi sku gang ye shes kyis shin tu rnam par dag pa'i chos can shes rab kyis dbyad par bsam du med do/ /chos lnga dang rang bzhin rtogs pa las rnam par log pa ni gnyis su med pa mtshan ma med cing kun tu brtags pa dang/ gzhan gyi dbang gis rnam par 'byed ba dang bral zhes bya ba'i bar du'o/ /sgyu ma'i spyod yul zhes bya ba la sogs pa ni snang ba dang bcas pa'i ting nge 'dzin rdzogs longS spyod ba'i sku dang sprul ba'i sku mdzes pa so sor thob bo/ /blo gros chen po 'di la mu stegs kyi lta ba can mu stegs can la la med pa la mngon par zhen pa dag cing bya ba la sogs pa ni/ ji ltar zhi ba rnams smra ba/ dngos po med pas thar par smras/ /dngos por rtog las 'ching ba ste/ /de bas dngos po yongs spangs nas/ /stod pa'i dngos por 'jug par gyis/ /steng stong 'og kyang stong pa dang/ /dbus su gnas med stong pas na/ /dngos med gtogs pa kun stong pa/ de ni ting nge 'dzin spyod yul lo/ /bdag stod dang ni yid stong dang/ /phyi stong rnal 'byor rig pa ste/ /stod sus su yis mngon shes pa/ /nges par de ni grol bar 'gyur/ /brtags pa dang gzhan gyis dbang dang/ yongs su grub ba'i rang bzhin mngon par mi shes pas gzhan gyi dbang ltar yongs su grub pa la brtag go/ rnam par rtog ba'i blo'i rgyu'i sgra dang don yin te/ de zad pa'i rang bzhin zhes bya ba'i bar du'o/ /gang shes pa'i yul yin pa de thams cad med do zhes par dgongs pa'i don du mngon no/ /'di skad ces smras pa yin te/ shes pa dang shes par bya ba'i mtshan nyid kyi chos ri bong gi rab ltar med kyang rmi lam dang/ mig 'phrul bzhin 'gro ba snang ngo zhes so /gzhan yang 'byung ba la sogs pa ni gang khyad par can la sogs pas rtog par byed pa'o/ /'byung ba ni sa la sogs pa'o/ /yon tan ni gzugs la sogs pa'o/ /rdul ni shin tu phra ba'o/ /de dang sbyor ba'i yon tan las skyes pa'i rdul gnyis ni rdul lo/ /de bzhin du rdul gnyis pa dang /gsum pa la sogs pa rim gyis sbom po yan lag gi rdzas grwa gsum dang/ gru bzhi dang/ zlum po la sogs pa'i dbyibs su gnas par rtog par byed do/ /de yang rdzas kho na la sogs par sbyir yang rtag go /de yang rdzas ri bong gi rwa med pa dang sbom po'i phyi'i rdzas ba lang gi rwa yod do snyam du rtog pa blo gros chen po de dag yod pa dad med pa'i mdza' gnyis kyis lta bar lhud zhing rang gi sems kyi khams kyi yul du rnam par rtog pa gang yod pa nges dngos po med pa'i tha snyad rnams rtas par byed de 'phel bar byed ces bya ba'i don no/ /lus la sogs pa ni sems tsam la rnam par rtog pa yod pas phyi rol gyi sgro btags te ldog pa las ri bong gi rwa med do zhes rtog par 'gyur ro/ /gang dag yang med pa ni yod pa las rnam par log pa'i dngos po rnams rtog pa de dag gis rtog par mi bya ste/ ci'i phyir zhe na/ phan tshun bltos pa'i rgyu'i phyir ro/ /yod pa ldog bas med pa ste/ med pa yod pas yod pa ste/ /rang dbang du don dam par yod pa dang med pa gnyi gar yang mi 'grub bo/ /gang gi phyir de ltar yod pa dang med pa yin pas na rtog par mi bya ste/ dngos po dngos po med par rtog par mi bya ba ni dbu ma'i ting nge 'dzin to/ /da da ltar phyi'i dngos po yod par brtags pa de ji ltar med par 'gyur ba rigs pa zhan pa gzhan gyis bsgrub par gsungs pa / rdul phra rab kyi bar du brtags na zhes bya ba la sogs pa ste/ sbom po yan lag can gyi rdzas las brtsams te rdul phra mo'i gzugs kyi bar du sbom pa dang/ phra ba de thams cad phyogs kyi char dbyebs phye ba na stong zhing 'phags pa'i ye shes kyi spyod yul las rnam par log pa yin te/ de bas na ba lang gir yod do/ /zhes brtag par mi bya'o/ /dngos po mi dmigs te med pa'i phyir zhes bya ba ni rgyu'o/ /rnam par rtog pa mi 'byung ba'i mtshan nyid ces bya ba la sogs pa ni/ /gang phyir sgra ni brjod pa las/ /gang tshe don gang rtogs par byed/ /de ni sgra yi don du smras/ /don gyi mtshan nyid gzhan min no/ /zhes byA ka ra Na ba rtog par byed de/ gdan yod pa dad dgag pa'i tshul sgra 'jug pa der tshig gi don yod pa'am med pa'o zhes brtag go / rnam par rtog pa mi 'byung ba'i mtshan ma mthong nas zhes pa ni 'jug pa'i mtshan ma med pas don med do zhes rjes su dpag pa 'jug go zhes pa'o/ /de de lta bu'i snga ma'i phyogs bcoM ldan 'das kyis bka' stsal ba/ blo gros chen bo rnam par rtog pa mi 'byung ba las bltos te de med pa ma yin no zhes pa'o/ /de ji lta bu zhes pa dang /rgyu gsungs pa de ni rnam par rtog ba 'byung ba'i rgyu ste zhes pa'o/ /de ni brjod par bya ba las rnam par rtog pa 'byung ste/ ji ltar slob dpon d+harma kI rtis sgrubs pa /thog ma med pa'i bag chags las/ /rnam rtog 'byung bar yod gnas pa/ /sgra don chos ni rnam pa gsum/ /dngos dang dngos med gnyi ga gnas/ /zhes pa ste /gdan brjod par bya bar brtag ba'i don du bsams pa der sgra mi 'jug go / sgra mi 'jug pa'i phyir don med ces byar mi rung ngo/ /blo gros chen po rnam par rtog pa ni de'i rwa las brten te byung ba'o zhes bya ba la sogs pa ni gang la brten te rnam par rtog pa byung ba de la bltos pas na de med pa ma yin te/ de brten pa'i rgyu yin pas na tha dad pa dang/ tha dad pa ma yin pa rnam par spangs pa'o/ /de ni rgyu las gzhan pa ma yin te/ gzhan pa ma yin par gyur na ni gzhan ma bzlog pa las byung ba ma yin te/ rgyu dang 'bras bu'i khyad par du med par 'gyur ba'i phyir ro/ /de la bltos te zhes bya ba ni brjod par bya ba la bltos te'o/ /gal te rnam par rtog pa las brjod par bya ba tha dang bar gyur ba ni de'i tshe ri bong gi rwa'i? rgyu las byung ba ma yin par 'gyur ro/ /de ste tha dad pa ma yin na shes pa gal te brjod par bya ba las rnam par rtog pa tha mi dad par gyur pa ni de'i rgyu las byung byung ba zhes bya ste/ rgyu ni gzhan pa'i phyir ro/ /rdul phra rab kyi bar du rab tu brtags na mi dmigs pas rwa dang rnam par rtog pa tha mi dad pa'i phyir rwa med pa bzhin du de yang med par 'gyur ro/ /de gnyis ka'i dngos po med na zhes pa ni sgra dang don gnyis ka'i dngos po med pas ci la bltos te ri bong gi rwa med ces bya/ de las gzhan pa'i rwa dang sgra med pa'i phyir ro/ /blo gros chen po gal te zhes bya ba la sogs pa ni gal te phan tshun du bltos nas yod pa dang med ba mi 'gyur na ni de'i tshe ri bong gi rwa med la de las gzhan pa'i rwa yod do zhes smra bar mi bya'o/ /rgyu mi mnyam zhes bya ba ni phan tshun du brten pa'i phyir ro/ /nam mkha' i dngos po yongs su rtogs pa la mi mkhas pa rnams zhes bya ba la sogs pa ni thogs pa dang bcas pa'i gzugs kyi yul gyi dngos po med pa'i rang bzhin ces ni nam mkha' yin no zhes thams cad mkhyen pas dgongs pa'i don to/ /thogs pa dang bcas pa'i gzuD kyi yul nyid nam mkha' ste/ gang gis thogs pa dang bcas pa'i gzugs bsal ba'i tshe sbu bur brtag pa ste/ des na dngos po gzhan par gyur pa lnga ba 'am/ gzugs ma gtogs par nam mkha' med de zhes thams cad mkhyen pas sgrub bar gsungs pa/ gzugs rnams kyi 'byung ba'i rjes su zhugs pa'i phyir gzugs nyid kyang nam mkha' ste/ de'i gzugs ma gtogs par nam mkha' i dngos po gzhan med pas nam mkha' nyid gzugs zhes bya ste/ sbu bur gnas pa la dgongs pa'o/ /gzhag pa dang gzhi'i tshul du nam mkha' dang gzugs so so'i rnam pa tha dad pa rig par bya'o/ /sgra'i don du ste/ dngos po'i don nyid du yod pa yang ma yin no zhes dgongs pa'i don to/ /dngos po dang dngos po med par gzugs dang nam mkha' rjes su zhugs pas de ltar na gcig gi gnas gcig yin no/ /'byung ba zhes bya ba la sogs pa ni nam mkha' i dngos po med pas na der mi gnas pa yin te/ de dag la yang nam mkha' med pa ma yin pa ni byung ba'i yul du nam mkha' yod par 'gyur ba'o/ /de bzhin du zhes bya ba ni nam mkha' dang ri bong gi rwa dang ni brtags pa'i dngos por chos mtshungs par gsungs pa'o/ /de ltar ba glang gi rwa la sogs pa yod pas pa lang gi yul bltos te ri bong gi rwa med par gyur na ni ba glang gi rwa? ci las bltos te med par 'gyur zhes dgongs nas gsungs pa/ ba lang gi rwa la sogs pa ste/ rwa sbom po rdul phra mor phye ba na khang pa dang/ sde dang nags tshal la sogs pa bzhin du stong par 'gyur ro/ /rdul phra mo yang phyogs kyi char bshig na rdul phra mo yang mi gnas ste stong par 'gyur ro zhes pa ni shes rab kyis ches la bdag med ba sgrub pa'o/ /de yang de lta bu'i chos can no zhes bya ba ni phan tshun du gcig la gcig bltos te chos dang chos can dang mtshan mar bya ba dang/ mtshan nyid la sogs pa gang rtog pa de rang bzhin tha dad par mi grub pas na de thams cad stong ba'o/ /ri bong dang ba lang gi rwa zhes bya ba la sogs pa ni brtags pa dang gzhan gyi dbang gi dngos po la lta ba'i rnam par rtog pa dang bral bar bya'o/ de la rtog pa dang bral bar bya'o zhes ba'o/ /de la rtag pa dang /bdag dang /nam mkha' dang/ ri bong gi rwa la sogs pa ni brtags pa'i phyir ro/ /ba lang gi rwa dang rmi lam dang/ mig 'phrul dang/ rab rib la sogs pa'i rang bzhin pa rnams ni gzhan gyi dbang nyid de bsan bas na don gyi bya ba byed do/ /rang gi sems snang ba'i rnal 'byor bstan par bya'o/ /zhes ba ni phyi'i don med pas na 'di skad du gsungs pa/ rang gi sems snang pa la rnam par rtog pa rjes su rtogs pa'i yid duAng 'byung bar bya'o zhes pas te / rang gi sems snang ba las lhag par phyi'i don dam par rtog par ma byed cig ces pa'o/ /sna tshogs snang ba yod pa min zhes bya ba la sogs pa la snang ba'i phyir te/ ci mchis zhes pa dang/ gsungs pa /sna tshogs ki sems yod do zhes dgongs pa'i don to/ /snang ba las ni sems 'byung ste zhes bya ba ni rang gi yan lag nyid las 'byung gi phyi'i don las ni ma yin pa'i phyir ro/ /ji ltar na zhes pa dang/ gsungs pa lus dang longs spyod gnas snang ba/ /kun gzhi mi las snang ba yin zhes te/ rmi lam la sogs pa bzhin pas na phyi'i don med ba zhes so/ /ji ltar na phyi'i don med ces pa dang/ gsungs pa/ sems dang yang dang rnam par shes/ /rang bzhin dang ni chos lnga dang/ /bdag med mi gnyis dag pa yang/ /rnam par 'dren pa rab tu gsung zhes te/ de la rang bzhin ni chos kyi dbyings te/ dag pa dang ma dag pa ste/ ye shes dang gang chud pa yin pa'o/ /sems la sogs pa'i shes pa brgyad ni sngar bshad zin to/ /bdag med pa ni gang zag la bdag med pa'o/ /mi shes pa dag ni chos la sogs pa lnga ni bshad zin to/ /ring po dang thung du la sogs pa ni rgyu dang dpe dang bcas te 'das pa'i don ring po dang/ thung du la sogs pa bzhin no zhes tshigs su bcad pas gsungs pa'o/ /gcig la gcig bltos te yod pa dang med par 'gyur @093a ba ni rdul phran du ni rdzas bshig ste phyogs kyi char phye na gzugs la rnam par brtag mi bya zhes te/ ba lang gi rwa la sogs pa stod pas na de la bltos te ri bong gi rwa lta ga las na 'gyur/ de ltar phyi'i don med pas sems tsam po nyid 'ba' zhig ste/ de yang 'khrul ba rnams kyi lta ba ngan pas bsal mi 'gyur zhes te/ rnyog ma bsal te chu bzhin du dang bar 'gyur bas na yongs su dag par 'gyur zhes pa'i bar du'o/ /rtog pa ni tshad ma dang gzhal ba la sogs pa phyi'i don du lta bas rnam par bzhag par rnam par rtog gi / sems tsam du snang ba la ni ma yin no/ /nyan thos phyi'i gzugs la mi rtag pa dang/ sdug bsngal ba dang/ mi gtsang ba dang/ mi mdzes par rtog par byed do/ /don dam pa'i bden pa mi gnyis pa'i ye shes rnam par mi rtog cing snang ba med pa ni 'phags pa sa'i dbang po bdag med pa gnyis rtogs pa rnams gyis so sor bdag gis rtogs ba'i spyod yul yin te/ yang dag par rig pa'i rang bzhin mar me ltar bdag nyid du snang ba'o/ /rang gi sems snang ba'i rgyud rnam par dag par bya ba'i phyir zhes bya ba la sogs pa ni kha cig gser la sogs pa sa'i se'u la sogs pas btso ba bzhin du rim gyis dri ma med par 'gyur ro/ /kha cig ni cig car te mar mes khyim gyis yo byang la sogs pa snang bar byed pa bzhin no zhes 'phags pa blo gros chen pos de ltar bsams te thams cad mkhyen pa de la de skad du gsol pa'o/ /bzhad gang la sogs pa rim gyis 'jug pa ni gang gi tshe glu mi len te/ de ltar na bya ba kha cig ni rim du 'byung/ /ba cig ni cig car 'byung ste/ ji ltar me long gi nang du gzugs sna tshogs snang ba rnam par mi rtog pa'i shes bas cig char snang ba ste/ 'dzin ces bya ba'i don no/ /de ltar rigs pa'i rim par song ba'i sa'i dbang po ? @ 093b kyi nyon myongs pa med pa'i mi shes pa'i rgyud de mi snang ba'i sems kyi rgyur rnams de bzhin gshegs pas spyod do/ /rang gi sems snang ba'i gnas dan len gyi bag chags dang bral ba mig gi ling tog dang bral ba bzhin pa'i bsam du med pa'i ye shes can rnams la rgyal ba'i spyod yul bzhin du thams cad mkhyen ba'i yul cig char ston to/ /shes par bya ba'i yul thams cad du sa bcu'i dbang po rnams kyi dar la phra mo lta bu'o sgrib ba bsal te sangs rgyas kyi sar gzung bar mdzad do/ /'di lta ste /kun gzhi rnam par shes pa zhes pa la sogs pa la / lus dang gnas dang longs spyod kyi yul ni lus dang sa dang/ mig la sogs pa'i shes pa'i shes par bya ba rnams de cig char 'byung ngo/ /rgyu dang 'dra ba'i sangs rgyas zhes bya ba la sogs pa ni mi gnyis pa'i don nyid mngon par rdzogs pa'i byang chub las langs te yid kyi so sor snang ba rdzogs longs spyod pa rnam par snang mdzad kyi sku las sgyu 'dra ba sprul pa'i sangs rgyas 'byung ste/ yul du zhugs par bsha' ba' i sems can rnams chos rnam pa sna tshogs bstan pas cig char yongs su smin par byas te/ 'og min gyi gnas na gzhal med khang gi pho brang du rnam par snang mdzad kyi sku snang bar rnal 'byor du sbyor ba gang dag la yod pa de dag la thos pa dang/ sems pa dang/ bsgoms pa la sogs pa'i ting nge 'dzin thob pa rnams kyis gzhog go rnal 'byor du sbyor ba zhes bya ba ni snang ba dang/ snang ba med pa'i rnal 'byor gnyis su dgongs par brtag go /chos nyid kyi sangs rgyas ni mi gnyis pa'i byang chub kyi ting nge 'dzin gyi sku las bzhengs te snang ba dang bcas pa'i ting nge 'dzin la bzhugs pa'i rnam par snang mdzad kyi sku ni sgyu dang 'dra ba'i sprul ba'i sku'i 'od zer rnams kyis rnam par mdzes so/ /rnam par snang bar mdzad pas na rnam par snang mdzad ces bya'o/ /'phags pa so so rang gis rig pa'i mtshan nyid ces bya ba ni gnyis su med pa chud pa'i rang bzhin gyi chos kyi sku ste/ mar me ltar rab tu snang ba'i bdag nyid do/ /ji ltar na yang so sor rang gis rig pa mi gnyis ba'i rang bzhin lags zhes pa dang/ de'i phyir gsungs pa yod pa dang med pa'i lta bar na bzlog pas zhes bya ba'o/ /ji ltar rgya che ba'i shes rab kyi pha rol tu phyin pa las 'byung ba dngos pos mngon par rtogs pa ma yin/ dngos po med pas kyang ma yin te /ci zhe na dngos po dang/ dngos po med pas mnyam pas so/ /de nyid kyi sngon gyi smon lam gyis sems kyi don du bya ba gzhal du med do/ /chos nyid 'dra bar 'byung ba'i sangs rgyas ni gnyis su med pa'i ting nge 'dzin las bzhengs pa'i thams cad mkhyen pa snang ba dang bcas pa'i ting nge 'dzin la bzhugs te/ rang dang spyi'i mtshan nyid du rtogs pa rnams kyi khyad par ston to/ /chos thams cad kyi zhes bya ba dang 'brel to/ /de la rang gi mtshan nyid ni sra ba dang rlan pa la sogs pa'o/ /spyi'i mtshan nyid ni mi rtag pa la sogs pa ste/ de dag gi khyad par ro/ /rang gi sems snang ba ni rmi lam dang/ mig 'phrul dang/ rab rib dang/ mgo 'khor ba dang/ brgyal ba la sogs pa'i rang bzhin ltar gzugs la sogs pa snang ba la bag chags kyi rgyu dang mtshan nyid dang 'brel cing phyi'i don med bar ston to/ /de ni 'di skad ces smras ba yin te/ rang gi sems snang ba ni snang ba nyid yin te/ de dag gi rgyu ni bag chags yin pa dang/ mtshan nyid ni mtshan mar 'brel to/ /yongs su brtags pa'i rang bzhin la mngon par zhen pa'i rgyu las byung ba ni rtag pa dang/ mi rtag pa la sogs par rtogs pa ni rgyu las 'byung ba ste/ rtag pa dang mi rtag pa la sogs pa'i yul gyi dngos po rnams de'i gzugs ma gtogs par med do/ /ji ltar na yang phyi'i don med ces pa dang/ gsungs pa /sgyu ma'i yan lag rnam ? po'i skyes bu de'i bdag nyid ma yin pa sna tshogs la mngon par zhen ba mi dmigs pa'i phyir zhes bya ba ni ji bzhin du sgyu ma la sogs pa phyi'i dngos por mi 'byung zhing/ rang gi sems kyi snang ba tsam nyid yin pa de bzhin du 'gro ba thams cad gyi rang gi sems snang ba tsam nyid do/ /blo gros chen po gzhan yang yongs su brtags zhes bya ba la sogs la/ 'byung ba'i mtshan nyid ni rtag pa dang/ bdag dang/ rdul phra mo dang/ yan lag can dang/ rdzas la sogs pa'o/ /gzhan gyi dbang ni sngon po la sogs pa'i rnam par rang bzhin gsal ba'o/ /de nyid du rtag pa dang/ bdag dang/ bde ba dang/ gtsang ba'i dngos por mngon par chags pa las rnam par rtog par 'byung ngo/ /ji ltar thams cad mkhyen pas 'di nyid du gsungs pa/ brtags pa yin ni rang bzhin gyis/ /dngos po thams cad ma skyes te/ /gzhan dbyang? la ni brten nas ni/ /mi yi rnam rtog skye ba'o/ /de nyid du dpe gsungs pa/ rtsa dang shing dang gyo mo la brten te sgyu ma 'byung zhes so/ /de'i rgyu dang gzugs gsung bar mdzad pa /sngags dang ming ldan pa las zhes bya ba la sogs pa ste/ gang dag la 'khrul pa'i sa bon yongs su ji ltar smin pa rim dang cig car du du de dag la de ltar ston to/ /sgyu ma byed pas sems thams cad la gzugs kyi yan lag gi lus rnams kyis sde bzhin du gzugs rnam pa sna tshogs 'chang ba'i phun sum tshogs pa sgyu ma'i skyes bu'i lus rang bzhin gcig tu ma grub par ston to/ /sems can gyi lus su gang gi gzugs 'dus pa de'i gzugs ni khang pa dang sde dang /nags tshal la sogs pa bzhin du gcig pa ma yin / de bas na de ltar rnam par rtog pa rnam pa sna tshogs kyis rnam par brtags pa ste/ ji bzhin du 'khrul pa'i gzugs la nges par 'dzin pa de bzhin de la rnam par rtag go /ji bzhin du sems can rnams kyi 'khrul pa sna tshogs kyi rnam par ' byung ba lta bur dngos po'i rang bzhin yang dag par de'i bdag nyid ma yin pa bzhin du gzhan gyi dbang la brten te rnam par rtog pa'i rnam par 'byung ba gzhan gyi dbang sngon po la sogs pa'i rnam pa mdzes ba dang mi mdzes ba la sogs pa'i rnam par rtog pa'i mtshan nyid du grub pa mngon par zhen pas bag chags la yongs su rtog cing bye ba 'byung ba ste/ bag chags las 'byung bar 'gyur ro/ /'di ni zhes bya ba rnam par rtog pa la sogs pa rnams kyi bshad pa ste/ snang ba dang bcas pa'i ting nge 'dzin gyi sku'i gsung gi rnam par rtog pa rgya che ba chos kyi sku'i phrin las gang du 'byung zhes pa dang/ gsungs pa/ chos nyid kyi sangs rgyas ni zhes pa la sogs pa ste/ de la sems kyi rang bzhin gyi mtshan nyid dang bral ba zhes pa ni lus dang longs spyod dang/ gnas su snang ba'i kun gzhi rnam par shes pa'i gnyis kyi rnam pa dang bral ba'o/ /'phags pa so so rang gis rig pa'i yul rnam par gzhog go zhes bya ba ni snang ba med cing gnyis su med pa'i ye shes kyi rtog pa bzhin du bzhengs pa'i ye shes kyis rnam par bzhag go/ mar me bzhin du rang gis rang du snang ba'i bdag nyid nges par 'jug pa'i shes pa yang dag par rig pa bzhin du yang dag par rig pa'i rang bzhin mi gnyis pa spyir sgra'i don gyi rnam par yul med cing mi gnyis pa'i mtshan nyid ba yin no zhes rnam par gzhog go / so so rang gis rig pa chud pa nyid de'i spyod yul te/ yul yin gyi gzhan yod pa ma yin no zhes bzlog par byed pa'i gsung do/ /de ltar chos kyi sku'i rnal 'byor yang dag par dbugs? pa ni rdzogs longs spyod pa'i sku'i phrin las su rnam par zhag par bstan nas 'phrul pas sprul pa'i sku'i phrin las rnam par bzhag par mdzad pa ni 'phrul pas sprul pa zhes bya ba la sogs pa ste/ sbyin pa la sogs pa'i pha rol tu phyin pa dang/ rnam par bar pa dang/ phung po dang/ khams dang /skye mched la sogs pa'o chos bshad par mdzad do/ /phyi dang rnam par shes pa gnyis kyi rnam par mos pa ji bzhin pa'i sems can rnams la rgol pa dang lan gdab pa'i cho 'phrul rnams kyis kyang ston to/ /rnam par shes pa 'jug pa'i mtshan nyid ces bya ba ni mi gnyis pa yang dag par rig pa tsam mo/ /mu stegs can gyi lta ba dang mthun pa las 'das pa'i mtshan nyid ni rtag pa dang/ bdag dang/ phyi'i don las 'das pa ste chos dang gang zag la bdag med par ston to/ /snang ba med cing mi gnyis bar chud pa'i chos ki sku las bzhengs te snang ba ji bzhin pa bltar zhing snang ba dang bcas pa'i ting nge 'dzin sgyu ma'i rnam par thar pa la bzhugs pa'i sangs rgyas rnams kyi dmigs pa med cing dmigs pa dang bral ba gnyis su med pa thugs su chud pa bzhin pa'o/ /de nyid kyi khyad par ston pa ni bya ba dang/ dbang po dang/ tshad ma'i mtshan nyid thams cad la rnam par log pa zhes pa ste/ byed pa po dang/ las dang/ byed pa dang bral ba'i phyir bya ba thams cad la rnam par log pa'o/ /shes par bya ba med pa'i phyir dbang po tshad ma'i mtshan nyid rnam par log pas na de'i phyir de ltar byis pa rnams kyi yul ma yin zhes bya ste/ rnal 'byor gyi dbang po rnams las thabs du mar rab tu snang bar mdzad pa ni de'i phrin las so/ /nyan thos kyi theg pa la rnam pa gnyis te zhes bya ba la sogs pa la/ 'phags pa so so rang gis rig pa'i khyad par gyi mtshan nyid ni stong pa nyid dang/ mtshan ma'i med ba dang/ smon pa med pa'i rnam par thar pa thob pa rnams kyi mi gnyis pa yang dag par rig pa la bya'o/ /gang dag kyang phyi'i don du mngon par zhen pa de dag gi dngos po rnam par rtog pa'i rang bzhin la mngon par zhen pa'i mtshan nyid ni lus la dran pa nye bar gzhag pa la sogs par rnam par rtog pa rnams kyis dngos po'i rang bzhin la mngon par zhen ba ni lus dang/ tshor ba dang/ sems dang/ chos rnams la mtshan nyid rnam pa gnyis su yongs su lta ba'i phyir ro/ /chos dang gang zag la bdag med pa'i khyad par du 'byed pa ste/ ji ltar 'phags pa shes rab kyi pha rol tu phyin pa las gsungs pa/ mi rtag pa dang/ bdag med pa dang/ sdug bsngal ba dang/ mi mdzes par bsgom pa de yang mi dmigs pa'i tshul gyis so/ /de'i phyir na de ltar bang thog mar stong pa smos pa ste/ stong pa dang/ bdag med pa dang/ sdug bsngal ba dang/ mi rtag pa'i yul gyis bden pa mthong ba'i phyir ro/ /skye ba ni srid pa dang/ longs spyod dang bral ba'i phyir ro/ /phung po dang/ khams dang/ skye mched dang/ rang dang spyi'i phyi ral rnam par 'jig pa med pa'i mtshan nyid kyi phyir te/ de la rang gi mtshan nyid ni gzugs la rnam pa gnyis sam/ rnam pa nyi shu zhes bya ba la sogs pa'o/ /gzugs dang tshor ba la sogs pa/ spyi'i mtshan nyid ni mi rtag pa dang/ bdag med pa la sogs pa'o/ /phung po dang/ khams dang/ skye mched la sogs pa'i mtshan nyid rnam pa de lta bu yang dag pa ji lta ba bzhin du mthong nas rang gi sems skyo ba'i 'og tu sems mnyam par 'jog go / rang gi sems mnyam par bzhag nas zhes bya ba ni sems mnyam par bzhag pas yang dag pa ji lta ba bzhin du shes par 'gyur bas na bsam gtan dang/ rnam par thar ba la sogs pa rtogs par 'gyur te/ bag chags bsam gyis mi khyab pa yongs su gyur pas gang 'chi 'pho ba de dang bral ba'o/ /yang na dbang po rno bas bsam gtan la sogs pa rnams kyis bsam du med pa'i bag chags yongs su 'gyur bas shas che bas na 'chi 'pho dang bral ba'o// 'phags pa so so rang gis rig pa ni bde ba yang dag par tshor ba ste/ rnam par 'phrul pa dang bral ba'i phyir ro/ /rnam pa de 'dra ba'i bde ba thams cad dang/ gzugs med pa la snyoms par 'jug pa'i bde ba yang log par rtog pa bkag pa'i bde ba yin no/ /'gog pa la mnyam par 'jog pa'i bde ba yang da ltar kyi tshe la bde bar gnas pa'i don du bzhag pa de yang khong du chud nas kyang sems can gyi don la bltos te byang chub sems dpa' rnams kyis mngon sum du mi ba ste/ bslab par mi bya der gnas par ni mi bya'o/ /zhes bya ba'i tha tshig go /dngos por rnam par rtog pa'i rang bzhin la mngon par chags pa zhes bya ba ni smos par bshad pa 'chang ba yang rig par bya ste/ phyi'i dngos por rnam par rtog pas rang bzhin la mngon par chags pa'o/ /'byung ba dang 'byung ba las gyur pa'i gzugs ni kha dog dang dbyibs kyi rang bzhin pa yin te/ thams cad mkhyen pa nyid kyis zhib tu sgrub par mdzad pa 'di lta ste /sngon po dang ser po zhes bya ba la sogs pa ste/ byed pa med par 'byung ba ni byed pa po dang/ las dang/ byed pa dang bral ba rnams te/ ji ltar gsungs pa/ 'du byed thams cad skad cig pa/ /mi brtan zhes pa ga la zhig/ gang 'byung byed pa do nyid de/ /byed pa por yang de nyid brjod/ /rigs pa dang lung dang tshad ma zhes bya ba la sogs pa la/ rigs pa dang lung ni rigs ba dang ldan pa'i lung la ste/ thog mar dag zhes bya ba la sogs pa'o/ /tshad ma ni mngon sum dang/ rjes su dpag pa ste/ skad cig mar 'jig pa dang/ bdag med pa la sogs par sgrub par byed pa'o// da de ltar phung po la sogs pa'i mtshan nyid khong du chud nas de la mngon par zhen pa btsun gtso'i byang chub sems dpas yongs su spang bar bya ba ni bzlog par bya'o/ /ji ltar bzlog par bya zhes pa dang/ der gsungs pa/ chos la bdag med pa'i mtshan nyid la @097a rjes su gzhug ces so/ /gang zag la bdag med bar ni phyi'i don du smra ba'i nyan thos pa rnams gnas so/ /chos la bdag med pa ni zhi ba dang/ gtogs 'dod pa rang? rigs sngags 'dzin pa'i mthar smra? ba po rnams gnas so/ /de lnga ba gnyis las sems can rnams rig pas bzlog ste / sa dang sa'i rim par mtshams sbyor ba la gnas par bya ba ni 'dzungs? ba la sogs pa'i nyes pa spong du bcug ste rab tu dga' ba la sogs pa'i sar rims kyis dgong par bya'o/ /de la rim zhes bya ba ni 'dzungs pa'i gnyen por sbyin pa dang / ngang tshul ngan pa'i gnyen bor tshul khrims dang/ ngan du smra ba la sogs pa khro ba'i gnyen por ji mi snyam zhes bzod pa dang /le lo'i gnyen por brtson 'grus dang /mnyam bar mi 'jog pa'i gnyen por bsam gtan dang/ ma rig pa'i gnyen por shes rab dang / thabs med pa'i gnyen por shes rab kyis thabs la mkhas ba dang /smon ba med pa'i gnyen por bzad po spyod pa'i smon lam dang /rnal 'byor gyi lam gyi stobs chung ba'i gnyen por stobs dang /nyon mongs pa dang/ nyon mongs pa med pa'i mi shes pa thams cad kyi gnyen por ye shes te / sa bcu'i rim gyis mtshams sbyor ba'i khyad bar bsod nams dang ye shes kyi tshogs la 'god par bya zhing sbyin pa la sogs pa pha rol tu phyin pa bcu'i tshogs rnams kyis sangs rgyas su dgod par bya'o/ /rtag pa bsam gyis mi khyab ces bya ba la sogs pa la /rtag pa ni rgyun rtag ba'i phyir ro/ /mi rtag pa ni skad cig ma'i phyir ro/ /bsam gyis mi khyab ba ni bsam mi nus pa'o/ /mu stegs byed pa rnams rgyu rnams la rtag pa dang/ bsam gyis mi khyab par smra'o zhes pa glengs pa'o/ /lha chen po dang/ gtogs 'dod dang /tshangs pa dang/ bdag dang /rdul phra mo la sogs pa ni gnas kyi dkyil 'khor gyi dngos po rnams kyi rgyu rtag pa dang /bsam gyis mi khyab pas nus so zhes mi gnyis @ 097b bar smra ba rnams rtog ba dang / rgyu rnams kyis rgyu ma rig pa'i mthu bsam gyis mi khyab po zhes mi gnyis par smra ba rnams kyang smra'o/ /gnyis par smra ba rnams kyang rdul gnyis pa la sogs pa'i rims kyis rdul phra mo rnams la yan lag med kyang/ yan lag dang bcas pa'i rdzas rtsom par byed ces de skad du glengs pa der thams cad mkhyen pas spong bar gsungs pa/ mu stegs byed pa rnams rgyu ni rtag pa dang /bsam gyis mi khyab pa nyid thob bar mi 'gyur ro zhes so/ /de'i rgyu gsungs pa/ de ci'i zhe na zhes pa'o/ /rgyu'i rang gi mtshan nyid dang ldan pa ma yin te zhes bya ba ni de'i rgyu'i rang gi mtshan nyid dang ldan pa ma yin te /rtag pa la rgyu med pas na ri bong gi rwa ltar dngos med pa'o zhes so/ /thams cad mkhyen pas tshad ma'i don nyid du gsungs pa/ blo gros chen po gang gi rtag pa dang/ bsam gyis mi khyab pa de rgyu'i rang gi mtshan nyid dang mi ldan pa ni rtag pa bsam gyis mi khyab pa ri bong gir ltar ma skyes pas na rang bzhin med pa'i phyir rang bzhin gang gis mngon par bya/ byed pa po 'chang shes par byed ba mngon par byed pa'i rgyu gang gis rjes su dpag par bya/ ma skyes ba ni dngos po med pas na rtag ba dang/ bsam gyis mi khyab pa'o zhes rtag pa dang bsam gyis mi khyad par smra bar mi rung ngo/ /de ste rgyu'i rang gi mtshan nyid ni rag lus pa'o zhes brgya la mu stegs byed bas khas len na de'i tshod las gzhan pa'i byas pa can bzhin du mi rtag par 'gyur ro/ /da'i zhes bya ba la sogs pas ni rang gi phyogs kyi khyad par gsungs pa'o/ /rtag pa ni rgyun rtag pa'i phyir ro/ /gtan bsam med pa de ni bsam gyis mi byed ba ste / don dam pa'i bden pa gnyis su med pa yang dag par rig pa de ni rtag pa bsam gyis mi khyab pas te/ dbang po'i shes pa 'jug pa yang dag par shes pa bzhin no/ /don dam pa'i rgyu'i mtshan nyid dang ldan pa ni mi gnyis bar yang dag par rig pa'i mtshan nyid pas na mi gnyis par yang dag par rig pa'i mtshan nyid kyi dngos po'i mtshan nyid kyi dngos po'o/ /dngos po dang dngos po med pa dang bral ba ni yong pa dang med pa'i rnam bar rtog pa med pa'o/ /'phags pa so so rang gis rig pa'i mtshan nyid kyi phyir zhes bya ba ni yang dag par rig pa rang bzhin gnyis su med pa'i phyir yongs su grub par dgongs pa yin gyi gzhan gyi dbang po dngos po dang dngos po med pa dang bral zhing gnyis su med pa sgyu ma la sogs pa'i rang bzhin ni ma yin no/ /chud pa'i rang bzhin ni yang dag par rig pa'i dngos po nyid bas na mtshan nyid do/ /des na mtshan nyid dang ldan pa'o/ /yang na mtshan dang ldan pa med pa des na rnam pa gnyis dang ma bral bas na mtshan nyid dang ldan pa ma yin te/ mngon par brjod par bya'o/ /mu stegs byed brtag pa smra ba ma gtogs pa'i skad cig ma'i rgyun gsungs pa /rgyu dang ldan pa'i yin gyi /rgyu med ba las byung ba ni ma yin no zhes so/ /ji ltar na yang mi gnyis pa'i ye shes kyi rgyu don dam pa'i ye shes pa dang gsungs pa yod pa dang bral bas ma zhes so/ /don dam pa ma yin pa'i gzhan gyi dbang ni yong ba dang med pa gnyis kyi rnam pa yin te /de las 'das pa'i yongs su grub pa dngos po dang dngos bo med pa dang bral ba thams cad du khyab pa brjod du med pa ste/ de bzhin gshegs pa byung yang rung ma byung yang rung ste /chud pa'i rgyun gyi chos nyid de ni ye nas gnas pa yin te/ dbang po la sogs pas ma byas pas nu ma byas pa dang /'dus ma byas las ma nam mkha' i chos su brtog go / de bzhin nyid ces bya ba ni mi gnyis pa'i chos nyid do/ /dngos po mi rtag pa'i mtshan nyid kyi rgyu las gyur ba'i phyir zhes bya ba la sogs pa ni mi rtog pa'i dngos po rnams kyi mtshan nyid kyi rang bzhin 'byung ba'i rgyu yod de / des na de dag mi rtag pa'o/ /rgyu dang ldan pa ma yin bar yod pa ni rtag pa ste zhes pa ni rtag pa'i rgyu de la med de/ des na bdag gis byas pa'i rgyu'i mtshan nyid kyis rab tu phye ba'i rtag pa ma yin no/ /de dag gi rgyu med do zhes don 'di 'byung ste/ de rgyu ma phye bas na rtag go zhes mo gsham gyi bu la sogs pa bzhin du brtags pa 'ba' zhig tu zad do/ /rgyu dang bral ba rnams ni ma skyes pas na ri bong gi rwa bzhin du med pa nyid do/ /mu stegs byed pa rnams rtag pa dang /bsam gyis mi khyab pa rtog pa ni dus thams cad du gnas pas na rtag pa bsam pa dang bral ba'i phyir bsam gyis mi khyab pa ste / mi gnyis pa rnam par mi rtog pa dang /snang ba thams cad dang bral ba'i phyir shes pa ni de lta bur yang grol ba la sogs pa gcig pa'i skyon du 'gyur ro/ /tshad ma snga ma'i don nyid zhib tu gsungs pa/ blo gros chen po de ste zhes bya ba la sogs pa ste/ byas pa'i dngos po med pas rtag pa nyid du mthong nas rjes su dpag pa'i tshad ma'i blos ma byas pa ni rtag bar 'gyur zhes de ltar na ni de'i yang rgyu nyid kyi ste ma byas pas byas pa'i dngos po rnams 'jig pa'i mtshan nyid du med pas rtag par mthong nas rgyu mad par bstan pa'i phyir rtag pa ste / mo gsham gyi bu la sogs pa bzhin dngos po med pa nyid de de lta bas na 'phags pa'i lhas don de nyid smras pa/ rten 'brel 'byung yod med pa ni/ /nams kyang su zhig gang du yang/ /cung zad yod pa ma yin te/ /des na de ni rtag pa'o/ /rgyu med pa ni dngos po med/ /rgyu ldan pa yang rtag pa min/ /des na rgyu med grub pa med/ /yang dag rig pas grub med gsungs/ /de ste rgyu dang mtshan nyid dang ldan pa zhig yin na ni zhes bya ba ni gal te rtag pa dang bsam gyis mi khyab pa bsgrub pa'i rgyu zhig yod na ni de'i tshe rung ngo zhes de ni thams cad mkhyen pas dgongs pa'o/ /rtag pa dang bsam gyis mi khyab pa bsgrub pa'i rgyu gang yang med pas na de'i phyir nye bar bsdu bar mdzad pa /rgyu'i rang gi mtshan nyid kyi dngos po med pas zhes te/ gang gis sgrub par byed pa de'i dngos po med pas na de med pa'i phyir de ma skyes pas ri bong gi ra ltar dngos po med do zhes tshad ma'i don to/ /rgyun gyi rtag pa'i dbang gsungs pa/ /na yi zhes bya ba la sogs pa la/ byas ba'i dngos po dang dngos po med par rnam par spangs pas na zhes bya ba ni dem byas ba'i phyir se gol gyi sgra la sogs pa'i mtshan nyid kyi skad cig pa de ma thag tu mtshams mi sbyor ba ni mtshan nyid tha dad ba'i phyir ro/ /rgyu dam skad cig ma 'dra ba rnam par mi chad pas na sems kyi rgyud rtag go zhes skad cig ma 'jig par rnam par dgongs pa'i don to/ /mi gnyis par smra ba rnams kyi phyi rol gyi dngos po med pas rtag por rjes su dpag pa rigs pa ma yin te /'gyur ba'i grogs byas pas na mi rtag pa yin la /ma byas pa'i phyir mi gnyis pa rtog go zhes pa phyogs de la rgyu med bas na ri bong gi rwa bzhin du med pa kho na ste/ de bas na phyi rol gyi dngos po med pas rtag pa rjes su dpag pa'i phyir rtag pa ma yin no/ /smra ba bo gang yang phyi rol med pa'i phyir rtag pa la rjes su dpog pas dngos po rnams rtag pas na rtag pa dang bsam du med pa ste zhes smra ba de rtag pa dang/ bsam du med pa de'i rgyu'i rang gi mtshan nyid mi shes te /rmi lam dang mig 'phrul gyi mtshan nyid kyi dbang por gyur pa de med pas de med do zhes par rgyu med pa'i phyir dngos po rnams kyi rang bzhin med bar ma shes so zhes dgongs pa'i don to/ /gtam byar yang mi rung ngo zhes pa ni smra bar mi bya ba'o/ /phyi rol gyi dngos po rtag pas rtag par rjes su dpag go zhes gang nas de skad du 'byung ba der yang gnyis par smra ba rnams kyi rdul phra mo rnams la rtag ba'i rgyu med pas na ri bong gi rwa ltar dngos po med ces so/ /tshad mas khyab pa'i tshul spyir gsungs pas gnyis pa dang mi gnyis par smra ba rnams kyi rjes su dpag ba thams cad mkhyen pas sun dbyung ba'i phyir mi gnyis par smra ba rnams kyi rtag pa'i rjes su dpag pa ji lta bur mi rung ba ni dpyad pa'o/ /gnyis bar smra ba rnams kyis dpyad par bya ste/ phyi rol gyi dngos po rtag pas rjes su dpag pa ni rdul phra mo rnams rtag ba dang/ bsam gyis mi khyab pa zhes de ji lta zhe na yan lag can gyi cha'i dngos po med pas so/ /phyi rol gyi yan lag can gyi thams cad yan lag gi cha dang bral na dngos po med pa ste/ des na mdza' i rdul rnams rtag pa yin pas na rjes su dpag gi / ji ltar snang bar byed bas smras pa /bong pa rnam ba'i char phye ba na 'jam pa dang/ cher 'jam pa la sogs par khyad par du cha rnams su gzung ba gang de las yang ba med ba ni rdul zhes bya'o zhes pa'i rtag par smra ba po'i mu stegs can rtag par smra ba po rnams khong du mi chung ba rnams kyi rtag pa rjes su dpag pa thams cad mkhyen bas mi 'thad par rgyu med par bstan pa la sogs pa spyir sngar bshad pa bzhin no/ /'khor ba'i sdug bsngal rnam par rtog pa'i 'jigs pas skrag pa dag ces bya ba la sogs pa ni phyi rol gyi don du 'khrul nas gzugs la sogs pa'i phung po mi rtag pa dang / sdug bsngal ba lnga sogs bas shin tu skrag nas mya ngan las 'da' ba tshod bar byed de/ rnam par rtog pa gnyis med pa'i don dam pa'i bden pa yang dag par rig pa'i mya ngan las 'das pa mi shes so so? phyi'i don la mngon par zhen pas theg ba gsum du rtog par byed ces bya ba ni bsdus ba'i don to/ /khyad par mi shes pa zhes bya ba ni rang bzhin bden par mngon par mi shes pas dngos po la rnam par rtog pa thams cad med pa dang /dbang po rnams kyi yul ma 'ongs pa'i rgyun bcad pas srid pa dang longs spyod la skyo ba'i phyir 'gog pa'i dbyings kyi mya ngan las 'das pa mngon sum du 'byed pa'o/ /ji ltar 'di nyid du gsungs pa /ting 'dzin dregs pas myos pa ni/ /de dag zag med dbyings su gnas so/ /so so rang gis rig pa zhes bya ba la sogs pa ni chud ba'i rang bzhin lus dang longs spyod dang /gnas su snang ba'i kun gzhi rnam bar shes pa'i gnas 'phos pa'i mtshan nyid mi gnyis par yang dag par rig pa'i mya ngan las 'das pa rnams gnyis kyi phyin ci log gi rnam bar rtog pa spangs pa las 'gyur ba ni mi shes so/ /mya ngan las 'das pa zhes bya ba ni sems can nyid du snang ba med ba ni mya ngan las 'da' ba zhes bya'o/ /ji ltar bdun brgya ba las 'byung ba/ 'di nyid mya ngan las 'das pa ste gang zhe na/ sems ba med pa nyid do zhes te /de ltar smra ba por mi 'gyur ro/ /rang gi sems snang ba'i spyod yul mngon bar mi shes pa ste zhes bya ba ni gnyis kyi rnam par sems mi shes pa'o/ /phyi rol gyi snang ba sems kyi spyod yul du mngon bar zhen pa zhes bya ba ni gzung ba'i cha la phyi rol gyi bar rtog par byed de/ de dag kyang 'khrul pas na 'khor bar rab tu 'khor ro/ /gzhan yang chos thams cad ma skyes bar ston to zhes bya ba la sogs pa ni gzhan gyi dbang gi skye ba'i rang bzhin med pa gsung ngo/ de'i rgyu gsungs pa/ rang gi sems snang ba'i dngos po med pa dang zhes pa ste /rmi lam dang /mig 'khrul dang/ rab rib la sogs pa'i rang bzhin bzhin no/ /ji ltar na ma skyes zhes pa dang/ rig pa gzhan gsungs pa/ med pa las skye ba med pa'i phyir ro zhes so/ /yod pa na dngos por yod pa'i phyir kyi ba med do/ /med pa yang skyed mi nus ba'i phyir ro/ /dngos bo dang dngos po med pa la byed pa po dang/ las dang/ byed pa mngon par 'brel ba med de/ ji ltar dbu ma las 'byung ba/ /yod dang med pa'i don la ni/ /rkyen rnams yod pa ma yin te/ /med na rkyen ni su yi yin/ /yod pa rkyen gyis ci zhig bya/ /byis pa so so'i skye bo rnams kyis yang dag pa ma yin bar? so sor brtags pa'i rang bzhin du rnam bar brtags ba'i phyir zhes bya ba ni byis pa so so'i skye bo rnams kyis yang dag pa ma yin pa'i phyi rol gyi don yongs su rtog par byed do/ /rnam pa de lta bu'i rang bzhin la yang rtag pa dang/ mdzes pa dang/ gtsang ba la sogs par byis pa so so'i skye bo rnams kyis yang dag ba ma yin bar kun tu brtags ba ste/ yang dag pa ma yin pa kun tu brtags pa'i rang bzhin rnam par brtags pa gang la yod pa de la de skad ces bya'o/ /don dam pa'i rten cing 'brel te 'byung pa grub pa mi gnyis pa yang dag par gsungs pa / 'phags pa so so rang gis rig pa'i ye shes kyi spyod yul te zhes bya ba la sogs pa ni brtags pa dang /gzhan gyi dbang gi gnyis kyi rnam pa'i dngos po thams cad kyi rang bzhin med pa ni don dam pa'i bden pa mi gnyis par yang dag par rig pa'i rang bzhin te/ de nyid gnyis su med pa'i rang bzhin gyi mtshan nyid skye ba'o/ /mtshan nyid ni de nyid skye ba grub pa'i mtshan ma ste /rtogs par byed pa'o/ /de nyid dngos po yin pas na gzhan dag ri bong gi rwa la sogs pa bzhin rtsom skye ba ste/ gnyis kyi rnam pa'i rnams shes rab kyis dpyad pa na rten cing 'brel bar 'byung ba ni mi rung ngo/ /de'i 'og tu 'byung zhes bya ba yang rang bzhin med pas na rten cing 'brel te 'byung ba ma yin no/ /byis pa rnams la rang bzhin gyi 'khrul pa yod pas na byis pas rang bzhin du rnam par brtags pas mi gnyis pa'i rang bzhin spyod yul du mi 'gyur ro/ /de don dam pa'i bden pa mi gnyis par chung pa'i rang bzhin gzung ba dang 'dzin pa'i yul ma yin zhes bya ba'i bar du'o/ /lus@101a dang longs spyod dang/ gnas su snang ba'i kun gzhi rnam par shes pa skyes ba dang/ gnas pa dang/ 'jig pa'i lta bar lhung pa'i bsam pa zhes bya ba de la byis pa rnams 'dzin pa dang gzung ba gnyis la mngon par zhen pas rab rib can rnam ba gnyis su 'khrul ba bzhin du skye ba dang/ gnas pa dang/ 'jig pa rnams rtog go /don dam par ni rmi lam dang /mig 'phrul la sogs pa bzhin du gzhan gyi dbang gi 'khrul ba'i rnam pa rnams la skye ba dang/ gnas pa dang/ 'jig pa med do/ /mtshan nyid yongs su 'dris par bya ba la sogs ba ni spyi dang khyad bar gyi mtshan nyid rab tu rtogs bar de'i shes pa 'dzug go /de la spyi'i mtshan nyid ni mi rtag ba dang /bdag med pa dang/ sdug bsngal ba la sogs pa'o/ /khyad par gyi mtshan nyid ni brten pa la sogs pa'i las dang/ sra ba dang/ rlan pa dang /dro ba dang/ g.yo bar grub pa'o/ /yang 'byed pa'i mtshan nyid la /gzugs ni dbang po lnga dang don/ lnga dang rig byed ma yin gzugs/ /rnam gnyis rnam pa nyi shu sgra/ /brgyad dang ro ni rnam pa drug /dri ni rnam pa bzhi dang reg /bcu gcig gi bdag nyid ces bya ba la sogs pa'o/ /rten cing 'brel te 'byung bar 'jug pa ni mngon par 'du byed ba dang/ nan tan bya ba'i bar du'o/ /'jug ba des rten cing 'brel te 'byung ba bza' mo mi gnyis pa'i mtshan nyid la nan tan mi byed pa'o/ /nyan thos kyi theg ba mngon par rtogs pa'i lta bas zhes bya ba ni bdag gi don du lta bas 'phags ba'i bden pa bzhi khong du chung bar bya ba'i phyir gzhan gyi dbang gi rnam pa nyid la mi rtag ba dang / sdug bsngal ba dang /bdag med ba dang /stong pa la sogs pa'i rnam pas 'dod chags dang bral nas kun nas ldang ba'i nyon @ 101b mongs pa dang/ nyon mongs pa'i bag chags kyi nyon mongs pa rnams spangs pa'i phyir ro/ /bsam gyis mi khyab pa'i 'pho ba dang ldan pa ni bsam gyis mi khyab pa'i ting nge 'dzin dang ldan pa ste/ sems pa med ces pa'i par du'o/ /ji ltar 'dir gsungs de dag ting 'dzin myos bas myos/ /zag ba med pa'i dbyings na 'khor ces pa'o/ /ji ltar bdun brgya ba las 'byung ba /'di nyid mya ngan las 'das pa ste /gang zhe na /bsam pa med ces pa'o/ /sems pa med pa'i ting nge 'dzin de las langs ? ge'i sgra sgrogs ba ni bdag gi skye ba zad do zhes bya ba la sogs pa'o/ /byang chub sems dpa' rnams kyi de bzhin du sa lnga dang /sa drug tu nyon mongs pa spangs bar gyur kyang mya ngan las 'das pa'i 'du shes med do/ /gang zag la bdag med pa yongs su dris nas yongs su shes nas skad cig mar 'jig pa yongs su shes pa'i phyir 'phags pa'i nyan thos rnam phung por snang ba rnams la skyo bar 'gyur ro/ /byang chub sems dpa' rnams ni chos dang gang zag la bdag med ba yongs su she nas rmi lam dang mig 'phrul la sogs pa'i rang bzhin pa'i 'khor ba las skrag bar 'gyur ba med cing snying rjes de dag 'jug go / blo gros chen po gzhan dag ni bdag dang zhes bya ba la sogs pa yongs su shes bas mya ngan las 'das pa tshol zhing gang dag skad cig par 'jig par khong du chud par mi byed pa rnams so/ /gzhan dag ni zhes bya ba la sogs pa rgyu las sdug bsngal 'byung bar shes nas mya ngan las 'das pa'i blo can du gyur pa ni phyi rol gyi 'dod chags dang bral ba grangs can la sogs pa la chos la bdag med pa mthong ba med cing phyi rol gyi don du lta bas thar pa med de / log ba'i shes pa spong ba'i bdag med pa gnyis yongs su shes pas thar par 'gyur na de ni de dag la med do/ /ji srid du log pa'i shes pa yod pa de srid du ma rig ba spong ba med de/ 'khor ba yang ma rig pa las 'gyur?/ yang dag bar shes pa las mya ngan las 'das pa'o zhes thams cad mkhyen pas dgongs pa'o/ /mu stegs can rnams ni 'byung ba ma yin ba la 'byung bar 'du shes pa ste / lta ba ngan pas rtag pa dang /bdag dang /tshangs pa dang/ dbang po dang/ gtso bo dang/ dus dang /'byung ba dang/ rdul phra mo la sogs pa rgyur smra ba'i rnams rtag par tshangs pa dang/ dbang po la sogs pas snang ba dang/ mchod sbyin dang /zhugs pa dang/ khrus dang bkra shis ma yin pa dang/ glu dang/ gar dang /rin po che dang /rtsa ba 'chang ba dang /sbyor bo dang dri ma 'chang ba dang/ grang ba dang /dro ba dang/ nyi mas gdungs pa dang / skra 'bral pa dang /tsher ma la 'dre ba dang/ kha 'tsho ba la sogs pa bsam gtan gyi bar chad byed cing 'khrul pa dang mnyam par 'jog pa ma yin pa'i sems kyis thar pa ma yin pa thar par 'du shes pa'o/ /'du 'dzi? med pa'i rkyen ni bden ba'i dngos po la mngon par gnas te rang sangs rgyas kyi mngon par shes pa skyed par byed do/ /rang rang gi lus kyi rdzu 'phrul sna tshogs rnam pa sna tshogs rnam pa mang po ni nam mkhar 'phags pa la sogs pa'o/ /zung gi cho 'phrul ni 'bar ba dang char pa 'bebs pa la sogs pa ste /rnam pa de lta bu'i cho 'phrul chen po bshad pa na dga' bar 'gyur ro/ /de la de bzhin gshegs pa'i theg ba mngon par rtogs pa la sogs pa ni phung po la sogs pa'i rang bzhin med par shes pa ste/ thos pa dang sems pa'i shes rab kyis dpyad de/ khong du chud bar byed ba'i phyir ro/ /bsgom pa'i shes rab kyis bdag nyid rab tu snang ba don dam pa'i bden ba mi gnyis ba chud pa'i mtshan nyid mngon par byed do/ /sangs rgyas kyi zhing zhes bya ba la sogs pa ni snang ba dang bcas pa'i ting nge 'dzin mtshan nyid chen po dang ldan par brtag go /gsum po 'di dag las gang bstan kyang rung ste zhes bya ba ni gzhan gyi dbang snang ba dang bcas pa dang snang ba med cing bsam ba med pa'i don dam pa'i bden ba mi gnyis par yang dag par rig pa'i yongs su grub pa dang / phyi rol gyi rnam par rtog pa'i gnas sangs rgyas kyi zhing gi bkod pa la sogs pa bstan kyang rung ste/ mi skrag go /theg ba gsum la ma nges pa'i rig pa ni gang la dga' ba de la rjes su sbyar bar ro/ /yongs su sbyar ba'i sa zhes bya ba ni 'jug pa'i rim gyis gang rigs su rnam par bzhag pa'i ngal bya'o/ /mna' rim gyi 'jug ba'i gtan tshigs pa'i rgyud ni/ mya ngan las 'das pa ngas smras zhes pa'o/ /'di ltar dam pa'i chos puN+Da ri ka las 'byung ba de ltar yang mi rtag pa dang /sdug bsngal ba dang /mi mdzes ba la sogs pa'i rnal 'byor gyis 'dod chags dang bral ba gang zag la bdag med par zhugs pa'i rnams chos bdag med par gzung bar bya'o zhes bya'o/ /snang ba med pa'i sa la 'jug pa'i phyir thog mar snang ba dang bcas par rnam par dgod par bya'o zhes dgongs bar brtag go /de bzhin du yang bsgrub par mdzad pa so so yang rang gi kun gzhi zhes bya ba la sogs ba ste/ lus dang longs spyod dang / gnas su snang ba'i kun gzhi rnam par shes pa ni rnam bar 'khrul ba'i bag chags yongs su smin pa'i stobs las 'gyur te /de'i rang gnyon mongs pa'i bag chags dang bral nas chos la bdag med ba mi gnyis pa'i chung ba mthong ba'i phyir stong ba nyid dang mtshan ma med pa dang/ smon ba med bar rnam par thar pa'i sgo'i ting nge 'dzin gyi bden pa bdag gi don du thob nas snying rje'i sa bon rab tu sangs pa yang gzhan gyi don du rgyal pa'i sku chos kyi sku nyid thob par 'gyur ro nyan thos rnams kyi ni phyi rol gyi nyid bslad ba'i 'bras bu'o/ /byis pa rnams la theg pa gsum dang/ theg pa gcig dang /theg ba med par gsungs pa'i 'phags pa rnams la theg pa gsum bden pa ste /gnyis su med pa'i chos nyid du nga smra ste zhes bya bar sbyar ro/ /de'i rgyur gsungs pa /dam pa'i don gyi sgo mo la sogs pa ni sems tsam don dam pa'i bden pa mi gnyis par yang dag par rig pa la dngos po dang dngos bo med par rnam bar rtog pa'i bsam gtan la sogs pa de dag thamS cad med do/ /sems can thams cad la ni de bzhin gshegs pa'i snying po yod pas ni byang chub tu sems bskyed pa rnams kyis de dag thams cad sangs rgyas su dgod par bya'o/ /dus kyi rim pa la bltos te /rigs dang rigs med par rnam par bzhag pa yin te / ji ltar ting nge 'dzin gyi rgyal po las 'byung ba/ 'gro ba 'di kun sangs rgyas 'gyur/ /snod min sems can gang yang med/ ces pa'o/ /'dod chen pa rnams thar par 'gyur kyang/ de dag thar bar mi 'gyur te /log pa'i shes pas mngon pa'i nga rgyal can dam pa'i chos spong bas dge ba'i rtsa ba thams cad spong ba'i phyir ro/ /gnyis po ni sems can gyi don du smon lam btab pas na btsun gtso'i byang chub sems dpa' rnams thar ba mi 'chad do/ /shin tu mya ngan las mi 'da' ba zhes bya ba la sogs pa ni chos thams cad thog ma nas mya ngan las 'das par shes rab kyis shes nas de'i don dam pa'i bden pa mi gnyis par yang dag par rig pa yongs su mya ngan las 'das pa yin gyi / nyan thos ltar yongs su mya ngan las mi 'da' o/ /ma yin zhes bya ba ni nyan thos 'dod chen pa ste /ji skad ces smras ba yin zhe na/ de bzhin gshegs pa'i byin gyis brlabs kyis dge ba che nas nam zhig ngo? mya ngan las 'das par 'gyur ro/ /rang bzhin byi mtshan nyid gsum zhes bya ba la sogs ba ni brtags pa dang / gzhan gyi dbang dang /yongs su grub ba'i mtshan nyid gsum la mkhas bar bya'o/ /de dag ji lta bur 'byung ba de ltar ston te/ kun tu brtags pa'i rang bzhin ni mtshan ma las 'byung te zhes pa sngon po dang ser po la sogs pa'i mtshan ma las 'byung ngo/ /gzhan gyi dbang mtshan ma yin bar bsgrub par mdzad pa de la zhes bya ba la sogs pa'o/ /gzhan gyi dbang gi rang bzhin ci 'dra ba zhig ces pa dang gsungs pa/ dngos po'i mtshan mi mtshan nyid lta bu'o/ /dngos por so sor snang ba na gzugs la sogs pa'i mtshan ma'i mtshan nyid dang /dma' ba dang mtho ba la sogs pa dang /dge ba dang mi dge ba la sogs bar ? de ltar rnam ba de lta bu na gzhan gyi dbang gi rang bzhin zhes bya'o/ /blo gros chen bo de la dngos po'i mtshan ma'i mtshan nyid la mngon bar zhen pa ni zhes bya ba la sogs pa la/ ji lar rnam pa gnyis zhes ba dang /de nyid gsungs pa ming la mngo par zhen pa'i mtshan nyid dang /dngos po'i mtshan ma la mngon bar zhen pa'i mtshan nyid kyis so// de la dngos po'i mtshan ma la mngon par zhen pa'i mtshan nyid ni nang dang phyi'i chos la mngon par zhen ba'o/ /ming la mngon par zhen pa'i mtshan nyid ni nang dang phyi rol gyi skye mchod de dag nyid la ste/ rang dang spyi'i khyad bar gyi mtshan nyid du rnam par rtog pa'o/ /rang gi mtshan nyid ni sra ba dang /rlan pa dang /dra ba la sogs pa'o/ /spyi'i mtshan nyid ni mi rtag pa dang/ bdag med pa la sogs pa'o/ /yongs su grub pa'i rang bzhin ni zhes bya ba la sogs ba la /mtshan ma dang ming gi dngos po'i mtshan nyid rnam par rtog pa dang bral ba ni grub pa'i de bzhin nyid do/ /mtshan ma ni 'jug pa'i mtshan ma ste /rigs dang/ yon tan dang /byed pa'i mtshan nyid do/ /dngos po mtshan nyid dang mi 'jug ste/ de bzhin du rnam bar rtog pa lam yang ba dkar mo 'gro bo zhes sgra brjod de / nu ma dang /skra dang ldan pa ni bung med ces ba dang/ khro ser skya zhes bya ba la sogs pa ste/ rnam ba de lta bur 'jug pa'i mtshan ma'i dngos po dang ming du rnam bar rtog ba dang bral ba ni de bzhin nyid ces bya'o/ /byed pa bo dang/ las dang /byed ba dang /rjod pa dang/ brjod pa dang /'dzin pa dang/ gzung ba dang/ yod pa dang/ med pa'i rnam bar rtog pa thams cad dang bral ba de bzhin du mtshan ma med pa dang /snang ba med pa dang /don dam pa'i bden pa mi gnyis par yang dag par rig pa'i rang bzhin ni de bzhin nyid yin no/ /ming dang mtshan ma dang /kun tu rtog pa ni brtags pa dang/ gzhan gyi dbang gi rang bzhin gnyis kyi mtshan nyid du gtogs so/ /yang dag pa'i ye shes dang de bzhin pa nyid dag ni grub par gtogs so/ /sdug bsngal dang /kun 'byung gi bden pa ni ming dang /mtshan ma dang /rnam par rtog pa gsum du rtogs so/ /bam dang 'gog pa'i bden pa ni yang dag pa'i ye shes dang de bzhin da nyid do// slob dpon bsu band+d+hus? dbus mdza' rnam par 'byed pa ni theg ba chen po'i tshul kun rdzob dang don dam par bsdus so/ /bdag cag gis ni chos lnga bsdu ba la yang dag pa'i ye shes dang /de bzhin pa nyid do/ /rim pa'i khyad par du ste /ji ltar shes rab kyi pha rol tu phyin pa dang / dgongs pa nges par 'grel pa las nyan thos rnams kyi lam gyi rnam par shes pa dang/ byang chub sems dpa' rnams kyis thams cad mkhyen pa nyid dar? la phra mo'i sgrib pas g.yogs pa lta bu dang /sangs rgyas bcom ldan 'das rnams kyis rnam pa thams cad mkhyen pa la sgrib med bar bshad ba ste/ de na snang ba dang bcas pa dang/ snang ba med pa'i ting nge 'dzin du 'byed pa'i khyad par gnyis kyis yang dag pa'i ye shes dang de bzhin pa nyid bye brag tu dbye'o zhes dam pa'i chos rgyas pa'i don du thams cad mkhyen pas dgongs par brtag go / gzhan yang blo gros chen po byang chub sems dpa' sems dpa' chen pos bdag med pa gnyis kyi mtshan nyid shes pa rab tu dbye ba la mkhas par bya'o zhes bya ba la sogs pa la bdag dang bdag gi med pa zhes bya ba ni bdag rtag par mi rung ste/ rtag pa ma skyes pas na ri bong gi rwa ltar dngos por med do/ /rtag pa la ni rim dang cig car don byed par 'gal te /rim gyis ji ltar na byed bltos pa'i rgyu med pas na gzhan gyi khyad par du bya ba med pa'i phyir ro/ /cig char yang don byed bar mi rigs te /thad cig tu byas pa dus gsum du bya ba mi dmigs pa'i phyir ro/ /cig car du byas na yang dus gzhan du byed pa med par gnas par mi rung ste/ de bzhin du yang dus kyi rim par dbye ba na shing dang thal ba la sogs pa bzhin du mi rtag bar 'gyur ro/ /skra dang rtswa la sogs pa bcad nas phyir skyes pa la yang so sor bshes pa'i don rab tu 'jug ste /des na so sor bshes pas rtag bsgrub bar mi rigs so/ /gang yod bde thams cad ni skad cig pa ste/ se gol gyi sgra dang /glog dang /me lce dang /chu'i rgyun 'brel pa dang /rgyun chad med pa la sogs pa bzhin no/ /des na mi rtag pa dang/ sdug bsngal ba dang /mi mdzes par bsgoms pas 'dod chags la sogs pa nyon mongs pa rnams spangs te 'khor ba'i sdug bsngal yongs su zad par 'gyur ro/ /rtag pa dang/ bde ba dang/ las dang/ gtsang bar phyin ci log pa'i mtshan nyid ni log pa'i shes pa ste/ 'khor ba'i sdug bsngal sbyor ro// de ni 'phags pa'i bden pa bzhi bsgom pas spong ste/ sdug bsngal yongs su shes par bya ba dang /kun 'byung spang bar bya ba dang/ 'gog ba mngon du bya ba dang/ lam bsgom par bya'o/ /de la sdug bsngal ni 'khor ba'i phung po rnams te /gzugs@105a kyi phung po dang/ tshor ba'i phung po dang/ 'du shes kyi phung po dang/ 'du byed kyi phung po dang /rnam par shes pa'i phung po'o/ /de la gzugs kyi phung po ni mig la sogs pa'i rnam par shes pa lnga rnams kyi yul gang yin pa'o/ /tshor ba'i phung po ni bde ba dang/ sdug bsngal dang/ bde ba yang ma yin/ sdug bsngal yang ma yin par tshor ba ste/ de 'dus pa ni phung po'o/ /'du shes ni yul la mtshan mar 'dzin pa'i rang bzhin te/ bud med dang/ skyes pa dang/ bum pa dang/ snam bu la sogs par 'du shes so/ /bum pa'i 'du shes kyang mig la sogs pa'i shes pa thog mar byas pa las 'byung ste/ 'dus pa las phung por gdags so/ /tshor ba dang 'du shes ma gtogs par sems las byung ba'i chos thams cad ni 'du byed kyi phung po ste/ de la kun tu 'phro ba tsher ba dang/ 'du shes dang/ 'dod ba dang/ reg pa dang/ blo gros dang/ dran pa dang/ yid la byed pa dang/ mos pa dang/ ting nge 'dzin gyi sems ni kun la yod de/ zhib tu ni chos mngon pa las chud par bya'o/ /gang rnam par shes pa'i tshogs mang po yin pa ni rnam par shes pa'i phung por 'dus pa ste /nam gzugs la mi rtag pa dang/ bdag med pa dang/ sdug bsngal ba dang/ mi mdzes par shes pa de'i tshe gang zag la bdag med pa yongs su shes pas rtse mo nyi shur 'phags pa 'jig tshogs la lta ba'i ri ye shes rdo rjes bcom ste/ dgra bcom pa nyid mngon sum du byed do/ /thams cad mkhyen pa'i ye shes rtogs par bya ba'i phyir chos dang gang zag la bdag med pa rab tu shes par byas te/ chos thams cad sgyu ma dang 'dra ba dang rmi lam dang 'dra ba dang/ mig yor dad 'dra bar yang dag par ji lta ba bzhin rab tu shes par bya'o zhes bya ba la sogs pa ste @ 105b lus dang longs spyod gnas snang ba/ /kun gzhi kun tu 'byung ba ste/ /rnam brgyad rnam dgu de bzhin du/ /rgya mtsho rlabs rnams bzhin du'o/ /phyi rol gyi don med par rang gi sems snang ba tsam zhig brgyal ba la sogs pa bzhin du snang don rmi lam gyi dus na gzugs la sogs pa'i yul dang/ mig la sogs pa'i rnam par shes pa med par rnam pa du ma'i rnam par shes pa snang ba bzhin du rnam pa sna tshogs kyi 'khrul ba 'ba' zhig gis btab pa'i rnam par shes pa gcig po nyid rnam pa du mar snang ngo/ /kun gzhi rnam par shes pa zhes bya ba thog ma med pa'i 'khor bas bdag dang gzhan gyi mthu dang/ dam pa dang dam pa ma yin pa'i bag chags bsgos pas mngon par snang zhing mgo 'khor ba dang brgyal ba la sogs pa bzhin du lus dang/ longs spyod dang gnas rnam pa sna tshogs mang po'i rnam par smin par 'gyur ba snang ba na yang byis pa so so'i skye bo rnams kyis snang bar 'jug pa khong du mi chud pas rtag pa dang/ bdag dang phyi rol gyi gzugs su yongs su rtog par byed do/ /gang gi tshe shes rab kyis dpyad de/ shes par bya ba sbom po dang phra mo rnam par gzhig ste mi dmigs pa de'i tshe chos dang gang zag la bdag med pa yongs su shes pas bsam pa med cing snang ba med pa don dam pa'i bden pa dngos po med par rnam par mi rtog go / gnyis su med par chud pa'i btsun gtso'i sangs rgyas bcom ldan 'das su 'gyur ro/ /snying rje'i bag chags gyis bskul te mchog tu yongs su dag pa'i 'dod chags dang bral ba thams cad mkhyen cing gzugs rnam pa sna tshogs kyi rnal 'byor gyi dbang po rnams gzhan gyi don du sad par 'gyur pa de ni lan du mar bshad pa ma yin no/ /chos la bdag med pa de phyi'i don kun 'byung ba sbyor bar bya'o/ /gang zag la bdag med par yang skad cig tu 'jig par rab tu bsgrub par bya ba ste/ ji ltar 'phags ma shes rab kyi pha rol tu phyin pa las 'byung pa/ nang stong ba nyid dang phyi stong pa nyid/ phyi stong pa nyid/ phyi nang gi stong ba nyid ces bya ba la sogs pa ste/ phung por mi gnyis pa dang/ rnam par mi 'jig pa ma yin pa'i phyir te/ phyi rol gyi ni cung zad kyang phung por gnas pa med do/ /gang gi phyir zhe na/ yan lag dang bcas pa rnam par dbye ba na/ khang pa dang/ sde dang/ nags tshal la sogs pa bzhin du stong par 'gyur ba ni dam pa'i chos kyi 'grel pa langka 'di nyid du gsungs pa'i bshad pa de dang sbyar bar bya ste/ gzugs ni rdul phran gzhigs pa na/ /rdul phran cha ni med pa ste/ /ci zhig snang zhes pa la /phyi yi dngos po med par yang/ /sems ni rnam pa gnyis su snang zhes par ro/ /rnam par 'jig pa med pa'i phyir zhes bya ba ni rnam par mi 'jig pa'i rtag pa gang yang med de/ de ma skyes pas na mo gsham gyi bu dang/ ri bong gi rwa la sogs pa bzhin du dngos po med do/ /thams cad mkhyen pas dam pa'i chos kyi 'grel ba'i nyid du gsungs pa rgyu med bar byung ba su yang med do/ /zhes te chos la bdag med par sgrub par gsungs pa /blo gros chen po de la chos la bdag med par shes pa gang zhe na/ 'di lta ste/ phung po dang/ khams dang/ skye mched rnams kyis kun brtags pa'i mtshan nyid kyi rang bzhin rtogs pa dang zhes bya ba la sogs pa la kun brtags pa ni ji ltar phyi rol rdul phra mo las brtsams te/ yan lag can gyi rdzas dang/ yon tan dang/ las dang/ spyi dang/ khyad par la sogs pa de ltar med de/ ji ltar thams cad mkhyen pas gsungs pa ji bzhin du byis pa rnams kyis dngos por rnam par brtags pa de bzhin du med do zhes te/ phyogs kyi cha tha dad pas dbye ba na rdul phra mo nyid kyang med na de las brtsams pa'i yan lag gi rdzas sbom po lta ga la yod de/ mtshon gyis btsos ba dang/ ma btsos pa dang/ bsgul ba dang/ ma bskul ba dang/ bsgribs pa dang/ ma bsgribs pa la sogs pas tha dad par dbye ba na/ khang pa dang/ sde dang/ nags tshal la sogs pa bzhin du gcig par mi rigs na yon tan dang las la sogs pa yang de la gnas pa lta ga las na 'gyur/ phung po dag rang dang spyi'i mtshan nyid dang yang bral ba zhes bya ba ni phung po rnams 'byung ba bzhi las 'byung ba kun tu rtog go /spyi'i 'byung ba rnams kyi rig par bya ba'i mtshan nyid do/ /khyad par gyi mtshan nyid sra ba dang/ gsher ba dang/ dro ba dang/ g.yo ba'i rang bzhin no/ /de dag gi rang dang spyi'i mtshan nyid ni rmi lam dang/ mig 'phrul la sogs pa la yang so sor snang ste/ de'i phyir phung po rnams ni rang dang spyi'i mtshan nyid dang bral ba'o// rtag pa dang/ bdag dang/ bdag gir kun tu brtags pa'i mtshan nyid dang bral bas gzugs bdag med pa dang/ gzugs can bdag dang/ bdag gi gzugs dang/ bdag la gzugs zhes par kun tu mthod pa deng tshor ba la sogs pa'i phur por yang rtse mo nyi shur 'phags pa 'jig tshogs la lta ba'i ri ye shes rdo rjes bcom ste/ gang zag la bdag med pa khong du chud par 'gyur ro/ /btsun gtso'i byang chub sems dpa' ni byed pa dang/ byed pa po dang/ las dang bral zhing g.yo ba med pa'i phung po rnams la/ mi shes pa dang/ sred pa dang/ las kyi rgyu dang/ nye bar 'brel pa rnams snang ba'i mtshan nyid du shes so/ /blo gros chen po chos thams cad la sems dang/ yid dang/ yid kyi rnam par shes pa dang/ chos lnga dang/ rang bzhin dang bral bar rnam par sgom pa'i byang chub sems dpa' sems dpa' chen po ni chos la bdag med pa la mkhas pa yin no zhes bya ba la sogs pa ni rjes su mthun pa bzhin du bshad par byas te/ ji ltar 'dir gsungs pa/ sems ni kun gzhi rnam shes te/ /dar sems nyid ni yid yin no/ /gang gis yul rnams 'dzin pa ni/ /de ni rnam par shes zhes bya/ /kun gzhi rnam par shes pa nyid rmi lam gyi dus su mig la sogs pa'i rnam par shes pa drug gi rang bzhin du snang ngo/ /drug pa rnam 'das de ma thag /rnam shes de gang yid ces bya/ /nyon mongs pa'i yid kyang gang gi tshe na nga rgyal dang ldan par skye ba de'i tshe phung po dang/ khams dang/ skye mched du snang ba'i kun gzhi rnam par shes pa gcig pu nyid du yin zhes par byed do/ /chos lnga yang kun gzhi rnam par shes pa nyid de/ ming dang mtshan ma la sogs pa brtags pa dang/ gzhan gyi dbang dang/ yongs su grub pa'i chos kyi khyad par du dbye ba na thog ma med pa'i 'khor bar bdag dang gzhan gyi dbang gi mthu las 'byung ba dri ma dang bcas pa dang dri ma med pa yin te/ gang gi tshe na shes par bya ba sbom po dang phra mo rnam par gzhigs te mi dmigs pa de'i tshe bsam pas med ces snang ba med pa don dam pa'i bden pa mi gnyis par yang dag par rig pa gnas par 'gyur ro/ /de de ltar dngos po dang dngos po med pa'i rnam par rig pa nyid chos dang gang zag la bdag med pa yongs su shes nas snang ba med pa'i ting nge 'dzin thob pas byang chub sems dpa' i sa dang po 'thob po/ /snang ba med pa'i rab tu dbye ba thob pas/ sa'i mtshan nyid rab tu dbye ba khong du chud pa'i phyir rab tu dga' ba'i 'og tu rims kyis sa dgu la yang mkhas par byas nas chos kyi sprin rab tu 'thob bo/ /zhes bya la sogs pa ni shes rab kyis dpyad nas chos dang gang zag la bdag med pa yongs su shes nas snang ba med pa rab tu rtogs pa'i sa dang po gang gi tshe na thob pa de'i tshe de las gong ma'i sa'i snang ba'i yon tan gyi don rgya cher te/ ji ltar 'dis bcu las 'byung ba de bdag nyid kyang mi dmigs na bdag gi lta ci smos te/ bdag dang bdag gir chaD ba dang bral te bdag gi thams cad yongs su gtor bas rab tu dga' bar 'gyur ro/ /de'i 'dus pa ni sa dang por spong bar 'gyur ro/ /dri ma med par ni tshul khrims yongs su bdag ste/ gnyis su mi dmigs pa'i phyir ro/ /rnam par rtog pa yongs su spangs te /rgyun tu mnyam par 'jog pa gsum par ni bzod pa'i pha rol tu phyin pa yongs su bdag go /gnyis su med pa'i rnal 'byor la gnas pas mi gnyis pa'i sems kyi nan tan ni brtson 'grus so/ /bsam gtan gyi mi gnyis pa'i rnal 'byor gyi gnas so/ /shes rab kyis dpyad pas gnyis stong par yongs su shes pa'o/ /shes rab kyis mkhas pa dang/ snying rje'i bag chags kyis bskul bas gzhan la phan par byed do/ /smon lam gyis 'phangs te/ bdag dang gzhan la phan pa'i bsod nams dang ye shes kyi tshogs kyis mnyam par bsams pa'i bzang po spyod pa'i smon lam rdzogs par byed pa'o/ /stobs kyang de ltar bsam pa yongs su dag pas gzhan gyi sems su shes pa'i phyir yongs su mthun pa bzhin du chos kyi sbyin pa byed pa'o/ /rnam pa de lta bu'i bdag dang gzhan gyi phan pa 'byung ba'i chos kyi sprin du dbang bskur bas sa bcur rnal 'byor gyi dbang po kho nar ro/ /sbyin pa la sogs pa pha rol tu phyin pa bcus ni bsod rnams dang ye shes kyi tshogs te/ bdag dang gzhan gyi don nus pa na thams cad mkhyen pa nyid du sangs rgyas kyi sar gshegs par 'gyur ro/ /bcom ldan 'das kyis langkar gsungs pa'i 'grel pa'i tshul du nyon mongs po med pa'i mi shes pa ma lus par spangs nas sa bcu gnyis su sgrib pa med pa'i thams cad mkhyen pa kho na bar 'phags pas bcu pa las rgyas par chud par bya'o/ /dam pa'i chos kyi 'grel pa la lang+kar gsungs pa 'dir ni bdag dang gzhan gyi mthar? g rub pa'i rtsod pa rnams rtogs par lta ba rnams kyi sems can rnams la gtan la dbab pa'i phyir thams cad mkhyen pas chos bshad par mdzad pas kun gzhi rnam par shes pa mngon sum dang rjes su dpag pas rab tu bsgrubs pa dang/ chos dang gang zag la bdag med pa ching mas rtogs par 'gyur ba'i tshul gyis kyang bsgrubs so/ /thams cad mkhyen pas bdag dang gzhan gyi sems rnam par spyod ba'i don sa bcu rnam kyi bstan pa'o/ /chos la bdag med pa mthong bas blo gros chen po 'di ni sa bcu'i dbang po dang/ chos kyi sku la mnga' dbang mdzad pa'i de bzhin gshegs par 'gyur te zhes pa de ni dam pa'i chos la mngon par 'grub pa rnams kyi yon tan gyi don rgya che ba ste / mdo sde thams cad du rig par bya'o/ /thams cad mkhyen pa'i snang ba dang bcas pa dang snang ba med pa'i ting nge 'dzin thob nas bdag dang gzhan la phan 'dogs par nus pa'i shes rab dang/ snying rje dang ldan pas bsod nams dang ye shes kyi tshogs las 'byung ba'i phyir chos kyi sku la mnga' dbang mdzad pa de bzhin gshegs par 'gyur ro/ /nyon mongs pa thams cad kyi sgrib pa bag chags dang bcas pa rtsa ba nas ? bton pas thams cad mkhyen par 'gyur ba ste / 'dod chags la sogs pa nyon mongs pa rnams ni spyod yul ma nges pa'i ye shes kyi sgrib pa yang yin te/ gang gis 'dod chags la sogs pa nyon mongs pa rnams kyis zil gyis mnan pas mi rtag pa dang/ sdug bsngal ba dang/ mi mdzes pa'i gzugs nye bar gnas kyang mi mthong zhing rtag ba dang/ bdag dang/ bde ba dang/ gtsang ba'i rnams chung par byed de/ de bas na 'dod chags la sogs p a'i nyon mongs pa spangs pas mig gi ling tog dang bral ba bzhin du mchog tu yongs su dag pa'i 'dod chags dang bal ba rnal 'byor gyi dbang po thams cad mkhyen pa'i ye shes ni shes par bya ba'i dkyil 'khor thams cad du rab tu 'jug go / de lta na gzugs rnam pa sna tshogs kyi cho 'phrul rnams kyis skye po thams cad mgu bar mdzad cing chos kyi 'khor lo bskor ro/ /de de lta bu ni kun gzhi rnam par shes pa nyid ni dri ma dang bcas pa dang/ dri ma med pa'i rim pas 'khor ba dang/ mya ngan las 'das pa dang ldan par rnam par shes par bya ba ste/ shes rab kyi stobs kyis rang bzhin gyis 'od gsal zhing bdag dang gzhan la phan 'dogs nus pa'i sangs rgyas nyid du 'gyur ro/ /ji ltar dgongs pa nges par 'grel ba las gsungs pa/ len pa'i rnam par shes pa zab cing phra/ /'bab las ji ltar 'byung pa'i sa bon kun/ /byis pa rnams la da yis de ma bshad/ /bdag du rtog par ma gyur cig par ro/ /thog ma med pa'i dus kyi khams/ /thams cad chos kyi gnas yin te/ /de yod pas na 'gro ba kun/ /mya ngan 'da' ba' ang thob 'gyur ro/ /de la mu stegs byed pa rnams kyi sgro 'dogs dang skur pa ni bdag rtag go zhes skyed pa dang/ rnam par shes pa thams cad rgyun 'chad pas rgyun du 'byung ba'i kun gzhi rnam par shes pa yang rgyun 'chad do zhes skur du dgos nas blo gros chen pos thams cad mkhyen pa la yongs su gsol nas/ /bcom ldan 'das kyis kyang dogs pa thams cad rnam par bcad pa'i slad du bka' stsal pa /sgro 'dogs pa dang skur ba dag /sems tsam la ni yod pa min zhes gsungs pa ste / mu stegs byed pa rnams kyi bdag rtag pa po zhes bskyed pa dang skur pa yang sems kyi rgyu las mi rung ste/ sems kyi rgyud las 'chad pa med pas gser lta bu'i sems kyi rgyud dus thams cad du rnam par gnas pa'i phyir ro// @109a gang gis sems kyis rnam par gnas pa nyid mi shes pa des rtag par sgro 'dogS pa dang/ mi rtag par chad par skur pa'i mthar rtog go /gang dag gis lus dang longs spyod dang gnas su snang ba'i sems mi shes nas skyed pa dang skur pa spyod pa de dag ni mkhas pa ma yin no/ /bdag dang gzhan gyi rgyud kyi dbang gi khyad par gyi stobs las shes pa dang/ gser rin po che dri mas 'bags par gyur pa lta buAng dri ma med par 'gyur ba ni rgyud kyi rgyud du gnas pa'i shes pa thal ba dang /sa'i se'ung? btsos pa lta bu'i shes rab kyi rnal 'byor gyis mgo 'khor ba dang brgyal ba dang bral ba lta bu dang/ mig gi ling tog dang bral ba lta bur nyon mongs pa dang/ shes bya dang/ las kyi sgrib pa dang/ snang ba dang bcas pa dang/ snang ba med pa g nyis dang mi gnyis pa'i ting nge 'dzin rnam par dag pa mchog tu yongs su dag pa'i 'dod chags dang bral ba thams cad mkhyen cing gzugs rnam pa sna tshogs kyi rnal 'byor gyi dbang po bdag dang gzhan la phan 'dod spyod pa'i sangs rgyas kyi dngos po thob par 'gyur ro/ /blo gros chen po med pa la sgro 'dogs pa ni rnam pa bzhi ste/ rnam pa bzhi gang zhe na 'di lta ste/ med pa'i mtshan nyid sgro 'dogs pa dang zhes bya ba ni rtag pa dang bdag la sogs par sgro 'dogs pa'o/ /med pa'i lta ba sgro 'dogs pa ni bde ba dang/ gtsang ba la sogs par sgro gtags ma pa'o/ /rgyus yin par sgro 'dogs pa ni tshangs pa dang/ dbang po dang/ gtso bo dang/ byung ba dang/ dus dang/ nges pa'i tshul dang/ lha la sogs par rgyu yin par sgro 'dogs pa'o/ /med pa'i dngos por sgro 'dogs pa ni rdul phra mo las brtsams pa'i yan lag can dang/ yon tan dang/ las dang/ spyi dang/ khyad par dang/ 'brel ba dang tshig gi don drug tu 'brum bu zab pa rnams rtog go /tshad ma dang gzhal ba ma gtogs pa dogs pa dang/ @ 109b dgos pa dang/ grub pa'i mdza' dang /dpe dang yan lag dang/ rtog pa dang/ nges pa dang/ rtsod pa dang/ zug zug tu smra ba dang/ mtho ba tsams pa dang/ rgyur snang ba dang/ klan ka dang/ rigs dang tshor gtsod pa'i gnas rnams rkang mig gi slob ma rnams kyis med pa la sgro 'dogs pa'o/ /grangs can rnams kyis de kho na nyi shu rtsa lnga ni med pa la sgro 'dogs pa ste/ skyes bu'i rang bzhin ni tshor ba can te/ bde ba dang sdug bsngal ba la sogs pa'i yul du longs spyod pas na rnam pa sna tshogs kyi rgyun gyi gzugs la rtag pa par mi rigs so/ /sems can dang/ rdul dang/ mun pa rnams mnyam pa'i dus na gtso bo ste /de yang rtag cing ma skyes so zhes pa rim pa'i khyad par du dbye ba na shing dang thal ba la sogs pa bzhin du gtso bor rig pa med pa las blo dang/ yid dang/ nga rgyal chung pa'i rang bzhin pa rnams mi rung ngo/ /spyi'i don med par yang sgra la sogs pa yul de tsam lnga dang/ blo'i dbang po lnga dang/ las kyi dbang po rnams kyang mi rung ba ni rmi lam dang/ mig bskul? la sogs pa bzhin du chud pa'i rang bzhin gyis snang ba nyid do/ /de bzhin du rdzas dang/ yon tan la sogs pa de lta bung de dag gi khyad par yongs su shes pas kyang thar pa mi rung ste/ rtswa stan dang rtsig pa la sogs pa'i khyad par yongs su shes pa bzhin no/ /k+Sha? pa na ka med par sgro btags pa yang thar pa'i rgyu ma yin te/ spyi'i bdag nyid du yod par 'gyur ba dang/ khyad par gyis bdag nyid du med par 'gyur ba dang/ spyi dang khyad par gyi bdag nyid du yod pa dang med bar 'gyur pa dang/ spyi'i bdag nyid du yod par 'gyur ba yang khyad par gyi bdag nyid du yod par smra bar yang mi bya'o/ /khyad par gyi bdag nyid du med par 'gyur pa yang spyi'i bdag nyid du smra bar yang mi bya'o/ /spyi'i dang khyad par gyi bdag nyid du yod kyang yod la med kyang med par 'gyur ba yang cig car smra bar ni bya ste/ yul dang dus dang rim pa dang/ rnam pa la bltos te thams cad smra bar mi bya'o zhes pa de kho na nyid kyi tshig gi don du nyes pa med de/ som nyi dang bcas par thar bar mi rung ngo/ /rtag pa dang bdag la chags pas bsled pa'i phyir/ sdug bsngal gyi gnas su lhung ba ni mar mer phye ma leb lhung ba 'khor bar yang skye ba dang/ rga ba dang/ na ba dang/ mya ngan dang/ 'chi ba'i sdug bsngal gyis dkrugs par bdag tu chags pa'i log pa'i shes pas ltung ngo/ /sred pa dang bcas pa nyid kyi phyin ci log gis skye ba yin te/ 'dod chags dang bral ba la skyes pa mthong ba'i phyir ro/ /skyes ma thag pa la yul kha cig tu dga' ba dang/ 'jig pa dang/ mya ngan rtogs pas sngon gyi goms pa rjes su dpag par bya ste/ spong ba dang len pa dang /btang snyoms kyi blo rnams la bde ba dang/ sdug bsngal ba bsgrub par gdon mi za ba sngar byas pa'i phyir ro/ /rtag pa dang mi rtag par mi gnyis par smra ba rnams kyis med pa dngos por sgro 'dogs pa yang grol ba dang/ ma grol ba dang/ phyug dbul la sogs pa gcig pa'i skyon du 'gyur ro/ /de de bzhin du khrus dang/ sbyin sreg dang/ gad pa dang/ g.yang sa dang/ bkra shis dang/ bkra shis ma yin pa dang/ rtsa ba dang/ 'bras bu dang /'o ma tshogs dang / ba lang gi brtul zhugs dang/ rma bya'i brtul zhugs la sogs pa bdag tu chags pa yongs su ma zad par thar par mi rung ste/ de de ltar thar par smra ba rnams kyi med pa'i dngos por sgro 'dogs pa'o/ /'jig rten rgyang? pa ? pa dang/ kun tu lta ba dang/ spyod pa can rnams phyi'i don med par phyi'i don du sgro 'dogs pa ni med pa dngos por sgro 'dogs pa ste /rtog pa'i rgyun du sgra tshangs pa dpyad pa la sogs par bdag dang gzhan gyi grub pa'i mdza' zhib tu dpyod kyis/ de bzhin du 'dir yang sbyar bar bya'o/ /khyad par du dgongs pa'i don ni thams cad mkhyen pa nyid tshad ma yin te/ bdag gis ni rtog pa dang sgra'i rjes su 'breng ste bshad par sbyar to/ /blo gros chen po'i de ni sgro 'dogs pa rnam pa bzhi'o/ /blo gros chen po skur ba gang zhe na / sgro 'dogs pa'i lta ba ngan pa 'di nyid mi dmigs par rab tu 'byed pa na med pa'i phyir skur par 'gyur te zhes bya ba'i skur pa'i bshad pa ni thams cad mkhyen pa nyid kyi mdzad pa 'di lta ste sgro 'dogs pa'i lta ba ngan pa zhes bya ba la soD pa'o/ /mi dmigs te rab tu 'byed pa na med pa'i phyir skur par 'gyur te /de zhes bya ba la mi dmigs pa'i shes rab kyis dpyad pa na'o/ /'di yod pa dang 'di med pa'o zhes gnyis yod na sgro 'dogs pa dang skur par rnam par rtog par 'gyur ro/ /lta ba thams cad las bral bar byed pa ni stong pa nyid do/ /nang stong pa nyid dang /phyi stong pa nyid dang/ phyi nang stong pa nyid la sogs pa ste/ phung por mi gnas pa dang/ rnam par 'jigs pa ma yin pa'i phyir te /stod pa nyid kyis lta ba thams cad spong bar 'gyur ba ni chos dang gang zag la bdag med pa yongs su shes pas so/ /med pa'i mtshan nyid la sgro 'dogs pa'i bshad pa ni phung po dang/ khams dang/ skye mched rnams kyi rang dang spyi'i mtshan nyid la mngon par zhen pa'o zhes te/ gzugs dang tshor ba dang/ 'du shes dang 'du byed dang rnam par shes pa'i phung po rnams ni gzung ba dang/ 'dzin pa gnyis kyi rnam pa ste/ rmi lam la sogs pa bzhin du skye mched dang/ khams kyi bye brag tu chud pa'i rang bzhin gyi snang ba nyid so sor snang ngo/ /de la spyi'i mtshan nyid ni gzugs su 'gyur pa'i mtshan nyid pas na gzugs so/ /khyad par gyi mtshan nyid ni brten pa la sogs pa'i lus su grub pa dang /sra ba dang/ gsher ba dang/ dro ba dang/ g.yo ba'o/ /tsho? ba'i myong ba'i mtshan nyid ni spyi'i mtshan nyid do/ /bde ba dang sdug bsngal la sogs pa ni khyad par gyi mtshan nyid do/ /'du shes mtshan mar 'dzin pa'i bdag nyid ni spyi'i mtshan nyid do/ /phra ba dang/ rgya che ba dang/ chung ba dang/ chen por song ba dang/ bud med dang/ skyes pa la sogs pa ni mtshan mar 'du shes pa ni khyad par gyi mtshan nyid do/ /rnam par rig pa ni so sor rnam par chud pa ste /de la don mthong rnam par shes/ /de yi khyad par sems las 'byung/ /zhes pa 'du byed kyi phung po'i sgrar brjod pa ste/ de dag gi khyad par ni tshor ba dang/ sems pa dang/ 'du shes dang/ 'dod pa dng/ reg pa dang/ blo gros dang/ dran pa dang/ mos pa dang/ ting nge 'dzin sems thams cad la ste/ zhib tu ni chos mngon pa las rig par bya ste/ shes pa rnams 'dus pa ni rnam par shes pa'i phung po'o/ /mig la sogs pa'i rnam par shes pa thams cad dang/ gzugs la sogs pa'i yul yang rmi lam gyi dus na yang kun gzhi rnam par shes pa gcig po ma gtogs par gzhan med de/ phyi rol gyi don du sgro btags te mtshan nyid med pa la mngon par zhen pa 'ba' zhig go /'di ni 'di lta ste/ de bzhin gyi gzhan du ma yin no zhes bya ba ni sngon po la sogs pa'i rang bzhin la phyi rol gyi bar sgro 'dogs so/ /rmi lam dang rab rib la sogs pa'i rang bzhin la yang de lta bu'i rnam pa yod pa nyid do/ /de lta bur na gnyid kyis ma log pa'i dus na ni yod la rmi lam gyi dus na ni med do zhes par rnam par rtog pa ni slar ma'i bag chags yongs su smin pa'i mthu las skyes pa de dag thams cad mtshungs so zhes thams cad mkhyen pas sgrub par mdzad pa/ blo gros chen po med pa'i mtshan nyid la sgro 'dogs pa'i rnam par rtog pa 'di ni thog ma med pa'i dus kyis spros pa gnas ngan len gyi bag chags sna tshogs la mngon par zhen pa las 'byung zhes pa ste / thog ma med pa'i dus kyi skad cig ma'i rgyun 'brel par 'byung ba'i sems bdag dang gzhan gyi rgyud kyi dbang gi rkyen gyi khyad par gyis dkrugs te/ mnyam par mi 'jog pa'i ma rig pa'i gnas ngan len pa sna tshogs bag chags yongs su smin pa'i mthu las rmi lam bzhin du 'dzin pa dang/ gzung bar snang ba'i 'khor ba snang ngo/ /gang gi tshe na shes rab kyis dpyad de shes par bya ba sbom po dang phra mo rnam par phye ste mi dmigs pa de'i tshe snang ba dang bcas pa dang/ snang ba med pa'i ting nge 'dzin thob pas thams cad mkhyen pa sems can thams cad la phan par 'jug pa ni lan du mar bshad pa yin no/ /blo gros chen po gang phung po dang/ khams dang/ skye mched de dag nyid la bdag dang sems can dang/ srog dang/ gso ba dang/ skyes bu dang/ gang zag tu lta ba ngan par sgro 'dogs pa yin te/ blo gros chen po 'di ni med pa'i lta bar sgro 'dogs pa zhes bya'o zhes pa ni phung po dang/ khams dang/ skye mched du so sor snang ba la phyi rol gyi don du mngon bar zhen pa ni mer ba'i mtshan nyid la sgro 'dogs pa'o/ /der yang rtag pa dang/ bdag dang/ bdag gir mngon par zhen pa ni lta ba ngan par sgro 'dogs pa'o/ /rtag pa dang/ bdag dang/ bde ba dang/ gtsang ba'i dngos por phyin ci log rnamS kyis log pa'i shes pa gcig nas gcig tu brgyud pa'o/ /blo gros chen po med pa'i rgyud sgro 'dogs pa ni 'di lta ste/ sngon rgyu las ma skyes pa'i rnam par shes pa phyis sgyu ma lta bur sngon ma byung zhing med pa las mig dang/ gzugs dang/ snang ba'i rgyu dang/ dran pa sngon du 'jug pas 'byung ngo zhes pa la/ sngon ma skyes pa'i rnam par shes pa zhes bya ba med pa'i rgyur sgro 'dogs pa 'di ni log pa'i rnam par rtog pa yin te/ gal te sngon rnam par shes pa thog ma med pa'i dus rgyun du rnam par gnas pa'i kun gzhi rnam par shes pa zhes bya ba med na ni dran pa dang so sor bshes pa la sogs pa ji ltar na yongs su shes par 'gyur/ skye ma thag pa rnams la yul kha cig tu dga' ba dang 'jigs pa dang/ mya ngan 'byung ba snang ba'i phyir ro/ /mig la sogs pa'i rnam par shes pa dran pa dang /gzugs dang/ snang ba'i rgyu la bltos te /nges na thog ma dang tha mar stong pa yang sgyu ma dang 'dra bar rnam par shes pa skye ba ni de ma thag pa'i rkyen gcig gi rgyu gcig yin pa las 'byung ste/ sems kyi rgyud kyi rgyun ji ltar mi 'chad pa ltar sngar bsgrubs zin to/ /blo gros chen po med pa'i dngos por sgro 'dogs pa ni 'di lta ste/ nam mkha' dang /'gog pa dang/ mya ngan las 'das pa ma byas pa'i dngos por mngon par zhen cing sgro 'dogs pa'o zhes bya ba la ma byas pa ni nam mkha' rtag go zhes so/ /mya ngan las 'das pa yang de bzhin du rtag pa'o zhes mngon par zhen pa ste /de'i dngos po med par dngos por mngon bar chags pa ni med pa'i dngos por sgro 'dogs pa'o/ /'dus ma byas pa'i dngos po la rnam pa gsum ste /ji ltar nam mkha' dang/ so sor brtags te 'gog pa dang/ so sor brtags te 'gog pa ma yin pa ste /gang 'dus ma byas pa de ni ma skyes pas na ri bong gi rwa la sogs pa dang/ mo gsham gyi bu la sogs pa bzhin du dngos po med do zhes thams cad mkhyen pas dgongs pa'o/ /des na rtag pa dang rdul phra mos brtsams te yan lag can gyi rdzas la sogs pas gang brtags pa gzhan yang med pa'i dngos por sgro 'dogs pa'o zhes de la sngar smras so/ /blo gros chen po chos 'di dag thams cad ni dngos po dang dngos po med pa las rnam par log pa ri bong dang /rta dang/ bong bu dang/ rnga mo'i rwa dang /skra shad 'dzings pa lta bu yod pa dang med pa'i phyogs dang bral ba ste/ blo gros chen po byis pa rang gi sems snang ba tsam du ma rtogs pa'i blo can rnams sgro 'dogs pa dang skur pas rnam par rtog ste/ 'phags pa rnams kyis ni ma yin no zhes bya ba 'di ni thams cad mkhyen pas rin po che'i 'byung gnas las bdud rtsi bton bzhin du don dam pa'i snying bo chos kyi de kho na nyid dbu ma'i bsam gtan gsungs pa'o/ /dngos po dang dngos po med pa'i rnam par rtog pa las rnam par log pa la byis pa rnams kyis sgro 'dogs pa dang /skur pa'i rnams kyis rnam par rtog par byed do/ /rang gi sems snang ba tsam du ma rtogs pa zhes bya ba ni thog ma med pa'i 'khor bas bdag dang gzhan gyi rkyen gyi dbang gis btab pa'i 'du byed yongs su smin pa las rnam pa sna tshogs kyi sems su 'byung ba mgo 'khor ba dang/ brgyal ba la sogs pa bzhin du snang ba der rang gi sems snang bar byis pa ma rtogs pa'i blo can rnams kyis yod pa dang med par sgro 'dogs par byed do/ /gang gi tshe na shes rab kyis/ /dpyad de sbom po dang phra mo/ /gzugs ni rdul phran gzhigs pa na/ /rdul phran cha ni med pa ste/ zhes par shes pa de'i tshe khang pa dang/ sde dang/ nags tshal la sogs pa bzhin du thams cad stong par mthong ngo/ /rab rib can la skra shad 'dzings pa'i rang bzhin lta bur stong pa yin pa bslang pa'i mthus ri bong dang/ rta dang/ bong bu dang /rnga mo'i rwa lta bu 'ba' zhig go zhes thams cad mkhyen pas dgongs pa'o/ /de yang shes rab kyis dpyad de mthong yang mi mthong ba ni ji ltar shes kyi pha rol tu phyin pa las 'byung ba /rnam par sngos pa dang /rnam par dmar ba dang/ rnam par gzhigs pa la sogs pa mi @113a mdzes par sgom pa de yang mi dmigs pa'i tshul du'o/ /sems kyi bslad pa'i snang pa ma gtogs par phyi rol gyi nyid mi dmigs na mdzes pa dang mi mdzes par rnam par rtog pa lta ci smos/ gnyis kyi rnam pa'i shes ba yang mgo 'khor ba dang/ brgyal ba la sogs pa bzhin du 'khrul pa las nye bar skyes pa shes rab kyis gnyis kyi rnam pa stong par mthong ngo/ /gang gi tshe na phyi rol gyi bar zhen te rnam pa rnams shes pa ma gtogs par skye ba med pa de'i tshe mnyam par 'jog pa med pa'i ma rig pas nye bar bslang pas skyes pa de dag stong pa nyid du khong du chud de/ shes rab mnyam par bzhag pas mtshan ma mi mthong ngo/ /sems la smon pa med de /de bzhin du bslad pa'i rnams la lhag par chags pas yid la byed pa med do/ /yid la byed pa med par rtogs par gyur pa na bsam pa med pa mi gnyis pa'i don dam pa'i bden pa gnyis su med pa'i chud pa rdzogs pa'i sangs rgyas su 'gyur te thugs rje'i bag chags kyis bskul nas snang ba dang bcas pa dang / snang ba med pa'i ting nge 'dzin brnyes nas mchog tu yongs su dag pa'i 'dod chags dang bral ba thams cad mkhyen pa gzugs rnam pa sna tshogs kyi rnal 'byor gyi dbang po yid bzhin gyi nor bu dang/ dpag bsam gyi shing lta bu dang / sprin chen po ltar gzhan gyi don du 'phags pa'i bdag nyid gdung ba thams cad sel ba dang/ pha dang sman pa'i rgyal po bzhin du gzhan gyi don mdzad do/ /yongs su dag pa rang bzhin gyis gnyen nges spyod pa rgyu gang yang med pa'i gnyen yang dag par rdzogs pa'i sangs rgyas bcom ldan 'das te/ gzhan gyi don du 'khor bar mi gnas pa'i mya ngan las 'das pa la bzhugs so/ /blo gros chen po gzhan yang byang chub sems dpa' rnams ni sems dang/ yid dang/ yid kyi @ 113b rnam par shes pa dang/ chos lnga dang/ rang bzhin dang/ bdag med pa gnyis kyi mtshan nyid khong du chud par rtogs nas gzhan la phan pa'i phyir gzugs dang cha byad du ma 'dzin pa yin no zhes bya ba ni lan du mar bshad pa yin te/ da ni gzhung gi bshad pa sbyar bar bya ba na/ sems ni kun gzhi rnam shes te/ /ngar sems nyid ni yid yin no/ /gang gis yul rnams 'dzin pa ni/ /de ni rnam par shes zhes bya/ /tshigs su bcad pa bsdus par 'di nyid du gsungs pa /chos lnga rnams dang rang bzhin dang/ /rnam par shes pa brgyad rnams dang/ /bdag med gnyis kyi nang du ni/ /theg pa chen po thams cad 'dus/ /sems ni kun gzhi rnam par shes pa ste/ lus dang longs spyod dang /gnas su rnam pa brgyad dang/ rnam pa dgur 'byung ngo zhes de bshad zin to/ /ming dang mtshan ma la sogs pa dang/ rnam par rtog pa dang/ yang dag pa'i ye shes dang/ de bzhin nyid de chos lnga yang bshad zin to/ /rang bzhin ni chos kyi dbyings te/ rang bzhin gyi 'od gsal ba'i chud ba kun nas nyon mongs pa dang rnam par byang ba'i rgyud 'brel bar gnas pa la dgongs par brtag go / chos dang gang zag la bdag med pa gnyis kyang bshad zin to/ /de de ltar kun nas nyon mongs pa dang/ rnam par byang ba'i rgyu sems yin ba dang/ yod pa dang med pa'i phyogs las rnam par bral ba rnam par rtog pa med cing chags pa dang bral bar shes nas snang ba dang bcas pa dang /snang ba med pa'i ting nge 'dzin ni btsun gtso'i byang chub sems dpas thob nas gzugs rnam ba sna tshogs kyi rnal 'byor gyi dbang po rnams gyis gzhan gyi don ngo? bo? byed do/ /rmi lam dang sgyu ma dang/ mig yor dang gzugs brnyan dang/ chu zla'i tshul gyis chos skye ba dang/ 'jig pa dang/ rtag pa dang /chad pa dang bral ba thams cad de bzhin gshegs pa thams cad las mngon du nyan zhing zhes bya ba dang 'brel pa ste/ stong pa gang skad cig chos gnyis kyi rnam pa de dag sgyu ma dang/ rmi lam dang /mig yor la sogs pa bzhin pas na skye pa dang 'jig pa'i rnam pa snang ba tsam du so sor snang ngo/ /rtag pa dang bral ba ni rgyun 'brel par 'byung ba'i rnams te /des na rtag pa chad pa dang bral ba chud pa'i rang bzhin gyi chos thams cad 'khor ba dang/ mya ngan las 'das pa'i mnyam pa nyid thob pa rnam pa de lta bu rnams thams cad las btsun gcol byang chub sems dpa' rnams kyis mnyan te/ yod pa dang med pa'i phyogs las rnam par sgo ba'i phyir rang gi sems snang ba tsam la gzung bas phyi'i dngos po med par gzhan la ston te/ sems tsam yang bdag dang gzhan gyi dbang gi mthu las mgo 'khor ba dang / brgyal ba la sogs pa bzhin du rnam pa sna tshogs kyi rnam pa snang ngo/ /shes rab kyis dpyad cing chos 'chad do/ /gang gi tshe na/ gzugs ni rdul phran gzhigs pa na/ /rdul phran cha ni med pa ni/ phyi yi dngos po med par yang/ /sems ni rnam pa gnyis su snang /zhes pa de yang gnyis kyi rnam pa stong pa'i sems snang ba med cing don dam pa'i bden pa mi gnyis par yang dag par rig pa dngos po dang dngos po med par rnam par rtog pa dang bral ba'i dbu ma'i ting nge 'dzin la mnyam par 'jog go / snying rje'i bag chags kyis rab tu sad de/ sgyu ma'i rnam par thar par dag pa 'jig rten gyi ting nge 'dzin la gnas te chos 'chad do// snang ba dang bcas pa dang snang ba med pa'i ting nge 'dzin thob nas gzugs rnam pa sna tshogs kyi rnal 'byor gyi dbang po zhes bya ba de ni lan du ma bshad ba yin no/ /da ni stong pa nyid du rab tu 'byed ba'i bshad pa sbyar bar bya'o/ /kun brtags pa'i rang bzhin gyi tshig ces bya ba la sogs pa ste / stong pa nyid rnams kyi khyad par ni kun tu brtags pas 'byed do/ /don dam pa'i stong pa nyid ni 'dzin pa dang gzung ba'i rnam pa gnyis kyi rang bzhin gyis stong zhing sems pa med pa dang/ snang ba med ba'i don dam pa'i bden pa mi gnyis par yang dag par rig pa'i chos nyid de / dngos po dang dngos po med pa'i rnam par rtog pa dang bral ba de la tha dad par rnam par rtog pa med pa las rnam par rtog pas sgro btags pa rnam par bcad pas dbye ba 'ba' zhig ste/ rtag pa dang /bdag dang/ bdag gi dang /byed pa po dang /las dang /byed pa dang/ bskyed pa dang /skyed pa dang/ brjod pa dang /rjod pa la sogs pa'i phyi rol gyi don du sgro btags pa'i tha snyad rnam par bcad par bya ba ni ji ltar tshad ma'i gtam las 'byung ba / ji tsam char ni sgro 'dogs pa/ /de bsal phyir ni gdon mi za/ /de snyed de bzhin sgra rnams dang/ des na de dag tha dad yul zhes pa'o/ /ji ltar shes rab kyi pha rol tu phyin par las 'byung ba/ nang dang phyi'i dngos po'i phyin ci log tu sgro btags pa mdza' med pa rnam par bcad pa'i mdo'i don du mdor brjod na nang stong pa nyid dang / phyi stong pa nyid dang /phyi nang stong pa nyid ces bya ba la sogs pa ste /de bzhin du 'dir yang stong pa tshig gi don la mi shes pa 'dzin pa rnam par dgag pa'i phyir sems can rnams la stong pa nyid rnam pa bdun gsungs pa ni mtshan nyid stong pa nyid dang/ dngos po'i rang bzhin stong pa nyid dang /srid pa stong pa nyid dang/ mi srid pa stong pa nyid dang/ chos thams cad brjod du med pa stong pa nyid dang / don dam pa 'phags pa'i ye shes spong ba nyid chen po nyid dang /gcig gis gcig stong pa nyid dang bdun no zhes te/ ji ltar mi shes sbom po kun las nyon mongs pa bzlog pa'i phyir thams cad mkhyen pas rnam par dbye bar gsungs pa/ blo gros chen po de la mtshan nyid stong pa nyid gang zhe na/ 'di lta ste dngos po thams cad ni rang dang spyi'i mtshan nyid kyis stong ngo/ /blo gros chen po phan tshun du 'dus pa bltos pa dang/ rab tu dbye ba'i khyad par med pa'i phyir dang /spyi'i mtshan nyid 'jug pa med de /blo gros chen po bdag dang /pha rol dang /gnyi ka med pa'i phyir mtshan nyid med pas na de'i phyir dngos po thams cad mtshan nyid stong pa zhes bya'o zhes pa la rang gi mtshan nyid ni bdag gi mtshan nyid de / ji ltar 'byung ba rnams kyi rang gi mtshan nyid ni sra ba dang/ gsher ba dang/ dro ba dang/ g.yo ba rnams dang/ spyi'i mtshan nyid ni rig par bya'o/ /de dag ni gzugs ni rdul phran gzhigs pa na/ /rdul phran cha ni med pa ste zhes pa ste/ sbom po dang/ phra mo phyogs kyi cha tha dad par 'byed pas dbye ba na phyi rol gyi nyid du med pas ji ltar na stong pa la rang dang spyi'i mtshan nyid yod par rigs/ 'dus pa bltos pa na yang mtshan nyid ji ltar na rigs te/ 'dus pa rnam par phye ba na khang pa dang sde dang nags tshal la sogs pa bzhin du stong pa nyid de de bas na sbom po dang /phra mo'i mtshan nyid la rab tu dbye ba'i khyad par med do/ /rab tu dbye ba'i khyad par med pa'i phyir yang bdag dang/ pha rol dang/ gnyis ka med pas mtshan nyid gnas pa med do/ /nad dang phyi rol gyi rnams la bdag dang/ phyi rol dang/ gnyi ga'i rang bzhin med pa'i phyir gzung ba dang/ 'dzin pa'i dngos bor rang gi mtshan nyid ma grub po/ /gnyis kyi rnam pa'i rang bzhin med pa nyid la mtshan ma'i gnas dang/ mtshan ma'i dngos po kun rtog par byed de/ de dag gi rmi lam dang /mig 'phrul dang /rab rib la sogs pa snang pa bzhin du rang bzhin gyis ma skyes pa'o/ /rang bzhin du grub na ni pha rol po'i dngos po rnam par bcad par yang 'gyur na /gang gi rang gi mtshan nyid ma grub na de la gzhan gyi mtshan nyid ji ltar na rnam par bcad/ gang gi tshen shes par bya ba sbom po dang phra mo mtshan nyid med pa de'i tshe shes pa de gcod pa po'i mtshan nyid kyang med pa nyid do/ /mtshan nyid kyi gzhi dang mtshan nyid kyang gcig dang tha dad par 'grub pa med de/ ji ltar dbu ma las 'byung ba/ /mtshon bya mtshan nyid gal te gzhan/ /mtshan la mtshan nyid med par 'gyur/ /gcig na'ang de gnyis mi 'grub ste/ /tha dad na yang gzhan du med ces pa'o/ /tsha ba las tsha ba nyid dang tsha ba'i yon tan yang rung ste/ gal te tha dad pa yin na ni me la che? ba med pa'i skyon du 'gyur ro/ /rtag pa dang/ mi rtag pa dang/ gzugs can dang /gzugs med pa dang/ chos dang/ chos can la sogs pa gzhan pa yin na ni skyon 'di nyid du gyur te/ nges na chos thams cad rang dang spyi'i mtshan nyid dang bral ba'o zhes thams cad mkhyen pas dgongs pa'o/ /ji ltar tshang ma'i gtam las 'byung/ /der yang gzhan ni ldog pas na/ /gzhan ni log gyur zhes pa yang/ /sgra dang blo rnams de bzhin du/ /gtags pa'i rjes su thogs par 'gyur/ /byer med tha dad med pa ni/ /don dam don ni bdag nyid kyis/ /gzugs ni gcig dang du ma dang/ /de ni blo yi 'khrul pa'o/ /mi gnyis pa dang/ brjod du med pa de dag la chos dang chos can gyi dngos por mtshan nyid brtags te/ sbyar sgro btags pas brjod par bya'o/ /dngos po'i rang bzhin stong pa nyid ces bya ba la sogs pa la rang bzhin gyis dngos po skye ba med pa'i phyir zhes pa ni de la dngos po rnams rang gis thog ma dang tha mar stong pa nyid du skye ba ste / skyes pa ni gang nas kyang mi 'ong la/ 'gags pa na yang gar yang tshogs su 'gyur ba med de / 'bras bu yang gnyis kyi rnam pa'i rang bzhin gyi stong ba nyid de /gang dag gnyis kyi rnam pa can yin pa de dag ni rmi lam dang/ mig 'phrul dang/ rab rib la sogs pa snang ba bzhin du don dam par skye ba'i rang bzhin med pa'o/ /blo gros chen po srid pa'i stong pa nyid gang zhe na/ 'di lta ste bdag dang/ bdag gi dang bral ba'i phung po rnams rgyur ? ldan ba dang byed pa dang las 'byor ba las skye zhing 'byung ste/ de'i phyir srid pa'i stong pa nyid ces bya'o zhes bya ba la srid ba'i phung po rnams ni mnyam par 'jog pa med pa'i ma rig pa dang/ las las 'byung ba rnams te/ de dag la bdag dang/ bdag gi mi rigs pa ni ma skyes pas na mo gsham gyi bu la sogs pa bzhin no/ /bdag gi yang phyi rol gyi rnam par phye ba na rtag pa dang/ bde ba dang/ gtsang? ba'i dngos por phyin ci log tu brtags pa stong par 'gyur ro/ /rgyu dang ldan pa'i 'dus pa'i mthu las mi rtag pa dang /stong pa'i phung po rnams rmi lam la sogs pa bzhin du rab tu 'byung bar snang ngo// 'du byed thams cad skad cig pa/ /mi brtan bye ba ga la zhig /gang byung byed pa de nyid de/ /byed pa bor yang de nyid brjod/ /ces bya ba ste /de bas na rgyu dang ldan ba dang/ byed ba de nyid dang/ byed pa po yang de nyid ces bya'o/ /de'i phyir rgyu dang ldan pa dang/ byed pa dang/ las ni snga ma'i 'og tu 'di yod pas na 'di yod par 'gyur ro zhes par rnam par bzhag gi /skad cig pa la tha dad pa skyed pa dang/ gnas ba dang/ 'gog par byed pa'i byed pa dang/ byed pa bo dang/ las su kun tu brtags pa'i chos rnams med do zhes sngar bshad zin no/ /mi srid pa'i stong pa nyid ces bya ba la sogs ba la/ phung po rnams la mya ngan las 'das pa sngon srid pa ma yin te zhes pa ni gnyid gyi rnam pa stong pa nyid dang/ bsam pa med cing snang ba med pa dang/ don? dam pa'i bden pa ni mi gnyis par yang dag par rig pa ni de'i mya ngan las 'das pa'o/ /blo gros chen po brjod du med ba'i stong ba nyid gang zhe na /chos thams cad brjod du med pa zhes te /don dam sgra? yi khyad par la/ /phan tshun brjod rjod 'dod pa min/ /de sngar mthong ba med bas na/ /spyir ni nye bar brjod bar bya zhes pa ste /chos gang dag rig par bya ba de dag mngon par brjod pa dang/ 'brel ba med de /bde ba la sogs pa'i rang bzhin ni /snyan par mi nus gzhan mi bsten/ /de phyir de dag rang rig pa dang/ mngon? par brjod dang 'brel ba med ces pa'o/ /thams cad mkhyen pa'i don 'di nyid slob dpon dge? nA ga dang/ d+harma kIrti la sogs pas rab tu snang bar byas so/ /'di lta ste kun tu brtags pa'i rang bzhin brjod du med pa'i phyir zhes bya ba ni kun tu brtags pa'i rang bzhin gyis rang gis mtshan nyid brjod du med pa'i phyir te/ dbang don de ni gzhan nyid dang/ /sgra yi spyod yul gzhan yin te/ /sgra las mig med mthong ba ste/ /mngon sum du ni mthong ba med/ /ming dang 'brel pas gzhan du ni/ /bdag tshig ces ni sems pa ste/ /tshig pa'i sgras ni gzhan du yang/ /tshig pa'i don ni shes par byed ces ba ste/ gnyis kyi rnam par gsal ba'i rang gi mtshan nyid kyang sgras brjod par mi nus na gnyis kyi stong pa nyid lta ci smos te/ gang gis de la brjod pa med pa des na brjod du med pa stong pa nyid ces bya'o/ /blo gros chen po don dam pa 'phags ba'i ye shes stong pa chen po nyid gang zhe na/ 'di lta ste/ bdag gi so sor rang gi 'phags pa'i ye shes khong du chud pa ni lta ba thams cad kyi nyes pa'i bag chags kyis stong ste/ de'i phyir don dam pa na 'phags pa'i ye shes stong pa chen po med ces bya'o zhes pa ni gang gi tshe na rnal 'byor can gyis shes rab kyis dpyad de phyi rol gyi dngos po la rtag pa dang/ bdag dang/ bde ba dang/ gtsang bas sgro btags pa @117a mi mthong ba de'i tshe de'i sems yul gang du yang mdzes pa'i rang bzhin du rab tu mi 'jug pa ni de las gzhan pa'i nyes bar 'jug pa'i dbang po'i shes pa dang/ phyugs? thub pa yang dag par rig pa bzhin du sems med cing snang ba med pa'i don dam pa mi gnyis par yang dag par rig pa bdag nyid kyis gnas so/ /rgyun du mnyam par 'jog cing dngos po dang dngos po med par rnam par mi rtog pa dang chags pa med pa de'i tshe de'i log pa'i shes ba'i bag chags ma lus par spong bar 'gyur te/ nges na don dam pa 'phags pa'i ye shes stong pa chen po nyid ces bya ste /blo gros chen po gcig gis gcig stong pa nyid gang zhe na/ 'di lta ste/ gang gang na med pa de ni des stong zhes bya'o zhes pa ni dngos po thams cad gcig las gcig rnam par log pa'i rang bzhin pa yin te/ bum pa la snam bu med de /ji lta bar ti ka las 'byung ba/ dngos po thams cad rang bzhin gyis/ /bdag gi dngos por rnam par gnas/ /rang gi dngos po gzhan dngos kyis// rnam par log pa'i cha yi phyir zhes pa ste/ thams cad mkhyen pas gzhan bstsal pa rgya cher dgongs pas na 'dir rab tu bshad pa yin te/ de bas na 'di skad du gsungs pa/ 'di lta ste blo gros chen po mri ga ra'i na'i khab na glang po dang/ ba lang dang/ lug la sogs pa med kyang dge slong gis stong pa ma yin no zhes ngas bshad de/ de ni de dag gis stong zhes bya ba yang/ blo gros chen po khong ba'i dngos por med pa ma yin/ dge slong rnams kyang dge slong gi ngo bor med pa ma yin te/ glang po dang/ ba lang dang/ lug la sogs pa'i dngos po de dag gung na mi 'khor ba yang ma yin no zhes pa'o/ /blo gros chen po ting nge 'dzin gyi gnas ma gtogs par rang yang mi skye la/ mi skye ba yang ma yin te /de'i phyir ma skyes pa dang/ @ 117b rang bzhin med pa ste / skye ba med pa la dgongs nas dngos po thams cad rang bzhin med pa zhes bya'o/ /blo gros chen po skad cig pa'i rgyud kyi rgyun med pa dang/ gzhan du 'gyur bar snang ba'i phyir chos thams cad rang bzhin med pa ste /de'i phyir dngos po thams cad ni rang bzhin med pa'o zhes zhes bya ba la rang yang mi skye ba ni rgyu la bltos pa'i phyir ro/ /mi skye ba yang ma yin pa ni snga ma'i 'og tu 'di yod pas 'di yod par 'gyur zhes pa ste/ de'i phyir skye ba'i rang bzhin med pa la dgongs te/ rgyun 'brel pa'i rten cing 'brel te 'byung ba la de skad ces bya'o/ /thams cad mkhyen pas rgya cher dgongs pa'i sgra'i don ni sa dang po'i dbang pos dbu mar ? pa yin te/ bdag las ma yin gzhan las min/ gnyis dang rgyu med pa las min/ /gang yang gang zhig dngos po rnams/ /nams kyang skye ba med pa'o zhes so/ /blo gros chen po mi gnyis pa'i mtshan nyid gang zhe na/ 'di lta ste/ grib ma dang/ nyi ma lta bu dang/ ring po dang/ thung ngu dang/ nag po dang/ dkar po lta bu dag gnyis su rab tu phye ba rnams so sor tha dad ma yin no/ /blo gros chen po de bzhin du 'khor ba dang mya ngan las 'das pa ltar chos thams cad mi gnyis te/ blo gros chen po de ni mtshan nyid tha dad pa'i rgyu yin pa'i phyir ro/ /mya ngan las 'das pa gang na ba de na 'khor ba med/ 'khor ba gang na ba de na mya ngan las 'das pa med de /de'i phyir chos thams cad 'khor ba dang mya ngan las 'das pa lta bur mi gnyis so zhes bya'o zhes pa ni dngos po thams cad rang bzhin gyis rnam par log pa yin te /sems can rnams kyi sems ni gser lta bu ste/ dri ma dang bcas pa dang/ dri ma med pa'i dus na skad cig ma'i rgyun tha dad pas na 'khor ba dang mya ngan las 'das pa phar? chin? du tha dad pa'i rang bzhin pa yin te/ de dag nyid mi gnyis pa nyid ni sems can nam /gcig nyid langkar gshegs pa ye shes dpal bzang pos bshad pa sbyar ba las gsal ba/ rgyal po'i 'og tu rnam par shes pa bshad pa dang/ stong pa bshad par sbyar ba le'u gnyis su rtogs pa rnam pa gsum mo// //de bzhin gshegs pa'i snying po bshad par brtsams pa de la thams cad mkhyen pa la blo gros chen pos gsol ba/ gtogs 'dod dang/ lha chen po dang /tshangs pa la sogs pa rnams la yang chud pa'i khyab pa'i bstan pa mchis na thams cad mkhyen pas? de bzhin gshegs ba'i snying po la khyad par mi zhig gsungs par gyur / rang bzhin gyis 'od gsal ba'i chung ba khyod kyis gsungs na gang gis sangs rgyas pa'i chung ba mi gnyis pa'i the tshom ldog cing gong na mi za bar de'i khyad par bshad du gsol /sems can thams cad ni de bzhin gshegs pa'i snying po'o zhes 'phags pa shes rab kyi pha rol tu phyin pa la sogs par klag pa'o/ /lha chen pos smra ba ni/ ji ltar shing la me yod dang/ /sa yi nang du chu yod pa/ /de ltar thams cad lus rnams su/ /zhi ba dag pa rnam par gnas/ /thams cad 'di ni zhi bdag ste/ /zhi ba las ni rab tu 'byung/ /'byung po kun la zhi ba yod/ /zhi ba gang yin de da nyid/ /brtan zhing byin 'gro de bzhin du/ /cung zad gang ni sal yod/ /de kun mchog gi dbang po yis/ /bdag nyid khyab ste rab tu gnas/ /sngags kyi bdag dang sems pa can/ /skyes bu rnam ba gnyis shes bya/ /sngags las 'das dang sngags nyid dang/ /dbang phyug mchog la rnam pa gnyis/ /gtogs 'dod bdag ni yang smra? ba/ /nga yi skye gnas tshangs chen te/ /der bu 'jog pa nga yin no/ /'byung po thams cad 'byung ba ni/ /ba rang de las 'byung bar 'gyur/ /bdag ni 'byung po kun la gnas/ /'byung po kun kyang bdag pa ste/ /bdag ldan de ltar sus yig la?/ kun tu mnyam pa mthong ba'o/ /su zhig dbang? kun tu mthong/ /kun kyang de? las mthong ba yang/ /de ltar nga la sus shes pa/ /de ni las kyis mi gos te/ zhes bya ba rgya cher ro/ /tshangs bar smra ba po b+ha ta ha ri la sogs pa yang smra ba/ thog ma med pa'i tshangs brtag /yang dag sgra ni yig 'bru gang/ /gang las don dngos 'byung ba dang/ /'gro ba'i rab tu byed pa yang/ /gang yongs rtogs pa thams cad la/ /snang bar yang ni mi gnas te/ /rtog pa lung dang rjes dpag pas/ /rnam pa du mar kun brtags pa'o/ /'das kyang 'du 'dzi byed pa dang/ /dngos dang dngos med rim mi rim/ /bden dang brdzun bar sna tshogs bdag /dben pa las ni rab tu snang/ /'byung po rnams kyi nang rgyu ba/ /'gran dang rim duAng snang ba ste/ /thar pa rab tu grol ba de/ /grol 'dong rnams kyis bstan bar byed/ /de yi tshor ba gcig po yang/ /rnam pa mang por rab tu 'byed/ /'jig pa 'byung ba'i me mdag dang/ /chu yi phung por chu bzhin du/ /de phyir nga rong rigs gnas pa/ /gsal ba'i grong rnams 'gyur ba ni/ /sprin rnams char dang ldan pa rnams/ /rlung las 'byung ba bzhin du'o/ /gsum gyi gzugs su de snang ba/ /mur smra tha dad rnams la ni/ /mchog gi yongs su 'gyur ba ste// lta ba tha dad kyis ni bcings/ /zhi zhing rig bdag tshangs pa ste/ /de las byung ba'i ma rig pa/ /des ni srin po bzhin du med/ /gang smra mi nus rnam dag go /ji ltar nam mkha' rnam dag par/ /nga? ba de? ba 'khrul pa'i skyes bu yis/ /ri mo rnam pa sna tshogs kyis/ /kun tu gang bar sems pa pa/ /de ltar tshangs pa bdud rtsi 'di/ /'gyur ba med pa ma rig pas/ /rnyog pa lta bur byas pas na/ /tha dad gzugs su snang ba ste/ /lha sa rlung dang nam mkha' dang/ /ri dang chu dang phyogs rnams kyang/ /nang du byed pa'i yang dag gi / cha rnams phyi rol bzhin du gnas/ /tshul ni gcig nyid gang yin las/ /tha dad mthu ni rnam gnas pas/ /mthu las tha dad ma yin yang/ /tha dad bzhin du 'byung ba'o/ /tshangs sgra'i 'di ni sprul pa ste/ /sgra yi mthu las gcig gi rang bzhin gang yin pa de gnyis po'i ma yin pa'i phyir ro/ /rtag pa dang gcig pa'o zhes mi gnyis par smra ba rnams la ni grol ba dang mi grol ba dang/ phyug dbul la sogs pa gcig tu 'gyur ro zhes thams cad mkhyen pas dgongs pa'o/ /stong pa nyid dang/ mi skye ba dang/ mi gnyis pa dang/ rang bzhin med pa'i mtshan nyid mdo sde'i nang du chung ba de dag don 'di nyid khong du chud par bya'o zhes bya ba ni mtshan nyid la sogs pa'i stong pa nyid rnam pa bdun du bshad pa'o/ /mi skye ba yang gnyis kyi rnam pa rnams te/ rmi lam dang/ mig 'phrul la sogs pa yin no/ /skad cig pa la skye ba dang/ 'gog pa la sogs pa'i chos tha dad pa ma yin te/ des na yongs su grub pa'i chud pa rnams gyi gnyis kyi rnam pa mi skye bas na rang bzhin med pa'o/ /de'i phyir dgongs pa nges par 'grel pa la sogs pa'i mdo sder yang don 'di nyid do/ /sems ba med pa dang/ snang ba med pa'i don dam pa'i bden pa mi gnyis par yang dag par rig pa rnams ni rnam pa thams cad du stong pa nyid do/ /de la nang dang phyi rol du so sor snang ba'i gnyis kyi rnam par rtog pa rnams kyi stong pa nyid mdza' med pa dang/ gzhal du med pa ste byis pa rnams la mdor bsdus pa'i don rnam par phye ba'i stong pa nyid khyad par 'ba' zhig bshad do/ /de ni las du mar yang smras so/ /'phags ma shes rab kyi pha rol tu phyin par ni/ sems can gyi log pa'i shes pa'i rnam par rtog pa ji tsam yod pa de rnam par bcad pa'i phyir de tsam nyid du stong pa nyid kyi rim pa gsungs pas na stong pa nyid la mdza' med do/ /don dam pa'i stong pa nyid mi gnyis pa rtogs pa'i chos nyid de /dngos po dang/ dngos po med par rnam par rtog pa dang bral bas na de la tha dad par snang ba'i rnam par rtog pa med do/ /sems can rnams kyi log pa'i shes pa'i dpe'i don du thams cad mkhyen pas smig rgyu la sogs pa gzhag pa ni/ blo gros chen po 'di lta ste dper na /smig rgyu ba ni ri dags bslu ba yin te/ chu'i dngos por mngon par zhen pas mngon par zhen bar byed de la chu med do/ /blo gros chen po de bzhin du mdo sde bstan pa'i chos thams cad kyang byis pa rnams kyi rnam par rtog pa mgu bar bya ba yin te /de ni 'phags pa'i ye shes rnam par dgod pa'i gtam ni ma yin no zhes bya ba'i phye'i don la bltos te mi rtag pa dang/ sdug bsngal ba dang/ mi mdzes pa la sogs pa dang/ phung po la sogs par bstan pa lta bu ni byis pa rnams mgu bar bya ba yin te/ rnam pa de lta bu'i sems can gzung bar bya ba'i phyir bstan pa mdza' med do/ /ji ltar bar ti ka las 'byung ba/ /yang dag don la gzigs med par/ /glang po btsun pa mdzad nas ni/ /'jig rten blo ni 'ba' zhig gi /phyi yi sems pa spros bar mdzad/ /gang zag la bdag med pa bstan pas bdag la chags pa log pa'i phyir 'khor ba'i sdug bsngal yang ldog go / de'i 'og tu chos la bdag med pa bstan bas snang ba dang bcas pa dang/ snang ba med pa'i ting nge 'dzin dang/ sa'i khyad par thams cad sgom pa dang/ byang chub tu bzang po'i spyod pa'i smon lam gyis thams cad mkhyen pa nyid du 'gyur ba'i bdag dang gzhan gyi don du zhugs pa'i 'phags ba de dag gi phyir dgongs pa'i gtam de ma yin no/ /de kho na rnam par bzhag pa'i gtam ma yin pa ni don dam par ma yin no zhes dgongs par rtog go /chos thams cad yongs su shes pa dang/ de kho na nyid la gdon mi za ba'i phyir rtsod pa'i khyad par med do/ /de bas na don gyi rjes su 'brang bar bya'i/ bstan par klog pa la mngon par chags par mi bya'o zhes thams cad mkhyen pas blo gros chen po la gsungs so/ /'phags pa gnas pas na/ /sgra tsam las ni byung ba yang/ /de dag nyid du ni bar 'gyur/ /rab tu byed pa gcig 'byed la/ /med par rab tu phye ba dang/ de ni lung ston rtogs pa las/ /tshangs ba mchog ni chud par 'gyur/ zhes rgya cher ro/ bcom ldan 'das kyis mdo sde brjod pa las/ de bzhin gshegs pa'i snying po gsungs ba de /bcom ldan 'das kyis rang bzhin gyis 'od gsal ba rnam par dag pas thog ma nas rnam par dag pa nyid mtshan sum cu rtsa gnyis dang ldan pa /sems can thams cad kyi lus kyi nang na mchis par brjod pa de? / bcom ldan 'das kyis rin po che rin thang chen po gos dri ma can gyis yongs su dkris? pa ltar phung po dang/ khams? dang /skye mched kyi gos kyis yongs su dkris pa/ 'dod chags dang/ zhe sdang dang/ gti mug gi zil gyis non pa/ yongs su rtog pa'i dri mas yongs su dri ma can du gyur pa/ rtag pa brtan pa/ thar zug par ni brjod na/ bcom ldan 'das de bzhin gshegs pa'i snying por smra ba mu stegs byed kyi bdag tu smra ba dang ji ltar mi 'dra ba lags/ bcom ldan 'das mu stegs byang de rnams kyang rtag pa dang/ byed pa yon tan med ba khyab pa mi 'jug pa'o zhes bdag tu smra ba ston bar bgyid do zhes bya ba ni tus? pa dang/ gcig pa dang/ mi 'jig pa zhes bya ba/ pas? gtogs 'dod dang/ lha chen po dang/ che? dag par smra? ba dang mtshungs? so zhes snga ma'i phyogs su gsal pa ni glengs pa'o/ /bcom ldan 'das kyis bka' stsal pa/ blo gros chen po nga'i de bzhin gshegs pa'i snying por bstan pa ni mu stegs kyi bdag tu smra ba dang mtshungs pa ma yin te zhes pa der thams cad mkhyen pa'i dgongs pa gang zhe na/ rtag pa ni ma skyes bas na ri bong gi rwa ltar dngos po med pa'o/ /bya ba po? gcig po sems can thams cad kyi nang na gong pa mi rigs te/ /grol ba dang / ma grol ba dang/ phyug dbul la sogs pa gcig pa'i skyon du 'gyur ro/ /'khor pa dang mya ngan las 'das pa'i dus na sems can mang po rnams kyi chud pa mi gnyis pa'i rgyun skad cig pa yin par sangs rgyas pa rnams smra bas na de'i phyir gleng ba 'di mi rung ngo/ /bdag dang gzhan la byams sngad dang/ /rjod pa brjod pa dgongs pa ni/ /rmi lam du ni sems gcig la/ /'gal ba'i gzugs ni bzhin du'o/ /zhes par rig sngags 'dzin pa'i mthar smra ba po rnams kyis gang smra ba de yang ma rig pas blangs pa la ni rigs kyi mi gnyis pa yang dag pa'i chung ba la ni ma yin no/ /sangs rgyas pa rnams la ni sems can rnams kyi chung ba mang po ste /phan tshun gyi dbang gis phan par bya ba dang/ phan par byed pa'i dngos po'i rgyun 'brel par 'byung ba de dag la kun nas nyon mongs pa dang/ rnam par byad bar rnam par bzhag pa rigs so/ /'khor ba'i chan mnyam par mi 'jog pa'i ma rig pa bdag dang gzhan gyi rgyud kyi dbang las skyes pas rtag pa dang/ bdag dang/ bde ba dang/ gtsang ba'i dngos por phyin ci log pa rnams gang gi tshe na chos bstan pa'i gzhan gyi dbang dang/ shes rab kyis dbyad pa na mi rtag pa dang/ bdag med pas sdug bsngal ba dang /mi mdzes pa dang/ stong par yongs su shes nas phyin ci log pa'i rnams spangs te mya ngan las 'das par 'gyur ro/ /des na bdag med par 'jig par 'gyur ba'i sems can rnams la sems kyi rgyud nyid de bzhin gshegs pa'i snying por ston to/ /rtag pa dang/ khyab ba dang/ gzugs rnam pa sna tshogs kyi dbang po ni sems tsam rang gi mtshan nyid du 'khor ba dang/ mya ngan las 'das pa spyir rjes su yod pa dang/ ldan pa'i rang bzhin gyis 'od gsal ba /rkyen gyi khyad bar gyis bcas? pa'i tshogs rnams ni dri ma dang bcas pa dang dri med par 'byed bar thams cad mkhyen pas shes rab dang thabs la mkhas pas @121a bshad do/ /blo gros chen po de'i de bzhin gshegs pa'i snying po bstan pa ni mu stegs byed pa'i bdag tu smra ba dang mtshungs pa ma yin te zhes bya ba ni sems can rnams kyi chud pa nyid rgyun 'brel bar 'byung ba yin te/ de bas na mu stegs byed pa'i bdag tu smra ba dang mtshungs pa ma yin no/ /thams cad mkhyen pas de bsgrub par gsungs pa/ blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams ni stong pa nyid dang/ yang dag pa'i mdza' dang / mya ngan las 'das pa dang /ma skyes pa dang /mtshan ma med pa dang /smon pa med pa la sogs pa'i tshig gi don rnams la de bzhin gshegs pa'i snying por bstan pa byas na byis pa rnams bdag med pas 'jigs par 'gyur ba'i gnas rnam par spong ba'i don du de bzhin gshegs pa'i snying po'i sgo bstan pas rnam par mi rtog pa'i gnas snang ba med pa'i spyod yul ston te zhes bya ba la/ 'dzin pa dang/ gzung ba'i rnam pas stong pa/ bsam pa med cing don dam pa'i bden pa mi gnyis par yang dag par rig pa ni de bzhin gshegs pa'i snying po'i sgrar brjod pa'o/ /yang dag pa'i mdza' ni don dam ba mi gnyis pa'i chos nyid do/ /mya ngan las 'das pa ni nyon mongs pa dang /rnam par rtog pa'i snang ba ma lus par spangs pa'i phyir ro/ /ma skyes pa ni rten cing 'brel bar 'byung ba ste /chos thams cad la byed ba med pa'i phyir 'brel ba med pa'o/ /zhig pa dang ma zhig pa las 'bras bu skyed par mi byed pa ste /ji ltar slob dpon klus pos bstod pa las/ byed pa dgag par smras pa yi/ /zhig dang rnam par ma zhig pa/ /sa bon las ni myug 'byung med/ /ces bya ba la sogs pa ste /ma zhig pa 'ba' zhig gi 'og tu 'bras bu 'byung ste 'di yod na 'di zhes @ 121b bya bar ro/ /gang gi tshe na skad cig pa gcig yod pa de'i tshe gnyis po med de /gcig po nyid ni byed pa dang /byed pa po gang dang yang 'brel pa med do/ /gang zag la bdag med pa'i skad cig pa gcig la skye ba dang gnas pa dang /'gog pa'i chos gud na med do/ /chos la bdag med pa la yang gnyis kyi rnam pa rmi lam dang/ mig 'phrul dang /rab rib la sogs par snang ba bzhin pas na ma skyes pa'o/ /de ltar stong pa dang ma skyes pa'i chos rnam shes rab kyis dpyad de nang dang phyi rol gyi sbom po dang/ phra mo'i mtshan ma rnam par phye ba na tha dad pa dang /tha dad pa ma yin par kun mi mthong? ba'i chen mi gnyis pa'i sems mtshan ma med pa'i bdag nyid kyis gnas par 'gyur ro/ /smon pa med pa ni de'i tshe sems kyis ma smon pa'i phyir ro// snang ba med pa dang dngos po med par rnam par mi rtog cing nyon mongs pa'i dri ma kun dang rnam par bral ba gser lta bu rnam par dag cing rang bzhin gyi 'od gsal ba ni de bzhin gshegs pa'i snying po'i sgrar brjod pa ste / stong pa nyid dang/ mtshan ma med pa dang/ smon pa med pa rnam par thar pa'i sgor thams cad mkhyen pa rnams kyis gzung pa'i phyir zhes bya ba lan du ma bshad pa yin no/ /chos la bdag med pa rnam par rtog pa'i mtshan nyid thams cad rnam par log pa de nyid shes rab dang thabs la mkhas pa dang ldan pa rnam pa sna tshogs kyis de bzhin gshegs pa'i snying bor bstan pa'am / bdag med par bstan par yang rung ste /rdza mkhan bzhin du tshig dang yi ge'i rnam grangs rnam pa sna tshogs kyis ston to zhes bya ba'i bsdus pa'i don ni rdza mkhan gyis 'jam pa'i gong bu la yo byad du ma'i ming du 'dogs pa bzhin du thams cad mkhyen pa rnams kyis de bzhin gshegs pa'i snying po rnam grangs du mas ston to/ /sogs pa'i sgras ni bsam kyis mi khyab pa dang /chos kyis dbyings dang de bzhin nyid la sogs pa'i tshig rnams nye bar brtag par bya'o/ /rang bzhin gyis 'od gsal ba yang 'khor ba ni dri ma dang bcas pa'i chung pa'o/ /mya ngan las 'das ba'i dus na gser gyi 'byung khung du gser gyi khams gtso ba la sogs pa'i tshogs dri ma med par 'byung bzhin du de nyid ma rig pas blongs pa'i nyes pa dri ma thams cad shes rab kyi tshul gyis spangs te rnam par dag pa'i sangs rgyas nyid thob par 'gyur ba de spyir bdag dang tshangs pa dang / dbang po la sogs par smra ba dang khyad par du bdag pa dang khyad bar la sogs bar brtag par mi bya'o/ /chung ba'i rgyud de nyid la sems can gzung ba'i phyir rtag pa dang/ bdag dang/ byed pa por smra ba mngon par zhen pa rnams mi rtag pa dang bdag med pa dang/ sdug bsngal ba dang /mi mdzes pa dang /stong pa'i chos de kho na nyid yongs su shes par bya ba dang/ 'khor ba'i sdug bsngal zad par bya ba dang /thams cad mkhyen pa'i ye shes thob par bya ba dang /bdag dang gzhan la phan par bya ba dang /byang chub kyi tshogs yongs su rdzogs par bya ba dang /bsod nams dang ye shes mngon par spel bar bya ba'i phyir shes rab dang thabs dang mkhas par bstan no/ /rnam par shes pa ma gtogs par tshig gi don gzhan med do zhes thams cad mkhyen pas ston par mdzad pa gang zag rgyun dang phung po dang/ de bzhin rkyen dang rdul dag dang/ /gtso bo dpa' ba byed pa por/ /sems tsam po la rnam par brtags zhes pa ste/ gang zag ni skyes bu dang rig pa po la sogs par sems nyid la ming tha dad par 'dogs so/ /chud ba'i rgyun ma gtogs par yang rtag pa dang /bdag dang / dbang po dang /phyi rol gyi dmigs su med pa'i phyir ro/ /bde ba dang sdug bsngal du yang dag par tshor ba 'byed bas dbye ba na rtags por mi rigs te/ shing dang thal ba la sogs pa bzhin du rang bzhin gzhan 'byung ba'i phyir ro/ /blo yang skad? cig pa gzhan du mi gnas te grangs can 'dod pa ltar rgyun gyi yul la gcig par lhag par chags pa mi rigs te / sngon po dang ser po la sogs pa bzhin du blo rnams tha dad pa'i phyir 'jig rten byung nas 'jig ba'i mthar thug gi bar du blo gcig go zhes grangs can? smra ba dang / skyes bu yang grang ba dang dro ba la sogs pa bzhin pas na gcig par mi rung ba ste tshor ba tha dad pa'i phyir ro/ /phyi'i don yang rnam par shes pa ma gtogs par dngos por yod pa ma yin te /rmi lam dang /mig 'phrul dang /rab rib la sogs pa'i snang ba bzhin no/ /phung po rnams kyi sbom po dang phra mo rang bzhin rnam par gzhigs pa na khang pa dang nags tshal la sogs pa bzhin du stong par 'gyur ro/ /gzung ba dang 'dzin pa dag kyang du mar mi rigs pa dang /shes ba yang rnam pa gcig par mi rung ste/ sna tshogs pa gcig bar mi 'thad pa'i phyir ro/ /de'i phyir bslang pa'i mthus rnam pa sna tshogs rnams kyis dbang po la so sor snang ste/ shes rab kyis dben par yongs su shes pa na dri ma med pa'i mi gnyis bar 'gyur ro/ /rkyen rnams ni gnyis kyi rnam ba'i shes pa la rgyu dang / dmigs pa dang /de ma thag pa dang /dbang gi rkyen du kun brtags pa'o/ /phyi rol gyi don med pa'i phyir gzung ba dang 'dzin pa dag kyang med de cis na rgyu dang 'bras bu'i dngos por 'dzin par 'gyur/ bsam pa med cing snang ba med pa don dam pa'i bden pa mi gnyis par yang dag par rig pa ni bdag la yang rig par bya ba dang / rig pa po'i dngos bor mi 'dzin pa na tha dad par lta ci smos /'das pa dang ma 'ongs pa ni med la /mi snang na ji ltar na rnam par rtog par 'gyur/ snga ma'i 'og tu 'di yod pas 'di yod par 'gyur ba 'ba' zhig go zhes snang ba dang bcas pa'i ting nge 'dzin la bzhugs pa'i rnal 'byor gyi dbang po rnams ston to/ /der yang gang gi tshe na skad cig ma snga ma yod pa de'i tshe na skad cig ma phyi ma med de 'brel pa med pas na su'i rgyu yin/ ji ltar byed pa dbu ma las bkag pa/ yod dang med pa'i don la ni/ /rkyen rnams yod bar mi rung ste/ /med na rkyen ni su yi yin/ /yod na rkyen gyis ci zhig bya zhes pa ste/ /de'i 'og tsam gyis 'di yod na 'di yod ces bya ba 'ba' zhig ste/ gzhan gyi khyad par med kyang rkyen 'ga' zhig las rang bzhin nges pa'o/ /phyi rol dang nang gi 'dzin pa dang gzung ba med pas na phyi rol gyi don med de /ji ltar 'di nyid du bsgrub par mdzad pa /gzugs ni rdul phan? gzhigs pa na/ /rdul phran cha ni med pa ste zhes pa'o/ /des na tshon gyis btsos pa dang/ /ma btsos pa dang /bsgul ba dang/ ma bsgul ba dang/ bsgribs pa dang /ma bsgribs pa la sogs pas dbye ba na yan lag gi rdzas med par ma zad kyi rdul phra mo yang med do/ /gang dag yang phyogs tha dad par phye ba na khang pa dang /sde dang /nags tshal la sogs ba bzhin du stong pa nyid do/ /bde ba dang sdug bsngal ba dang /gti mug gi bdag nyid du gtso bo la yon tan gsum dus su dag kun tu rtog pa de la yang dag par rig pa'i rang bzhin bar yongs su gsal ba nyid de/ bde ba dang sdug bsngal la sogs ba'i sim ba dang yongs su gdung ba la sogs pa'i rang bzhin pas na bar ti ka las rtsod ba rgya cher te /des na khams gsum pas semS tsam mo/ /dbang po yang? chud ba'i rang bzhin nyid de byed ba po dang /las dang/ byed pa la sogs pa yongs su shes pa'i khyad par ni chud pa'i bdag nyid kyi yin no/ /dbang po yang yul gyi rnam pa sna tshogs su yang dag par rig par 'byed pas phye ba na ji ltar na rtag pa yin / shing dang thal ba la sogs pa bzhin du rim pa'i khyad par gyi phyir ro/ /gal te 'dod chags dang bral ba zhig na ni gzhan la gnod pa ji ltar byed par 'gyur/ 'on te 'dod chags dang bral ba ma yin na ni bdag nyid nod pa'i shes pas gti mug gis rnyogs te / bdag nyid la phan bar mi nus na gzhan la phan pa cis na byed par 'gyur/ gang yang dbyibs kyi khyad par yod ba thams cad ji lta ba bzhin gyi dbyibs byed pa ngos sngar byas par rnam pa ci lta bur gzung ba de lta bu gling gi bar gyi sgang dang / 'brog dang shing la sogs pa de dag thams cad ni blo can gyi skyes bus sngar byas par mi gzung ste /de'i phyir rnam ba de lta bu'i 'bras bu las rnam pa de lta bu'i rgyu la rjes su dpag pa'o/ /lha khang la sogs ba'i 'bras bu las thig btab pa la sogs pa rjes su dpag pa bzhin pa 'brel pa gzung nas rnam pa de lta bu la ni chung bar bya ba dang / chud par byed pa'i dngos por rung ngo/ /de la spyi tsam khyad par med pa nyid las khyad bar du rjes su dpag par bya ba ni gnam 'phang du dkar ba la sogs pa tsam gyi tshub ma dang na bun la sogs par gtogs pa'i chos 'dra ba tsam gyis mer rjes su dpag pa lta bu ni rigs pa ma yin no/ /de bzhin du lus dang /byed pa dang /gnas kyi gzhi blo can khyad par gyi skyes bus sngar byas bar mi 'dzin pas na ji ltar na de las dbang por rjes su dpag tu rung mi gnyis pa'i phyogs kyi dbang po yang rtag pa dang/ gcig pa dang /khyab pa'i dngos pos dngos po thams cad de'i rang bzhin pa yin te /zhi ba pa smra ba lta bur dbang po'i rang bzhin pa'i dngos po rnams la tha dad pa med par 'gyur ba ni/ brtan dang 'gro can de bzhin du/ /sa la yod pa cung zad gang/ /thams cad de ni dbang mchog ste/ /bdag nyid khyab nas gnas pa'o/ /zhes pa de'i tshe dbang po ma yin bar su yang mi 'gyur te /grol ba dang / ma grol ba dang/ phyug pa dang /dbul ba la sogs pa rnams kyi khyad par dmigs su med par 'gyur la/ thams cad kyang zhi ba'i rang bzhin par 'gyur te/ de ni rtog pa'i rgyun du tshangs pa la sogs pa'o/ /rtsod bzhi ba mor 'dir sbyor bar bya'o// 'phags pa langkar gshegs pa le'u gnyis pa ye shes dpal bzang pos bshad pa sbyar ba las gsol ba'i lan dang / kun gzhi dang /stong ba nyid rtsod ba'i gnas kyi 'og tu de bzhin gshegs pa'i snying po'i dpyad pa bzhi pa'o/ / //de nas byang chub sems dpa' sems dpa' chen po blo gros chen pos ma 'ongs ba'i skye bo'i tshogs la bltas nas/ yang bcom ldan 'das la gsol ba btab pa/ bcom ldan 'das ji ltar byang chub sems dpa' zhes bya ba la sogs pa'o/ /thams cad mkhyen pas kyang bka' stsal pa /rgyu bzhis na rnal 'byor chen po'i rnal 'byor can du 'gyur ro/ /'di lta ste rang gi sems snang ba rnam par bsgom pa dang zhes pa ste /rang gi sems ma gtogs bar phyi rol du snang ba dmigs su med pa ni rmi lam dang / mig 'phrul dang /rab rib la sogs pa'i snang ba bzhin no/ /skye ba dang /gnas pa dang /'jig pa'i lta ba rnam par spong ba ni skye ba dang /gnas pa dang / 'jig pa la sogs pa'i chos rnams skad cig pa la med do/ /gang gi tshe na skad cig pa gcig yod pa de'i tshe na skad cig pa gcig gnyis po med do/ /snga ma'i 'og tu 'di yod na 'di yod do zhes bya ba 'ba' zhig gi byed pa dang byed pa po dang mngon par 'brel te / skye ba ni ma yin te /byed pa po dang/ las dang/ byed pa mngon par 'brel pa rnams ni rgyun la btags pa yin gyi /skad cig pa gcig la ni ma yin no/ /de ltar skad cig par 'jig pa de ni chos dang gang zag la bdag med pa la spyir bshad pa'o/ /chos la bdag med pa'i khyad par ni rmi lam dang /mig 'phrul dang /rab rib la sogs pa snang ba bzhin du don dam par gnyis kyi rnam pa thams cad skye ba dang /gnas pa dang// 'jig pa dang bral ba ste/ ji ltar dbu ma las 'byung ba/ rang bzhin med pa'i dngos po rnams/ /gang phyir yod pa ma yin pas/ /'di yod pas na 'di yod ces/ /de ni 'thad pa ma yin no/ /zhes pa gzhan gyi dbang gi dbang du byas nas slob dpon klus bos kyis bsams pa ste / ji ltar dgongs pa nges par 'grel pa las/ rang bzhin med pa rnam pa gsum zhes pa'o/ /de der gzhan gyi dbang gi gnyis kyi rnam pa sna tshogs pas na skye ba'i rang bzhin med pa na khang ba dang /sde dang / nags tshal la sogs pa bzhin no/ /grub pa la sna tshogs pas gnod pa med do/ /gal te skyed ba 'dus byas na/ /mtshan nyid gsum ldan der rig ste/ /'on te skyed pa 'dus ma byas/ /'dus byas mtshan nyid ji ltar rung/ /skye ba skye ba ji lta bur// bdag nyid gzhan gyis ma yin pa/ /'gog pa la ni 'gog pa yang/ /bdag nyid gzhan gyis ma yin pa/ /gal te skye ba sngar yod la/ /rga ba 'chi ba phyis na ni/ /skye la rga ba 'chi ba med/ /skyes kyang 'chi bar mi 'gyur ro/ /rga ba 'chi bar mi 'gyur ba'i// thams cad chos la thams cad du/ /spro bar byed pa skye ba ci/ /de las rga ba 'chi ba 'am ci/ /phyi rol gyi dngos po dang dngos po med par rtog pa ni phyi rol gyi sbom po dang phra mo kun ji ltar rtog par byed pa de ltar gzugs ni rdul phran gzhigs pa na/ /rdul phran cha ni med pa ste/ zhes bya bar dngos por rnam par phye ba na sde dang nags tshal la sogs pa bzhin du rtogs so/ /'phags pa so so rang gi ye shes khong du chud pa tha dad pa med pa'i mtshan nyid de gang gi tshe na shes par bya ba sbom po dang phra mo shes rab kyis mi dmiD pa de'i tshe na bsam pa med cing snang ba med pa don dam pa'i bden pa yang dag par rig pa ni rnal 'byor pa rnams kyis rnal 'byor du 'gyur ro/ /ji ltar dbu ma las spros pa med cing mi gnyis pa'i mtshan nyid du bshad pa/ /rnam rtog med cing snang ba med/ /spros@125a pa rnams kyis ma spros pa/ /'di ni 'jig rten mgon po yi/ /sangs rgyas bstan ba bdud rtsi yi/ /mi gnyis pa'i chud pa nyid rnam par mi rtog pa dang snang ba med pa'o/ /des ni brtags ba dang gzhan gyi dbang mo gsham gyi bu lta bur 'grub pa'i ye shes med do zhes b+he? byas gleng du med do/ /yang dag par rig pa tsam so so rang gis rig par bya ba rig pa dang rig par byed pa'i dngos por bstan du med pa snang ba dang bral ba/ dngos po dang dngos po med bar rnam par mi rtog pa'i sems don dam pa'i bden par bdag nyid la'ang mi rgyun yi ge dang sgras brjod pa lta ci smos te tha dad pa med pa'i 'phags pa'i ye shes mngon par rtogs bas na de las gzhan ba nges bar 'jug pa'i dbang po shes ba dang / dbugs rdub pa myong ba bzhin no/ /yang dag par rig pa tsam ni 'di'o zhes yod pa dang med par smrar? med de / thog ma dang tha mar stong ba dang/ dbus su yang rang bzhin gnyis kyis stong ste /skad cig ma'i rgyun tha dad pa yin yang/ skad cig ma gcig tha mi dad pa 'phags pa rnams kyi gnyis su med par yang dag par rig pa'o zhes thams cad mkhyen bas dgongs pa'o/ /de ni bstan pa'i tshig bsdu ba'i don du bshad pa ste/ rgya cher ni thams cad mkhyen pa nyid kyis ston ba mdzad pas na der bshad du med do/ /rten cing 'brel bar 'byung ba'i rgyu'i mtshan nyid rnam pa gnyis te zhes bya ba la sogs pa la phyi nang gi dpe ni snang ba ji bzhin par thams cad mkhyen pas sems can rnams la khong du chud par mdzad pa'i don du yin gyi bum ba dang snam bu la sogs pa phyi rol gyi rdul dang / rgyu spun gyis bskyed pa ni ma yin no/ /ma rig pa dang/ srid pa dang /las las gzugs la sogs pa'i phung por snang ba skyes pa ste / don dam par ni rmi lam la sogs pa bzhin du ma skyes pa nyid de /thog ma med pa'i nyes pa'i bag chags kyis bslang ba yongs su smin pa'i mthu las sna tshogs kyi rnam pa phung po dang /khams dang /skye mched rten cing @ 125b 'brel te 'byung ba'i khyad par rnams so sor snang ba 'ba' zhig go / de la rgyur 'byed pa ni thams cad mkhyen pas snang ba'i khyad par bzhin du ston par mdzad pa blo gros chen po de la rgyu ni rnam pa drug ste/ 'di ltar 'byung par? 'gyur ba'i rgyu dang/ 'brel pa'i rgyu dang/ mtshan nyid kyi rgyu dang / phyed pa'i rgyu dang /snang ba med pa'i rgyu dang /bltos pa'i rgyu dang drug go /de la thams cad mkhyen pa rnam bar phye ste ston pa /de la blo gros chen po 'byung bar 'gyur ba'i rgyu ni phyi nang gi chos rnams skye ba'i phyir rgyu'i bya ba byed do zhes thams cad mkhyen pas der ci yang dgongs pa de rjes su dpag par bya ba na 'jig rten gyi rnam pa sna tshogs pa nilas las 'byung bas na 'byung bar 'gyur ba'o/ /lus dang 'jig rten rnam pa sna tshogs nang dang phyi'i sgom po dang /phra ba snang ba la dgongs na ni thams cad mkhyen pa nyid tshad ma'o/ /blo gros chen po 'brel pa'i rgyu ni phyi nang gi phung po dang sa bon la sogs pa 'byung ba'i phyir dmigs pa'i bya ba byed do zhes pa gzugs la sogs bar snang ba ni dmigs pas na dmigs pa ste /snang ba nyid rgyu dang 'bras bu dngos por bcom ldan 'das kyis dgongs pa'o/ /blo gros chen po mtshan nyid kyi rgyu ni de ma thag tu byed ba'i mtshan nyid dang 'brel par bskyed do zhes pa de ma thag tu byed ba'i las kyi mtshan nyid gang 'brel nas mtshan nyid gang gis gang la brtag par bya ba de mtshan nyid kyi rgyu'o/ /ji ltar lung ston pa'i gtsug lag laS byed pa po rang dbang ngo zhes kun rtog pa'o/ /blo bros chen po byed ba'i rgyu ni dbang ba gdogs ba'i bya ba byed do/ /'khor los sgyur ba'i rgyal po bzhin no zhes ba de ni sbyor ba'i rgyu ste /ji ltar lhas sbyin gyis mchod sbyin bum 'byed du gzung ba'o/ /'khor los sgyur ba'i rgyal po bzhin zhes pa ni ji ltar 'khor los sgyur ba'i rgyal bos rgyal po gzhan dag byed bar gzung ba de ltar gtso bo'i rgyu de dbang byed pa'i rgyur brtog go /khyad par du brtag pa ni thams cad mkhyen pa nyid tshad? ma'o/ /blo gros chen po snang bar byed pa'i rgyu ni rnam par rtog pa'i dngos po skyes ba'i mtshan nyid snang ba'i bya ba byed de gzugs la sogs pa la mar me bzhin no zhes ba ji ltar mar mi bum ba dang /snam bu la sogs par rnam par rtog pa'i dngos po rnams kyi snang bar byed pa'i rgyu yin ba de ltar sngar skyes pa'i khyad par snang ba ni snang bar byed pa zhes bya'o/ /de yang dag par na byed pa nyid de 'dra ba'i skad cig pa gzhan las bltos te skad cig ma rgyun tu 'byung ba las gang gis mtshan nyid mi mthun par mi byed pa ni snang bar byed pa'o/ /blo gros chen po bltos pa'i rgyu ni rnam bar ldog pa'i dus ni rnam bar mi rtog pa'i dngos po 'byung ba'i phyir bya ba rgyun chad bar byed do zhes pa ni rgyu 'dus pa gang yod par gyur nas de'i 'og tu 'bras bu gang yod dma' bar 'gyur ba de lta bu ni bltos pa'i rgyu zhes bya'o/ /ji ltar mi la bltos te shing thal ba'i dngos por 'byung ba na rnam par mi rtog pa ste sngon gyi shing gi dngos por rnam par mi rtog ces bya ba'i bar du'o/ /'di dag ni blo gros chen po byis ba so so'i skye bo rnams kyis rang gi sems kyi rnam par rtog pas brtag ba ste / rim gyis 'jug pas kyang ma yin /cig char yang mi 'byung ngo/ /ci'i phyir zhe na /blo gros chen po gal te cig char 'byung na ni /bya ba dang byed pa'i bye brag kyang med par 'gyur ro zhes bar thams cad mkhyen pas ci dgongs zhe na/ gnyis kas kyang bdag 'byung pa thob pa'i phyir ro/ /rgyu dang 'bras bu'i dus mtshungs par dang /phan par bya ba dang /phan par byed pa med pas na dus gcig tu bye brag tu dbye bar mi nus so/ /rgyu'i mtshan nyid du ma red pa'i phyir zhes pa ni rgyus 'bras bu la phan par byed pas mtshan nyid thob par 'gyur na phan par byed pa med pas rgyus rgyu'i mtshan nyid ma thob bo/ /gzhan bar bshad na 'bras bu gang gi rgyu las mtshan nyid du ma red pa'i 'bras bu ste / thams cad mkhyen pa'i sgra'i don la sbyar ba'i tshig gnyis kar yang brtag pa ni chos nyid du 'gal ba med pa'i phyir ro/ /de ste rim gyis 'jug pas 'byung na ni mtshan nyid du ma red pa'i bdag nyid pas zhes bya ba ni bya ba'i mtshan nyid du red pa med pa'i bdag nyid kyi phyir ro/ /gang gi tshe na rgyu'i skad cig pa yod pa de'i tshe na 'bras bu'i skad cig pa med de /yod pa dang med pa dag kyang ji ltar na 'brel/ skad cig pa gcig ni su dang yang 'brel pa med do/ /zhig pa dang ma zhig pa 'bras bu skye ba la byed pa med de / der thams cad mkhyen pas byed pa dgag par dgongs pa'i phyir ro/ /de ma thag pa tsam gyis dngos bor so sor nges pa 'ba' zhig ste /de bzhin du yang kun nas nyon mongs pa dang rnam par byang ba kun rdzob dang /don dam pa'i bden pa gzhan gyi dbang dang/ yongs su grub pa rten cing 'brel te 'byung ba rnam pa gnyis la sbyar bar bya ste nges na rim gyis 'jug ba mi 'byung ngo/ /thams cad mkhyen pas de nyid la dper gsungs pa blo gros chen po bu ma skyes par pha zhes gdags pa dang 'dra ba rtog pa po rnams kyis rim gyis 'jug pas 'brel pa'i tshul yang mi rung ngo zhes pa de'i pha 'di yin no zhes bu ma skyes par yang phar 'dogs pa ji lta bu rung zhes thams cad mkhyen bas dgongs pa'o/ /snga ma'i 'og tu 'di yod na 'di yod par 'gyur ro zhes rten cing 'brel par 'byung ba 'ba' zhig ste / de ma thag pa tsam gyis kha cig tu las dang 'bras bur 'brel ba'i rang bzhin du so sor nges so/ /de bzhin du kun nas nyon mongs pa dang /rnam par byang bar bzhag pa yang kha cig gi de ma thag tu dag pa dang dag pa yang snang gi bdag nyid las ma yin la / gzhan thams cad las kyang ma yin pa dang /gnyi ga las kyang ma yin te ji ltar thams cad mkhyen bas gsungs pa bdag dang/ gzhan dang gnyis ka dang/ yod pa dang /med pa las skyes pa med do zhes pa'o/ /de bas na slob dpon klus bos kyis bstod pa las smras pa /zhig dang rnam par ma zhig pa'i/ /sa bon las ni myug 'byung med/ /rmi 'byung bzhin du 'byung ba ste/ /de ltar kun ni khyod gsungS mdzad ces so/ /yod dang med pa las byed pas rgyu'i 'bras bu skyed par mi byed de/ ji ltar btsun gtso byams pas sgrub bar mdzad ba skye ba dang 'jig pa dus mtshungs te srang mda'i mthon dman bzhin no zhes so/ /rgyu med pa las kyang ma yin / dbang po las kyang ma yin /rang bzhin las kyang ma yin/ yon tan 'pho ba las kyang ma yin zhes bya ba la sogs pa'o/ /'di yod na 'di yod par 'gyur zhes bya ba la sogs pa'o/ /gang gi tshe na rgyu sngar yod pa de'i 'og tu 'bras bu 'byung gi / skad cig pas bar bcad pa ni med do/ /rgyu 'jig pa'i dus nyid na 'bras bu 'byung ste 'jig pa dang /skye ba la sogs bar yang lhag pa'i chos gzhan med do/ /thog ma dang tha ma'i skad cig pa nyid kyi dngos po yang de ma thag tu brtags pa'o/ /de bzhin du chos dang chos can gyi tha snyad byed par yid ches ba bzhin du btsun gtso sangs rgyas su 'gyur bas dgongs pa'o/ /chos dang gang zag la bdag med pa gnyis la yang rten cing 'brel te 'byung ba mi 'byung bar bdag gis dbu ma lta bur bsgrubs ba ni/ 'gog med skye ba med pa dang/ /rtag med chad pa med ba dang/ /gcig don du ma'i don smin dang/ /'ong ba med pa 'gro ba med/ /rten cing 'brel bar 'byung ba ni/ /spros pa nye zhi zhi bar yang/ /rdzogs pa'i sangs rgyas gsung gyur pa/ /bsung mchog de la phyag 'tshal te zhes pas/ sa dang po'i dbang pos dbu ma'i gtsug lag gi lus su bsdus par gyur na ni byed pa dang byed pa por 'brel ba de nyid gsal ba'i phyir gtsug lag las 'byung ngo/ /'brum bu za ba dang /kham pa pa dang/ rkang ? dang/ spel ba pa dang/ mdze'i mi ni pa dang /tsa ra ka pa dang/ lung ston pa rnams kyi kun tu brtags pa'i 'dzin pa dang/ gzung ba dang/ byed pa dang byed pa par 'brel te rjod ba dang brjod pa la sogs pa'i rnam bar rtog pa'i 'dzings pa'i kun nas nyon mongs pa bsal ba'i zhugs pa'o/ /de dag las kyang skye bar bya ba bskyed pa ni byed pa por 'brel ba de thog mar spong bar byed do/ /byed pa po la mngon bar chags pas 'khor ba'i sdug bsngal rab tu 'byung ngo/ /rtag pa dang /bdag dang /bdag gi dang/ byed pa po dang /las dang byed pa la mngon bar chags pa log na sdug bsngal ldog go zhes so/ /gang la skye ba med pa de la gnas pa dang /'gog pa la sogs chos yod pa ma yin te/ de ltar dbu ma nyid du sgrub par byed pa/ gal te skye ba 'dus byas na/ /mtshan nyid gsum ldan der rig ste/ /'on te skye ba 'dus ma byas/ /'dus byas mtshan nyid ji ltar rung/ /skye ba skye ba ji lta bur/ /bdag nyid gzhan gyis ma yin pa/ /'gog pa la ni 'gog pa yang/ /bdag nyid gzhan gyis ma yin pa'o/ /gang zag la bdag med pa yang/ rten cing 'brel te 'byung ba la skye ba la sogs pa'i chos lhag pa yod pa ma yin te / ji ltar 'phags pa dge 'dun chen po bdag klog pa/ 'dus byas thams cad skad cig pa/ /mi brtan byed pa ga la zhig /gang 'byung byed pa de nyid de/ /byed pa por yang de nyid brjod/ ces so/ /rten cing 'brel te 'byung ba'i skad cig ba'i rgyu la rtag pa dang chad pa med do/ /gcig don la yin zhes bya ba ni ma rig pa dang/ las rnam par smin pa'i las rmi lam la sogs la snang ba bzhin du rten cing 'brel te 'byung ba'i yan lag bcu gnyis don du ma'i phyir ro/ /du ma don ma yin zhes bya ba ni don dam pa gnyis kyi rnam pa med pas na mi gnyis pa'i phyir ro/ /'ong ba dang/ 'gro ba dang bral ba ni thog ma dang tha ma'i mdza' stong pa'i phyir ro/ /de'i phyir stong pa nyid kyi chos kyi rnam grangs skye ba na gang nas kyang mi 'ong la/ 'gag pa na yang gang yang sogs su mi 'gro zhes so/ /bar du yang gnyis kyi rang bzhin gyi stong pa ste/ des na thams cad mkhyen bas rten cing 'brel bar ? ba spros ba nye bar zhi bas ? bar gsungs so/ /sangs rgyas ? 'gyur ba'i sa dang po'i dbang bos kyang dbu mo'i gtsug lag tu gtogs pa las / bdag las ma yin gzhan las min/ /gnyis dang rgyu med las kyang min/ /dngos po rnams ni skye ba yang/ /'ga' zhig gang yang yod min no/ /zhes pa ste/ bdag dang gzhan dang gnyi ga las ji ltar mi skye ba de ltar thams cad mkhyen pas rnam pa'i chos kyi 'grel pa las sngar bshad zin to/ /'phags pa btsun gtso byams pa'i sA lu ljang pa'i mdo sde las 'byung ba rten cing 'brel te 'byung ba'i rtsod ba'i gnas rnams kyang bdag gis dam pa'i chos kyi 'grel pa bshad pa na dbang po dang/ gtso bo la sogs pa dpyad pa sngar byas te /sems kyi rgyud rten cing 'brel te 'byung ba rtag pa las kyang ma yin /chad pa las kyang ma yin /rgyu med ba las kyang ma yin /dbang po las kyang ma yin/ rang bzhin las kyang ma yin /yon tan 'thos pa las kyang ma yin zhes bya ba la sogs pa sA lu ljang pa'i mdo sde las zhib tu 'byung ba'i phyir rtag pa ni ma skyes pas na mo gsham gyi bu la sogs ba bzhin du dngos po med de /rtag pa dang/ dbang po dang / gtso bo la sogs pa la yang tshul 'di nyid do/ /sems la rgyu med pa ma yin pa ni byung ba rnams las mi skye ste/ skyes ma thag pa la rga ba dang /'jig pa dang /mya ngan snang ste /des na sngon gyi goms pa'i yod bar rjes su dpag go /kun gzhi rnam par shes pa bshad pas 'jig rten phyi ma bsgrubs pa ni da ni bshad zin mod kyi/ mdor ni rten cing 'brel bar 'byung ba ni mi 'byung ba ste /byed pa dang /byed pa bo dang /mngon par 'brel nas rgyu dang 'bras bu'i dngos po med de /ji ltar na ?? 'og tu 'di yod pas na 'di yod par 'gyur ro zhes bstan par bya'i yod pa dang med pa las skye bar ni mi rang ngo/ /ji ltar thams cad mkhyen pa'i dam pa'i chos kyi 'grel ba'i bshad ba dang dbu ma las/ yod dang med ba'i don la ni/ /rkyen rnams yod par mi rung ste/ /med na rkyen ni su yi yin/ /yod na 'di rkyen gyis ci zhig bya zhes bya ba las na yod pa dang med pa yang skye bar mi rung ste /dngos po med pa byed ces pa yang ci yang mi byed ba yin te /byed ba dgag par byas bar gyur ba nyid do// de bas na cig char dang/ /rim gyis 'jug par byed pa dang /byed pa por 'brel te mi 'byung ngo/ /rgyu rnam pa drug pa yang byis pas kun brtags pa'o/ kun brtags pa zhes bya ba ni byed ba po dang /las dang byed pa la sogs pa'i rang bzhin pa'ang mngon bar zhen pa'i mtshan nyid kyis zhes bya ba'i don to/ /snang bar byed pa dang bltos pa'i rgyu yang 'bras bu de ma thag pa'i rgyu nyid du thams cad mkhyen bas sbyar te /rgyu dang dmigs pa dang /de ma thag ba dang dbang gi rgyu yang rnam ba bzhi mdo sde 'dir phye nas gsungs so// dbu mang? yang slob dpon kyis kyang de bzhin du ston pa rkyen bzhi rnams la rgyu dang ni / dmigs dang de ma thag pa dang/ /de bzhin du yang dbang gi ste/ /rkyen ni lnga ba med pa'o zhes pa ste/ /dngos po thams cad la rim dang cig car du skye ba dang /skyed pa'i dngos por mi rung ngo/ /dbu ma las mdor bshad pa ni/ /dngos po rang bzhin med rnams la/ /yod pa min bas gang las ni/ /'di yang bas na 'dir 'gyur zhes/ /de ni 'thang ba med pa'o/ /zhes pa ni rnam ba sna tshogs kyi rnam pa la gnod par 'gyur ba'i phyir ro/ rang bzhin med pa zhes bya ba ni rnam pa sna tshogs kyi gzhan gyi dbang rnams kyi ste/ gang dag 'dzin ba dang /gzung ba dang /brjod pa dang/ rjod pa so sor snang ba'i rnam par rtog par 'byed pa'i yod pa de dag ni gnyis kyi rnam pa stong ba nyid de /rmi lam@129a dang/ mig 'phrul dang/ rab rab la sogs pa snang ba bzhin no/ /rnam par rtag pa med cing snang ba med pa gnyis su med pa'i chud pa rnams la tha dad pa snang pa'i rnam par rtog pa med pa'i phyir yang rgyu dang 'bras bu'i bye brag 'dzin ba med do/ /rnam pa de lta bu'i mi gnyis pa'i mtshan nyid du 'ang rgyu ba med na/ 'di yod na 'di yod par 'gyur ro zhes yi ge dang sgra lta ci smos /ji ltar dbu ma'i gtsug lag tu sa dang po'i dbang pos gsungs pa/ gzugs? dngos po mthong pa dang/ /med par mthong ba blo chung rnams/ /nyer zhi zhi ba blta bya ba/ /de dag gis ni mi mthong ngo/ /rnam rtog med cing snang ba med/ /spros pa rnams kyi ma spros pa/ /'di ni 'jigs rten mgon rnams kyi/ /sangs rgyas bstan pa bdud rtsi'o/ /rnam par rtog pa dang bcas pa dang/ rnam par rtog pa med pa la sogs pa'i chos rnams ni sems nyid la rigs te /des na dngos po dang dngos po med pa'i rnam par rtog pa spangs te /mi gnyis pa yang sems nyid la rigs so/ /ji ltar 'di nyid du gsungs ba spros las 'das pa mi gnyis pa/ /yang dag sangs rgyas spros par byed/ /de dag spros nyams glen pa rnams/ /de bzhin gshegs pa mi mthong ngo/ /stong pa zhes par smra mi bya/ /mi stong bar yang ma yin te/ /gnyis dang mi gnyis zhes pa yang// zhi la rnam pa gal zhig / de bas na dngos po dang dngos po med par rnam par mi rtog pa'i chud pa nyid du /dbu ma'i ting nge 'dzin te /sa bdun dag ni sems yin te/ /snang ba med pa brgyad pa'o/ /sa gnyis dag ni gnas yin te/ /sa gol ni ? rang bzhin no/ /phyi'i dngos po bsal nas su/ /shes pa tsam la 'jug pa ni/ /'di nyid dbu ma'i nan tan te/ /da dang gzhan gyis bstan pa'o/ /dngos po med dang dngos med min/ /yod dang med par mi dmigs pa/ 'di ni dbu ma'i nan tan te/ /da dang @ 129b gzhan gyis bstan pa'o zhes so/ /thams cad mkhyen pas la dkar gshegs par sa bdun gyi dbang pos ye shes la chags pa yongs su spangs te /sa brgyad kyi dbang po rnams dngos po dang dngos po med par rnam par mi rtog pa ni dbu ma'i ting nge 'dzin du? gsungs te/ gang na nyan thos dang /dang sangs rgyas dang/ mu stegs can dang /sa bdun du phyin pa rnams kyi yang spyod yul pa yin no/ /mi skye ba'i mtshan nyid de ni rmi lam dang mig 'phrul la sogs pa lta bur ri skad cig ma'i 'du byed rnams la skye ba dang/ gnas pa dang/ 'gog pa la sogs pa'i chos rnams gzhan du mi mthong ngo/ /bdag med pa gnyis la yang rten cing 'brel te 'byung ba sgyu ma dang 'dra bar mthong ngo/ /de de lta bur bsam par byed cing snang ba mang pa don dam pa'i bden pa mi gnyis po// yang dag par rig pa las bcom ldan 'das thams cad mkhyen pa rnams kyis thugs rje'i bag chags kyis bskul te sems can thams cad kyi don gyi phyir bslang par mdzad do/ /gang gis snang ba dang bcas pa dag ma 'jig rten pa ting nge 'dzin la gnas te sems can gyi phyir rab tu 'jug par 'gyur ro/ /gal te dus gzhan du bdag nyid rab tu sa de bar 'gyur na ni sems can gyi don du byang chub kyi chogs kyi bar chad du 'gyur ro/ /'di la gang yang rkyen rnams kyis zhes bya ba la sogs pa ni gchan gyi dbang dang yongs su grub pa yang byed pa dang/ byed pa po dang 'brel te mi skye'o/ /sna tshogs kyi phyir gzhan gyi dbang skye ba med pa'i rang bzhin te /sna tshogs dang rmi lam la sogs pa bzhin no/ /grub pa yang gnyis kyi rnam pas stong pa nyid de /chos thams cad nges bar 'jug pa'i dbang po'o zhes pa yang dag par rig pa bzhin no/ /des ni tshigs su bcad pa'i don bshad zin to/ /'phags pa lang kar gshegs pa'i bshad pa ye shes dpal bzang pos sbyar ba las le'u gnyis pa las rgyu dang 'bras bu'i dpyad pa lnga pa'o/ / //de nas yang bcom ldan 'das la byang chub sems dpa' sems dpa' chen po blo gros chen pos gsol ba/ tshig gi rnam par rtog pa'i mtshan nyid kyi snying po zhes bya ba la sogs pa'o// gsol ba / de'i lan bcom ldan 'das kyis bka' stsal ba/ blo gros chen po tshig gi rnam par rtog pa mtshan nyid rnam bzhi yod de /'di ltar mtshan nyid kyi tshig dang zhes pa la mtshan nyid ni mtshan ma ste/ sgra rnams 'byung ba'i mtshan ma'o ji ltar sgra'i 'grel pa byas pas sgrub par byed pa sgra rnams gsum gyi phyir 'jug ste/ 'di ltar rigs pa dang/ yon tan dang/ byed par 'jug pa'i mtshan ma rnams kyis sgra rnams 'jug go /bzhi'i phyir sgra rnams 'jug pa ni shes pa'i sgra rnams yod do zhes te / dngos po yod pa de las brjod pa dang rkyen du 'gyur ro/ /tshig gsum yod par byed pa'i yod pa ni /rdzas yod pa dang/ yon tan yod pa dang/ las yod pa'o/ sgra 'jug pa na rigs kyi mtshan ma med de des na sgra rnams kyi spyi'i brjod pa'o// gang yang ming du btags pa rnams ni ding tho dang/ da the wing tha dang/ lhas sbyin dang/ mchod sbyin no/ /spyir sgro btags te 'jug pa'i mtshan ma yul dang /dus dang ldan pa zhes so/ /kha cig smra ba ni zla ba dang nyi ma zhes bya ba la/ gang me tog gu mu da rnams rgyas par byed ba dang/ gang yang sim par byed pa de ni zla ba'i zla ba kho na'o/ /gang padmo rnams rgyas par byed pa dang/ gang snang bar byed pa de ni nyi ma'i nyi ma kho na'o/ /yang na dngos po thams cad rang gi dngos por yod pa de de dag gi dngos po zhes bya'o/ /de brjod pa'i phyir kho na 'am nyid yin te/ gang rtswa za ba dang/ shing rta 'dren pa de ni ba lang gi ba lang kho na'o/ /de bzhin du nam mkha' i yang nam mkha' i kho na ste/ bro ba la sogs pa du ma dang sbyor bas yul tha dad par brtags pa ste/ mang po'i gnas pas na nam mkha' kho na'o zhes b+ha dra ha ris smras pa'o/ /slob dpon chos skyod gis kyang sgrub par byed pa na nam mkha' la mtshan ma mang po'i tshig 'jug pas na rnam pa mang po der na nam mkha' kho na'o zhes kun brtags pa'o/ /des na tshig don rnams kyi rigs dang ni/ /snang ba nyid kyang dgar te 'am/ /sgra kun ni tshig don du de ltar rtag tu bshad pa'o/ /tshig tu smra ba rnams tshig gi don gyi tshig bzung nas brjod pa'i rjod pa ni 'dus pa brjod pa'o/ /brjod par smra ba rnams ni brjod pa nyid don brjod par byed pa'o zhes so/ /la las tshig ni tha dad gnyis/ /rnam bzhi rnam pa lnga par yang/ /rjod pa rnams las bton nas ni/ /rang bzhin rkyen la sogs pa bzhin/ zhes rab tu 'thor pa'i tshig gi rgyud las 'byung ngo/ /rjod pa dpyad pa las ni tshig ces bya ba cung zad kyang/ rang bzhin gar yang nges pa med/ /tshig rnams dngos po don dag kyang/ /brjod don nyid las byung ba ste/ zhes brjod pa ma rtogs par tshig gis the tshom du 'gyur te/ des na brjod pa nyid kyis don brjod de mngon par brjod pa 'dus pa gang yin pa brjod pa nyid las dgar bar bya'o/ /rjod pa'i nang gi yan lag dang mtshungs pa'i chos dang lhag pa bton te tshig gi don ni don gyi bye brag las de ltar rnam par bzhag ste/ la lig dkar po dang/ ras dkar po dang/ gos dkar po dang/ ba dkar mo 'gro ba dang /ba nag mo 'dug pa ste/ de de ltar rjod pa'i nang gi yan lag dang/ chos mtshungs pa dang/ chos mi mtshungs pas tshig gi don rnam par bzhag ste /tshig dang dang rjod pa'i dbyad pa zhib mo ni sgra'i gtsug lag las thams cad mkhyen pas dgongs pa'o/ /mtshan nyid kyi tshig ces bya ba ni sgra ba rnams kyi rjod pa'i don du 'byed pas na rtsod pa yang mang ste / yi ge ma gtogs tshig gzhan ni/ /yod pa ma yin brjod pa ni/ /yi ge tshig ni ma gtogs bar/ /cung zad kyang ni yong pa min zhes dpyod pa can gyi rjes su mthun par bya ste/ b+ha dra ha ris bshad pa/ /smras pa'i sgra kun 'dus ba ni/ /rigs ni 'jug par 'gyur ba ste/ gcig bu yan lag med pa'i sgra/ /blo yis rigs su bsdu ba'o/ /thog ma'i tshig ni so sor kun/ /bltos dang bcas te de ltar yang/ /brjod pa'i phyir ni tha dad blo/ /tshul smra rnams kyi rnam pa mang zhes te/ byed pa dang byed pa por mngon par 'brel pa brjod pa'i don ni thams cad la 'khrul pa ma yin te /de lta bur na don yang brjod par 'gyur ro/ /gzhon nu can gyi mur byed pas smras pa/ ji snyed ji 'dra gang dag ni/ /don gang ston nus yi ge rnams/ /mthu rnams rab tu shes gyur pa/ /de dag de ltar don rtogs byed/ ces so/ /btags par smra ba rnams kyi ni/ /yi ge 'brum bu gcig gis kyang/ /ston par byed de de tshig dang/ /brjod pa'i don chung par byed la/ /byed pa dang byed pa por mngon par 'brel par yang chud par byed do/ /rnam pa de lta bu ni ya rabs dang ma rabs rnams kyi mtshan ma ji lta ba bzhin du rjes su chung bar grub pa'o/ /rmi lam gyi tshig ni thams cad snang par 'byed pa ste tha snyad bu'byed pa'i dpe'o/ /chud pa ma gtogs par yang sgra'i don med pa'i phyir ro/ /gnas ngan len la mngon par zhen pa'i tshig ni 'dod chags la sogs pa nyon mongs pa rnams la goms pa'i rjes su byed pas rlom pa dang/ sdod la phong pa la sogs pa'i gtam mo/ /thog ma med pa'i dus kyi rnam par rtog pa'i tshig ni byis pa rnams la yang/ sgra'i don mngon par brjod pa 'byung ste/ nang gi byed par bzhag pa ni/ /sgra kun gong tu rgyu byed pa/ /gnas rnams su ni thogs med yang/ /sgra la ma goms mi rung ste/ nges na 'jig rten gzhan gyi goms pa'i rjes su dpag go / zhib tu ni thams cad mkhyen pa nyid kyis sgrub par mdzad pa yin te/ mdo sde'i don bdag gis rnam par phye bar zad do/ /da dung yang bcom ldan 'das kyis mi rnams kyi tshig gi rnam par rig pa rtog pa zhes pa la sogs pa la thams cad mkhyen pas kyang gsungs pa/ mgo dang zhes bya ba la sogs pa ste thams cad mkhyen pas bslab pa'i rim pa bstan pa/ yi ge rnams kyi gnas brgyad da/ /brang dang mgul dang de bzhin mgo /lce drung rnams dang so rnams dang/ /sna dang mchu dang rkang yang ngo/ /blo gros chen pos gsol pa/ bcom ldan 'das rnam par rtog pa dang /tshig tha dang dam 'on te gcig gam gcig lags zhes pa ni yid kyi rnam par rtog pa dang/ rkan la sogs pa'i las kyis sgra 'byung ba yi ge'i chos dang mtshungs pas de gnyis gcig par kha cig kun tu rtog par byed do zhes 'phags pa blo gros chen pos rnam par rtog pa la thams cad mkhyen pas kyang bka' stsal pa / blo gros chen po tshig ni rnam par rtog pa dang tha dad pa yang ma yin gcig/ pa'ang ma yin no zhes so/ /tha dad pa dang gcig par ji ltar mi rung ba de mchog tu yongs su dag pa'i 'dod chags dang bral ba thams cad mkhyen pa tshig gi dbang pos sgrub par mdzad pa de ci'i phyir zhe na/ 'di lta ste/ de'i rgyu las byung ba'i mtshan nyid gyi phyir blo gros chen po tshig ni rnam par rtog pa las 'byung ngo zhes te / rnam par rtog pa'i rgyu las tshig 'byung ste/ 'bras bu'i rang bzhin gyi phyir ro/ /blo gros chen po de ste tshig 'di rnam par rtog pa dang tha dad pa zhig yin na ni rnam par rtog pa'i rgyu la/ byung ba ma yin par 'gyur ro/ /de ste gcig pa zhig yin na ni tshig de don gsal bar byed par yang mi 'gyur na /de ni byed de de bas na tha dad pa yang ma yin gcig pa yang ma yin no zhes pa gal te rnam par rtog pa rgyu ma yin gyi/ gzhan pa zhig las 'byung bar 'gyur na ni de'i tshe tshig ni rnam par rtog pa las skye bar mi 'gyur ro/ /'on te skye ba na de las tha dad pa ma yin na ni rgyu dang 'bras bu'i khyad par med bar 'gyur ro/ /gcig pa yin na 'bras bu ma yin la rgyu yang ma yin te/ rnam par rtog pa ni yid kyi yin la/ sgra ni rkan la sogs pa'i las kyis bskyed la/ rna ba'i rnam par shes pas gzung ba'i phyir des na de dag rgyu dang 'bras bu'i bye brag tu so sor snang ngo/ /ji ltar lung ston par gtsug lag las 'byung ? sgra rnams len pa sgra dag ni/ /sgra mkhas dag gis gnyis cig ste/ /gcig ni sgra yi mtshan ma dag /gnyis pos don du spyod bar byed/ /gtsubs shed ma gnas ji bzhin du/ /rgyu gzhan gyis ni snang ba ste/ /de bzhin blo la gnas pa'i sgra/ /nyan pa rnams kyi rgyu yin te/ /thog ma tha dang blos brtag ste/ /kha cig don la gzugs pa ste/ /rgyu rnams rnam par ldog pa dang/ /sgras ni rjes su don mi 'dzin /zhes pa 'di tsam zhig thams cad mkhyen pa'i gsung lus pa la 'brel te/ /lhag ma rgyas pa'i sgrar ston pa ni sgra tshangs par smra ba rnams kyis brtags pa nyid de sgra dad don tha dad pa med pa las tha dad par byed pa dang/ gang yang sgra dang don dam par gcig par gnas so zhes pa la/ tha dad pa dang/ tha dad pa ma yin par bsams te /de phyir de ltar 'phags pa blo gros chen pos gsol pa'o/ /sgra tshangs par smra pa rnams kyi grub pa'i mdza' ni /thog ma med pa'i sgra tshangs rtag /yang dag yig 'bru gang yin pa/ /don gyi dngos por 'byung ba ste/ /gang las 'gro ba'i rab byed pa'o zhes te de de ltar chud pa ma gtogs par yid kyi rnam par rtog pa dang/ rkan la sogs pa'i byed pas grub cing rna ba'i rnam par shes pas sgra gsal bar 'dzin pa de dag tha dad pa ma yin te/ rmi lam dang/ mig 'phrul dang/ rab rib can gnyis kyi zla ba gnyis mtshungs pa'i tha snyad ni snang bar 'byed pa'o/ /de bas na 'khor ba 'di ni sems nyid de/ rgyud gzhan gyi dbang gi mthus rang gi rgyud la 'khrul sa pa la 'dzin pa dang/ rjod pa dang/ brjod pa po dang/ byed pa dang byed pa por 'brel par bstan par bya'o/ /gang gi tshe shes rab kyis dpyad de shes par bya ba rnam par phye ba de'i tshe na mi dmigs pas bsam pa med cing snang ba med pa gnyis su med pa'i don dam pa'i bden pa rang bzhin gyis 'od gsal ba dngos po dang dngos po med par rnam par mi/ rtog pa'i chud pa bdag nyid kyis gnas par 'gyur te/ thugs rje'i bag chags kyis bskul ba na snang ba dang bcas pa dag pa 'jig rten gyi ting nge 'dzin la thams cad mkhyen pa bzhugs par gyur pa na sems can rnams la mi rtag pa dang/ sdug bsngal ba dang / mi gtsang pa dang /stong pa'i chos rnams ston par byed do/ /da ni gzugs rnam pa sna tshogs kyi dbang pos /rtsod pa'i gnas rnams kyi don rgyu dang/ dpe'i khyad par rnams kyis rgya cher bsgrub par mdzad par bya ba'i phyir ro/ /yang blo gros chen pos gsol ba/ bcom ldan 'das tshig nyid don dam pa lags sam/ 'on te tshig gis gang brjod par bgyi ba de don dam pa lags ma ci lags zhes te/ dgongs ba ni zhib po dang/ rig sngags 'dzin pa'i mthar smra ba rnams sngags kyi rang bzhin gyi sgra la don dam pa kho nar rtog par byed pa ni/ sngags kyi bdag nyid sems pa can/ /de bzhin skyes bu rnam gnyis brjod/ /sngags las 'das dang sngags dang ni/ /dbang phyug mchog la rnam gnyis nyid/ /rig sngags 'dzin pa rnams kyi aoM la sogs pa ni don dam pa zhes pa/ ji ltar gtogs 'dod kyis smras pa /aoM zhes yi ge gcig po tshangs/ /gang gi brjod cing ngal ni/ /rjes su dran par gyur pa de/ /lus kyis yongs su spangs nas su/ /'gro ba mchog tu 'gra bar 'gyur/ zhes so ? don dam pa dang 'brel pas ni don dam ba zhes pa dang/ bcom ldan 'das kyis bka' stsal pa /blo gros chen po tshig kyang don dam pa ma yin no/ /tshig gis gang brjod par bya ba de yang don dam pa ma yin zhes pa la thams cad mkhyen pas ci@133a dgongs she na/ sgra dang don ni gnyis kyi rnam pa'i phyir don dam pa nyid ma yin te /snang ba dang bcas pa'i phung po'i rang bzhin ni rmi lam dang/ mig 'phrul dang/ rab rib la sogs pa'i snang bzhin no/ /dam pa'i bden pa ni don dam pa ste/ 'phags pa rnams kyi bde ba la brjod par 'jug pa ste/ don dam pa 'phags pa'i bden pa ga la yod pa de ni bsgom pas brjod pa'i don dam pa'o/ /tshig gi ni sbyi rnam par don dam pa bsnyad par byed pas na don dam pa ma yin no zhes te / thams cad mkhyen pas sgrub par mdzad pa/ 'phags pa so sor rang gis rig pa'i ye shes kyis rtogs par bya ba yin te/ tshig gi rnam par rtog pa'i blo'i spyod yul ni ma yin no zhes te/ bsam pa med cing snang ba med pa don dam pa'i bden pa gnyis su med cing rang bzhin gyis 'od gsal ba'i chud pa ni don dam pa'o/ /de yang dngos po dang dngos pa med par rnam par mi rtog pas na rnam par rtog pa'i spyod yul ma yin zhes bya'o/ /tshig ni skyes nas 'jig cing mi brtan pa zhes bya ba la sogs pa ni thams cad mkhyen pas skad cig tu 'jig pa ston par mdzad de / se gol gyi sgra lta bur tshig skyes ma thag tu 'jig pa ni mi dmigs pa'i phyir ro/ /tshig gi don gzhan 'dra bar 'byung ba la de nyid 'di'o zhes phyir shes pa 'byung gi / rtag pa las ma yin pa ni skra dang rtsa la sogs pa bcang nas kyang skyes pa bzhin no/ /gnas pa la mngon par gsal ba yang mi rung ste/ thog ma dang tha ma'i dus su de'i 'bras bu mi dmigs pa'i phyir ji ltar na gnas pa yang rtogs par 'gyur / de'i phyir mu stegs byed pa gzhon nu can gyis smra ba'i lan smras pa yin no/ /des bya ba ni gcig tu shes par su zhig ltar/ /yang dang yang du 'dris pa na/ /dus @ 133b kyis tha dad dbyer med pa/ /de ltar sgra ni dbyer med do/ /ji ltar rim gyis gcig pu nyid/ /tha dad yul du 'gro na yang/ /yul gyis tha dad mi 'byed pa/ /de ltar sgra yang mi 'byed do zhes bya ste/ ring ba dang thung ba'i yig 'bru de nyid 'di yin pa dang/ nyam chung ba dang nyam che ba'i lhas sbyin de nyid ? ba dang/ chos tha dad pa'i phyir chos can la tha dad pa med do/ /dngos po rang bzhin du ma lags/ /'dod pa'i gzugs su brtag pa ni/ /rim dang cig char 'jug pa ste/ tshig gi rnam pa gzhan med do/ /ji ltar kha dag 'dres pa la/ /'dod pa bzhin du 'dzin par byed/ /dngos po sna tshogs de bzhin yang/ /tha dad tha dad mi dmigs pa/ /snang med tshig la rag lus phyir/ /yul der de ni gzung ba ste/ /tshig rnams nam mkha' rgyun chags par/ /khyad par nus pa byed pa'o/ /zhes pa de la/ sun dbyung ba ni tshig dang yi ge rnams la tha dad par ming snang bas na bslab par bya ba med do/ /chos can la nyams cha chung la sogs pa'i tha dad pa'i chos kyi dbye ba ni ji ltar rtag bar 'gyur / 'on te chos rnams kyis de'i khyad par mi ston na ni de la thog ma dang tha ma'i dus su khyad par 'byed pa'i chos su ji ltar na 'gyur /de ste khyad par 'byed par 'gyur ba yin pa nyid na ni chos can de la chos de dag ni khyad par med na tha dad pa 'am/ tha dad pa ma yin par ji ltar gdags/ de bas na chos dang chos can tha dad pa dbye bas 'byed na ji ltar na gcig smras pa/ gzugs gcig pa ni gcig pa yin no zhes dbang pos bsgo ba med pa ste/ zhes pa/ gal te gzugs de ltar gcig pu nyid gcig pu yin na ni/ du ma yang ji ltar na du ma yin/ de'i phyir gcig dang du ma'i tha snyad 'chang pa'i glags su 'gyur te/ dgongs pa yang tha dad par mi 'gyur ba ni tshig gi don rnams kyi don gyi bya ba tha dad par snang bar 'byed do zhes pa'o/ /yi ge dang/ tshig dang/ brjod pa dang/ dag rnams ni gcig la gcig brton te don la spyir 'jug pa'i mtshan ma la bltos te 'byung gi don dam pa mi gnyis pa kho na snang ba byed pa ni ma yin te/ de tshig gi yul ma yin pa'i phyir ro/ /ji lta bu zhe na/ mtshan mar byas pa'i don spyir bsnyad bar byed pa'o/ /gzhan du byed dang 'brel pa'i phyir/ /da ni tshig ces tshor bar byed/ /tshig ba'i sgras ni gzhan par yang/ /tshig gi don ni shes par byed// des na rang gi mtshan nyid mi gnyis pa ni brjod du med de / thams cad mkhyen pas kyang spyir sgro btags te mngon pa'i tshul gyi thabs rnam pa mang po ni chud par mdzad pa'i thabs so/ /rig sngags pa skyes bus smras pa ma yin pa rnams ni nags tshal gyi sgra dang/ rlung gi stobs kyis bsgul ba'i myug ma'i sgra la sogs pa bzhin du don med pa'i phyir ro/ /de lta bas na phung po dang/ khams dang/ skye mched dang/ rten cing 'brel bar 'byung ba dang/ byang chub kyi phyogs kyi chos sum cu rtsa bdun dang/ stobs bcu dang/ mi 'jigs pa la sogs pa'i chos rnams snang ba dang bcas ba dang/ snang ba med pa stong pa nyid dang /mtshan ma med pa dang /smon pa med pa dang /'gog pa la mnyam par 'jog pa dang/ de bzhin du gzugs med pa la mnyam par 'jog pa dang/ gnyis dang mi gnyis bar ston pa'i chos ni sbyir sgro btags te gsung rab mdzad pa ni rang gi mtshan nyid du smra mi nus pa'i phyir ro/ /ci'i phyir zhe na/ don dang sgra yi khyad par ni/ /brjod dang rjod pa 'dod pa min/ /de ma de sngar ni ma mthong phyir/ /sbyir ni brjod bar bya'o zhes pa ste/ 'dogs pa dang tha snyad kyi dus su spyi nyid du sgra'i don gzugs brnyan du snang ngo/ /de la tha snyad ni rang gi mtshan nyid la'o/ /'dogs pa'i dus na yang mthong yang mthong ba med pa ste/ dus gnyis kar yang sbyir snang ba gdan dang mjug ma la sogs pa gang dang ldan pa de de lta bu la ba lang zhes bya'o zhes smra bar bya'o/ /de lta bas na 'di ni rwa la sogs pa dang ldan te /de'i phyir ba lang gi sgrar brjod do zhes so/ /de rang gi mtshan nyid mngon sum du zin kyang rwa yo ba dang/ khong gsob la sogs pa'i bye brag bye bar mi rtog gi spyir nye bar rtog go / mngon sum dang lkog tu rjes su song ba 'jug pa'i mtshan ma de ni sgra'i don zhes bya ste zhib tu ni bar ti ka dang/ rtog pa'i rgyan la sogs pa las rig par bya'o/ /'phags pa la dkar gshegs pa ye shes dpal bzang pos bshad pa sbyar ba'i le'u gnyis pa las sgra'i don dpyad pa drug pa'o/ / //de nas yang bcom ldan 'das la byang chub sems dpa' sems dpa' chen po blo gros chen bos 'di skad ces gsol to/ /bcom ldan 'das chos thams cad kyi rang gi sems snang ba'i spyod yul rtogs pas rnam par phye ba'i mtshan nyid mchis pa dang / ma mchis pa dang/ gcig pa dang/ tha dad pa dang/ gnyis ka dang/ gnyis ka ma lags pa dang/ mchis pa yang ma lags pa dang/ ma mchis pa yang ma lags pa dang/ rtag pa dang/ mi rtag pa spangs pa mu stegs can gyi rtog pa mi rgyu ba 'phags pa so so rang gi ye shes kyis mkhyen par bgyi ba kun brtags pa'i rang dang spyi'i mtshan nyid las rnam par log pa /don dam pa de kho na nyid la 'jug pa sa'i mtshams sbyor zhing gong nas gong du rnam par dag pa'i mtshan nyid de bzhin gshegs pa'i sa la rjes su 'jug pa'i mtshan nyid sngon gyi smon lam gyis lhun gyis grub pa/ gzugs sna tshoD kyi nor bu lta bur 'jug pa yul mdza' yas par skad cig tu rab tu rgyu ba zhes bya ba la sogs pa de lta bu'i rtsod pa dang/ the tshom du ma la thams cad mkhyen pas rigs pa bzhin du lan du bka' stsal pa/ blo gros chen po byis pa so so'i skye bo rnams kyis rang gi sems snang ba tsam du khod du ma chud pa dang/ phyi rol gyi dngos po rnam pa sna tshogs la mngon par zhen pas yod pa dang med pa dang/ gcig pa dang/ tha dad pa dang/ gnyis ka dang gnyis ka ma yin pa dang/ yod pa'ang ma yin pa dang /med pa'ang ma yin pa /rtag pa dang mi rtag pa'i rang bzhin gyi bag chags kyi rgyu rnam par rtag pa la mngon par zhen pas rnam par rtog go zhes te/ phyi rol gyi don la mngon par zhen nas med pa po rnams yang dag par ma yin pa ma yin pa kun tu rtog pa byed de/ sa dang/ chu dang/ me dang/ rlung zhes bya ba ni yang dag pa rnams te / de dag la sems can no zhes rang gi sems snang ba muSho? du chud pa'i phyir de ltar rtog go /sems ni de ma thag pa'i sems las shes rab la sogs pa dang ldan par skye ba yin te /skyes ma thag pa la yul kha cig nyid du dga' ba dang/ 'jigs pa dang/ mya ngan yang dag par rtogs par byed pa'i phyir de bas na 'jig rten snga ma'i goms pa thams cad yod par rjes su dpag go /de bas na kun nas nyon mongs pa dang rnam par byang ba rnam par bzhag pa las las dang 'bras bu so sor nges par rung ngo// grangs can rnams yod pa skye yang pa 'gag go zhes rtog pa ni mi shes pa yod pa la ni yongs su zad pa med la/ sngon med pa'i ye shes skye ba med pas ji ltar thar/ k+Sha pa na ka rnams yod par 'gyur ba dang/ med par 'gyur ba dang/ gnyis kar 'byung ba dang/ gnyi ga ma yin par 'gyur bar smra bar mi bya ba yang rtog go /de lta bas na bdun du phye ba la spyi'i bdag nyid du yod par 'gyur ba dang/ khyad par gyi bdag nyid du med par 'gyur ba dang/ spyi dang khyad bar gyi bdag nyid du yod pa dang med par 'gyur ba dang/ spyi'i bdag nyid du yod par 'gyur ba yang khyad par gyi bdag nyid du smra bar mi bya'o/ /khyad par gyi bdag nyid du med par 'gyur ba yang spyi'i bdag nyid du smra bar mi bya'o/ /spyi dang khyad par gyi bdag nyid du yod pa dang med par 'gyur? ba lang cig car smra bar mi bya'o/ /yul dang dus dang/ rim pa dang/ rnam pa la bltas te thams cad smra bar mi bya'o zhes pa ni gang don gyi bya ba byed pa de ni tshad ma'i tha snyad kyi rjes su mthun pas na yod do/ /lhag ma spyir brtags pa ni don gyi byed pa mi nus pas na kun brtags pa nyid de/ dpyod pa can rnams kyi gcig pa dang/ tha dad par gnyis su smra ba yang gcig po la rang bzhin gnyis su mi rung ngo/ /rtag pa dang mi rtag ces bya ba ni ni yi ya yi ka dang khyad par can smra ba brtsams pa yan lag can gyi rdzas ni mi rtag la/ rtsom pa'i rdul phra mo rnams ni rtag ste/ de dag gi yan lag rnam par phye ba med pa'i phyir ro/ /sbyor ba rnam par phye ba la sogs pa tha dad par dbye ba na rtog go zhes pa g.yo ba med pa'i chos de dag gi rang bzhin yang gzhan du g.yo ba'i chos nyid ni mi rtog pa kho na ste / gsal bar gnas kyi rim pa 'byed na shing dang thal ba lta bur gcig bar mi rigs so/ /mi gnyis par smra ba rnams kyi 'chig pa du ma par smra ba 'jig rten mthar dag ni tshangs pa dang dbang po la sogs pa'i rang bzhin par kun rtog pa ste/ de lta bur yang grol ba dang/ ma grol ba dang/ phyug dbul la sogs pa gcig pa'i skyon du 'gyur ro/ /des na thams cad mkhyen pas sgrub par mdzad pa sems tsam du khong du ma chud pa'i phyir gnyis pa dang / mi gnyis par smra ba rnams sems kyi rgyud la phyi rol gyi don du rnam par rtog pa dang/ rtag ba dang /gcig bur rnam par rtog go /des na sems kyi rgyud la kun nas nyon mongs pa dang /rnam par byang ba rnam par bzhag tu rung ngo/ /de la bdag dang gzhan gyi rgyud kyi dbang gi mthu las khyad par du bya ba rung ngo/ /sems 'di ni rang bzhin gyis 'od gsal ba ste/ dge ba dang mi dge ba'i mngon bar 'du byed ba rnams kyis ji ltar yongs su sbyor ba de de ltar 'grub bar 'gyur ro// de de ltar stong pa'i 'du byed rnams la kun nas nyon mongs pa dang/ rnam par byang ba'i las kyi 'bras bur 'brel par rnam par bzhag go /snang ba dang bcas pa dang/ snang ba med pa'i ting nge 'dzin la gnas pa rnams ni thams cad mkhyen pa nyid de/ yod pa dang/ med pa dang/ gcig pa dang/ tha dad pa dang/ gnyis ka dang/ gnyis ka ma yin pa dang/ yod pa yang ma yin med pa yang ma yin pa dang/ rtag pa dang mi rtag pa la sogs te rnam par rtog pa spangs pa'i mi gnyis pa'o/ /sa'i mtshams sbyor zhing zhes bya ba ni snang ba med pa la rim pa gal zhig ces der gsungs mod kyi/ snang ba dang bcas pa'i ting nge 'dzin gyis sa'i rim pa'i mtshams sbyor te/ mdo sde 'dir de bzhin gshegs pas bcu gnyis por 'jug go / yod pa dang med pa'i phyogs las dben pa zhes pa ni dngos po dang dngos po med par rnam par rtog pa dang bral ba mi gnyis par zhugs pa rnams ni byed pa dang/ byed pa po las skye bar smra ba po ma yin no/ /ne yi ya yi ka la sogs pa ni med pa las 'bras bu 'byung zhing yod pa yang rkyen dbyig pa la sogs pas gzhog par rtog pa la rmi lam bzhin du dngos po rnams ma skyes pa'am skyes pa smra bar bya'o/ /blo gros chen po rgol pa pha rol po rnams kyis tshad ma gsum gyi yan lag gis phyir blags tshol bar 'gyur bas na chos thams cad stong pa'o zhes thog ma nyid du yi dam 'cha' bar mi bya'o/ /thams cad mkhyen pa'i dgongs pa ci zhig ce na/ tshad ma la rang bzhin gsum gyi mtshan ma rnam par bzhag par bya ste/ gang la dgongs zhe na/ gzhal bas na de mtshungs pa dang dngos po yod min med par nges/ /yi dam gyis ni sgrub par mi rung ste/ /the tshom skyed par byed pa'i phyir ro/ /rang bzhin gsum gyi mtshan ma dang 'brel par khyab par smra bas ni rtogs par byed pas na bsgrun pa dang bsdu ba dang ni mi dgongs so/ /de de ltar de'i bdag nyid dang de ltar skyes pa dang brel pa'i mtshan nyid do/ /rang bzhin gsum gyis chud par byed pa yin gyi/ yang 'brel pa ma gtogs par mthong ba dang/ ma mthong ba tsam gyis sgrub pa kho na 'am/ sun 'byin pa kho na mi rung ngo/ /gang dag stong pa yin bde ba dag la ni kun nas nyon mongs pa dang / rnam par byang ba dang rnam par bzhag tu med de/ mo gsham gyi pu la sogs pa bzhin du stong la/ dngos po med ces slar rgol ba der grub pa'i mdza' thams cad kyi tshul gyis snang ba tsam la rmi lam dang/ mig 'phrul lta bur chos dang chos can rnam par bzhag gi nam mkha' i me tog ltar stong pa ma yin te/ byis pas dngos por rnam par brtags pa de lta bur med do zhes bcom ldan 'das kyis dgongs nas byis pa so so'i skye po rnams kyis rang gi sems snang ba tsam du khong du mchud pa'i phyir rtag pa dang/ bdag dang/ phyi'i don du kun rtog par byed do/ /de yang rtag pa dang/ gcig pa dang/ gnyis ka dang/ gnyis ka ma yin pa dang /yod pa dang /med pa la sogs pa rtsed pa'i gnas sngar smras pa rnams so// snang ba tsam de la tshad ma dang/ gzhal bya'i tha dad dang/ rgyu dang 'bras bu'i dngos po rung ngo/ /rten cing 'brel par 'byung ba mi 'byung ba ste/ lhag pa'i byed pa dang/ byed pa po dang/ skyed pa dang/ bskyed pa po la sogs pa'i chos dang 'brel pa med cing bral ba ni de ma thag pa tsam gyis rgyu dang 'bras bu'i dngos po 'ba' zhig ste snga ma'i 'og tu 'di yod pas 'di yod par 'gyur ro zhes pa ste/ cig car dang rim du 'jug pa dang 'brel pa med pa ni gang gi tshe na skad cig pa gcig yod pa de'i tshe na gzhan med de /skad@137a cig pa gcig ni su dang yang 'brel ba med do/ /de bas na skad cig ba'i rang bzhin ma rtogs bar kun tu brtags ba'i chos rnams brjod du med ba'i rten cing 'brel te 'byung ba la sogs pa dang/ bdag med pa gnyis la yang mi srid do zhes lan du mang bshad pa yin no/ /rten cing 'brel te 'byung ba dang/ mi rtag pa dang/ sdug bsngal ba dang/ mi mdzes pa la sogs pa bsgom pas 'dod chags la sogs pa'i nyon mongs pa yongs su zad ba'i phyir 'khor ba'i sdug bsngal zad bar 'jug go / stong ba nyid dang /mtshan ma med pa dang/ smon pa med pa bsgom pa na shes rab kyis dpyad de snang ba med pa dang/ snang ba dang bcas ba'i ting nge 'dzin snying rjes nye bar bzung ba thob pa dang gzhan la phan pa'i phyir thams cad mkhyen pa nyid du 'jug go / thams cad mkhyen bas so sor snang ba la rgyu dang dpe rnam pa mang po rnams kyis bsgrub par bya ba dang/ sgrub bar byed ba khyab ba'i tshul gyis tshad mar 'jug pa nyid du gsung ba mya ngan gyi smig rgyu chur snang ba la phyin ci log tu sgro btags te/ lhag par chags bar byed pa de bzhin du rnam par shes pa'i rnam pa la mgo 'khor ba dang brgyal ba la sogs pa bzhin du phyi'i don du 'khrul ba'o/ /de lta bu ngas yang dri za'i grong khyer dang/ rab rib can dang/ mgal me'i 'khor lo dang/ gzugs brnyan dang/ chu'i chu bur dang rmi lam dang/ mig 'phrul dang/ brag cal sogs pa snang ba'i chos can la tshad ma dang gzhan bya'i tha snyad du bslu ba dang mi bslu ba gdon mi zab ni ji ltar rmi lam gyi dus na phyi'i don med ba yang mya ngan gyi smig rgyu la sogs pa'i dus 'khru ba dang/ btung ba la sogs pa ni bslu bar med/ mtsho la sogs pa ni bslu ba med/ de bzhin du gnyis kyis log ba'i dus na yang 'khrul ba rnam pa sna tshogs las bslu ba dang bslu ba med @ 137b bar nges pas tha snyad pa rnams la tshad ma dang gzhal bya rnam par bzhag go / rkyen ji lta ba bzhin du rnam bar mi rtog pa zhes bya ba ni thams cad mkhyen pas rtog pa gsal ba mngon sum du gsungs pa ste/ ji ltar slob dpon d+harma kI rtis sgrub bar byed pa/ mthong pa bzhin du 'di nyid ni/ gzung ba 'dzin pa rig pa rnams/ /yod pa min gang tshad ma dang/ /gzhal bya 'bras bu bzhag par bya zhes te/ sems can rnams kyi rang gi chud pa'i rgyu 'dus pa 'khor ba dang bdag dang gzhan gyi rgyud 'dus pa dang/ bdag dang gzhan gyi rgyud kyi dbang dang/ rkyen gyi khyad bar dang/ 'khrul ba'i sa bon las las byung ba ni rnam pa sna tshogs kyi rnam pa'i mgo 'khor ba dang/ brgyal ba la sogs pa bzhin pa dang /rmi lam bzang po dang/ rmi lam ngan pa rnam par smin pa ltar bsod nams dang sdig par snang ba'i las dang 'bras bur nges par 'brel ba las sems can rnams kyi 'khor ba byung ba ni shes rab kyis dpyad de/ rnam par shes nas mi rtag pa dang/ sdug bsngal ba dang /mi mdzes pa dang/ stong par sgom? bas log nas bsam pa med cing snang ba med pa don dam pa'i bden pa mi gnyis pa rang bzhin gyis 'od gsal ba'i thud pa ni thugs rje'i bag chags bskul ba na thams cad mkhyen par 'gyur ro/ /de'i phyir de ltar sems kyi rgyud nyid la kun nas nyon mongs pa dang/ rnam par byang ba rnam par bzhag par mdzad do/ /gang der gang rnam par dag par 'gyur ? do dngos po dgos bzhin no/ /sems kyang rnam par dag par 'byung bas na de'i phyir de yang dngos po yin zhes rang bzhin gsum gyi mtshan mas dngos po bar bden ba'i don du phyir rgol bar byed do/ /gang dang gang stong pa yin pa de dang de ni kun nas nyon mongs pa dang/ rnam par byang ba dang bral ba ste/ ri bong gi? rwa ltar mi gnyis pa stong ngo zhes de rang bzhin gsum gyi tshad ma de gsum gyis rgol ba spong bar thams cad mkhyen bas gsungs pa/ 'phags pa rnams kyi ye shes la ni dngos dang dngos po med pa'i rnam par rtog pa med de/ sems pa med cing snang ba med pa don dam pa'i bden pa mi gnyis bar yang dag par rig pa tsam de'i dngos po'i rnam par rtog pa med la/ dngos po ma yin pa'i rnam par rtog pa med do/ /de rang bzhin gyis 'od gsal ba ni gser la sogs pa lta bur rgyun du 'brel cing glo bur gyi dri ma sbang ste dri ma med cing sus kyang ma byas bas na 'dus ma byas pa ste/ ji ltar dgongs pa nges bar 'grel pa las 'byung ba/ skad cig pa'i phyir 'dus byas so/ /sus kyang ma byas shing rgyun tu gnas bas na 'dus ma byas pa dang rtag par dgongs pa ste/ de bzhin gshegs pa byung yang rung/ ma byung yang rung ste/ chos nyid de ni gnas ba'o zhes bya ba la sogs bar ro/ /chos nyid kyang rtag pas sgra'i don gyi khyad par du 'byed pa ni gsher ba dang/ dro ba dang/ sra ba dang/ g.yo ba dang/ gzugs can dang/ gzugs med pa mi rtag pa rnams kyi mi rtag pa nyid gzhan pa'i chos ma yin pa lta bur ro/ /gang dag yang blo mkhas pa rnams kyis chos dang chos can dang/ yon tan dang/ yon tan can gyi dngos por gleng bar byed pa de dag la yang chos ni chos can dang bral ba dang/ chos can yang chos dang bral bar mi rung ngo/ /de bzhin du mtshan nyid dang/ mtshan mar bya ba yang gcig dang tha dad pa ma yin pa bzhin du sems kyi stong pa nyid bsgrub pa'o/ /phyi dang nang gi tshig gi don rnams la yon tan dang yon tan can pa'i dngos por mi rung ba ni 'dus pa la 'di ni gzugs dang ldan pa dang/ 'di ni reg pa dang ldan pa'o zhes yon tan dang/ yon tan can par smra ba la rdzas kyis rdzas gzhan rtsom pa dang/ yon tan gyis yon tan gzhan zhes khyad par can rtog go / gcer bu pa rnams rnam pa bdun du 'byed pa'i rtsod pa'i gnas lung bstan du med pa yod par 'gyur ba dang/ med par 'gyur ba la sogs pa sngar bshad pa rnams dang/ yod pa las skye ba dang med pa las skye ba grangs can dang khyad par can gyis brtags pa la bde bar gshegs pa'i grub pa'i mdza' theg pa chen por yod pa dang med pa las mi skye'o zhes thams cad mkhyen pas sgrub par mdzad pa rten cing 'brel te 'byung ba byed pa dang/ byed pa po dang/ mngon par 'brel ba dang bral ba thams cad mkhyen pas dgongs ba'o/ /gang gi tshan skad cig ma yod pa de'i tshe na skad cig ma phyi ma med de/ ji ltar na dngos po dang dngos po med pa gnyis 'brel par 'gyur/ de'i phyir skad cig pa gcig bu dang yab mi 'brel to/ /khyad par can dang lung ston pa rnams kyis skye ba dang/ gnas pa dang/ 'gog pa la sogs pa'i chos rnams byed pa dang byed pa po dang mngon par 'brel bar kun tu brtags pa ni tha dad pa dang/ tha dad pa ma yin par mi rung ngo/ /gal te byed pa dang tha dad ba zhig na ni su zhig sbrel bar byed/ 'on te tha dad pa ma yin na ni byed pa dang byed pa po mchis na tha dad pa zhes bya/ thams cad mkhyen pas yod pa dang med pa rim dang cig car du skye bas na byed pa dang/ byed pa po mngon par 'brel par kun brtags pa ni bkag go / snga ma'i 'og tu 'di yod pas 'di yod par 'gyur ro zhes bya ba'i rten cing 'brel te 'byung ba 'ba' zhig ste/ de ltar na las dang 'bras bur 'brel ba so sor nges pa rnam par bzhag go /kun nas nyon mongs pa dang rnam par byad pa yang dag par rig par gsungs pa la theg pa chen po pa rnams la dkar po'i phyogs rtsa ba nas phyung ba yin gyis/ legs pa 'dod pa rnams kyis spang bar bya'o zhes pa blun po dag gis ci'i phyir na sbar bar byed/ des na rnam pa de lta bu ni sems can dmyal bar gzhol bar 'gyur ro zhes thams cad mkhyen pas lung bstan no/ /mu stegs can smra pa'i lung du mi ston pa ni chos dang chos can bzhin du tha dang pa dang tha? dad pa ma yin pa'i rang bzhin du med de/ gcer bu pa rnams kyi srog de ni de lus shes bya ba la sogs pa ste/ 'du ba dang ni rgyas pa dang/ /srog ni lus kyi tshad can te/ /de ni rigs pas 'dir smras te/ /phra ba gang yang ma yin no/ /mar me 'od ni snod spangs pa/ /'phros la bzhin du 'dod pa ste/ /chu yi snod pa til mar thigs/ /gang zhig 'phros pa bzhin du'o zhes so/ /ne yi ya yi ka dang/ grangs can dang/ khyad bar can rnams kyis srog ni gzhan la lus ni gzhan no/ /rig sngags 'dzin pa'i mthar smra ba dang/ zhi ba mi gnyis par smra ba rnams kyi bdag ni rtag pa gcig du khyab pa'o/ /de de ltar rtag ba gcig pu dang/ tha dad ba dang/ gnyis ka ma yin pa dang/ yod pa dang/ med ba la sogs pa smra ba po gzhan rnams kyi mdza' rnam pa bzhir smra bsgrub pa'i mdza' tha dad pa thams cad do/ /bdun pa ni sngar dpyad ba'o/ /rtag pa ni ma skyes pas na mo gsham gyi bu la sogs pa bzhin no/ /bdag med pa gnyis la shes rab kyis dpyad de/ rnam par rtog pa la sogs pa ni de bzhin nyid la dmigs pa'i bsam gtan no/ /de bzhin gshegs pa'i sa sgrib pa med par shes par bya ba thams cad kyi de kho na nyid kyi rnam pa la 'jug cing snang ba dang bcas pa dang/ / snang ba med pa'i ting nge 'dzin la mnyam par 'jog pas ye shes kyi mtshan nyid grub nas gnyis su med pa ? zhing ma skyes ba'o/ /bde bar gshegs pa rnams kyi stong pa ma skyes pas na dngos po med pas ji ltar na gnad bar mi 'gyur/ de ni skyon ma yin te/ sgra ba la sogs pas kun tu brtags pa'i byed pa dang byed pa po mngon par 'brel pa med pa'i phyir rten cing 'brel te 'byung ba ni mi 'byung ba med de/ snga ma'i 'og tu 'di yod pas 'di zhes bya ba 'ba' zhig go /skad cig mar 'jig pa la cig car skad cig pa gcig pu dang yang 'grel pa med de/ gang zag la bdag med pa la yang ngo/ /chos la bdag med pa la ni rmi lam dang mig 'phrul la sogs pa bzhin du gnyis kyi rnam pa mi skye ba ste/ de de lta bur na dngos po rnam gnyis kyi rnam pas stong pa'i chung ba rnams yin gyi/ mo gsham gyi bu la sogs ba'i dngos po rnams yongs su grub pas med pa ni ma yin no/ /ji ltar dgongs pa nges par 'grol pa las 'byung ba/ rigs kyi bu rang bzhin med pa rnam pa gsum ste/ mtshan nyid rang bzhin med pa dang/ skye ba rang bzhin med pa dang/ don dam pa'i rang bzhin med pa'o/ /de la brtags pa ni rtag pa dang/ bdag dang/ phyi rol gyi dang/ rdul phra mos brtsams pa dang/ rdzas dang/ yon tan dang/ las dang/ spyi la sogs ba'i mtshan nyid gang gis kun brtags par byed pa de dag gis de la rang bzhin med ba'o/ /gzhan gyi dbang gi rnam pa rnams ni skye ba med pa nyid rang bzhin med pa'o/ /don dam pa la yang gnyis kyi rnam pa'i rang bzhin med cing bsam pa med pa snang ba med pa/ don dam pa'i bden pa mi gnyis par rang bzhin gyis 'od gsal ba dngos po dang dngos po med pa rnam par mi rtog pa'i chung bar dgongs pa la gang yang brtaD pa med pa bzhin pa dang/ bzhin gyi dbang dngos po med pa bzhin du yongs su grub pa yang med ces smra ba de ni dam pa'i chos dang bral bar 'byung ba'i las sgrub par byed do/ /de? 'di ltar dgongs pa nges par 'grel pa'i tshul gyis khrid pa'i don gyis la dkar gshegs pa dam pa'i chos kyi 'grel par rtsod pa'i gnas mdo sde'i don bkri bar ma lus par rgya che bar bshad bar bya'o/ /ji ltar na rtag pa ma yin zhes bya ba la sogs pa ni bdag dang bdag gir la sogs bar rnam par rtog pa ltar gnyis su med par dang spyi'i rnam par rtog pa dang bral ba'i phyir ro/ /de la chad pa ma yin pa ni ye shes kyi skad cig pas gong ma'i don bya ba byed ba'i phyir thugs rje'i bag chags kyis bskul bas snang ba dang bcas pa'i ting nge 'dzin gyis sems can gyi don sbyor ba'i phyir ro/ /'jig pa ma yin pa ni se gol la sogs pa'i sgra la sogs par bzhin du ma yin te/ 'dus ma byas kyi phyir ro/ /mi gnyis pa'i chud pa'i rgyun la nyon mongs pa med pa'i phyir 'chi ba ma yin no/ /spangs pa med pa dang thob pa med pa ni chung pa rang bzhin gyi 'od gsal ba'i phyir der cung zad kyang spangs pa dang thob pa yang med do/ /skad cig ma'i rgyun 'brel bas chad pa dang rtag pa ma yin no/ / don gcig pa ma yin pa ni bdag la sogs pa bzhin du rtag pa ma yin pa'o/ /don dam pa tha dad pa ma yin pa ni gzhan gyi dbang ltar gnyis kyi rnam pa ma yin pas mya ngan las 'das pa gnyis su med de /rang gi mtshan nyid ni sro ba dang/ gsher ba dang/ dro ba la sogs pa'o/ /spyi'i mtshan nyid ni mi rtag pa dang sdug bsngal la sogs pa'o/ /de khong du chud pa ni phung po rnams la'o/ /'du 'dzi med pa gcig bu dga' ba'i mtshan nyid do/ /yul la phyin ci log med pa ni mi rtag pa dang bdag med pa la sogs ye? shes pas srid pa dang/ longs spyod la mdzes pa la sogs pa'i rnam par rtog pa mi 'byung ste/ de'i phyir mya ngan las 'das pa'i blo? 'gyur ro zhes pa rnam pa gnyis ni snang ba med pa ? bdag? rtag pa la sogs par rnam par rtog pa'o/ /sngon po la sogs par snang ba la ni phyi rol gyi don du rnam par rtog ba'o/ /mi'i dbang po'i byin brlabs las zhes bya ba la sogs pa ni sangs rgyas rnams kyi byin gyis brlabs smon lam rnams kyis rnam par sbyangs pa ste/ smon lam gnyis chung par byed do/ /gang gis bdun la sogs pa'i las kyis bar chad du ma gyur te/ dang por zhal la sogs pa mthong ba dang/ bcu par phyag gis dbang bskur ba'o/ /bcom ldan 'das 'di yod na 'di yod do zhes pa ni rtag pa'i rgyu la gleng ba ni ma yin gyi / skad cig mer 'jig pa yang gang gi tshen 'bras bu yod pa de'i tshen rgyu med ces na phrad pa med pa la 'di yod na 'di yod do zhes bya ba ji ltar na rung/ yang lan du snyen pa ni mur byed ba rnams rang gis sems snang ba nyid la phyi rol gyi rgyu rdul phra mo dang/ yan lag can dang dbang po la sogs pa smra ba ni phyi rol dang rtag pa'i rgyu med do/ /thog ma dang tha ma'i rgyun blo la bzhag nas 'di yod na 'di yod do zhes brjod par bya'i de lta bur rgyu med par/ smra ba ni ma yin no zhes thams cad mkhyen pas dgongs pa'i don to/ /blo gros chen po de dag ni dngos po yang ma yin dngos po med pa yang ma yin te zhes bya ba la/ dngos po yang ma yin pa ni phyi rol gyi brjod par bya ba med ba'i phyir ro/ /dngos po med pa mi yin pa ni blo la yod pa'i sgra'i don brjod pa'i phyir ro/ /brjod pa ni byas pa ste /zhes bya ba mtshan mar byed bas don snyed pa'i phyir ro/ /de lta bas na sngon gyi mtshan ma dang mi gzung la sogs pas don rtogs par yang 'gyur ro/ /de bas na sgra dang don du 'brel la rtg par des pa thams cad mkhyen pas bsal te/ /sbyod pa can la sogs pa rnams gyis ni sgra rtag pa'o zhes rtogs so/ /'phags pa rnams kyis ni mi rtag pa @141a la sogs pa phyin ci log ma yin par shes pa'i phyir ro/ /mo? pa ni rnam pa? du mar so sor snang ngo/ /nor pa med pa la ni rang gi dngos po gcig ste/ rtag pa la sogs par nor ba la mi rtag par yang byed de /rtag pa'i yul med pa'i phyir ro/ /dngos po dang dngos po med pa rnam par spangs ba'i phyir ro zhes pa ni byas pas nor pa gzugs brnyan la sogs pa la lhag bar ji ltar chags pa de ltar dngos po med do/ /ji ltar so sor snang ba de ltar dngos po med pa ma yin no/ /de ltar nor pa ni zhes bya ba 'phags pa rnams la de ni/ rtag ba'i phyin ci log ma yin la mi rtag pa'i phyin ci log kyang ma yin no/ /ji ltar shes rab kyi pha rol tu phyin pa las 'byung ba/ gzugs ni rtag pa zhes pa 'am mi rtag pa zhes par kun tu mi mthong ngo zhes bya ba la sogs te / de ltar de'i phyir rtag par rtogs par ni nor ba ste/ rtag pa la sogs pa'i yul med pas na skad cig mar 'jig ba rab tu 'byed pa'i phyir ro/ /tha dad du mi 'gyur te zhes bya ba ni rnam pa de lta bur snang ba la rtag pa dang bdag la sogs pa'i mtshan ma tha dad pas mi 'byed de/ mnyam par mi 'jog pa'i ma rig pa yongs su smin pa las de ltar gang gi phyir snang ba 'ba' shig pas na de'i phyir nor ba rtag pa'o/ /nor pa de kho na nyid ma yin te zhes pa ni don dam pa'i rang bzhin ma yin zhes bya ba'i don to/ /byis pa rnams kyi blo ni rtag pa la sogs pa'i dngos por sgro btags ba'i phyin ci log tu'o/ /'phags pa rnams kyi blo ni skad cig mar 'jig pa la sogs pa yongs su shes pas phyin ci log ma yin par ro/ /dngos po ma yin pa so sor snang ba mi rtag pa yang ma yin pa dang/ rtag pa ma yin par yang ma yin te /de'i phyir thams @ 141b cad mkhyen pas gsungs pa/ phyin ci log gi blo yang mi 'jug /phyin ci log ma yin pa'i blo yang mi 'jug ste zhes ba'o/ /gzhan du med de zhes pa ni byis pas sgro btags te kun brtags pa'i yul du blo 'jug pas na/ de ji lta zhe na gyin zhes bya ba ste/ gang cung zad 'phags pa'i 'du shes su 'gyur pa 'phags pa'i ye shes kyis dmigs pa'i dngos po/ ji lta bu de ni rnam par 'khrul pa'i gzugs de lta bu ma yin zhes so/ /nor ba de yang phyin ci log dang phyin ci log ma yin par zhes bya ba ni nor pa nyid la rtag pa dang/ mdzes pa la sogs par sgro 'dogs pas byin ci log go /der yang dag pa ji lta bu yin pa'i mi rtag pa dang/ mi gtsang ba la sogs pa snang ba ni phyin ci log pa yin pa'o/ /don dam par na rang bzhin med pa'i phyir smras pa lta bur de'i rang bzhin rnam pa gnyis su med mod kyi / 'on kyang byis pa rnams la rtag pa dang bdag dang bdag gi la sogs pa'i phyin ci log pa rnams kyis 'khor ba'i sdug bsngal du snang ba thob bar byed do/ /de nyid 'phags pa rnams la yang mi rtag pa dang/ sdug bsngal ba dang/ mi mdzes pa la sogs pa bden par snang ba mngon sum du byed pa las thar pa thob par byed do/ /de la rang gi mtshan nyid ni sra ba dang/ gsher ba dang/ dro ba la sogs pa'o/ /spyi'i mtshan nyid ni mi rtag pa la sogs pa'o/ /'du 'dzi med pa'i phyir zhes bya ba ni gcig po gnas par mog? pa'i phyir te/ rang sangs rgyas rnams ni phal dang mi gnas zhes bya ba'i bar du'o/ /byis pa dang mkhas bdag la snang ba'i khyad par yod de/ de la byis pa dngos por sgro 'dogs pa'o/ /mkhas pa la ni stong pa nyid khong du chud pa sangs rgyas kyi rigs thob pa yin no/ /byis pa rnams kyis nor ba'i mtshan nyid rtag pa dang/ bdag dang/ bdag gi dngos po dang/ byed pa po dang/ las dang byed pa la sogs pa'i mtshan nyid du ji ltar kun brtags pa/ gal te de ltar yod na ni de'i tshe de'i? bstan pa la rten cing 'brel te 'byung ba mu stegs byed pa'i rgyu las 'byung ba dang mtshungs par yang 'gyur te / de ltar yang mi rung ba ni rtag pa dang/ bdag la sogs pa'i rgyu rnams kyi 'bras bu shes par bya ba la ched mas gnod do? zhes thams cad mkhyen pa'i gsung gi don brtag go / gal te nor ba dang/ sgyu ma 'dra ba ni sgyu ma lta bur gzhan gyi rgyur 'gyur ro/ /des kyang cir? 'gyur zhe na/ mu stegs byed pa rnams kyi rtag pa dang /bdag la sogs pa ni nor ba ji ltar na rgyur mi 'gyur zhes blo gros chen pos dgongs par brtag go / thams cad mkhyen pas kyang spong bar gsungs pa/ nor ba ni sgyu ma lta bu ma yin no/ /rgyu gsungs pa nor pa ni gnas ngan len gyi nyes pa thob ba'i rgyu med ba'i phyir ro/ /de sgyu ma de lta bur 'gyur pa ma lags sam zhes pa la blags te gsungs pa/ blo gros chen po sgyu ma ni gnas ngan len gyi nyes pa thob par mi byed do/ /ji lta na thob par byed pa ma yin zhes pa dang/ khyad par du gsungs pa rnam par ma brtags na zhes bya ba ste/ ji ltar lung las 'byung ba/ 'jig rten sna tshogs de gang de 'dod min/ /kun rtog 'dod chags skyes bu'i 'dod pa ste/ /sna tshogs 'jig rten du ni lus bzhin du/ /des na dpa' bo der 'dod 'dul bar byed /ces pa'o/ /de'i phyir thams cad mkhyen pas 'di skad gsungs pa/ bro gros chen po sgyu ma ni skyes bu gzhan gyi rig sngags kyi mthus 'byung ste/ rang gi log pa'i rnam par rtog pa las ma yin te /rtag pa dang bdag la sogs pa'i nor ba ltar sgyu ma 'byung ngo/ /de bas na nor ba ni gnas ngan len gyi nyes ba'i bag chags byed kyi/ sgyu ma ? mi du rnam par rtog pas ni ma yin no zhes so/ /skabs dor zhes pa ni nor ba'i nang du ste nor ba dang 'dres zhes ba'i bar du'o/ /ji ltar ma ste/ nor? ba'i rang bzhin snang ba la rdzas dang / yon tan dang /las la sogs pa yang dag par kun rtog pa'o/ /'phags pa gang dag gis mi gnyis ba'i stong pa nyid la sogs pa rnam par thar ba thob pa de dag ni nor pa'i rang bzhin snang ba la mdzes pa dang/ mi mdzes pa la sogs pa yang dag par kun tu mi mthong ste/ ji ltar 'phags ma shes rab kyi pha rol tu phyin pa las gsungs pa'o/ /nor pa spangs nas shes pa ni gzugs la sogs bar snang ba rnams shes rab kyis rnam par gzhigs te khang ba la sogs pa bzhin du stong par byas ba na mi gnyis ba'i ye shes la yod pa dang/ /med pa'i mtshan mar rnam par rtog na de'i tshe mtshan mar rtog pa de nyid nor pa yin te/ rab rib legs par ma gsos bas ma dag pa lta bur mtshan mas ye shes blongs par 'gyur ro/ /bzhin zhes bya ba ni dpe'i don to/ /sgyu ma ni shes rab kyis dpyad pa na phyi rol gyi dngos por byis pa rnams kyis rnam par brtags pa ltar ming de/ de dang chos mthun par khyab pas gnyis kyi rnam pa'i dngos po thams cad sgyu ma lta bu'o/ /ji ltar shes rab kyi pha rol tu phyin pa las 'byung ba gzugs las brtsams te/ sangs rgyas nyid kyi bar du yang gzugs la sogs par snang ba ni sgyu ma dang mtshungs rmi lam dang mtshungs zhes so/ /ji ltar byis pa rnams sna tshogs la mngon par chags pas mtshan nyid kun rtog par byed ji de lta bur dngos po rnams sgyu ma lta bu lags sam zhes gsol pa/ gzugs rnams sna tshogs kyi mtshan nyid rnams su phyi rol gyis la sogs par byis pas brtags ba'i rnams gyi rgyu med par mthong ba'i slad du zhes pa sgrub par byed pa rjes su dpag pa'i rgyu mi mthong ba ni shes rab kyis sgom po dang phra mo rnam pa'i chur dbye ba na stong pa kho na'i phyir ro/ /skyes bu dang sngags la sogs pa'i sgyu ma la phyi rol gyi byis pas brtags pa ni shes pa so sor snang ba tsam nyid do zhes so/ /de bas na thams cad rig pas 'di skad du gsungs pa/ log pa myur ba'i glog dang 'dra ba ste/ des na sgyu ma dang 'dra ba'o/ /log pa'i phyir sgyu ma dang 'dra ba ni stong pa rnams te / chos la bdag med pa'i tshad ma'o/ /myur ba'i grog dang 'dra ba des ni skad cig ma rnams te /gang zag la bdag med par ro/ /gang gis rmi lam dang/ sgyu ma dang/ gzugs brnyan la sogs bar stong pa cung zad cig khong du chud pa de la shes rab kyis dpyad de / de dang chos mthun par gzugs su snang ba ni gzugs ma yin no zhes par ril sogs ba stong bar khong du chud bar bya'o/ /byis pas kun brtags ba'i mtshan nyid phyi rol dang rtag pa la sogs pa'i dngos po de gnyis ka yang stong pa nyid ces bar ro/ /dngos po rnams kyi rang dang spyi'i mtshan nyid kyi dngos po shes rab kyis rab tu rnam par 'byed ba med bas mi snang ngo zhes bya ba'i don to/ /sgyu ma ni yang dag par yod pa ma yin te/ de med ba'i chos dang mthun par dngos po rnams yod par brjod bar bya ba ni sgyu ma ltar dngos po rnams yod do zhes par ro/ /gang yang mdo sde shes rab kyi pha rol tu phyin pa la sogs pa du mar chos thams cad ni ma skyes pa dang sgyu ma lta bur gsungs pa de sems can rnams la gdon mi za'i don du 'phags pa blo gros chen pos dam pa'i chos 'dir gleng bar mdzad do/ /chos gang ma skyes pa de dga' ? ni mo? bsham gyi bu las la sogs pa bzhin du gzugs la sogs pa'i so sor snang ba med pa /sgyu ma'i rang bzhin ni rnam? tshogs su snang ba ste/ ji ltar na ma skyes ba rnams sgyu ma lta bu lags/ de bas na 'di 'gal lo zhes de ltar dgongs pa'o der thams cad mkhyen ba'i phyi ma'i phyogs la byis pas kun brtags pa'i byed pa dang/ byed pa por mngon par 'bri ba te skye ba ni skye ba med do/ /ci'i phyir zhe na/ rang gi sems snang ba tsam du rtogs ba'i rgyu'i phyir ro/ /rang gi sems ma rtogs par byis pa rnams kyi phyi rol gyi don skye bar kun rtog bar byed do/ /yod pa dang med pa las mi skye bar mthong bas na zhes bya ba dang 'brel te/ phyi rol gyi dngos po med pa'i phyir zhes pa ni rgyu ste /phyi rol gyi don de yang gnyis kyi rnam pa'i shes pa la rgyu dang 'bras bu'i dngos po tha dad par 'dzin gyi/ rnam pa med pas ni ma yin pas na phyi rol gyi don de yang sus sun phyung/ yod pa ni yod bas na mi skye'o/ /med pa yang bya bar mi nus pa'i phyir 'di yod pas 'di yod ces bya ste/ chos thams cad ni bya ba med pa'i phyir de ma thag pa tsam 'ba' zhig bas sgyu ma skye ba ni yang dag bar skye ba med pa bzhin du de dag kyang skye ba ni skye ba med pa'o/ /mo gsham gyi bu la sogs pa rnams kyi snang ba med pa'i phyir de dag gi rang bzhin med ba lta bur sgyu ma lta bu'i dngos po rnams mi skye ba ma yin no/ /mu stegs byad pa rnams kyis rtag pa dang /tshangs pa dang/ dbang bo dang/ rdul phra mo'i rdzas la sogs pa rgyu las byed ba dang/ byed pa po la sogs pa dang 'brel te 'bras bu skye bar rtog pa ni rtag pa dang phyi rol gyi rgyu med pa'i phyir sems tsam du snang bas dngos po rnams sgyu ma lta bu'o/ /bslu ba'i rgyu las 'byung bas yang dug par na skye ba med pa'o zhes brjod pas na skye ba med pa'i tshig tu brjod do/ /sgyu ma dang chos mthun pas dngos po rnams skye ba med do zhes bya bas ni phyi rol gyi don du chud bar byed ba dang/ dngos po thams cad sgyu ma lta bur ma skyes pa zhes bya bas dngos po rnams tha dad par brjod pa lags so zhes de skad du dogs nas thams cad mkhyen pas gsungs pa/ yang dngos po bstan pa ni zhes bya ba la sogs pa ste/ dngos po bstan pa ni las dang 'bras bur 'brel ba khong du chud par bya ba'i phyir te/ 'di ni bsdus pa'i don to/ /rtag pa dang bdag la sogs pa dang/ phyi rol gyi don du tshigs pa dgag ba'i phyir dngos po rnams sgyu ma ltar mi skye'o zhes bstan to/ /mu stegs can yang dag pa ji lta ba ma yin pa nyid la yang dag pa lta bur phyin ci log pa'i phyir rtag pa dang/ bdag dang phyi rol la sogs pa dang/ byed pa po dang las su sgro btags te bdag dang gzhan la slu bar byed pa de dag la yang dag pa ji lta ba bzhin du sems tsam bshad par bya'o zhes so/ /sgra dang don la 'khrul ba'i smra ba po mang ste/ la las phyi rol gyi brjod pa yod pa'i steng du der yang sgra dang don rtag par 'brel to zhes rtog par byed pa de dag gi rmongs pa bsal ba'i don du sgra dang don yang dag pa khon ji lta ba yin pa thams cad mkhyen pas bshad par mdzad pa/ dngos po gang la gnas te zhes pa ste gang brjod pa dang/ 'jug pa'i mtshan ma dang/ de las gzhan pa log pa'o/ /rnam pa de lta bu ni ming ste/ tshogs dang/ lus dang/ gnas shes bya ba rnam grangs so/ /de ni gzhan dag gis tshig ces bya'i ming ni ma yin no/ /tshig gi tshogs ni tshig gi don rnams kyi tshogs te/ rjod pa'i don zhes bya ba'i tha tshig par thams cad mkhyen pas dgongs par brtag go / de bas na de nyid las don rnams gdon mi za bar 'gyur ro/ /brtags pa'i don du rab tu sbyar ba'i 'bru? mang pa ni yi ge'i tshigs te/ 'bru'i tshogs zhes bya'o// snang bar byed pa ni de dag 'brel ba dang/ don rnam pa sna tshogs su 'dogs pa'i mtshan ma ste/ rnam pa tha dad par go rim kyis 'khor ba ni mtsho dang bro dang/ lcug ma dang/ shing ta la lta bur ro/ /de lta bas na rim des ming dang tshig gis tshogs rnams snang bar byed do/ /de ni brtags pa rtogs par byad kyi/ lung ston pas sgra gsal bar snang ba byed bar kun brtags pa dang/ ? ba can gyi nga ros yi ge snang bar byed pa ni ma yin no/ /? dang/ yi ge yang tha dad par mi dmigs pas na spyod pa/ can rnams kyis rnam grangs su skye bo rnams slu bar byed do/ /yi ge'i rim pa gtogs par sgra rgyas pa la rim med pa la rjes su gzung bas don rjod par yid mchis so/ /tshig ni ming du 'jug /ming las don gsal bar 'gyur ro zhes skad/ mchog gang dag kun tu rtogs pa yang tshig dang yi ge ni rnam grangs pas na de ma gtogs par ming med de/ brtags pa la bltos to/ /der 'dus pa las ming la sogs par 'du shes so/ /yang dag par yi ge ma gtogs bar ming la sogs ? phyir mtshan ma la bltos te de'i go rim kyis ming la sogs pa'i tshig tu gdags so/ /tshig gi dbang po ting nge 'dzin la thams cad mkhyen pa bzhugs na dbyangs kyi dkyil 'khor du brjod pa'i don 'byed pa sgrub par mdzad de/ snga ma ni smras pa bsdu ba'i mtshan nyid du brtag go / gnyis pa ni 'dus pa smra ba'i brjod par brtag go /de dag brtags pa'i khyad par ni rjod ba'i don blangs te/ rjod pa'i nang gi yan lag dang chos mthun pa dang/ chos mi mthun pa las chag dgar te/ tshig y+dang tshig gi don rnam par shes pa'o/ /gnyis po ni tshig dang tshig gi don blangs te 'dus pa'i don du yongs su shes pa'o/ /de ni 'di skad ces smras pa yin te/ spyir ni tshig khyad par du ni rjod pa ste /tshig gzhan dang 'brel bar de ltar smras pa @145a las gang lhag pa de ni brjod pa'i don zhes so/ /yang na 'brel pa ni rjod pa'i don ni zhes pa'o/ /gzhan sel bar byed pa la ni spyi dang khyad par du rjod de/ de las gzhan pa log pa ni khyad par ro/ /mig thug ba zhes bya ba ni tshig rtogs par 'gyur ba na rjod pa rtogs par 'gyur ba'o/ /tshig gi tshogs 'ba' zhig dbye bar? mi zad de ming gi tshogs dbye bar yang ston pa/ blo gros chen po ming ni 'di lta ste/ yi ge rnams kyis zhes so/ /a la sogs ba nas ha'i mthar thug gi bar du so sor re re'i ming du 'du shes pa ste/ a? zhes bya ba dang/ ka zhes bya ba dang/ ha zhes bya ba'i bar du'o/ /kha cig gis yi ge'i tshogs ni a las brtsams te ha'i mthar thug pa la sogs bar so sor 'brel ba'i 'bru rnams ni ming gi 'du shes su sbyor bar byed do/ /thung du dang/ 'dren pa dang/ ring du 'dren pa'i dbyangs rnams la yi ge'i ming du thams cad mkhyen pas dgongs pa'o/ /yi ge rnams kyi mtshan nyid gsal bar byed pas na snang bar byed pa'o/ /'di lta ste tshig ni thug pa'o zhes gang gsungs pa tshig de'i dpe rnams ni glang po che dang/ rtal sogs pa'o/ /ming dang yi ge zhes bya ba ni gzugs med pa'i phung po rnams so/ /ming gis brjod pa'i phyir zhes pa ni sgra'i don du brtags pa la don du ma ston par mdzad do/ /yi ge rang gi mtshan nyid kyis snang bar byed bas zhes bya ba la mtshan nyid ni mtshan ma dang rnam grangs so/ /ming tshig gi rjod pa zhes bya ba ni ming gi tshig gis brjod ces bya ba'i bar du'o/ /smra rnams kyis don du ma yod bas na khyad par du bshad pa ni thams cad mkhyen pa nyid tshad ma'o/ /rigs pa dang ldan pa'i rgyu ni rang bzhin gsum @ 145b gyi ste/ der blo med bya ba'i don to/ /'di ni dri ba ma yin no zhes ji ltar smra par byed ce na/ mkhas pa rnams kyis gzugs la sogs las mi rtag pa ci gzhan nam/ 'on te ci gzhan ba ma yin nam zhes dris pa la/ bcom ldan 'das la smon te/ gzugs la sogs ba las mi rtag pa nyid gzhan pa dang/ gzhan ma yin zhes bya bar dris pa 'di ni bcom ldan 'das lung ma bstan pas na bzhag par bya ba'i ? 'dzer to/ /lung mi ston par smra ba ni mu stegs can rnams kyi yin te ji ltar phyogs gos pa rnams 'gyur bar smra ba ni ji srid du srog yod pa de srid du lus zhes te/ srog ji tsam pa lus de tsam nyid de 'du ba dang ni gyes pa dang/ srog ni lus kyi tshad can te/ de ni rigs pa rnams kyis smras/ nams kyang phra mo yod ma yin zhes so/ /rgyu la rnam par rtog pa zhes bya ba ni rtag pa dang/ bdag dang /tshangs pa dang/ dbang po la sogs pa rgyu kun tu rtogs par byed pa'o/ /de dag las 'bras bu 'byung ba dang/ gcig pa dang/ tha dad par lung bstan du med ces rtog go / da'i gsung rab la ma yin no zhes pa ni ji skad du gsungs pa yin zhe na/ gnyis ka dang gnyis ka ma yin zhes bya ba la sogs pa'i rang bzhin gnyis su lung bstan du med pa ni thams cad mkhyen pa'i gsung rab las ni thams cad bsam du med par brjod pa ste/ ji ltar zhe na/ gzung ba dang/ 'dzin pa dang/ mi ldan pa rnam par rtog cing snang ba med par mi gnyis par yang dag par rig pa la yod pa dang /med pa dang/ rtag pa dang/ mi rtag pa dang/ gnyis ka dang/ gnyis ka ma yin pa la sogs pa mtshan nyid kyi rnam par rtog pa mi 'jug go /gang na 'dzin pa dang/ gzung pa'i dngos po yod pa der rnam par rtog pa 'jug gi /da'i tshul gyis mi gnyis par smra ba de dag la lung mi ston pa zhes bya ba ni bzhag pa lta ga la yod/ chos thams cad ni byed pa med pas na zhes bya ba'i rang dang skad cig pa'i phyir lhag pa'i bya ba dang/ byed pa dag mngon par 'brel te 'bras bu mi skyes pas na de'i phyir chos thams cad ma skyes pa ste de mthag pa tsam gyis 'di yod na 'di yod do zhes bya ba ? bA zhig go / ngo bo nyid med ces bya ba ni rang dang spyi'i mtshan nyid gzhan pa yang/ gzhan pa ma yin pas rnam par dpyad pa na mi rigs pas ni de ni der sngar dpyad zin to/ /de la blang ba med pa dang/ dor ba med pa zhes bya ba ni mdo sde mang por rab tu dgrol ba la bltos te don chung bar bya'o/ /rang dang spyir mtshan nyid blang na zhes ba ni yongs su brtag pa na'o /blang du med pa ni sgo rnam pa du mas kyang khong du mi chud do/ /phyi rol gyi 'am gzhan gyi dbang gi mtshan nyid rang dang spyi'i mtshan nyid rnam pa sna tshogs su kun rtogs pa de ni gcig pa dang tha dad par mi rigs so/ /gcig la rang bzhin gnyis su med pa'i phyir mi rtag pa la sogs pa'i 'du byed rnams la/ mi rtog pa la sogs pa'i mtshan nyid gzhan yod pa ma yin te/ rnams pa cis kyang chos thams cad la rang bzhin gyi gnyis par gsungs pas na rang bzhin gnyis pa'i mtshan nyid med de / dngos po gcig la gnyis su mi rigs pa'i phyir ro/ /'byung ba'i mtshan nyid du 'ong ba med bas na blang du med do/ /rnam pa sna tshogs kyi rang bzhin med pas na 'jig pa'i mtshan nyid can dor bar yang med do/ /chos thams cad rnam pa thams cad kyis 'od ba dang/ 'gro ba dang bral pa'o/ /ji ltar dbu ma las 'byung ba/ /'gag med skye ba med pa dang/ /rtag med chang ba med pa dang/ /'ong ba med pa 'gro ba med/ /gang rten brten par 'byung ba ni zhes bya ba la sogs pa'o/ /dngos? po rnams gzhan du ni 'gag par rtog ste/ re zhig na dngos po'i rang bzhin gyi mtshan nyid ni yod pa ma yin te/ yod pa dang med pa gnyis kyi rnam par snang ba'i rnam par rtog pa dang bral ba'i phyir brjod du med pa la su'i 'gag pa rtog par byed/ mtshan nyid skye ba mi rtag pa yod pas zhes pa ni skad cig pa'i 'du byed rnams la skye ba dang/ gnas pa dang/ ? dang /mi rtag pa'i mtshan nyid rim gyis 'byung ba ni mi rung ngo/ /'on te yang de ltar 'gyur na ni skad cig pa gzhan du gnas pa'i phyir de dag skad cig pa ma yin pa nyid du 'gyur ro/ /de ni 'di skad ces smras pa yin te/ 'dus byas kyi mtshan nyid skye ba ni mi rtag pa nyid yin pa'i phyir mi rtag pa zhes bya'o/ /des na skad cig ma drug tu gnas par yang lan smras par rig par bya'o/ /gsol bar gyur pa mgo gcig gcig lung ston to/ /kha cig tu spyir lung bstan pas som nyi rnam par ma log pa'i phyir khyad par cung zad tsam zhig dri ba yod pa ni 'dri ba'o/ /de bzhin du bsdus pa'i don rnam par phye ste bzung ba'o/ /rtsod pa'i skye bo la bltos te chung zad kyang bzhag pa'o/ /shes rab la bltos te gang zab mo'i mtshan nyid kyi chos thams cad lung bstan par mdzad pa'o/ /grangs can dang khyad par can la sogs pas lung mi ston pa rnams ji lta bur smras pa de bshad par bya ste/ gnas dang gnas pa gzhan pa ni lung bstan du med do zhes so/ /so sor grub pa'i rnams sbyor pa dang/ so sor grub pa ma yin pa'i rnams ni phrad pa ste zhes pa la/ phrad pa'i rgyu ma gtogs par de la gnas pa'i rdzas dang/ yon tan la sogs pa phyogs gzhan du grub pa zhes smra bar mi nus so/ /phrad pa'i rgyu'i rang bzhin yang lung bstan du med do/ /so sor grub pa rnams la ni bum pa dang /snam bu la sogs pa tha dad du lung bstan du yod do zhes so/ /rgyun tu zhugs pa'i 'bras bu la sogs pa'i rnam par shes zhing gang zag la bdag med pa yongs su shes nas chos la bdag med pa yongs su shes par gyur te/ sa nas sa'i mtshan nyid las 'das pa rtogs par khong du chud pas zhes bya ba ni sa dang po la sogs pa'i rang gi phyogs dang mi mthun pa'i phyogs kyi ji ltar shes zhe na/ de la sbyin pa la sogs pa ni rang gi phyogs kyi mtshan nyid du 'byed pa'o/ /'jungs pa la sogs pa ni mi mthum pa'i phyogs so/ /sa dang sar mtshan nyid gang yin pa des sa'i phyogs kyi mi mthun pa las 'da' ba rtogs par khong du chud pa'o/ /nyon mongs pa med pa'i mi shes pa chung du dang/ 'bring po dang /chen pos bcus gtogs pa ye shes chen po dang/ 'bring po dang chung ngu'i mtshan nyid kyis sbang bar bya'o/ /zhes de ltar rnam par shes pa 'gyur pa dang/ chos thams cad kyi yul la 'gro ba'i lus longs spyod par nye bar 'tsho bar 'gyur ro zhes te/ de la chos thams cad kyi yul la 'gro ba'i lus ni thams cad mkhyen pa'i chud pa'i sku ste/ gnyis pa dang mi gnyis pa'i ting nge 'dzin mkhyen pa'o/ /de bzhin du yang sems can thams cad la yid bzhin gyis nor bu lta bur chos bshad pa la sogs pa'i longs spyod kyis 'tsho ba nye bar 'gyur ro/ /tha ma dang /bar ma dang /mchog ces bya ba ni shes rab kyi khyad par gyis chud du dang /'bring po dang/ chen po'i mtshan nyid du brtag par bya'o/ /ji ltar 'di nyid du gsungs pa/ ting nge 'dzin myos pas bslad pa ni zag pa med pa'i dbyings su gnas zhes pa'o/ /'o na ji ltar na yongs su mya ngan las 'das pa zhes bya/ dam pa'i chos pu nu ri ka las/ snang ba'i rgyur ni mya ngan las 'da' par da smra'o zhes gsungs pas na de 'di nyes pa med do/ /sred pa la sogs pa'i nyon mongs pa spangs te /'khor pa'i sdug bsngal zad pa nyid ni thad pa'o/ /ma rig pa'i nyon mongs pa dang las las skyes pa'i lus kyi snang ba dang bral te/ bsam gyis mi khyab pa'i zag pa med pa'i ting nge 'dzin thob nas de dag gi thar pa ni 'gog pa la mnyam par bzhag pa dang 'dra ste /thams cad mkhyen pa'i mdas snying rje'i bag chags kyi sa bon gyis sad de /snang ba bcas pa'i byang chub sems dpa' i ting nge 'dzin thob nas sangs rgyas nyid du 'gyur ro/ /bye brag gis gong nas gong du zhes pa ni 'dod chags la sogs pa kun tu spyod pa dang bral te mthong ba dang bsgom pa'i mtshan nyid kyi bye brag gi lam gyis chen po dang/ bar ma dang/ chung du'i sbyor pa rnams rnyog pa'i mtshan nyid spong pas 'bras bur 'gyur ro/ /de dag dang bral nas chu rnams kyi rnyog pa rab tu dang ba bzhin du dgra bcom pa rnams kyis 'bras bur 'gyur ro zhes pa ni 'jig rten gyi tha snyad do// gzhan gyi dbang gsal pa'i gzugs su snang ba la/ gang snang ba med pa'i rtag pa dang/ bdag dang/ rdul phra mo la sogs pa'i rnam par rtog pa de ni gzhan gyi dbang la yongs su brtags pa'i rang bzhin no/ /de bzhin du phung po lnga'i bdag nyid la khyab pa dang phra ba la sogs par rtog pa'o/ /gzhan gyi dbang der kun brtags pa'i rang bzhin de yang yod pa yang ma yin/ med pa yang ma yin/ yod med kyang ma yin zhes pa ni gnyis ka'i rang bzhin du yang yod pa ma yin no/ /yod pa ma yin pa'i rgyu gsungs pa /yang dag pa ma yin pa'i kun brtags pa'i mtshan nyid pas na zhes te /gang gis rtag pa dang/ bdag dang/ phyi rol gyi rdzas la sogs pa yang dag pa ma yin pa kun rtog pa des na kun brtags ba'i rang bzhin la mngon par zhen pa'o/ /yod pa yang ma yin pa ni yang dag ba ji lta ba'i don ma yin pa'i phyir ro/ /gang gis yang chung ba'i rnam par rtog pa tsam du snang ba'i phyir med pa yang ma yin no/ /gnyis kyi rang bzhin med pa'i phyir rnam par rtog par gsum po yang yul med pa ste/ des na yang dag pa ma yin par kun rtog pa'o/ /rang bzhin gsum gyi mtshan nyid ni thams cad mkhyen pas 'di nyid du gsungs pa/ brtags pa yi ni rang bzhin gyis/ /dngos po thams cad ma skyes te/ /gzhan dbang la ni brten nas su/ /mi rnams rnam par rtog pa skye/ /rnam par rtog pas rnams spangs te/ /gang tshe gzhan dbang dag pa ni/ /grub pa de bzhin nyid bshad par/ /mdo sde mdo sder ngas smras so/ /ji ltar dgongs pa nges par 'grel pa las bcom ldan 'das nyid kyis gsungs pa/ rigs kyi bu rang bzhin med pa rnam pa gsum ste/ mtshan nyid rang bzhin med pa dang/ skye ba rang bzhin med pa dang/ don dam pa rang bzhin med pa'o/ /byis pa rnams kyis rtag pa dang/ phyi rol gyi rdzas la sogs pa mtshan nyid gang dag gis kun rtog pa'i mtshan nyid de dag gis kun brtags pa'am ma skyes pa na mtshan nyid rang bzhin med pa'o/ /gzhan gyi dbang gi rnam pa sna tshogs kyi rnam pa sna tshogs pa'i rang bzhin med de/ rmi lam dang/ mig 'khrul la sogs par rnam pa sna tshogs kyi rnam par gsal bar skyes su zin kyang shes rab kyi ? dpyad de khang pa dang/ sde dang/ nags tshal la sogs pa bzhin du gnod pa'i phyir skye ba rang bzhin med pa'o/ /don dam pa grub pa'i rang bzhin gyis 'od gsal zhing ro gcig par 'gyur ba'i chud pa ni de bzhin gshegs pa rnams/ byung yang rung ma byung yang rung ste / chos nyid rgyun tu gnas pa la ni 'dzin pa dang/ gzung ba rnam pa gnyis kyi rang bzhin med do/ /ji ltar 'phags pa btsun gtso byams pas bshad pa/ gnyis med pa'i dngos po ni/ /stong pa yin ni mtshan nyid do zhes so/ /dngos po med pa'i stong pa'i mtshan nyid ci zhe na/ dngos po nyid do/ /ji ltar na mtshan nyid ce na/ gnyis kyi rnam pa dang bral ba'i chud pa yongs su grub pa'i rang bzhin ni chos can no/ /de la de'i 'dzin pa dang/ gzung ba'i bral ba nyid ni chos nyid ces bya ste /grub pa'i rang bzhin no/ /de ste lang kar gsungs pa dang dgongs pa nges par 'grel bar thams cad mkhyen pas bshad pa'i tshul du rang bzhin gsum du rnam par bzhag pa mi rung na ni de'i che rang rang gi rnam par rtog pa'i rang bzo 'ba' zhig ste/ rtog pas smra bar yang 'gyur ro/ /gang dag yang gzhan gyi dbang gi rang bzhin gang yin pa de grub pa zhes smra zhing gzhan gyis skyed par byed bas na gzhan gyi dbang do zhes pa de na 'id ni ma yin te/ de ji lta zhe na/ gzhan gyi dbang gis gnas pa ste /ma rig pa la sogs pas rnam pa sna tshogs kyi gzugs su spros par byed pa'o/ /gnyis kyi rnam par gsal bar snang ba ni shes pa nyid rig ste/ de ni 'di skad ces smras pa yin no/ /gang rkyen gzhan dag gi dbang du gyur cing 'dra ba'i skad cig ma gzhan la bltos pa ma gtogs par dam pa dang dam pa ma yin pa'i chos bstan pa la sogs pas rnam pa sna tshogs kyi rnam pa skye ba'i phyir gzhan gyi dbang du gyur pa de ni gzhan gyi dbang ngo/ /mi g.yo ba de ni ro gcig par 'ba' zhig yang dag par rig pa tsam po nad bzhin gyis 'od gsal ba'i ngo bo nyid du thams cad kyi rjes su song ba gser lta bur rkyen gzhan gyis 'phangs pa'i glo bur @149a gyis nyes pa yongs su zad de yongs su grub ba ni gsum pa'o/ /ji ltar 'phags pa de kho na nyid bsdus pa las 'byung ba/ rigs kyi bu sems 'di ni rang bzhin gyis 'od gsal ba ste/ dge ba dang mi dge ba mor? ma par 'du byed pa rnams kyi sus ji ltar yongs su sbyong ba de de ltar grub par 'gyur ro zhes tshig gi don du rtogs par 'gyur ro/ /gzhan gyi dbang de la yang rnam pa gnyis te/ 'khor ba rnams ? ni ma rig pa dang/ las las byung ba rnam pa sna tshogs kyi snang ba'o/ /rnal 'byor pa rnams kyi ni dge ba'i 'du byed la sogs pas rnam par dag ba rdzu 'phrul gyi cho 'phrul rnam pa sna tshogs su snang ba'o/ /de gnyis kyi rnam pa dang bral zhing yang dag par rig pa tsam ni rang bzhin gyis 'od gsal zhing 'dus byas dang/ 'dus ma byas pa'i yongs su grub pa yin no/ /ji ltar dgongs pa nges par 'grel ba las 'byung ba/ rigs kyi bu 'dus byas dang 'dus ma byas zhes bya ba de ni ston pas brtags pa'i tshig go /dbang po la sogs pa sus kyang ma byas pas na 'dus ma byas te / chos nyid 'di ni ye gnas pa zhes bya'o/ /skad cig pa'i phyir 'dus byas zhes bya ba'i don to/ /de yang gang zag la bdag med pa'i dngos por dngos por 'dzin pa med pas zhes bya ba ni skad cig par 'jig pa khong du chud par gyur pa'i 'og tu rtag pa'i bdag tu lta ba spong ngo/ /dngos por 'dzin pa med pas zhes bya ba ni phyi rol gyi dngos por 'dzin pa med pa'i phyir chos la bdag med pa ste zhes par der bsnan no/ /gzhan du ni dngos por 'dzin pa med par mi rung ste / gang zag la bdag med pa ni phyi rol gyi don du lta ba'i phyir ro/ /de'i phyir rdo rje gcod pa las 'di skad du gsungs pa /gzugs la'ang ma zhugs zhes bya ba la sogs pa'o/ /de lta bas na mdo sde 'dir lhan cig tu skyes pa'i @ 149b zhes bya ba la sogs pa ste/ 'jig tshogs la blta ba ni chos las bdag med pa ste /phyi rol gyi don sun dbyung bar rab tu byed pa'i don gyi phyir ro/ /bdag dang gzhan gyi lus mnyam pa nyid ni yang dag par rig pa tsam du mtshungs pa'i phyir ni/ /phung po bzhi gzugs kyi mtshan nyid kyi phyir ro/ /gang las gzugs med pas shes par byed pa'i rgyur gsungs so/ /skye bar byed pa'i rgyur gsungs pa 'byung ba dang /'byung pa las gyur pa rnams zhes bya ba la sogs pa ste/ so sor snang ba las zhes par 'brel to/ /de yang phan tshun gyi rgyu'i mtshan nyid kyi phyir zhes pa ni 'byung ba rnams tshogs par 'dus pa'i gzugs ni reg pa la sogs pa gzugs kyi mtshan nyid de /de la brten pa la sogs pa'i las kyi ni 'byung ba rnams su rjes su dpag go zhes so/ /'byung ba rnams phan tshun du rgyu la byed pa ni rim du mi skye'o/ /gsungs pa bzhin du rig par bya ste /phyi rol gyi dngos por lhan cig tu skyes pa'i 'jig tshogs la lta ba ldog pa ni phyi rol dang /rtag pa yod pa'i phyogs la phyogs ma yin pa'i lta ba mthong pa'i phyir yang dag pa'i ye shes kyis spong bar 'gyur ro/ /de kho na nyid kyi don du ni thams cad mkhyen pas mkhyen to/ /the tshom gyi mtshan nyid ni yang dag pa'i ye shes ma gtogs par mi rtogs so/ /'bras bu thob pa'i phyir lam gyi chos khor du chud par bya ba shin tu mthong pa'i phyir ro/ /dag kyang ma dag ba'i phyir zhes pa ni rgyu'i tshig ste/ ston pa gzhan gyis sdug bsngal dang mi mdzas pa la sogs pa 'khor ba las skyo ba'i rgyu smras pa la/ rtag pa dang/ bdag dang/ tshangs pa dang/ dbang po la sogs pa'i rgyu las byung zhes te / dag tu zin kyang dag pa ma yin zhes nas de dag gi gtsug lag la yon tan du mthong bar mi 'gyur ro/ /sdug bsngal skye ba'i gnas zhes bya ba ni nges rtag pa dang /bdag dang/ bdag gir chags pa'i ma rig pa dang/ las kyi mtshan nyid kyi kun 'byung ba de shin tu mthong ba'i phyir snyems pa mi byed do/ /rnam par mi rtog pa zag pa med pa ni theg pa chen por chos la bdag med par rab tu sbyar bar bya'o/ /byang chub sems dpa' i tshul khrims kyi yan lag ni sa'i khyad par du 'gro bar ro/ /gzugs su snang ba'i skye ba lan cig bas na lan cig phyir 'ongs pa'o/ /dus gsum gyi mnyam pa nyid dang ldan pa ni phyir mi 'ongs pa ste/ de'i phyir 'di skad du gsungs pa/ 'das pa dang ma 'ongs pa dang / da ltar gyi mtshan nyid yod pa dang /med par mi 'jug pa ste/ gang gis don dam pa'i bden pa mi gnyis par yang dag par rig pa'i gnas su 'jug pa'o/ /des dus gsum gyi gnyis kyi rnam pa'i tshig gi don mi snang ngo/ /ji ltar zhes pa dang/ de'i phyir gsungs pa dang/ lta ba'i nyes pa bag la nyal ba phyir mi 'ong ba'i phyir te /rgyu med pas na 'bras bu 'ang med do/ /de nyid gsungs pa/ phyir mi 'ong ba'i tshe na de spangs pas na'o/ /dgra bcom pa ni zhes bya ba la sogs pa ste / chos la bdag med pa rtog pa'i phyir so sor re rer bsam gtan dang/ bsam gtan du bya ba la sogs pa gnyis kyi rnam pa'i rnam par rtogs pa spangs pas na mi gnyis pa'i ting nge 'dzin la gnas pa ni de skad ces bya'o/ /zhi pa phyogs gcig ces bya ba ni bdag la phan par zhugs pa ste/ zhi ba'i mtshan nyid kyi mya ngan las 'das pa zhes bya ba'i don to/ /byang chub sems dpa' nams kyis byang chub tu smon lam btab pas gang dge ba'i rtsa ba la goms pa der 'phags pa'i nyan thos der rmongs shes bya'o/ /ji ltar sdong pos brgyan las 'byung ba/ mnyan du yod pa na sangs rgyas dang byang chub sems dpa' rnams kyi rdzu 'phrul gyi tshe 'phrul dge ba'i rtsa ba yod pa ma smin pa'i phyir nyan thos de dag gi mi mthong ba ni 'di lta ste / dmus long bzhin no zhes rgya cher ro/ /byang chub sems dpa' i spyod pa spyad pa can zhes pa ni gang zag la bdag med pa rtogs pas 'khor ba dang 'brel pa'i 'dod chags la sogs pa'i nyon mongs pa spangs par gyur te / gang dag la snying rje'i sa bon yod pa de dag de las rab tu sa de da byang chub sems dpa' i spyod pas sangs rgyas kho na phya bar nus kyi/ thams cad kyis ni ma yin no/ /zhi ba'i phyogs gcig pa'i 'dod chags dang bral ba ni dgongs pa nges par 'grel pa bzhin no/ /sangs rgyas 'phrul pas sprul pa zhes bya ba ni ji ltar gsungs pa/ nyan thos dang ni rgyal ba yi/ /gang de gzugs su snang ba ni/ /byang chub sems dpa' i rtse bdag gis/ /sprul pa de dag ston pa'o zhes te / 'phrul pas sprul pa ni nyan thos kyi bye brag go /rnam par rtog pa 'jug pa'i gnas gzhan sna tshogs bstan pa 'di ni zhes bya ba 'bras bu'i mtshan nyid bstan pa dang 'brel to/ /gnas gzhan ni 'bras bu zhugs pas rgyun tu zhugs pa la sogs pa tha dad do/ /rnam par rtogs pa 'jug pas rnam pa sna tshogs su bstan na phyi rol gyi mi mdzes pa la sogs pa'i dngos po de dag don dam par ci'i slad du ma mchis zhes pa dang/ de'i phyir rgyu gsungs pa 'bras bu thog par bya ba'i phyir bsam gtan dang/ bsam gtan du bya ba dang/ bsam gtan pa rnam par dben pa'i phyir ro/ /rnam pa de lta bu'i lam dben pa'i phyir zhes bya ste/ gnyis kyi rnam pa dang bral bas so/ /ji ltar zhes pa dang/ gsungs pa rang gi sems snang bar gtogs pas zhes te/ rang gi sems snang ba las lhag pa'i phyi rol gyi don med ces bya ba'i tha tshig go /phyi rol gyi bsam gtan du bya ba med na yang/ bsam gtan dang/ bsam gtan pa ji ltar na yod de /yang dag par rig pa tsam la rig par bya ba dang rig pa po med do/ /gnyis su gyur cing zhes pa ni phyi rol gyi don la gzung ba'i skyon te/ ji srid du phyi rol gyi don du mngon par chags pa de srid du rmongs pa mi spong ste/ rgyu de nyid las srid pa kun tu sbyor bar 'gyur ro zhes dgongs pa brtag go /rang gi sems snang ba'i mtshan nyid shes par bya ba'i rnam par shes rab kyis ldog par bya ste/ zhes pa ni phyi rol dang nang gi gzugs sna tshogs su snang ba rnam par dbye ba na khang pa la sogs pa bzhin du stong pa nyid do/ /rnam pa mdza' yas so zhes rnam pa de lta bu'i 'du shes su tshor ba tsam dgag pa'i phyir snyoms par 'jug pa'o/ /rang gi sems snang ba'i rgyu las 'da' ba ni sems la yod pa'i mtshan ma'i rnam pa'i chud pa ma gtogs par 'gog pa mi rung ngo/ /de zhes pa ni rang gi sems nyid kyi dmigs pa yod na ni de'i tshe 'gog pa la snyoms par 'jug pa yang mi rung ste/ sems tsam pa'i phyir ro// 'gog pa la snyoms par 'jug pa de'i mtshan ma yod pas dmigs pa la rnam pa sna tshogs tsam nyid mi rung ste/ gnyis kyi rnam pa'i phyir ro/ /yang dag par rig pa'i sems tsam la ni mtshan ma yod pa ma yin pas na bsam pa med cing snang ba med pa don dam pa'i bden pa ni gnyis par rig pa la mi rtag pa dang/ mi mdzes pa la sogs pa'i gzugs su dmigs pa med pa'i phyir rnam pa gnyis kyi bsam gtan la sogs pa thams cad dang 'bras bu'i mtshan ma 'khrul pa'i mtshan nyid kyi 'jig rten las 'das pa gnyis kyi rnam pa'i bsam gtan thams cad kyang yod pa ma yin no/ /chos thams cad mdza' bzhi dang bral ba zhes bya ba ni rnam pa bzhi'i rnam par rtog pa med pa ste de dag kyang mi dmigs so/ /de ci'i phyir zhe na chud pa thams cad mi gnyis pa'i phyir ro/ /blo gros chen po 'di zhes bya ba ni chos rnam par 'byed pa'i blo ste /des gcig pa dang tha dad pa la sogs pa'i chos rnam par rtog pa yongs su spang bar bya'o/ /ji ltar de bzhin gshegs pas chos thams cad gzung ba med pa dang/ brjod du med par thugs su chud pa de bzhin du dngos po dang dngos po med pa la sogs pa'i chos gang gis kyang de rnam par rtog par mi bya'o/ /gang dag sra pa dang/ tsha ba dang gsher ba la sogs pa'i mtshan nyid du rnam par rtag pa'i mtshan nyid la mngon par chags pa'i yang dag pa ma yin pa'i kun rtog pa de dag gis brtags pa rnams rnam par rtog pa ste/ phyi rol gyi 'byung ba rnams ni med do/ /ji ltar yi dam 'cha' ba dang/ rgyu'i mtshan nyid dang/ dpe la mngon par chags pa'i phyir te/ ji ltar phyi rol gyi don du smra ba rnams kyi blo rtog pa don gyi bya ba sdus pa'i phyir byung ba rnams yod do/ /de dag med na ni tshig pa dang gces pa la sogs pa'i 'bras bu yod par mi 'gyur ro/ /don gyis stong pa'i rnam par shes pa de ni bslu bas khyab pa yin te /mya dam gyi smig rgyu ba la sogs pa bzhin no/ /de ste thams cad don gyis stong pa yin na ni bslu bas khyab par mi 'gyur te/ de ltar ma yin pas na phyi rol gyi don grub po zhes so/ /thams cad mkhyen pas dgongs pa yang rmi lam gyi dus na smig rgyu dang mtshol sogs par bslu ba dang bslu ba med pa'i 'bras bu yang dmigs pas na de'i phyir shes pa so sor snang ba la ma gtogs pa byung ba rnams yod pa ma yin te/ des na rnam par rtog pa'i mtshan nyid rnams la gang 'dzin pa yin pas des gang mngon par chags pa de ni rab tu 'jog pa'i blo zhes bya'o/ /snang ba med pa'i blo la rab tu rnam par 'byed pa'i shes rab kyis 'jug par 'byed pa'i phyir gang spyod pa ste/ sbom po dang phra ba rnam par 'byed pa rjes su mi dmigs pa'i mtshan nyid stong pa nyid khong du chud par byed cing/ mi gnyis par yang dag par rig pa la nan tan byed pa'o/ /spyod pa'i sa ni thob pa dang sems pa ste/ de la mkhas par gyur par ? dang po rab tu dga' ba rtogs pa mtshan nyid kyi sgom pa'i shes rab thob par 'gyur ro/ /de ? sa'i yon tan rgya cher gsungs pa / ting nge 'dzin brgya zhes bya ba la sogs pa'o/ /thog ma'i mdza' dang tha ma'i mdza' zhes pa ni 'das pa dang/ ma 'ongs pa ste/ 'das pa dang/ ma 'ongs pa la 'jug pa zhes bya ba'i don to/ /sa bcu'i bsod nams dang ye shes kyis tshogs kyi mthar thug pa thob par gyur pa dang/ de bzhin gshegs pa'i rang bzhin gyis thugs su chud pa'i sa thob nas sems can yongs su smin par bya ba'i phyir 'od zer gyis mdzes so zhes pa dang 'brel to// gang 'di 'byung ba dang/ 'byung ba las gyur pa de ni ming dang rnam par rtog pa tsam ste /rgyu gsungs ba rang gi sems snang ba tsam du khong du chud pa'i phyir ro/ /ji lta zhe na /sngar phyi rol dngos po med par bstan pa'i phyir te /mdza' bzhi'i tshul rnam par dag cing bral par gsungs pa bzhin no/ /rang gi mtshan nyid kyi gnas zhes par ni mi gnyis par yang dag par rig pa tsam mo/ /tha dad pa'i byed pa dang byed pas so/ /skye ba la sogs pa dang bral pa'i mtshan nyid ni ma skyes pa ste/ de lta bur yod pa ni rang bzhin kyis 'od gsal zhing gser la sogs pa bzhin rang gi mtshan nyid grub po/ /gsher bar snang ba'i rnam par? rtog pa ni byin bdu snang ba'i chu'i khams skyed do/ /cha ba ni me'i rnam par rtog pa'o// log pa la brten par chags pas ni zhes pa ni yang dag pa ma yin pa la bden par sgro btags te chags pa'i phyir ro/ /rang gi rnam par nyid la rab rib can la gzugs la sogs pa snang ba bzhin du phyi dang nang gi don du sgro btags te/ 'dzin pa dang /gzung ba'i rnam par nye bar rtog pa de las phung po lnga 'byung ngo/ /rnam par shes pa yang zhes bya ba la sogs pa ni gang tshigs dang yul sna tshogs la gang mngon par chags pa sred pa'i mtshan nyid kyis de 'dod pas rgyun gyi mtshan kyi rnam par shes pa 'gro ba gzhan du mchams sbyor bar 'byung ngo/ /mi 'bral bas na gang na gcig yod pa de na 'byung ba gzhan rnams kyi ste /des nas la sogs pa'i 'byung ba la gnas pa'i 'byung ba las gyur pa rnams kyi rgyu 'byung ba chen por so sor snang ba'i mtshan nyid can gsher ba la sogs pa'i rnam par rtog pa'i rgyu shes pa rnams yod kyi/ mu stegs can gyis kun brtags pa'i sa la sogs pa'i rdul rtag pa'i 'byung ba chen po rnams kyi ni med do/ /mu stegs can gyis kun tu brtags pa de dag kyang ji ltar na ma mchis zhes yongs su zhus pa/ de ci'i slad du zhes so/ /dngos po ni chag gi don gyi rang bzhin te/ der mtshan ma ni mngon rtags te 'jug pa'i mtshan ma rigs dang/ yon tan dang byed pa la sogs pa'o// 'dis mtshan mar byed pas na de nyid mtshan nyid do/ /des kyang rdzas la sogs pa gzung ba 'dzin to/ /dbyibs ni sbom po dang phra mo dang/ zlum po la sogs pa'o/ /bya ba ni 'degs pa la sogs pa'i mtshan nyid do/ /sbyor ba ni 'brel pa'o// rdul phra mo rnams las yan lag can gyi rdzas bya ba dang 'brel te skye bar 'gyur ba ste/ rdul gnyis dang rdul gsum la sogs pa'i rims ni thog mar bya ba dang 'brel ba'i phyir ro/ /rdzas ni rdzas gzhan rtsom pa dang yon tan rnams kyang yon tan gzhan rtsom mo/ /da la khyad par can la sogs pas dngos po'i mtshan ma la sogs pa'i mtshan nyid du brtags pa ni rwa dang ldan pa dang /nog dang ldan pa dang /lkog shal dang ldan pa dang/ mjug ma dang ? ldan pa ni ba lang gi mtshan ma'o/ /dngos po la @153a rnams pa gnyis te rdzas kyi dngos po dang/ spyi'i dngos po'o/ /de la ba lang kho na dang/ ba lang gi rdzas kyi yan lag gi mtshan nyid kyi mtshan ma dang 'brel pa ni rgyu rnams te/ nges na dngos po'o/ /rdzas kyi dbyibs dang yan lag rwa la sogs pa rnams kyis mtshan ma'i mtshan ma'i nyid gzung ngo/ /rdul gnyis dang rdul gsum la sogs pa'i rgyu ? rnams kyis rim par byed pa dang ldan pas skye'o zhes gzhan gyis grub pa'i mdza' ni thams cad mkhyen pa'i snga ma'i phyogs so/ /rtag pa ni ma skyes pas na mo gsham gyi bu la sogs pa bzhin du dngos po med pa ni phyi ma'i phyogs su gnas pa'o/ /mtshan ma dang mi ldan pa la ni ma yin no zhes bya ba ni gzugs med pa gang dag la tshad la sogs pa'i mtshan ma gzung du med pa de dag la rdzas su rtsom pa med do zhes mu stegs kyi lugs so/ /phan tshun du mi mthun zhes bya ba ni? rnam par rtog pa'i mtshan nyid tha dad pa ste/ sra ba dang gsher ba la sogs pa'o/ /dngos po dang dngos po med pa rnam par spangs pa zhes bya ba ni gang na dngos po dang dngos po med pa gnyis kyi rnam par rtog pa yod pa der grangs? su 'byed pa'i tha snyad do/ /de ni rtog pa dang rnam par rtog pa'i 'dzings pa las 'das shing mi gnyis par yang dag par rig pa zhes bya'o/ /gnas gzhan pa ma yin pa ni chung pa me long las gzhan pa ma yin pa'i phyir rnam pa sna tshogs kyi gzugs la sogs par snang ba phyi rol na med do/ /'phags pa'i ye shes rtogs pa ni mi gnyis par yang dag par rig pa'o/ /shin tu rmongs pa ni phung por rnam par rtog pa bgegs dang 'khrul ba'o/ /rnam par bzlog nas zhes bya ba ni bor nas so/ /rab tu dbyen pa zhes bya ba ni 'dzin pa dang gzung bar snang ba'i rnam par rtog pa dang bral ba don @ 153b dam pa'i bden pa mi gnyis pa'i chud pa bstan par bya'o/ /'on te mo gsham gyi bu ltar yang dag pa kho nar ci yang med na bden no zhes chos gal dben par bstan par bya zhes pa la/ dben pa ni bcom ldan 'das kyis chos gsal bar bstan pas na theg pa chen po gzhan rigs pa dang ldan par brtag tu ji ltar rung/ dben pa ni ci 'ang ma yin zhes bya ba 'di ni dben pa'i don ma yin no/ /mya ngan las 'das pa rnam pa bzhi ste zhes bya ba la /dngos po ni rang bzhin med pa'i mya ngan las 'das pa ni gang gi tshe na rnal 'byor can rnams kyis zhi ba dang/ ro gcig pa'i rnal 'byor thob pa de'i tshe bdag dang bdag gis rang bzhin gyi dngos po med par gyur pa'i mya ngan las 'das pa'o/ /yod pa dang med par brjod du med kyang zhi ba rtag pa'o zhes bye brag go / mtshan nyid sna tshogs kyi dngos po med pa'i mya ngan las pa ni tshangs pa'i spyi'i rnal 'byor la mtshan ma rnams kyis sna tshogs su gsal ba'i rang bzhin med pa de ni mya ngan las 'das pa'o zhes rtog par byed de/ de bas na smras pa/ tshangs pa'i 'di ni sgras sprul pa/ /sgra yi mthur ni rnam par gnas/ /sgra tsam las ni byung ba yang/ /de nyid du ni zhi bar 'gyur zhes so/ /rang gi mtshan nyid kyi dngos po med par rtog pa'i mya ngan las 'das pa ni rang bzhin skyes bus bzung ba la / rang gi mtshan nyid kyi dngos po med pas 'ba' zhig par shes pa'i phyir phyi nas rang bzhin med par rtogs par 'gyur ba ni 'di gzhan la bdag kyang gzhan no zhes te grangs can gyi mya ngan las 'das pa'o/ /bzhi pa na mu stegs can gyi mdza' ma'i mya ngan las 'das pa ste /gang zag la bdag med par phung po rnams kyis rgyun 'chad pa ni mya ngan las 'das pa ste/ phung po med na bde ba mchog ces par ro/ /de dag ji ltar na mu stegs can gyi mdza' ma yin/ de'i phyir gsungs pa/ de'i gsung rab la ni ma yin no zhes te/ don dam pa'i chos bshad pa la phyi rol gyi tshul du bstan pa ni dgongs so zhes thams cad mkhyen pa'i gsungs las nges so/ /chos las bdag med pa'i theg pa chen po la ni rnam par rtog pa dang bcas pa'i yid kyi rnam par shes pa bzlog pa'i mtshan nyid kyi mya ngan las 'das pa'o/ /de nyid rgyu dang dmigs pa'i phyir rnam par shes pa bdun rnams zhes pa la /de zhes bya ba ni kun gzhi rnam par shes pa ste/ de nyid gang dag gis rgyu dang dmigs pa yin zhes tshig sbyar ro/ /yang na rtog ba'i yid kyi rnam par shes pa de'i rgyu ni kun gzhi rnam par shes pa ste dmigs pa yang de nyid do/ /de dag gi rgyu dang dmigs par mtshungs kyang bdun gyi nang nas rnam par rtog pa'i yid rnam par rtog pa'i bag chags rnams kyi kun gzhi rnam par shes pa'i mdza' shin tu rgyas par byed do/ /rnam par rtog pa de ldog pa na yongs su mya ngan las 'das pa ste /der yang nyon mongs pa'i rnam par rtog pa ldog par rig par bya'o/ /gzhan du mi rtog pa med pas rang gi tshig dang 'gal te chos bstan pa yang ji ltar na rung/ ji ltar 'di'i 'og tu gsung pa/ rnam rtog rnam shes bzlog pa na/ /da ni mya ngan las 'das pa'o zhes pa ste/ des na snang ba dang bcas pa dang/ snang ba med pa'i ting nge 'dzin gyi rnam pa mkhyen pa ni nyon mongs pa'i rnam par rtog pa med par skye bo mang po 'dus pas brtags pa'i don gsol ba'i lan du rnam pa sna tshogs kyi sgra dang don thams cad tha dad pa'i khyad par du chos ston to/ /yid dang lhan cig tu/ zhes pa ni thog ma nyid du rang dbang gis rnam par rtog pa'i rnam pas yul thams cad du yongs su gcod pa'i rnam par rtog pa yid kyi rnam par shes pa 'byung ba ma yin te/ de yang 'byung ba na kun gzhi rnam par shes pa la bag chags rnams rab tu gso bar byed do/ /kha cig tu la lang bdag dang bdag gis la mngon par chags pas rnam par rtog par khyad par du 'byung na ni der nyon mongs pa'i yid dang lhan cig tu'o/ /ji ltar na bdag dang bdag gir 'dzin par mngon par chags zhe na/ ngar sems pa lta bur rjes su phyi nas 'jug ste/ ji ltar dang 'di nga'i zhes par ro/ /so so'i nges pa'i yul nyid du rnam par rtog pa'i yid kyi rnam par sheS pa nyon mongs pa'i yid dang lhan cig tu/ cig char 'jug gi thams cad du 'jug pas ma yin no zhes de dag gi khyad par rig par bya'o/ /sems 'dus pa ji ltar 'byung zhes pa la/ lus tha dad ba ma yin pa'i mtshan nyid ces bya ba ste/ byed pa'i khyad par snga ma dang yang sbyar bar bya'o/ /ji ltar na yang tha dad pa ma yin pa zhe na/ kun gzhi rnam par shes pa ma gtogs par 'dus pa med pa'i phyir ro/ /ji ltar rmi lam gyi dus na lus dang longs spyod dang/ gnas kyi rgyur gyur pa kun gzhi rnam par shes pa mig la sogs pa'i shes pa rnams dang/ de nyid gzugs la sogs pa'i skye mched dmigs pa'i rnam par so sor snang ba de bzhin du gnyid kyis ma log pa'i dus na yang phyi rol gyi don med par gnyis rnam par so sor snang ngo/ /gcig gi rgyur gcig gyur pa zhes bya ba ni bag chags sogs pa dang/ yongs su smin pa'i rgyu'i phyir ro/ /dngos por mya ngan mi 'da' zhes bya ba ni mi gnyis pa'i don dam pa'i rang bzhin gyis mya ngan las 'da' ba' o/ /rdo rje'i sku'i sku gdung ye shes kyi rdo rje'i bya bas sems can gyi don du zhib mor phye ba'o/ /seng ge nyal ba la sogs pa'i mtshan nyid kyis kyang ma yin te/ ji ltar zhe na/ rnam rtog rnam par shes pa las// bzlog pas mya ngan nga 'das so/ /dngos po dang dngos po med par rtag pa spangs pa'i phyir ro/ /brjod pa ni sgra nyid do/ /snyan pa la sogs pa'i dbyangs sna tshogs pa rnam par rtog pa ni brjod pa la rnam par rtog pa'o/ /gang ci yang rung bar smra bar bya ba zhes pa ni spyi'i rnam par rang gi mtshan nyid mi gnyis pa yang rnam par rtog par byed de/ de lta bu'i gang rnam par rtog pa'o/ /gang cung zad mya dam? gyi smig rgyu la sogs ba chur 'khrul pa'i rang bzhin ri dags skom pa lta bu'i smra bar bya ba de phung po dang khams dang skye mched la sogs pa gnyis kyi rnam par snang ba rnam pa de lta bu la rang bzhin par khong du chud par byed do/ /ji ltar na zhes pa de la de ltar gsal bar brjod pa'i mtshan nyid sna tshogs la sogs pa'o/ / 'di ni 'di lta ste/ 'di ni 'di bzhin pa nyid du gzhan du ma yin no zhes bya ba'i don ni lhag mas bshad do/ /gang zhes bya ba ni bsgrub pa'o/ /gang gis zhes bya ba ni rgyu dang rkyen gyis ta rang bzhin gsum gyi mtshan mas yod pa dang med pa nges pas so/ /gang na 'thad pa zhes bya bar klog pa la der rgyu'i mtshan nyid khyab par smra ba ni/ gang rnam pa de lta bu de ni rnam pa de lta bu yin pa 'am 'thad do zhes rang bzhin gsum gyi mtshan ma la de ltar gsung bar dgongs par rtog go/ rig pa la rnam par rtog pa ni ji ltar gang dag gis mthong ba de nyid la reg pas na mthong ba dang reg pa don gcig tu 'dzin pa'i phyir bdag yod do zhes te/ rtsod pa'i rnam bar gzung ba'i dus na bdag med do zhes bstan par bya ste/ bde ba dang sdug bsngal du myang ba tha dad par dbye ba na chung pa ma gtogs par dmigs su med pa'i phyir ro/ /yod pa dang med pa skye ba ni grangs can dang khyad par can la sogs pa rnams kyi'o/ /mi skye ba la rnam par rtog pa ni sa dang chu dang me dang rlung gi yang dag pa ma yin te/ ma byung ba sems can rkyen de dag rnams las 'byung bar 'gyur ro/ /rgyu med pa'i lus zhes pa ni ji ltar da ltar gyi dus na chud pa'i rgyu las chud pa gzhan skye ba de ltar sngon gyi rgyu med pa'i lus te/ chud pa'i rgyu las rig pa skye pa med do zhes so/ /gnyis po gang dang gang sbyor ba de ni 'brel pa ste/ gser gyi skud par gang brgyud par snang bzhin te/ sgyu ma'i rang bzhin phyi rol gyi don la yang rin po che la sogs par 'brel par rtog ba de bzhin du chud pa'i rgyun gyis rgyud la gzung ba dang 'dzin pa dag go / bcings pa nyid kyang ma bcings pa yin te thabs shig gis 'grol bas na/ bcings pa yang ma bcings pa'o/ /dper na gsungs pa/ ji ltar skyes bu zhes te thag pa mdud pa bor bas bum pa la sogs pa'i don kha cig 'ching bas bcings pa mdud pa 'grol bas bkrol ba de bzhin du mnyam par mi 'jog pa'i ma rig pas bdag dang bdag gir chags pa dang/ las kyi zhags pas bcings pa las bdag med pa gnyis rtogs na grol bar 'gyur ro/ /yod pa dang med pa zhes pa ni 'di ni yod do/ /'di ni med do zhes par mtshan nyid rtogs pa byed de/ rtag pa phyi rol gyi rdul phra mo'i rdzas kyis brtsams pa sa la sogs pa ni gnyid kyis ma log pa'i dus na yod la/ rmi lam gyi dus na med do zhes so/ /gzhan gyi dbang gis rnam pa de lta gsal ba la brtags pa'i mtshan nyid rnam pa'i lta bur mngon par chags par byed pa'i sgyu ma'i gnas sna tshogs mthong ba bzhin no zhes te/ sgyu ma'i gnas ni rnam par rtog pa'i rnam pa du mar gang sna tshogs su phyi rol gyi mdzes pa dang/ mi mdzes pa la sogs ba'i rnam pa 'khrul pa rnams kyis mthong ba ste/ de lta bu sgyu ma'i bdag nyid kyi gzhan gyi dbang gzugs kyi rnam pa gsal ba'i gnas ni brtags pa'i mtshan nyid yin no/ /sgyu m a gzhan du mthong ba'i blos zhes pa ni mthong ba dang reg pa'i blos gzugs dang reg pa la sogs pa'i yon tan rnam pa sna tshogs kyi gnas gzhan du phyi rol gyi yan lag can gyi rdzas nyid du 'dzin pa ni sgyu ma'i gzugs nyid du gang bsnang ba de la byis pa rnams kyis de ltar kun rtog go / sna tshogs dang sgyu ma ni cig pa dang tha dad pa ma yin pa zhes pa ni gzugs dang reg pa la sogs par snang ba ni 'dus pa'i yul gyi phyir ro/ /yon tan dang yon tan can gyi rkyen byis pas brtags pa'i rnam pa de lta bu la 'di ni gzugs dang ldan no/ /'di ni rig pa dang ldan zhing rdzas gzhan yin no zhes gzugs la sogs pa 'dus pa'i gzugs nyid la/ 'di ni gzugs dang ldan pa'o/ /'di ni reg pa dang ldan pa'o zhes smos par byed do/ /'dus pa'i gzugs la gzugs sam gzugs la sogs pa yod do zhes tha dad par brtag pa ni gzugs la sogs pa ma gtogs par rdzas yod pa ma yin no/ /ji ltar tshal gcig la skyed cing 'di rnams kyi tshal 'di rnams kyis tshal 'di skyed shing du ldan pa yin zhes skyed shing ni mang la tshal ni gcig pu nyid du brtags pa'o/ /ji ltar gzugs la sogs pa 'dus pa la snam bu la sogs pa gcig pu nyid dang/ gzugs la sogs pa mang po kho nar te/ de yang de dag ma gtogs par gcig pu nyid mi srid la/ thams cad la yang gcig pu nyid du ma yin te/ de ltar na tha dad pa dang tha dad pa ma yin par tha snyad du bya'o/ /des na sgyu ma dang sna tshogs gcig pa dang/ /tha dad par gang rtogs pa de ni mi rung ngo/ /gang gis tha dad par nges ba nges gcig par mi rung ngo/ /'dus pa'i gzugs la sgyu ma'i gzugs gcig tu nges pas na tha dad par dmigs su med pa'i phyir tha dad par yang mi rung ngo/ /don dam par na gnyis ka yang med ces dgongs pa'o/ /'jig rten chags pa ltar yod pa dang med par mi chags par bya'o zhes de'i phyir gsungs pa ste/ de ni snang ba tsam mo zhes dgongs pa'o/ /sems ni yul dang kun tu 'brel ces bya ba ni kun gzhi rnam par shes pa ste/ lus dang longs spyod dang gnas su snang ba'i gzhan gyi dbang po/ /rtog pa la ni rnam par 'jug ces pa ni brtags pa'i yul rtag pa dang/ phyi rol dang/ rdzas dang/ yon tan dang/ las la sogs par rtog pa'i yid kyi rnam par shes pas rjes su rtog pa'o/ /snang ba med pa'i yongs su grub pa'o/ /mi gnyis pa'i rang gi mtshan nyid la shes rab rnam pa gsum car yang 'jug go /'ang gi sgra'i don ni snga ma'i phyogs la bltos te bye brag tu snang bar byas pa'i phyir ro/ /kun brtags pa'i rang bzhin yod gzhan gyi dbang ni med pa ste zhes pa ni kun brtags pa'i rang bzhin yid chos par byed pa yod la/ gzhan gyi dbang ni rnam par mi rtog pa'i chud pa med do zhes rnam par rtog pa dang bcas pa mngon sum par smra ba brnams phyir rgol bar de ltar thugs dogs nas thams cad mkhyen bas de'i lan du gsungs pa/ nor ba dag gis brtags pa snang zhes pa ste/ nor pa'i rnam par sgra'i don sbyir 'dzin par byed da/ des na brtaD ba'i rang bzhin nor bas 'dzin to/ /gzhan gyi dbang gsal bas na rnam par mi rtog go /zhes khyod kyis bshad med kyis/ 'on kyang kun brtags pa bzhin du brtog pa ste zhes de de snyam du gyur bar thugs dogs nas gzhan gyi dbang mi rtog go zhes pa ste/ rab rib la sogs pas skra la sogs pa gsal ba'i gzugs bdag nyid 'dod pa bzhin du 'byung bar 'gyur ba dang/ 'byung bar ma gyur cig ces 'dod kyang de'i dbang du gyur pa lta bu'o/ /rtog pa ni de @157a lta bur ma yin te bdag gi 'dod pa 'byung ba dang ldog pa ste/ bdag nyid la bdag nyid kyis rnam bar mi rtog go zhes so/ /gang na brtags par glog pa der de yod pa nyid ni rta la rtogs ba yang ba lad mthong ba'i phyir ro zhes pa'o/ /don dam pa'i bden pa tshigs su bcad pa'i phyir gsungs pa/ tshigs su bcad pa rnams su khyad par du phye ba la sogs bar 'brel pa yang snang bas na de na de'i phyir bshad pa tsam mo/ /sgyu ma yan lag dang yan lag can rnam pa sna tshogs kyi dngos por brtags pa phyi rol gyi dngos po lta bur mi 'grub ste / de snang ba tsam gyi phyir ro/ /de bzhin du mtshan ma yang gang don sna tshogs su bya ba byed par gzugs la sogs pa'i phyi rol gyi bar kun rtog pa de lta bu de yang phyogs kyi cha tha dad par dbye ba na mi 'grub pa ni gzugs sems snang ba tsam gyi phyir te de bzhin gyi sgra rung ngo/ /mtshan ma gnas ngan len gyi zhes bya ba la sogs pa la mtshan ma ni gzugs la sogs pa'i mtshan ma ste/ nang blongs ba'i mthus mgo 'khor ba dang/ rab rib dang/ brgyal pa la sogs pa bzhin du snang ngo/ /de la gnas ngan len gyi mtshan ma yang rtag pa dang/ bdag dang bde ba dang gtsang bar phyi'i dngos por byin ci log gi 'khor ba'i 'ching ba kun gzhi rnam par shes pa'i rgyun 'byung ngo/ /kun tu brtags pa ni bdag dang/ phyi rol dang rdzas la sogs pa'i rang bzhin du kun tu sgro btags mi shes pa blun pa rnams kyis gzhan gyis dbang gsal pa'i gzugs su snang pa la rtag pa dang/ phyi rol dang/ rdzas la sogs par rtog go /gang 'di zhes bya ba la sogs pa ni gong ma'i tshigs su bcad pa'i don de nyid gsal bar mdzad pa sbom po yan lag can gyi gzugs ma skyes pa nyid yon tan dang/ / @ 157b las dang spyi la sogs par 'grel ba'i rgyu sna tshogs su gzhan gyi dbang nyid skyes so zhes kun tu rtog go / de ni le'u snga ma phyed phyi ma phyed kyis bshad pa ni/ sna tshogs snang ba ni zhes te rigs dang/ yon tan dang/ las la sogs pa'i gnas rnams kyis kun brtags pa nyid gzhan gyi dbang yin no zhes byis pa rnams kyis rnam par rtog go/ phyin ci log ma yin pa mtshan nyid gsum po 'dis theg pa chen po mdo sde zab mo rnams khyab pa ste/ ji ltar 'dir gsungs par mdzad pa/ brtagS ba yi ni rang bzhin gyis/ /thams cad chos ni ma skyes te/ /gzhan dbang la ni rten nas su/ /mi rnams kyi ni rnam rtog skye/ /gang tshe gzhan dbang rnam rtog gis/ /rnam par spangs pa dag pa ni/ /grub pa de bzhin nyid par bstan/ /mdo sde mdo sder nges bshad do zhes pa'o/ /ji ltar na yang brtags ba ma skyes zhes pa dang/ de sgrub bar mdzad pa/ kun rdzob dang ni don dam ste zhes pa ste/ gang na kun rdzob gzhan gyi dbang gzugs la sogs pa gsal bar gcod pa des de kho na nyid mi gnyis bar yang dag par rig pa la sgrib par byed de/ rab rib can la sogs pa'i gzugs kyis yang dag par rig pa la sgrib pa bzhin no/ /rgyu las skyas pa gsum pa med ces pa ni mo gshan gyi bu lta bu'i rtags pa dang/ bdag dang/ rdul phra mo dang/ yan lag gi rdzas la sogs pa rnam par brtags pa 'ba' shig ste/ de skyes pas na de ni brtags pa'o/ /gang yang rung 'khrugs pa'i rgyu las skyes pa de ni gzhan gyi dbang ste/ rab rib can gyi gzugs la sogs pa snang ba bzhin te rab rib can gyis gzugs de mthong bas so/ /rmi lam dang mig 'brul la sogs pa rnams sna tshogs kyis don byed pa bzhin du sim pa dang gdud ba la sogs pa'i mtshan nyid kyi bya ba yang da na yod do/ /rgyu las ma skyes pa'i kun rdzob ni brtags pa nyid de/ mi shes pa'i mu stegs can rnams kyis yan lag can gyi rdzas yan lag rnams la skyes so zhes smras pa'i don de nyid gsungs pa/ brtags pa dag ni kun rdzob bshad ces pa'o/ /de bcad ces pa ni ma skyes pa'i brtags pa de bcad pa'i phyir te/ nyon mongs pa gsal bar gnyis kyi rnam pa'i skyes ba'i kun rdzob gzhan gyi dbang gi rang bzhin spangs na 'phags pa'i spyod yul te/ don dam pa'i bden pa'i grub pa mi gnyis bar yang dag par rig ba'o/ /rnal 'byor pa rnams kyi snang ba med cing don dam pa'i bden pa gnyis su med par yang dag par rig pa'i dngos po ni rnam par mi rtog pa ste/ de'i ting nge 'dzin las bzhengs te snang ba dang bcas pa'i ting nge 'dzin la bzhugs pa rnams la sna tshogs ni dngos po gcig tu snang ngo/ /don dam pa de las kyang sna tshogs gud na med pa de bzhin du gzhan gyi dbang gi rdzas las kun brtags pa'i dngos po'i mtshan nyid gud na med do/ /rgyu sdun? la sogs pa ma? gtogs bar snam bu la sogs pa'i rdzas kyi tha snyad med pa'i phyir ro/ /ji ltar na yang gang gcig yin pa sna tshogs ma yin pa zhes pa dang gsungs pa /ji ltar rab rib can dag gis zhes te/ phyi rol gyi sbom po dang phra mo mtho ba dang dma' ba la sogs pa'i rim par gzugs su snang ba'i shes pa sna tshogs su rtog gi/ gzugs sna tshogs kyi dmigs pa de ni yod pa ma yin te/ de med pa'i phyir sna tshogs su shes pa yang yang dag par na yul med pa nyid do/ /'on kyang nang blongs pa'i mthu las 'khrul ba'i shes pa sna tshogs kyi rnam pa snang ngo/ /gang gi tshe na phyi rol gyi don med pa'i phyir rab rib kyi gzugs ni gzugs ma yin par shes rab kyis mthong ba dang/ snang ba tsam gyi phyir gzugs med pa yang ma yin pa de bzhin du mkhas pas yongs su grub pa'i rang bzhin la rab rib can gyi gzugs lta bu'i gzhan gyi dbang med par rab tu yid chos so/ /ji ltar na yang gnyis kyi rnam pa'i gzhan gyi dbang ma gtogs par dag pa gnyis su med pa'i yang dag par rig pa yod par brtags zhes de lta bur thugs dogs nas snang ba dang bcas pa dang snang ba med pa'i thams cad mkhyen pas bka' stsal pa/ ji ltar gser zhes te /dri ma dang bral pa'i phyir dag pa'o/ /rnyog ma spangs te chu dag pa de bzhin du brtags pa dang gzhan gyi dbang gi rang bzhin ma gtogs par dag par rab tu brtags pa ste/ rnam par bzhag ces bya ba'i don to/ /brtags pa la ni dngos po med ces pa ni rnam par gzhag pa'i tshul gyis so/ /gzhan gyi dbang ni yod pa ste zhes pa ni gzhan gyi dbang gnyis kyi rnam pa 'ba' zhig yod kyi/ mi gnyis pa'i chud ba med do zhes de ltar rnam par rtog pa na legs pa'i lam las 'jig par 'gyur ba ni brnyag par 'gyur ba ste/ nor ba lam du 'jug par 'gyur ro/ /gzhan gyi dbang yod par sgro 'dogs pa dang/ brtags pa dang/ grub pa med par skur pa la/ /gal te brtags pa dngos med la/ /bden par gzhan gyi dbang yod na zhes pa ste/ de ste brtags pa snam bu la sogs pa'i rdzas dngos po'i bdag nyid du yod pa ma yin par gyur la/ gzhan gyi rgyu spun la sogs pa'i rgyu don dam par dngos po'i rang bzhin du bden na ni de'i tshe dngos po med par dngos po ste zhes par rtog par byed do/ /rgyu spun la sogs pa'i rgyu rnams kyang yan lag tu rnam par phye bas stong ba'i phyir de bas na dngos po snam bu la sogs pa med pa las 'byung bar 'gyur ba ni dngos po med pa las yan lag can gyi rdzas 'byung ngo/ /kun brtags pa ni rgyu spun la sogs pa'i rdzas la gnas te gong ma'i rim pa zheng dang chur gyur te/ rgyu spun gyi cha'i rdul 'dus ba las gsal bar snang ba'i gzhan gyis dbang snam bu la sogs pa sbom por nye bar dmigs so/ /ming dang mtshan ma 'brel pa las zhes pa ni gcig bu dang/ sbom po dang/ chen po dang/ grangs dang/ tshad la sogs pa la mtshan ma zhes bya'o/ /ming ni rgyu spun dang snam bu ba sogs par brjod pa ste/ de bas na ming dang mtshan mar 'brel pa las skye bar 'gyur ro/ /rdul 'dus pa gzhan gyi snang ba'i gzugs la mtshan mar gcig par sgro brtags pas na kun btags pa nyid do/ / brtags pa shin tu ma grub ste/ gzhan las byung ba ni ma yin no zhes ba gzhan gyi dbang yan lag gi rdzas bum pa la sogs pa ste/ gzhan las 'byung ba'o/ /brtags pa ni rtag pa'i rdul gnyis la sogs pa'i rgyu spun gyi rgyu gzhan las 'byung ba ma yin no/ /shin tu ma grub ste zhes pa ni rgyu spun la sogs pa gzugs ni rdul phran bzhigs pa na/ rdul phran cha ni med pa ste zhes pas stong pa'i phyir de'i tshe shes par bya ba med pas shes pa 'dzin pa yang mi 'byung ngo/ /gang gi tshe ci'ang mi dmigs pa de'i che gzung ba dang 'dzin pas stong pa ste/ mi gnyis par yang dag bar rig pa'i rang bzhin don dam pa'i dag pa gnas par 'gyur ro/ /kun brtags pa ni rnam pa bcu ste zhes pa klog pa ni brjod pa la sogs ba'i rnam par rtog pa'i grangs kyis brtags pa rnam pa bcu gnyis su klag par brtag go / gzhan gyi dbang gi rnam pa drug ces pa ni rnam pa'i don du kun gzhi rnam par shes pa lus dang longs spyod dang gnas su snang ba khams brgyad du brtags par brtag go / gzhan gyis dbang rgyu dang rkyen las 'byung ba de nyid de bzhin pa nyid du yang dag par rig pa tsam gyi phyir rnam pa gzhan du khyad par du 'byed pa med do/ / chos lnga gsungs pa ni ming dang/ mtshan ma dang/ rnam par rtog pa dang/ yang dag pa'i ye shes dang de bzhin nyid de/ de dag nyid yang dag pa nyid de chos rnams kyi rang bzhin zhes bya ba'i don to/ /rang bzhin ni brtags pa dang/ gzhan gyi dbang dang yongs su grub pa'o/ /de sgoms na zhes pa ni blang ba dang dor ba'i khyad par gyis so/ /mi 'da' o zhes pa ni de bzhin pa nyid la 'jug pa'o/ /mtshan ma ni sngon po la sogs par snang ba'i shes pa ste gzhan gyi dbang ngo/ /gang ming zhes bya ba ni rnam par rtog pa la 'brel pa'i sngon po dang/ dkar po ma yin pa ste/ der ni der brtags pa zhes bya'o/ /mtshan ma ni rigs dang yon tan dang byed pa la sogs pa gang de ltar gyur par kun brtags pa de ni gzhan gyi dbang gi gnaS las 'byung ngo/ /shes rab kyis rnam par gzhigs pa na gzhan gyi dbang gnyis kyi rnam par gsal ba dang/ brtags pa yang brjod pa dang/ brjod pa spyir rnam par rtogs pa gnyis kyi rnam pa'o/ /gnyis kyis stong zhing gnyis su med par yang dag par rig pa la grub pa'i rang bzhin med na de ji ltar gzung ba dang 'dzin pa'i mtshan nyid kyi gnyis kyis rnam pa'i blos rnam par brtags pa yod pa dang med pa'i rnam par rtog pas spangs pa'o/ /grub pa'i dngos po yod de phyogs gos kyis rang bzhin la dngos po dang dngos po ma yin par gnyis su brtags pa lta bu dang/ spyod pa can rnams kyi tha dad pa dang tha dad pa ma yin par brtags pa lta bu yang ma yin te /bsam pa med cing snang ba med pa yongs su grub ba'i chud pa ste/ der rnal 'byor ba rnams kyis brtags pa lta bur spyir brjod pa dang/ brjod pa'i rnam par rtog pa med do/ /gzhan gyi dbang ltar 'dzin pa dang gzung ba'i rnam pa gsal bar snang ba yang med do/ /des ni mi gnyis pa'i ting nge 'dzin gyi dus na dngos po med par rnam par rtog pa spangs pa'i myong bar grub ba'i dngos po yod do zhes thams cad mkhyen pas dgongs par rtog go /gzhan gyi dbang gi gnyis kyi rnam pa gsal bas na sgro btags pa rnam pa'i rim pas rnam par rtog nus so/ /ji ltar na rnal 'byor ba rnams la rigs mthun pa dang/ mi mthun pa'i rnam pa las log pa sngon po la sogs pa gsal bar snang bzhin du gzhan gyi dbang snang bar 'gyur/ sna tshogs kyi phyir der rigs mthun pa'i rnam par sgro 'dogs par rnam par rtog pa 'byung ngo/ /des na de 'dra ba'i rigs pa yod do zhes tha snyad 'byung ngo/ /rnal 'byor pa lnga pa'i chen gang yang snang ba med cing bsam pa med pa'i chud pa rigs mthun ba'i rnam par reg pa 'dzin pa dang gzung bar rjes su chud pa'i blos ji ltar na rnam par brtag pa gal te de kho na nyid mkhyen pas chos bshad pa'i dus su bstan du zin te/ 'on kyang gnyis kyi rnam bas stong pa la sogs pa'i gcig bar sgro btags te 'jug pa'i mtshan ma ston to/ /gal te yang brtags pa dang/ gzhan gyi dbang bzhin du shes nas grub pa'i chud pa med do/ /zhes slob dpon b+ha bya la sogs bas rnam par rtog na ni sgra bzhin bar gyur bas blas ci zhig rnam par brtag ces te/ 'o na ci bdag la sogs pa dang mo gsham gyi bu dang/ ri bong gi rwa la sogs pa rnam par mi rtag gam sgra dang rnam par mi rtog pa ni dngos po yod pa nyid la 'jug pa ma yin zhes des kyang chog ste rgya cher ro/ /de bas na yongs su grub pa yod do/ /ji ltar de dag min zhes pa ni dgag par gsungs pa ste /dngos po dang dngos po ma yin pa phan tshun du rang bzhin tha dad pa rang bzhin gcig par mi rigs te/ grang ba dang me bzhin no/ /de bas na dngos po dang dngos po med pa khas blang ba mi rigs so/ gnyis ni brtags pa'i rang bzhin la zhes bya ba ste/ gnyis zhes pa ni yod pa dang med pa'i rnam par rtog pa'o/ /rang bzhin dag ni mi gnas te zhes pa ni phan tshun du bltos pa'i phyir rang dbang du rab tu mi gnas so/ /shes rab kyis rnam par bzhag pa na dngos po med pa'i phyir med pa yang ji ltar na 'gyur zhes smras pa yin no/ /yang na 'dzin pa dang gzung ba'i rnam pa chud pa ma gtogs par rang bzhin med pas na de dag rab tu mi gnas zhes bya'o/ /brtags pa ni sbom po gcig pu'o/ /sna tshogs snang ba ni phra ba dkar po la sogs pa'i rdul 'dus par snang ba ni rnam par rtog pa'i bag chags yongs su smin pa las skyes pa'o/ /ji ltar gsungs pa/ kun brtags pa la gnas nas ni/ /gzhan gyi dbang ni dmigs par 'gyur zhes de brlan pa la sogs pa'i rnam par rtog pa las chu la sogs pa 'byung ngo zhes bya bar mu stegs byed par brtags pa ma gtogs par gzhan du bshad do/ /brtags pa dang gzhan gyi dbang gi gnyis kyi rnam pas stong pa ni dag pa ste/ mi gnyis par yang dag par rig pa 'phags ba'i spyod yul lo/ /brtags pa ni sbom pa'i rdzas gcig la sogs par yon tan dang/ las dang spyil sogs pas gzhan gyi dbang gsal pa'i rnam pa rdul phra mo 'dus par snang ba la khang pa dang/ sngo ? nags tshal ? sogs pa ltar sbom po yan lag can gyi rdzas su kun tu rtog @161a go / rnam pa gzhan du zhes pa ni gal te gzugs dang/ dri dang/ ro dang/ reg pa phra ba gsal bar snang ba'ang lhan cig tu rgyu ba'i gzhan gyi dbang zhes bya ba med par gyur na ni de'i tshe mu stegs smra bar gnas par 'gyur te/ sbom po yan lag can gyi rdzas la sogs par smra bar ro/ /rtog pa ni spyir sgro 'dogs pas 'jug go /des na de brtags zhes bya ste /de yod pas na yang rang gi mtshan nyid mthong ba'i phyir na rgyu las 'byung ngo/ /'dzin la dang gzung ba'i rnam pa'i gnas kyi rnam par rtog pa dag las grol ba ni stong pa grub ba bsam ba med cing snang ba med pa don dam ba'i bden pa mi gnyis par yang dag par rig pa'o/ /de nyid ces bya ba ni gnyis kyi rnam bas mi gnyis pas de yin zhes bya ba'i don to/ /rtog pa'i mtshan nyid ces bya ba ni so so re re la 'brel to/ /tshad ma ni mngon sum dang rjes su dpag pa'o/ /yid brtan pa ni bstan pa'i lung ngo/ /de yang gnas gsum bor phan tshun du 'gal ba med pa'i don du yongs su gzung ngo/ /'di ni rnal 'byor gyi lam du dbab pa'i phyir khyad bar gyi ye shes ma skyes ba'i dbang du mdzad de gsungs so/ /thams cad mkhyen pa la ni thams cad mngon sum nyid do/ /brtags pa thog mar byed pa rnams rigs pa dang/ lung gis 'gal ba med par dpyad/ /the tshom bsal nas rnam par rtog pa med pas rab tu 'jug par 'gyur ro/ /so so rang gi blos blang ba dang dor ba de kho na nyid gdon mi za bar yid ches par spyod do/ /lta ba'i rnam par rtog pa spangs nas zhes pa ni 'jig tshogs la lta ba la sogs pa'i rnam pa spangs nas so/ /gong nas gong du zhes pa ni thos pa dang/ sems pa dang/ sgom pa mchog gi rim pas 'bad do/ /'dzin @ 161b ba dang gzung ba'i rnam par rtog pa yang dag pa ji lta ba bzhin du yongs su shes ba'i phyir rnam par rtog ba mi 'byung ba ni chos la bdag med pa yongs su shes pa'i phyir te/ theg pa gcig pu mi gnyis pa'i mtshan nyid kyi rgyun khong du chud bar 'gyur ro/ /nyan thos dang mu stegs byed rnams kyis khong du ma chud la de nyid kyis thugs su chud ces bya ba ni rang gis grub pa'i mdza' khyad bar du grags bar mdzad pa'i don du thams cad mkhyen pas bye brag tu brjod do/ /chos dang gang zag la bdag med pa khong du chud pas mtshan nyid sangs rgyas kyi theg pa gcig ste/ nyan thos dang/ rang sangs rgyas kyi theg pa ni de nyid kyi nang du gtogs so/ /de yang bcom ldan 'das nyid kyis ston pa med par sngar mngon par rdzogs par sangs rgyas so/ /des na de ltar theg pa gcig par 'gal lo/ /zhes thams cad mkhyen pa la blo gros chen pos gsol pa ni de ste theg pa gcig pu nyid na ni ji ltar na theg pa gsum zhes 'khor gyi rnam par rtog pa blo gros chen pos mkhyen nas sgra'i khyad par las glengs par brtag go / bdag nyid yongs su mya ngan las mi 'da' ba' i chos can pas na zhes pa ni rang gi nyon mongs pa spong bar mngon par mi shes pa'i phyir ro/ /bcom ldan 'das thams cad mkhyen pa'i phyir shes bya'i sgrib pa spangs pa ste/ nyes pa bag chags dang bcas pa spangs pa'i phyir las kyi bag chags kyang spangs so/ /rang sangs rgyas dang/ 'phags pa nyan thos rnams kyis ni nyon mongs pa'i sgrib ba nyid do/ /bcom ldan 'das kyis ni bdag med pa gnyis thugs su chud pa'i phyir las dang nyon mongs pa dang/ shes bya'i sgrib pa dang gsum spangs so/ /de bas na de ltar sems can thams cad kyi bsam pa dang bag? la nyal ba yongs su mkhyen nas mos pa ji lta ba bzhin pa'i snod kyi sems can rnams la chos ston pa 'byung bas na gzud pa'i rim pas tshul gsum bstan to/ /chos la bdag med pa ma rtogs pa dang rgyu gsum med pa'i phyir de dag la bdag nyid kyis mngon bar spro ba'i byang chub med do/ /thams cad mkhyen pa la ni chos la bdag med pa thugs su chud pa'i phyir bsam gyis mi khyab par 'gyur ba'i yang dag par rdzogs pa'i byang chub mnga' ste/ thams cad mkhyen pas thugs su chud pa ni nyan thos la sogs bas bsam mi nus so/ /gang na 'gag pa med pa der ni thams cad mkhyen pa nyid dang 'brel to/ /bsam gyis mi khyab par 'gyur ba ma thob pas na nyan thos de dag la theg pa gcig pu nyid theg pa gsum du bston to/ /shes bya dang nyon mongs pa dang/ las kyi sgrib pa'i bag chags kyi nyes pa dang/ ting 'dzin gyis mos pa med par gyur pa na de dag thams cad mkhyen pa nyid du 'gyur ro/ /zag pa med pa'i dbyings nas slar sang bar 'gyur bas na theg pa chen po la 'phags pa nyan thos dang/ rang sangs rgyas kyi mya ngan las 'das pa'i mar me lta bu ma yin no/ /ji lta zhe na/ las dang nyon mongs pas btab pa'i lus snang ba spangs te 'gog pa las mnyam par 'jog pa bzhin du sems pa med cing snang pa med pa zag pa med ba'i dbyings su 'khod do/ /thams cad mkhyen pa'o mnga' dbang gis de nas phyis? sang de snying rje'i bag chags kyis bskul nas yang zhes bya bar ro/ /tshogs zhes bya ba ni sa dang pha rol tu phyin pa mchog gis bdag dang gzhan gyi don 'byung ba'i bsod nams dang ye shes kyi chogs yongs su bskang nas chos kyi sku bsam gyis mi khyab pa thams cad mkhyen pa'i rdzogs pa'i byang chub kyi sku? ste/ de yang snang ba dang bcas ba dang/ snang ba med pa'i ting nge 'dzin la dbang byed pa rnams de lta bu'i dbang byed pa thob nas ma lus pa'i sems can la phan 'dogs pa'i phyir 'jug pas na ji lta bur bshad pa de lta bur theg pa gcig pu nyid do/ /de steng yang brtags ba tha dad ba'i phyir theg pa tha dad du 'dzin na ni theg pa gsum nyid tsher ma zad de lha la sogs pa'i theg par yang sbyin pa la sogs pa'i dge ba tha dad pa rnams kyis thugs pa med par yang 'gyur ro/ /ji srid sems rnams 'jug pa'i bar zhes pa ni kun gzhi rnam bar shes pa ni lus dang longs spyod dang gnas su snang ba la bya'o/ /de yang shin tu gyur pa na gnyis kyi rnam pas stong ste/ theg pa dang 'gro ba'i rnam par rtog pa med do/ /des na gnyis su med pa sangs rgyas kyi theg pa gcig ngas bstan to/ /gzhan du ni ji tsam du snang bar byed pa de tsam du theg par byed cing/ lha la sogs pa 'grub pa'i las kyang theg pa ma yin pas na theg pa rnam par bzhag pa yang rnam par mi 'gyur te/ de yang mdza' med pas na rnam par bzhag pa yang rnam par bzhag tu med do/ /de ste gzhan du med na ci'i slad du theg pa gsum du bstan zhes pa la drang ba'i phyir zhes te/ gsum pa nyid kyis 'khor ba'i sdug bsngal yongs su zad par byed nus kyi lha la sogs pa'i theg pas 'khor ba'i sdug bsngal bskyil bar byed pa ni ma yin no/ /tha ma dang/ bar ma dang/ rab kyi shes rab kyi khyad par gyis theg pa gsum mo/ /de bzhin du rnam par grol ba gsum po nyon mongs pa zad pa'i mtshan nyid du drang ba'i phyir ro/ /gang zag dang chos la bdag med pa rim pa bzhin du nyan thos dang rang sangs rgyas so/ /yang dag pa'i sangs rgyas rnams la'o/ /chos la bdag med pa ni theg pa gcig bu nyid de der theg pa dang rnam par grol ba'i khyad par med de/ shes rab kyi dbang po shin tu mchog nyid la yod pa'i phyir te/ chos nyid la 'gal ba med pa'i phyir gzhan du bshad pa med do/ /chos la bdag med pa nyid theg pa chen po'i mtshan nyid de/ rnam par grol ba rnam pa gsum po de dag ni de las 'byung bas na de nyid du gnas pa'o/ /de nas ji ltar na yang 'byung zhes pa dang/ de'i phyir gsums pa mnyam nyid ye shes zhes pa ste mi gnyis pa'o/ /nyon mongs ba zhes bya ba ni nyon mongs pa'i mi shes pa ste /de'i grol ba gang yin pa des nyan thos dang rang sangs rgyas kyi grol ba de dag spangs so zhes dgongs pa'i don du chud pa'o/ /de 'di skad ces smras pa yin te/ 'dzin pa dang gzung ba med pa'i mnyam pa nyid kyi ye shes kyi shes bya'i sgrib pa spangs ba'i grol ba des nyan thos dang rang sangs rgyas kyi nyon mongs pa'i grol ba de dag spangs pa'o/ /rnam par g.yengs pa ni bskyod pa ste/ de bzhin du pha rol gyi mtshan nyid sra pa dang/ gsher ba dang/ dro ba dang g.yo ba dang mi rtag pa dang/ sdug bsngal ba dang/ mi mdzes pa la sogs pa 'das te chos la bdag med par gnas pa mi 'thob bo/ /cis na mi thob pa dang/ bka' stsal pa/ nyon mongs bag chags rnams dang 'brel zhes pa ste/ nyon mongs pa med pa'i mi shes pa dang ngo/ / kun nas ldang ba zhes bya ba ni kun nas ldang pa'i rgyu bag chags kyi nyon mongs pa dang bral pa rnams so/ /mdza' mar phyin pa de la med ces pa ni nyan thos sam zag pa med pa'i dbyings kyi chud pa'i rgyun la bsnyams pa ste /'di tsam gyis mthar phyin to zhes gnas la chad pa med do/ /ji ltar bdag tu smra ba rnams/ /srid chags med pa'i bsam gtan pa/ /srid pa'i rtse mor phyin zin kyang/ /nga rgyal lcags kyus drangs nas ni/ /sems can dmyal bar yang ltung ngo/ /zhes par de dag kyang 'khor bar mi ltung ngo/ /mu stegs ni bsam gtan gyis 'phangs te/ ci tsam du gnas bde nas shi 'phos te yang bdag dang bdag gir 'jig choD la lta pa las nyon mongs pa rnams byung nas sems can dmyal ba srid do/ /ji ltar skyes bur ro ba zhes bya ba la sogs pa ni ji ltar zag pa med pa'i dbyings nas langs te snying rje'i bag chags kyis bskul nas zhes pa snga ma bzhin du sangs rgyas kyi chos kyi sku thob par 'gyur zhes par ro/ /yod dang med par gnyis ka dang/ /dngos po'i don du 'byung ba dang/ /gcig rtag du ma'i phyogs bshad pa/ /skad cig pa dang 'gro mi mtshungs/ /gnyis kyi char stong rnam shes tsam/ /lang kar gshegs pa'i ma do? tshul dang/ /ye shes dpal bzang rigs pa yis/ / lus rnam pa gsum ste zhes bya ba la sogs pa'o/ /btsun gtso byang chub sems dpa' rnams la sku gnyis te/ ting nge 'dzin gyi bde ba la snyoms par 'jug pa'i yid kyi sku dang/ chos kyi sku khong du chud pa'i yid kyi sku'o/ /sa dang po nas g ong nas gong du sa'i mtshan nyid yongs su shes nas rnal 'byor can rnams kyis thob par 'gyur ba ni byang chub sems dpa' i sa dang por sbyin pa'i pha rol tu phyin pa'i tshogs yongs su rdzogs nas don dam pa'i ting nge 'dzin gyi bde ba'i mtshan nyid rab tu dga' bar nye bar skye'o/ /de'i tshe 'khor ba las log par gyur nas de bzhin gshegs pa'i rigs su skye par 'gyur ba dang/ de la 'tsho ba'i 'jigs pa med pa dang/ mang du thos pas nga dang 'dra ba 'jig rten du med na lhag pa ltag? la zhig snyam nas 'jigs ba med pas 'khor dus pa bkong ba med par 'gyur ro/ /sangs rgyas brgya mthong ba dang/ zhing brgya g.yo bar byed pa dang/ /lus brgya stan par byed do/ /de de lta bu tshe dang las dang yo byad mos/ /smon lam rdzu 'phrul skye dbang dang/ /chos sems de bzhin ye shes mchog /dpa' bos dbang bcu 'di dag thob/ /chos dang sems dang ye shes chen po ni/ /dang po dang gong ma'i sa khyad par du dbye ba na 'phel lo/ /tshe dang las dang yo byad la sogs pa'i dbang rnams kyis sa dang por 'khor ba'i skye bo las bye brag par 'gyur ro/ /ting nge 'dzin gyi bde ba thob pas chos khong du chud pa ni thams cad du yod mod kyi rab tu dga' ba la sbyin pas rab tu dga' bar gyur pa'i phyir bcun gtso'i byang chub sems dpa' sems can dang 'dres par thams cad mkhyen pas dgongs par brtag go / sa gsum dang bzhi dang lnga la sogs par chos khong du chud pa nyid sems can dang 'dres pa med par brtag go /sa gsum d ang bzhi dang lnga la rang gi sems rnam ba mang po dben par spyod pas sems kyi rgya mtsho las 'jug pa'i rnam par shes pa'i rlabs kyi mtshan nyid bde ba la snyoms par 'jug pa'i yid kyi lus ni gang zag dang chos la bdag med pa'i ting nge 'dzin gyis thob pa dang po dang gnyis po la sogs pa yang yod mod kyi/ der sbyin pa dang/ tshul khrims kyis sems can sdud par byed pas na sems can gyi don gyi phyir btsun gtso'i byang chub sems dpa' la rtag par mnyam par 'jog pa med do/ /gsum dang/ bzhi dang sa lngar yang sems can gyi don la 'grus pas sems can rnams kyi bsam ba dang/ bag la nyal? la mngon par shes pas rtog go /bdud 'tshe ba'i rigs can rnams la sbyin pa dang tshul khrims kyis phan 'dogs kyang kyal ka byed par 'gyur ro/ /gang gis 'phags ma shes rab kyi pha rol tu phyin pa las gsungs pa/ bdud 'che ba'i rigs can gyis thos te gtso bar yang mi byed pas na mngon par shes pa thob pas sems can gyi don bya'o zhes so/ /de nas mngon par shes pa skyes pas chos dang zang zing gi sbyin pa la sogs pa'i thabs rnams kyi gzhan gyi don byed nus so/ /de'i phyir sa gsum dang bzhi dang/ lnga la sogs par btsun gtso'i byang chub sems dpa' rnams mngon par shes pa skyed par byed de/ de ltar na de dag gi sems gzhan gyi don las 'pho pa med par 'gyur ro/ /chung ngu dang/ bar ma dang/ chen po'i khyad par gyis chos dang gang zag la bdag med pa yongs su shes nas skad cig mar 'jig pa yongs su shes par bya'i bye brag ni nyan thos dang/ thun mong ngo/ /chos la bdag med pa yongs su shes pa ni sa drug tu mchog tu mi g.yo/ bdun por na phyi rol gyi don med par yongs su shes pa yi/ gnyis kyi tshul spros mi gnyis kyi/ /yang dag rig par kun rig gyur /mang du thos pas su la'ang med/ /thos kyang shes rab ldan pa med/ /sems ni skye ba bzod pa'i phyir/ /des na 'khrugs pa med par gyur/ /'phags pa lang kar gsheD pa slob dpon mang du thos pa ye shes dpal bzang pos bshad pa sbyar ba'i le'u gnyis por ni bstod pa zab mo dang/ gnyis su med par gsol pa brgya dang/ de'i bka' lan brgya dang/ kun gzhi rnam par shes pa yongs su shes pa dang/ stong pa nyid rnam par bzhag pa dang/ de bzhin gshegs pa'i snying po dpyad pa dang/ rgyu dang 'bras bu dpyad pa dang/ sgra'i don btags pa yongs su shes pa dang/ rtsod pa'i gnas thor bu dbyad pa mang po dang/ le'u phran dgu ste le'u gnyis pa yang rdzogs so/ / //da ni le'u gsum par ting nge 'dzin las byung ba'i yid kyi sku sgrub pa ste phyi rol gyi don med pas na snang ba'i rang bzhin du ston par mdzad do/ /sbom pa dang/ phra ba'i yul rnam@165a par bzhigs pa na khang pa dang/ sde dang nags tshal la sogs pa bzhin du stong pa nyid yin pas yang dag par rig pas snang ba'i chos nyid kyis de thams cad du yod do/ /gang gi tshe na de lta bur yod pa de'i tshe rdul gcig steng na rdul snyed zhing rnams te/ zhing der bsam gyis mi khyab sangs rgyas rnams/ /sangs rgyas sras kyi dbus na bzhugs pa la/ /byang chub spyad pa spyod cing blta bar bgyi zhes bya ba des 'di 'byung ba yin te/ de ltar phyogs rnams ma lus thams cad du/ /skra tsam khyon la dus gsum tshad snyed kyi/ /sangs rgyas rgya mtsho zhing rnams rgya mtsho dang/ /bskal pa rgya mtshor spyod cing rab tu 'jug ces pa yid kyi sku rnams ni yid kyi rnam par shes pa bzhin du gang yang thogs pa med do/ /sangs rgyas bcom ldan 'das rnams dang/ btsun gtso'i byang chub sems dpa' rnams kyis yid ltar myur ba'i ting nge 'dzin brnyes pa ste/ de ltar na rdul gyi cha la yang thams cad du skad cig tu snang ba ni gzugs brnyan bzhin du dus gsum po snang ba'i tshul gyis so/ /ji ltar snod chung ngu'i chu'i nang du grong dang kun dga' ra ba dang/ gzhal med khang dang/ ri dang nam mkha' i steng gi skar ma'i tshogs mang po snang ba de ltar/ nyag ma gcig khyon sangs rgyas mang po rnams gang gi klung gi bye ma ji snyed par/ zhing yang de snyed rgyal ba de dag gi /de dag tha dad mtshan nyid tha dad cha/ /gzugs med pa'i chos rnams ni phyogs su mi gnas te/ chud pa de dag la phyogs su gnas par nges pa med do/ /der snang ba yang de nyid kyi nang du gtogs pa'i phyir te/ chud pa'i chos nyid ni de lta bu'o/ /rdul phra mo las brtsams pa'i rdzas la sogs pa'i gzugs can par @ 165b gzhan gyis kun brtags pa ni rnam par dbye ba na stong pa nyid do/ /tshon gyis btsos pa dang ma btsos pa dang/ bskul ba dang/ ma bsgul ba dang/ bsgribs pa dang/ ma bsgribs pa la sogs pa'i rim pas phye ba na khang pa dang/ sde dang nags tshal la sogs pa bzhin no/ /so sor gnas pa rnams kyang rmi lam dang/ mig 'phrul la sogs pa bzhin du stong pa nyid do/ /de de ltar gnyis kyi rnam pas stong pa'i 'du byed thams cad kyi bsam gtan dang byung ba rnams thams cad mkhyen pas mi gnyis pa'i chos nyid du sgrub par mdzad pa/ de nas yang bcom ldan 'das kyis byang chub sems dpa' sems dpa' chen po blo gros chen po la 'di skad ces bka' stsal to/ /blo gros chen po yid kyi lus rtogs pa rab tu dbye ba'i mtshan nyid bstan gyis nyon cig / blo gros chen po yid kyi phyir byang chub kyi phyogs sum cu rtsa bdun nyan thos dang thun mong ma yin par sgom mo/ /sa de dag gi mi mthun pa'i phyogs sgrib pa yang sbyin pa dang/ tshul khrims dang/ bzang ba dang/ brtson 'grus dang/ bsam gtan dang/ shes rab dang/ thabs dang/ smon lam dang/ stobs dang/ ye shes rnams kyis mi mthun ba'i phyogs ni 'jungs pa dang/ ngang tshul ngan pa dang/ mi bzod ba dang/ le lo dang/ g.yeng ba dang/ ma rig pa dang/ thabs med pa dang/ mi smon pa dang/ mthu med pa dang/ yongs su shes pa med pa dang/ sbyin pa'i pha rol tu phyin pa la sogs pa nas thams cad mkhyen pa'i ye shes kyi mthar thug par ro/ /byang chub sems dpa' sa brgyad du ni chos khong du chud pas zhes bya ba ni khyad par du gsungs pa ste/ sa bdun dag ni sems yin te/ snang ba med pa brgyad pa'o/ /sa gnyis dag ni gnas yin te/ /lhag mas ni nga nyid kyi'o/ /der btsun gtso'i byang chub sems dpa' rnams rten cing 'brel te 'byung brgyu ma lta bur te/ skye ba med par ni sa brgyad du thugs su chud do/ /sa bdun gyi dbang po rnams ni rnam par shes pa yod par chags te 'jug? ba ni ji ltar lang kar gshegs pa 'di nyid du thams cad mkhyen pas gsungs pa/ phyi'i dngos po bsal nas su/ /shes pa tsam du 'jug pa ste/ /'di ni dbu ma'i nan tan du/ /nga dang gzhan gyis bstan ba'o/ /dbu ma'i ting nge 'dzin kyang/ /dngos po med dang dngos med min/ /yod dang med pa mi dmigs pa/ /'di ni dbu ma'i nan tan te/ nga dang gzhan gyis bstan pa'o zhes so/ /gang na nyan thos dang/ rang sangs rgyas dang/ mu stegs rnams dang/ sa bdun du phyin pa rnams kyi spyod yul yang ma yin no/ /'dzin pa dang bzung ba sgyu ma lta bur mi skye ba'i mtshan nyid dang thog ma dang/ tha ma'i mdza' stong pa dang bar du rang bzhin gnyis kyis stong par mnyam par rtogs shing /rmi lam dang mig 'phrul dang/ gzugs brnyan la sogs pa bzhin du shes so/ /'jig rten mthong yang mi dmigs pa'i tshul gyis de ltar mi mthong ste/ bsam ba med cing snang ba med pa don dam pa'i bden pa dngos po dang dngos po med ba'i rnam bar rtog pa dang bral ba mi gnyis bar yang dag par rig pa nyid gnas so/ /sangs rgyas bcom ldan 'das rnams kyis snying rje'i bag chags kyis glengs te bsam pa med cing snang ba med pa'i ting nge 'dzin de lta bu las sems can gyi don byed pa'i phyir slong de/ /de sang ba dang chos kyi rang bzhin sa brgyad du khong du chud pas snang ba dang bcas pa dag pa 'jig rten gyi ting nge 'dzin la bzhugs pa na yid kyi sku ste/ gzugs brnyan la sogs pa bzhin du 'byung ba dang/ 'byung ba las gyur ba dang 'dra ba 'jig rten thams cad du khyab pa rdul gyi char yang snang ngo/ /sbom pa dang/ phra mo snang ba 'byed pas sems can rnams la mi rtag pa dang/ sdug bsngal ba dang/ mi mdzes pa dang/ stong ba'i rnam par snong ji bzhin par khong du chud par mdzad pa'i phyir des chos ston to/ /chos kyi ngo bo nyid rtogs bar khong du chud pa'i phyir zhes pa ni chud pa'i chos kyi ngo bo nyid kyi nang du song bar snang bas na yid kyi zhes bya'o/ /rings? su lhan cig skyes pa'i 'du byed kyi lus zhes bya? ba la? lhan cig tu skyes pa'i 'du byed ces bya ba ni lhun gyis grub par rgyu ba dang gis ro gcig tu 'byung ngo/ /gang gi phyir sangs rgyas bcom ldan 'das rtag bar mnyam par 'jog ces bya'o/ /ris ni ngas pa ste /gang gis phyir des thams cad mkhyen pa sangs rgyas bcom ldan 'das rnams nyid kyi ma 'dres pa'i sku ni yid kyi sku'o/ /thams cad mkhyen pa rnams kyi thams cad du khyab cing sems can thams cad kyi don du zhugs pa'o/ /rnal 'byor thams cad kyi dbang po gzugs rnam pa sna tshogs kyi cho 'phrul gyis 'jig rten mdza' dag gi bsam pa rangs par mdzad pa / mchog tu yongs su dag pa'i 'dod chags dang bral ba/ nyon mongs pa bag chags dang bcas pa'i sgrib pa mdza' dag rtsa ba nas bsten pa'i ye shes kyi me dang ldan pa'i sku ste/ de ni de bzhin gshegs pa nyid kyi chud pa nyid de/ 'dod chags la sogs pa'i nyon mongs pa'i sgrib pa spangs pa'i phyir ro/ /ji ltar chud pa thams cad mkhyen pa phyogs su rnam par gnas par nges par mi 'gyur ba de bzhin du yid kyi sku thams cad du song ba'o/ /theg chen nga yi theg ma yin/ /yi ge med cing sgra yang med/ /bden pa med cing rnam thar med/ /snang ba med pa'i spyod yul min/ /'on kyang theg chen theg pa ste/ /ting nge 'dzin la dbang byed cing/ /yid kyi lus ni sna tshogs la/ /dbang gi me tog dag gis brgyan zhes te theg pa ni phyin par byed pa ste/ 'gro bar byed pas na theg pa'o/ /chen po ni byed pa dang byed pa por 'brel par ma dgongs pa'o/ / sgra ni chud par byed pa'i gdangs te/ de'i yan lag ni yi ge rnams te/ tshig gi don gyi mtshan ma yin pas na de dag de lta bur so sor nges pa'i sgra dang don gyi don med pa'i phyir sgra rnams kyis don dam pa brjod pa med do/ /ming gi chogs dang tshig gi tshogs dang/ yi ge'i tshogs rnams ni spyir btags pa'i don la sgro btags te 'jug pa'i phyir bsam pa med cing /snang ba med pa don dam pa bden pa/ mi gnyis par yang dag par rig pa brjod du med pa de ni theg pa chen por dgongs pa'o/ /'phags pa nyan thos de rnams kyi sdug bsngal la sogs pa'i bden pa yang byi'i don du mngon par chags te 'jug pas na gnyis su med pa'i theg pa chen po ma yin no/ /rnam par thar pa ni nyan thos rnams kyi ste/ stong pa nyid dang/ mtshan ma med pa dang/ smon pa med pa'i mtshan nyid pa rdul phra mo'i bar du skad cig pa tha dad par zhugs pa pha rol gyi don sbom po mi rtag pa'i dmigs pa de lta bu ni theg pa chen po ma yin no/ /gzugs ni rdul phran gzhigs phan/ /rdul phran cha ni med pa ste/ zhes pa theg pa chen po'i khyad par ro/ /stong pa nyid la sogs pa'i rnam par thar pa rnams ni/ phyi'i dngos po med par yang/ sems ni rnam pa gnyis su snang zhes te/ gang gi tshe na shes rab kyis dbyed de shes bar bya ba sbom po dang/ phra mo mi dmigs pa'o/ /des na snang ba med pa'i spyod yul min zhes te/ snang ba med pa mi gnyis pa yang dag par rig pa don dam pa'i bden pa theg pa chen po la dmigs/ kha med do zhes thams cad mkhyen pas dgongs pa'o/ /'on kyang theg chen theg pa ste/ /ting nge 'dzin la dbang byed cing/ /yid kyi lus ni sna tshogs la/ /dbang gi me tog dag gis brgyan zhes pa ni thams cad mkhyen pa snang ba dang bcas pa'i ting nge 'dzin la zhugs te/ sems can gyi don mdzad pa na yid kyi lus te/ des na theg pa chen po che bas yid mgyogs pa'i ting nge 'dzin bzhin du thams cad du 'gro bar dgongs pa'o/ /dbang ni sgrib pa thams cad spangs nas sgrib pa med ba'i thams cad mkhyen pa'i sangs rgyas kho na nyon mongs pa bag chags dang bcas pa spangs pa'i phyir chos thams cad thugs su chud pa'o/ /des ni sgrib pa gsum spong ste/ shes bya dang/ nyon mongs pa dang/ las kyi sgrib pa gsum ni thams cad mkhyen pas thams cad du thams cad spang ngo/ /de ltar na mig gi ling tog dang bral ba'i ye shes ni shes par bya ba thams cad du 'jug pas thams cad mkhyen pa'o/ /'dod chags la sogs ba'i sgrib pas bsgribs pa na nye bar gyur ba yang mi shes so/ /des na 'dod chags la sogs pa'i sgrib pa spong pas thams cad mkhyen par 'gyur ro/ /de'i rdzogs pa'i dbang ni rnal 'byor gyi dbang dang/ sems can thams cad la phan pa'i mthu dang/ dpag tu med pa'i yon tan gyi tshogs stobs bcu dang/ mi 'jigs pa la sogs pa de la mnga' o/ /tshigs su bcad pa'i don lhag par bshad par bya ba na rang dang spyi'i mtshan nyid pha rol gyi bar/ sgro btags pa ni rang gi sems snang ba nyid du khong du chud pa rnams la stong pa nyid dang/ mtshan ma med pa dang/ smon pa med pa rnam par thar ba gsum mo/ /'phags pa lang kar gshegs pa ye shes dpal bzang pos bshad pa spyar ba'i le'u gsum pa las sa dang ting nge 'dzin gyi khyad par gyis gong nas gong du yid kyi sku rnam par phye ba spyad la dang po'o/ /su zhig gis mtshams med pa zhig byas te/ nyan thos dang/ rang sangs rgyas dang/ yang dag par rdzogs pa'i sangs rgyas kyi rnam par grol ba gsum gyi dge ba mi byed pa la de'i 'gyod pa bsal pa'i phyir/ nyan thos la sogs pa'i gzugs su sprul pa byas nas/ sangs rgyas dang byang chub sems dpa' i byin gyis brlabs kyis mtshams med pa byas pas dge ba spyad de/ bsam gtan la mnyam par 'jog cing cho 'phrul byed do zhes de ltar mthong nas gzhan gyis kyang 'gyod pa spangs de dge pa la 'jug go zhes bsdu ba'i don to/ /brtson pa bor ba zhes bya ba ni byed pa med pa'o/ /rtag pa dang/ bdag dang bdag gir mngon par chags pa ni gang zag la bdag med pas 'pho'o/ /chos la bdag med pa khong du chud pas phyi rol gyi don la mngon par chags pa'i 'dzin pa dang gzung ba 'pho'o/ /kha cig la ni mi gnyis pa'i chos nyid khong du chud pa theg pa gsum spyi la'o zhes so/ /so so rang gis rig pa'i chos nyid la sgra mi 'jug pas na bcom ldan 'das kyis gang gi nub mo mngon par rdzogs par sangs rgyas nas gang gi nub mo yongs su mya ngan las 'das par 'gyur bas de'i bar du yi ge gcig kyang ma bshad ces gsungs so/ /tshig med pa ni sangs rgyas kyi tshig go zhes bya ba ni bsam pa med cing snang ba med pa don dam pa'i bden pa mi gnyis par yang dag par rig pa tshig gis ston mi nus pa'i phyir ro/ / rang gi mtshan nyid la spyir sgro btags pa 'ba' zhig gis chos bstan pa 'jug go / sangs rgyas bcom ldan 'das thams cad la sangs rgyas kyi spyi'i yin te/ des na chos de kho na nyid gcig gis gsungs pa yin no/ /dgongS? te gsungs pa ni thams cad la bsdus pa'i don du shes par bya'o/ /da ni yod pa dang med pa dpyad par rtsam par bya ste/ rang gi sems snang ba tsam du khong du ma chud pa'i phyir byed pa po la mngon par chags pa ni brjod pa dang/ brjod pa'i tha snyad la goms pa'i phyir ro/ /gnyis kyi rnam par rtog pa'i rnam par shes pa la ni yod pa dang med pa'i rnam par rtog pa'i tha snyad du 'jug gi /nam shes rab kyis dpyad de shes par bya ba sbom po dang phra mo rnam par gzhig pa ni mi dmigs pas de na dngos po dang dngos po med par kun brtags pa gnyis kyi rnam pa'i tha snyad thams cad mi 'jug pas bsam pa med cing snang ba med pa'o/ /don dam pa'i bden pa mi gnyis bar yang dag par rig pa 'ba' zhig go /thugs rjes bag chags kyis sad de mchog t u yongs su dag pa 'dod chags dang bral ba gzugs rnam pa sna tshogs kyi dbang pos sprul pa'i thams cad mkhyen pa dag pa 'jig rten pa'i snang ba dang bcas pa'i ting nge 'dzin la bzhugs pa na sems can gyi don du gnyis dang mi gnyis pa'i tshul mang por chos ston pa 'byung ngo/ /de ltar na grangs can rnams kyis rgyu thams cad yod pas de dag gi rgyu dang 'bras bu 'chad do/ /gang dag la yang byung nas rnam par 'jig pa de dag la ni yod pa dang med pa'i rnam par rtog pa'o/ /rang bzhin gyi rnam par grol ba ni sangs rgyas kho na ste/ de'i phyir de ltar 'dod chags la sogs pa'i rnam par rtog pa rnams ni rang bzhin gyis yongs su dag pa'i chos nyid la mi 'byung ngo zhes thams cad mkhyen pas grub par mdzad pa/ de ci'i phyir zhe na/ 'di lta ste/ nyon mongs pa rnams gcig ba dang tha dad pa dang/ nang dang phyi rol tu mi dmigs pa'i phyir te/ blo gros chen po 'dod chags dang/ zhe sdang dang/ gti mug lus med pa'i phyir nang dang phyi rol tu mi dmigs@169a so/ /blo gros chen po 'dod chags dang zhe sdang dang/ gti mug gi dngos po rnams khas mi len pas zhes te/ rtag pa dang bdag dang bde ba dang/ gtsang ba'i dngos por phyin ci log pa rnams kyis 'dod chaD la sogs pa'i nyon mongs pa rnams 'khrul ba'i rnam pa can so so snang ngo/ /de dag kyang mi rtag pa dang bdag med pa dang/ sdug bsngal ba dang /mi mdzes pa dang/ stong par yongs su shes pas mi snang ngo/ /rang bzhin gyis 'od gsal ba'i chud pa la la 'dod chags kyang med/ 'dod chags dang bral ba yang med do/ /ji lta zhe na/ gzugs med ba'i phyir de ltar phyi rol gyi don la mdzes pa dang mi mdzes bar mngon par chags pa yang med do/ /yul med par 'dod chags la sogs pa gang chags par 'gyur ba dang/ gang du chags par 'gyur ba dang/ gang gis chags par 'gyur ba'i chos de des kun mi mthong ngo/ /'dod chags la sogs pa'i chos thams cad kyi rtag pa dang/ bdag dang bde ba dang/ gcing ba dang/ mdzes bar mngon par chags pa'i phyi nang gi mtshan ma gcig pa dang tha dad pa med pa'i phyir te/ ji ltar 'phags pa shes rab kyi pha rol tu phyin pa las byung ba/ rab 'byor 'ching bar bcing ba'i rgyu med pa'i phyir chos thams cad bcings pa 'ang med / grol pa'ang med do zhes pa'o/ /'dir yang ci dgongs she na /chud pa ni rang bzhin gyis 'od gsal ba nyon mongs pa rnams dngos po med pa'i phyir gzhan dang gzhan ma yin par mi srid do zhes so/ ji ltar dbu ma las byung ba/ /zhen 'dod chags pa ma gtogs par/ gal te 'dod chags sngar gyur na/ /de yi rkyen las 'dod 'gyur na/ zhen med par ni ji ltar 'dod/ /'dod chags yod na zhen par @ 169b yang/ /rim pa de ni mtshungs pa ste/ /'dod chags bzhin du thams cad chos/ /'dug pa gcig min tha dad min/ /mtshon bya mtshan nyid gal te gzhan/ /mtshan ma mtshan nyid med par 'gyur/ /gcig na'ong de gnyis mi 'grub ste/ /tho dang na yang gzhan du med/ /gal te chos dang chos can tha dad pa yin na ni/ de'i tshe rtag pa dang/ mi rtag pa dang gzugs can dang/ gzugs med pa dang/ tsha ba la sogs pa tha dad pa'i phyir rtag pa mi rtag pa dang mi rtag brtag par 'gyur ro/ /gzuD can gzugs med par 'gyur ro/ /tsha ba tsha ba med pa dang/ tsha ba med pa tsha bar 'gyur ro/ /de ltar me la sogs pa la tsha ba la sogs pa'i chos tha dad do zhe na ni me la sogs pa'i rang tsha ba la sogs pa'i rang bzhin par mi 'gyur ro/ /de de ltar me dang tsha ba dang/ chos can dang/ mtshan mar bya ba dang/ mtshan nyid dang/ zhen pa dang 'dod chags la sogs pa dang/ tha dad pa dang tha dad pa med par dpyad pas gnyis kyi rnam pa chos su brtags pa de dag stong pa nyid do/ /gang dag yang gzugs la sogs pa 'dzin pa dang gzung ba'i dngos por gsal bar snang ba de dag kyang don dam par na rmi lam dang mig 'phrul la sogs pa bzhin du skye ba med pa'i stong pa nyid do/ /des na rang bzhin gyis 'od gsal ba grub ba ni gnyis kyi rnam pas stong pa nyid de/ bsam pa med cing snang ba med pa don dam pa'i bden pa mi gnyis par yang dag par rig pa la dngos po dang dngos po med par mi rtag pa'i phyir kun tu rtog pa thams cad kyi snang ba tha dad ba'i tha snyad med do/ /thugs rje bag chags kyis bskul te snang ba dang bcas pa'i ting nge 'dzin la thams cad mkhyen pa bzhugs pa na chos ston pa 'byung ngo/ /ji ltar dbu ma las byung ba/ /'jig rten kun rdzob bden pa dang/ /dam pa'i don gyi bden pa dang/ bden pa gnyis la brten nas su/ /sangs rgyas rnams kyis chos stan 'byung/ /gang dag dngos po rnams la ni/ /yod med mthong ba blo chung rnams/ /zhi ba nye zhi blta bya ba/ /de dag gis ni mi mthong ngo/ /gang dag la yod pa nyid la rgyu dang rkyen yod pa ni rgyu med pa las yod par smra ba yin te/ rtag pa dang bde ba la sogs ba'i dngos po'i mtshan nyid du smra bar byed do/ /das na 'dod chags la sogs pa'i mtshan ma dang bral bar rig par bya'o/ /rkyen gyis yod par ma bsgribs na zhes pa ni gang gi tshe na gcig pa med pa de'i tshe na gnyis po med ces so/ /ji tsam du gnyis kyis rnam pa'i sems pa de tsam du yod pa dang med pa'i rnam par rtog gi /gnyis su med pa la ma yin no/ / rtog pa dang yi ge med pa zhes pa ni phung po la sogs pa'i rang gi mtshan nyid du rnam par rtog pa ste/ spyi'i rnam par sgras sgro btags te rnam par rtog go zhes bya ba'i bar du'o/ /le'u gsum pa las yod pa dang/ med pa dang/ 'ching ba dang/ rnam par grol bar spyad pa gnyis so// //grub pa'i mdza' i tshul rnam pa gnyis bya ba la sogs pa dang/ de la blo gros chen po grub pa'i mdza' i tshul ni 'di lta ste/ so so rang gis rig pa'i bye brag gi mtshan nyid de/ tshig gi rnam par rtog pa dang/ yi ge med pa zag pa med pa'i dbyings rtogs pa thob par byed pa so so rang gis rtog pa'i rang gi mtshan nyid mu stegs can dang bdud thams cad spangs zhes pa ni gang gi tshe shes rab kyis dpyad de phyi rol gyi don sbom po dang/ phra mo rnam par phye ba na mi mthong zhing/ khang pa dang/ sde dang/ nags tshal la sogs pa bzhin du ston par 'gyur ro/ /rtag pa ni ma skyes pa'i phyir ri bong gi rwa la sogs pa bzhin du dngos po med pa yin no/ /de lta bur gnyis dang mi gnyis pa'i rtog pa'i mu stegs kyi bdud thams cad la thub par bya ste/ sems pa med cing snang ba med pa don dam pa'i bden pa mi gnyis par yang dag par rig pa rang bzhin gyis 'od gsal ba mdzes so/ /blo gros chen po de ni grub pa'i mdza' i tshul gyi mtshan nyid do/ /de la bshad pa'i tshul gang zhe na/ 'di lta ste/ bstan pa yan lag dgu sna tshogs su bshad pa yin te/ gcig pa dang/ tha dad pa dang/ yod pa dang/ med pa'i phyogs spangs pa thabs mkhas pa'i cho ga sngon du 'gro bas sems can rnams la bshad pa 'jug ste/ zhes pa ni gang dag la mi gnyis pa zab mo bshad pa mngon sum du mi 'jug pa de dag la ni phung po dang/ khams dang/ skye mched la sogs par gsung rab rnam par bzhag cing bshad par mdzad do/ /kha cig la yan lag dgu ste/ skyes pa'i rabs dang/ rtogs pa brjod pa dang/ gleng gzhi ni da ltar dang/ 'das pa'i brngar rtogs pa'i phyir ro/ /kha cig la ni yan lag bcu gnyis ni 'di lta ste/ mdo dang/ dbyangs kyis bsnyad pa dang/ lung bstan pa dang/ tshigs su bcad pa dang/ tshad du brjod pa dang/ gleng gzhi dang/ rtogs pa brjod pa dang/ da ltar dang/ 'das pa dang/ skyes pa'i rabs dang/ shin tu rgyas pa dang/ rmad du byung ba dang/ chos bstan pa'o/ /gzugs la sogs pa'i phung po rnams ni rab rib dang/ rmi lam dang/ mig 'phrul dang/ gzugs brnyan la sogs pa bzhin du chud pa las gcig pa dang/ tha dad pa'i dpyad pa dang bral ba'o/ /yongs su grub pa ni 'dzin pa dang/ gzung ba'i rnam pas stong pa nyid de/ dngos po dang dngos po med par rnam par mi rtog pa'i phyir snang ba'i rnam par rtog pa'i mtshan ma thams cad kyis yod pa dang med par rjod du med do/ /ji ltar dbu ma las byung ba/ /stong pa zhes par smra mi bya/ /mi stong par yang ma yin te/ gnyis dang mi gnyis zhes pa yang/ /zhil? rnam pa zhig la zhig ces pa'o/ /gsung rab kyi yan lag phye ste/ bshad pa mdo 'di mdo'i don gyi phyir te/ ji ltar so sor thar pa'i mdo de bshad pa ni rnam par 'byed pa rab tu 'chad pa la sogs pa ste/ 'dul ba'i mdo sde ni lhag pa'i tshul khrims so/ /bshad pa'i mdo sde ni lhag pa'i sems ni mngon par dang pa'i don to/ /de ni lung tha dad pa'i phyir tha dad pa ste/ ring pa'i lung dang/ bar ma'i lung dang ldan pa'i lung dang/ gcig yan chad kyi lung gi mngon rnams so/ /shin tu rgyas pa'i mdo sde rnams ni theg pa chan? po las med de/ ji ltar 'phags pa shes rab kyi pha rol tu phyin pa dang/ lang kar gshegs pa dang/ sa bcu pa dang/ ting nge 'dzin gyi rgyal po dang/ sdong po rgyan dang/ dam pa'i chos dran pa nye bar gzhag pa dang/ lha mo'i mdo sde la sogs pa'o/ /dbyangs kyis bsnyad pa ni rgyud ring po'o/ /la las ni dbyangs kyis bsnyad pa dang/ tshigs su bcad pa dang/ tsher du brjod pa rnams ni gcig pa kho nar rtogs par byed de/ rgyud thung ba tsam zhig ni tshigs su bcad pa/ ched du brjod po'i gsung ni mdo las spobs pa de lta bur skyes pa'o/ /lung bstan pa ni ma 'ongs pa gsungs pa'o/ /dbyangs kyi bsnyad pa ni gdangs kyis sems can mang po mgu bar mdzad pa ste/ ji ltar bar ra ta'i gtsug lag las 'byung ba/ /gan rdar ni sha dbyangs dag ni/ /snying rje'i ro la blang bar bya/ /thab mo 'jigs pa dang bcas 'o/ /d+he bar dbyangs ni blang bar bya'o zhes te /chos bshad pas kun tu sde? bar bya ba'i phyir rnam pa de lta bu dbyangs kyi dkyil 'khongs gsung bar mdzad do/ /rlom pa dang dpa' bo la sogs pa'i gsung rab mi mdzad pa ni rtsed mo rlom bar sla ba ni/ /lnga pa dbu ma dbyangs dag ste/ /dpa' ba drag po ngo mtshar du/ /drug skyes khyu mchog de bzhin no/ /zhes pa'o/ /gleng gzhi ni sngon 'das pa ste/ la las rgyur yang brjod do/ /da ltar dang 'das pa ni snga ma dang 'brel bar 'grel to/ /skyes pa rab ni sngon gyi spyad pa'o/ /rtogs pa brjod pa ni nyan thos rnams kyi tshe gzhan du spyad pa nyid de/ la las don gcig par rtogs pa ni ji ltar dpal sngar rtogs pa brjod pa dang/ gtsug na nor bu'i rtogs pa brjod pa'o/ /skyes pa'i rabs ni byang chub sems dpa' i spyad pa nyid du grags pa'o/ /shin tu rgyas pa ni theg pa chen po ste /mdo sde 'grel ba'i chos mngon pa ni lhag pa'i shes rab bo/ / rmad du byung ba ni rdzu 'phrul gyi tsho 'phrul lo/ /chos bstan pa ni bsam gtan gyi man ngag ste /byang chub sems dpa' gsum du yang rtogs pa ji bzhin par gyur pa dang yan lag bcu gnyis so/ /yan lag dgu ni gsung rab bsdu ba'i phyir te /gal te dbyangs kyis bsnyad pa dang/ tshigs su bcad pa dang/ ched du brjod pa rnams gcig tu bsdu'o/ /yang ma skyes pa'i rabs dang/ rtogs pa brjod pa ni de ltar dang/ 'das pa dang gleng gzhi rnams gcig tu bsdu'o zhes te/ thams cad mkhyen pa'am/ yang dag par bsdu bar mdzad pa rnams kyis mdo dang rgya cher dgongs pa'i don du rtag go/ shin tu rgyas pa ni theg pa chen po ste/ btsun gtso'i byang chub sems dpa' rnams kyi bro dang/ pro'i 'byung gnas dang mig rtsi dang/ gter mi zad pa dang / yid bzhin gyi nor bu rin po che dang/ ral gri dang/ gzhal med khang la sogs pa sngags gyis 'grub pa'i 'du byed ni sems can gyi don du byang chub kyi tshogs yongs su bskangs pa'i phyir mkho'o/ /nyan thos pa ni mi rtag pa dang/ sdug bsngal ba dang/ bdag med pa dang/ stong pa'i rnam par 'phags pa'i bden pa bzhi sgom pa skyo ba dang/ 'dod pa chung ba rnams la bro dang bro'i 'byung gnas dang/ mig rtsi ma dgos so/ /de dag gis kyang shin tu rgya che ba ni theg pa chen por zur phyung ba yin te / ji ltar 'phags pa dga' bos yang dag par bsdu ba na smras pa/ stobs bcu'i gsung ni gzhal du med pa ste/ bcom ldan 'das kyis lha'i 'jig rten la sogs par gsungs pa'i mdo sde mang po gang dag bdag gis ma thos shing/ dge slong pha kha cig gis thos so zhes te/ de bas na de ltar gnas brtan btsun gtso'i tshig gi dbang po la sogs pa byang chub sems dpa' i dge 'dun dang/ rnam par thar pa gsum po thob pa'i 'phags pa nyan thos kyis lho phyogs kyi thog ma'i ri dang/ mdza' ma ri'i gnas su theg pa chen po ni sde snod bdun du yang dag par bsdu bar byas so/ /'phags pa 'od srungs dang/ 'phags pa dga' bo dang/ au pa li la sogs pas rgyal po'i khab tu/ sde snod gsum yang dag par bsdus so/ /shin tu rgyas pa ni theg pa chen po par/ 'phags pa'i nyan thos rnams kyis zur phyung ba btsun gtso'i byang chub sems dpa' rnams kyis rnam par phye ba ste/ ji ltar mdo sde de nyid du/ theg pa chen por bsdu ba/ chos lnga rnams dang rang bzhin dang/ rnam par shes pa brgyad rnams dang/ /bdag med gnyis kyi nang du ni/ /theg pa chen po thams cad 'dus zhes te/ de la mtshan ma dang/ rnam par rtog pa ming dang yang dag pa'i ye shes dang/ de bzhin nyid dang chos lnga'o/ /de dag ni rtags pa dang gzhan gyi dbang dang yongs su grub par bsdu ste /mtshan ma dang rnam par rtog pa gnyis ni gzhan gyi dbang du bsdu'o ming ni brtags par ro/ /yang dag pa'i ye shes dang/ de bzhin nyid dag ni yongs su grub par ro/ /lus dang longs spyod dang/ gnas su snang ba'i kun gzhi rnam par shes pa'i mtshan ma ste /rnam brgyad rnam dgu de bzhin du'o/ /de la yid kyi rnam par shes pa ni rnam par rtog pa'i bdag nyid de/ gzhan gyi dbang gsal ba'i gzugs nyid la rnam par rtog go /ming ni nges pa med do/ /brtags pa las skye bas na de lta bu'i phyir kun brtags pa'i mtshan nyid do/ /yang dag pa'i ye shes ni shes rab dpyod pa'i rang bzhin no/ /des ni gnyis kyi rnam pa dang bral pa mi gnyis pa'i chos nyid bsam pa med cing snang ba med pa don dam pa'i bden pa gnyis su med pa/ yang dag par rig pa'i rang bzhin dngos por rnam par mi rtog pa'i de bzhin nyid rtogs par byed do/ /bdag med pa gnyis ni chos la bdag med pa dang/ gang zag la bdag med pa'o/ /ji ltar 'phags ma shes rab kyi pha rol tu phyin pa las byung ba/ tshogs su mi gnas pa dang/ mi 'jigs pa ma yin pa'i phyir nang dang phyi'i stong pa nyid ces te/ rnam par gzhigs pa na khang pa dang/ sde dang/ nags tshal la sogs pa bzhin du phyi rol gyi tshogs su gnas pa med do/ /ji ltar mdo sde 'dir gsungs pa/ /gzugs ni rdul phran gzhigs pa na/ /rdul phran cha ni med pa ste zhes so/ /snang ba 'di ci zhig ces pa la/ phyi yi dngos po med par yang/ /sems ni rnam pa gnyis su snang/ zhes so/ /mi 'jigs pa ma yin pa ni rtag pa gang zag la sogs pa med de ma skyes pas ni ri bong gi rwa la sogs pa bzhin du dngos po med pa kho na'o/ /de de ltar bdag med pa gnyis ni/ stong pa thams cad kyis thabs su bshad par sbyar bar bya'o/ /rang bzhin ni chud pa'i dbyings te/ chos lnga'i gnas yin te/ chos nyid la 'gal ba med do/ /btsun gtso'i byang @173a chub sems dpa' rnams kyis sems can gyi don gyi theg pa chen po la thams cad mkhyen pa bsgrubs pa'i phyir sa dang pha rol tu phyin pas theg pa chen po khyad par du phye ba yin no/ /thams cad mkhyen pas nyan thos rnams la yang stong pa nyid dang/ mtshan ma med pa dang/ smon pa med pa'i rnam par thar pa rtogs par mdzad pa'i smad du bstan pa ni ji ltar dge slong dag mig ni stong pa nyid dang/ gsog dang gsob dang/ 'du shes tsam pa dang/ 'dus byas su mthong? ngo/ /de bas na/ /gzugs ni dbu ba'i gong su mtshungs/ /tshor ba chu yi chu bur 'dra/ /'du shes smig rgyu lta bu ste/ /'du byed chu shing du ni snang/ /rnam shes sgyu ma lta bu'o/ /zhes bar nyi ma'i gnyen gyis gsungs zhes pa'o/ /de de ltar gsung rab dang mi 'gal ba la kha cig gis ni 'dod/ /kha cig gis ni mi 'dod do/ 'dod pa dang mi 'dod par zhugs ba rnams mi spong zhing bsnyas pas ni de dag la yang ngan song ngo/ /mkhas pa rnams ni legs par gsungs pa 'dzin pa yin pas na shes rab can rnams kyis nyan par byed do/ /rang gi sems snang ba tsam khong du chud pas rtag pa dang/ bdag dang/ phyi rol gyi don la sogs par rnam par rtog bar mi byed cing/ theg pa chen po yang dag pa ji lta bu rtogs par byed do/ /nyan thos dang mu stegs kyi rtog pa las rnam par grol zhing tshangs pa dang dbang po la sogs pa byed pa por smra ba las ma gtogs pa'i las dang 'bras bur 'brel pa khong du chud par 'gyur ro/ /sems 'di ni rang bzhin gyis 'od gsal ba ste/ dge ba dang mi dge ba la sogs pa'i 'du byed rnams kyis sus ji ltar spyod ba de/ de ltar 'grub par 'gyur bas nas dang pha rol tu phyin par 'byed pas dbye ba na snang ba dang bcas pa dang snang ba med pa'i ting nge 'dzin thob pas thams cad mkhyen @ 173b pa kho nar 'gyur ro/ /des yid bzhin gyi nor bu rin po che ltar sems can thams cad kyi don mdzad spyod do/ /mchog tu yongs su dag pa'i 'dod chags dang bral ba/ /thams cad mkhyen pa/ rnal 'byor gyi dbang po gzugs rnam pa sna tshogs kyi cho 'phrul gyis mdza' yas pa'i sems can gyi rgyud rangs par mdzad pa/ yon tan gyi tshogs dpag tu med pa shes bya dang/ nyon mongs pa dang/ las kyi sgrib pa spangs pa ste/ thams cad mkhyen pa kho nar ro/ /de'i 'gegs ni 'dod chags la sogs pa nyon mongs pas bsgribs pa ste/ dngos po yang dag pa nyid nye bar ji ltar gnas pa yang mi shes so/ /shes pa'i spyod yul so sor nges pa med kyang sgrib pa spangs pa na mig gi ling tog dang bral ba bzhin du thams cad shes so/ /thos pa dang sems pa dang/ sgom pa'i rim par dbye ba na ye shes gong ma nas gong mar khyad par gang dang gang yod pa de dang de ni sngon thos pa dang/ sems pa las tshogs kyi stobs las byung ba ste /slob ma rnams khyad par du mkhas par 'byed pa bzhin no/ /skyes ma thag pa rnams la yang dga' ba dang/ 'jigs pa dang/ mya ngan snang ste /des na sngon gyi goms pa rjes su dpog ste /che gzhan du mchog gi rim par dbye ba na shes rab la sogs pa'i khyad par rnams kyis thams cad mkhyen ba'i ye shes su 'gyur ro/ /lta ba gnyis zhes bya ba ni phyi rol don tu lta ba dang/ byed pa dang/ byed pa la sogs par lta'o/ /rkyen ni mi rtag pa de ma thag pa tsam gyis so/ /mi spang ba ni spang bar mi bya ba ste/ blang bar bya'o zhes bya ba'i don to/ /gang zag med ces bya ba ni rtag pa par snang ba rnam par brtags pa ni med do/ /'dod chags la sogs pa rnams ni phung po'i lus gzhan gyi dbang la rmi lam dang 'dra bar rgyu yod do/ /'phags pa lang kar gshegs pa ye shes dpal bzang pos bshad pa sbyar ba'i le'u gsum pa las grub pa'i mdza' i tshul rnam par 'byed par dpyad pa gsum pa'o/ / //yang dag pa ma yin par yongs su rtog pa zhes bya ba la sogs pa ni btsun gtso'i byang chub sems dpa' blo gros chen pos gsol pa'o/ /thams cad mkhyen pas kyang gsol ba'i lan du gsungs pa/ blo gros chen po don rnam pa tha dad pa sna tshogs su yang dag pa ma yin par kun tu brtags pa la mngon par chags pas mi rnams kyi rnam par rtog pa 'byung ba 'byung ste zhes bya ba la sogs pa'o/ /don rnam par tha dad pa sna tshogs ni snang ba rnam pa sna tshogs pa thams cad mkhyen pas dgongs par rtag go /mgo 'khor ba dang/ brgyal ba la sogs pa bzhin du nang 'khrugs pa'i mthus rnam pa sna tshogs kyi rnam pa'i rnam par shes pa 'byung ngo/ /bcom ldan 'das phyi rol gyi don zhes bya ba la sogs pa ni phyi rol gyi don rtag pa rdul phra mo'i rdzas la sogs pa sna tshogs kyi mtshan nyid yang dag ba ma yin pa yongs su rtogs pa gang la rnam par rtog pa'i mtshan nyid yod pa de de lta bu'o/ /yod pa dang med pa'i phyogs su lhung ba'i mtshan nyid gang la yod pa de de lta bu ste/ don dam pa mi gnyis pa'i chud pa las bzlog pa'o/ /de ji ltar phyi rol gyi don la tshad mas gnod kyang yang dag pa ma yin pa yongs su rtogs par 'jug pa de bzhin du don dam pa mi gnyis pa'i chud pa yang dbang po'i shes pa dang/ rjes su dpag pa cha shas kyi rgyu dang dpe las 'das pa der yang yang dag pa ma yin par yongs su rtog pa mtshungs na bcom ldan 'das der de ji lta bu zhig ces glengs pa'o/ /don dam pa'i mtshan nyid la mngon par chags shing zhes pa ni mi gnyis pa yang dag par rig pa'i rang gi mtshan nyid do rnam par rtog pa ni yang dag pa ma yin par yongs su rtog pa ste/ don dam pa las logs pa'i phyir ro/ /rnam pa sna tshogs su snang ba la phyi rol gyi rtag pa dang/ mdzes pa dang/ mi mdzes pa la sogs par sgro 'dogs pa ni yang dag par ma yin par yongs su rtog pa ste/ gzhan gyi dbang gi gzung ba'i tshal mngon par chags par don to/ /rmi lam ltar snang ba las bslu ba dang/ slu ba med pa'o/ /yod pa dang/ med par lta ba ni mu stegs byed kyi lta ba'o/ /so sor rnam par rtog pa ni bdag dang/ bdag gir rnam par rtog pa ste /ji ltar gsungs pa/ yang dag pa ma yin kun rtog ni /sems dang sems byung khams gsum pa zhes pa'o/ /'phags pa blo gros chen pos kyang de ste rgyu las yang dag pa ma yin kun tu rtog pa 'di yin na ni don sgra'i chos su mthun pa ji ltar na phyi rol gyi don ma mchis / des na mi mtshungs pa'i rgyur 'gyur ro zhes glengs pa las thams cad mkhyen pas kyang gleng pa la yongs su spong bar mdzad pa/ blo gros chen po rnam par rtog pa 'byung ba 'am ldog pa med do zhes te/ yang dag pa la des brjod du med pa'i phyir ro/ /de ci'i phyir zhe na/ 'di lta ste/ yod pa dang med pa las rnam par rtog pa mi 'byung ba dang/ phyi rol gyi snang ba'i dngos po med pa dang/ rang gi sems snang ba tsam du rtogs pa ste/ blo gros chen po byis pa rnams rang gi sems rnam pa sna tshogs su phyi rol gyi bar sgro btags pas bsam pa skyon can du gyur nas rnam par rtog pas brtags te/ yang dag pa ma yin pa kun rtog pa sna tshogs kyi dngos po'i mtshan nyid la mngon par chags pas lo rgyud las byung ba sngon du 'gro ba'i rnam par rtog pa'i 'byung bar bshad do zhes te/ yang dag pa ma yin par yongs su rtog pa 'phags pa btsun gtso byams pas bshad pa ni/ yang dag ma yin kun rtog yod// de na gnyis po yod ma yin/ /stong pa nyid kyang de na yod/ /de la yang ni de yod do/ /yang dag ma yin kun rtog ni/ /seMs dang sems byung khams gsum pa/ zhes pas te/ semS dang sems las byung ba 'dus pa las rnam par rtog pa 'byung ngo zhes bya'o/ /ji ltar nang 'khrugs pas 'go 'khor ba dang/ brgyal ba la sogs pa bzhin du rnam pa sna tshogs kyi rnam pa 'byung ste/ des na yang dag pa ma yin par yongs su rtog pa'o/ /de nyid kyis stong ste/ stong pa nyid kyang de na yod do/ /de na yang de yod de/ byis pa rnams la yang dag pa ma yin pas yongs su rtog pa'o/ /yod pa dang med pa las rnam par rtog pa mi 'byung ba zhes bya ba ni snang du zin kyang nor ba'i rnam pa la skye ba med do/ /zhes thams cad mkhyen pas dgongs pa'o/ /gnyis kyi rnam pa med pa nyid pas na rmi lam dang/ mig 'phrul dang/ rab rib la sogs pa'i snang bzhin du skye ba med do/ /thog ma med pa'i sems kyi rgyud gang la yang skye ba dang gnas pa dang/ 'gog pa la sogs pa kun rtog pa de la yang tha dad pa'i byed pa dang byed pa por 'brel par mi rung bar thams cad mkhyen pas rig pa gzhan gyis sgrub bar mdzad pa/ yod pa dang med pa las mi skye zhes te/ yod pa ni dngos su yod pas grangs can la sogs pas kun brtags pa'i skye ba mi rung ngo/ /med pa yang dngos po bya mi nus te/ dngos po med ces pa ni cang mi byed pa ni byed pa dgag par 'gyur pa nyid ces bya ste/ rnam grangs mang por bshad do/ /'on te yod pa dang med pa las mi skye na ni ji ltar na 'dis byed do zhes bya/ 'dzin pa dang gzung pa'i dngos po yang/ mi rung ngo zhes pa de thams cad mkhyen pas sgrub par mdzad pa byed pa po dang/ las dang/ byed pa'i tha snyad mi rung ba ni don ji bzhin pa'i 'dzin pa dang/ gzung ba med pa'i phyir ro/ /gnyis kyi rnam pa'i shes pa la rnam par rtog par 'byung ngo/ /blo gros chen po gzhan du na zhes pa ni 'dzin pa dang gzung ba'i dngos po byed pa dang/ byed pa pos bskyed do zhes rang gi sems snang ba la kun brtags pa ste/ phyi rol gyi dngos po med do/ /zhes thams cad mkhyen pas dgongs pa'o/ /gang gi tshen shes rab kyis rnam par dbyad de/ sbom po dang/ phra mo rnam par phye ba na phyi rol gyi mi dmigs pa de'i tshe mi gnyis pa'i ye shes gnas so/ /'dzin pa dang gzung brgyun tu 'byung ba yang byed pa dang/ byed pa po dang/ brjod pa dang/ brjod pa la soD pa rnam par rtog pa'i snang ba thams cad dang/ bral ba'i don dam pa'i bden pa zhes bya'o/ /snga ma'i 'og tu 'di yod pas 'di yod do zhes bya bar/ snang ba dang bcas pa'i ting nge 'dzin dag pa 'jig rten pa'i rab tu chud pa la thams cad mkhyen pa bzhugs pa na sems can thams cad la rnam pa sna tshogs kyi rten cing 'brel te 'byung ba rab tu snang bar mdzad pa'i don du las dang 'bras bur so sor nges par 'brel pa'i chos ston ba 'byung ngo/ /snang ba bzhin du rjes su mthun par khong du chud par mdzad pa'i phyir phyogs dang/ rgyu dang/ dpe dang/ khyab pa'i tshul dang/ chos mthun pa dang/ mi mthun par mthun par gsung ngo/ /gang skyes par rig pa de ni mi rtag pa ste/ thal mo'i sgra dang rmi lam dang/ mig 'phrul dang/ rab rib dang/ chu zla la sogs pa bzhin du thog ma dang tha ma'i mthar stong pa'o/ /skyes pa ni rig par 'gyur ro zhes bya ba'i tshad mas chud pa rnams ni thams cad mkhyen pa'o/ /yod pa dang med pa'i rnam par rtog pas bslad de/ gnyid kyis ma log pa'i dus na ni gzugs yod pa rmi lam gyi dus na med do zhes gang dag grangs can dang/ ne yi ya yi ka dang/ khyad par can dang/ k+Sha pa na ka dang/ spyod pa can dang/ 'jig rten rgyad pa na la sogs pa phyi rol gyi don la mngon par chags pa de dag la phyi rol gyi don ni snang ba tsam dang mtshungS pas na lhag par sgrub pa med do/ /zhes spyis khyab pa'i tshul du gsungs ngo/ /gang gis gzugs ni de ltar cung zad cig ni yod/ cung zad cig ni med do/ /zhes na ni mi mtshungs par smra bar yang 'gyur na de 'phags pa blo gros chen pos glengs pa la/ thams cad mkhyen pas yongs su spong ba ni phyi rol gyi don med pa'i phyir zhes te/ phyi rol gyi sbom po dang/ phra mo rnam par brtags pa na bla 'og tu phyogs kyi char 'byed pas rnam par phye ba na khang pa dang/ sde dang/ nags tshal la sogs pa bzhin du stong par 'gyur ro/ /rdul phra mo rnams kyang yan lag med pas na bla 'og tu chags shing tshogs su 'du bar mi rung ba ni sems dang sems las byung ba bzhin no/ /des na bdag dang gzhan gyi rgyud dbang dang mnyam par mi 'jog pa'i ma rig pas rnam pa sna tshogs su bslad pas rnam par shes pa sna tshogs kyi rnam pa snang ngo/ /gang gi tshe na shes rab kyis dbyad nas shes par bya ba mi dmigs pa de'i tshe bsam pa med cing snang ba med pa don dam pa'i bden pa mi gnyis par yang dag par rig pa gnas so/ /gzhan gyi don du thugs rjes snang ba dang bcas pa dag gi 'jig rten gyi ting nge 'dzin la thams cad mkhyen pa bzhugs pa phyi rol gyi don med par yang chos 'chad par 'byung ngo/ /brtags pa dang gzhan gyis dbang dang yongs su grub pa rnams su nyon mongs pa dang nyon mongs pa med pa'i chos thams cad bsdu ba ni phung po dang/ khams dang/ skye mched dang/ rten cing 'bral te 'byung ba dang/ byang chub kyi phyogs kyi chos sum cu rtsa bdun dang/ stobs bcu dang/ mi 'jigs pa la sogs pa'o/ /sdug bsngal dang/ kun 'byung kun nas nyon mongs pa rnams ni brtags pa dang? /gzhan gyi dbang gnyis su bsdu'o/ /nyon mongs pa med pa rnams dang/ 'gog pa dang lam gyi bden pa yongs su grub bar bsdu'o/ /khams gsum 'di ni sems tsam mo zhes so/ /sa bcu pa dang/ langkar gshegs pa las gsungs pa ni/ lus dang longs spyod gnas snang ba/ /kun gzhi kun tu 'byung ba ste/ rnam brgyad rnam dgu de bzhin du/ /rgya mtsho rlabs rnams bzhin du'o/ /yang langkar gshegs par gsungs pa/ brtags pa dang/ chos nyid kyi gzugs zhes te/ brtags pa dngos po tsam pa dang/ /khyad par du ni rnam par brtags/ /rang gi mtshan nyid gang yin pa/ /chos nyid gzugs ni de yin no zhes pa'o/ /de la brtags pa ni gzhan gyi dbang nyid du brtags pa'o/ /de nyid la rtag pa dang mi rtags pa la sogs pa'i chos su rnam par rtog gi /rtag pa la sogs pa brtags pa'i yul ni med do/ /gnyis kyi rnam pa'i 'khrul pa dang bral pa ni grub pa ste / chos nyid kyi gzugs su zhes bya'o/ /'phags pa btsun gtso byams pa'i dgongs pa byed pa yang dag pa ma yin pa kun tu rtog pa'i bshad pa ni/ yang dag ma yin kun rtog ni/ /sems dang sems byung khams gsum pa/ /de na don mthong rnam par shes/ /de yi khyad par sems las byung zhes pa ste/ khams gsum gyi chos kun nas nyon mongs pa dang/ nyon mongs pa med pa thams cad kyang sems dang sems las byung ba'i tshogs su bsdu'o/ /chos dang gang zag la bdag med pa yongs su shes pas 'dod chags dang zhe sdang la sogs pa sems las byung ba rnams yongs su zad par 'gyur ro/ /kun tu 'gro ba tshor ba sems pa 'du shes dang/ 'dod pa reg pa blo dran dang/ yid la byed pa mos pa dang/ /ting nge 'dzin sems kun la ste/ /sems las byung ba dag pa rnams ni thams cad mkhyen pa'i dag pa 'jig rten gyi snang ba dang bcas pa'i ting nge 'dzin la 'byung ngo/ /bsam pa med cing snang ba med pa don dam pa'i bden pa mi gnyis par yang dag bar @177a rig pa der rig pa dang/ rig pa po'i dngos por sems bdag nyid la yang mi rgyu na bag chags kyi dus kyi kun tu 'gro ba'i sems las byung ba rnams snang bar 'gyur ba lta ci smos /'on kyang thugs rje'i bag chags kyis bskul te/ snang ba dang bcas pa'i ting nge 'dzin la sems las byung ba dag pa rnams so sor snang ngo/ /rtag ba dang/ bdag dang/ bde ba dang/ gtsang ba'i dngos po phyin ci log ba'i gnyen por mi rtag pa dang/ sdug bsngal ba dang/ mi mdzes pa dang/ stong pa'i rnam par spyir sgra dang don du sgro btags te/ gnyis kyi rnam pa'i shes pa dang/ rang gi mtshan nyid la yang chos ston pa 'jug ste/ de ni lan du mar bshad pa yin no/ /brtags ba dang/ gzhan gyi dbang dang yongs su grub pa rnams su chos thams cad kyi mtshan nyid 'byed pa ste/ de la thams cad mkhyen pas brtags pa la rnam pa bcur sngar bshad pa ni gzugs la sogs pa yul lnga dang/ mig la sogs pa dbang po lnga ste /phyi rol gyi don du sgro btags te/ sdug bsngal phra mos brtsams pa'i rdzas dang/ yon tan la sogs par rtog pas brtags pa kho nar brtag go/ /gzhan gyi dbang ni lus dang longs spyod gnas snang ba/ kun gzhi kun tu 'byung ba ste/ rnam brgyad rnam dgu de bzhin du/ rgya mtsho rlabs rnams bzhin du'o/ /zhes par gsal lo/ /kun gzhi rnam par shes ni gzhan gyi dbang du rgyu dang rkyen las skyes pa ste/ bdag dang gzhan gyi rgyud kyi dbang gi dam pa dang/ dam pa ma yin pa'i chos bshad pa la sogs pa sna tshogs kyi rgyus btab pa'i 'du byed sna tshogs nyid 'byung ngo/ /gang yang dag pa ma yin pa yongs su rtog ba'i sgras brjod par bya ba ni kun gzhi 'di las yang dag pa ma yin pa phyi rol gyi gzhan par yongs su rtog go /sems dang sems byung ba'i @ 177b tshogs gnyis kyi rnam pa yang dag pa ma yin pa ste/ der yang lus dang longs spyod dang/ gnas su snang ba la brtags ba dang/ mi rtag pa dang phyi rol la sogs par sems can rnams kyi rnam par rtog pa 'byung ngo/ /de nyid du mtshan ma dang/ ming dang rtog pa dang/ yang dag pa'i ye shes dang/ de bzhin nyid ces bya ba'i chos lnga rnam par bzhag go /de la gnyis kyi khyad par bstan par bya ste/ gzhan gyi dbang sgra dang don du 'byed pa na mtshan ma'o/ /gzhan gyi dbang de nyid lus dang longs spyod dang/ gnas su snang pa'o/ /ming ni brtags pa'i dngos por bsdu ste/ kun tu brtag pa ni rtag pa dang bdag la sogs pa'i dngos po'i yul yin pa'i phyir ro/ /rnam par rtog pa ni gzhan gyi dbang du bsdu'o/ /yang dag pa'i ye shes dang/ de bzhin nyid dag ni yongs su grub par bsdu ste/ de ltar na yang dag pa'i ye shes kyi lam gyis de bzhin nyid gnyis kyi rnam pa dang bral ba nyid/ yang dag ba'i mdza' rtogs par byed do/ /de ni lan du mar bshad pa dang sbyar bar bya'o/ /'phags pa langkar gshegs pa ye shes dpal bzang pos bshad pa sbyar ba'i le'u gsum pa las yang dag pa ma yin pa zhes yongs su rtog pa mdo'i don du dbyad pa bzhi pa'o/ / //rgyu rnams dang ni rkyen rnams kyis/ /gang rnams 'jig rten 'byung zhes pa/ mdza' bzhi dang ni ldan pa ste/ /de dag nga yi tshul 'di shes/ /zhes pa ni gnyis med pa'i shes pa la/ rgyu dang 'bras bu'i dngos po bzung gi /gnyis med pa la ni ma yin no/ /gang gnyis kyi gzugs yin pa de ni rmi lam dang skad cig ma snga ma'i 'og tu 'di yod pas 'di yod do zhes rgyu dang 'bras bur 'brel par yang 'dzin gyi/ byed pa dang/ byed pa po dang 'brel ba ni med do/ /skad cig gi dus ma rtogs par skye pa dang/ gnas pa dang 'gog pa la sogs pa mi srid pa'i phyir te/ ji ltar dge 'dun chen po pa rnams klog pa dang/ 'du byed thams cad skad cig ma/ /mi brtan byed pa ga la zhig /gang 'byung byed pa de nyid de/ /byed pa por yang de nyid brjod ? de de lta bur ltag pa'i skye ba dang/ 'gog pa la soD pa'i chos med pas/ /rten cing 'brel te 'byung ba ni skye ba med pa dang/ 'gog pa med pa la sogs pa'i mtshan nyid can te/ ji ltar dbu ma las byung ba/ /'gog med skye ba med pa dang/ /rtag med chad pa med pa dang/ /gcig don du ma'i don min dang/ /'ong ba med pa 'gro ba med/ /ces bya ba la sogs par rten cing 'brel te 'byung ba sngar bshad pa'o/ /gal te skye ba 'dus byas na/ /mtshan nyid gsum ldan der rig ste/ /'on te skye ba 'dus ma byas/ /'dus byas mtshan nyid ji ltar rung/ /de de ltar yod pa dang med pa dang/ gnyis ka dang/ gnyis ka ma yin par 'gyur bas smra ba bdun du phye ba las ma gtogs pa'i rten cing 'brel te 'byung ba rig par bya'o/ /grangs can rnams ni yod par smra ba ste/ /yod pa skye po zhes pa ni dngos por yod pas na skye ba mi rigs so/ /med pa skye bo zhes pa na/ ne yi ya yi ka dang/ khyad par can la sogs pa kun rtog pa yang dngos po med pa byed pa ni/ ci yang mi byed pa ste/ byed pa dgag par byas par gyur pa nyid do/ /zhes lan du mar bshad pa'o/ /gnyis ka dang gnyis ka ma yin pa ni yod par 'gyur ba dang/ med par 'gyur ba dang/ med par 'gyur ba dang/ yod pa dang med par 'gyur ba dang/ smra bar mi bya bar 'gyur ba'o zhes te/ brtan pa la ni rang bzhin gnyis su mi srid de / der gang don byed nus te yod ces/ lan du mar bsgrubs pa'o/ /dngos po thams cad ma skyes pa zhes bya'i rgyur gsungs pa/ gang phyir rkyen las byung bar na zhes pa ste/ gang dag rkyen las byung bar na zhes pa ste/ gang dag rkyen las byung ba de dang de dag ma skyes pas te/ rmi lam dang mig 'phrul la sogs pa bzhin no/ /rkyen rnams thams cad 'bras bu ste /'bras bu las ni mi srid skye zhes pa ni rmi lam dang rgyud/ 'bras bu'i dngos por rgyun bzhin no/ /de ste 'bras bu las byung na nyes pa cir 'gyur zhes de skad du thugs dogs nas thams cad mkhyen pas gsungs pa/ 'bras bu gnyis su 'gyur bas na/ 'bras bu las ni 'bras mi skye/ /rnam pa gnyis su rab 'gyur bas/ /'bras bu'i dngos por mi dmigs so zhes pa ste/ gal te 'bras bu las 'bras bu skye na ni lhan cig pa'i skyon du 'gyur te /ma zhig pa las byung bar 'gyur ro/ /zhes thams cad mkhyen pas dgongs pa'i don du brtag go/ zhig pa yang dngos po med pa'i phyir skyed pa'i mthu med do/ /snga ma'i 'og tu 'di yod na 'di yod do zhes 'ba' shig go /khyad par can dang lung ston pa logs pas kun brtags pa'i skye ba dang/ gnas pa dang 'gog pa la sogs pa'i chos lhag pa byed pa dang/ byed pa por 'brel pa med par 'byung ba ni rten cing 'brel te 'byung ba'o/ /gang zag la bdag med pa skad cig mar 'jig pa la 'ang med na rmi lam dang/ mig 'phrul la sogs pa lta bur gnyis kyi rnam par skye ba med pa'i chos la bdag med pa lta ga la zhig / skye ba med pa dang/ 'gog pa med pa la sogs pa de lta bur bdag med pa gnyis la yang rig par bya'o zhes thams cad mkhyen pas dgongs pa'o/ /bsdu ba'i tshigs su bcad ba 'di 'chad pa ni yang dag pa ma yin pa yongs su rtog pa dang/ don dam par dpyad pa na sngar bshad pa'o/ /dmigs dang dmigs bya byed par yang/ /nam zhig 'dus byas rnams mthong na/ /sems med pa'i sems tsam ste/ sems tsam du yang ngas bshad do z hes pa ni nam zhig shes rab kyis dpyad de dmigs pa sbom po dang phra mo tha dad par rnam par phye ba na phyi rol gyi don med pas 'dus byas gzung ba dang 'dzin pa dang bral bar mthong ba de na bsam pa med cing snod ba med pa don dam pa'i bden pa mi gnyis par yang dag par rig pa ni snang ba dang bcas pa'i dbyangs kyi dkyil 'khor du gnas pa na sems tsam du ngas bshad do zhes so/ /thams cad mkhyen pas gnyis dang mi gnyis par dam pa'i chos ston pa na sgra dang don du 'byed do zhes dgongs pa'o/ /rgyu dang 'bras bu'i dngos po ni snga ma'i le'ur yang dpyad pa ste/ rkyen rnams kyis ni cung zad kyang/ /skye zhing 'gag pa der med do/ /rkyen rnams brtags pa nyid dag ni/ /skye ba dang ni 'gag pa'o/ /ji tsam du nang 'khrugs ba'i mthu las mgo 'khor ba dang/ brgyal ba la sogs pa bzhin du bdag dang gzhan gyi rgyud kyi dbang las gnyis kyi rnam pa'i rnam par shes pa skyes te/ rnam pa sna tshogs lta bur snang ba de tsam rgyu dang 'bras bu la sogs par tha dad par snang ba'i rnam par rtog pa rnams so/ /gang gi tshe na yang shes rab kyis dpyad de rmi lam mig 'phrul la sogs pa bzhin du gnyis kyi rnam pa mi 'byung bar 'byung ba de'i bsam pa med cing snang ba med pa don dam pa'i bden pa mi gnyis par yang dag par rig pa la rig par bya ba dang/ rig pa po'i dngos por sems bdag nyid la rnam pa gnyis kyi rnam par yang mi rgyun rkyen du snang ba'i gnyis kyi rnam pa'i rnam par rtog pa der 'gyur ba'i gnas lta zhig ga la yod de/ 'on kyang snang ba dang bcas pa'i dag pa 'jig rten pa thams cad mkhyen pa'i ting nge 'dzin la sangs rgyas bzhugs pa rnams kyi chos ston pa 'byung ngo zhes lan mang por bshad pa ste/ dam pa'i chos bshad pa thams cad de ltar sbyar bar bya'o/ /gang zag dang chos la bdag med pa sdu ba'i thams cad mkhyen pas tshigs su bcad pa gsungs pa bshad par bya ste/ de tsam ngo bo nyid kyi dbyibs/ /rkyen dang dngos po spangs pa ste/ /mthar thug pa ni tshangs pa'i mchog go / de ni tsam zhes ngas bshad do zhes te/ yan lag gi rnam ba'i cha de tsam rdul gnyis la sogs pa'i rim pa'i rkyen rnams kyis brtsams pa'i dngos po spangs pa ste/ shes par bya ba med pa'i phyir yan lag can gyi dbyibs phyi rol gyi med do/ /mthar thug pa'i dmigs su med pa dang rdzogs pa'o/ /de la tshangs pa ni gnyis su med pa'i rang bzhin mi gnyis pa'i sems su dgongs pa'o/ /bdag ni btags par yod pa'i phyir rdzas yod dngos po ma yin no/ /de bzhin phung po'i phung po nyid btags pa yin te/ rdzas med do zhes pa ni gcig pa dang/ tha dad pa dang/ rtag pa dang/ khyab pa'i rang bzhin dang/ phra ba'i bdag nyid du kun tu brtags pa'i bdag rnams ni dmigs su med de/ sems kyi rgyud 'ba' zhig la byis ba so so'i skye bos bdag tu yongs su rtog go / phung po rnams kyang rmi lam dang/ mig 'phrul dang/ rab rib dang/ mig yor dang/ gzugs brnyan la sogs pa bzhin du bzung ba dang 'dzin pa'i dngos por skye ba med do/ /rtags ni ma skys pas na ri bong gi rwa lta bur rdzas su med do/ /phyi rol gyi sbom po dang phra mo yang rnam par phye ba na khang pa dang/ sde dang/ nags tshal la sogs pa bzhin du dngos po med do/ /thams cad mkhyen pas chos dang gang zag la bdag med ba'i tshigs su bcad pa gcig gis bsgrubs par rig par bya'o/ /mnyam pa nyid ni rnam pa bzhi ste zhes bya ba la sogs pa la mtshan nyid ni mtshan ma'o/ /rgyu ni byed pa'o/ /snod ni 'jig rten rnam pa sna tshogs so/ /rnal 'byor pa rnams kyis rnam pa thams cad ni snang ngo/ /cis na yang dngos po rnams tha dad pa'i rnam par so sor mi snang zhes pa dang/ rigs pa'i khyad par gsungs pa/ lta ba thams cad rnam bzlog cing/ /rtog dang brtags pa spangs pa ste/ /dmigs med skye ba med pa ni/ /sems tsam du yang ngas bshad do/ /zhes te/ gnyis kyi rnam pa'i shes pa la rtag pa dang/ bdag dang phyi rol gyi 'dzin pa dang/ gzung ba dang/ brtags pa dang/ rtog pa la sogs pa'i rnam bar dmigs shing skye ba la sogs pa'i tha snyad kyang 'jug na mi gnyis pa la ni ma yin te/ sngar bshad pa bzhin no/ /cis na yang dmigs pa dang/ skye ba la sogs pa'i chos med ces de ltar thugs dgongs nas thams cad mkhyen pas gsungs pa/ dngos min dngos med ma yin pa/ /dngos dang dngos med rnam par spangs/ /de bzhin sems las grol ba ni/ /sems tsam du yang ngas bshad do/ /zhes pa ste/ dngos po dang dngos po med pa'i rnam par rtog pa spangs pa ni rnam par shes par smra ba'i dbu ma'i ting nge 'dzin mnyam pa thams cad mkhyen pas 'dir gsungs pa na smra ba po thams cad kyi the tshom dang rnam par rtog pa dang rgol ba rnams bzlog pa'o/ /dngos po dang dngos po med pa'i rnam par rtog pa spangs pa skye ba dang 'gog pa la sogs pa'i chos dang bral ba 'di ni sa brgyad du ste / skad cig ma'i rgyud rgyun tu 'byung zhes bsam pa med cing snang ba med pa don dam pa'i bden pa mi gnyis pa'i rang bzhin no/ /de bzhin nyid ni rang bzhin gyis 'od gsal ba'i chung pa ste/ sems dang yid dang/ rnam par shes pa'i rim par snang ba'i rnam par rtog pa dang bral ba kun gzhi rnam par shes pa 'phos pa'i me long gi rang bzhin no/ /ji ltar 'di gsungs pa/ sems ni kun gzhi rnam shes te/ ngar sems nyid ni yid yin no/ /gang gi yul rnams 'dzin pa ni/ /de ni rnam par shes zhes bya/ /zhes sems tsam ni kun gzhi rnam par shes pa 'phos ba la dgongs pa'o/ /de sangs rgyas kyi sa la sogs pa gzhan du ni me long lta bu'i ye shes so/ /nyon mongs pa'i yid 'phos pa ni mnyam pa nyid kyi ye shes so/ /mig la sogs pa'i rnam par shes pa 'phos pa ni so sor rtog pa'i ye shes so/ /'jug pa'i rnam par shes pa ni nang nas yid kyi rnam par shes pa'i 'phos pa ni bya ba nan tan gyi ye shes so/ /thams cad mkhyen pa'i dag pa 'jig rten snang ba dang bcas pa'i ting nge 'dzin yid kyi sku chos ston par bzhag go / theg pa chen po legs par gsungs pa'i rin po che'i 'byung gnas dpag tu med pa la mthar thug pa ga la yod de/ legs par gsungs pa'i rin po che zla ba las 'ongs pa rnams kyang bshad pa'o/ /de bzhin nyid kyi rang bzhin mi shes pas thams cad mkhyen pas thams cad mkhyen pa ston pa/ de bzhin nyid dang/ stong pa'i mdza' / mya ngan mdza' dang chos kyi dbyings/ /sna tshogs yid kyi lus rnams ni/ /sems tsam du ni ngas bshad do zhes pa ste/ /sems tsam ni phyi rol gyi dmigs pa rnam par bcad do/ /snang ba dang bcas pa dang/ snang ba med pa'i ting nge 'dzin dag ni de bzhin gshegs pa byung yang rung ma byung yang rung ste/ chos kyi chos nyid / chos gdon mi za ba nyid/ de bzhin nyid/ yang dag pa'i mdza' chos kyi dbyings rang bzhin gyis 'od gsal ba'i chud ba ye gnas ba'o zhes 'phags pa shes rab kyi pha rol tu phyin pa dang/ dgongs pa nges par 'grel pa las klog go / gnyis kyi rnam pas nang blongs ba'i mthus mgo 'khor ba dang/ brgyal ba la sogs ba lta bu rnam pa bdag dang gzhan gyi rgyud kyi dbang gis skyes pa rnams ni rmi lam dang/ mig 'phrul dang/ rab rib dang/ mig yor la sogs pa bzhin pas na skye ba @181a med pa ste / des na rang bzhin gyis yongs su dag pa'i chos nyid ni de bzhin nyid de/ de lta bu nyid du gnas pa dang/ dbang po la sogs pa sus kyang gzhan du mi byed pa'i phyir ro/ /bslad pa pa rnam par spong ba ni shes rab kyis dpyad de/ sbom po dang/ phra mo rnam par gzhigs pa na nam mi dmigs pa de na /bsam pa med cing snang ba med pa don dam pa'i bden pa mi gnyis pa'i yang dag par rig pa sems tsam yang dag pa'i mdza' i ngo bo nyid rang bzhin gyis 'od gsal ba gnas par 'gyur ro/ /de ltar na yang chos kyi dbyings kyi rang bzhin ni sngon med pa las byas pa yin no/ /de ni dri ma dang bral ba ste/ thog mar zhi zhing ma skyes pa/ /rang bzhin nyid kyis mya ngan 'das/ /chos kyi 'khor lo bskor ba na/ /chos rnams dngos por khyod kyis bstan zhes pa ste / thog ma'i nyid du zhi ba ni rang bzhin gyis 'od gsal ba'i chud pa rnams te/ de dag gis bslad pa'i dri ma dang bral ba ni shes rab kyis dpyad pa'i 'phags pa'i lam gyis gser dang rin po che la sogs pa bzhin du sbyang gi sngon med pa bskyed pa ma yin no/ /skye ba dang gnas pa dang 'gog pa la sogs pa'i chos rnams byed pa dang/ byed pa po dang 'brel par kun brtags pa skad cig ma'i rgyun gyi rten cing 'brel te 'byung ba la gzhan pa dang/ gzhan pa ma yin par yang mi rung ste/ gang gi tshe na skad cig pa gcig yod pa de'i tshe na skad cig pa gnyis po med de/ cig po nyid ni su dang yang mi 'brel to/ /snga ma'i 'og tu 'di yod na/ 'di yod do zhes bya ba 'ba' zhig ste/ de ltar na rgyu dang 'bras bur nges par 'brel ba bstan par bya'o/ /mi gnyis pa la ni gnyis kyi rnam pa tha dad par snang ba'i rnam par rtog pa med do/ /de na sems bdag nyid la rig par bya ba dang/ rig pa po'i dngos por yang mi rgyu na yi ge dang sgra rnams lta ci smos te/ @ 181b bsam pa med cing snang ba med pa'i don daM pI bden pa mi gnyis par yang dag par rig pa'i rnam grangs de bzhin nyid/ yang dag pa'i mdza' dang/ rang bzhin gyis 'od gsal ba la sogs pa ni thams cad mkhyen pa snang ba dang bcas pa'i ting nge 'dzin la bzhugs te 'byung ba dang/ 'byung ba las gyur ba'i gzugs lta bu dang/ sprul pa'i 'khor los re ba mang po yongs su bskongs pa'i yid kyi skus chos ston par mdzad do/ /mi gnyis pa'i ye shes la ji ltar na rnam pa 'byung zhes thams cad mkhyen pa thugs dogs nas gsungs pa/ rnam rtog bag chags 'brel pa yi/ /sna tshogs sems las byung ba ste/ /mi rnams la ni phyi rol snang/ /'jig rten pa yi sems tsam mo zhes pa ste/ rnam pa sna tshogs kyi rnam par rtog pa sems tsam ga la yod pa/ sems tsam de ni rnam par rtog pa ste/ de yang 'byung ba ni bdag dang gzhan gyi rgyud kyi dbang dang/ dam pa ma yin pa'i chos bstan pa la sogs pa'i rkyen gyi khyad par gyi mthu dang/ mnyam par mi 'jog pa'i rig pa'i mthu las mgo 'khor ba dang/ brgyal ba la sogs pa bzhin du rnam pa sna tshogs kyi rnam par shes pa 'khor ba rnams la so sor snang ngo/ /rnal 'byor pa rnams la ni thugs rje'i bag chags kyis sad pa dang bdag dang/ gzhan la phan pa'i dge ba mngon par 'du byed pas dag pa 'jig rten gyi mi rtag pa dang/ sdug bsngal ba dang/ bdag med pa dang mi mdzes pa dang/ stong pa'i rnam par rtog pa snang ngo/ /yang dag pa'i ye shes thog mar byas te/ rtag pa dang/ bdag dang bde ba dang mdzes pa'i phyin ci log pa'i 'khor ba dang/ sdug bsngal gyi nyon mongs pa'i yid spong ngo/ /dge bar mngon par 'du byed pa yang sa dang pha rol tu phyin par 'byed pas dbye ba na/ gnyis kyi rnam par snang ba'i rnam par rtog pa ni bsod nams dang ye shes kyi don dam pa'i rnam par sangs rgyas kho na'i rgyu yin te/ de la spangs pa med do/ /'khor ba yod kyi bar du gnas so/ /snying rjes gnyer ba'i bdag gi lus chen po gzhan gyi don du gnyer ba dang/ gnyen des che zhing skyes bu dam pa rnams so/ /ji ltar na yang sems tsam lags zhes de skad du thugs dogs nas thams cad mkhyen pas gsungs pa/ phyi rol snang ba yod med de/ /sems ni sna tshogs rnams su snang/ /lus dng longs spyod gnas snang ba/ /sems tsam du ni ngas bshad do zhes pa ste/ phyi rol gyi don sun dbyung ba ni 'dir thams cad la gsal bas na ji ltar grangs can dang/ ne yi ya yi ka dang/ khyad par can dang/ k+Sha pa na ka dang/ spyod pa can dang/ 'jig rten rgyang phan pa la sogs pa smra ba rnams kyis phyi rol par kun brtags par de ltar med do/ /rdul gnyis la sogs pa'i rims kyis yan lag gi rdzas brtsams pa ni rdzas kyis rdzas kyi khyad par rtsom pa dang/ yon tan gyis kyang yon tan gyi khyad par rtsom mo zhes khyad par can gyi mdo'o/ snang ba dang mi snang ba rnams la ni mngon sum tshad ma ste/ gzugs la sogs pa'i yon tan dang ldan pa dang/ snang ba dang/ ris mthun pa'i yo byad dang/ blo can gyi skyes bus rlabs pa dang/ rang bzhin gyis yan lag med pa dang/ grangs du ma dang ldan pa'i rgyu spun? tshad chung ba rnams las tshad che ba gzugs la sogs pa'i yon tan dang ldan pa'i snam bu la sogs pa'i rjas skye'o zhes/ ne yi ya yi ka'i mdo'i lo rgyus so/ /grangs can rnams kyi bde ba dang/ sdug bsngal ba dang/ gti mug yon tan rnams phyi rol gyi sems pa med pa dag gis gnas kyi dkyil 'khor rtsom mo/ /skyes bu'i rang bzhin na tshor ba can te/ ji ltar ba'i 'o ma tshor ba med pa be'u tshor pa can la phan pa'i phyir 'byung ba de ltar tshor ba can la phan pa'i phyir 'byung ba de ltar tshor ba med pa'i gtso bo skyes bu la phan pa'i phyir 'byung ngo/ /gsal ba 'di ni bde ba dang/ /sdug bsngal pa dang/ gti mug dang ldan pas na de'i rgyu yang mi gsal zhing/ bde ba dang sdug bsngal ba dang/ gti mug dang ldan pa yod pa'i rigs so/ /sa'i 'bras bu bum pa dang/ khru ba la sogs pa dang mthun par mthong ba'o/ /thog ma'i rgyu'i yon tan gyis 'bras bu'i yon tan du 'gyur te/ des na phyi rol gyi longs spyod tshor ba can ma yin la/ longs spyod pa'i skyes bu ni tshor ba can yin no zhes grangs can gyi lo rgyus so/ /k+Sha pa na ka rnams kyang yongs su rtogs pa ni phyi rol gyi yul spyi dang khyad par du ldan pa yin te/ bdag gis shes pas yul rnams 'dzin to zhes pa/ 'du ba dang ni gyes pa dang/ /srog ni lus kyi tshad can te/ /de ni rigs pa rnams kyis smras/ /nams kyang phra ba yod ma yin zhes te/ des na longs spyod par bya ba dang/ longs spyod pa'i bye brag yod do zhes so/ /spyod pa can rnams kyang kun tu rtog pa ni kun tu dmigs pa'i phyi rol gyi yul dus gzhan pa'i bdag nyid de/ yul de dang ni gzhan yang rung/ /rmi lam shes pa'i spyod yul lo/ /myur du 'khor ba'i 'du byed kyis mgal me 'khor lor 'khor lo yod/ dri za'i grong du sprin rnams dang/ /yang? na sngon mthong khang pa rnams/ /rmig rgyu chu'i rnam shes la/ /de bzhin tsha ba 'od zer spros/ /de ltar rab rib stsogs zhes la/ /nyi ma'i 'od la sogs pa'o/ /'jig rten rgyang pan pa rnams smra ba ni/ gzugs la sogs pa'i yul rnams mngon sum nyid du snang bas na/ mthong ba mi 'thad do zhes byar mi rung ba'i phyir sa dang/ chu dang me dang rlung rnams ni yang dag pa'o/ /de dag las tshor ba skye bas na rnam par shes pa chang gi mthu bzhin no/ /srog rnamS ni chu'i chu bur lta bu ste / skyes bu'i lus ni tshor bas snang ba byas nas/ de 'dus pa la/ lus dang dbang por gdags so zhes bya ba la sogs pa'i mdo rnams so/ /de lta bur der rgol ba mdza' dag thugs pa dbang phyug gi mchog thams cad mkhyen pa tshig gi dbang po bla mas phyi rol gyi don lta bur sun phyin pa de ltar mdo sde 'dir sgrub par mdzad pa/ gzugs ni rdul phran gzhigs pa na/ /rdul bran cha ni med pa ste zhes so/ /'on snang ba 'di ci zhig ces pa phyi'i dngos po med bar yang/ sems ni rnam pa gnyis su snang/ zhes pa'o/ /gang sbom po yan lag can gyi rdzas gcig tu kun rtog pa de rnam par gzhigs pa na gcig par mi rung ba ni bcos pa dang/ ma btsos pa dang/ bsgul ba dang/ ma bsgul ba dang/ bsgribs pa dang/ ma bsgribs pa dang/ phyogs kyi cha tha dad par phye ba na til dang 'bras la sogs pa'i tshogs dang/ khang pa dang/ sde dang/ nags tshal la sogs pa bzhin no/ /rdul phra mo rnams kyang phyogs kyi cha tha dad phye ba na gcig par mi rigs pa ni snga ma bzhin te/ 'gal ba'i rdzas du ma 'phungs pa lta bu'o/ /gang dag yan lag med pa de dag kyang blo 'og tu chags pa'i tshogs su mi rung ste/ sems dang sems las byung ba bzhin no/ / yan lag gi yul du rnam pa'i char rten pa dngos po dang dngos po ma yin par yang mi rung ste/ dbus kyi rdul phra mo de 'og ma'i phyogs kyi mthar gang gnas pa de nyid gong ma'i phyogs su ces na gnas par mi 'gyur/ des na nang blongs ba'i mthus lus dang longs spyod dang gnas su rnam par shes pa mgo 'khor ba dang/ brgyal ba la sogs pa bzhin du rnam pa sna tshogs rnam pa du ma'i rnam par shes pa so sor snang ngo/ /ji ltar rmi lam na mig la sogs pa'i dbang po'i? shes pa dang/ gzugs la sogs pa'i yul med par kun gzhi rnam par shes pa 'ba' zhig yul dang/ yul can gyi dngos por snang ngo/ /gang gi tshe shes rab kyis dpyad de/ sbom po dang/ phra mo phyogs kyi cha tha dad par phye ba na mi dmigs pa de'i che bsam pa med cing snang ba med pa don dam pa'i bden pa mi gnyis pa yang dag par rig pa nyid gnas so/ /dag pa 'jig rten gyi snang ba dang bcas pa'i ting nge 'dzin la bzhugs pa na thams cad mkhyen pa'i chos ston pa 'byung ngo/ /'phaD p a langkar gshegs pa'i bshad pa slob dpon ye shes dpal bzang pos sbyar ba'i le'u gsum pa las yang dag pa ma yin pa yongs su rtog pa spyad pa las bsdu ba'i tshigs su bcad pa'i bshad par rnam par shes par smra ba'i dbu mar gnyan la phab pa lnga pa'o/ / //de nas yang byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /gang bcom ldan 'das kyis sgra ji bzhin gyi don du gzung bar mi bya'o/ /zhes de skad du gsungs na zhes bya ba la sgra ji bzhin gyi don du gzung ba la nongs pa cir 'gyur/ ji ltar dgongs pa nges par 'grel pa las 'byung ba/ rigs kyi bu rang bzhin med pa gsum po zhes bya ba'i dbang du chos thams cad kyi rang bzhin med pa zhes te/ brtags pa'i rang bzhin med pa'i phyir dngos po med do/ /gzhan gyi dbang sna tshogs su skye ba med pa'i phyir dngos po med do/ /don dam pa'i rang bzhin med pa ni gnyis kyi rnam par rang bzhin med pa'i phyir te/ de de lta bur dgongs pa'o/ /yang yang brtags pa'i rang bzhin dang/ gzhan gyi dbang lta bur grub pa'i rang bzhin med do/ /zhes rtog pa de ni chos kyis snod pa 'byung ba'i las sgrub par byed/ de ltar na 'phags ma shes rab kyi pha rol tu phyin pa bdun brgya pa las tshig gi dbang pos gsungs ba/ dngos po med pa'i rnam par de bzhin gshegs pa blta'o zhes so/ /der ni sgra ji bzhin par/ mo sham gyi bu dngos po med pa lta bur de bzhin gshegs par bya ba ma yin no/ /dad pa'i dge slong gis ni dad pas byin la longs spyod par mi rigs so/ /ma dad pas ni rigs so zhes so/ /der don khyad par du bshad par bya'o/ sgra bzhin du gzung bar bya ba ma yin no /de bzhin du dgongs pa ni du ma yod de shes rab dang thabs la mkhas pas sems can gyi don du 'byed par rjes su mthun pa dang/ chos dang gang zag la bdag med pa dang mthun par bshad par bya'o/ /theg pa chen po la de laS khyad par te/ gzhan gyi don du snying rje'i sems nye bar bzhag ste/ mi dge ba bcu'i las kyi lam la zhugs kyang ltung ba med la/ bsod nams mang po rab tu 'phel bar 'gyur ro/ /byang chub kyi spyad pa rnam pa sna tshogs dang/ sems can yongs su smin par bya ba dang/ des na sems can yongs su smin par bya ba rnam pa sna tshogs te/ des na thams cad du gang na bdag dang gzhan gyi don du 'gyur ba chos nyid kyi rjes su 'brang zhing/ de de lta bur bya ba shes par bya'i sgra ji bzhin pa'i don du gzung bas ni ma yin no/ /de la blo gros chen po sgra gang zhe na 'di lta ste/ tshig dang yi ger phrad pa'i rnam par rtog pa yin te/ so dang 'gram pa dang/ rkan dang lce dang mchu sbyar ba las byung ba phan tshun smra bar rnam par rtog pa'i bag chags kyi rgyu las skyes pa ni sgra zhes bya'o/ /zhes pa la yi ger brjod pa ni sngon gyi goms pa'i mthu las kyang de ltar byis pa rnams la yang 'byung ngo/ /ji ltar lung ston pa pa rnams smra ba/ thog mar nan tan goms pas ni/ /sgra ni gong du rgyub ste/ /sgra yi goms pa med par yang/ /gnas rnams su ni thogs pa'o/ /byis pa rnams la yang sngon goms pa'i mthu nyid las sgra dang don tha dad pa'i rnam par rtog pa 'byung ngo/ /ji ltar slob dpon d+harma kIrtis sgrub par mdzad pa/ thog ma med pa'i bag chags las/ /rnam rtog byung la yod gnas pa/ /sgra don chos ni rnam pa gsum/ /dngos dang dngos med gnyis ka'i gnas/ /zhes te/ de'i phyir sgra ba rnams 'di skad ces 'dzir te/ sgra rnams rnam par rtog las byung/ /rnam rtog rnams kyang sgra las 'byung zhes te/ /des na de dag gis phyi rol gyi don la bag tsam yang reg pa med do/ /rang gi blo la yod pa'i rnam par rtog pa don gyi rjes su mthun par brjod par bya ba'i don chud par byed do zhes pa ste / blo yis sngar ni rnam rtag ste/ kha cig don du gzung bar byas/ /nan tan rnams ni log pa dang/ /tshig gis de ni rjes su 'dzin zhes so/ sangs rgyas pa rnams kyi khyad par ni/ /snang ba dang rnam par rtog pa'i don gcig tu byas te/ rab rib can gyi gnyis kyis zla ba gnyis su nor ba'i tshul du de la gdon mi za bar 'jug pa'i phyir des na don dam par sgra dang don gnyis sgra tshangs par smra ba lta bur tha dad pa med de/ sgra don tha dad pa ma yin kyang tha snyad du byed pa tha dad do/ /gang na sgra dang don dag de kho na nyid gnyis pa der mnyam par gnas pa'o/ /bar ti ka byed pas kyang sgrub par byed pa/ sbyor zhing tha dad med pa ni/ /don dam don ni bdag nyid kyis/ /gzugs ni gcig dang du ma bar/ /de ni blo yis 'khrul pa'o zhes so/ /thams cad mkhyen pas snang ba tha dad pa'i phyir sgra dang don tha dad bar ston pa/ de la blo gros chen po don gang zhe na/ 'di lta ste/ byang chub sems dpa' sems dpa' chen po gcig pu dben par song nas thos pa dang/ bsam pa dang/ bsgom pa'i rab kyis mya ngan las 'das pa'i grong khyer du 'gro ba'i lam rang gi blos bag chags kyi gnas rab tu gyur ba sngon du 'gro ba so sor rang gis rig pa/ 'phags @185a ? spyod yul sa dang/ sa'i gnas gzhan gyi bye brag tu don gyi mtshan nyid 'jug pa rab tu thob na don la mkhas pa yin no zhes bya ba ni tshig gi dbang po'i dbyangs thob pa'i shes rab kyis don thams cad la mi rtag pa dang/ bdag med pa dang mi mdzes dang/ stong pa'i rnam par 'jug par byed do/ /sems pa yang gang yod pa de skad cig pa dang/ thams cad stong pa dang bdag med pa ste/ thal mo'i sgra dang rmi lam dang mig 'phrul dang/ rab rib dang/ mig ? dang/ gzugs brnyan la sogs pa bzhin te/ phung por gnas ba med pa dang/ rnam par mi 'jigs pa med pa'i phyir nang stong pa nyid dang/ phyi stong pa nyid dang/ phyi nang gi stong pa nyid la sogs pa stong pa nyid thams cad kyi bye brag rtogs par byed do/ /rnam par gzhigs pa na phyi rol gyi phung por gnas pa gang yang med de/ khang pa dang sde dang/ nags tshal la sogs pa bzhin du stong pa nyid do/ /rtag pa ni ma skyes bsan ri bong gi rwa la sogs pa bzhin du dngos po med de/ nges na gang rnam par mi 'jig par kun brtags pa stong pa nyid do/ /de de ltar shes rab kyis dpyad pa na rtag pa dang/ bdag dang phyi rol gyi don mi dmigs so/ /gang gi tshe gcig pu dben par song nas 'dzin pa dang/ gzung bar kun b rtags pa'i dngos po cung zad kyang mi mthong ba de'i tshe bsam pa med cing snang pa med pa don dam pa'i bden pa mi gnyis par yang dag par rig cing myong ba'i mtshan nyid kyi lam mya ngan las 'das pa'i grong khyer du 'gro ba mngon sum gyi don du ting nge 'dzin gyi yul lo/ /rang gi blos zhes pa ni bdag nyid kyis thob kyi dbang bos rab tu sbyin pa la sogs pas ni ma yin te/ de las gzhan pa'i nges par 'jug ba'i dbang po'i shes pa dang/ dbugs thub pa myong ba bzhin @ 185b no/ /sa tha dad pa dbye ba na/ 'jig rten dang 'jig rten las 'das pa'i ting nge 'dzin gyi khyad par gyi bcun? gtso byang chub sems dpa' rnams kyi mngon par shes pa'i 'bras bu'i rim pa'i bye brag rnams te/ gong nas gong du bsod nams dang ye shes kyi tshags bdag dang gzhan gyi don du byung ba'i khyad par gyis thams cad mkhyen pa rnal 'byor gyi dbang po mchog tu yongs su dag pa'i 'dod chags dang bral ba/ gzugs sna tshogs kyi cho 'phrul gyis mdza' med pa'i sems can gyi rgyud kyi bsam pa mchog tu rangs ba byed pa rnams kyis sems can gyi don rgya cher 'khor ba yod kyi bar du 'jug go / sa dang po la 'jug pa nyid kyis sems can la phan pa'i phyir sems can thams cad la dga' ba'i sbyin pa rnams kyis rab tu dga' ba'i ting nge 'dzin gyi khyad par thob par 'gyur ro/ /dri ma med par ni dri ma gnyis kyi rnam par rtog pa thams cad las grol zhing sems can rnams la mi gnod pa'i phyir mi gnyis pa'i tshul khrims can rnams so/ /gsum por ni mchog tu zab mo'i chos la bzod cing sems can rnams kyis ngan du smras pa'i sdug bsngal yid la 'jog pa'i rnam par rtag pa dang bral ba rnams so/ /de bzhin du sa bzhi por gong nas gong du ye shes spro pa yongs su dag pa'i brtson 'grus can rnams sems can mdza' dag gdon pa'i mthu chen po can rnams so/ /sa lngar ni sems rtse gcig par btul ba'i bsam gtan las g.yo ba med pa'i blo can rnams so/ /drug por ni rten cing 'brel te 'byung ba mnyam par bsgrub pas gnyis dang tha dad pa chos dang/ gang zag la bdag med pa zab mo'i chos rnams la 'jug pa rnams so/ /bdun por ni byang chub kyi phyogs kyi chos sum cu rtsa bdun mchog tu rdzogs shing nyan thos dang/ rang sangs rgyas dang/ thun mong ma yin pa'i ting nge 'dzin can rnams khams gsum gyi 'dod chags dang bral ba rnams so/ /sa brgyad por ni rten cing 'brel te 'byung ba'i chos la skye ba dang/ gnas pa dang 'gog pa la sogs pa gzhan pa dang/ gzhan pa ma yin par byed pa dang/ byed pa por 'brel cing dngos po dang dngos po med pa'i rnam par rtog pa dang bral ba rnams so/ /ji ltar mdo sde 'dir gsungs pa/ /sa bdun dag ni sems yin te/ /snang ba med pa brgyad pa'o sa gnyis dag ni gnas yin te/ /sa gzhan nga yi rang bzhin no zhes pa ste/ gang nas bdun du phyin pa'i byang chub sems dpa' rnams dang/ nyan thos dang rang sangs rgyas dang/ mu stegs can rnams kyi spyod yul yang ma yin no/ /mi skye ba'i mtshan nyid de ni dngos po dang dngos po med pa'i rnam par rtog pa med pa'i dbu ma'i ye shes so/ /mi g.yo ba der yang sangs rgyas su lung ston pa'o/ /dgu rin bsam pa dang/ bag la nyal ba shes shing so so yang dag rig pa thob pa rnams so/ /bcur ni gzhan thams cad la phan pa'i phyir thams cad mkhyen pa kho na'i go 'phang 'thob pa'i don du chos kyis dbang bskur ba ste /phyogs bcu'i 'jig rten gyi khams na/ bzhugs pa'i sangs rgyas rnams kyis dbang bskur bar mdzad do/ /der yang nyon mongs pa med pa'i mi shes pa de'i 'og tu spang ngo/ /dar? srag mos g.yogs g.yogs pa bzhin du shes par bya ba'i dkyil 'khor thams cad sa bcur snang ngo/ /thams cad mkhyen pa rnams la ni sgrib ba med pas na sangs rgyas k yi sa'i khyad par de des na sa bcur song ba'i nyon mongs pa med pa'i mi shes pa mnyam par 'jog pa med pa la sogs pa'i mtshan nyid can bag chags dang ldan pa shes bya'i sgrib pa spang ba ni sa dang por mthong ba'i lam thob nas bsgom pa'i lam gyis sgom po dang bar ma dang phra mo dang/ de las phra ba dang/ yang phrar gso ste rim par phye zhing bag chags de sangs rgyas kyis la spong ngo/ /thams cad mkhyen pa nyid 'bras bur 'thob pa ni sa bcur rgya tshor ro/ /sa'i phyogs mdo sde 'dir zur? cam zhig bsnyad pa'i zla la 'ongs pa ni bshad do/ /de ltar na byang chub sems dpa' don la mkhas pa yin no/ /zhes bya'o/ /gzhan yang blo gros chen po sgra'i don la mkhas pa'i byang chub sems dpa' sems dpa' chen po sgra dang don dam don dang sgrub? yang gcig pa yang ma yin/ tha dad pa yang ma yin par/ yang dag par rjes su lta ste zhes pa ni/ kha cig sgra dang/ don gzhan pa'i don du zhugs pa rnams te/ ji ltar ni yi ya yi ka dang/ khyad par can dang/ grangs can dang/ 'jig rten rgyad phan pa rnams so/ /kha cig ni gzhan pa ma yin pa kho nar te/ ji ltar lung ston pa dang/ sgra tshangs par smra ba po rnams te/ sgra dang don tha dad pa ma yin par yang tha snyad du tha dad par byed kyang sgra dang don dag gi kho na nyid gcig ste/ de dag mnyam par gnas so/ /k+Sha pa na ka dang /spyod pa can rnams ni/ gnyis kar smra ba po rnams so/ /k+Sha pa na ka'i rnams 'gyur bar smra ba la gzhan par 'gyur ba dang/ gzhan pa ma yin par 'gyur ba dang/ gzhan pa dang gzhan pa ma yin par 'gyur ba ste/ khyad par gyi bdag nyid du gzhan par 'gyur ba dang/ spyi'i bdag nyid du gzhan pa ma yin par 'gyur ba dang/ spyi dang khyad par gyi bdag nyid du gzhan pa dang/ gzhan ba ma yin par 'gyur ba dang/ cig car smra bar mi bya ba dang/ bdun du 'byed pa'o/ /spyod pa can gyi kun rtog pa ni /dngos po gzugs ni du ma la/ /'dod pa'i gzugs su brtag pa ni/ /cig car rim gyis 'jug pa yis/ /tshig gi rnam pa gzhan med do/ /ji lta kha dog 'dres pa la/ /dngos po rnams ni sna tshogs phyir/ /'dod pa bzhin du kha dog 'dzin/ /de bzhin tha dad mi dmigs so/ /rab byung bden? chen khyi rnams kyang/ /bud med lus ni gcig po la/ /mi gtsang mdzes pa bza' bo zhes/ /rnam par rtog pa gsum rnams so zhes pa'o/ /mi gnyis par smra ba rnams la ni don dang gcig bar rigs te/ bslad pa rnams sna tshogs snang ba tha dad pa las sgra dang don yang tha dad pa rung ba ni tha dang rab rib can gnyis kyis zla ba sna tshogs su nor bu'i tshul gyis so/ /rnam par shes par smra ba rnams la yang smra dang don gyi snang ba tha dad par rung ste/ brtags pas de dag la gzhan pa dang gzhan pa ma yin pa'i tha? snyad rigs te/ snang ba sna tshogs kyi phyir ro/ /gang dag yang phyi rol gyi don du smra ba de dag gi rang bzhin gyi mtshan nyid ni smrar med de/ gzhan du mi dang 'brel bas ni/ /bdag tshigs ces ni tshor ba ste/ /gzhan du tshig pa'i sgra yis ni/ /sgra yi don ni shes par byed/ dbang po yi don ni gzhan du la/ /sgra yi spyod yul gzhan pa ste/ /sgra las mig med mthong yang ni/ /mngon sum du ni 'gyur pa med zhes so/ /brjod pa thams cad ni 'jug pa'i mtshan ma rnams kyis brjod kyi rang bzhin du ni ma yin no// ji ltar 'brel pa byed pas bsgrubs pa sgra rnams ni gsum gyi phyir 'jug ste/ rig dang yon tan dang byed pa'i smra rnams yod do zhes te/ ba dkar mo 'gro ba lta bu'o/ /sgra rnams 'jug pa'i mtshan ma bzhi pa ste/ ming gi sgra rnams yod pa ni ji ltar 'di the dang/ da wing thar ming du brtags pa'i sgra rnams te /nye bar brtags pa'i ris su 'jug pa'i rgyu'o/ /la las ni thog ma dang tha ma dang dus dang/ yul gyi rjes su song ba'i lha sbyin la sogs pa 'jug pa'i rgyur rtog pa'o/ /gang dag la yang nyi ma dang zla ba dang/ nam mkha' la sogs pa rnams la spyi gcig pa med pa de dag la ni rang bzhin la 'jug pa'i rgyu ste/ ji ltar 'grel pa las byung ba'o/ /gang na dngos po thams cad rang gi dngos por 'byung pas na de de dag gi dngos po ste/ de brjod pa ni kho na dad rang nyid du'o/ /zla ba'i zla ba kho na ni gang sim par byed pa dang/ ku mu da rnams rgyas par byed pa de'o/ /nyi ma'i nyi ma kho na ni/ gang snang bar byed ba dang/ padmo rgyas par byed pa'o/ /ba lang kho na ni gang rtswa za ba dang/ shing rta 'dren pa de'o/ /nam mkha' i de kho na ni nam mkha' kho na tshig 'khor ba ste/ der shing rta la sogs pa phrad dang bral ba tha dad par kun brtags pa ste/ yul mang po la gnas pas nam mkha' rjes su song bar kun rtog go /de bzhin du stong pa nyid la sogs pa'i sgra rnams dngos po dang/ dngos po med par spyir sgro 'dogs pas 'jug go / dkar po dang/ ser po dang/ dmar po dang/ mi dkar ba la sogs pa'i kha dog rnams kyi kha dog kho na ni gcig dang/ du me dang gzugs dang/ gzugs ma yin pa yin ches par mi byed do/ /des na spyir bkra ba la bkra ba kho na ni gzhan pa dang gzhan pa ma yin te/ sgro 'dogs pa 'ba' shig gis kun brtags pa'o/ /de bzhin du grang ba dang/ dro ba dang rlan pa dang/ sra ba la sogs pa rnams kyi grang ba kho na dang/ dro ba kho na dad/ rlan pa kho na dang/ sra ba kho na'o/ /gal te gzhan pa ma yin na ni de'i tshe grang ba dang grang ba ma yin pa dang/ dro ba dang dro ba ma yin pa dang/ rlan pa dang/ sra ba dag kyang de las bzlog par 'gyur na/ gang gcig gi gzugs yin pa/ de gnyis por mi rigs so/ /phyi rol gyi don du smra ba la gcig po la gzugs du ma kho nar ji ltar na rung/ gzugs gcig pa ni gcig pa kho na'o/ /zhes dbang pos smras pa ma yin no zhes de skad ces na ni gang gi tshe na de ltar gzugs du ma yang gcig par ji ltar rigs te/ de ltar na 'gro ba thams cad kyang gzugs gcig par 'gyur te/ phyug dbul ba dang/ grol ba dang/ mgrol ba la sogs pa'i? rim pa dmigs su med la/ grang ba dang/ dro ba dang sngon po dang/ ser bo la sogs pa rnams kyis don gyi bya ba byed pa gcig pa'i skyon du 'gyur ro/ /des na ji ltar grangs can la sogs pa phyi rol gyi don dkar po dang/ sngon po la sogs pa'i rang bzhin ni rang bzhin du mar mi rigs so/ /nor pa la bltos te/ de'i bdag dang/ bdag dang/ bdag gi gang yin pa dang/ nor bu'i gzugs kyang ji lta bu de yin pa de mi rung ngo/ /de ste nor pa sna tshogs kyi phyir du ma'i rnam pa rnam par shes pa la med na ni de'i tshe rab rib la sogs pa'i nor la bltos pas/ tshig gi don rnams kyi bdag nyid mdza' med par 'byung bar 'gyur ro/ /bar ti ka las dpyad ba ltar/ dmigs pa kun phyi rol gyi yin no/ /zhes spyod pa can gang gis kun tu rtog pa ni/ mar me la sogs sngon dmar du/ /rma bya'i mdongs ni snang ba ltar/ /mig 'phrul rnams kyi dkyil 'khor du/ /kun tu mthong bar byed pa'o/ /gang gi tshe shes par bya ba gcig la gzugs du ma mi rung ba de'i tshe shes pa rnam pa dang bcas pa kho na'o/ /de ltar yang/ blo ni sde sogs gzugs? kyi phyir/ /phyi rol don na cis na 'brel/ /blo la sngo sogs gzugs med na/ /de yi de myong ji lta bu zhes pa ste/ nam rnam pa dang bcas pa'i rnam par shes pa de na de ma gtogs par phyi rol gyi don gang yin/ 'on te rnam par shes pa la rnam pa med pa 'di ni sngon po'i myong ba yin gyi ser po'i ma yin no zhes rnam pa med pa'i shes pas myong ba'i rnam pa med par ji ltar na rung/ bag chags blo la rnam pa med/ /don ni rnam par bcas pa ste/ /zhes spyod pa can rnams de skad ces smras pa de la rab rib can gyi rnam pa mang po snang na/ ci phyir don de snyed de ltar yod dam de ltar na gzhan gyis ci'i phyir mi 'dzin/ des na nor pa'i mthus rnam par shes par smra ba la rnam pa sna tshogs kyi rnam pa'i rnam par shes pa snang ste/ /snang ba tha dad pas/ tshad ma dang gzhal bya'i tha snyad dang/ sgra dang don tha dad par de la gleng ba ci 'ang med do/ /nam shes rab kyis spyad de/ sbom po dang/ phra mo rnam par gzhigs te mi dmigs pa de la bsam pa med cing snang ba med pa don dam pa'i bden pa mi gnyis par rig pa dngos po dang dngos po med par rnam par mi rtog pa nyid gnas so/ /thugs rje'i bag chags kyis sad de dag pa 'jig rten gyi snang ba dang bcas pa'i ting nge 'dzin las thams cad mkhyen pa'i sgra dang don gyi tha snyad 'byung ba ni rtog pa dang mos pa dag gis ni/ 'jig rten lam du gnas pa na/ /shes dang so sor brjod pa yang/ /byis pa dang ni mkhas pa 'dra/ /de'i phyir de ltar sgra'i don gyi dbang du byas te/ des smras pa/ gang phyir sgra ni rjod pa yin/ /gang tshe don gang yid ches byed/ /de ni sgra yi don du smras/ /don gyi mtshan nyid gzhan med do/ /blo gros chen po gal te sgra dang don du tha dad na ni don gsal bar byed pa'i rgyu sgra ma yin par 'gyur na/ nor rdzas la mar me bzhin du don de la sgras rjes su 'jug go / 'di lta ste/ blo gros chen po skyes bu la la zhig mar me thogs nas phyogs 'di nang gi nor 'di lta bu 'di yod do zhes nor la lta ba zhes pa ni rtags phal? bltos te/ sgra ni gsal bar byed pa'i rgyu yin gyi/ byed pa'i rgyu ma yin pa ni ba dan la sogs pa bzhin no/ /gang gi phyir zhe na/ sgra brjod pa las don gang yid chas par 'gyur ba de nyid sgra'i don yin gyi gzhan ma yin no zhes thams cad mkhyen pas dgongs pa'o/ /de bzhin du blo @189a g ros chen po tshig tu rnam par rtog pa'i sgra'i mar mes byang chub sems dpa' chen po rnams tshig gi rnam par rtog pa dang bral ba so sor rang gis rig pa'i don gyi yul la rjes su 'jug go zhes pa ni dngos dang dngos po med pa dang/ gnyis ka la gnas pa'i sgra thams cad nyid ni mngon sum dang/ mngon sum ma yin pa'i yul la spyir sgra'i don du sgro btags te gsal bar byed pa'i rgyu bsnyad pa yin gyi/ byed pa'i rgyu ni ma yin te/ spyir brtags pa'i don nyid las sgra rnams 'jug pa dang rang gi mtshan nyid bsnyad par byed do/ /de ltar na de dag brtags pa'i tha snyad kyis gsal bar byed kyi/ rang bzhin gyis sgra dang don du 'brel ba med cing/ rgyu dang 'bras bur ma yin pa ni de dag mi 'brel ba'i dngos po ma yin pa'i phyir ro/ /ji ltar smras pa/ sgra ni brjod par gyur pa na/ don la the tshom rab tu 'byung/ de ltar mngon sum mthong ba dang/ mtshan ma las ni nges par 'gyur zhes pa ste/ ji ltar sgra'i don gyi rnam par rtog pa la rjes su dpags te?/ spyi las khyad par gyi mtshan nyid gsal bar byed pa de bzhin du sgra'i don spyir las kyang sgra dang bral ba rang gi mtshan nyid du 'gro ba/ bsam pa med cing snang ba med pa/ don dam pa'i bden pa mi gnyis par yang dag par rig pa'i chos nyid la btsun gtso'i byang chub sems dpa' 'jug go zhes bya'o/ /thams cad mkhyen pas sgra'i don mngon sum dang rjes su dpag pas sgrub par mdzad pa/ gzhan yang blo gros chen po ma skyes pa dang/ ma 'gags pa dang/ rang bzhin gyis yongs su mya ngan las 'das pa dang/ theg pa gsum ni theg pa gcig pa dang/ chos lnga dang sems dang/ rang bzhin la sogs pa la sgra ji bzhin du /mngon @ 189b bar chags pa la brten nas mngon par chags pa zhes te/ sgra ji bzhin par gzung bar mi bya'o zhes thams cad mkhyen pa gsung ngo/ /sgra dang don spyir 'jug pa la yang/ rigs pa dang/ lung gis 'gal ba med par 'ga' zhig spyad par bya'o/ /de? ste ma skyes pa dang rang bzhin gyis mya ngan las 'das pa'i rnams ni mo gsham gyi bu lta bur chos rnams 'dzin na ni de'i tshe kun nas nyon mongs pa/ rnam par byang ba rnam par gzhag par ji ltar na 'gyur/ des na bkri ba'i don rnams kyis nges pa'i don nyid shes par bya'o/ /de ste yang ma skyes pa dang/ ma 'gags pa dang/ rang bzhin gyis mya ngan las 'das pa rnam pa de lta bu rnams la don gyi bye brag med par 'gyur na ni de'i tshe sems can rnams la 'khor ba dang/ mya ngan las 'das pa med de/ chos ni gang/ gang gis sun/ ci'i phyir na ston/ theg pa gsum ni/ theg pa gcig ces pa der yang dgongs pa'i khyad par shes par bya ste/ mna' ba' i rgyur ni mya ngan las 'das par nga smra zhes dam pa'i chos puN+Da ri ka las so/ /'dir yang/ de dag ting nge 'dzin myos pa rnams/ zag pa med pa'i dbyibs na gnas zhes pa'o/ /dgongs pa nges par 'grel pa las ni gang dag la snying rje'i sa bon yod pa de dag ni sangs rgyas su bya bar nus so/ /gang dag yang zhi ba phyogs gcig gi 'dod chags dang bral ba ni zhi ba nyid du gnas so/ /de de ltar na dam pa'i chos kyi bkri ba dang/ nges pa'i don gyi bye brag yongs su shes pa'i phyir mkhas par bya'o/ /chos lnga ni de dag ming la sogs pa rnams brtags pa dang/ gzhan gyi dbang dang/ yongs su grub pa'i nang du gtogs so/ /de la ming dang/ mtshan ma dang/ brtags pa dang/ yang dag pa'i ye shes dang/ de bzhin nyid du 'byed pa ni chos lnga zhes bya'o/ /de la ming ni kun brtags par bsdu'o// mtshan ma ni kun gzhi rnam par shes pa ste/ lus dang longs spyod dang/ gnas su gsal bar snang ba gzhan gyis dbang ngo/ /de nyid rnam par rtogs pa ste/ des na rnam par rtog pa'i der bsdu'o/ /khyad par du ni kun brtags pa ste/ yang brtags pa la sogs pa'i yul med pas na yul med pa'o/ /bam pa'i chos kyi lugs kyis brtags pa dang/ kun rtags pa'i khyad par de'o/ /dbus mdza' rnam par 'byed pa las/ yang dag pa'i ye shes dang de bzhin nyid ni yongs su grub pa'i mtshan nyid du byams pas gsungs pa'o/ /de'i phyir yang dag pa'i ye shes dang/ de bzhin nyid yongs su grub par bsdu'o/ /'phags pa'i bden par chos lnga bsdu ba ni/ kun nas nyon mongs pa rnams ni sdug bsngal ba dang kun 'byung du'o/ /dag pa ni 'gog pa dang lam du'o/ /de de ltar sgra ji bzhin pa tsam du dam pa'i chos kyis don gyi bye brag mi shes so/ /des na sgra ji bzhin pa'i don gzung bar mi bya'o/ /rigs pa dang lung gis dam pa'i chos kyi don ji ltar rung ba de ltar dpyad par bya'o/ /klung gang+gA'i bye ma snyed kyi bsod nams thob bo zhes zung gis mdo la sogs pa'i mdo sde las byung ba der yang don shes par bya'o/ /sems can thams cad la byang chub kyi sems bskyed pa mnyam pa nyid dang/ chos la mngon par? dang cing mnyan pa la sogs pas sangs rgyas dang mnyam pa nyid thob pa'i phyir bsod nams thob bo zhes thams cad mkhyen pas dgongs pa'i don du brtag go /byang chub sems dpas bsod nams gang/ bskal pa bye bar bsags pa ni/ /gzungs sngags 'di ni 'chang ba na/ /zla gcig gis ni thams cad gnon zhes pa yang sbyin pa dang/ tshul khrims dang/ bsams pa'i bsod nams ni bsgoms pa'i bsod nams kyis zil gyis gnon to/ /sbyin pa'i bsod nams snga ma de ni sgom pa'i brgya'i char mi bod do/ /zhes bya ba la sogs pa ni rdo rje gcod pa la sogs par dam pa'i chos su klogs pa dgongs par gsungs par brtag go 'dir dam pa'i chos kyi 'grel pa langkar gshegs par yang bcom ldan 'das kyis rang gi dgongs pa rab tu bstan pa ni sangs rgyas thams cad dang mnyam pa nyid kyi phyir ba yang sangs rgyas de nyid do/ /rang gis yang dag par rig pa'i chos nyid kyi dbang du mdzad de gsungs pa/ mngon par sangs rgyas nas yongs su mya ngan las 'das kyis bar du chos ma bshad zhes so/ /de bzhin du bdun brgya pa las/ dngos po med pa'i de bzhin gshegs pa dang/ dngos po med pa'i de bzhin nyid ces te/ der ni rang bzhin gyis 'od gsal ba'i chud pa la glo bur gyi gnyis kyi rnam pa dang bral ba'i phyir dngos po med pa'o zhes dgongs pa'o/ /rang bzhin ni chos lnga'i gnas te chos kyi dbyings so/ /rang bzhin gyis yongs su mya ngan las 'das pa ni thog ma nas zhi ba'o/ /ma skyes pa dang ma 'gags pa ni chos dang gang zag la bdag med pa'i skad cig pa la skye ba dang/ gnas pa dang/ 'gog pa la sogs pa byed pa dang byed pa po la sogs par 'brel par kun brtags pa ni tha dad pa dang tha dad pa ma yin par mi rung ngo/ /chos la bdag med pa la yang 'dzin pa dang gzung ba'i rnam par skye ba med de/ rmi lam dang mig 'phrul la sogs pa bzhin no/ /bdag dang gzhan gyi dngos por so sor snang bar 'byed pa'i rnam par rtog pa med pa'i phyir gnyis su med pa la yang tha dad pa mi rtog go / brjod du med pa'i skad gcig pa'i rgyud la rang gi bdag nyid la rig par bya ba dang/ rig pa po'i dngos por sems kyang mi rgyun yi ge dang sgra rnams lta ci smos te/ thugs rje'i bag chags kyi sad nas gzhengs te/ dag pa 'jig rten pa snang ba dang bcas pa'i ting nge 'dzin la thams cad mkhyen pa bzhugs pa rnams kyi chos ston pa 'byung ngo/ /zhes lan du mar bshad pa yin no/ /sgyu ma sna tshogs mthong ba'i rnam par rtog pa lta bur sgro 'dogs pa dang skur pa'i lta bar ltung ba yin te/ rnam pa gzhan du gnas pa la rnam pa gzhan du so sor rnaM par rtog pa zhes pa ni yod do zhes sgro 'dogs pa dang med do zhes bskur ba ste/ ji ltar 'phags ma shes rab kyi pha rol tu phyin pa dang dkon mchog brtsegs pa la sogs pa las mdza' gnyis rnam par bcad pa ni dbu ma'i nan tan zhes so/ /ji ltar 'di nyid du thams cad ni rtag pa dang/ mi rtag pa dang/ byas pa dang ma byas pa ma yin/ thams cad ni ther zug pa dang/ theg zug pa ma yin pa'ang ma yin/ thams cad ni 'dus byas dang/ 'dus ma byas ma yin/ thams cad ni rgyu dang 'bras bu ma yin/ yod pa dang med pa ma yin/ gnyis ka dang gnyis ka ma yin pa 'ang ma yin no/ /zhes bya ba la sogs par bram ze 'jig rten rgyang phan bsun dbyung ba'i phyir gsungs pa rang gi sems snang ba tsam khong du ma chud pa'i phyir srin bal gyi srin bu rnams kyis bdag nyid kyis bdag nyid 'ching ba byas pa bzhin du phyi rol gyi rnam par rtog par lta ba'i mu stegs byed rnams gnyis kyi rnam par ltung ba yin no/ /sems ni sgyu ma lta bu ste/ snang ba tsam pa ni phyi rol gyi med pa la sgre btags te snang ba ji bzhin pa la byis pa rnaMs rnam par rtog pa ltar ni med do/ /'di lta ste/ blo gros chen po sgyu ma sna tshogs ni rnam pa gzhan du lta ba yin na byis pa rnams rnam pa gzhan dang so sor rnam par rtog ste/ 'phags pa rnams kyis ni ma yin no zhes pa ni rtag pa dang/ bdag dang/ 'dzin pa dang/ gzung ba dang/ byed pa dang/ byed pa po dang/ bskyed pa dang/ skyed pa po dang/ rgyu dang 'bras bu dang/ byas pa dang ma byas pa dang/ rtag pa dang chad pa dang/ yod pa dang med pa dang/ gnyis ka la sogs bar smra ba gnyis gyi rnam par shes pa la byis pa rnams kyis kun rtog gi / brjod du med pa bsam pa med cing snang ba med pa don dam pa'i bden pa yang dag par rig pa la ni 'phags pa rnams kyis mi rtog go /der bdag dang gzhan gyi dngos por tha dad par snang ba'i rnam par shes pa med pa'i phyir de la brtag pa dang/ mi rtag pa dang/ byas ba dang/ ma byas pa dang/ byed pa dang/ byed pa po dang/ rgyu dang 'bras bu la sogs par 'byed pa 'am/ yod pa dang med pa dang/ gnyis ka la sogs par snang ba'i rnam par rtog pa med do/ /'on kyang thugs rje'i bag chags kyis sad nas dag pa 'jig rten gyi snang ba dang/ bcas pa'i ting nge 'dzin gyi thams cad mkhyen pas rang gi mtshan nyid mi gnyis ba mdzub btsugs bzhin du spyi'i rnam par bsnyad par mdzad do/ /de bzhin du yang shes rab can rnams shes rab kyis dpyad cing chos dang gang zag la bdag med par mi rtag pa dang/ sdug bsngal ba dang/ mi mdzes pa dang/ stong pa'i rnam pas 'jug pa ni rmi lam dang sprin las glog 'gyu pa bzhin no/ /spyi'i rnam par bsnyad pa la yang gnyis kyi cha stong pa dang/ 'gro ba skad cig pa'o zhes shes rab kyis khyad par gyis rjes su 'jug go /dge slong khyod med par 'gyur ba lta bur de kho na nyid bsgoms shing ces nas des kyang dud pa dang khams dang skye mched la sogs pa rnam par phye ste/ gang gis lus kyi rdul phra mo 'dus pa skad cig pa la de bzhin du byas nas de ltar bdag tu chags pa nye bar zhi ste/ des rtogs par 'gyur ba lta bu'o/ /de bzhin du 'gro ba rmi lam la sogs pa bzhin du stong pa ste/ skyes bu 'am skyes pa med par chos la bdag med par rtogs shing phyi rol gyi phyogs kyi cha tha dad pas phye ba na stong bar mthong ste/ rtag pa dang/ bdag dang/ bdag gi la sogs par chags pa ldog go /ji bzhin sgra zhes bya ba la sogs pa ni gzugs la sogs pa'i sgra thos nas phyi rol gyi bar kun rtogs pa dang/ la las rtag pa dang/ bdag dang/ bdag gir sgro 'dogs so/ /de ltar na yang log pa'i shes pa las 'khor ba'i sdug bsngal rjes su 'brel bar 'gyur ro/ /phung po rnams la zhes bya ba la sogs pa ni ji bzhin du phung po rnams la rtag pa'i bdag sgro 'dogs pa de bzhin du de ma skyes pas na mo gsham gyi bu la sogs pa bzhin du dngos po med do/ /phung po rnams gzhan gyi dbang du gyur ba ni nang blongs pa'i mthu las rab rib dang/ mgo 'khor ba dang/ brgyal ba'i rnam pa lta bur gsal ba der rtag pa la sogs pa'i rnam par rtog pas sgro 'dogs sa/ /dngos po thams cad ces bya ba la sogs pa ni rtag pa dang/ bdag dang phyi rol dang bde ba dang/ gtsang bar rnam par sgro btags te/ ji ltar byis pas rnams brtags bzhin/ /de dngos po dang dngos po med pa de bzhin na ni thams cad kyis yang dag pa mthong ba yin no/ /chos rnams thams cad ces bya ba la sogs pa la chos thams cad ni gzugs la sogs pa ste 'dzin pa dang bzung ba'i rnam pas med pa'i phyir ro/ /de lta bas na de dag la nyon mongs pa dang/ dag pa med de 'khrul pa'i rnam pa'i phyir te/ rmi lam du kun nas nyon mongs pa dang dag pa bzhin no/ /so sor snang ba tsam du de dag ni gzugs brnyan la sogs pa bzhin no/ /mthong ba dang mi mthong ba las dngos po dang dngos po med pa'o/ /ji ltar 'phags pa shes rab kyi pha rol tu phyin pa bar? 'byung ba rab 'byor chos thams cad ni bcings pa yang med bkrol ba yang med pa ste/ btags pa'i bdag dang bdag gis rnams kyis dngos po med pas na 'ching ba dang grol ba med de/ ri bong gi rwa dang mo gsham gyi bu la sogs pa bzhin no/ /gzhan gyi dbang rnams ni skye ba'i rang bzhin med de/ rang bzhin gyis rmi lam gyi thar pa bzhin no/ /rang bzhin gyis 'od gsal ba'i chud pa rnams glo bur gyi gnyis kyi rnam par stong pa nyid do/ /de dag rin po che dang gser la sogs pa bzhin du rang bzhin gyis dri ma dang 'brel pa las rnam par dag par 'gyur pa ni ma yin no/ /des na chos thams cad la kun nas nyon mongs pa med pa dang/ rnam par dag pa med do zhes dgongs nas/ rab 'byor chos thams cad bcings pa med pa dang/ bkrol pa med pa'o zhes so/ /'phags pa lang kar gshegs pa ye shes dpal bzang pos sbyar ba'i le'u gsum pa las sgra ji bzhin pa'i don la dgongs pa spyad pa drug go/ //gzhan yang blo gros chen po ye shes dang rnam par shes pa'i mtshan nyid khyod la bshad do zhes bya ba la sogs pa de la/ blo gros chen po ye shes rnam pa gsum ste/ 'jig rten pa dang 'jig rten las 'das pa dang 'jig rten las 'das pa'i mchog go /zhes bya ba la sogs pa ste/ de la skyes nas 'jig pa ni rnam par shes pa'o/ zhes bya ba ni thog ma dang tha ma'i dus kyi gnas tha dad pa dang bral ba'o/ /se gol gyi sgra dang glog la sogs pa lta bu ni 'jig pa'i ye shes su brtag go /ma skyes mi 'jigs ni ye shes so zhes pa ni gang skye ba dang 'jig pa rnam pa tha dad par snang ba'i chos kyi rnam par rtog pa med cing skad cig pa de ni 'jig rten las 'das pa dang/ gang gi phyir zhe na/ gnyis kyi rnam pa dang bral par mthong ba'i phyir ro/ /skye ba dang 'jig pa la sogs pa'i chos ni 'jig rten pas rnam par rtog go// // @193a yang na tha dad pa dang tha dad pa ma yin par lung ston pa rnams kyis so/ /sangs rgyas pa rnams kyi ni byed pa dang byed pa po dang mngon par 'brel ba med pa'i rten cing 'brel de? 'byung ba ste/ ji ltar/ 'dus byas thams cad skad cig ma/ /mi brtan byas ba ga la zhig /gang byung byed pa de nyid do/ /byed pa por yang de nyid brjod ces te/ des na lhag pa'i skye ba dang/ 'jig pa med pas na ma skyes pa mi 'jig par chos dang gang zag la bdag med par dgongs pa ste/ mu stegs byed rnams kyi nyid ma skyes pa mi 'jig pa ni ma yin no/ /ye shes ni bdag la sogs pa bzhin du rtag pa ste/ ji ltar skyes bu'i rang bzhin ni tshor ba can no zhes grangs can rnams so/ /'o na snang ba ci zhig ces pa dang/ 'di bdag ste rang snang ngo zhes te/ rang nyid yang dag par rig pa'i rang bzhin no/ /zhes rig sngags 'dzin pas bsam pa'o/ /der ni sgra dang don la bslad pa'i bdag dang gzhan gyi grub pa'i mthar smra rnams kyi rtsod pa che zhing mang ngo/ /ma skyes pa dang 'jig pa med pa'i ye shes la ji ltar kha cig smra ba/ yang dag par ni 'dus byas stong/ /rgyu bzhin rkyen las byung ba'i phyir/ /'dus ma byas kyang yang dag min/ /yang dag min pa mkhaS min bzhin/ /zhes te/ gang skye ba dang 'gag pa de ni kun rdzob bden pa'i ye shes te/ rmi lam dang mig 'phrul la sogs pa bzhin no/ /don dam pa'i bden pa ni rang bzhin med pa ste/ ri bong gi rwa la sogs pa bzhin du ma skyes pa dang ma 'gag pa ste/ de nas sangs rgyas kho na ye shes kyang kun rdzob kyi bden pa'o/ /don dam ba'i bden pa ci yan zhes pa la ci'ang ma yin te/ dngos po med pa'i rang bzhin zhes so/ /la la yang rang gi rnam par rtog pas bslad de/ @ 193b ma skyes pa dang/ mi 'jig pa ni sgra'i don tag pa tsam gyis de dag rtsod de kun nas nyon mongs pa dang rnam par byang ba'i chud pa la 'khor bar sdug bsngal tshor ba dang/ grol ba'i dus na sdug bsngal med par 'gyur bar dgongs na dam pa'i chos mi shes so/ /de ltar na yang gnas kyi rim par dbye ba na/ ji ltar na rtag pa yin/ ma skyes pa dang ma 'jig pa gsungs su zin kyang/ skye ba dang byed pa dang byed pa po 'brel par mngon par chags pa gzhan pa dang gzhan pa ma yin par gsal ba'i phyir te/ de bzhin du gang zag la bdag med pa la yang brjod do/ /chos la bdag med pa la yang ji ltar dgongs pa nges par 'grel ba las gsungs pa/ don rnam pa sna tshogs kyi rnam pa gzhan gyi dbang la skye ba'i rang bzhin med pa ste/ rnam pa de lta bur mi skye ba ni rab rib la sogs pa'i shes pa bzhin no/ /don dam pa'i rang bzhin med pa ni rang bzhin gyis 'od gsal ba'i chung pa 'dzin pa dang gzung ba'i rnam pas stong pa nyid do/ /da yang 'dus byas dang/ 'dus ma byas pa kho nar brtag pas srid pa dang/ thar pa'i rgyun du 'byung ba'i bde ba dang/ sdug bsngal la sogs pa'i rim par dbye ba na skad cig pa nyid do/ /dbang po la sogs pa sus kyang ma byas pas des na 'dus ma byas pa kho na'i rgyun ni de bzhin gshegs pa byung yang rung ma byung yang rung ste/ chos nyid yongs kyis gnas so/ /des na 'dus byas dang 'dus ma byas shes bya ba'i tshig 'di ni ston pas btags pa'o/ /'dus byas kho na 'am 'dus ma byas khon bar tha snyad du bya ba de de ltar bkri ba'i don du dgongs pa'i khyad par gang dag gis mi shes pa de dag ma skyes pa dang/ mi 'jig brtag bar rtog go /kha cig gis ni rang bzhin med pa ste/ kha cig skad cig pa ni kun rdzob kyi bden pa kho na dang/ dngos po med pa ni don dam pa'i bden pa kho na zhe'o/ /gang gis sangs rgyas kyis dngos por yang stong par klog go /gzugs la sogs pa'i phung po gzhan gyi dbang gi rnam pa gnyis rnam pas stong pa nyid de/ de bsam pa med cing snang ba med pa yang dag par rig pa la gnod pa med pa'i phyir don dam pa'i bden pa med do/ /ji ltar rdo rje gcod pa las byung ba/ ji tsam du mtshan phun sum tshogs pa de tsam du brdzun no/ /ji tsam du mtshan phun sum tshogs pa med pa de tsam du mi brdzun no/ /bcom ldan 'das ma las mtshan med ces pa ni gnyis su med bar yang dag par rig cing brjod du med pa'o/ /chos dang chos can du 'byed bar ji tsam du mtshan nyid du kun rtog pa de tsam du gzhan pa dang gzhan pa ma yin par mi rung ngo/ /grang ba dang dro ba dang/ gzugs dang gzugs med pa lnga mi rtag pa la sogs pa rnams kyi spyi'i yon tan la sogs pa'i chos lta bur kun brtags pa/ gal te chos can de dag las tha dad par 'gyur du zin na ni grang ba la dro ba dang/ gzugs can gzugs med ba dang/ rtag pa la sogs pa'i rang bzhin du phyin ce log par 'gyur ro/ /tha mi dad pa'i phyogs su ni chos dang/ chos can dang/ mtshan ma'i gzhi dang/ mtshan ma tha mi dad par 'gyur ro/ /'dus byas thams cad ni kun rdzob kyi bden pa ste/ rmi lam dang/ mig 'phrul la sogs pa bzhin no/ /de las bzlog pa ni don dam pa ste/ de yang 'dus byas sam/ /'dus ma byas pa dpyad par bya ste/ gnyis kyi rnam pa'i gzhan gyi dbang ni kun rdzob shes pa'o/ /de dang mtshan nyid mi mthun pa ni nges par 'jug pa'i dbang po'i shes pa yang dag par rig pa bzhin no/ /ci gnyis su med par grub pa'i ye shes ni don dam pa'i bden pa yin nam/ yang na ci gnyis pa dang mi gnyis pa'i 'dus byas kyi mtshan nyid dang/ mi mthun pha mo gsham gyi bu dang/ ri bong gi rba med pa'i rang bzhin don dam pa'i bden pa yin/ ma skyes ba dang/ mi 'jig pa ni dgongs par bshad ba dang bral te/ sgra ji bzhin pa ni de'i tshe kun nas nyon mongs pa dang rnam par byang bar mi rung ngo/ /brtag pa lta bu dang/ gzhan gyi dbang bzhin du grub pa yang med do zhes gang smras ba de ni dam pa'i chos la sdug bsngal 'byung ba'i las sgrub bar byed de/ dgongs pa nges par 'grel ba las thams cad mkhyen pa'i dgongs pa'i don de nyid sgyu ma lta bu'i rten cing 'brel te 'byung ba thog ma dang tha ma'o mthar stong zhing dbus su gnyis kyi rang bzhin gyi stong pa nyid do/ /skad cig pa gcig ni thog ma dang/ tha ma'i mdza' i skad cig pa dang 'brel pa med do/ /des na byed pa dang phyed pa po dang mngon par 'brel pa dang bral ba snga ma'i 'og tu 'di yod na 'di yod do zhes bya'o/ /de ltar yang skye ba dang/ gnas pa dang/ 'gog pa la sogs pa'i chos rnams skad cig pa gcig la yod pa ma yin te/ des na skye ba dang/ 'gag pa med pa ni rten cing 'brel te 'byung ba'o zhes thams cad mkhyen pas dgongs pa'i don to/ /de ltar yang chos dang gang zag la bdag med pa chos nyid dang mi 'gal lo/ /chos la bdag med pa ni gnyis kyi rnam pas ma skyes pa rmi lam dang mig 'phrul la sogs pa bzhin no/ /gang zag la bdag med pa yang gang yod pa thams cad skad cig pa ste/ se gol gyi sgra dang/ glog dang/ 'bab chul sogs pa bzhin no/ /rtag pa ma skyes pas na mo gsham gyi bu la sogs pa bzhin du dngos po med do/ /gang yang skad cig pa mngon sum pa'o zhes brjod pa ji ltar na rung/ la las skad cig pa drug du gnas zhes der rtog pa ni sa gol gyi sgra'i dus na skad cig pa drug cu rtsa bzhi 'da' ba lta bu'o/ /kha cig smra ba/ rmi lam gyi dus yun thud du de yang lo brgya la sogs par tshor ba myong ba ste/ de de bzhin du skad cig gis dus la chud pa so sor nges pa med cing 'khor bar snang ba'i tshad la dus gsum gyi rtog pa med do/ /de bas na 'khor ba med pa'i phyir thar bar rnam par rtog pa gang yid ches par byad ba ga la zhig ces pa ni rgyud thams cad dang 'gal bar smra ba'o/ /tshad ma dang gzhal bar bzhag ba ni snang ba ji bzhin pa dang rjes su mthun par gnyis dang mi gnyis par smra ba la sogs pas de khas len to/ /ji ltar se gol gyi sgra dang glag la sogs pa rnams kyi skad cig pa thog ma dang tha ma'i dus dang bral pa shin tu myur bar 'jig pa mngon sum pa de nyid skad cig pa kho na'o/ /gang yang grangs can dang na yi ya yi ka dang khyad par can rnams kyi skad cig pa drug tu gnas par kun rtog pa de ni rim gyis 'byung gi cig car ni ma yin no/ /ji ltar grangs can rnams kyi skye ba dang yod pa dang 'gyur ba dang rnam par 'phel ba dang/ zad par 'gyur ba dang/ rnam par 'jig ces pa ni dngos po'i 'gyur ba rnam pa drug cig car mi 'byung ste/ rtogs par mi 'byed pa'i phyir ro/ /ne yi ya yi ka la sogs pa'i skad cig pa rnams kyang skad cig pa'i dus la de las phyi ma'i skad cig la gzhan gyi dngos po rtog par mi 'gyur ba ni ji ltar yang ba dang 'brel ba dang/ gnas ba'i dus dang/ yon tan gzhan 'byung ba'i dus dang/ dmigs pa'i dus dang/ rnam par 'jig pa'i rgyu gnyen pa'i dus dang/ rnam par 'jig pa'o/ /de de ltar rims kyi 'byung ba'i skad cig pa rnams dus gcig tu 'byung ba med do/ /ji ltar ni shin tu myur du 'jig pa'i rnam pas skad cig pa drug gi bar du gnas par rung/ skad cig pa rnams kyis ji ltar se gol gyi sgra'i dus la skad cig pa drug cu rtsa bzhi 'gyur zhes te/ de bzhin du mthe bong dang/ sor mo'i yan lag rims kyis reg nas phrad pa'i 'og tu skyes pa'i sgra la skad cig par thos so zhes pa de bzhin du grub pa'i mdza' thams cad la skad cig bar rab tu grub pa'o/ /rmi lam gyi dus ltar rab tu bslang ba yis 'khrugs pa'i tshud pa la dus yun thung du dang ring por nges pa med do/ /gang yang don dam pa'i bden pa gnyis su med pa'i skad cig pa yang dag par rig ba de la bdag tha dad par 'dzin pa med do/ /'on kyang snang ba dang bcas p a thams cad mkhyen pa'i dag pa 'jig rten gyi ye shes kyis skad cig re rer myong ba lta bur thog ma dang tha ma'i dus kyi rim pa tha dad pa dang bral ba'i skad cig pa rtog pas na 'dod chags la sogs pa'i sgrib pa dang bral ba thams cad mkhyen pa'i ye shes la dus gsum gyi don gang yin pa don de dben par snang ba ni mig gi ling tog med pa lta bu'i ye shes pa la'o/ /'dod chags la sogs pas 'khrugs pa la ni nye bar gyur kyang ye shes mi 'jug go/ gang gi tshe na 'dod chags la sogs pa dang bral bar rgyur ba de'i che na nyon mongs pa kun dang bral ba'i ye shes kun tu 'jug go / gzhan yang blo gros chen po mtshan ma dang mtshan ma med par ltung ba'i rnam par shes pa zhes bya ba ni gzugs la sogs par snang ba'i mtshan nyid kyi mtshan mar ltung ba ste/ phyi rol gyi dmigs pa med par yang nang 'khrugs pa'i mthu las mgo 'khor ba dang/ brgyal ba sogs pa bzhin du rnam pa sna tshogs pa'i rnam pa'o/ /mtshan ma med par ltung ba ni gang gi tshe na gzugs ni rdul phran gzhigs pa na/ rdul phran cha ni med pa ste/ zhes par shes rab kyis dpyad de mtshan ma mi dmigs pa de'i tshe na bsam pa med cing snang ba med pa don dam pa'i bden pa mi gnyis pa yang dag par rig pa nyid gnas so/ /yod pa dang med par lhung ba dang zhes bya ba la yod pa dang med pa ces bya ba ni phyis pa rnams kyis gnyis kyi rnam pa'i shes pa la tha dad pa'i tha snyad yod kyi/ don dam pa'i bden pa mi gnyis pa'i ye shes la ni dngos po dang dngos po med pa'i rnam par rtog pa so so tha dad par snang ba ni med do/ /gnyis kyi rnam pa'i shes pa de yang gzhan gyi dbang ngo/ /mtshan nyid sna tshogs kyi rgyu las skyes pa zhes pa ni bslad pa ni sna tshogs kyi mtshan nyid mtshan ma rgyu gang la yod pa ste/ rnam pa sna tshogs de lta bu'i gzugs gang na yod pa de la de skad ces bya'o/ /gang sna tshogs pa de rgyu sna tshogs las skyes pa ste/ de tshon du mas ri mo bris pa bzhin no/ /'khor bar yang bde ba dang sdug bsngal la sogs pa tha dad par dbye ba rnam par shes pa sna tshogs pa yin te/ des na skye bo rnams kyis las du ma'i rgyu skyes par shes pa'o/ /mtshan ma dang mtshan ma med pa las shin tu 'das pa'i mtshan nyid ni ye shes so/ /zhes pa ni dngos po dang dngos po med pa la sogs par rnam par rtog pa'i mtshan ma las 'das pa'i mtshan nyid can ni ye shes te/ bsam pa med cing snang ba med pa don dam pa'i bden pa mi gnyis par yang dag par rig pa ni mtshan ma thams cad las 'das pas na der yod pa dang/ med pa dang rtag pa dang mi rtag pa dang/ bde ba dang sdug bsngal ba dang/ bdag dang bdag med pa dang/ mdzes pa dang mi mdzes pa la sogs par tha dad par snang ba'i rnam par rtog pa'i mtshan ma med pa'i phyir ro/ /thams cad mkhyen pa'i ye shes dag pa 'jig rten gyi snang ba dang bcas pa las de lta bu rnam pa thams cad so sor snang ngo zhes so/ /sogs pa'i mtshan nyid ni rnam par shes pa'o/ /zhes pa ni rnam pa sna tshogs kyi rnam pa'o/ /gang gi tshen mtshan ma shes rab kyis dpyad de sbom po dang phra mo rnam par gzhigs te/ rnam par mi dmigs pa de'i tshe na bri ba'i mtshan nyid bsam pa med cing snang ba med pa don dam pa'i bden pa mi gnyis pa yang dag par rig pa gnas so/ /de la ye shes ni rnam pa gsum ste/ zhes pa gang yang dag par rang dang spyi'i mtshan nyid rtogs par byed pa ste/ de la rang gi mtshan nyid ni thun mong pa ma yin pa'o/ /spyi'i ni spyir rjes su song zhing rnam par rtog pa'i rnam par brjod par bya ba'o/ /rang dang spyi'i mtshan nyid rtog par byed ba de ni tha dad kyis shes pa ste/ sgra dang don gyi rang bzhin pa gzhan gsal bar rgya cher shes par bya'o/ /skye ba dang 'jig ba rtogs par byed pa ni skad cig gi rnam par shes pa ste/ se gol gyi sgra'i rnam par shes pa bzhin te/ thog ma dang tha ma'i dus kyi rim pa dang bral ba skad cig par rtogs par byed pa'o/ /skye ba med pa dang 'gog pa med par rtogs par byed pa ni khyad par can rnams dang lung ston pa la sogs pas skad cig pa la thogs ma dang bar dang tha ma'i dus su skye ba dang/ gnas pa dang 'gog pa la sogs pa'i chos rnams kun tu brtags pa ni byed pa dang byed pa po dang mngon par 'brel ba lhag par dmigs su med de/ 'dus byas thams cad skad cig pa/ /mi brtan byed pa ga la zhig /gang byung byed ba de nyid de/ byed pa por yang de nyid brjod ces pa ste/ de de ltar gang zag la bdag med pa la skye ba dang 'gog pa med par rtog pa skad cig mar 'jig pa'o/ /chos la bdag med pa la yang gnyis kyi rnam pa skye ba dang 'gog pa med de rmi lam dang mig 'phrul la sogs pa bzhin no/ /de ? 'jig rten pa'i ye shes ni gang zhe na/ yod dang med pa'i phyogs la mngon par chags pa mu stegs byed dang byis pa so so'i skye bo thams cad kyi'o zhes pa ni rtag pa'i bdag ni yod la gzugs ni med pa ste/ bdag gis skad cig pa yang @197a myong ba na bde ba dang/ sdug bsngal la sogs pa yod ces pa de yang dag par tshor bar dbye ba na bdag dang tshangs pa dang dbang bo la sogs pa mi rtag pa nyid do/ /rmi lam du ni gzugs med la gnyid kyi ma log pa na yod ces par phyogs su mngon par chags pa'o/ /de la 'jig rten las 'das pa'i ye shes ni rang dang spyi'i mtshan nyid du lhung ba'i bsam pa la mngon bar chags pa nyan thos dang rang sangs rgyas thams cad kyi'o/ /zhes pa ni phyi rol gyi don la mngon par chags pa rnams kyi ni rang dang spyi'i mtshan nyid du mngon bar chags pa'o/ /de la rang gi mtshan nyid ni sa la sogs pa 'byung ba sra ba dang/ gsher ba dang/ dro ba dang g.yo pa'o/ /de dag gi spyi'i mtshan nyid ni rtag pa dang/ sdug bsngal ba dang/ bdag med pa dang/ mi mdzes pa la sogs pa'o/ /phyi'i gzugs med pas na sra ba la sogs pa'i rang gi mtshan nyid dang/ mdzes pa dang mi mdzes pa la sogs pa spyi'i mtshan nyid kyang med de/ 'dod chags dang bral bas 'khor ba'i sdug bsngal 'ba' zhig de dag la med do/ /de la 'jig rten las 'das pa mchog gi ye shes ni sangs rgyas dang byang chub sems dpa' rnams kyi snang ba med pa'i chos la rab tu rnam par 'byed pa zhes bya ba ni gang gi tshe na shes rab kyis dpyad de/ sbom po dang phra mo phyogs kyi cha tha dad par phye/ dmigs su med cing stong nas de'i tshe bsam pa med cing snang ba med pa don dam pa'i bden pa mi gnyis pa yang dag par rig pa gnas so/ /skye ba med pa dang 'gog pa med par mthong ba dang/ yod pa dang med pa'i phyogs dang bral ba zhes pa ni skye ba dang 'gog pa la sogs pa'i chos rnams gzhan gyi dbang gi skad cig pa yang mi snang na gnyis med pa lta ci smos/ yod pa dang med pa'i phyogs dang bral ba ni brjod du med pa'i mi gnyis pa ste/ @ 197b de bzhin gshegs pa'i sa'i spyod yul can ni chos la bdag med pa thugs su chud pa las 'byung ngo/ /thams cad mkhyen pa'i mi gnyis pa sngon gyi de ma thag pa'i skad cig pa ni dag pa 'jig rten pa'i snang ba dang bcas pa'i ting nge 'dzin la snang ngo/ /gnyid kyis ma log pa'i tha snyad lta bur rmi lam dang 'khrul pa la sogs par slu ba med pa des kyang rgyud gzhan du brtags pa'i rgyu las skyes par rigs so/ /gzhan du ni dgongs pa med par rigs sngags 'dzin pa lta bur de skad su zhig gis ston par 'gyur/ gsol ba dang lan du dgongs pa rgyud gzhan ma rtogs par ni sprul pa bsam pa med cing sems can ma yin pas dris pa'i lan ji ltar na glon/ /gsol ba'i lan nor pa med pa de ni dag dang gzhan gyi rgyud kyi brtaD pa bzung nas lan bka' stsal te/ des na bzhengs pa rjes su dpag go /dgongs pa nges par 'grel ba las/ sangs rgyas bcom ldan 'das rnams kyis bzhengs pa gsal bar gsungs pa'o/ /'on te yang rgyud gzhan gyi dgongs pa med par gsol ba'i lan ma nor bar 'gyur ba na ni de'i tshe rgyud gzhan med bar gsol ba'i lan ma nor bar gyur te/ des kyang rgyud gzhan du grub pa mi 'grub pa'i skyon du 'gyur bas na der sprul pa la 'gag pa med do/ /gzhan yang blo gros chen po chags pa med pa'i mtshan nyid ni ye shes so zhes pa ni gong yul rnams su chags pa med pa de ni chags pa med pa'i mtshan nyid kyi mi gnyis pa'i ye shes so/ /yang na dag pa 'jig rten pa'i ting nge 'dzin la bzhugs pa'i thams cad mkhyen pa'i ye shes ni shes par bya ba'i dkyil 'khor mdza' dag la thogs pa med pa'o/ /'dod chags la sogs pa'i sgrib pas bsgribs pa ni/ /spyod yul la so sor chad pa med kyang nye bar gyur pa la yang yongs su gsal bar mi 'jug go /yul dang dus la sogs pa'i bye brag gis la la dpag tshad gcig dang/ la la dpag tshad gnyis la sogs par kha cig la cung zad cig de ltar mngon sum du 'gyur ro/ /dbang po las 'das zhes bya ba cung zad kyang med de/ sngags dang mig rtsi grub pa rnams kyis re lde dang/ rtsig pa la sogs pas bar bcad kyang mthong ngo/ /pra sen byas pas dus gsum gyi tshig gi don thams cad snang ngo/ /des na bag chags dang bcas pa'i 'dod chags la sogs pa nyon mongs pa'i sgrib pa spangs te/ thams cad mkhyen pa'i ye shes mig gi ling tog dang bral ba bzhin shes par bya ba dkyil 'khor thams cad du chags pa med par 'jug go /yul sna tshogs la chags pa'i mtshan nyid ni rnam par shes pa'o zhes pa ni gzhan gyi dbang du dgongs pa'o/ /de yang rnam pa gnyis te rnal 'byor pa rnams kyi ni thugs rje'i bag chags sad nas rdzogs longs spyod pa dang/ sprul pa'i sku'i mtshan nyid sna tshogs pa snang ngo/ /'khor ba ba rnams kyi ni ma rig pa dang las rnam pa sna tshogs smin pa'i mthu las lha dang mi la sogs par snang ngo/ /gzhan yang blo gros chen po gsum 'dus pa'i bya ba skye ba dang ldan pa'i mtshan nyid ni rnam par shes pa'o/ /zhes pa ni ma rig pa dang/ sred pa dang len pa gsum 'dus te bya ba skye ba ni 'khor ba'i mtshan nyid kyi rnam par shes pa'o/ /mi ldan pa'i ngo bo nyid kyi mtshan nyid ni ye shes so/ /zhes pa na grol ba gnyis su med par dgongs par brtag go /thob pa med pa'i mtshan nyid ni ye shes te zhes pa ni/ gang gis rang bzhin gyis 'od gsal ba'i chud pa'i rang bzhin la lhag par cung zad kyang thob par byed pa med de/ gang shes par bya ba 'ba' zhig go zhes de ltar dgongs pa'o/ /bdag gi so so rang gi 'phags pa'i ye shes kyis rtogs pa'i spyod yul zhes pa ni/? 'phags pa rnams kyi rang gis yang dag par rig pa tsam ste/ bsam pa med cing snang ba med pa don dam pa'i bden pa mi gnyis pa dngos po dang dngos po med par rnam par mi rtog pa'o/ /mi 'jug mi 'byung ba'i phyir chu la chu zla bzhin no zhes pa ni byed pa dang byed pa po 'brel pa med de/ dngos po thams cad byed pa med pa ste/ de bas na 'phags pa rnams kyis ye shes 'byung ba na/ gang nas kyang mi 'od la 'gag pa na yang tshogs su mi 'gyur te/ des na ma 'jug mi 'byung ste/ byed pa med pa'i phyir chul chu zla bzhin te/ thog ma dang mdza' ma'i mdza' stong zhing bar du rang bzhin gnyis kyis stong pa mi gnyis pa'i ye shes te/ gzugs brnyan dang 'dra ba sngon gyi ye shes kyi rang bzhin no zhes thams cad mkhyen pas dgongs pa'i don du brtag go / sgra'i don la don rnam pa du ma yod pas na khyad par du dgongs pa'i don du thams cad mkhyen pa nyid tshad ma'o/ /khong du chud pa dang bzung ba'i phyir thams cad mkhyen pas bsdu ba'i tshigs su bcad pa rnams kyis chud par mdzad pa/ ? sems kyis su ni las rnams sogs/ /ye shes kyis ni sogs dang bral/ /shes rab kyis kyang snang med pa/ /shes pa ni sems kyis bsams te/ las gang dge ba dang/ mi dge ba byed pa de'i 'bras bu yod do/ /dus phyi nas 'byung ba'i ye shes kyis rnam pa tha dad pa'i rnam pa sna tshogs pa dang bral bas de'i 'bras bu yongs su mi rdzogs so/ /bdag dang gzhan gyi rgyud kyi dbang las blong zhing mnyam par mi 'jog pa'i ma rig pa dang/ las rnam par smin pa'i mthu las mgo 'khor ba dang/ brgyal ba la sogs pa bzhin du rnam pa sna tshogs rnam par shes pa la so sor snang ba gang gi tshe na shes rab kyis spyad de/ shes par bya ba gzhigs pa ni mi dmigs pa de'i snang ba med pa don dam pa'i bden pa mi gnyis pa nyid gnas so/ /des na thugs rje'i bag chags kyis glengs te/ sna tshogs kyi rnam pa'i ye shes rnal 'byor ba rnams kyis 'thob pa ni gzhan gyi don du rdzogs longs spyod pa dang sprul pa la sogs pa'i sku'i mtshan nyid snang ba'o/ /dag pa 'jig rten pa'i ting nge 'dzin la bzhugs te/ thams cad mkhyen pa snang ba dang bcas pa ni phan pa thams cad mdzad bar spyod par rtag go /soms? ni yul dang 'brel pa ste/ /rtog pa la ni ye shes 'jug /snang ba med ba'i bye brag la/ /shes rab yang dag rab tu 'jug / ces pa la/ sems ni lus dang longs spyod dang/ /gnas su snang ba'i kun gzhi rnam par shes ba'o/ /zhes 'di nyid du gsungs pa ste/ des na de yul dang 'brel to/ /rtog pa la ni shes pa 'jug ces pa ni 'jug pa'i rnam par shes pa'i nang nas yid kyi rnam par shes pa'o/ /gang gi tshe na yang dpyad cing yul mi dmigs pa de'i tshe snang ba med cing/ bsam pa med ba don dam ba'i bden ba mi gnyis ba'i bye brag la shes rab rab tu 'jug go /yul med bas na bsam pa med pa'i phyir gnas kyi rnam pa dang bral ba'i yang dag par rig pa la gnas so/ /sems dang yid dang rnam shes dang zhes pa ni/ sems ni kun gzhi rnam shes te/ /dar sems nyid ni yid yin no/ /gang gis yul rnams 'dzin pa ni/ /de ni rnam par shes zhes bya zhes pa ste/ gzhan gyi dbang yul dang/ /yul can gyi dngos po gsal ba'i rnam par shes pa'o/ /rtog pa ni rtog pa dang/ bdag dang phyi rol gyi rdzas la sogs pa'i yul gyi 'du shes tsam pa ste/ brtags pa la ni yul med de/ gzhan gyi dbang la'o/ /nyan thos las ni khyad par du ni btsun gtso'i byang chub sems dpa' rnams kyis chos nyid thob pa ste/ grub pa mi gnyis pa'i chos nyid thob pa'i bar du'o/ /zhi dang bzod pa'i khyad bar la/ /de bzhin gshegs kyi ye shes dge /bye brag don du de skye ste/ /kun tu rgyu ba rnam par spangs zhes pa la/ zhi ba dang bzod pa'i khyad par ni sa gong nas gong du rtogs pa'i khyad par ro/ /de bzhin gshegs kyi zhes pa ni ye shes te/ sa bcu'i dbang po rnams kyi nyon mongs pa med ba'i mi shes pa spang bar bya ba/ de bzhin gshegs pa'i ye shes kyis nyon mongs pa bag chags dang bcas pa rnams spangs pa'i phyir ro/ /de yang mnyam par mi 'jog pa'i mtshan nyid can te/ khamS gsum gyi 'dod chags dang bral ba rnams la kun tu rgyu'o/ /nyon mongs pa bag chags dang bcas pa spangs pas thams cad mkhyen pa nyid ni khyad par te/ der yang skyon kun tu rgyu ba med pa ni yon tan thams cad kyi tshogs pa dang ldan pa'i phyir ro/ /da'i shes rab rnam gsum ste/ zhes bya ba la sogs pa ni thos pa dang sems? pa dang sgom pa'i phyir te/ chos kyi de kho na nyid yang dag par 'grel ba ste/ 'thob pa'o/ /theg pa gnyis dang mi ldan zhing zhes pa ni nyan thos dang/ rang sangs rgyas kyi theg pa dang mi ldan pa rnams so/ /shes rab snang ba rnam par spangs zhes pa ni btsun gtso'i sangs rgyas dang byang chub sems dpa' rnams kyi ste/ gang gi tshe shes rab kyis dpyad cing phyi rol gyi rdul phra mo dang/ yan lag can gyi rdzas tshogs kyi cha tha dad par phye ste/ ma dmigs pa de'i tshe snang ba dang bcas pa spangs par 'gyur ro/ /dngos po yod par chags bas ni zhes pa ni phyi rol gyi don mngon par chags pas nyan thos rnams kyi 'byung bar 'gyur ro/ /sams tsam la ni 'dzug bsan bde gshegs shes rab dri ma da? ces pa ni gang gi tshe phyi rol gyi sbom po dang/ phra mo dang rdul phra mo las kun brtags pa dpyad cing phyogs kyi char 'byed pas phye ba na mi dmigs pa de'i tshe? rmi lam dang/ mig 'phrul dang/ mag? 'khor ba dang/ /brgyal ba la sogs pa'i gzugs lta bur 'gro ba sems tsam du rtogs par 'gyur ro/ /de yang shes rab kyis mi dmigs shing thos pa dang/ sems pa ni bsgoms baS rab tu dga' ba la sogs pa'i sa? nas brtsams nas de bzhin gshegs pa'i sa dri ma med ba'i bar du chos dang gang zag la bdag med bar rab tu rtogs pas ting nge 'dzin thob ste/ mchog gi yang mchog tu byed bar phye bas khyad bar thob bo/ /'phags pa langkar gshegs pa'i le'u gsum gyi bshad pa las ye shes kyi khyad par dpyad pa bdun pa'o/ / //gzhan yang blo gros chen po mu stegs 'gyur bar bya ba rnams kyi 'gyur bar lta ba rnam pa dgu yod de/ 'di lta ste/ dbyibs 'gyur ba zhes bya ba la sogs pa ste/ grangs can rnams ni gnas las gzhan du 'gyur ba'o/ /spyod pa can rnams kyi ni tha dad pa dang/ tha dad pa med par 'gyur ba'o/ /k+Sha bana ka rnams kyis ni bdun du 'byed par 'gyur ba ste/ de de ltar na grangs kyis 'byung ba rnam ba dgu'o? dpe gser ni 'gyur bar smra ba thams cad la mtshungs so/ /gser ni rtag pa zhes te/ gang du bu dang/ dpung rgyan dang/ spen tog dang/ g.yung drung dang/ mgul 'khor la sogs pa'i dbyibs kyi rgyan du tha dad par dbye ngan yang de nyid rgyun du 'byung ngo zhes te/ thams cad mkhyen pas kyang de bzhin du snga ma'i phyogs su gsungs pa la skad cig tu 'jig pa ni phyi ma'i phyogs te/ gang yod pa de thams cad se gol gyi sgra dang/ 'bab chu la sogs pa bzhin du skad cig pa'o/ /rtag pa ni ma skyes bas na mo gsham gyi bu la sogs pa bzhin du med do/ /'on te gdu bu'i rang bzhin gyi gser dngos po gcig pa'i phyir rtag pa po zhe na ni spen tog la sogs pa'i dngos por mi rung ngo/ /snga ma'i rang bzhin zhig la de bzhin du phyi ma'i dngos por 'byung gser zhes bya ba ji ltar na rtag pa yin/ gang yang ser po'i rnam par rgyun tu 'byung ba ni der 'dra ba'i skad cig pa gzhan 'byung ba ste/ 'bab chu lta bu skra dang so la sogs pa bcad nas yang skyes pa lta bur so sor shes pa yang 'jug pa yin gyi rtag bas ni ma yin no/ /dbyibs 'gyur ba ni thams cad ma byen pa bdag nyid kyis gdu bu dang spen tog la sogs pa'i dpes bshad do/ /lhag pa ni 'o ma dang chang la sogs pa'i dpes de nyid kyi nang du gtogs par mdzad pa'o/ /de la da ltar gyi dus kyi mu stegs pa rnams 'di ji lta bur 'jug pa de ltar bshad par bya'o/ /gang dag gi blo yang nub par gyur ba de dag gi yang brtag cing bshad bar bya ste/ sgra'i don ni don du ma yin pas ni/ thams cad mkhyen pa nyid der mkhyen to/ /kha cig ni rgyu la rtog ces pa ni tshangs pa dang dbang po la sogs pa rnams las sa dang chu la sogs ba'i gzugs 'gyur ba ni gzhan pa dang gzhan pa ma yin par rnam par spangs pa'o/ /mtshan nyid ni mtshan ma ste/ de bzhin du 'gyur bas na 'gyur ro/ /rgyu ni byed ba ste 'bras bu 'byung ba'i tshe de gzhan 'gyur ba'o/ /sbyor bas na sbyor ba ste/ mang po 'dus pa ni sbyor ba'o/ /de lta bur gyur pas dri dang sbyor ba bzhin du 'gyur ba'o/ /lta ba ni mthong ba ste/ rgyu'i tshogs pa de bzhin du chud pa ? bar 'gyur ba ste/ grangs can dang/ rig sngags 'dzin pa'i mthar smra ba la sogs pa bzhin no/ /yul sna tshogs bde ba dang sdug bsngal ba la sogs pa lta bar byed pa'i chud pa la skyes bus mthong ba tsam ni lta ba 'gyur ba'o/ /skye ba 'gyur ba ni snang ba dang mi snang bar 'byed pas yod ba skye ngan? 'gyur ro zhes grangs can rnams so/ /yod pa dang/ med pa dang/ gnyis ka dang/ gnyis ka ma yin par snang ba dang/ mi snang bar 'gyur zhes pa ni k+Sha pa na ka rnams so/ /tha dad pa dang/ tha dad pa ma yin par skye @201a bar 'gyur zhes pa ni/ spyod pa can rnams so/ /de la grangs can rnams kyi ni med pa ni mi skye med pa ni 'gag par mi 'gyur te/ gnas pa'i chos chos gzhan du rtog pa ste/ chos gzhan du 'byung ngo zhes pa ni 'gyur pa'o/ /k+Sha phan ka rnams kyi ni spyi'i bdag nyid du yod par 'gyur ba ni khyad par gyi bdag nyid du med bar 'gyur ba ni spyi dang khyad par gyi bdag nyid du yod ba dang med par 'gyur ba dang/ spyi'i bdag nyid du yod par 'gyur ba yang khyad bar gyi bdag nyid du smra bar mi bya'o/ /khyad par gyi bdag nyid du med par 'gyur ba yang spyi'i bdag nyid du smra bar mi bya'o/ /spyi dang khyad par gyi bdag nyid du yod pa dang/ med par 'gyur ba yang yul dang/ dus dang rim pa dang rnam pa la bltos te cig char smra bar mi bya'o/ /spyod pa can rnams kyi ni/ ji ltar kha dog 'dres pa la/ /'dod pa bzhin du kha dog 'dzin/ /de bzhin dngos po sna tshogs phyir/ /tha dad tha dad min dmigs pa'o/ /zhes pa ni sna tshogs pa cig par mi rung ste/ de bzhin du yang bdag gi gzugs dang gzhan gyi gzugs su dben pa med pa'i phyir gcig pa dang du mar yid ches bar mi srid do zhes rtsod pa 'di ni lan du mar sun phyung ba'o/ /dngos por 'gyur ba zhes pa la dngos po ni yod pa ste/ de'i 'gyur ba lung ston pa rnams kyis rtog pa ni de'i dngos po kho na dang nyid ces te/ de yang so so'i tshig gi don dang/ khams kyi don du smra ba ste/ ji ltar ha ri 'thor ba las byung ba/ de yod de ni che ba dang/ /bdag nyid kho na nyid sogs smras zhes pa'o/ /rkyen snang bar byed par 'gyur ba ni ji ltar shing gtsugs pa las me dang/ til rnams las mar dang/ khron pa las chu'o bya ba snang bar byed pa'i 'gyur ba ni ji ltar sprul gyis zos pa dang/ 'dus pas nyams pa la sngags dang/ sman la sogs pas srog chags snang bar byed cing /dbugs 'byin pa la sogs par byed par 'gyur ba'o/ /de dag de ltar thog ma dang/ tha na'i? rim @ 201b par tha dad par phye ba'i skad cig pa rnams rgyu rnam pa sna tshogs kyis 'byung pas shing dang thal pa la sogs pa bzhin du rnam pa tha dad pa rnams la bslad pa rnams kyis gcig par kun rtog go / mu stegs byed dag gis zhes pa ni rnam par sna tshogs su sprul pa'i sgra'i don du mar sbyor ba la sogs pa ste/ ji ltar gnyen des rnam par dag pa'i tshig 'di ste/ gang zhe na/ byang chub sems dpa' i tshig ces bya ba la sogs pa'o/ /chos thams cad stong pa'o zhes pa la/ kha cig gis ni mi rtag par khong du chud par byed pa'o/ /gzhan gyis ni gnyis kyi rnam pa dang bral bar ro/ /de bas na 'di skad du gsungs pa/ 'jig rten phan par dbyangs gcig khyod kyi las/ /mos pa sna tshogs laS ni dbyangs 'byung ste zhes pa'o/ /thams cad mkhyen pas bsdu ba'i tshogs su bcad pas don dam pa'i de kho na nyid ston par mdzad pa/ 'byung dang dngos dang dngos po la/ dus dang dbyibs dang 'gyur ba dang/ /srid pa bar ma bsdu ba yang/ /gang rtog de dag mi mkhas so/ /'jig rten rten cing 'brel 'byung bar/ /rgyal ba rnam par mi rtog ste/ /'on kyang 'jig rten 'di dag ni/ /rkyen nyid dri za'i grong khyer bzhin zhes pa ste/ ji ltar dgongs pa nges par 'grel pa las ji bzhin du gzhan gyi dbang gi rang bzhin med pa de bzhin du 'dzin pa dang/ gzung ba'i rnam pa 'byung bar mi rung ba ni rmi lam dang/ mig 'phrul la sogs pas so sor snang pa bzhin no/ /yang dag bar rig pa so sor snang ba tsam gyis phyir/ de la phyi rol gyi rnam par 'byung ba med do/ /gal te gnyis kyis rnam ba gzhon nu'i bu skyes pa dang/ 'chi ba bzhin du ma skyes na ni de'i tshes dang pha rol tu phyin pa la sogs pa'i 'bras bur snang cing gong nas gong du rgyu dang 'bras bu'i dngos pos tshogs yongs su skongs zhing ji ltar na 'tshang rgya zhes pa de ni rtog pa gzhan zhes bya ba ste/ skyes bu chen po'i sku la sogs pa'i mtshan nyid du snang ba sangs rgyas kho na yin kyang rmi lam dang/ mig 'phrul la sogs pa bzhin du de yang ma skyes pa ste/ de ji ltar zhe na/ rten cing 'brel te 'byung bas na skye ba la sogs pa'i chos rnams skad cig pa gang la yang tha dad pa med de/ snga ma'i gong du 'ba' zhig pa ni rang bzhin brjod du med cing rnam par rtog pa med pa la snang ba med pa don dam pa'i bden pa mi gnyis pa'i skad cig pa yang dag par rig pa rgyun du 'byung yang/ rig par bya ba dang/ rig pa'i dngos por gnyis kyi rnam par myong ba med do/ /sems rang bzhin bdag la don dam pa'i bden par rgyu ba med na yi ge dang sgra rnams su yang ci smos te/ dag pa 'jig rten pa'i snang ba dang bcas pa'i ting nge 'dzin la bzhugs pa na chos ston par 'byung ngo/ /rang gi rnam par rtog pa goms pa 'jug ces bya ba ni rang gi rnam par rtog pa la goms pas 'jug go zhes thams cad mkhyen pas gsungs pa la tshig sbyor bar bya ste/ lan du mar bshad par bya'o/ /mu stegs byed dag gis 'gyur ba re rer rnam par brtags te/ yod pa dang med pa ni gang yang mi 'gyur ro zhes bya ba ni yod par 'gyur bar mi rigs te yod pa'i phyir ro/ /med pa yang dngos po mi nus pa'i phyir te/ snga ma bzhin du bshad do/ /rang gi sems snang ba ma rtogs par phyi rol gyi dngos po rnams rmi lam bzhin te/ phyi rol gyi sgom po dang phra mo phyogs kyi cha tha dad par bya ba na khang pa dang/ sde dang/ nag tshal la sogs pa bzhin du stong par 'gyur ro/ /gnyis kyi rnam par shes pa la rgyu dang/ 'bras bu dang rtag pa dang mi rtag pa la sogs par 'gyur ba yongs su rtog na rmi lam dang mig 'phrul la sogs pa bzhin du gnyis kyi rnam pa rnams ma skyes bas 'dzin pa dang gzung ba'i dngos por rtag pa dang mi rtag pa'i rnam par rtog pa dang mi rung ngo/ /gnyis su med pa'i skad cig pa'i rgyun brjod du med pa yang ye shes yang dag par rig pa tsam gyi phyir der skad cig pa re rer rnam par rtog pa med do/ /dag pa 'jig rten pa snang ba dang bcas pa'i ting nge 'dzin las dbyangs kyi dkyil 'khor gyi tshogs bshad pa 'byung ngo zhes de skad du bshad pa'o// // de na 'jig rten rgyang phan la sogs pa gang dag smra ba rnams kyis 'byung ba dang/ dbang po la sogs pa rnams kyi 'gyur ba rtog pa de dag la yang srid pa bar mar 'gro ba'i chos gang yang 'jug pa 'am ldog pa med de/ rmi lam dang mig 'phrul la sogs par snang ba bzhin du yang dag par rig pa tsam gyi phyir ro/ /rnam pa de lta bur 'gro bar snang ba ni su yang 'gro ba med la/ 'ong ba yang med de chud pa stong pa'i phyir rmi lam ltar 'khor ba'i rim pa snang ba 'ba' zhig go /phyi rol gyi don med pas na 'gro ba yang med de/ ji ltar ting nge 'dzin gyi rgyal po las 'byung ba/ srid pa'i 'gro kun rmi lam mtshungs/ /su yang skye med 'chi ba med/ /las rnams byas kyang 'jig mi 'gyur/ /gnas dkar 'bras smin 'khor ba na'o/ /zhes pa ste/ 'phags pa lang kar gshegs pa ye shes dpal bzang pos bshad par sbyar ba'i le'u gsum pa las 'gyur pa dpyad pa brgyad pa'o/ / //blo gros chen po chos thams cad kyi sgra ji bzhin du mngon par chags pa'i mtshams sbyor ba ni tshad med de/ zhes bya ba la sogs pa la/ mtshan nyid la mngon par chags pa'i mtshams sbyor ba ni mtshan nyid mtshan ma ste/ tha snyad pa rnams kyis chos dang chos can gyi dngos por rtog go /rkyen la mngon par chags pa'i mtshams sbyor ba zhes pa la rkyen ni chud pa ste/ ji lta bur yid ches pa de lta bur yod do zhes te/ kha cig gis mthong ba ni mi 'thad pa ma yin no/ zhes so/ /yang na byed pa ste/ 'dis 'di yod do zhes byed pa dang byed pa po la mngon par chags pa'o/ /dngos po dang dngos po med par mngon par chags pa'i mtshams sbyor ba ni gnyid kyis ma log pa'i dus na yul dang yul can gyi dngos po yod la/ rmi lam gyi dus na med do zhes bya ba'i rnam par rtog pa mngon par chags pa'o/ /skye ba dang mi skye bar rnam par rtog pa la mngon bar chags pa'i mtshams sbyor ba ni 'khor ba'i dngos po ni skye la/ tshangs pa dang dbang po la sogs pa mi skye'o zhes mu stegs can rnam par rtog go /bde bar gshegs pa pa rnams kyi yang kun rdzob kyi bden pas 'jig rten skye la/ don dam pa'i bden pas mi skye zhes mod kyi/ rten cing 'brel par 'byung ba la skye ba la sogs pa bzhin lung nod pa ba la sogs pas kun brtags pa mi rung ste/ des na mi 'byung ba ni rten cing 'brel te 'byung ba'o zhes thams cad mkhyen pas dgongs ba'i don to/ /'gog pa med pa la mngon bar chags pa so sor rnam par rtog pa'i mtshams sbyor ba ni 'gog pa la sogs pa yang skad cig ma rtogs par yod pa ma yin no/ /rtag pa ni ma skyes pas na mo gsham gyi bu la sogs pa bzhin no/ /med pa ste log ma la mngon par chaD nas mu stegs can rnams kyi rtag par rnam par rtog pa'o/ /theg pa dang theg pa ma yin pa la mngon par chags pa so sor rnam par rtog pa'i mtshams sbyor ba ni mu stegs byed rnams kyi brtul zhugs dang/ bsam gtan la sogs pa thar pa'i phyir 'di ni theg pa'o/ /'di ni theg pa ma yin no zhes rnam ba mang por rtog go /'dus byas dang 'dus ma byas par so sor rnam par rtog pa la mngon par chags pa'i mtshams sbyor ba ni gzhan gyi dbang skad cig pa'i rgyun gyi rang bzhin rmi lam dang/ mig 'phrul la sogs pa lta bur 'gro ba 'di ni 'dus byas so/ /la las ni grub pa yang dag par rig pa med cing skad cig pa ma yin par 'dus ma byas par yongs su rtog go /la las ni dngos po med pa'i gzugs 'dus ma byas pa'o zhes don dam pa'i bden par rtog ste/ de 'di ni rtag pa'ang ma yin la dngos po med pa yang ma yin no/ /ji ltar dgongs pa nges pa'i don gyi mdo sde dgongs pa nges par 'grol pa las/ rigs kyi bu 'dus byas dang/ 'dus ma byas zhes bya ba'i tshig de ni ston pas brtags pa'o zhes pa ste/ 'dus byas pa 'am 'dus ma byas par tha snyad do/ /dbang po la sogs pa sus kyang de ma byas pas na des na 'dus ma byas pa ste/ chos kyi chos nyid de bzhin nyid rang bzhin gyis 'od gsal ba/ yang dag par rig pa'i chos nyid yongs kyis gnas pa de ni skad cig pa'i rgyun du 'dus byas pa/ brjod du med pa'i mi gnyis pa'i ye shes kyi rang bzhin don dam pa'i bden pa gnyis su med pa'i chos nyid du mtshams sbyor ba'o/ /sa dang sa'i rang gi mtshan nyid rnam par rtog pa'o/ mngon par chags pa'i mtshams sbyor ba ni rnal 'byor ba rnams la rang gi mtshan nyid tha dad pas sa tha dad pa'i phyir bdag dang gzhan gyi don du snang ba dang bcas pa dang/ snang ba med pa'i ting nge 'dzin gyi khyad par rnams 'byung bar 'gyur ro/ /rang gi rnam par rtog pa mngon par rtogs pa'i rnam par rtog pa'i mtshams sbyor ba ni sems can rnams kyi rtog pa sna tshogs ji bzhin pa de bzhin du sgra'i don rnams kyi don du mtshams sbyor ba'o/ /yod pa dang med pa'i mtshams sbyor ba ni cung zad cig 'ga' zhig la yod pa dang/ de cung zad cig med pa zhes te/ ji ltar smra ba po rnams la gnyis pa dang mi gnyis par 'byed par yod pa dang med pa zhes bya ba yang dag pa nyid do/ /ji ltar gnyis su smra ba po rnams la rmi lam gyi dus na ni gzugs med pa/ gnyid kyis ma log pa'i dus na ni yod do zhes so/ /mi gnyis par smra ba rnams la chud pa ni yod/ /chud par bya ba ni med do zhes 'di ni yod /'di ni med do zhes su smra ba po rnams kyi rnam par rtog pa rnam pa mang po byis pa rnam la yang yod pa dang/ med pa la sogs par rnam par rtog pa'i mtshams sbyor ba'i mdza' snyad do/ /gnyis su smra ba'i rnal 'byor pa rnams kyang phyi rol gyi gzugs la sogs pa mi rtag pa dang/ sdug bsngal ba dang/ mi mdzes pa'i yul yod do zhes mngon par chags pa'o/ /de'i chud pa kun tu 'khrugs nas mgo 'khor ba dang/ brgyal ba la sogs pa bzhin du gzugs la sogs pa sna tshogs tha dad pa rnams so sor snang ngo/ /nam shes rab kyis dpyad de/ sbom po dang/ phra mo rnam par gzhig cing mi dmigs pa de ni mi gnyis par smra ba rnams kyis gnyis kyi rnam pa stong par chud cing yod pa dang med pa'i rnam par rtog pa dang bral ba bsam pa med cing snang ba med pa/ don dam pa'i bden pa yang dag par rig pa gnas so/ /kha cig gis ni skyes pas na rmi lam dang mig 'phrul la sogs ba rang bzhin du de med do zhes smra ba ste/ sna tshogs kyi rnam pa la ni rmi lam la sogs pa'i shes pa lta bu ni gcig par mi rigs so/ /mi gnyis pa la ni gnod pa med pas na rang bzhin gcig cing yang dag par rig pa 'grub pa don dam pa'i bden pa'o zhes bshad par bya ba mang po la ni lan du mar bstan pa yin no/ /theg pa gsum dang/ theg pa gcig tu mtshams sbyor ba ni mi rtag pa dang sdug bsngal ba dang mi mdzes pa'i rang bzhin rnam par shes nas 'dod chags dang bral bar 'gyur te/ bral nas kyang 'khor bar rgyun 'brel pa'i las mi byed do/ /des na zhi ba phyogs gcig tu 'dod chags dang bral bar gnas te/ de de ltar nyan thos dang rang sangs rgyas kyi theg pa gnyis su gdags so/ /snying rje'i bag chags kyis sad de/ bag chags dang bcas pa nyon mongs pa med pa'i mi shes pa'i mnyam par mi 'jog pa la sogs pa nyes pa spangs te/ phan pa thams cad spyod pa thams cad mkhyen cing sangs rgyas nyid ni theg pa gsum mo/ /de de ltar mtshams sbyor ba tha dad pa ni mdza' med pa ste/ sems can gyi bsam pa'i sgra'i don du'o/ /'phags pa 'jam dpal gyis bstan pa/ chos thams cad mi 'jug par bshad pa las klog pa ni sangs rgyas kyi chos la mos pa med pI 'dod chags dang bral ba'i cha ba'i dus na sems can dmyal bar skye ba mthong ngo zhes pa dang/ bzod pa thob na ngan song 'gro ba med ces na/ de ji lta bur 'gyur/ der ni mtshams sbyor bar dgongs pa'i don brtag ste/ phyi rol pa 'dod pa'i 'dod chags dang bral ba chos dang gang zag la bdag med pa la mos pa med pa rnams la de skad du gsungs so/ /gang dag la snying rje'i sa bon yod pa de dag ni 'jam dpal sangs rgyas su gzung par nus so/ /chos bcu pa las/ de bzhin gshegs pa la phan pa'i rigs kyi bu lha sbyin rnam par thar pa thob pas sprul pa ston pa dang/ gang de bzhin gshegs pa la gnod pa de'i 'gro ba de lta bu'o zhes smra bar byed do/ /zhi ba phyogs gcig gi 'dod chags dang bral ba gnas so zhes bya ba des na mdo sde rnams su mtshams sbyor pa tha dad pa mdza' med de/ ji ltar gtsug tor gyi sngags kyis yungs kar la sogs pa la sngags btab ste/ shi ba'i lus la gtor na mtho ris su skye'o zhes der de'i smon lam gyi bsod nams su btab pa ste/ sngags brjod pas lha'i yon tan rjes su dran pa'i bsod nams te/ yon tan 'byung bar 'gyur bas thams cad du sdig pa zad par 'gyur ro/ /de de ltar dam pa'i chos kyi mtshams sbyor ba mdza' med do/ /byis pa so so'i skye bo rnams mtshams sbyor ba de dag la mtshams sbyar nas dngos po dang/ dngos po med par mtshams sbyor ba'i mtshan nyid la mngon par chags shing zhen pas so sor rnam par rtog cing/ dar gyi srin bu bzhin du rang gi rnam par rtog pa'i lta ba mtshams sbyor ba 'dod pa'i phyir rang gi rnam par rtog@205a ba'i lta ba mtshams sbyor ba'i skud pas bdag dang gzhan la yongs su 'khri'o zhes pa ni bdag dang gzhan gyi rgyud kyi dbang dang/ mnyam par mi 'jog pa'i ma rig pas rtag pa dang/ bdag dang gcig dang du ma dang/ phyi rol gyi bar rnam pa sna tshogs su mngon par zhen pa'i rang gi las gyi skud pas dar gyi srin bu bzhin du dkris pa'i byis pa so so'i skye bo rnams dngos po dang/ dngos po med par mngon par chags pas zhen cing rtag? pa dang bdag dang bde ba dang/ gtsang ba'i dngos por phyin ci log pas sdug bsngal myong ba yin no/ /gang gi tshe na yang shes rab kyis dpyad de/ mi rtag pa dang sdug bsngal ba dang/ stong par shes pa de'i tshe dben pa mthong pas sdug bsngal ldog go zhes thams cad mkhyen pas ston par mdzad pas na/ blo gros chen po chos thams cad rab tu dben par mthong bas 'di la mtshams sbyor ba dang/ mtshams sbyor ba'i mtshan nyid gang yang med do/ /blo gros chen po rnam par rtog pa mi 'jug pa'i phyir byang chub sems dpa' sems dpa' chen po chos thams cad la dben par lta zhing gnas so/ /zhes pa ste/ rang bzhin gyis gsal ba'i chud pa'i chos thams cad la 'dzin pa dang/ gzung ba'i rnam bar dben par mthong ba'i phyir rin po che dang/ gser la sogs pa dben pa bzhin du glo bur gyi nyes pa yongs su zad nas dngos po dang dngos po med pa'i rnam par rtog pa'i dri ma thams cad dang bral ba'i phyir dri ma med pa kho na ste/ des na byang chub sems dpa' rnam bsam pa med cing snang pa med pa don daM pI? bden pa mi gnyis par yang dag par rig pa mthong bar 'gyur ro/ /gzhan yang blo gros chen po phyi rol gyi dngos po dngos po med pa rang gi sems snang ba'i mtshan nyid khong du chud cing/ snang ba med pa rang gi sems tsam gyi rjes su 'drang ba dang/ yod pa dang med pa'i dngos po thams cad la rnam @ 205b bar rtog pa'i mtshams sbyor ba rab tu dben bar mthong bas chos thams cad la mtshams sbyor ba yang med mtshams sbyor ba'i mtshan nyid kyang med do/ /blo gros chen po 'di la gang yang 'chi ba yang med 'grol ba yang med de/ gzhan du na log par lhung ba'o blos bcings pa dang/ thar par shes so zhes pa ni phyi rol gyi dngos po dngos po med ces bya ba 'am/ lan mang por bstan pa yin te/ mdo sde gzhan dag las ni phung por mi gnas pa dang/ rnam par mi 'jigs pa med pa'i phyir zhes bya ba'o/ /dam pa'i chos thams cad kyi 'grel bar bshad pa ni/ gzugs ni rdul phran gzhigs pa na/ /rdul phran cha ni med pa ste/ zhes so/ /ji ltar khyad bar can la sogs pas yan lag can gyi rdzas kun brtags pa/ bcos pa dang ma bcos pa dang/ bsgul ba dang bsgribs ba dang/ ma bsgribs pa la sogs par tha dad par dbye ba na gcig par mi rung ba na khang pa dang/ sde dang/ nags tshal la sogs pa bzhin no/ /nyan thos theg pas rdul phra mo rnams las cha med par kun brtags pa dang/ bla 'og tu cah+gs par mi rung ste/ sems dang sems las byung ba bzhin no/ /gang gi tshe na yang de ltar rang gi sems tsam khong du ma chud pa'i phyir 'khor ba ni mgo 'khor ba dang/ brgyal ba la sogs pa bzhin du sna tshogs tha dad pa'i rnam par so sor snang ba ste/ nam shes rab kyis dpyad de mi dmigs pa de'i tshe na mtshams sbyor ba dang/ mtshams mi sbyor ba gang yang med do/ /snang ba med pa'i ye shes la 'ching ba yang med/ 'gro ba yang med do/ /yod pa dang med pa'i rnam par rtog pa las gnyis kyi rnam pa'i shes pa la 'ching ba dang 'grol ba so sor snang ba'i rnam par rtog pa rab tu 'byung ngo/ /bsam pa med pa don dam pa'i bden ba mi gnyis par yang dag par rig pa brjod du med pa rang gi rig pa'i mtshan nyid kyi rgyun la ni rnam par rtog pa med na shes par bya ba'i rnam pa 'dzin par 'gyur ba lta ga la zhig / dag pa 'jig rten pa'i snang ba dang bcas pa'i ting nge 'dzin la bzhugs pa na thams cad mkhyen pa'i chos ston pa yang 'byung ngo/ /de ci'i phyir zhe na/ 'di lta ste/ chos thams cad la yod pa dang med pa las mtshams sbyor ba mi dmigs pa'i phyir ro zhes pa ni gnyis ka yang yod par dus mtshungs pa'i phyir yul dang yul can gyi dngos por med pa dang/ phan pa dang phan par bya ba'i dngos po med ba'i phyir mi dmigs pa ste/ des na yod pa mi dmigs so/ /med pa yang ci la mi dmigs te yul med pa'i phyir ro/ /snga ma'i 'og tu shes pa 'ba' shig ste/ mgo 'khor ba dang /brgyal ba la sogs pa bzhin du sna tshogs tha dad pa'i rnam pa la dmigs pa yin gyis/ der phyi rol gyi don yod pa la dmigs pa ni ma yin no zhes thams cad mkhyen pas dgongs pa'i don du rjes su dpag go / yod pa dang med pa'i skad cig pa mi dmigs pas na rtag pa yang yul dang yul can gyi dngos por mi rung ba ni bde blag ste/ rang bzhin la khyad par du bya ba med pa'i phyir ro/ /skye ba'i yul 'byung ba dang/ 'dzin pa'i lta ba po dag gi khyad par yul 'dzin pa ste 'byung ba med do/ /des na skad cig pa yod pa dang/ skad cig pa ma yin pa med pa las kyang mi dmigs so/ /gzhan yang blo gros chen po byis pa so so'i skye bo rnams kyi mtshams sbyor ba rnam pa gsum mo/ /de ni 'dod chags dang zhe sdang dang gti mug yin te/ dga' ba'i 'dod chags dang ldan pa yang srid pa can gyi sred pa dang zhes pa ni 'dod chags de nyid kyi nang du gtogs par gsungs pa dga' ba'i 'dod chags dang ldan pa zhe ste/ sred pa dang 'dod chags gnyis ka yang chags ba'i mtshan nyid kyi phyir ro/ /gti mug thog mar byas nas 'dod chags dang zhe sdang 'byung ste/ rmongs pa med na gzhan du mi skye'o zhes bya ba'i phyir ro/ /rtag pa dang bdag tu chags shing bslad pa ni gti mug go/ de dag las 'gro ba rnams kyi mtshams sbyor ba 'byung ngo/ /'dod chags la sogs pa'i nyon mongs pas mtshams sbyor ba las 'gro ba lngar mtshams sbyor bar 'gyur ro/ /nyon mongS pa rnams kyis mtshams sbyor ba tshad nas ni srid pa'i mtshams sbyor ba med par 'gyur ro/ /gzhan yang blo gros chen po gsum 'dus pa'i zhes bya ba la sogs pa ni ma rig pa dang/ sred pa dang/ lan pa dang gsum 'dus pa las srid pa'i mtshams sbyor bar 'gyur ro/ /ma rig pa la sogs pa ldog pa ni srid pa yang ldog go /btsun gtso 'phags pa byams pa'i lugs ni rnam par thar pa gsum mthong ba'i phyir te/ stong pa nyid dang mtshan ma med pa dang/ smon ba med pa'i rnam par thar pa dang ldan pa nas mtshams sbyor ba thams cad ldog go zhes so/ /'dzin cing 'chang ba dang/ bde bar khong du chud pa'i don du bsdu ba'i tshigs bcad kyi don gsungs pa/ yang dag ma yin yongs rtogs ni/ /mtshams sbyor mtshan nyid ces bya ste/ /de ni yang dag yongs shes na/ /mtshams sbyor ba yi dra ba 'chang/ zhes pa ni btsun gtso'i 'phags pa byams pas dbus dang mdza' rnam bar 'byed par bshad ba 'dir rig par bya ste/ yang dag ma yin kun rtog ni/ /sems dang sems phyug khams gsum dang /yang dag ma yin kun rtog yod/ /de na gnyis po yod ma yin/ /stong pa nyid ni de na yod/ /de na yang ni de yod do zhes pa ste/ sems dang sems las byung ba rnams la gnyis kyi rnam pa'o/ /'o na stong pa nyid med ces pa dang/ des na gnyis kyi rnam pa dang dbral ba nyid yod do/ /ji ltar sems can thams cad kyi mi shes zhes pa dang/ gnyis kyi rnam pa dang bral ba nyid de la yang mnyam par mi 'jog pa ma rig pa'i thog ma med ba'i bag chags kyis g.yengs pa'i yang dag ma yin kun rtog yod/ 'dzin pa dang gzung ba'i rnam par rtog pa zhes bya ba'i don to/ /de ji ltar na spong bar 'gyur zhes pa dang/ de ni yang dag yongs shes dang/ mtshams sbyor pa yi dra ba? 'chang/ zhes thams cad mkhyen pas gsungs pa'o/ /yang dag ces bya ba de ci zhig zhe na/ btsun gtso 'phags pa byams pas bshad pa lta bu ste/ dmigs pa la ni gnas nas su/ /mi dmigs pa ni rab tu skye zhes pa'o/ /thams cad mkhyen pas kyang 'dir ston par mdzad pa/ phyi'i dngos po gsal nas su/ / shes pa tsam la 'jug pa ni/ /'di ni dbu ma'i nan tan du /nga dang gzhan gyis bstan pa'o zhes so/ /btsun gtso 'phags pa byams pas bshad pa ni 'phags pa lang kar gshegs pa dang/ dgongs pa nges par 'grel pa'i lugs so/ / dngos por shes pa'i spra 'dzin pas/ /ji ltar dar gyi srin bu bzhin/ /byis pa mtshams sbyor mi mkhas pa/ /rang gi rnam par rtog pas 'ching zhes pa ni rang gi sems mnyam par mi 'jog pa'i ma rig pas/ rtag pa dang bdag dang bde ba dang gtsang ba'i dngos por phyin ci log pa'i rnam par rtog pa rnams kyis byis pa rnams srid par 'ching bar 'gyur ro/ /mi rtag pa dang sdug bsngal ba dang mi gtsang ba dang/ stong pa yongs su shes pas 'grol lo/ /yang blo gros chen pos gsol pa/ gang bcom ldan 'das kyis 'di skad du rnam par rtog pa gang dang gang gis dngos po gang dang gang rnam par brtags pa de dag ni kun brtags pa nyid de/ de dag la yang rang bzhin med do/ /zhes bka' stsal pa/ bcom ldan 'das de gal te kun brtags pa nyid lags te/ dngos po'i rang bzhin gyi mtshan nyid mi rig na bcom ldan 'das de skad du bka' stsal pa/ chos thams cad kun tu brtags pa'i rang bzhin du gyur pas kun nas nyon mongs pa dang/ rnam par byang pa'i dngos po yang ma mchis par 'gyur ro zhes pa ni sgra dang don du sgro btags pa'i rnam par don dam pa'i rtog ba ste/ zhes blo gros chen blo gsol bar thugs dogs nas lan du gsungs pa ni/ bcom ldan 'das kyis bka' stsal pa /blo gros chen po de de bzhin te/ ji ltar smras pa bzhin no/ /blo gros chen po ji ltar byis pa so so'i skye bo rnams kyis dngos po'i rang bzhin rnam par brtags pa de lta bu ni ma yin no/ /de ni kun tu brtags pa nyid de /blo gros chen po dngos po'i rang bzhin gyi mtshan nyid mi rig go zhes pa ste/ byis pa rnams kyi ji ltar rnam par rtog pa de ltar don dam pa de kho na nyid ma yin no/ /blo gros chen po 'on kyang 'phags pa rnams kyis dngos po'i rang bzhin ji ltar rtog pa zhes pa ste/ ji ltar na rang bzhin gyis 'od gsal ba'i chud pa yin te/ don dam pa'i rnam par rtog pa thams cad dang dral ba yang dag par rig pa'i rang bzhin no/ /bsam pa med cing snang ba med pa don dam pa'i bden pa mi gnyis par yang dag par rig pa'i rang bzhin de de bzhin du 'phags pa'i ye shes kyis mngon sum du myong ngo/ /dag ba 'jig rten pa'i ting nge 'dzin la thams cad mkhyen pa zhugs pa na brjod du med pa skyed cig pa'i rgyun du 'byung ba ni byis pa rnams rtag ba dang bdag dang bde ba dang gtsang ba'i dngos por ji ltar phyin ci log pa de bsal ba'i phyir nges na ston to/ /'phags pa rnams la ni mi rtag pa dang/ sdug bsngal ba dang/ mi mdzes pa dang/ stong bar ston pa ste des ni byis pa'i shes pa las 'phags pa rnams kyi ye shes la khyad par yod do/ /gang gi tshon shes rang gyis dpyad de/ shes par bya bsgom po dang phr mo rnam bar gzhig cing mi dmigs pa de'i tshe bsam pa med cin gsnang ba med cing snang ba med pa don dam pa'i bden pa mi gnyis par yang dag dang rig pa 'phags pa rnams kyi rang bzhin gyis 'od gsal ba'i dngos po chud pa ste/ de ltar na dngos po dang dngos po med rnam par mi rtog pa'o/ /ji ltar 'phags pa shes rab kyi pha rol tu phyin pa las/ dngos po dang dngos po med par mnyam pa kho na ni rang bzhin du klog pa'o/ /'phags ba lang kar gsheD pa ye shes dpal bzang pos bshad pa sbyar ba'i le'u gsum pa las mtshams sbyor ba'i le'u dgu pa'o/ / //blo gros chen pos gsol pa/ bcom ldan 'das de gal te 'phags pa rnams kyis 'phrul dang sha'i mig gis ma lags kyis/ 'phags pa'i ye shes dang/ 'phags pa'i mthong ba dang/ 'phags pa'i shes rab kyi mig gis dngos po'i ngo bo nyid rtogs pa zhes bya ba rgya cher te/ de ji ltar byis pa so so'i skye bo rnams kyi rnam par rtog pa ldog par 'gyur zhes pa der ci dgos shes na/ 'phags pa blo gros chen pos gsungs pa'i don ji bzhin pa las brtag na 'phags pa dang byis pa'i shes ba gnyis ka yang rang gi yul du zhugs pas na/ byis pa'i shes ba ji ltar na rnam par ldog par 'gyur zhes glengs pa'o/ /'phags pa'i ngo bo'i dngos po khong du ma chud pa'i phyir zhes pa ni 'phags pa'i ye shes kyis shes par bya ba'i khong du mchud pa'o/ /'phrul gyi mig gis ni lha dang de las gzhan pas ni sha'i mig gis ni/ de dag gi ni khong du mi chud do/ /bcom ldan 'das de dag i phyin ci log kyang ma lags phyin ci ma log pa yang ma lags so/ /zhes ba ni rang gi yul rtogs pa'i phyir ro/ /ci'i slad du zhe na /'di lta ste/ 'phags pa'i dngos po'i ngo bo nyid rang bzhin khong du chud pa'i slad du'o zhes pa ste/ rang gis rtogs pa ni de dag gi tshad ma'o/ /gzhan gyis rtogs pa ni sad mar gyur pa ma yin te/ mngon par shes pa med pa'i phyir ro/ /yod pa dang med pa'i mtshan nyid las ldog bar mthong ba'i slad? du'o/ /zhes pa ni dngos po dang dngos po ma yin pa dag gzhan btsal ba'i sgra dang don ni spyir rnam par rtog pa'i don du sgro btags te/ phan tshun du ni ldog pa nyid do/ /ji lta bar ti ka las 'byung ba/ sgro btags cha ni ji snyed pa /de gsal phyir ni gdon mi za/ /de snyed de ltar sgra rnams kyang/ /de bas de dag tha dad yul/ /thog ma med pa'i bag chags las/ /rnam par rtog byung la gnas pa/ /sgra don rnam pa gsum gyi chos /dngos dang dngos med gnyis ka'i gnas zhes pa'o/ /bcom ldan 'das 'phags pa rnams kyi dngos po ji ltar rnam par brtag pa rang gi mtshan nyid kyi yul la spyod yul ma lags pa'i phyir de bzhin du mi 'gyur ro/ /bcom ldan 'das de dag gi dngos po'i rang bzhin gyi mtshan nyid de yang rgyu ma bstan pas kun brtags pa'i rang bzhin nyid snang ngo zhes pa ni rnam par rtog pa la sgra'i don spyi'i rnam pa'i phyir rang gi mtshan nyid yul la yin no/ /de yid ches pa'i rgyu dang rgyu ma yin pa ma bstan pa ste/ sgra'i don gyi spyi'i rgyu bstan pa mchis la/ brjod du med pa'i rang gi mtshan nyid kyi skad cig gi rgyun la bstan pa ma mchis so/ /de ltar 'phags pa rnams la yang rnam par rtog pa mi 'byung ngo/ ji ltar zhe na /'phags pa rnams la sgra dang don la spyir sgro 'dogs pa dang/ byis pa rnams la yang me la sogs pa rang gis myong ba la sgra dang don la spyi'i tha snyad do/ /dngos po'i mtshan nyid la lta bar ltung bas zhes pa ni byis pa rnams la sgra dang don spyir 'dug pa yang dngos por sgro btags te/ lta bar lhung ba 'phags pa rnams la yang de bzhin no/ /byis pa rnams la yang rang gi yul la dngos por rnam par brtags te sgro 'dogs pas na su'i dngos po yin pa ma nges pas thug pa ma mchis par 'gyur ro/ /zhes 'phags pa blo gros chen pos glengs pa la thams cad mkhyen@209a bas kyang lan du bka' stsal pa/ nges dngos po'i rang bzhin bstan pa ni ma byas mdo kyi zhes pa ste/ 'dzin pa dang/ gzung ba dang rjod pa dang brjod po dang byed pa dang byed pa po dang/ skyed pa dang/ skyed pa la sogs pa'i chos su sgro btags pas ni ma yin no/ /'on kyang dben pa bstan pa nyid dngos po dang/ dngos po med pa'i rnam par rtog pa dang bral ba yang dag par rig pa'i ngo bo nyid/ rang bzhin gis 'od gsal ba'i chud pa'o/ /de bzhin du don dam pa'i bden pa gnyis su med pa la skrag pa'i sems can rnams la bshad cing stong pa nyid dang/ mtshan ma med pa dang/ smon pa med pa'i rnam par thar pa'i sgo stong par byed do/ /des ni mi gnyis pa'i chos nyid gzhol bar 'gyur ba ste bsdus pa'i don to/ /yan lag gi don ni mdor bshad par bya ste/ brtags pa dang/ rang gi mtshan nyid rang bzhin gzhan pa dag /gzhan pa dag gi spyod yul du 'gyur ro zhes de skad du blo gros chen pos glengs pa/ bcom ldan 'das so sor rnam par rtag pa'i mtshan nyid kyang gzhan la/ dngos po'i rang bzhin gyi mtshan nyid kyang gzhan te/ rnam par rtog pa'i don gyi mtshan nyid ni spyi'i rnam pa'o/ /dngos pa'i rang bzhin gyi rang gi mtshan nyid ni 'bras bu'i skad cig pa bskyed nus pa'o/ /bcom ldan 'das rnam par rtog pa dang/ rang bzhin gyi mtshan nyid kyi rgyu mi mthun pa zhes pa ni rnam par rtog pa'i rgyu ni sgro btags pa'i rnam pa dang/ rang gi mtshan nyid kyi shes pa'i rgyu ni gsal ba'i don rnam par mi rtog pa'i phyir te/ des na de'i dam pa'i rang bzhin rnams brjod du med pa ste/ ji lta bar Tika las byung ba/ sbyor ba dang ni tha dad med/ /don dam de ni bdag nyid kyis/ /gzugs ni gcig dang du ma zhes/ /de ni blo yi 'khrul pa'o/ /de bzhin du gzhan dag gis smras pa/ gzhan ni dbang @ 209b po don nyid la/ /gzhan ni sgra yi spyod yul te/ /mig med sgra las mthong gyur kyang/ /mngon sum du ni mthong ba med/ /gzhan du me dang 'brel pas ni/ /bdag tshig ces ni sems pa ste/ /gzhan par tshig pa'i sgra yis ni/ /tshig pa'i don ni shes par bya zhes pa de ltar rnam par rtog pa dang bcas pa dang/ rnam par rtog pa med pa yul dang yul can gyi rang bzhin de dag byis pa so so'i skye bo rnams kyis phan tshun du brtags na ji ltar de bzhin du mi 'gyur zhes pa ste/ de dag phan tshun du rnam par ldog pa'i phyir ji ltar na de bzhin du mi 'gyur/ 'di ltar sems can rnams kyi rnam par rtog pa bzlog pa'i slad du dngos po'i rang bzhin la mngon par chags pa dang/ 'phags pa'i ye shes kyi spyod yul la mngon par chags pas yod par dgod dam/ 'phags pa'i ye shes kyi ngo bo nyid kyi dngos po bstan pas rab tu dben pa'i chos bstan pa ma mchis par bgyi'am zhes 'phags pa blo gros chen pos glengs pa las dgongs pa 'di lta bur brtags te/ ji ltar 'phags pa rnams kyi rang bzhin 'phags pa'i ye shes kyi rtogs par byed pa de ltar byis pa rnams kyis brtags pa'i rang bzhin ma lags te/ de ltar na phan tshun du mi mthun pa'i rang bzhin gyis gsal bar gsungs pa'o/ /rang bzhin bstan pas rnam par rtog pa med pa kho na lta ba dgod dam bgyi 'am zhes bya ba'i don to/ /bcom ldan 'das kyis rang bzhin bstan pas dben pa'i dngos po ma mchis par ston pa mdzad dam zhes de skad du dogs nas/ bcom ldan 'das kyis bka' stsal pa/ blo gros chen po dben pa'i chos bstan pa med bar bya ba yang ma yin/ yod par lta ba dgod pa yang ma yin gyi zhes pa ste/ 'dzin pa dang gzung pa las dben pas na gnyis su med pa'i don dam pa'i bden pa rang bzhin gyis 'od gsal ba rnam par mi rtog par chud pa'i dngos po bstan par bya ba'o/ /yod ltar lta ba dgod pa yang ma yin pa ni/ ji ltar byis pa rnam rtog pa/ /de ltar dngos po yod pa min/ /zhes pa ste/ rtag pa dang/ bdag dang/ phyi rol gyi sdom po la sogs pa'i rnam par rtog pa rnams kyis 'phags pa rnams la ni ma yin gyi/ rang bzhin bstan pas dben pa'i chos bstan par bya'o/ /thog ma med pa'i dus nas log ba'i bag chags kyis dngos po dang dngos po med pa la mngon par chags pa'i byis pa rnams la ni 'phags pa rnams kyis bden ba'i chos bstan pa dngos pos de dag gi skrag pa bsal bar bya'i byes pa rnams la yod pa dang/ med pa'i lta ba dgod pa ni ma yin te/ dngos po dang/ dngos po med pa las dben pa'i phyir 'phags/ pa'i rang bzhin gyis chos bstan pa ni gnyis su med pas brjod du med pa'i yang dag par rig pa la gnyis kyi rnam pa las dben par bstan par bya'o/ /byis pa rnams ni gnyis kyi rnam pa las dngos por mngon par chags pa ste/ rmi lam dang/ mig 'phrul dang/ rab rib kyi gzugs dang/ gzugs brnyan bzhin du'o/ /gnyis su med pa la ni de dag dngos po med par mngon par chags pa ste/ rmi lam gyi dus na ni gzugs med/ gnyid kyis ma log pa'i dus na ni gzugs yod do zhes kha cig lta ba de dag la 'phags pa'i chud pa dag pa rang bzhin du bstan pas skad cig par mi 'gyur ro/ /thams cad stong ngo zhes na ni skrag go /thams cad stong ngo zhes na ni dngos po la chags pa ste/ de bas na dngos po dang dngos po med pa'i mtshan nyid dang bral ba'i don dam pa bstan par bya'o/ /de ltar na blo gros chen po sems can rnams 'jug par 'gyur ro/ /de bzhin du yang dbus mdza' rnam par 'byed pa las klog pa/ stong pa ma yin mi stong min/ /de bas thams cad bshad par bya/ /yod pa dang med dang yod pa yang/ /de ni dbu ma'i nan tan te zhes pa la yod pa ni rnam par rig pa tsam nyid do/ /med pa ni phyi rol gyi don no/ /yod pa yang zhes pa ni gnyis kyi rnam pa dang bral ba nyid kyis stong pa nyid de de ni chos rnams kyi dbu ma'i nan tan no / des dngos po'i rang bzhin du bstan pa ni ma byas mod kyi zhes pa ni yang dag par rig pa'i skad cig pa'i rgyun gyi rang bzhin brjod du med pas na ji ltar na ston zhe na/ dag pa 'jig rten pa snang ba dang bcas pa'i ting nge 'dzin las thams cad mkhyen pa'i spyi'i rnam par bshad pa de lta bur ston to/ /nor pa la mtshan ma med par mthong pas zhes bya ba ni sbom po dang phra mor snang ba shes rab kyis rnam bar dpyad pa na med de/ stong pa la sogs pa'i rnam par thar pa 'thob pa'i phyir ji lta ba bzhin du chud pa ni dngos po'i rang bzhin du chud pa ni dngos po'i rang bzhin rnams la bdag nyid kyis de kho na nyid shes so/ /gzhan yang blo gros chen po byang chub sems dpa' sems dpa' chen pos chos thams cad ma skyes pa'o z hes dam bca' bar mi bya'o zhes bya ba la sogs pa ni ji ltar thams cad mkhyen pa nyid kyis dngos po dang dngos po med pa la mngon par chags pa'i sems can rnams kyi skrag pa yongs su spang ba'i phyir 'phags pa'i ye shes kyi dngos pos bstan pas mdzad pa ni gnyis med pa'i dngos pos ni stong pa'i mtshan nyid ces zhes par ro/ /ji ltar langkar gsungs pa dang/ dgongs pa nges par 'grel pa'i tshul dang/ btsun gtso 'phags pa byams pas gsungs pa'i don de lta bur 'brel par btsun gtso'i byang chub sems dpa' rnams kyis rjes su dpag pa khyab pa'i tshul gyis sbyar par bya'o/ /tshul dang 'brel par bstan pa gsung ba ni gnyis kyis char gang snang ba de ni rmi lam dang/ mig 'phrul dang/ rab rib kyi gzugs dang/ gzugs brnyan la sogs pa bzhin du skyes pa dang/ skad cig pa dang/ bdag med pa dang/ mi gtsang ba'o zhes dngos po bstan par bya'o/ /de bzhin du gang yod pa de skad cig pa ste/ se gol gyi sgra dang 'bab chu la sogs pa bzhin no/ /'gro ba gnyis kyi char snang ba yang yod pa dang/ byas pa dang/ skyes pa'o/ /des na chos thams cad ma skyes pa'o zhes sngar dam bca' bar mi bya'o zhes thams cad mkhyen pas dgongs pa'o/ /bsgrub par bya ba dang/ sgrub pa'i chos spyir khyab par 'brel pa'i chul gyis phyogs kyi chos bsdu bar byas pa rgyus sgrub par 'grub par 'gyur ro/ /de'i phyir na cis na thog mar dam bca' bar bya/ rab tu bya bar bstan pa nyid las rtogs par 'gyur ba ni 'di ci rtag gam mi rtag ces rtsod pa brtsams pa na gang smra bar bya ba gang byas pa de ni mi rtag pa ste/ bum pa lta bu ste/ sgra yang byas pa'o/ /rang bzhin gyi chos dang de ltar 'brel ba'i phyir byis pa mi rtag pa dang tha mi dang par chud bar byed do/ /de bzhin du mi dmiD pa'i tshul la yang gang dmiD pa'i tshul nyid thob pa las me dmigs pas na de 'di ni med de ri bong gi mgo la rwa bzhin du 'dir bum pa mi dmigs pa ste/ de yod na ni phyogs kyi rang bzhin dben par dmigs par mi 'gyur ba zhig na/ ji lta ba bzhin du gzhan la bsal bas mi dmigs par sbyor ba'o/ /'bras bu'i rgyu yang gang na dud pa yod pa de na me ste tshang bang na lta bu ste/ 'dir yang dud pa yod de 'bras bu ni rgyu la rag lus pa'i rang bzhin pas na 'brel pa las mi 'gyur ro/ /des na dam bca' bar byed pa yang 'dir ma yod do zhes rtogs par byed do/ /rgyu gsum dang 'brel pas sgrub pa 'grub pas na dam bca' bar mi bya'o/ /gal te yang chos thams cad ma skyes pa'o zhes dam bca' bar bya na skyon cir 'gyur zhes thams cad mkhyen pas kyang de skad du dogs nas bka' stsal pa/ dam bca' ba yang dngos po thams cad kyi nang du 'du ba'i phyir ro/ /de'i rgyus 'jug pa'i mtshan nyid kyi phyir zhes pa ni dam bca' ba de las rgyu'i mtshan nyid 'jug par 'gyur te/ de med na ni rgyu yang med par 'gyur ro zhes gzhan gyis bsams pa'o/ /dam bcas pa de ma skyes pa na zhes pa ni dam thog mar bya ste/ gang brtsad pa de ni nyams par 'gyur ro/ /ji ltar zhe na/ dam bca' bar yang ma skyes pa'i phyir te/ sgrub pa gzhan gyis bsgrub dgos pas de bas na phyogs ma yin pa nas log ste/ phyogs dang bcas par sgrub pa gang spyir bsgrub pa dang mi 'bral bar khyab par 'brel pa'i tshul rab tu grub pa de de lta bur sbyar bar bya'o/ /dam bca' bas kyang skyon mang po thab par byed pa/ bsgrub pa dang sgrub pa spyir khyab pa'i tshul du ni yon tan mang por 'gyur ba ste/ gnyis kyis rnam pa rnams rmi lam la sogs pa bzhin du skye'o zhes rang gi dngos po bstan pa'i phyir skrag par mi 'gyur ro/ /gzhan gyi dbang gi rnam pa sna tshogs rnams ni rmi lam la sogs pa bzhin du ma skyes so zhes chad mar khyab pa'i tshul gyis don gcig ba nyid yang dngos po med par bstan pas skrag par 'gyur te/ ji ltar mdo sde 'di nyid du gsungs pa/ brtag pa yi ni rang bzhin gyis/ /dngos po thams cad ma skyes te/ /gzhan dbang la ni brten nas su/ /mi rnams rnam par rtog pa ste/ /rnam par rtog pas rnam spangs te/ /gang tshe gzhan dbang dag pa ni/ /grub pa de bzhin nyid ces smras/ /mdo sde mdo sder ngas bshad do/ /ji ltar dgongs pa nges par 'grel pa las 'byung ba/ rigs kyi bu rang bzhin med pa rnam pa gsum ste/ mtshan nyid rang bzhin med pa dang/ skye ba rang bzhin med pa dang/ don dam pa rang bzhin med pa'o/ /de la mtshan nyid rang bzhin med pa ni mtshan nyid gang dag gis rtag pa dang/ bdag dang/ sbom po dang phra mo dang/ phyi rol gyi rdul du rtog pa'i mtshan nyid de dag gis dngos po'i rang bzhin du ma skyes pa'o/ /skye ba rang bzhin med pa ni gzhan gyi dbang gis rnam pa sngon po dang/ ser bo la sogs pa rmi lam dang mig 'phrul la sogs pa bzhin du skye ba'i rang bzhin med pa'o/ /don dam pa rang bzhin med pa ni grub pa ste/ gnyis kyi rnam pas stong pa nyid do/ /de de ltar lang kar gshegs pa dang/ dgongs pa nges par 'grel pa'i tshul gyis theg pa chen po'i tshul bshad pa la 'gal bar mi 'gyur ro/ /gang dag yang brtags pa dang/ gzhan gyi dbang bzhin du grub pa yang med do/ /zhes rnam par rtog pa de dag gis chos kyis gnod pa bskyed pa'i las sgrub par byed do zhes dgongs pa nges par 'grel pa las klog go / yod pa dang/ med pa las ma skyes so zhes bya ba ni yod pa thang cig skye bar mi rung ste/ yod pa'i phyir de la bya ba ci zhig yod/ med pa yang ni rung ste de la bya ba yang ci yod de/ med pa'i dngos po med ces pas na ci yang mi byed de/ byed pa dgag par byed par gyur pa nyid/ ji ltar sA lu ljang pa'i mdo sde las 'byung ba bdag gis ma byas/ gzhan gyis ma byas/ gnyis kas kyang rten cing 'brel pa ste 'byung ba ma byas zhes pa'o/ /bdag gris ni rgyu med par mi rung bas so/ /gzhan gyis kyang byed pa dang byed pa po dang 'brel pas kyang mi rung ngo/ /ji ltar lung stan pa pa rnams rtog par byed pa pa ni rang dbang can no/ /byed pa pos 'dod pa'i mchog ni las so/ /bsgrub par bya ba'i mchog ni byed pa ste/ /zhes bya ba la sogs pa'o/ /de nas 'di byed pa po dang/ las dang byed ba dang byas pa mngon par 'brel bar mi rung ngo/ /gang gi tshe na skad cig pa gcig yod pa de'i tshe na skad cig pa gnyis po med de/ su gang dang yang mi 'brel to/ /yon tan mi 'pho ba ni lhan cig tu mi gnas pa dang/ rgyu dang 'bras bu'i rang bzhin mi 'dra ba'i phyir ro/ /rang bzhin las kyang ma yin te/ snang ba dang mi snang ba dag mtshan nyid tha dad pa'i phyir shing dang thal ba la sogs pa bzhin te/ gcig pa kho na ma yin no/ /dbang po las kyang rten cing 'brel te 'byung pa ma yin te/ dag pas ni gzhan gyi mya ngan gyi sdug bsngal ci nas byed/ ma dag pa ni de'i mi shes pa yang sus byas/ de bzhin du tshangs pa la sogs par mi gnyis par smra ba rnams la yang grol ba dang/ ma grol ba dang/ phyug dbul la sogs pa gcig pa'i skyon no/ /rtag pa las kyang ma yin zhes pa ni rtag pa ma skyes pa ste/ ma skyes pa'i phyir mo gsham gyi bu la sogs pa bzhin du med pa'o/ /cig char dang rim gyis don byed par 'gal pas na rtag pa ni ri bong gi rwa la sogs pa bzhin du mi srid do/ /chad pa las kyang ma yin zhes pa ni rgyu med pa las ma yin no/ /dran pa bzhin pa ste sngon myong ba'i rgyu las byung la/ rgyud la bltos te skyes ma thag pa'i dga' ba dang/ 'jigs pa dang/ mya ngan rtogs pa'i phyir sngon gyi goms pa rjes su dpag go /blang ba dang/ dor ba dang/ btang snyoms kyi blo rnams la bde ba dang/ sdug bsngal sgrub par gdon mi za ba sngar yod pa'i phyir byis pa la yang yul rnams su bde ba dang/ sdug bsngal sgrub cing dga' ba dang/ mi dga' ba la sogs pa 'byung ngo/ /de de ltar na snga ma'i 'og tu 'di yod pas 'di yod ces bya ba'i rten cing 'brel ba ste/ skye ba la sogs pa gzhan lhag ma ni mi rung ngo/ /des na rten cing 'brel te 'byung ba ni 'byung ba ma yin no zhes lan med par bshad pa yin no/ /de de ltar mi 'byung ba 'dra ba'i skad cig pa gzhan 'byung ba la 'khrul pa'i mtshan ma'i rnam pa skye ba la sogs par brtags pa'o/ /rtag pa dang gcig par sgro 'dogs @213a pa'i gnas tha dad par brtags te/ byed pa dang byed pa po 'brel par phyi rol gyi sgom po dang phra mor sgro btags nas gzhan gyi dbang gi gnyis rnam pa la rab tu 'jug pa/ bum pa dang/ snam bu la soD par brtaD shing brtaD pa rnams ni khang pa dang/ sde dang nags tshal la sogs pa bzhin du rnam par phye ba na dben pa nyid do/ /de bzhin du gnyis kyi rnam pas stong pa rang bzhin gyis 'od gsal ba don dam pa'i bden pa gnyis su med pa'i chud pas dngos por bstan par bya ste/ bsam pa med cing snang ba med pa dngos po dang dngos po med pas rnam par mi rtog cing brjod du med pa skad cig pa'i rgyun yang dag par rig pa'i rang bzhin yang dag pa ji bzhin pa ting nge 'dzin la bzhugs pa rnams kyis mkhyen pa ni de las gzhan pa'i nges par 'jug pa'i dbang po'i shes pa dang/ dbugs thub pa yang dag par rig pa bzhin no/ /der ni dngos po dang dngos po med par bstan pa dang/ skye ba dang/ dam 'cha' ba dang/ yan lag la sogs pa dang/ tshad ma dang gzhal ba la sogs pa'i rnam par rtog pa med de/ 'on kyang snang ba dang bcas pa'i ting nge 'dzin dag pa 'jig rten pa'i ye shes thams cad mkhyen pa bzhugs pa ni spyi'i rnam par sgra'i don ston to/ /de la yan lag ces bya ba ni dam 'cha' ba dang/ rgyu dang/ dpe dang/ sgrub pa dang/ bsdu bar byed par ne yi ya yi ka la sogs pas btags pa'o/ /de la sgrub par smos pa ni dam 'cha' ba' o/ /dpe dang mthun pa'i chos kyis bsgrub pa sgrub pa ni rgyu'o/ sgrub pa'i chos dang mthun pas de'i chos su 'gyur ba ni dpe'o/ /ji ltar skra ni mi rtag pa ste/ byas pa'i phyir bum pa bzhin du ste/ sgra yang byas so zhes bya ba ni bskrun pa'o/ /de bas na mi rtag pa'o zhes bya ba ni sdud pa'o/ /de @ 213b yi ya yi ka rnams kyi thog mar mngon sum du byas nas rjes su dpag pa rnam pa gsum ste/ snga ma lta bu dang/ lhag ma lta bu dang/ spyir mthong ba zhes so/ /de la snga ma lta bu ni gang na rgyus 'bras bu rjes su dpag pa ste/ sprin byung bas char pa 'bab par 'gyur zhes pa'o/ /ltag ma lta bu ni gang na 'bras bus rgyu'i rjes su dpag pa ste/ dud pas me lta bur ro/ /spyir rjes su dpag pa ni ji ltar byas pa'i phyir mi rtag pa'i phyir zhes bya ba'o/ /sangs rgyas pa rnams kyis ni rang bzhin gsum pa'i rgyu ste/ dpag bya de nas de mtshungs la/ /dngos yod med pa'ang med par nges/ zhes pa ste/ de la rjes su dpag par bya ba ni shes par 'dod pa khyad par gyi chos can no/ /bsgrub pa'i chos dang spyir don mtshungs pa ni phyogs dang bcas pa'o/ /gang na bsgrub pa chos su mi 'jug pa de ni mi mthun pa'i phyogs te/ des na bdag nyid kyis rtogs par bya ba'i phyir yan lag gsum gyi rjes su dpag pa'o/ /gzhan gyi don du yang gzhan gyis khong du ma chud pa la rang bzhin dang 'bras bu 'byung bar 'brel par khyab pa'i tshul de la sgrar brjod cing smra bas khong du chud par bya ba'o/ /de ltar na 'brel pa khyab pa'i tshul gyis smra bar bya ba la/ gang na sgrub pa 'di yod pa de bsgrub par bya ba de dang dngos po mi bral ba ste/ ji ltar bum pa la sogs pa la byas pa yod par mi rtag pa kho na'i dngos po dang mi 'bral ba'o/ /tshang bang la sogs par yang dud pa ni me'i dngos po dang mi 'bral ba de bzhin du sgra 'di la byas pa dang/ ri dang ri brag la sogs pa la dud pa'o/ /de ltar mi dmigs pa yang ri bong gi mgo la rwa bzhin du sa gzhi bum pas dben pa'i dngos po dang mi 'bral ba ste/ de bzhin du thams cad mkhyen pas yan lag bstan pa la rgyu gsum dang 'brel par dgongs pa rjes su dpag go/ gang gi tshe na yang dam 'cha' ba ma skyes pa de'i tshe na bdag nyid kyi dngos po med pa'i phyir phyi ma'i yan lag dang 'brel pa mi rung ste/ dam 'cha' ba sogs pa'i yan lag du smra ba rnams la nyes pa de yod do/ /ma shes pa gang dag gis dam 'cha' bar byed pa de dag gi ma skyes pas na de'i phyir na mi bya'o/ /bsgrub par bya ba'i dngos po med pas na yan lag rnams kyi phan chun du rgyu'i mtshan nyid mi 'dra ba ste/ yan lag rnams bltos pa dang bcas pas byas pa'i phyir ro/ /snang ba dang mi snang ba'i mtshan nyid ces bya ba la sogs pa bzhin snang bar phyi rol gyi mtshan nyid du sbom pa yan lag can gyi rdzas gcig rdul phra mo las brtsams par ji ltar kun rtog pa da ltar rnam par phye pa na khang ba dang/ sde dang/ nags tshal la sogs pa bzhin du bum pa dang snam bu la sogs pa stong par 'gyur ro/ /cha med pa'i rdul phra mo rnams kyang bla 'og tu gnas par mi rung ste/ sems dang sems las 'byung ba bzhin na zhes lan du mar bsgrubs pa'o de bas na nang 'khrugs pa'i mthu las mgo 'khor ba dang/ brgyal ba la sogs pa bzhin du lta ba dang/ gla slu bar byed pa'i sngon po la sogs pa'i gzugs so sor snang ngo/ /nam shes rab kyis dpyad de sbom pa dang phra mo rnam par phye ba na mi dmigs pa de na bsam pa med cing snang ba med pa yang dag par rig pa gnyis las dben pa nyid gnas so/ /thugs rje'i bag chags kyis glangs nas thams cad mkhyen pa snang ba dang bcas pa'i ting nge 'dzin la bzhugs pa na chos ston pa 'byung ngo zhes lan mang pos bshad pa yin no/ /de nas thams cad mkhyen pas tshig gi don mdza' dag ston pa yang brjod du med pa'i 'jig rten thams cad kyi dus gsum gyi sems kyi rgyud skad cig rang bzhin spyi'i rnam par ston to/ /rang bzhin gyis 'od gsal ba mi gnyis pa gnyis su med pa'i rnam pa la yang rnam pa dang bcas pa dang/ mtshan ma dang bcas pa dang/ gleng pa dang bcas par dus gsum yid ches par ston par mdzad pa ni pa se na las 'byung ba'i dus gsum gyi tshig gi don du yid ches par byed pa bzhin no/ /thams cad mkhyen pas tshig gi don thams cad thugs su chud cing yid ches par ston pa ni lan du mar bstan pa yin te/ des na gnyis pa dang mi gnyis pa'i chos ston pa thams cad mkhyen pa la rigs so/ /bsdu pa'i tshigs su bcad pa bshad pa/ rang bzhin med cing rnam rig med/ /dngos po med cing kun gzhi med/ /'di dag ro bzhin byis pa yi/ /log pa'i rtog pa can gyis brtags/ zhes pa ste gzung pa'i rang bzhin gyis dngos po med pa'i phyir rnam par rig pa yang dngos po med do/ /phung por gnas pa med pa dang/ /rnam par mi 'jigs pa med pa'i phyir sbom po dang phra mo rnam par phye ba na stong pa nyid de/ ji ltar 'phags ma shes rab kyi pha rol tu phyin pa las 'byung ba phyi rol gyi phung por gnas pa med pa dang rtag pa dang/ bdag la sogs pa 'dzin pa'i dngos po mi 'jig pa yang med do/ /de la 'di snyam du 'gyur te/ lus dang longs spyod gnas snang ba/ /kun gzhi kun tu 'byung ba ste/ /rnam brgyad rnam dgu de bzhin du/ /rgya mtsho rlabs rnams bzhin du'o/ /zhes de skad du thugs dogs nas thams cad mkhyen pas bka' stsal pa/ kun gzhi med zhes pa ste/ rmi lam gyi dus na yang lus dang/ longs spyod dang/ gnas su snang pa'i kun gzhi rnam par shes pa gcig so sor snang ste/ bslab pa rnam pa sna tshogs yongs su smin pa'i mthu las sna tshogs tha dad pa'i rnam pa'i rnam par shes pa so sor snang ngo/ /rmi lam gyi dus na yang mtsho la sogs pa la khrus la sogs pas bslu ba med pa'i phyir tshad mar nges so/ /mya ngam gyi smig rgyu la sogs pa'i chus bslu bar byed par nges pa'i phyir tshad ma ma yin no/ /de bzhin du gnyid kyis ma log pa'i dus na yang bslu ba dang bslu ba med par gdon mi za pas gnyis pa dang mi gnyis par smra ba tha dad pa rnams la snang ba tsam la gzhal ba dang tshad mar rnam par bzhag pa der mtshungs so/ /phyi rol gyi don kyang med de/ rmi lam dang/ mig 'phrul dang/ rab rib dang/ gzugs brnyan la sogs pa bzhin du 'dzin pa dang gzung ba'i rnam pa dag ma skyes pa dang/ stong pa nyid dang/ rang bzhin med pa nyid do/ /des na lus dang/ longs spyod dang/ sa la sogs pa sbom po dang phra mo shes rab kyis dpyad de gzhigs nas khang pa dang/ sde dang/ nags tshal la soD pa bzhin du gang gi che mi dmigs pa de'i tshe phyi rol gyi lus la sogs pa rang bzhin gyi byis pa log par rtog pa blun pa rnams kyis kun brtags pa'o zhes thams cad mkhyen pas dgongs pa'i don to/ /chos rnams thams cad ma skyes par/ /mu stegs kun la bsgrags pa'i phyir/ /dngos po rkyen dang ldan pa ni/ /su la'ang skyes pa yod med do/ /dngos po thams cad ma skyes par/ /dam 'cha' ba la mi rtag ste/ /zhes pa ni skye ba la sogs pa'i ches gud na yod pa ma yin te/ gang gi tshe na skad cig pa gcig yod pa de'i tshe na gnyis po med de/ des na dngos po rkyen dang ldan pa yod pa ma yin te/ ji ltar lung ston pa pa rnams rtog par byed pa/ byed pa po ni rang dbang can dang/ byed par 'dod pa'i mchog ni las dang/ sgrub par byed pa'i gtso ni byed pa po zhes pa de lta bur byed pa po dang/ las dang/ byed pa dang/ bya ba dang/ byed pa po gang mngon par 'brel te skye ba med do/ /des na mu stegs thams cad la bsgrags pa'i phyir chos thams cad ma skyes pa ste/ mu stegs byed rnams thams cad ni rtag pa dang bdag tu smra pa'o/ /sangs rgyas pa rnams ni bdag med par smra ba ste/ de'i phyir de dag gi 'du byed thams cad skad cig ma/ mi brtan byed pa ga la zhig /gang byung byed pa de nyid de/ /byed pa por yang de brjod do/ /gzhan gyi dbang gi snang ba'i chos rnams la yang rmi lam dang/ mig 'phrul dang/ rab rib la sogs pa bzhin du skye ba'i rang bzhin med pa ste/ ji ltar dgongs pa nges par 'grel pa las bdag dang/ rtag pa la sogs pa brtags pa rnams mo gsham gyi bu la sogs pa bzhin du ma skyes pas na mi skye'o/ /don dam pa'i mi gnyis par yang dag par rig pa skad cig ma'i rgyun kyang brjod du med pa'i phyir snga ma'i 'og tu 'di yod pas 'di yod do zhes pa 'ba' zhig go /brtags pa'i skye ba la sogs pa lhag pa rnams chos dang gang zag la bdag med pa gnyis la yang yod pa ma yin no/ /gang gis skad cig pa rnams rkyen dang ldan pa ma yin pa des na chos thams cad ma skyes pa ste skad cig ma gang la rgyu'i skad cig pa yod pa de la 'bras bu'i skad cig pa med de/ des na dngos po rnams rkyen dang mi ldan pa ni zhes thams cad mkhyen pas dgongs pa'i don to/ /chos thams cad skye ba med par dam 'cha' ba' i mi rtag ces bya ba la sogs pa ci'i slad du zhes bya ba dang/ de'i phyir gsungs pa/ rgyu de dang ni ldan pa'i phyir ro/ /'grub blo de nyams de dag 'gyur/ /zhes pa ste/ rgyu de dang ni ldan pa'i phyir zhes bya ba ni dam 'cha' ba' i rgyu dang ngo/ /'grub blo de nyams de dag 'gyur/ /zhes pa ni chos thams cad kyi nang du 'du ba'i phyir dam 'cha' ba ma skyes pa'o/ /dam 'cha' ba la sogs pa bsgrub pa rnams kyi dngos po med pa'i phyir bsgrub par bya ba yang mi 'grub bo/ /'on te dam 'cha' ba ni skyes na ni des chos thams cad kyang skyes pa'o/ /de'i phyir sngar bshad pa'i tshul gyis rmi lam la sogs par dngos po bstan par bya'o/ /stong pa dang rang bzhin med pa la sogs par dam 'cha' bar mi bya ste/ 'on kyang rmi lam dang/ mig 'phrul dang/ rab rib dang/ gzugs brnyan la sogs pa bzhin du chos thams cad stong pa dang/ rang bzhin med par phyi rol gyi gzugs so zhes smra bar bya'o/ /'jig rten pa'i chud pa thams cad gzung ba dang 'dzin pa'i rang bzhin bslad pa las 'byung bar thams cad mkhyen pa bdag nyid kyi sgrub par mdzad pa/ ji ltar log pa skra bshad 'dzings/ /skye bo rab rib can gyis mthong/ /de bzhin dngos por rnam rtog 'di/ /log par byis pas rnam par brtags/ /zhes pa ste/ bdag dang gzhan gyi rgyud kyi dbang las skyes pa/ mnyam par mi 'jog cing nang blong ba mgo 'khor ba dang brgyal ba dang/ rab rib la sogs pa lta bur 'dzin pa dang gzung ba'i dngos po la gdon mi za zhing/ der nor pa rnams la dngos por 'dzin to/ /ji ltar na yang byis pa rnams kyi dngos po ji lta bur mthong ba de lta bu med ces pa dang/ thams cad mkhyen pas rags pa gzhan sgrub par mdzad pa/ srid pa gsum ni btags pa tsam/ /dngos po'i rang bzhin yod med de/ /btags pa'i dngos po'i rang bzhin du/ /rtag pa can rnams rtog par 'gyur/ /zhes te/ gcig pu dang/ sbom po dang/ chen po dang/ tshad can dang/ yangs pa dang/ zlum po la sogs pa lus dang/ bum pa dang/ snam bu la sogs pa'i rdzas su khyad par can la sogs pa rtog pa can rnams rtog go /de lta bu'i rnam pa can/ btsos pa dang/ ma bcos pa dang/ bsgul ba dang/ ma bskul ba dang/ bsgribs pa dang/ ma bsgribs pa la sogs par rnam par phye ba dang/ yan lag lam 'dus shing brtags pas rnam pa tha dad pa phyogs kyi cha tha dad pas phye ba na khang pa dang/ sde dang/ nags chal la sogs pa bzhin du gzugs gcig par mi rigs so / phra mo'i gzugs dang/ ro dang/ dri dang/ reg pa lus pa la snam bu dang bum pa la sogs par gdags par bya na/ gzugs la sogs pa'i rdul phra mo rnams kyang phyogs kyi cha tha dad pas dbye ba na stong pa nyid de/ dngos po'i rang bzhin yod med do/ /gang la 'dzin pa dang gzung ba'i dngos po de lta bu'i rnam pa can med do zhes thams cad mkhyen pas dgongs par brtag go /de bzhin du sgrub par mdzad pa/ mtshan dang dngos po rnam rig dang/ /yid kyi rnam par g.yos pa las/ /nga yi sras rnams 'das na ni/ /de dag rnam par mi rtog spyod/ /smig rgyu ba la ji lta bur/ /chu med pa la chur 'dzin pa/ /snang la byis pa de bzhin te/ /'phags pa rnams ni khyad par ldan zhes pa ste/ de la mtshan ni gzugs la sogs pa ste/ der rnam par rig pa'o/ /de las de ma thag tu yid kyi rnam par g.yos pa ste/ sbom po dang phra mo la sogs par rnam par brtags pa'o/ /gang gi shes rab kyis dpyad de rnam par gzhigs nas mi dmigs pa de'i tshe mtshan ma thams cad las 'das nas rnam par mi rtog par spyod cing gnas so/ /ji ltar na gzugs la sogs pa med par yang de dag la mngon par chags par 'gyur zhes thugs dogs nas thams cad mkhyen pas bka' stsal pa/ chu med pa la chur 'dzin pa de bzhin du nang blongs nang snang ba la phyi rol gyi bar mngon par chags pa'o/ /snang ba tsam la dag pa dang ma dag par rnam par shes pa'i phyir 'phags pa dang byis pa rnams la de bzhin te/ 'phags pa rnams kyi ye shes ni mi rtag pa dang/ sdug bsngal ba dang/ ma mdzes pa dang/ stong par ro/ /byis pa rnams kyis ni rtag pa dang/ bde ba dang/ gtsang ba'i dngos por phyin ci log par ro/ /khyad par dang ldan pa ni byis pa'i shes pa las 'phags pa rnams kyis rnam par thar pa gsum gyi ye shes dag pa khyad par can no?/ /thams @217a cad mkhyen pas de skad du gsungs pa/ /'phags pa'i mthong bdag pa ste/ /don? dam par thar pa gsum las skyes/ /skye dang 'jig las rnam grol ba/ /snang med rab tu spyod rnams kyis/ /zhes pa ste/ 'phags pa dang byis pa gnyis kyi mthong ba ni dag pa dang ma dag pa'o/ /'phags pa rnams kyi ni rnam par thar pa gsum las 'byung ngo/ /byis pa rnams kyi ni nang blong ba mnyam par mi 'jog pa'i ma rig pa dang/ las rnam par smin pa las skyes pa ste/ mgo 'khor ba dang/ brgyal ba la sogs pa bzhin du 'khor bar snang ba sna tshogs kyi rnam pa'i shes pa'o/ /gang gi tshe shes rab kyis dpyad cing shes par bya ba sbom po dang phra mo rnam par phye ste mi dmigs pa de'i tshe na gnyis kyi rnam pa'i dngos po dang/ dngos po med pa thams cad dang/ rtag pa dang/ gcig pu dang/ bdag dang/ las dang/ byed pa dang/ byed pa por mngon par 'brel pa'i skye ba dang 'jig pa la sogs pa mtshan nyid las tha dad pa'i chos rnams mi dmigs pa'i phyir 'phags pa rnams kyi ye shes na bsam pa med cing snang pa med pa don dam pa'i bden pa gnyis su med pa yang dag par rig pa rang bzhin gyis 'od gsal ba gnas so/ /ji ltar btsun gtso 'phags pa byams pas dgongs pa byed pa las 'byung ba/ de ste nyon mongs de ma gyur/ /lus can thams cad grol bar 'gyur/ /de ste rnam dag de mi 'gyur/ /'bad pa 'bras bu med par 'gyur/ /nyon mongs pa dang rnam dag pa/ /drir bcas dri ma med pa'ang de'o/ /chu khams gser dang nam mkha' rnams/ /dag pa bzhin du dag pa'o zhes pa ste/ gang gi tshe na shes rab kyis mi dmigs de'i tshe na stong par mthong bas mtshan mar mi 'dzin pa dang/ sems kyis mi smon pa ste/ rnam par thar pa gsum gong nas gong du snang ba med par dpyod pa'i 'phags pa de dag gi mi gnyis pa'i ye shes des na dbul mdza' ? @ 217b rnam par 'byed pa las bshad pa/ chu'i khams dang/ gser dang/ nam mkha' i khams lta bur dag pa'o/ /ji ltar na yang 'phags pa rnams kyi chung pa'i rang bzhin snang pa thams cad laS grol ba lags zhes thams cad mkhyen pas de skad du thugs dogs nas bka' stsal pa/ dngos po rnams ni snang med de/ rnal 'byor can la med pa'ang med/ /dngos dang dngos med mnyam pas ni/ /'phags pa rnams kyi 'bras bu skye zhes pa ste/ de la snang ba med pa ni dngos po thams cad kyi don dam pa ste/ 'dzin pa dang gzung pa'i snang ba dang bral? pa'o/ /de ji ltar na rtogs par 'gyur zhes pa dang/ thams cad mkhyen pas ston te/ de ni yang dag par rig pas rtogs par bya ste/ de lta bu'i rnam pa can ni rnal 'byor can ni dngos po'o/ /ji ltar zhe na/ der rtogs pa can te nges par 'jug pa'i dbang po'i shes pas myong ba bzhin no/ /dgongs pa la bltos te sems can thams cad kyi sems kyi rnam par rtog pa rab tu 'byung ngo/ /nges par 'jug pa'i dbang po'i shes pa rnams ni yud tsam du gnas so/ /bsam pa med cing snang ba med par yang dag par rig pa ni yun ring por ro/ /dbugs thub pa ni yang dag par rig pa tsam gnas so/ /'phags pa rnams kyi rnam pa de lta bu'i 'bras bu dngos po dang/ dngos po med par mnyam pas skye ba ste/ ji ltar 'phags ma shes rab kyi pha rol tu phyin pa las 'byung ba dngos pos mngon par rtogs pa ma yin la dngos po med pas kyang ma yin te/ ji ltar zhe na/ dngos po dang dngos po med pa mnyam pas so/ /dngos po dang dngos po med par rnam bar rtag pa spangs pa'i phyir ro zhes bya ba de'i bshad pa'o zhes thams cad mkhyen pas dgongS par rig par bya'o/ /ji ltar yang mdo? sde 'dir gsungs pa/ /mtshan nyid dang ni bya ba dang/ /dngos par mya ngan nga mi 'da' / /rnam rtog rnam shes bzlog pa na/ /nga ni mya ngan 'das pa'o/ /yod pa'i zlas drangs med pa ste/ /yod pa'ang med pa'i zlas drangs so/ /de bas med par shes mi bya/ /yod par yang na? mi brtag go /dngos po dang dngos po med pa mnyam zhing rnam par mi rteg pa ni dbu ma'i ting nge 'dzin to/ /ji ltar na dngos po med pas dngos po rnams mnyam pa nyid du med ces de skad du thugs dogs nas thams cad mkhyen pas bka' stsal pa/ ji ltar dngos med dngos po rnams/ /mnyam pa nyid du ji ltar byed/ /phyi dang nang gi g.yo ba rnams/ /nam zhig sems kyis mi shes na zhes pa ste/ nam zhig sems kyis 'dzin pa dang gzung ba'i dngos por mi shes po de na rang bzhin gyis 'od gsal ba'i mi gnyis pa rnam par chud pa rnams kyis gnyis kyi rnam pa'i dngos po mnyam pa nyid du 'gyur ro/ /phyi nang gi g.yo ba rnams shes bya ba la sogs pa ni skad cig pa yang dag par rig pa gnyis pa la 'dzin pa'i bdag nyid kyis phyi rol gyi gzung bar rnam par mi rtog pa'o/ /rnam pa de lta bu'i don dam pa'i bden pa gnyis su med pa'i yang dag par rig pa'i rang bzhin la rig par bya ba dang/ rig pa po'i dngos por sems kyang mi rgyu na yi ge dang sgra lta ci smos/ des na yang dag par rig pa gnyis kyi dngos po med pa 'jig par mi byed do/ /de bzhin du yang btsun gtso 'phags pa byams pas gsungs pa/ gnyis kyi dngos po med pa yi/ dngos po stong pa'i mtshan nyid do/ /ji ltar dgongs pa nges par 'grel pa las 'byung ba/ /gnyis kyi rnam pas don dam pa la rang bzhin med pa'o/ /rang bzhin gyis 'od gsal ba'i chud pa'i stong pa nyid du 'dir smras pa yin no/ /'phags pa langkar gshegs pa slob dpon ye shes dpal bzang pos bshad pa sbyar ba'i le'u gsum pa las mngon sum dang rjes su dpag pa dpyad pa'i le'u phran bcu'o/ / //blo gros chen pos gsol pa/ bcom ldan 'das kyis 'di skad du nam dmigs par bya ba'i don shes pas mi dmigs pa de ni rnam par rig pa'i gzung ba med pas 'dzin pa yang 'dzin pa med pa yin no/ /de 'dzin pa med pas rnam par rtog pa zhes bsgrags pa'i rnam par shes pa yang mi 'jug go zhes gsungs na zhes bya ba ni 'phags pa byams pas bshad pa lta bu ste/ don dang sems can bdag rnam rig /snang ba rab tu skye ba ni/ /rnam par rig pa'o de'i don med/ /de med bas na de yang med/ /ces bya ba 'di na thams cad mkhyen pa'i phyogs su gnas pa ste/ dmigs bya dmigs dang bral bar ni/ /gang tshe 'dus byas mthong ba ni/ /mnyam nyid sems su mthong ba ni/ /de tshe 'jig par mi byed do zhes par ro/ /nam sbem po dang phra mo rnam par dpyad de rnam par phye ba na/ /khang pa dang sde dang nags tshal la sogs pa bzhin du med de stong pa nyid do/ /cha med pa rnams kyang bla 'og gi tshogs su mi rung ste/ sems dang sems las 'byung pa bzhin no/ /kun mkhyen dam chos 'dzin pa 'grel pa ni/ /bdag med grub mdza' tshul ni rgyas pa la/ /ngas gang de yi rnam dpyad 'dir byas pa/ /gang na snga ma'i klus bos gnyen rnams kyis/ /'grel pa ma byas bdag gis byas nas ni/ /tshad ma lung dang rigs pa sbyar nas su/ /'on kyang 'dir ni legs bshad pa yin ci/ /log pa'i smon lam nyid ni btab pa'o zhes pa'o/ /phyi rol gyi don du smra ba rnams kyis rdul phra mo la cha med par khas len pa de dag ni phyoD kyis tha dad par dbye ba na gcig par mi rigs so/ /des na phyi rol gyi gzung ba'i dngos po med pa'i phyir/ 'dzin pa'i rnaM par 'dzin pI dngos po yang med do/ /ni shes rab kyis dpyad de shes par bya ba sbom pa dang/ phra mo mi dmiD pa de na bsam pa med cing snang ba med pa don dam pa'i bdan pa mi gnyis pa dngos po dang dngos po med pa'i mnyam pa nyid yang dag par rig pa gnas so/ /des ni nges par 'jug pa'i dbang po'i shes pa dang/ dbugs thub pa yang dag par rig pa lta bu'i bsam pa med cing snang ba med pa don dam pa'i bden pa mi gnyis par yang dag par rig pa brjod du med pa la 'jig par mi byed do/ /blongs pa'i mthu nyid kyis lus la sems can du nges so/ /sems kyi rgyud la rtag pa dang/ gcig pu dang/ bdag tu 'dzin to/ /mig la sogs pa'i rnam par shes pa la byed pa'i las su rnam par rtog ste/ sems can la sogs pa'i tshogs kyi don thams cad gzung ba'i dngos po ma yin pa'i phyir shes pa mi 'jug go /de la 'phags pa blo gros chen pos glengs pa ni shes pa'i shes par bya ba ji lta bur na yongs su mi shes ci rang dang spyi'i mtshan nyid yongs su mi shes sam/ ci gzhan gyis zil du brlag gam/ ci bsgribs pas sam/ ci ring bas sam/ ci ha cang nye bas sam/ phra pa'i dngos pos sam/ ci'i dbang po dang mi ldan pas sam/ ci yid bslad? pas sam/ de de bzhin du 'dres pa'i phyir ram/ grangs can la sogs pas rgol ba'i the tshom du blo gros chen pos thams cad mkhyen pa la gsol pa/ rang dang spyi'i mtshan nyid khong du ma chud pa ni rogs pa las kyang 'byung ngo/ /de la thams cad mkhyen pa'i phyi ma'i phyogs ni ngas de la dgongs te zhes bya ba la sogs pa ste/ nam shes rab kyis dpyad de dmigs par bya ba'i don shes pas mi dmigs pa de na rnam par rig pa tsam du bzhag ba yin no/ /zhes bshad kyi yongs su mi shes pa tsam las ni ma yin no/ /gnyid log pa dang/ smyos pa dang/ myos pa dang/ blun pa dang/ long ba dang/ lkug pa dang/ byis pa dang/ glen pa dang/ bsgribs pa dangm zil du brlag pa dang/ ring pa dang/ phra pa dang/ yongs su mi gsal ba dang/ bslad ba dang/ log ba'i rnam pa sna tshogs shes pa'i phyir rnam par rig pa tsam du rnam par bzhag par bshad pa ma yin no/ /der gzhan la dang/ gzhan pa ma yin pa dang/ rang dang spyi'i mtshan nyid tha dad pa dang/ tha mi dad par? smra ba'i rnams ni 'khrul pa ste/ ji ltar ne yi ya yi ka dang/ khyad pa can rnams kyis spyi ni tha dad par rtog go /grangs can rnams kyis ni tha mi dad par ro/ /k+Sha pa na ka dang spyod pa can rnams ni rang dang spyi'i mtshan nyid la tha dad pa dang/ tha mi dad pa dang/ gzhan pa dang/ gzhan pa ma yin pa'i rang bzhin du rtog go /sgra pa rnams ni bdag gis shes pa yod par ro/ /tshangs par smra ba rnams ni gnyis su med par rtog go /zhib pa rnams ni 'jig rten ni zhi ba pa'i mthu can du rtog go /gtogs 'dod pa rnamS ni gtogs 'dod kyi bar ro/ /gnyis su smra ba po de dag gi shes pa ni phyi rol gyi don du bslad pa'i rnam pa'o/ /mi gnyis par smra ba rnams ni 'jig rten mdza' dag gi chud pa rnams la rtag pa dang/ gcig pu par sgro 'dogs so/ /sangs rgyas pa rnams kyi khyad par ni sems can rnams kyi chud pa skad cig ma'i rgyun du 'byung zhing mang ba ste/ 'khor ba dang/ thar pa'i rim pas nor pa dang/ nor pa med pa rnams so/ /nam nang 'khrugs te mgo 'khor ba dang/ brgyal ba'i gzugs dang/ rab rib gyi rang bzhin ltar mthun mong du skyes pa'o/ /phyi rol gyi sbom po dang/ phra mo kun brtags pa khang pa dang/ sde dang/ nags tshal la sogs pa bzhin du rnam par bye ba na de'i tshe bsam pa med cing snang ba med pa don dam pa'i bden pa gnyis su med pa'i mtshan nyid kyi rgyud yang dag par rig cing brjod du med pa gnyis kyi rnam par ma skyes kyang rnam par rtog pa byed do/ /der ni rtag pa dang/ mi rtag pa dang/ byas pa dang/ phyi rol dang/ nang dang/ 'dzin pa dang/ gzung ba dang/ byed pa dang/ byed pa po dang/ bskyed pa dang/ bskyed pa po dang/ brjod pa dang/ brjod pa la sogs pa gnyis kyi rnam pa'i tha snyad thams cad nyid mi snang ngo/ /dngos po dang dngos po med par rnam par mi rtog pa'i ye shes la rtag pa dang/ gcig pu dang/ bdag dang/ phyi rol gyi sbom po la sogs par don thams cad du rnam par rtog pa ni snang ngo/ /nyan thos kyi theg pa pa rnams kyi mi rtag ba dang/ sdug bsngal ba dang/ mi mdzes pa la sogs par rnam par rtog pa rnams phyi rol gyi dngos por gnyis kyi med pa la 'jug go nges na rtag pa dang/ mi rtag pa dang/ 'dus byas dang/ 'dus ma byas pa la sogs par rnam par rtog pa rnams don dam ba mi gnyis pa la tha dad pa'i rnam par mi snang ngo/ /gzhan gyi dbang yang rmi lam dang/ mig 'phrul dang/ rab rib dang/ gzugs brnyan la sogs pa bzhin du skye ba'i rang bzhin med pa'i phyir 'dzin pa dang gzung ba'i dngos por ma skyes so/ /de ni rtag pa yang ma yin/ mi rtag pa yang ma yin/ 'dus byas kyang ma yin/ 'dus ma byas pa yang ma yin/ skyes pa ma yang ma yin/ ma skyes pa yang ma yin te/ ji ltar dgongs pa nges par 'grel pa las/ rigs kyi bu 'dus byas dang/ 'dus ma byas zhes bya ba de ni ston pas btags pa'i tshig go zhes pa ste/ sgyu ma'i gzugs ltar 'dus byas su dpyad pa 'am/ 'dus ma byas su yang rung ste/ dbang po la sogs pa sus kyang ma byas pa'i phyir ro/ /de bzhin gshegs pa rnams byung yang rung ma byung yang rung ste de bzhin nyid dang chos kyi dbyings rang bzhin gyis 'od gsal ba'i chud pa'i chos nyid de ni ye nas gnas pa yin no/ /des na 'dus byas skad cig ma'i rgyun 'byung ba yang/ dmigs bya dmigs dang bral bar ni/ /gang tshe 'dus byas mthong ba na/ /mnyam pa nyid kyi sems mthong pa/ /de tshe 'jig par mi byed do/ /de bas na de kho na nyid kyi ye shes so zhes de skad du gsungs ba'o/ /gzhan pa dang gzhan pa'i rnam par rtog pa rnams kyis smra ba bo rnams kyi ye shes mang ste/ de dag la ni kho na nyid kyi ye shes med do/ /nam shes rab kyis dbyad de ci yang mi dmigs pa de ni ngas rnam par rig pa tsam du rnam par bzhag go zhes thams cad mkhyen pa'i dgongs pa'i don to/ /yod pa dang med pa'i zhes bya ba la sogs pa ni phyi rol gyi yod pa dang/ med pa'i yang gzung ba'i dngos por med pa'i phyir shes pas shin tu mi dmigs te/ shes pa dang shes par bya ba dus mnyam pa na phan par bya ba dang phan par byed pa'i dngos po med pa'i phyir/ dus tha dad ba na yang 'brel pa med pas gang gi tshe na gcig yod pa de'i tshe na gnyis med na 'dzin pa dang gzung ba'i dngos po su yi yin nges na skyed pa dang/ skyed pa'i dngos bor mi rung ngo/ /shes pa dang/ shes par bya ba dag gzung ba dang 'dzin pa'i dngos por mi rtog pas na gzung ba dang 'dzin pa ma yin no/ /gang gi tshe na shes rab kyis dpyad de sbom po dang/ phra mo phyogs kyi cha tha dad par phye ste/ /bde ba dang/ sde dang/ nags tshal la sogs pa bzhin du stong bar mthong zhing mi dmigs pa de'i tshe stong pa nyid la mtshan mar mi 'dzin te/ mtshan ma med pas sems kyis mi smon te/ de de bzhin du rnam par thar ba'i sgo la snyoms par 'jug go / de bzhin du yang chos dang gang zag la bdag med pa'i ting nge 'dzin thob pas rtag pa dang/ bdag dang/ bdag gir chags pa med pa'i phyir 'jungs pa spangs te/ de sems can thams cad la phan pa'i phyir 'jug go /bsod nams dang ye shes kyi tshogs kyi mchog gis rab tu dga' ba'i sa thob nas tshul khrims kyi pha rol tu phyin pa yongs su dag pas byang chub sems dpa' i sa dri? ma med pa la gnas so/ /tshul khrims kyi pha rol tu phyin pa yongs su dag par gyur pa dang 'od byed par sems can thams cad la phan pa'i sems la bzod cing chos mngon par rtogs pa'i mngon par shes pa la rab tu 'jug go / 'od 'phro ba la ni brtson 'grus gyi pha rol tu phyin pa yongs su dag ste/ chos mngon par rtogs pa'i spro ba la @221a rab tu 'jug go / shin tu dka' rgyal du ni sems can thams cad la phan pa'i phyir nyon mongs pa yongs su zad par bya ba'i don du bsam gtan la snyoms bar 'jug go /mngon du song bar ni shes rab kyis dpyad de sbom po dang phra mo phyogs kyi cha tha dad phye nas nam mi dmigs pa de na zab mo'i chos la 'jug pas rten cing 'brel te 'byung ba la lugs dang lugs ma yin par 'jug go / ring du song bar ni de bzhin du khams gsum gyi 'dod chags dang bral ba byang chub kyi phyogs kyi chos sum cu rtsa bdun gyi chos rnams la snyoms par 'jug cing/ thabs kyi pha rol tu phyin pa yongs su rdzogs par byed do/ /mi g.yo bar ni gzhan gyi don du smon lam gyi pha rol tu phyin pa yongs su rdzogs par byed cing/ rten cing 'brel te 'byung ba thog ma dang mdza' ma'i mthar stong zhing bar du gnyis kyi rang bzhin gyis stong pa rmi lam dang/ mig 'phrul lta bur gnyis kyi rnam par skye ba ni byed pa dang/ byed pa po dang mngon par 'brel pa med cing sng ma'i 'og tu gnyis su med pa'i skad cig ma rgyun dngos po dang/ dngos po med pa rnam par mi rtog cing bsam pa med cing snang ba med pa don dam pa'i bden pa gnyis su med pa yang dag par rig pa la 'jug go /thugs rje'i bag chags kyis sed de snang ba dang bcas pa'i ting nge 'dzin la bzhugs nas chos ston to/ /legs pa'i blo gros la ni chos dang don dang nges pa'i tshig dang/ spobs pa dang/ so so yang dag par rig pa thob pas sems can gyi bsam pa dang/ bag la nyal ba shes nas chos ston cing stobs kyi pha rol tu phyin pa yongs su rdzogs par byed do/ /chos kyi sprin du ni chos ma lus par rtogs ba ste/ chu chen po'i sbrin lta bur sangs rgyas kyi chos bdud rtsi'i char pas 'jig rten sim par byed pa thams cad mkhyen pas dbang bskur zhing dar la ? @ 221b mos g.yogs pa lta bur shes par bya ba'i dkyil 'khor mdza' dag shes te/ nyon mongs pa med pa'i mi shes pa'i bag chags mnyam par 'jog pa med pa sa bcu'i bar byas pa spangs par gyur te/ thams cad mkhyen par 'gyur ro/ /mthong ba'i lam ni chos dang gang zag la bdag med pa'i ting nge 'dzin thob pa'i phyir rab tu dga' ba'i sar skye ste/ 'jungs pa la sogs pa'i nyon mongs pa spangs shing sbyin pa la sogs pa'i pha rol tu phyin pa yongs su rdzogs par byed pas na nyan thos rnams las khyad par du phye ba rnams so/ /chul ni rnam pa gnyis so zhes bya ba la sogs pa la bstan pa'i tshul ni snang ba tsam gyis gnyis kyi rnam pa'i ye shes te/ sbyin pa la sogs pa'i tshogs dang/ snang ba dang bcas pa'i ting nge 'dzin gyi sku dang/ so sor snang pa mtshan nyid kyi cho 'phrul dang/ dbyangs kyi dkyil 'khor dang/ bdag dang gzhan gyi don du 'byed pa'i sa khyad bar tha dad pa'i thabs sna tshogs dang/ de bzhin du phung po dang/ khams dang/ skye mched dang/ rten cing 'brel te 'byung ba dang/ byang chub kyi phyogs kyi chos sum cu rtsa bdun dang/ stobs bcu dang/ mi 'jigs pa la sogs pa gnyis kyi rnam par snang ba ni bstan pa'i tshul lo/ /grub pa'i mdza' so sor gzhag pa'i tshul ni nam shes rab kyis dpyad de shes par bya ba sbom po dang/ phra mo rnam par gzhigs nas mi dmigs pa de na bsam pa med cing snang ba med pa don dam pa'i bden pa gnyis su med pa'i byang chub rang bzhin gyis 'od gsal ba rnal 'byor pa rnams la gnas so/ /snang ba dang bcas pa'i ting nge 'dzin la thams cad mkhyen pa bzhugs pa na spyi'i rnam par de'i chos ston pa 'byung ngo/ /bde bar 'dzin cing chud par bya ba'i don du thams cad mkhyen pa'i bsdu ba'i tshigs su bcad pa/ nga yi tshul ni rnam gnyis te/ /grub pa'i mdza' dang bstan pa'o/ /byil? ba rnams la brjod pa bshad/ /rnal 'byor can la grub mdza' o/ /'jug pa'i rim gyis thams cad mkhyen pas chos ston pa ni gnyis dang/ mi gnyis pa'o/ /gcig dang/ tha dad pa dang/ gnyi ga dang/ gnyi ga ma yin pa'i phyogs dang bral ba zhes pa ni mu stegs can gnyis dang/ mi gnyis par smra ba rnams kyis tshangs pa dang/ dbang po la sogs pa gcig pa kun rtogs par byed pa ni ji ltar rig sngags 'dzin pa'i mthar smra bas/ 'di thams cad tshangs pa zhi ba yin pas na bsten bar bya'o zhes pa de dag la grol ba dang/ ma grol ba dang/ phyug pa dang/ dbul ba la sogs pa gcig pa'i skyon du 'gyur ro/ /gzhan dag grangs can dang/ ne yi ya yi ka dang/ khyad par can rnams kyis 'dzin pa dang gzung ba tha dad bas gnyi gar 'dod de/ de dag gi de kho na nyid nyi shu lnga dang/ tshig gi don bcu drug dang/ drug yod do/ /gnyis ka ni k+Sha pa na ka dang spyod pa can rnams tha dad pa dang mi dad par rtog par byed de/ phyi rol gyi don gyi dngos po med pa'i phyir gnyis kyi rnam pa'i shes pa shes pa thams cad rmi lam dang/ mig 'phrul dang/ rab rib dang/ gzugs brnyan la sogs pa bzhin du ma skyes pa ste/ des na gnyis ka dang/ gnyis ka ma yin pa dang/ skye ba dang mi skye ba la sogs pa'i rnam par rtog pa gang yin pa de dag gnyis kyi rnam pa'i rnam par shes pa la rnam par brtag go / sems can gang dag la bslad pa yod pa de dag thams cad 'jig rten rgyang pan par smra bar lhung ngo/ /'jig rten rgyang pan pa ni shes pa phyin ci log pa ste/ mi rtag pa dang/ bdag med pa dang/ mi gtsang ba dang/ sdug bsngal ba dang/ stong pa rnams lam rig pa'i mthus sems can rnams rtag pa dang/ bdag dang/ bde ba dang/ gtsang ba'i dngos por yongs su shes so/ /des na mu stegs byed rtag pa dang/ gcig pa dang/ bdag dang/ phyi rol dang/ gnyis pa la sogs par smra ba rnams kyis ni 'jig rten rgyang phan pa'i log pa'i shes pa thams cad ston to/ /de'i phyir de dag la 'phags pa blo gros chen pos glengS pa/ bcom ldan 'das kyang 'jig rten rgyang pan nyid ston tam zhes te/ bcom ldan 'das kyis bka' stsal pa/ /blo gros chen po nga ni 'jig rten rgyang phan mi 'chad de/ ji ltar zhe na/ 'du ba dang zad pa ma yin gyi zhes pa ste/ gnyis kyi rnam pa'i shes pa la byed pa dang/ byed pa po 'brel bar rtags pas 'du ba dang zad pa'i rnam par rtog pa dang/ skye ba dang/ gnas pa dang/ 'gog pa la sogs pa'i chos gzhan pa rnam par rtog par 'gyur gyi/ skad cig ma'i rgyun gyi mi gnyis pa brjod du med pa yang dag par rig pa la lung ston pa la sogs pas brtags pa'i skye ba dang/ 'jig pa la sogs pa'i chos lhag pa rnams med do/ /de bas byed pa dang/ byed pa po dang mngon par 'grel pa dang/ bral ba byed pa med pa'i rten cing 'brel par 'byung ba ni mi 'byung ba ste/ snga ma'i 'og tu 'di yod ces bya ba 'ba' zhig go /rgyu dang 'bras bu zhes bya ba ni btags pa'i chos so/ /mu stogs byed rnams kyi rtag pa ni rgyu med pa'i phyir mo bsham gyi bu la sogs pa bzhin du med pa/ tshangs pa dang dbang po la sogs pa rtag cing gcig pa rnams rgyu ma yin te/ mo gsham gyi bu la sogs pa bzhin du ma skyes pa'i phyir ro/ /dngos po med pa'i yang rtag pa dang/ gcig pa mi rung ste/ ri bong gi rwa la sogs pa bzhin no/ /gcig la du mar mi rigs te/ gzugs can dang/ gzugs med pa dang/ grang ba dang/ me la sogs pa bzhin no/ /gnyi gar yang smra bar mi rung ste/ phyi rol gyi don med pas 'dzin pa med pa ste/ des na tshad ma dang gzhal bya la sogs ba'i tshig gi don rnams? kyi bslu ba dang/ bslu ba med par nges par rnam par gzhag pa ni rmi lam dang/ mig 'phrul la sogs pa bzhin no/ /phyi rol gyi 'byung ba'i tshig rnams rtag par yang shes pa so sor snang ba las mi gtogs ba bar dngos po med pa'i phyir 'jig rten rgyang pan pa smra tha mi rung ngo/ /sa dang/ chu dang/ me dang/ rlung ni yang dag pa yin te/ de dag las tshor ba 'byung ngo zhes bya ba ni mi rung ngo/ /'byung ba sbom po dang/ phra mo rnam par phye ba na/ khang ba dang/ sde dang/ nags tshal la sogs pa bzhin du stong pa nyid do/ /k+Sha ba na ka dang/ spyod ba pa rnams kyi tha dad pa dang/ tha dad pa ma yin par smra ba yang mi rung ste/ rang bzhin gcig la rang bzhin gnyis su med pa'i phyir yod par gyur pa dang/ med par gyur pa dang/ dngos po dang/ dngos po med pa dag ran bzhin 'gal te/ des na yod kyang? yod la/ med kyang med pa dang/ smra bar mi bya ba de dag kyang mi rung ngo/ /de bzhin du dngos po dang dngos po med pa gnyis kar 'gal pa gcig tu smra bar mi bya ba'i rang bzhin yang mi rung ngo/ /theg pa chen po la dngos po dang/ dngos po med pa'i rnam par rtog pa dang bral ba'i don dam pa ji lta bu zhe na/ de la byis pas dngos po dang/ dngos por brtags pa'i rnam par rtog pa spangs te/ rang bzhin gyis 'od gsal ba'i chud pa don dam pa rtogs nas de bzhin du thams cad mkhyen pas gnyis su med par spyi'i rnam par ston par mdzad do/ /de'i phyir 'di skad du bka' stsal pa/ /blo gros chen po nga ni mu stegs byed thams cad kyi rnam par rtog pa'i nang du gtogs bar mi 'chad do zhes pa'o/ /ji ltar na yang bde bar gshegs ba'i blo'i khyad par bya zhes de skad thugs dogs nas thams cad mkhyen pas bka' stsal pa/ de ci'i phyir zhe na/ 'di lta ste/ phyi rol gyi dngos bo dang dngos bo med pa la ma chags shing rang gi sems snong ba tsam la gnas pa dang/ 'jug pa rnams gnyis su med par rnam par rtog pa mi 'jug pa dang/ mtshan ma'i spyod pa yul med pa dang/ rang? gi sems snang tha? tsam du rang gi sems snang ba'i rnam par rtog pa mi 'jug go zhes pa ste/ des na mu stegs byed gnyis pa dang/ mi gnyis par smra ba rnams las thams cad mkhyen pas rang gi blo'i khyad par gsungs pa'o/ /phyi rol gyi dngos po dngos po med pas grangS can dang/ ne yi ya yi ka dang khyad par can dang/ k+Sha pa na ka dang/ spyod pa can dang/ 'jig rten rgyang phan? pa'i phyi rol gyi den du smra ba rnams las bde bar gshegs pa'i blo khyad par du phye ba'o/ /phyi rol gyi sbom po dang/ phra mo phyoD gyi cha tha dad pas dbye ba na khang pa dang sde dang nags tshal la sogs pa bzhin du stong par 'gyur te/ nges na phyi rol gyi don med do/ /gang gi tshe na dmiD par bya ba de mi dmigs pa de'i tshe rang gi sems nor pa las grol bas mi gnyis pa'i skad cig ma'i rgyun yang dag par khang du chud par 'gyur gyis/ sems can thams cad kyi rang bzhin la rtag pa dang/ gcig pa dang/ bdag de dag gi ngo bo nyid khong du chud pas ni ma yin no/ /de'i phyir mi gnyis par smra ba rnams kyi grol pa dang/ ma grol ba dang/ phyug pa dang/ dbul ba la sogs pa gcig pa'i skyon du 'gyur la/ rtag pa ni ma skyes pa'i phyir mo gsham gyi bu la sogs pa bzhin du med pa'o/ /bde bar gshegs pa pa rnams kyi skad cig ma'i rgyun du 'byung ba chud pa rnams ni mang ste/ ngag pa'i dus na dngos po dang dngos po med pa'am/ mi rdog cing bsam pa med pa snang ba med pa don dam pa'i bden pa mi gnyis pa'i chud pa rnams su 'gyur ro/ /des na mu stegs byed pa rnams kyi ltar rtag pa dang mi gcig par mi rung ngo/ /sangs rgyas pa'i chud pa rnams kyi khyad par ni 'khor ba'i dus? su sdug bsngal tha dad pa du mas phye ba yin no/ /grol ba'i dus na sdug bsngal zhi las grol zhing rab zhi ba'i ting nge 'dzin gyi khyad par rnams su 'gyur ro/ /de bzhin du mang gnas tha dad par phye ba na shing dang/ thal ba la sogs pa bzhin du gcig par mi rung ngo/ /des na stong pa nyid dang/ mtshan ma med pa dang/ smon pa med pa'i rnam par thar pa'i snang ba med pa'i sgo la zhugs pa gzhan gyi don du thams cad mkhyen pa snang ba dang bcas pa'i ting nge 'dzin la bzhugs par 'gyur ro/ /'phags pa langkar gshegs pa ye shes dpal bzang pos sbyar ba'i le'u gsum pa las grub pa'i mthar 'jug pa'i le'u phran bcu gcig pa'o// //ngas mngon par shes pa zhes bya ba la sogs pa ni thams cad mkhyen pa las dus gcig na 'jig rten rgyang phan bas gsol pa ste/ kye gau ta ma thams cad ni byas pa'o/ /blo gros chen po ngas de la 'di skad ces byas so/ /kye bram ze gal te thams cad byas she na/ 'di ni 'jig rten rgyang phan dang po'o/ /der thams cad mkhyen pa'i dgongs pa cir brtag ce na/ 'jig rten du bya ba dang/ byed ba la mngon par 'brel te/ ye shes byas pa dang/ de las 'byung zhing rtag pa las 'byung ba'o/ /chos rnams ni sus kyang mi byed de/ snga ma'i 'og tu 'di yod pas 'di yod do zhes bya ba 'ba' zhig ste/ de chos su brtags pa'o/ /rgyu med cing ma byas pa'i rtag pa ni mi rung ste/ dngos po med pas na ri bong gi rwa bzhin no/ /de bzhin du mi rtag ba la sogs pa'i chos rnams skad cig pa la tha dad bar mi rung ste/ ji ltar 'phags pa dge 'dun chen po pa rnams klog pa/ 'du byed thams cad skad cig ma/ /mi brtan byed pa ga la zhig /gang byung byed pa de nyid de/ /byed pa go yang de brjod do/ /ji ltar bar ti ka las 'byung ba/ de yi cung zad yod pa min/ /med par 'gyur ba 'ba' zhig ste/ /dngos po la de rnam rtog 'gyur/ /tshul ni dngos po rjes thogs phyir zhes pa ste/ des na skad cig pa la skye ba dang/ 'gog pa la sogs pa gzhan dag yod bar mi rigs te/ de'i phyir mu stegs can gyis thams cad brtag pa dang/ gcig pa dang/ gnyis ka dang/ gnyis ka ma yin bshad par rnam par rtog pa rnams ni mi rung ste/ de lta bu ni sngar gsal ba'o/ /thams cad bskyed ba dang skyed ba ma yin zhes pa ni brjod du med pa'i skad cig pa la skyed pa la sogs pa'i lhag pa mi rigs te/ de de bzhin du byas pa dang/ ma byas pa dang/ rtag pa dang/ mi rtag pa dang/ bdag dang/ bdag ma yin pa dang/ skad cig pa dang/ skad cig pa ma yin pa la sogs pa so sor snang ba'i rnam par rtog pa ni gnas ngan len pa'i bag chags yongs su smin pa las skyes pa'i gnyis kyi rnam pa'i shes pa las rab tu 'jug gi / gnyis su med pa'i skad cig ma'i rgyun brjod du med pa'i yang dag par rig pa la ni ma yin no/ /rang gi mtshan nyid rang gis yang dag par rig pa der ni skad cig gi rnam par rtog pa ni mi 'byung ste/ ji ltar slob dpon d+harma kIr tis sgrub bar byed pa/ bde la sogs pa'i bdag nyid ni/ gzhan du mi rten 'brel mi nus/ /de phyir de dag rang rig ni/ /mngon par brjod dang 'brel pa med ces pa ste/ nges na rang gi mtshan nyid skad cig ma'i rgyun rnam par mi rtog pa yang dag bar rig pa ni bstan mi nus te/ spyi'i rnam bar brtags ba'i don ni thog ma dang tha ma'i mthar song ba mngon du bya ste/ skad cig pa la sogs pa'i sgra yang 'jug gi rang gi mtshan nyid kyi skad cig pa ma yin no/ /des na 'jig rten rgyang phan gyi thams cad skad cig pa dang/ thams cad mkhyen pa ma yin pa der bde bar gshegs pa dang bde bar gshegs pa bam yin pa mang po rnams nor @225a par zhugs pa ste/ gzugs brnyan la sogs pa bzhin du dngos po rnams kyi rang bzhin med pas na skad cig mar 'jig pa'i dngos po med do zhes pa la/ ji lta bur so sor snang ba la de ltar skad cig pa rnams te se gal gyi sgra bzhin rgya snga ma dang phyi ma'i dus gnas tha dad pa bral ba yin te/ sna tshogs pa ni khang pa dang/ sde dang/ nagS tshal la sogs pa bzhin du gcig mi rigs te/ de la gnyis kyi rnam pas gnod pa'i phyir ro/ /dngos po gcig pas mi gnod pa'i phyir ji ltar na grub pas rang bzhin med/ der gnyis kyi rnam pa'i stong pa nyid yang dag par rig pa mngon sum gyi tshad ma'o/ /gang mi gnyis pa de ni rtag pa zhes mu stegs can la las de ltar rtog pa de yang mi rung ste/ 'khor ba'i dus na chud pa rgyun du sdug bsngal du mas tha dad pas phye ba ji ltar na rtag pa yin/ dag pa'i dus na yang sdug bsngal las grol te gnas gzhan pa ste/ de ltar na yang shing dang thal ba sogs pa bzhin du/ rim par phye ba ni ji ltar na gcig pu rung/ la las ni skad cig pa dang/ skad cig pa ma yin pa gnyis ka'i ngo bo nyid du rtog par byed pa/ grang ba dang me la sogs pa bzhin du rang bzhin gcig la dngos po gnyis zhes pa de ni mi rigs so/ /gzhan dag gis ni dngos po med pa'i phyir skad cig pa mang ma yin/ skad cig pa ma yin pa yang ma yin zhes pa de 'di yang mi rigs te/ dngos po la ni skad cig pa med de/ de'i rang bzhin rtag pa nyid ni gnyis kyi dngos po med pa'i phyir rang bzhin gcig pa nyid do/ /rmi lam dang/ mig 'phrul la sogs pa lta bu'i 'dus byas dang/ 'dus ma byas dang/ rtag pa dang/ mi rtag pa dang/ skad cig pa dang/ skad cig pa ma yin pa dang/ skad cig pa ma yin pa ma yin pa dang/ skad cig pa ma yin pa yang ma yin pa rnam pa de lta bu ni rmi lam dang/ rmi lam ma yin par dngos po tha dad par myong ba'i rang bzhin @ 225b med pa ste/ gang de lta bas na ma rig pas blongs te/ 'khor ba'i dus kyi shes pa thams cad ni bden pa ma yin pa nyid do/ /gang shes rab kyiS dpyad de gnyis kyi rnam pas stong par mthong ba de ni bsam du med cing snang ba med pa don dam pa'i bden pa mi gnyis par yang dag par rig pa'o/ /de yang skad cig pa dang skad cig pa ma yin pa kho na gang gis nges par 'gyur/ mngon sum du myong bas so/ /thams cad mkhyen pas thams cad skad cig par cis na gal gyis mi bzhes/ ma dgongs pa'i phyir ro/ /dgongs pa tha dad pas mig la sogs pa'i shes pa ni srid pa gzhan du skad cig ma'i mtshan mas sbyor ba med do/ /sems ni skad cig pa'i rgyud kyi rgyun du srid pa gzhan du mtshams sbyor bar byed do/ /se gol gyi sgra skad cig pa la skad cig pa gzhan du mtshams sbyor pa med do/ /des na thams cad skad cig par thams cad mkhyen pas dgongs pa'i don du mi rtag go /dgongs pa nges par 'grel pa'i tshul gyis 'dus byas dang/ 'dus ma byas pa lta bu ste/ chos nyid ye gnas pa de ni dbang po la sogs pa sus kyang mi byed de/ 'dus ma byas pa yang ma yin pa na skad cig pa'i rgyud du 'dus byas so/ /de ltar na thams cad rtag pa dang/ mi rtag pa la sogs par thams cad mkhyen pas dgongs pa'i don du brtag go /phyi rol gyi don du sgro btags te gnyis kyi rnam pa'i shes pa la sgro btags pa'i don thams cad kyi tha snyad 'jug gi mi gnyis pa'i skad cig pa rnam par mi rtog pa la ni ma yin no/ /der spyi'i rnam pa thams cad mkhyen pa'i sgra'i don gyi tha snyad kyang 'jug go /de bzhin du sgrub par mdzad pa/ kye bram ze nga ni thog ma med pa'i dus nas spros bar rnam par rtog pa'i bag chags gnas ngan len gyi rgyu las srid pa gsum skyes pas ston te/ bram zer ni sems snang ba tsam du khong du mchud pas rnam par rtog pa 'byung gi /phyi rol gyi dngos po dmiD pa las ni ma yin no zhes ba ste/ shes pa'i rnam pa ma gtogs par phyi rol gyi don la dmigs pa med de/ ji ltar zhe na/ bdag dang gzhan gyi rgyud kyi dbang las thog ma med pa'i shes ba kun tu skyes pa nyid ni nar blang zhing mnyam par mi 'jog pa'i ma rig pa rnam par smin pa'i mthu las mgo 'khor ba dang/ brgyal ba la sogs pa bzhin du rnam pa sna tshogs kyi rnam par grol ba snang ste/ der ni rang gi rnam pa la sems can rnams kyi tha snyad do/ /rtag ba dang/ gcig pa dang/ bdag dang/ bdag gi dang/ gnyi ga dang gnyi ga ma yin pa dang/ byas pa dang/ ma byas pa dang/ rtag pa dang/ mi rtag pa dang/ skad cig pa dang/ skad cig pa ma yin pa dang/ skyes pa dang/ ma skyes pa la sogs pa'i rnam par rtog pa rnams gnyis kyi rnam pa'i shes pa la rab tu 'jug go / nam shes rab kyis dpyad de phyi rol gyi don sbom po dang/ phra mo rnam par phye ba na mi dmigs te/ des na bsam pa med cing snang ba med pa don dam pa'i bden pa mi gnyis par yang dag par rig pa ste/ rnam par mi rtog pa skad cig ba'i rgyun du 'byung yang rang gi mtshan nyid smra bar mi nus te der sgra'i don mi 'byung ste/ de las gzhan pa tha snyad pa rnams kyis nges par 'jug pa rang gis rig pa dbang po'i shes pa bzhin no/ /'on kyang brjod du med pa'i de kho na nyid la spyir sgo btags pa'i tha snyad do/ /gang yod pa de thams cad skad cig pa ste/ se gol gyi sgra dang/ glog la sogs pa bzhin du thog ma dang tha ma'i dus kyi gnas tha dad pa dang bral ba'i skad cig pa'i phyir ro/ /mi gnyis pa'i sbrad cig pa ji ltar na rtog par 'gyur/ thabs cad mkhyen pas yang dag par thugs su chud pa yang de las gzhan pa'i tha snyad pa rnams kyis ji ltar na rtogs par 'gyur/ rnal 'byor pa rnams kyis rang gis yang dag par rig pa yang dag par rtogs pa'i skad cig pa'i rgyun ni snang ba dang bcas pa dang/ snang ba med pa'i ting nge 'dzin du 'byed pas mdun gyis rtog par mi 'gyur ro/ 'khor ba pa rnams kyi skad cig ba ji ltar na rnam par gdon mi za bar so sor snang/ de dag la rmi lam dang rmi lam ma yin pa'i dus kyi so sor nges pa med pa'i phyir ro/ /ji ltar se gol la sogs pa'i sgra tsam gyi rmi lam la zla ba dang/ lo la sogs pa kun tu tshor ba de bzhin du gnyid kyis ma log pa'i dus na yang yin na 'khor p a'i dus na skad cig pa la sogs pa'i dus so sor ji ltar na ngas gang gi tshe na thung ba dang ring ba la sogs pa'i skad cig pa la sogs pa'i dus su so sor nges pa med na de'i tshe dag pa gnyis su med pa'i skad cig pa'i rgyun la ji ltar na yang rjes su dpag bar 'gyur/ shing dang thal ba la sogs pa bzhin du rang bzhin tha dad pa'i phyir dag pa dang ma dag pa'i rang bzhin dang rim pa yang gcig par mi rigs te/ des na bde bar gshegs pa ba rnams kyi skad cig mar 'jig par nges pa 'di ni rmi lam dang/ mig 'phrul lta bu'i ma rig pas blongs pa'i snang ba ma gtogs par ro/ /gnyis su med pa dag pa dang ma dag pa la sogs pas de tha dad par dbye ba na tshangs pa dang dbang po mi gnyis pa la sogs pa'i rtog pa lta bur rtag cing gcig ba ma yin te/ nges na mu stegs byed pa las bde bar gshegs pa'i blo gros gzhan pa'o/ /phyi rol gyi don du smra ba'i khyad par can la sogs pa'i mu stegs byed pa bdag dang/ dbang po dang/ yid dang don du phrad pa las shes pa skye'o zhes rtog par byed pa/ /phyi rol kyi don med pas theg pa chen po la/ lus dang longs spyod gnas snang ba/ /kun gzhi kun tu 'byung ba ste/ /rnam brgyad rnam dgu de bzhin du/ /rgya mtsho rlabs rnams bzhin du'o zhes pa ste/ ji ltar rmi lam gyi dus na rnam pa sna tshogs bslad pa'i bag chags yongs su smin pa'i mthu las phyi rol gyi don med par yang rnam bar shes pa gcig bu nyid lus dang longs spyod dang gnas su so sor snang ngo/ /de'i phyir thams cad mkhyen pas sgrub? mdzad pa lta bu nga'i ma yin no/ /kye bram zed ni rgyur smra ba yang ma yin/ rgyu med par smra ba yang ma yin/ gzhan du na rnam par rtog pa nyid gzung ba dang 'dzin pa'i dngos por rab tu bzhag ste/ rten cing 'brel te 'byung bar bstan to zhes pa ste/ rgyur smra ba rnams la ni phyi rol gyi don rgyu ma yin te/ sbom po dang phra mo rnam par phye ba na med pa'i phyir ro/ /ji ltar mu stegs byed rnams kyi bdag dang/ dbang po dang/ yid dang don phrad pa las shes pa skyes pa de ltar mu stegs can gyis brtags pa yid dang dbang po ni sangs rgyas pa rnams kyi ma yin gyi/ bslad pa'i pag chags yongs su smin pa'i mthu las sna tshogs tha dad pa'i rnam par shes pa snang ngo/ /de'i rgyu las yang byed pa dang byed pa po mngon par 'brel ba'i bya ba med de/ snga ma'i 'og tu 'di yod na 'di yod do zhes bya ba 'ba' zhig go /rnam par rtog pa nyid ces pa ni spyir don du sgro btags par bzhag nas rten cing 'brel te 'byung ba ston ba ste/ gnyis kyi rnam pa'i shes pa 'dzin pa dang gzung ba'i dngos po ston gyi/ gnyis su med cing brjod du med pas ma yin pa ni der dngos po med pa'i rnaM par rtog pa med pI phyir ro/ /bsaM pa med cing snang ba med pa mi gnyis par yang dag par rig pa'i skad cig pa rnams mngon sum gyis mong du zin kyang de lta bur rnam par rtog pa'i sgra'i don du tha snyad med do/ /des na rnam par rtog pa nyid bzung ba dang 'dzin pa'i dngos po bzhag ste/ rten cing 'brel te 'byung ba bstan to zhes thams cad mkhyen pas dgongs pa'i don to/ /khyod lta bu dang gzhan dag gis// mi rig go zhes pa ni skyed pa la sogs pa'i chos dang bral ba'i rten cing 'brel te 'byung ba'o/ /byed pa dang byed pa po dang mngon par 'brel te 'byung bar mi rigs pa ni ni ma? skad cig pa gcig yod pa de na gnyis po ni med do/ /dngos po dang dngos po med pa dga' ? 'brel pa med pa'i phyir de las gzhig / gang zag la bdag med pa la ni/ 'du byed thams cad skad cig ma/ /mi brten byed pa ga la zhig /gang 'byung byed pa de nyid de/ /byed pa por yang de nyid brjod ces 'phags pa dge 'dun chen po pa rnams kyis klog pa lta bu'o/ /shin tu rgyas pa chos la bdag med par yang gnyis kyi rnam pa rnams kyi skye ba'i rang bzhin med de rmi lam dang mig 'phrul la sogs pa bzhin no/ /rnam pa de lta bu'i gzhan gyi dbang la skye ba yang med mi skye ba yang med/ byas pa yang ma yin ma byas pa yang ma yin/ rtag pa yang ma yin/ mi rtag pa yang ma yin/ dngos po ma yin dngos po med pa yang ma yin/ skad cig pa ma yin skad cig pa ma yin pa kho na yang ma yin no/ /'jig rten rgyad phan? pas rnam pa de lta bu khas blangs pa'i phyi rol gyi don med do/ /mu stegs byed thams cad kyis rang dang spyi'i mtshan nyid rnam par brtags pa ni sems kyi snang ba ma gtogs par byed do/ /bsam pa med cing snang ba med pa don dam pa'i bden pa gnyis su med pa'i mtshan nyid kyi rgyud yang dag par rig pa'i mtshan nyid khyod lta bu phyi rol gyi don la mngon par chags shing/ 'jig rten rgyad pan par smra bar gnas par mi rig go /des ni sa dang/ chu dang/ me dang/ rlung rnams de kho na nyid do zhes la/ de dag las tshor ba'i rnam par shes pa ni ? ba'i mthu bzhin la/ srog ni tshul chu bru bzhin te/ de 'dus pa las lus dang/ dbang po dang blor 'du shes so/ /'byung ba sna tshogs tha dad pa'i phyir 'gro ba yang sna tshogs pa ste/ rma bya'i mdongs kyi ri mo bzhin no zhes 'jig rten pan pa'i mdo las zhi ba pa rnams la phyi rol gyi don med par 'byung ba rnams dang/ de la dag pa las tshor ba 'byung ba yang med do/ /ye shes kyi gong ma'i khyad par gang dang gang yin pa de dang de ni thos pa dang sems pa la sogs pa thog mar byas pa las byung ba rnams te/ slob dpon gyis mkhas pa'i khyad par bzhin no/ /skyes ma thag pa rnams kyang shes rab dang/ dga' ba dang/ 'jigs pa dang/ mya ngan dang/ mi dga' ba la sogs pas bde ba dang/ sdug bsngal la soD bsgrub ba mthong ngo/ /nges na sngon gyi goms pa rjes su dpag go /'gro ba rnam pa sna tshogs ni gzhan du mi 'thad pas na rgyu'i khyad par rjes su dpag go /'byung pa las ni 'bras bu thams cad mthun par 'gyur la/ byung ba'i khyad par yang sus byed/ gang gis de dag khyad par du byed pa de dag dge ba dang/ mi dge ba'i las su gtogs so zhes thams cad mkhyen pa'i dgongs par brtag go /khyed lta bus mi rig go zhes pa dang/ mu stegs byed gzhan dag gis ma rig go zhes pa ni bdag tu mngon par chags par ltung ba'i rgyud can gyi phyir ro/ /de la la la ni rtag pa dang gcig pa'i rtag tu mngon par chags pa nyid de/ ji ltar zhi ba pa dang/ rig sngags 'dzin pa'i mthar smra ba rnams so/ /de dag la 'khor ba dang thar pa'i dus na sdug bsngal dang/ sdug bsngal med pa la sogs pa tha dad pas phye ba'i phyir bdag ci ltar na rtag/ tshangs pa dang/ dbang po la sogs pa'i bdag nyid yin pa'i phyir grol ba dang/ ma grol ba dang/ phyug pa dang/ dbul ba la sogs pa gcig pa'i skyon du 'gyur ro/ /grangs can la sogs pa rnams kyi skyes bu yang mang ste/ gang gi tshe yul kun tu rig pa na bde ba dang/ sdug bsngal la sogs par 'byed pas phye ba de ni skyes bu rtag par yang mi rung ste/ nges na bde bar gshegs pa'i tshul 'khor ba dang/ thar par rnam par gnas pa mu stegs byed pa rnams kyis mi rig go /mya ngan las 'das pa ni ji ltar bdun brgya pa las 'byung ba/ mya ngan las 'das pa de nyid de/ 'di lta ste/ bsam pa med pa nyid do zhes pa ste/ dngos po dang dngos po med par rnam par mi rtog pa ni thar pa'o/ /mya ngan las 'das pa dang/ nam mkha' dang/ so sor ma brtags pa ste/ 'gog pa rnams kyi gsum pa nyid rnam par mi rtog na 'dus byas dang/ 'dus ma byas pa lta ci smos/ dngos po dang/ dngos po med pa'i rnam par rtog pa spangs te/ dngos po dang dngos po med pa mnyam pa nyid kyis rtogs par 'gyur ro zhes shes rab kyi pha rol tu phyin pa las thams cad mkhyen pas dgongs par brtag go /kye gau ta ma srid pa gsum po 'di mi shes pa dang/ sred pa dang/ las kyi rgyu las byung ngam/ de ste rgyu med pas/ kye bram ze 'di gnyis ka yang 'jig rten rgyad pa na pa'o zhes pa gnyis ka yang ji ltar na 'jig rten rgyud pa na yin zhing der thams cad mkhyen pa'i dgongs pa ci zhig/ ji bzhin du rgyu'i las byed pa po dang 'brel par kun du rtog pa de bzhin du chos thams cad la las med pas mi shes pa dang/ sred pa dang/ las kyi rgyu las srid pa gsum byung ba med do/ /rgyu med pa las kyang ma yin te/ bdag las ma yin gzhan las? min/ /gnyis las min zhing rgyu med min zhes pa ste/ 'on kyang snga ma'i 'og tu 'di yod ma 'di yod do zhes chos su btaD pa ste/ rten cing 'brel te 'byung ba ni ? byung ba med de skye ba la sogs pa'i chos skad cig pa las gud na med do/ /brjod du med cing gnyis su med pa'i skad cig pa'i rgyun la yang rnam par rtog pa mi 'jug go / 'di yod na 'di yod do zhes bya ba ni gzhan gyi dbang gnyis kyi rnam pa la chos su btags pa'i rnam par rtog par bya'o/ /dngos po thams cad rang dang spyi'i mtshan @229a nyid du ltung ba'o zhes pa ni 'jig rten rgyang phan? gyis rgal ba ste/ thams cad mkhyen pas spong ba rang dang spyi'i mtshan nyid ni gnyis kyi rnam ba'i shes pa la phyi rol dang/ nang gi dro ba dang/ grang ba dang/ rtag pa dang mi rtag pa'i dngos por rnam par brtag go / des na nor bar sgro btags ba'i rnam pa thams cad la rang dang spyi'i mtshan nyid du bshad do/ /ji ltar dbu ma las/ mtshon bya mtshan nyid gal te gzhan/ mtshan la mtshan nyid med bar 'gyur/ /gcig na de gnyis mi 'grub ste/ /tha dad na yang gzhan du med ces ba'o/ /de ltar na rang dang spyi'i mtshan nyid med pa la rnam par rtog pas de'i phyir 'jig rten rgyang ban la khyab pa'i tshul thams cad mkhyen pas gsungs pa/ bram ze ji tsam du yid las rnam par g.yos pa dang/ phyi rol gyi don la mngon par chags shing rnam par rtog pa tsam du 'jig rten rgyang phan no zhes pa ste/ ji tsam du phyi rol gyi don du mngon par chags shing 'dzin pa ? pa'i rnam par rtog ba sor snang ba'i shes pa ni log ba'i shes pa'o/ /yid las rnam par g.yos pa ni rtag pa la sogs pa'i rnam par 'jug pa de tsam du thams cad 'jig rten rgyang? phan? pa'o/ /gang yang don dam pa bden pa'i ye shes de ni bsam pa med cing snang ba med pa mi gnyis pa'i yang dag par rig pa dngos po dang dngos po med par rnam par mi rtog pa ste/ der ni gnyis kyi rnam par rtog pa'i rnam pa thams cad mi 'jug go /grub pa'i mdza' ni bde bar gshegs pa'i yin te/ mu stegs byed thams cad la la ma gtogs par rnam par bzhag go / skad cig pa'i rgyun du 'byung bas na mu stegs byed pa'i rtag pa la sogs pa dang mthun pa'i chos ma yin no/ /phyi rol gyi don med pa'i phyir 'jig rten rgyad pan gyi 'byung ba'i rgyu las log cing riD? @ 229b par zhugs pa ste/ dge ba dang mi dge ba'i las kyi bag chags yongs su smin pa las skyes pa dang/ shes rab la sogs pa'i tshogs la goms pa las skyes pa'i sems te/ nges na 'jig rten rgyad pan dgag par sgrub ba rjes su dpag go /shes rab kyis dbyad de sbom po dang/ phra mo rnam par gzhigs nas gnyis su med pa ni dmigs su zin kyang/ 'on kyang bsam pa med cing snang ba med pa gnyis su med pa'i mtshan nyid kyi rgyun yang dag par rig pa ni de las gzhan pa nges par 'jug pa dbang po'i shes pas yang dag par rig pa bzhin du mngon sum mo/ /grub pa'i mdza' 'di ni mu stegs can rnams kyis ma yin la 'jig rten rgyang phan la grags pa yang ma yin no/ /grub pa 'di yang ston to zhes thams cad mkhyen pa'i dgongs pa rgya cher bstan pa mdor rig par bya'o/ /phyi rol gyi 'byung bar sgro 'dogs pas rnam par rtog par 'byung ngo/ /nam shes rab kyis dpyad pa de ni mi dmigs shing rnam par rtog pa ldog ste/ rang gi mtshan nyid du 'dug go /chud pa 'khrugs pa ni de 'khrug go / shes rab kyis dpyad pas nor pa ldog go /chud pa gnas las byung ba na gzhan gyi dbang la brten pa gnyis kyi rnam pa'i rnam par rtog pa 'jug go /mtshan ma mi dmigs pa na rang gi gnas su chud pa tsam du 'dug go /de ni thams cad mkhyen pa nyid kyis gsal ba bshad pa'o/ /zang zing sdud pa ni sred pa sdud pa ste sdug bsngal gyi don to/ /sdug bsngal yongs su zad pa ni dag pa'i chos kyis thob par byed do/ /des na 'jig rten rgyang phan gyi smra ba yongs su spong zhing dga' ba'i chos thob par brtson par bya'o zhes pa'o/ /'phags pa langkar gshegs pa ye shes dpal bzang pos bshad pa sbyar ba'i le'u gsum pa las 'jig rten rgyad phan dpyad pa'i le'u bcu gnyis pa'o// // de la blo gros chen pos chos bsdud pa gang zhe na/ 'di lta ste rang gi sems kyi chos bdag med pa gnyis khong du chud pa dang zhes bya ba la sogs pa de la bdag med pa gnyis ni chos dang gang zag la bdag med pa'o/ /ji ltar mdo sde 'di nyid las gsungs pa/ gzugs ni rdul phran gzhigs pa na/ /rdul phran cha ni med pa ste zhes par phung por gnas pa'i sbom po rnams bye zhing/ btsos pa dang/ ma btsos pa dang/ bsgul ba dang/ ma bsgrub pa dang/ bsgribs pa dang/ ma bsgribs pa la sogs par phyogs kyi cha tha dad par phye ba ni khang pa dang/ sde dang/ nags tshal la sogs pa bzhin du stong bar 'gyur ro/ /cha med pa'i rdul phra mo rnams ni bla 'og tu chags par mi dud? ste/ sems dang sems las byung ba bzhin par lan du mar bshad pa'o/ /gang zag la bdag med par yang gang yod pa de thams cad skad cig pa ste/ se gol gyi sgra dang 'bab chu la sogs pa bzhin no/ /smra ba gzhan dag gis rtag pa'i bdag dang/ tshangs pa dang/ dbang bo dang/ rdul dang/ gtso bo la sogs pa yod par khas len to/ /de dag gi blo dang rnam par rtog pas dngos po blangs pa med de/ rtag pa ni med pa ste/ ma skyes pa'i phyir mo gsham gyi bu la sogs pa bzhin no/ /rim dang cig char gyis don gyi bya ba 'gal ba'i phyir ri bong gi rwa la sogs pa bzhin du dngos po med pa'o/ /de ltar gang zag la bdag med pa yongs su shes shing shes rab kyis dpyad de/ rtag pa dang/ bdag dang/ byed pa po dang/ las dang/ byed pa dang/ bya ba dang gzung ba dang/ 'dzin pa la sogs pa'i rnam par rtog pa mi 'jug go /ji ltar 'phags pa shes rab kyi pha rol tu phyin pa las/ phung por mi gnas pa dang/ rnam par 'jig pa'i phyir nang dang phyi stong pa nyid ces bya ba la sogs pa ste/ d e bzhin du bdag dang bdag gir chags pa med pa'i phyir 'jungs pa spangs nas sbyin pa la sogs pa pha rol tu phyin pa thams cad kyi bsod nams dang ye shes kyi tshogs kyis rnal 'byor gyi dbang po rnams kyi sa'i khyad par gong nas gong du yul la dbang zhing sems dang/ yid dang/ yid kyi rnam par shes pa ldog go /ji ltar na dbang thob ces pa dang/ sangs rgyas thams cad kyi ye shes su dbang bskur ba rtogs pa dang thug pa med pa'i gnas yongs su gzung ba dang/ chos thams cad la lhun gyis grub pas dbang byed pa ni chos zhes bya'o zhes pa ste/ sa bcu tha dad pas pha rol tu phyin pa bcu rnams kyi gong ma'i yang gong mar bsod nams dang mi shes kyi tshogs su sbyor ba mchog tu dbang du gyur pas dbang dang gzhan gyi don du nus pa'i rnal 'byor gyi dbang po thams cad mkhyen pa nyid thob cing sems can la phan par 'jug par 'gyur ro/ /de la sdom pa gnyis pa dang pa spyod pa las 'das te/ rab tu dga' ba'i sa la ting nge 'dzin thob nas dbang thob pa ni 'khor ba las log pa yin/ de bzhin gshegs pa'i rigs su skyes ba yin/ mang du thos shing 'jig pa med pa yin/ de 'khor gyi nang du spa bkod ba med pa yin/ de kun tu 'tsho bas 'jigs pa med pa yin/ sangs rgyas brgya ni mthong/ zhing brgya ni bskyod lus brgya ni ston/ gnyis kyi 'khor los sgyur ba yin/ dge ba bcu'i las kyi lam du sems can rnams dgod par byed/ sems can thams cad la sbyin pa byin pa ni zas 'dod pa la ni zas sbyin zhes bya ba la sogs pa'i yon tan rgya cher te/ sbyin pa'i pha rol tu phyin pa shes che bar 'gyur ro/ /dri ma med par chos dang gang zag la bdag med pa rtogs pas 'dzin pa dang gzang ba gnyis kyi rnam par rtog pa la mngon par chags pa med pa'i phyir gnyis su med pa'i tshul khrims kyi ting nge 'dzin la gnas pa na tshul khrims kyi pha rol tu phyin pa shas che bar 'gyur ro/ /'od byed du mngon par shes pa dang/ bzod pa thob pas 'od dang ldan pa'i phyir snang bar 'gyur ro/ /'od 'phror 'jig rten pa dang/ 'jig rten las 'das pa'i chos rnams rtogs par spro bas brtson 'grus kyi pha rol tu phyin pa shas che'o/ /shin tu dka' rgyal du rgyal bar dka' ba'i nyon mongs pa las rgyal te sems rtse gcig tu mnyam par 'jog pas bsam gtan gyi pha rol tu phyin pa shas che'o/ /mngon par du ni rten cing 'brel te 'byung ba las mthun pa dang/ mi mthun par 'jug par spyod pas shes rab kyi pha rol tu phyin pa shas che'o/ /ring du seng bar ni byang chub kyi phyogs kyi chos sum cu rtsa bdun rtogs pa'i phyir ring du song ba ste/ khams gsum gyi 'dod chags dang bral ba yang snying rjes gzhan gyi don thabs kyis byed de/ der ni thabs kyi pha rol tu phyin pa shas che'o/ /mi g.yo bar rten cing 'brel te 'byung ba shes rab kyi dpyad pa'o stong pa nyid gnyis su med cing snang ba med pa'i ting nge 'dzin las ldang zhing/ dag pa'i 'jig rten pa snang ba dang bcas pa'i ting nge 'dzin so sor lta ba'i ye shes kyis 'jig rten snang bar byed cing gzhan gyi don du smon lam gyi pha rol tu phyin pa shas che bar 'gyur ro/ /legs par blo gros su ni so so yang dag par rig pa'i ting nge 'dzin thob pas bsam pa dang bag la nyal ba thams cad shes shing chos smra ba po'i chos bstan pa rab tu 'byung ste/ de'i stobs kyi pha rol tu phyin pa shas che bar 'gyur ro/ /chos kyi sprin du ni chos mdza' dag shes pa'i phyir thams cad mkhyen pa rnams kyis dbang bskur te/ de'i ye shes kyi pha rol tu phyin pa shas che bar 'gyur ro/ /sa bcur spang bar bya ba nyon mongs pa'i mi shes pa bag chags dang bcas pa des spong ba'i phyir thams cad mkhyen pa nyid du 'gyur ro/ /de ltar na yang de chos thams cad la dbang byed cing rnal 'byor thams cad kyi dbang po sangs rgyas nyid du 'gyur ro/ /lhun gyis grub ba med pa ni sa bdun gyi bar du ste/ sa brgyad kyi dbang po rnams kyi ni lhun gyis grub pa'o/ /sa dang po'i dbang bo rnams kyis ye shes la dbang byed mod kyi 'on kyang thams cad mkhyen pa'i dus su rdzogs par 'gyur ro/ /tshe'i dbang dang/ yo byad kyi dbang dang/ las kyi dbang dang/ thob pas na 'khor pa las log pa yin/ de kun tu 'tsho ba las 'jigs pa med pa yin zhes bya ba la sogs pa ste/ des na sa dang po nas brtsams te dbang byed pa yin no/ /ji ltar gsungs pa/ tshe las yo byad mos pa dang/ /smon lam rdzu 'phrul skye dbang dang/ /chos sems de bzhin shas chen dang/ /dbang bcu 'di dag dbang pos thob ces pa ste/ des na dbang byed par 'gyur ro/ /sa bcu tha dad pa phye ba na thams cad mkhyen pa kho na thob par byed do zhes 'phags pa sa bcu pa dang 'dra bar thams cad mkhyen pas 'dir bsnyad pa'o/ /lta ba thams cad la spros pa la rnam par rtog pa'i dngos po mdza' gnyis su ltung bar byed pas zhes bya ba ni yid pa dang med pa la sogs par lta ba'i rnam par rtog pa ste/ rdul phra mo'i rang bzhin yod pa rtag pa'i gzugs dang/ sbom po yan lag gi rdzas ni byed pa dang ldan pa nas yon tan dang ldan pa dang/ 'du ba'i rgyu'i bar du rdzas yod la rmi lam gyi dus na med do zhes so/ /shes rab kyis dpyad nas gang gi tshe na sbom po dang phro mo rnam par gzhigs te/ mi dmigs pa de'i tshe lta ba'i spros pa la rnam par rtog pa spong ngo/ /mu stegs byed smra ba ni byis pa rnams phal cher rtag pa dang/ chad pa dang/ mdza' gnyis su ltung bar byed de mkhas pa rnams ni ma yin no/ /rgyu med par smra ba yongs su bzung bas rnam par lta bar 'gyur ro/ /zhes pa ni ji ltar khyad par can la sogs pa yon/ /rgyu dang mi ldan pa ni rtag pa'o zhes kun rtog par byed de/ mthong ba dang/ reg pa pa las don gcig 'dzin pas na bdag yod do/ zhes so rgyu zhib par rgyu'i dngos po med pa'i phyir chad par lta bar 'gyur te zhes pa ni rgyu 'jig pa'i phyir skad cig pa'i gnyis po la 'bras bu'i dngos po med pas skad cig pa snga ma rgyu ma yin no/ /de ltar na mu stegs can rnams tshad par lta bar 'gyur ro/ /dren pa dang shes pa la sogs pa skad cig mar 'jig pa la mi rung ngo zhes par rgol ba la thams cad mkhyen pas kyang gnas pa'i phyogs su gsungs pa/ skye ba dang/ gnas pa dang/ 'jig par mi mthong bas chos shes de skad du bya'o zhes ba ste thams cad mkhyen pa'i dgongs pa ni 'di yin te/ gang yod pa de thams cad skad cig pa ste/ se gol gyi sgra dang/ 'bab chul sogs pa bzhin no/ /rtag pa ni ma skyes pas ni ri bong gi rwa la sogs pa bzhin du dngos po med do/ /rim dang cig char bu don byed pa dang 'gal pa'i phyir mo gsham gyi bu la sogs pa bzhin du med do/ /de'i phyir dran pa dang/ shes pa dang/ 'ching ba dang/ grol ba dang/ bde ba la sogs pa skad cig mar 'jig pa la ni rung gi rtag cing mi 'gyur ba la ni ma yin no/ /lung stan pa la sogs pas skye ba dang/ gnas pa dang/ 'jig pa la sogs pa tha dad par byed pa dang/ byed pa por mngon par 'brel par kun rtog pa de dag mi rung ste/ 'on kyang de nyid ma byung ba dang/ byung ba las phyir med par 'gyur te/ des na skye ba dang/ gnas pa dang/ 'jig pa'i chos brtags pa yin gyi don dam pa'i yod pa ni ma yin no/ /ji ltar dge 'dun chen po pa rnams klog pa 'du byed thams cad skad cig ma/ /mi brtan byed pa ga la zhig / gang byung byed pa de nyid de/ /byed pa por yang de nyid brjod ces pa ste/ des na bdag med pa gnyis ka la yang skad cig mang? 'jig pa yod ces thams cad mkhyen pas dgongs pa'o/ /'phags pa lang kar gshegs pa ye shes dpal bzang pos bshad pa sbyar ba'i le'u gsum pa las chos dpyad pa'i le'u ste bcu gsum pa'o/ / //de nas yang byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das 'di lta ste/ mya ngan las 'das pa zhes gang mu stegs byed thams cad rnam par rtog pa mya ngan las 'das pa mya ngan las 'das pa zhes bgyi ba de gang gi tshig lags/ bcom ldan 'das kyis bka' stsal pa/ blo gros chen po de'i phyir shin tu legS bar nyon la zhes bya ba la sogs pa ste/ mu stegs byed pa kha cig ni phung po dang khams dang/ skye mched rnams 'gog pa dang/ yul la 'dod chags dang bral ba dang/ rtag pa dang chos mi mthun pa mthong bas sems dang sems las byung ba mang po mi 'byung ste/ 'das pa dang ma 'ongs pa dang da ltar gyi yul rjes su dran pa ni mar me dang/ sa bon dang/ rlung bzhin du rgyu zad pas rnam par rtog pa mi 'jug par brjod do/ /de'i phyir de dag la mya ngan las 'das par gyur mod kyis blo gros chen po 'jig par lta bas mya ngan las mi 'da' o zhes pa ni phung po dang/ khams dang/ skye mched la sogs pa'i dpe mar me la sogs pas yul rnams skad cig mar 'jig par rnam par shes pa nas/ 'jig pa'i lta ba gang gis mya ngan las par rtog pa de dag la 'gro ba thams cad kyi ther zug tu snga ma'i skad cig pa'i 'og tu mya ngan las 'das pa nyid do/ /de'i phyir 'jig par mthong bas mya ngan las 'das pa med do zhes thams cad mkhyen pas dgongs par brtag go /nyan thos rnams dang/ dge slong skye @233a bo chos bsam pa can zhes bya ba rnams phung po 'jig par blta'o/ /theg pa chen po la ni phyi rol gyi don gyi dngos po med pas 'dzin pa dang/ gzung ba'i dngos po med pa'i phyir rtag pa yang ma yin/ mi rtag pa yang ma yin no/ /ji ltar 'phags ma shes rab kyi pha rol tu phyin pa las rtag par kun tu mi mthong ngo/ /mi rtag pa yang ma yin no zhes pa dang/ de ba yang ma yin sdug bsngal ba yang ma yin/ dge ba yang ma yin mi dge ba yang ma yin zhes bya ba la sogs pa smos pa rgya cher ro/ /gzhan dag ni yul gzhan gyis gnas su song na thar pa'o zhes brjod pa ni ji ltar nyi ma'i dkyil 'khor gyi dbus nas thar par 'gro'o/ /kha cig gis rlung gis klad pa brtol te zhi ba'i gnas su 'gro'o zhes rtog go /gang na gnas su 'gro ba de na skye ba ste/ skye ba gzhan du 'gro ba nyid kyi mya ngan las 'das pa ni ma yin te/ nyon mongs pa zad na thar pa'o zhes thams cad mkhyen pas dgongs pa'o/ /de bas na nyon mongs 'dod sogs bsgos pa yi/ /sems nyid 'khor ba yin pa'i phyir/ /de nyid de las grol ba ni/ /srid pa'i mthar phyin zhes par brjod ces pa ni yang mu stegs byed pa kha cig ni blo'i rig par bya ba mthong ba rnam par gzhigs pas thar par brjod do/ /shes pa la blo'i rig par bya ba zhig par mthong bas thar pa zhes bya ba ni mi rtag pa shes nas skyo ba thob pa'o/ /de ni nyon mongs pa zang bar bya ba thabs mi shes te/ gal te rtag pa dang/ bdag tu chags pas 'khor ba'i sdug bsngal 'byung ba bdag med pa shes na ldog go zhe na ni de'i tshe na thar pa'i thabs su 'gyur na 'du shes kyi rnam par rtog pa bkag ste 'khod cing ji ltar shes rab kyi thabs rnams kyi chags ba log ste/ ji ltar grol ba de lta bur skad cig mar 'jig pa mi shes so/ /kha cig ni rnam par rtog pa mi 'jug cing rtag pa dang/ mi rtag par mthong bas zhes pa ni rgyud kyi rgyun @ 233b du gnas pa'i rnam par shes pa la bdag tu sgro btags te/ rtag pa dang bdag la sogs pa'i rdzas su btags nas/ blo dang sgra dang mi rnams mi rtog go /zhes rnam par rtog pa bzlog cing de'i yon tan blo la sogs pa skye ba rnams bkag ste rnam par rtog go /kha cig ni mtshan mar rnam par rtog pa mang ba ni sdug bsngal skye ba thob par byed pa'o snyam nas/ rang gi sems snang ba tsam la mi mkhas pa dag mtshan mas 'jigs shing skrag ste mtshan ma mthong bas bde ba 'dod pa'i phyir mya ngan las 'das pa'i blor gyur te zhes pa ni 'du shes ni mtshan mar 'dzin pa'i bdag nyid do/ 'dung shes skran dang/ 'du shes zug rngu'o snyam nas de lta bur 'du shes med pa can yin no/ /rang gi sems snang ba tsam la mi mkhas pa ni lus dang longs spyod gnas snang ba/ /kun gzhi kun tu 'byung ba ste zhes pa shes rab kyis dpyad pas log pa mi shes nas/ bdag rtag pa ni mchog tu dga' pa'i gnas kyi mya ngan las 'das par rig sngags 'dzin pa'i mthar smra ba rnams rtog go /gang na bde ba'i kun tu tshor ba yod pa de na skye pa gzhan gyi gnas te/ ji ltar mya ngan las 'das pa yin zhes thams cad mkhyen pas dgongs pa'o/ /yang kha cig ni nang dang phyi'i chos thams cad kyi rang dang spyi'i mtshan nyid khong du chud cing 'das pa dang/ ma 'ongs pa dang/ da ltar byung ba'i dngos po mi 'jig ste/ mya ngan las 'das par rtog go zhes pa ni zhi ba pa dang/ gtogs 'dod pa dang/ tshangs pa la sogs par smra ba po rnams kyis dngos po rnams spyi dang khyad par du ldan pa kun tu rtog go /ji ltar thams cad 'di ni zhi ba dag ste/ zhi ba nyid las rab tu byung/ /'byung po kun la zhi ba ste/ gang zhi de ni bdag nyid nyo/ /ji ltar shing la me yod dang/ /chu ni sa la yod ba de/ /ji ltar 'byung po thams cad la/ /zhi bdag pa rnam par gnas/ /bstan pa byin 'gro de bzhin du/ /gang sar cung zad yod pa ni/ /thams cad de ni dbang mchog gis/ /bdag nyid khyab sta gnas pa'o/ /gtogs 'dod kyis kyang smra ba pa/ /'byung po kun la bdag gnas par/ /bdag la 'byung ba thams cad de/ /bdag ldan de ? sus rig pa/ /kun tu mnyam par mthong ba'o/ /tshangs par smra ba b+ha dra ha ri la sogs pas sgrub bar byed pa/ /de phyir da rod sa gnas pa/ /snang ba'i grong ni 'gyur ba med/ /ched dang ldan pa'i sprin rnams ni/ /rlung las skye ba bzhin du'o/ /sor sor tshig don de dag dang/ /khams kyi don kyang smra ba ste/ /de yod dang ni de che ba/ /bdag nyid kho na nyid rnams smras zhes pa ste/ de de ltar mi gnyis par smra ba rnams kyi spyi dang khyad bar du brtags pa rnam pa thams cad kyis grol ba dang/ ma grol ba dang/ phyug dbul la sogs pa gcig pa'i skyon du 'gyur ro/ /k+Sha pa na ka dang/ spyod pa can gyis tha dad pa dang/ tha dad pa ma yin par brtag pa yod pa mi yin te/ bdag dang gzhan gyis rang bzhin gnyis gcig par gcig pu la rang bzhin mi srid pa'i phyir gzugs can dang/ gzugs med pa dang/ grang ba dang/ me la sogs pa rnams gcig pa'i skyon du 'gyur ba'i steng du phan tshun gyi 'bras bu med par yang 'gyur ro/ /des na rang dang spyi'i mtshan nyid yongs su shes pas thar pa med do zhes thams cad mkhyen pas dgongs pa'o/ /kha cig ni bdag dang/ sems can dang/ srog dang/ gso ba dang/ skyes bu dang/ gang zag dang/ chos thams cad mi 'jig pas mya ngan las 'das par rtog go zhes pa ni thos pa las te/ gal te bdag lta bar byas na shes par bya ba dang/ gdon mi za bar bstan par bya'o/ /'on te skye dgu mi 'dod na skye dgus ci bya/ gang dag la 'jig rten 'di med cing 'jig rten phyi mi rtag pa nyid shes nas bdag gi rnal 'byor du gnas pa de dag la ni ji tsam du bdag tu chags pa yod pa de tsam du thar pa med do zhes thams cad mkhyen pas dgongs pa'o/ /bdag dang sems can la sogs pa ming ni rnam grangs kyi sgra bcu gnyis te/ mu stegs byed kyis thar par kun brtags pa de dag rtag pa gzugs la sogs pa gzhan ni mi rtag pa'o zhes te/ des na bdag tu mngon par chags pa'i phyir de dag thar bar mi 'gyur ro/ /ji ltar ting nge 'dzin gyi rgyal po las/ /gang dag bdag gis 'du shes la ni gnas/ /de dag sdug bsngal la ni rab tu gnas/ /gang na sdug bsngal la ni min pa yi/ /bdag med pa'i ni bdag mi shes so zhes pa'o/ /blo gros chen po mu stegs byed mi mkhas pa'i blo can kha cig ni rang bzhin dang skyes bu'i bye brag mthong ba dang/ yon tan 'gyur ba byed pa po'i phyir mya ngan las 'das par rtog go zhes pa ni ne yi ya yi ka dang/ khyad par can rnams kyis yul las shin tu skye ste/ rtag par bdag tu sbyor zhing rang gi yon tan blo la sogs pa khas blangs par sngar smras pa rnams yongs su spang ba'i phyir thar pa'o zhes so/ /grangs can rnams ni mi mkhas pa'i blo can du thams cad mkhyen pas gsungs pa ste/ sgra la sogs par dmigs pa'i yon tan skyes bus bye brag tu mthong ba ste/ gtse ni skyes bu'i don yin par rtog go / tshor ba can gyi gzugs la sogs pa'i yul gyi khyad par yongs su shes par gyur du zin kyang re lde dang rtsig pa'i khyad par bzhin te/ bdag tu chags pa ma log pa'i bar du/ de tsam gyis thar par 'gyur ram/ bsam pa med pa'i yon tan rnams byed pa po yin gyi bsam pa yod pa ni byed pa po ma yin no zhes pa na mi mkhas pa'i blo can no zhes thams cad mkhyen pas dgongs pa'o/ /rang bzhin dang/ bde ba dang/ sdug bsngal dang/ gti mug gi mtshan nyid du yon tan gsum gyi bdag nyid dang/ skyes bu'i longs spyod dang/ yul gyi ngo bo nyid do/ /blos rtogs pa'i don ni skyes bus tshor ba zhes grangs can rnams kyis rtog go /de'i tshan yang yul gdon mi za bar yongs su bcad pa ni bsam pa dang bcas pa la ni rigs pas na blo dang skyes bu ji ltar na tha dad par rung zhes bya bar ti ka las zhig tu rtsod de/ /kha cig ni bsod nams ma yin pa yongs su zad pas zhes pa ni ji ltar rig sngags kyi bum ta ka'i rgyud las/ rnal 'byor gyi ni gtsub gtan gtsub shing ni shes bsregs pa mdza' med pa bsod sdig bzhin te zhes bya ba la sogs pa'o/ /ji ltar ba ja sa na ya ka las 'byung ba rig sngags ni rig sngags ma yin no/ /mchod sbyin ni mchod sbyin ma yin no/ /pha? ni pha ma yin no/ / ma ni ma ma yin no zhes bya ba des rku ba mi rku bar 'gyur ro/ /gdol bu ni gdol bu ma yin no/ /sme sha can ni sme sha can ma yin/ /bram ze ni bram ze ma yin par 'gyur ro zhes bya ba la sogs par gang gnyis su mi mthong par de nyid nar ye shes mi gnyis pa'o zhes pa ni bdag tu chags pa log pa na sdig pa yongs su zad par 'gyur ro/ /zhi ba la rtog pa ni/ bcom ldan 'das kyis 'byung cig gis/ /bsod nams sdig pa zad par byed/ /'byung dang 'dra ba'i thar pa med/ /yi ge phyi mo mchungs rig med/ /gal te bdag tu chags pa med pa ma yin par rab tu byung pas sdig pa ldog par 'gyur na na ltas rjes su bzung ba tsam du bzhag gi /'dod chags dang ma bral bar ni thar par mi rung ngo/ /kha cig ni nyon mongs pa zad par shes p as zhes pa ni shes rab kyis dpyad pa med par phyi rol gyi 'dod chags dang bral ba rnams kyi ye shes kyis 'dod chags la sogs pa'i nyon mongs pa zad du zin kyang bdag tu chags pas na phyi rol gyi rnams la thar pa med do zhes thams cad mkhyen pas dgengs pa'o/ /de bas na srid la chags med bsam gtan pa/ /srid pa'i thog mar phyin pa yang/ /nga rgyal lcags kyus drangs nas su/ /sems can dmyal bar yang lhung ngo/ /kha cig ni 'jig rten rnams ni dbang pos rang dbang du byas par mthong bas mya ngan las 'das par rtog go zhes pa ni/ bdag gi sdug bsngal bde ba la/ /skye bo mi shes dbang phyar med/ /ngan song 'am ni mtho ris su/ /dbang pos bskyed pa bzhin du 'gro /de ste dbang po'i tshig brtsan ste/ /mtho ris dang thar pa la sogs pa 'gyur na ni de'i tshe'i dbang po de 'dod chags dang bral ba'i phyir thams cad nyid cis na thar par mi 'gro / 'on te 'dod chags dang bral ba ma yin na ni de la yang nyon mongs pa dang mi shes pa'i sdug bsngal sus byas/ de'i phyir dbang pos 'jig rten la bde ba dang/ sdug bsngal ba la sogs pa byed pa med do/ /yongs su dag pa zhig na ni thal bas skud pa dang/ ral pa 'phyang pa dang/ lhab lhub sna tshogs pa'i gar dang/ glu la sogs pas dbang po mgu ste/ cis na thar par khrid/ des na rtag ba dang bdag tu chags pa'i sred pa dang ma bral ba ni mi rung gi 'dod chags dang bral pa la thar par rung ngo/ /kha cig ni 'jig rten gyi 'byung ba 'di ni gcig gis gcig zhugs pa ste/ rgyu las ma yin no zhes de la rgyu la mngon par chags pa bzhin du gti mug pas khong du mi chud de de khong du ma chud pas mya ngan las 'das pa ni med par rtog go zhes pa ni skye po rnams kyis las kyi mtshan ma dang skye ba'i mtshan ma yang rgyu/ rgyu gang med pas thar par 'gyur ba de khong du mi chud do/ /bdag la chaD pa yod na las byed do/ /bdag med par sheS pas mi byed do/ /bdag tu chags pa yod na ni ji ltar na las byed par mi 'gyur ro/ /las su smra ba po rnams kyis bdag las kyi sgrib pa las 'grol bar 'gyur ro zhes de cis na brjod ji ltar las kyi rgyus skyes ba ste/ las mi byed na skye bar mi 'gyur ro zhes so/ /mya ngan las 'das pa'i rtsa ba'i rgyu ni bdag med par rig par bya'o zhes thams cad mkhyen pa'i dgongs par brtag go /blo gros chen po mu stegs byed kha cig ni bden pa'i lam khong du chud pas mya ngan las 'das par rtog go zhes pa ni ji ltar ne yi ya yi kas rtog pa ste/ sdug bsngal 'byung ba'i nyes pa ni log pa'i shes pa rnams kyis te/ yang nas yang du lhung bar byed do/ /de ltar mtshan mar sbyor ba med na thar pa'o zhes so/ /las 'byung na skye ba dang/ rga ba dang/ rgud pa dang/ 'chi ba'i sdug bsngal lo/ /las kyang 'dod chags la sogs pas byed do/ /'dod chags la sogs pa ni lag pa'i shes pa las 'byung ngo/ / mi rtag pa dang/ sdug bsngal ba dang/ mi mdzes pa yongs su shes pas log pa'i shes pa spang ngo zhes so/ /de lta bur bden pa'i shes pa thams cad mkhyen pas dgongs pa ste/ 'on kyang de dag la bdag med pa'i ye shes med pas de bzhin du bdag tu chags pa'i phyir las dang skye ba ji ltar na ldog par 'gyur/ kha cig ni yon tan dang/ yon tan can mngon par khong du chud cing gcig pa dang/ tha dad pa dang/ gnyi ga dang/ gnyi ga ma yin pas mthong bas/ mya ngan las 'das pa'i blor 'gyur ro zhes pa ni khyad par can rnams kyi bdag gi yon tan dgu rtsa ba nas bcad na yon tan can bdag mthar ro zhes rtog go /mi gnyis bar smra ba rnams gcig pa'i phyir tshangs pa dang dbang po la sogs pa'i chud pa mtshungs pas bde ba dang/ sdug bsngal ba dang/ gti mug rnams yon tan gcig pa yongs su spangs na thar pa'o zhes so/ /ji ltar gtogs 'dod kyis smras pa/ lha yi 'di ni yon tan can/ /nga yi sgyu ma brgal dga' bar/ /de ltar nga la su rtogs 'gyur/ /de dag sgyu ma 'di las brgal zhes so/ /de bzhin du dbang po'i sgyu ma ni byed pa'i mthu ste skyes bu dang/ bud med kyi nyi shu rtsa bzhi'i tha dad bas bye ba ni 'chi bar 'jug go /shes pa'i mthus thar pa'o? gnyis kar smra ba ni gnyis su smra ba'o/ /gnyis ka'i ma yin par smra ba ni gnyis ka dang gnyis ka ma yin par smra ba k+Sha pa na ka ste/ bdag dang byed pa po dang/ phyi rol tu lta bar smra ba de dag la bdag tu chags pa yod kyi/ bdag med pa'i ye shes ? med pas na 'khor ba ji ltar na yongs su zad par 'gyur/ kha cig ni rang bzhin las zhes bya ba la sogs pa ni 'jig rten rgyang phan gyi phyogs nyid brtag ste/ ji lta ba bzhin du dngos po 'di dang/ rang bzhin las 'byung ba de bzhin du rnam par 'jig pa ni thar pa'o zhes so/ /de ni skyes ma thag pa la dga' ba dang/ 'jigs pa dang/ mya ngan kun rtogs pas sngon gyi goms pa rjes su dpag go /sred pa dang bcas pa nyid ni skye ba dang/ 'dod chags pa dang bral ba ni mi skye bar sa thong pa'i phyir des na sred pa yongs su zad na thar bar dgongs pa'i don du brtag go / gzhan du skye ba rjes su dpag pa ni lan du mar bshad pa yin no/ /kha cig ni de kho na nyid nyi shu rtsa lnga khong du chud pas zhes pa ni grangs can rnams te/ kha? cag ni dbang por 'dod pa ste/ kha cig ni dbang po mi 'dod de de kho na nyid nyi shu rtsa lnga'i steng du dbang po ste/ byed pa dang bcas pa dang/ byed pa med pa ni mya ngan las 'das pa'i rgyur rtog go /kho na shes pa nyi shu lnga/ /gnas ni gang dang gang yang rung/ /mgo breD ral pa phud bu can/ /grol pa der ni gdon mi za zheS par spyir ro/ /dbang por mi smra ba rnams ni rang bzhin dang skyes bu'i bye brag shes pas thar pa zhes 'dzar to/ /de kho na nyid nyi shu rtsa lnga la sems pa ni skyes bu'i ngo bo nyid do/ /sems stobs dang/ rdul dang mun pa mnyam pa'i dus na gtso bo gtso@237a las chen po ste/ de ni blo'i rnam grangs so/ /chen po las nga rgyal lo/ /nga rgyal las sgra la sogs pa'i yul de tsam lnga'o/ /de tsam lnga las 'byung ba lnga dang/ blo'i dbang po lnga dang/ las kyi dbang po lnga dang/ yid de grangs can gyi lo rgyus so/ /khyad par can gyi bye brag ni blo dang/ bde ba dang/ sdug bsngal dang/ 'dod pa dang/ zhe sdang dang/ nan tan dang/ chos dang chos ma yin pa dang/ 'du byed rnams bdag gi yon tan dgu zad nas thar? pa'o// grangs can rnams kyi ni yon tan dang skyes bu'i khyad par mthong bas so/ /kha cig ni skye dgu skyong ba dang/ yon tan drug bstan pa 'dzin pas mya ngan las 'das par rtog go zhes pa ni bdag gi don spangs la/ gzhan gyi don du bsam pa dag cing snying rje can gyi skye dgu skyod bas yon tan drug bstan pa 'dzin pa'i phyir thar pa zhes ste sdug bsngal zad par brtags pa'o/ /yon tan drug ni mjal du ma dang/ 'thab pa dang/ cha ba dang/ 'khod pa dang/ rtan pa dang/ rnam pa gnyis kyi dngos po chos kyi tshul gyis cis na cho gzhan las thar zhes thams cad mkhyen pa'i sgra'i don las dgongs pa'i don du brtag go / kha cig ni byed pa po dus yin par mthong ba'i phyir zhes bya ba la sogs pa ni ji ltar dus kyi mthu las skye ba de ltar dus gzhan du thar pa zhes te 'bras bu 'byung pa nyid thar pa'o/ /ji ltar gtogs 'dod kyis smras pa/ srog dang srog min dbugs bsnyams nas/ /sna yi nang du rgyu bar byed/ /dbang po yid dang blo yang bsdams/ /thub pa'i thar bar gnas pa'o zhes so/ /lha chen pos kyang smras pa/ rnam par snyam pa'i tshul gyis ni/ /zhags pa sus ni chong mi 'gyur zhes bya ba la sogs pa'o/ /bdag tu chags pa'i 'dod chags dang 'bral ba la// @ 237b las dang skye ba las thar par rung ngo/ /blo gros chen pos kha cig ni srid pas so zhes pa ni ji ltar mchod sbyin gyis mchod par gyur pas de dag go /gang 'di na rta dang ldan pa'i yon tan ni mtho ris su mtho'o/ /gos sbyin pa ni nyi ma dang lhan cig pa'o/ /gser dngul sbyin pa ni de kho na nyid kyi bdud rtsi za zhing de tshe med pa'o/ /kha cig ni srid pa med pas so zhes pa ni khrus dang sbyin sreg la sogs par thar par rtog go /gang+gA chu dang de bzhin mchod/ /gang+gA rgya mtsho 'dres par ni/ khrus byed de dag mtho ris 'gro / shi ba de dag yang srid med/ ces pa la bdag tu chags pa ni las dang skye ba'i rgyu ste/ de la ma chags pa ni thar par rung ngo/ /yid lta dpa' bor gnas shing ni/ /rnal 'byor brtson pa'i 'gro ba gang/ /gang+gA ya mun 'dres pa la/ /sog 'dor de yi 'gro ba de/ /nam zhig dus kyi rnam grangs kyis/ /wa ra NA sir gal te 'gro /rdo bas rkang pa gnyis bcag ste/ /de nyid du ni 'chi bar bya/ /bram ze gsod la sogs pa mi/ /der bkrus nas ni rnam par 'grol/ /srin ma phye ma leb rnams kyang/ /shi ba grol bar gdon mi za zhes pa ste/ de de lta bar 'khru bas srid pa srid pa med par rtog go /sngags kyis kyang mtho ris dang sde dang bral ba'i gnas te ji ltar gtogs 'dod kyis smras pa/ nga yi rjes su dran pas ni/ /bram ze bsad pa'i sdig byed nas/ /lus ni bor nas rab 'gro ba/ /de ni 'gro ba'i mchog tu 'gro zhes gtogs 'dod kyis mtho ris dang thar pa dang srid pa med par brtags par brtag go /lha chen pas kyang smras pa/ 'chi ba'i dus ni byung ba na/ /rig sngags chen po gcig la sogs/ /mis ni yid la bsams gyur na/ /lus zhig nas ni zhi ba dang/ /lhan cig sbyor 'gro gdon mi za/ /dgu bdag la sogs sngags chen po zhes pa ste/ de'i phyir yang smras pa/ 'jig rten rgyu dang mi rgyu ba/ /chang btung la sogs skyon rnams kyis// mi rigs par ni byas na yang/ yang dag rig nyid mi gos so/ /tshangs spyod stsogs pas lus pa ni/ /gdung? bar ci phyir bya zhig gu /yongs shes pas ni de dag grol/ /de dag la ni gzir 'gyur med/ /des na srid pa srid pa med? pa yongs su shes pa ni thams cad mkhyen pa'i snga ma'i phyogs su dgongs pa'o/ sngags dang khrus la sogs pas gal te sreg pa dang 'dod chags la sogs pa'i nyon mongs par rnam par ldog na ni de'i tshe sdig pa yongs su zad de thar par yang rung ngo/ / des na der zhi ba rnams kyis smras pa/ srid zhi'i rgyus ni grol ba'i phyir/ /shes pa med cing sbom pa'ang med/ /des na lkug la sogs pa rnams/ /der zhugs bskal par brjod pa'o/ /sngags kyi rnal 'byor la sogs pa grub pa rnams la ni srid pa dang mya ngan las 'das pa'i khyad par med pa yang thams cad mkhyen pa'i snga ma'i phyogs su dgongs pa'o/ /ji ltar pa tan dza lis smras pa las 'byung ba/ sman dang nor bu dang/ sngags dang/ ting nge 'dzin las tshe gcig gis dngos grub skye'o/ /kha cig ni tshe gnyis pa nyid la dngos grub ste/ goms par spro ba'i drang srong ni thams cad shes par 'gyur ro zhes thos pa'o/ /der de lta bu la ni rtsod pa med de bde bar gshegs pa rnams la ni bdag med pa'i khyad par gyi phyir ro/ /rje'u'i kha zas kyis kha cig dang/ 'bras bu dang/ me tog dang/ rtsa ba dang/ sman la sogs pas dngos grub du brjod do/ /de bzhin du sman ras yan lus bstan pa'i dngos grub tu gyur pa yang rung/ 'khor ba la bdag tu chags pa dang/ las kyi rgyu las te mi shes po yongs su zad pa dang/ skad cig mar 'jig pa'i shes rab kyis rung ngo/ /nor bus ni nad med pa dang/ cung zad cig zhi bar byed par 'gyur ba ni sngags dang dug sman la sogs bas? kyang dug dang/ 'dre sha za la sogs pas bsal bar yang rung na/ tshe'i bdag tu chags pa dang/ las kyi rgyu las 'byung ba bdag med par shes pas ldog /ting nge 'dzin las skyes pa'i dngos grub rnams ni de bzhin du lus yang ba'i phyir 'jig rten la sogs pa'i dngos grub mngon par shes pa lnga pa tan dza la'i rnal 'byor sdom pa dang/ nges pa dang/ bstan pa dang/ srog gi 'bad pa dang/ phyis bsgrub pa dang/ bsam gtan dang/ 'dzin pa dang/ ting nge 'dzin dang/ yan lag brgyad kyis 'grub pa yod par yang rung/ a sta dang/ mchod sbyin shun bags? dang/ /spron pa'i yan lag drug gi rnal 'byor ni/ /srog 'bad de bzhin bsam gtan dang/ /phyis sgrub de nas 'dzin pa dang/ /rtog ge'i ting 'dzin de bzhin du/ /yan lag drug la rnal 'byor brjod/ / drang srong san ka'i rnal 'byor ni/ /'dzums pa phye ba de bzhin du/ /thal mo tsam ni rnams zhes bya/ /de bzhin bcu gnyis tsam po ni/ /sgrog 'bad par mi mngon brjod bya/ /srog 'bad bcu gnyis 'dzin ba ste/ /'dzin pa gnyis la'ang rnal 'byor yin de ltar rnal 'byor ldan pa la/ /dbang phyug rab tu 'grub par 'gyur/ /bdag gi mchog gi gzi brjid kyis/ /des ni 'bar bas mthong ba'o zhes pa de bzhin du gsal zhing snang bar 'gyur ba yang rung ste/ rlung bkag pa na me skyed par byed do/ /rnam pa drug gi rnal 'byor gyis kyang rdza ma can gyi rnal 'byor la gnas pa na ltor son pa'i rlung yang spyi bor gnas shing yang dga' i lus gong du khrid bar byed do/ /de lta bu'i mngon par shes pa yod pa yang rung na bdag tu chags ba'i rgyu las las dang tshe rnam par mi ldog pa snga ma bzhin no/ /lus yang ba'i phyir na mkhor? 'phags shing 'bar ba dang/ ring ba la sogs pa yongs su shes pas ma yin no/ /bkra shis dang/ bkra shis ma yin pa dang/ 'o ma dang zas la sogs pa rnams la yang thar pa med pa ji ltar zhe na/ shes rab kyis dbyad par skyo bar gyur pa la thar pa'o/ /kha cig ni srid pa dang/ mya ngan las 'das pa bye brag med par mthong ba zhes pa ni sangs rgyas pa'i grub ba'i mdza' nyid de/ sob? dpon slus bos kyis dbu ma mya ngan las 'das par bshad pa ni/ mya ngan 'das pa'i mdza' gang yin/ /'khor ba'i mdza' yang gang yin pa/ /de gnyis bar na cung zad kyang/ shin tu phra mo yod pa min zhes pa ste/ nam shes rab kyis dmigs bar byang? mi dmigs bden 'khor ba dang khyad par mi mthong ngo/ /blo gros chen po thams cad mkhyen pa'i seng ge'i sgra sgrogs pa zhes bya ba de la 'di skad ces bya ste/ rang gi sems snang ba tsam ji bzhin pa khong du chud pa'i rang gi sems snang ba las ma gtogs pa'i phyi rol gyi don rmi lam dang/ mig 'phrul la sogs pa'i gzugs lta bu la mngon par chags par mi bya'o/ /mdza' bzhir gnyis dang/ mi gnyis par smras pa rnams kyi ste/ gcig pa dang/ tha dad pa dang/ gnyis ma yin pa bshad par bya'o/ /tshangs pa dang/ dbang po la sogs par smra ba rnams la gang zag dang chos la bdag med pa yang dag pa ji lta bu yongs su shes pa ma gtogs par rtag cing gcig pas mi rung ste/ rtag pa ma skyes pa'i phyir ri bong gi rwa ltar med de/ gcig pa la grol ba dang/ ma grol ba dang/ phyug pa dang/ dbul ba la sogs pa gcig pa'i skyon du 'gyur ro/ /pha rol gyi don gzhan par yang mi rung ste/ rnam par phye ba ni khang pa dang sde la sogs pa bzhin du stong pa kho na'o/ /phyi rol gyi rtag cing spyi dang khyad par gyi mtshan nyid la yang gnyis ka dang/ gnyis ka ma yin pa dang/ tha dad pa dang/ tha dad pa ma yin pa yang mi rung ste sngar bshad pa'o/ /rang gi sems snang bar rnam par rtog pa'i mdza' gnyis su ma lhung ba zhes bya ba ni rmi lam yin pa'i dus snga ma ni yod/ rmi lam gyi dus na ni med do zhes par mdza' gnyis su ltung ba med do/ /ji ltar na yang mdza' gnyis su lhung zhes de skad du thugs dogs nas thams cad mkhyen pas bka' stsal pa gzung ba dang 'dzin pa mi dmigs pa'i phyir ro/ /shes rab kyis gzhigs pa na dmigs su med pa'i rnal 'byor ro/ /tshad ma thams cad kyis grub pa ni mngon sum dang rjes su dpag pa'i tshad mas rdul phra mo la sogs pa'i phyi rol don gyi dngos po med sang? rab tu grub pa ste/ gnyis kyi rnam pa'i shes pas mgo 'khor ba dang/ brgyal ba la sogs pa'i shes pa bzhin du rnam par bslu ba'i phyir des na mnyam par mi 'jog pas dkrugs pa'i gnyis kyi rnam pa'i chud pa gnyis su med pa'i de kho na nyid mi shes so/ /de bsal ba dang zhes bya ba dang zhes bya ba la sogs pa ni log ba'i shes pa bsal na so sor bdag gis rigs par bya ba kho na nyid du 'gyur/ bdag med pa gnyis rtogs pa'i phyir zhes bya ba ni gang zag dang chos la bdag med pa gnyis yongs su shes pas so/ /chos la bdag med pa yongs su shes pa ni gzugs la sogs pa rnam par gzhigs pa na stong pa nyid kyis shes so/ /gang zag? pa bdag med pa ni gang yod pa de thams cad skad cig pa ste/ se gol gyi sgra dang/ 'bab chu la sogs pa bzhin no/ /nyon mongs pa gnyis rnam par log pa dang/ sgrib pa gnyis rnam par dag pa dang/ zhes bya ba ni chos dang gang zag la bdag med pa gnyis khong du chud pas nyon mongs pa dang shs bya'i sgrib pa 'dag go/ de ltar na sgrib pa gnyis rnam par dag pas thams cad mkhyen pa kho nar 'gyur ro/ /sa gong nas gong bsod nams dang ye shes kyi tshogs su 'phel ba ni sangs rgyas kho na ste/ las kyi sgrib pa ni sa dang po nyid du log go /nyon mongs pa'i sgrib pa log pa na de'i mthong ba'i lam skye zhing shes bya'i sgrib pa bsegs par 'gyur ro/ /sa bcus spang bar bya ba'i nyon mongs pa med pa'i mi shes pa zhes bya'i sgrib pa mnyam par mi 'jog pa la sogs pa'i mtshan nyid pa ni bsgom pa'i lam du spong ngo/ /des na mi shes pa ma lus par spangs te sa'i rim pas mkhyen pa'i ye shes rnam par dag pa bdag dang gzhan la phan 'dogs par nus pa mig gi ling tog dang bral ba bzhin du shes par bya ba'i dkyil 'khor thams cad du 'jug go / sgyu ma dang gzugs brnyan la sogs pa bzhin du dag pa 'jig rten pa'i snang ba dang bcas pa'i ting nge 'dzin la bzhugs pa yid kyi snang ba sems dang/ yid dang/ yid kyi rnam par shes pa bzlog pa de nyid mya ngan las 'das pa'o/ /sems ni kun gzhi rnam shes te/ /ngar sems nyid ni yid yin no/ /gang gis yul rnams 'dzin pa ni/ /de ni rnam par shes zhes bya zhes pa la lus dang/ longs spyod dang/ gnas su snang ba'i kun gzhi rnam par shes pa log pa ni me long lta bu'i ye shes zhes bya'o/ /ngar sems can gyi yid kyi rnam par shes pa log pa ni mnyam pa nyid kyi ye shes su brjod do/ /mig la sogs pa'i rnam par shes pa rnam par log ba ni so sor rtog pa'i ye shes su bstan to/ /de dag dang 'brel ba'i de ma thag ba'i yid kyi rnam par shes pa 'phos pa ni bya ba nan tan gyi ye shes su sangs rgyas kyi sa la sogs pa'i mdo sde las brjod do/ /de ltar snang ba dang bcas pa dang/ snang ba med pa'i ting nge 'dzin gyi khyad par yongs su shes pas thams cad mkhyen pa nyid du 'gyur ro/ /de ltar gzhan pa dang/ gzhan bdag ces bya ba la sogs pa ni ba lang gi brtul zhugs dang/ rma bya'i brtul zhugs dang/ /thal ba'i gnas su 'khod pa dang/ chu stan dang me lnga'i brtul zhugs dang/ grang ba dang dro ba dang/ tsher ma la nyal ba la sogs pa'i brtul zhugs dang/ bkra shis dang/ bkra shis ma yin pa dang/ 'o ma dang/ 'o ma ma yin pa la sogs pa dang/ chu dang/ rlung dang/ til dang/ 'bras dang/ rgod dang/ 'bras bu dang/ me tog dang/ rtsa ba'i zas la sogs pa brtul zhugs kyis gang dag gis thar par rnam par rtog go / slus? dang/ sbyin sreg dang/ thal bas bskus pa dang/ ral pa la sogs pa 'chad ba dang/ tshul khrims dang brtul zhugs bsnyems pas 'khor bar 'jug go /shes rab kyis dpyad pa dang/ mi ldog par log pa'i rgyu mngon par mi shes pa'i phyir de dag la thar ba med pa 'ba' zhig tu ma zad kyi rdo rje phreng ba las sems can dmyal bar ltung bar klog go / de dag rang yang zhig la log pa'i lta bas gzhan dag kyang zhig par byed do/ /bkra shis dang/ ba lang gi lci ba dang/ gcin dang/ tshod ma dang/ sha lug dang/ byil pa'i 'bras bu la sogs pas thar par rtog go /gal te chos la bdag med par yongs su shes pas de dag gi bdag tu chags pa ldog na ni thar par rung ngo/ /blo gros chen po de dag thams cad ni mdza' gnyis su lhung ba'i bsam pas mya ngan las 'das par rtog go zhes pa ni 'di ni yod 'di ni med ces dngos po dang dngos po med pa'i mdza' gnyis rtog pas rnam par rtog pa las spyod de/ /dngos po dang dngos po med pa'i rnam par mi rtog pa'i thar pa ni mi shes so/ /ji ltar bdun brgya ba las 'byung ba/ 'di nyid mya ngan las 'das pa ste gang 'di bsam pa med pa nyid do/ /thams cad mkhyen pas de nyid bsgrub par mdzad pa ji tsam du yid kyis 'gro zhing g.yo ba de tsam du gang la yang mya ngan las 'das pa@241a med do zhes pa ste/ gang na 'gro ba dang 'ong ba yod pa de na skye ba dang/ 'chi ba yin na/ ji ltar na mya ngan las 'das par rtog go /'di la gang yang 'jug pa yang med/ ldog pa yang med do zhes pa ni su gang du skyed pa de nyid du 'phags pas na su yang yul gzhan du 'am dus gzhan du 'jug pa med do/ /rtag pa'i bdag dang sems can la sogs pa brtags pa gang yang 'jug pa yang med pa ldog pa yang med pa ni rtag pa'i rang bzhin gzhan med pa'i phyir ro/ / des na rtag pa dang bdag tu smra ba rnams la thar bar mi rung ngo/ /bdag tu chags pas de dag la 'khor ba'i sdug bsngal 'byung ngo/ /thar pa dang mya ngan las 'das pa'i yang bdag tu chags pa nyid las 'dod pas bdag tu chags pa ji ltar na ldog par 'gyur/ bdag med par smra ba rnams bdag tu chags pas mi dmigs pa'i phyir shes rab kyis mya ngan las 'da' o/ /ji ltar dbu ma las/ mya ngan 'das pa rnam rtog med/ /gang na 'khor ba bsal med pa/ /gang der 'khor pa bzhed pa dang/ /mya ngan 'das par rnam rtog med ces pa ste/ des na dngos po dang dngos po med par rnam par mi rtog pa'i thar pas thams cad mkhyen pas dgongs par brtag ge /'phags pa lang kar gshegs pa'i bshad pa ye shes dpal bzang pos sbyar ba'i le'u gsum pa las thar bar dpyad pa'i le'u bcu bzhi pa'o/ / //de nas byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ / bcom ldan 'das gang gis bdag dang/ byang chub sems dpa' gzhan rnams zhes bya ba la sogs pa'o/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas byas pa 'am/ ma byas pa'am/ rgyu @ 241b 'am/ 'bras bu 'am/ mtshan nyid dam/ mtshan nyid kyi gzhi 'am/ rjod pa 'am/ brjod par bya ba'am/ blo 'am/ rigs par bya ba'am de lta bu la sogs pa'i tshig nges pa'i sgrid na gcig gam tha dad dam ci lags/ bcom ldan 'das kyis bka' stsal pa/ blo gros chen po gal te de bzhin gshegs pa byas pa yin na ni mi rtag par 'gyur te/ mi rtag pa'i phyir 'bras bu'o/ /cog kyang de bzhin gshegs par 'gyur bas na zhes pa'o/ /thams cad mkhyen pas cir dgongs zhe na/ 'dzin pa dang gzung pa gnyis kyi rnam pa'i shes pa la nor te/ bya ba dang byed par 'brel pa'i rgyu dang 'bras bu kun rtog go /nges pa'i tshig gi rnam par rtog pas na bya ba'i phyir na 'bras bu'o/ /byed pa'i phyir na rgyu ste/ de dag kyang gang gi tshe na skad cig pa gnyis ka med de/ des na sus kyang ci yang mi byed de/ snga ma'i 'og tu 'di yod pas na 'di yod do zhes bya ba 'ba' zhig pas na chos su btags pa ni/ 'du byed thams cad skad cig pa/ /mi brtan byed pa ga la zhig /gang byung byed pa de nyid do/ /byed pa bor yang de nyid brjod ces par bya ba dang byed pa por mngon par 'brel pas de bzhin gshegs pa ma byas so/ /gnyis kyi rnam pa can yang ma yin te/ rmi lam dang/ mig 'phrul la sogs ba bzhin du 'bras bu gzhan thams cad dang mtshungs pa'i phyir ro/ /ji ltar zhe na/ yongs su grub pa mi gnyis pa'i skad cig pa de ma thag pa la 'di yod na 'di yod ces brjod du med pa'i rang mtshan nyid la rgyu dang 'bras bu byas pa la sogs pa'i tha snyad mi 'byung yang der spyi'i rnam par sgro btags te chos su gdags par/ bya'o/ /de lta bur byas pa bstan to/ /ma byas pa'i rtag pa mi srid pa'i phyir te/ snga ma'i skad cig ma'i 'og tu phyi ma ma 'byung bas na mo gsham gyi bu la sogs pa bzhin no/ /de'i phyir de bzhin gshegs pa ni ma byas pa ma yin no/ /rjod pa dang/ brjod par bya ba dang/ rig par bya ba la sogs pa'i tha dad gnyis kyi rnam bar shes pa las 'byung gi /bsam pa med cing snang ba med pa don dam pa'i bden pa mi gnyis par yang dag par rig pa la tha dad pa'i rnam pa'i tha snyad med do/ /des na gzhan pa dang gzhan pa ma yin pa'i rnam par rtog pa'i tha snyad pa rnams kyis phan tshun du bltos te/ yod pa dang/ med pa dang/ 'das pa dang/ ma 'ongs pa dang/ dngos po dang/ dngos po ma yin pa la sogs pa'i rnam par rtog pa rnams kun tu brtags pa ste/ spros pa thams cad las 'das pa brjod du med pa'i de bzhin gshegs pa la mi 'jug go /ji ltar dbu ma las/ spros las 'das pa mi gnyis ba/ /gang dag sangs rgyas spros par byed/ spros nyams glen pa de dag gis/ /de bzhin gshegs pa mi mthong ngo zhes pa ste/ des na de bzhin gshegs pa'i rnam par rtog pa mdza' dag las grol ba'o/ /mtshan ma'i gzhi dang mtshan ma dang/ chos dang chos can gyi tha snyad kyi rnam par rtog pa thams cad kyis brjod du med par bstan mi nus pa'i phyir ro/ /ji ltar dbu ma las/ mtshon ba mtshan nyid gal te gzhan/ /mtshan la mtshan nyid med par 'gyur/ /gcig na de gnyis mi 'grub ste/ /tha dad na yang gzhan du med/ /chos dang chos can rnamS kyi gal te me las tsha ba'i mtshan nyid tha dad pa yin na me la tsha ba med par 'gyur ro/ /gcig na mtshan ma'i gzhi yang med la mtshan nyid kyang med do/ /de de bzhin du chos dang chos can rnams tha dad pa dang/ tha dad pa ma yin par bsam pa na stong pa nyid de/ /brjod du med pa'i rang bzhin nyid kyang smra bar mi nus pa'i phyir te/ chos dang bral ba'i chos can brjod du med la/ chos can laS tha dad pa'i chos rnams kyi dngos po yang med do/ /gzhi'i khyad par gyi chos shig gis sbyir? sgro btags te tha snyad 'jug go/ 'on te de de ltar chos can rnams kyi gzugs dang gzugs can gyi mtshan nyid tha dad par gyur du zin na ni gzugs can ni gzugs med pa dang gzugs med pa gzugs can gyi skyon du 'gyur ro/ /de dag gcig na ni mtshan ma nyid du mi rung ngo/ /tha dad na yang mtshan nyid kyi mtshan nyid gzhan yang btsal dgos so/ /de de ltar chos dang chos can gyi tha snyad tha dad pa dang/ tha dad pa ma yin par bsam pa na yang rang bzhin gnyis kyis stong pa nyid de/ chos dang chos can de dag tha dad par dmigs su med pa'i phyir ro/ /chos ma rtogs par chos can gyis rang bzhin ni bstan mi nus te de brjod du med do/ /dngos po dang dngos po med pa la sogs pa'i rnam par rtog pa dang sgra thams cad kyi de dag gi spyir btags pa'i don du sgro btags te 'jug go zhes lan mang por bshad pa de'i phyir mi gnyis pa'i mtshan nyid brjod du med pa'i yongs su grub pa'i rang bzhin gyis 'od gsal ba'i chud pa yongs su dag pa ni de bzhin gshegs pa'o de ni 'bras bu ma yin/ rgyu yang ma yin/ mtshan ma'i gzhi yang ma yin/ mtshan ma yang ma yin/ brjod pa yang ma yin brjod par bya ba yang ma yin byas pa yang ma yin/ ma byas pa yang ma yin blo yang mi yin/ rig par bya ba yang ma yin no/ /de bzhin du gzhan pa dang gzhan pa ma yin par phan tshun du bltos pa'i gnyis kyi rnam pa'i tha snyad las 'das shing de bzhin gshegs pa ni yod pa dang med par bya ba med do/ /gnyis ka yang nyes par 'gyur zhes bya ba la sogs pa ni gal te byas pa zhig na ni de'i tshe mi rtag pa kho na ste/ de las gzhan pa'i 'khor ba'i 'bras bu 'khral la cog dang 'dra'o/ /de bzhin gshegs pa yongs su grub pa yang gzhan gyi dbang gnyis kyi rnam pa dang 'dres pa'i 'bras bu bzhin du skye ba dang/ rga ba dang/ 'chi ba la sogs pa 'bras bu'i snang ba las grol bar mi 'gyur ro/ /gnyis kyi rnam par shes pa gzhan gyi dbang ma rig pa mnyam par mi 'jog pa dang/ las kyi mthu las 'byung pa la 'di byed do zhes ma rig pas blongs pa'i 'khor ba rnamS kyi rgyu dang 'bras bu'i dngos po'o/ /des na bya ba dang 'brel te yongs su dag pa'i chud pa mo byas pas na byas pa'i sgra la sogs pas snga ma'i skad cig gi 'og tu brjod du med pa bstan mi nus so/ /gang gi tshe na skad cig pa gcig? pa de'i chen po gnyis po med pas sus kyang ci yang byas pa med de/ des na ma byas pa ste snga ma'i skad cig pa'i 'og tu 'di yod na 'di yod do zhes bya par chos brtags pa'o/ /ri bong gi rwa dang mo gsham gyi bul sogs pa de dag dmigs su med pa'i bdag nyid kyi phyir de yang med de/ de bzhin gshegs pa'i dngos po dngos po med do zhes pa'i skyon der mi 'gyur ro/ /ma byas pa'i phyir rtag pa ste tshig tsam du yod pa la sogs pa'i rnam par rtog pa'i mtshan nyid de rgyu dang 'bras bu la sogs pa'i tha snyad gnyis kyi rnam pa gzhan gyi dbang la 'jug gi / gang gnyis su med pa de ni rgyu dang 'bras bur bstan du med de gnyis kyi rnam pa med do/ /yod pa ma yin te med pa'i phyir mdza' bzhi'i phyi rol pa ste/ yod pa dang med pa dang/ gnyis ka dang gnyis ka ma yin pa'i mdza' bzhi'i tha snyad ni gnyis kyi rnam pa'i shes pa las 'jug gi gnyis su med pa la ni ma yin no/ /de de bzhin du byas pa dang/ ma byas pa dang/ rtag pa dang/ mi rtag pa la sogs pa thams cad ni tha snyad nyid de/ bsam pa med cing snang ba med pa don dam pa'i bden pa gnyis su med par yang dag par rig pa la rab tu mi 'jug go /de la 'di snyam du gyur te chos thams cad bdag snyed ces thams/ cad mkhyen pa'i seng ge'i sgra ni byas pa'i phyir mi ltag pa de ni bdag med pa na ji ltar rgyu dang 'bras bu la sogs pa skad cig pa rnams de ltar tshig de dag thams cad kyis mi brjod ces de skad du thugs dogs nas thams cad mkhyen pas lan du gsungs par rtag pa rtse/ blo gros chen po gang yang nges chos thams cad bdag med ces bshad pa de'i don yang khong du chud par gyis shig / blo gros chen po bdag med pa'i dngos po ni bdag med pa nyid de/ rta dang ba lang bzhin du chos thams cad ni bdag gi dngos por yod de gzhan gyi dngos por ni med do zhes pa ste/ thams cad mkhyen pas dngos po thams cad kyi gzhan gsal bar gsungs pa'o/ /gang gcig gi rang bzhin ma yin pa gzhan ma yin te/ dkar po dang/ dmar po dang/ grang ba dang/ dro ba dang/ gzugs can dang/ gzugS can ma yin pa la sogs pa rnams kyi 'bras bu so sor snang ba sna tshogs tha dad pa'i phyir dngos po thams cad gcig las gcig rnam par lag pa'o/ /nges na bdag med pa phan tshun du med pas bdag med par thams cad mkhyen pas dgongs pa'o/ / rang bzhin med pa rnams ni ri bong gi rwa la sogs pa bzhin du dngos po med pa ma yin pa'i bdag nyid du med pa nyid ma yin no/ /blo gros chen po pa lang gi rwa g.yas pa las g.yon pa gzhan/ g.yon pa las g.yas pa gzhan pa bzhin te/ de bzhin gshegs pa yang phung po dang khams dang/ skye mched rnams dad tha dad pa yang ma yin no zhes pa dang/ gnyis ka yang skyon te phung po'i mtshan nyid dang mi mthun na ni ri bong rwa la sogs pa bzhin du dngos po med par 'gyur ro/ /phung po'i mtshan nyid du yang byas pa'i phyir mi rtag pa ste/ de las gzhan pa'i gzhan gyi dbang 'khor pa'i 'bras bu bzhin no/ /skyon de gnyis spangs pa'i de bzhin gshegs pa ni rang bzhin gyis 'od gsal ba mi gnyis pa'i chud pa'o/ /gnyis kyi rnam pa rnams ni gcig la gcig bltos pa'i rgyu dang 'bras bu ste/ 'dus byas dang/ 'dus ma byas dang/ rtag pa dang/ mi rtag pa dang/ 'dzin pa dang/ gzung ba dang/ mtshan ma'i gzhi dang/ mtshan ma dang/ bdag dang bcas pa dang/ bdag med pa dang/ dngos po dang dngos po med pa dang/ stong pa dang/ stong pa ma yin pa dang/ rtag pa yang ma yin/ mi rtag pa yang ma yin pa la sogs pa'i rnam par rtog pa so sor snang ba'i sgra dang don rnams phan tshun du ltos te 'jug go / gnyis su med cing brjod du med pa la ni rgyu dang 'bras bu la sogs pa rnam par rtog pa mi 'jug ste/ mi gnyis par yang dag par rig pa ni snang pa med pa kho na'i phyir der gzugs la sogs pa'i phung po rnams kyi so sor snang ba med do/ /gang gis mnyam par mi 'jog pa'i ma rig pa dang las las skyes pa'i gzhan gyi dbang 'khor ba mdza' dag tu gzugs la sogs pa'i phung por rgyu dang 'bras bu la sogs pa gnyis kyi rnam par snang ba bzhin du de bzhin gshegs pa yang mi rtag pa lta bur 'gyur yang rtag pa nyid de/ glo bur gyi gnyis kyi rnam pa'i nyes pa spangs pa'i phyir ro/ /gser la sogs pa dri ma dang bral bzhin du skad cig ma'i rgyun brtan zhing rang gi 'od gsal pa'i chud pa ni de bzhin gshegs pa'o/ /de ni 'dzin pa dang gzung ba gnyis kyi rnam pas stong pa ste/ chos kyi chos nyid de ni ye gnas shing dbang po la sogs pa sus kyang ma byas pas de'i phyir 'dus ma byas pa'o/ /skad cig pa la ni skye ba dang/ gnas pa dang/ 'gog pa la sogs pa'i chos gzhan med de /des na de bzhin gshegs pa skye ba med cing 'gog pa med pa dang dag pa rten cing 'brel te 'byung ba skad cig ma'i rgyu bstan pa'o/ /snga ma'i 'og tu 'di yod pas 'di yod do zhes chos su btags pa'o/ /ji ltar gnyis kyi rnam pa la tha snyad 'jug pa de bzhin du gnyis su med pa'i skad cig ma'i rgyun yang dag par rig pa bsam pa med cing snang ba med pa la ni ma yin no/ /rang bzhin gyi brjod du med cing dngos po dang dngos po med par rnam par mi rtog pa rnams kyi rnam par rtog pa spangs pa'i phyir sangs rgyas nyid du 'gyur ro/ /thams cad mkhyen pa'i snang ba dang bcas pa'i ting nge 'dzin la zhugs pa'i cho chos ston pa 'byung ngo/ /zhes lan du mar bshad pa yin no/ /ji ltar dbu ma las/ gzhan dang gzhan la bsten nas gzhan/ /gzhan pa de yang yod min pas/ /gzhan dngos med phyir gzhan min med/ /yod pa rnams kyang ma yin no zhes pa ste/ des na sgra dang don du rnam par rtags pa de dag don dam pa la med do/ /des na der chad pa dang rtag pa'i lta bar gtogs par smras par 'gyur ba ni gang gnyis kyi rnam pa dang bral ba de ni dngos po ma yin te/ ri bong gi rwa dang/ nam mkha' i padmo dang/ mo gsham gyi bu la sogs pa bzhin no zhes so/ /kha cig gis kun rtog pa ni gang gnyis kyi rnam pa nor ba'i skad cig pa de med pa ste/ gang gi gnyis pa de ni mi 'gyur bsan rtog go zhes gnyis su smra ba de bsal ba'i phyir srid pa dang thar pa'i dus na sdug bsngal dang/ sdug bsngal med pa la sogs pa tha dad par phye ba'i chud pa la dngos po med pa yang ma yin/ rtag pa yang ma yin te gser dri ma dang bral ba bzhin du dngos po dang dngos po med pa'i rnam par rtog pa med pa'i dag bskye ba med ? 'gog pa med pa'i mtshan nyid kyi sangs rgyas kho na'o/ /skye ba dang/ 'gog pa la sogs pa lung ston pa la sogs pas rten cing 'brel te 'byung ba la brtags pa ni rnam pa gnyis ka la yang med de gzhan gzhan gyi dbang rnam par mi rtog pa'i gnas skad @245a cig ma'i rgyu la yang med na brjod du med pa'i yongs su grub pa lta la yang ci smos te gnas 'di ni med do/ /gal te rnam grangs kyi sgra 'di skye ba med pa dang/ 'gog pa med pa de'i cho chos thams cad ma skyes so zhes smos su mi rung bar 'phags pa blo gros chen pos de bzhin gshegs pa ni dngos po med pa yang ma yin te zhes bya ba la sogs pa'o/ /thams cad mkhyen pa'i dgongs pa ci zhe na/ gang yongs su grub pa'i dngos po yod do/ mog sham gyi bu la sogs pa'i mtshan nyid ma skyes pa lta bur rnam pa gnyis med pa kho na ma yin no/ /gzhan gyi dbang yang rmi lam dang mig 'phrul dang/ rab rib snang ba dang/ gzugs brnyan la sogs pa ltar sna tshogs tha dad pa'i rnam pa skye pa'i rang bzhin med pa ste/ de'i phyir rang bzhin gyi 'od gsal ba yongs su dag pa gnyis su med pa'i tshud pa ni de bzhin gshegs pa ste/ de gcig po la gnod pa mi srid pa'i phyir ro/ /bdun brgya pa las kyang dngos po zhes 'byung ngo/ /de bzhin gshegs pa ji ltar na dngos po zhe na/ der gsungs pa'i dgongs pa nges par 'grel pa las rig par bya ste/ don dam pa la ni gnyis kyi rnam pa'i dngos po med do zhes te des na don dam pa rang bzhin med pa'i stong pa ni de bzhin gshegs pa'o/ /btsun gtso 'phags pa byams pa'i bshad pa ni 'dir gsal pa ste/ gnyis kyi dngos po med pa yi/ /dngos po stong pa'i mtshan nyid do zhes pa'o/ /sa dang po'i dbang po'i dbu ma las kyang/ /don dam don ni gsal ba ste/ /rnam rtog med cing snang ba med/ /spros ba rnams kyis ma spros pa/ /'jig rten mgonpo sangs rgyas kyis/ /'di ni bstan pa bdud rtsi'o/ /gang dag dngos po yod mthong dang/ /med par mthong ba blo chung rnams/ /lta bya @ 245b nyer zhi zhi ba ni/ /de dag gis ni mi mthong ngo/ /stong pa zhes par smra mi bya/ /mi stong zhes par 'gyur ba yang/ /gnyis dang mi gnyis zhes par yang/ /rnam bzhi zhi lag la zhig /de de ltar dngos po dang dngos po med par rnam par mi rtog pas brgyad du dbu ma'i ting nge 'dzin te/ de la skye ba dang 'gog pa la sogs pa ni rten cing 'brel te 'byung ba thog ma dang tha ma'i mdza' stong zhing dbus su rang bzhin nyid kyis stong pa la so sor mi snang ngo/ /shes pa 'ba' zhig lam zad de shes par bya ba yang ngo/ /ji ltar phyi'i dngos po bsal nas su/ /shes pa tsam la 'jug pas ni/ /de ni dbu ma'i nan tan to/ /nga dang gzhan gyis bstan pa'o/ /de ni sa bdun gyi dbang po rnams kyi rnam par shes pa'i ting nge 'dzin to/ /dbu ma'i ting nge 'dzin kyang/ dngos med dngos po med pa min/ /yod dang med pa mi dmigs pa/ /de ni dbu ma'i nan tan te/ /nga dang gzhan gyis bstan pa'o/ /rnam par shes pa dang dbu ma'i ting nge 'dzin du 'byed pa ni/ sa bdun dag ni sems yin te/ /snang ba med pa brgyad pa'o/ /sa gnyis dag ni gnas yin te/ sa gzhan da yi rang bzhin no zhes pa ste/ gang na skye ba med pa'i mtshan nyid de ni sa bdun du phyin pa dang/ nyan thos dang/ rang sangs rgyas dang/ mu stegs can rnams kyi spyod yul ma yin no/ /dag pa 'jig rten pa thams cad mkhyen pa'i snang ba dang bcas pa'i ting nge 'dzin gyi khyad par dang ldan pa'i yid kyi skur rnal 'byor gyi dbang po thams cad mkhyen pa bzhugs pa na sems can rnams mos pa bzhin du chos ston pa 'byung ngo/ /rnam pa ji bzhin du sprul pas chos ston par mdzad pa de bzhin du thams cad mkhyen pas ston par mdzad pa ni de bzhin du blo gros chen por yang mi mdzad kyi 'jig rten gyi khams na/ ming grangs med pa brgya stong phrag gsum du byis ba rnams kyi rna lam du grag ste/ de dag gis nga brjod kyang 'di dag ni de bzhin gshegs pa'i ming gi rnam grangs su mi shes so/ /de la blo gros chen po kha cig ni nga la de bzhin gshegs par shes so/ /la las ni rang byung bar/ de bzhin du la las ni 'dren pa dang/ rnam par 'dren pa dang/ yongs su 'dren pa dang/ sangs rgyas dang/ khyu mchog dang/ tshangs pa dang/ 'jug sel dang/ dbang phyug dang/ gtso bo dang/ ser skya dang/ yang dag mu dang/ mi gdon mu khyud dang/ nyi ma dang/ zla ba dang/ rtse ba po dang/ rnam par 'dor ba dang/ ne tso dang/ dbang po dang/ stobs can dang/ chu bdag tu rab tu shes so zhes pa gang tshe bdag thams cad gang dag gis gzung ba'i sems can de dag la de bzhin du sprul pa rnams kyis 'dul ba chen pos 'dul bar mdzad do/ /pa'i sprul pa'i 'khor lo rnams kyi rnam grangs tha dad pa mdza' med pa rnams ni phyogs bcur mdza' med pa'i 'jig rten gyi khams kyi khyon rnams su yang rab tu 'jug go /des na rnam grangs rnams kyis gcig po la yang mang po ste/ ji ltar lag pa/ byed pa/ spyod pa zhes so/ /snang ba tha dad pas kyang chu la zla ba mang pa lta bu dang/ sgyu ma rnam pa sna tshogs kyis sprul pa'i skyes bu lta bu ste/ rnam pa de lta bu'i tshangs pa rdzu 'phrul gyi cho 'phrul yod par ni rung/ grub pa gnyis su med pa'i mtshan nyid la ni sna tshogs med de/ de bzhin du thams cad mkhyen pa don dam pa'i tshul ston pa gzhan la las ni skye ba med pa dang/ 'gog pa med pa dang/ stong pa nyid dang/ de bzhin nyid dang/ bden pa nyid dang/ yang dag pa'i mdza' dang/ chos kyi dbyings dang/ mya ngan las 'das pa dang/ rtag pa dang/ mnyam pa nyid dang/ gnyis su med pa zhes bya ba la sogs pa ste/ gnyis su med pa dang/ mi skye ba dang 'gog pa med pa la sogs pa ni mu stegs rnams kyi rtag pa dang/ gcig pa dang/ bdag dang/ tshangs pa dang/ dbang po la sogs par brtags par chags pa'o/ /bde bar gshegs pa kha cig la yang de dngos po med pa'i yul te/ de'i phyir ji ltar mang du thos pa rnams las dmigs pa'i don gyi khyad par 'di thams cad mkhyen pas gsungs pa'i don gyi rjes su 'brang bar bya'i yi ge'i phyir 'brang bar mi bya'o zhes pa ste/ thams cad mkhyen pas bsngags pa'i mang du thos pa rnams kyis ni don rtogs par yang nus pa ste/ de dag ni rjes su dpag pas thams cad shes so/ /ji ltar lung ston pa rnams kyis skye ba dang gnas pa dang/ 'gog pa la sogs pa'i chos bya ba dang/ byed pa por 'brel par kun brtags pa'i rnam pa ni de ltar tha dad par mi rung ste/ gang gi tshe na skad cig pa gcig yod pa de'i tshe na skad cig pa gnyis med de/ skye ba dang gnas pa dang/ 'gog pa la sogs pa sus gang zhig bya/ de ltar/ 'du byed thams cad skad cig ma/ /mi brtan byed pa ga la zhig /gang byung byed pa de nyid da/ byed pa por yang de nyid brjod ces par de de ltar skye ba la sogs pa gang zag bdag med pa la mi rung ngo/ /chos la bdag med pa yang med de gnyis kyi rnam pa gang yin pa de dag ni skye ba'i rang bzhin med de/ rmi lam dang mig 'phrul dang/ rab rib kyi rnam pa dang/ gzugS brnyan la sogs pa lta bu ste/ bsam pa med cing snang ba med pa don dam pa'i bden pa gnyis su med par yang dag par rig pa bzhin no/ /skad cig ma'i rgyu yang dag par rig pa yang? brjod du med pa'i phyir dngos po dang dngos po med par snang pa'i rnam par rtog pa thams cad med pas 'dzin pa dang/ gzung ba dang/ bya ba dang/ byed pa dang/ skyed pa dang/ bskyod pa dang/ rjod pa dang/ brjod par bya ba dang/ mtshan ma'i gnas dang/ mtshan ma dang/ gzhan dang/ gzhan pa'i gnyis kyi rnam pa dang/ gnyis kyi rnam pa'i tha snyad thams cad der ldog go /yi ge med pa ni don dam pa ste/ rnam par mi rtog pa thams cad mkhyen pas dgongs pa ste/ de las gzhan pa'i nges par 'jug pa dbang po'i shes pa dang/ dbugS thub pa yang dag par rig pa bzhin no/ /skad cig ma'i rgyun 'byung zhing rnam par rtog pa med par mngon sum du myong yang rnam pa de lta bu bstan mi nus pa'i phyir der sems nyid kyang gnyis kyi rnam par mi 'jug na yi ge dang/ sgra lta ji smos/ snang ba dang bcas pa'i ting nge 'dzin la zhugs pa na thams cad mkhyen pa'i chos ston pa yang 'byung ngo zhes lan du mar bshad pa'o/ /khyad par can la sogs pa rnams kyis sa dang/ chu dang/ me dang/ rlung dang/ nam mkha' dang/ dus dang/ phyogs dang/ bdag dang/ yid dang/ rdzas dgu lta bur phyi rol gyi dngos po la sogs par kun tu brtags pa'i rtag pa'i rdzas dgu la mu stegs byed pas ma skyes pa 'gags par kun tu brtags pa'i rtog go zhes blo gros chen pos glengs pa'i lan du khyad par de nyid du gsung bar mdzad do/ /de la phyi rol dang nang gi rnams la 'dzin pa dang gzung ba'i dngos por kun brtags pa'i rmi lam dang mig 'phrul la sogs pa bzhin du dngos po med pa'i phyir rtag pa dang/ bdag tu chags pa'i las dang/ 'du ba'i mthu las 'khor ba'i sdug bsngal 'byung ngo/ /de'i phyir phung po rnams mi zad de/ thams cad mkhyen pa mi rtag pa dang/ bdag med pa dang/ sdug bsngal ba dang/ mi mdzes pa la sogs bar ston pa rim gyis gzud pa'i phyir ro/ /thab mo'i chos la mos pa rnams la ni stong pa nyid dang mtshan med pa dang/ smon pa med pa'i rnam par thar pa ston pa ste/ mnyam par mi 'jog pa'i bag chags nyon mongs pa med pa'i mi shes pa'i? bya'i sgrib pa spangs te/ sems can thams cad la phan pa nus pa'i rnal 'byor gyi dbang po thams cad mkhyen par 'gyur ro/ /rab rib kyi rnam pa lta bur nor cing so sor snang ba la phyi rol gyi don du nges pa'i sems can rnams gzung pa'i rim gyis des na ston pa'i don gnyis so/ /yongs su grub pa'i mi gnyis pa'i skad cig ma rnams ni brjod du med pa'i phyir bdag dang bdag med pa dang/ bya ba dang/ byed pa dang/ byas pa dang/ ma byas pa dang/ rtag pa dang/ mi rtag pa la sogs pa'i rnam par rtog pa shin tu med de/ mdzub mo'i rtse mo can 'ba' zhig gis rab kyis mtshan nyid yi ge med pa'i tha snyad la de ltar yi ge med par yi ger bya ste/ spyir sgro btags nas mos pa sna tshogs kyis sems can rnams la phung po dang/ khams dang/ skye mched dang/ rten cing 'brel par 'byung ba la sogs pa bstan pa brjod pas gzung ngo/ /gang gi tshe na skad cig pa gcig yod pa de'i tshe na skad cig pa gnyis med de/ chos thams cad byed pa med pas sus kyang ci yang mi byed de/ de ma thag tu 'di yod do zhes chos su brtags pa'i phyir thams cad mkhyen pas 'di skad du sgrub par mdzad pa/ rgyu 'bras lta ba log pa yis/ /bdag rlag gzhan yang rlag par byed ces bya ba la sogs pa dang/ rgyu med smra bas brtsad bya ste/ /ma skyes pa yang rab tu sgrub/ /skye ba med par rab bsgrub na/ /nga'i tshul gyi ni mi 'jog go zhes bya ba la sogs pa ste/ rten cing 'brel te 'byung ba ni 'byung ba med ces lan du mar bshad pa yin no/ /skye ba la sogs pa'i chos ni bdag med pa gnyis la yang mi rung ste/ skad cig pa la sogs pa'i chos gzhan med do/ /gzhan gyi dbang gis gnyis kyi rnams la yang skye ba'i rang bzhin med pa nyid de/ rmi lam dang mig 'phrul la sogs pa bzhin no/ /don dam pa'i bden pa gnyis su med pa yang dag par rig pa skad cig ma'i rgyun rnams brjod du med pa'i phyir der rtag pa dang/ bdag dang/ bdag med pa la sogs pa'i rnam par rtog pa mi 'byung ngo/ /gnyis kyi rnam pa shes pa la ni yod pa dang med pa la sogs pa'i tha snyad thams cad nyid 'byung ngo/ /ji ltar 'dir gsungs pa/ /yod pa'i zlas drangs med pa ste/ /yod pa'ang med pa'i zlas dang so/ /de baS med par sheS mi bya/ /yod gang dbang ni mi rtag go zhes ba ste/ rtog pas sgro btags te ma grub pa btags nas ba lang gi rwa ni yod ri bong gi rwa med pa dang/ rmi lam ma yin pa na ni yod/ rmi lam na ni med ces pa de de ltar gang gi tshen?/ gzugs ni rdul phran gzhigs pa?/ rdul phran cha ni med pa ste zhes par shes rab kyis dpyad pas ba lang gi rwa lta bu nyid med na ri bong gi rwa ltag la zhig ste/ de de ltar na/ bdag dang bdag med phyogs bslad cing/ /sgra tsam la ni 'jug pa dag /ces pa ste/ rgyud dang 'bras bu'i dngos por rnam par rtog go /thams cad mkhyen pas gang dag gi bdag med pa de dag gi rang bzhin med pa'o zhes de ltar chud par mi bya bar chos dang gang zag la bdag med par khyad par du bstan pa'o/ /phan tshun du rnam par ldog pa'i bdag nyid pa rnams te/ de bzhin du ni gzhan spangs pa'i mtshan nyid pa rnams des na bdag med pa'i rang gi mtshan nyid la mu stegs byed pas rtag pa dang bdag dang/ phyi rol gyi rdzas la sogs par rtog pa de lta bu mngon de ? bltos te bdag dang/ bdag med pa dang/ rtag pa dang/ mi rtag pa dang/ skad cig pa dang/ skad cig pa ma yin pa dang/ phyi rol gyi dang/ phyi rol gyi ma yin pa'i rdzas la sogs par cis na rtog /gzhan gyi dbang gnyis kyi rnam par gang snang ba de dag ni rmi lam dang/ mig 'phrul dang/ rab rib tu snang ba dang/ gzugs brnyan la sogs pa bzhin du rnam pa des mi skyes pas na dngos po med pa rnams so/ /rtag pa dang/ bdag dang/ phyi rol gyi rdzas la sogs pa'i rang bzhin med pa'i phyir ma skyes pas na dngos po med do/ /yongs su grub pa rnams kyi yang gnyis kyi rnam par stong pa nyid de bsam pa med pa dang snang ba med pa'o/ /mu stegs byed rnams kyi ni rtag pa dang/ bdag dang phyi rol gyi bar sgro btags pa'o/ /sangs rgyas rnams kyi ni 'du byed thams cad skad cig pa'o/ /gzhan gyi dbang gi gang yin pa de dag kyang rmi lam dang/ mig 'phrul la sogs pa ste/ lung ston pa po rnams kyis skye ba dang/ 'gog pa la sogs pa byed pa dang byed pa por mngon par 'grel par brtags pa gzhan dag med do/ /shes rab kyis dpyad pas 'dzin pa dang/ gzung ba yang mi dmigs pa bsam pa med cing snang ba med pa don dam pa'i bden pa gnyis su med pa yang dag par rig pa skad cig ma'i rgyun brjod du med pa'i phyir skye ba la sogs par gzhan kun tu brtags pa lta zhig gi skabs gal yod de med do/ /chos thams cad la yi ge med pa ni rang gi mtshan nyid rnams la yi ge med pa ste/ de'i phyir na de kho na nyid rnam par mi rtog go /dngos po dang dngos po med pa rnam par mi rtog pa la sogs pa'i don dam pa la ni mu stegs byed rnams dngos por sgro btags pas/ blo gros chen po nga yi chos ni yod pa dang med pa'i phyogs kyi rnam par rtog pa dang bral pas de'i phyir mu stegs byed rnams kyi skye ba med pa dang/ 'gog pa med par smra ba dang mtshungs pa ma yin no/ /thams cad mkhyen pas nyan thos dang mu stegs byed smra ba las theg pa chen po khyad par can zhes te/ gnyi ga ga dang mi gnyis pa'i chos stan pas snang ba dang bcas pa dang/ snang ba med pa'i ting nge 'dzin gyi khyad par gsungs pa'o/ /rang gi rnam pa @249a b rgyal ba la sogs pa lta bu nam shes rab kyis dpyad de shes par bya ba gzhigs nas mi dmigs pa de'i tshe bsam pa med cing snang ba med ba don dam pa'i bden pa mi gnyis par yang dag par rig pa dngos po dang dngos po med bar rnam par mi rtog pa nyid gnas so/ /de la byed pa dang/ byed pa po dang/ brjod pa dang/ brjod pa po dang/ 'dzin pa dang/ gzung ba dang/ rtag pa dang/ mi rtag pa dang/ bdag dang/ bdag med pa dang/ sems can du brtags pa thams cad dang/ 'du ba'i rnam par rtog pa phyi nang gi rkyen gyi 'brel pa gzhan gyi dbang gi rnam pa la snang ngo/ /'brel ba 'brel pha zhes bya ba ni kun 'du ba la thams cad mkhyen pas dgongs pa ste/ sems 'khrugs nas ji tsam du 'khor bar snang ba de tsam du mnyam par mi 'jog pa'i mtshan nyid can gyi ma rig pa'i rkyen gyis 'du byed la sogs brten cing 'brel te 'byung ba ste/ de ni rtag pa dang/ bdag tu chags pa'i ma rig pa dang/ las dang len pa las srid pa ste/ des na phan tshun gyi 'brel ba ni nang gi rten cing 'brel te 'byung ba'o/ /phyi rol gyi 'byung ba las gyur pa'i tshogs kyi ni 'jim pa'i gong bu dang/ 'khor lo la sogs pa 'byung ba'i rten la bltos te 'byung ngo/ /de ltar na byas pa ni mi rtag pa ste/ mig yor dang/ rmi lam dang/ mig 'phrul la sogs pa bzhin no/ /ji ltar dbu ma las/ rmi lam bzhin dang sgyu ma bzhin/ /de bzhin dri? za'i grong khyer te/ /de bzhin skye dang de bzhin gnas/ /de bzhin 'jig par brjod pa'o zhes 'byung ba ste/ ji ltar lung ston pa las skye ba dang/ gnas pa drang/ 'gog pa la sogs pa'i chos kun brtags pa ni skad cig pa ma gtogs par med de/ des na ji ltar mu stegs can rnams kyis chos dang/ chos can lta bur mi rtag pa ni tha dad @ 249b ba yang ma yin/ tha dad pa ma yin pa yang ma yin no/ /gal te mi rtag pa tha dad na ni mi rtag pa med pa'i phyir de'i tshe na tshig gi don rtag par 'gyur ro/ /rtag pa yang mi rtag par 'gyur ro/ /de lta bas na mi rtag pa ni gzhan pa yang ma yin/ gzhan pa ? yin pa yang ma yin te/ ji ltar dbu ma las/ gal te skye ba sngar yod la/ /rga dang 'chi ba phyi nas ni/ /skye ba rga ba 'chi ba med/ /skyes pa 'chi bar yang mi 'gyur/ /gang na de dag thog ma dang tha ma lhan cig dang go rim du mi 'jug na/ skye ba dang ni rga ba yang/ /chos kun la ni 'chi ba ci/ /dngos po kun la rnam rtog byed/ /skye dang 'chi ba ma gtogs pa/ /dngos po gang zhig yod par 'gyur zhes pa ste/ ji ltar lung ston pa la sogs pas skye ba dang/ gnas pa dang/ 'gog pa la sogs pa'i chos rnams brtags pa dang/ ji ltar khyad par can gyi skye ba dang/ gnas pa dang/ rga ba dang/ mi rtag par rnam par brtags pa ni rim dang/ cig char du mi rung ngo/ /nam rim du 'gyur ba de'i tshe/ skye ba ni rga ba dang 'chi ba dang bral ba'o/ /gnas pa dang/ rga ba dang/ ? ba rnams kyang skye ba dang bral te/ rgyu med pa las skye bar 'gyur ro/ /sngar dngos po med pa dang zhig nas dngos po med pa la sogs par ni yi ya yi ka dang/ khyad par can dang/ grangs can dang/ spyod pa can dang/ k+Sha pa na ka gang dag gis kun rtog pa gal te de dag dngos po las tha dad pa ma yin na ni de'i tshe dngos po dang dngos po med par de ltar 'brel bar mi rung ste/ gnyis ka yang dngos po phyir su gang gi khyad par du 'gyur/ de'i phyir dngos po bdag nyid kyis rgyus de ltar 'byung ba dang 'jig pa ste gang thog ma dang tha ma'i dus kyi gnas kyi cha dang bral ba'i skad cig pa gzhan nyid du yang mi gnyis pa grangs can rnams kyis de skad cig pa drug tu gnas pa'i rtog pa lta bur yang mi rung ngo/ /drug ni skye ba dang/ yod pa dang/ 'gyur ba dang/ rnam par 'phel ba dang/ zad pa dang/ 'jig go zhes dngos po'i 'gyur ba drug go /skad cig pa gcig yang skad cig pa drug tu gnas par 'gyur bas na rim dang cig char mi rung ngo/ /de bzhin du ne yi ya yi ka dang khyad par can la sogs pas brtags ba'i skad cig pa drug rnams re re yang skad cig pa drug drug tu gnas par 'gyur ba ni yod par 'brel ba'i dus dang/ gnas pa'i dus dang/ yon tan gong ma 'byung ba'i dus dang/ dmigs pa'i dus dang/ rnam par 'jig pa'i rgyu bsnyen pa'i dus dang/ rnam par 'jig pa'i dus te/ yod pa dang 'brel ba la sogs par rtog pa'i dus snga ma la phyi ma'i khyad bar mi srid do/ /de dag la yang de bzhin du skyon mi ldog pas blo dang sgra dang/ glog la sogs pa shin tu myur bar rnam par 'jig pa yang med par 'gyur ro/ /des na skad cig pa la skye ba dang gnas pa dang/ 'gog pa la sogs pa'i chos lhag pa med do/ /ji ltar dge 'dun chen po pa rnams klog pa/ 'du byed thams cad skad cig pa/ /mi brtan byed pa ga la zhig / gang byung byed pa de nyid de/ byed pa por yang de nyid brjod ces par bya ba dang/ byed pa por 'brel te skye bar mi rung ste/ gang gi tshe na skad cig pa gcig pa de'i tshe na skad cig pa gnyis po med de/ snga ma'i 'og tu 'di yod ces bya ba 'phal zhig ste chos su brtags pa'o/ /gzhan gyi dbang gi gnyis kyi rnam pa'i shes pa la rgyu dang 'bras bu'i dngos po kun rtog pa ste/ rmi lam dang mig 'phrul la sogs pa la yang de lta bu yod do/ /kha cig gis ni mngon sum dang rjes su dpag pa der yang skad cig mar 'jig pa gdon mi za bar byed de/ ji ltar se gol gyi sgra thog ma dang tha ma'i dus kyi gnas tha dad pa dang bral ba dang/ skra dang rtsal sogs pa bcad nas yang skyes ba dang/ ka ba dang rdzam la sogs pa yang mchog tu bsnyengs pa la sogs bas thog ma dang tha ma'i dus tha dad pa dang/ me tog la sogs pa rnams rnam par 'jig par 'jig par rjes su dpag pa ni ji ltar de dag skad cig aud tsam thang cig gis 'jig pas so/ /gzhan gyi dbang la brnyings pa dang/ cher brnyings pa la sogs par thams cad mkhyen pa'i mngon sum dang rjes su dpag pa dag gis skad cig mar 'jig pa gdon mi za'o/ /bsam pa med cing snang ba med pa don dam pa'i bden pa gnyis su med pa'i skad cig ma'i rgyun yang dag par rig pa brjod du med pa ni yongs su grub par yang mngon sum ste/ de de ltar skye ba dang/ gnas pa dang/ 'gog pa la sogs pa'i chos rtag par brtags pa rnams gzhan gyi dbang dang yongs su grub pa rnams la mi srid do/ /ji ltar 'dir gsungs pa/ brtags pa yi ni rang bzhin gyis/ / dngos po thams cad ma skyes te/ /gzhan dbang la ni brten nas su/ /mi rnams rnam par rtog pa skye/ /gang tshe gzhan dbang rnam rtog gis/ /rnam bar spangs te dag ba na/ /grub pa de bzhin nyid bar smras/ /mdo sde mdo sder ngas bshad do/ /rtag pa dang bdag dang phyi rol gyi rdzas la sogs brtags pa rnams kyis dngos po med pa'i phyir gzhan gyi dbang sna tshogs tha dad pa'i rnam par ma skyes pa ste/ rnam pa des skyes ba'i rang bzhin med pas gcig bu la du mar mi rigs pa dang/ rnam pa du ma la yang gcig par mi rung ngo/ /ji ltar slob dpon d+harma kIrtis sgrub bar byed pa/ gang gis dngos po brtag bya ba/ /yang dag par ni gzugs de mod/ /gang phyir gcig dang du mar yang/ /de dag gzugs ni med pa'o/ /gzhan du dngos po gcig po la/ /sna tshogs gzugs ni snang ba'i phyir/ /rnam pa ji ltar bden par 'gyur/ /des na gcig kyang 'grib ba'i phyir/ /gzhan la gzhan du 'grib pa yang/ /dbyer med ma yin gzugs mthong phyir/ /rang bzhin tha dad mi mthong bas/ /blos ni tha dad mi rtogs so/ /'on blo ni de gcig la/ /ji ltar sna tshogs snang bar byed/ /'di ni dngos po mthu las byung/ /mkhas pa gang dag gsungs pa ste/ /ji ltar ji bzhin don bsams pa/ /de bzhin de bzhin bden par 'gyur/ gang gi don rnams bdag nyid kyis/ /mos na der ni bdag ci rtogs zhes pa ste/ /de de ltar gzhan gyi dbang gcig po la du mar mi rigs so/ /yongs su grub pa la gnod pa med pa'i phyir bsam pa med cing snang ba med pa don dam pa'i bden pa gnyis su med par yang dag par rig pas sangs rgyas kho na nyid dngos po dang dngos po med pa nyid rnam par mi rtog pa stong pa nyid dang/ mtshan ma med pa dang/ smon ba med par rnam par thar pa'i sgo snang ba med pa'i ting nge 'dzin lhun gyis grub pa don dam pa la bzhugs pa dang/ dag pa 'jig rten pa snang ba dang bcas pa'i ting nge 'dzin lhun gyis grub pa med pa la thams cad mkhyen pa bzhugs te/ mos pa tha dad pa la gnas pa rnams la gnyis pa dang mi gnyis chos gzung ba'i tshul gyi ston to/ /phung po dang khams dang skye mched dang/ rten cing 'brel te 'byung ba dang/ byang chub kyi phyogs kyi chos sum cu rtsa bdun dang/ stobs bcu dang/ mi 'jigs pa la sogs pa'i chos gnyis kyi rnam pa can sems dkrugs pa'i mnyam par mi 'jog pa'i ma rig pa la skyes ba'i sems can rnams la 'khor ba'i dus dang thar ba'i rim bar snang ba'i tshul dang/ sa dang pha rol tu phyin pa tha dad ba'i bsod nams dang/ ye shes kyi tshogs kyi khyad par rnams kyi rnal 'byor gyi dbang po rnams la ste/ rdzu 'phrul gyi cho 'phrul dang mtshan mas brgyan pa'i sku la sogs bar snang bas sems can mgu bar bya ba'i phyir dang/ shes rab dang thabs la mkhas pa rnam pa sna tshogs kyis ji ltar rtog pa dang// bdag tu chags pa dang/ las kyi rgyu las skye ba dang/ 'chi ba 'khor ba'i sdug bsngal ldog pa de ltar chos ston to/ /'dod chags dang bral ba rnams la ni mi rtag pa dang/ sdug bsngal ba dang/ mi mdzes pa bsgom par chos zab mo la mos pa kha cig la ni sbom bo dang phra mo shes rab kyis dpyad de rnam par gzhigs pa dang/ gzugs ni rdul phran gzhigs pa na/ /rdul phran cha ni med pa ste zhes par gang gi tshe phyi rol gyi mi dmigs pa de'i tshe bsam pa med cing snang ba med pa don dam pa'i bden pa mi gnyis par yang dag par rig par brjod du med pa la gnas so/ /des na thugs rje'i bag chags kyis gzhan gyi don du sang ngo/ /sa dang pha rol tu phyin pa gong nas gong ma'i tshogs kyis bsod nams dang ye shes kyi tshogs kyi rnal 'byor la goms pas gnyis pa dang mi gnyis pa'i ting nge 'dzin thob par 'gyur ro/ /des na chos dang gang zag dang bdag med pa yongs su shes pa ni don gyi rjes su 'breng ba la 'gyur gyi yi ge'i rjes su 'brang ba la ni ma yin te/ ji ltar thams cad mkhyen bas mang du thos pa rnams las don rnyed do zhes gsungs ba'o/ /'phags pa langkar gshegs pa'i bshad pa ye shes dpal bzang po sbyar ba'i le'u gsum pa las sangs rgyas kyi chos dpyad pa'i 'og tu rten cing 'brel te 'byung pa dang mi rtag pa la sogs ba'i chos thor bur dpyad pa bco lnga pa'o/ / //thams cad mkhyen pas rgyu dang 'bras bu'i dngos por dgongs pa'i bsdu ba'i don ni 'di yin te/ rgyu 'dus pa las nang dang phyi'i 'bras bu'i rang bzhin gyi tshogs snang ngo/ /de ni mig dang gzugs dang/ snang ba dang/ yid la byed pa rgyu 'dus ba'i mthu las mig la sogs pa'i rnam par shes pa nye bar skye'o/ /de la rgyu 'byed pas 'bras bu yang 'byed pa ste/ de ma thag pa'i rkyen gyis chud pa'i rang bzhin no/ /yul gyis ni de'i 'dra bar ro/ /dbang po las ni yul so sor des pa ste/ phyi rol gyi don du smra ba rnams kyis de lta bur yul dang yul can gyi dngos por kun tu rtog go /tshogs kyi rang bzhin gyis rnam par shes pa de lta bur yang khang pa dang/ sde dang/ nags tshal la sogs pa bzhin du rnam pa du ma'i phyir stong pa nyid do/ /'byung ba dang 'byung ba las gyur ba'i gzugs yul yang 'dus pa'i phyir khang pa la sogs pa bzhin du stong pa nyid do/ /'byung ba rnams cha dang mi 'bral ba'i phyir tha dad ba'i dngos po dngos por med de/ de las byung ba'i gzugs rnams kyang rang dbang du tha dad pa med do/ /des na yul dang yul can gyi dngos po de ni snang ba'i tshogs te don dam par na med do/ /rmi lam gyi dus na yang der gzugs la sogs pa'i yul dang/ dbang po dang/ mig la sogs ba'i rnam par shes pa med pa de bzhin du snang ba ste bslad pa sna tshogs kyi bag chags yongs su smin pa'i mthu las rnam bar shes pa gcig pu nyid rnam pa sna tshogs tha dad par snang gi /der byed pa dang byed pa por mngon par 'brel ba'i rgyu dang 'bras bu'i dngos po med do/ /des na 'byung ba med ba'i rten cing 'brel te 'byung ba so sor snang ngo/ /nam shes rab kyis dpyad de shes bar bya ba sgom bo dang phra mo phyogs kyi cha tha dad par phye s te mi dmigs pa de na bsam ba med cing snang ba med pa don dam pa'i bden pa gnyis su med pa'i skad cig ma yang dag par rig pa ste brjod du med pa'i phyir der de ma thag pa tsam gyis 'di yod na 'di yod do zhes chos su btags pa bstan mi nus so/ /thams cad mkhyen pa'i sgra dang don gyi tha snyad kyang spyi'i rnam par 'jug go /'gog pa la snyoms par 'jug pa las langs ba bzhin du snang ba dang bcas ba'i ting nge 'dzin la zhugs pa na chos ston pa 'byung ngo/ / thugs rje'i bag chags kyis sad de stong pa nyid dang/ mtshan ma med pa dang/ smon pa med pa'i rnam par thar pa'i sg las thams cad mkhyen pa bzhengs pa na sems can gyi bsam pa'i dgos pa ma lus par 'byung ste de ltar na chos ston pa la bar chad med do/ /snang ba dad bcas pa dang snang ba med ba'i ting nge 'dzin tha dad pa la snyoms par 'jug cing bzhengs pa na chos ston pa sna tshogs dang/ gsol ba'i lan kyang dgongs pa/ 'phags ma shes rab kyi pha rol tu phyin pa la sogs pa'i mdo sder sbyar ro/ /de bzhin du g.yo ba med pa'i sar snang ba med pa'i ting nge 'dzin la gnas pa thams cad mkhyen pa rnams kyi so sor sad par bya ba dang/ snang ba dang bcas pa'i ting nge 'dzin la 'jug pa na sgyu ma dang 'dra ba'i rten cing 'brel te/ 'byung ba mi 'byung bar rnam par lta zhing chos ston to/ /sbom po dang phra mor so sor snang ba'i rnam par tha dad pas phung po dang/ khams dang/ rten cing 'brel te 'byung ba dang/ byang chub kyi phyogs kyi chos sum cu rtsa bdun dang/ stobs bcu dang/ mi 'jigs pa la sogs pa gnyis kyi rnam pa'i chos ston to/ /bsod nams dang ting nge 'dzin las byung ba gzugs su snang zhing sgyu ma dang 'dra ba dang/ gnyis kyi rnam pa thams cad kyis stong zhing gnyis su med pa don dam pa'i bden pa yang dag par rig pa dag pa'i sangs rgyas nyid kyang 'khor ba'i rnal 'byor du ston to/ /'phags pa langkar gshegs ba'i bshad pa ye shes dpal bzang pos sbyar ba'i le'u gsum pa las rten cing 'brel te 'byung ba dpyad pa bcu drug pa'o/ / //blo gros chen po mu stegs byed thams cad kyis rnam pa brgyad du rnam par brtags te ngas ni ma yin no zhes bya ba la sogs pa ni rtag pa dang 'brel to/ /rnam pa brgyad gang zhe na/ de la blo gros chen po la la ni ra @253a tu rtsom pa las rnam par ldog pa mi rtag pa nyid ces zer te/ blo gros chen po rab tu rtsom pa zhes bya ba ni skye ba yin te zhes pa ni mu stegs byed pa rnams kyis rtag pa rnams kyis 'bras bu skyed par rtsom pa ste/ de bzhin du byed pa ni mi rtag go zhes rtog pa ste/ de dag rim gyis dngos por skyes pa rnams kyang skye ba med par rnam par rtog go /kha cig ni dbyibs rnam par ldog pa mi rtag pa nyid ces zer ro zhes pa ni ji ltar rdzas su rtsom bar yan lag tu sbyor ba la sbyor ba dang ldan pa gzhigs nas glo bur du 'ongs te gnod pa 'gal ba las byung nas gang gi tshe yan lag rnam pa'i char phye ba de'i tshe/ bum pa la sogs pa'i rdzas dbyibs la sogs pas 'jig par byed pa de lta bu ni yan lag can gyi rdzas kyi dbyibS ni 'jig pa ste/ rdzu 'phrul mo ni ma yin no zhes so/ /kha cig ni gzugs nyid mi rtag pa zhe'o zhes bya ba ni ji ltar ma lce dang glog la sogs pa'i gzugs mi rtog pa'o/ /kha cig ni gzugs 'gyur ba'i bye brag gzhan mi rtag pa nyid yin te/ chos thams cad bar chad med par rgyun du rang gi dang gis 'jig par grol ba'o ma las zhor 'gyur ba'i bye brag tha dad pa bzhin du dngos po thams cad la yang mi mthong ba zhig pa mi rtag pa nyid 'jug ce'o zhes bya ba la/ snga ma ni ne yi ya yi ka dang/ khyad par can gyi lta ba thams cad mkhyen par dgongs par brtag go /'di ni grangs can gyi lta ba ste/ ji ltar ba tan dza la'i 'brel ba las yon tan 'jug pa ni mi brtan pa ste/ yon tan 'di dag bdag la yud tsam du yang mi gnas so zhes so/ /thams cad mkhyen pas kyang de bzhin du dngos po thams cad la mi gzhig pa ni mi rtag pa'o zhes gsungs so/ /rang gi dang gis 'byung ba ni 'o ma las zho dang dar ba la sogs pa 'gyur @ 253b ba'i dngos po 'byung ba ni sngon gyi gzugs yongs su spangs te chos gzhan skye'o zhes so/ /kha cig ni dngos po mi rtag par rtog go zhes bya ba ni dngos po snga ma med cing gyo mo dang sol ba la sogs pa'i dngos po kun tu rtog go /kha cig ni dngos po'i dngos po med pa mi rtag bar rtog go zhes pa ni ji ltar k+Sha pa na ka dang spyod pa can lta bu ste/ rtag par 'gyur ba dang mi rtag par 'gyur ba dang/ rtag pa dang mi rtag par 'gyur ba dang/ rtag par 'gyur bar yang smra bar mi bya ba dang/ mi rtag par 'gyur bar yang smra bar mi bya ba dang/ rtag pa dang mi rtag bar 'gyur bar yang smra bar mi bya ba dang/ rim pa dang rnam pa la bltos te thams cad thams cad du smra bar mi bya ba dang bdun du byed ba'o/ /spyod pa can rnams kyi dngos po rnams ni spyi dang khyad par du tha dad pa dang tha dad pa ma yin pa ste/ dngos po gzugs ni gcig pa la/ /brtags te gzugs ni 'dod pa bzhin/ /rim dang cig car 'jug ba yis/ /tshig gis rnam pa gzhan med do/ /ji ltar kha dog 'dres pa la/ /'dod pa bzhin du kha dog 'dzin/ /de bzhin dngos po sna tshogs phyir/ /tha dang tha dang mi dmigs pa'o/ /ji ltar su zhig gcig shes nas/ /yang dag yang bar shes pa ni/ /dus kyis tha dad mi 'byed pa/ /de bzhin sgra yang mi 'byed do/ /goms pas ji ltar gcig po ni/ /tha dad yul du 'gror zin kyang/ /tha dang yul gyis mi 'byed pa/ /de bzhin sgra la 'byed pa med/ /ces pa chos can rnams ni rtag pa la chos rnams ni tha dad pa dang tha dad pa med par mi rtag pa nyid de/ nyam chung ba dang/ nyam che ba'i ltas sbyin yang de 'di nyid do/ /yi ge yang ring po dang thung du de nyid de/ gzhan gyi rag gis mi rtag pa nyid dang gis ni mi rtag pa nyid ces te/ spyod pa can gyi lo rgyus? la ni tha dad pa med pa'o gzugs? 'gyur pa mi rtag pa nyid ni sgra ba bo thams cad la mtshungs te bum pa me dang phreng ba na sngo ba ni ldog dmar ba ni skye ba'o/ /skye ba mi rtag pa nyid ni dngos po thams cad kyi nang du 'dus pas de'i tshe la sogs pa'i rdzas rtag pa de dag las gzhan pa ma yin te/ ? phra mo la sogs pa'i sna ma'i rnam pa bzhin du phyi ma'i rang bzhin skye ba ste/ phrad pa'i dus dang 'bral ba'i dus su yang rang bzhin gzhan skye ba ni de dag gi de lta bur mi rtag pa nyid de/ phrad pa dang bral bar tha dad par 'byed pa na byed pa med pa rnams kyi byed pa skye ba na de bzhin du g.yo ba med pa'i mtshan nyid rnams yul gzhan du 'pho ba'i khyad par gyi bdag nyid thob bo/ /g.yos ba dang g.yos ba med pa la sogs pa tha dad pa'i dus kyi mtshan nyid dang ldan pa rnams la gcig par mi rigs te/ shing dang thal par la sogs pa dang 'o ma dang zho dang mar sar la sogs pa bzhin no/ /des na thog ma dang tha ma'i rang bzhin gyis khyad par tha dad par byed na rim pa dang/ yul dang dus tha dad par phye ba'i khyad par gyi skye ba de dag rang bzhin gyi khyad par gyis skad cig pa thob par yid ches so/ /rdul gnyis la sogs pa'i rim pas rdul phra mo'i rnams sngar phrad par 'byung la rnam par 'jig pa yang rdul gsum la sogs rim gyis yin te/ de ltar na skye ba mi rtag pa nyid do/ /de dag la nam rdul phra mo'i mthar thug par yan lag dang bral bar 'gyur ba de ni skye ba med pa'i mi rtag pa nyid du thams cad mkhyen pas dgongs par brtag go / de bzhin du yang sa la sogs pa'i rdul phra mo rnams rtag pa nyid na su mi rtag par 'gyur/ rdul phra mo ma gtogs par sbom po'i rdzas med pa'i phyir ro/ /bcas pa dang ma bcos pa dang/ bsgul ba dang/ ma bskul ba dang bsgribs pa dang ma bsgribs pa la sogs par phye ba dang/ phyogs kyi cha tha dad par bye ba na khang pa dang sde dang nags tshal la sogs pa bzhin du dngos po med do/ /ne yi ya yi ka dang khyad par can la sogs pa rnams kyi byed pa dang ldan pa'i dus pa'i rdul phra mo rnams kyang cha tha dang par phye ba na rtag pa med do zhes thams cad mkhyen pas dgongs pa'o/ /grangs can dang k+Sha pa na ka la sogs pa rnams la ni med pa mi skye la med pa mi 'gag pa ste/ yan lag can dang/ yon tan dang las rnams sngar med pa'i skye ba dang 'jig pa med do zhes na su'i mi rtag pa nyid yin te/ de de ltar na mu stegs byed thams cad kyi mi rtag pa nyid ni skad cig mar 'jig pa ma gtog? pas rdzas dang yon tan dang las dang spyi dang khyad bar la sogs pa rnams kyi ni mi rung ste/ yod pa dang med pa las skye ba med pa'i phyir ro/ /dngos po mi rtag pa'i phyir mi rtag pa tha dad par mi rung ste/ dngos po gzhan skye ba na snga ma'i dngos po ci'i phyir na rnam par 'jig par 'gyur 'on te rang nyid mi ldog na gnas pa can gyi sus kyang rnam par gshig par mi byed ba'i phyir ro/ /dngos po med pa'i mtshan nyid kyi yang mi rtag pa nyid du bya mi nus te/ dngos po med pa byed pas na byed pa nyid dag par byas par gyur bar togs/ de'i phyir rim pa dang dbyibs dang yon tan dang las dang spyi dang khyad par dang/ chos gzhan du skye ba'i mi rtag pa nyid ni skad cig mar 'jig pa ma gtogs par mi rung ngo zhes thams cad mkhyen pas dgongs pa'o/ phyi rol gyi don med pa'i phyir gnyis kyi rnam pa la rgyu dang 'bras bu'i dngos po dang/ bya ba dang byed pa por mngon par 'brel pa kun brtags pa thams cad mi rung ste thog ma med pa'i sems de bzhin nyid ma yin pa'i bag chags yongs su smin pa'i mthu las rmi lam dang mig 'phrul dang rab rib kyi rnam pa dang gzugs brnyan la sogs pa bzhin du byis pa rnams la gnyis kyi rnam pa'i 'khor ba so sor snang ngo/ /de la gzhan gyi dbang gi shes pa la skye ba dang/ gnas pa dang 'gog pa la sogs pa'i chos gang rtogs pa de dag ni mi rung ste/ snga ma dang phyi ma'i dus kyi gnas tha dad pa dang bral ba skad cig pa snang ba ni mngon sum nyid kyi phyir ro/ /der skad cig pa drug tu gnas pa 'am/ skad cig pa drug cu rtsa bzhir gnas pa yang rung ste mi rtogs so ji ltar se gol gyi sgra la der mngon sum nyid tshad ma'o/ /rim du snang ba med pa'i phyir skye ba dang gnas pa dang/ 'gog pa la sogs pa'i chos rnams la bya ba dang byed pa po la sogs par 'grel par kun brtags pa rnams skad cig ma gtogs par dngos po gzhan med do/ /ji ltar dge 'dun chen po pa rnams kyis klog pa dang/ 'du byed thams cad skad cig ma/ /mi brtan byed pa ga la zhig /gang 'byung byed pa de nyid de/ /byed pa por yang de nyid brjod ces so/ /rdul phra mo rnams dbang po las 'das pa'i phyir phyi rol gyi don med pas de 'pho ba'i dus la skad cig pa drug gi mtshan nyid kyi skad cig pa mi rung ngo/ /yongs su grub pa gnyis kyi rnam pa dang bral ba'i chud pa der yang skad cig ma'i rgyun yang dag bar rig pa ste/ der rjod du med pa skye ba dang/ gnas dang/ 'gog pa la sogs pa'i rnam par rtog pa der mi 'byung ngo/ /nam shes rab kyis dpyad de sbom po dang phra mo phyogs kyi cha tha dad pas phye ste shes par bya ba mi dmigs pa de na bsam pa med cing snang ba med pa/ don dam pa'i bden pa gnyis su med pa yang dag par rig pa dngos po dang dngos po med par rnam par mi rtog pa nyid gnas so/ /de yang snga ma dang phyi ma'i dus kyi sdug bsngal dang/ sdug bsngal med pa la sogs pa tha dad ba dang/ srid pa dang thar pa tha dad pas 'byed pa na skad cig ma'i rgyun 'byung ba brtan te/ gser rin po che la sogs pa bzhin du snang ba med pa'i ting nge 'dzin du gnas pa ste/ mig la sogs pa'i yul dang bral zhing/ skod cig pa gzhan du gser la sogs pa bzhin du mtshams sbyor bar byed pa nyid de mig la sogs pa'i rnam par shes pa lag mthil gyi sgra la sogs pa lta bur ni ma yin no/ /de'i phyir mu stegs byed thams cad kyi rtag pa dang bdag dang byed pa po dang changs pa dang/ dbang po la sogs pa'i dbang bo dang longs spyod pa po ji lta bu yin pa de lta bu byed pa dang/ longs spyod pa po dang dbang po ni sems nyid de sems can thams cad de bzhin gshegs pa'i snying po bas na chud ba'i ngo bo nyid ni bde bar gshegs pa dang/ gtogs 'dod dang/ lha chen po dang tshangs pa dang/ rnal 'byor gyi dbang po la sogs ba'i rang bzhin dag pa yin te/ spyi dang khyad par du brtag na me bzhin no/ /des na/ chud pa byed pa'i sbyin pa zhi srid pa/ /yul phyang sbyad bo de dbang sna tshogs te/ /bde gshegs 'phrog 'phrog can tshangs rnal 'byor dbang/ /de las tha dad sa chu me rlung gis/ /brtsams ba'i 'jig rten lus ni ma yin te/ /sbom po phyogs kyi chas ni stong pa ste/ /nam mkha' las ni skyes ba'i me tog bzhin/ /ma skyes pa ni rtag tu yod pa min/ /'phags pa langkar gshegs ba'i bshad pa ye shes dpal bzang pos sbyar ba'i le'u gsum pa las mi rtag pa nyid dpyad pa bcu bdun pa'o/ / //sha thang ste mthar phyin ba'i rgya mtsho lta bu'i le'u gsum pa rdzogs so// //rin chen 'byung gnas rgyal mthar phyin mthong nas/ /brgyal dga' yun ring nan tan dbugs phyin thob/ /ded dpon bzhin du bdag gis dga' sa rnyed/ /mdo sde don ni bdag dang gzhan gyi blo/ /rgyas shing smra ba du mas brjod pa la/ thugs rje yis ni gzhan la phan mdzad pa/ /rab 'byams mchod byed dpal bzang de ltar/ /des na yang byang chub sems dpa' sems dpa' chen po blo gros chen pos btsam ldan 'das la 'di skad ces gsol to/ /'gog ba'i go rim gyis mtshams sbyor ba'i mtshan nyid la mkhas pa gang gis zhes bya ba la sogs pa'o/ /de la thams cad mkhyen pa'i lan ni blo gros chen pos drug nas gzung ste byang chub sems dpa' sems dpa' chen po rnams la nyan thos dad rang sangs rgyas rnams 'gog pa la snyoms par 'jug pa ste zhes ba'o/ /sa drug tu rten cing 'brel te 'byung ba so sor rtog cing ma rig pa la sogs pa 'gog par snyoms par 'jug pa na 'khor ba las skyo nas rab tu zhi ba'i bde ba la gnas par 'gyur ro/ /bdun pa ni sems skad cig la byang chub sems dpa' sems dpa' chen po rnams dngos po thams cad kyi ngo bo nyid kyi tshad ma nyid gsal bas snyoms par 'jug ste zhes bya ba ni shes rab kyis dpyad pas dngos po rnams kyi mtshan ma'i gnas dang mtshan ma'i dngos po mi rung ste/ ji ltar dbu ma las/ mtshon bya mtshan nyid gal te gzhan/ /mtshan la mtshan nyid med par 'gyur/ /gcig na de gnyis mi grub ste/ /tha dad na yang gzhan du med ces pa'o/ /ji ltar 'phags ma shes rab kyi pha rol tu phyin pa las 'byung ba/ rtag pa'i mtshan nyid ni gzugs te de yang de bzhin gshegs pas mtshan nyid ma yin par mngon par rdzogs par sangs rgyas so zhes bya ba la sogs pa'o/ /nyan thos dang rang sangs rgyas rnams ma yin no zhes bya ba la sogs pa ni mtshan nyid med pa'i ting nge 'dzin la snyoms bar 'jug pa ma yin te/ ci'i slad du zhes pa dang thams cad mkhyen pas rgyu gzhan gsungs pa/ de dag gis 'gog pa la snyoms par 'jug pa ni mngon par 'du byed pa can gzung ba dang 'dzin pa'i mtshan nyid du lhung ba'o/ /rgyu gnyis kyis 'phags pa nyan thos rnams kyi 'gog pa la snyoms par 'jug pa ni mngon par 'du byed ba'i mtshan nyid du lhung ste/ phyi rol gyi mtshan nyid du mngon bar chags pa dang/ snyoms par 'jug pa las ldad ba'i dus na phyi rol gyi mtshan ma 'dzin pa'i phyir ro/ /btsun gtso'i byang chub sems dpa' i khyad par ni shes rab kyis dpyad pas 'dzin pa dang gzung ba'i mtshan ? mthong ste/ de ltar na de dag la yang nan tan med par bsam pa med cing snang ba med pa'i ting nge 'dzin sems skd cig sems skad cig la yod mod kyi sems can gyi don du snang ba dang bcas pa'i ting nge 'dzin la snyoms bar 'jug go / cis na dus thams cad du snang ba med pa nyid du snyoms par mi 'jug ces de skad du thugs dogs nas bka' stsal pa/ de bas na de dag ni chos thams cad bye brag med ba'i mtshan nyid thob par 'gyur ro zhes pa ste/ snang ba med ba'i ting nge 'dzin la dus thams cad du gnas na ni sa dang pha rol tu phyin pa tha dad par phye bas bsod nams ye shes kyi tshogs kyi khyad par dang/ sems can gyi don du snang ba dang bcas pa'i ting nge 'dzin gyi khyad bar rnams med par sangs rgyas su 'gyur ro/ /sna tshogs kyi mtshan nyid med par thob par 'gyur zhes pa ni snang ba med pa'i ting nge 'dzin te/ shes rab kyis dpyad de shes par bya ba sbom bo phra mo mi sems shing mi dmigs so/ /dge ba dang mi dge ba'i rang gi mtshan nyid khong du chud pas zhes pa ni snang ba dang bcas pa'i ting nge 'dzin te spangs bar bya ba dang blang bar bya ba yongs su shes nas gong nas gong ma'i khyad par rnams kyis snyoms par 'jug pa yin no/ /sa bcus spang bar bya ba nyon mongs pa med pa'i mi shes pa bag chags dang bcas pa mnyam par mi 'jog pa'i mtshan nyid can dang/ shes rab kyi dpyad de nyon mongs pa dang las kyi sgrib pa spang bar bya ba chos dang gang zag la bdag med pa yongs su shes pas spong ngo/ / bdag tu chags pa med pa'i phyir 'jungs pa rnam par ldog go / gzung ba thams cad yongs su spangs pas sems can thams cad snying rjes rjes su yongs su gzung ba'i phyir sbyin bzhi pha rol tu phyin pa'i bsod nams kyi tshogs so/ /gnyis kyis rnam par rtog @257a pa med pa'i phyir mi gnyis pa'i tshul khrims rnam par dag pa'o/ /de de bzhin du gnyis su med pa'i ting nge 'dzin thob pas 'khrugs pa med pa'i phyir bzod pa'o/ /mi gnyis pa'i rnal 'byor la brtson pa'i phyir brtson 'grus so/ /gnyis kyi rnam par rtog pa med pa'i phyir sems rtse gcig pa nyid ni bsam gtan no/ /shes rab kyi dpyad de 'dzin pa dang gzung ba'i mtshan ma la mi dmigs shing bsam pa med pa dang/ snang ba med cing mi gnyis pa'i chos nyid ni shes rab po/ /bdun du ni byang chub kyi phyogs kyi chos sum cu rtsa bdun khong du chud pas kyang snying rje ba'i phyir shes rab dang thabs kyi pha rol tu phyin pas sems can gyi don byed do/ /brgyad du sgyu ma dang 'dra ba'i rten cing 'brel te 'byung ba mi 'byung bar rtogs shing/ byed pa dang byed pa po dang/ 'dzin pa dang gzung ba dang bral ba dngos po dang dngos po med par mi rtog cing snang ba med pa'i ting nge 'dzin la gnas pa rnams thams cad mkhyen pa rnams kyis phyir sad par mdzad pa snang ba dang bcas pa'i ting nge 'dzin la snyoms par 'jug cing 'jig rten thams cad la dmigs te gzhan gyi don du smon lam gyi pha rol tu phyin pa yongs su rdzogs par byed do/ /dgur ni chos dang don dang nges tshig dang spobs pa so so yang dag bar rig pa'i ting nge 'dzin thob par sems can gyi bsam pa dang bag la nyal ba shes pa'i phyir chos ston pa stobs kyi pha rol tu phyin pa yongs su rdzogs par byed do/ /bcur ni snang ba dang bcas pa dang snang ba med pa'i ting nge 'dzin la snyoms par 'jug pa thams cad rnyed cing bsod nams dang ye shes kyi tshogs kyi khyad par thob pas thams cad mkhyen pa nyid thob par bya ba'i phyir ye shes kyi pha rol tu phyin pa yongs su rdzogs par byed do/ /des na thams cad mkhyen @ 257b pa'i chos thams cad du dbang bskur bar dbang bskur ba dang/ rnal 'byor gyi dbang po rnams kyi chos thams cad la snyoms par 'jug par 'gyur ro/ /sa dang po dang sa drug la ni khams gsum pa sems dang yid dang yid kyi rnam par shes pa tsam ste zhes pa ni khams gsum mthong ba ste/ de la sems ni kun gzhi rnam shes te/ /ngar sems nyid ni yid yin no/ /gang gis yul rnams 'dzin pa ni/ /de ni rnam par shes zhes bya zhes pas na khams gsum sems tsam du mthong ba ste/ phyi rol gyi don med par sems nyid bslad pa'i mthu las gnyis kyi rnam par snang ngo/ /khams gsum pa bdag dang bdag gi med pa ni gnyis su smra ba rnams kyi bdag tu rnam par rtog pa'i rtag pa'i skyes bu mang ngo/ /mi gnyis par smra ba tshangs pa dang/ dbang po la sogs pa skyes bu gcig tu rnam par brtags pa de lta bu ni sems can mang po'i sems kyi rgyud ma gtogs par mi rung ngo/ /rtag pa ma skyes pas na mo gsham gyi bu la sogs pa bzhin du med do/ /gnyis su med par smra ba rnams la ni grol ba dang/ ma grol ba dang phyug ba dang dbul ba la sogs pa gcig pa'i skyon du 'gyur ro zhes lan du mar bshad pa'o/ /chos dang gang zag la bdag med pa yongs su shes nas sa dang po dang drug tu gnyis su med pa'i sems kyi skad cig gi ting nge 'dzin la snyoms par 'jug go /ji ltar 'dir gsungs ba/ sa bdun dag ni sems yin te/ /snang ba med pa brgyad pa'o/ /sa gnyis dag ni gnas yin te/ /sa gzhan nga yi rang bzhin no zhes pa'o/ /dngos po dang dngos po med par rnam par mi rtog pa snang ba med pa'i ting nge 'dzin la ni sa brgyad du snyoms bar 'jug pa ste/ ji ltar 'dir gsungs pa/ dngos med dngos po med kyang min/ /yod dang med par mi dmigs pa/ /'di ni dbu ma'i nan tan du/ /nga dang gzhan gyis bshad pa'o zhes pa 'di ni dbu ma'i ting nge 'dzin to/ /rnam par shes pa'i ting nge 'dzin ni ji ltar 'dir gsungs pa/ phyi'i dngos bo? bsal nas su/ /shes pa tsam du 'jug pa ste/ /'di ni dbu ma'i nan tan du/ /de dang gzhan gyis bstan pa'o zhes bya ba ste de ltar sems dang yid? dang yid? kyi rnam par shes pa kho nar rnam par rtog pa ni sa brgyad du dngos po dang dngos po med pa la rnam par mi rtog pa snang ba med pa'i dbu ma'i ting nge 'dzin ni ldog go / ji ltar le'u 'dir gsungs pa/ bcu po pa ni dang po yin/ /dang po pa ni brgyad po yin/ /dgu po yang ni bdun pa ste/ /bdun po pa yang brgyad po yin/ /gnyis po pa ni gsum po yin/ /bzhi po pa ni lnga po yin/ /gsum po yang ni drug yin te/ /snang ba med la rim ci yod ces te/ gang zag dang chos la bdag med par rtogs pas dang por yang yod pas na snang ba med pa'i ting nge 'dzin te/ 'dzin pa dang gzung bar snang ba'i rnam par rtog pa med pa'i phyir ro/ /sems tsam yod par mngon par chags pa ni sa brgyad pa na ldog go zhes thams cad mkhyen pas dgongs par brtag go /gal te ting nge 'dzin gyi khyad par gnyis su med pa rtogs pa med na ni gzhan du ji ltar na sa brgyad kyi dbang po rnams kyi snang ba med pa'i ting nge 'dzin du 'gyur/ sa brgyad du ni dngos po dang dngos po med pa mnyam pa kho nas khyad par te/ der dngos po dang dngos po med par rnam par rtog pa med pa'i phyir ro/ /snang ba med pa'i gnyis su med pa'i sems khong du chud kyang sa bdun po'i dbang po rnams la yang rnam par shes pa yod par mngon par chags pa phra'o zhes thams cad mkhyen pa'i dgongs su ba sgra'i rjes su dpag pas rjes su dpag go / snang ba med la rim ci yod ces bya ba ni sa bcu rnams la snang ba med pa ste chos dang gang zag la bdag med par rtog pas sa dang po'i dbang po rnams la yang phyi rol gyi don med pa'i stong pa nyid yod do/ /yongs su shes nas snang ba med pa'i ting nge 'dzin mnyam par rtogs pa'i phyir sa bdun gyi dbang po rnams kyi bar du yang gnyis mi snang ba'i sems rtogs pa'i ting nge 'dzin to/ /brgyad pa'i dbang po rnams kyi khyad par ni dngos po dang dngos po med par rnam par mi rtog pa snang ba med pa'i ting nge 'dzin to/ /'on te de ltar na ni ji bzhin du sa bcu rnams kyi snang ba med pa'i ris med pa de bzhin du ltag pa'i ting nge 'dzin du phye ba med pas sangs rgyas kyi sa'i rims kyang ga las 'gyur/ de ni der thams cad mkhyen bas snga mo nyid du spangs pa ste/ dbang mchog chen po'i gnas kyi mchog/ 'og min gnam du rnam par mdzes/ /der ni theg pa rnams ston ba/ /sa gzhan nga yi rang bzhin sa zhes rgya cher ro/ /bsod nams dang ye shes kyi tshogs tha dad pas phye ba na pha rol tu phyin pa rnams las sa'i khyad par du gyur to// de bzhin du yang sgrib pa thams cad la phan 'dogs nus pa'i thams cad mkhyen par 'gyur ro/ /sa bcu'i dbang po rnams la ni dar las g.yogs pa lta bur shes par bya ba'i dkyil 'khor thams cad snang ba ste/ thams cad mkhyen pa sangs rgyas bcom ldan 'das rnams kyi khyad par ni sgrib pa med pas gsal ba'o/ /de yi 'od zer sna tshogs pa/ yid 'ong zhi ba rab tu 'byung/ /de dag srid gsum sprul bar byed/ /srid pa gsum po kha cig sbrul/ /kha cig snga nas sprul ba ste/ der ni theg pa rnamS ston pa/ /de ni nga yi rang bzhin sa zhes bya ba la sogs pa mdo sde 'dir rgya cher te/ de lta bu der yang dbang po la sogs pas byas pa'i nyes pa ji ltar mi 'gyur/ de lta bu rnams pa ni cho 'phrul yin gyi sems can rnams la sngar med pa'i sprul par ma yin te/ sems can thams cad la de bzhin gshegs pa'i snying po ni de bzhin gshegs pa byung yang rung ma byung yang rung ste chos nyid de ni ye nas gnas ba'o/ /rang bzhin gyis 'od gsal ba'i chud pa'i glo bur gyis gnyis kyi rnam pa bslad pa spang bar bya ba 'ba' zhig ste/ nam shes rab kyis dpyad de shes par bya ba sbom po dang phra mo phyogs gyi cha tha dad par bya ste sems can rnams kyi dmigs pa de na bsam pa ched cing snang ba med pa don dam pa'i bden pa'i mi gnyis bar yang dag? par rig pa skad cig pa'i rgyun gyi rang bzhin du chud pa mang po brtan pa'i ngo bo nyid gser rin po che la sogs pa bzhin du dri ma med pa rnams so/ /rnal 'byor pa rnams rnal 'byor goms par byed pa na so sor bdag gis rig pa'i khyad par du 'gyur te/ ji ltar bcom ldan 'das kyis gsungs pa/ me gcig gis khebs pa'i shing gis me lce rnams ring po dang thung ngu la sogs pa'i khyad par bzhin 'gyur ro/ /des na rtag pa dang bdag dang/ gcig po dang byed po por smra ba rnams las khyad par ro/ /rtag pa dang tshangs pa dang/ dbang po la sogs pa rnams ni ma skyes pa'i phyir byed pa por mi rigs te/ ma skyes pas na mo gsham gyi bu la sogs pa bzhin no/ /gcig por ni grol ba dang/ ma grol ba dang phyug pa dang/ dbul ba la sogs pa tha dad pa med pa'i skyon no/ /'dod chags dang bral bas ni ji ltar na gzhan gyi sdug bsngal byed/ yang na rtsed mo la mos par 'gyur ba 'am/ 'dod chags dang ma bral ba zhig na ni de'i mi shes pa yongs sus byas/ des na ji tsam du sems mnyam par 'jog par byed pa de tsam du ma rig pa'i gdon gyi mdza' las rtag pa dang bdag gir rnam pa sna tshogs kyi rnam par mgo 'khor ba dang brgyal ba la sogs pa bzhin du sems can rnams la snang ngo/ /gang gi tshe dge ba'i bshes gnyen las chos thos nas shes rab kyis dbyad de sbom po dang phra mo rnam par gzhig pa na mi dmigs pa de'i tshe/ bsam pa med cing snang ba med pa don dam pa'i bden pa yang dag par rig pa la gnas so/ /snying rje'i bag chags kyis sad na gzhan gyi don du snang ba dang bcaS pa'i ting nge 'dzin la snyoms bar 'jug go / ji ltar sa brgyad du thams cad mkhyen pa rnams kyis sad par bya ba ste/ gang dag la snying rje'i sa bon med pa de dag la ni snang ba med pa'i sems nyid mya ngan las 'das pa ste/ ji ltar 'phags pa nyan thos rnams la gsungs pa/ de dag ting 'dzin myos pas myos/ zag pa med pa'i dbyings na 'khod ces pa'o/ /skad cig pa'i sems kyi rgyun 'brel pa ni brtan zhing zad pa med par thams cad mkhyen pas dgongs pa yin gyi/ yang ji ltar se gol gyi sgra dang glog la sogs pa rnams la 'dra pa'i skad cig ba gzhan phyir mtsham sbyor ba med pa ltar sems kyi skad cig pa ma yin no/ /thams cad mkhyen pas ni skad cig ma'i rgyun la sems rtag pa'o zhes dgongs kyi/ mu stegs phyed kyi rtag pa dang gcig pa dang gnyis su med pa la ni ma yin no/ /des na sangs rgyas pa rnams kyis ni rtag pa dang chad pa dang dral ba/ dngos po dang dngos po med par rnam par mi rtog cing mdza' gnyis rnam par spang pa gnyis su med pa'i sems la dgongs pa ste/ ji ltar dgongs pa nges par 'grel pa las rigs kyi bu 'dus byas dang 'dus ma byas shes bya ba 'di ni ston pas btags pa'i tshig go zhes pa ste/ 'dus byas dang 'dus ma byas ma yin par dpyad pa'o/ /blo gros chen po sa brgyad pa la ni nyan thos dang/ /rang sangs rgyas dang byang chub sems dpa' rnams kyi mya ngan las 'das pa yin te/ byang chub sems dpa' rnams ni gang gis yongs su mya ngan las mi 'da' bar ting nge 'dzin gyi sangs rgyas rnams kyis ting nge 'dzin gyi bde ba de las rnam par 'dzin to zhes pa ni gzhan gyi don du byang chub sems dpa' rnams la sngon gyi smon lam dang snying rje'i sa bon yod pas so/ /de'i phyir thams cad mkhyen pa rnams kyis rab tu sad par mdzad do/ /gzhan du ni sems can gyi bya ba yang rgyun chad par 'gyur zhing 'tshang rgya ba'i phyir nan tan mi byed pa nyid du 'gyur ro/ /gal te phyir sad par mi mdzad na de'i tshe de bzhin gshegs pa'i rigs kyi gdung yang chad par 'gyur ro/ /'phags pa nyan thos gang ? la snying rje'i sa bon yod pa yang rab tu sad pa ni sangs rgyas su bsgyur nus kyi zhi ba phyogs gcig gi 'dod chags dang bral ba rnams ni ma yin no/ /ji ltar dgongs ba nges par 'grel pa las/ tshig gi dbang pos yongs su gsol pa/ thams cad mkhyen pas gsungs pa/ byang chub sems dpa' i sa brgyad du sangs rgyas bcom ldan 'das de dag sangs rgyas kyi che ba bsam gyis mi khyab pa yang ston te/ de'i phyir/ de dag yongs su mya ngan mi 'da' o/ /nyan thos dang rang sangs rgyas rnams ni ting nge 'dzin gyi bde bas phrogs par 'gyur te/ de bas na de dag ni mya ngan las 'das pa'i blor 'gyur ro/ /ji ltar bdun brgya pa las 'di nyid mya ngan las 'das pa ste/ gang 'di bsam pa med pa nyid ces pa'o/ /rnam par rtog pa zad nas byang chub sems dpa' i sa brgyad du mi skye ba la bzod par 'gyur ro/ /byang chub sems dpa' rnams kyi sems la ni zad pa med de shes rab kyis nyon mongs pa zad pa ni de dag gi thar pa ste gser dri ma dang bral ba bzhin no/ /blo g ros chen pos sa bdun du byang chub sems dpa' sems dpa' chen po rnams rang dang spyi'i mtshan nyid mi shes shing sa'i go rim dang mtshams sbyor ba la mi mkhas pas mu stegs byed kyi lta ba dang zhes bya ba la sogs pa ni mu steD can thar pa 'dod pa rnams kyis sems bkag ste 'khod kyi/ de dag la ni rang dang spyi'i mtshan nyid kyi chos rab tu 'byed pa'i shes rab ni med do/ /dar khyad par ni chos dang don dang nges tshig dang/ spobs pa so sor yang dag par rig ba rab tu theb pas chos rab tu shes so/ /byang chub kyi phyogs sum cu rtsa bdun khong du chud pas lus dang tshor ba dang sems dang chos rnams kyi mi mthun pa'i phyogs yongs su brtags pas 'dod chags dang bral ba la gnas pa dang/ 'gog pa la gnas pa dang/ 'du 'dzis gyur par lus dran pa nye bar gzhag pa sgom par byed de/ de bzhin du tshor ba la sogs pa dang yang sbyar ro/ /spyi'i mtshan nyid ni skad cig pa la sogs pa'o/ /rang gi mtshan nyid ni lus 'di la skra dang so la sogs pa yar de/ de la rdul phra mo'i tshogs la mi mdzes par bsgom mo/ /de bzhin du gzugs ni rdul phran gzhigs pa na/ rdul phran cha ni med pa ste zhes par gang zag la bdag med par sngar byas te chos la bdag med par 'jug go /de ltar bstan pa yang snang ba med pa stes rnams kyi go rim par khong du chud par mi 'gyur ro/ /snang ba dang bcas pa'i ting nge 'dzin la gnas pa na gzhan la phan pa'i sbyin pa la sogs pa'i pha rol tu phyin pas bsod nams dang ye shes kyi tshogs kyi khyad par byung ba rnams kyis sa bcu'i dbang po sgrib pa ma lus bar spangs te/ phan pa thams cad spyang pa'i thams cad mkhyen cing sangs rgyas nyid du 'gyur ro/ /des na sa rnams kyi go rim brtan par bya'i/ don dam pa ni 'di la gang yang 'jug pa 'am ldog pa med do/ /snang ba med la rim ci yod ces bya ba ste/ de'i phyir shes rab dang snying rje dang gzhan la phan pa'i bsod nams kyi khyad par tshogs sa dang pha rol tu phyin pa'i rim pa yongs su rdzogs pa rnams dang 'khor ba mdza' dag shes pa rnams kyis mi shes pa dang sdug bsngal yongs su zad de/ bdag dang gzhan la phan pa'i rnal 'byor shin tu rnam par dag pa na bdag dang gzhan la phan 'dogs nus pa'i thams cad mkhyen pa nyid rnal 'byor gyi dbang po kho na sangs rgyas kyis ngo bo nyid du 'gyur ro/ /mu stegs byed rnams@261a kyi bya pa ni rnal 'byor zhes bya ba shes rab dang/ thabs dang nyon mongs pa zad pa dang bral ba ste/ ji srid snyed? du zad 'gyur pa/ /de srid yid ni dgag par bya/ /de ni bsam gtan ye shes te/ /lhag ma gzhan ni gzhung rgyas pa'o/ /yid ni rgod cing mi brtan ba'o/ /gang phyir gang phyir 'byung ba ni/ /de phyir de phyir sdom pa na/ /de tshe bdag nyid dbang du 'gyur/ /spro ba bzung ba'i blo yis ni/ /khang kyis khang kyis spangs nas su/ /yid ni bdag las gnas byas te/ /cung zad bsam par yang mi bya zhes so/ /sangs rgyas pa rnams kyi gnyis su med pa'i rnal 'byor gyi khyad par ni shes rab kyis dpyad de sbom po dang phra mo phyogs kyi cha tha dad ba bye ba na/ /gang gi tshe mi dmigs pa de'i tshe bsam pa med cing snang ba yang dag par rig pa rang nyid kyis gnas te/ skad cig ma'i rgyun brjod du med par rang gis rig pa mngon sum du bya'o/ /snang ba dang bcas pa'i ting nge 'dzin la zhugs pa'i rnal 'byor gyi dbang po chos ston pa 'byung ngo// ji ltar thams cad mkhyen pa'i sngar smras pa/ dbang phyug chen po'i gnas kyi mchog/ 'og min shin tu rnam par mdzes/ /dar ni theg pa rnams ston pa zhes bya ba la sogs pa rgya cher ro/ /'phags pa langkar gshegs pa'i bshad pa ye shes dpal bzang pos sbyar ba'i mngon par rtogs pa'i le'u bzhi pa ste rdzogs so/ / //de nas yang byang chub sems dpa' sems dpa' chen po blo gros chen pos bcom ldan 'das la 'di skad ces gsol te bcom ldan 'das de bzhin gshegs pa dgra bcom pa yang dag par rdzogs pa'i sangs rgyas tag gam/ de ste mi rtag gam ci lags/ bcom ldan 'das kyis bka' stsal ba/ blo gros chen po de bzhin gshegs pa ni rtag pa @ 261b yang ma yin mi rtag pa yang ma yin no/ /de ci'i phyir zhe na/ 'di lta ste gnyis dang yang nyes par 'gyur ba'i phyir ro/ /blo gros chen po gnyi gar yang nyes par 'gyur ba ni rtag tu zin na rgyur 'gyur po/ /blo gros chen po mu stegs byed thams cad kyi rgyu rnams ni ma byas ba rtag pa ste zhes pa ni tshangs pa dang dbang po rgyu rnams ni ma byas par smra la/ rtag pa la sogs par yang kun rtog par byed do/ /de dag gi ma byas pa'i rgyu ni mo gsham gyi bu la sogs pa bzhin du med do/ /de ltar de bzhin gshegs pa rtag par mi rung ngo/ /mi rtag pa yang ma yin te/ phung po'i mtshan nyid thams cad byas pas mi rtag pa bzhin du de bzhin gshegs pa yang mi rtag par 'gyur ro/ /de bzhin gshegs pa ni rtag pa'i phyir gser lta bur mngon par rtogs pa'i ye shes yongs su mi zad de/ de de bzhin du de bzhin gshegs pa rtag pa'i rnam grangs yod do/ /sems kyi gnyis kyi rnam pa ni rmi lam dang/ mig 'phrul dang rab rib dang gzugs brnyan la sogs pa bzhin du bslad pa'i mthu las byung pa'o/ /des na mnyam par mi 'jog pa'i ma rig pa dang las kyi mthu las mgo 'khor ba dang brgyal ba la sogs pa sna tshogs pa bzhin du sna tshogs tha dad pa'i rnam pa'i shes pa 'khor bar snang ngo/ /nam shes rab kyis dpyad de pha rol gyi rnam par phye ba na mi dmigs pa de na rtag pa dang/ bdag dang/ phyi rol gyi don dang bral ba'i sems kyi skad cig pa'i rgyun tsam gnyis su med pa bsam pa med cing snang ba med pa don dam pa'i bden pa rtag pa gnas so/ /skad cig ma'i rgyun rtag pas rtag gi /yang mu stegs byed pas bdag dang tshangs pa dang dbang po dang rdul phra mo'i rdzas la sogs par? kun tu brtags par ni ma yin no/ /kun brtags par mi rung ba ni ma skyes ba'i phyir ri bong gi rwa la sogs pa bzhin du dngos po med do/ /phyi rol gyi rdzas kyang sbom po dang phra mo rnam par gzhigs pa na khang pa dang/ sde dang nags tshal la sogs pa bzhin du stong pa nyid de/ des na mu stegs byed kyi rtag pa ni rang bzhin gcig pa rtag pa'i phyir ro/ /de bzhin gsheD pa mi rtag pa yang ma yin te byas pa thaMs cad mi rtag pa ste/ phung po la sogs pa'i mtshan nyid se gol gyi sgra bzhin no/ /gzugs la sogs pa'i bum pa dang rtsig pa la sogs pa lta bu skad cig pa gzhan dang/ mtshams sbyor ba med pa'i phyir ro/ /gzhan gyi dbang ni rmi lam dang mig 'phrul la sogs pa bzhin du 'dzin pa dang/ gzung bar snang ba'i mtshan nyid can te/ skye ba dang gnas pa dang/ 'gog pa la sogs pa'i chos dang bral ba snga ma'i skad cig gi 'og tu 'di yod na 'di yod do zhes brtags pa'i chos yin gyi/ lung bstan pa la sogs pas byed pa dang/ byed pa por mngon par 'brel te/ skye ba kun brtags pa lta bur ni mi rung ngo/ /gang gi tshe na skad cig pa gcig yod pa de'i tshe na skad cig pa gnyis po med pas sus kyang mi bskyed do/ /skye ba na yang skyed ba gzhan med do/ /chos thams cad mi byed cing byed pa dang/ byed pa po dang bral ba dang/ dus chud pa rnams dus thams cad du skad cig ma'i rgyun du 'byung zhing de bzhin gshegs pa dang ma skyes pa dang mi gnyis pa'i rang bzhin pa rnams ni dbang po la sogs pa sus kyang mi byed do/ /des na 'dus byas dang 'dus ma byas su brtags pa'i sems kyi chos nyid de ni ye? gnas pa ste/ sems can thams cad ni de bzhin gshegs pa'i snying po can te zhes bya bas na rang bzhin gyis 'od gsal ba'i tshud pa rnams ni dag pa dang ma dag pa yang ma yin no/ /rang bzhin gyis yongs su dag pa de dag bslad pas nye bar skyes pa'i gnyis kyi rnam pa glo bur gyi nyes pa spangs pas de dag gser lta bu ste/ de'i phyir rtag pa'i rnam grangs rnams kyis de bzhin gshegs pa'i rnams rin po che gser la sogs pa bzhin no/ /ji ltar sa dang po'i dbang po snang pa dang bcas pa dang snang ba med pa'i ting nge 'dzin la gnas shing bsod nams kyi tshogs yongs su dag pas lus la sogs pa'i mtshan nyid so sor snang ba'i rnams kyi sems kyi skad cig la gnyis kyi rnam pa so sor snang ngo/ /de ltar snang ba med cing mi gnyis pa'i yongs su grub pa'i ting nge 'dzin la gnas pa rnams la gnyis kyi rnam pa so sor mi snang ro/ /'dzin pa dang gzung ba dang brjod pa dang brjod par bya ba dang bya ba dang byed pa dang byed pa po dang/ rtag pa dang mi rtag pa phan tshun du bltos pa gnyis kyi rnam pa'i tha snyad thams cad bsam pa med cing snang ba med pa don dam pa'i bden pa mi gnyis pa yang dag par rig pa brjod du med pa las ldog pa ste/ dngos po dang dngos po med par rnam par rtog pa med pa'i phyir ro/ /des na phan tshun du bltos pa'i dngos po dang dngos po ma yin pa dang/ gnyi ga dang gnyi ga ma yin pa la sogs pa'i rnam par rtog pa med pas gnyis la bltos pa'i yod pa dang/ med pa dang rtag pa dang mi rtag pa dang dge ba dang mi dge ba dang/ bdag dang bdag med par gyur pa ni gcig pa dang/ du ma la sogs par smra bas brtags pa de lta bu thams cad ni bsam pa med cing snang ba med pa don dam pa'i bden pa gnyis su med par yang dag par rig pa/ dngos po dang dngos po med pa rnam par mi rtog pa las ldog go /skad cig gi rnam par rtog pa med mod kyi/ 'on kyang skad cig pa ste/ snga ma dang phyi ma'i dus kyi rim pa tha dad pas phye ba na 'khor ba dang mya ngan las 'da' ba sdug bsngal dang thar? pas phye ba la gcig par mi rung ngo/ /skye ba yang med de/ byed pa dang byed pa por mngon par 'brel pa med pa pa'i phyir ro// rnal 'byor rnams kyi sems kyi yang dag par rig pa snga ma 'og tu skad cig pa skad cig par byed pa ste/ de'i phyir skye ba dang 'gog pa'i chos su btags pa skad cig mar 'jig pa la rim gyis 'byung ba'i dngos po med pa'i phyir ro bong gi rba la sogs pa bzhin du mi skye ba ni stong pa nyid ma yin no/ /des ni mu stegs kyis btags pa'i rtag pas smra bar 'gyur ro/ /ji ltar la la 'khrul te zhi ba dang/ rig sngags 'dzin pa'i mthar smra ba pa dang/ gtogs 'dod la sogs pa'i lta bar ltung nas bdag la sogs pa bzhin du sems kyang rtag go zhes bcab pa la sogs pa thos pa shin tu nyung ba rnams rtag go / cig ni mi skye ba la chad par smra bar lhung bas sems ri bong gi rwa lta bur yongs su rtog cing rmi lam dang/ mig 'phrul la sogs pa gzhan gyi dbang lta bur yongs su grub pa yang rtog go /des na sems kyi rgyud rnams kyi rnam grangs rtag pa nyid de/ gser la sogs pa bzhin du rnam par dag pa rnams zad ba med cing sangs rgyas kho na'o/ /'phags pa langkar gshegs pa'i bshad pa ye shes dpal bzang pos sbyar ba'i rtag pa dang mi rtag pa'i dpyad pa le'u lnga ba ste rdzogs so// //de nas yang byang chub sems dpa' sems dpa' chen po blo gros chen pos bcom ldan 'das la gsol ba btab pa/ bcom ldan 'das kyis phung po dang/ khams skye mched rnams 'jug pa dang/ ldog pa bde bar gshegs pas bdag la bshad du gsol/ bdag ma mchis na gang zhig 'jug pa'am ldog par 'gyur na byis pa rnams ni 'jug pa dang/ ldog pa la gnas pas sdug bsngal zad pa khong du mchud pa'i phyir/ /mya ngan las 'das pa rab tu mi shes so zhes bya ba ni grangs can la sogs pa phyi rol gyi don du smra ba'i mu stegs can rnams kyis ji ltar ha cang mgyogs pa'i lus ni 'khor bar 'jug go? / rang bzhin dang skyes bu'i khyad par shes pas ldog go zhes rtog go /phyi rol gyi dngos po med par bdag yod pas ji ltar na 'jug par 'gyur/ rang bzhin dang skyes bu tha dad par shes pas kyang ji ltar ldog bar 'gyur/ re lde dang rtsig pa la sogs pa tha dad par shes pa bzhin te/ des na mu stegs byed pa rnams la sdug bsngal zad ba khong du chud pa med pa'i phyir ji ltar na mya ngan las 'da' zhes gzhan gyi sems shes pa la bltos te/ 'phags pa blo gros chen pos thams cad mkhyen pa la gsol bar brtag go /de'i phyir 'khor ba der sdug bsngal ji bzhin pa dang de ji ltar ldog par 'gyur ba de ltar thams cad mkhyen pas gsung pa/ bcom ldan 'das kyis bka' stsal pa/ blo gros chen po de'i phyir zhes bya ba la sogs pa'o/ /blo gros chen po de bzhin gshegs pa'i snying po dge ba dang mi dag ba'i rgyur 'gyur ba skye ba dang 'gro ba thams cad byed par 'jug ste zhes bya ba la/ de bzhin gshegs pa'i snying po ni rang bzhin gyis 'od gsal ba'i chud pa ste/ skad cig ma'i rgyun du 'byung zhing bdag dang gzhan gyi rgyun gyi dbang dang dam pa dang/ dam pa ma yin pa'i chos stan pas dge ba dang/ mi dge ba'i 'du byed kyis btab pa nyam nga ba'i 'gro bar 'jug go /gar mkhan bzhin pa ni gzugs sna tshogs su snang ba ste/ rmi lam dang mig 'phrul dang rab rib kyi rnam pa dang gzugs brnyan la sogs pa bzhin no/ /bdag dang bdag gi spangs pa zhes bya ba ni rtag pa dang bdag tu mngon par chags pa'i mu stegs byed rnams kyi rtag pa ni ma skyes pas na mo gsham gyi bu la sogs pa bzhin du med do/ /rim dang cig car gyis don byed pa dang 'gal ba'i phyir ri bong gi rwa la sogs pa bzhin du dngos po med do/ /bltos pa'i me rgyu med pa dang gzhan gyis bstang ba'i bye brag med pa'i phyir cis na rim gyis byed par 'gyur/ gang byed par 'gyur ba yang de thog ma nyid du cis na ma byas/ cig car yang de'i don gyi bya ba byed par mi rigs te/ dus gsum gyi dngos po thang cig tu byas par mi dmigs pa'i phyir ro/ /byas nas kyang yang byed pa med pa'i phyir byed pa dang bcas pa dang byed pa med pa dag ngo bo nyid gcig par mi rigs te/ gang dang gang dag rim pa tha dad pa'i mtshan nyid dang ldan pa de dag gcig pa ma yin te/ shing dang thal ba la sogs pa'i rim pa tha dad pa dang/ mtshan nyid dang ldan pa lta bu'o/ /de'i phyir mu stegs byed rnams kyi bdag bde ba dang sdug bsngal la sogs tha dad par phye ba ni de dag gi rtag par mi rigs te des na rjes su dran pa dang/ shes pa dang 'ching ba dang/ thar pa dang/ bde ba la sogs pa skad cig tu 'jig pa la rung gi rtag cing mi 'gyur ba la mi yin te/ rtog pa'i rgyun du bdag med par rtsod pa zhi ba'o/ /gang dag tshangs pa dang dbang po la sogs pa la cig par yang bdag rnams gnyis su med par kun rtog pa ste/ de ltar na 'di thams cad ni tshangs pa'o zhes pa dang thams cad 'di ni zhi bdag ste/ zhi ba las ni rab tu 'byung/ /'byung po kun la zhi ba yod/ /zhi ba gang yin dang nyid ces so/ /gtogs 'dod kyis kyang smras pa/ /bdag ni 'byung po kun la gnas/ /'byung po kun kyang bdag la ste/ /bdag ldan de ltar sus rig pa/ /kun tu mnyam par mthong ba'o zhes de skad ces pa de dag la grol ba dang/ ma grol ba dang/ phyug pa dang dbul ba la sogs pa gcig pa'i glags so/ /spyi dang khyad par du brtags pas de bzhin gshegs pa'i snying po bzhin du gal te de dag kyang de skad du 'char na ni de'i tshe bshad pa tha dad par mi 'gyur ro/ /sems can mang po'i sems kyi rgyun skad cig pa rnams kyang me bzhin du gnyis su med pa ste/ de bzhin du tsha ba dang rab tu snang ba la sogs pa'i chos dang mthun pas gcig pa'o/ /gsal ba tha dad pas kyang tha dad pa ste rtswa dang lo ma dang seng ldeng la sogs pa'i me bzhin no/ /de dag gi ni ji ltar thos pa las byung ba me'i me stag phra mo yar pa bzhin du 'byung pa de dag las rnam par shes pa stug po 'byung ste/ de dag nyid kyi rjes su rnam par 'jig ces bya ba la sogs pa ste/ ji ltar lha chen pos smras pa/ ji ltar shing la me gnas dang/ /sa yi nang du chu yod pa/ /de ltar thams cad lus rnams su/ /zhi ba dag pa rnam par gnas zhes pa ste/ de ni chud pa'i bdag nyid la brtags pa'o/ /sngags kyi bdag dang sems pa can/ /skyes bu rnam pa gnyis zhes bya/ /sngags las 'das dang sngags nyid dang/ /dbang phyug tshogs la rnam gnyis so/ /gtogs 'dod kyis kyang smras pa/ shes pa 'di la nye brtan te/ /nga yi chos mthun phyin pa rnams/ /mtho ris su yang mi skye zhing/ /rab tu 'jig na gong ma 'gyur/ /b+ha dra ha ris kyang rig sngags kyi mdza' dang mthun par smras pa/ de yi tshor ba gcig po yang/ /rnam pa mang po rab tu 'byed/ /'jig pa 'byung ba'i me mdag ni/ /chu yi phung por chu bzhin du/ /de phyir da rod rigs gnas pa/ /gsal pa'i grong ni mi 'gyur bas/ /sprin rnams char dang ldan pa ni/ /rlung las 'byung ba bzhin du'o/ /gsum gyi gzugs su de snang pa/ /mur smra tha dad rnams la ni/ /mchog ni yongs su@265a 'gyur ba ste/ /lta ba tha dad kyis ni bcings/ /zhi zhing rigs bdag tshangs pa ste/ /de las byung ba'i ma rig pa/ /des ni srid po bzhin du ming/ /gang smra mi nus pa rnams so/ /ji ltar nam mkha' rnam par dag /rab rib 'phrul pa'i skyes bu yis/ /ri mo rnam pa sna tshogs kyis/ /kun tu gang ba sems pa'o/ /de ltar tshangs pa bdud rtsi 'di/ /'gyur ba med pa ma rig pas/ /rnyog pa lta bur byas pas na/ /tha dad gzugs su snang ba ste zhes bya ba tshangs pa'i rgyud du zhib bo/ /de de ltar de bzhin gshegs pa'i snying po rtag pa'i bdag dang bral ba/ bdag dang gzhan gyi rgyud dang mnyam par mi 'jog pa'i ma rig pa dang las rnam par smin pa'i mthu las 'khor ba sna tshogs tha dad pa'i rnam pa snang ngo/ /bdag gi yang phyi rol gyi don gang yang med de/ khyad par can la sogs pas brtag pa sa'i rdzas spob pa dang phra mo rnam par gzhigs pa mkhang ba dang/ sde dang nags tshal la sogs pa bzhin du stong par 'gyur ro/ /des na gnyis kyi rnam pa dang bral zhing skad cig gi rgyun 'byung ba'i de bzhin gshegs pa'i snying po rang bzhin gyis 'od gsal ba de khong du ma chud pa gsum 'dus pa'i rkyen gyi bya ba dang ldan par 'jug na zhes bya ba la sogs pa'o/ /de la gsum 'dus pa ni ma rig pa dang/ sred pa dang las gsum 'dus pa dang ldan pa'i 'khor ba 'jug go zhes thams cad mkhyen pas dgongs pas don du brtag go /rgyu la mngon par chags shing zhen pa'i mu stegs can rnams kyis ni khong du ma chud do zhes bya ba ni rtags pa dang/ bdag dang tshangs pa dang dbang po la sogs pa rnams rgyur yongs su rtog pa ste/ rtag pa ni ma skyes pas na mo gsham gyi bu la sogs pa bzhin no/ /gcig pa yang grol ba dang/ ma grol ba dang phyug pa dang/ dbul? @ 265b ba la sogs pa tha dad pa med pa'i skyen te sngar bshad pa bzhin no/ /'dod chags dang bral ba zhig na ni gzhan gyi sdug bsngal cis na byed par 'gyur/ rtsed mo yang de la ji ltar na yod 'dod chags dang ma bral ba zhig na ni ma shes pa sus byas/ de'i phyir/ thog ma med pa'i dus kyi spros pa'i gnas ngan len gyi bag chags rnam pa mang pos bsgos pa kun gzhi rnam par shes pa zhes bsgrags pa/ ma rig pa'i gnas las skyes pa'i rnam par shes pa bdun zhes bya ba la sogs pa ste/ bdag dang gzhan gyi rgyud kyi dbang las rnam pa sna tshogs su rnam par shes pa bdun dang lhan cig tu rgya mtsho chen po'i rlabs bzhin du rtag tu lus kyi rgyun mi 'chad pa/ mi rtag pa'i nyes pa dang bral ba/ bdag tu smra ba las rnam par log pa/ shin tu rang bzhin gyis yongs su dag pa'i rnam par shes pa gcig tu nyid 'jug pa ste/ ji ltar rmi lam gyi dus na der gzugs la sogs pa'i yul dang mig la sogs pa'i shes pa med par yang yul dag yul can gyi dngos po sna tshoD kyi rnaM par shes pa gcig pu nyid snang ba de lta bu gnyid kyis ma log pa'i dus na yang ma rig pa yongs su smin pa'i mthu las/ lus dang longs spyod gnas snang ba/ /kun gzhi kun tu 'byung ba ste/ /rnam brgyad rnam dgu de bzhin du/ /rgya mtsho rlabs rnams bzhin du'o zhes par 'dir bcom ldan 'das kyis gsungs pa'o/ /phyi rol gyi gzugs dmigs pa med do zhes yang bcom ldan 'das kyis 'di skad du gsungs pa/ gzugs ni rdul phran gzhigs pa na/ /rdul phran cha ni med pa ste/ /'o na dmigs pa 'dis ci zhig ces pa dang/ phyi'i dngos po med par yang/ /sems ni rnam pa gnyis su snang zhes pa ste/ nam shes rab kyis dpyad de sbom po dang phra mo'i cha tha dad par phye ba na khang pa dang sde dang nags tshal la sogs pa bzhin du stong par mthong ba de na kun bzhi rnam par shes pa gnyis kyi rnam pa ldog par gyur te/ rang bzhin gyis yongs su dag pa'i sems kyi rgyud gnyis su med pa gser ltar dri ma dang bral ba 'ba' zhig gi la 'khor ba gnas par 'gyur ro/ /mig la sogs pa'i rnam par shes pa 'jig pa rnams ni skad cig pa dag ste/ skad cig pa gzhan du mtshams sbyor bar mi byed pas sems nyid la srid pa dang thar pa'i dus su 'jug pa yod do/ /rnam par shes pa bdun ni mig la sogs pa'i rnam par shes pa drug dang/ nyon mongs pa'i yid rtag tu dar byed par 'jug pa dang bdun no/ /snang ba med pa'i ting nge 'dzin la bzhugs pa na bdun po rnams kyi snang ba med do/ /de dag gi yul med pas ma rigs yongs su smin pa'i mthu 'ba' zhig las mgo 'khor ba dang/ brgyal ba la sogs pa bzhin du 'khor bar sna tshogs tha dad pa'i rnam pa'i rnam par shes pa snang ngo/ /de bzhin du rgya mtsho chen po'i chu'i rim pa'i khyad par du rlabs tha dad pa bzhin du kun gzhi rnam par shes pa 'gyur ba'i rim pa'i khyad par du rnam par shes pa bdun dang yul rnams 'byung ngo/ /mi rtag pa'i nyes pa dang bral ba ni brtan pa'o/ /bdag tu smra ba las rnam par log pa ni skad cig rgyun du 'byung ba'i kun gzhi rnam par shes pa zhes bsgrags pa glo bur gyi gnyis kyi dri ma thams cad dang bral te gser lta bur dri ma med par rang bzhin yongs su dag pa ste lan du mar bshad pa'o/ /bdun po skad cig pa yin te/ yang dag pa ma yin par yongs su rtog pa'i rgyu las skyes pa dbyibs kyi byad dang bye brag la dmigs pa zhes bya ba ni ji ltar btsun gtso 'phags pa byams pas yang dag pa ma yin par kun tu rtog pa bshad pa ste/ yang dag ma yin kun rtog cing/ /sems dang sems byung khams gsum pa/ /de na don mthong rnam par shes/ /de yi khyad par sems las 'byung zhes pa'o/ /bdag dang gzhan gyi rgyud kyi dbang gis 'khrugs te mnyam par mi 'jog pa'i ma rig pa yongs su smin pa dang rtag pa dang bdag dang bdag gir chags pa dang/ 'dod chags dang zhe sdang la sogs pa nyon mongs pa'i sems las byung ba'i rnams las sna tshogs mngon par 'du byed pa'i rgyu rnams kyi khams gsum par snang ba skyed par byed do/ /rmi lam dang mgo 'khor ba dang/ brgyal ba la sogs pa bzhin du der yul dang yul can gyi dngos po rang gi snang ba nyid la mig la sogs pa'i rnam par shes pa rnams 'jug go /de dag gi phyi rol gyi dmigs pa med pa'i phyir yang dag pa ma yin par yongs su rtogs pas bskyed pa'i yul la dmigs pa rnams so/ /ming dang mtshan ma la mngon par chags shing zhen pa ni yang dag pa ma yin par yongs su rtog pas sgra dang don brjod pa'i rnam par bskyed pa'o/ /ming ni gzugs la sogs pa brjod par bya'o/ /de la mtshan ma ni mdzes pa dang/ mi mdzes pa dang bud med dang skyes pa la sogs pa'i mtshan nyid do/ /mngon par chags pa'i rgyu ni rang gi sems snang ba'i gzugs dang mtshan nyid khong du chud pa ste/ rang gi sems snang ba'i gzugs rab rib can dang rmi lam dang mig 'phrul la sogs pa'i shes pa bzhin du khong du chud par byed do/ /bde ba dang sdug bsngal mi myong bar zhes pa ni 'khor ba'i nyid mtshams sbyor ba med pa'i phyir te/ mig la soD ba'i shes pa rnams skad cig pa kho na'i phyir skad cig pa gzhan du mtshams sbyor ba med do/ /des na thar pa'i rgyu ma yin par dgongs pa'o/ /de'i phyir 'di bzhin du sems skad cig pa gzhan du nyid mtshams sbyor bas 'khor bar 'khor ba na rang gis byas pa'i las kyis bde ba dang sdug bsngal des myong ngo/ /mig la sogs pa'i shes pa rnams skad cig pas na srid pa gzhan du bde ba dang sdug bsngal mi myong ngo zhes thams cad mkhyen pas dgongs pa'i don du brtag go /mthong ba'i chos la tshor ba'i las? kyis bde ba dang sdug bsngal myong ba rnams zhes pa ni zhing dang bsam pa'i bye brag las shes pa rnams ni mthong ba'i chos la tshor ba'i las kyis bde ba dang sdug bsngal myong bar 'gyur ro/ /de bas na gang dag 'gog pa mya ngan med/ /byams pa dgra bcom 'bras bu langs/ /phan gnod de dag la byas pa'i/ /'bras bu mod la myong bar 'gyur zhes bya mod kyi thams cad mkhyen pas dgongs pa'i don ni lus rnam par zhig pa na dbang po'i shes pa de dag la skad cig pa gzhan du nyid gi mtshams sbyor ba med do/ /skyes nas tshor ba'i las gang gis rgyud tshad pa las yang lus dang dbang po rnams gzhan nyid 'byung bar 'gyur ro/ /sems ni skad cig gi rgyun du 'byung zhing rgyud dang 'bras bu'i dus su chad pa med pas bde ba dang sdug bsngal la sogs pa myong ngo/ /skad cig ma'i rgyun du 'byung bas na rtag pa'i bdag tu smra ba rnam par spangs so/ /ji ltar se gol gyi sgra dang klog la sogs pa'i skad cig pa dang/ mig la sogs pa'i rnam par shes pa rnams kyi skad cig pa de ltar de'i chad pa ma yin te/ des na rtag pa dang chad par smra ba mu stegs byed dang nyan thos kyis bslad pa'i skur pa thams cad dang bral zhing sems can rnams kyi de bzhin gshegs pa'i snying po dag pa'o/ /gnyis su med pa de la spyi dang khyad par du brtags pa na gcig dang du ma'i khyad par ro/ /mig la sogs pa'i shes pa rnams ni bde ba dang sdug bsngal mi myong ba ste/ de dag skad cig pa gzhan du nyid gi mtshams mi sbyor pa'i phyir thar pa'i rgyu ma yin no/ /de'i phyir de ltar na seMs nyid srid pa dang thar pa'i rgyu yin te/ nges btab pa'i las rnam pa lnga dngos dang rgyud pas rnam par smin par 'gyur ro/ /gdon mi za bar tshor ba ni mtshams med pa'o/ /bsam pa drag pos khyad par gyi zhing du dge ba dang mi dge ba byas pa'i mthong ba'i chos la tshor ba'o/ /tshor bar nges pa nges pa med pa dang/ skyes nas tshor ba dang rnam grangs gzhan du tshor ba ni de las gzhan pa sde de thams cad sems kyi rgyud kyi bag chags la gnas so/ /thar pa yang shes rab kyis mngon par 'du byed cing yon tan gyi khyad par dang nyon mongs pa zad pa yang sems nyid la yod do/ /ming dang mtshan ma dang kun nas ldang ba'i 'dod chags kyis bskyed cing skyed par byed pa de'i rgyu la dmigs pa'o zhes bya ba ni bud med dang skyes pa mdzes pa mdzes pa dang mi mdzes pa'i mtshan ma la mngon par chags pa'i kun nas ldang ba'i 'dod chags kyis gang yul du snang ba bskyed pa der dmigs pa rnams te/ sngon gyi bag chags yongs su smin pas btab pa rnams la dgongs par brtag go / zin pa'i dbang po zhes bya ba de dag yongs su zad cing 'gags nas de ma thag tu mi skye zhing zhes bya ba ni khams gsum gyi 'dod chags dang bral ba rnams kyi sems dang yul rnam par rtog par snang ba bkag ste 'gog pa la snyoms par 'jug pa yin no/ /gzhan dag ni rang gi blo'i rnam par rtog pa'i bde ba dang sdug bsngal mi myong ba/ 'du shes dang tshor ba 'gog pa'i snyoms par 'jug ba la snyoms par zhugs pa bsam gtan bzhi dang bde ba dang rnam par thar pa la mi mkhas pa'i rnal 'byor can rnams ni rnam par thar pa'i blor 'gyur ro zhes bya ba ni gzhan dag kyang thar pa'i blor 'gyur ro zhes pa dang 'brel to/ /rang gi blos rnam par brtags te bde ba dang/ sdug bsngal myong ba'i 'du shes 'gog pa nyid thar pa'i blor 'gyur ro/ /bsam gtan bzhi dang/ bde ba dang rnam par thar pa la mi mkhas pa zhes bya ba ni mu stegs byed rnams kyir brtags pa ste/ de dag ji ltar rnam par rtog ce na/ /ji srid snying du zad 'gyur ba/ /de srid yid ni dgag par bya/ /de ni bsam gtan shes pa ste/ /lhas pa gzhan ni gzhung rgyas pa'o/ /bsam gtan bzhi dang/ 'phags pa'i bden pa bzhi dang/ rnam par thar pa'i sgo stong pa nyid dang/ mtshan ma med pa dang/ smin pa med pa'o/ /de la brgyad ni ji ltar chos mngon pa dang/ ji ltar sdong po rgyan la sogs par rgya cher rig par bya'o/ /de bzhin gshegs pa'i snying po zhes bsgrags pa/ kun gzhi rnam par shes pa rab tu ma gyur na 'jug pa'i rnam par shes pa bdun rnams 'gag pa med do/ /de ci'i phyir zhe na/ de rgyu dang de la dmigs pas zhugs pa'i phyir dang zhes pa ni rnam par shes pa bdun kun gzhi rnam par shes pa'i rgyu las byung zhing de la dmigs par yang 'jug pa ste/ ji ltar lus dang longs spyod gnas snang ba/ /kun gzhi kun tu 'byung ba ste/ /rnam brgyad rnam dgu de bzhin du/ /rgya mtsho rlabs rnams bzhin du'o zhes bya bar lan mang por bshad pa'o/ /de bzhin gshegs pa'i snying po de yang rang bzhin gyis 'od gsal ba'i chud pa ste/ 'khor ba'i dus su glo bur gyi gnyis kyi rnam par so sor snang ngo/ /der nyan thos dang mu stegs byed rnams rtag pa dang bdag dang phyi rol gyi don du mngon par chags pa ste/ de bzhin du thams cad mkhyen pas sgrub par mdzad pa/ nyan thos dang rang sangs rgyas dang mu stegs can gyi rnal 'byor la rnal 'byor pa thams cad kyi rnam par shes pa rnams kyi yul ma yin pa'i phyir zhes so/ /de bzhin gshegs pa'i snying po ni rtag pa dang gcig pa dang du ma dang bdag tu smra ba'i mu stegs can gyi rnal 'byor spyod pa'i rnal 'byor pa rnams kyi shes pa'i yul ma yin no/ /de ni 'dus byas dang 'dus ma byas par rtag pa na skad cig pa'i rgyun rtag pas rnam grangs su rtag pa ste/ ji ltar dgongs pa nges par 'grel pa las/ rigs kyi bu 'dus byas dang 'dus ma byas zhes bya ba 'di ni ston pas/ brtags pa'i tshig go zhes 'byung ngo/ /'dus byas su spyod kyang rung 'dus ma byas su dpyad kyang rung ste nam 'dus byas pa de na ni skad cig pa'o nam rtag par bsam ste 'dus ma byas pa de na skad cig pa ma yin te/ da de ltar skad cig tu 'jig pa yod na gzhan gyi dbang dang yongs su grub pa'i dus na bsams pas 'dus byas dang 'dus ma byas su 'gyur ro/ /gal te yang skad cig tu 'jig pa med du zin na ni de'i tshe bde bar gshegs pas rtogs pa dang mu stegs byed par khyad par ci yod kha cig gis ni ji ltar rtag pa'i dngos po med pa de ltar skad cig gi dngos po med ces te/ ji ltar dkon mchog phreng ba las/ skad cig gi skye ba dang gnas pa dang/ rga ba dang mi rtag pa'i mtshan nyid rim gyi chos dang ldan pa na de ltar bur ni skad cig pa 'grib po zhes 'phags pa klu bos kyis glengs pa ni/ skad cig la ni mdza' yod pas/ /thog ma par yang rtog par gyis/ /de ltar skad cig gsum bdag phyir/ /skad cig mi gnas 'jig rten la/ /thog ma bar dang tha ma yi/ /cha rnams la yang rtog par gyis/ /thog ma par dang mdza' yod kyi/ /'dus la gcig pa med pa'o zhes so/ /de de ltar grangs can dang ni yi yi ya ka la sogs pa'i skad cig pa drug tu yang mi rung bar gleng ngo/ /gang dag yang thog ma dang tha ma'i dus kyi @269a rim par phye ba dang bral ba'i skad cig tu ji ltar se gol gyi sgra la sogs pa ltar chud par byed pa de ltar ni gleng ba'i rnam par rtog pa 'di mi 'jug go / thog ma dang tha ma'i dus kyi rim par rnam par phye ba dang bral ba'i skad cig pa rnams ni mngon sum gyi phyir ro/ /'dus ma byas par brtags pa'i rtag pas ni rang bzhin gyis 'od gsal ba yang dag par rig pa'i chos nyid de ni yi gnas so/ /sems can rnams de bzhin gshegs pa'i snying por brtags pa dbang po la sogs pa sus kyang mi byed de/ de bzhin gshegs pa'i snying po rang bzhin gyis 'od gsal zhing mi gnyis pa ste rnam pa de lta bu ni de bzhin gshegs pa'i yul te/ snga ma dang phyi ma'i dus kyi rim pa tha dad pa dang bral ba skad cig ma'i rgyun myong ba thog ma dang bar ma dang tha ma'i skad cig pa'i yan lag tha dad par snang ba'i rnam par rtog pa dang bral ba'o/ /ji ltar dbu ma las 'byung ba/ gal te skye ba sngar yod la/ /rga ba 'chi ba phyi nas ni/ /skye la rga dang 'chi med do/ /skyes kyang 'chi ba med par 'gyur zhes pa ste/ gang na de dag thog dang mthar/ /lhan cig rim du mi 'jug na/ /skye dang 'chi ba'i chos rnams kyi/ /dngos po kun la thams cad du/ /skye ba ci zhig spro bar byed/ /rga ba 'chi ba de ci zhig /rga dang 'chi ba med par ni/ /dngos po gang zhig yod par 'gyur zhes so/ /gal te skad cig tu 'jig par mi 'gyur na chos dang gang zag la bdag med par ji ltar na rnam par bzhag go / 'on te rmi lam dang mig 'phrul la sogs pa bzhin du gzhan gyi dbang gi gnyis kyi rnam pa'i skad cig ma rnams kyi dngos po med na ni yongs su grub pa'i skad cig pa rnams la gnod pa'i phyir ji ltar dngos po med// @ 269b don dam pa rang bzhin med pa nyid ni gnyis kyi rnam pas stong pa nyid de/ bsam pa med cing snang ba med pa mchog tu dag cing gnyis su med pa'i don dam pa'i bden pa yang dag par rig par myong pa dngos po med pa ma yin te/ des ni gang shes par bya ba dang shes pa dang/ dngos po'i phyir brtags pa lta bu dang/ gzhan gyi dbang bzhin du yongs su grub pa zhes bya ba la yang yid ches pa med ces pa ni dgongs pa nges par 'grel pa las 'byung ba'i tshul gyis chos kyis gnod pa 'byung pa'i las sgrub par byed do/ /rmi lam bzhin du gang zag la bdag med par rtogs pa la sogs pa ni 'dzin pa dang gzung ba la mngon par chags te/ nyan thos rnams gang zag la bdag med pa rtogs par byed pa'i phyir ro/ /rmi lam bzhin du de dag gi ye shes gnyis kyi rnam pa can te gnyis su med pa nyid ni ma yin no/ /sems bslad bsan de'i phyir de dag la de bzhin gshegs pa'i snying po rtogs pa med do/ /chos la bdag med pa yongs su shes nas gnyis kyi rnam pa'i s hes pa lus dang longs spyod dang gnas su snang ba rab tu gyur pa na shes rab kyi kun gzhi ni me long lta bur ji lta ba de bzhin du shes pa shes par rnam par dag cing gnyis su med pa na mig la sogs pa'i 'jug pa'i rnam par shes pa rnams snang pa med cing gnyis su med pa'i tshul gyis rab tu lag par gyur pa rnams ni snang ba dang bcas pa'i ting nge 'dzin du thams cad mkhyen pa la mig la sogs pa 'jug pa'i rnam par shes pa lnga so sor rtog pa'i ye shes su 'gyur ro/ / nyon mongs pa'i yid rab tu gyur pa na mnyam pa nyid kyi ye shes zhes bya'o/ /'jug pa'i rnam par shes pa drug gi nang na yid kyi rnam par shes pa ni bya ba nan tan gyi ye shes su brjod do/ /de'i tshe kun gzhi rnam par shes pa rab tu log pas bdun rnams kyang log par 'gyur te/ nyon mongs pa dang nyon mongs pa bdun rnams kyis de'i rgyu dang de la dmigs pa'i phyir ro/ /gang gi chos dang gang zag la bdag med pa yang dag pa ji lta ba yongs su shes nas chos lnga yongs su shes te chos lnga yongs su shes par gyur pa de'i tshe gnyis su med pa'i ye shes la don dam pa'i bden pa 'ba' zhig tu 'gyur ro/ /chos lnga po bshad zin mod kyi/ gzhung bshad pa'i ched du byas te/ yang sbyar bar bya ba la ming dang mtshan ma dang/ rtog pa dang de bzhin nyid dang yang dag pa'i ye shes so/ /nyan thos rnams ni gnyis kyi rnam pa yongs su gzung nas rmi lam bzhin du gang zag la bdag med pa yongs su shes so/ /phyi rol gyi don du smra ba de dag la 'dzin pa dang gzung ba la mngon par chags pa lta bur kun gzhi rnam par shes pa rab tu 'gyur ro/ /des na chos la bdag med pa yongs su shes pas ni shes bya'i sgrib pa ldog go / gang zag la bdag med pa yongs su shes pas ni nyon mongs pa'i sgrib pa ldog go /de bzhin du yang bdag dang bdag gir chags pa log pa na las kyi sgrib pa ldog ste/ de ltar na snang ba dang bcas pa dang snang ba med pa'i ting nge 'dzin yongs su shes pa dang/ sa dang pha rol tu phyin pas bsod rnams dang ye shes kyi tshogs yongs su rdzogs shing phan pas thams cad spyod pa thams cad mkhyen pa nyid du 'gyur ro/ /rab tu dag pa'i s a la gang zag dang chos la bdag med pa khong du chud nas bdag dang bdag gir mngon par chags pa'i dngos po med pa'i phyir sems can thams cad la phan pa'i phyir 'jungs pa yongs su spangs te sbyin pa'i pha rol tu phyin pa yongs su rdzogs par 'gyur ro/ /dri ma med par ni gnyis kyi dri ma spong ba'i phyir tshul khrims kyi pha rol tu phyin pa yongs su rdzogs par 'gyur ro/ /'od byed du ni gnyis kyis 'khrugs pa med pa'i phyir bzod pa'i pha rol tu phyin pa'o/ /'od phror ni gnyis su med pa'i chos la shes rab kyis dpyod par spro ba'i phyir brtson 'grus kyi pha rol tu phyin pa'o/ /shin tu dka' rgyal du ni rgyal bar dka' ba'i nyon mongs pa rnams las rgyal bar byed de/ gang zag dang chos la bdag med pa khong du chud pa'i phyir bsam gtan gyi pha rol tu phyin pa shas che bar 'gyur ro/ /mngon par ni mthun pa dang mi mthun par rten cing 'brel te 'byung ba'i chos la zab mo shes rab kyis dpyod pa'i phyir shes rab kyi pha rol tu phyin pa mchog tu 'gyur ro/ /ring du song bar ni 'phags pa'i bden pa bzhi dang byang chub kyi phyogs kyi chos sum cu rtsa bdun rtogs shing khams gsum gyi 'dod chags dang bral ba shes rab dang snying rje ldan pa'i phyir gzhan gyi don du thabs kyi pha rol tu phyin pa ltag par 'gyur ro/ /mi g.yo bar ni 'dzin pa dang/ gzung ba dang bya ba dang byed pa dang/ brjod pa dang/ rjod pa dang bral zhing dngos po dang dngos po med par rnam par mi rtog pa'i sgyu ma dang 'dra ba'i rten cing 'brel te 'byung ba rtog par byed cing gnyis kyi rnam par stong pa'i ting nge 'dzin la snyoms par 'jug pa na thams cad mkhyen pa rnams kyis gzhan gyi don du 'gog pa la snyoms par 'jug pa lta bu las sangs par mdzad de/ smon lam gyi rjes su dran pa'i phyir de'i smon lam gyi pha rol tu phyin pa yongs su rdzogs par 'gyur ro/ /legs pa'i blo gros su ni chos dang don dang/ des tshig dang spobs pa so sor yang dag par rig pa bzhi thob pas sems can mdza' dag gi bsams pa dang bag la nyal ba shes shing chos smra ba po stobs dang ldan pa'i phyir stobs kyi pha rol tu phyin pa yongs su rdzogs par 'gyur ro/ /chos kyi sprin du ni sa bcu por spang bar bya ba'i nyon mongs pa med pa'i mi shes pa spangs pas dar las g.yogs pa lta bur shes par bya ba'i dkyil 'khor thams cad snang ngo/ /thams cad mkhyen pa la ni sgrib ba med pa nyid de khyad par ro/ /nyon mongs pa dang nyon mongs pa med pa'i mi shes pa'i rgyud thams cad rtsa ba nas phyung pa mchog tu yongs su dag cing 'dod chags dang bral ba shes bya'i sgrib pa spangs pa/ thams cad mkhyen pa'i ye shes kyi rnal 'byor gyi dbang po gzugs sna tshogs kyi cho 'phrul gyis mdza' yas pa'i sems can gyi rgyud rangs par mdzad pa'i stobs bcu dang/ mi 'jigs pa la sogs pa'i yon tan gyi tshogs gzhal du med pa rgyu dang 'bras bus rgyas pa rnams kyi sa'o/ /der thams cad mkhyen da rnams bzhugs nas sa bcu'i rgyal tshab kyi dbang po rnams la chos kyi sprin gyis dbang skur bar mdzad de/ der ni ye shes kyi pha rol tu phyin pa mchog tu 'gyur ro/ /chos lnga dang bdag med pa yongs su shes nas de ltar sa'i go rim du mtshams sbyor ba ni 'phags pa sa bcu par rgyas bar bshad pa'o/ /chos lnga po ni lan mang por bshad pas na da ni de dag la bdag med par bshad par bya ste/ ming dang mtshan ma dang rtog pa rnams ni gnyis kyi rnam pa'i phyir rmi lam dang mig 'phrul la sogs pa bzhin du ma skyes pa ste/ de dag ni brtogs pa dang gzhan gyi dbang du bsdu'o/ /yang dag pa'i ye shes dang de bzhin nyid ni grub par bsdu'o/ /mdor bsdus na ni kun nas nyon mongs pa dang yongs su dag pa'i chos thams cad ni brtags pa dang/ gzhan gyi dbang dang yongs su grub pa'i nang du gtogs so/ /de dag dbye na ni chos lnga yongs su gzung ba ste/ ming dang mtshan ma dang rtog pa'o/ /phyi rol gyi don du sgro btags te snang ba dang bcas pa la ye shes 'jug cing sgro 'dogs pa ni mtshan ma'o/ /rnam pa de lta bu gzugs la mdzes pa dang mi mdzes par rtog pa ni chos lnga'i nang du gtogs pa'i rnam par rtog pa'i khyad par ro/ /gsum gyi nang du gtogs pa'i brtags pa ni rtag pa dang bdag dang rdul phra mo'i rdzas la sogs pa rnam par rtog pa'i yul med de/ mo gsham gyi bu la sogs pa rnam par rtog pa bzhin no/ /snang ba dang bcas pa dang/ snang ba med pa tsam gyi yul gyi de gnyis kyi khyad par phye ba'o/ /yang dag pa'i ye shes ni shes rab kyi dpyad de/ yang dag par lta ba la sogs par lam gyi mtshan nyid do/ /de bzhin nyid ni gnyis kyi rnam pa'i bslad pa 'gog pa'i mtshan nyid de/ gnyis su med pa'i ye shes grub pa'o/ /thams cad mkhyen pa nyid kyis ni rab tu phye ste bshad par mdzad btsun gtso 'phags pa byams pas dbus mdza' rnam par 'byed pa las ni rab tu phye ba bsdus te 'chad pa'o/ /thams cad mkhyen pas zhib tu 'chad pa ni ji ltar snga ma'i le'u las 'byung ba/ kun tu brtags pa rnam bcu ste/ gzhan gyi dbang ni rnam pa drug /grub pa la ni dbye ba med ces bya ba la sogs pa ste/ gzugs ni dbang po lnga rnams don zhes par rnam pa bcur dgongs pa'i don du rtag go /mig la sogs pa'i shes pa drug ni gzhan gyi dbang rnam pa drug go / grub pa dbyer med pa ni bsam pa med pa/ snang ba med pa don dam pa'i bden pa mi gnyis par yang dag par rig pa la 'dzin pa dang/ gzung ba dang/ bya ba dang/ byed pa dang/ skyed pa dang/ bskyed pa dang/ rjod pa dang/ brjod pa dang/ dngos po dang/ dngos po med pa gnyis su rnam par rtog pa med pa'i phyir ro/ /gnyis su med pa'i la ni rig par bya ba dang/ rig pa'i dngos por bdag nyid du yang mi rtogs na/ dbye ba'i rnam pa gang zhig 'dzin pa dang/ gzung ba'i rnam pa de la gnyis kyi rnam par 'gyur ba'i 'byed pa 'jug pa lta zhig ci smos te/ de lta bur chos lnga dang bdag med pa yongs su shes pa dang/ sa bcu rtog pa dang/ snang ba dang bcas pa dang/ snang ba med pa'i ting nge 'dzin thob pas gnyis su med pa'i ye shes ni thams cad mkhyen pa kho nar 'gyur ro/ /des na 'khor pa pa rnams kyi kun gzhi rnam par shes pa 'jug pa dang/ rnal 'byor pa rnams kyi gnyis kyi rnam pa ldog pa ste/ dbang thob pa na nyon mongs pa gnyis kyi rnam pa ldog go / 'phags pa langkar gshegs pa'i bshad pa ye shes dpal bzang pos sbyar ba'i le'u drug las de bzhin gshegs pa'i snying po dpyad pa'i dang po'o// //de nas bcom ldan 'das la byang chub sems dpa' sems dpa' chen po blo gros chen pos gsol ba btab pa la/ bdag med pa gnyis rab tu dbye ba zhes bya ba la sogs pa'o/ /bcom ldan 'das kyis bka' stsal pa/ 'di lta ste/ ming dang mtshan ma dang rnam par rtog pa dang/ yang dag pa'i ye shes dang/ de bzhin nyid de/ de bzhin gshegs pa bdag gi so so rang gis rig pa la 'jug pa dang/ de la blo gros chen po rnam par rtog pa ni gang dag gis ming du brjod cing 'di ni glang ba dang/ ? dang shing rta dang/ rkang thang dang/ skyes pa dang/ bud med la sogs pa yin te/ de de bzhin gyi 'di ni gzhan du ma yin no zhes mtshan ma gsal bar byed pa de ni rnam par rtogs pa'o/ /blo gros chen po yang dag pa'i ye shes ni ? gi ming dang/ mtshan ma mi dmigs shing phan tshun glo bur du byung ba'i phyir rnam par shes pa mi 'jug pa rtag pa med pa dang chad pa med pa'i phyir mu stegs byed dang/ nyan thos dang rang sangs rgyas kyi sa ? lhung bar mi byed pas yang dag pa'i ye shes zhes bya'o/ /gzhan yang blo gros chen po yang dag pa'i ye shes des byang chub sems dpa' sems dpa' chen po ming dngos por mi byed mtshan ma dngos bor mi byed do/ /sgro 'dogs pa dang skur pa'i mdza' gnyis su ngan bar lta ba rnam par spangs pa ming dang mtshan ma'i don mi 'jug par shes pa de lta bu ni de bzhin nyid 'di yin par bshad do/ /blo gros chen po de bzhin nyid la gnas pa'i byang chub sems dpa' sems dpa' chen po ni snang ba med pa'i rtogs pa'i spyod yul thob pa'i phyir byang chub sems dpa' i sa rab tu dga' ba 'thob ste/ des byang chub sems dpa' i sa rab tu dag pa thob nas mu stegs can dang ngan song gi 'gro ba thams cad rnam par log pa yin te zhes bya ba ni sems mnyam par mi 'jog pa'i ma rig pas g.yengs te/ gang gis mgo 'khor pa dang brgyal ba la sogs pa bzhin du rnam pa sna tshogs kyi ming du brjod pa ste/ de ni ming du 'dzin pa'o/ /gzugs sngon po la sogs par 'dzin pa ni de'i 'khrul pa'i mtshan ma'o/ /gang gis bud med dang skyes pa la sogs pa mdzes pa dang mi mdzes pa'i mtshan ma 'dzin pa ni rnam par rtog go /de ltar 'khrul pa'i sems rnam pa sna tshogs kyis rnam par sgro btags pa'i gnyis kyi rnam pa'i gzhan dbang la yang ming dang/ mtshan ma dang rnam par rtog pa'i chos su 'byed pa rnams ni 'khor ba la yod do/ /yang dag pa'i ye shes de ni gang gi tshe na shes rab @273a kyis dpyad da? shes par bya ba sbom po dang phra mo mi dmigs pa de'i tshe bsam pa med cing snang ba med pa de bzhin nyid la gnas par 'gyur ro/ /byang chub sems dpa' i sa rab tu dga' ba thob ste zhes pa ni chos la bdag med pa 'di yongs su shes pa'i phyir zhes bya ba ste thams cad mkhyen pa bdag nyid kyis gsal bar bshad pa'o/ /des byang chub sems dpa' i sa rab tu dga' ba thob nas mu stegs can dang ngan song gi 'gro ba thams cad las rnam par log pa yin te zhes bya ba ni mu stegs can rnams rtag pa dang/ gcig pa dang bdag dang bdag gi dang/ phyi rol gyi don la mngon par chags pas chos dang gang zag la bdag med par thar pa'i rgyu mi shes te rtag ba'i bdag tu chags pa'i phyir/ tshul khrims dang brtul zhugs snyems pas sred pa'i mer phye ma leb bzhin du ltung ngo/ /ji ltar rdo rje phreng ba las gsungs pa grang ba dang/ tsha ba dang/ thal ba dang/ dri ma 'dzin pa la sogs par thar pa la nor pas lta bas gzhan dag kyang log pa'i shes pa la sbyor bar byed pa'o/ /yang blo gros chen pos gsol pa/ bcom ldan 'das rang bzhin gsum po chos lnga'i nang du 'dus sam/ 'on te rang gi mtshan nyid du grub pa'am ci lags/ bcom ldan 'das kyis bka' stsal pa/ blo gros chen po 'di nyid kyi nang du rang bzhin gsum dang/ rnam par shes pa brgyad dang bdag med pa gnyis kyang 'dus so/ / de la ming dang mtshan ma ni yongs su brtags pa'i mtshan nyid du shes par bya'o/ /gang yang blo gros chen po de la gnas shing zhugs pa'i rnam par rtog pa sems dang sems las byung ba zhes bsgrags pa nyi ma dad 'od zer? @ 273b lhan cig bzhin du dus gcig tu byung ba sna tshogs kyi mtshan nyid rang gi rnam par rtog pa khong du chud par byed pa'i rang bzhin ni blo gros chen po gzhan gyi dbang zhes bya'o/ /blo gros chen po yang dag pa'i ye shes dang de bzhin nyid ni mi 'jig pa'i phyir rang bzhin yongs su grub par shes par bya'o zhes bya ba la/ mchan ni dbyibs te/ bud med dang skyes pa la sogs pa'i gzugs so/ /de la ming ni gdos pa zhes sam go cha zhes bya ba la sogs pas so/ /de la rnam par rtog pa ni sems dang sems las byung ba 'dus pa'i gzhan gyi dbang ste/ rgyu dang rkyen gyis byas pa ni sngar bshad pa lta bu ste/ yang dag ma yin kun rtog cing/ /sems dang sems byung khams gsum pa zhes par ro/ /gsum gyi nang du gtogs pa brtags pa ni yul med pa ste/ ji ltar gsungs pa/ brtags pa yi ni rang bzhin gyis/ /dngos po thams cad ma skye ste/ /gzhan dbang la ni brten nas su/ /mi rnams rnam par rtog pa skye/ /gang tshe gzhan dbang rnam rtog gi / rnam par spangs te dag pa ni/ /grub pa de bzhin nyid ces bya/ /mdo sde mdo sder ngas bstan to/ /yang dag pa'i ye shes dang de bzhin nyid ni yongs su grub pa'i rang bzhin mi 'jig pa zhes pa ni nam shes rab kyis dpyad de spom po dang phra mo rnam par gzhigs pa na mi dmigs pa de na yang dag pa'i ye shes kyis ming dang mtshan ma dang/ rnam par rtog pa rnams kyis rjes su mi dmigs pa'i phyir de bzhin nyid la gnas pa ste/ yongs su grub pa'i rang bzhin brtan pa de bzhin gshegs pa'i snying po rang bzhin gyis 'od gsal ba ste/ de bzhin du glo bur gyi rnam pa dang bral ba mi gnyis pa dus thams cad du gnas so/ /mig la sogs pa'i rnam par shes pa bdun ni skad cig pa rnams te de bzhin gshegs pa'i snying po kun gzhi rnam par shes pa ni skad cig pa 'brel pa'i rtog pas rtags pa ste/ gser rin po che la sogs pa bzhin du yongs su grub pa'i rang bzhin rnam bar dag pa yin par rig par bya'o/ /ji ltar mi 'jig pa'i phyir zhe na/ dus thams cad kyi phyir te/ 'khor ba'i dus su/ lus dang longs spyod gnas snang ba/ kun gzhi kun du 'byung ba ste/ rnam brgyad rnam dgu de bzhin du/ rgya mtsho rlabs rnams bzhin du'o zhes bya bar lan du mar bshad pa yin te/ mnyam par mi 'jog pa'i ma rig pas bdag dang bdag gir chags pas 'khor bar 'jug go /bdag dang bdag gir 'dzin pa rnams gnyis zhi bas bdag med pa gnyis skye'o/ /blo gros chen po chos lnga po 'di rnams kyi nang du sangs rgyas kyi chos thams cad dang/ sa rnam par dbye ba'i mtshams sbyar ba dang zhes bya ba ni bsod nams dang ye shes kyi tshogs kyi snang ba dang bcas pa dang snang ba med pa'i ting nge 'dzin du 'byed pas sa'i mtshams sbyor bar bshad do/ /theg pa chen por bsdus pa'i tshigs bcad ni/ /chos lnga dag dang rang bzhin dang/ /rnam shes brgyad po nyid dag dang/ bdag med rnam pa gnyis por ni/ /theg chen thams cad 'dus pa yin zhes bya ba las/ chos lnga ni mdo sde brtsams las lan du mar bshad mod kyi/ 'on kyang ji ltar thams cad mkhyen pas mtshan ma dang/ gzugs dang dbyibs su bstan pa de ltar bshad par sbyar bar bya ste/ bslang pa'i mthus mgo 'khor ba dang brgyal ba la sogs pa bzhin du snang ba ste/ de la ming ni gongs pa dang go cha zhes bya ba'o/ /gang gis yi ge dang/ tshig dang brjod pa'i mtshan nyid rjod cing sems dang sems las byung ba'i tshogs de ni rnam par rtag pa'o/ /shes rab kyis dpyod pa'i yang dag pa'i ye shes kyi gang gi tshe sbom po dang phra mo'i mtshan ma mi dmigs pa de'i tshe/ ming dang rnam par rtog pa mi ? byin ma par bslab pa dang bral ba rang bzhin gyis 'od gsal ba de bzhin pa nyid yongs su grub pa gser la sogs pa bzhin rtag par gnas so/ /rang bzhin ni chos kyi dbyings te/ srid pa dang thar pa'i gnas de bzhin gshegs pa'i snying po'o/ /rnam grangs su kun gzhi zhes bya ba ste/ de gtogs par rnam par shes pa brgyad po ni 'jug pa'i rnam par shes pa drug dang nyon mongs pa can gyi yid dang bdun no/ /bdag med pa gnyis ni chos la bdag med pa dang/ gang zag la bdag med pa'o/ /chos la bdag med pa ni gzugs la sogs pa'i chos kyi dngos po med pa'i phyir gnyis su med pa'i ye shes so/ /gang zag la bdag med pa ni gang skad cig pa yin pa de thams cad se gol gyi sgra dang 'bab chu la sogs pa lta bur bdag dang gang zag la sogs par brtags pa'i rtag pa med do/ /ma skyes pa'i phyir mo gsham gyi bu la sogs pa bzhin te/ rtag pa ni rim pa dang/ cig char gyis don byed par 'gal ba'i phyir ri bong gi rwa la sogs pa bzhin du dngos po med do/ /des bskad cig pa ma yin pa ni las med de/ de bzhin gshegs pa'i snying po ni se gol gyi sgra la sogs pa ma gtogs par gser la sogs pa bzhin du skad cig ma gzhan du mtshams sbyor bas rtag par dgongs pa'o/ /thams cad mkhyen pas dgongs pa nges par 'grel pa'i nges pa'i don gyi tshul du gsungs pa ni/ ming dang mtshan ma kun rtog pa/ /rang bzhin gnyis kyi mtshan nyid de/ /yang dag ye shes de bzhin nyid/ /yongs su grub pa'i mtshan nyid do zhes pa ste/ gsum gyi nang du lnga bsdu ba ni ming dang/ mtshan ma dang/ kun tu rtog pa rnams brtags pa dang/ gzhan gyi dbang rang bzhin ? gnyis kyi mtshan nyid do/ /yang dag pa'i ye shes dang de bzhin nyid ni yongs su grub pa'i mtshan nyid de/ yongs su grub pa'i phyir gnyis su med pa'i ye shes kyi rang bzhin no/ /'phags pa lang kar gshegs pa'i bshad pa ye shes dang la bzang pos sbyar ba'i le'u drug pa las chos lnga dpyad pa'i gnyis pa'o/ / //de nas yang bcom ldan 'das la byang chub sems dpa' sems dpa' chen po blo gros chen pos 'di skad ces gsol to/ /gang 'di skad du bcom ldan 'das kyis bstan pa brjod pa las de bzhin gshegs pa 'das pa dang mi byon pa dang/ de ltar gyi gang+gA'i klung gi bye ma rnyed do zhes gsungs na zhes bya ba la sogs pa la/ blo gros chen pos cir dgongs zhe na/ bye ma'i rnams la ni tshad yod kyi/ dus gsum du gshegs pa'i de bzhin gshegs pa la tshad med do zhes de lta bur gsol ba la/ bcom ldan 'das kyis bka' stsal pa/ sgra ji bzhin gyi don du gzung bar mi bya ste zhes so/ /skyi bung ba'i sems can rnams la de bzhin gshegs pa 'thob par bya ba sla ba'i phyir dpe tsam du mang po bzhag par gsung ngo/ /au du ma ba ra'i me tog gi dpes ni rab tu dang ba rnams la thob dka' bar gsung ngo/ /des na sgra ji bzhin du gzung bar bya ste/ don gyi rjes su 'brang bar bya'i yi ge'i rjes su 'brang bar mi bya zhes so/ /sems can gyis bsam pa du ma la thabs kyis rtogs par bya ba'i phyir thams cad mkhyen pas bshad pa'i chos rnams ni dgongs pa'i don tha dad pa du mar 'jug go /de'i phyir mkhas pa rnams kyis dam pa'i chos ji lta bur rigs pa de lta bur gzung bar bya'o/ /gang+gA'i klung gi bye ma'i chos dang mthun par thams cad mkhyen pas sgra'i don du ma ston par mdzad pa ni sangs rgyas rnams mang ba dang/ dag pa dang mi zad pa dang/ 'khrug pa med pa dang gtsang ba kho na te/ de ltar na dbyangs kyi dkyil 'khor gyi ting nge 'dzin la bzhugs pa'i tshig gi dbang po rnams kyi don du ma'i sgra rnams 'byung gi /ngo bo nyid kyi de bzhin gshegs pa de kho na nyid gnyis su med cing bsam pa med cing/ snang ba med cing/ yang dag par rig pa dngos po dang/ dngos po med par rnam par mi rtog par ni ma yin te/ der gnyis kyi rnam pa'i 'jig rten gyi tha snyad thams cad mi 'jug go /snang ba med cing gnyis su med pa de kho na nyid der de bzhin gshegs pa rnams kyis gang+gA'i bye ma'i khyad par du snang ba dper 'jog par mi mdzad do/ /'on kyang byis pa rnams la bye ma la sogs pa'i dpe rnams gsung ngo/ /de bzhin gshegs pa'i snying po spyi dang khyad par du dgongs pa na me lta bur sems can thams cad de bzhin gshegs pa'i snying po can zhes bzhag go/ gnyis kyi rnam pa la ni 'byed pa'i tha snyad yod kyi brjod du med pas na skad cig ma'i rgyun rnams la ni med do/ /de'i phyir de ltar yod pa dang med pa'i rnam par rtog pa spangs pas gang+gA'i bye ma dang 'dra bar rnam par rtog ba med pa ste/ ji ltar shes rab kyi pha rol tu phyin pa las/ dngos po dang dngos po med pa/ mnyam pas mngon par rtogs pa zhes pa'o/ /dri ma dang bral zhes pa ni 'dod chags dang zhe sdang dang/ gti mug gi dri ma med pa'i phyir ro/ /stobs bcu dang/ mi 'jigs pa la sogs pa'i bshad pa ni chos mngon pa las rgyas par rig par bya'o/ /gnas dang gnas ma yin pa'i stobs ni thams cad mkhyen pa rnamS kyi blang ba dang dor ba'i ye shes so/ /'chi 'pho dang skye ba shes pa'i stobs ni dus gsum gyi ye shes kyi stobs te zhes bya ba la sogs pa'o/ /mdza' ba dang khong khro ba med pa'i phyir zhes bya ba ni mu stegs can dang/ nyan thos kyi skye bo rnams la byams pa dang/ snying rje dang/ dga' ba dang/ btang snyoms shin tu gsungs pa'i phyir ye shes mnyam pa nyid do/ /de bzhin gshegs pa rnams kyi chos kyi sku ni sa'i rdul rnams dang me'i khams dang 'brel yang mi tshing pa bzhin du chos kyi sku mi 'jig go /de bzhin gshegs pa'i 'od zer snang ba zad med pa zhes bya ba zhes bya ba ni mdza' med pa'i 'jig rten gyi khams su sprul pa spros pa rnams kyis don gyi bya ba byed pa'i phyir ro/ /srid pa thams cad du 'jug pa'i rgyu chad pa yin pas na 'khor bar 'jug pa yang med ldog pa yang med do zhes bya ba ni rtag pa dang bdag tu chags pa dang/ las kyi mthu las srid par 'jug par 'gyur/ bdag med par 'gyur bdag med pa gnyis yongs su shes pas de bzhin gshegs pa srid par 'jug pa ni chad do/ /'o na ldog par cis na mi 'gyur/ thugs rje sems can gyi don du bzhugs pa'i phyir ro / chos ni lus med de lus dang ldan pa la 'jig pa yod kyi lus dang mi ldan pa la ni ma yin no zhes pa ni rnam pa de lta bu'i gnyis su med pa'i chud pa la dngos po med pa'i phyi ro/ c hos kyi dbyings kyi rang gi dang gi smon lam gyi bden pa mi 'dor? ro zhes pa ni sangs rgyas bcom ldan 'das rnams kyi sems can mdza' dag la phan pa'i smon lam gyi bde ba ni chos nyid thog mar yongs su mkhyen pa'i thugs rje las byung ba ste/ mi rtag pa dang/ sdug bsngal ba dang/ bdag med pa dang/ stong pa'i chos rnams la sems can rnams rtag pa dang/ bdag dang bde ba dang/ gtsang pa'i dngos por phyin ci log pas sdug bsngal myong pa de dag la bdag cag gis yang dag pa'i ye shes rab tu chung par bya'o zhes byang sems sems pa'i tshe na/ gang smon lam btab pa de nyid sangs rgyas rnams kyi rjes su 'byung ngo/ /dag pa'i dngos por gyur la bdag tu chags pa dang/ 'jungS pa dang/ gzhan la gnod pa dang/ 'dod chen dang/ khro ba dang/ gti mug dang/ g.yo dang/ sgyu dang/ le lo'i skyon dang bral ba'i dam pa rnams la ni gzhan la phan pa ma gtogs pa bya pa gzhan ci yod/ bdag tu chags pa rnams la ni bdag gi don du yod gyi/ gang la bdag tu chags pa med pa de la gzhan gyi don legs pa'i chos nyid dus kun tu rnam par gnas so/ /des na sangs rgyas bcom ldan 'das rnams mi gnas pa'i mya ngan ldas 'das pa ste /nyon mongs pa spangs pa'i phyir yongs su mya ngan las 'das pa'o/ /gzhan la phan ba mdzad pa'i phyir/ yongs su mya ngan las 'das pa med do/ /sems can thams cad ji srid du yongs su mya ngan las ma 'das pa de srid du sangs rgyas bcom ldan 'das rnams thugs rje chen pos bzhuD so/ /chos bstan pa thams cad kyang mya ngan las 'das pa 'bab pa'i rgyun du mthun par 'jug pa ste zhes pa ni phung po dang/ khams dang/ skye mched la sogs pa ston pas gang zag la bdag med pa'i mya ngan las 'das pa'i rjes su mthun no/ /chos la bdag med pas nyon mongs pa bag chags dang bcas pa spangs te/ nyes pa thams cad las rnam par grol ba yongs su mya ngan las 'das pa'i sangs rgyas kho na'o/ /blo gros chen po gang gi sems snang ba'i phyi rol gyi don yongs su shes pas thog ma med pa'i dus kyi spros pa gnas ngan len rnamS par rtog pa'i bag chags kyi rgyu rnam par lo gcig rang gi gnas shin tu gyur pa'i thar pa yin te/ blo gros chen po 'jig pa ni ma yin no zhes bya ba ni rtag pa dang /bdag dang /gtsang ba @277a dang bde ba'i dngos por phyin ci log pa'i rnam par rtog pa spangs na thar 'gyur te/ log pa'i rnam par rtog pa'i rang gi gnas shin tu rab tu gyur pa ni thar pa yin gyi/ sems 'jig par 'gyur pa ni thar pa ma yin te/ gser gyi dri ma med pa bzhin du nyon mongs pa dang bral na thar pa'o zhes thams cad mkhyen pas dgongs pa'i don du brtag go/ 'khor ba'i thog ma dang/ tha ma'i mdza' ni rnam par rtog pa'i khyad par te/ gnyis su med pa'i ye shes ni khyad par dang bral ba'o/ /der ni thog dang/ tha ma'i rnam par rtog pa med pa'i phyir de la 'jig pa dang skye ba'i rnam par rtog pa med do/ /skad cig pa'i rgyun rtag pa nyid myong du zin yang brjod du med pa'i phyir snang ba dang bcas pa'i ting nge 'dzin la bzhugs pa rnams kyi chos bstan pa 'byung ngo zhes lan grangs mang por bshad pa'o/ /'phags pa langkar gshegs pa'i bshad pa ye shes dpal bzang ps sbyar ba'i le'u drug pa las gang+gA'i bye ma dang 'dra bar de bzhin gshegs pa dpyad pa'i gsum pa'o/ / //'phags pa blo gros chen pos gsol ba la ci dgongs zhe na/ kha cig ni skad cig pa gzhan du phyir mtshams sbyor ba med de/ se gol gyi ? la sogs pa lta bur de dag gsal bar skad cig pa'o/ /mig la sogs pa'i rnam par shes pa rnams skad cig par yang yid ches na gang dag yang ri la sogs pa gzung ba snang ba rnams skad cig pa gzhan 'dra ba'i sems skyed par byed pa de dag tha dad med na ji ltar skad cig par rtog par 'gyur skad cig pa dang skad cig ma yin pa'i tha snyad ji ltar 'jug ces de skad bstan pa kun gzhi dang 'jug pa'i rnam par shes pa las dgongs te/ @ 277b der thams cad mkhyen pa'i lan ni bcom ldan 'das kyis de la 'di skad ces bka' stsal to/ /blo gros chen po chos thams cad ces bya ba ni 'di lta ste/ dge ba dang/ mi dge ba dang/ 'dus byas dang/ 'dus ma byas dang/ 'jig rten dang 'jig rten las 'das pa dang/ /kha na ma tho ba dang bcas pa dang/ kha? na ma tho ba med pa dang zag pa dang bcas pa dang /zag pa med pa dang/ zin pa dang/ ma zin pa rnams yin te/ blo gros chen po mngor na len pa'i phung po lnga sems dang/ yid dang yid kyi rnam par shes pa'i bag chags kyi rgyu las byung ba sems dang/ yid dang yid kyi rnam par shes pa'i bag chags rgyas pa'i skye po rnams kyis dge ba dang/ mi dge bar yongs su brtags so/ /ting nge 'dzin gyi bde ba dang/ snyoms par 'jug pa rnams ni zhes bya ba 'dod chags la sogs pa'i nyon mongs pa rnams ni zag pa ste/ de dag la ting nge 'dzin dang snyoms par 'jug pa rnams rnam par grol bas na zag pa med pa ste/ dge ba'i chos rnams ni thams cad mkhyen pas gsal bar bshad pa'o/ /sems dang yid dang/ yid kyi rnam par shes pa'i bag chags rtag pa'i byis pa rnams kyis mtho ris dang/ ngan song gi rgyu ma dge pa dang dge ba bcu sems can la phan pa dang/ gnod pa'i mtshan nyid can la dge ba dang mi dge ba'i bag chags yongs su smin pa'i mthus yongs su brtags so/ /rmi lam bzang po dang rmi lam ngan pa mthong ba lta bur bde ba dang/ sdug bsngal rnam par smin par snang bas rnam par shes pa brgyad kyi tshoD so sor snang ngo/ /de la skad cig ma'i bag chags kyis bsgos pa'i rnam par shes pa bdun rnams 'byung ngo/ /de bzhin gshegs pa'i snying po kun gzhi rnam par shes pa ni zag pa med pa'i bag chags kyis bsgom pas skad cig pa ma yin te/ ? skad cig pa gzhan du phyir mtshams sbyor bas rtag pa dang/ chad pa dang bral ba rgyun mi 'chad par rtag tu 'byung ngo/ /mu stegs can dang/ nyan thos kyi rtag pa dang/ mi rtag par brtags pa rnam par gcad pa'i phyir de skad cig pa ma yin par dgongs pa'o/ /ji ltar dgongs pa nges par 'brel pa la /rigs kyi bu 'dus byas dang/ 'dus ma byas zhes bya ba 'di ni ston pas brtags pa'i chig go zhes 'byung ste/ dbang po la sogs pa sus kyang ma byas pas na 'dus ma byas pa'o/ /skad cig ma'i rgyun du 'brel pa'i phyir 'dus byas te lan du mar bshad pa'o/ /zag pa dang bcas pa'i bag chags yongs su smin pa'i phyir rnam par shes pa bdun ni skad cig pa rnams so/ /mig la sogs pa'i rnam par shes pa lnga/ mu stegs can rnams kyis rjes su dpag pa ste/ rang gi sems snang a ma rtogs pa'i phyir te/ 'gag pa na yid kyi rnam par shes pa kha dog dang/ da rod dang/ dbyibs su nye bar skye ba ni dge ba dang/ mi dge ba'i bag chags 'gags par ma gyur gyi bar du'o/ /nam shes rab kyis dpyad de phyi rol gyi sbom po dang phra mo mi dmigs pa de na kun gzhi rnam par shes pa shin tu gyur te/ 'dod chags la sogs pa'i mtshan ma gzuD mdzes pa dang/ mi mdzes pa la sogs pa mi dmigs te/ /de'i tshe zag pa med cing rtag pa'i bag chags kyis bsgos pa mi 'gyur par 'grub pas grub pa'i phyir mi ldog go/ rdo rje dang gser la sogs pa lta bur rtag pa ste/ log pa'i rnam par rtog pa spangs pas bskal par bzhag kyang zad pa med pa lta bu ste/ rtag pa dang bdag dang gcing ba'i dngos po phyin ci log pa rnams kyis de'i phyir yang nyon mongs par mi 'gyur ro/ /mi rtag pa dang bdag med pa dang sdug bsngal ba dang/ mi mdzes pa dang/ stong pa'i chos rnam par rtog pas chos yongs su dag pa'i rjes su 'brang pa'i thugs rje ste/ de ltar na chos ston pa yang 'byung ngo/ /des na nyon mongs pa'i rnam par rtog pa ni spang gi /dge ba ni ma yin te/ de'i phyir ston pa de la nyon mongs pa kun tu rtog pa med de/ sgrib pa zad pas 'gro ba la phan pa dang/ rjes su mthun pa'i dge ba sus dgag /ji ltar mdo sde 'dir gsungs pa/ /mtshan nyid dang ni bya ba dang/ /dngos por mya ngan nga mi 'da' / /rnam rtog rnam shes bzlog pa na/ /nga ni mya ngan 'das pa'o zhes pa ste/ der ni thams cad mkhyen pas log pa'i rnam par rtog pa spong bar dgongs pa ste/ gzhan du ni gsol ba'i lan du chos ston pa'i ltar na 'byung/ 'phags pa langkar gshegs pa'i bshad pa ye shes dpal bzang pos sbyar ba'i le'u drug pa las skad cig mar 'jig pa dpyad pa bzhi pa'o/ / //yang blo gros chen pos gsol pa/ gang yang bcom ldan 'das kyis 'di skad du pha rol tu phyin pa drug yongs su rdzogs par byas na sangs rgyas thob par 'gyur ro zhes bka' stsal to zhes bya ba der thams cad mkhyen pas pha rol tu phyin pa rnams kyi khyad par rgyas par gsungs pa ste/ bdag dang bdag gir mngon par chags te/ 'bras bu re ba ni 'jig rten pa'i sbyin pa dang/ tshul khrims la sogs pa'i pha rol tu phyin pa'o/ /'jig rten las 'das pa ni phyi rol tu mngon par chags te 'bras bu re bar zhugs pa na/ 'phags pa nyan thos rnams kyi'o/ /blo gros chen po 'jig rten las 'das pa'i mchog rnams ni byang chub sems dpa' sems dpa' chen po zhes bya ba la sogs pa ste/ rmi lam dang mig 'phrul la sogs pa bzhin du sna tshogs kyi bag chags las skyes pa'i rang gi sems su snang ba'i rnam par rtog pas rtag pa dang/ mi rtag pa dang/ mdzes pa dang/ mi mdzes pa la sogs par 'dzin pa ste/ shes rab kyis gzhigs pa na phyi rol gyi don mi mthong ngo/ /de'i phyir de ltar rang gi sems gzugs su snang ba la mtshan nyid rnams kyi sra ba dang gsher ba la sogs pa'i mtshan nyid du na de ltar mngon par chags pa'i 'byung ba chen po rnams la mngon par chags par mi byed do/ /de ltar phyi'i ngan du mngon bar chags pa med par sems can thams cad la phan pa dang bde ba'i phyir/ sbyin pa'i pha rol tu phyin pa 'byung bar 'gyur ro/ /sems can rnams kyi snang ba'i tshul ji lta ba bzhin du de dag las phan pa dang bde bar 'byung ngo/ /de bzhin du byang chub sems dpa' i chos dang/ zang zing dang mi 'jigs pa sbyin pa rnams kyis sbyin pa'i pha rol tu phyin pa rdzogs par 'gyur ba ni byang chub sems dpa' i sa rab tu dga' bar chos dang gang zag la bdag med pa rtogs shing phyi rol gyi don du mngon par chags pa med pa'i phyir sbyin pa'i pha rol tu phyin pa rdzogs par byed cing byang chub sems dpa' i sa rab tu dga' ba yang thob par 'gyur ro/ / chos dang gang zag la bdag med par ji ltar rtogs par 'gyur zhe na/ ji ltar thams cad mkhyen pas skad cig 'jig cing thog ma dang tha ma'i mdza' stong pa rang bzhin gnyis kyis kyang stong zhing bya ba dang byed pa po dang 'brel to/ /skye ba dang/ skyed pa dang/ skye ba dang/ gnas pa dang/ 'gog pa la sogs pa lhag pa'i chos dang bral ba mi gnyis pa skad cig ma'i rgyun du 'byung zhing brjod du med par gsungs pa'o/ /skad cig pa dang skad cig pa ma yin par rtag na dgongs pa nges par 'brel pa las/ ji ltar 'dus byas dang/ 'dus ma byas par 'byung ba de las 'dir yang dgongs pa yongs su shes par bya ste/ gzhan du na chos nyid dang 'gal bar 'gyur ro/ /de'i phyir dgongS? pa bshad par bya ste/ stong pa mi rtag skad cig par/ /'dus byas la ni byis pa rtog /'bab chu mar me sa bon dpes/ /skad cig pa'i don du rtog ces pa ste/ 'bab chu dang sa bon la sogs pa gnyis kyi rnam pa can ni skye ba na ming pa ste/ rmi lam dang mig 'phrul la sogs pa bzhin du gzhan gyi dbang ni rnam pa sna tshogs nor pa'i rnam pa rnams ni med pas na der byis pa rnams kyis skad cig pa dang/ skad cig pa ma yin par ci zhig rnam par rtog ces thams cad mkhyen pas dgongs ba'i don du brtag go/ 'on te gzhan gyi dbang rnam pa sna tshogs kyi rnam pa rnams la skye ba med na yongs su grub pa gzhan la skad cig pa dang/ skad cig pa ma yin pa kho na ji ltar na yod par 'gyur zhes de skad du thugs dogs nas thams cad mkhyen pas bka' stsal pa/ byed pa med cing skad cig pa/ /dben pa med pa spangs pa dang/ /chos rnams skye ba med pa ni/ /skad cig don du ngas bshad do zhes bya ba ni yongs su grub pa la thams cad mkhyen pas don dam par skad cig tu 'jig par 'grub ba ste/ gnyis su med pa'i yang dag par rig pa de la gnod pa med cing rang bzhin gcig pa'i phyir na yod do/ /chos thams cad la mi byed pa med de/ byed pa gang gis kyang su yang mi byed do/ /nam skad cig pa gcig pa de ni skad cig pa gnyis po med na su zhig bya ba dang byed pa po dang mngon par 'brel par 'byung / ji ltar lung ston pa po rnams kyis byed pa po ni rang dbang can dang/ bya ba 'dod pa'i gtso bo na las dang/ sgrub pa'i mchog? ni bya ba la sogs par rtogs pa ni rgyun rtag par brtags te gnyis kyi rnam pa'i shes pa la 'dis byed do zhes ni rigs so/ /gang yang bya ba dang byed pa po gnyis las dben zhing mi gnyis pa de ni bya ba dang byed pa por 'byed pa'i byed pa dang bral bas na skye ba dang/ gnas pa dang/ 'gog pa la sogs pa'i rim gyis chos rnams? skad cig pa la med do/ /bdag med pa gnyis la yang med de/ /lan du mar sgrub pa'o/ /des na chos rnams skye ba med pa ni skad cig pa'i don no zhes thams cad mkhyen pas dgongs pa'i don to/ /rten cing 'brel te byung ba ni/ /byung ba med ces seng ge'i sgra/ /de nyid sgrub par mdzad paS na/ /skyes ma thag tu 'jig par ni/ /byis pa rnams la nga? mi 'chad/ /dngos po rnams ni rnam rtog pa/ /bar chad med par 'gro bar g.yo zhes pa ste /skyes ma thag tu 'jig pa'i skad cig pa gcig gi? rim thams cad mkhyen pa rnams kyis byis pa rnams la mi 'chad do/ /ji ltar zhe na ? skye ba dang/ gnas pa dang/ rga ba dang /mi rtag pa'i chos rnams ni rgyun du gnas pa la 'chad do zhes dgongs pa'i don du brtag go /sems ni 'byung bar byed pa yi/ /rgyu ni ma rig de yin te/ /ji srid gzugs dag mi shes pa/ /de srid bar du de gnas gyi zhes bya ba ni 'dis 'di byed do /zhes byed pa dang byed pa por 'brel te dngos po rnams kyis rim 'gro ba na rnam par rtogs pas g.yo ba de ni sems can rnams kyi ma rig pa ste/ byed pa po rang dbang can gyis gnas pa'i las byed do zhes byed pa dang/ byed pa por rtog pa ste/ de ltar bur rtag pa dang/ bdag dang/ byed pa po la mngon par chags pa'i phyir 'khor bar gdags so// skad cig tu 'jig pa yongs su shes pas ni bdag tu chags pa med par 'gyur / bdag tu chags pa med na longs spyod kyi don du las mi byed do/ /sems rnams rnam pa sna tshogs su bslad pas bde ba dang/ sdug bsngal du 'byed pas dbye ba na skad cig tu 'jig pa mngon sum du grub po/ /der glens pa/ gal te thams cad skad cig tu 'jig na dus gzhan du de nyid 'di yin no/ /zhes par ji ltar na 'gyur/ de ni 'dra ba'i skad cig pa gzhan 'byung ba'i phyir shes pa 'jug ste/ skra dang rtswa la sogs pa bcad nas skye ba lta bu yin gyi se gol gyi sgra la sogs pa bzhin du 'dra ba'i skad cig pa gzhan mtshams sbyor ba med par thams cad skad cig pa ma yin no/ /de bzhin du skad cig pa dang/ skad cig pa ma yin pa la dgongs te thams cad mkhyen pas mtshams sbyor gnas ston par mdzad pa/ rnal 'byor can gyi snyoms 'jug dang/ /gser dang rgyal ba'i ring bsrel dang/ /'od snang gnas kyi gzhal med khang// 'jig rten rgyu yis 'jig pa med ces pa ste/ rgyus btab pa skad cig ma'i rgyun du bskal par 'khor bar yang gnas te/ /ji ltar gser dang/ bde bar gshegs pa'i ring bsrel dang/ /rdo rje rin po che dang/ 'od snang ba'i gzhal med khang dang/ 'gog pa la snyoms par 'jug pa'i lus la sogs pa bskal pa'i gnas brtan no/ /kha cig ni skad cig pa gzhan du sded pa med par skad cig pa de nyid la se gol gyi sgra la sogs pa lta bur rnam par 'jig go/ gnas pa rnams dang thab pa'i chos/ /sangs rgyas ye shes phun sum tshogs/ /dge slong nyid dang shes thob rnams/ /skad cig mar ni ji ltar mthong zhes bya ba ni thams cad mkhyen pa rgyun rtag pas rtag @281a pa nyid du dgongs pa'o/ /gal te de dag rnams kyang skad cig pa gcig tu gnas su zin na ni de'i tshe 'dod chags bral ba ni 'dod chags dang ma bral ba kho na dang/ /thams cad mkhyen pa ni thams cad mkhyen pa ma yin pa kho na dang dge slong ni dge slong ma yin pa kho na'i glags su 'gyur ro/ /gal te 'dra ba'i skad cig pa gzhan du mtshams sbyor ba med par 'gyur na ni/ des na skad cig pa'i rgyun chad par 'gyur ro/ /de'i phyir dgongs pas skad cig pa kho na ma yin la/ mu stegs byed pa'i rgyu lta bur rtags pa'i dngos por yang ma yin no/ /de ma skyes pas na mo gsham gyi bu la sogs pa bzhin no/ /sgyu ma dri za'i grong la sogs/ /gzugs rnams ji ltar skad cig pa/ /'byung ba ma yin gzugs rnams dang/ /'byung ba de dag gang du song zhes bya ba ni phyi rol gyi don med pas 'byung ba dang 'byung ba las gyur pa'i gzugs su snang ba rnams dri za'i grong khyer dang / sgyu ma dang/ rmi lam la sogs pa snang ba bzhin du gzhan gyi dbang gi rnam pa sna tshogs kyi rnam pa ma skyes pas na der skad cig pa dang/ skad cig pa ma yin pa kho nar ci yod sngar bshad pa bzhin rig par bya'o/ /de de ltar chos dang gang zag la bdag med ba rtogs paS rtag ba dang/ bdag dang phyi rol gyi don du mngon par chags pa med pa'i phyir mu stegs byed dang/ nyan thos rnams las lhag par sbyin pa'i pha rol tu phyin pa rdzogs par byed cing byang chub sems dpa' i sa rab tu dga' ba 'thob po/ /btsun gtso'i byang chub sems dpa' rnal 'byor dam pa la/ rnal 'byor pa zhes bya ba ni mu stegs byed? dang? @ 281b nyan thos kyi rnal 'byor la mchog chos dang gang zag la bdag med pa rtogs pa'i phyir sa'i dbang po rnams rnal 'byor dam pa la rnal 'byor pa yin no/ /gang dmigs pa de nyid la rnam par rtog pa mi 'jug par sgom pa de ni tshul khrims te/ pha rol tu phyin pa zhes bya ba ni phyi rol gyi gzugs kyi dngos po med pas mdzes pa dang/ mi mdzes pa la sogs pa'i rnam par rtog pa mi 'jug pa'i ngang tshul du byed de/ na ma shes rab kyis dbyad nas sbom po dang phra mo rnam par gzhigs te mi dmigs pha de na/ gnyis su med pa yongs su shes pa de tshul khrims yin te /de ni de'i tshul khrims kyi pha rol tu phyin pa'o/ /gang gzung ba dang 'dzin pa yongs su shes nas rnam par rtog pa de mi 'jug par bzod pa de ni bzod pa'i pha rol tu phyin pa'o zhes bya ba ni 'dzin pa dang/ gzung ba'i gnyis kyi rnam par stong pa nyid rnam par yongs su shes na rnam par rtog pa mi 'jug pa ni bzod pa'i pha rol tu phyin pa'o/ /brtson 'grus gang gis nam gyi cha stong dang/ nam gyi cha smad la brtson par byed cing rnal 'byor dang mthun par mthong bas rnam par rtog pa ldog pa'i phyir/ de ni brtson 'grus kyi pha rol tu phyin pa'o zhes pa ni nam shes rab kyis dpyod pa'i brtson 'grus kyis sbom po dang/ phra mo rnam par gzhigs te/ mi dmigs pa de na rnam par rtog pa 'jug par mi 'gyur ba de ni brtson 'grus kyi pha rol tu phyin pa'o/ /gang rnam par rtog pa bzlog pa'i phyir mu stegs can gyi mya ngan las 'das par 'dzin par mi ltung ba de ni bsam gtan gyi pha rol tu phyin pa'o zhes bya ba ni chos dang gang zag la bdag med pa yongs su shes pas rtag pa dang/ bdag dang phyi rol gyi don rnam par bzlog pa'i phyir mu stegs can gyi mngon par chags par ltung bar mi 'gyur pa de ni gnyis su med pa'i bsam gtan te/ bsam gtan gyis pha rol tu phyin pa'o/ /de la shes rab kyi pha rol tu phyin pa ni nam rang gi sems kyi rnam par rtog pa med pa dang/ bla rab tu 'byed pa'i bar tu rab tu phye na mdza' gnyis su mi ltung zhing gnas r ab tu gyur pa sngon du 'gro ba mi 'jigs bas bdag gi 'phags pa so sor rang gis rig pa thob par bya ba'i phyir rab tu sbyor ba de ni shes rab kyi pha rol tu phyin pa'o zhes bya ba ni rang gi sems kyi rnam par rtog pa'i dngos po med par gyur pa ste/ nam blo rab tu 'byed pa'i shes rab kyis dpyad de/ /phyi rol gyi don rab tu phye bas sbom po dang phra mo rnam par gzhig cing phung po la sogs pa'i mtshan nyid du mi ltung zhing mi dmigs pa de ni dmigs su med pa'i tshul gyis 'dzin pa dang gzung ba'i shes pa'i khog par gyur te/ bsam pa med cing snang ba med pa don dam pa'i bden pa la gnas par 'gyur ro/ /de bzhin du shes rab kyi pha rol tu phyin pa ni rnam par mi rtog cing mtshan ma med pa ste/ shes rab dang thabs dang smon lam dang stobs dang/ ye shes kyi pha rol tu phyin pa rnams ni shes rab kyi pha rol tu phyin pa thog mar byas pa las rab tu phye ba ste/ sa bcu'i dbang po rnams kyi bdag dang gzhan la phan pa'i sa bcur 'byed pa rnams kyis snang ba dang bcas pa dang/ snang ba med pa'i ting nge 'dzin du dbye bas phye ba na sangs rgyas nyid 'thob pa'i phyir 'jug go /de ltar na des thams cad du khyab par gyur pa ste/ shes rab kyi pha rol tu phyin pa dpyad pa'o/ /'phags pa langkar gshegs pa'i bshad pa ye shes dpal bzang po sbyar ba'i le'u drug pa las sa dang pha rol tu phyin pa dpyad pa lnga pa'o// // de nas yang bcom ldan 'das la byang chub sems dpa' sems dpa' chen po blo gros chen pos 'di skad ces gsol to/ /sems can rnams yongs su mya ngan las mi 'da' ba' i chos can no zhes pa la/ ci'i slad du bcom ldan 'das kyis dgra bcom pa rnams bla na med pa yang dag par rdzogs pa'i byang chub tu de bzhin gshegs par 'gyur bar lung bstan zhes bya ba de la ci dgongs she na/ sems can thams cad ni de bzhin gshegs pa'i snying po bas na 'dod chags dang bral ba rnams ni sangs rgyas su gdon mi za zhes so/ /thams cad mkhyen pas kyang bsam pa'i don la gsung bar 'gyur ba ni byang chub sems dpa' rnams yongs su mya ngan las 'da' bar 'dod pa bsal ba'i don du nyan thos rnams la sangs rgyas su de bzhin gshegs par 'gyur bar lung bstan to/ /de bzhin gshegs pa gang gi nub mo bla na med pa yang dag par rdzogs pa'i byang chub du mngon par rdzogs par sangs rgyas pa n as gang gi nub mo yongs su mya ngan las 'das pa de'i bar du bcom ldan 'das kyis yi ge gcig kyang ma gsungs ma bshad ces bya ba der dgongs te gsungs pa'i don thams cad mkhyen pas gsungs pa ni ji bzhin du sngon gyi de bzhin gshegs pa rnams kyis chos ston pa de bzhin du ngas kyang chos de kho na nyid bshad kyi/ sngar med pa ni cung zad kyang ma yin no/ /zhes dgongs pa'o/ /de bzhin gshegs pa rnams ni rtag tu mnyam par bzhag pa lags te/ mi rtog mi dpyod par 'phrul pa dag kyang sprul nas de dag gis de bzhin gshegs pa'i bya ba mdzad de rnam par shes pa rnams kyang skad cig ma gcig tu tha dad pa'i mtshan nyid du bshad/ lag na rdo rje yang khor mor rtag tu zham 'bring du 'brang / theg ma'i mthar mi 'dogs la mya ngan las 'das par 'dogs /bdud dang bdud kyi las rnams dang/ las kyi rgyun rnams dang/ bram ze'i bu mo tsany+tsa dang/ mdzes ma kun tu rgyu dang/ lhung bzed bkrus bzhin pa la sogs pa khas kyi sgrib pa dag gda' na/ bcom ldan 'das de ji ltar bcom ldan 'das kyis nongs pa dag ma spangs par rnam pa thams cad mkhyen pa nyid thob ces bya bar bstan pa de dag phan tshun du 'gal ba rnams thams cad mkhyen pas spong bar gsungs pa bcom ldan 'das kyis bka' stsal pa/ blo gros chen po de'i phyir shin tu zhes bya ba la sogs pa ste/ phung po'i lhag ma ma lus pa'i dbyings la yang dgongs nas byang chub sems dpa' i spyod pa spyad pa rnams kyang rab tu spro bar bya ba'i phyir te/ blo gros chen po sangs rgyas kyi zhing 'di dang/ gzhan dag na byang chub sems dpa' i spyod pa spyad pa rnams gang dag nyan thos kyi theg pas yongs su mya ngan las 'da' ba 'dod pa yod de/ de dag nyan thos kyi theg pa 'dod pa las bzlog par bya ba dang/ theg pa chen po la rab tu spro bar bya ba'i phyir sprul pa'i nyan thos rnams la sprul pa'i sku dag gis lung bstan gyi/ chos nyid kyi sangs rgyas rnams kyis ni ma yin no/ /blo gros chen po de la dgongs nas nyan thos lung bstan no/ /blo gros chen po rnam par grol ba ro gcig pa'i phyir nyan thos dang/ rang sangs rgyas dang/ sangs rgyas rnams nyon mongs pa'i sgrib pa spangs ba ni bye brag med mod kyi zhes bya ba ni mi rtag pa dang/ sdug bsngal ba dang/ mi mdzes par bsgom pas rtag pa dang/ bdag dang/ bde ba dang/ gtsang bar phyin ci log las byung ba'i 'dod chags la sogs pa'i nyon mongs pa rnams spong sta/ 'phags pa'i bden pa bzhi rtogs pa ni byang chub gsum du yang bye brag med do/ /gang zag la bdag med pa yongs su shes pas ni nyon mongs pa spong ngo/ /chos la bdag med pa yongs su shes pas shes bya'i sgrib pa spangs te/ nyon mongs pa'i sgrib pa de yang mnyam par mi 'jog pa'i bag chags dang bcas te spangs nas de bzhin gshegs pa rnams kyi thams cad mkhyen pa kho nar 'gyur ro/ /bcom ldan 'das kyis de nyid bsgrub par mdzad pa shes bya'i sgrib pa spangs pa ni ma yin no/ /blo gros chen po shes bya'i sgrib pa ni chos la bdag med pa mthong ba'i bye brag gis rnam par dag par 'gyur ro/ /nyon mongs pa'i sgrib pa ni yid kyi rnam par shes pa bzlog pa'i phyir gang zag la bdag med pa mthong ba la sgom pa sngon du 'gro bar spong bar 'gyur ro/ /chos kyi sgrib pa rnam par grol ba de ni kun gzhi rnam par shes pa'i bag chags bzlog pa'i phyir rnam par dag par 'gyur ro/ /sngon gyi chos kyi lus la dgongs te sngon dang phyis med pa mi 'byung ba'i phyir sngon bshad pa'i yi ge de dag nyid kyis de bzhin gshegs pa mi rtog mi dpyod par chos 'chad de? mkhyen bzhin du mdzad pa dang/ dran pa nyams pa med pa dang/ mi rtog mi dpyod do zhes pa ste /dran pa nyams pa med pa'i phyir chos kyi sku dang rdzogs pa longs spyod pa'i sku la bzhuD? te rnal 'byor pa rnams la dngos po chos ston cing sangs rgyas kyi mdzad? pa thams cad mdzad do/ /bslad pa lta bu du mar ltung ba dang/ nyon mongS par krugs pa rnams la sprul pa rnams kyis rtsod pa dang/ lan glan ba dang/ mu stegs can dang/ bdud pham par byed cing thabs du mar chos ston to/ /nyan thos rnams la ni sangs rgyas su lung ston par mdzad do/ /de bzhin gshegs pa ngo bo ni don dam pa'i tshul nyid ston to/ /sprul pa'i sbu rnams kyi ni shes rab dang thabs rnams kyis sems can rnams gzung pa'i phyir go rim gyi gang zag la bdag med pa bstan nas phung po dang/ khams dang skye mched la sogs pa rab tu 'byed pas skad cig tu 'jig pa la zhugs pa rnams gnyis su med pa'i don dam pa'i tshul la gzung par bya ba'i phyir snod du gyur pa rnams la chos la bdag med pa ston cing sems can gyi don rnam pa mang po mdzad do/ /sems can gang dag la bdud kyal ka byed pa'i rigs can gyis chos kyi bar chad byed pa de dag la btsun gtso 'phags pa phyag na rdo rje nye bar gnas pa yin no/ /sems can rnams skyo bar bya ba'i las kyi rgyud rab tu 'byed pa gsungs/ kye ma'o 'du byed rnams ni mi rtag go zhes rtog par longs spyod kyis myos pa kha cig yid 'byung bar 'gyur ro/ /kha cig ni rtag pa'i bdag tu mngon par chags pas skad cig tu 'jig pa thos te/ bdag med par skrag cing chos dang gang zag la bdag med pas don dam pa'i tshul la mi 'jug pa de dag la sems kyi skad cig ma gcig tu rgyun rtag bas srid pa dang/ /thar pa'i gnas kun gzhi rnam par shes pa/ kun nas nyon mongs pa dang/ rnam par byang ba'i rgyu ston to/ /sems gcig po rtog go zhes byed pa por smra bar mngon par chags pa rnams la de bzhin gshegs pa'i snying po chung pa nyid spyi dang khyad par du dgongs te/ sems can rnams la khyab pa dang rtag pa ston no/ /de de bzhin du thabs du mas sngags kyi rgyud dang/ sdul? pa gtong bar gsung bas kyang gzugs rnam pa sna tshogs kyi rnal 'byor gyi dbang por gyur pa ston to/ /mos pa tha dad pa la sems can gyi don du sangs rgyas gang mkhan gyi thabs sna tshogs 'di ni bsam gyis mi khyab pa ste/ bro ba dang/ sman ra sa ya na dang/ mig rtsi dang/ gter mi zang pa dang/ yid bzhin gyi nor bu rin po che dang/ phug dang gzhal med khang dang/ longs spyod rnam pa du ma sbyin pa'i rnal 'byor gyi dbang po rnams so/ /lhung bzed bkrus bzhin du slar ji ltar gshegs she na/ de ni chos bcu pa las bcom ldan 'das kyis gsungs te/ bsod nams chung zhing nyan thos rnams kyi ya chad pa bsal ba'i don du de bzhin gshegs pas gsungs pa'o/ /de de bzhin du thams cad mkhyen pa rnams kyis sngags kyi tshul dang/ cho phrul rnams kyi 'jig rten las 'das pa'i mi snang bas snang bar nus kyang skud pa la btang snyams mdzad pa ni bsod nams chung zhing skur pa mang ba'i sems can rnams kyi yid mi bde ba bsal ba'i don du tsanypA? dang / mdzes ma mu stegs kyis skur pa la btang snyoms mdzad do/ /lhas sbyin gyis pha bong? les yar te phog ba la btang snyoms su mdzad pa ni sems can mang pos sman byin pa'i bsod nams kyi don dang/ de dus gzhan du skyo bar bya ba'i /lhas sbyin gyis pha bong les yar te phog pa thob pa ste/ de bzhin gsheD @285a ba che ba kho nar mi dang lha la sogs pa'i sems can rnams la sgrogs par byed do/ /gang yang sangs rgyas dang/ chos dang dge 'dun la mi dben par byed pa de ni de lta bur sems can dmyal bar 'gro bar 'gyur ro/ /zhes bya ste/ de ltar na sangs rgyas kyi byang chub bsam gyis mi khyab po/ /dran pa mnyam pa med pa dang/ mi rtog mi dpyod pa dang khag chags kyis gzhi spangs pa zhes bya ba ni kun gzhi rnam par shes pa dang/ nyon mongs pa can gyi yid dang/ yid kyi rnam par shes pa dang mig la sogs pa'i rnam par shes par bag chags rnam bzhi yongs su smin pa ste/ de dag tu bstan pa dang/ mi bden pa'i bag chags ni dge ba dang/ mi dge ba dang gnyis ka dang lung du mi ston par brtsams so/ /brag pa dang bcas pa'i bag chags ni kun gzhi rnam par shes pa las rab tu gyur pa na de bzhin gshegs pa'i snying po nyid me long gi ye shes su 'gyur ro/ /'pho ba gnyis dang bral ba ni 'khor ba'i 'pho ba dang/ yongs su 'grib pa'i 'pho ba ste/ de dag bral ba ni 'pho ba gnyis dang bral bar brtag go /nyon mongs pa'i sgrib pa dang/ shes bya'i sgrib pa spangs pa'i phyir zhes bya ba ni 'phags pa'i bden pa bzhi sgom pas gang zag la bdag med pa yongs su shes pa'i phyir mi rtag pa dang/ sdug bsngal ba dang/ mi mdzes pa sgom pas 'dod chags la sogs pa nyon mongs pa'i sgrib pa spong ngo/ /chos la bdag med pa yongs su shes pas shes bya'i sgrib pa spong ngo/ /blo gros chen po yid dang yid kyi rnam par shes pa dang/ mig gi rnam par shes pa la sogs pa bdun rnams ni dge ba zag pa med pa'i phyogs dang bral ba @ 285b ni 'khor ba yin te/ bag chags kyi rgyu las 'byung ba'i phyir skad cig pa'o/ /blo gros chen po de bzhin gshegs pa'i snying po ni 'khor zhing mya ngan las 'das pa dang/ bde ba dang sdug bsngal gyi rgyu yin te zhes bya ba ni rnam par shes pa bdun rnams skad cig pa'i bag chags kyi rgyu las byung bas na 'khor bar mi 'khor ro/ /zag pa dang bcas pa dang zag pa med pa'i gnas de bzhin gshegs pa'i snying po ni rdo rje dang gser la sogs pa bzhin du skad cig ma'i rgyun rtag pa'i phyir 'khor ba ste/ dus kyi khyad par du byed pa na dri ma dang bcas pa dang dri ma med pa'o/ /'khor ba dang sdug bsngal gyi rgyu zhes bya ba ni de bzhin gshegs pa'i snying po 'khor bar 'khor ba'i phyir ro/ /mya ngan las 'das pa'i bde ba'i rgyu zhes bya ba ni sdug bsngal gyi dngos po med pa'i phyir bde ba'i rgyu ste/ dben pa shes pa la ni mi shes pa thams cad sdug bsngal lo/ /byis pa so so'i skye bos mi shes so zhes pa ni kha cig stong pa nyid kyis g.yengs pa'i blo can thams cad med ces pa dang/ thams cad rtag par yod ces pa rtag pa 'am chad par smra bar ltung zhing skad cig ma'i rgyun du rtag pa de bzhin gshegs pa'i snying po khong du chud par mi byed do/ /skad cig ma'i phyogs la g.yengs pas rtag tu chad pa'am rtag tu chad pa med par rtag go /de bzhin gshegs pa'i snying po ni shes rab can rnams kyi shes te de ltar thams cad bsdu ba'i don du bshad nas/ yan lag gi don du cung zad cig bshad par bya ste/ thams cad mkhyen pa rnams kyi sku gsum ni snang ba dang bcas ba dang/ snang ba med pa'i ting nge 'dzin tha dad pas rnam par 'byed do/ /ngo bo nyid kyi sku rnams ni gnyis su med pa ste/ de bzhin du rnal 'byor pa rnams kyi yul te/ byis pa so so'i skye bo rnams kyi dbang po thams cad kyi yul las 'das pa'o/ /bdud kyal ka can gyi rigs rnams kyi yul ma yin pa'i phyir 'phags pa phyag na rdo rje de yongs su bsrung ba'i don du de zham 'bring du mi 'brang ngo/ /sprul pa rnams ni las las skyes pa'i ma yin te /de dag las de bzhin gshegs pa gzhan pa yang ma yin gzhan pa yin pa yang ma yin te/ snang ba dang bcas pa dang/ snang ba med pa'i ting nge 'dzin la zhugs pa'i de bzhin gshegs pa nyid gcig por gyur te rnam pa mang por 'gyur ro/ /des na gzhan pa dang gzhan pa ma yin pa'i tha snad mi rung ngo/ /sngon med pa dang phyis 'byung ba ma yin pa'i yi ge de dag nyid kyis snga mas bshad pa bzhin du thog ma dang tha mar dge ba 'chang kyi lhag par ni ma yin no/ /bsod nams dang ye shes kyi tshogs kyi las las ni ngo bo nyid kyi rnams 'byung ba ste sprul pa'i rnams ni ma yin no/ /phung po dang khams dang/ skye mched la sogs pa sprul pa'i rnams kyis ston gyi ngo bo rnams kyis ni ma yin no/ /rnal 'byor pa rnams la ni gnyis su med pa dang gnyis ka yang ngo/ /sprul pa rnams la nyon mongs pa bag chags dang bcas pa med pa'i phyir/ de bzhin gshegs pa rnams la las kyi rgyud med de/ de'i phyir lhung bzed bkrus bzhin la sogs pa'i lan ni thams cad mkhyen pa bdag nyid kyis nyon mongs pa bag chags dang bcas pas spangs nas gsungs pa ste/ sems can rnams skyo bar bya ba'i phyir sems can rnams kyi ched du las kyi rgyud bstan pas na sangs rgyas chos ston pa ni bsam gyis mi khyab po/ /'phags pa langkar gshegs pa'i bshad pa ye shes dpal bzang pos sbyar ba'i le'u drug pa las chos thams cad dang 'gal ba med par dpyad pa'i drug pa ste le'u drug pa rdzogs so/ / //de'i 'og tu bsdu ba'i tshigs bcad 'byung ste /de ni bdag gis dgongs pa nges par 'grel pa las don dam yang dag 'phags kyis yongs su gsol ba'i 'og tu bshad pa ste/ skabs 'dir bri bar bya'o/ /bstan pa'i ngag dang/ sems can gyi sems bsrung ba dang/ snying rje bas snying rje can gyis byang chub sems dpas sha bza' bar mi bya'o/ /mi gtsang ba bsgos pas skyug bro ba'i gnas dang/ pha ma'i mi gtsang ba nur nur po las byung ba dang/ dri mi zhim zhing rma yod pa'i lus kyi sha ste/ nges na thams cad mi gtsang bas sha bza' bar mi bya'o/ /kha cig gis ni gtsang ba dang mi gtsang bar rtog par byed de/ sder mo lnga pa lnga bza' ba// ri bon byi tur sbal dkar dang/ /bse dang rul sbal lnga pa ste/ /pha yi sbyin bsreg bsngo ba zhig ces de bza' o/ /gal te srog chags bsad do cog sdig par gyur na ni sha bza' ci dgos/ de la mchog sbyin pa rnams rtog pa ni ya chod sbyin du bsang pa'i rnams ni bu dang bcas pa dang/ khyu dang bcas par yang mtho ris su skye'o/ /yang smras pa/ lug dang ri dags bya rnams dang/ /bstan pa byin 'gro thams cad ni/ /mchod sbyin don du bsang gyur pa/ /'gro ba gtso ni thob par 'gyur zhes pa ni gal te don dam pa nyid rtson ni de dag la srog sdug pa nyid de/ ji ltar drang srong bya sas smras pa/ sems can gcig la mi 'jigs yod/ /byin pa de ni mchog yin gyi/ /bram ze stong gi grangs rnams la/ /ba stong gser dang bcas pa yi/ /gang gis gser gyi ri bo dang/ /rin chen bkang ste sa sbyin dang/ /de dang mnyam pa ma yin no zhes so/ /ne tsos kyang smras pa/ gzugs shing bcad de lug bsad nas/ /khrag gi rdzab tu byas na ni/ /gal te de ltar mtho ris 'gro /dmyal bar cis na 'go bar 'gyur zhes pa'o/ /mchod sbyin pa rnams rtog pa ni sngags kyis bsad pa la sdig par mi 'gyur zhes te/ 'o na mtshon gyis bsad pa la cis na sdig par 'gyur/ de lta bas ni snying rje can gyi srog gcod pa spang bar bya'o/ /legs par spyod pa la ni gzhan la gnod pa byed pas ji ltar na bdag gi don du rung/ ji ltar drang srong bya sas smras pa/ gang gis gang gi sha za ba/ /de dag gnyis kyi khyad par ltos/ /gcig na skad cig 'drangs par 'gyur/ /gcig ni gtan du srog dang bral/ /'chi'o snyam pa'i sdug bsngal gang/ /skyes bu la ni skye 'gyur ba/ /rjes su dpag pa de yis ni/ /gzhan yang bsrung bar rigs pa'o/ /k+Sha pa na ka rnams kyis gsod pa ni dam pa'i chos ma yin no zhes de skad ces pa ni rung ngo/ /chos sems pa can rnams kyis ni dbang po rnams las byung ba'i 'o ma dang sha bza' bar mi bya'o/ /dbang po las ma byung ba'i zan dang/ /skom ni bza' bar bya'o zhes rtsog pa dang gtsang bar rnam par rtog par byed do/ /de de ltar rtsog pa dang gtsang bar rnam par rtog pa chu yang btung ba'i mi rigs te/ ci'i phyir zhe na/ nya dang ru spal sems can mang po dang/ mi rma bkru ba dang/ rnag dang khrag la sogs pa rul pa rnams kyis brnyogs pa'i phyir ro/ /khar son pa'i zas kyang ldad pa na mchu sgo'i mtshams su chung cing so'i dri mas sbags pa dang mchil mas dkres pas na kha zas kyang mi bza' o/ /lus thams cad kyang rtsog pa yin no/ /ji ltar kha cig gis smras pa/ /zas dang de bzhin bshad ba dang/ /'tsho ba dang ni mchi las kyang/ /bkru ba lus la gnas pas na/ /mkhas pa rnams kyis mi gtsang rigs zhes so/ /dge slong skye bo gzhan dag 'o ma dang sha pho mtshan rgyags par byed cing/ sbyar bar byed pa'i kha zas rnams yongs su spang ngo zhes rnam bar rtog na lus ma bsgoms pa rnams la sran ma ma sha dang/ til dang/ 'bru mar dang/ nas rjen gyi phye la sogs pa pho mtshan cher rgyags par byed do/ /de de ltar na rtsog pa dang/ gtsang bar rnam par rtog pa ni tshul khrims dang brtul zhugs bsnyems pa yin pas rab tu byung ba rnams kyis yongs su spang bar bya'o/ /til dang/ la tu dang/ tshod ma dang/ 'bru dang/ 'bru rgod zas ni bdag tu chags pa bzlog par byed pa yang ma yin bzhi bar byed pa ma yin pas chos bsam pa can rnams kyis rtsog pa dang/ gtsang bar rnam par rtog pa de 'di ni tshul khrims dang brtul zhugs bsnyems pa'o/ /de dag gis so so'i gtso bo ni 'byung ba'i mthar phyin pa la sogs par klog go/ bskyed pa'i sangs rgyas su ni rnam par gzigs/ gtsug tor can/ thams cad skyob /log pa dang sel la sogs pa de dag bskyed pa'i sangs rgyas su rjes su dpag go /phung po dang/ khams dang/ skye mched dang/ rten cing 'brel te 'byung ba dang/ byang chub sems dpa' i chos sum cu rtsa bdun dang/ stobs bcu dang/ mi 'jigs pa la sogs pas sangs rgyas kyis gsungs pa de lta bu dag la drang srong kha cig zhugs nas de dag la byed pa dang/ 'phrog pa la sogs pa'i rnam par brtags so/ /k+Sha pa na ka dang rgyu gu can la sogs pas sbrang rtsi dang sha ni rang bzhin gyis sdig pa'i rgyu'o zhes rtog par byed na/ de dag gi kha zas gzhan 'bras can dang/ sran ma sngon po la sogs pa ci ni sdig pa'i rgyur mi 'gyur/ de bas na srog bcad pa yongs su spangs shing kha zas thams cad la ro'i sred pa yongs su spang ngo/ /ji ltar ting nge 'dzin gyi rgyal po las/ mkhas pa blo can 'dzangs rnams kyis/ /zas gtsang bzang po cung zad bza' / /rnal 'byor 'grub pa brkam med za/ /spangs pa'i zas su der mi 'gyur zhes pa ste/ des na 'o ma dang sha la sogs pa spangs pa 'ba' zhig las thar par 'gyur ba ni ma yin gyi/ yul thams cad yongs su spangs na thar par 'gyur ro/ /gzhan dag ni sha za ba la nyes pa med de/ chang la med cing 'khrig la 'ang med/ /de ni 'byung po'i 'jug pa ste// bzlog pa 'bras bu che ba'o zhes pa ni bzlog pas 'khor ba'i sdug bsngal las thar pa ni 'bras bu che bar yang rung ngo/ /'jug pa ni bdag tu chags pa las te/ sha la sogs pa'i yul du sred pas 'khrul pa rnams la 'khor bar sdug bsngal 'brel bar 'gyur ba ni phye ma leb mar me la sogs par lhung ba bzhin no/ /der tshad ma ni gang dang gang 'khor bar sdug bsngal gyi rjes su 'brel par 'jug pa de dang de ni bdag tu chags shing slad ma thog mar byas pa las byung ba ste/ me la phye ma leb la sogs pa bzhin no/ /'khor bar yang skye ba dang rga ba dang na ba dang/ 'chi ba dang/ mya ngan las/ smre sngags 'don pa dang/ sdug bsngal ba dang/ yid blong ba dang/ 'khrul pa'i mtshan nyid du 'jug pa ni sdug bsngal gyi rjes su 'brel pa zhes bya'o/ /de'i phyir bdag tu chags pa dang/ ser sna dang/ gzhan la gnod pa la sogs pa ni sred pa la rjes su dpag go /gal te log pa'i shes pa'i bya ba ma gtogs par sdug bsngal rjes su 'brel bar 'gyur na ni de'i tshe dben pa'i ye shes skyes su zin yang ngam grog la sogs pa yul spong bzhin de nyid du ltung bar 'gyur ro/ /de ni mi mthun pa'i phyogs la gnod pa'i tshad ma'o/ /gzhan dag gis 'bru la sogs ba la srog tu kun brtag pa'i slong ba la sbyin pa yang sdig par 'gyur ro/ /de'i phyir bdag tu chags pa'i log pa'i shes pas 'khor ba'i sdug bsngal 'byung ngo/ /bdag med pa shes pas 'dod chags dang bral ba 'khor ba'i sdug bsngal ldog go /der rtsog pa dang/ gtsang ba dang bza' ba dang/ mi bza' ba la sogs pa mi dgos so/ /cha byang rnam pa sna tshogs dang/ rgyan la sogs pa dang/ thal bas bskus pa dang/ dri ma 'chang ba dang/ ba lang dang/ ri dags kyi brtul zhugs dang/ khrus dang/ zan mi za ba la sogs pa sbyin sreg la sogs pa yang rung ste/ gang gis 'dod chags las skyo ba thar par 'gyur ba bdag tu sred pa las mi ldog pa'i phyir ro/ /zhi ba pa rnams/ gser la sogs pa rku ba dang/ /ba lang sha yang za ba dang/ /bram ze stong yang bsang pas kyang/ /yang dag rig na mi gos so/ /yod pa rnams ni byas pa dang/ /rgyu dang mi rgyu 'jig rten bsang/ /chang 'thungs la sogs nyes pa yis/ /yang dag rig pa la mi gos zhes so/ /tshangs spyod pa la sogs pa yi/ /ci phyir lus ni ltung bar byed// yang dag shes las de dag grol/ /de dag la ni gzir gyur med ces zer ro/ /de ste mi rtag pa dang/ sdug bsngal ba dang/ mi gcang ba dang/ steng pa sgom pas 'dod kyi skyo ba la gnyis su med pa'i rnal 'byor du gyur na ni de'i tshe bdag tu chags @289a ba dang/ ser sna dang/ gzhan la gnod pa'i dngos po med pas ji ltar na rku ba dang /chang dang /gzhan gyi bud med la smrel bar 'gyur /srog gcod pa'i sdig pa yang ji ltar na byed /'dod chags kyi skyon tshangs par spyod pa yang ji ltar na yang gdung bar byed / 'on te de kho na nyid yi ge 'bru de rjod pas na ni der zhugs pas na ci'i phyir na mdod chags dang bral bar mi 'gyur/ bdag tu chags pa las ni 'khor sdug bsngal 'gyur? na chags pa dang ma bral gyi bar du ji ltar na 'grol / de'i phyir chos dang gang zag la bdag med pa yongs su shes nas mthar zhing thams cad mkhyen pa nyid du 'gyur ro zhes sangs rgyas blo ni de lta bu'o/ /mdza' gsum yongs su dag pa'i sha ni bcom ldan 'das kyis gnang ngo zhes pa ni gnang ba yang med la bkag pa yang med de/ ji ltar zhe na/ mdza' gsum yongs su dag pa'i sha dkon par gsungs so/ /snying rje can gyi byang chub sems dpa' la ni de yang mdo sde 'dir bkag pa ste/ sngags smra ba rnams la ni sha za rnams kyis bar chad byed cing gnod pa byed pas na khyad par du bkag go /rlung la sogs pa'i nang la ni ba mar dang/ 'bru mar dang/ til dang/ til mar dang/ grol sogs par gyur pa ni gnyen po'o/ /des na rtsog pa dang gtsang ba'i sha snying rje can gyi mi bza' o/ /'phags pa'i nyan thos rnams yang dag par lta ba la sogs pa'i mtshan nyid can dang/ mi rtag pa dang/ sdug bsngal ba dang/ mi mdzes pa la sogs pa sgom pa'i lam gyi rnam pa thams cad shes pa las gnas pa rnams ji ltar na sha la sogs pa'i rol mngon par chags par 'gyur btsun gtso byang chub sems dpa' rnams @ 289b ni thams cad mkhyen pas nyid la zhugs pa dar las g.yogs pa lta bur shes par bya ba'i dkyil 'khor mdza' dag snang ngo/ /bcom ldan 'das rnams ni sgrib pa med par rnam pa thams cad mkhyen te/ de'i phyir rnam pa thams cad mkhyen pa nyid de/ de'i dngos po bas na rnam pa thams cad mkhyen pa nyid ni chos nyid do/ /snang ba dang bcas pa dang/ snang ba med pa'i ting nge 'dzin la zhugs pa rnams kyis shes bya'i sgrib pa dang/ nyon mongs pa'i sgrib pa dang/ las kyi sgrib pa spangs pa'i phyir de dag la bkres pa ga la zhig ste / 'gog pa la snyoms par zhugs pa la gnas pa rnams lta bur ting nge 'dzin gyi dbang du 'tsho ba'i dbang po dus thams cad du gnas so/ /mchog tu yongs su dag pa'i 'dod chags dang bral ba thams cad mkhyen cing gzugs sna tshogs kyi rnal 'byor gyi dbang po ting nge 'dzin gyi ro bdud rtsis 'tsho ba de dag la rnying pa mi mdzes pa'i sha la sogs pa'i ro myong bar ga las na 'gyur/ sems can thams cad rgyud rangs par mdzad pa/ de bzhin gshegs pa'i snying por thabs sna tshogs can byang chub sems kyi sems rgyu spangs pa rtag pa dang/ gnyis pa dang/ gnyis su med pa'i chos thabs sna tshogs kyis ston pa dang / don dam pa dngos po dang/ dngos po med pa dang/ yid bzhin gyi nor bu yon tan gyi tshogs dang/ sa dang pha rol tu phyin pa laS rgyu dang 'bras bur byung ba dang/ stobs bcu dang/ mi 'jigs pa la sogS pa yon tan mang du 'byung ba dang/ sems kyi tshogs khyad par can dang dbyangs kyi dkyil 'khor gyi gsung la mnga' ba la sogs pa'i yon tan can dang/ cho 'phrul rgya che ba dang/ /ye shes dpal bzang pos chud pa'i mun pa chen po mdza' dag bcom ste/ rab tu snang bar byas pa dang/ rab rib dang/ ling tog bcom ste nyi ma'i yon tan gyis 'jig rten mdza' dag snang bar mdzad pa'i thams cad mkhyen pa rnams te/ mchog tu yongs su dag cing / 'dod chags dang bral ba thams cad mkhyen cing rnal 'byor gyi dbang po sangs rgyas bcom ldan 'das de dag de ltar sems can thams cad kyi sdug bsngal yongs su skyob par zhugs pa'o/ /mchod sbyin pa kha cig ni rang 'byung rang nyid kyis mchod sbyin gyi don du lugs byas so zhes rtog pa de 'dir dpyad par bya ste/ gal te de 'dod chags dang bral ba zhig na ni rtsed mo'i phyir bya ste/ gzhan la sdug bsngal bar byed pa de la ci 'kho/ /'on te 'dod chags dang bral ba nyid yin na ni gang gis 'dod pas slang de rnam pa mang por sdug bsngal bar gyur pa de'i mi shes pa yang sus byas /des na ci yang sus kyang mi byed de gser gyi 'byung gnas bzhin du sems can rnams kyis chud pa rnams ni rang bzhin gyis yongs su dag pa'o/ /ji lta bur zhe na ni bdag dang/ gzhan gyi rgyud kyi dbang dang/ mnyam bar mi 'jog pa'i ma rig pa ni gnyis kyi rnam par glo bur du byung ba'i dri ma dang bral na dag pa'i sangs rgyas su 'gyur ro/ /bsam pa dag pa de dag ni gzhan gyi sdug bsngal yongs su skyob cing mi 'jigs pa sbyin par thams cad du zhugs pa'o/ /de dag gis bstan pa la zhugs pa'i rnams kyis ro'i sred pa thams cad yongs su spong sems can la gnod par 'gyur ba'i sha za ba'i ro la chags par 'gyur ba lta zhig ci smos/ /kha zas ni sman bzhin du bza' i/ /rgyags shing rloms pa'i phyir ni ma yin te/ mkhas pa rnams la gang ni sdig pa med pa rnams de lta bu ni lus gso ba 'ba' zhig gi phyir rung ngo/ /nan tan can rnams la ni bye brag tu ste/ slong ba'i zas su gang lhung zhing khim bdag gis phyin pa ni 'bras can bzhin du de dag gi zas gtso yin te/ ci 'dis dbang po bzhin du gzhan la gnod par byas te zas rnyed dam/ 'on te ci bdag nyid kyis ji lta bu zhig tu 'byung dam zhes rnam par mi rtag par blangs la nan tan pa rnams byung ste 'gro'o/ /brgyud pa las sdig par 'gyur zin na ni 'gron po la yang sdig par 'gyur te/ gal te 'gron po lam du mi 'gro na ni mi rgod la ma byin par blang bar ji ltar na 'gyur/ gal te ma skyed na ni ji ltar na 'gyur /gal te ma skyed na ni ji ltar gsod par 'gyur/ des na pha ma la yang sdig par 'gyur ro/ /de lta bas na bsam pa yongs su dag pas gzhan la phan par zhugs te/ slong ba bslangs na thams cad du bsod nams yod de/ gnyis kyi rnam par yang bsod nams so/ /de de ltar thams cad mkhyen pas gzhan la gnod pa la bltos te sha za ba dang sha za bar bskul ba la ni sdig par gsungs so/ /mdza' gsum bkag par gyur pa las sdig pa mi bya ste /mdza' gsum yongs su dag pa ni bdag gis ma bsang/ gsod du ma bcug bltos pa yang med pa ste /rnam pa de ltar 'bras can lta bur slong ba'i zas ma bslangs pa ma bsams par byin pa ni yongs su dag pa ste/ sman lta bur shis pa'i zas so/ /snying rje can gyi byang chub sems dpa' la de yang bkag pa'o/ /sngags mkhan la ni khyad par du ste/ sems can mgu bar bya ba dang lha mngon par dang bar bya ba'i phyir ro/ /de'i phyir yul thams cad kyi ro myong bag chaD pa yongs su spangs na mthar ro/ /sangs rgyas byang chub skye bo la/ /gdon za med par bdar ba yi/ /gser bzhin du ni bzhag pa ste/ /mngon sum rjes su dpag pa yi/ /gnyis su 'gro ba'i yul gyis su/ /shes rab kyis ni gnyis med grub/ /bdag dang bzhan gyi blo rgyas pa/ /rtsod pa du mar rab phye ste/ /yang dag chos ni bshad pa ni/ /bdag dang gzhan la phan pa yi/ /ye shes dpal bzang bya bas ni/ /langkar gshegs par shes par bya'o/ /shes rab gang ni pha rol phyin/ /rab tu rnam par rgyas pa'i yul/ /gnyis kyi tshul gyi rab rgyas pa/ /gnyis med rigs par zhugs pa de/ langkar gsungs dang dgongs tshul gyis/ /bshad pa sbyar bar bya ba ni/ /phung por gnas pa rnam par 'jig /mgo spung rab rib mtshungs par nod/ /de ni zhi ba rab zhi ste/ /sbom po phyogs kyi chas stong pa/ /nam mkha' me tog bzhin du ste/ /ma skyes pa yang rtag pa med/ /ji 'dra don 'di 'dra ba dag /gzhan gyi dbang ni smon lam gyis/ /ji ltar bya zhes sems khong chud/ /klu 'phags sogs pa mkhas pa rnams/ /tshe ring ba yang rnyed pa'i rnams/ /'gro ba la ni phyir phyogs te/ /rtsod pa du mar rjod pa yi/ /bdag dang gzhan gyi blo rgyas pa/ /dpag tu med par bshad pa'o/ /kun mkhyen mkhyen pas rtog pa dang/ /bde gshegs dam pa'i sras rnams kyi/ /tshul ni yang dag bsam ston gyi/ /mdo sde rin chen 'byung gnas ni/ /rnam pa sna tshogs thul glang gis/ /rab tu klongs pa'i rgya mtsho yis/ /bar nas ye shes dpal bzang po/ /log pa'i smon lam gzhan dbang gis/ /ngas ni ji ltar bya snyam nas/ /gzhan la phan pa'i snying rje dang/ bsod nams 'gas ni pha rol tu/ /rab tu phyin zhing 'gal ba'o/ /ye shes dpal bzang de ltar ni/ /snying rje dang ni shes rab kyang/ /rab tu yangs pas gzhan la phan/ /'dir ni bdag gis gang bshad pa/ /rtogs pa'i rgyan gyi gtsugs lag dang/ tshig tshul tshangs pa smra la sogs/ /bdag dang gzhan gyi blo rgyas pa'i/ /grub mdza' i khyad par ma bshad do/ /'dir bshad pa yi chos rnams dbang/ /gzhan du bshad pa med pa ste/ /rgyal po la yang brten pa med/ /ye shes dpal ni bzang po zheS/ bya bas 'dus pa brgyad pa las/ /ston pa'i don 'di byas pa'o/ /gang sdan 'phags ba klus bos dang/ /lha dang phyogs klus dbang po/ /mdo sde mkhas pas ma bshad pa/ /sgra mkhas rigs pas bsod nams ni/ /der gang bdag gi thub pa mkhyen/ /log pa'i rtog pas bstan pa dkrugs pa la/ /bdag gzhan smra rtsod bdag gis shes nas su/ /gdon za med pa 'di ni tshul can sbyar/ /skye bo bsod nams nga yis kun mkhyen shog /log pa'i rtog pa chung bya bar/ /smon log nga yis ci dgos? te/ /dam chos gang ni gdon mi za/ /'di byas nub pa'i dus la'o/ /dam pa'i chos ston 'bad pa 'di'i/ /brtsebs rnam par bshad pa byas/ /bdag gzhan la la rmongs pa la/ /mang du thos pas bshad par 'gyur/ /cung zad ngan du spyan pa ni// kun tu 'tsho bsam sbyangs pa/ /bdag gi don dang gzhan don du/ /bstan pa'i don la rnams bltos te/ /bdag dang gzhan smra don mang pos/ /ye shes dpal bzang dge slong gis/ /dam chos nges par bshad pa'i phyir/ /de ltar sgrib pa zad bar 'gyur/ /rab rib skyes pa bdag la ni/ /bri ba gsol ba btab dag la/ /byang chub bla med de thob ste/ /thog ma nyid du do rtogs bya zhes pa'o/ /shes rab kyi pha rol tu phyin pa la sogs pa dam pa'i chos thams cad kyi 'grel pa langkar g shegs pa rin po che'i 'byung gnas kyi bsdu ba'i tshigs bcad ni dgongs pa nges par 'grel pa'i 'grel pa las don dam yang dag 'phags kyis yongs su gsol ba'i 'og tu bshad pa 'dir sbyar bar bya'o/ /sha'i dpyad pa'i gong du 'am 'og tu 'grel te/ blo gros chen pos tshigs su bcad pas gsol ba btab ste/ bcom ldan 'das la yang gsol ba zhes gang gis de ltar klog pas na snga ma'i le'u der gtogs par brtag go/ de la mtshon nas brjod pa'i gnas mang zhing de bzhin gshegs par lung ston pa la soD pa bsdu ba'i tshig bcad nyid las 'byung ngo/ /gang de dag gis chos bshad phyir/ /ji zhig las kyang yul 'phrul te/ /sems kyi sdig pa skyes gyur pa/ /mchod sbyin du mas zhi gnas gyur/ /sdug bsngal mi mdzes tshogs dang rmi bzhin du/ /stong par 'jig rten rnam par shes nas ni/ /ye shes dpal bzang pos ni rnal 'byor du/ /'jig rten thams cad shes rab snying rjes gyur/

CLOSE WINDOW