བོད་ཡིག

e-texts based on the ACIP/ALL Input

/ //li'i mkhan po su ren+d+rA ka ra pra b+hA dang/ zhus chen gyi lo tsA ba dge slong nam mkhas bsgyur cing zhus te gtan la phab pa'o// (//rten cing 'brel bar 'byung ba dang po dang rnam par dbye ba bshad pa'i 'grel pa yon tan blo gros kyis mdzad pa bzhugs/ /) // */ /rgya gar skad du/ pra tI tya sa mud pA da A di bi b+hang ga nir de sha sya TI kA /bod skad du/ rten cing 'brel par 'byung ba dang po dang rnam par 'byed pa bstan pa'i rgya cher bshad pa/ bam po dang po/ /sangs rgyas dang byang chub sems dpa' thams cad la phyag 'tshal lo/ /gang la blo mnga' rtogs par bya ba ma rtogs med/ /gang la dag mnga' phyi nas rnam par sbyang bya med/ /de ni 'jig rten mgon te 'jig rten mthar 'byin pa/ /skye dgu rnams kyi gtso la spyi bos phyag 'tshal lo// chos kyang de dag nyid kyis ji bzhin bstan pa ni/ zhi ba'i gnas dang las dang lam gyi ched du byas/ /gang zhig rab tu rtogs pas sa gsum 'di dag tu/ /'khor lo bzhin du 'gro ba 'di dag 'khor ba med/ /chos de dag la gnas pa'i 'phags pa'i dge 'dun ni/ /chags dang tshogs dag las ni shin tu 'das gyur nas/ /yan lag bcu dang yan lag brgyad dang dbye ba brgyad/ /lam gyi 'bras bu 'bras bus kyang ni de dag rnams/ /'di dag gi 'brel pa ni mdo'i don bshad pa rtsom pa'i tshe phyis bshad par bya'o// dkon mchog gsum la mchod par brjod pa ni bstod pa dang phyag 'tshal bas yin no/ /de yang ci'i phyir zhe na/ ston pa po dang bstan pa dang slob ma'i yon tan phun sum tshogs pa brjod pa/ mdo sde 'di la gus pa'i khyad par bskyed pa'i phyir dang/ kha cig dag la de bstan pa byas pa dang/ de la zhugs pa dang de la brten pa'i phyir te/ 'dir tshigs su bcad pas dkon mchog gsum la mchod pa brjod pa'i sgo nas gleng bslang ba yin no zhes 'brel pa bstan to/ /mchod pa brjod pa yang mdo sde 'di la gus pa'i khyad par bskyed pa'i phyir dang/ kha cig dag la zhes smos pa yin pa'i phyir dgos pa dang bcas pa yin par bstan to/ /gus ba'i khyad par bskyed pa yang gus pas mnyan pa'i phyir ro/ /gus pas mnyan pa yang phyin ci ma log par gzung ba'i phyir ro/ /phyin ci ma log par don bzung ba yang mnyan pa dang/ bsam pa dang bsgom pa'i rim pa dang/ mthong ba dang bsgom pa'i rim gyis mthong ba dang/ bsgom pas spang bar bya ba'i nyon mongs pa spang ba'i phyir ro/ /kha cig dag la zhes smos pa ni skyob pa rab tu grub pa'i gang zag bye brag tu bya ba'i phyir ro/ /de bstan pa byas pa'i phyir zhes bya ba ni de bstan pa byas pa nye bar len pa zhes bya ba'i don gang yin pa ste/ bstan pa byas pa ni bstan zin pa dang don mthun pa'i phyir ro/ /de la zhugs pa'i phyir zhes bya ba ni mdo sde 'di la bstan cing bslabs pa'i nang du chud pa'i phyir ro/ /de la brten pa'i phyir zhes bya ba ni slob ma bsten pa nyid kyi phyir zhes bya ba'i don gang yin pa ste/ bsten pa ni goms par byed pa'i don yin pa'i phyir ro/ /'di ltar sangs rgyas kyi slob ma rnams mya ngan las 'das pa'i 'bras bu don du gnyer ba'i phyir chos kyi rnam grangs 'di la bsten pa ni mnyan pa dang/ bsam pa dang/ bsgom pa'i tshul gyis bsten pa yin no// de la sangs rgyas la bstod pas ni yon tan phun sum tshogs pa rnam pa lnga bstan te/ gang la blo mnga' rtogs par bya ba ma rtogs med/ ces bya ba'i tshig gis ni ye shes phun sum tshogs pa bstan te/ shes bya thams cad la thogs pa mi mnga' ba'i ye shes yin pa'i phyir ro/ /gang la dag mnga' phyi nas rnam par sbyang bya med/ ces bya ba'i tshig gis na spangs pa phun sum tshogs pa yin te/ bag la nyal dang nyon mongs pa'i phra rgyas thams cad spangs pa'i phyir ro/ /de ni 'jig rten mgon te zhes bya ba 'dis ni thugs rje phun sum tshogs pa yin te/ 'jig rten 'khor ba'i sdug bsngal thams cad las yongs su skyob par mdzad pa'i phyir te/ thugs rje can ni 'jig rten pa'i mgon du gyur pa yin no/ /'jig rten mthar 'byin pa zhes bya ba'i tshig 'dis ni mi zad pa phun sum tshogs pa yin te/ 'jig rten gyi mdza' gtugs par bzhugs pa'i phyir ro/ /'jig rten mthar phyin pa zhes bya ba'i sgras 'dir 'jig rten gyi mdza' gtugs par bstan pa yin gyi 'jig rten gyi mchog la bya ba ma yin te/ gang gis 'jig rten mthar 'byin pa de 'jig rten mthar 'byin pa zhes bya ste/ mdza' i sgra ni 'dir gzhi la sgrub pa yin no/ /de nyid kyi phyir mi dge ba dang sdig pa med pa yin no/ /gzhan du na ni 'jig rten mthar phyin pa zhes bshad par 'gyur ro/ /skye dgu rnams kyi gtso zhes bya ba'i tshig 'dis ni mtshungs pa med pa phun sum tshogs pa yin te/ sems can thams cad pas mchog tu gyur pa'i phyir ro/ /ji skad du yon tan phun sum tshogs pa dang skyes bu chen po'i dngos po phun sum tshogs pa yin pa'i phyir ro/ /zhes gsungs pa yin no/ /de la ye shes phun sum tshogs pa ni rnam pa bzhi ste/ thams cad mkhyen pa dang/ rnam pa thams cad mkhyen pa dang/ ma bstan par mkhyen pa dang/ 'bad pa med par mkhyen pa'o/ /de la thams cad mkhyen pa ni shes bya mdza' yas pa'i rang gi mtshan nyid rtogs pa'i don gyis rig par bya'o/ /rnam pa thams cad mkhyen pa'i rgyu dang 'gro ba dang mtshungs par ldan pa dang/ mtshungs par ldan pa ma yin pa dang/ dge ba dang/ mi dge ba dang/ lung du ma bstan pa dang/ sdug bsngal dang/ kun 'byung dang/ 'gog pa dang lam mthong ba dang bsgom pas spang bar bya ba dang/ thogs pa dang bcas pa la sogs pa'i rnam pa thugs su chud pa'i don gyis yin no/ /ma bstan par mkhyen pa ni rang nyid kyis mngon par rdzogs par byang chub pa'i don gyis yin no/ /'bad pa med par mkhyen pa ni rtsol ba mi mnga' ba nyid kyi phyir te/ bzhed pa tsam la rag lus pa'i phyir ro/ /de la ye shes phun sum tshogs pa rnam pa gsum ni nyan thos dang rang sangs rgyas dang thun mong ma yin pa yin par rig par bya ste/ 'di ltar nyan thos dang rang sangs rgyas ni thams cad mkhyen pa ma yin/ rnam pa thams cad shes pa ma yin/ 'bad pa med par shes pa ma yin no/ /ma bstan par mkhyen pa phun sum tshogs ba nyan thos kho na dang thun mong ma yin par blta bar bya'o/ /de ltar byas na nyan thos ni thams cad shes pa ma yin/ rnam pa thams cad shes pa ma yin/ 'bad pa med pa ma yin/ ma bstan par ma yin no/ /rang sangs rgyas ni thams cad shes pa ma yin/ rnam pa thams cad shes pa ma yin/ 'bad pa med par ma yin no/ /sangs rgyas bcom ldan 'das ni thams cad mkhyen pa yin/ rnam pa thams cad dang/ ma bstan pa dang/ 'bad pa med par yang mkhyen pa yin no/ /de nyid kyi phyir thogs pa med pa'i don gyis ye shes stobs can ni sangs rgyas bcom ldan 'das kyi yin no zhes bshad do/ /de yang dmigs pa'i bye brag gis ni stobs bcu yin te/ gnas dang gnas ma yin pa mkhyen pa'i stobs dang las kyi rnam par smin pa mkhyen pa'i stobs dang/ bsam gtan dang rnam pa thar ba dang/ ting nge 'dzin dang snyoms par 'jug pa mkhyen pa'i stobs dang/ dbang po mchog dang/ mchog ma yin pa mkhyen pa'i stobs dang/ mos pa sna tshogs mkhyen pa'i stobs dang/ thams cad du 'gro ba'i lam mkhyen pa'i stobs dang/ sngon gyi gnas rjes su dran pa mkhyen pa'i stobs dang/ 'chi 'pho dang skye ba mkhyen pa'i stobs dang/ zag pa zad pa mkhyen pa'i stobs te 'jigs pa mi mnga' ba'i don gyis ni chos thams cad mngon par rdzogs par byang chub pa la mi 'jigs pa yin te/ stobs rnam par spros pa ni mdo sde'i rgyud las ji lta ba bzhin du khong du chud par bya'o/ /spangs pa phun sum tshogs pa yang rnam pa bzhi ste/ nyon mongs pa thams cad spangs pa dang/ gtan du spangs pa dang/ bag la nyal dang bcas te spangs pa dang/ ting nge 'dzin dang snyoms par 'jug pa'i sgrib pa thams cad spangs pa'o/ /de la nyon mongs pa'i sgrib pa thams cad spangs pa ni mthong ba dang bsgom pas spang bar bya ba'i nyon mongs pa spangs par rig par bya'o/ /gtan du spangs pa ni yongs su mi nyams pa yin te/ ji skad du bcom ldan 'das kyis dge slong dag de ni gang 'phags pa'i shes rab kyis yongs su spangs pa yin no zhes gsungs so/ /'di nyid tshig gi rgyan gyi sgo nas gnas brtan rta? 'byangs kyis kyang/ sa ni bsregs na'ang de nas yang yang skye/ /shing ni bcad na'ang lo ma skye bar 'gyur/ /chu ni skams na'ang klung ni 'bab 'gyur gyi/ /shes rab mtshon gyis khyod skyon bcad 'byung med// ces smras so/ /bag chags dang bcas te spangs pa ni nyon mongs pa'i bya ba byed pa rjes su 'jug pa'i 'du byed spangs pa'i phyir ro/ /ting nge 'dzin dang snyoms par 'jug pa'i sgrib pa thams cad spangs pa ni yon tan khyad par can ma lus pa mngon par bsgrub pa'i gags su gyur ba ste/ nye ba'i nyon mongs pa dang mi shes pa spangs pa'i phyir ro/ /'dir mu bzhir 'gyur te/ nyon mongs pa thams cad spangs la gtan du spangs pa ma yin pa yang yod de/ dper na yongs su nyams pa'i chos can gyi dgra bcom pa lta bu'o/ /gtan du spangs pa yin la nyon mongs pa thams cad spangs pa ma yin pa yang yod de/ dper na thog ma'i 'bras bus bsdus pa'i spangs pa lta bu'o/ /nyon mongs pa thams cad spangs la gtan du spangs pa yin pa yang yod de/ dper na mi 'khrugs pa'i chos can gyi lta bu'o/ /nyon mongs pa thams cad spangs pa ma yin/ gtan du spangs pa ma yin pa yang yod de/ dper na 'jig rten pa'i spangs pa lta bu'o/ /re zhig gang nyon mongs pa thams cad spangs pa yin la bag chags dang bcas te spangs pa ma yin pa yang yod de/ dper na dgra bcom pa dang rang sangs rgyas kyi lta bu'o/ /de bzhin du gang bag chags dang bcas te spangs pa dang/ gtan du spangs pa yang de yin te/ dper na sangs rgyas bcom ldan 'das kyi lta bu'o/ /gtan du spangs pa yin la bag chags dang bcas te spangs pa ma yin pa ni/ dper na mi 'khrugs pa'i chos can dang/ rang sangs rgyas kyi lta bu'o/ /gang ting nge 'dzin dang snyoms par 'jug pa'i sgrib pa thams cad spangs pa dang/ nyon mongs pa thams cad spangs pa dang/ gtan du spangs pa dang/ bag chags dang bcas te spangs pa yang de yin pa ni dper na sangs rgyas bcom ldan 'das kyi lta bu'o/ /nyon mongs dang rang sangs rgyas dag la ting nge 'dzin dang snyoms par 'jug pa'i sgrib pa ma lus par yod pa ma yin te/ sangs rgyas kyi ting nge 'dzin dang/ snyoms par 'jug pa ma mthong pa'i phyir ro/ /nyon mongs thams cad spangs la gtan du spangs pa yin yang ting nge 'dzin dang snyoms par 'jug pa'i sgrib pa thams cad spangs pa ma yin pa yang yod de/ dper na mi 'khrugs pa'i chos can dang/ rang sangs rgyas kyi lta bu'o/ /gang bag chags dang bcas te spangs la snyoms par 'jug pa'i sgrib pa spangs pa yang de yin pa ni sangs rgyas kho na yin te de la mnga' ba'i phyir ro/ /spangs pa rnams bsdoms nas de skar smras pa yin gyi nyon mongs pa thams cad spangs pa yang gzhan yin la/ ting nge 'dzin dang/ snyoms par 'jug pa'i sgrib pa thams cad spangs pa yang gzhan yin no/ /de ltar byas na nyan thos dang rang sangs rgyas gnyis la ni nyon mongs pa thams cad spangs pa yang yod gtan du spangs pa yang yod mod kyi/ bag chags dang bcas te spangs pa dang/ ting nge 'dzin dang snyoms par 'jug pa'i sgrib pa thams cad spangs pa ni ma yin no/ /sangs rgyas bcom ldan 'das rnams ni nyon mongs pa thams cad spangs pa dang/ gtan du spangs pa dang bag chags dang bcas te spangs pa dang/ snyoms par 'jug pa'i sgrib pa thams cad spangs pa yang yin no/ /zhes bya ba ni spangs pa phun sum tshogs pa bstan pa yin no/ /thugs rje phun sum tshogs pa ni rnam pa bzhi ste/ dgongs pa phun sum tshogs pa dang/ sbyor ba phun sum tshogs pa dang/ dgongs pa'i rab tu dbye ba phun sum tshogs pa dang/ sbyor ba'i rab tu dbye ba phun sum tshogs pa'o/ /de la dgongs pa phun sum tshogs pa ni/ rtag tu thugs rje dang/ dge bar dgongs pa'i phyir ro/ /sbyor ba phun sum tshogs pa ni gzhan gyi don du mchog la brtson pa dang/ dge ba nyid yin pa'i phyir ro/ /dgongs pa'i rab tu dbye ba phun sum tshogs pa ni phan par dgongs pa dang/ skal ba dang ldan pa'i dus su 'ong ba'i phyir ro/ /sbyor ba'i rab tu dbye ba phun sum tshogs pa ni ngan song gsum nas 'byin pa'i sbyor ba phun sum tshogs pa dang bde 'gro dang theg pa gsum la rab tu 'gong pa'i sbyor ba phun sum tshogs pa'o/ /de yang nyan thos dang rang sangs rgyas dang thun mong ma yin pa ni bcom ldan 'das kyis thugs rje chen po nyid yin par bstan to/ /de nyid kyi phyir rnam pa thams cad dang ldan pa'i phyir thugs rje phun sum tshogs pa zhes bya'o/ /mi zad pa phun sum tshogs pa yang rnam pa bzhi'o/ /ji lta zhe na zad pa ni rnam pa bzhi ste/ ma rdzogs par zad pa dang/ rdzogs te zad pa dang/ dus la ma bab par dus zad pa dang/ rang gi mtshan nyid zad pa'o/ /ji skad du rga shi'i yan lag rnam par ma phye bar nyams pa dang/ tshe nyams pa dang/ drod nyams pa dang/ srog gi dbang po 'gags pa dang/ phung po 'gags dang/ 'chi ba dang dus byed pa dang zhigs pa dang/ nang du nyams pa'o/ /de dag las zlog pa ni mi zad pa rnam pa bzhir rig par bya'o/ /de nyid kyi phyir rnam pa thams cad dang ldan pa'i phyir mi zad pa nyid phun sum tshogs pa zhes bya'o/ /nyan thos dang rang sangs rgyas rnams la yang mi zad pa phun sum tshogs par 'dod mod kyi/ de ni de bzhin gshegs pa'i man ngag sngon du song ba'i phyir de bzhin gshegs pa'i mi zad pa nyid yin par rnam par bzhag ste/ 'khor los sgyur ba'i 'khor phun sum tshogs pa rnam par bzhag pa bzhin no/ /skyes bu chen po'i dngos po phun sum tshogs pa ni rnam pa gnyis te/ gzugs kyi sku phun sum tshogs pa dang/ mthu phun sum tshogs pa'o/ /de la gzugs kyi sku phun sum tshogs ba ni rnam pa bzhi ste/ mtshan phun sum tshogs pa ni skyes bu chen po'i dngos po nye bar mtshon par byed pa nyid kyi phyir dang/ dpe byad bzang po phun sum tshogs pa ni de dpe byad bzang ba'i phyir dang/ stobs phun sum tshogs pa ni mdza' med pa'i ye shes kyi stobs bzod pa nyid kyi phyir dang/ rdo rje'i snying po sku rus pa phun sum tshogs pa ni phas kyi rgol ba dag gis mi tshims pa nyid kyi phyir ro/ /de yang sangs rgyas bcom ldan 'das rnams kyi ni 'jig rten pa thams cad dang/ nyan thos dang rang sangs rgyas dang/ thun mong ma yin pa skyes bu chen po'i dngos por bsdus pa ni sku phun sum tshogs par rigs par bya'o/ /'khor los sgyur ba la yang lus phun sum tshogs pa mod par 'dod med kyi/ rnam ba thams cad dang ldan pa ma min ba'i phyir skyes bu chen po'i dngos po phun sum tshogs pa zhes mi bya'o/ /mthu phun sum tshogs pa yang rnam bzhi pa ste/ phyi'i yul sprul pa dang/ yongs su bsgyur ba dang/ gnas pa la dbang ba nyid phun sum tshogs pa dang/ tshe gtong ba dang/ gnas ba la dbang ba nyid phun sum tshogs pa dang/ nam mkha' dang bsgribs pa dang/ thag ring por yang myur du 'gro ba dang/ chung ngur mang po shong par byed pa la dbang ba phun sum tshogs pa dang/ rtag tu rmad du byung ba'i chos rnam pa sna tshogs phun sum tshogs pa ste/ ji skad du mdo las de bzhin gshegs pa'i sku la rdul gyis ma gos pa dang/ grong khyer du gshegs pa'i tshe sbrum ma rnams bde bar bces par 'gyur ba dang/ smyon pa rnams dran pa rnyed pa dang/ ngan song gi sems can rnams tshor ba bsrabs pa la sogs pa gsungs pa yin no/ /de ltar byas na sangs rgyas bcom ldan 'das rnams kyi chos dang zang zing yongs su 'dzin pa dang/ gzhan gyi don mdza' dag mdzad bar spyod pa dang/ de bzhed na rtag tu bzhugs par 'grub pa nyid dang/ de skyabs su 'os pa nyid kyis bstan pa yin te/ ye shes phun sum tshogs pa ni chos kyi sbyin pas bstan to/ /spangs pa phun sum tshogs pa ni zang zing yongs su 'dzin pa ste/ yin gnas khyad par can yin pa'i phyir ro/ /thugs rje phun sum tshogs pa ni gzhan gyi don mdzad pa spyod pas yongs su bstan to/ /mi zad pa phun sum tshogs pa na rtag tu bzhugs par 'grub pas so/ /mtshungs pa med pa phun sum tshogs ba ni skyabs su 'os pa gcig pus bstan to/ /tshigs su bcad pa 'dir gsung rab mdza' dag blangs shing kun tu blangs shing bshad par nus mod kyi shin tu 'phros pa yin pas bzhag go / chos la bstod pas yon tan phun sum tshogs pa rnam pa lnga bstan to/ /'dir chos rnam pa gsum gyis bstod pa la/ 'bras bu'i chos ni mya ngan las 'das pa'o/ /sgrub pa'i chos ni lam mo/ /bshad pa'i chos ni mdo'i sde la sogs pa'o/ /de la zhi ba zhes bya ba'i tshig gis dang po'i ni sdug bsngal dang kun 'byung ba dang bral ba dang bral ba phun sum tshogs pa ste/ rgyu dang bcas pa'i sdug bsngal thams cad nye bar zhi ba'i mtshan nyid yin pa'i phyir ro/ /gnas zhes bya bas ni rtag pa nyid phun sum tshogs pa yin te/ de kho na nyid las mi bskyod pa'i don gyis so/ /lam zhes bya bas sgrub pa'i chos kyi ni de thob par byed pa'i yon tan phun sum tshogs pa'o/ /lam gyi ched du byas zhes bya ba gsum pas ni de gsal bar byed pa'i yon tan phun sum tshogs pa'o/ /lam gyi ched du byas pa ni lam gyi ched du gang yin pa ste/ bshad pa'i chos so/ /yang gsum pa'i ni de la dmigs pa'i ye shes 'khor ba dang mi mthun pa nyid yon tan phun sum tshogs pa'o/ /gang zhig rab tu rtogs pas sa gsum 'di dag tu/ /'khor lo bzhin du 'gro ba 'di dag 'khor ba med/ /ces bya bas phyin ci ma log par bshad pa'i don rtogs pa'i stobs kyis/ mya ngan las 'das pa la zhi bar mthong ba dang/ lam la lam du 'du shes pa'i rim gyis 'khor ba las ldog par 'gyur ro/ /de la 'bras bu'i chos ni zhi ba nyid rnam pa bdun gyis rig par bya ste/ skye pa'i sdug bsngal zhi ba nyid dang/ rga ba'i sdug bsngal zhi ba nyid dang 'chi ba'i sdug bsngal zhi ba nyid dang/ phrad pa'i sdug bsngal zhi ba nyid dang/ bral ba'i sdug bsngal zhi ba nyid dang/ 'dod pa ma 'byor ba'i sdug bsngal zhi ba nyid dang/ phung po'i sdug bsngal zhi ba nyid do/ /ji skad du bcom ldan 'das/ kyi skye ba ni sdug bsngal ba'o/ /rga ba ni sdug bsngal ba'o/ /'chi ba ni sdug bsngal ba'o/ /mi sdug pa dang phrad pa ni sdug bsngal ba'o/ /sdug pa dang bral ba ni sdug bsngal ba'o/ /gang 'dod pa btsal te ma rnyed pa de yang sdug bsngal ba'o/ /mdor na nye bar len pa'i phung po ni sdug bsngal ba zhes gsungs te/ de dag gi bshad pa ni rnal 'byor spyod pa'i sa las blta bar bya'o/ /mi rtag pa rnam pa bzhi'i gnyen por rtag pa rnam pa bzhir rig par bya'o/ /mi rtag pa nyid rnam pa bzhi gang zhe na/ bsogs pa mi rtag pa nyid dang/ lus mi rtag pa nyid dang/ phrad pa mi rtag pa nyid dang/ 'chi ba mi rtag pa nyid do/ /ji skad du bcom ldan 'das kyis/ sogs pa dag ni mthar zad 'gyur/ /lus ni tha mar 'jig par 'gyur/ /'du ba tha ma bral bar 'gyur/ /srog ni mdza' mar 'chi bar 'gyur/ /zhes gsungs so/ /mya ngan las 'das pa la ni bsags pa dang/ lus dang/ sdug pa dang phrad pa srog gang mi rtag par 'gyur ba rnams yod pa ma yin no/ /sgrub pa'i chos kyi yang rnam pa bzhi ste/ thob par byed pa nyid phun sum tshogs pa yon po ma yin pa phun sum tshogs pa dang/ rgyun mi 'chad pa nyid phun sum tshogs pa dang/ gnod pa med pa nyid phun sum tshogs pa dang/ nye bar ston pa phun sum tshogs pa'o/ /de la 'di ni yon po ma yin pa nyid phun sum tshogs pa ste/ gang mya ngan las 'das pa'i grong khyer nyid du phyin par byed pa yin gyi/ 'khor ba'i grong khyer du ma yin pa'o/ /rgyun mi 'chad pa phun sum tshogs pa ni mya ngan las 'das pa dang 'brel pa'i phyir te/ bar chad pa ma yin zhing mi 'gyur bas so/ /gnod pa med pa nyid phun sum tshogs pa ni 'dod chags la sogs pa'i cho ma pos mi 'phrog pa'i phyir ro/ /nye bar ston pa phun sum tshogs pa ni chos la dga' ba'i zas dang ldan pa'i phyir ro/ /bshad pa'i chos lam gyi chos gsal bar byed pa yang rnam pa bzhi ste/ nye bar nyan pa nyid dang// nges par byed pa dang/ de'i tshogs gsal bar byed pa dang/ sgrib pa rnams rab tu nye bar ston pa'o/ /bshad pa'i chos kyis bya ba ni 'di dag tsam du zad de/ 'di lta ste 'di ni lam yin no zhes yang dag par nyan pa dang/ 'di nyid lam yin gyi gzhan ma yin no zhes nges par byed pa dang/ 'di ni lam gyi rgyu yin no zhes de'i tshogs gsal bar byed pa dang/ 'di ni lam gyi gags byed pa yin no zhes sgrib pa rab tu nye bar ston pa'o/ /de la lam gyi tshogs ni dran pa nye bar gzhag pa la sogs pa yin par rig bar bya'o/ /lam gyi sgrib pa ni ngan song bar nges pa'i las tshang bar yod pa dang/ nyon mongs pa drag po kun tu 'byung ba dang/ ngan 'gro dang/ byang gi sgra mi snyan pha dang/ 'du shes med pa'i sems can rnams te/ de dag ni nyon mongs pa dang/ las dang tshe'i sgrib pa rnams yin par ji ltar rigs par bya'o/ /de la dmigs pa'i shes pa 'khor ba dang mi mthun pa nyid phun sum tshogs pa yang rnam pa gsum ste/ rnam par rmongs pa dang mi mthun pa dang/ de'i rgyu kun tu 'byung ba dang mi mthun pa dang/ de shin tu kun tu 'byung ba dang mi mthun pa'o/ /de la dmigs pa'i shes pa yang gsum ste/ mnyan pa las byung ba dang/ bsam pa las byung ba dang/ bsgoms pa las byung ba'o// de la bsgoms pa las byung ba yang zag pa dang bcas pa dang/ zag pa med pa'o/ /mnyan pa las byung ba dang bsam pa las byung ba ni 'khor ba'i rgyu la rmongs pa dang mi mthun pa nyid kyis na mya ngan las 'das pa la zhi bar mthong ba yin gyi/ 'khor ba la ni ma yin no/ /lam la lam gyi 'du shes su 'gyur gyi/ lam ma yin pa la ni ma yin no/ /legs bar gsungs pa la legs par gsungs pa'i 'du shes 'byung gi nyes par bshad pa la ni ma yin no/ /bsgoms pa las byung ba zag pa dang bcas pa ni 'khor ba'i rgyu nyon mongs pa dang nye ba'i nyon mongs pa'i sa bon kun tu 'joms pa'i tshul gyis kun tu 'byung ba dang mi mthun pa yin no/ /zag pa med pa ni de'i bag la nyal rtsa nas 'byin par byed pas ni de dang shin tu mi mthun pa yin no/ /dge 'dun la bstod pas kyang yon tan phun sum tshogs pa rnam pa lnga bstan te/ mthong ba dang bsgom pas spang bar bya ba'i nyon mongs pa'i 'ching ba las grol ba nyid dang mang po gzhan dang gzhan dag las khyad par 'phags pa nyid dang/ yan lag bcu dang ldan pa nyid dang/ yan lag brgyad dang ldan pa nyid dang/ dbye ba rnam pa brgyad yin no/ /de la chags pa las 'das zhes bya ba'i tshig gis 'bras bu'i chos la gnas pa bstan te/ de lta ma yin na 'das par mi rung ngo/ /tshogs pa dag las shin tu 'das gyur nas zhes bya ba'i tshig gis ni sgrub pa'i chos dang bshad pa'i chos la gnas pa yin par bstan te/ de lta yin na ni de las 'das pa yin te/ sgrub pa'i chos la gnas pa yin pa'i phyir ro/ /bshad pa'i chos gsungs pa bzhin du rjes su 'brang na ni legs par zhugs pa yin no/ /chags pa las 'das pa yang rnam pa bzhi ste/ mthong bas spang bar bya ba'i nyon mongs pa ma lus pa las 'das pa ni dper na rgyun tu zhugs pa lta bu ste/ srid pa'i rtse mo ba'i tshogs gzhan dag ni de lta bu ma yin te/ ma spangs pa'i phyir ro/ /khams gsum gyi bsgom pas spang bar bya ba'i nyon mongs pa las 'das pa ni dper na dgra bcom pa lta bu ste/ tshogs gzhan dag ni srid pa'i rtse mo las 'das pa ma yin no/ /chags pa las shin tu yang dag par 'das pa ni/ dper na rgyun tu zhugs pa'i 'bras bu mngon du bya ba'i phyir 'jug pa lta bu ste/ de la chags pa thams cad las yang dag par 'das pa yod pa ma yin par 'dod kyang shin tu 'das pa ni yod pa kho na yin no/ /de 'dra bar tshogs gzhan dag ni ma yin no/ /de'i rnam par smin pa'i sa las yang dag par 'das pa yang yin no/ /lan cig phyir 'ong ba dang/ phyir mi 'ong ba dang/ dgra bcom pa'i 'bras bu la gnas pa la cig yongs su nyams su zin kyang de'i rnam par smin pa'i sar yang slar skye ba ni ma yin te/ mthong ba'i chos kho nas de dag spong bar byed pa'i phyir ro/ /ji skad du 'bras bu nyams te 'chi ba ma yin no zhes gsungs so/ /de 'dra bar tshogs gzhan dag ni ma yin no chags pa las 'das pa yang tshogs gzhan dag las khyad par du gyur pa nyid yin par bstan to/ /legs par zhugs pa yang rnam pa lnga ste/ tshul khrims kyis ni 'phags pa dgyes pa'i tshul khrims dang ldan pa'i phyir dang/ tshe rabs gzhan du yang rjes su 'brel lo/ /thos pas ni legs par gsungs pa'i chos thos pa las byung ba'i shes pa dang ldan pa'i phyir ro/ /bsams pas ni de la brtan na dgongs pa can rnams la nges pa dang ldan pa'i phyir ro/ /bsgoms pas ni bsgom pa'i lam zag pa med pa thob pa'i phyir ro/ /'bras bus ni de'i 'bras bu spangs pa dang ldan pa'i phyir ro/ /de yang mdor na rgyu dang bcas 'bras bu dang bcas pa legs par sgrub pa ji ltar rigs par bstan to/ /yan lag bcu zhes gang gsungs pa la yan lag bcu ni lam gyi yan lag brgyad dang/ yang dag par rnam par grol ba dang/ yang dag par rnam par grol ba'i ye shes mthong ba'o/ /de dag ni rnam par bzhag pa la yan lag gtso bo ni yang dag pa'i lta ba ste/ rab tu rnam par 'byed pa gtso bo yin pa'i phyir ro/ /mthong ba dang bsgom pa dang mi slob pa'i lam gyi yan lag rnams rab tu ston par byed pa'i yan lag ni yang dag pa'i rtog pa ste/ yang dag pa'i dag kun nas bslang ba'i tshig gis? rang gi khong du chud pa brjod pa'i phyir te/ skye ba zad do tshangs par spyod pa bsten to/ /zhes bya ba yin no/ /yid ches par byed pa'i yin lag ni yang dag pa'i ngag dang las kyi mdza' dang 'tsho ba ste/ yang dag pa'i tshig gis ni 'bel ba'i gtam rnam par nges par 'byed pa na 'jig rten las 'das pa'i shes rab la mngon par yid ches par 'gyur ro/ /yang dag pa'i las kyis mthas ni 'phags pa dgyes pa'i tshul tshul la mngon par yid ches par 'gyur te/ srog gi phyir yang ma yin pa mi byed pa'i phyir ro/ /yang dag pa'i 'tsho bas ni yo byad bsnyungs pa la yid ches par 'gyur te/ chos dang tshong zin pas chos gos la sogs pa tshol ba'i phyir ro/ /spong ba'i yan lag ni yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin te/ brtson 'grus brtsams na bsgom pas spang bar bya ba'i nyon mongs pa spong ba'i phyir ro/ /dran pa nye bar gnas na zhum pa dang rgod pa'i nye ba'i nyon mongs pa med pa'i phyir ro/ /ting nge 'dzin la brten na yon tan khyad par can mngon par sgrub pa'i gags dang bral ba'i phyir ro/ /'bras bu'i yan lag ni yang dag par grol ba'o/ /lam gyi 'bras bu yang rnam pa gnyis su rnam par bzhag ste/ nyon mongs pa spong ba ste rnam par grol ba dang/ lhag par mos pa'o/ /de la lhag par mos pa ni mi slob pa'i yan lag tu rnam par gzhag ste/ yan lag rnams kyis 'dus byas pa nyid yin pa'i phyir ro/ /yongs su gcod pa'i yan lag ni yang dag par rnam par grol ba'i ye shes mthong ba ste/ rnam par grol lo snyam du nges yang dag par rnam par grol ba yongs su gcod pa'i phyir ro/ /de ltar byas na mi slob pa'i dge 'dun ni rig pa dang zhabs su ldan pa dang de'i 'bras bu rnam par grol ba dang/ rnam par grol ba'i ye shes dang ldan pa'i yon tan phun sum tshogs par bstan pa yin no/ /yan lag brgyad dang ldan pa nyid ni slob pa'i dge 'dun gyi yon tan phun sum tshogs pa yin te/ rig pa dang zhabs su ldan pa'i phyir dang/ yang dag pa'i rnam par grol ba dang/ ye shes mthong ba gnyis med pa'i phyir ro/ /'ching pa lhag ma lus pa ni slob pa yin no/ /de bas na de dag yang dag pa'i rnam par grol bar mi bzhag ste/ 'ching ba phyogs gcig las grol ba ni grol ba ma yin no/ /de med pa'i phyir rnam par grol lo snyam pa'i rnam par grol ba'i ye shes mthong ba med pa yin te/ de mngon pa'i nga rgyal can gyi ye shes yin par thal bar 'gyur ba'i phyir ro/ /dbye ba brgyad ni gnyis ka'i yon tan phun sum tshogs pa yin te/ 'bras bu'i lam dang lam gyi 'bras bu'i bye brag rab tu ston pa'i phyir ro/ / zhugs pa bzhi 'bras bu'i lam gyi dbye bas dbye'o/ /'bras bu'i lam gyi dbye ba yang nyon mongs pa'i gnyen po tha dad pa'i phyir dang rgyu bsags pa tha dad pa'i phyir rig par bya'o/ /rgyun tu zhugs pa'i 'bras bu mngon du bya ba'i phyir zhugs pa'i lam ni mthong bas spang bar bya ba'i nyon mongs pa'i gnyen po dang/ mthong ba'i lam tsam gyi rgyu nye bar bsags pa yang yin na/ /lan cig phyir 'ong ba'i 'bras bu mngon du bya ba'i phyir zhugs pa'i lam ni bsgom pas spang bar bya ba 'dod ba'i khams na spyod pa'i nyon mongs pa'i phyogs gcig gi gnyen po dang/ mthong ba dang bsgom pa'i lam gyi rgyu nye bar bsags pa yin no/ /phyir mi 'ong ba'i 'bras bu mngon du bya ba'i phyir zhugs pa'i lam ni 'dod pa na spyod pa'i nyon mongs pa bsgom pas spang bar bya ba ma lus pa'i gnyen po dang/ mthong ba'i lam gyi rgyu nye bar bsags pa dang/ bsgom pa'i lam gyi rgyu lhag par nye bar bsags pa yang yin no/ /dgra bcom pa'i 'bras bu mngon du bya ba'i phyir zhugs pa'i lam ni bsgom pas spang bar bya ba'i gzugs dang gzugs med pa na spyod pa'i nyon mongs pa'i gnyen po dang/ mthong ba'i lam gyi rgyu nye bar bsags pa dang/ bsgom pa'i lam gyi rgyu lhag par nye bar bsags pa yang yin te/ lam dang 'bras bu'i bye brag ni spangs pa tha dad pa'i phyir ro/ /mthong bas spang bar bya ba'i nyon mongs pa spangs pa ni rgyun tu zhugs pa'i 'bras bu yin no/ /de nyid bsgom pas spang bar bya ba 'dod pa na spyod pa'i nyon mongs pa'i phyogs gcig spangs pa ni lan cig phyir 'ong ba'i 'bras bu yin no// 'dod pa na spyod pa'i bsgom pas spang bar bya ba lhag ma ma lus par spangs pa ni phyir mi 'ong ba'i 'bras bu yin no/ /de nyid gzugs dang gzugs med pa na spyod pa'i bsgom pas spang bar bya ba ni dgra bcom pa'i 'bras bu yin no/ /tshigs su bcad pa 'dir 'phags pa'i gang zag rnam par bzhag pa thams cad bshad par nus so/ /rten cing 'brel bar rab 'byung mngon par brjod pa'i mdo/ /cung zad nges par bshad pa dag ni brjod par 'dod/ /ces bya ba de la don brjod par byed pas na mdo sde'o/ /yang na don sprengs pas na mdo sde ste/ skud pa sprengs pa bzhin te/ rten cing 'brel par 'byung ba brjod pa zhes bya ba'i don gang yin pa'o/ /rten cing 'byung ba dang rten cing 'brel par 'byung ba'i sgra gnyis don tha dad pa med pas tha dad pa med pa yin pa'i phyir rten cing 'byung ba gzhan kho nar rjod pa ni rten cing 'brel bar 'byung ba gzhan kho na yin pa'i phyir te/ 'dir phyir zhes bya ba zhig kho nas dbyung bar blta bar bya'o/ /de lta ma yin na sgra'i tshig gi don gcig tu 'grub par 'gyur ro/ /yang na rten cing 'byung ba'i don de rjod pa gang gis rjod pa de rten cing 'byung ba rjod pa yin te/ de brjod pa ni mdo sde 'di yin te/ 'di lta ste rten cing 'byung ba rjod pa zhes bya ba yin yang rjod pa'i sgra cig khong nas phyung nas rten cing 'byung ba rjod pa zhes bya'o/ /de nyid kyi phyir mdo sde smos shing don kyang rten cing 'byung ba rjod pa yin pa'i phyir ro/ /yang na rten cing 'byung ba de mdo sde gang gis brjod pa de ni rten cing 'byung ba rjod pa yin te/ rten cing 'byung brjod pa'i phyir ro/ /yang na rten cing 'byung ba'i don gyi sgo nas rjod pa gang yin pa de rten cing 'byung ba rjod pa yin no/ /de ltar na don gyi sgo nas rjod pa yin zhe na/ sgo de nas rjod par byed pa'i phyir ro/ /'og nas kyang yi ge'i tshogs kyang skabs kyi don bzhin gdags so zhes 'byung ngo/ /yang na 'di la rjod par byed pa yin te gzhi la sgrub par byed do/ /mdo 'di ni rten cing 'brel par 'byung ba rjod pa yin pas de rten cing 'byung ba rjod pa yin te gzhi la brjod pa'i phyir ro/ /rten cing 'byung ba mngon brjod pa smos pa ni mdo gzhan gsal ba'i phyir ro/ /cung zad nges par bshad ces bya ba ni phyogs gcig nges par bshad pa zhes bya ba'i don gang yin pa ste/ sangs rgyas bcom ldan 'das rnams kyi mdo'i don nges par bshad pa ni mdza' yas te/ mdo sde rnams ni chos dang don dang nges pa'i tshig dang spobs pa so so yang dag pa'i rgyu las byung ba'i phyir ro/ /gtan la bab par ston pa ni nges par bshad pa yin te/ 'dis 'chad pa'i phyir byed pa la sgrub po/ /bdag ni brjod par 'dod ces bya ba ni smra bar bdag 'dod ces bya ba'i tha tshig go /bla ma la thos gzhan dag 'dod pa mthong nas kyang/ de la brten te cung zad rab tu brtags par bya/ zhes bya ba ni nye ba gsum gyi gnyen por de skad bstan te/ nyes pa gsum la yid mi ches pa de'i gnyen por ni/ bla ma la thos zhes bya ba yin par mngon te/ de ltar na bshad pa 'di ni yid ches su rung ba'i lung dang ldan pa yin par bstan to/ /the tshom gyi gnyen por smras pa ni/ gzhan dag 'dod pa mthong nas kyang zhes bya ba yin te/ de ltar bshad pa 'di ni don shin tu rnam bar nges pa yin no zhes bstan pa yin no/ /sgro 'dogs pa dang skur pa 'debs pa de'i gnyen por smras pa ni/ de la brten te cung zad rab tu brtag par bya/ zhes bya ba yin no/ /brtag par bya zhes bya ba ni dpyad par bya ba'i don gang yin pa'o/ /de la brten te zhes bya ba ni rten cing 'byung ba mngon par brjod pa'i mdo sde la brten nas so/ /yang na bla ma las thos pa'i mdo sde dang/ gzhan gyi man ngag mthong ba la brten nas zhes ston to/ /de ltar na med pa la sgro 'dogs par byed pa yang ma yin/ yod ba la skur ba 'debs par byed pa yang ma yin pas rtog pa'i nyes pa yongs su spangs pa yin no/ /mdo sde rten cing 'byung ba mngon par rjod pa yin par bstan du zin kyang yang mdo sde gang zhes bya ba ci'i phyir zhe na/ rten cing 'byung ba rjod pa gzhan ma yin par bsal ba'i phyir ro/ /rten cing 'byung ba mngon par rjod pa'i mdo sde ni gsung rab mang du bzhugs te/ 'di lta ste dge slong dag khyed la rten cing 'brel par 'byung ba dang rten cing 'brel bar 'byung ba'i chos bshad par bya'o zhes bya ba dang/ rten cing 'byung ba'i don yang mang du brjod de/ rgyu dang 'bras bur 'brel ba mngon par rjod byed pa'i phyir ro/ /ji skad du spre'u lta bu'i mdo der 'phags pa nyan thos thos pa dang ldan pa rnams rten cing 'brel par 'byung ba nyid la legs par rab tu tshul bzhin yid la byed pas so sor rtog ste/ 'di lta ste 'di yod pas 'di 'byung 'di skyes pas 'di skye ba ste/ 'di lta ste bde ba myong bar 'gyur ba'i reg pa la brten nas bde ba'i tshor ba skye bar 'gyur ro zhes bya ba la sogs pa gsungs so/ /de'i phyir dang po dang/ rnam par 'byed pa nyid bye brag tu bya ba'i phyir de nyid kyi dbang du byed pa ni/ dge slong dag khyed la rten cing 'brel par 'byung ba'i dang po rnam par dbye ba bstan gyi zhes bya ba ni mdo sde'o/ /ji ltar zhe na gleng gzhi ni mnyan yod na'o// der bcom ldan 'das kyis dge slong rnams la bka' stsal pa/ dge slong dag khyed la rten cing 'brel te 'byung ba'i dang po dang rnam par dbye ba bstan gyis de legs par nyon la shin tu yid la zung shig dang bshad do/ /rten cing 'brel par 'byung ba'i dang po gang zhe na/ 'di lta ste 'di yod na 'di 'byung 'di skyes pas 'di skye ba ste/ 'di lta ste/ ma rig pa'i rkyen gyis 'du byed 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug / skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ /sred pa'i rkyen gyis len pa/ lan pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang/ mya ngan dang smra sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung bar 'gyur te/ de ltar na sdug bsngal gyi phung po chen po 'di 'ba' zhig 'byung bar 'gyur ro/ /'di ni rten cing 'brel par 'byung ba dang po'o zhes bya'o/ /rten cing 'brel par 'byung ba'i rnam par dbye ba gang zhe na/ ma rig pa'i rkyen gyis 'du byed ces bya ba la/ ma rig pa gang zhe na/ gang de sngon gyi mdza' mi shes pa dang/ phyi ma'i mdza' mi shes pa dang/ sngon dang phyi ma'i mdza' mi shes pa dang/ nang mi shes pa dang/ phyi mi shes pa dang/ nang dang phyi mi shes pa dang/ las mi shes pa dang/ rnam par smin pa mi shes pa dang/ las dang rnam par smin pa mi shes pa dang/ sangs rgyas mi shes pa dang/ chos mi shes pa dang/ dge 'dun mi shes pa dang/ sdug bsngal mi shes pa dang/ kun 'byung ba mi shes pa dang/ 'gog pa dang lam mi shes pa dang/ rgyu mi shes pa dang/ rgyu las yang dag par byung ba'i chos mi shes pa dang/ dge ba dang mi dge ba dang/ kha na ma tho ba dang bcas pa dang/ kha na ma tho ba med pa dang/ bsten par bya ba dang/ bsten par bya ba ma yin pa dang/ ngan pa dang gya nom pa dang/ nag po dang/ dkar po dang/ rnam par dbye ba dang bcas pa'i rten cing 'brel par 'byung ba dang/ reg pa'i skye mched drug yang dag pa ji lta ba bzhin khong du mi chud pa dang/ gang de dang der yang dag pa ji lta ba bzhin du mi shes pa dang/ ma mthong ba dang/ mngon par ma rtog pa dang/ rmongs pa dang/ kun tu rmongs pa dang/ ma rig pa dang/ mun pa'i rnam pa zhes bya ba 'di ni ma rig pa zhes bya'o/ /ma rig pa'i rkyen gyis 'du byed ces bya ba la/ 'du byed gang zhe na/ 'du byed ni rnam gsum mo/ /gsum gang zhe na/ lus kyi 'du byed dang/ ngag gi 'du byed dang/ yid kyi 'du byed do/ /'du byed kyi rkyen gyis rnam par shes pa zhes bya ba la rnam par shes pa gang zhe na/ rnam par shes pa'i tshogs drug ste/ mig gi rnam par shes pa dang/ rna ba dang sna dang lce dang lus dang yid kyi rnam par shes pa'o/ /rnam par shes pa'i rkyen gyis ming dang gzugs zhes bya ba la ming gang zhe na/ gzugs can ma yin pa'i phung po bzhi ste/ tshor ba'i phung po dang/ 'du shes kyi phung po dang/ 'du byed kyi phung po dang/ rnam par shes pa'i phung po'o/ /gzugs gang zhe na/ gzugs gang yin pa ci yang rung/ de thams cad 'byung ba chen po bzhi dang/ 'byung ba chen po bzhi dag rgyur byas pa ste/ gzugs 'di dang snga ma'i ming gnyis gcig tu mngon par bsdus nas/ ming dang gzugs zhes bya'o/ /ming dang gzugs kyi rkyen gyis skye mched drug ces bya ba la/ skye mched drug gang zhe na/ nang gi skye mched drug ste/ mig nang gi skye mched dang/ rna ba dang/ sna dang/ lce dang/ lus dang/ yid nang gi skye mched do/ /skye mched drug gi rkyen gyis reg pa zhes bya ba la reg pa gang zhe na/ reg pa'i tshogs drug ste/ mig gi 'dus te reg pa dang/ rna ba dang/ sna dang/ lce dang/ lus dang/ yid kyi 'dus te reg pa'o/ /reg pa'i rkyen gyis tshor ba zhes bya ba la tshor ba gang zhe na/ tshor ba ni gsum ste/ bde ba dang/ sdug bsngal ba dang/ bde ba yang ma yin/ sdug bsngal ba yang ma yin pa'o/ /tshor ba'i rkyen gyis sred pa zhes bya ba la sred pa gang zhe na/ sred pa ni gsum ste/ 'dod pa'i sred pa dang/ gzugs kyi sred pa dang/ gzugs med pa'i sred pa'o/ /sred pa'i rkyen gyis len pa zhes bya ba la/ len pa gang zhe na/ len pa ni bzhi ste/ 'dod pa nye bar len pa dang/ lta ba nye bar len pa dang/ tshul khrims dang brtul zhugs nye bar len pa dang/ bdag tu smra ba nye bar len pa'o/ /len pa'i rkyen gyis srid pa zhes bya ba la srid pa gang zhe na/ srid pa ni gsum ste/ 'dod pa'i srid pa dang/ gzugs kyi srid pa dang/ gzugs med pa'i srid pa'o/ /srid pa'i rkyen gyis skye ba zhes bya ba la skye ba gang zhe na/ sems can rnams gang yin pa de dang sems can gyi ris de dang de dag tu skye ba gang yin pa dang/ shin tu skye ba dang/ 'pho ba dang/ rab tu 'byung ba dang/ phung po so sor thob pa dang/ khams so sor thob pa dang/ skye mched so sor thob pa dang/ phung po rnams mngon par 'grub pa dang/ srog gi dbang po rab tu skyes pa 'di ni skye ba zhes bya'o/ /skye ba'i rkyen gyis rga shi zhes bya ba la/ rga ba gang zhe na/ gang de'i spyi cher dang/ skra dkar dang/ gnyer ma 'tshigs pa dang/ 'khogs pa dang/ skur po dang/ rgu po dang/ 'khyor ba dang/ sha gnags pa dang/ lud pa lu ba dang/ dbugs rgod pa dang/ khar ba la brten pa dang/ mdo rtul ba dang/ zhan pa dang/ nyams pa dang/ yongs su nyams pa dang/ dbang po rnams rgud pa dang/ mi gsal ba dang/ 'du byed rnams rnyings pa dang/ 'jig? par nye ba 'di na rga ba zhes bya'o/ /'chi ba gang zhe na/ sems can gang yin pa de dang/ de dag sems can gyi ris de dang de dag nas 'chi ba dang/ 'pho ba dang 'jig pa dang/ nang rmugs pa dang/ tshe nyams pa dang/ drod yal ba dang/ srog gi dbang po 'gags pa dang/ phung po rnams 'dod ba dang/ shi ba dang/ dus byed pa 'di ni shi ba zhes bya ste/ shi ba 'di dang/ snga ma rga ba gnyis gcig tu bsdus nas rga shi zhes bya ba ste/ 'di ni rten cing 'brel par 'byung ba'i rnam par dbye ba'o/ /dge slong dag khyed la rten cing 'brel par 'byung ba'i dang po dang/ rnam par dbye ba bshad par bya'o zhes dag? gang smras pa de dag ni ngas smras pa de dag yin no/ /ci'i phyir 'di bstan ce na/ zhes bya ba ni mdo sde mdza' dag ston pa'i dgos pa 'dri ste/ dgos pa med par ni sangs rgyas bcom ldan 'das rnams chos mi ston pas mdo sde ston pa'i dgos pa brjod par bya dgos so/ /sangs rgyas kyi bka' i dgos pa ni nges par sems can gyi spyod pa'i dbang du byas pa ma yin nam/ de bas na dri mi dgos so zhe na/ sems can gyi spyod pa yang mang du yod la/ de bas na 'di gang gi gnyen por bstan pa'i dmigs mi phyed pas dgos pa nyid dri dgos te/ de'i phyir de ltar na sdug bsngal gyi phung po chen po 'ba' zhig 'byung bar 'gyur ro zhes bstan pa'i phyir ro zhes smras so/ /da ltar na zhes bya ba ni ji skad du ma rig pa'i rkyen gyis 'du byed rnams shes bya ba nas skye ba'i rkyen gyis rga shi zhes bya ba'i bar du bstan pa'i rnam pa de dag gis na zhes bya ba'o/ /'di zhes bya ba ni skye ba dang rga shi la sogs pa dang/ 'du byed la sogs pa'i zhes bstan to/ /sdug bsngal gyi phung po zhes bya ba ni sdug bsngal gyi tshogs so/ /chen po zhes bya ba ni thog ma med pa'i dus can no/ 'ba' zhig ces bya ba ni bdag dang bdag gi dang bral ba'o/ /'byung bar 'gyur ro zhes bya ba ni skye bar 'gyur ro zhes bya'o/ /spyod pa spang ba ni bstan pa dgos pa yin gyi/ sdug bsngal gyi bden pa rab tu 'jug pa tsam bstan pa ma yin no snyam nas bstan pa de yang ci'i phyir zhe na/ de'i phyir kha cig ni bdag med na ji ltar 'khor bar 'gyur zhes mi shes pa dang/ the tsom dang log par shes pa dang ldan pa de dag bsal ba'i phyir ro zhe'o zhes smras te/ mdo sde 'di las ni 'khor bar 'jug pa'i rim pa 'di bstan pa yin la/ de yang bdag med par ni 'ba' zhig ces gsungs pa'i phyir ro/ /de bas na de ni 'di'i dgos pa dmigs pa'i dmigs kyis bstan pa yin no/ /de la mi shes pa dang ldan pa zhes bya ba 'dis ni ma 'dres pa'i ma rig pa bstan to/ /the tsom gyi shes pa dang ldan pa zhes bya ba 'dis ni the tsom dang mtshungs par ldan pa yin te/ ci bdag med par yang 'khor ba yin nam/ 'on te bdag yod pa yin snyam pa'o/ /log par shes pa dang ldan pa zhes bya ba 'dis ni bdag yod na ni 'khor bar 'gyur gyi bdag med na ni ma yin no zhes log par shes pa tshul bzhin ma yin pa yid la byed pa dang mtshungs par ldan pa'i ma rig pa bstan pa yin no/ /ma rig pa la spyod pa'i gnyen po ni 'di yin par mngon no/ /mi shes pa rnam par log na ni the tsom gyi shes pa dang/ log par shes pa yang rnam par ldog par 'gyur te/ des kun nas slang ba nyid kyi phyir ro/ /de ltar de dag bstan pas ni mi shes pa dang/ the tsom gyi shes pa dang/ log par shes pa rnams kun tu 'byung ba rnam par ldog par 'gyur ro/ /bsgom pa'i tshul gyis ni gtan nas ldog rnam par ldog par 'gyur ro/ /bdag ni bdag tu lta ba dang sred pa'i gnyen po'i phyir yin par mthong ngo/ /zhes bya ba ni slob dpon rang gi bsam pa ston par byed do/ /'dir dgos pa de yin gyi sngar bstan pa nyid ma yin no/ /zhes bya bar ji ltar nges par bya zhe na/ de'i phyir de ltar na bdag med par sdug bsngal 'byung bar bstan pas stong pa nyid dang smon pa med pa dang/ rjes su mthun par bya ba yin no zhes bya ba smras te/ bdag med pa ni stong pa nyid dang/ rjes su mthun par bstan pa'i phyir ro/ /de la stong pa nyid ni bdag med pa dang/ stong pa'i rnam pa dang mtshungs par ldan pa'i ting nge 'dzin gyi rnam pa yin no/ /sdug bsngal 'byung zhes bya ba ni smon pa med pa dang rjes su mthun par bstan pa'i phyir ro/ /de yang stong pa nyid dang bdag med pa'i rnam pa gnyis dang/ 'gog pa'i rnam pa rnams ma gtogs par mi rtag pa dang/ sdug bsngal ba la sogs par mthong ba'i rnam pa can gyi ting nge 'dzin to/ /ci'i phyir mtshan ma med pa dang rjes su mthun pa ma yin zhe na/ 'di ltar 'di ni 'jug pa'i rim pa bstan pa brtsams pa yin gyi ldog pa'i rim pa ni ma yin pa'i phyir ro/ /de lta ma yin na rnam par thar ba'i sgo gsum yin pas/ mtshan ma med pa yang brjod par bya dgos par 'gyur ro/ /gdul bya ci 'dra ba zhig la yin zhe na/ bdag tu lta ba can dang 'khor ba'i nyes pa ma mthong ba rnams la zhes bya ba yin te/ spyod pa'i bye brag gis gang zag bye brag tu bya ba'i phyir te/ bdag tu lta ba la spyod pa rnams dang/ srid pa la sred pa spyod pa'i gdul bya rnams la bdag tu lta ba dang sred pa'i gnyen por 'di bshad pa yin no/ /srid pa'i nyes pa ma rtogs pa rnams ni srid pa la sred pa lhag par 'byung bar 'gyur ro/ /'jig tshogs la lta ba rnams ni nye bar len pa'i phung po rnams la bdag dang bdag gir mngon par zhen nas nyes pa ma mthong nas mngon par zhen cing tshol bar byed de/ bdag tu lta ba sngon du song ba nyid kyi srid pa la srid pa yin par khong du chud par bya'o/ sngar sdug bsngal gyi phung po zhes bya ba dgos pa smos pa 'dod pa yin na/ sngar dgos pa ji ltar bstan pa bzhin du/ dgos pa 'di yang yin par ci'i phyir mi 'dod/ yang na bstan ma thag pa ji ltar dgos pa yin par 'dod pa de bzhin du/ 'di yang yin par ci'i phyir mi 'dod/ gal te 'di dag nyid dgos pa yin par bsams par gyur na ni 'dir yang gi sgra shin tu 'dod par bya ba yin no/ /dgos pa gang zhe na/ de'i phyir ji skad du mdo gzhan las ji ltar 'phags pa nyan thos thos pa dang ldan pas rten cing 'brel par 'byung ba dang/ rten cing 'brel par 'byung ba'i chos rnams yang dag pa ji lta ba de bzhin du yang dag pa'i shes rab kyis legs par mthong ba yin/ legs par rtogs par yod la byas/ legs par bsten/ legs par 'dris pa de ni ci bdag sngon gyi dus na byung dam/ ma byung ba yin/ sngon bdag ji lta bu zhig tu byung/ bdag ji ltar byung bar gyur ces de sngon gyi mthar rjes su 'brang ba ma yin/ ci ma 'ongs pa'i dus na 'byung bar 'gyur ram 'on te 'byung bar mi 'gyur/ ji lta bu zhig tu 'byung bar 'gyur/ ji ltar 'byung bar 'gyur zhes phyi ma'i mdza' i rjes su 'brangs pa ma yin no/ /nang la yang 'di ci zhig yin/ 'di ji ltar yin yod pa 'di dag ci yin/ gang zhig 'byung bar 'gyur/ sems can 'di dag gang nas 'ongs/ 'di nas shi ste gar 'gro bar 'gyur zhes ci ltar yang the tsom med do/ /de bzhin du ka tya'i bu 'jig rten kun 'byung ba rnams yang dag pa ji lta ba bzhin du yang dag pa'i shes rab kyis mthong ba gang yin pa de ni 'jig rten la med pa nyid yin no zhes bya bar mi 'gyur ro zhes bya ba'i bar du gsungs so/ /mdor na sngon gyi mdza' dang phyi ma'i mdza' dang/ dbus la rmongs pa bzlog pa dang/ log par ltar bzlog pa yang 'di'i dgos pa yin par bstan to/ /dgos pa yin par mthong na/ bcom ldan 'das kyis dgos pa yin par ma gsungs sam zhe na/ de'i phyir bdag tu lta ba spangs pa kho nas de dag thams cad mi 'byung bas de nyid 'dir dgos pa'i rtsa ba yin la gang yin pa de nyid mdo sde 'dir bcom ldan 'das kyis bstan to/ /zhes bya ba la 'di skad bstan to/ /dgos pa 'di yod mod kyi dgos pa'i rtsa ba ma yin no/ /bdag tu lta ba spangs pa sngon du song ba yin pa'i phyir/ dgos pa'i rtsa ba yin par 'dir 'dod do/ /de bas na gang mdo sde las gsungs pa de nyid 'dir 'dod pa yin no/ /de lta ma yin na mya ngan las 'das pa'i bar yang 'dir dgos pa yin par brjod par bya dgos par 'gyur ro/ /gal te dgos pa'i rtsa ba brjod par bzhed pa ma yin na nyon mongs pa'i kun nas nyon mongs pa yang lta ba'i kun nas nyon mongs pa'i rgyu can du mi 'gyur ro/ /de bas na 'jig tshogs la lta ba spangs pa'i phyir shing gi rtsa ba rgyas pa bcad pa bzhin du nyon mongs pa'i kun nas nyon mongs pa thams cad rnam par zhig par 'gyur zhing rim gyis mya ngan las 'das pa yang thob par 'gyur ro/ /rten cing 'brel par 'byung ba zhes bya ba ni yan lag snga ma la brten nas 'brel bar phyi ma 'byung ba'o zhes bya ba la ji skad du dge slong dag rten cing 'brel par 'byung ba'i dang po bshad par bya'o zhes gsungs pa 'di gang zhe na/ de'i phyir yan lag snga ma la brten nas 'brel par phyi ma 'byung ba ni rten cing 'brel par 'byung ba zhes bya'o/ /yan lag snga ma zhes bya ba ni sngar skyes pa la'o/ /rten nas zhes bya ba ni de yod na zhes bya ba yin te/ rkyen de dang 'brel pa zhes bya ste/ yan lag snga ma 'jig pa'i bar du mchod pa ste/ rgyu 'jig pa dang 'bras bu'i bdag nyid kyi dus gnyis dus tha dad pa med pa'i phyir ro/ /'byung ba zhes bya ba ni rab tu skye ba'o/ /'dir rten cing zhes bya ba'i sgra ni rgyu yod par ston par byed pa yin no// 'brel ba'i sgra ni 'brel pa la bya'o/ /de nyid kyi phyir 'di skad du rgyu yod na 'jig pa bar du ma chod par 'byung ba ni rten cing 'brel par 'byung ba yin no zhes bya bar sbyar ro/ /de ltar byas na 'das pa las gang yang skye ba med do zhes bstan pa yin la/ 'bras bu'i dus na yang rgyu yod pa nyid du mi 'gyur te/ de 'jig pa nyid de'i dus yin pa'i phyir ro/ /de ltar byas na rten cing 'brel par 'byung ba 'chad pa gang yin pa de yang rten cing 'brel par 'byung ba zhes bya'o/ /de ji ltar rten cing 'brel par 'byung ba zhes bya zhe na/ de'i phyir de nyid ni dbang du byas nas 'chad pa'i yi ge yang don bzhin du gdags te zhes rgyas par smos so/ /don ces bya ba ni skabs kyi don ces bya ba ste 'di ni las la sgrub pa yin no/ /ji ltar don dam pa stong pa nyid kyi chos kyi rnam grangs bzhin no/ /zhes bya ba la don dam pa stong pa nyid ni ting nge 'dzin gyi ngo bo'i don no/ /de'i dbang du byas nas bshad pa'i chos kyi rnam grangs 'chad pa'i ngo bo de la yang don dam pa stong pa nyid ces gdags so/ /'jig rten na yang khar ba bsad pa dang rin po che phrogs pa bzhin no/ /zhes bya ba ni bsad pa dang phrogs pa'i don gyi dbang du byas pa'i yi ge gang yin pa de la yang khar ba bsad pa dang rin po che phrogs pa zhes nye bar gdags so/ / de'i phyir rten cing 'brel par 'byung ba'i dang po dang rnam par dbye ba bshad par bya'o zhes 'chad pa de yang yin par rig par bya'o/ /rten cing zhes bya ba ni rkyen de las zhes bya ste/ ji ltar bud shing la brten nas ma 'byung ngo zhes bya ba rten de las shes bya bar mngon no/ /sprin la brten nas char 'bab po zhes bya ba sprin 'dus pa las zhes bya bar mngon no/ /gangs ri la brten nas sman rnams skye'o bya ba gzhi de las shes bya bar mngon no zhes bya ba yin no/ /yan lag snga ma la brten nas shes smras pa gang yin pa de ji ltar yan lag snga ma la brten nas phyis 'bras bu 'byung bar 'gyur zhe na/ de'i phyir rkyen de las zhes 'dir tshig rnam par dbye ba gsal ba yin par blta bar bya'o/ /'chad pa 'di'i 'jig rten na grags pa'i don ston pa ni sngar bud shing la brten nas phyis me 'byung ba ma yin no/ /de bzhin du sngar gangs ri la brten nas sman rnams phyis 'byung zhes bya ba'i bar du ma yin te/ sngar med pa'i phyir ro/ /ji ltar khrus byas nas zas za ba lta bur dus snga phyi nyid ni ma yin no zhes bya ba ni ji ltar sngar khrus byas nas phyis zas za ba lta bur snga phyi yod pa ma yin te/ 'dir don de ma yin par rig par bya'o zhes ston to/ /don de nyid bcom ldan 'das kyis mdo gzhan las ston pa ni rten cing 'brel par 'byung ba gang zhe na/ 'di lta ste 'di yod na 'di 'byung 'di skyes pas 'di skye ba ste zhes bya ba yin no/ /rgyu'i don yin te/ dus sngar bya ba byed pa'i don ma yin na ji ltar 'di brten te zhes bya ba'i sgrub pa shes par 'gyur zhe na zhes bya ba ni don de lta bu ston pa yin no zhes bya ba ni brten nas shes bya ba gang smras pa yin te/ 'di ni rgyu de dang rkyen de las zhes bya ba yin no/ /ji ltar don 'di bstan ce na/ 'di ltar 'di yod na 'di 'byung 'di skyes pas 'di skye ba zhes bya ba yin no/ /de ltar na brten te zhes bya ba 'di ni bcom ldan 'das kyis rgyu'i don du rab tu bstan to/ /brda spros pa ba kha cig kyang byed pa po mi mthun pa ni rgyu'i don yin par sngon gyi slob dpon dag smra'o zhes bya ba la sogs pa 'don to/ /de zhes bya ba ni rtan cing 'brel par 'byung ba'o/ /khyed la zhes bya ba ni zhes bya ba'i khyed kyi sgra de ni bzhi ba'i don dang gnyis pa mang po'i tshig tu 'chad par ston pa yin gyi bod pa'i ched ni ma yin te/ khyed ces bya ba khyed cag la'am/ khyed cag gi ched du bsten pa yin no zhes bstan to/ /dge slong dag ces bya ba ni bod ba ste/ sems gzhan du song ba'i dge slong rnams de mngon du bya ba'i phyir ro/ /zhes bya ba ni rten cing 'brel par 'byung ba'i dang po rnam par dbye ba 'chad pa mngon du bya ba'i phyir zhes bya ba'i don gang yin pa'o/ /ci'i phyir dge slong rnams kho na yin gyi/ 'khor gzhan dge slong ma dang/ dge bsnyen dang/ dge bsnyen ma'i 'khor de dag ma yin zhe na/ de'i phyir mchog yin pa'i phyir dang zhes bya ba la sogs pa smos te/ de la mchog nyid ni sngar khong du chud pa yin pa'i phyir ro/ /de bas na sras kyi gtso bo yin pa'i phyir de dag kho na dang por bod par rig pa yin no/ /gtso bo yin pa'i phyir dang zhes bya ba ni de las nges par skyes pa'i phyir ram/ gzhan pas gtso bo yin pa'i phyir ram/ yon tan phun sum tshogs pa thams cad kyi gzhir 'gyur ba'i phyir ro/ /nye ba yin pa'i phyir dang zhes bya ba ni mchog yin pa'i phyir dang gtso bo yin pa'i phyir gzhan dag pas sbyin snga na 'dug pa yin pa'i phyir ro/ /rtag tu 'dug pa yin pa'i phyir dang zhes bya ba ni skyes pa dang rab tu byung ba skal ba mnyam pa yin pa'i phyir de dag rtag tu rjes su 'brang ba yin pa'i phyir ro/ /'dzin nus pa dang ldan pa'i phyir ro zhes bya ba ni 'khrugs pa ma yin pa nyid kyis na dran pa shin tu nye bar gnas pa yin pa'i phyir dang/ skyes bu'i rtsal gyi dbang gis shes rab mchog dang ldan pa'i phyir ro/ /btsun pa sgra gcan 'dzin bzang po ni yon tan dang sprul pa'i sgo nas da lta bu yin par bstan pa'i phyir ro/ /dang po yang bstan par bya'o/ /rnam par dbye ba yang bstan par bya'o zhes gsungs pa'i dang po gang yin/ rnam par dbye ba yang gang zhe na/ de'i phyir dang po zhes bya ba ni bstan pa ste zhes smras so/ /'di don gang gis bzhag ce na/ de'i phyir rnam par 'chad pa bas de snga ba'i phyir te zhes smras te bstan pa sde ba yin pa'i phyir zhes bya ba'i tha tshig ste/ bstan pa ni mdo'i tshig go /rnam par 'chad pa ni rgyas pa'i tshig yin no/ /bsdus pa dang rgyas par so sor bstan ces bya bar grub pa yin no/ /rnam par 'chad pa bas bstan pa de snga ba'i phyir te/ de'i sgo nas 'di ltar rten cing 'brel par 'byung ba sdud pa'i phyir ro/ /zhes bya ba la de'i sgo nas shes bya ba ni dang po'i sgo de nas rten cing 'brel par 'byung ba sdud cing 'jog pa ste/ rten cing 'brel par 'byung ba'i don dang rten cing 'brel par 'byung ba'i yi ge rnams spyi'i tshig gis bye brag gi tshig 'dod pa yin pa'i phyir ro/ /de ltar na sdud pa yin pa'i phyir zhes bya bas 'di'i bya ba byed pa'i tshig bstan pa yin no// //rten cing 'brel par 'byung ba dang po dang rnam par dbye ba bstan pa rgya cher 'grel pa/ bam po gnyis pa/ rnam par dbye ba zhes bya ba ni nges par 'chad pa ste zhes bya ba ni 'dis rnam par 'byed pas na rnam par 'byed pa ste/ rnam par 'chad pas bstan pa mdor byas pa rnam par 'byed pa'i phyir ro/ /nges par 'chad pa ni bstan pa'i tshig yin te/ bstan pa'i don bde blag tu khong du chud par bya ba'i phyir dang/ nges par 'chad pa tshegs chung ngus bde blag tu 'dzin par bya ba'i phyir dang/ mdo dang 'grel pa lta bu yin pa'i phyir dang zhes bya ba la 'grel pa lta bu ni nges par 'chad pa yin no/ /mdo lta bu ni bstan pa yin no/ /de bas na mdo lta bu bsdus pa'i don mdor bstan pa yin pa rnams 'grel pa lta bu nges par 'chad pas rnam par dbye ba byas na bde blag du khong du chud par 'gyur ro// gal te de ltar na rnam par 'chad pa kho na bya dgos kyi bstan pa ni mi dgos so zhe na/ de'i phyir nges par 'chad pa tshegs chung ngus bde blag tu 'dzin par bya ba'i phyir zhes bya ba smos te/ /bstan pa ni nyung la nges par 'chad pa ni mang ba yin no/ /spyi'i tshig dang bye brag gi tshig yin par 'dod do zhes bya ba ni spyi'i tshig lta bu ni bstan pa yin la/ bye brag gi tshig lta bu ni nges par 'chad pa yin no/ /tshegs chung ngus bde blag tu 'dzin par bya ba'i phyir zhes bya ba ni spyi dran pa'i rgyu bye brag yin pa'i phyir ro/ /skyon rnam pa gnyis kyi gnyen por yang bstan pa yin te/ skyon rnam pa gnyis ni sgrub pa'i skyon dang dran pa'i skyon no/ /de bas na de ltar na legs par bshad par 'gyur te/ mdo dang rgyas par yang bshad pa'i phyir ro zhes bya bar smos te/ 'ga' zhig smos na ni cig shos kyi skyon dang ldan pa'i phyir ro/ /spros na go ba dang mdos go ba'i gang zag la yang bltos pa ni nges par 'chad pa ni bstan pa'i tshig yin te zhes bya ba yin no/ /bstan gyis zhes bya ba ni dang po dang rnam par dbye ba zhes bya ba 'chad pa 'jug pa la bya bar mngon te zhes bya ba ni chos kyi rnam grangs 'di la dang po dang rnam par dbye ba zhes bya ba'i sgras de nyid mdo dang rgyas par 'chad pa ston pa yin no/ /'chad pa de yang gang zhe na/ 'jug pa la bya bar mngon te zhes bya ba smos te/ 'jug pa ni mngon par sgrub pa dang 'byung ba zhes bya ba don gcig pa yin no/ /de nyid kyi phyir ji ltar gzhan du chos bshad par bya'o zhes smos na/ mdo la sogs pa'i chos las de 'chad pa gzhan ma yin pa dang zhes bya ba smos te/ gsung rab las grags pa dper byed do/ /'jig rten ni yang tshig gcig brjod do zhes/ zhes smra ba po ston par byed na tshig las tshig gzhan yod pa ma yin pa bzhin no zhes bya ba ni 'jig rten na grags pa dper byed pa yin no/ /ston to zhes mi bya 'am zhe na/ byas na ni stan par bya ba dang/ ston par byed pa 'brel ba med par 'gyur ba'i phyir dang/ nye bar brtags pa ma yin par 'gyur ba'i phyir ro/ /nye bar brtags pa yin na ni bstan par bya ba dang/ ston pa po 'brel pa yin no/ /yi ges don ston pa bzhin du bcom ldan 'das de ston pa bzhin du ston ji ltar ston par byed pas na tha snyad tsam yin par blta bar bya'o/ /de zhes bya ba 'di ni tshig 'god pa'am zhes bya ba ni tshig 'jog pa ste/ ming thams cad bsal ba'i phyir ro/ /de bas na zhes byan gang gi phyir bstan par bya'o zhes bya ba de bas na yon cig ces ston par byed do/ /de lta ma yin na ni skyon rnam pa gsum gyis bshad pa don yod par mi 'gyur te/ ji lta zhe na 'di lta ma yin te/ ci ste gtong par byed pa dang/ phyin ci ma log pa dang gus pas nyan zhing sbyor bar byed na zhes dgongs pa'o/ /ji lta zhen de'i phyir rnam par g.yeng ba'i skyon gyis yi ge mi thos pa de'i gnyen por legs par nyon la zhes smos te rna gtong pa la sbyor bar byed do/ /shes rab kyi ston gyis ni yi ge'i don phyin ci log tu 'dzin pa'i phyir swasti dang a ri shta la sogs pa bzhin no/ /zhes bya ba ni bshad pa 'di la swastis shes rab kyi skyon gyis yi ges don ji ltar log par zin pa ni 'di lta ste/ shi ba dus las 'das pa dang/ gnyen rnams kyis lus ni mes sreg par byed/ chung skur bar byed/ sa dong du 'jug par byed pa 'am/ byol song gi skye gnas su gtogs pa'i srog chags rnam pa du mas ni za bar byed pa'am/ rlung dang nyi ma gnyis kyis bskams shing yongs su zad pa dang gtugs par 'gyur ro/ /gang yang sems zhes bya ba dang/ yid ces bya ba dang/ rnam par shes pa zhes bya ba gang yin pa 'di ni yun ring por de la dad pas yongs bsgos shing/ tshul khrims dang/ thos pa dang/ gtong ba dang/ shes rab yongs su bsgos te/ gong du 'gro bar 'gyur/ khyad par du 'gro bar 'gyur la/ shi 'phos nas kyang mtho ris su 'gro bar 'gyur zhes bya ba la lta bar gtogs pa byung ba ni 'di lta bu yin te/ bdag gis bcom ldan 'das kyis gsungs pa'i don khong du chud de/ rnam par shes pa gang yin pa de ni mtshams sbyor bar byed pa yin/ 'khor ba yin te ma tshang ba med pa/ gzhan du 'gyur ba ma yin no zhes bya ba yin no/ /de bzhin du 'di la a rishtas kyang 'di lta ste/ kye gau ta ma dge slong yang zhog /dge slong ma yang zhog dge bsnyen tshangs par spyod pa yang zhog / dge bsnyen ma tshangs par spyod pa yang zhog la/ dge bsnyen kha cig 'dod pa'i longs spyod ? na chos 'dul ba 'di la/ dogs pa dang the tshom spangs pa dag mchis te/ de dag kyang 'di la dge bsnyen du gyur pa gcig gnyis ma lags/ lnga brgya ma lags kyi/ de bas kyang shin tu mang ba'i dge bsnyen gang dag bu rnams bsten par bgyid/ mal stan rnams la chags par bgyi/ bgo ba bzang po rnams bsten par bgyid/ phreng ba dang byug pa 'chad par bgyid/ gser dang dngul bdag gir bgyid/ chung ma dang bran po dang bran mo dang/ las byed pa'i mi rnams 'khol bar bgyid pa dag lha dang mi dag tu lan bdun skye ba blangs nas shi ste/ sdug bsngal gyi mthar 'byin par 'gyur ro zhes bya ba la/ lta bar gtogs pa skyes pa ni 'di yin te bcom ldan 'das kyis 'dod pa ni bar du gcod pa yin par gsungs pa de bstan kyang bar du gcod par mi 'gyur ro zhes bya ba yin no/ /sogs pa'i sgras ni gzhan dag la yang sbyar bar bya'o/ /de'i gnyen por legs par zhes bya ba yin te/ phyin ci ma log par 'dzin pa la sbyor ba yin no/ /'dun pa gzhan pa'i skyon gyis ni ma gus pas gzung ba mi 'dzin pa'i phyir ro/ /de'i gnyen por shin tu zhes bya ba yin te/ gus par 'dzin pa la sbyor ba yin no/ /snod kha phub pa dang mi gtsang ba dang/ zhabs rdol gyi nang du char bab pa don med pa yin te/ de'i nang du mi 'jug pa dang/ rnam par gyur pa dang/ mi gnas pa'i phyir ro zhes bya ba la snod kha phub pa lta bu ni rnam par g.yeng ba'i skyon yin par rig par bya ste/ der ni yi ge nyid kyi mi 'jug ste/ /snod kha phub pa la char bab ba bzhin no/ /snod mi gtsang ba lta bur ni shes rab kyi skyon yod pa yin par rig par bya ste/ der gal te zhugs su zin kyang phyin ci log gis rnam par gyur par 'dug ste/ snod mi gtsang ba'i nang na char bab pa dri la sogs pa rnam par gyur pa bzhin no// snod zhabs rdol lta bu ni 'dun pa zhan pa'i skyon yin par blta ste/ nang du lon cing gyur pa med du zin kyang mi gnas pa'i phyir te/ snod zhabs rdil du chur bab pa bzhin no/ /de lta na ni bshad kyi gzhan du na mi byed do zhes bstan pa'i phyir dang zhes bya ba ni gal te legs par shin tu yid la byed cing nyan na zhes dgongs pa'o/ /'dis ni chos 'chad par dam 'cha' ba bye brag tu byed pa yin te/ sangs rgyas bcom ldan 'das rnams kyi chos 'chad pa ni don med pa yin/ de lta yin na chos 'chad pa don yod pa yin gyi gzhan du ma yin no/ /nga yang legs par shin tu 'chad do zhes sbyar ba'i phyir ro/ /zhes bya ba ni sangs rgyas bcom ldan 'das rnams kyi chos 'chad pa ni ma legs pa dang shin tu ma yin par mi 'chad mos kyis/ 'on kyang de skad gsungs pa ni gdul bya rnams nye bar 'dun par bya ba'i phyir ro/ /nga ni 'chad par zad kyi khyed rnams kyi ni nan tan gyis bsgrubs shig ces bstan pa'i yang phyir ro zhes bya ba ni chos la sgrub pa snying por bya bar rab tu bstan pa yin no/ /chos thos pa tsam gyis rtogs pa'i 'bras bu dang 'brel par mi 'gyur bas gzhan gyis dri bar bya ba'i skabs su tshig de rang nyid kyi yin te/ de ma thag tu gtam 'phro 'chad pa'i nyes pa yongs su spang ba'i phyir dang/ 'jigs nas zhu mi nus pa dang ldan pa rnams la phan gdags pa'i phyir dang/ sems rtse gcig tu byas pa rnams tshig dang spyod lam tha dad pa rnam par g.yeng bar 'gyur ba'i nyes pa yongs su spang pa'i phyir ro zhes bya ba ni nyes pa gsum gyi gnyen por 'di gsungs te/ nyes pa gsum ni dus 'das pa'i nyes pa dang/ 'jigs pa'i nyes pa dang/ rnam par g.yang ba'i nyes pa'o/ /de ma thag tu gtam 'phro 'chad pa ni 'chi bar 'gyur te/ dus las thal ba yin no/ /ji skad du dbang po dang ni bsam pa dang/ /dus dang 'dod bltos lus can la/ /gang phyir drang srong chos 'chad pa/ /de phyir bshad 'di don med min/ zhes gsungs so/ /bcom ldan 'das cang mi gsung bar gyur pa dang/ bdag cag gis dri bar bya ba yin no/ /'jigs nas zhu mi nus pa dang ldan pa ni 'jigs pa skye ba yin te/ de la 'jigs pa ni sems las byung ba'i chos yin te/ 'jigs pa ni zhu mi nus pa'i rgyu yin no/ /bla gos phrag pa gcig tu gzang te/ pus mo g.yas pa'i lha ngas la btsugs nas thal mo sbyar te/ bcom ldan 'das la zhu bar byed na/ tshig dang spyod lam tha dad pas rnam par g.yeng bar 'gyur ba'i nyes pa 'byung ngo/ /de la sngar sems rtse gcig tu byas pa yin par ni bcom ldan 'das kyis legs par nyon la shin tu zhes gsungs pa'i phyir ro/ /de bas na skyon gsum yongs su spang ba'i phyir/ gzhan gyis dri bar bya ba'i skabs su bcom ldan 'das thugs rje chen po mnga' bas rten cing 'brel bar 'byung ba dang po gang zhe na/ zhes rang nyid kyis dri ba mdzad do/ /'di lta ste zhes bya ba'i tshig sbyor ba 'di ni dang po bshad pa rtsom par bstan pa'i phyir de bshad par rtsom pa gang yin pa de ni rten cing 'brel par 'byung ba'i dang po yin no zhes bstan pa'i phyir ro/ /'di lta ste zhes bya ba ni mdza' dag de'i rtsom pa ston par byed pa'i phyir ro/ /'di yod na 'di 'byung 'di skye bas 'di skye ba ste zhes bya ba ni rten cing 'brel bar 'byung ba'i dang po dbye ba med par 'chad pa yin te/ yan lag rnams mi sgrogs pa'i phyir ro/ /'di lta ste ma rig pa'i rkyen gyis 'du byed ces bya ba ni yan lag rnams phye nas sgrogs pa'i phyir ro zhes bya ba ni rten cing 'brel bar 'byung ba'i don gyi mtshan nyid ni rnam pa gnyis te/ rnam par dbye ba med pa dang dbye ba'o/ /de la sngar rgyu yod par gyur na/ 'du byed rnams 'byung ba 'di ni rten cing 'brel par 'byung ba dbye ba med pa yin no/ /de yang ma byung ba las byung ba 'am/ btags pa'i chos la ni dngos su dbye bar mi nus pa'i phyir ro/ /yan lag bye ba 'di'i dbye ba bstan pa yin no/ /de la yul dbye ba med par ston pa ni dbye ba med pa'i rten cing 'drel bar 'byung ba'i dbang po zhes bya'o/ /de nyid kyi phyir rten 'byung gi yan lag rnams mi sgrogs pa'i phyir ro zhes smos so/ /yul phye ba ni rten cing 'brel par 'byung ba'i dang po'i dbye ba yin no/ /'dir 'di yod na zhes bya ba ni yod par gyur na'o/ /'di 'byung ba ni skye ba'o zhes bya ba la yod par gyur pa zhes bya ba 'dis ni yod pa'i sgra yod pa nyid kyi don ston par byed pa yin no/ /sngags pa'i don bsal ba'i phyir ni skye ba'o/ /zhes smos pa yin no/ /'byung ba'i don du ma yin pa las skye ba'i don gyi bya ba byed par ston to/ /'di skyes pas zhes bya ba ni byung ba'i phyir zhes bya ba yin no/ /'di skye ba ste zhes bya ba ni 'byung ba ste zhes bya ba'i tshig gis de 'byung ba'i don nyid ston par byed do/ /ci'i phyir dang po ma phye bar bstan gyi/ phye ba kho nas ma yin zhe na zhes bya ba ni log par smras pa yin te/ 'di skad brjod par bya ste/ ci'i phyir dang po 'di phye ste bstan/ ma phye ba kho nar ma yin zhes bya'o zhe na/ de skad brjod par bya ba ma yin te/ dbye ba'i tshig ni dgos pa dang bcas pa'i phyir ro/ /'di ltar dbye ba'i tshig la dgogs pa yod de/ de gang zhe na/ ma rig pa la sogs pa'i rnam par dbye ba bstan pa ma byas par ni rnam par dbye ba ston pa 'brel pa med par 'gyur ba'i phyir ro/ /de bas na dbye ba ston pa yang dgos pa dang bcas pa nyid du bstan to/ /ma rig pa le sogs pa rkyen gyi don bstan pa'i phyir ro/ /de dag rkyen gyi don yang 'di yin te zhes bya ba ni de lta ma yin na ma rig pa'i rkyen gyis 'du byed ces bya ba don gang gis ma rig pa 'du byed kyi rkyen ces bya ba bstan par 'gyur ro/ /skye ba'i rkyen gyis rga shi zhes bya ba'i bar du yang de bzhin no/ /rkyen gyi mtshan nyid tha dad pa med pa'i phyir ro zhes bya ba ni gang gi phyir nang dang phyi'i rten cing 'brel bar 'byung ba'i rkyen gyi mtshan nyid de dag ni dbye ba med pa yin te/ 'di lta ste 'di yod pas 'di 'byung 'di skyes pas skye ba ste zhes bya ba yin no/ /phyi'i rten cing 'brel par 'byung ba bstan pa la dgos pa ci yod ce na/ rgyu med pa dang mi mthun pa rgyur lta ba rab tu bsal ba dgos pa yin no/ /'di lta ste 'di yod na 'di 'byung 'di skyes pas 'di skye ba ste zhes bya ba'i tshig 'di gnyis la don gyi bye brag tha dad pa ci zhig yang ce na/ 'di gnyis kas kyang rkyen yod pa sngon du song ba can gyi 'bras bu skye ba yin pa brjod par byed do/ /de'i phyir ci yang med do zhes smras so/ /gal te med na 'o na ci'i phyir gnyis brjod ce na de'i phyir gcig la gcig 'chad pa yin pa'i phyir ro zhes smos so/ /ji ltar gcig la gcig 'chad pa yin zhe na/ 'di yod na 'di 'byung zhes bya bas ni 'di skyes pas 'di skye ba ste zhes bya ba bstan pa yin no/ /'di skyes pas 'di skye ba ste zhes bya bas ni 'di yod na 'di 'byung zhes bya ba bstan pa yin no/ /gcig la gcig 'chad pa'i dgos pa ston pa yang gang yang rung ba zhig brjod na ni grangs can pa'i don yod pa 'am/ skye bar rtog pa byed par 'gyur te zhes bya ba smras so/ /ji lta zhe na de'i phyir de dag ni skye ba med par yang rgyu dang 'bras bu yod par 'dod kyi zhes smras te/ yod pa gang yin pa de nyid yod pa yin no/ /med pa gang yin pa de nyid med pa yin no zhes bya ba ni grub pa'i mdza' yin pa'i phyir ro/ /'di skyes pas 'di skye ba ste zhes bya ba'i tshig gis ni grangs can pa'i don yod pa bsal ba yin no/ /ma byung ba las byung ba skye ba yin par ni ma yin te/ ji ltar 'dod ce na skye ba'i sgra byas pa ma yin gyi/ mngon par gsal ba'i rnam grangs su rtog pa'i phyir ro/ /'di yod na 'di 'byung zhes bya bas ma byung ba las byung ba rab tu bstan pa yin te/ ji lta zhe na/ 'di yod pa ma yin na 'di med do zhes ston pa yin pa'i phyir ro/ /'dir rigs pa yang brjod par bya ste/ rgyu la 'bras bu yod pa ma yin no/ /zhes bya ba ni dam bca' ba'o/ /ci'i phyir zhe na/ de skye ba ma byed pa mthong ba'i phyir ro/ /dpe ci yod ce na/ lhan cig byed pa dang bcas pa'i rgyu yang thal zhar dang skud pa dang chu dang skyes bu rnams lhan cig byed pa dang bcas pa'i rgyu rnams kyi byed pa ni bdag nyid med pa'i bum pa 'bras bu skye ba la mthong ngo/ /skye ba'i gzhi 'jim gong rgyu ma tshang ba med pa rnams kyi byed pa yang de skye ba la mthong ba yin pas de la 'bras bu yod pa ma yin no zhes bya ba grub pa yin no/ /gzhan yang 'di skyes pas zhes bya ba ni gzhan du yang zhes bya ba'i tha tshig go / 'di skyes pas 'di skye ba ste zhes bya ba ma brjod na ni rgyu rtag pa dgag pa ma byas par 'gyur te/ skyes pa kho na rkyen gyi dngos por bstan pa'i phyir gtso bo dang skyes bu dang/ dbang phyug dang/ dus la rdul phra rab la sogs pa rtag pa rgyu yin pa rnams rab tu bkag pa yin no/ /'di yang na 'di 'byung zhes bya ba ma brjod na ni nges par gtan la phab pa ma yin par 'gyur ro/ /gang skyes pas gang skye ba ni de kho na yod na de yod pa yin gyi bdag la sogs pa rtag pa las kyang ma yin te/ de lta na ni rgyu rtag pa dgag pa ma byas par 'gyur ro zhes bya ba ni ji ltar bye brag pa dag na re ma rig pa'i rkyen gyis 'du byed nas skye ba'i rkyen gyis rga shi zhes bya ba bden te/ 'on kyang bdag yod na yin no/ /de bzhin du dbang phyug la sogs pa rgyur smra ba ngag dbang phyug la sogs pa yod na yin no zhes zer ro/ /de'i phyir de lta na yang rgyu rtag pa dgag pa ma byas par 'gyur ro zhes bya ba 'di smos so/ /mdor na don 'di ste sa bon la sogs pa rgyu mi rtag pa rnams zhing la sogs pa rgyu gzhan dang rjes su bsngos pa'i rang gi mthu ni myu gu la sogs pa 'bras bu skye ba la rgyur 'gyur ba ni mngon sum du grub pa yin te/ rtag pa ma yin no/ /lhan cig byed pa'i rgyu gzhan gyis yongs su zin pa'i rang gi mthu yang rtag pa ma yin no/ /gzhan na re yan lag gzhan dang gzhan ston pa yin zhe'o/ /zhes bya ba ji lta bu zhe na/ ma rig pa yod na 'du byed 'byung ba yin la 'du byed rnams skyes pas rnam par shes pa skye pa yin no zhes bya ba la sogs pa de bzhin du rten cing 'brel par 'byung ba dang po nas rten cing 'brel pa 'byung ba mdza' dag gzung ba yin no/ /gzhan na re dum bu gsum rnam par bzhag pa yin no zhe'o zhes bya ba ni kha che rnam par smra ba dag yin te/ ci'i phyir zhe na/ sngon dang phyi ma dang bar gyi mdza' la rmongs pa zlog pa'i phyir ro/ /'di yod na 'di 'byung zhes bya ba ni sngon gyi mdza' yod pa na bar gyi mdza' yod pa yin no zhes bya'o/ /'di skyes pas 'di skye ba ste zhes bya ba ni bar gyi mdza' skyes pas phyi ma'i mdza' skye ba yin no/ /de la ma rig pa dang 'du byed yan lag gnyis ni sngon gyi mthas bsdus pa yin no/ /rnam par shes pa dang ming dang gzugs dang/ skye mched drug dang/ reg pa dang tshor ba dang sred pa dang len pa dang srid pa dang yan lag brgyad ni bar gyi mthas bsdus pa yin no/ /skye ba dang rga shi yan lag gnyis ni phyi ma'i mthas bsdus pa yin no/ /de la sngon gyi tshe'i 'dod chags dang zhe sdang dang gti mug la sogs pa'i nyon mongs pa'i gnas skabs rnams ni ma rig pa'i sgras bstan te/ dus 'das pa rnams mun pa'i rnam par gyur pa'i phyir ro/ /de nyid na bsod nams dang bsod nams ma yin pa dang mi g.yo ba'i las kyi gnas skabs rnams ni da ltar gyi skye ba mngon par 'du byed pa'i don gyis 'du byed kyi sgras bstan to/ /da ltar skye ba'i tshe ma'i mngal du nying mtshams sbyor ba'i phung po rnams ni rnam par shes pa yin te/ nges pa'i tshig gi tshul gyis na skye ba'i don gyis de dag la rnam par shes pa'i phyir ro/ /de'i 'og tu skye mched drug ma dod kyi bar du ming dang gzugs yin te/ de tsam zhig skye bar rab tu bstan pa'i phyir ro/ /de'i 'og tu gsum 'dus pa ma byung gi bar du mig la sogs pa'i dbang po mngon par grub pa ni skye mched drug yin te/ gzhi dang rten pa yongs su rdzogs pa'i phyir ro/ /lus dang yid kyi skye mched gnyis ni ming dang gzugs kyi gnas skabs nyid na yod pa'i phyir ro/ /de'i 'og tu reg pa rnam par bzhag ste/ bde ba dang sdug bsngal la sogs pa'i rgyu kun yongs su gcod par nus pa yin te/ gnas yongs su rdzogs pa'i phyir yin gyi rnam par shes pa dang ming dang gzugs kyi gnas skabs gnyis na reg pa med pa ni ma yin no/ /de la brten nas tshor ba rnam par bzhag ste/ kun tu 'khrig pa'i 'dod chags kun nas 'byung ba'i phyir dang/ rgyu yongs su rdzogs pa'i phyir yin gyi/ sngar yang tshor ba ni med pa ma yin no/ /de nas 'khrig pa nye bar spyod pa'i 'dod chags kun tu 'byung ba'i gnas skabs sred pa rnam par bzhag ste/ 'khrig pa'i longs spyod kyi bde ba de'i tshe 'byung ba'i phyir ro/ /de'i tshe longs spyod thob pa'i tshol ba byung ba na len pa rnam par bzhag ste/ de'i tshe 'dod chags dang/ zhe sdang dang gti mug la sogs pa'i nyon mongs pa yongs su smin pa'i phyir ro/ /de nas srid pa rnam par bzhag ste/ 'di ltar len pa'i rkyen gyis yang srid pa'i las rab tu bsogs pa yin no/ /de nas tshe phyi ma la yang srid par skye ba'i don gyis skye ba rnam par bzhag go /de nas rga shi yin par rig par bya ste/ de dag tsam gyis don byas pa'i phyir ro/ /de ni ma rig pa la sogs pa de dag rkyen yin pa'i tshig kho nas gnyi ga grub pas zhes bya ba ni 'di lta ste yan lag gzhan dang gzhan dum bu gsum rnam par bzhag pa yang zhes ston to/ /ji ltar yan lag gzhan dang gzhan 'grub ce na/ 'di ltar ma rig pa'i rkyen gyis 'du byed/ 'du byed kyi rkyen gyis rnam par shes pa zhes bya ba nas/ skye ba'i rkyen gyis rga shi zhes smos pa yin no/ /dum bu gsum rnam par bzhag pa yang 'grub pa yin te/ 'di ltar ma rig pa dang 'du byed ni sngon gyi mdza' i dum bu yin no/ /rnam par shes pa nas srid pa'i bar ni bar gyi mdza' i dum bu yin no/ /skye ba dang rga shi ni phyi ma'i mdza' i dum bu yin pas so zhes bya ba la sogs pa gsungs pa der yang yan lag gzhan dang gzhan dum bu gsum rnam par bzhag pa med pas gnyis mi brjod par 'gyur ro zhes bya ba ni spre'u lta bu'i mdo sde las so/ /ji ltar yan lag gzhan dang gzhan med pa yin zhe na/ yan lag bcu gnyis brjod par mi bzhed pa'i phyir ro// de nyid kyi phyir dum bu gsum rnam par bzhag pa yang med par 'grub pa yin no/ /mngon sum dang brgyud pa'i rkyen gyi dngos po ston pa yin no zhes bya ba ni 'di yod na 'di 'byung zhes bya ba ni mngon sum gyi rkyen gyi dngos po ston te/ ji ltar ma rig pa'i rkyen gyis 'du byed ces bya ba ste/ ma rig pa las de ma thag tu de dag 'byung ba'i phyir ro/ /'di skyes pas 'di skye ba ste zhes bya ba ni brgyud pa'i rkyen gyi dngos po ston te/ 'di ltar 'du byed kyi rkyen gyis rnam par shes pa zhes bya ba yin no/ /rnam par shes pa la sogs pa la ni ma rig pa brgyud pa'i sgo nas rkyen gyi dngos por 'gyur te/ 'bras bu la sa bon bzhin no/ /'di ltar gang de skyes pa ma yin na ni de'i rkyen gyis 'du byed kyang ma yin la/ 'du byed kyi rkyen gyis rnam par shes par yang mi 'gyur zhing/ rga shi'i bar du yang rgyas par sbyar ro/ /zhe na/ de dag dgag pa yang de dag nyid yin no/ /zhes bya ba ni de ni ma rig pa la sogs pa de dag rkyen yin pa'i tshig kho nas gnyis ka grub pas zhes bstan pa yin no/ /ji lta zhe na/ ma rig pa'i rkyen gyis 'du byed ces bya bas ni mngon sum gyi dngos po bstan pa yin no/ /de'i rkyen can gyi 'du byed kyi rkyen gyis rnam par shes pa zhes bya bas ni brgyud pa'i rkyen gyi dngos po nges par byas pa yin no/ /spre'u lta bu'i mdo las kyang srid pa na mngon sum gyi rkyen gyi dngos po ni bde ba myong bar 'gyur ba'i reg pa la brten nas bde ba'i tshor ba skye'o zhes bya ba de la sogs pa gsungs pa'i phyir brgyud pa'i rkyen gyi dngos po yod pa ma yin pas gnyis mi brjod par 'gyur ro/ /gzhan dag na re tshig dang pos ni rgyun gyis rgyu gnas pa sngon du song ba'i 'bras bu gnas pa yin no zhes bya ba ni rgyun gyis zhes smras te/ ji lta zhe na ji srid du rgyun gyis rgyu gnas par 'dug pa de srid du rgyu kho nas 'bras bu gnas pa yin no/ /rgyun gyis zhes smos pa ni skad cig ma ni gzhan du gnas par mi rigs pa'i phyir ro/ /'dir rgyu 'bras 'brel pa la rgyun gyi sgras bstan to/ /'bras bu gnas pa de yang rgyu gang gis yin pa mi shes pas de'i phyir gnyis pas ni zhes bya ba ni 'di skyes pas 'di skye ba ste zhes bya ba yin te/ rgyu skyes pas 'bras bu skye ba yin no zhes smra'o zhe na der rten cing 'brel par 'byung ba brtsams pa la gnas pa 'char ba 'brel pa ci yod ces bya ba ni 'dus byas kyi mtshan nyid ni rnam pa gsum ste/ skye ba dang 'jig pa dang gnas pa las gzhan du 'gyur ba'o/ /de la rten cing 'brel par 'byung ba la gnas par 'chad pa'i skabs 'brel pa yod pa ma yin te/ skabs ma yin pa'i phyir ro/ /'on te de yang skye ba kho na yin na ni zhes bya ba la de yang zhes bya ba ni gnas pa la sbyar te skad cig ma la ni gzhan du gnas pa yod pa ma yin pa'i phyir ro/ de ltar byas na der rten cing 'brel par 'byung ba brtsams pa la gnas pa 'chad pa 'brel pa ci yod ces bya ba de'i lan btab pa yin te/ gnas pa ni skye ba'i rnam grangs yin pa'i phyir gnas pa yang khongs su gtogs pa kho na yin pa'i phyir ro zhe na/ de'i phyir slob dpon gyis 'di yod na 'di 'byung 'di skyes pas 'di skye zhes bya ba'i tshig gnyis la don la bye brag ci yod ces smras so/ /gnyi gas kyang rgyu sngon du song ba can gyi skye ba yin par bstan pas so/ /gal te rgyun thog mar skyes pa'i bye brag la brten nas 'di dag smra na de'i phyir/ gal te rgyun skyes pa dang gnas pa yin na snga ma skyes pa skye ba yin te/ sngar skye la phyis gnas pa yin pas skye ba ma bshad par gnas pa'i dus ci'i phyir bshad ces bya ba smras te/ sngar skye la zhes bya ba ni dang por skyes pa'o/ /phyis gnas pa yin pas zhes bya ba ni rgyun gyis skyes pa sngon du song ba can gyi rgyun gyis gnas pa yin na pas dus log par 'chad pa rig pa ma yin gyi/ 'di skyes pas 'di skye zhing 'di yod na 'di 'byung zhes bya ba ni rigs par 'gyur ba yin no/ /nur nur po dang nar nar po la sogs pa dang/ zho dang 'o ma la sogs pa yang skyes te gnas pa yin na rgyu gang zhig gnas pa yod na yod do zhes 'di brjod par bya zhes bya ba ni nar nar po dang/ nur nur po la sogs pa la ma gtogs pa rgyu gnas pa sngon du song ba can nam/ 'o ma dang zho la sogs pa ma gtogs pa rgyu gnas pa sngon du song ba can gyi nur nur po dang nar nar po la sogs pa 'o ma zho dang 'o ma la sogs pa gnas pa ni yod pa ma yin te/ nur nur po rnam par zhig na nar nar por 'gyur nar nar po rnam par zhig na gor gor por 'gyur/ gor gor bo rnam par zhig na mkhrang por 'gyur ba yin la 'o ma zhig na zhor 'gyur zhing zho zhig na dang bar 'gyur ba la sogs pa yin na de'i phyir 'dir rgyu gnas pa gang yin pa brjod par bya dgos la gang gi phyir nar nar po la sogs pa'i rgyun gyi mtshan nyid gnas pa yin zhes bya/ gang yang rgyu zas la sogs pa gnas pa sngon du song ba can gyi nur nur po dang nar nar po la sogs pa gnas pa yin no zhes brjod na yang zas la sogs pa'i rkyen ji srid du rjes su 'jug pa de srid du nur nur po dang nar nar po la sogs pa de dag gnas pa yin par thal bar 'gyur te/ de ni 'dod pa ma yin no/ /de bas na rgyu gang zhig gnas pa yod na yod do zhes 'dir brjod par bya grib ma dang 'od dang/ autpa la sogs pa rgyu gnas pa sngon du song ba can gyi gnas pa yin par mthong ba ma yin nam zhe na/ mthong ba ni bden te yod pa ma yin par yang rgyu gnas na 'bras bu gnas pa mthong ba'i phyir ro/ /'di yod na 'di 'byung zhes nges par brjod par bya ba ma yin te/ tshogs pa'am rkyen sngar byung bas grib ma dang/ 'od dang autpa la sogs pa yin pas 'di dag rgyu gnas pa sngon du song ba can gyi gnas pa yin par yang ma grub yin no zhes bya'o/ /pha rol dag na re zhes bya ba ni tshig dang po kun gyis rnam par gzhan bstan pa yin no snyam du sems na 'o na ni rgyu med pa can du 'gyur ro ci zhe na 'bras bu skye ba'o/ /de ltar 'di skyes pas 'di skye ba ste/ de'i phyir zhes bya ba ni 'bras bu yod na rgyu 'jig par smra'o zhes grags pa yin no zhe na'o/ /'bras bu rgyu med pa can nyid yin par ji ltar dogs zhe na rgyu'i tshig med pa'i phyir te/ ji ltar rgyu 'jig pa'i rgyu ni smras kyi 'bras bu skye ba'i ni ma smras pa'i phyir ro/ /gzhan du bstan pa med pa la gzhan du ston pa ni rang dga' i tshig tsam du zad de mdo ma yin pa'i dang zhes bya ba ni 'di yod na 'di 'byung zhes bya bas 'dir gzhan du bstan pa med? de gzhan du bstan pa med pa kho na la 'bras bu yod na rgyu 'jig go zhes gzhan du ston te/ 'bras bu yod na rgyu 'jig go zhes ston pa ni rang dga' i tshig tsam du zad do/ /ci'i phyir zhe na mdo ma yin pa'i phyir te/ mdo las ni 'bras bu yod na rgyu 'jig par bstan pa ma yin gyi 'o na ci zhe na rgyu yod na 'bras bu yod pa kho nar bstan pa yin te/ 'di yod na 'di 'byung 'di skyes pas 'di skye ba ste/ 'di lta ste ma rig pa'i rkyen gyis 'du byed ces bya ba nas/ skye ba'i rkyen gyis rga shi zhes bya ba'i bar du gsungs pa'i phyir ro/ /gal te 'bras bu yod na rgyu 'jig par 'gyur ba la dgongs pa yin na ni 'di lta ste/ 'du byed kyi rkyen gyis ma rig pa 'jig par 'gyur zhes gsungs par 'gyur ro/ /rgyu zhig ba skye ba ma yin la 'bras bu la brten pa yang ma yin te/ skad cig ma'i chos 'jig pa la rkyen med pa'i phyir ro/ /zhes bya ba ni rten cing 'brel par 'byung ba zhes bya ba yin na/ rgyu 'jig pa ni skye ba ma yin te/ 'dus byas kyi mtshan nyid du chud pa'i phyir ro/ /skad cig ma yin pa'i phyir 'bras bu la brtan pa ma yin na/ 'di ji ltar rten cing 'brel te 'byung ba yin rten cing 'brel par 'byung ba 'chad par rtsom pa la 'jig pa ston pa 'brel pa ci yod ces bya ba ni 'brel pa yod pa ma yin te/ skabs ma yin pa'i phyir ro/ /skad cig ma'i chos 'jig pa la rkyen yod na skyon ci yod ce na/ /skad cig ma 'jig pa la gnod par 'gyur te/ 'bras bu'i skad cig ma'i tshe rgyu yod pa nyid yin pa'i phyir ro/ /rgyu'i gnas skabs na 'bras bu skye bzhin pa yin la rgyu 'jig pa'i gnas skabs na 'bras bu skyes pa ma yin nam/ 'bras bu'i tshe rgyu yang rnam par zhig pa yin na 'bras bu'i tshe ji ltar rgyu'i gnas skabs yin par 'gyur zhe na/ gal te de lta na 'o na ni 'bras bu ni 'jig pa'i rgyu yin par 'grub par mi 'gyur te/ /skye bzhin pa'i gnas skabs ni med pa yin pa'i phyir ro/ /rgyu 'jig bzhin pa'i gnas skabs kyang 'bras bu'i rgyu yin par ji ltar 'gyur te/ 'jig bzhin pa'i gnas skabs ni yod pa ma yin pa'i phyir te/ de ltar gyi dngos po ni 'jig pa la mngon du phyogs pa'i phyir 'jig bzhin pa'i gnas skabs zhes bya'o/ /phyis de ma thag tu 'bras bu skad cig ma 'byung bar 'gyur ba ni 'bras bu skye bzhin pa zhes bya ste/ skye bzhin pa yin pa ltar skye bzhin pa zhes bya ste/ skye bzhin pa yin pa ltar skye bzhin pa yin pa'i phyir ro/ /gal te don 'di yin par gyur na ni zhes bya ba ni 'bras bu yod na rgyu 'jig par 'gyur ro zhes bya ba smras pa gang yin pa'o/ /de ltar byas na shin tu don gsal bar khong du chud par 'gyur ro zhes bya ba ni 'di mi 'byung ba ni 'di mi 'byung zhes bya ba rnam par 'jig pa 'di'i tshig yin pa'i phyir ro/ /de ltar ma byas na gtan la phebs par mi 'gyur te/ ci 'bras bu yod na rgyu 'jig pa yin nam/ 'on te rgyu yod na 'bras bu yin zhes bya bar 'gyur ro/ /ji ltar reg pa dang tshor ba 'am myu gu dang grib ma lta bu'o zhes bya ba ni lhan cig 'byung ba'i rkyen gyis zhes sbyar ro/ /de la dpe gnyis ni 'jig rten na grags pa tha dad pas bstan pa yin no/ /ji ltar srid pa las skye ba lta bu dang sa bon las myu gu lta bu'o zhes bya ba ni ci zhe na/ /rkyen sngar skyes pa yin no zhe na/ rten cing 'brel par 'byung ba'i mdo 'di ni de dag 'grub par 'gyur te/ ji lta zhe na 'di las ni lhan cig 'byung ba'i rkyen kyang yod de/ ji ltar tshor ba'i reg pa lta bu'o/ /sngar byung ba yang yod de/ ji ltar skye ba'i srid pa lta bu'o/ /spre'u lta bu'i mdo las ni 'grub par mi 'gyur te/ lhan cig 'byung ba'i rkyen kho na bstan pa'i phyir ro zhes bya ba ni bde ba myong bar 'gyur ba'i reg pa la brten nas bde ba'i tshor ba skye'o zhes gsungs pa'i phyir ro/ /de dag ni tshig dang po med par yang smra ba gnyi ga dgag pa 'grub pas de dag ni don ma yin no zhes bya ba la tshig dang po ni 'di yod na 'di 'byung zhes gang gsungs pa de yin no/ /'di skyes pas 'di skye zhes bya ba 'di kho nas rgyu med pa dang/ rgyu rtag par smra ba dgag pa 'grub par 'gyur ba'i phyir ro/ /ma spangs pa'i phyir dang/ mi rtag pa'i rkyen las skye ba'i don gyis tshig gnyis smos te zhes rgyas par 'byung ba la ma rig pa la sogs pa ma spangs pa'i rkyen las skye ba'i don gyis 'di yod na 'di 'byung zhes bya ba'i tshig dang po 'di gsungs so/ /mi rtag pa kho na las skye ba'i don gyis 'di skyes pas 'di skye ba ste zhes bya ba'i tshig gnyis pa gsungs so/ /mdo'i don 'di yin te mi rtag pa'i don 'di las skye yang ma spangs pa las yin gyi thams cad las ma yin no/ /ji skad du phra rgyas ma spangs pa'i phyir dang yul so sor nye bar gnas pa'i phyir zhes rgyas par gsungs te/ /srid pa'i yan lag gi dbang du byas te ma spangs pa bstan to/ /'on kyang dge ba zag pa dang bcas pa dang ma bsgribs la lung du ma bstan pa dang/ de la dmigs pa'i 'dun pa dang 'dod chags ma spangs pa ni skal ba mnyam pa'i rgyu yin no zhes ston pa ni 'di yod na 'di 'byung zhes bya ba yin no/ /? spangs pa'i phyir zhes bstan pa yin par ji ltar mngon zhe na/ /de'i phyir yod na zhes bya ba ni ma spangs pa la bya ste zhes bya bar rgyas par smras so/ /ci 'dod pa dang 'dun pa yod bzhin du zhes bya ba ni ma spangs bzhin du zhes bya ba'i tha tshig go /g.yo ba med pa'i rkyen pas byung ba'i mtshan nyid ces bya ba ni spyod pa med pa dang/ bya ba byed ba med pa'i rkyen las byung ba'i mtshan nyid ces bya ba'i don gang yin pa ste/ 'di las g.yo ba dang bral bas g.yo ba med pa'o/ /g.yo ba med pa yang yin rkyen kyang de yin pas g.yo ba med pa'i rkyen no/ /g.yo ba med pa'i rkyen las byung ba ni rten cing 'brel bar 'byung ba 'di'i g.yo ba med pa'i rkyen las byung ba'i mtshan nyid de de gang yin pa ni g.yo ba med pa'i rkyen las byung ba'i mtshan nyid do/ /mi rtag pa'i rkyen las byung ba'i mtshan nyid dang nus pa'i rkyen las byung ba'i mtshan nyid kyang de bzhin no/ /yod pa tsam rkyen nyid yin par bstan pa'i phyir ro zhes bya ba ni 'di yod na 'di 'byung zhes gsungs pa'i phyir te/ 'di ltar rkyen rnams g.yo bas non pa ma yin pa de las 'bras bu 'byung bar 'gyur te/ lcags la khab long bzhin pa dang bdag nyid ma yin yang gser gyi 'bi sti pa dkon pa dang 'dra ste/ gser gyi 'bi sti ba dkon pa med na ni gser rin che ba dang khyad par du yang mi 'gyur gyi/ 'on kyang de yod na de ma byung ba las 'byung bar 'gyur ro/ /snga phyi'i yan lag nges pas rkyen nyid du bstan pa'i phyir ro zhes bya ba ni snga ma yang yin la phyi ma yang yin pas snga phyi'o/ /de dag nyid yan lag yin pas snga phyi'i yan lag go /de gnyis nges pa ni snga phyi'i yan lag nges pa'o/ /snga phyi'i yan lag nges pa des rnam rig pa la sogs pa rkyen nyid du bstan pa'i phyir te/ yan lag snga ma nyid ni yan lag phyi ma'i rkyen yin gyi phyi ma ni snga ma'i ma yin no/ /gang dang gang skye bar bya ba'i phyir nus pa yod pa de dang de las skye ba yin gyi nus pa med pa las ma yin pas nus pa'i rkyen byung ba'i mtshan nyid do/ /lhag ma rnams kyang de bzhin du rig par bya'o/ /zhes bya ba ni ji lta bu zhe na/ 'du byed kyi rkyen gyis rnam par shes pa zhes bya ste/ 'du byed ni 'di'i rkyen yin no/ /de ni 'du byed kyi rkyen gyis zhes bya ba 'di yin no/ /de bzhin du skye ba ni 'di'i rkyen yin te/ de ni 'di lta ste skye ba'i rkyen gyis rga shi zhes bya ba ste/ tshig bsdu ba gzhan du rtog pa bsal ba'i phyir ro/ /rkyen gyi don ni sngar bstan pa kho na yin no zhes bya ba 'di ji lta bu zhe na/ de dag gi rkyen gyi don ni 'di lta ste/ 'di yod na 'di 'byung 'di skyes pas 'di skye ba ste zhes bya ba yin no/ /nges tshig ni rkyen de las yin pas rkyen yin pa dang zhes bya ba ni nges par 'di las 'grub pas nges 'grub ste rkyen la bya ba dang nye bar grub pa'i bye brag gis khams kyi don yongs su sgrub pa'i phyir rab tu 'byung zhes bya ba'i tha tshig ste/ de'i phyir rab tu 'byung ba zhes bya ba'i tha tshig go zhes bya ba smos so/ /gzhan dag na re rkyen byed pas rkyen yin no/ /rkyen byed pa gang zhe na/ 'bras bu skyed pa la rang rgyu'i dngos po yin pa'am rang gi 'bras bu'i rkyen yin pas rkyen to/ /rkyen gang yin zhe na/ zhes phye ba ni rkyen la the tsom za ba'o/ /gtso bo'i rkyen brjod par 'dod pa yin gyi/ ma rig pa la sogs pa dag 'du byed la sogs pa la de ma thag pa dang/ dmigs pa'i rkyen gyi dngos po byed pa med pa ni ma yin no/ /ci'i phyir rkyen ces bya ba bstan ces rgyas par 'byung ba ni ma rig pa'i rkyen 'du byed nas skye ba'i rkyen gyis rga shi zhes bya ba ci ri phyir rkyen ces bstan ma rig pa'i rgyu can 'du byed yin no/ /ma rig pa byed rgyu dang ma rig pa gzhi nas skye ba'i rgyu can rga shi dang skye ba byed rgyu dang skye ba bzhi'o zhes bya ba ma yin zhe na/ gang yang rung ba smos na yang phyir rgol bar 'gyur ro zhes bya ba ni rgyu dang byed rgyu dang gzhi smos na yang ci'i phyir rgyu smos kyi byed rgyu dang gzhi ma yin zhes phyir rgol ba 'di srid par 'gyur ro/ /rten cing 'brel par 'byung ba'i skabs su ni gang la brten nas gang 'byung ba de'i rkyen ni de yin par bstan to zhes bya ba ni 'di ni rten cing 'brel par 'byung ba'i ched du byas pa yin no/ /de bas na 'di ltar nges par 'di las 'bras bu 'grub pa kho na yin pas de ni de'i rkyen ces bstan to/ /de ltar na grub par 'gyur te skabs ji lta ba bzhin bstan pa'i phyir ro// gzhan dag na re rgyu smos na ni de ma thag pa'i rkyen la sogs pa 'dzin par mi 'gyur ro zhe na/ zhes bya ba ni de ma thag pa dang dmigs pa dang bdag po'i rkyen rnams smos pas 'gyur ba ni 'du byed la sogs pa'i ma rig pa la sogs pa'i yan lag rnams yin te/ ji ltar srid par de ma thag pa dang dmigs pa dang bdag po'i rkyen rnams yin la rkyen gyi sgras ni spyir rnam pa bzhi char yang rkyen gyi sgrar bstan pa yin no/ /de'i phyir gzhi dang byed rgyu smos na nyes pa ci yod ces smras te/ gzhi dang byed rgyu'i sgra gnyis la rkyen gyis khyab pa yin pa'i phyir ro/ /rgyu'i sgra gzhan la yang mthong ste zhes bya ba ni rgyu'i rkyen nyi tshol ma yin par ston to/ /yang dag pa'i lta ba bskyed par bya ba'i phyir rgyu gnyis rkyen gnyis yin la zhes bya ba ni gzhan gyi sgra dang nang du tshul bzhin yid la byed pa'o/ /gzhan gyi sgra ni yang dag pa'i lta ba'i rgyu'i rkyen ma yin no/ /'o na ci zhe na dmigs pa'i rkyen no/ /de bzhin du nang du tshul bzhin yid la byed pa ni yang dag pa'i lta ba zag pa med pa'i rgyu'i rkyen ma yin no/ /'o na ci zhe na/ bdag po'i rkyen no// de bzhin du tshangs pa bdag ni rgyur smra ba ste/ rgyu ston par byed do zhes bya ba la sogs pa gsungs pa ni rgyu'i rkyen 'ba' zhig gsungs pa yin no/ /'o na ci zhe na rkyen thams cad do/ /bsogs pa'i sgra gzhan nas rgyu'i sgra yod pa la yang brjod par bya'o/ de ltar na rgyu'i sgra 'di ni rgyu'i rkyen kho na la 'jug pa ma yin no/ /de bas na de dag ni lan du mi rung ste/ rgyu smos pas de ma thag pa la sogs pa'i rkyen smos pa yin pa'i phyir ro/ /ma rig pa la sogs pa ni rten cing 'brel bar 'byung ba ma yin gyi/ 'o na ci zhe na/ rten cing 'brel te 'byung ba yin no mdo sde gzhan gyis rjes su 'brangs te de skad smras so/ /kha che rnam par smra ba dag ni ma rig pa la sogs pa de dag nyid rgyu dang 'bras bur phye nas rten cing 'brel par 'byung ba dang rten cing 'brel te byung ba zhes brjod do// de nyid kyi phyir slob dpon gyis de ltar ni bcom ldan 'das kyi mdo sde gzhan las gsungs te zhes rgyas par smras so/ /rten cing 'brel bar 'byung ba'i rnam par dbye ba gang zhe na zhes bya ba nas brtsams te ma rig pa la sogs pa rnam par dbye ba ston to/ /ma rig pa la sogs pa rten cing 'brel par 'byung ba ma yin gyi/ 'o na ci zhe na/ rten cing 'brel te byung ba yin no zhes gsungs pa/ 'di la dgongs pa ci yod ce na/ de'i phyir rten cing 'brel par 'byung ba zhes bya ba ni byung ba'i chos rnams kyi spyi'i mtshan nyid yin te zhes rgyas par smos so/ /ma byung ba las 'byung ba'o zhes bya ba ni rgyu tshogs pa sngar yod na phyis 'byung bar 'gyur ro zhes bya ba'i don gang yin pa'o/ /ma rig pa la sogs pa thams cad kyang ma byung ba las 'byung ba yin pa de bas na rten cing 'brel par 'byung ba zhes bya ba ni byung ba rnams kyi spyi'i mtshan nyid yin no/ /de rnam par dbye ba gzhan du ji ltar bstan par nus zhes bya ba ni de ma byung ba las byung ba'o zhes bya ba ni rten cing 'brel par 'byung ba'i chos rnam par dbye ba med pa rnam pa gzhan du logs shig tu rnam par dbye zhing bstan par ji ltar nus 'dir dgongs pa ni de ni de dag las gzhan du rnam par bzhag par mi nus te/ de la btags pa'i chos yin pa'i phyir ro zhes bya ba yin no/ /ji ltar rgas par gyur pa las gzhan du rga bar gyur pa ji ltar bstan par nus zhes bya ba ni skra dkar la sogs pa'i rtags las de mngon pa yin gyi de dag las gzhan du ni bstan par mi nus te/ de'i dbye ba med par ga la nus zhes bya ba lta bu'o/ /gzhan yang mi rtag pa nyid ni mi rtag pa las gzhan du dmigs kyi dbye bar mi nus te/ btags pa'i chos yin pa'i phyir ro/ /mi rtag pa'i chos dbye ba med par yang de'i dbye ba bstan par mi nus te/ dngos po med pa ni ngo bo gcig pa yin pa'i phyir ro/ /de dag ni 'dus byas kyi mtshan nyid gsum po 'di dag yin te/ /'di lta ste skye ba dang 'jig pa dang gnas pa gzhan du gyur pa'o/ /de la skye ba ni rten cing 'brel par 'byung ba'i dang por bshad pas rab tu bstan pa yin no/ /gnas pa gzhan du gyur pa nyid ni rga ba rnam par 'byed pas so/ /'jig pa ni 'chi ba rnam par 'byed pas so/ /de la skye ba zhes bstan pa ni ma byung ba las byung bas bye brag tu byas pa'i dngos po la bya bar mngon pa yin gyi/ dngos po tsam ni ma yin no/ /gnas pa gzhan du gyur pa nyid ces bstan pa ni rgyun gyi snga phyi'i bye brag la bya bar mngon pa yin gyi rgyun tsam ni ma yin no/ 'jig pa zhes bstan pa ni byung nas med pa la bya bar mngon tsam yin gyi med pa kho na ni ma yin no/ /der rten cing 'brel par 'byung ba gang yin pa de ni zhes bya ba la der zhes bya ba ni mdo der ro/ /'dir rten cing 'brel par 'byung ba dang po yin par gsungs so zhes bya ba ni mdo sde 'dir ro/ /mdo sde der ni yod pas 'di 'byung 'di skyes pas 'di skye ba ste zhes bya ba 'di nyid rten cing 'brel par 'byung ba yin par gsungs la 'dir ni rten cing 'brel par 'byung ba dang po yin par gsungs so/ /der rten cing 'brel par 'byung ba'i chos ma rig pa la sogs pa gang yin pa de ni 'dir rten cing 'brel par 'byung ba yin par gsungs pa yin te/ ji lta zhe na khyed la rten cing 'brel par 'byung ba'i rnam par dbye ba bshad par bya'o zhes gsungs nas ma rig pa la sogs pa'i rnam par dbye ba 'chad pa'i phyir ma rig pa la sogs pa ni rten cing 'brel par 'byung ba yin par gsungs pa yin no/ /de'i phyir chos kyi rnam grangs 'di ni rten cing 'brel par 'byung ba la dgongs pa yin pas zhes rgyas par gsungs te/ yi ge yang skabs bzhin du nye bar gdags so zhes ji skad du smos pa yin no de'i mdo dang rgyas par bstan pa'i phyir zhes bya ba ni bstan pa dang bshad pa zhes bya ba'i don gang yin pa'o/ /byung ba dang 'byung ba dag kyang don tha dad par kha cig rtog pa zhes bya ba ni chos mngon pa pa dag go /de dag las kyang bsal ba yin te zhes rgyas par 'byung ba ji ltar yin zhe na/ de'i phyir btags pa'i chos yin pa nyid ston pa'i phyir ro zhes bya ba smos te/ gang 'di rten cing 'brel par 'byung ba rnam par dbye ba nas brtsams te/ rten cing 'brel par 'byung ba'i chos rnam par dbye ba ston pa ni rten cing 'brel par 'byung ba de btags pa'i chos yin pa nyid du ston par byed pa yin te/ de ni don tha dad par 'gyur ba de la de nyid kyi rnam par dbye ba 'chad par byed pa'i phyir ro/ /tshig las tshig 'byung ba zhes bya ba tshig gang las zhe na/ rten cing 'brel par 'byung ba'i chos rnams gang zhe na/ ma rig pa nas rga shi'i bar du gsungs pa gang yin pa de las tshig 'byung ba ni gal te ma rig pa yang rten cing 'brel par 'byung ba yin na zhes rgyas par 'byung ba 'di yin no/ /rgyu dang bcas rkyen dang bcas gzhi dang bcas pa'i chos kyi rnam grangs las ji ltar byas zhe na/ dge slong dag ma rig pa yang rgyu dang bcas pa rkyen dang bcas pa nges par skyed pa dang bcas pa yin no/ /dge slong dag ma rig pa'i rgyu ni gang rkyen ni gang nges par skyed pa ci zhe na/ ma rig pa'i rgyu ni tshul bzhin ma yin par yid la byed pa yin no/ /rkyen yang tshul bzhin ma yin par yid la byed pa yin no/ /nges par skyed pa yang tshul bzhin ma yin par yid la byed pa yin no zhes bya ba yin no/ /gsus po che'i mdo las sgrib pa lnga yang yin par gsungs te/ de la sgrib pa lnga ni ma rig pa'i bdag nyid 'thob cing gnas par bya ba'i phyir sgrub par byed cing de'i rgyun rjes su gnas par byed pa'i don gyis yin no/ /sgrib pa lnga ni 'dod pa la 'dun pa dang gnod sems dang rgod pa dang/ 'gyod pa dang/ rmugs pa dang/ gnyid dang the tsom mo/ /tshigs su bcad pa gsum pa las zhes bya ba ni 'dod chags dang zhe sdang dang/ gti mug rnams la tshigs su bcad pa gsum mo/ /chags pa bos ni chos mi shes zhes rgyas par 'byung ba de bzhin du khros pa po dang rmongs pa chos mi shes bya ba yin no/ /reg pa yang spyi'i rkyen yin par bsten te zhes bya ba ni 'du byed kyi phung po'i rkyen nyid yin pa'i sgo nas kyang 'du byed kyi phung po'i nang du 'dus pa yin no/ /ma rig pa kun 'byung ba las zag pa kun 'byung zhes bya'o zhes bya ba ni ma rig pa ni zag pa'i nang du gtogs pa'i phyir ma rig pa kun 'byung ba las zag pa kun 'byung zhes bstan pa yin no/ /ma rig pa kho na la brten nas ma rig pa 'byung ba yin gyi zhes bya ba ni slob dpon gyi rang gi bsam pa ston par byed pa yin no/ /rmongs pa kho na las de skye ba'i phyir ro zhes bya ba ni tshul bzhin ma ayin par yid la byed pa dang sgrib pa dang log par lta ba dang 'dod chags la sogs pa skye ba'i phyir ro zhes bya ba'i tha tshig ste/ tshul bzhin ma yin par yid la byed pa la sogs pa ni rmongs pa med par skye ba ma yin no/ /de bas na tshul bzhin ma yin par yid la byed pa la sogs pa las skye ba ma yin no/ /gal te de lta yin na sngar glengs pa'i mdo sde rnams ji ltar drang zhe na/ de'i phyir rang gi rigs gcig las gcig 'byung ba na tshul bzhin ma yin par yid la byed pa la sogs pas lhag par rgyas par 'byung bar byed de zhes smos so/ /de'i phyir sa bon rgyas pa ni lhag par spang dka' ba nyid yin pa'i phyir ro zhes smras te/ ji lta ji ltar tshul bzhin ma yin par yid la byed pa dang/ sgrib pa dang log par lta ba dang/ 'dod chags la sogs pa kun tu 'byung ba de lta de ltar ma rig pa'i sa bon yongs su rgyas par 'gyur ro/ /yongs su rgyas pa na shin tu spang dka' ba yin te/ de ltar na lhag par rgyas par byed pa yin no/ /yang na tshul bzhin ma yin par yid la byed pa la sogs pa kun tu 'byung bas ma rig pa'i gnyen po kun tu 'byung ba'i gags byas te gnyen po med pa'i ma rig pa'i sa bon ni shin tu rgyas pa yin no/ /ji lta ji ltar rgyas par gyur pa de lta de ltar shin tu spang dka' ba yang yin te/ de ltar na sa bon rgyas pa ni lhag par spang dka' ba yin pa'i phyir ro zhes bya'o/ /de ltar na de yang de'i rkyen yin par gsungs so zhes bya ba ni tshul bzhin ma yin pa yid la byed pa la sogs ba zhes bya ba'i tha tshig go / 'o na mdo sde 'dir zhes bya ba ni 'di lta ste 'chad par byed pa'o/ /de la yang gzhan brjod par bya dgos par 'gyur la zhes bya ba na thug pa med par 'gyur ba ston par byed do/ /'o na mdo sde 'dir de'i rkyen ci'i phyir ma gsungs zhes thol? ba 'di zlog par 'gyur ba gang nas brten te skye ba'i rim pa bstan pa brtsam par bya yang na skye ba'i rim pa bstan pa med pa yin no/ /gang gi don du yan lag bcu gnyis bstan pa zhes bya ba ni 'chad par byed pa yin no/ /ci'i phyir zhe na/ gang gis ' phen pa dang gang gi phyir dang gang gi de 'byung ba dang de la yang nyes dmigs gang yin pa zhes bya ba de dag ni yan lag bcu gnyis bstan pa yin pas de la ni ma rig pa'i rkyen bstan pa dgos pa med de yan lag bcu gnyis kho nas de'i don bstan zin pa'i phyir ro/ /de yang phyis bstan par bya'o zhes bya ba ni dgos pa'i dbang du byas te bstan pa yin no/ /ma rig pa'i rkyen rang gi rigs yin yang zhes bya ba ni ma rig pa'i rigs ni rkyen yin te/ ji skad du ma rig pa kho na la brten nas ma rig pa 'byung ba yin gyi zhes rgyas par smos pa yin no/ /'dir yan lag rnams kyi rkyen rang gi rigs brjod par 'dod pa ma yin gyi 'o na ci zhe na/ rigs mi mthun pa rkyen yin no zhes bstan to/ /de lta ma yin na ni ming dang gzugs kyang ming dang gzugs kyi rkyen yin pa dang/ skye mched drug kyang skye mched drug gi rkyen yin no zhes brjod par bya dgos par 'gyur ro/ /'khor ba thog ma yod par 'gyur ba dang zhes bya ba ni ma rig pa las snga rol du yan lag gzhan med pa'i phyir ro/ /yan lag lhag pa 'gyur ba ni gal te ma rig pa la rkyen yod na zhes bsams pa'o/ /de dag la thug pa med par 'gyur ro zhes bya ba ni de dag gi yan lag rnams so/ /de lta ma yin na gang yin pa de'i rkyen ma smos pa'i phyir 'khor ba thog ma yod par 'gyur ro/ /zhes bya ba skyon de gnas par 'gyur ro/ /lam ni tshul bzhin ma yin pa yid la byed pa ma rig pa'i rkyen yin no zhes mdo sde gzhan las 'byung ba sngar bstan zin to zhes bya ba 'dis 'khor ba thog ma yod pa ma yin no zhes ston par byed do/ /yan lag lhag pa yang ma yin te/ len pa'i nang du de 'dus pa'i phyir ro zhes bya ba la tshul bzhin ma yin par yid la byed pa de ci zhe na/ yan lag lhag par 'gyur ba ma yin no zhes sbyar bar bya'o/ /thug pa med par yang mi 'gyur te/ de gnyis gcig la gcig rkyen phyed pa'i phyir bya dang sgo nga bzhin no zhes bya ba ni dper na bya las sgo nga sgo nga las bya yang bya las sgo nga yang sgo nga las bya yin pas gcig gi rkyen gcig yin pa'i phyir thog ma yod pa ma yin pa dang yan lag lhag pa dang thug pa med pa'i nyes pa yang yin pa de bzhin no/ / de gnyis gcig la gcig rkyen yin par ji ltar rig par bya zhe na de'i phyir 'di lta ste bsgos pa yid la byed pa ni zhes rgyas par gsungs te 'di ltar rgyu dang bcas rkyen dang bcas nges par skyed pa dang bcas pa'i chos kyi rnam grangs de nyid las gsungs so/ / bsgos pa yid la byed pa ni rmongs pa las skyes pa yin no zhes bya ba de la bsgos pa zhes bya ba'i tshig gis tshul bzhin ma yin par yid byed pa 'di nyid bstan pa yin te/ nyon mongs pa can du bsgos pa nyid yin pa'i phyir ro/ /rmongs pa las skyes pa zhes bya ba'i tshig gis ma rig pa ni de'i rkyen yin par bstan pa yin te/ gti mug las skyes pa ni rmongs pa las skyes pa zhes bya ba yin pa'i phyir ro/ /'o na ni yan lag kun gzhan las rkyen nyid yin par gsungs pa'i phyir zhes rgyas par 'byung ba ni gal te m do sde gzhan las ma rig pa'i rkyen gsungs pas mdo sde 'dir de'i rkyen brjod par bya ba ma yin na 'du byed dang rnam par shes pa la sogs pa yan lag kun mdo sde gzhan las rten cing 'brel par 'byung ba dang rten cing 'brel par 'byung ba'i chos yin par gsungs la mdo sde gzhan las kyang de dag rkyen yin par gsungs pa ni dge slong dag chos rnams sogs pa dang 'grib pa yang bshad par bya'o zhes rgyas par 'byung ba dang/ ma rig pa'i rkyen de bsod nams 'du byed pa mngon par 'du byed pa dang/ ma rig pa'i rkyen gyis bsod nams ma yin pa dang mi g.yo ba'i 'du byed mngon par 'du byed pa'o zhes bya ba dang/ gal te de bsod nams 'du byed pa mngon par 'du byed na ni 'di'i rnam par shes pa bsod nams kyi rjes su 'gro bar 'gyur ro zhes rgyas par 'byung ba yin no/ /sred pa dang ma rig pa gnyis kyang chos mngon pa'i lugs kyis len pa'i nang du 'dus pa'i phyir zhes bya ba ci zhe na/ brjod par mi bya bar thal bar 'gyur ro zhes bya ba'i skabs dang sbyar ro/ /de lta na ni rten cing 'brel bar 'byung ba yan lag bcu yin par 'gyur te/ chos mngon pa las kun nas dkris pa dang bcas pa'i nyon mongs pa thams cad len pa yin par gsungs so/ /chos mngon pa smos pa ni mdo sde'i lugs kyis 'dun pa dang/ 'dod chags nye bar len par 'byung ba'i phyir ro/ /dper na autpa la'i rkyen rtsa ba yin par bstan du zin kyang zhes bya ba rgyas par 'byung ba ni ma smos pa'i phyir ma rig pa la rkyen med pa ma yin no zhes ston par byed de/ yod du zin kyang dgos pa'i dbang gis phyir ram/ dgos pa med pa'i phyir brjod par mi bya ba yin no/ /de nyid kyi phyir de ni bdag gis rtogs te zhes smos pa ni de la yang gzhan brjod par bya dgos par 'gyur la gang nas brten te skye ba'i rim pa bstan pa brtsam par bya zhes bya ba yin no/ /de nyid kyis kyang 'di la rgol ba ma rig pa'i rkyen ma smos pa'i phyir 'khor ba thog ma yod par 'gyur ba dang yan lag lhag pa dang de dag la thug pa med par 'gyur ro zhes bya ba'i skabs med pa yin no/ /ji lta zhe na de la yang gzhan brjod par bya dgos par 'gyur la gang nas brten te skye ba'i rim pa bstan pa brtsam par bya ste/ gang nas brten nas bstan pa rtsom zhing gang nas brten nas bstan pa rtsams pa yod na de'i rkyen ma smos pa'i phyir 'khor ba thog ma yod par 'gyur ro zhes rgol ba 'di ldog par 'gyur te/ de bas na de nyid kyis kyang 'di la rgol ba'i skabs med pa yin no/ /gang gi don du yan lag bcu gnyis bstan pa zhes rgyas par smos pa de nyid kyis kyang 'di la rgol ba'i skabs med pa yin no/ /ma rig pa'i rkyen rang gi rigs yin no zhes rgyas par smos pa gang yin pa de nyid kyis kyang rga shi'i 'og tu yan lag gzhan ma brjod de/ ji lta zhe na gang nas brten nas rga shi'i 'og tu yan lag gzhan bstan nas yan lag gzhan ma brjod kyang yan lag gzhan mi brjod pa 'di la rgol ba ldog par 'gyur la/ 'khor ba la tha ma yod par thal ba yang ma yin te/ de bas na de nyid kyis kyang rga shi'i 'og tu yan lag gzhan ma brjod la zhes rgyas par 'byung ba yin no/ /gzhan yang de nyid kyis kyang zhes rgyas par 'byung la/ gang gi don du yan lag bcu gnyis bstan pa smos pa de nyid kyis kyang rga shi'i 'og tu yan lag gzhan ma smos kyang 'khor ba la tha ma yod par thal bar mi 'gyur te/ yan lag bcu gnyis kyis bsgos pa de yongs su rdzogs pa'i phyir ro/ ji ltar de reg pa'i tshe bstan ce na/ ming dang gzugs la brten nas rmongs pa las byung ba'i bsgos pa'i yid la byed pa skye'o zhes gsungs pa'i phyir ro/ /tshor ba bstan pas kyang ma rig pa bstan pa yin te zhes rgyas par 'byung ba ni mdo sde 'dir tshor ba'i rkyen gyis sred pa zhes gsungs pa ma rig pa med pa'i tshor ba ni sred pa'i rkyen ma yin te/ dper na dgra bcom pa'i lta bu'o/ /de ltar na 'dir tshor ba bstan pas ma rig pa bstan pa yin no/ /'di skad bstan te reg pa dang lhan cig byung ba'i tshul bzhin ma yin par yid la byed pa ni tshor ba dang lhan cig byung ba'i ma rig pa'i rgyu yin no zhes bya'o/ /ma rig pa'i 'dus te reg pa ni ma rig pa dang mtshungs par ldan pa la/ ma rig pa'i 'dus te reg pa zhes bya'o/ /de las skyes pa ni ma rig pa'i 'dus te reg pa las skyes pa'o/ /mdo sde gzhan las gsungs pa de dag thams cad kyang 'dir mi brjod par thal bar 'gyur ro/ /ji tsam du rig par bkri nus pa'i bar du kha che bye brag tu smra ba dag na re ma rig pa dang rga shi gnyis la rkyen ma smos su zin kyang 'khor ba la thog ma dang tha ma yod par thal bar mi 'gyur te/ mdo sde 'dir nyon mongs pa dang/ las dang dngos po rgyur bstan pa'i phyir ro/ /ji ltar nyon mongs pa las nyon mongs pa skye zhe na/ sred pa las sred pa dang len pa'o/ / las kyang skye ste/ ma rig pa las 'du byed dang len pa las srid pa'o/ /las las kyang dngos po skye ste/ 'du byed las rnam par shes pa dang srid pa las skye ba'o/ /dngos po las kyang dngos po skye ste/ rnam par shes pa las ming dang gzugs ming dang gzugs las skye mched drug ces bya ba la sogs pa dang/ skye ba las rga shi'o nyon mongs pa yang dngos po las skye ste tshor ba las sred pa'o/ /de ltar byas na ma rig pa'i rgyu ni nyon mongs pa dang dngos po yin pa 'am/ dngos po yin no zhes shes par byas pa yin no/ /rga shi las dngos po 'am nyon mongs pa skye ba yin no/ /de bas na 'di la brgal du med do ma rig pa gang zhe na zhes bya ba'i ma'i rnam pa 'di ni rig pa ma yin pa ni ma rig pa yin no zhes 'gog pa'i rnam grangs yin no zhes bya ba la rnam grangs zhes bya ba ni rnam grangs ma yin pa bsal ba'i phyir te/ don tha dad pa ma yin pa nyid yin pa'i phyir ro/ /yod pa 'gog pa la ni 'dzin pa ma yin pa dang dngos po ma yin zhes bya ba lta bu'o zhes bya ba ni 'dzin pa dang dngos po yod pa 'gog par nges par byed pa yin te/ 'dzin pa yod pa ma yin dngos po yod pa ma yin zhes bya ba yin no/ /gzhan nyid la rigs srog chags ma yin zhes bya ba ni 'dir srog chags kyi rigs yod pa 'gog par nges par byed pa ma yin gyi/ 'o na ci zhe na srog chags las gzhan gang yin pa de las nges par 'dzin pa yin no/ /'di la yang 'dra ba yod mod kyi/ 'di ni nye ba ma yin pa yin no/ /'dra ba gzhan nyid la ni bram ze ma yin gzhon nu ma yin zhes bya ba ni 'dra ba nye bar bya ba yin pa'i phyir ro/ /smad pa'i don la ni chung? ma ma yin pa dang/ bu ma yin pa zhes bya ba ni 'dir chung ma dang 'dra ba gzhan dang bu dang 'dra ba gzhan yin par nges par byed pa ma yin gyi/ smad pa'i chung ma nyid la chung ma ma yin pa nyid ces bya/ smad ba'i bu la bu ma yin pa nyid ces bya ba yin no/ nyung ba'i don la tshod ma lan tshwa med pa dang/ gzhon nu ma lto med ces bya ba lta bu'o zhes bya ba ni res 'ga' zhig lan tshwa med pa'i tshod ma zhes byas na 'di yang yod pa 'gog pa yin mod kyi/ nyung ba'i don la yang de mthong ba yin no/ /bral ba'i don la ni dge slong med pa'i gnas dang/ chu med pa'i dgon pa zhes bya ba lta bu'o zhes bya ba ni dge slong nyung ba la yang dge slong med do/ /chu nyung ba la yang chu med do zhes nyung ba'i don la yang 'di mthong ste/ 'dod mod kyi bral ba'i don la yang mthong ba yin no/ /gnyen po'i don la ni bsod nams med pa dang/ grags pa med pa zhes bya ba lta bu'o zhes bya ba ni bsod nams dang grags pa gnyis kyi mi mthun pa'i phyogs kyi don la bya ste/ phyogs dang 'gal ba la mi mthun pa'i phyogs zhes bya'o/ 'di ltar dngos po med pa ni 'du byed skye ba'i bdag po'i rkyen nyid du mi rigs pa'i phyir ro zhes bya ba ni gang gi don du byas nas ma rig pa'i rkyen gyis 'du byed ces brjod pa'o/ /gal te ma rig pa 'gags pas 'du byed 'gag go zhes brjod pa'i 'gag pa yang ma rig pa dngos po ci yang med pa yin na/ rig pa ma yin no/ /ldog pa'i phyogs kyi dbang du byas nas rig pa med pa ci tsam ni yang dngos po med par 'gyur bar mi rigs so/ /mdo sde gzhan las kun tu sbyor ba dang/ 'ching ba la sogs pa nyid yin par gsungs pa yang ci zhe na/ rig pa'i dngos po med pa tsam yin na mi rigs so/ /sogs pa'i sgras phra rgyas dang/ kun nas dkris pa la sogs pa bzung ngo/ /sdug bsngal sna tshogs pa sbyor ba'i don gyis kun tu sbyor ba yin no/ /khams gsum las mi 'da' ba' i don gyis 'ching ba'o/ /phra mor rjes su 'jug cing phra rgyas kyi don gyis phra rgyas so/ /de dag ni rig pa'i dngos po med pa tsam yin na mi rigs so/ /rig pa'i dngos po med pa tsam yin na ci zhe na// tshul bzhin ma yin par yid la byed pa rgyu yin par yang mi rigs te/ ci'i phyir zhe na/ dngos po med pa la rgyu yod pa ma yin pa'i phyir dang/ 'dus byas rnams ni skad cig ma yin pa'i phyir dang/ dngos po med pa ni bdag med pa yin pa'i yang phyir ro/ /de dag gis ni snga na med pa yang bkag pa yin no/ /'di ltar dngos po med pa ni 'du byed skye ba'i bdag po'i rkyen nyid du mi rigs pa'i phyir ro zhes smos pa gang yin pa der re zhig 'dor ma chags pa ni 'jig rten pa'i chos kun nas nyon mongs pa'i rkyen du ji ltar 'gyur te zhes rgyas par smos so/ /de ni rnam par rtog pa de'i zhes bya ba ni/ 'dod ma chags pa rnam par rtog pa'i'o/ /dmigs pa tsam smos pa ni skye ba'i rkyen gyi dngos po 'gog par byed pa yin no/ /gal te 'di rnam par rtog pa de skye ba'i rkyen yin na ni brgyud ba'i sgo nas nyon mongs pa'i rkyen yang yin par 'gyur ba zhig na dper na 'dus ma byas ni yid kyi rnam par shes pa'i dmigs pa tsam yin gyi/ skye ba'i rkyen ma yin pa bzhin no/ /rnam par rtog pa de las rnyed pa 'dod pa rnams kun nas nyon mongs par 'gyur ro zhes bya ba ni ma rnyed par rnam par rtog pa las so/ /rnyed pa 'dod pa rnams zhes bya ba ni rnyed pa la chags pa ldan ba'o/ /de dag gis ni rnyed pa la rnam par rtog pa bye brag tu byas so// ma rig pa yang rmongs pa zhes mdo sde gzhan las bstan la zhes bya ba 'di yang skyon gzhan yin te/ gal te rmongs pa ni rig pa med pa'i dngos po tsam yin na rmongs pa med pa rig pa'i mtshan nyid dag ci rmongs pa'i dngos po med pa tsam yin nam/ rmongs pa med pa tsam ni yin pas de ltar mi 'dod de rmongs pa med pa ni shes rab kyi bdag nyid yin pa'i phyir rig pa yin no/ /'on te ma rmongs pa rig pa'i mtshan nyid ni rmongs pa'i gnyen po yin na de gnyis ka yang dngos po med pa la rig pa ma yin te zhes bya ba'i gnyi gci zhe na/ dngos po med pa dang gnyen po'o/ /ci'i phyir zhe na/ de'i phyir dngos po med pa ni skye ba med pa dang ldan pa'i phyir ro zhes bya ba smos so/ /'di ltar gang skye ba dang ldan pa yin pa de kho na dngos po med pa yin gyi/ dngos po med pa ni ma yin no/ /'dod chags la sogs pa'i gnyen po yang lam gyi dngos po yin gyi/ dngos po med pa ni ma yin no/ /dngos po med pa yang rnam pa gnyis te/ snga na med pa dang zhig nas med pa'o/ /de la zhig nas med pa ni skye ba dang ldan pa rnams la yin par mngon sum du grub pa yin no/ /skye ba dang ldan pa yin na yang skye ba'i gnyen po yin te/ dper na 'dod chags la sogs pa'i lam lta bu'o/ /snga na med pa ni skye ba dang ldan pa yang ma yin no/ /de ltar re zhig 'dzin pa ma yin pa dang ldan pa dang/ dngos po ma yin pa dang ldan pa ni ma rig pa yin par mi 'thad do/ /srog chags ma yin pa dang gzugs can ma yin pa zhes bya ba bzhin du/ rig pa las gzhan ba gang yin pa de yang ma rig pa yin te/ ci'i phyir zhe na/ mig la sogs pa la yang thal bar 'gyur ba'i phyir te/ mig dang rna ba dang sna la sogs pa de dag kyang rig pa las gzhan yin pas so/ /mig la sogs pa la thal bar gyur na nyes pa ci yod ces na/ 'jug pa dang ldog par thal ba'i nyes pa yod de/ gal te re zhig mig la sogs pa ma rig pa'i mtshan nyid yin par 'dod na rtag tu yod par thal bar 'gyur te/ dgra bcom pa la yang de yod pa'i phyir ro/ /'o na te mig la sogs pa'i mtshan nyid ma rig pa yin na/ mig la sogs pa ni ma bsgribs la lung du ma bstan pa yin pa'i phyir ma rig pa ma spangs kyang ldog par thal bar 'gyur ro/ /'dod chags la sogs pa yang mig la sogs pa'i mtshan nyid yin par 'gyur te/ ma rig pa'i mtshan nyid yin pa'i phyir ro/ /mig la sogs pa yang 'dod chags la sogs pa'i mtshan nyid yin na ni des na rtag tu yod par thal ba'i skyon de kho na de bzhin du gnas pa nyid du 'gyur te/ dgra bcom pa la yang de yod pa'i phyir ro/ /rig pa dang 'dra ba'i chos gzhan yang bram ze ma yin pa dang/ gzhon nu ma yin pa bzhin du ma rig pa ma yin te/ de med pa'i phyir dang zhes bya ba ni rig pa dang 'dra ba chos gzhan de med pa'i phyir ro zhes bya ba'i tha tshig go/ gal te yang dge ba'i shes rab 'ga' zhig yod la/ rig pa yang ma yin na ni de rig pa dang 'dra bar yang 'gyur na/ de yang yod pa ma yin no/ /brgya zhig la shes rab yod la/ rig pa dang 'dra bar 'gyur na/ de yang yod pa ma yin no/ /'on te shes rab nyon mongs pa can ma yin pa dang chos 'dra bar rtog par byed na de'i phyir nyon mongs pa can ma yin pa lung du ma bstan pa'i shes rab kyi rdzas kyang ma rig pa yin par 'gyur ro/ /nges ci nyes she na/ dgra bcom pa la yang yod par thal bar 'gyur te/ de la yod pa yin pa'i phyir ro/ /'dir gcig kho nar nyon mongs pa can ma rig pa yin par brjod par 'dod na yang/ de ji ltar nyon mongs pa can ma yin pa lung du ma bstan pa'i shes rab kyi rdzas yin par 'gyur/ rig pa yang nyon mongs pa can la bdag po byed pa yod pa ma yin no/ /smad pa'i rig pa yang chung ma ma yin no/ /smad pa'i rig pa yang chung ma ma yin pa dang/ bu ma yin pa bzhin du ma rig pa ma yin te/ ci'i phyir zhe na/ de med pa'i phyir zhes smos te/ smad pa'i rig pa de med pa'i phyir ro/ /zhes bya ba'i tha tshog go /gal te rig pa 'ga' zhig yod la smad pa yin par gyur na ni de ma rig pa yin no zhes rnam par gzhag tu rung ste/ dper na chung ma yod la smad pa yin pa'i phyir chung ma ma yin no zhes bya ba bzhin du rung na de yang yod pa ma yin no/ /'on te dge ba zag pa dang bcas pa'i phyir smad pa yin no zhes brjod na de gcig gu dge ba yin pa'i phyir ji ltar nyon mongs pa'i bdag po byed par 'thad la/ dgra bcom pa la yang de yod pa'i phyir kun nas nyon mongs pa can yin par 'gyur ro/ /nyon mongs pa can gyi shes rab kyi rdzas kyang ma rig pa yin par 'gyur ro zhes bya ba ni gal te shes rab tsam rig pa yin par rnam par 'jog pa'i phyir ro/ /ci nyes zhe na zhes bya ba ni de lta yin na nyes pa ci yod ces bya ba'i tha tshig go / de'i phyir nyon mongs pa can gyi lta ba ma rig pa yin par 'gyur ro zhes smras so// //rten cing 'brel bar 'byung ba'i dang po rnam par dbye ba bstan pa rgya cher 'grel ba/ bam po gsum pa/ ci nyes she na zhes bya ba ni des cir 'gyur ces bya ba'i tha tshig go / de'i phyir so sor ma rig pa'i phra rgyas dang lta ba'i phra rgyas zhes mi brjod par 'gyur ro/ /de'i phyir gal te de las gzhan pa'i nyon mongs pa dang mtshungs par ldan pa'i shes rab ma rig pa yin par 'gyur ro zhes smras so// ci nyes she na de'i phyir ma 'dres pa'i ma rig pa med par 'gyur ro zhes smras te/ smod pa'i shes rab ma rig pa yin par bstan na smad pa yin na ji ltar nyon mongs pa can ma yin par 'gyur/ de ni rnam pa gnyis te/ lta ba'i mtshan nyid dang de las gzhan pa'i nyon mongs pa dang mtshungs par ldan pa'o/ /de ni lta ba yin pa dang/ 'dod chags la sogs pa'i nyon mongs pa gzhan dang mtshungs par 'gyur ba zhes bya'o/ /de la lta ba'i mtshan nyid ni lta ba'i phra rgyas so/ /de las gzhan pa'i nyon/ mongs pa dang mtshungs par ldan pa ni ma rig pa'i su rgyas yin nam 'dres pa'i ma rig pa ni nyon mongs pa dang gang dang yang 'grogs pa ma yin pas de ni ma rig pa ma yin par 'gyur te/ ma rig pa'i mtshan nyid med pa'i phyir ro/ /yang skyon gzhan 'di yod de mi dge ba'i lta ba log par lta ba la sogs pa yang mi dge ba'i rtsa ba rmongs pa dang mtshungs par ldan pa ma yin par 'gyur ro/ /lta ba yang shes rab yin la rmongs pa yang de las gzhan pa'i nyon mongs pa dang mtshungs par ldan pa yin te/ shes rab dang ma rig pa zhes smras pa'i phyir ro/ /shes rab kyi rdzas gnyis mtshungs par ldan pa yang yod pa ma yin te/ rdzas mnyam pa nyid des pa'i phyir ro/ /rig pa chung pa yang lan tshwa med pa la sogs pa bzhin du ma rig pa yin te/ ci'i phyir zhe na/ de'i phyir lugs las bzlog pa'i brgyad pa la sogs pa rgyun? du zhugs pa'i 'bras bu mngon du bya ba'i phyir zhugs pa'i rigs pa zag pa med pa'i shes rab ma rdzogs pa'i rig pa yang ma rig pa yin par gyur ta re zhes smras so/ /de ltar gyur na nyes pa ci yod ce na so so'i skye bo bzhin du nyon mongs pa can yin par 'gyur te/ ma rig pa yod pa'i phyir dang 'phags pa rnams la yang yang srid pa 'phen pa yong? bar 'gyur ba zhig na ma rig pas byas pa'i yang srid ni yong pa ma yin te/ ma rig pa'i nyon mongs pa'i gnyen po yin pa'i phyir ro/ /'on te so so'i skye bo rnams kyi dge ba zag pa dang bcas pa yang rig pa chung bsam yin no zhes de na rigs ba ma yin no/ /de ni gcig tu nyon mongs pa can nyid la sogs pa yin pa'i phyir ro// rigs pa dang bral ba gang yin pa de yang dge slong med pa'i gnas dang chu med pa'i dgon pa bzhin du ma rig pa ma yin te/ rig pa ma skyes pa'i rgyud so so'i skye bo'i rgyud kyi mig la sogs pa thams cad kyang ma rig pa yin par gyur ta re de ltar gyur na ni rnam par byang ba'i phyogs med pa'i skyon du 'gyur te/ ma rig pa'i mtshan nyid mig la sogs pa rnams rtag tu 'brel ba'i phyir ro/ /ji skad du sems nyon mongs par byed pa'i phyir dang sgrib pa yin pa'i phyir dang/ dge ba dang mi mthun pa'i phyir dang/ dge ba la skabs tshol ba'i phyir dang/ bral ba ma yin pa ni 'dir phra rgyas zhes bshad do/ /rig pa'i mi mthun pa'i phyogs chos gzhan ni ma rig pa yin no zhes bya ba'i rig par bya ste/ bsod nams ma yin pa dang/ grags pa ma yin pa lta bu dang zhes bya bas lhag ma 'di grub pa yin te/ ji ltar bsod nams kyi mi mthun ba'i phyogs chos gzhan la bsod nams ma yin no zhes bya ba dang/ grags pa'i mi mthun pa'i phyogs la grags pa ma yin no zhes bya ba de bzhin du rig pa'i mi mthun pa'i phyogs su gyur pa chos gzhan la ma rig pa zhes bya'o/ /mi dge ba'i chos thams cad ni dge ba'i chos rnams kun tu 'byung ba dang mi mthun pa yin par 'dod du zin kyang 'on kyang ma rig pa kho na mi mthun pa'i phyogs yin par brjod par bya ste/ de ni de dag gi snga rol pa yin pa'i phyir ro/ /ji skad du rmongs pa kho nas de skye ba'i phyir ro zhes bya ba dang de bzhin du ma rig pa kun 'byung b las zag pa kun 'byung ba yin no zhes gsungs pa yin no/ /rig pa ni shes bya'i rang dad sbyi'i mtshan nyid kyi rnam pa phyin ci ma log par yang dag par mthong ba'i rnam ba gsal bar gyur pa yin pa'i phyir ro/ /mi mthun pa'i phyogs nye ba'i dbang du byas nas yang dag par rab tu mi mthong ba'i rnam pa nyid ni ma rig pa yin te/ mun pa'i rnam pa yin pa'i phyir ro/ /de bas na de ni rig pa'i mi mthun pa'i phyogs zhes bya bar grub pa yin no/ /ji ltar tshogs pa'i mi mthun pa'i phyogs ni chags pa med pa yin zhing zhe sdang gi min thun pa'i phyogs ni zhe sdang med pa yin te/ mi mthun pa'i phyogs nye ba'i dbang du byas nas kun tu 'byung ba'i rnam ba dgra zla yin pa'i phyir ro/ /de'i ngo bo yang gang zhe na zhes bya ba ni ma rig pa de'i'o/ /de'i phyir re zhig byams pa'i rnam pa'i sems la chags pa med pa'i rang gi ngo bo yang gang zhig yin/ mi sdug pa'i rnam pa la zhe sdang med pa yang gang zhig yin zhes bya ba smras te/ byams pa'i rnam pa ni sems kyis sems can bdag gir byed pa bzhin yin na der chags pa med pa'i rang gi ngo bo yongs su bcad par mi nus so/ /mi sdug pa'i rnam pas yongs su spong bar byed pa bzhin yin na de la zhe sdang med pa'i rang gi ngo bo nges par bya bar mi nus te/ de gnyis la ni de gnyis te chags pa dang zhe sdang mi mthun pa'i phyogs kyi mtshan nyid med ba yang ma yin no zhes bya ba la de gnyis la ni zhes bya ba ni chags pa med pa dang zhe sdang med pa gnyis la'o/ /de gnyis te zhes bya ba ni byams pa dang mi sdug pa'i rnam pa'i sems de gnyis te/ chags ba dang zhe sdang mi mthun pa'i phyogs kyi mtshan nyid yin pa'i phyir ro/ /chags pa dang zhe sdang mi mthun pa'i phyogs kyi mtshan nyid 'di gnyis ni go rim bzhin du chags pa med pa dang zhe sdang med pa 'di gnyis kyi mi mthun pa'i phyogs kyi mtshan nyid chags pa dang zhe sdang yin no/ /chags pa dang zhe sdang gi gnyen po yang chags pa med pa dang zhe sdang med pa gnyis yin la chags pa dang zhe sdang gnyis ni mi mthun pa'i phyogs su bstan te/ /re zhig gnyen po gang yin pa'i mi mthun pa'i phyogs kyang de yin nam zhe na/ mi mthun pa'i phyogs yin la gnyen po ma yin pa yang yod de/ nyon mongs can gyi chos rnams yin no/ /mi mthun pa'i phyogs kyi mtshan nyid kyang sngar mi mthun ba'i phyogs nye ba'i bang du byas nas kun nas 'byung ba'i rnam pa ni mi mthun pa'i phyogs yin no/ /zhes bstan zin to/ /mig la sogs pa'i dbang bo rnams kyi gzugs dang ba'i rang gi ngo bo yang nges par bya ba su zhig nus zhes bya ba ni yul gzugs dang ba'i rang gi ngo bo ma gtog par gzhan gzugs dang ba'i rang gi ngo bo grub pa ma yin no zhes bya ba yin no/ /mthang ba'i bya ba byed pa las ni zhes bya ba ni mthong ba dang thos pa dang bsnams pa dang/ ro myong ba dang reg pa'i bya ba byed pa las de yod par nges par bya ste/ de dag gi mig dang rna ba la sogs pa yod par mngon pa yin no zhes bya ba'i tha tshig go/ long ba la sogs pa la mthong ba la sogs pa'i bya ba byed pa med pa'i phyir dang lus dang sems kyi gnas skabs kyi bye brag las kyang gnyid log pa la yod pa nyid du nges par gzung bar bya'o/ /'dir kha cig smra ba dbang po lnga mi 'jug cing yid rang dbang med par 'jug pa ni gnyid yin no zhe'o/ kha cig na re lus 'dzin mi nus par sems bsdus pa yin no zhe'o/ /gtso bor ni 'jig rten las 'das pa'i shes rab dang zhes bya ba ni de ni mnyam par gzhag pa zag pa med pa yin pa'i phyir don dam par rig pa zhes bya'o/ /rnam par grol bar song ba yang yin te/ nye na shin tu nyon mongs pa spangs pa yin no/ /de dang rjes su mthun ba dang zhes bya ba ni de'i rgyu yin pa'i phyir zhes pa'i tha tshig ste/ 'bras bu'i rgyur brjod pa yin no/ /de'i ched du byed pa dang zhes bya ba ni 'jig rten las 'das pa'i shes rab kyi ched du byad pa zhes bya ba'i tha tshig go / de yongs su sbyor bar byed pa zhes bya ba ni 'jig rten las 'das pa'i ye shes thob pa'i thabs su gyur pa thos pa las byung ba la sogs pa'i shes rab ni rig pa zhes bya ste/ rgyu la 'bras bu nye ba btags pa yin no/ /de dag gi mtshan nyid brjod pa ni yid ches pa'i tshig tshad ma las nges pa skyes pa ni thos pa las byung ba'i shes rab bo/ /rigs pas dbyod pa las skyes pa ni bsams pa las byung ba'o/ /ting nge 'dzin las byung ba ni bsgoms pa las byung ba'o/ /byung ba zhes bya ba ni rgyu yin pa la? bya ste/ dper na zas las byung ba ni srog yin no/ /rtsa las byung ba ni ba lang yin no zhes bya ba lta bu'o/ /gnas brtan shA ri'i bus gsungs pa'i mdo las kyang zhes rgyas par 'byung ba ni 'dir gtsor dgongs pa ston pa yin no/ /ji lta ba bzhin du rig pa yin pa dang zhes rgyas par 'byung ba ni tshor ba dang rig pa dang shes pa zhes bya ba rnam grangs so/ /ji lta ba bzhin zhes bya ba phyin ci ma log pa'i don gyis so/ /de yang 'jig rten las 'das pa'i shes rab dang/ de'i rjes las thob pa yang yin par bstan te/ de dag kyang ji lta ba bzhin du rig pa yin no zhes 'dir nges pa'i tshig sgrub pa'i tshul du rig par bya'o/ /des rnam par grol par 'gro ba 'am zhes bya ba ni 'jig rten las 'das pa'i shes rab kyis dang/ de yongs su sbyong bar gyur pas kyang rim gyis rnam par grol bar 'gro zhing mya ngan las 'das pa thob par byed pa'o/ /gtan tshigs des na rig pa zhes bya ste/ nges tshig ces bya ba ni rig pa'i rnam par nges pa'i tshig go /rig par ram zhes bya ba ci zhe na/ nges 'gro zhes bya bar sbyar te/ zag pa med pa'i shes rab yongs su sbyong bar gyur pa nges 'gro zhing 'thob par 'gyur ba'i gtan tshigs des kyang rig pa zhes bya'o/ /ji ltar rigs par zhes bya ba ni ji ltar srid pa dang ji skad du brjod pa yin no/ /gnas brtan shA ri'i bus gsungs pa'i mdo de las kyang zhes rgyas par 'byung ba la mdo de las ni gang gnas brtan shA ri'i bus gsungs pa rab tu shes pa zhes rgya cher 'byung ba'o/ /de ni shes pa'i don yin pa'i phyir rig pa zhes bya ba'i khams ni rig pa dang shes pa zhes bya ste/ 'di rig pa yin pa de bas na rig pa zhes rnam par bshad pa'i rnam grangs ston par byed do/ /ci'i phyir zhe na/ rab tu shes par byed pa zhes brjod pa ni shin tu grags pa yin pa'i phyir ro/ /bya ba byed pa gzhan med par byed p a po ston pa ji ltar rigs te zhes rgyas par 'byung ba ni shes rab la ma gtogs par bya ba byed pa gzhan med par rab tu shes par byed do zhes bya ba byed pa po ston pa ji ltar rigs te 'di ltar skad cig ma la ni rab tu shes par byed pa'i byed pa po gzhan yod pa ma yin no/ /ji ltar mi rigs zhes de'i phyir 'di ltar lhag ma'i sbyor ba mthong ba ni med pa yin no zhes na zhes smras te/ 'jig rten na yang chos pa'i bya ba byed pa ma gtogs par chos zin pa la byed pa po'i sbyor ba mthong ba yod pa ma yin no zhe na/ 'di nyid gtsug lag las sgras ci chang gnyis kyis rjes su bsgrub par bya'o zhes rab tu sbyor ba 'di mthong ba ma yin nam/ ci'i phyir 'di ltar lhag ma'i sbyor ba mthong ba ni med pa yin no zhes bya ba 'di rjod par byed/ 'on te gtsug lag rang bzo ste tshad ma ma yin na ni sgra'i bstan bcos las lhag ma bstan pa yin no zhes de yang chad par byed pa ci'i phyir chad ma yin/ 'on te 'di gtsug lag ma yin no zhes brjod na ni 'di la brjod pa mang du yod pas shin tu 'phros pa bzhag go /sa bon las myu gu 'byung bar byed ces bya ba las gzhan byed pa med kyang byed pa po ston pa 'di yang yod pa yin no/ /rgol ba po dang dngos po tsam yin te bya ba byed pa gzhan med par byed pa po bstan med par byed pa po ston pa yin du chug na 'o na ci'i phyir las ston bya ba byed pa med par gzugs yang dag pa ji lta ba bzhin du rab tu shes par byed pa de la ni bya ba byed pa med par byad pa po stan pa de la las dang 'brel ba yang yod pa ma yin te/ ji ltar khyod nyid kyi blos sa bon las myu gu 'byung bar byed do zhes bya ba las dang 'brel ba ma yin pa bzhin no zhe na de'i phyir las bstan pa ni shes rab kyi yul bstan pa'i phyir zhes smras so/ /ji ltar zhe na yul gang la shes rab skyes pa zhes rgya cher 'byung ba yin no/ /de lta ma yin na shes rab kyi yul ma bstan par 'gyur ro/ /de ni de snang bar skye ba na de la bya ba byed pa dang bcas pa lta bu kho nar snang ngo/ /ji ltar snang ba de bzhin du shes par byed pa de bas na rig pa zhes bya'o zhes 'di'i nges pa'i tshig byed pa yin no/ /yang na gang du mi mthun pa'i phyogs zhes rgyas par 'byung ba ni gzugs la sogs pa'i yul gang du mi mthun pa'i phyogs rig pa'i mi mthun pa'i phyogs mi shes pa de 'joms par byed pa rnam par 'jig par byed pa'i yul de rnam par shes par byed do zhes bya'o/ /de ltar na bya ba byed pa dang bcas pa la yang las ston pa yod do zhes ston par byed do/ /dper 'di na sgron me ni me'i mi mthun pa'i phyogs mun pa 'joms pa'i yul de snang bar byed de zhes bya ba bzhin no/ /gang de zhes bya ba ni sngar bstan pa yin te/ mdo sde dang de las gsungs pa'o zhes bya ba ni 'di lta ste gsus po che'i mdo las phung po lnga la zhes rgyas par gsungs nas nye bar len pa'i phung po lnga po de dag yang dag pa ji lta ba bzhin du mi shes pa dang/ mi mthong ba dang mngon par mi rtogs pa zhes rgyas par 'byung ba'o/ /de bzhin du skye mched drug po la zhes rgyas par 'byung ba'o/ /de bzhin du skye mched drug po la zhes rgyas par gsungs nas skye mched drug po de dag nyid yang dag pa ji lta ba bzhin du mi shes pa dang mi mthong ba dang/ mngon par mi rtogs pa zhes rgyas par 'byung ba'o// rgyas pa smos pas ni sngon gyi mdza' nas brtsams nas mun pa'i rnam pa'i bar du mdo sde'i dum bu thams cad ston par byed do/ /sngon gyi mdza' la sogs pa ni dmigs pa'o zhes bya ba ni sngon gyi mdza' dang phyi ma'i mdza' dang/ gnyi ga dang nang dang/ phyi dang gnyi ga dang/ las dang rnam par smin pa dang/ gnyi ga dang/ sangs rgyas dang/ chos dang/ dge 'dun dang/ sdug bsngal dang/ kun 'byung dang/ 'gog pa dang/ lam dang/ rgyu dang/ yang dag pa byung ba dang/ dge ba dang/ mi dge ba dang kha na ma tho ba dang bcas pa dang/ kha na ma tho ba med pa dang/ bsten par bya ba dang/ bsten par bya ba ma yin pa dang/ ngan pa dang/ gya nom pa dang/ nag po dang/ dkar po dang/ rnam par dbye ba dang bcas pa'i rten cing 'brel par 'byung ba dang/ reg pa'i skye mched drug rnams ni ma rig pa'i dmigs pa yin no/ /mi shes pa la sogs pa ni rnam grangs so/ /zhes bya ba ni mi shes pa dang/ mi mthong ba dang/ mngon par mi rtogs pa dang/ rmongs pa dang/ kun tu rmongs pa dang/ ma rig pa dang/ mun pa'i rnam pa dag ces bya ba yin no/ /de la sngon gyi mdza' dang phyi ma'i mdza' gnyis la the tshom za ba dang mtshungs par ldan pa'i ma rig pa yin par gsungs pa ni ci bdag 'das pa'i dus na byung ba zhig gam/ 'on te ma byung ba zhig gam/ ji lta bur bdag byung ba yin/ ji lta bdag byung ba yin zhes bya ba dang/ ci bdag ma 'ongs pa'i dus na 'byung bar 'gyur ram/ 'on te 'byung bar mi 'gyur zhes the tshom za ba'i phyir ro zhes gsungs pa'i phyir ro/ /dbye ba med par rmongs pa 'jug pa zhes bya ba ni sngon gyi mdza' dang phyi ma'i mdza' la spyod pa med pa kho nar 'khor bar 'jug cing rmongs pa'i shes pa gang yin pa de ni ma 'dres pa'i ma rig pa yin par bstan to/ /sngon gyi mdza' yod pa ma yin/ phyi ma'i mdza' yod pa ma yin gyi ji tsam dbang po'i spyod yul gyi skyes bu 'di dag kho nar zad do zhes de ltar rtog pa'i mi shes pa gang yin pa de ni log par lta ba dang mtshungs par ldan pa'i ma rig pa yin par bstan to/ /nang mi shes pa ni rang gi rgyud la sems can du lta bar bsams pa'i mi shes pa gang yin pa de ni 'jig tshogs la lta ba dang mtshungs par ldan pa'i ma rig pa yin par bstan to/ /phyi mi shes pa ni zhes rgyas par 'byung ba'i mi shes pa 'di ni rnal 'byor spyod pa'i tshul gyis 'jig tshogs la lta ba dang mtshungs par ldan pa kho na'i ma rig pa yin par bstan to/ /kha cha? bye brag tu smra ba dag ni 'di ni lta ba ma yin gyi 'o na ci zhe na/ log pa'i shes pa yin no/ /rang gi rgyud la dmigs nas sems can du lta ba kho na 'jig tshogs la lta ba yin no zhes brjod do/ /gnyi ga mi shes pa ni rang dang gzhan gyi rgyud gnyi ga la bye brag med par rmongs pa'o zhes bya ba ni rang gi rgyud dam gzhan gyi rgyud la bdag tu rtog pa ma yin gyi 'o na ci zhe na/ bdag dang gzhan gyi rgyud gnyi ga bye brag med pa kho nar bdag med pa yin par ma rtogs pa'i mi shes pa gang yin pa de ni ma 'dres pa'i ma rig pa yin par bstan to/ /las mi shes pa ni bsod nams dang bsod nams ma yin pa yod pa nyid la the tshom za ba dang skur pa 'debs pa'o zhes bya ba de la bsod nams dang bsod nams ma yin pa yod pa nyid la the tsom za ba dang ldan pa'i mi shes pa gang yin pa de ni the tsom za ba dang mtshungs par ldan pa'i ma rig pa yin par bstan to/ /bsod nams dang bsod nams ma yin pa yod pa nyid la bsod nams yod pa ma yin no/ /bsod nams ma yin pa yang yod pa ma yin no zhes skur pa 'debs pa rnams kyi mi shes pa gang yin pa de ni log par lta ba dang mtshungs par ldan pa yin no/ /bsod nams la yang bsod nams ma yin par 'du shes pa rnams kyi mi shes pa gang yin pa de ni tshul khrims dang brtul zhugs mchog tu 'dzin pa dang mtshungs par ldan pa dang log par lta ba dang mtshungs par ldan pa yang yin no/ /ji lta zhe na gal te bsod nams la 'bras bu yid du mi 'ong ba'i rgyur gyur pa bsod nams ma yin pa yin no zhes rtog na tshul khrims dang/ brtul zhugs mchog tu 'dzin pa dang mtshungs par ldan pa yin no/ /'on te bsod nams la yid du 'ong ba'i 'bras bu'i rgyur gyur pa nyid chung zad kyang ma yin no zhe na/ log par lta ba dang mtshungs par ldan pa yin no/ /bsod nams la bsod nams ma yin par 'du shes par ji ltar 'gyur zhe na/ de'i phyir phyugs gsod pa dang mer 'jug pa la sogs pa zhes smos te/ de dag ni phyugs gsod pa dang mer 'jug pa la sogs pa la bsod nams su 'du shes pa yin pa'i phyir ro/ /de bas na de las/ ldog pa'i phyir te/ bsod nams la bsod nams ma yin par 'du shes pa dang bsod nams ma yin pa la yang bsod nams su 'du shes pa rnams kyi mi shes pa gang yin pa de yang tshul khrims dang brtul zhugs mchog tu 'dzin pa dang/ mtshungs par ldan pa dang log par lta ba dang mtshungs par ldan pa'i ma rig pa yin te/ gal te yid du 'ong ba'i 'bras bu'i rgyur gyur pa'i bsod nams bzhin du bsod nams ma yin pa la rtog na ni tshul khrims dang brtul zhugs mchog tu 'dzin pa dang mtshungs par ldan pa yin no// 'on te bsod nams bzhin du 'bras bu yid du mi 'ong ba ma yin no zhes bsod nams ma yin pa la rtog na log par lta ba dang mtshungs par ldan pa yin no/ /rgyu dang 'bras bu phyin ci log tu skur pa 'debs pa 'am/ lta ba yang log par lta ba yin pa'i phyir 'di yang log par lta ba dang mtshungs par ldan pa yin no zhes bstan to/ /rnam par smin pa mi shes pa zhes rgyas par 'byung ba 'di yang the tshom dang mtshungs par ldan pa dang log par lta ba dang mtshungs par ldan pa nyid du bstan to/ /rnam par smin pa ma yin pa la yang zhes rgyas par 'byung ba 'di yang gcer pu pa rnams kyi log par lta ba dang mtshungs par ldan pa'i ma rig pa yin par bstan te/ skyes bu byed pa'i rgyu la skur pa 'debs pa'i phyir te/ de dag ni thams cad sngon byas pa'i rgyu can yin par brjod do/ /rgyu dang 'bras bu phyin ci log tu lta ba yang log par lta ba yin pa'i phyir ro/ /rnam par smin pa la yang rnam par smin pa ma yin par 'du shes pa ni zhes rgyas par 'byung ba 'di yang log par lta ba kho na dang mtshungs par ldan pa yin te/ rnam par smin pa dang rgyu la skur pa 'debs pa'i phyir ro/ /lha rnams ni rang byung yin no zhes gang dag brjod cing rgyu dang 'bras bu phyin ci log par lta ba yin pa'i phyir te/ lha'i lus rnam par smin pa yin pa de la rnam par smin pa ma yin par 'du shes pa'i phyir ro/ /gnyi ga mi shes pa zhes rgyas par 'byung ba de la gnyi ga zhes bya ba ni las dang rnam par smin pa'o/ /dbang phyug la sogs pa 'gro ba'i byed pa po yin par 'du shes pa rnams kyi mi shes pa gang yin pa de ni tshul khrims dang brtul zhugs mchog tu 'dzin pa dang mtshungs par ldan pa'i ma rig pa yin par bstan te/ rgyu ma yin pa la rgyur lta ba'i phyir ro/ /'di ni gcig kho na la mi shes pa yin yang gnyis ka yin par bstan to/ 'dis rnam par smin pa la yang rmongs pa yin te/ de'i rgyu gzhan du rtog par byed pa'i phyir ro/ /rgyu med par smra ba rnams kyi yang yin no zhes bya ba ni gang dag rgyu yod pa ma yin no zhes smra ba de dag kyang gnyi gar mi shes pa log par lta ba dang mtshungs par ldan pa'i rig pa yin par bstan te/ rgyu la skur pa 'debs pa gang yin pa de ni rnam par smin pa'i rgyu sngon gyi yin par mi shes pas gnyi gar mi shes pa yin no zhes bstan no/ /sangs rgyas la sogs par mi shes pa zhes rgyas par 'byung ba la khong du ma chud pa 'am zhes bya ba ni ma 'dres pa'i ma rig pa yin par bstan to/ /the tshom za ba 'am zhes bya ba ni the tshom za ba dang mtshungs par ldan pa yin no/ /log par lta ba 'am zhes bya ba ni log par lta ba dang mtshungs par ldan pa yin no/ /de bzhin du sdug bsngal la sogs pa la sdug bsngal la sogs pa'i mtshan nyid thos na zhes bya ba la sdug bsngal gyi bden pa'i mtshan nyid ni mi rtag pa dang sdug bsngal ba dang stong pa dang bdag med pa'o/ /kun 'byung gi mtshan nyid ni kun 'byung dang/ rgyu dang rab tu skye ba dang/ /rkyen gyi mtshan nyid do/ /'gog pa'i mtshan nyid ni 'gog pa dang zhi ba dang/ gya nom pa dang nges par 'byung ba'i mtshan nyid do/ /lam gyi mtshan nyid ni lam dang rig pa dang sgrub pa dang/ nges par 'byin par byed pa'i mtshan nyid do/ /snga ma bzhin no zhes bya ba de khong du ma chud pa 'am the tshom za ba 'am skur pa 'debs pa'o zhes smras pa gang yin pa'o/ /rgyu dang rgyu las yang dag par byung ba'i chos rnams zhes rgyas par 'byung ba la rgyu dang 'bras bur gyur pa'i srid pa'i yan lag bcu gnyis zhes bya ba ni ma rig pa la sogs pa nas rga shi la thug pa'i bar de dag ni yan lag phyi ma las bltos na ni rgyur gyur pa yin la/ yan lag snga ma la bltos na ni 'bras bur gyur pa yin no/ /de la yang de khong du mi chud pa 'am/ the tsom za ba 'am/ skur pa 'debs pa zhes brjod par bya'o/ /byang chub kyi phyogs mi mthun pa'i phyogs dang bcas pa rgyu dang bcas pa zhes bya ba de la byang chub kyi phyogs de dag mi mthun pa'i phyogs dang bcas pa rgyud dang bcas pa zhes bstan pa de la byang chub kyi phyogs ni dran pa nye bar gzhag pa dang/ yang dag par spong ba dang/ rdzu 'phrul gyi rkang pa dang/ dbang po dang stobs dang byang chub kyi yan lag dang lam mo/ /de'i mi mthun pa'i phyogs ni mi shes pa dang le lo dang/ g.yeng ba dang/ ma dad pa dang/ dran pa nyams pa dang/ shes bzhin ma yin pa dang/ mthong bas spangs par bya ba dang/ bsgom pas spangs par bya ba'i phra rgyas rnams so/ /byang chub kyi phyogs kyi chos rnams kyi rgyu ni skyes bu dam pa la brten pa dang/ dam pa'i chos nyan pa dang/ tshul bzhin yid la byed pa dang/ sngon gyi tshe rabs la goms pa'o/ /de la skyes bu dam pa la brtan pa dang dam pa'i chos nyan pa ni gzhan gyi rkyen gyi stobs so/ /tshul bzhin yid la byed pa ni nang gi rkyen gyi stobs so/ /sngon gyi tshe rabs la goms pa ni rgyu dang rkyen gyi stobs yin no/ /de'i mi mthun pa'i phyogs kyi rgyu ni skyes bu dam pa ma yin pa la brten pa dang/ dam pa'i chos ma yin pa nyan pa dang/ tshul bzhin ma yin par yid la byed pa dang/ sngon gyi tshe rabs la ma goms pa'o/ /de la skyes bu dam pa ma yin pa la brten pa ni bdag po'i rkyen yin no/ /dam ba'i chos ma yin pa nyan pa ni dmigs pa'i rkyen yin no/ /tshul bzhin ma yin par yid la byed pa ni de ma thag pa'i rkyen yin no/ /tshe rabs snga ma la goms pa ni rgyu'i rkyen yin te de dag mi shes pa ni ji skad du de khong du mi chud pa 'am/ the tshom za ba 'am/ skur pa 'debs pa'o zhes bstan pa yin no/ /de dag ni dge ba yin te/ bde ba'i don gyi phyir dang/ 'bras bu yid du 'ong ba'i phyir zhes bya ba byang chub kyi phyogs de dag bde ba'i don gyi phyir zhes bya ba ni gnod pa med pa'i don yin pa'i phyir ro/ /ji ltar zhe na de'i phyir 'bras bu yid du 'ong ba yin pa'i phyir zhes bya ba smras te/ 'bras bu yid du mi 'ong ba ni gnod pa dang bcas pa yin pa'i don gyis mi bde ba zhes bya ba'o/ /ma rig pa'i gnyen po yin pa'i phyir ro zhes bya ba ni dus re zhig pa dang gtan du ba ste/ dge ba zag pa dang bcas pa'i byang chub kyi phyogs rnams ni dus re zhig cig ma rig pa'i gnyen po yin no/ /yang na dge ba zag pa dang bcas pa rnams ni 'bras bu yid du 'ong ba yin pa'i phyir bde ba yin te/ de ni gnod pa med pa yin pa'i phyir ro/ /zag pa med pa rnams ni ma rig pa'i gnyen po yin pa'i don gyis gnod pa sel bar byed pa'i phyir bde ba yin pa'i phyir ro/ /smad pa'i don gyi kha na mtho ba zhes bya'o/ /de las bzlog pa kha na ma tho ba med pa ni mkhas bas bsngags pa'i don gyis yin no zhes bya bar grub pa yin no/ /mkhas pa smos pa ni rmongs shing phyin ci log pas bsngags pa bsal ba'i phyir ro/ /bsten par bya ba ni yang nas yang mngon du bya ba'i don gyis so zhes bya ba ci'i phyir zhe na phan pa yin pa'i phyir te phan pa ni yang nas yang du mngon du bya ba yin pa'i don gyis bsten par bya bar 'os pa yin no/ /tshim par byed pa ni lus dang sems tshim byed pa'i don gyis te zhes bya ba ji ltar yin zhe na de'i phyir shin tu sbyangs pa'i bye brag dang ldan pa'i phyir ro zhes bya ba smras te/ de dag ni lus dang sems la tshim par byed pa yin no/ /dkar ba ni dri ma med pa'i don gyis te/ ji lta zhe na de'i phyir zag pa med pa yin pa'i phyir ro zhes lta zhe na/ de'i phyir zag pa med pa'i phyir ro zhes smras te/ zag pa rnams ni sems dang sems las byung ba'i dri ma lta bu yin no/ /de las zlog pa zhes rgyas par 'byung ba ji lta bu zhe na/ de dag ni mi dge ba ste mi bde ba'i don gyis yin te/ de 'bras bu yang du mi 'ong ba yin pa'i phyir dang/ rig pa'i mi mthun pa'i phyogs yin pa'i don gyis so/ /kha na ma tho ba dang bcas pa ni mi mkhas pas bsngags pa'i don gyis sam/ smad pa'i don gyis so/ /bsten par bya ba ma yin pa ni mngon du bya ba ma yin pa'i don gyis te/ /mi phen pa yin pa'i phyir bsten par 'os pa ma yin pas so/ /tshim par byed pa ma yin pa ni lus dang sems tshim par byed pa ma yin pa'i don gyis te shin tu sbyangs pa ma yin pa'i bye brag dang ldan pa'i phyir ro/ /nag po ni dri ma med pa ma yin pa'i don gyis te/ ji ltar zhe na zag pa dang bcas pa yin pa'i phyir ro/ /mi mthun pa'i phyogs dang 'dra ba'i rten cing 'brel par 'byung ba ni byang chub kyi phyogs de dag nyid mi mthun pa'i phyogs dang bcas pa yin no/ /ji lta zhe na de'i phyir skyes bu dam pa dang/ skyes bu dam pa ma yin pa la brten pa la sogs pa dang tshe rabs snga ma'i rgyu la brten te byung ba'i phyir ro zhes smras so/ /reg pa'i skye mched drug yang dag pa ji lta ba bzhin du khong du chud par mi shes pa gang yin pa de ni mngon pa'i nga rgyal dang mtshungs par ldan pa'i ma rig par bstan to de la reg pa'i skye mched drug ni mig dang rna ba dang/ sna dang lce dang lus dang yid kyi skye mched rnams te de skye ba'i sgo'i don gyis so/ /de la dmigs pa 'jig rten las 'das pa bdag med pa'i ye shes kyis ni de dag yang dag pa ji lta ba bzhin du khong du chud pa yin no zhes bya ba ni mthong ba dang/ thos pa dang bsnams pa dang/ ro myangs pa dang reg pa dang/ rnam par shes pa'i sgo nas de dag la 'jig tshogs la lta ba 'byung bar 'gyur ro/ /de'i phyir bdag med pa'i ye shes ni de dag yang dag pa ji lta ba bzhin du khong du chud pa zhes bya ste/ de'i gnyen po yin pa'i phyir ro/ /mi rtag pa dang sdug bsngal ba'i rnam pa dang ldan pa smon pa med pa'i shes pa de dag yang dag pa ji lta ba bzhin du khong du chud pa ma yin te/ yang dag pa ji lta ba bzhin du khong du chud pa smos pa ni 'jig rten pa'i bdag med pa shes pa las bye brag tu bya ba'i phyir ro/ /de nyid kyi phyir de la dmigs pa 'jig rten las 'das pa zhes bya ba smos te/ yang dag pa ji lta ba bzhin du khong du chud pa de ni 'jig rten pa ma yin no/ /lam mi shes pa dang yang dag pa ji lta ba bzhin du rtogs pa mi shes pa la bye brag ci yod ce na zhes bya ba ni yang dag pa ji ta ba bzhin rtogs pa la yang lam yin te/ lam la mi shes ba yin par yang bstan pa yin no zhe na/ de'i phyir des ni ji ltar mu stegs can bzhin du lam la lam yin par mi mos so zhes rgyas par smras so/ /'jug pa gang yin pa de ni 'ong ba dang 'gro ba dang zhes bya ba ni sngon gyi mdza' dang phyi ma'i mdza' dang gnyi ga zhes bya ba yin te/ sngon gyi mdza' mi shes pa zhes rgyas par bstan pa yin no/ /de la sngon gyi mdza' nas phyi ma'i mdza' zhes bya ba ni 'ong ba yin no/ /phyi ma'i mdza' nas sngon gyi mdza' zhes bya ba ni 'gro ba yin no/ /sems can zhes bya ba 'jug pa gang yin pa yang rang dang gzhan gyi rgyud kyi zhes bya ba ni nang mi shes pa dang zhes rgyas par bstan pa yin pa'i phyir ro/ /de yang sngon gyi mdza' dang phyi ma'i mdza' 'ong ba dang 'gro ba'i mtshan nyid de sems can zhes bya ba'i dngos? po 'jug pa yin no/ /de ltar 'jug pa yang so so'i las kyis rnam par smin pa 'byin par byed pa'i phyir te zhes bya ba yin te/ las mi shes pa zhes rgyas par bstan pa yin pa'i phyir ro/ /las kyis ni sngon gyi mdza' las phyi ma'i mdza' ? 'grub par byed la de dang ldan pa ni rnam par smin pa mngon par 'grub par byed pa'i phyir ro/ /'di ni 'jug pa'i phyogs las brtsams te ma rig pa'i dmigs pa'i dbye ba yin par rig par bya'o/ /ldog pa gang yin pa de ni rten dang zhes rgyas par 'byung ba de la ldog pa'i rten ni skyabs gsum mo zhes bya ba ni sangs rgyas dang chos dang dge 'dun yin te/ ji skad du sangs rgyas mi shes pa dang chos dang dge 'dun mi shes pa zhes gang smras pa yin la yang dag pa ji lta ba bzhin du khong du chud pa'i shes pa yang dkon mchog gsum la brten nas skye ba'i phyir ro/ /dmigs pa ni mdor bsdus na bden pa bzhi'o zhes bya ba ni sdug bsngal la sogs pa yang dag pa ji lta ba bzhin du khong du chud pa'i dmigs pa ni sdug bsngal la sogs pa yin pa'i phyir te mdza' dag mdor bsdus na yang dag pa ji lta ba bzhin du khong du chud pa'i shes pa'i dbang du byas nas sdug bsngal mi shes pa dang zhes rgyas par bstan pa'i phyir ro/ /rgyas par ni rten cing 'brel par 'byung ba yan lag bcu gnyis so zhes bya ba ni sdug bsngal dang kun 'byung gi bden pa so sor dbye ba byas nas rgyu dang rgyu las yang dag par byung ba'i chos mi shes pa zhes smras pa'i phyir dang de la yan lag snga ma ni rgyu yin no/ /phyi ma ni rgyu las yang dag par 'byung ba yin no zhes smras pa'i phyir ro/ /tshogs dang bar du gcod pa gnyis ni byang chub kyi phyogs kyi chos rnams dang de'i mi mthun pa'i phyogs so zhes bya ba la byang chub kyi phyogs ni tshogs yin no/ /de'i mi mthun pa'i phyogs ni bar du gcod pa'i phyir dge ba dang mi dge ba zhes bya ba nas rten cing 'brel par 'byung ba rnam par dbye ba zhes bya ba'i bar du smras pa'i phyir ro/ /ngo bo nyid ni reg pa'i skye mched drug yang dag pa ji lta ba bzhin du khong du chud pa yin te zhes bya ba ni reg pa'i skye mched drug yang dag pa ji lta ba bzhin du khong du chud pa'i shes pa ni ldog pa'i ngo bo nyid yin no zhes ston par byed do/ /bdag gis mthong ngo zhes bya ba nas rnam par shes so zhes bya ba'i bar la bdag tu lta ba'i mtshan nyid 'jig tshogs la lta ba'i gnyen po yin pa'i phyir ro zhes bya ba ni 'jig tshogs la lta ba ldog pa'i don gyis yang dag pa ji lta ba bzhin du khong du chud pa'i shes pa ni log pa yin no zhes bstan to/ /'di dag ni ma rig pa ldog pa'i dbang du byas nas dmigs pa'i dbye ba yin no/ /gang de dang der zhes bya ba yang ci'i phyir zhe na zhes bya ba ni gang der zhes bya ba de dag nyid kyis de dang der gsungs pa smos pa byed pa yin pa'i phyir ro/ /de'i phyir sngon gyi mdza' la sogs pa re rer yang zhes rgyas par smos te/ sngon gyi mdza' gang yin pa nas reg pa'i skye mched drug yang dag pa ji lta ba bzhin du khong du chud pa la thug pa'i bar du tshig gi don mi shes pa dang ma mthong ba dang/ mngon par ma rtogs pa dang/ rmongs pa dang kun tu rmongs pa dang/ ma rig pa dang mun pa'i rnam pa zhes bya ba dag ni ma rig pa'i rnam grangs bdun yin no/ /'ga' zhig ji ltar yang de'i don khong du chud par bya ba'i phyir dang zhes bya ba ni nyan pa po 'ga' zhig ji ltar yang rnam grangs tha dad pa dag gis kyang de'i don rtogs par bya ba'i phyir te/ kha cig la ni tshig gi don kha cig grags pa yin no/ /de'i tshe rnam par g.yengs pa rnams de'i don thos par bya ba'i phyir ro zhes bya ba ni nyan pa'i tshe g.yengs pa rnams de'i skabs kyi don thos par bya ba'i phyir te/ rnam grangs kyi tshig ni skyon med pa'i don dang ldan pa yin no/ /de nyid brjod na ni gzhan dag gis dpyad par 'gyur ro zhes bya ba ni de kho nas kyang de'i tshe g.yengs pa rnams kyis rtogs par bya ba de'i tshe g.yengs pa rnams la nus mod kyi zhes bya ba'o/ /yid rtul po dag kyang yang nas yang du de'i don rtogs pas mi brjod par bya ba'i phyir ro zhes bya ba ni yid rtul po rnams mi brjed par bya ba'i phyir zhes bya ba gang zhe na/ rnam grangs kyi tshig yin no/ /de dag gis yang nas yang du de'i don rtogs pas zhes bya ba la de dag gis zhes bya ba ni rnam grangs kyi tshig de dag gis so/ /de'i don rtogs pas shes bya ba ni skabs kyi don rtogs pas zhes bya ba'i tha tshig go /de kho nas kyang yang nas yang du de'i don rtogs par byed nus mod kyi dpyad par 'gyur ro zhes bya ba smras zin to/ /sgra gcig la don du ma yod pas don tha dad par rtog pa bsal ba'i phyir dang zhes bya ba ni sgra gcig la yang don du ma yod pa nyid du mthong ste/ dper na go zhes bya ba'i sgra de ni ngag dang phyogs dang sa la sogs pa don dgu la 'jug pa yin no/ /de bas na rnam grangs kyi tshig ni don tha dad pa yin par rnam par rtog pa bsal bar bya ba'i phyir ro/ /ji ltar zhe na rnam grangs gnyis pa la sogs pas ni rnam grangs dang po'i don kho na shes par byed pa'i phyir ro/ /chos smra ba rnams kyis de'i don thob par bya ba dang/ tshig nye bar sbyar ba gnyis dang rjes su mthun par bya pa'i phyir dang zhes bya ba ni tshig gi don grags pa dag rnam grangs brjod na skabs kyi don thob pa dang rjes su mthun par 'gyur ro/ /yang na nyan pa po'i bye brag gis 'ga' la tshig gi don 'ga' zhig grags pa yin te/ yi ge dgod pa ni sngar bzhag pa dang phyis bzhag pa dang bar du bzhag pa dang/ lci ba dang/ yang ba yin pa'i phyir 'ga' zhig la 'ga' zhig tshig sbyar ba dang rjes su mthun pa yin pas so/ /bdag nyid chos so so yang dag par rig pa yin par brjod par bya ba'i phyir dang/ zhes bya ba'i ni de ltar de bzhin gshegs pa'i chos ston pa ni dpag tu med pa yin te/ de ltar chos kyi tshig dang yi ge yang bdag tu med pa yin/ de ltar bla na med pa'i shes rab dang spobs pa dpag tu med pa yin pas bcom ldan 'das bdag nyid chos so so yang dag par rig pa can yin par brjod pa'i phyir don gcig kho na la rnam grangs kyi tshig mang po 'chad par mdzad de/ ming gi tshogs dang tshig gi tshogs dang yi ge'i tshogs la thogs pa med pa'i ye shes ni chos so so yang dag par rig pa'i mtshan nyid yin pa'i phyir ro/ /de dag ni mdo sde'i rjes su 'brang ba rnams kyi ston par byed pa'i ngo bo yin te/ sgra bsdus pa'i bdag nyid yin pa'i phyir ro/ /ci'i phyir bcom ldan 'das chos 'chad pa'i tshe bdag nyid chos so so yang dag par rig par brjod par mdzad ce na/ gdul bya rnams kyi dgongs pa bsgrub par bya ba'i phyir te/ kha cig de'i sgo nas mngon par yid ches pa skye ba'i phyir ro/ /ji skad du/ cho 'phrul gang mdzad seng ge'i sgra/ /rang gi yon tan gang sgrogs pa/ /'dod med rnam par 'gyur bral ba'i/ /thugs rje'i 'byung khung yod pas yin/ /zhes gsungs so/ /gzhan dag la de'i sa bon bzhag pa'i phyir ro zhes bya ba ni nyan pa po rnams la rnam grangs kyi tshig gi sa bon bzhag pa'i phyir zhes bya ba'i tha tshig dang chos so so yang dag par rig pa'i sa bon bzhag pa'i phyir yang yin no/ /ci'i phyir ma rig pa kho na la ma rig pa'i rnam grangs bstan ce na zhes bya ba ji lta bu zhe na mi shes pa dang/ mi mthong ba dang mngon par mi rtogs pa zhes bya ba de dag gis rmongs pa dang kun tu rmongs pa ma rig pa dang mun pa'i rnam pa zhes bya ba yin no/ /de'i phyir rnam grangs so so rnams de bzhin du don gyi bye brag med par bstan pa'i phyir ro zhes bya ba smras te/ dper na ma rig pa gang zhe na ma rig pa yin no zhes byas na 'di'i rnam grangs brjod pa'i don gyi bye brag yod pa ma yin pa ltar mi shes pa la sogs pa yang de bzhin no/ /gzhan yang gang dag gi mi mthun pa'i phyogs ma rig pa yin no zhes rgyas par 'byung ba ni gang gi mi mthun pa'i phyogs ma rig pa yin pa de ni mi shes pa dang mi mthong ba dang mngon par mi rtogs? zhes bya ba rnam grangs rnam pa gsum gyis ma rig pa bstan to/ /ji ltar ma rig pa de mi mthun pa'i phyogs yin pa de ni rmongs pa dang kun tu rmongs pa dang/ ma rig pa dang mun pa'i rnam pa zhes bya ba rnam grangs bzhis bstan to/ /gang dag gi mi mthun pa'i phyogs ma rig pa yin zhe na zhes rgyas par 'byung ba ni thos pa las byung ba'i shes rab shes pa zhes bya ba ni rab tu mthong ba ma yin pa zhes bya ste/ yang dag par nges par rtog par byed pa'i rnam pa ma yin pa'i phyir ro/ /de'i mi mthun pa'i phyogs ni mi ? ba'i rnam grangs kyis bstan to/ /bsams pa las byung ba ni mthong ba dang zhes bya ba yin te/ yang dag par nges par rtog pa'i rnam pa yin pa'i phyir ro/ /de'i mi mthun pa'i phyogs ni mthong ba'i rnam grangs kyis bstan to/ /bsgoms pa las byung ba ni mngon par rtogs pa zhes bya ba yin te/ nyon mongs pa spong ba mngon du gyur cing phyin ci ma log par rtogs pa'i mtshan nyid yin pa'i phyir ro/ /mngon par zhes bya ba 'di ni mngon sum gyi don yin par rig par bya'o/ /de'i mi mthun pa'i phyogs ni mngon par ma rtogs pa zhes bya ba'i rnam grangs kyis bstan to/ /de'i yul bkab pa'i don gyis zhes bya ba ni rig pa de dag gi yul zhes bya ba'i tha tshig go /mun par gyur pa'i phyir zhes bya ba ni ji ltar mun pa de'i thog tu bab pa'i phyir dang/ snang ba'i bgegs su gyur pa'i phyir snang bar bya ba'i don 'gebs par byed do/ /ma rig pa yang de bzhin te/ de la dmigs shing skyes pas rig par bya ba'i don dang rig pa kun tu 'byung ba gnyen po la yang g.yog par byed pa bzhin du 'gongs par byed do/ /de ltar na 'di ni ma 'dres pa'i ma rig pa yin te/ rmongs pa zhes bya ba'i rnam grangs kyis bstan to/ /log par mthong bar byed pa'i don gyis kyang mi mthun pa'i phyogs yin no/ /log par mthong ba ni phyin ci log tu 'dzin pa'i rnam pa yin no/ /ji ltar yin zhe na/ yid gnyis dang blo ngan pa dang blo med ba'i nyon mongs pa dang mtshungs par ldan pa'i phyir ro/ /'di ltar yid gnyis kyi nyon mongs pa dang/ rab tu sbyor ba ni the tsom gyis so/ /blo ngan pa'i nyon mongs pa dang rab tu sbyor ba ni log par lta ba la sogs pas so/ /blo med pa'i nyon mongs pa dang rab tu sbyor ba ni 'dod chags la sogs pas so/ /de la gang yid gnyis kyi nyon mongs pa dang rab tu sbyor ba de ni kun tu rmongs pa'i rnam grangs kyis bstan to/ /gang slo ngan pa dang gang yin pa de ni ma rig pa'i rnam grangs kyis so/ /blo med pa'i nyon mongs pa dang gang yin pa de ni mun pa'i rnam grangs kyis so/ /re zhig kun tu rmongs pa dang yid gnyis kyi nyon mongs par rab tu sbyor ba ston pa gang yin pa ni rigs te/ kun tu na rmongs pa ni the tshom za ba yin pa'i phyir ro/ /mun pa'i rnam pa dang blo med pa'i nyon mongs pa rab tu sbyor bar ston pa ni rigs te/ 'dod chags la sogs pa mngon du gyur na ci yang mthong ba med pa yin te/ chags pa po ni chos mi shes chags pa po ni chos mi mthong zhes gsungs pa'i phyir ro/ /ma rig pa dang blo ngan pa'i nyon mongs pa rab tu sbyor bar ji ltar bstan du rung zhe na zhes bya ba ni ci'i phyir bstan par mi bya zhe na/ rig pa'i mi mthun pa'i phyogs chos gzhan la ma rig pa yin no zhes bstan par bya ba'i phyir zhe na/ de'i phyir tshor ba dang rig pa dang shes rab ces bya ba ni zhes bya ba rgyas par smos te tshor ba dang rig pa ni sgra la 'chel ba rnams kyis shes rab dang don tha dad ma yin par bshad do/ /ma'i rnam pa ni smad pa'i don yin te/ chung ma med pa dang bu med pa bzhin no/ /smad pa'i rig pa de lta ba lnga'i rang bzhin te/ rig pa'i mi mthun pa'i phyogs kyi mtshan nyid 'di la yod pas ma rig pa na 'bru mang po pa'i don gyis ma rig pa mi grangs kyi sgra ston par byed do/ /dngos su ni ma rig pa'i sgra mi mthun pa'i phyogs la bya'o/ /de ltar byas na ma rig pa dang blo ngan par rab tu sbyor bar ston pa yin no/ /slob dpon 'chad ba ni zhes bya ba ni slob dpon thogs med do/ /sngon mdza' la sogs pa mi shes pa zhes bya ba ni ji skad du reg pa'i skye mched drug yang dag pa ji lta ba bzhin khong du chud pa la thug pa'i bar du ye shes pa zhes ston to/ /gtan tshigs rnam pa gnyis su rig par bya ste/ bdag tu 'dzin pa dang rjes su mthun pa'i gtan tshigs dang/ de las grol ba'i bgegs byed pa'i gtan tshigs kyis so/ /bdag tu 'dzin pa de las grol ba ni de las grol ba'o// de'i bgegs byed pa ni de dag gi bgegs byed pa ste/ de'i bgegs byed pa nyid du de mi shes pa yin par rig par bya'o/ /bdag tu 'dzin pa yang rnam pa gsum ste zhes rgyas par 'byung ba la rtag par 'dzin pa ni bdag rtag pa'i rdzas su mngon par zhen pa'o/ /de dang rjes su mthun pa ni sngon gyis mdza' i ma shes pa dang/ phyi ma'i mdza' mi shes pa dang/ sngon gyi mdza' dang phyi ma'i mdza' mi shes pa zhes bya ba yin te/ dus la rmongs pa ni rtag pa'i lta bar ltung ba yin no/ /dngos po 'dzin pa ni bdag med pa'i dngos po la bdag gi dngos por mngon par zhen pa'o/ /de dang rjes su mthun pa ni nang mi shes pa dang phyi mi shes pa dang/ nang dang phyi mi shes pa zhes bya ba yin te/ skye mched drug la rmongs pa ni de la bdag tu rtogs par byed do/ /byed pa po dang za ba por 'dzin pa ni las dang rnam par smin pa dang/ dus dang skye gnas la byed pa po dang/ za ba por bdag gi rdzas su mngon par zhen pa'o/ /de dang rjes su mthun pa ni las mi shes pa dang/ rnam par smin pa mi shes pa dang/ las dang rnam par smin pa mi shes pa zhes bya ba yin te/ las dang rnam par smin pa la rmongs pa ni byed pa po dang za ba po gzhan zhig yin par rtogs par byed de/ rten cing 'brel par 'byung ba mngon par mi shes pa'i phyir ro/ /de ltar sngon gyi mdza' la sogs pa dngos po drug mi shes pa gang yin pa de ni bdag tu 'dzin pa dang rjes su mthun pa yin par rig par bya'o/ /bdag tu 'dzin pa rnam pa gsum ni de bzhin du 'jug pa'i gtan tshigs bstan pa'i phyir ro/ /gal te bdag gi dngos po zhig yod pa yin na ni de yang rtag pa dang rang dbang can dang byed pa po dang za ba por gyur pa yin no/ /de lta na ni 'jug par rigs kyi gzhan du ma yin no/ /de las thar pa'i bgegs byed pa yang rnam pa bzhi ste/ skyabs su 'gro ba mi shes pa zhes bya ba ni sangs rgyas mi shes pa dang/ chos dang dge 'dun la zhes gang smras pa yin te/ 'di ni de las thar pa'i bgegs byed pa nyid du rig par bya ste/ dkon mchog gsum la mi brtan pa'i phyir ro/ /bdag tu 'dzin pa spang ba'i mthong bar bya ba'i don ni bden pa rnams yin par rig par bya ste/ de bas na mthong bar bya ba'i don ces bya ste/ mthong bar bya ba'i don de la ci zhe na/ khong du mi chud pa zhes skabs dang sbyar te sdug bsngal mi shes pa nas lam mi shes pa zhes bya ba'i bar 'di ni de las grol ba'i bgegs byed pa nyid du rig par bya ste/ bden pa mthong ba ni bdag tu 'dzin pa'i gnyen po yin pa'i phyir ro/ /mi mthun pa'i phyogs dang/ gnyen po spang ba dang bskyed pa ci zhe na mi shes pa zhes bya ste/ de la mi mthun pa'i phyogs spang ba khong du ma chud pa ni rgyu mi shes pa zhes bya ba nas rgyu las yang dag par byung ba dang/ mi dge ba dang/ zag pa dang bcas pa la sogs pa nas rten cing 'brel par 'byung ba zhes bya ba'i bar du mi shes pa gang yin pa gang smras pa 'di yang te la grol ba'i begs? byed pa nyid yin par rig yang bya ste/ bdag tu 'dzin pa ni de'i rjes las byung ba'i phyir ro/ /rgyu las yang dag par byung ba zhes bstan nas yang rten cing 'brel bar 'byung ba zhes smos pa'i dgongs pa ni ma rtogs so/ /gnyen po bskyed pa mi shes pa ni rgyu mi shes pa nas rgyu las yang dag par byung ba dang/ dge ba dang/ kha na ma tho ba med pa dang/ rten cing 'brel bar 'byung ba'i bar du mi shes pa gang yin pa gang smras pa 'di ni de las grol ba'i bgegs byed pa nyid yin par rig par bya ste/ byang chub kyi phyogs rnams ni bdag tu 'dzin pa'i gnyen po yin pa'i phyir ro/ /gnyen po la mngon pa'i nga rgyal med pa ci zhe na/ mi rtogs pa zhes skabs dang sbyar te reg pa'i skye mched drug yang dag pa ji lta ba bzhin du khong du chud pa mi shes pa 'di yang ngo las grol ba'i gegs byed pa nyid yin par rig par bya ste/ yang dag pa ji lta ba bzhin du khong du chud pa ni bdag tu 'dzin pa'i gnyen po yin pa'i phyir ro/ /skyabs su 'gro ba la nye bar brten pa ni sdug bsngal la sogs pa'i bden pa la dmigs pa mnyan pa dang bsam pa dang goms pa'i sbyor bas mi mthun pa'i phyogs dang bral zhing gnyen pa 'phel ba yin te/ bden pa rtogs na phyin ci ma log pa'i sems ni bdag tu 'dzin pa spong ba yin no/ /de las bzlog pa ni spong ba ma yin no zhes bya bar grub pa yin no/ /rnal 'byor spyod pa'i sa las bstan pa zhes rgyas par 'byung ba ni de la sngon gyi mdza' dang phyi ma'i mdza' mi shes pa ni sngar bstan pa las bye brag 'ga' yang yod pa ma yin te/ sngar bshad zin to/ /de bzhin du nang du mi shes pa yang bye brag med do/ /phyi la ni yod de sems can gyi grangs su ma gtogs pa yul rjod pa byed pa'i phyir ro/ /nang dang phyi mi shes pa la bye brag yod de rgyud gzhan gyi 'du byed rnams la tshul bzhin ma yin par mdzad pa mi mdza' ba dang tha mal ba'i sems can du bltas pas 'du byed tsam yin par ni mi rtogs pa'i mi shes pa gang yin pa ste de yang 'jig tshogs la lta ba rjes su chags pa dang khong khro ba dang so sor ma brtags pa'i btang snyoms dang mtshungs par ldan pa'i ma rig pa yin par bstan te/ rgyud gzhan gyi 'du byed ni sems can gyi grangs su gtogs pa'i phyi nang yin no/ /rang gi rgyud las phyi rol yin pas phyi zhes bya'o/ /de dag mi shes pa ni nang dang phyi la zhes bya bar grub pa yin no/ /las mi shes pa gang zhe na/ las kyi byed pa por tshul bzhin ma yin par rtog pa mi shes pa gang yin pa'o/ /zhes bya ba ni las byed pa rang dbang can la sogs par rtogs pa'o/ /de lta ni de tshul bzhin ma yin par brtags par yin no/ /de yang 'jig tshogs la lta bas bskyed pa'i tshul khrims dang brtul zhugs mchog tu 'dzin pa dang mtshungs par ldan pa'i ma rig pa yin par bstan to/ /rnam par smin pa mi shes pa gang zhe na rnam par smin pas bsdus pa'i 'du byed rnams la myong ba po nyid du tshul bzhin ma yin par rtogs pa'i mi shes pa gang yin pa'o zhes bya ba ni bdag sna tshogs can la lta bas mchog tu bzung nas myong ba pa nyid du rtog par byed ces bya ba'i tha tshig go / yang na tshor ba'i rnam pa ni de la phan pa dang gnod pa byed pa'i dbang du byas nas myong ba po nyid du rtog par byed kyi tshul bzhin ma yin par brtags pa ni ma yin no/ /las dang rnam par smin pa mi shes pa gang zhe na/ las dang de'i 'bras bu yang phyin ci log tu zhes bya ba ni ji ltar phyin ci log ce na/ de'i phyir tshul bzhin ma yin par rtog pa zhes smras te/ de ltar yin na de phyin ci log tu brtags pa yin te/ tshul bzhin ma yin par yid la byed pas log par brtags pa'i phyir ro/ /ji ltar par tshig la sogs pa dag ma la sogs pa'i gan du song ba'i phyir mtho ris su 'gro ba la sogs par rtog pa bzhin no/ /de yang tshul khrims dang brtul zhugs dang mtshungs par ldan pa dang log par lta ba dang mtshungs par ldan pa'i ma rig pa yang yin par bstan te/ rgyu dang 'bras bu phyin ci log tu lta dang mtshungs par ldan pa'i phyir ro/ /sangs rgyas ye shes pa gang zhe na/ sangs rgyas rnams ni byang chub yin par yid la mi byed pa'am/ phyin ci log tu yid la byed pa 'am zhes bya ba ni bstan pa'i tshig yin no/ /de ltar yid la mi byed pa yin zhe na/ de'i phyir bag med pa 'am zhes smras te/ bag med pa dang mtshungs par ldan pa'i ma rig pa yin par bstan to/ /ji ltar phyin ci log tu yid la byed ce na/ the tshom za ba 'am/ skur ba 'debs pa zhes bya ba yin no/ /snga ma bzhin no zhes bya ba ni kun la yang yid la mi byed pa'ang? phyin ci log tu yid la byed pa'am/ bag med pa 'am/ the tshom za ba 'am/ skur pa 'debs pa'i zhes bya bar ston to/ /de bzhin du lam gyi bar du ji ltar rigs par brjod par bya'o zhes bya ba ji lta bu zhe na/ kun 'byung la kun 'byung bar yid la mi byed pa 'am zhes bya ba snga ma bzhin no/ /'gog pa la 'gog par yid la mi byed pa'am zhes bya ba snga ma bzhin no/ /lam la lam nyid du yid la mi byed pa'am/ phyin ci log tu yid la byed pa 'am zhes bya ba snga ma bzhin no/ /rgyu mi shes pa gang zhe na/ rgyu med pa 'am/ mi mthun pa dbang phyug la sogs pa zhes rgyas par 'byung ba ni gal te rgyu yod pa ma yin no/ /zhes rgyu med par rtog na log par lta ba dang mtshungs par ldan pa yin no/ /'on te mi mthun pa dbang phyug la sogs pa rgyud rtog na tshul khrims dang brtul zhugs mchog tu 'dzin pa dang mtshungs par ldan pa'i ma rig pa yin no/ /rgyu la ji lta bar rgyu las yang dag par byung ba'i chos la yang de bzhin no/ /zhes bya ba ni gal te de dag rgyu med par byung ba 'am/ mi mthun pa'i rgyu las byung ba'i chos yin par rtog na 'di yang log par lta ba dang mtshungs par ldan pa'i ma rig pa yin par bstan te/ rgyu la skur pa 'debs pa'i phyir ro/ /tshul khrims dang brtul zhugs mchog tu 'dzin pa dang mtshungs par ldan pa yang yin te/ rgyu ma yin pa la rgyur rtog pa'i phyir ro/ /rgyu dang 'bras bu phyin ci log tu lta ba dang skur pa 'debs pa ni log par lta ba yin pas log par lta ba dang mtshungs par ldan pa nyid du yang gtogs pa yin no/ /de dag kyang dge ba ni kha na ma tho ba med pa nyid yin pa'i phyir ro zhes bya ba ni de dag rgyu las yang dag par byung ba'i chos zhes bya ba'i don gang yin pa'o/ /kha na ma tho ba med pa'i don kyang mkhas pas bsngags pa'i don gyi zhes sngar bstan pa yin no/ /mi dge ba ni kha na ma tho ba dang bcas pa nyid yin pa'i phyir ro zhes bya ba ni mkhas pas smad pa'i phyir zhes bya ba'i tha tshig go /de ltar na 'dir tshig snga ma gnyis ni bstan pa yin la phyi ma gnyis ni 'chad par 'gyur ba yin no/ /bsten par bya ba dang bsten par bya ba ma yin pa gnyis ni bstan pa'i tshig yin la/ ngan pa dang gya nom pa zhes bya ba gnyis ni so sor 'chad pa'i tshig yin no/ /de la gya nom pa nyid yin pa'i phyir bsten par bya ba nyid yin no/ /de nyid kyi phyir phan pa nyid yin pa'i phyir ro/ /zhes bya ba smras so/ /ngan pa yin pa'i phyir bsten par bya ba ma yin pa nyid yin pa'i phyir ro/ /de nyid kyi phyir mi phan pa nyid yin pa'i phyir zhes smras so/ /kha na ma tho ba dang bcas pa dang kha na ma tho ba med pa nyid kyi don ni rjod par byed do/ /kha na ma tho ba dang bcas pa ni nag po nyid yin pa'i phyir ro/ /zhes smras so de ltar na de ni mkhas pas smad pa yin no/ /kha na ma tho ba med pa ni dkar po nyid yin pa'i phyir ro/ /de nyid kyi phyir de dag ni mkhas pas bstod pa zhes bya'o/ /rnam par dbye ba'i cha dang bcas pa ni 'dren ma nyid yin pa'i phyir ro zhes bya ba ni gnyen po dang mi mthun pa'i cha ni rnam par dbye ba'i che'o/ /rnam par dbye ba'i cha dang lhan cig pa ni rnam par dbye ba'i cha dang bcas pa ste/ mi mthun pa'i phyogs dang 'dres pa zhes bya ba'i don gang yin pa'o/ /reg pa'i skye mched drug yang dag pa ji lta bzhin du khong du chud pa mi shes pa gang zhe na/ rtogs pa la zhes rgyas par 'byung ba ni reg pa'i skye mched yang dag pa ji lta ba bzhin du khong du chud pa ni rtogs pa'i chos kyi nang du 'dus pa'i phyir ro/ /de la sems phyin ci log rnam pa du ma yod de de bas na mngon pa'i nga rgyal can mi shes pa gang yin pa'o zhes smras so/ /ma rtogs par rtogs so snyam pa'i 'du shes gang yin pa'i don to/ /mi shes pa de dag thams cad mdor bsdu na kun tu rmongs pa rnam pa bdun te zhes rgyas par 'byung ba la dus la rmongs pa ni ji skad du sngon gyi mdza' mi shes pa nas sngon dang phyi ma'i mdza' zhes bya ba'i bar du smras pa gang yin pa'o/ /dngos po la kun tu rmongs pa ni nang mi shes pa nas nang dang phyi mi shes pa'i bar du smras pa gang yin pa ste/ skye mched drug ni bdag tu mngon par zhen pa'i rgyu yin pa'i phyir ro/ /'pho ba la kun tu rmongs pa ni las mi shes pa zhes bya ba nas khas dang rnam par smin pa mi shes pa zhes gang smras pa yin te/ las kyi rnam par smin pa 'byin pa'i phyir ris mthun pa gzhan du 'pho ba'i phyir ro/ /mchog la kun tu rmongs pa ni sangs rgyas dang chos dang dge 'dun mi shes pa zhes gang smras pa yin te/ dkon mchog gsum ni chos rnams thams cad kyi tshogs kyi mchog yin pa'i phyir ro/ /sems can rnams kyi mchog ni sangs rgyas bcom ldan 'das mngon par rdzogs par sangs rgyas pa yin no/ /de la brten nas chos rnams mchog yin te/ chos rnam pa gsum char yang rtag tu dge ba nyid yin pa'i phyir dang nges par 'byin pa nyid kyi phyir dang/ legs par gsungs pa nyid kyi phyir te/ go rim bzhin no/ /tshogs rnams kyi mchog ni dge 'dun ni te/ zhi ba thob par bya ba'i phyir legs par zhugs pa yin pas so/ /de kho na nyid la kun tu rmongs pa ni sdug bsngal mi shes pa nas lam mi shes pa'i bar du smras pa gang yin pa'o/ /sdug bsngal la sogs pa phyin ci ma log pa yin pa'i phyir ro/ / kun nas nyon mongs pa dang/ rnam par byang ba la kun tu rmongs pa ni rgyu mi shes pa nas rnam par dbye ba dang bcas pa'i rten cing 'brel par 'byung ba zhes bya ba'i bar du smras pa gang yin pa ste/ de la byang chub kyi phyogs kyi mi mthun pa'i phyogs/ mi dge ba la sogs pa yin te/ kun nas nyon mongs pa ni 'khor ba'i phyogs nyid yin pa'i phyir ro/ /dran pa nye bar bzhag pa la sogs pa byang chub kyi phyogs rnams ni rnam par bya ba yin te/ mya ngan las 'das pa'i phyogs nyid yin pa'i phyir ro/ /mngon pa'i nga rgyal can kun tu rmongs pa zhes bya ba ni reg pa'i skye mched drug yang dag pa ji lta ba bzhin du khong du chud pa mi shes pa gang yin pa zhes smras pa gang yin pa ste/ de mngon pa'i nga rgyal can yin pas de'i phyir mngon pa'i nga rgyal can kun tu rmongs pa zhes bya'o/ /mi shes pa nas ma rig pa dang mun pa'i rnam pa'i bar gyi ma rig pa'i rnam grangs drug po de dag ni kun tu rmongs pa'i dngos po bdun yin par rig par bya'o zhes bya ba ji ltar yin zhe na/ de'i phyir kun tu rmongs pa'i dngos po tha ma gnyis gcig tu byas pa ni kun nas nyon mongs pa dang rnam par byang ba la kun tu rmongs pa'i dngos po dang mngon pa'i nga rgyal gyi kun tu rmongs pa yin no/ /de'i phyir bsam pa mi shes pas na/ der ma rig pa dang mun pa'i rnam grangs gnyis yin par blta bar bya'o zhes bya ste/ kun tu rmongs pa'i dngos po de'i nang du de dag gang yin pa gcig tu byas zhes bya ba'i tha tshig go /de ltar byas na dus la kun tu rmongs pa ni mi shes pa'i sgras bstan to/ /dngos po la kun tu rmongs pa ni mi mthong ba'i sgras so/ /'pho ba la kun tu rmongs pa ni mngon par ma rtogs pa'i sgras so/ /mchog la kun tu rmongs pa ni rmongs pa'i sgras so/ /de kho na nyid la rmongs pa ni kun tu rmongs pa'i sgras so/ /kun tu nyon mongs pa dang rnam par byang ba la kun tu rmongs pa dang mngon pa'i nga rgyal can gyi kun tu rmongs pa ni ma rig pa dang mun pa'i rnam pa'i sgra yin te/ de nyid kyi phyir 'dir rnam grangs gnyis gcig tu byas pa yin no/ /rnam grangs gzhan yang mnyan pa dang bsams pa dang zhes rgyas par 'byung ba ni mnyan pa dang bsams pa dang/ bsgoms pa las byung ba'i shes rab rnams kyi mi mthun pa'i phyogs ni rnam grangs gsum go rim bzhin du mi shes pa dang mi mthong ba dang mngon par mi rtogs pa zhes bya ba yin no/ /de'i mi mthun pa'i phyogs su gyur pa de dpal ni chung ngu dang 'bring dang chen po'i bye brag yin pa'i phyir gzhan yang gsum mo zhes bya ba ni rmongs pa dang/ kun tu rmongs pa dang/ ma rig pa dang mun pa'i rnam pa zhes bya ba yin te/ chung ngu gang yin pa de ni rmongs pa'i sgras bstan to/ / 'bring gang yin pa de ni kun tu rmongs pa'i sgras so/ /chen po gang yin pa de ni ma rig pa dang mun pa'i rnam pa'i sgras so/ /'di ltar rmongs pa'i tshe ni ma nges pa cung zad cig mthong ngo/ /kun tu rmongs pas ni phyin ci log tu mthong ngo/ /mun pa'i rnam pas ni ci yang mi mthong ste/ mun pa'i rnam pa bzhin du byed pa ni mun pa bzhin yin pa'i phyir ro/ /mi mthun pa'i phyogs rab tu dbye ba dang/ ngo bo nyid rab tu dbye bas kyang rnam grangs drug yin par rig par bya'o zhes bya ba de la ni mthun pa'i phyogs rab tu dbye ba ni mnyan pa dang bsams pa dang bsgoms pa las byung ba'i shes rab kyi mi mthun pa'i phyogs yin pa'i phyir ro/ /ngo bo nyid rab tu dbye ba ni chung ngu dang 'bring dang chen po'i bye brag gis so/ /dang po'i bye brag rnam par 'byed pa'i chos kyi rnam grangs las kyang zhes rgyas par 'byung ba la/ rnam pa thams cad du 'jug pa'i rten sbyin pa'i las can gyi ma rig pa zhes bya ba la/ rnam pa thams cad du zhes bya ba ni rnam pa kun tu'o/ /'jug pa ni 'ong ba dang 'gro ba'i dngos po'o/ /rten sbyin pa'i las can ni rgyu'i dngos po'o/ /kun tu sbyin pa'i las byed pa ste rnam pa thams cad du 'jug pa'i rten sbyin pa'i las 'di la yod pas de ni rnam pa thams cad du 'jug pa'i rten sbyin pa'i las can gyi ma rig pa'o/ / rnam pa thams cad du ldog pa'i bar du gcod pa'i las can zhes bya ba la/ ldog pa ni 'dir 'khor ba ldog pa yin par rig par bya'o/ ji skad du 'jug pa'i gnyen po'i sgo nas so zhes gsungs so/ /bar du gcod pa ni mi mthun pa dang gegs byed pa zhes bya ba'i don gang yin pa'o/ rnam pa thams cad du ldog pa dag gi bar du gcod pa ni rnam pa thams cad du ldog pa'i bar du gcod pa'o/ /de'i las gang yin pa 'di la yod bas rnam pa thams cad du ldog pa'i bar du gcod pa'i las can no/ /rten cing 'brel par 'byung ba dang po dang rnam par dbye ba bstan pa rgya chen bshad pa/ / //bam po bzhi pa/ btsun pa gang la 'jug ces rgyas par 'byung ba la/ dge slong dag bdag tu rnam par rtog pas dus la 'jug go zhes bya ba ni bdag go zhos de'i sgo nas rnam par rtog pa'o/ /de ji lta bu zhe na/ 'das pa'i dus su byung ba zhig gam/ 'on te ma byung ba zhig ces rgyas par 'byung ba yin no/ /'di'i bshad pa yang 'og nas de la 'chad par byed pa dag ji ltar rnal 'byor spyod pa'i sa las 'byung ba bzhin zhes rgyas par 'byung ba'o/ /btsun pa gang 'jug ce na/ dge slong dag bdag tu 'dzin pas nang dang phyi'i skye mched la'o zhes bya ba ni de la mngon par zhen pa'i phyir ro/ /'di yang nang la sogs pa la ni zhes rgyas par 'byung bas 'di'i bshad pa de ma thag tu byed par 'gyur ro/ /btsun pa ji ltar 'jug ce na/ dge slong dag bdag tu rnam par rtog pa dang/ log par yongs su rtog pas las dang rnam par smin pa'i rgyun 'jug pa'i phyir ro zhes bya ba ni las dang rnam par smin pa gnyis kyi rgyun mi las dang rnam par smin pa'i rgyun no/ /las las rnam par smin pa'o yang las so/ /de las yang rnam par smin pa'o/ /ji ltar las dang rnam par smin pa'i rgyun 'jug ce na/ bdag tu rnam par rtog pa ste las kyi tshe de'i byed pa po bdag yin par rtog par byed do/ /rnam par smon pa'i tshe ni myong ba por ro/ /log par yongs su rtog pas zhes bya ba ni gzhan gyi las kyis gzhan gyi rnam par smin pa yin par rtog pa'i phyir 'di ni las dang rnam par smin pa mi shes pa yin no/ /btsun pa rnam pa thams cad du ldog pa ? zhe na zhes rgyas par 'byung ba la ldog pa'i rten dang zhes bya ba ni sangs rgyas mi shes pa dang/ chos dang dge 'dun la zhes gang smras pa yin te/ dkon mchog gsum la brten nas log pa 'byung ba yin no/ /ldog pa'i dmigs pa dang zhes bya ba ni sdug bsngal mi shes pa dang zhes bya ba nas lam gyi bar la yin te/ ldog pa'i gnyen po'i mtshan nyid kyi yul ni 'phags pa'i bden pa yin pa'i phyir ro/ /ldog ba'i yid la byed pa dang zhes bya ba ni ldog pa'i yid la byed pa ni de ma thag tu 'chad par 'gyur ro/ /ldog pa'i 'bras bu 'grub pas kyang zhes bya ba ni reg pa'i skye mched drug yang dag pa ji lta ba bzhin du khong du chud pa zhes gang smras pa yin te/ ldog pa nyid 'bras bu yin pas ldog pa'i 'bras bu'o/ /de 'grub pa ni ldog pa'i 'bras bu 'grub pa ste/ de skye ba zhes bya ba'i don gang yin pa'o/ /de ltar byas na rten gang gis dang dmigs pa gang gis dang/ yid la byed pa gang gis 'khor ba las ldog pa de ni ldog pa yin no zhes bstan to/ /btsun pa gang du 'jug ces rgyas par 'byung ba gang yin pa 'di'i bshad pa ni de ma thag tu phyis byed par 'gyur ro zhes smras pa gang yin pa de la bshad pa ni 'di yin te/ de la yang 'chad par byed pa dag ji ltar rnal 'byor spyod pa'i sa las 'byung ba bzhin dus mi shes pa yin no zhes rjod do zhes bya ba yin te/ rnal 'byor spyod pa'i sa las ji lta bus 'byung zhe na/ sngon gyi mdza' mi shes pa gang zhe na/ 'das pa'i 'du byed rnams la tshul bzhin ma yin par rtog cing/ ci bdag 'das pa'i dus na byung ba zhig gam zhes bya ba la sogs pa'i mi shes pa gang yin pa'o/ /phyi ma'i mdza' mi shes pa gang zhe na/ ma 'ongs pa'i 'du byed rnams la tshul bzhin ma yin par rtog cing/ ci ma 'ongs pa'i dus na 'byung bar 'gyur ram zhes bya ba la sogs pa'i mi shes pa gang yin pa'o/ /sngon gyi mdza' dang phyi ma'i mdza' mi shes pa gang zhe na/ nang la tshul bzhin ma yin par ji lta bu zhig tu 'dug pa gang yin/ phyis gang zhig 'byung/ sems can 'di gang nas 'ongs/ 'di nas shi nas gang du 'gro bar 'gyur zhes bya ba la sogs pa'i mi shes pa gang yin pa'o/ btsun pa gang 'jug ce na zhes bya ba 'di'i bshad pa ni de ma thag tu byed par 'gyur ro zhes 'byung ba de la/ nang la sogs pa la ni zhes rgyas par 'byung ba ni 'chad par byed pa yin no/ /nang dang phyi'i skye mched kyi dbye bas dang zhes bya ba la nang gi mig la sogs pa mi shes pa de ni nang mi shes pa'o/ /gzugs la sogs pa'i phyi'i skye mched mi shes par gang yin pa de ni phyi mi shes pa'o/ /nang gi skye mched kyi gnas kyi dbye bas so zhes bya ba de ni nang dang phyi mi shes pa yin te/ de'i gnas kyang mig la sogs pa'i rten yin no/ /de yang nang gi skye mched kyis ma bsdus pa'i phyir phyi yin la de dang tha mi dad cing zin pa yin pa'i phyir nang zhes bya ba'o/ /ldog pa'i yid la byed pa ni de ma thag tu 'chad par 'gyur ro zhes bya ba gang yin pa de brjod pa ni ldog pa'i yid la byed pa ni rgyu dang rgyu las byung ba'i chos rnams la'o/ /rgyu las byung ba'i chos de la yang dge ba ni ma rig pa'i gnyen po'i don gyis te re zhig pa dang gtan du ba ni zag pa dang bcas pa dang zag pa med pa'i bye brag gis te/ ma smad pa dang zhi ba'i khongs su gtogs pa'i phyir dang gnod pa sel ba'i don gyis so/ /mi dge ba ni de'i mi mthun pa'i phyogs kyi don gyis so zhes bya ba ni dge ba'i mi mthun pa'i phyogs kyi don gyis zhes bya ba'i don gang yin pa'o/ /dge ba de dag kyang 'di las phyi rol pa rnams kyi ni kha na ma tho ba dang bcas pa yin no zhes bya ba ni zag pa dang bcas pa yin pa'i phyir ro/ /de las gzhan pa ni 'dren ma yin pa'i phyir rnam par dbye ba dang bcas pa'o zhes bya ba la nag po ni dkar po las zhes bya ba'i tha tshig ste/ mi dge ba la sogs pa ni nag po'o/ /zag pa med pa ni dkar po'o/ /de las gzhan dge ba zag pa dang bcas pa de dag ni dge ba zag pa dang bcas pa nyid kyis na/ 'dren ma yin pa'i phyir rnam par dbye ba dang bcas pa'o/ /thams cad kyang rten cing 'brel par 'byung ba yin pa'i phyir rten cing 'brel par 'byung ba zhes bya'o zhes bya ba de dag ni dge ba dang mi dge ba la sogs pa ji skad du gsungs pa rnams yin no/ /de nyid las kyang zhes bya ba ni dang po'i bye brag rnam par 'byed pa'i chos kyi rnam grangs las so/ /dge slong ngag dbang po lnga zhes bya ba ni dad pa dang/ brtson 'grus dang/ dran pa dang/ ting nge 'dzin dang/ shes rab kyi dbang po rnams so/ /dad pa dang/ brtson 'grus dang/ dran pa dang/ ting nge 'dzin dang/ shes rab kyi dbang po rnams kyi nang nas 'di ni blang bar bya ba zhes bya ba mi bsten par bya ba ste/ de'i mi mthun pa'i phyogs zil gyis ma non pa'i phyir ro/ /'di ni bstan par bya ba ste zhes bya ba ni yod par bya ba yin te/ 'di lta ste shes rab kyi dbang po'o/ /de'i mi mthun pa'i phyogs ni ma rig pa yin te zhes bya ba ni ma rig pa ni mi mthun pa'i phyogs kyi mtshan nyid yin pas rtsa ba'i ma rig pa nyid yin par bstan to/ /btsun pa i ltar rgya chen po'i chos kyi mi mthun pa'i phyogs ma rig pa lags zhes rgyas par 'byung ba de la thos pa las byung ba'i shes pa gang yin pa'i mi mthun pa'i phyogs ma rig pa de ni mi shes pa'i sgras bstan to/ /bsams pa las byung ba'i gang yin pa de ni mi mthong ba'i sgras so/ /bsgoms pa las byung ba'i gang yin pa de ni mngon par mi rtogs pa'i sgras so/ /btsun pa ma rig pa dang rjes su 'brel ba'i bye brag gang lags zhes rgyas par 'byung bas ni ma rig pa dang rjes su 'brel ba'i bye brag kho na ston to/ /de ni dum bur ma byas pa/ gsod ldong du ma byas pa/ bag la nyal dang rjes su 'brel pa yin no zhes bya ba ni mi shes pa de yin te/ de la dum bur ma byas ba ni mthong ba'i lam gyis bshig pa ma yin pa'i phyir ro/ /gsong ldong du ma byas pa ni bsgom pa'i lam gyis ma bcom pa'i phyir ro/ /bag la nyal dang rjes su 'brel ba ni sa bon dang rjes su 'brel ba zhes bya ba'i tha tshig go /gang yang bde 'gro dang ngan 'gro'i zhes bya ba rgyas par 'byung ba la/ bde 'gro'i rgyu dang 'bras bu rnam par dbye ba mi shes pa dang/ ngan 'gro'i rgyu dang 'bras bu rnam par dbye ba mi shes pa gang yin pa/ de yang shin tu chung ba ni gzugs med pa na spyod ba'i sems can rnams kyi ste/ rmongs pa'i sgras bstan to/ /bar ma ni gzugs na spyod pa rnams kyi ste/ kun tu rmongs pa'i sgras so/ /chen po ni 'dod pa na spyod pa'i sems can rnams kyi ste/ ma rig pa dang mun pa'i rnam pa'i smas? bstan no de dag ni mi mthun pa'i phyogs kyi rab tu dbye ba dang/ khams kyi rab tu dbye bas kyang rnam grangs drug yin no/ /ma rig pa'i don bsdus pa yang/ 'dir rnam pa bcur rnam par bzhag par bstan to/ rang gi rigs rkyen du bzhag pa ni/ ji skad du rang gi rigs kyi rkyen las ma rig pa yin pa yin no zhes bstan pa yin no/ /gzhan gyi rigs rkyen du rnam par bzhag pa ni ji skad du rang gi rigs gcig las gcig 'byung bas nas tshul bzhin ma yin par yid la byed pa la sogs pas lhag par rgyas par 'byung bar byed de zhes bstan pa yin no/ /'du byed kyi rkyen du rnam par bzhag pa ni ji skad du ma rig pa'i rkyen gyis 'du byed ces bstan pa yin no/ /mi mthun pa'i phyogs kyi mtshan nyid rnam par bzhag pa ni ji skad du rig pa'i mi mthun pa'i phyogs chos gzhan ma rig pa yin no zhes bstan pa yin no/ /rab tu dbye ba rnam par bzhag pa ni ji skad du sngon gyi mdza' mi shes pa nas reg pa'i skye mched drug yang dag pa ji lta ba bzhin du khong du chud par zhes bya ba'i bar du bstan pa yin no/ /rnam grangs rnam par bzhag pa ni ji skad du mi shes pa dang mi mthong ba dang/ mngon par mi rtogs pa dang rmongs pa dang/ kun tu rmongs pa dang/ ma rig pa dang/ mun pa'i rnam pa zhes bya bar bstan ba yin no/ /rnam pa rnam par bzhag pa ni de yang rnam pa gnyis te/ mi mthong bar byed pa'i rnam pa rnam par bzhag pa ni mun pa'i rnam grangs kyis bstan to/ /phyin ci log gi rnam pa rnam par bzhag pa ni yid gnyis dang/ blo med pa dang/ blo ngan pa'i nyon mongs pa dang mtshungs par ldan pa yin par rnam grangs gsum gyis bstan to/ /mi mthun pa'i phyogs rab tu dbye ba rnam par bzhag pa ni ji skad du mnyan pa dang/ bsams pa dang/ bsgoms pa las byung ba'i shes kyi mi mthun pa'i phyogs rnam grangs gsum ste/ mi shes pa dang mi mthong ba dang/ mngon par ma rtogs pa zhes bstan pa yin no/ /ngo bo nyid rnam par gzhag pa ni ji skad du de dag nyid kyi mi mthun pa'i phyogs su gyur pa ni chung ngu dang 'bring dang chen por rab tu dbye ba gzhan gsum yin te/ 'di lta ste rmongs pa dang/ kun tu rmongs pa dang/ ma rig pa dang/ mun pa'i rnam pa zhes bya bar bstan pa yin no/ /byed par rnam par bzhag pa ni ji skad du sngon gyi mdza' la sogs pa mi shes pa ni bdag tu 'dzin pa dang rjes su mthun pa dang/ de las grol ba'i bgegs byed pa nyid kyis na gtan tshigs gnyis kyis rig par bya ste/ ji skad du rnam pa thams cad du 'jug pa'i rten sbyin pa'i las can gyi ma rig pa dang/ rnam pa thams cad du ldog pa'i bar du gcod pa'i las can zhes bstan pa yin no/ /ma rig pa'i rnam par dbye ba rdzogs so// //ma rig pa'i rkyen gyis 'du byed ces bya ba'i 'du byed gang zhe na zhes bya ba'i 'du byed kyi sgra 'di yang 'dus byas thams cad la yang mthong ste/ 'du byed thams cad mi rtag ces bya ba'o/ /de'i phyogs gcig la yang mthong ste/ 'du byed kyi phung po ji lta ba yin no/ /sems pa la yang mthong ste/ 'du byed kyi nye bar len pa'i phung po gang zhe na/ sems pa'i tshogs drug go zhes bya ba'o/ /gzugs kyi phung po'i phyogs gcig la yang mthong ste/ ji ltar dbugs rgyu ba dang/ rdub pa gnyis so/ /rnam par rtog pa dang/ rnam par dbyod pa gnyis la yang mthong ngo/ /'du shes dang sems pa la yang mthong ste/ 'du shes dang sems pa 'du byed ces bya ba yin no/ /srog gi dbang po la yang mthong ste/ tshe'i 'du byed srog gi 'du byed ces bya ba yin no/ /de'i phyir dmigs mi phyed na 'dir ma rig pa'i rkyen gyis 'du byed ces bya ba gang zhe na/ de bas na dmigs kyis dbye ba'i phyir bcom ldan 'das kyis/ 'du byed ni rnam pa gsum ste/ lus kyi 'du byed dang/ ngag gi 'du byed dang/ yid kyi 'du byed do zhes gsungs so/ / de la bcom ldan 'das kyis 'du byed rnams ni lus la sogs pa'i dbye bas rab tu dbye ba bstan gyi ngo bo nyid kyis ni ma yin no zhes bya ba la/ lus la sogs pa'i dbye bas zhes bya'i/ lus dang ngag dang yid kyi dbye bas yin gyi/ ngo bo nyid kyis ni ma yin par bstan to zhes bya ba ci de rnams 'du byed thams cad kyi ngo bo nyid yin pa las lus dang ngag dang yid kyis mngon par 'dus byas pa yin pa'i phyir yin nam/ ci lus dang ngag dang yid 'ba' zhig 'dus byas pa'i don gyis yin/ gnyi ga sems pa'i ngo bo yin la/ yang srid pa mngon par 'du byed pa'i don gyis yin/ 'on te dbugs phyi nang du rgyu ba dang rnam par rtog pa dang/ rnam par dpyod pa dang/ 'du shes dang/ sems kyi ngo bo rnams lus dang ngag dang yid kyi 'dus byas pa'i don gyis yin/ 'on te srog gi dbang po'i ngo bo ni lus dang ngag dang yid kyi las kyis mngon par 'dus byas pa'i don gyis yin zhes bya ba la sogs pa yod na ci'i phyir ngo bo nyid ma bstan zhe na/ 'phral du nye bar gnas pa'i gdul bya'i bye brag la bltos pa ste/ de dag ni ngo bo nyid bshad pa med par yang lus la sogs pa'i 'du byed rnams kyi ngo bo nyid khong du chud par 'gyur ba 'am/ sngon nyid du mdo sde gzhan las lus la sogs pa'i 'du byed kyi ngo bo rtogs pa'i phyir ro/ /ma 'ongs pa'i gdul bya la bltos nas kyang bstan te/ mdo sde gzhan gyi shugs nyid kyis de'i ngo bo khong du chud par 'gyur bas so/ /ji ltar yin pa de 'dir bstan te/ mdo sde gzhan las kyang dbugs phyi nang du rgyu ba ni lus kyi 'du byed do zhes rgyas par 'byung ba ni btsun pa 'dod pa can/ 'du byed 'du byed ces bgyi ba'i 'du byed ji lta bu lags/ khyim bdag 'du byed ces bya ba ni gsum po 'di dag ste lus kyi 'du byed dang dag gi 'du byed dang/ yid kyi 'du byed do/ /btsun pa 'dod pa can lus kyi 'du byed nas yid kyi 'du byed kyi bar du gang lags/ khyim bdag dbugs phyi nang du rgyu ba ni lus kyi 'du byed ces bya'o/ /rnam par rtog pa dang rnam par dpyod pa ni dag gi 'du byed ces bya'o/ /'du shes dang sems pa ni yid kyi 'du byed ces bya'o/ /btsun pa ci'i phyir dbugs phyi nang du rgyu ba ni lus kyi 'du byed ces bya ba nas 'du shes dang sems pa ni yid kyi 'du byed ces bya zhe na/ khyim bdag dbugs phyi nang du rgyu ba de dag ni lus su gtogs pa'i chos lus kyi rjes su 'gro ba lus la brten pa/ lus dang rjes su 'brel pa lus la brten nas 'byung ste/ de bas na dbugs phyi nang du rgyu ba ni lus kyi 'du byed ces bya'o/ /de ltar na 'dir lus kyi mngon par 'dus byas pa'i don gyis lus kyi 'du byed ces bya bar grub pa yin no/ /kha cig na re lus la 'du byed pas lus kyi 'du byed ces bya ste/ lus dang dbugs phyi nang du rgyu ba 'brel te/ 'byung ba'i phyir ro zhes zer ro/ /brtags dpyad nas dag brjod kyi ma brtags ma dpyad par ni ma yin no/ /de bas na rnam par rtog pa dang rnam par dpyod pa ni ngag gi 'du byed do zhes bya ste/ ngag mngon par 'du byed ba'i don gyis yin no/ /zhes bstan pa yin no/ /'du shes dang sems pa yang dag sems las byung ba'i chos yin te/ sems la gnas pa sems la brten pa/ sems dang 'brel ba sems la brten nas 'byung ngo/ /de bas na 'du shes dang sems pa ni yid kyi 'du byed do zhes mdo sde 'dir yid kyis mngon par 'dus byas pa'i don gyis/ yid kyi 'du byed dang yang na yid mngon par 'du byed pa yin pas zhes bstan te/ lus g.yo bar byed pa ni lus kyi 'du byed do/ /ngag kun nas slong bar byed pa ni ngag gi 'du byed do/ /yid dang mtshungs par ldan pa'i 'du byed ni yid kyi 'du byed ces bya ba'i phyir ro/ /de dag ci 'dir de kho na bzhin du blta bar bya ba 'am ma yin zhe na zhes bya ba la/ 'dir zhes bya ba ni rten cing 'brel bar 'byung ba'i mdo sde 'dir ro/ /de kho na bzhin du zhes bya ba ni dbugs phyi nang du rgyu ba la sogs pa la bya'o/ /smras pa/ lus dang ngag dang yid kyi las kyi bye brag la 'dir lus la sogs pa'i 'du byed du bzhed do zhes bya ba ni 'du byed rnam pa gsum char yang/ yang srid mngon par 'du byed pa'i don gyis yin phyir/ /lus la sogs pa mngon par 'du byed pa'i don gyis sam/ mngon par 'du byed pa'i don gyis 'di ma yin no/ /de nyid kyi phyir las kyi bye brag smos so/ /las smos pas ni yang srid kyi 'du byed gzhan bsal to// bye brag smos pas ni zag pa med pa dang lung du ma bstan pa dang/ zag pa zad pa'i rgyud la dge ba zig pa dang bcas pa'i las yod pa bsal to/ /de dag ni yang srid pa mngon par 'du byed pas yang srid mngon par 'du byed pa'i don gyi lus la sogs pa 'du byed sgra thob pa ma yin gyi/ 'o na ci zhe na/ mngon par 'dus byas pa'i don gyis yin no/ /lus dang ngag dang yid kyi las kyi bye brag gang yin pa de 'dir lus la sogs pa'i 'du byed du dgongs pa yin gyi/ dbugs phyi nang du rgyu ba ni ma yin no zhes bya ba 'di ji ltar mngon zhe na/ de'i phyir mdo sde dang rigs pas so zhes smras so/ /re zhig bum pa lta bu'i mdo sde las/ bcom ldan 'das kyis zhes rgyas par 'byung ba der ni ma rig pa'i rkyen gyis 'du byed/ bsod nams dang bsod nams ma yin pa dang/ mi g.yo ba yin par gsungs so zhes bstan gyi/ dbugs phyi nang du rgyu ba ni bsod nams dang/ bsod nams ma yin pa dang/ mi g.yo ba yin par bzhed pa ma yin te/ 'byung ba chen po'i rang bzhin yin pa'i phyir ro/ /'byung ba chen po dag kyang grub pa'i mdza' las ma bsgribs la lung du ma bstan pa yin par 'byung ngo/ /'o na rnam par rtog pa dang/ rnam par dpyod pa dang/ 'du shes rnams bsod nams dang bsod nams ma yin pa dang/ mi g.yo ba'i mtshan nyid ma yin par 'gog par byed pa gang zhe na/ 'gog pa 'di nyid yin no/ /ji ltar zhe na/ lus kyi las kyi bye brag ni lus kyi 'du byed kyi sgrar bstan te/ yang srid mngon par 'du byed pa'i don gyis so zhes bya bas dbugs phyi nang du rgyu ba gnyis bsod nams dang bsod nams ma yin pa dang mi g.yo ba'i lus kyi 'du byed du bkag pa yin pas 'di grub pa yin no/ /sems pa yang gtsor yang srid pa mngon par 'du byed pa yin no/ /ngag dang yid kyi 'du byed kyi sgras ni ngag dang yid kyi las yin par bstan par nges par bya'i/ rnam par rtog pa dang rnam par dpyod pa dang 'du shes ni ma yin no/ /yang bum pa lta bu'i mdo de las gsungs pa de gal te bsod nams kyi 'du byed mngon par 'du byed na zhes rgyas par 'byung ba der yang ma rig pa'i rkyen dang/ 'du byed kyi rkyen gyis rnam par shes pa yin par gsungs te/ bsod nams kyis nye bar 'gro ba ni rnam par shes pa 'di yin no/ de bzhin du mi g.yo ba'i bar du nye bar 'gro bar 'gyur ro/ /zhes gsungs pa'i phyir ro/ /des ji ltar gyur ce na/ 'dir 'du byed kyi rkyen gyis rnam par shes pa yin par yang gsungs te zhes rgyas par smras te/ 'dir zhes bya ba ni rten cing 'brel por 'byung ba'i mdo sde 'dir ro/ /de bas na gang 'du byed kyis nye bar 'gro ba zhes bya ba ni der rnam par shes pa yin par gsungs la/ de ni 'dir 'du byed kyi rkyen can yin no/ /zhes nges par gzung ngo zhes bya ba de dag gis ci bsgrubs pa yin zhe na/ de yang bsod nams dang bsod nams ma yin pa la sogs pa'i 'du byed kyis nye bar 'gro ba yin par de las bstan la/ 'dir yang bsod nams dang bsod nams ma yin pa la sogs pa'i 'du byed kyi rkyen can yin no/ /zhes grub pa yin gyi/ dbugs phyi nang du rgyu ba ni bsod nams dang bsod nams ma yin pa dang/ mi g.yo ba yin par bzhed pa yang ma yin la/ 'dir lus la sogs pa'i 'du byed kyi sgras dbugs phyi nang du rgyu ba la sogs pa yang ma yin no/ bsod nams kyis nye bar 'gro ba zhes bya ba'i don gang zhe na/ nye bar 'gro bar byed pas nye bar 'gro ba'o/ /de bas na gang bsod nams kyis 'gro ba gzhan du nye bar 'gro ba de ni bsod nams kyis nye bar 'gro ba yin no/ /de bzhin du bsod nams ma yin pas nye bar 'gro ba dang mi g.yo bas nye bar 'gro ba yang brjod par bya'o/ /yid gnod? pa dang bcas pa'i lus kyi 'du byed 'dus byas pas zhes rgyas par 'byung ba la dbugs phyi nang du rgyu ba ni skye ba'i rgyu yang ma yin no zhes bya ba ni 'byung ba chen po rnams gcig kho nar ma bsgribs pa'i lung du ma bstan pa yin pa'i phyir ro/ /re zhig mdo sde las ni de lta bu yin no zhes bya ba ni ci zhe na/ dbugs phyi nang du rgyu ba la sogs pa ni 'dir lus la sogs pa'i 'du byed kyi sgras bstan pa ma yin no/ /dgra bcom pa la yod par mi 'gyur ro zhes bya ba ni ma rig pa ma lus par spangs pa'i phyir te/ dbugs phyi nang du rgyu ba/ 'jug pa'i rgyu yod pa ma yin pa'i phyir ro/ /gal te yang de'i rkyen gyis yang srid pa'i rnam par shes pa yin na ni zhes bya ba ni dbugs phyi nang du rgyu ba'i rkyen gyis yang srid pa pa'i zhes bya ba yang srid pa mngon par 'grub par byed pa zhes bya ba'i tha tshig go / dgra bcom pa la yang yod par 'gyur ro zhes bya ba de la yang dbugs phyi nang du rgyu ba yod pa'i phyir ro/ /de ltar ni 'dod pa ma yin no/ /ci zhe na/ 'di lta ste dbugs phyi nang du rgyu ba med pa 'am/ yang srid kyi rnam par shes pa yod par mi 'dod do/ /de dag ni dgra bcom pa la yang med pa ma yin no zhes bya ba ni lus la sogs pa'i las de dag go / dbugs phyi nang du rgyu ba la sogs pa yang de bzhin du 'gyur ro/ /zhes bya ba ni ma reg pa'i rkyen nyid du zin kyang ma rig pa yang spangs pa yin no/ /de dag ni lus la sogs pa'i las ma yin no/ /yang srid ba mngon par 'du byed pa ma yin pa'i phyir ro zhes bya ba ni de dag ni dgra bcom pa'i las la yod pa ma yin te 'dir lus la sogs pa'i las tsam ni ma rig pa'i rkyen gyis 'du byed ces bya ba'i sgras bstan pa ma yin gyi/ 'o na ci zhe na/ yang srid ba mngon par 'du byed pa yin no/ /de bas na dgra bcom pa'i lus la sogs pa'i las ni don 'dis 'du byed kyi ming thob pa ma yin gyi de dag ni ma rig pa yod pa tsam gyis yin no zhes bya bar rig pa yin no/ /de lta bu ni dbugs phyi nang du rgyu ba la sogs pa ma yin no zhes bya ba ci zhe na/ dgra bcom pa'i lus la sogs pa 'du byed kyi ming thob pa'o/ /ci'i phyir zhe na/ lus mngon par 'dus byas pa'i don gyis lus kyi 'du byed yin par mdo sde de las bstan te/ dgra bcom pa'i yang de bzhin no/ /ngag mngon par 'du byed pa'i don gyis dag gi 'du byed yin la/ dgra bcom pa'i yang rnam par rtog pa dang rnam par dpyod pa ni ngag mngon par 'du byed pas so/ /yid kyis mngon par 'du byed pa'i don gyis yid kyi 'du byed yin par mdo sde de las bstan te/ dgra bcom pa'i yang de bzhin no/ /lus kyis mngon par 'du byed pa'i don gyis kyang lus kyi 'du byed ces bya ste/ de lus las rag lus pa'i phyir ro/ / dgra bcom pa'i yang de bzhin no/ /de'i sgo nas lus kyi 'du byed ces mi bya'o/ /de bzhin du yid mngon par 'du byed pa'i don gyis yin te/ dmigs pa gzhan la yid mngon par 'du byed pa'o/ /dgra bcom pa'i yang de bzhin yin na 'dir chos 'dra ba ci zhig yod/ bsod nams kyang ci zhig yin/ bsod nams ma yin pa yang ci yin/ mi g.yo ba yang ci yin zhes bya ba 'brel ba gang yin zhe na/ bsod nams dang bsod nams ma yin pa dang mi g.yo ba ni lus la sogs pa'i 'du byed yin par bum pa lta bu'i mdo sde la brten nas ma rig pa'i rkyen gyis bsod nams kyi 'du byed mngon par 'du byed ba zhes rgyas par bstan zin to/ de gal te bsod nams kyi 'du byed mngon par 'du byed na bsod nams kyi nye bar 'gro ba ni rnam par shes pa 'di yin na zhes rgyas par byas nas de ni 'dir 'du byed kyi rkyen can yin na zhes nges par gzung ngo zhes bya ba'i bar du gsungs pa'i phyir ro/ /'di skad du brjod de zhes bya ba ni rnam par smra ba la sogs pa 'chad bar byed pa yin no zhes ston to/ /'dod pa na spyod pa'i dge ba'i las ni bsod nams so zhes bya ba la dge ba smos pa ni mi dge ba bsal ba'i phyir ro/ /'dod pa na spyod pa smos pa ni gzugs dang gzugs med pa na spyod pa dang/ zag pa med pa bsal ba'i phyir ro/ /mi dge ba ni bsod nams ma yin pa'o/ /zhes bya ba ni de yang 'dod pa'i khams kho na na yod kyi gzhan med do/ /de bas na 'dod pa na spyod ces ma smos so/ /gzugs dang gzugs med pa na spyod pa'i dge ba ni mi g.yo ba zhes bya'o zhes bya ba la/ dge ba smos pa ni nyon mongs pa can dang ma bsgribs la lung du bstan pa bsal ba'i phyir ro/ /gzugs dang gzugs med pa na spyod pa smos pa ni 'dod pa na spyod pa dang zag pa med pa bsal ba'i phyir ro/ /gzugs dang gzugs med pa na spyod pa'i dge ba la/ ci'i phyir mi g.yo ba zhes bya zhe na/ de'i phyir g.yo ba ni 'gul ba ste/ rang bzhin gzhan du 'gyur par 'dod par bya'o zhes smras te/ skad kyi byings rjod las g.yo ba ni 'gul ba yin no zhes bya ba 'di skad kyi byings la yod de/ de ni g.yo bar gyur pa la bya'o/ /de'i phyir rang bzhin gzhan du 'gyur bar 'dod par bya'o zhes smras so/ /de ni mi g.yo pa'i ngo bo yin pas mi g.yo ba can te/ bsam gtan dang gzugs med pa dag 'dis g.yos par mi nus pas mi g.yo ba yin te/ sa 'og ma pa'i mi mthun pa'i phyogs des mi bsgul pa'i phyir ro zhes bya ba ni sa 'og ma pa'i nyon mongs pas zhes bya ba'i tha tshig ste/ bsam gtan dang gzugs med pa ni sa 'og ma pa'i nyon mongs pa rnams kyi ni gnyen po yin la/ sa 'og ma'i nyon mongs pa ni mi mthun pa'i phyogs yin no zhes bya ba grub pa yin no/ /der 'byung ba'i las ni mi g.yo ba yin no zhes bya ba ni bsam gtan dang gzugs med ba der zhes bya ba'i tha tshig go /gzhan dag na re sa de las gang gi phyir las kyi rnam par smin pa mi g.yo ba yin no zhe'o zhes rgyas par 'byung ba la / sa de las zhes bya ba ni gzugs dang gzugs med pa'i sa las zhes bya ba'i don gang yin pa'o/ /smon lam la sogs pa'i rkyen gzhan gyis yongs su zin pas zhes bya ba la sogs pa'i sgras rgyud kyi bye brag rkyen gzhan yongs su bzung bas te/ rgyud kyi bye brag kha cig ni gnyen po dang bcas pa ma yin no/ /kha cig ni gnyen po dang bcas pa yin no/ /ji skad du mi skal pa med pa la sogs pa dang lan tsha srang gcig lta bu dang sna rigs zhes bya ba'i mdo sde las gsungs te/ re zhig mi skal ba med pa'i mdo sde las ni dge slong dag 'di ni kha cig gis sbyin pa las byung ba'i bsod nams bya ba'i dngos po cung zad tsam byas shing bsags pa dang/ tshul khrims las byung ba cung zad tsam byas kyi bsgoms pa las byung ba ni yod pa ma yin la mi skal ba med pa yang 'dis mthong ste/ de 'di snyam du kye ma bdag ni skal ba chung ba'i mi dang skal ba mnyam par skye'o snyam nas de sems de bsten/ bsgoms lan mang du byas so/ /de sems de bsten cing bsgoms lan mang du byas pas dman par 'dug pa las gong du 'pho'o/ /de nyid ma bsgoms yid la ma byas pa ni mi skal ba chung ba dang skal ba mnyam par skye ba gang yin pa'i gnas yod pa yin no/ /de la 'di dag ni mi skal ba chung ba yin te/ 'di lta ste rigs ngan nam gdol pa'i rigs sam shing rta byed pa'i rigs so/ /gzhan yang dman pa smad pa 'og ma ngan pa byed pa chung ba zas skom med pa de 'dra'i rigs dang skal ba mnyam par skye ste/ de dag ni skal ba chung pa'i mi'i mdo las yin no/ /skal ba can gyi mi'i mdo las kyang/ dge slong dag 'di na kha cig gis sbyin pa las byung ba'i bsod nams bya ba'i dngos po cung zad tsam byas shing bsags pa dang/ tshul khrims las byung ba cung zad tsam byas kyi bsgoms pa las byung ba ni yod pa ma yin la/ mi skal ba can yang 'dis mthong ste/ de 'di snyam du kye ma bdag ni mi skal ba can rnams dang skal ba mnyam par skye'o snyam nas de'i sems bsten cing bsgoms lan mang du byas so/ /de'i sems bsten cing bsgoms lan mang du byas ba dman bar 'dug cing dman bar shin tu 'dug pa las gong du shin tu 'pho'o/ /shin tu tshad med par bsgoms shing lan mang du byas pa ni gang mi skal ba can rnams dang/ skal ba mnyam par skye ba'i gnas yod pa yin no/ /de la 'di dag ni mi skal ba can yin te/ 'di lta ste/ rgyal rigs shing sA la chen po lta bu 'am/ bram ze'i rigs shing sA la chen po lta bu 'am/ khyim bdag gi rigs shing sA la chen po lta bu 'am/ gang gzhan yang shin tu phyug cing longs spyod che ba dang nor mang po yod pa la dbang byed pa dang/ nor dang yo byad mang po dang/ nor dang/ 'bru dang/ mdzod dang/ bang ba la sogs pa tshogs mang ba dang/ bran bo dang/ bran mo dang las byed pa'i mi mang ba dang/ mdza' ba shes pa dang/ blon po dang/ gnyen dang/ spun tshan rab tu mang ba lta bu de'i rigs dang skal ba mnyam par skye ba yin no/ /'di lta ste dge slong dag 'dir kha cig gis sbyin pa las byung ba'i bsod nams bya ba'i dngos po chung ba yang zhes snga ma bzhin du byas nas thos pa yang yod cing 'dis rgyal chen bzhi'i ris kyi lha dang gzhan 'phrul dbang byed kyi lha'i bar du 'gyur ro/ /'di snyam du sems te/ kye ma bdag ni rgyal chen bzhi'i ris kyi lha rnams dang skal ba mnyam par skye bar 'gyur ro zhes bya ba nas gzhan 'phrul dbang byed kyi lha rnams dang skal ba mnyam par skye bar 'gyur ro snyam nas de'i sems bsten cing bsgom mo zhes snga ma bzhin no/ /lan tsha? srang gcig lta bu las kyang rgyas par gsungs nas/ dge slong dag 'di la kha cig gis re zhig mi dge ba'i las byas shing bsags pa gang yin pa de ni mthong ba'i chos la myong bar 'gyur ba las dmyal ba myong bar 'gyur bar gyur to/ /dge slong dag gang zag ji lta bus re zhig sdig pa mi dge ba'i las byas shing bsags pa dag 'di mthong ba'i chos la myong bar 'gyur ba gang yin pa de ni dmyal ba myong bar 'gyur ce na/ 'di la dge slong dag gang zag kha cig ni lus ma bsgoms pa/ tshul khrims ma bsgoms pa/ sems ma bsgoms pa/ shes rab ma bsgoms pa zhes bya ba de lta bu gang zag rgyas bar byas nas cung zad cig byas pa la yang chen po kho nar snang ba'o/ /sna rigs kyi mdo las kyang rgyas par smras pa/ bram ze dag 'dis kha cig ni srog gcod pa yin ba nas log par lta ba bo'i bar du yin no/ /dge sbyong bram ze dag la sbyin pa yang byin pa yin te zhes rgyas par smras nas/ gang zag de tshul khrims 'chal ba yin la/ las de'i rnam par smin pas glang po che dang skal ba mnyam par skye bar 'gyur ro/ /de sbyin ba byin pa gang yin pa de'i las kyi rnam par smin pa ni glang po cher gyur na yang/ bza' ba dang btung ba nas/ glang po che'i rgyan gyi bar du rnyed par 'gyur ro zhes rgyas par byas nas bram ze 'dir kha cig dag srog gcod pa spangs te/ srog gcod pa las slar log pa nas yang dag par lta ba'i bar du yin no/ /sbyin pa yang dge sbyong ngam bram ze dag la byin te zhes rgyas par byas nas de tshul khrims dang ldan pa yin te/ de'i las kyi rnam par smin pas lha rnams dang skal ba mnyam par skye bar 'gyur ro/ /gang sbyin ba de byin pa de'i las kyi rnam par smin pas ni ltar gyur ba na yang bza' ba dang btung ba nas lha rnams kyi rgyan rnam pa sna tshogs kyi bar du rnyed par 'gyur ro/ /de bzhin du mi rnams dang skal ba mnyam par skye bar 'gyur ro/ /de'i las kyi rnam par smin pas ni ming gyur ba na yang 'ja'? ba dang btung ba nas mi'i rgyan sna tshogs kyi bar du rnyed par 'gyur ro/ /de ltar na mdo sde de dag las 'dod pa na spyod pa'i las kyi rnam par smin pa ni g.yo bar bstan pa yin no/ /bsod nams zad nas zhes bya ba 'dir dpe ni ji ltar gzugs na spyod pa'i dge ba'i las la bsod nams zhes bya ba bzhin no/ /bsod nams de ni yod de zhes bya ba ni 'od gsal ba de'i dge ba de'i dge ba'i las ni 'bras bu yid du 'ong ba nyid yin pa'i phyir ro/ /khyad par brjod par bya ba'i phyir te zhes bya ba ni gang gi phyir sa de las/ las kyi rnam par smin pa mi g.yo ba yin no zhes 'di'i khyad par du brjod pa'i phyir ro/ /lan cig phyir 'ong ba la sogs pa bzhin te zhes bya ba lan cig phyir 'ong ba dang phyir mi 'ong ba dang/ dgra bcom pa bzhin te/ lan cig phyir 'ong ba dang/ phyir mi 'ong ba dang/ dgra bcom pa de dag rgyun tu zhugs pa ma yin pa ma yin te/ ci'i phyir zhe na/ mya ngan las 'das pa'i las kyi rgyan de nas song ba'i phyir/ de dag ni der zhugs shing thob pa yin pas rgyun tu zhugs pa yin yang/ khyad par gyi ming gis bstan te/ rgyun tu zhugs ba las 'bras bu thog ma la gnas pa dang 'bras bu ji lta bu zhe na/ de ni de ltar thogs na srid pa lan bdun ba zhes bstan to/ /lan cig phyir 'ong ba ni 'jig rten 'dir lan cig phyir 'ongs nas sdug bsngal gyi tha ma byed par 'gyur ba'o/ /lan cig phyir mi 'ong ba ni de nyid du yongs su mya ngan las 'da' ba' i phyir 'jig rten 'dir 'ong bar mi 'gyur ba'o/ /dgra zhes bya ba ni khams gsum pa'i nyon mongs pa la bya ste/ de dag des ma lus par bcom pas dgra bcom pas dgra bcom pa zhes bya ste/ de dag bzhin no/ /bde ba myong bar 'gyur ba'i las ni bsod nams so zhes bya ba ni bde ba'i tshor ba ni 'dod pa'i khams dang/ bsam gtan gsum pa'i bar du'o/ /de'i phyir bsam gtan gsum pa'i bar du dge ba'i las ni bsod nams yin par bstan to zhes gsungs so/ /sdug bsngal yang ma yin/ bde ba yang ma yin pa myong bar 'gyur ba ni mi g.yo ba ste zhes bya ba ni sdug bsngal yang ma yin/ bde ba yang ma yin pa'i tshor ba ni bsam gtan bzhi pa nas bzung ste/ srid pa'i rtse mo'i bar du'o/ /de ltar byas na bsam gtan bzhi pa'i sa pa'i dge ba'i las dang/ gzugs med pa na spyod pa'i thams cad ni mi g.yo ba zhes bya'o/ /de bas na bsam gtan gsum pa'i gong ma'i 'o zhes smras so/ /'dir khungs ci yod ce na/ de ltar ni bcom ldan 'das kyis bsam gtan gsum po 'di na ni 'phags pa 'di dag g.yo ba yin no zhes gsungs so/ /bsam gtan bzhi pa 'dir ni 'phags pa 'di dag mi g.yo ba yin par gsungs so zhe'o/ /ji lta zhe na/ dge slong 'char ka 'di ltar 'dod pa las rnam par dben pa sdig pa mi dge ba'i chos las dben pa/ rnam par rtog pa dang bcas shing/ rnam par dpyod pa dang bcas pa/ dben pa las skyes pa'i dga' ba dang bde ba can bsam gtan dang po nye bar bsgrubs te gnas so/ /'di ni 'dir 'phags pa rnams g.yo ba yin par bstan to/ /ci'i phyir 'dir 'phags pa rnams g.yo ba yin par bstan ce na/ 'dir rnam par rtog pa dang rnam par dpyod pa gang yin pa ste/ 'di ni 'dir 'phags pa rnams g.yo ba yin par bstan to/ /dge slong 'char ka gzhan yang rnam par rtog pa dang rnam par dpyod pa nye bar zhi nas nang yongs su dad bas sems kyi rgyud gcig tu gyur ba'i phyir rnam par rtog pa med cing/ rnam par dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa nye bar bsgrubs te gnas so/ /'di ni 'dir 'phags pa dag g.yo ba yin par bstan to/ /ci'i phyir 'dir 'phags pa dag g.yo ba yin par bstan ce na/ 'dir gang bde ba dang ma bral ba gang yin pa ste/ 'di ni 'dir 'phags pa dag g.yo ba yin par bstan to/ /gzhan yang dge slong 'char ka dga' ba'i 'dod chags dang bral te/ btang snyoms su gnas pa dran pa dang shes bzhin can bde ba lus kyis so sor myong bar gang 'phags pa rnams kyis bka' stsal pa gang yin pa de/ btang snyoms can dran pa dang ldan zhing bde ba la gnas pa bsam gtan gsum pa nye bar bsgrubs te gnas so/ /'di ni 'dir 'phags pa rnams g.yo ba yin par bstan to/ /ci'i phyir 'dir 'phags pa rnams g.yo bar bstan ce na/ 'di lta ste 'di ni bde ba'o/ /'di ni bde ba'o zhes sems kyis rtsol pa yin te/ 'di ni 'dir 'phags pa rnams g.yo ba yin par bstan to/ /dge slong 'char ka gzhan yang bde ba yang spangs sdug bsngal yang spangs te/ yid bde ba dang yid mi bde ba ni snga nas med cing bde ba yang med/ sdug bsngal ba yang med cing btang snyoms dang dran pa yongs su dag cing/ bsam gtan bzhi pa nye bar bsgrubs nas gnas te/ 'di ni 'dir 'phags pa rnams mi g.yo ba yin par bstan to/ /gal te sa 'og ma mi g.yo ba yin na ni sa gong ma 'di dag mi g.yo ba yin par 'grub ste/ gzugs med pa'i sa rnams mi g.yo ba yin par bstan to/ /de lta na 'og ma rnams kyi bde ba yang ma yin sdug bsngal yang ma yin pa'i tshor ba ni rnam par smin pa ma yin par 'gyur ro bya ba ni bsam gtan bzhi pa las 'og ma na sdug bsngal ba yang ma yin/ med pa yang ma yin pa myong bar 'gyur ba'i mi g.yo ba'i las yod pa ma yin pa'i phyir ro/ /sdug bsngal yang ma yin/ bde ba yang ma yin pa'i tshor ba ni bsam gtan gzhan gyi las kyi rnam par smin pa yin par 'dod pa yang yin no/ /mdo sde dang yang 'gal bar 'gyur te zhes rgyas par 'byung ba las/ bsod nams zad nas zhes bya ba 'di ni bsam gtan gsum pa'i gong ma na yang bsod nams yod do zhes bya ba'i dper 'di yin no/ /bsam gtan bzhi pa ni rang gi sa pa'i g.yo ba med pas mi g.yo ba yin par bstan to zhes bya ba ni skyon brgyad spangs pa'i phyir te/ de dag kyang rnam par rtog pa dang rnam par dpyod pa dang bde ba dang sdug bsngal dang yid bde ba dang dbugs rdub ba dang dbugs 'byung ba yin no/ /bsam gtan gzhan dag kyang mi g.yo ba med pa ni yin te/ sa 'og ma'i g.yo ba med pa'i phyir ro zhes bya ba la/ bsam gtan dang po ni 'dod pa na spyod pa'i nyon mongs pa dang nye ba'i nyon mongs pas mi bskyod pa yin pas mi g.yo ba'o/ /bsam gtan gnyis pa ni bsam gtan dang por gtogs pa'i rnam par rtog pa dang rnam par dpyod pas mi g.yos pa yin pa'i phyir mi g.yo ba'o/ /bsam gtan gsum pa ni bsam gtan gnyis par gtogs pa'i dga' ba gang yin pas mi g.yos pa'i phyir mi g.yo ba yin no/ /rnam grangs kyis mi g.yo ba yin par brjod par rigs te zhes bya ba ni g.yo ba dang bcas pa yin du zin kyang/ rnam pa gzhan gyi sgo nas bstan to/ /ji lta zhe na de'i phyir/ de'i yan lag gis mya ngan las 'das pa zhes bya ba bzhin no zhes bya ba smras te/ sa 'og ma pa'i nyon mongs pa de dag gi yan lag gis mya ngan las 'das pa yin te/ de'i yan lag gis mya ngan las 'das pa zhes bya ba gang yin pa bzhin no/ /de'i yan lag gis mya ngan las 'das pa zhes bya ba ji lta bu zhes bya ba rgyas par bstan nas/ tshe dang ldan pa kun dga' bo de'i yan lag gis mya ngan las 'das pa zhes bstan na tshe dang ldan pa kun dga' bo de'i yan lag gis mya ngan las 'das par bcom ldan 'das kyis gsungs pa gang lags tshe dang ldan pa dge slong 'dod pa can 'dod pa las dben pa/ sdig pa mi dge ba'i chos las rnam par dben pa rnam par rtog pa dang bcas rnam par dpyod pa dang bcas pa/ dben pa las skyes pa'i dga' ba dang bde ba can bsam gtan dang po nye bar bsgrubs te gnas so/ /de ni de'i yan lag gis mya ngan las 'das pa yin par bcom ldan 'das kyis rnam grangs kyis bstan to/ /'du shes med 'du shes med min skye mched nye bar bsgrubs te gnas so/ /zhes bya ba'i bar du rgyas par byas nas 'di ni rnam grangs kyis de'i yan lag gis mya ngan las 'das pa yin par bcom ldan 'das kyis bstan to/ /tshe dang ldan pa dge slong 'dod pa can gzhan yang thams cad du 'du shes med min skye mched las yang dag par 'das te/ 'du shes dang tshor ba 'gog pa la lus kyis mngon du byas nas nye bar gnas so/ /'dis shes rab kyis kyang zag pa rnams zad pa mthong ste/ yongs su zad pa 'di ni de'i yan lag gis mya ngan las 'das pa rnam grangs med par bcom ldan 'das kyis bstan to/ /nus pa zhes bya ba de chos gang zhe na/ rgyu'i dngos po yin no zhes bya ba ni rgyu'i dngos po ni 'bras bu bskyed pas rnam par phye ba yin no/ /de nyid kyi phyir dper na 'bru'i 'bras bu ni rkyen gyi bye brag sa gzhi dang zhes rgyas par 'byung ba yin no/ 'dir 'di dpyad par bya ste/ rgyu'i dngos po 'di ci yin/ dngos po las gzhan ma yin pa yin/ ci nyes gal te gzhan yin na ni sa bon la sogs pa'i chos ni 'di ma yin par 'gyur ro/ /gal te gzhan ma yin pa yin na ni rgyu'i dngos po du ma las rnam par ma log pa gcig yin par ji ltar 'grub par 'gyur/ yang rgyu zhes bya ba'i dngos po dag gang las rnam par log cing rjes su yod pa'i chos ni 'ga' yang yod pa ma yin no/ /yang rnam par log pa 'am/ ma log pa yang rung ste/ sa bon la sogs pa yin pa brjod pa'i dngos po de ni rgyu du ma gzhan dang gzhan snga ma yin pa las de ltar mngon par grub pa yin te/ dper na rkyen la bltos nas de'i 'bras bu 'grub pa bzhin no/ /lus gang yin las ci yin ci'i phyir na lus shes bya zhes bya ba rgyas par 'byung ba dang/ de bzhin du yid kyi las kyi bar du'o zhes bya ba ni ji ltar lus las ci yin ci'i phyir na lus zhes bya ba/ las zhes bya ba yang gang yin zhes bya ba de bzhin du dag gang yin/ ci'i phyir dag ces bya ba dang/ ngag gi las kyang gang/ yid kyi las ci yin ci'i phyir na yid kyi las zhes bya/ yid kyi las kyang gang yin zhes bya'o/ /de bas na de dag ni grub pa las bzung bar bya ste/ las grub pa las lus la sogs pa gang ji ltar bstan ce na/ lus ni dbang po dang bcas pa'i lus 'byung ba dang 'byung ba las gyur pa 'dus pa'i bye brag go / bsags pa'i don gyis lus zhes bya ste/ 'byung ba dang 'byung ba las gyur pa'i rdul phra rab bsags pa yin pa'i phyir ro/ /kha cig na re smad pa'i don gyis yin te/ mi gtsang ba'i rdzas kyi 'byung khungs yin pa'i phyir ro zhe na/ de lta na ni lha'i lus lus ma yin par 'gyur ro/ /nges pa'i tshig gi tshul gyis byed pa po yid kyis mngon par 'du byed pa ni las yin pa dang/ lus skyob par byed pa'i las ni lus kyi las zhes bya la/ sems pa yang rnam pa gsum ste/ shin tu spyod pa dang/ nges pa dang bskyod pa ste gang gis lus bskyod par byed pa de ni de'i rgyun yul gzhan du 'byung bar byed pa'i rgyu rlung sgrub par byed pa'i phyir te/ de ni lus kyi las zhes bya ste/ tshig bar ma mi mngon par byas pa'i phyir 'bru mar gyi stobs dang rlung gi rdul bzhin no/ /las kyi lam la ni las rnam pa gsum yin par 'dod de/ srog gcod pa dang/ ma byin par len pa dang/ 'dod pa log par spyod pa yin na sems pa la de dag ji ltar brjod par bya zhe na/ /des shin tu gsod pa dang len pa dang log par spyod pa'i phyir dang/ des bskyod pa'i lus kyi rgyun byas pa ni des byas pa zhes bya ste/ dper na rkun pos grong bsregs pa dang/ rtswas 'bras chan tshos pa bzhin no/ /ji ltar sems ba las kyi lam yin zhe na/ de ni las kyang yin/ ngan 'gro rnams kyi lam yang yin pas las kyi lam yin pa 'am/ lus bskyod pa byed pa'i sems pa zhes bya ba rnam pa gsum char yang las kyi lam yin no/ /de gang zhe na/ de'i dbang gis 'jug pa'i phyir dang/ des srog la sogs pa gcod pa dang/ len pa dang log par spyod pa'i phyir ro/ /'jig rten dang rjes su mthun par bya ba'i phyir de ni lus kyi las yin no/ /zhes kyang ston to/ /dge ba dang mi dge ba nyid ni ma yin no/ /gdags na ni sems pa de'i sgo nas 'jig rten pa'i 'jug pa dang ldog pa shin tu sbyor ba'i phyir ro/ /gal te sems pa kho na dge ba dang mi dge ba'i las yin na ni mdo sde las bsams nas byas pa'i lus kyi las rnam pa gsum byas shing nye bar bsags pa'i mi dge ba sdug bsngal 'byung bar byed pa rnam par smin pa sdug bsngal ba'o zhes ci'i phyir gsung bar 'gyur sgo de nas byas pa'i phyir ro zhes dgongs pa'o/ /de las gzhan pa'i sems pa ni yid kyi las yin no zhes bstan te/ yid dang mtshungs par ldan pa'i phyir dang/ lus dang ngag 'jug par mi byed pa'i phyir ro/ /'o na ci'i phyir sems pa'i las dang bsams pa'i las zhes bcom ldan 'das kyis gsungs she na/ sngar sems pa rnam pa gsum bstan pa de la gnyis ni bsams nas so// gsum pas ni 'jug par byed pa yin te/ 'di yang bsams pa'i las zhes bya'o/ /tshig ni ngag yin te/ brjod pa gang gis don khong du chud par byed pa'i las de kun nas slong bar byed pa'i sems pa ni yi ge'i rnam pa dang ldan pa'i ngag gi las yin te snga ma bzhin to/ /ngag kun nas slong bar byed pa'i las ni ngag gi las zhes bya ste/ tshig par ma mi mngon par byas pa snga ma bzhin no/ /yid ni rnam par shes pa la bya ste/ mnyam par ma bzhag pa yin pa'i phyir dang/ skye gnas gzhan dang/ yul la 'dud par byed pa'i phyir ro/ /yid kyi las ni de dang mtshungs par ldan pa'i sems pa yin te/ yid dang mtshungs par ldan pa'i las ni yid kyi las so zhes bya ba snga ma bzhin no/ /ma rig pa'i rkyen gyis 'du byed ces bya ba 'dir rkyen dang rkyen can gnyis nges pa dang ma nges pa la skyon yod pa yin te zhes bya ba la rkyen dang rkyen can nges pa la skyon yod pa dang/ gnyis ka nges pa la skyon yod pa dang ma nges pa la skyon yod pa'o/ /ji lta zhe na/ gal te ma rig pa kho na 'du byed kyi rkyen yin na ni zhes bya ba rgyas par 'byung ba yin no/ /dge ba dang mi dge ba dang 'dun pa dang rtsol ba la sogs pa med par yang zhes bya ba ni dge ba dang 'dun cing lus dang ngag dge ba'i rtsa ba la rtsol ba dang mi dge ba dang 'dun cing lus dang ngag mi dge ba'i rtsa ba la rtsol ba dang/ dge ba'i rtsa ba dang 'dun cing lus dang ngag dge ba'i rtsa ba'i las la rtsol ba med par yang ma rig pa tsam las bsod nams dang/ bsod nams ma yin pa dang mi g.yo ba'i 'du byed rnams rgyun du 'byung bar thal bar 'gyur ro zhes bya ba rgyas par 'byung ba yin no/ /yang mdo sde gzhan las dge ba'i rtsa ba yang gsum mo/ /mi dge ba'i rtsa ba gsum ste/ gsum pa ni las kyi gzhi dang kun 'byung ba yin no zhes bya ba ni chags? pa ni las kyi gzhi dang kun 'byung ba yin te/ zhe sdang dang rmongs pa yang yin no/ /chags pa med pa la sogs pa yang de bzhin no/ /de la sogs pa dang 'gal bar 'gyur ro zhes bya ba ni ma rig pa kho na de ngag gi rkyen yin na dge ba'i rtsa ba la sogs pa dag 'du byed rnams kyi rkyen yin par 'byung ba dang 'gal par 'gyur ro/ /de bzhin du reg pa ni sems pa'i rkyen yin par 'byung ba dang 'gal bar 'gyur ro/ /rnam par rtog pa dang rnam par dpyod pa gnyis ngag gi rkyen yin par 'byung ba la sogs pa dang 'gal lo/ /de ltar na re zhig ma rig pa kho na 'du byed de dag? gi rkyen yin na ni de dag gi rkyen ma rig pa yin pas rkyen nges par byas na skyon yod pa yin no/ /'on te 'du byed kho na'i rkyen ma rig pa yin te zhes bya ba ni rkyen can nges par byas na skyon yod pa yin no/ /rkyen can nges pa yin na ni/ ma rig pa'i rnam par smin pa'i 'bras bu med par 'gyur ro/ /'on te ma nges pa yin na ni ma rig pa'i rkyen gyis 'du byed ces brjod pa ji ltar don med par mi 'gyur te/ gal te re zhig 'du byed kyi rgyu brjod par 'dod de ma rig pa'i rkyen gyis 'du byed ces bya ba 'di smras pa yin na ni 'du byed thams cad kyi rgyu yin par brjod par bya dgos so/ /'on te ma rig pa'i 'bras bu brjod par 'dod na ni ma rig pa'i 'bras bu thams cad brjod par bya dgos so/ /'on te rgyu brjod par bya ba'i phyir yang ma yin/ 'bras bu brjod par bya ba'i phyir yang ma yin na ni 'o na ni ma rig pa'i rkyen gyis 'du byed ces 'chad pa 'di don med par 'gyur ro zhe na/ 'dir nges pa dang ma nges pa gnyi ga yin na yang bshad pa don med par mi 'gyur te/ de bzhin du bstan pa ni 'du byed rnams kyi rkyen gyi gtso bo bstan pa'i phyir ro zhes bya ba 'di skad bstan te/ rkyen bstan pa'i phyir ma rig pa'i rkyen gyis 'du byed ces bya ba de bzhin du bstan du zin kyang rkyen thams cad bstan pa'i phyir ni na yin no/ /'o na ci zhe na/ gtso bo'i rkyen brjod par bya ba'i phyir ro/ /de bas na ston pa don med pa ma yin no/ /bsod nams la sogs pa'i las rnams 'du byed nyid yin par ni de'i dbang gis yin pa'i phyir rang zhes bya ba la de'i dbang gis yin pa'i phyir dang zhes bya ba ni bsod nams dang bsod nams ma yin pa dang/ mi g.yo ba'i las rnams kyis yang srid pa mngon par 'du byed pa ni ma rig pa'i dbang gis yin pa'i phyir ro zhes bya ba'i tha tshig go /de khong du chud par byed pa smras pa ni 'di lta ste rig pa de ma skyes na ni yang srid pa mngon par 'du byed pa yin gyi rig pa skyes na ni ma yin no/ /zhes bya ba dang/ /kun nas 'byung ba na yang spyi'i rkyen yin pa'i phyir ro zhes bya ba ci zhe na/ bsod nams la sogs pa'i las kyi gtso bo'i rkyen ni ma rig pa yin no zhes bya ba'o/ /ji ltar kun nas 'byung ba na ma rig pa'i spyi'i rkyen yin pa de bzhin du ston ba ni bsod nams ma yin pa'i 'du byed rnams kun nas 'byung ba na nyon mongs pa thams cad dang mtshungs par ldan pa'i phyir spyi'i rkyen yin no zhes bya ba ni 'dod chags dang zhe sdang la sogs pa'i nyon mongs pa dang/ nye bar nyon mongs pa thams cad kyis bsgrubs pa'i las kun nas 'byung ba na nyon mongs pa'i sa chen po ba yin pa'i phyir ma rig pa ni spyi'i rkyen yin no/ /gang du 'dod chags kyis kun nas bslang ba'i las de'i rkyen ni zhe sdang ma yin no/ /zhe sdang gis kun nas bslang pa'i las de'i rkyen ni 'dod chags ma yin no zhes bya ba la sogs pa yin no/ /ji ltar nyon mongs pa thams cad ma rig pa'i rkyen gyis kun nas bslang ba de bzhin du de dang mtshungs par ldan pa sems pa rnams kyi yang yin no zhes bya ba ni nyon mongs pa thams cad dang mtshungs par ldan pa rnams kyi yang yin zhes bya ba'i tha tshig go / nyon mongs pa thams cad kun nas 'byung ba'i rkyen ma rig pa ji ltar yin/ ci zag pa kun tu 'byung ba yang dag pa ji lta ba bzhin du rab tu shes sam zhe na/ ma rig pa kun 'byung bas zag pa kun 'byung ste/ ji skad du rmongs pa kho nas de dag skye ba'i phyir zhes bya ba la sogs pa gsungs pa yin no/ /re shig bsod nams ma yin pa ni de lta bu yin no/ /bsod nams kyi 'du byed rnams kyi yang rkyen yin te/ srid pa dang longs spyod tha dad pa mngon par sgrub pa dang rjes su mthun pa kun nas 'byung ba na yang zhes rgyas par 'byung ba de la srid pa ni lha dang mi la sogs pa'i lus la bya'o/ /longs spyod ni gzugs dang sgra la sogs pa'i yul rnams so/ /srid pa dang longs spyod de dag gi dbye ba ni srid pa dang longs spyod dbye ba tha dad pa'o/ /mngon par sgrub pa de 'du byed gang yin pa de dag ni rgyu byed pa la rjes su mthun pa zhes bya ba yin pas de ni srid pa dang longs spyod dbye ba tha dad pa mngon par sgrub pa dang rjes su mthun pa zhes bya'o/ /de dag kun nas byung ba na yang de dag dang lhan cig 'byung ba'i ma rig pa ni spyi'i rkyen yin zhes bya ba de la/ mngon par sgrub pa ni 'dod pa ste/ lhar shog cig mir shog cig /bdag gi longs spyod kyang khyad par can du shog cig ces bya ba yin no/ /mngon par sgrub pa de dang mtshungs par ldan pa'i ma rig pa ni de dag dang lhan cig 'byung ba yin no/ /sa des nges par 'byung ba lta bas kun nas bslang ba mi g.yo ba rnams kyi yang zhes rgyas par 'byung ba la bsam gtan dang po nas srid pa'i rtse mo'i bar dus der thar par 'dod pas nges par 'byung bar lta ba ni sa der nges par 'byung bar lta ba'o/ /sa der nges par 'byung bar lta bas kun nas bslang ba ni sa der nges par 'byung bas kun nas bslang ba'o/ /sa der nges par 'byung bas kun nas bslang ba mi g.yo ba'i 'du byed de dag gi yang de dag dang lhan cig 'byung ba lta ba de dang mtshungs par ldan pa'i ma rig pa ni ci zhe na/ spyi'i rkyen yin no zhes bya'o/ /don de dag nyid tshigs su bcad de brjod pa zhes rgyas par 'byung ba ni nyon mongs pa gzhan dang mtshungs par ldan pa'i ma rig pa yang 'du byed kyi rkyen yin/ mtshungs par ldan pa ma yin pa yang gtso bo'i rkyen yin no zhes bstan ma thag pa rnams tshigs su bcad pas brjod pa ni/ 'du byed rnams kyi rkyen nyid du/ /ma rig bstan pa rnam gnyis te/ /zhes bya ba ni rnam pa gnyis ni rnam gnyis so/ /ji lta zhe na de'i phyir/ nyon mongs gzhan ldan spyi mi rkyen// de med pa ni gtso bo'i rkyen/ /zhes smras te/ ci zhe na/ nyon mongs pa gzhan dang mtshungs par ldan pa ma yin pa ni gtso bo'i rkyen yin no zhes bya ba'i tha tshig go /gal te de dag gi rkyen kyang ma rig pa yin pa'i phyir zhes rgyas par 'byung ba ni gal te nyon mongs pa de dag gi rkyen yang ma rig pa yin bzhin du ma rig pa'i yan lag kho na bstan gyi/ nyon mongs pa gzhan ma yin na go/ ma rig pa ni nyon mongs pa rnams kyi rkyen yin la/ nyon mongs pa yang 'du byed rnams kyi yin pas/ yan lag lhag par ji ltar thal bar mi 'gyur zhes rgol ba 'di glags mi thod pa yin te/ gtso bo'i rkyen brjod par bzhed pa'i phyir ro/ /ma rig pa las gzhan pa'i nyon mongs pa ni 'du byed rnams kyi rkyen yin du zin kyang gtso bo'i rkyen ma yin no/ /'du byed rnams kyis bsdus pa'i don rnam par bzhag pa ni 'dir rnam pa bcur rig par bya ste/ rab tu dbye ba rnam par bzhag pa ji skad du 'du byed ni gsum ste/ lus kyi 'du byed dang/ ngag gi 'du byed dang/ yid kyi 'du byed de zhes bstan pa yin no/ /bya ba byed pa'i mtshan nyid rnam par bzhag pa ni/ ji skad du lus dang ngag dang yid kyi las kyi bye brag ni 'dir lus la sogs pa'i 'du byed yin par dgongs pa'o/ /'di ji ltar mngon zhe na/ mdo sde dang rigs pa las zhes rgyas par bstan pa yin no/ /bye brag rnam par bzhag pa ni bsod nams dang bsod nams ma yin pa dang/ mi g.yo ba zhes bya ba'o/ /'du byed kyi mtshan nyid rnam par bzhag pa ni/ ji skad du lus kyi bye brag dbye ba'i 'du byed smos te/ las gang yang srid pa mngon par 'du byed pa de nyid ji ltar shes par 'gyur ba de yin no zhes bstan pa yin no/ /yang srid mngon par 'du byed pa rnam par bzhag pa ni ji skad du ma btab pa de 'debs pa ste/ rnam par shes pa'i rgyud la thog ma nyid du de sa bon bzhag pa'i phyir ro/ /zhes bstan pa'o/ /rjes su 'brel pa rnam par dbye ba rnam par bzhag pa ni/ ji skad du sa bon zhes bya ba 'di ci yang nus pa'i bye brag go /nus pa zhes bya ba de chos gang zhe na zhes rgyas par bstan pa'o/ /mthar thug par rnam par bzhag pa ni ji skad du sa bon rgyas pa de sems kyi rgyud la yun ji srid gcig tu gnas she na/ ji srid 'bras bu ma skyes kyi bar du'o zhes bstan to/ /rang gi mtshan nyid rnam par bzhag pa ni ji skad du de bas na de dag ni las grub pa las gzung bar bya'o/ /de las kyang sems pa'i rang gi mtshan nyid ni las yin no zhes bstan pa yin no/ /byed pa rnam par bzhag pa ni de nyid las ji skad du lus skyod par byed pa'i las ni lus kyi las so/ /ngag kun nas slong bar byed pa'i las ni ngag gi las so/ /byed pa po yid kyis mngon par 'du byed pa ni yid kyi las so/ /zhes bstan pa'o/ /gtso bo'i rkyen rnam par bzhag pa ste/ ji skad du 'du byed rnams kyi rkyen nyid du// ma rig bstan pa rnam gnyis te/ /nyon mongs gzhan ldan spyi yi rkyen/ /de med pa ni gtso bo'i rkyen zhes bstan pa'o/ /'du byed rnam par dbye ba rdzogs so// //rnam par shes pa gang zhe na zhes bya ba mdo sde gzhan las ni rnam par shes pa'i tshogs drug la bya bar grags so/ /'dir ni 'du byed kyi rkyen gyis rnam par shes pa yin par gsungs te/ de'i phyir gtan la dbab par bya ste/ ci 'du byed kyi rkyen gyis thams cad yin nam/ 'on te 'ga' zhig yin zhe na/ de'i phyir rnam par shes pa'i tshogs drug ste zhes bya ba 'di bstan to/ /de ni re zhig rnam par nges pa dang bcas pa rgyas par bshad pa byas na shugs kyis zhes bya ba ni rnam par nges pa'i shugs ni rnam par nges pa'i shugs so/ /rnam par nges pa dang bcas pa'i shugs zhes bya ba ni rnam par nges pa dang lhan cig pa'i shugs te/ de'i don rgyas par bshad pa byas na rgyas pa'i shugs kyis phyis dgongs pa'i don gyi de kho na nyid legs par khong du chud par 'gyur te/ shugs kyi tshul gyis kun gzhi rnam par shes pa yin no/ /gdul bya gnas pa'i bye brag la bltos nas zhes bya ba ni de'i tshe'i gdul bya'i bye brag la bltos nas ni de dag ni 'du byed kyi rkyen gyis rnam par shes pa'i rang gi ngo bo la the tsom za ba ma yin gyi/ 'o na ci zhe na/ ci 'du byed kyi rkyen gyis rnam par shes pa thams cad yin nam/ 'o te 'ga' zhig yin the tshom za ba'o/ /ma 'ongs pa'i gdul bya'i bye brag la bltos nas kyang ngo bo nyid ni gsungs pa ma yin te/ ngo bo nyid bstan pa'i skabs su ma bab pa'i phyir ro/ /'dir dgos pa ni 'di yin no zhes bya bar ji ltar mngon zhe na/ de'i phyir 'di lta ste kha cig tu ni rnam par dbye ba yang mi ston to zhes bya ba smos te/ gang gi phyir mdo sde gzhan las bcom ldan 'das kyis gdul bya gnas pa'i bye brag la bltos nas rnam par shes pa gnas pa'i bye brag yang ma gsungs kyi bstan pa tsam kho na zhig gsungs te/ dper na dge slong khyed la rten cing 'brel par 'byung ba dang rten cing 'brel par 'byung ba'i chos rnams bshad par bya ste/ nyon la legs par rab tu yid la zung zhig dang bshad do/ /rten cing 'brel par 'byung ba gang zhe na/ 'di lta ste 'di yod na 'di 'byung 'di skyes pas 'di skye'o/ /rten cing 'brel par 'byung ba'i chos rnams gang zhe na/ 'di lta ste ma rig pa'i rkyen gyis 'du byed ces rgyas par 'byung ba'o/ /de bzhin dge slong dag khyed la chos rnams kyi 'du ba dang 'bral ba yang bshad par bya'o/ /chos rnams kyi 'du ba gang zhe na/ 'di lta ste 'di yod na 'di 'byung zhes bya ba snga ma bzhin te de la sogs pa'o t shogs kyi sgras ni dmigs pa la 'jug pa'i dbye ba yang bstan pa yin te zhes rgyas par 'byung ba la rnam par shes pa'i tshogs drug ces bya ba'i tshogs kyi sgra 'dis gzugs la sogs pa'i dmigs pa la mig gi rnam par shes pa la sogs pa de dag gi 'jug pa'i dbye ba yang bstan pa yin no/ /ji ltar byas nas zhe na tshogs kyi sgras ni mig gi rnam par shes pa la sogs pa re re yang rnam pa mang bar bstan pa yin te/ de la sngon po la sogs pa'i dmigs pa tha dad pa'i phyir tshogs kyi sgras mig gi rnam par shes pa rnam pa mang ba bzhin du chos tha dad pa'i phyir yid kyi rnam par shes pa'i bar du'o/ /de lta ma yin te/ gal te tshogs kyi sgras dmigs pa la 'jug pa'i dbye ba mi ston na ni/ rnam par shes pa drug ces de tsam zhig gsungs par 'gyur te/ tshogs kyi sgra dgos pa med pa'i phyir ro/ /tshogs kyi sgra'i don byas zin pa'i phyir dang zhes bya ba ni tshogs kyi sgra kho nas dmigs pa la 'jug pa'i dbye ba bstan zin pa'i phyir ro/ /rnam par shes pa las gzhan tshogs zhes bya ba m ed par bstan pa'i phyir ro bya ba ni rnam par shes pa'i tshogs drug bstan nas mig gi rnam par shes pa la sogs pa 'chad par byed pa ni mig gi rnam par shes pa las gzhan tshogs med pa yin no zhes bya ba gang yin pa de ston pa yin no/ /de lta ma yin na rnam par shes pa'i tshogs drug 'chad par byed pa kho na yin par gzung bar 'gyur ro/ /mig gi rnam par shes pa yang gang zhe na/ mig la brten cing gzugs so so rnam par rig pa ni mig gi rnam par shes pa'o/ /de bzhin du yid kyi rnam par shes pa'i bar du ci rigs par brjod par bya'o zhes bya ba ni rna ba la rten cing sgra so so rnam par rig pa ni rna ba'i rnam par shes pa'o/ /sna la brten cing dri so so rnam par rig pa ni sna'i rnam par shes pa'o/ /lce la brten cing ro so so rnam par rig pa ni lce'i rnam par shes pa'o/ /yus la brten cing reg bya so so rnam par rig pa ni lus kyi rnam par shes pa'o/ /yid la brten cing chos so so rnam par rig pa ni yid kyi rnam par shes pa'o// zhes bya ba yin no/ /mig ni 'di'i rten yin pas 'di ni mig la brten cing gzugs so so rnam par rig pa'o/ /thun mong dang thun mong ma yin pa'i rgyu nyid kyis gtso bo'i rgyu yin pa'i phyir ro zhes bya ba ni rten ston pa'o/ /gzugs kyi gzugs brnyan lta bu'i mig gi rnam par shes pa ni gzugs snang ba'i don gyis gzugs so so rnam par rig pa'o zhes bstan to/ /so so rnam par rig pa mig gi rnam par shes pa yin no zhes smras na ni rnam par shes pa thams cad kyi spyi'i mtshan nyid smras par 'gyur gyi bye brag gi mtshan nyid ni ma yin par 'gyur ro/ /gzugs so so rnam par rig pa yin no zhes smras na ni yid kyi rnam par shes pa yang mig gi rnam par shes pa yin par rtogs par 'gyur te/ de yang gzugs so so rnam par rig pa'i mtshan nyid yin pa'i phyir ro/ /de bas na mig la brten cing zhes bya bas khyad par du byas so/ /tshor ba la sogs pa yang mig la brten pas na so so rnam par rig pa zhes smras so/ /de dag kyang bye brag snang ba yin pa'i phyir gzugs kyi bye brag dga' ba dang yongs su gdung ba la sogs pa'i rnam par snang ba yin pas gzugs smos so/ /de lta ma yin ci zhig rnam par rig pa nges par mi zin to/ /de bzhin du lus kyi rnam par shes pa'i bar du thams cad brjod par bya'o/ /yid kyi rnam par shes pa ni yid la brten cing chos so so rnam par rig pa'o/ /zhes bya ba la rten gyi don ni snga ma bzhin na/ /so so rnam par rig pa'i don ni mdor na mig la sogs pa'i rnam par shes pa gzhan yang yid la brten pa yin yang yid 'ba' zhig la brten pa ma yin no/ /yid kyi rnam par shes pa ni yid 'ba' zhig la brten pa yin pas de pas na rten gyis kyang mig la sogs pa'i rnam par shes pa las bye brag yod pa yin no/ /dmigs pa yang bye brag yod de chos so so rnam par rig pa zhes bstan pa'i phyir ro/ /gzhan yang chos so so rnam par rig pa smos pa med pa na ni tshor ba la sogs pa la yang thal bar 'gyur te/ de dag kyang yid la rten pas so/ /yid la brten pa zhes ma smos na na ni rten cing yin pa nges par mi zin par 'gyur ro/ /mig la sogs pa ni gcig kho na sems can gyi grangs su gtogs pa'i phyir ci zhe na/ gzugs kyi rnam par shes pa nas chos kyi rnam par shes pa'i bar du mi brjod do/ /sems can gyi grangs su gtogs pa ni dbang byed pa'i dngos po ston pa'i phyir de dag gang yin pa dang dbang byed pa dang 'brel ba'i mtshan nyid kyi drug pa yin par rtag par bya'o/ /gzugs la sogs pa'i yul ni sems can gyi grangs su gtogs pa dang/ sems can gyi grangs su ma gtogs pa yang yin no/ /thun mong dang thun mong ma yin pa'i rgyu nyid kyi gtso bo'i rgyu yin pa'i phyir ro zhes bya ba ci zhe na/ mig la sogs pa ni gcig kho nar sems can gyi grangs su gtogs pa'i phyir gzugs kyi rnam par shes pa zhes ma bstan to/ /chos kyi rnam par shes pa zhes bya ba'i bar du bstan to/ /gzugs dang sgra la sogs pa'i yul rnams ni thun mong gi rgyu kho na yin no/ /gtso bo'i rgyus kyang 'bras bu bstan ston par byed de/ dper na rnga'i sgra lta bu'o/ /thun mong gi rgyu nyid ni mig ni gzugs sngon po la sogs pa'i rnam par shes pa thams cad kyi rgyu yin pa'i phyir ro/ /rigs tha dad pa med pa'i dbang du byas nas de skad bstan te rnam par shes pa so so'i ni mig gi dbang po'i skad cig ma gzhan dang gzhan yin no/ /gzugs la ni gnyi ka yod de/ 'di lta ste rnam pa tha dad pa dad pa dang skad cig ma tha dad pa'o/ /'dir ni skad cig ma gzhan tha dad pa'i dbang du byas te bstan pa ma yin no// //rten cing 'brel par 'byung ba dang po dang/ rnams par dbye ba bstan pa rgya cher 'grel pa/ bam po lnga pa'o/ /thun mong gi rgyu zhes bya ba ni mig ni sngon po la sogs pa'i gzugs kyi rnam par shes pa thams cad kyi rgyu yin pa'i phyir ro zhes bya ba ji lta bu zhe na rnam pa tha dad pa'i dbang du byas pa yin no/ /gzugs la ni rnam par tha dad pa yod du zin kyang rnam par shes pa rnam pa tha dad pa'i rgyu ma yin pa'i phyir ro/ /thun mong ma yin pa'i rgyu ni rgyud gcig pa'i rnam par shes pa'i rgyu yin pa'i phyir ro zhes bya ba ni rgyud tha dad pa'i rnam par shes pa'i rgyu yin pa'i phyir thun mong gi rgyu yin no zhes bstan to/ /de bzhin du yid kyi bar du ci rigs par brjod par bya'o zhes bya ba ji lta bu zhe na/ rna ba ni thun mong gi rgyu ste/ sgra thams cad kyi rnam par shes pa'i rgyu yin pa'i phyir ro/ /thun mong ma yin pa'i rgyu ni rgyud gcig pa'i rnam par shes pa'i rgyu yin pa'i phyir ro/ /de bzhin du sna la sogs pa la yang de bzhin du sbyar ro/ /dbang po dang don nges pas rnam par shes pa nges pa zhes rgyas par 'byung ba ni mig la sogs pa dbang po rnams dang/ gzugs la sogs pa don rnams yul dang yul can gnyis su nges pa ni ma nges par ji ltar 'gyur te/ mig gi dbang po'i don yul gang yin pa de nyid gzugs yin no/ /yul can ni mig gi dbang po yin no/ /de bzhin du lus kyi dbang po'i don yul gang yin pa de nyid reg bya yin no/ /yul can ni lus kyi dbang po yin no/ /drug pa yid rnam par shes pa drug gi mtshan nyid dang/ chos dang gnyis/ yul dang yul can du nges pa ni rnam pa gzhan yin no/ /ci'i phyir zhe na/ gal te re zhig mig la sogs pa bzhin du nges pa byed na ni yid gang yin pa'i yul de nyid ni chos kyi skye mched dang chos su ma gtogs pa yang yin pas de lta yin na chos kyi skye mched rdzas bdun po 'di yin no zhes bya ba 'grub par mi 'gyur te/ mig la sogs pa dang/ gzugs la sogs pa thams cad yid kyi yul yin pa'i phyir ro/ /'on te yid kho na'i yul gang yin pa yin gyi mig la sogs pa'i ma yin na ni de lta na yang gzugs la sogs pa lnga ni bsal ba yin na mig la sogs pa lnga dang/ rnam par shes pa'i tshogs drug dang tshor ba la sogs pa bdun yang de'i yul nyid yin pa'i phyir chos kyi skye mched yin par thal bar 'gyur ro/ /de bas na nges pa rnam gnyis byas te/ yid kho na'i yul gang yin pa yin gyi mig la sogs pa'i ni ma yin no zhes bya bas gzugs la sogs pa bsal bar gyur ba dang/ yul kho na yin gyi rten byed pa ni ma yin zhes bya bas mig la sogs pa dang rnam par shes pa'i tshogs drug bsal bar 'gyur ba yin no/ /de ltar byas na chos kyi skye mched rdzas bdun ni chos kyi sgras bstan pa yin no zhes bya ba grub pa yin no/ /de ltar na dbang po dang don nges pas rnam par shes pa rnam pa drug skye ba nges pa rab tu bstan pa'i phyir te ji lta zhe na/ mig dang gzugs ni mig gi rnam par shes pa'i rkyen yin pa nas yid dang chos ni yid kyi rnam par shes pa'i yin pas/ gnyis la brten nas rnam par shes pa zhes gsungs so/ /de lta bu'i don de dag nyid ces bya ba dbang po dang don nges pa bstan ma thag pa gang yin pa rnams// tshigs su bcad de gsungs pa ni/ lnga po gnyis ni dbang po rnams zhes rgyas par 'byung ba'o/ /lnga po gnyis gang zhe na/ dbang po rnams gang gi don gang yin pa de'i don de dag nyid yin gyi gzhan ma yin te/ dper na mig gi dbang po'i don gzugs kho na yin pa nas lus kyi dbang po'i ni reg bya yin no zhes bya ba'i bar du'o/ /mig dang gzugs nas lus dang reg bya'i bar de dag ni lnga po gnyis kho na yin no/ /mig dang gzugs nas lus dang reg bya'i bar lnga po de dag ni skye mched du ni bcu yin no/ /yid gang yin pa de nyid kyi don yin gyi gzhan gyi ma yin pa dang/ don gang yin pa de nyid yin gyi rten ni ma yin pa ste/ de ltar na drug pa'i skye mched gnyis ni yid kyi skye mched dang/ chos kyi skye mched do/ /de ltar na re zhig mdo sde gzhan las/ gnyis la brten nas rnam par shes pa 'byung ngo zhes gsungs pa'i dgongs pa rgyas par bstan pa yin no/ /yang gzhan las 'phags pa shA ri'i bus tshe dang ldan pa gang gi phyir zhes bya ba nas/ de skyed pa yid la byed pa nye bar gnas na de las skyes pa'i mig gi rnam par shes pa 'byung bar 'gyur ro zhes gsungs pas yid la byed pa yang rkyen yin par gsungs so/ /zhes bya ba 'di'i dgongs pa ston pa ni/ yid la byed pa ni rigs mi dbye bar thams cad kyi spyi'i rkyen yin te zhes rgyas par smos so/ /rigs dbye ba med pa ji lta bu zhe na/ dper na mig la sogs pa dang/ gzugs la sogs pa mig gi rnam par shes pa skye ba'i rkyen ni/ rigs tha dad pa'i dngos po yin gyi/ de ltar yid la byed pa'i ni ma yin te/ yid la byed pa'i rigs ni tha dad pa med pa yin pas rigs tha dad pa med pa'i dbang du byas pa yin gyi/ skad cig ma so so ni tha dad pa yin no/ /mig gi rnam par shes pa'i rkyen gang yin pa de ni rna ba'i rnam par shes pa'i ma yin no/ /gang yang mig gi rnam par shes pa chung ngu'i gang yin pa de ni shin tu chen po'i ma yin no/ /de nyid kyi phyir rigs mi dbye bar zhes smras te/ ci zhe na/ mig gi rnam par shes pa la sogs pa thams cad kyi spyi'i rkyen ni yid la byed pa yin no/ /de bskyed pa zhes bya ba ni nges pa'i tshig gi tshul gyis de skyed par byed pa ni de skyed pa'o/ /de ni phyis yid la bcags pa skyed par 'gyur ro zhes bya ba ni yid la bcags pa skyed par byed pa yin zhes bya bar mngon no/ /yang na de'i ched du skyes pa yin zhes bya bar mngon te/ rnam par shes pa'i don du 'am/ rnam par shes pa'i rgyu mtshan du zhes bya ba'i tha tshig go /dper na pags pa'i phyir ni gzigs bsad do zhes rgyas par 'byung ba la pags pa'i ched dang pags pa'i rgyu mtshan dang pags pa'i don du zhes bya ba dang/ ba so'i phyir ni ba so'i rgyu mtshan zhes bya ba dang/ rnga ma'i phyir zhes bya ba rnga ma'i rgyu mtshan dang zhes bya ba dang/ bud med kyi phyir zhes bya ba bud med kyi rgyu mtshan zhes bya ba yin te/ rgyu mtshan gyi bdun pa yin zhes bya bar mngon par de bzhin no/ /de las gzhan pa gnyis tshogs pa yod du zin kyang zhes bya ba ni yid la byed pa de las gzhan pa dbang po dang don gnyis tshogs pa yod du zin kyang zhes bya'o/ /de dang mi mthun pa'i yid la byed pa kun tu 'byung ba'i phyir ro zhes bya ba ni dbang po dang don gnyis kyi rkyen gyis rnam par shes pa 'byung ba dang mi mthun pa'i yid la byed pa kun tu 'byung ba'i phyir ro zhes bya ba'i tha tshig go / phyis yang 'byung ste/ de dang bral ba'i phyir ro zhes bya ba ni de dang mi mthun pa'i yid la byed pa dang bral ba'i phyir zhes bya ba'i tha tshig go / yang mdo gzhan las ming dang gzugs kyi rkyen gyis rnam par shes pa zhes gsungs pa'i dgongs pa ni/ dbang po dang don dang yid la byed pa de dag nyid bsdus pa'i ming dang gzugs kyi rkyen gyis zhes rgyas bar 'byung ba yin no/ /bsdus pa'i zhes bya ba ni mdor bsdus na zhes bya ba yin no/ /ji lta zhe na/ gang yid dang mtshungs par ldan pa dang/ chos rnams ni ming yin no/ /dbang po lnga gang yin pa dang/ de'i don lnga po de ni gzugs yin no/ /de ltar na ming dang gzugs kyi rkyen gyis rnam par shes pa zhes gsungs so/ /yang srid pa 'byung bar bya ba'i phyir nus pa skye bar bya ba'i ched du 'du byed kyi rkyen gyis rnam par shes pa zhes gsungs te/ dbang po dang don dang yid la byed pa de dag nyid kyi rkyen gyis zhes rgyas par 'byung ba ni mdo sde 'di'i dgongs pa yin no/ /de'i stobs kyi mthus nus pa yin te zhes bya ba ni 'du byed kyi stobs kyi mthus zhes bya ba'i tha tshig go /ji ltar sems med pa'i snyoms par 'jug pa dang/ sems med pa zhes bya ba la sems med pa'i snyoms par 'jug pa ni rnam pa gnyis te/ 'gog pa'i snyoms par 'jug pa dang/ 'du shes med pa'i snyoms par 'jug pa'o/ /'du shes med pa ni 'du shes med pa'i sems can lha rnams kyi nang du rnam par smin pa skyes pa ste/ gnas skabs de dag na ni rnam par shes pa'i rgyun thams cad nas thams cad rgyun chad pa yin no zhes bsams pa'o/ /btsun pa ba su mi tra na re/ mdo sde las ni 'gog pa'i snyoms par 'jug? pa sems dang bcas par gsungs te/ ji lta zhe na/ btsun pa 'dod pa can shi nas dus las 'das pa gang yin pa dang/ 'gog pa'i snyoms par zhugs pa gang yin pa 'di rnam gnyis la bye brag ni ci yod/ tha dad du bya ba'i dgongs pa ni ci yod/ khyim bdag shi nas dus las 'das pa gang yin pa dang/ ?'gol pa'i sems? par zhugs pa gang yin pa 'di gnyis la bye brag dang tha dad du bya ba'i dgongs pa mang du yod de/ shi nas dus las 'das pa ni lus kyi 'du byed 'gags pa yin/ dag gi 'du byed dang yid kyi 'du byed 'gags pa yin/ drod yal ba yin/ dbang po yongs su gyur pa yin no/ /khyim bdag 'gog pa'i snyoms par zhugs pa ni lus kyi 'du byed ma 'gags pa yin/ ngag gi 'du byed ma 'gags pa yin/ yid kyi 'du byed ma 'gags pa yin/ tshe dang ma bral ba yin/ drod dang ma bral ba yin/ dbang po rnams yongs su ma gyur pa yin/ rnam par shes pa lus dang ma brel ba yin no/ /khyim bdag shi nas dus las 'das pa gang yin pa dang 'gog pa'i snyoms par zhugs pa gang yin pa 'di gnyis kyi bye brag tu bya ba ni 'di yin no/ /'di gnyis tha dad du bya ba'i dgongs pa yang 'di yin no/ /'o na bcom ldan 'das kyis yid dang chos la brten nas yid kyi rnam par shes pa skye ba dang zhes rgyas par 'byung ba ni btsun pa sgra dbyangs kyi yin no/ /re zhig tshor ba'i rkyen gyis sred pa zhes bcom ldan 'das kyis ji ltar gsungs zhes rgyas par 'byung ba ni btsun pa ba su mi tra'i yin no/ /mdo gzhan las ma rig pa'i 'dus te reg pa las skyes pa'i tshor ba la brten nas sred pa 'byung ngo zhes bye brag tu byas kyi/ reg pa ni gang du yang bye brag tu byas pa med do zhes bya ba ni mdo sde gzhan las/ rig pa'i rkyen gyis tshor ba dang 'du shes dang sems pa'o zhes bye brag tu ma byas par gsungs so/ /dgra bcom pa'i sred pa ni rtsa ba nas bcad pa yin gyi zhes bya ba ni de'i bag la nyal bcom pa'i phyir dang/ 'jig tshogs la lta ba spangs pa'i phyir ro/ /'gog pa'i snyoms par zhugs pa la sogs pa'i 'du shes dang tshor ba gnyis ni ci zhe na/ rtsa ba nas bcad pa ma yin te/ yang de mngon par 'byung ba'i phyir ro/ /gzhan na re nus pa tshogs pa ni 'dus pa yin na zhes bya ba btsun pa dga' ba'i sde/ nus par bya ba'i ched du bsdus pa yin na/ de'i tshe ni tshogs pa tsam du zad kyi 'dus pa ni ma yin te/ 'du shes dang tshor ba skyed pa'i mthu med pa'i phyir ro/ /ji ltar mthu med ce na/ de'i phyir de sun 'byin pas de bsal ba'i phyir ro zhes smras te/ de sun 'byin pa zhes bya ba ni 'du shes dang tshor ba sun 'byin pa'o/ /de bsal ba'i phyir ro zhes bya ba mi 'gog pa'i snyoms par 'jug pa de bsal ba'i phyir ro/ /gal te dge ba yin na dge ba'i rtsa ba med par ji ltar dge ba yin zhes bya ba ni dge ba ni rnam pa gsum du rnam par bzhag ste/ ngo bo nyid kyis dge ba ni 'di lta ste dge ba'i rtsa ba rnams dang/ ngo tsha shes pa dang/ khrel yod pa'o/ /mtshungs par ldan pas dge ba ni 'di lta ste/ de las gzhan pa'i sems las byung ba'i chos rnams so/ /kun nas bslang bas dge ba ni 'di lta ste lus dang ngag gi las la sogs pa'o/ /de bas na dge ba'i rtsa ba med pa dang de dang mtshungs par ldan pa med na de'i yid kyi rnam par shes pa ji ltar dge ba yin/ de dag kyang reg pa med par ji ltar yin te zhes bya ba ni dge ba'i rtsa ba de dag kyang reg pa med par dge ba'i rtsa bar rung ba ma yin te/ gang ji snyed tshor ba'i phung po dang/ 'du shes kyi phung po dang 'du byed kyi phung po dang/ de thams cad reg pa'i rkyen gyis shes mdo sde las gsungs pa'i phyir ro/ /dge ba'i de ma thag pa'i rkyen gyis 'phangs pa'i phyir gal te dge ba yin na ni zhes bya ba ni dge ba'i de ma thag pa'i rkyen gyis 'phangs pa'i phyir de dge bar 'gyur ro snyam du gal te sems na de mi rung ste/ dge ba la sogs pa'i sems kyi mjug thogs su sems rnam pa gsum skye ba'i phyir ro zhes bya ba ni dge ba'i de ma thag pa'i rkyen gyis dge ba nyid du 'grub par byas pa ma yin te/ dge ba dang mi dge ba dang lung du ma bstan pa'i sems so so'i mjug thogs su dge ba dang mi dge ba dang lung du ma bstan pa'i sems skye ba'i phyir ro/ /dge ba'i rtsa ba'i stobs kyis 'phangs te/ sems dge ba'i ngo bo yin na yang de bzlog par byed pa'i rgyu med pa'i phyir ro zhes bya ba ni dge ba'i rtsa ba de ma thag pa'i rkyen gyis 'phangs te de dge ba nyid yin na ni der dge ba'i rtsa ba rnams bzlog par byed pa'i rgyu gang zhig yin zlog par byed pa'i rgyu yod na yang nges byas pas dge ba de dag kyang yod par mi 'gyur te/ de'i nus pa la gnod pa byas pa'i phyir ro/ /de bas na der dge ba'i rtsa ba gdon mi za bar yod par bya dgos so/ /mi dge ba la yang de dag thal bar 'gyur ro zhes bya ba ni mi dge ba'i de ma thag pa'i rkyen gyis 'phangs pa'i phyir mi dge ba nyid yin par thal bar 'gyur te/ mi dge ba'i rtsa ba dang mtshungs par ldan pa'i phyir ni ma yin no/ /de ltar ni 'dod pa yang ma yin no/ /de'i phyir yang de dge ba yin par mi rigs so/ /'dir smra ba re zhig 'gob pa'i snyoms par 'jug pa ni dge ba'i rtsa ba dang mtshungs par ldan pa yang ji ltar yin te ma yin no/ /zag pa dang bcas pa dang zag pa med pa'i lam bzhin du dge ba'i rtsa ba dang mtshungs par ldan pa yin te/ sems med pa nyid yin pa'i phyir ro/ /'bras bu yid du 'ong ba nyid yin pa'i phyir dge ba nyid kyang ma yin te/ 'bras bu la gnas pa rnams ni zag pa dang bcas pa'i dge ba rnam par smin pa dang bcas pa can ma yin te/ rnal 'byor spyod pa'i lugs kyis srid pa la rgyab kyis phyogs pa nyid yin pa'i phyir ro// 'on te dge ba'i de ma thag pa'i rkyen gyis 'phangs pa'i phyir dge ba nyid yin la/ de ltar 'di yang dge ba nyid yin no zhe na/ de'i phyir 'gog pa'i snyoms par 'jug pa ni 'gog pa bzhin du dge ba nyid yin no zhes smras te/ ji ltar 'gog pa ni sdug bsngal gyi rgyu rnam par log pa'i phyir dge ba nyid yin pa de bzhin du 'gog pa'i snyoms par 'jug pa yang sdug bsngal bar gnas pa rnam par log pa'i phyir dge ba yin no/ /sa 'og ma gzhan bdun gyis bar du chod pa'i phyir ro zhes bya ba ni 'dod pa'i khams su skyes par gyur pa 'gog pa'i snyoms par 'jug pa la snyoms par 'jug pa gang yin pa de'i 'dod pa na spyod pa'i rnam par smin pa'i sems ni sa 'og ma gzhan bdun te/ gzugs med pa gsum dang/ bsam gtan bzhis bar du chod pa'i srid pa'i rtse mo'i snyoms par 'jug pa'i sems kyi mjug thogs pa mngon du byed pa yin no zhes bya bar rigs pa ma yin no/ /thod rgal ba'i snyoms par 'jug pa dag 'di mnyam par bzhag pa'i sems sa 'og ma bas ni gsum las gong du mngon du byed par nus pa ma yin pa na spyod pas sa 'og ma gzhan bdun gyis bar du chod pa la lta smos kyang ci dgos/ mi g.yo ba'i las ni 'dod pa'i khams su rnam par smin par byed pa ma yin no zhes bya ba ni gang gi phyir sa de las las kyi rnam par smin pa so so mi g.yo ba'i yin no zhes 'byung ba'i phyir ro/ /de'i phyir 'dod pa'i khams su skyes pa ni srid pa'i rtse mo pa'i rnam par smin pa'i sems yin par mi srid do/ /snyoms par 'jug pa de la snyoms par 'jug pa po rnams ni ci dgar byar yod pa yang yin pas zhes bya ba ni 'dod na de mngon sum du byed pa'i phyir dang/ sngar smon lam btab pa bzhin ldang ba'i dus mi 'gyur ba'i phyir ro/ /mig la sogs pa rnam par smin pa la ni chos 'di dag ma mthong ngo/ /'gog pa'i snyoms par 'jug pa ni 'dod pa na spyod pas 'thob pa yin la/ de'i rnam par smin pa'i sems ni 'dod pa'i khams su gtogs pa'i phyir ro/ /sems mngon par 'du byed pa de yang reg pa med par ji ltar rung zhes bya ba ni de la yid la byed pa dang/ sems pa yang yod do// mdo sde gzhan las gang cing yang rung 'du byed kyi phung po de thams cad ni reg pa la brten nas zhes gsungs pa'i phyir ro/ /gal te yang de'i tshe yid kyi rnam par shes pa lung du ma bstan pa gzhan zhig yin par rnam par rtog par byed na zhes bya ba la gzhan zhig ces bya ba ni rnam pa gzhan du'o/ /ji skad du/ rnam bzhir ma gtogs rnam smin min/ /mngon par 'du byed 'jug min zhes bya ba/ /chos mngon lugs la ma brten lung ma bstan/ /rnam bzhir ma bstan thub pa'i sa zhes bstan to/ /sems las su rung zhing sems mtshan ma med pa'i ting nge 'dzin la gnas pa dag ji ltar da ltar dmigs pa dang/ rnam pa'i g.yeng ba byed par 'gyur/ lung du ma bstan pa'i sems mngon du gyur par 'dod pa yang ma yin pa'i phyir ro/ /zhes bya ba la de ltar sems las su rung ba de lta bu ni gang de ma thag tu 'du shes dang tshor ba kun tu byung ba ldog par 'gyur ba yin no/ /sems mtshan ma med pa'i ting nge 'dzin la gnas pa ni 'du shes dang tshor ba 'gog pa la dmigs shing sems ting nge 'dzin la gnas pa zhes bya ba'i tha tshig go / dmigs pa dang rnam pa'i g.yeng ba zhes bya ba ni 'du shes dang tshor ba 'gog pa la dmigs pa'i zhi ba'i rnam pa yongs su btang ba'i phyir ro/ /gal te 'gog pa dang zhi ba'i rnam pa la dmigs pa nyid yin na ni lung du ma bstan pa yin par mi 'gyur gyi/ 'o na ci zhe na/ dge ba yin no/ /'dod pa yang ma yin zhes smos pa ni gal te dmigs pa rnam pa'i g.yeng ba 'dod par gyur na sems ma g.yengs pa ma yin par 'gyur ro/ /nyes par byas pa ni g.yengs pa zhes brjod do/ /de ltar rigs pas sems thams cad yongs su bkag nas lung gis kyang ston pa ni rnam pa gang gis kyang 'du shes med 'du shes med min skye mched kyis pa'i yid kyi rnam par shes pa dag 'gog pa'i snyoms par zhugs pa la yod pa ma yin nas gzhan la lta smos kyang ci dgos zhes bya ba ni/ bcom ldan 'das kyis kyang zhes rgya cher 'byung ba yin no/ /rnam pa thams cad du zhes bya ba ni rnam pa gang gi sgo nas kyang/ de'i tshe ni de'i sa pa'i sems mngon du byed pa ma yin no zhes ston to/ /lus kyis mngon du byed pa rnams la de med pa ma yin pa'i phyir ro zhes bya ba ni 'gog pa'i snyoms par 'jug pa thob pa'i phyir mi 'ong ba rnams la 'gog pa'i snyoms par 'jug pa med pa ma yin pa'i phyir te/ de dag ni rnam pa thams cad du 'dod chags dang bral nas/ 'du shes med 'du shes med min skye mched las yang dag par 'das pa ma yin pas so/ /'dir tshigs su bcad pa zhes bya ba ni srid pa'i rtse mo'i sa pa ji lta ba de'i yid kyi lta ba de'i yid kyi rnam par shes pa ma yin gyi/ 'o na ci zhe na/ de ni gzhan zhig yin no zhes bya ba ni/ srid rtse'i mtshan nyid 'du shes med ces rgyas par 'byung ba yin no/ /srid rtse'i mtshan nyid ci zhe na/ 'du shes med 'du shes med min nyid 'dod ces bya ba yin te/ 'di 'du shes med 'du shes med min yid pas 'di ni 'du shes med 'du shes med min no/ /de'i dngos po ni 'du shes med 'du shes med min nyid do/ /'dod pa ci zhe na/ skabs kyi mtshan nyid la bsams pa'o/ /'gog la de'i sems med ces bya ba ni 'gog pa'i snyoms par zhugs pa'i 'gog pa de la 'du shes med pa bden yod pa'i de'i sa sems med do/ /ji ltar de 'gags she na/ 'du shes dang tshor ba gnyis 'gags pa'i phyir te/ srid pa'i rtse mo'i sa'i sems med do zhes bya ba'i tha tshig go / don mtshon pa'i phyir de dag brtag par byas te/ rnam par rtog pa dang bcas pa dang/ rnam par dpyod pa dang bcas pa bsam gtan bzhin no/ /de'i phyir 'gags su zin kyang srid pa'i rtse mo'i sa pa'i yid kyi rnam par shes pa yod do zhe na/ /'o na ni rnam pa thams cad du/ 'du shes med 'du shes med min skye mched las yang dag par 'das te zhes 'byung ba'i mdo sde dang 'gal bar 'gyur ro zhe na/ 'di ni thams cad du yang yang dag par 'das pa ma yin gyi/ des na de ni gzhan zhig yin te/ srid pa'i rtse mo de'i sems mi srid pa dang/ 'gog pa'i snyoms par 'jug pa sems dang bcas pa yin pa'i gtan tshigs gang yin pa de dag gis na/ des na de ni gzhan zhig yin te/ sems de ni kun gzhi rnam par shes pa yin no/ /ji ltar yid kyi bag chags la yang ming yid ces lan 'ga' brjod de zhes bya ba ni sems med pa'i gnas skabs las ldang ba'i tshe/ 'bras bu la rgyu 'dogs pa yod do/ /de bas na ji ltar las kyi bag chags la yang la zhes bya ba dang/ gang gi tshe las kyi rnam par smin pa zhes zer na zhes bya ba ni rnam par smin pa ni dngos su las kyis ma yin gyi/ 'o na ci zhe na/ de ni bag chags kyis yin no/ /de'i phyir rnam par rtog pa 'di la yid kyi rnam par shes pa'i sa bon rgyud gnyis la yod par 'gyur te zhes bya ba ni rgyud tha dad pa'i yid kyi rnam par shes pa gnyis bzhin no/ /sems dang bcas pa'i gnas skabs kyi dbang du byas te/ de skad bstan gyi sems med pa las ldang ba'i tshe ni sems kyi rgyud nyid yod pa ma yin na de gnas pa yid kyi rnam par shes pa'i sa bon lta ga la yod de/ yid kyi rnam par shes pa'o sa bon gyi rgyun gyi dbye ba brtag par mi bya'o/ /ci'i phyir gcig las 'byung ba de'i tshe cig shos las me yin zhes bya ba ni bdag po'i rkyen dang/ dmigs pa'i rkyen dang rgyu'i rkyen dag yod na zhes bya ba yin no/ /'on te de ma thag pa'i rkyen gcig yin pa'i phyir ro zhes zer na de la 'di skad brjod par bya ste/ 'o na ni sems med pa'i gnas skabs las ldang ba 'grub par mi 'gyur te/ de ma thag pa'i rkyen med pa'i phyir ro/ /'gags nas yun ring du lon pa ni de ma thag pa'i rkyen du 'grub pa ma yin no/ /gal te yang rnam par shes pa la ji lta ba de bzhin du lus kyi dbang po la yang zhes rgyas par 'byung ba la/ de yang bsod nams la sogs pa'i 'du byed kyis zhes bya ba ni lus kyi dbang po de la yang/ bsod nams la sogs pa'i 'du byed kyis yongs su bsgos pa yin pa'i phyir zhes bya ba ni bsod nams dang? bsod nams ma yin pa dang/ mi g.yo ba'i 'du byed kyis yongs su bsgos pa yin pa'i phyir zhes bya ba'i tha tshig go /rnam par shes pa nyi tshel 'du byed kyi rkyen gyis zhes brjod par bya ba ma yin par 'gyur ro/ /'o na ci zhe na/ 'du byed kyi rkyen gyis lus kyi dbang po yang yin no/ /zhes brjod par bya dgos par 'gyur ro/ /rnam par shes pa nyi tshe'i rkyen gyis ming dang gzugs ci zhe na/ brjod par bya ba ma yin gyi/ 'o na ci zhe na/ lus kyi dbang po la yang brjod par bya dgos par 'gyur ro/ /sems nyi tshe la yang bsod nams dang bsod nams yin pa la sogs pa'i 'du byed bsgos par ci'i phyir bstan/ lus kyi dbang po yang de la ming dang gzugs de la mthu yod pa'i phyir ro/ /gang yang 'di skad ces bya ba nas rgyas par byas nas dad pa dang/ tshul khrims dang/ thos pa dang/ gtong ba dang/ shes rab yongs su bsgos pa yin no zhes bya ba'i bar du rgyas par 'byung ba dang/ kha cig las lus bsgoms pa dang/ lus ma bsgoms pa zhes bstan pa ni de rnam par bsgom pa'i dbang du byas nas lus 'di la sgra dang zhes rgyas par 'byung ba yin no/ /de ltar re zhig rnam par shes pa'i tshogs drug gi rgyun la bsod nams la sogs pa'i 'du byed kyis bsgos shing 'du byed kyi rkyen gyis rnam par shes pa yin par mi srid par bsgrubs pa yin no/ / gzhan dag nang? 'du byed kyi rkyen gyis ni mdul du nying mtshams sbyor ba'i rnam par shes pa yin te/ ji skad du chos mngon pa'i mdzod las/ mtshams sbyor phung po'i rnam par shes zhes smas? pa dang/ de ltar ni rgyu'i rnam grangs chen po las zhes rgyas par 'byung ste/ de ltar ni zhes bya ba ni de bas na zhes bya ba'i don to/ /mdo sde 'di dang 'gal bar 'gyur te/ de bas na 'du byed kyi rkyen gyis ni mngal du nying mtshams sbyor ba'i rnam par shes pa yin par grub pa yin no zhe na/ gang 'du byed kyi rkyen gyis mngal du nying mtshams sbyor ba'i rnam par shes pa yin te zhes smras pa de'i khungs su 'di mi rung ste/ gal te tshe 'di kho na la/ 'du byed kyi rkyen gyis rnam par shes pa ma yin na ni ma'i mngal du 'jug par mi 'gyur zhes bya ba yin no/ /mdo sde dang 'gal bar 'gyur zhes smras pa gang yin pa 'di'i lan ni kha cig na re 'gal ba med de zhes rgyas par smras pa yin no/ /'du byed kyi rkyen gyis ni ji ltar rigs par na nying mtshams sbyor ba yin par rig par bya'o/ /ji snyed yod na ni yid kyi rnam par shes pa de na yod pa yin no/ /rnam par shes pa'i rkyen gyis ming dang gzugs rnam par 'jog pa na ji snyed yod pa rnam par bzhag pa yin no zhe'o zhes bya ba ni mngal du gzugs gang srid pa de kho na der rnam par bzhag par bya'o/ /mig la sogs pa ni ma yin no/ /gnas skabs de na gzugs gang yin pa de thams cad ces rgyas par 'byung ba ni ming dang gzugs kyi gnas skabs de na yang gzugs gang yin pa de thams cad 'byung ba chen po bzhi dag dang de dag rgyur byas pa'o zhes gzugs gang zhe na/ de thams cad ces rgyas par ji ltar bstan pa/ de ltar bstan pa ni rigs pa yin gyi nying mtshams sprel ba na rnam par shes pa gang yin pa de rnam par shes pa'i tshogs drug ni ma yin pas 'dir chos 'dra ba ci yod/ gzhan dag yang mdo sde dang 'gal ba'i lan smra ba/ de las gzhan pa bstan pa yang skye mched drug gi bar du zhes rgyas par 'byung ba yin te/ nying mtshams sbyor ba'i rnam par shes pa kho na 'du byed kyi rkyen can yin no/ /rnam par shes pa'i tshogs drug smos pa ni/ skye mched drug gi bar du las kyi rjes su 'jug pa yin par bstan pa'i phyir te/ rnam par shes pa'i tshog ma drug gi mtshan nyid kyis ni skye mched skye mched drug la skye mched drug gi 'bras bu dang bral ba ma yin par bstan la/ de dang ma bral ba yang las kyis byas pa gang yin pas skye mched drug gi bar du las kyi rjes su 'jug pa yin par bstan to/ /de smos pa don med de zhes rgyas par 'byung ba ni skye mched drug gi bar du las kyi rjes su 'jug pa yin par bstan pa'i phyir rnam par shes pa'i tshogs drug smos pa don med pa yin te/ rnam par shes pa'i tshogs drug smos pa med par yang las kyi bye brag gis rnam par shes pa bye brag tu 'gyur/ de'i bye brag las ming dang gzugs bye brag tu 'gyur ro/ ming dang gzugs kyi bye brag las skye mched drug bye brag tu 'gyur bar shes pa'i phyir ro/ /ji ltar bstan ce na/ de rkyen du bstan pa'i phyir ro/ /de nyid kyi phyir/ gal te bye brag gis de bye brag du mi 'gyur na ni ji ltar snga ma ni phyi ma'i rkyen du 'grub par mi 'gyur zhes smos pa yin te/ de ltar mi 'dod na ni yan lag snga ma ni yan lag can phyi ma'i rkyen du 'grub par mi 'gyur ro/ /rkyen gyi bye brag las rkyen dang ldan pa bye brag tu mi 'gyur ba ni ma yin no/ /gal te 'di'i don mi 'jug pa yin no// zhe na zhes bya ba ni mngal du nying mtshams sbyor pa'i rnam par shes pa de'o/ /skye bar nying mtshams sbyor ba'i rnam par shes pa ni/ ma'i mngal du 'jug par rigs pa ma yin te zhes bya ba ni ma zhugs pa ni 'jug pa la mngon du phyogs pa'i phyir 'jug pa zhes bya ba'i zhugs pa de ni ma'i mngal du zhugs zin pa yin pas zhugs pa yin na ji ltar 'jug pa zhes bya/ 'du byed kyis yongs su bsgos pa'i rnam par shes pa ni srid pa bar ma'i rgyun gyis ma'i mngal du 'jug pa yin par rigs te/ ci'i phyir zhe na/ de ma zhugs pa yin pa'i phyir dang/ 'jug pa la mngon du phyogs pa yin pa'i phyir ro/ /de dang 'brel ba'i phyir zhes rgyas par 'byung ba ni srid pa bar ma'i rnam par shes pa'i skad cig ma gzhan dang 'brel ba'i phyir ro// zhes bya ba'i tha tshig go / khrag dang khu ba 'dus pa'i ming dang gzugs rnam par smin pa ni kun tu brgyal ba yin te zhes bya ba ni gcig la gcig rgyu mtshan gyi dngos por ming dang gzugs dang 'dres par gyur ces bya ba'i don te/ gang las rgyu gang gis ming dang gzugs su rnam par smin pa nur nur por rnam par bzhag pa'o/ /'on te 'di'i don ma'i mngal du mi skye ba mi 'byung ba yin na ni de'i tshe rnam par shes pa bdag nyid thob pa'i tshe/ ming dang gzugs skyes pa kho na yin pas de'i rkyen gyis rnam par shes pa de'i rkyen gyis de skye bar mi rigs te/ ming dang gzugs skye bar mi rigs te/ de nyid skyes zin pa'i phyir ro/ /de las kyang rgyu chen po'i rnam grangs de las kyang/ nam ma shi'i bar du rnam par shes pa ni ming dang gzugs kyi rkyen gyi dngos por bstan pas 'du byed kyi rkyen gyis de ji ltar nying mtshams sbyor ba'i rnam par shes par rung/ mdo sde 'di las rten cing 'brel par 'byung ba'i mdo sde 'di las/ rnam par shes pa'i rkyen gyis phung po lnga pa'i ming dang gzugs bstan pas nying mtshams sbyor ba'i rnam par shes pa de ji ltar de dang lhan cig 'byung ba nying mtshams sbyor ba'i rnam par shes pa dang lhan cig 'byung ba phung po lnga pa can gyi ming dang gzugs kyi rkyen du rung/ dus phyi ma'i rkyen yin no zhe na yang zhes bya ba ni/ 'on te nying mtshams sbyor ba'i rnam par shes pa de lhan cig 'byung ba'i ming dang gzugs kyi rkyen ma yin gyi/ /'on kyang dus phyi ma'i ming dang gzugs kyi rkyen yin no snyam na/ de'i phyir 'o na de'i dus kyi ming dang gzugs kyi rkyen gang yin zhes smras te/ de'i dus kyi zhes bya ba nying mtshams sbyor ba'i rnam par shes pa'i dus kyi'o/ /rkyen 'du byed yin no zhe na yang zhes bya ba ni/ 'on te 'di snyam du de yang 'du byed kyi rkyen gyis yin no snyam na/ nying mtshams sbyor ba'i rnam par shes pa dang/ ming dang gzugs de gnyi ga'i rkyen yin pa'i phyir zhes bya ba 'du byed ni gnyi ga'i rkyen yin pa'i phyir de skye bar bya ba'i don du ci'i phyir rnam par shes pa'i yan lag brtag par bya/ ming dang gzugs kho na'i rkyen 'du byed yin brtag tu mi rung ste/ de dang skad cig ma phyi mar khyab par yang ci zhig yod ces bya ba la de dang zhes bya ba ni nying mtshams sbyor ba'i rnam par shes pa dang lhan cig 'byung ba'i ming dang gzugs de dang ngo?/ /skad cig phyi ma zhes bya ba ni skad cig ma gnyis pa ste/ gang gi rkyen du rnam par shes pa de yin par brtag par byed pa'o/ /'on te skad cig ma las skad cig ma phyi ma nges par khyad par yod do zhes brjod na de lta na yan lag thams cad la yang 'di nyid thal bar 'gyur ro/ /de bas na rdzas tha dad pa'i bye brag yod pa de glengs pa yin par rig par bya'o/ /'on te 'dir ji ltar srid par rkyen gyi dngos por 'dod na ni zhes bya ba ni/ 'on te rnam par shes pa'i rkyen gyis ming dang gzugs zhes bya ba 'dir ji ltar srid pa'i rkyen gyi dngos por 'dod de/ gang na ming dang gzugs srid pa der na ming dang gzugs kyi rkyen yin no/ /gang na ming 'ba' zhig srid pa gzugs med pa der ni ming nyi tshe'i rkyen yin no/ /'du byed kyi rkyen gyis ming dang gzugs la yang ji ltar srid pa'i rkyen gyi dngos po yin pa de bzhin du ci'i phyir mi 'dod de/ gang na ming dang gzugs srid pa der ni 'du byed kyi rkyen gyis ming dang gzugs yin no/ /gang na ming nyi tshe srid pa gzugs med pa der ni ming nyi tshe'i rkyen yin no zhes bya ba sbyar ro/ /'du byed kyi rkyen gyis nying mtshams sbyor ba'i rnam par shes pa yin na ni 'das pa'i 'du byed kyi rnam par shes pa bskyed par thal bar 'gyur ro zhes bya ba ni nying mtshams sbyor ba'i rnam par shes pa kho na'i rkyen nyid de yin la gcig nas gcig tu brgyud pa med pa'i phyir ro/ /'di ni glo bur du nyam nga bar zhugs pa yin no zhes bya ba ni sgrub pa gzhan yod bzhin du rgyu med par sgyur ba nyid skye ba ni nyam nga bar zhugs pa'i don yin no/ /'o na de ga las she na/ de las skyes pa'i mthu'i bye brag dang ldan pa zhes bya ba ni sgyur ba de las skyes ba'i mthu'i bye brag ni de las skyes pa'i mthu'i bye brag ste/ de rgyun yongs su 'gyur ba'i bye brag 'di la yod pas de ni las skyes pa'i mthu'i bye brag ste de las so/ /de dag gis ni dmar ba nyid dang zhes rgyas par 'byung ba la de dag gis ni phyis dmar ba dang/ rtsa dmar ba nyid kyi lan kyang btab pa yin te/ ji lta zhe na/ de nas skyes pa'i mthu'i bye brag gi rgyun yongs su 'gyur ba'i bye brag las de'i 'bras bu ge sar dmar po nyid yin no/ /de skye ba dang mi mthun pa'i rkyen bsal na zhes bya ba na rtsi dmar pa de skye ba dang mi mthun pa'i rkyen me bsal na rang bzhin gyi ngo bo nyid kyis lcags kyi thu lum 'byung ba chen po de 'byung ba dang rjes su mthun pa yin pa'i phyir zhes bya ba ni rtsa dmar po 'byung ba dang rjes su mthun pa ji lta bu zhe na/ rtsa dmar po skye bar 'gyur ba la bya'o/ /'dir tshigs su bcad pa ni ji ltar rgyu rnam par zhig pa las 'bras bur mi 'gyur te/ rgyu rnam par zhig pa las 'bras bu ma yin no/ /gal te rnam zhig rgyu las 'bras 'byung na/ /dbang po la sogs rnam zhig las/ /zhes rgyas par 'byung ba ste/ rnam par zhig pa las yin na ni dbang po dang don rnam par zhig pa las mthong ba dang thos pa la sogs pa'i bya ba byed pa ji ltar rigs par 'byung bar 'gyur ro/ /chu skams pas gsher bar 'gyur ba dang/ rlung zhi bas skams par 'gyur ba dang/ brdungs pa yang rnam par zhig na sgra 'byung bar 'gyur ro/ /de bzhin du me shi na du ba 'byung bar 'gyur gyi zhi bar mi 'gyur ro/ /las dang nyon mongs spangs kyang mya ngan las 'das par mi 'gyur gyi yang srid skye bar 'gyur ro zhes bya'o/ /'o na ji ltar zhe na/ de las skyes pa bsgos pa gnas pa'i phyir ro zhes bya ba la las de las skyes pa yin te/ de las skyes pa de ni bsgos pa yin pas skyes pa bsgos pa yin te/ de gnas pa ni de las skye ba bsgos pa gnas pa zhes bya'o/ /de las byung ba'i 'bras bu sbyin par nus pa ma sbyad pa nyid yin pa'i phyir ro zhes bya ba ni de las byung ba'i 'bras bu sbyin par nus pa ma spyad pa nyid gzung ba yin no zhes bya ba'i don to/ /de lta ma yin na de 'das pa nyid yin par 'grub par mi 'gyur ro zhes bya ba ni gal te da ltar byung ba bzhin du rang gi mtshan nyid yod pa'i phyir yod do zhes smra na ni de la da ltar byung ba'i chos gzhan skye ba 'am/ 'jig pa cung zad kyang rnam par gzhag par mi nus te/ zhi ba du ni chos mngon pa'i mdzod las gzung bar bya'o// ' di ltar rgyun rnam par bzhag nas 'du byed 'gags la de dang rjes su mthun pa'i 'bras bu gcig nas gcig tu 'phangs nas zhes rgyas par 'byung ba las sa bon gyi rgyun bzhin du zhes bya ba ni ji ltar myu gu la sogs pa'i rgyun rnam par bzhag nas sa bon 'gag la de dang rjes su mthun pa'i 'bras bu gcig la gcig tu 'phangs pa de bzhin du 'du byed kyi rgyun rnam par bzhag nas 'gags la de dang rjes su mthun pa'i 'bras bu gcig tu 'phangs pa yin no/ de'i 'og tu 'byung bar 'gyur bas zhes bya ba ni bsod nams la sogs pa'i 'du byed kyi 'og tu shes bya ba'i tha tshig go / ji ltar na de'i rkyen gyis lung du ma bstan pa'i sems pa'i rgyun gyi rkyen gyi nying mtshams sbyor ba'i tshe'i rnam par shes pa yin par rigs par 'gyur/ lung du ma bstan pa'i chos sa bon rul ba dang 'dra ba ni nying mtshams sbyor ba'i rnam par shes pa'i myu gu skyed par nus pa ma yin no/ /ji ltar na yang gang de'i 'og tu lung du ma bstan pa 'byung ba'i sems pa'i rgyun 'di bsod nams la sogs pa'i 'du byed kyis rnam par bzhag pa yin/ de nyid la 'du byed rnams kyi nus pa yin gyi zhes bya ba ni bag chags kyi rgyun de la'o/ /nying mtshams sbyor ba'i rnam par shes pa'i dus na ni yang srid pa mngon par grub pa kho na yin pas zhes bya ba ni nying mtshams sbyor ba'i rnam par shes pa de dang lhan cig 'byung ba'i chos rnams kyis yang srid kun tu bsdus pa'i phyir ro/ /de'i tshe 'du byed kyi rkyen gyis nying mtshams sbyor ba'i rnam par shes pa de gang gi sa bon yin na gang 'di skad du rnam par shes pa sa bon yang srid kyi zhing la skyed do zhes brjod/ sngon gyi srid pa'i rnam par shes pa ni ma rig pa'i rkyen can gyi 'du byed kyi rkyen gyis ming dang gzugs kyi myu gu'i rgyu'i dngos po nye bar gzung nas srid pa bar ma'i rgyun gyis yang srid zhing la skyed do zhes bya ba ni rigs pa yin no/ /de nyid kyi phyir ma rig pa'i rkyen gyis 'du byed yin la/ des bsgos pa'i rnam par shes pa ni 'du byed kyi rkyen gyis yin no zhes bya ba la sogs pa smras so// d e ltar byas na mdo sde gzhan las rnam par shes pa sa bon zhes gsungs pa gang yin pa de rigs pa yin no zhes bya ba yang? la byas na zhes bya ba ni ji skad du kho bos gong nyid du ma rig pa'i rkyen gyis 'du byed yin la zhes rgyas par bstan pa yin no/ /mdo sde gzhan las rnam par shes pa sa bon yin par ji ltar bstan ce na/ kun dga' bo gal te 'dod pa dang rab tu ldan pa'i las med par gyur na/ 'on kyang 'ga' yang gang du yang 'dod pa'i srid pa 'grub bam/ btsun pa ma lags// so/ /kun dga' bo 'on kyang las zhing dang sred pa rlan dang/ rnam par shes pa sa bon dang ma rig pa'i kun pa can gyi sems can ma rig pas ldongs par gyur pa de dag ni 'di lta ste 'dod pa'i srid pa na sems pa dman pa la rnam par shes pa rab tu gnas pa yin no/ /kun dga' bo gal te gzugs dang rab tu ldan pa'i las med par gyur na/ 'on kyang 'ga' yang gang du yang gzugs kyi srid pa 'grub bam/ btsun pa ma lags so/ /kun dga' bo 'on kyang las zhing dang zhes rgyas par 'byung ba nas 'di lta ste/ gzugs kyi srid pa na sems pa bar ma la rnam par shes pa gnas pa yin no/ /kun dga' bo gal te gzugs med pa dang rab tu ldan pa'i las med par gyur na/ 'on kyang 'ga' yang gang du yang gzugs med pa'i srid pa 'grub bam/ btsun pa ma lags so/ /kun dga' bo 'on kyang las zhing dang zhes rgyas par 'byung ba nas/ 'di lta ste gzugs med pa'i srid pa na/ sems pa gya nom pa la rnam par shes pa rab tu gnas pa yin no zhes bya ba yin no/ /'on kyang kha cig na re de'i rgyu can rnam par ma zhig pa las yin no zhes bya ba ni bsod nams la sogs pa'i 'du byed kyi rgyu can yin pa'i phyir ro zhes bya ba'i don to/ /kha cig na re rnam par ma zhig pa las yin no zhe'o zhes bya ba ni 'phags pa kun gyis bkur ba yin no/ /kha cig na re bsags pa las yin no zhe'o zhes bya ba ni dge 'dun pa la chen pa'o/ /sems dang mi ldan pa'i chos bzhan zhes bya ba ni gzugs dang sems dang sems las byung bas ma bsdus pa'i 'dus byas ni sems dang mtshungs par ldan pa ma yin pa'i phyir sems dang mi ldan pa yin bar bzhag ste/ dogs pa rnam par bzlog pa'i phyir ro/ /rnam 'bras bu 'byin pa'i bar du? rjes su 'jug pa de yin zhes bya ba ni sems dang mi ldan pa'i chos gzhan no/ /nges byas pa la de nye bar 'dogs pa yin no zhes bya ba ni 'du byed kyis byas pa'i rnam par ma zhig pa dang bsags pa la 'du byed nye bar 'dogs so zhes bya ba'i don to/ /yang na rnam par ma zhig pa dang bsags las byas pa'i 'bras bu la 'du byed nye bar brtags pa yin no/ /'du byed rnams nye bar btags pa ni 'du byed nye bar btags pa ste/ 'du byed kyi rkyen gyis nying mtshams sbyor ba'i rnam par shes pa zhes rkyen nyid nye bar 'dogs pa'i phyir ro/ /dper na rkun pos grong khyer bsregs pa dang zhes bya ba ni rkun pos bsgrubs pa'i me la rkun po bzhin du nye bar 'dogs pa 'am/ rkun pos bsgrubs pa'i mes bsregs pa la rkun pos grong khyer bsregs so zhes rkun por nye bar 'dogs so/ /rtsas 'bras chan tshos pa dang zhes bya ba ni rtsa las byung ba'i me la rtsa nye bar 'dogs par byed pa 'am/ rtsa las byung ba'i mes byas pa la rtsas 'bras chan tshos so zhes rtsa rnams kyis byas pa nyid du nye bar 'dogs so/ /'phags pa rnams ni mthong ba bde/ /zhes bya ba ni 'phags pa mthong ba kho na bde ba ma yin gyi/ bde ba'i rgyu nyid yin pa'i phyir bde ba zhes nye bar 'dogs pa lta bu'o/ /de dag gi yang mdo sde dang 'gal ba de kho na bzhin du gnas pa yin no zhes bya ba ni ji ltar yin zhe na/ 'di ltar rnam par shes pa'i yan lag rnam par dbye ba las/ rnam par shes pa gang zhe na/ rnam par shes pa'i tshogs drug go zhes gsungs kyang yid kyi rnam par shes pa kho nas nying mtshams sbrel ba yin pas ji ltar na rnam par shes pa'i tshogs drug 'du byed kyi rkyen gyis rnam par shes pa yin par 'gyur zhes bya ba'o/ /thob pa la sogs pa ni ma yin no zhes bya ba ni thob pa dang ma thob pa dang ris 'dra ba nyid dang 'du shes med pa dang/ 'du shes med pa'i snyoms par 'jug ba dang/ 'gog pa'i snyoms par 'jug pa dang/ srog gi dbang po'i mtshan nyid la sogs pa ci reg pa la brten nas 'byung ngam/ reg pa med par yang 'gog pa'i snyoms par 'jug pa la sogs pa ni thob pa las skye ba'i phyir ro/ /de bas na sems dang mi ldan pa'i 'du byed rdzas su yod pa yang ma yin te/ gzugs la sogs pa rdzas su yod pa'i gnas skabs gzhan la btags pa yin la zhes bya ba ni gzugs dang sems dang sems las byung ba'i gnas skabs gzhan la zhes bya ba'i tha tshig ste/ ma ldan pa rnams dang 'dus ma byas rnams rdzas su yod pa ma yin no zhes rgyas par gsungs pa'i phyir ro/ /dper na nus pa dang/ kun tu sbyor ba dang/ rnam par phye ba dang/ pha rol nyid dang/ tshu rol nyid dang/ rgyang ring ba dang/ thag nye ba nyid lta bu'o zhes bya ba ci zhe na/ gzugs la sogs pa'i gnas skabs gzhan la btags pa yin no zhes bya ste/ 'bras bu skye ba'i rgyu'i dngos por nye bar gnas pa'i gnas skabs la nus pa btags pa yin no/ /gzugs rgyun mi 'chad phar skye pa'i gnas skabs la kun tu sbyor bas so/ /rgyun mi 'chad par skye bar kun tu sbyor bas so/ /rnam par phye ste skye ba'i gnas skabs la ni rnam par phye ba'o/ /sems dang sems las byung ba lhan cig tu skye ba'i gnas skabs la yang kun tu sbyor ba btags pa yin te/ dus dang rten dang/ dmigs pa mtshungs par ldan pa'i phyir ro/ /pha rol nyid dang tshu rol nyid kyang bar na gzugs mang ba dang nyung ba nyid kyi gnas skabs la btags pa yin te/ mthong ba'i yul las bar na gzugs mang ba la pha rol zhes btags so/ /bar na nyung ba la tshu rol zhes btags pa de bzhin du dus dang ngo bo nyid la sogs pa tha dad pa yin du zin kyang/ rgyud tha dad pa la pha rol dang tshu rol zhes btags so/ /de bzhin du gzugs la sogs pa'i gnas skabs gzhan la thob pa la sogs pa btags pa yin te/ ji ltar zhe na/ re zhig thob pa ni dge ba la sogs pa'i chos rnams kyi sa bon ma nyams pa'i gnas skabs dang/ de skye ba'i dbang ma nyams pa dang/ mngon du gyur pa'i gnas skabs la btags pa yin no/ /ma thob pa ni de'i sa bon med pa shin tu 'byung ba'i gnas skabs la btags pa yin no/ /ris 'dra ba nyid ni sems 'dra ba tsam la btags pa yin te/ mi 'dra ba'i rdzas gzhan ni 'dra ba ma yin te/ 'bras la sogs pa'i sdong bu 'dra ba bzhin no/ /de ltar na de lta bu yin pa'i gzugs la sogs pa phung po skye ba'i gnas skabs gzhan thob pa ni ris 'dra ba zhes bya ba 'thob ste/ mi la sogs pa bye brag du gdags pa'i phyir ro/ /de bzhin du sems med pa'i snyoms par 'jug pa gnyis ni sems dang sems las byung ba skye ba dang mi mthun pa'i lus skyes pa'i gnas skabs la gdags so/ /'du shes med pa ba? yang de bzhin du rig par bya'o/ /srog gi dbang po ni sngon gyi tshe rabs kyi las kyi 'phangs te/ ris mthun par gnas pa'i rgyu'i dngos po tsam la gdags so/ /ma byung ba las byung ba la skye ba gdags so/ /'bras bu dang rgyu'i rgyun la gnas pa'o/ /rgyun snga phyi'i bye brag la ni rgal ba'o/ /byung nas med pa tsam la mi rtag pa nyid gdags so zhes bya ba la sogs pa'o/ /de dag ji ltar rdzas su yod pa ma yin pa ni chos mngon pa'i mdzod las shes bar bya'o zhes bya ba ji ltar yin zhe na/ /thob pa la sogs pa ni rdzas su yod pa ma yin no/ /ci'i phyir zhe na/ de dag gi rang gi ngo bo ni 'dod chags dang zhe sdang la sogs pas bcings pa rnams la gzugs dang sgra la sogs pa bzhin du chi mngon pa'i phyir dang/ mig dang rna ba la sogs pa bzhin du byed pa yang med do/ /de bas na rdzas kyi chos med pa'i phyir btags pa'i yod pa yin no/ /yang na thob pa la sogs pa ni ji ltar btags pa'i rnams rdzas su yod pa ma yin te/ ji lta zhe na/ tshad ma med pa'i phyir ro/ /de dag rdzas su yod pa nyid du byed ba'i tshad ma mngon sum 'am/ rjes su dpag pa 'am/ yid ches pa'i lung ni cung zad kyang yod pa ma yin te/ ji ltar gzugs la sogs pa bzhin du'o/ /'o na mdo sde las chos bcu po de dag rnams zhes rgyas par gsungs pa ni de nyid las ji ltar rigs par rnam par nges pa gzung bar bya'o/ /rnam par ma zhig pa dang/ bsags pa yang yang ye yod pa ma yin la/ gnas skabs gzhan de dag la de gnyis btags pa yang ma yin no/ /bsod nams la sogs pa'i 'du byed kyi bag chags dang rjes su 'brel ba nyid yin na yang de phan pa byed pa yin no/ /gang yang sems med pa'i snyoms par 'jug pa dang 'du shes med pa'i mjug tu ldang ba'i sems skye ba dang zhes bya ba la sems med pa'i snyoms par 'jug pa smos pas ni 'gog pa'i snyoms par 'jug pa dang 'du shes med pa'i snyoms par 'jug pa gzung ngo/ /de la sems med pa'i snyoms par 'jug pa'i mjug du ldang ba ni ldang ba'i dus so/ /'du shes med pa pa'i mjug ni 'chi ba'i dus so/ /gang yang yi ge'i gzhung lan mang du bton sa las ci zhe na/ bran pa skye bar 'gyur ro/ /zhes phyis 'chad par 'gyur ro/ /don rtag tu mthong ba la sogs pa las zhes bya ba ni gzugs la sogs pa'i yul la yang nas yang du mthong ba dang/ thos pa dang/ bsnams pa dang/ myangs pa dang/ reg pa ste/ thos pa dang/ bsnams pa dang/ myangs pa dang/ reg pa dang/ rnam par shes pa las phyis dran pa skye ba ni dus phyis nas so/ /ci sems dang ldan pa ma yin pa'i chos gzhan bar skabs su 'ga' yang gang las de las ldang ba'i sems dang ldan pa de dang ge sar dmar po de yang dus gzhan na skye bar 'gyur ba la yod dam/ gang goms pas dran pa skye bar 'gyur ba skad cig ma gang la de'i skye bar brtag par nus ces bya ba ni gal te re zhig skad cig ma dang po kho na la de skye ba yin na ni skad cig ma gzhan gyi tshe goms par byed pa don med par 'gyur ro/ /'on te skad cig ma gnyis pa la sogs pa gzhan gyi che/ de skye ba yin na ni 'di brjod par bya ste/ ci skad cig ma gnyis pa la sogs pa de dag la skad cig ma dang po la bton pa dang/ mthong ba la sogs pa sngar song ba'i bye brag yod dam/ 'on te med pa yin/ ci nyes ji ste yod na ni de bzhin du bdag nyid thob pa'i bye brag yod pa'i phyir sems dang sems las byung ba'i dran pa phyis skye bar 'gyur bas rtog pa de don med par 'gyur ro/ /'on te med na ni skad cig ma dang po bzhin du mi rtsom ste de skye bas dran pa med par thal bar 'gyur te/ skad cig ma gnyis pa la sogs pa ni skad cig ma dang po bye brag med pa'i phyir te/ skad cig ma snga ma bzhin no/ /goms pa smos pas ni chos gzhan skyed par mi nus pa yang ma yin te/ kha cig yi ge'i gzhung bton pa cig car du dran pa yang yod do/ /mthong ba la sogs pa'i don kyang cig char bran pa yod pas gang goms pas dran pa skye bar 'gyur ba skad cig ma gang la de skye bar brtag par nus zhes bya ba'i skyon 'di de la brjod par bya ba ma yin no/ /de bas na 'du byed kyis yongs su bsgos pa'i rnam par shes pa'i tshogs drug la zhes rgyas par 'byung ba la/ de bas na zhes smos pa ni ji skad du bstan pa'i rnam par rab tu bstan pa'i phyir ro/ /de la yang dbang po tha dad pas rnam par shes pa tha dad pa zhes bya ba nas brtsams te/ 'du byed kyi rkyen gyis rnam par shes pa ni rnam par shes pa'i tshogs drug yin par khas len kyang rung ste/ sgra'i don ji lta ba bzhin du drangs nas don de bzhin du 'gror mi rung ngo/ /sems dang bcas pa dang sems med pa pa'i 'gog pa'i snyoms der 'jug pa la sogs pa khas len kyang rung zhes bya ba ji lta bu zhe na/ de'i gnas skabs na gang gi sems yod pa ma yin no zhes rgyas par 'byung ba nas sems dang bcas pa'i 'gog pa'i snyoms par 'jug pa la sogs pa khas len kyang rung de bzhin sems med pa'i 'gog pa'i snyoms par 'jug pa yin no zhes rgyas par 'byung ba nas sems dang bcas pa'i 'gog pa'i snyoms par 'jug pa la sogs pa yin par khas len kyang rung ste/ sgra'i don ji lta ba bzhin du drangs na don de bzhin du 'gror mi rung ngo/ /mngal du nying mtshams sbyor ba'i rnam par shes pa 'du byed kyi rkyen gyis yin no zhes rgyas par 'byung ba nas/ 'das pa'i 'du byed kyi nying mtshams sbyor ba'i rnam par shes pa khas len kyang rung ste/ sgra'i don ji lta ba bzhin du bras? na don de bzhin du 'gror mi rung ngo/ /kha cig na re nying mtshams sbyor ba'i rnam par shes pa ni 'du byed kyi rkyen gyis yin yang 'das pa'i las las de skye ba ma yin gyi/ 'on kyang de'i rgyu can gyi rnam par ma zhig pa las yin no/ /zhes bya ba la sogs pa rjed pa de'i rgyu can gyi rnam par ma zhig pa la sogs pa rkyen yin par khas len kyang rung ste/ gang gi phyir de ltar gyur pa/ de bas na 'dir don nyid ni dgongs pa can yin par rig par bya'o zhes rgyas par 'byung ba yin no/ /gnas pas gnas bstan pa zhes bya ba ni gnas pa mig gi rnam par shes pa la sogs pas? gnas kun gzhi rnam par shes pa bstan te/ kun gzhi rnam par shes pa ni rnam par shes pa dag gi gnas yin te/ gtso bo'i rgyu yin pa'i phyir ro/ /'bru'i snod lta bur de de dag gi gnas ni ma yin gyi/ de'i sa bon gyi gnas yin no/ /de'i sa bon gyi gnas zhes bya ste/ de skye bar nus pa dang ldan pa'i phyir ro/ /de la sa bon rnams sbyad bar blugs pa lta bu ni ma yin gyi/ 'o na ji bu? yin zhe na/ dper na sa bon dang/ myu gu dang thal ba dang/ lud dang/ du ba dang/ me dang sa gzhi la sogs pa rnams 'bras bu la nus pa dang ldan pa'i phyir de'i rgyu'i dngos po ni gnas zhes bya'o/ /de bzhin du 'bras bus rgyu ste bstan to zhes bya bar sbyar te/ 'bras bu mig gi rnam par shes pa la sogs pas rgyu kun gzhi rnam par shes pa bstan to/ /ci'i phyir zhe na/ de dang ldan pa'i rnam par shes pa'i rgyun 'bab pa bstan pa'i phyir te/ rnam par shes pa drug de dag dang ldan pa'i kun gzhi rnam par shes pa'i rgyun 'bab pa bstan pa'i phyir ro/ /rgyu dang 'bras bur 'brel pa'i dngos po yin pa'i phyir/ kun gzhi rnam par shes pa'i rgyun 'bab pa ni rnam par shes pa'i tshogs drug dang ldan pa zhes bya ste/ 'brel pa yin zhes bya ba'i don to/ /de'i dbang po rnam pa gzhan du gyur pa nyid ma yin te/ gzigs pa mnga' ba'i phyir ro zhes bya ba ni dbang po rnams la mthong ba la sogs pa'i bya ba byed pa las rjes su dpag pa'i phyir ro/ /dbang po rnams bsal ba ni mthong bar yang mi nus kyi zhes bya ba ni dbang po rnams dbang po'i yul las 'das pa'i phyir dang/ yid kyi rnam par shes pas shes par bya ba yin pa'i phyir ro/ /'jig rten na yang 'di'i lta ba ni nyams dga' ba yin te/ gdong gi mig ni autpal sngon po'i 'dab ma lta bu'o zhes bya ba lta ba dang mig gis de'i gnas ji lta ba bstan to/ /lta ba ni 'dir mig gi dbang po la bya'o/ /mig kyang de'o/ /mig gi dbang po ni nyams dga' ba ni ma yin te/ mngon sum ma yin pa'i phyir ro/ /gdong gi mig ni autpal sngon po'i 'dab ma lta bu yang ma yin te/ mdog dang dbyibs kyis ma zin pa'i phyir dang/ zlum po yin pa'i phyir ro/ /de'i phyir lta ba dang mig gis de'i gnas ji lta ba bzhin du ston pa 'di grub pa yin no/ /mig gi dbang po'i gnas de ni shin tu sngo ba dang/ khyon yangs pa dang nyams dga' ba'ang yin te/ mngon sum nyid yin pa'i phyir ro/ /de ltar na re zhig gnas pas gnas bstan par shes par byas pa yin no/ /'bras bus kyang rgyu ji ltar ston pa de bzhin du rjod pa ni/ dge slong dag rlung ni nad yin no nad chen po yin no/ /sman chen po ni til mang ram til mar dang sbyar ba'o/ /dge slong dag mkhris pa'i nad kyi sman chen po ni zhun mar ram zhun mar dang sbyar ba'o/ /dge slong dag bad kan phyi nang dang nad chen po'i sman chen po ni sbrang rtsi 'am sbrang rtsi dang sbyar ba'o/ /rlung dang mkhris pa dang bad kan ni nad ma yin gyi nad kyi rgyu yin pas nad ces bstan to/ /'dod chags kyi rgyun nye bar bcad pa ma yin te/ de mngon sum du ma gyur pa'i phyir ro zhes bya ba ni gnyen po mngon sum du gyur pa'i tshe na mi mthun pa'i phyogs mngon du gyur par mi rigs pa'i phyir ro/ /'o na ci zhe na de'i rgyu dang sa bon te/ de'i zhes bya ba ni 'dod chags kyi'o/ /de las yang de 'byung ba ni de'i rgyu dang/ phra rgyas dang/ sa bon zhes bya'o/ /de gnyis ni reg bya ma yin gyi de gnyis kyi rgyu reg bya yin no zhes bya ba la/ de gnyis kyi zhes bya ba ni bkres pa dang skom pa gnyis kyi'o/ /zan 'dod pa ni bkres pa ste/ sems las byung ba'i chos so/ /de'i rgyu reg bya'i bye brag la bkres pa zhes ston to/ /de bzhin du 'thung 'dod pa ni skom pa ste/ de'i rgyu reg bya'i bye brag la skom pa zhes ston to/ /chos thams cad kyi sa bon gyi gzhi gang yin pa'o zhes bya ba'i chos thams cad kyi sa bon gyi gzhi byed pa'i sgo nas kun gzhi rnam par shes pa bstan te/ gzhan chos thams cad kyi sa bon gyi gzhi byed par rigs pa'i phyir ro/ /'gog pa'i snyoms par zhugs pa rnams la de las gzhan pa'i rnam par shes pa yod pa ma yin pas chos thams cad kyi sa bon chad par thal bar 'gyur ro/ /kun gzhi rnam par shes pa ni gtso bo dang/ bdag gi rdzas su gyur par thal bar yang mi 'gyur te/ mi rtag pa dang sdug bsngal ba dang/ stong pa dang/ bdag med pa'i mtshan nyid yin pa'i phyir ro/ /gang dag gis rnam par shes pa'i tshogs drug chos thams cad skye bar nus pa dang ldan no zhes pa des kyang de nyid gtso bo dang bdag gi rdzas dang/ chos mi mthun pa yin par brjod par nus kyi gzhan la ma yin no/ /chos thams cad skye bar nus pa dang ldan pa ma yin no zhes brjod par mi nus so/ /mdo sde pa rnams pa ni ldan pa ma yin pa'i 'du byed med pa na gzhan du ji ltar dge ba dang/ mi dge ba dang lung du ma bstan pa'i chos skye bar 'gyur/ mdo sde las kyang 'di skad du sems zhes bya ba 'am/ yid dang rnam par shes pa zhes bya ba la yun ring por dad pa yongs su bsgos/ tshul khrims dang thos pa dang gtong ba dang shes rab yongs su bsgos na gong du 'gro bar 'gyur khyad par du 'gro zhing mtho ris su 'gro ba ston to zhes gsungs so/ /len pa'i rnam par shes pa yang de yin te/ ris mthun pa gzhan du nying mtshams sbyar ba nas brtsams te nam ma shi'i bar du lus 'dzin par byed pas ston te/ gzhan de lta bu mi rigs pa'i phyir ro zhes phyis 'chad par 'gyur ro/ /rnam par smin pa'i rnam par shes pa yang de yin te zhes bya ba ni mi la sogs pa'i lus kyi dngos po'i rten byed pa'i sgo nas ston te/ gzhan la rnam par smin pa'i mtshan nyid dang 'thad pa de dag mi rigs par phyis 'chad par 'gyur ro/ /skye ba so so ni las tha dad pa rnam par smin pa yin pa'i phyir ro zhes bya ba ni de bas na kun gzhi rnam par shes pa ni las tha dad pa'i rnam par smin pa so sor skye ba yin te/ de bas na rnam par smin pa'i rnam par shes pa bstan to zhes bstan to/ /ji ltar na de skye ba so sor las thar pa'i rnam par smin pa yin na/ de'i phyir las tha dad pa'i shugs yongs su zad pa'i phyir dang zhes smras te/ las tha dad pa'i 'phen pa yongs su zad pa'i phyir zhes bya ba'i tha tshig ste/ 'chi ba'i dus kyi tshe skye ba snga ma las kyis 'phangs pa'i rnam par smin pa'i rnam par shes pa'i shugs yongs su gtugs nas/ skyes nas dang lan gangs gzhan la myong bar 'gyur ba'i las gzhan goms pa'i 'jug pa rnyed pa'i phyir lus kyi dngos po de dang de'i gnas nyid du rnam par smin te/ de ni yang srid pa mngon par 'grub par bya ba'i phyir bag chags kyi gnas skabs kyi las 'jug pa rnyed de/ sred par gyur na lus kyi dngos po de dang de'i gnas nyid du kun gzhi rnam par shes pa rnam par smin par byed do/ /de dang de'i zhes bya ba ni lha dang mi la sogs pa'i lus kyi dngos po'i gnas nyid la bya'o/ /lus kyi dngos po'i gnas yin pa yang kun gzhi rnam par shes pa ni lus dngos po de dang de 'bral par 'jug pa yin pa'i phyir te/ gzugs med pa'i khams dang sa gzhan dag na lus kyi dngos por gyur pa dag rnam par smin pa ma yin pa med pa'i phyir ro/ /btsun pa sa ston pa rnams kyi srid pa'i yan lag gi rnam par shes pa yang de yin te zhes bya ba ni nyi tshe ba gzhan gyi chos mngon pa las srid pa'i gnas byed pa rab tu grags pa ston to/ /yan lag dang gnas dang lus zhes bya ba don tha dad pa ma yin te/ lus med pa ni yan lag med pa zhes ston pa'i phyir ro/ /de nyid kyi phyir de gnas yongs su ma gyur na srid pa rgyun mi 'chad pa'i phyir ro zhes smras te/ de gnas gyur pa yang gnyen po skyes pas kun nas nyon mongs pa can gyi chos kyi bag chags ma lus par bcom pa yod na gzhan du skyes pa yin te/ gang las yang srid pa'i yan lag gi rnam par shes par bzhag par ma yin no/ /dmigs pa dang rnam pa yongs su ma chad pa'i shes bya ba ni rgyud shin tu phra bas de'i dri me ngas par du rnam pa yongs su ma chad pa'am/ dmigs pa dang rnam pa ma chad pa mngon du gyur pa'i phyir dmigs pa dang rnam pa yongs su ma chad pa yin par rig par bya'o/ /nye bar len pa'i phung pa gang gi nang du 'dus shes zhes bya ba ni ? bar len pa dang bcas pa thams cad nye bar len pa'i phung por 'dus pa yin pas de ni nye bar len pa'i phung por bsdu ba brjod par bya dgos pa'o/ /rnam par shes pa nye bar len pa'i phung por ro zhes bya ba ni rnam par shes pa'i mtshan nyid yin pa'i phyir mtshan nyid kyis der 'dus pa yin par bstan to/ /sems pa'i tshogs drug go zhes bya ba ni gzhan 'dun pa dang/ reg pa dang/ yid la byed pa la sogs pa 'du byed nye bar len pa'i phung por 'dus pa med pa yang na yin no/ /tshe dang ldan pa gsum po che mi dge zhes bya ba ni lus kyi las mi dge ba dang zhes rgyas par 'byung ba ni 'dod chags dang zhe sdang la sogs pa gzhan yang mi dge ba ma yin pa ni yod pa ma yin no/ /de ltar rnam par shes pa'i tshogs drug ces bya ba 'di ni yongs su ma rdzogs pa yin par ston par 'gyur ro/ /de ni dgongs pa can du rigs te/ de las gzhan pa'i chos de dag rnams zhes rgyas par 'byung ba la sems pa'i tshogs drug po de las gzhan pa'i chos 'dun pa dang/ /reg pa dang/ yid la byed pa la sogs pa rnams mdo sde gzhan las gsungs pa'i phyir ce zhe na/ 'du byed nye bar len pa'i phung po gang zhe na/ sems pa'i tshogs drug gi zhes bstan pa 'di dgongs ba can du rigs pa yin no/ /lus kyi las mi dge ba la sogs pa de dag las gzhan mi dge ba'i chos 'dod chags dang zhe sdang la sogs pa rnams mdo sde gzhan las gsungs pa'i phyir ci zhe na/ lus kyi las mi dge ba zhes ? bya? ? ? pa rnams dgongs pa can du rigs pa yin no/ /kun gzhi rnam par shes pa ni gang du yang ma gsungs te/ de bas na 'di bstan pa dgongs pa can yin par brtag par nus pa ma yin no zhes ston te/ /zhal nas gsungs pa'i ? ? c her nub la zhes bya ba 'dis ni gang du yang ma gsungs so zhes byar mi rung ba'i gtan chags ston te zhal nas gsungs pa mang du nub pa yin na gang du yang ma gsungs pa 'di ji ltar ji srid par bya ba la gsung ? ? yang de ltar na phal cher 'phros pa dang zhes bya ba ni nyi tshe ba'i mdo sde dang/ chos mngon pa dang/ 'dul ba dag 'phros te kha cig tu ni cung zad kyang ma gsungs pa de nyid gzhan nas gsungs so/ /kha cig tu ni gzhan du gsungs so/ /gzhan las ni gzhan du gsungs pas nyi tshe ba'i mdo ser dang/ 'dul ba dang chos mngon pa thams cad mngon du ma gyur pas kun gzhi rnam par shes pa ni gang du yang ma gsungs so zhes bya ba 'di ltar nges par bya/ 'gro ba'i rtsa ba dag nub pa'i phyir mi he na/ zhal nas gsungs pa phal cher nub pa yin te/ gsung rab 'di yang da ltar ni phal cher 'phros par ston te/ de lta ma yin na nyi tshe ba tha dad pa nyid du mi 'gyur ro/ nyi tshe ba gzhan las rnam grangs kyis srid pa'i yan lag gi rnam par shes pa dang/ kun gzhi rnam par shes pa dang rnam grangs kyi rtsa ba'i rnam par shes pa zhes gsungs pa ni kun gzhi rnam par shes pa ni gang du yang mi gsungs so zhes ji skad du 'di brjod/ de las kun gzhi rnam par shes pa zhes rang gi sgras gang du yang ma gsungs so zhes zer na de la ci de tsam gyis rab tu bkag pa yin na zhes brjod par bya'o/ /rnam par shes pa'i tshogs drug la ma gtogs pa'i dngos po yod pa yin pas rnam par shes pa'i tshogs drug bstan pa ni dgongs pa can nyid yin par grub pa yin no/ /rnam par shes pa bdun pa yod pas de ji ltar 'dod par don dang rjes su mthun pa'i ming byed pa ni srid pa'i yan lag gi rnam par shes pa zhes bya ba 'am/ rnam par smin pa'i rnam par shes pa dang/ lon pa'i rnam par shes pa 'am/ rtsa ba'i rnam par shes pa dang/ rkyen gyi rnam par shes pa zhes bya ba de la sogs pa yin no/ /'dir smras pa gal te/ zhal nas gsungs pa yang mang du nub la/ gsung rab 'di yang da ltar ni phal cher 'phros pa yin pas kun gzhi rnam par shes pa brtag par bya ba yin na ni/ 'o na gtso bo dang skyes bu la sogs pa yang de lta bu yin pas mu stegs byed kyis yongs su brtags pa yang brtag par bya ba yin par 'gyur ro zhe na/ de ni rnam par mi 'ong ste/ kho bo gtan tshigs 'dis kun gzhi rnam par shes pa sgrub par byed pa ni ma yin gyi/ 'on kyang ma gsungs pa'i phyir ro zhes khyed 'gog par byed pa de bas na zhal nas gsungs pa yang mang du nub la zhal nas ma gsungs so/ /gsung rab 'di yang 'phros pa yin pas/ zhal nas ma gsungs so zhes ji ltar nges par bya ba 'di smras te/ de bas na ji ltar ma gsungs pa de ltar khyed cag gis brjod par bya dgos so/ /zhes bya ba yin no/ /gtso bo dang skyes bus la sogs pa gang yin pa ni chos kyi phyag rgya dang 'gal ba'i phyir dang/ rjes su dpag pa med pa'i phyir brtag par bya ba ma yin te/ rtag pa dang/ bde ba dang tha bdag dang/ mi stong par rnam par shes pa la sogs pa la ni rjes su dpag pa'i phyir ro/ /kun gzhi rnam par shes pa ni mi rtag pa dang/ sdug bsngal ba dang/ bdag med pa dang/ stong pa'i mtshan nyid yin pa'i byed chos kyi phyag rgya dang 'gal ba med pa yin no/ /rjes su dpag pa dang bcas pa yang yin no/ /'gog pa'i snyoms par zhugs pa rnams la de las gzhan pa'i rnam par shes pa med pa'i phyir lus mdza' dag mchin pa yin par thal bar 'gyur te/ de las gzhan pa'i rnam par shes pa mi 'thad pa'i phyir ro/ /srid pa'i rtse mor skyes pa rnams zag pa med pa'i lam mngon du gyur pa na de las gzhan srid pa'i rtse mo pa'i lus kyi dngos po mi rigs pa'i phyir ro/ /nyi tshe ba gzhan las byed rnam grangs kyis srid pa'i yan lag gi rnam par shes pa dang rtsa ba'i rnam par shes pa zhes gsungs pa'i phyir ro/ /yang 'dir rigs pa ni kun gzhi rnam par shes pa med par 'du byed kyi rkyen gyis rnam par shes pa bzhag par mi nus pa dang zhes bya ba ni 'gog pa'i snyoms par zhugs pa rnams la de mi rigs so zhes sngar bstan zin to/ /nying mtshams sbyor ba'i rnam par shes pa yang 'du byed kyi rkyen gyis rnam par shes pa yin par gang gi phyir mi srid pa yin te/ de mi srid pa yang sngar bstan zin to/ /lus zin pa nyid kyang kun gzhi rnam par shes pa med par bzhag par mi nus so/ /ji lta zhe na/ de'i phyir de las gzhan pa'i rnam par shes pa ni nam ma shi'i bar lus mdza' dag khyab par gnas pa ma yin no zhes smras te/ mig la sogs pa'i rnam par shes pa ni mig la sogs pa'i dbang po la brten te/ skye ba'i phyir lus mdza' dag la khyab pa ma yin no/ lus kyi rnam par shes pa yang lus mdza' dag la khyab pa ma yin te/ reg bya'i yul dang 'brel pa'i phyogs la brten te skye ba'i phyir te/ lus kyi dbang po'i phyogs ci tsam la lus kyi rnam par shes pa skye bde tsam nyid la tshor ba yongs su gcod pa yin no/ /de bas na de nyid des zin pa yin par grub pa yin no/ /yid kyi rnam par shes pa yang mngon par 'du byed pa dang bcas pas kho na zab mo sems pa ni snying kha kho nar gnas pas lus thams cad la khyab pa ma yin no/ /de las gzhan yang ma shi'i bar du gnas pa ma yin te/ 'di ltar mig gi rnam par shes pa'i mjug thogs su rna ba'i rnam par shes pa skye ba la sogs pa yin no/ /kun gzhi rnam par shes pa ni lus thams cad nye bar len cing/ lus kun la khyab pa yin te/ rnam par smin pa'i rnam par shes pa dang 'brel ba'i phyir lus dang lus kyi dbang po bzhin du ma shi'i bar du gnas pa yin no/ /kun gzhi rnam par shes pa yul na mi gnas par ji ltar 'grub ce na/ kun gzhi rnam par shes pa rlung gi khams bzhin du zhum pa'am/ rgyas shing lus mdza' dag la khyab pa ma yin no zhes brjod par bya'o/ /'on kyang lus mdza' dag dang/ kun gzhi rnam par shes pa gnyis phan tshun 'brel cing 'jug pa yin pa'i phyir lus mdza' dag la khyab pa yin no zhes brjod par bya'o/ /de bas na brgal du med pa'o/ /gzugs med pa'i khams su skyes pa rnams kyi nyon mongs pa can gyi dge ba dang zhes rgya cher 'byung ba ni 'dod pa dang/ gzugs kyi khams su skyes pa rnams la ni nyon mongs pa can gyi dge ba dang/ /zag pa med pa'i sems la gzugs su rnam par smin pa de'i 'gro bas bsdus pa rnams la smin pa'i rdzas yod pa yin no/ /gzugs med pa'i khams na ni gzugs yod pa ma yin pa de bas na der skyes pa rnams kyi dge ba nyon mongs pa can dang/ zag pa med pa'i sems la kun gzhi rnam par shes pa la ma gtogs pa rnam par smin pa'i rdzas bzhag par mi nus te/ rnam smin lung bstan ma yin chos zhes 'byung ba'i phyir ro/ /dge ba nyon mongs pa can dang/ zag pa med pa'i sems dag ni rnam par smin pa dang 'brel pa'i phyir lus kyi dngos po dang/ 'gro bar gtogs pa dang/ rnam par smin pas bsdus pa yin no/ /zhes bya bar thams cad dang 'gal ba yin no/ /ris mthun pa dang/ srog gi dbang po'i rdzas gzhan ni cung zad kyang yod pa ma yin na/ /dge ba la sogs pa'i sems gang zhig de'i 'gro bas bsdus par 'gyur ci'i phyir zhe na/ rnam par smin pa'i phung po 'dra ba 'phangs pa tsam la de nye bar gdags pa'i phyir ro/ /'dra ba 'phangs pa tsam ni rdzas gzhan ma yin te/ 'bras la sogs pa'i sdong bu 'dra ba 'phen pa bzhin no/ /srid pa'i rtse mor 'phags pa'i lam dang ldan pa rnams la zhes rgyas par 'byung ba la/ de'i sa pa'i lus kyi dngos po'i rdzas shes bya ba ni srid pa'i rtse mo nges pa'i zhes bya ba'i tha tshig ste/ bzhag par mi nus zhes bya ba'i skabs dang sbyar ro/ /de'i sa pa'i 'phags pa'i lam ni yod pa ma yin no zhes bya ba ni srid pa'i rtse mo'i sa ba'i 'o/ /de nyid kyi phyir 'phags pa dag/ ci yang med pa mngon byas nas// srid rtse'i zag pa zad par byed ces smras so/ /ji ltar de dag shi ba yin zhes brjod par mi bya/ ris mthun pa 'am srog gi dbang po'i rdzas gzhan ni cung zad kyang yod pa ma yin na gang la de dag gi lus kyi dngos po'i rdzas rnam par bzhag par bya mes bsregs pa'i dngos po'i phyogs bzhin du srid pa'i rtse mo ba'i phra rgyas rang 'gag pa ni 'grub pa yang ma yin te/ srid pa'i rtse mor skye ba'i rgyu nyid stobs can ma yin pa nyid du ma grub pa'i phyir ro/ /srid par skye ba'i mthu 'joms par byed pa yin na yang 'phags pa'i lam gyi mthus ci zhig byar yod de/ 'jig rten pa'i lam pas kyang mi dgos par thal bar 'gyur ba'i phyir ro// //rten cing 'brel par 'byung ba dang po dang rnam par dbye ba bstan pa rgya cher 'grel pa/ bam po drug pa'o/ /'jig rten pa'i lam gyis spangs pa'i phra rgyas de dag nyid sa der skye ba'i rgyu yang ma yin no/ /nyams smad pa tsam gyi spangs pa dag 'phags pa'i lam gyis yin par rigs pa yang ma yin te/ gcig kho nar nyon mongs pa rnams nye bar 'byung ba dang mi mthun pa yin pa'i phyir ro/ /nyon mongs pa'i dngos po'i phyogs kyi dbe yang rigs pa ma yin no/ /yid kyi rnam par shes pa yin no zhe na yang phyogs de sngar dpyad zin to zhes bya ba ni ji ltar byas zhe na/ de'i tshe rnam par shes pa 'dod pa gang zhig yin/ kha cig na re yid kyi rnam par shes pa'o zhe'o/ /dmigs pa dang rnam pa ci yin zhe na zhes bya ba rgyas par 'byung ba thams cad rig par bya'o/ /gal te 'gags na gang las yang 'byung bar 'gyur zhe na/ phyogs de yang sngar dpyad zin to/ /zhes bya ba ji ltar byas she na/ gzhan dag na re 'gog pa'i snyoms par 'jug pa sems med pa nyid yin no zhes bya ba dang/ sems kyi rgyun chad pa dag kyang 'du byed kyis yongs su bsgos pa'i sems ji ltar 'byung zhes smras pa ma yin nam zhes bya ba dang/ lus kyi dbang po las sa bon gnas pa yin no zhes rgyas par 'byung ba thams cad yin par rig par bya'o/ /de ltar rigs pa dang zhes bya ba ni rigs pas kyang ji ltar bstan zin pa ni kun gzhi rnam par shes pa med na 'du byed kyi rkyen gyis rnam par shes pa bzhag par mi nus so zhes rgyas par 'byung ba'o/ /mdo sde ni 'gog pa'i snyoms par zhugs pa rnams lus kyi 'du byed ma 'gags pa yin no zhes rgas par 'byung ba'o/ /bstan bcos las kyang zhes bya ba ni btsun pa sa ston pa'i chos kyi rnam grangs las de nyid brjod do zhes bya ba ste/ de ltar na kun gzhis rnam par shes pa yin par grub pa yin no zhes bya'o/ /'du byed kyi rkyen gyis rnam par shes pa gang gi bar du rnam par bzhag ce na/ srid pa'i gnas skabs la thug gi bar du'o zhes bya ba la srid pa'i gnas skabs ni srid pa'i rkyen can gyi len pa'i mthus 'du byed kyis bsgos pa'i 'jug pa rnyed pa yang srid mngon par 'grub pa'i rnam par shes pa de ni srid pa zhes rnam par bzhag gi rnam par shes par ma yin no/ /'o na rgyu tshan po'i chos kyi rnam grangs las zhes rgyas par 'byung ba ni de las 'du byed kyi rkyen gyis rnam par shes pa ni srid pa phan chad nam ma shi'i bar du ming dang gzugs kyi rkyen nyid du bstan na ji ltar de srid pa la thug gi bar du rnam par bzhag gi nam ma shi'i bar du ma yin zhe na/ de'i 'bras bu ming dang gzugs skyes pa na zhes rgyas par 'byung ba yin te/ de'i 'bras bu zhes bya ba 'du byed kyi rkyen gyis rnam par shes pa'i 'bras bu ming gzugs skyes pa na rnam par smin pa'i rnam par shes pa kun gzhi rnam par shes pa de dang/ de las gzhan pa'i ming dang gzugs zhes bya ba ni 'du byed kyi rkyen gyis rnam par shes pa'i 'bras bu'i ming dang gzugs ni de las gzhan pa'i ming dang gzugs so/ /de yang gang zhe na/ skye mched drug nas brtsams te rgyun gyis 'jug pa ste/ de ma shi'i bar du gcig la gcig brten pa'i rgyun rjes su 'jug pa nyid kyi phyir zhes bya pa'o/ /gcig la gcig brten pa ni gcig la gcig brten pa'o/ /gcig la gcig brten pa'i rgyun rjes su 'jug pa 'di gnyis yin pas/ de gnyis ni gcig la gcig brten pa'i rgyun rjes su 'jug pa'o/ /de'i dngos po ni gcig la gcig brten pa'i rgyun rjes su 'jug pa nyid do/ /phyir ni bzung nas gcig la gcig rkyen du bstan te/ rnam par smin pa'i rnam par shes pa de ni ming dang gzugs kyi yin no/ /de yang de'i yin no/ /mdo sde 'di las kyang rten cing 'brel par 'byung ba'i mdo las 'du byed kyi rkyen gyis rnam par shes pa ni ma 'ongs pa na tshe rabs gzhan du de'i 'bras bu zhes bya ba rnam par shes pa'i 'bras bu ming dang gzugs ma byung ba 'byung ba'i rkyen du dgongs pa yin gyi/ skyes pa'i rgyun rjes su 'jug pa'i rkyen ni ma yin te/ de ji tsam 'brel pa'i bar du de rnam par bzhag go zhes bya ba ming dang gzugs dang 'brel pa'i bar du zhes bya ba'i don te/ de dang 'brel pa'i ngo bo'i gnas skabs 'di la rnam par bzhag go /ming dang gzugs ni skye mched drug la thug gi bar du yin gyi de phan chad ma yin no zhes bya ba ni rnam par bzhag go zhes bya ba'i skabs dang sbyar ro/ /'du byed kyis yongs su bsgos pa'i rnam par shes pa'i rkyen gyis ming dang gzugs gang yin pa de ni skye mched drug la thug gi bar du yin gyi/ phan chad rnam par bzhag pa ni ma yin no/ /gzhan ni nam ma shi'i bar du rnam par mi dgag go /ming dang gzugs de skyes nas kyang de la yod pa'i zhes rgyas par 'byung ba la/ de la yod pa ni ming dang gzugs la yod pa ste/ rnam par smin pa'i rnam par shes pa zhes bya ba kun gzhi rnam par shes pa ste/ tshe snga ma'i las kyis 'phangs pa zhes rgyas par 'byung ba 'dis ni gal te 'du byed kyi rkyen gyis rnam par shes pa ma yin pa yang yod pas/ 'du byed kyi rkyen gyis rnam par shes pa'i yan lag yin par srid pa la thug gi bar du rnam par bzhag gi de nas ni ma yin par ston to des byas pa de skye bar nus pa zhes bya ba ni 'du byed kyis byas pa ming dang gzugs skye bar nus pa / ma spyad pa'i phyir ro zhes bya ba ni bzung nas dang/ sems la bzhag nas bya ba'i don gang yin pa'o/ /ming dang gzugs gang la de 'phen par byed pa'i 'du byed kyis bsgos pa dang ldan pa'i phyir zhes bya ba ni ming dang gzugs de 'phen par byed pa'i 'du byed kyis bsgos pa dang ldan pa'i phyir zhes bya ba'i don to/ /de'i don du ming dang gzugs kyi skye mched du 'du byed kyi rkyen gyis rnam par shes pa'i yan lag rnam par bzhag gi /gang du nus pa spyad zin na ni ma yin no zhes bya ba ni ming dang gzugs gang la nus pa spyad zin pa de 'du byed kyi rkyen gyis kun gzhi rnam par shes pa yin zhing de las brtsams te/ 'du byed kyi rkyen gyis rnam par shes pa'i yan lag rnam par bzhag pa ma yin no/ /de ltar na de'i rjes la sems can rnams kyi las kyi rnam par smin pa bsam gyis mi khyab pa yin no zhes smras te/ las rnams kyi rnam par smin pa ni las kyi rnam par smin pa ste/ kun gzhi rnam par shes pa la 'du byed kyis shin tu rnam pa mang por bsgos pa rnams nye bar spyad pa dang/ nye bar ma spyad pa rnams bsam gyis mi khyab pa'i phyir ro/ /'du byed rnams ni skye ba'i dbang du byas te/ rab tu 'jig pa yin pa'i phyir dang zhes bya ba ni gang gi phyir lha la sogs par skye ba'i dbang du byas te/ bsod nams la sogs pa'i 'du byed rnams 'dug pa yin gyi srid pa bar ma yin ni ma yin no/ /'ga' yang srid par bar ma tsam gyi ched du bsod nams la sogs pa'i 'du byed mngon par 'du byed pa ma yin pa'i phyir ro/ /de med par der skye ba med pa'i phyir ro/ /de bas na srid pa bar ma'i ming dang gzugs kyi rkyen tu rnam par shes pa mi bzhag go / der yang rnam par smin pa yongs su ma rdzogs pa'i phyir ro zhes bya ba ni lha la sogs par skye ba de rnam par smin pa ma yin te/ bsod nams la sogs pa'i 'du byed gang gis rnam par shes pa de la bsgos pa de dag gi rnam par smin pa gang yin pa'i rnam par smin pa de yongs su ma rdzogs pa'i phyir ram/ 'du byed kyis yongs su bsgos pa'i rnam par shes pa rnam par smin pa ni de yongs su ma rdzogs pa'i phyir te/ srid pa bar ma'i ming dang gzugs la ni rnam par smin pa de thams cad yongs su ma rdzogs pa yin te/ skye bas bsdus pa de ma skyes pa'i phyir ro/ /las kyi bye brag gis de'i nus pa'i bye brag skye ba'i phyir ro zhes bya ba ni rnam par shes pa'i nus pa'i bye brag skye ba'i phyir ro zhes bya ba'i don to/ /yang srid mngon par 'grub par bya ba la nus pa skyes pa ni 'du byed kyi rkyen gyis rnam par shes pa yin par bstan to/ /rnam par shes pa'i nus pa'i bye brag de yang las kyi bye brag gis 'gyur bas rnam par shes pa bskyed pa la 'du byed rnams gtso bo nyid du grags pa yin no/ /'dir las kyi bye brag smos pa ni 'du byed kyi mtshan nyid kyi las bstan pa'i phyir ro/ /nus pa'i bye brag smos pa ni yang srid kyi ming dang gzugs skyed pa'i nus pa rab tu bstan pa'i phyir ro/ /de dag gis ni 'du byed kyi mtshan nyid kyi las ni sems dang sems las byung ba'i rten gyi rgyun 'jug pa dang/ rnam par shes pa'i nus pa bsal to/ /yang na nyon mongs pas byas pa'i rnam par shes pa'i bye brag gis yang srid mngon par 'grub par nus pa yin la/ las kyi bye brag gis nus pa'i bye brag yin te/ ris mthun pa khyad par can gyi ming dang gzugs kyi rgyur gyur pa yin no/ /ji skad du gal te de bsod nams kyi 'du byed mngon par 'du byed na rnam par shes pa'i bsod nams su nye bar 'gyur ro/ /mi g.yo ba'i bar du nye bar 'gro bar 'gyur ro zhes gsungs so/ /rnam par shes pa'i don bsdus pa rnam par bzhag pa ni rnam pa bcwa brgyad 'dir bstan te/ rab tu dbye ba rnam par bzhag pa ni ji skad du/ de la dbang po tha dad pa'i sgo nas rnam par shes pa'i rab tu dbye ba bstan to zhes bya ba rgyas par bstan pa'o/ /'jug pa'i dbye ba rnam par bzhag pa ni/ ji skad du tshogs kyi sgras ni dmigs pa la 'jug pa'i dbye ba yang bstan to zhes bstan pa'o// rang gi mtshan nyid rnam par bzhag pa ni ji skad du mig la brten nas gzugs so sor rnam par rig pa'o zhes bya ba la sogs pa bstan pa'o/ /gdags pa rnam par bzhag pa ni ji skad du gal te rnam par shes pas/ gzugs la sogs pa so sor rnam par rig pa yin na ci'i phyir mig gi rnam par shes pa zhes bya zhes rgyas par bstan pa'o/ /rgyu rnam par bzhag pa ni/ ji skad du mdo sde gzhan las/ gnyis la brten nas rnam par shes pa 'byung zhes rgyas par bstan pa dang/ mdo sde 'di las 'du byed kyi rkyen gyis rnam par shes pa zhes gsungs na ji ltar snga phyi 'gal bar mi 'gyur zhes bya ba dang/ dgongs pa tha dad pa'i phyir zhes rgyas par 'byung ba'i bar du bstan pa'o/ /rnam par nges pa rnam par bzhag pa ni ji skad du/ gal t e 'du byed kyis yongs su bsgos pa'i rnam par shes pa'i rgyun las ma 'ongs pa'i ming dang gzugs skye bar 'gyur na sems med pa'i snyoms par 'jug pa dang 'du shes med pa dag ni rgyun chad na yang 'du byed kyis bsgos pa'i rnam par shes pa ji ltar 'byung zhes rgyas par bstan pa'o/ /dgongs pa rnam par bzhag pa ni ji skad du gnas pas bstan to zhes rgyas par bstan pa'o/ /sa bon gyi rten rnam par bzhag pa ni ji skad du/ chos thams cad kyi sa bon gyi gnas gang yin pa'o zhes bstan pa'o/ /nye bar 'dzin pa rnam par bzhag pa ni ji skad du/ len pa ni rnam par shes pa yang de yin te zhes rgyas par bstan pa'o/ /lus kyi gzhi rnam par bzhag pa ni ji skad du/ rnam par smin pa'i rnam par shes pa yang/ de yin zhes rgyas par 'byung ba nas lus kyi dngos po de dang de'i rten nyid du rnam par smin zhes bstan pa'o/ /dmigs pa dang rnam pa rnam par bzhag pa ni ji skad du/ 'o na dmigs pa dang rnam pa ci yin/ dmigs pa dang rnam pa yongs su ma chad pa'o zhes bstan pa'o/ /bsdu ba rnam par bzhag pa na ji skad du nye bar len pa'i phung po gang gi nang du 'dus/ rnam par shes pa nye bar len pa'i phung por zhes bstan pa'o/ /rigs pa rnam par bzhag pa ni ji skad du kun gzhi rnam par shes pa med na zhes rgyas par bstan pa'o lung rnam par bzhag pa ni ji skad du/ mdo sde dang bstan bcos dang zhes bstan pa'o/ /khyab pa rnam par bzhag pa ni ji skad du/ srid pa'i gnas skabs la thug gi bar du zhes bstan pa'o/ /nges pa rnam par bzhag pa ni ji skad du/ ming dang gzungs gang du de 'phen par byed pa'i 'du byed kyi bsgos pa dang ldan pa'i phyir nus pa ma spyad pa yin la/ de'i ched du 'du byed kyi rkyen gyis rnam par shes pa'i yan lag rnam par bzhag gi gang du nus pa spyad pa ni ma yin no// zhes bstan pa'o/ /'bras bu rnam par bzhag pa ni ji skad du/ ci'i phyir srid pa bar ma'i ming dang gzugs kyi rkyen du rnam par shes pa mi bzhag /'du byed rnams ni skye ba'i ched du byas te/ 'jug pa yin pa'i phyir zhes rgyas par bstan pa yin no/ /rkyen gtso bor rnam par bzhag pa ni ji skad du/ las kyi bye brag gis de'i nus pa'i bye brag skye ba'i phyir ro zhes bstan pa'o/ /rnam par shes pa'i rab tu dbye ba rdzogs so// //ming gang zhe na zhes rgyas par 'byung ba ni/ rnam par shes pa'i rkyen gyis ming dang gzugs zhes gsungs pa la/ ming 'di ni 'jig rten dang/ gsung rab las sgra dang/ tshig bla dags yin no zhes grags so/ /gsung rab las gzugs can ma yin pa'i phung po bzhi yin par yang grags so/ /tshig bla dags tsam bsal ba'i phyir gsung rab nyid las gzugs can ma yin pa'i phung po bzhi ste zhes gsungs so/ /tshig bla dags ni mdo sde'i lugs kyis ngag gi ngo bo yin pa'i phyir gzugs su 'dus so/ /rnam par smras pa'i lugs kyis mi ldan pa'i 'du byed du bsdus pa yin pa'i phyir ming du 'dus pa yin no/ /mdo sde 'di las ni kun bsdus te/ rnam par shes pa'i rkyen gyis ming yin par dgongs kyi/ tshig bla dags tsam ni ma yin no/ /gzugs gang zhe na/ gang cung zad gzugs gang yin pa zhes rgyas par 'byung ba nges? ni 'byung ba dang 'byung ba las gyur pa ma gtogs pa'i gzugs yod pa ma yin no/ /zhes bstan to/ /de ltar re zhig rnam par shes pa'i rkyen gyis gzugs ni 'di lta ste 'byung ba rnams dang 'byung ba las yin zhes bya'o/ /'dir ni 'byung ba dang 'byung ba las gyur pas bsdus pa'i gzugs 'di thams cad rnam par shes pa'i rkyen gyis yin par nges par gzung bar bya ba ma yin no/ skye mched drug ma dod kyi bar du zhes bya ba ni 'di ltar rnam par shes pa'i rkyen gyis ming dang gzugs ni skye mched drug la thug gi bar du rnam par bzhag kyang/ skye mched drug man chad du ming dang gzugs dgag pa ni ma yin no/ /de nyid kyi phyir rnam par shes pa'i rkyen gyis ming dang gzugs zhes bya ste zhes smras te/ 'di ltar nges bsgos pa'i zhes rgyas par 'byung ba la/ 'di ltar gang gi phyir des bsgos pa'i bye brag gis zhes bya ba rnam par shes pa la 'du byed kyis bzhag pa'i bsgos pa'i bye brag gis/ ris mthun pa gzhan du ming dang gzugs do bye brag can du 'grub par 'gyur te/ 'jig rten sna tshogs las las skyes zhes 'byung ngo/ /de nyid kyi phyir bcom ldan 'das kyis skye ba'i rgyu ni las yin no/ /mngon par 'grub pa'i rgyu ni srid pa yin no zhes gsungs so/ /de la bde ba la sogs pa rnam pa gsum myong ba ni rtshor ba'o zhes bya ba ni bde ba dang sdug bsngal dang bde ba yang ma yin sdug bsngal yang ma yin pa myong ba ni myong par 'gyur ba ste/ bde ba dang sdug bsngal dang bde ba yang ma yin sdug bsngal yang ma yin pa'i tshor ba skyes pa ni nyams bde pa dang/ gdungs pa dang/ gnyi ga las rnam par grol ba'i yul yid kyis nyams su myong ba'o/ /dmigs pa'i mtshan ma 'dzin pa ni 'du shes te/ dmigs pa'i bye brag 'dzin pa zhes bya ba'i don gang yin pa ste/ dmigs pa ni gzugs la sogs pa'i sngon po dang ser po dang ring po dang thung ngu dang bud med dang skyes pa dang mdza' bo dang dgra dang bde ba dang sdug bsngal gyi bye brag 'dzin pa 'di ni 'du shes so/ /de las gzhan pa'i sems las byung ba'i chos rnams dang/ sems dang mtshungs par ldan pa ma yin pa'i 'du byed do/ /zhes bya ba ni tshor ba dang 'du shes de gnyis las gzhan pa de dag gang zhe na/ 'dun pa dang reg pa dang yid la byed pa dang blo dang dran pa la sogs pa'o/ /sems dang mtshungs par ldan pa ma yin pa ni thob pa la sogs pa'o/ /yul nye bar dmigs pa ni rnam par shes pa'o zhes bya ba la/ bye brag bor nas dngos po tsam la lta ba'o/ /'o na ni mig gi rnam par shes pas ni sngon po shes kyi sngon po'o snyam du ni ma yin no/ /yid kyi rnam par shes pas ni sngon po shes shing sngon po'o snyam du yang yin no zhes 'byung ba dang 'di 'gal bar 'gyur ro zhe na/ rnam par shes pas sngon po snyam du rnam par shes kyi zhes bya ba ni mtshungs par ldan pa yin te/ sems dang sems las byung ba rnams gnas dang/ dmigs pa dang/ rnam par mtshungs pa'i phyir te 'gal ba med do/ /mig la sogs pa'i rnam par shes pa'i tshogs dang mtshungs par ldan pa'i 'du shes ni gzhan pa yin pa'i phyir dang/ mig la sogs pa'i rnam par shes pa'i rnam pa'i rjes su byed pas na/ bye brag yongs su gcod pa ma yin no/ /de la kha cig na re cung zad shes pa ni rnam par shes pa ste/ cung zad zos pa bzhin no zhes bya ba ni/ ji ltar cung zad zos pa la chung du zos/ cung zad zos zhes bya ba bzhin no/ /mi bzang ba'i shes pa ni rnam par shes pa ste/ gzugs ngan pa bzhin no zhes bya ba ni ji ltar mi sdug pa'i gzugs la gzugs ngan pa zhes bya ba bzhin no/ /shes pa'i las nus pa med pa'i shes pa ni rnam par shes pa ste/ sems g.yengs pa bzhin no zhes bya ba ni ji ltar sems kyi las mi nus pa'i sems la sems g.yengs pa zhes bya ba bzhin no/ /yongs su ma rdzogs pa'i shes pa ni rnam par shes pa ste/ yan lag ma tshang ba bzhin no zhes bya ba ni ji ltar yan lag ma rdzogs pa la yan lag ma tshang ba zhes bya ba bzhin no/ /mi gsal ba'i shes pa ni rnam par shes pa ste/ kha zas ma zhu ba bzhin no zhes bya ba ni ji ltar gsal bar zhu bar ma gyur pa'i zas la zas ma zhu ba zhes bya ba bzhin no/ /de ltar byas na mig gi rnam par shes pa nas/ lus kyi rnam par shes pa'i bar du cung zad shes pa yin par thal bar 'gyur te/ bye brag yongs su mi gcod pa'i phyir ro nyon mongs pa can ni mi bzang pa yin par thal bar 'gyur te/ phyin ci log tu dmigs pa'i phyir ro/ /sems g.yengs pa'i shes pa ni las nus pa ma yin par thal bar 'gyur te/ 'khrugs pa yin pa'i phyir ro/ /yongs su ma rdzogs pa ni byis pa gzhon nu ma sogs pa yin te/ 'ga' zhig yongs su gcod pa'i phyir ro/ /mi bsal ba ni le lo dang rmugs pa dang gnyid la sogs pa dang mtshungs par ldan pa yin te/ de dag gis de dag gsal bar yongs su mi gcod pa'i phyir ro/ /de ltar 'dod na ni rnam par shes pa zhes bya ba ni shes pa'i bye brag kho na yin par 'gyur ro zhes bya ba ni ji skad du bstan pa de dag ni shes pa'i bye brag gzhan 'ga' zhig yin gyi sems ni ma yin no/ /ci nyes zhe na/ de'i phyir shes pa dang rnam par shes pa gnyis mtshungs par ldan par yang mi 'gyur ro zhes smras te/ rdzas mnyam pa nyid dang 'gal ba'i phyir te shes pa ni shes rab kyi rang bzhin yang yin/ rnam par shes pa yang yin pas so/ /rnam par shes pa nyid sems yin gyi/ rnam par shes pa sems las byung ba yin par mi 'grub ste/ rnam par shes pa'i mtshan nyid sems dang mtshungs par ldan pa ma yin pa'i phyir ro/ /shes pa zhes bya ba sems las byung ba'i chos kyang 'du byed kyi phung por bsdus par mi 'gyur ro zhes bya ba ni sems dang yid dang rnam par shes pa zhes bya ba ni rnam grangs yin pa'i phyir dang/ rnam par shes pa'i phung por bsdus pa yin pa'i phyir 'du byed kyi phung por bsdus pa 'thob pa ma yin no/ /shes pa'i rang gi ngo bo ni rnam par shes pa yin par 'gyur la de yang rnam par shes pa'i phung por yin te/ shes pa ni rnam par shes pa'i phung por bsdus par thal bar 'gyur ba dang/ 'di lta ste shes pa dang rnam par shes pa gnyis mtshungs par mi ldan pa dang/ shes pa zhes bya ba sems las 'byung ba'i chos kyang 'du byed kyi phung por bsdus par mi 'gyur la/ de lta bu grub pa mi grub pa'i mdza' yang ma yin no/ /de bas na shes pa las rnam par shes pa rigs pa gzhan yin zhes bya ste /sngon ma byung ba shes pa rnam par shes pa yin zhes bya ba ni med pa yin no zhes ston to/ /dper na bre las gzhal med khang dang zhes bya ba ni sngon ma byung ba bre nyid gzhal med khang yin no zhes nges par byar mi rung ste/ 'o na ci zhe na/ rigs tha dad pa nyid yin te/ snod gang gis 'jal ba de ni bre dang bre'u chung la sogs pa yin no/ /lha la sogs pa'i khang pa ni gzhal med khang ngo/ /mu tig gi chun po las gtsug lag khang lta bu'o zhes bya ba ci zhe na/ rigs tha dad pa yin no zhes skabs dang sbyar ro/ /ston ma byung ba mu tig gi chun po/ nyid gtsug lag khang yin pa med de/ mu tig gi chun po ni skud pas brgyus pa'i mu tig gi tshogs so/ /gtsug lag ni sdom brtson rnams kyi gnas yin no/ /ming dang gzugs zhes bya ba bstan zin to/ /'byung ba chen po bzhi ni sa dang chu dang me dang rlung gi khams rnams te zhes bya ba la khams smos pas ni kha dog dang dbyibs brtsal ba'i phyir ro/ /sra ba dang gsher ba dang dro ba dang g.yo ba'i mtshan nyid do zhes bya ba la sra ba ni sa'i khams so/ /gsher ba ni chu'i khams so/ /dro ba ni me'i khams so/ /g.yo ba ni rlung gi khams te/ gsum ni rang gi ngo bo nyid mtshan nyid du bstan te/ de mtshon par byed pas mtshan nyid do zhes bya ba'i phyir ro/ /rlung gi khams ni nye bar mtshon par byed pa'i mtshan nyid du bstan to/ /yang ba nyid kyi mtshan nyid ni rlung gi khams yin te/ de yang ba nyid yin pa'i phyir ro/ /yang ba nyid ni rgyur byas pa'i gzugs la yang yod de/ de bas na g.yo ba'i mtshan nyid ni rlung gi khams so zhes de'i las kyis bye brag tu byas te/ 'byung ba dang 'byung ba gyur pa 'dus pa rnams yul gzhan du phyin pa'i rgyu yin pa'i phyir ro/ /rgyur byas pa'i gzugs ni zhes rgyas par 'byung ba de la mig gi dbang po ni mig gi rnam par shes pa'i rten gzugs dang ba'o zhes bya ba nas lus kyi dbang po ni lus kyi rnam par shes pa'i rten gzugs dang ba'o zhes bya ba'i bar du'o/ /de'i yul yang zhes rgyas par 'byung ba la /de'i yul ni mig la sogs pa'i dbang po'i yul zhes bya ba'i don to// de la gzugs ni sngon po la sogs pa rnams bzhi dang/ de dag gi rnam pa dbye bar gyur pa gzhan yang ngo/ /kha cig ni gzugs rnam pa gnyis su brjod de kha dog dang dbyibs so/ /de la kha dog ni snga ma bzhin no/ /dbyibs? ni rnam pa brgyad de/ ring ba dang thung du dang gru bzhi dang kun tu dkyil 'khor dang/ phyal la? bam? yin pa dang/ mthon po dang/ dma' ba' o/ /mtshan nyid kyang yang rnam pa nyi shur brjod de/ ji ltar chos mngon pa'i mdzod las 'byung ba bzhin no/ sgra ni rnam pa brgyad de/ zin pa'i 'byung ba chen po'i rgyu las byung ba dang/ ma zin pa'i 'byung ba dang/ sems can du ston pa dang/ sems can du ston pa ma yin pa rnams yid du 'ong ba dang/ yid du 'ong ba ma yin pa'i dbye bas rnam pa brgyad do/ /dri ni bzhi ste/ dri zhim pa dang/ dri nga ba dang/ dri mnyam pa dang/ dri mi mnyam pa'o/ /kha cig gsum du brjod de/ dri zhim pa dang/ dri zhim pa ma yin pa dang tha mal pa'o/ /ro ni drug ste/ mngar ba dang/ skyur ba dang/ lan tshwa dang/ tsha ba dang/ kha ba dang/ bska ba'i dbye bas so/ /reg bya ni 'byung ba chen po bzhi ma gtogs par rnam par bdun te/ 'jam pa nyid dang rtsub pa nyid dang/ yang ba nyid dang/ dro ba nyid dang/ bkres pa dang/ skom pa'o/ /'byung ba chen po ma gtogs par zhes smos pa ni rgyur byas pa'i mtshan nyid kyi skabs yin pa'i phyir ro/ /yid kyi yul yang rnam par rig byed ma yin pa'o zhes bya ba ni chos kyi skye mched pa sdom pa la sogs pa'i gzugs so// 'dar lus kyi dbang po dang/ gzugs dang/ dri dang/ ro dang reg bya'i phyogs gcig yin par rig par bya'o zhes bya ba la rnam par shes pa'i rkyen gyis ming dang gzugs yin pa 'dir mig la sogs pa ni de'i tshe mngon par ma grub pa'i phyir ro/ /lus? kyi dbang po kho na yod ji gzhan ma yin no/ /sgra ni gnas skabs ma nges pa yin pa'i phyir gzugs dang/ dri dang/ ro nyi tshe ston gyi sgra ma yin no/ /de'i tshe bkres pa dang/ skom pa yang med pa'i phyir reg bya'i phyogs gcig smos pa yin no/ /gnyis gcig tu ston ba ni zhes bya ba ni ming dang gzugs ni ming dang gzugs so/ /gzhan du tshig sbyor ba'i rtog pa bsal ba'i phyir ro zhes bya ba ni ming dang mtshan nyid gzugs yin pas ming dang gzugs so zhes tshig sbyor na ni rnam par shes pa'i rkyen gyis ming tsam yin par nges par 'gyur gyi/ gzugs ni ma yin no/ /ming gi phyir gzugs dang ming gi gzugs so zhes tshig sbyor na ni gnas su gyur pa'i gzugs tsam zhig rnam par shes pa'i rkyen gyis yin par grags par 'gyur ro/ /ming gi gzhi la gzugs dang/ ming la gzugs dang/ ming gis gzugs zhes tshig sbyor ba ni de bzhin du gzugs tsam zhig grags par 'gyur ro/ /gzugs kyi ming 'di yin pas ming dang gzugs so zhes tshig sbyor ba dang/ ming las gzugs so zhe na/ ji ltar brjod par bya ji ltar na yang de las gzhan pa'i gzugs yin te/ de tsam zhig rnam par shes pa'i rkyen gyis yin par grags par 'gyur gyi ming ni ma yin no/ /skyes pa'i skad cig ma phyi ma rnams ming dang gzugs kyi rkyen gyis ming dang gzugs ma yin nam zhes rgyas par 'byung ba ni rgyun can yin la/ de la skad cig ma dang po kho na'i rkyen ni rnam par shes pa'i yin gyi/ skad cig pa gnyis pa rnams kyi ni ma yin no/ /de dag kyang snga ma la rten nas 'byung ba yin pas/ ming dang gzugs nyid kyi rkyen gyis ming dang gzugs ma yin nam/ ji ltar de dag rnam par shes pa'i rkyen gyis yin zhes bya zhe na/ rang gi rigs skad cig ma gzhan yan lag gi rkyen gyi dngos por ni 'dir brjod par bzhed pa na/ yin gyi zhes rgyas par 'byung ba la/ 'dir zhes bya ba ni rten cing 'brel par 'byung ba'i mdo sde 'dir? yan lag rnams kyi rang gi rigs rkyen gyi dngos por brjod par bzhed pa ma yin na ni skad cig ma gzhan rkyen gyi dngos por ma yin no/ /'o na ji lta bu zhe na/ rigs dang mi mthun pa rkyen gyi dngos por yin no/ /yang na rang gi rigs skad cig ma gzhan rkyen gyi dngos po ni rang gi rigs kyi skad cig ma gzhan gyi rkyen de'i dngos po ste/ rang gi rigs kyi skad cig ma gzhan gyi rkyen gyi dngos po'o/ /yang na rang gi rigs kyi skad cig ma gzhan la rkyen rnams kyi dngos po ni rang gi rigs skad cig ma gzhan rkyen gyi dngos po ste/ de 'dir brjod par bzhed pa ma yin no/ /de nyid kyi phyir khyad par can gyi rdzas gzhan rkyen gyi dngos por brjod par bzhed pa yin pas dang por skye ba nyid kyi rkyen yin par bstan gyi zhes bya ba ni khyad par can gyi rdzas gzhan rkyen gyi dngos por bzhag pa yin no/ /skyes pa'i rgyun gyi rkyen ni ma yin no zhes bya ba ni rang gi rigs kyi skad cig ma gzhan gyi rkyen gyi dngos por bzhag? pa ma yin no/ /de lta ma yin na ma rig pa yang ma rig pa'i rkyen yin par zhes rgyas par 'byung ba ni de lta ma yin te/ gal te skad cig ma gzhan gyi rkyen du rang gi rigs yin par brjod par bzhed bar gyur na ni/ ma rig pa yang ma rig pa'i rkyen yin pa brjod par bya dgos par 'gyur te/ 'di ltar ma rig pa thams cad ma rig pa'i rkyen yin te/ ji skad du ma rig pa'i rkyen ni rang gi rigs yin te/ rmongs pa kho na las de skye bar 'gyur ro zhes rgyas par gsungs pa yin no/ /rnam par shes pa yang rnam par shes pa'i rkyen yin par ci zhe na/ brjod par bya dgos par 'gyur zhes bya ba'o/ /gal te skad cig ma gzhan gyi yan lag gi rkyen rang gi rigs yin bar 'dir brjod par bzhed pas skad cig ma gnyis la sogs pa gzhan gyi rkyen ni rnam par shes pa nyid yin bas/ 'du byed kyis bsgos pa'i skad cig ma dang po ni 'og ma'i rkyen yin par brjod par bya dgos par 'gyur ro/ /yang na de lta ma yin na zhes bya ba ni gal te rgyun skye ba'i rkyen yin par brjod par bzhed na zhes bya ba yin no/ /'gyur bas na ming zhes bya ste zhes bya ba ni yongs su 'gyur zhes bya ba'i tha tshig go /de nyid kyi phyir/ dmigs pa dang rnam pa dang rab tu dbye ba'i bye brag gis rgyun mi 'chad bar de'i rgyun yongs su 'gyur pa'i phyir ro zhes smras te/ de la dmigs pa'i bye brag ni gzugs dang sgra dang dri dang ro dang reg bya dang chos rnams dmigs pa'i bye brag yin par rig par bya'o/ /rnam pa'i bye brag ni gzugs la sogs pa de dag nyid kyi sngon po dang ser po la sogs pa'i rnam pa'i bye brag zhes so/ /rab tu dbye ba'i bye brag ni chung ngu dang 'bring dang chen po'i rang gi ngo bo'i bye brag gis so/ /yang na dge ba dang/ mi dge ba dang/ lung du ma bstan pa'i bye brag gis yin par rig par bya'o/ /shi ste gzugs kyi lus por nas zhes rgyas par 'byung ba ni shi ste gzugs kyi lus 'di nyid bor ba skye ba gzhan gyi dngos por yongs su 'gyur ba yin no/ /ming gi rgyun la ni dad pa dang/ /tshul khrims dang/ thos ba dang/ gtong ba dang/ shes rab yongs su bsgos pas skye ba gzhan gyi dngos por yongs su 'gyur te/ de la yang srid kyi rgyu las dang nyon mongs pas yongs su bsgos pa'i phyir ro/ /yongs su 'gyur ba ni gzhan du skye ba yin par rig par bya'o/ /grangs can rnams kyi gnas pa'i rdzas kyi chos gzhan logs na chos gzhan 'byung ba ni yongs su 'gyur ba yin no zhes bya ba lta bur ma yin no/ /'o na yang sems dang mi ldan pa'i 'du byed tshig bla dags ming zhes rgyas par 'byung ba ni tshig gis ched du byas pa ni tshig bla dags yin te/ ji skad du ngag ni ming la brten pa yin ces bstan pa lta bu'o/ /yang na lhag pa'i tshig ni bla dags te/ ngag ni yid kyi brjod pa las gzhan yin pa'i phyir ro/ /ji skad du bstan pa zhes rgyas par 'byung ba ni phung po bzhi pa de dag ji skad du bstan pa ni 'das pa dang ma 'ongs pa'i dmigs pa gzhan bskal pa rnams la yang ming gis 'dud par byed pas ming zhes bya'o zhes bya ba yin te/ ming gis 'dud par byed pa ni gzhan du skye par byed ces bya ba'i tha tshig go /yang na 'dud par byed pa bzhin du 'dud par byed pas ste/ 'das pa dang ma 'ongs pa la sogs pa la gtod pa'i phyir te phyin par byed ces bya ba'i don gang yin pa'o/ /bskal pa rnams la yang zhes bya ba'i sgras ni de ltar byung ba nye ba'i dmigs pa la nges par byed pa ste/ gang du ming thos pa tsam gyis kyang mngon sum ma yin pa la yang rnam par shes pa skye zhes bya ba yin no// mig gi yul ni gzugs zhes 'jig rten na grags na zhes bya ba ni sngon po la sogs pa'o/ /'dir 'byung ba dang 'byung ba las gyur pa thams cad la ci'i phyir gzugs zhes bya ba zhe na zhes bya ba ni gsung rab 'dir ra ma/ rten cing 'brel par 'byung ba'i mdo sde 'dir gzugs gang yin pa ci yang rung ste/ de thams cad 'byung ba chen po bzhi dang/ 'byung ba chen po bzhi dag rgyur byas pa'o zhes bya ba la'o/ /de'i phyir gnod par gyur pa de bas na gzugs zhes mdo gzhan las bstan te zhes bya ba ni dge slong dag gnod par gyur pa de bas na gzugs nye bar len pa'i phung po zhes bya'o/ /cis gnod par gyur ce na/ lag pa'i 'dus te reg pa dang/ dbyug pa'i 'dus te reg pas kyang zhes rgyas par 'byung ba yin no gzugs zhes bya ba ni gnod par gyur pa zhes bya'o zhes bya ba ni rnam par gyur pa zhes bya ba'i don gang yin pa yin gyi/ sdug bsngal gyi tshor ba bskyed pas gnod par gyur pa ni ma yin no/ /nang pa gnyid ni ga la yod/ /zug rngus zug bzhin gnod par 'gyur gnod par 'gyur zhes bya bar mngon pa yin te/ ji ltar zug rngus zug pa bzhin du gnod par 'gyur zhes bya bar mngon pa yin no/ /'byung ba dang 'byung ba las gyur pa la cis gnod ce na zhes bya ba ni sems pa med pa la sdug bsngal gyi tshor ba med pa'i phyir ro zhes bsams pa'o/ /de'i phyir lag pa'i 'dus te reg pa la sogs pas gzhan du 'gyur bar byas pa'o zhes smras so/ /gzugs na spyod pa dag la ji ltar gnod par 'gyur ces bya ba ni de dag ni gsal ba yin ba'i phyir lag pa dang dbyug pa dang bong ba'i 'dus te reg pas rnam par gyur par byar mi nus so/ /de'i phyir de'i sa pa'i mes zhes smras te/ 'jig pa'i dus kyi tshe zhes bya bar rig par bya'o/ /sems can gyi grangs su gtogs pa la ji ltar yin te/ snod kyi 'jig rten nyid ni mes 'jig par 'gyur gyi/ sems can gyi 'jig rten ni ma yin te/ brdzus te skyes pa rnams la lus shi ba med pa'i phyir ro zhe na/ de nyid kyi phyir de nyid kyi mes zhes smras te/ ci zhe na/ gnod par byar nus zhes 'og nyid nas dag? dang snod kyi 'jig rten gyi grangs su gtogs pa'i gzugs de dag kyang/ gal te phrad na gnod par byar nus pa dag gzugs kyi mtshan nyid 'thob pa'i phyir gzugs zhes brjod do/ /mthu khyad par can dang? ldan pas gnod par nus pa'i phyir ro zhes bya ste/ khams gsum gyi 'dod chags dang bral ba rdzu 'phrul dang ldan pa zhes bya ba'i tha tshig go /ji ltar mes ji lta ba de bzhin du chu dang rlung gis kyang de dag 'jig pa'i dus kyi tshe gnod par 'gyur zhing gnod par byar yang nus pa'i phyir gzugs zhes bya'o/ /gnod par byar med pa yin yang zhes rgyas par 'byung ba ni bsam gtan bzhi pa'i sa pa dang/ bar ma do'i srid pa'i gzugs la sogs pa rnams gnod par byar med pa yin yang/ de'i rigs yin pa'i phyir te/ gnod par byar med du zin kyang gzugs kyi rigs yin pa'i phyir gzugs zhes bya'o/ /sangs rgyas kyi sprul pa bzhin no zhes bya ba ni ji ltar sangs rgyas kyi sprul pa rnams la gnod pa byar med du zin kyang de'i rigs yin pa'i phyir gzugs zhes bya'o/ /srid pa bar ma'i gzugs kyang mthu khyad par can dang ldan pas kyang gnod pa byar mi nus so/ /bsam gtan bzhi pa'i gzugs ni de dag bskal pas 'jig pa med pa'i phyir gnod par byar med du zin kyang de'i rigs yin pa'i phyir ro zhes bstan to/ /gzhan dag na re zhes bya ba ni gags byed pa yin no zhe'o zhes bya ba ni lag pa dang/ dbyug pa dang bod ba la sogs pas rang gi yul du 'byung ba'i gags byed pa'i mtshan nyid de thogs par byed pa ni gzugs yin gyi gnod pas ni ma yin no/ /de'i phyir tshigs su bcad pa de gnyis dang yang mi 'byor ba yin no zhes smras te/ gzugs kyi mtshan nyid kyi tshigs su bcad pa 'di gnyis po de ni nad pa gnyid ni ga la yod ces rgyas par 'byung ba dang/ 'dod pa skyes pa'i lus can de zhes rgyas par 'byung ba 'di gnyis dang 'di mi 'byor zhing mi mthun pa yin te/ zug rngus zug bzhin gnod par 'gyur zhes smras pas ni gags byed pa yin par khong du chud par byed pa ma yin no/ /'o na ci zhe na/ gnod par gyur pa yin no zhes khong du chud par byed pa yin no/ /gnyis pa yang de bzhin no/ /gang ba dang/ dro ba dang/ dgres pa la sogs pas kyang zhes bya ba ni/ sogs pa'i sgras rlung dang char pa la sogs pas kyang zhes bya ste ci zhe na/ gags byed do zhes byar mi rung ste/ rang gi yul du 'byung ba'i mtshan nyid bgegs byed pa med pa'i phyir ro/ /rnam par rig byed ma yin pa zhes rgyas par 'byung ba ni gang gi gnod par byed pa'i don ni gzugs kyi don yin pa de'i ni rnam par rig byed ma yin pa'i gzugs kyang gzugs yin par mi 'grub ste/ thogs pa med cing yul na mi gnas pa la ni lag pa la sogs pas byar med pa'i phyir ro/ /gang dag gi gags byed pa ni gzugs yin no zhes bya ba de'i yang mi 'grub ste/ yul na mi gnas pa la gags byed pa med pa'i phyir ro zhe na/ de'i phyir rnam par rig byed ma yin pa zhes bya ba rdzas gzhan du ni cung zad kyang yod pa ma yin gyi/ khas blangs pa dang chos nyid kyis zhes rgyas par 'byung ba ni khas blangs pas lus dang ngag ldog pa tsam so sor thar pa'i sdom pa zhes bya ba de nye bar btab pa'i phyir ro zhes bya ba'i phyir ro zhes bya ba'i don to/ /de bzhin du khas blangs pa tsam lus dang dag mi ldog pa tsam sdom pa ma yin pa zhes bya ba la nye bar btags pa'i phyir ro/ /chos nyid kyis kyang ci zhe na/ lus dang ngag ldog pa tsam bsam gtan dang zag pa med pa'i sdom pa zhes bya ba la de nye bar btags pa'i phyir ro/ /btags pa can de ni gzugs med pa nyid yin te/ mtshan nyid dang ldan pa ni ma yin no zhes bya ba ni btags pas grub pa ni btags pa can no/ /mtshan nyid mngon par grub pa ma yin pas mtshan nyid dang ldan pa ma yin no/ /gzugs yod pa la de btags pa yin pa'i phyir ro zhes bya ba ni lus kyi gzugs yod pa la rnam par rig byed ma yin pa btags pa'i phyir ro zhes bya ba'i don to/ /de nyid kyi phyir gzugs med pa'i khams na sdom pa dang/ sdom pa ma yin pa dang/ cig shos kyi rig byed ma yin pa'i gzugs btags pa med do/ /yang na gzugs yod pa la zhes bya ba ni lus dang ngag gi rnam par rig byed kyi gzugs la'o/ /de nyid kyi phyir lus dang ngag ldog pa dang/ ldog pa ma yin pa tsam la de nye bar btags pa'i phyir ro zhes smras so/ /rnam par rig byed ma yin pa la brjod par bya ba mang du yod de/ re zhig 'dir shin tu 'phros pa bzhag go zhes bya ba ni ji ltar brjod par bya ba mang ba de ltar las grub pa dang/ chos mngon pa'i mdzod las blta bar bya'o/ /ji ltar ming dang gzugs nyid yin par bstan zin to zhes bya ba ni rnam pa gang gis ming nyid yin pa ni ming ni mdud par byed pas ming zhes bya ba dang/ de bzhin du rnam pa gang gis gzugs ni gzugs nyid yin par bstan pa ni gnod par gyur pas gzugs zhes bya'o zhes bstan pa dag yin no/ /ci'i phyir phung po lnga la ming dang gzugs nyid du rnam par bzhag ce na zhes bya ba ni phung po dang khams dang skye mched la sogs pa rnam par bzhag pa thams cad ni sangs rgyas bcom ldan 'das kyi dgongs pa dang bcas pa yin te/ gdul bya'i spyod pa tha dad pa la bltos pa yin pa'i phyir ro/ /ji skad du/ rmongs dang dbang po 'dod gsum la/ /phung po la sogs rnams gsum bshad/ /ces bstan pa yin no// de bas na phung po lnga rnams ming gzugs nyid du rnam par bzhag pa 'di yang dgos pa dang bcas pa yin pas de'i dgos pa brjod par bya dgos te de bas na/ byis pa phal cher de gnyis la/ lus can dang lus su mngon pa'i nga rgyal byed par bstan pa'i phyir ro zhes smras te/ de gnyis la zhes bya ba ni ming dang gzugs gnyis la ste/ de la lus can la mngon pa'i nga rgyal byed pa ni ming la ste/ gang thob par byed pa dang/ mthong bar byed pa dang/ snom par byed pa dang/ ro myong bar byed pa dang/ reg par byed pa dang/ rnam par shes par byed pa 'am/ bde ba dang/ sdug bsngal bar sems pa de ni lus can la ste/ dran pa dang/ ngo shes pa dang/ dga' ba dang zhen pa dang/ rmongs pa ni lus 'di la gnas pa'i bdag yin par mngon pa'i nga rgyal byed pa'i phyir ro/ /lus la mngon pa'i nga rgyal byed pa ni zhes bya ba ni gzugs la 'di ni bdag 'di'i lus so/ /de yang 'di la brten pa yin no/ /zhes mngon pa'i nga rgyal byed pa'i phyir ro/ /ming sngar smos pa ni des gzugs gzung ba yin pa'i phyir ro zhes bya ba ni ming des gzugs la gzung ba yin pa'i phyir ro/ /ming gis gzugs gzung gi/ gzugs kyi sa ming ma yin no zhes bya bar 'di ji ltar nges par bya zhe na/ de'i phyir 'di ltar de la ni des bdag dang bdag gis zhes rgyas par smras te/ 'di ltar ming des bdag dang bdag gi'o zhes bdag dang bdag gir gzugs de la/ bdag gir byed do/ /yul na mi gnas pa'i ming gis ni bdag gi snyam pa la sogs par zhan pa la ma gtogs par gzhan du gzugs nye bar 'dzin par nus pas yin no/ /gzugs ni dmigs pa med pa'i phyir ming la de bzhin du 'dzin par nus pa ma yin pas so/ /des btang na yang rul bar 'gyur ro zhes bya ste/ ming des gzugs de btang na yang gang gi phyir de rul bar 'gyur ba de bas na yongs su skyong ba nyid gyis ma rul ba'i rgyu'i dngos po byed pas nges de gzung ba zhes bya'i ming gis gzugs btang ba'i gzugs la ni de ltar rnam par 'gyur bar 'gro bas de ni des gzung ba ma yin no/ /de'i dbang gis kyang bya ba dag la 'jug go zhes bya ba ni gnas pa dang/ 'gro ba dang khrus byed pa dang/ stan la 'dug pa dang/ zas za ba la sogs pa'i bya ba dag la ming gi dbang gis 'jug ste/ 'dun pa'i rjes su byed pa'i phyir ro/ /de ltar na 'dra? gdon mi za ba kho nar sgrub par byed pa'i don gyis na gzugs ni ming gis bsdus shing zin pa zhes bya'o/ /dper na grong khyer bzung ngo/ /rgyal srid 'byung ngo zhes bya ba bzhin no/ /'jig rten na yang ming 'dod pa'i rjes su gzugs byed pa yin no/ /ci'i phyir zhe na/ gang gi phyir 'dod pa'i mtshan nyid dag gzugs la yod pa ma yin pas gzugs kyi ming bzung zhes mi bya'o/ /de med par yang ris mthun pa gzhan du mngon par 'grub pa ma yin gyi zhes rgyas par 'byung ba ni ming de dag med par ni ris mthun pa gzhan du gzugs mngon par 'grub pa ma yin no/ /de'i phyir yang ming kho nas gzugs gzung ba yin te/ de yod na de yod pa yin pa'i phyir ro/ /gzugs ni med par yang gzugs med pa dag tu ming mngon par 'byung bar 'gyur bas de'i phyir ma zin pa yin no zhes ston to/ /ming ni rgyun la brten nas ris mthun pa gzhan dag tu zhes rgyas par 'byung ba ni ming gi rgyun la brten nas srid pa bar ma'i rgyun gyis ris mthun pa gzhan du sngon ma byung ba'i gzugs kyi rgyun len par byed kyi/ ris mthun pa'i gzugs kyi rgyun sngon? byung bas ji ltar ming gi rgyun bzhin du ris mthun pa gzhan du ming mngon par 'grub par byed pa ni ma yin no/ /de bas na ris mthun pa gzhan du sngon ma byung ba'i gzugs kyi rgyun ming gis len to zhes bya'o/ /gzugs kyi rgyun ni sngon ma byung ba'i ming gi rgyun len par byed pa ma yin no zhes bya ba ni sngon gyi ris mthun pa'i ming gi rgyun ni sngon bzhin du ris mthun pa gzhan du ming gi rgyu na rjes su 'jug go / de'i phyir yang ming nyid kyis gzugs gzung ba yin te/ 'dzin pa nyid kyi mtshan nyid yin pa'i phyir ro/ /'dzin par byed pa ni sngon gzung ba'i gzung bar bya ba bor nas de las gzhan pa sngon med pa 'dzin par byed do/ /gzugs ni gzung bar bya ba yin te/ gzung bar bya ba'i mtshan nyid yin pa'i phyir ro/ /de dag kyang sngar gzung ba ni 'dor la bsngon med pa ni len par byed do/ /gang yang 'byung ba rgyur byas pa'i gzugs skyes pa dag ces bya ba la/ rgyur byas pa'i gzugs ni mig la sogs pa dang/ gzugs la sogs pa'o/ /de dag ji ltar rnam par shes pa'i rkyen gyis yin zhe na zhes bya ba ni 'byung pa'i rkyen gyis de las gzhan pa rgyur byas pa de skyes pa'i phyir ro/ /gal te 'byung ba dang 'byung ba la brten pa'i gzugs rnams zhes rgyas par 'byung ba ni 'byung ba dang 'byung ba las gyur pa de dag thams cad spyir las kyis yongs su bsgos pa'i rnam par shes pa'i rkyen gyis skye ba yin gyi/ 'byung ba nyi tshes ni ma yin no/ /'dir smras pa/ 'o na ji ltar de dag 'byung ba las gyur pa zhes bya zhe na/ de'i phyir 'byung ba dang tha dad pa med par skye ba na 'byung ba las gyur pa zhes bya ste zhes smras so/ /de ni de dag tha dad pa med par ston pa ni/ de 'dzin pa dang 'phrog pa dang yongs su gyur na de 'dzin pa la sogs pa yod pa'i phyir ro zhes bya ba yin te/ 'byung ba bzung nas 'byung ba las gyur pa yang bzung ba'i phyir ro/ /'byung ba yongs su gyur na 'byung ba las gyur pa yang yongs su gyur pa'i phyir ro zhes bya ba yin no/ /re zhig 'jig rten na yang dbang po dang don gnyis las bde ba dang sdug bsngal skye ba dang zhes bya ba 'jig rten na grub pa yin te/ de yod na de yod pa'i phyir ro/ /de yang de gnyis las mtshan nyid mi mthun pa yin no/ /brdabs pa las sgra dang zhes bya ba ci zhe na/ skye zhes bya ba'i skabs dang sbyar te/ de yang de las mtshan nyid mi mthun pa yin no/ /rwa las 'dam bu dang zhes bya ba ni gal te rwa ni sa la sogs pa'i bdag nyid yid du yin kyang/ 'dam bu yang de 'dus pa yin pa'i phyir ro/ /de lta mod kyi rwa dang 'dam bu'i rigs ni tha dad pa yod do/ /me dang shing las bya ba dang zhes bya ba 'di la yang rigs tha dad pa yod pa yin te/ mi ni dro ba'i bdag nyid kyi me yin no/ /shing ni du ba ma yin gyi du ba'i rigs yin no/ /rdo thal dang chu las me dang zhes bya ba ci zhe na/ skye zhes bya ba'i skabs dang sbyar ro/ /'di la yang 'byung ba'i rigs tha dad pa'i phyir mtshan nyid mi mthun pa nyid grub pa yin te/ rdo thal dang chu gnyis 'byung ba gzhan yin pa'i phyir ro/ /klu'i sems kyi mthus chu dang zhes bya ba ci zhe na/ skye zhes bya ba'i skabs dang sbyar te/ chu ni klu la slong ngo zhes bya bar grub pa yin no/ / ting nge 'dzin gyi bye brag las lha'i mig dang rna ba zhes bya ba ni snang bar lhag par mos pa dang/ sgra mnyan pa'i rtsol ba rab tu sbyor ba'i phyir ro/ /sprul pa'i sems las sprul ba dang zhes bya ba ci zhe na gzugs med pa las kyang gzugs skye'o zhes bya ba'i skabs dang sbyar ro/ /rlung gi stobs 'chang ba la sogs pa rtse bar mngon par dga' ba las rlung dang char pa la sogs pa dang zhes bya ba la sogs pa zhes bya ba'i sgras 'brug gi stobs 'changs pa dang/ char pa'i stobs 'chang ba la sogs pa yang yin par rig par bya'o/ /klu'i sems kyi mthus chu'i zhes bya ba ci zhe na/ gzugs med pa las kyang gzugs skye'o zhes skabs dang sbyar te/ klu chen pos byin gyis brlabs pa'i mtsho ni skam par mi 'gyur ba yin no/ /gzugs las kyang gzugs med pa skye ba ni mig la sogs pa las/ rnam par shes pa'i tshogs lnga mtshungs par ldan pa dang bcas pa'o zhes bya ba ni sems las byung ba dang bcas z hes bya ba'i don gang yin pa'o mtshan nyid mi mthun pa las kyang yin pa ni dge ba dang mi dge ba la lung du ma bstan pa dang zhes bya ba ni dge ba dang mi dge ba'i sems ni lung du ma bstan pa las dge ba dang mi dge ba nyid kyis mtshan nyid mi mthun pa yin no/ /de gnyis las lung du ma bstan pa ni lung du ma bstan pa nyid kyis mtshan nyid mi mthun pa yin no/ /'dod ma chags pa las kyang 'dod chags skye ba dang zhes bya ba ni dbang po dang don dang/ tshul bzhin ma yin par yid la byed pa la sogs pa las so/ /'dod chags las kyang 'dod ma chags pa ste zhes bya ba ni sems pa dang ma rig pa la sogs pa'o/ /grangs can pa'i bstan bcos las kyang/ /de'i bdag nyid ma yin pa'i nga'o snyam pa las kyang chen po 'am zhes bya ba ni sgra'i bdag nyid ma yin pa las kyang zhes bya ba'i tha tshig go / snying stobs la sogs pa'i bdag nyid yin pas chen po 'am/ nga'o snyam pa yang sgra la sogs pa'i bdag nyid yin du zin kyang/ snying stobs dang rdul dang mun pa rnams la bye brag gang dang ldan pas sgra dang reg bya dang gzugs dang ro dang dri yin par brjod pa 'thob par 'gyur gyi/ de'i dag nyid chen po 'am nga'o snyam pa ni ma yin no/ /yang na chen po dang nga'o snyam pa de bye brag yod mod kyi/ 'on kyang chen po dang/ nga'o snyam pa las sgra la sogs pa mi 'byung ba ni ma yin te/ chen po dang nga'o snyam pa dag skye gnas yin par mthun pa'i phyir ro/ /rigs mi mthun pa rdzas dang las gnyis las yon tan skye ba dang zhes bya ba ni kun tu ldan pa dang bral ba de gnyis kyi rgyu ni 'du ba can yin pa'i phyir ro/ /'du ba can gyi rgyu ni kun tu ldan pa dang bral ba gnyis kyi rdzas yin no/ /'du ba can ma yin pa'i rgyu ni las yin no/ /rdzas ni las rnams 'du ba can gyi rgyu yin no/ /'bras can gyis phongs pa la sogs pa ni yon tan 'du ba can gyi rgyu ma yin no/ /yon tan gyi byed pa la ni yon tan can gyi byed pa yod pa yin pas rdzas ni las la sogs pa'i rgyun no/ /bdag dang dbang po dang yid dang don 'dus pa las bde ba dang sdug bsngal la sogs pa'o zhes bya ba ni rigs mthun pa'i yon tan skye zhes bya bar ston to/ /ji ltar mtshan nyid mi mthun pa'i rgyun las 'bras bu 'byung ba yin te/ de lta na ni thams cad las thams cad ci'i phyir mi 'byung zhe na zhes bya ba ni tha dad par bye brag med pa'i phyir ro/ /gang zhig rgyu dang rigs mthun pa de ni nges pa yin par rigs na thams cad ni thams cad dang rigs mthun pa ma yin no/ /dpe de dag nyid kyis re zhig mtshan nyid mi mthun pa'i rgyun las 'bras bu 'byung yang thams cad las thams cad 'byung ba ma yin no zhes bya ba de dag grub pa yin na 'di la dri bar bya ci dgos zhes bya ba la/ dpe de dag nyid kyis zhes bya ba ni ji skad du smos pa de dag gis zhes ston pa ni gang yang dbang po dang don gnyis las bde ba dang sdug bsngal skye ba dang/ brdabs pa las sgra dang me dang/ shing gnyis la du ba dang rdo thal dang chu gnyis las me dang zhes bya ba nas bdag dang dbang po dang yid dang d on tshogs pa las bde ba dang sdug bsngal la sogs pa yin no zhes bya ba'i bdug smos pa rnams kyis re zhig mtshan nyid mi mthun pa'i rgyu las 'bras bu 'byung yang thams cad las thams cad 'byung ba ma yin no zhes bya ba de dag grub pa yin te/ dbang po dang don gnyis las bde ba dang sdug bsngal yin par khams gsum du ma grags pa ma yin no zhes bya ba yin no/ /chos nyid kyis ces bya ba ni ngo bo nyid dang rang bzhin gyis zhes bya ba'i don gang yin pa'o/ /de bas na de gnyi gas kyang brgal du med do zhes bya ba ni re zhig rnam par shes pa'i rkyen gyis ming skye'o zhes bya ba ni rigs na gzugs mtshan nyid mi mthun pa dag rnam par shes pa las ji ltar skye zhes smras pa gang yin pa dang/ de ltar na 'o na thams cad las thams cad ci'i phyir mi 'byung zhes smras pa gang yin la/ de gnyi gas kyang brgal du med do/ /'dir yang rkyen dang rkyen can gnyis nges pa dang zhes rgyas par 'byung ba ni rkyen nges pa la skyon dang/ rkyen can nges pa dang/ gnyi ga nges pa dang ma nges pa yang skyon yin no zhes bya'o/ /rkyen nges pa'i dbang du byas te/ gal te rnam par shes pa kho na'i rkyen gyis ming dang gzugs yin na dga' ba'i kun 'byung ba las gzugs kun 'byung ba dang zhes bya ba'i mdo sde dang 'gal bar 'gyur ro/ /mdo sde ni 'og nas 'chad pa yin te/ dga' ba'i rkyen gyis kyang gzugs yin zhes bstan pa yin no/ /reg pa'i kun 'byung ba las shes zhes rgyas par 'byung ba ni rnam par shes pa ma gtogs par sems las byung ba thams cad kyi spyi'i rgyu yin pa'i phyir ming gi rkyen reg pa yin par bcom ldan 'das kyis bstan to/ /ming dang gzugs kun 'byung ba las rnam par shes pa kun 'byung ba zhes bya ba ni ming gi phyogs gcig tu byung ba rnam par shes pa ni ming dang gzugs kyi rkyen gyis yin par bstan te/ rkyen nges pa la ji skad du gsungs pa'i mdo sde dang 'gal ba yin no/ /rkyen can nges pa'i dbang du byas nas/ 'on te ming dang gzugs kho na rnam par shes pa'i rkyen gyis yin na ni brdzus te byung ba rnams la logs zhig na ming dang gzugs med pa'i phyir skye mched drug rnam par shes pa'i rkyen gyis ma yin par 'gyur ro zhes smras te/ brdzus te byung ba ni skye mched drug yongs su tshang ba kho nar cig car skye ba yin te/ de dag la skye mched drug ma gtogs par ming dang gzugs rnam par bzhag tu med do/ /de bas na rnam par shes pa'i rkyen gyis ming dang gzugs kyi yan lag rnam par bzhag par bya ba ma yin gyi/ /'o na ji ltar zhe na skye mched drug go /'on te de dag kyang ming dang gzugs tsam yin pas ming dang gzugs rnam par bzhag na ni 'o na ni ming dang gzugs kyi rkyen gyis skye mched drug ces bya bar brjod du med par 'gyur zhing rang gi rigs kyi skad cig ma gzhan gang yin pa rkyen yin par ni 'di las brjod par bzhed pa ma yin pa'i phyir ro/ /de ltar na rnam par shes pa'i 'bras bu gzhan yang yod pas rkyen can nges par rigs pa ma yin no/ / rnam par shes pa'i yan lag la yang gsum 'dus pa las reg pa ma yin par 'gyur ro/ /zhes bya ba ni rnam par shes pa'i yan lag rnam par bzhag pa'i dus su ming dang gzugs rnam par bzhag tu med pas reg pa ni de'i tshe ming ma yin la/ de yang gsum 'dus pa las byung ba yin zhing/ de'i rkyen kyang rnam par shes pa yin na ni ming dang gzugs kho na rnam par shes pa'i rkyen gyis yin gyi gzhan ma yin no zhes rkyen can nges par byed na rnam par shes pa ni reg pa de'i rkyen ma yin par 'gyur ro/ /'on te ma nges pa yin na ni bshad pa don med par 'gyur ro zhes bya ba ji lta bu zhe na/ gal te de zhig bstan pa'i don rgyu dang rkyen 'di dag yin na ni ming dang gzugs kyi rgyu thams cad brjod par bya dgos kyi/ rnam par shes pa 'ba' zhig ni ma yin no/ /'bras bu shes par bya ba'i phyir yin na ni rnam par shes pa'i 'bras bu thams cad brjod par bya ba yin gyi/ ming dang gzugs 'ba' zhig ni ma yin no/ /'on te gnyi ga ma yin pa shes par bya ba'i phyir yin na ni 'o na 'di dag ci'i phyir bstan te/ 'chad par byed pa dgos pa med pa'i phyir ro zhe na/ rnam par shes pa'i rkyen gyis ming dang gzugs shes bya ba ni ming dang gzugs kyi rkyen gtso bo'i dbang du byas te de skad bshad pa yin te/ rnam par shes pa kho na ming dang gzugs kyi rkyen yin no zhes rkyen gyi dbang du byas pa ma yin no/ /de'i bye brag gis zhes bya ba ni 'du byed kyis yongs su bsgos pa'i rnam par shes pa'i bye brag gis so/ /ris mthun pa de dag tha dad pa'i phyir ro zhes bya ba ni ming dang gzugs de'i ris mthun pa tha dad pa'i phyir zhes bya ba'i don te/ ming dang gzugs ni lha dang mi la sogs pa'i ris tha dad pa la bltos par bya ba ma yin no/ /'bras bu la dang nas la sogs pa'i myu gu tha dad pa ni sa bon gtso bor gyur pa bzhin no zhes bya ba ni ji ltar 'bras sa lu dang/ nas kyi myu gu tha dad pa la ni sa bon gtso bo yin te/ de thun mong ma yin pa'i phyir ro/ /sa la sogs pa ni ma yin te/ 'dra ba'i phyir ro/ /de bzhin du ming dang gzugs ris mthun pa tha dad pa dag 'du byed kyis yongs su bsgos pa'i rnam par shes pa'i bye brag gis 'gyur te/ skye ba'i rgyu ni las kyis yin pa'i phyir ro/ /'dir yang skye ba'i rim pa yongs su rdzogs pa brjod par bzhed pas zhes bya ba ni rten cing 'brel par 'byung ba 'di las yan lag bcu gnyis kyi mtshan nyid yin no/ /'dir skye mched drug gi rkyen gyi gtso bo yang rnam par shes pa ma yin no zhes bya ba ni rten cing 'brel par 'byung ba'i mdo sde 'di las ni brgyud pa'i tshul gyis gtso bo ma yin te/ bdag po'i rkyen yin no/ /brdzus te byung ba rnams kyi skye mched drug skye mched drug skye ba la ni rnam par shes pa gtso bo'i rkyen yin par grub pa yin no/ /khyad par du ni ming dang gzugs kyi yang ci zhe na/ rnam par gtan la dbab pa'i zla la nus mod kyi zhes bya ba yin no/ /rten cing 'brel par 'byung ba'i mdo sde 'dir rgyu dang 'bras bur 'brel pa'i gsung rab mdza' dag blangs te bshad par nus te/ gsung rab kyi ngo bo yul yin pa'i phyir ro/ /ming dang gzugs kyis bsdus pa'i don yang 'dir rnam pa bcur rnam par bzhag pa yin par rig par bya ste/ rang gi ngo bo rnam par bzhag pa ni ming dang gzugs kyi rang gi ngo bo brjod pa'i phyir ro/ /de la ming gi rang gi ngo bo rnam par bzhag pa ni tshor ba dang/ 'du shes dang/ 'du byed dang/ rnam par shes pa'i rang gi ngo bo brjod pa las rig par bya'o/ /gzugs kyi rang gi ngo bo rnam par bzhag pa ni sa la sogs pa'i rang gi ngo bo brjod pa las so/ /rab tu dbye ba rnam par bzhag pa ni ji skad du/ gzugs can ma yin pa'i phung po bzhi dang/ gzugs gang yin pa ci yang rung ste zhes rgyas par bstan pa'o/ /bsdus par rnam par bzhag pa ni ji skad du gzugs 'di dang snga ma'i ming de dag gcig tu bsdus nas zhes rgyas par bstan pa yin no/ /thog ma'i rkyen rnam par bzhag pa ni ji skad du/ rang gi rigs skad cig ma gzhan gyi rkyen gyi dngos po 'dir ma yin no/ /zhes rgyas par bstan pa'o/ /nges pa'i tshigs rnam par bzhag pa ji skad du mdud pas na ming zhes bya ba dang gnod par gyur pa de bas na gzugs yin no zhes bstan pa'o/ /rnam par bzhag pa'i dngos po rnam par bzhag pa ni ji skad du/ ci'i phyir phung po lnga rnams ming nyid du rnam par bzhag ce na zhes rgyas par bstan pa yin no/ /nye bar 'dzin pa rnam par bzhag pa ni ji skad du/ ming sngar smos pa ni des gzugs gzung ba'i phyir ro zhes rgyas par bstan pa yin no/ /rigs mi mthun pa rkyen yin par rnam par bzhag pa ni ji skad du/ mtshan nyid mi mthun pa'i rnam par shes pa las gzugs ji ltar skye zhes rgyas par bstan pa yin no/ /rkyen nges pa rnam par bzhag pa ni ji skad du/ de lta na 'o na thams cad las thams cad ci'i phyir ma yin pas mi 'byung zhes rgyas par byas nas chos nyid kyis rang gi ngo bo tha dad pa chos de dag gi nus pa tha dad pa yin no zhes bya ba'i bar du bstan pa yin no/ /gtso bo'i rkyen rnam par bzhag pa ni ji skad du/ de'i bye brag gis ris mthun pa de dag tha dad pa'i phyir ro zhes bstan pa yin no/ /ming dang gzugs rnam par dbye ba'o/ /skye mched drug gang zhe na zhes bya ba ni ming dang gzugs kyi rkyen gyis skye mched drug ces bstan pa de la skye mched drug kyang phyi dang nang rnam pa gnyis so/ /de bas na phyi rol gyi bsal ba'i phyir nang gi skye mched drug ste zhes rgyas par mdo sde ji lta ba bzhin no/ /drug nyid skye mched yin pas skye mched drug ste/ ji ltar sa gsum dang 'bras bu gsum dang/ tsha? ba gsum lta bu'o zhes bya ba ni ji ltar gsum nyid sa gsum dang/ gsum nyid tsha ba yin pas tsha ba gsum dang/ gsum nyid 'bras bu yin pas 'bras bu zhes bya ba de bzhin du dpe gsum po 'dis skye mched drug ces bya ba ni ming dang sgra nyid yin par bstan te/ gzhi gcig tu byas pa yang yin no/ /ming dang sgra yin pa de nyid kyi phyir mang po'i tshig tu ma yin te/ ji ltar shing tog a mra lnga dang bcu zhes bya ba lta bu'o/ /sgra sbyar ba bstan pa ni sgra sbyar ba gzhan du rtog pa bsal ba'i phyir te/ drug gi skye mched ni skye mched drug go /zhes sgra rsbyar na sni drug gi gnas tsam zhig yin par grags par 'gyur ba 'am/ yid kyi skye mched tsam zhig yin par grags par 'gyur te/ de yang rnam par shes pa'i tshogs drug ni skye ba'i sgo'i don gyis skye mched yin no// drug gis skye mched ni skye mched drug go zhes sgra sbyar na ni drug gis zhes bya ba yang gang yin/ skye mched kyang gang yin/ rtogs par bya ba ci yin pa nges par ma zin pas de tsam ni ming dang gzugs kyi rkyen gyis ma yin no/ /drug las skye mched dam/ drug tu skye mched ces sgra sbyar na ni drug kyang nges par byar med la/ de las dang de dag tu skye mched ces bya ba gzhan ci zhig yin pa brjod par bya dgos so/ /de tsam yang ming dang gzugs kyi rkyen gyis ma yin no/ /drug dang skye mched dang zhes sgra sbyar na ni gzhan drug dang skye mched bcu gnyis su nges par 'gyur te/ drug dang skye mched tsam ni ming dang gzugs kyi rkyen gyis yin par 'dod pa yang ma yin no/ /skye mched drug rnams de ni 'di'i yin pas 'di ni skye mched drug go / zhes sgra sbyar na ni skye mched drug la ma gtogs pa sems can zhes bya ba'i dngos po grags par 'gyur ba dang/ sems dang sems las byung ba 'am/ sems las byung ba'i rgyun tsam grags par 'gyur te/ de yang ming dang gzugs kyi rkyen gyis yin par dgongs pa yin no/ /skye mched rnams so zhes mang po'i tshig phyung nas sgra sbyar na ni skye mched drug rnams so zhes bya ba 'grub par 'gyur te/ ji ltar rtsa ba lnga rnams so zhes bya ba lta bu'o/ /bdag yod pa ma yin na ji ltar na nang gi zhes bya zhe na/ de'i phyir 'di dag la bdag tu nga rgyal skyed par byed bas bdag ni so so'i lus dang sems kyi rgyun yin te/ de'i dbang du byas pa yin pas na zhes bya'o zhes rgyas par smos so/ /'di dag la bdag tu nga rgyal skyed par byed pas bdag go zhes bya ba ni nges pa'i tshig gi tshul gyis so/ /de gang zhe na de'i phyir so so'i lus dang sems kyi rgyun yin te smras so/ /bdag de'i dbang du byas ched du byas te nang zhes bya'o/ /der byung ba zhes bya ba ni nang dor byung ba'i skye mched gang yin pa ste/ skye mched drug de ni nang gi zhes bya'o/ /rgyu mtshan gyi bdun pa yin pa'i phyir ro zhes bya ba ni der 'byung ba zhes bya ba bdun pa gang yin pa'i bdun pa de ni rgyu mtshan gyi bdun pa yin pa'i phyir ro/ /ji lta zhe na/ de'i phyir byung ba dang/ de'i rgyu mtshan du byung ba las der byung ba zhes bya ba yin no/ /gzugs la sogs pa ni ma yin te/ gzhan gyi rnam par shes pa'i rgyu dang thun mong yin pa'i phyir ro zhes bya ba la gzugs la sogs pa ni nang gi skye mched ma yin te/ 'di ltar de ni gzhan dag gi rnam par shes pa'i rgyu dang thun mong yin pa dang skye mched kyang ngo/ /yang na nang nyid nang gi yin te/ rnam par gdul bar bya ba la sogs pa bzhin no zhes bya ba ni bdag gi ched du byas pa'i skye mched gang yin pa de ni nang gi zhes bya ste/ ji ltar bud med kyi ched du byas pa gang yin pa de ni bud med kyi chad du yin pa bzhin no/ /nang nyid nang gi yin te/ /de ni rang gi don nyid yin par ston pa de yin no/ /ji lta gdul bya nyid gdul bar bya ba yin pa dang/ tshul bzang nyid tshul bzang ba pa yin pa dang/ dam tshig nyid dam tshig pa yin pa dang/ bye brag nyid bye brag pa yin pa bzhin no/ /de ltar byas na der byung ba zhes bya ba yang brjod dgos par 'gyur ro/ /bdag gi sgra lhag par sngar byas pa 'am zhes bya ba ji lta bu zhe na/ bdag tu nga rgyal lhag par 'di nyid la skyed pa'i so so'i lus dang sems kyi rgyun ni nges pa'i tshig gi yul gyis nang yin no/ /de'i dgos pa yin pa de'i ched yin pa dang/ so so'i lus dang sems kyi rgyun gyi don yin pa dang/ de skye ba'i rgyun gyi rgyun mtshan ni nang gi zhes bya ba yin no/ /de ltar byas na bdag gi ched du zhes bya ba yang brjod par ma dgongs par 'gyur ro/ /phyi rol ni de las gzhan yin no zhes bya ba ni nang gi mtshan nyid ji skad du bstan pa de las zhes bya ba'i tha tshig go / 'byung ba'i don ni skye mched kyi don te zhes bya ba ni 'di nas 'gro bas na skye zhes bya ba 'byung zhes bya bar mngon pa yin no/ /rgyas pas na mched pa ste/ rgya cher gyur ces bya ba'i tha tshig go /skye ba nyid mched pa yin pas skye mched do yang na 'ong bas na skye zhes bya ste/ 'byung ba zhes bya ba'i don gang yin pa'o/ /'byung ba de mched bar byed pas skye mched de 'bras bu'i rgyun 'byung bar byed ces bya ba'i don gang yin pa'o/ /de ltar na 'byung ba'i don ni skye mched kyi don yin no zhes bya ba yin no/ /gzhan dag na re sgo'i don yin te zhes bya ba ci zhe na/ skye mched kyi don to zhes bya ba'i skabs dang sbyar ro/ /de dag gis phyi rol rnams gang gi sgo yin par brjod par bya dgos so zhes bya ba ni skye mched sgo'i don yin par smra ba de dag gis phyi rol gzugs la sogs pa rnams gang zhig mthong bar bya ba'i phyir sgo zhes brjod par bya dgos so/ gzhan dag ni mig gis gzugs yin pas gzugs rnams mthong bar bya ba'i phyir mig sgo yin par ni rigs na gzugs ni gang zhig mthong bar bya ba'i phyir gang gi sgo yin/ de nyid de nyid kyis mthong bar byed pa'i phyir sgo yin par ni rigs pa ma yin no/ /don ni rgyu'i rnam grangs kyi sgra yin pa'i phyir sgo'i sgra ni gzugs mthong ba'i rgyu yin pa'i phyir gzugs rnams mthong bar bya ba'i phyir sgo gzugs yin no zhes bstan pa yin no/ /de ltar byas na 'byung ba'i don nyid skye mched kyi don yin no zhes smras pa yin pas deng la ci gnod/ sgra la sogs pa la yang de bzhin sbyar ro/ /gzhan dag na re gnas kyi don yin te/ lha'i skye mched bzhin no zhes bya ba ni ji ltar lha'i gnas la lha'i skye mched ces bya ba bzhin no/ /mig gnyis las rnam par shes pa gcig skye na de'i gnas gang yin zhes bya ba ni mig gnyi ga yang skye mched yin pa'i phyir dang/ gnyi ga yang rgyu gtso bo yin pa'i phyir mig gi rnam par shes pa de'i gnas gcig yin par ni 'grub par mi 'gyur ro/ /de'i phyir gnyis ka yin no zhes rgyas par smras te/ gnyi ga yang mig gi rnam par shes pa de'i gnas yin no zhe na/ bar na de med pa'i phyir zhes bya ba mig de med pa'i phyir zhes bya ba'i don te/ rnam par shes pa yang rnam pa gnyis su 'gyur te/ de'i rnam par shes pa rnam pa gnyis su 'gyur ro zhes bya ba'i tha tshig go /yang na de yang de'i gnas yin no zhes bya ba ni de'i bar na yang yod na ni rnam pa thams cad du rnam par shes pa cha shas dang bcas pa yin par 'gyur te/ bye brag ba yan lag can smra ba dag dang mthun pa'i phyir ro/ /gcig pa dum la brten par smra ba 'di yang ngo mtshar che'o/ /gnyi ga las gcig skye ba ma yin no zhe na yang zhes bya ba ni 'o na te 'di snyams du mig gi rnam par shes pa gcig ming gnyi ga las skye ba ma yin no snyam na de yang mi rung ste gnyis kyis zhes rgyas par 'byung ba yin te/ mig gnyis kyis na shin tu gsal ba yin te/ mthong ba shin tu gsal ces bya ba'i don gang yin pa'o/ /gcig gis ni gsal ba ma yin par mngon sum du grub pa yin no/ /de bas na gcig gis rims kyis mthong ba ma yin no/ /mig phye ba dang phyed btsums pa gnyis kyis cig car zhes rgyas par 'byung ba ni mig gcig phye ba dang/ gcig phyed btsums pa ni mig phye ba dang phyed btsums pa ste/ gal te gcig nas mthong ba yin na ya cig phye ba dang ya cig phyed btsums pa de gnyis kyis/ cig char dus gcig tu zla ba gnyis la sogs pa mthong bar mi 'gyur ro/ /ji ltar mig? gnyi ga phye bas cig car du ma yin pa dang/ gnyi ga phyed btsums pas cig car du ma yin pa bzhin no/ /gnyi ga 'byung ba yang yod de de bas na de lta bu yin na ni de'i rgyu yin no zhes nges par byar rung ngo/ /phyi rol gyis ma zin pa rnams kyang zhes rgyas par 'byung ba ni phyi rol gyi gzugs la sogs pa ma zin pa rnams kyang ji ltar gnas nyid yin gang gi phyir gnas kyi don gyis de dag skye mched ces ba rjod par byed/ ma zin pa smos pas ni dbang po dang/ lhan cig 'dug pa gsal ba'i phyir te/ de dag dbang po dang lhan cig 'dug pa'i phyir gnas kyi don ni skye mched kyi don te zhes bya bar 'grub po/ /yid kyi rnam par shes pa dang dus mi mtshungs pa'i yid dang chos gnyis kyang ji ltar gnas nyid yin zhes bya ba'i skabs yin no/ /yod la dus mtshungs pa yin na ni gnas la gnas pa po gnas so zhes mngon du 'grub pa yin na yid ni 'das ma thag pa yin pas yod pa ma yin no chos ni 'das pa dang ma 'ongs pa yin pas yod pa ma yin na ji ltar de la yid kyi rnam par shes pa gnas pa yin/ lha'i gnas bzhin du mig la sogs pa ni gnas nyid ma yin te zhes bya ba ni dper na ma zin pa rnams skye mched nyid yin pa dang/ yid dang chos gnyis kyang skye mched yin par 'dod pa bzhin no/ /lus can ma yin zhing gzugs can ma yin pa'i chos rnams kyi gnas zhes rgyas par 'byung ba la/ lus can ma yin pa ni lus med pa'o/ /gzugs can ma yin pa ni gzugs kyi mtshan nyid kyi lus las bye brag tu gyur ba'o/ /lus can ma yin pa la ni de dag gi rang gi mtshan nyid kyi lus med pa ma yin no/ /de nyid kyi phyir dgu brgya pa las gsungs pa yin no/ /de bas na lus can ma yin zhing gzugs can ma yin pa'i chos rnams kyi gnas rnam par bzhag par nus pa ma yin no/ /'o na bdag gi glang pa'i phyed du tshor ro/ /bdag gi glang ba'i phyed du tshor ro zhes bya ba 'di ji ltar yongs su gcod ce na zhes rgyas par 'byung ba la/ lus kyi phyogs de dag na de yod pa'i yul las zhes bya ba ni lus kyi phyogs de dag las zhes bya ba'i tha tshig go / de skye ba'i phyir ro zhes bya ba ni tshor ba de skye ba'i phyir ci zhe na/ bdag gi glang par tshor ro bdag gi glang ba'i phyed du tshor ro/ /zhes yongs su gcod par byed do/ /'di ni de lta bu kho na yin te zhes rgyas par 'byung ba ni nad can gyi lus kyi phyogs la lag pa'i sor mo'i rtse mo'o ma/ gzhan gang yang rung bas ma bzung bar tshor ba'i rang bzhin yongs su gcod pa med do/ /de bas na rnam pa de dag gis ni lus kyi phyogs de dag na de yod pa'i yul las de skye ba'i phyir tshor ba'i yul yongs su gcod par mngon pa'i nga rgyal byed do/ /zhes bya ba grub pa yin no/ /'dis ni nad can gyi lus kyi phyogs na de gnas pa ni lag pa la sogs pa'i yul yin par bsgrubs pa yin no/ /rgyu la yang gnas zhes bya ba ni gnas kyi don nyid skye mched kyi don yin la/ gnas kyi don yang 'dir rgyu'i don yin no zhes ston par byed kyi/ gnas kyi don lha'i gnas lta bu ni ma yin no gnas kyi don rgyu'i don yin par ji ltar gang du mthong zhe na/ ji skad du tshigs su bcad pa las/ bden par smra zhing khro mi byed/ /slong la chung yang sbyin par byed/ /rnam pa'i de gsum gnas kyis ni/ lha yi nang du skye bar 'gyur// zhes gsungs te/ rgyu 'di gsum gyis zhes bya bar mngon pa yin no/ /rnam par shes pa'i tshogs drug rnams skye ba mched par byed pas skye mched de zhes bya ba ni rgya cher byed ces bya ba'i don gang yin pa'o/ /de nyid kyi phyir de skye ba'i rgyun gyi rgyu yin pa'i phyir ro zhes smras te/ rnam par shes pa'i tshogs drug skye ba'i rgyun gyi rgyu yin pa'i phyir zhes bya ba'i don to/ /de skye ba'i rgyun ni rgyas pa dang/ 'ong ba dang skye ba'o/ /rnam par shes pa'i tshogs drug skye ba ni de'i rgyun rgyas pa yin no/ /de'i phyir rgyun gyis rgyu yin pa'i phyir rnam par shes pa'i tshogs rnams skye ba mched par byed pas skye mched do zhes bya ba ni nges pa'i tshig yin no/ /de la gzugs dang sgra dang dri dang ro dang reg bya yul gzugs dang ba'i bye brag mi ba la sogs pa lnga go rim bzhin no zhes bya ba 'di la gzugs la sogs pa yul zhes bya ba 'dis ni gzugs kyi skye mched du dad pa bsdus par 'gyur ba bsal ba yin te/ 'di dag ni gzugs la sogs pa yul ma yin no zhes nges par bya'o/ /go rim bzhin no zhes bya ba yang ji lta bu zhe na/ gzugs la sogs pa lnga dang mig la sogs pa lnga nyid go rim bzhin du bya bar nus pa yin no/ /bye brag smos pa ni yul dang 'dres par 'gyur ba bsal ba'i phyir ro/ /gzugs dang po nyid kyi bye brag kyang de dag la yod pa yin te/ dad ba'i bye brag can kha cig gi yul ni gzugs yin/ kha cig gi yul ni sgra'o/ /de bzhin du dri dang ro dang reg bya yul yin no/ /de dag kyang rang gi yul la dmigs par byed par yod do/ /zhes bya ba ni yid ches pa'i lung dang rigs pas nges par byar rung ste/ ji skad du mig gi dbang po gang zhe na/ mig gi rnam par shes pa'i rten ni gzigs dang pa'o zhes bya ba rgyas par 'byung ba dang/ ming dang gzugs la brten nas mig gi rnam par shes pa skye ba nas lus dang reg bya la brten nas lus kyi rnam par shes pa skye'o zhes bya ba'i bar du gsungs pa thams cad yin te/ long ba la sogs pa la gzugs la sogs pa mthong ba med pa'i phyir gzugs la sogs pa'i yul la gzugs dang pa'i bye brag mig la sogs pa yod do zhes bya ba 'grub pa yin no/ /ci'i phyir 'di las reg bya yul zhes rgyas par 'byung ba ni ci'i phyir rten cing 'brel par 'byung ba'i mdo sde 'di las reg bya yul dang ba'i bye brag lus zhes bya ba ste/ ji ltar lus la lus zhes bya ba bzhin du gzugs la sogs pa yul dang ba'i bye brag mig la sogs pa ni lus zhes ma bstan la/ ji ltar na 'di las yul reg bya dang ba'i bye brag lus yin no zhes bstan te/ lus kyi skye mched ces gsungs pa'i phyir ro zhe na/ de'i phyir lus la khyab pa nyid kyi phyir zhes smras te/ 'di ltar lus 'di ni lus kyi mtshan nyid la khyab par gnas pa yin gyi mig la sogs pa ni ma yin no/ /de bas na gnas ni gnas pa la bstan pa 'am/ lus bzhin du gnas yin pas lus kyi skye mched ces bya'o/ /rdul phra mo bsags pa'i bye brag can yin pa'i phyir ro zhes bya ba ni ci zhe na/ lus yin no zhes bya'o/ /mig la sogs pa brten kyang rdul phra mo bsags pa yin mod kyi/ 'di ni rdul phra mo bsags pa bye brag can yin no/ /bye brag can nyid ni phal che ba'i phyir ro/ /khyad par du gyur ba 'dis ni bsags pa gang yin pa de lus yin par 'di las gsungs pa yin no zhes ston pa yin gyi/ thams cad dam mig la sogs pa thams cad ni bsags pa'i don gyis lus shes mi bya'o/ /bye brag tu bya ba'i phyir ni mig gi skye mched dang zhes bya ba nas lce'i skye mched dang zhes bya ba'i bar du bye brag gi ming ston to/ /de bas na bye brag du yang byas pa yin la/ lus kyi ming yang yin pa de ni nyid kyis bye brag tu byed pa ni lus kyi skye mched ces bya'o/ /gang gi tshe lus kyi tshor ba zhes ston pa de'i tshe ni mig la sogs pa lnga la yang ming lus zhes bya'o/ /ci'i phyir zhe na/ de'i phyir re re yang rdul phra mo bsags pa yin ba'i phyir dang zhes smras te/ mig la sogs pa la bya bar mngon te/ bsags pa'i don gyis lus zhes brjod pa ni thun mong gi tshig yin pa'i phyir ro/ /lus la gnas pa nyid kyi phyir ro zhes bya ba ni sngar char yang ming lus zhes bya ba'i skabs dang sbyar te/ gnas ni gnas pa la nye bar btags pa'i phyir ro/ /de nyid kyi phyir gnas pa la gnas 'dogs pa yang yod do/ /khri'u smra ba dang ri 'dzag pa dang zhes smras te/ khri'u steng? na mi 'dug pa la khri'u nye bar btags nas 'di skad du khri'u smra'o zhes bya ba dang/ ri la yod pa'i chu la rir? nye bar btags nas ri 'dzag go zhes zer yang ri 'dzag pa ni ma yin no/ /byams ba dang ldan pa'i sems kyis phyogs gcig la mos par byas nas zhes bya ba 'dir yang phyogs gcig na gnas pa'i srog chags la phyogs gcig gi sgrar bstan pa yin te/ byams pas sems can la dmigs pa'i phyir ro/ /skye mched lnga bstan zin to/ /drug pa yid kyi skye mched rjod par byed pa ni/ yid kyi skye mched kyi phung po'i nang du ni rnam par shes pa'i phung po gang yin pa'o zhes bya ba ni rnam par shes pa'i tshogs drug gi mtshan nyid do/ /khams kyi nang du ni yid kyi khams gang yin pa rnam par bzhag pa dang/ rnam par shes pa'i khams drug go /de ltar byas na rnam par shes pa drug gi mtshan nyid ni yid kyi skye mched du bstan pa yin no/ /de dag la gzhan gang zhig yid kyi khams yin zhe na zhes bya ba ni rnam par shes pa'i khams drug de dag las zhes bya ba'i tha tshig go/ gzhan ni gang yang med gyi de dag gang yin pa nyid ces rgyas par 'byung ba ni ji skad du/ drug pa 'das ma thag pa yi/ /rnam shes gang yin de yod do zhes ston to/ /rnam par shes pa drug pa yi gnas bstan pa'i phyir ro zhes bya ba ni mig la sogs pa'i rnam par shes pa'i gnas ni mig la sogs pa lnga pa nyid go rim bzhin du yin na drug pa yid kyi rnam par shes pa'i gnas ni rnam par shes pa'i tshogs drug lam gtogs par yod pa ma yin pas de'i gnas bstan par bya ba'i phyir drug po 'das ma thag pa de dag nyid yid kyi khams yan par rnam par bzhag ste/ ji skad du chos mngon pa'i mdzod las/ drug pa'i gnas ni grub bya'i phyir/ /khams ni bcwa brgyad rnams su dran zhes ston to/ /de lta yin du zin kyang ming dang gzugs kyi skye mched drug yod pa ma yin na zhes bya ba ni ming dang gzugs kyi gnas skabs na mngal du nges par 'chi ba rnams kyi'o/ /skye mched drug thams cad kyi dang po ni ming dang gzugs kyi rkyen gyis yin par nges par bya'o zhes bya ba ni brdzus te byung ba rnams kyi skye mched drug gi dang po ni ming dang gzungs kyi rkyen gyis ma yin na ji ltar 'di skad du thams cad kyi zhes smra bar byed ce na/ 'dir ni skye ba'i rim pa yongs su rdzogs pa'i dbang du byas te bstan pa yin no/ /dang po ni zhes bya ba ni skad cig ma dang po'o/ /skad cig ma gnyis pa la sogs pa gzhan ni skye mched drug gi rkyen gyis skye mched drug nyid yin pas so/ /ming dang gzugs thams cad skye mched drug gi rkyen ma yin no zhes bya ba ci zhen nges par bya'o/ /zhes bya ba'i skabs dang sbyar ro/ /'dis ni ming dang gzugs kyi gnas skabs nyid du nges par 'chi ba rnams kyi ming dang gzugs ni skye mched drug gi rkyen nyid ma yin par bstan pa yin no/ /sprin las char la sogs pa bzhin du zhes bya ba ni dper na char pa thams cad ni sprin gyi rkyen gyis yin par nges pa yin gyi/ sprin thams cad char pa'i rkyen ni ma yin no/ /'bras bu thams cad me tog gi rkyen gyis yin te/ me tog las byung ba'i 'bras bu'i dbang du byas pa yin gyi/ me tog thams cad 'bras bu'i rkyen ni ma yin no/ /nar nar bo thams cad nur nur po'i rkyen gyis yin par nges pa yin te/ mngal gyis bsdus pa'i nar nar po ni nur nur po'i rkyen gyis yin par nges pa yin te/ mngal? gyis bsdus pa'i nur nur po'i dbang du byas pa yin no/ /nur nur po thams cad ni nar nar bo'i rkyen ma yin te/ de dag bzhin no/ /ji ltar de'i rkyen gyis skye mched drug yin zhe na zhes bya ba ni ming dang gzugs kyi rkyen gyis skye mched bzhi ni de'i rkyen gyis yin par brjod par bya dgos te/ lus dang yid kyi skye mched gnyis ni ming dang gzugs kyi gnas skabs nyid na yod pa yin pa'i phyir ro/ /mngon par 'grub pa dang yongs su rdzogs pa'i rkyen yin pa'i phyir ji ltar rigs par sbyar te zhes bya ba ni ji ltar 'os par sbyar ro/ /ji ltar yin zhe na/ mig la sogs pa mngon par 'grub pa'i rkyen yin pa'i phyir dang/ lus dang yid kyi skye mched gnyis yongs su rdzogs pa'i rkyen yin pa'i phyir ro/ /re zhig mig la sogs pa mngon par 'grub pa'i rkyen ming dang gzugs yin pa ni grub pa yin te/ mig la sogs pa sngar med pa'i phyir ro/ /lus dang yid kyi skye mched yongs su rdzogs pa'i rkyen ji ltar yin zhe na/ de'i phyir/ mig la sogs pa mngon par 'grub pa'i gnas skabs na ni zhes rgyas bar smras so/ /bzhi? po de la gnas pa yongs su rdzogs pa'i phyir zhes bya ba ni mig la sogs pa rnams lus kyi skye mched la gnas pa'i phyir ro zhes bya ba'i tha tshig go / mig la sogs pa ni lus kyi phyogs kyi 'byung ba chen po la brten pa yin gyi lus kyi skye mched la brten pa ni ma yin te/ 'byung ba las gyur pa ni 'byung ba las gyur pa la brten pa ni ma yin gyi/ 'o na ci zhe na 'byung ba la brten pa yin na/ bzhi po de dag la brten pa'i phyir ro zhes bya ba ji ltar brjod ce na/ de'i phyir de dang 'brel bar 'jug pa yin pa'i phyir ro zhes smras te/ mig la sogs pa ni lus kyi skye mched dang 'brel par 'jug pa nyid yin pa gzung nas zhes bya ba'i don gang yin pa ste/ lus kyi skye mched ma lus par 'gags pa la mig la sogs pa gnas pa med pa'i phyir ro/ /yid kyi skye mched yongs su rdzogs pa yin te/ gnas yongs su rdzogs pa'i phyir ro/ /zhes bya ba ni mig la sogs pa ni yin gyi skye mched kyi gnas yin no/ /de dag kyang de'i tshe yongs su rdzogs pa yin no/ /yid kyi skye mched kyang gnas yongs su rdzogs pa de'i tshe kho na yongs su rdzogs pa yin te/ mdza' dag yin pa'i phyir ro/ /de nyid kyi phyir rnam par shes pa drug gis bsdus pa yin gyi skye mched kyi gnas pa de'i tshe yongs su rdzogs pa yin no zhes smras so/ /de ltar ma bstan na ni zhes rgyas par 'byung ba ji ltar ma bstan zhe na/ ming dang gzugs kyi rkyen gyis skye mched drug ces bya bar ro/ /skye mched bzhi'i skabs yin pa'i phyir dang zhes bya ba ni de skad du ma brjod na ming dang gzugs kyi rkyen gyis skye mched bzhi skye mched bzhi'i rkyen gyis reg pa zhes de skad du brjod par bya dgos par 'gyur ro/ /ci'i phyir zhe na /skye mched bzhi'i skabs la bab pa yin pas skye mched drug gi rkyen gyis reg pa zhes brjod par nus pa ma yin te/ skye mched drug gi skabs med pa'i phyir ro/ /reg pa'i gnas yongs su ma rdzogs par bstan pa yin pa'i phyir ro zhes bya ba ni gnas skye mched drug ni skye mched bzhi'i mtshan nyid du gyur pa'i skyon 'di 'dir yod pas so/ /reg pa gang zhe na/ reg pa'i tshogs drug go zhes bya ba 'di yang brjod par nus pa ma yin no/ /zhes bya ba ni reg pa'i yan lag rnam par dbye ba'i dbang du byas nas skye mched bzhi bstan pa yin pa'i phyir ston pa'i tshe reg pa'i tshogs bzhi'o zhes brjod par bya dgos par 'gyur ro/ /de nyid kyi phyir mngon par grub pa dang/ yongs su rdzogs pa mdza' dag gi rkyen nyid yin pa'i phyir zhes bya ba ji ltar rigs pa yin no/ /gtso bo'i rgyu bstan pa'i phyir te/ ji skad du sngar bstan pa yin no zhes bya ba ni rnam par shes pa'i yan lag gi tshe thun mong dang thun mong ma yin pa'i phyir ro zhes rgyas par 'byung ba yin no/ /chos mngon pa'i mdzod las kyang/ /de gyur na ni rnam 'gyur phyir/ /mig la sogs pa gnas yin no zhes bstan pa yin te/ der yang gtso bo'i rgyu'i don nyid gnas kyi don yin par yongs su bstan te/ 'bras bu ni gtso bo'i rgyu rnam par 'gyur ba'i rjes su byed pa yin pa'i phyir ro/ /kha cig rtog pa ming dang gzugs kyi gnas skabs na zhes rgyas par 'byung ba ni gal te nying mtshams sbyor ba'i skad cig ma nas brtsams te/ ming dang gzugs kyi gnas skabs na/ lus kyi skye mched dang yid kyi skye mched yod do zhes smra ba gang yin pa de'i lan du ming dang gzugs kyi gnas skabs na lus yod kyang lus kyi skye mched ma yin la/ yid yod kyang yid kyi skye mched ma yin no zhes bya ba yin na/ /reg pa'i gnas kyi? skye mched zhes bya ba yin zhes bya ba ni ming la sogs pa'i skye mched nyid yin par gtan tshigs ston pa ni mdo sde las/ reg pa'i skye mched ces gsungs pa'i phyir ro/ /de bas na ming dang gzugs kyi gnas skabs na de gnyis skye mched ma yin te/ reg pa med pa'i phyir ro/ /'dir skye mched yin pa'i ming dang gzugs rkyen yin par brjod par bzhed pas skye mched drug ni de'i rkyen gyis yin no zhes bya'o/ /reg pa ni de'i tshe yod pa ma yin no zhes bya ba ni ming dang gzugs kyi gnas skabs na'o/ /mdo sde 'di nyid las zhes bya ba ni rten cing 'brel par 'byung ba ni mdo sde 'di las yin te/ 'di las/ ni skye mched drug gi rkyen gyis reg pa zhes skye mched drug gi 'og tu reg pa bstan gyi sngar ni ma yin no/ /de ni khungs su mi rung ste gsungs pa de ni dgongs pa can yin pa'i phyir ro zhes bya ba ni 'di ltar gong? nyid du skye mched drug gi rkyen nyid du ming dang gzugs la bsams te/ mngon par grub pa dang yongs su rdzogs pa'i rkyen yin pa'i phyir ji ltar rigs par yin no zhes nged kyis bstan zin to/ /'dis ni skye mched drug ni reg pa'i rkyen nyid yin par bsams pas smras pa yin te/ gnas yongs su rdzogs na de'i tshe reg pa yongs su rdzogs pa yin no/ /ming dang gzugs kyi gnas skabs na reg pa med pa ni ma yin no/ /gal te yang de'i tshe reg pa med par gyur na zhes rgyas par 'byung ba ni gal te yang ming dang gzugs kyi gnas skabs na de'i tshe/ reg pa med par gyur na tshor ba la sogs pa yang med par 'gyur te/ tshor ba la sogs pa'i rkyen reg pa yin pa'i phyir ro// //rten cing 'brel par 'byung ba'i dang po dang rnam par dbye ba bstan pa rgya cher 'grel pa/ bam po bdun pa/ tshor ba'i phung po gang yin pa dang/ 'du shes kyi phung po dang/ 'du byed kyi phung po gang yin pa de thams cad reg pa la brten nas yin no zhes mdo sde las gsungs pa'i phyir ro/ /tshor ba la sogs pa med na nyes pa ci yod ce na/ de'i phyir rnam par shes pa'i rkyen gyis ming dang gzugs zhes bya ba'i ming gang zhe na/ gzugs can ma yin pa'i phung po bzhi ste zhes bstan pa 'di dang yang 'gal bar 'gyur ro zhes smras so/ /ming dang gzugs kyi gnas skabs na tshor ba la sogs pa med na ni ji ltar na ming phung po bzhi yin te/ de phung po gcig yin par 'gyur te/ rnam par shes pa tsam yod pa'i phyir ro/ /yang na gal te sems dang ldan pa ma yin pa yod na ni phung po gnyis yin te/ de dag 'du byed kyi phung pos bsdus pa'i phyir ro/ /mig mdza' dag la dgongs nas de skad du rnam par phye ba yin no zhe na yang zhes bya ba der 'di snyam du tshe gcig ril mdza' dag gi ming la dgongs nas ming gang zhe na gzugs can ma yin pa'i phung po bzhi'o zhes de skad du rnam par phye ba yin no zhe na/ mi rung ste skye mched drug gi rkyen du gyur pa'i ming dang gzugs 'dir brjod par bzhed pa'i phyir yin gyi/ tshe mdza' dag gi ming la dgongs nas de skad du rnam par phye ba ni ma yin te/ 'di ltar rten cing 'brel par 'byung ba'i mdo sde 'di las skye mched drug gi rkyen du gyur pa'i ming dang gzugs brjod par bzhed pa yin gyi gzhan ni ma yin no/ /tshe mdza' dag gi ming dang gzugs kyang skye mched drug gi rkyen ma yin pas de rnam par phye ba 'di ma yin par bya'o/ /ci'i phyir ming gzugs zhe na/ 'di rnam par shes pa'i rkyen gyis ming dang gzugs zhes brjod par bzhed pa'i phyir ro/ /'di ltar kha cig ni tshe mdza' dag gi ming d ang gzugs ni rnam par shes pa'i rkyen gyis yin par 'dod do 'dir yang 'di la dgongs pa yin gyi zhes bya ba ni phung po bzhi pa'i ming dang gzugs bstan pa 'dir yang ming mdza' dag la dgongs nas de skad du rnam par phye ba yin no zhes bya ba 'di la dgongs pa yin no/ /skye mched drug gi tshig de la dgongs pa ma yin no zhes bya ba ni 'di skad du mngon par 'grub pa dang yongs su rdzogs pa'i rkyen yin pa'i phyir ji ltar rigs par yin no zhes gang smras pa de la dgongs pa ma yin no/ /ming mdza' dag la dgongs nas de ltar rnam phye ba yin no zhes de la dgongs pa yin na ni dgongs pa 'di ldog par 'gyur te/ sngar ming dang gzugs kyi gnas skabs nyid na skye mched gnyis yod pa de bas na reg pa yang yod pa'i phyir tshor ba la sogs pa yang yod pa yin pas ming dang gzugs kyis bsdus pa nyid yin gyi de lta ma yin na ming phung po bzhi par ji ltar 'grub par 'gyur / de la gtan tshigs ci yod ces smras pa'i gtan tshigs ni/ rgyu chen po'i rnam grangs las mdza' dag smos pa'i phyir ro zhes smras te/ 'di ltar rgyu chen pa'i rnam grangs las tshe gcig ma lus pa mdza' dag gi rnam par shes pa'i rkyen gyis ming dang gzugs smos pa yin te/ ji lta zhe na/ gal te khye'u 'am bu ma'i rnam par shes pa chang cing zhigs te med par gyur na de'i ming dang gzugs rgya che ba dang 'phel ba dang/ yangs par 'gyur ram zhes bya ba yin no zhe na/ gzhan du de rnam par bzhag pa'i phyogs de ni lan btab zin te/ ji skad du rnam par shes pa'i yan lag rnam par dbye ba las de 'du byed kyi rkyen gyis rnam par shes pa la dgongs nas bstan pa yin no zhes rgyas par smras pa yin no/ /gzhan yang gal te reg pa'i snga rol du sems las byung ba 'am zhes rgyas par 'byung ba ni gal te reg pa'i snga rol du de'i gnas skabs ni mang dang gzugs kyi gnas skabs na/ sems las byung ba tshor ba la sogs pa yod pa ma yin zhing mi ldan pa srog gi dbang po la sogs pa'i rdzas yod pa ma yin na de'i tshe 'du byed kyis yongs su bsgos pa'i rnam par shes pa'i rkyen gyis ming phung po bzhi pa gang zhig yin pa brjod pas bya dgos te nur nur po la sogs pa'i gnas skabs na reg pa med na yang tshor ba la sogs pa yang yod pa ma yin no/ /reg pa'i 'og tu yang ming ji ltar yin rnam pa gang gis ming phung po bzhi po yod par 'gyur/ rgyu chen po'i rnam grangs las mdza' dag smos pa'i phyir ro zhes smras pa gang yin pa der yang ming dang gzugs ma gtogs par rnam par shes pa yod par bya dgos shing/ rnam par shes pa la ma gtogs par yang phung po lnga pa'i ming dang gzugs yod par bya dgos na tshor ba la sogs pa dang mtshungs par ldan pa'i rnam par shes pa'i phung po bzhi pa yin no zhes brjod pa yang rigs pa ma yin te/ de'i rkyen med pa'i phyir dang/ ming nyid ming gi rkyen ma yin zhing rnam par shes pa yang rnam par shes pa'i rkyen ma yin pa'i phyir ro/ /de bas na gnyis po de 'dod par byos shig ces bya ba ni gang gi phyir de ltar reg pa'i snga rol du ming yod pa ma yin te/ nur nur po la sogs pa'i gnas skabs na reg pa med pa'i phyir ro/ /reg pa'i 'og tu yang tshor ba la sogs pa'i gnas skabs na phung po bzhi pa'i ming yod par mi 'gyur te/ ming dang gzugs la ma tshogs pa'i rnam par shes pa med pa'i phyir ro/ /de bas na de gnyis ni 'dod par bya dgos pa ni 'di lta ste reg pa'i snga rol ming dang gzugs kyi gnas skabs na reg pa dang reg pa'i 'og tu tshor ba la sogs pa'i gnas skabs na kun gzhi rnam par shes pa'o/ /de ltar byas na cir 'gyur ce na/ nur nur po la sogs pa'i gnas skabs na ming 'grub par 'gyur ro/ /reg pa'i 'og tu yang tshor ba la sogs pa'i gnas skabs na phung po bzhi pa'i ming 'grub par 'gyur ro/ /de ltar byas nas gang yang rgyu chen po'i rnam grangs las nam ma sha'i bar du ming dang gzugs ni rnam par shes pa'i rkyen gyis yin no zhes bya ba de rung bar 'gyur te/ phung po bzhi pa'i ming la ma gtogs par kun gzhi rnam par shes pa yod pa'i phyir ro/ /de las skyes pa'i tshor ba dang 'du shes dang 'du byed dang rnam par shes pa 'di ni ming yin te zhes rgyas par 'byung ba ni lus kyi bdag nyid nur nur po de las skye ba'am der skyes pas na de las skyes pa zhes bya ste/ nur nur po'i gnas skabs na reg pa yod pa'i khungs ni mdo sde 'di yin te/ reg pa med par tshor ba la sogs pa yod pa ma yin no/ /de ltar na ni lus dang yid gnyis kyang skye mched nyid yin par de'i tshe 'grub par 'gyur ro/ /yang gsungs pa de de'i dus kyi tshe dbang po gsum 'thob par 'gyur te zhes rgyas par 'byung ba ni mngal du 'jug pa'i mdo sde de nyid las yang gsungs pa nur nur po la sogs pa'i gnas skabs de'i dus kyi tshe nges dbang po gsum 'thob pa ni lus kyi dbang po dang/ yid kyi dbang po dang srog gi gi dbang po ste/ de ni skye mched drug gnang du 'dus pa'i dbang po dang yid kyi dbang po dag gzhi dang bcas pa'i dbang du byas te zhes bya ba ni gnyi ga'i gzhi yang srog gi dbang po gang yin pa yin te/ de la brten te 'jug pa nyid yin pa'i phyir ro// de lta ma yin na don gyi tshul med pa'i phyir ro/ /zhes bya ba ni de'i tshe tshor ba btang snyoms kyi dbang po yod du zin kyang dbang po 'di gsum kho na bstan pa ni 'di'i don gyi tshul rnam pa gzhan du mi srid pa'i phyir ro/ /ci'i phyir skye mched drug gi nang du 'dus pa kho na bstan gyi gzhan ma yin zhe na/ ming dang gzugs kyi 'og tu skye mched drug kho na skye ba yin gyi gzhan ma yin pas so/ /dge 'dun phal chen sde pa dga' 'don pa/ rmongs pa dang ni sred pa dag ces rgyas par 'byung ba ni rmongs pa dang/ sred pa gnyi ga yang ma spangs pa nyid yin te/ de las skyes pa'i las kyi rnam par smin pa ni ma'i mngal du gnas pa yin no/ /sems las byung ba'i chos gang yin pa de dag ni ming yin par bstan te/ 'di ni nur nur po'i gnas skabs na reg pa ji ltar yod pa'i khungs 'dir yin no/ /de gnyi ga yang zhes bya ba ni mngal du 'jug pa'i mdo sde dang/ gnas brtan gyi mdo sde'o/ /kye ma rang gi lta ba mchog tu 'dzin pa la gnas pa dag ces bya ba ni rang gi lta ba la mchog tu 'dzin pa ni rang gi lta ba mchog tu 'dzin pa'o/ /de la gnas pa'i dang tshul yod pa gang dag yin pa zhes sbyar ro/ /nyi tshe ba tha dad pa de dag gi lung dang zhes rgyas par 'byung ba ni nyi tshe ba tha dad pa dag gi lung dang/ 'don pa tha dad pa rnams gal te bsdus pa'i rtsa ba nyams pa ma yin na ji ltar lung tha dad pa dang/ 'don pa tha dad par 'gyur zhes bya ba yin no/ /so so'i lung tha dad pa de dag la kha cig gis mdo sde rnams sdud pa dag kyang smras pa yin no zhes bya ba ni 'di'i phyir yang bsdus pa'i rtsa ba nyams pa yin par mngon pa yin no/ /'di ltar bshad pa chen po las tshig rnam pa gsum gsungs te/ chos nyid dang mi 'gal ba dang zhes bya ba ni rten cing 'brel par 'byung ba'i chos nyid 'di lta ste 'di yod na 'di 'byung 'di skyes pas 'di skye ba ste zhes bya ba 'am chos kyi phyag rgya'o/ /gsum po 'di bston par ji ltar byas she na/ dge slong de la 'di skad du smra'o/ /tshe dang ldan pa bdag gis ni chos 'di dang 'dul ba 'di dang ston pa'i bstan pa 'di bcom ldan 'das las thos/ mngon sum du gzung ba yin no/ /de dag gis smras pa/ de ni spro bar bya ba ma yin nam/ dor bar bya ba yang ma yin no/ /spro bar yang ma byed/ 'dor bar yang ma byed par rnam pa gtad pa'i phyir tshig dang yi ge zung cig / mdo sde la 'jug par bya 'dul ba mthong bar bya'o/ /gal te mdo sde la zhugs 'dul ba bsten no/ mdo sde las mi 'byung/ 'dul ba la mi snang/ chos nyid dang yang 'gal bar 'gyur na dge slong de la 'di skad ces bya'o/ /tshe dang ldan pa chos 'di dag ni bcom ldan 'das kyis nges par bka' stsal na tshe dang ldan pas ni log par zin to zhes rgyas par 'byung ngo/ /tshe dang ldan pa'i ched kyi la sogs pa dang/ tshe dang ldan pa'i ched ka dang dga' ba'i mdo sde la sogs pa'o/ /ming dang gzugs kyi gnas skabs na lus dang yid gnyis skye mched ma yin pa'i phyir skye mched bcu gnyis kyis thams cad bsdus pa ma yin par thal bar 'gyur ba'i phyir dang zhes bya ba ni ming gzugs kyi gnas skabs kyi lus dang yid gnyis skye mched ma yin pa'i phyir dang/ lus ni skye mched gzugs can gyi nang du 'dus par nus pa ma yin te/ lus kyi dbang po'i rdul phra rab rnams ni mig la sogs pa'i dbang po'i rdul phra rab rnams las mtshan nyid tha dad pa'i phyir ro/ /yid de yang yid kyi skye mched dang/ chos kyi skye mched ma yin te/ re zhig yid kyi skye mched kyi nang du ni 'dus pa ma yin te/ skye mched ma yin pa'i phyir ro/ /chos kyi skye mched kyi nang du ni mtshan nyid tha dad pa'i phyir ro/ / rjes su 'gro ba la yang de skad du brjod de zhes rgyas par 'byung ba ni/ 'on te yang 'di snyams du rjes su 'gro ba dang/ de'i rgyu la yang de skad du brjod de zhes bya ba ni skye mched kyi rjes su 'gro ba dang sa bon la zhes bya ba'i don gang yin pa'o// lus dang yid de gnyis kyang lus kyi skye mched dang/ yid kyi skye mched kyi rjes su 'gro ba yin pas na de skad du brjod pa 'thob pa yin no/ /ji lta zhe na/ ma btab pa'i sa bon bzhin te/ dper na ma btab pa'i sa bon ni re zhig myu gu mngon du skyed par byed pa'i sa bon ma yin no/ /'on kyang de'i rjes su 'gro ba yin pa'i phyir de yang sa bon yin no zhes bya ba de bzhin no zhe na/ mig la sogs pa mngon par grub pa yang zhes rgyas par 'byung ba ni de lta yin na ni mig la sogs pa skye mched drug mngon par grub pa yang reg pa med na skye mched ma yin par 'gyur te/ gang gi tshe mig la sogs pa gcig kho na zhig rnam par shes pa dang bcas pa yin na ni de kho na reg pa'i skye mched yin par 'gyur gyi lhag ma lnga ni de'i tshe reg pa med pas de'i skye mched nyid yin par mi 'gyur te/ ji ltar nur nur po la sogs pa'i gnas skabs kyi lus dang yid bzhin no/ /nus pa yin pa'i phyir de'i skye mched y in na ni zhes bya ba ni 'on te 'di snyams du reg pa med du zin kyang reg pa de skyed par nus pa'i phyir de'i skye mched yin no zhe na yang de lta bu de ni yod mod kyi ming dang gzugs kyi gnas skabs na lus dang yid gnyis kyis reg pa skyed par sngar gang gis nus pa med par 'gyur/ gang gis ni skye mched yin par mi 'dod ces bya ba 'di ni brjod par bya dgos so/ /zhan pas so zhe na yang zhes bya ba ni 'on te 'di snyam du de gnyis zhan pa yin pas sngar nus pa nyid med do snyam na de'i phyir zhan pa ni zhan pa la nus pa yin te zhes smras te/ lus zhan pa dang yid zhan pa ni reg pa zhan pa la nus pa yod do/ /ji ltar yid zhan pa ni yid kyi rnam par shes pa zhan pa la de'i tshe nus pa bzhin no/ /yid kyi skye mched dang yid la byed pa med par ji ltar yid kyi rnam par shes pa 'byung bar 'gyur zhes bya ba ni ming dang gzugs kyi gnas skabs de'i tshe yid kyi skye mched dang yid mngon par 'du byed pa ni yod pa yin te/ reg pa med pa'i phyir ro/ /'dir yid kyi skye mched yin par skye mched kyi dbang du byas te/ rjes su 'gro ba la yang de sked ces bya ste zhes de dag gis lan btab pa yin no/ /yid mngon par 'du byed pa'i dbang du byas nas yid kyi rnam par shes pa goms pa'i 'jug pa rnyed pa ni de skyed pa yid la byed pa yin gyi zhes bya ba ni 'jug pa rnyed pa de yang reg pa'i rkyen gyis ni ma yin pas de bas na de'i tshe reg pa mi 'grub po/ /ma yin te mdo sde gzhan las yid la byed pa'i dmigs pa dang zhes rgyas par 'byung ba la de ltar ni ma yin te/ mdo sde gzhan las yid la byed pa'i dmigs pa yang bstan pa'i phyir ro/ /rnam pa yang bstan pa'i phyir ro/ /yongs su bcad par bya ba yang bstan pa'i phyir ro/ /chos mngon par khong du chud par 'dod pas nye bar len pa'i phung po lnga rnams la zhes rgyas par 'byung ba ni 'dir yid la byed pa'i dmigs pa dang rnam pa yang bstan pa yin te/ dmigs pa ni nye bar len pa'i phung po lnga'o/ /rnam pa ni sdug bsngal ba'i rnam pa ste/ nad? yin par yid la bya'o/ /zhes gsungs pa'i phyir ro/ /yang na nad nyid rnam pa yin no/ /chos 'di dag bdag gis yid la byed pa na zhes rgyas par 'byung ba 'dir ni skye ba dang dmigs pa yang bstan te/ chos 'di dag bdag gis yid la byed pa na zhes gsungs pa'i phyir dang dmigs pa ni/ 'dod pa'i zag pa byung ba 'byung bar 'gyur ro zhes bya ba yin no/ /skye ba yang bstan te de dag dang mtshungs par ldan pa yin pa'i phyir ro/ /'di ltar tshul bzhin ma yin par yid la byed pa na ci bdag 'das pa'i dus na byung ba zhig gam zhes rgyas par 'byung ba de la 'das pa ni dmigs pa yin par bstan te/ /byung ba zhig gam zhes bya ba ni rnam pa'o/ /'di yid la byed cing 'di yid la mi byed par zhes rgyas par 'byung ba der yang dmigs pa dang rnam par stan te/ gzugs la tshul bzhin du yid la byed pa zhes gsungs pa'i phyir ro/ /dge slong dge ngan pa yang dge byang chub kyi yan lag la zhes rgyas par 'byung ba la/ yid la byed pa shes par 'gyur ro zhes bya ba ni yid la byed pa la yongs su gcod pa nus so zhes bya ba'i don gang yin pa ste/ shin tu dran pa nye bar gnas pa'i phyir ro/ /yid la byed pa ni yongs su bcad par bya ba yin par bstan to/ /'di lta ni 'jug pa rnyed pa de bskyed pa'i ched du 'dod pa bzhin byed pa 'ga' yang med do/ /kha cig tu rtsol ba ni yid la byed pa yin no zhes rgyas par 'byung ba ni 'on te yang 'di snyam du kha cig tu ni rtsol ba ni yid la byed pa yin te/ gang du dmigs pa dang rnam pa la sogs pa yongs su chod pa'o/ /kha cig tu ni 'jug pa rnyed pa ste/ gang du de yongs su mi chod pa'o/ /de'i phyir kha cig tu gang rtsol ba ni yid la byed pa yin kha cig tu ni 'jug pa rnyed pa'o zhes bya ba 'di la rigs pa ci yod ces smras so/ /rtsol ba med na rnam par shes pa de skye bar mi 'gyur ro zhe na yang zhes bya ba ni 'on te yang khyod nyid la rigs pa brjod par bya ste/ dmigs pa gang la gang gi rtsol ba yod pa ma yin pa de'i rtsol ba med na rnam par shes pa skye bar mi 'gyur ba ni dmigs pa de la rnam par shes pa skye bar mi 'gyur ba ni dmigs pa de la rnam par shes pa skye ba med do zhes bya ba'i don gang yin pa'o/ /gang gi tshe dmigs pa gzhan la rtsol ba bya ba las de las gzhan pa'i dmigs pa la rnam par shes pa skyes pa'i tshe rtsol ba med par skye ba yin pas de'i phyir/ de 'gal ba med de yid la byed pa ni de bskyed par byed pa yin la de rtsol ba med pa yang yin no zhes sngar shes par byas so zhes smras te/ de 'gal ba med de zhes bya ba ni dmigs pa de la rnam par shes pa skye ba 'gal ba med pa yin no/ /yid la byed pa ni de skyed par byed pa yin zhes bya ba ni de bskyed par byed pa yin pa'i phyir ro/ /de rtsol ba med pa yang yin no zhes bya ba ni dmigs pa de la rtsol ba med pa kho na yang yin no/ /yang zhes smos pas ni de rtsol ba dang bcas pa yang yin na zhes khong du chud par bya'o/ /sngar shes par byas so zhes bya ba ni snga kho nar gtan la bab par shes par byas rtogs par byas te/ ji ltar de skyed pa yin zhe na/ de skyed par byed pa yin pas de skyed pa'o zhes rnam par nges pa'i tshig gi tshul gyis rnam par shes pa'i yan lag ston pa'i tshe rgyas par byas so/ /khams drug la brten nas ma'i mngal du zhes rgyas par 'gyur ba la/ khams drug ni sa dang chu dang me dang rlung dang nam mkha' dang rnam par shes pa'i khams zhes bya ba'i tha tshig go / 'dir ni chos kyi khams ma gsungs pa'i phyir de'i tshe'i reg pa la sogs pa de dag kyang yod pa ma yin no/ /de'i phyir de bas na de'i tshe'i khams drug nyid ming dang gzugs yin no zhes smras so/ /de'i gnas skabs kyi zhes bya ba ni khrag dang khu ba'i gnas skabs kyi zhes bya ba'i don to/ /de dang 'brel ba'i srid pa bar ma'i gnas skabs kyi rnam par shes pa'i khams zhes bya ba ni khrag dang khu ba'i gnas skabs sa dang chu dang me dang rlung dang nam mkha' i khams rnams dang 'brel ba'i srid pa bar ma'i gnas skabs kyi rnam par shes pa'i khams shes bya ba'i don to/ /go rims bzhin du bstan to zhes bya ba ni skyes bu 'di ni khams drug pa dang zhes bya ba ni ming dang gzugs kyi gnas skabs kyi skyes bu yin par bstan te/ /gnas skabs gzhan na khams drug pa tsam yin par srid pa'i phyir ro/ /reg pa'i skye mched drug dang zhes bya ba ni reg pa'i skye mched drug gi gnas skabs yin par bstan to/ /yid nye bar rgyu ba bco brgyad ni tshor ba'i gnas skabs yin par bstan to/ /cing don gyi tshul de ltar brtags par bya 'am zhes bya ba ni ji ltar reg pa'i skye mched kyi gnas skabs na khams de dag nyid nye bar rgyu ba yod mod kyi 'on kyang reg pa'i skye mched drug ces bstan pa dang/ de bzhin du khams drug gi gnas skabs na gzhan dag kyang yod mod kyi/ 'on kyang skyes bu 'di ni khams drug pa'o zhes bstan pa dag cing don gyi tshul de ltar brtag par bya 'am/ ming dang gzugs kyi gnas skabs na khams drug tsam? kho na skyes bu yin nam/ ming dang gzugs kyi gnas skabs skyes bu 'di yin par bstan to zhes cing don gyi tshul de ltar brtag par bya 'am zhes bya ba yin no/ /ji ltar mdo sde 'di nyid las mjug zad du nang gi sa'i khams la sogs pa rnam par phye ba zhes bya ba ni skra dang ba spu dang sen mo la sogs pa rnam par phye ba'o/ /de bzhin du reg pa'i skye mched kyi gnas skabs na shin tu rigs pa kho na yin no zhes bya ba 'di ni ming dang gzugs kyi gnas skabs kyi skyes bur bstan pa ma yin no zhes ston to/ /gnas skabs gang na yang lus kyi khams dang gzugs la sogs pa'i khams med par zhes bya ba ni gzugs dang dri dang ro dang reg bya zhes bya ba rnams so/ /rnam par shes pa'i khams med pa'i phyir ro zhes bya ba'i sa'i khams la sogs pa tsam ni rnam par shes pa'i gnas yin par gang du yang ma mthong ba'i phyir ro/ /de bas na ji ltar lus dang g zugs la sogs pa yod pa la sa'i khams la sogs pa tsam bstan pa de bzhin du reg pa la sogs pa yod pa la rnam par shes pa'i khams tsam bstan pa yin pas ming dang gzugs kyi gnas skabs na reg pa la sogs pa med par 'grub pa yin no zhe na/ mdo sde 'di'i don ni 'di ma yin no zhes bya ba ni der go rim bzhin no zhes rgyas par bstan pa gang yin pa'o/ /'o na ci'i phyir khams la sogs pa gsum smos she na zhes bya ba ni gal te don 'di ma yin na khams la sogs pa zhes bya ba reg pa'i skye mched dang yid nye bar rgyu ba dang rnam pa gnyis dang gsum ci'i phyir smos zhe na/ de'i phyir gnas dang gnas pa bstan pa'i phyir ro zhes smras te/ gnas brtan pa'i phyir dang gnas pa bstan pa'i phyir ro/ /de la brtan te 'jug pa nyid yin pa'i phyir zhes bya ba ni reg pa'i skye mched ni khams la brten te/ 'jug pa yin pa'i phyir ro zhes bya ba'i don to/ /de yang yid nye bar rgyu ba rnams kyi gnas yin te zhes bya ba'i don te/ de yang zhes bya ba ni reg pa'i skye mched la bya ste/ ci zhe na/ gnas yin no zhes skabs dang sbyar ro/ /lus la khams so sor brtag par bya ba ni bdag med par bstan pa'i phyir ci zhe na/ khams smos pa yin no/ /'di ltar phyi'i sa'i khams la sogs pa dang zhes rgyas par 'byung ba ni de las phyi rol gyi sa'i khams la sogs pa dang nang gi rnams mnyam par byas nas bdag med pa mthong ba yod pa ni rigs pa dang ldan pa yin no/ /de bas na khams smos pa'i dgongs pa de yin par grub pa yin no/ /ji lta zhe na/ nang gi sa'i khams gang yin pa dang phyi'i sa'i khams gang yin pa'i khams de dag la tha dad pa yod pa ma yin te/ de dag thams cad bdag gi ma yin la 'di la yang bdag ma yin/ bdag gi bdag 'di ma yin no zhes yang dag pa'i shes rab kyis yang dag pa ji lta ba bzhin du mthong na sa'i khams la 'dod chags dang bral bar 'gyur ro/ /nam mkha' i khams kyi bar du yang de bzhin no/ /bdag med pa yin yang kun nas nyon mongs pa'i tshor ba 'byung ngo zhes rgyas par 'byung ba ni bdag med pa yin yang reg pa'i skye mched drug la brten nas yid nye bar rgyu ba bcod brgyad kyi mtshan nyid kyi tshor ba kun nas nyon mongs pa can 'byung ngo zhes bstan par bya ba'i phyir reg pa'i skye mched drug kyang smos/ yid nye bar rgyu ba bco brgyad kyang smos pa yin te/ skyes bu 'di'i gnas skabs tha dad pa med pa bstan pa yin no/ /de bas na thogs pa kho nar mngal du phung po lnga pa'i ming dang gzugs zhes bya ba nur nur po la sogs pa'i gnas skabs na 'di grub pa yin te/ ji skad du mngon par 'grub pa dang yongs su rdzogs pa'i rkyen yin pa'i phyir ji ltar rigs par yin no zhes smras pa yin te/ ming dang gzugs kyi gnas skabs nyid na lus dang yid kyi skye mched gnyis yod pa'i phyir ro/ /drug char gyi yang gnyi ga tshogs pa yin te zhes bya ba ni skye mched drug char gyi rkyen yang ming dang gzugs tshogs pa yin no/ /ji lta zhe na/ lus dang sems gnyis gcig la gcig rjes su byed par mthong ba'i phyir te/ 'bras bu ni rgyu'i rjes su byed pa yin la lus dang sems gnyis kyang gcig la gcig rjes su byed par snang ste/ de bas na lus ni sems kyi rgyu yin la sems kyang lus kyi yin par grub ste nges pa yin no/ /ming dang gzugs kyi gnas skabs kyi gzugs ni skye mched drug gi gnas skabs kyi yid kyi rgyu yang yin la/ ming ni mig la sogs pa'i rgyu yang yin no/ /skrag pa dang mya ngan dang dga' ba dang nad dang rga ba la sogs pa'i gnas skabs na zhes bya ba ni skrag pa dang mya ngan dang dga' ba'i gnas skabs na lus ni sems kyi rjes su 'brang ste/ skrag na lus 'dar ba dang rengs par 'gyur ba'o/ /mya ngan gyi nyam thag pa na lus myogs pa'o/ /dga' na bde ba dang mig me tog kha phye ba lta bu'o/ /nang dang rga pa'i gnas skabs na sems ni lus kyi rjes su 'brang ste/ nad kyis nyen na sems 'khrug par 'gyur ro/ /rgas na dran pa chung zhing shes rab zhen pa'o/ /sogs pa'i sgras ngal ba la sogs pa'i gnas skabs dang byis pa la sogs pa'i gnas skabs la yang brjod par bya'o/ /'on ci'i phyir phyi'i skye mched drug gi rkyen 'dir ma bstan ce na/ de ni yan lag tha dad par yod pa ma yin te zhes bya ba la de ni zhes bya ba ni phyi'i skye mched drug gzugs la sogs pa nas chos kyi skye mched la thug pa rnams so/ /ming dang gzugs kyi skad cig ma dang po'i che na yang de yod pa yin pa'i phyir dang zhes bya ba ni phyi'i skye mched drug de yod pa'i phyir ro zhes bya ba'i tha tshig go /ming dang gzugs kyang rkyen yin par bstan zin pa'i phyir dang zhes bya ba ni de'i rkyen yin par bstan zin to zhes ston te/ ming gzugs kyis bsdus pa yin pa'i phyir ro/ /sgra yang gnas skabs ma nges pa yin pa'i phyir dang zhes bya ba ni de ni nur nur po la sogs pa'i gnas skabs sam skye mched drug gi gnas skabs yin no zhes bya ba'i gnas skabs nges pa 'ga' yang yod pa ma yin pas de'i rkyen du ma bstan to/ /gnas skabs nges pa'i rkyen ni 'dir bstan to/ /lnga po yang gang zhe na/ gzugs dang sgra dang dri dang ro dang reg bya'i skye mched rnams ni/ gcig kho nar sems can gyi grangs su gtogs pa ma yin pa'i phyir ro/ /sems can gyi grangs su gtogs pa rnams kyi rkyen ni 'dir bstan to/ /'di'i phyir yang rkyen ma bstan to/ /gzhan yang chos kyi skye mched kyis bsdus pa'i reg pa la sogs pa'i yang rkyen yin par bstan zin pa'i phyir ro zhes bya ba la sogs pa'i sgras ni shes rab dang/ dran pa dang yid la byed pa dang/ 'dun pa dang/ mos pa la sogs pa rnams te/ ci zhe na/ chos kyi skye mched sems can gyi grangs su gtogs pa rnams kyi rkyen yin par bstan zin to/ /ji ltar reg ba la sogs pa'i rkyen yin par bstan ce na/ ji ltar ming dang gzugs ni skye mched drug gi gnas skabs kyi skye mched kyi rkyen yin pa de bzhin du de dang mtshungs par ldan pa reg pa la sogs pa chos kyi skye mched du gtogs pa rnams kyi yang rkyen yin no/ /ming dang gzugs la nus pa'i bye brag yod pa'i phyir ro zhes sngar bstan zin to/ /zhes bya ba ni rnam par shes pa'i yan lag dbye ba las so/ /ji lta zhe na/ las kyi khyad par las rnam par shes pa khyad par du 'gyur ro/ /de las ming dang gzugs khyad par du 'gyur ro/ /de las skye mched drug gi'o zhes bya ba yin no/ /gal te ming dang gzugs kho na'i rkyen gyis skye mched drug yin na ni brdzus te byung ba rnams kyi de'i rkyen rnam par shes pa ma yin par 'gyur ro zhes bya ba ni gal te rkyen nges par byed de ming dang gzugs kho na skye mched drug gi rkyen yin gyi/ gzhan ma yin na ni brdzus te byung ba rnams kyi skye mched drug gi rkyen ming dang gzugs yin zhes bya bar ming dang gzugs logs shig tu dbyer med pa'i phyir ro/ /'o na ci zhe na/ rnam par shes pa'i rkyen gyis yin no/ /'on te skye mched drug kho na ming dang gzugs kyi rkyen gyis yin na ni de dag la gnas pa'i gzugs zhes bya ba ni skye mched drug la gnas pa'i gzugs 'byung ba dang 'byung ba las gyur pa 'dus pa'i mtshan nyid kyi rkyen ming dang gzugs ma yin par 'gyur ro/ /yid kyi skye mched dang mtshungs par ldan pa'i chos reg pa la sogs pa rnams kyi rkyen ming dang gzugs ma yin par 'gyur ro/ /sgra'i skye mched de yang gnas skabs ma nges pa'i phyir skye mched drug gi gnas skabs na yang yod pas de'i rkyen yang ming dang gzugs na yin par 'gyur te gal te rkyen can nges par byed de skye mched drug kho na'i rkyen ming dang gzugs yin gyi gzhan gyi ma yin pas so/ /skye ba'i rim pa yongs su rdzogs pa'i gnas skabs kyi zhes rgyas par 'byung ba ni skye ba'i rim pa yongs su rdzogs pa la gnas skabs bcu gnyis yod pa yin pas skye ba'i rim pa yongs su rdzogs pa'i gnas skabs so/ /skye ba'i rim pa yongs su rdzogs pa'i gnas skabs de'i gang zag gi ched du ming dang gzugs kyi rkyen gyis skye mched drug go zhes rkyen bshad pa yin pa'i phyir ro/ /'dis ni rkyen nges pa bsal ba yin te skye ba'i rim pa yongs su rdzogs pa'i gnas skabs de ni rnam par shes pa'i rkyen gyis skye mched drug yin no/ /yan lag tha dad pa yang ci zhe na/ rkyen bshad pa'i phyir zhes skabs dang sbyar ro/ /'dis ni rkyen bsal to/ /de nyid kyi phyir de la gnas pa'i gzugs la sogs pa ni yan lag tha dad par 'gyur ba ma yin te/ sngon med pa'i rdzas gzhan mi srid pa'i phyir ro zhes smras te/ de la gnas pa'i gzugs la sogs pa de dag ni ming dang gzugs kyi gnas skabs nyid na yod do/ /de'i phyir skye mched drug gi gnas skabs na sngon med pa'i rdzas gzhan med pa yin no/ /sgra yang gnas skabs ma nges pa'i phyir ro zhes bya ba ni skye mched drug gi gnas skabs na sngon ma byung ba'i sgra lan 'ga' zhig yod du zin kyang de'i ming dang gzugs kyi rkyen gyis yin par mi brjod de/ de ni gal te na ming dang gzugs kyi gnas skabs nyid na yang yod pa yin te/ gnas skabs ma nges par phyir ro/ /'dir ni gnas skabs nges pa'i rkyen bstan pa yin no/ /skye mched drug gi bsdus pa'i don rnam par bzhag pa rnam pa bcu drug 'dir bstan pa yin te/ rab tu dbye ba rnam par bzhag pa ni ji skad du/ nang gi skye mched drug ces bstan pa yin no/ /sgra sbyor ba rnam par bzhag pa ni ji skad du drug nyid skye mched yin pas skye mched drug ste/ ji ltar sa gsum dang 'bras bu gsum dang tsha ba gsum lta bu'o zhes bstan pa yin no/ /thun mong ma yin pa rnam par bzhag pa ni ji skad du gzugs la sogs pa ni ma yin te gzhan gyi rnam par shes pa'i rgyun dang thun mong yin pa'i phyir ro zhes bstan pa yin no/ /de'i don rnam par bzhag pa ni gnas kyi don ni skye mched yin no zhes bstan pa yin no/ /nges pa'i tshig rnam par bzhag pa ni rnam par shes pa'i tshogs drug rnams skye ba mched par byed pas skye mched dang zhes bstan pa yin no/ /rang gi dngos po rnam par bzhag pa ni ji skad du gzugs dang ba'i bye brag can mig la sogs pa lnga yin no zhes bya ba dang/ yid kyi skye mched ni phung po'i nang du ni rnam par shes pa'i phung po gang yin pa'o zhes rgyas par bstan pa yin no/ /nges pa rnam par bzhag pa ni ji skad du/ thams cad kyi skye mched drug gi dang po ni ming dang gzugs kyi rkyen gyi yin par nges par bya'o ming dang gzugs thams cad sprin las char la sogs pa bzhin du skye mched drug gi rkyen ma yin no zhes bstan pa yin no/ /mngon par 'grub pa dang yongs su rdzogs pa'i rkyen rnam par bzhag pa ni ji skad du/ mngon par 'grub pa dang yongs su rdzogs pa'i rkyen yin pa'i phyir ji ltar rigs par sbyar te zhes bstan pa yin no/ /rnam par shes pa'i tshogs drug gi rten gyi dngos po rnam par bzhag pa ni ji skad du/ gtso bo'i rgyu yin pa'i phyir ji skad du sngar bstan pa yin no zhes bstan pa yin no/ /rnam par nges pa rnam par bzhag pa ni ji skad du kha cig rtog pa ming dang gzugs kyi gnas skabs na lus yod kyang zhes bya ba nas de bas na thogs ma kho nar mngal du phung po lnga pa'i ming dang gzugs grub pa yin no zhes bya ba'i bar du bstan pa yin no/ /'dus pa rkyen yin par rnam par bzhag pa ni ji skad du/ drug char gyi yang gnyi ga tshogs pa yin te zhes bya ba nas lus dang sems gnyis gcig la gcig rjes su byed par mthong ba'i phyir ro zhes bstan pa yin no/ /yan lag gzhan rnam par bzhag pa ni ji skad du/ phyi'i skye mched las brtsams nas de ni yan lag tha dad pa yod pa ma yin te/ ming dang gzugs kyi skad cig ma dang po'i chen yang de yod pa yin pa'i phyir dang zhes bstan pa yin no/ /gnas skabs nges pa rnam par bzhag pa ni ji skad du/ sgra yang gnas skabs ma nges pa yin pa'i phyir dang zhes bstan pa yin no/ /sems can gyi grangs su gtogs pa rnam par bzhag pa ni ji skad du lnga po yang gcig kho nar sems can gyi grangs su gtogs pa ma yin pa'i phyir ro zhes bstan pa yin no/ /rkyen mdza' dag dang bral ba rnam par bzhag pa ni ji skad du/ mi dang gzugs la nus pa'i bye brag yod pa'i phyir ro zhes sngar bstan zin to zhes bstan pa yin no/ /ma nges pa rnam par bzhag pa ni ji skad du/ skye ba'i rim pa yongs su rdzogs pa'i gnas skabs kyi ched du rkyen bshad pa yin pa'i phyir dang/ yan lag tha dad pa yang zhes bstan pa yin no/ /skye mched drug rgya cher bshad pa rdzogs so/ / //skye mched drug gi rkyen gyis reg pa zhes bya ba'i reg pa gang zhe na zhes bya ba'i reg pa'i sgra 'di ni reg bya la yang mthong/ phrang pa la yang mthong sems las byung ba la yang mthong ste/ gsung rab las rab tu dbye ba rnam pa drug ces 'byung ngo/ /de bas na de'i phyir dmigs mi phyed na 'dir skye mched drug gi rkyen gyis reg pa zhes bya ba gang zhe na/ de dmigs kyis dbye ba'i phyir/ reg pa'i tshogs drug ste zhes rgyas par 'byung ba de la bcom ldan 'das kyis gdul bya'i bye brag la bltos nas reg pa'i rten tha dad pa'i sgo nas rab tu dbye ba bstan gyi zhes smras te/ mig la sogs pa rten tha dad pa'i sgo nas mig gi 'dus te reg pa nas yid kyi 'dus te reg pa'i bar du yin gyi ngo bo nyid ni ma yin no gdul bya'i bye brag la bltos nas zhes bya ba ni de'i tshe'i gdul bya'i bye brag la bltas pa dang ma 'ongs pa'i gdul bya'i bye brag la bltos nas kyang gsungs pa ma yin te/ ji lta ba bzhin du ma dris par 'chad par thal bar 'gyur ba'i phyir dang/ rab tu dbye ba ni dris pa yin bas so/ /gsum pa 'dus byas pas reg pa yin no zhes mdo sde gzhan las gsungs pa yin no zhes bya ba ji lta bu zhe na/ mig dang gzugs la brten nas mig gi rnam par shes pa skye'o/ /gsum 'dus pa las reg pa'o zhes 'byung ba'i mdo sde las kyang gsum 'dus pa las zhes bya ba ni rgyu bstan pa yin gyi ngo bo nyid ni ma yin no/ /gang la brten nas sems las byung ba'i chos thams cad skye ba'o zhes bya ba ni sems las byung ba'i chos thams cad skyed par byed pa'i sgo nas reg pa bstan to/ /byed pa de yang mngon sum mam/ rjes su dpag pas mi 'grub pas de bas na ji skad du dris pa rnam pa bcu'i mdo sde las zhes bya ba nas gang yin pa de thams cad reg pa la brten nas so zhes bya ba'i bar du gsungs so// de yid kyis 'ga' yang yongs su mi chod do zhes bya ba ni reg pa 'di'o/ /de'i tshor ba la sogs pa bzhin du zhes bya ba ni tshor ba dang sems pa dang yid la byed pa la sogs pa ji ltar 'os par rang gi mtshan nyid yid kyis yongs su chod pa yin gyis/ de ltar reg pa ni ma yin no/ /ji lta ba bzhin du yod do zhes bya ba 'di ji ltar yid ches par bya zhe na/ de'i phyir yid brtan du rung ba'i lung las so zhes smras so/ /ji lta zhe na/ skye mched drug gi rkyen gyis reg pa gsum 'dus pa las reg pa zhes reg pa'i rgyu bstan pa ni/ yid brtan du rung ba'i lung las so/ /gang yang tshor ba'i phung po dang 'du shes kyi phung po dang/ 'du byed kyi phung po gang yin pa de thams cad reg pa la brten nas/ tshor ba gang yin pa dang zhes bya ba ni reg pa'i 'bras bu ston pa'i yid brtan du rung ba'i lung las so/ /'dir smra ba 'di nyid kyis yongs su mi chod pa yin ni yang brtan du rung ba'i lung tsam gyis yod par ji ltar yid ches par bya zhe na/ de'i phyir yid brtan du rung ba'i lung yang rnam pa gsum ste/ mngon sum gyi don dang rjes su dpag par bya ba'i don dang/ /dad par bya ba'i don ston to zhes smras so/ /de la mngon sum gyi don ni 'di lta ste/ khros pas mdog ni mi sdug 'gyur/ /gtum pa nyal na sdug bsngal yin/ /zhes bya ba la sogs pa'o/ /rjes su dpag par bya ba'i don ni bram ze'i khye'u 'di lta ste mdog ngan par 'gro ba'i lam ni 'di dag ste/ 'di lta ste kha cig khro ba yin/ 'khrug pa mang pa yin zhes bya ba la sogs pa yin no/ /dad bar bya ba'i don ni 'di lta ste rnam pa gsum gyi gnas kyis byang gi sgra mi snyan gyi mi dang/ sum cu rtsa gsum gyi lha dang/ 'dzam bu'i gling gi mi rnams zil gyis gnon par 'gyur ro/ /gsum po gang gis zhe na/ bdag gi ba med cing yongs su 'dzin pa med pa dang/ tshangs pa dang/ nges par khyad par du 'gro ba'o zhes rgyas par 'byung ba yin no/ /yid brtan du rung pa'i lung rnam pa gsum pa de la mngon sum gyi don dang/ rjes su dpag par bya ba'i don gnyis ni mngon sum dang rjes su dpag pa gnyis kyis go rim bzhin du yid ches par bya ste/ gang de dag dang 'gal ba med pa mngon sum gyi don gyi tshig la ni mngon sum gyi tshad ma'i sgo nas so/ /rjes su dpag par bya ba'i don gyi tshig la ni rjes su dpag pa'i tshad ma'i sgo nas yid ches par bya'o/ /dad par bya ba'i don de la yang yid ches par bya'o/ /de ni rang gi sde pa rnams kyis rtogs par mi nus pa yin yang zhes bya ba de ni sdug bsngal yang ma yin/ bde ba yang ma yin pa'i tshar ba'o/ /tshor ba gsum zhes gsungs pa'i phyir ro zhes bya ba ni bde ba dang sdug bsngal dang/ bde ba yang ma yin/ sdug bsngal ba yang ma yin pa'o/ /bsam gtan bzhi pa dang/ gzugs med pa na tshor ba med par thal bar 'gyur ba'i phyir ro zhes bya ba ni de dag na tshor ba gzhan bkag pa'i phyir te/ de bde ba yang spangs sdug bsngal yang spangs shing yang bde ba dang/ yid mi bde ba snga nas med pas zhes bya ba yin no/ /mig la sogs pa'i zhes rgyas par 'byung ba ni mig la sogs pa'i gzugs dang ba'i bye brag kyang yongs su mi tshong ba yin te/ skye mched kyi gzugs dang ba yang shel skod la sogs pa rab tu grags pa de las rigs gzhan du gyur pa gang dbang po dang zhes bya ba ni yid kyis yongs su chod par mi nus so/ /ma rig pa yang mtshan nyid mi mngon par yin bas mngon pa ma yin mngon pa med pa ni khyad par du yongs su chod par mi nus so/ /yongs su mi chod pa'i mtshan nyid yin du zin kyang zhes rgyas par 'byung ba de dag ni yongs su mi chod pa'i mtshan nyid kyi don gang yin pa ni yid brtan tu rung ba'i lung? las khong du chud par byas te/ dad par don ni yid brtan du rung ba'i lung yin pa'i phyir ro/ /de dag ni rgyu la 'bras bu gdags pa yin te zhes bya ba ni gsum po rnams phrad pa dang/ tshogs pa dang 'dus pa ni reg pa'i rgyu yin no/ /de bas na de la reg pa btags pa yin no/ /dper na 'phags pa rnams ni mthong ba bde zhes bya ba ni rgyu la 'bras bu btags ba ston te/ 'phags pa rnams mthong ba kho na bde ba ma yin gyi/ de ni bde ba'i rgyu yin bas bde ba zhes bya'o/ /tshangs spyod dri ma bu med yin zhes bya ba ni bud med ni tshangs par spyod pa'i dri ma ma yin te/ tshangs par spyod pa dgra bcom pa la yang dri ma yod par thal bar 'gyur pa'i phyir ro/ /tshangs par spyod pa'i dri ma 'dod chags kyi rgyu yin pas tshangs par spyod pa'i dri ma zhes bshad do/ /'jig rten na yang me ni bde ba'o/ me ni sdug bsngal ba'o/ /zhes bya ba ni ji ltar rgyu la 'bras bu btags pa bstan pa yin te/ bde ba dang sdug bsngal gyi rgyu me la bde ba dang sdug bsngal 'dogs par byed do/ /de bzhin du reg pa'i rgyu phrad pa la sogs pa la reg pa 'dogs pa yin no/ /'jig rten na yang phrad pa la reg go /zhes brjod do zhe na zhes bya ba ni phrad pa las gzhan med de/ sgra la sogs pa ltar zhes ston to/ /'dis ni phrad pa tsam kho na reg pa yin no zhes bya ba'i rigs pa ston pa yin no/ /skye mched drug ni gsum gyi nang du 'dus pa'i phyir dang zhes bya ba ni skye mched drug ni dbang po dang yul dang/ rnam par shes pa gsum gyi nang du 'dus pa yin no/ /ji lta zhe na re zhig mig gi skye mched ni mig dang/ gzugs dang mig gi rnam par shes pa gsum gyi nang du yan lag gis 'dus pa yin no/ /de bzhin du yid kyi skye mched ni yid dang chos dang yid kyi rnam par shes pa gsum gyi nang du yan lag nyid kyis 'dus pa'i bar du'o/ /'di ni re zhig skye mched drug gi rkyen gyis reg pa zhes 'byung ba'i mdo sde dang 'gal ba yin te zhes bya ba ni skye mched drug ni gsum gyi nang du 'dus pa'i skye mched drug gi rkyen yin par 'os pa ma yin te/ de gsum phrad pa ni reg pa yin la de gsum phrad pa las reg pa gzhan yod pa ma yin te/ don tha dad ma yin pa'i phyir ro/ /gsum 'dus ba ni sems las byung ba'i reg pa yang ma yin no zhes bya ba ni phrad pa ni btags pa'i chos yin pa'i phyir dang/ gsum phrad pa ni gsum nyid kyi chos yin gyi/ 'ga' i ni ma yin no/ /reg pa ni btags pa yin te zhes bya ba ni tha snyad pa'o/ /'dis ni sems las byung ba'i reg pa btags pa yin no/ /zhes ston to/ /de lta na mi ldan pa yin par 'gyur la zhes bya ba ni ris 'dra ba bzhin zhes bya ba'i tha tshig go /de lta na yang reg pa sems las byung ba yin par mi 'grub po zhes ston to/ /mi ldan pa reg pa yin no zhes bya ba de lta bu ni sde pa gang gi grub pa'i mdza' yang ma yin no/ /btsun pa gos dmar pa dang/ mdo sde 'di nyid las kyang gsungs pa zhes bya ba ni rten cing 'brel par 'byung ba'i mdo sde 'di nyid las zhes bya ba'i don to/ /tshor ba dang 'du shes dang sems pa dang reg pa dang yid la byed pa'o zhes bya ba 'dis ni reg pa ni btags pa yang ma yin la/ mi ldan pa yang ma yin no/ /zhes ston te/ sems las byung ba rdzas su yod pa rnams su tshor ba la sogs pa ming gi dngos por brjod pa'i phyir ro/ /sde mtshan drug pa drug las kyang sde tshan drug rnams ni zhes rgyas par 'byung ba la/ sde tshan drug pa drug ces bya ba'i mdo sde las sde tshan drug ni sde tshan drug po gang yin pa'i drug po 'di dag ste/ nang gi skye mched drug ni sde tshan drug pa dang po yin no/ /phyi'i skye mched drug ni gnyis pa'o/ /rnam par shes pa'i tshogs drug ni gsum pa'o/ /reg pa'i tshogs drug ni bzhi pa'o/ /tshor ba'i tshogs drug ni lnga pa'o/ /sred pa'i tshogs rnams ni drug pa yin no/ /drug tshan drug po ji lta ba de dag ni rigs tha dad pa las rnam par bzhag pa yin te/ gzhan ni nang gi skye mched drug go /gzhan ni phyi'o gzhan ni rnam par shes pa'i tshogs drug go zhes bya ba de bzhin du reg ba'i tshogs drug gi drug tshan yang rigs tha dad pa las rnam par bzhag pa yin gyi/ gsum 'dus pa nyid ni rigs pa ma yin no/ /ming dang gzugs la brten nas mig gi rnam par shes pa skye ba dang/ gsum 'dus pas reg pa ma yin no zhes 'byung ba'i mdo sde gzhan dang/ de bzhin du gnyis po 'di la brten nas reg pa'o zhes 'byung ba ci mdo sde gzhan dang/ de bzhin du gnyis po 'di la brten nas reg pa'o zhes 'byung ba ci zhe na/ mdo sde gzhan spangs par 'gyur ro zhes bya ba'i skabs dang sbyar ro/ /ji lta zhe na/ dge slong dag ma rig pas bsgribs pa'i byis pa sred pa dang mtshungs par ldan pa rnams kyi rnam par shes pa dang bcas pa'i lus 'di grub ste/ 'di'i rnam par shes pa dang bcas pa'i lus 'dis dang phyi rol gyi ni ming dang gzugs te/ de ni gnyis so dge slong dag gnyis po 'di la brten nas reg pa'o zhes 'byung ba spangs par 'gyur ro/ /'on te reg pa kho na skye mched drug gi rkyen gyis yin na ni zhes rgyas par 'byung ba ni rkyen can nges pa la skyon ston par byed do/ /gnyis pa la brten nas rnam par shes ba skye'o zhes bya ba'i gnyis gang zhe na/ mig dang gzugs dang yid dang chos kyi bar du yin te/ 'dir ni rnam par shes pa yang skye mched drug gi rkyen gyis yin no zhes bstan to/ /gtso bo'i rkyen skye mched drug yin te/ thun mong dang thun mong ma yin pa'i rgyu yin pa'i phyir snga ma bzhin te zhes bya ba ni gtso bo'i rkyen brjod par bzhed pa'i phyir skyed mched drug gi rkyen gyis reg pa zhes bstan pa yin gyi/ rkyen nges pa brjod par bzhed pas ni ma yin no/ /skye mched drug gtso bo'i rkyen yid yin pa de yang thun mong dang thun mong ma yin pa'i rgyu yin pa nyid kyis ston to/ /snga ma bzhin t e zhes bya ba ni rnam par shes pa'i yan lag las ji ltar sngar bstan pa ni gal te gzugs la sogs pa so sor rnam par rig pa'i rnam par shes pa yin na ci'i phyir mig gi rnam par shes pa zhes bya ba nas yid kyi rnam par shes pa yin zhes bya ba'i bar du dris pa dang/ mig la sogs pa ni gcig tu sems can gyi grangs su gtogs pa yin pa'i phyir ro zhes lan smras nas yang thun mong dang thun mong ma yin pa'i rgyu nyid ni gtso bo'i rgyu yin pa'i phyir zhes rgyas bar smras pa de bzhin du 'dir yang gzugs la sogs pa gzhan dag kyang reg pa'i rkyen yin du zin kyang reg pa bskyed par bya ba la skye mched drug ni gtso bo'i rkyen nyid yin te/ thun mong dang thun mong ma yin pa'i rgyu yin pa'i phyir ro/ /thun mong gi rgyu mig gi skye mched ni sngon po la sogs pa'i gzugs thams cad la dmigs pa'i mig gi 'dus te reg pa'i rgyu yin pa'i phyir ro/ /thun mong ma yin pa'i rgyu yin pa'i yang phyir te/ yid kyi skye mched kyi bar du yang de bzhin du ji ltar rigs par brjod par bya'o/ /'di'i phyir yang skyed mched drug ni rkyen gtso bo nyid yin no/ /ci'i phyir zhe na/ de yod na nges par yul dang rnam par shes pa de gnyis kyang zhes rgyas par 'byung ba la/ de yod na skye mched drug de yod na nges par yul dang rnam par shes pa de gnyis kyang yod pa'i phyir ro zhes bya ba ni yul gzugs la sogs pa yod pa'i phyir dang/ rnam par shes pa yang mig gi rnam par shes pa la sogs pa gang yang rung ba yod pa'i phyir ro/ /de nyid kyi phyir 'di las zhes rgyas par 'byung ba ni de kho na'i phyir te/ rten cing 'brel par 'byung ba'i mdo sde 'di las skye mched drug ni rkyen gyi gtso bo yin pa'i phyir/ mig la sogs pa'i sgo nas mig gi 'dus te reg pa nas yid kyi 'dus te reg pa zhes reg pa bstan pa yin gyis/ gzugs la sogs pa'i sgo nas zhes bya ba gzugs dang/ sgra dang dri dang ro la sogs pa'i sgo nas gzugs kyi 'dus te reg pa nas chos kyi 'dus te reg pa zhes bstan pa ma yin te/ rnga sgra bzhin no/ /dper na rnga ni rgyu'i gtso bo yin pa'i phyir rnga'i sgra zhes brjod kyi dbyug gu'i sgra zhes mi bya ba de bzhin no/ rnga sgra de'i gtso bo yin pa yang de'i gnas yin pa'i phyir dang/ thun mong ma yin pa'i rgyu yin pa'i phyir ro/ /dbyug gu la sogs pas ni cang te'u la sogs pa'i sgra'i rgyu yang byed de/ de bzhin du skye mched drug ni reg pa'i rkyen gyi gtso bo yin no/ /sgrib pa'i mdo sde las gnyis po 'di la brten nas reg pa zhes ji skad du rgyas par gsungs pa la rten dang dmigs pa tha dad pa'i sgo nas zhes bya ba ni rten tha dad pa'i sgo nas dang/ dmigs pa tha dad pa'i sgo nas so/ /sgrib pa'i mdo sde las reg pa'i rkyen gnyis su ji ltar gsungs zhe na/ ji skad du dge slong dag byis pa ma rig pas bsgribs shing sred pa dang mtshungs par ldan pa'i rnam par shes pa dang bcas pa'i lus 'di grub ste 'di'i rnam par shes pa dang bcas pa'i lus 'di dang phyi ma'i ming dang gzugs te de ltar gnyis so/ /dge slong dag gnyis po 'di la brten nas reg pa'o zhes gsungs pa yin no/ /'di las ji ltar rten dang dmigs pa can gyi reg pa tha dad par bstan ce na/ de'i phyir rnam par shes pa dang bcas pa'i lus kyis ni der nang gi skye mched bstan te/ lus smos pas ni lnga char smos pa yin no zhes smras so/ /de'i phyir 'di ltar de la brten pa'i tshor ba ni lus kyi zhes ston pa bzhin no zhes smras so/ /'di ltar zhes bya ba gang gi phyir zhes bya ba'i don to/ /lus kyi phyogs gcig yin pa'i phyir dang/ lus la brten pa'i phyir dang rdul phra rab bsags pa yin pa'i phyir lus smos pas ni lnga char smos pa yin no/ /rnam par shes pa smos pas ni skye mched yin par ro/ /phyi rol gyi ming dang gzugs ni phyi yin te zhes bya ba ji zhe na/ skye mched drug bstan pa yin no zhes skabs dang sbyar ro/ /de la ming gis ni chos kyi skye mched bstan to/ /gzugs kyis ni gzugs kyi skye mched la sogs pa bstan to/ /gnyis po de dag nyid kyis zhes bya ba ni nang gi skye mched drug dang phyi'i zhes ston to/ /de las gsungs pa zhes bya ba mdo sde las reg pa'i skye mched drug po 'di dag gang gis reg pa'i byis pa zhes rgyas par 'byung ba ni nang phyi'i skye mched tha dad pa'i sgo nas reg pa 'byung gi gzhan du ma yin no/ /dgongs pa gang gis bshad pa de dag bdag gis smras zin to/ /zhes bya ba ni ji ltar zhe na/ skye mched drug ni gtso bo'i rkyen yin pa'i phyir skye mched drug rkyen du bstan pa dang/ rten dang dmigs pa tha dad pa'i sgo nas reg pa tha dad par bstan pa'i phyir rkyen gnyis smras so/ /reg pa'i rkyen gsum yang 'dod pa kho na yin no/ /de bas na 'di 'chad pa'i bsam pa'i dbye ba phyis yang brjod par mi bya'o/ /gang gi phyir skye mched drug gi 'og tu rnam par bzhag ce na zhes bya ba ni skye mched drug gi rkyen gyis reg pa reg pa'i rkyen gyis tshor ba zhes bya ba yin te/ skye mched drug gi 'og tu gsungs pa'i phyir ro/ /ji ltar lus dang yid kyi sku mched gnyis de'i tshe yongs su ma rdzogs pa'i phyir yan lag gzhan du rnam par ma bzhag pa ltar reg pa dang tshor ba gnyis kyang de'i te yongs su ma rdzogs pa'i phyir yan lag gzhan nyid du rnam par mi bzhag go / gal te skye mched drug gi rkyen gyis reg pa'i rkyen gyis tshor ba yin na/ rgyu chen po'i chos kyi rnam grangs las ci'i phyir ming dang gzugs rkyen du gsungs zhe na/ zhes bya ba ji skad 'byung zhe na/ kun dga' bo reg pa reg pa'i rkyen du brjod par bya ba yod do/ /kun dga' bo reg pa reg pa'i rkyen du brjod par bya ba ci zhe na/ kun dga' bo dang ming dang gzugs kyi rkyen gyis reg pa yin no zhes bya ba'o/ /der ni thogs pa dang tshig bla dags 'dus te reg pa brjod par bzhed pa'i phyir ro zhes bya ba ni rgyu chen po'i rnam grangs kyi mdo sde las/ thogs pa 'dus te reg pa ni dbang po gzugs can lnga la brten pa'o/ /tshig bla dags 'dus te reg pa ni drug pa yid kyi dbang po la brten pa yin par brjod par bzhed pa'i phyir te/ mig la sogs pa'i 'dus te reg pa ni thogs pa dang bcas pa'i dbang po la brten pa'i phyir thogs pa 'dus te reg pa zhes bstan to/ /tshig la brten nas don la 'jug pa ni tshig bla dags pa zhes bstan to/ /yang na tshig ltag par byed pa'i yid ni tshig bla dags pa zhes bya'o/ /de bas na yid kyi 'dus te reg pa ni tshig bla dags 'dus te reg pa zhes bstan to/ /de la gzugs kyi rkyen gyis 'dus te reg pa dang mig gi rkyen gyis 'dus te reg pa zhes bstan to/ /rgyu chan po'i rnam grangs de las skye mched drug rkyen nyid yin pa yang bstan zin te/ ji ltar zhe na/ de'i phyir mig gi 'dus te reg pa la sogs pa gsungs pa'i phyir ro zhes smras te/ kun dga' bo gal te mig gi 'dus te reg pa yod kyang 'ga' la gang du mig gi 'dus te reg pa'i rkyen gyis nang du tshor pa bde ba 'am/ sdug bsngal ba'am/ bde ba yang ma yin/ sdug bsngal ba yang ma yin pa mi 'byung ba yin nam/ btsun pa ma lags/ /kun dga' bo rna ba dang sna dang lce dang yid kyi 'dus te reg pa yod kyang 'ga' la gang du yang yid kyi 'dus te reg pa'i rkyen gyi nang du tshor ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa ma 'byung ba yin nam/ btsun pa la lags so zhes rgyas par 'byung ba yin no/ /'on te yang gsum 'dus pa las reg pa zhes gsungs pa na 'dus pa zhes bya ba de ci yin zhes bya ba ni 'dus pa'i mtshan nyid ma bstan pa'i phyir ci 'di yul gcig tu tshogs pa yin nam/ 'on te dus gcig tu chogs pa yin pa dang dmigs kyis mi phyed do/ /gzhan 'ga' zhig 'dir 'dus pa yin par 'dod nas/ tshogs pa yin no zhe na/ yang zhes bya ba ni tshigs pa ni 'dus pa yin no snyam sems na de la de dag gi tshogs pa yul du 'am/ dus su 'am/ gzhan du yin zhes brjod par bya'o/ /gal te lhan cig 'byung ba'i phyir ro zhes bya ba ni dus gcig tu skyes pa'i phyir ro zhes bya ba'i tha tshig go /de ltar yin na dbang po dang don gnyis rnam par shes pa'i rgyu ma yin par 'gyur te/ rnam par shes pa skyes na ni dra ni de gnyis nus pa dang mi ldan pa'i phyir ro zhes bya ba ni de yang de dag dang lhan cig skyes pa yin na ni bdag nyid thob pa de la de bskyed par bya ba'i phyir dbang po dang don gnyis kyi nus pa rigs pa ma yin no/ /'o na ma skyes pa de la de bskyed par nus pa de gnyis la yod do zhe na/ de'i phyir ma skyes pa yin na yang med pa'i phyir ro zhes smras te/ rnam par shes pa ma skyes pa de la ni dbang po dang don de gnyis nus pa med pa'i phyir te/ ma skyes pa de la nus pa ci zhig yod/ de mi rigs pa yin no/ /'di ltar bdag nyid thob pa ni bdag nyid thob par bya ba'i rgyur rigs pa ma yin no/ /mdo sde dang gnyi ga yang 'gal bar 'gyur ro zhes bya ba ni rnam par shes pa skyes pa dang/ ma skyes pa la dbang po dang don gnyis nus pa med pa'i phyir zhes bya ba ni gnyis la brten nas rnam par shes pa skye'o zhes 'byung ba'i mdo sde dang 'gal bar 'gyur ro/ /de ltar na re zhig rnam pa gcig mdo sde dang 'gal ba yin no/ /gcig la gcig rgyu nyid yin na yang gnyis la brten nas rnam par shes pa skye'o zhes 'byung ba'i mdo sde dang 'gal ba rnam pa gnyis pa yin no zhes bstan to/ /gnyis gang zhe na/ mig dang gzugs nas yid dang chos kyi bar du yin te/ rnam par shes pa la brten nas gnyis skye ba ni ma yin no zhes bstan to/ /de ltar na gnyi ga yang mdo sde dang 'gal ba yin no/ /drug pa'i gsum yang dus tha dad pa yin pa'i phyir ji ltar tshogs yin zhes bya ba ni yid dang chos dang yid kyi rnam par shes pa rnam pa dus tha dad pa nyid ni yid ni 'das ma thag pa yin no/ /rnam par shes pa ni da ltar byung ba'o/ /chos ni res 'ga' ma 'ongs pa'o/ /res 'ga' da ltar gyur ba'o/ /res 'ga' dus gsum pa'o/ /res 'ga' dus la rnam par grol ba yin no/ /de ltar na dus tha dad pa yin pa'i phyir ji ltar tshogs pa yin tshogs pa zhes bya ba ni lhan gcig tu 'jug pa yin no zhes bya ba ni dus la dang yul du dang dgos pa 'ga' zhig la zhes bya ba yin/ /'on te sngar skyes pa'i dbang po dang don gnyis zhes rgyas par 'byung ba 'dis ni dbang po dang/ don gnyis rnam par shes pa skyed pa la nus pa dang ldan pa ni lhan cig 'jug pa'i mtshan nyid tshogs pa yin par ston to/ /de ltar yin na dbang po dang don gnyis skad cig ma yin pa nyid du thal bar 'gyur ro zhes bya ba ni skad cig snga ma la skyed pa gnyis rnam par shes pa'i skad cig ma'i tshe rnam par gnas pa'i phyir ro/ /drug pa'i gsum pa la yang yid dang yid kyi rnam par shes pa gnyis lhan cig tshogs pa yin par thal bar 'gyur ba ni dbang po dang don gnyis rnam par shes pa'i tshe gnas pa'i phyir ro/ /rgyu dang 'bras bu'i dngos por zhes rgyas par 'byung ba ni 'on te 'di snyam du rgyu dang 'bras bu'i dngos po ni gsum 'dus pa yin te/ dbang po dang don ni rgyu yin/ rnam par shes pa ni 'bras bu yin no/ /lnga'i gsum dag ces bya ba ni mig dang gzugs dang rnam par shes pa la sogs pa'o/ /lhan cig 'byung ba'i phyir zhes bya ba ni dbang po dang don dang rnam par shes pa rnams kyi rten dang dmigs pa de ltar byung ba yin pa'i phyir ro/ /mig la sogs pa dang rnam par shes pa rnams rgyu dang 'bras bu'i dngos por mi rigs te/ snga ma bzhin no zhes bya ba ni rnam par shes pa skyes pa la ni de gnyis kyi nus pa med pa'i phyir ro/ /ma skyes pa yin na yang med pa'i phyir ro zhes rgyas par byas pa yin no/ /dbang po dang don gnyis ni ma yin te/ rnam par shes pa'i dus na de dag med pa'i phyir ro zhes zhes bya ba ni dbang po dang don de gnyis med pa'i phyir ro/ /gcig kho na de la nus pa yin pa'i phyir ro zhes bya ba ni reg pa de la rnam pa shes pa kho na nus pa yin pa'i phyir ro zhes bya ba'i don to/ /rnam par shes pa dang reg pa lhan cig byung ba yin no zhe na yang zhes bya ba ni 'on te yang 'di snyam du sngar byung ba'i dbang po dang don la brten nas rnam par shes pa dang reg pa lhan cig 'byung ngo snyam pa yin no rnam par shes pa ni reg pa'i rgyu yin par mi 'gyur te/ ji skad du sngar bstan pa yin no zhes bya ba ni reg pa skyes pa la ni rnam par shes pa'i nus pa dang mi ldan pa'i phyir dang/ ma skyes na yang med pa'i phyir ro/ /zhes bya ba la sogs pa yin no/ /de lta na yang gsum 'dus pa las reg pa 'grub par mi 'gyur te/ gnyis kho na de la nus pa yin pa'i phyir ro/ /gang dag yang gsum 'dus pa kho na reg pa yin te zhes rgyas par 'byung ba ni gang dag yang dbang po dang/ yul dang rnam par shes pa gsum 'dus pa kho na reg pa yin gyi 'dus pa la ma gtogs pa reg pa yod pa ma yin no/ /'dus pa zhes bya ba ni gsum po rnam pa rgyu dang 'bras bur 'dug pa tsam yin no/ /lhan cig byung ba rgyur mi 'dod do/ /'o na ci zhe na/ sngar byung ba yin no/ /de'i yang dbang po dang don gnyis rnam par shes pa'i tshe 'gags pa'i phyir tshor ba skye ba'i rgyu'i dngos por rigs pa ma yin pas zhes bya ba ni dbang po dang don gyi skad cig ma sngar byung ba la brten nas skad cig ma gnyis pa la rnam par shes pa skye'o/ /rnam par shes pa skyes pa'i tshe gsum rnams so rgyu dang 'bras bu'i dngos po'i mtshan nyid du 'dus pa yin na de'i tshe yang dbang po dang don de gnyis 'gags pa'i phyir reg pa ni tshor ba skye ba'i rgyu'i dngos por rigs pa ma yin pas reg pa'i rkyen gyis tshor ba 'grub par mi 'gyur te/ de ci'i phyir zhe na/ de'i phyir de dag gi gsum po rgyu dang 'bras bur gyur pa ni reg pa yin gyi rnam par shes pa 'ba' zhig ni ma yin pas zhes smras so/ /de dag gi zhes bya ba ni 'dus pa tsam reg pa yin par smra ba de dag gi'o/ /'dus pa'i don ni rgyu dang 'bras bu'i dngos po kho na yin la/ gsum 'dus pa yang lhan cig pa 'am zhes rgyas par 'byung ba ni slob dpon gyi yin no/ /ji ltar rigs par 'byung ba zhes bya ba ni lnga po'i gsum rnams ni lhan cig 'byung ngo/ /drug pa'i ni rim gyis so/ /ji ltar grib ma dang myu gu bzhin no zhes bya ba ni ci zhig ce na/ rgyu dang 'bras bu'i dngos po lhan cig 'byung ba yin du zin kyang gcig la gcig rgyu nyid ma yin te/ myu gu ni grib ma'i rgyu yin te/ de lhan cig 'byung ba yin du zin kyang/ de rgyur byas pa'i gzugs yin pa'i phyir dang/ rang gi rten 'byung ba chen po dang dus tha dad pa med pa'i phyir te/ myu gu'i rgyu ni grib ma ma yin no/ /de ltar na re zhig lnga po'i gsum rnams lhan cig 'byung du zin kyang rgyu dang 'bras bu yin gyi/ gcig la gcig rgyu nyid ni ma yin no zhes bsgrubs pa yin no/ /da ni drug pa'i gsum gyi dbang du byas nas/ rim gyis 'byung ba yang ji ltar rgyu dang 'bras bu'i dngos po yin/ 'bras bu'i dus na rgyu yod pa yang ma yin no/ /zhe na zhes smras so/ /ji ltar sa bon dang myu gu rim gyis byung yang rgyu dang 'bras bu yin la/ myu gu'i dus na sa bon yod pa yang ma yin pa bzhin no/ /ci'i phyir zhe na/ ci'i phyir de 'gags pa dang skye ba gnyis dus mtshungs pa yin pa'i phyir te zhes smras te/ sa bon 'gag pa dang myu gu skye ba gnyis dus mtshungs pa'i phyir zhes bya ba'i don te/ sa bon 'gag pa'i dus gang yin pa nyid myu gu skye ba'i dus nyid de yin no/ /gal te 'bras bu'i dus na rgyu yod pa ma yin na/ dngos po med pa sngon du song ba'i 'bras bu yin par ji ltar mi 'gyur zhe na/ de'i phyir ji ltar rgyu med pa dag gi med pa sngon du song ba ma yin pa zhes skabs dang sbyar ro/ /ji ltar na 'bras bu de ni med pa sngon du song ba ma yin zhe na/ de'i phyir de dang 'bras bu dus mnyam pa'i phyir ro zhes smras te/ rgyu med pa dang dus mnyam pa zhes bya ba'i tha tshig go /gang 'das nas yun ring du lon pa 'am/ ma 'ongs pa'i chos rnams dag ces bya ba ni gang 'das nas yun ring du lon pa dang ma 'ongs pa dag go / de'i dbang gis de skye ba'i phyir ro zhes bya ba ni yid kyi dbang gis de skye ba'i phyir te/ yid kyi dbang gis yid kyi rnam par shes pa de skye ba'i phyir ro/ /de lta ma yin na chos rnams de'i dmigs pa tsam yin par 'gyur ro/ /dmigs pa tsam yin par ji ltar 'gyur zhe na/ de'i phyir gal te de skyes la 'gags pa dang/ phyis 'byung bar 'gyur ba dag ces smras gang 'gags nas yun ring du lon pa dang/ ma 'ongs pa de dag la 'byung bar 'gyur ba'i rkyen rnyed pa yod pa ma yin na/ de dag la rnam par shes pa 'di skye bar mi 'gyur zhe na/ bya ba ni mi skye bar 'gyur ro zhes bya ba yin no/ /'di'i zhes bya ba ni 'di la bya'o// ji ltar zhe na/ rkyen rnyed pa yod na ni de dag la rnam par shes pa skye bar 'gyur ro zhes bya ba yin no/ /rnal 'byor pa rnams zhes rgyas par 'byung ba ni gal te de skyes la 'gags pa dang/ 'byung bar 'gyur ba dag la 'byung bar 'gyur ba med na ci zhe na/ rnal 'byor pa rnams kyi mthu'i bye brag gis de dag la shes skye bar mi 'gyur te/ mi skye bar 'gyur ro zhes bya ba'i tha tshig go zhes bya ba'i skabs dang sbyar ro/ /rnal 'byor ba las gzhan dag gi de las skyes pa'i rnam par shes pa bsgos pa'i rgyud yongs su 'gyur ba'i bye brag gis zhes bya ba ni de dag las skyes pa ni de las skyes pa'o/ /de las skyes pa yang yin/ rnam par shes pa yang de yin pas de las skyes pa'i rnam par shes pa ste/ mngon sum gyi don de la dmigs pa'i rnam par shes pa'o/ /des bsgos pa'i rgyud ni de las skyes pa'i rnam par shes pas bsgos pa'i rgyud do/ /de'i yongs su 'gyur ba'i bye brag ni de las skyes pa'i rnam par shes pas yongs su bsgos pa'i rgyud yongs su 'gyur ba'i bye brag go / de ni gal te de skyes la 'gags pa 'das pa rnams la dran pa'i shes pa de skye bar mi 'gyur ro/ /ma 'ongs pa la zhes rgyas par 'byung ba ni ma 'ongs pa phyis 'byung ba rnams la/ rjes su dpog pa 'am/ mngon par 'dod pa sngon myong ba'i rjes su de dang rigs gcig pa'i rjes su dpog pa dang/ mngon par 'dod pas kyang gal te 'byung bar 'gyur ba'i rkyen rnyed la yod pa ma yin na shes pa skye bar mi 'gyur ro/ /phyis 'byung ba la rjes su dpog par byed pa yid kyi rnam par shes pa dang mtshungs par ldan pa'i shes pa ni rjes su dpog par byed pa'o/ /de bzhin du mngon par 'dod pa dang mtshungs par ldan pa'i shes pa ni mngon par 'dod pa'o/ /de gnyi ga yang sngon myong ba'i rjes su zhes bya ba ni sngon yul mngon sum du ji ltar myong bar gyur pa de'i rjes su de dang mthun par ro/ /de dang rigs gcig pa'i rjes su dpog par byed pa dang mngon par 'dod pas zhes bya ba ni de dang rigs gcig pa'i rjes su dpog pa yin pa de bas na de dang rigs gcig pa'i rjes su dpog pas so/ /de bzhin du de dang rigs gcig pa'i mngon par 'dod pa yin pa de bas na de dang rigs gcig pa'i mngon par 'dod pa ste/ de dang rigs gcig pa'i mngon par 'dod pas kyang 'byung bar 'gyur ba med na de dag la rnam par shes pa 'di skye bar mi 'gyur ro/ /de shi bas zhes bya ba ni pha shi bas so/ /reg pas bsdus pa'i don rnam par bzhag pa ni rnam pa bcur bstan te/ rab tu dbye ba rnam par bzhag pa ni reg pa gang zhe na/ reg pa'i tshogs drug ste zhes ji skad du rgyas par bstan pa'o/ / byed pa rnam par bzhag pa ni ji skad du sems las byung ba'i chos gzhan la reg pa zhes bya ste/ gang la brten nas sems las byung ba'i chos thams cad skye ba'o zhes rgyas par bstan to/ /yid ches par bya ba rnam par bzhag pa ni ji skad du/ yid brtan du rung ba'i lung yang rnam pa gsum ste zhes rgyas par bstan pa'o/ /rigs tha dad pa rnam par bzhag pa ni ji skad du/ de dag ni rgyu la 'bras bu gdags pa yin te zhes rgyas par bstan pa'o/ /sems las byung ba yin par rnam par bzhag pa ni ji skad du/ de lta bu ni sde pa gang gi grub pa'i mdza' yang ma yin no zhes rgyas par bstan pa'o/ /gtso bo'i rkyen rnam par bzhag pa ni ji skad du/ gtso bo'i rkyen ni skye mched drug yin te/ thun mong dang thun mong ma yin pa'i rgyu yin pa'i phyir snga ma bzhin no zhes rgyas par bstan pa'o/ /rkyen gzhan gyi bsam pa rnam par bzhag pa ni ji skad du/ skye mched drug dang gnyis dang reg pa'i rkyen gsum pa la bye brag ci yod ce na zhes rgyas par bstan pa'o/ /rkyen yongs su rdzogs pa rnam par bzhag pa ni ji skad du ming dang gzugs kyi gnas skabs na reg pa 'am/ tshor ba yod pa ma yin nam ci zhes rgyas par bstan pa'o/ /rnam par nges pa rnam par bzhag pa ni ji skad du/ 'dus pa zhes bya bar cing yin zhes rgyas par bstan pa'o/ /'dus pa rnam par bzhag pa ni ji skad du rgyu dang 'bras bu'i dngos por gsum tshogs pa yin no zhe na yang zhes rgyas par bstan pa'o// // reg pa'i yan lag rnam par dbye ba'o/ /rten cing 'brel par 'byung ba dang po dang rnam par dbye ba bstan pa rgya cher 'grel pa/ bam po brgyad pa/ reg pa'i rkyen gyis tshor ba zhes bstan pa'i tshor ba gang zhe na zhes bya ba ni tshor ba yang rnam pa gsum yod na reg pa'i rkyen gyis tshor ba zhes bya ba gang zhig 'dir dgongs pa yin zhe na/ de'i phyir tshor ba rnam pa gsum ste zhes rgyas par 'byung ba smras te/ rgyas pa'i tshig gis ji lta ba bzhin du ston to/ /de dag gis ni tshor ba'i rab tu dbye ba ston to/ /zhes bya ba'i tshor ba'i yan lag rnam par 'byed pa de dag gis te/ de'i tshe gdul bya rnams ni rab tu dbye ba tsam la the tshom yod pa'i phyir ro/ /gang skyes na mi 'bral bar 'dod pa 'byung ba'o zhes bya ba ni 'bras bu mi 'bral bar 'dod pa'i sgo nas bde ba'i tshor ba bye brag tu byas so/ /dgra bcom pa rnams bde ba'i tshor ba byung ba la bral bar 'dod pa/ 'byung ba ma yin nam zhe na/ 'byung ba bden te/ de dag gi ni de'i rgyu can ma yin no/ /'o na ci zhe na de ni sun 'byin pa'i rgyu can yin te/ de ni 'du byed dang yongs su 'gyur ba'i sdug bsngal nyid dang 'brel ba'i phyir ro/ /gang skyes na 'bral bar 'dod pa 'byung ba'o zhes bya ba na 'bras bu 'bral bar 'dod pa'i sgo nas sdug bsngal gyi tshor ba bye brag tu byas so/ /gcer bu pa rnams kyi kun tu gdung ba dang/ yongs su gdung ba la sogs pa'i sdug bsngal dag bral bar 'dod pa'i rgyu ma yin pa ni tshul khrims dang brtul zhugs mchog tu 'dzin par lta ba'i mthus de dag yang skyed par byed kyi/ mngon par chags pa'i dbang gis ni ma yin no/ /gang skyes na gnyi ga mi 'byung ba'o zhes bya ba ni sdug bsngal yang ma yin/ bde ba yang ma yin pa'i tshor ba'i gnas skabs la mi 'bral bar 'dod pa dang bral bar 'dod pa gnyi ga'i skabs mi 'byung ba'o/ /gang dag bde ba yang ma yin/ sdug bsngal ba yang ma yin pa'i gnas skabs na bde ba'i gnas skabs tshor ba 'di dag gi bde ba dang ldan par 'dod pa ni de'i rgyu can ma yin no/ /'o na ci zhe na/ bde ba'i tshor ba la chags pa'i rgyu can yin no/ /gang skyes pa na 'bral bar mi 'dod ces rgyas par 'byung ba la/ rgyu gang tshor bar zhes bya ba ni bral bar mi 'dod pa dang/ bral bar 'dod pa'i rgyu ni tshor ba gang skyes pa yin no zhes 'chad par 'gyur ro/ /gnyis men zhes bya ba ni bral bar 'dod pa yang ma yin mi 'bral bar 'dod pa yang ma yin pa'o/ /shes bya ste zhes bya ba ni rigs par bya ba'o/ /de ni bde sogs go rims bzhin zhes bya ba ni bral bar mi 'dod pa'i rgyu ni bde ba yin par rig par bya'o/ /bral bar 'dod pa'i rgyu ni sdug bsngal lo/ /gnyi ga ma yin pa'i rgyu ni sdug bsngal yang ma yin/ bde ba yang ma yin pa'o/ /'o na ci las she na/ de'i bde ba ni tshul khrims dang ting nge 'dzin gyi bar du gcod pa nyid du mthong nas de sun 'byin pa las so zhes bya ba ni tshul khrims dang ting nge 'dzin gyi bar du gcod par mthong ba ni tshul khrims dang ting nge 'dzin dang mi mthun pa nyid yin par de'i 'dod chags las skyes pa'i bde ba la mthong zhes bya ba'i don gang yin pa'o/ /de sun 'byin pa las so zhes bya ba ni bde ba'i tshor ba sun 'byin pa las bral bar 'dod pa 'byung ba yin no/ /der yang tshor ba gnyis la ngo bo nyid kyis sdug bsngal med pas na zhes rgyas par 'byung ba ni sdug bsngal yang ma yin pa dang/ bde ba'i tshor ba ste/ tshor ba 'di gnyis la ngo bo nyid kyis sdug bsngal ba med pas na dgongs pa can gyi sdug bsngal ba nyid yin par bstan to/ /zhes bya ba ni sdug bsngal ba yang ma yin/ bde ba yang ma yin pa ni 'du byed mi rtag pa nyid kyis sdug bsngal nyid yin par bstan to/ /bde ba ni 'gyur ba'i sdug bsngal nyid kyis sdug bsngal yin par bstan to/ /sdug bsngal ni ngo bo nyid kyis sdug bsngal nyid yin no/ /sdug bsngal yang ma yin/ bde ba yang ma yin pa ni 'du byed mi rtag pa nyid kyis sdug bsngal nyid yin par bstan te/ /zhes smras pa gang yin pa dag ji ltar 'du byed mi rtag pa nyid kyi sdug bsngal ba nyid yin zhe na/ 'phags pa rnams la mi mthun pa yin pa'i phyir te/ ji skad du gang mi rtag pa de la sdug bsngal ma yin no zhes gsungs te/ zag pa dang bcas pa'i dngos po thams cad 'du byed mi rtag pa nyid kyis 'phags pa rnams la mi mthun pa yin no/ /'du byed sdug bsngal ba nyid de yang 'phags pa rnams la mngon sum kho na yin gyi/ byis pa rnams la ma yin no/ /ji skad du/ lag mthil spu? nyag gcig bzhag pa/ /mi rnams kyis ni mi rtogs la/ /mig tu song na de nyid kyis/ /nyam nga ba dang gnod skyed bzhin/ /byis pa rnams ni lag thil 'dra/ /'du byed sdug bsngal spu? mi rtogs/ /'phags pa rnams ni mig dang 'dra/ /de yis shin tu yid kyang 'byung zhes gsungs pa yin no/ /ci'i phyir bcom ldan 'das kyis yongs su 'gyur ba nyid gsungs kyi zhes rgyas par 'byung ba la/ bcom ldan 'das kyis ni sdug bsngal rnam pa gsum bstan pa yin la zhes bya ba ni sdug bsngal gyi sdug bsngal nyid dang/ 'gyur ba'i sdug bsngal nyid dang/ 'du byed kyi sdug bsngal nyid do/ /de la sdug bsngal ni sdug bsngal ba'i sdug bsngal nyid yin no/ /bde ba ni 'gyur ba'i sdug bsngal nyid yin no/ /sdug bsngal yang ma yin/ bde ba yang ma yin pa ni 'du byed kyi sdug bsngal nyid yin no/ /de khyab pa yin pa'i phyir ro zhes bya ba ni 'du byed kyi sdug bsngal la bya ste/ de ni tshor ba thams cad la khyab pas so/ /mi 'gyur te nye bar len pa'i phung po lnga la dgongs te gsungs pa'i phyir ro zhes bya ba ni de ltar lam la thal bar 'gyur ba nyid ma yin te/ 'di ltar nye bar len pa'i phung po lnga la dgongs nas gang mi rtag pa de sdug bsngal ba'o zhes de skad gsungs so/ /ci'i phyir zhe na zhes bya ba ni gang mi rtag pa dang sdug bsngal ba yin par bstan na go / lam yang mi rtag pa yin na 'dir ci'i phyir nye bar len pa'i phung po gang yin pa de kho na mi rtag pa yin pa'i phyir sdug bsngal ba yin gyi/ lam ma yin zhe na zhes bya ba yin no/ /de'i phyir 'dun pa dang 'dod chags kyi dngos po gang yin pa de nyid la zhes rgyas par smras te/ 'dun pa dang 'dod chags kyi migs pa ni 'dun pa dang 'dod chags kyi dngos po'o/ /de la 'dun pa ni thob par 'gyur ba'i yul la 'dod pa'o/ /'dod chags ni thob zin pa'i yul la mngon par chags pa'o/ /de nyid la mi rtag pa'i 'du shes kyis ni mi mthun pa'i 'du shes 'dren par byed do zhes bya ba ni de la 'dun pa dang 'dod chags kyi dngos po de la skyon du mthong ba'i phyir ro/ /tshol ba dang chags pa yang de la skyon du mthong na mi mthun pa'i 'du shes 'dren par byed pa yin gyi/ gzhan du ma yin no/ /mi mthun pa sdug bsngal ba de la dgongs nas gang mi rtag pa de sdug bsngal ba'o zhes bstan to zhes bya ba de la 'dun pa dang 'dod chags kyi dngos po ni mi mthun pa yin gyi/ lam ni 'dun pa dang 'dod chags kyi dngos po ma yin no/ /de ni 'dun pa dang 'dod chags kyi dngos po ma yin no/ /de 'dun pa dang 'dod chags kyi dmigs pa ma yin te/ de gnyen po yin pa'i phyir ro/ /de tshol ba ni dge ba'i chos 'dun pa yin la gus pa gces su byed pa ni 'dod chags ma yin no/ /de bas na der ni mi rtag pa'i 'du shes kyis mi mthun pa'i 'du shes 'dren par byed pa ma yin te/ mi mthun pa ni sdug bsngal yin pas so/ /de bas na lam la thal bar 'gyur ba med do zhes bya ba ni lhag ma ma lus par gtan du sdug bsngal la nges par 'byin pa'i thabs yin pa'i phyir ro/ /'phags pa shA ri'i bus kyang dngos po gang zhes rgyas par 'byung ba la/ dngos po gang dga' ba'i yul zhes bya ba ni dga' ba'i dmigs pa'o/ /dga' ba ni 'dir 'dod chags dang mtshungs par ldan pa'i yid bde ba yin par dgongs so/ /de mi rtag pa nyid du mthong na mi mthun par 'gyur ro zhes bya ba ni skyon med par mthong na ni de la rjes su mthun pa'i 'du shes su 'gyur zhing dga' ba yin no/ /de bas na mi rtag pa skyon du mthong na mi mthun pa'i 'du shes su gyur pa yin no/ /bdag gi dga' ba ni de phra rgyas su gnas par mi 'gyur ro zhes bya ba la der zhes bya ba ni dngos po der ro/ /phra rgyas su zhes bya ba ni 'dod chags phra rgyas su dmigs shing phra rgyas su dga' ba la gnas pa ma yin no zhes bya'o/ /de ltar na lam ni dga' ba'i yul ma yin pas de la mi rtag pa'i 'du shes kyis mi mthun pa'i 'du shes 'dren par byed pa ma yin pas lam la thal bar 'gyur ba yod pa ma yin no/ /sdug bsngal la sogs pa'i tshor ba'i gnas su gyur pa'i dngos po zhes rgyas par 'byung ba la/ dngos po gang yin pa ni zhes bya ba ni nye bar len pa'i phung po lnga'i mtshan nyid do/ /sdug bsngal la sogs pa'i tshor ba'i gnas su gyur pa ni sdug bsngal gyi tshor ba'i gnas su gyur pa dang/ sdug bsngal yang ma yin/ bde ba yang ma yin pa'i tshor ba'i gnas su gyur pa'o/ /skye ba dang 'jig pa gnyis dang rjes su 'brel pa'i phyir ro rim bzhin du mi mthun pa yin te zhes bya ba ni sdug bsngal gyi tshor ba'i gnas su gyur pa ni skye ba dang rjes su 'brel ba'i phyir mi mthun pa yin te/ 'di ltar de ni skye ba nyid ni gnod pa dang bcas pa yin pa'i phyir ro/ /ji skad du bcom ldan 'das kyi sdug bsngal gyi tshor ba ni skye ba sdug bsngal ba gnas pa sdug bsngal ba/ yongs su 'gyur ba sdug bsngal ba'o/ /zhes gsungs so/ /de bzhin du sdug bsngal gyi tshor ba'i gnas su gyur pa'i dngos po la yang rig par bya'o/ /bde ba'i tshor ba'i gnas su gyur pa ni 'bral ba dang rjes su 'brel ba'i phyir mi mthun pa yin te/ de ni rnam par 'jig pa gnod pa dang bcas pa yin pa'i phyir ro/ /ji skad du mdo sde gzhan las bde ba'i tshor ba skye ba bde ba'o/ /gnas pa bde ba'o/ /yongs su 'gyur ba sdug bsngal ba'o zhes gsungs so/ /de bzhin du bde ba'i tshor ba'i gnas su gyur pa'i dngos po la yang rig par bya'o/ /bde ba yang ma yin sdug bsngal ba yang ma yin pa'i tshor ba'i gnas su gyur pa ni gnyi ga dang rjes su 'brel ba yin te/ skye ba dang 'jig pa dang rjes su 'brel pa'i phyir mi mthun pa yin no/ /de ni sngon ma byung ba las 'byung ba dang/ byung nas kyang med par 'gyur ba'i phyir mi rtag pa nyid kyis mi mthun pa yin no/ /ji skad du mdo sde gzhan las gang mi rtag pa de sdug bsngal ba'o zhes bstan to/ /lam ni de lta bu ma yin pas zhes bya ba ni dga' ba'i yul du gyur ba nye bar len pa'i phung po de mi yin la/ dngos po de ni sdug bsngal la sogs pa'i tshor ba'i gnas su gyur pa yang ma yin pas lam la sdug bsngal yin par thal bar 'gyur ba med do/ /gzhan dag na re tshor ba gsum bstan pa ni dgongs pa can yin gyi zhes bya ba ni tshor ba gsum bstan pa gang yin pa'i tshor ba gsum ni bde ba dang sdug bsngal dang/ sdug bsngal yang ma yin bde ba yang ma yin pa yin te/ 'di ni dgongs pa can yin no zhe na/ tshor ba gsum bstan pa dgongs pa can yin no zhes bya ba de ni 'di la log par brtags pa yin te/ ji lta zhe na/ de'i phyir bcom ldan 'das kyis tshor ba thams cad sdug bsngal ba yin par dgongs te bka' stsal to/ /zhes rgyas par smras so/ /re zhig tshor ba gsum bstan pa dgongs pa can yin par brtag pa gang zhe na zhes bya ba ni tshor ba gsum bstan pa dag gang gi dbang du byas te dgongs pa can yin par bstan ces bya ba yin no/ /de'i phyir/ sdug bsngal chung ba'i tshor ba ni bde ba zhes bya'o zhes rgyas par smras so/ /ci'i phyir zhe na/ de'i phyir 'jig rten dang rjes su mthun par yin te zhes smras te/ dper na bum pa dang sems can 'gro'o zhes bya ba 'jig rten dang rjes su mthun pa yin pa bzhin te/ 'jig rten pa rnams ni de dag la bde ba la sogs pa yin par rtogs so zhes bya ba ni chung ngu dang/ bar ma dang chen po'i tshor ba la sogs pa de dag la zhes bya ba'i don gang yin pa ste/ sdug bsngal gyi sdug bsngal/ sdug bsngal chen pos gzir ba las/ sdug bsngal chung ngu'i tshor ba la bde ba yin par rtogs te/ dper na chu shin tu dron pos gdungs pa na chu chung zad dro ba la/ grang ba zhes bya ba bzhin no/ /sdug bsngal chen po'i tshor bas gzir ba las tshor ba par ma la sdug bsngal yang ma yin bde ba yang ma yin par rtogs so/ /dper na dpyid kyi nyi tshan gyis yongs su gdungs pa sngar dgun gyi nyi ma la dro ba yang ma yin grang ba yang ma yin zhes bya ba bzhin no/ /sdug bsngal chen po'i tshor ba sdug bsngal yin par rtogs so/ /sdug bsngal gyi tshor ba'i mtshan nyid kyang ci yin zhes rgyas par 'byung ba la/ gang skyes na mi 'bral bar 'dod pa 'byung ba zhes bya ba ni 'bras bu'i nye bar mtshon pa'i dbang du byas pa'o/ /de sdug bsngal du ji ltar 'grub par 'gyur zhes bya ba ni sdug bsngal gyi tshor ba dang mi mthun pa'i 'bras bu yin par rtog pa yod pas so/ /'on te chung ngu dang/ 'bring dang/ chen po tha dad pa'i phyir 'bras bu 'di tha dad pa yin no/ /zhes smras na/ 'o na ni gang skyes na bral bar 'dod pa 'byung ba zhes bya bar tshor ba 'di thams cad sdug bsngal yin par mi 'gyur ro/ /'on te gang la brten na gnod par 'gyur ba de zhes bya ba ni byed pas nye bar mtshon pa'i dbang du byas pa'o/ /gang la brten nas phan par 'gyur ba de ji ltar sdug bsngal yin par 'grub par 'gyur zhes bya ba ni de dang mi mthun par byed pa'i nye bar mtshon pa yod pas so/ /'on te ji ltar 'phags pas sdug bsngal bar gzigs de zhes rgyas par 'byung ba la/ 'du byed sdug bsngal nyid kyis tshor ba rnams 'phags pas sdug bsngal bar gzigs so zhe na zhes bya ba 'dis ni tshor ba thams cad kyi spyi'i mtshan nyid ni sdug bsngal gyi mtshan yin par bstan gyi/ rang gi mtshan nyid ni ma yin no zhes ston to/ /de bas na tshor ba'i rang gi mtshan nyid 'di la tha dad pa yod du zin kyang 'grub par mi 'gyur te/ de yang tha dad pa med pa yin pas 'du byed kyi sdug bsngal de yang mi rtag pa nyid du mthun pa'i ngo bo yin pa'i phyir ro/ /ji ltar de'i sgo nas tshor ba la sdug bsngal chung ba nyid dang bar ma dang/ chen po nyid 'grub par 'gyur zhes bya ba ni 'du byed mi rtag pa nyid kyi sgo nas tha dad pa med pa nyid yin na ni 'du byed mi rtag pa de'i sgo nas kha cig tu ni chung ngu yin no/ /kha cig du ni 'bring yin no/ /kha cig tu chen po yin no zhes bya bar mi rung ngo/ /sdug bsngal gyi mtshan nyid gang yin pa de la ni chung ngu dang 'bring dang chen po tha dad par rigs pa yin te/ rang gi mtshan nyid kyi rkyen tha dad pas tha dad pa yin pa'i phyir ro/ /gal te yang 'du byed sdug bsngal nyid kho nas tshor ba zhes bya ba nyid yin na ni zhes rgyas par 'byung ba la sdug bsngal gsum zhes bya ba'i mdo sde yod par mi 'gyur ro zhes bya ba ni yongs su 'gyur ba dang/ sdug bsngal ba'i sdug bsngal gnyis med pa'i phyir ro// 'on te chung ngu dang 'bring dang chen po so so tha dad par myong ba de dag sdug bsngal yin no zhes ji ltar srid par smra na de la 'di brjod par bya ba ste/ sdug bsngal ba'i sdug bsngal ba 'di gang yin/ gang sdug bsngal chen po yin no zhes brjod do/ /yongs su 'gyur ba'i sdug bsngal nyid kyang/ gang yin par ma yin no zhe'o/ /gal te de dag 'du byed kyi sdug bsngal nyid yin na ni/ sdug bsngal gsum zhes brjod du med par 'gyur ro/ /gal te chung ngu dad bar ma dang? chen po tha dad pa yin no zhe na ni ming gzhan du brjod pa yin te/ sdug bsngal la chung ngu dang/ bar ma dang/ chen po'i bye brag nyid 'grub par mi 'gyur te/ sdug bsngal gyi mtshan nyid la tha dad pa med pa'i phyir/ / 'on te sdug bsngal ba'i sdug bsngal nyid kyang gzhan/ 'du byed kyi sdug bsngal yang gzhan/ yongs su 'gyur ba'i sdug bsngal yang gzhan yin no zhes smra na ni de ltar tshor ba thams cad sdug bsngal ba ni yin na bde ba dang/ sdug bsngal yang ma yin/ bde ba yang ma yin pa'i tshor ba'i dngos po ni 'grub par mi 'gyur ro/ /gang ci tshor yang rung de ni 'dir sdug bsngal 'byung ba'o zhes 'byung ba'i mdo sde dang yang 'gal bar mi 'gyur te/ kun dga' ba 'du byed mi rtag pa nyid dang yang 'du byed yongs su 'gyur ba nyid la nges dgongs nas gang ci tshor yang rung de ni 'dir sdug bsngal ba'o zhes bshad do/ /tshor ba gsum ni 'di dag ste/ bde ba dang sdug bsngal ba dang/ sdug bsngal yang ma yin/ bde ba yang ma yin no zhes bya ba ni sdug bsngal gyi tshor ba skye ba sdug bsngal ba'o/ /yongs su 'gyur ba bde ba yin no/ /bde ba'i tshor ba skye ba bde ba yin no/ /gnas pa bde ba yin no/ /yongs su 'gyur ba sdug bsngal yin no zhes bya ba la sogs pa yin no/ /bsam gtan gsum pa na sdug bsngal chung pa'i tshor ba yod par 'grub par 'gyur te/ bde ba'i tshor ba bstan pa'i phyir ro zhes bya ba ni dben pa las skyes pa'i dga' ba dang bde ba can bsam gtan dang po yin no zhes gsungs pa'i phyir rnam par rtog pa dang/ rnam par dpyod pa nye bar zhi nas nang yongs su dang bas sems rtse gcig tu gyur pa'i phyir rnam par rtog pa med cing rnam par dpyod pa med pa/ dben pa las skyes pa'i dga' ba dang bde ba can bsam gtan gnyis pa nye bar bsgrubs te gnas so zhes gsungs pa'i phyir dang/ btang bsnyoms can dran pa dang ldan pa bde ba la gnas pa bsam gtan gsum pa nye bar bsgrubs te gnas so zhes gsungs pa'i phyir ro/ /de'i gong mar bar ma sdug bsngal yang ma yin bde ba yang ma yin pa'i tshor ba bstan pa'i phyir ro zhes bya ba ni bsam gtan bzhi pa nas srid pa'i rtse mo'i bar bu de bde ba yang spangs sdug bsngal yang spangs nas yid bde ba dang/ yid mi bde ba snga nas med pas yid mi bde ba la sogs pa spangs par gsungs pa'i phyir ro/ /ji ltar shin tu zhi ba'i snyoms par zhugs pa la sdug bsngal gyi tshor ba lhag par yod par 'thad ces bya ba ni snyoms par 'jug pa 'og ma'i rdzas la sa gong ma pa'i snyoms par 'jug pa'i rdzas shin tu zhi ba yin te/ de'i gnyen po yin pa'i phyir ro/ /de la ji ltar na shin tu sdug bsngal gyi tshor ba lhag par yod par 'thad/ bar ma ni sdug bsngal yang ma yin/ bde ba yang ma yin pa'i tshor ba yin no zhes ston pa'i phyir 'dod pa'i khams las gong na sdug bsngal gyi tshor ba yod pa ma yin no/ /'on kyang bcom ldan 'das kyis sdug bsngal bde bar 'du shes pa gang yin pa ni phyin ci log yin no zhes gsungs pa yang zhes bya ba ni bde ba'o snyam pa'i 'du shes ni bde bar 'du shes pa'o/ /bde bar phyin ci log pa yang log par 'dzin pa'o/ /sdug bsngal rnam pa gnyis la zhes rgyas par 'byung ba la/ sdug bsngal gnyis ni yongs su 'gyur ba'i sdug bsngal dang/ 'du byed kyi sdug bsngal lo/ /sdug bsngal de la sdug bsngal nyid du yongs su mi shes nas zhes bya ba ni sdug bsngal gnyis po de sdug bsngal yin par yongs su mi shes nas gcig kho nar bde bar 'du shes pa ni phyin ci log yin no/ /sdug bsngal nyid gnyis yin par mthong ba la sbyor bar bya ba'i phyir te zhes bya ba ni 'gyur ba'i sdug bsngal nyid ma thob par bya ba dang/ 'du byed kyi sdug bsngal nyid mthong bar bya ba la sbyor bar bya ba'i phyir ro/ /de la chags pa dang bral ba'i thabs yin pa'i phyir dang zhes bya ba ni de la sdug bsngal rnam pa gnyis yod par mthong ba ni sdug bsngal rnam pa de gnyis kyi rang gi mtshan nyid kyi rnam pa ma thob pa ni de la phyir phyogs par mi 'gyur ro/ /sdug bsngal mang po dang ldan pa'i phyir zhes bya ba ni ci zhe na/ bde ba'i tshor ba ni sdug bsngal nyid yin par blta bar bya'i zhes bstan pa yin no/ /sran ma sha'i phung po bzhin na zhes bya ba ni/ dper na sran ma sha'i nang na sran mu dga' la sogs pa med pa ma yin yang sran ma sha mang ba'i phyir ma sha'i phung po zhes bya ba de bzhin no/ /btsun pa gzhon nu len gyis ni bde ba khas blangs nas ji ltar de la sdug bsngal gyi blo 'byung ba smra bar byed do/ /sdug bsngal gyi rgyu yin pa'i phyir dang zhes rgyas par 'byung ba'i sdug bsngal gyi rgyu yin pa'i phyir te/ 'di ltar bde ba ni 'gyur ba'i sdug bsngal 'byung ba 'am/ sred pa dang len pa dang/ srid pa'i rim gyis 'di ltar bde ba'i tshor ba ni yang srid kyi rgyur 'gyur ba yin te/ de bas na sdug bsngal gyi rgyu yin no/ /sdug bsngal mang pos bskyed pa'i phyir te zhes bya ba ni 'di ltar bde ba ni zhing rmo ba dang/ tshong bya ba la sogs pa'i sdug bsngal mi nyung bas bskyed cing 'byung ba yin no/ /sdug bsngal yin pa la de yid du 'ong ba yin zhing zhes bya ba ni 'di ltar bkres pa dang/ bskom pa dang/ lus kyi nad dang/ ngal ba la sogs pa'i rab tu dbye ba sdug bsngal ba yin yang de la 'dod pa 'byung ngo/ /gtan tshigs de dag kun gyi phyir/ sdug bsngal yin na bde bar 'dzin to/ /bde ba'i rgyu rnam par mi gnas pa'i phyir ro zhes bya ba ni gzhan la grags pa'i sgo nas bstan pa yin te/ de dag gi ni bde ba yang yod pa ma yin/ bde ba'i rgyu yang yod pa ma yin/ zhes bya ba yin no/ /'di ltar btung ba dang/ bza' ba dang/ bgo ba la sogs pa de dag bde ba'i rgyur brtag pa de dag ni bde ba'i rgyu ma yin no/ /sdug bsngal gzhan zhi ba bde ba yin par sems te zhes bya ba ni bde ba med du zin kyang bde ba'i blo 'grub par 'gyur ro zhes ston to/ /de la re zhig 'di 'dri bar bya ste/ ci btung ba dang/ bza' ba la sogs pa de dag bkres pa dang/ skom pa dang/ grang ba dang/ dro ba la sogs pa'i sdug bsngal zhi ba'i rgyu yin nam/ 'on te sdug bsngal gyi rgyu yin/ des cir 'gyur/ gal te sdug bsngal zhi ba'i rgyu yin na ni ji ltar sdug bsngal gyi rgyu yin par 'grub par 'gyur 'di la yang sdug bsngal gyi tshor ba ni yod pa ma yin pa de kho na yin te/ sdug bsngal gyi rgyu rnam par mi gnas pa'i phyir ro zhes bya ba de kho na bzhin du gnas/ /btung ba dang/ bza' ba dang/ gos la sogs pa gang yin pa de dag shin tu mang ba dang/ dus ma yin par bsten na sdug bsngal 'byung bar 'gyur ba de dag nyid tshod zin pa dang/ dus su bsten na sdug bsngal zhi bar 'gyur ro/ /rgyu gang kho nas sdug bsngal bar 'gyur ba de kho nas sdug bsngal zhi bar 'gyur ba yang rigs pa ma yin no/ /'on te bkres pa dang/ skom pa dang/ grang ba dang/ dro ba la sogs pa'i sdug bsngal gyis gzir ba rnams kyis sdug bsngal gyi rgyu rnams bstan na ji ltar bde ba'i blo 'byung bar 'gyur/ 'on te sdug bsngal gzhan la/ de'i tshe bde ba yin par mngon pa'i nga rgyal byed na ni btung ba dang bza' ba la sogs pa'i dus las dus gzhan gyi che na yang shin tu bde ba yin par mngon pa'i nga rgyal byed pa 'thob par 'gyur te/ sdug bsngal gyi rgyu yang med pa'i phyir ro/ /gang dag sdug bsngal gzhan la bde ba yin par mngon pa'i nga rgyal byed pa de ni de med na shin tu bde ba yin par mngon pa'i nga rgyal byed pa 'thob par 'gyur ro/ /bde ba'i rgyu rnam par mi gnas pa ma yin te zhes bya ba 'dis ni gtan tshigs ma grub pa'i don nyid brjod pa yin no/ /de lta ma yin na zhes rgyas par 'byung ba ni 'di lta ma yin te/ gal te sdug bsngal nye bar zhi ba kho na la bde ba'i blo 'byung ba yin na ni ngal ba'i lus bsku mnye byed pa dang/ spyod lam gzhan byed pa gnyis bde ba nyid la bde ba'i blo 'byung ba ma yin na/ dus ring pos zhes bya ba ni bsku mnye byed pa'i dus las ring du lon pa dang/ spyod lam gzhan byed pa las yun ring du lon te ngal ba zhi ba de 'dra ba kho na'i blo 'byung bar 'gyur gyi zhes bya ba ni de'i tshe na yang sdug bsngal zhi ba yod pas so/ /lan 'ga' yang bde ba la yongs su gcod par mi 'gyur zhes rgyas par 'byung ba des ni sdug bsngal nye bar zhi ba tsam la bde ba'i blo byung ba yod mod kyi 'on kyang bde ba nye bar btags pa tsam yin par ston to/ /bde ba'i blo yang ma yin te tshor ba gzhan la yongs su mi gcod pa'i phyir ro/ /'dir ni sdug bsngal nye bar zhi ba la bde ba'i blo 'byung ba ma yin pa de lta bu kho na yin te/ de lta ma yin na gang phal cher bza' ba dang btung ba 'bad de zhim po tshol bar byed bar mi 'gyur te/ 'bras chen phal pa dang 'bras kun ma sa dang rtsab mo dang chu tsam gyis kyang bkres pa dang/ skom pa'i sdug bsngal nye bar zhi ba ni gdon mi za bar 'gyur ba yin no/ /bza' ba dang btung ba zhim? po la longs spyod pa'i tshe ni bde ba'i tshor ba yin no/ /gang gi tshe bkres pa dang/ skom pa dang/ bral nas zhes rgyas par 'byung ba des kyang sdug bsngal nye bar zhi ba tsam la bde ba yin par mngon pa'i nga rgyal byed par ston to/ /ro zhim pa 'am/ sna la dri zhim pa rdzas gzhan shin tu zhim pa 'am/ shin tu ches zhim pa'i khyad par las zhes bya ba ni zhim pa'i rdzas gzhan shin tu zhim pa dang shin tu ches zhim pa'i khyad par las ro zhim pa dang shin tu ches zhim mo snyam pa dang/ ji ltar dri zhim pa'i rdzas gzhan shin tu zhim pa dang/ shin tu ches zhim pa'i khyad par las dri zhim po shin tu zhim pa dang dri shin tu ches zhim mo snyam pa de bzhin no// rna bas kyang yid du 'ong snan? pa sna tshogs pa'i sgra rnams la zhes rgyas par 'byung ba la yang sdug bsngal gzhan nye bar zhi ba gang zhig yin/ snyan pa sna tshogs pa'i sgra rnams la nyan par byed pa'i phyir ro/ /zhes bya ba ni snyan pa'i sgra yang yin/ sna tshogs kyi sgra yang yin pas snyan pa sna tshogs kyi sgra'o/ /yid du 'ong la snyan pa sna tshogs kyi sgra ni/ yid du 'ong la snyan pa sna tshogs kyi sgra'o/ /yid du 'ong ba snyan pa sna tshogs kyi sgra de dag la nyan pas ni bde ba khyad par gyi blo skyed par byed do/ /sdug bsngal gzhan nye bar zhi ba 'ba' zhig la ma yin par ni lung mdo sde 'di nyid las kyang tshor ba gang zhe na/ tshor ba gsum ste zhes rgyas par 'byung ba yin no/ /rigs pas kyang zhes bya ba ni bde ba'i rgyu rnam par gnas pa la sogs pa'i rigs pas tshor ba gsum grub pa yin no/ /'dir yang rkyen dang rkyen can gnyis zhes rgyas par 'byung ba la rgyu gzhan dang/ de ma thag pa dang/ dmigs pa rnams rkyen yin par mi 'gyur ro zhes bya ba ni reg pa las gzhan de la tshor ba'i rgyu dang rkyen skal ba mnyam pa'i rgyu la sogs pa yin par rig par bya'o/ /de ma thag pa'i rkyen ni sems byung ba 'das ma thag pa yin no/ /dmigs pa'i rkyen ni gang la dmigs nas skye ba'o/ /de thams cad kyi 'byung gnas phung po yin no zhes bya ba la phung po ni gnas dang bcas pa'i skye mched drug go /rkyen can nges pa yin na ni reg pa rkyen gyis gzhan sems las byung ba'i chos rnams ma yin par 'gyur ro zhes bya ba ni sems las byung ba thams cad kyi rkyen reg pa yin te/ ji skad du mdo sde las/ tshor ba'i phung po dang/ 'du shes kyi phung po dang/ 'du byed kyi phung po gang yin pa de thams cad reg pa la brten nas yin no zhes gsungs so/ /reg pa gtso bo'i rkyen yin par yang bde ba myong bar 'gyur ba la sogs pa'i reg pa tha dad pas zhes bya ba ni bde ba myong bar 'gyur ba'i reg pa dang/ sdug bsngal myong bar 'gyur ba dang/ sdug bsngal yang ma yin bde ba yang ma yin pa myong bar 'gyur ba de lta bu'i bde ba myong bar 'gyur ba'i reg pa tha dad pa las/ bde ba la sogs pa'i tshor ba skye ba'i phyir ro zhes bya ba ni bde ba dang/ sdug bsngal dang sdug bsngal yang ma yin/ bde ba yang ma yin pa'i tshor ba skye ba'i phyir ro/ /'di ltar zhes bya ba la 'di ltar zhes bya ba ni gang gi phyir zhes bya ba yin no/ /de skyes pa na zhes bya ba tshor ba skyes pa na rkyen gzhan dang zhes bya ba rgyu dang de ma thag pa dang/ dmigs pa'i rkyen dang/ 'dun pa dang rnam par rtog pa la sogs pa yang zhes bya ba'i sogs pa'i sgras 'byung gnas ?? po la sogs pa yang reg pa la bltos pa yin gyi gang gi tshe yul gyi stobs kyis tshor ba skye bar 'gyur ba na rig pa ni nges par de dag la bltos pa ma yin no/ /tshor ba'i bsdus pa'i don rnam par bzhag pa yang 'dir rnam pa lngar bstan ste/ rab tu dbye ba rnam par bzhag pa ni ji skad du tshor ba rnam pa gsum ste zhes rgyas par bstan pa'o/ /nye bar mtshon pa rnam par bzhag pa ni ji skad du/ gang skyes na mi 'bral bar 'dod pa 'byung ba'o/ /zhes rgyas par bstan pa'o/ /tshor ba gsum par bzhag pa ni ji skad du der yang tshor ba gnyis la ngo bo nyid kyis sdug bsngal ba med pas na zhes rgyas par bstan pa'o/ /rnam par nges par rnam par bzhag pa ni ji skad du/ gzhan dag na de tshor ba gsum bstan pa ni dgongs pa can yin gyi/ sdug bsngal nyid ni tshor ba gcig kho na yin no zhe na zhes bstan pa'i gtso bo'i rkyen rnam par bzhag pa ni ji skad du/ bde ba myong bar 'gyur ba la sogs pa'i reg pa tha dad pas zhes rgyas par bstan pa'o/ /tshor ba rnam par dbye ba'o/ /sred pa gang zhe na zhes bya ba ni tshor ba'i rkyen gyis sred pa zhes gsungs na de yang gnas tha dad pas ni rnam pa drug /khams tha dad pas ni rnam pa gsum dmigs pa tha dad pas ni rnam pa bzhi ste/ bdag gi dngos po dang yul gnyis thob pa dang ma thob pa gnyis las so zhes 'og nas 'chad do/ /de bas na dmigs mi phyed na tshor ba'i rkyen gyis sred par 'dir dgongs pa gang zhe na/ de dmigs kyis dbye ba'i phyir sred pa gsum ste/ zhes rgyas par 'gyu ba zhes smras so/ /rgyas par smos pa ni 'dod pa'i sred pa dang gzugs kyi sred pa dang/ gzugs med pa'i sred pa zhes mdo sde las ji skad 'byung ba bstan par bya ba'i phyir ro/ /gdul bya'i bye brag la bltos nas de snga ma bzhin no zhes bya ba ni 'phral du nye bar gnas pa'i gdul bya'i bye brag la bltos nas ji skad du sngar bstan pa'o/ /de bzhin du kha cig tu ni rnam par dbye ba yang ma gsungs so zhes bstan pa'o/ /khyi'i sbrang bu bzhin dang zhes bya ba ni ji ltar khyi la sbrang bu rgyu ba la khyi'i sbrang bu zhes ston te/ tshig bar ma mi mngon pa yin pa'i phyir ro/ /grong gi phag pa bzhin no zhes bya ba ni ji ltar grong na rgyu ba'i phag pa la grong gi phag pa zhes brjod de/ tshig par ma mi mngon par byas pa de bzhin no/ /ci rigs par bya ste zhes bya ba ni ji lta bu zhe na/ 'dod pa na spyod pa'i sred pa ni 'dod pa'i srad pa'o/ /gzugs na spyod pa'i sred pa ni gzugs kyi sred pa ste/ tshig bar ma mi mngon pa yin pa'i phyir snga ma bzhin no/ /de bzhin du gzugs med pa na spyod pa zhes sbyar bar bya'o/ /de dag nyid khams gsum pa'i sred pa yin par bstan to zhes bya ba ni de bzhin du spyod pa'i sgra mi mngon par byas nas bstan to/ /go rim bzhin te zhes bya ba ni 'dod pa'i 'dod chags dang ma bral ba rnams kyi ni 'dod pa na spyod pa'o/ /gzugs kyi 'dod chags dang ma bral ba rnams kyi na gzugs na spyod pa'o/ /gzugs med pa'i 'dod chags dang ma bral ba rnams kyi ni gzugs med pa na spyod pa zhes bya ba yin no/ /sa gang yin pa'i tshor ba gang yin pa de yang sa de nyid kyi sred pa'i rkyen yin no zhes bya ba ni bsam gtan dang po'i tshor ba ni bsam gtan dang po'i sa'i rkyen yin no/ /rgyas par srid pa'i rtse mo'i bar gyis sa'i tshor ba ni srid pa'i rtse mo'i bar gyi sa'i sred pa'i rkyen yin no/ /bde ba'i tshor ba ni de dang ldan zhing mi 'bral bar sred pa'i rkyen yin no zhes bya ba ni bde ba'i tshor ba ni de dang ldan pa sred pa dang/ de dang mi 'bral bar sred pa'i rkyen yin no/ /sdug bsngal ni de dang mi ldan zhing 'bral bar sred pa'i rkyen yin no/ /sdug bsngal y ang ma yin bde ba yang ma yin pa de'i gnas skabs la mngon par dga' ba'i sred pa'i rkyen yin no zhes bya ba ni sdug bsngal yang ma yin bde ba yang ma yin pa gang yin pa de'i gnas skabs de la mngon par dga' ba ni de'i gnas skabs la mngon par dga' ba'o/ /de'i gnas skabs la mngon par dga' ba nyid sred pa yin pas de'i gnas skabs la mngon par dga' ba'i sred pa ste/ de'i gnas skabs la mngon par dga' ba'i sred pa de'i rkyen yin no/ /bsam gtan kha cig tu ni de dang ldan zhing mi 'bral bar sred pa'i rkyen yin no zhes bya ba ni sdug bsngal yang ma yin/ bde ba yang ma yin pa'i tshor ba ni de dang ldan zhing mi 'bral bar sred pa'i rkyen yin no zhes bya ba'i tha tshig go / bsam gtan kha cig tu ni zhes bya ba ni bsam gtan bzhi pa la snyoms par 'jug pa dang/ gzugs med pa'i snyoms par 'jug pa de dag gi tshe'o/ /de ltar byas na bde ba'i tshor ba ni 'dod pa'i khams nas bsam gtan gsum pa'i bar du sred pa'i rkyen yin par bstan to/ /sdug bsngal ni 'dod pa'i khams kho na na yod pa'i phyir ro/ /sdug bsngal yang ma yin bde ba yang ma yin pa ni de'i gnas skabs la mngon par dga' ba'i sred pa 'dod pa'i khams nas bsam gtan gsum pa'i bar du yod pa'i rkyen yin par bstan to/ /de dag ni de dang ldan zhing mi 'bral bar sred pa ni yod pa ma yin no/ /'o na ci zhe na/ de'i gnas skabs la mngon par dga' ba'i sred pa kho na yin no/ /de yan chad ni de dang ldan zhing mi 'brel bar sred pa'i rkyen yin par bstan to/ /gzhan yang tshor ba gsum dang zhes rgyas par 'byung bas ni rnam grangs gzhan yin no/ /spyi ril du phung po'i rgyun la bye brag med par zhes bya ba ni phung po 'di thams cad kyi spyi la/ bdag tu sred pa dang bdag tu lta ba lhan cig 'byung ste zhes bya ba la bdag tu lta ba lhan cig skyes pa dang lhan cig 'byung ba ni dus mnyam du 'byung zhes bya ba yin no/ /rnal 'byor spyod pa'i lugs kyis ni bdag tu lta ba lhan cig skyes pa dang 'bres par 'byung zhes bya ba'i don to/ /dper na byams pa dang ldan pa'i dran pa yang dag byang chub kyi yan lag bsgom mo zhes bya ba yang byams pa dang drag? pa yang dag byang chub kyi yan lag gnyis sems gcig la ni ldan pa ma yin te/ zag pa dang bcas pa dang zag pa med pa yin pa'i phyir ro/ /byams pa ni zag pa dang bcas pa dang zag pa med pa'o/ /byang chub kyi yan lag ni zag pa med pa'o/ /bdag tu lta ba lhan cig skyes pa yang ri dags dang bya rnams dang /byis pa chung ngu la yang 'byung ba gang yin pa'o kun dga' bo gang la tshor ba med cing zhes rgyas par 'byung ba nges 'di skad bstan te/ tshor ba yod na sred pa 'byung ngo/ /sred pa yod na bdag go snyam byed do zhes bya ba yin no/ /de dag la dgongs nas bcom ldan 'das kyis zhes bya ba ni kun tu brtags pa'i bdag tu lta ba de dag la dgongs nas bcom ldan 'das kyis gsungs so zhes sa'i 'og gi mdo sde las 'byung ngo/ /ma rig pa'i 'dus te reg pa las skyes pa'i tshor ba la brten nas zhes rgyas par 'byung ba la/ ma rig pa dang mtshungs par ldan pa'i reg pa ni ma rig pa'i 'dus te reg pa'o/ /ma rig pa'i 'dus te reg pa las skyes pa'o/ /ma rig pa'i 'dus te reg pa las skyes pa'i tshor ba la brten nas sred pa skye'o/ /sred pa des las 'du byed de las 'du byed de dag go zhes bya ba ni kun tu brtags pa'i bdag tu lta ba ni rnam pa yin par sa 'og gi mdo sde las gsungs pa gang yin pa yin gyi rten cing 'brel par 'byung ba'i mdo sde las bde ba la sogs pa bstan pa ni ma yin no/ /'dis ni tshor ba'i sgo kho na nas bdag tu lta ba'i sred pa 'byung ngo zhes bstan pa'i phyir byed pa gzhan bstan pa yin no/ /de yang 'di ni bdag tu smra ba zhes rgyas par 'byung ba la/ de yang kun tu brtags pa'i bdag tu lta ba de ni rten cing 'brel par 'byung ba'i mdo sde 'di las bdag tu smra ba nye bar len pa yin par bzhag go /de lta ma yin te ma rig pa'i 'dus te reg pa las skyes pa'i zhes rgyas par 'byung pa'i go rim 'di gal te mi 'dod na/ bdag tu smra ba nye bar len pa ji ltar sred pa'i rkyen gyis 'grub par 'gyur/ 'o na gal te tshor ba gsum gyi rkyen gyis sred pa yin na zhes rgyas par 'byung ba ni 'o na ji skad du bstan pa'i rim pas tshor ba gsum gyi rkyen gyis sred pa yin na/ ci'i phyir bde ba'i tshor ba la 'dod chags phra rgyas su 'gyur bar bshad la sdug bsngal dang/ sdug bsngal yang ma yin bde ba yang ma yin zhe na/ sred pa'i rkyen rnam pa gsum char yin du zin kyang bde ba'i tshor ba la 'dod chags phra rgyas su 'gyur bar bstan pa ni rang gi rgyud kyis dbang du byas nas de la dmigs pa gang de dang mtshungs par ldan pa yin pa'i phyir te/ de la dmigs pa'i phyir dang/ de dang mtshungs par ldan pa yin pa'i phyir ro/ /rang gi rgyud kyi bde ba'i tshor ba'i dbang du byas nas zhes bya ba 'dis ni sdug bsngal yang dmigs pa yin du zin kyang phra rgyas su 'gyur ba ma yin gzhan gyi rgyud kyi ni tshig gi go skabs yod pa ma yin no/ /tshig sbyar ba ni bde ba'i tshor ba de 'dod chags 'di'i dmigs pa yin pas 'di ni de'i dmigs pa yin no/ /de dang rab tu sbyor bas na de dang mtshungs par ldan pa yin no/ /de'i dmigs pa yang 'di yin/ mtshungs par ldan pa yang 'di yin pas de'i dmigs pa dang mtshungs par ldan pa de'i dngos po zhes sbyar ro/ /nges par 'byung ba la brten pa'i yid bde ba la sogs pa yang med par thal bar 'gyur ro zhes bya ba la nges par 'byung ba la brten pa yid bde ba drug dang yid mi bde ba drug dang/ btang snyoms drug med par thal par 'gyur te/ sred pa'i gnyen por gyur pa ni nges par 'byung ba la brten pa yin pas so/ /nges par 'byung ba yang 'dod chags dang bral ba la bya'o/ /'di'i sa bon nyid gnas nas bton pa 'am/ zhes bya ba ni de'i gnyen por gyur pa 'jig rten las 'das pa'i lam gyis so/ /mnan pa yin te zhes bya ba ni 'jig rten pa'i lam gyis so/ /gzhan las bcom ldan 'das kyis bye brag tu byas pa yod de/ ma rig pa'i 'dus te reg pa las skyes p a'i tshor ba'i rkyen gyis sred pa skyes so zhes bya ba dang de bzhin du bde ba'i tshor ba myong ba na tshor ba rnams ma shes pas zhes rgyas par 'byung ba ni dgra bcom pa'i tshor ba ni ma rig pa'i 'dus te reg pa las skyes pa yang ma yin / yongs su ma shes pa yang ma yin /sred pa'i rkyen kyang ma yin no/ /'o na 'dir yang de bzhin du zhes rgyas par 'byung ba ni 'o na rten cing 'brel par 'byung ba'i mdo sde 'dir yang ma rig pa'i 'dus te reg pa las skyes pa'i tshor ba'i rkyen gyi sred pa zhes de bzhin du ci'i phyir bye brag tu ma byas she na zhes bya ba yin no/ /ma rig pa ni 'du byed kyi zhes rgyas par 'byung ba ni ma rig pa ni bsod nams la sogs pa 'du byed rnams kyi sbyi'i rkyen nyid yin te / 'du byed kyi yan lag rnam par 'byed pa las 'di'i don bstan zin pa'i phyir ro zhes bya ba ni ma rig pa ni sred pa'i rkyen yin no zhes bya ba 'di'i don bstan zin pa'i phyir ro zhes bya ba'i tha tshig go /'du byed kyi yan lag rnam par 'byed pa las kyang bstan pa ji ltar ma rig pa'i 'du byed rnams kyi gtso bo'i rkyen yin zhe na/ ji ltar nyon mongs pa thams cad kun nas ldang ba'i rkyen ma rig pa de bzhin du de dang mtshungs par ldan pa sems pa rnams kyi yang yin no zhes bya ba 'di'i don kyang bstan zin pa'i phyir sred pa rnam par 'byed pa 'di las bstan par bya ci dgos / ma rig pa ni sred pa'i spyi'i rkyen yin par dgongs nas zhes rgyas par 'byung ba ni sred pa'i spyi'i rkyen ma rig pa yin par dgongs nas gsungs so/ /dge slong dag ma rig pa ni sred pa'i rgyu yin no zhes rgyas par bstan pas ldan pa dang mi 'bral ba la sogs pa sred pa'i thun mong gi rgyu yin pa'i phyir ro/ /reg pa yang de bzhin te/ sred pa'i spyi'i rkyen yin par dgongs nas sred pa'i tshogs drug ni zhes rgyas par bstan pas de dag gi mthun mong gi rgyu yin pa'i phyir dang sems las byung ba thams cad kyi spyi'i rkyen yin pa'i phyir ro/ /tshor ba ni khyad par du rkyen par dgongs/ nas tshor ba'i rkyen gyis sred pa zhes gsungs so/ /khyad par du rkyen yin par ji ltar shes she na/ khams gsum char na yang kun tu rmongs pa'i tshor ba zhes rgyas par 'byung ba yin te/ khams gsum char na yang kun tu rmongs pa ni khams gsum pa'i sdug bsngal la sogs pa'i bden pa yongs su mi shes pa'i phyir ro/ /'dod pa'i khams dang bsam gtan dang po la sogs pa'i sa pa'i tshor bas pa gang yin pas ni sa pa'i sred pa kun tu 'byung bar byed pa'i phyir ro/ /sa gcig na yang ma rig pa 'dra ba las zhes rgyas par 'byung ba ni/ sa gcig na yang ma rig pa 'dra ba las de'i tshor ba bde ba dang/ sdug bsngal dang/ sdug bsngal yang ma yin/ bde ba yang ma yin pa'i bye brag las tshor ba de dag re re la yang che chung gi bye brag chung ngu dang/ bar med ba chen po'i bye brag gis sred pa'i bye brag kun tu 'byung ba'i phyir te/ ldan pa dang mi 'bral ba la sogs par sred pa'i bye brag kun tu 'byung ba'i phyir dang chung ngu dang/ bar ma dang chen po'i sred pa'i bye brag kun tu 'byung ba'i phyir tshor ba'i bye brag gi rkyen gyis zhes bya ba sred pa kun tu 'byung bar bya ba'i phyir bde ba myong bar 'gyur ba la sogs pa'i reg pa'i 'tshor ba'i bye brag la/ bltos pa'i phyir ro zhes bya ba ci zhe na/ tshor ba'i bye brag rkyen yin zhes bya'o?/ /ji lta zhe na/ bde ba myong bar 'gyur ba'i reg pa dang/ bde ba'i tshor ba dang mtshungs par ldan pa ni de dang ldan zhing mi 'bral bar sred pa kun tu 'byung bar bya ba'i phyir bde ba'i tshor ba la bltos pa yin te/ de skye bar bya ba'i phyir de'i dmigs pa dang bdag po'i rkyen yin pa'i phyir ro/ /bde ba'i tshor ba las sred pa skye ba ni reg pa la bltos pa ma yin te/ 'di ltar tshor ba la sred pa yin gyi/ reg pa la ni ma yin no/ /de bzhin du sdug bsngal myong bar 'gyur ba'i reg ba sdug bsngal gyi tshor ba dang mtshungs par ldan pa ni de dang mi ldan zhing 'bral bar sred pa kun tu 'byung bar bya ba'i phyir de nyid la bltos pa yin te/ de 'byung bar bya ba'i phyir de ni de'i dmigs pa dang bdag po'i rkyen yin pa'i phyir ro/ /de bzhin du sdug bsngal yang ma yin bde ba yang ma yin pa myong bar 'gyur ba'i reg pa de dang mtshungs bar l dan pa ni de'i gnas skabs la mngon par dga' ba'i sred pa kun tu 'byung bar bya ba'i phyir sdug bsngal yang ma yin bde ba yang ma yin pa'i tshor ba la bltos pa'am de dang ldan zhing mi 'bral bar sred pa kun tu 'byung bar bya ba'i phyir de ni de skye ba'i dmigs pa dang/ bdag pa'i rkyen yin pa'i phyir ro/ /tshor ba'i sred pa'i bye brag kun tu 'byung bar bya ba'i phyir reg pa la bltos pa ma yin te/ 'di ltar tshor ba la sred pa yin gyi reg pa la ni ma yin pas so/ /'dir rkyen nges pa yin na ni ji skad du bstan pa'i skyon yin par thal bar 'gyur ro zhes bya ba ni dge slong dag ma rig pa ni sreg pa'i rgyu yin no/ /zhes rgyas par 'byung ba dang/ sred pa'i tshogs drug ni mig gi 'dus te reg pa las skyes pa'i sred pa'o zhes ji skad du rgyas par bstan pa dang/ /de bzhin du tshor ba'i phung po gang yin pa zhes rgyas par bstan pa'o/ /rkyen nges ba yin na ma rig pa dang reg pa dag sred ba'i rkyen yin par mi 'gyur te / de ltar na ji skad du bstan pa rnams rkyen yin par thal bar 'gyur ba yin no/ /sdug bsngal gyi tshor ba la khong khro ba phra rgyas su 'gyur ro zhes bya ba ni rkyen can nges par yin na sdug bsngal gyi tshor ba khong khro ba'i dmigs pa'i rkyen yin par mi 'gyur ro zhes bya ba yin no/ /bde ba dang ldan na sems mnyam par 'jog go zhes bya ba ni bde ba'i tshor ba ni ting nge 'dzin gyi bdag po'i rkyen yin par mi 'gyur ro zhes bya ba yin no/ /bde ba dang ldan na chos mngon par brjod do zhes bya ba la chos ni thos pa la sogs pa'o/ /mngon par brjod pa ni mngon sum du byed pa'o/ /bde ba'i tshor ba ni chos de dag mngon sum du byed pa'i rkyen du mi 'gyur bas mde? sde dang 'gal ba yin te/ de lta bu gzhan dag kyang brjod par bya'o/ /de bzhin du bshad pa'i phyir te zhes bya ba ni tshor pa'i rkyen gyis sred pa zhes bya ba yin no/ /snga ma bzhin no zhes bya ba ji lta bu zhe na/ tshor ba che chung gi bye brag gi sred pa'i bye brag kun tu 'byung ba'i phyir zhes bya ba yin te/ de ltar na sred pa'i bye brag gi rkyen shes par bya ba'i phyir ro/ /tshor ba ni gtso bo'i rkyen yin te/ de bas na bshad pa don med pa ma yin no/ /ji ltar na gtso bo'i rkyen yin zhe na/ 'di ltar bde ba la sogs pa'i tshor ba dang ldan pa la sogs pa'i sgo nas sred pa kun tu 'byung ba'i phyir te/ bde ba'i tshor ba dang ldan zhing mi 'bral ba'i sgo nas sred pa kun tu 'byung ba dang/ sdug bsngal gyi tshor ba dang mi ldan zhing 'bral ba'i sgo nas dang sdug bsngal yang ma yin/ bde ba yang ma yin pa'i gnas skabs kyi sgo nas mngon pa'i dga' ba'i sred pa kun tu 'byung ba 'am de dang ldan zhing mi 'bral ba'i sgo nas kyang yin no/ /sred pa'i bsdus pa'i don rnam par bzhag pa de ni rnam pa bdun du bstan te/ rab tu dbye ba rnam par bzhag pa ni ji skad du/ sred pa gsum ste zhes rgyas par bstan pa yin no/ / mtshan nyid rnam par bzhag pa ji skad du / nyon mongs pa can tshal ba dang/ chags pa dang zhen pa gang yin pa zhes bstan pa'o/ /rab tu dbye ba'i rkyen rnam par bzhag pa ni ji skad du/ bde ba'i tshor ba ni de dang ldan zhing mi 'bral bar sred pa'i rkyen yin no zhes bya ba la sogs pa bstan pa'o/ /dbye ba med pa'i rkyen rnam par bzhag pa ni ji skad du gzhan yang tshor ba gsum dang spyi ril du phung po rgyun la bye brag med par zhes rgyas par bstan pa'o/ /rkyen gzhan gyi dgongs pa rnam par bzhag pa ni ji skad du/ dgongs pa tha dad pa'i phyir ro/ /ma rig pa ni sred pa'i spyi'i rkyen yin par dgongs nas gsungs so/ /reg pa yang de bzhin no zhes bstan pa'o/ /khyad par gyi rkyen rnam par bzhag pa ni ji skad du/ sred pa'i rkyen gyi bye brag bstan pa'i phyir dang de bzhin du bshad pa'i phyir ste/ snga ma bzhin no zhes bstan pa'o/ /gtso bo'i rkyen rnam par bzhag pa ni ji skad du/ tshor ba'i gtso bo'i rkyen yin te/ 'di ltar bde ba la sogs pa'i tshor ba dang/ ldan pa la sogs pa'i sgo nas sred pa kun tu 'byung ba'i phyir zhes bstan pa gang yin pa'o/ /sred pa rnam par dbye ba'o/ /len pa gang yin zhe na zhes bya ba ni sred pa'i rkyen gyis len pa zhes gsungs pa de yang 'dod pa dang lta ba dang tshul khrims dang brtul zhugs dang/ bdag tu smra ba tha dad pas rnam pa bzhi yin no/ /'jig rten yang yongs su gzung bar bya pa'i dngos po gang blang bar bya ba de len pa yin par grags na 'dir sred pa'i rkyen gyis len par dgongs pa gang zhe na/ de'i phyir len pa rnam pa bzhi ste zhes gsungs so/ /rgyas pa'i tshig gis ni mdo sde las/ 'dod pa nye bar len pa dang/ lta ba nye bar len pa dang/ tshul khrims dang brtul zhugs nye bar len pa dang bdag tu smra ba nye bar len pa'o zhes ji ltar mdo sde las 'byung ba nye bar bstan pa'i phyir ro/ /ci gzugs las mthong ba bzhin du rig p ar bya 'am zhes bya ba ni ji ltar gzugs la mthong ba zhes bya ba de bzhin du 'dod pa rnams la nye bar len pa ni 'dod pa nye bar len pa zhes bya ba nas bdag tu smra ba la nye bar len pa ni bdag tu smra ba nye bar len pa zhes bya ba yin nam/ 'on te gzugs kyi skye mched bzhin du yin zhes bya ba ni ji ltar gzugs nyid skye mched yin pas gzugs kyi skye mched ces bya ba de bzhin du 'dod pa nyid nye bar len pa yin pas 'dod pa nye bar len pa zhes bya ba nas bdag tu smra ba nyid nye bar len pa yin pas bdag tu smra ba nye bar len pa zhes bya ba yin/ 'dod pa la sogs pa la zhes bya ba ni 'dod pa dang/ lta ba dang tshul khrims dang brtul zhugs dang bdag tu smra ba rnams la nye bar len pas nye bar len pa zhes bya ste/ nye bar blang ba tha dad pa'i sgo? nas /nye bar len pa'i rab tu dbye ba kho na bstan pa yin gyi/ ngo bo nyid ni ma yin no zhes bya ba ci zhe na 'dun pa dang 'dod chags kyi ngo bo nyid yin nam 'on te gzhan gyi ngo bo nyid yin zhes bya ba yin no/ /de la 'dod pa la sogs pa zhes bya ba 'dod pa dang/ lta ba dang tshul khrims dang brtul zhugs dang/ bdag tu smra ba yang gang yin zhes bya ba yin no/ /de dag gnyi bar len pa yang 'dun pa dang 'dod chags sam gzhan 'ga' gang zhig yin par bstan par bya zhes bya ba yin no/ /'dod pa la sogs pa nyid nye bar len pa yin pas zhes bya ba ni 'dod pa nyid nye bar len pa yin pas 'dod pa nye bar len pa zhes bya ba nas bdag tu smra ba nyid nye bar len pa yin pas bdag tu smra ba nye bar len ba zhes bya bas so/ /nye bar len pa'i rang gi ngo bo dang rab tu dbye ba yang bstan pa byas pa yin na zhes bya ba ni de la rang gi ngo bo ni 'dod pa nas bdag tu smra ba'i bar du yin no/ /rab tu dbye ba ni 'dod pa nye bar len pa nas bdag tu smra ba nye bar len pa'i bar du yin no/ /'dod pa la sogs pa yang gang zhig yin zhes bya ba ni 'dod pa gang yin/ bdag tu smra ba'i bar du gang yin zhes bya ba yin no/ /nye bar len pa yin par ji ltar bstan par bya zhes bya ba ni 'dod pa la sogs pa de dag ji ltar nye bar len pa yin/ ci nye bar blang bar bya ba yin pas nye bar len pa yin nam/ 'on te yang srid pa len par byed pas nye bar len pa zhes bya zhe na/ gzugs la mthong ba bzhin no zhes tshig sbyar pa 'di bya'o zhes bya ba n i ji ltar gzugs la mthong ba la gzugs mthong ba zhes bya ba de bzhin du 'dod pa rnams la nye bar len pa ni 'dod pa nye bar len pa zhes bya ba nas bdag tu smra ba la nye bar len pa ni bdag tu smra ba nye bar len pa yin no zhes bya ba'i bar du yin no/ /de ltar na rab tu dbye ba kho na bstan pa yin gyi /ngo bo nyid ma yin no zhes smras pa gang yin pa de'i lan du rab tu dbye ba kho nas kyang kha cig gis rang gi ngo bo rtogs par 'gyur ro zhes sngar bstan zin to/ /zhes smras so/ /ji lta zhe na/ 'phral du nye bar gnas pa'i gdul bya'i bye brag la bltos nas 'di ltar kha cig tu ni rnam par byed pa yang mi gsung ngo zhes bya ba yin no/ /de la 'dod pa la sogs pa yang gang zhe na zhes gang smras pa de la 'dod pa la sogs pa gang ston pa ni/ de la 'dod pa ni 'dod pa'i yon tan lnga yin par 'dir dgongs pa'o zhes bya ba yin te/ gzugs dang sgra dang dri dang ro dang reg bya rnams ni kun tu rtog pa'i 'dod chags kyi mtshan nyid kyi 'dod pas bsten par bya zhing rnam par brtag par bya ba yin pas 'dod pa'i yon tan no/ /'dod pa zhes bya ba ni 'di ltar 'dod par bya ba yin pas so/ /lta ba'i tshig sbyar ba ni zhes rgyas par 'byung ba la yod par lta ba ni rtag par lta ba'o/ /rnam par 'jig par lta ba ni chad par lta ba'o/ /de'i sgo nas lta ba gzhan du song ba ni zhes rgyas par 'byung ba la / de'i sgo nas zhes bya ba ni yod par lta ba dang rnam par 'jig par lta ba'i sgo nas lta ba gzhan du song ba ni tshangs pa'i dra ba'i mdo las ji skad du gsungs pa'o/ /de dang 'brel ba'i zhes rgyas par 'byung ba ni yod par lta ba la sogs pa dang 'brel pa dang de dang rjes su mthun pa dang/ de dang rjes su ldan pa zhes bya ba'i don to/ /de la bya ba ma yin pa las ldog par dam bcas pa ni tshul khrims so zhes bya ba ni srog gcod pa la sogs pa bya ba ma yin pa las so/ /spyod pa drag po la sogs pa'i zhes bya ba la sogs pa'i sgras ni skye bu mthun pa pa? dang zla ba can la sogs pa las 'byung ba'o/ /bdag tu smra ba ste/ de'i sgo nas bdag go zhes smra pa'i phyir zhes bya ba ni bdag tu lta ba'i sgo nas so/ /ji ltar de'i sgo nas bdag go zhes smra zhe na/ de'i phyir bdag tu lta ba can ni bdag tu smra bar 'gyur ro zhes smras te/ de ltar 'du shes pa yin/ de ltar tha snyad du byed pa yin zhes bya'o/ /bdag tu lta ba ni gzhi can ma yin pa'i phyir ro zhes bya ba ni yul med pa'i phyir zhes bya ba'i tha tshig ste/ byed pa po dang za ba po dang/ rtag pa dang/ rang dbang can gyi mtshan nyid kyi bdag yod pa ma yin yang byis pa thos pa dang mi ldan pa so so'i skye bo rnams rnam pa de dag gi sgo nas bdag tu rtog par byed kyi/ nye bar len pa'i phung po lnga yang rnam pa de lta bu ma yin pa de dag las gzhan na yang rnam pa de lta bu yod pa ma yin pas 'jig tshogs la lta ba ni gzhi can ma yin par grub pa yin no/ /nye bar len pa'i phung po lnga la bdag go zhes smra bar mngon par zhen pa 'di'i tshig tha ma mi mngon par byas nas bdag tu smra ba ste/ bdag tu smra bar mngon par zhen pa yin par bstan to/ /dper na tshig phyed smra bar byed pa la sogs pa la tshig phyed smra zhes bya ba bzhin no zhes bya ba ni tshig snga ma'i tha ma mi mngon par byas nas so/ /smra ba ci'i phyir smos she na zhes bya ba ni bdag nye bar len pa zhes brjod par bya ba yin pa las bdag tu smra ba nye bar len pa zhes bstan pa ci'i phyir zhe na zhes bya'o/ /smra ba tsam la mngon par zhen pa yin no zhes bstan pa'i phyir ro zhes bya ba ni 'di ltar gtan la dbab pa yin te/ ji ltar bdag tu smra ba nye bar len par bstan na ni bdag tu mngon par zhen pa yin par grags par 'gyur te/ med pa la bdag tu smra zhing mngon par zhen pa yin pas so/ /de bas na smra ba tsam la mngon par zhen pa bstan pa'i phyir smra ba smos pa yin no/ /bdag yod pa ma yin yang smra ba tsam de la mngon par zhen pa ni de la mngon par zhen pa yin no/ /gzhan dag na re? 'di la bdag go zhes smra bas bdag tu smra ba yin te zhes bya ba ni gzhi la sgrub pa byung ba yin no/ /de yang gang zhe na/ de'i phyir lus kyi dngos po gang la zhes smras so/ /lus kyi dngos po gang la zhe na/ de'i phyir gang la bdag go zhes btags pa'o zhes smras so/ /gang la bdag go zhes brtags she na/ nye bar len pa'i phung po lnga la ste/ ji skad du bcom ldan 'das kyis dge sbyong dang bram ze dag ci tsam du bdag tu yang dag par mthong zhing yang dag par lta ba de dag thams cad ni nye bar len pa'i phung po 'di nyid la yin no zhes gsungs pa yin no/ /'o na de lta na phung po nyid bdag tu smra ba yin par 'gyur na zhes bya ba ni de dag bdag tu smra ba'i gzhi yin pa'i phyir ro/ /gang phung po lnga po de dag la bdag tu smra bar mngon par zhen pa zhes rgyas par 'byung ba ni de lta na mdo sde las nye bar len pa'i phung po lnga las bdag tu smra ba gzhan yin par bstan pa yin gyi phung po nyid ni ma yin no/ /gal te bdag tu smra ba'i gzhi yin pa'i phyir phung po nyid bdag tu smra ba yin no zhes bya ba ji ltar rung ba yin zhe na/ der ni tshig sbyar ba gzhan du bya zhing 'dir yang gzhan du yin pas zhes bya ba ni mdo sde der ni tshig sbyor ba gzhan du bya ba yin no/ /ji ltar gzhan du bya zhe na/ bdag tu smra ba ni tshig tsam yin la de la mngon par zhen pa ni bdag tu smra bar mngon par zhen pa'o/ /de'i phra rgyas ni bdag tu smra bar mngon par zhen pa'i phra rgyas su 'gyur zhes bya ba yin no/ /'dir yang gzhan du yin pas zhes bya ba ji lta zhe na/ 'di la bdag go zhes smra bas bdag tu smra ba yin no zhes bya'o/ 'dod pa la sogs pa gsungs pa ni 'dod pa dang/ lta ba dang/ tshul khrims dang brtul zhugs dang/ bdag tu smra ba ste/ de dag la 'dun pa dang 'dod chags gang yin pa de nye bar len pa yin te zhes bya ba ni 'dod pa la sogs pa de dag la 'dod pa la 'dun pa dang 'dod chags gang yin pa ni 'dod pa nye bar len pa'o/ /lta ba la 'dun pa dang 'dod chags gang yin pa ni lta ba nye bar len pa'o/ /tshul khrims dang brtul zhugs la 'dun pa dang 'dod chags gang yin pa ni tshul khrims dang brtul zhugs nye bar len pa'o/ /bdag tu smra ba la 'dun pa dang 'dod chags gang yin pa de ni bdag tu smra ba nye bar len pa'o/ / de la ldan par mngon par 'dod pa ni 'dun pa'o/ /zhes bya ba ni 'dod pa la sogs pa dang ldan par tshol ba'o/ /de dang ldan pa mngon par dga' ba ni de la 'dod chags pa'o zhes bya ba ni 'dod chags mi zhen pa'i mtshan nyid yin pa'i phyir ro/ /ji ltar na 'dun pa dang 'dod chags nye bar len pa yin zhe na/ zhes bya ba ni byed pa po'i rnam pa des zhes bya ba yin no/ /des 'dod pa la sogs de dag len par byed do zhes bya ba ni 'dun pa dang 'dod chags de dag gis te/ de'i phyir rgyu la byed pa por byas nas 'dun pa dang 'dod chags ni nye bar len pa yin par ston pa ni/ de dag nyid de dag la len pa nyid do zhes bya ba yin te/ 'dun pa dang 'dod chags de dag nyid 'dod pa la sogs pa de dag la len par byed pa yin te/ dngos po sgrub pa'i rkyen yin pa'i phyir ro/ /ji lta zhe na/ de'i phyir de skyes na de'i yid len pa po yin par 'gyur ro zhes smras te/ der 'dun pa dang 'dod chags skyes na yid kyis 'dod pa la sogs pa len par byed par 'gyur ro/ /gal te bdag tu smra ba nye bar len pa 'dun pa dang 'dod chags yin gyi phung po lnga ma yin na mi sdug pa'i mdo sde las nye bar len pa'i phung po lnga'i dbang du byas te gang gsungs pa/ dge slong dag de la bdag tu smra ba nye bar len pa rtag pa dang/ ther zug pa dang/ gzhan ma dang yongs su mi 'gyur ba'i chos can dang/ yang dag pa de bzhin du gnas pa zhes bya ba bdag tu smra ba nye bar len pa gang yin pa dag khyed kyis nye bar blangs sam zhes gang gsungs pa de dag ji lta bur rung? par 'gyur/ de la bdag tu smra bas gang la bdag tu btags pa'i dngos po gang blangs pa de dag bdag tu smra ba nye bar len par bstan te zhes bya ba ni las la byed pa por byas nas so/ /bdag tu smra bas ci zhig len ce na/ de'i phyir gang la bdag tu gdags pa'i dngos po zhes smras te/ nye bar len pa'i phung po lnga la zhes bya ba yin no/ /gal te 'dun pa dang 'dod chags dag nye bar len pa yin na ni sred pa'i rkyen gyis len pa'i rnam grangs sred pa nyid smras par gyur pa ma yin nam zhe na zhes bya ba ni 'dun pa dang 'dod chags ni sred pa yin la/ de yang len pa yin pas sred pa'i rkyen gyis len pa zhes smras na ni sred pa'i rkyen gyis sred pa zhes smras par 'gyur/ /gal te tshor ba la sred pa ni 'dod pa la sogs pa la sred pa'i rnam grangs kyi rkyen yin par bstan na de la nyes pa ci yod ces bya ba ni tshor ba'i sred pa la brten nas 'dod pa dang/ lta ba dang tshul khrims dang/ brtul bzhugs dang/ bdag tu smra bar sred pa skye bas nye ba'i rkyen gyis len pa yin par bstan pa yin no/ /de ltar ma bstan na yang 'dir ltar shes par byas pa yin zhes rgyas par 'byung ba ni de ltar ma bshad na sred pa'i rkyen gyis len pa zhes bya ba 'di ji ltar shes par byas pa yin/ tshor ba la sred pas ni ji ltar rigs par ji ltar srid par khams gsum pa'i bde ba la sogs pa'i tshor ba dang ldan pa la sogs pa'i rgyu mtshan du zhes bya ba ni bde ba dang/ sdug bsngal dang sdug bsngal yang ma yin bde ba yang ma yin pa'i tshor ba dang ldan pa dang bral ba dang mi 'bral ba la sogs pa'i rgyu mtshan du 'dod pa la sogs pa tshol zhing zhes bya ba ni 'dod pa dang/ lta ba dang/ tshul khrims dang brtul zhugs dang/ bdag tu smra ba tshol zhing 'dod pa la sogs pa de dag la chags par byed do/ /gang gis 'dod par byed pa zhes bya ba ni kun tu rtog cing rnam par rtog pa'i mtshan nyid kyis so/ /gang la 'dod pa ni gang la chags pa'o/ /don de nyid ces bya ba ni de nyid len pa yin na ni gcig kho nar ma nges pa yin no zhes bya ba'o/ /'dod pa yul la yin par 'dod pa rnams kyi nye bar len pa gang zhig yin zhes bya ba ni/ thams cad kyis kyang yang srid do/ /len to zhes bya ba yin no ji ltar len zhe na/ de tha dad pas yang srid par 'gyur ba'i las rnams srid par 'gyur bar byed pa'i phyir shes bya ba ni 'dod pa la sogs pa la len pa tha dad pas yang srid par 'gyur ba'i las rnams de ma thag tu yang srid skye ba'i rgyu nyid du 'gro ba'i don to/ /yang na 'dod pa la sogs pa de dag nyid zhes rgyas par 'byung ba ni yul la 'dod pa dang lta ba dang/ tshul khrims dang brtul zhugs dang/ bdag tu smra ba de dag nyid tshor ba la sred pa rnams kyis de dang ldan pa la sogs pa'i rgyu mtshan du mngon par zhen pa'i tshul gyis bde pa'i tshor ba dang ldan pa la sogs pa'i rgyu mtshan du mngon par zhen pa'i don gyis len pas na len pa zhes bya ste/ gzugs kyi skye mched bzhin du tshig sbyar ba byas pa'i phyir ro/ /dper na sbyin pa'i sbyin pa po yin no zhes bya ba ni 'dir gang sbyin pa de sbyin pa'o zhes bya ba'i mdo sde 'di las zas la sogs pa gang sbyin pa de sbyin pa yin par bstan gyi/ gang gis sbyin pa ni ma yin no/ /rab tu byed pa po dag 'don pa zhes rgyas par 'byung ba ni de dag gi len pa ni gzhan du rnam par 'jog pa yin no zhes ston to/ /'dod pa dang rab tu ldan pa'i kun tu sbyor ba dang/ 'ching ba dang phra rgyas dang/ nye ba'i nyon mongs pa dang/ kun nas dkris pa dang/ zhes bya ba de la kun tu sbyor ba ni rjes su chags pa dang/ khong khro ba dang/ nga rgyal dang/ ma rig pa dang/ lta ba dang/ mchog tu 'dzin pa dang/ the tshom dang/ phrag dog dang/ ser sna'i kun tu sbyor ba rnams te/ nyon mongs pa can gyi dngos po la kun tu sbyor ba'i don gyis kun tu sbyor ba yin pa 'am/ sdug bsngal sna tshogs la kun tu sbyor ba'i don gyis yin no/ /de la rjes su chags pa'i kun tu sbyor ba ni 'dod chags te/ des sems can rnams skye ba dang dmigs pa la nye bar khrid par byed pa'i phyir ro/ /khong khro ba'i kun tu sbyor ba ni sems can la mnar sems pa'o/ /nga rgyal gyi kun tu sbyor ba ni nga rgyal bdun te/ nga rgyal dang che ba'i nga rgyal dang/ che bas kyang che'o snyam pa'i nga rgyal dang/ nga'o snyam pa'i nga rgyal dang/ mngon pa'i nga rgyal dang/ chung ba'i nga rgyal dang/ log pa'i nga rgyal lo/ /ma rig pa'i kun tu sbyor ba ni mi shes pa'o/ /lta ba'i kun tu sbyor ba ni lta ba gsum ste/ 'jig tshogs la lta ba dang/ mthar 'dzin par lta ba dang/ log par lta ba'o/ /mchog tu 'dzin pa'i kun tu sbyor ba ni mchog tu 'dzin pa gnyis te/ lta ba mchog tu 'dzin pa dang/ tshul khrims dang brtul zhugs mchog tu 'dzin pa'o/ /the tshom gyi kun tu sbyor ba ni bden pa la yid gnyis za ba'o/ /phrag dog gi kun tu sbyor ba ni gzhan gyi phun sum tshogs pa la sems khong nas 'khrug pa'o/ /ser sna'i kun tu sbyor ba ni gtong ba dang mi mthun pa sems kyis kun tu 'dzin pa'o/ /de bas na lta ba'i kun tu sbyor ba dang/ mchog tu 'dzin pa'i kun tu sbyor ba bkol te/ lhag ma bdun ni 'dod pa nye bar len pa yin no/ /bcing pa ni gsum ste/ khams gsum pa'i 'dod chags dang/ zhe sdang dang gti mug ste/ mya ngan las 'das par 'gro ba'i gags byed pa'i don gyis yin no/ /phra rgyas ni mdor na drug ste/ 'dod chags dang/ khong khro ba dang/ nga rgyal dang/ ma rig pa dang/ lta ba dang/ the tshom gyi phra rgyas so/ /de la chags pa'i rnam pa can gyi sems las byung ba'i chos ni 'dod chags so/ /de zhes 'gras pa'i rnam pa can ni khong khro ba'o/ /khengs pa'i rnam pa can ni nga rgyal lo/ /mi gsal ba'i rnam pa can ni ma rig pa'o/ /yang dag par rtog pa'i rnam pa can ni lta ba'o/ /don du mar 'dogs pa'i rnam pa can ni the tshom mo/ /de bas na lte ba'i phra rgyas ma gtogs par nyon mongs pa las gzhan sems las byung ba'i chos nyon mongs pa can 'du byed kyi phung pos bsdus pa ni nye ba'i nyon mongs pa'o/ /gang dag phran tshegs dang gzhi las gsungs pa ni dga' ba la sogs pa yang yin no/ /kun nas dkris pa ni rnam pa brgyad de/ ngo tsha med pa dang/ khrel med pa dang/ phrag dog dang/ ser sna dang/ rgod pa dang/ 'gyod pa dang/ rmugs pa dang/ gnyid do/ /de la ngo tsha med pa dang/ khrel med pa ni bdag dang gzhan la bltos nas go rim bzhin du nyes pas ngo tsha med pa'o/ /phrag dog dang ser sna gnyis ni ji ltar sngar smras pa yin no/ /rgod pa ni sems ma zhi ba'o/ /'gyod pa ni sems la gcags pa'o/ /de yang nyon mongs pa can kho na kun nas dkris pa yin gyi dge ba ni ma yin no/ /rmugs pa ni sems las su mi rung ba'o/ /lus 'dzin mi nus shing sems bsdud pa ni gnyid do/ /de yang nyon mongs pa can kho na kun nas dkris pa yin gyi/ odge ba 'am lung du ma bstan pa ni ma yin no/ /'di dag ni 'dod pa nye bar len pa zhes bya ste/ gzugs kyi skye mched bzhin du tshig sbyar ba byas pa'i phyir ro/ /dper na gzugs nyid skye mched yin pas gzugs kyi skye mched ces bya ba de bzhin du 'dod pa dang rab tu ldan pa nyid nye bar len pa yin pas 'dod pa nye bar len pa zhes bya ste/ tshig bar ma mi mngon pa'i phyir 'bru mar gyi stobs bzhin no/ /lta ba bzhi ni ji lta ba'i nye bar len pa ste/ 'jig tshogs lta ba nas lta ba mchog tu 'dzin pa'i bar du yin no zhes bya ba ni 'jigs tshogs la lta ba dang/ mthar 'dzin par lta ba dang lta ba mchog tu 'dzin pa ste/ lta ba nyid nye bar len pa yin pas lta ba nye bar len pa'o/ /tshul khrims dang brtul zhugs nye bar len pa gang zhe na/ ji ltar yang de dag kha cig ni tshul khrims la mchog tu 'dzin cing tshul khrims kyis dag pa dang zhes rgyas par 'byung ba de dag gis tshul khrims dang brtul zhugs mchog tu 'dzin pa ni tshul khrims dang brtul zhugs nye bar len pa yin par bstan to/ /bdag tu smra ba nye bar len pa gang zhe na zhes rgyas par 'byung ba la/ bdag tu smra ba nye bar len pa go mi shes na/ ci gzugs dang gzugs med pa nyid kyi bdag tu smra ba de dang rab tu ldan pa'i nye bar len pa rnams ji ltar 'dod pa dang rab tu ldan pa'i nye bar len pa de rnams 'dod pa'i nye bar len pa zhes bya ba de bzhin du/ bdag tu smra ba nye bar len pa yin nam/ 'on te gzugs dang gzugs med pa dang rab tu ldan pa'i kun tu sbyor ba la sogs pa de dag yin te/ bdag tu smra ba yang yin la/ nye bar len pa yang yin nam/ ji ltar gzugs dang gzugs med par gtogs pa de dang gzugs dang gzugs med pa dang rab tu ldan pa'i kun tu sbyor ba la sogs pa de dag la bdag tu smra ba zhes bya/ ci de las gzhan ji skad du smras zin pa la ma gtogs pa gsum pa ming bdag tu smra ba zhes brjod pa zhig yin pa khyed kyis brjod par bya dgos na thams cad kyis kyang 'dod pa'i nye bar len pa yang bdag tu smra ba nye bar len pa yin par thal bar 'gyur ro/ /ji lta zhe na/ re zhig gal te 'di dag la bdag go zhes smra bas gzugs dang gzugs med pa bdag tu smra ba yin na ni 'dod pa'i khams kyang bdag tu smra ba yin par 'gyur ro/ /de ltar gyur dang de dang rab tu ldan pa'i nye bar len pa yang 'dod pa nye bar len pa ni ma yin gyi /bdag tu smra ba nye bar len pa yin par 'grub par 'gyur ro/ /'on te gzugs dang gzugs m ed pa dang rab tu ldan pa'i kun tu sbyor ba la sogs pa rnams gal te rnam pa gzhan 'ga' zhig gi sgo nas de dag thams cad kyis bdag go zhes smras pas bdag tu smra ba yin gyi nye bar len pa gzhan ma yin no zhe na ni 'dod pa dang rab tu ldan pa'i kun tu sbyor ba la sogs pa yang rnam pa de lta bu nyid kyi sgo nas bdag tu smra ba yin pa thob par 'gyur ro/ /'dod pa'i sbyor ba ji lta bar srid pa'i sbyor ba dang lta ba'i sbyor ba yang de bzhin no zhes bya ba ji lta zhe na/ dge slong dag byis pa thos pa dang mi ldan pa so so'i skye bo rnams kyi srid pa ni kun 'byung ba yin/ nub pa yang yin no zhes rgyas par byas nas srid pa la srid pa'i 'dun pa dang srid pa'i dga' ba'i bar du 'di 'byung bar 'gyur ro/ /srid pa'i lhag par zhen pa'i bar du 'di'i sems mthar thug par gnas te/ 'di ni srid pa'i sbyor ba zhes bya ba'o/ /lta ba'i sbyor ba yang dge slong dag byis pa thos pa dang mi ldan pa so so'i skye po rnams kyi lta ba ni kun 'byung ba yang yin/ nub pa yang yin/ ro myang ba yang yin/ nyes dmigs kyang yin no zhes rgyas par byas nas lta ba rnams la lta ba'i 'dun pa dang/ lta ba'i dga' ba'i bar du 'di 'byung bar 'gyur ro/ /lta ba'i lhag par zhen pa'i bar du 'di sems mthar thug par gnas te/ 'di ni lta ba'i sbyor ba zhes bya'o/ ma rig pa'i sbyor ba gang zhe na/ dge slong dag byis pa thos pa dang mi ldan pa so so'i skye po rnams kyi reg pa'i skye mched drug rnams kun 'byung ba yang yin/ nub pa yang yin no/ /zhes rgyas par byas nas reg pa'i skye mched drug mi shes pa ni ma rig pa phra rgyas su 'gyur ro zhes bya ba'i bar ni ma rig pa'i sbyor ba yin te/ 'dir yang ma rig pa nyid ma rig pa'i sbyor ba yin par rig par bya'o/ /rab tu byed pa pa dag de la sgro 'dogs par byed pa zhes bya ba ni mdo sde de las 'dod pa la sogs pa'i sbyor ba bstan pa'i rnams mdo sde las 'dod pa dang 'dun pa la sogs pa gsungs pa las lhag par sgrub pa yin no/ /de bas na nye bar len pa la yang sgro btags pa zhes rgyas par 'byung ba ni 'di ltar 'dod pa'i sbyor ba la sogs pa mdo sde las gsungs pa rnams la khyed kyis sgro btags pa byas la/ de'i phyir mdo sde de las gsungs pa'i nye bar len pa la yang khyed kyis sgro btags pa bya bar srid pa yin no/ /nye bar len pa rnams dang por ji ltar bstan pa zhes bya ba ni der 'dun pa dang 'dod chags yin no/ /de ltar na sgro btags pa byas pa yang ma yin la zhes rgyas par 'byung ba'o/ /'dod pa la sogs pa'i sbyor ba yang zhes bya ba 'dod pa'i sbyor ba dang lta ba'i sbyor ba'o/ /'dod pa la sogs pa'i nye bar len pa zhes bya ba 'dod pa'i nye bar len pa dang/ lta ba'i nye par len pa dang shin tu mthun par byas pa yin no/ /'di yang ye shes las 'jug pa las 'byung ba dang/ dang po ji ltar nye bar len pa bstan pa dang shin tu mthun par byas pa yin no/ /gzhung de dag ni bdag tu smra ba la 'dun pa dang 'dod chags ni bdag tu smra ba nye bar len pa dang bdag tu mngon par zhen pa yin no zhes bya ba'i don 'di dang shin tu mthun pa yin gyi zhes bya ba ji lta zhe na/ yun ring por bdag tu mngon par zhen cing sems can dang/ srog dang/ 'gro ba po dang/ gso ba po dang/ gang zag du mngon par zhen pa yin par bstan pa'i phyir yun ring por bdag tu mngon par zhen cing sems can dang/ srog dang/ 'gro ba po dang/ gang zag tu mngon par zhen pa yin te/ de dag gis ji ltar bdag tu smra ba dang/ 'dun pa dang/ 'dod chags dang/ mngon par zhen pa yongs su gtong bar 'gyur te/ de dag dang bral ba ma yin pa ni rigs par smra ba yin no/ /brda sprod pa pa dag ni bdag gang yin pa ni yod pa yin te/ de'i spang ba dang/ yongs su shes pa bshad par bya'o zhes bya ba dang/ gzugs dang gzugs med pa dang rab tu ldan pa'i kun tu sbyor ba la sogs pa ni bdag tu smra ba nye bar len pa yin no/ /zhes bya ba'i don 'di dang shin tu mthun pa yin no/ /ji lta zhe na/ yun ring por bdag tu mngon par zhen cing sems can dang/ srog dang/ 'gro ba po dang/ gang zag tu mngon par zhen pa rnams ni 'jig tshogs la lta ba ma spangs pa'i phyir gzugs dang gzugs med pa dang rab tu ldan pa'i kun tu sbyor ba la sogs pa yang ma spangs pa yin te/ de ltar na don 'di dang yang de dag tu shin tu mthun pa yin no/ /de dag gis ni 'dod pa la sogs pa'i nye bar len pa'i sang ba dang/ yongs su shes pa yang bshad pa yin te/ kun tu sbyor ba la sogs pa thun mong yin pa'i phyir dang 'jig tshogs la lta bas rgyas pa yin pa'i phyir ro/ /rten cing 'brel bar 'gyur ba dang po dang rnam par dbye ba bstan pa rgya cher 'grel ba// //bam po dgu pa/ /ci'i phyir len pa rnam pa bzhir bzhag / ji skad du mdo sde gzhan las/ dge slong dag nye bar len par 'gyur ba'i chos rnams dang/ nye bar len pa yang bshad par bya'o/ /nye bar len par 'gyur ba'i chos rnams gang zhe na/ ming dang gzugs nas yid dang chos zhes bya ba'o/ /nye bar len pa gang zhe na/ 'di la 'dun pa dang 'dod chags gang yin pa 'di ni 'dir nye bar len pa yin no zhes gsungs pa ltar ma yin nam zhe na/ khyim pa rnams ni phal cher 'dod pa nye bar len pa yin no zhes bya ba ni khyim pa pa mang du 'dod pa nye bar len pa yin gyi/ lta ba nye bar len pa yang med pa ni ma yin no/ /rab tu byung ba 'di las phyi rol pa phal cher ni de las gzhan pa la ste/ 'dod pa nye bar len pa de las gzhan pa la'o/ /phal cher zhes bya ba ni mang du ste/ 'dod pa nye bar len pa yang mang ba na ma yin no/ /'di las phyi rol pa zhes bya ba ni bstan pa 'di las phyi rol pa ste/ mu stegs can gzhan zhes bya ba'i don to/ /'di lta ste zhes rgyas par byung ba ni 'di lta ste 'di las phyi rol pa de dag ni de las gzhan pa la yin no/ /de ston pa ni 'di lta ste 'di las phyi rol pa de dag 'dod pa rnams spangs nas rab tu byung ste/ ma 'ongs pa na 'dod pa dang mi 'dod pa myong ba rnams dang ldan pa dang bral bar 'dod pas yod par bya ba'i phyir ram/ med par bya ba'i phyir rab tu 'byung ngo zhes bya ba ni 'dod pa 'byung ba rnams dang ldan par 'dod pas phyis kyang bde ba 'byung bar bya'o zhes yod par bya ba'i phyir rab tu 'byung ngo/ /mi 'dod pa byung ba rnams dang bral bar 'dod nas 'khor ba na phyis kyang sdug bsngal mang po med par bya'o zhes med par bya ba'i phyir rab tu 'byung ngo/ /rab tu byung nas kyang bsam gtan dang rtog pa'i bye brag la brten nas rtag par lta ba 'am/ chad bar lta ba 'byung bar 'gyur ro zhes bya ba ni tshangs pa'i dra ba'i mdo las rgyas par ji skad du gsungs pa lta bu'o/ /de dag kyang go rim bzhin du yod par lta ba la brten pa'am/ med par lta ba la brten pa yin no/ /zhes bya ba ni rtag par lta ba ni yod par lta ba la brten pa yin no/ /chad par lta ba ni med par lta ba la brten pa yin no/ /de ltar na re zhig de dag ni lta ba nye bar len pa yin no/ /tshul khrims dang brtul zhugs kyang de dang rjes su 'brel pa yin no zhes bya ba ni yod par lta ba dang med par lta ba de gnyis dang rjes su 'brel ba ni des bskyed pa dang rjes su mthun pa'o/ /de ltar na de dag ni tshul khrims dang brtul zhugs nye bar len pa yin no/ /gzhan lta bar gtogs pa de dag kyang lta ba gnyis la brten pa yin par ji skad du bcom ldan 'das kyis zhes rgyas par 'byung ba yin no/ /bdag tu smra ba yang yod par lta ba dang/ med par lta ba gnyis la brten pa yin te/ ma 'ongs pa na bdag yod pa dang/ med par yongs su rtog pa'i phyir te/ yod par lta ba ni ma 'ongs pa na yang bdag yod par rtog par byed do/ /med par lta ba ni med par ro/ /de nyid kyi phyir bdag tu lta ba ni lta ba nye bar len pa'i nang du 'dus pa/ yin te zhes bya ba ni gang gi phyir de ni gnyis la brten pa yin pas so/ /'di las phyi rol pa thams cad kyis de nye bar len pa'i phyir ro zhes bya ba ni de'i phyir 'di las phyi rol pa de dag thams cad bdag tu smra ba nye bar len par mthun pa yin no/ /de bas na bdag tu smra ba nye bar len pa'i spang ba dang yongs su shes pa 'chad par mi byed de/ 'di ltar bdag tu lta ba can rnams ni bdag tu smra ba nye bar len pa spang bar 'chad pa rigs pa ma yin no/ /gal te 'chad par byed na de'i phyir phyi rol pa ma yin par 'gyur ro/ /de nyid kyi phyir bcom ldan 'das kyis dge slong ma zhes rgyas par gsungs so/ /sred pa ni gsum du bstan la zhes bya ba ni 'dod pa'i sred pa dang/ gzugs kyi sred pa dang/ gzugs med pa'i sred pa'o/ /nye bar len pa ni bzhi yin na zhes bya ba ni 'dod pa nye bar len pa la sogs pa ji skad du bstan pa rnams so/ /gang zhig gang gi rkyen gyis yin zhe na zhes bya ba ni nye? nye bar len pa gang zhig sred pa gang gi rkyen gyis yin zhes bya ba'i don to/ /'dod pa'i sred pa'i rkyen gyis 'dod pa nye bar len pa yin te zhes bya ba ni gzugs dang gzugs med pa'i sred pa'i rkyen gyis ni ma yin te 'dod pa'i 'dod chags dang bral ba rnams la des sred pa kun tu mi 'byung ba'i phyir ro/ /mthong ba'i chos kho na la zhes bya ba ni ma 'ongs pa na bde ba dang sdug bsngal dang ldan pa dang bral bar bya ba'i phyir ma yin gyi/ 'o na ci zhe na/ de ltar byung pa'i tshe la bde ba dang ldan par 'dod pa dang/ sdug bsngal dang bral bar 'dod pa rnams kyi ni/ 'dod pa na spyod pa'i sred pa gang yin pa 'dod pa'i khams su gtogs pa/ de la brten nas de 'byung ba yin te/ sred pa la brten nas de'i 'dod pa nye bar len pa 'byung ba yin no/ /de dag ma 'ongs pa na 'dod pa dang mi 'dod pa zhes rgyas par 'byung ba la/ 'dod pa myong ba dang ldan par 'dod pa dang/ mi 'dod pa myong ba dang/ bral bar 'dod pa rnams kyi/ 'dod pa na spyod pa nyid kyi yod par sred pa dang med par sred pa rnams te/ de la 'dod pa myong ba dang ldan par 'dod pa rnams kyi ni yod par sred pa dang/ mi 'dod pa myong ba dang bral bar 'dod pa rnams kyi ni med par sred pa dang/ gang yang gzugs dang gzugs med pa na spyod pa'i yod par sred pa'am/ med par sred pa de dag gi rkyen gyis ni gzhan yin no/ /zhes bya ba ni lta ba dang/ tshul khrims dang brtul zhugs dang/ bdag tu smra ba nye bar len pa rnams so/ /sred pa gang gi rkyen gyis bdag tu smra ba nye bar len pa yin zhen zhes bya ba ni ma 'ongs pa na 'dod pa dang mi 'dod pa'i tshor ba dang ldan pa dang bral bar 'dod pa rnams kyi tshor ba la sred pa brten nas bdag tu smra ba'am/ bdag tu smra bar mngon par zhen pa 'dun pa dang 'dod chags 'byung ba ni ma yin gyi/ bdag tu lta ba yod na ni bdag la dga' ba rigs pa yin no zhe na zhes bya ba yin no/ /de'i phyir sa gang ba'i tshor ba la sred pa kun tu byung na zhes rgyas par smras te/ sa de pa'i lus la nye bar len pa'i phung po lnga'i mtshan nyid la byis pa bden pa ma mthong ba rnams bdag rtag pa dang/ rang dbang can dang/ byed pa po dang/ tshor ba po la sogs pa'i dngos por zhen cing mngon par dga' ste/ tshol bar byed/ 'dod chags kyis de la chags par byed do/ /de ltar na bdag tu smra ba nye bar len pa 'dun pa dang 'dod chags kyi mtshan nyid ni tshor ba la sred pa'i rkyen gyis yin te/ de bas na bcom ldan 'das kyis sa 'og gi mdo sde las rgyas par gsungs pa yin no/ /de las 'du byed de dag go zhes bya ba ni sred pa de las sngar bstan pa'i 'du byed bdag tu lta ba kun tu brtags pa de dag rab tu 'byung zhes bya ba'i don yin no/ /'dod chags dang ma bral ba rnams kyi 'dod pa nye bar len pa'o zhes bya ba ni bdag tu 'dun pa dang 'dod chags ma spangs pa'i phyir ro/ /'dod chags dang bral ba rnams kyi ni gzhan yin te zhes bya ba ni de yang 'og nyid nas/ de dag la sred pa'i nyon mongs pa ni yod de/ sa gang la 'dod chags dang ma bral ba de la 'dun pa dang 'dod chags nye bar len pa yin no zhes 'chad par byed pa yin no/ /nyon mongs pa yongs su rdzogs pa'i zhes rgyas par 'byung ba la/ nyon mongs pa yongs su rdzogs pa ni gang la lta ba'i kun nas nyon mongs pa yang yod/ sred pa'i kun nas nyon mongs pa yang yod pa ste/ nyon mongs pa yongs su rdzogs pa'i gang zag gis dbang du byas nas bcom ldan 'das kyis nye bar len pa 'di bzhi gsungs pa yin no/ /gzhan du ni tha dad pa med par gsungs te zhes rgyas par 'byung ba ni/ gzhan du zhes bya ba ni mdo sde gzhan las/ bcom ldan 'das kyis tha dad pa rnam pa bzhi ni ma yin gyi/ tha dad pa med par bstan pa ni/ nye bar len par 'gyur ba'i chos rnams gang zhe na/ mig dang gzugs dang zhes rgyas par gyur ba dang/ nye bar len pa gang zhe na/ gang la 'dun pa dang/ 'dod chags gang yin pa ste/ 'di ni 'dir nye bar len pa yin no zhes bya ba yin te/ chos 'di ba rnams dang/ 'di las phyi rol pa rnams dang mthun pa'i nye bar len pa yin no// gzhan dag na re bdag tu smra ba nye bar len pa yang de dag la yod pa yin te/ zhes bya ba la de dag la zhes bya ba ni chos 'di pa rnams la'o/ /lus la bdag go snyam pa'i 'dun pa dang 'dod chags gang yin pa'o zhes bya ba ni lus la bdag go snyam du 'dun pa dang 'dod chags la sogs kyi sgro nas kyang bdag tu lta ba 'byung ba yin no/ /yang zhes bya ba ni nga'o snyam pa dang/ sred pa yang zhes bya ba yin no/ /de bas na bdag tu smra ba nye bar len pa yang de dag la yod pa yin no zhes gzhan dag smra'o/ /gzhan rgyu dang de ma thag pa dang/ dmigs pa'i rkyen rnams nye bar len pa ma yin par 'gyur ro zhes bya ba ni sred pa kho na nye bar len pa'i rkyen yin pas so/ /'dir nye bar len pa'i rgyu'i rkyen ni skal pa mnyam pa'i rgyu la sogs pa yin par rig par bya'o/ de ma thag pa'i rkyen ni sems dang sems las byung ba 'das ma thag pa'o/ /dmigs pa'i rkyen ni 'dod pa dang lta ba dang/ tshul khrims dang brtul zhugs dang bdag tu smra ba yin te/ 'dir 'dun pa dang 'dod chags gang yin pa de nye bar len pa yin pas so/ /mdo sde gzhan yang yongs su spangs pa yin te/ ma rig pa'i rgyus kun tu 'dod chags pa dang/ kun tu zhe sdang ba dang/ kun tu gti mug pa'o zhes bya ba la kun tu 'dod chags pa ni 'dir len pa yin no/ /nye bar len pa'i rkyen ma rig pa yin te/ sred pa 'ba' zhig ni ma yin no/ /de bzhin du gang cung zad 'dod pa mi dge ba'i chos zhes rgyas par 'byung ba 'dir tshig bye brag du ma byas pa'i phyir 'dod chags kyang ma rig pa'i rkyen gyis yin no zhes bya'o/ /de bzhin du 'dus byas gang yin pa de thams cad ces rgyas par 'byung ba ni 'dod chags kyang 'du byed kyi phung por bsdus pa yin la/ de'i rkyen kyang reg pa yin par grub pa yin no/ /gal te rkyen can nges pa yin na ni nye bar len pa kho na'i rkyen sred pa yin gyi/ gzhan gyi ma yin pas chos gzhan gyi rgyu dang/ de ma thag pa dang/ dmigs pa dang/ bdag po'i rkyen du sred pa yin par mi 'gyur ro/ /zhes bya ba ni sred pa yang sems dang sems las byung ba rnams kyi rgyu'i rkyen yang yin te/ skal pa mnyam pa'i rgyu la sogs pas bsdus pa'o/ /de ma thag pa'i rkyen yang yin te/ 'das ma thag pa'o/ /dmigs pa'i rkyen yang yin te/ de la dmigs pa'i sems dang sems las byung ba skye ba'i phyir ro/ /bdag po'i rkyen yang yin te/ de'i dbang gis mi dge ba'i sems dang sems las byung ba skye ba'i phyir ro/ /dge slong dag las kyi rgyu ni sred pa rkyen ni sred pa zhes bya ba la sogs pa yongs su spang bar 'gyur ro zhes bya ba ni rkyen can nges pa yin na ni sred pa ni las kyi rgyu yin par mi 'grub par 'gyur ro/ /nges pa med kyang bshad pa don med pa ma yin te/ gtso bo'i rkyen bstan pa'i phyir dang/ de bzhin du bshad pa'i phyir ro zhes bya ba ni sred pa'i rkyen gyis len pa zhes de bzhin du bshad pa'i phyir ro/ /ji ltar sred pa ni len pa'i gtso bo'i rkyen yin pa de ltar ston pa yi/ 'di ltar tshor ba la sred pas de dang ldan pa bral bar bya ba'i phyir 'dod pa la sogs pa nye bar len pa yin no zhes bya ba'o/ /de yang mthong ba'i chos kho na la bde ba dang sdug bsngal dang ldan pa dang bral bar 'dod pa rnam kyi ni 'dod pa na spyod pa'i sred pa gang yin pa de la brten nas de 'byung ba yin no/ /gang dag ma 'ongs pa na 'dod pa dang mi 'dod pa myong ba rnams dang ldan pa dang bral bar 'dod pa rnams kyi ni 'dod pa na spyod pa nyid kyi yod par sred pa dang med par sred pa rnams dang/ gang yang gzugs dang gzugs med pa na spyod pa'i ste/ de dag gi rkyen gyis ni gzhan yin no zhes bya bar sngar smras zin to/ /nye bar len pa tha dad pa so so ni ma rig pa la sogs pa dang/ tshor ba'i sred pa la bltos pa yin gyi/ de la ma rig pa la sogs pa ni ma yin no zhes bya ba ni ma rig pa la sogs pa ni bye brag med par 'dun pa dang 'dod chags kyi rgyu yin pa'i phyir ro/ /len pa'i don bsdus pa rnam par bzhag pa ni 'dir rnam pa bcur bstan te/ rab tu dbye ba rnam par bzhag pa ji skad du/ len pa gang zhe na/ len pa rnam pa bzhi ste/ zhes rgyas par bstan pa yin no/ /rang gi ngo bo rnam par bzhag pa ni ji skad du/ 'dod pa la sogs pa gsungs pa de dag la 'dun pa dang 'dod chags gang yin pa de nye bar len pa yin te zhes bstan pa'o/ /byed pa rnam par bzhag pa ni ji skad du des 'dod pa la sogs pa de dag len par byed de/ de dag nyid de dag la len pa nyid de zhes bstan pa'o/ /byed pa rnam par bzhag pa ni ji skad des 'dod pa la sogs pa de dag len par byed de/ de dag nyid de dag la len pa nyid do zhes bstan pa'o/ /rkyen khyad par can rnam par bzhag pa ni ji skad du/ gal te tshor ba la sred pa ni 'dod pa la sogs pa la sred pa'i rnam grangs kyi rkyen yin par bstan pa de la nyes pa ci yod ces bstan pa yin no// 'dod pa tha dad pa rnam par bzhag pa ni ji skad du/ de bas na kun tu rtog pa'i 'dod chags nyid 'dir 'dod pa yin la/ de nyid nye bar len pa yin no/ /lta ba dang tshul khrims dang brtul zhugs dang/ bdag tu smra ba'i yang de bzhin te/ dang po ji ltar bstan pa bzhin te/ de dag nyid len pa yin no zhes rgyas par bstan pa yin no/ /rab tu byed pa pa 'dod pa dgag pa rnam par bzhag pa ni ji skad du rab tu byed pa pa dag de la sgro 'dogs par byed pa zhes bya ba rgyas par byas nas de bas nye bar len pa la yang sgro btags pa byas par srid pa yin no zhes bya ba la sogs pa'i bar du yin no/ /dgos pa rnam par bzhag pa ni ji skad du/ ci'i phyir len pa rnam par bzhir bzhag ce na/ khyim pa'i phyogs dang/ rab tu byung ba'i phyogs las brtsams te zhes rgyas par bstan pa'o/ /rkyen rab tu dbye ba rnam par bzhag pa ni ji skad du/ sred pa ni gsum du bstan la/ nye bar len pa ni bzhi yin na gang zhig gang gi rkyen gyis yin zhe na zhes rgyas par bstan pa yin no/ /nye bar len pa tha dad pa med par rnam par bzhag pa ni ji skad du/ gzhan du ni tha dad pa med par gsungs te/ nye bar len par 'gyur ba'i chos rnams gang zhe na/ mig dang gzugs dang zhes rgyas par 'byung ba dang nye bar len pa gang zhe na/ gang la 'dun pa dang 'dod chags gang yin pa ste/ de ni 'dir nye bar len pa yin no zhes bstan pa'o/ /gtso bo'i rkyen rnam par bzhag pa ni ji skad du/ gtso bo'i rkyen bstan pa'i phyir dang/ de bzhin du bshad pa'i phyir re zhes rgyas par bstan pa'o// //len pa rnam par 'byed pa'o/ /len pa'i rkyen gyis sred pa zhes rgya cher 'byung ba la/ len pa'i rkyen gyis srid pa zhes kyang gsungs sred pa gang zhe na/ nye bar len pa'i phung po lnga'o zhes mdo sde gzhan las/ bcom ldan 'das kyis tha dad pa med par yang gsungs/ mdo sde gzhan la dmyal ba'i srid pa dang/ yi dags kyi srid pa dang/ byol song gi srid pa dang/ mi'i srid pa dang/ lha'i srid pa dang/ las kyi srid pa dang/ bar ma do'i srid pa'o zhes srid pa bdun tha dad par gsungs na/ srid pa gang zhe na/ de'i phyir srid pa gsum ste/ 'dod pa'i srid pa dang/ gzugs kyi srid pa dang/ gzugs med pa'i srid pa'o zhes bstan to/ /'dir yang tshig sbyar na thal bar 'gyur ba snga ma bzhin du gnas te/ ji lta zhe na/ ci gzugs mthong ba bzhin du rig par bya ste/ ji ltar gzugs la mthong ba zhes bya ba de bzhin du 'dod pa la sogs pa'i srid pa ni 'dod pa'i srid pa dang/ gzugs kyi srid pa dang/ gzugs med pa'i srid pa yin nam/ 'on te gzugs kyi skye mched bzhin te/ ji ltar gzugs nyid skye mched yin pas gzugs kyi skye mched ces bya ba de bzhin du 'dod pa la sogs pa nyid srid pa yin pas 'dod pa'i srid pa dang/ gzugs kyi srid pa dang/ gzugs med pa'i srid pa zhes bya zhe na/ 'dod pa dang rab tu ldan pa'i srid pa'o/ /de bzhin du lhag ma rnams kyang zhes bya ba ni gzugs dang rab tu ldan pa'i srid pa dang/ gzugs med pa dang rab tu ldan pa'i srid pa ni gzugs med pa'i srid pa zhes bya ba yin no/ /tshig bar ma mi mngon pa'i phyir sbrang rtsi'i chu lta bu dang zhes bya ba ni rab tu ldan pa'i tshig par ma mi mngon par byas te/ dper na sbrang rtsi dang bsres pa'i chu la sbrang rtsi'i chu zhes tshig par ma mi mngon par byas nas sbrang rtsi'i chu zhes bya ba yin no/ /bu ram 'o ma bzhin no zhes bya ba ni ji ltar bu ram dang bsres pa'i 'o ma la/ bu ram 'o ma zhes tshig par ma mi mngon pa yin pa de bzhin no/ /'dod pa dang rab tu ldan pa'i srid pa ni 'dod pa'i srid pa dang/ gzugs dang rab tu ldan pa'i srid pa ni gzugs kyi srid pa dang gzugs med pa dang rab tu ldan pa'i srid pa ni gzugs med pa'i srid pa zhes gsungs kyi/ ngo bo nyid ni ma gsungs na/ srid pa yang gang zhe na/ de'i phyir nye bar len pa'i phung po lnga'o zhes rgyas par smras so/ /de dag kyang khams gsum du ji ltar rigs par bya'o zhes bya ba ni phung po lnga po de dag 'dod pa'i khams dang gzugs kyi khams na ni lnga char ro/ gzugs med pa'i khams na ni bzhi'o/ /de lta na 'o na zhes rgyas par 'byung ba ni 'o na de lta na nye bar len pa'i phung po lnga dang bzhi dag khams gsum du srid pa yin la/ srid pa nyid skye ba yin na/ srid pa'i rkyen gyis skye ba zhes bya ba phung po lnga la ma gtogs pa skye ba gang zhig srid pa'i rkyen gyis yin te/ skye ba nyid skye ba'i rkyen gyis yin no zhes bstan par 'gyur ro zhe na/ 'dir gzhan las kyi ngo bo dag ni srid pa yin par dgongs la/ gzhan dag ni srid pa'i rkyen gyis skye ba rnam par smin pa'i ngo bo yin no/ /don de nyid ston par byed pa ni 'di skad du/ srid pa gsum po de dag nyid mdo sde gzhan las/ srid pa bdun du gsungs te/ dmyal ba'i srid pa dang/ byol song gi srid pa dang/ yi dags kyi srid pa dang/ lha'i srid pa dang/ mi'i srid pa dang/ las kyi srid pa dang/ bar ma do'i srid pa rnams so/ /'dod pa'i srid pa ni bdun char yin no/ /gzugs kyi srid pa ni srid pa yin te/ lha'i srid pa dang/ las kyi srid pa dang/ bar ma do'i srid pa'o/ /gzugs med pa'i srid pa ni srid pa gnyis te/ lha'i srid pa dang/ las kyi srid pa'o/ /sems can rnams gang du gang gis 'byung ba de srid pa yin pa'i phyir srid pa bdun yin te/ dmyal ba la sogs pa gang du de dag gi srid pa 'byung ba ni dmyal ba'i srid pa dang/ byol song gi srid pa dang/ yi dags kyi srid pa dang/ mi'i srid pa dang/ lha'i srid pa ste/ 'dir 'byung bas na srid pa zhes bya'o/ /rgyu gang gi 'byung ba ni las kyis te/ de ni las kyi srid pa zhes bstan pa yin no/ /rim pa gang gis 'byung ba ni bar ma do'i srid pa'i rim pa ste/ de yang srid pa yin par gsungs te/ 'dis 'byung bar byed pas na zhes bstan to/ /mdo sde gzhan las kyang kun dga' bo las ni zhes rgyas par 'byung ba 'dis ni yang srid pa mngon par 'byung bar byed pa'i las ni srid pa'i rang gi mtshan nyid yin pa dang/ mdo sde 'di las kyang ma 'ongs pa'i rkyen las nyid srid pa'i sgras bstan pa yin no zhes ston to/ /rab tu byed pa las kyang 'dod pa'i srid pa gang zhe na zhes rgyas par 'byung pa 'dis kyang las kyi srid pa nyid gzugs dang gzugs med pa dang/ rab tu ldan pa'i ma 'ongs pa na skye ba'i rkyen nyid yin par 'di las gsungs so/ /zhes ston to/ /ma 'ongs pa na mngon par 'grub par mngon du phyogs pa dang zhes bya ba ni mngon par 'grub par mngon du gyur pa ni mngon par 'grub par mngon du phyogs pa yin pas so/ /las gang zhig gzugs dang rab tu ldan pa'i zhes bya ba snga ma bzhin no zhes bya ba ji ltar yin zhe na/ las gang zhig gzugs dang rab tu ldan pa'i nye bar len pa'i rkyen gyis ni ma 'ongs pa na mngon par 'grub par mngon du phyogs pa dang/ las de'i rnam par smin pa gang yin pa'o/ /gzugs med pa dang rab tu ldan pa'i zhes bya ba snga ma bzhin no zhes bya ba ji ltar yin zhe na/ las gang zhig gzugs med pa dang rab tu ldan pa'i nye bar len pa'i rkyen gyis zhes bya ba rgyas par yin no/ /de ni rnam par smin pa'i rkyen gyis ma yin no zhes bya ba ni rnam par smin pa'i rkyen gyis ma yin no/ /zhes bya ba'i don to/ /'on kyang de ni srid pa yin no zhes bya ba ni las de las rnam par smin pa 'byung bar byed pa yin pa'i phyir ro/ /de ltar na 'o na 'du byed rnams dang zhes rgyas par 'byung ba ni gal te 'du byed rnams kyang las kyi ngo bo yin/ srid pa yang las kyi ngo bo yin na/ 'o na de lta na 'du byed rnams dang srid pa la bye brag ci yang ce na/ las ni gnas skabs gnyis te zhes rgyas par 'byung ba la rang gi ngo bo'i gnas skabs ni rang gi mtshan nyid kyi gnas skabs zhes bya ba'i don to// bag chags kyi gnas skabs ni de las skyes pa'i 'bras bu smin par nus pa'i gnas skabs so/ /rang gi ngo bo'i gnas skabs nyid las kyi srid pa ma yin nam/ bag chags kyi gnas skabs ni ma yin na ji ltar las kyi bag chags kyi gnas skabs brjod ce na/ de'i phyir las ni gnas skabs gnyis te/ rang gi ngo bo'i gnas skabs dang/ bag chags kyi gnas skabs so/ /sems kyi rgyun la bag chags kyi bye brag de las skyes pa yod pa yang zhes rgyas par smras so/ /nus pa'i bye brag dang ldan pa'i rnam par shes pa'i rgyun ni de'i rkyen gyis yin pa'i phyir ro zhes bya ba ni yang srid pa skye bar nus pa dang ldan pa'i rnam par shes pa'i rgyun gyi rkyen ni rang gi ngo bor gnas pa'i las yin ba'i phyir ro/ /gal te de'i bag chags de yang srid mngon par 'grub par byed pa yin na ni 'jug pa rnyed pa yin no zhes bya ba ni de lta na bag chags kyi gnas skabs kyi las na srid pa'i ming 'thob pa yin no/ /'jug pa ma rnyed pa ji ltar brjod par bya zhe na/ de'i phyir 'jug pa ma rnyed pa yin na ni las kyi ming dang 'du byed kyi ming thob pa yin no zhes smras so/ /'dul ba las ji skad du/ las rnams chud zar mi 'gyur te/ zhes rgyas par 'byung ba ni rgyas par 'byung ba 'di ni der dper yin te/ 'jug pa ma rnyed pa'i bag chags de ni las kyi ming thob pa yin no zhes bya ba yin no/ /gang zag gcig la dus gcig tu bsod nams la sogs pa'i 'du byed rnam pa gsum yod par khas blangs su zin kyang zhes bya ba 'di ni 'jug pa ma rnyed pa'i bag chags de ni 'du byed kyi ming thob pa yin gyi ming srid pa zhes bya ba ci zhe na/ 'thob pa ma yin te zhes bya ba skabs yin no/ /bsod nams dang bsod nams ma yin pa dang/ mi g.yo ba'i 'du byed kyi bag chags tsam nyid yin na ni srid pa'i rkyen gyis cig char du skye ba gcig 'grub par 'gyur ro/ /'di ni de lta bu yin te bag chags kyi gnas kyi 'du byed ni yang srid pa mngon par 'grub pa la 'jug pa rnyed pas gnas skabs thams cad srid pa'i ming 'thob pa yin no zhe na/ 'di ltar ma? rig pa'i rkyen gyis 'du byed ces bya ba yod du zin kyang res 'ga' yang srid mngon par 'grub par mi byed do zhes rgyas par 'byung ba yin no/ /de y ang nye bar len pa yod na 'du byed srid pa'i gnas skabs yin par 'gro bar 'gyur gyi zhes bya ba ni 'dun pa dang 'dod chags yod na yang srid pa mngon par 'grub par bya ba la 'jug pa rnyed pa yin gyi med na ni ma yin no/ /de bas na 'jug pa rnyed pa'i las kyi bag chags ni len pa'i rkyen gyis yin pa'i phyir/ len pa'i rkyen gyis srid pa zhes bstan to/ /'di ltar ma rig pa'i rkyen gyis 'du byed yod du zin kyang zhes rgyas par 'byung ba ni 'di ltar khams sam 'gro ba/ gang na ma rig pa'i rkyen gyis 'du byed yod pa yang 'dun pa dang 'dod chags des 'phangs pa'i yang srid dang rjes su mthun pa ma yin na der ni yang srid mngon par 'grub par byed pa ma yin no zhes bya ba ni 'di lta ste 'dod pa'i khams su gtogs pa'i ma rig pa'i rkyen gyis 'du byed yod pa yang gzugs na spyod pa'i 'dun pa dang/ 'dod chags sam gzugs med pa na spyod pa'i 'dun pa dang/ 'dod chags pa des 'phangs pa'i yang srid dang rjes su mthun pa ma yin na khams dang der ram/ bde 'gror yang srid mngon par 'grub par byed pa ma yin no/ /las snga ma rnams rang gi 'bras bu yongs su 'dzin p ar byed pa yin du zin kyang zhes rgyas par 'byung ba ni las snga ma rnams rang gi 'bras bu yongs su 'dzin par byed pa yin du zin kyang 'dun pa dang 'dod chags med par yang bag chags yongs su gyur pa'i bye brag las dus ji lta ba bzhin du phyis 'bras bu sbyin par bya ba'i phyir nye bar gnas pa yin zhes bya ba la rang gi 'bras bu yongs su 'dzin par byed pa ni las de dag gis so/ /las de dag gis zhes bya ba ni rang gi 'bras bu yongs su 'dzin par byed pa nyid yin no/ /bag chags yongs su gyur pa'i bye brag las stobs ji lta ba bzhin du zhes bya ba ni skad cig ma yin pa'i phyir skad cig re re la de'i bag chags yongs su gyur pa'i bye brag yod pa yin te/ 'di ltar yongs su 'gyur ba'i bye brag de lta bu'i ngo bo cung zad 'grub par 'gyur te/ gang gis de ma thag tu yang srid mngon par 'grub par bya ba la nus pa yod pa'o/ /nus pa yang stobs yin te/ stobs ji lta ba bzhin zhes bya ba ni stobs dang gang yod pa de dang de las phyis 'bras bu sbyin par bya ba'i phyir nye bar gnas pa yin pa de ltar ci'i phyir mi 'dod/ sa gang la 'dun pa dang 'dod chags pa ni zhes rgyas par 'byung ba ni 'dod pa'i khams nas srid pa'i rtse mo'i bar la'o/ /des 'phangs pa'i yang srid dang rjes su mthun pa yin pa zhes bya ba ni las kyis 'phangs pa'i yang srid dang rjes su 'tsham pa zhes bya ba'i don to/ /der ni de lta bu kho na yin gyi zhes bya ba ni stobs ji lta ba bzhin du 'bras bu sbyin par bya ba'i phyir nye bar gnas pa yin no zhes bya ba yin no/ /'dun pa dang 'dod chags med pa ma yin pa'i las rnams la yang srid mngon par 'grub par byed pa'i nus pa thob pa yod pas/ len pa'i rkyen gyis srid pa zhes bstan to/ /'dod chags dang bral ba gang zhig sa 'og mar skye ba zhes rgyas par 'byung ba nas gong mar skyes nas 'dod chags dang bral ba zhig 'chi ba'i dus byas nas gang gi tshe sa 'og mar skye ba de'i tshe'i 'chi ba'i dus kyi tshe de las 'og ma pa'i 'dun pa dang 'dod chags ni kun tu 'byung ba ma yin te/ 'dod chags dang bral ba yin pa'i phyir ro/ /sa 'og ma de la 'dun pa dang 'dod chags dag ces bya ba la/ de la zhes bya ba ni sa 'og ma la'o// mngon du ma gyur na sa 'og mar lan grangs gzhan la myong bar 'gyur ba'i las kyis 'phangs pa'i yang srid dang rjes su mthun pa ji ltar yin zhe na/ 'chi ba'i gnas skabs na de'i bag chags rnams 'jug pa rnyed pa'i phyir ro zhes bya ba ni sa 'og ma pa'i 'dun pa dang 'dod chags kyi bag chags dag 'jug pa rnyed pa'i phyir ro zhes bya ba'i don to/ /'jug pa ji ltar rnyed pa bzhin las kyi bag chags kyis yang srid 'grub par byed do/ /de ltar na sa 'og ma pa'i 'dun pa dang 'dod chags kyi bag chags kyi 'jug pa rnyed pa ni len pa yin la/ des ni las kyi bag chags kyi gnas skabs dag srid pa yin par byed do/ /'dod chags ma bral ba rnams bden pa mthong na zhes rgyas par 'byung ba ni bden pa mthong la 'dod chags dang ma bral ba rgyun tu zhug pa 'am/ lan cig phyir 'ong ba dag 'dod pa na spyod pa'i 'dun pa dang 'dod chags ma spangs shing 'dod pa'i khams su gtogs pa yin yang ngan song du skye bar mi 'gyur na ci de'i len pa dag med pa yin nam/ gang gi phyir mi skye ba de dag gis ni ji skad du las snga ma rnams rang gi 'bras bu yongs su 'dzin par byed par yin du zin kyang bag chags yongs su gyur pa'i bye brag las zhes bya ba nas de ltar ci'i phyir mi 'dod ces bya ba'i bar du de dag rgyas par bstan pa yin no/ /de'i phyir ngan song dang rjes su mthun pa ma yin te zhes smras so/ /ji ltar ma yin pa de ston pa ni/ mthong bas spang bar bya ba'i 'dun pa dang 'dod chags spangs pa'i phyir ro zhes bya ba yin te/ bden pa mthong na mthong bas spang bar bya ba'i 'dun pa dang 'dod chags spangs pa yin la/ de yang ngan song dang rjes su mthun pa ma yin te/ log par lta ba bsgyur zin pa'i phyir ro/ /de las gzhan yang phyis 'joms pa'i phyir ro zhes bya ba ni/ bsgom pas spang bar bya ba yin te/ bsgom pas spang bar bya ba'i 'dun pa dang 'dod chags dang ngan song dang rjes su mthun pa spangs pa ma yin te/ bden pa mthong ba la yang kun tu rgyu ba yin no/ /log par lta bas rgyas pa yin pa'i phyir de dag ni bden pa mthong ba kho nas spangs pa'i phyir ro/ /'chi ba'i tshe gdon mi za bar 'gyur ro zhes bya ba ni sngar nges pa ma yin pa ni 'chi ba'i tshe len pa dang bcas pa'i las rnams gdon mi za bar srid pa yin par 'gyur ro/ /de lta ma yin na yang srid nyid mi rung ngo/ /las nges pa gang yin pa ni dus sngar yang yin te/ zhes bya ba ni de'i tshe gdon mi za bar srid pa gyur pa yin no/ /skyes nas myong bar 'gyur ba'i las mtshams med pa la sogs pa zhes bya ba'i sogs pa'i sgras ni mtshams med pa las gzhan/ lha la sogs pa'i nang du skyes nas myong bar 'gyur ba'i las gzhan yang gang yin pa'o/ /sngon gyi tshe'i las kyi rnam par smin pa zhes rgyas par 'byung ba de'i tshe las srid par gyur pa yod du zin kyang de ma thag tu yang srid mngon par 'grub par mi byed de/ sngon gyi tshe las kyi rnam par smin pa ris mthun par skal pa mnyam pa'i lhag ma dang 'brel ba'i phyir ro/ /ji tsam na skye ba'i srid pa yin pa de'i bar du ldog pa med do zhes bya ba ni de srid du las rnams srid par gyur pa yin no zhes bya ba'i don to/ /ci'i phyir nam par ma do'i srid pa mngon par ma grub pa de'i bar du srid pa rnam par mi bzhag ce na/ de'i phyir lung las srid ba ni gnyis te zhes rgyas par smras so/ /de gnyi ga gcig tu bsdus te srid pa zhes bya ba ni gzhol ba'i srid pa de dang zhugs pa'i srid pa zhes bya ba gnyis gcig tu bsdus pa ni mngon par bsdus pa yin no/ /'o na bar ma do ni srid pa yod pa'i rkyen gang zhe na zhes bya ba ni 'di'i sngon gyi dus kyi srid pa'i bsdus pa 'am/ /'chi ba'i srid pas bsdus pa ni ma yin no/ /de'i phyir de'i rkyen brjod par bya dgos so zhe na/ de'i phyir rkyen gzhol ba'i srid pa yin no zhes smras so/ /'o na de lta na ji srid du bar ma do'i srid pa yin pa de srid du las dag srid pa yin par rjes su 'brang ba thob par 'gyur ro zhe na/ de'i phyir de yang las kyi srid pa gtso bo yin gyi/ rnam par smin pa ni gtso bo ma yin te zhes smras so/ /de yang zhes bya ba ni bar ma do'i srid pa'o/ /ci'i phyir zhe na/ skyes pa na rnam par smin pa 'phangs pa yongs su rdzogs pa'i phyir te/ las des rnam par smin pa 'phangs pa skyes pa na yongs su rdzogs par gyur pa yin gyi/ bar ma do'i srid pa'i gnas skabs su ma yin te/ de bas na bar ma do'i srid pa skyes su zin kyang de'i las rnams srid pa nyid yin pa las ldog pa med de/ rnam par smin pa lhag ma dang bcas pa yin pa'i phyir ro/ /skye bar bya ba'i phyir yang zhes rgyas par 'byung ba ni lha la sogs pa'i nang du skye bar bya ba'i phyir las mngon par 'du byed pa ni lhar gyur cig / mir gyur cig ces bya ba la sogs pa yin gyi/ bar ma do'i srid pa skye bar bya ba'i phyir ma yin no/ /de bas na srid pa nyid nang du gtogs par byas pa ni bar ma do'i srid pa der yin gyi/ skye pa'i nang du ma yin no zhes bya ba ni rang gi dgos pa mthar thug par bya ba byed pa yin la/ las kyi dgos pa ni skye ba yin gyi/ bar ma do'i srid pa ni dgos pa ma yin no/ /de bas na ji tsam du skye ba'i srid pa yin pa de'i bar du ldog pa med de/ de srid du srid pa nyid de'i rjes su 'jug pa yin no zhes bya ba 'di ni mdo'i don to/ /gang yang srog gcod pa dang bral ba ma yin no zhes bya ba nas zhes rgyas par 'byung ba ni bstan pa'o/ /bshad pa ni 'di la yang dga' ba ma yin zhing zhes bya ba ni/ srog gcod pa spong ba len par mi byed pa'i phyir ro/ /spong ba ma yin pa zhes bya ba ni blangs pa mi srung ba'i phyir ro/ /gang 'di la srog gcod pa la sogs pa dang bral bar mi dga' ba de ni rgyu de dang rkyen des lus zhi gnas/ bde 'gro mtho ris kyi 'jig rten du lha'i nang du skye ba ma yin no/ /'on kyang des sngon dge ba'i las byas shing bsags pa yod de zhes rgyas par 'byung ba la/ sngon byas pa yod pa zhes bya ba ni srog gcod pa la sogs pa dang bral ba de yang sngon byas pa yin no zhes bya ba'i don te/ ji skad du 'on kyang 'dis sngon dge ba'i las byas shing bsags pa yod de zhes smras pa yin no/ /gang gi rkyen gyis srid par gyur zhe na/ rkyen dge ba'i sems dang sems las byung ba'i chos rnams thob pa yang dag pa'i lta ba dang mtshungs par ldan pa de'i rkyen gyis srid par gyur pa yin te/ de nyid srid pa'i rkyen yin gyi/ gzhan ma yin no/ /rkyen nges pa yin na ni dge ba'i sems dang sems las byung ba'i chos yang dag pa'i lta ba dang mtshungs par ldan pa rnams srid pa'i rkyen yin par 'grub par mi 'gyur ro/ /las rnam par 'byed pa chen po'i mdo sde las/ de dag srid pa'i rkyen nyid du gsungs pa de yang yongs su spangs par 'gyur ro/ /'on te 'di 'chi ba'i dus kyi tshe zhes rgyas par 'byung ba ni gal te 'chi ba'i dus kyi tshe dge ba'i sems pa mtshungs par ldan pa dang bcas pa srid pa yin par gyur na ni de lta na mi dge ba'i sems dang sems las byung ba'i chos rnams kyi rkyen gyis las de srid par gyur pa ma yin zhing rkyen nges pa yin te/ nye bar len pa kho na srid pa'i rkyen yin gyi gzhan ma yin no zhes bya ba la yid? grub pa yin no/ /las rnam par 'byed pa'i mdo sde chen po las gsungs pa de dag srid pa'i rkyen nyid yin par bstan pa yang spangs pa ma yin te/ der ni de dag srid pa nyid yin par gsungs kyi/ srid pa'i rkyen nyid du ni ma yin no zhe na/ de lta na de yang sngon byas pa yod pa de'i rkyen yang 'di ste zhes byung ba dang 'gal bar 'gyur te/ sngon byas pa yod pa srid pa de'i rkyen nyid yin par gsungs pa yin gyi/ srid pa nyid du ma yin no/ /bshad ma pa dbyug shes bya bas zhes rgyas par 'byung ba 'di yang spang bar byas pa yin te/ gal te len pa kho na srid pa'i rkyen yin na zhes skabs dang sbyar ro/ /bsam gtan bzhi pa thob pa'i dge slong zhes rgyas par 'byung ba ni bsam gtan bzhi pa thob pa'i dge slong 'ga' zhig bsam gtan dang po thob pa dang/ bdag gis thog ma'i 'bras bu 'thob po zhes mngon pa'i nga rgyal skyes zhes grag go/ /de bzhin du bsam gtan bzhi pa'i bar du thob pa dang/ 'bras bu bzhi pa dgra bcom pa thob po snyam byed do/ /bsam gtan bzhi pa thob pa'i dge slong mngon pa'i nga rgyal can te/ 'chi kar skye bar 'gyur ba mthong ba dang/ 'jig rten na rgyun tu zhugs pa nas dgra bcom pa'i bar du yod pa ma yin no zhes 'phags pa rnams la skur ba 'debs pa'i log par lta ba skyes so/ /de 'phags pa la skur pa 'debs pa'i log par lta ba de ni dmyal bar skye bar 'gyur ba'i las srid pa nyid du byed pa'i rkyen yin no zhes skabs dang sbyar ro/ /'di nyid kyi mdo sde'i rjes su 'brangs nas rig par bya ste zhes bya ba ji lta bu zhe na/ 'dis bsam gtan gyi sdom pa thob nas srog gcod pa la sogs pa las rnam par ldog pa'i rgyu de dang rkyen des lus zhig nas ngan song dmyal bar skye bar 'gyur ba ma yin gyi/ 'on kyang 'di sngon mi dge ba'i las byas shing bsags pa yod de/ de yang sngon byas pa yod de/ de yang sngon byas pa yod pa de'i rkyen yang 'di ste 'chi ba'i dus kyi tshe/ mi dge ba'i sems dang sems las byung ba'i chos thob pa log par lta ba dang mtshungs par ldan pa de'i rgyu dang/ de'i rkyen gyis lus zhig nas zhes rgyas par 'byung ba yin te/ gal te len pa kho na rkyen yin te/ rkyen nges pa yin na 'di yang spangs par 'gyur ro/ /gal te rkyen can nges pa yin na ni len pa'i rkyen gyis srid pa kho na yin gyi/ gzhan ma yin pas len pa'i rnam par smin pa dang rgyu mthun pa dang/ bdag po'i 'bras bu gzhan med par 'gyur ro zhes bya ba ni rnam par smin pa'i rgyur gyur pa'i 'bras bu rnam par smin pa med par 'gyur ro/ /skal ba mnyam pa dang kun tu 'gro bar rgyur gyur pa'i rgyu mthun pa'i 'bras bu med par 'gyur ro/ /gtso bo'i gyur gyur pa'i bdag po'i 'bras bu med par 'gyur ro/ /rkyen gtso bo 'chad pa'i phyir ro zhes bya ba ni len pa'i rkyen gyis srid pa zhes bya ba rkyen gtso bo'i dbang du byas te 'chad pa'i phyir ro/ /len pa ni srid pa'i rkyen gyis gtso bo yin te/ sa gang ba'i len pa yin pas ni sa de ba kho na'i las dag srid par byed pa'i phyir ro zhes bya ba ni de yang sngar bstan zin te/ ji lta zhe na/ ma rig pa'i rkyen gyis 'du byed yod du zin kyang gang 'dun pa dang 'dod chags pa des 'phangs pa'i yang srid dang rjes su mthun pa med na der yang srid mngon par 'grub par mi 'gyur ro zhes bya ba yin no/ /sa gang ba'i dge ba'i sems dang zhes rgyas par 'byung ba ni sa gang pa'i dge ba'i sems dang sems las byung ba ni 'chi ba'i tshe/ dus tha ma'i chos de pa'i las dag srid par byed pa ma yin te/ 'dod pa'i khams kyi 'dod chags dang bral ba dag 'chi ba'i dus kyi tshe 'dod pa na spyod pa'i dge ba'i sems dang sems las byung ba'i kun tu 'byung yang 'dod pa na spyod pa'i las dag srid par byed pa ma yin no/ /'o na dge ba'i sems kyi las gang dag ces rgyas par 'byung ba ni 'o na dge ba'i sems kyi las sngon byas pa bag chags kyi gnas skabs pa dag 'chi ba'i dus kyi tshe srid par gyur pa yin pa ni ji ltar sngar smras pa yin no/ /de dag ji ltar nye bar len pa'i rkyen gyis srid pa yin zhe na zhes bya ba ni de'i tshe de'i sems dang sems las byung ba dge ba kun tu 'byung ba dang mi mthun pa'i phyir 'dun pa dang 'dod chags mngon du 'byung ba'i dngos po ni yod pa ma yin no/ /gal te de'i tshe rnam par shes pa la zhes rgyas par 'byung ba ni 'chi ba'i dus de'i tshe dge ba'i sems kyi rnam par shes pa dang/ kun gzhi'i rnam par shes pa la len pa med par gyur na/ de'i las dag srid pa yin par mi 'gyur te/ ji ltar dgra bcom pa bzhin no zhes bya ba ni kun gzhi rnam par shes pa la len pa med pa'i phyir ro/ /gal te rnam par shes pa la l en pa la len pa med par yang bag chags kyi gnas skabs dag srid pa yin par gyur pa de ni las kyi bag chags kyi nang du gtogs pa yang srid kyi sa bon du gyur pa yin na de lta yin na dge slong dag sa bon gyi rigs lnga ni len pa dang bcas pa'i tshig bla dags yin no zhes 'byung ba'i mdo 'di dang 'gal bar 'gyur ro/ /ji ltar na dge ba'i rnam par shes pa len pa dang bcas pa yin zhen zhes bya ba ni dge ba ni 'dun pa dang 'dod chags dang ? tu sbyor ba ma yin pas de'i phyir 'di ba yin no/ /len pas grogs byas te 'bras bu sbyin pa'i phyir te zhes bya ba ni skyed pa yin te/ 'jug pa'i rnam par shes pa dge ba de ni len pas bstangs te/ 'bras bu sbyin par byed kyi/ 'ba' zhig gis ni ma yin no/ /de bas na de len pa dang bcas pa yin gyi zhes bya ste/ len pa la bltos nas des 'bras bu mngon du sbyin par byed pa yin te/ kun gzhi rnam par shes pa la 'bras bu'i rgyu bag chags rgyu yod pas 'bras bu sbyin par byed pa yin no/ /de sa bon yin par dgongs pa ni ma yin no zhes bya ba ni dge ba'i 'jug pa'i rnam par shes pa de'o/ /kun gzhi rnam par shes ngan sa gon yin te/ de'i dbang du byas nas bcom ldan 'das kyis dge slong dag sa bon zhes bya ba ni len pa dang bcas pa'i rnam par shes pa'i tshig bla dags yin no zhes gsungs so/ /de la len pa gang yin pa'i bag chags zhes rgyas par 'byung ba ni/ de la zhes bya ba ni kun gzhi rnams par shes pa la'o/ /len pa gang yin pa zhes bya ba 'dod pa nye bar len pa nas bdag tu smra ba nye bar len pa'i bar gyi bag chags yongs su shin tu rtas par gyur na zhes bya ba ni de kun tu 'byung ba na 'jug pa rnyed pa'o/ /des ni de len pa dang bcas pa yin te zhes bya ba ni len pa nges bag chags yongs su rtas pa ma yin na kun gzhi rnam par shes pa de len pa dang bcas pa ma yin no/ /sa gang ba'i len pa de yongs su shin tu rtas par gyur na zhes rgyas par 'byung ba ni 'dod pa na spyod pa dang/ bsam gtan dang po'i sa pa nas srid pa'i rtse mo'i sa pa'i bar gyi'o/ /de'i sgo nas sa de pa nyid kyi las kyi bag chags bsags pa'i zhes bya ba ni len pa'i sgo nas bsags pa zhes bya ba'i tha tshig go / de ma thag tu tshe gzhan mngon par 'grub par bya ba'i phyir 'jug pa rnyed pa yin pas zhes bya ba ni yongs su gyur pa'i bye brag gi gnas skabs rnyed pa'i las nga ni srid pa yin par bstan to/ /rnam pa 'dis ni dge ba'i sems kyi yang 'chi kar len pa'i rkyen nyid kyis srid pa yin no zhes bya'o/ /de ma thag tu skye ba mngon par grub par bya ba'i phyir 'jug pa rnyed pa zhes gang smras pa'i 'jug pa zhes bya ba de ci yin zhe na/ de'i phyir gang la las kyi bag chags yongs su gyur pa'i bye brag yod pa zhes rgyas par smras te/ 'du byed skad cig pa rnams ni skad cig re re la yongs su gyur pa'i bye brag yod pa yin no/ /de bas na yongs su gyur pa'i bye brag 'ga' zhig ston par byed pa ni gang la las kyi bag chags kyi gnas skabs yongs su gyur ba'i bye brag yod pa rang gi 'bras bu mngon par 'grub par byed pa de ni 'di'i 'jug pa zhes bya ba yin te/ yongs su gyur pa'i bye brag de ni bag chags 'di'i 'jug pa yin par bstan te/ dper na ma du lung ga'i me tog la rgya skyegs kyi khu ba bsgos pa ci zhe na/ yongs su gyur pa'i bye brag gis ge sar dmar por mngon par 'grub par byed pa ni 'jug pa yin no zhes bya ba bzhin no/ /gang gi phyir sred pa'i rkyen gyis len pa yin par rtog par byed ce na/ de'i phyir tshor pa la sred pa ni gdon mi za bar zhes bya ba rgyas par smras te/ de dang ldan pa dang bral bar bya ba'i phyir zhes bya ba ni tshor ba dang ldan pa dang bral bar bya ba'i phyir te/ de bas na bde ba'i tshor ba dang ldan par bya ba'i phyir dang/ sdug bsngal gyi tshor ba dang bral bar bya ba'i phyir 'dod pa'i la sogs pa len par byed la zhes bya ba ni 'dod pa dang lta ba dang/ tshul khrims dang brtul bzhugs dang/ bdag tu smra ba rnams zhes bya ba'i tha tshig go /med na mi 'byung ba nyid yin pa bston pa ni bde bar sdug bsngal gnyis kyi tshor ba la ldan pa dang bral bar sred pa ni gdon mi za bar 'dod pa la sogs pa la 'dun pa dang 'dod chags par byed do zhes bya ba 'di ni bsdus pa'i don yin te/ de ltar na len pa med par yang las rnams srid par 'gyur ba ma yin no/ /de bas na sred pa'i rkyen kho nas srid pa yin par 'dod pa ma yin zhes bya'o/ /'dod pa la sogs pa len pa med par yang zhes bya ba ni 'dod pa dang/ lta ba dang tshul khrims dang brtul zhugs dang/ bdag tu smra ba len pa'o/ /ci zhe na/ tshor ba tsam la sred pas ni las sna tshogs kun nas slong bar byed pa ma yin la zhes bya ba ni bde ba dang sdug bsngal dang/ bde ba yang ma yin sdug bsngal yang ma yin pa'i tshor ba rnams ldan pa dang bral ba la sogs par sred pa sna tshogs ma yin pa lus dang longs spyod sgrub par byed pa can gyis ni/ las sna tshogs kun nas slong bar byed pa ma yin gyi/ len pas yin te/ 'dod pa dang lta ba dang/ tshul khrims dang brtul zhugs dang/ bdag tu smra ba sna tshogs las byung ba'i 'dod chags rnam pa sna tshogs la grub pa'i phyir ro/ /'dod pa la sogs pa la 'dun pa dang 'dod chags kyi sgo nas kun nas bslang ba'i las sna tshogs ni 'dod pa dang/ lta ba dang/ tshul khrims dang/ brtul zhugs dang/ bdag tu smra ba sna tshogs la 'dun pa dang 'dod chags kyi sgo nas te/ sgo de kho na nas phyis srid pa yin par 'gyur ro zhes bya ba ni 'dod pa la sogs pa la 'dun pa dang 'dod chags kyi sgo kho na nas zhes bya ba'i tha tshig go / de ltar na yang sred pa'i rkyen kho nas srid pa yin par 'dod pa ma yin no/ /ngan song du 'gro bas skrag pa dang bde 'gro 'dod pa rnams kyi 'gro ba de dang mi mthun pa'i sred pa ngan song du 'gro ba dang mi mthun zhing de dang mi 'phrod pa zhes bya ba'i don gang yin pa ni ngan song du 'gro ba'i las rnams srid par byed pa'i rkyen du 'thad pa ma yin te/ ngan song las phyir phyogs pa yin pa'i phyir ro/ /bde 'gro'i tshor ba la sred pa sngon du song ba'i 'dod pa la sogs pa la 'dun pa dang 'dod chags ni 'thad pa yin no/ /zhes bya ba ni ngan song ba'i 'gro ba la skrag pa dang/ bde 'gro 'dod pa de dag rnams kyi'o/ /de ltar na srid pa'i rkyen gyis len pa nyid yin pa ni thams cad du 'gal ba med pa yin no/ /gang dag gi sred pa srid pa la rgyab kyis phyogs pa dang/ yang srid dang mi mthun par byed pa de dag gi ni de'i rkyen gyis sred pa la rgyab kyis phyogs pa'i sred pa'i rkyen gyis ji ltar las dag srid par 'grub par 'gyur zhes bya ba ni sred pa la rgyab kyis phyogs pa'i sred pa yang srid dang rjes su mthun pa ma yin pa ni sdug bsngal gyi tshor ba dang bral bar 'dod pa yin te/ srid pa la rgyab kyis phyogs pa'i srid pa'i rkyen gyis lta ba la sogs pa'i len pa 'grub par 'gyur ro/ /de'i phyir yang sred pa'i rkyen kho nas srid pa yin par bstan pa ma yin no/ /'o na gang bcom ldan 'das kyis gzhan nas dga' ba nyid len pa yin par gsungs la/ de'i rkyen gyis kyang srid pa yin par tshor ba'i mdo sde las gsungs par rgyas par 'byung ba de dag gis ni sred pa'i rkyen kho nas srid par 'gyur ba yin par ston par byed pa ni dga' ba de ni sred pa yin par bsams pa'o/ /de nyid kyi phyir yang 'byung ba pa'i srid pa dga' ba 'dod chags dang mtshungs par ldan pa'o/ /zhes 'byung bas mdo sde'i tshig 'di dag sred pa yin par rung la/ der yang lha rnams mgu pa ni dga' ba la brten pa yin no zhes kyang gsungs so zhes zhes smras so/ /sred pa dang 'dod chags mtshungs par ldan pa sred pa yin no zhes bya bar mi rung ngo zhes bya ba ni gzhan dang gzhan 'bras pa la de dang mtshungs par ldan pa zhes bya ba ste/ dper na byams pa dang ldan pa'i dran pa yang dag byang chub kyi yan lag bsgom mo zhes bya ba bzhin no/ /dga' ba yang dga' bar byed pa yin te/ nyon mongs pa can gyi yid dga' ba zhes bya ba ni 'dod chags dang mtshungs par ldan pa'o/ /len pa ni tshor ba kho na yin no zhes bya bar rigs pa ma yin te zhes bya ba ni dngos po'i rang gi dngos po'i rang gi mtshan nyid yin pa'i phyir dang/ 'dir 'dun pa dang 'dod chags gang yin pa nye bar len pa yin par gsungs pa'i phyir ro/ /tshor ba la dga' ba ni srid pa'i rgyu yin no zhes bya ba ni de dang ldan pa dang bral ba sred pa'i yin te/ dga' ba ni bde ba'i tshor ba'i bye brag yin pa'i phyir ro/ /de yang len pa yin te zhes bya ba ni srid pa de yang rgyu yin no zhes skabs dang sbyar ro/ /rgyu'i rgyu la de'i len pa yin no zhes bya ba ni len pa'i rgyu ni sred pa yin/ sred pa'i rgyu ni dga' ba yin pas rgyu'i rgyu yin no/ /de'i zhes gang smras pa ni de'i zhes bya gang zag dang sbyar te/ gang zag de'i len pa'i rgyu la len pa yin no zhes bstan to/ /ci'i phyir zhe na/ tshor ba la dga' ba mang pa rnams yid 'byung ba skyed pa'i phyir te/ dga' ba nyid len pa yin no zhes byas nas de dag tshor ba la yid 'byung ba skye bar 'gyur te/ dga' ba'i nyes dmigs mthong ba'i phyir ro/ /nges de la bar chad byed pa'i phyir ro zhes bya ba ni 'dod chags des tshangs par spyod pa de la bar chad byed pa'i phyir ro zhes bya ba'i don to/ /dri ma brgyud pa'i rgyu yin pas bud med la dri ma'o zhes nye bar gdags te zhes bya ba ni bud med mthong na zhes rgyas par ji skad du smras pa rim pas so/ /dper na sangs rgyas rnams ni 'byung ba bde zhes bya ba sangs rgyas 'byung ba kho na bde ba ma yin gyi/ zhal mthong na dang ba skye bar 'gyur la/ dang pa las bde bar 'gyur ba yin no/ /chos bstan pa yang bde ba'o zhes bya ba yang de bzhin du sbyar ro/ /sogs pa'i sgra rgyu'i rgyu gzhan la yang de bzhin du nye bar gdags pa bsgrub par bya'o/ /smras pa gal te srid pa'i brgyud pa'i rgyud sred pa yin na/ 'o na ci'i phyir mdo sde gzhan las srid pa nyid kun 'byung ba'i bden par gsungs sred pa nyid kun 'byung ba'i bden par brjod par bya dgos so zhes bsams pa ste/ srid pas yang srid 'byung ba'i phyir ro/ /yang na srid pa'i rgyu'i rgyu srid pa yang kun 'byung gi bden par bstan na len pa ni srid pa'i mngon sum gyi rgyu yin yang kun 'byung gi bden par ma bstan na ci'i phyir srid pa kun 'byung gi bden par mdo sde las bstan/ sdug bsngal gyi bden ba rgyas par bstan nas kun 'byung gi bden pa gang zhe na/ sred pa yang 'byung ba dga' ba 'dod chags dang mtshungs par ldan pa de dang de la mngon par dga' ba yin no zhes rgyas bar 'byung ba yin no/ /rtsa ba bcad pa'i phyir de skad du gsungs so zhes bya ba ni yang srid kyi rtsa ba bcad pa'i phyir sred pa de nyid kun 'byung gi bden pa yin par gsungs te/ de rgyun gcad na rtsa ba phyung bas yang srid 'grub par mi 'gyur ro/ /de rgyun bcad pa nyid kyis len pa rgyun bcad pa yin pas srid pa'i mngon sum gyi rgyu nyid yin pa ni kun 'byung gi bden par ma gsungs so/ /yang na len pa dang lhan cig pa de la bstan te/ zhes bya ba sred pa de la kun 'byung ba'i bden par bstan te/ des nye bar len pa yin pas kun 'byung gi bden pa'o zhes ston to/ /de la tha dad pa med par yang srid 'dod pa ni yang 'byung ba pa'i sred pa yin no zhes bya ba yin te/ gang gis 'di la 'dod pa yin gyi/ lhar shog cig ce 'am/ mir shog cig ces bya ba ni ma yin no/ /thob pa'i dngos po la dmigs pa'i dga' ba dang 'dod c hags gnyis 'dres pa'i phyir dga' ba 'dod chags dang ldan pa yin no zhes bya ba ni da ltar byung pa'i lus dang longs spyod kyi dngos po la dmigs pa'i dga' ba dang 'dod chags gnyis rims kyis 'byung ba na de gnyis 'dres pa'i phyir de dang ldan pa zhes bya'o/ /de la dga' ba ni nyon mongs pa can gyi yid yin no zhes sngar bstan zin to/ /'dod chags ni chags pa'i mtshan nyid yin par grags pa nyid yin no/ /thob pa'i longs spyod sna tshogs dang lus kyi dngos po 'dod pa ni de dang de la mngon par dga' ba dang/ yang 'byung ba pa'i sred pa yin no zhes skabs dang sbyar ro/ /ma thob pa'i longs spyod sna tshogs 'dod pa 'di yang sna tshogs la dmigs pa yin pa'i phyir tha dad par phye ste/ yang srid kyi mtshan nyid la sred pa yin no/ /de nyid kyi phyir de dang de la mngon par dga' bar byed do zhes gsungs so/ /thob pa dang ma thob pa'i lus kyi dngos po gnyis dang yul gnyis la zhes rgyas par 'byung pa ni thob pa'i lus la ni yang 'byung ba'i sred pa'o/ /thob pa'i yul la ni dga' ba 'dod chags dang ldan pa'i sred pa'o/ /ma thob pa'i yul la ni de dang de la dga' ba'i sred pa'o/ /de ltar sred pa rnam pa bzhi go rim bzhin du rig par bya'o zhes bya ba ni de ltar na dang po ni rnam grangs kyi sred pa yang 'byung ba pa yin te/ de ltar ma phye bar gcig gis bstan to/ /gnyis pa ni rnal 'byor spyod pa pa'i tshul du bshad par phye nas sred pa rnam pa gnyis su bstan to/ /yang 'byung ba pa'i sred pa logs shig tu bstan pa yang tha dad par dbye'o/ /de bas na len pa'i mtshan nyid 'dun pa dang 'dod chags kyang 'dir 'dus pa yin no zhes bya ba ni kun 'byung gi bden pa 'dir yin te/ dga' ba 'dod chags dang ldan pa dang de dang de la mngon par dga' bar byed do zhes gsungs pa'i phyir ro/ /de dag mdo sde 'di las ji ltar rig par bya zhe na zhes bya ba ni las ni zhing/ srid pa ni rlan/ rnam par shes pa ni sa bon zhes bstan pa rnams rten cing 'brel par 'byung ba'i mdo sde 'dir ji ltar rig par bya zhes bya ba yin no/ /de dag 'dir bstan pa'i phyir srid pa'i gnas skabs kyi las ni zhing yin no/ /zhes smras te/ de la rnam par gnas pa'i las ni 'du byed kyi gnas skabs dang srid pa'i gnas skabs so/ /de la 'dir srid pa'i gnas skabs kyi las ni zhing du bstan pa yin no/ /der nye bar 'gro ba len pa dang bcas pa'i rnam par shes pa ni sa bon yin no/ /zhes bya ba ni nye bar 'gro bas na 'gro ba ste las de 'gro ba ni nye bar 'gro ba yin te/ ji skad du bcom ldan 'das kyis/ gal te bsod nams kyi 'du byed mngon par 'du byed na bsod nams kyis rnam par shes pa nye bar 'gro ba yin no zhes rgyas par gsungs pa yin te/ len pa gang gis len pa dang bcas pa'i rnam par shes pa de sa bon yin no/ /len pa de nyid ni rlan yin no/ /rnam pa de gsum zhes bya ba ni las zhing dang/ rnam par shes pa sa bon dang/ len pa rlan rnams yin no/ /ma rig pa ni rlan mi zad pa'i rgyu yin par bstan pa'i phyir zhes rgyas par 'byung ba la/ rlan mi zad pa'i rgyu zhes bya ba ni len pa'i rlan mi zad pa'i rgyu zhes bya ba'i tha tshig go /'di'i nang nas 'byung ba yin te zhes bya ba ni mdo sde 'di'i nang nas sems can de dag gi ma rig pa mun par gyur pa ni zhes 'byung ba yin no/ /gzhan las ni rnam grangs kyis rnam par shes pa'i gnas bzhi ste zhes rgyas par 'byung ba la/ mdo sde gzhan las ni rnam par shes pa'i gnas bzhi ste/ gzugs la nye bar 'gro ba'i rnam par shes pa gnas pa dang/ tshor ba la nye bar 'gro ba dang/ 'du shes la nye bar 'gro ba dang/ 'du byed la nye bar 'gro ba ste/ rnam par shes pa'i gnas bzhi po de dag rnam grangs kyis zhing yin par ston to/ /ji lta zhe na/ dge slong dag rnam par shes pa'i gnas zhes rgyas par 'byung ba yin te/ sa'i khams kyi tshig bla dags shes gsungs pa'i phyir rnam par shes pa'i gnas bzhi ni rnam grangs kyis zhing yin par ston la/ /sa'i khams ni zhing yin par ston te/ ji skad du dge slong dag rnam par shes pa'i gnas bzhi la/ zhing zhes bya ba ni de'i tshig bla dags yin no zhes gsungs so/ /de las cir 'gyur zhe na/ yul gang la dga' ba dang 'dod chags ba ni zhes rgyas par 'byung ba la / yul gang la dga' ba dang/ 'dod chags pa ni rnam par shes pa'i gnas bzhi yul de la dmigs pa zhes bya ba'i don gang yin pa ste/ len pa dang bcas pa'i rnam par shes pa rlan par byed do/ /ming dang gzugs de ni zhes bya ba ni rnam par shes pa'i gnas bzhi'o/ /de'i zhing yin par 'dir gsungs so zhes bya ba ni len pa dang bcas pa'i rnam par shes pa de'i 'o 'dir zhes bya ba ni mdo sde 'dir ro/ /dper na gang la brtan nas chus sa bon rlan par byed de/ sa bon gyi zhing yin par smras pa de bzhin no/ /de la gzugs la nye bar 'gro zhing rnam par shes pa gnas pa ni 'dod pa'i khams so/ /tshor ba la nye bar 'gro ba ni bsam gtan no/ /'du shes la nye bar 'gro ba ni gzugs med pa gsum mo/ /'du byed la nye bar 'gro ba ni srid pa'i rtse mo pa yin no zhes brjod de/ gzugs dang tshor ba dang/ 'du shes dang/ 'du byed kyi phung po la sred pa'i dbang gis rnam par shes pa gnas pa yin no zhes bya ste/ phung po bzhi ni ji ltar srid bar rnam par shes pa'i gnas bzhi yin no/ /las kyi srid pa la ma brten par zhes rgyas par 'byung ba ni las kyi srid pa'i stobs kyis ris mthun pa gzhan du rnam par shes pa skye bar 'gyur bas las ni zhing yin par mdo sde de las bstan pa yin te/ dper na zhing gi sa'i stobs kyis 'bras bu la sogs pa'i sa bon skye ba bzhin no/ /'di gnyis la tha dad du bya ba ci yod ces bya ba ni skye ba dang mngon par 'grub pa de gnyis la'o/ /ji ltar na las dang sred pa de gnyis rgyu yin zhe na zhes bya ba ni las rgyu yin par ji ltar 'thad/ mngon par 'grub par byed pa'i rgyu yang sred pa ji ltar yin zhes bya ba yin no/ /sems can gyi ris de dang der zhes rgyas par 'byung ba la sems can gyi ris de dang der zhes bya ba ni lha dang mi la sogs pa'i sems can gyi ris su'o/ /skal ba 'dra bar 'gro ba zhes bya ba ni 'dra bar 'gro ba ste/ ji lta zhe na/ skye ba 'dra bar 'gro bas na da dang mthun par 'gro ba yin no/ /de ltar na re zhig lha la sogs pa'i sems can gyi ris su 'dra bar nye bar 'gro ba ni skye ba yin par bstan to/ /las dang rjes su mthun par nye bar 'gro ba ni sems can gyi ris de dang der skye ba ni nges pa'i tshig gi tshul gyis so/ /de'i rgyu ni las yin te zhes bya ba ni skye ba de'i 'o/ /las sna tshogs yin pa'i phyir dang/ rnam par smin pa dang bcas pa yin pa'i phyir ro zhes bya ba ni dper na sa bon dang mthun par myu gu mang po 'byung ba ni sa bon rnam pa mang po yin pa'i phyir ro/ /de bas na rjes su mthun pa gang yin pa de ni thams cad du de sa bon dang mthun pa yin pa'i phyir ro/ /de ltar na las sna tshogs yin pa'i phyir ris mthun pa rnam pa mang po tha dad par skye ba'i rgyu nyid du 'thad pa nyid do/ /dge ba dang mi dge ba yin pa'i phyir yang las ni rnam pa'i smin pa dang bcas pa yin te/ de bas na de ni skye ba'i rgyu nyid du rigs pa yin no/ /de ltar na skye ba'i rgyu las yin no zhes rigs pa bstan pa yin no/ /lung yang yod do zhes ston pa ni/ ji skad du de bas na bdag ni sems can rnams zhes rgyas par gsungs pa yin no/ /tha dad pa med par sred pa ni mngon par 'dod pa yin no/ /mngon par 'grub pa ni 'grub pa yin te/ zhes bya ba na nges pa'i tshig gi tshul gyis te/ tha dad pa med par sred pa gang yin pa ni 'di 'ba' zhig la mngon par 'dod pa gang yin pa'o/ /de'i mtshan nyid kyang 'di ste/ ris mthun pa'i skal ba 'dra ba thams cad du phung por gzhan 'byung ba tsam ste/ zhes bya ba yin te/ tsam smos pa ni bye brag bsal ba yin no/ /de'i rgyu ni sred pa yin no zhes bya ba ni mngon par 'grub pa de'i 'o/ /de la tha dad pa med pa'i phyir dang zhes bya ba ni lha dang/ mi'i mdog dang tshul dang gnas pa'i rnam pa tha dad pa med par phyis kyang yod par 'dod pa'i sred pa de la'o/ /rnam par smin pa med pa'i phyir te zhes bya ba ni de la zhes bya ba'i skabs dang sbyar ro/ /'di ltar de ni bsgribs la lung du ma bstan pa yin pas so/ /dmigs kyis phye ba'i dngos po pa ni 'dod pa na spyod pa'i dge ba yin no/ /zhes bya ba ni dmigs kyis phye ba'i lus la sred pa ni dmigs kyis phye ba'i dngos po pa 'dod pa ni spyod pa'i dge ba yin gyi gzugs na spyod pa ma yin no/ /spyir ' jug pa ni gal te 'dod chags dang bral ba ma yin na gang du skyes pa sa de pa'i yin pa'i rnam par bzhag go zhes bya ba ni dmigs kyis ma phye ba'i dngos po pa 'dod pa'i khams sam gzhan gang du yang rung skyes par sred pa ni sa de bar rnam par bzhag go / gal te 'dod chags dang bral ba ma yin na zhes bya ba ni sa de las 'dod chags dang bral ba zhes bya ba'i tha tshig ste/ de ni bsgribs la lung du ma bstan pa yin par rig par bya'o/ /las med par ni lus sna tshogs par mi 'gyur la zhes bya ba ni rgyu yin pa'i phyir ro/ /de bzhin du sred pa med par ni mngon par 'grub pa nyid du mi 'gyur ro zhes bya ba ni las yod du zin kyang sred pa med na mngon par 'grub pa med pa'i phyir ro/ /dper na sa bon tha dad pa med par zhes rgyas par 'byung ba ni sa bon lta bu ni las yin no/ /chu lta bu ni sred pa yin no/ /yang dper na chus brlan pa'i 'jim pa las zhes rgyas par 'byung ba la/ de yang brkos pa dang rjes su mthun pa yin no zhes bya ba la de yang zhes bya ba ni rgya'i 'bur te/ de ni brkos pa dang rjes su mthun pa yin te/ yang srid kyang de 'dra zhes bya ba'i don to/ /'jim gong bsher ba lta bu ni sred pa dang bcas pa'i rnam par shes pa'o/ /bskos pa lta bu ni las yin no/ /skye ba dang mngon par 'grub pa gnyis la tha dad du bya ba ni smras zin to/ /las dang sred pa de gnyis rgyu yin pa de yang smras zin to/ /'o na rten cing 'brel bar 'byung ba 'dir zhes rgyas par 'byung ba ni gal te las ni skye ba'i rgyu yin/ sred pa ni mngon par 'grub pa'i rgyu yin na/ 'o na rten cing 'brel par 'byung ba 'dir zhes rgyas par 'byung ba ni gal te las ni skye ba'i rgyu yin/ sred pa ni mngon par 'grub pa'i rgyu yin na 'o na rten cing 'brel par 'byung ba 'dir tshor ba'i rkyen gyis srid pa/ sred pa'i rkyen gyis len pa/ len pa'i rkyen gyis srid pa zhes/ sred pa dang las kyi bar du ci'i phyir len pa bcug ce na/ zhes bya ba yin no/ /de'i bye brag gis zhes bya ba ni len pa'i bye brag gis so/ /las bye brag tu zhes bya ba ni len pa'i bye brag gis las bye brag tu srid pa'i dngos po yin par bstan pa'i phyir ro/ /ci zhe na/ sred pa dang las kyi bar du len pa bcug pa yin no zhes skabs dang sbyar ro/ /gang dag 'byung ba med par sred par byed pa zhes bya ba ni rgyun chad pa la'o/ /de dag gi ni mngon par 'grub pa gang gi rgyu zhe na zhes bya ba ni de dag la yang sred pa sred pa yod pa ma yin no/ /de dag gi yang zhes rgyas par 'byung ba la bdag tu lta bar zhan pa'i phyir ro zhes bya ba ni 'jig tshogs la lta bar mngon par zhen ces bya ba'i don te/ 'jig tshogs la lta ba yod na ni gdon mi za bar phung po la sred pa yod pa yin no/ /gnam lcags kyi sgra la sogs pas skrag nas zhes bya ba ni ci zhe na/ de dag la yang bdag tu sred pa yod pa kho na yin no zhes bya ba ste/ bdag la sred pa ma yin pa nyid yin te/ bdag la sred pa dang bral na 'jigs pa'i rgyu yod pa ma yin no/ /'chi ba rnams kyang lus la mngon par dga' ba'i phyir te zhes bya ba ni ji skad du sems can 'chi ba'i tshe 'du shes gsal ba ma yin pa thams cad kyang sngon goms pa'i bdag la chags pa 'byung ba yin no zhes gsungs pa yin te/ de bas na bdag ni med par 'gyur ro zhes lus la mngon par dga' ba'i phyir ro/ /'phags pa rnams ni de tshar gcod par byed de/ lan cig phyir 'ong ba la de'i tshe de yod pa ma yin no/ /de bas na de dag la yang lus la sred pa kho na yin te/ de nyid de dag gi mngon par 'grub pa'i rgyu yin no zhes bya ba ni de dag gi lus la sred pa de nyid mngon par 'grub pa'i rgyu yin no/ /sdug bsngal gyi tshor ba la zhes sdang nas de lus rgyun chad par 'dod pa ni zhes bya ba ni sdug bsngal gyi tshor ba'i lus med par ro/ /lus la yang dag pa ji lta ba bzhin yid byung b ar yongs su mi shes pa'i phyir ro zhes bya ba ni dper na dgra bcom pa tshangs par spyod pa la legs par zhugs pa lam 'di nyid la yang legs par bsgoms pa dag tshe zad na ji ltar nad dang bral ba bzhin du shin tu dga' ba ltar de dag ni lus la yang dag pa ji lta ba bzhin du shes pa kho nas chags pa dang bral bar 'gyur ba yod pa ma yin no/ /de bas na de dag lus la sred par med pa grub pa ma yin te/ 'di ltar 'byung ba med par 'dod pa'i phyir ro/ /gzhan dag ni mngon par 'grub pa'i rgyu ji ltar sred pa yin zhes bya ba la zhes rgyas par 'byung ba ni btsun pa dpal len no/ /de la 'chi ka'i sems tha ma las gzhan pa srid pa bar ma'i gzugs la mngon par dga' bas de ltar na mngon par dga' ba'i sred pa ni mngon par 'grub pa'i rgyu yin par ston par byed la/ srid pa bar ma ni mngon par 'grub pa yin no zhes 'chad par byed do/ /sngar ni srid pa bar ma'i gzugs byung la/ de la mngon par dga' ba la brten nas phyis phung po lnga pa'i srid pa bar ma yin no zhes bya ba yin no/ /srid pa bar ma'i sems kyi mjug tha mas kyang khrag dang khu ba la sogs pa zhes bya ba'i sogs pa'i sgras gang du las dang nyon mongs pa can dang bdag la sogs pa bsdus pa la cung zad mngon par dga' nas zhes bya ba ni mngon par dga' ba'i sred pas so/ /de ltar na yang sred pa de rgyu yin te/ phung po gzhan 'byung ba'i rgyu'i mtshan nyid las mngon par 'grub pa yin no/ /zhes bya ba yin no/ /rags pa dang phra ba zhes bya ba la/ rags pa ni 'chi ka'i gnas skabs na'o/ /phra ba ni srid pa bar ma'o/ /snang ba ni 'chi ka'i gnas skabs na'o/ /mi snang ba ni srid pa bar ma'o/ /rnam par smin pa las skyes pa'i mig gi dbang du byas nas 'gro ba gzhan dang 'gro ba gzhan gnyis kyang zhes bya ste/ tha ma'i gnas skabs kyi lus kyi dngos po res 'ga' mi'i 'gro bas bsdus pa yin la/ srid pa bar ma ni lha la sogs pas bsdus pa yin no/ /'on te sems can gyi grangs su ma gtogs pa yin na ni zhes bya ba ni srid pa bar ma'i gzugs zhes bya ba'i skabs dang sbyar ro/ /'di ltar sems can gyi grangs su ma gtogs pa'i srid pa bar ma ni yod pa ma yin pa'i phyir ro zhes bya ba ni srid pa sems kyi grangs su gtogs pa'i phyir dang/ gsung rab las srid pa bar ma sems can gyi grangs su gtogs par 'byung ba'i phyir ro/ /gal te sha'i mig gis mthong nas yin na ni zhes bya ba ni srid pa bar ma'i gzugs la'o/ /de'i tshe mig gi rnam par shes pa mi srid pa'i phyir ro zhes bya ba ni 'chi ka'i gnas skabs na yid kyi rnam par shes pa'i gnas skabs na 'chi ba yin no/ /srid pa bar ma'i gzugs kyang lha'i mig gi yul yin pa'i phyir ro zhes bya ba ni ci zhe na/ sha'i mig gis mthong nas mngon par dga' bo zhes bya ba mi rigs pa'i phyir ro/ /'on te rmi lam bzhin du zhes rgyas par 'byung ba la/ de la srid pa bar ma'i gzugs dgos pa ci zhig yod ces bya ba ni yod pa ma yin yang srid pa bar ma'i gzugs ni de'i tshe chos kyi dbang gis rmi lam bzhin du brtags nas mngon par dga' zhing mngon par dga' bar 'grub par byed do zhes bya bar 'gyur ro/ /skal pa mi 'dra ba'i sa pa gnyis yin na yang zhes rgyas par 'byung ba ni gang gi tshe 'chi ka'i sems 'dod pa na spyod pa yin na ni srid pa bar ma'i gzugs gzugs na spyod pa yin pa dang/ 'chi ka'i sems gzugs na spyod pa yin na ni srid pa bar ma'i gzugs 'dod pa na spyod pa yin te/ de ltar na skal ba mi 'dra ba'i sa/ 'chi ka'i sems dang srid pa bar ma'i gzugs gnyis gang gis pa yin yang rung ste/ srid pa bar ma'i gzugs la mngon par dga' bar byed pa mi rigs so zhes bya ba ni 'dod pa na spyod pa'i mngon par dga' bas ni gzugs na spyod pa'i gzugs la mngon par dga' bar byed pa ma yin te/ sred pa ni sa'i ris yongs su chad pa'i phyir ro/ /gzugs na spyod pa'i mngon par dga' bas kyang 'dod pa na spyod pa'i gzugs la mngon par dga' bar byed pa ma yin te/ de nyid kyi phyir sa rnams kyi ris yongs su chad pa'i phyir dang sa 'og ma'i 'dod chags dang bral ba'i yang phyir ro/ /gzugs m ed pa na yang srid pa bar ma yod pa ma yin pas zhes rgyas par 'byung ba la der ji lta ba de bzhin du 'dod pa'i khams dang gzugs kyi khams gzhan du yang de med par yang mngon par 'grub pa'i rgyu sred pa yin par ji ste mi 'dod ces bya ba ni de zhes bya ba ni srid pa bar ma'i gzugs la mngon par dga' ba zhes bya ba'i don to/ /de dag thams cad kyi lus la sred pa ma spangs pa ni zhes rgyas par 'byung ba ni 'dod pa'i khams dang/ bsam gtan dang po la s ogs par skyes pa rnams kyi lus la sred pa ma spangs pa ni sa de las 'dod chags dang ma bral ba rnams zhes bya ba ni sa gang du skyes pa de las 'dod chags ma bral ba rnams 'dod pa'i khams nas srid pa'i rtse mo'i bar du gang du skye bar 'gyur ba der/ mngon par 'grub pa'i rgyu yin pa skyon nyes pa med pa yin no/ /gzugs med pa'i khams su skyes pa ni sa de pa nyid kyi lus la sred pa yin par rnam par bzhag pa ma yin nam/ ji ltar 'di 'dod pa'i khams mngon par 'grub pa'i rgyu yin zhe na/ de nyid 'dod pa'i khams 'di mngon par 'grub par byed pa'i rgyu yin no zhes mi ston to/ /'on kyang las kyis de 'dod pa'i khams su skye bar ston to/ /de bas na der mngon par 'grub pa'i rgyu ni 'grub pa'i rgyu zhes bya'o/ /de'i phra rgyas ma bcom pa'i phyir ram zhes bya ba ni lus la sred pa'i phra rgyas 'jig rten las 'das pa'i lam gyis ma bcom pa'i phyir ro/ /'jig rten pa'i lam gyis nyams ma smad pa'i phyir ro zhes bya ba ni 'jig rten pa'i lam gyi sa de'i phra rgyas yang dag par bcom pa ma yin te/ 'on kyang nyams smad pa yin te/ de phyis kyang mngon du 'gyur ba'i phyir ro/ /'o na bcom ldan 'das kyis gang 'di skad du zhes rgyas pa nas mu bzhi'o zhes bya ba ji ltar yin zhe na/ gang zag gang zhig skye ba'i kun tu sbyor ba ni spangs la mngon par 'grub pa'i kun tu sbyor ba ni ma spangs pa yang yod/ gang zhig mngon par 'grub pa'i kun tu sbyor ba ni spangs la/ skye ba'i kun tu sbyor ba ni ma spangs pa yang yod/ gnyi ga spangs pa yang yod/ gnyi ga ma yin pa yang yod ces bya ba yin no/ /de la mngon du phyogs pa yin pa'i phyir ro zhes bya ba ni skye ba la mngon du phyogs pa yin pa'i phyir ro zhes bya ba'i don to/ /de gnyis la zhes bya ba ni skye ba dang mngon du phyogs pa gnyis la'o/ /de ni de gnyis kyi kun tu sbyor ba yin no zhes bya ba ni skye ba dang mngon par 'grub pa gnyis kyi'o/ /de yang gang gis skye bar kun tu sbyor ba zhes bya ba la/ bar ma dor yongs su mya ngan las 'das pa de yang/ de ni 'di'i zhes bya ba kun tu sbyor ba de ni bar ma dor yongs su mya ngan las 'das pa 'di'i so sor ma brtags pas 'gog pa'i tshul du 'gog pa ste zhes bya ba so sor brtogs pas 'gog pa ni ma yin te/ sa de la 'dod chags dang bral ba ma yin pa'i phyir ro/ /dbang po rnams yongs su smin pa'i phyir te zhes bya ba ni dad pa dang/ brtson 'grus dang/ dran pa dang/ ting nge 'dzin dang/ shes rab kyi dbang po rnams shin tu cher gyur pa'i phyir ro/ /srid pa bar ma nyid de'i gnyen po nges par skye bar 'gyur ba nyid kyi tshul du rgyun gnas pas na de bas na spangs pa zhes bya'o zhes bya ba ni kun tu sbyor ba de'i gnyen po gang yin pa spong ba'i lam nges par skye ba'i tshul du srid pa bar ma'i rgyun nyid gnas pa'i phyir de'i gnyen po ma skyes su zin kyang skye bar kun tu sbyor ba spangs pa zhes bya'o/ /so sor brtags pas 'gog pa yang zhes bya ba rgyas par 'byung ba la/ sa de ba'i zhes bya ni bsam gtan dang po la sogs pa'i sa pa'i thams cad rnam pa dgu pa yin pa'i phyir ro/ /thams cad ces bya ba ni srid pa bar ma par gtogs pa dang/ skye ba pa'i nang du gtogs pa bstan pa yin no/ /gzugs la 'dod chags dang bral ba'i 'phags pa gang yin pa des ni mngon par 'grub pa'i kun tu sbyor ba spangs pa yin no zhes bya ba ni kun tu sbyor ba gang gis srid pa bar mar kun tu sbyor bar byed pa de ni 'dis spangs pa yin te/ gzugs la 'dod chags dang bral ba'i phyir ro/ /skye ba'i kun tu sbyor ba ni ma spangs pa yin te/ gzugs med pa na spyod pa ma spangs pa'i phyir ro/ /'phags pa smos pas ni 'jig rten pa las bye brag tu bya ba'i phyir ro/ /khams gsum la 'dod chags dang bral ba yang yin pa des ni de gnyi ga spangs pa yin no zhes bya ba ni skye bar kun tu sbyor ba dang mngon par 'grub par kun tu sbyor ba'o/ /des kyang kun tu sbyor ba gang gis srid pa bar mar kun tu sbyor bar byed pa dang/ skye bar kun tu sbyor ba gnyi ga spangs pa yin no/ /de las gzhan gyi ni gnyi ga ma spangs so zhes bya ba ni ji skad du smras pa gsum po de dag las gzhan bdag cag la sogs pa de dag gis ni skye bar kun tu sbyor ba dang/ mngon par 'grub par kun tu sbyor ba gnyi ga spangs pa ma yin no/ /'o na gang las sred pa ni zhes rgyas par byung ba de dag gis ni tha dad pa med pa'i sred pa ni mngon par 'dod pa yin no/ /mngon par 'grub pa ni 'grub pa yin no zhes smras pa gang yin pa de'i phyogs su gtogs pa yin pas na sred pa ni mngon par 'grub pa'i rgyu yin no zhes smras pa yang srid pa bar ma 'di mngon par 'grub pa yin par ji ltar 'grub par 'gyur/ de bas na srid pa bar ma'i rgyu srid pa ma yin no zhes bya ba der gyur te/ ji skad du 'chi ka'i sems dang srid pa bar ma'i gzugs gnyis gcig tu tshogs par 'byung la zhes rgyas par smras pa yin no/ /de lta yin na ni srid pa bar ma'i rgyu zhes rgyas par 'byung ba ni der yang gal te mngon par 'grub pa ni srid pa bar ma kho na yin par 'dod pa na/ de lta yin na ni srid pa bar ma'i rgyu sred pa kho na yin par 'gyur gyi/ las ni ma yin par 'gyur ro/ /ci'i phyir zhe na/ las ni skye ba'i rgyu yin/ srid pa ni mngon par 'grub pa'i rgyu yin zhes smras pa'i phyir ro/ /de las nyes pa ci yod ce na/ de'i phyir dmyal ba la sogs pa'i srid pa bar ma tha dad pa ji ltar 'thad par 'gyur zhes smras te/ dmyal ba myong bar 'gyur ba'i las byas pas ni dmyal ba la sogs pa'i srid pa bar ma tha dad pa yin gyi/ sred pas byas pa ni ma yin no/ /'dir yang sngar? las sna tshogs pa'i phyir zhes bya ba la sogs pa bstan zin to/ /nyes pa gzhan 'di yang yod de/ skye ba'i rgyu yang las nyid yin par 'gyur gyi/ sred pa ni ma yin par 'gyur ro zhes bya ba yin no/ /ci'i phyir zhe na/ las ni skye ba'i rgyu yin/ sred pa ni mngon par 'grub pa'i rgyu yin zhes smras pa'i phyir ro/ /des nyes pa ci yod ce na/ de'i phyir na 'dod chags dang bral ba yang gzugs med par skye bar 'gyur ro zhes smras te/ de la srid pa bar ma'i rgyu ni med de/ sred pa med pa'i phyir ro/ /skye ba'i rgyu ni yod de/ de las yin no/ /de bas na de ni gzugs med par skye bar 'gyur ro/ /gzugs med pa smos pas der ni srid pa bar ma med par yang skye bar srid pa bstan pa nyid kyi phyir ro/ /de'i phyir srid par bar mar yongs su mya ngan las 'das pa yang med par 'gyur ro zhes bya ste/ skye ba'i rgyu ni las yod pa'i phyir dang/ srid pa bar ma'i sred pa ni spangs kyi/ skye ba'i rgyu las yod pa'i phyir phyis kyang skye bar 'gyur gyi/ yongs su mya ngan las 'da' ba ma yin no/ /de bas na srid pa bar ma thams cad mngon par 'grub pa kho na yin par 'dod pa ma yin no zhes bya ba ni kha cig las ni mngon par 'grub pa srid pa bar ma yin par yang 'dod de/ ji skad du/ gang zag gang zhig skye bar kun tu sbyor ba spangs la mngon par 'grub par kun tu sbyor ba spangs ba ma yin pa zhes rgya cher 'byung ba yin no/ /kha cig las ni phung po gzhan 'byung ba tsam mngon par 'grub pa yin par 'dod de/ gang nas sred pa ni mngon par 'grub pa ni rgyu yin no zhes smras pa yin no/ /gzhan dag na re/ khrag dang khu ba grogs byed pa'i las ni 'dir srid pa yin par bsams so zhes bya ba la/ 'dir zhes bya ba ni da ltar gyi skye ba'i tshe la'o/ /gzhan dag ces bya ba ni btsun pa dpal len de nyid do/ /de'i zhes rgyas par 'byung ba la de skad du smra ba de dag ni ris gsum du rnam par bzhag par 'dod de/ sngon gyi ris ni ma rig pa'i rkyen gyis 'du byed snga yin pa'o/ /de ni 'du byed la yang de dag thal bar 'gyur ro zhes bya ba ni srid pa yin par thal bar 'gyur ro zhes bya ba'i don to/ /sngon gyi mdza' i skye ba'i ris de dag la ni 'du byed de dag la khrag dang khu bas grogs byed pa'i don yod pa ma yin gyi/ ris gnyis pa skye ba 'di la yin no/ /srid pa ni gsum ste zhes rgyas par 'byung ba ni 'dod pa'i srid pa dang/ gzug kyi srid pa dang gzugs med pa'i srid pa'o/ /'dir srid pa gnyis te/ gzugs dang gzugs med pa'i srid pa gnyis la khrag dang khu bas grogs byed pa'i las ni 'dir srid pa yin no zhes smras pa gang yin pa 'di'i don mi 'thad pa yin te/ gzugs dang gzugs med pa dang rab tu ldan pa'i las kyi srid pa ni yang srid mngon par 'grub par bya ba la khrag dang khu ba la bltos pa ma yin no/ /rten cing 'brel par 'byung ba'i mdo sde 'dir ma rig pa la sogs pa rang gi rgyud la yod pa rkyen du ston pa yin no/ /de bas na gzhan gyi rgyud la yod pa khrag dang khu ba de ni 'dir gzhug par mi rigs so/ /ji ltar na /der len pa rkyen gyi dngos po yin zhes bya ba ni khrag dang khu ba de la mtshan nyid ji skad du smos pa ni len pa de las de'i khrag dang khu ba dag srid pa yin par gyur pa'i phyir zhes bya ba 'am/ rnam pa gang gis rkyen gyi dngos po yin/ 'on te khrag dang khu ba dag len pa de'i rkyen gyis ma yin pa kho na yin na ni 'o na ni len pa'i rkyen gyis srid pa zhes bya ba 'di ci'i phyir smras /khrag dang khu ba'i rkyen kyang brjod par bya dgos so/ /'on te khrag dang khu ba nyid ni len pa yin la / de'i rkyen gyis srid pa'o zhe na ni 'di ni rigs pa ma yin te/ 'dir 'dun ba dang 'dod chags gang yin pa ni len pa yin no zhes smras pa'i phyir ro/ /gzhan yang 'dir ji ltar khrag dang khu bas grogs byed pa'i las ni 'dir srid pa yin pa'i khungs brjod par bya dgos so/ /srid pa'i bsdus pa'i don ni rnam par bzhag pa rnam pa bco lnga yin par 'dir bstan te/ rab tu dbye ba rnam par bzhag pa ni ji skad du /srid pa gang zhe na /srid pa gsum ste zhes rgyas par bstan pa'o/ /las rnam par bzhag pa ni ji skad du /mdo sde 'di las ni las kyi srid pas bsdus pa ni srid pa gsum yin par rig par bya'o zhes smras pa yin no/ /byed pa rnam par bzhag pa ni 'dis bar mchod par yang srid 'byung bar byed pas srid pa zhes bya ba'o/ /dper na 'dis ded par byed pas ded pa zhes bya ba bzhin no zhes smras pa yin no/ /khyad par rnam par bzhag pa ni ji skad du/ las ni gnas skabs gnyis te/ rang gi ngo bo'i gnas skabs dang bag chags gyi gnas skabs so zhes rgyas par smras pa yin no/ /len pa rkyen du rnam par bzhag pa ji skad du/ de yang nye bar len pa yod na srid pa'i gnas skabs yin par 'gro bar 'gyur gyi zhes rgyas par smras pa yin no/ /de'i bdag nyid thob pa rnam par bzhag pa ni ji skad du/ 'o na skabs gang gi tshe len pa dang bcas pa'i las rnams stobs ji lta ba bzhin du gdon mi za bar srid par 'gyur zhe na/ 'chi ba'i gdon mi za bar 'gyur ro zhes rgyas par smras pa yin no/ /'brel pa rnam par bzhag pa ni ji skad du / sngon gyi tshe'i las kyi rnam par smin pa ris mthun par skal ba mnyam pa'i lhag ma dang 'brel pa'i phyir ro zhes smras pa yin no/ /mi ldog pa rnam par bzhag pa ni ji skad du /ji tsam na skye pa'i srid pa yin pa de'i bar du ldog pa med do zhes rgyas par smras pa yin no/ /gtso bo'i rkyen rnam par bzhag pa ni ji skad du /'chad pa don med pa yang ma yin te/ rkyen gtso bo 'chad pa'i phyir ro/ /len pa ni srid pa'i rkyen gyi gtso bo yin te/ zhes rgyas bar smras pa yin no/ /dge ba kun tu 'byung du zin kyang len pa'i rkyen nyid du rnam par bzhag ba ni ji skad du/ gal te de'i tshe rnam par shes pa la len pa med par gyur ro zhes rgyas par smras pa yin no/ /rang gi ngo bo rnam par bzhag pa ni ji skad du 'jug pa zhes bya ba de ci zhe na/ gang la las kyi bag chags yongs su gyur pa'i bye brag yod pa zhes rgyas par smras pa yin no/ /rnam par nges pa rnam par bzhag pa ni ci'i phyir sred pa kho na srid pa'i rkyen yin par 'dod ce na zhes rgyas par smras pa yin no/ /zhing gi dngos po rnam par bzhag pa ni mdo sde gzhan gleng bslang ba'i phyir ji skad du srid pa'i gnas skabs kyi las ni zhing yin no zhes rgyas par smras pa yin no/ /rkyen khyad par can rnam par bzhag pa ni ji skad du / sems can gyi ris de dang der ris 'dra bar 'gro ba ni skye ba yin pa 'am/ las dang rjes su mthun bar 'gro ba ni skye ba yin la de'i rgyu ni las yin te zhes rgyas par smras pa yin no/ /gzhung lugs gzhan dgag pa rnam par bzhag pa ni ji skad du / gzhan dag na re khrag dang khu bas grogs byed pa'i las ni 'dir srid ba yin par bsams so zhen de'i ni 'du byed la yang de dag thal bar 'gyur ro zhes rgyas par smras pa yin no/ /srid pa'i yan lag rnam par dbye ba'o// //rten cing 'brel par 'byung ba dang po dang rnam par dbye ba bstan pa rgya cher 'grel pa/ bam po bcu pa/ /skye ba gang zhe na/ gang sems can de dang de dag gi zhes rgyas bar 'byung ba des bya ba la/ rgyas pa'i tshig ni mdo sde las ji lta ba bstan pa'i phyir ro/ /ji lta ba zhe na/ sems can gyi ris de dang der skye ba dang/ shin tu skye ba dang/ phos pa dang /mngon par 'byung ba dang/ rab tu skyes pa dang/ phung po so sor thob pa dang/ khams so sor thob pa dang/ skye mched so sor thob pa dang/ phung po rnams mngon par grub pa dang /srog gi dbang po rab tu skyes ba 'di ni skye ba zhes bya ba yin no/ /de dag gis ni zhes rgyas par 'byung ba ni skye ba rnam par 'byed pa/ de dag gis ni gang sems can de dang de dag gi zhes bya ba tshig 'dis gang dag gi skye ba yin pa bstan pa yin no/ /sems can gyi ris de dang der zhes bya ba'i tshig 'dis ni gang du skye ba de bstan to/ /gang skye ba dang shin tu skye ba dang zhes bya ba nas srog gi dbang po rab tu skyes pa 'di ni skye ba zhes bya'o zhes bya ba'i bar du rgyas par 'byung bas ni ji ltar skye ba'i mtshan nyid de bstan to/ /de dang de dag gi zhes gang smras pa de ston pa ni khams dang/ 'gro ba dang/ skye gnas dang/ gnas dang/ lus kyi dbang po dbye ba tha dad pa'i zhes smras pa yin no/ /de la khams dbye ba ni 'dod pa dang/ gzugs dang /gzugs med pa na spyod pa tha dad pa las rig par bya'o/ /'gro ba dbye ba ni dmyal ba dang/ /byol song dang/ yi dags dang/ mi dang/ lha'i 'gro ba tha dad pa'o/ /skye gnas dbye ba ni mngal nas skye ba dang/ sgo nga las skye ba dang/ drod gsher las skye ba dang/ brdzus te skye ba tha dad pa'o/ /gnas dbye ba ni byang gi sgra mi snyan dang/ shar gyi lus 'phags dang/ lho'i dzam+bu'i gling dang/ nub kyi ba lang spyod tha dad pa'o/ /lus kyi dngos po dbye ba ni mdog bzang ba dang/ mdog ngan pa dang/ bong tshod dang/ tshe ring ba la sogs pa tha dad pa'o sems can rnams kyi zhes gang smras pa de ston pa ni/ ming dang gzugs de 'grel pa ni sems can zhes bya ste zhes smras pa yin te /de 'brel pa ni ming dang 'brel pa yin gyi /phyi'i dang? ma yin no zhes bya ba'i don to/ /de la ming ni sngar bstan pa gzugs can ma yin pa'i phung po bzhi'o/ /de dang 'brel ba'i gzugs ni dbang po gzugs can rnams te/ de dang tha dad par 'jug pa ma yin par rig par bya ste/ phan pa dang gnod pa gnyis gcig la gcig rjes su byed pa'i phyir ro/ /chags pa'i dbang gis zhes rgyas par 'byung pa la/ de ltar nges tshig yin pa'i phyir zhes bya ba ni nges pa'i tshig gi tshul gyis so/ /ji ltar zhe na/ sems can zhes bya ba ni sa'i rnam pa dang/ rta'i rnam pa dang/ pa'i rnam pa bzung nas tshig sbyar ba ni sems can yin te /sa'i don ni chags pa'o/ /rta'i don ni 'brel pa'i rgyun no/ /ba'i don ni gnas pa ste/ chags pa'i dbang gis 'brel ba'i rgyun gnas pa zhes gang smras pa yin no/ /'brel pa'i rgyun ces bya ba 'di ci zhe na/ rgyu dang 'bras bu'i dngos po 'brel pa'i rgyun ces bya ste zhes bya ba la 'brel pa smos pa ni rjes su 'brel pa'i don te/ rgyu dang 'bras bu 'brel te 'tshal ba'i rgyun yin no/ /de yang breng? chags pa'o/ /zhes bya ba ni rgyun de yang breng ma chad pa dang/ 'phel ba dang/ rgyas pa zhes 'don pa'i phyir ro/ /sems can gyi ris de dang der zhes gang bstan pa de ston pa ni/ gang zhig gang dang 'dra ba'i sems can gyi tshogs zhes bya ba yin te / lta la sogs pa'i sems can gyi tshogs zhes bya ba'i don to/ /skye ba'i rnam grangs dgos pa dang bcas pa yin par ston pa ni/ skye ba dang shin tu skye ba zhes rgyas par 'byung ba ni rjes su mthun par rnam par 'chad pa ni skye ba'i rnam grangs yin no zhes bya ba yin te/ ji ltar zhe na /tshig dang po ni tshig gnyis pas bshad do/ /tshig gnyis pa la sogs pa ni gsum pa la sogs pas so/ zhes bya ba 'di ni rjes su mthun par rnam par 'chad pa yin no/ /skye ba zhes bya ba ji skad du bstan ce na/ shin tu skye ba zhes bstan pa yin no/ /shin tu skye ba ji skad du bstan ce na/ 'phos pa zhes bstan pa yin no/ /'phos pa zhes bya ba ji skad du bstan ce na/ mngon par 'byung ba zhes bstan pa yin no zhes rgyas par bya ste/ 'ga' la kha cig gi tshig gi don grags pa yin pas/ rnam grangs gzhan gyis 'chad pa rigs pa yin te/ skye ba la sogs pa'i rnam grangs gzhan gyi tshig gi don kha cig grags pa yin no/ /gang yang skye ba gang zhe na/ gang skye ba'o zhes bya ba'i tshig gi lugs 'di ni sngon ma byung ba'o zhe na zhes bya ba ni gtan tshigs med pa ste/ ji lta zhe na/ rnam grangs gcig po de nyid kyi tshig gi don grags pa ma yin la/ tshig gi don grags pa ma yin pas na gang gi tshig gi don grags pa gang yin pa ni brjod par rigs pa yin na 'di ni 'dis don go bar byed pa ma yin no zhe na/ 'di sngon ma byung ba ma yin gyi/ de dag sngon byung pa yin te/ zhes rgyas par 'byung ba ni tshig gi lugs 'di sngon ma byung ba ma yin te/ ga las zhe na/ blo snga ba'i phyir te/ ji lta zhe na/ de'i phyir de bzhin du gzhan gyi don rnams kyi yang don la khyad par med par bstan pa'i phyir ro zhes smras te/ ji ltar gang yang skye ba gang zhe na/ gang skye ba'o zhes bya ba rnam grangs kyi don mthun pa khyad par yod pa ma yin pa sngar bstan pa'i skye ba'i mtshan nyid kho na ston par byed de/ khyad par yod pa ma yin pa de bzhin du shin tu skye ba la sogs pa rnam grangs kyi khyad par tha dad pa gzhan rnams kyang don khyad par med par bstan pa'i phyir te/ de dag kyang skye ba'i don de nyid kyi don yin te khyad par med do/ /gnas skabs kyi bye brag ston pa'i don ni rnam grangs gzhan yin te zhes bya ba ji ltar zhe na/ skye ba gang zhe na zhes bya ba 'di ni skye ba 'jug pa mdza' dag la dmigs ma phye bar 'di'i bar brjod par bya'o/ /gnyis shin tu skye ba ni rnam grangs yin te / gnas skabs dang bcas pa'i bye brag bstan pa'i phyir ro/ /de ltar shin tu skye ba la sogs pa gnas skabs kyi bye brag bstan pa'i phyir zhes bya ba ji ltar yin zhe na/ de'i phyir/ ji ltar 'phangs pa bzhin du ming dang gzugs la sogs pa zhes rgyas par smras pa la/ dang po byung ba ni skye ba yin te/ zhes bya ba ni dang po ma'i mngal du skyes pa de ni dang po skyes pa zhes bya ba'i don to/ /ci'i phyir /de skyes pa zhes bya zhe na/ de'i phyir /de'i tshe sems can gyi ris skal ba 'dra ba der skyes pa'i phyir ro/ /skyes nas ming dang gzugs yongs su rdzogs pa ni shin tu skyes pa yin no zhes smras te/ shin tu skyes pa zhes bya ba ni ji ltar stobs yongs su rdzogs pa la 'jig rten na stobs rdzogs pa zhes bya ba bzhin no / ming dang gzugs kun tu rdzogs pa dbang po ma tshang ba med pa'i gnas skabs su 'gro ba ni 'phos pa'o zhes bya ba ni ming dang gzugs kyi gnas skabs gang yin pa las skye mched drug gis bsdus pa'i dbang po'i gnas skabs der 'gro ba ni 'phos pa yin te/ dper na skyon med pa'i gnas skabs su 'gro ba ni skyon med par 'jug pa zhes bya ba bzhin no/ /mngal gyi sgo nas byung ba yin no zhes bya ba de ni/ yul la dmigs par mngon du phyogs par 'jug pa zhes bya ba yin te/ de'i tshe gzugs la sogs pa'i yul la 'dzin par mngon du phyogs pa'i phyir ro/ /btsas phyin chad 'dug pa ni rab tu byung ba yin no zhes bya ba ni nges pa'i tshig gis tshul gyis te / kha dog gyur nas de yang de'i 'og tu nam ma shi'i bar du phung po'i rgyun la bya'o/ /de nyid kyi phyir/ de ltar srid pa'i rkyen gyis skye ba zhes bya ba skye ba yongs su rdzogs pa'i skye bas bsdus pa yin no zhes smras te/ de ni 'di ni skye ba'i gnas skabs tha dad pa'i mtshan nyid yin no zhes bya ba yin te/ gnas skabs tha dad pa nyid mtshan nyid yin pas gnas skabs tha dad pa'i mtshan nyid yin te/ ji skad du smras pa'i gnas skabs tha dad pa'i mtshan nyid ni skye ba zhes bya'o/ /de ltar gnas skabs tha dad pa'i mtshan nyid smras nas/ rang gi mtshan nyid ston pa ni skye ba'i rang gi mtshan nyid ni sems can rnams kyi bdag gi dngos po thob pa'o zhes rgyas par 'byung ba'o/ /phung po so sor thob pa dang/ khams so sor thob pa dang/ skye mched so sor thob pa dang zhes bya ba ni de dag skye ba ni so sor thob pa yin no/ /phung po la sogs pa'i rgyan la sems can du 'du shes shing mngon par zhen pa'i phyir ro zhes bya ba ni phung po dang/ khams dang/ skye mched kyi rgyan la zhes bya ba'i don te/ ci zhe na phung po dang khams la sogs pa thob pa ni sems can rnams kyi bdag thob pa yin no zhes bya ba'o/ /gsum smras pa ni gcig pu dang lus can dang yul la dmigs par byed pa yang bdag go zhes bdag tu rtag pa rnam pa gsum bstsal ba'i phyir ro zhes bya ba la bdag tu rtog pa rnam pa gsum smras pa gang yin pa de ston pa ni gcig pu dang/ lus can dang/ yul la dmigs par byed pa yang bdag go zhes bya ba yin no/ /spungs pa'i don ni phung po'i don yin pas zhes bya ba ni gzugs gang yin pa ci yang rung ste/ 'das pa dang/ ma 'ongs pa zhes rgyas par 'byung ba nas de thams cad gcig tu mngon par bsdus ba ni gzugs kyi phung po zhes bya ba'i grangs su 'gro zhes gsungs pa'i phyir ro/ /de'i phyir phung po smos pa ni bdag gcig pu rtog pa bsal ba'i phyir ro zhes bya ba yin te/ de dag la bdag tu 'dzin pa ni rtag pa dang rol por 'dzin pa sngon du song ba yin la spungs pa'i don ni phung po'i don yin no zhes bya bas ril por 'dzin pa log go zhes bya ba yin no/ /chos tsam gsog ni khams so zhes bya ba nges tshig yin pa'i phyir zhes bya ba ni nges tshig gi tshul gyis so/ /ci zhe na/ khams smos pa ni lus can bdag yin par rtog pa bsal ba'i phyir te/ chos tsam gsog ni rnam par shes pa yin te/ stong zhes bya ba'i tha tshig yin pas lus can bdag yin par rtog pa bsal ba yin no/ /mig la sogs pa yul la dmigs par byed pa ni spungs pa'i don du yod pas dmigs par byed pa'i bdag ni gang yang yod pa ma yin pas de ltar skye mched smos pa ni bdag tu rtog pa gsum bsal ba'i phyir yin no/ /de ltar gnas skabs dang bcas pa'i skye ba'i mtshan nyid tha dad pa zhes smras pa gang yin pa de ni gnas skabs tha dad pa dang lhan cig pa de skye ba'i mtshan nyid yin te/ gnas skabs tha dad pa dang lhan cig pa yin pas gnas skabs tha dad pa dang bcas pa yin gyi/ rang gi mtshan nyid nges pa'i skye ba'i mtshan nyid bstan pa ni ma yin te/ de dag ni gnas skabs tha dad pa dang bcas pa ni ma yin no/ /de lta bu skye ba'i mtshan nyid de gang zhe na/ phung po rnams mngon par grub pa dang/ srog gi dbang po rab tu skyes pa yin no/ /de ltar byas na zhes rgyas par 'byung ba la/ de ltar mdor skye ba'i mtshan nyid yin te/ skye ba'i mtshan nyid bstan pas/ drod gsher las skye ba dang/ brdzus? te 'byung ba'i sems can rnams kyi skye ba'i mtshan nyid kyang bstan pa yin te/ de dag la gnas skabs tha dad pa dang bcas pa'i skye ba'i mtshan nyid yod pa ma yin no/ /de ltar na mdor na ris mthun par mtshams sbyor nas rgyun dang bcas pa ni skye ba yin no zhes bstan pa yin te/ rgyun dang lhan cig pa ni rgyun dang bcas pa'o/ /rgyun kyang 'dir bdag cag la sogs pa'i skye ba'i rgyun mdza' dag yin no/ /drod gsher las skyes pa dang/ brdzus te byung ba rnams kyi skye ba'i mtshan nyid kyang mdor smras pa yin no/ /de la phung po rnams mngon par grub dang zhes bya ba 'dis ni nying mtshams sbyar ba bstan pa yin te/ gsar du byung ba ni mngon par byung ba yin pa'i phyir ro/ /srog gi dbang po rab tu skyes pa zhes bya ba 'dis ni rgyun de bstan pa yin no/ /skye ba rnam pa lnga'i nang nas zhes bya ba ni skye ba dang/ shin tu skye ba dang/ 'phos pa dang/ mngon par byung ba dang/ rab tu skyes pa ste/ rnam pa 'di lnga'i nang nas dang po'i skye ba ni srid pa'i rkyen gyis yin par rigs te/ de'i 'og tu skye ba'i phyir ro/ /de'i 'og ma dag ni 'og ma 'og ma rkyen yin na zhes bya ba ni skye ba de las 'og ma shin tu skye ba la sogs pa'i tshogs yin par bstan te/ 'og ma 'og ma rkyen yin te/ 'dir shin tu skye ba ni skye ba'i rkyen gyis yin/ 'phos pa 'gro ba ni shin tu skye ba'i rkyen gyis yin/ mngon par byung ba ni 'phos pa'i rkyen gyis yin/ rab tu skyes pa ni mngon par byung ba'i rkyen gyis yin na/ ji ltar srid pa'i rkyen gyis yin zhes bya/ 'dir smras pa/ 'phos pa ni 'og ma rkyen yin par bstan/ skye ba ni rgyu yin te/ snga la shin tu skye ba ni 'og ma yin/ tshor bar 'byung ba dang/ rab tu skyes pa yang de bzhin no/ /'o na shin tu skyes ba'i rkyen 'og ma ji ltar yin/ skye ba ni 'og ma ma yin no/ /'o na ci zhe na/ snga ma yin no/ /de'i rkyen gyis ni shin tu skye ba yin no zhes zer na 'dun dang ldan pa ston pa yin pas de'i phyir nyes pa med do/ /yang na skye ba yang 'og ma yin te/ gang las zhe na/ las kyi srid pa las yin te/ de bas na nyes pa med do/ /de rtsa ba yin pa'i phyir ro zhes bya ba ni srid pa rtsa ba yin pa'i phyir zhes bya ba'i tha tshig go /dang po'i bye brag rnam par 'byed pa'i mdo sde las kyang zhes rgyas par 'byung ba la/ rim pa gang gis skye ba dang zhes bya ba ni skye ba dang shin tu skye ba dang zhes bya ba la sogs pas so/ /gang skye ba dang zhes bya ba ni phung po dang/ khams dang skye mched rnams te/ phung po so sor thob pa dang zhes rgyas par 'byung ba'o/ /ji ltar skye ba zhes bya ba ni phung po rnams mngon par grub pa dang/ srog gi dbang po rab tu skyes pa zhes bya ba'i tshig gnyis gnyis kyis so/ /rim pa gang gis skye ba dang zhes smras pa gang yin pa de la rim pa ston par 'di dag ste/ dang por ni sa bon btab pa'i skye ba yin te/ khrag dang khu ba nur nur po'i nang du rnam par shes pa'i sa bon btab pa'o/ /de'i 'og tu de 'phel ba'i skye ba dang zhes bya ba ni shin tu skye ba yin te/ gang bar skyes pa ni shin tu skyes pa ste/ nying mtshams sbyor ba'i skad cig ma ma gtogs par skye mched drug la thug gi bar du yin no/ /de'i 'og tu bcas pa'i skye ba dang zhes bya ba ni 'phos pa yin te/ mngal gyi sgo nas 'byung ba yin no/ /de'i 'og tu de 'phel ba'i skye ba dang zhes bya ba ni mngon par byung ba ste/ mngon du byung ba ni mngon par byung ba yin pa'i phyir te/ byis pa gnas skabs nas bzung ste/ longs spyod dang tha snyad byed par nus pa ma thob kyi bar du yin no/ /'phel nas longs spyod dang tha snyad nus pa thob pa'i skye ba zhes bya ba ni rab tu skyes pa dang zhes bya ba yin te/ rkyen gang las longs spyod dang tha snyad byed par nus pa'o/ /gang skye ba dang zhes bya ba smras pa gang yin pa de'i dbang du byas nas/ skye ba yang gang zhe na zhes smras te/ gang skye ba de skye ba yin no/ /de'i phyir phung po dang khams dang skye mched rnams skye ba yin gyi/ bdag ni ma yin no zhes smras te ci zhe na/ skye ba zhes bya bar sbyar ro/ /ci'i phyir zhe na zhes bya ba ni bdag skye ba ma yin snyam du bsams pa'o/ /de'i phyir phung po la sogs pa 'phel bar 'gro ba'i phyir ro zhes smras te/ dang por sa bon btab pa'i skye ba dang zhes rgyas par rim pa ji skad du smras pa rnams ji ltar skye zhes smras pa gang yin pa de'i dbang du byas te/ mi rtag pa dang/ srog gi dbang po'i dbang gis dang zhes rgyas par smras te/ mi rtag pa nyid kyang phung po la sogs pa mngon par grub pa zhes bya ba'i tshig 'dis yin no/ /srog gi dbang po'i dbang gis dang zhes bya ba ni srog gi dbang po rab tu skyes pa zhes bya ba'i tshig 'dis yin no/ /dus dpag tu yod par gnas pa'i chos nyid yin par yang phyir mi rtag pa nyid skye ba yin no zhes bya ba ni bdag rtag pa ni ma yin te/ phung po rnams mngon par grub pa zhes bya ba 'dis mi rtag pa bstan te/ gsar du byung ba ni mngon par byung ba yin pa'i phyir ro zhes bya ba 'dis sngon na byung ba las byung ba ston pa'i phyir ro/ /srog gi dbang po rab tu skyes pa zhes bya ba 'dis kyang dus dpag tu yod par gnas pa'i chos nyid yin pa'i yang phyir ma byung ba las byung ba'i mtshan nyid dang rab tu 'jig pa'i mi rtag pa bstan to/ /de ltar bshad pa ni zhes bya ba ni rim pa gang gis skye ba zhes bya ba nas brtsams nas mi rtag pa nyid skye ba yin no zhes bya ba'i bar du go rim bzhin du skye ba'i rnam grangs bcu yin par brjod do/ /ji lta zhe na/ sa bon btab pa'i skye ba ni skye ba yin no zhes bya ba nas 'phel nas longs spyod dang tha snyad nus pa thob pa'i skye ba ni rab tu byung ba yin no zhes bya ba'i bar du'o/ /phung po so sor thob pa dang/ khams so sor thob pa dang/ skye mched so sor thob pa zhes bya ba 'di rnam par 'chad pa ni phung po dang khams dang skye mched rnams skye ba zhes bya ba yin no/ /phung po mngon par grub pa dang/ srog gi dbang po rab tu skyes pa zhes bya ba 'di gnyis nges par 'chad pa ni mi rtag pa nyid skye ba yin te zhes bya ba yin no/ /gnas gsum tshogs pas ma'i mngal du bu 'chags par 'gyur ro/ /zhes bya ba ni rung ba yin te/ dus dang ldan pa dang/ pha ma gnyi ga chags pa dang ldan par tshogs pa dang/ dri za nye bar gnas pa ste gsum ni de dag go /srid par gyur pa'i las ni rgyu mthun pa'i 'bras bu'i rgyu dang rkyen ma yin par gyur ba dang zhes bya ba ni skal ba 'dra ba'i rgyus bsdus pa'i 'bras bu 'dra ba'i rkyen du mi 'gyur te/ sred pa'i rkyen gyis skye ba kho na yin gyi/ gzhan ma yin pas so/ /de la dmigs pa'i sems dang sems las byung ba'i dmigs pa'i rkyen ci zhes na srid par gyur ba'i las ma yin par 'gyur ro zhes skabs dang sbyar ro/ /de la dmigs pa'i zhes bya ba ni srid par gyur pa'i las la dmigs pa zhes bya ba'i tha tshig go /'on te ma nges pa yin na ni bshad pa don med par 'gyur ro zhes bya ba ni rgyu gtan la dbab pa'i don du 'chad na yang rgyu thams cad brjod par bya dgos so/ /'bras bu gtan la dbab na yang 'bras bu thams cad brjod dgos par 'gyur ro/ /'o na te rgyu gtan la dbab pa'i ched du mang ma yin/ 'bras bu gtan la dbab pa'i ched du yang ma yin no/ /srid pa'i rkyen gyis skye ba zhes 'chad pa don med par 'gyur ro/ /don med par mi 'gyur te/ rkyen gtso bo'i 'chad pa'i phyir ro zhes bya ba na rgyu gtan la dbab pa'i phyir na 'chad na yang rgyu thams cad brjod par bya mi dgos te/ rkyen gtso bo gtan la dbab pa'i chad yin pa'i phyir ro/ /de med par skye ba mi srid pa'i phyir ro zhes bya ba ni srid pa de med par zhes bya ba'i don te/ /gnas gnyis tshogs su zin kyang dri za yang med par 'gyur te/ de med par zhes bya ba skabs dang sbyar ro/ /de'i phyir yang srid pa nyid rkyen gtso bo yin gyi/ dri za ni ma yin no/ /gnas rnam pa gsum med par yang drod gsher las skye ba dang/ brdzus te skye ba rnams dang/ gzugs med pa rnams su ji ltar 'os par skye ba yod pa nyid de/ drod gsher las skye ba dang/ brdzus te skye ba rnams ni gnas gnyis med par yang skye ba yod pa yin te/ ma ni rung ba yin te/ dus dang ldan pa dang/ pha ma gnyis chags par gyur te/ tshogs pa 'di gnyis med par yang skye ba yod pa yin no/ /gzugs med par ni gnas gsum med par yang skye ba yod pa yin te/ de na ni pha ma'i lugs yod pa ma yin la/ srid pa bar ma yang yod pa ma yin no/ /de'i phyir yang srid pa nyid rkyen gtso bo yin par grub pa yin no/ /skye ba'i bsdus pa'i don ni rnam pa bcu gnyis yin par 'dir bstan te/ sems can du bgrang ba rnam par bzhag pa ji skad du/ sems can de dang de dag gi zhes bstan pa'o/ /mthun pa rnam par bzhag pa/ ji skad du/ sems can gyi ris de dang der zhes bstan pa'o/ /rnam grangs kyi dgos pa rnam par bzhag pa ni ji skad du/ rjes su mthun par rnam par 'chad pa ni skye ba'i rnam grangs yin te zhes bya ba dang/ gnas skabs kyi bye brag ston pa'i don ni rnam grangs gzhan yin te zhes bstan pa yin no/ /gnas skabs tha dad pa'i mtshan nyid rnam par bzhag pa ni ji skad du/ ji ltar 'phangs pa bzhin du ming dang gzugs la sogs pa mdza' tshor ba la thug pa'i bar gyi dang po byung ba ni skye ba yin te zhes bya ba dang/ skyes nas ming dang gzugs yongs su rdzogs pa ni shin tu skye ba yin no zhes rgyas par bstan pa yin no/ /rang gi mtshan nyid rnam par bzhag pa ni ji skad du/ skye ba'i rang gi mtshan nyid ni sems can rnams kyi bdag gi dngos po thob pa'o/ /zhes rgyas par bstan pa'o/ /bsdus pa rnam par bzhag pa ni ji skad du/ de ltar gnas skabs dang bcas pa'i skye ba'i mtshan nyid tha dad pa rgyas par bstan nas yang mdor ston pa ni phung po rnams mngon par grub pa dang srog gi dbang po rab tu skyes pa zhes bstan pa yin no/ /srid pa'i rkyen du rnam par bzhag pa ni ji skad du/ sred pas ni skye ba dang po la de'i ngo bo'i nus pa yod par byas nas zhes rgyas par bstan pa yin no/ /go rim rnam par bzhag pa ni ji skad du/ sa bon btab pa'i skye ba dang/ de'i 'og tu de 'phel ba'i skye ba dang zhes rgyas par bstan pa yin no/ /lus rnam par bzhag pa ni ji skad du/ phung po dang khams dang skye mched rnams skye ba yin gyi/ bdag ni ma yin no zhes bstan pa yin te/ ma byung ba las byung ba'i mtshan nyid skye ba'i bus? phung po dang khams dang skye mched yin te/ phung po la sogs pa ni skye ba yin no/ /de mi rtag pa nyid rnam par bzhag pa ni ji skad du/ mi rtag pa nyid skye ba yin no zhes bstan pa yin no/ /rkyen gtso bo rnam par bzhag pa ji skad du srid ba ni rkyen gtso bo nyid yin te/ de med par skye ba mi srid pa'i phyir ro zhes rgyas par bstan pa yin no/ /skye ba'i yan lag rnam par 'byed pa'o// //skye ba'i rkyen gyis rga shi zhes bya ba'i rga shi gang zhes smras pa'i nges par 'chad pa yang ji skad du bstan pa yin no/ /de bas na rga ba nges par bshad pa'i phyir/ rga ba gang zhe na/ gang de'i spyi cher dang/ skra dkar dang zhes rgyas par 'byung ba'i tshig rnam pa bco brgyad kyis zhes bya ba yin te rgyas pa'i tshig ni mdo sde las ji ltar 'byung ba bstan pa'i phyir ro/ /ji lta zhe na/ gang de'i spyi cher dang/ skra dkar dang/ gnyer ma 'tshigs pa dang/ rnyis pa dang/ zhum pa dang/ ba lang sgur po chu 'thung ba ltar gug pa dang lus la nag po thig las gang ba dang/ lung pa lu zhing dbugs rgad pa dang/ bdun du lus 'bub pa ltar byed pa dang/ 'khar ba la brten pa dang/ blun pas rmong rtul ba dang/ zhan pa nyid dang/ nyams pa dang/ yongs su nyams pa dang/ dbang po rgud pa dang/ nyams pa dang/ 'du byed brnyings pa dang/ shin tu brnyings pa rnams yin no/ /yongs su 'gyur ba'i mtshan nyid rnam pa bdun ni yongs su nyams pa'i rgas pa yin par ston to zhes bya ba la rgas pa ni gnyis te/ yongs su nyams pa'i rgas pa dang/ nye bar khrid pa'i rgas pa'o/ /de la yongs su nyams pa'i rgas pa 'di ni yongs su 'gyur ba'i mtshan nyid rnam pa bdun bye brag bdun te/ /de ni yongs su 'gyur ba rnam pa bdun yin no/ /yongs su 'gyur ba'i mtshan nyid rnam pa bdun po de ni yongs su nyams pa'i rgas pa yin par ston to/ /nye bar khrid pa'i rgas pa ni gang skad cig ma gcig nas gcig tu shi pa'i bar du khrid par byed pa'o/ /gzugs yongs su 'gyur ba'i mtshan nyid ci zhe na/ yongs su nyams pa'i rgas pa stan pa yin no/ /ji lta zhe na/ de'i phyir skra 'byi zhing skra mdog gyur pa dang zhes smras te/ skra 'byi zhing skra mdog gyur pa dang/ spyi cher zhes bya ba 'dis ni skra byi ba'o/ /skra dkar zhes bya ba 'dis ni skra mdog gyur pa'o/ /skra mdog gyur pa gang yin pa ni gzugs yongs su 'gyur ba'i mtshan nyid yongs su nyams pa'i rgas pa yin par ston pa ni rigs pa yin te/ yongs su 'gyur ba ni gzhan du 'gyur ba yin pa'i phyir ro/ /skra byi ba go ji ltar yin zhe na/ skra byi ba ni de med na mi 'byung ba yin pa'i phyir te/ gzugs yongs su 'gyur ba med par skra byi ba yod pa ma yin pas so/ /pags pa 'khums pa dang zhes bya ba ci zhe na/ gzugs rnam par 'gyur ba'i mtshan nyid ni yongs su nyams pa'i rgas pa yin no zhes/ gnyer ma 'tshigs pa zhes bya ba 'dis ston to zhes skabs dang sbyar te/ pags pa 'khums pa med par gnyer ma 'tshig pa yod pa ma yin pas so/ /mdangs yongs su nyams pa dang zhes bya ba ni rnyis pa dang zhes bya ba 'dis yin te/ gzugs rnam par 'gyur ba med par mdangs yongs su nyams pa yod pa ma yin no/ /sha lhod pa dang zhes bya ba ni zhum pa dang zhes bya ba 'dis yin no/ /dpe dang bcas pa'i lus kyi dbyibs yongs su gyur pa dang zhes bya ba ni ba lang sgur po chu mthung ba ltar gug pa dang zhes bya ba'i tshig 'dis yin te/ 'dis ni dpe dang bcas pa'i lus kyi dbyibs gyur pa ston pa yin no/ /mdog gyur pas zhes bya ba ni lus la nag po thig les gang ba dang zhes bya ba'i tshig 'dis yin te/ ci zhe na/ gzugs rnam par gyur pa'i mtshan nyid ni yongs su nyams pa'i rgas pa yin par ston pa yin te/ re shig de dag ni yongs su 'gyur ba'i rnam pa dang po yin no/ /stobs yongs su 'gyur ba'i mtshan nyid ni yongs su nyams pa'i rgas pa yin par ston to zhes skabs dang sbyar ro/ /sgra dang bcas shing shin tu dbugs rgod pa dang zhes bya ba ni lung pa lu zhing dbugs rgod pa zhes bya ba'i tshig 'dis yin no/ /'greng ba dang 'gro ba'i gnas skabs gnyis na 'bub pa lta bur mngon du phyogs pa dang zhes bya ba ni bgreng ba'i gnas skabs na 'bub pa ltar mngon du phyogs pa ni mdun du lus 'bub pa ltar byed pa dang zhes bya ba'i tshig 'dis yin no/ 'gro ba'i gnas skabs na ni 'khar ba la brten pa dang zhes bya ba'i tshig 'dis yin te/ ci zhe na/ rnam par 'gyur ba'i mtshan nyid ni yongs su nyams pa'i rgas pa yin par ston to/ /zhes skabs dang sbyar ro/ /'di ni yongs su 'gyur ba'i rnam pa gnyis pa'o/ /shes rab rnam par? 'gyur ba'i mtshan nyid ci zhe na/ yongs su nyams pa'i rgas pa yin par ston te/ blun pas mong rdul ba nyid ces bya ba'i tshig 'dis yin no/ /legs par bshad pa dang nyes par bshad pa'i zhes rgyas par 'byung ba la/ legs par bshad pa ni kha na ma tho ba med pa'i chos rnams dang/ nyes par bshad pa kha na ma tho ba dang bcas pa'i don shes pa'i stobs med pa'i phyir dang/ bya ba dang bya ba ma yin pa shes pa'i stobs med pa'i phyir blun pa yin no zhes bya ste 'di de nyid kyi rnam par 'chad pa yin no/ /'di dag ni rnam par 'gyur ba'i rnam pa gsum pa yin no/ /dran pa rnam par 'gyur pa'i mtshan nyid dag yongs su nyams pa'i rgas pa yin par ston te/ ji ltar zhe na/ de'i phyir myur du brjed pa dang/ dran pa mi gsal ba'o zhes smras te/ zhan pa nyid zhes bya ba'i tshig 'dis yin te/ myur du brjed pa dang dran pa mi gsal pa 'di ni rnam par 'gyur ba'i rnam pa bzhi pa yin no/ /'khrig pa dang zas kyi longs spyod kyi bde ba rnam par 'gyur ba'i mtshan nyid ni yongs su nyams pa'i rgas pa yin par ston te/ skyes pa nyid la gnod par 'gyur ba'i phyir dang/ 'ju ba'i me zhan par gyur bas so/ /de la 'khrig pa'i bde ba rnam par 'gyur ba'i mtshan nyid ni skyes pa nyid la gnod pa yin pas nyams pa zhes bya ba'i tshig 'dis ston to/ /zas kyi longs spyod bde ba rnam par 'gyur ba'i mtshan nyid ni 'ju ba'i me zhan par gyur pas te /yongs su nyams pa zhes bya ba'i tshig 'dis yin no/ 'khrig pa'i longs spyod kyi bde ba de'i tshe rnam par 'gyur ba ni skyes pa nyid la gnod par gyur pa'i phyir ro/ /zas kyi longs spyod kyi bde ba rnam par 'gyur pa ni 'ju ba'i me zhan par gyur pa'i phyir ro/ /'di ni rnam par 'gyur ba'i rnam pa lnga pa yin no/ /dbang po yongs su 'gyur ba'i mtshan nyid kyang yongs su nyams pa'i rgas pa yin par ston pa ni/ yul la dmigs pa'i stobs zhan pa dang/ nyams pas yin te/ dbang po rnams rgud pa dang zhes bya ba'i tshig 'di dang/ nyams pa zhes bya ba'i tshig 'dis yin te go rim bzhin no/ /nyams pa ni rnam par zhig pa'o/ /'di ni rnam par 'gyur pa'i rnam pa drug yin no/ /tshe rnam par 'gyur ba'i mtshan nyid kyang yongs su nyams pa'i rgas pa yin par ston pa ni ji lta zhe na/ tshe'i 'du byed rnams 'chi bar nye bar gyur pas te/ 'du byed rnams brnyings pa zhes bya ba'i tshig 'dis yin no/ /yo byad nyung bar mi bzod pas so zhes bya ba ni shin tu brnyings par gyur pa zhes bya ba'i tshig 'dis yin no/ /'di ni rnam par gyur pa rnam pa bdun pa yin no/ /dge slong skye ba rnam pa bzhi po zhes bya ba ni ming dang gzugs dang/ skye mched drug dang/ reg pa dang/ tshor ba'i mtshan nyid do/ /phongs pa rnam pa lnga pa skras phongs pa ni byi ba dang mdog gyur pa'i phyir ro zhes bya ba ni spyi cher dang skra dkar zhes bya ba'i tshig gnyis kyi go rim bzhin du bstan to/ /lus phongs pa ni dbyibs dang/ sha dang stobs dang/ mdog phongs pa'i phyir ro zhes bya ba de la dbyibs phongs pa ni gnyer ma 'chigs pa zhes bya ba 'dis bstan to/ /sha 'phongs pa ni rnyings pa zhes bya ba 'dis so/ /stobs phongs pa ni zhum pa zhes bya ba 'dis yin no/ /mdog phongs pa ni lus la nag po thig les gang ba zhes bya ba'i tshig 'dis bstan to/ /'dir yang go rim ni zhum pa'i mjug thogs su lus la nag po thig les gang ba dang zhes bya ba 'di nyid yin no/ /las phongs pa ni zhes rgyas par 'byung ba 'di la yang/ smra ba na lung pa lu ba dang dbug rgod pa zhes bya ba la sogs pa'i tshig bzhis ni las phongs pa bstan te/ smra ba na lud pa lu zhing dbugs rgod pa'i lus yin pa'i phyir ro zhes bya ba'i tshig 'dis ni dag gi las phongs pa bstan to/ /langs pa na gdung ma gug pa bzhin du gug por gyur pa'i phyir ro/ /'dug pa na lus mdun du gug pa'i phyir ro/ /'gro ba na 'khor ba la brten pa'i phyir ro zhes bya ba tshig 'di gsum gyis ni lus kyi las phongs pa bstan to/ /yid kyi ni zhes bya ba yid phongs pa ni/ shes rab rmongs pa dang/ dran pa zhan pa'i yang phyir ro zhes bya ba yin te/ rmongs pa dang/ zhan pa'i tshig 'di gnyis go rim bzhin no/ /de ltar na las phongs pa rnam pa gsum yin te/ lus dang ngag dang yid kyi las phongs pa 'am/ yang na lus phongs pa dang rnam pa gnyis so/ /longs spyod phongs pa ni zhes rgyas par 'byung ba la/ bza' ba dang btung ba la sogs pa'i yo byad yod la/ longs spyod pa zhan pa'i phyir dang zhes bya ba ni nyams pa nyid dang zhes bya ba'i tshig 'dis bstan te/ /rtsed mo dang dga' ba'i yo byad la zhes bya ba ni gzugs dang reg pa yid du 'ong ba la'o/ /thams cad nas thams cad du longs mi spyod pa'i phyir dang zhes bya ba ni yongs su nyams pa dang zhes bya ba'i tshig 'dis bstan to/ /dbang po gzugs can rnams shes rgyas par 'byung ba ni mig la sogs pa'i dbang po gzugs can rnams ni de dag gi rang gi yul gzugs la sogs pa la mi gsal ba rgyu dang mi rgyu ba'i phyir ro zhes bya ba ni 'jug pa zhan pa nyid dang/ 'jug pa med pa'i phyir ro zhes bya ba'i tha tshig ste/ dbang po rgud pa dang/ nyams pa dang zhes bya ba'i tshig gnyis kyis bstan te/ longs spyod phongs pa zhes bya ba'i skabs dang sbyar ro/ /srog gi dbang po phongs pa ni che zad pa dang/ shi ba dang nye ba yin pa'i phyir ro zhes bya ba ni 'du byed rnams brnyings pa dang zhes bya ba'i tshig 'dis bstan to/ /'chi ba'i rkyen cung zad mi bzod pa'i phyir ro zhes bya ba ni shin tu brnyings pa zhes bya ba'i tshig 'dis bstan to/ /rgas pa rnam par 'byed pa rgya cher 'grel pa'o// //'chi ba gang zhe na/ 'phos pa dang 'pho ba nyid dang zhes bya ba rgyas par rnam grangs bcu 'byung ba yin no zhes bya ba ni 'phos pa dang/ 'pho ba nyid dang/ zhigs pa dang/ nang nyams pa dang/ tshe nyams pa dang/ drod nyams pa dang/ srog gi dbang po 'gags pa dang/ phung po rnams 'dor ba dang/ 'chi ba dang 'du byed pa'o zhes bya ba yin no/ /de la 'phos pa? ni sems can gyi ris de dang bral ba'o zhes bya ba ni 'di ltar sems can gyi ris nas 'phos pa ste/ skal ba 'dra ba dang bral ba zhes bya ba'i tha tshig go /'pho ba nyid ni 'chi ba'i gnas skabs te zhes bya ba ni 'pho ba'i gnas skabs gang yin pa'o/ /zhes 'chad par 'gyur ba'o/ /zhigs pa ni gzugs kyi lus las ming gi tshogs 'bral ba'o zhes bya ba la gzugs can ma yin pa'i ming gi tshogs rnams gzugs kyi lus las gang gis ji ltar 'brel zhe na/ phan pa dang gnod pa gnyis gcig la gcig byed pa'i mtshan nyid kyi 'brel pa med pa'o/ /nang nyams pa ni mdo sde de nyid las/ gzugs kyi lus la dbang po gzugs can rnams rgyun chad pa'o/ /zhes bya ba ni shi ba'i gzugs kyis lus ni rgyu'i rjes su 'jug pa yod kyi / mig la sogs pa'i dbang po gzugs can ni thams cad nas thams cad du rgyun chad do/ /zhes bya'o/ /tshe nyams pa dang/ drod yal ba zhes bya ba gnyi ga yang gnas pa'i rgyu zhes rgyas par 'byung bas 'di gnyis kyi bshad pa byas pa yin no/ /der sngon gyi 'phen pa dang zhes bya ba ni de'i skye ba ni sngon gyi las kyis 'phangs pa'i phyir ro/ /drod nye bar ston pa ni zas so/ /'du byed gnas pa'ang de bzhin no zhes bya ba ni tshe'i 'du byed gnas pa zhes bya ba'i don to/ /tshig gnyis gnyis kyis 'phos pa dang/ 'pho ba nyid yin par bstan to zhes bya ba ni ji skad bstan pa'i tshig gnyis gnyis kyis/ 'phos pa dang 'pho ba nyid bstan pa ste zhigs pa dang nang nyams pa zhes bya pa'i tshig 'di gnyis kyis ni gzugs kyi lus las ming gi tshogs 'bral ba dang/ de las kyang dbang po gzugs can rnams rgyun chad par gyur na 'phos pa yin te/ skal ba 'dra ba de dang bral ba'i phyir ro/ /'phos ba nyid kyang tshe nyams pa dang/ drod yal ba zhes bya ba'i tshig 'di gnyis kyis bstan te/ 'di gnyis kyis de yongs su nyams par 'gyur ba'i gnas skabs ni 'pho ba nyid ces bya'o/ /de ltar na re zhig tshe zad par rims kyis shi ba gang yin pa dang zhes rgyas par 'byung ba/ de ltar na re zhig ji skad du bstan pa'i tshe zad pa rims kyis shi ba gang yin pa dang/ 'chi ba'i gnas skabs gang yin pa shi ba dang 'chi ba de gnyi ga shi ba yin par bstan pa ni tshig gnyis kyis shi ba dang/ 'chi ba nyid yin par bstan pa'i phyir ro/ /gang yang tshe'i lhag ma lus pa de ni glo bur du 'chi ba ste zhes rgyas par 'byung ba la/ glo bur du 'chi ba zhes bya ba ni cig char yin gyi rim gyi ma yin pa'o/ /mdor bstan pa ji ltar yin zhe na/ srog gi dbang po 'gag pa dang/ srog gi dbang po dang ldan pa yang phung po rnams 'dor ba dang/ 'chi ba zhes bya ba yin te/ zhes bya ba yin no/ /ris mthun par skal pa 'dra ba'i phung po gtong pa ni de 'dor ba yin no/ /des ni zhes bya ba dus byed pa bstan pa nges sngon gyi las kyis 'phangs pa zhes rgyas par 'byung ba yin no/ /dang po'i bye brag rnam par 'byed pa las zhes rgyas par 'byung ba la/ skye ba'i mtshan nyid rnam pa bzhi po ni ming dang gzugs dang/ skye mched drug dang reg pa dang tshor ba'i rnam pa zhes bya ba'i don to/ /'chi ba'i rab tu dbye ba rnam pa drug yin par rig par bya ste/ zhes bya ba ni rnam pa drug ni shi ba'i rab tu dbye ba yin no zhes bya ba'i don to/ /rdzogs par shi ba dang zhes bya ba ni shi ba yin te/ ris mthun pa'i skal ba 'dra ba dang bral ba yod na lhag ma ma lus par shi ba yin gyi/ lhag ma dang bcas pa ma yin no/ /ma rdzogs par shi ba dang zhes bya ba ni 'chi ba nyid yin te/ lhag ma dang bcas pa'i 'chi ba yin pa'i phyir ro/ /shi ba'i rang gi mtshan nyid ni zhes bya ba ni zhigs pa dang nang nyams pa zhes bya ba yin te/ de dag ni shi ba'i mtshan nyid yin te/ 'di lta ste gzugs kyi lus las ming gi tshogs 'bral ba dang/ der yang dbang po gzugs can rnams rgyun chad pa yin pas zhes bya ba'i don to/ /ma rdzogs par 'chi ba rnam par dbye ba dang zhes bya ba ni tshe nyams pa dang/ drod nyams pa zhes bya ba'i tshig gnyis kyis ma rdzogs par 'chi ba'i mtshan nyid 'pho ba nyid ces bya ba rnam par phye ba yin no/ /rdzogs par shi ba rnam par dbye ba dang zhes bya ba ni srog gi dbang po 'phags pa dang/ phung po rnams 'dor ba zhes bya ba 'di gnyis kyis rdzogs par shi ba'i mtshan nyid shi ba zhes bya ba rnam par phye ba yin no/ /dus ma yin pa dang/ dus su shi ba'o zhes bya ba ni shi ba dang dus byed pa zhes bya ba dang go rim bzhin te/ dus ma yin par 'chi ba ni nye bar 'chi bar byed pa'o/ /dus su shi ba ni dus byed pa ste dus rdzogs so zhes bya ba'i don to/ /bstan pa las ci'i phyir mya ngan la sogs pa gsungs la zhes rgyas par 'byung ba ni bstan pa la so ni mya ngan la sogs pa gsungs te/ skye ba'i rkyen gyis rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung ngo zhes bya ba yin no/ rnam par 'byed pa las ni ma phye zhes bya ba ni/ mya ngan la sogs pa las brtsams nas mya ngan la sogs pa bstan pa yod pa ma yin no zhe na/ de'i phyir rga shi ni srid pa'i yan lag nyid du brjod par bzhed pa'i phyir ro zhes smras te/ srid pa'i yan lag rnam par dbye na rga shi ni dngos su srid pa'i yan lag nyid yin par bzhed kyi mya ngan la sogs pa ni ma yin no/ /de bas mya ngan la sogs pa ni rnam par ma bye ba'o/ /srid pa'i yan lag nyid du brjod par bzhed pa yang ma yin no/ /'di la khungs ci yod ce na/ de'i phyir 'di ltar rten cing 'brel par 'byung ba'i chos rnams gang zhe na zhes rgyas par smras te/ 'di ltar rten cing 'brel par 'byung ba'i chos rnams gang zhe na/ der gtogs pa/ rga shi'i bar yin no zhes mdo sde gzhan las gsungs kyi/ mya ngan la sogs pa ni ma yin no/ /ci zhe na rten cing 'brel par 'byung bar smras pa'o/ /lugs las bzlog pa brtag pa'i tshe yang zhes rgyas par 'byung ba ste/ mya ngan la sogs pa ni ma yin no zhes bya ba ci zhig yod ce na/ gang zhig med na mya ngan la sogs pa mi 'byung bar gsungs pa'o/ /yin na ni srid pa'i yan lag tu brjod par yang bzhed de ma rig pa la sogs pa bzhin du rten cing 'brel par 'byung ba'i chos yin par brjod par bya dgos par 'gyur ba dang/ gang zhig med na mya ngan la sogs pa med par 'gyur zhes bya ba yang brjod par bya dgos par 'gyur ro/ /'o na ci de dag khas mi len tam zhes bya ba ni mya ngan la sogs pa de dag srid pa'i yan lag yin par ci'i phyir khas mi len ces bya ba'i don to/ /de la go rim ma nges pa'i phyir dang gcig tu chad pa med pa'i phyir ro zhes smras so/ /de dag la go rim ni yod pa ma yin te zhes rgyas par 'byung ba ni gnas skabs nges pa yin na ni 'dir srid pa'i yan lag tu brjod par bzhed kyi/ gnas skabs ma nges pa ni ma yin no gdon mi za bar 'byung ba yin na ni de'i phyir ma rig pa la sogs pa bzhin du srid pa'i yan lag du yang byas par 'gyur ro/ /'dus byas kyi mtshan nyid yin pa'i phyir ro zhes bya ba ni rga ba dang shi ba gnyis so/ /ji ltar zhe na/ de'i phyir 'byung ba ni skye ba yin no/ /'jig pa ni shi ba yin no/ /gnas pa gzhan du 'gyur ba nyid ni rga ba yin no zhes smras so/ /skad cig ma gcig yin pa'i phyir 'dus byas la gnas pa gzhan du 'gyur ba yod pa ma yin no zhen de'i phyir gnas pa zhes bya ba ni rgyun yin par ston te/ rgyun gyi mtshan nyid gnas pa de'i snga phyi'i bye brag ni gzhan du 'gyur ba nyid yin no zhes smras so/ /kun rdzogs pa la yongs su nyams pa'i rga ba yod par mdo sde 'di las bstan to zhes bya ba ni rten cing 'brel par 'byung ba'i mdo sde 'di las gang de'i spyi cher dang/ skra dkar zhes rgyas par 'gyur ba yin no/ /gal te gnas pa gzhan du 'gyur ba rga ba yin na ci'i phyir skye ba dang 'jig pa gnyis kyi bar du bstan ji lta zhe na/ skye ba'i rkyen gyis rga shi zhes bya ba yin no/ /tha mar ci'i phyir ma bstan/ mdo sde las ni gnas pa gzhan du 'gyur ba tha mar yang bstan te /dge slong dag 'dus byas kyi skye ba yang snang/ 'jig pa dang gnas pa gzhan du 'gyur ba yang snang ngo zhes 'byung ngo zhe na/ 'di nyid go rim yin no/ /ji lta zhe na/ dang por skye'o/ /da nas rgas so/ /de nas shi'o zhes bya ba yin no/ /'dus byas kyi mtshan nyid las ci'i phyir de ltar ma yin zhe na zhes bya ba ni 'di ltar rten cing 'brel par 'byung ba'i mdo sde las 'dus byas kyi mtshan nyid gang dag yin pa las gnas pa gzhan du 'gyur ba tha mar bstan to/ /zhe na/ skye ba dang 'jig pa'i bye brag nyid ces rgyas par byung ba la/ bye brag smos pa ni rgyun bstan pa'i phyir te/ skye ba dang 'jig pa de gnyis kyi rgyun nyid gnas pa gzhan du gyur ba yin no zhes bstan pa'i phyir ro/ /'dus byas kyi mtshan nyid kyi mdo sde las ni go rim de ltar ma yin no/ /gzhan yang gnyis kyis ni snga na med pa dang zhes rgyas par 'byung ba la/ 'dus byas kyi mtshan nyid gnyis kyis ni snga na med pa dang zhi gnas med pa'i mi rtag pa nyid ston te/ skye bas ni snga na med pa'i mi rtag pa'o/ /'jig pas ni zhig nas med pa'i mi rtag pa'o/ /gsum pa gnas pa gzhan du 'gyur ba gcig gis ni dngos po rnam par 'gyur ba'i mi rtag pa ston pa yin no/ /de ltar dngos po med pa'i mtshan nyid mi rtag pa sngar bstan nas gsum pa dngos po rnam par 'gyur ba'i mtshan nyid mi rtag pa phyi nas yin te/ de las ni go rim de lta bu yin no/ /log par cal col smra ba'i rgyu rnam par rtog pa ni mya ngan yin no zhes bya ba 'di la log par cal col smra ba ni ma 'brel bar rig par bya'o/ /log par cal col smra ba yang mya ngan gyis bskyed pa yin te/ rnam par brtags shing dpyad nas tshig smra ba yin gyi / ma brtags ma dpyad par ma yin no/ /zhes bya ba yin pas log par cal col smra ba'i rgyu rnam par rtog pa ni mya ngan no zhes bstan to/ /mi sdug pa dang phrad na lus kyi mi 'dod pa sdug bsngal myong ba ni sdug bsngal yin no zhes bya ba la mi 'dod pa smos pa ni bde ba las bye brag tu dbye ba'i phyir te / de yang lus kyi yin pa'i phyir ro/ /sems las byung ba ni yid mi bde ba yin no zhes bya ba ni mi bde ba myong ba zhes bya ba'i skabs dang sbyar ro/ /sdug pa dang bral ba nyid brang rdung pa la sogs pas zhes rgyas par 'byung ba ni mya ngan la sogs pa ni sdug pa dang bral ba sngon du song ba can nyid yin par 'dis ston par byed pa yin gyi/ mi sdug pa dang phrad pa sngon du song ba can ni ma yin no/ /de ltar byas na mdo sde gzhan las zhes rgyas par 'byung ba ni sdug bsngal la sogs pa ni sdug pa dang bral ba sngon du song ba can nyid yin par ji ltar brjod pa de ltar byas pa dang/ ji ltar yang thog mar rnam grangs kyis mya ngan gyi mtshan nyid bstan pa de ltar byas nas mdo sde gzhan las gang sdug pa'i rigs can gyi sdug pas rab tu phye ba'i mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung bar 'gyur ro zhes gang gsungs pa de rigs pa yin no/ /rnam grangs gnyis pa la yang mi sdug pa dang phrad pas rab tu phye ba ni sdug bsngal la sogs pa yin no zhes 'byung ba de dang ni rjes su mthun pa ma yin no/ /'o na mi sdug pa dang phrad pa 'di sdug bsngal yin par gsungs so zhe na/ bden te mi sdug pa dang phrad pa ni sdug bsngal gyi rgyu yin pas so/ /'dir ni sngar mya ngan dang smre sngags 'don pa gnyis sdug pa dang bral ba sngon du song ba can nyid yin par bstan la/ mya ngan la sogs pa thams cad kyang sdug pa'i rigs can yin par bstan te/ de bas na sdug bsngal la sogs pa ni mi sdug pa dang phrad pa sngon du song ba nyid yin par bstan pa ma yin no/ /sdug pa dang bral ba byed pa yod pa ni mya ngan la sogs pa'i tshogs rnams te de las sdug pa'i rigs can zhes gsungs la/ r ten cing 'brel par 'byung ba'i mdo sde 'di las kyang mya ngan la sogs pa'i tshogs de yang sdug pa dang bral ba dang gcig tu byas nas mya ngan la sogs pa'i dbang du bya ste sdug pa'i rigs can zhes gang gsungs pa de ni rigs pa yin gyi/ gzhan du ma yin no/ /'dir nying mtshams sbyor ba'i skad cig ma dang po kho na skye ba yin no zhes de skad gsungs pa ni ma yin no/ /ji ltar yin par byas zhe na/ skye ba rnam par 'byed pa las srid pa'i rkyen gyis skye ba zhes bya ba ni skyes nas tshe yongs su ma rdzogs pas bsdus pa yin na zhes de ltar byas ba yin no/ /de'i phyir skye ba'i rkyen gyis rga shi yin du zin kyang skyes pa tsam kho na ni rgas par bya dgos pa dang 'chi bar bya dgos pa ni ma yin no/ /ji ltar nur nur po la sogs pa'i rkyen gyis nar nar po la sogs pa yin no zhes rgyas par 'byung ba de dag gis ni nam yang rung/ rga shi ni skye ba'i rkyen gyis yin no zhes nges par gzung bar bya ba yin te/ skyes ma thag tu ni ma yin no zhes ston to/ /dpe sngar bstan pa yin no zhes bya ba ni ming dang gzugs kyi yan lag rnam par 'byed pa las so/ /lam gyis dub pa dang/ nad dang/ mya ngan dang/ yang ba ma spangs pa dang/ gzhan gyis byas pa dag gis shin tu myur bar rgas pa dang shi ba zhes bya ba yin no/ /gal te skye pa kho na rga shi'i rkyen yin na ni lam gyi du ba pa la sogs pa de dag kho nas shin tu myur bar rgas shing shi bar mi 'gyur thal bar ro/ /'on te rga shi kho na'i rkyen skye ba yin na ni zhes rgyas par 'byung ba la/ skye bas bye brag tu byas pa gzhan kun nas nyon mongs pa dang/ rnam par byang ba'i chos kun tu 'byung ba med par thal bar 'gyur ba dang zhes bya ba la/ skye bas bye brag tu byas pa smos pa ni rig tha dad pa kun nas nyon mongs pa'i chos kha cig kun tu 'byung ba yang gtogs pa dang/ lan 'ga' chos ma yin pa kha cig kun tu 'byung ba yang gtogs pa dang/ kun nas nyon mongs pa dang rnam par byang ba'i chos kha cig kun tu 'byung ba 'ang gtags pa dag med par thal bar 'gyur ba dang/ bde ba dang/ /tshor ba bar ma dang/ mya ngan la sogs pa skye bas bye brag tu byas pa yang med par thal bar 'gyur ro zhes bya ba'i skabs dang sbyar ro/ /de la tshor ba bar ma ni sdug bsngal yang ma yin bde ba yang ma yin pa'o/ /mya ngan la sogs pa ni mya ngan dang/ smre sngags 'don pa dang/ sdug bsngal ba dang/ ming mi bde ba dang/ 'khrug pa rnams so/ /ma skyes pa la rga shi med pa'i phyir dang zhes bya ba ni rga shi gnyis ni 'dus byas kyi mtshan nyid yin pa'i phyir ma skyes pa la rga shi yod pa ma yin no/ /lam gyis dub pa la sogs pa med par yang yod pa'i phyir ro zhes bya ba ni rga shi'o/ /'di ni rten cing 'brel par 'byung ba rnam par 'byed pa yin no zhes bya ba ni rten cing 'brel par 'byung ba'i yan lag rnam par 'byed par rdzogs par ston pa yin no/ /chos btags pa yin pa'i phyir rten cing 'brel par 'byung ba'i yan lag yongs su rdzogs par bstan mi nus zhe na/ de'i phyir de'i yan lag rnam par 'byed pa rdzogs par ston pa yin no zhes smras so/ /dge slong dag rten cing 'brel par 'byung ba'i dang po dang rnam par 'byed pa bshad par bya'o zhes ngas smras pa gang yin pa de'i ched du ngas smras pa 'di dag yin no zhes bya ba ni 'di dag so so dang/ de dag gi ched du dang/ de dag gi dbang du byas te/ de lta bu zhes bya ba ni rnam par 'byed pa'i dbang du byas te/ de dag ngas smras so zhes bya ba'i don to/ /de dag gis ni zhes rgyas par 'byung ba la/ de dag gis ni zhes bya ba ni ngas smras pa gang yin pa de'i ched du kho bos smras pa 'di dag yin no zhes bstan pa de dag gis so/ /sngar don dang yi ge thugs su chud pa nyid de dang zhes bya ba la sngar thugs su chud pa ni don dang yi ge gnyis te/ de gang la yod ba 'di ni sngar don dang yi ge thugs su chud pa nyid do/ /de dang zhes bya ba sngar don dang yi ge thugs su chud pa nyid de dang shin tu ldan te brjod pa de ni bdag nyid yin no zhes ston to/ /dran pa nye bar gnas pa dang ldan te rnam par bltas nas brjod pa'i ngang tshul can gang yin pa de ni shin tu ldan te rjod pa'o/ /de'i dngos po ni shin tu ldan te brjod pa nyid de shin tu ldan te brjod pa de ni bdag yin par ston pa yin te / mi ldan pas de dag brjod pa ni ma yin no/ /rang gi yon tan brjod pa ni gdul bya rnams la dgos pa bstan par bya ba'i phyir ro/ /ji skad du rdzu 'phrul seng+ge'i sgra sgrogs shing rang gi yon tan brjod byed gang/ /ji srid de 'dod nyer spyod pa'i/ /thugs rje'i dbang gis byung ba yin zhes bstan to/ /rgas pa'i bsdus pa'i don rnam par bzhag pa ni rnam pa lngar 'dir bstan te/ rab tu dbye ba rnam par bzhag pa ni ji skad du/ gang de'i spyi cher dang/ skra dkar dang zhes rgyas par bstan pa yin no/ rang gi mtshan nyid rnam par bzhag pa ni ji skad du yongs su 'gyur ba'i mtshan nyid yongs su nyams pa'i rgas pa yin par ston to zhes bstan pa gang yin pa'o/ /rang gi mtshan nyid kyi rab tu dbye ba rnam par bzhag pa ni ji skad du/ yongs su 'gyur pa'i mtshan nyid rnam pa bdun gyi dbang du byas te/ gzugs yongs su 'gyur ba'i mtshan nyid ni skra 'byi zhing skra mdog 'gyur pa dang zhes rgyas par bstan pa yin no/ /gnod pa rnam par bzhag pa ni ji skad du/ phongs pa ni rgas ba zhes bya'o zhes bstan pa'o/ /gnod pa'i rab tu dbye ba rnam par bzhag pa ni phongs ba rnam pa lnga la zhes rgyas par bstan pa'o/ /shi ba'i bsdus pa'i don rnam par bzhag pa rnam pa dgu 'dir bstan te bstan pa rnam par bzhag pa ni ji skad du/ 'phos pa dang 'pho ba nyid rnam par bzhag pa'o/ /de nges par ston pa rnam par bzhag pa ni ji skad du zhigs pa dang/ nang nyams pa dang/ tshe nyams pa dang/ drod yal ba zhes bstan pa gang yin pa'o/ /mdor rnam par bzhag pa ni ji skad du/ srog gi dbang po 'gags pa dang/ phung po rnams 'dor ba dang 'chi ba zhes bstan pa gang yin pa'o/ /srog gi dbang po 'gag pa nges par 'chad pa rnam par bzhag pa ni ji skad du/ srog gi dbang po 'gog pa yang gang zhe na/ dus byed pa'o zhes smras te/ dus yongs su rdzogs pa zhes bya ba'i tha tshig go zhes bstan pa gang yin pa'o/ /rnam grangs gzhan yang lhag ma ma lus par shi ba rnam par bzhag pa ni ji skad du?/ rdzogs par shi ba dang zhes bstan pa'o/ /lhag ma dang bcas pa'i shi ba rnam par bzhag pa ni ji skad du/ ma rdzogs par shi ba dang zhes bstan pa'o/ /shi bar nges par gzung ba'i shi ba rnam par bzhag pa ni ji skad du shi ba'i rang gi mtshan nyid dang zhes bstan pa gang yin pa'o 'chi ba nges par 'chad pa rnam par bzhag pa ni ji skad du/ ma rdzogs par 'chi ba rnam par dbye ba dang zhes bstan pa gang yin pa'o/ /yang ba ma spangs pa dang 'phan pa yongs su zad pa rnam par bzhag pa ni ji skad du/ dus ma yin par 'chi ba dang/ dus su 'chi ba zhes bstan pa gang yin pa'o/ /'chi ba rnam par 'byed pa rgya cher 'chad pa'o// //yan lag bcu gnyis rnam 'byed 'di/ /yan lag ma yin yan lag tu/ /dgongs min yan lag des rtogs nas/ /yan lag tha dad yan lag brten/ /yan lag bcu gnyis rnam par 'byed pa 'di la/ kha cig na re 'dir ma rig pa la sogs pa bstan pa'i phyir zhes bya ba ni ma rig pa dang/ 'du byed dang/ rnam par shes pa la sogs pa yan lag bcu gnyis bstan pa'i phyir zhes bya ba'i tha tshig go /de dang lhan cig byed pa yod pa yin no zhes bya ba ni ma rig pa la sogs pa dang lhan cig byed pa zhes bya ba'i tha tshig ste/ gnas skabs gang na yang ma rig pa la sogs pa nyi tshe yod pa ni ma yin na gang gi phyir ma rig pa la sogs pa 'ba' zhig yan lag nyid yin par 'gyur/ phung po lnga pa'i gnas skabs bcu gnyis pa de dag la yan lag bcu gnyis zhes bya'o zhes bya ba ni gnas skabs su gtogs pa la dgongs pa yin pa'i phyir ro/ /ji skad du chos mngon pa'i mdzod las gnas skabs la yang 'dir 'dod de/ /yan lag gtso bor grags phyir lo zhes smras pa yin no/ /ci'i phyir ma rig pa la sogs pa nyid mdo sde las bstan ce na zhes bya ba ni gal te phung po lnga'i gnas skabs kyi yan lag bcu gnyis la yan lag bcu gnyis yin no zhes bya ba ni 'o na ni 'di skad du bstan dgos te ma rig pa gang zhe na/ phung po lnga pa yin no zhes rgyas par byas nas de bzhin du rga shi gang zhe na/ phung po lnga pa yin no zhes bya ba'i bar du nges par brjod dgos par 'gyur ro zhe na/ /de'i phyir gnas skabs de dag gi nang na gtso bo yin pa'i phyir ro zhes smras te/ phung po lnga pa'i gnas skabs bcu gnyis po de dag gi nang na ma rig pa la sogs pa ji skad du bstan pa'i yan lag bcu gnyis rnams gtso bo yin pa'i phyir ro zhes bya ba'i tha tshig ste/ chos mngon pa'i mdzod las/ yan lag gtso bor grags phyir lo zhes smras pa yin te/ de lta bu ni rnam par smra ba rnams kyis don yongs su brtags pa yin par rig par bya'o/ /gal te ma rig pa la sogs pa dag 'du byed la sogs pa'i rkyen gtso bo yin par ji ltar bstan pa mi 'dod na zhes bya ba ni slob dpon gyi ste/ 'du byed rnams kyi rkyen gtso bo ni ma rig pa yin par rnam pa gnyis la sogs pas bstan te/ ma rig pa la sogs pa dag 'du byed la sogs pa'i rkyen gtso bo nyid yin par ji skad du bstan pa dag gal te mi 'dod na/ de'i gnas skabs na ma rig pa la sogs pa zhes rgyas par 'byung ba la/ de'i gnas skabs na ma rig pa la sogs pa rkyen gtso bo nyid yin pa gzhan ci yod na gang gi phyir gtso bo yin pa'i phyir ma rig pa la sogs pa'i ming sgrogs par byed 'on te 'dod na ci zhe na/ ji skad du bstan pa'i gtso bo nyid 'dod na de dag yan lag nyid yin par yang ji ltar khas ma blangs pa yin zhes bya ba ni ma rig pa la sogs pa ji ltar bstan pa de dag nyid ces bya ba'i don to/ /phung po lnga pa yod du zin kyang ma rig pa med pa'i phyir 'du byed med par 'gyur te/ dper na dgra bcom lta bu'o/ /'du byed med pa'i phyir yang srid kyi rnam par shes pa med do/ /yang srid kyi rnam par shes pa med pa'i phyir ming dang gzugs med pa yin te/ thams cad ji ltar rigs par sbyar ro/ /thams cad kyang phung po lnga pa yin na zhes rgyas par 'byung ba ni ma rig pa la sogs pa phung po lnga pa yin par kun tu brtags te/ ji skad du smras pa'i don lta bu yin na ci'i phyir ming dang gzugs 'ba' zhig ces rgyas par 'byung ba la ci'i phyir ming dang gzugs gcig pu 'ba' zhig phung po lnga pa yin te/ gzugs gang zhe na gzugs gang yin pa ci yang rung ste/ zhes rgyas par 'byung ba dang ming gang zhe na/ gzugs can ma yin pa'i phung po bzhi yin par bstan la/ gzhan ma rig pa la sogs pa phung po lnga pa ci ste ma yin 'di ltar ma rig pa la sogs pa las gzhan gtso bo yin par mi srid la phung po lnga par yang ming dang gzugs kho na bstan gyi gzhan ma yin pa de bas na 'du byed la sogs pa'i rkyen gtso bo re re nyid ces rgyas par 'byung ba yin no/ /mu bzhi brtag pa la ji skad bstan pa yin no zhes bya ba ni rkyen dang rkyen can gnyis nges pa dang mi nges la mu bzhir brtags pas so/ /ji ltar yin zhe na/ 'dir nges pa ni ma yin te/ ma nges pa yin pa yang 'chad pa don med par mi 'gyur te/ rkyen gtso bo ston pa'i phyir dang de bzhin du yang bstan pa'i phyir ro zhes gang smras pa yin no/ /gang gi ched du yan lag bcu gnyis ston pa de la ma rig pa rkyen du 'chad pa don med pa yin no zhe na/ de bstan pa'i ched du yan lag bcu gnyis bstan pa 'dis mngon ci bstan ce na zhes smras so/ /gang gis ji ltar ci zhig 'phen pa dang 'phangs pa de nyid gang gis mngon par bsgrub pa dang/ ji ltar mngon par sgrub pa dang 'phangs pa de mngon par grub pa gang yin pa de dang mngon par grub pa gang yin pa de la de'i nyes dmigs gang yin pa de dag bstan to/ /gang gis 'phen zhe na gyis bar 'byung ba ni ma rig pa med na 'du byed kyis yang srid 'phen par byed pa ma yin pas de bas na ma rig pa'i rkyen gyis 'du byed ces smras so/ /de lta ma yin na yan lag bcu gcig gi sa don 'di bstan pas ma rig pa'i yan lag 'chad pa don med par 'gyur ro/ /ji ltar 'phen zhe na/ rnam par shes pa la bag chags bsgos pa'i phyir ro zhes bya ba ni de ltar ma rig pa'i rkyen gyis 'du byed kyis bsgos pa yin gyi yang srid 'byung bar bya ba'i phyir rnam par shes pa'i rgyun ni nus pa'i rgyu ma yin no/ /ci zhig 'phen ce na/ yang srid pa pa'i ming dang gzugs dang skye mched drug dang reg pa dang tshor ba ste zhes bya ba ni las sna tshogs pa'i phyir ro/ /yang srid pa pa smos pa ni da ltar byung ba las bye brag tu dbye ba'i phyir ro/ /ci rigs par mthar gyis dang cig car 'byung bar bya ba'i phyir ro zhes bya ba ni mi dag dang gzugs dang skye mched drug ni rim gyis 'byung bar bya ba'i phyir 'phen to zhes skabs dang sbyar ro/ /reg pa dang tshor ba ni cig car 'byung bar bya ba'i phyir ro/ /'phangs pa de nyid gang zhe na/ /rnam par shes pa la de'i sa bon yongs su rtas pa'o zhes bya ba ni yang srid pa pa'i ming dang gzugs dang/ skye mched drug dang/ reg pa dang tshor ba rnams kyi sa bon yongs su rtas pa zhes bya ba'i tha tshig ste/ de yang kun gzhi rnam par shes pa la 'du byed rnams kyis de'i sa bon yongs su rtas pa yin par rig par bya'o/ /gang gis ji ltar gang 'phangs shes smras pa gang yin pa de'i bshad pa de dag yin no/ /gang gis mngon par 'grub par byed ce na/ ji skad du bstan pa'i rim gyis zhes bya ba n i ming dang gzugs dang skye mched drug dang reg pa dang tshor ba sngar bstan ma thag pa sngon 'phangs pas 'dir skyes pa'i tshor ba zhes bya ba tshe snga ma'i las kyis 'phangs pas da ltar gyi tshe 'di la skyes pa'i tshor ba la brten nas srid pa skyes pa gang yin pa ste tshor ba'i rkyen gyi sred pa zhes bya ba yin no/ /de'i rkyen gyis len pas so/ /zhes bya ba ci zhe na/ mngon par 'grub par byed do zhes bya ba'i skabs yin no/ /des srid par byed pa'i phyir ro zhes bya ba ni srid pa'i rkyen gyis len pa des srid par byed pa'i phyir ro zhes bya ba'i don to/ /rnam par shes pa la las kyi bag chags rnam pa mang du yod de zhes rgyas par 'byung ba de dag gi ni srid pa'i rkyen nyid len pa yin par sgrub par byed do/ /len pa'i bye brag gis yongs su zin pa gang gis 'di nas gnyis par yang srid 'byung bar byed pa de 'dir srid pa zhes bya'o zhes bya ba ni de ni las kyi bag chags yin te/ len pa'i bye brag gis yongs su zin pa gang las 'di nas gnyis par yang srid 'byung bar 'gyur pa'o/ /gang gis de 'phangs pa dag ji ltar sgrub par byed pa smras pa gang yin pa de'i bshad pa 'di yin no/ /mngon par grub pa de gang zhe na/ ming dang gzugs la sogs pa 'phangs pa gang yin pa de ma 'ongs pa na skye ba'o zhes bya ba ni bdag thob pa'o/ /mngon par grub pa gang yin pa de dang zhes smras pa gang yin pa'i bshad pa 'di yin no/ /yid du 'ong ba'i lang tsho dang srog zhig pa'i phyir ro/ /zhes bya ba ni yid du 'ong ba'i lang tsho zhig pa'i phyir dang/ yid du 'ong ba'i srog zhig pa'i phyir rga ba dang shi ba gnyis go rim bzhin du yin te/ rga shi nyes dmigs yin par grub pa yin no/ /de'i nyes dmigs gang yin pa dang zhes smras pa de'i bshad pa 'di yin no/ /'phags pa'i bden pa la rig pa skyes pa'i phyir ro zhes bya ba ni bden pa mthong na sdug bsngal dang/ kun 'byung dang/ 'gog pa dang/ lam gyi bden pa la zag pa med pa'i shes rab kyi mtshan nyid kyi rig pa la skyes pa yin no/ /gal te ma rig pa'i rkyen gyis 'du byed med par yang yang srid 'phen par 'gyur na ni de yang 'gyur te/ srid pa'i rkyen nges pa dang ma rig pa'i rkyen gyis 'du byed med pa dag kyang yang srid 'phen par 'gyur bar 'ong ngo zhes bya'o/ /de ltar thogs na srid pa lan bdun pa bden pa mthong ba yin par bstan pa gang yin pa de ni sngon gyi ma rig pa'i rkyen gyis 'du byed kyi yang srid khyad par can 'phangs pa lhag par byas pa yod pa yin no/ /'dod chags dang bral ba'i dgra bcom pa yang sngon gyi 'phen pa yod du zin kyang yang srid mngon par sgrub pa ma yin no zhes bya ba ni gang gi phyir zhes bya ba'i skabs dang sbyar te/ de pas na srid pa'i rkyen gyis len pas mngon par sgrub par byed pa ma yin no/ /don de nyid bsdu ba'i phyir tshigs su bcad pa lnga ste zhes bya ba ni yan lag bcu gnyis bstan pa 'dis mdor ci bstan ce na zhes bya ba de'i dbang du byas nas/ gang gis 'phen dang ji ltar gang/ /de sgrub byed pa'ang de la yang/ /nyes dmigs gang yin de dag rnams/ /yan lag bcu gnyis rnams kyis bstan zhes bya ba ni bstan pa'i tshigs su bcad pa'o/ /gnyis kyi yan lag gcig gis dang/ /rnam pa bzhes dang gnyis kyis dang/ /gcig gis gcig gis gcig gis ni/ /don bdun rab tu bstan pa yin/ /zhes bya ba de dag ni nges par 'chad pa'i tshigs su bcad pa'o/ /gnyis kyis zhes bya ba 'dis ni gang gis 'phen dang zhes bya ba 'di ni nges par 'chad par byed pa yin no/ /ji ltar yin zhe na/ ma rig pa'i rkyen gyis 'du byed kyis 'phen par byed pa yin no/ /de yang ston par byed pa ni/ bden pa ji bzhin mi shes phyir las kyis zhes bya ba yin no/ /yan lag gcig gis dang zhes bya bas ni ji ltar 'phen pa 'di nges par 'tshang par byed pa yin no/ /de yang ston par byed pa ni sems la bsgos phyir dang zhes bya ba yin te/ las kyi rnam par shes pa la bag chags bsgos pas yang srid 'phen par byed do/ /rnam pa bzhis dang zhes bya bas ni gang 'phen pa zhes bya ba 'di nges par 'chad par byed pa yin te/ ming dang gzugs dang skye mched drug dang reg pa dang tshor ba dang yan lag bzhi rnam par 'phen pa yin no/ /de yang ston par byed pa ni yan lag bzhi ni rim gyis 'phen ces bya ba yin no/ /'phangs pa de nyid gang zhe na/ rnam par shes ba la de'i sa bon bag chags yongs su rtas pa'o zhes smras pa gang yin pa de sdud bar byed pa ni/ de'i sa bon yongs su rtas phyir zhes bya ba 'di yin te/ gnyis kyis dang gcig gis zhes bya bas ni gang gis ji ltar gang zhig de sgrubs par byed pa zhes bya ba'i don 'di bstan te srid ba'i rkyen gyis len pas sgrub par byed pa yin no/ /'di yang ston pa ni tshor bas bskyed pa'i sred pa las len pa byung bas so/ /ji ltar sgrub par byed pa ni de gcig gis bstan pa len pa'i rkyen gyis byung ba'i srid pas de sgrub par byed do/ /de yang ston pa ni de'i las bsgos pa mngon du gyur pa yin zhes bya ba yin no/ /gcig gis grub pa gang yin pa de ston pa ni skye ba ni srid pa las grub pa yin la/ de yang ston pa ni grub pa skye ba yin zhes bya ba yin no/ /gcig gis ni de'i nyes dmigs bstan te/ rga shis so/ /de'i dbang du byas te/ de la rgas sogs nyes dmigs gang gi phyir zhes smras pa yin no/ /gang gi phyir bden pa mthong ba la ni ming srid pa 'phen pa yod pa ma yin te/ bden pa la rig pa skyes pa'i phyir ro zhes bya ba dang/ 'dod chags dang bral ba dgra bcom pa la sngon gyi 'phen pa yod du zin kyang yang srid mngon par 'grub pa ma yin no zhes smras pa gang yin pa de sdud par byed pa ni gang gi phyir bden pa mthong ba 'phen pa med/ /sred pa bral na 'byung ba med ces bya ba yin no/ /ci'i phyir bden pa mthong ba la ma rig pa med pa yin/ gang gi phyir 'di'i las kyis yang srid 'phen par mi byed ce na zhes bya ba'i 'brel pa ni 'di yin te/ gang gi phyir bden pa mthong ba la ni yang srid pa 'phen par byed pa yod pa ma yin te/ 'phags pa'i bden pa la rig pa skyes pa'i phyir ro/ /bden pas na ma rig pa'i rkyen gyis 'du byed kyis 'phen pa yin no zhe na/ bden pa mthong ba la bsgom pas spang par bya ba'i ma rig pa med pa ma yin te/ de bas na gang gi yang srid 'phen par byed pa'i las la dbang byed pa ni med pa ma yin no zhes rgyas par 'byung ba yin no/ /yang srid 'phen par byed pa'i las de la dbang byed pa gang zhe na/ de'i phyir rig pa med pas ma rig pa gang yin pa'o zhes smras so/ /de gang zhe na zhes bya ba ni rig pa med pas ma rig pa gang yin pa de'o/ /de'i phyir bden pa mthong ba'i mi mthun pa'i phyogs gang yin pa'o zhes smras so/ /bden pa mthong ba'i mi mthun pa'i phyogs su gyur pa ni ma rig pa yin te/ rig pa med pa sa 'byung ba yin no/ /bden pa mthong ba ma yin pa la ma rig pa yod pa yang ma yin la/ bsgom pas spang bar bya ba'i ma rig pa ni rig pa dang lhan cig tu bden pa mthong ba la rjes su 'jug pa yin no/ /sred pa yang de bzhin du ci'i phyir mi 'dod ces rgyas par 'byung ba la/ de ni de la dbang byed pa yin no zhes bya ba ni yang srid 'phen par byed pa'i las de la'o zhe na/ mi mthong ba ni mthong ba nyid kyi mi mthun pa'i phyogs yin par rigs pa yin te/ zhes bya ba ni ma rig pa yin par bstan to/ /de bas na sgrib par byed pa'i bdag nyid yin pa'i phyir te zhes smras te/ ma rig pas ni bden pa mthong ba'i yul bkag ste 'dug pa yin te/ de dmigs pa la skyes pas mi snang bar byed pa'i phyir ro/ / //rten cing 'brel par 'byung ba dang po dang rnam par 'byed pa rgya cher 'grel pa/ bam po bcu gcig pa/ /dper na snang ba'i mun ba lta bur sgrib par byed pa'i bdag nyid yin pa'i phyir mi mthun pa'i phyogs yin par rigs pa yin gyi sred pa ni ci zhe na/ bden pa mthong ba'i mi mthun pa'i phyogs yin par rigs pa ma yin te/ de ni mi mthong ba'i mtshan nyid ma yin gyi chags pa'i mtshan nyid yin pa'i phyir ro/ /bden pa mthong ba'i yul la khyab par byed pa yang ma rig pa yin pas zhes bya ba ni bden pa bzhi la dmigs pa'i phyir de ni mi mthun pa'i phyogs yin par rigs kyi zhes bya ba ni bden pa mthong ba'i mi mthun pa'i phyogs zhes bya ba'i tha tshig go / sred pa ni ci zhe na/ bden pa mthong ba'i yul la khyab par byed pa yin te/ 'gog pa dang lam gyis bden pa gnyis la med pa'i phyir ro zhes bya ba ni srid pa med pa'i phyir ro zhes bya ba'i tha tshig ste/ 'gog pa'i bden pa dang lam la dmigs pa ni dge ba'i chos 'dun pa zhes bya ba yin gyi sred pa ni ma yin no/ /ji skad du/ 'dod chags med de spang bya'i phyir gsungs pa yin no/ /gal te de ltar sred pa ni bden pa mthong ba'i mi mthun pa'i phyogs yin na 'gog pa dang lam gyi bden pa gnyis mi mthong ba med par 'gyur te/ mi mthun pa'i phyogs med pa'i phyir ro zhes bya ba'i tha tshig go/ ji ltar du mi mthong ba ni mthong ba nyid kyi mi mthun pa'i phyogs yin par rigs pa yin no zhes smras pa de ni bden te/ srid pa dang mtshungs par ldan pa'i ma rig pa ni bden pa mthong ba'i phyogs yin pas sred pa yang yin par rigs so zhe na/ de'i phyir sred pa med par ma rig pa ni bden pa mthong ba'i mi mthun pa'i phyogs yin par grub pa yin te/ 'gog pa dang lam gyi bden pa gnyis la ma 'dres pa yod pa yin gyi zhes bya ba ni ma rig pa ni bden pa mthong ba'i mi mthun pa'i phyogs yin par nges par ma nus kyi/ sred pa ni ma rig pa med par ci zhe na/ bden pa mthong ba'i mi mthun pa'i phyogs yin par nges par bya bar nus pa ma yin/ /de ni bden pa mthong ba'i mi mthun pa'i phyogs nyid yin par nges par byar rung ste/ ji lta zhe na/ bden pa mthong bas spang bar bya ba yang ma rig pa yin/ dmigs pa yang ma rig pa yin pas dmigs pa yongs su shes pas spong bar 'gyur ro/ /de bas na bden pa mthong ba'i yul 'dra ba'i phyir bden pa mthong ba'i mi mthun pa'i phyogs yin par rigs so/ /sred pa ni de la dmigs pa'i nyon mongs pa spangs pa yin pas zhes bya ba ci zhe na/ spong ba yin pas zhes skabs dang sbyar la/ 'di ni bden pa mthong ba'i mi mthun pa'i phyogs ma yin no/ /bden pa mthong ba'i mi mthun pa'i phyogs nyid yin na ni dmigs pa de yongs su shes pas de spong bar 'gyur ro// gal te 'di bden pa mthong ba'i mi mthun pa'i phyogs ma yin na/ 'o na de'i zhes mthong bas spang bar bya ba sred pa de'i gnyen po bden pa mthong ba ji ltar yin zhe na/ de'i phyir ma rig pa med par sred pa mi skye ba'i phyir dang/ de yang des rgyun gcod pa'i phyir ro zhes smras te/ ma rig pa de ni bden pa mthong ba des rgyun gcod pa'i phyir ro zhes bya ba'i don to/ /de bas na ma rig pa'i gnyen por gyur pa bden pa mthong ba ni sred pa'i gnyen po yin par yang grub pa yin te/ kun nas slong ba'i gnyen po yin pa'i phyir ro/ /de nyid kyi phyir dper na skyon gyi gnyen po gang yin pa de ni de las byung ba'i nad kyi yang gnyen po yin pa bzhin no zhes smras so/ /gal te yang sred pa ni yang srid 'phen par byed pa'i las la dbang byed pa yin na ni zhes rgyas par 'byung ba ni/ gal te yang srid pa na yang srid 'phen par byed pa'i las la dbang byed pa yin gyi/ ma rig pa ni ma yin na de lta yin na ni/ bden pa rnams la rmongs pa gang zhig srid pa rgyun chad par 'dod na bden pa ma mthong ba yin pas spang par bya ba'i sred pa ma spangs pa de'i yang srid 'phen par byed pa ma yin par 'gyur te/ sred pa ma spangs par yin no zhes ston to/ /ci'i phyir zhe na/ de'i phyir srid pa la zhe sdang zhing yang srid med par srid pa'i dbang gis zhes rgyas par smras te/ srid pa la zhe sdang ba'i gang zag dag srid pa med par srid pa'i dbang gis yang srid 'phen par byed par rigs pa ma yin te/ srid pa med par sred pa ni yang srid la rgyab kyis bltas pa yin pa'i phyir ro/ /de la yang yang srid 'phen pa ni yod par 'dod do/ /de bas na ma rig pa kho na yang srid 'phen par byed pa'i las la dbang byed pa yin gyi/ sred pa ni ma yin no/ /re zhig bsod nams dang bsod nams ma yin pa'i 'du byed la zhes rgyas par 'byung ba ni bsod nams dang bsod nams ma yin pa'i 'du byed 'dod pa na spyod pa yang srid 'phen par byed pa la sred pas dbang byed pa yin te/ 'dod pa'i sred pas de lhag par spyod pa'i phyir te/ bsod nams dang bsod nams ma yin pa'i 'du byed lhag par spyod pa'i phyir ro zhes bya ba'i don to/ /mi g.yo ba la ni ji ltar yin zhes bya ba ni gzugs dang/ gzugs med pa na spyod pa'i 'du byed la 'dod pa'i sred pas ji ltar dbang byed pa yin/ khams gong ma la dmigs pa ni sa 'og ma'i sred pa yod pa ma yin te/ de 'dod pa ni chos la 'dun pa dang rjes su mthun pa'i yin no zhes grub pa'i mdza' yin no/ /gzugs dang gzugs med pa'i sred pa yang de la dbang byed pa ma yin no/ /ji lta zhe na/ de'i phyir bsam gtan nam gzugs med pa ma bskyed par ni de la dmigs pa'i sred pa skye ba'i gnas skabs yod pa ma yin no zhes smras te/ gzugs dang gzugs med pa la dmigs pa'i sred pa kun tu 'byung ba'i gnas skabs yod pa ma yin no zhes bya ba'i don to/ /'di ltar sred pa ni rang gi khams dang zhes rgyas par 'byung ba ni 'di ltar sred pa ni skal pa mthun pa'i khams dang sa la dmigs pa yin par nges pa yin no/ /rang gi khams dang sa la dmigs par nges pa yin na yang de bas na 'di ni skal ba mi mthun pa'i khams dang/ skal ba mi mthun pa'i sa la dmigs pa ma yin pas 'dod pa'i sred pas gzugs dang gzugs mod pa na spyod pa'i 'du byed la dbang byed pa ma yin no/ /gzugs dang gzugs med pa'i sred pa ni bsam gtan nam/ gzugs med pa bskyed na de la dmigs pa kun tu 'byung ba yin pas sngar skyes zin pa'i mi g.yo ba'i 'du byed la dbang byed par rigs pa ma yin no/ /ma rig pa ni ci zhe na/ rang gi khams dang sa la dmigs pa nges pa de lta bu ma yin te/ de ni skal ba mi 'dra ba'i khams dang sa la dmigs pa yin pas de bas na ma rig pa kho na yang srid 'phen par byed pa'i las la dbang byed par rigs pa yin gyi zhes bya ba ni khams gsum char la kun tu rmongs pa'i ma rig pa'i dbang gis bsod nams dang bsod nams ma yin pa dang mi g.yo ba'i 'du byed 'byung bar rigs pa yin/ /sred pa ni ci zhe na/ yang srid 'phen par byed pa'i las la dbang byed par rigs pa ma yin no/ /ji ltar mi rigs pa ni de ltar bstan zin to/ /yang srid 'phangs pa la yang zhes rgyas par 'byung ba ni sa gang la 'dod chags dang ma bral ba'i sa de pa'i las kyis yang srid 'phangs pa dag sgrub par byed pa de la dbang byed pa yin no zhes bya'o/ /'o na gang dag rang gis la dmigs par nges pa ma yin gyi zhes rgyas par 'byung ba ni gal te rang gi sa la nges pa yin te/ dmigs pa nges pa'i phyir yang srid 'phen par byed pa'i las la sred pas dbang byed par rigs pa ma yin na/ 'o na gang dag rang gi sa la dmigs par nges pa ma yin gyi/ skal ba mi 'dra ba dang khams thams cad du 'gro ba dag de dag gi yang srid 'phen par byed pa'i las la dbang byed pa yin par ci'i phyir mi bstan/ de dag kyang ma rig pa dang 'grogs te skal ba mi 'dra ba'i khams dang sa la mi dmigs par byed pa yin no zhe na de'i phyir/ ma rig pa kho na de la gtso bo yin te zhes smras te/ de la zhes bya ba ni yang srid 'phen par byed pa'i las de la'o/ /ci'i phyir zhe na/ de'i phyir bden pa mthong ba'i yul la khyab pa yin pa'i phyir dang zhes smras te/ bden pa ma mthong ba'i yang srid 'phen pa yin gyi bden pa mthong ba ni ma yin no/ /de bas na bden pa mthong ba'i mi mthun pa'i phyogs ni yang srid 'phen par byed pa'i las la dbang byed pa yin par mngon pa yin no/ /bden pa mthong ba'i yul la khyab pa yang ma rig pa yin pas bden pa mthong ba'i mi mthun pa'i phyogs yin par rigs so/ /skal ba mi 'dra ba dang/ khams thams cad du 'gro ba yang sdug bsngal dang/ kun 'byung la dmigs pa yin pa'i phyir bden pa mthong ba'i yul la khyab pa ma yin pas de dag ni de la dbang byed par rigs pa ma yin no/ /de dag med par yang de mthu yod pa'i phyir ro zhes bya ba ni skal ba mi 'dra ba dang/ khams thams cad du 'gro ba de dag med par yang ma rig pa ma 'dres pa ni yang srid 'phen par byed pa'i las la nus pa yod do/ /'gog pa dang lam la dmigs pas kyang yin no/ /ma rig pa med par de dag med do zhes bya ba ni skal ba mi 'dra ba'i khams thams cad du 'gro ba de dag ste/ de dag ni ma rig pa med par mngon du 'gyur ba ma yin te/ ma rig pa ni sa chen po pa yin pa'i phyir ro/ /yang srid 'phen par byed pa'i las la ma rig pa kho na gtso bo yin no zhes bya ba 'di grub pa yin no/ /de bas na don bdun gyi dbang du byas te yan lag bcu gnyis 'chad pa de dag 'thad pa yin no/ /zhes bya ba ni da ltar gang gi phyir las kyis yang srid 'phangs la sred pas mngon par sgrub par byed pa yin pas so/ /don bdun gyi dbang du byas te zhes bya ba ni gang gis 'phen pa dang/ ji ltar 'phen pa dang/ gang 'phen pa dang/ gang gis sgrub par byed pa dang/ ji ltar sgrub par byed pa dang grub pa gang yin pa dang/ de'i nyes dmigs gang yin pa dang don bdun yin no/ /gzhan du yang rten cing 'brel par 'byung ba rim gyis zhes rgyas par 'byung ba ni yan lag bcu gnyis bstan pa ni don bdun gyi dbang du byas pa ma yin no zhes rgyas par bstan pa ni yan lag bcu gnyis bstan pa ni don bdun gyi dbang du byas pa ma yin no/ /zhes nges par byed pa'o/ /de'i phyir zhe na/ 'di ltar rten cing 'brel par 'byung ba'i rim gyis yang srid skye ba'i dbang du byas te/ yan lag bcu gnyis 'chad par byed pa'o gzhan du yang yan lag bcu gnyis 'chad pa med par 'byung ba'i rim gyis ma rig pa'i rkyen gyis 'du byed 'du byed kyi rkyen gyis rnam par shes pa zhes bya ba la sogs pas so/ /rim gyis yang srid skye bar 'chad pa la yan lag du zhig gis rdzogs par 'gyur zhe na/ ji snyed kyis rgyu dang bcas pa'i yang srid pa yin par nus pa'o zhes bya ba ni slob dpon no// bdun nam lngas yin no zhe na zhes bya ba ni gal te da ltar byung ba'i skye bas bsdus pa brjod par 'dod na ni yan lag bdun gyis rgyu dang bcas par bstan par nus te/ ma rig pa'i rgyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor bas so/ /'on te ma 'ongs pa'i skye bas bsdus pa brjod par 'dod na ni yan lag lngas rgyu dang bcas par bstan par nus te/ ji lta zhe na/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi zhes bya ba yin no/ /de la nyes pa ci yod ce na de'i phyir gal te bdun kho nas 'chad par byed na zhes rgyas par smras so/ /de yang srid pa'i rkyen gyi len pa'i bye brag gis 'bras bu sbyin par bya ba'i phyir mngon du gyur pa las 'byung ngo zhes ma smras par 'gyur ro zhes bya ba mi yang srid de yang sred pa'i rkyen gyis len pa'i bye brag gi 'bras bu sbyin par bya ba'i phyir rnam par shes pa la las mngon du gyur pa yod pa de las yin no zhes ma smras par 'gyur ro/ /de dag med par len pa de dag med par dgra bcom pa yang yang srid 'grub par thal bar 'gyur te / zhes bya ba'i don to/ /ci'i phyir zhe na/ de'i phyir ma rig pa'i rkyen gyis 'du byed kyis yongs su bsgos pa'i rnam par shes pa yod pa'i phyir ro zhes smras te/ dgra bcom pa la yang ma rig pa'i rkyen can gyi 'du byed rnam pa mang pos bsgos pa'i rnam par shes pa yod pa yin no/ /'dir smras pa/ yod pa bden te mngon par grub pa'i rgyu ma rig pa spangs bas yang srid mngon par 'grub pa ma yin no zhe na/ de'i phyir ma rig pa ni yang srid mngon par 'grub pa'i rgyu yin par bstan pa yang ma yin na gang gi phyir de spangs pa zhes bya ba ni ma rig pa spangs pa zhes bya ba ni ma rig pa spangs pa zhes bya ba'i don to/ /de mi 'byung bar 'gyur zhes bya ba ni yang srid mngon par 'grub pa de'o/ /'du byed kyi rkyen de ni sngar kun tu 'byung ngo zhes bya ba ni ma spangs pa'i gnas skabs na'o/ / 'dir sred pa ni yang srid mngon par 'grub pa'i rgyu yin par 'chad de/ mngon par 'grub par byed pa'i rgyu ni sred pa yin no zhes bya ba yin no/ /'on te lnga kho nar 'chad par byed na ni zhes rgyas par 'byung ba la/ de yang ma rig pa'i rkyen gyis 'du byed kyis yongs su bsgos pa'i rnam par shes pas 'phangs pa'i ming dang gzugs la sogs pa'i rim gyis 'byung ngo zhes smras pa med par 'gyur ro zhes bya ba la/ de yang zhes bya ba ni yang srid la bya'o/ /ming dang gzugs la sogs pa'i rim gyis zhes bya ba ni ming dang gzugs dang skye mched drug dang reg pa dang tshor ba zhes bya ba 'di dag gis so/ /de med par bden pa mthong ba la yang bden pa ma mthong ba bzhin du gsar du yang srid 'phen pa yod par thal bar 'gyur ro zhes bya ba la ma rig pa'i rkyen gyis 'du byed kyis yongs su bsgos pa'i rnam par shes pa de dag med par yang ngo/ /ci'i phyir zhe na/ bden pa mthong ba la yang sred pa'i rkyen gyis len pa yod pa yin pas so/ /las zad na yang srid ga las yod pa shes par ma byas par 'gyur ro zhes 'og nas 'chad pa dang sbyar te/ las zad pa yin na las kyis yongs su bsgos pa'i rnam par shes pa'i rgyun las yang srid 'byung pa'i don 'di ni yan lag lnga pa'i rten cing 'brel par 'byung ba 'chad pa las shes par ma byas par 'gyur te/ rnam par shes pa'i yan lag bshad pa med pa'i phyir ro/ /yang srid 'byung ba de'i rang gi ngo bo ci yin pa yang shes par ma byas par 'gyur te/ rang gi ngo bo ming dang gzugs yin pa ni yod pa ma yin te/ yan lag lnga pa 'chad pa las ming dang gzugs kyi yan lag 'chad ba yod pa ma yin pa'i phyir ro// yang srid de yongs su rdzogs pa gang yin pa yang shes par ma byas par 'gyur te/ skye mched drug skyes na ni ming dang gzugs kyi ngo bo las yang srid yongs su rdzogs pa yin na yan lag lnga pa 'chad pa las skye mched drug 'chad pa ma yin pa'i phyir ro/ /yang srid de'i longs spyod ci yin pa yang shes par ma byas par 'gyur te/ yang srid de'i longs spyod ni reg pa dang tshor ba yin te/ 'dir rgyu dang bcas pa'i longs spyod yin pa'i don yin no/ /yan lag lnga pa 'chad pa las reg pa dang tshor ba'i yan lag bshad pa med pa'i phyir ro/ /sred pa'i rkyen kyang ma bstan par 'gyur ro zhes bya ba ni yan lag lnga pa 'chad pa las tshor ba'i yan lag 'chad pa med pa'i phyir te/ ming dang gzugs la sogs pa'i rim gyis ma yin par ni gsum po 'di shes par ma byas par 'gyur te/ sred pa'i rkyen gyis rang gi ngo bo ci yin pa dang yongs su rdzogs pa ci yin pa dang/ longs spyod ci yin par ma bstan pa yin pa'i phyir ro/ /de bas na ma rig pa'i rkyen gyis 'du byed kyis yongs su bsgos pa'i rnam par shes pas 'phangs pa'i ming dang gzugs la sogs pa'i rim gyis 'gyur ro zhes gdon mi za bar brjod par bya dgos so/ /de bas na don bdun gyi dbang du byas te/ yan lag bcu gnyis bshad pa yin no zhes bya ba 'di grub pa yin no/ /don de nyid lung dang mthun pa yin par bstan pa'i phyir/ skye bar byed pa'i rgyu ni las ji lta ba bzhin yin te zhes rgyas par 'byung ba dang/ mngon par 'grub par byed pa'i rgyu ni srid pa ji lta ba bzhin yin te/ zhes rgyas par smras te/ skye bar byed pa'i rgyu ni las ji lta ba bzhin yin te/ ming dang gzugs la sogs pa'i rnam par dbye ba tha dad pa'i lus kyi dngos po 'phen pa la dbang byed pa'i phyir ro zhes bya ba de lta bur ni yan lag bdun gyis bstan pa yin te/ ma rig pa dang/ 'du byed dang/ rnam par shes pa dang/ ming dang gzugs dang skye mched drug dang/ reg pa dang tshor ba'i yan lag rnams kyi gang gis 'phen ji ltar gang yin pa rnams yin pa'i phyir ro/ /mngon par 'grub par byed pa'i rgyu ni sred pa ji lta ba bzhin yin te /rang gi khams su 'phangs pa'i yang srid mtshams sbyor ba la dbang byed pa'i phyir ro zhes bya ba de lta bur ni yan lag lnga bstan te/ sred pa dang len pa dang/ srid pa dang skye ba dang rga shi'i yan lag rnams kyi ste/ gang gis mngon par 'grub par byed ji ltar gang yin/ de'i nyes dmigs gang yin pa rnams yin pa'i phyir ro/ /de bas na lung las yan lag bcu gnyis 'chad pa nyid lags pa yin no zhes bya ba ni de dag gi lung yin gyi/ 'di ni lung dang ldan pa ma yin no zhes ston to/ /de ltar na bstan bcos dang 'gal ba ma yin nam zhes bya ba ji lta zhe na/ ji ltar sngar/ gang gis 'phen dang ji ltar gang/ /de sgrub byed pa de la yang/ /nyes dmigs gang yin de dag rnams/ /yan lag bcu gnyis rnams kyis bstan ces smras pa rnams te/ de lta bu yin na ni ma rig pa dang/ 'du byed dang/ rnam par shes pa dang/ sred pa dang/ len pa dang/ srid pa rnams da ltar byung ba'i skye bas bsdus pa yin par 'gyur ro/ /ming dang gzugs dang/ skye mched drug dang/ reg pa dang/ tshor ba dang/ skye ba dang/ rga shi rnams ni ma 'ongs pa'i skye bas bsdus pa yin par 'gyur ba rnams dang/ bstan bcos las dum bu rnam par bzhag pa tha dad par bstan pa dang 'gal bar 'gyur te/ /ji skad du ye shes la 'jug pa las gang gsungs pa/ gang zag cig gi skye ba 'di la 'das pa ni du zhig ce na/ smras pa/ gnyis te /ma rig pa dang 'du byed do/ /ma 'ongs pa du zhig ce na/ smras pa gnyis te/ skye ba dang rga shi'o/ da ltar byung ba du zhig ce na/ smras pa/ brgyad de rnam par shes pa nas sred pa'i bar ro zhes bya ba'o zhe na/ de lta na ma rig pa'i rkyen gyis 'du byed dang/ len pa'i rkyen gyis srid pa la tha dad du bya ba ci yod ce na zhes rgyas par 'byung ba ste/ 'dir ni sngon gyi tshe rabs gzhan na ma rig pa'i rkyen gyis las byas shing bsags pa da ltar gyi tshe na rnam par smin pa 'byin par byed pa de ni 'du byed kyi sgrar btags te bstan pa yin no/ /las gang zhig da ltar gyi skye ba 'di ni nyon mongs pa thams cad kyi rkyen gyis byed cing bsags pa ma 'ongs pa na rnam par smin pa 'byin pa'i rkyen byed pa ni sred pa zhes bya ba'i sgrar btags pa de dag dang 'gal ba ni gal te da ltar byung ba tshe bsdus pa ma rig pa'i rkyen gyis las kyi rang gi ngo bor gnas pa la 'du byed kyi sgrar btags pa dang/ bag chags su gnas pa lan pa'i rkyen gyis 'jug pa snyed pa ni srid pa'i sgra btags pa dag yin te/ de ltar na bstan bcos bstan ma thag pa gang yin pa 'di dang 'gal ba yod pa ni ji skad du sngar bstan pa de bzhin du mdo sde la brten pa yin no zhes bya ba yin te/ gang gis 'phen ji ltar gang yin zhes bya ba la sogs pa dang/ skye bar byed pa'i rgyu ni las ji lta ba bzhin yin/ mngon par 'grub par byed pa'i rgyu ni srid pa ji lta ba bzhin yin zhes bya ba ji skad du sngar bstan pa de bzhin tu mdo sde la brten pa yin par bstan pa yin no/ /de bzhin du mdo sde la brten pa ni dang po'i bye brag rnam par 'byed pa'i mdo sde dang/ rten cing 'brel par 'byung ba'i mdo sde 'di la'o bstan bcos dang/ mdo sde dang 'gal ba gnyis las/ bstan bcos dang 'gal ba tshod yod kyi/ mdo sde dang 'gal na mi rung ste/ bstan bcos ni mdo sde la rag lus pa yin pa'i phyir ro/ /dum bu gsum du rnam par 'jog pa zhes bya ba sngon gyi mdza' dang phyi ma'i mdza' la yan lag gnyis gnyis dang/ bar gyi la yan lag brgyad du rnam par 'jog pa smras pa gang yin pa 'di la brjod par bya ba mang du 'byung ste/ ji lta zhe na/ de'i phyir rgyu dang bcas pa'i skye ba rim gyis yin par 'chad pa dang/ rgyu khyad par can las skye ba rim gyis yin par 'chad pa la dgos pa ci yod ces smras te /dum bu gsum rnam par bzhag pa de la rgyu dang bcas pa'i skye ba'i rim pa gsum bstan te/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba ste/ re zhig 'di ni rgyu dang bcas pa'i skye ba'i rim pa bstan pa gcig yin no/ /sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi zhes bya ba 'di ni rgyu dang bcas pa'i skye ba'i rim pa bstan pa gnyis pa yin no/ /gcig kho na rgyu dang bcas pa'i skye ba'i rim pa bstan pa ni de ltar na sdug bsngal gyi phung po chen po 'di 'ba' zhig 'byung bar 'gyur ro zhes bya ba yin te/ bstan pas 'grub par 'gyur na rgyu dang bcas pa'i skye rim pa gnyis bstan pa ci dgos/ rgyu khyad par can la skye ba rim gyis yin par 'chad pa la dgos pa ci yod ces bya ba ni rgyu khyad par can las skye ba rim gyis yin pa bstan zin to/ /gcig ni ma rig pa dang/ 'du byed rgyu yin par 'chad pa'o/ /gnyis pa ni sred pa dang/ len pa dang/ srid pa'i yan lag rnams rgyu yin par 'chad pa'o/ /dang po la yang rgyu gsum brjod par bya dgos la/ gnyis pa la gnyis brjod par bya dgos so/ /de bas na rgyu khyad par can las skye ba rim gyis yin par 'chad pa la dgos pa brjod par bya dgos so/ /'das pa'i las las 'dir nying mtshams sbyor ba'i rnam par shes pa ji ltar 'byung ba zhes bya ba ni dum bu gsum rnam par 'jog pa la tshe snga mas bsdus pa ni 'du byed yin/ da ltar gyi tshes bsdus pa ni rnam par shes pa yin na gal te 'das pa'i skye bas bsdus pa'i 'du byed kyi rkyen gyis 'dir nying mtshams sbyor ba'i rnam par shes pa 'byung ba yin na ni 'das pa'i las de las nying mtshams sbyor ba'i rnam par shes pa 'byung zhes bya/ rnam par zhig pa de las ji ltar 'byung bar 'gyur ba brjod par bya dgos so/ /bstan bcos las ni nying mtshams sbyor ba'i rnam par shes pa de nyon mongs pa can kho nar 'dod de/ rang gi sa'i nyon mongs thams cad kyis skye ba'i srid pa nyon mongs can zhes 'byung ba yin no/ /ji ltar na nying mtshams sbyor ba'i rnam par shes pa nyon mongs pa can de 'du byed kyi rkyen gyis yin par rung/ rnam smin lung bstan ma yin chos shes ston pa'i phyir ro/ /rnam par shes pa dang/ ming dang gzugs kyi gnas skabs gnyis la bye brag ci yod ces bya ba ni dum bu gsum rnam par bzhag pa la yang rnam par shes pa'i gnas skabs nyid kyang yang srid pa'i ming dang gzugs yin to/ /ji lta zhe na/ mtshams sbyor phung po rnam par shes/ /gang yin de nyid ming dang gzugs zhes bya ba yin pas rnam par shes pa'i gnas skabs dang/ ming dang gzugs gnyis bye brag med par brjod par bya dgos so/ /nying mtshams sbyor ba'i phung po las skad cig ma gnyis pa 'og tu skyes pa la yang gzhan 'gyur pa ci yang med do/ /'gag pa'i rim pa la yang zhes rgyas par 'byung ba ni ma rig pa 'gags pas 'du byed 'gag 'du byed 'gags pas rnam par shes pa 'gag rnam par shes pa 'gags pas ming dang gzugs 'gag / ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag / sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye pa 'gags pas rga shi 'gag ces bya ba yin te/ 'gag pa'i rim pa de la gal te ma rig pa la sogs 'gag pa ni rnam par zhig pa yin par 'dod na ni/ des na rgyu rnam par zhig pa las 'bras bu rnam par zhig pa yin par khas blangs pa'i phyir skad cig ma 'jig pa la gnod par 'gyur ro zhes bya ba ni ma rig pa ni 'du byed kyi rgyu yin te/ de bas na de 'gag pas de 'gag ces bya ba rgyu 'jig pas 'bras bu 'jigs ces bya ba yin no/ /de lta na ni skad cig ma 'jig pa la gnod pa yin te gal te rnam 'bras bu skyes pa de'i bar du rgyu gnas pa yin na ni rgyu rnam par 'jig pa las 'bras bu rnam par 'jig par 'gyur ba yin no/ /de ltar na yang skad cig ma 'jig pa la gnod pa yin te/ rgyu'i skad cig ma ni 'bras bu'i skad cig ma'i tshe na yang yod pa'i phyir ro/ /de nyid kyi phyir skad cig ma 'jig pa ni rgyu dang bar ma chad par 'bras bu skyes pa'i phyir ro/ /rgyu rnam par 'jig pa'i dus kho na ni ' bras bu skye ba yin na ni ji ltar na rgyu rnam par 'jig pa las 'bras bu rnam par 'jig pa 'grub par 'gyur sngon gyi skye ba rnams par 'jig pa na yang de'i rgyu can skye ba phyi ma mi gnas pa'i phyir dang zhes bya ba ni gal te rgyu rnam par 'jig pa las 'bras bu rnam par 'jig par 'gyur ba yin na ni sngon gyi rgyu can ni phyi ma da ltar byung ba'i skye ba yin la/ sngon gyi skye ba rnam par 'jig na de'i rgyu can da ltar byung ba'i skye ba mi gnas pa'i phyir ro/ /skye pa yang ma yin pa de ni sngon gyi skye pa'i rgyu can skye ba phyi ma la bya ste/ de dang mi mthun pa rgyu rnam par 'jig pa de'i sngar yod pa'i phyir ro/ /sngon gyi skye ba rnam par 'jig pas skye ba gzhan du gyur pa yin na ni/ mnyam du 'dug par yang 'gyur ro/ /'on te 'gag pa zhes bya ba spangs pa yin na ni zhes bya ba ci la bya zhe na/ 'dir ma rig pa la sogs pa la bsam pa'o/ /des na ma rig pa dang/ srid pa dang/ len pa rnams cig char spangs pa'i phyir dang zhes bya ba ni ma rig pa dang/ sred pa dang/ len pa sdug bsngal mthong pas spang par bya ba rnams ni cig car spong ste/ lam mthong bas spang bar bya ba'i bar du yang de bzhin no/ bsgom pas spang bar bya ba rnams ni bsgom pas spang bar bya ba rnam pa dgu char yang rnam pa gu'i gnyen po mngon du gyur pa'i phyir rim gyis cig car spong bar 'gyur/ /de dag spangs na yang gzhan spangs par rnam par 'jog pa'i phyir zhes bya ba ni ma rig pa dang/ sred pa dang/ len pa spangs pas 'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang skye ba dang rga shi rnams spongs ba yin par rnam par 'jog pa'i phyir ro zhes bya ba'i don to/ /rim pas 'gag par ston pa rigs pa ma yin no zhes bya ba ni ma rig pa 'gags pas 'du byed 'gag go? /'du byed 'gags pas rnam par shes pa 'gag ces bya ba nas skye ba dang rga shi 'gag ces bya ba'i bar du yin no/ /ji ltar de dag spangs na gzhan dag kyang spangs pa yin pa de ston pa ni/ spangs pa zhes bya ba ni nyon mongs pa can rnams kyi thob pa rgyun chad pa'o/ /de las gzhan pa ni de la dmigs pa nyon mongs pa'i thob pa rgyun chad pa'o/ /gang zhig mig la 'dun pa dang 'dod chags spangs na 'dun pa dang 'dod chags de dag spangs pa nyid kyis khyod kyi mig spangs pa yin no zhes mdo sde las gsungs pa'i phyir ro zhes bya ba ni 'on te 'di spangs pa yin zhes bya ba ni spangs pa'i mtshan nyid ston pa yin no/ /de yang ma rig pa la sogs pa cig car yin gyi/ rim gyis ma yin pas 'gog pa'i rim par ston pa rigs pa ma yin no/ /'on te 'gog pa zhes bya ba ma skyes pa yin na ni zhes bya ba ni ma rig pa 'gags pas 'du byed 'gag ces bya ba ni ma rig pa ma skyes pas 'du byed ma skyes ba yin zhes bsams pa ste de bzhin du skye ba ma skyes pas rga shi ma skyes pa zhes bya ba'i bar du yin no/ /'das pa dang da ltar byung ba'i skye bas bsdus pa'i yan lag rnams ma skyes pa yin par ji ltar rung ba yin zhes bya ba ni de dag skyes pa yin pa'i phyir ro/ /ma 'ongs pa'i skye bas bsdus pa skye ba dang/ rga shi rnams ni ma skyes pa yin par rung ste/ de dag ma skyes pa'i phyir ro/ /de lta na ni mi rtag pa'i 'gog pa dang/ so sor brtag pa dang/ so sor brtag pa ma yin pa'i 'gog pa'i skyon du 'gyur to/ rnam grangs kyis de 'chad pa'i phyir ro/ /zhes bya ba ni mi rtag pa dang/ so sor brtags pa dang/ so sor brtag pa ma yin pa'i 'gog pa rnams 'chad pa'i phyir ro/ /zhes bya ba'i don to/ /rnam par 'jig pa'i rnam grangs kyis ni mi rtag pa'i 'gog pa ston pa yin no/ /spangs pa'i rnam grangs kyis ni so sor brtags pa'i 'gog pa'o/ /ma skyes pa'i rnam grangs kyis ni so sor brtags pa ma yin pa'i 'gog pa yin no/ /'on te yang 'gag pa'i rim pa 'chad pa la 'di ltar rtog par byed de zhes rgyas par 'byung ba ni 'on te yang rim pa ston pa smras zin pa rnams ni dum bu gsum rnam par 'jog par 'dod pa yin/ /'gag pa'i rim pa 'chad pa la 'di ltar rtog par byed de/ skye ba de nyid la ma rig pa ma skyes pas 'du byed rnams kyi? skye ba yin no/ /de nas skye ba gnyis pa la yang rnam par shes pa ma skyes pa zhes rgyas par byas nas srid pa'i bar du ma skyes pa'i phyir zhes bya ba la/ rgyas pa'i tshig gis ni ming dang/ gzugs dang/ skye mched drug dang/ reg pa dang/ tshor ba dang/ sred pa dang/ len pa rnams ma skyes pa ston to/ /ma rig pa 'di'i tshul gyis skye ba gnyis pa'i srid pa ma skyes pa'i phyir skye ba gsum pa'i skye ba skyes pa dang/ de dag las rga shi'o zhes bya ba ni skye ba gsum pa de nyid ma skyes pa yin no zhes skabs dang sbyar ro zhe na/ de ltar na skye ba gsum p a ma skyes pa'i rim par 'chad pa ni don med par 'gyur zhes bya ba ni ma rig pa'i rkyen gyis 'du byed ma skyes pa'i phyir yang srid kyi rgyu med pa'i da ltar byung ba'i skye ba skye ba gnyis pas bsdus pa'i rnam par shes pa rnams skye ba med par 'chad pa ni rigs pa yin te brgyu ma skyes pa'i phyir yang srid pa skye ba med de zhes bstan pa'i phyir ro/ /skye ba gsum pa'i rim pa 'chad pa'i don la ni yang srid skye ba med pa'i rim pa bstan zin pa'i phyir ro/ /'on te skye ba gnyis pa ma skye ba'i phyir skye ba gsum pa skye ba med pa yin no/ zhes bstan pa'i phyir skye ba gsum pa ma skyes pa'i rim pa ston to/ /zhe na/ 'di'i lan du ha cang thal bar yang 'gyur ro zhes smras te/ skye ba gsum pa ma skyes pa'i phyir skye ba bzhi pa yang ma skyes par 'gyur ro zhes bya ba yin te/ skye ba bzhi pa ma skyes par 'gyur ro zhes bya ba ni skye ba bzhi pa ma skyes pa'i rim pa yang bstan par bya dgos par 'gyur ro zhes bya ba yin no/ /de gang gi tshe lugs las bzlog pa'i 'gog pa ston te/ ji lta zhe na/ skye ba med na rga shi med par 'gyur ro zhes bya ba de lta bu la brten pa yin na ni zhes bya ba ni srid pa med na skye ba mi 'byung ngo zhes bya ba nas ma rig pa yod pa ma yin na 'du byed mi 'byung ngo zhes bya ba/ de'i tshe gal te ma 'ongs pa skye ba gsum pa'i skye ba la rtog na ni skyon de dag nyid du 'gyur ro zhes bya ba ni bstan ma thag pa de dag ste de lta na skye ba gsum pa ma skyes pa'i rim pa ston pa don med par 'gyur ba dang/ ha cang thal bar 'gyur ro zhes bya ba dag yin no/ /rgyu dang bcas pa da ltar gyi skye ba la ma skyes pa'i rim pa ston pa rigs pa ma yin te/ ci'i phyir zhe na/ de'i phyir de skyes pa yin pa'i phyir dang zhes smras te/ rgyu dang bcas pa da ltar byung ba'i skye ba skyes pa yin pa'i phyir ro zhes bya ba'i tha tshig go / dgos pa yang med pa'i phyir ro zhes bya ba ni gal te skyes zin pa la yang skye ba med pa'i rim pa sngon par byed de/ de ltar skye ba med do zhes de la skye ba med pa'i rim pa ston pa dgos pa yod pa ma yin no sngar yan lag rnam par bzhag pa la zhes bya ba snga ma gang du zhe na/ gang gis 'phen dang ji ltar gang/ /de sgrub byed pa de la yang/ /nyes dmigs gang yin de dag rnams/ /yan lag bcu gnyis rnams kyis bstan/ /zhes bya ba der yin te/ gang skyes pas gang skye ba'am/ 'phen pa 'am zhes bya ba ni 'di lta ste ma rig pa skyes pas 'du byed skye ba dang/ 'du byed skyes pas ma 'ongs pa'i ming dang gzugs dang/ skye mched drug dang/ reg pa dang/ tshor ba 'phen par byed pa ni rnam par shes pa'i rgyun la de dag gi sa bon yongs su rtas par byed pa'i phyir ro/ /'phangs pa de la mngon par sgrub par byed pa ni gang skyes pas zhes bya ba'i skabs dang sbyar ro/ /'di lta ste sred pa len pa skyes pas 'du byed kyis 'phangs pa'i ming dang gzugs la sogs pa'i tshor ba la thug pa'i bar du rnam pa bzhi sgrub par byed pa ste/ len pa des las rnams srid par gyur par sngon du byed pa'i phyir ro rnam par smin pa'i phung po 'grub par bya ba'i ched du/ de ma skyes pas de mi skye ba'am/ mi 'phen pa'am zhes bya ba ni 'di lta ste ma rig pa ma skyes pas 'du byed mi skye ba dang 'du byed ma skyes pas ming dang gzugs la sogs pa tshor ba la thug gi bar rnam pa bzhi'i skye ba 'phangs pa med pa'o/ /'phangs pa la mngon par sgrub par byed pa med la ni de ma skyes pas zhes bya ba'i skabs dang sbyar te/ 'di lta ste srid pa'i rkyen gyis len pa ma skyes pas 'du byed kyis 'phangs pa'i ming dang gzugs la sogs pa tshor ba la thug pa rnam pa bzhi'i skye ba rnams dgra bcom pa la mngon par sgrub pa med pa'o/ /tshe 'di la tshor ba dag yod bzhin du zhes rgyas par 'byung ba la tshor ba dag yod bzhin du zhes bya ba ni da ltar byung ba'i skye ba la reg pa'i rkyen gyis tshor ba mi skye ba ma yin no/ /de bas na tshor ba ma skyes pas sred pa ma skyes par ji ltar rung ba brjod par bya dgos so/ /de ltar na sngar yan lag rnam par 'jog pa la yang 'gog pa'i rim pa ston par sbyor bar nus pa ma yin no/ /tshor ba gang yin pa ni sred pa'i rkyen yin te/ de ma skyes pa'i phyir ro zhes bya ba ci zhe na/ da ltar byung ba'i skye ba'i sred pa ma skyes par 'grub par 'gyur ro zhes bya ba yin no/ /sred pa'i sa bon gang yin pa de yin te/ zhes bya ba ni de srid pa'i sa bon yin pas de sred pa'i sa bon no/ /de yang sred pa dang ma bral pa'i rgyud la yod pa yin par rig par bya ste/ tshor ba ni sred pa'i bdag po'i rkyen dang/ sred pa'i sa bon dang rgyu dang rkyen ces bya ba yin no/ /ma rig pa'i 'dus te reg ba las skyes pa yin no/ /zhes bya ba ci zhe na/ tshor ba ni sred pa'i rkyen yin zhes bya ba yin te/ ma rig pa dang mtshungs par ldan pa'i reg pa de las skyes pa ni ma rig pa'i 'dus te reg pa las skyes pa'o/ /'dir yang dum bu gsum pa rnam par bzhag pa blangs te/ 'ga' zhig lan 'debs pa zhes bya ba ni de la dum bu gsum rnam par bzhag pa de la brjod par bya ba mang du 'byung ste/ rgyu dang bcas pa'i rim gyis skye ba ston pa? la dgos pa ni yod ce na/ zhes bya ba 'di'i lan ni/ dus gsum la rmongs pa bzlog pa'i phyir bcom ldan 'das kyis rten cing 'brel par 'byung ba'i dum bu gsum bstan te/ 'di ltar mdo sde gzhan las/ bcom ldan 'das kyis rten cing 'brel par 'byung ba dang zhes rgyas par 'gyur? pa yin no/ /'di ltar zhes bya ba ni gang gi phyir zhes bya ba'i tha tshig go /gang 'di skad du rgyu khyad par can las skye ba'i rim pa ston pa la yang dgos pa brjod dgos so/ /ci'i phyir zhe na/ da ltar gyi skye ba'i rgyu ni rnam pa gnyis su bstan te/ ma rig pa dang/ 'du byed do/ /ma 'ongs pa'i skye ba'i rgyu ni rnam pa gsum ste/ 'di ltar sred pa dang/ len pa dang/ srid pa'o zhe na/ 'di la lan ni sngon gyi mthar yang ma rig pa'i sgo nas srid pa dang len pa yang bstan to/ /ji lta zhe na/ de'i phyir nyon mongs pa thams cad ma rig pa dang lhan cig 'byung ba'i phyir ro zhes smras te/ /ma rig pa dang lhan cig 'byung ba ni 'dod chags dang zhe sdang dang/ gti mug la sogs pa nyon mongs pa thams cad yin te/ ma rig pa ni nyon mongs pa'i sa chen po la yin pa' phyir ro/ /las gang gis skye ba byas pa de ni 'du byed kyi sgras bstan to/ /gang las skye ba gzhan 'byung bar 'gyur ba de ni srid pa'i sgras so/ /de bas na rgyu khyad par can ma yin pa kho na las skye ba'i rim pa 'di bstan pa yin no/ /khyad par can las skye ba'i rig pa ston la/ /yang dgos pa brjod par bya dgos la/ 'das pa'i las las 'dir nying mtshams sbyor ba'i rnam par shes pa ji ltar 'byung zhes bya ba'i lan ni/ 'das pa'i las kyang yod pa nyid yin to/ de las nying mtshams sbyor pa'i rnam par shes pa 'byung ba yin gyi/ las kyis yongs su bsgos pa'i sngon gyi skye ba'i rnam par shes pa'i rgyun las ni ci zhe na/ nying mtshams sbyor ba'i rnam par shes pa 'byung ba ma yin no zhes ba pa yin no/ /de thams cad kyis nus pa ma yin te zhes rgyas par 'byung ba ni ji skad du smos pa'i nyes pa spang ba'i phyir lan smras pa de dag thams cad kyis nus pa ma yin par rig par bya'o/ /re zhig d us gsum la rmongs pa zlog pa'i phyir bcom ldan 'das kyis rten cing 'brel par 'byung ba dum bu gsum bstan te zhes smras pa gang yin pa de'i lan ni gang zhig las dang nyon mongs pa las skye ba 'byung bar shes de ni dum b u gsum bstan pa med par yang sngon gyi mdza' la sogs pa la rmongs pa mi 'byung na sngon gyi mdza' la sogs pa'i rjes su 'brang bar lta ga la 'gyur zhes bya ba ni ji ltar dum bu gsum bstan pa med par nyon mongs pa dang las dang tshe'i skye ba 'byung bar shes zhe na/ da ltar byung ba'am ma 'ongs pa'i skye ba'i rkyen bshad pa'i phyir ro/ /sngon gyi mdza' yang ma rig pa'i sgo nas sred pa dang len pa yang bstan pa yin te/ zhes smras pa gang yin pa de'i lan ni/ gal te yang ma rig pa'i sgo nas sred pa dang len pa yang bstan pa yin na bstan bcos 'di dang ji ltar 'gal bar mi 'gyur te/ de'i las ni nyon mongs pa gcig gi rkyen gyis yin te/ 'di lta sta ma rig pa'i zhes bcom ldan 'das kyis gsungs pa yin no/ /sngon gyi mthar sred pa dang len pa ma rig pa'i sgo nas bstan pa yin na ci'i phyir dbus kyi mdza' ma yin zhes bya ba ni sred pa dang len pa ma rig pa'i sgo nas ma bstan zhes bya ba'i skabs dang sbyar te/ dbus kyi mthar yang nyon mongs pa thams cad ma rig pa dang lhan cig 'byung ngo/ /gal te 'das pa'i dus la mun pa'i rnam par gyur pa'i phyir zhes bya ba ci zhe na/ 'das pa'i dus na sred pa dang len pa ma rig pa'i sgo nas bstan pa yin te/ mun pa'i rnam pa ni ma rig pa yin te/ 'das pa'i dus mun pa'i rnam par gyur pa de bas na sred pa dang len pa ma rig pa'i sgo nas bstan pa yin gyi / dbus su ma yin no zhe na/ de'i phyir 'di gnyis shin tu yang rnam par phye ste brjod par bya dgos so zhes bya ba la/ de nyid kyi phyir mun pa'i rnam pa'i gyur ba'i phyir de ni 'das pa'i dus su shin tu rnam par phye ste brjod par bya dgos te/ ma rig pa dang sred pa dang/ len pa'i dbye ba gsum char yang rgyu'i dngos po yin par bstan pa'i phyir ro/ /'on te da ltar byung bas 'das pa 'grub pa'i phyir ro zhes bya ba ci zhe na/ 'di gnyis rnam par phye ste brjod par bya mi dgos so/ /ji ltar zhe na/ ji ltar da ltar byung ba'i skye ba'i tshe sred ba dang len pa dang srid pa mdza' dag yang srid kyi dngos po yin pa de bzhin du 'das pa na yang yin no/ /chos mngon pa'i mdzod las kyang/ mdor na rgyu dang 'bras bu gnyis/ /dbus las rjes su dpag par bya zhes smras pa yin no zhe na/ de nyid kyi phyir de ma bstan par thal bar 'gyur ro zhes bya ba la/ de nyid kyi phyir da ltar byung bas 'das pa grub pa'i phyir 'das pa de'i rgyu ma bstan par thal bar 'gyur te/ de ltar sred pa dang/ len pa dang srid pa la brten nas ma 'ongs pa'i skye ba bstan pa de bzhin du de ltar byung pa'i yang sred pa dang len pa dang/ srid pa la brten nas zhes rjes su dpag par nus so/ /de nyid kyi phyir gang zhig las dang nyon mongs pa las skye ba 'byung bar shes pa de ni zhes rgyas par bstan pa yin no ci'i phyir de bus? kyi mthar sred pa'i rkyen gyis len pa zhes gsungs la/ sngon gyi mthar yang ma yin dbus yang sred pa dang/ len pa gnyis ni ma rig pa dang lhan cig 'dug pa'i phyir ro/ /yang gi sgras gzung bar bya ba yin no/ /las gang gi skye ba byas pa de ni 'du byed yin la/ gang byed par gyur pa de 'du byed ma yin te/ 'o na ci zhe na/ srid pa'o/ gang las skye bar gyur pa de ni srid pa ma yin la/ 'o na ci zhe na/ 'du byed do/ /gang las 'gyur ba de ni srid pa yin zhes bya ba 'di la rigs pa ji yod/ yang srid mngon par 'du byed pa'i don gyis 'du byed yin na srid pa yang de bzhin yin te/ 'di sa srid par 'gyur ba yin na srid pa ji ltar 'du byed ma yin/ 'on te 'du byed yin na ni ji ltar 'du byed ma yin zhing srid pa ma yin par 'gyur/ /'das pa'i las yod pa kho na yin te/ de las nying mtshams sbyor ba'i rnam par shes pa 'byung ba yin no zhes gang smras pa de'i lan ni gang rang gi mtshan nyid kyis yod pa kho na yin na ji ltar de 'das pa yin te/ de ni de ltar nyid ces bya ba'i chos gzhan las cung zad kyang log pa ma yin no/ /yang na de nyid kyang 'das pa yin par 'gyur gyi 'di'i chos ni ma yin par 'gyur ro/ /gal te de nyid de'i bdag nyid du gyur pa yin na ni ? pa nyid mi 'grub par 'gyur te/ chos kyi rang gi mtshan nyid yin na ldog pa med pa'i phyir ro/ /de la 'das pa zhes bya ba'i chos gzhan yang cung zad kyang yod pa ma yin no/ /rten cing 'brel te 'byung ba yin pa'i phyir ma byung ba las byung ba de yang 'das pa yin par thal bar 'gyur ro/ /yang na bdag nyid yod pa thams cad 'das pa yin par thal bar 'gyur te/ ma 'ongs pa 'am/ da ltar byung ba na ma yin pa 'gyur te/ chos kyi mtshan nyid ni nam yang med pa ma yin pa'i phyir ma 'ongs pa de yang yod pa kho nar 'gyur ro/ /'das pa gang yin pa yod do zhes bya bas gang du gang la ci zhig pa nus pa yang na zhes bya ba ni gang du dngos po yang dag pa pa'i nus pa ci zhig yod/ bskyed par bya ba'i phyir ram/ drang bar bya ba'i phyir ram/ gnas skabs gzhan du spong bar bya ba'i phyir yin/ thams cad du brtags na srid pa ma yin te/ skye bar bya ba'i phyir yang nus pa yod pa ma yin te/ chos kyi rang gi mtshan nyid ni ma byung ba las 'byung ba ma yin pa'i phyir ro/ /drang bar bya ba'i phyir yang nus pa ma yin te/ 'du byed rnams bya ba byed pa med pa'i phyir ro/ /gnas skabs gzhan du spong bar bya ba'i phyir yang nus pa ma yin te/ /ma 'ongs pa ni da ltar byung ba zhes bya bar 'ga' yang rgyu dang rkyen las 'byung ba ma yin la bdag nyid kyang yod pa ma yin no/ /chos kyi rang gi mtshan nyid ni rgyu rkyen gyis rab tu phye ba ma yin pa'i phyir ji ltar 'du byed 'das pa dag ni rang gi mtshan nyid yod pa nying mtshams sbyor ba'i rnam par shes pa'i rkyen yin pa gang yang da ltar byung ba las gnas skabs gzhan gnyis po bye brag yod pa ma yin zhes bya ba ni gnyis po ni 'das pa dang ma 'ongs pa'i gnas skabs te/ 'on te 'di las gnas skabs gnyis po bye brag yod pa ma yin na ma 'ongs pa yang da ltar byung ba yin par 'gyur ro/ /'das pa yang de ltar ma 'ongs na gang du gang la ci zhig nus pa yod/ de dag 'di las bye brag yod pa ma yin nam ? ? byung ba dang/ byung nas kyang med pa yin par grub pa yin no/ /des cir gyur ces na? de'i phyir de nyid dang ldan pa yin na ci'i phyir ma byung ba las byung ba dang/ byung ba nas med par yang mi 'dod ces smras te/ bye brag can de nyid kyi bye brag rang gi mtshan nyid ma byung ba las byung ba dang/ byung nas kyang med pa yin par ci'i phyir mi 'dod/ de ltar ena 'du byed 'das pa kho na'i rkyen gyis 'dir nying mtshams sbyor ba'i rnam par shes pa 'grub par 'gyur ba ma yin no/ /de bas na las kyis kyang yongs su bsgos pa'i sngon gyi skye ba'i rnam par shes pa las 'dir nying mtshams sbyor ba'i rnam par shes pa yin par gdon mi za bar khas blang bar bya'o/ /de ltar yin na yang rnam par shes pa da ltar byung ba ltar byung ba'i yan lag yin par ji ltar 'grub par 'gyur/ sngon dang phyi mar gnyis gnyis par du brgyad yin no zhes brjod par bya ba yin na ci dum bu gsum rnam par bzhag pa med pa kho na yin nam/ rten cing 'brel par 'byung ba ni dum bu gsum yin pa'i phyir ro zhe na/ slob dpon gyis de thams cad phyin ci ma log par rtogs pa de'i phyir/ yod pa yin te/ gzhan du yin no zhes smras te/ dum bu gsum rnam par bzhag pa de yang rnam pa gzhan gyi tshul du yod pa yin te/ gang gis ji ltar gang 'phangs pa'i dum bu gcig yin te/ da ltar gyi ma rig pa'i rkyen gyis byung ba'i 'du byed kyis 'phangs pa de ni rnam par shes pa'i rgyud la ming dang gzugs la sogs pa'i sa bon yongs su rtas par byas pa ste/ ming dang gzugs dang/ skye mched drug dang/ reg pa dang/ tshor ba rnam par 'phangs pa yin no/ /de ltar byas na 'phangs pa'i dum bu gcig ni yan lag bdun yin no/ /gang gis ji ltar gang mngon par 'grub pa de ni mngon par 'grub pa dum bu gnyis pa yin no/ /zhes bya ba ni sred pa'i rkyen gyis byung ba'i len pas mngon par 'grub par byed de/ de gnyis kyis 'du byed kyis yongs su bsgos pa rnams mngon du 'gyur bar byed pa'i phyir te/ 'du byed kyis 'phangs pa ming dang gzugs nas tshor ba la thug gi bar du skye ba rnam pa bzhi ma 'ongs pa na bdag nyid thob par mngon du grub par byed do/ /de ltar na mngon par 'grub pa'i dum bu ni yan lag bzhi yin te/ sred pa dang/ len pa dang/ sred pa dang/ skye ba'o/ /de mngon par grub na nyes dmigs gang yin pa de ni nyes dmigs dum bu gcig ste/ gsum pa yin no zhes bya ba ni rga shi nyid dum bu gsum pa ste/ rten cing 'brel par 'byung ba yin no/ /dus gsum du dbye ba nyid kyis gzhan du dum bu gsum rnam par gzhag pa las brtsams pa'i lung ni 'di lta ste zhes bya ba la/ /gzhan du zhes bya ba ni sngon dang phyi ma'i mdza' dang dbus ma yin gyi dus gsum du phye nas yin no/ /de yang 'di skad ces bstan te/ rten cing 'brel par 'byung ba yan lag bcu gnyis las yan lag du zhig 'das pa lags/ bka' stsal pa/ gnyis te/ ma rig pa dang/ 'du byed do/ /skyes pa 'gag pa'i don te zhes bya ba ni da ltar byung ba'i skye ba nyid de las skyes pa 'gag pa'i phyir ro/ /skye ba snga ma yin pa'i don gyis so zhes bya ba ci zhe na/ 'das par bstan to/ /ma 'ongs pa du zhig /bka' stsal pa/ gnyis te/ skye ba dang/ rga shi rnams de ma thag tu mngon par 'grub ba'i don gyis ma 'ongs par rnam par bzhag go / lan grangs gzhan ma yin pa'i don gyis so zhes bya ba ci zhe na/ ma 'ongs pa zhes bya'o/ /bar ma chad pa ni 'dir mdo sde las brjod par bzhed pa'i phyir ro/ /de ni ma 'ongs pa ma yin te/ skyes pa yin pa'i phyir ro/ /da ltar byung ba du zhig /bka' stsal pa/ brgyad de/ rnam par shes pa ni nus pa yongs su 'dzin pa da ltar byung ba yin pa'i don gyis so zhes bya ba ci zhe na/ da ltar byung ba ni dbang po dang don dang yid la byed pa las mngon par 'grub pa'i rnam par shes pa yin gyi/ rang gi mtshan nyid da ltar byung ba'i don gyis da ltar byung ba ci zhe na/ rnam par bzhag pa ma yin gyi 'o na ci zhe na 'du byed kyis 'phangs pa ming dang gzugs la sogs pa skye bar nus pa yongs su 'dzin pa da ltar byung ba yin pa'i don gyis kyang yin no/ /ma rig pa'i rkyen las byung ba'i 'du byed kyis 'phangs pa'i ming dang gzugs la sogs pa ni sa bon gyi gnas skabs yin pa'i phyir sa bon gyi mtshan nyid da ltar byung ba'i don gyi da ltar byung bar rnam par bzhag go / sred ba la sogs pa ni las byed pa da ltar byung ba yin pa'i don gyis zhe na/ da ltar byung ba'o/ /sred pa la sogs pa zhes bya ba ni sred pa dang len pa dang/ sred pa'o/ /de la sred pa dang len pa'i yan lag ni sred par byed pa'i las can yin no/ /zhes bya ba ni sred pa'i rkyen gyis byung ba'i len pas rnam par shes pa'i rgyun la bag chags su 'dug pa'i las rnams srid par gyur bar byed do/ /srid pa'i yan lag ni skye ba'i gnas byed pa'i las can yin no zhes bya ba la/ ji skad du/ bcom ldan 'das kyis las ni zhing yin zhes gsungs te/ las dang srid pa la ma brten par skye ba yod pa ma yin pa'i phyir ro/ /de ltar na de dag ni rigs pa dang/ lung la brten nas bdag gis ston to/ /zhes bya ba la re zhig rigs pa la brten pa ni 'di ltar 'gog pa'i rim pa 'chad pa ni thams cad du mi 'byung ba dang/ 'du byed 'das pa kho na'i rkyen gyis 'dir nying mtshams sbyor ba'i rnam par shes pa 'grub par 'gyur ba ma yin te/ sa bon 'gags nas ring du lon pa las myu gu 'byung ba ma mthong ba dang rgyu dang bcas pa'i skye ba'i rim pa yang dgos pa med par mngon pa dang rgyu khyad par can las skye ba'i rim pa yang dgos pa yod pa ma yin pa dang/ rnam par shes pa dang ming dang gzugs kyi gnas skabs gnyis la yang bye brag nges par mi zin pa'o/ /lung la brten pa ni dang po'i bye brag rnam par 'byed pa'i chos kyi rnam grangs dang de bzhin du las ni skye bar bya ba la rgyu yin no/ /sred pa ni mngon par 'grub par bya ba la rgyu yin no zhes bya ba mdo sde yin te/ /sngon gyi slob dpon dag ni lung gzhan dang/ gzhan la brten to/ /sa ston pa'i mdo sde las byung ba dus gsum las zhes rgyas par 'byung ba de dag gis ni sngar bstan pa'i rnam par bzhag pa rnams 'gal bar ston to/ /'di dag la dgongs pa ci yod ces 'di la 'bad par bya dgos te zhes bya ba ni ji ltar 'di mi 'gal bar 'gyur pa'o/ /sems can rnams kyi mos pa sna tshogs dang/ khams sna tshogs dang/ gnyen po sna tshogs la bltos nas de 'jug pa'i phyir ro zhes bya ba ni bshad pa 'jug pa'i phyir zhes bya ba'i don to/ mos pa sna tshogs la bltos nas sangs rgyas bcom ldan 'das kyi chos ston pa 'jug go / khams sna tshogs la bltos pa dang/ gnyen po sna tshogs la yang bltos pa yin no/ /de bas na dgongs pa tha dad pa de dag thams cad mi 'gral lo/ /sems can gyi bsam pa tha dad pa mi rtogs pas/ 'di brjod par bya ste zhes rgyas par 'byung ba la/ ji ltar mdo sde 'di las zhes bya ba ni rten cing 'brel par 'byung ba'i mdo sde 'di las so/ /rten cing 'brel par 'byung ba'i mdo sde 'di las kyang ji ltar yin/ 'di las rten cing 'brel par 'byung ba'i rim pa ji ltar yin zhe na/ ma rig pa'i rkyen gyis 'du byed dang/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug ces bya ba la sogs pa'o/ /rgyu dang bcas rkyen dang bcas gzhi dang bcas pa'i chos kyi rnam grangs las/ /gang gsungs pa zhes rgyas par 'byung ba de la/ rgyu dang bcas rkyen dang bcas gzhi dang bcas pa'i chos kyi rnam grangs las rten cing 'brel bar 'byung ba'i rim pa gzhan du gsungs te/ dge slong dag tshul bzhin ma yin par yid la byed pa'i rgyu can ni ma rig pa'o zhes 'byung na 'dir ni ma rig pa'i rkyen ma gsungs so/ /ma rig pa'i rgyu can ni sred pa'o zhes 'byung ba 'dir ni tshor ba'i rkyen gyis sred pa zhes gsungs la/ ma rig pa'i pa'i rkyen gyis 'du byed ces gsungs so/ /sred pa'i rgyu can ni las so/ /zhes gsungs na 'dir ni srid pa'i rgyu can ni las zhes ma gsungs so/ /'o na ci zhe na ma rig pa'i rkyen gyis las zhes gsungs so// las kyi rgyu can ni mi gnas yid kyi bar du yin no/ /zhes bya ba la/ bar gyi sgras rna ba dang/ sna dang/ lce dang/ lus rnams gsungs na 'dir ni las kyi rkyen gyis skye mched drug ces ma gsungs so/ /'o na ci zhe na/ ming dang gzugs kyi rkyen gyis zhes gsungs so/ /de 'gal bar 'gyur ro zhes bya ba ni rgyu dang bcas rkyen dang bcas gzhi dang bcas pa'i chos kyi rnam grangs las gsungs pa de'o/ /'on te rim pa de kho na lta bu yin na ni zhes bya ba ni rgyu dang bcas rkyen dang bcas gzhi dang bcas pa'i chos kyi rnam grangs 'di las tshul bzhin ma yin par yid la byed pa'i rgyu can ni ma rig pa'o zhes rgyas par 'byung ba'o/ /mdo sde 'di 'gal bar 'gyur ro/ /zhes bya ba ni rten cing 'brel par 'byung ba dang/ mdo sde 'di ste/ 'di ltar de las rten cing 'brel par 'byung ba'i rim pa gzhan du 'byung ngo/ /'gal ba med de de ni dgongs pa can yin pa'i phyir ro zhes bya ba la/ de ni zhes bya ba ni rgyu dang bcas rkyen dang bcas gzhi dang bcas pa'i chos kyi rnam grangs las gsungs pa'o/ /ji lta zhe na/ de'i phyir der ni sred pa dang/ len pa dag yan lag gcig tu byas te/ ma rig pa'i rgyu can ni sred pa'o zhes bstan to/ /ci'i phyir zhe na/ de'i phyir 'dod pa la sogs pa la 'dun pa dang 'dod chags pa ni sred pa'i bye brag yin pa'i phyir ro zhes smras te/ 'dod pa dang lta ba dang tshul khrims dang brtul zhugs dang/ bdag tu smra ba la 'dun pa dang 'dod chags pa ni sred pa'i rab tu dbye ba yin pa'i phyir ro/ /tshor ba dang sred pa'i sgras bstan to/ /'dod pa dang lta ba dang/ tshul khrims dang brtul zhugs dang/ bdag tu smra ba sred pa las phye ba rnams ni len pa'i sgras bstan to/ /srid pa'i gnas skabs kyi las ni las yin par sred pa'i rgyu can ni las so zhes gsungs kyi/ rang gi ngo bo'i gnas skabs ni ma yin no/ /skye mched drug gi gnas skabs kyi skye ba ni skye mched drug yin par las kyi rgyu can mi gnas yid kyi bar du yin no zhes gsungs pa 'di la 'gal ba ci yod/ de lta na mngon par 'grub pa'i rten cing 'brel par 'byung ba'i mdo sde las dgongs nas de skad gsungs kyi 'phen par byed pa la ni ma yin no/ /zhes bya ba ni rten cing 'brel par 'byung ba ni rnam pa gnyis te/ 'phen par byed pa dang/ mngon par 'grub par byed pa'o/ /de la mngon par 'grub pa'i rim pa ni de nyid yin te/ ji lta zhe na/ rten cing 'brel par 'byung ba'i mdo sde 'di las tshor ba'i rkyen gyis sred pa gang yin pa de'i spyi'i rkyen ma rig pa yin te/ rmongs na de 'byung ba'i phyir ro/ /len pa srid pa'i rkyen gyis ni las kyi sred pa yin no/ /las kyi srid pa'i rkyen gyis ni skye mched drug gi gnas kyi skye ba yin te/ skye ba ni yongs su rdzogs pa'i tshes bsdus pa yin gyi/ nying mtshams sbyor ba'i mtshan nyid kho na ni ma yin no/ /ma rig pa'i rkyen gyis sred ba zhes bya ba ni sred pa thams cad kyi spyi'i rkyen nyid la dgongs te/ chos kyi rnam grangs de las gsungs so/ /'dir ni bye brag gi rkyen brjod par bzhed do/ /de bas na tshor ba'i bye brag gis sred pa'i bye brag bstan pa'i phyir tshor ba'i rkyen gyis sred pa zhes gsungs so/ /der yang ma rig pa'i rjes su 'jug pa'i tshul gyis tshul bzhin ma yin par yid la byed pa rkyen yin par gsungs kyi rab tu 'jug pa'i tshul gyis ni ma yin no/ /ji lta zhe na/ de'i phyir de ma rig pas bskyed pa'i phyir ro zhes smras te /de zhes bya ba ni tshul bzhin ma yin par yid la byed pa zhes bya ba'i don to/ /rmongs pa yod na tshul bzhin ma yin par yid la byed pa yin gyi/ ma rmongs par ni ma yin no/ /de skad du de nyid las gsungs so/ /ci gsungs she na/ rmongs na de 'byung ngo zhes bya ba yin no/ /tshor ba'i yan lag ni rjes su 'jug ba rkyen du brjod par bzhed pa ma yin gyi/ 'o na ci zhe na/ dang po 'byung pa rkyen yin no/ /de nyid kyis phyir yan lag bcu gnyis las ni rab tu 'jug pa rkyen du brten to zhes rgyas par smras so/ /thams cad du rten cing 'brel par 'byung ba so so tha dad par bstan pa rnams sangs rgyas bcom ldan 'das kyis dgongs pa rnams shes par mi nus so zhes bstan pa'i phyir/ gdul bya'i skye bo'i bye brag la bltos nas sangs rgyas bcom ldan 'das kyis lugs dang mthun pa dang lugs dang mi mthun pa dang/ /nag po dang dkar po'i phyogs dang/ yan lag tshang ba dang/ ma tshang ba la sogs par 'chad pa tha dad pa rten cing 'brel par 'byung ba bstan pa'i mdo sde gzhan rnam pa mang po la zhes bya ba de la lugs dang mthun pa'i dbye ba ni ma rig pa'i rkyen gyis 'du byed nas skye ba'i rkyen gyis rga shi'i bar yin no/ /lugs dang mi mthun pa'i dbye ba ni gang med na rga shi med pa yin zhe na/ skye ba med na rga shi med par 'gyur ro/ /zhes bya ba la sogs pa gsungs pa'o/ /nag po'i phyogs dang dkar po'i dbye ba ni mi dge ba dang nyon mongs pa ma yin pa'i chos kyi rkyen gyis ston ba'i dbye ba'o/ /yan lag tshang ba dang ma tshang bar ston pa'i dbye ba ni kha cig tu rten cing 'brel par 'byung ba'i yan lag tshang bar bstan pa ni bcu gnyis so/ /kha cig tu yan lag ma tshang ba ni yan lag gnyis dang/ yan lag gsum dang/ yan lag bzhi dang/ yan lag lnga 'am/ drug ste ma rdzogs pa yin no/ /rten cing 'brel par 'byung ba'i bye brag ma lus par mkhyen pa zhes bya ba la/ rten cing 'brel par 'byung ba'i bye brag ni rten cing 'brel par 'byung ba'i bye brag go / 'di las lus pa yod pa ma yin pas ma lus pa'o/ /shes pas na mkhyen pa'o/ /rten cing 'brel par 'byung ba de'i bye brag ma lus par mkhyen pa ni rten cing 'brel par 'byung ba'i bye brag ma lus par mkhyen to/ /chos dang don dang/ nges pa'i tshig dang/ spobs pa mkhyen pa mthar phyin pa'o/ /zhes bya ba de la chos mkhyen pa ni 'dir chos so sor yang dag par rig pa yin par dgos pa'o/ /don mkhyen pa ni don so so yang dag par rig pa'o/ /nges pa'i tshig mkhyen pa ni nges pa'i tshig so so yang dag par rig pa'o/ /spobs pa mkhyen pa ni spobs pa so so yang dag par rig pa'o/ /chos mkhyen pa dang/ don mkhyen pa dang/ nges pa'i tshig mkhyen pa dang/ spobs pa mkhyen pa ni chos dang/ don dang/ nges pa'i tshig dang/ spobs pa mkhyen pa'o/ /chos dang/ don dang/ nges pa'i tshig dang/ spobs pa mkhyen pa rnams mthar phyin pa ni chos dang/ don dang/ nges pa'i tshig dang/ spobs pa mkhyen pa mthar phyin pa'o/ /mthar phyin pa ni mchog tu gyur pa'o/ /yan lag re re la yang rnam par nges pa tha dad pa zhes bya ba ni ci zhe na/ mdza' yas pa mngon sum du mdzad pa'o/ /ci'i phyir 'di bshad ce na zhes bya ba ni sngar dgos pa dri ba byas pa'o/ /de rigs pa'i ngo bo yin par ston pa ni/ mdo sde mang po bshad pa'i dgos pa ni yang dag par bstan pa dang/ gdam pa dang/ gzeng stod pa dang/ yang dag par dga' bar bya ba ste/ gdul bya kun tu rmongs pa dang/ bag med pa dang/ kun tu zhum pa dang/ yang dag par zhugs pa rnams las gnyis sam/ gsum mam/ bzhi'i bye brag tha dad pa'i phyir ro/ /zhes bya ba la gdul bya kun tu rmongs pa'i bye brag gi phyir mdo sde 'chad pa'i dgos pa ni yang dag par bstan pa yin no/ /gdul bya bag med par gyur pa'i bye brag gi phyir gdams pa ni mdo sde 'chad pa'i dgos pa yin no/ /kun tu zhum pa'i bye brag gi phyir gzang stong pa ni mdo sde 'chad pa'i dgos pa yin no/ /gdul bya yang dag par zhugs pa'i bye brag gi phyir yang dag par dga' bar bya ba ni mdo sde 'chad pa'i dgos pa'o/ /gnyis sam/ gsum mam/ bzhi'i bye brag tha dad pa'i phyir zhes gang smras pa de ston pa ni gcig pu yang don kha cig la kun tu rmongs pa nas kha cig la yang dag par zhugs pa'i bar du 'gyur ro zhes bya ba yin no/ /de la dgos pa'i dgos pa yang mang ste zhes bya ba ni mdo sde 'chad pa'i dgos pa zhes bya ba'i don to/ /yid byung bar bya ba'am/ rab tu dang bar bya ba 'am/ ser sna la sogs pa'i nyes pa bzlog pa 'am/ de'i gnyen po yon tan gyi khyad par bsgrubs pa 'am/ de'i rjes su 'jug pa ste/ de la sogs pa'o zhes bya ba la bstan pa'i dgos pa ni yid byung bar bya ba min te/ sangs rgyas ni 'khor bas yid byung ba yin gyi rmongs pa ni ma yin no/ /rab tu dad ba yang bstan pa'i dgos pa yin te/ mngon par rdzogs par sangs rgyas pa la sogs pa la rtogs nas rab tu dad ba yin gyi/ ma rtogs par ni ma yin no/ /ser sna la sogs pa'i nyes pa bzlog pa ni gdams ba'i dgos pa yin te 'ga' zhig la gdags pa byas na sbyin pa la sogs pa la 'jug par 'gyur gyi/ ma gdams par ni ma yin pa yod de/ ser sna la sogs pa yang sbyin pa la sogs pa dang mi mthun pa yin no/ /de'i gnyen po yon tan gyi khyad par bsgrub pa ni gzengs bstod pa'i dgos pa yin te/ 'ga' zhig la gzengs stod cing spro bar byas na ser sna la sogs pa'i nyes pa'i gnyen por gyur pa yon tan gyi bye brag la 'jug pa yod do/ /byang chub kyi phyogs kyi chos kyis bsdus pa dag gi rjes su 'jug pa ni yang dag par dga' par byas pa'i dgos pa yin te/ kha cig yang dag par dga' bar byas na rang gi yon tan gyi khyad par la rtag tu 'jug pa yod do/ /'di ni rnam grangs gzhan yin te/ sbyin pa'i 'bras bu longs spyod chen po yin pa la/ kha cig kun tu rmongs pa dag bstan pa ni mdo bshad pa'i dgos pa yin no/ /ji ltar longs spyod pa de ni sangs rgyas kha yin pas sbyin pa byas shig ces 'doms par byed de/ /de dag nyid la zhum na gzeng bstod par byed do/ /bstan pa byas gdams pa byas/ gzeng bstod pa byas pa ni yang dag par nyes pa'i bya ba dang mi ldan zhing yang dag par dga' bar 'gyur ro/ /de bzhin du tshul khrims la sogs pa la yang rig par bya'o/ /byed pa po mthun pa can gyi bya ba byed pa gnyis las zhes rgyas par 'byung ba la 'di gnyis la byed pa po mthun pa yod pa 'di gnyis byed pa po mthun pa can no/ /mthun pa ni tha dad pa med pa dang gcig pu zhes bya ba'i don to/ /byed pa po mthun pa can gyi bya ba byed pa de gnyis las bya ba byed pa snga ma las te zhes bya ba yod pa mthong ste/ dper na langs te 'gro ba dang 'dug te za ba lta bu'o/ /zhes bya ba ni ldang ba dang 'gro ba'i bya ba gnyis la gal te 'dir byed pa po tha mi dad pa yod na ni des na dus snga ma ldang ba'i bya ba la ste/ zhes bya ba 'di yod pa yin no/ /'dug pa dang za ba'i bya ba gnyis la yang gal te byed pa po tha mi dad pa yod pa yin pa des dus snga ma 'dug pa'i bya ba la 'di la ste zhes bya ba 'di yod pa bzhin du 'di la yang bya ba byed pa gnyis yod de/ brtan pa'i bya ba byed pa dang skye ba'i bya ba byed pa'o/ /'di gnyis la ni byed pa po mthun pa yang yod pa ma yin no/ /ji lta zhe na/ de'i phyir gang sngar brten te phyis skye bar 'gyur ba skye ba'i snga rol na de yod pa ma yin no zhes smras te/ 'di ltar 'bras bu med par smra ba rnams skyes pa kho na yod pa yin gyi/ ma skyes pa ni ma yin no zhe'o/ /de la gzhan dag lan 'debs pa zhes bya ba ni btsun pa dpal len yin te/ 'di la ste zhes bya ba yod pa ma yin par rig par bya ste zhes rgyas par 'byung ba yin no/ /de ni de dag la lan du rung na rten cing 'brel par 'byung ba'i mdo sde de'i lan du gang smras pa / 'di la phra zhes bya ba ni mang ba'i don to/ /ai tya zhes bya ba ni gang 'jig pa zhig par 'gyur ba skyes pa mi gnas pa rnam par 'jig pa zhes bya ba'i don to/ /sam zhes bya ba ni 'du ba'i don to zhes bya ba de dag ni rung na ming dang gzugs la brten te / mig gi rnam par shes pa skye'o/ /zhes bya ba la sogs pa 'dir ni mi rung ngo/ /zhes bya ba ni 'dir ni mig dang gzugs la brten te zhes bya ba yod do/ /de dag gi ni mig dang gzugs la brten te mig gi rnam par s hes pa skye ba zhes bya ba 'di yang pha rol dang tshu rol sbyor ba tsam yin par mngon gyi rgyu dang 'bras bu'i dngos po ni ma yin no zhes bya ba la de dag gi ni zhes bya ba ni gang dag rten te 'brel par 'byung ba zhes bya ba ni pha rol dang tshu rol sbyor ba la ste zhes bya ba yod par 'dod pa de dag go / dper na chu rgal te ri yod pa dang zhes bya ba ni pha rol dang tshu rol sbyor ba tsam yin sngon gyi rgyu dang 'bras bu'i ma yin no/ /dbyar 'das te ston 'byung ba lta bu yin pas zhes bya ba yang de bzhin no zhes zer na/ mig gi rnam par shes pa'i rten dang dmigs pa 'das pa yin par thal bar 'gyur ro zhes bya ba ni mig dang gzugs dang mig gi rnam par shes pa rnams pha rol dang/ tshu rol sbyor ba tsam yin na zhes bya ba'o/ /de la yang 'dus pa bstan pa las skyon bstan zin to/ /zhes bya ba ni der ji ltar bstan ce na/ sngar ni dbang po dang don to/ /phyis ni rnam par shes pa'o/ /de'i 'og tu reg pa'o zhes rim gyis ston na rnam par shes pa kho na rig pa'i rgyu'i dngos po yin par ni rung gi dbang po dang don gnyis ni mi rung ste/ rnam par shes pa'i tshe de gnyis med pa'i phyir ro/ /rnam par shes pa dang reg pa gnyis lhan cig skyes pa ni reg pa'i rgyu rnam par shes pa yin par rung gi reg pa skyes zin na ni nus pa med pa'i phyir dang/ ma skyes na yang med pa'i phyir ro/ /gang dag yang gsum 'dus pa tsam kho na reg pa yin te/ lhan cig skyes pa rgyur mi 'dod pa de dag gi yang dbang po dang don gnyis rnam par shes pa'i tshe 'gags pa'i phyir tshor ba skye ba'i rgyu'i dngos por rung ba ma yin no zhes bya ba yin no/ /rten cing 'brel par 'byung ba zhes bya ba bye brag med par bstan pa la / pha rol nyid gang las rten cing 'brel par 'byung ba bcom ldan 'das kyis bstan ces bya ba ni rten cing 'brel par 'byung ba bye brag med par bcom ldan 'das kyis bstan gyi/ de la rten te zhes bye brag ni ma bstan to/ /de bas na pha rol nyid gang las 'brel par 'byung ba bcom ldan 'das kyis bstan par brjod par bya dgos na/ gang gi phyir rten cing 'brel par 'byung zhes bya ba ni pha rol dang tshu rol sbyor ba la ste zhes bya ba yod par rtog par byed/ de bas na 'di yang lan du mi rung ngo zhes bya ba ni rten te 'brel par 'byung ba zhes bya ba la ste zhes bya ba yod pa 'di ni pha rol dang tshu rol sbyor ba yin par rig par bya ste zhes bya ba smras ma thag pa gang yin pa 'di'o/ /te zhes bya ba yod pa ni rgyu'i don la yang mthong ngo zhes sngar bstan zin to zhes bya ba ni brtan te zhes bya ba ni rkyen des dang rgyu nges dang byed rgyu de dag gis zhes bya bar mngon pa yin no/ /dper na shing la brten nas mi 'byung ngo zhes byas na rgyu de dag gis zhes bya bar mngon pa dang sprin la brten nas char 'bab po zhes byas na sprin 'dus na zhes bya bar mngon pa yin no/ /gangs ri la brten nas sman rnams skye'o zhes bya ba yang de bzhin no/ /byed pa po mi mthun pa la yang mthong ste/ 'jig rten na mar 'thung ste stobs yod do zhes bya ba dang zhes bya ba ni sngar mar 'thungs nas phyis yod pa de dag kun nas stobs yod pa ma yin gyi/ 'o na ci zhe na/ lhas sbyin gyis sngar mar 'thungs nas phyis stobs yod pa yin no/ /de bzhin du 'dir yang sngar rgyu rnams rkyen byed cing phyis 'bras bu 'byung ba yin pas byed pa po mi mthun pa la yang ste zhes bya ba 'di yod par 'gyur ba yin no/ /seng+ge mthong ste 'jigs so zhes bya ba ni seng+ge mthong ste phyis 'jigs pa de dag kun 'jigs pa yod pa ma yin gyi/ 'o na ci zhe na/ lhas sbyin gyis sngar seng+ge mthong bas phyis 'jigs pa 'byung ba yin no/ /de ltar na re zhig 'jig rten na mi mthun pa la yang mthong ba yin no/ /b+ha ra ta las kyang 'dro Na'i bu ngo mtshar cher gyur pa'i bros pa mthong ste zhes bya ba rgyas par 'byung ba ni sngar 'dro Na'i bu bros pa mthong ste/ phyis de dag 'jigs pa byung ba mthong ba de dag kun na de 'jigs pa ma yin gyi 'o na ci zhe na/ 'dro Na'i bu de bros pa mthong nas de 'jigs par gyur pa'i phyir ro/ /sgra la 'chel ba kha cig dag na re byed pa po mi mthun pa la de'i don yod pa ni rgyu'i don yin par sngon gyi slob dpon ngag smra ba zhes rgyas par 'byung ba de bas na 'dir yang byed pa po gcig pa med par rgyu la de yod pa yin no/ /dus mthun par bya ba byed pa la mthong ste /dus snga ma'i tshe 'ba' zhig ma yin no/ /kha gdangs te nyal ba dang mig bzlog ste nyal ba lta bu'o zhes bya ba ni gnyid ma log pa'i tshe ma yin te/ dus gzhan yin pa'i phyir ro/ /'di ci zhe na/ kha gdangs te 'am/ mig bzlog ste dus phyis nyal ba ma yin no/ /de bas na dus snga ma la yang ste zhes bya ba 'di yod pa yin no/ /dus mi mthun pa snga ma kha gdangs sam mig bzlog ste phyis nyal ba de ltar ni 'dir don 'di rtogs par bya ba ma yin gyi / 'on kyang gnyid log pa nyid na kha gdangs pa dang mig bzlog pa yin par rtogs par bya'o/ /zhes bya ba ni 'dir 'jig rten na yod pa tshang ma yin no/ /de ltar ma yin na gang yang sngar kha gdangs la phyis mig btsums te nyal na de la ni kha gdangs nas gzod nyal lo zhes bya bar thal bar 'gyur ro/ /dus phyis bya ba byed pa la yang mthong ste/ rnga'i byed pa la brten te dbyu gu brdeg pa lta bu ste / rnga 'di sngar byed la phyis dbyu gu brdeg pa ni ma yin no/ dus mnyam pa yang ma yin te/ ci'i phyir zhe na/ de'i phyir sgra ni brdabs pa'i rgyu las byung ba'i phyir ro zhes smras te/ brdabs pa'i rgyu las byung ba ni sgra yin la /brdegs pas ni brdabs pa yin la/ mi brdegs pas ni ma yin no/ /de bzhin du 'dir yang bya ba byed pa dus mthun pa la yang ste zhes bya ba yod pa yin te / gang skye ba de nyid na brten pa'o/ /dus 'phyi ba la yang yod de/ sngar 'byung la phyis brten pa ni 'bras bu 'byung bar bya ba'i phyir rgyu'i dngos po la yin no/ /de ltar pha rol dang tshu rol sbyor zhes zer ba dang pa Ni ni pa dag kyang 'dod pa ma yin no/ /kyang zhes bya ba ci'i phyir smros she na zhes bya ba la/ de ltar zhes bya ba ni ji skad du rgyu la yang mthong /byed pa po mi mthun pa la yang mthong /dus mthun pa la yang mthong / dus phyi ma la yang mthong zhes smras pa rnams so/ /kyang zhes bya ba ci'i phyir smos she na/ 'jig rten dang b+ha ra ta dang/ sgra la 'chel ba bya Ti so'u nu kA la sogs pas bstan bcos 'di'i rjes su 'jug pa ma yin pa'i phyir ro zhes bya ba ni de ltar mi 'dod pa Ni na bdag ces bya ba skabs dang sbyar ro/ /de bas na de dag gis kyang nges pa kho nar 'di 'dod par bya dgos so zhes bya ba ni pa Ni ni pa de dag gis kyang ji skad du smos pa'i skyon du mi 'gyur bar bya ba'i phyir ro/ /gal te bdag gi thob pa yin na zhes bya ba ci zhe na/ skye ba'o/ /de skye ba kho na yin pa'i phyir de lta yin na ci zhig bya ba byed na skye ba yin no zhes brjod de skyes pa ni yang skye ba'i bya ba byed pa yod pa ma yin pa dang/ thug pa med par yang 'gyur ro/ /'on te bdag nyid ma thob pa yin na ni/ skye ba'o/ /de ni de'i tsho yod pa ma yin pas skye pa med pa yin na ji ltar byed pa po nyid yin par 'gyur/ 'on te med pa yang byed pa po nyid yin par 'dod pas brtag bar bya na sngar brten nas phyis skye'o zhes bya ba skye ba'i snga rol na de yod pa ma yin no/ /zhe na/ ji ltar rtsod pa 'di byed ji ltar der med pa la byed pa po nyid du brtag pa ltar 'dir yang de bzhin no/ /skye ba gang yin pa de ci zhig byed na 'di ltar byed pa po zhes brjod ces bya ba ni skye ba gang yin pa de ni bya ba byed pa yin na de bya ba byed pa na gzhan ci zhig la byed na 'di ltar byed pa po yin zhes brjod smras pa / skye ba la skye bar byed do/ /zhe na/ skye zhes bya ba 'di yang ci yin / gang la bya ba byed cing mngon par 'grub pa la skye ba zhes bya /gal te skye zhes bya ba skye bzhin pa'i bdag nyid du gyur pa yin na ni ji ltar bdag nyid la byed par rung ste /skyed par byed pa dang/ skye bar bya ba tha dad pa yin pa'i phyir ro/ /'on te bdag nyid du gyur pa ma yin na ni de las gzhan du mi dmigs pa yin na gang skye ba de skye ba la byed do/ /zhes ji ltar 'di gtam la dbab par bya/ de bas na skye ba byed pa po byed do zhes bya ba'i don brjod par bya dgos te/ gang gi phyir de ltar 'jig rten na byed pa'i don mang du mthong ba de bas na brjod par bya/ dgos pa gang zhe na/ skye ba la byed pa po yin no zhes bya ba ste/ gang gi phyir skye bar byed do zhes brjod pa'o/ /gal te skye bar byed pa yin no zhe na ni de'i don kyang skye ba yang skye bar 'gyur ro zhes bya ba yin par 'gyur te/ gal te skye ba byed po po de skye ba skye bar byed pa yin na ni skye ba skye bar 'grub par 'gyur te/ 'di ltar sngar 'byung zhes bya ba'i don gang yin skye zhes bya ba'i don yin no/ /zhes smras pa yin no/ /de las kyang gzhan skye bar thal bar 'gyur bas thug pa med par thal bar 'gyur te/ skye ba yang de lta bu yin na ni skye ba gzhan yang yod par thal bar 'gyur bas thug pa med pa 'grub par 'gyur ro/ /de bas na bya ba byed pa med par yang bdag thob pa tsam la byed pa po gzhan du skye bar byed do zhes ston te/ gang gi phyir de ltar skye ba'i bdag nyid du gyur pa ni skye bar mi srid/ don tha dad par gyur pa yang ma yin/ skye ba yang gzhan yang skye bar thal bar 'gyur/ thug pa med pa'i skyon du yang 'gyur ba de bas na bya ba byed pa med par yang bdag thob pa tsam la byed pa po gzhan du skye bar byed do zhes ston pa yin no/ /rkyen yod pa tsam la yang brten te zhes bya ba ci zhe na/ byed pa po bzhin du nye bar brtag pa yin par ston to 'di la bya ba byed pa ni gang yang med ces bya ba ni skye ba bya ba byed pa 'am/ brten pa bya ba byed pa ni 'di ltar nye bar brtags pa yin pa'i phyir ro/ /byed pa po yang med pa yin na zhes bya ba ni skye ba bya ba byed pa'i byed pa po 'am/ rten pa bya ba byed pa'i byed pa po ste/ 'di ltar skye bzhin pa ni bdag nyid ma thob pa yin pa'i phyir dang/ skyes pa las ni snga ma yin pa'i phyir ro/ /'di gnyis byed pa po dang lhan cig pa lta ga la yod ces bya ba ni skye ba dang brten pa'i bya ba byed pa de gnyis kyang yod pa yin la/ byed pa po yang yod pa yin na ni byed ba po dang lhan cig pa 'am/ byed pa po dang lhan cig pa ma yin zhes bya ba 'thad par 'gyur ro/ /de bas na brten te 'byung zhes bya ba'i sbyor ba 'di ni rigs pa yin no zhes bya ba ni nye bar brtags pa yin pa'i phyir ro zhes bya ba'i tha tshig go / 'di ltar yan lag snga ma la phyi ma'i rten cing 'brel par 'byung zhes bya ba'i bshad pa byed pa ni/ 'brel par 'byung zhes bya ba ni bar med cing mchod pa zhes bya ba yin te/ rgyu 'jig pa las ma chod pa kho nar zhes bya ba'i tha tshig go /de lta yin dang 'das pa dag las gang yang skye ba med par bstan pa yin no zhes bya ba ni rgyu 'jig pa dang 'bras bu 'byung ba gnyis dus tha dad pa med pa'i phyir ro chos nyid ces bya ba gang zhe na zhes bya ba ni gang gi dbang du mdzad de/ mdo sde gzhan las gsungs pa/ gang 'dir chos nyid dang zhes bya ba ni/ gang chos rnams kyi bdag nyid kho na yin te/ ngo bo nyid de lta bu ni 'di yod na 'byung gi med na ma yin pa'o/ /'di skyes pas 'di skye ba yin gyi ma skyes nam yin pa'o/ /skye ba zhes bya ba ni chos rnams kyi bdag nyid thob pa'o zhes bya ba ni ma byung ba las byung ba'i mtshan nyid yin no/ /chos nyid ji ltar skye ba yin zhe na/ 'di ltar 'di yod na 'di 'byung/ 'di skyes pas 'di skyes pa zhes bya ba 'di yang chos nyid yin par brjod do zhes bstan pa ni chos de chos gzhan la brten nas bdag nyid thob pa'o zhes bya ba yin te/ chos nyid 'di rang bzhin 'di lta bu rang gi ngo bo nyid 'di lta bu ste/ gang chos gzhan la brten nas chos kyi bdag nyid thob pa yin no/ /de bas na chos nyid de skye ba yin no/ /zhes bstan to/ /de ltar byung ba'i dus kyi rten cing 'brel par 'byung ba bstan pas zhes bya ba 'di yod na 'di 'byung/ 'di skyes pas 'di skye ba zhes bya bas so/ /dus gsum pa'i shes par bya ba'i phyir chos nyid bstan to zhes bya ba ni 'das pa'i dus nyid ni yang de 'byung bas de byung ba yin no/ /de skyes pas 'di skyes pa yin no/ /ma 'ongs pa na yang de 'byung bar 'gyur bas 'di 'byung bar 'gyur / de skye bas 'di skye bar 'gyur ba yin zhes bya ba yin no/ /chos gnas pa nyid gang zhe na/ chos nyid de nyid la bya'o zhes bya ba ni chos rnams de'i bdag nyid kho na yin no zhes bstan pa'o/ /ci'i phyir chos nyid de chos gnas pa nyid ces brjod ce na/ bcos ma ma yin pa'i don gyis te zhes bya ba ni chos rnams gang dag gi bdag nyid kho na ni gang gis kyang ma byas pa yin no/ /gnas pa'i tshig gis mi rtag pa nyid yin par bstan to/ /bye brag gang gi gzhan gyi rgyur 'gyur ba yin no zhes bya ba ni chos gnas pa de ni rgyu dang/ dbyings dang/ rigs dang/ sa bon dang/ nus pa zhes bya ba don tha dad pa ma yin no 'dis rgyu nyid 'dzin pas na zhes bya ba ni nges pa'i tshig gi tshul gyis te / yi ge lhag ma ni mngon par byas pas so/ /chos nges pa nyid gang zhe na/ chos nyid gang yin pa de nyid 'khrul pa med pa gang yin pa'o zhes bya ba ni gcig kho nar nges pa nyid yin no/ /de ltar na chos nyid kyi tshig gnyis kyis gtan du ba nyid gang yin pa dang/ gcig kho nar nges pa nyid gang yin pa bstan to zhes bya ba la chos gnas pa nyid ces bya ba 'dis ni gtan du ba nyid bstan to/ /chos nges pa nyid ces bya ba ni gcig kho nar nges pa nyid bstan to/ /de las gzhan pa'i tshig rnams ni rjes su 'brel par 'chad par rig par bya'o zhes bya ba ni phyi ma phyi mas snga mas snga ma 'chad pa yin no/ /yang ina dum bu gsum pa'o zhes bya ba ni bshad pa'i rjes su 'brel pa yin par rig par bya'o/ /de ci gcig po kho na shes pa de dag thams cad kyi mi mthun pa'i phyogs yin nam zhes bya ba ni ci nyon mongs pa can ma yin pa'i mi shes pa gcig po tha dad pa med pa kho na zhig yi ge 'dri ba dang / bstan bcos dang/ bzo dang/ nad dang/ nad gzhi dang/ sman la sogs pa dang/ sangs rgyas rnams kyi yul shes pa'i mi mthun pa'i phyogs yin nam/ 'on te shes pa so so'i gzhan yin te /yi ge 'dri ba shes ba mi mthun pa'i phyogs kyang gzhan/ bstan bcos shes pa'i mi mthun pa'i phyogs kyang gzhan/ nad shes pa'i mi mthun pa'i phyogs kyang gzhan/ nad gzhi'i mi mthun pa'i phyogs kyang gzhan/ sman shes pa'i mi mthun pa'i phyogs kyang gzhan/ sangs rgyas kyi yul shes pa'i mi mthun pa'i phyogs kyang gzhan yin nam/ gal te nyon mongs pa can ma yin pa'i mi shes pa yi ger 'dri ba dang/ bstan bcos dang/ bzo la sogs pa shes pa'i mi m thun pa'i phyogs gcig kho na yin na ni gcig la shes pa skyes pas na thams cad la mi shes pa ci'i phyir ldog par mi 'gyur zhes bya ba ni yi ger 'dri ba shes pa skyes na yang de'i mi mthun pa'i phyogs su gyur pa'i mi shes pa rnam par ldog pa yin pa dang/ gcig po de nyid thams cad la mi shes pa yin pas thams cad la mi shes pa yang rnam par log pa yin par thal bar 'gyur ro/ /'on te shes pa so so'i gzhan yin na ni ci zhe na/ nyon mongs can ma yin pa'i mi shes pa ci yang rung mi mthun pa'i phyogs so/ /des na sems gcig la mi shes pa mdza' med pa dang mtshungs par ldan par 'grub par 'gyur ro/ /'di ltar yi ge 'dri ba dang/ bstan bcos dang /bzo la sogs pa'i shes pa mi mthun pa'i phyogs mi shes pa dang mtshungs par ldan pa yin pa'i phyir te /gang gi tshe yi ge 'dri ba 'di mi shes pa de'i tshe na bstan bcos dang/ bzo la sogs pa yang mi shes pa yin no/ /lhan cig tu ma rig pa du ma'i rdzas yod par yang rung ba ma yin te zhes bya ba ni rdzas mnyam pa nyid nges pa'i phyir ro/ /dper na tshor ba la sogs pa'i rdzas bzhin no zhes bya ba ni lhan cig tu du ma mi 'dug pa bzhin no/ /rdzas mdza' yas pa mdza' dag sems can gyi rgyud kyi skad cig la gcig yin par yang rigs pa ma yin no zhes bya ba ni shes bya mdza' med pa dag 'dis mi shes pa yin no/ /gal te shes pa so so de'i mi mthun pa'i phyogs su gyur pa mi shes pa yod na ni rdzas mdza' yas pa dag sems can gyi rgyud kyi skad cig ma gcig yin par 'gyur ro/ /mi shes pa thams c ad kyang de bzhin du ci'i phyir mi 'dod zhes bya ba ni ji ltar nyon mongs pa can ma yin pa mi shes pa dag shes pa med pa tsam yin pa de bzhin du nyon mongs pa can gang yin pa'i mi shes pa thams cad kyang shes pa med pa tsam yin par ci'i phyir mi 'dod / nyon mongs pa can ma yin pa'i mi shes pa de yang bdag gis ma shes te/ de ltar byas so zhes yang ba ma spangs pa la sogs pa'i rgyu nyid yin par nye bar btags pa yin no zhes bya ba ni de ltar 'du byed la sogs pa rkyen nyid du bstan pa'i nyon mongs pa can ma yin pa'i mi shes pa ni rdzas su grub pa ma yin no/ /zhes bstan pa yin no/ /nyon mongs pa can ma yin pa'i mi shes pa gal te yi ge 'dri ba la sogs pa shes pa'i mi mthun pa'i phyogs yin na/ ji ltar 'dod pa de bzhin du zhog/ 'on te yi ger 'dri ba la sogs pa shes pa med pa tsam la rnam pa thams cad du skyon med do/ /de nyon mongs pa dang las dang tshe rnams kyi rkyen nyid yin par bstan du med par 'gyur ro zhe na/ gal te yi ge 'dri ba la sogs pa'i shes pa rnams med pa tsam nyon mongs pa can ma yin pa'i mi shes pa yin na de dag skye ba la gegs byed pa yang gang zhig yin/ rgyu ma tshang na de mi skye bar mi 'gyur gyi rgyu ma tshang na yang yi ge 'dri ba la sogs pa'i shes pa skye bar yang 'gyur ro/ /rgyu tshang na yang mi skye bar 'gyur ro/ /nyon mongs pa can kyi ma rig pa ni rig pa'i dngos po med pa tsam ma rig par de ltar sngar shes par byas zin to zhes bya ba ni ma rig pa rnam par 'byed pa las rgyas par ro/ /gang dag yang mi shes pa thams cad ni shes pa'i mi mthun pa'i phyogs chos gzhan yin par smra zhes bya ba ni nyon mongs can dang/ nyon mongs pa can ma yin pa'o/ /de la dang po ni shes pa gcig kho na yin te shes bya thams cad la shes pa'i mi mthun pa'i phyogs skad cig re re la 'byung ba na rgyun du yin par 'jog go zhes bya ba ni dang po gang zhe na/ rgyun du kun tu 'byung par smra ba'o/ /gal te gcig kho na yin na gcig la shes pa skyes pa na thams cad la mi shes ba ci'i phyir ldog par mi 'gyur zhes bya ba'i lan du/ rkyen gyis bye brag nye bar gyur ba'i phyir yul gang la shes pa skyes pa na ji tsam du shes pa de med par ma gyur gyi bar du de las gzhan pa'i dngos po la khyab par byed pa'i mi shes pa gcig gi 'byung bar 'gyur te zhes bya ba la/ yul gang la shes pa skyes pa na zhes bya ba ni yi ge 'dri ba dang/ bstan bcos dang/ bzo la sogs pa la'o/ /rkyen gyi bye brag nye bar gyur pa'i phyir zhes bya ba ni shes pa de dag skye ba'i rgyu'i bye brag tshogs pa'i phyir ro/ /de las gzhan pa'i dngos po la khyab par byed pa zhes bya ba ni yi ge 'dri ba la sogs pa'i dngos po de las bye brag tu gyur pa'i dngos po khyab par byed pa'o/ /mi shes pa gzhan gcig 'byung bar 'gyur ro/ /mi shes pa snga ma ni skad cig ma 'jig pa yin pa'i phyir rang gi ngang gis med par gyur to/ /ji tsam du shes pa de med par ma gyur gyi bar du zhes bya ba ni yi ge 'dri ba shes pa la sogs pa de las so/ /de ji ltar med par ma gyur ce na/ de'i bag chags rtas pa yod pa'i phyir te/ yi ge 'dri ba la sogs pa shes pa'i bag chags rtas pa ma spyad pa yin pa'i phyir ro zhes bya ba'i tha tshig go /de srid du de las gzhan ba'i dngos po la khyab par byed pa'i mi shes pa gzhan cig 'byung bar 'gyur ro/ /shes pa de med par gyur pa yang sngon gyi ji lta ba de bzhin du yang 'byung bar 'gyur ro zhes bya ba ni yi ge 'dri ba la sogs pa'i shes pa de las nyams na yang yi ge 'di ba la sogs pa'i yul de la yang mi shes pa de sngon bzhin du 'byung bar 'gyur ro/ de bzhin du nad dang/ nad gzhi dang/ sman la sogs pa yul gang dang gang la rkyen gyis bye brag nye bar gyur pa'i phyir zhes skabs dang sbyar te/ shes pa skyes pa na de dang de las gzhan pa'i shes bya la shes pa'i mi mthun ba'i phyogs mi shes pa gcig 'byung bar 'gyur ro/ /yod par 'gyur ro/ /de bas na nad dang/ nad gzhi dang /sman la sogs pa las gzhan du shes bya'i bye brag la shes pa'i mi mthun pa'i phyogs su gyur pa mi shes pa gcig 'byung bar 'gyur ro/ /sngan chad yod pa ni rang nyid skad cig ma 'jig pa yin pa'i phyir ro/ /ji srid thams cad mkhyen pa nyid ma thob kyi bar du zhes bya ba ni sangs rgyas nyid la thug gi bar du skyon gyi rnam pa yod bar rig par bya'o/ /dpes don brjod pa ni dper na khang mig gcig na zhes rgyas par 'byung ba yin no/ /yul de thams cad kyi mun pa ni rang gi ngang gis 'gag ste zhes bya ba ni mun rum na yod pa'i gzugs kyi yul na mun pa yod pa ni ngo bo nyid kyis 'gag pa yin no/ /'du byed thams cad skad cig ma ni 'jig pa yin pa'i phyir ro zhes bya ba ni 'du byed thams cad skad cig ma 'jig pa yin no/ /de bas na de dag rang gi ngang gis 'gag par 'gyur te /'jig pa la rkyen med pa'i phyir ro/ /gzugs de'i ngos gang du rtsig pa'i 'og gi bu gnas snang ba byung ba na zhes bya ba ni mun ru min? 'dug pa'i gzugs de'i ngos la'o/ /de bas gzhan pa'i yul lhag ma de dag nyid du mun ba 'byung bar 'gyur ro zhes bya ba ni gzugs snga ma de las gzhan dang gzhan mun pa lhag ma dang bcas pa mun rum du 'dug pa'i gzugs kyi yul du mun pa 'byung bar 'gyur ro/ /ji srid du snang ba med par ma gyur gyi bar du zhes bya ba ni gzugs kyi ngos gang du snang ba de byung ba de srid du de las gzhan dang gzhan yul lhag mar mun pa 'byung bar 'gyur ro/ /snang ba nub na yang dus mnyam du sngon ji lta ba de bzhin du yang mun pa 'byung bar 'gyur ro zhes bya ba ni ji ltar sngon gyi mun pa bzhin du snang ba dang mun rum yod pa'i gzugs kyi yul du'o/ /'o na da ni mi shes pa'i rdzas gcig pu 'di ji ltar na nyon mongs pa yang yin la/ nyon mongs pa ma yin pa yin pa yang yin zhes bya ba ni nyon mongs pa can yin pa'i phyir nyon mongs pa ste / nyon mongs pa dang las dang tshe'i rgyur gyur pa'o/ /nyon mongs pa can ma yin pa'i phyir nyon mongs pa yang ma yin te /yi ge 'dri ba dang/ bstan bcos dang/ bzo la sogs pa shes pa'i mi mthun pa'i phyogs su gyur pa'o/ /nyon mongs pa dang mtshungs par ldan pa yang yin la/ mtshungs par mi ldan pa yang yin zhes bya ba ni 'di ltar ma rig pa de ni nyon mongs pa gzhan dang mtshungs par ldan pa yang rnam par bzhag pa dang 'dres pa yang yin no/ /yang na 'dod chags la sogs pas nyon mongs pa can yin pas rab tu sbyor ba yin no/ /nyon mongs pa can ma yin pa ni rab tu sbyor ba ma yin pa'i phyir ro/ /mi dge ba yang yin la/ mi dge ba ma yin zhes bya ba ni log par lta ba la sogs pa dang mtshungs par ldan pa'i phyir mi dge ba yin no/ /nyon mongs pa can ma yin pa'i phyir dge ba yang yin no/ /'jig tshogs la lta ba la sogs pa dang mtshungs par ldan pa'i phyir yang mthong bas spang bar bya ba yin la / des spang bar bya ba ma yin pa yang yin te/ nyon mongs pa can ma yin pa'i phyir te /nyon mongs can min mthong spang min zhes brjod pa'i phyir ro/ /sems nyon mongs par byed pa'i phyir ro zhes bya ba ni de las byung ba'i nyon mongs pa ni sems nyon mongs pa yin no/ /de bas na mi shes pa de nyon mongs pa'i mtshan nyid ma yin yang sems nyon mongs par byed pa'i phyir nyon mongs pa yin par rnam par bzhag go / ji ltar de las gzhan pa'i shes pa'i mi mthun pa'i phyogs su 'dug pa na nyon mongs pa rnams kyi rkyen du mi 'gyur ba de ltar nyon mongs pa yin par rnam par mi bzhag go zhes bya ba ni yi ge 'dri ba dang/ bstan bcos dang/ bzo la sogs pa shes pa'i mi mthun pa'i phyogs su 'dug pa na/ nyon mongs pa rnams kyi rkyen ma yin te /ci'i phyir zhe na/ sems nyon mongs par mi byed pa'i phyir ro/ /nyon mongs pa ma yin par yang rnam par mi bzhag ste /nyon mongs pa dang yul mtshungs pa yin pa'i phyir nyon mongs pa dang mtshungs par ldan pa yin par rnam par bzhag go zhes bya ba ni gzugs can ma yin pa rnams la 'du ba'i mtshan nyid kyi bar du sbyor ba ni yod pa ma yin pa'i phyir ro/ /yul de las gzhan la shes pa'i sgrib pa'i dngos por 'jug pa ni dmigs pa gang la nyon mongs pa skye ba de las gzhan pa'i dmigs pa la shes pa'i sgrib pa'i dngos por 'dug pa ni nyon mongs pa dang mtshungs pa ma yin pa'i phyir nyon mongs pa dang mtshungs par ldan pa ma yin par rnam par bzhag ste/ dmigs pa la 'dre ba med pa'i phyir ro/ /dge ba shes pa'i mi mthun pa'i phyogs yin pa'i phyir mi dge ba yin par rnam par bzhag ste/ de'i gnyen po shes pa thob par bya ba la gus pa bskyed pa'i phyir ro zhes bya ba ni mi shes pa de gnyen po shes pa thob par bya ba la gus pa bskyed pa'i phyir ro zhes bya ba'i tha tshig go / de las gzhan pa la shes pa'i mi mthun pa'i phyogs yin pa'i phyir mi dge ba yin par rnam par mi bzhag go zhes bya ba ni dge ba shes pa de las gzhan pa'i shes pa'i mi mthun pa'i phyogs yin pa'i phyir lung du ma bstan pa'i shes pa'i mi mthun pa'i phyogs yin pa'i phyir ro zhes bya ba'i tha tshig go / mthong ba'i lam gyi mi mthun pa'i phyogs yin pa'i phyir mthong bas spang bar bya ba yin no/ /bsgom pa'i lam gyi mi mthun pa'i phyogs yin pa'i phyir bsgom pas spang bar bya ba yin no/ /dper na lus dang ngag g.yo ba dang tha snyad gnyis bsam pa'i dbang gis zhes bya ba ni lus g.yo ba dang/ ngag gi tha snyad do/ /sgod nas zhes bya ba ni lus dang ngag g.yo ba dang/ tha snyad kyi sgo nas so/ /de kun nas slong bar byed pa'i sems pa 'jug pa dang ldog par kun tu sbyor ba'i phyir dang zhes bya ba ni lus dang ngag g.yo ba dang/ tha snyad kun nas slong bar byed pa'i dge ba dang/ mi dge ba'i sems pa 'jug pa dang/ ldog pa'i rten yin pa'i phyir go rim bzhin no/ /ma rig pa gnyis pa smra ba yang zhes bya ba ni yid la byed pa kun tu 'byung bar smra ba'o/ /shes bya gang yid la byed pa na shes pa mi skye ba der ni de'i mi mthun pa'i phyogs mi shes pa kun tu 'byung ba yin par rnam par bzhag ste/ rang gi phra rgyas 'jug pa thob pa'i phyir ro zhes bya ba ni de ltar na shes pa so so'i mi mthun pa'i phyogs su gyur pa shin tu mi shes pa yin no/ /sems gcig la mi shes pa mdza' med pa dang/ mtshungs par ldan par thal bar 'gyur ba yang ma yin te/ de ltar gang yid la byed pa na shes pa mi skye ba der ni de'i mi mthun pa'i phyogs mi shes pa mngon du gyur pa yin gyi/ shes bya thams cad la ni ma yin no/ /phra rgyas ni bag chags so/ /'jug pa thob pa'i phyir zhes bya ba ni yongs su gyur pa'i bye brag go / yongs su gyur pa'i bye brag yod pa de ni bag chags rang gi 'bras bu mngon par 'grub par 'gyur ro/ /dus kun tu yang ma yin /yul thams cad du yang ma yin zhes bya ba ni thams cad du yang ma yin/ shes bya thams cad la kun tu 'byung bar rnam par bzhag pa yang ma yin pa de lta yin pa'i phyir sems gcig la mi shes pa mdza' med pa dang mtshungs par ldan pa yin par thal bar 'gyur ba med do/ /nyon mongs pa gang dang mtshungs par ldan pa de nyid dang lhan cig skye zhing zhes bya ba ni nyon mongs pa gang dang mtshungs par ldan pa'i mi shes pa de ni nyon mongs pa de dag nyid dang lhan cig skye zhing 'gag go / de ltar ni nyes pa med pa yin no zhes bya ba ni ji ltar yid la byed pa kun tu 'byung bar smra ba dag brjod pa ltar yin no zhes slob dpon gsung ngo/ /gang gi phyir 'di ltar rnam par bzhag pa ni thams cad du skyon med pa yin no/ /de ba sna ma rig pa ni rig pa'i mi mthun ba'i phyogs chos gzhan zhig yin par grub pa 'di yin no/ /rten cing 'brel par 'byung ba thog ma dang rnam par 'byed ba'i mdo sde 'grel ba rgya cher bshad pa rdzogs so// //'di mdzad pa'i slob dpon ni yon tan blo gros yin te/ theg pa chen po pa byang chub sems dpa' sems dpa' chen po yin no/ /li'i mkhan po su re nd+hA ka ra pra b+hA dang/ lots+tsha ba nam mkhas bsgyur cing zhus te gtan la phab pa'o// // ('phags pa sangs rgyas kyi sa'i rnam bshad rang tshul bzang pos mdzad pa bzhugs so/

CLOSE WINDOW