བོད་ཡིག

e-texts based on the ACIP/ALL Input

Arya yak+Sha ya ma ti ni rde sha TI kA /bod skad du/ 'phags pa blo gros mi zad pas bstan pa rgya cher 'grel pa/ tshig gi mnga' bdag 'jam dpal gzhon nur gyur pa la phyag 'tshal lo/ /ston pa'i gtso bo sangs rgyas bcom ldan dang/ /bstan pa 'jug 'byung dam pa'i chos mchog dang/ /'chad du 'jug dang 'chad pa 'khor gyi gtso/ /shA ri'i bu dang blo gros mi zad dang/ /gzhan yang mtshan smos 'di dag gis mtshan pa'i/ /'gro ba gsum gyi bla ma dkon mchog gsum/ /phyogs dus kun na bzhugs pa ma lus la/ /spyi bo sa la gtugs te phyag 'tshal nas// spyod pa gang gis 'phags rnams nges 'byung tshul/ /thabs mkhas 'dus pa chen po nges pa 'di/ /bdag pas blo zhan rnams la phan gdags phyir/ /bla ma lung las brten te tshig tsam dbye/ /'di la dgos pa dang/ brjod par bya ba dang/ 'brel pa dang/ bsdus pa'i don dang/ tshig gi don rnam pa 'di lngas bshad par bya'o/ /de la mdo sde'i dgos pa ni mi gnas pa'i mya ngan las 'das pa ste/ de thabs 'dis thob par byed pa'i phyir ro/ /brjod par bya ba ni mi zad pa brgyad cu ste/ de la mi zad pa brgyad cu ni sems bskyed pa dang/ bsam pa dang/ sbyor ba dang/ lhag pa'i bsam pa dang/ pha rol tu phyin pa drug dang/ tshad med pa bzhi dang/ mngon par shes pa lnga dang/ bsdu ba'i dngos po bzhi dang/ so so yang dag par rig pa bzhi dang/ rton pa bzhi dang/ bsod nams kyi tshogs dang/ ye shes kyi tshogs dang/ byang chub kyi phyogs sum cu rtsa bdun dang/ zhi gnas dang/ lhag mthong dang/ gzungs dang/ spobs pa dang/ chos kyi mdo bzhi dang/ bgrod pa gcig gi lam du gyur pa dang/ thabs la mkhas pa'o/ /'brel pa ni de gnyis 'brel pa ste/ thabs dang thabs can du gyur pa'i phyir ro/ /bsdus pa'i don ni rnam pa bcu dgu ste/ gling bzhi dang gleng bslang ba dang/ chos rnams kyi gzhi dang/ de'i 'bras bu dang/ bdag dang gzhan gyi don byed pa dang/ snying brtse ba dang/ yo byad dang/ yongs su smin par bya ba'i mthu dang/ bstan par bya ba'i mthu 'thob pa dang/ de'i thabs shes pa dang/ tshogs kyi lam dang/ sbyor ba'i lam dang/ mthong ba'i lam dang/ bsgom pa'i lam dang/ der sbyor bar byed pa dang/ lung bstan pa thob pa dang/ de thob par bya ba rnam par bzhag pa dang/ rang byang chub dang/ chos kyi 'khor lo bskor ba ste/ de la bsdus pa'i don bstan pa ni mdo sde'i don bde bar zin par bya ba'i phyir ro/ /de la 'di skad bdag gis thos pa zhes bya ba nas brtsams te/ tshad med brjod du med pa'i byang chub sems dpa' dang thabs gcig go zhes bya ba yan chad kyi gleng gzhi bstan to/ /de nas bcom ldan 'das byang chub sems dpa' i spyod pa la 'jug pa zhes bya ba nas brtsams te/ chos nyan pa'i phyir 'dus so zhes bya ba yan chad kyi gleng bslang pa bstan to/ /de nas tshe dang ldan pa sha radwA ti'i bus zhes bya ba nas brtsams te/ 'di ni byang chub sems dpa' rnams kyi sems mi zad pa'o zhes bya ba yan chad kyis chos rnams kyi gzhi bstan to/ /gzhan yang btsun pa sha radwA ti'i bu/ byang chub sems dpa' rnams kyis bsam pa mi zad pa zhes bya ba brtsams te/ 'di ni lhag pa'i bsam pa mi zad pa'o zhes bya ba yan chad bsam pa dang/ sbyor ba dang/ lhag pa'i bsam pa gsum gyis de'i 'bras bu bstan to/ /de nas tshe dang ldan pa sha radwA ti'i bus zhes pa nas brtsams te/ sngon gyi sbyangs pa byas pa stong phrag sum cu rtsa gnyis mi skye ba'i chos la bzod pa thob pa yan chad pha rol tu phyin pa drug gis bdag dang gzhan gyi don byed pa bstan to/ /de nas byang chub sems dpa' blo gros mi zad pas zhes bya ba nas brtsams te/ btsun pa sha radwA ti'i bu byang chub sems dpa' rnams kyis btang snyoms mi zad pa zhes bya ba yan chad kyis snying brtse ba bstan to/ /gzhan yang btsun pa sha radwA ti'i bu zhes bya ba nas brtsams te/ byang chub sems dpa' rnams kyi mngon par shes pa lnga mi zad pa zhes bya ba yan chad kyis yo byad bstan to/ /gzhan yang btsun pa sha radwA ti'i bu zhes bya ba nas brtsams te/ bsdu ba'i dngos po bzhi mi zad pa zhes bya ba yan chad kyis yongs su smin par byed pa'i mthu bstan to/ /gzhan yang btsun pa sha radwA ti'i bu zhes bya ba nas brtsams te/ so so yang dag par rig pa bzhi mi zad pa zhes bya ba yan chad kyis bstan par bya ba'i mthu 'thob pa bstan to/ /gzhan yang btsun pa sha radwA ti'i bu zhes bya ba nas brtsams te/ rton pa bzhi mi zad pa zhes bya ba yan chad kyis de'i thabs shes pa bstan to/ /gzhan yang btsun pa sha radwA ti'i bu zhes bya ba nas brtsams te/ bsod nams dang ye shes kyi tshogs mi zad pa'o zhes bya ba yan chad kyis tshogs kyi lam bstan to/ /btsun pa sha radwA ti'i bu zhes bya ba nas brtsams te/ 'di dag ni byang chub sems dpa' rnams kyi stobs mi zad pa'o zhes bya ba yan chad kyis sbyor ba'i lam bstan to/ /gzhan yang btsun pa sha radwA ti'i bu zhes bya ba nas brtsams te/ byang chub kyi yan lag bdun no zhes bya ba yan chad kyis mthong ba'i lam bstan to/ /gzhan yang btsun pa sha radwA ti'i bu zhes bya ba nas brtsams te/ lam mi zad pa'o zhes bya ba yan chad kyis bsgom pa'i lam bstan to/ /gzhan yang btsun pa sha radwA ti'i bu zhes bya ba nas brtsams te/ zhi gnas dang lhag mthong mi zad pa'o zhes bya ba yan chad kyis der sbyor bar bstan to/ /gzhan yang btsun pa sha radwA ti'i bu zhes bya ba nas brtsams te/ gzungs dang spobs pa mi zad pa ces bya ba yan chad kyis lung bstan pa thob pa bstan to/ /gzhan yang btsun pa sha radwA ti'i bu zhes bya ba nas brtsams te/ chos kyi mdo bzhi mi zad pa zhes bya ba yan chad kyis de? thob par rnam bzhag pa la bstan to/ /gzhan yang btsun pa sha radwA ti'i bu zhes bya ba nas brtsams te/ bgrod pa gcig pa'i lam mi zad pa zhes bya ba yan chad kyis rang byang chub pa bstan to/ /gzhan yang btsun pa sha radwA ti'i bu zhes bya ba nas brtsams te thabs mi zad pa zhes bya ba yan chad kyis chos kyi 'khor lo rab tu bskor ba bstan to/ /tshig gi don ni bsdus pa'i don rig par bya ba'i phyir te/ 'di skad bdag gis thos pa dus gcig na zhes bya ba la sogs pa'i don rgyas par ston pa gang yin pa'o/ /de la gleng gzhi ni mdo sde 'byung ba'i rgyu ste/ yang dag par sdud par mdzad pa rnams kyis yid ched par bya ba'i phyir thams cad du smos so/ /de'ang gnas dang ston pa dang 'khor phun sum tshogs pas rab tu phye ba ste/ gnas gang na gang zhig su dag dang thabs gcig tu zhugs nas chos kyi rnam grangs 'di bshad ces sbyar ro/ /de la gnas ni yon tan thams cad kyi tshogs dpag tu med pa zhes bya ba'i bar gyis bstan/ /ston pa ni sangs rgyas kyi mdzad pa lhun gyis grub pa rgyun mi 'chad ces bya ba'i bar gyis bstan/ 'khor ni brjod du med pa'i byang chub sems dpa' zhes bya ba'i bar gyis bstan to/ /de la 'di skad bdag gis thos pa'i dus gcig na zhes bya ba la sogs pa ni 'phags pa sdud pa mdzad pa rnams kyi tshig ste/ 'di skad ces bya ba ni mdo sde 'di las mi zad pa brgyad cu zhig 'og nas 'byung ba la bya'o/ /bdag gis thos pa zhes bya ba ni gzhan las snying gtam du thos pa ni ma yin gyis sdud pa mdzad pa nyid kyis bcom ldan 'das las mngon sum du rna ba'i dbang pos thos par bya'o/ /dus gcig na zhes bya ba ni de bzhin gshegs pa skye bo mang po'i don la/ dus gzhan dag du ni mdo sde 'chad cing sems can gyi don gzhan mdzad pas mdo sde 'di dus gcig cig tu bshad do zhes bya ba'i tha tshig go / rnam pa gnyis su sdud par mdzad pa nyid dus gzhan dag tu chos gzhan mnyan nas/ dus gcig cig du mdo sde 'di lan gcig cig mnyan pa la'ang bya ste/ dus gcig lan gcig mnyan pa des sdud par mdzad pa nyid mang du thos pa dang/ thos pa 'dzin pa yin par yang zhar la bstan to/ /bcom ldan 'das zhes bya ba ni bgegs bcom pa dang ldan pa la bya ste/ bgegs kyang 'dir bla na med pa'i byang chub thob pa la bar du gcod par byed pa bdud rnam bzhi la bya'o/ /bdud rnam bzhi ni lha'i bu'i bdud dang/ nyon mongs pa'i bdud dang/ phung po'i bdud dang/ 'chi bdag gi bdud do/ /de la lha'i bu'i bdud ni byang chub kyi shing drung du byams pa'i ting nge 'dzin gyis bcom/ nyon mongs pa'i bdud kyang byang chub mngon par rtogs pa'i tshe bcom/ phung po'i bdud kyang byang chub mngon par rtogs pa'i tshe kun bzhi rnam par shes pa gnas yongs su gyur pas bcom/ 'chi bdag gi bdud kyang grong khyer yangs pa can du mya ngan las 'das pa las mi 'da' bar zla ba gsum du tshe'i 'du byed slar bsnur te/ tshe la dbang thob pas 'chi bdag gi bdud kyang der bcom mo/ /yang na 'di la legs pa mnga' bas/ bcom ldan 'das zhes bya ste/ legs pa zhes bya ba ni dbang phyug dang/ gzugs bzang ba dang/ grags pa dang/ dpal dang/ ye shes dang/ brtson 'grus rnams la bya ste/ de la dbang phyug ni 'jig rten dang 'jig rten las 'das pa'i longs spyod bla na yod pa dang/ bla na med pa dang ldan pa la bya'o/ /gzugs bzang ba ni skyes bu chen po'i mtshan sum cu rtsa gnyis dang/ dpe byad bzang po brgyad cu dang ldan pa'o/ /grags pa ni 'jig rten dang 'jig rten las 'das pa'i yon tan phun sum tshogs par phyogs thams cad du grag pa la bya'o/ /dpal ni bdag nyid bsam pa yongs su rdzogs pa dang/ dpag bsam gyi zhing dang yid bzhin gyi nor bu rin po che bzhin du sems can thams cad kyi dpal du gyur te/ re ba yongs su rdzogs pa la bya'o/ /ye shes ni shes bya'i dngos po thams cad la ma chags shing thog pa med pa la bya'o/ /brtson 'grus ni bskal ba grangs med pa gsum gyi bar du sems can gyi mi gtong ba'i brtson 'grus dang ldan pa la bya'o/ /rgyal po'i khab ces bya ba nas/ yon tan thams cad kyi tshogs dpag tu med pa na bzhugs zhes bya ba'i bar du bcom ldan 'das kyis gnas phun sum tshogs pa bstan te/ de la rgyal po'i khab ces bya ba ni rgyal po'i khab kyi grong khyer chen po la bya'o/ /yang na rgyal po sangs rgyas bcom ldan 'das chos kyi rgyal po la bya'o/ /khab ni chos kyis rgyal po de zhugs pa'i gnas la bya ste/ de yang don dam par chos kyi dbyings rnam par dag pa nyid la bzhugs pas chos kyi dbyings nyid la bya'o/ /khab de yang mtshan nyid rnam pa bdun gyis bstan te/ zab pa'i mtshan nyid dang/ rgya che ba'i mtshan nyid dang/ yongs su bzung ba'i mtshan nyid dang/ rgyu phun sum tshogs pa'i mtshan nyid dang/ 'bras bu phun sum tshogs pa'i mtshan nyid dang/ rgyas pa'i mtshan nyid dang/ rdzu 'phrul phun sum tshogs pa'i mtshan nyid do/ /de la de bzhin gshegs pa'i spyod yul zhes bya bas zab pa'i mtshan nyid bstan te/ de bzhin gshegs pa'i spyod yul ni nam mkha' i dbyings dang 'dra bar dmigs pa dang rnam pa yongs su ma chad pas zab bo/ /rin po che bkod pa'i 'khor gyi khyams zhes bya bas rgya che ba'i mtshan nyid bstan te/ stobs dang mi 'jigs pa la sogs pa sangs rgyas kyi chos rin po che rnams kyis spras shing brgyan pa'am/ yang na de bzhin gshegs pa'i mthu las byung ba'i rin po che rnams kyi pho brang de spras pas na de skad ces bya'o/ /de bzhin gshegs pa thams cad kyi gnas zhes bya bas yongs su bzung ba'i mtshan nyid bstan te/ gnas de gzhan gyi bzung ba ma yin gyi de bzhin gshegs pa'i zhabs kyis bcags shing byin gyis brlabs zhes bya ba'i tha tshig po / bsod nams chen po'i rgyan gyi tshogs bsags pa zhes bya bas rgyu phun sum tshogs pa'i mtshan nyid bstan te/ de bzhin gshegs pa'i gnas chos kyi dbyings de bsod nams dang ye shes kyi tshogs dpag tu med pa'i rgyu las byung ba zhes bya ba'i tha tshig ste/ ye shes kyi tshogs dngos su ma smos kyang chos kyi dbyings de bsod nams dang ye shes kyi tshogs gnyi ga yongs su rdzogs pa las thob pas na ye shes kyi tshogs kyang zlas bstan te tshogs de gnyis byang chub chen po 'thob pa'i rgyan yin pa'i phyir ro/ /de la bsod nams dang ye shes kyi tshogs che ba yang gzhi dang/ bskyed pa dang/ rang bzhin che ba'i phyir te/ de la gzhi ni de bzhin gshegs pa'i sku'i 'phrin las so/ /skyed pa ni thugs kyi 'grin las so/ /rang bzhin ni gsung gi 'phrin las te/ sku dang thugs dang gsung khyad par can de lta bu las byung bas na chen po zhes bya'o/ /spyod pa chen po rgyu mthun pa zhes bya ba dang/ sangs rgyas thams cad kyi chos rnam par smin pas mngon par 'grub pa zhes bya ba'i tha tshig 'di gnyis kyi 'bras bu phun sum tshogs pa'i mtshan nyid bstan te/ de la spyod pa chen po zhes bya ba ni sa dang pha rol tu phyin pa la sogs pa'i spyod pa la bya ba 'am/ yang na sangs rgyas dang byang chub sems dpa' chen po rnams kyi spyod pa yin pas na spyod pa chen po zhes bya ste/ spyod pa de dag dang mthun pa'i 'bras bu la rgyu mthun pa zhes bya'o/ /sangs rgyas thams cad kyi chos zhes bya ba'i stobs dang mi 'jigs pa dang ma 'dres pa la sogs pa la bya'o/ /ci'i phyir sangs rgyas kyi chos zhes bya zhe na/ nyan thos dang rang sangs rgyas la sogs pa thun mong ma yin pa'i phyir te/ chos de dag gis rnam par smin pa las byung bas na rnam par smin pas mngon par grub pa zhes bya'o/ /byang chub sems dpa' chen po'i gnas zhes bya bas rgyas pa'i mtshan nyid bstan te/ gnas de na byang chub sems dpa' sa chen po la gnas pa rnams kyang bzhugs te/ bcud kyis rgyas zhes bya ba'i tha tshig go /chos kyi dbyings mdza' yas par bstan ces bya bas rdzu 'phrul phun sum tshogs pa'i mtshan nyid bstan te/ rdzu 'phrul gyi mthus zag pa dang bcas pa dang zag pa med pa'i chos rnams so so yid bzhin du sbyar te/ bstan pa mdza' yas pa la bya'o/ /de bzhin gshegs pa'i rnam par sprul pa'i byin gyis brlabs zhes bya ba nas yon tan thams cad kyis tshogs dpag tu med ces bya ba'i bar gyis rdzu 'phrul de nyid las rnam pa dgur phye nas bstan te/ dgu gang zhe na/ spal pa dang/ bsgyur ba'i rdzu 'phrul dang/ nyon mongs pa med pa'i gzhi'i rdzu 'phrul dang/ 'od gsal ba'i rdzu 'phrul dang/ phyin ci ma log pa'i rdzu 'phrul dang/ kun du mdzes pa'i rdzu 'phrul dang/ dgos pa dang bcas pa'i rdzu 'phrul dang/ theg pa chen po chos la longs spyod pa'i rdzu 'phrul dang/ rgyun mi 'chad pa'i rdzu 'phrul dang/ bde ba dang ldan pa'i rdzu 'phrul dang/ de la de bzhin gshegs pa'i rnam par sprul ba'i byin gyis brlabs zhes bya bas sbrul pa dang sgyur ba'i rdzu 'phrul bstan te/ de la sprul pa ni med pa las yod par sprul pa'o/ /sgyur ba ni rdo dang shing la sogs pa dngos po ngan pa la gser dang dngul dang rin po che la sogs par bsgyur ba'o/ /chags pa med pa'i spyod yul gyi ye shes la 'jug pa zhes bya ba'i nyon mongs pa med pa'i bzhi'i rdzu 'phrul bstan te/ 'dod chags la sogs pa'i dri mas ma chags ma gos pa'i ye shes kyis chos kyi dbyings de la 'jug pa'i phyir ro/ /dga' ba chen po yang dag par skyed pa zhes bya bas 'od gsal pa'i rdzu 'phrul bstan te/ 'od gsal ba'i rdzu 'phrul gyis sems can rnams dga' bar 'gyur ba'i phyir ro/ /dran pa dang blo gros dang rtogs pa la 'jug pa zhes bya bas phyin ci ma log pa'i rdzu 'phrul bstan te/ dran pas dmigs pa la ma rmongs/ blo gros kyi chos kyi don rtogs/ rtogs pas chos kyi don de gtan la 'bebs shing dbang du gyur pas na phyin ci ma log pa'o/ /kun nas ma slad pa zhes bya bas kun tu mdzes ba'i rdzu 'phrul bstan te/ rdzu 'phrul gyi spyod lam la sogs pas mdzes pas gzhan gyis smad cing 'phyas gdags pa la sogs pa med pa'i don to/ /ye shes rnam par spyod pa zhes bya bas dgos pa dang bcas pa'i rdzu 'phrul bstan te/ 'jig rten dang 'jig rten las 'das pa'i ye shes rnam pa sna tshogs kyis so so'i skye bo dang 'phags pa rnams kyis don du gar rigs rigs su ston pa la bya'o/ /ma chags pa'i rtogs pa la 'jug pa zhes bya bas thig pa chen po'i chos la longs spyod pa'i rdzu 'phrul bstan te/ de zhes bya bas ni gong du smos pa'i ye shes kyi spyod pa la bya ste/ 'jig rten gyi ye shes rnam par spyod pa la ma chags pa'i rdzu 'phrul gyi theg pa chen po'i chos la longs spyod ces bya ba'i don to/ /phyi ma'i mdza' i bskal par mngon par bstod pa zhes bya bas rgyun mi 'chad pa'i rdzu 'phrul bstan te/ rdzu 'phrul de dang nam du yang mi 'bral bas rtag tu ldan par bsngags shing bshad ces bya ba'i tha tshig go / yon tan thams cad kyi tshogs dpag tu med pa zhes bya bas bde ba dang ldan pa'i rdzu 'phrul bstan te/ 'jig rten dang 'jig rten las 'das pa'i yon tan dran par nye bar bzhag pa la sogs pa byang chub kyi phyogs dang/ stobs dang mi 'jigs pa la sogs pa sangs rgyas kyi chos rnams kyi yon tan rnams dang ldan na bde ba phun sum tshogs pa'i phyir ro/ /bzhugs te zhes bya ba ni gnas de lta bu na spyod lam bzhi'i tshul du bzhugs pa'am/ tshad med pa bzhi'i tshul du bzhugs pa la bya'o/ /bcom ldan 'das chos thams cad kyi mnyam pa nyid ni mngon par rdzogs par sangs rgyas zhes bya ba la sogs pa ni gnas de lta bu na bzhugs pa'i sten ba phun sum tshogs pa'i yon tan rnam pa bzhi bstan te/ bdag gi don yongs su rdzogs pa dang/ gzhan gyi don yang dag par rnyed pa dang/ gzhan gyi don byed nus pa dang/ bla na med pa'i mthu dang ldan pa'i yon tan no/ /de la chos thams cad kyi mnyam pa nyid ni mngon par rdzogs par sangs rgyas zhes bya bas bdag gi don yongs su rdzogs par bstan te/ 'dus byas dang 'dus ma byas kyi chos thams cad kyi mnyam pa nyid stong pa nyid dang mtshan ma med pa mngon par rdzogs par sangs rgyas pa nyid bdag gi don yongs su rdzogs pa'o/ /chos kyi 'khor lo ni bskor ces bya ba dang/ slob ma shin tu dul ba mdza' yas pa'i tshogs ni mnga' zhes bya ba'i tshig gnyis kyis gzhan gyi don la ngag par rnyed pa bstan ste/ ji ltar chos kyi 'khor lo rab tu bskor ce na/ gang gi phyir slob ma shin tu dul ba mdza' yas pa'i tshogs mnga' bas chos kyi 'khor lo rab tu bskor bar rig par bya'o/ /de la chos kyi 'khor lo rab tu bskor ba yang 'phags pa'i lam yan lag brgyad legs par bshad pa la bya ste/ 'phags pa'i lam gyi chos de yang 'khor lo dang 'dra ba'i phyir chos kyi 'khor lo zhes bya ste/ ji ltar 'khor lo ni lte ba dang/ rtsibs dang mu khyud gsum gyis 'khor lor gyur pa de bzhin du 'phags pa'i lam yan lag brgyad pa las yang dag pa'i ngag dang/ yang dag pa'i las kyi mdza' dang/ yang dag pa'i 'tsho ba gsum ni tshul khrims kyi phung por gtogs te/ lte ba dang 'dra'o/ /yang dag pa'i lta ba dang/ yang dag pa'i tog pa dang/ yang dag pa'i dran pa dang/ yang dag pa'i rtsol ba bzhi ni shes rab kyi phung por gtogs te/ rtsibs dang 'dra'o/ /yang dag pa'i ting nge 'dzin ni spros pa thams cad zhi bar byed pas na mu khyud dang 'dra'o/ /rnam pa gnyis su na ji ltar 'khor lo rin po che des phyogs ma rgyal ba rnams ni rgyal bar byed/ rgyal ba rnams su gnas 'cha' bde bzhin du 'phags pa'i lam gyi chos 'di yang sa gong ma ma thob pa rnams ni sgrib pa las rgyal nas thob par byed/ sgrib pa spangs nas thob pa rnams la ni gnas so/ /rnam gsum du ni ji ltar 'khor lo de mgyogs su 'gro zhing/ bla 'og kun tu dgra sel ba de bzhin du 'phags pa'i lam yan lag brgyad pa 'di yang shes rab myur ba'i rang bzhin can yin pas bla ma ni gzugs dang gzugs med pa'i khams kyi nyon mongs pa sel/ 'og tu ni 'dod pa'i khams kyi nyon mongs pa sel bas na 'khor lo dang 'dra'o/ /rnam bzhir na chos kyi 'khor lo rnam pa bcu gnyis lan gsum du bskor ba la yang bya ste/ 'di ni sdug bsngal gyi bden pa 'di ni kun 'byung ba'i bden pa/ 'di ni 'gog pa'i bden pa/ 'di ni lam gyi bden pa'o zhes bstan pa dang/ sdug bsngal ni shes par bya/ kun 'byung ni spang bar bya/ 'gog pa ni mngon du bya/ lam ni bsgom par bya'o zhes bstan pa dang/ sdug bsngal shes par byas zin pas/ yang shes par bya mi dgos/ kun 'byung ba spangs zin pas spang mi dgos/ 'gog pa mngon sum du byas zin pas yang mngon sum du bya mi dgos lam bsgoms zin pas yang bsgoms mi dgos zhes de ltar 'phags pa'i bden pa bzhi la lan gsum bshad na rnam pa bcu gnyis su 'gyur ba de la chos kyi 'khor lo rab tu bskor ba zhes bya bal/ /slob ma shin du dul ba mdza' yas pa'i tshogs ni mnga' zhes bya ba ni lha dang mi'i nang na de bzhin gshegs pas mi bstan mi bsngal ba med pas na lha dang mi thams cad slob ma yin/ de ltar mang bas na mdza' yas pa yin la/ de dag bstan bslabs te/ lam log pa las bzlog cing yang dag pa'i lam la zhugs par gyur ba ni shin tu dul ba zhes bya'o/ /chos thams cad la dbang ni brnyes zhes bya bas gzhan gyi don byed nus pa bstan te/ 'dus bya dang 'dus ma byas pa'i chos 'das pa dang/ ma 'ongs pa dang/ dus ring pos tshang ba dang/ thag ring po na gnas pa yang mngon du gyur pa bzhin du mkhyen cing rtogs te/ chos thams cad la dbang rnyes pas gzhan gyi don byed pa la yang thegs pa med pa'i phyir gzhan gyi don byed nus pa'i yon tan du bstan to/ /sems can thams cad kyi bsam pa'i tshul ni shin tu mkhyen ces bya ba la sogs pa tshig lhag ma bzhis bla na med pa'i mthu dang ldan pa'i yon tan bstan te/ tshig de bzhi las kyang sangs rgyas kyi yon tan bla na med pa ston pas bla na med pa'i mthu dang ldan pa'i yon tan no/ /de nyid kyang rnam pa bzhi ste/ thun mong ma yin pa'i yon tan dang/ yo byad kyi tshogs dang ldan pa'i yon tan dang/ mi bskyod pa'i mthu dang ldan pa'i yon tan dang/ rgyun mi 'chad pa'i sbyor ba'i yon tan no/ /de la sems can thams cad kyi bsam ba'i tshul ni shin tu mkhyen ces bya bas thun mong ma yin pa'i yon tan bstan te/ sems can rnams kyi khams dang/ rang bzhin dang/ bsam pa dang/ bag la nyal ba rnams ci 'gra ba mkhyen nas de dang mthun mthun du chos ston pa'o/ /dbang po dam pa'i mchog ni brnyes zhes bya bas yo byad kyi mchog dang ldan pa'i yon tan bstan te/ mig la sogs pa'i dbang po drug dang/ dad pa'i dbang po la sogs pa ni chos rtogs shing gtan la 'bebs pa'i yo byad yin te/ de dag kyang gzhan gyi dbang po dang mi 'dra bar gcig gis kyang thams cad la dbang byed nus pas dbang po'i mchog ces bya ste/ dper na mig gi dbang pos lta nus pa de bzhin du nyan pa dang snom pa dang ro myong ba la sogs pa dbang po'i lhag ma lnga rnams kyi bya ba yang byed nus pa lta bu'o/ /de ltar dbang po gcig gis kun gyi bya ba byed nus pa'i dam pa de yang mthar phyin cing mchog tu gyur pa brnyes pa sna tshogs brnyes pa zhes bya'o/ /sems can thams cad kyi nyon mongs pa'i bag chags kyi 'tshams legs par 'joms pa la ni mkhas zhes bya bas mi skyo ba'i mthu dang ldan pa'i yon tan bstan te/ khams gsum dang/ 'gro ba lnga/ skye gnas bzhi rnams su gdags pa'i sems can thams cad kyi nyon mongs pa'i bag chags thog pa med pa'i dus nas bsgos shing bsags pa/ phung po phyi ma len pa'i nying mtshams sbyor ba legs par rtsa nas 'byin cing ma lus pa spong ba la skyo ba mkhyen pa'i phyir ro/ /sangs rgyas kyi mdzad pa lhun gyis grub pa ni rgyun ma chad cing zhes bya bas/ rgyun mi 'chad par sbyor ba'i yon tan bstan te/ de bzhin gshegs pa'i mdzad pa bstan pa 'di la ma zhugs pa'i sems can rnams bstan pa 'di la gzung ba dang/ bcud pa rnams yongs su smin par mdzad pa dang/ smin pa rnams par grol bar mdzad pa la 'bad cing btsal mi dgos par lhun gyis grub pa nyid du gyur cing sems can gyi mdza' ji srid yong gyi bar du mdzad pa de gsum yongs su mi gtong bas rgyun mi 'chad par sbyor ba zhes bya'o/ rnam pa gnyis na tshig de dag gis bcom ldan 'das kyi yon tan rnam pa bzhi bstan te/ mngon par byang chub pa'i yon tan dang/ chos 'chang ba'i yon tan dang/ mthu'i yon tan dang/ bdag dang gzhan gyi don mi nyams pa'i yon tan no/ /de la bcom ldan 'das chos thams cad mnyam pa nyid ni mngon par rdzogs par sangs rgyas zhes bya bas mngon par byang chub pa'i yon tan te/ mngon par byang chub pa yang rnam pa gnyis te/ chos thams cad mngon par byang chub pa dang/ mnyam pa nyid mngon par byang chub pa'o/ /de la chos thams cad mngon par byang chub pa ni ming dang mtshan ma dang/ rmir? rtog pa rnams phyin ci ma log par thugs su chud pa'o/ /mnyam pa nyid mngon par byang chub pa ni de bzhin nyid thugs su chud pa ste/ de la chos thams cad mngon par byang chub pas ni thogs pa med pa'i ye shes dang ldan par bstan pa de bzhin nyid mngon par byang chub pas ni chags pa med pa'i ye shes dang ldan par bstan to/ /chos kyi 'khor lo rab tu bskor/ slob ma shin tu dul ba mdza' yas pa'i tshogs ni mnga' zhes pa'i tshig 'di gnyis kyis chos 'chad pa'i yon tan bstan to/ /chos thams cad la dbang ni brnyes zhes bya ba la sogs pa'i tshig bzhis mthu'i yon tan bstan to/ /mthu yang skabs 'dir mngon par shes pa drug po rdzu 'phrul dang lha'i mig dang/ gzhan gyi sems shes pa dang/ lha'i rna ba dang/ sngon gyi gnas dran pa dang/ 'chi 'pho dang/ skye ba shes pa dang/ zag pa zad pa mngon par shes pa la bya ste/ de la chos thams cad dbang brnyes pas rdzu 'phrul gyi mngon par shes pa bstan te/ lha'i mig gis kyang thag ring po na 'dug pa'i dngos po mngon sum du mthong ba la sogs pa'i sgo nas chos thams cad la dbang brnyes pa'i phyir rdzu 'phrul gyi nang du bsdu'o/ /sems can thams cad kyi bsam pa'i tshul mkhyen pas gzhan gyi sems shes pa dang/ lha'i rna ba dang sngon gyi gnas dran pa gsum bstan to/ /dbang po dam pa'i mchog brnyed pa dang/ sems can thams cad kyi nyon mongs pa'i bag chags kyi mtshams sbyor bar 'joms pa la mkhas pa gnyis kyi zag pa zad pa mngon par shes pa bstan te/ zag pa ni nyon mongs pa la bya'o/ /de la zad pa yang gnyen po dang spang bar bya ba gnyis kyis bstan te/ gnyen po ni dbang po'i mchog go /spang bar bya ba ni nyon mongs pa'i bag chags so/ /sangs rgyas kyi mdzad pa lhun gyis grub par rgyun mchad ces bya bas bdag dang gzhan gyi don mi nyams pa'i yon tan bstan to/ /rnam pa gsum du na bcom ldan 'das chos thams cad kyi mnyam pa nyid ni mngon par rdzogs par sangs rgyas zhes bya ba la sogs pas sangs rgyas bcom ldan 'das kyi yon tan rnam pa brgyad bstan te/ brgyad gang zhe na/ bdag gi don phun sum tshogs pa dang/ gzhan gyi don phun sum tshogs pa dang/ 'khor phun sum tshogs pa dang/ mthu phun sum tshogs pa dang/ thabs mkhas pa phun sum tshogs pa dang/ 'dogs pa phun sum tshogs pa dang/ bya ba rdzogs pa phun sum tshogs pa dang/ skyes bu'i mthu'i sbyor ba phun sum tshogs pa bstan te mdo'i tshig brgyad dang go rim bzhin sbyor ro/ /dge slong brgya stong phrag drug cu'i dge slong gi dge 'dun chen po dang zhes bya ba la sogs pas bcom ldan 'das kyi 'khor phun sum tshogs pa bshad de/ 'khor de 'ang rnam pa gnyis te/ nyan thos kyi 'khor dang/ byang chub sems dpa' i 'khor to/ /de la de bzhin gshegs pa'i bka' la shin tu zhugs pa zhes bya ba yan chad kyis ni nyan thos kyi 'khor phun sum tshogs pa bstan to/ /de man chad kyis ni byang chub sems dpa' i 'khor phun sum tshogs pa bstan to/ /de la dge slong brgya phrag drug cu zhes grangs nges pa bstan pa yang sngon bcom ldan 'das las sdud pa pos mdo sde 'di thos pa'i tshe lha dang klu la sogs pa tshe ring po rnams kyang 'khor de na 'khod pa de nyid phyis mdo sde 'di sdud pa'i tshe na yang 'khod de/ grangs nges pa 'dis ma 'khrul pa'i don rtags su rung zhing phyi ma rnams yid ches par bya ba'i phyir smos/ dge slong zhes bya ba ni skabs 'dir nyon mongs pa bcom pa la bya'o/ /dge 'dun zhes bya ba ni lta ba dang spyod pa la sogs pa mthun pas lta ba gzhan gyis mi byed pa la bya'o/ /chen po zhes bya ba ni rgyun tu zhugs pa la sogs pa'i 'bras bu thob pa la yang bya'o/ /gnyis su na nyon mongs pa bcom pas na chen po zhes bya'o/ /thams cad kyang cad zhes ba'i sems dang ldan pa zhes bya ba ni rta cang shes kyi yon tan brgyad po dul ba'i yon tan nges shing g.yung brtan che ba dang/ mi srun ba med pa'i yon tan grogs la za 'phrul? sogs pas mi 'tshe ba dang/ rgyu'i yon tan rta'i rigs dang yul sa bzang po nas skyes pa dang/ sems kyi yon tan 'gro ba'i gnas su ma phyin par bar ma dor zas la sems mi 'byung ste lam na brnyab cing mi za ba dang/ mgyogs pa'i yon tan 'gro ba'i gnas su myur du phyin par byed pa dang/ tshad kyi yon tan gzugs byad bzang zhing bong che ba dang/ longs spyod kyi yon tan rtsa dang chas la ngan ma mi byed cing rtog pas mi 'chag pa dang/ lta ba'i yon tan dam grag dang g.yang sa la sogs pa spangs te/ lam bde ba mthong zhing brtsol ba de bzhin du 'phags pa nyan thos cad shes pa yang dul ba'i yon tan dbang po mi rgod cing thul ba dang/ mi srun pa med pa'i yon tan grogs la mi 'tshe zhing 'gran mi nga ba dang/ rgyu'i yon tan de bzhin gshegs pa'i bstan pa las byung ba dang/ sems kyi yon tan chos gos dang bsod snyoms dang mal stan ngan don gyis chog shes shing gnas pas mdza' na gnas te 'phags pa'i rigs kyis mgu ba dang/ mgyogs pa'i yon tan sa gong ma ma thob pa rnams myur du sgyur te thob par byed pa dang tshad kyi yon tan dge ba spyod pa la brtson 'grus ha cang brtun pa dang le lo'i skyon du ma gyur par tshad cig tu mi nyams bar rgyun tu spyod pa dang longs spyod kyi yon tan dad pas byin pa'i zas dang/ gos bsod nams su mi 'gyur zhing gnas ma yin par chud mi gson pa dang/ lta ba'i yon tan yang dag pa'i lta ba'i yon tan ldan zhing log pa'i lam spangs te/ dam pa'i lam du zhugs pa'i yon tan 'di brgyad dang ldan pa la cang shes pa zhes bya'o/ /tshig lhag ma brgyad ni yon tan de brgyad dang go rim bzhin du sbyar ba ste/ yang dag pa'i shes pas sems shin tu rnam par grol ba'i zhes bya ba ni 'phags pa'i bden pa bzhi kun tu shes pa dang/ rtog pas nyan mongs pa'i sgrib pa las sems rnam par grol ba la bya'o/ /nyon mongs pa'i bag chags kyi mtshams sbyor ba thams cad legs par 'joms pa la brtson pa zhes bya ba ni 'dod chags la sogs pa'i/ nyon mongs phung po phyi ma len pa'i nying mtshams sbyor ba 'joms pa la brtson zhes bya ba'i tha tshig go /de bzhin gshegs pa chos kyi rgyal po'i sras zhes bya ba la/ de bzhin gshegs pa'i sgra ni chos thams cad phyin ci ma log par thugs su chud pa la bya ste/ de ltar thugs su chud pas chos thams cad la dbang thob pa ni rgyal po zhes bya'o/ /de'i gsung rab las byung ba'i phyir sras so/ /sangs rgyas kyi chos zab mo la gnas par mkhas pa zhes bya ba ni sangs rgyas kyi chos gang zag la bdag med pa dang/ rten cing 'brel te 'byung ba zab mo la dmigs shing spyod pa la mkhas zhes bya ba'i don to/ /dmigs pa'i chos las nges par 'byung ba zhes bya ba ni bdag tu lta ba la sogs pa mtshan ma med pa'i dmigs pa las skye zhes pa'i don to/ /spyod lam mdzes pa phun sum tshogs pa zhes bya ba'i spyod lam bzhi car bzad zhing mdzes pa'i don to/ /sbyin pa'i gnas chen por gyur pa zhes bya ba ni de dag la yon phul na rnam par smin pa'i 'bras bu dam pa 'thob par gyur pas lha dang mi rnams kyis bsod nams kyi zhing du gyur ces bya ba'i don to/ /de bzhin gshegs pa'i bka' la shin tu zhugs pa sha stag go zhes bya ba ni de bzhin gshegs pa'i bka' las rdul tsam 'gal bar mi byed ces bya ba'i don to/ /byang chub sems dpa' i dge 'dun chen po dang thabs gcig ste/ zhes bya ba la sogs pas byang chub sems dpa' i 'khor phun sum tshogs pa bstan to/ /de la byang chub ni zad la mi skye ba'i ye shes te de nges par thob par sems pa la byang chub sems dpa' zhes bya'o/ /dge 'dun ni snga ma bzhin no/ /chen po ni chos dang/ sems dang/ mos pa dang/ bsam pa dang/ tshogs dang/ dus dang/ yang dag par 'grub pa'i mtshan nyid chen po rnam pa bdun dang ldan pa'i phyir te/ de la chos chen po ni byang chub sems dpa' rnams la shes rab kyi pha rol tu phyin pa stong phrag brgya ba'i la sogs pa chos bstan pa shin tu rgya che ba'i phyir ro/ /sems bskyed pa chen po ni bla na med pa yang dag par rdzogs pa'i byang chub tu sems bskyed pa'i phyir ro/ /mos pa chen po ni chos zab cing/ rgya che ba de dag nyid la mos pa'i phyir ro/ /bsam pa chen po ni sems can la gnas? dang bde ba skyed pa'i bsam pa dang ldan pa'i phyir ro/ /tshogs chen po bsod nams dang ye shes kyi tshogs dpag tu med pa'i phyir ro/ /dus chen po ni bskal pa grangs med pa gsum gyis byang chub thob pa'i phyir ro/ /yang dag par 'grub pa chen po ni bla na med pa yang dag par rdzogs pa'i byang chub yang dag par 'grub pa'i phyir ro/ /sangs rgyas kyi zhing sna tshogs nas 'dus pa zhes bya bas ma 'ongs pa'i dus ni skye bo chos don du mi gnyer ba dang/ le lo can gyis gnyen por bstan te/ byang chub sems dpa' chen po 'di lta bu dag kyang chos nyan pa'i phyir thag ring po nas 'du na bdag cag thag nye ba na 'dug pa lta ci smos snyam pa'i sems bskyed pa'i phyir ro/ /byang chub sems dpa' i yon tan phun sum tshogs pa yang rnam pa gnyis kyi bstan te/ gnyis gang zhe na/ 'di lta ste/ sangs rgyas la bsnyen bkur phun sum tshogs pa dang/ sems can yongs su smin par byed pa phun sum tshogs pa'o/ /sangs rgyas bsnyen bkur byed pa phun sum tshogs pa'ang rnam pa gsum ste/ tshegs chung ngus sangs rgyas mang po la bsnyen bkur byed pa dang/ bsod nams spel bas bsnyen bkur byed pa dang/ ye shes spel bas sangs rgyas la bsnyen bkur byed pa'o sems kyi skad cig la sangs rgyas kyi zhing mdza' yas pa mthu rtsal gyis gnon cing 'ong ba dang 'gro ba la mkhas pa zhes bya bas tshegs chung ngus sangs rgyas mang po la bsnyen bkur byed pa bstan te/ de bzhin gshegs pa la chos mnyan pa'i phyir sems kyi skad cig gcig la yang sangs rgyas kyi zhing brgya stong du rdzu 'phrul gyis rtsal gyis gnon cing 'ong ba dang 'gro ba la mkhas zhes bya ba'i don to/ /de bzhin gshegs pa la mchod cing rim gro byed par byung ba zhes bya bas bsod nams spel bas sangs rgyas la bsnyen bkur byed pa bstan te/ de ltar sangs rgyas kyi zhing mdza' yas par skad cig gcig la yang chos nyan du 'gro ba de nyid kyis de bzhin gshegs pa la chos nyid kyis mchod cing rim gror byed pa yin te/ der byung ba ni de lta bu spyod pa'i bdag nyid du spyod pa la bya'o/ /chos nyan pa dang/ yongs su tshol bas mi ngoms pa zhes bya bas ye shes spel bas sangs rgyas la brnyen bkur byed pa bstan te/ bdag gis sangs rgyas kyi chos yongs su smin par bya ba dang/ mnyan pa dang tshol bas chog mi shes shes bya ba'i don te/ rtag tu rgyun mi 'chad bar sems can thams cad yongs su smin par bya ba la/ brtson pa zhes bya bas ni sems can yongs su smin par bya ba phun sum tshogs pa bstan te/ sems can gyi mdza' ji srid yod kyi bar du sems can gyi don byed bas mi skyo ba'i phyir te/ don ru na tshig gcig po 'dis ni sems can yongs su smin par bya ba phun sum tshogs pa spyir ston to/ /tshig lhag ma bzhis ni bye brag bstan te/ de yang yongs su smin pa bla na med pa dang/ yongs su smin pa don yod pa dang/ yongs su smin pa mang ba dang/ yongs su smin pa kha na ma tho ba med pa'o/ /de la thabs dang shes rab dam pa'i mchog thob pa zhes bya bas yongs su smin pa bla na med pa bstan te/ thabs kyis rgya che ba la mkhas pa dang shes rab kyis zab pa la mkhas pa 'di gnyis kyis sems can yongs su smin par byed pa ni gzhan la med pas bla na med pa yin no/ /sgribs pa med pa'i rnam par thar pa dang/ ye shes la rab tu gnas pa zhes bya bas yongs su smin pa don yod pa bstan te/ nyan thos kyi rnam par thar pa lta bur shes bya'i sgrib pa dang bcas pa la gnas pa ma yin gyi/ byang chub sems dpa' i rnam par thar pa cis ma bsgribs pa dang/ ye shes cis kyang ma sgribs pa la gnas zhes bya ba'i don te/ /rnam pa gnyis su rnam par thar pa chud par byed pa ni ye shes kyi byed de/ ye shes de yang ji lta bu zhe na/ ye shes sgrib pa med pa la ba nas zhes bya bar yang bshad do/ /rtog pa dang rnam par rtog pa dang spros pa thams cad las shin tu yang dag par 'das pa zhes bya bas yongs su smin pa mang ba bstan te/ rtog pa ni rtsid bar rtogs pa'o/ /rnam par rtog pa ni zhib mor rtogs pa ste/ rtogs pa de nyid sems ma zhi ba'i mtshan ma yin pas spros pa zhes bya ba/ /de dag spangs pa ni yang dag par 'das pa'o/ /thams cad mkhyen pa'i sa la nye bar gyur ba sha stag ces bya bas yongs su smin pa kha na ma tho ba med pa bstan te/ sangs rgyas kyis kun tu 'od thob tu nye zhes bya ba'i tha tshig te/ 'dis 'bras bu phun sum tshogs pa yang bstan to/ /byang chub sems dpa' glog gi lha zhes bya ba la/ glog ni 'gyur zhing mi rtog pa'i don lha zhes bya ba ni rol pa 'am spyod pa'i don te/ mi rtog pa'i chos la rol pa 'am/ spyod ces bya ba'i tha tshig go /byang chub sems dpa' g.yul las rnam par rgyal zhes bya ba ni nyon mongs pa'i dgra'i g.yul las rgyal ba'o/ /byang chub sems dpa' rnam par snang ba'i snying po zhes bya ba ni 'od 'phro rnam pa sna tshogs dang ldan pa zhes bya ba'i don to/ snying po de lta bu 'byung ba'i gnas la bya'o/ /yang na sems can gyi don du sems can dang sems can ma yin pa'i dngos po sna tshogs su snang ba la bya ste/ de nyid gtso bor gyur pa la snying po zhes bya'o/ /byang chub sems dpa' rtsal gyi dpa' ba zhes bya ba ni sa gong ma thob pa'i rnams thob cing gnon pa'i rtsal dang ldan pa'o/ /byang chub sems dpa' yid gnyis shin tu 'joms pa zhes bya ba ni bden pa dang dkon mchog la sogs pa la yid gnyis su gyur pa 'joms pa'o/ /byang chub sems dpa' sgra rnam par sgrags zhes bya ba ni chos kyi seng ge'i sgra rnam pa sna tshogs sgrogs pa'o/ /byang chub sems dpa' rnam par lta ba'i mig ces bya ba ni shes rab kyi spyan gyis sems can gyi don rnam pa sna tshogs la rab tu blta ba'o/ /byang chub sems dpa' mun pa dang bral ba zhes bya ba ni mi shes pa'i mun pa thams cad spangs pa'o/ /byams pa zhes bya ba ni dus thams cad du byams pa'i ting nge 'dzin la snyoms par zhugs pa'i phyir ro/ /'jam dpal zhes bya ba ni de bzhin gshegs pa rin po che'i snying po'i spyan sngar 'khor los sgyur ba'i rgyal po rtsibs kyi mu khyud kyis sras dbang po'i tshogs zhes bya bar gyur ba'i tshe byang chub tu sems bskyed pa na bcom ldan 'das des/ rigs kyi bu khyod ni shin tu yon tan dang ye shes dang ldan pas na gang gi phyir sems can gyi don gyi phyir de ltar rab dang mchog blo gros bkris pa byas shing sangs rgyas kyi zhing gi yon tan bkod pa rab mchog bzung bas rigs kyi bu khyod 'jam dpal zhes gsungs? ba lta bu'o/ /sogs pa zhes bya ba ni grangs med dpag tu med pa'i byang chub sems dpa' rnams las 'dir gtso bor gyur pa rnams yon tan dang rjes su mthun pa'i cung zad cig smos su zad kyi/ gzhan rnams sogs pa'i nang du 'dus te/ 'khor de lta bu dang/ bcom ldan 'das thabs gcig tu bzhugs so zhes bya bar sbyar ro/ /'dir 'phags pa nyan thos kyi 'khor sngar smos la/ byan chub sems dpa' phyis smos pa yang nyan thos rnams don nyung zhing bya ba nyung la de bzhin gshegs pa'i a tis? la brten pas rtag tu zhabs 'bring na nges par 'khod pa'i phyir sngar smos so/ /byang chub sems dpa' rnams ni gzhan la rigs la mi brten par 'jig rten gyi khams sna tshogs su sems can sna tshogs kyi don la de bzhin gshegs te ma nges pas byis smos so/ /gleng bslang ba yang rnam pa bdun gyis bstan te/ bstan pa phun sum tshogs pa dang/ bstan pa dang rjes su mthun pa'i 'od zer phun sum tshogs pa dang/ bstan pa gzhi phun sum tshogs pa dang/ ston pa'i bdag nyid chen po brjod la phun sum tshogs pa dang/ nges pa gdon mi za ba'i gtam phun sum tshogs pa dang/ dris pa la lan glan pas 'di ni bzhugs pa'i de bzhin gshegs pas gzhan gyi yon tan bsngags pa phun sum tshogs pa dang mthu chen po bstan pa phun sum tshogs pa'o/ /de nas bcom ldan 'das byang chub sems dpa' i spyod pa la rab tu 'jug pa dang/ nges par 'byung ba zhes bya ba nas gsal bar mdzad do yang dag par rab tu ston no zhes bya ba'i bar gyis bstan pa phun sum tshogs pa bstan to/ /de nas bcom ldan 'das de lta bu shin tu rnam par nges pa'i don 'dus pa chen po'i le'u zhes bya ba nas lus dang sems rab tu tshim par gyur cing bdag nyid bde ba thams cad dang ldan pa snyam du shes pa'i bar gyis bshad pa dang rjes su mthun pa'i 'od zer phun sum tshogs pa bstan to/ /rin po che bkod pa'i 'khor gyi byams su bcom ldan 'das kyi spyan sngar zhes bya ba nas lhan cig tu 'ongs te de dag 'ongs ba'i snga ltas so zhes bya ba'i bar gyis bstan pa'i gzhi phun sum tshogs pa bstan to/ /bcom ldan 'das kyis de skad ces bka' stsal nas ring por ma lon par de nas de'i tshe zhes bya ba nas 'khor dang bcas te pad+ma'i snying po de dag la skyil mo krung du 'khod do zhes bya ba'i bar gyis ston ba'i bdag nyid chen po brjod pa phun sum tshogs pa bstan to/ /de nas sangs rgyas kyi mthus tshe dang ldan pa shA ri'i bu stan las langs te zhes bya ba nas/ 'gro ba dang 'ong ba med pa ni 'phags pa rnams kyi 'gro ba'o zhes bya ba'i bar gyis nges par gdon mi za ba'i gtam phun sum tshogs pa bstan to/ /de nas tshe dang ldan pa shA radwa ti'i bus/ byang chub sems dpa' blo gros mi zad pa la 'di skad ces smras zhes bya ba nas gang dag byang chub sems dpa' yongs su dag pa 'di lta bu dag 'khod pa'i sangs rgyas kyi zhing de dag ni shin tu nyung ngo zhes bya ba'i bar gyis dris pa lan glan pas 'di na bzhugs pa'i de bzhin gshegs pa'i gzhan gyi yon tan bsngags pa phun sum tshogs pa bstan to/ /de nas tshe dang ldan pa sha radwA ti'i bus zhes bya ba nas phyogs bcu'i sangs rgyas kyi zhing tshad med pa nas chos nyan pa'i phyir 'dus so/ /zhes bya ba'i bar gyis mthu chen po bstan pa phun sum tshogs pa bstan to/ /de nas bcom ldan 'das zhes bya ba la sogs pas mdo sde'i lus dang yon tan bstan te/ sngar smos pa'i gnas de na 'khor de lta bu dag dang thabs gcig tu bzhugs nas mdo sde 'di lta bu gsungs so/ /rab tu ston to zhes 'byung ba'i tshig 'og ma dang sbyar ro/ /de la mdo sde 'di'i lus ni byang chub sems dpa' i spyod pa la 'jug pa dang/ nges par 'byung pa sgrib pa med pa'i sgo zhes bya ste/ byang chub sems dpa' i spyod pa ni mdo sde 'di las byang chub tu sems bskyed pa nas/ thabs la mkhas pa'i bar bstan pa rnams te/ 'jug pa ni spyod pa de dag rtsom pa'o/ /nges par 'byung ba ni spyod pa de dag la zhugs pa'i dgos pa mthar phyin pa la bya'o/ /sgrib pa med pa ni de ltar 'jug cing 'byung ba la sgrib pa dang/ bar chad med pa'i don to/ de lta bu de dag mdo sde 'di las ston pas na sgo zhes bya'o/ /byang chub sems dpa' i lam bkod pa la dmigs pa zhes bya ba nas/ de bzhin gshegs pa'i yon tan brjod pa'i phyir chos thams cad la dbang byed pa'i tshul 'jug pa zhes bya ba'i bar du mdo sde 'di'i yon tan ston to/ /de la byang chub sems dpa' i lam bkod pa la dmigs pa zhes bya ba la byang chub sems dpa' i lam ni byang chub kyis sa rnams la bya'o/ /sa de dag gi rnam pa so sor gsal bar snang ba la bkod pa zhes bya ste/ mdo sde 'dis de la dmigs pa ston pas de skad ces bya'o/ /sangs rgyas kyi chos zab mo thams cad dang/ stobs bcu dang mi 'jigs pa yongs su grub pa'i ye shes kyi 'byung gnas zhes bya ba ni ming gis smos pa'i chos de rnams yongs su grub pa'i ye shes mdo sde 'di bstan pa las 'byung ba'i phyir ro/ /sangs rgyas kyi chos zab mo ni gang zag la bdag med pa dang/ chos la bdag med pa'o/ /chos thams cad la dbang byed pa'i tshul dang/ gzungs kyi phyag rgya'i sgor 'jug pa zhes bya ba ni 'dus byas dang/ 'dus ma byas kyi chos thams cad khong du chud pa'i dbang ni don dang tshig mi brjod pa'i gzungs kyis byed do/ /gzungs kyi phyag rgya'i sgo phye na chos thams cad la dbang byed par gyur te/ de lta bu mdo sde 'di las ston pas na sgor 'jug pa zhes bya'o/ /so so yang dag par rig pa shin tu rnam par nges pa la gzung ba'i sgor 'jug pa zhes bya ba ni chos dang don dang nges pa'i tshig dang/ spobs pa so sor yang dag par rigs pa bzhi legs par bstan la 'bebs pa mdo sde 'di las ston pas na gzung pa'i sgor 'jug pa zhes bya'o/ /mngon par shes pa chen po'i ye shes la gzung ba'i sgor 'jug pa zhes bya ba ni byang chub sems dpa' i mngon par shes pa drug po mdo sde 'di las ston pas na de skad ces bya'o/ /chen po ni 'jig rten gyis mngon par shes pa dang/ nyan thos dang/ rang sangs rgyas kyi mngon par shes pa bas byang chub sems dpa' i mngon par shes pa che ba'i phyir ro/ /phyir mi ldog pa'i chos kyi 'khor lo zhes bya ba ni bla na med pa'i byang chub las phyir mi ldog pa'i thabs mdo sde 'di las ston pa'i phyir ro/ /mi skye zhing mi ldog pa'i chos rab tu ston pa zhes bya ba ni chos thams cad thog ma nas ma skyes pa dang/ bla na med pa'i byang chub las mi ldog pa'i tshul mdo sde 'di las ston pa'i phyir ro/ /bgrod pa gcig pa'i lam du yang dag par gzhol ba zhes bya ba ni thag pa gcig gis lam phyin ci ma log pa zhes bya ba'o/ /theg pa thams cad theg pa gcig tu mtshungs pa nyid la yang dag par gzhol ba zhes bya ba ni gong ma nyid 'dis gsal bar bstan te/ gong du bgrod pa gcig ces smos pa ste/ bgrod pa gang dang gang gcig tu ston ce na/ nyan thos dang rang sangs rgyas dang byang chub sems dpa' i theg pa gcig tu gsum car mtshungs par ston ces bya ba'i tha tshig go / tshul gcig pa'i chos kyi dbyings dbyer med pa la 'jug pa zhes bya ba ni chos kyi dbyings rnam par dag pa tshul cig ste/ sna tshogs su dbyer med pa mdo sde 'di las ston pa'i phyir ro/ /sems can thams cad kyi bsam pa dang dbang po la gzung pa bstan pa zhes bya ba ni sems can rnams kyi bsam pa gang las dad pa dang/ dbang po rno rtul la mkhas pa mdo sde 'di las ston pa'i phyir ro/ /snying po'i rjes su song ba'i chos rnam par nges pa zhes bya ba ni bdud dang mu stegs can la sogs pa phas kyi rgol ba rnams kyis mi tshugs shing bstan pa la snying po zhes bya ste/ chos de lta bu mdo sde 'di las ston pa'i phyir ro/ /de bas na tshig 'og mas mtshon te/ bdud kyi 'khor thams cad shin tu 'joms par byed pa zhes bstan to/ /tshul bzhin chos la gzung pa'i sgor 'jug pa zhes bya ba ni mya ngan las 'das pa rjes su mthun pa'i chos la tshul bzhin gyis chos zhes bya ba ste/ de la gzung ba ni mdo sde 'di las bshad pa'i phyir de skad ces bya'o/ /nyon mongs pa dang lta bar gyur pa thams cad 'dul ba zhes bya ba ni 'dod chags la sogs pa nyon mongs pa dang/ bdag tu lta ba dang/ mthar 'dzin par lta ba dang/ log par lta ba dang lta ba mchog tu 'dzin pa dang/ tshul khrims dang brtul zhugs mchog tu 'dzin pa'i rnam pa lnga rnams spong ba'i thabs mdo sde 'di las bstan pa'i phyir ro/ /chags pa med pa'i shes rab dang/ ye shes kyi rjes su 'jug pa zhes bya ba ni yun ring po dang thag ring pos tshod pa'i dngos po rnams pa sgrib pa med par shes rab dang ye shes skye ba'i thabs mdo sde 'di/ las bstan pa'i phyir te/ shes rab ni chos thams cad kyi rang gi mtshan nyid rnam par 'byed nus pa'o/ /ye shes ni shes rab kyi rnam par phye ba'i chos la spyi'i mtshan nyid du rtogs pa'o/ /mdza' yas shing mtshungs pa med pa'i bsngo ba la mkhas pa'i thabs kyis ma shes bstan pa zhes bya ba ni dge ba spyad do cog bla na med pa'i byang chub tu bsngo ba la mkhas pa'i thabs mdza' yas shing mtshungs pa med pa'i ye shes 'gyur ba mdo sde 'di las bstan pa'i phyir ro/ /sangs rgyas kyi chos thams cad kyi mnyam pa nyid kyi ye shes kyi rjes su 'jug pa zhes bya ba ni stobs dang mi 'jigs pa la sogs pa sangs rgyas kyi chos thams cad stong pa nyid du ro gcig par chud pa'i ye shes su 'gyur ba mdo sde 'di las bstan pas na de skad ces bya'o/ /thogs pa med pa'i ye shes kyi byin gyis brlabs kyi sgor 'jug pa zhes bya ba ni bsam zhing 'bad mi dgos par lhun gyis 'grub pa nyid du dngos po thams cad shes pa'i ye shes la thogs pa med pa'i ye shes zhes bya'o/ /ye shes de lta bu la gnas pa 'am da lta bu'i mthu dang ldan pa la byin gyis brlabs zhes bya ste/ de lta bu mdo sde 'di bstan pa las 'byung bas na de skad ces bya'o/ /chos thams cad ji lta ba bzhin du shin tu gtan la phab par bstan pa zhes bya ba ni byang chub kyi phyogs dang sa dang pha rol tu phyin pa la sogs pa sangs rgyas kyi chos rnams phyin ci ma log par mdo sde 'di las ston pa'i phyir ro/ /mi rtog rnam par mi rtog pa'i mnyam pa nyid la 'jug pa zhes bya ba ni rtog pa dang spyod pa las 'das pa'i mnyam pa nyid mdo sde 'di bshad pa las 'byung ba'i phyir ro/ /rten cing 'brel par 'byung ba zab mo khong du chud pa zhes bya ba ni chos rnams byed pa pos ma byas par rten cing 'brel par 'byung ba yin par 'jig rten pa rnams yid mi ches pa'i phyir zab ste/ mdo sde 'di bshad pa las de ltar khong du chud par 'byung ba'i phyir ro/ /bsod nams dang ye shes kyi tshogs chen po thams cad bsags pa zhes bya ba ni mdo sde 'di bshad pa 'am/ bstan pa las byang chub sems dpa' i bsod nams dang ye shes kyi tshogs chen po sogs par 'gyur ba'i phyir ro/ /sangs rgyas kyi sku dang gsungs dang thugs kyi mnyam pa nyid kyi rgyan gyi rjes su song ba zhes bya ba ni sku dang gsung thugs gsum char yang don dam par ro gcig ste/ mnyam pa nyid du gyur pa nyid zab pas na rgyan ces bya'o/ /de lta bu mdo sde 'di bshad pa las 'byung bas na rjes su song ba zhes bya'o/ /dran pa dang blo gros dang rtog pa dang mos pa dang/ shes rab mi zad pa mngon par sgrub pa zhes bya pa ni dran pa la sogs pa ming gis smos pa'i rnams 'khor ba'i mdza' i bar du zad mi shes par 'gyur ba mdo sde 'di bshad pa las 'byung bas na/ de skad ces bya ste/ dran pa la sogs pa ni sngar bshad zin/ mos pa ni yid ches nas gzhan du mi 'gyur ba'o/ /nyan thos kyi theg pas gdul ba'i phyir 'phags pa'i bden pa'i tshul la 'jug pa zhes bya ba ni nyan thos kyi theg pas 'dul ba'i sems can rnams kyi phyir 'phags pa'i bden pa bzhi'i tshul yang 'di las ston pas na de skad ces bya'o/ /rang sangs rgyas kyi theg pas 'dul ba'i phyir lus dang sems rab tu dben pa shes pa zhes bya bas ni/ rang sangs rgyas kyi theg pa 'dul ba'i sems can rnams kyi don du bse ru lta bur spyad pa'i lus dang/ sems rab tu dben par shes pa yang mdo sde 'di las bstan pa'i phyir ro/ /theg pa chen pos gdul ba'i phyir thams cad mkhyen pa'i ye shes kyis sar dbang bskur ba thob pa zhes bya ba ni theg pa chen po'i skal pa can gyi sems can rnams kyi don du sangs rgyas kyis sar dbang bskur par 'gyur ba yang mdo sde 'di bstan pa las 'byung ba'i phyir de skad ces bya'o/ /de bzhin gshegs pa'i yon tan brjod pa'i phyir chos thams cad la dbang byed pa'i tshul la 'jug pa zhes bya ba ni sangs rgyas kyi chos thams cad thogs pa med par shes pa la chos thams cad la dbang byed pa zhes bya ste/ chos thams cad shes na de bzhin gshegs pa'i yon tan yang rtogs shing ston nus par 'gyur te/ de ltar gyur ba'i thabs la tshul zhes bya'o/ /tshul de lta bu mdo sde 'di bstan pa las byung bas na tshul la 'jug pa zhes bya ste/ de lta bu'i yon tan dang ldan pa'i mdo sde gsung ngo bston to/ /rab tu ston to/ zhes bya ba la sogs pa ni 'chad pa'i tshog gi rnam grangs su rigs par bya'o/ /yang na gsung ngo zhes pa ni bstan pa'o/ /'og ma rnams ni bshad pa ste/ de la ston pa ni tshig dang yi ge bzang pos ston pa'o/ /rab tu ston pa ni rigs pa dang mi 'gal ba'i don ston pa'o/ /mos par mdzad pa la sogs pa tshig lhag ma rnams ni gang zag bdun po lung gi stobs can dang/ rtogs pa'i stobs can dang/ mdor bstan pas go ba dang/ spros te bstan pas go ba dang/ the tshom can dang/ mi shes pa dang/ log par shes pa rnams kyi dbang du byas pa ste/ de la lung gis stobs can ni skye bo de bzhin gshegs pa'i gsungs rab kyi lung tsam la rten cing klog pa dang nyan pa la sogs pa byed pa ste/ de'i ched du mos pa mdzad/ 'dzin du 'jug ste/ mdo bshad pa'i tshe dang po mdzad pa dang/ de'i 'og tu don dam tshig ma nor bar 'dzin du 'jug pa dang/ phyis kyang mi brjed par kha ton du byed du 'jug ba'i phyir ro/ /rtogs pa'i stobs can gyi gang zag gi ched du ni shes par mdzad/ rnam par rig par mdzad/ rab tu shes par mdzad de/ de yang chos gsum pos bshad par bya ba dang/ bsgrub par bya ba dang/ thos par bya ba'i chos gsung rab kyi yan lag bcu gnyis dang/ 'phags pa'i lam dang/ mya ngan las 'das pa rnams shes par mdzad pa la sogs pa go rim bzhin du bya'o/ /mdor bston pas go ba'i gang zag gi ched du ni 'jug par mdzad de/ 'phags pa'i bden pa bzhi ming tsam bstan pas 'jug par mdzad pa'i phyir ro/ /spros te bstan pa go ba'i gang zag gi ched du ni 'brel te bden pa bzhi la rnam pa bcu drug tu phye nas ston pa lta bu'o/ /the tshom can gyi gang zag gi ched du ni/ rnam par 'byed de bden pa dang dkon mchog la sogs pa gang la the tsom du gyur pa de nyid rnam par gcad pa'i phyir gtan tshigs dang bcas pas rnam par 'byed do/ /mi shes pa'i gang zag gi ched du ni/ gsal bar mdzad de yang nas yang du ston to/ /log par shes pa'i gang zag gi ched du ni/ yang dag par rab tu ston te/ phyin ci ma log par ston ces bya ba'i tha tshig go / bstan pa dang rjes su mthun pa'i 'od zer phun sum tshogs pa bstan pa'i skabs su bab nas/ de nas bcom ldan 'das zhes bya ba la sogs pa gsungs te/ de lta bu shin tu rnams par nges pa'i don 'dus pa chen po zhes bya ba ni mdo sde 'dis chos kyi don legs par gtan la phab pa mang po bstan pa 'dus pa'i phyir de skad ces bya'o/ /bstan pa dang rjes su mthun pa'i 'od zer yang/ yon tan rnam pa bzhis bstan te/ 'od zer gzhan rnams zil gyis gnon pa ni/ de bzhin gshegs pa'i 'od dang/ byang chub sems dpa' dbang bskur ba thob pa rnams kyi 'od ma gtogs par zhes bya ba nas/ zil gyis gnon cing mi gsal bar gyur to zhes bya ba'i bar gyis bstan to/ /mun nag sel ba ni stong gsum gyi snyong chen po'i 'jig rten gyi khams zhes bya ba nas 'od des? gsal ler gyur to zhes bya ba'i bar gyis bstan te/ nyi ma dang zla ba 'di ltar rdzu 'phrul che ba/ 'di ltar mthu che ba/ 'di ltar dbang che ba zhes smos pa ni bar snang la rgyu ba dang/ 'dam rdzab dang 'bru la sogs pa skems shing smin par byed pa dang/ gling khams gang du 'char zhing snang bar byed pa der 'char zhing snang bar byed pa'i phyir ro/ /sgrib pa med pa ni 'od la rtswa dang shing gel ba zhes bya ba nas 'jig rten gyi khams thams cad snang bar byas nas sa ler gyur to zhes bya ba'i bar gyis bstan to/ /sems can thams cad kyi lus dang sems tshim par byed pa ni gang sems can dmyal ba pa rnams sam zhes bya ba nas/ bdag nyid bde ba thams cad dang ldan pa snyam du shes so zhes bya ba'i bar gyis bstan to/ /bstan pa'i gzhi phun sum tshogs pa yang rnam pa lngas bstan te/ rgyu phun sum tshogs pa ni rin po che sna bdun gyis pad+ma zhes smos so/ /tshad phun sum tshogs pa ni kha tshon shing rta'i yang? lo tsam 'dab ma brgya stong du ma dang ldan pa zhes smos pa'o/ /dri phun sum tshogs pa ni dri zhim pa zhes smos pa'o/ /dbyibs phun sum tshogs pa ni bkra ba lta na sdug pa zhes smos pa'o/ /kha dog phun sum tshogs pa ni kha dog dang ldan zhing yid du 'ong ba zhes smos pa'o/ /sa g.yo ba dang 'od zer gtod ba dang me tog gi char chen po 'bebs pa'i lnga ltas pa gsum ni 'jig tshogs la lta ba spangs par dka' ba rtsa ba nas dbyung ba dang ma rig pa'i mun pa bsal ba dang/ byang chub kyi phyogs kyi me tog gi char chen po dbab par bstan pa'i phyir ro/ /ston pa'i che ba'i bdag nyid chen po brjod pa'ang yon tan rnam pa dgus bstan to/ /thugs rje chen po'i yon tan dang/ 'jigs pa bdun med pa'i yon tan dang/ sems can gyi don spyod nus pa'i mthu dang ldan pa'i yon tan dang/ ji ltar sems can gyi don mdzad pa'i yon tan dang/ 'khor ba dang mya ngan las 'das pa la mi gnas pa'i yon tan dang/ chos bdag med pa ston pa'i yon tan dang/ khams gsum gyi chos mi rtag pa'i rang bzhin can la ma chags pa'i yon tan dang/ sku'i yon tan dang/ brjod kyis mi langs pa'i yon tan mdor bsdus pas bstan to/ /de la rdul med rdul dang bral ba dpa' bo 'dod chags bral ba zhes bya ba la sogs pa gcig gis thugs rje chen pos bstod de/ de yang sems can rnam pa bzhi pa ma nye du dang/ mu stegs can dang/ byang chub sems dpa' dang/ dgra bcom pa rnams kyi snying rje las de bzhin gshegs pa'i thugs rje ni shin tu thugs brtse ba dang/ rab tu mkhyen pa dang/ shin tu rnam par dag pa dang/ zab pa rnam pa bzhis go rim bzhin du khyad zhugs pas na? thug rje'i sgo nas bstod do/ /de la pha dang ma nye du bu tshal snying brtse ba yod mod kyi/ nyon mongs pa dag log par lta ba dang/ legs pa mi lta ba dang/ rab tu nyams pa dang/ dman pa rnam pa lnga'i sgo nas shin tu snying brtse ba ma yin te/ de 'ang ji lta zhe na/ bdag gir rtogs pa las byung ba dang/ sdug bsngal dang ldan pa'i yul tshol bar rtogs pa dang/ de dang mi ldan na yid mi bde ba'i zil gyis non pa dang ldan na dga' bas yid bde ba'i 'dod chags skye ba rnam pa bzhis nyon mongs pa'i snying rjer shes par bya ste/ de bzhin gshegs pa'i thugs rje la skyon rnam pa de bzhi mi mnga' bas na/ rdul med rdul dang bral ba dpa' bo 'dod chags bral zhes bya ba'i tha tshig bzhi gsungs so/ /log par lta ba ni rtag pa dang bde ba la sogs pa phyin ci log tu lta ba'o/ /legs bar mi lta ba ni 'phags pa'i bden pa bzhi ma rtogs pa ste/ de bzhin gshegs pa'i thugs rje la skyon rnam pa de gnyis mi mnga' bas/ ye shes rab rib mi mnga' spyan gsum rnam par sbyangs zhes bya ba'i tha tshig gnyis gsungs te/ spyan gsum ni chos kyi spyan dang/ shes rab kyi spyan dang/ sangs rgyas kyi spyan no/ /de la rab tu nyams pa'i snying rje ni bu tsha la sogs pas yid dang 'gal ba zhig byas ma thag tu zhe sdang gi sems 'byung bas de'i tshe ba? ma dang nye du'i snying rje rab tu nyams pa yin gyi/ de bzhin gshegs pa la skyon de mi mnga' bas/ skyon rnams bsal bas dri ma gsum dang tha ba spangs zhes gsungs te/ zhe sdang gis kun nas dkris pa spangs pas 'gal ba cis kyang phyis zhe sdang mi skye ste/ skyon rnams bsal ba yin la/ ngo bo nyid kyis kun nas nyon mongs pa can du gyur pa dri ma zhes bya ba dang/ dge ba'i lo tog gi zhing du ma gyur pas tha ba zhes bya ba dug gsum gyi bag la nyal spangs pas phyis kyang zhe sdang skye bar mi 'gyur ba'i phyir ro/ /dman pa'i snying rje ni gnod par byas pa dang/ phan 'dogs pa'i ngor lta ba ste/ 'dis nga'i bu la gnod pa 'di byas so/ /phan pa 'di byas so zhes bdag dang bdag gir rtogs pa'i gzhi las byung ba'i skyon de bzhin gshegs pa la mi mnga' bas/ rdul bral zhes gsungs te/ de lta bu'i shin tu thugs brtse ba dang ldan pa'i sangs rgyas thugs rje can la phyag 'tshal lo zhes bya bar sbyar ro/ /yang mu stegs can rnams kyi snying rje ni rab tu shes pa ma yin te/ skyon gyi rnam par rtog pa dang bcas pa dang/ yon tan gyi rnam par rtog pa dang bcas pa dang/ bdud dang phyi rol ba ma btsom pa'i 'dod chags dang bral ba dang/ shes pa rab rib dang bcas pa'i phyir te/ sa 'og ma la rags par rtog pa dang/ sa gong ma la zhi bar rtog pa dang/ 'dod chags shas kyis spangs kyang bdud dang phyir rgol ba bcom nas 'dod chags dang bral ba ma yin pa dang/ bdag dang bdag gir rtog pa'i rab rib dang bcas pa'i shes rab can de lta bu'i skyon de bzhin gshegs pa'i thugs rje la mi mnga' bas/ rdul med rdul bral dpa' bo 'dod chags bral/ /ye shes rab rib mi mnga' zhes gsungs te/ bdud dang phyir rgol ba bcom pa'i 'dod chags dang bral ba ma yin pa na dpa' bo 'dod chags dang bral ba ma yin pa na dpa' bo 'dod chags bral zhes bya ste/ gzhan ni tshig ra re dang sbyar ro/ /byang chub sems dpa' rnams kyi snying rje ni sangs rgyas kyis ma mthong ba dang/ shes bya'i sgrib pa ma lus par ma spangs pa'i phyir shin tu rnam par dag pa ma yin te/ de'i gnyen por spyan gsum rnam par sbyangs zhes gsungs so/ /dgra bcom pa rnams kyi snying rje ni rnam par rtogs pa dang bcas shing/ mi dmigs pa'i snying rje dang/ mi ldan pas zab pa ma yin te/ de'i gnyen por bcom ldan 'das kyi thugs rje spong ba dang/ yid la mdzad pa'i khyad par gnyis kyis zab par bstan te/ de spong ba'i khyad par ni kun nas dkris pa dang/ bag la nyal spangs pas skyon rnam par bsal ba dang/ dri ma gsum dang tha ba spangs pas bstan to/ /yid la mdzad pa'i khyad par ni rnam par mi rtog pa'i ye shes dang/ mi dmigs pa'i thugs rje dang ldan pa ste/ de ni rdul bral zhes bya bas bstan to/ /rnam grangs gzhan du na 'di la bcom ldan 'das kyi thugs rje ni ye shes dang spang pa'i khyad par gnyis kyis 'jig rten pa dang nyan thos rnams las khyad zhugs par bstan to/ /ye shes kyang mi mthun pa'i phyogs 'joms pa'i ye shes ye shes kyi rang bzhin te/ mi mthun pa'i phyogs ni rnam par 'tshe ba'i kun nas dkris ba/ rdo dbyigs la sogs pas 'phral du tho 'tsham pa dang/ de'i bag la nyal sems la yod pa dang/ de spong ba'i bar chad byed ba lta bu'i bdud dang/ bdud de'i grogs su gyur ba 'dod pa'i 'dod chags te/ de dag dgra bcom pas spangs pas na rdul med rdul dang bral ba dbang po 'dod chags bral zhes bya'o/ /ye shes kyi rang bzhin la yang gnyen por gyur pa'i ye shes dang/ gzigs pa'i ye shes gnyis yod de/ gnyen por gyur pa ni de ma thag pa dang/ rnam par grol ba'i lam gyis bsdus pa'o/ /gzigs pa ni 'dus byas dang/ 'dus ma byas kyi chos thams cad thugs su chud pa ste/ ye shes de gnyis dang ldan pas na ye shes rab rib mi mnga' spyan gsum rnam par sbyangs zhes bya'o/ /spangs pa'i khyad par ni 'jig rten pa'i drang srong la sogs pa la yod kyang/ nyon mongs pa spong ba'i lam gnyen po la yang sa 'og ma dang gong ma la rags pa dang zhi bar 'dzin pa'i lam dri ma can yod la/ mi mthun pa'i phyogs nyon mongs pa che rim spangs pa'i phyir na tha ma yang yod pa lta bu bcom ldan 'das la mi mnga' bas dri ma gsum dang tha ba spangs pa yang yin la/ bag chags dang bcas pa'i skyon dang/ shes bya'i sgrib pa'i rdul dang bral ba'i phyir 'phags pa nyan thos rnams las kyang spong ba khyad zhugs te/ de bas na skyon rnams bsal ba dang rdul bral zhes gsungs so/ /thugs rje'i dbang gis 'gro ba mdza' dag sdug bsngal bar gzigs kyang rang nyid 'jigs pa'i skabs med dam zhe na/ 'jigs dang bral zhing gti mug dra ba rnam par gsal ces bya ba la sogs pa tshigs su bcad pa gcig gis 'jigs pa bdun dang bral bar ston te/ 'jigs pa dang bral ba ni yan lag go / lhag ma rnams ni nye ba'i yan lag ste/ gti mug dra ba rnam par gsal ces bya bas ni ma rig pa 'gags pas 'du byed 'gags pa nas/ sdug bsngal gyis phung po chen po 'ba' zhig po 'di 'gag par 'gyur ro zhes 'byung bas rga ba dang/ na ba dang/ 'chi ba dang/ ngan 'gror ltung ba'i 'jigs pa dang bral bar bstan to/ /stobs bcu ni gnas dang/ gnas ma yin pa mkhyen pa la sogs pa stobs bcu kun kyang shes rab kyi ngo bo yin te/ de dag dang ldan pas 'tsho ba med pas 'jigs pa dang/ tshigs su bcad pa med pas 'jigs pa gnyis dang bral bar bstan te/ 'tsho'o cho ga gi nang na shes rab kyi 'tsho ba? ni mchog go zhes gsungs pa dang/ stobs bcu dang ldan pa ni tshigs su bcad pa med pas mi 'jigs pa'i phyir ro/ /rgol ba'i tshogs kyis shin tu thub par dga' ba dang/ log pa'i lam du zhugs pa pha rol tshogs skrag mdzad ces bya bas 'khor gyi nang du bag tsha bas 'jigs pa dang bral bar bstan te/ mu stegs can la sogs pa phas kyi rgol bas mi thub pa dang/ bdud la sogs pa log pa'i lam du zhugs pa'i tshogs skrag par mdzad pa'i phyir ro/ /de bas na ji ltar seng ge ni gang nas gang du 'gro yang rung/ 'dug kyang rung ste sa 'di'i steng na bag tsha ba dang/ 'jigs pa med pa de bzhin du de bzhin gshegs pa thugs rje chen po dang ldan pa yang 'jigs pa bdun spangs te/ 'jig rten 'di na bsnyengs pa mi mnga' bar gshegs pa/ seng ge lta bur bsnyengs pa mi mnga' sa la gshegs zhes bya ba'o/ /de ltar thugs rje chen po ldan zhing bsnyengs pa dang bral yang de bzhin gshegs pa de sems can gyi don mdzad pa'i mthu mi mnga' ba zhig ma yin nam zhe na/ lha'i yul sa stengs na yang skyon rnams kun dang bral ces bya ba la sogs pa tshigs su bcad pa gcig gi sems can gyi don mdzad spyod pa'i mthu dang ldan par ston te/ de bzhin gshegs pa'i sku 'od can skyon dang bral bas 'jig rten gyi khams kun tu khyab cing sems can gyi don mdzad do zhes bya ba'i tha tshig go /'od de yang khyab pa dang/ mthu dang ldan pa dang/ sgrib pa med pa dang/ gnas dang rab tu gsal ba dang/ mi gnas pa'i mya ngan las 'das pas bstan te/ 'od de yang bsam gtan bzhi ba'i bar gyis lha'i yul dang/ mnar med pa'i sems can dmyal ba yan chad khyab pas na lha yul sa steng na yang smos so/ /'od kyi skyon rnams dang bral bas na mthu dang ldan pa ste/ skyon rnams dang bral zhes bya ba dang sbyar ro/ /'jig rten gyi khams kun tu khyab ste/ sgrib pa med pas na kun zhes smos so/ /'od de sku la gnas pas na/ khyod kyi yan lag dri mi mnga' zhes smos so/ /'od kyi yang rab tu gsal ba nas lam mar zhugs zhes smos so// mnyam par ma bzhag pa dang/ mnyam par bzhag pa dang/ nyon mongs pa med pa'i mi shes pa gsum bsal bas na 'khor ba dang mya ngan las 'das pa gang la yang mi gnas pa'i phyir ro/ /mun dang rab rib ma rig legs par rab bsal nas/ sprin gyi dra ba las grol nyi ma bzhin du lhan zhes bya ste/ sgrib pa gnyis kyi dra ba las grol ba'i de bzhin gshegs pa de sems can rnams kyis don la mngon par lhan zhing 'char zhes bya ba'i don to/ /de ltar thugs rje dang ldan zhing bsnyengs pa dang bral la/ sems can gyi don mdzad pa'i mthu mnga' na ci'i phyir 'gro ba rnams khams gsum na gnas par gnas zhe na/ 'gro ba 'di rnams mgon skyabs med cing sdug bsngal gyur ces bya ba la sogs pa tshigs su bcad pa gcig gis ji ltar sems can gyi don mdzad pa'i yon tan gyis bsnod de/ de bzhin gshegs pa ni mdzad pa ma yin gyi sman pa dang 'dra bar nyon mongs pa'i nad gsal ba'i thabs ston par mdzad de/ gang gi phyir gnas skyabs ma mchis pas mgon skyabs med pa dang/ rga dang 'chi bas mnar bas sdug bsngal bar gyur pa 'gro ba rnams la sems can gyi mchog de bzhin gshegs pas sdug bsngal gyi rgyu'i tshe na thugs rje dang/ 'bras bu'i tshe na thugs brtse bas skyed nas sman pa bzhin du rab tu grol bar mdzad cing gshegs te sman pas bstan pa bzhin du sman 'thungs shing cho ga byas na nad las ldang bar 'gyur ba bzhin du de bzhin gshegs pas kyang sems can gyi nyon mongs pa'i nad bsal ba'i thobs bstan pa las nad ba dang 'dra ba'i sems can gang gis bka' lung bzhin du bsgrubs pa ni grol bar gyur la/ gzhan rnams ni de lta ma yin no zhes bya ba'i tha tshig go /de bzhin gshegs pa sems can gzhan ltar 'khor bar gnas shing ma grol ba zhig yin na ni bdag nyid ma grol bas gzhan dgrol bar yang mi sprad/ ci ste mya ngan las 'das par gshegs pa na ni sems can rnams ji ltar dgrol bar mdzad ce na/ ma rig pa dang gti mug srid mtsho rgal dka' zhes bya ba la sogs pa tshigs su bcad pa gcig gis 'khor ba dang mya ngan las 'das pa la mi gnas par bstod/ de la ma rig pa ni 'phags pa'i bden par rgyur gyur pa gnyis mi shes pa'o/ /gti mug ni 'bras bur gyur pa gnyis ni mi shes pa ste/ de gnyis kyis bskor ba'i khams gsum brgal bar dka' ba'i srid pa'i mtsho chu lta bu'i 'dod chags la sogs pa nyon mongs pa dang/ rba glong lta bu'i yul dang nye du la sogs pa rnam par rtog pa rnam pa mang du rba glong mang ba dang ldan pa las mkhan po dang slob dpon la sogs pa gzhan las ma gnas te/ lung dang man ngag ma mnos par bdag nyid rab tu brgal to// de ltar srid pa'i rgya mtsho las brgal nas kyang 'phags pa nyan thos ltar mya ngan las 'das pa la gnas pa ma yin gyi/ phyir yang srid pa'i rgya mtsho der sbyor zhing/ sems can gyi don kyang mdzad la/ ji ltar pad+ma chu las skyes kyang chu'i nyes pas mi gos pa bzhin du khams gsum gyi nyon mongs pas kyang mi gos pas/ pad+ma bzhin du chags pa mi mnga' rnam par gshegs zhes gsungs so/ /de ltar 'khor ba na sems can gyi don mdzad pa'i tshe chos ji lta bu zhig ston pa zhe na/ chos 'di thams cad rang bdag ma mchis zhes bya ba la sogs pa tshigs su bcad pa gcig gis chos bdag med pa ston par bstod de/ 'jig rten gyi mgon po de bzhin gshegs pa sems can phan pa'i phyir phung po dang khams la sogs pa'i chos thams cad byed pa po dang tshor ba po med cing dbang phyug gis ma byas la/ brag cha dang 'dra ba dang/ bdag med par gsungs so zhes bya ba'i tha tshig go / rnam pa gcig tu na chos thams cad bdag med pa dang/ rkyen las byung ba dang/ byed pa pos ma byas pa dang/ nang na byed pa'i skyes bu med par 'jig rten mgon po sems can phan phyir rab tu gsungs zhes bya bas sbyar ro/ /de ltar chos thams cad bdag med cing rkyen las byung ba dang/ ma byas shing nang na byed ba'i skyes bu med par thugs su chud nas sems can gzhan dag la ston pa tsam du ma zad kyis/ 'jig rten chos rnams 'jig rten ri yi chu bzhin g.yo zhes bya ba la sogs pa tshigs su bcad pa gcig gi khams gsum gyi chos mi rtag pa'i rang bzhin can la ma chags pa'i yon tan gyis bstod de/ ji ltar ri gzar po'i chu g.yo zhing mi rtag pa bzhin du lus dang/ longs spyod la sogs pa yang mi rtag pa la mi 'bras? pa'i skye bo rnams kyis mi rtag par ma shes te/ gzugs dang sgra la sogs pa 'dod pa'i yon tan rnams rtan cing spyod pa d e dag ni snying po gang yang med de ston kha'i sprin dang 'dra bar yid brtan du mi rung bar thugs su chud nas stong pa nyid dang mtshan ma med pa'i ting nge 'dzin gyis ni srid pa las brgal bar gyur cing smon pa med pa'i ting nge 'dzin gyis ni phyis kyang mngon par dga' ba med par srid pa kun la smod ces sbyor ro/ /pad+ma dkar po 'dab ma rgyas 'dra spyan mnga' ba/ zhes bya ba la sogs pa tshigs su bcad pa gcig gis sku'i yon tan bstan te/ bstod cing bsngags la bstod 'os zhes bya bas ni dus gsum dang sbyar ro/ /gdul ba'i gang zag rnams bskal ba bzhin du 'dul bar mdzad pas mi 'dul zhes bya'o/ /de bzhin gshegs pa'i yon tan ni bskal pa'i mdza' i bar du bgrang bar dka' ba yin pas/ mi'i khyu mchog mdza' yas pa'i pha rol gshegs zhes bya ba la sogs pa tshigs su bcad pa gcig gis brjod kyis mi lang ba'i yon tan mdor bsdus nas bstod de/ ji ltar khyu mchog ni gzhan gyis dang por 'gro ba bzhin du lha dang mi rnams kyi nang nas 'dren ma khyu mchog dang 'dra ba/ nyan thos dang rang sangs rgyas la sogs pa'i yon tan mang po mdza' yas pa'i pha rol tu gshegs de phul du byung zhing/ stobs dang mi 'jigs pa la sogs pa ma 'dres pa'i yon tan kun gyi pha rol byon par gyur pa yin pas na sangs rgyas bcom ldan 'das kyi yon tan thugs rje chen po la sogs gong du smos pa 'di 'dra bar gzhan yang blos dpag par dka' na tshig tu brjod pa lta ci smos te/ de lta bu'i yon tan dpag tu med pa mnga' bas 'gro ba bsod nams 'dod pa rnams kyis rten dang/ 'bras dang phan yon ches pa'i sangs rgyas bsod nams zhing la mgo bos phyag 'tshal lo zhes sbyar ro/ /lan bdun bskor ba ni lus dang ngag gi las rnam pa bdun sbyang ba'i phyir ro/ /tshe dang ldan pa sha radwA ti'i bus bcom ldan 'das la don rnam pa bzhis zhus pa las/ byang chub sems dpa' blo gros mi zad pa 'di la dris shig ces gsungs pa ni dris pa 'di'i lan glan pas byang chub sems dpa' rnams kyi shes rab dang/ spobs pa'i bdag nyid chen po brjod par bya ba'i phyir ro// // gnas brtan sha radwA ti'i bu la da dung du yang 'ong ba dang 'gro ba'i 'du shes 'byung ngam zhes bya ba ni shA ri'i bu 'phags pa yin te/ 'phags pa la lta ba phyin ci log dang/ sems phyin ci log dang/ 'du shes phyin ci log mi srid pa'i rigs na/ khyod la da dung 'du shes phyin ci log gi 'du shes yod dam zhes dgongs pa'i tha tshig go / bdag gi 'du zhes ni yongs su shes so zhes bya ba ni phyin ci log gi 'du shes spangs pa'i sgo nas yongs su shes so zhes shA ri'i bus smras so/ /'du shes yongs su shes pa dang ldan pa ni gnyis ga la blo mi 'jug na zhes bya ba ni de ltar 'du shes kun spangs pa'i sgo nas yongs su shes na 'ong ba? dang 'gro ba'i 'du shes 'byung ba'i mi rigs na shes bya ba'i tha tshig go / 'ong ba zhes bya ba de ni bsdu ba'i tshig go zhes bya ba la sogs pas 'du ba dang bral ba rnam par 'jigs pa bstan to/ 'ong ba ni 'du ba'o/ /'gro ba ni 'bral ba'o/ /de lta bu'i 'gro ba dang 'ong ba ni 'gro ba po'i skyes bu yang na srid kyi/ mu stegs kyis brtags pa'i skyes bu med de/ gang zag la bdag med par chud pa'i 'phags pa rnams la 'ong ba dang 'gro ba med pa nyid 'phags pa rnams kyis 'gro ba'o zhes bshad do/ /btsun pa sha radwA ti'i bu 'ong ba zhes bya ba ni las kyis rang bzhin gyi mtshan nyid do zhes bya ba la sogs pas las dang las med pa rnam par 'jig pa bstan te/ las kyang byed pa po yod na yod kyi/ byed pa po med na las kyang med pas byed pa pos las byas kyang las kyi rang gi mtshan nyid de 'ong ba'o/ /byed pa po las ma byas na las kyi zad pa'i mtshan nyid de 'gro ba'o/ /de lta bu'i 'ong ba dang 'gro ba ba 'phags pa la mi srid de/ de gnyis med pa ni 'phags pa rnams kyi 'gro ba'o/ zhes bya ba'i tha tshig go /btsun ba sha radwa ti'i bu 'ong ba zhes bya ba de ni smon lam gyi mtshan nyid do zhes bya ba la sogs pas smon pa dang smon pa med pa'i rnam par 'jig pa bstan te/ las shig byas sam smon lam zhig btab pa las dngos po 'ga' grub pa la 'ong ba zhes bya'o/ /smon lam kyang ma btab las kyang ma byas ba las dngos po 'ga' ma 'grub pa la 'gro ba zhes bya'o/ /de yang smon pa po'i gang zag yod dang de gnyis srid kyi/ 'phags pa la ni de gnyis mi srid ces bya ba'i don to/ /btsun pa sha radwa ti'i bu 'ong ba zhes bya ba de ni skye ba'i mtshan nyid do zhes bya ba la sogs pas skye ba dang 'gag pa rnam par 'jig pa bstan te/ dngos po 'ga' sngon ma skye ba pa las phyis skye ba ni 'ong ba zhes bya'o/ /dngos po skyes pa rnams 'gags pa ni 'gro ba zhes bya ste/ de yang skye ba po'i gang zag yod kyang de gnyis srid kyi/ de gnyis med par thugs su chud pa'i 'phags pa la mi srid ces bya ba'i don to/ /btsun pa sha radwA ti'i bu 'ong ba zhes bya ba na rnam par rig pa'i sgo'i mtshan nyid do zhes bya ba la sogs pas rnam par rig pa dang rnam par rig pa med pa 'jig pa'i mtshan nyid bstan te/ rnam par dag pa yang lus dang lus can dang/ spyod pa po rnam par rig pa dang/ spyad par bya ba rnam par rig pa dang/ spyod pa rnam par rig pa dang/ dus rnam par rig pa dang/ yul rnam par rig pa dang/ grangs rnam par rig pa dang/ tha snyad rnam par rig pa dang/ bde 'gro dang ngan 'gro rnam par rig pa ste/ de la lus kyi phung po lnga/ lus can ni bdag spyod pa yang bdag nyid do/ /spyad par bya ba ni gzugs la sogs pa'i yul rnams/ spyod pa ni mig la sogs pa'i dbang po rnams/ dus ni 'das pa dang/ ma 'ongs pa dang/ de ltar gyi dus/ yul ni lho byang shar nub la sogs pa'o/ /grangs ni gcig gnyis la sogs pa'o/ /tha snyad ni 'jig rten gyi tshig dang ming du byas pa la sogs pa'o/ /bde 'gro ni lha dang mi ngan 'gro ngan song gsum ste/ de lta bu'i rnam par rig pa so so'i skye bo la srid kyi/ 'phags pa rnams la mi srid ces bya ba'i don to/ /btsun ba sha radwA ti'i bu 'ong ba zhes bya ba de ni yul lo zhes bya ba la sogs yul dang yul med pa rnam par 'jig pa bstan te/ 'ong bas yul mngon sum du 'gyur ba dang/ 'gro bas yul dang shal ba gnyis yul dang yul can yod pa la srid kyi/ 'phags pa rnams la ni de mi srid de zhes bya ba'i don to/ /btsun pa sha radwA ti'i bu 'ong ba zhes bya ba de ni rkyen kyi mtshan nyid do zhes bya ba la sogs pas rkyen dang rkyen med pa rnam par 'jig pa bstan te/ 'ong ba nyid gang du 'gro ba'i yul du phyin par byin pa'i rkyen yin te/ de 'ong ba zhes bya ba'o/ /'gro ba'i gnas su ma song dang/ /phyin par byed pa'i rkyen med de/ /de la rkyen zad pa zhes bya ste/ 'gro ba zhes bya'o/ /rkyen gyi mtshan nyid 'ong ba dang/ rkyen zad pa'i mtshan nyid 'gro ba gnyis so so'i skye bo la srid kyi/ rkyen de lta bu 'phags pa rnams la mi srid ces bya ba'i don to/ /btsun ba sha radwA ti'i bu 'ong? ba zhes bya ba de ni rten cing 'brel bar 'byung ba'i mtshan nyid do zhes bya ba la sogs pas rten cing 'brel par 'byung ba rnam par 'jig pa bstan te/ 'ong ba sogs pa'i rgyu dang rkyen gnyis ka la rten cing 'brel par 'byung ba zhes bya ste/ de la 'ong ba zhes bya'o/ /'gro ba zhes bya ba de ni 'ong ba'i rgyu dang rkyen med pa la 'gro ba zhes bya ste/ de la rten cing 'brel bar 'byung ba zad pa'i mtshan nyid do zhes bya'o/ /de yang so so'i skye bo la srid kyi/ 'phags pa rnams la mi srid ces bya ba'i don to/ /btsun ba sha radwA ti'i bu 'ong ba zhes bya ba de ni rgyu las byung ba'i mtshan nyid do zhes bya ba la sogs pas rgyu med par rnam par 'jig par bstan te/ de la rgyu ni sa bon lta bu'o/ /rkyen ni spyi'i rkyen te/ sa chu me rlung lta bu'o/ -/'ong ba zhes bya ba la 'ong ba'i rgyus 'ongs bar byed pas na/ rgyu las byung ba'i mtshan nyid do/ /'ong ba'i rgyu med pa la 'gro ba zhes bya ste/ rgyu las byung ba'i mtshan nyid zad ba'o// 'ong zhing 'gro ba'i rgyu sa bon lta bur gyur pa so so'i skye bo 'bring kyi/ de lta bu 'phags pa rnams la mi srid bya ba'i don to/ /btsun ba sha radwA ti'i bu 'ong ba zhes bya ba de ni tha snyad kyi sgra dang yi ge dang brda'o zhes bya ba la sogs pas tha snyad dang tha snyad med pa rnam par 'jig pa bsnyan te/ 'jig rten gyi tha snyad dang/ sgra dang/ yi ge dang brda sna tshogs la 'ong ba zhes bya'o/ /tha snyad dang yi ge dang/ sgra dang brda sna tshogs shes pa 'am khong du chud pa la 'gro ba zhes bya ste/ de yang so so'i skye bo la srid kyi/ 'jig rten gyi tha snyad dang/ sgra dang yig dang brda'i 'ong ba dang 'gro ba lta bu 'phags pa rnams la mi srid ces bya ba'i don to/ /rnam pa gcig tu na 'ong ba dang 'gro ba rnam par 'jig pa'i tshig 'di rnams kyis byis pas kun tu brtags pa'i 'ong ba dang 'gro ba'i mtshan nyid dang/ yongs su grub pa'i mtshan nyid la kun tu brtags pa'i mtshan nyid de rtag tu med pa dang/ gang gis de ltar shes pa ni/ 'phags pa rnams kyi 'gro ba yin par 'ong ba zhes bya ba de ni bsdu ba'i tshig go zhes bya ba la sogs pa dang/ gang la bsdu ba'i tshig med pa dang zhes bya ba la sogs pa dang/ 'ong ba dang 'gro ba med pa ni 'phags pa rnams kyi 'gro ba'o zhes bya ba la sogs pa dang rim pa bzhin sbyar ro/ /rigs kyi bu khyod kyi spobs pa 'di lta bu phyir ma yin gyi zhes bya ba ni/ blo gros mi zad pa ga las 'ong zhes bya ba la sogs dris pa yang byang chub sems dpa' de'i shes pa dang spobs pa bgam zhing gong du smos pa lta bu'i chos 'dri ba'i phyir ni ma yin gyi mi 'dzum pa zhes bya ba'i 'jig rten gyi khams la sogs pa yon tan sngon ma thos pa rnams mnyan pa'i phyir 'dri'o zhes bya ba'i tha tshig te/ de bas na ci nas de lta bu sngon ma thos pa'i gnas rnams mnyan pa'i phyir khyod la 'dri'o zhes dngos su smos so/ /rigs kyi bu 'di lta ste dper na zhes bya ba la sogs pas 'og nas 'byung ba'i don 'dri ba 'jig rten dang grags pa'i dpes bstan te/ 'jig rten na yul bcas dang? sho gam gcod pa yang ga las 'ongs/ gang 'gro ci khyer ba'i rdzas las nyung shas shig sho gam? gcod pa de bzhin du bdag cag nyan thos rnams kyang byang chub sems dpa' chos kyi nor mang po dang ldan pa la theg pa chen po'i chos kyi don cung zad dri'o zhes bya ba'i don to/ /de la yul btsas ni grong gi grong gi nyid sho gam gcod ba'o/ /sho gam ni rgyal po'i sho gam gcod pas sho gam gcad nas rgyal po la 'bul ba'o/ /bdag cag nyan thos gzhan yi sgra'i rjes su 'gro ba gzhan las thos pa las mos pa zhes bya ba ni byang chub sems dpa' ltar bdag gi shes rab kyi chos rnams rtogs par nus pa ni ma yin gyi/ bdag cag nyan thos ni mkhan po dang slob dpon la sogs pas tshig gis bstan cing bshad pa'i sgra rjes su 'brang zhing de nyid las dad pa dang mos pa skye zhes bya ba'i don to/ /bdag gi sems kyi rgyal snang ba nye bar gnas pa zhes bya ba ni bdag cag nyan thos ni bdag nyid kyi rgyud gsal zhing dag par bya ba la brtson gyi/ byang chub sems dpa' ltar gzhan gyi rgyud rnam par dag par bya ba la brtson pa ni ma yin no zhes bya ba'i don to/ /rtag tu rgyun mi 'chad par khyod lta bu skyes bu dam pa zhes bya ba ni bdag cag nyan thos rnams dus thams cad du khyod la sogs pa skyes bu dam pa byang chub sems dpa' dam pa'i chos kyi nor mang po dang ldan pa la theg pa chen po'i don 'dri bar byed do zhes sbyar ro/ /gang las nyan thos dang rang sangs rgyas zhes bya ba ni theg pa chen po'i chos gang las nyan thos mang po dang rang sangs rgyas mang po skye zhing 'byung bar 'gyur ba'i thabs theg pa chen po'i rjes su gzung ba ste/ theg pa chen po don rtogs par bya ba'i phyir 'dri'o zhes bya ba'i tha tshig go / blo gros mi zad pa de bzhin gshegs pa la zhus shig ces smras pa yang bla ma la bstod pa dang/ mkhyen pa stobs par bya ba'i phyir ro/ /sems can rnams byang chub kyi phyir go cha 'tshal bar 'gyur bar zhes bya ba ni de dag gi yon tan bshad bas ci nas kyang sems can rnams bla na med pa'i byang chub tu sems bskyed par 'gyur ba de ltar bur bshad du gsol zhes bya ba'i don to/ /sha radwA ti'i bu de'i phyir legs par rab tu nyon la yid la zung shig dang/ ngas khyod la bshad do zhes bya ba la de'i phyir zhes bya ba ni gong du dris pa'i don rnams kyi phyir te/ de dag de bshad na gal te legs par nyan rab tu nyan yid la 'dzin na ngas bshad kyis gzhan du na chos bshad pa'i char phab pa don med par 'gyur bas ni mi bshad do zhes bya ba'i don to/ /legs par nyon ces bya ba ni rna ba ltogs? la sems rtse gcig tu nyon cig ces bya ba'i tha tshig go /rab tu nyon ces bya ba ni bshad pa rnams phyin ci ma log par zung shing ces bya ba'i don to/ /yid la zung zhig ces bya ba ni ma rjed par gyis shig ces bya ba'i don to/ /snod kha phub pa dang/ mi gtsang bas gdab dang/ zhabs rdol ba lta bur mi 'gyur bar bya ba'i phyir ro/ /dris pa lan glan pas 'di na bzhugs pa'i de bzhin gshegs pas 'jig rten gyi khams kyis de bzhin gshegs pa'i yon tan phun sum tshogs pa bsngags pa yang mdor na rnam pa gsum kyis bstan te gsum gang zhe na gnas pa rnam par dag pa/ gnas rnam par dag pa dang/ bdag kho rnam par dag pas bstan to/ /gnas pa rnam par dag pa yang yon tan rnam pa lngas bston te/ rgyu rnam par dag pa dang/ rang bzhin rnam par dag pa dang/ 'bras bu rnam par dag pa dang/ las rnam par dag pa dang/ sbyor pa rnam par dag pa ste/ de yang lan gsum du bzlas te ston te/ dad pa dang mos pas de bzhin gshegs pa'i ye shes chags pa med cing thogs pa med pa la mi sgrag par bya'o/ /the tshom za par mi bya'o zhes bya ba ni mi 'dzums pa'i 'jig rten gyi khams dang/ de na bzhugs pa'i byang chub sems dpa' de dag dang/ de bzhin gshegs pa'i yon tan bshad pa thos nas ye shes de lta bu mi srid do snyam du skrags pa dang/ bden nam rdzun snyam du the tshom za bar ma byed cig ces bya ba'i don to/ /de la ye shes de shes bya thams cad la thogs pa med par mkhyen pas na/ chags pa med pa zhes bya'o/ /shes bya'i sgrib pa dang nyon mongs pa'i sgrib pa spangs pas na/ sgrib pa med pa'i ye shes zhes bya'o/ /sha radwA ti'i bu sangs rgyas kyi zhing 'di nas zhes bya ba ni gong du sha ri'i bus 'jig rten gyi khams 'di nas ji srid cig na mchis zhes zhus pa'i lan du bshad pa ste/ mi mdzed kyi sangs rgyas kyi zhing 'dis na shar phyogs logs su sangs rgyas kyi zhing gang+gA'i klung bcu'? bye ma snyed kyi rdul phra rab kyi rdul snyed 'das pa de dag gi pha rol na sangs rgyas kyi zhing de gnas so zhes bya ba'i don to/ /'jig rten gyi khams de'i ming ci zhes zhus pa'i lan du 'jig rten gyi khams mi 'dzums pa zhes gsungs so/ /de bzhin gshegs pa'i mtshan ci zhes zhus pa'i lan du/ kun tu bzang po zhes bya ba gsungs so/ /de ltar bzhugs te/ zhes bya ba ni spyod lam bzhis bzhugs pa'o/ /'tsho ba ni 'tsho ba'i dbang po ma btang ste/ mya ngan las 'das zhes bya ba'i nyon? to/ /gzhes pa ni sems can rnams kyis don mdzad pa'o/ /byang chub sems dpa' blo gros mi zad pa gong nas mchis zhes zhus pa'i lan du de nas 'ongs so/ /nyan thos dang rang sangs rgyas kyi ming yang med ces bya ba ni nyan thos zhes bya ba'i sgra dang/ rang sangs rgyas zhes bya ba'i sgra yang mi sgrag ces bya ba'i don to/ 'o na de bzhin gshegs pa'i 'khor du dus? dag gnas snyam pa la/ byang chub sems dpa' 'ba' zhig ces bya ba smos te/ de bzhin gshegs pa de'i 'khor kyang byang chub sems dpa' 'ba' shin tu zad de/ gzhan med do zhes bya bar 'dod do/ /byang chub sems dpa' de yang ji lta bu zhe na sngon yongs su sbyangs pa zhes bya ba la sogs pas gnas pa rnam par dag pa la rnam pa lngar phyi nas bstan pa'i rgyu rnam par dag pa las brtsams nas ston to/ /sngon yongs su sbyangs ba byas pa ni de bzhin gshegs pa rnams la yang dge ba'i rtsa ba bskrun te/ lus dang sems las su ngad bar byas pa'i don to/ /gnas pa rnam par dag pa'i rgyu yang pha rol tu phyin pa drug ste sbyin pa dang dul ba dang/ legs par sdom pa dang/ des pa dang tshul khrims zhes bya ba'i tshig lngas sbyin pa dang tshul khrims dang/ bzod pa'i pha rol tu phyin pa gsum bstan pa yin te/ phyi nang gi dngos po yongs su gtong ba dang/ de bzhin gshegs pa rnams la mchod pa dang/ bsnyen bkur byas pa'i sbyin pa'i pha rol tu phyin pa dang ldan pa yin no/ /mig la sogs pa dbang po lu las mi 'jug pas na dul par pa sbyangs pa'i yon tan rnams dang ldan pas legs pa sdom? pa ste/ de bas na tshul khrims la gnas pa yin no / gzhan gyis gnod pa byas kyang slar gnod ba mi byed pa'i phyir des pa ste/ de? bas bzod? pa'i pha rol tu phyin pa dang ldan pa yin no/ /thos dang zhes bya ba ni brtson 'grus kyi pha rol tu phyin pa dang ldan pa yin te/ de bzhin gshegs pa rnams la chos nyan pa'i phyir rtag tu 'bad ba dang ldan pa'o/ /ji ltar ma tshul khrims dang ldan pa yin zhe na/ de'i phyir bag yod pa la sogs pa smos te/ grong na mi gnas kyis dgon pa na gnas pas bag yod pa zhes bya'o/ sbyangs pa'i yon tan bcu gnyis dang ldan pa dang/ chos gos dang bsod snyoms la sogs pa lhag par mi tshol bas na/ yo byad bsnyungs pa la gnas pa yin te/ de'i phyir tshul khrims dang ldan pa'o/ /bzod pa'i stobs kyis/ bong khro ba med ces bya ba la gzhan gyi gnod par byas kyang slar gnod par mi byed pas bzod pa'i stobs zhes bya ste/ bzod pa'i stobs dang ldan pas na sems can gang la yang zhe sdang med pa'i phyir bzod pa dang ldan pa'o/ /byang chub tu brtson 'grus brtan pas zhes bya ba la/ byang chub ni zad pa dang mi skye ba'i ye shes so/ /de thob par bya ba'i phyir brtson 'grus mi 'gyur ba ni brtson 'grus brtan pa ste/ brtson 'grus brtan pa nges bsod nams dang ye shes kyi tshogs dpag tu med pa la sogs pa byed pas na brtson 'grus dang ldan pa yin no/ /bsam gtan ni dang po dang gnyis pa dang gsum pa dang bzhi pa'o /rnam par thar pa ni brgyad do/ /ting nge 'dzin ni dpa' bar 'gro ba'i ting nge 'dzin dang/ nam bar mdzod kyi ting nge 'dzin la sogs pa'o/ snyoms par 'jug pa ni gzugs med pa'i snyoms par 'jug pa bzhi 'am/ mthar gyis gnas pa'i snyoms par 'jug pa dgu la bya'o/ /mngon par shes pa lnga la bya ste/ tshig de rnams kyis bsam gtan kyi pha rol tu phyin pa bstan to/ /shes rab kyi mthus chos thams cad phyin ci ma log par shes pa ni/ /shes rab kyi 'od dang snang ba zhes bya ste/ shes rab kyi 'od dang snang ba des/ de bzhin gshegs pas bshad pa'i chos thams cad kyi tshig rab tu dbye zhing bstan pa la mkhas pa'i ye shes dang ldan pas na shes rab kyi pha rol tu phyin pa dang ldan pa yin no/ /rang bzhin rnam par dag pa las brtsam nas khyams pa'i sems nam mkha' i dkyil dang tshungs? zhes bya ba la sogs pa ste/ sems can rnams kyi sdug bsngal med par gyur cig ces sems pa ni byams pa'i sems zhes bya'o/ /byang chub sems dpa' ni sdug bsngal med par gyur ces/ sems pa tsam du ma zad kyi/ sems can rnams kyi sdug bsngal med par bya ba'i phyir sgrub par yang mdzad do/ /byams pa'i sems de yang ji ltar nyan thos kyi byams pa 'dod pa'i khams tsam la yang mi dmigs pa ni ma yin gyi/ dper na nam mkha' 'dis thams cad la khyab pa de bzhin du byang chub sems dpa' i byams pa des kyang sems can thams cad la khyab pas na/ nam mkha' i dkyil dang mtshungs zhes bya'o/ /snying rje'i bsam ba brtan pa zhes bya ba ni sems can rnams bde bar gyur cig ces bya ba ni snying rje ste/ de'i bsam pa brtan pa ni bsam pa 'gyur ba med ces bya ba'i don to/ /byang chub sems dpa' ni sems can rnams bde bar gyur cig ces sems par ma zad kyi/ bde ba la dgod par yang mdzad do/ /de ci lta zhe na/ de'i phyir sems can thams cad yongs su smin par bya ba'i cho ga shes pa zhes smos te/ sems can bstan pa lam zhugs pa'i rnams gzhug pa dang/ bstan pa la zhugs pa rnams dge ba'i rtsa ba 'phel par byed pa'i thabs la mkhas zhes bya ba'i tha tshig go / dga' bas chos la yang dag par dga' bar byed pa zhes bya ba la/ chos ni dge pa bcu dang/ pha rol tu phyin pa drug la sogs pa ste/ dga' ba tshad med pas de rnams la dga' bar byed ces bya ba'i don to/ /btang snyoms kyis gnyis dang bral zhes bya ba ni nyes pa dang rjes su chags pa dang/ khong khro ba dang nga rgyal shin tu spangs pa zhes bya bas bshad de/ sems can nyes pa byed pa rnams la khong khro ba'i skyon dang/ sems can rjes su chags pa rnams la 'di ni nga la byams so zhes nga rgyal gyi skyon gnyis dang bral bas btang snyoms zhes bya'o/ /stong pa nyid dang mtshad? ma med pa/ smon pa med pa'i chos kyi tshul la gnas pa zhes bya ba tshul ni ting nge 'dzin la bya ste/ stong pa nyid dang mtshan ma med pa dang/ smon pa med pa'i ting nge 'dzin la rab tu gnas zhes bya ba'i don to/ /de la byang chub sems/ dpa' i sa dang po dang gnyis pa la sogs pa la 'phags pa'i bden pa rnams dang/ rten cing 'brel par 'byung ba rnams legs par bsgoms pa'i rgyus gang zag stong pa nyid dang/ chos stong pa nyid la yang dag par gnas par 'gyur te/ 'di ltar stong ba nyid yang kun tu 'gro ba la sogs pa'i mtshan nyid du bzung nas bsgoms na stong pa nyid kyi rnam par thar ba'i sgo skye bar 'gyur ro/ /stong pa nyid de yongs su dris nas dang chu dang/ me dang rlung dang/ zla ba dang nyi ma dang/ ri dang rgya mtsho dang/ mtsho'u dang/ dgon pa dang phyogs dang yul la sogs pa'i dngos po sngon chos kyi mtshan mar so sor snang bar gyur ba gang dag yin pa de dag thams cad so sor snang bar mi 'gyur gyi mtshan ma med pa'i rnam pa snang ste/ de'i tshe na mtshan ma med pa'i rnam par thar pa'i sgo skye bar 'gyur ro/ /de ltar mtshan ma thams cad dang bral nas mtshan ma med pa'i sgor gnas ba de la rgyud khams gsum thams cad khams gsum gyi rnam par mi snang ste de ni de la 'dod pa ci yang mi skye'o/ /'dod ba med pa'i phyir de ni de la yid kyi gang du smon pa med de/ de'i tshe de la smon ba med pa zhes bya ba'i rnam par thar ba'i sgo skye bar 'gyur te/ des de ltar stong pa nyid la sogs pa'i rnam par thar pa'i sgo bzung ste/ bsgoms pas stong pa nyid la sogs pa'i ting nge 'dzin la sogs pa la gnas pa ni stong pa nyid dang/ mtshan ma med pa dang/ smon pa med pa'i chos kyi tshul la gnas ba zhes bya'o/ /'bras bu rnam par smin pa yang rnam pa gsum gyis bstan te/ gnod pa spong bar byad pa ni bdud kyi lcags kyu dang nyon mongs pa dang/ 'thab mo'i rnyog ba rnam par sel zhes bya bas bstan te/ dge ba'i rtsa ba thams cad kyi bar du gcod par byed pa ni bdud ces bya'o/ /lcags kyu ni 'dud de'i dbang du gyur pa ste/ /don du ni 'dod chags dang/ zhe sdang dang/ gti mug la sogs pa la sdod na bdud kyi dbang du gyur ba zhes bya'o/ /thab mo ni phan tshun 'khrug pa'o/ /de nyid sems ma rung bar byed pas na rnyog pa zhes kyang bya ste/ de dag thams cad sal cing spang bar byed ces bya ba'o don to/ /sems can gyi bsam pa'i rnam pa la mkhas pa ni sems can thams cad kyi bsam pa dang dbang po mchog dang/ mchog ma yin ba shes bya ba'i bsgrub pa zhes bya bas bstan te/ sems can gyi bsam ba ni 'dod chags spyod pa dang/ zhe sdang sbyod ba dang/ gti mug spyod pa dang/ cha mnyam pa spyod pa'i sems can rnams kyi bsam pa'o/ /dbang po mchog dang mchog ma yin pa ni nyan thos dang rang sangs rgyas dang theg pa chen po'i rigs can dbang po rno rtul la bya ste/ bsam pa dang dbang po de dag gi rim pa ji lta ba bzhin du shes pa'i don te/ /phan? 'dogs bar byed pa ni so so ci rigs par chos dang/ don dang shes pa rab tu sbyin pa zhes bya bas bstan te/ gong du bstan ba ltar bsam pa dang dbang po mi mthun pa'i gang zag de dag la so so? ci? rigs bar ming dang tshig gis bsdus ba'i chos dang/ de dag gi don bdag med pa gnyis la sogs pa dang/ so so'i shes pa rab tu sbyin ba la bya'o/ /las rnam par dag pa ni snyoms par 'gro ba rnams kyi 'tsho bar gyur bas bstan te/ sems sa dang chu dang me dang rlung dang mtshungs ba zhes smos so/ /ji ltar 'byung ba chen po bzhi snyoms par sems can thams cad kyi 'tsho bar gyur ba bzhin byang chub sems dpa' de dag gi sems kyang snyoms par sems can thams cad kyi dge ba'i rtsa ba skye bar byed pa'i 'tsho bar gyur pa yin zhes bya ba'i tha tshig go / sbyor ba rnam par dag pa yang rnam pa gnyis te/ pha rol tshar gcod pa la sbyor ba ni/ pha rol rgol ba dang log pa'i chogs can gyis chog thams cad rab tu 'joms pa zhes bya bas bstan te/ pha rol rgol ba ni bdud dang mu steg can la sogs pa'o/ /de dag nyid lam log par zhugs pa'i tshogs dang ldan pas log pa'i tshogs can gyi tshogs te/ rab tu 'joms pa de dag tshar gcad ba la bya'o/ /mi mthun pa'i phyogs thams cad spong ba la sbyar ba ni g.yul las rnam par rgyal te zhes bya ba la sogs pa bstan te/ 'dod chags la sogs pa nyon mongs pa'i g.yul las rnam par rgyal bar gyur la/ gang gis nyon mongs pa thams cad khams gsum du grags ba nyid rgyal mtshan dang ba dan bsgreng ba yin la spangs zin pa'i nyon mongs pa'i dbang du mi 'gyur bas mi zlog par dpa' ba yin no/ /bzlas pa gnyis pa'i rgyu rnam par dag pa yang rnam pa gsum gyis bstan te/ zab mo rtogs bas 'jigs pa med pa ni sangs rgyas kyis chos zab mo dang/ stobs bcu dang mi 'jigs pas 'khor gyi 'jigs ba dang bag tsha ba med pa zhes bya bas bstan te/ 'jigs pa dang bag tsha ba ni 'khor gyi nang du lan mi thebs bar dogs pa ste/ byang chub sems dpa' de dag sangs rgyas kyi chos zab mo mi skye ba'i chos la bzod pa thob pas/ chos thams cad skye ba med pa'i rnam par thar pa thams cad du rtogs pa'i phyir dang/ stobs bcu dang mi 'jigs pa dang ldan pa'i phyir rgyal rigs dang/ bram ze dang/ rje'u rigs dang/ dmangs rigs dang/ lha dang tshangs pa'i 'khor dang/ dge slong dang/ dge slong ma dang/ mu stegs can dang/ bdud kyi 'khor gang dang gang du 'gro ba thams cad du mi shes pa las byung ba'i 'jigs pa med pa'o/ /rten cing 'brel bar 'byung ba'i lam dbu ma khong du chud ba ni rten cing 'brel bar 'byung ba la 'jug pa zhes bya ba la sogs pas bstan te/ rten cing 'brel par 'byung ba la 'jug ces bya ba ni de'i mtshan nyid khong du chud ces bya ba'i don to/ /ji ltar khong du chud ce na/ yod pa dang med pa dang/ gnyis ga'i mdza' lta ba dang bral ba zhes bya ba smos te/ chos rnams rgyu dang rkyen las byung zhing rang gis ma skyes te ngo bo nyid med par rtogs pa'i phyir yod par lta ba dang bral ba yin la/ rgyu dang rkyen gyis skyes ba tsam du med pa yang ma yin par rtogs pas med par lta ba dang bral te/ gnyis ka'i mthar lta ba dang bral bas dbu ma'i lam du zhugs pa zhes bya'o/ /nang na byed pa'i skyes bu med cing rtag chad dang bral bas rtogs pa ni bdag dang bdag gi dang zhes bya ba nas lta bar gyur pa'i kun nas lngar ba thams cad dang bral ba zhes bya ba'i bar gyis bstan te/ nga'o snyam du bdag yod par 'dzin pa ni bdag tu lta ba'o/ /bdag gi yod par 'dzin pa ni bdag gir lta ba'o/ /sems la bdag yin par 'dzin cing sems kyi rgyud rgyun mi 'chad bar 'dzin pa ni sems can du lta ba'o/ /ji srid du lus 'tsho ba de srid du srog ces bya ba'i bdag de lus la gnas par 'dzin pa ni srog tu lta ba'o/ /bdag tshe rabs kun tu skye zhing 'byung bar 'dzin pa ni skye ba por lta ba'o/ /lus dang 'gro ba'i bdag gis gsos shing bskyed pa yod par byas par 'dzin pa ni gso bar lta ba'o/ /khong nas skyes bu rtsal dang ldan pa zhig yod? par 'dzin pa ni skyes bur lta ba'o/ /yang dang yang du 'gro ba dag tu 'dzin pa ni gang zag tu lta ba'o/ /skye dgu'i bdag po shes byed ces bya ba las 'byung bar 'dzin pa ni shed du shed las skyes lta ba'o/ /dge ba dang mi dge ba la sogs ba kun bdag rtag pas byas par 'dzin pa ni skye dang por lta ba'o/ /las byas pa'i 'bras bu yang bdag nges myong bar 'dzin pa ni tshor ba por lta ba'o/ /bdag de nam yang mi 'jig par 'dzin pa rtag par lta ba'o/ /lan cig zhig nas phyis mi skye bar 'dzin pa ni chad par lta ba'o/ /'du byed rnams las mi rtag par lta ba ni 'byung ba dang 'jig par lta ba'o/ /log par lta bde dag thams cad spangs bas ni lta bar gyur ba'i kun nas ldang ba thams cad dang bral ba zhes bya'o/ /rang bzhin rnam bar dag pa yang rnam pa gnyis kyis bstan te/ gzungs thob pas chos rnams kyi mdzod du gyur pa ni gzungs dang mdo sde'i rgyal po dang/ de bzhin gshegs pa'i phyag rgyas btab pa zhes bya bas bstan te/ don dang tshig mi brjod pa'i gzungs thob par mdo sde'i don thams cad mi brjed par 'dzin pa'i phyir mdo sde'i rgyal po zhes bya ste/ dper na mdo sde gang du mdo sde thams cad kyi don 'dus pa la mdo sde'i rgyal po zhes bya ba bzhin no/ /de bzhin gshegs pa'i phyag rgya ni 'dus byas thams cad mi rtag pa dang/ chos thams cad bdag med pa dang/ mya ngan las 'das pa zhi ba ste/ de gsum dang mi 'gal bar 'chang bas na phyag rgyas btab ces bya'o/ /ye shes dri ma med pas thugs pa med cing spobs pa thugs pa med pa ni chags pa med pa'i ye shes kyis byin gyis brlabs kyis bskal pa bye ba khrag khrig brgya stong du sgra sgrags kyang spobs ba rgyun mi 'chad ba zhes bya bas bstan te/ chags pa med pa'i ye shes kyis mthus bskal ba brgya stong du dam pa'i chos kyi sgra bsgrags kyang spobs pa thugs pa med ces bya ba'i tshig go / 'bras bu rnam par dag pa ni rdzu 'phrul rnam pa sna tshogs kyi thabs 'dzin pas bstan te/ de'ang sangs rgyas kyis rdzu 'phrul zhes bya ba la sogs pa smos pa'o/ /dam pa'i chos mnyan par bya ba'i phyir 'gro ba ni gnan pa zhes bya'o/ /de gnas pa'i sems can rnams bsgral ba'i phyir 'gro ba ni rnam par gnon pa ste/ rdzu 'phrul gyis de dag la mkhas zhes bya ba'i tha tshig go /las rnam par thar? ni kun tu sbyor ba bcad pas bstan te/ 'jig pa dang khong khro ba dang nga rgyal dang rgyags pa dang dregs pa kun chad ba zhes bya ba smos te/ skye ba dang rga ba la sogs pa 'jigs pa brgyad dang/ sems can rnams la zhe sdang ba'i khro ba dang nga'o snyam du sems pa'i nga rgyal 'dun dang/ bdag gis shes pa dang/ byad gzugs kyis rlom pa'i rgyags pa dang/ longs spyod kyis rlom pa'i dregs pa kun chad ces bya ba'i tha tshig go /sbyor ba rnam par dag pa yang sems can thams cad sgral ba'i bshes gnyen du gyur pas bstan te/ seng ge'i sgra mngon par bsgrags pa zhes bya ba la sogs pa smos te/ seng ge'i sgra ni chos dang gang zag la bdag med pa'i sgra ste/ mu stegs can gyi ri dags mang po skrag pa'i phyir ro/ /de ltar chos bdag med pa'i sgra bsgrags pas theg pa gsum kyi rigs can gyi gang zag sems can rab 'bring tha ma thams cad kyi mdza' bshes bstan pa yin? te/ mdza' bshes bstan pa ni mya ngan las 'das pa la 'god pa zhes bya bas bshad de/ sems can rigs tha dad pa de dag la bskal ba bzhin du chos dang grang zag pa dag med pa'i sgra bsgrags te/ mya ngan las 'das pa ma bkod kyi bar du bar ma dor mi 'dor bar dge ba'i gshes gnyen mdzad ces bya ba'i tha tshig go / bzlas pa gsum pa'i rgyu rnam par dag pa ni rnam pa gnyis kyis bstan te/ mya ngan las 'das pa dang rjes su mthun pa'i chos ston pa ni chos kyis sprin las 'brug gi sgra 'byung zhing zhes bya ba la la sogs pas bstan te/ sbyin pa la sogs pa pha rol tu phyin pa rnams la chos gyi sprin zhes bya ste/ de dag sgrags shing bstan pa nyid chos kyi sprin las 'brug gi skra 'byung ba zhes bya'o/ /de ltar bsgrags pa las rigs pa gsum dang nyon mongs pa spangs pa'i rnam par grol ba'i glog dang 'dra ba la byang chub kyi phyogs sum cu rtsa bdun gyi bdud rtsi'i char du rab tu 'bebs zhes bya bar sbyar te/ ji ltar bdud rtsis mi 'chi ba'i rgyu byed pa bzhin du byang chub kyi phyogs kyis chos de rnams kyang mi 'chi ba'i rgyu byed pas na bdud rtsi zhes bya ste/ char 'bebs pa ni ston cing sgrogs zhes bya ba'i tha tshig go / dkon mchog gsum gyi rigs rgyun mi gcod pa ni chos rin po che rab tu gtor bas dkon mchog gsum gyi rigs mi 'chad bar byed pa zhes bya bas bstan te/ dgon pa dang rin che ba dang/ don byed pa'i phyir byang chub kyi phyogs kyi chos la rin po che zhes bya'o/ /de rab tu gtor ba ni phyogs bcur rab tu bsgrags cing bstan pa'i don te/ de ltar bstan cing bshad pas dkon mchog gsum gyi rigs mi 'chad par byed pa yin no/ /rang bzhin rnam par dag pa yang rnam pa gnyis kyis bstan te/ phyi nang gi dngos po la ma chags pa ni/ nor bu rin po che lta bur bsam pa dag cing phyi nang du blo rab tu sbyangs pa zhes bya bas bstan te/ nor bu rin po che phyi nang dag cing sbyangs pa bzhin du byang chub sems dpa' de dag kyang phyi'i yul rnams la mtshan ma dang mngon rtags su mi 'dzin pa dang/ nang gi sems la nyon mongs pa dang shes bya'i sgrib pa dag bas rab tu sbyangs pa ste/ de'i phyir bsam pa dag pa yin no/ /rang gi yon tan kyi bdag nyid che bar gnas pa ni/ mtshan dang dpe byad bzang po'i mchog dang zhes bya ba la sogs pas bstan te/ mtshan sum cu rtsa gnyis dang/ dpe byad bzang po brgyad cu dang/ mtshan dang dpe byad de dag 'grub pa'i rgyu dge ba'i rtsa ba brgya stong gis shin tu brgyan ces bya bar sbyar te/ dge ba'i rtsa ba de yang gang zhe na/ rang gi gzi brjid kyi brgyan ces bya ba ste/ mtshan dang dpe byad re re la yang bsod nams grangs med pas 'grub par 'gyur ba'i rgyu sbyin pa dang/ tshul khrims la sogs pa rang gi yon tan gyi gzi brjid kyi brgyan kyis brgyan ces bya ba'i tha tshig go /'dras ba nam par dag pa ni rnam pa gnyis kyis bstan te/ chos thams cad la dbang thob pa ni/ sangs rgyas kyi chos thams cad la dbang bskur ba zhes bya bas bstan te/ sa bcu pa'i dus na byang chub sems dpa' de de bzhin gshegs pa rnams kyi sangs rgyas kyi chos thams cad la dbang bskur ba mdzad/ de ltar thob pa dag? ces bya ba'i don to/ /sangs rgyas par nye ba ni skye ba gcig gis thogs pas rgyal tshab tu gyur pa zhes bya bas bstan te/ dper na 'phags pa byams pa skye ba gcig gis thogs pa'i chos kyi rgyal tshab tu gyur pa lta bu sha stags ces bya ba'i don to/ /las rnam par dag pa ni gdul ba dang mthun par bsgral ba'i thabs ston pas bstan te/ sems can thams cad kyi mos pa zhes bya ba la sogs pa'o/ /sems can rnams theg pa gang la mos pa dang/ theg pa gang gis rnam par grol bar 'gyur ba'i thabs la mkhas pa ni gdul ba 'dul ba'i cho ga shes pa zhes bya'o/ /sbyor ba rnam par dag pa yang rnam pa gnyis kyis bstan te/ mngon par byang chub pa la 'jug par mkhas pa ni/ byang chub kyi sa'i snying po rdo rje'i gdan gnon pa dang/ rnam par gnon pa la mi 'jigs pa'i tshul shes pa zhes bya bas bstan te/ mngon par byang chub bar 'gyur ba'i sa nyid sa'i snying po ste/ rdo rje'i gdan yang de yin no/ /der bdag nyid 'gro ba la mi 'jigs pa dang/ sems can rnams gzung cing dgong? pa la mi 'jigs pas mnan pa dang rnam par mnan pa la mi 'jigs pa'i tshul shes pa zhes bya'o/ /sprul pas sems can gyi don bya ba la 'jug pa ni/ sangs rgyas thams cad kyi bya ba zhes bya ba la sogs pa bstan te/ sangs rgyas thams cad kyi mdzad pa ni bstan pa 'di la zhugs pa rnams rab tu bzung pa dang zhe 'gras pa rnams tshar gcod pa ste/ dga' ldan gyi pho brang nas 'bab pa dang/ lhums su gshegs pa nas mya ngan las 'das pa'i bar du sangs rgyas kyi sku rab tu ston pas sangs rgyas kyi mdzad pa sgrub pa la dpa' zhing dbang byed pa dang/ theg pa chen po'i chos kyi 'khor lo rin po che rab tu bskor ba sha stag 'khor ces bya ba'i tha tshig go /bsngags pa ni bstan pa'o/ /yon tan dang phan yon ni bshad pa ste/ byang chub sems dpa' de dag gi yon tan gong du smos pa rnams ni bsten par bya ba yin pas na yon tan zhes bya la/ tshe 'di dang tshe phyi ma la kha na ma tho ba med pas phan yon zhes bya'o/ /tshim zhing mgu la yid rangs pas ni shes rab rnam pa gsum gyis sbyor ba'i dus na'o/ /ched du brjod pa ni chos kyi shugs kyi dga' ba skyes pa'i tshig 'byin pa la bya'o/ /gnas rnam par dag pa bstan pa'i phyir/ shardwA ti'i bu yang 'jig rten gyi khams mi 'dzums pa de na zhes bya ba la sogs pa smos so/ /ngan song ni 'og tu lhur ba'i phyir te/ sems can dmyal ba dang dud 'gro dang yi dags so/ /mi khom pa ni? mngon par rtogs pa'i ska? mang pa'i phyir te/ de yang mi khom pa brgyad po sems can dmyal bar skyes pa dang dud 'gro'i skye gnas su skyes pa dang/ yi dags su skyes pa dang/ mdza' 'khob kyi kla klor skyes pa dang/ gzugs med pa dang/ 'du shes med par skyes pa dang/ long ba dang 'on pa dang/ lkug pa la sogs par 'gyur ba dang/ log par lta bar gyur pa dang/ sangs rgyas med pa'i bskal pa la skyes ba rnams so/ /sdug bsngal ni brgyad te/ skye pa dang/ rga ba dang/ na ba dang/ 'chi ba dang/ mi sdug pa dang phrad pa dang/ sdug pa dang bral ba dang/ 'dod pas phongs pa dang mdor na nye bar len pa'i phung po lngas sdug bsngal ba ste/ sangs rgyas kyi zhing de na ngan song zhes bya ba la sogs pa'i sgra yang med na dngos su ltag la yod ces bya ba'i tha tshig go / ci'i phyir zhe na nyes pa bcu gcig spangs pas gnas de rnam par dag pa'i phyir te/ bslab pa phra ma las 'das pa'i nyes pa med pa ni ltung ba'i 'khrul pa dang/ nyon mongs pa'i sgra yang med ces bya bas bstan te/ bslab pa'i rtsi ba bzhi las ma gtogs pa'i bslab pa'i gzhi gzhan las nyams pa ni ltung ba'i 'khrul pa zhes bya'o/ /de'i rgyu ni 'dod chags la sogs pa nyon mongs pa ste/ gang zag 'dis nyon mongs pa'i dbang gis ltung pa'i 'khrul pa 'di 'dra ba byas so zhes bya ba'i sgra yang med ces grags pa'i don to/ /bslab pa rtsa ba las 'das pa'i nyes pa med pa ni log par bslab pa las 'das pa'i sgra yang med ces bya bas bstan te srog gcod pa la sogs pa nyid log pa yang yin la/ de bas na bslab pa las 'das? te dge sbyor du mi rung bas bslab pa las 'das zhes bya'o/ /skye gnas ngan pa'i nyes pa ni bud med du skye bar 'gyur ba'i sgra med ces bya bas bstan te/ skyes bu dam pa kun kyang pad+ma las skye ba'i phyir ro/ /spyod pa mi mthun pa'i nyes pa med pa ni ser sna la sogs pa pha rol tu phyin pa dug gi mi mthun pa'i phyogs kyi sgra med pas bstan te/ byang chub sems dpa' i spyod pa ni pha rol tu phyin pa drug yin la/ de dag gi mi mthun pa'i phyogs ser sna la sogs pa'i nyes pa med pa'i phyir/ /sgrib pa'i nyes pa med pa ni sgrib pa la sogs pa'i sgra med pas bstan te/ sgrib pa lnga pa 'dod pa la bdun pa dang/ gnod sems dang/ rgod pa dang/ 'gyod pa dang/ rmugs pa dang/ gnyid dang/ the tshom de dag nyid gcod pa yang yin te/ nyon mongs pa spong ba'i bar du gcod pa yin pa'i phyir ro/ /de dag dngos su spyod pa ni kun nas ldang ba zhes bya la/ sa bon sems la gnas pa ni bag chags zhes bya'o/ /sems can tha dad pa'i nyes pa med pa ni/ rab 'bring tha ma'i sgra yang med ces bya bas bstan te/ kun kyang sngar bstan pa lta bu'i yon tan dang ldan pa'i byang chub sems dpa' sha stag gnas zhes bya ba'i tha tshig go /zhing dang chos tha dad pa'i nyes pa med pa ni sems can dang/ theg pa dang zhing tha dad pa'i sgra yang med ces bya bas bstan to/ /sems can 'gro ba dang rigs tha dad pa dang/ nyan thos la sogs pa'i theg pa tha dad pa dang/ mi mjed la sogs pa sangs rgyas kyi zhing tha dad pa'i sgra mi grags ces bya ba'i don to/ / dkon mchog tha dad pa'i nyes pa med pa ni sangs rgyas la sogs pa tha dad pa'i sgra med pas bstan te/ sangs rgyas kyi mtshan dang/ gsung rab kyi yan lag tha dad pa dang/ nyan thos dang byang chub sems dpa' i dge 'dun tha dad pa'i sgra med pa'i phyir ro/ /ston pa ngan pas bstan pa'i nyes pa med pa ni bza' ba la sogs pa'i sgra med pas bstan te/ bdag go snyam du ngar 'dzin pa dang/ kun gyis dga' ba dang bde bas lus gnas pa'i phyir ro/ /bdag dang gzhan du 'dzin pa'i nyes pa med pa ni ngar 'dzin pa la sogs pa'i sgra med pas bstan te/ bdag go snyam du ngar 'dzin pa dang/ bdag gi'o snyam du nga yir 'dzin pa dang/ bdag gi bu dang chung ma yongs su 'dzin pa'i sgra yang med do/ /log par lta ba'i nyes pa med pa ni/ bdud la sogs pa'i sgra med pas bstan te/ tshe phyi ma med par lta ba nyid mi dge ba la bag med par 'jug pa yin pas bdud pa de'i kun nas ldang ba dang/ bag chags kyi sgra yang med ces sbyar ro/ /bdag po rnam par dag pa'i dbang du byas nas 'jig rten gyi khams de na de bzhin gshegs pa dgra bcom pa yang dag par rdzogs pa'i sangs rgyas kun tu bzang po zhes bya ba la sogs pa gsungs so chos kyi rgyal po ni ji snyed yod pa dang/ ji lta ba bzhin du yod pa'i chos thams cad ma lus pa dang phyin ci ma log par thugs su chud pa'i sgo nas mnga' mdzad pa'i phyir te/ de ma gtogs par 'jig rten gyi khams de na lta dang mi'i rgyal po gzhan gang yang med do/ /ji ltar bcom ldan 'das shAkya thub pa 'khor rnams la yi ge dang sgra dang brda'i tshig rab tu dbye bas chos ston pa ltar bcom ldan 'das de ni byang chub sems dpa' de dag la yi ge dang sgra dang brda'i tshig rab tu dbye bas chos mi ston to/ /'o na ji ltar chos ston ce na/ gzhan du na zhes bya ba la sogs pa smos te/ byang chub sems dpa' de dag bcom ldan 'das de'i drung du lhags te/ de bzhin gshegs pa'i sku la mig mi 'dzums par bltas pas sangs rgyas rjes su dran pa'i ting nge 'dzin thob ste/ mig ni blun pa yin pas ting nge 'dzin rtogs pa mi srid kyi/ mig gi rnam par shes pa dang lhan cig tu 'grogs pa'i shes rab kyis rtogs zhes bya ba'i tha tshig go / chos thams cad skye ba dang 'gag pa med par shes rab kyis bzod pa ni mi skye ba'i chos la bzod pa thob pa zhes bya ste/ sa brgyad pa la bya'o/ /de ltar sangs rgyas rjes su dran pa'i ting nge 'dzin thob ma thag tu de bzhin gshegs pas byang chub sems dpa' de dag mi skye ba'i chos la bzod pa thob par lung yang bstan to/ /bdag po rnam par dag par yang rjes su dran par bya ba'i mtshan ma thams cad dang bral ba'i sgo nas bstan te/ de la rjes su dran par bya ba'i mtshan ma dang bral ba yang rnam pa bzhi ste/ yon tan yid la byed pa rjes su dran pa ma yin pa dang/ sangs rgyas rjes su dran pa'i skyon mtshan ma dang bcas pa la dmigs pa spang ba dang/ rjes su dran pa'i phan yon dang/ ting nge 'dzin de'i 'bras bu'o/ /yon tan yid la byed pa rjes su dran pa ma yin pa yang rnam pa lngas bstan te/ longs spyod rdzogs pa'i sku la dmigs pa rjes su dran pa ma yin pa ni/ gang gzugs kyi mtshan nyid rab tu ma phye bas zhes bya bas bstan te/ de bzhin gshegs pa'i longs spyod rdzogs pa'i sku mtshan dang dpe byad kyis brgyan pa'i gzugs su yid la byas shing bsgoms pas sangs rgyas rjes su dran pa'i ting nge 'dzin 'di skyed pa ma yin pas rab tu phye ba zhes bya'o/ /de ci'i phyir zhe na/ skabs 'dir sangs rgyas ni chos kyi sku la bya bar 'dod la de ni mtshan dang dpe byad la sogs pa/ mtshan ma gang gis rang bzhin yang ma yin zhing/ mtshan ma can gyi zhes pa gang gis kyang rtogs par bya ba ma yin te/ gang gi tshe mtshan ma thams cad spangs nas de bzhin gshegs pa chos kyi skur mthong ba de'i tshe don dam par sangs rgyas rjes su dran pa zhes kyang bya la/ de ltar mthong ba'i tshe de kho na mthong ba yin pas byang chub sems dpa' de mi skye ba'i chos la bzod pa thob par lung ston par yang mdzad pa'i phyir ro/ /bshad pa'i tshul 'dis sprul pa'i sku la sogs pa 'og ma rnams la yang bsgre bar bya'o/ /sprul pa'i sku la dmigs pa rjes su dran pa ma yin pa ni/ rigs dang rus dang cho rigs ma phye ba zhes bya bas bstan te/ rigs ni shAkya'i rigs la sogs pa'o/ /rus ni gau ta ma la sogs pa'o/ /cho rigs ni rigs mthon por skyes ba nyid la bya'o/ /rgyu yid la byed pa rjes su dran pa ma yin pa ni sngon mdza' i dkar po'i spyod pas rab tu ma phye ba zhes bya bas bstan te/ dkar po'i spyod pa ni pha rol tu phyin pa rnams te/ de dag spyad pa'i rgyu las sangs rgyas grub bo zhes yid la bya bas bskyed pa ma yin zhes bya ba'i tha tshig go phyi 'bras bu yid la byed pa'i rjes su dran pa ma yin pa ni phyi ma'i mdza' shes pa la sems pas rab tu ma phye ba zhes bya bas bstan te/ dkar po'i spyod pa de'i 'bras bu phyi ma'i mthar thams cad mkhyen pa'i ye shes 'grub par yid la byed pas ma bskyed ces bya ba'i don to/ /da ltar snang ba la dmigs pa rjes su dran pa ma yin pa ni da ltar byung ba la gnas pas rab tu ma phye ba zhes bya bas bstan te mngon sum du snang ba'i de bzhin gshegs pa ni da ltar byung ba ste/ da ltar la dmigs pas kyang bskyed pa ma yin zhes bya ba'i tha tshig go/ de ltar longs spyod rdzogs pa'i sku la sogs pa de bzhin gshegs pa'i yon tan mtshan mar bzung ste/ yid la byas pa ni sangs rgyas rjes su dran pa ma yin par bstan to/ /sangs rgyas rjes su dran pa'i skyon mtshan ma dang bcas pa la dmigs pa spangs pa yang rnam pa bcu bdun gyis bstan te/ shes bya'i mtshan ma'i rnam pa las 'das pa ni/ phung po dang khams dang skye mched kyis rab tu ma phye ba zhes bya bas bstan to/ /tha snyad kyi mtshan ma thams cad las 'das pa ni mthong ba dang/ thos pa dang bye brag phyed pa dang/ rnam par rigs pas rab tu ma phye ba zhes pa bya bas bstan te/ mthong ba ni mig gis so/ /thos pa ni rna bas so/ /bye brag phyed pa ma mthong ma thos par bdag nyid kyis bsams shing gcal la nye bar brtags pa'o/ /rnam par rig pa ni nang so so rang gis rig pa dang rtogs pa dang reg pa dang/ mngon sum du byas pa ste/ mthong ba la sogs pa la de dag la brten nas gzhan dag la tha snyad du brjod pas na tha snyad ces bya'o/ /kun nas nyon mongs pa'i sems kyi mtshan ma thams cad las 'das pa'i sems dang yid dang rnam par shes pas rab tu ma phye ba zhes bya bas bstan te sems ni kun gzhi rnam par shes pa'o/ /yid ni nyon mongs pa can gyi yid do/ /rnam par shes pa ni dmigs pa rnam par 'byed pa mig la sogs pa'i rnam par shes pa'o/ /ma zhi ba'i mtshan ma thams cad las 'das pa ni spros pa dang rgyu bas rab tu ma phye ba zhes bya bas bstan te/ spros pa ni bzung ba dang 'dzin par rtog pa'o/ /rgyu ba ni 'dod chags la sogs pa sems la rgyu ba'o/ mi skye mi 'gag pas skye ba dang 'jig pa'i mtshan ma las 'das pa ni/ skye ba dang 'jigs pas rab tu ma phye ba zhes bya ba bstan te/ rkyen gyi dbang gis rgyud ldan ma byung ba las dang po chos gang 'byung ba ni skye ba zhes bya'o/ /skyes ma thag pa'i skad cig rjes su 'jug pa ni gnas pa zhes bya'o/ /skye ba'i skad cig ban chad mi gnas pa ni 'jig pa zhes bya'o/ /gnod pa dang phan pa med pas gnod pa dang ban par byed pa'i mtshan ma las 'das pa ni bzung ba dang rtsod pa dang gtang bas rab tu ma phye ba zhes bya bas bstan te/ bzung ba ni sems nang du 'du ba'o/ /tsod pa ni sems nang du nod pa 'byung ngo/ /dmigs pa las ma rmongs pas yid la bya ba'i mtshan ma las 'das pa ni dran pa dang yid la byed pas rab tu ma phye ba zhes bya bas bstan te/ dran pa ni dmigs par bya ba'i dngos po ma rjed pa'o/ /yid la byed pa ni sems gtong pa'o/ /rtog ge'i yul gyi mtshan nyid mtshan ma las 'das pa ni/ rtog pa dang rnam par rtogs pa dang yongs su rtogs pas rab tu ma phye ba zhes bya bas bstan te rtog ge rnams kyi yul ni lung dang rjes su dpag pa dang/ mngon sum gyi tshad ma gsum gyis rtog pa ste/ gzhung gi tshig gsum dang go rims bzhin du sbyar ro/ /yang na nyan thos kyi yid la byed pa 'phags pa'i bden pa bzhi la rtog pa dang/ rang sangs rgyas kyi yid la byed ba rten cing 'brel par 'byung ba la rnam par rtog pa dang/ byang chub sems dpa' i yid la byed pa stong pa nyid du yongs su rtogs pas kyang rjes su dran pa 'di ma bskyed ces sbyar ro/ /mtshan ma med pa yin pas mtshan ma thams cad las 'das pa ni chos kyi mtshan nyid dang/ rang gi mtshan nyid kyis rab tu ma phye ba zhes bya bas bstan te/ chos kyi mtshan nyid mi rtag pa la sogs pa spyi'i mtshan nyid la bya'o/ /rang gi mtshan nyid ni sa'i mtshan nyid sra ba la sogs pa'o/ /du ma mi rtag pa'i mtshan ma las 'das pa ni/ gcig dang tha dad pa dang so so bas rab tu phye zhes bya bas bstan te/ sku mngon sum du snang ba dang/ sku'i chos nyid gcig par yid la byed pa dang/ tha dad par yid la byed pa dang/ sku'i chos nyid du mar yid la byed pa gang gis kyang ma phye ba zhes bya ba'i don to/ /rnam par shes pa'i spyod yul gyi mtshan ma las 'das pa ni/ /chos kyi dmigs pa bgrad pas rab tu ma phye ba zhes bya bas bstan to/ / dbugs phyi nang du rgyu ba gcig nas bcu dang/ bcu nas brgya stong gi bar du bgrang ba las kyang ma skyes zhes bya ba'i tha tshig go /phyi nang gi mtshan ma las 'das pa ni/ nang dang phyi rol g.yo bas rab tu ma phye ba zhes bya bas bstan te/ ting nge 'dzin gyi ro myong bar byed pa dang/ phyi'i yul la sems phro ba ni nang dang phyi rol tu g.yo ba'o/ /rnam par byang ba bla ba dang/ kun nas nyon mongs pa spong ba'i mtshan ma las 'das pa ni/ rnam par rtog pa'i mtshan ma dang blang ba dang dor bas rab tu ma phye ba zhes bya bas bstan te/ rnam par rtog pa ni bzang ngan du 'byed pa ste/ rnam par byang ba bla ba dang/ kun nas nyon mongs pa 'dor bar rtog pa'o/ /gzugs kyi mtshan nyid kyi mtshan ma las 'das pa ni/ kha dog dang dbyibs dang rtags kyis rab tu ma phye ba zhes bya bas bstan te/ kha dog ni gser dang bai DUrya la sogs pa'i kha dog go /dbyibs ni ring ba dang thung ba la sogs pa ste de dag nyid sems kyi mtshan mar bya ba yin pas rtags zhes bya'o/ /spyod lam gyi mtshan ma las 'das pa ni/ spyod lam dang/ spyad pa dang/ spyod pas rab tu ma phye ba zhes bya bas bstan te/ spyad pa ni 'phral gyi bya ba'o/ /spyod pa ni grong du 'jug cing bsod snyoms len pa la sogs pa'o/ /dkar po'i phyogs kyi mtshan ma las 'das pa ni tshul khrims dang/ ting nge 'dzin dang shes rab dang rnam par grol ba dang/ rnam par grol ba ye shes mthong ba yid la byed pas rab tu ma phye ba zhes bya bas bstan te/ zag pa med pa'i phung po lnga po 'di dag gis ni dkar po'i chos thams cad bsdus la/ de lta bur yid la byas pa las rjes su dran pa 'di ma skyes zhes bya ba'i tha tshig go /'bras bu'i mtshan ma la dmigs pa las 'das pa ni stobs dang mi 'jigs pa dang/ sangs rgyas kyi chos ma 'dres par sgro btags pas rab tu ma phye ba zhes bya bas bstan te/ byang chub sems dpa' i spyod pa'i 'bras bu stobs dang mi 'jigs pa la sogs pa sangs rgyas yin par 'dzin na de nyid sgro btags yin pas de ltar bsgoms shing yid la byed pa las kyang sangs rgyas rjes su dran pa 'di skyes pa ma yin pas rab tu ma phye ba zhes bya'o/ /rjes su dran pa'i phan yon yang rnam pa gnyis kyis bstan te/ de kho na'i mtshan nyid la 'jug pa dang/ phyin ci log spangs pa'o/ /de kho na'i mtshan nyid la 'jug pa yang rnam pa gsum gyi bstan te/ thams cad du song ba'i don na 'di ltar sangs rgyas rjes su dran pa ni bsam gyis mi khyab zhes bya bas bstan te bsam par byed pa dang/ bsam par bya ba la 'das pas rtog ge rnams kyis bsam gyis mi khyab ste/ nam mkha' dang 'dra zhes bya ba'i tha tshig go /sems kyi spros pa med pa ni rgyu ba med pa zhes bya bas bstan te/ gzung ba dang 'dzin par rnam par rtogs pa'i spros pa med pas na rgyu ba med pa zhes bya'o/ /gzhan las bstan du med pa ni rnam par rigs pa med pa'i mtshan nyid de zhes bya bas bstan te/ de'i tshe rang nyid kyis kyang dkar po 'am dmar po zhes bya ba la sogs pas rnam par rig pa med na gzhan la bstan par ga la nus zhes bya ba'i don to/ /thams cad du song ba'i don de nyid kyang rnam pa gsum gyis rgyas par bstan te/ nyon mongs pa can gyi yid kyis rnam par shes pa'i dmigs pa las 'das pa ni nga yi ba med pa zhes bya bas bstan te/ ji ltar nyon mongs pa can gyi yid ma rig pa dang bdag tu lta ba dang nga'o snyam pa'i nga rgyal dang/ sred pa'i mtshan nyid kyi nyon mongs pa rnams bzhi dang ldan pas kun bzhi rnam par shes pas bsdus pa'i lus 'di la bdag tu dmigs shing rtog pa ltar de'i dus ni mi rtog pa'i phyir nga yi ba med pa'o/ /bzung ba dang 'dzin par rtog pa las 'das pa ni yid la byed pa dang bral ba zhes bya bas bstan te/ /gzung ba dang 'dzin pa'i tshul du yid la mi byed ces bya ba'i don to/ /mi shes pa'i rtog pa med pa ni dran pa med cing yid la byed pa med pa gnas pa med pa'o/ /zhes bya bas bstan te/ de ltar bzung ba dang 'dzin pa'i yid la byed pa dang bral na 'gog pa'i snyoms par 'jug pa dang/ 'du shes med pa'i snyoms par 'jug pa ltar ci yang mi dran pa yin nam zhe na/ dran pa med pa dang yid la byed pa med pa'i gnas ma yin te/ yang dag pa'i shes rab kyis phyin ci ma log pa'i don mngon sum du byed pa'i phyir ro/ /sems kyis spros pa med pa nyid kyang rnam pa bdun gyis rgyas par bstan te/ skye ba dang 'jig pa'i rgyu'i spros pa las 'das pa ni phung po dang khams dang skye mched 'byung ba dang 'jigs pa'i gnas ma yin zhes bya bas bstan te/ chos de dag skye ba dang 'jig pa'i rgyu byed pa ni spros pa yin te/ de lta bu'i rgyu mi byed ces pa'i tha tshig go /ring du song ba ni thogs pa ma yin zhes bya bas bstan te/ nam mkha' dang 'dra ba'i chos kyi dbyings rtog pa'i phyir sangs rgyas rjes su dran pa de yul dang dus gang la yang thogs pa med par 'jug go /skabs med pa ni 'jug pa ma yin zhes bya bas bstan te/ skyon 'di lta bu zhig yod ces klan ka'i skabs yod pa ni 'jug pa zhes bya ste de med pa'i don to/ /skyes nas thob pa dang/ sbyor ba'i shes rab kyis mi rtogs pa ni gnas ma yin zhes bya bas bstan te/ shes rab de nyid kyis mi rtogs pa'i phyir/ bsgoms pa'i shes rab kyis de kho na la dmigs pa ni/ mi gnas pa ma yin zhes bya bas bstan te/ shes rab gong ma gnyis kyis ma rtogs par/ bsgom pa'i shes rab kyis sangs rgyas rjes su dran pa 'di mngon sum du byed pa'i phyir ro/ /bzung ba dang 'dzin par mi rtog pa ni rab tu gnas pa ma yin zhes bya bas bstan te/ bzung ba dang 'dzin pa'i tshul du mi rtog ces bya ba'i tha tshig go /dkar po'i phyogs la mi rtog pa ni yang dag par gnas pa ma yin zhes bya bas bstan te/ de bzhin gshegs pa'i sku la mi rtag pa dang/ sdug bsngal ba dang stong pa dang/ bdag med pa'i rnam pa lta bur yang dmigs par mi byed pa'i phyir ro/ /gzhan la bstan du med pa yang rnam par shes pa'i gnas su gyur pa las 'das pa zhes bya ba'i don rnam pa gcig gis rgyas par bstan te/ gzugs kyi rnam par shes par gnas ma yin zhes bya ba la sogs pa rgyas par smos pa'o/ /de la dkar po dang sngon po dang ring po dang thung ngu la sogs pa ni gzugs kyi rnam par shes pa ste/ dngos su mig gi rnam par shes pa la bya'o/ /de ltar na mig gi rnam par shes pas dmigs pa'i yul ma yin pa'am/ yang na mig gi rnam par shes pa skyed pa'i rgyu mi byed pas na gnas ma yin pa zhes bya ste/ lhag ma rnams la yang ci rigs par sbyar ro/ /phyin ci log spangs pa bstan pa'i phyir yang sangs rgyas rjes su dran pa zhes bya ba la sogs smos so/ /de yang ming gis smos pa 'di rnams kyis bstan te/ yod pa dang med pa la dmigs pa dang/ rnam par rtog pa las shin tu 'das pa dang/ ngag dang sems dang lus kyis bskyod pa'i spros pa med pa dang/ tha snyad med pa dang/ nyan thos kyis rnam par grol bar ma lhung ba dang/ nyin mtshams sbyor ba med pa dang/ rtog dpyod las 'das pa dang/ gang zag la bdag med par rtogs pa dang/ nyon mongs pa'i rgyu lta bu med pa dang/ sngon dang phyi ma'i mdza' las 'das pa dang/ gzung 'dzin gyi dri ma blo bur dang bral bas rang bzhin gyis dag pa dang/ 'jig rten gyi snyoms par 'jug pa'i ro myong ba'i dri ma yid sim pa dang/ lus bde ba las 'das pa dang/ rang bzhin gyis mya ngan las 'das pa dang/ 'bras bu mngon du byas pa brtson 'grus brtsams pa las 'das pa dang/ phung po lnga'i mtshan nyid las 'das pa dang/ bsnan pa dang dor ba med pa dang/ kun gzhi med pa dang/ tshor ba rnam pa gsum med pas gang la yang chags pa med pa dang/ ma skyes pa dang/ sems dang sems las byung ba'i tshogs la mi brten pa dang/ zla med pa dang/ phung po gzhan len pa dang bral ba dang/ nyon mongs pa med pa dang/ phung po lnga dang bral ba dang rang bzhin gyis zhi ba dang/ chos kyi dbyings su 'jug pa dang/ dbang po dang yul gyis ma bskyed pas bstan to/ /de la sangs rgyas rjes su dran pa zhes bya ba ni gong du smos pa'i sangs rgyas rjes su dran pa la bya'o/ /dmigs pa thams cad la mi gnas pa zhes bya bas yod pa dang med pa la mi dmigs pa bstan te/ dmigs pa thams cad ni yang na ni yod pa la dmigs/ yang na ni med pa la dmigs pa yin na/ /de'i dus na yod par yang mi dmigs/ med par yang mi dmigs pas na dmigs pa thams cad la mi gnas pa zhes bya'o/ /mtshan ma thams cad mi ldang ba zhes bya bas rnam par rtogs pa las shin tu 'das pa bstan to/ /mtshan ma'i 'dod chags dang zhe sdang dang gti mug dang/ skyes pa dang/ bud med la sogs par rtog pa ste/ de lta bu'i mtshan ma sems la mi 'byung bas ni mi ldang ba zhes bya'o g.yo ba dang sems pa dang/ bskyod pa thams cad kyi rgyu ba med pa zhes bya bas ngag dang sems dang lus kyis bskyod pa'i spros pa med par bstan te/ tshig tu 'byin pa ni g.yo ba'o/ /sems la rtog pa ni sems pa'o/ /lus kyi 'gul bskyod pa ste/ de gsum char med pa ni rgyu ba med pa'o mthong ba dang thos pa dang/ bye brag phyed pa dang rnam par rig par mi skye zhes bya bas tha snyad med par bstan te/ mthong ba la sogs pas gzhan dag la tha snyad du byed pa med do/ de dag thams cad spangs pas na/ mi skye ba zhes bya'o/ /dbang po dang rnam par grol ba'i mtshan nyid thams cad kyi rjes su mi 'gro ba zhes bya bas nyan thos kyi rnam par grol bar ma lhung ba bstan te/ dbang po ni dad pa la sogs pa ste/ gang gis rnam par grol bar byed pa'o/ /rnam par grol ba na nyan thos kyi mya ngan las 'das pa ste/ gang du rnam par grol ba'o/ /stong pa nyid du dmigs kyang de'i tshe nyan thos kyi mya ngan las 'das par ma ltung bas na/ rjes su mi 'gro ba zhes bya'o/ /sems gcig nas gcig tu nying mtshams sbyor ba med pa zhes bya bas nying mtshams sbyor ba med par bstan te/ sems kyi skad cig ma snga ma'i rjes su phyi ma rnams rgyun du 'byung ba ni sems gcig nas gcig tu nying mtshams sbyor ba zhes bya'o/ /de'i dus na sems kyi skad cig ma snga ma'i rjes su phyi ma 'jug pa med pas na mtshams sbyor ba med pa zhes bya'o/ /rtog dang/ rnam par rtog pa med pa thams cad nye bar zhi ba zhes bya bas rtog dpyod las 'das pa bstan te/ 'dod chags dang zhe sdang la sogs pa nyon mongs pa rnams la rtog pa ni rtog pa'o/ /dad pa dang shes rab la sogs pa rnam par byang ba la rtog pa ni rtog pa ste/ de'i dus na de gnyig la rtog pa med pa'i phyir nye bar zhi zhes bya'o/ /nyes pa dang rjes su chags pa dang khong khro ba bcom pa zhes bya bas gang zag la bdag med par rtog pa bstan te/ chags pa dang khong khro ba nyid skyon yin pas na nyes pa zhes bya'o/ /gang zag la bdag med par rtogs te/ lag mthil dang nam mkha' mnyam zhing/ ste'u dang tsan dan du 'dra bar 'dzin pa la de gnyis med pas na bcom pa zhes bya'o/ / rgyu'i mtshan nyid rnam par chad pa zhes bya ba nyon mongs pa'i rgyu lta bu med par bstan te/ nyon mongs pa rnams kyi rgyu ni bdag tu lta ba ste bdag tu lta ba spangs pas na rgyu'i mtshan nyid rnam par chad pa zhes bya'o/ /pha rol ngang tshul rol dang dbus dang 'thar 'dzin pa thams cad yang dag par chad pa zhes bya bas sngon dang phyi ma'i mdza' las 'das pa bstan nyed de la 'das pa'i dus su rtog pa ni pha rol gyi mthar 'dzin pa'o/ /ma 'ongs pa'i dus su rtog pa na/ tshu rol gyi mdza' 'dzin pa'o/ /da ltar gyi dus su rtog pa ni dbus kyi mdza' dzin pa ste/ dus gsum la rtog pa med pas na mdza' 'dzin pa thams cad yang dag par chad pa zhes bya'o/ /sgro btags pa med pas 'od gsal ba zhes bya bas gzung 'dzin gyi dri ma glo bur dang bral bas rang bzhin gyis dag par bstan te/ bzung ba dang 'dzin pa yod par rtog pa ni sgro btags pa zhes bya'o/ / bzung ba dang 'dzin pa yod pa mi rtogs pas na 'od gsal ba zhes bya ste/ rang bzhin gyis rnam par dag pa'i mtshan nyid do zhes bya ba'i don to/ /phye ba med pa'i phyir dga' ba med pa dang/ myang ba med pa'i phyir bde ba med pa zhes bya bas 'jig rten gyi snyoms par 'jug pa'i ro myang ba'i dri ma yid sim pa dang/ lus bde ba la 'das pa bstan te/ yid sim pa med pa'i phyir dga' ba med pa zhes bya ba'i don to/ /myang ba ni sems kyi bsam gtan gyi ro myang ba ste/ bsam gtan gyi ro myang ba med pa'i phyir lus bde ba med pa'o/ /bzod ma nas zhi bas yongs su gdung ba med pa zhes bya bas rang bzhin gyis mya ngan las 'das pa bstan te/ gtsong ma nas ma 'ongs pa'i dus te/ de'i dus nas kyang zhi ba ni rang bzhin gyis mya ngan las 'das pa zhes bya ba'i don to/ /'bad pa thams cad dang bral bas rnam par grol ba'i mtshan nyid do zhes bya bas 'bras bu mngon du byas pas brtson 'grus btsams pa las 'das pa bstan te 'bad pa ni mnyam pa dang/ bsam pa dang bsgom pa la sogs pa brtson 'grus rtsam pa ste/ rnam par grol ba'i 'bras bu mngon sum du bya ba'i phyir mnyan pa la sogs pa'i brtson 'grus brtsams pa med pas 'bad pa thams cad dang bral ba zhes bya'o/ /gzugs med pas lus med pa'o/ /tshor ba med pas tshor bar gyur ba med pa'o/ /mdung ba med pas mdung ba dang bral ba med pa'o/ /'du mi byed pas 'dus ma byas pa'o/ /rnam par shes pa med pas rnam par ma rig pa'i mtshan nyid do zhes bya bas phung po lnga'i mtshan nyid las 'das pa bstan te/ thogs pa dang bcas pa'i gzugs med pas na chos kyi dbyings de lus med pa zhes bya'o/ /bde ba dang sdug bsngal ba yang ma yin pa'i tshor ba med pas na/ bde ba la sogs par tshor bar gyur ba med pa zhes bya'o/ yul la mtshan mar 'dzin pa ni mdung pa zhes bya ste/ yul la mtshan mar 'dzin pa med pas na mdung pa med pa zhes bya'o/ /de bas na mdud pa dang bral ba ste/ mtshan mar 'dzin pa dang bral ba ces bya ba'i don to/ /dge ba dang mi dge ba mngon par 'du mi byed pas 'dus ma byas zhes bya'o/ /rnam par shes pa bdun la sogs pa med pas na rnam par shes pa med pa ste/ de bas na rtog par mi rung ba'i mtshan nyid do/ /mi 'dzin pas len pa med pa'o/ /mi stong pas na dor ba med pa'o zhes bya bas bsnan pa dang dor ba mang pa bstan te/ ting nge 'dzin gyi skyon mtshan ma yin la mi byed pas na/ yid la mi 'dzin pas te/ len pa med pa zhes bya'o/ /de lta mod kyi de kho na bsgom pa mi gtong bas na dor ba mang ba zhes bya'o/ /gnas med pas mi gnas pa'o zhes bya bas kun gzhi mdo bstan te/ gnas ni sa bon thams cad kyi rten kun gzhi rnam par shes pa'o/ /de'i tshe kun gzhi rnam par shes pa med pas na gnas med pa ste/ de lta bag chags thams cad mi gnas pa'i phyir mi gnas pa zhes bya'o/ /tshor ba dang/ la bas mi 'dug pa'o zhes bya bas tshor ba gsum med pas gang la yang chags pa med pa bstan te/ bde ba dang sdug bsngal ba dang/ bde ba yang ma yin sdug bsngal ba yang ma yin pa'i tshor ba rnam pa gsum dang bral bas mi 'dug pa ste/ ci la yang ma chags pa zhes bya ba'i don to/ /mi 'byung bas na 'byung bar mi 'gyur ba'i mtshan nyid do zhes bya bas ma skyes pa bstan te/ mi 'byung ba zhes bya ba ni ma skyes pa zhes bya ba'i don to/ /ma skyes pas med par mi 'gyur ba ni phyis kyang 'gag par mi 'gyur zhes bya ba'i don to/ /dran pa dang yid la byed pa dang/ sems pa dang/ sems las byung ba'i chos thams cad kyis ma bzung ba zhes bya bas sems las byung ba'i tshogs la mi rten pa bstan te/ dngos po rnams ma brjed pa ni dran pa'o/ /de nyid yang nas yang du sems pa na yid la byed pa ste dran pa dang yid la byed pa dang/ dad pa dang brtson 'grus la sogs pa sems dang sems las byung ba'i tshogs gang la yang mi brten pas na ma bzung ba zhes bya'o/ /mchog tu 'dzin pa med pa zhes bya bas zla med pa bstan te/ mchog tu 'dzin pa na phan tshun du 'gran pa'o/ /chos kyi dbyings rnam par dag pa la 'gran pa'i 'gran zla med pas na mchog tu 'dzin pa med pa zhes bya'o/ /len pa med pa zhes bya bas phung po gzhan len pa dang bral ba bstan te/ len pa ni tshe rabs gzhan du phung po len pa ste/ de med pas na len pa med pa zhes bya'o/ /'bar ba med pa zhes bya bas nyon mongs pa med pa bstan te/ 'bar ba ni nyon mongs pa rnams la bya ste/ de dag thams cad spangs pas na 'bar ba med pa zhes bya'o/ /rab tu zhi ba zhes bya bas phung po lnga dang bral ba bstan te/ phung po lnga spangs pas na rab tu zhi ste/ mya ngan las 'das par gyur ces bya ba'i don to/ /gzod ma nas ma skyes pa mi skye bas rab tu phye ba zhes bya bas rang bzhin gyis zhi ba bstan te/ gzod ma nas ma skyes pa ni dang po nas skye ba med pa ste/ de bas na mi skye ba las byung bas na mi skye bas rab tu phyi bas zhes bya'o/ /chos kyi dbyings su yang dag par 'du ba mnyam zhing mi mnyam pa med par gyur pa nam mkha' dang mtshungs shing mnyam pa zhes bya bas chos kyis dbyings su 'jug pa bstan te/ chos kyi dbyings su yang dag par 'du zhes bya ba ni sangs rgyas rjes su dran pa dang/ chos kyi dbyings gnyis mtshan nyid gcig ces bya ba'i don te/ /ji ltar mtshan nyid gcig snyam pa la/ mnyam shing mi mnyam par gyur pa med pa zhes bya ba smos te/ chos kyi dbyings dang sangs rgyas rjes su dran pa gnyis mnyam ste/ 'dra zhing mi 'dra ba med pas na mtshan nyid gcig pa'o/ /dpe ci dang 'dra snyam pa la nam mkha' dang mtshungs shing mnyam pa zhes smos te/ dper na shing dang nye ba'i nam mkha' dang/ rtsig pa dang nye ba'i nam mkha' mtshan nyid tha dad pa med de/ 'dra ba de bzhin du chos kyi dbyings dang sangs rgyas rjes su dran pa gnyis kyang/ mtshan nyid mi dran med de/ mtshungs pa'i phyir ro/ /mig dang gzugs kyi lam las 'das pa de bzhin du rna ba dang sgra dang sna dang/ dri dang lce dang ro dang lus dang reg bya dang/ yid dang chos kyi lam las 'das pa yin zhes bya bas dbang po dang yul gyis ma bskyed pa bstan te/ mig gi dbang po dang gzugs gnyis kyis ma bskyed pas na lam las 'das pa zhes bya ste/ lhag ma rnams la yang de bzhin du sbyar bar bya'o/ /ting nge 'dzin de'i 'bras bu thob pa bstan pa'i phyir smras pa sangs rgyas rjes su dran pa zhes bya ba la sogs pa'o/ /sangs rgyas rjes su dran pa 'di 'dra ba zhes bya ba la sangs rgyas rjes su dran pa gong du bshad pa lta bu byang chub sems dpa' de dag gis rab tu 'thob ste rnyed do zhes bya ba'i don to/ /chos thams cad la thogs pa med pa dang chags pa med par shes pa ye shes ni/ chos thams cad la sgrib pa med pa'i ye shes zhes bya ste/ don du na thams cad mkhyen pa'i ye shes thob par 'gyur zhes bya ba'i tha tshig go / sangs rgyas bcom ldan 'das thams cad kyis gsungs pa 'dzin zhes bya ba ni rjes su dran pa de thos nas kun rdzob tu de bzhin gshegs pas bshad pa'i gsung rab yan lag ste bcu gnyis la sogs pa'i dang tshig rnams 'dzin cing mi rjed pa'i phyir/ brjed par mi byed ces bya'o/ /dran par yang mi byed ces bya ba ni don dam par na chos de dag kyang stong pas btags pa tsam du zad de yod pa ma yin pas na dran par yang mi byed do/ /sgra'i don thams cad rnam par nges pa zhes bya ba ni bshad par bya ba'i chos thams cad kyi don phyin ci ma log par khong du chud pa'i don kyang rnyed par 'gyur zhes don to/ /ji ltar 'di na zhes bya ba la/ ji ltar sangs rgyas shAkya thub pa'i zhing 'di na gnyis kyi rgyu dang rkyen gyis yang dag pa'i lta ba ston te/ gzhan gyis bshad pa'i sgra'i rkyen dang/ so so rang gis rig pa'i rgyu gnyis kyi yang dag pa'i lta ba ston to/ /de ltar sangs rgyas kun tu bzang po'i zhing de ni gnyis kyi rgyu dang rkyen kyi lta ba mi ston te/ ci'i phyir zhe na/ sgras chos 'chad pa ni med kyi/ byang chub sems dpa' de dag tshul bzhin yid la byed pas yang dag pa'i lta ba bskyed pa'i phyir ro/ /de la gzhan gyis sgras ni lhan cig byed pa'i grogs bstan no/ /tshul bzhin yid la byed pas gtso bo'i rgyu bstan to/ /byang chub sems dpa' de dag gis de bzhin gshegs pa de mthong ba ma thag tu zhes bya ba la sogs pas sangs rgyas rjes su dran pa'i ting nge 'dzin de'i 'bras bu bstan te/ don rnam par nges pa zhes bya ba ni gong du smos pa'i tshul gyis mtshan ma thams cad rnam par spangs pa zhes bya ba'i ting nge 'dzin de nyid kyi chos kyi dbyings rnam par dag pa'i don gtan la phab cing ma nor bar shes pa yin pa'i phyir don rnam par nges pa zhes bya ste/ de chung ba las pha rol phyin pa drug yongs su rdzogs par byed do zhes bya ba dang sbyar ro/ /de ci'i phyir zhe na zhes bya ba la don rnam par nges pa khong du chud pa las pha rol tu phyin pa drug ji ltar rdzogs par 'gyur zhes bya ba'i tha tshig go gang gzungs kyi mtshan nyid la chags pa spangs pa 'di ni sbyin pa'i pha rol tu phyin pa zhes bya ba la sngar smos pa'i tshul gyis gzugs kyi mtshan nyid du 'du shes pa'i mtshan ma la ma chags shing gzugs kyi mtshan nyid la chags pa yongs su gtong ba ni sbyin pa'i pha rol tu phyin pa ste/ sbyin pa ni gtong ba'i mtshan nyid yin pa'i phyir ro/ /gang gzugs kyi mtshan nyid rgyun gcod pa 'di ni tshul khrims kyi pha rol tu phyin pa zhes bya ba la/ tshul khrims kyi rang bzhin ni spyod pa ngan pa mi len cing rgyun gcod pa yin te/ mtshan ma la sogs pa ma blangs ba la rgyun bcad pa zhes bya'o/ /gang gzugs kyi mtshan nyid zad pa'i chos nyid 'di ni bzod pa'i pha rol tu phyin pa zhes bya la/ bzod pa ni ma skyes pa'i chos la bzod pa la bya ste/ gzugs kyi mtshan nyid zad pa dang/ med cing ma skyes pa zhes bya ba'i tha tshig go /gang gzugs kyi mtshan nyid la dben par mthong ba 'di ni brtson 'grus kyi pha rol tu phyin pa zhes bya ba la/ brtson 'grus ni yang dag pa'i chos nyid mthong bar byed pa la spros par byed pa'i mtshan nyid do/ /gzugs kyi rang bzhin stong pa'i ngo bo nyid dben par mthong ba la spro bar byed pa'i phyir ro/ /gang gzugs kyi mtshan nyid sems la mi gzhog pa 'di ni bsam gtan gyi pha rol tu phyin pa zhes bya ba la/ gzugs kyi mtshan ma la sems ma g.yengs pa zhes bya ba'i tha tshig go /gang gzugs kyi mtshan nyid la spros pa'i rgyu ba med pa 'di ni shes rab kyi pha rol tu phyin pa zhes bya ba la/ gzugs kyi rang dang spyi'i mtshan nyid so sor 'byed cing rtog pa'i spros pa med pa'i shes rab la bya'o/ /rnam pa gzhan du na don rnam par nges pa zhes bya ba ni chos kyi don phyin ci ma log par rtogs pa las pha rol tu phyin pa drug yongs su rdzogs par byed do zhes bya ba'i don to/ /gang gzugs kyi mtshan nyid dben par mthong zhes bya ba las brtson 'grus ni bya ba'i don byed pa yin pas gzugs kyi mtshan nyid stong par mthong ba'i bya ba'i don 'grub par byed pa ni brtson 'grus kyi pha rol tu phyin pa'o/ /gang gzugs kyi mtshan nyid sems la mi 'jog ces bya ba la/ bsam gtan ni mtshan ma thams cad spong bar byed pa yin pas gang gzugs kyi mtshan ma sems la mi 'dzin pa ni bsam gtan gyi pha rol tu phyin pa'o/ /gang gzugs kyi mtshan nyid la spros pa'i rgyu ba zhes bya ba la/ gang gong du bshad pa'i gzugs kyi mtshan ma spros par bshad pa thams cad la mi 'byung ba ni shes rab kyi pha rol tu phyin pa yin no/ /mthu chen bstan pa las brtsams nas smras ba/ de nas tshe dang ldan pa sha radwA ti'i bus zhes bya ba la sogs pa'o/ /thams cad dang dad? pa'i 'khor 'di yang dge ba'i rtsa ba 'phel bar 'gyur zhes bya ba ni 'khor 'di dag thams cad kyi dge ba'i rtsa ba ston pas rgya chen por 'gyur zhes bya ba'i don to/ /de nas sangs rgyas kyi mthu dang/ zhes bya ba ni sangs rgyas shAkya thub pa'i byin gyis brlabs zhes bya ba'i don to/ /gleng bslang ba bshad zin to// //theg pa chen po las/ byang chub sems dpa' rnam pa bco lngar bshad de/ go 'phang la gnas pa dang/ thams cad du 'gro ba dang/ chos la gnas pa dang/ snying rje byed pa dang/ mngon sum du gyur pa dang/ yongs su smad par byed pa dang/ ston par byed pa dang/ 'doms par byed pa dang yongs su byang ba dang/ bsgom pa la zhugs pa dang/ so sor rten pa dang/ ston pa dang/ lhun gyis grub pa dang/ bya ba byed pa dang/ dbang thob pa'o/ /de la byang chub tu sems bskyed pa'i byang chub sems dpa' ni/ go 'phang la gnas pa'i byang chub sems dpa' zhes bya'o/ /go 'phang la gnas pa de la yang rnam pa gnyis te/ 'jug pa dang/ rab tu zhugs pa'o/ /de la 'jug pa ni sangs rgyas la bsam pa zhugs pa dang/ chos dang dge 'dun la bsam pa zhugs pa dang/ sangs rgyas la brten pa dang/ chos dang dge 'dun la brten pa dang/ sangs rgyas la nges par gyur pa dang/ chos dang dge 'dun la nges par gyur pa'o/ /de la bsam pa zhugs pa ni/ 'di ltar sangs rgyas bcom ldan 'das de ni rig pa dang zhabs su ldan pa/ bde bar gshegs pa zhes bya ba la sogs pa yon tan gyi sgo nas shes pa dang/ nyan thos dang rang sangs rgyas las 'phags pas na khyad par yod par shes pa'o/ /rten pa ni ston par khas len pa'o/ /nges par gyur pa ni ston pa de las gzhan med pa'o/ /rab tu zhugs pa ni bla na med pa yang dag par rdzogs pa'i byang chub tu sems bskyed pa ste/ de bstan pa'i phyir/ de nas tshe dang ldan pa sha radwA ti'i bu zhes bya ba la sogs pa gsungs so/ /byang chub tu sems bskyed pas ni/ chos rnams kyi gzhi bstan te/ bsam pa mi zad pa la sogs pa 'og nas smos pa byang chub sems dpa' i spyod pa rnams kyi gzhi ni byang chub tu sems bskyed pa yin pa'i phyir ro/ /ci'i phyir rigs kyi bu khyod kyi ming blo gros mi zad pa zhes btags zhes dris pa ni byang chub tu sems bskyed pa la sogs pa la mi zad pa rnam par bshad pa'i gleng bslang ba ste/ byang chub sems dpa' de'i dres pa'i lan btab pa las mi zad pa rnams bshad pa'i phyir/ /de la blo gros mi zad pa zhes bya ba 'di chos thams cad kyi dmigs pa'i rgyu mthun pa'o zhes bya ba la 'dus byas dang 'dus ma byas kyi chos thams cad kyi ngo bo nyid ni de bzhin nyid do/ /de bzhin nyid ni mi 'gyur ba'i ngo bo nyid pas mi zad pa'o/ /de la dmigs pa'i shes rab kyang de dang tha mi dad pas mi zad pa ste/ de lta bu'i mi zad pa la dmigs pa'i rgyu las yongs su dag pa'i blo gros byung ba de ni rgyu mthun pa zhes bya ste/ rgyu dang 'bras bu 'dra ba zhes bya ba'i don to/ /blo gros ni shes rab kyi rnam grangs so/ /yang na byang chub sems dpa' rnams kyi spyod pa la sogs chos kyi rab tu dbye ba mdza' yas pa la yang chos thams cad ces bya ste/ de dag rgyu dang dus la sogs pa'i sgo nas zad par mi 'gyur ba la dmigs pas de skad ces bya ste/ de nas ni don de nyid gsal bar bstan pa'i phyir ro/ /de ci'i phyir zhe na/ chos thams cad mi zad pa'i phyir ro zhes gsungs so// rigs kyi bu khyod byang chub sems dpa' rnams kyi chos mi zad pa bstan pa las brtsams te spobs par gyis shig ces bya ba ni chos mi zad pa lta bur shod ces bya ba'i tha tshig go / blo gros mi zad pas smras pa/ btsun pa sha radwA ti'i bu byang chub sems dpa' rnams kyi dang po sems bskyed pa yang mi zad pa la zhes bya ba la sogs pas byang chub tu sems bskyed pa mi zad pa bstan te/ yang zhes bya ba'i sgras ni byang chub tu sems bskyed pa 'ba' zhig mi zad par yang ma zad kyi/ bsam pa la sogs 'og nas 'byung ba rnams kyang mi zad pa zhes bya bar bstan to/ /sems bskyed pa de yang gsum gyis mi zad pa shes par bya ste/ gang zhe na/ sems bskyed pa mi zad pa gang yin pa dang/ rgyu gang gis mi zad pa dang/ ji ltar mi zad pa las brtsams nas sems bskyed pa mi zad par shes par bya'o/ /sems bskyed pa mi zad pa gang yin pa ni rnam pa bdun gyis bstan to/ /gang zhe na las dang po'i sems bskyed pa mi zad pa dang/ sa dang po'i sems bskyed pa mi zad pa dang/ sa gsum pa'i sems bskyed pa mi zad pa dang/ sa bzhi pa'i sems bskyed pa mi zad pa dang/ sa brgyad pa'i sems bskyed pa mi zad pa dang/ sa dgu pa'i sems bskyed pa mi zad pa dang/ sa bcu ba'i sems bskyed pa mi zad pa'o/ /rgyu gang gis mi zad pa ni rgyu rnam pa bdun gyis ston te/ gang zhe na/ rtag par dge ba dang/ rang bzhin gyis yongs su mi spong ba dang/ rang bzhin mi gtong pa dang/ rang gi las byed pa dang/ rtag par 'bras bu yongs su sdud pa dang/ rgyu yongs su mi zad pa dang/ don dam pa'o/ /ji ltar mi zad pa ni rnam pa gnyis kyis ston te gang zhe na rgyun mi zad pa dang/ skad cig gis 'jig pa mi zad pa'o/ /byang chub sems dpa' rnams kyi dang po sems bskyed pa yang mi zang pa'o zhes bya bas sems bskyed pa rnam pa bdun las/ las dang po pa'i sems bskyed pa mi zad pa bstan te/ de yang ci'i phyir mi zad ce na/ rgyu rnam pa bdun las rang gi las byed pa yan chad rgyu rnam pa bzhis mi zad pa yin te/ de ci'i phyir zhe na/ ma 'dres pa'i phyir ro zhes bya bas las dang po pa'i sems bskyed pa ci'i phyir mi zad pa'i rgyu bstan pa ste/ de bas na sems de ni thams cad nyon mongs pa thams cad dang ma 'dres pa skyes so zhes bya bas brtag par dge ba bstan te/ ci'i phyir zhe na glo bur gyi nyon mongs pa dang 'dres na ni nyon mongs pa dang 'dre bas phyis kyang zad par 'gyur na thog ma sems bskyed pa'i tshe nas nyon mongs pa rnams dang ma 'dres te/ ngo bo nyid kyi dag pa yin pa'i phyir de la zad pa mi srid pas mi zad pa zhes bya'o/ /theg pa gzhan la 'dod pa med pas sems de ma 'brel bar skyes so zhes bya bas rang bzhin yongs su mi spong ba bstan te/ theg pa gzhan na nyan thos dang rang sangs rgyas kyi theg pa'o/ /de la 'dod pa med pa ni dang po nas theg pa de gnyis su sems ma bskyed pa ste/ de bas na theg pa de gnyis dang ma 'brel bar skyes pa zhes bya'o/ /pha rol rgol ba thams cad kyi mi 'phrogs bas/ sems de ni sra bar skyes so zhes bya bas rang bzhin mi gtong bar bstan te/ pha rol rgol ba ni bdud dang mu stegs la sogs pa'i tshogs rnams so/ /mi 'phrogs pa ni de dag gi mi tshugs shing de dag gis dbang du mi 'gyur ba ste/ mu stegs la sogs pa phas gyis rgol ba rnams kyis mi tshugs shing de dag gi dbang du mi 'gyur bas na sra ba zhes bya'o/ /de la las dang po ba'i rang gis las byed pa'ang rnam pa lnga ste/ gang zhe na/ phyin ci log yongs su shes pa dang/ g.yeng ba yongs su shes pa dang/ nyon mongs pa med par 'khor ba khas len pa dang/ chos kyi don bcal bas mi ngoms pa dang/ chos kyi rjes su mthun pa'i chos sgrub pa'o/ /de la sems de ni bdud thams cad kyis mi phyed par skyes pa'o zhes bya bas phyin ci log yongs su shes pa bstan te/ bdud rnams kyi byang chub kyi sems de dang/ byang chub sems dpa' tha dad par dbye bar mi nus pas na mi phyed par skyes pa zhes bya ste/ bdud kyi dbang du gyur nas byang chub kyi sems mi 'dor bar 'gyur ba med pa zhes bya ba'i don to/ /dge ba'i rtsa ba thams cad yang dag par sgrub pa'i phyir sems de ni bstan par skyes so zhes bya bas g.yeng ba yongs su spong ba bstan te/ byang chub tu sems bskyed pa de'i rgyu las 'dod ma chags pa dang/ zhe mi sdang ba dang/ gti mi mug pa la sogs pa dge ba'i rtsa ba thams cad 'grub par gyur te/ dge ba'i rtsa ba thams cad 'grub pa'i rgyu byed pas na bstan pa zhes bya'o/ /'dus byas mi rtag par shin tu rigs pas sems de ni rtag par skyes so zhes bya bas nyon mongs pa med par 'khor bar khas len pa bstan te/ khams gsum gyis 'dus byas thams cad shin tu mi rtag par rig pas ni sems de ni rtag par skyes te 'khor ba'i nyon mongs pa'i dbang du ma gyur par skyes so zhes bya ba'i don to/ /sangs rgyas kyi chos thams cad yang dag par sdud pas sems mi g.yo bar skyes so zhes bya bas chos kyi don brtsal bas mi ngoms pa bstan te/ byang chub kyi sems de la bstan nas sangs rgyas kyi chos stobs dang mi 'jigs pa la sogs pa 'du bar 'gyur te/ sangs rgyas kyi chos rnams 'du bar 'gyur ba'i gzhi dang/ rten byed pa'i phyir mi g.yo bas zhes bya'o/ /log par sgrub pa thams cad dang bral bas sems de ni mi rdzi bar skyes so zhes bya bas chos kyi rjes su mthun pa'i chos sgrub pa bstan te/ log par bsgrub pa zhes bya ba ni log pa'i lta ba dang/ srog gcod pa dang/ ma byin par len pa dang/ mi tshangs par spyod pa la sogs pa mi dge ba bcu rnams spyod pa ste/ mi dge ba bcu rnams kyis ma spags shing mi dge bdag gi dbang du ma gyur par na mi rdzi ba zhes bya'o/ /rang gi las byed pa'i rgyu gcig gis sems bskyed pa lhag ma drug rnams mi zad par rig par bya'o/ /de las dang po ba'i sems bskyed par ni rang gi las rnam pa bdun gyis bstan te/ gang zhe na/ rtag par mnyam par bzhag pa dang 'jig rten dang 'jig rten las 'das pa'i shes pa zil gyis gnon pa dang/ gang zag la bdag med par rtog pa dang/ gnyen po bsgom pa la gnas pa dang/ bsam pa rgya chen po rnam par spyad pa dang/ che ba nyid kyi bsam pa rnam par sbyong ba/ 'jig rten las 'das pa'i ye shes rnyed pa'o/ /de la mi bskyod pas na sems de ni shin tu brtan par skyes so zhes bya bas rtag par mnyam par bzhag pa ste/ log pa'i phyogs dang g.yeng ba gang gi mkhar yang ma las te/ mi g.yo shing brtan par 'dug pas na shin tu brtan pa zhes bya'o/ /gnyen po med pas na sems de ni dpe med par skyes so zhes bya bas 'jig rten dang 'jig rten las 'das pa'i shes pa zil gyis gnon pa bstan te/ gnyen po ni skabs 'dir zla la bya ste/ byang chub kyi sems de lta bu'i dper rung ba'am/ zlar rung ba gang yang med pas na dpe med pa zhes bya'o/ /chos thams cad la nges par 'bigs pas na sems de ni rdo rje lta bur skyes so zhes bya bas gang zag la bdag med par rtogs pa bstan te/ mi mthun pa'i phyogs kyis chos rnams 'joms pa 'am/ chud par bya ba'i chos rnams phyin ci ma log par rtogs pa la/ nges par 'bigs pa zhes bya ste/ brtsan zhing drag pa 'am/ rno ba la rdo rje lta bu zhes gsungs so/ /bsod nams kyi chogs tshad med bsags pas na sems de ni mu med par skyes so zhes bya bas mi mthun pa'i phyogs kyi chos rnams bstan te/ byang chub kyi sems de las bsod nams kyi tshogs tshad med pa rnams skye bas na de'i phyir mu med ces gsungs so/ /mdza' med ces bya ba'i don to/ /rnam pa gnyis su na mos pa spyod pa'i sar bskal pa gcig gi bar du bsod nams kyi tshogs dpag tu med pa bsags pa las sa dang po'i sems bskyed pa de 'byung bas na sems de na mu med par skyes so zhes bya'o/ /sems can thams cad kyi bsam pa rnams la sems de ni mnyam par skyes so zhes bya bas bsam pa rgya chen po rnam par sbyang ba bstan te/ legs par sems pa dang nyes par sems pa'i sems can thams cad la byams pa khong khro ba med pas na mnyam par skyes so/ /tha dad du byed pa med pas na sems de ni mi mnyam pa med par skyes so zhes bya bas che ba nyid kyi bsam pa rnam par sbyang ba bstan te/ bzang ngan dang mthong man la sogs pa'i 'du shes spangs pas mi mnyam pa med pa zhes bya'o/ /rang bzhin gyi kun nas nyon mongs pa med pas na sems de ni rnam par dag par skyes so zhes bya bas 'jig rten las 'das pa'i ye shes rnyed par bstan te/ 'dod chags la sogs pa'i nyon mongs pa spangs nas rnam par dag pa ni ma yin gyi rang bzhin gyis rnam par dag pa'i ngo bo nyid du skyes so zhes bya ba'i don to/ /sa gnyis pa'i sems bskyed pa ni de la tshul khrims dri ma med pa yongs su ma rdzogs pa dang/ 'chal ba'i tshul khrims kyis yongs su ma spangs pas ma bshad do/ /sa gsum pa'i sems bskyed pa yang rang gi las rnam pa bcus bstan te/ gang zhe na/ tshul khrims rnam par dag pas log pa'i gnyen po sel ba dang/ bsam gtan thob pa ma nyams pa dang/ tshad med pa thob pa ma nyams pa dang/ mngon par shes pa lnga thob pa ma nyams pa dang/ zag pa zad pa mngon par shes pa la sbyor ba dang/ bsam gtan las rnam par log cing sa 'og mar skye ba dang/ de ltar skyes kyang bsam gtan de yongs su mi spong ba dang/ der skyes nas kyang mngon par 'gro bas de bzhin gshegs pas bsngags pa dang/ nyan thos dang rang sangs rgyas kyi rten du gyur pa dang/ bdud kyi yul yin yang bdud kyi yul ma yin pas bstan to/ /de la shes rab kyi 'od gsal ba'i phyir sems de ni dri ma med par skyes so/ /zhes bya bas tshul khrims rnam par dag pas log pa'i gnyen po sel bar bstan te/ shes bya dang nyon mongs pa'i sgrib pa med pas na shes rab kyi 'od gsal ba ste/ shes rab rnam par dag ces ston to/ /de ltar sgrib pa'i dri ma de gnyis med pa'i phyir dri ma med par skyes pa zhes bya'o/ /lhag pa'i bsam pa ma bor bas na shin tu nges par bsams te skyes so zhes bya bas bsam gtan thob pa mnyams pa bstan te/ lhag pa'i bsam pa ni byang chub sems dpa' sa la gnas pa rnams kyi bsam pa rnam par dag pa la bya'o/ /de lta bu'i bsam pa ma bor te/ bsam pa de dang bcas pas gzhan du ma g.yengs ma 'khrul par skyes pa la nges par bsams te skyes pa zhes bya'o/ /byams pa nam mkha' dang mnyam zhing mtshungs pas na sems de ni yang dag pa skyes so/ /tshad med pa thob pa ma nyams pa ste/ nam mkha' i mdza' dang mnyam pa'i sems can rnams la byang chub kyi sems la 'byung ba'i byams pas khyab par dmigs pas na yangs par skyes pa zhes bya'o/ /sems can thams cad kyi go 'byed pas na sems de ni rgya che bar skyes so zhes bya bas mngon par shes pa lnga thob pa ma nyams pa bstan te/ byang chub kyi sems las byung ba'i mngon par shes pa lngas sems can thams cad kyi bsam pa yongs su rdzogs par byed de/ de ltar sems can rnams kyi bsam pa dang re ba'i bgegs dang bar du gcod pa med pas na rgya che ba zhes bya ba'o/ chags pa med pa'i ye shes la btang bas na sems de na sgrib pa med par skyes so zhes byas zag pa zad pa mngon par shes pa la sbyor ba bstan te/ byang chub kyi sems de chags pa dang/ mos pa med pa'i ye shes la dmigs pa 'am/ sems des ye shes bskyed par byed pa la btang ba zhes bya ste/ de ltar zag pa med pa'i ye shes la dmigs pa'i phyir sems de ni sgrib pa med par skyes pa zhes bya'o/ /snying rje chen po rgyun ma bcad pas na sems de ni thams cad kyi rjes su song bar skyes so zhes bya bas bsam gtan las rnam par log cing 'og mar skye ba bstan te/ snying rje chen pos 'dod pa'i khams kyis sems can la dmigs pa rgyun ma bcad pas bsam gtan thob kyang slar 'dod pa'i khams su skye ba la thams cad kyis rjes su song bar skyes pa zhes bya'o/ /yongs su bsngo ba'i cho ga shes pas na sems de'i rgyun ma chad par skyes so zhes bya bas de ltar skyes kyang bsam gtan de yongs su mi spong ba bstan te/ dge ba spyod do cog bla na med pa'i byang chub tu bsngo ba la mkhas pas na de'i 'bras bu mi gnas pa'i mya ngan las 'das pa sems can dang 'khor ba'i mdza' ji srid yod kyi bar du rgyun mi 'chad pa'i phyir rgyun mi 'chad par skyes pa zhes bya'o/ /thams cad mkhyen pas rab tu bstod pas na sngon du 'gro bar bya bar skyes so zhes bya bas de skyes nas kyang mngon par 'gro bas de bzhin gshegs pas bsngags pa bstan te/ byang chub kyi sems de de bzhin gshegs pa rnams kyis bstod pa'i phyir lha dang mi thams cad 'du zhing bsnyen par bya ba yin pas na mngon du 'gro bar skyes pa zhes bya'o/ /theg pa gzhan la zhugs pas sems de ni lta bar 'os pa'o zhes bya bas nyan thos dang rang sangs rgyas kyi rten du gyur pa bstan te/ theg pa chen po la zhugs pa'i byang chub kyi sems de rab tu 'phags par mthong bas na nyan thos dang rang sangs rgyas kyi theg pa la zhugs pa rnams kyi mas yar blta dgos zhes bya ba'i don to/ /sems de ni sems can thams cad kyi bltar mi mthong bar skyes so zhes bya bas bdud kyi yul yin yang bdud kyi spyod yul ma yin par bstan te/ byang chub kyi sems de sems can phal pa rnams kyi spyod yul ma yin zhes bya ba'i don to/ /sa bzhi pa'i sems bskyed pa yang rang gi las byed pa rnam pa bdun gyis bstan te/ gang zhe na/ sangs rgyas kyi sa bon yongs su 'dzin pa dang/ g.yo ba dang/ rlom sems la sogs pa thams cad yongs su spangs pa dang/ 'jig rten dang 'jig rten las snyoms par 'jug pa thob pa dang/ bsod nams kyi tshogs kyi go gyon pa dang/ ye shes kyi tshogs kyi go gyon pa dang/ byang chub sems dpa' i mi mthun pa'i phyogs dang/ gnyen po yongs su sbyor bar byed pa dang/ mi gnas pa'i mya ngan las 'das pa thob par bya ba'i phyir snying rjes yongs su spyod? ba'o/ /de la sems de ni sangs rgyas kyi chos thams cad kyi sa bon du skyes so zhes bya bas sangs rgyas kyi chos kyi sa bon yongs su 'dzin pa bstan te/ byang chub kyi sems de stobs dang mi 'jigs pa la sogs pa sangs rgyas kyi chos rnams kyi rgyu yin pas na sa bon zhes bya'o/ /sems de ni chos thams cad kyi mi shig par skyes so/ /zhes bya bas g.yo ba dang rlom sems la sogs pa thams cad yongs su spangs pa bstan te/ byang chub kyi sems de'i phyir g.yeng ba dang/ nang gi g.yeng ba thams cad kyis mi bskyod pas na mi shigs par skyes pa zhes bya'o/ /sems de ni bde ba'i dngos po thams cad kyi gnas su skyes so zhes 'jig rten dang 'jig rten las 'das pa'i snyoms par 'jug pa thob pa bstan te/ byang chub kyi sems dang ldan na ngan song la sogs pa'i sdug bsngal mi myong bar lha dang mi'i bsam gtan gyi bde ba thob pa dang sangs rgyas dang byang chub sems dpa' i longs spyod thams cad thob pas na/ 'jig rten dang 'jig rten las 'das pa'i bde ba'i dngos po thams cad 'byung ba'i gzhi yin pas na gnas zhes bya ba'i don to/ /sems de ni bsod nams kyi tshogs kyis brgyan par skyes so/ /zhes bya bas bsod nams kyi tshogs kyi go gyon par bstan te/ byang chub kyi sems de bsod nams kyi tshogs chen po las byung bas na bsod nams kyi tshogs kyis brgyan pa zhes bya ste/ rgyan kyang 'dir rgyu lta bur lta'o/ /sems de ni ye shes kyi tshogs kyis rab tu rtogs te skyes so zhes bya bas ye shes kyis tshogs kyi go gyon pa bstan te/ ye shes kyi tshogs bsags pa las byang chub kyi sems de skyes so zhes bya ba'i don to/ /sems de ni sbyin pa'i tshogs kyis rab tu bsags te skyes so zhes bya ba nas/ sems de ni shes rab kyi tshogs kyi thogs pa med pa skyes so zhes bya ba yan chad pha rol tu phyin pa drug gis byang chub kyi sems de bskyed par bstan pas ni sems de mi mthun pa'i phyogs dang gnyen po yongs su sbyang bar byed pa bstan to/ /sems de ni sbyin pa'i tshogs kyis rab tu bsags te skyes so zhes bya ba ni sbyin pa'i pha rol tu phyin pa bsags pa'i rgyu can zhes bya ba'i tha tshig go /sems de ni tshul khrims kyis tshogs kyis smon lam gyi 'phags pa skyes so zhes bya ba ni tshul khrims dang ldan pas ni smon cing bsams so cog 'grub la sems de yang tshul khrims kyi tshogs bsags pa las skyes pas smon pa thams cad 'grub pa'i bdag nyid du skyes zhes bya ba'i tha tshig go / sems de ni bzod pa'i tshogs kyis bsnyen dka' bar skyes so zhes bya ba ni bzod pa dang ldan pa'i gzi brjid la cis kyang zil gyi mi non pa la bsnyen dka' ba zhes bya ste/ de lta bu'i bzod pa'i tshogs kyis bskyed pas na sems de yang bsnyen dka' ba zhes bya'o/ /sems de ni brtson 'grus kyi tshogs kyis rgyal bar skyes so zhes bya ba ni brtson 'grus kyi go bgos pa la sus kyang mi thub pa de las skyes pa'i phyir/ /sems de ni bsam gtan gyi tshogs kyis zhi ba'i mtshan nyid du skyes so zhes bya ba ni sems g.ye ba nye bar zhi ba'i mtshan nyid kyi bsam gtan gyi tshogs kyis bskyed pa'i phyir ro/ /sems de ni shes rab kyi tshogs kyis thogs pa med par skyes so zhes bya ba ni chos rnams kyi rang dang spyi'i mtshan nyid rab tu 'byed pa la thogs pa med pa de lta bu'i shes rab kyi tshogs kyis bskyed pa'i phyir ro/ /byams pa chen po bsags pa la sogs pa tshad med pa bzhis mi gnas pa'i mya ngan las 'das pa thob par bya ba'i phyir snying rje chen po yongs su spyod bar byed par bstan te/ byams pa chen po bsags pas sems de ni gnod ba med par skyes so zhes bya ba ni sems can la gnod sems med pa'i byams ba chen bas gsags pa las skyes pa'i phyir/ snying rje chen po bsags pas sems de ni rtsa ba sra zhing brtan pa'o zhes bya ba'i snying rje chen po ni thams cad mkhyen pa'i ye shes kyi rtsa ba ste/ byang chub kyi sems de yang snying rje chen po dang ldan pa'i phyir rtsa ba sa zhing brtan pa'o/ / yang na byang chub sems dpa' sems de'i rtsa ba ni snying rje chen po yin la snying rje yun ring por bsags pa las skyes pas rtsa ba sra zhing brtan pa zhes bya'o/ /sems de ni dga' ba chen po bsags pa ste/ mgu ba dang mos pa dang mchog tu dga' ba la gnas par skyes so zhes bya ba ni/ dga' ba chen po bsags pa las skyes pas mgu ba la sogs pa la gnas bya'o/ /'das pa'i sems can rnams kyis bde ba mthong nas sems dga' ba skye ba ni mgu ba'o/ /da ltar gyi sems can rnams kyi bde ba mthong nas sems dga' ba skye ba ni mos pa'o/ /ma 'ongs pa'i sems can rnams kyis bde ba mthong nas sems dga' ba skye ba ni mchog tu dga' ba la gnas pa zhes bya'o/ /sems de ni btang snyoms chen po bsags pa ste/ bde ba dang sdug bsngal gyis mi skul bar skyes so zhes bya ba ni bde ba la yang chags pa med/ sdug bsngal la yang zhe sdang med pa'i btang snyoms kyis bskyed pa'i phyir ro/ /sa lnga pa dang sa drug pa dang sa bdun pa rnams la ni pha rol tu phyin pa dang/ tshad med pa rnams yongs su spyod ba dang/ mi gnas pa'i mya ngan las 'das pa la bsnyen pa'i phyir de bas sa de dag gi sems bskyed pa la yang ma bshad do/ /sa brgyad pa'i sems bskyed pa yang rang gi las byed ba rnam pa gcig po byang chub sems dpa' gnas zab mo la snyoms par zhugs shing/ sangs rgyas rnams kyis ye shes kyi las la nye bar sbyor bas bstan te/ de yang sems de ni sangs rgyas thams cad kyi byin gyis rlab gyis brlabs par skyes so zhes gsungs pa'o/ /de la sangs rgyas thams cad kyi mthu dang ldan pa 'am/ sangs rgyas thams cad kyi dgongs shing yongs su bzung bar skyes zhes bya ba'i tha tshig go /byin gyi brlabs ni mthu dang/ dgongs pa dang/ yongs su bzung ba'i rnam grangs su gtogs pa'o/ /sa dgu pa'i sems bskyed pa yang rang gi las byed pa rnam pa gcig po sems can smin par byed pa'i mthar 'gro bas sangs rgyas 'byung ba la sogs pa rgyun mi chad pas bstan te/ de yang sems de ni dkon mchog gsum gyi rigs mi bcad pa'i phyir tshul rgyun mi chad par skyes so gsungs so/ /de la tshul ni sangs rgyas kyi chos nub cing med par mi 'gyur ba'i thabs la bya la/ byang chub kyi sems ni de'i thabs chen po yin pas dkon mchog gsum gyi rigs rgyun mi 'chad pa'i phyir zhes bya ste/ de'i rgyu yin pa'i phyir ro/ /sa bcu pa'i sems bskyed pa yang rang gi las byed pa rnam pa gcig po dbang thob pas bstan te/ de yang sems de ni phyogs bcu'i sangs rgyas kyi zhing thams cad kyi 'khor gyi dkyil 'khor du grags par skyes so zhes gsungs pa'o/ /la la zhig gis byang chub tu sems bskyed na lha la sogs pa che ge mo zhig gis byang chub tu sems bskyed do zhes gcig nas gcig tu sbran te/ sangs rgyas kyis thams cad du grags par byed pa'i phyir ro/ /rtag par 'bras bu yongs su sdud pa las brtsams nas smras pa/ btsun pa sha radwA ti'i bu thams cad mkhyen pa nyid kyi sems zhes bya ba la sogs pa'o/ /rtag par 'bras bu yongs su sdud pa yang rnam pa gsum gyis bstan te/ gang zhe na/ yon tan rnam par dag pa'i yan lag khyad zhugs par yongs su 'dzin pas gnas dang gnas pa yongs su 'brel par yongs su rig pa dang/ bstan pa dang ldan pa'i khyad par gyis ni tshul khrims rnam par dag pa'i yan lag rnam pa mdo dang rgyas par bstan pa dang/ sangs rgyas kyi chos lhag ma rnams sdud pa'i phyir yon tan khyad par du 'phags pa rnams mdor bstan to/ /de la yon tan rnam par dag pa'i yan lag khyad zhugs par yongs su 'dzin pas gnas dang gnas pa 'brel pa ni/ btsun pa sha radwA ti'i bu thams cad mkhyen pa nyid kyi sems zhes bya ba nas/ snyoms par 'jug pa rnams mi zad pas byang chub kyi sems de ni de dag gis rtsa bar skyes zhes bya ba yan chad kyis bstan te/ thams cad mkhyen pa nyid kyi sems 'di 'dra ba la zad pa gang yang yod dam zhes bya ba la/ byang chub kyi sems de thams cad mkhyen pa'i ye shes kyi rgyu yin pas na/ thams cad mkhyen pa nyid kyi sems zhes bya'o/ /yang na byang chub kyi sems de'i ngo bo nyid thams cad mkhyen pa nyid dang tha mi dad de/ thams cad mkhyen pa'i rang bzhin yin pa'i phyir/ thams cad mkhyen pa'i sems zhes bya ste/ de lta bu la ci zad pa yod dam zhes shA ri'i bu la dris pa'o/ /shA ri'i bus smras pa rigs kyi bu de ni ma yin te/ zhes bya ba ni zad pa med do zhes bya ba'i tha tshig go /thams cad mkhyen pa nyid kyi sems 'di lta bu zad par 'dod pa ni nam mkha' zad par 'dod do zhes bya ba ni shA ri'i bus gong du de ni ma yin te zhes smras pa'i don te/ ji ltar nam mkha' la zad pa med pa de bzhin du byang chub kyi sems 'di la yang zad pa med do zhes bya ba'i don to/ /de bzhin gshegs pa'i sems de ni mi zad pa ste/ byang chub kyi sems de ni de'i rtsa bar skyes zhes bya ba la sogs pas byang chub kyi sems de mi zad pa'i gtan tshigs rnam pa gzhan gyis bstan te/ de bzhin gshegs pa'i sems ni thams cad mkhyen pa'i ye shes la bya ste/ de ni 'khor ba'i mdza' i bar du mi zad pa yin la/ byang chub kyi sems ni de'i rtsa ba yin pas na 'bras bu mi zad pa'i phyir rgyu yang mi zad pa'o zhes bstan pa'o/ /btsun pa sha radwA ti'i bu de bzhin gshegs pa'i tshul khrims dang zhes bya ba la sogs pas zag pa med pa'i phung po lnga mi zad pa'i rtsa ba yin pas byang chub kyi sems kyang mi zad pa'o zhes bstan pa'o/ /btsun pa sha radwA ti'i bu de bzhin gshegs pa'i bsam gtan dang zhes bya ba la sogs pas/ nyan thos dang rang sangs rgyas dag gis bsam gtan la sogs pa lta bu mya ngan las 'das pa'i mthar thug pas zad pa ma yin gyi de bzhin gshegs pa'i bsam gtan la sogs pa ming gang smos pa de dag mi gnas pa'i mya ngan las 'das pa'i tshul gyis mi zad pa ste/ de'i rgyu yin pas na byang chub kyi sems kyang de'i phyir mi zad par bstan te/ rtsa ba zhes bya ba ni rgyu yin par blta'o/ /de la bsam gtan la sogs pa ni bsam gtan gyi pha rol tu phyin pa'i skabs nas bshad par bya'o/ /bstan pa dang ldan pa'i khyad par gyis tshul khrims rnam par dag pa'i yan lag rnams mdo dang rgyas par bstan pa ni de bzhin gshegs pa'i sbyin pa dang zhes bya ba nas btang snyoms mi zad pa zhes bya ba'i bar gyis bstan te/ de bzhin gshegs pa'i pha rol tu phyin pa drug mi zad pa'i rgyu byang chub kyi sems de yin pas na mi zad par bstan to/ /de bzhin gshegs pa'i byams pa dang zhes bya ba la sogs pas byang chub kyi sems de de bzhin gshegs pa'i tshad med pa bzhi'i rgyu yin pas mi zad par bstan pa'o/ /sangs rgyas kyi chos lhag ma rnams sdud pa'i phyir yon tan khyad par du 'phags pa rnams mdor bstan pa ni de bzhin gshegs pa'i stobs bcu dang zhes bya ba nas mdor na sangs rgyas kyi chos thams cad mi zad pa zhes bya ba'i bar gyis bstan te/ stobs bcu la sogs pa sangs rgyas kyis chos rnams mi zad pa'i rgyu yin pas na de'i phyir byang chub kyi sems de mi zad par bstan pa'o/ /mdor na sangs rgyas kyi chos thams cad mi zad pa zhes bya ba ni sangs rgyas kyi chos thams cad mi gnas pa'i mya ngan las 'das pa'i tshul gyis mi zad pa ste de dag gi gyur gyur pa'i phyir byang chub kyi sems de yang mi zad pa'o/ /rgyu yongs su mi zad pa la brtsams nas smras pa/ dkon mchog ces bya ba la sogs pa'o/ /rgyu yongs su mi zad pa yang rnam pa brgyad kyis ston te/ gang zhe na dkon mchog gsum gcig nas gcig tu rgyun mi 'chad pa dang/ sems can gyis khams bsrung bar bya ba'i phyir te/ rgyun mi 'chad ba dang sems bskyed pa yang shes pa de bskyed ba dang/ shes pa yang thams cad kyis bsgrub pa dang/ de yang dus tshad med pas bzung ba dang/ sems bskyed pa de yang 'dus ma byas par yongs su bsngos ba mthar gyur pa dang/ rig pa'i don bya bar yongs su bsngo ba dang/ rang gi don yongs su rdzogs pa'i phyir ro/ /de la dkon mchog gi rigs rgyun mi gcod pas na/ mi zad pa'o zhes bya bas dkon mchog gsum gcig nas gcig tu rgyun mi 'chad pa bstan te/ byang chub kyi sems las dkon mchog gsum gyi rigs mi 'chad par 'gyur te/ gang mdza' zad cing med par mi 'gyur ba'i rgyu ni mi zad pa'o zhes bya ba'i tha tshig go /sems can gyis khams mi zad pas na mi zad pa'o zhes bya bas sems can gyi khams bsrung bar bya ba'i phyir der rgyun mi 'chad par bstan te/ byang chub kyi sems de sems can gyi khams thams cad la dmigs la sems can gyi khams mdza' yas zad mi shes te/ de'i phyir de la dmigs pa'i sems de yang mi zad pa'o/ /de'i ye shes btang bas na mi zad pa'o zhes bya bas sems bskyed pa yang shes pa de bskyed pa bstan te/ sems can gyi khams mi zad pa la dmigs pa'i ye shes de'i rgyu la btang zhes bya ste/ ye shes de mi zad pas na de'i rgyu byang chub kyi sems de yang mi zad pa'o/ / sems can thams cad kyi sems kyi spyod pa rtogs pa ni mi zad pa'o zhes bya bas de yang thabs kyis bsgrungs pa bstan te/ sems can gcig gi sems kyi spyod pa yang zad mi shis na sems can thams cad kyis sems kyi spyod pa lta ci smos te/ byang chub kyi sems de yang sems can de dag gi sems kyi spyod pa rtogs pas na mi zad pa zhes bya'o/ /sngon gyi smon lam gyi rgyun mi gcod pas na mi zad pa'o zhes bya bas de yang dus tshad med pas yongs su bzung ba ste/ byang chub sems dpa' i sngon gyi smon lam mdza' yas pa'i rgyun las byang chub kyi sems 'di 'byung ste/ sngon gyi mdza' zad mi shes pa'i phyir mi zad pa'o zhes bshad pa'o/ /'dus ma byas su bsngos pas na mi zad pa'o zhes bya bar sems bskyed pa de yang 'dus ma byas par yongs su bsngos pas mthar gyur pa bstan te/ byang chub kyi sems de de bzhin nyid 'dus ma byas zad mi shes pa rtogs pa'i rgyur bsngos pas na mi zad pa'o/ /'dus ma byas la sems can yongs su smin par byed pas na mi zad pa'o zhes bya bas rigs pa'i don rgyas par yongs su bsngo ba bstan te/ sems can thams cad zad mi shes pa'i 'dus ma byas pa dgod pa'i phyir byang chub tu sems bskyed pas na mi zad pa'o/ /zad pa shes pa dang mi skye ba shes pa mi zad pas na mi zad pa'o zhes bya bas rang gi don yongs su rdzogs par bstan te/ zad pa dang mi skye ba shes pa thob par bya ba'i phyir sems bskyed pas na mi zad pa'o/ /don dam par yang rnam pa gnyis kyis bstan te/ rang bzhin dang dmigs pa'i rigs pa'o/ /rang bzhin ni yang dag pa nyid de/ de yang 'byung ba med cing 'jig pa med pas na mi zad pa'o zhes bya bas bstan to/ byang chub kyi sems de'i ngo bo nyid la skye ba dang 'gag pa med pa'i phyir mi zad pa zhes bya'o/ /dmigs pa'i rig pa ni chos thams cad gzod ma nas dag par shes pa'i ye shes te/ /de yang chos thams cad gzod ma nas zad pa ste/ ye shes de mngon par rtogs pas na mi zad pa'o zhes bya bas bstan te/ chos thams cad gzod ma nas ma skyes pa'i ye shes mngon par rtog pa 'byung ba'i rgyu yin pas na mi zad pa'o zhes bya ba'i tha tshig go /de la rnam pa drug gis rgyun mi zad pa yin te/ thams cad la rig par bya'o/ /bdun pas ni skad cig gis 'jigs pa mi zad pa bstan te/ sems bskyed pa de bdun yang mdor na rnam pa ni gnyis su rig par bya ste/ yang dag par blangs pa'i mtshan nyid dang chos nyid kyis thob ba ste/ thog ma'i gcig dang lhag ma'i rnam pa dang rim bzhin du sbyor ro/ /sems bskyed pa mi zad pa bshad zin to// //thams cad du 'gro ba'i byang chub sems dpa' ni rnam pa gsum ste/ nges pa dang khur mi 'dor ba dang khyad par du 'gro ba'o/ /de la nges pa ni bla na med pa yang dag par rdzogs pa'i byang chub kyi 'bras bu dang/ de'i rgyu lam bsgom pa la dad pa dang/ mos pa bstan pa gang yin pa ste/ de bstan pa'i phyir btsun pa shA radwA ti'i bu gzhan yang byang chub sems dpa' rnams kyi bsam pa yang mi zad ces bya ba la sogs pa gsungs so/ /bsam pa dang/ sbyor ba dang lhag pa'i bsam pa mi zad pa gsum ni bsdus pa'i don las de'i 'bras bu zhes smos pa yin te/ chos 'di gsum ni byang chub sems dpa' i 'bras bu yin pa'i phyir ro/ /bsam pa mi zad pa de yang mtshan nyid rnam pa bcus bstan te/ rnam par dag pa'i mtshan nyid dang/ 'jug pa'i mtshan nyid dang/ mi ldog pa'i mtshan nyid dang/ re ba'i mtshan nyid dang/ phyin ci ma log pa'i mtshan nyid dang/ brjod mi ngas pa'i mtshan nyid dang rgyu'i mtshan nyid dang/ dmigs pa'i rnam par dag pa'i mtshan nyid dang/ yid la byed pa rnam par dag pa'i mtshan nyid dang/ lta ba rnam par dag pa'i mtshan nyid do/ /de la rnam par dag pa'i mtshan nyid kyang rnam pa lngas bstan te/ phan btags pa la mi re ba dang/ gzhan du mi lta ba dang/ ma rmongs pa dang bdag dang gzhan gyi khyad mi sgrun pa dang/ bag chags 'joms pa'o/ /de la bsams pa de yang ma byas pas na bcos ma ma yin no zhes bya bas phan btags pa la mi re ba bstan te/ de la phan btags shing sbyin pa byin na slar yang bdag la phan 'dogs par byed do zhes/ de'i phyir sbyin pa byed pa na byas pa zhes bya ste/ de lta bu'i bsam pas gzhan gyi bya ba mi byed pas ma byas pa'o/ /de'i phyir na bcos ma ma yin zhes bya ste sgyu med ces bya ba'i don to/ /de ltar yongs su dag cing sgyu med pa de ni byang chub chen por zad ma shis pa'i rgyu dang/ rang bzhin yin pas mi zad par rig par bya'o/ /g.yo med pas na byas pa ma yin no zhes bya bas gzhan du mi lta ba bstan te/ g.yon sems can rnams la brid cing bslu bar sems pa'o/ /de lta bu'i bsam pa med pas na byas pa ma yin pa zhes bya'o/ /rab tu rtogs pas na g.yo med pa'o zhes bya bas ma rmongs pas bstan te/ /g.yo dang rgyu la sogs pa ni phyin ci log gi lta ba las byung gi yang dag pa'i don phyin ci ma log par rtog pa la g.yo sgyu ma srid pa'i phyir ro/ /sgyu med pas rab tu rtogs pa'o zhes bya bas bdag dang gzhan gyi khyad mi sgrun pa bstan te/ gzhan du smra zhing gzhan du sems pa ni sgyu ste/ de 'dra ba'i bsam pa med pas na rab tu rtogs pa zhes bya'o/ /dag pas na sgyu med pa'o zhes bya bas bag chags 'joms pa bstan te/ g.yo dang sgyu'i bag chags dag pas na sgyu dang bsam pa med do/ /'jug pa'i mtshan nyid kyang rnam pa lnga ste byas nas 'byung zhing 'jug pa dang/ ma byas kyang 'jug pa dang dus su 'jug pa dang mi skyo bar 'jug pa dang rab tu 'jug pa'o/ /de la drang pas na dag pa'o zhes bya bas byas nas 'byung zhing 'jug pa ste/ sems la g.yo sgyu med pa ni drang ba zhes bya ste/ de bas na dag pa'o/ /gya gyu med pas na drang po'o zhes bya bas ma byas kyang 'jug pa bstan te/ gya gyu ni tshig rnams rlung bskur zhing kha sgyur bar byed pa ste/ de lta bu med pas na drang ba'o/ /gsal bas na gya gyu med pa'o zhes bya bas dus su 'jug pa bstan te/ brjod par bya ba'i don gsal bar ston pas gya gyu med pa'o/ /mi mnyam pa med pas na gsal ba'o zhes bya bas mi skyo bar 'jug pa bstan te/ mi mnyam pa ni snga phyi mi mthun zhing 'gal ba la bya ste/ de med pas na gsal ba'o/ /sra bas na mi mnyam pa med pa'o/ /zhes bya bas rab tu 'jug pa bstan te/ sra ba ni bstan zhing snying por gyur pa la bya ste/ mi mthun pa dang 'gal ba'i skyon mi 'byung zhes bya ba'i don to/ /mi ldog pa'i mtshan nyid kyang rnam pa bzhi ste/ gnod pa byas kyang 'jug pa dang sbyor ba mi gtong ba dang zang zing gis mi khol ba dang/ des bde ba nyid du ma gyur pa'o/ /de la mi phyed pas na sra ba'o zhes bya bas gnod pa byas kyang 'jug pa bstan te/ phyed pa ni gzhan gyis gnod pa byas na/ zhe sdang gis phyir gnod par bya bar sems pa ste/ de med pas na sra ba'o/ /mkhrang bas na mi phyed pa'o/ /mi g.yo bas na mkhrang ba'o zhes bya bas sbyor ba mi gtong ba bstan te/ sems can gyi don bya ba las gzhan du mi 'gyur bas na mkhrang ba zhes bya ste/ de bas na mi phyed pa'o/ /ji ltar khas blangs pa las 'gyur ba med pa ni mi g.yo ba zhes bya ste/ de bas na mkhrang ba'o/ /mi gnas pas na mi g.yo ba'o zhes bya bas zang zing gis mi mkhol ba bstan te/ rnyed pa dang bkur sti la sogs pa'i zang zing la mi rten pas mi gnas pa ste zang zing la ma chags ces bya ba'i don to/ /rnam pa gzhan du nyon mongs pa'i phung po lnga la mi rten pas mi rtag par mi 'gyur zhes bya ba'i don to/ /de la ma chags pas mi gnas pa'o zhes bya bas des bde ba nyid du mi 'gyur ba bstan te/ de la zhes bya ba ni phung po lnga dang zang zing de dag la ma chags pa'i phyir mi gnas pa'o zhes bya ba'i don to/ /reg pa'i mtshan nyid kyang rnam pa lnga ste/ na? khyad zhugs pa'i bde ba thob pa dang/ kha na ma tho ba med pa dang/ tshul bzhin yid la byed pa'i bsam pa mngon par 'du byed pa dang/ rtag pa dang/ yang dag pa'i bden pa'o/ /de la bye brag du 'phags pas na de la ma chags pa'o zhes bya bas khyad zhugs pa'i bde ba thob pa bstan te/ bye brag tu 'phags pa ni 'jig rten las 'das pa'i bde ba thob pa la bya ste/ de ltar 'jig rten las 'das pa'i bde ba thob pa'i phyir 'jig rten gyi zang zing la ma chags pa'o/ /sa smad pas bye brag tu 'phags pa'o zhes bya bas kha na ma tho ba med pa bstan te/ kha na ma tho ba'i chos ni smad pa'o/ /sdig pa kha na ma tho ba'i chos ma byas pas bye brag 'phags te/ 'jig rten las 'das pa'i bde ba thob po/ /legs par byas pa'i las kyi phyir ma smad pa'o zhes bya bas tshul bzhin yid la byed pa'i bsam pa mngon par 'du byed pa bstan te/ lus dang ngag dang yid gsum gyi sgo nas mi dge ba'i las ma byas pa'i phyir ma smad pa'o/ /ma bshungs pas na legs par byas pa'i las so zhes pas brtag pa bstan te/ 'khor ba dang mya ngan las 'das pa'i lam la 'jug pa 'am/ ched 'ga' dge ba spyod la ched 'ga' mi dge ba spyod pa ni bshungs pa zhes bya ste/ de ltar bshungs pa'i las mi byed pas na legs par byed pa zhes bya'o/ /'gyod pa med pa na ma bshungs pa'o zhes bya bas yang dag pa'i bden pa bstan te/ 'gyod pa de mi dge ba byas nas phyis sems la gdung ba skyes pa ste/ de lta bu med pas ma bshungs pa ste/ rtag tu dge ba la gnas shes bya bar 'dod do/ /phyin ci ma log pa'i mtshan nyid kyang rnam pa lnga ste/ phyin ci ma log pa nyid dang/ lung gi 'byung ba dang/ dam bcas pa las 'byung ba dang/ dge ba dang rigs pa dang ldan pa'o/ /gdung ba med pas ni 'gyod pa med pa'o zhes bya bas phyin ci ma log pa nyid bstan te/ gdung ba ni rtag tu sems la mi bde ba 'byung ba ste/ de med pas na 'gyod pa med pa'o/ /bden par gyur pas ni mi gdung ba'o/ /bslu ba med pas na bden par gyur pa'o zhes bya bas lung gis 'byung ba bstan te/ byas la don grub bo zhes sngar smras ba/ phyis ma byas na byas pa don med par gyur to zhes ga dung ba skye'i/ sngar byas ba de bzhin du phyis kyang 'grub par 'gyur te/ bden pas na mi gdung ba yin la/ sngar bsgrubs ba de bzhin du phyis kyang 'grub ste/ phyis bslu ba med pas na bden par gyur ba'o/ /ji skad smras pa de bzhin du byed pas ni mi bslu ba'o zhes bya bas dam bcas pa las 'byung ba bstan te/ ji skad khas blangs shing dam bcas pa de bzhin phyis sgrub cing byed pas mi bslu ba'o/ /legs par byas pas na ji skad smras pa de bzhin byed pa'o zhes bya bas dge ba bstan te/ rtag tu dge ba 'ba' zhig byas bas ji skad sngar khas blangs pa de bzhin du phyis kyang 'grub par 'gyur ro/ /rjes su sbyar ba med pas legs par byas pa'o zhes bya bas rig pa dang ldan pa bstan te/ khyod kyis 'di lta bu byas pa nyes so zhes gyod 'debs pa la rjes su sbyor ba zhes bya ste/ de lta bu med na legs par byas pa'o/ /brjed mi ngas pa'i mtshan nyid kyang rnam pa bzhi ste/ brjed mi ngas pa nyid dang bag yod pa dang dub pa med pa dang bdag pas gzhan gyi don lhur byed pa'o/ /de la 'khrul ba med pas na rjes su sbyor ba med pa'o/ zhes bya bas brjed mi gnas pa nyid bstan te 'khrul ba na sdig pa mi dge ba'i chos spyod cing dge ba'i chos mi spyod pa'o/ /de lta bu med pa'i ni rjes su sbyor ba med pa ste nyes so zhes gyod 'debs pa med do zhes bya ba'i don to/ /legs par gnas pas na 'khrul pa med pa'o zhes bya bas bag yod pa bstan te/ mi dge ba'i chos la bag byas pa 'am/ dge ba'i chos sbyang pa las 'gyur ba med pas na 'khrul pa med pa'o/ /phyir mi zlogs pas na legs par gnas pa'o zhes bya bas dub pa med pa bstan te sus kyang bla na med pa'i byang chub las mi zlogs shing bdag nyid kyang ldog pa med pa nas legs par gnas pa ste/ 'gyur ba med par gnas zhes bya ba'i don to/ /sems can la lta bas phyir mi zlogs pa'o zhes bya bas bdag pas gzhan gyi don lhur byed pa bstan te/ sems can gyi don bya bar sems shing lta ba na bla na med pa'i byang chub las phyir mi zlogs pa'o/ /rgyu rnam par dag pa'i mtshan nyid kyang rnam pa drug ste/ snying rje chen po'i rtsa ba dang/ sbyor ba mi gtong ba dang sbyor ba sgrub pa dang/ gzhan la phan pa'i rgyu ma yin pa'i bde ba mi dgos pa dang/ gzhan la phan pa'i rgyus bde ba nyid du gyur pa dang/ sems can gyi don byed pas bde ba'i don du gyur pa'o/ /de la snying rje chen po'i rtsa ba yin pas na sems can la lta ba'o zhes bya bas snying rje chen po'i rtsa ba bstan te/ byang chub sems dpa' i bsam pa rnam par dag pa ste/ snying rje chen po'i rtsa ba dang rgyur gyur pa'i phyir sems can gyi don bya ba la lta ba'o/ /de la rnam pa gsum gyi phyir snying rje chen po zhes bya ste/ rgyu che ba ni bsod nams dang ye shes kyi tshogs dpag tu med pa bsags pa las byung ba'i phyir ro/ /dmigs pa chen po ni stong gsum gyi stong chen po'i sems can thams cad la dmigs phyir ro/ /rgyud chen po ni snying rje chen po de nyan thos dang rang sangs rgyas kyi sems kyi rgyud la mi 'byung gi /de bzhin gshegs pa dang/ byang chub sems dpa' rnams kyi rgyud la 'byung ba'i phyir ro/ /yongs su mi skyo bas na snying rje chen po'i rtsa ba'o zhes bya bas sbyor ba mi gtong ba bstan te/ 'khor ba dang sems can gyi don bya ba ma skyo ba med pas na snying rje chen po'i rtsa bar gyur pa zhes bya'o/ /sems can yongs su smin par bya ba'i cho ga shes pas na yongs su mi skyo ba'o/ /zhes bya bas sbyor ba bsgrub pa bstan te/ sems can yongs su smin pa dang/ thar pa bya ba'i thabs shes pas na cho ga shes pa ste/ de bas na sems can gyi don bya ba la mi skyo ba'o/ /bdag bde ba med pas na sems can yongs su smin par bya ba'i cho ga shes pa'o zhes bya bas gzhan la phan pa'i sgyu ma yin pa'i bde ba mi dgos pa bstan te/ sems can gyi don gyi phyir bdag nyid kyi lus dang srog la yang mi lta ba'o/ /lan mi re bas na bdag la bde ba med pa'o zhes bya bas gzhan la phan pa'i rgyus bde ba nyid du gyur pa bstan te/ phan btags pa'i lan la re ba med pas na bdag gi bde ba med pa ste/ lus dang srog la yang mi lta ba'o/ /zang zing med pas na lan re ba med pa'o/ zhes bya bas sems can gyi don byed pas bde ba'i don du gyur pa bstan te/ khe dang bkur sti'i zang zing la ma chags pas na phan btags pa'i lan re ba med pa'o/ /dmigs pa rnam par dag pa'i mtshan nyid kyang rnam pa lnga ste/ chos la so sor rton pa'i shes pa dang nyan thos dang rang sangs rgyas dang thun mong ma yin pa dang/ sdug bsngal las rnam par thar pa'i gnas su gyur pa dang/ de'i gzhi'i gnyen po'i gnas su gyur pa dang/ mu stegs can dang thun mong ma yin pa'o/ /de la chos la ston par gyur pas na zang zing med pa'o zhes bya bas chos la so sor ston pa'i shes pa bstan te/ chos don du gnyer gyi rnyed pa dang bkur sti don du mi gnyer bas na zang zing med pa'o/ /sems can mthu chung ba rnams la lta bas na chos ston par gyur pa'o/ zhes bya bas nyan thos dang rang sangs rgyas dang thun mong ma yin pa bstan te/ 'khor ba'i sems can sdug bsngal ba rnams kyi don bya bar lta zhing sems pas na chos la rton par gyur pa'o/ /dpung gnyen du gyur pas na sems can mthu chung ngu la lta ba'o zhes bya bas sdug bsngal las rnam par thar pa'i gnas su gyur pa bstan te/ 'khor ba'i sdug bsngal las sems can thar par byed pa'i gnas su gyur pas na mthu chung ngu la lta ba zhes bya'o/ /skyabs su gyur pas na dpung gnyen du gyur pa'o mes bya bas de'i gnyen po'i gnas su gyur pa bstan te/ 'khor ba'i sdug bsngal las thar par byed pa'i gnyen po zhi gnas dang lhag mthong la bkod cing bstan pa ni skyabs su gyur pa zhes bya ste/ de gnyis ston par byed pas na dpung gnyen du gyur pa'o zhes bya'o/ /mgon du gyur pas na skyabs su gyur pa'o/ /snyon mi rmongs pas na mgon du gyur pa'o zhes bya bas mu stegs can dang thun mongs ma yin pa bstan te/ khams gsum thams cad las sems can thar bar byed pa'i mgon du gyur pas na skyabs su gyur pa zhes bya'o/ /bu smad la sogs pa la chags shing byams pas mgon byed pas ni snyon rmongs pa'i mgon du gyur pa yin gyi/ de las bzlog pa ni bsam pa rnam par dag pa'i mgon du gyur pa'o/ /yid la byed pa rnam par dag pa'i mtshan nyid kyang rnam pa lnga ste/ de kho na nyid shin tu rtogs pa dang/ so so rang gis rigs pa dang/ rang bzhin gyis rnam par dag pa dang/ nyon mongs pa thams cad rnam par dag pa dang/ kun nas dkris pa dang/ bag la nyal spangs pa shin tu rnam par dag pa'o/ /de la shin tu brtags pas na snyon mi rmongs pa'o zhes bya bas de kho na nyid shin tu rtogs pa bstan te/ chos rnams kyi de kho na nyid shin tu rtogs pas na/ 'dod chags la sogs pas nyon mi mongs zhes bya ba'i don do/ brgal ba med pas na shin tu rtags pa'o zhes bya bas so so rang gis rig pa bstan te/ brgal ba ni mtshad 'bru zhing skyon gdags pa la bya'o/ /shin tu rtags pa la de lta bu mi 'byung zhing mi srid pa'i phyir ro/ /bsam pa dge bas na de brgal ba med pa'o zhes bya bas rang bzhin gyis rnam par dag pa bstan te/ rang bzhin gyis sems rnam par dag pa ste/ skyon med pas na brgal ba med pa zhes bya'o/ /ci yang med pas na bsam pa dge ba'o zhes bya bas nyon mongs pa thams cad rnam par dag pa bstan te/ ci yang zhes bya ba ni nyon mongs pa la bya la/ de med pas na bsam pa dge ba zhes bya'o/ /shin tu yongs su dag pas na ci yang med pa'o zhes bya ba kun nas dkris pa dang/ bag la nyal spangs pas shin tu rnam par dag pa bstan te/ sems la nyon mongs pa kun nas dkris pa dang/ bag la nyal spangs te/ rnam par dag pas na ci yang med pa zhes bya'o/ /lta ba rnam par dag pa'i mtshan nyid kyang rnam pa bzhi ste/ bdag med pa gnyis shin tu rtogs pa dang/ mtshan ma med pa la gnas pa dang 'khor ba mi gtong ba dang/ de gnyi ga'i nye ba'i nyon mongs pa'o/ /de la shin tu dkar bas na shin tu yongs su dag pa'o zhes bya bas bdag med pa gnyis shin tu rtogs pa bstan te/ gang zag dang chos la bdag med par rtogs pas nyon mongs pa dang shes bya'i sgrib pa shin tu spangs te/ shin tu dkar bas na yongs su dag pa zhes bya'o/ /nang dri ma med pas na shin tu dkar ba'o/ /zhes bya bas mtshan ma med pa la gnas pa bstan te/ sems la mtshan mar rtog pa'i skyon gyis dri ma med pas na shin tu dkar ba zhes bya'o/ /phyi rol dag pas na dri ma med pa'o zhes bya bas 'khor ba mi gtong ba bstan te/ phyi'i chos rnams stong pa nyid du rtogs pas na phyi'i chos dag pa ste/ de'i phyir nang dag pa zhes bya'o/ /rnam pa thams cad yongs su dag pas pha rol dag pa ste zhes bya bas gnyi ga'i nye ba'i nyon mongs pa bstan te/ phyi nang gi nyon mongs pa'i mtshan ma thams cad rnam par dag pas na phyi rol dag pa zhes bya'o/ /btsun pa shA radwa ti'i bu zhes bya ba la sogs pas yang bsam pa mi zad pa rnam grangs gzhan gyis ston te/ byang chub sems dpa' rnams kyi bsam pa de ni ser sna spang ba'i phyir blta ste zhes bya ba ni bdag gi sems kyi rgyud la ser sna yod pa spangs par sems pa'i phyir bsam pa rnam par dag par blta'o/ /sems can ser sna can yongs su smin par bya bar sems pa'i phyir bsam ba mi zad pa zhes bya ste/ sems can ser sna can mdza' yas pa la dmigs pa'i phyir ro/ /'chal pa'i tshul khrims la sogs pa lhag ma rnams la yang de bzhin du sbyar ro/ /'chal ba'i shes rab ni mu stegs la sogs pa'i lta ba log par rtogs pa la bya'o/ /btsun pa shA radwa ti'i bu de ltar na zhes bya ba la sogs pas bsam pa rnam par dag pa dang/ bsam pa mi zad pa mdor bsdus nas ston te/ sems can thams cad kyi sems kyi rgyud la 'dod chags la sogs pa mi dge ba'i chos yod pa thams cad spangs par sems pas na bsam pa rnam par dag par lta la/ sems can thams cad dad pa la sogs pa'i dge ba'i chos la bzhag par sems pas na bsam pa mi zad pa zhes bya'o/ /bsam pa mi zad ba bshad zin to/ /khur mi 'dor ba'i byang chub sems dpa' ni sbyor ba la rtag tu byed pa dang/ gus par byed pa gang yin pa ste de bstan pa'i phyir/ gzhan yang btsun pa sha radwa ti'i bu byang chub sems dpa' rnams kyi bsam pa mi zad pas na sbyor ba mi zad pa yin te zhes bya ba la sogs pa gsungs so/ /gong du bshad pa'i bsam pa mi zad pa de lta bu las 'og nas 'byung ba'i sbyor ba mi zad pa rnams 'byung ba'i don to/ /rnam pa gnyis su na gong du bshad pa ltar bsam pa mi zad pas ni/ bsam pa mi zad pa de las byung ba'i sbyor ba 'og nas smos pa rnams mi zad pa'o zhes bshad pa'o/ /de ci phyir zhe na zhes bya ba la sogs pas ni bsam pa mi zad pas sbyor ba mi zad par ji ltar 'gyur ba'i gtan tshigs 'dri ba'o/ /sbyor ba mi zad pa yang rnam pa lngas bstan te/ gang zhe na/ gang la sbyor ba mi zad pa dang/ gang gis sbyor ba mi zad pa dang/ gang la gnas nas sbyor ba mi zad pa dang/ ji ltar sbyor ba mi zad pa dang/ gang gi phyir sbyor ba mi zad pas bstan to/ /de la gang la sbyor ba mi zad pa yang rnam pa drug ste/ phan 'dogs pa'i sbyor ba dang/ las rnam pa gsum sbyor ba'i sbyor ba dang/ gnod pa mi byed pa'i sbyor ba dang/ mthar 'byin pa'i sbyor ba dang/ nyon mongs pa 'jil ba'i sbyor ba dang/ shes bya rnams la phyin ci ma log par 'jug pa'i sbyor ba'o/ /de la sbyin pa'i bsam pa ni byang chub sems dpa' i sbyor ba mi zad pa ste zhes bya bas phan 'dogs pa'i sbyor ba bstan te/ sbyin pa btang bar sems pa'i bsam pa la byang chub sems dpa' i sbyor ba mi zad pa zhes bya ste/ ci'i phyir bsam pa de la sbyor ba mi zad pa zhes bya zhe na/ bsam pa de las gang phyi dang nang gi dngos po thams cad yongs su gtong bar snang ba de ni byang chub sems dpa' i sbyor ba mi zad par lta'o/ /tshul khrims kyi bsam pa ni byang chub sems dpa' i sbyor ba mi zad pa ste zhes bya ba las rnam gsum sbyong ba'i sbyor ba bstan te/ tshul khrims la gnas par sems pa'i bsam pa la/ byang chub sems dpa' i sbyor ba mi zad pa zhes bya ste/ bsam pa de la ci'i phyir sbyor ba mi zad pa zhes bya zhe na/ bsam pa de'i rgyus gang tshul khrims la sogs pa yang dag par 'dzin par snang ba'i phyir ro/ bzod pa'i bsam pa ni byang chub sems dpa' i sbyor ba mi zad pa ste zhes bya bas gnod pa mi byed pa'i sbyor ba bstan te/ bzod pa la gnas par sems pa'i bsam pa ni byang chub sems dpa' i sbyor ba mi zad pa ste/ ci'i phyir zhe na/ bsam pa de'i rgyu las sems can gnod par byed pa thams cad la zhe 'gras ba med pa'i sems su snang ba'i sbyor ba 'byung ba'i phyir ro/ / brtson 'grus kyi bsam pa ni byang chub sems dpa' i sbyor ba mi zad pa ste zhes bya bas mthar 'byin pa'i sbyor ba bstan te/ brtson 'grus la gnas par sems dpa' i bsam pa ni byang chub sems dpa' i sbyor ba mi zad pa ste/ ci'i phyir zhe na/ bsam pa de'i rgyu las dge ba'i rtsa ba thams cad mthar dbyung ba'i sngon du brtson 'grus 'gro bar snang ba'i phyir ro/ /bsam gtan gyi bsam pa ni byang chub sems dpa' i sbyor ba mi zad pa ste/ zhes bya bas nyon mongs pa 'jil pa'i sbyor ba bstan te/ bsam gtan la gnas par sems pa'i bsam pa ni byang chub sems dpa' i sbyor ba mi zad pa zhes bya ste/ ci'i phyir zhe na/ gang bsam pa de'i rgyus bsam gtan gyi mthun pa'i phyogs nyon mongs pa thams cad 'jil zhing sbyor bar snang ba'i phyir ro/ /shes rab kyi bsam pa ni byang chub sems dpa' i sbyor ba mi zad pa ste zhes bya bas shes bya rnams la phyin ci ma log par 'jug pa'i sbyor ba bstan te/ shes rab sgrub par sems pa'i bsam pa la byang chub sems dpa' i sbyor ba mi zad pa ces bya ste/ ci'i phyir zhe na/ bsam pa de'i rgyus thom pa thams cad phyin ci ma log par 'dzin cing sbyor bar snang ba'i phyir ro/ gang gis sbyor ba mi zad pa ni tshad med ba bzhi'i bsam pas bstan te/ byams pa dang/ snying rje dang/ dga' ba dang/ btang snyoms kyi bsam pa ni/ byang chub sems dpa' i sbyor ba mi zad pa ste zhes gsungs pa'o// / ci'i phyir tshad ma bzhi'i bsam pa la sbyor ba mi zad pa zhes bya zhe na/ byams pa'i bsam pas sems can rnams la phan par byed pa dang/ snying rtse ba'i bsam pas sems can rnams la bde bar byed pa dang/ dga' ba'i bsam pas sems can rnams chos kyi dga' ba la mos par byed pa dang/ btang snyoms kyi bsam pas sems can rnams la chags sems dang/ khong khro ba spong bar sbyor ba'i phyir ro/ /de la mya ngan las 'das pa dang/ bde 'gror 'jog par byed pa ni phan par byed pa'o/ /khams gsum gyi sdug bsngal las sgrol bar byed pa ni bde bar byed 'dod pa'i 'dod chags la bde ba'i mos pa med pa ni chos kyi dga' ba la mos pa'o/ /byams pa dang gnod par sems pa la 'dod chags dang zhe sdang gi sems med pa de na tshigs pa dang khong khro ba spong ba zhes bya'o/ /gang la gnas nas sbyor ba mi zad pa ni lus dang ngag dang yid kyi sdom pa'i sbyor bas bstan te/ lus kyi bsam pa ni byang chub sems dpa' i sbyor ba mi zad pa zhes bya ba la sogs pa gsungs so/ /lus kyi las yongs su dag par bya bar sems pa'i bsam pa ni byang chub sems dpa' i sbyor ba mi zad pa zhes bya ste/ bsam pa de'i rgyu las lus kyi las rnam gsum gyi sdom pa yongs su dag pa'i sbyor ba 'byung ba'i phyir te/ ngag dang yid kyi sdom pa yang de dang 'dra bar sbyar ro/ /lus kyi las rnam gsum gyi sdom pa ni srog gcad pa dang/ ma byin par len pa dang/ 'dod pas leg par g.yem pa spang pa'o/ /ngag gi nyes pa rnam pa bzhi ni rdzun du smra ba dang/ phra ma dang ngag rtsub mo dang/ tshig kyal ba ste/ de dag spangs pa'o/ /ji ltar sbyor ba mi zad ba ni chos la slob dpon gyi dpe mkhyung med pa'i phyir thos pa'i bsam pa ni byang chub sems dpa' i sbyor ba mi zad pa'o zhes bya bas bstan te/ byang chub sems dpas mdo sde la sogs pa bsam pa rnam par dag cing zang zing med cing thos pa tshol ba'i bsam pa ni sbyor ba mi zad pa zhes bya ste/ /thos pa'i bsam pa yongs su dag pa de las sems can gzhan la dpe mkhyud? med pa'i sbyor ba ston pa'i sbyor ba 'byung ba'i phyir ro/ /gang gi phyir sbyor ba mi zad ba ni slob dpon gyi dpe mkhyud med pa'i bsam pa ni byang chub sems dpa' i sbyor ba mi zad pa'o zhes bya bas bstan te/ slob dpon gyis dpe mkhyud med par ston pa'i bsam pa ni byang chub sems dpa' i sbyor ba mi zad pa zhes bya ste/ ci'i phyir zhe na/ slob dpon gyi dpe mkhyud med par ston pa de yang thams cad mkhyen pa nyid kyi ye shes thob pa'i phyir sbyar bas na byang chub sems dpa' i sbyor ba mi zad pa zhes bya'o/ /de la ji ltar yod pa dang/ ji snyed yod pa kun ma/ lus par mkhyen pas na thams cad mkhyen pa zhes bya'o/ /gang gis phyir sbyor ba de nyid kyang rnam pa bco lngas rgyas par bstan te gang zhe na/ gang gi don du sbyor ba dang/ mchog gi gnas la sbyor ba dang/ bla ma'i sa la rjes su 'jug pa'i sbyor ba dang/ chos thams cad la dbang sgyur ba'i yphyir sbyor ba dang/ sangs rgyas kyi tshul rtog pa'i phyir sbyor ba dang/ mi dge ba las byung ba'i phyir sbyor ba dang/ kha na ma tho ba bshags pa'i phyir sbyor ba dang/ dge ba la 'jug pa'i phyir sbyor ba dang/ byang chub kyi tshogs kyi phyir sbyor ba dang/ chos kyi 'khor lo bskor ba'i phyir sbyor ba dang/ bstan pa bzung ba'i phyir sbyor ba dang/ dam pa dag dang mthun pa'i phyir sbyor ba dang/ kha 'og tu lus 'khrus pa'i phyir sbyor ba dang/ go cha'i bsam pa brtan zhing mi g.yo ba'i phyir sbyor ba dang/ gzhan gyis don dang phan pa la sbyor ba'o/ /de la thams cad mkhyen pa'i sems kyi bsam pa ni byang chub sems dpa' i sbyor ba mi zad pa'o zhes bya ba gang gi don du sbyor ba bstan te/ thams cad mkhyen pa nyid kyi ye shes thob par sems pa'i bsam pa ni byang chub sems dpa' i sbyor ba mi zad pa zhes bya ste/ ci'i phyir zhe na/ thams cad mkhyen pa'i ye shes thob nas sems can gzhan la yang bla na med pa'i byang chub kyi sems la 'jog cing/ byang chub sems bskyed pa'i sbyor ba byed pa'i phyir/ byang chub sems dpa' i sbyor ba mi zad pa zhes bya ste/ lhag ma rnams kyang tshul 'di ci rigs par bshad par bya'o/ /sems can gzhan byang chub kyi yang dag par 'dzin du 'jug pa'i bsam pa ni byang chub sems dpa' i sbyor ba mi zad pa'o zhes bya bas mchog gi gnas la sbyor ba bstan te/ sems can gzhan byang chub kyi sems la dgos par sems pa'i bsam pa las ni sems can rnams 'dod ma chags pa dang/ zhe mi sdang ba dang/ gti mi mug pa'i dge ba'i rtsa ba la rab tu 'dzud pa'i sbyor ba 'byung ba'i phyir ro/ /dge ba'i rtsa ba la sbyor ba'i bsams pa ni byang chub sems dpa' i sbyor ba mi zad pa'o zhes bya bas bla ma'i sa la rjes su 'jug par sbyor ba bstan te/ sems can gzhan dge ba'i rtsa ba gsum la dgod par sems dpa' i bsam pa las ni dge ba'i rtsa ba thams cad bla na med pa'i byang chub thob pa'i phyir sngo ba la sbyor ba 'byung ba'i phyir ro/ / byang chub tu yongs su bsngos pa'i bsam pa ni byang chub sems dpa' i sbyor ba mi zad pa'o zhes bya bas chos thams cad la dbang sgyur ba'i phyir sbyor ba bstan te/ dge ba'i rtsa ba thams cad bla na med pa'i byang chub tu bsngo bar sems pa'i bsam pa las stobs dang mi 'jigs pa la sogs pas sangs rgyas kyi chos thams cad yang dag par sdud pa'i sbyor ba 'byung ba'i phyir ro/ /sangs rgyas kyi chos thams cad yang dag par sdud pa'i bsam pa ni byang chub sems dpa' i sbyor ba mi zad pa'o zhes bya bas sangs rgyas kyi tshul rtogs pa'i phyir sbyor ba bstan te/ sangs rgyas kyi chos thams cad yang dag par sdud par sems pa'i bsam pa de las dam pa'i chos kun 'dzin pa'i sbyor ba 'byung ba'i phyir ro/ /dam pa'i chos kun 'dzin pa'i bsam pa ni byang chub sems dpa' i sbyor ba mi zad pa'o zhes bya bas sangs rgyas kyi chos rtogs pa'i phyir sbyor ba bstan te/ sangs rgyas kyi chos thams cad yang dag par sdud par sems pa'i bsam pa de las dam pa'i chos kun 'dzin pa'i sbyor ba 'byung ba'i phyir ro/ /dam pa'i chos kun 'dzin pa'i bsam pa ni byang chub sems dpa' sbyor ba mi zad pa'i zhes bya bas mi dge ba las 'byung ba'i phyir sbyor ba bstan te/ dam pa'i chos kun rtogs par bya ba'i bsam pa las/ lus dang ngag dang yid gsum gyi sgo nas mi dge ba byas pa kun 'chags shing med par bya ba'i phyir sbyor ba'i phyir ro/ /nyes pa bshags pa'i bsam pa ni byang chub sems dpa' i sbyor ba mi zad pa'o zhes bya bas kha na ma tho ba bshags pa'i phyir sbyor ba bstan te/ sdig pa mi dge ba'i chos bshags par sems pa'i bsam pa las sdig pa thams cad mthol zhing med pa'i sbyor ba 'byung ngo/ /sdig pa mthol ba'i bsam pa ni byang chub sems dpa' i sbyor ba mi zad pa'o zhes bya bas dge ba la 'jug pa'i sbyor ba bstan te/ kha na ma tho ba bshags par sems pa'i bsam pa las so so'i skye bo dang/ nyan thos dang rang sangs rgyas dang byang chub sems dpa' dang/ de bzhin gshegs pa'i bsod nams thams cad kyi rjes su yi rang ba'i sbyor ba 'byung ba'i phyir ro/ /bsod nams thams cad kyi rjes su yi rang ba'i bsam pa ni byang chub sems dpa' i sbyor ba mi zad pa'o zhes bya bas byang chub kyi tshogs kyi phyir sbyor ba bstan te/ bsod nams thams cad kyi rjes su yi rang ba sems ba'i bsam pa las/ bsod nams kyi tshogs chen po bsags pa'i sbyor ba 'byung ba'i phyir ro/ /tshad med pa'i bsod nams kyi tshogs tshad med par bsags pa'i bsam pa ni byang chub sems dpa' i sbyor ba mi zad pa'o zhes bya bas chos kyi 'khor lo bskor ba'i phyir sbyor ba bstan te/ bsod nams kyi tshogs chang med pa bsags par sems pa'i bsam pa las de bzhin gshegs pa thams cad la chos kyi 'khor lo bskor bar gsol ba 'debs pa'i sbyor ba 'byung ba'i phyir ro/ /sangs rgyas thams cad la gsol ba 'debs pa'i bsam pa ni byang chub sems dpa' i sbyor ba mi zad pa'o zhes bya bas bstan pa bzung ba'i phyir sbyor ba bstan te/ sangs rgyas thams cad la chos kyi 'khor lo bskor bar gsol ba 'debs pa'i bsam pa la de bzhin gshegs pa rnams kyis gsungs pa'i dam pa'i chos yongs su 'dzin pa'i sbyor ba 'byung ba'i phyir te/ 'di na de bzhin gshegs pa'i bstan pa yun ring du gnas par bya ba'i phyir sbyor ba yin la dam pa'i chos kun sngar 'dzin pa zhes sngar bstan pa ni rang nyid kyi rtogs pa 'dzin pa la bya bas bye brag yod do/ /dam pa'i chos yongs su 'dzin pa'i bsam pa ni byang chub sems dpa' i sbyor ba mi zad pa'o/ zhes bya bas dam pa dag dang mthun pa'i sbyor ba bstan te/ dam pa'i chos yongs su 'dzin pa'i bsam pa las skyes bu dam pa'i chos kyi sbyor ba 'byung ba'i phyir te/ de la skyes bu dam pa ni sangs rgyas dang byang chub sems dpa' rnams so/ /de dag gis phrin las ni dam pa'i chos thams cad 'dzin par mdzad pa ste/ de lta bu'i las la sbyor bas na byang chub sems dpa' i sbyor ba mi zad pa zhes bya'o/ /skyes bu dam pa'i las kyi bsam pa ni byang chub sems dpa' i sbyor ba mi zad pa'o zhes bya bas kha 'og tu lus 'khrus pa'i phyir sbyor ba bstan te/ skyes bu dam pa rnams kyi las bya bar sems pa'i bsam pa las bdag dang gzhan gyi don bsgrub po zhes khas blangs pa'i khur sgrol ba'i sbyor ba 'byung ba'i phyir ro/ go cha sra zhing mi 'dor ba'i phyir bsam pa ni byang chub sems dpa' i bsam pa mi zad pa'o zhes bya bas go cha bsam pa brtan zhing mi g.yo ba'i phyir sbyor ba bstan te/ khur blangs pa sgrol ba'i bsam pa las go cha sra zhing mi 'dor ba'i sbyor ba 'byung ba'i phyir ro// go cha sra zhing mi 'dor ba'i bsam pa ni byang chub sems dpa' i sbyor ba mi zad pa'o/ /gzhan gyi don dang phan pa la sbyor ba bstan te/ brtson 'grus brtan zhing mi 'dor ba'i bsam pa ni byang chub sems dpa' i sbyor ba mi zad pa zhes bya ste/ de la ci'i phyir sbyor ba mi zad pa zhes bya zhe na/ sems can thams cad kyi bya ba bsgrub pa'i sbyor ba 'byung ba'i phyir ro/ /btsun pa sha radwa ti'i bu gzhan yang bzhi pa 'di dag ni byang chub sems dpa' i sbyor ba mi zad pa zhes bya ba la sogs pas kyang byang chub sems dpa' i sbyor ba mi zad pa/ gzung sla zhing go sla bar bya ba'i phyir bzhi tshoms su bshad pa de bstan pa'o/ /yang sbyor ba bzhi ste/ 'khor ba yongs su mi gtang ba'i sbyor ba dang/ 'khor ba na nyon mongs pa med pa'i thabs kyi sbyor ba dang/ tha dad pa'i sa bon rtas pa'i sa la sbyor ba dang/ tha dad pa'i sa bon rtas pa'i rgyu la sbyor ba'o/ /de la byang chub kyi sems kyi sbyor ba mi zad pa zhes bya bas 'khor ba yongs su mi gtong ba'i sbyor ba bstan te/ byang chub kyi sems kyis ni 'khor ba yongs su mi gtong bar byed do/ /byang chub kyi sems dang ldan pa rnams 'khor ba mi 'dor bar byed pa'i phyir ro/ /chos sbyin pa rnam par 'grel pa'i sbyor ba mi zad pa zhes bya bas 'khor ba na nyon mongs pa med pa'i thabs kyi sbyor ba bstan te/ de la sbyin pa rnam pa gsum po zang zing sbyin pa dang/ mi 'jigs pa sbyin pa dang/ chos sbyin pa las chos sbyin pas ni sems can rnams 'khor ba na nyon mongs pa med par 'gyur bas na/ chos sbyin pa ni nyon mongs pa med pa'i sbyor ba mi zad pa'o zhes bya'o/ /sems can yongs su smin par byed pa'i sbyor ba mi zad pa zhes bya bas tha dad pa'i sa bon rtas pa'i sa la sbyor ba bstan te/ de la rnam par grol bar smin par byed pa'i shes rab bskyed pa ni yongs su smin par byed pa'o zhes bya'o/ /de bas na sems can gyi sems kyi rgyud la rnam par grol ba yongs su smin par byed pa'i shes rab bskyed pa ni/ sems can yongs su smin par byed pa'i sbyor ba mi zad pa zhes bya'o/ /dge ba'i rtsa ba bsags pa'i sbyor ba mi zad pa ste zhes bya bas tha dad pa'i sa bon rtas pa'i rgyu la sbyor ba bstan te/ rnam par gro ba smin par byed pa'i shes rab de yang 'dod ma chags pa la sogs pa'i dge ba'i rtsa ba bsags pa las 'byung ste/ de bas na 'dod la ma chags pa la sogs pa'i dge ba'i rtsa ba la sogs par byed pa ni/ dge ba'i rtsa ba bsags pa'i sbyor ba mi zad pa zhes bya'o/ /rnam pa gzhan du na byang chub kyis sems kyi sbyor ba mi zad ba zhes bya ba la sogs pa bzhi chan? nges don rnam pa bzhis bstan te mi 'dod pa'i gnyen po dang/ thabs mi shes pa'i gnyen po dang/ shes rab med pa'i gnyen po dang/ bsod nams med pa'i gnyen po ste/ byang chub kyis sems kyis ni bla na med pa'i byang chub 'dod par 'gyur/ chos sbyin pas ni bla na med pa'i byang chub sgrub pa'i thabs shes par 'gyur/ sems can yongs su smin par byed pas ni sems can rnams kyi sems kyi rgyud la rnam par grol ba smin par byed pa'i shes rab skyed par 'gyur/ dge ba'i rtsa ba bsags pa'i sbyor bas ni sems can dge ba'i rtsa bas dbul ba rnams la bsod nams dpag tu med pa sogs pa'i phyir ro/ /gzhan yang sbyor ba mi zad pa bzhi ste zhes bya ba la sogs pas sbyor ba mi zad pa rnam grangs bzhis ston te/ yul la chags pa'i gnyen po la sbyor ba dang/ bsod nams kyi tshogs la sbyor ba dang/ ye shes kyi tshogs la sbyor ba dang/ thabs mkhas pa'i sbyor ba'o/ /de la dgon pa la gnas shing sbyangs pa'i yon tan dang/ yo byad bsnyungs pa'i rjes su 'gro ba la mi ngoms pa'i sbyor ba mi zad pa zhes bya bas yul la chags pa'i gnyen po la sbyor ba bstan te/ de yang gang na chags pa med pa dang/ gang gis chags pa med pas yul la chags pa'i gnyen por 'gyur te/ dgon pa la gnas dang/ tshig phyi ma rnams kyis rang bzhin bstan to/ /bsod nams dang ye shes kyi tshogs bsags pa la mi ngoms pa'i sbyor ba mi zad pa zhes bya bas bsod nams kyi tshogs la sbyor ba bstan te/ de la tshad med pa bzhi dang ldan pa ni bsod nams kyi tshogs so/ /byang chub kyi phyogs sum cu rtsa bdun dang ldan pa'i ting nge 'dzin ni ye shes kyi tshogs so/ /yang na sbyin pa dang tshul khrims dang bzod pa gsum ni bsod nams kyi tshogs so/ /bsam gtan dang shes rab gnyis ni ye shes kyi tshogs so/ /tshogs de gnyis bsags pa la chog mi shes par sbyor ba ni mi ngoms pa'i sbyor ba mi zad pa zhes bya'o/ /thos pa btsal ba la mi ngoms pa'i sbyor ba mi zad pa zhes bya bas ye shes kyi tshogs la sbyor ba bstan te/ tshogs kyi sgra ni rgyu'i don to/ /dam pa'i chos mnyan pa la chog mi shes par sbyor ba la ye shes skye bar 'gyur ba'i phyir ro/ /byang chub tu yongs su bsngo ba'i shes pas mi ngoms pa'i sbyor ba mi zad pa zhes bya bas thabs la mkhas pa'i sbyor ba ste/ dge ba'i rtsa ba thams cad bla na med pa'i byang chub tu yongs su bsngo ba la mkhas pa ni byang chub tu bsngo ba shes pa ste/ de ltar bsngos na dge ba'i rtsa ba chung ngu yang bla na med pa'i byang chub thob kyi bar du bar ma dor zad par mi 'gyur bar brtson 'grus mi zad pa'i skabs nas rgya mtsho chen po chu'i thig pa lhung ba'i dpes bstan pa lta bu yin pas thabs la mkhas pa'i sbyor ba zhes bya'o/ /gzhan yang sbyor ba mi zad pa bzhi zhes bya ba la/ yi ge dang rtsis dang lag rtsis la sogs pa shes pa ni bgrang ba rtogs pa'i sbyor ba mi zad pa'o/ / bre dang srang la sogs pas gzhal ba shes pa ni gzhal ba rtogs pa'i sbyor ba mi zad pa'o/ /gos dang rin po che la sogs pa brtag pa shes pa ni dpyad pa rtog pa'i sbyor ba mi zad pa'o/ /mi dang glang po che dang rta la sogs pa'i sha mtshan dang dpyad la sogs pa shes pa ni so sor brtag pa rtogs pa'i sbyor ba mi zad pa'o/ /gzhan yang sbyor ba mi zad pa bzhi ste zhes bya bas rnam grangs gzhan du sbyor ba mi zad pa bzhi bstan te/ sdug bsngal ba dang kun 'byung ba rtogs pa la sbyor ba dang/ 'gog pa dang lam rtogs pa la sbyor ba dang/ kun nas nyon mongs pa'i nyes dmigs brjod pa'i sbyor ba dang/ rnam par byang ba'i phan yon brjod pa'i sbyor ba'o/ /de la kun nas nyon mongs pa'i rgyu rtogs pa'i sbyor ba mi zad pa zhes bya bas sdug bsngal dang kun 'byung ba rtogs pa la sbyor ba bstan te/ kun nas nyon mongs pa ni sdug bsngal gyi bden pa la bya ste/ khams gsum gyi 'khor ba ni kun nas nyon mongs pa yin pa'i phyir ro/ /de'i rgyu ni kun 'byung ba'i bden pa yin te/ sdug bsngal gyi rgyu kun 'byung ba yin par shes na kun nas nyon mongs pa'i rgyu brtogs pa'i sbyor ba mi zad pa zhes bya'o/ rnam par byang ba'i rgyu rtogs pa'i sbyor ba mi zad pa zhes bya bas 'gog pa dang lam rtogs pa la sbyor ba bstan te/ rnam par byad ba na 'gog pa'i bden pa yin la/ de'i rgyu ni lam gyi bden pa yin te/ de ltar shes nas rnam par byang ba'i rgyu rtogs pa'i sbyor ba mi zad pa zhes bya'o/ /kun nas nyon mongs pa'i rgyu yongs su brjod pa'i sbyor ba mi zad pa zhes bya bas kun nas nyon mongs pa'i nyes dmigs brjod pa'i sbyor ba bstan te/ sdug bsngal gyi bden pa ni mi rtag pa dang/ sdug bsngal ba dang/ stong pa dang bdag med pa yin la/ de'i rgyu kun 'byung ba'i bden pa ni kun 'byung ba dang/ rab tu 'byung ba dang/ rgyu dang rkyen yin te/ de ltar ston pa ni kun nas nyon mongs pa'i rgyu yongs su brjod pa'i sbyor ba mi zad pa zhes bya'o/ /rnam par byang ba'i yon tan dang/ phan yon yongs su brjod pa'i sbyor ba mi zad pa zhes bya bas rnam par byang ba'i phan yon brjod pa'i sbyor ba bstan te/ de la 'gog pa'i bden pa ni 'gog pa dang/ zhi ba dang gya nom pa dang/ nges par 'byung ba yin la/ lam gyi bden pa ni lam dang/ rigs pa dang/ sgrub pa dang nges par 'byung bar byed pa yin te/ de ltar ston pa ni rnam par byang ba'i yon tan dang/ phan yon yongs su brjod pa'i sbyor ba ni mi zad pa zhes bya'o/ /tshig de dag nyid kyi rnam grangs gzhan du don rnam pa bzhis ston te/ 'khor ba'i rgyu ston pa la sbyor ba dang/ mya ngan las 'das pa'i lam ston pa la sbyor ba dang/ 'khor ba'i rgyu'i nyes dmigs bstan pa'i sbyor ba dang/ mya ngan las 'das pa'i phan yon bstan pa'i sbyor bas te/ mdo'i tshig bzhi dang go rim bzhin du sbyor ro/ /gzhan yang sbyor ba mi zad pa bzhi ste zhes bya bas rnam grangs gzhan du sbyor ba mi zad pa bzhi bstan te/ phung po rnams sgyu ma lta bur mkhas pa la sbyor ba dang/ khams rnams grong stong pa lta bur mkhas pa la sbyor ba dang/ skye mched rnams sbrul gdug pa'i dug bzhin du ma rungs par byed par/ mkhas pa la sbyor ba dang/ dngos po rnams rkyen las 'byung ba yin par mkhas pa la sbyor te/ de la phung po lnga ni sgyu ma dang 'dra/ khams bco brgyad ni bdag dang bdag gi dang bral te grong stong pa dang 'dra/ mig la sogs pa'i skye mched kyis gzugs la sogs pa la dmigs te/ 'dod chags la sogs pa bskyed pa'i sgo nas rang gis dge ba'i rtsa ba srog dang/ 'dra ba ma rungs par byed pas skye mched ni sprul gdug pa lta bu'i dug dang 'dra/ phyi nang gi dngos po thams cad ni rgyu dang rkyen las byung ba yin no zhes phung po dang khams dang skye mched dang rten cing 'brel bar 'byung ba'i mtshan nyid de ltar shes na phung po dang/ khams dang/ skye mched dang rten cing 'brel bar 'byung ba la brtag pa'i sbyor ba mi zad pa zhes bya ba go rim bzhin du sbyor ro/ /yang sbyor ba mi zad pa zhes rnam grangs gzhan du ston te/ 'du byed mi rtags par yongs su bstan pa'i sbyor ba mi zad pa zhes bya la/ ji tsam du 'du byed du gyur pa thams cad ni mi rtag pa yin la/ byang chub sems dpas kyang de ltar bstan pa la sbyor ba mi zad pa'i phyir 'du byed mi rtag par yongs su bstan pa'i sbyor ba mi zad pa zhes bya'o/ /de bzhin du 'du byed zag pa dang bcas pa thams cad sdug bsngal ba dang/ 'dus byas dang 'dus ma byas kyi chos thams cad bdag med pa dang/ nyon mongs pa dang bral ba ni mya ngan las 'das pa zhi ba ste/ de la dgod pa'i phyir bstan pa'i sbyor ba mi zad pa zhes bya'o/ /btsun pa sha radwa ti'i bu mdor na zhes bya ba la sogs pas ni/ gong du smos pa'i sbyor ba de dag ci'i phyir mi zad pa'i gtan tshigs mdor bsdus nas ston te/ thams cad mkhyen pa'i ye shes nam mkha' dang 'dra bar zad mi shes pa yin la/ byang chub sems dpa' i sbyor ba kun kyang de la gzhol zhing 'bab la bab pas mi zad pa ste/ sbyor ba dang po rtsom ba dang/ bar du bsgom pa dang/ mthar phyin pa'i bye brag gis tshigs gsum smos so/ /sbyor ba mi zad pa bshad zin to// //khyad par du 'gro ba'i byang chub sems dpa' ni gong nas gong du khyad par du 'gro ba'i mchog gi gnas mngon par tshol ba'i tshul dang/ thabs la mang du bstan pa gang yin pa de bstan pa'i phyir/ btsun pa sha radwa ti'i bu gzhan yang byang chub sems dpa' rnams kyi lhag pa'i bsam pa mi zad pa yin zhes bya ba la sogs pa gsungs so/ /de la lhag pa'i bsam pa mi zad pa yang/ rang bzhin mi zad pa dang/ las mi zad pa dang/ rgyu mi zad pa rnam pa gsum du lta bar bya ste/ de dag gis rim bzhin du mi zad pa gang yin pa dang/ ji ltar mi zad pa dang/ gang dag gis mi zad pa brtan to/ /rang bzhin mi zad pa bstan pa'i phyir/ de ci'i phyir zhe na zhes bya ba la sogs pa gsungs so/ /de la sangs rgyas kyi chos rnams la mos pa dang/ so sor rtog pa dang/ nges par byed pa dad pa sngon du 'gro ba dang/ chos rnam par 'byed pa sngon du 'gro ba gang yin pa de ni byang chub sems dpa' i lhag pa'i bsam pa zhes bya'o/ /byang chub sems dpa' i lhag pa'i bsam pa de dag kyang mdor bsdus na bco lngar rig par bya ste/ bco lnga gang zhe na/ mchog gi bsam pa dang/ tshul khrims kyi bsam pa dang/ pha rol tu phyin pa'i bsam pa dang/ de kho na'i don gyi bsam pa dang/ mthu'i bsam pa dang/ phan pa'i bsam dang/ bde ba'i bsam pa dang/ lhag pa'i bsam pa bstan pa'i bsam pa dang/ mi bslu ba'i bsam pa dang/ ma dag pa'i bsam pa dang/ dag pa'i bsam pa dang/ shin tu dag pa'i bsam pa dang/ mar bcad pa'i bsam pa dang/ lhan cig skyes pa'i bsam pa'o// de la sangs rgyas dang/ chos dang/ dge 'dun dkon mchog rnams la byang chub sems dpa' i lhag pa'i bsam pa gang yin pa de ni mchog gi bsam pa zhes bya'o/ /byang chub sems dpa' i tshul khrims kyi sdom pa yang dag par blangs pa la lhag pa'i bsam pa gang yin pa de ni tshul khrims kyi bsam pa zhes bya'o/ /sbyin pa dang bzod pa dang brtson 'grus dang bsam gtan dang shes rab yang dag par 'grub par bya ba'i lhag pa'i bsam pa gang yin pa de ni pha rol tu phyin pa'i bsam pa zhes bya'o/ chos dang gang zag la bdag med pa don dam pa chos kyi de bzhin nyid zab mo la lhag pa'i bsam pa gang yin pa de ni de kho na'i don gyis bsam pa zhes bya'o/ /sangs rgyas dang byang chub sems dpa' rnams kyi mngon par shes pa'i mthu bsam gyi mi khyab pa la lhag pa'i bsam pa gang yin pa de ni mthu'i bsam pa zhes bya'o/ /sems can rnams la dge ba'i rtsa ba nye bar sgrub par 'dod pa ni phan pa'i bsam pa zhes bya'o/ /sems can rnams la zang zing med pa'i sems dang/ sdug pa'i rnam par smin pa dang 'brel pa med pa'i sems ni lhag pa'i bsam pa zhes bya'o/ /bla na med pa yang dag par rdzogs pa'i byang chub tu sems gcig tu nges pa ni brtan pa'i bsam pa zhes bya'o/ /sems can don gyi thabs dang/ byang chub kyi thabs la phyin ci ma log pa'i shes pa dang ldan pa'i mos pa ni mi bslu ba'i bsam pa zhes bya'o/ /mos pas spyod pa'i sa thams cad la byang chub sems dpa' rnams kyi lhag pa'i bsam pa gang yin pa de ni ma dag pa'i bsam pa zhes bya'o/ /bsam pa dag pa'i sa nas bzung ste/ spyod pa nges pa'i sa'i bar la byang chub sems dpa' rnams kyi lhag pa'i bsam pa ni dag pa'i bsam pa zhes bya'o/ /mthar thug par gyur pa'i sa la byang chub sems dpa' rnams lhag pa'i bsam pa ni shin tu dag pa'i bsam pa zhes bya'o/ de la ma dag pa'i bsam pa gang yin pa de nyid ni tshar bcad pa zhes bya'o/ /so sor brtag par bya ba yin pa'i phyir ro/ /dag pa dang shin tu dag pa'i lhag pa'i bsam pa gang yin pa de ni lhan cig skyes pa'i bsam pa zhes bya ste/ rang bzhin gyi de'i bdag nyid du gyur pa dang/ rten pa shin tu gnas pa'i phyir ro/ /byang chub sems dpa' rnams ni mdor bsdu na lhag pa'i bsam pa dge bas thams cad du rtogs pa bco lnga po 'di dag gis bya ba bcu byed de/ bcu gang zhe na/ mchog gi bsam pas ni dkon mchog la mchod pa byang chub kyi tshogs thams cad kyi mchog tu gyur pa'i rnam pa thams cad la sbyor bar byed do/ /tshul khrims kyi bsam pas ni byang chub sems dpa' i tshul khrims kyi sdom pa yang dag par blangs pa la srog gi phyir bsams bzhin du nyes par 'byung bar mi byed la/ nyes par byung na yang myur ba myur bar so sor 'chags par byed do/ /pha rol tu phyin pa'i bsam ba ni dge ba'i chos rnams bsgom pa rtag tu byed pas bag yod par gnas shing mchog tu bag yod par gnas par byed do/ /de kho na'i don gyis lhag pa'i bsam pa ni sems can gyi phyir kun nas nyon mongs pa can ma yin pa'i sems kyis 'khor ba ni 'khor bar yang byed la/ mya ngan las 'das pa lhag pa'i bsam pa mi btong bar yang byed do/ /mthu'i lhag pa'i bsam pas ni bstan pa la snying thag pa nas dad cing rton par yang byed la/ bsgom pa la yang gces par 'dzin te/ 'dod pa skyes pas shas cher gnas la/ thos pa dang bsam pa tsam gyis chog par mi 'dzin to/ /phan pa'i bsam pa dang/ bde ba'i bsam pa dang/ lhag pa'i bsam pas ni sems can don gyi bya ba rnam pa thams cad la sbyor bar byed do/ /sbyor ba byas nas kyang yongs su mi skyo'o/ /brtan pa'i lhag pa'i bsams pas brtson 'grus 'bar ba dang/ brtson 'grus rgya chen po yang dag par rtsom par gnas te/ sbyor ba lhod par mi 'gyur zhing/ /sbyor ba nyams par mi 'gyur ro/ /mi bslu ba'i lhag pa'i bsam pas ni dge ba'i chos mngon par grub pa de dang de dag la mngon par shes pa myur bar 'gyur to/ khyad par thob pa dma' ba dang/ chung ngu tsam dang/ ngan don tsam gyis kyang chog par mi 'dzin to/ /tshar gcad pa'i lhag pa'i bsam pas ni lhan cig skyes pa'i lhag pa'i bsam par 'dren to/ /lhan cig skyes pa'i lhag pa'i bsam pas ni lha dang mi rnams kyi don dung phan pa dang/ bde ba'i phyir myur du bla na med pa yang dag par rdzogs pa'i byang chub mngon par rdzogs par 'tshang rgya bar byed do/ /lhag pa'i bsam pa bco lnga po de dag dang/ mdo 'di las gsungs pa'i lhag pa'i bsam pa dang/ byang chub sems dpa' i spyod pa 'byung ba dag kyang mthun mthun du sbyar ro/ /byang chub sems dpa' i bsam pa la ci'i phyir lhag pa'i bsam pa zhes bya snyam nas dri ba'i phyir de ci'i phyir zhe na zhes smos te/ gong du bshad pa'i bsam pa bas kyang/ dmigs pa dang yon tan 'og nas 'byung ba'i tshul lta bur 'phags pa'am/ yang na byang chub sems dpa' rnams kyi bsam pa ni rtag tu bdag dang gzhan gyi don du sems pas na lhag pa'i bsam pa zhes bya ste/ nges na dge ba'i rtsa ba thams cad la lhag par dmigs pa'i phyir zhes bya ba la sogs pa gsungs so/ /de dge ba'i rtsa ba thams cad la ji ltar lhag par dmigs pa ni tha na byang chub sems dpa' gang ci sems pa de thams cad dge ba'i rtsa ba la lhag pa'i bsam pas dmigs par 'gyur zhes bya bas bshad de/ sa dang po la gnas pa'i byang chub sems dpa' rnams ji tsam du sems kyi g.yo ba dang/ rtogs pa 'byung ba thams cad dge ba'i rtsa ba la lhag par dmigs par byed kyi/ mi dge ba la ma yin pa lhag pa'i bsam pa zhes bya'o/ /sa dang po la sogs pa nas gnyis pa la sogs par 'phar zhing de la gnas par bya ba'i phyir sa gong ma'i yon tan thob par sems pa ni/ 'pho ba'i lhag pa'i bsam pa'o/ /byang chub sems dpa' rnams khams gsum las bye brag tu 'phags par 'gro ba'i phyir rgal ba'i lhag pa'i bsam pa'o/ /'phags pa nyan thos las bltos nas rang sangs rgyas bye brag tu 'phags pa yin la/ byang chub sems dpa' rnams ni de gnyi ga las bye brag tu 'phags pas na/ gong dang gong du khyad par du 'phags pa ste/ de ltar kun gyi gtso bo 'am dam par gyur pas rtse mor lhag pa'i bsam pa'o/ /sa dang po la sbyin pa'i pha rol tu phyin pa yongs su rdzogs nas skad cig ma gcig la 'jig rten gyi khams brgya g.yo bar byed pa la sogs pa nas/ sa re re zhing pha rol tu phyin pa re re rdzogs par byas te/ yon tan gong nas gong du lhag par gyur ba la/ bye brag gi chos kun 'dzin pa zhes bya'o/ /byang chub sems dpa' sa brgyad pa la gnas pa rnams kyi shes rab kyi dbang pos bsam gtan la sogs pa byang chub kyi phyogs kyi chos rnams dang/ stobs dang mi 'jigs pa la sogs pa sangs rgyas kyi chos thams cad rnam par smin pa'i tshul gyis gsal bar mngon sum du gyur pas na sangs rgyas kyi chos thams cad la mngon sum pa'i lhag pa'i bsam pa zhes bya'o/ /byang chub sems dpa' i sa gong nas gong du khyad par du thob par byed pa'i rgyu pha rol tu phyin pa dang/ chad med pa la sogs pa ni khyad par du 'phags pa'i cha dang mthun pa'i chos rnams te/ de dag la 'dres par byed pa ni lhag par dmigs pa zhes bya'o/ /rtsom pa thams cad ni bdag dang gzhan gyi don bya ba'o/ /nyams 'og tu chud par byed pa ni mthar 'byin pa ste/ bdag dang gzhan gyi don mthar 'byin pa la de skad ces bya'o/ /byang chub sems dpa' i sa dang po thob pa'i 'og tu/ sa de nyid las sa bcu pa'i bar gyi mi mthun pa'i phyogs dang gnyen po la sogs pa sangs rgyas dang byang chub sems dpa' dag dang dge ba'i bshes gnyen rnams las yongs su tshol zhing 'dri bas mi skyo bar byas pa'i phyir sa yongs su sbyang bar bya ba'i khyad par la nges te/ de ltar na 'bad pas yongs su mi skyobs na nges par byas pa'i lhag pa'i bsam pa zhes bya'o/ /rgyan dang glu gar la sogs pa dregs pa'i yan lag spangs te/ skra dang kha spu bregs pa la sogs pa rab tu byung ba'i cha lugs 'dzin cing brtul zhugs kyi tshogs rdzogs par byed pa ni/ brtul zhugs thams cad rdzogs par byed pa ste/ de lta bu la goms pas cha lugs mdzes pa lhun gyis grub pa la brtul zhugs grub pa'i lhag pa'i bsam pa zhes bya'o/ /bla na med pa'i byang chub sgrub pa la grogs bdag yin te/ gzhan gyi grogs byas shing btang du med pa'i phyir/ go skabs med pa'i lhag pa'i bsam pa'o/ /dmu rgod rnam pa bzhi po yang dag pa'i sgrub pa la 'dug du mi gtubs pas gnas la dmu rgod dang yang dag pa'i lam du 'jug tu mi gtub pas 'jug pa la dmu rgod dang/ spyod pa nyams bzhin du dad pas byin pa chung gson par byed pas spyod pa dmu rgod dang/ byang chub sems dpa' cang shes rnams kyi nang na lta ba dang spyod pa la sogs pa mi mthun pa 'grogs pa dmu rgod de/ rta dmu rgod dang 'dra ba'i skyon de dag spangs te/ dmu rgod ma yin pas na cang shes pa'i lhag pa'i bsam pa zhes bya ste rta cang shes bzhin no/ /bslab pa gsum la gnas te/ so so'i skye bo'i sa las 'das pas 'phags pa yin la/ bslab ba gsum gyis dbang po'i sgo bsdams pa la sogs pas sems dul bar gyur pas na dul ba'i sa'i lhag pa'i bsam pa'o/ /skye ba gang dag mthong na 'dod chags la sogs pa nyon mongs pa skye bar 'gyur pa'i skye bo mi srun ba dang/ ma 'dres la nyon mongs pa nyid dang ma 'dres pas na ma 'dres pa'i lhag pa'i bsam pa'o/ /yan lag gi ngan pa mgo yongs su gtong ba la sogs pas ni shin tu bya dka' ba'i pha rol tu phyin pa drug po 'di lta bu dag 'phags pa nyan thos la sogs pa gzhan gyi bya dga' ste/ kun gyi spyod pa las lhag pas lhag pa'i bsam pa zhes bshad de/ sbyin pa ni dngos su zad do// tshul khrims ni gtsug lag khang nas dbyung ba la sogs chad pa bcad par 'os pa dag gis dpung gnyen byed pa dang/ sems can mthu chung ba gdol ba la sogs pas sbyo ba la sogs pa'i nyes pa dang du len pa dang/ 'jig rten las 'das pa'i 'bras bu nyan thos dang/ rang sangs rgyas thams cad kyi byang chub lag mthil du thob ste/ thob zin pa yang bor nas bla na med pa'i byang chub btsal dka' ba tshol ba dang/ 'jig rten gyi bde ba thams cad kyi mchog ni bsam gtan gyi ro yin na/ de la ma chags pa dang/ sbyin pa dang tshul khrims la sogs pa shes rab kyi pha rol tu phyin pas ma zin na 'khor ba skye ba'i rgyu tsam du zang pas shes kyis smad pa'i bya ba yin na dge ba'i rtsa ba de dag la yang mi smos pas na pha rol tu phyin pa de dag bsgrub pa ni bya dka' ba'i lhag pa'i bsam pa zhes bya'o/ /sems can thams cad kyi bya ba ni tshe 'di la bde ba dang tshe phyi ma la phan pa'o/ /shes rab kyis khams rab tu dbye ba la sogs par rab tu brtags pas na nga rgyal rnam pa bdun med pa'i lhag pa'i bsam pa'o/ /lan re ba ni sbyin pa'i gnas bzang po gdams te gtong bar byed kyi byang chub sems dpa' ni lan re ba med pas na sems thams cad la 'dra ba sbyin pa'i gnas su sems so /sangs rgyas kyi chos zab mo ni kun gyi 'jug par dka' ba la bya ste stong pa nyid do/ /de la byang chub sems dpa' shes rab kyis rab tu rtogs pa'i phyir mi sdang ste/ mi sgrag ces bya ba'i tha tshig go /byin gyis brlabs ni byang chub sems dpa' i shes rab la sogs pa gong nas gong du 'bogs pa la bya ste/ des nas sar 'gro bar khyad par du 'gro ba'i lhag pa'i bsam pa zhes bya'o/ /khur ni rnam pa bzhi ste/ phung po'i khur dang/ nyon mongs pa'i khur dang/ dam bcas pa'i khur dang/ brtsan pa'i khur rnams te/ khur dor bar bya ba dang/ spang bar bya ba dang/ bsgrub par bya ba dang/ yongs su rdzogs par bya ba'i phyir go rims bzhin no/ /de la sdug bsngal su shes pas ni/ phung po'i khur blangs pa bor te/ des phung po med pa'i bde ba thob po/ /kun 'byung ba spangs pas ni nyon mongs pa'i khur blangs pa por te/ des rnam par grol ba'i bde ba thob bo/ /lam bsgoms pas ni dam bcas pa'i khur blangs pa bor te/ des rdzogs pa'i byang chub kyi bde ba thob bo/ 'gag pa mngon sum du byas pas ni brtson 'grus kyi khur blangs pa bor te/ des nye bar zhi ba'i bde ba thob bo/ de bas na khur blangs pa sgrol ba zhes bya ste/ sgrol ba ni bor ba'i don to/ /yang na khur blangs pa ni dam bcas pa la bya ste/ bla na med pa'i byang chub sgrub par dam bcas pa bzhin byed pas na sgrol ba ste/ de'i phyir na zhum pa'i lhag pa'i bsam pa zhes bya'o/ /sems can dang sangs rgyas kyi chos yongs su smin par bya ba'i phyir rtag tu brtson pas na brtson pa mi zad pa'i lhag pa'i bsam pa zhes bya'o/ /las mi zad pa bstan pa'i phyir/ yang lhag pa'i bsam ba zhes bya ba ni zhes bya ba la sogs pa gsungs so/ /'byung po ni mi ma yin pa ste/ de dag la gnod pa mi byed pas ni/ des pa zhes bya'o/ /sems can rnams ni 'gro ba drug gis bsdus pa'i sems can thams cad la bya ste/ de dag kun la bu gcig pa bzhin byams pa'o/ /'phags pa ni gang zag chen po brgyad la sogs pa ste/ de dag bdag gi dge ba'i bshes gnyen du gyur par shes nas de dag la chos gos dang bsod snyoms dang snyun gyi rkyen sman gyi yo byad la sogs pa phan par byed do/ /'phags pa ma yin pa ni so so'i skye bo ste/ de dag la las dang nyon mongs pa'i dbang du 'gyur ces snying rje ba'o/ /bla ma ni mkhan po dang slob dpon la sogs pa ste/ de dag la lus kyi phyag 'tshal ba la sogs pa byed pas na gus pa'o/ /dpung gnyen med pa ni skye ba dang rga ba la sogs pa'i sdug bsngal gyis nyen pa ste/ de dag skye ba la sogs pa'i sdug bsngal las sgrol bar byed pas na dpung gnyen no/ /skyabs med pa ni lhag mthong dang bral ba ste/ de dag la lhag mthong ston par byed pas skyabs so/ /gling med pa ni chu bo chen po bzhis bdas pa ste/ /de dag chu bo bzhi las glon par byed pas na gling ngo/ /mgon med pa ni zhi gnas dang bral ba ste/ /de dag la zhi gnas ston pas na mgon no/ /grogs med pa na tshe 'di dang phyi ma'i zhing slas dang bsod nams la sogs pa grogs med pa ste/ /de dag la tshe 'di dang phyi ma'i don du 'gyur ba'i grogs ci rigs par byed pas na grogs so/ /gya gyu can ni bsam pa ma drang ba'o/ /dmu rgod ni smra ba'i don gsal bar mi ston pa'o/ /g.yon can ni bdag gi nyes pa bcabs pa'i thabs bzung ste/ /gtam rlung la bskur ba'o/ /thibs po spyod pa ni gzhan la bslu ba'i phyir bdag nyid gzhan du gnas la gzhan du ston pa'o/ /byas pa mi bzo ba ni phan btags pa mi dran pa'o/ /'khu ba ni byang chub sems dpa' la rku thabs kyis rgol ba ste/ de dag la 'dis bdag la phan btags so snyam du byas pa tshor ba'o/ /gnod pa byed pa ni tshe phyi ma'i don gyi bgegs byed pa'o/ /'og bar gyur pa ni lam log par zhugs pa ste/ de dag yang dag pa'i lam la 'god pas bden pa'o/ /legs par byas pas ni dge ba byas pa'o/ /gzhan gyi 'khrul pa ni pha rol gyi nyes pa byas pa'o/ /log par zhugs pa ni mi dge ba la 'jug pa ste/ de dag mi dge ba las slar zlog pas na kun srung ba'o/ /thabs kyi dge ba spyod pa ni rjes su yi rang ba dang/ bsngo ba la mkhas pa la sogs pa'i sgo nas dge ba spyod pa ste/ de dag la nyes par mi lta ba'o/ /sbyin pa'i gnas ni gang zag yon tan can te/ de dag la rnyed pa dang bkur stis rim gro byed pa'o/ /rjes su bstan pas ni 'di gyis shig/ 'di ni ma byed cig ces ston pa ste/ ji skad bstan pa bzhin du byed pas na mthun par 'dzin pa'o/ /gdams ngag gis gang zag pha rol po'i bsam pa dang bag la nyal la sogs pa rtogs par bya ste/ de dag gi gnyen por mi sdug ba 'am byams pa la sogs pa bsgom pa la sbyor ba'o/ /rjes su bstan pa ni 'jig rten las 'das pa'i lam bstan pa ste/ ji skad bstan pa bzhin du bsgrub bas na dka' blo bde ba'o/ /dgon par gnas pa la rtag tu byed pa dang/ gus par byed pa'i phyir phu dung byed pa'o/ /chos gos la sogs pa rnyed pa dang/ phyag 'tshal ba la sogs pa bkur bsti dang/ bstod pa'i tshigs su bcad pa dag la ma chags pas na don du mi gnyer ba'o/ /dam pa'i chos btsal ba dang/ sems can gyi don bya ba'i phyir lus dang srog la mi lta ba'o/ /lhag pa'i bsam pa dag pas na nyon mongs pa can gyi sems kyis yon tan yod par yid ches bar bya ba'i phyir spyod lam sgyur ba'i tshul 'chos pa med pa'o/ /ngag sdams pas na nyon mongs pa can gyi sems kyi bdag gi yon tan gleng ba 'am/ /bsten pa'i tshul gyis tshig gi lam 'jam po kun tu spyod pa'i kha gsag med pa'o/ /nan gyis slong ba ni thob kyis 'jal ba'o/ /sems nyon mongs pa can ma yin pa ni gnas ngan len dang bral te rtse gcig tu gnas su btub pas na las su rung ba'o/ /ye shes kyi mthus 'khor ba la rgyab kyis phyogs par byas kyang 'khor bar skye ba'i bsod nams kyi dge ba'i rtsa ba thams cad bsags pas na 'khor ba gzhol ba'o/ /sems can thams cad kyi don bya bar khas blangs pas na sems can gyi don byed pa'i tshe phyi nang gi sdug bsngal thams cad la ji mi snyam ste/ /de bas na dka' 'am sla'am snyam pa yi/ /rnam par rtog pa spangs nas ni/ /'gro ba 'di dag nyam thag ces/ /khyod bdag nyid kyi zhal gyis bzhes zhes gsungs pa lta bu'o/ /rgyu mi zad pa bstan pa'i phyir de'i phyir na skyes bu dam pa de dag gi lhag pa'i bsam pa thams cad mi zad pa yin te zhes bya ba la sogs pa gsungs so/ /sbyin pa dang tshul khrims la sogs pa bsod nams so bgrang ngo cog thams cad kyi nyes par bstan te rtas shing smin par byas pa dang/ sems can mdza' yas thams cad nye bar 'tsho ba ste/ gsos su gyur pa dang/ lhag pa'i bsam pa 'dis thams cad mkhyen pa'i ye shes mi zad pa yang dag par bsgrubs pa rgyu rnam pa 'di gsum gyi phyir 'khor ba'i nyon mongs pa thams cad kyis zad par mi nus zhes gsungs so/ /lhag pa'i bsam pa mi zad pa bshad zin to// //chos la gnas pa'i byang chub sems dpa' ni drug ste/ phan pa'i chos thams cad byed pa dang/ chos bzhin byed pa dang/ chos kyi rjes su srung bar byed pa dang/ chos la brtson pa dang/ chos las mi g.yo ba dang/ chos las mi nyams pa ste/ de dag bstan pa'i phyir de nas tshe dang ldan pa sha radwa ti'i bus byang chub sems dpa' blo gros mi zad pa la 'di skad ces smras so/ rigs kyi bu byang chub sems dpa' rnams kyi mi zad pa gzhan la lta yod dam zhes bya ba la sogs pa pha rol tu phyin pa drug rgyas par gsungs so/ /pha rol tu phyin pa drug gi bdag dang gzhan gyi don byed pa phun sum tshogs pa bstan te/ sbyin pa dang tshul khrims dang bzod pa gsum gyis ni gzhan gyi don phun sum tshogs pa bstan te/ bsam gtan dang shes rab gnyis kyis ni bdag gi don phun sum tshogs ba bstan/ brtson 'grus ni gnyi gar 'gro bar bstan to/ / de dag mi zad pa yang byang chub tu sems bskyed pa dang/ bsam pa dang lhag pa'i bsam pa mi zad pa'i rgyu las byung ba'i phyir mi zad par rig par bya'o/ /yang na byang chub tu sems bskyed pa la sogs pa byang chub sems dpa' i spyod pa'i de dag ni bla na med pa'i byang chub tu bsngos pa dang/ sems can thams cad kyi ched du bsgrubs pa dang/ chos rnams kyi de bzhin nyid zad mi shes pa rtogs par bya ba'i rgyur bsgrubs pa dang/ mi gnas pa'i mya ngan las 'das pa zad mi shes pa thob par bya ba'i rgyur bsgrubs pa'i phyir/ /mdo 'di las gsungs pa'i spyod pa de dag mi zad par shes par bya ste/ mi zad pa brgyad cu re re la yang rgya cher sbyar bar bya'o/ /sbyin pa mi zad pa la gnas pa'i byang chub sems dpa' i ni phan pa'i chos thams cad byed pa'i byang chub sems dpa' zhes bya ste/ de bstan pa'i phyir byang chub sems dpa' rnams kyis sbyin pa yang mi zad pa ste zhes bya ba la sogs pa gsungs so/ /sbyin pa mi zad pa ni rnam pa gsum ste/ 'bras bu yongs su bzung ba dang/ mi mthun pa'i phyogs dor ba'i rang bzhin rnam par dag pa dang/ gnyen po yongs su bzung ba'i rang bzhin rnam par dag pas sbyin pa mi zad par rig par bya'o/ /'bras bu yongs su bzung ba yang phyi dang nang gi sbyin pa'i bye brag gis rnam pa gnyis ste/ / de la phyi'i sbyin pa ni zas 'dod pa rnams la zas sbyin pa nas rtsed mo thams cad gtong ba'i sbyin pa'i bar gyis bstan/ nang gi sbyin pa ni rkang pa sbyin pa nas rus pa dang rkang sbyin pa'i bar gyis bstan to/ /de dag kyang phyi'i rgyal srid yongs su btang ba'i dpes nang gi yon tan gyi rgyal srid phun sum tshogs pa bstan pa'i phyir phyi'i sbyin pa ni bsdus pa'i don nyi shu bzhi po/ /longs spyod phun sum tshogs pa dang/ yongs su longs spyod pa phun sum tshogs pa dang/ yongs su longs spyod pa'i mthu'i bsam pa'i sgo phun sum tshogs pa dang/ sems can byams pa dran nas yid bde ba phun sum tshogs pa dang/ mdzod dran nas yid bde ba phun sum tshogs pa dang/ rol mo phun sum tshogs pa dang/ grags pa bstod pa phun sum tshogs pa dang/ dri zhim pa rang las byung ba phun sum tshogs pa dang/ zas kyi ro phun sum tshogs pa dang/ phyogs dang 'khor phun sum tshogs pa dang/ mal cha phun sum tshogs pa dang/ stan rgya chen po phun sum tshogs pa dang/ ston gyi rgyan phun sum tshogs pa dang/ stan la reg pa phun sum tshogs pa dang/ rang dbang yod pa phun sum tshogs pa dang/ skyes bu chen po shes pa phun sum tshogs pa dang/ 'khor rgya chen po zil gyis gnon pa phun sum tshogs pa dang/ yongs su 'dzin pa phun sum tshogs pa dang/ chos phun sum tshogs pa dang/ dgon pa bsam pa la mkhas pa phun sum tshogs pa dang/ dbang phun sum tshogs pa dang/ chung ma phun sum tshogs pa ste/ nor dang 'bru dang mdzod dang bang ba yongs su gtong ba dang/ grong dang grong khyer la sogs pa gtong ba'i tshigs gnyis kyis dbang phun sum tshogs pa bstan gzhan ni tshig re re dang go rim bzhin sbyar ro/ /nang gi sbyin pa ni bsdus pa'i don brgyad po gnas phun sum tshogs pa dang/ bgo bshas skye bo bskyed pa phun sum tshogs pa dang/ rang rgol ba'i mthu phun sum tshogs pa dang/ las kyi mdza' la rtogs pas bag yod pa phun sum tshogs pa dang/ rtsod pa sbyor bas chad pa bcad pa dang/ phan par bya ba zhes pa phun sum tshogs pa dang/ longs spyod kyi 'bras bus nye bar 'tsho ba phun sum tshogs pa dang/ lus phun sum tshogs pa la gnyis te/ lus shin tu 'jam pa dang/ snying po'i lus su gyur pas bstan te/ rkang pa sbyin pa man chad dang go rim bzhin du sbyor ro zhe'o/ /zas kyis ni bya ba lnga byed de/ 'di ltar ltogs nas che zad par 'gyur ba dang/ bkres pas spobs pa zhan pa dang/ bru bas gdung ba sdug bsngal ba dang/ nyam chung bas stobs med pa dang/ ring pas kha dog mi mdzes pa la zas byin na tshe dang spobs pa dang/ bde ba dang stobs dang kha dog nye bar ston par 'gyur bas byang chub sems dpas kyang/ de bzhin gshegs pa'i tshe dpag tu med pa dang/ spobs pa thogs pa med pa dang/ ting nge 'dzin dang/ snyoms par 'jug pa'i bde ba dang/ stobs bsam gyis mi khyab pa dang/ sku mdog mdzes pa nye bar bstan par bya ba'i phyir zas 'dod pa rnams la zas sbyin pa'o/ /btung pas ni sems can sgom gyis gdung pa rnams kyis gdung pa'i sred pa sel bar byed pas byang chub sems dpas kyang rang gi nyon mongs pa dang sred pa thams cad gsal bar bya ba'i phyir btung ba 'dod pa rnams la btung ba sbyin pa zhes bya ste/ nyon mongs pa ni khong khro ba la sogs pa la bya'o/ /srid pa ni yang srid par 'byung bar byed pa dang/ dga' ba'i 'dod chags dang ldan pa dang/ de dang de la mngon par dga' ba ste/ khams gsum du sbyor ba'i rgyu'i gtso ba yin pas na/ nyon mongs pa'i nang nas ming gis bkar ste smras so/ /bzhon pas ni ngal ba la sogs pa'i sdug bsngal med par byed pa dang/ bgrod pa'i gnas su phyin pa'i 'byor pa gnyis byed bas/ byang chub sems dpas kyang de bzhin gshegs pa'i snyun thams cad spangs pa'i bde ba dang/ 'jig rten dang 'jig rten las 'das pa'i 'byor ba thams cad thob par bya ba'i phyir khyogs la sogs pa bzhon par sbyin pa'o/ /gos kyis ni lus kyi yan lag btang/ dri ma la sogs pa mi sdug pa 'gebs pa dang/ gzhan gyi mig sngar sdug par byed pas byang chub sems dpas kyang nyes par spyod pa'i skyon mi mdzes pa dgab pa'i phyir/ bdag gi dbang du byed te ngo tsha shes pa dang/ gzhan gyi dbang du byed te khrel yod pa'i gos gnyis dang/ de bzhin gshegs pa'i sku gser gyi kha dog lta bu'i mdog yongs su spyad pa'i phyir gos 'dod pa rnams la gos sbyin pa'o/ mar mes ni mun pa gsal te blta bar bya ba'i dngos po thams cad mthong bar byed pas byang chub sems dpas kyang/ de bzhin gshegs pa'i lha'i spyan stong gsum gyi stong chen po 'jig rten gyi khams thams cad na gzugs rags pa dang phra ba dang/ nye ba dang ring ba la sogs pa yongs su gzigs par bya ba'i phyir mar me sbyin pa'o/ /rol mo'i sgras sems can rnams kyi rna ba'i dbang po sim par byed pas byang chub sems dpas kyang de bzhin gshegs pa'i lha'i snyan stong gsum gyi stong chen po'i 'jig rten gyi khams na sgra chen po dang chung ngu la sogs pa thogs pa med par gsan pa yongs su dag par bya ba'i phyir rol mo'i sgra sbyin pa'o/ /spos ni bdug pa rnams so/ /byug pa ni tsan dan la sogs pa'i lde gu ste/ de dag gis ni dri zhim par byed pas de bzhin gshegs pa'i rgyud la mnga' ba'i tshul khrims la sogs pas byug pa'i phyir spos dang byug pa sbyin pa'o/ /me tog phreng mi me tog brkyus pa ste/ de ni phan tshun bskyod kyang mi 'brul zhing chung za bar mi 'gyur bas gzangs dang/ bshad pa'i don mi brjed pa'i spobs pa dang/ byang chub kyi phyogs sum cu rtsa bdun gyi byang chub kyi yan lag gi me tog thob par bya ba'i phyir me tog phreng sbyin pa'o/ /phye ma ni tsan dan dang gur gum la sogs pa'i phye ma ste/ de dag gis ni dri zhim par byed pas byang chub sems dpas kyang de bzhin gshegs pa dang/ /byang chub sems dpa' dag la rang bzhin gyis mnga' ba'i lus kyi dri yid du 'ong ba thob par bya ba'i phyir phye ma sbyin pa'o/ /ro ni kha ba dang/ skyur ba dang/ tsha ba dang/ bska? ba dang lan tsha'i ro dang mngar ba ste/ ro gzhan dang gzhan de dag gis ni lce'i dbang po tshor bar byed pas byang chub sems dpas kyang skyes bu chen po'i mtshan ro bro ba'i mchog skyes bu chen po'i ming pa na'o bro ba tshor bar byed pa'i rtsa bdun stong gyen du lta ba yod do/ tha na til gyi 'bras bu tsam gcig gsol na yang sku thams cad du khyab par 'gyur ba thob par bya ba'i phyir bro thams cad sbyin pa'o/ /gnas ni khang khyim la sogs pa ste/ de dag gis ni bdag gnod phyed rnams las skyob bar byed pas byang chub sems dpas kyang sems can thams cad kyi gnas la sogs pa'i mthu dang ldan par bya ba'i phyir gnas sbyin pa'o/ mal cha ni stan la sogs pa ste/ /de dag gis ni gnyis kyi bde ba la sogs pa myong bar byed pas byang chub sems dpas kyang sgrib pa thams cad spangs pa'i rnam par thar pa brgyad kyi gzims cha dang/ 'phags pa'i gnas pa rnam par thar pa'i snyon gsum dang/ lha'i gnas pa bsam gtan bzhi dang/ tshangs pa'i gnas pa tshad med pa bzhi thob par bya ba'i phyir mal cha sbyin pa'o/ /stong gsum gyi stong chen po 'jig rten gyi khams re re na rdo rje'i gdan re re yod pa kun gnon cing thob par bya ba'i phyir ston sbyin ba'o/ /yo byad ni ming gis smos pa 'di dag la ma gtogs pa kha phyis yan chad 'tshogs chas rnams la bya ste/ de dag gis ni mi brel bar byed pas/ byang chub sems dpas kyang byang chub kyi yo byad bsod nams dang ye shes kyi tshogs thams cad yongs su bskangs pa'i phyir yo byad sbyin pa'o/ /mi rga ba ni rga ba med pa'o/ /mi 'chi ba ni 'chi ba med pa ste/ rga ba dang 'chi ba med pa nyid bdud rtsi'i bde ba yin te/ mya ngan las 'das pa la bya'o/ /bran pho dang bran mo la sogs pa ma dkal te/ rang nyams su btang ba dang/ de dag 'dod pa la bran pho bran mo dga' bzhin du btang bas mi de dag rang nyams kyi bde ba thob par 'gyur bas byang chub sems dpas kyang de bzhin gshegs pa la mnga' ba/ ngo bo med pa'i rang dbang ba/ dpon po med pa'i rang nyam dang/ mkhan po dang slob dpon gyis bstan pa'i lung med pas rang nyid mngon par 'tshang rgya ba'i rang 'byung gi ye shes yongs su bkang ba'i phyir bran po dang bran mo sbyin pa'o/ /rigs dang/ bsam pa dang/ mos pa dang/ smon lam dang brtson 'grus rtsom pa la sogs pa che bas skyes bu'i byed ba chi ba'i phyir byang chub sems dpa' chen po rnams dang/ sangs rgyas rnams la skyes bu chen po zhes bya ste/ de dag skyes bu chen po yin par 'di dag gis mtshon cing mngon par gsal bar byed pa'i phyir/ skyes bu chen po'i mtshan no/ /dam pa smos pa ni 'khor los sgyur ba'i rgyal po'i mtshan las khyad par du bstan pa'i phyir yul na gnas pa dang/ gsal ba dang yongs su rdzogs pa'o/ /de dag kyang phyag dang zhabs 'khor lo'i mtshan dang ldan pa la sogs pa sum cu rtsa gnyis mdo dag las gsungs te/ de dag bskang ba'i phyir gser la sogs pa rin po che thams cad sbyin pa'o/ /skyes bu chen po'i mtshan sum cu rtsa gnyis po de dag rten gyis tshul gyis 'dzin cing/ gzugs bzang pos mdzes par byed pas dpe byad bzang po ste/ de dag kyang sen mo zangs kyi mdog lta bu la sogs pa brgyad cu mdo dag las gsungs pa de dag yongs su rdzogs par bya ba'i phyir gdu bu dang/ dpung rgyan la sogs pa rgyan sna tshogs sbyin pa'o/ /gtsug gi nor bu dang cod pan ni yan lag gi dam pa mgo bo'i rgyan te/ de bzhin gshegs pa'i mtshan dbu'i gtsug gtor tshangs pa'i 'jig rten nas kyang bltar mi mthong ba thob par bya ba'i phyir mgo'i rgyan sbyin par byed do/ /rta la sogs pa bzhon pas ni bgrod par bya ba'i gnas su phyin par byed pas theg pa chen po byang chub sems dpa' i sa bcu 'bras bu dang bcas pa 'dis phyin par byed pa 'am/ 'dir phyin par bya ba rdzogs par bya ba'i phyir rta dang ba glang dang dpung bu chung dang gzhon pa sbyin pa'o/ /bsam gtan bzhi'i dang po la yan lag lnga gnyis pa la bzhi la sogs pa dang/ yan lag de dag gis tshogs dge ba la 'dun pa dang/ dbang po sdom pa dang/ zas kyi tshed rig pa la sogs pa rdzogs par bya ba'i phyir lus dang sems bde bar 'gyur ba'i gnas bskyed mos tshal la sogs pa sbyin pa'o/ gang gi gong na byang chub gzhan med pa ni bla na med pa ste/ de'ang yang dag pa phyin ci ma log par rdzogs pa ma lus par chos thams cad mngon par rdzogs par 'tshang rgya ba thugs su chud pa'i thams cad mkhyen pa'i ye shes la bya ste/ dga' ba'o cog gi nang na de ni dga' ba mchog yin pas de thob par bya ba'i phyir 'jig rten pa'i dga' zhing sdug pa'i mchog bu pho la sogs pa sbyin pa ste/ 'bras bu gang 'dod pa'i phyir dngos po gang sbyin pa 'og ma dag la yang ci rigs su sbyar ro/ /gnas gang du de bzhin gshegs pa'i gsung rab yan lag bcu gnyis rnams gnas shing 'dzin pa'i gnas de ni dam pa'i chos kyi mdzod dang bang ba zhes bya ste/ de yang byang chub sems dpa' i shes rab dang dran pa gnyis la bya'o/ /byang chub nyid snying po yin pa na byang chub kyi snying po ste/ de yang ji lta bu zhig ce na/ 'jig rten dang 'jig rten las 'das pa'i phun sum tshogs pa thams cad dang ldan pas rnam pa thams cad kyi mchog dang ldan pa yin la/ de ltar phun sum tshogs pa thams cad dbang dang ldan pas dam pa'i chos kyi rgyal po zhes bya par tshig rnam par sbyar ro/ /gzung ba dang 'dzin pa'i dri ma dang bral pa'i chos bdag ming rtog pa'i chos la dga' zhing mos pa thob par bya ba'i phyir lus kyi bde ba dang/ sems kyi dga' ba dang/ rgyud sim par byed pa'i rtsed mo thams cad sbyin pa'o/ /dam pa'i chos kyis rkang ba ni 'phags pa'i lam yan lag brgyad las yang dag pa'i lta ba ma gtogs pa lhag ma bdun nas bslab pa gsum las lhag pa'i shes rab kyi bslab pa ma gtogs pa gnyis la bya'o/ /dam pa'i chos kyi lag pa ni gdul bya sems can la dam pa'i chos bstan pa ste/ /de bas ni sems can rnams la dam pa'i chos bstan pa'i lag pa phyin nas khams gsum gyi 'dam las drang bar bya ba'i phyir zhes bya ba'i tha tshig go /dbang po ni dad pa la sogs pa dang mig la sogs pa'o/ /sangs rgyas kyi spyan ni don dam pa rtogs pa'o/ /chos kyi spyan ni gsung rab kyi yan lag rnams rtogs pa'o/ /khams gsum thams cad las khyad par du 'phags pa ni nyan thos dang/ rang sangs rgyas yin la/ de dag gis mchog ni thams cad mkhyen pa'i ye shes zhes bya'o/ /snying po med pa'i lus ni las dang nyon mongs pas bskyed pa'i phung po lnga la bya'o/ /snying po med pa'i lus de la brten nas/ snying po ste chos kyi sku blang zhing mya ngan las 'das pa nye bar 'tsho bar bya ba'i phyir srog gnas pa'i rgyu sha dang khrag yongs su gtong zhes sbyar ro/ /'jam pa la sogs pa ni lpags pa 'jam pa la sogs pa'o/ /sangs rgyas kyi sku ni nang gi nyon mongs pa dang/ phyi'i rlung la sogs pas gnod par byar med pa'i phyir/ rdo rje ltar mi shigs shing sra ba dang/ sred med kyi bu ltar mkhregs pa zhes bya'o/ /mi mthun pa'i phyogs dor ba'i rang bzhin rnam par dag pa yang sbyin pa'i skyon rnam pa bzhi spangs pas rigs par bya'o/ /sbyin par bya ba'i dngos po'i skyon dang/ bsam pa'i skyon dang/ len pa 'gron du gnyer ba'i skyon dang/ /len pa la 'bul ba'i skyon no/ /de dag kyang btsun pa sha radwa ti'i bu gzhan yang byang chub sems dpa' rnams la mi mthun pa'i longs spyod yongs su tshol ba'i sbyin pa mdo zhes bya ba la sogs pas bstan te/ mi mthun pa'i longs spyod dang/ sems can la gnod pa'i sbyin pa dang/ gzhan yang de dang mthun pa dag ni sbyin par bya ba'i skyon no/ /nga rgyal bskyed cing sbyin pa la sogs pa ni bsam pa'i skyon no/ /'gron du gnyer ba de yongs su gtong pa la sogs pa ni len pa 'gron du gnyer ba'i skyon no/ /ji skad smras pa las chung ba'i sbyin pa la sogs pa ni len pa la 'bul ba'i skyon te/ mdo'i tshig lhag ma rnams kyang skyon rnam pa 'di bzhi dang mthun mthun du sbyar te/ byang chub sems dpa' i sbyin pa la skyon de dag med pas na mi mthun pa'i phyogs dor ba'i rang bzhin rnam par dag pa zhes bya'o/ /de la mi mthun pa'i longs spyod yongs su tshol ba'i sbyin pa ni bab bcol dang/ chos bzhin ma yin par longs spyod dag bsgrubs nas gzhan dag la sbyin par byed pa ste/ de lta bu'i sbyin pa byang chub sems dpa' rnams la med do zhes bya bar sbyar te/ dngos po'i skyon la sogs pa byang chub sems dpa' i sbyin pa la med par 'og ma dag la yang rgya cher sbyar ro/ /sems can la gnod pa'i sbyin pa ni nad kyis gdungs pa la sogs pa nad kyi sdug bsngal las thar bar byed pa'i phyir gsod par byed pa 'am/ /srog chags gsad pa'i thabs bslab pa sbyin pa 'am/ mchod sbyin ngan pa yo lang chen po gang du srog chags mang po bsags nas gsod par 'gyur ba de lta bu'i mchod sbyin la sogs pa byed cing sbyin pa'o/ /sems khengs pa sngon du byas te/ nga rgyal gyis bsam pas gtong ba ni nga rgyal bskyed cing sbyin ba zhes bya'o/ /sems can dgra bos 'jigs pa dang/ sems can mdza' bshes la sdug pa dang/ sems can tha mal pa la mdzes pas sbyin pa byang chub sems dpa' la med do/ /slong ba po sngar 'gron du gnyer la phyis mi gtong ba'i sbyin pa med do/ /ji skad smras pa dang/ ji ltar dam bcas pa las bsnyungs te/ sbyin pa mi byed kyi mtshungs pa 'am lhag par byed pas ji skad smras las chung ba'i sbyin pa med do/ /dngos po bzang po yod la tha rmad dang ngan pa sbyin par mi byed do/ /bdag dang gzhan gnyi ga la mi mkho ba'i dngos po gtong ba ni lhag pa'i bsam pa ma yin pas sbyin pa zhes bya'o/ /dngos po dam pa slang ba'i phyir ngan pa gtong ba ni/ g.yo sgyu'i sbyin pa'o/ /nor bu dang mu tig dang/ bai du rya la sogs pa 'dra bar bcos pa sbyin pa ni bcos pa'i sbyin pa'o/ /ral mo'i rnam par smin pa la chags shing 'phral du yang rtsed mo'i dga' bas sems g.yengs bzhin rol mo byed pa rol mo mkha' la gtong ba na las kyi rnam par smin pa dang rgod pas sbyin pa'o/ /smad 'tshong ma la sogs pa'i yan lag spyad pa'i phyir gtong ba ni log pa'i bsam pas sbyin pa'o/ /las dang rnam par smin pa la yid mi ches pa'i sbyin pa ni gti mug gi bsam pas sbyin pa'o/ /dngos po 'di lam btang na gdon mi za bas chad pas gcad pa dang gsad pa la sogs pa'i gnod pa myong bar 'gyur ro snyam nas gtong ba na/ /tshol ba'i bsam pas sbyin pa'o/ /rtag par lta ba la sogs pa la zhen nas gtong ba ni phyin ci log gi bsam pas sbyin pa'o/ /gtong ba la dga' ba'i bsam pa mngon du ma gyur bzhin du gtong ba ma dad par sbyin pa'o/ /dngos po gtong bar mi 'dod bzhin du gtong ba ni mi dga' bar sbyin pa'o/ /dngos po la chags bzhin du gtong ba ni nye bar gnas pa'i sbyin pa'o/ /gang zag 'di la ma sbyin na pha ma la sogs pa su yang rung ba bdag la mi dga' bar 'gyur ro snyam nas gtong ba ni dor bltas nas sbyin pa'o/ /'di la ni sbyin 'di la ni mi sbyin snyam pa'i bsam pas gtong ba ni sems can tha dad pa'i sbyin pa ste bstan pa'o/ /tshig lhag ma gsum ni bshad pa ste/ 'di la byin na 'bras bu dang phan yon che bar 'gyur snyam nas de la gtong ba ni/ sbyin pa'i gnas 'dam zhing sbyin pa yin la/ 'di la byin na 'bras bu dang phan yon chung bar 'gyur snyam nas gtong ba ni sbyin pa'i gnas ma yin par brnyas shing sbyin pa ste/ bsam pa'i sgo nas sems can tha dad par byed ba de lta bu yang med la/ tshig gis kyang tshul khrims dang ldan pa la/ tshul khrims dang ldan pa'o zhes bstod pa dang/ tshul khrims 'chal ba la tshul khrims 'chal ba'o zhes smad de mthon dman du phye nas sbyin pa med par sbyar ro/ /'di la 'di lta bu zhig sbyin na/ phyir yang dngos po 'ga' zhig sbyin par 'gyur ro/ snyam nas gtong ba ni la nal re ba'i sbyin pa'o/ /gang zag 'di ni sbyin pa byed pa gtong phod pa'o zhes grags pa la sogs pa 'dod pa'i phyir btang ba ni/ grags pa la sogs pa'i phyir sbyin pa'o/ /bdag ni gtong phod cing sbyin pa'i bdag po yin gyi/ gzhan ni de lta ma yin no zhes smra zhing gtong ba ni/ bdag la bstod pa dang/ gzhan la smod pa'i sbyin pa'o/ /byang chub sems dpa' ni sbyin pa'i snga rol nyid nas kyang yid dga' la/ sbyin pa'i tshe yang sems dga' bar byed cing/ byin nas kyang 'gyod pa med pa'i phyir yongs su gdung ba dang/ yid la bcags pa dang/ /'gyod pa'i sbyin pa med par rigs bzhin sbyar ro/ /slong ba po legs par 'ongs na rgyan par mi byin pa ni/ gnod par mi byin pa'o/ /slong ba po ni rigs dang rus la sogs pa'i skyon brjod nas gtong ba ni gzhan gyi re ba la 'bab pa'i ga? sbyin pa'o/ /sbyin pa byin nas slong ba rnams la khyod 'di dang 'di ltar phan btags so zhes spyos te gtong ba ni smad par sbyin pa'o/ / sbyin pa'i 'bras bu rnam par smin pa la chags bzhin du gtong ba ni las kyi rnam par smin pa la re ba'i sbyin pa'o/ /'di tsam zhig sbyin zhes gtong ba ni dpags te sbyin pa'o/ /dngos po gang thabs ji lta bur gtang na slong ba pa'i khro ba la sogs pa skyed pa'i sbyin pa ni khro ba la sogs pa skyed pa'i sbyin pa'o/ /slong ba zas la brkam? pa dang nad pa la sogs pa la ha cang bsod pa dang mang du sbyin pa ni slong ba rnams la gnod pa'i sbyin pa'o/ /slong pa po'i lus gzugs dang/ chas la sogs pa la phyas btags nas me tog phreng la sogs pa ltar dngos po de dag mgo dang mgrin pa la sogs par btags shing bcings nas gtong ba ni 'phya ba dang/ co 'dri ba'i sbyin pa'o/ /phyin phyogs su byin pa ni sa la sogs pa ni dngos su zad do/ /ched 'ga' gtong ched 'ga' mi gtong ba ni mi rtag pa'i sbyin pa'o/ /sbyin pa la ma goms pas gang gi tshe slong ba po 'ongs pa de dang de'i tshe sbyin pa'i tshul la ma byang bar gtong ba ni shin tu ma sbyang spa'i sbyin pa'o/ /gang zag de yang gtong bar byad na bdag gis ci'i phyir mi gtong zhes gtong ba ni gzhan la snyogs pa'i sbyin pa'o/ /bdag nyi tshe'i mchod rten dang bran g.yog la sogs pa'i phyir gtong ba ni yongs su chad par byas te sbyin pa'o/ /mang du gzas pa las nyung du gtang ba ni ji ltar bstabs ba las chung ba'i sbyin pa'o/ /gtang bar bya ba dngos po nges par gtong bar bya bar bsams pa las/ chags pa'i dbang du gyur bzhin du gtong ba ni spro ba las mi spro bar gyur pa'i sbyin pa'o/ /bkren zhing phongs pa'i slong ba po yod bzhin du zhing ma yin no snyam nas bkren pa ma yin zhing phongs pa ma yin pa la gtong ba ni sems can zhing ma yin zhes sbyin pa'o/ /byang chub sems dpa' ni btang bar bya ba'i dngos po che chung ci bdog pa btang bar bya ba yin pas dngos po chung ngu la bltas shing sbyin par yang mi byed la dngos po snying po med par rigs pas rgya chen po la snyems shing sbyin bar yang mi byed do/ /sbyin pa'i 'bras bu bla na med pa'i byang chub las gzhan du sngo ba ni log par sgrub pa'i sbyin pa ste/ de yang skye bar 'dod pa'i sbyin pa zhes bya bas bshad de/ sbyin pa'i rnam par smin pas skye ba gang yang rung bar smin pa la skye bar 'dod pa zhes bya'o// gang dag tu skye bar 'dod pa ni gzugs dang longs spyod ces bya ba la sogs pa tshig phyi ma rnams kyi bshad de/ de la gzugs bzang po dang longs spyod chen po dang/ dbang phyug chen po la mngon par dga' bas sbyin pa gtong ba ni mi'i nang du skye bar 'dod pa'o// brgya byin la sogs par skye bar smon cing sbyin ba gtang ba ni lha'i nang du skye bar 'dod pa'o/ /gzhon nu ni rgyal srid kyi dbang phyug ma thob pa'o/ /tshe 'di nyi tshe la sbyin pa gtong ba ni tshe gcig tu zad pa'i sbyin pa ste/ byang chub sems dpa' ni tshe gcig sbyin pa btang ba tsam gyis cho ga bar mi 'dzin pas phyin chad chog cing mi bdog pa'i sbyin pa med ces bya bar sbyar te/ byang chub sems dpa' i ni rnam par smin pa la mi lta zhing/ sems can thams cad la lta bas sbyin pa la sogs pa bsod nams thams cad tshe rabs gcig nas gcig tu khyad par du 'gyur zhing rgyun mthun pa'i 'bras bu 'byung bar bsngo'o/ /longs spyod phun sum tshogs pa la sogs pa'i ched du ni mi bsngo la/ de ltar sbyin pa'i tshogs bsags pa yang thams cad mkhyen pa las gzhan du mi sngo bas/ thams cad mkhyen ba nyid kyi sems ma bsngos pa'i sbyin pa med do zhes gsungs so/ /sdom brtson pa rnams la zas dang skom lhag par gyur pa 'am/ sgog tsong dang sha chang mi za zhing mi mthung ba dag la de dag bsres shing 'bags pa gtong ba ni rung ba ma yin pa sbyin pa'o/ /rang gi g.yog 'khor la sogs ba la ma byin par dang po gzhan dag la gtong ba ni dus la ma bab par sbyin pa'o/ /dug dang mtshon sbyin pa'i nang du chang sbyin pa yang bsdu'o/ /lug la sogs pa bas de sha khrag la sogs pa ni sems can la mtho 'tsham zhing sbyin pa'o/ /de ltar mi mthun pa'i phyogs dor ba'i rab tu dbye ba rgya cher bshad nas/ mdor bsdus nas bstan pa'i phyir/ byang chub sems dpa' rnams kyi sbyin pa ni mkhas pas smad pa med do zhes gsungs te/ sbyin pa gang tshe 'di la bde yang tshe phyi ma la mi phan par 'gyur ba dang/ tshe 'di dang phyi ma gnyi ga la mi bde zhing mi phan par 'gyur ba dang/ tshe 'di la kha na ma tho ba dang bcas pa dang/ tshe phyi ma la kha na ma tho ba dang bcas pa dang/ tshe 'di dang phyi ma la kho na ma tho ba dang bcas pa'i sbyin pa ni/ mkhas pas smad pa zhes bya ste/ de lta bu'i sbyin pa byang chub sems dpa' la med do/ /gnyen po yongs su bzung ba'i rang bzhin rnam par dag pa ni gnyen po rnam pa gsum yongs su bzung bas rig par bya ste/ 'jig rten pa'i gnyen po dang/ 'jig rten las 'das pa la slob pa'i gnyen po dang/ bla na med pa'o/ de la sbyin pa de ni stong pa nyid kyi rnam par bsgrubs pa zhes bya ba nas/ khams gsum pa dang ma 'dres pa ste zhes bya ba'i bar gyis 'jig rten pa'i gnyen po bstan/ sbyin pa de ni 'bras bu rgyu mthun pa rnam par grol ba zhes bya ba nas/ byang chub kyi lam gyi tshogs bsags pa ste zhes bya ba'i bar gyis 'jig rten las 'das pa slob pa'i gnyen po bstan/ sbyin pa de ni yang dag par bsngos pa zhes bya ba nas/ sbyin pa de ni thams cad mkhyen pa'i ye shes la btang ba ste zhes bya ba'i bar gyis bla na med pa bstan no/ /sbyin pa de ni stong pa nyid kyi rnam pas bsgrubs pa zhes bya ba la sogs pas sbyin pa de dag rnam par thar ba'i sgo gsum gyis bskyed cing de dag dang ma bral bar spyad pas 'jig rten pa'i sbyin pa dngos po dang mtshan mar bzung nas byin pa ltar de dag mi zad de stong pa nyid la sogs pa ltar na nam yang mi zad ces bya ba'i don to/ /mngon par 'dus ma byas pa ni rgyu dang rkyen gyi ma bskyed pa'i chos yang dag pa'i mdza' la bya ste/ de thob pa'i phyir bsngos pas na mi zad pa'o/ /yang dag par 'zin? pas ni phyin ci ma log par zin pa ste/ byang chub sems dpa' i tshul bzhin yid la byed pas zin ces bya ba'i tha tshig go /khams gsum pa dang ma 'dres pa ni khams gsum pa de dang/ de dag gis sred pas bdag gis ma byas pa'i/ /rnam par grol ba zhes bya ba ni rnam par grol ba'i sku la bya bar 'dod de/ de sbyin pa la sogs pa'i tshogs kyis 'grub la/ de las kyang sbyin pa rgyun mi 'chad par 'byung bas byin pa de ni 'bras bu rgyu mthun pa rnam par grol ba ste/ /de'i phyir mi zad pa zhes bya'o/ /bsod nams dang ye shes kyi tshogs bsags pa na b dud rnams tshar gcod par 'gyur bas byang chub sems dpa' i sbyin pa ni bsod nams dang ye shes kyi tshogs su gtogs pas lta'i bu'i bdud la sogs pa tshar gcod cing de dag gis med par byar mi nus pas na sbyin pa de ni bdud thams cad shin tu tshar gcod pa ste de'i mi zad pa zhes bya'o/ /ser sna dang bdag dang gzhan du 'dzin pa la sogs pa'i nyon mongs pa thams cad dang lhan cig mi gnas te/ mi mthun pa'i phyogs kyis zad par bya bar mi nus pas na mi zad par sbyar ro/ /sa dang po ni sbyin pa'i pha rol tu phyin pa rdzogs pas thob par 'gyur bas na khyad par 'gro ba zhes bya'o/ /kha cig gi sbyin pa yin yang dug dang mtshon la sogs pa skyon dang bcas pa lta bu ma yin gyi byang chub sems dpa' i sbyin pa ni gcig tu kha na ma tho ba med pas na legs par byas pa nges pa'o/ /bla na med pa'i byang chub thob par 'gyur ba'i lam ni bsod nams dang ye shes kyi tshogs yin la sbyin pa nyid bsod nams kyi tshogs su gtogs pas byang chub kyi lam gyi tshogs bsags pa'o/ /gang du bsngo bar bya ba der bsngos pa ni yang dag par bsngos pa'o/ /sbyin ba de ni byang chub snying po rgyan bkod pa rnam par grol ba rgyu mthun pa'i 'bras bu ste zhes bya ba la byang chub kyi snying po ni mngon par sangs rgyas pa'o/ /de'i rgyan bkod pa ni gang gis byang chub de thob pa'i rgyu ste sbyin pa la bya'o/ /de'i phyir rnam par grol ba 'bras bur gyur pa dang mthun pa'i rgyu yin pas na rnam par grol ba rgyu mthun pa'i 'bras bu zhes bya'o/ /byang chub sems dpa' i sbyin pa ni tshe 'di dang tshe rabs gzhan du sems can thams cad kyi 'tsho ba yin pas de'i phyir mi zad pa'o/ /byang chub sems dpa' i sbyin pa ni 'di tsam mo/ zhes tshad gzung bar mi nus pas na mu med pa'o/ /nam kyang zad cing 'bri bar med pas na yongs su mi 'bri ba'o/ /sbyin pa de 'khor ba dang mya ngan las 'das pa'i phyogs su yang ma gyur pas kun tu mi rtogs pa'o/ /'das pa'i dus su sbyin la ma 'ongs pa'i dus su mi sbyin pa med pas yongs su ma chad pa'o/ /phyi dang nang gi dngos po thams cad 'dra bar gtong bas na/ yangs pa'o/ /sbyin pa'i 'bras bu la ma chags pas na mi gnas pa'o/ /ma 'ongs pa'i 'khor ba'i bar du thug pa med pas na thug pa med pa'o/ /sdig pa mi dge ba'i chos dang ma 'dres pas na/ kha na ma tho ba med pa'o/ /sus kyang skyon gdags su med pas na ma skur ba'o/ /sbyin pa'i mi mthun pa'i phyogs ser sna'i dbang du mi 'gyur bas na mi thul ba'o/ /byang chub sems dpa' i sbyin pa ni 'jig rten pa brgya byin dang tshangs pa la sogs pa'i sbyin pa dang/ 'jig rten las 'das pa nyan thos dang rang sangs rgyas kyi sbyin pas zil gyis mi non pas na zil gyis mi non pa'o/ /thams cad mkhyen pa'i ye shes thob par bya ba'i phyir bsngos pas na thams cad mkhyen pa'i ye shes la btang ba ste/ rnam pa de dag gi phyir mi zad pa mthun mthun du sbyar ro/ /sbyin pa mi zad pa bshad zin to// //tshul khrims mi zad pa la gnas pa'i byang chub sems dpa' ni chos bzhin byed pa'i byang chub sems dpa' zhes bya ste/ de bstan pa'i phyir/ btsun pa sha radwa ti'i bu rnam pa drug cu rtsa lngas byang chub sems dpa' rnams kyi tshul khrims kyi phung po yongs su dag pa mi zad pa yin no zhes bya ba la sogs pa gsungs so/ /de la tshul khrims mi zad pa yang rnam pa lnga ste/ yang dag par blangs pa'i tshul khrims dang/ chos nyid kyi tshul khrims dang/ lam gnyis kyi mtshan nyid kyi tshul khrims dang rnam par thar par sgo gsum gyi mtshan nyid kyi tshul khrims dang/ /tshul khrims kyi mi mthun pa'i phyogs rnam par dag pas zab pa'i tshul khrims so/ /de la rnam pa drug cu rtsa lngas byang chub sems dpa' rnams kyi tshul khrims kyi phung po yongs su dag pa mi zad pa yin no zhes bya bas ni sems can thams cad la mi gnod pa la sogs pa rnam pa drug cu rtsa lnga lta bu'i tshul gyis yongs su dag pas na sems can gzhan dang/ nyan thos dang rang sangs rgyas kyi tshul khrims ltar rgyun chad par mi 'gyur ba'i phyir mi zad pa bstan to/ /de la yang dag par blangs pa'i tshul khrims kyang rnam pa gsum ste/ sdom pa'i tshul khrims dang/ sems can don bya ba'i tshul khrims dang/ dge ba chos sdud pa'i tshul khrims so/ /sdom pa'i tshul khrims kyi dbang du byas nas sems can thams cad la mi gnod pa zhes bya ba la sogs pa gsungs so/ /sdom pa'i tshul khrims kyang mdor bsdus na rnam pa bzhi bstan te/ nyes par spyod pa las phyir logs pa dang/ bdag nyid 'phags pa'i tshul khrims kyi snod du rung ba dang/ /mi mthun pa'i phyogs spangs pa dang/ gnyen po'i phyogs yongs su bzung pas bstan te/ de la byang chub sems dpa' ni sems can gyi don du rang gi lus dang srog kyang gtong bar byed na bdag gi don du sems can pha rol pa'i srog gcod pa lta ga la byed pas sems can thams cad la mi gnod pa dang/ rang gi longs spyod kyang gzhan la gtong bar byed na/ gzhan gyi longs spyod ma byin par lta ga la len pas gzhan gyi longs spyod dag la mi rku ba dang/ tshe rabs thams cad du tshangs par spyod pa'i phyir bdag gis chung ma yang sems can 'dod pa la yongs su gtong na gzhan gyi chung ma la lta chags par ga la byed pas gzhan gyi chung ma dag la ma chags pa dang/ byang chub sems dpa' ni ji skad smras pa de bzhin du byed pa/ de bzhin du smra zhing gzhan du sgrub pa ma yin pas sems can thams cad la mi bslu ba dang/ pha rol po'i 'khor bdag gir bya ba'i chad du pha bi la blangs nas tshu bi la snyod pa dang/ tshu bi la blangs nas pha bi la snyod bar mi byed pa'i phyir dag gi 'khor gyis chog par 'dzin pas phram med pa dang/ pha rol pos ngan du smras shing cho rigs la sogs pa'i sgo nas zher 'debs pa'i tshig mi smra ba'i phyir tshig drag po bzod pas mi bslang ba dang/ rgyal po'i gtam dang/ rkun po'i gtam la sogs pa tshig don med pa mi smra ste/ tshig shin tu spong bas tshig kyal pa mi smra ba dang/ byang chub sems dpa' ni pha rol po'i longs spyod kyi bde ba dang ldan par smon cing/ gzhan bde ba la dga' bas pha rol po'i longs spyod bdag gir bya bar brnab sems med pa dang/ 'phral du ngan du brjod pa dang/ lkog nas ngan du smras pa'i tshig gi lan bzod pas gnod sems med pa dang/ mu stegs can la sogs pa ston pa gzhan gyi bstan pa med pa yang dag par lta ba ste/ mi dge ba bcu spangs pa de dag gis ni nyes par spyod pa las phyir ldog pa bstan to/ /ji ltar na ston pa gzhan gyi bstan pa med pa ni sems la rnyog pa med pas sangs rgyas la dad pa dang zhes bya ba la sogs pas bstan ste/ 'jig rten na de bzhin gshegs pa bzhugs sam mi bzhugs zhes yid mi ches shing the tshom za ba na chu rnyogs pa dang 'dra bas sems la rnyogs pa zhes bya ste/ de lta bu'i the tshom med de/ sems la rnyog pa med pas sangs rgyas la dad pa zhes bya ste/ nor bu chu la? dang bzhin du sems la the tshom gyi rnyog pa med pa'i phyir ston pa gzhan gyi bstan pa la yid ches pa med do/ /'dus byas dang 'dus ma byas thams cad kyis brjod du med pa chos nyid kyi chos de ni tshad ma thams cad kyis sun mi phyin cing grub pa yin te// dam pa'i phyir chos la dad pa zhes bya'o/ /'phags pa'i tshogs thams cad ni rgyun du zhugs pa la sogs pa gang zag brgyad dang/ mos pas spyod pa'i sa la gnas pa la sogs pa'i byang chub sems dpa' la bya ste/ de dag la dga' zhing dad pas dge 'dun la dad pa zhes bya'o/ /bla mkhan po dang slob dpon la sogs pa ste de dag la lus kyi 'dud pa dang/ dag gis bsod por smra ba ni bla ma la gus pas srid zhu che ba ste/ 'di dang dkon mchog gsum la yan lag lngas phyag 'tshal bas lus rab tu 'dud pa gnyis ni dad par 'gyur ba'i sbyor ba ste/ tshig de lngas ni bdag nyid 'phags pa'i tshul khrims kyis snod du rung pa bstan to/ /kha na ma tho ba phra rab la yang 'jigs par lta ba ni/ bslab pa'i bzhi phran tshogs la yang ngan song gis rgyu yin par mthong ste/ 'jigs par lta bar tshul khrims mis lhod pa zhes bya ste/ 'phags pa dkon mchog sprin gyi mdo las dug chung dus kyang skyes bu chen po 'chi bar byed do/ /de bzhin du sdig pa chung ngus kyang ngan song du ltung la sdig pa chen pos kyang ngan song du ltung ngo zhes gsungs pa bzhin du bsgrub pa'i phyir ro/ /theg pa gzhan la mi brten pa ni theg pa gzhan du sems ma bskyed cing ma bsngos pa ste/ rang bzhin ma bor bas na tshul khrims ma ral ba zhes bya'o/ /tshul khrims nyams pa gang gis ngan song gsum la sogs pa'i gnas su skye ba med pas na nyam nga bar skye ba spong bas tshul khrims ma nyams pa zhes bya ba/ /tshul khrims nyams par 'gyur ba'i rgyu skye bo mi srun pa la sogs pa dang ma 'dres pas tshul khrims ma 'dres pa zhes bya'o/ /'chal ba'i tshul khrims kyis dri ma dang ma 'dres shing byang chub kyi phyogs la sogs pa dkar po'i chos phyogs gcig tu 'phel bas tshul khrims 'tshol ba zhes bya ste/ tshig de ltas mi mthun pa'i phyogs spangs pas bstan to/ /so sor rtog pa'i stobs dang sgom pa'i stobs la 'dris pas tshul khrims nyams par 'gyur ba'i nyon mongs pa dang mi dge ba'i bshes gnyen gyi dbang du mi 'gro zhing ji ltar 'dod pa bzhin du 'gro bas 'phags pa'i tshul khrims zhes bya'o/ /mkhas pa ni 'phags pa rnams so/ /tshul khrims ji ltar blangs pa'i dran pas tshul khrims mi nyams par srung la/ nyon mongs pa dang bcas pa'i nyes pa dang/ nyon mongs pa med pa'i nyes pa la sogs pa shes bzhin gyis rtogs par bya ste/ nyes pa 'byung ngo ? tshul bzhin du 'chos pa ni rnam pa mchog gi tshul khrims zhes bya ste/ tshul khrims ji ltar blangs pa bzhin du bsrung ba dang/ nyes pa byung ngo cog phyir 'chos pa gnyis kyi tshul khrims yongs su rdzogs pa'i phyir ro/ /rgyal rigs dang bram ze'i rigs la sogs pa'i 'khor thams cad du kha na ma tho ba med pa de/ gang gis sgo nas kyang skyon gdags su med pas na ma smad pa'i tshul khrims zhes bya'o/ /mi la sogs pa'i dbang po 'dod chags dang zhe sdang la sogs pa skye bar 'gyur ba'i yul la rang dgar mi gtong ste/ dbang po bsrung pas shin tu spas pa'i tshul khrims zhes bya'o/ /nyan thos dang rang sangs rgyas dang/ /byang chub sems dpa' i chos ni sangs rgyas kyi chos thams cad de/ de dag gis rgyu dang 'bras bu ma lus pa la sems pas rnam par grags pa'i tshul khrims de/ theg pa kun la rnam par grogs zhes bya ba'i tha tshig go /lhung bzed dang chos gos la sogs pa rab tu byung ba la 'os pa ni rung ba ste/ de dag mang po rnyed yang ji tsam dgos pa nya tshe len te/ tshod shes pas 'dod pa chung ba'i tshul khrims zhes bya'o/ /lhung bzed dang chos gos la sogs ngan don gyi cho ga shes shing mang po dang bzang po ma rnyed na yang gdung ba med pa/ rnyed na? yang zhen pa dang bcas pa med par longs spyod de/ de ltar chags pa spong bas chog shes pa'i tshul khrims zhes bya'o/ /'du 'dzi'i nang na mi gnas pa dang/ 'dod pa la 'dun pa la sogs pa la mi rtag pa ni sems dpen pa ste/ de ltar tshul khrims nyams par 'gyur ba'i rgyu dang bral bas rang bzhin gyi dben pa'i tshul khrims zhes bya ste/ gong ma gnyis kyang gang zag 'di lta bus bsgrub par nus so zhes ston to/ /ji ltar lus dben pa ni 'du 'dzin? rnam par spangs pas dgon pa la gnas pa'i tshul khrims zhes bya bas bstan to/ /ji ltar sems dben pa ni gzhan gyi ngor mi lta bas 'phags pa'i rigs kyis chog shes pa'i tshul khrims zhes bya bas bstan to/ /gzhan gyi de mi chad pa tsam gyi phyir tshul khrims srung ba ma yin gyi/ rang gi sems snying thag pa nas 'dod pa la 'dun pa la sogs pa las dben par dga' ste/ tshul khrims srung zhes bya ba'i tha tshig go /dgon pa la gnas pa dang/ 'phags pa'i rigs kyis tshul khrims de gnyis kyang gang gis bsgrub par nus zhe na/ dge ba'i rtsa ba bdag gi kha na las pas sbyangs pa'i yon tan dang/ yo byad bsnyungs pa'i tshul khrims zhes gsungs te/ dge ba'i rtsa ba rnams ni bdag nyid kyi bya ba yin pas sbyangs pa'i yon tan la sogs pa la yang mi gnas su mi rung bar bstan to/ /dang po mkhan po dang slob dpon la sogs pa la tshul khrims blangs pa bzhin du bsrungs ba ni ji skad smras pa de ltar spyod pa'i tshul khrims zhes bya ba la sogs pa gsungs te/ gang ji tsam du sems can rnams la phan pa dang bde ba'i rgyur 'gyur ba byams pa dang snying rje la sogs pa ni sems can gyi don bya ba'i tshul khrims yin na/ / bla na med pa'i byang chub dang rang gi sangs rgyas kyi chos yongs su smin pa'i rgyur gyur pa rnams la/ dge ba'i chos sdud pa'i tshul khrims zhes bya ste/ ci rigs bar mthun mthun du sbyar ro/ /sems can rnams srid pa dang ngan song las skyob par byed pas na dpung gnyen du gyur pa ste/ de lta bu'i rang bzhin gyis byams pa ni byams pa'i tshul khrims kyi sgra bzhin yin par rgya cher sbyar bar bya'o/ /sems can gyi don du phyi'i sdug bsngal grang ba dang 'tsha ba la sogs pa dang/ nang gi sdug bsngal bkres pa dang skom pa la sogs pa thams cad bzod pa ni sdug bsngal thams cad bzod pa zhes bya'o/ /sems can gyi don la sems spro ba ni sems ma zhum pa zhes bya'o/ /bdag gi sems la nges par sems pa ni yan lag lngas bsdus pa'i bag yod pa dang ldan pa yin te/ sngon gyi mdza' dang ldan pa dang/ phyi ma'i mdza' dang ldan pa dang/ dbus kyi mdza' dang ldan pa dang/ snga nas bya ba dang lhan cig/ rjes su spyod pa'o/ /de la byang chub sems dpa' 'das pa'i dus la brten nas nyes pa byung ba bcos pa dang/ ma 'ongs pa'i dus su nyes pa 'byung bar 'gyur ba 'chos bar 'gyur ba/ da ltar byung ba'i dus su nyes par byung ba phyir 'chos pa ni dus gsum gyi mdza' dang ldan pa'i bag? yod pa'o/ /nyes ma byung ba'i snga rol nas bdag ji ltar spyod cing/ ji lta ji ltar gnas na nyes pa byung bar mi 'gyur ba de lta de ltar spyod cing de ltar de ltar gnas kyang ci ma rung snyam du sgrim par byed pa ni snga nas bya ba'i bag yod pa'o/ /de snga nas bya ba'i bag yod pa de nyid la brten nas/ ji lta ji ltar dpyod cing ji lta ji ltar gnas na nyes pa 'byung bar mi 'gyur ba de lta de ltar gnas pa de ni lhan cig rjes su dpyod pa'i bag yod pa de lta bu'i dag gis nges par sems pa byed do/ /gzhan gyi sems bsrung ba pha rol po'i 'khrul pa 'di brjod na de dag gdung bar 'gyur ro snyam du sems pa ste/ thabs gang yang rung bas pha rol tu chud mi za bar byed pa nyid sems can gyi don bya ba'i tshul khrims yin no/ /sbyin pa ni bsdu ba'i dngos po dang po ste/ /des sems can bsdus shing shes rab kyi pha rol tu phyin pa la sogs pa'i nang nas byang chub sems dpa' sems can ser sna can dag mthong na rigs kyi bu khyod ci'i phyir sbyin par mi byed ces dris te/ de dag yo byad dang mi ldan pa'i phyir ro zhes zer na/ nga'i nor 'di dag las ci bder long la spyid pa byin te/ bdag kyang bde bar gyis shig gzhan yang bde bar gyis shig ces gsungs pa ltar sems can yongs su smin par byed pas sbyin pa'i tshul khrims so/ /shin tu bzung ba ni bslab pa'i gzhi shin tu phra ba las kyang ma 'das pa'i don to/ /phyir mi ldog pa ni sems can yongs su smin par bya ba dang/ rang gi sangs rgyas kyi chos yongs su smin par bya bar go cha bgos pa las so/ /bsam gtan gyi yan lag gi tshogs ni sngar bshad par zad do/ /thos pa 'tshol bas chog mi shes par byed pa nyid/ thos pa'i dge ba'i rtsa ba'i mi ngoms pa'o/ /thos pa'i snying po ni dang po dam pa'i chos thos pa las bsam pa dang/ bsgom pa dang/ sgrib pa spong ba'i rim gyis mthar gnyis su med pa'i ye shes 'thob pa'o/ /byang chub kyi yan lag ni sum cu rtsa bdun la sogs pa'i ste/ de dag nyid tshogs kyang yin no/ /de dag spel ba'i thabs ni/ dge ba'i bshes gnyen la brten pa las 'byung ste/ dge ba dang skyabs dpag tu med pa sbyin par byed pa ni dge ba'i bshes gnyen zhes bya'o/ /lam nyam nga ba ni lam phyin ci log tu zhugs pa ste/ de 'dor ba'i phyir sdig pa'i grogs po yongs su spang ba'i tshul khrims te/ gnod pa dpag tu med pa stobs par byed pa ni/ sdig pa'i grogs po'o/ /'dus byas thams cad mi rtag pa yin no snyam pa'i 'du shes la rtog pas rang gi lus la yang mi lta ste/ phangs par mi 'dzin ces bya ba'i tha tshig go /thar ba'i cha dang mthun pa la sogs pa dge ba'i rtsa ba rtun ste/ rings par byed par srog la yid mi rton pa'i tshul khrims te/ mdo las kyang/ sang tsam shi yang sus shes kyis/ /de ring nyid du brtun te bya/ /'chi bdag sde chen de dang ni/ /bdag tu bshes pa ma yin no zhes gsungs so/ /bsam pa dag de 'khrul pa dang/ mi dge ba'i chos kyi dri ma med pas yid la gcags pa med pa dang/ sbyor ba dag ste/ lus dang ngag dang yid kyi sgo nas log pa'i sbyor ba byed pa'i phyir bcos ma ma yin pa dang/ lhag pa'i bsam pa dag pa ste/ bdag dang gzhan gyi don dang/ yon tan khyad par can bsgrub par sems pas yongs su gdung ba med pa zhes bya'o/ /las legs par byas pa ni dge ba byas pa ste/ de'i phyir 'chi ba'i dus na yang mi dge ba med pa'i tshul khrims zhes bya'o/ /khengs pa ni gang zag yon tan nye bar 'ongs nas ldang ba dang/ bsu ba med pa'o 'dod chags ni 'dod pa'i khams kyi 'dod chags te/ de dang bral bas mi rgod pa'i tshul khrims te/ 'dod pa'i yon tan la sems ma g.yengs zhes bya ba'i tha tshig go /drang ba ni dmigs pa la sems rtse gcig tu gnas su btub pa ste/ de'i phyir zhum pa dang/ rgod pa'i g.yeng pa med ces bya ba'i tha tshig go/ cad shes pa ni gdul sla ba 'am/ dul bar gyur pa ste/ de'i phyir mu cor mi smra ste/ ma rtags par mi smra zhes bya ba'i tha tshig go /yul gyi rlung gi rkyen gyis sems mi 'khrugs pa'i phyir dul ba ste/ sems dang dbang po yul la ma g.yengs zhes bya ba'i tha tshig go / nye bar zhi ba ni 'dod chags la sogs pa dang nye ba'i nyon mongs pa rnams so/ /ji skad smras pa bzhin byed pa ni mkhan po dang slob dpon la sogs pas gdams ngag rjes su bstan pa la sogs pas ji skad bsgo ba bzhin byed pa'o/ /'phags pa'i nor bdun ni bdag gi nor te de dag dang ldan pa'i phyir dam pa'i chos yongs su bsrung ba'i tshul khrims zhes bya'o/ /bzod pa nas shin tu dag pa ni dang po tshul khrims yang dag par len pa'i dus na/ rgyal po'i chad pa dang/ 'tsho ba med pas 'jigs pa la sogs pas 'jigs pa nas blangs pa ma yin gyis/ bsam pa dag pas blangs pas na/ bsam pa thams cad yongs su skong pa'i tshul khrims zhes bya ste/ ji ltar bsams pa'i dgos pa 'grub par byed ces bya ba'i tha tshig go /de'i zhes bya ba ni de bzhin gshegs pa dang sbyar te/ de bzhin gshegs pa'i tshul khrims thob par bya ba'i phyir bsngos pas/ da lta nyid kyi tshul khrims ni/ de bzhin gshegs pa'i tshul khrims la yang dag par gzhol ba ste/ de thob pa'i rgyu yin pa'i phyir ro/ /sems can thams cad la sems snyoms pa ni rjes su chags pa dang khong khro ba la sogs pa dang bral ba'o/ /chos nyid kyi tshul khrims kyi dbang du byas nas/ btsun ba sha radwa ti'i bu gzhan yang zhes bya ba la sogs pa gsungs te/ de yang gang zag dang chos la bdag med pa'i mtshan nyid la bya'o/ /de la gang zag la bdag med pa ni/ gang la bdag tu sgro btags pa med pa zhes bya ba la sogs pas bstan to/ /chos la bdag med pa ni gang la gzugs su btags pa med pa yang zhes bya ba la sogs pas bstan te/ ji tsam du bdag dang chos su tha snyad btags pa rnams ni sgro btags te/ brjod du med ba'i chos nyid gang la ming dang brdar btags pa med pa nyid chos kyi tshul khrims zhes bya ste/ chos kyang rang bzhin ni de yin pa'i phyir ro/ /lam gnyis kyi tshul khrims kyi dbang du byas nas/ gang rtse gcig pa'i phyir zhes bya ba la sogs pa gsungs te/ rtse gcig pa ni dmigs pa gcig pa ste/ zhi gnas thams cad kyi mtshan nyid de yin pas rtse gcig pa'i phyir zhi gnas thams cad kyi mtshan nyid de ni tshul khrims zhes bya'o/ /chos rnams kyi rang dang spyi'i mtshan nyid rab tu rnam par 'byed pa la mkhas pa ni lhag mthong thams cad kyi mtshan nyid do/ /rnam par thar pa'i sgo gsum gyi tshul khrims kyi dbang du byas nas stong pa nyid rigs pa dang zhes bya ba la sogs pa gsungs te/ chos rnams rnam par thar pa'i sgo gsum gyi tshul du rig pa nyid du tshul khrims yin no/ /tshul khrims kyi mi mthun pa'i phyogs rnam par dag pas zab pa'i tshul khrims kyi dbang du byas nas gang mngon par 'dus ma byas pa zhes bya ba la sogs pa gsungs te/ tshul khrims gang las dang nyon mongs pas mngon par 'dus ma byas pa dang/ chos rnams ma skyes pa khong du chud pa las byung bas ma skyes pa rab tu phye ba ste/ de nyid kyang gang zhe na/ mi skye ba la bzod pa zhes tshig rnam par sbyar ro/ /ma byas pa ni tshul khrims kyi mi mthun pa'i phyogs so/ /bya ba med pa ni tshul khrims rnam par dag pa ni sngon spyad zin pas yang bya ba med pa'i don to/ /yang na mngon par 'dus ma byas pa ni rgyu dang rkyen gyis so/ /ma byas shing bya ba med pa ni 'das pa dang ma 'ongs pa'i dus su bdag dang byed pa po la sogs pa'o/ /sngon gyi mthar ma byung ba la sogs pas ni 'das pa'i dus su ma byung ba dang/ ma 'ongs pa'i dus su ma 'phos pa dang/ da ltar gyi dus su mi gnas te/ dus gsum las 'das pa dang ni tshul khrims zhes bya bar bstan to/ /sems dri ma med pa ni bstan pa'o/ /ji ltar dri ma med pa ni tshig gnyis kyis bshad de rnam par shes pa la nyon mongs pa mi gnas pa dang/ gzung ba dang 'dzin pa'i phyir la byed pa dang/ ma 'dris pa'i phyir ro/ /gang 'dod pa'i khams la mi brten pa zhes bya ba la sogs pas ni 'dod pa'i yon tan la mi brten pa dang/ gzugs kyi khams kyi bsam gtan gyi ro myang bar mi byed pa dang/ gzugs med pa'i snyoms par 'jug pa thob kyang de dar? mi skye zhing mi 'dug pa ni tshul khrims yin par bshad do/ /gang 'dod chags kyi rdul med pa zhes bya ba la sogs pas ni dug gsum dang bral ba'i tshul khrims yin pa ston te/ 'dod chags nyid rdul bzhin du thar ba thob pa la bar du gcod par byed pas 'dod chags kyi rdul to/ gnod sems ni las kyi mtshan nyid yin te/ de nyid thob dang skyon yang yin pas/ /khong khro ba ni nyon mongs pa ste/ gnyis ga bstsal bar ro/ /dus gsum gyis las dang 'bras bu la smos pa ni gti mug gi mun pa dang ma rig pa zhes sbyar ro/ /dngos po rnams byung nas 'jigs pa med pa ni rtag pa'o/ /byung nas zhig ste mi skye ba ni chad ba ste/ /de gnyis med pas rten cing 'brel bar 'byung dang rjes su 'thun par byed pa ni tshul khrims so/ /'jigs tshogs la lta ba mi gnas pa'i bshad pa ni/ ngar 'dzin pa med pa dang nga yir 'dzin pa bor ba yin/ ming dang gzugs dang ma 'dres pa'i bshad pa ni go rim bzhin du iming dang brda' la mngon par ma zhen pa dang/ gzugs kyi mtshan nyid la mi gnas pa zhes gsungs pa ste/ lhas sbyin dang mchod sbyin zhes bya ba la sogs pa'i btags pa'i mi'o?/ /lhas sbyin yon tan dang ldan no zhes bya ba la sogs pas ni brda'o/ /gzugs kyi mtshan nyid ni thogs pa dang bcas pa'i gzugs la sogs pa'o/ /yang na ming dang gzugs kyi phung po lnga la bya'o/ /rgyu'i bag la nyal zhes bya ba ni lta ba la sogs pa'i kun nas dkris pa 'byung ba'i rgyu bag la nyal yin pa'i phyir ro/ /shin tu sbyangs pa'i bshad ba ni/ mi dga' ba med pa dang de yongs su gdung pa med pa zhes bya ba yin te/ sems mi dga' ba ? pa dang/ lus yongs su gdung ba med cing las su rung pa nyid shin tu sbyangs pa'i mtshan nyid yin pa'i phyir ro/ /chos kyi skus sangs rgyas kyi rigs mi gcod pa zhes bya ba ni tshul khrims yongs su dag pa de chos sku 'thob par 'gyur la/ de las kyang gzugs kyi sku gnyis rgyun mi 'chad par byung ba'i phyir ro/ /chos kyi dbyings dbyer med pa'i phyir chos kyi rigs mi gcod pa zhes bya ba ni tshul khrims des chos kyi dbyings mnyam pa nyid 'thob par 'gyur la/ de la bshad par bya ba'i chos rgyun mi 'chad par 'byung ba'i phyir ro/ /'du ma byas kyis rab tu phye ba'i phyir dge 'dun gyi rigs mi gcod ba zhes bya ba la 'phags pa'i dge 'dun ni 'dus ma byas kyis rab tu phye ba yin la/ ji skad du bstan pa'i tshul khrims de dag kyang 'dus ma byas rtogs par 'gyur ba'i thabs yin pas/ tshul khrims des dge 'dun gyi rigs mi 'chad bar stan to/ /btsun pa sha radwa ti'i bu tshul khrims mi zad pa ni rgyun mi zad pa'i phyir lta'o/ /zhes bya ba la sogs pas ni byang chub sems dpa' i tshul khrims ji ltar mi zad pa rjes su 'gro ba dang/ /ldog pa'i gtan tshigs kyi ston te/ skye ba'i gnas la sogs pa 'og nas smos pa gang gis kyang zad par mi 'gyur te/ /'khor ba'i mdza' i bar du rgyun mi zad bas ni byang chub sems dpa' i tshul khrims mi zad par bstan pas rjes su 'gro ba bstan to/ /byang chub sems dpa' ma yin pa gzhan dag gi tshul khrims la rgyun zad pa yod dam? ce na/ /de nyi tshe ma zad par bstan snyam nas de ci'i phyir zhe na zhes dris pa la so so'i skye bo rnams kyi tshul khrims ni skye ba'i gnas rnams kyi zad par 'gyur ro// zhes bya ba la sogs pa byang chub sems dpa' i tshul khrims las log pa'i phyogs rgya cher gsungs te/ /so so'i skye bo rab tu byung ba dang/ /dge bsnyen gyis sdom pa ni de dag gis dus 'di nas ji srid 'tsho'i bar du zhes khas blangs pas skyes pa'i gnas kyis zad par 'gyur te/ 'chi ba'i dus byas pas zad par 'gyur ro/ zhes bya ba'i don to/ /phyi rol pa'i mngon par shes pa ni drang srong mngon par shes pa lnga dang ldan pa dag te/ de dag gi tshul khrims ni mngon par shes pa ji srid yod kyi bar du yod la/ mngon par shes pa nyams na med do/ /mi dge ba bcu'i las kyi lam la spyad par khas blangs pa'o/ /bsod nams zad pa ni sngon bsags pa'i bsod nams gang gis lha'i bur skyes pa'o/ /gzugs kyi khams kyi gnas su ni tshad med pa bzhi dang bsam gtan bzhi sgoms pas skye bar 'gyur la/ de dag zad pas bsam gtan gyi sdom pa yang zad par 'gyur ro/ /ji lta bur snyoms par zhugs pas skyes pa ni/ 'dir gzugs med pa'i khams kyi ting nge 'dzin pa snyoms par zhugs nas gzugs med pa'i khams su skyes pa ste/ gang gi tshe skyes pa zad nas 'chi ba'i dus byas pa na gzugs med pa'i lha'i bu'i tshul khrims zad par 'gyur ro/ /nyan thos thams cad ni slob pa bdun dang/ mi slob pa gcig ste/ gang zag brgyad la bya'o/ /gang gi tshe rang sangs rgyas rnams sems can gyi don du rdzu 'phrul gyis sems can gyi don byed pa btang ste/ phung po lhag ma ma lus pa'i mya ngan las 'das pa la mngon du bltas pa de'i tshe snying rje chen po dang bral ba zhes bya'o/ /btsun pa sha radwa ti'i bu byang chub sems dpa' rnams kyi tshul khrims ni mi zad pa ste zhes bya ba la sogs pas ni byang chub kyi sems mi zad pas byang chub sems dpa' i tshul khrims mi zad pa bston to/ /byang chub sems dpa' rnams kyi tshul khrims mi zad pa zhes ci'i phyir bya snyam nas/ de ci'i phyir zhe na zhes dris pa'i lan du 'di ltar tshul khrims de las tshul khrims thams cad 'byung ba'i phyir te zhes bya ba la sogs pa gsungs so/ /skabs 'dir tshul khrims ni byang chub sems la bya la/ de las de bzhin gshegs pa man chad kyi tshul khrims thams cad 'byung ba'i phyir mi zad pa sbyar te/ de bas na byang chub kyi sems kyi sa bon mi zad pas na de bzhin gshegs pa'i tshul khrims mi zad par rigs pa bya zhes dngos su gsungs te/ de bzhin gshegs pa'i tshul khrims mi zad pa de'i sa bon yang byang chub sems dpa' i byang chub kyi sems kyi rang bzhin gyi tshul khrims de yin pas de'i phyir na skyes bu dam pa de dag ni tshul khrims mi zad ba zhes bya'o zhes gsungs so/ /tshul khrims mi zad pa bshad zin to// //bzod pa mi zad pa la gnas pa'i byang chub sems dpa' ni chos kyi rjes su srung pa'i byang chub sems dpa' zhes bya ste/ de bstan pa'i phyir btsun pa sha radwa ti'i bu rnam pa gsum cu rtsa gnyis kyi byang chub sems dpa' rnams kyi bzod par blta'o zhes bya ba la sogs pa gsungs so/ /bzod pa mi zad pa yang rnam pa gsum ste/ sdug bsngal la dzi mi snyam pa'i bzod pa dang/ gzhan gnod pa byed pa nyams su len pa'i bzod pa dang/ chos nges par sems pa la mos pa'i bzod pa'o/ /sdug bsngal ci mi snyam pa'i bzod pa yang rnam pa bzhis bstan te/ bzod pa'i mi mthun pa'i phyogs kyi rgyu dang bral ba dang bzod pa'i gnyen po yang dag par 'dzin pa dang/ bzod pa'i las rnam par dag pa dang/ bzod pa'i 'bras bu yang dag par 'dzin pa'o/ /de la bzod pa'i mi mthun pa'i phyogs kyi rgyu dang bral ba'i dbang du byas nas/ bag la? te nyal spangs nas bzod par blta'o/ /zhes bya ba la sogs pa tshig brgyad gsungs te/ mi bzod pa'i rgyu khong khro ba la sogs pa'i bag la nyal spangs te/ gang la yang mi bzod pa'i rgyu med pas bzod par blta'o zhes bya ba'i tha tshig ste/ tshig mthun pa rnams ni 'og ma dag la yang ci rigs par sbyar ro/ /mi gnod pa ni lag pa dang 'ong ba dang dbyug pa la sogs pas gnod pa mi byed pa'o/ /yongs su mi gdung ba ni gzhan gyis gnod pa byas kyang sdug bsngal dang yid mi bde ba mi 'byung ba'o/ /gnod sems med pa ni mtshon cha la sogs pa gang yang rung pas sems can pha rol po 'phung por sbyor ba ni gnod sems te/ de med pa'o/ khon du 'dzin pa med pa ni gnod pa byas pa'i 'og tu khon gyi bdud pa'i bsam pa mi 'dor zhing rgyun tu 'byung ba 'am yang na 'dis bdag la gnod pa byas byed byed par 'gyur/ bdag gi mdza' o la gnod pa byas/ byed byed par 'gyur/ 'dis bdag gi dgra la phan pa byas/ byed byed par 'gyur zhes kun nas mnar sems kyi dngos po dgu ni khon du 'dzin pa ste/ de lta bu med pa'o/ mi khro ba ni yid du mi 'ong ba'i dngos po dang phrad nas 'phral du gnod par bya ba'i kun nas mnar sems ni khro ba ste/ de med pa'o/ /thab mo ni pha ma 'am/ mkhan po 'am/ slob dpon nam/ dkon mchog gi phyir phan tshun du tshig gis 'gyed pa ste de med pa'o/ /rtsod pa ni rigs dang rus la sogs pa smos nas mtshad 'dru ba ste/ de med pa'o bzod pa'i gnyen po yang dag par 'dzin pa'i dbang du byas nas/ yul gyis rma mi phyin pas bzod par blta'o zhes bya ba la sogs pa tshig drug gsungs te/ khro bar 'gyur ba la sogs pa'i yul gyi rkyen gyi dbang du ma gyur pas rma mi phyin pa zhes bya'o/ /bdag dang gzhan bsrung ba ni bdag nyid kyang mi bzod pa'i dbang du mi 'gyur ba dang/ gzhan yang mi bzod pa'i dbang du mi 'gyur bar bsrung ba'i thabs la mkhas pa'o/ /byang chub kyi sems dang mthun pa ni/ bla na med pa'i byang chub du sems bskyed nas sems can thams cad la bu gcig pa bzhin du byams par byed pa bzhin du kun la bzod pa'o/ tshul bzhin du rab tu rtog pa ni zhe sdang gi gnyen po byams pa bsgom pa'o/ /yid 'byung zhing/ 'dod chags dang bral ba ni khams gsum gyis 'khor ba'i chos rnams la yid byung zhing 'dod chags dang bral ba ste/ de ltar gyur na mi mthun pa dang yid du mi 'ong ba rnams la mi bzod pa med pa'i phyir bzod par blta'o/ las kyi rnam par smin pa la rton pa ni gzhan gnod pa byed pa las byung ba'i sdug bsngal dang phrad na 'di ni las kyi le lan yin te/ des ni bdag rang gis byas pa'i mi dge ba'i las kyi sdug bsngal gyi 'bras bu 'di 'dra ba nyams su myong la/ yang sdug bsngal gyi rgyu mi bzod pa 'di yang dag par blangs te/ 'dug na ni bdag nyid la mi sdug pa gang yin pa de la bdag nyid bdag nyid sbyor bar byed par nges so snyam nas gnod pa mi byed pa'o/ /bzod pa'i las rnam par dag pa'i dbang du byas nas/ lus kyi rgyan gyi bzod par blta'o zhes bya ba la sogs pa tshig bdun gsungs te/ bzod pa dang ldan pa'i gang zag ni khro gnyer dang gzhin gyi mdog gyur pa dang/ mig dmar ba la sogs pa mi sdug pa med de/ dbang po zhi zhing mdangs bzad ba la lus kyi rgyan ces bya'o/ /rnam pa gnyis su na bzod pa ni ma 'ongs pa na yang lus mdzes par 'gyur ba'i rgyu ste/ 'di ltar bzod pas ni mdzes par 'gyur ro zhes gsungs pa'i phyir ro/ /ngag dang sems yongs su dag pa ni ngag rtsub po mi 'byin pa dang/ zhe sdang gi bsam pa med pa ste/ de ltar sgo gsum rang bzhin du gnas pa ni bzod pa'i las yin par bstan to/ /bsam pa brtan pa ni bzod par 'gyur ba'i yul gyi rlung nye bar 'ongs kyang des bskyed par mi nus pa'i phyir ro/ /yi ge ya ma rla yin pa ni pha rol gyis ngan du smras pa dang/ ngan du brjod pa 'di dag na yi ge tsam du zad do zhes rtog pa'o/ /yang na stong ba dang bdag med pa la sogs pa'i yi ge dang sgra tsam gyis 'jigs par mi byed de/ de dag ya ma rla yin par shes par bya ste/ de dag gi don zab mo la rtog par byed pa'o/ /yongs su rtog pa med pa ni gang gis gnod pa byas/ gang la gnod pa byas/ gang gnod par byed ces rnam pa gsum la yang yongs su mi rtog pa'o/ /rang gi sems la nges par sems pa ni mi bzod par byed pa 'di yang rang gi sems nyid las skyes par zad do zhes rtog pa'o/ /gzhan gyi sems srung pa ni bdag gis gnod pa byas na gzhan gyi sems gdung par 'gyur ro snyam du sems pa'o/ /bzod pa'i 'bras bu yang dag par 'dzin pa'i dbang du byas nas tshangs pa'i 'jig rten gyi lam du 'gro bas bzod par blta'o zhes bya ba la sogs pa gsungs so/ /'bras bu de yang rnam pa gsum ste/ 'byor ba phun sum tshogs pa dang/ spangs pa phun sum tshogs pa dang/ 'bras bu phun sum tshogs pa ste/ tshig bzhi dang drug dang/ gcig gis go rim bzhin du bstan te/ /'byor pa phun sum tshogs pa yang 'jig rten gyi 'byor pa dang/ 'jig rten las 'das pa'i 'byor pa gnyis te/ dang po'i tshig gnyis kyi go rim bzhin du bstan to/ /de la tshangs pa'i 'jig rten ni gzugs kyi khams kyi tshangs ris la sogs pa'o/ /de'i lam ni thob par byed pa'i rgyu ste/ tshad med pa bzhi yin la/ bzod pa yang tshad med pa bzhi po dag dang rdzogs su mthun pas lam du 'gro ba zhes bya'o/ /bzod pa la gnas pa'i gang zag gis ni byad gzugs bzang po dang/ g.yog 'khor mang po la sogs pa thob par 'gyur ba'i phyir/ lha dang mi'i phun sum tshogs pa myong ba zhes bya'o/ /bzod pa la gnas pa'i gang zag gis de bzhin gshegs pa'i mtshan dang dpe byad bzang po dang/ tshangs pa'i sgra skad 'byin pa'i dbyangs thob ces bya bar sbyar ro/ /nyes pa thams cad ni bstan pa'o/ /gnod sems la sogs pa ni bshad pa ste/ gzhan ni sngar bshad par zad do/ /phyir rgol ba ni bdud dang mu stegs la sogs pa ste/ de dag kyang bzod pas pham par byas pas bzod par blta'o/ /gzhan gyi gnod par bya ba thams cad las shin tu 'das pa ni bzod pa dang ldan pa'i gang zag de la sems can su yang gnod pa mi byed pa'i phyir ro/ /bzod pa'i pha rol tu phyin pa ni/ sangs rgyas kyi chos thams cad thob pa'i rgyu yang yin pas zhes tshig rnam par sbyar ro/ /gnod pa nyams su len pa'i bzod pa'i dbang du byas nas/ de la bzod pa yongs su dag pa gang zhe na zhes bya ba la sogs pa gsungs te/ gong du ni phyir sems can la gnod pa mi byed pas bzod par blta'o zhes bstan pa de ni yongs su ma dag pa yin gyi gzhan gyis gnod pa byas kyang slar gnod pa mi byed na bzod pa yongs su dag pa yin zhes bstan pa'i phyir/ bzod pa yongs su dag pa dang zhe na zhes smos so/ /gnod pa 'byung ba'i rgyu ni dag dang lus dang sems gsum yin la/ de dag kyang brag cha dang/ gzugs brnyan dang/ sgyu ma dang mtshungs te/ rang bzhin med par rtogs pa'i phyir dge sbyor byed pa'i chos gsum dang/ lhag pa'i bsam pa bzhi ste/ gnod sems la sogs pa nye bar zhi ba'i phyir dge sbyong byed pa'i chos gcig dang rim bzhin du sbyar ro/ /rang gi yon tan yongs su rdzogs pa ni thos pa dang/ gtong ba dang tshul khrims yongs su rdzogs pa ste/ de ltar gyur pas/ bsngags pa ma yin khro bar mi 'gyur te/ zhe sdang yang mi bskyed la/ nga rgyal gyis bdag nyid chen por mi sems pa ni ma thos par mi sems pa ste/ de ltar gyur pas bsngags pas rjes su chags par mi 'gyur zhes sbyar ro/ shin tu dul ba'i phyir rnyed pas dga' ba med pa zhes bya ba la sogs pa'i tshig gi dgus ni 'jig rten gyi chos brgyad kyis ma gos par rab tu dbye ba dang bcas mdor bsdus pa dang bcas pa bstan to/ /de la shin tu dul ba ni sbyangs pa'i yon tan rnams kyi sems shin tu dul bar gyur pa yin la/ rab tu zhi ba ni zhe sdang spangs pa ste/ de bas na chos gos la sogs pa rnyed pas kyang dga' ba med pa la ma rnyed pas khong khro ba med do/ /snyan pa thams cad ni byis pa bslu ba phyin ci log yin par shes pas rab tu brtags pa'i phyir dang/ bdag gi yon tan ma grags su zin kyang des sba gong pa 'am/ sems zhum pa med do/ /blo yangs pa'i phyir go rim bzhin du snyan pa la ngo mtshar du mi 'dzin pa dang/ mi snyan pas zhum par mi 'gyur ro/ /legs par gnas pa ni brtan por gnas pa'o/ mi g.yo ba ni rang bzhin gyis mi 'dor ba ste/ de ltar gyur pas smad pas kyang dams par mi sems la/ bstod bas kyang mthos par mi sems so/ /sems can rnams kyi don bya bar sems shing lta ba'i phyir dang/ khams gsum gyi 'dus byas kyi bde ba mi rtag pa'i phyir go rim bzhin du sdug bsngal gyis mi skyo ba dang/ bde bas dga' bar mi 'gyur zhes sbyar ro/ /rnyed pa dang ma rnyed pa la sogs pa de dag gang la yang ma chags ste/ mi gnas pa'i phyir 'jig rten pa'i chos rnams kyis mi gos pa zhes mdor bsdus nas bstan to/ /pha rol po sreg la bab pa'i gnod pa byung la de la mi gnod na bdag la gnod kyang bzod pa ni/ gzhan la mi gnod pa'i phyir bdag la gnod par bzod pa zhes bya'o/ /byang chub kyi yan lag gi tshogs ni bsod nams dang ye shes kyi tshogs rnams so/ /sangs rgyas kyi sku ni sku gsum la bya'o/ /legs par byas pa'i las kyi stobs skyed pa ni sbyin pa dang/ tshul khrims la sogs pa cher spyad de mthu dang ldan par byas pas gzhan gyis bdag gi srog gcad pa dang/ ma byin par blangs pa la sogs pa ngan du byas pa thams cad bzod do/ mu stegs can thams cad 'joms pas dpa' ba ni/ mu stegs can gyi dka' thub thams cad zil gyis gnon pa'i mthu dang ldan pas dpa' ba ste/ de'i phyir rgya shugs gi 'bru dang/ til 'bru tsam gyis srog zungs byas kyang lus gdung ba dang sems yongs su gdung ba la cis mi mjed ces bya ba'i tha tshig go / brgya byin la sogs pa ming gis smos pa rnams kyis brtul zhugs kyang zil gyis gnon pa'i phyir/ 'jig rten dang 'jig rten las 'das pa'i brtul zhugs thams cad rtsom pa ste/ tshig gong mas ni mi'i dka' thub thams cad zil gyis gnon pa'i bzod pa bstan la/ 'og mas ni lha'i dka' thub thams cad zil gyis gnon pa'i bzod pa bstan to/ /chos nges par sems pa la mos pa'i bzod pa'i dbang du byas nas/ btsun pa sha radwa ti'i bu gzhan yang bzod pa zhes bya ba ni gang 'di shin tu rma mi phyin pa ste zhes bya ba la sogs pa gsungs so/ /rma mi phyin pa ni sems kyi rang bzhin 'od gsal ba la shes so/ /'di las su zhig gshe zhes bya ba la sogs pa rtag pa dang/ rnam par rtog pa gang gis kyang mnyam par mi 'gyur ba'o/ /de la ci'i phyir bzod pa zhes bya snyam nas/ de la ci'i phyir zhe na zhes dris pa dang/ mi dmigs pa'i phyir ro zhes gsungs te/ ji tsam du ming dang brdar btags pa rnams ni byis pas kun tu btags pa yin gyi/ don dam par mi dmigs pa'i phyir/ gzung ba dang 'dzin pas rma mi phyin pa de la bzod pa zhes bya'o/ /gang dag mi dmigs pa'i phyir shin tu rma mi phyin pa la bzod pa zhes bya zhe na/ gshe'o zhes bzod pa de ni gnyi ga la dmigs pa bzod pa ste/ zhes bya ba la sogs pa rgya cher gsungs so/ /gang zag 'di ni bdag la gshe ste/ de dag gis bzod par bya'o zhes bdag dang pha rol gnyi ga la dmigs pa ni thog ma med pa'i dus nas spros pa la mngon par dga' ba'i dbang gis bdag dang gzhan du rtog par 'byung bar zad pas mi dmigs pa'i bzod pa ma yin zhes pa'i tha tshig ste/ 'og ma dag la yang de dang mthun par sbyar ro/ /'di las su zhig gshe zhes bya ba ni bdag gi sa'i khams la gang zag de'i sa'i khams gshe lam zhes bya ba la sogs par brtags nas bzod pa ni chos la 'grang ba zhes bya'o/ /'di dag ni ye she'i sgra 'byung ba zhes bya ba ni gsheb po'i gang zag gi tshig 'di dag 'di ni ka dang a la sogs pa'i yi ge'i sgra tsam du zad na mi bzod par bya ba ci zhig yod ces bya ba de ni brag ca'i sgra la bzod pa zhes bya'o/ /'di yang zhes bya ba ni gsheb ba'o/ /bdag kyang zhes bya ba ni gshe bar bya ste/ gnyi ga skad cig gis 'jig cing mi rtag pa yin na/ mi bzod du ci yod ces bzod pa'o/ /'di ni phyin ci log yin gyi zhes bya ba ni phyin ci log bzhi'i dbang du gyur ces bya ba'i tha tshig go / bdag ni rigs kyis zhes bya ba ni bdag ni rigs pa dang ldan pa 'di la mi bzod par bya bar mi rigs so zhes bzod pa'o/ /lam bzang po ni phyin ci ma log pa'i lam mo/ /bdag ni mi rtag pa la bzod kyi zhes bya ba la sogs pa la mi rtag pa dang/ sdug bsngal ba la sogs pa ni rtag pa dang bde ba la sogs pa'i gnyen po yin pas bdag ni chos thams cad mi rtag go zhes bya ba la sogs pa la bzod kyi/ rtag go zhes bya ba la sogs pa la mi bzod do? snyam? nas mi rtag pa la sogs pa la bzod na gnyen pos spong ba zhes bya ba'i bzod pa zhes bya ste/ lhag ma rnams la yang de bzhin du sbyar bar bya'o/ /de la shin tu bzod pa gang zhe na zhes bya ba ni dmigs pa thams cad kyis bla? mi phyin pa/ mi skye ba'i chos la bzod pa gang zhe na zhes bya ba'i tha tshig go / gang stong pa nyid rtogs pa de la lta bar gyur pa yang gsal ba med ces bya ba ni byang chub sems dpa' gang gis gzung ba dang 'dzin pa'i mtshan nyid rang bzhin gyis stong pa yin par khong du chud pa de la dngos po dang mtshan ma yod par lta ba'i lta bar gyur pa yang bsal ba med do/ thog ma nyid nas med pa'i phyir ro/ /stong pa nyid du sgro 'dogs pa yang med ces bya ba ni de ltar stong pa nyid rtogs kyang sngon med pa'i stong pa nyid bzod rtog pa yang ma yin te/ /gzung ba dang 'dzin pa'i lta bar gyur pa nyid rtag pa rtag pa'i dus dang/ ther zug ther zug gi dus su stong pa'o/ /zhes gang 'di la bzod pa de ni shin tu bzod pa yin no/ /mtshan ma med pa la sogs pa yang de bzhin nyid kyi ming gi rnam grangs te/ stong pa nyid rtogs pa dang 'dra bar ci rigs par rig par bya'o/ /'das pa'i dus ma skyes shing ma byung la/ da ltar gyis dus su ma skyes cing/ ma byung ba de la ma 'ongs ba'i dus su 'jig pa gang yang med pa de la zad pa med ces tshig rnam par sbyar ro/ /ma byas pa ni byed pa po la sogs pas so/ /mngon par 'dus ma byas pa ni rgyu rkyen gyis so/ /sgro btags pa med pa ni bstan pa'o/ /lhag ma rnams ni bshad pa ste/ rnam par ma rtags pa ni rtogs ge pa rnams kyis blos so/ /ma bsgrubs pa ni tshad ma dag gis so/ /ma bstan pa ni gzhan dag la bstan du med pa'o/ /nye bar ma gtugs pa ni gzung ba dang 'dzin pa'i mtshan nyid du mngon par chags par bya ba'i yul ma yin pa'o/ /mi skrag mi sdang sdang? bar mi 'gyur ba ni/ thos pa dang bsam pa dang sgom pa'i gnas skabs rnams su'o/ /byang chub sems dpa' rnams kyi snod mi byin gyis brlabs kyis stobs bskyed pa'i slad du bdag gi lus lags te/ bdag gis bgyis lags so zhes bya ba ni me tog la sogs pa de dag gnas gcig tu shod pa'i snod ni byang chub sems dpa' rnams kyi bdag nyid kyi lus yin te/ des kyang ji ltar shong pa 'gyur zhe na/ de'i phyir byin gyis brlabs kyis stobs bskyed pa'i slad du zhes shong pa'i thabs bstan to/ /de la dngos po snod du dngos po shong par gyur pa'i gzugs rnams la ni skabs 'dir snod ces mi bya'i/ /mtshan ma dang rnam par rtog pa thams cad dang bral ba'i ye shes gang gis mthus lus gcig gi nang du yang dngos po sna tshogs mang po shod par 'gyur ba de lta bu'i mthu dang byin gyis brlabs dang ldan pa'i ye shes de la snod ces bya ste/ de dag gis bskyed lags so zhes bya ba'i don to/ /ting 'dzin 'di'i yul ci zhes bya ba ni ting nge 'dzin des dmigs par bya ba'i yul 'dri ba'o/ /stong gsum gyi stong chen po'i 'jig rten gyi khams 'di ni zhes bya ba la sogs pas ni ji snyed kyi gzugs kho bo'i lus stong pa nyid du 'jug? kyang kho bo'i lus kyi chos nyid stong pa nyid la 'phel ba 'am 'bri ba med pa'i lus stong pa nyid de ni ting nge 'dzin de'i dmigs par bya ba'i yul yin no zhes ston to/ /lha dang mi'i skye dgu khrag khrig phrag bdun cu rtsa drug bla na med pa'i byang chub tu sems skyes pa dang/ byang chub sems dpa' khri nyis stong mi skye ba'i chos la bzod pa thob par gyur pa ni chos bshad pa'i phan yon bstan pa'o/ /bzod pa mi zad pa bshad zin to// //brtson 'grus mi zad pa la gnas pa'i byang chub sems dpa' ni chos la brtson pa'i byang chub sems dpa' zhes bya ste/ de bstan pa'i phyir ?btsun pa sha radwa ti'i bu brgyad po 'di dag ni byang chub sems dpa' rnams kyi brtson 'grus yang dag par blangs ba ste zhes bya ba la sogs pa gsungs so/ / brtson 'grus mi zad pa yang rnam pa gsum gyis bstan te/ brtson 'grus kyi rab tu dbye ba dang/ /sgo dang thabs dang shes rab kyis zin pa'i sems kyis brtson 'grus thams cad mdor bsdus pa bstan to/ /de la brtson 'grus yang dag par blang ba brgyad kyis ni rab tu dbye ba bstan to/ /brtson 'grus brgyad kyang mdor bsdu ba rnam pa gsum ste/ brtson 'grus kyi ngo bo nyid dang/ chud mi za ba'i thabs kyis zin pa dang/ gang gis phyir brtson pa gnyis dang/ gcig dang lnga dang rim bzhin sbyor ro/ /gang gis phyir brtson pa yang sems can yongs su smin par bya ba dang/ sangs rgyas kyi chos yongs su smin par bya ba gnyis kyi phyir te/ sems can yongs su smin par byed pa mi zad pa dang/ shes rab kyi tshogs mi zad pa ni sems can yongs su smin par bya ba'i phyir brtson pa'o// lhag ma rnams ni sangs rgyas kyis chos yongs su smin par bya ba'i phyir brtson pa'o/ /brtson 'grus 'di dag gi yul dang/ dus dang brtson pa dang/ 'bras bu la sogs pa mdza' yas shing mi zad pas byang chub sems dpa' brtson 'grus mi zad pa zhes bya'o// brtson 'grus yang dag par blang ba ni byang chub sems dpa' sbyad par bya'o/ /gang 'di 'khor ba gnas yongs su mi skyo ba mi go cha'i don bstan pa ste ji ltar mi skyo ba ni/ de bskal ba 'di snyed cig ci go cha bgo zhes bya ba la sogs pa bstan to/ /go cha bsam gyis mi khyab gyon par byed pa ni 'khor ba'i sngon gyi mdza' ji snyed pa de snyed kyis nyin zhag gcig tu gyur la zhes bya ba la sogs pas bstan te/ 'khor ba'i sngon gyi mdza' lta med mod kyi/ 'on kyang phul dbyung ba'i phyir 'khor ba'i mdza' yod pa lta bur sgro btags te/ nyin zhag gcig gi tshad de tsam du ring la/ des zla ba dang lo'i grangs bsgres pa'i yun ring po de tsam gyis byang chub kyi sems gcig bskyed cing de bzhin gshegs pa gcig mthong la/ de ltar bsgres ba sha stag gis 'jug pa de lta bu dang 'grang ba de bas gang gA'i klung gi bye ma rnyed kyi byang chub kyi sems bskyed pa dang/ de bzhin gshegs pa mthong ba'i 'og tu sems can gcig gi sems kyi spyod pa shes pa la sogs pa mdo las gsungs pa ltar dus yun ring zhing 'bras bu bsgrub dkar zin kyang mi gong pa ni go cha mi zad pa'o/ /sbyin pa'i pha rol tu phyin pa yongs su rdzogs par bya ba'i phyir 'jug pa 'di nyid dang dgrang ba 'di nyid kyis zhes bya ba ni gong du bshad pa bzhin du nyin zhag zla bar bsgres zla ba lor sgres pa'i lo stong phrag brgya la byang chub kyi sems gcig bskyed cing/ de bzhin gshegs pa gcig mthong la/ de lta bu sha stag gis byang chub kyi sems kyi kun bskyed/ de bzhin gshegs pa kun gyang mthong nas/ de bzhin gshegs pa gang ga'i klung gi bye ma snyed la rim 'gro byed pa 'di 'dra bas sbyin pa'i pha rol tu phyin pa rdzags? bar gyur pa dang/ de bzhin du pha rol tu phyin pa lhag ma rnams nas mtshan dang dpe byad thams cad kyi bar du sngar smos pa lta bu'i dus ring ba dang/ bsgrub bka' bas sgrub par byed kyang mi skyo ba ni go cha mi zad pa zhes bya'o/ rtul ba mi zad pa yang rnam pa brgyud kyis bstan te/ ji ltar rtul ba ni stong gsum gyi stong chen po'i 'jig rten gyi khams mes yongs su gang ba las kyang 'bogs te zhes gsungs pa'o/ /gang gi phyir brtul ba ni gang lta ba dang/ gang gnyan pa dang/ gang bsgrub pa'i phyir spro ba ste/ de bzhin gshegs pa blta bar spro ba dang/ chos mnyan pa'i phyir spro ba gnyis ki ni gong ma gnyis bstan to/ /gang bsgrub pa'i phyir spro ba yang gzhan gyi dang bdag gi don te sems can yongs su smin par byed pa'i phyir spro ba dang/ dge ba'i chos thams cad dang/ thams cad mkhyen pa'i ye shes kyi phyir spro ba gsum gyis bstan to/ /nges pa'i tshig ni byang chub sems dpa' i brtul pa ni pha rol gyi don gyi phyir 'jug pas na zhes bya ba la sogs pa tshig gi tshar gsum gyis bstan te/ ji ltar pha rol gyi phyir 'jug ce na/ pha rol zhi bar bya ba'i phyir zhes bya ba la sogs pa gsungs te/ nyon mongs pa zhi bar bya ba'i phyir dang/ dbang po gdul ba'i phyir dang/ 'khor ba thams cad las yongs su mya ngan las bzla ba'i phyir 'jig rten gyi khams mes yongs su gang ba las kyang 'bogs te/ 'jug pas na de'i phyir brtul ba zhes bya'o/ /brtson 'grus de'i rang bzhin ni/ mi lhod pa dang zhes bya ba la sogs pa gsungs te/ gus pa'i brtson 'grus dang ldan pas mi lhod pa'o/ /yon tan khyad par can bsgrub pa la mi nus so snyam du mi sems pas ma zhum pa'o/ /mi mthun pa phyogs le los mi bskyod pas na brtan pa'o/ /grang ba dang che ba la sogs pa'i sdug bsngal gyis mi skyod pas na mi zlogs pa'o/ /bsam pa ni dge? ba'i bsam pa dang zhes smos pa ste/ dus thams cad du dge ba gang yin zhes tsol zhing sgrub pa'i bsam pa brtson 'grus rtsom par byed do/ /rgyu ni snying rje chen po la gnas shing zhes smos te/ sems can gyi don du snying rje chen po bskyed pa'i rgyus sgrub par nus so zhes bya ba'i tha tshig go / brtson 'grus kyi las ni rtag tu sems can gyi don la brtson par 'jug pa zhes gsungs so/ /thabs dang shes rab kyis zin pa ni gom pa 'dor ba dang zhes bya ba la sogs pas bstan te/ goms pa 'dor ba la sogs pa thams cad du byang chub kyi sems mngon du byed pa dang/ sems can la lta bas na thabs bstan la/ nyon mongs pa'i phyogs su yang mi lhung bas na shes rab bstan te/ /yang dag par 'grub pa ni chud mi za ba dang phyin ci ma log par 'grub pa'o/ /gang ji lta bur dge ba'i sems skyes shing byung ba ni shes rab rnam pa gsum 'am/ pha rol tu phyin pa drug la sogs pa/ dge ba'i sems skyes shing byung ngo cog byang chub kyi phyir yongs su bsngo bar byed pa ni bar ma dor zad bar mi 'gyur bas yang dag par 'gyur bas yang dag par 'grub pa mi zad pa zhes bya'o/ /de ltar bsngos pa ci'i phyir mi zad snyam nas/ de ci'i phyir zhe na zhes dris pa dang/ byang chub tu yongs su bsngos pa'i phyir te zhes gsungs te/ don de nyid dpes bstan pa'i phyir/ btsun pa sha radwa ti'i bu 'di lta ste/ dper na chu'i thigs pa rgya mtsho chen por lhung ba ni zhes bya ba la sogs pa gsungs so/ /dge ba'i rtsa ba rnams byang chub tu bsngos pa de la/ ci'i phyir yang dag par 'grub zhes bya zhe na/ de'i phyir yang dag par 'grub pa zhes bya ba ni gang 'di yang dag par sgrub pa ste zhes bya ba gsungs so/ /ji ltar sgrub na yang dag pa'i sgrub pa zhes bya zhe na/ yang dag bar zhugs pa ni zhes bya ba la sogs pa smos te/ dge ba'i rtsa ba yang dag par sgrub cing brtson 'grus brtsams pa rnams ngan song du lhung ba'i sems can thams cad skyobs pa'i phyir dang/ yongs su ma smin pa'i sems can thams cad nges par 'byed pa'i cha dang mthun pa'i sa gzhir yongs su smin par bya ba'i phyir dang/ dge ba'i rtsa ba ma bskrun pa'i sems can thams cad dge ba'i rtsa ba la gzung pa'i phyir dge ba'i rtsa ba de dag yongs su bsngo bar byed pa ni/ yang dag pa'i sgrub pa zhes sbyar ro/ /ci'i phyir de ltar bsngo bar byed ce na/ thams cad mkhyen pa'i ye shes mngon par bsgrub pa'i phyir zhes gsungs so/ /des bsngos pas kyang ci zhig bya ce na sems can thams cad nye bar 'tsho ba'i phyir zhes bya ba la sogs pa smos te/ bdag nyid kyis thams cad mkhyen pa'i ye shes thob nas sems can thams cad kyis nye bar 'tsho par 'gyur ba dang/ theg pa gnyis kyi yongs su mya ngan las zlo ba dang/ thams cad mkhyen pa'i ye shes la 'god par nus pa'i phyir ro/ /de la byang chub sems dpa' i sems can yongs su smin par byed pa mi zad pa gang zhe na zhes bya ba ni sems can yongs su smin par byed pa'i brtson 'grus mi zad pa gang zhe na zhes bya ba'i tha tshig go /'di tsam mo zhes gcod par byed pa ni tshad de/ de ltar bcad par mi nus pa ni tshad med pa zhes bya'o/ /gal te bdag gis nyin gcig la zhes bya ba la sogs pas ni gal te bdag gis nyi ma gcig gis stong gsum gyi stong chen po'i 'jig rten gyi khams su gtogs pa'i sems can thams cad yongs su smin par byas/ nyi ma gnyis dang gsum la sogs pa las de bzhin du smin par byas pa nas tshul de lta bus bskal pa dpag tu med grangs med bsam gyis mi khyab par sems can gyi khams smin par byas kyang da dung smin par ma byas pa'i gan na smin par byas pa ni brgya'i cha cig kyang med pa nas rgyu'i bar du yang med do zhes thos kyang mi skrag na sems can yongs su smin par byed pa'i brtson 'grus mi zad pa zhes bya'o/ /de la brgya'i cha ni grangs brgya'i nang nas gcig blangs pa ste/ 'og ma dag la yang de dag 'dra bar sbyar ro/ /grangs ni mtshungs pa nyid de/ dper na gangs can dang cig shos ni 'bigs byed ces bya'o zhes bya ba ni rigs kyi yungs 'bru ni ma yin pa lta bu'o/ /cha ni cha shas so/ /de yang rigs 'dra ba'i ngo bo yin te/ dper na ri rnams kyis cha na ri'i rtse mo yin gyi/ rtsa'i rtse mo ni ma yin pa bzhin no/ /bgrad ba ni de yang mtshungs pa yin te/ dper na ri rab dang/ gangs ri zhes bya ba'i yungs 'bru 'ang yin zhes mi brjod pa bzhin no/ /dpe 'di 'dra ba dag kho na la len te/ /dper na ba men la ba lang dang 'dra'o zhes bya'i/ sbrang ma la ma yin pa bzhin no/ /rgyur yang zhes bya ba ni smin pa des ma smin pa'i rgyu can du 'ang mi bzod ces bya bar bstan to/ /de la byang chub sems dpa' i bsod nams kyi tshogs mi zad pa gang zhe na zhes bya ba ni/ bsod nams kyi tshogs sgrub pa'i brtson 'grus mi zad pa gang zhe na zhes bya ba'i tha tshig go /chos kyi dung ni ji ltar de bzhin gshegs pa chos ston par mdzad pa na nyan pa'i 'khor nye ba rnams kyis ji ltar thos pa de bzhin du 'jig rten gyi khams brgya stong du ma'i pha rol na gnas pa'i sems can rnams kyis kyang de dang 'dra thos par byed pa'i gsung la bya'o/ /de la byang chub sems dpa' i ye shes kyi tshogs mi zad pa gang zhe na zhes bya ba'i byang chub sems dpa' i ye shes kyi tshogs sgrub brtson 'grus mi zad pa gang zhe na zhes bya ba'i tha tshig go / stong gsum gyi stong chen po'i 'jig rten gyi khams na zhes bya ba la sogs pas ni/ /stong gsum gyi stong chen po'i 'jig rten gyi khams na sems can ji snyed yod pa de dag thams cad dang pas rjes su 'brang ba'i ye shes dang ldan par 'gyur la/ chos kyi rjes su 'brang ba'i ye shes dang ldan pa gcig yod na dad pas rjes su 'brang ba'i gang zag de dag gi ye shes gcig tu bsdoms kyang/ chos kyi rjes su 'brang ba'i gang zag gcig po'i ye shes kyi brgya'i char yang nye bar mi 'gro bas na/ rgyur yang nye bar mi 'gro ba'i bar du sbyar te/ 'og ma dag la yang tshul nges bsgre bar bya'o/ /de la dad pa'i rjes su 'brad? ba ni bdag nyid kyi shes pas rtog pa med kyi/ gzhan las thos pa bzhin du dad pas 'phags pa'i lam gyi rjes su 'jug pa'o/ / chos kyi rjes su 'brang ba ni dbang po rnon po gzhan gyi dring la mi 'jog pa chos kyi tshul dang mthun par rigs pa dang sbyor zhing 'jug pa'o/ /brgyad pa ni rgyun tu 'jug pa ste/ dgra bcom pa nas thur du bgrangs na gang zag brgyad kyi dang po yin pa'i phyir ro/ /rgyun du zhugs pa ni mya ngan las 'das pa'i lam gyi rgyun du zhugs pa la bya'o/ /lan cig phyir 'ongs ba ni 'dod pa'i khams kyi bsgoms pas slang bar bya bar nyon mongs pa drug man chad spangs pa ste/ 'dod pa'i khams 'dir yang skye ba len pa'i phyir ro/ /nyon mongs pa dgu char spangs pa ni phyir 'dod pa'i khams su skye ba'i rgyu med pas phyir mi 'ong ba'o/ /khams gsum gyi nyon mongs pa'i dgra ma lus par bcom pa 'am/ 'jig rten gsum gyi mchod pa'i 'os su gyur pas na dgra bcom pa'o/ /sems can mang po'i don mdzad kyi/ bdag gcig bu byang chub ba dang/ mya ngan las 'das pa bsgrubs pa na rang sangs rgyas so/ /mos pas spyod pa'i sa bzhi pa bar chad med pa'i ting nge 'dzin thob pa la bskal pa brgyas nges par byung ba'i byang chub sems dpa' zhes bya ste/ bskal pa grangs med pa dang po la bskal pa brgya zhes btags pa'i phyir ro/ /'khor ba thog ma med pa gang nas bzung ste/ grangs med pa brtsams zhe na/ bzang dang smon pa'i stobs can dang/ sems brtan khyad par 'gro ba yi/ /byang chub sems dpa' grangs med gsum/ /kun tu rtsom par mdzad ces brjod ches bshad/ /bzang po ni dge ba'o/ /smon pa ni smon lam ste/ de gnyis su la yod pa ni bzang po dang smon pa'i stobs can zhes bya'o/ /de la dge ba'i rtsa ba'i stobs can ni mi mthun pa'i phyogs kyis zil gyis mi non pa'i phyir ro/ /smon lam gyi stobs can ni rtag tu dge ba'i bshes gnyen dang phrad pa'i phyir ro/ /sems bstan pa ni mi dge ba'i grogs pos mos pa bzlog kyang byang chub kyi sems yongs su mi gtong ba'i phyir ro/ /khyad par du 'gro ba ni tshe 'di dang phyi ma la dge ba'i chos 'phel ba dang/ yongs su mi nyams pa'i phyir ro/ /de ltar gang gi tshe dge ba'i rtsa ba dang/ smon lam gyi stobs dang sems brtan de bar? mdor mi ldog pa dang/ khyad par du 'gro ba ste yon tan cung zad kyi chog par mi 'dzin pa de nas bzung ste/ grangs med pa gsum rtsom mo/ /sa dang po rab tu dga' ba thob pa'i bzod pa thob pa'i byang chub sems dpa' zhes bya ste/ /gang zag dang chos la mngon par zhe na pa spangs nas stong pa nyid kyi don la bzod pa rab tu thob pa'i phyir ro/ /sa brgyad pa mi g.yo ba thob pa ni/ phyir mi ldog pa'i byang chub sems dpa' zhes bya ste/ mtshan ma dang mtshan ma med pa la sogs pa'i rtogs pa thams cad spangs nas yang der mi ldog pa'i phyir ro/ /skye ba gcig gis thogs pa ni gleng bzhi'i skabs su bshad zin to// //byang chub kyi snying po la 'dug pa ni mngon par sangs rgyas pa'i phyir byang chub kyi snying por 'dug pa la mngon par sangs rgyas pa nyid ni ma yin pa'o/ /gnas dang gnas ma yin pa mkhyen pa'i ye shes ni dge bas mtho rigs su skye ba dang mi dge bas ngan song du skye ba gnas yin pa dang/ dge bas ngan song du skye ba dang/ mi dge bas mtho rigs su skye ba gnas ma yin pa la sogs pa ma phyan? pa'o/ /sangs rgyas kyi chos gzhan rnams ni yi ge mangs su dogs nas ma bris so/ /shes rab kyi pha rol tu phyin pa la sogs pa las 'byung ba bzhin du rig par bya'o/ /de la byang chub sems dpa' i shes rab kyi tshogs mthad pa gang zhe na zhes bya ba ni byang chub sems dpa' i shes rab kyi tshogs bsgrub pa'i brtson 'grus mi zad pa gang zhe na zhes bya ba'i tha tshig go / sems can thams cad kyi sems kyi spyod pa ni sems can kha cig 'dod chags spyod ba dang/ kha cig zhes spyod pa dang/ kha cig gti mug spyod pa dang/ kha cig nga rgyal spyod pa dang/ kha cig rnam par rtog pa la spyod pa'i 'jug pa shes pa ni sems can gyi spyod pa de dag rtogs pa ste/ de yang ji ltar rtogs par byed ce na/ sems can thams cad gyi 'das pa dang/ ma 'ongs pa dang/ da ltar byung ba'i sems ji snyed pa zhes bya ba la sogs pa gsungs te/ dus gsum gyi sems can thams cad kyi sems sems can gcig gi sems can 'jug pa gcig la yod par gyur par lta bu'i tshul du sems gnyis dang gsum la sogs pa sems can thams cad de snyed du tshad med pa'i sems kyi gang bar gyur pa dang/ 'dod chags dang zhe sdang la sogs pa nyon mongs pas gang ba'i sems su gyur ba yang de dang 'dra bar sbyar te/ de lta bur gyur ba'i sems can gyi sems dang/ nyon mongs pa shes par bya ba'i shes rab kyi tshogs gcig bsgrub pas ma lus pa shes par 'gyur ba de lta bu'i shes rab kyi tshogs bskyed par bya'o zhes bya bar sbyar ro/ /so so'i dmigs pas byung ba ni gzugs dang sgra la sogs pa la dmigs nas byung ba'o/ /zhig pa ni sems dang nyon mongs pa byung nas 'das pa'i dus su zhig pa'o/ /zhu ba ni de ltar byung nas 'jig pa la bltas pa dang 'byung bar 'gyur ba'o/ /shes rab des kyang zhes pa la sogs pas ni da ltar byung ba'i sems dang nyon mongs pa'i gong du smos pa lta bu mang po shes par ma zad kyi dus gsum dang ldan pa ma lus par shes par ston to/ /de la byang chub sems dpa' i sangs rgyas kyi chos thams cad yang dag par bsgrub pa'i tshogs mi zad pa gang zhe na zhes bya ba ni sangs rgyas kyi chos thams cad yang dag par bsgrub pa'i brtson 'grus kyi tshogs mi zad pa gang zhe na zhes bya ba'i tha tshig go / dge ba'i rtsa ba ni shes rab rnam pa gsum dang ldan pa la sogs pa ste/ de dag dang pha rol tu phyin pa dang/ byang chub kyi phyogs kyi chos thams cad bsags pas ni stobs dang mi 'jigs pa la sogs pa 'grub par byed pas sangs rgyas kyi chos thams cad yang dag par bsgrub pa'i tshogs zhes bya'o/ /de nyid mdor bsdus nas gsal bar bstan pa'i phyir/ dang po sems bskyed pa nas bzung ste zhes bya ba la sogs pa gsungs so/ /dang po byang chub tu sems bskyed pa nas/ mngon par byang chub pa'i bar na gang ji tsam du bdag dang gzhan gyi don bya bar sems shing dmigs pa dang/ bdag dang gzhan gyi don sgrub par sbyor ba la sogs pa gang dag gi sangs rgyas kyi chos thams cad yang dag par sgrub pa zhes tshig rnam par sbyor ro/ /brtson 'grus thams cad kyi sgo bstan pa'i dbang du byas nas gang lus kyi dge ba'i las kyi rten dang zhes bya ba la sogs pa gsungs te/ sgo gsum nas dge ba spyad do cog gi rten ni brtson 'grus yin pa'i phyir ro/ /ci'i phyir sgo gsum nas dge ba spyad do cog gi rten brtson 'grus yin snyam nas/ de ci'i phyir zhe na zhes dris pa dang/ brtson 'grus gang ji snyed ba de dag thams cad lus dang ngag dang sems dang ldan pa'i phyir te zhes gsungs so/ /sgo gsum dang ldan pa'i brtson 'grus rnam pa thams cad du 'dra yang zhe na/ thabs dang shes rab kyi zin pa'i sems kyi brtson 'grus kyis brtson 'grus thams cad mdor bsdus pa'i dbang du byas nas/ lus ngag gi brtson 'grus bas sems kyi brtson 'grus nyid mchog ces bshad do zhes bya ba la sogs pa gsungs te/ lus dang ngag gi sgo nas brtson 'grus 'byung ngo cog kyang sems kyi kun nas slang pa yin pas na sems kyi brtson 'grus mchog ces bshad do/ /de bas na mdo las kyang 'jig rten ni sems kyis khrid do/ /sems kyi drangs so zhes gsungs so/ /de bzhin du sems kyis sangs rgyas byed pa ste/ sems nyid kyis mthong ba'o/ /sems nyid nga yi sangs rgyas te/ sems nyid de bzhin gshegs pa'o/ zhes bya ba la sogs pa gsungs so/ /de la sems kyi 'jug pa ni byang chub sems dpa' i spyod pa gang yang rung ba la thog ma 'jug cing brtson pa ste thabs kyis bsdus pa'o/ /gnas pa ni spyod pa de dag mthar phyin cing grub pa ste shes rab kyis bsdus pa'o/ /de yang rab tu dbye ba dang bsdus pas bstan te sems kyi 'jug pa dang gnas pa'i tshig phrugs nyi shu rtsa dgus ni dbye ba bstan/ tha ma'i tshig phrugs gsum gyis ni mdor bsdus te bstan to/ /byang chub kyi sems gyi rtsom pa ni dang po byang chub tu sems bskyed pa la sogs pa'o/ /byang chub kyi sems nye bar zhi ba ni rtsom pa med cing lhun gyis grub pa ste/ thabs dang shes rab dang go rim bzhin du kun la yang rgya cher sbyar ro/ /sems can rnams la snying rje chen pos lta yang shes rab kyi sems can du dmigs pa med pa'i phyir bdag med pa la bzod pa zhes bya bar sbyar ro/ /bsdus pa'i dngos po bzhis sems can thams cad sdud kyang shes rab kyis chos gang la yang dngos po mi 'dzin pas/ chos thams cad mi 'dzin pa zhes bya bar sbyar ro/ /'khor ba ni khams gsum ste/ thabs kyi sems can gyi don gyi phyir 'khor ba'i sdug bsngal gyis mi skyo bar sems can gyi don kyang sbyong la/ shes rab kyis khams gsum du yang mi dmigs zhes bya bar sbyar te/ pha rol tu phyin pa drug la sogs pa 'og ma sla pa dag ni ma bshad do/ /de dag dang 'dra bar mthun mthun du sbyar ro/ /sems la rma mi phyin pa ni bdag ni bzod pa dang ldan pa'o/ zhes bya ba la sogs pa'i rtogs pa rnams kyi rma mi phyin pa ste/ bzod pa'i skabs su bshad pa lta bu'o/ /sems dpen pa ni mi dge ba spangs pa dang/ dge ba brtsams pa gang la yang mi rtog pa'o/ /sems la nges par sems pa ni spros pa thams cad las dben pa'i sems la rtog pa'o/ /tshul bzhin sbyar ba ni thos pas bcol ba'i chos de dag shes rab mi zad pa'i skabs nas tshul bzhin sbyor ba sum cu rtsa gnyis la sogs pa 'byung ba lta bur sbyar ba'o/ /dge ba'i bshes gnyen la sogs pa las ji skad thos pa bzhin du ming dang tshig dang yi ge'i tshogs kyi chos ston pa ni sems kyi 'jug pa yin la/ ming la sogs pas tha snyad btags te brjod kyang chos nyid ni brjod par mi nus pas chos nyid brjod du med par rig pa ni sems gnas pa ste/ de bas na ming ni gang dang gang gis su/ chos rnams gang dang gang brjod pa/ de la de ni yod ma yin/ de ni chos rnams chod nyid do zhes gsungs so/ /spros ba shin tu chang pa ni shes rab kyi tshogs thos pa dang bsam pa la sogs pa'i rtog pa spang pa'o/ /yang dag pa'i shes pas bstan snyoms pa ni sems can la byams pa la sogs par mi rtog pa'o/ /zag pa zad pa ni mngon par shes pa drug ste/ de mngon sum du byed pa ni 'dris par byed pa'o/ /dran pa yid la byed pa med pas ni dran pa nye bar zhag pas lus la sogs pa'i mtshan nyid so sor yid la byed pa de dag mi dmigs pa'o/ /dbang po med pa'i chos ni chos kyi dbyings rnam par dag pa ste/ dbang po rnams kyi spyod yul las 'das pa'i phyir ro/ /mi rdzi ba'i ye shes ni stobs nyid du gyur pa ste/ mdang? pa la sogs pa mi mthun pa'i phyogs kyis zil gyis mi non pa la bya'o/ /byang chub kyi yan lag gang dag par byung ba ni byang chub kyi yan lag bdun skyed par byed pa'i don to chos rab tu rnam par byed pa la mkhas pa'i ye shes ni chos kyi de bzhin nyid phyin ci ma log par sa dang po la rtogs pa'i ye shes so/ /gang yang mi 'gro ba zhes bya ba la lam gyi don ni tshol ba'i don yin pas gang yang mi 'gro ba ni gnas su phyin zin pas lam chol ba dang/ bral zhes bya ba'i tha tshig go /zhi gnas kyis sems zhi ba ni zhi gnas tshol ba'i dbang gis sems rtse gcig tu gyur zin pa la bya'o/ /rgyu rtogs pa ni kun nas nyon mongs pa'i phyogs kyis rgyu ma rigs pa la sogs pa na yin pa dang/ rnam par byang ba'i rgyu ma rig pa 'gags pa la sogs pa yin par rtog pa'o/ /rgyu kun shes pa ni rgyu de dag mi dmigs pa'o/ /chos la nan tan byed ba ni gzhan gyi sgra las ji skad thos pa bzhin du sgrub par byed pa'o/ /lus kyi rgyan ni mtshan dang dpe byad la sogs pa thob par rtsom pa'o/ /lus kyi chos nyid ni lus dang rgyan de dag mi dmigs pa'o/ /de dag gi rgyan ni de bzhin gshegs pa'i gsung yan lag lnga 'am drug cu 'am/ stong phrag grangs med pa dang ldan pa thob par rtsom ba'o/ /'phags pa mi smra ba ni smra ba'i spros pa spangs te/ sems nang du yang dag par 'dzag la gnas pa'o/ /byed pa med pa ni rnam par thar pa'i sgo sgrub pa dang bral ba'o/ /'jug pa dang gnas pa rnams bsdus te bstan pa'i phyir de la 'jug pa gang zhe na/ gang thabs su ltar ba'o zhes bya ba la sogs pa gsungs te/ byang chub du sems bskyed ba dang/ sems can yongs su smin par byed pa la sogs pa'i thabs rnams dang/ byang chub sems dpa' i spyod pa rnams la rtsom pa dang/ ming dang brda la sogs pa la brten te/ tha snyad kyi 'jug pa rnams ni/ sems kyi 'jug pa zhes bya'o/ /shes rab kyis byang chub kyi sems dang sems can la sogs pa mi dmigs pa dang/ byang chub sems dpa' i spyod pa mthar phyin te/ nyams su log pa dang/ mi dang brda las 'das pa'i chos nyid brjod du med pa la sogs pa don ngam pa rtog ba ni sems gnas pa zhes bya'o/ /de la sems kyis brtson 'grus mi zad pa de yongs su rdzogs par bya ba'i phyir zhes bya ba la sogs pas ni byang chub sems dpa' rnams sems kyi brtson 'grus dang dag rdzogs par bya ba'i ched du thabs ji lta bus 'jug pa ston to/ /'jug pa thams cad dang gnas dang mtshan ma thams cad dang bral zhes bya ba ni 'jug pa thams cad dang/ gnas thams cad la yang gnas la/ bzung ba dang 'dzin pa'i mtshan nyid lus dang ngag dang yid kyi las kyi mtshan ma thams cad dang yang bral bar byed do zhes bya ba'i tha tshig go /'o na dge ba'i rtsa ba bsgrub pa dang sems can gyi don gyi bya ba la sogs pa yang mi byed dam zhe na/ re? mtshan ma'i las thams cad du yang 'jug pa zhes gsungs te/ lus dang ngag dang yid kyi sgo nas sems can yongs su smin par bya ba dang/ sangs rgyas kyi zhing yongs su sbyang pa la sogs pa la 'jug ces bya ba'i tha tshig go /ye shes kyi las la yang gnas pa zhes bya ba ni/ gang dge ba'i rtsa ba'i rgyud pa zhes bya ba la sogs pas bstan te/ ye shes gang gis mthus 'dus byas su yang mi gtong/ 'dus ma byas du yang mi lhung ba ni ye shes kyi las zhes bya'o/ /de la dge ba'i rtsa ba'i rgyu dang/ sems can thams cad la snying rje chen po'i rgyu 'dus byas su yang mi gtong ba ni 'dus byas su mi gtong ba'i ye shes kyi las te de gnyis ni khams gsum du sbyar ba 'dus byas kyi rgyu yin pa'i phyir ro/ /sangs rgyas kyi ye shes ni rnam par mi rtog pa'i ye shes te de 'ba' zhig la mi gnas pas na 'dus ma byas mi lhung ba zhes bya'o/ /brtson 'grus mi zad pa bshad zin to// //bsam gtan mi zad pa la gnas pa'i byang chub sems dpa' ni chos las mi g.yo ba'i byang chub sems dpa' zhes bya'o/ /de bstan ba'i phyir btsun ba sha radwa ti'i bu byang chub sems dpa' rnams kyi bsam gtan gyi pha rol tu phyin pa mi zad pa ni rnam pa bcu drug ste zhes bya ba la sogs pa gsungs so/ /bsam gtan mi zad pa yang rnam pa lngas bstan te/ bsam gtan gyi rnam pa khyad par rnam par dag kha la gnas pa dang/ bsam gtan shin tu sbyangs pa'i 'bras bu la gnas pa dang/ mi mthun pa'i phyogs dpag tu med pa'i gnyen por gyur pas gnyen po tshang med pa dang ldan pa dang/ nges pa'i tshig gis dmigs pa tha dad pa la sogs pa dang/ mi mthun pa phyogs yin la byed pa spangs pa dang/ gnyen po rnam par dag pa la gnas bas bstan to/ /de la byang chub sems dpa' i bsam gtan ni 'jig rten pa'i bsam gtan dang/ snyoms par 'jug pa la sogs pa dang/ nyan thos dang/ rang sangs rgyas kyi bsam gtan las khyad par du 'phags te/ de dag zil gyis gnon ba'i phyir dang/ nyi ma'i sgron ma zhes bya ba la sogs pa'i ting nge 'dzin dpag tu med pa rnams dang ldan pas na mi zad pa yin no/ /de la bsam gtan gyi rnam pa'i khyad par dag pa la gnas pa'i dbang du byas nas/ btsun pa sha radwa ti'i bu byang chub sems dpa' rnams kyi bsam gtan gyi pha rol tu phyin pa mi zad pa ni rnam pa bcu drug ste zhes bya ba la sogs pa gsungs so/ /bsam gtan gyi rnam pa'i khyad par rnam par dag pa la gnas pa yang rnam pa bcu gnyis kyis bstan te dka' bar spyod pa'i khyad par dang mngon par shes pa dang/ cho 'phrul chen po la dbang rnam par dag pa'i khyad par dang/ sems la dbang thob pa'i dbang gis khyad par rnam par dag pa dang/ 'jug pa dang gnas pa dang ldang ba la dbang ba'i khyad bar dang/ 'jig rten las 'das pa las kyang 'phags pa'i dbang gi khyad par dang/ phyir nyams pa med pa'i dbang gis khyad par dang shes bya dang nyon mongs pa med ba'i dbang gi khyad par dang/ sems can chos su 'dzin pa dang bral bas lta ba rnam par dag ba'i khyad par dang/ rnam pa thams cad du sems can la phan 'dogs pas/ phan 'dogs pa rnam par dag pa'i khyad par dkon mchog gsum gyi rig mi gcod pa la dbang rnam par dag pa'i khyad par dang/ nyams pa med par rnam par dag pa'i khyad par dang/ ye shes kyi khyad par la gnas pa dang/ mthar phyin pa'i bdag nyid chen po dang ldan ba'o/ /de dag las kyang dka' bar sbyod pa'i khyad par ni mdo tshig dang bo bzhis bstan/ lhag ma rnams ni mdo'i tshig re res bstan to/ de bzhin gshegs pa'i bsam gtan ni/ skyon thams cad dang bral ba ste/ de yongs su rdzogs par bya ba'i phyir byang chub sems dpa' rnams kyi bsam gtan ni/ 'jig rten pa'i bsam gtan bzhi dang/ snyoms par 'jug pa bzhi'i yan lag rtog pa dang spyod pa la sogs pa de la ma chags pa'o/ /snying rje chen po la dmigs pa zhes bya ba ni dang po bsam gtan la 'jug pa'i tshe sems can thams cad kyi nyon mongs pa spangs par bya ba'i phyir ro/ /bsams tan la mnyam par bzhag go snyam du dmigs nas 'jug ba'i phyir/ /'dod pa'i khams su dmigs pa ni 'dod pa'i khams kyi sems can la blta ba ste/ de'i phyir byang chub sems dpa' rnams kyi bsam gtan ni ting nge 'dzin ldog pa yin te/ 'jig rten pa la sogs pas ni khams? gong ma'i ting nge 'dzin la gnas pa de las ldog cing/ khams gong mar gnas par mi nus gyi byang chub sems dpa' rnams kyi bsam gtan ni shin tu dbang du gyur par khams gong ma las 'dod pa'i khams su dmigs shing skyes kyang nyams par mi 'gyur zhes bya ba'i tha tshig ste/ tshig de dag gis bka' bar spyod par bstan to/ /sems can thams cad kyi sems kyi sbyod pa kun/ shes pa'i phyir zhes pa la sogs pas mngon par zhes pa dang/ chos 'phrul chen po la dbang rnam par dag pa bstan te sems kyi spyod pa yang sngar bstan la/ phyis kyang ston par 'gyur ro/ /mngon par shes pa yongs su sbyangs pa byas pa ni byang chub sems dpa' i bsam gtan sems kyi spyod pa kun shes pa nges mngon par shes pa lnga las su rung bar byas so zhes bya ba'i don to/ /sems kyi dbang phyug shes pa'i phyin zhes bya ba la sogs pas sems la dbang thob pa'i dbang gi khyad par rnam par dag pa bstan te/ ting nge 'dzin rtse gcig pa'i mtshan nyid kyi dbang sgyur ba ni sems kyi dbang phyug shes pa'o/ /de'i phyir sems las su rung ba ste/ 'dod chags la sogs pa nyon mongs pa'i dbang du mi 'gro zhing ji ltar 'dod pa bzhin du gnas su gtub zhes bya ba'i tha tshig go /gzugs dang gzugs med pa'i khams zil gyis gnon pa'i phyir zhes bya ba la sogs pas 'jug pa dang/ gnas pa dang ldang ba la dbang ba'i khyad par bstan te/ byang chub sems dpa' rnams kyis bsam gtan ni bsam gtan la sogs pa la dang po yang cir dga' snyoms par 'jug la/ bar du yang ji tsam 'dod pa'i bar du gnas shing tha mar yang na ma dga' ba na ldang bar byed kyi/ 'jig rten pa'i snyoms par 'jug pa dag ni dang po snyoms par 'jug pa'i shugs mi zad kyi bar du ldang bar yang mi nus la/ nam 'dod ba na bsam gtan gang yang rung pa la snyoms par 'jug pa yang mi nus pas zil gyis gnon pa zhes bya'o/ /nyan thos dang rang sangs rgyas thams cad kyi snyoms par 'jug pa zil gyis gnon pa'i phyir zhes bya ba la sogs pas ni 'jig rten las 'das pa las kyang 'phags pa'i dbang gi khyad par bstan te/ zhi ba dang rab tu zhi ba ni gzung ba 'dzin pa'i rtog pa zhi ba dang rab tu zhi ba 'am/ yang nyon mongs pa dang shes bya'i sgrib pa gnyis spong ba'i phyir zhi ba dang rab tu zhi ba zhes bya'o/ /shin tu mthar thug pa'i phyir zhes bya ba la sogs pas nyams pa med pa'i dbang gi khyad par bstan te/ mi 'khrugs pa ni mthar thug par gyur pas mi mthun pa'i phyogs kyi nyams bar byar med pa'i tha tshig go /nyon mongs pa dang bag chags kyi mtshams sbyor ba thams cad legs par 'joms pa'i phyir zhes bya ba la sogs pas/ shes bya dang nyon mongs pa med pa'i dbang gis khyad par bstan te log par sgrub pa ni las dang nyon mongs pa gang gis tshe rabs gzhan du nyid mtshams sbyor ba'i rgyu kun nas dkris ba dang bag la nyal yin te/ de'i gnyen po zhes bya ba'i tha tshig go 'jig rten thams cad las bsgral ba'i phyir zhes bya ba la sogs pas sems can dang chos su 'dzin pa dang bras lta ba rnam par dag pa'i khyad par bstan te/ 'jig rten thams cad ni sems can dang chos su 'dzin pa las mngon par zhen pa yin te/ de dag las bsgral ba'i phyir byang chub sems dpa' rnams kyi bsam gtan ni shes rab la 'jug pa ste/ bsam gtan 'dis sems can dang chos su 'dzin pa dang bral ba rnam par mi rtogs pa'i ye shes la 'jug par byed ces bya ba'i tha tshig go sems can thams cad bsgral ba'i phyir zhes bya ba la sogs pas ni rnam ba thams cad du sems can la phan 'dogs pas phan 'dogs pa rnam bar dag pa'i khyad par bstan te/ bsgral ba ni ngan song dang/ srid ba'i sdug bsngal las bsgral ba'i phyir ro/ sems can thams cad kyi bsam pa sngon du 'gro ba ni sems can thams cad la phan pa dang bde bar bya ba'i bsam pa sngon du gtong ba'o/ /de bzhin gshegs pa'i bsam gtan mi zad pa yongs su rdzogs bar bya ba'i phyir zhes bya ba la sogs pas dkon mchog gsum gyi rigs mi bcod pa la dbang rnam par dag pa'i khyad par bstan te/ de bzhin gshegs pa'i bsam gtan ni gong du bshad pa'o/ /bsam gtan nges 'jig rten gyi khams gang du dkon mchog gsum gyi mtshan mi grag par ni grag par byed/ gang du grag bar ni dkon mchog gsum gyi rigs rgyun ma chad par byed de/ de ltar byed pa'i bsam gtan de yongs su rdzogs par bya ba'i phyir 'jug pas na byang chub sems dpa' rnams kyi bsam gtan ni dkon mchog gsum gyi rigs mi gcod pa'o/ /rtag tu mnyam par bzhag ba'i phyir zhes bya ba la sogs pas nyams pa med pa rnam par dag pa'i khyad par bstan te/ 'gro ba dang 'dug pa la sogs pa'i gnas skabs thams cad du mnyam par bzhag pas mnyam pa zhes bya ste/ spyod lam thams cad du nyams pa zhes bya ste/ sbyod lam thams cad du nyams pa med pa'i phyir ro/ /sangs rgyas kyi chos thams cad yongs su rdzogs par bya ba'i phyir zhes bya ba la sogs pas ye shes kyi khyad par la gnas pa bstan te/ stobs dang mi 'jigs pa la sogs pa rdzogs par bya ba'i phyir 'jug pas na/ byang chub sems dpa' rnams kyis bsam gtan ni chos thams cad la dbang byed pa'i ye shes zhes bya ste/ sangs rgyas kyi chos rnams la dbang bsgyur ba'i ye shes dang ldan zhes bya ba'i tha tshig go / ye shes kyi bdag nyid che ba'i phyir zhes bya ba la sogs pas mthar phyin pa'i bdag nyid chen po dang ldan pa bstan ste/ ye shes kyi bdag nyid che ba ni ye shes kyi mthu ches pa'o/ /de lta bu dang ldan pa'i phyir byang chub sems dpa' rnams kyi bsam gtan nam mkha' khyab ces bya ste/ nam mkha' bzhin thogs pa dang chags pa med pa zhes bya ba'i tha tshig go bsam gtan rnam par dag pa bcu drug po de dag ni nyan thos dang rang sangs rgyas rnams la yang med na 'jig rten pa rnams la lta ga la yod ces bstan pas ni byang chub sems dpa' i bsam gtan gyi bdag nyid che ba brjod do/ /bsam gtan shin tu sbyangs pa'i 'bras bu rnam par dag pa'i dbang du byas nas/ /de la bsam gtan yongs su sbyangs ba gang zhe na zhes bya ba la sogs pa gsungs so/ /bsam gtan gyi yongs su sbyang pa zhes bya ba ni bsam gtan gyi yongs su sbyad pa ste/ sems las su rung ba'i 'bras bu gang spyad pa la bya'o/ /de nyid kyang gang zhe na gang mngon par shes pa dang ye shes yongs su rdzogs pa'o zhes bya ba gsungs te/ 'og nas smos pa lta bu'i mngon par shes pa dang ye shes yongs su rdzogs pa rnams ni sems las su rung ba'i 'bras bu yin pa'i phyir ro/ /gang gis gzugs su snang ba thams cad mthong ba zhes bya ba la sogs pa tshig gi tshar phrugs lngas ni lha'i mig dang/ lha'i rna ba dang pha rol gyi sems shes pa dang/ sngon gyi gnas rjes su dran pa dang/ rdzu 'phrul mngon par shes pa rnams go rims bzhin du bstan to/ /de man chad tshig gi tshar phrug gsum gyi ni zag pa zad pa mngon par shes pa bstan te/ dngos gsal ba rnams ni ma bshad do/ /gang gis gzugs thams cad kyi chos nyid mi zad par shes kyang zhes bya ba ni byang chub sems dpa' gang gis gzugs bzang po dang ngan pa la sogs pa lha'i mig gis mthong ngo cog thams cad kyis chos nyid chos kyi dbyings stong pa nyid shes kyang mi zad pa'i chos mngon sum du mi byed de 'phags pa'i nyan thos dag ltar mya ngan las 'das pa mngon sum du mi byed pa ni ye shes zhes bya'o/ /gang sgra thams cad sngon gyi mdza' dang phyi ma'i mthar brjod du med par shes pa ni sgra chen po 'am chung ngu la sogs pa lha'i rna bas thos so cog 'das pa dang/ ma 'ongs pa mdza' brjod du med pa ste/ dmigs su med par shes pa ni ye shes zhes bya'o/ /sems 'gog par shes pa ni sems kyi chos nyid gzung ba 'dzin pa gnyis dang bral bar shes pa ste/ de ltar shes yang sems kyi chos nyid sems 'gog pa mngon sum yang mi byed pa 'di ni ye shes zhes bya'o/ /sngon gyi mdza' dang phyi ma'i mdza' rjes su dran pa ni bdag dang pha rol rnams 'das pa'i dus na ji lta bur gyur cing byed pa dang/ ma 'ongs pa'i dus na bdag dang/ pha rol rnams ji ltar 'gyur ba shes pa'o/ /gang dus gsum la ma chags par shes pa zhes bya ba ni dus gsum gyi dngos po rnams la mtshan ma dang dngos po nyid du mi 'dzin cing/ dus gsum mnyam nyid du shes pa'o/ /zhing nam mkha' dang mtshungs par shes pa ni ji ltar nam mkha' gser dang/ bai DUrya la sogs pa gang gi rang bzhin yang ma yin pa ltar sangs rgyas kyi zhing rnams kyang stong pa nyid du shes pa'o/ /dbyer med pa'i chos ni nyan thos dang rang sangs rgyas bcom ldan 'das kyi zag pa med pa'i chos rnams rnam par grol bar ro gcig pa ste/ de lta bu thob par 'dod pa 'di ni mngon par shes pa yin la de'i 'og tu zag pa med pa'i chos de dag kyang mnyam par mthong ste/ rnam par grol ba'i rang bzhin du yang mi dmigs pa'i ye shes lhun gyis grub pa la ye shes zhes bya'o/ /'jig rten thams cad dbyer med pa'i mtshan nyid ces bya ba ni bzo dang gso ba rig pa la sogs pa 'jig rten thams cad dbyer med cing thun mong du gyur pa'i shes pa ni mngon par shes pa zhes bya la rnam par mi rtog pa'i ye shes 'jig rten gyi chos thams cad dang ma 'dres par shes pa ni ye shes yin par sbyor ro/ /zag pa zad pa'i mthus brgya byin la sogs pa mthu dang rdzu 'phrul la sogs pa zil gyis gnon pa 'di ni mngon par shes pa yin la/ 'jig rten las 'das pa nyan thos dang rang sangs rgyas thams cad las kyang khyad par du 'phags te spyi bor shes pa 'di ni ye shes zhes bya bar sbyar te/ mdor na gang gi tsam du mtshan ma dang rtsol ba dang bcas pa thams cad la ni mngon par shes pa zhes bya ba/ mtshan ma med cing lhun gyi grub par bshad pa thams cad ni ye shes zhes bya'o/ /mi mthun pa'i phyogs dpag tu med pa'i gnyen por gyur pas gnyen po tshad med pa'i dbang du mdzad nas/ yang sems can thams cad kyi nyon mongs pa dang/ sems g.yengs pa ji snyed par zhes bya ba la sogs pa gsungs so/ /sems can thams cad kyi nyon mongs pa'i tshogs ji snyed yod pa dang/ dmigs pa de dag de dag la rten pas skad cig kyang mi gnas pa'i sems g.yeng ba ji snyed yod pa/ spong bar byed pa'i gnyen no byang chub sems dpa' rnams kyi bsam gtan gyi tshogs dang/ sems bzhag pa shes pa yang de snyed cig yod do zhes bya ba'i tha tshig ste/ de ni 'di skad du sems can gyi nyon mongs pa dang/ sems g.yeng ba dpag tu med de/ de bzhin du byang chub sems dpa' i bsam gtan gyi tshogs dang sems mnyam par bzhag pa shes pa yang dpag tu med do zhes ston to/ /de la bsam gtan gyi tshogs ni bsam gtan gyi rgyu la bya'o/ /sems gzhag pa shes pa ni 'bras bu la bya'o/ /sems can thams cad kyi nyon mongs pa dang/ sems g.yeng ba ji snyed pa de steng? du byang chub sems dpas kyang bsam gtan gyi tshogs yang dag par bsgrub par bya'o zhes bya bas ni/ sems can gyi nyon mongs pa dang/ sems g.yeng ba de ltar dpag tu med pas na/ byang chub sems dpa' bsam gtan gyi tshogs bsgrub par 'dod pas kyang/ sems can gyi nyon mongs pa dang/ sems g.yeng ba dpag tu med pa'i gnyen po bsam gtan gyi tshogs kyang dpag tu med pa sgrub par bya'o zhes ston to/ /nges pa'i tshig gis dmigs pa tha dad med pa la gnas pa rnam par dag pa'i dbang du byas nas/ mnyam pa nyid de la gnas pas na de'i phyir mnyam par bzhag pa zhes bya'o zhes bya ba la sogs pa gsungs te/ gang du smos pa sems bzhag pa shes pa na bsam gtan gyi tshogs kyi 'bras bu zhum pa dang/ rgod pa spangs pa yin pas mnyam pa nyid ces bya ste/ de la gnas pas na/ sems mnyam par bzhag pa zhes bya'o/ /yang na sngar smos pa lta bu'i chos rnams kyi mnyam pa nyid la sems rtse gcig tu gzhag pas na mnyam par bzhag pa zhes bya'o/ /yang na mnyam pa nyid de ni 'og nas smos pa ste/ gang dang gang dag mnyam zhe na/ sems can mnyam pa nyid dang zhes bya ba la sogs pa gsungs pa dang sbyar ro/ /sems can las nyon mongs pa ming gis smos pa de dag ni yang dag par na ji skad du brjod pa bzhin grub pa med de thams cad 'o cig cing mnyam pa yin te/ mnyam pa nyid de la gnas pas na/ de'i phyir mnyam par bzhag pa zhes bya'o/ /ting nge 'dzin sems rtse gcig pa'i mtshan nyid gang dang mnyam pa gnyis su med pa'i ye shes byang chub kyang de dang mnyam ste stong pa nyid du 'dra zhes bya ba'i tha tshig go de bzhin du tshig 'og ma rnams la yang rgya cher sbyar bar bya'o/ /byang chub gang dang mnyam pa stong pa nyid kyang de dang mnyam mo zhes bya ba ni/ byang chub dang stong pa nyid kyi ting nge 'dzin rang bzhin cig ste/ yang dag par na tha mi dad do zhes bya ba'i tha tshig go mngon par 'du mi byed pa gang dang mnyam pa mi skye ba yang de dang mnyam mo zhes bya ba ni dge ba dang/ mi dge ba la sogs pa'i mngon par 'du byed pa dang bral ba'i chos nyid dang/ mi skye ba don gcig pa'i phyir ro/ /de bzhin du mi 'byung ba dang gzung ba dang 'dzin pa'i dngos po med pa yang rang bzhin gcig ces bya bar sbyar ro/ /gzung ba dang 'dzin pa rtog pa'i dri ma'i dngos po med de dang 'bral ba nyid rnam par dag pa yin te/ glo bur gyi dri ma dang bral ba'i phyir ro/ /rang gi sems kyi rang bzhin de ltar bzod ma nas rnam par dag pa'i rang bzhin du nyam pa dang/ sems can thams cad kyi sems kyi rang bzhin yang 'dra bar yun ring po nas sgom zhing mnyam pa nyid de la zhugs pas na de'i phyir/ snyoms par zhugs pa zhes bya'o/ /mi mthun pa'i phyogs yid la byed pa spangs pa'i dbang du byas nas phan par byed pa dang phan par mi byed pa thams cad la snyoms shing zhes bya ba la sogs pa gsungs so/ /phan par byed pa ni phan 'dogs pa'o/ /phan par mi byed pa ni gnod pa byed pa ste/ de gnyis la 'dra bar sems pas na snyoms pa zhes bya ba/ /snyoms pa'i dpes bstan pa'i phyir sa dang mnyam pa'i sems zhes bya ba la sogs pa gsungs so/ mi mtho ba ni ting nge 'dzin gyi khyad par thob pas rlom sems su mi byed par gnas pa'o/ /mi dma' pa ni byang chub sems dpa' i ting nge 'dzin mang zhing rgya che ba dag thos nas/ bsgrub mi nus so snyam du sems zhum pa med pa ste/ de ltar mi mtho mi dma' gnas pas mi g.yo bar gyur pa yin te/ gang gis kyang bskyed mi nus par gyur ces bya ba'i don to/ /spyod lam thams cad du mnyam par bzhag pa ces bya ba la sogs pas ni lus dang/ sems ded dag yongs su dag pa bstan te/ 'gro ba dang 'dug pa la sogs pa'i spyod lam thams cad du mnyam par bzhag pa dang de yang so so kun tu brtags nas mnyam par bzhag pa ltar bcos pa ma yin pas spyod lam ma bcos pa ste/ tshig de gnyis kyis ni lus yongs su dag par bstan te/ so sor kun tu brtags nas snyoms par zhugs pa ma yin gyi/ dus thams cad du rang bzhin gyi snyoms par zhugs pa dang/ rgyu ba'i tshe mig la sogs pa'i dbang po yul la mi rgod pa dang/ gnas pa'i tshe 'dod pa la 'dun pa dang/ gnod sems la sogs pa la mi g.yeng ba'i tshig de gsum gyis sems yongs su dag pa bstan to/ /ran? par smra zhing mang du mi smra bas mu cor mi smra ba dang/ chos smra ba dang/ bden pa smra bas tshig la 'chal ba de gnyis kyi ni dag yongs su dag pa bstan to/ /don shes pa la sogs pas ni bsgom par bya ba'i don dang chos dang/ sgom pa'i dus shes pa bstan te/ stong pa dang bdag med pa la sogs pa chos rnams kyi don shes pa dang/ ming dang tshig dang yi ges bsdus pa gsung rab kyi yan lag gi chos shes pa gnyis kyi ni gang bsgom par bya ba shes pa bstan to/ /dbyar dang ston dang dgun dang dgu snang dang dbyid dang ses ka'i dus gang gi tshe ji ltar bsgom pa shes pas dus shes pa dang/ de yang nam gyi cha stong dang/ cha smad la sogs pa gang gi tshe bsgom pa shes pas chod shes pa dang/ 'di ni ldang ba'i dus so/ /'di ni zas kyi dus so/ /'di ni 'chags pa'i dus so/ zhes bya ba la sogs pa shes pas dus dang dus min shes pa ste tshig de dag gis ni bsgom pa'i dus shes pa bstan to/ /'jig rten thams cad kyi rjes su snyegs shing zhes bya ba la sogs pas ni byang chub sems dpa' i bsam gtan thabs dang shes rab zung du 'brel pas zin pa ston te/ sngar bstan pa ltar spyod lam thams cad du mnyam par bzhag pa yin yang sems can yongs su smin par bya ba'i ched du rgyal rigs dang rje'u rigs la sogs pa 'jig rten thams cad kyi rjes su snyegs te de dag mthun pa'i spyod pa'i thabs mkhas pa dang yang ldan la/ shes rab kyis zin pas de dag gi nang na gnas kyang 'jig rten dang ma 'dres pa yin no/ /ji ltar ma 'dres zhe na/ 'jig rten gyi chos brgyad las 'das pa/ nyon mongs pa thams cad dang ma 'dres pa zhes gsungs so/ /'du 'dzi'i nang na yang spyod lam dbyen pa ni sems can gyi don la 'jig rten gyi rjes su snyegs shing 'du 'dzi mang po'i nang na gnas na yang sems dben cing rtse gcig tu gnas shes bya ba'i tha tshig go / de lta bu'i chos la gnas pa ni bstan ma thag pa'i chos la gnas pa ste/ byang chub sems dpa' de ni shes rab kyis yongs su zin pas nyon mongs pa dang 'jig rten gyi chos dag gi dbang du mi 'gyur ba'i phyir mnyam par ma bzhag pa'i gnas kyang mi 'dor la/ thabs kyis yongs su zin pas 'jig rten gyi bya ba thams cad du yang snang ngo/ /thabs dang shes rab kyis mngon par bsgrubs pa'i bsam gtan zhes bshad na/ thabs dang shes rab gang yin snyam nas de la byang chub sems dpa' i thabs ni gang shes rab ni gang zhe na zhes dris pa dang/ gnyen po rnam par dag pa la gnas pa'i dbang du byas nas/ gang byang chub sems dpa' mnyam par bzhog pa na sems can la lta ba'i phyir zhes bya ba la sogs pa byang chub sems dpa' i bsam gtan thabs dang shes rab kyis zin pa rgya cher gsungs so/ /mnyam par bzhog pa ni zhes bya ba ni dang po rnal 'byor du snyoms par 'jug pa'i tshe'o/ /snying rje chen po'i dmigs pa la sems can 'dogs pa ni khams dang 'gro ba dang skye gnas kyis bsdus pa'i sems can thams cad ni sdug bsngal rnam pa gsum gyis ji ltar mthun pa bzhin du sdug bsngal ba yin no/ snyam du sems mngon par 'du byed pa ste/ de ni thabs so/ /de'i 'og tu sems can sdug bsngal la sogs pa'i mtshan ma yang rab tu spangs te/ rtog pa zhi ba dang dpyod pa rab tu zhi bar bsam gtan bu byed pa 'di ni de'i shes rab ste/ tshig mthun pa rnams ni 'og ma dag la yang mthun mthun du sbyar ro/ /sangs rgyas kyi ye shes ni ye shes bzhi ste/ de dag thob par bya'o snyam nas bsam gtan la 'jug pa ni ye shes la ston pa'o/ /chos gang la yang mi gnas pa ni sangs rgyas kyi ye shes la sogs pa gang la yang ma chags par bsam gtan byed pa'o/ / dam pa'i chos ni gsung rab kyi yan lag bcu gnyis po ste/ de dag gi don dang tshig rnams gzung bar bya ba'i phyir bsam gtan la 'jug pa ni dam pa'i chos yongs su gzung ba la lta ba'o/ /gsung rab kyi yan lag de dag thams cad kyang de bzhin nyid la gzhol ba/ de bzhin nyid la bab pa/ de bzhin nyid la bab pa'i don du 'dra ba 'dres pa'i chos la dmigs pa'i bsam gtan ni chos brgyad? med par bsam gtan byed pa'o/ /sangs rgyas kyi sku'i rgyan ni mtshan dang dpe byad dag ste/ de dag re re nas yid la byed pa ni mngon du byed pa'o/ /chos kyi sku dbyer med pa ni mtshan dang dpe byad dag gis mtshan nyid du dbyer med pa'o/ /chos nyid brjod du med pa ni/ sangs rgyas kyi gsungs tshangs pa'i sgra dbyangs kyis gtags te brjod pa yang 'dul ba'i skye bo'i ngor brjod par zad kyi chos nyid ni nges gyang brjod du med par shes pa'o/ /sems rdo rje lta bur byin gyis rlob pa ni sems la nyon mongs pa rnams kyis mi phyin pa dang/ sems kyi nyon mongs pa rnams 'bigs par mthu skyed pa'o/ / rang bzhin gyis g.yeng ba med par bsam gtan byed pa ni sems kyi ngo bo nyid ni gzung ba dang/ 'dzin pa dang zhum pa dang rgod pa la sogs pa dang bral ba ste/ de kho na bzhin du bsam gtan byed pa'o/ /sngon gyi smon lam ni dang po byang chub du sems bskyed pa na sems can rnams yongs su smin par bya'o zhes smon lam btab pa ste/ des nga yang bsam gtan la brten nas rdzu 'phrul la sogs pas sems can gyi yongs su smin par bya'o zhes sems kyi mthu skyed cing/ byin gyis brlob pa ni thabs so/ /dge ba'i rtsa ba thams cad la lhag par dmigs pa ni bsam gtan 'dis 'dod chags la sogs pa'i dge ba'i rtsa ba bskyed do snyam du dmigs pa'o/ /dge ba'i rtsa ba'i gnas nam mkha' dang mtshungs pa ni bsam gtan dang/ dge ba'i rtsa ba gnyis ka yang rang bzhin med par mthong ba'o/ /sangs rgyas kyi zhing yongs su dag pa ni baiDUrya dang shel la sogs pa'i rang bzhin las grub pa/ tha gru cha zhing mnyam pa la sogs pa mdo dag las gsungs pa lta bu ste/ de lta bu dag bzung bar sems pa ni mngon du byed pa'o/ /byang chub kyi snying po'i rgyan bkod pa ni mngon par byang chub pa'i tshe bskal pa du mar bsod nams dang ye shes kyi tshogs bsags pa'i rgyus byang chub kyi shing dang/ rdo rje gdan la sogs pa phun sum tshogs pa mdo dag las gsungs pa ste de lta bu thob par bya ba'i bsam pa sngon du gtong ba ni sngon du byed pa'o/ /nyon mongs pa thams cad ni mthong pa dang bsgom pas spang bar bya ba'i nyon mongs pa bag la nyal dang bcas pa te/ de dag zhi bar bya ba'i phyir zhes sbyar ro/ /chos kyi 'khor lo rab tu bskor bar 'dod pa ni mngon par rdzogs par byang chub pa'i 'og tu 'phags pa'i bden pa bzhi la sogs pa bshad par bya ba'i bsam pa sngon du gtong ba'o/ /bskor ba yang med pa ni chos rnams brjod du med pa'i phyir 'phags pa'i bden pa la sogs pa bshad du med pa'o/ /mi bskor ba yang med pa ni de ltar brjod du med kyang de rtogs par bya ba'i thabs tsam du ming dang brdar btags te bshad pa'o/ /byang chub kyi yan lag gi tshogs ni zhi gnas dang lhag mthong ste de gnyis la sems rtsa gcig tu bsgom pa'i bsams pa mngon du gtong ba ni rnam par mi g.yeng ba mngon du byed pa'o/ /nyon mongs pa dang nye ba'i nyon mongs pa'i gdung ba'i 'dod chags kyi chags pa ste/ de dag nyid sems kyi rgyud gdung bar byed pa'i phyir ro/ / de dag su'i spyod yul zhe na/ de bzhin gshegs pa'i ye shes kyis mkhyen pa zhes gsungs so/ /nyon mongs pa dang nye ba'i nyon mongs pa de dag thams cad las kyang kha cig ni sems dpa' dang/ kha cig ni sems dang mi ldan pa yin la/ de dag gis nang nas kyang kha cig ni 'du shes med pa/ kha cig ni 'du shes pa dang bcas pa ste/ de dag gsol ba'i phyir zhes bya ba'i sbyar ro/ /nges par gyur ba ni sa dang po la chos kyi dbyings rnam par dag pa mngon sum du rtogs pa ste/ de las gzhan du 'gyur ba mi srid pa'i phyir ro/ /de dang mthun pa ni sa dang po rtogs pa dang rjes su mthun pa/ mos pa dang spyod pa'i sa bzhi po rnams kyi shes pa skyed pa la bya'o/ /mdor na ji tsam du sems can yongs su smin par bya ba dang/ sangs rgyas kyi chos yongs su smin par bya ba dang/ sangs rgyas kyi zhing yongs su dag par bya ba'i phyir mtshan ma dang bcas pa'i smon pa dang/ re ba sngon du gtong ba ni thabs su shes par bya ba la ji tsam du de dag gi rang bzhin mi dmigs pa ni shes rab tu shes par bya'o/ /de lta mod kyi sems rab tu sbyangs pa'i mthus byang chub sems dpa' mnyam par 'jog pa'i tshon dus gcig tu thabs dang shes rab gnyis la spyod kyang thabs kyi dbang du gyur nas mtshan ma 'ba' zhig la dmigs pa 'am/ shes rab kyi dbang du gyur nas thabs dang bral na mtshan ma med pa nyi tshe bsgom pa yang ma yin te/ gnyi ga la lhun gyis grub par spyod pa de ni thabs dang shes rab zung du 'brel pa'i bsam gtan zhes bya'o/ /bdud thams cad kyis kyang de la glags mi snyed ces bya ba ni bstan ma thag pa lta bu'i bsam gtan gyi pha rol tu phyin pa la gnas pa'i byang chub sems dpa' de la ni bdud rnams kyi bar chad ?bya bar yang mi nus la/ bdud kyi dbang du yang mi 'gyur zhes bya ba'i tha tshig go /de la sangs rgyas kyi chos thams cad kyi snod kyang nye bar gnas pa yin zhes bya ba ni gsung rab thams cad kyi snod du 'gyur zhes bya ba'i tha tshig go / de ltar ting nge 'dzin 'di dag mdza' yas dpag med de zhes bya ba ni gong du ming gis smos pa'i ting nge 'dzin de dag dang/ ting nge 'dzin de dag lta bu gzhan yang mdza' yas te 'di snyed cig yod do zhes dpag par mi nus pa'i don to bsam gtan bye ba khrag khrig dag gis pha rol song zhes bya ba ni gong du bshad pa'i bsam gtan gyi pha rol tu phyin pa la gnas pa/ byang chub sems dpa' rnams kyis ting nge 'dzin de ltar mdza' yas shing dpag tu med pa rnam par dag par rtogs so zhes bya ba'i tha tshig go / bsam gtan mi zad pa bshad zin to/ /shes rab mi zad pa la gnas pa'i byang chub sems dpa' ni chos la mi nyams pa'i byang chub sems dpa' zhes bya ste/ de bstan pa'i phyir btsun pa sha radwa ti'i bu byang chub sems dpa' rnams kyi shes rab kyang mi zad pa yin te/ zhes bya ba la sogs pa gsungs so/ /de mi zad pa yang 'og nas sems can thams cad kyi sems dang/ spyod pa ji snyed pa shes rab dang ye shes kyi las kyang de snyed do zhes bya ba la sogs pa gsungs pas bstan to/ /sems can thams cad kyi sems dang spyod pa nam mkha' bzhin mdza' thug pa med pa la dmigs pas zad mi shes pa'i phyir ro/ /yang na snying rje chen po'i rgyu las byung ba dang/ sems can thams cad kyi phyir bsgrub pa dang/ shes bya mdza' med pa'i yul la dmigs pa dang/ rnam par mi rtogs pa'i ye shes kyis zin pa'i phyir shes rab mi zad pa zhes bya'o/ /shes rab mi zad pa de yang rnam pa bdun du lta ste/ shes rab kyi rnam pa dang/ 'jug pa dang/ nges pa'i tshigs dang/ 'bras bu dang rang bzhin dang yul dang las rnams so/ /de las rnam pa ni thos pa'i rnam pa brgyad cu rtsa bzhi bstan/ 'jug pa ni tshul bzhin yid la byed pa la 'jug pa sum cu rtsa gcig gis bstan nges pa'i tshig ni rigs pa'i tshig go zhes bya ba la sogs pa'i tshig gi tshar gyis bstan/ 'bras bu ni tshul bzhin zhes bya ba ni chos thams cad do zhes bya ba la sogs pas bstan/ rang bzhin ni 'grogs pa bcu drug dang lhan cig mi gnas pas bstan/ yul ni chos brgyad la mkhas pas bstan/ las ni gzhan yang dge ba dang mi dge ba'i chos rnams rab tu shes pa ni shes rab po zhes bya ba ni de la byang chub sems dpas bslab par bya'o zhes bya ba yan chad kyis bstan to/ /yang na shes rab mi zad pa de yang shes rab kyi rang bzhin dang/ shes rab kyi 'jug pa dang/ shes rab kyi rgyu dang/ shes rab de shes rab kyi mi mthun pa'i phyogs dang ma 'dres pa dang/ shes rab kyi yul dang/ shes rab kyi nges pa'i tshig dang/ shes rab kyi 'bras bu dang/ bstan pa'i bdag nyid chen po brjod pas bstan to/ /de la thos pa'i rnam pa brgyad cu rtsa bzhi ni shes rab kyi rang bzhin no/ /tshul bzhin yid la byed pa la 'jug pa sum cu rtsa gnyis ni shes rab kyi 'jug pa'o/ /gzhan yang btsun pa sha radwa ti'i bu tshul bzhin zhes bya ba ni chos thams cad do zhes bya ba la sogs pa ni shes rab rgyu'o/ /de la shes rab ni 'grogs pa bcu drug dang lhan cig mi gnas so zhes bya ba la sogs pa ni shes rab de shes rab kyi mi mthun pa'i phyogs dang ma 'dres pa'o/ /phung po la sogs pa chos brgyad ni shes rab kyi yul lo/ /gzhan yang dge ba dang mi dge ba'i chos rnams rab tu shes pa zhes bya ba la sogs pa ni shes rab kyi nges pa'i tshig go / btsun pa sha radwa ti'i bu de ni byang chub sems dpa' rnams kyi shes rab mi zad pa ste/ shes rab mi zad pa 'dis ye shes mi zad pa thob par 'gyur ro zhes bya ba ni shes rab kyi 'bras bu'o/ /shes rab mi zad pa bstan pa'i chos kyi le'u 'di zhes bya ba la sogs pas ni bstan pa'i bdag nyid chen po brjod pa bstan to/ /shes rab de'i rnam pa ji lta bu zhes bya ba ni shes rab de'i rang bzhin ji lta bu zhes bya ba'i tha tshig go /'jug pa ni ci zhes bya ba ni shes rab des chos rnams kyi mtshan nyid la ji ltar rtog ces bya ba'i tha tshig go / 'jug pa'i sgra ni rtog par byed pa la bya'o/ /de skad dris pa dang lan du thos pa ni rnam pa'o/ /tshul bzhin yid la byed pa ni 'jug pa'o zhes gsungs te/ thos pa ni shes rab kyi rang bzhin yin la/ tshul bzhin yid la byed pa'i sgo nas chos rnams kyi mtshan nyid rtog par 'gyur bas tshul bzhin yid la byed pa ni 'jug pa zhes bya'o/ /yang na rnam pa ni shes rab kyi rang bzhin ji lta bu bye brag tu 'byed pa'o/ /de yang thos pa las shes rab kyi bye brag phyed bar 'gyur te/ de bas na thos pa'i rnam pa brgyad cu rtsa bzhi po de dag las shes rab 'byung ba'i phyir/ brgyad cu rtsa bzhi po bdag ni shes rab kyi bye brag gam rnam grangs zhes bya'o/ /yang na shes rab de'i rnam pa ji lta bu zhes bya ba ni rgyu 'dri ba'i tshig ste/ shes rab de'i rgyu gang yin pa zhes bya ba'i don to/ /'di lta ste/ 'dun pa'i rnam pa dang zhes bya ba la sogs pas thos pa'i rnam pa brgyad cu rtsa bzhi po de dag gang yin pa ston te/ 'dun pa ni chos nyan par 'dod pa la bya ste/ nyan par 'dod pa las thos pa dang shes rab 'byung gi 'dod pa med na mi 'byung bas de'i phyir 'dun pa ni shes rab 'byung ba'i rgyur rig par bya'o/ /yang na thos pa las 'dun pa'i rnam pa 'byung gi ma thos pa las ma yin pas thos pa ni 'dun pa 'byung ba'i rgyu yin te/ 'dun pa dang thos pa gnyis gcig gi rgyu gcig yin par blta'o/ /yang na shes rab kyi rang bzhin ji lta bu zhes dris pa dang/ 'dun pa'i rnam pa zhes bya ba ni shes rab de 'dun pa'i rang bzhin zhes bya ba'i don to/ /de bzhin du rnam pa'i sgra ni bsam pa'i rnam pa la sogs pa lhag ma rnams la yang sbyor ro/ /bsam pa'i rnam pa ni/ gong du bsam pa mi zad pa'i skabs su rgya cher bshad pa la bya'o/ /de yang mdor bsdus na bsam pa rnam pa gnyis te/ phan par bya ba'i bsam pa dang/ bde bar bya ba'i bsam pa'o/ /de la phan par bya ba'i bsam pa ni mi dge ba'i gnas nas gton nas dge ba'i gnas su 'god par 'dod pa gang yin pa'o/ /bde bar bya ba'i bsam pa ni sems can phongs pa dang mgon med pa dang rten med pa rnams la nyon mongs pa can spangs te phan pa'i dngos po bsgrub par 'dod pa gang yin pa'o/ /lhag pa'i bsam pa'i rnam pa ni gong du lhag pa'i bsam pa mi zad pa'i skabs su rgya cher bshad pa la bya'o/ /sbyor ba'i bsam pa ni sbyor ba mi zad pa'i skabs su rgya cher bshad pa la bya'o/ /de yang mdor bsdu na rnam pa drug ste/ phongs pa sel ba'i sbyor ba dang/ mos pa la sbyor ba dang/ bsgrub pa la sbyor ba dang/ shes bzhin du srad par skye ba la sbyor ba dang/ tshogs yongs su rdzogs par sbyor ba dang/ dka' bar spyod par bzod pa la sbyor ba'o/ /sems can dngos po gang gis phongs pa de la de gtong ba ni phongs pa sel ba la sbyor ba la sbyor ba ste/ de yang sbyin pa mi zad pa'i skabs su zas 'dod pa la zas sbyin par byed pa dang/ btung ba 'dod pa la btung ba sbyin par byed pa zhes bya ba la sogs pa gsungs pa'o/ /mos pa la sbyor bar byed pa ni gang zag la bdag med pa dang/ chos la bdag med pa'i mtshan nyid de bzhin nyid la mos par byed pa'o/ /sgrub pa la sbyor bar byed pa ni rtag tu gzhan gyi don sgrub par byed pa ste/ gang sbyor ba mi zad pa'i skabs su dge ba'i rtsa ba la rab tu gzung ba'i phyir sems can byang chub kyi sems 'dzin du 'jug pa'i bsam pa ni byang chub sems dpa' i sbyor ba mi zad pa'o zhes bya ba la sogs pa gsungs pa'o/ /shes bzhin du srid par skye ba la sbyor ba ni las dang nyon mongs pa'i dbang gis khams gsum du skye ba ni ma yin gyi/ smon lam gyis shes pa de bzhin du 'khor bar skye ba'o/ /tshogs yongs su rdzogs par bya ba la sbyor ba ni bsod nams dang/ ye shes kyi tshogs par bya ba'i phyir pha rol tu phyin pa drug la spyod pa ste/ gang gong du sbyin pa mi zad pa'i bsam pa ni byang chub sems dpa' i sbyor ba mi zad pa ste zhes bya ba la sogs pa gsungs so/ /dka' bar spyad pa bzod pa la sbyor ba ni sems can yongs su smin par bya ba dang/ sangs rgyas kyi chos yongs su smin par bya ba'i phyir nang gi sdug bsngal mgo dang/ rkang lag la sogs pa btang ba dang/ phyi'i sdug bsngal grang ba dang tsha ba la sogs bzod pa ste/ de yang gong du btsun pa sha radwa ti'i bu bzhi po 'di dag ni byang chub sems dpa' rnams kyi sbyor ba mi zad pa ste/ gzhi gang zhe na byang chub sems kyi sbyar ba mi zad pa dang/ chos sbyin pa ston pa'i sbyor ba mi zad pa dang/ sems can yongs su smin par byed pa'i sbyor ba mi zad pa la sogs pas bstan to/ /de dge ba'i bshes gnyen gyi rnam pa zhes bya ba la/ bskyod par byed pa dang 'jog par byed pa dang/ stobs par byed pa dang skyabs dpag tu med par byed pa ni dge ba'i bshes gnyen zhes bya'o/ /de la bskyod par byed pa ni srogs pa mi dge ba bcu spyod pa las bskyod par byed pa ste/ las ngan pa spong du 'dzud ces bya ba'i don to/ /'jog par byed pa ni srog gcod pa las ldog pa la sogs pa dge ba bcu la 'god par byed pa'o/ /stobs par byed pa ni lha dang mi'i bde ba sbyin par byed pa nas bla na med pa'i byang chub kyi 'bras bu'i bar du smin pa dang 'thob par byed pa'o/ /skyabs dpag tu med par byed pa ni mu stegs can la sogs pa'i lta ba ngan par mi ltung bar skyob pa dang/ nyan thos la sogs pa'i theg pa dman par mi ltung bar skyobs pa dang/ 'khor ba'i lam ngan? par mi ltung bar skyob pa dang/ sdug bsngal gyi gnas ngan song du mi ltung bar skyob pa'o/ /chos thos pa las sems can thams cad mi dge ba las skyod par byed pa dang/ dge ba la 'jog par byed pa dang/ 'bras bu stobs par byed pa dang/ sdug bsngal dpag tu med pa las skyob par byed pas na dge ba'i bshes gnyen gyi rnam pa zhes bya'o/ /nga rgyal med pa ni cho rigs dang shes gnyen la sogs pas ma snyems pa'o/ /bag yod pa ni bag med ba'i gnyen po ste/ bag med pa yang gzhan las 'gyur ba dang/ bdag las 'byung ba rnam pa gnyis yod do/ /gzhan las 'byung ba yang rnam pa gnyis te/ byur las byung ba dang/ sems can las byung ba'o/ /de la byur las byung ba ni tshe rabs snga ma'i mi dge ba'i las kyi 'dod chags la sogs pa mi dge ba'i rtsa ba 'byung ba dang/ srog gcod pa la sogs pa mi dge ba'i las byed pa'o/ /sems can las byung ba ni 'dod chags dang/ zhe sdang skye bar 'gyur ba'i yul nye bar 'ongs pas 'dod chags la sogs pa nyon mongs pa 'byung ba'o/ /bdag la 'byung ba yang rnam pa gnyis te/ lus kyi 'du 'dzi las 'byung ba dang/ log pa'i rnam par rtog pa las 'byung ba'o/ /de la lus kyi 'du 'di las 'byung ba ni bdag nyid khye'u dang/ bu mo dang 'gro ba bzang mo dang rgya la rigs dang bram ze'i rigs la sogs pa dang 'dre bar mos pas nyon mongs pa 'byung ba'o/ /log pa'i rnam par rtog pa las 'byung ba ni 'dod pa dang 'dun pa dang gnod sems la sogs pa la rtog pa'i rgyus nyon mongs pa 'byung ba ste/ thos pa las de dag sngon 'byung ba yang spong bar byed la/ phyis kyang mi 'byung bar byed pas na bag yod pa'i rnam pa zhes bya'o/ /gus par byed pa ni chos dang chos smra ba la brnyas pa med pa ste/ mdo las dge slong dag ri dags kyi rgyal po seng ge ni ri bong la mchong na yang sgrims nge mchong gi ma bsgrims par ma yin no/ /rta dang glang po la mchod na yang bsgrims te mchod gi ma bsgrims par ma yin no zhes rgyas par gsungs pa bzhin du chos smra ba la brnyas pa med par byas nas gus par nyan pa'o/ /mthun par 'dzin pa ni mkhan po dang slob dpon la sogs pas ji skad bstan pa bzhin du sgrub par byed pa'o/ /bka' blo bde ba ni phyir mi zlogs par nyams pa dang/ spyod lam gus pa ston pa'o/ /bsnyen bkur byed pa ni chos dang chos smra ba la ci rigs par phyag 'tshal ba la sogs pa lus dang ngag gi rim gro byed pa'o/ /yang na bsnyen bkur mo byed pa'i gnyen po ni/ bsnyen bkur byed pa ste/ bsnyen bkur med pa ni nyan pa khri mtho la/ 'chad pa khro dma' ba la bzhag cing/ /rkang lag brkyang ba dang kha glal ba la sogs pas ngan don nyan pa ste/ thos pa dang ldan pa rnams ni chos bla mar byed pas de lta bu med de/ de bas na bsnyen bkur byed pa'i rnam pa zhes bya'o/ /rna ba blags te nyan pa ni phyi rol tu g.yeng ba dang/ nang du gnyid dang rmugs pas sems bsdus pa chos nyan pa'i dri ma gnyis med par nyan pa ste/ mdo las kyang dge slong ngag gnyis pa 'di dag ni chos nyan pa'i dri ma ste/ de khyod rnams kyi spang bar bya'o/ /gnyis gang zhe na/ sems rgod pa dang zhum pa'o zhes gsungs pa'i phyir ro/ /yid la byed pa ni ji skad bstan pa bzhin du chos nyid phyin ci ma log pa dang/ dgongs pa phyin ci ma log par 'dzin pa ste/ de la chos nyid phyin ci ma log par 'dzin pa ni ma rig pa'i rkyen gyis 'du byed la sogs pa 'byung gi rgyu med pa dang mi mthun pa'i rgyu las skye bar mi rtog pa'o/ /dgongs pa phyin ci ma log par 'dzin pa ni tshe rab thams cad sdug bsngal ba zhes gsungs pa la/ bde ba'i tshor ba dang gnyis ka ma yin par tshor ba rang bzhin gyi sdug bsngal ba ni ma yin gyi/ 'gyur ba dang 'du byed kyi 'du byed la dgongs pa la sogs pa rtogs pa'o/ /rnam par mi g.yeng ba ni g.yeng ba rnam pa gsum pa rang bzhin gyis g.yeng ba dang/ phyi rol du g.yeng ba dang nang du g.yeng ba med pa ste/ de la rang bzhin gyis g.yeng ba ni chos nyan pa'i tshe mig la sogs pa'i rnam par shes pa rnam pa sna tshogs su rtog pa 'jug pa'o/ /phyi rol tu g.yeng ba ni chos nyan pa'i tshe nyan bar mi 'dod cing skyo ba skye la/ gzugs la sogs pa la rtog pa 'byung ba'o/ /nang du g.yeng ba ni chos nyan pa'i tshe zhum pa 'am rgod pa'i dbang du gyur pa'o/ /gnas ni lus kyi spyod lam mi rgod pa ste/ gnas gcig na 'dug cing nyan pa'o/ /rin po cher 'du shes pa ni thos pa de nyid rin po che dang 'dra bar 'du shes nas nyin pa'o/ /yang na dam pa'i chos nyan pa ni phan pa dang bde ba'i rgyur 'gyur ba dang shin tu dkon pa dang/ bsgrub dka' bar 'du shes bskyed nas nyan pa 'di rin po cher 'du shes pa'i rnam pa zhes bya'o/ /de la phan pa'i rgyur 'gyur ba ni lha dang mi'i bde ba nas mya ngan las 'das pa'i bar gyis bde ba thob pa'i rgyu yin pa'i phyir ro/ /bde ba'i rgyur 'gyur pa ni mu stegs can gyi dka' thub bdag nyid ngal bar byed pa'i mdza' dang/ 'dod pa la longs spyod pa rnams kyis 'dor pa'i bsod nams kyi mdza' gnyis spangs pa dbu ma'i lam bde ba la 'jug pa'i rgyu yin pa'i phyir ro/ /shin tu dkon pa ni de bzhin gshegs pa rgya lam na 'jig rten du 'byung zhing dam pa'i chos bshad pa yang rgya lam na 'byung ba'i phyir ro/ / sgrub par dka' ba ni de bzhin gshegs pa'i gsung rab kyi tshig bzhi pa'i tshigs su bcad pa gcig tsam yang bsod nams dang ye shes kyi tshogs dpag tu med pa'i bsgrub dgos pa'i phyir ro/ /sman du 'du shes pa ni thos pas dug gsum gyi nad sel bar 'gyur ba'i phyir te/ de bas na nyon mongs pa'i nad thams cad zhi bar byed pa'i rnam pa zhes tshig gong ma gsal bar bshad do/ /dran pa'i snod ces bya ba la/ dran pa nyid snod yin pas na dran pa'i snod? de?/ dran pa'i sgras ni thos pa'i shes rab la bya'o/ /snod kyi sgras ni mi brjed pa'i gzhi la bya ste/ thos pa la yid gzhungs pa 'byung ste/ mi brjed pa'i gzhi byed pas na thos pa ni dran pa'i snod kyi rnam pa zhes bya'o/ /rtogs pa zhes pa ni bsam pa'i shes rab la bya ste/ bsam pa'i shes rab kyang mnyam par bzhag pa dang/ ma bzhag pa'i bye brag gi rnam pa gnyis te/ /de la rtogs pa des shes pas na rtogs pa zhes pa zhes bya ste/ rtogs pa shes pa'i sgras ni mnyam par bzhag pa'i shes rab la bya'o/ /blo gros 'dod pa zhes bya la/ blo gros kyi sgra ni mnyam par ma bzhag pa'i shes rab la bya ste/ 'di ltar thos pa dang ldan pa blo che ba la dag par 'gyur ba 'am/ yang na 'dod pa zhes bya ba 'bar ba 'am/ gsal ba lta bu la bya ste/ thos pa la blo gros gsal bar 'gyur bas na blo gros pa'i rnam pa zhes bya'o// blo ni bsgoms pa las byung ba'i shes rab la bya la/ 'jug pa ni goms par byed pa la bya ste/ 'di ltar thos pa las blo la 'dris shing goms pa 'byung ba na thos pa ni blo la 'jug pa'i rnam pa zhes bya'o/ /yang na dran pa de'i snod yin pas na dran pa'i snod de/ dran pa zhes bya ba ni sngon ji ltar bzung ba'i chos dang don mi rjed pa'o/ /dran pa de'i snod ni thos pa'i shes rab ste/ sngon thos pa'i gzhi las dran pa 'byung gi ma thos pa las ni ma yin pa'i phyir ro/ /blo de la 'jug pas na blo la 'jug pa ste/ / blo ni thogs pa dang chags pa med pa'i ye shes la bya'o/ /'jug pa ni mngon sum du byed pa ste/ thos pa las de bzhin rtogs pa'i ye shes mngon sum du 'gyur bas na thos pa ni blo la 'jug pa'i rnam pa zhes bya'o/ /yang na blo 'dis 'jug pas na blo la 'jug pa ste/ blo ni bsgoms pa'i shes rab la 'jug pa na brjod du med pa'i bdag nyid chos bdag med pa rtogs pa la bya ste/ bsgoms pa'i shes rab kyis de bzhin rtogs par 'gyur ba'i phyir ro/ /de'i rgyu yang thos pa'i shes rab yin te/ de bas na skabs 'dir yang thas pa ni blo la 'jug pa'i rnam pa yin par sbyar ro/ /sangs rgyas kyi chos ni nyan thos dang rang sangs rgyas kyi theg pa dang/ theg pa bla na med pa ste/ mi ngoms par nyan pa ni de dag nyan pa la chog mi shes pa'o/ /btang ba ni ji skad du thos pa'i chos rnams 'chad pa'o/ /spel ba ni gang zag 'ga' tsam la phyogs gcig tsam du bar 'ga' 'chad pa ma yin zhing sems can thams cad la phyogs tu rtag tu 'chad pa'o/ /yang na gtong ba spel ba ni sems kyi rgyan dang/ sems kyi yo byad dang rnal 'byor gyi tshogs dang don gyi mchog thob par bya ba'i phyir kha na ma tho ba med pa'i sbyin pa sbyin par byed pa'o/ /de la sus sbyin par byed/ su la sbyin par byed/ ci zhig sbyin par byed/ /cis sbyin par byed/ /ji ltar sbyin par byed/ ci'i phyir sbyin par byed ce na/ smras pa sus sbyin par byed pa ni thos pa dang ldan pa gtong ba bo'i gang zag gis so/ /su la sbyin par byed pa ni bzhi la ste/ sdug bsngal ba dang/ phan 'dogs pa dang sdug pa dang khyad par can la sbyin par byed do/ /de la sdug bsngal ba ni bza' ba dang bgo ba la sogs pas phongs pa mgon dang skyabs med pa'i bram ze dang tshong ba dang/ rdol ba la sogs pa'o/ /phan 'dogs pa ni pha ma dang sdug bsngal dpag tu med par zhugs pa las 'byin pa'i gang zag rnams so/ /sdug pa ni smos 'drin gang dag de la byams pa 'am/ gtam 'dris pa dang/ phebs par smra ba dang/ 'grogs bshes rnams so/ /khyad par can ni gang nyon mongs pa gdul ba la zhugs pa 'am/ nyon mongs pa btal ba'i 'bras bu la gnas pa rnams so/ /yang na byang chub sems dpa' sbyin pa'i gnas ni sems can thams cad de su la sbyin pa ni sems can thams cad la'o/ /ci zhig sbyin ba ni phyi dang nang gi dngos po'o/ /cis sbyin pa ni sems mngon par 'du byed pa yid kyis las chags pa med pa dang/ gtong ba'i lus dang ngag gi las kyis so/ /ji ltar sbyin pa ni ma/ 'ongs pa la lta ba dang 'bras bu mthong ba'i dad pas sbyin par byed pa dang/ brnyas pa med par rang gi lag nas sbyin par byed pa'o/ /ci'i phyir sbyin pa ni sems can thams cad la snying rje ba'i rgyus sbyin pa ste/ sbyin pa de lta bu yang sems can thams cad la snying brtse ba dang ldan pa/ longs spyod thams cad rmi lam dang 'dra bar snying po med par 'dzin pa/ gzhan gyi don la gtso bor byed pa'i gang zag thos pa dang ldan pa rnams la 'byung gi gzhan las ma yin pas na thos pa ni stong pa spel ba'i rnam pa zhes bya'o/ /'dis ni chos dang zang zing gi sbyin pa rgya cher byed pa bstan te/ dul ba ni gnyen po bsgom pa 'phel ba dang ldan pas mig la sogs pa'i dbang po rnams yul las mi 'jug pas dul ba dang/ 'dod chags la sogs pa nyon mongs rnams dul ba ste/ de ni rgyu'o/ /de ltar dul bas na cang shes pa zhes te/ cad shes pa ni lam drang po nas ji srid bgrod par bya bar phyin par 'gro ba'i phyir te/ 'di ni 'bras bu'o/ /de lam drang po ni thabs dang shes rab zung du 'brel ba dang 'phags pa'i lam yan lag brgyad pa dang/ 'phags pa'i bden pa bzhi la sogs pa'o/ /bgrod par bya ba ni mya ngan las 'das pa la bya ste/ de lta bu 'phags pa'i lam rgyu dang 'bras bu'i mtshan nyid kyang thos pa las byung bas na thos pa ni dul zhing cang zhes pa'i rnam pa zhes bya'o/ /mang du thos pa la rten pa ni mang po las rnam pa mang du chos gang thog mar dge ba/ bar du dge ba tha mar dge ba don bzang po tshig 'bru bzang po ma 'dres pa yongs su rdzogs pa yongs su dag pa yongs su byang ba zhes bya ba la sogs pa'i mdo sde phal cher thos pa la bya'o/ /de la mang po la zhes bya ba ni dge ba'i bshes gnyen mang po la thos pa'o/ /rnam pa mang du zhes bya ba ni chos de nyid la lan grangs mang du thos pa ste/ de yang thos pa las 'byung gi ma thos pa las ma yin pas ni thos pa ni mang du thos pa la brten pa'i rnam pa zhes bya'o/ /sti stang du byas te dga' bar myong bar byed pa zhes bya ba la/ sti stang du byas ba ni chos dang chos smra ba'i gang zag la/ lus dang ngag dang yid kyi sti stang du byas nas bstan pa ste/ de ltar sti stang du byas te mnyan na/ dga' zhing yid du 'ong ba bzang po dang ldan par 'gyur bas thos pa ni sti stang du byas te dga' ba myong bar byed pa'i rnam pa zhes bya'o/ /de la lus kyis sti stang du byas te nyan pa ni dus thams cad du lus kyi spyod lam mi mdzes pa mi ston cing/ 'dud pa dang thal mo sbyar ba la sogs pa byed pa'o/ /sems kyi gus par byas te nyan pa ni chos dang chos smra ba la gnod pa'i bsam pa dang/ 'phyas gdags pa'i bsam pa dang/ klan ka'i bsam pa med cing/ chos don du gnyer ba'i bsgam pas bla na med pa'i lam stobs par byed pa'o snyam du bsams nas nyan pa'o/ /dag gis gus par byed de nyan pa ni chos smra ba'i gang zag la gnas kyang zher 'debs pa'i tshig ma smra zhing/ rtag tu de'i yon tan brjod par byed pa'o/ /thos pa las sems ma 'khrugs shing/ zhi gnas kyis mtshan nyid ting nge 'dzin thob par 'gyur la/ zhi gnas dang ldan pas mig la sogs pa dbang po'i yul la mi 'jug cing/ sems rnam par rtog pa mang pos g.yen spyo ba med pas sems bde bar 'gyur la/ sems bde na lus bde bar 'gyur bas lus bde ba'i rnam pa zhes bya'o/ /thos pa las shes rab kyi mtshan nyid lhag mthong thob par 'gyur la/ lhag mthong gis the tshom dang yid gnyis sel bar byed pas sems rab tu dga' ba'i rnam pa zhes bya'o/ /brtson 'grus kyi skyon gnyis/ /ha cang brtun dags pa dang/ g.yel ba las phyis chos nyan par mi 'dod pa 'am/ tshad 'ga' nyan che 'ga' mi nyan pa ni skyo ba ste/ de lta bu med pas mi skyo bar nyan pa zhes bya'o/ /don dang chos dang nan tan nyan pa rnam pa gsum gyis ni thob bar bya ba dang/ bshad par bya ba dang bsgrub par bya ba nyan par rigs bzhin du bstan to/ /de la don ni mya ngan las 'das pa la bya ste/ 'phags pa'i lam gyis bsgrubs pa'i 'bras bu yin pa'i phyir ro/ /chos ni gsung rab kyi yan lag bcu gnyis te/ mdo'i sde dang dbyangs kyis bsnyad pa'i sde dang lung du bstan pa'i sde dang/ tshigs su bcad pa'i sde dang/ ched du brjod pa'i sde dang/ gleng gzhi'i sde dang/ rtog pa brjod pa'i sde dang/ de lta bu byung ba'i sde dang/ skyes pa rabs kyi sde dang shin tu rgyas pa'i sde dang/ rmad du byung ba'i chos kyi sde dang/ gtan la phab par bstan pa'i sde dag go /de la mdo sde gang zhe na/ bcom ldan 'das kyis de dang de dag tu 'dul ba de dang de dag dang/ 'dul ba'i spyod pa rnams las brtsams te phung po dang ldan pa'i gtam dang skye mched dang ldan pa dang rten cing 'brel par 'byung ba dang ldan pa dang/ zas dang bden pa dang khams dang ldan pa dang nyan thos dang rang sangs rgyas dang de bzhin gshegs pa dang ldan pa dang dran pa nye bar bzhag pa dang yang dag par sdong ba dang rdzu 'phrul gyi rkang pa dang dbang po dang stobs dang byang chub kyi yan lag dang ldan pa dang/ mi sdug pa dang/ dbugs rdub ba dang/ dbyung ba dang/ bslab pa dang shes nas ngang pa dang ldan pa'i gtam gsungs pa gang yin pa dag yang dag par sdud pa byed pa rnams kyis yongs su bzung nas bstan pa yun ring du gnas par bya ba'i don du ming dang tshig dang yi ge la tshogs mthun pa dag gis ci rigs par rim gyis bkod cing sbyar ba gang yin pa'o/ /dbyangs kyi bsnyad pa'i sde ni gang gi tha ma'i mjug tu tshigs su bcad pa mngon par brjod pa dang/ bkri ba'i don gyi mdo sde gang yin pa'o/ /lung du bstan pa'i sde ni gang las nyan thos shi 'phos pa dang/ dus byas pa dang skye ba lung ston pa dang nges pa'i don gyi mdo sde gang yin pa'o/ /tshigs su bcad pa'i snga ni rkyang bas bshad pa ma yin pa ste/ 'di ltar rtsa ba gnyis pa 'am gsum pa 'am bzhi pa 'am lnga pa 'am rtsa ba drug par rtsa ba sdebs te bshad pa gang yin pa'o/ /chang du brjod pa'i sde? ni gang zag gi ming dang rigs yongs su mi brjod ma bstan par phyis dam pa'i chos yun ring du gnas par bya ba'i phyir bshad pa'o/ /gleng gzhi'i sde ni gang zag gi mang dang rigs yongs su brjod cing bstan te bshad pa dang/ cung zad 'dul ba dang ldan pa'i byung ba dang bcas/ gleng gzhi dang bcas pa so sor thar pa'i mdo sde gang yin pa'o/ /rtogs pa brjod pa'i sde ni dpe dang bcas par bstan pa ste/ dpe nges don gyi rang bzhin de rnam par gsal bar 'gyur pa gang yin pa'o/ /de lta bu byung ba'i sde ni cung zad sngon gyi sbyor ba dang ldan pa gang yin pa'o/ /skyes ba rabs kyi sde ni 'das a'i dus la brtan te/ bcom ldan 'das kyis 'chi 'pho dang skye ba de dang de dag tu byang chub sems dpa' i spyod pa dang dka' bar spyad pa bstan pa gang yin pa'o/ /shin tu rgyas pa'i sde ni gang las bla na med pa yang dag par rdzogs pa'i byang chub dang/ stobs bcu dang/ sgrib pa med pa'i ye shes yang dag par bsgrub pa'i phyir byang chub sems dpa' rnams kyi las bstan pa gang yin pa'o/ /rmad du byung ba'i chos kyi sde ni gang las byas rnams dang sangs rgyas kyi nyan thos rnams kyi thun mong dang/ thun mong ma yin pa dang de las gzhan khyad par 'phags pa'i yon tan khyad par can ngo mtshar rmad du byung bar grags pa dag bstan pa gang yin pa'o/ /gtan la phab par bstan pa'i sde ni mdo sde 'dren par byed cing/ mdo sde rnam par 'chad par byed pa/ ma lta bu'i chos mngon pa thams cad la bya'o/ /gsung rab yan lag bcu gnyis po de dag la mdo sde yang yod/ /'dul ba yang yod chos mngon pa yang yod de de la re zhig mdo sde dang dbyangs kyis bsnyad pa'i sde dang lung du bstan pa'i sde dang tshigs su bcad pa'i sde dang ched du brjod pa'i sde dang rtogs pa brjod pa'i sde dang de lta bu byung pa'i sde dang skyes pa'i rabs kyi sde dang/ /shin tu rgyas pa'i sde dang rmad du byung ba'i chos kyi sde gang yin pa ni mdo sde'o/ /gleng gzhi'i sde gang yin pa ni 'dul ba'o/ /gtan la bab par bstan pa'i sde gang yin pa ni chos mngon pa'o/ /de la sde snod gsum po dag las mdo sde'i mtshan nyid ni chos rnams mdor bsdus nas ston pa'o/ /'dul ba'i mtshan nyid ni chos dang don mngon du byed pa ste/ nyon mongs pa btul na chos dang don mngon du 'gyur ba'i phyir ro/ /chos mngon pa'i mtshan nyid ni nges pa'i gtam gtan la 'bebs pas chos kyi longs spyod la reg par byed pa'o/ /de dag gi las ni mdo sde'i sde snod kyis the tshom nye ba'i nyon mongs pa sel bar byed do/ /'dul ba'i sde snod kyis mdza' gnyis la sbyor ba'i nye ba'i nyon mongs pa sel bar byed do/ /chos mngon pa'i sde snod kyis rang gi lta ba mchog tu 'dzin pa'i kun nas nyon mongs pa sel bar byed pa'o/ /nan tan 'phags pa'i lam yan lag brgyad pa la sogs pa bsgrub par bya ba'i chos rnams la bya'o/ /gzhan ni mkhan po dang slob dpon la sogs pa dge ba'i bshes gnyen rnams so/ /de dag gis gsan pa ni de dag gis bshad pa ste/ rang gi lta ba mchog tu 'dzin pa btang nas nga rgyal med par byas te/ ji skad bstan pa bzhin du nyan pa ni gzhan gyis bstan pa nyan pa zhes bya'o/ /chos ma thos pa ni mu stegs can la sogs pa 'di las phyi rol pa'i bstan pa la med pa/ phung po dang skye mched la sogs pa mdo'i sde las gsungs par bstan pa gang yin pa/ 'khor ba thog ma med pa nas lan 'ga' yang ma thos pa de dang thos par gyur pas na thos pa ni chos ma thos pa nyan pa'i rnam pa zhes bya'o/ /mngon par shes pa ni drug ste/ de dag ni de dag nyid kyi skabs nas 'chad do/ /theg pa gzhan nyan thos kyi theg pa dang/ rang sangs rgyas kyi theg pa dang/ lha'i theg pa dang/ mi'i theg pa dag ste/ de dag nyid kyang chags par mi byed pas na 'dod pa med pa zhes bya'o/ /pha rol tu phyin pa ni sbyin pa mi zad pa la sogs pa drug po 'di dag go de la pha rol tu phyin pa'i sgra ni mchog gi don te/ rgyu mchog dang las mchog dang 'bras bu mchog gi phyir pha rol tu phyin pa zhes bya'o/ /de la rgyu mchog ni pha rol tu phyin pa de dag nyid gong nas gong du khyad zhugs pa'i ye shes kyi rgyur 'gyur ba'i phyir ro/ /las mchog ni bdag dang gzhan la phan 'dogs par byed pa'i phyir ro/ /'bras bu mchog ni bla na med pa'i byang chub yin pa'i phyir ro/ /yang na rgyu mchog ni snying rje chen po'i rgyu las byung ba'i phyir ro/ /byang chub sems dpa' i sde/ snod ni gong du gsung rab yan lag bcu gnyis smos pa'i nang nas shin tu rgyas pa'i sde gang yin pa'o/ /bsdu ba'i dngos po zhes bya ba ni sems can dga' bar byed pa'i dngos po zhes bya ba'i tha tshig ste/ de yang sbyin pa la sogs pa bsdu ba'i dngos po bzhi nyid kyi skabs na 'chad do/ /thabs mkhas pa ni dge ba'i rtsa ba chung ngu rnams yang dpag tu med par 'gyur bar byed pa dang/ sems can bstan pa 'di la ma zhugs pa'i rnams bstan pa la gzung ba dang/ zhugs pa rnams dge ba'i rtsa ba 'phel bar bya ba dang dge ba'i rtsa ba 'phel ba rnams yongs su smin par bya ba dang/ yongs su smin pa rnams rnam par grol bar bya ste/ de nyan par byed pas na thabs la mkhas pa nyan pa'i rnam pa zhes bya'o/ /tshangs pa ni sdig pa thams cad spangs pa'i mya ngan las 'das pa la bya ste/ mdo las kyang tshangs par gyur/ bsil bar gyur ces gsungs pa'i phyir ro/ /de'i gnas pa ni thob par byed pa'i rgyu la bya ste/ de yang byams pa la sogs pa tshad med pa bzhi nyid kyi skabs nas 'chad do/ /dran pa ni sems can gyi don bya ba la brtson pa'i byang chub sems dpa' bya ba dang mi bya ba shes shing dran pa'o/ /shes bzhin ni chos thams cad sgyu ma dang smig sgyu lta bur dngos po med par shes pa'o/ /skye ba la mkhas pa ni phyi dang nang gi rten cing 'brel bar 'byung ba'o/ /chos rnams rgyu gang las 'bras bu gang skye ba shes pa ste/ 'di ltar phyi'i rten cing 'brel par 'byung ba ni sa bon gyi rkyen gyi myu gu zhes bya ba nas me tog gi rkyen gyi 'bras bu zhes bya pa'i bar dang/ nang gi rten cing 'brel par 'byung ba yang ma rig pa'i rkyen gyis 'du byed rnams shes bya ba nas skye ba'i rkyen gyis rga shi zhes bya ba'i bar du phyi dang nang gi chos rnams rgyu dang rkyen las skye'i/ bdag dang byed pa po las skye ba ma yin par rtog pa'o/ / mi skye ba la mkhas pa ni gzung ba dang 'dzin pa las dben pa'i don dam pa yongs su grub pa'i mtshan nyid ji lta ba bzhin du shes pa ste de nyan pa'o/ /mi sdug pa dang byams pa dang rten cing 'brel par 'byung ba'i rnam pa zhes bya ba'i tshig gsum gyi 'dod chags dang zhe sdang dang gti mug gsum gyi gnyen po mi sdug pa bsgom pa la sogs pa rnam pa gsum yang thos pa las byung bar ston to/ /de la mi sdug pa ni 'dod chags kyi gnyen po ste/ de bas na mdo las kyang/ dge slong rnal 'byor pas shi nas dur khrod du bor ba'i ro zhag cig lon pa zhes bya ba nas khyi dang bya rgod dang phar ba la sogs pas zos pa yid la gzung bar bya ste zhes gsungs pa'i phyir ro/ /byams pa ni zhe sdang gi gnyen po ste/ de bas na mdo las kyang byams pa dang ldan pa'i sems kho na med pa/ 'gran zla med pa/ gnod pa med pas phyogs bcur mos te khyab par byas te bsgrubs te gnas so zhes gsungs pa'i phyir ro/ /rten cing 'brel par 'byung ba ni gti mug gi gnyen po ste/ de bas na mdo las kyang/ rten cing 'brel par 'byung ba gang zhe na/ gang dus gsum gyi chos rnams la 'du byed tsam dang/ chos tsam dang dngos po tsam dang rgyu tsam dang 'bras bu tsam ste byed pa po med pa de na rten cing 'brel par 'byung ba zhes bya ste/ gang gi tshe de yid la bya na gti mug shas che ba'i gang zag rnams gti mug bsrabs par 'gyur ro zhes gsungs pa'i phyir ro/ /mi rtag pa ni dus gsum gyi 'dus byas thams cad skad cig ma re rer 'jig pas gnas pa med pa ste/ de la 'di ltar 'das pa'i 'dus byas rnams ni skyes nas 'gag par snang la/ da ltar byung ba'i 'dus byas rnams ni skyes pa'i skad cig phan chad du gnas pa'i mthu med pa la ma 'ongs pa'i 'dus byas rnams ni ma skyes la 'gag pa med par snang ba'i phyir ro/ /de ltar 'dus byas mi rtag pa'i rang bzhin de yang sdug bsngal rnam pa gsum gyi rten byed pas na sdug bsngal ba zhes bya ste/ sdug bsngal rnam pa gsum ni 'du byed kyi sdug bsngal dang/ 'gyur ba'i sdug bsngal dang/ sdug bsngal gyi sdug bsngal te/ de la 'du byed kyi sdug bsngal rgyu dang rkyen gyi bskyed pa'i 'du byed thams cad ni mi brtag pa yin pa'i phyir ro/ /'gyur ba'i sdug bsngal ni 'byor pa'i longs spyod dang/ bde ba'i tshor ba yang phyis med par 'gyur zhing ma 'ongs pa na rnam par smin pa'i yid du mi 'ong ba'i rgyu byed pa'i phyir ro/ /sdug bsngal gyi sdug bsngal ni skye ba dang rga ba dang 'chi ba dang 'dod pa mi rnyed pa dang sdug bsngal gyis tshor ba rnams rang bzhin gyis sdug bsngal ba'i steng du nad la sogs pa sdug bsngal gzhan dang yang 'brel pa'i phyir ro/ /bdag med pa ni 'dus byas dang 'du ma byas kyi chos thams cad la med pa ste/ de dag kyang thos pa dang ldan pas khong du chud par byed pa'i phyir mi rtag pa'i rnam pa la sogs pa zhes bya'o/ /zhi ba ni nyon mongs pa thams cad dang sdug bsngal ba thams cad zhi ba'i phyir mya ngan las 'das pa la bya'o/ /stong pa nyid dang mtshan ma med pa dang/ smon pa med pa zhes bya ba rnam par thar pa'i sgo gsum po de dag gi don ni sngar bshad zin te/ de dag khong du chud pa yang thos pa las 'byung ngo zhes bya bar sbyar ro/ /mngon par 'du mi byed pa dang/ dge ba mngon par 'du byed pa tshig gnyis kyis ni srog gcod pa la sogs pa mi dge ba'i las spong ba dang/ dad pa dang brtson 'grus la sogs pa dge ba mngon par 'du byed pa yang thos pa las 'byung zhes ston to/ /bden pas byin gyis brlabs pa ni 'phags pa'i bden pa bzhi mthong ba'i mthu dang ldan par byed pa ste bden pa mthong ba'i mthu dang ldan par yang thos pa las byung pas na thos pa ni bden pas byin gyis brlabs pa'i rnam pa zhes bya'o/ /yang na mdo dag las byang chub w sems dpa' la sogs pas rang gis dam bcas pa'i bden pa'i tshigs gis byin gyis brlabs na de bzhin du 'gyur ba ste/ /de yang thos pa las 'byung zhes bya bar sbyar ro/ /chud mi gson pa ni las dang las kyi 'bras bu rnam par smin pa yod par lta ba'o/ /rang gi kha na las pa ni gzhan la rag ma lus pa ste/ /gzhan la shes pa'i rag ma lus par bya ba yang thos pa las 'byung ba'i phyir ro/ /rang gi sems bsrung ba ni bya ba ma yin pa la mi 'jug par byed pa'o/ /brtson 'grus ni dge ba mngon par 'du byed pa la spro ba yin la/ de mi gtong ba ni rtag tu byed pa dang gus par byed pa'o/ /chos nges par sems pa ni phung po dang khams dang skye mched la sogs pa kun nas nyon mongs pa dang rnam par byang ba'i chos rnams blos gtan la 'beb pa'o/ /ji ltar bshad pa'i chos rnams mnyan nas rigs pas bsams te bsgoms na nyon mongs pa spongs bar 'gyur bas nyon mongs pa'i gnyen po'i rnam pa zhes bya'o/ /rang gis phyogs ni byang chub sems dpa' i phyogs te/ rnam par byang ba'i chos rnams dang/ de'i 'khor du gtogs pa'i sems can rnams so/ /bsrung ba ni phyogs de dag gzhan gyis mi 'phrog cing nyon mongs pa'i dbang du mi 'gyur bar byed pa'o/ /pha rol gyi phyogs bdud dang mu stegs can la sogs pa ste/ de dag dang nyon mongs pa tshar gcod pa ni de dag mthu med cing nyams smos par byed pa'o/ /nor bdun ni dad pa dang tshul khrims dang/ ngo tsha shes pa dang khrel yod pa dang thos pa dang/ gtong pa dang/ shes rab kyi nor te/ thos pa las de dag 'du bar 'gyur bas yang dag par 'du ba'i rnam pa zhes bya'o/ /de ltar 'phags pa'i nor bdun po 'phags pa'i nor ma yin pa'i nor las shin tu khyad zhugs pa de dag thos pa las yang dag par 'du ba'i phyir dbul ba thams cad gcod pa zhes bya ste/ /thos pa 'dis dbul ba thams cad gcod ces bya ba'i tha tshig go 'dzangs pa ni rig pa'i gnas lnga khong du chud pa'i gang zag ste/ thos pa ni nyes pa thams cad spong ba'i gnyen po yin pa dang/ yon tan mchog rnams thob pa'i rgyu yin pa'i phyir/ 'dzangs pa de dag gis bsngags pa'i rnam pa zhes bya'o/ /mkhas pa ni legs par bsams pa sems pa dang/ legs par smra ba brjod pa dang/ legs par bya ba'i las byed pa dang/ legs par smras pa dang/ nyes par smras pa'i don khong du chud par nus pa ste/ de lta bu dag thos pa la mos par byed pas mkhas pa la mngon par dga' ba'i rnam pa zhes bya'o/ /'phags pa nyan thos dang/ rang sangs rgyas dang/ de bzhin gshegs pa bdag gis kyang thos pa de lta bu thugs su chud pa 'am/ thos pa la 'phags pa rnams dgyes pa na thos pa ni 'phags pas kun shes pa'i rnam pa zhes bya'o/ /'phags pa ma yin pa ni so so'i skye bo ste/ thos pa'i shes rab kyang de dag kyang dam pa'i chos la mos shing dad par byed nus pa'i phyir/ 'phags pa ma yin pa dad par byed pa'i rnam pa zhes bya'o/ /thos pa'i shes rab las 'phags pa'i bden pa bzhi mthong ba 'byung ba'i phyir bden pa mthong ba'i rnam pa zhes bya'o/ /zag pa dang bcas pa'i phung po'i skyon skye ba dang/ rga ba la sogs pa rnam par spang ba'i thabs kyang thos pa las 'byung bas na 'di skad ces bya'o/ /thos pa'i shes rab kyi 'khor ba'i chos rnams kyi skyon khong du chud par byed pas na 'dus byas kyi skyon la yongs su 'jal ba'i rnam pa zhes bya'o/ /don la rton pa la sogs pa rton pa bzhi po yang thos pa las 'byung zhes bya bar sbyar te/ de dag gi don ni rton pa bzhi'i skabs nas 'chad do/ /thos pa dang ldan na sdig pa mi dge ba'i chos rnams mi byed pas sdig pa thams cad mi byed pa'i rnam pa zhes bya'o/ / bdag dang gzhan la phan pa ni bdag dang gzhan mi dge ba'i gnas nas bton te/ dge ba la 'jog pa 'am shes pa'i mthar phyin par byed pa ste/ de yang thos pa las 'byung zhes sbyar ro/ /thos pa nyid dge ba'i rang bzhin yin pas legs par byas pa'i las kyis rnam pa zhes bya'o/ /de ltar legs par byas pas na mi 'gyod pa'i rnam pa ste/ dge ba byas pa ni phyis 'di lta bur 'gyur ro snyam du sems la gdung ba med pa'i phyir ro/ /khyad par du 'gro ba ni yon tan khyad par can ma thob pa las thob par byed pa 'am/ yang na mos pa spyod pa'i sa yan chad gong nas gong du sa rnams gnon pa la bya ste/ de yang thos pa las 'byung bar sbyar ro/ /sangs rgyas kyi chos thams cad ni stobs dang mi 'jigs pa la sogs pa ste/ mdor na sangs rgyas kyi chos de dag thams cad kyang thos pa la brten nas 'thob par 'gyur gyi de las thabs gzhan med pas na sangs rgyas kyi chos thams cad 'thob pa'i rnam pa zhes bya'o/ /shes rab kyi 'jug pa bstan pa'i dbang du byas nas btsun pa sha radwA ti'i bu de la byang chub sems dpa' rnams kyi tshul bzhin yid la byed pa la 'jug pa ni sum cu rtsa gnyis te zhes bya ba la sogs pas gsungs so/ /de la tshul ni 'phags pa'i lam dang/ mya ngan las 'das pa la bya'o/ /de dang mthun par sems shing bsgom pa ni tshul bzhin yid la byed pa zhes bya ste/ tshul bzhin yid la byed pa des de kho na nyid kyi don la 'jug cing/ tshul bzhin yid la byed pa la 'jug pa zhes bya'o/ /de ltar don la 'jug pa de yang bsam pa'i shes rab kyi gtan la phab pa'i chos de la bsgoms pa'i shes rab kyis goms par byas nas don rtog par 'gyur te/ de bas na 'di ni bsams pa dang bsgom pa'i shes rab yin par rig par bya'o/ /yang na tshul ni 'phags pa'i lam dang mya ngan las 'das pa 'am/ mngon sum dang rjes su dpag pa la sogs pa'i rigs pa 'am/ ma nor bar ston pa'i mkhan po dang slob dpon gyi man ngag la bya ste/ /de dang mi 'gal bar yid la byed pa ni tshul bzhin yid la byed pa zhes bya'o/ /tshul bzhin yid la byed pa de la 'jug pas na tshul bzhin yid la byed pa la 'jug pa ste/ 'jug pa ni tshul bzhin yid la byed pa la gnas pa 'am/ /tshul bzhin yid la byed pa de dag gis rang bzhin dang/ /rab tu dbye ba rtogs pa'o/ /zhi gnas kyi gnas zhes bya ba la/ zhi gnas nyid gnas yin pas zhi gnas te/ zhi gnas de la 'jug pa ni zhi gnas kyi rang bzhin rtogs par byed pa 'am/ /ting nge 'dzin de la gnas par byed pa'o/ /lhag mthong gi 'dus byas dang 'dus ma byas kyi chos rnams kyi rang dang spyi'i mtshan nyid rab tu rnam par 'byed pas na lhag mthong rnam par dpyod pa zhes bya ba la/ de ltar rnam par dpyad pa las de kho na nyid kyis don rtogs par 'gyur bas 'jug pa zhes kyang bya'o/ /zhi gnas dang lhag mthong de nyid kyang sems las su rung ba la 'jug pas bshad do/ /dmigs par bya ba'i don la cir dgar gnas su btub pa ni zhi gnas dang lhag mthong yin pa'i phyir ro/ /lus dben pa dang sems dben pa la 'jug pa nyid kyis ni zhi gnas dang lhag mthong bsgom pa la sbyor ba bstan te/ spong ba dang mthun pa'i gnas lam brag phug dang nags tshal la sogs pa na gnas na chags par mi 'gyur ba'i yul 'gro ba bzang mo la sogs pa med pa dang 'dod pa la 'dun pa la sogs pa rtog pa mang na zhi gnas dang lhag mthong la 'jug par 'gyur ba'i phyir ro/ /rten cing 'brel par 'byung ba ni phyi dang nang gi bye brag gis rnam pa gnyis te sngar bshad par zad do/ /de la 'jug pa ni de dag gi mtshan nyid rtogs par byed ces bya ba'i tha tshig go /bden pa'i rjes su mthun pa ni 'phags pa'i bden pa bzhi tshul bzhin du yid la byed pa'o/ /yang na khams gsum la yid byung ba dang/ nyon mongs pa'i tshigs rnams dang bral bar dga' ba dang/ mya ngan las 'das pa la gcig tu phyogs pa dang/ 'phags pa'i lam sgrub par mos pa ni bden pa bzhi rtog pa'i rgyu yin pas bden pa'i rjes su mthun pa zhes bya'o/ /yang na bden pa bzhi ni mthong ba'i lam gyis rtog par bya ba yin pas de dang mthun pa ni nges par byed pa'i cha bzhi yin no/ /bden pa'i rjes su 'jug pa'i chos de 'jug pas na bden pa'i rjes su mthun par 'jug pa zhes kyang bya ste/ chos des de kho na'i don rtogs par byed ces bya ba'i tha tshig go /yang na bden pa'i rjes su mthun pa'i rtog par bya ba'i phyir 'jug ces bya bar yang bshad do/ /chad pa med pa dang rtag pa med pa'i tshig gnyis ni rten cing 'brel par 'byung ba'i don phyin ci ma log par rtogs par bstan te/ phyi dang nang gi rten cing 'brel par 'byung ba rgyu dang rkyen la brten nas skad cig ma'i tshul gyis skye ba rgyun mi 'chad pa dang/ de dag nyid kyang mi rtag pa yin par rtogs na cha dang med pa dang rtag pa med pa la 'jug pa zhes bya'o/ /de nyid kyi don gsal bar bstan pa'i phyir/ rgyu dang rkyen la 'jug pa zhes gsungs so/ /ma rig pa dang sa bon lta bu ni rgyu yin las dang chu la sogs pa ni rkyen yin par shes pa'o/ /bdag la sogs pa mu stegs can gyis bdag tu brtags pa'i ming gi rnam grangs ni sngar bshad par zad de/ de dag med par rtogs par byed pas na bdag med pa nas gang zag gi bar du med pa la 'jug zhes bya'o/ /'ong ba dang 'gro ba dang gnas pa med ces bya ba ni skye ba dang 'gag pa dang 'dug pa med pa ste/ de ltar rtogs pa la 'jug pa zhes bya'o/ /mi 'pho zhing rgyu dang 'bras bu chud mi za ba la 'jug pa ni 'di nas pha rol tu chos rdul tsam yang 'phos pa med pa las dge ba dang mi dge ba'i 'bras bu yang chud mi za par shes pa'o/ /stong pa nyid dang mtshan ma med pa dang smon pa med pa 'dris par byed pa la 'jug pa zhes bya ba la sogs pa 'di mam chad kyis mi gnas pa'i mya ngan las 'das pa'i las shes rab dang snying rjes zin par ston te/ 'khor ba na gnas kyang shes rab kyis 'khor ba'i dngos po thams cad stong pa nyid la sogs par khong du chud pas 'khor ba'i skyon gyi kyang ma gos la/ de ltar khong du chud kyang snying rjes sems can gyi don du 'khor bar 'jug pas na stong pa nyid dang mtshan ma med pa dang smon pa med pa mngon sum du mi byed pa la 'jug par yang byed ces sbyar te/ 'og ma dag la yang lam gnyis kyi zin par de bzhin du sbyar ro/ /bsam gtan bzhi dang/ nam mkha' mdzod dang/ dpa' bar 'gro ba la sogs pa'i ting nge 'dzin dang/ mthar gyis gnas pa'i */ /snyoms par 'jug pa rnams shes rab kyis skyed pa'i tshul la 'jug pa ste/ dbang byed kyang snying rje'i dbang gis 'dod pa'i khams kyi sems can rnams la lta ba'i phyir bsam gtan la sogs pa de dag gi dbang gis mi skye ba la 'jug go / mngon par shes pa nyid ye shes yin pas mngon par shes pa'i ye shes yin pa'am/ yang na bsam gtan mi zad pa'i skabs su bshad pa ltar mngon par shes pa dang ye shes pa zhes bya ste shes rab kyis de lta bu dag skyed pa la 'jug kyang snying rje zag pa zad pa mngon sum du byed pa ma yin pa la 'jug go / shes rab kyis kun tu rtags pa'i chos rnams rang bzhin med cing sems tsam du shes pa ni nang du rtogs pa la 'jug pa yin la/ de ltar shes kyang snying rje'i dbang gis mya ngan las 'das pa nges par gyur par 'jug go / shes rab kyi 'dus byas kyi skyon mi rtag pa la sogs pa la yongs su 'jal yang snying rjes 'dus ma byas kyi chos mya ngan las 'das pa mngon sum du mi byed par 'jug go /shes rab kyis sems can thams cad la bdag med par so sor rtog te/ don bya ba'i gnas rang bzhin med par shes kyang/ snying rje chen pos mi gtong ste/ sems can gyi don yang byed do/ /de la rnam pa bdun gyi na snying rje chen po khyad par du 'phags te/ rang bzhin ni zhe mi sdang ba dang/ gti mi mug pa'i rang bzhin yin pa'i phyir ro/ /rnam pa ni sdug bsngal gcig dang gnyis nas sdug bsngal brgya stong mang po'i bar la rtogs pa'i phyir ro/ /dmigs pa ni 'jig rten gyi khams thams cad la dmigs pa'i phyir ro/ /sa ni bsam gtan bzhi pa'i sar rtog pa'i phyir ro/ /rgyud ni byang chub sems dpa' i rgyud la 'byung ba'i phyir ro/ /'dod chags dang bral ba thob pa ni khams thams cad kyi 'dod chags dang bral ba thob pa'i phyir ro/ snying rje skye mched mi mnyam pa ni sems can thams cad la skyob par byed pa'i phyir ro/ /skye ba thams cad ni 'gro ba rgyud lnga'i skye ba rnams te/ so so'i skye bo dag ltar skye ba dag tu nyon mongs pa'i dbang du gyur nas yang dang yang du skye bas 'jig par lta ba ni shes rab ste/ de ltar rtogs kyang snying rje chen po'i smon lam gyi dbang gis rtag tu bsams bzhin du shes pas srid pa thams cad kyang yongs su 'dzin to/ /shes rab kyi khams gsum gyi chos rnams la yid byung zhing 'dod chags dang bral bar 'jug kyang snying rje 'dod chags dang bral ba'i chos mya ngan las 'das pa yang mngon sum du mi byed do/ /'dod pa nyid dga' ba yan la/ de dag so so'i skye bos bsten par bya ba yin pas yon tan yin te/ shes rab kyi de dag rang bzhin med par rtogs pas 'dod pa'i yon tan lnga po gang la yang chags pa dang sngar ba med de/ yal bar 'dor ba la 'jug pa yin yang/ chos rnams kyi don rtogs nas yid sin par 'gyur ba'i chos kyi dga' ba yang mi gtong ba la 'jug go /shes rab dang snying rje'i lam mdor bsdus te bstan pa'i phyir/ spros pa dang rnam par gtogs pa thams cad spong ba la 'jug pa dang/ thabs mkhas pa'i spros pa dang/ rnam par rtog pa mi spong bar 'jug pa zhes gsungs te/ shes rab kyi lus dang ngag gi las kyi spros pa la/ sems kyi rnam par rtog pa thams cad spong yang dga' ldan nas 'bab pa dang/ yum gyi lhum su gshegs pa la sogs pa sku'i 'phrin las dang/ chos ston pa'i gsung gi phrin las kyi thabs mkhas pa'i spros pa dang/ thugs kyi chos rnams kyi mtshan nyid rab tu 'byed pa'i rnam par rtog pa yang mi spong zhes sbyar ro/ /shes rab kyi 'jug pa tshul bzhin zhes bya ba de ni don yang bstan cing/ nges pa'i tshig gi dbang du byas nas/ btsun pa sha radwA ti'i bu gzhan yang tshul bzhin zhes bya ba de ni rigs pa'i tshig go zhes bya ba la sogs pa gsungs so/ / bslu bar mi byed pa ni rigs pa ste/ rigs pa bzhi dang ldan pa'i shes pa la tshul bzhin bya'o/ /rigs pa bzhi ni bltos pa'i rigs pa dang/ bya ba byed pa'i rig pa dang/ 'thad pa bsgrub pa'i rigs pa dang/ chos nyid kyi rigs pa'o/ /de la bltos pa'i rigs pa ni rgyu gang dang rkyen gang dag las bltos te chos gang skye ba'o/ /bya ba byed pa'i rigs pa ni chos skyes pa rnams rang gi bya ba byed pa ste/ 'di lta ste dper na mig gis gzugs rnams la lta bar byed pa dang/ rna bas sgra rnams nyan par byed pa la sogs pa lta bu'o/ /'thad pa bsgrub pa'i rigs pa ni chos rnams mi rtag pa 'am/ rten cing 'brel par 'byung ba 'am/ sdug bsngal ba 'am/ stong pa 'am/ bdag med pa'o zhes tshad ma gsum po yid ches pa'i lung dang/ mngon sum dang rjes su dpag pa dag gis nye bar rtog par byed cing/ mi rtag pa la sogs par bsgrub par byed pa'o/ /chos nyid kyi rigs pa ni ci'i phyir 'jig rten gnas pa de lta bur gyur pa yin/ ci'i phyir sa'i mtshan nyid sra ba yin zhes bya ba nas chos pa thams cad la yang sbyar te/ ci'i phyir de lta bu yin zhe na/ de ni chos nyid yin te/ chos de dag gi rang bzhin de yin zhing de dag gi ngo bo nyid de lta bu yin pas chos nyid de gang kho na yin pa de nyid 'di rigs pa yin no/ /rigs pa de lta bu dag tshul bzhin yid la byed pas shes shing rtogs par byed pas na/ tshul bzhin zhes bya ba de ni rig pa'i tshig ces bya ste/ 'og ma rnams la yang tshul de bzhin du sbyar ro/ /tshul ni chos rnams kyi rang bzhin phyin ci ma log pa 'am/ yang na tshul bzhin yid la byed pas sum cu rtsa gnyis kyi skabs su tshul gyis sgra bshad pa de la bya'o/ /bsgo ni tshul bzhin te bsam gtan dang/ mngon par shes pa dang stobs dang mi 'jigs pa la sogs pa yon tan dpag tu med pa rnams/ sgrub pa'i sgo yin pa'i phyir ro/ /yang na de'i sgo nas chos yangs shing rgya che ba rtogs par byed pa'i phyir ro/ /kha ni rten la bya ste/ tshul bzhin la rten nas chos phra zhing zab pa rnams rtog par byed pa'i phyir ro/ /rgyu dang rkyen ces bya ba'i ni tshul bzhin te/ sangs rgyas kyi chos rnams kyi rgyu dang rkyen yin pa'i phyir ro/ /mi 'gog pa zhes bya ba la tshul bzhin dang mi mthun pa'i rgyu dang rkyen rnams kyis de med par 'gyur ba ni 'gog pa zhes bya na tshul bzhin yid la byed pa las byung ba'i shes par dkar po'i chos kyi mthu dang ldan pas rang nang mi mthun pa'i rkyen gyi med par mi 'gyur bas mi 'gog pa'i tshig ces bya'o/ /mi 'gal ba ni chos rnams kyi rang bzhin ji ltar gnas pa las mi 'gag par rtog pa'i phyir ro/ /tshul bzhin gyi dngos po thams cad bdag med par rtog te/ gang la yang chags pa dang sdang ba med par btang snyoms kyi tshig ces bya'o/ /kun gzhi rnam par shes pa la mi gnas pas na mi rten pa'i tshig ces bya'o/ /mi gnas pa ni rten smos ma thag pa de gnyis la mi gnas pa'i phyir ro/ /yang na gang zag gi dngos por chags pa med pa na/ rten pa med pa'o/ /chos kyi dngos por chags pa med pas na mi rten pa'o/ /kun gzhi rnam par shes pa'i gnas la gnas pa med pas na mi gnas pa zhes bya'o/ /ma g.yos ba ni rang bzhin gzhan du ma gyur pa ste/ tshul bzhin de ngo bo nyid kyis rtag pas rnams kyang rang bzhin gzhan du mi 'gyur ba la bya'o/ /rnam par ma g.yos pa zhes bya ba la/ mi mthun pa'i phyogs kyi dbang du gyur pa ni rnam par g.yos pa ste/ tshul bzhin des mi mthun pa'i phyogs spangs pas mi rtog pa la rtag par 'dzin pa la sogs pa mi mthun pa'i phyogs kyi chos rnams kyi dbang du mi 'gyur ba'i phyir/ rnam par ma g.yos pa zhes bya'o/ /yang na 'dod chags la sogs pa kun nas nyon mongs pa dang phyin ci log bzhi'i rlung gis bskyed par mi nus pas na ma g.yos pa zhes bya la phung po dang khams dang skye mched la mngon par chags pa'i rlung gi bskyed par mi nus pas na/ rnam par ma g.yos pa zhes bya'o/ /kun brtags pa'i ngo bo la yod par ma 'dzin pas sgro btags pa med pa'o/ /rtag pa dang chad pa la sogs pa'i mthar ma lhung bas na mnyam pa nyid do/ /gzugs dang sgra la sogs pa'i mtshan ma rnam pa sna tshogs su 'byed pa ni mnyam pa ste/ chos thams cad brjod du med pa'i rang bzhin du tshul bzhin gyis khong du chud pa la de lta bur 'byed pa med pas mi mnyam pa med pa'o/ /ji ltar bsgrubs pa bzhin du 'bras bu 'thob ste/ mi bslu bas na bden pa'i tshig go /'phags pa rnams kyi spyod yul yin pa 'am/ tshad ma gsum dang mi 'gal bas yang dag pa'i tshig go /'jig rten gyi chos brgyad kyis mi 'gyur ba 'am/ yang na chos rnams kyi rang bzhin don dam pa skye ba dang 'jig pa dang bral ba rtogs par byed pa'i tshul bzhin yang mi 'gyur ba'i tshig ces bya'o/ /phyir bya ba ni gnyen po'i chos kyi spyad zhing bstad dgos pa ste/ tshul bzhin de nyid kun nas nyon mongs pa'i chos gzhan spyod pa'i gnyen po yin te/ de la gzhan gang gis kyang sbyad zhing bstad mi dgos pas na phyir bya ba med pa'i tshig go / 'jig rten pa'i lam dang/ 'jig rten las 'das pa'i lam/ de gnyi ka'i gong ma theg pa chen po'i lam gyis spangs par bya ba'i skyon spangs pas zhi ba de rab tu zhi ba dang/ nye bar zhi ba'i tshig go /mi mthun pa'i phyogs dang gnyen po'i chos rnam pa sna tshogs su rtog pa'i spros pa med pas spros pa med pa'i tshig ste/ ji ltar mi rtog ce na 'deg pa med pa dang/ gzhag pa med pa zhes smos ste/ kun nas nyon mongs pa'i chos glo bur ba bdeg cing bsal du yang med la/ rnam par byang ba'i chos sems kyis rang bzhin 'od gsal ba gsar du bsnan cing gzhag du yang med par tshul bzhin gyis rtog pa'i phyir ro/ /phung po lnga dang khams bco brgyad dang/ skye mched bcu gnyis la sogs pa ji snyed yod pa dang/ de dag nyid kyang mi rtag pa dang sdug bsngal pa la sogs pa ji lta ba bzhin du yod pa ma lus pa dang/ phyin ci ma log par tshul bzhin gyis rtog pas na ma tshang ba med pa'i tshig go /bdag la sogs pa dngos po med pa'i rnams yod par sgro btags nas shes pa'i yul du 'jal ba na lhag pa ste/ tshul bzhin de ltar mi 'jal bas lhag ma med pa'o/ /bsal cing bsnyigs pa ni phyir dbyung ba ste/ tshul bzhin shes pa thams cad kyi snying po yin pas de ltar byar med pa'i phyir dbyung du med pa'o/ /tshul bzhin mi mthun pa mi rtag pa la rtag par 'dzin pa la sogs pa ni gnyen po ste/ de dag 'dis spangs pas na gnyen po med pa'o/ /theg pa mchog gi lam du zhugs pa'i tshul bzhin gyis gang zag dang chos la bdag med pa khong du chud de/ nyan thos dang rang sangs rgyas la sogs pa mchog rnams las kyang ngam par gyur pas na dam pa'i tshig go / de kho na'i tshig ces bya ba ni bstan pa'o/ /lhag ma bzhi ni bshad pa ste/ rtag tu de bzhin du gnas shing rnam par mi 'jig pas de bzhin nyid dang/ ma nor ba dang phyin ci log tu gyur pa med pas ma nor ba de bzhin nyid dang/ gzhan du 'gyur ba med pas gzhan ma yin pa'i de bzhin nyid dang/ chos rnams kyi rang bzhin yin pas ji lta ba bzhin zhes bya ste/ chos rnams kyi yongs su grub pa'i mtshan nyid de lta bu shes par byed pa'i tshul bzhin yid la byed pa la yang de skad ces bya'o/ /yang na de kho na la sogs pa ni chos kyi dbyings kyi rnam grangs kyi tshig yin te/ de bas na dkon mchog sprin gyi mdo las/ byang chub sems dpa' sgrib pa thams cad rnam par sel bas gsol ba/ bcom ldan 'das de kho na zhes bgyi ba ci lags/ bcom ldan 'das kyis bka' stsal pa/ rigs kyi bu 'di lta ste/ de kho na zhes bya ba ni yang dag pa'i don gyi tshig bla dags so/ /gsol pa bcom ldan 'das yang dag pa zhes bgyi ba ci lags/ bcom ldan 'das kyis bka' stsal pa/ gang de bzhin nyid dang ma nor ba de bzhin nyid dang/ gzhan ma yin pa de bzhin nyid do/ /gsol pa bcom ldan 'das de bzhin nyid ces bgyi ba ji lta bu lags/ bcom ldan 'das kyis bka' stsal pa/ rigs kyi bu 'di dag ni so so rang gi rigs pa ste/ de dag la yi ges gdags par mi nus so/ /ci'i phyir zhe na/ chos de dag ni yi ge thams cad las shin tu 'das pa/ brjod pa thams cad las shin tu 'das pa/ tshig gi spyod yul thams cad las shin tu 'das pa tshig gi lam thams cad las shin tu 'das pa/ spros pa thams cad dang bral ba phye ba dang btsums pa thams cad dang rtog ge thams cad dang bral ba/ rtog ge thams cad kyis brtags pa'i spyod yul ma yin pa/ mtshan ma med pas de la mtshan ma'i spyod yul thams cad las yongs su 'das pa/ byis pa'i spyod yul las shin tu 'das pa/ bdud thams cad kyi spyod yul las shin tu 'das pa/ nyon mongs pa'i spyod yul thams cad las shin tu 'das pa/ rnam par shes pa'i sbyod yul las shin du 'das pa/ mi gnas pa ma yin pa zhi ba 'phags pa'i ye shes kyi spyod yul/ de dag nyid kyis so sor rang gis rig par bya ba/ dri ma med pa dang bdag pa gya nom ba rtag pa brtan pa rgyun tu gnas pa 'jig par mi 'gyur ba'i chos de/ de bzhin gshegs pa rnams byung yang rung ma byung yang rung chos kyi dbyings ni gnas pa'o zhes gsungs pa'i phyir ro/ /byang chub nges par ma thob pa ni chud mi za ba ste/ tshul bzhin gyis byang chub thob par byed pas chud mi zad pa'i tshig go / yang dag pa nyid de kho na nyid phyin ci ma log pa'i mthar thug pas yang dag pa'i mdza' i tshig go /sngon gyi mdza' dang phyi ma'i mdza' dang da ltar byung ba dus gsum bdag nyid thams cad du mi dmigs pas dus gsum yang dag par rjes su mthong ba ni dus gsum mnyam pa'i tshig ces bya'o/ /ji ltar mnyam zhe na/ dus yongs su ma chad pa zhes smos te/ 'dus byas kyi chos phung po la sogs pa skye ba dang/ gnas pa dang 'jig pa'i sgo nas dus gsum du gdags par zad kyi/ yongs su grub pa'i mtshan nyid la ni de lta bu dbye ba med pa'i phyir ro/ /gzugs la rnam par shes pa mi gnas pa la sogs pas dus gsum gyi chos 'dus byas rnams la ma chags pa 'am/ de dag la ming dang mtshan ma'i bdag nyid du mngon par zhen pa med pa ni tshul bzhin yin par ston te/ ji ltar so so'i skye bo dag kun brtag pa'i gzugs la rnam par shes pas rnam pa sna tshogs rtog cing de'i bdag nyid du mngon par zhen pa de ltar mi byed pas/ gzugs la rnam par shes pa mi gnas pa zhes bya ste/ tshor ba la sogs pa lhag ma rnams la yang de dang 'dra bar bshad do/ /de ni don la rton pa'i tshig ces bya ba la sogs pas tshul bzhin de tshig 'bru dang/ gang zag dang rnam par shes pa dang bkri ba'i don gyi mdo sde la mi ston gyis so sor ston pa bzhi la rten ces bya ba'i tha tshig go / rnam pa gcig tu na tshul bzhin zhes bya ba de ni rigs pa'i tshig go zhes bya ba la nges pa'i tshig smos pa thams cad tshul bzhin yid la byed pa dang mi sbyar bar chos rnams kyi de bzhin nyid yongs su grub pa'i nges pa'i tshig gi rnam grangs yin par sbyar zhing bshad de/ de bas na 'jug thogs su tshul bzhin zhes bya ba ni chos thams cad do zhes gsungs pa'i phyir te/ gang zag la bdag med pa dang chos la bdag med pa ni tshul bzhin zhes bya ste/ des chos thams cad la ma khyab pa med pa'i phyir tshul bzhin zhes bya ba ni chos thams cad do bshad do/ /'bras bu bstan pa'i dbang du byas nas/ ci'i phyir zhe na zhes bya ba la sogs pa gsungs te/ de'i phyir zhes bya ba na chos thams cad la ci'i phyir tshul bzhin zhes bya ba'i gtan tshigs 'dri ba'o/ /ji ltar bdag la bdag med pa de bzhin du zhes bya ba la sogs pas ni tshul bzhin mthong ba dang/ sbyor ba bstan pa'i sgo nas chos thams cad la tshul bzhin zhes bya ba ston te/ bdag ces bya ba ni rang gi nye bar len pa'i phung po ste/ de la gang zag dang chos kyi rang bzhin bdag med pa bzhin du phung po dang khams dang skye mched la sogs pa chos thams cad tshad ma gsum mam/ shes rab rnam pa gsum gyis rigs pas mthong ba 'am/ ji ltar sems can la bdag med pa bzhin du phung po dang khams dang skye mched la sogs pa chos thams cad kyang bdag med par mthong na tshul bzhin mthong ba zhes bya bas chos thams cad ni tshul bzhin zhes bya bar grub bo// 'khor ba'i khams kyi tshul bzhin ni 'khor ba'i rang bzhin te/ ji ltar mya ngan las 'das pa'i dbyings kyi tshul bzhin yongs su dag pa yin pa bzhin 'khor ba'i rang bzhin yang yongs su dag par mthong na zhes bya ba'i tha tshig go kun nas nyon mongs pa'i rang bzhin ni 'dod chags la sogs pa ste/ lus dang sems la gnod pa sna tshogs bskyed par byed pa'i phyir ro/ /rnam par byang ba ni byang chub kyi phyogs dang/ pha rol tu phyin pa ste/ nyon mongs pa rnams 'joms pa'i gnyen po yin pa'i phyir ro/ /mi mthun pa'i phyogs dang gnyen po de gnyi ka yang brjod du med pa'i rang bzhin du mtshungs shing mi mthun pa'i phyogs dang gnyen po zhes brjod pa ltar don dam par bye brag med par mthong ba de ni tshul bzhin du sbyor ba zhes bya'o/ /de ltar gnyi ga yang brjod du med par 'dra bas rnam par byang ba'i chos la yon tan can du rigs par yang mi sems/ kun nas nyon mongs pa'i chos la skyon can du mi rigs par yang mi sems pa de ni tshul bzhin rab tu sbyor ba zhes bya'o/ btsun pa sha radwA ti'i bu mdor na zhes bya ba la sogs pas ni byang chub sems dpa' de ltar tshul bzhin sbyor ba de dag thams cad gang la dmigs shing/ gang la brten nas sbyor ba'i gnas ston te/ tshul bzhin sbyor ba ji snyed pa zhes bya ba ni tshul bzhin gyi 'jug pa grangs ji snyed yod pa 'am/ ji snyed byed pa zhes bya ba'i don to/ /de dag thams cad kyi gnas pa ni sems can ni zhes bya ba ni tshul bzhin de dag brten dang/ dmigs par bya ba'i yul sems can yin te/ 'di ltar byang chub sems dpa' sems can la thugs brtse bas de dag yongs su gzung ba'i phyir tshul bzhin yid la byed pa de dag la sbyor ba mdzad pa 'am/ yang na ji ltar sems can la bdag med pa de bzhin du chos thams cad rigs pas mthong zhes bya ba la sogs pa'i tshul gyis sems can gyi yul la tshul bzhin gyi sbyor ba mdzad do zhes bya ba'i tha tshig go / de ltar thugs rje chen po'i dbang gi sems can la dmigs na dmigs pa dang bcas pas chos kyi dbyings bkrugs par mi 'gyur ram snyam pa la sems can gyi gnas kyang mi spyod la/ chos kyi gnas kyang 'khrugs par mi byed de zhes gsungs te/ byang chub sems dpa' de sems can gyi gnas 'khor bar skye ba yang mi gtong la/ chos kyi gnas stobs dang mi 'jigs pa la sogs pa yon tan gyi chos rnams kyi 'byung gnas kyi chos kyi dbyings rnam par dag pa dang/ rnam par mi rtog pa'i ye shes 'khrugs par mi byed de sems can gyi don du 'khor bar gnas kyang de gnyis las nyams par mi 'gyur zhes bya ba'i tha tshig go /shes rab kyi rnam pa la sogs pa gong du bshad pa rnams bsdus te bstan pa dang/ gong du bshad pa'i chos rnams kyi 'bras bu shes rab yin par bstan pa'i phyir btsun ba sha radwA ti'i bu de ltar de'i chos kyi rnam pa dang/ thos pa'i rnam pa dang tshul bzhin la 'jug pa'i sbyor ba rgyu mthun pa de ni shes rab ces bya'o zhes smras te/ de'i zhes bya ba ni sems bskyed pa dang bsam pa mi zad pa la sogs pa nas shes rab mi zad pa'i bar la gnas pa'i byang chub sems dpa' de'i zhes bya ba'i don to/ /chos kyi rnam pa ni phung po dang khams dang skye mched la sogs pa'o/ /yang na chos kyi rnam pa ni sems bskyed pa dang bsam pa dang sbyor ba dang lhag pa'i bsam pa dang/ sbyin pa dang tshul khrims dang bzod pa dang brtson 'grus dang bsam gtan la sogs pa gong du bshad pa'i chos rnams so/ /thos pa'i rnam pa ni gong du thos pa'i rnam pa brgyad cu rtsa bzhi smos pa'o tshul bzhin la 'jug pa'i sbyor ba ni gong du tshul bzhin la 'jug pa sum cu rtsa gnyis smos pa'o/ /chos de rnams nyid de rgyu pas na chos kyi rnam pa dang thos pa'i rnam pa dang/ tshul bzhin la 'jug pa'i sbyor ba'i rgyu zhes bya ste/ rgyu de dang mthun pa'i 'bras bu ni rgyu mthun pa ste/ dngos su shes rab mi zad pa'o/ /don du na rgyu mthun pa zhes bya ba ni rgyu ci 'dra bar mthun par gyur pa'i 'bras bu la bya ste/ chos kyi rnam pa dang thos pa'i rnam pa dang tshul bzhin la 'jug pa'i sbyor ba'i rgyu de dag las 'bras bu shes rab mi zad pa 'byung bar 'os kyi/ gzhan ni ma yin pa'i phyir ro/ /shes rab kyi rang bzhin bstan pa'i dbang du byas nas/ de la shes rab ni 'grogs pa dang lhan cig mi gnas te zhes bya ba la sogs pas gsungs so/ /'grogs pa bcu drug dang lhan cig mi gnas zhes bya bas ni shes rab kyang skabs 'dir rnam par mi rtog pa'i ye shes dmigs pa dang/ spros pa thams cad las 'das pa/ mtshan ma thams cad ma 'dres pa'i rang bzhin la bya bar 'dod de/ de bas na dmigs pa dang/ mtshan ma'i skyon rnams dang ma 'dres pa'i phyir 'grogs pa bcu drug dang lhan cig mi gnas so zhes bshad do/ /de lam rig pa'i 'grogs pa dang lhan cig mi gnas so zhes bya ba la sogs pas 'khor ba'i rgyu sred pa'i yan lag bcu gnyis rnams dang lhan cig mi gnas par bstan te/ de la ma rig pa ni yang dag pa'i mdza' khong du mi chud pa'o/ /ma rig pa de nyid 'grogs pa yin pas na ma rig pa'i 'grogs pa ste/ ma rig pa'i dbang du gyur pa 'am/ ma rig pa dang 'dres par gyur pa'o/ /mi gnas so zhes bya ba ni de dang ma 'dres pa 'am/ ma 'gags pa zhes bya ba'i don to/ /gal te rnam par mi rtog pa'i ye shes de ma rig pa dang 'dres na ni gzhan gyi dbang gi mtshan nyid bzhin du 'khor bar lhung ba'i skyon du 'gyur ro/ /de bzhin du zhes bya ba ni de dang 'dra ba zhes bya ba'i don te/ 'du byed rnams dang lhan cig mi gnas so zhes bya ba nas yan lag lhag ma rnams la yang de dang 'dra bar sbyar ro/ /de la 'du byed ni rnam pa gsum ste/ bsod nams ma yin par 'gro ba'i 'du byed dang/ bsod nams su nye bar 'gro ba'i 'du byed dang/ mi g.yo bar nye bar 'gro ba'i 'du byed do/ /rnam par shes pa ni sa bon thams cad kyi rten rnam par smin pa'i rang bzhin kun gzhi rnam par shes pa'o/ /ming ni tshor ba dang 'du shes dang 'du byed dang rnam par shes pa rnams so/ /gzugs ni bstan du yod pa la thogs pa dang bcas pa 'am/ bstan du med pa thogs pa dang bcas pa bstan du yang ming la thogs pa yang med pa ste/ /de gnyis gcig tu bsdus na ming dang gzugs zhes bya'o/ /skye mched drug ni mig gi skye mched nas yid kyi skye mched kyi bar du'o/ /rig pa ni yul dang dbang pa dang rnam par shes pa rnams rgyu dang 'bras bu la mtshan nyid du dus mnyam du chags pa'o/ /tshor ba ni bde ba dang sdug bsngal ba dang/ bde pa yang ma yin sdug bsngal ba yang ma yin pa'i tshor ba rnams so/ /srid pa ni yul dang longs spyod la rgyun du spyod kyang/ tshwa chu 'thung ba dang 'dra bar ngoms pa dang tshin? pa med pa'o/ /len pa ni 'dod pa len pa dang tshul khrims dang brtul zhugs len pa dang/ lta ba len pa dang bdag tu smra ba len pa dang/ srid pa ni 'dod pa'i srid pa dang/ gzugs kyi srid pa dang gzugs med pa'i srid pa'o/ /skye ba ni las kyi bag chags rnam pa sna tshogs bsags pa'i khyad par las nying mtshams sbyor ba de dang de dag tu phung po dang khams dang skye mched la sogs pa mngon par grub pa'o/ /rga ba ni mer mer po dang nur nur po dang mkhrang gyur pa dang rkang lag 'gyus pa nas gzhon nu dang lang tso dang dar la bab pa'i stobs dang mthu dang gzi brjid dang mdangs la sogs pa rab tu gzhan gyur te nyams pa'o/ /shi ba ni tshe dang drod dang rnam par shes pa med par gyur ba'o/ /ma rig pa 'gogs pa'i 'grogs pa dang lhan cig mi gnas so zhes bya ba la sogs pas ma rig pa 'gags pa la sogs pa 'khor ba las ldog pa'i rgyu rnams par byang ba'i chos rnams dang yang ma 'dres pa bstan te/ ma rig pa 'gags pas ni mi rig spangs pa 'am/ ma rig pa med par gyur nas de dang mi mthun pa'i rig pa skyes pa la bya'o/ /'jigs tshogs la lta ba'i 'grogs pa dang lhan cig mi gnas pa zhes bya ba la sogs pas log pa'i lta ba rnams dang ma 'dres pa bstan te/ de la 'jig tshogs zhes bya ba ni gzugs la sogs pa phung po lnga 'jig pa'i rang bzhin can rnams phung po dang tshogs su gyur pa la bya ste/ de la bdag yod par lta ba ni 'jig tshogs la lta ba'o/ 'jig tshogs la lta ba de nyid rtsa ba yin pas na 'jig tshogs la lta ba'i rtsa ba ste/ lta bar gyur pa thams cad kyi rgyu yin pa'i phyir ro/ /lta ba de'i rtsa ba las byung ba ni lta bar gyur pa drug cu rtsa gnyis po'i bar dag ste/ lta bar gyur pa drug cu rtsa gnyis ni rtag par lta ba dang mdza' dang mdza' med par smra ba la sogs pa tshangs pa'i dra ba dang/ lnga gsum pa la sogs pa la sogs pa las gsungs pa bzhin du rig par bya'o/ /bar dag ces smos pas ni bdag tu lta ba'i ri'i rtse mo nyi shu po gzugs la bdag tu lta ba dang bdag gzugs dang ldan pa dang gzugs bdag gi yin pa dang gzugs la bdag gnas par lta ba dang de bzhin du tshor ba la sogs pa phung po lhag ma bzhi la yang mthun mthun du sbyor te/ de dag la sogs pa lta bur gyur pa thams cad dang lhan cig mi gnas pa zhes bya ba'i tha tshig go / mthon dman ni 'bras bu yin la/ 'jig rten gyi chos ni rgyu yin te/ 'di ltar rnyed pa la sogs pas ni mtho bar sems pa 'byung la/ ma rnyed pa la sogs pa las mi dma' bar sems pa 'byung pa'i phyir te/ 'jig rten gyi chos brgyad po de dag gi sems khengs pa dang zhum par mi 'gyur bas na mthon dman gyi 'grogs pa dang/ lhan cig mi gnas pa nas 'jig rten gyi chos brgyad kyi bar gyi 'grogs pa dang lhan cig mi gnas zhes gsungs so/ /de la rnyed pa dang ma rnyed pa ni chos gos dang lhung bzed la sogs pa'o/ /snyan pa dang mi snyan pa ni yon tan dang skyon rnams so/ /smad pa dang bstod pa ni skyon mos pa dang/ yon tan tshigs su bcad pas brjod pa'o/ /bde ba dang sdug bsngal ni lus dang sems la phan 'dogs pa dang gnod pa dang skyed pa'o/ /khro ba dang khon du 'dzin pa zhes bya ba nas/ nye ba'i nyon mongs pa thams cad kyi bar gyi 'grogs pa dang lhan cig mi gnas zhes bya ba nye ba'i nyon mongs pa dang/ ma 'dres par bsten te/ nga rgyal yang sems nye bar nyon mongs pa byed pa'i sgo nas nye ba'i nyon mongs pa zhes gdags so/ /de la khro ba ni 'phral du gnod par byed pa la gnas te/ sems kyi kun nas mnar sems pa'o/ /khon du 'dzin pa ni khros pa'i 'og tu 'dis bdag la gnod pa 'di byas so zhes shar bsnyems pa'i/ mdung par 'dzin pa mi gtong ba'o/ /'chab pa ni 'dun ba dang zhe sdang dang 'jigs ba la sogs pa bsal te/ phan par 'dod pa'i gleng ba pos khyod 'di lta bu byed ba'o zhes bsnyad pa na kha na ma tho ba mkhrud pa'o/ /yongs su gdung ba ni tshig brlang pos gzhan gyis sems gdung ba bskyed pa'o/ /phrag dog ni pha rol po'i snyed pa dang/ bkur sti dang rigs dang tshul khrims dang thos pa la sogs pa'i yon tan mthong nas zhe sdang gi char gtogs pa'i sems khong nas 'khrugs pa'o/ /ser sna ni rnyed pa dang bkur sti la zhen nas 'dod chags kyi sems kyis phyi dang nang gi dngos po mi gtong ba'o/ /sgyu ni rnyed pa dang bkur sti la lhag par chags pas gzhan la bsams pas tshul khrims la sogs pa'i don du gnas la gzhan du ston pa'o/ g.yon ni bdag nyes pa bcab pa'i thabs bzung ste/ gzhan nas gzhan du sgyur zhing gtam rlung bskur bya ba dang/ gsal bar mi byed pa'o/ /ngo tsha med pa ni las de dag gi cha ma yin par shes kyang kha na ma tho bas mi 'dzems pa'o/ /khrel med pa ni gzhan la kha na ma tho ba mi 'dzem pa'o/ /khengs pa ni 'dod chags shas che ba'i dbang gi lus kyi 'gyur ba rkang lag brkyang ba dang/ mgo 'phang stod pa dang/ smin ma bsdus pa dang so gtsigs pa la sogs pa 'gying bar snang ba ste/ mkhan po dang slob dpon dang bla ma la sogs pa la thal mo sbyar ba dang/ 'dud pa la sogs pa'i las mi byed pa'o/ /brtsod pa ni de dag gi rgyu las lus dang ngag gi las rdeg pa dang 'ching pa dang skyon smos pa dang mtshang 'dru ba la sogs pa byed ba'i/ /rgyags pa ni bdag gi rigs dang nad med pa dang gzugs dang lang tso la sogs pa rang gi phun sum tshogs pa la dga' ba'i bye brag dang ldan pa'i srid bas sems rang dbang med par byed pa'o/ /bag med pa ni 'dod chags dang zhe sdang dang gti mug gi dbang gis dge ba mi sgom zhing mi dge byed pa'o/ /nga rgyal ni rig dang shes brgya dang nor la sogs pas dma' ba bas de dag gis bdag che'o snyam du sems khengs pa 'am/ rigs la sogs pa mtshungs pa nyid la de dag dang bdag mtshungs so snyam du sems khengs pa 'am/ lhag pa'i nga rgyal ni rig dang shes rgyal sogs pas mtshungs pa bas gtong ba dang/ tshul khrims dang nyams rtsal la sogs pas bdag che'o snyam pa 'am/ rigs dang nor la sogs pas che ba la bdag dang mtshungs so snyam du sems khengs pa'o/ /nga rgyal las kyang nga rgyal ni rigs la sogs pa che babs kyang bdag che'o snyam sems khengs pa'o/ /nga'o snyam pa'i nga rgyal ni nye bar len pa'i phung po la bdag dang bdag gi dang bral ba de dag la bdag dang bdag gir mngon par zhen nas sems khengs pa'o/ /chud zad snyam pa'i nga rgyal ni rigs dang shes rgya dang nor la sogs pas khyad ches 'phags pa la bdag cung zad cig gis chung ngo snyam du sems khengs pa'o/ /mngon pa'i nga rgyal ni yon tan khyad par can 'bras bu dang bsam gtan la sogs pa ma thob pa thob bo snyam du sems khengs pa'o/ /log pa'i nga rgyal ni yon tan ma yin pa dang ldan pa la bdag yon tan dang ldan no snyam khengs pa'o/ /nye ba'i nyon mongs pa thams cad kyis zhes bya bas na gang du ming gis smos pa'i nye ba'i nyon mongs pa rnams dang mi 'grogs par zad kyi/ gzhan yang nye ba'i nyon mongs pa rnam par g.yeng ba dang/ shes bzhin med pa dang 'gyod pa dang gnyid la sogs pa dang yang mi 'grogs so zhes so zhes bya ba'i tha tshig go /'dod chags dang zhe sdang dang gti mug gis kun nas sdang ba zhes bya ba la sogs pa nyon mongs pa rnams dang lhan cig mi gnas par bstan te 'dod chags ni srid pa dang srid pa'i longs spyod la chags shing smon pa'o/ /zhe sdang ni sems can rnams la kun nas mnar sems pa ste/ gang gi dbang gi sems can rnams la gsod pa dang 'ching ba la sogs pa byed pa'o/ /gti mug gi ngan song rnams dang/ mtho ris dang mya ngan las 'das pa dang/ de dag thob pa byed pa'i rgyu dang de dag gi rgyu dang 'bras bu 'brel ba phyin ci ma log par mi shes pa'o/ /kun nas ldang ba ni de dag skye ba'i rgyu dang rkyen phrad nas mngon du 'byung ba ste/ de yang yul nye bar gyur la/ tshul bzhin ma yin pa yid la byed pa dang ldan zhes gsungs pa'i phyir ro/ /nyon mongs pa de dag kyang mthong ba'i lam gyis spang bar dka' ba dang/ sla ba'i bye brag gis phra mo dang sbom po zhes bya ba la/ bsgom pa'i lam gyi spang bar sla ba dang dka' ba dang shin tu dka' ba'i bye brag gis chung ngu dang 'bring dang chen po zhes bya ste/ bsgom pa'i lam chen po'i chen po la sogs pa dgus slang? ba'i nyon mongs pa rnams la bya'o/ /yang na 'jig rten las 'das pa'i lam gyi spang bar bya ba ni bag chags dang bcas te spang bar bya ba yin pas spang dka' ba'i phyir phra mo zhes bya la/ 'jig rten pa'i lam gyis spang bar bya ba ni spang sla bas sbom po zhes bya'o/ /yang na gang zag nyon mongs pa'i shas chung ba rnams kyi ni phra mo yin la/ gang zag nyon mongs pa shas che ba rnams kyi ni sbom po zhes bya'o/ /yang na gzugs dang gzugs med pa'i khams su gtogs pa'i nyon mongs rnams ni kha nang du bltas pa yin pas phra mo zhes bya la/ 'dod pa'i khams kyi nyon mongs pa rnams ni 'dod pa'i yon tan lnga la chags te kha phyir ltas ba yin pas sdom? po zhes bya'o/ /nyon mongs pa'i kun nas ldang ba thams cad kyi bar zhes bya ba ni nyon mongs pa de dag gsum dang yang mi 'grogs par yang mi zad kyi/ gzhan yang the tshom dang mdud pa dang 'ching ba la sogs pa dang mi 'grogs pa'i ston te gti mug gi mun pa dang rab rib kyi ling tog dang zhes bya ba la sogs pas nyams par 'gyur ba'i chos rnams dang lhan cig mi gnas par bstan te/ gong du nyon mongs pa'i nang du yang gti mug smos mod kyi/ mdo las rmongs pa med pa la gzhan mi 'byung ngo zhes te nyon mongs pa thams cad 'byung ba'i gzhi gti mug yin pas 'dir legs shig tu yang smos so/ /gti mug nyid mun pa yin pas na gti mug gi mun pa ste/ dper na mun pas dngos po rnams mi mthong zhing log par mthong ba de bzhin du gti mug gi kyang sdug bsngal la bde bar mthong bas na gti mug gi mun pa zhes bya'o/ /rab rib nyid ling tog yin pas na rab rib kyi ling tog ste/ ling tog dang 'dra bar tshe rab gzhan gyi nyes dmigs yong yang dag pa yang mi mthong ba'i phyir ro/ /gang gis phyir sgrib par gyur pa de'i phyir chod pa zhes bya ste/ rtsig pas chod pa'i pha rol na dngos po yod pa ma mthong ba bzhin du tshe 'di'i nyes dmigs yod yang dag pa yang shin tu mi mthong ba'i phyir ro/ /yang na tshe rabs gzhan gyi las dang nyon mongs pa'i mtshan nyid mi shes pa na gti mug pa'o/ /las dang nyan mongs pa de'i 'bras bu sdug bsngal gyi bdag nyid gnod pa du ma'i rang bzhin can gyi mtshan nyid mi shes pa ni mun pa'o/ /tshe 'di'i las dang nyon mongs pa rnams mi shes ba ni rab rib po'o/ /nyon mongs ba de'i rgyal tshe 'di la gnod pa sna tshogs 'byung ba dang phung po nyid kyang sdug bsngal sna tshogs kyi rang bzhin can du mi shes pa ni ling rtog go / las gang byas pas tshe rabs gzhan du 'bras bu gang thob pa mi shes pa sgrib pa'o/ /'bras bu de dag kyang tshe 'di nas ma bzos? pa'o/ /rang bzhin med par mi shes pa ni chod pa'o/ /nyams par 'gyur ba'i cha dang mthun pa'i chos k un nas ldang ba thams cad kyi bar gyi 'grogs pa dang lhan cig mi gnas zhes bya ba ni nyams ba 'gyur ba'i chos de rnams dang lhan cig mi gnas par yang ma zad kyi gzhan yang nyon mong pa'i phyogs su gtogs pa'i chos yon tan dang sa rim pa gdam? la sogs pa 'thob pa las kyang nyams par 'gyur/ ma thob pa yang thob par mi 'gyur ba rnams dang lan cig mi 'grogs so zhes bya ba'i don to/ /'dod pa dang 'thab mo'i rnyog pa dang zhes bya ba la sogs pas bdud kyis phyogs su gtogs pa'i skyon rnams dang/ bdud dang bdud kyi las rnams spangs ba bstan te/ 'dod pa ni gzugs la sogs pa 'dod pa lnga'i yon tan la bya'o/ 'thab mo'i don ni sngar smras pa bzhin te/ 'dod pa dang 'thab mo de dag nyid rnyog pa dang 'dra bas na rnyog pa zhes bya'o/ /bdud bzhi la gzugs la sogs pas nye bar len pa'i phung po lnga ni phung po'i 'dud do/ /khams gsum na spyod ba'i nyon mongs pa thams cad ni nyon mongs pa'i bdud do/ /sems can de dang de dag sems can gyi ris mthun pa de dang de dag nas shi 'phos pa ni 'chi bdag gi bdud do/ /yang dag dge ba'i phyogs la rab tu zhugs nas phung po dang/ nyon mongs pa dang/ 'chi bdag gi bdud las 'da' bar 'dod pa'i khams su skyes pa'i lha'i bu dbang phyug chen po rnyed pa bar chad bya ba'i phyir nye bar lhag pa rnams ni lha'i bu'i bdud do/ /bdud kyi las thams cad kyi bar dang lhan cig mi gnas so zhes bya ba ni gang 'dod pa lnga'i yon tan la chags pa dang/ srog gcod pa la sogs pa sdig pa mi dge ba'i las rnams dang/ gzhan yang de kho na rtog pa'i bar du gcod pa rtogs pa dang rnam par rtogs pa la sogs pa bdud kyis lags rnyed par 'gyur ba'i las thams cad ni bdud kyi las su shes par bya'o/ /de yang mdor bstan na gang zag la la zhig thar bar 'gyur bas mngon par bsdus pa mya ngan las 'das pa dang rjes su mthun pa'i dge ba'i chos la dad pa yang dag par skyes pa na 'dod ba las chags pa'i dbang du gyur nas ldog pa ni bdud kyi las so/ /dbang po'i sgo bsdams te gnas pa ni gang chags par 'gyur ba'i gzugs dang sgra dang dri dang ro dang reg bya dang chos rnams la mtshan mar 'dzin cing mngon rtags su 'dzin pa ni bdud kyi las/ /de bzhin du zas kyi chod rig par gnas pa ni ro'i khyad par la sems chags pa dang/ nam gyi cha stong dang cha smad la mi nyal bar rjes su sbyor ba ni gnyid kyi bde ba dang/ nyal ba'i bde ba dang/ blos 'bebs pa'i bde ba la chags shing sems 'jug pa ni bdud kyi las su rig par bya'o/ /shes bzhin dang bcas par gnas pa ni byis ba 'am 'gro ba bzang mo kha dog mchog dang ldan pa'i rnams mthong nas tshul bzhin ma yin pa yid la byed cing der sems 'jug pa dang/ 'jig rten gyi 'bral gyi bya ba mang po la sems 'jug pa dang/ 'du 'dzi mang po'i nang du 'dre zhing sdig pa'i grogs po mi dge ba'i las byed pa rnams mthong na sems la mos pa skye ba ni bdud kyi las so/ /de bzhin du sangs rgyas dang chos dang dge 'dun dang sdug bsngal kun 'byung dang/ 'gog pa dang lam dang tshe 'di dang tshe rabs pha rol rnams la the tshom dang/ yid gnyis skye ba ni bdud kyis las so/ /gang gi tshe rnyed pa dang bkur sti la sems chags pa dang/ ser sna dang 'dod chen dang chog mi shes pa dang/ khra ba dang/ kho na du 'dzin pa dang/ tshul 'tshos pa dang kha gsag la sems 'jug na bdud kyi las su rig par bya'o/ /gzhan yang rgyas par bshad na de la sogs pa bdud kyi las tshad med par yod de/ 'jam dpal rnam par 'khrul pa las kyang/ lha'i bu ji tsam du las rnams 'byung ba de tsam du bdud kyis las so/ /ji tsam du smon pa dang/ ji tsam du log par 'dzin pa dang/ ji tsam du mchog tu 'dzin pa de tsam du bdud kyi las so/ /ji tsam du 'dod pa dang/ ji tsam du 'du shes pa dang/ ji tsam du rlom sems pa dang ji tsam du yongs su rtog pa de tsam du bdud kyi las so/ /lha'i bu gzhan yang byang chub kyi sems la mngon par zhen pa yang bdud kyi las so/ /sbyin pa sems la mngon par zhen pa yang bdud kyi las so/ /tshul khrims dang bzod pa dang brtson 'grus dang bsam gtan dang shes rab kyi sems la mngon par zhen pa yang bdud kyi las so/ /sbyin pa rlom sems su byed pa dang tshul khrims mchog tu 'dzin pa dang/ bzod pa 'dzin pa dang brtson 'grus len pa dang/ bsam gtan la mtshan ma dang shes rab rgyu ba yang bdud kyi las so/ /dgon pa la dga' zhing mos pa'i sems dang/ btang snyoms su lhung ba yang bdud kyi las so/ /'dod pa nyung ba dang chog shes pa dang sbyangs pa'i yon tan dang yo byad bsnyungs pa rlom sems su byed pa yang bdud kyi las so/ /bdag ni stong pa nyid la gnas pa/ bdag ni mtshan ma med pa la gnas pa/ bdag ni smon pa med pa la gnas pa dag ni spros pa med pa la gnas pa/ bdag ni de bzhin gshegs pa'i bka' sgrub cing gnas pa'o snyam du rlom sems su byed cing/ rnam par rtogs pa yang bdud kyi las so/ /lha'i bu rtog pa dang/ rnam par rtog pa dang yongs su rtog pa dang/ mthong ba dang thos pa dang bye brag phyed pa dang rnam par shes pa'i gnas ji tsam pa de tsam du bdud kyi las so/ /lha'i bus smras pa 'jam dpal bdud kyi las ga las byung/ 'jam dpal gyis smras pa/ lha'i bu bdud kyi las ni brtson 'grus las byung ngo/ /de ci'i phyir zhe na lha'i bu brtson pa la bdud glags chol gyi/ mi brtson pa la bdud kyis ci zhig bya bar 'gyur te/ de nyid bdud kyi las yin no/ /lha'i bus smras pa/ 'jam dpal byang chub sems dpa' ji ltar na brtson pa yin/ ji ltar na mi brtson pa yin/ 'jam dpal gyis smras pa/ lha'i bu ji tsam du gnyis la sbyor ba de tsam du brtson pa yin no/ /de ci'i phyir zhe na/ 'jig rten gnas pa ni gnyis la sbyor ba dang ldan no/ /lha'i bu brtson pa zhes bya ba 'di ni sbyor ba yang dag pa'i tshig bla dags so/ /sbyor ba yang dag pa zhes bya ba 'di ni sbyor ba med pa'i tshig bla dags so / sbyor ba med pa zhes bya ba 'di ni spras pa med pa'i tshig bla dags so/ /spros pa med pa'i zhes bya ba 'di ni sbyor ba yang dag pa'i tshig bla dags so/ /lha'i bu gang na mig la mi sbyor ba dang gzugs la mi sbyor ba 'di ni byang byang chub sems dpa' i sbyor ba yang dag pa zhes bya'o/ /gang na rna ba la mi sbyor ba dang sgra la mi sbyor ba dang sna la mi sbyor ba dang dri la mi sbyor ba dang lce la mi sbyor ba dang/ ro la mi sbyor ba dang lus la mi sbyor ba dang/ reg bya la mi sbyor ba dang yid la mi sbyor ba dang chos la mi sbyor ba 'di ni byang chub sems dpa' i sbyor ba yang dag pa zhes bya'o/ /yang de bzhin du lha'i bu nyi shu po 'di dag ni byang chub sems dpa' rnams kyi bdud kyi las yang dag phul yin no/ /nyi shu gang zhe na/ 'di lta ste/ rnal 'byor sbyod pa rnam par grol ba 'dod cing 'khor bas skrag pa rnams la snyen pa dang/ bsten pa dang bsnyen bkur byed pa ni bdud kyi las so/ /stong pa nyid la so sor rtog cing sems can yal bar 'dor ba yang bdud kyi las so/ /'dus ma byas la so sor rtog cing 'dus byas kyi dge ba'i rtsa bas yongs su skye ba yang bdud kyi las so/ /bsam gtan skyong cing bsam gtan las rnam par mi ldog pa tshol ba yang bdud kyi las so/ /chos ston kyang chos nyan pa rnams la snying rje chen po mi skyed pa yang bdud kyi las so/ /yon tan dang ldan pa dang/ sbyin gnas tshol bzhin du tshul khrims 'chal ba rnams la khro ba yang bdud kyi las so/ /nyan thos dang rang sangs rgyas kyi gtam ston cing theg pa chen po'i gtam 'chab pa yang bdud kyi las so/ /zab mo'i gtam 'chab cing gtam sna tshogs ston pa yang bdud kyi las so/ /byang chub sems dpa' i las shes kyang pha rol tu phyin pa'i lam yongs su mi tshol ba yang bdud kyi las so/ /rab tu brtson pa'i bsngags pa thob kyang sems can mi brtson pa rnams mngon par mi sbyor ba yang bdud kyi las so/ /dge ba'i rtsa ba sogs kyang byang chub kyi sems mngon du mi byed pa yang bdud kyi las so/ /lhag mthong gi rnal 'byor dang ldan par gnas kyang sems can rnams lhag mthong dag par 'dzin du mi 'jug pa yang bdud kyi las so/ /nyon mongs pa ma lus par zad pa tshol zhing 'khor ba'i rgyun gyi nyon mongs pa rnams la smod pa yang bdud kyi las so/ /shes rab kyis rnam par dpyod cing/ snying rje chen po la dmigs pa mi 'dzin pa yang bdud kyi las so/ /thabs mi ldan par dge ba spyod pa thams cad kyang bdud kyi las so/ /byang chub sems dpa' i sde snod mi tshol gyi 'jig rten rgyang pan pa'i gsang tshig 'dzin pa yang bdud kyi las so/ /mang du thos kyang gzhan gyis shes kyi dogs te/ chos la slob dpon gyi dpe mkhyud byed pa 'ang bdud kyi las so/ /'jig rten pa'i dgos pa zhal te byed cing mang du thos pa mi tshol ba 'ang bdud kyi las so/ /byang chub sems dpa' chos smra ba theg pa chen po la yang dag par zhugs pa skal pa mnyam pa rnams la mi brten mi bsnyen bsnyen bkur mi byed kyi nyan thos rang sangs rgyas kyi theg pa la yang dag par zhugs pa skal pa mi mnyam pa la dga' ba yang bdud kyi las so/ /gang gi tshe brgya byin nam tshangs pa 'am/ 'jig rten skyong ba 'am/ rgyal po 'am tshong dpon nam/ khyim bdag gi longs spyod dang nor dang rin po che dang dbang phyug gi che ba nyid du gyur pa de'i tshe chos kyi che ba nyid dang ldan pa rnams la mi rten/ mi snyen bsnyen bkur mi byed pa 'di dag ni lha'i bu byang chub sems dpa' rnams kyi bdud kyi las yang dag phul nyi shu'o zhes bya ba la sogs pa gsungs pa ste/ shes rab kyi pha rol tu phyin pa stong phrag brgya pa la sogs pa mdo de dang de dag gi nang nas gsungs pa'i bdud kyi las rnams la yang bya bar rig par bya'o/ /bdag dang sems can dang srog dang gsol ba zhes bya ba la soms pas bdag tu 'dzin pa la mngon par chags pa dang ma 'dres pa bstan te bdag la sogs pa thams cad kyang bdag tu 'dod pa'i rnam grangs te/ de dag kyang bdag can rtag par smra ba dang gzhung gcig mod kyi grub pa'i mdza' tha dad pa las mtshan nyid mi mthun pa tsam gyis phye ste/ ming so sor brtags nas bzhag pa'o/ /'dzin pa la mngon par zhen ces bya ba'i sgra bdag dang sems can la sogs pa'i tshig re re dang yang sbyar te/ bdag tu 'dzin pa la mngon par zhen ces bya ba dang/ sems can du 'dzin pa la mngon par zhen ces bya ba la sogs par sbyar ro/ /bdag la sogs pa 'di dag gi khyad par ni sngar bshad par zad do/ /'dzin pa la sngon par zhen pa thams cad kyi bar dang lhan cig mi gnas so zhes bya ba'i bdag tu 'dzin pa gong du smos pa rnams dang lhan cig mi gnas par yang ma zad kyi/ gzhan yang bdag tu 'dzin pa dbang phyug dang/ gtso bo dang dus la sogs pa yod par sems pa rnams dang lhan cig mi gnas so zhes bya ba'i don to/ /las kyi sgrib pa dang chos kyi sgrib pa dang zhes bya ba la sogs pas bag chags kyi mtshams sbyor ba sgrib pa rnams dang ma 'dres pa bstan te/ las kyi sgrib pa ni tshe 'di nyid la mtshams med pa lnga'i las byas pa las des tshe de la bden pa mthong ba la bar du gcod pa ni las kyi sgrib pa'o// chos la ser sna med cing mos pa zlog pa la sogs pa chos thos pa'i bar du gcod pa'i las rnams byas pa tshe rabs de dang dag tu dge ba'i shes gnyen la sogs pa dang mi ldan zhing chos thos par mi 'gyur ba ni chos kyi sgrib pa zhes bya'o/ /'dod chags la sogs nyon mongs pa shas che bas 'phags pa'i lam bsgrub par mi nus pa ni nyon mongs pa'i sgrib pa'o/ /'jig tshogs dang mthar 'dzin par lta ba la sogs pa lta lnga rnams ni lta ba'i sgrib pa zhes bya'o/ /sems can dmyal ba dang dud 'gro'i skye gnas la sogs ngan song gsum gyi 'gro ba dag tu skyes nas bden pa mthong bar mi 'gyur ba ni 'gro ba'i sgrib pa zhes bya'o/ /tshe snga ma la sdig pa mi dge ba'i las byas pa'i rnam par smin pas lha dang mir skyes kyang rnam par smin pa des sgrib pas bden pa mi mthong ba ni rnam par smin pa bsgrib pa zhes bya'o/ /ji tsam du shes par bya ba la bar du gcod pa phung po khams dang skye mched la sogs pa la mngon par chags pa'i bag chags nyon mongs pa can ma yin pa'i ma rigs pa'i shes pa'i sgrib pa'o bag chags de dag gi mtshams sbyor bas na/ bag chags dang mtshams sbyor ba ste/ de'i dbang gis gcig nas gcig tu tshe len par byed pas so/ /rtog pa dang rnam par rtog pa dang yongs su rtog pa zhes bya ba la sogs pas mdud pa dang sgro btags pa rnams dang ma 'dres pa bstan te/ rtog pa dang rnam par rtog pa dang yongs su rtog pa gsum ni mdud pa zhes bya ste/ byang chub sems dpa' i 'ching ba ni rnam par rtog pa sna tshogs gang yin pa'i phyir ro/ /mtshan ma dang dmigs pa la sogs te/ lhag ma rnams ni sgro btags pa zhes bya ste/ mtshan ma la sogs pa'i rnam par chos rnams bskyed pa'i phyir ro/ /de la mig dang rna ba la sogs pa nang gi dngos po rnams la yod pa 'am med par 'dzin pa ni rtog pa'o/ /gzugs dang sgra la sogs pa phyi'i yul rnams la yod pa dang med par 'dzin pa ni rnam par rtag pa'o/ /phyi dang nang gi dngos po gnyi ga la yod pa dang med par 'dzin pa ni yongs su rtog pa'o/ /yang na nyan thos kyi theg pa la mngon par chags shing rtogs pa ni rtogs pa zhes bya'o/ /rang sangs rgyas kyi theg pa la mngon par chags pa ni rnam par rtog pa'o/ /theg pa bla na med pa la mngon par chags pa ni yongs su rtog pa'o/ /yang na rtog ge pa rnams ni dngos po la tshad ma rnam pa gsum gyis 'jal te/ mngon sum dang rjes su dpag pa dang lung gi tshad ma'o/ /de la mngon sum gyi tshad mas dngos po la 'jal ba ni rtog pa'o/ /rjes su dpag pa'i tshad mas dngos po 'jal ba ni rnam par rtog pa'o/ /lung gi tshad mas dngos po 'jal ba ni yongs su rtog pa'o/ /sngon po dang ser po dang mya ngan las 'das pa dang/ 'khor ba zhes bya ba dag ni mtshan ma'o/ /gzugs dang sgra dang dri dang ro la sogs pa yul rnams ni dmigs pa'o/ /mthong ba ni mig gyis so/ /thos pa rnams so/ /bye brag phyed pa ni yid kyis so/ /rnam par rig pa ni rnam par shes pa lhag ma rnams kyis so/ /yang na mthong ba la sogs pas ni sngar bshad pa bzhin no/ /mdung ba dang sgro btags pa thams cad kyi bar dang lhan cig mi gnas zhes bya ba ni mdung ba dang sgro btags pa gong ma rnams dang lhan cig mi gnas par yang ma zad kyi gzhan yang byang chub sems dpa' i 'ching bar 'gyur ba dang/ dngos po la sgro 'dogs pa gzhan dag dang/ yang lhan cig mi gnas par ston to/ /bdag dang rtag ces bya ba la sogs pas ni phyin ci log dang ma 'dres par bstan to/ /sems can gyi sems kyi spyod pa brgyad khri bzhi stong dang lhan cig mi gnas zhes bya ba la sogs pa mi mthun pa'i phyogs dang gnyen po dang ma 'dres pa bstan te/ sems can gyi sems kyi spyod pa brgyad khri bzhi stong ni mi mthun pa'i phyogs so/ /chos kyi phung po brgyad khri bzhi stong ni gnyen po'i phyogs te/ lhag ma rnams la yang de bzhin du sbyar ro/ /de la sems can 'dod chags la spyod pa nyi khri chig stong dang/ zhe sdang la spyod pa nyi khri chig stong dang/ gti mug la spyod pa nyi khri chig stong dang/ cha mnyam pa la spyod pa nyi khri chig stong ste/ de ltar brgyad khri bzhi stong ngo/ /de la 'dod chags kyi gnyen po chos kyi phung po nyi khri chig stong zhe sdang gi gnyen po chos kyi phung po nyi khri chig stong/ gti mug gi gnyen po chos kyi phung po nyi khri chig stong/ cha mnyam pa'i gnyen po chos kyi phung po nyi khri chig stong ste/ de ltar chos kyi phung po brgyad khri bzhi stong ngo/ /de la nye bar blangs pa'i dngos po gter dang/ 'bru la sogs pa mi gtong ba ni ser sna'o/ /de las bzlog na gtong ba'o/ /srog gcod pa dang/ ma byin bar len pa dang 'dod pas log par g.yem pa la sogs pa mi dge ba'i las la zhugs pa ni 'chal ba'i tshul khrims yin la/ srog gcod pa la sogs pa las phyir leg pa ni tshul khrims so/ sems can rnams la rdeg pa dang/ 'ching ba la sogs pas 'tshe bar sems pa ni gnod sems so/ /rdeg pa dang 'ching ba la sogs pas sems can la mi 'tshe zhing gnod pa byas pa byas kyang slar gnod pa mi byed pa ni bzod pa'o/ /dge ba'i phyogs la sems ni spro zhing mi 'jug pa ni le lo ste/ de la bzlog na brtson 'grus so/ /phyi'i yul rnams la sems 'phros pa ni rnam par g.yeng ba'o/ /dmigs pa'i dngos po la sems rtse gcig pa ni bsam gtan no/ /chos kyi mtshan nyid la phyin ci log tu chags shing 'dzin pa ni 'chal ba'i shes rab po/ /chos kyi mtshan nyid la phyin ci ma log par 'byed pa ni shes rab po/ /nges pa dang ma nges pa zhes bya ba la sogs pa la rigs rnam pa lnga ste/ nyan thos kyi rigs can dang rang sangs rgyas kyi rigs can dang/ theg pa chen po'i rigs can dang/ rigs ma nges pa dang/ rigs med pa'o/ /de la rigs med pa'i gang zag rnams ni nges pa ste/ de dag tu thams cad 'khor bar gnas par gdon mi za ba'i phyir ro/ /theg pa gsum du nges pa'i rigs can ni ma nges pa ste/ dge ba'i gshes gnyen gyi rkyen gyis mya ngan las 'das par yang 'gyur bas na khams gsum du gnas par nges pa med pa'i phyir ro/ /yang na rigs can rnam pa gsum ni nges pa ste/ rang rang gi theg pa la brten nas 'bras bu thob par gdon mi za ba'i phyir ro/ /ma nges pa'i rigs can ni ma nges pa ste/ dge ba'i bshes gnyen gyi rkyen gyis theg pa gar btsud par 'jug cing/ dge ba'i bshes gnyen dang mi phrad na/ mya ngan las 'das par 'gyur bar tshad med pa'i phyir ro/ /yang dag pa'i lta ba la zhugs pa'i gang zag rnams ni yang dag pa zhes bya ste/ las dang las kyi 'bras bu dang/ dkon mchog dang bden pa la sogs pa yod par lta bas so/ /log par lta ba la zhen pa'i gang zag ni log pa zhes bya ste/ las dang las kyi 'bras bu dang/ bden pa dang dkon mchog la sogs pa med par 'dod pa'i phyir ro/ /yang na bcom ldan 'das kyi tshogs rnam pa gsum gsungs te/ yang dag pa nyid du nges pa'i tshogs dang log pa nyid nges pa'i tshogs dang/ ma nges pa'i tshogs so/ /de la yang dag pa nyid du nges pa'i tshogs ni 'phags pa rnams te/ gang 'dod chags ma lus par spangs pa dang/ zhe sdang ma lus pa spangs pa dang/ gti mug ma lus par spangs pa ste/ de dag ni nyon mongs pa zad par nges pas na/ yang dag par nges pa zhes bya'o/ /de la log par nges pa ni mtshams med pa byed pa'i gang zag rnams te/ de dag ni ngan song gsum du skye bar nges pa'i phyir log par nges pa zhes bya'o/ /nges pa las gzhan pa rnams ni ma nges pa zhes bya ste/ rkyen la bltos nas gal te na nyon mongs pa spong bar byed la/ gal te mtshams med pa'i las kyang byed pa'i phyir ro/ /chos de dag nyid 'bras bu yid du 'ong ba dang/ yid du mi 'ong ba skyed pa'i bye brag gis rnam pa gnyis su bzhag ste/ dge ba dang mi dge ba'o/ /de la 'bras bu yid du 'ong ba ni lha dang mi la sogs pa bde 'gro rnams so/ /de skyed pa ni bde zhes bya ste/ srog mi gcod pa dang/ ma byin par mi len pa la sogs pa dge ba bcu'i las lam rnams so/ /'bras bu yid du mi 'ong ba ni sems can dmyal ba dang dud 'gro la sogs pa'o/ /de skyed par byed pa ni dge ba zhes bya ste srog gcod pa la sogs pa mi dge ba bcu'i las kyi lam rnams so/ /chos de dag kyang gleng du mi rung ba dang/ gleng du rung ba'i sgo nas gnyis su bzhag ste/ kha na ma tho ba dang bcas pa dang/ kha na ma tho ba med pa'o/ /de la dam pa rnams kyi gleng zhing snyad du mi rung ba ni kha na ma tho ba dang bcas pa zhes bya ste/ srog gcod pa la sogs pa mi dge ba'i las nyid do/ /dam pa rnams kyi nang du gleng zhing bsnyad du rung ba ni kha na ma tho ba med pa ste/ srog gcod pa las phyir log pa la sogs pa dge ba bcu'i las kyi lam dang/ dad pa dang gtong ba dang tshul khrims la sogs pa'o/ /chos dag kyang khams gsum du 'byung bar byed pa dang/ mi byed pa'i bye brag gi rnam pa gnyis su bzhag ste/ zag pa dang bcas pa dang zag pa med pa'o/ /de la khams gsum du 'byung bar byed pa'i chos rnams ni zag pa dang bcas zhes bya ste/ khams gsum du skye ba'i rgyu byed pa'o/ /de la zag pa ni 'dod chags la sogs pa'i nyon mongs pa la bya ste/ de dang bcas pas zag pa dang bcas pa'o/ /khams gsum du 'byung bar mi byed pa'i chos de dag ni zag pa med pa ste/ 'phags pa'i lam la sogs pa'o/ /chos de dag nyid rgyu rkyen gyi bskyed pa dang/ ma skyed pa'i bye brag gis rnam pa gnyis su bzhag ste/ 'dus byas dang 'dus ma byas so/ /de la gang rgyu dang rkyen gyis bskyed pa rnams ni 'dus byas zhes bya'o/ /gang rgyu dang rkyen gyis ma bskyed pa ni 'dus ma byas zhes bya ste de bzhin nyid dang mya ngan las 'das pa la sogs pa'o/ /chos de dag nyid 'jig rten gyis 'dres par bya ba dang/ ma byas ba'i bye brag gis rnam pa gnyis su bzhag ste/ 'jig rten pa dang/ 'jig rten las 'das pa'o/ /de la 'jig rten pa rnams kyis 'dris par byas pa ni 'jig rten pa ste/ nye bar len pa'i phung po lnga la sogs pa 'khor bar gtogs pa'i chos thams cad do/ /'jig rten pa rnams kyis 'dris par ma byas pa ni/ 'jig rten las 'das pa zhes bya ste/ gang zag dang chos la bdag med pa'i de bzhin nyid rnam par dag pa dang rnam par mi rtog pa'i ye shes dang/ dag pa'i 'jig rten pa'i ye shes la sogs pa'o/ /chos de dag nyid dam pa dang dam pa ma yin pa'i sgo nas rnam pa gnyis su bzhag ste/ bzang po dang ngan pa'o/ /de la gang dam pa rnams ni bzang po zhes bya'o/ /nyon mongs pa'i phyogs su gyur pa spangs pas na 'jig rten las 'das pa'i chos rnams la bya'o/ /de la chos gang dam pa ma yin pa ni ngan pa zhes bya ste/ 'jig rten par gtogs pa'i chos rnams so/ /chos de dag nyid nag po'i phyogs dang/ /dkar po'i phyogs kyi bye brag gi rnam pa gnyis su bzhag ste/ kun nas nyon mongs pa dang rnam par byang ba'o/ /de la nag po'i phyogs ni kun nas nyon mongs pa zhes bya ste/ 'dod chags la sogs pa'o/ /dkar po'i phyogs ni rnam par byang ba ste/ byang chub kyi phyogs dang/ sa dang pha rol tu phyin pa la sogs pa'o/ /chos de dag nyid sdug bsngal kyi bzhi dang/ bde ba'i gzhi'i bye brag gis rnam pa gnyis su bzhag ste/ 'khor ba dang mya ngan las 'das pa'o/ /de la chos gang sdug bsngal gyi gzhir gyur pa rnams ni/ 'khor ba zhes bya ste/ 'di ltar 'khor ba zhes bya ba ni sdug bsngal gsum dang brgyad la sogs pa sdug bsngal dpag tu med pa'i rten du gyur pa'i phyir ro/ /bde ba'i gzhir gyur pa ni mya ngan las 'das pa ste/ mya ngan las 'das pa ni 'jig rten dang/ 'jig rten las 'das pa'i bde ba thams cad dang ldan pa'i phyir ro/ /theg pa tha dad pa dang sems can tha dad pa dang zhes bya ba la sogs pas tha dad pa thams cad dang ma 'dres pa bstan te/ de la nyan thos kyi theg pa zhe 'am/ rang sangs rgyas kyi theg pa zhe 'am theg pa chen po zhes bya ba la sogs pas ni/ theg pa tha dad pa'o/ /lha zhe 'am mi zhe 'am bud med ces bya ba la sogs pa ni sems can tha dad pa'o/ /dga' ba can gyi sangs rgyas kyi zhing zhe 'am/ padmo can gyi sangs rgyas kyi zhing zhes bya ba la sogs pas ni/ zhing tha dad pa'o/ /'od dpag med ces 'o/ mi 'khrugs pa zhe 'am/ shAkya thub pa zhes bya ba la sogs pa ni sangs rgyas tha dad pa'o/ /sa bcu zhe 'am/ sdong po brgyan pa zhe 'am/ lang kar gshegs pa zhes bya ba ni chos tha dad pa'o/ /'di ni nyan thos kyi dge 'dun/ 'di ni rang sangs rgyas kyi dge 'dun/ 'di ni byang chub sems dpa' i dge 'dun zhe 'am/ 'di ni sems dang po bskyed pa'i byang chub sems dpa' / 'di ni mos pas spyod pa'i byang chub sems dpa' / 'di ni mthong ba'i lam la zhugs pa'i byang chub sems dpa' zhes bya ba la sogs pas ni dge 'dun tha dad pa'o/ /mi shes pa dang shes pa dang zhes pa la sogs pas mtshan ma yid la byed pa rnams dang ma 'dres pa bstan te/ de la mi shes pa ni ma rig pa ste/ rtag pa dang gtsang ba dang bdag dang bde bar 'dzin pa'o/ /shes pa ni rig pa ste/ mi rtag pa dang bdag med pa dang mi gtsang ba dang sdug bsngal dar 'dzin pa'o/ /rnam pa sna tshogs su shes pa ni rnam par shes pa ste/ gzugs su shes pa dang sgrar shes pa nas chos su shes pa'i bar du yin pas mig la sogs pa'i rnam par shes pa rnams so/ /brjod du yod cing bsam du yod pa rnams ni kun rdzob? po/ /de las bzlog pa ni don dam pa ste/ brjod pa dang bsam pas thog tu mi phebs pa'o/ /mtshan ma yid la byed pa thams cad kyi bar dang lhan cig tu mi gnas zhes bya ba ni mtshan ma yid la byed pa gong du bshad pa de rnams dang lhan cig mi gnas par mi zad kyi gzhan yang yod pa dang/ med pa zhes bya ba dang/ rtag pa dang mi rtag pa la sogs pa'i mtshan ma rnams yid la byed pa dang yang lhan cig mi gnas so zhes bya ba'i don to/ /shes rab ni rgyu ba med pa lus med pa zhes bya ba la sogs pas gong du smos pa lta bu'i tshul gyis tshen? ma thams cad spangs pa'i rang bzhin bcas kyang ma gos par rnam par mi rtog pa'i rang bzhin nyid bstan te/ gong du smos pa'i shes rab ni zhes bya ba'i tha tshig go /gang rgyu ba med pa'i zhes bya ba la gzung ba dang 'dzin pa'i mtshan mar 'du shes pa ni rgyu ba'o/ /shes rab des bzung ba dang 'dzin par 'du shes pa thams cad spangs pas bzung ba dang 'dzin pa'i mtshan mar 'du shes pa'i rgyu med pas na rgyu ba med pa zhes bya'o/ /chos gzhan gyi bzhi dang rten kyang ma yin la/ gzhan la yang mi brten pas na lus med pa'o/ /kun rdzob tu shes rab kyi mtshan nyid chos rab tu rnam par 'byed pa lta bu yang ma yin zhing/ de lta bur yang mi gnas pas na/ mtshan nyid med pa'o shes rab kyi yul rnam pa brgyad po 'o gnas bshad pa la sogs pa gang la yang mtshan? mar mi 'dzin pas mtshan ma med pa'o/ /shes rab kyi rang bzhin rgyas par bshad nas bsdus te bstan pa'i phyir ro/ /de ni mtshan ma dang yid la byed pa thams cad dang zhes bya ba la sogs pa smos te/ mtshan ma thams cad spangs pa rnam par mi rtog pa'i rang bzhin gyi shes rab de ni zhes bya ba'i don to/ /lhan cig mi gnas pa'i sgra thams cad dang yang sbyod te/ mtshan ma yid la byed pa thams cad dang lhan cig mi gnas/ sems dang lhan cig mi gnas/ yid dang lhan cig mi gnas zhes bya ba'i don to/ /de la zag pa dang bcas pa dang zag pa med pa'i mtshan nyid du yid la byed pa thams cad dang ma 'dres pas ni mtshan ma yid la byed pa thams cad dang lhan cig mi gnas pa zhes bya'o/ /dge ba dang mi dge ba'i bag chags rnam pa sna tshogs bsags pa rnam par smin pa'i 'bras bu len par byed pa'i kun gzhi rnam par shes pa dang ma 'dus pas na sems dang lhan cig mi gnas pa zhes bya'o/ /nga dang nga'i zhes rlom sems pa bdag rgyal ba dang bdag las chags pa la sogs nyon mongs pa bzhi dang lhan cig pa'i nyon mongs pa'i yid dang ma 'bags pas na/ yid dang lhan cig mi gnas pa zhes bya'o/ /gzugs la sogs pa'i yul rnams la dmigs par byed pa kun gzhi rnam par shes pa la brten pa'i mig la sogs pa 'jug pa'i rnam par shes pa dang ma 'dres pas na rnam par shes pa dang lhan cig mi gnas pa zhes bya'o/ /gnas ni mig gi rnam par shes pa'i rten mig gi dbang po nas yid kyi rnam par shes pa'i rten yid kyi dbang po'i bar du dbang ba rnams so/ /dbang po de rnams la mi brten pas na/ gnas dang lhan cig mi gnas pa'o/ /ming ni gzugs dang sgra dang dri dang ro zhes bya ba dang/ mig dang rna ba zhes bya ba dang/ 'khor ba dang mya ngan las 'das pa zhes bya ba dang/ lha'i sbyin dang mchod sbyin la sogs pa tha snyad du btag pa ste/ de dag dang ma 'bags pas na ming dang lhan cig mi gnas pa'o/ /gzugs dang sgra la sogs pa dmigs pa'i yul rnams ni mtshan ma zhes bya ste/ de dag dang ma 'dres pas na mtshan ma dang lhan cig mi gnas pa'o/ chos can dang chos nyid dang/ kun rdzob dang don dam pa dang/ zag pa dang bcas pa dang zag pa med pa dang/ 'dus byas dang 'dus ma byas rnams de bzhin nyid dang gzhan par 'dod pa ni gcig pa tha dad pa ste/ 'di lta bu'i spros pa dang ma 'dres pas na gcig pa dang tha dad pa dang lhan cig mi gnas pa zhes bya'o/ /de ltar shes rab kyi rang bzhin bshad nas/ de la yul bstan pa'i phyir/ de la shes rab kyi yul gang zhe na zhes bya ba la sogs pa smos so/ /de la zhes bya ba'i don ni gzhan las dgar ba 'am/ mgo drang bar lta'o/ /shes rab kyi yul gang zhe na zhes bya ba ni dris pa ste/ shes rab kyis dmigs par bya ba 'am/ shes rab kyis khong du chud par bya ba'i dngos po gang zhe na zhes bya ba'i don to/ /dris pa lan gdab pa'i phyir/ 'di lta ste chos brgyad la mkhas pa'o zhes bya ba smos te/ 'di lta ste zhes bya ba ni/ tshig mgo drang ba dang/ tshig gi rgyan du bya ba'o/ /chos brgyad khong du chud cing rtogs pa ni chos brgyad la mkhas pa ste/ de bas na chos brgyad ni shes rab kyi yul lo/ /de 'ang bstan pa dang bshad pa lta bur rig par bya'o/ /de la bstan pa las brtsams nas/ chos brgyad la mkhas pa gang zhe na 'di lta ste/ phung po la mkhas pa dang khams la mkhas pa dang zhes bya ba la sogs pa smos so/ /bshad pa las brtsams nas gsungs pa/ de la byang chub sems dpa' i phung po la mkhas pa gang zhe na/ zhes pa la sogs pa'o/ /yang na grangs dang ming dang dpe dang rab tu dbye ba bstan pa'i phyir/ de la shes rab kyi yul gang zhe na zhes bya ba la sogs pa smos so/ /de lta ste chos brgyad la mkhas pa'o zhes bya bas ni grangs bstan to/ /chos brgyad la mkhas pa gang zhe na/ 'di lta ste/ phung po la mkhas pa zhes bya ba la sogs pas ming bstan to/ /de la byang chub sems dpa' i phung po la mkhas pa gang zhe na 'di phung po rnams kyi dper bya ba bstan pa ste/ dbu ba rdos pa bstan pa dang zhes bya ba la sogs pas dpe bstan to/ /de ci'i phyir zhe na gzugs ni dbu ba rdos pa lta bu ste/ zhes bya ba la sogs pas ni rab tu dbye ba bstan to/ /de la zhes bya ba ni dgang ba'i tshig ste/ mkhas pa rnam pa brgyad pas bkar te/ phung po la mkhas pa de bstan par 'dod pa'o/ /de la phung po'i don ni gang cung zad gzugs 'das pa dang/ ma 'ongs pa dang/ da ltar gyi dang nang gi dang phyi'i dang rigs pa dang phra dang ngan pa dang bzang po dang nye ba dang ring ba de dag thams cad gcig tu bsdus nas bstan pa ni phung po zhes bya'o/ /phung po de la mkhas pa ni phung po la mkhas pa ste/ phung po'i mtshan nyid dang rang bzhin gang yin pa rtog pa'o ji ltar phung po'i mtshan nyid rtog par 'gyur zhe na/ de bstan pa'i phyir gsungs pa/ gang phung po rnams kyi dper bya ba bstan pa ste/ dbu ba rdos pa bstan pa dang zhes bya ba la sogs pa'o/ /'di zhes bya ba ni dpe rnams la snyegs so/ /phung po'i rang bzhin gang yin pa de dang mthun pa'i dper bzhag pa ni phung po rnams kyi dper bya ba bstan pa zhes bya ste/ dpe yang dbu ba rdos pa bstan pa la sogs pa rnam pa bcu'o/ /dpe rnam pa bcu po de rnams kyang don rnam pa bcu'i dbang du byas nas gsungs par rig par bya ste/ bdag rtag pa med pa'i don dang/ bdag med cing gtsang ba'i don spang ba'i don dang/ /bdag med cing ma nog chung ba'i don dang/ snying po med pa'i don dang/ mi brtan pa'i don dang/ don med pa dag kyang sbyod yul du 'gyur zhing yid du 'ong ba dang yid du mi 'ong ba'i kun tu longs spyod pa med pa'i don dang/ dngos po med kyang tha snyad dang smra ba sna tshogs byed pa'i don dang/ don med kyang rnam par shes pa sna tshogs su 'jug pa'i don dang/ don med par yang dag pa 'dzin pa rnams kyi ting nge 'dzin gyi spyod yul du 'gyur ba'i don dang/ don med kyang byang chub sems dpa' rnams bsam pa phyin ci ma log pas sems can thams cad kyi bya ba bsgrub pa'i phyir skye ba len pa'i don to/ /dper gzhag pa de dag gi don bstan pa'i phyir/ de ci'i phyir zhe na zhes bya ba la sogs pa smos so/ /de ci'i phyir zhe na zhes bya ba ni dpe bcu po de dag ji ltar na phung po'i dper 'gyur zhe 'am phung po rnams ci'i phyir dpe de dang 'dra bar bstan ces bya ba'i don to/ /phung po rnams dpe dang mtshan nyid 'dra bar bstan pa'i phyir gzugs ni dbu ba rdos pa lta bu ste zhes bya ba la sogs pa smos so/ /'dir phung po'i sgra ma smos su zin kyang phung po nyid bshad pa gleng ba'i skabs yin pas gzugs kyang phung po zhes bya bar drangs te/ gzugs la sogs pa'i yul lnga dang/ mig la sogs pa'i dbang po lnga la sogs pa ni gzugs kyi phung po zhes bya'o/ /gzugs kyi phung po de ni dbu ba rdos pa dang 'dra ste ci'i phyir zhe na bdag rtag pa med pa'i phyir ro/ /don de nyid bstan pa'i phyir dbu ba rdos pa ni bdag ma yin sems can ma yin zhes bya ba la sogs pa smos te/ 'di lta ste skyes bu la la zhig gis chu bo chen po la shel lta bu kha dog dang dbyibs su ldan pa'i dbu ba rdos ba mang po rgyu ba mang po mthong ba dang/ de dag la snying po dang rang bzhin yod du re nas lag pa gnyis kyis 'dzin cing/ blang bar brgal na med par gyur pa dang/ kye ma 'di go dbu ba rdos pa ste/ gsog gsob ngo bo nyid med do snyam mo/ /de bas na dbu ba rdos pa ni bdag gi rang bzhin ma yin pas na gang zag gi bar gyi rang bzhin ma yin par shes so/ /dbu ba rdos pa'i rang bzhin gang yin pa gzugs kyi rang bzhin gang yin pa/ gzugs kyi rang bzhin yang yin te/ zhes bya ba ni dbu pa rdos pa'i rang bzhin bdag med cing dngos po med pa/ bsog dang gsob du gyur pa gang yin pa gzugs kyi phung po'i rang bzhin yang de yin te/ gzugs kyi phung po la ye shes kyi mig dang ldan pas bltas shing brtag ste/ zhi ba mor gzhigs na bdag dang rang bzhin med cing gsog gsob stong pa'i mtshan nyid du gnas pa'i phyir ro/ /tshor ba ni chu'i chu bur lta bu zhes bya ba la/ bde ba dang sdug bsngal dang bde ba yang ma yin/ sdug bsngal ba yang ma yin par rnam pa gsum myong ba ni tshor ba ste/ 'dir yang phung po zhes bya bar sbyar ro/ /tshor ba'i phung po ni chu'i chu bur dang 'dra ste/ ci'i phyir zhe na bdag med cing gtsang ba spang ba'i phyir ro/ /'di ltar sems can la la zhig gis chu'i nang du char ba bab ste/ chu'i chu bur shel gyi nor bu dang 'dra bar rnam pa sna tshogs su 'byung ba mthong ba dang de dag rdzas su rung zhing rgyan du rung du re nas lag pa gnyis kyis 'dzin cing blang bar bshams na med par gyur cing ma bzung ba'i rnams kyang skyes ma thag tu 'gag ste/ rdzas su rung bar ma mthong nas/ kyi ma 'di go chu'i chu bur te/ bdag med par rang bzhin med pa gsog gsob yin par shes so/ /de bzhin du bde ba dang sdug bsngal la sogs pa'i tshor ba'i phung po la ye shes kyi mig dang lag pas bltas shing yod pa dang med pa la sogs pa rnam par dpyod na chu'i chu bur dang 'dra bar bdag dang rang bzhin med cing gsog dang gsob yin pa dang/ thams cad kyang sdug bsngal gyi mtshan nyid 'gyur ba dang/ skyes ma thag tu 'jig pa'i rang bzhin yin par mthong ngo/ /'du shes ni smig rgyu lta bu'o zhes bya ba la/ yul la mtshan mar 'dzin pa ni 'du shes te/ yul ni gzugs dang sgra la sogs pa'o/ /mtshan ma ni dkar po dang dmar po la sogs pa'o/ /'dzin pa ni de ni dkar po nyid yin gyi/ dmar po ma yin no zhes gcod pa ste/ 'du shes kyi phung po ni smig rgyu dang 'dra ste/ ci'i phyir zhe na bdag med cing mnog chung ba'i phyir ro/ /'di lta ste chu 'dod pa'i skyes bu la la zhig dpyid kyi dus na nyi ma'i 'od kyis gdungs te/ smig rgyu sna tshogs rlabs lta bu mig gis mthong ba dang de dag la chu yin snyam nas btung bar bya ba'i phyir drung du rgyugs te btags na chu ma yin par mthong nas kye ma'o 'di go smig rgyu ba ste/ bdag med pa gsog gsob ngo bo nyid med pa zhes sems pa de bzhin du log pa sna tshogs kyi rnam par rtogs pa mang po'i 'du shes kyi phung po la ye shes kyi mig gis bltas te/ yod pa dang med pa la sogs par yang dag par btags na bdag med pa dang/ dngos po med par mthong ba ste/ de bas na 'du shes kyang smig rgyu ba bzhin du bdag gi rang bzhin ma yin pas na/ gang zag gi rang bzhin ma yin pa'i bar du'o/ /'du byed rnams ni chu shing lta bu'o zhes bya ba la/ las dge ba dang/ mi dge ba dang lung du ma bstan pa rnam pa sna tshogs byed pa ni 'du byed do de yang 'du byed kyi tshogs rnam pa mang po rnams so/ /'du byed kyi phung po rnams ni chu shing dang 'dra ste/ ci'i phyir zhe na snying po med pa'i phyir ro/ /'di lta ste/ shing gi snying po sra ba 'dod pa'i skyes bu la la zhig gis chu shing bcad de 'dang? ma nas mthar gyis rnam par bshus nas de la mig gis bltas te snying po yod dam zhes btags na/ snying po yod par mi mthong nas/ kye ma'o 'di go chu shing gi snying po ste/ stong pa dngos po dang rang bzhin med pa'o zhes sems pa de bzhin du dge ba dang mi dge ba dang/ lung du ma bstan pa la sogs pa 'du byed kyi phung po rnam pa sna tshogs pa la dam pa dang snying po yod du re ste/ shes rab kyi mig gis kun tu bltas nas/ yod pa dang med pa dang/ gcig dang du ma dang/ bdag dang pha rol dang gnyis ka'i sbyor bas yang dag par brtags na sems tsam dang ma skyes pa dang/ yod pa dang med pa las 'das pa snying po med pa/ chu shing bzhin du bdag gi rang bzhin dang bral bar mthong ngo/ /rnam par shes pa ni sgyu ma lta bu zhes bya pa la gzugs la sogs pa'i yul rnams shes pa ni rnam par shes pa ste/ de 'ang mig la sogs pa'i rnam par shes pa brgyud do/ /rnam par shes pa'i phung po ni sgyu ma dang 'dra ste/ ci'i phyir zhe na mi brtan pa'i phyir ro/ /'di lta ste skyes bu sgrin po zhig gis sgyu ma'i cha lugs kyi bzo bos lha dang mi dang gnod sbyin dang dud 'gro'i gzugs sna tshogs kyi sgyu ma rnams sprul pa de dag la mig gi kun tu blta zhing/ rang bzhin dang rgyun tu gnas par re nas brtags na/ rang bzhin med cing de ma thag tu 'jig pa yin par mthong nas/ kye ma 'od go sgyu ma ste/ stong pa rang bzhin med pa'o zhes sems pa de bzhin du las kyi bag chags sna tshogs kyis bsgyur ba'i rnam par shes pa'i phung po la shes rab kyi mig gis rang bzhin du rgyun du gnas par de nas gcig dang du ma'i ngo bos brtags na/ sgyu ma bzhin du stong pa ngo bo nyid med pa skad cig ma re re la 'jig par mthong ngo/ /phung po rnams ni rmi lam lta bu ste zhes bya ba la gong du bshad pa'i phung po de dag nyid ni yang rmi lam dang 'dra ste/ ci'i phyir zhe na don med ba dag kyang spyod yul du 'gyur zhing yid du 'ong ba dang yid du mi 'ong ba kun tu longs spyod par byed pa'i phyir ro/ /'di ltar rnam par shes pa rnams yul la 'jug par mi nus te/ gnyid kyis log par ni rtag pa sna tshogs kyi rgyu ba 'byung ba ni rmi lam mo/ /dper na rmi lam bdag gi rang bzhin ma yin pa nas gang dag gi bar gyi rang bzhin ma yin pas na gang zag gi bar gyis rang bzhin ma yin te/ dngos po med kyang dga' ba dang mi dga' bar 'gyur ba'i yul mthong ba'i dga' ba dang mi dga' ba'i sems rnam pa sna tshogs skye bar 'gyur ro/ /de bzhin phung po rnams kyang bdag gi rang bzhin ma yin pas gang zag gi bar gyi rang bzhin ma yin te/ dngos po med mod kyi las dge ba dang mi dge ba rnam pa sna tshogs kyi rgyus mtho ris dang ngan song gi bde ba dang sdug bsngal rnams skye bar 'gyur ro/ /phung po rnams ni brag ca lta bu ste zhes bya ba ni phung po rnams ni brag ca dang 'dra ste/ ci'i phyir zhe na/ dngos po med kyang tha snyad dang smra ba sna tshogs byed pa'i phyir ro/ /dper na sgra la brag ca'i sgra brnyan gdag gi rang bzhin ma yin pas na gang zag gi bar gyi rang bzhin yang ma yin te/ dngos po med cing don med kyang sgra rnam pa sna tshogs 'byung ba de bzhin du chos thams cad bdag med rang bzhin gyis zhi ba yin mod kyi/ 'on kyang sgra brnyan dang 'dra ba'i ming dang tshigs dang tha snyad du brjod pa mang po yang yod do/ /phung po rnams ni mig yor lta bu ste zhes bya ba/ shog shog gam dar ? ras la ri mo sna tshogs bris nas brgyangs te phub la de'i nang du mtshan mo me mar bus na gzugs rnam pa sna tshogs snang ba ni mig yor zhes bya'o// yang na snang brnyan zhes bya ste/ khang pa'i nang gi ni zer 'od la brten nas gzugs gcig dang gnyis la sogs pa snang ba'o/ /yang na gzhan gnas pa las gzhan du snang ba ni mig yor te/ dper na sdong ? las mi lta bur 'khrul pa'o/ /phung po rnams ni mig yor dang 'dra ste/ ci'i phyir zhe na don med kyang mig yor gyi dus na gzugs rnam pa sna tshogs snang ba de bzhin du don med par yang khams gsum gyi sems dang sems las 'byung ba rnam pa sna tshogs su skye zhing 'byung na/ /phung po rnams ni gzugs brnyan lta bu ste/ zhes bya ba la phung po rnams ni gzugs brnyan dang 'dra ste/ ci'i phyir zhe na don med kyang yang dag dang 'dzin pa rnams kyi ting nge 'dzin gyi spyod yul du 'gyur ba'i phyir ro/ /dper na chu'i zla ba 'am/ me long dag pa'i nang du bzhin gyi gzugs brnyan du snang ba bdag gi rang bzhin ma yin pa nas gang zag gi bar gyi rang bzhin ma yin te/ dngos po med du zin yang bltar med snang ba tsam yang yod pa de bzhin du ting nge 'dzin la sogs pa'i rang bzhin dang/ rnal 'byor pa'i phung po rnams kyang bdag gi rang bzhin ma yin pas na gang zag gi bar gyi rang bzhin ma yin te/ dngos po med cing rang bzhin mi dmigs mod kyi/ 'on kyang mtsho dang 'dra ba'i sems mnyam par gnas pa las gzugs brnyan snang ba bzhin rnam par thar pa dang/ gzugs dang sprul ba la sogs pa rnam pa sna tshogs 'byung zhing snang bar yang byed do/ /phung po rnam ni sprul ba lta bu ste zhes bya ba la phung po rnams ni sprul pa dang 'dra ste/ ci'i phyir zhe na don med kyang yang byang chub sems dpa' rnams bsam pa phyin ci ma log par sems can thams cad kyi bya ba bsgrub pa'i phyir skye ba len par snang bas so/ /dper na lha dang mi la sogs pa'i sprul pa sna tshogs bdag gi rang bzhin ma yin pas na gang zag gi bar gyi rang bzhin ma yin te/ dngos po med mod kyi 'on kyang gzugs dang dbyibs rnam pa sna tshogs snang ba de bzhin du sems can gyi don du byang chub sems dpa' 'khor bar 'jug pa yang bdag gi rang bzhin ma yin pas na gang zag gi bar gyi rang bzhin ma yin te/ dngos po med mod kyis/ 'on kyang skye ba rnam pa sna tshogs 'byung zhing skye bar snang ngo/ /gang 'di la mkhas pa 'di ni byang chub sems dpa' phung po la mkhas pa zhes bya'o/ /zhes bya ba la gong du phung po dpe bstan pa'i tshul du phung po'i mtshan nyid la mkhas pa'i byang chub sems dpa' i de ni phung po la mkhas pa yin no zhes bya ba'i don to/ /phung po zhes bya ba de ni 'jig rten te zhes bya ba la/ phung po zhes bya ba ni 'jig rten la bya ste/ 'jig rten gyi mtshan nyid kyang gang yin zhe na/ de'i phyir 'jig rten kyang 'jig pa'i mtshan nyid do zhes smras ste/ 'jig rten gyi mtshan nyid ni skad cig ma re re la 'jag pa'i mtshan nyid do/ /don de nyid gsal bar bstan pa'i phyir/ 'jig rten gyi rang bzhin gang yin pa de rang bzhin gyis mi rtag pa'o zhes bya ba smos te/ rang bzhin zhes bya ba dang/ /mtshan nyid ces bya ba ni don gcig go /de la med pa'i don ni mi rtag pa don te/ kun brtags kyi mtshan nyid ri bong gi rwa bzhin du dus thams cad du med pas kun brtags rang bzhin med pa gang yin pa de ni mi rtag pa zhes bya'o/ /rang bzhin gyis sdug bsngal ba'o zhes bya ba la yang dag pa ma yin par kun rtogs pa'i don ni rang bzhin gyis sdug bsngal ba'i don to/ /de 'ang gzhan gyi dbang gi mtshan nyid do/ /de bas na gzhan gyi dbang gi ji lta ji ltar gzung ba dang 'dzin par kun rtog par byed pa de tsam du sdug bsngal ba'i rang bzhin du 'gyur te/ sdug bsngal rnam pa sna tshogs 'byung ba'i rgyur 'gyur ro/ /rang bzhin gyis stong pa/ rang bzhin gyis bdag med pa'o zhes bya ba la/ yongs su rtog pa tsam nyid yod pa'i don ni bdag med pa'i don te/ des na sems tsam yod kyi dngos po gzhan med par sten to/ /de bas na yongs su rtog pa gzhan gyi dbang tsam ni yod kyi/ chos su rtags pa'i dngos po ni med pas na rang bzhin gyis stong pa zhes bya'o/ /gang zag tu brtags pa'i dngos po med pas na rang gis stong pa zhes bya'o/ /gang zag tu rtags pa'i dngos po med pas na rang bzhin gyis bdag med pa'o zhes bya'o/ /rang bzhin gyis zhi ba ste zhes bya ba la gang zag dang chos rnam par rtog pa nye bar zhi ba'i don tam de dag spangs pa don rang bzhin gyi zhi ba zhes bya ste/ de yang dngos su na yongs su grub pa'i mtshan nyid don dam pa'i chos kyi dbyings rnam par bdag pa'o/ /de la phyin ci log tu snang ba'i sems ni gnyen pos zhi bar byas pa'i med kyi/ rang bzhin gyi skye ba med pa dang/ 'byung ba med par gnas pa'i phyir ro/ /de ltar mi rtag pa'i rang bzhin gang yin pa nas zhi ba'i bar gyi rang bzhin gang yin pa 'jig rten gyi rang bzhin yang de yin te/ de dag gi rang bzhin tha dad pa med par shes na byang chub sems dpa' phung po la mkhas pa zhes bya'o/ /phung po la mkhas pa bstan pa'i 'og tu khams la mkhas pa bstan pas na ji ltar bstan pa de bzhin du bshang bar 'dod nas/ de la byang chub sems dpa' i khams la mkhas pa gang zhe na zhes bris so/ /de la khams kyi don ni mtshan nyid 'dzin pa'i don to/ /yang na rgyu'i don te/ khams sa bon dang dbyings ni rgyu'i ming gi rnam grangs te/ gang la dmigs nas de bzhin gshegs pa'i stobs dang mi 'jigs pa la sogs pa 'byung ba'i rgyu ni khams zhes bya la/ de rtogs pa'i ye shes ni khams la mkhas pa zhes bya ba'i phyir ro/ /de la byang chub sems dpa' i khams la mkhas pa gang zhe na/ gang chos kyi dbyings la 'jug pa'i ye shes so zhes bya ba smos te/ chos ni nyan thos dang/ rang sangs rgyas dang/ sangs rgyas kyi chos stobs dang mi 'jig pa la sogs pa'o/ /chos de dag skyed pa'i rgyu ni chos kyi dbyings zhes bya ste/ don dam pa stong pa'i mtshan nyid do/ /chos kyi dbyings de rtogs pa'i ye shes ni chos kyi dbyings la 'jug pa'i ye shes zhes bya ste chos kyi dbyings kyang rnam par mi rtogs pa'i ye shes kyis rtogs pa nas na ye shes kyi sgra ni 'dir rnam par mi rtogs pa'i ye shes nyid la bya'o/ /de ni 'di skad du bstan pa yin te/ mig la sogs pa khams so so'i mtshan nyid dmigs pa dang rten lta bu khong du chud pa ni khams la mkhas par mi 'gyur gyi/ gang chos rnams kyis chos kyis dbyings don dam pa'i mtshan nyid de rnam par mi rtog pa'i ye shes kyi rtog na khams la mkhas pa yin no zhes ston to/ /chos kyi dbyings gang yin pa dang/ ji ltar na chos kyi dbyings la 'jug par 'gyur ba bstan pa'i phyir/ chos kyis dbyings sa'i khams yin mod kyi chos kyi dbyings sa'i mtshan nyid ni ma yin no zhes bya ba smos te/ don dam par sa'i kham kyang ngo bo nyid kyis stongs pas chos kyi dbyings dang tha mi dad pa'i phyir chos kyi dbyings sa'i khams yin no/ /gal te chos kyi dbyings sa'i khams yin na sa'i khams sra ba'i mtshan nyid yin pa bzhin du chos dbyings kyang sra ba'i mtshan nyid yin nam snyam pa la /chos kyi dbyings sra ba'i mtshan nyid ni ma yin no zhes bya ba smos te/ sa'i khams ni sa'i rang bzhin te/ de'i rang bzhin ni rang bzhin gyis stong pa dben pa yin pas sra ba ni byis pa so so'i skye bo rnams kyi phyin ci log tu rtogs pa ste/ de'i mtshan nyid ma yin pas na chos kyi dbyings sra ba'i mtshan nyid ni ma yin no zhes gsungs so/ /de bzhin du chu'i khams la sogs pa la yang ci rigs par sbyar bar bya'o/ /chos kyi dbyings gzugs kyis khams yin mod kyi/ chos kyi dbyings mig gis rnam par shes pas rnam par rigs pa'i mtshan nyid ni ma yin no zhes bya ba dang/ 'og nas chos kyi dbyings gzugs kyi khams yin mod kyi gzugs su rnam par rigs pa'i mtshan nyid ma yin no zhes bya ba gnyis la gong mas ni mig gi yul gyi bya ba mi byed pa ston te/ /'og mas ni gzugs kyi mtshan nyid mi 'dzin pa bstan te/ de bzhin du sgra la sogs pa la yang ci rigs par sbyar ro/ /ci'i phyir de mtshungs zhe na zhes bya ba ni bdag gi khams nas chos thams cad kyi khams kyi bar rnam pa sna tshogs su gnas na ci'i phyir de dag mtshungs zhe na zhes bya ba'i tha tshig go stong pa nyid du mtshungs pas na de ni mtshungs pa'o zhes bya ba la gang zag gi dngos po dang chos kyi dngos po rang bzhin med pa ni stong pa nyid de/ ji ltar bdag gi khams la gang zag gi dngos po med pa dang/ chos kyi dngos po med pas stong ba yin pa de bzhin du nam mkha' khams dang/ chos kyi khams dang/ chos kyi khams de dag kyang gang zag gi dngos po med pa dang/ chos kyi dngos po med de stong pa yin par 'dra bas na chos de dag mtshungs pa zhes bya'o/ /mtshan ma med par m tshungs pa zhes bya ba la de ltar gang zag dang chos kyi dngos po med pas na sa dang chu dang me dang rlung dang zla ba dang nyi ma dang ri dang rgya mtsho dang chu klung dang mtsho dang dgon pa dang phyogs dang yul la sogs pa'i dngos po mtshan ma so sor chad pa'i dngos po rnams yod pa ma yin pas ma mtshan ma med pa zhes bya'o/ /de ltar na mtshan ma med pas na khams gsum thams cad khams gsum gyi rnam par mi snang ba dang/ mya ngan las 'das pa yang mya ngan las 'das pa'i rnam par mi snang ste/ de dag gnyi ga la yang cung zad kyang 'dod pa med pa ni smon pa med pa'o/ /las dge ba dang mi dge bas ma skyes cing/ las dge ba dang mi dge ba la spyod pa med pa ni mngon par 'du mi byed pa'o/ /'das pa'i dus su ma skyes pa ni skyes pa med pa'o/ /ma 'ongs pa'i dus su skye bar 'gyur ba med pa ni 'byung ba med pa'o/ /da ltar gyis dus na gang zag dang/ chos kyi dngos por yod pa ma yin pa ni dngos po med pa'o/ /bdag gi khams nas chos thams cad kyi khams kyi bar? dag smos pa rnams don dam pa'i chos kyi dbyings stong pa nyid du ro gcig pa'i rang bzhin te/ mtshan nyid so sor mi 'dra ba med pas na/ chos thams cad tha dad pa med par mtshungs pa zhes bya'o/ /de dag thams cad kyang shes bya ba dang nyon mongs pa'i sgrib pa dang bral ba rang bzhin gyis 'od gsal zhing dri ma med pa dag par 'dra bas na sgrib pa med par mtshungs pa zhes bya'o/ /nam mkha' i khams ni dmigs pa med pa/ rang bzhin med pa thogs pa med pa/ thams cad du khyab pa yin pa ltar chos de dag kyang dmigs par bya ba dang/ byed pa dang bral ba dang/ gzung ba dang 'dzin pa'i rang bzhin dang bral/ thogs pa med cing thams cad du khyab pa yin pas nam mkha' i khams su mtshungs pa zhes bya'o/ /mya ngan las 'das pa ni nyon mongs pa thams cad spangs pa'o/ /phung po rnams nye bar zhi ba tshe'i rgyun chad pa/ dngos po'i rang bzhin thams cad las 'das pa/ stong pa nyid kyi rang bzhin yin pa de bzhin du chos thams cad kyang de bzhin yin pas na mya ngan 'das pa'i dbyings su mtshungs pas de dag mtshungs pa zhes bya'o/ /khams la mkhas par rgya cher bstan pa rnams bsdus te bshad pa'i phyir/ 'dus byas kyi khams la 'jug pa dang/ 'dus ma byas kyi khams la 'jug pa tshad med de zhes bya ba la sogs pa smos te/ gong du bshad pa'i tshul gyis 'dus byas dang 'dus ma byas kyi chos zab cing rgya che ba 'di tsam mo zhes dpag tu mi rung zhing tshad med pa de dag thams cad stong pa nyid du ro gcig par chud pa de la 'dus byas dang 'dus ma byas la 'jug pa zhes bya'o/ /de bas na gang bstan pa de la chos kyi dbyings kyi tshul gyis sgo nas 'jug pa 'di ni byang chub sems dpa' i khams la mkhas pa zhes dngos su gsungs te/ gang 'dus byas dang 'dus ma byas kyi chos bstan pa de dag thams cad kyi chos kyi dbyings kyi rang bzhin du rtogs pa'i khams la mkhas pa'o zhes bstan pa'o/ /sgo nas 'jug ces bya ba ni chos kyi dbyings rtogs par bya ba'i sgo'i gzugs la sogs pa'i khams rnams la bya ste/ khams de dag gi rang bzhin ni dmigs pa nyid chos kyi dbyings kyi tshul rtog par byed pa'i sgor dgongs pa ste/ tshul ni rang bzhin la bya'o/ /yang na 'dus byas kyi chos kyang tshad med pas de dag so so'i rang bzhin rtog par bya ba'i yang tshad med la/ 'dus ma byas kyi khams kyang tshad de/ de dag so so'i rang bzhin rtogs par bya ba yang tshad med pas na 'dus byas kyi khams la 'jug pa dang/ 'dus ma byas kyi khams la 'jug pa tshad med pa zhes bya'o/ /gang bstan pa de la chos kyi dbyings kyi tshul gyi sgo nas 'jug pa 'di ni byang chub sems dpa' i khams la mkhas pa zhes bya ba la/ gang bstan pa ni 'dus byas kyi khams dang 'dus ma byas kyi khams tshad med pa bstan pa'o/ /chos kyi dbyings kyi tshul ni chos kyi dbyings kyi rang bzhin te/ dri ma med cing thams cad la khyab pa'o/ /chos kyi dbyings kyi tshul de nyid chos rnams thams cad rtogs par bya ba'i thabs yin pas na chos kyi dbyings kyi tshul gyi sgo zhes bya ste/ sgo de nas chos thams cad stong pa nyid du ro gcig par khong du chud pa ni chos kyi dbyings kyi tshul gyi sgo nas 'jug pa ste/ de ltar zhugs na byang chub sems dpa' khams la mkhas ba zhes bya'o/ /khams la mkhas pa'i 'og tu skye mched la mkhas pa bstan te/ ji ltar bstan pa bzhin du bshad par 'dod nas/ de la byang chub sems dpa' i skye mched la mkhas pa gang zhe na zhes dris so/ /sems dang sems las byung ba rnams skye zhing 'phel ba'i sgo ni skye mched de/ skye mched la mkhas pa ni skye mched la mkhas pa ste/ mkhas pa'i sgra ni skye mched rang bzhin dang/ mtshan nyid rtogs pa'o/ /skye mched gang yin pa dang/ 'jig rten na skye mched la mkhas par 'gyur ba bstan pa'i phyir/ gang chos kyi skye mched la 'jig pa'i ye shes te/ zhes smos te/ skye mched ces bya ba'i sgra bshad pa dang sbyar na skye ba'i gnas 'ba' zhig la mi bya'i/ 'du ba'i gnas la yang bya ste 'dir yang chos thams cad chos kyi dbyings su ro gcig par 'dus pas na/ chos kyi dbyings la chos kyi skye mched ces gsungs so/ /'jug pa ni rtogs pa la bya ste/ chos kyi dbyings rnam par dag pa ye shes kyis rtogs na skye mched la mkhas pa zhes bya'o/ / / chos kyi skye mched ni mig gi skye mched yin mod kyi skye mched lta ba'i mtshan nyid ni ma yin zhes bya ba la sogs pa 'ang/ mig dang chos kyi dbyings gnyis stong pa nyid kyis mtshan nyid du tha mi dad pas ni de skad ces bya ste/ gzhan ni gong du khams bshad pa dang 'dra bar rig par bya'o/ /yang na mig gi skye mched kyi rang bzhin stong pa gang yin pa de nyid chos kyi dbyings yin te/ chos kyi dbyings zhes bya ba yang de las gzhan med pas na/ chos kyi skye mched ni mig gi skye mched yin mod kyi zhes bya ba smos so/ /de bas na shes rab kyi pha rol tu phyin pa las kyang gzugs gang yin pa de ni stong pa'o/ /stong pa gang yin pa de ni gzugs te zhes bya ba la sogs pa gsungs so/ /skye mched la mkhas pa'i rnam grangs gzhan yang bstan par bzhed nas/ gzhan yang skye mched la mkhas pa ni mig gi skye mched ni bdag dang bdag gi stong ngo zhes bya ba smos te/ mig gi skye mched la sogs pas de dag nyid kyang bdag ma yin la/ bdag ces bya ba dbang byed pa gzhan gyis yang ma yin pas bdag gi stong bar bya'o/ /yang na gang na med pa de la nges stong te/ lang kar gshegs pa las kyang/ ri dwags dgra'i ma'i khang bzangs 'di phag dang lug la sogs pa med pas stong ngo zhes gsungs te/ 'dir yang mig gi skye mched la bdag dang bdag gis skyed pas na stong pa zhes bya ste/ de bzhin du rna ba la sogs pa'i skye mched la yang sbyar ro/ /mig gi skye mched la sogs pa bdag dang bdag gis stong bar ji ltar khong du chud snyam pa la/ 'phags pa blo gros mi zad pas rigs pas brtags na mig gi skye mched las bdag dang bdag gis stong par yang ma zad kyi bcom ldan 'das kyis kyang thugs su chud nas gsungs pa bstan pa'i phyir bcom ldan 'das kyi ji skad du mig gi bdag dang bdag gis stong ste/ 'di ni de'i rang bzhin no zhes bya ba la sogs pa gsungs so// 'di ni zhes bya ba'i sgra bdag dang bdag gis zhes bya ba'i tshig dang sbyar te/ bdag dang bdag gis stong pa 'di ni mig gi skye mched de'i rang bzhin no zhes bya ba'i tha tshig go /'di ltar gang skye mched rnams 'bri bar mi byed cing zhes bya ba la sogs pa ni gong du bshad pa ltar na mig gi skye mched la sogs pa bdag dang bdag gis stong ste/ rang bzhin med pa'i phyir mig gi skye mched la sogs pa'i sgo nas sems dang sems las byung ba rnams mi skye bar dgag cing dbrir med ces bya ba'i don to/ /mi dge ba'i chos kyang mi sogs/ dge ba'i chos kyang bri bar med la zhes bya ba ni skye mched rang bzhin gyis stong pas/ skye mched kyi sgo nas 'dod chags dang zhe sdang la sogs mi dge ba'i chos blang bar yang mi bya la/ mi dge ba'i chos rnams 'phel bar mi byed ces te/ dge ba'i chos rnams kyang 'dor bar byed pa ma yin pas dge ba'i chos kyang bro bar mi byed pa zhes bya'o/ /de ltar mi dge ba'i chos mi sogs la/ dge ba'i chos kyang bri bar mi byed na spong ba dang spel bar gyur pas gnyis su 'du shes par 'gyur ro snyam pa la/ dge ba dang mi dge ba la 'du shes gnyis su mi 'gyur ba 'di ni zhes bya ba la sogs pa smos te/ las dang rnam par smin pa chung mi gson pas mi dge ba mi sogs shing/ dge ba'i chos kyang bri bar mi byed mod kyi/ don dam par dge ba dang mi dge ba gnyi ga rang bzhin med par rtogs pas 'di ni dge ba 'di ni mi dge ba zhes 'du shes gnyis su mi 'gyur ba ni byang chub sems dpa' i skye mched la mkhas pa zhes bya'o/ /yang skye mched kyi rnam pa gzhan bstan par 'dod nas/ gzhan yang skye mched la mkhas pa ni mig gis skye mched ni 'dod chags kyi gnas dang rten ni gzugs kyi skye mched de gang mig gzugs la 'dod chags dang bral bar mthong/ 'dod chags dang bral ba'i chos kyang mngon du mi byed pa 'di ni byang chub sems dpa' i skye mched la mkhas pa zhes bya'o/ zhes bya ba la sogs pa gsungs ste/ gzugs kha dog mdzes pa dbyibs dang ldan pa mthong nas 'dod chags skye bas na/ mig gi skye mched kyi 'dod chags kyi gnas dang/ rten ni gzugs kyi skye mched do/ /mig gi gzugs mthong nas gzugs la 'dod chags la sogs pa skye bar 'dod chags kyi rgyu nang gi dngos po dang/ phyi'i dngos po rnams ngo bo nyid kyi med pas gzugs la 'dod chags dang bral du zin kyang/ 'dod chags dang bral ba'i chos zhi ba phyogs gcig pa yang mngon du mi len la gzugs la sogs pa 'khor ba'i chos kyang mi spong ba 'di ni byang chub sems dpa' i skye mched la mkhas pa'o zhes bya ba'i don to/ /sgra la sogs pa la yang ci rigs par sbyar ro/ /skye mched kyi don rgyas par bshad pa bsdus te bstan pa'i phyir 'phags pa'i skye mched dang/ 'phags pa ma yin pa'i skye mched do zhes bya ba smos te/ mdor na skye mched ni rnam pa gnyis te/ 'phags pa'i skye mched dang/ 'phags pa ma yin pa'i skye mched do/ /de la nyon mongs pa rnams las ring du song zhing nyon mongs spangs pa ni 'phags pa ste/ de rnams skye zhing 'byung ba'i sgo la 'phag pa'i skye mched ces bya'o/ /de bas na mdo las kyang/ 'phags pa gang zhe na gang 'dod chags ma lus par spangs pa dang/ zhe sdang ma lus par spangs pa dang/ gti mug ma lus par spangs pa'o zhes gsungs so/ /gang nyon mongs pa rnams ma spangs pa ni 'phags pa ma yin pa ste/ de dag skye zhing 'byung ba'i sgo la 'phags pa ma yin pa'i skye mched ces bya'o/ de bas na mdo las so so'i skye bo gang zhe na gang 'phags pa'i chos rnams ma thob pa ste/ nye bar bsams pa sems pa dang/ nyes par bya ba'i las byed pa dang/ nyes par smra ba brjod pa'o zhes gsungs so/ /de la 'phags pa rnams skye zhing 'byung ba'i sgo gang yin pa bstan pa'i phyir ro/ /'phags pa'i skye mched ni? gang la yang dag pa sgrub pa'o zhes bya ba smos te/ dge ba'i gshes gnyen la brten nas dam pa'i chos nyan pa dang/ mnyan pa rnams gtan la 'bebs cing sems pa dang/ bsams pa rnams zhi gnas lhag mthong gi sgo nas brten te/ dang po dran pa nye bar gzhag pa bzhi bsgoms pa dang/ de nas dro bar gyur pa'i dus na yang dag par spong ba bzhi bsgom pa dang/ de nas spyi bo'i tshe rdzu 'phrul gyi rkang pa bzhi bsgom pa dang/ de nas bzod pa'i dus na dbang po lnga sgom pa dang/ de nas 'jig rten pa'i chos kyi mchog gi dus na stobs la sgom pa dang/ de nas mthong ba'i lam la byang chub kyi yan lag bdun sgom pa dang/ de nas bsgom pa'i lam na 'phags pa'i lam yan lag brgyad pa sgom pa ni lam sgrub pa zhes bya ste/ lam bsgrub pa las 'phags pa'i rnams skye zhing 'byung bas na lam sgrub pa ni 'phags pa'i skye mched do/ /'phags pa ma yin pa'i skye zhing 'byung ba'i sgo brtan pa'i phyir/ 'phags pa ma yin pa'i skye mched ni gang lam dang mi mthun pa'o zhes gsungs te/ dge ba'i bshes gnyen las dam pa'i chos nyan pa dang/ bsam pa 'am/ sgom pa la mi 'jug pa ni lam mi mthun pa zhes bya ba 'am/ yang na zhi gnas dang lhag mthong phyin ci log tu sgom pa rnams 'phags pa'i 'gyur ba med pas na/ 'phags pa ma yin pa'i skye mched ces bya'o/ /yang na sems can rnam pa bcu ni lam dang mi mthun pa ste/ bcu gang zhe na/ rab tu 'bar ba'i sems can dang/ dgra'i dbang du song ba'i sems can dang/ sdug bsngal gyis gzir ba'i sems can dang/ mun pas sgribs pa'i sems can dang/ lam ngan par zhugs pa'i sems can dang/ 'ching ba chen po dang ldan pa'i sems can dang/ zas mchog dug dang 'dres pa la zhen pa'i sems can dang/ lam rab tu stor ba'i sems can dang/ lam log par zhugs pa'i sems can dang/ nyam chung ba'i sems can no/ /de la rab tu 'bar ba'i sems can ni gang 'dod pa'i bde ba la chags pa rnams so/ /dgra'i dbang du song ba'i sems can ni dge ba la zhugs pa bdud kyis bar chad byas nas dge? ba btang ba rnams so/ /sdug bsngal gyis gzir ba'i sems can ni gang sems can dmyal ba rnams so/ /mun par sgribs pa ni rngon pa la sogs pa log par spyod pa la shin tu zhugs pa rnams te/ las kyi rnam par smin pa la myos pa'i phyir ro/ /lam ngan par zhugs pa'i sems can ni yongs su mya ngan las mi 'da' ba' i chos can rnams te/ 'khor ba'i lam rgyun mi 'chad pa'i phyir ro/ /'ching ba chen po dang ldan pa'i sems can ni lta ba sna tshogs kyi bcing ba dam pos bcing pa'i mu stegs can thab pa'i lam log par zhugs pa rnams so/ /zas mchog dug dang 'dres pa la zhen pa'i sems can snyoms par 'jug pa'i bde ba la chags te/ ji ltar kha zas zhim po dug dang 'dres pa 'phral du bde ba yang 'ching ba'i rgyur 'gyur ba de bzhin du ting nge 'dzin gyi ro la chags pa yang phyis de las nyams par 'gyur ba'i phyir ro/ /lam stor ba'i sems can ni mngon pa'i nga rgyal can rnams te/ thar ba'i lam nor ba'i phyir ro/ /lam log par zhugs pa'i sems can ni ma nges pa'i rigs can rnams theg pa chung ngu'i lam du zhugs pa'o/ /nyam chung pa'i sems can tshogs gnyis rdzogs par mi tub pa'i byang chub sems dpa' rnams te/ de ni lam dang mthun pa zhes bya'o/ /lam dang mthun pas na de dag la 'phral du 'phags par 'gyur ba med pa'i phyir 'phags pa ma yin pa'i skye mched do/ /de la byang chub sems dpa' lam la gnas nas zhes bya ba ni gong du bshad pa'i lam de la gnas pa'o/ /lam dang mi mthun pa la spyod pa'i sems can rnams la snying rje chen po bskyed cing zhes bya ba la/ lan dang mi mthun pa la gnas pa'i sems can bcu po rnams te/ sems can de dag la snying rje chen po bskyed pa'o/ /lam gyi skye mched kyang mi 'dor ba zhes bya ba ni lam gyi skye mched las nyams par yang mi 'gyur zhes bya ba'i tha tshig ste/ de ltar shes pa de ni byang chub sems dpa' i skye mched la mkhas pa zhes bya'o/ /skye mched la mkhas pa bshad pa'i 'og tu bden pa la mkhas pa bstan te/ ji ltar bstan pa bzhin du bshad par 'dod nas/ de la byang chub sems dpa' i bden pa la mkhas pa gang zhe na/ de la zhes bya ba'i don ni sngar bshad pa bzhin no/ /gang de bzhin gshegs pas gsungs shing bshad pa rnams phyin ci ma log pa ma nor bar/ de kho na nyid mi slu ba yin pas na bden pa zhes bya'o/ /bden pa de la mkhas pa ni bden pa la mkhas pa ste/ bden pa'i rang bzhin dang/ mtshan nyid phyin ci ma log par rtogs pa'o/ /'jug pa bzhi ni byang chub sems dpa' i bden pa la mkhas pa yin te zhes bya ba la rtogs pa bzhi 'am/ shes pa bzhi ni byang chub sems dpa' i bden pa la mkhas pa zhes bya ste/ 'phags pa'i bden pa bzhi rtogs pa la byar dgongs/ /bstan pa dang bshad pa'i tshul du khong du chud par bya ba'i phyir 'jug bzhi gang zhen zhes bya ba la sogs pa smos te/ rtogs pa bzhi gang zhe na zhes bya ba'i tha tshig go / gang 'di sdug bsngal shes pa dang zhes bya ba la sogs pas ni bstan pa'i tshul bshad do/ /de la sdug bsngal shes pa zhes bya ba ni zhes bya ba la sogs pa bshad pa'i tshul bstan to/ /ci'i phyir 'phags ba'i bden pa bzhi bshad ce na/ kun nas nyon mongs pa dang/ rnam par byang ba'i phyogs kyi 'bras bu dang/ rgyu mdor phyin ci ma log pa bstan pa'i phyir 'phags pa'i bden pa bzhi bshad do/ /de la kun nas nyon mongs pa'i 'bras bu mdor phyin ci ma log pa bstan pa ni sdug bsngal gyi bden pa'o/ /kun nas nyon mongs pa'i phyogs kyi rgyu mdor phyin ci ma log pa bstan pa ni kun 'byung ba'i bden pa'o/ /rnam par byang ba'i phyogs kyi 'bras bu mdor phyin ci ma log par bstan pa ni 'gog pa'i bden pa'o/ /rnam par byang ba'i phyogs kyi rgyu mdor phyin ci ma log par bstan pa ni lam gyi bden pa'o/ /yang na nad dang nad kyi gzhi dang nad med pa dang/ sman lta bur bstan pa'i phyir bden pa bzhi nyid du bshad de/ mi mang mi nyung zhes bya bar sbyar ro/ /de la nad lta bu ni sdug bsngal gyi bden pa'o/ /nad kyi gzhi lta bu ni kun 'byung gi bden pa'o/ /nad med pa lta bu ni 'gog pa'i bden pa'o/ /sman lta bu ni lam gyi bden pa'o/ /yang na me dang shing dang/ me zhi ba dang me 'gog pa'i rgyu lta bu yin pas 'phags pa'i bden pa bstan te/ me lta bu ni sdug bsngal gyi bden pa ste/ me'i gdung ba dang 'dra bar sdug bsngal gyi gdung ba dang ldan pa'i phyir ro/ /shing lta bu ni kun 'byung ba'i bden pa ste/ shing me skye ba'i rgyu byed pa bzhin du kun 'byung ba yang sdug bsngal skyed pa'i rgyu byed ba'i phyir ro/ /me zhi ba lta bu ni 'gog pa'i bden pa ste/ me'i gdung ba zhi ba dang 'dra bar sdug bsngal gyi gdung ba zhi ba'i phyir ro/ /me zhi ba'i rgyu lta bu ni lam gyis bden pa ste/ 'gog pa thob pa'i rgyur gyur pa'i phyir ro/ /yang na bu lon dang/ dbul ba dang bu lon sbyangs pa dang gter lta bu yin pas bden pa bzhi'o/ /bu lon lta bu ni sdug bsngal gyi bden pa ste/ rtag tu yid mi bde ba'i gdung ba dang ldan pas so/ /dbul ba lta bu ni kun 'byung ba'i bden pa ste/ dbul ba'i rgyus bu lon chags pa dang 'dra bar kun 'byung ba'i rgyu sdug bsngal skyed pa'i phyir ro/ /bu lon sbyangs ba lta bu ni 'gog pa'i bden pa ste/ bu lon sbyangs na bu lon gyi mi bde ba med pa bzhin du sdug bsngal rnams med pa'i phyir ro/ /gter lta bu ni lam gyi bden pa ste/ gter bu lon sbyor ba'i rgyur gyur pa dang 'dra bar lam ni 'gog pa 'thob pa'i rgyur gyur ba'i phyir ro/ /sdug bsngal shes pa gang yin pa bstan pa'i phyir de la sdug bsngal shes pa zhes bya ba ni gang phung po rnams mi skye bar shes pa'i zhes bya ba gsungs te/ spungs shing tshogs su gyur pa'i phyir phung po ste/ de'ang gzugs dang tshor ba dang 'du shes dang 'du byed dang rnam par shes pa'i phung po'o/ /phung po de dag sgyu ma dang gzugs brnyan tsam du snang mod kyi/ ngo bo nyid kyi skye ba med pas ni mi skye ba'o/ /'di ltar phung po lnga rnams las 'phags pa nyan thos dag sdug bsngal ba dang mi rtag pa la sogs par rtogs pa ni ma yin gyis/ thog ma nas ngo bo nyid kyis ma skyes par shes pa na sdug bsngal shes pa ste/ kun 'byung ba shes pa bstan pa'i phyir gang srid pa la logs par 'jom pa'i shes pa'o zhes bya ba smos te/ de la srid pa gang zhen gang mdo las bcom ldan 'das kyis/ yang srid pa 'byung bar byed pa dang/ dga' ba'i 'dod chags dang ldan pa dang/ de nag de dag la mngon par dga' ba'i srid pa'o zhes gsungs pa'o/ /de la srid pa ni sgo gsum gyis zhugs pa yin te/ yang 'byung ba'i srid pa 'dod pa dang yul 'dod pa'o/ /de la yang byung ba'i srid pa 'dod pa 'di yang srid pa 'dod pa 'byung ba byed pa yin no/ /yul 'dod ba ni rnam pa gnyis te/ yul 'thob pa rnams la yid bde zhing lhag par tshigs pa dang ldan pa dang yul ma thob pa rnams la kun tu sbyor bar 'dod pa dang ldan pa'o/ /de la yul thob pa rnams yid bde zhing lhag par chags pa dang ldan pa gang yin pa de ni dga' ba'i 'dod chags dang ldan pa zhes bya'o/ /yul ma thob pa rnams la kun tu sbyor? pa 'dod pa dang ldan pa gang yin pa de ni de dag la mngon par dga' ba zhes bya'o/ /legs par 'joms pa'i shes pa ni srid pa de dag ma lus par spangs pa'i thabs shes pa ste/ 'joms pa bya ba ni spong ba'i don to/ /nyan thos dag ltar kun 'byung ba'i bden pa la rgyu dang rkyen la sogs par rtog pa ni ma yin gyi/ sdug bsngal gyi phung po 'byung po'i rgyu 'dod chags kyi rang bzhin srid pa zhes bya ba rab tu spang pa'i thabs shes pa ni kun 'byung ba shes pa zhes bya'o/ /'gog pa shes pa bstan pa'i phyir 'gog pa zhes bya ba ni ma rig pa dang bag la nyal rnams mi 'byung ba'o zhes gsungs te/ de yang ma rigs pa mi 'byung ba dang/ bag la nyal rnams mi 'byung ba'o zhes bya bar sbyar ro/ /de la ma rig pa ni de kho na la kun tu gti mug pa ste/ ma rig pa ma lus par spangs nas byis de'i rgyud la mi skye bar 'gyur ba ni? ma rig pa mi 'byung ba'o/ /bag la nyal gyi sgras 'dod chags la sogs nyon mongs pa gzhan gyi bag la nyal la bya ste/ de dag ma lus par spangs nas phyis de'i rgyud la mi skye ba ni bag la nyal rnams mi 'byung ba'o/ /bag la nyal smos pas ma rig pa yang smras pa yin mod kyi/ ma rig pa ni nyon mongs pa thams cad 'gyur ba'i rgyu ste/ gtso bo yin par bstan pa'i phyir ming gis bkar te smos te/ yang na ma rig pa bag la nyal bas na ma rig pas bag la nyal te/ ma rig pa la sogs pa'i bag la nyal rnams thog ma nas ma skyes pas mdza' 'gag pa yang med pa ni ma rig pa dang bag la nyal rnams mi 'byung ba zhes bya'o/ /'gog pa'i bden pa la 'phags pa nyan thos dag ltar zhi ba dang gya nom pa la sogs pa rtog pa ni ma yin gyi ma rig pa la sogs pa bag la nyal rnams thog ma nas ma skyes pas mdza' 'gag pa yang med par shes pa ni 'gog pa zhes bya'o/ /lam shes pa bstan pa'i phyir/ lam shes ba zhes bya ba ni mnyam pa nyid du gyur pa'i chos thams cad la sgro mi 'dogs pa ste zhes bya ba smos te/ lam gyi bden pa la yang 'phags pa nyan thos pa dag ltar nyon mongs pa'i phyogs spong ba dang/ rnam par byang ba'i phyogs sgrub par rtog pa ni ma yin gyi/ nyon mongs pa dang rnam par byang ba'i phyogs gnyi ga yang mnyam pa nyid du rtog pas de gnyis la sgro 'dogs pa med pa ni lam shes par zhes bya'o/ /yang na chos thams cad? ni nam mkha' dang 'dra bar ro gcig par mnyam pa nyid du gyur pa'o/ /mnyam pa nyid du gyur par chos de dag las spang pa dang/ blang pa dang rtag pa dang mi rtag pa dang yod pa dang med pa dang skye ba dang mi skye ba la sogs par 'dogs pa ni lam shes pa'o// de ni byang chub sems dpa' i bden bshes pa'o zhes bya ba la bden pa bzhi po gong du bshad pa lta bu'i tshul du shes pa ni byang chub sems dpa' i bden pa shes pa zhes bya'o/ /byang chub sems dpa' i bden pa shes pa de dag kyang shes rab dang thabs kyis yongs su zin pa yin par bstan pa'i phyir de la byang chub sems dpa' 'phags pa'i bden pa bzhi po de dag la de lta bur shes rab dang ye shes kyis rab tu shes kyang zhes bya ba la sogs pa smos te/ 'phags par 'gyur ba'i bden pa yin pas na 'phags pa'i bden pa 'am/ 'phags pa rnams kyis bden pa de dag de kho na lta bu yin par bden pa'i sgo nas yang dag pa ji lta ba bzhin mkhyen cing gzigs kyi byis pa rnams kyis yang dag pa ji lta bzhin du mi shes mi mthong bas na/ de'i phyir 'phags pa'i bden pa rnams zhes bya'o/ /yang na 'phags pa sangs rgyas dang sangs rgyas kyi nyan thos rnams kyis bshad pa'i bden pa yin pas na 'phags pa'i bden pa ste/ 'phags pa ma yin pas bshad pa rnams kyang de bzhin gshegs pa rnams kyis byin gyis brlabs kyi 'chad pa dang/ bcom ldan 'das kyis bstan pa 'dzin pa dang/ 'phags par 'gyur ba'i rgyu byed pas na 'phags pa'i bden pa zhes bya'o/ /de lta bur zhes bya ba ni gong du bstan pa lta bur ro/ /rang gi mtshan nyid rtogs pa ni shes rab yin la spyi'i mtshan nyid rtogs pa ni ye shes so/ /yang na skabs 'dir shes rab bshad pas shes rab nyid gong du bshad pa lta bu'i tshul du stong par rtogs pa la ye shes zhes bya ste/ 'di ni shes rab kyis zin pa bstan to/ /sems can la lta ba'i phyir mngon sum du mi byed cing sems can rnams kyang yongs su smin par byed de zhes bya ba ni de ltar bden pa bzhi rtogs kyang snying rje chen pos sems can gyi don gyi phyir nyan thos bzhin du zhi ba phyogs gcig pa'i mya ngan las 'das pa mngon du mi byed cing thabs rnam pa sna tshogs kyis sems can smin par yang byed do/ /'dis ni thabs kyis zin par bstan to/ /'di ni byang chub sems dpa' i bden pa la mkhas pa'o zhes bya pa la thabs dang shes rab kyis yongs su zin pa gong du bshad pa lta bur bden pa bzhi po shes pa 'di ni byang chub sems dpa' i bden pa la mkhas pa'o/ /bden pa'i mtshan nyid gzhan yang bstan pa'i bzhed nas gzhan yang byang chub sems dpa' i bden pa rnam pa gsum ste zhes bya ba la sogs pa gsungs te/ gzhan yang zhes bya ba ni gong du bden pa bzhi bshad pa tsam du yang ma zad kyi/ bden pa rnam pa gsum yang yod de zhes bya bar dgongs pa'o/ /'dir yang bstan pa dang bshad pa'i tshul du rig par bya ste/ gang 'di kun rdzob kyi bden pa dang zhes bya ba la sogs pa ni bstan pa'i tshul lo/ /de la kun rdzob kyi bden pa gang zhe na zhes bya ba la sogs pa ni bshad pa'i tshul lo/ /kun rdzob nyid bden pa yin pas kun rdzob kyi bden pa ste/ sgyu ma dang smig rgyu tsam du ji ltar snang ba rnams de bzhin du bya ba byed pa'i phyir ro/ /don dam pa nyid bden pa yin pas don dam pa'i bden pa ste/ mi bslu ba'i bdag nyid phyin ci ma log pa'i phyir ro/ /mtshan nyid bden pa yin pas na mtshan nyid kyi bden pa ste/ chos thams cad ro gcig par mnor ba'i phyir ro/ /ci'i phyir bden pa rnam gsum bshad ce na/ sems can rnam pa gsum gyi don du dgongs nas bden pa rnam gsum bshad de/ sems can rnam pa gsum ni yongs su ma smin pa'i sems can dang/ yongs su smin pa'i sems can dang/ chos nyid zab mo la kun tu mgo rmongs pa'i sems can no/ /de la yongs su ma smin pa'i sems can gyi don du kun rdzob kyi bden pa bstan to/ /yongs su smin pa'i sems can gyi don du don dam pa'i bden pa bstan to/ /chos nyid zab mo la kun tu mgo rmongs pa'i sems can gyi don du mtshan nyid kyi bden pa bstan to/ /de bas na 'phags pas bcu pa'i mdo las kyang/ sems can gzhan gyi bsam pa ji lta ba bzhin du tshim par byed bas kun rdzob kyi bden pa rab tu shes so/ /bgrod pa gcig pu la yang dag par gzhol bas don dam pa'i bden pa rab tu shes so/ /rang dang spyi'i mtshan nyid rtog pas mtshan nyid kyi bden pa rab tu shes so zhes su gsungs so/ /de la kun rdzob kyi bden pa bshad par bzhed nas/ 'jig rten gyi tha snyad dang yi ge dang sgra dang brngas bstan pa ji snyed pa zhes gsungs te/ ji snyed pa zhes bya ba'i sgra thams cad dang sbyar te/ 'jig rten gyi tha snyad ji snyed pa dang yi ges bstan pa ji snyed pa dang/ sgras bstan pa ji snyed pa dang/ brngas bstan pa ji snyed pa zhes bya bar sbyar ro/ /ji snyed kyi sgra ni ji tsam yod pa'i don du drangs te/ 'jig rten gyi tha snyad ji tsam yod pa zhes bya ba'i tha tshig go /de la 'jig rten gyi tha snyad ni bstan pa'o/ /lhag ma rnams ni bshad pa ste/ yi ge ni a dang ka la sogs pa gsung rab kyi lung dang 'brel ba rnams so/ /sgra ni gsung rab kyi lung dang 'brel ba 'du byed mi rtag ces bya ba la sogs pa'i tshig gi rkang pa rnams so/ /brnga ni don ston par nus shing khong du chud par nus pa'i tshig gi rnams so/ /ji snyed ces bya ba'i tshig gi lung 'ba' zhig gi ma yin gyi/ 'jig rten gyi yi ge dang sgra la sogs pa ci tsam yod pa rnams kyang sdud de/ de yang yid kyi dang dag gi sgo nas ston pa rnam pa gnyis so/ /de la yid kyi ston pa ni ji ltar brgya byin la yid kyis chos mngon par bshad pa dang/ de dag gis kyang rang gi the tshom yid la btags pa dang lan kyang yid kyi tshigs su bcad pas bla na no mdo de dang de dag las 'byung ba lta bu'o/ /dag gis bstan pa ni tshig gi rig byed rnam pa sna tshogs nyan pa'i gang zag rnams kyi rna bar song ba rnams so de dag gis ni mdor na 'di skad du/ gdul bar bya ba'i sems can rnams kyi dbang du ji tsam du tha snyad brjod pa thams cad kun rdzob kyi bden pa yin no zhes bstan te/ 'di ltar dkon mchog sprin gyi mdo las kyang/ rigs kyi bu chos bcu dang ldan na byang chub sems dpa' kun rdzob la mkhas pa rnams yin no/ /bcu gang zhe na 'di lta ste gzugs su 'ang 'dogs la/ don dam par na gzugs su 'ang mi dmigs shing mi 'chags so/ /de bzhin du tshor ba dang 'du shes dang 'du byed dang rnam par shes par kyang 'dogs la/ don dam par na rnam par shes par kyang mi dmigs shing mngon par mi chags so zhes bya ba nas sangs rgyas kyi chos rnams su 'ang 'dogs la/ don dam par na sangs rgyas kyi chos su yang mi dmigs shing mngon par mi 'chags so/ /byang chub tu 'ang 'dogs la byang chub sems dpar yang mi dmigs shing de la mngon par mi 'chags so/ /rigs kyi bu de lta bas na ming dang 'dogs pa dang/ tha snyad de ni kun rdzob ces bya ste/ kun rdzob kyi chos rnams la don dam pa med kyi/ kun rdzob kyi chos med par yang don dam pa bstan mi nus zhes gsungs so/ /de las zlog ba ni don dam pa ba ste/ de bstan par bzhed nas/ don dam pa'i bden pa ni gang la sems kyi rgyu ba yang med pa ste/ yi ge lta ci smos zhes bya ba gsungs so/ /don dam pa ni skye ba dang mi skye ba dang bsam du med pa dang rtag pa dang mi rtag pa dang brjod du yod pa dang brjod du med pa dang/ 'gog pa dang mi 'gog pa dang shes par rlang ba dang shes par mi rlang ba dang rtag pa dang mi rtag pa zhes bya ba la sogs pa'i spros pa thams cad las 'das pa yin pas sems kyi rgyu ba med pa zhes bya ste/ sems dpa' sems las byung ba'i spyod yul las 'das te/ don dam pa dang de rig pa'i ye shes gnyis su med pa'i phyir sems kyi yul du yang mi 'gyur na/ yi ge lta ci smos zhes bya ba'i tha tshig go /de bas na dkon mchog sprin gyi mdo las kyang rigs kyi bu chos bcu dang ldan na byang chub sems dpa' don dam pa la mkhas pa rnams yin no/ /bcu gang zhe na 'di lta ste/ mi skye ba'i chos nyid dang ldan pa rnams yin/ mi dgag pa'i chos nyid dang mi 'jig pa'i chos nyid dang mi len mi 'dor ba'i chos nyid dang/ tshig gi spyod yul las yang dag par 'das pa'i chos nyid dang smrar med pa'i chos nyid dang spros pa med pa'i chos nyid dang/ brjod du med pa'i chos nyid dang zhes bya ba la sogs pa gsungs so/ /de la mtshan nyid kyi bden pa bshad par bzhed nas mtshan nyid kyi bden pa gang zhen zhes kho nas dris pa dang/ mtshan nyid kyi bden pa ni gang 'di mtshan nyid thams cad mtshan nyid gcig pa ste zhes bya ba gsungs te/ 'di ltar sa'i mtshan nyid sra ba dang/ chu'i mtshan nyid gsher ba dang zhes bya ba nas gzugs kyi mtshan nyid thogs pa dang bcas pa dang/ tshor ba'i mtshan nyid myong bar byed pa zhes bya ba la sogs pa thams cad ni mtshan nyid gcig pa ste de bzhin nyid kyi mtshan nyid du 'dra ba'i phyir ro/ /mtshan nyid gcig po de'i mtshan nyid kyang gang yin zhe na de'i phyir mtshan nyid gcig po yang mtshan nyid med pa'o zhes bya ba gsungs te/ de bzhin nyid de ni mtshan nyid du bgrang ba thams cad las 'das pa ste/ skye ba dang 'gag pa dang yod pa dang med pa dang rtag pa dang mi rtag pa la sogs pa gang gi mtshan nyid kyang ma yin pas na mtshan nyid med pa'o/ /mtshan nyid med pa'i bden pa 'di yang don dam pa'i bden pa nyid/ de las gzhan ma yin na ci'i phyir don dam pa'i bden pa zhes bya ba dang/ mtshan nyid kyi bden pa zhes bya ba gnyis su bshad de/ de ni bden te/ de las gzhan ma yin mod kyis 'dis don dam pa mtshon par byed/ khong du chud par byed pas na mtshan nyid kyi bden pa ste/ de bas na mtshan nyid kyi bden pa ni don dam pa la 'jug pa'i sgo lta bur bzhag go / yang na sems can rnam pa gsum gyi phyir bden pa rnams bshad de/ nyes pa med do/ /byang chub sems dpa' i bden pa rnam pa gsum yang thabs dang shes rab kyis yongs su zin pa yin te/ de bstan pa'i phyir 'di la byang chub sems dpa' kun rdzob kyi bden pa bstan pas yongs su ma skyo ba zhes bya ba la sogs pa gsungs te sems can gyi don du byang chub sems dpa' kun rdzob kyi bden pa tha snyed yi ge dang brnga la sogs pa gzhan la bstan kyang kun rdzob kyi bden pa la yid 'byung zhing skyo ba med/ shes rab kyis zin pas de dag sgyu ma dang rmi lam dang/ gzugs brnyan lta bur dngos po med par khong du chud pa'i phyir ro/ /don dam pa'i bden pa mngon du byed par yang mi ltung zhes bya ba ni thabs kyis yongs su zin pas ji ltar 'phags pa nyan thos rnams zhi ba phyogs gcig pa'i mya ngan las 'das pa la gnas pa lta bur de bzhin nyid 'ba' zhig gi phyogs yang gnas par mi byed ces bya ba'i don to/ / mtshan nyid kyi bden pas bden pa cig tu rtogs kyang sems can rnams yongs su smin par byed de zhes pa ni mtshan nyid kyi bden pa khong du chud pas don dam pa dang/ kun rdzob kyi bden pa dang sdug bsngal dang kun 'byung ba dang 'gog pa dang lam la sogs pa'i bden pa rnams de bzhin nyid kyi mtshan nyid du ro gcig par rtogs kyang thabs rnam pa sna tshogs kyis theg pa rnam pa gsum du gar rigs rigs su sems can rnams yongs su smin par byed de/ de lta bur thabs dang shes rab kyis yongs su zin pa'i bden pa rtogs pa ni byang chub sems dpa' i bden pa la mkhas pa zhes bya'o/ /de la yongs su smin pa gang zhe na de yang mdor rnam pa gsum ste/ yongs su smin pa'i rang bzhin dang/ yongs su smin par bya ba'i gang zag dang/ yongs su smin pa'i rnam pa rab tu dbye ba'o/ /yongs su smin pa'i rang bzhin ni dper na 'bras smin par gyur na brdol bar 'ong ba dang/ 'bras bu smin nas nam kun tu bza' bar ngos pa'i dus na yongs su smin pa zhes bya ba de bzhin du dge ba'i tsho ma r nams kyi sa bon yang nas yang du brten pa dang ldun pas nyon mongs pa dang shes bya'i sgrib pa spong bar nus pa dang rjes su mi mthun pa'i lus dang sems las su rung brnyed nas nyon mongs pa dang shes bya'i sgrib pa spong ba'i mthu dang ldan pa ni yongs su smin pa'i rang bzhin zhes bya'o/ /yongs su smin par bya ba'i gang zag ni rnam pa bzhi ste/ nyan thos kyi rigs can dang/ rang sangs rgyas kyi rigs can dang/ sangs rgyas kyi rigs can dang/ rigs med pa'i gang zag go /de la rigs can gsum ni theg pa gsum du yongs su smin par bya'o/ /rigs med pa'i gang zag kyang lha dang mi'i bde 'gror yongs su smin par bya'o/ /yongs su smin pa'i rnam pa rab tu dbye ba yang mdor na gsum ste/ dbang po yongs su smin pa dang dge ba'i rtsa yongs su smin pa dang/ shes pa yongs su smin pa'o/ /de la dbang po yongs su smin pa ni tshe dang/ mdog dang rigs dang dbang phyug phun sum tshogs pa dang/ tshig btsun pa dang/ dbang che bar grags pa dang mir gyur pa dang rig pa'i gnas rnams la mkhas pa'o/ /dge ba'i rtsa ba yongs su smin pa ni gang rang bzhin gyi nyon mongs pa shes chung ba las na rang bzhin gyis sdig pa mi dge ba'i chos la sems mi 'jug cing sgrib pa chung ba dang/ rtog pa nyung ba dang/ drang zhing mthun par 'dzin pa yin/ /shes pa yongs su smin pa ni dran pa dang ldan pa/ yid gzhungs pa dang ldan pa/ legs par smras pa dang nyes par smras pa'i chos rnams kyi don kun shes par nus shing lhan cig skyes pa'i shes rab kyis rang gi sems la yod pa'i nyon mongs pa sel nus pa'i mthu dang ldan pa'o/ /yongs su smin par byed pa ni theg pa gsum gyi rigs can gyi gang zag rnams so so'i theg pa'i chos rnams dang po bstan pa dang/ de nas bsam pa dang sgom pa la sogs pa'i rim pas khad kyi nyon mongs pa dang shes bya'i sgrib pa spong du btsud de/ rang rang gi 'bras bu la 'god pa'o/ /bden pa'i rnam pa gzhan yang bstan par bzhes nas/ gzhan yang bden pa rnam pa gnyis te zhes bya ba la sogs pa gsungs te/ gzhan yang zhes bya ba ni sngar bshad pa'i don du lta'o/ /'dir yang bstan pa dang bshad pa'i tshul khong du chud par bya ba'i phyir/ rnam pa gnyis po gang zhe na/ gang 'di tha snyad kyi bden pa dang/ don dam pa'i bden pa zhes bya ba bstan pa'i tshul bshad do/ /de la tha snyad kyi bden pa ni gang dus su zhes bya ba la sogs pas bshad pa'i tshul bstan to/ /'jig rten gyi tha snyad rnams bden pas na tha snyad kyi bden pa ste/ ji ltar snang ba tsam du bden pa'i phyir ro de bas na mdo las kyang/ 'jig rten rnams las gang yod par bden pa la yang de bden zhes gsungs so/ /don dam pa nyid bden pas na don dam pa'i bden pa ste/ ji ltar gnas pa las gzhan du mi 'gyur ba'i phyir/ de bas na mdo las kyang/ 'dus byas rnams ni bslu bas na brdzun pa yin gyi/ 'dus ma byas ni bden pa'o zhes gsungs so/ /ci'i phyir bden pa gnyis ni bshad ce na/ 'phags pa'i lam dang/ lam gyi 'bras bu bstan par bya ba'i phyi bden pa gnyis bshad de/ 'phags pa'i lam bstan pa'i phyir tha snyad kyi bden pa bshad do/ /lam de'i 'bras bu bstan par bya ba'i phyir don dam pa'i bden pa bshad do/ /yang na 'jig rten pa'i shes pa'i yul dang/ 'jig rten las 'das pa'i shes pa'i yul la dgongs nas bden pa gnyis bshad de/ 'jig rten pa'i shes pa'i yul la dgongs nas tha snyad kyi bden pa bshad do/ /'jig rten las 'das pa'i shes pa'i yul la dgongs nas don dam pa'i bden pa bshad do/ /de la tha snyad kyi bden pa bstan pa'i phyir/ tha snyad kyi bden pa ni zhes bya ba la sogs pa gsungs te/ tshig gi mngon par brjod pa mang po ni tha snyad do/ /brjod pa des khong du chud par 'gyur ba'i bden pa ni tha snyad kyi bden pa'o/ /tha snyad kyi bden pa de'ang rnam pa gnyis ste/ ma 'khrul pa'i 'jig rten pa'i shes pa'i yul dang/ 'khrul pa'i 'jig rten pa'i yul lo// de la ma 'khrul ba'i 'jig rten pa'i shes pa ni rjes las thob pa dag pa 'jig rten pa'i ye shes te/ de'i yul bstan pa'i phyir gang dus su bden pa smra ba ste/ gang 'di sdug bsngal gyi bden pa dang zhes bya ba la sogs pa gsungs pa'o/ /de la gang dus su bden par smra ba zhes bya ba ni de bzhin khong du chud pa dang ldan pa'i gang zag rnam par mi rtog pa'i ting nge 'dzin las langs nas bdag gis ji ltar myong ba'i don 'dul ba rnams yongs su smin pa'i dus dang sbyar te/ rjes las thob pa dag pa 'jig rten pa'i ye shes kyis 'di ni sdug bsngal gyi bden pa/ 'di ni kun 'byung ba'i bden pa'o zhes phyin ci ma log par 'chad cing ston pa ni dus su bden par smra ba zhes bya'o/ /'khrul pa'i 'jig rten pa'i shes pa'i yul bstan pa'i phyir/ 'jig rten gyi tha snyad dang zhes bya ba la sogs pa smras te/ 'jig rten gyi tha snyad yi ge dang 'brel pa'i sgras bstan pa'i brda ni/ 'jig rten gyi tha snyad dang yi ge dang sgra dang brdas bstan pa zhes bya ste/ 'jig rten gyi tha snyad thams cad ni brdzun pa yin pas na 'khrul pa'o/ /yang na gdul ba'i dus su bden par smra ba ni tha snyad kyi bden pa zhes bya ste/ de la bden pa gang zhe na/ gang sdug bsngal gyi bden pa dang zhes bya ba la sogs pa gsungs pa'o/ /smra ba gang zhe na 'jig rten gi tha snyad dang zhes bya ba la sogs pa gsungs te/ don du na 'jig rten gyi tha snyad dang mthun pa'i yi ge dang sgra dang brdas sdug bsngal la sogs pa bden pa bzhi bstan pa ni tha snyad kyi bden pa zhes bya'o/ /don dam pa'i bden pa bden par bya ba'i phyir/ don dam pa'i bden pa ni gang 'di brjod pa med pa'i chos can mya ngan las 'das pa zhes bya ba gsungs te/ 'jig rten las 'das pa'i ye shes dam pa'i yul lam 'bras bu yin pas na don dam pa'o/ /don dam pa'i bden pa bstan gang rjed pa med pa'i chos dang ldan pa ni brjed pa med pa'i chos can te/ skye ba dang 'jig pa med pa'i rang bzhin thogs ma nas ngo bo nyid kyi 'od gsal ba de bzhin nyid slu ba med pa'i chos can de ni don dam pa'i bden pa zhes bya'o/ /de ci'i phyir zhe na zhes bya ba ni de bzhin nyid de ci'i phyir slu ba med pa'i chos can zhes bya zhe na/ zhes bya ba'i tha tshig go /slu ba med pa'i chos can ni rgyu bstan pa'i phyir/ rtag tu chos kyi de bzhin nyid kyi phyir de'i rigs ni rtag pa'i phyir ro/ /zhes bya ba gsungs te de'i rigs zhes bya ba ni de bzhin nyid de'i rang bzhin no/ /de bzhin nyid de'i rang bzhin ni/ skye ba dang 'jig pa med pa'i rang bzhin las gzhan du mi 'gyur bas rtag pa ste/ de bas na mi slu ba zhes bya ba ji ltar rtag ci na rtag tu chos kyi de bzhin nyid kyi phyir te/ chos kyi de bzhin nyid kyi ngo bo la ni so so'i skye bo dang/ 'phags pa'i dus na yang de la mtshan nyid tha dad du gyur pa med pa'i phyir ro/ /de la mi bslu ba'i don ci rang bzhin gzhan du gnas la gzhan du mi stong pa ni mi bslu ba ste ji ltar 'dus byas 'dus byas kyi ngo bo nyid du med na/ de ni de'i ngo bo nyid du snang bas na mi slu ba zhes bya ba'i don dam pa ni rang bzhin gzhan du mi 'gyur te/ de la de bzhin du ston par byed pas na mi slu ba zhes bya'o/ /de bas na mdo las kyang/ mi bslu ba'i chos can mya ngan las 'das pa ni bden pa ?gcig pu'o/ /'du byed thams cad snod kyi 'jig rten ni rdzun pa bslu ba'i chos can no/ zhes gsungs so/ /'dir yang thabs dang shes rab kyi yongs su zin pa bstan pa'i phyir ro/ /de la byang chub sems dpa' tha snyad kyi bden pa bstan pas kyang yongs su mi skyo zhes bya ba la sogs pa gsungs so/ /tha snyad kyi bden pa bstan pa ni sdug bsngal dang kun 'byung ba la sogs pa bdag gis gzhan la bshad pa 'am gzhan gyis bdag la bstan pa ste/ yongs su mi skyo ba ni shes rab kyi tha snyad kyi bden pa thams cad don dam par dngos po med par khong du chud pas de dag las yid byung zhing skrag pa dang/ dngos por 'dzin par mi 'gyur zhes bya ba'i don to/ /don dam pa'i bden pa mngon sum du byed par yang mi ltung la zhes pa ni chos thams cad sgyu ma dang rmi lam lta bur khong du chud de de yang ma brtags na gcig tu dga' ba tsam med pa ma yin zhes rig pa'i thabs kyis yongs su zin pas ni/ de kho na nyid 'ba' zhig la yang gnas par mi byed la/ thabs dang shes rab kyi sems can rnams yongs su smin par byed pa ni byang chub sems dpa' i bden pa la mkhas ba zhes bya ba'i don to/ /chos 'di ba dang phyi rol pa rnams lta ba rnam pa sna tshogs la mngon par zhen pa'i gnyen por gzhan yang bden pa ni gcig ste/ gnyis su med do zhes bya ba gsungs so/ /gnyis su med do zhes bya bas ni 'dir bden pa gcig bstan pa la ma gtogs pa rnams yang dag pa ma yin par ston pa'o/ /bden pa gcig po gang zhe na zhes khong nas dris pa dang/ de la bden pa gcig ni gang 'di chos thams cad la sgro 'dogs pa med cing sgro 'dogs par lhung ba'i sems can rnams kyang bden pa la rab tu gzung pa'o zhes gsungs so/ /chos thams cad brjod du med pa'i rang bzhin yin pa la/ gal te ming dang tshig dang yi ge dag gis gang zag dang chos kyi ngo bo nyid dam bye brag tu 'dogs pa de ni sgro 'dogs pa yin te/ chos rnams kyi rang bzhin ji skad du btags pa de tdag ma yin pa'i phyir ro/ /de ltar chos rnams la sgro mi 'dogs shing/ de bzhin nyid kyi rang bzhin du yang shes par byed la/ sgro 'dogs par lhung ba spros pa sna tshogs la mngon par zhen pa'i sems can rnams kyang brjod du med pa'i bden pa de la rab tu 'dor ba ni bden pa gcig ces bya'o/ /'dir yang thabs dang shes rab kyis bstan pa'i phyir/ de la byang chub sems dpa' sgro 'dogs pa'i bden pa bstan pas mi skyo la zhes bya ba la sogs pa gsungs te/ de ltar bden pa gcig pa de ni tshig gi spyod yul ma yin yang sems can de la gzung ba'i thabs gzhan med pas 'dus byas dang 'dus ma byas zhes bya ba la sogs pa'i tshig gis sgro btags nas ston pa ni sgro 'dogs pa'i bden pa ste/ de dag bstan pas kyang mi skyo zhes bya ba'i don to/ /bshad pa gzhan ni snga ma bzhin du blta'o/ /gong du bden pa bzhi bshad pa'i rnam grangs bstan par bzhed de sdug bsngal gang yin pa bstan pa'i phyir/ gzhan yang phung po lnga ni sdug bsngal ba ste/ gang phung po lnga rnams kyi mtshan nyid 'di ni sdug bsngal zhes bya'o zhes gsungs te/ de la dang po dang bar ma dang tha ma'i sdug bsngal rnams bsdus pa'i don gyis ni gzugs la sogs pa'i phung po lnga ni sdug bsngal ba zhes bya ste/ de la dang po'i sdug bsngal ni skye ba'o/ /bar gyi sdug bsngal na ni ba dang rga ba dang/ 'dod pa mi rnyed pa la sogs pa'o// //tha ma'i sdug bsngal ni 'chi ba ste/ sdug bsngal de dag nye bar len pa'i phung po lnga'i gnas der 'dus pas na phung po lnga ni sdug bsngal ba zhes bya ste/ de la phung po lnga rnams kyi sdug bsngal gyi mtshan nyid gang yin pa sdug bsngal yin par ston to/ /ji ltar sdug bsngal shes pa bstan pa'i phyir/ gang gis mtshan nyid de stong par rtogs pa 'di ni sdug bsngal la sdug bsngal du shes pa 'phags pa'i bden pa'o zhes gsungs te/ 'phags pa nyan thos dag ltar sdug bsngal gyi dngos po yod par lta ba ma yin gyi/ gang zag gang gis gong du bshad pa'i sdug bsngal nyid kyang rang bzhin med cing mi dmigs par rtog pa de ni sdug bsngal la sdug bsngal du shes pa 'phags pa'i bden pa zhes bya'o/ /kun 'byung ba gang yin pa bstan pa'i phyir/ gang phung po lnga'i srid pa'i rgyu dang lta ba'i rgyu bag la nyal 'di ni kun 'byung pa zhes gsungs te phung po lnga po de dag skyed pa'i rgyu ni phung po'i lnga'i rgyu ste/ de yang gring ba'i rgyu dang lta ba'i rgyu las phung po la la skye'o/ /de la srid pa dang ba ni sngar bshad par zad do/ /sred pa dang lta ba de dag nyid rgyu yin pas/ sred pa'i rgyu dang lta ba'i rgyu zhes bya ste/ bag la nyal yang de gnyis la bya'o/ /ji ltar kun 'byung ba shes pa bstan pa'i phyir/ gang gis sred pa'i rgyu dang lta ba'i rgyu de dag mi len pa dang zhes bya ba la sogs pa gsungs te/ mi len pa ni sred pa dang lta ba la mtshan mar mi 'dzin pa'o/ /sgro mi 'dogs pa ni de dag la med pa dang/ yod par mi lta ba'o/ /reg par mi byed pa ni de dag gi rang bzhin la rtog par mi byed pa'am/ sred pa dang lta ba la? spyad? par mi byed pa'o/ /de ni 'di skad ston to/ phung po lnga'i rgyu sred pa dang lta ba rnams rang bzhin gyis mi dmigs shing dngos po med par rtogs na/ kun 'byung ba la kun 'byung bar shes pa'i 'phags pa'i bden pa zhes bya'o/ /'gog pa'i bden pa'i rang bzhin gang yin pa bstan pa'i phyir gang phung po lnga rnams shin tu zad de 'gag nas sngon gyi mthar mi 'byung ba dang zhes bya ba la sogs gsungs so/ /shin tu zad pa ni phung po lnga bskyed pa'i rgyu sred pa'i bag la nyal dang lta ba'i bag la nyal spangs pas skye ba'i rgyun chad pa'o/ /'gags pa ni skye ba gzhan dang mtshams mi sbyor zhing ma 'ongs pa phung po skyed pa'i rgyu mi byed pa'o/ /yang na skad cig ma re re la skye ba med pas na shin du zad pa zhes bya'o/ /tshe'i nying mtshams gcig na gcig tu mtshams sbyor zhing skye ba med bas nas 'gag pa'o/ /yang na skye ba'i mtshan nyid dang bral ba'i phyir shin tu zad pa'o/ /'jig pa'i chos dang bral ba'i phyir shin tu 'gag pa'o/ /de nyid kyi don gsal bar bstan pa'i phyir/ sngon gyi mthar mi 'pho ba dang de ltar byung par phyin pa med pa zhes bya ba gsungs te/ sngon gyi mthar mi 'byung ba ni 'das pa'i dus su yang ma skyes pa'o/ /phyi ma'i mthar mi 'pho ba ni da ltar gyi dus nas phung po lnga'i rgyu las dang nyon mongs pa ma lus par spangs shing/ phung po lnga yang rang bzhin med pas ma 'ongs pa'i dus kyis tshe dang mtshams sbyor ba med pa'o/ /da ltar byung bar phyin pa med pa'i 'das pa'i las dang nyon mongs pas da ltar dus su 'ang skyes pa med pa ste/ de ltar dus gsum du yang phung po lnga ma skyes pa ni 'gog pa'i bden pa'i rang bzhin no/ /ji ltar na 'gog pa'i bden pa shes pa bstan pa'i phyir/ de la gang gis de ltar shes pa 'di ni zhes bya ba la sogs pa gsungs te/ phung po lnga po skye ba med pa'i mtshan nyid la gang zag gang gis gong du bshad pa lta bur 'gog pa'i bden pa ngo bo nyid kyis stong ste/ skye ba dang 'gag pa med par khong du chud cing mi dmigs par shes pa ni 'gog pa la 'gog par shes pa'i 'phags pa'i bden pa zhes bya'o/ /lam gyi bden pa'i rang bzhin bstan pa'i phyir/ lam gang la brten te/ sdug bsngal shes pa dang/ kun 'byung ba shes pa dang/ 'gog pa shes pa la reg cing zhes bya ba la sogs pa gsungs so/ /lam gang la brten te zhes bya ba la sdug bsngal dang kun 'byung ba dang/ 'gog pa gsum rang bzhin gyis stong par khong du chud pa'i lam gang la gnas te zhes bya ba'i tha tshig go / reg ces bya ba ni sdug bsngal dang kun 'byung ba gnyis la nag po'i phyogs su 'ang mi lta ba/ 'gog pa la dkar po'i phyogs su 'ang mi lta zhes bya ba'i don to/ /gnyis su med pa'i ye shes su 'jog ces bya ba ni de gnyis dbyer med par khong du chud ces bya ba'i don to/ /de ltar 'jog pa'i ye shes de ni lam 'phags pa'i bden pa zhes bya ste/ sdug bsngal 'gog pa 'gro ba zhes bya ba ni sdug bsngal 'gog pa 'thob pa 'am/ chud par byed pa'i lam zhes bya ba'i don to/ /ji ltar na lam gyi bden pa shes par gyur pa bstan pa'i phyir ro/ /gang 'di la stong pa nyid du shes pa 'di ni lam la lam du shes pa 'phags pa'i bden pa'o zhes bya ba gsungs te/ de lta bu'i lam gyi bden ba de yang stong pa nyid du rtogs te/ mi dmigs par khong du chud pa de ni lam la lam du shes pa'i 'phags a'i bden pa zhes bya'o/ /bden ba rgya cher bshad pa'i rnam bsdud te bstan pa'i phyir/ gang gis 'phags pa'i bden pa bzhi po 'di dag la de dag ye shes kyis rtog cing bden pa'i rtog pas mi rtog pa 'di ni zhes bya ba la sogs pa gsungs te/ gang gis zhes bya ba ni gang zag gang gis so/ /'phags pa'i bden pa bzhi po 'di dag la zhes bya ba ni sdug bsngal la sogs pa bden pa bzhi gong du bshad pa rnams la'o/ /de ltar ye shes rtog cing zhes bya ba ni gong du bshad pa'i tshul du bden pa bzhi po de dag ngo bo nyid kyi stong par khong du chud pa'o/ /bden pa'i rtog pa mi rtog pa zhes bya ba ni 'phags pa'i bden pa de dag nyid ngo bo nyid kyis med pa'i khong du chud pas bden pa de dag la bden par yang mi 'dzin ces bya ba'i don to/ /de lta bu ni 'phags pa'i bden pa la mkhas pa zhes bya'o/ /'phags pa'i bden pa bzhi'i rnam pa gzhan yang bshad par bzhed de/ sdug bsngal gyi bden pa'i rang bzhin bstan pa'i phyir/ gzhan yang tshor ba thams cad sdug bsngal te zhes bya ba gsungs so/ /de la tshor ba thams cad ni sdug bsngal gyi tshor ba dang/ bde ba'i tshor ba dang/ bde ba yang ma yin sdug bsngal ba yang ma yin pa'i tshor ba'o/ /de la sdug bsngal gyi tshor ba ni rang bzhin gyi sdug bsngal bas sdug bsngal ba'o/ /bde ba'i tshor ba dang/ bde ba yang ma yin sdug bsngal ba yang ma yin pa'i tshor ba ni mthar sdug bsngal du 'gyur ba dang/ 'du byed kyi sdug bsngal gyis khyab pas sdug bsngal ba ste/ tshor ba thams cad sdug bsngal ba 'di ni sdug bsngal gyi bden pa'i rang bzhin no/ /ji ltar na sdug bsngal gyi rang bzhin shes par 'gyur ba bstan pa'i phyir ro/ /tshor ba de la rnam par 'byed cing rig par shes pa zhes bya ba la sogs pa gsungs so/ /tshor ba de la zhes bya ba ni gong du bshad pa'i tshor ba rnam pa gsum la'o/ /rnam par 'byed ces bya ba ni sdug bsngal gyi tshor ba ni rang bzhin gyi sdug bsngal bas khyab pa dang bde ba'i tshor ba ni 'gyur ba'i sdug bsngal pas khyab pa dang/ bde ba yang ma yin sdug bsngal ba yang ma yin pa'i tshor ba ni 'du byed kyi sdug bsngal gyis khyab par bye brag phyed cing zhes bya ba'i don to/ /rig pa shes zhes bya ba ni tshor ba de dag kyang mi dmigs par khong du chud ces bya ba'i don te/ gong du bshad pa lta bur tshor ba thams cad sdug bsngal yin par bye brag phyed cing mi dmigs pa shes pa de ni sdug bsngal la sdug bsngal du shes pa'i 'phags pa'i bden pa zhes bya'o/ /kun 'byung ba'i rang bzhin bstan pa'i phyir/ tshor ba de rgyu gang gis kun 'byung ba de ni kun 'byung ba zhes bya ste zhes bya ba la sogs pa gsungs te/ gong du bshad pa'i tshor ba de dag rgyu gang gis bskyed cing phyung ba'i rgyu de ni kun 'byung ba zhes bya ste/ tshor ba kun 'byung ba'i rgyu ni reg pa ste/ reg pa las tshor ba 'byung bas na reg pa la kun 'byung ba zhes bya'o/ /de bas na mdo las reg pa'i rkyen gyi tshor ba/ tshor ba'i rkyen gyis sred pa la sogs pa gsungs so/ /ji ltar na kun 'byung ba zhes pa 'gyur ba bstan pa'i phyir/ gang gis rgyu de yang dag pa ji lta ba bzhin du rab tu shes pa zhes bya ba la sogs pa gsungs te/ gang gi shes bya ba ni gang zag gang gis ma/ shes rab gang gis shes bya ba'i don to/ /rgyu de zhes bya ba ni tshor ba'i rgyu rag pa'i de zhes bya ba'i tha tshig go /yang dag pa ji lta ba bzhin du rab tu shes zhes pa'i tshor ba 'byung ba'i rgyu de stong pa nyid du phyin ci ma log par khong du chud ces bya ba'i don to/ /'gog pa'i bden pa'i rang bzhin gang gis yin pa dang/ ji ltar na 'gog pa'i bden pa shes par 'gyur ba bstan pa'i phyir gang tshor ba thams cad rgyun chad de/ tshor ba med pa yang tshor zhes bya ba la sogs pa gsungs te/ gong du smos pa lta bu'i tshor ba rnam pa thams cad rgyun chad de med par gyur pa de ni 'gog pa'i bden pa'i rang bzhin no/ /de lta bu tshor ba med pa 'gog pa'i bden pa phyin ci ma log par shes te rnam par mi rtog pa'i ye shes la yang gnas la/ sems can la lta ba'i phyir 'gog pa'i bden pa yang mngon du mi byed pa de ni 'gog pa la 'gog par shes pa'i 'phags pa'i bden pa zhes bya'o/ /lam gyi bden pa'i rang bzhin bstan pa'i phyir/ tshor ba gang gis bsgrubs pa'i lam de ni gzings lta bu zhes bya ba la sogs pa gsungs te/ 'phags pa'i lam la gnas nas tshor ba'i rang bzhin gong du bshad pa lta bur tshor ba thams cad sdug bsngal ba 'am/ tshor ba de nyid ngo bo nyid stong par rtogs par byed pa'i lam de la tshor bas bsgrubs pa'i lam zhes bya ste/ lam de yang bsgrubs par bya ba'i chos rnams grub nas dor dgos pa'i gzings lta bu zhes bya'o/ /yang na 'phags pa'i lam la brten nas sdug bsngal gyi rang bzhin du gyur ba'i tshor ba de las sgrol zhing de dag spong bar byed pas na lam ni rgya 'tsho la sgrol ba'i gzings dang 'dra'o/ /ji ltar lam gyi rang bzhin shes par 'gyur ba bstan pa'i phyir/ gang tshor ba 'dod pa de ni lam 'dod pa ma yin no zhes bya ba ni gang tshor ba rnam pa gsum la chags pa de ni phyin ci log la mngon par zhen pa yin pas/ 'phags pa'i lam la gnas pa ma yin zhes bya ba'i tha tshig go /bden pa rgya cher bstan pa'i don rnams bsdus te bstan pa'i phyir de ltar bden pa bzhi po 'di mthong ba dang zhes bya ba la sogs pa gsungs te/ gang zhes gang zag gang ngo/ /de ltar bden pa bzhi po 'di mthong zhes bya ba ni gong du bshad pa'i tshul ltar bden pa bzhi mthong ba'o/ /rnam par dag pas mnyam par rtogs pa zhes bya ba ni ye shes rnam par dag pas zhes 'am/ bden pa bzhi po nyid rang bzhin gyi rnam par dag pas bden pa thams cad mtshan nyid gcig cing rang bzhin gcig par rtog pa zhes bya ba'i don to/ /bden pa'i rnam grangs gzhan bstan par bzhed de/ sdug bsngal la sogs pa'i rang bzhin mdor bsdus nas bstan pa'i phyir gzhan yang mdor na skye ba ni sdug bsngal ba ste zhes bya ba la sogs pa gsungs so/ /phung po lnga mngon par smin te/ skyes pa sdug bsngal sna tshogs dang ldan pas na skye ba sdug bsngal ba zhes bya'o/ /yang na nying mtshams sbyor bar byed pa'i las kyi bag chags bsags pa'i khyad par de dang de dag gis lha dang mi la sogs pa'i 'gro ba de dang de dag tu phung po dang khams dang skye mched blangs par gyur pa ni skye ba zhes bya'o// yang na skye ba rnam pa lnga ste/ chos rtogs pa skye ba dang/ mngal du gnas pa'i skye ba dang/ rigs kyi gnas phun sum tshogs pa'i skye ba dang/ sems can gyi rigs mthun pa'i ngo bo mthun par gyur pa'i skye ba dang/ so sor gyur pa'i skye ba'o/ /de la chos rtog pa'i skye ba ni de bzhin gshegs pas bshad pa'i gsung rab kyi don rtogs nas sras su gyur pa ste/ de bas na mdo las kyang zhal nas skyes pa/ 'phags pa'i chos 'dul ba las skyes pa zhes bya ba la sogs pa gsungs so/ /mngal du gnas pa'i skye ba ni sa bon las myu gu /myu gu las 'dab ma bzhin du mer mer po dang nur nur po la sogs pa'i rim pas skyes pa'o/ /rigs kyi gnas phun sum tshogs pas skye ba ni nor bu rin po che ain+d+ra nI la'i rigs dang/ ain+d+ra nI la chen po'i rigs shes bya ba bzhin du rgyal rigs su gyur pa dang/ bram ze'i rigs su gyur pa'o/ /sems can gyi ris mthun par ngo bo mthun par skye ba ni dper na shing rnam pa sna tshogs la te la ta lar ris mthun pa dang/ seng ldeng seng ldeng du ris mthun pa bzhin du sems can rnams la mi dang mir ris mthun pa la sogs pa'o/ /so sor byung ba'i skye ba ni me tog dang 'bras byung ba bzhin du phung po dang khams dang skye mched rnams byung bar gyur pa ste/ de ltar skye ba rnam pa lnga las kyang 'dir mngal du gnas pa'i skye ba dang/ so sor 'byung ba'i skye ba la bya bar dgongs so/ /skye ba de dag rnam pa gnyis kyi phyir sdug bsngal ba ste/ gnod pa'i rang bzhin gyis sdug bsngal dang/ sdug bsngal gzhan gyi rten du gyur pa'i phyir ro/ /de la gnod pa'i rang bzhin gyis sdug bsngal ba ni ma'i mngal na zhu ba'i gnas dang/ ma zhu ba'i gnas kyi bar nas gnas pa dang/ mngal nas phyir byung ba'i tshe mi gtsang ba'i rdzas rnam pa sna tshogs kyis bcir ba ni ri'i thim par bcug pa bzhin du yan lag la dpag tu med pa'i sdug bsngal 'byung bas na skye ba sdug bsngal ba'o/ /sdug bsngal gzhan gyi rten du gyur pa ni skye bar gyur na rga la sogs pa'i sdug bsngal rnams zhar la 'byung bas na skye ba sdug bsngal ba zhes bya ste/ 'di ni sdug bsngal gyi bden pa'i rang bzhin no/ /ji ltar na sdug bsngal gyi bden pa shes par 'gyur ba bstan pa'i phyir/ gang mi skye ba la rtog pa'i shes pa 'di ni zhes bya ba la sogs pa gsungs te/ skye ba de ni don dam par skye ba med cing mi dmigs par rtogs pa de ni sdug bsngal la sdug bsngal du shes pa bden pa zhes bya'o zhes bya ba'i tha tshig go / kun 'byung ba'i bden pa'i rang bzhin bstan pa'i phyir/ srid pa'i rkyen gyis skye ba ste/ srid pa gang yin pa kun 'byung ba'o zhes bya ba gsungs so/ nying mtshams sbyor ba'i rgyur gyur pa las rnam pa sna tshogs kyi bag chags bsags pa ni srid pa zhes bya'o/ /rten cing 'brel bar 'byung ba'i yan lag bcu gnyis las srid pa'i rkyen gyis skye ba zhes 'byung ste srid pa de las skye ba kun tu 'byung ba'i phyir srid pa la kun 'byung ba zhes bya'o/ /ji ltar kun 'byung ba shes pa bstan pa'i phyir/ gang srid pa 'jig pa shes pa zhes bya ba la sogs pa gsungs te/ srid pa 'jig pa shes pa zhes bya ba ni srid pa'i rang bzhin med par shes pa zhes bya ba'i don to/ /'gog ba'i bden pa'i rang bzhin bstan pa'i phyir/ skye ba thams cad ni skye ba med pa ste/ mi skye ba ni 'gog pa'o zhes gsungs te/ skye ba rnam pa lnga bshad pa la sogs pa phyi dang nang gi dngos po skye ba thams cad ni don dam par na skye ba med pa ste/ gang skye ba med pa de ni mi skye ba de 'gog pa'i bden pa'o/ /ji ltar na 'gog pa'i bden pa shes pa bstan pa'i phyir/ gang mi skye ba de la 'gog pa gang yang med de zhes bya ba la sogs pa gsungs te/ 'gog pa ni skye ba la brten pa ste/ skyes par gyur na 'jig par 'gyur pa'i phyir ro/ /'di ltar ma skyes na 'jig pa med pas na ma skyes pa de la 'gog pa gang med pa zhes bya'o/ /gang 'gog pa med pa shes pa 'di ni zad pa'i 'gog pa shes pa zhes bya la/ skye ba thams cad skye ba med cing mi skye ba'i mtshan nyid kyi 'gog pa gang yin pa de nyid kyang rang bzhin gyis med par shes pa ni mi skye ba'i mtshan nyid mi 'gog pa zhes bya'o/ /lam gyi bden pa'i rang bzhin dang/ ji ltar lam gyi bden pa shes pa bstan pa'i phyir/ gang de ltar bgrang ba 'am 'jam pa zhes bya ba la sogs pa gsungs te/ gang gong du bshad pa ltar sdug bsngal ci 'dra ba dang/ kun 'byung ba dang/ 'gog pa ci 'dra ba nges par rtog cing gtan la 'bebs la lam gyi bden pa zhes bya ste/ de dag phyin ci ma log par shes pa ni lam gyi bden pa shes pa'o/ /bgrang ba dang 'jal ba zhes bya ba ni gtan la 'bebs shing shes pa'i byed ces bya ba'i tha tshig go/ yang na gang gis 'phags pa'i bden pa bzhi ston pa'i mdo sde la sogs pa'i ming tshig dang yi ge rnams kyi grang ji snyed 'byung ba la rtog pa ni 'grang ba'i shes pa zhes bya'o/ /gang gis gnyis bzung nas gnyis kun tu rtog pa ste/ ming kun tu bzung nas don kun tu rtog pa dang/ don kun 'byung nas ming kun rtog pa ni 'jal ba shes pa'i/ /gang gis 'phags pa'i bden pa'i ming kun 'dzin pa sngon du byas nas don rtog pa 'jug pa ni tshol ba zhes bya'o/ /rab tu rtogs pa'i sbyor ba bcu gcig ni rtog pa shes pa ste/ bcu gcig po shes pa gang zhe na/ glo bur du byung ba rab tu rtog pa dang/ yang dag par snang ba'i rgyu mtshan rab tu rtogs pa dang/ don mi dmigs pa rab tu rtogs pa dang/ dmigs pa mi dmigs pa rab tu rtog pa dang/ chos kyi dbyings rab tu rtogs pa dang/ gang zag la bdag med pa rab tu rtog pa dang/ chos la bdag med par rab tu rtog pa dang/ bsam pa chung ngu rab tu rtog pa dang/ rgya chen po'i bdag nyid chen po'i bsam pa rab tu rtog pa dang/ ji ltar chos khong du chud pa'i chos rnam par bzhig pa rab tu rtog pa dang rnam par bzhag pa'i chos rab tu rtog pa'o/ /'phags pa'i bden pa bzhi ming don du rtag pa de dag thams cad ni yang dag par ma yin pa la glo bur du btugs pa yin no zhes khong du chud pa ni glo bur du byung ba rab tu rtog pa zhes bya'o/ /de ni drod kyi rus na'o/ /dngos po thams cad yod pa ma yin pa la bzung ba dang 'dzin pa lta bur snang ba ni yang dag par snang ba'o/ /snang ba de dag gis rgyu yang sems dang sems las byung ba yin pas na sems dang sems las byung ba ni snang ba'i rgyu mtshan no/ /gzung ba dang 'dzin pa de dag snang ba ni sems dang sems las byung ba la snang te zhes rtogs pa ni yang dag par snang ba'i rgyu mtshan rab tu rtog pa ste/ 'di ni spyi bo'i mtshe na'o/ /don ni gzugs la sogs pa phyi'i yul rnams te/ de dag med par rtog pa ni mi dmigs par rtog pa ste/ 'di ni bzod pa'i dus so/ /de ltar gzung ba med na 'dzin pa yang mi 'jug pas phyi'i yul la 'dzin pa'i sems med par rtogs pa ni dmigs pa mi dmigs pa rab tu rtogs pa zhes bya ste/ de ni 'jig rten pa'i chos kyi mchog gi dus na'o/ /de ltar gzung pa dang 'dzin pa mi dmigs par gyur nas thams cad du 'gro ba'i don gyi de bzhin nyid rtog pa ni chos kyis dbyings rab tu rtogs pa ste/ 'di ni mthong ba'i lam gyi tshe'o/ /de ltar mthong ba'i lam gyi 'phags pa nyan thos rnams kyis ni mthong bas spang bar bya ba'i nyan mongs pa'i sgrib pa spangs nas gang zag la bdag med par rab tu rtogs so/ byang chub sems dpa' rnams kyi ni mthong bas spang bar bya ba'i nyon mongs pa dang shes bya'i sgrib pa che long spangs nas gang zag dang chos la bdag med pa gnyis rtogs so/ de lta bas na 'phags pa nyan thos rnams kyis ni gang zag la bdag med pa tsam rtog pa dang/ bdag gi don gyi phyir zhugs pas na bsam pa chung ngu rab tu rtog pa zhes bya'o/ /byang chub sems dpa' rnams kyis ni gang zag dang chos la bdag med pa rtogs las bdag dang gzhan gyi don gyi phyir zhugs pas na de dag gi rtog pa ni rgya chen po'i bdag nyid kyi bsam? rab tu rtog pa zhes bya'o/ /sa dang po'i tshe chos rnams kyi de bzhin nyid khong du chud pa ni ji ltar chos khong du chud pa'o/ /de ltar khong du chud nas khong du chud pa'i chos kyi yon tan rnams rtogs pa ni ji ltar khong du chud pa'i chos rnam par bzhag pa rab tu rtogs pa zhes bya'o/ /de nas bsgom pa'i chos rnams sems la yang dag par 'jog cing/ bsgom pa'i lam gyi dus na bsgom par bya ba'i chos dang yon tan rnams rtogs pa ni rnam par bzhag pa'i chos rab tu rtog pa zhes bya'o/ /gang gis rnam pa gnyis la nye bar 'jug ste/ yi ge rnams tshad yod pa la 'jug pa dang/ ming dang tshig gi chad med pa la 'jug ste/ de ltar 'jug pa ni 'jug pa shes pa'o/ /'di ltar bgrang ba dang 'jal ba dang/ tshol ba dang rtog pa dang 'jug pa rnam pa lnga ni 'phags pa'i lam ste/ de ltar shes na lam la lam du shes pa'i 'phags pa'i bden pa zhes bya'o/ /ji ltar bshad pa'i don rnams bsdus te bstan pa'i phyir/ gang bden pa'i shes pa 'di la 'jug cing zhes bya ba la sogs pa gsungs te/ bde ba'i shes pa la 'jug pa ni bden pa bzhi po gong du bshad pa rnams stong par rtog pa'o/ /bden pa'i shes pa la yang mi gnas zhes bya ba ni sems can gyi don du lta bas ji ltar stong par rtogs pa de 'ba' zhig gi phyogs la yang gnas par mi byed ces bya ba'i don to/ /bden pa la mkhas pa bshad pa'i 'og du rten cing 'brel par 'byung ba la mkhas pa bstan pas ji ltar bstan pa bzhin du bshad par bzhed nas/ de la byang chub sems dpa' rten cing 'brel par 'byung ba la mkhas pa gang zhe na zhes dris so/ /de la zhes bya ba'i don ni gong du smos pa dang 'dra'o/ /rgyu dang rkyen la brten nas dus mnyam du 'bras bu 'byung ba rten cing 'brel pas 'byung ba ste/ de la mkhas pa ni rten cing 'brel par 'byung ba la mkhas pa'o/ /de ni 'di skad du rten cing 'brel par 'byung ba'i mtshan nyid phyin ci ma log par rtog pa ni rten cing 'brel par 'byung ba la mkhas pa yin par ston to/ /de bas na rten ces bya ba dang 'brel zhes bya ba dang/ 'byung zhes bya ba'i tshig gsum gyis rnam pa gsum 'gog par byed de/ rnam pa gsum ni rgyu med par smra ba dang/ med par smra ba'o/ /de la rten ces bya ba ni rgyu dang rkyen la rten te 'byung ba'i yin pas na 'dis ni rgyu med par smra ba 'gog par byed do/ /'brel ces bya ba'i sgra ni mthun pa la bya ste/ rgyu dang 'bras bu mthun pa las skye'i mi mthun pa las ma yin te/ dper na ma rig pa las 'du byed 'byung gi/ dbang phyug dang byed pa po las mi 'byung bas 'dis ni mi mthun pa'i rgyur smra ba 'gog par byed de/ 'byung ba'i sgra ni rgyu dang 'bras bu bar chad med par skye ba la bya ste/ 'di ni med bar smra ba 'gog par byed do/ /ci'i phyir rten cing 'brel te 'byung ba bshad ce na/ 'gro ba 'di dag ma rig pa'i rkyen las skye'i/ mi mthun pa'i rgyu dang rgyu med pa las mi skye'o zhes bstan pa'i phyir bshad do/ /yang na 'khor bar 'jug pa la rmongs pa dang 'khor ba las ldog pa rmongs pa bsal ba'i phyir rten cing 'brel bar 'byung ba lugs dang mthun par 'byung ba dang lugs las bzlog pa'i mtshan nyid rnam pa gnyis bshad do/ /de la 'khor bar 'jug pa la rmongs pa ni rgyu gang gis 'khor bar skye bar 'gyur ba'i rgyu mi shes pa ste/ mi shes pa de bsal ba'i phyir tshul bzhin ma yin pa kun 'byung ba las ma rigs pa kun 'byung ngo zhes bya ba gsungs so/ /'khor ba las 'das pa ste/ rgyu gang gis 'khor ba las 'grol zhing mya ngan las 'das par 'gyur ba mi shes pa de bsal ba'i phyir/ tshul bzhin ma yin pa 'gags pas ma rig pa 'gag cis? bya ba la sogs pa gsungs so/ /de la rten cing 'brel bar 'byung ba lugs dang mthun par 'brud ba yang mtshan nyid rnam pa bzhir rig par bya ste/ yan lag rnam par dbye ba'i mtshan nyid dang/ yan lag bsdu ba'i mtshan nyid dang/ yan lag kun nas nyon mongs pa bsdu pa'i mtshan nyid dang/ bdag med pa rgyen las 'byung ba'i mtshan nyid do/ /yan lag rnam par dbye ba'i mtshan nyid las brtsams te gsungs pa/ 'di lta ste/ tshul bzhin ma yin pa kun 'byung ba las ma rig pa kun 'byung ngo zhes bya ba la sogs pa'o/ /'di lta ste/ zhes bya ba ni tshig gi mgo drang ba'i tshig gi rkyen du bzhag pa'o/ /de la mi rtag pa la rtag pa'i 'du shes dang/ sdug bsngal ba la bde bar 'du shes pa dang/ mi gtsang ba la gtsang bar 'du shes pa dang/ bdag med pa la bdag tu shes pa ni tshul bzhin ma yin pa ste/ kun 'byung ba las shes bya ba ni tshul bzhin ma yin pa kun tu skyes par gyur pa las ma rig pa kun 'byung bar 'gyur te/ ma rig pa kun tu skye bar 'gyur ro zhes bya ba'i don to/ 'dir tshul bzhin ma yin pa smos pa ni ma rig pa'i rgyu bstan pa'i phyir smos pa yin te/ 'byung ba'i don ni lhag ma rnams la yang de bzhin du sbyar bar bya'o/ /de la gcig pur 'du shes pa dang/ ril por 'du shes pa dang/ rtag par 'du shes ba dang brtan par 'du shes pa dang/ ther zug du 'du shes pa dang/ bde bar 'du shes pa ni ma rig pa zhes bya'o/ /sa dang chu dang me dang rlung dang/ nam mkha' la sogs pa tha dad pa mi 'dra ba du ma 'dus pas bskyed na 'di la gcig pur sems pa ni gcig pur 'du shes pa'o/ /sa la sogs pa de dag kyang rdul phra rab tha dad pa las byung nga yin na de la gcig pur sems pa ni ril por 'du shes pa'o/ /skad gcig ma re re la yang mi rtag par gyur nas gzhan dang gzhan du gyur na/ gnas nas kyang bdag ces 'dzin/ phyis kyang bdag nyid du 'dug go snyam du sems pa ni rtag par 'du shes pa'o/ /med pa las byung ba la gang yod pa las skye bar 'dzin pa ni bstan par 'du shes pa'o/ /yang na 'di dag thams cad dngos po med pa sgyu? ma?/ lta bu yin na/ bdag nyid can du dngos por sems pa ni brtan par 'du shes pa'o/ byung nas med par 'gyur ba la yang rdza ma'i byi'u ltar bdag ma 'ongs pa'i dus su 'pho bar 'dzin pa ni ther zug tu 'du shes pa'o/ /'jig rten gsum dang 'du byed thams cad ni sdug bsngal gsum gyi mes gdungs pas sdug bsngal dang ldan pa yin na/ gang gcig pu bzang po'i ngo bo 'dzin pa de ni bde bar 'du shes pa'o/ /de ltar kun du gti mug pa'i rgyus lus dang ngag dang yid kyi las rnam pa sna tshogs byed pa'i 'du byed do/ /yang na 'du byed rnam pa gsum ste/ bsod nams ma yin par nye bar 'gro ba'i 'du byed dang/ bsod nams su nye bar 'gro ba'i 'du byed dang/ mi g.yo bar nye par 'gro ba'i 'du byed do/ /de la sdig pa'i las byed pa la mngon par chags pa tshe rab gzhan dang las kyis 'bras bu la kun gti mug pas med par lta ba rnams ni bsod nams ma yin pa'i las mngon par 'du byed do/ /ma rig pa rmongs par gyur pa srid pa dang/ srid pa'i longs spyod la yon tan du lta zhing bde bar 'du shes pa rnams ni bsod nams kyi las mngon par 'du byed do/ /ma rig pa'i rkyen gyis snyoms par 'jug pa'i ro la chags par lta bas sred pa dang lta ba dang nga rgyal gyi shas che ba'i bsam gtan rnams ni mi g.yo ba'i las mngon par 'du byed de/ de bas na ma rig par kun 'byung ba las 'du byed kun 'byung ba zhes bya'o/ /de la ma'i mngal du dang po nyid du skad cig ma gcig la zhugs pa'i sems/ phung po dang khams dang/ skye mched kyi bag chags kyis yongs su bsgom pa/ sngon gyi las kyis 'phags pa'i sa bon thams cad pa'i kun gzhi rnam par shes pa ni 'dir 'du byed kyi rkyen las byung ba'i rnam par shes pa yin par dgongs so/ /de nas skad cig ma gnyis phan chad mer mer po dang nur nur po la sogs pa dang bcas pa'i rnam par shes pa ni ming dang gzugs so/ /de la ming ni tshor ba dang 'du shes dang 'du byed dang rnam par shes pa'i phung po'o/ /gzugs ni bstan du yod la thogs pa dang bcas pa dang bstan du med pa la thogs pa dang bcas pa dang/ bstan du yang med la thogs pa yang med pa ste/ de gnyis gcig tu bsdoms nas ming dang gzugs zhes bya'o/ /mig gi skye mched nas yid kyi bar du drug ni skye mched drug go /de la mig gi skye mched ni lta ba'i bdag nyid can dang ba'i rang bzhin gzugs la dmigs par rnam par shes pa skye bas na byed pa'i ste/ lhag ma la yang de bzhin du sbyar ro/ /yul dang dbang po dang/ rnam par shes pa rnams rgyu dang 'bras bu'i mtshan nyid du dus mnyam pa nyid du tshogs pa ni reg pa'o/ /de la dbang po dang yul ni rgyu'i mtshan nyid do/ /de gnyis la brten nas de la thag tu rnam par shes pa ni 'bras bu'i mtshan nyid do/ /bde ba dang sdug bsngal ba dang/ bde ba yang ma yin sdug bsngal ba yang ma yin pa'i myong ba ni tshor ba'o de la lus dang dbang po dang rnam par shes pa la phan par byed pa'i bdag nyid ni bde ba'i tshor ba zhes bya'o/ /lus dang dbang po dang rnam par shes pa la gnod pa byed pa'i bdag nyid ni sdug bsngal gyi tshor ba'o/ /lus dang dbang po dang rnam par shes pa la phan gnod gnyi ga mi byed pa ni bde ba yang ma yin sdug bsngal ba yang ma yin pa'i tshor ba'o/ /srid pa dang srid pa'i longs spyod la rgyun du spyod kyang tshwa chu 'thungs pa dang 'dra bar ngoms pa dang tshim pa med pa ni sred pa zhes bya'o/ /de'ang dus gsum tha dad pa'i dbye bas sred pa rnam pa gsum du 'gyur te/ lta ba'i sred pa dang/ mngon par dga' ba'i sred pa dang/ mngon par chags pa'i sred pa'o/ /de la 'das pa'i dus su mthong ba'i sred pa dang/ thos pa dang rigs pa'i dngos po 'gags bar gyur ba rnams dang yang phrad bar 'dod pa ni lta ba'i srid pa zhes bya'o/ /ma 'ongs pa'i dus na rang gi lus rnam pa sna tshogs dang/ yo byad rnam pa mang po dang ldan par smon pa ni mngon par dga' ba'i sred pa'o/ /da ltar gyi dus kyi phung po dang yo byad la chags pas mi gtong ba ni/ mngon par chags ba'i sred pa zhes bya'o/ /yang na 'dor ba'i sred pa dang/ srid pa'i sred pa dang/ mi srid par sred pa dang/ lta ba'i srid ba ste bzhi'o/ /de la 'dod pa'i sred ba ni mthong ba dang bsgom pas spang bar bya ba 'dod pa'i khams kyi 'dod chags so/ /srid pa'i sred pa ni mthong ba dang bsgom pas spang bar bya ba'i gzugs dang gzugs med ba'i sgoms kyi 'dod chags so/ /mi srid bar sred ba ni thar ba la mngon par chags pa'o/ /lta ba'i srid pa ni 'jig tshogs la sogs pa lta ba lnga la chags pa'o/ /de la len pa yang rnam pa bzhi ste/ 'dod pa len pa dang tshul khrims dang brtul zhugs len pa dang/ lta ba len pa dang bdag tu smra ba len pa'o/ /de la 'dod chags rnam pa gsum ni 'dod pa len pa zhes bya ste/ 'dod pa'i 'dod chags dang chos kyi 'dod chags dang/ yul gyi 'dod chags so/ /'dod pa'i 'dod chags ni skyes pa dang bud med kyi gnyis kyi gnyis sprod pa las chags pa'o/ /mu stegs can gyi chos la chags pa ni chos kyi 'dod chags so/ /'dod ba lnga'i yon tan la chags pa ni yul gyi 'dod chags so/ /khyi dang ba lang la sogs pa'i dka' thub 'dzin pa ni tshul khrims dang brtul zhugs len pa zhes bya'o/ /chad ba dang rtag pa la sogs pa lta ba sna tshogs la zhugs pa ni lta ba len pa'o/ /bdag yod par lta zhing chags pa ni bdag tu smra ba len pa zhes bya'o/ /nying mtshams sbyor ba'i rgyur gyur ba'i las rnam pa sna tshogs kyi bdag chags bsags pa ni srid pa zhes bya ste/ de yang 'dod ba'i srid pa dang/ gzugs kyi srid pa dang/ gzugs med pa'i srid pa ste/ rnam pa gsum mo/ las kyi bag chags rnam pa sna tshogs pa bsags pa'i khyad par la nying mtsham sbyor ba de dang de dag phung po dang khams dang skye mched la sogs pa'i mngon par grub pa ni skye ba zhes bya'o/ /mer mer po dang nur nur po dang mkhrad gyur dang/ rkang lag 'gyus pa nas gzhon nu dang/ lang tsho dar la bab pa'i bar gyi stobs dang/ mthu dang gzi brjid dang/ mdangs la sogs ba gzhan du 'gyur te nyams pa ni rga ba'o/ /yang na lang tsho bcom pa dang/ na tshod nyams pa dang/ 'byung ba chen po rnams bri ba dang/ 'du byed rnams rnyings par gyur pa dang/ lus lhod par gyur ba dang/ yan lag rnams shig shig par gyur pa dang/ kha dog dang dbyibs mi mdzes pa dang/ dbang po rnams nyam chung ba dang/ dran pa dang rtogs pa dang/ blo gros rnams rab tu nyams pa dang/ 'jig pa la mngon du bltas pa ni rga ba'o/ /de la lang tsho bcom pa ni ngar la bab pa med par gyur pa'o/ /na tshod nyams pa ni byis pa dang gzhon nu'i spyod pa dang tshul rnams bral ba'o/ /'byung ba chen po rnams bri ba ni sa la sogs pa 'byung ba rnams zhum par gyur pa ste/ sha sla ba dang gnyer ma can du gyur pa'o/ /'du byed rnams rnyings par gyur pa ni dar la bab pa la lang tsho'i byad gzugs sar ba dang bral bar gyur pa'o/ /lus lhod par gyur pa ni ldang ba dang 'dug pa la lus lci ba'o/ /yan lag shig shig por gyur pa ni rkang pa dang lag pa la sogs pa rnams tshigs tshigs su so sor gyes shing nyams dang mthu med par gyur ba'o/ /kha dog dang dbyibs mi sdug ba sha dang khrag skams la rus pa phyir snang ba dang/ khabs nag pos khebs pa dang/ gnyer ma skra dkar gyis gang ba'o/ /dbang po rnams nyams chung ba ni ming la sogs pa'i dbang po rnams mthong ba dang/ thos pa ma gsal ba'o/ /dran pa dang rtogs pa dang/ blo gros rab tu nyams ba ni sngon smras pa dang thos pa rnams mi dran zhing brjed pa'o/ /'jig pa la sngon du bltas pa ni 'chi ba'i dus dang khas nye ba'o/ /yang na rga ba rnam par gnyis te/ rten nyams pa dang/ rten pa nyams pa'o/ /de la brten nyams pa ni 'di ltar 'byung ba chen po las gyur ba/ khrag dang sha dang tshil dang rkang dang rus pa la sogs pa bri bas de'i rgyus na rgyug ba dang brgal ba dang/ mchong pa dang bskum pa dang smyang ba dang/ 'ong ba dang 'gro ba la sogs pa'i bya ba ni mi nus shing/ lus kyi brtson 'grus dang stobs mthu chung ba'o/ /de la brten pa nyams ba ni mig la sogs pa'i dbang po rnams blta ba dang nyan pa la sogs pa la mi gsal bar 'jug cing de'i rgyus na dran pa dang/ rtog pa dang blo gros la sogs pa nyams shing sems kyi stobs dang brtson 'grus bri ba'o/ /dbang po rnams nyams pa las de'i rgyus sems dang sems las byung ba rnams mi mthun pa ni 'chi ba ste/ sems dang sems las byung ba rgyu ba med par gyur pa na gang zag de shi ba zhes bya'o/ /de la 'chi ba yang rnam pa gnyis te/ rang gi dang gis 'chi ba dang nye bar bcom bas 'chi ba'o/ /rang gi dang gi 'chi ba ni tshe zad ba dang/ bsod nams zad nas 'chi ba'o/ /nye bar bcom ba ni mtshon cha dang dbyig pa la sogs pa rkyen gyis shi ba'o/ /yang na 'chi ba rnam pa gsum ste/ rjes su skad cig mas 'chi ba dang/ nye bar bcom pas 'chi ba dang rgyu zad bas 'chi ba'o/ de lta rjes su skad cig nas 'chi ba ni skad cig ma re re la yang 'chi ba zhes bya'o/ /nye bar bcom pas 'chi ba ni dug dang/ mtshon la sogs pa phogs nas 'chi ba'o/ /rgyu zad nas 'chi ba ni tshe ring po gyur ba'i las zang nas gang 'chi bar gyur ba'o/ /mya ngan dang smre sngags 'don pa la sogs ba ni rga shi'i yan lag tu gtogs te/ de la mdza' ba dang bral ba dang/ mi mdza' ba dang phrad pa'i rnam par rtogs pa las skyes pa'i sems kyi gdung ba ni mya ngan ces bya'o/ /sems kyi gdung ba'i rgyu las tshig tu smra ba rnam pa sna tshogs 'byin ba ni smre sngags 'don pa'o/ /khams rnams 'khrugs pas yul mngon du gyur ba la yang dbang pos 'dzin par mi nus shing rmongs pa'i gnod pas reg par gyur pa ni sdug bsngal ba zhes bya'o/ /yul mngon du ma gyur ba rnam sa dbang pos gzung par chags pa skye ba ni yid mi bde ba'o zhe sdang las byung ba'i rgyu lus dang sems nyon mongs par gyur ba ni 'khrug pa zhes bya'o/ /yang na bu smad la sogs pa dang/ yo byad rnams la gtong mi nus shing chags pa ni mya ngan ces bya'o/ /mya ngan las langs pa'i tshig tu smra ba ni smre sngags 'don pa'o/ /rnam par shes pa'i tshogs lnga dang ldan pa'i mi bde ba myong ba ni sdug bsngal lo/ /yid la byed pa dang ldan pa yid kyi sdug bsngal ni yid mi bde ba'o/ /gzhan yang de la sogs ba sngon rgyal po'i zham 'bring byed byed pa las dben pa dang/ tshong byed byed pa las khe med pa la sogs pa nyes pa byed pa rnams dran nas mi dga' ba ni 'khrug pa zhes bya'o/ /de ltar rten cing 'brel bar 'byung ba rgyas pa bshad nas de'i don bsdus te/ bstan pa'i phyir de ltar sdug bsngal gyi phung po chen po 'ba' zhig po 'di 'byung bar 'gyur ro zhes bya ba gsungs so/ /de ltar zhes bya ba ni gong du bshad pa ltar na'o/ /sdug bsngal gyi phung po ni sdug bsngal gsum dang brgyad la sogs pa sdug bsngal mang po dang ldan pas so/ /chen po ni 'khor ba thog ma med pa nas rgyun du sdug bsngal bar gyur pa'i phyir ro/ /'di zhes bya ba ni gzugs la sogs pa'i chos rnams la bya'o/ /'ba' zhig ni bdag dang bdag gi dang bral ba'i phyir ro/ /'byung bar 'gyur zhes bya pa ni skye bar 'gyur ro zhes bya ba'i don to/ /de la yan lag bsdu ba ni de ltar rten cing 'brel par 'byung ba yan lag bcu gnyis su phye ba de yang bsdu na yan lag gnyis su blta ste/ ring ba'i rgyu dang nye ba'i rgyu'o/ /de la ring ba'i rgyu ni dper na sa bon dang myu gu lta bu ste/ 'bras bu dang thag ring po'i phyir ro/ /nye ba'i rgyu ni me tog la sogs pa lta bu ste/ 'bras bu dang thag nye ba'i phyir ro/ /de la ring ba'i rgyu yang rnam pa gsum du blta ste/ jis 'debs ji 'debs ji ltar 'debs pa'o/ /jis 'debs zhen ma rig pa dang/ 'du byed dang rnam par shes pas 'debs so/ /ji 'debs zhe na ming dang gzugs dang/ skye mched drug dang reg pa dang tshor ba rnams 'debs so/ /ji ltar 'debs she na/ ma rig pa las byung ba'i 'du byed kyi ji bsgrubs pa'i bag chags kun gzhi la 'debs so/ /nye ba'i rgyu yang rnam pa gsum du blta ste/ jis mngon du phyung/ ji mngon du phyung/ ji ltar mngon du phyung ba'o/ /de la jis mngon du phyung ba ni/ sred pa dang len pa dang/ srid pas mngon du phyung ngo/ /ji mngon du phyung ba ni skye ba'o// ji ltar mngon du phyung ba ni srid pa dang len pas kun gzhi la btab pa'i sa bon srid pa me tog lta bur kha 'bye zhing 'bu bar 'byin te/ de dag gi nyes dmigs bstan pa ni rga shi'o/ /yan lag gi kun nas nyon mongs pa bsdu ba ni rten cing 'brel par 'byung ba yan lag bcu gnyis po 'di dag nyon mongs pa rnam pa gsum du bsdu ste/ nyon mongs pa'i kun nas nyon mongs par bsdu ba dang/ las kyi kun nas nyon mongs pa dang skyi ba'i kun nas nyon mongs par bsdu ba'o/ /de la ma rig pa dang/ sred pa dang/ len pa gsum ni nyon mongs pa'i kun nas nyon mongs par bsdu'o/ /'du byed dang rnam par shes pa dang srid pa gsum ni las kyi kun nas nyon mongs par bsdu ste/ rnam par shes pa yang las kyis bag chags kyi rten yin pas der bsdu ro/ /lhag ma rnams ni skye ba'i kun nas nyon mongs par bsdu'o/ /bdag med pa'i rkyen las byung ba'i mtshan nyid bstan pa'i phyir g.yo ba med pa/ byed ba med pa zhes bya ba la sogs pa gsungs te/ g.yo ba med pa ni ma rig pa yang 'di ltar bdag gis 'du byed pa skyed do snyam du mi sems la/ 'du byed kyang 'di ltar bdag ni ma rig par skyed do snyam du sems pa mod pa'i phyir ro/ /byed pa med pa ni ma rig pa la sogs pa skyed pa'i rkyen tsam byed pa yin yang 'du byed skyed ba la byed pa po'i mtshan nyid ma yin pa'i phyir ro/ /bdag po med pa zhes bya ba ni de dag la dbang phyug la sogs pa dbang byed par gyur pa'i mtshan nyid kyi bdag po gang yang med pa'i phyir ro/ /yongs su 'dzin pa med pa zhes bya ba ni bdag dang sems can dang gang zag la sogs pa snying por gyur pa gang gis kyang byin gyis ma brlabs pa'i phyir ro/ /chos ji ltar gnas pa bzhin du 'byung ste/ zhes bya ba ni rgyu gang yin pa las 'bras bu gang 'byung ba ni chos ji ltar gnas pa bzhin du 'byung ba zhes bya ste/ dbang phyug la sogs pa las 'du byed mi 'byung gi ma rig pa'i rgyu las 'du byed 'byung ba'o/ /gang 'di la shes pa ni zhes bya ba la sogs pa 'di la zhes bya ba ni 'di ltar zhes bya ba'i sgra drangs te/ gang tshul bzhin ma yin pa kun 'byung ba las ma rig pa kun 'byung ba nas skye ba kun 'byung ba las rga shi la sogs pa kun 'byung bar zad kyi de las gzhan pa'i g.yo ba po dang/ byed pa po la sogs pa med par shes pa 'di ni byang chub sems dpa' i rten cing 'brel bar 'byung ba la mkhas pa rnams zhes bya'o/ /rten cing 'brel par 'byung ba la mkhas pa'i rnam grangs gzhan yang bstan par bzhed nas/ gzhan yang gang dge ba'i rgyu las byung ba'am mi dge ba'i rgyu las byung ba 'am zhes bya ba la sogs pa gsungs so/ /dge ba ni srog gcod pa las phyir ldog pa la sogs pa dge ba bcu'i las kyi lam rnams so/ /rgyu de las byung ba ni 'dod pa'i khams su lha dang mir skye ba'o/ /mi dge ba ni srog gcod pa mi dge ba bcu'i las kyi lam rnams so/ /rgyu de las byung ba ni 'dod pa'i khams su ngan song gsum du skye ba'o/ /mi g.yo ba ni bsam gtan dang snyoms par 'jug pa rnams so/ /rgyu de las byung ba ni gzugs dang gzugs med pa'i khams su skye ba'o/ /khams gnyis kyi las la ci'i phyir mi g.yo ba'o/ /lam shes bya zhe na/ de dag gi las sems rtse gcig pa'i mtshan nyid la rnam par rtog pa'i rlung gis bskyod par mi nus pas na mi g.yo ba zhes bya'o/ /yang na ji ltar 'dod pa ni spyod pa'i las 'gro ba gzhan du 'gro ba yin yang de ma yin pa rkyen gzhan gyi dbang gis bskyod de/ 'gro ba de rnam par smin pa bzhin du rnam par smin la g.yo ba med pas na mi g.yo ba zhes bya'o/ /de'i don ni 'di yin te/ 'dod pa na spyod pa'i sems can gyi las byas pas sbyin pa yongs su btang nas mi'i nang du mi'i longs spyod myong bar 'gyur ba las mi de nyid kyi tshul khrims nyams pa la sogs pa'i las byas pa'i dbang gis mir skye ba'i rnam par smin pa bskyod nas rgyal po 'am blon po'i ba lang ngam rtar skye ba lta bur gzugs dang gzugs med pa'i khams kyi las la rnam par smin pa g.yo ba med pas na mi g.yo ba zhes bya'o/ /'khor bar skye ba'i rgyu ni 'khor ba'i rgyu ste/ 'di ltar dge ba dang mi dge ba dang mi g.yo ba'i las zag pa dang bcas pa rnams so/ /rgyu de las byung ba ni 'khor ba nyid de/ /mya ngan las 'das par gyur ba'i rgyu ni mya ngan las 'das pa'i rgyu ste/ 'phags pa'i lam rnams so/ /de las byung ba ni mya ngan las 'das pa'o/ /de las mya ngan las 'das pa 'di rnam pa gnyis te/ cha gcig spangs pa'i mya ngan las 'das pa dang/ cha gnyis spangs pa'i mya ngan las 'das pa'o/ /de la cha gcig spangs pa'i mya ngan las 'das pa ni mthong ba dang bsgoms pas spangs par bya ba'i nyon mongs pa'i cha spangs te/ phung po'i lhag ma dang bcas pa'i mya ngan las 'das pa'o/ /cha gnyis spangs pa'i mya ngan las 'das pa ni ji ltar nyon mongs pa'i cha spangs pa bzhin du phung po'i cha yang spangs pa ste/ phung po'i lhag yang ma lus par spangs pa'i mya ngan las 'das pa'o/ /de dag thams cad ces bya ba ni gong du bshad pa'i dge ba'i rgyu dang/ mi dge ba'i rgyu dang/ mi g.yo ba'i rgyu dang/ 'khor ba'i rgyu dang/ mya ngan las 'das pa'i rgyu las byung ba de dag thams cad ces bya ba'i don to/ /sems can gang dbang po'i rgyu la 'jug pa tshad mar byed pa de na dbang po'i rgyu las byung zhing/ las kyi rgyu las byung ba ste/ 'bras bu'i rgyu grub par byed do zhes bya ba la dbang po nyid dge ba dang mi dge ba dang 'khor ba dang mya ngan las 'das pa rnams byed pa dang 'grub pa'i rgyu yin pas dbang po'i rgyu ste/ de ltar dbang po'i rgyu las chos de dag 'byung gi /byed pa po la sogs pas byas pa ma yin par shes pa ni dbang po rgyu las 'jug pa tshad mar byed pa ste/ de dag ni dge ba? dod mi dge ba dang/ 'khor ba dang mya n gan las 'das pa kun kyang dbang po dang las kyi rgyu las byung zhing dge ba la sogs pa 'bras bu'i rgyu dbang po las grub par byed de zhes zin pa'i chos rnams la yang shes la ma zin pa'ang las kyi rgyu las 'byung bar shes na rten cing 'brel par 'byung ba la mkhas pa yin par sbyar ro/ /gang de ltar rgyu kun 'byung ba las skye ba la mkhas pa zhes bya ba ni gang gong du bshad pa ltar rgyu smin par gyur ba las 'bras bu skye bar shes pa 'di ni zhes bya ba'i don to/ /de ltar lugs dang mthun pa'i mtshan nyid bstan nas/ lugs las bzlog pa'i mtshan nyid bstan pa'i phyir/ gzhan yang rten cing 'brel par 'byung ba'i mtshan nyid la mkhas pa ni zhes bya ba la sogs pa gsungs pa'o/ /'di lta ste/ shing med na me dang du ba mi 'byung ba dang/ sa bon med na myu gu mi skye ba bzhin du nyon mongs pa 'gogs na de las skyes pa'i 'bras bu mi 'byung ba'i phyir tshul bzhin ma yin pa 'gags pas ma rig pa 'gag ces bya ba'o/ /ji ltar ma rig pa la sogs pa 'gags pa yang rten cing 'brel par 'byung ba zhes bya ba na/ smras pa nyes pa med/ 'di la gtan med par dgag pa la ni ma rig pa la sogs pa 'gag go zhes mi bya'i dper na mar me'i rkyen gyis mun pa 'gags na snang rab nyid skye ba dang/ sman bcud kyi lan zos na nad med la bde ba skye ba de bzhin du lam bsgoms pa'i mthus ma rig pa dang mi mthun pa gang rig pa skye bar gyur ba de ni ma rig pa 'gags pa zhes bya ste/ de ltar gong nas gong du 'du byed la sogs pa dang mi mthun pa'i gnas 'byung ba la 'du byed la sogs pa 'gag par blta'o/ /gzhan yang chos rnams mthun pa'i rgyu las 'byung ba dang/ mi mthun pa'i rgyu las mi 'byung bar shes pa ni rten cing 'brel par 'byung ba la mkhas pa'o zhes bstan par bzhed nas/ gzhan yang chos thams cad ni rgyu la rag lus pa'o zhes bya ba la sogs pa gsungs te/ chos thams cad ni nang gi chos dang phyi'i chos rnams so/ /de la nang gi chos ni ma rig pa'i rkyen gyis 'du byed la sogs pa'o/ /phyi'i chos ni sa bon dang/ myu gu la sogs pa'o/ /rgyu la rag lus pa ni chos de dag rgyu drug la brten nas skye'o zhes bya ba'i don to/ de la rgyu drug pa gang zhe na byed pa'i rgyu dang/ lhan cig 'byung ba'i rgyu dang skal pa mnyam pa'i rgyu dang/ mtshungs pa'i rgyu dang/ kun tu 'gro ba'i rgyu dang/ rnam par smin pa'i rgyu'o/ /de la byed pa'i rgyu ni chos de dag skye ba ni gzugs dang sems la sogs pa mtshan nyid de dag bdag nyid ma gtogs par chos gzhan thams cad ni byed pa'i rgyu ste/ skye ba la 'gags mi byed pa'i ngo bor gnas pa'i phyir ro/ /chos gang dag gcig la gcig gi 'bras bur gyur pa de ni lhan cig 'byung ba'i rgyu ste/ 'di lta ste/ 'byung ba chen po bzhi rnams lhan cig skye ba ma phan tshun bskyed par byed pas gcig la gcig lhan cig 'byung ba'i rgyu'o/ /de bzhin du sems dang sems las byung ba dang/ 'dod pa na spyod pa'i sdug bsngal mthang pas spang bar bya ba'i chos sngar skyes pa rnams phyir skyes pa dang ma skyes pa rnams kyi skol ba mnyam pa'i rgyu'o/ /de bzhin du dge ba dang mi dge ba dang lung du ma bstan pa rnams dang yang sbyar ro/ /mtshungs par ldan pa'i rgyu ni sems dang sems las byung ba gang dag skad cig ma gang la brten nas gnas pa'i dbang po rnams so/ /sngar skyes pa'i nyon mongs pa rnams phyis skyes pa dang ma skyes pa dang ma skyes pa'i rang gis sa pa rnams kyis kun tu 'gro ba'i rgyu yin pa'i phyir kun tu 'gro ba'i rgyu'o/ /mi dge ba dang dge ba zag pa dang bcas pa'i chos rnams ni rnam par smin pa'i rgyu'o/ /rkyen la rag lus zhes bya ba ni rkyen bzhi la brten nas kyi zhes bya ba'i don to/ /rkyen bzhi ni rgyu'i rkyen dang dmigs pa'i rkyen dang mtshungs? pa de ma thag pa'i rkyen dang bdag po'i rkyen to/ /de la rgyu'i rkyen ni gang 'bras bu skyed pa la rgyu'i dngos por gnas pa ste/ sa bon la sogs pa dang kun gzhi rnam par shes pa bag chags dang bcas pa'o/ /gzhan dag ni gzhan du 'chad de/ byed? pa'i ma gtogs par rgyu rnam pa lnga rnams ni rgyu'i rkyen te zhe'o/ /dmigs pa gang la sems dang sems las byung ba gang dmigs nas skye bar 'gyur ba'i dmigs pa de dag ni nga'i dmigs pa'i rkyen te/ de 'ang ci rigs par chos thams cad rnam par shes pa drug gi dmigs pa'i rkyen to/ /mya ngan las 'das par 'jug pa'i tha ma'i sems ma gtogs par sems dang sems las byung ba'i rgyu rnams ni mtshungs ba de ma thag pa'i rkyen to/ /byed pa'i rgyu nyid bdag po rkyen to/ /tshogs pa la rags lus zhes bya ba ni rgyu dang rkyen rnams 'dus nas 'bras bu bskyed nus pa'i mthu dang ldan par gnas pa la brten nas/ 'bras bu skye zhes bya ba'i don to/ /mthun pa'i rgyu las 'byung ba bstan nas mi mthun pa'i rgyu las mi 'byung bar bstan pa'i phyir chos gang rgyu dang rkyen dang tshegs pa la rag lus pa de dag la rag ma lus zhes bya ba la sogs pa gsungs te/ gzhan dag gis btags pa'i bdag la sogs pa'i brten te mi skye zhes bya ba'i don to/ /de 'di na zhe 'am snga ma zhe 'am/ gzhan zhes bgrang ba ci mang med zhes bya ba ni bdag la ji ltar rag ma lus pa dang/ sems can la sogs pa la rag ma lus bas na da lta'i dus su yang 'di na zhes bgrang du med/ 'das pa'i dus su yang 'di 'dra ba zhig ces bgrang du med ma 'ongs pa'i dus su yang 'di ltar 'gyur zhes bgrang du med pa'i don to/ /yang na chos thams cad ni rgyu la rag lus zhes bya ba ni phyi dang nang gi rten cing 'brel par 'byung ba rnams rgyu dang 'brel ba la skye zhes bya ba'i tha tshig ste/ de la phyi rol gyi rten cing 'brel bar 'byung ba'i rgyu dang 'brel ba gang zhe na/ 'di lta ste/ sa bon las myu gu myu gu las 'dab ma zhes bya ba la sogs pa'o/ /de la nang gi rten cing 'brel bar 'byung ba rgyu dang 'brel ba gang zhe na ma rig pa'i rkyen gyis 'du byed/ 'du byed kyi rkyen gyis rnam par shes pa zhes bya ba la sogs pa'o/ /rkyen la rag lus zhes bya ba ni phyi dang nang gi rten cing 'brel par 'byung ba yang rkyen dang 'brel pa la skye zhes bya ba'i don to/ /phyi'i rten cing 'brel par 'byung ba'i rkyen gang zhe na/ 'di lta ste/ sa dang chu dang me dang rlung dang nam mkha' dang dus kyi khams rnams shes gang gsungs pa'o/ /nang gi rten cing 'brel par 'byung ba'i rkyen gang zhe na sa dang chu dang me dang rlung dang nam mkha' dang rnam par shes pa'i khams rnams zhes gang gsungs pa'o/ /tshogs pa la rag lus pa zhes bya ba ni rgyu dang rkyen ma tshang bar ma gyur ba la rten zhes bya ba'i don to// de bas na sa lu ljang ba'i mdo las kyang/ rgyu'i skabs su sa bon med na myu gu mi 'byung ste/ me tog med na 'bras bu'i bar du yang mi 'gyur ro zhes gsungs pa dang rkyen gyis skabs su rkyen 'di rnams med par sa bon las myu gu skye par mi 'gyur gyi/ nam phyi rol gyi sa'i khams ma tshang ba med par gyur la zhes bya ba la sogs pa gsungs so/ /nang gi rten cing 'brel par 'byung ba la yang rgyu'i skabs su gal te ma rig pa ma byung na 'du byed kyang mi 'byung ba zhig nas de bzhin du skye pa ma byung du zin na rga shi'i bar du yang mi mngon pa zhig na/ 'di ltar ma rig pa yod pa las 'du byed rnams skye zhing 'byung bar 'gyur ro zhes bya ba la sogs pa gsungs pa dang/ rkyen gyi skabs su yang rkyen 'di dag med par lus skye bar mi 'gyur gyi nam mkha' i khams chang zhing zhes bya ba la sogs pa gsungs pa'o/ /chos gang rgyu dang rkyen dang tshogs pa la rag lus pa de zhes bya ba ni phyi dang nang gang gi chos gang rgyu dang rkyen dang/ rgyu rkyen 'brel ba las skyes pa'i chos de dag ni bdag las mi skye/ sems can las ma skye zhes bya ba'i don to/ /de bas na mdo sde de nyid las phyi'i rten cing 'brel pa 'byung ba'i skabs su de la sa'i khams kyang 'di ltar bdag gi sa bon rten pa'i bya ba bya'o snyam du mi sems so zhes bya ba nas myu gu de yang bdag gis ma byas/ pha rol gyi ma byas/ gnyi gas ma byas dbang pos ma sprul/ dus kyi ma bsgyur/ rang bzhin las ma byung/ rgyu med pa las kyang ma skyes te/ zhes gsungs pa dang/ nang gi rten cing 'brel par 'byung ba'i skabs su yang ma rig pa yang 'di ltar bdag gi 'du byed skyed do snyam du mi sems so zhes bya ba nas bdag ma yin no/ /sems can ma yin srog ma yin zhes bya ba la sogs pa gsungs pa'i phyir ro/ /de na 'di na zhe 'am snga ma na zhe 'am/ gzhan na zhes bgrang ba ci yang med de zhes bya ba ni chos gang rgyu dang rkyen dang tshogs pa la rag lus pas bdag dang sems can la rag ma lus pa'i chos de ni da ltar ci yin zhes rtag tu med pa dang sngon gyi dus na ni 'dra zhes rtag tu med pa dang/ ma 'ongs pa'i dus na ci lta bur 'gyur zhes brtags tu med ces bya ba'i don to/ /de bas na sa lu ljang pa'i mdo las kyang/ ji bdag 'das pa'i dus na byung ba zhig gam/ 'on te ma byung ba zhig snyam du sngon gyi mdza' la mi rtogs ma 'ongs pa'i dus na ji 'gyur/ ji lta bur 'gyur zhes ma 'ongs pa'i dus la mi rtog gi 'di ji zhig ci zhig yod cir 'gyur/ sems can 'di dag gang nas 'ongs/ 'di nas shi 'phos nas gang du 'gro bar 'gyur zhes da ltar byung ba la mi rtog go zhes gsungs so/ /gzhan yang rtan cing 'brel par 'byung ba mdza' gnyis dang bral ba shes pa ni rten cing 'brel par 'byung ba la mkhas pa yin no zhes bstan par bzhed nas/ gzhan yang gang byang chub sems dpa' byang chub kyi rten thams cad kyang nye bar gzhog la zhes bya ba la sogs pa gsungs te/ de la ye shes phun sum tshogs pa dang/ spangs pa phun sum tshogs pa ni byang chub ces bya ste/ byang chub ni ye shes dang spangs pa'i mtshan nyid yin pa'i phyir ro/ /de la ye shes phun sum tshogs pa rnam pa bzhi ste/ thams cad shes pa dang/ rnam pa thams cad du shes pa dang/ 'bad pa med par shes pa dang/ ma bstan par shes pa dang/ thams cad shes pa ni phung po dang khams dang skye mched la sogs pa shes bya'i dngos po ma lus par shes pa'o/ /rnam pa thams cad du shes pa ni de dag kyang mi rtag pa 'am/ /bdag med pa'i rnam par shes pa 'am/ dus gsum thams cad du shes pa ste/ nam yang shes pa de la nyams pa med pa'o/ /'bad pa med par shes pa ni ting nge 'dzin la sogs pa'i rgyu la mi bltos shing rtsol ba med par lhun gyi grub par shes pa'o/ /ma bstan pa zhes pa ni mkhan po dang slob dpon gyi man ngag med par rang 'byung gi ye shes kyis chos thams cad dang nyid kyis mngon par byang chub pa'i phyir ro/ /spangs pa phun sum tshogs pa yang rnam par lnga ste/ nyon mongs pa'i sgrib pa spangs pa dang shes bya'i sgrib pa spangs pa dang/ shin tu spangs pa dang/ bag chags dang bcas pa spangs pa dang/ snyoms par 'jug pa'i sgrib pa thams cad spang ba'o/ /de la nyon mongs pa'i sgrib pa spangs pa ni 'dod chags la sogs pa mthong ba dang bsgom pa'i lam gyis spangs par bya ba'i nyon mongs pa rnams spangs pa'o/ /shes bya'i sgrib pa spangs pa ni phung po dang khams dang skye mched la gzung ba dang 'dzin pa'i mngon par chags pa'i bag chags nyon mongs pa can ma yin pa mi shes pa spangs pa'o/ /shin tu spangs pa ni sgrib pa de gnyis phyis sems kyis rgyud la 'byung zhing skye ba med par spangs pa'o/ /bag chags dang bcas par spangs pa ni sgrib pa de gnyis kyi bag la nyal nas bton pa'o snyoms par 'jug pa thams cad kyi sgrib pa spangs pa ni mthar gyis snyoms par 'jug pa dgu dang/ zad par gyi skye mched dang/ zil gyi gnon pa'i skye mched rnams thob par bya ba la bar du gcod pa rnams spangs pa'o/ /rgyu dang rkyen gang gis bla na med pa'i byang chub thob par 'gyur ba'i rgyu dang rkyen de rnams nye bar bsgrub pa la byang chub kyi rkyen rnams kyang nye bar gzhog la zhes bya ba'i rgyu dang rkyen kyang bsod nams dang ye shes kyi tshogs so/ /rkyen de dag kyang zad cing 'gog par rtogs te/ zhes bya ba na byang chub kyi rgyu dang/ rkyen rnams ngo bo nyid med par shes pa 'am/ ma rigs pa'i rkyen kyis 'du byed 'byung ba la sogs pa rkyen gong du smos pa rnams ngo bo nyid med par shes pa zhes bya ba'i don to/ /sems can la lta ba'i phyir zad cing 'gog pa'i ye shes su mi 'jog ces bya ba ni de ltar de bzhin mya ngan las 'das pa stong pa'i mtshan nyid rtogs kyang sems can gyi don du mya ngan las 'das pa 'ba' zhig la gnas par mi byed ces bya ba'i don to/ / rten cing 'brel bar 'byung ba bshad pa'i 'og tu dus gsum la mkhas pa bstan pas ji ltar bstan pa bzhin du bshad par bzhed nas/ de lta byang chub sems dpa' i dus gsum la mkhas pa gang zhe na zhes dris so/ /dus gsum po de yang dus nyid la rnam pa gsum yod pa ni ma yin gyi/ sems dang sems las byung ba la dus gsum du gzhag ste/ sems dang sems las byung ba'i dngos po la sogs pa'i dngos po de dag nyid rgyu dang 'bras bu bcas par 'das te/ zhig pa ni 'das pa'i dus zhes bya ba/ rgyu dang 'bras bu da dung ma skyes pa la ni ma 'ongs pa'i dus zhes bya/ rgyu dang 'bras bu skyes nas ma zhig gi bar du ni de ltar byung ba'i dus zhes bya ste/ dngos po 'das pa dang ma 'ongs pa dang da ltar byung ba rnams ci 'dra ba la mkhas pa ni dus gsum la mkhas pa zhes bya'o/ /'das pa'i dus la mkhas pa bstan pa'i phyir/ gang bdag dang sems can gzhan gyi zhes bya ba la sogs pa smos te/ dge ba dang mi dge ba dang 'brel ba'i sems dang sems las byung ba gang yin pa ni sems dang sems las byung ba dge ba dang mi dge ba rnams zhes bya'o/ /bdag dang sems can gzhan gyis 'das pa'i dus na dge ba ni 'di lta bu zhig byas/ mi dge ba ni 'di lta bu zhig byas zhes bdag gzhan gyis dge ba dang mi dge byas pa ma brjed pa ni rjes su dran pa'o/ /de tsam gyis 'das pa'i dus la mkhas pa yin nam zhe na ma yin par bstan pa'i phyir/ mi dge ba'i sems dang sems las byung ba'i zhes bya ba la sogs pa gsungs te/ 'di yang bdag dang gzhan gyi mi dge ba dang 'brel ba'i sems dang sems las byung ba dran nas zhes bya ba dang sbyar ro/ /byang chub tu bsngo ba zhes bya ba ni dge ba byas pa rnams bla na med pa'i byang chub thob pa'i rgyur gyur pa ces smon pa'o/ /ma 'ongs pa'i dus la mkhas pa bstan pa'i phyir/ gang ma 'ongs pa'i sems dang sems las byung ba zhes bya ba la sogs pa gsungs te/ ma 'ongs pa na bdag gi bsod nams dang ye shes kyi tshogs bla na med pa'i byang chub thob pa'i rgyu bdag dang gzhan la phan par byed pa'i rkyen du gyur pa dge ba'i rtsa ba rnams gdon mi za bar bya'o zhes sems pa ni dge ba'i rtsa ba'i tshogs la nges par sems pa zhes bya'o/ /don de nyid bstan pa'i phyir/ byang chub mngon du gyur pa'i las sems te zhes bya ba gsungs te/ byang chub thob par gyur pa'i dge ba'i las bya ba'i sems pa ni byang chub mngon du 'gyur ba'i las sems pa zhes bya'o/ /don de nyid ji lta bu yin pas gsal bar bstan pa'i phyir/ bdag gi dge ba'i sems bskyed pa gang dag ces bya ba la sogs pa gsungs te/ dge ba dang 'brel ba'i sems ni dge ba'i sems so/ /bskyed pa ni da ltar gyis dus na dge ba'i sems skyes zin pa'o/ /skye bar 'gyur ba ni ma 'ongs pa'i dus na dge ba dang 'brel ba'i sems gdon mi za bar skye bar 'gyur ba'o/ /de dag ces bya ba ni dus gnyis kyi dge ba'i sems nyid la snyegs te/ da ltar gyi dus na dge ba'i sems bskyed pa dang/ ma 'ongs pa'i dus na skye bar 'gyur ba de dag ces bya ba'i don to/ /ni zhes bya bas dge ba de dag theg pa gnyis dang/ lha dang mi'i bde bgror mi bsngo zhes bya bar ston te/ byang chub ces bya ba ni byang chub thob par bya ba'i phyir zhes bya ba'i tha tshig go /skabs ni mi dbye zhes bya ba ni ma 'ongs pa'i mi dge ba'i sems dang sems las byung ba skye ba'i skye bas mi dbye zhes bya bar ston to/ /gong du bshad pa'i don rnams bsdus te bstan pa'i phyir/ gang de lta bur sems la sgo ba de ni zhes bya ba la sogs pa gsungs te/ de lta bur sems la bsgo zhes bya ba ni ji nas da ltar gyi dus nas dge ba'i sems skyed pa dang/ ma 'ongs pa'i dus na dge ba'i sems skye bar 'gyur ba de dag nges par byang chub tu bsngo la/ ma 'ongs pa'i mi dge ba'i sems dang sems las byung ba skye ba'i skabs mi dbye'o zhes de lta bur de nas sems la bsgo zhing sems la 'jog par byed pa de ni zhes bya ba'i don to/ /da ltar byung ba'i dus la mkhas pa bstan pa'i phyir/ da ltar byung ba la mkhas pa gang zhe na zhes bya ba la sogs pa gsungs so/ /'dod? ma chags pa la sogs pa dge ba'i rtsa ba byed cing/ 'dod chags la sogs pa mi dge ba'i rtsa ba rnams la mi 'jug pa ni tshul bzhin sbyor ba zhes bya ste/ de na? gzhan ni sla bas ma bshad do/ /shes rab dang thabs kyi ye shes kyis dus gsum na gnas pa'i dngos po rnams ji lta ba bzhin du phyin ci ma log par khong du chud pa ni dus gsum la mkhas pa yin no/ /bstan par bzhed nas gzhan yang gang 'das pa'i dus kyi chos rnams stong par mos pa zhes bya ba la sogs pa gsungs te/ gang 'das pa'i dus kyi chos phung po dang/ skye mched la sogs pa gang zag dang chos kyi dngos por yod par ma yin pa yid ches pa ni 'das pa'i dus kyi chos rnams stong par mos pa'o/ /lhag ma yang de bzhin du sbyar te/ tshig gzhan ni sla bas ma bshad do/ /gang yang dus gsum gyi chos rnams mi 'pho ba dang/ mi skye ba dang mi gnas par rtogs pa ni dus gsum la mkhas pa'o zhes bstan par bzhed nas/ gzhan yang 'das pa'i dus na zhes bya ba la sogs pa gsungs so/ /'das pa'i dus na zad pa'i chos rnams phyi ma'i mthar 'phongs par mi lta zhes bya ba ni chos snga ma 'das pa rnams ngo bo nyid kyis 'das te/ phyi ma dang mtshams mi sbyor bar rtogs kyang zhes bya ba'i don to/ /dge ba'i mngon par 'du byed pa la brtson 'grus kyang mi gtong zhes bya ba ni de ltar don dam par mi 'pho yang las dang 'bras bu la yid ched des te/ snga ma'i rgyus phyi ma'i 'bras bu sgrub par shes na dge ba spyod pa'i brtson 'grus kyang mi gtong zhes bya ba'i don to/ /mi dge ba mngon par 'du mi byed ces bya ba ni de ltar dngos po med de/ snga ma dang phyi mar mi 'pho bas mi dge ba'i las kyi rnam par smin pa med par yang mi lta ste/ de'i phyir mi dge ba mngon par 'du mi byed do/ /gang ma 'ongs pa'i dus kyi chos rnams mi skye mi 'byung bar rtog cing byang chub tu bsngo ba'i brtson 'grus kyang mi 'dod zhes bya ba ni don dam par na ma 'ongs pa'i dus na thob par bya ba'i byang chub nyid mi skye mi 'byung bar rtog kyang kun rdzob tu med par mi lta bas byang chub tu sngo ba'i brtson 'grus kyang mi gtong ngo/ /de ltar byung ba'i dus na chos rnams 'dug pa med cing mi gnas par rtogs te/ byang chub sems dpa' lhag pa'i bsam pa rab tu bstan pa ni byang chub kyi sems kyang mi brjed de zhes bya ba ni don dam par da ltar byung ba'i chos rnams mi gnas pas byang chub kyi sems nyid kyang mi gnas te/ byang chub kyi sems la smongs pa 'am/ brjod par 'gyur ba'i rigs na/ byang chub sems dpa' lhag pa'i bsam pa rab tu bstan pa ni spyod lam thams cad du byang chub kyi sems kyang mi brjed do zhes bya ba'i don to/ /dus gsum la mkhas pa'i rnams grangs gzhan yang bstan par bzhed nas/ gzhan yang gang 'das pa de ni zad pa'o zhes bya ba la sogs pa gsungs te/ 'das pa'i chos rnams ni rgyu dang 'bras bu bcas te/ 'gags pas na zad pa zhes bya'o/ /ma 'ongs pa'i chos rnams ni rgyu dang 'bras bu bcas te ma phyin pas na ma phyin pa'o/ /da ltar byung ba'i chos rnams rgyus 'bras bu bskyed nas de ma thag tu 'gags pas na gnas pa med pa'o/ /de ltar dus gsum gyi mtshan nyid bstan nas/ de la mkhas pa bstan pa'i phyir/ gang de ltar sems dang sems las byung ba zhes bya ba la sogs pa gsungs so/ /rtog cing ces bya ba'i sgra re re dang sbyor te/ sems dang sems las byung ba zhig pa rnams la rtog pa dang/ sems dang sems las byung ba zhu ba rnams la rtog ces bya bar sbyar ro/ /de la da ltar gyis sems dang sems las byung ba rnams rgyus 'bras bu bskyed de bskyed ma thag tu rgyu dang 'bras bu bcas te/ 'gags pas dngos po med do zhes rtogs pa ni sems dang sems las byung ba skyes pa rnams la rtog pa zhes bya'o/ /'das pa'i sems dang sems las byung ba rnams ni rgyu dang bcas te 'bras bu 'gag pas dngos po med do zhes rtog pa ni sems dang sems las byung ba'i zhig pa rnams la rtogs pa zhes sbyar ro/ /ma 'ongs pa'i sems dang sems las byung bas ni rgyu dang bcas te/ 'bras bu ma skyes pas na dngos po med do zhes rtogs pa ni zhu ba rnams la rtogs pa zhes bya'o/ /de ltar dus gsum gyi dngos po rnams yang dag par na dngos po med pas dge ba'i tshogs rnams kyang dngos po med pa'i phyir tshogs gnyis kyang mi grub bam snyam pa la byang chub sgrub pa'i dge ba'i rtsa ba rnams kyang yang dag par sgrub pa zhes bya bar smos te/ tshogs gang gis byang chub sgrub par byed pa'i tshogs kyi mtshan nyid dge ba'i rtsa ba ni byang chub sgrub pa'i dge ba'i rtsa ba zhes bya ste/ de yang bsod nams dang ye shes kyi tshogs kyi mtshan nyid do/ /de ni 'di skad du don dam pas dus gsum gyi dngos po rnams kyang rang bzhin med mod kyi kun rdzob tu ji? las byas ba de lta de ltar 'bras bu med pa yin te/ de bas na bla na med pa'i byang chub thob par byed pa'i rgyu bsod nams dang ye shes kyis tshogs kyang bsgrub par byed ces bya bar ston to/ /gzhan yang mngon par shes pa lnga dang ldan bas dus gsum gyi dngos po rnams khong du chud cing dran te/ bdag gi dge ba'i rtsa ba chud mi za bar byed ba ni dus gsum la mkhas pa'o zhes bstan par bzhed nas/ gzhan yang gang mngon par shes pa la mkhas pa zhes bya ba la sogs pa gsungs so/ /mngon par shes pa dang ldan pa ni mngon par shes pa la mkhas pa 'am/ yang na mngon par shes pas dngos po rnams shes shing dran te/ dge ba'i rtsa ba byas pa rnams chud mi gson pa'i mngon par shes pa 'das pa'i dus rjes su dran te zhes bya ba ni sngon gyis gnas rjes su dran pa'i mngon par shes pas 'das pa'i dus na mi dge ba ci byas pa dag dge ba ci byas pa mi brjed pa ni 'das pa'i dus dran pa'o/ /de ltar dran pa yang ma zad kyi/ sngon dge ba'i rtsa ba bskyed pa rnams rjes su dran nas byang chub tu yongs su bsngo bar byed pa ni 'das pa'i dus la mkhas pa zhes bya'o/ /gang ma 'ongs pa'i dus na dge ba'i sems bskyed pa rnams rab tu shes pa dang zhes bya ba ni 'dir yang sngon gyi gnas rjes su dran pa'i mngon par shes pa dang/ 'chi 'pho ba dang skye ba shes pa'i mngon par shes pas ma 'das pa'i dus na dge ba'i sems skye bar 'gyur ba rnams shes shing mthong zhes bya bar sbyar te/ ma 'ongs pa na byang chub sems bskyed nas 'dod ma chags pa dang/ zhe mi sdang ba dang/ gti mi mug pa'i dge ba'i rtsa ba'i rgyu las sbyin pa dang tshul khrims la sogs pa dge ba rnams gdon mi za bar skye bar shes pa ni ma 'ongs pa'i dge ba'i sems bskyed pa rnams rab tu shes pa zhes bya'o// de ltar shes nas kyang da ltar nyid kyi dus nas dge ba de dag yongs su rdzogs te/ bla na med pa'i byang chub kyi tshogs su gyur cig par sems la mngon par 'du byed cing re ba ni de la smon pa yongs su rdzogs par byed pa'o/ /de ltar byung ba'i dus la mkhas pa yang rnam pa gsum ste/ phyin ci ma log par byed pa dang/ mi nyams par byed pa dang/ 'bras bu gzhan du mi 'gyur bar byed pa ste/ de la gang da ltar byung ba'i dus la dge ba'i rtsa ba skyes shing byung ba rnams yid la byed ci zhes bya bas phyin ci ma log par byed pa ni bstan te/ dge ba'i rtsa ba skyes shing byung ba la phyin ci ma log par yang dang yang yid la byed pa'i phyir ro/ /gnas par byed ces bya ba ni ma nyams bar byed pa bstan te/ dge ba'i rtsa ba skyes shing byung ba gong nas gong du khyad par du 'bogs par byed pa'i phyir ro/ /byang chub tu yongs su bsngo ba zhes bya bas 'bras bu gzhan du mi 'gyur bar byed pa bstan te/ /de ltar byung ba'i dus su dge ba byas te gnas par gyur pa rnams lha dang klu la sogs pa'i 'bras bu thob par mi bsngo'i/ bla na med pa'i byang chub thob par bsngo ba'i phyir ro/ /dus gsum gyi bsod nams kyi tshogs ci byas pas sems can yongs su smin par byed pa ni dus gsum la mkhas pa yin no zhes bstan par bzhed nas/ gzhan yang gang sems can thams cad yongs su smin par bya ba'i phyir zhes bya ba la sogs pa gsungs so/ /sems can thams cad ces bya bas ni rigs lnga dang ldan pa'i gang zag rnams bsdus te/ de dag so so'i theg pa dang lha dang mi'i bde 'gror 'gog pa ni yongs su smin par bya ba ste/ phyir zhes bya ba ni de'i ched du'o/ /'das pa'i bsod nams kyi dran pa nas zhes bya ba ni bdag gi sngon dge ba 'di dang 'di byas so zhes sbyin pa dang tshul khrims la sogs pa bsod nams kyi tshogs ces byas ba ma brjed pa ni dran pa'o/ /sems can g ang dag ji lta bur yongs su smin par bya ba de dag thams cad de bzhin du yongs su smin par byed ces bya bas sngon byas pa'i bsod nams de dag dran pa tsam du ma zad kyi bsod nams de dag gi mthus sems ji snyed cig ji ltar smin par bya ba de dag thams cad de bzhin du smin par byed ces bya ba'i tha tshig go / ma 'ongs pa'i dus kyi sems can gang dag sangs rgyas mnyes par bya bas yongs su smin par bya ba de dag thams cad de bzhin du yongs su smin par byed ces bya ba ni sangs rgyas mnyes par bya ba'i sgo nas ma 'ongs pa'i sems can yongs su smin par bya ba ni ma 'ongs pa'i dus kyi sems can gang dag sangs rgyas mnyes par bya bas yongs su smin par bya ba zhes bya ste/ de ni 'di skad du/ de bzhin gshegs pa de dag gi drung du song nas dam pa'i chos mnyan pa dang/ bsam pa dang bsgom pa la sogs pa sgrub pa'i mchod pa dang/ mnyes par byas nas/ de la brten te sems can ji snyed cig ji ltar yongs su smin par byas/ de snyed cig de bzhin yongs su smin par byed ces bya ba'i don to/ /de ltar byung ba'i sems can rnams la chos bstan pa 'am/ rdzu 'phrul gyis cho 'phrul gyis yongs su smin par bya ba de dag thams cad kyang de bzhin du yongs su smin par byed de zhes bya ba la/ cho 'phrul gyi sgra gnyis ka dang sbyar te/ chos bstan pa'i cho 'phrul dang/ rdzu 'phrul gyi cho 'phrul zhes bya bar sbyar ro/ /de la chos bstan pa'i cho 'phrul yang rnam pa gnyis te/ kun brjod pa'i cho 'phrul dang/ rjes su bstan pa'i cho 'phrul lo/ /de la kun brjod pa'i cho 'phrul ni sems can rnams kyis khams dang rang bzhin dang bag la nyal rnams brtags nas de dag la de bzhin du brjod pa'o/ /rjes su bstan pa'i cho 'phrul ni de ltar gdul bya de dag brda sprad nas bstan pa la btsud de/ 'di ni sdug bsngal gyi bden pa/ 'di ni kun 'byung gi bden pa/ 'di ni 'gog pa'i bden pa/ 'di ni lam gyi bden pa'o zhes bden pa bzhi la sogs pa 'chad pa'o/ /rdzu 'phrul gyi cho 'phrul ni dbang lnga dang ldan pa ste/ gcig tu gyur nas mang por 'gyur ba dang/ mang por gyur nas gcig tu 'gyur ba dang/ snang ba dang mi snang ba la dbang bas sprul pa la dbang ba dang/ rtsig pa la yang thad kar 'gro /ra ba la yang thad kar 'gro ba la sogs pa la dbang bas 'gro ba la dbang ba dang nam mkha' la mngon du 'phags te spyod lam rnam bzhi byed pa dang/ chu la yang mi nub bar 'gro ste/ sa chen po la bya ba bzhin byed pa la dbang bas gnas pa la dbang ba dang/ mi'i 'gro ga 'di na gnas bzhin du lha'i 'gro bar gtogs pa/ zla ba dang nyi ma 'di gnyis 'di ltar rdzu 'phrul che ba 'di ltar mthu che ba 'di ltar gzi brjid che ba la 'ang lag pas 'dzin cing kun du nyug par byed pas lus la dbang ba dang/ tshongs pa'i 'jig rten gyi bar du sems can rnams la lus kyis dbang sgyur bas khams khyad par can la dbang ba ste/ de ltar dbang lnga dang ldan pas gdul ba'i sems can 'dun par byed pa ni rdzu 'phrul gyi cho 'phrul lo/ /da ltar gyi sems can kha cig chos bstan pa'i cho 'phrul gyis yongs su smin par bya ba yin/ sems can kha cig rdzu 'phrul gyi cho 'phrul gyi yongs su smin par bya ba yin te/ de la byang chub sems dpa' i cho 'phrul gang gis sems can gang yongs su smin par bya ba cho 'phrul des sems can de yongs su smin par byed de/ de bas na yongs su smin par bya ba de dag thams cad kyang de bzhin du yongs su smin par byed do zhes gsungs so/ /dus gsum la mkhas la gong du bshad pa rnams kyi don bsdus te/ bstan par bzhed nas/ nga? gang? dus gsum 'di dag la zhes bya ba la sogs pa gsungs te/ gang zhes bya ba ni byang chub sems dpa' dang sbyar te/ byang chub sems dpa' gang zhes bya ba'i don to/ /dus gsum 'di dag ces bya ba ni gong du bshad pa'i 'das pa dang ma 'ongs pa dang da ltar gyis dus dag la'o/ /ma chags pas yongs su rdzogs par byed ces bya ba'i tshig? gong ma'i tshigs gsum par? dang/ yang sbyar te bdag gi don la ma chags pas yongs su rdzogs par byed pa dang gzhan gyi don la ma chags pas yongs su rdzogs par byed pa dang/ byang chub kyi don la ma chags pas yongs su rdzogs par byed ces sbyar ro/ /de la bdag yongs su smin par 'gyur ba 'am/ bdag la phan par 'gyur ba'i don ni bdag gi don te/ de yang spangs pa dang sgrub pa'i mtshan nyid rnam pa gnyis so/ /de la spangs pa spangs pa yang rnam pa gsum ste/ nyon mongs pa spangs pa dang/ sdug bsngal spangs pa dang shin tu spang pa'o/ /de la nyon mongs pa spangs pa ni 'jig rten gyi las gong ma la zhi bar lta zhing/ sa 'og ma la skyon du lta bas cung zad med pa'i skye mched man chad kyi nyon mongs pa thang cig rtse bcil ba dang/ 'jig rten las 'das pa mthong ba dang bsgom pa'i lam gyis 'dod chags la sogs pa nyon mongs pa'i bag chags kyang ma lus bar bton/ de la sdug bsngal spangs pa ni ngan song gsum du skye ba'i sdug bsngal dang/ khams gsum du skye ba'i sdug bsngal ma lus par spangs pa'o/ /shin tu spangs ba'i nyon mongs pa dang sdug bsngal spangs pa da dag lan cig spangs nas phyis ci nas kyang de'i sems kyis rgyud la mi skye bar byed pa'o/ /de la sgrub pa la yang rnam pa gnyis te/ 'jig rten gyi bde ba sgrub pa dang/ 'jig rten las 'das pa'i bde ba sgrub pa'o/ /'jig rten gyi bde ba sgrub pa ni ji srid du 'jig rten las 'das pa'i bde ba mthob kyi bar du lha dang mi bde 'gror skye bar byed pa'o/ /'jig rten las 'das pa'i bde ba yang rnam pa gnyis te/ bla na yod pa dang/ bla na med ba'o/ de la bla na yod pa ni nyan thos dang rang sangs rgyas kyis theg pa la brten nas phung po lhag ma dang bcas pa dang/ phung po'i lhag ma yang ma lus pa spangs pa'i mya ngan las 'das pa 'thob pa'o/ /bla na med pa ni theg pa chen po la brten nas bdag dang gzhan gyi don phun sum tshogs pa'i rten du gyur ba mi gnas pa'i mya ngan las 'das pa thob pa'o/ /sems can gzhan yongs su smin par byas pa 'am/ gzhan la phan par byas pa'i don ni gzhan gyi don te/ de yang spangs pa dang sgrub pa la bkod? pa gong ma bzhin du rnam pa gnyis su rig par bya'o/ /byang chub nyid don dam pas na byang chub kyi don te/ byang chub kyi sgras 'dir byang chub rnam pa gsum la bya bar rig par bya ste/ de dag ni 'phags pa'i 'bras bu yin pa'i phyir ro/ /yang na stobs dang mig? 'jig pa dang ma 'dres pa la sogs pa sangs rgyas kyi chos rnams yongs su smin par bya ba'i phyir 'phags pa'i lam sgom par byed pa ni byang chub kyi don ces bya'o/ /ma chags pas yongs su rdzogs par byed ces bya ba ni bdag dang gzhan dang byang chub kyi don rnam pa gsum char la yang dngos por 'dzin pa med cing/ 'khor gsum yongs su dag pa'i tshul gyis mthar phyin par byed pa de ni zhes bya ba'i don to/ /dus gsum la mkhas pa bshad pa'i 'og tu theg pa kun la mkhas pa bstan pas ji ltar bstan pa bzhin du bshad par bzhed nas de la byang chub sems dpa' i theg pa thams cad la mkhas pa gang zhe na zhes dris te/ theg pa thams cad la mkhas pa ni theg pa kun la mkhas pa ste/ theg pa thams cad kyi rgyu dang rang bzhin dang 'bras bu phyin ci ma log par rtogs pa'o/ /de la theg pa thams cad ni bsdus na rnam pa gnyis te/ 'jig rten las 'das pa'i theg pa dang/ 'jig rten gyi theg pa'o/ /'jig rten las 'das pa'i theg pa bstan par bzhed nas/ gsum po 'di dag ni theg pa ste/ nges par 'byin pa'o zhes bya ba la sogs pa gsungs te/ nyan thos dang rang sangs rgyas dang/ byang chub sems dpa' i theg pa 'di gsum ni 'jig rten las 'das pa'i theg pa zhes bya ste/ ci'i phyir zhe na 'khor ba la 'byin par byed pa'i phyir ro/ /'jig rten gyi theg pa bstan par bzhed nas/ gzhan yang theg pa gnyis te/ gnyis gang zhe na lha'i theg pa dang mi'i theg pa'o zhes bya ba gsungs pa'o/ /de la lha rnams kyi theg pa yin pas na lha'i theg pa dang mi rnams kyi theg pa yin pas na mi'i theg pa 'am/ lhar 'gyur pa'i theg pa dang mir 'gyur ba'i theg pa ni lha'i theg pa dang mi'i theg pa zhes bya'o/ /de la lha'i sgras ni rgyal chen bzhi la sogs pa 'dod pa'i khams kyi lha drug dang/ gzugs kyi khams kyi lha dang/ nam mkha' mdza' yas la sogs pa gzugs med pa'i khams kyi lha rnams bsdus pa'o/ /theg pa'i sgras ni bsod nams su nye bar 'gro ba'i 'du byed srog gcod pa las phyir log pa la sogs pa dge ba bcu'i las kyi lam dang/ rtog pa dang bcas dpyod pa dang bcas pa zhes bya ba la sogs pa zag pa dang bcas pa'i gzugs kyi khams kyi bsam gtan bzhi dang/ nam mkha' i mdza' yas zhes bya ba la sogs pa gzugs med pa'i khams kyi snyoms par 'jug pa bzhi mi g.yo ba nye bar 'gro ba'i mtshan nyid rnams bsdus te 'du byed de gnyis kyis lha'i gnas de dag thob par byed cing der 'gro bas na lha'i theg pa zhes bya'o/ /mi'i sgras ni gling bzhi na gnas pa'i skyes pa dang bud med ces bya ba la sogs pa bsdus te/ /theg pa'i sgras ni dge ba bcu'i las kyi rang bzhin bsod nams su nye bar 'gro ba 'du byed la bya'o/ /kha cig na re bsod nams ma yin par nye bar 'gro ba srog gcod pa la sogs pa mi dge pa'i las kyi lam b cu po rnams kyis kyang ngan song gsum du 'gro zhing skye bar byed pas 'di 'dis 'gro ba dang 'dir 'gro ba zhes bya ba la sogs pa theg par bstan pa'i mtshan nyid yod na 'dir 'jig rten pa'i theg pa'i nang du ngan song gsum rnams ci'i? phyir theg pa ma bsdus zhe na theg pa zhes bya ba'i don ni rgyus bde ba skyed par byed pa dang 'bras bu'i tshe 'phags pa'i bden pa rtogs pa'i snod du rung ba la bya ste/ mi dge ba bcu'i las kyi lam rnams la 'dis 'gro ba dang 'dir 'gro ba zhes bya ba bstan du rung yang mi dge ba'i las kyi lam gyi rgyu nyid sdug bsngal skyed par byed pa dang/ 'bras bu'i tshe na yang 'phags pa'i bden pa rtogs pa'i snod du mi rung bas na theg pa zhes mi bya'o/ nyan thos kyi theg pa la mkhas pa bstan par bzhed nas de la byang chub sems dpa' i nyan thos kyi theg pa la mkhas pa gang zhe na zhes dris pa la sogs pa'o/ /byang chub sems dpa' rnams kyis 'khas? par bya ba'i nyan thos kyi theg pa ni byang chub sems dpa' i nyan thos kyi theg pa la mkhas pa ste/ nyan thos kyi theg pa gang zhe na zhes bya ba'i tha tshig go 'dis 'gro bas na theg pa ste/ gang gis 'gro zhe na/ tshul khrims kyi phung po la sogs pas 'gro bas theg pa'i sgra ni bslab pa gsum la bya'o/ /yang na 'dir 'gro bas na theg pa ste/ des ni rnam par grol ba dang/ rnam par grol pa'i ye shes mthong pa'i phung po la theg pa zhes bya bar rig par bya'o/ /theg pa de'i mtshan nyid dang/ rgyu la sogs pa phyin ci ma log par rtog pa ni nyan thos kyi theg pa la mkhas pa ste/ de'ang 'og nas 'chad do/ /de la nyan thos kyi theg pa yang rnam pa drug tu rig par bya ste/ rten dang dmigs pa dang/ rgyu dang sgrub pa dang 'bras bu dang de rab tu rig pa'o/ /sangs rgyas byung ba med par nyan thos kyi theg pa yang med do zhes bya ba ni dga' ldan gyi pho brang nas byang chub sems dpa' 'chi 'pho ba bstan te/ yum gyi lhums su bltams pa dang bcas pa dang/ gzhon nu la sogs pa'i rim pas sems can gyi don du thabs kyi spyod pa rnam pa sna tshogs mdzad nas khab nas byung ste/ dka' bar spyad pa la sogs pas bstan nas/ mngon par sangs rgyas pa ni sangs rgyas 'byung ba zhes bya ste/ sangs rgyas 'byung ba la brten pa med par nyan thos kyi theg pa 'byung ba yang med do zhes bya ba'i don to /'dis ni rten bstan pa yin no/ /de ci'i phyir zhe na zhes bya ba ni rgyu 'dri ba ste/ sangs rgyas 'byung ba med par nyan thos kyi theg pa yang ci'i phyir med ces zhes bya ba'i tha tshig go /de'i lan du nyan thos rnams kyi yang dag par lta ba ni pha rol tu phyin pa'i sgra'i rjes su 'gro ba zhes bya ba gsungs te/ gang chos thams cad la gang zag gi dngos po med de /gang zag la bdag med pa yang dag pa'i ye shes kyis khong du chud pa ni nyan thos rnams kyi yang dag par lta ba'o/ /yang dag pa'i lta ba yang sangs rgyas sam/ mkhan po 'am slob dpon gyis bshad pa'i sgra mnyan nas gang zag la bdag med par dmigs par byed pas so/ /pha rol gyi sgra'i rjes su 'gro ba zhes bya ste/ 'dis ni dmigs par smra ba yin no/ /pha rol gyis bstan pa'i sgra mnyan nas zhes bshad na nyan ba nyid gang zhen de'i phyir de la nyan pa ni gang 'di tshul khrims sdom pa zhes bya ba gsungs te/ nyon mongs pa'i gdud ba sel cing sim par byed pas tshul khrims te/ des? lus dang ngag gis nyes pa dang kha na ma tho ba rnams mi 'byung bar sdom par byed pas na tshul khrims nyid sdom pa te/ de la nyan pa ni de yin no zhes bya ba'i don to/ /ji ltar bslab pa bcas pa'i rjes su 'jug pa ni zhes bya ba la/ de ltar tshul khrims kyi sdom pa mnyan nas/ ji ltar bcom ldan 'das kyis pham pa bzhi dang/ dge 'dun lhag ma bcu gsum la sogs pa'i tshul khrims nyis brgya lnga bcu bcas pa bzhin du kha na ma tho ba phra rab tsam yang med par slob cing byed pa ni ji ltar bslab pa bcas pa'i rjes su 'jug pa zhes bya ste/ rgyu des tshul khrims kyi phung po rdzogs par 'gyur pas na 'dis ni rgyu smras pa yin no/ /de la sgrub pa yang rnam pa gsum ste/ ting nge 'dzin gyi gnas rab tu sgrub pa dang ye shes kyi rtan rab tu sgrub pa dang bya ba byas pa rab tu sgrub pa'o/ /tshul khrims kyi phung po rab tu rdzogs par 'gyur te/ zhes bya ba la tshul gyi sgras yan lag drug dang ldan pa'i tshul khrims la bya ste/ yan lag drug po gang zhe na tshul khrims dang ldan par gnas pa zhes yan lag dang po dang so sor thar pa'i sdom pas bsdoms pa zhes yan lag gnyis pa dang/ chog phun sum tshogs pa zhes yan lag gsum pa dang spyod yul phun sum tshogs pa zhes yan lag bzhi pa dang/ kha na ma tho ba phra rab tsam dag la yang 'jig par lta zhes yan lag lnga pa dang/ bslab pa'i gzhi rnams yang dag par blangs nas slob ces yan lag drug pa'o/ /ji ltar tshul khrims dang ldan pa yin zhe na/ yang dag par blangs pa'i bslab pa'i gzhi rnams la lus kyi las kyi mdza' ma log pa dang dag gi las kyi mdza' ma log par gyur cing ma nyams par byed pa dang/ skyon med par byed pa'o/ /ji ltar so sor thar pa'i sdom pas bsdams pa yin zhe na/ dge slong pha dang dge slong ma dang dge bsnyen pha dang dge bsnyen ma dang dge slob pha dang dge slob ma dang dge tshul pha dang dge tshul ma'i tshul khrims rnams la so sor thar pa'i sdom pa zhes bya ste/ de dag kyang sde tha dad bar dbye bas sdom pa mang du 'gyur mod kyi/ 'di'i skabs su dge slong gi sdom pa la dgongs nas so sor thar pa'i sdoms pas bsdams pa zhes gsungs so/ /ji ltar chog phun sum tshigs pa yin zhe na/ 'di ltar spyod lam 'i/ 'phral bya ba'am/ dge ba'i phyogs la rab tu sbyor ba yang rung ste/ bya ba thams cad la 'jig rten gyi rjes su 'jug cing/ 'jig rten gyi dbyas par mi 'gyur pa dang/ 'dul ba'i rjes su 'jug cing 'dul ba dang 'gal bar mi byed pa'o/ /ji ltar spyod yul phun sum pa yin zhe na/ dge slong dag lnga po 'di dag ni spyod yul ma yin pa ste/ gang zhe na smad 'tshong ma dang chang 'tshong dang sha 'tshong gi gnas dang rgyal po'i pho brang dang gdol pa'i khyim mo zhes gsungs te/ gang de bzhin gshegs pas mi gnang ba'i spyod yul de dag / spangs nas/ spyod yul gzhan du 'jug par byed pa'o/ /ji ltar kha na ma tho ba phra rab tsam? dag la yang 'jigs par lta ba yin zhe na/ kha na ma tho ba phra ba zhes bya ba ni gang bslob pa'i gzhi phran chogs su gyur pa rnams te/ de dag nyams par byas nas 'bad pa chung ngus slong bar byed pa'o/ /de la 'jigs par lta ba ni gal te bdag la de byung bar gyur na ma thob pa thob par bya ba dang/ ma rtogs pa rtog par bya ba dang/ mngon sum du ma byas pa mngon sum du bya ba'i skal ba med cing ngan song du ltung bar 'gyur ro snyam nas srog gi phyir yang de dag las nyams par mi byed pa'o/ /ji ltar bslab pa'i gzhi rnams yang dag par blangs nas slob pa yin zhe na/ dang po so sor thar ba'i sdom pa len pa'i dus na gsol ba dang bzhi'i las kyi bsnyen par rdzogs par byed pa'i tshe bslob pa'i gzhi kha cig mkhan po dang slob dpon la thos nas/ gzhan dag ni zla ba phyed phyed cing sor sor thar pa'i mdo 'don pa'i tshe na gang yin pa shes bar gyis shig ces bsten nas/ de ltar so sor thar pa'i sdom pa thob ste/ de phyin chad ni ji ltar blangs pa dang/ blang bar dam bcas pa rnams kyang blangs nas/ lhag chang med par slob bar byed pa'o/ /yan lag drug pa tshul khrims kyi tshogs sam/ tshul khrims mang po bsdus pa la tshul khrims kyi phung po zhes bya ste/ dang po tshul khrims yang dag bar blangs pa nas brtsams nas/ tha mar rnam bar grol ba'i ye shes la thugs gi bar du rdul tsam yang nyams pa dang gang ba med pa'o/ /de ltar nyams pa dang gang ba med pas tshul khrims kyi mthar phyin te/ zag pa med pa'i tshul khrims kyi mtshan nyid du gyur pa ni/ tshul khrims kyi phung po yongs su rdzogs pa zhes bya'o/ /de ltar tshul khrims kyi bur? pa rgyam? par bshad na ya de yang mdor bsdus na tshul khrims kyi phung po'i mtshan nyid rnam pa gsum du rig par bya ste/ chud mi za ba'i mtshan nyid dang/ rang bzhin gyi mtshan nyid dang/ rang bzhin gyi yon tan gyi mtshan nyid do/ /de la thar cig tshul khrims dang ldan zhes bya bas tshul khrims kyi sdom pa chung mi za ba'i mtshan nyid bstan pa yin no/ /gang so sor thar pa'i sdoms pas bsdams? pa zhes bya ba ni rang bzhin gyis mtshan nyid smras so/ /cho ga dang spyod yul phun sum tshogs pa zhes bya bas pha rol las brten nas de ltar yang dag par blangs pa'i so sor thar pa'i sdom pa'i yon tan bstan pa yin te/ 'di ltar gzhan dag gi cho ga dang spyod yul phun sum tshogs par ma thod na ma dad pa rnams ni dad par 'gyur/ dad pa rnams ni dang ba phyir zhing 'phel bar 'gyur ro/ gang yang kha na ma tho ba phra rab tsam la yang 'jig par lta ba dang/ bslab ba'i gzhi rnams yang dag par blangs nas slob pa gnyis kyis rang gi dbang du byas nas tshul khrims kyi yon tan smras pa yin te/ ci'i phyir zhe na yang dag par blangs pa la rdul tsam yang nyams pa med pa dang bslab ba'i gzhi chen po dag blangs shing slob pa'i rgyas ngan song du skye ba'i skal ba med cing ma thob pa la sogs pa yang 'thob par 'gyur bas so/ /'dis ni ting nge 'dzin gyi gnas rab tu bsgrub pa bstan te/ 'di ltar tshul khrims la brten nas sems rtse gcig pa la rab tu reg par 'gyur ba'i phyir ro/ /de bas gzhung nyid las kyang/ tshul khrims kyi phung po yongs su rdzogs nas ting nge 'dzin gyi phung po yongs su rdzogs par byed ba zhes gsungs so/ /de la ting nge 'dzin gang zhe na/ 'di la dge slong 'dod pa las dben pa/ sdig pa mi dge ba'i chos rnams las dben pa/ rtog pa dang bcas pa dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs nas gnas so/ /de rtog pa dang dpyod pa dang bral zhing/ nang yongs su dang ste/ sems kyi rgyud gcig tu gyur pas rtog pa med pa spyod pa med pa'i ting nge 'dzin las skyes pa'i dga' ba dang/ bde ba can bsam gtan gnyis pa nye bar bsgrubs nas gnas so/ /de dga' ba'i 'dod chags dang bral bas btang snyoms la gnas shing dran pa dang shes bzhin can yin no/ /bde ba lus kyi myong la 'phags pa rnams kyi gang de dran pa dang ldan pa/ bde ba la gnas pa btang snyoms pa'o zhes brjod pa ste/ dga' ba med pa bsam gtan gsum pa nye bar bsgrubs nas gnas so/ /de bde ba yang spangs/ snga nas sdug bsngal yang spangs shing/ yid bde ba dang yid mi bde ba yang nub pas bde ba yang ma yin sdug bsngal ba yang ma yin pas/ /btang snyoms dang dran pa yongs su dag pa bsam gtan bzhi pa nye bar bsgrubs nas gnas so/ /zhes gsungs pa ni ting nge 'dzin ces bya'o/ /de la bsam gtan rnams ni rnam pa bzhis rnam par bzhag ste/ mi mthun pa'i phyogs nyams par byed pa dang/ gnyen po bsgom pa dang/ bsgom pa'i phan yon dang/ de gnyi ga'i gnas so de la bsam gtan dang po la 'dod pa dag las dben pa sdig pa mi dge ba'i chos rnams las dben pa zhes bya bas mi mthun pa'i phyogs nyams pa bstan te/ 'dod pa dag las dben pa zhes bya ba ni nyon mongs pa'i 'dod pa dang/ dngos/ po'i 'dod pa dag las dben pa ste/ mtshungs par ldan pa las dben pa dang/ dmigs pa la dben pa'i phyir ro/ / sdig pa mi dge ba'i chos rnams las dben pa zhes bya ba ni gang dag nyon mongs pa'i 'dod pa'i rgyu las byung ba'i lus dang ngag dang yid kyis nyes par spyod? par gtogs pa chad pas gcod pa dang/ mtshon 'debs pa dang 'thab pa dang rtsod pa dang/ 'gyed pa dang g.yo'i tshig dang gnod pa dang brdzun du smra ba la sogs pa de dag las dben pa'o/ /rnam par rtog pa dang rnam par dpyod pa dag skyon du ma mthong bas 'dod pa'i gnyen po de gnyis dang mtshungs par ldan pa'i phyir rtog pa dang bcas pa dpyod pa dang bcas pa zhes bya bas gnyen po bsgoms pa bstan te/ rtog pa dang dpyod pa gnyis kyis 'dod pa dang sdig pa mi dge ba'i chos 'joms par byed pas so/ /dben pa las skyes pa'i dga' ba dang bde ba can zhes bya bas bsgom pa'i phan yon bstan te/ 'dod pa las dben pa dang/ sgrib pa las dben pa las skyes pa'i dga' ba dang/ bde ba ni dben pa las skyes pa'i dga' ba dang bde ba zhes bya ste/ 'dod pa'i don rnyed nas gnas ngan len thams cad dang bral bas lus dang sems shin tu sbyangs te las su rung ba'i phyir ro/ /bsam gtan dang po nye bar bsgrubs te gnas zhes bya bas de gnyis ka'i gnas bstan te/ gnyen po bsgom pa dang/ bsgoms pa'i phan yon gnyis ni bsam gtan dang po'i sems rtse gcig pa las grub pa'i phyir te/ 'og ma dag la yang de bzhin du sbyar ro/ /de rtog pa dang dpyod pa dang bral zhes bya bas bsam gtan gnyis pa'i mi mthun pa'i phyogs nyams pa bstan te/ bsam gtan dang po'i rnam par rtog pa dang bcas/ rnam par dpyod pa dang bcas pa'i ting nge 'dzin gyis mtshan ma dag la skyon du mthong nas de las sems bzlog ste/ rnam par rtog pa med pa dang/ rnam par dpyod pa med pa'i ting nge 'dzin gyis mtshan ma las sems nye bar 'dogs par byed pa'o/ /nang yongs su dang ste/ sems kyi rgyud gcig tu gyur ces bya bas gnyen po bsgom pa bstan te/ de ltar rtog pa dang dpyod pa dang bcas pa'i dmigs pa dang bral bar byas nas rtse gcig tu dpyod ba'i dmigs pa la dang gcig bas zhi ba dang/ rab tu dang pa'i sems su 'jog pas na yongs su dad ba yin la/ de de ltar sems nye bar 'jog pas rnam par rtog pa dang bcas/ rnam par dpyod pa dang bcas pas glags dang bcas shing/ bar chad dang bcas pa'i gnas skabs las 'das nas bsgom pa goms pas glags med cing bar chad med pa'i gnas skabs thob par 'gyur bas sems kyi rgyud gcig tu gyur pa zhes bya'o/ /ting nge 'dzin las skyes pa'i dga' ba dang bde ba can zhes bya bas bsgom pa'i phan yon bstan te/ bsam gtan dang po'i dben pa las skyes pa'i dga' ba dang bde ba las khyad par du 'phags pa bstan to/ /bsam gtan gnyis pa nye bar bsgrubs nas gnas zhes bya bas de gnyi ga'i gnas bstan to/ /de dga' ba'i 'dod chags dang bral bas zhes bya bas bsam gtan gsum pa'i mi mthun pa'i phyogs nyams pa bstan te/ ting nge 'dzin las skyes pa'i sems dga' ba'i 'dod chags dang bral ba'i phyir ro/ /btang snyoms la gnas shing dran pa dang/ shes bzhin can yin zhes bya bas gnyen po bsgom pa bstan te/ rnam par rtog pa dang bcas rnam par dpyod pa dang bcas pa de dag dang dga' ba yang spangs par bar chad med par btang snyoms dang ldan par gnas so/ /de yang dga' ba dang ldan pa'i 'du shes yid la byed pa rnams kyi go skabs mi dbye ba'i phyir dran pa nye bar gnas pa yin la/ skyes pa rnams kyang nam yang ji ltar yang dang yang du mi glang ba'i phyir shes rab kyis nang du gnas bas na dran pa ldan zhing shes bzhin can zhes bya'o/ /bde ba lus kyis myong la/ 'phags pa rnams kyi grang de dran pa dang ldan pa bde ba la gnas pa btang snyoms pa'o zhes brjod pa ste/ zhes bya bas bsgom pa'i phan yon bstan te/ de ltar btang snyoms la mang du gnas pa de sems g.yeng bar med pa'i dga' ba dang ldan pa'i tshor ba spangs nas dge ba med pa'i zhi ba rab tu zhi ba'i tshor ba 'byung ste/ de yang de'i tshe gzugs kyi lus dang yid kyi lus kyis tshor ba'i bde ba dang/ shin tu sbyangs ba'i bde ba myong bar byed pas na bde ba lus kyis myong ba zhes bya'o/ /bsam gtan 'og ma gnyis la mi de lta bu'i bde ba dang btang snyoms med la/ gong ma la ni gtang snyoms yod kyang bde ba med kyi/ bsam gtan gsum pa 'di nyid bde ba dang/ btang snyoms kyi gnas yin pas 'phags pa sangs rgyas rnams dang/ sangs rgyas kyi nyan thos rnams kyis bsam gtan pa 'di nyid la dran pa dang ldan pa bde ba la gnas pa btang snyoms pa'o zhes gtso bor bsngags pas na 'phags pa rnams kyis gang de dran pa dang ldan pa/ bde ba la gnas pa btang snyoms pa'o zhes brjod pa zhes gsungs so/ / de bde ba yang spangs te snga nas sdug bsngal yang spangs shing yid bde ba dang yid mi bde ba yang nub pas zhes bya bas bsam gtan bzhi ba'i mi mthun pa'i phyogs nyams pa bstan te/ bde ba yang spangs zhes bya ba ni bsam gtan gsum pa dang ldan pa'i bde ba bsam gtan bzhi pa 'dis spangs par bstan pa'o/ /sdug bsngal yang spangs zhes bya ba ni bsam gtan gnyis pa spangs ba yang bsdus te bstan ba'o/ /yid bde ba nub pas shes bya ba ni bsam gtan gsum pas dga' ba spangs la bstan pa'o/ /yid mi bde ba nub pas zhes bya bas ni bsam gtan gnyis pas spangs pa bstan pa'o/ /bde ba yang ma yin sdug bsngal ba yang ma yin pa btang snyoms dang dran pa yongs su dag pa zhes bya bas bsgom pa'i phan yon bstan te/ tshor ba gong ma bzhi po spangs pas sdug bsngal yang ma yin bde ba yang ma yin pa'i tshor ba dang ldan pa dang/ bsam gtan gsum pa'i tshe btang snyoms dang dran pa yod kyang yongs su ma dag pa 'di'i tshe yongs su dag pa dang sngon bar bstan pa'o/ /bsam gtan bzhi pa nye bar bsgrubs te gnas zhes bya bas de gnyi ga'i gnas bstan to/ /'di ni ye shes kyi brten du rab tu bsgrubs pa bstan te/ sems rtse gcig tu gyur na yang dag pa ji lta ba bzhin du rab tu shes par 'gyur ba'i phyir ro/ /de bas na mdo las kyang ting nge 'dzin gyi phung po yongs su rdzogs nas shes rab kyi phung po yongs su rdzogs par byed pa dang zhes gsungs te/ de la shes rab kyi phung po 'di ni sdug bsngal 'phags pa'i bden pa'o zhes yang dag par ji lta ba bzhin du shes pa dang/ 'di ni sdug bsngal kun 'byung ba'i 'phags pa'i bden pa'o zhes yang dag pa ji lta ba bzhin du shes pa dang/ 'di ni sdug bsngal 'gog pa 'phags pa'i bden pa'o zhes yang dag pa ji lta ba bzhin du shes pa dang/ 'di ni sdug bsngal 'gog par 'gro bar byed pa'i lam 'phags pa'i bden pa'o zhes yang dag pa ji lta ba bzhin du shes pa ste/ 'phags pa'i bden pa bzhi phyin ci ma log par shes pa ni shes rab kyi phung po yongs su rdzogs par byed ba zhes pa'o/ /'di ni bya ba byas pa rab tu bsgrubs pa bstan te/ 'di ltar ye shes shin tu rnam par dag pas ni nyon mongs pa spangs pa mngon sum du byed ba'i phyir ro/ /de bas na mdo las kyang/ shes rab kyi phung po yongs su rdzogs nas rnam par grol ba'i phung po yongs su rdzogs par byed pa zhes gsungs te/ de yang tshul khrims rnam par dag pa ni 'gyod pa med par 'gyur ro/ /'gyod ba med na dga' ba dang mchog tu dga' ba dang shin tu rnam par sbyangs pa dang bde bar 'gyur ro/ /bde bar gyur pa'i sems mnyam par 'jog go /sems mnyam par bzhag na yang dag pa ji lta ba bzhin du rab tu shes/ yang dag par ji lta ba bzhin du mthong bar 'gyur ro/ /yang dag pa ji lta ba bzhin du shes shing mthong bas skye bar 'gyur ro/ /skye bar gyur na 'dod pa'i zag pa las sems rnam bar grol ba dang/ srid pa'i zag pa dang ma rig pa'i zab las sems rnam par grol te/ rgyud la dri ma med ba 'thob par 'gyur bas na rnam par grol ba'i phung po yongs su rdzogs bar byed pa zhes bya'o/ /'dis ni 'bras bu bstan te/ rnam bar grol ba'i phung po ni bslab pa gsum la zhugs pa'i 'bras bu yin pa'i phyir ro/ /de ltar khams gsum gyi nyon mongs pa las sems rnam par grol nas de'i 'og tu rnam par grol ba nyid du shes shing rig pa'i ye shes skyes te de bas na mdo las kyang/ rnam par grol ba'i phung po yongs su rdzogs nas rnam par grol ba'i ye shes mthong ba'i phung po yongs su rdzogs par byed ces gsungs so/ /'dis ni de rab tu rig pa bstan te/ rnam par grol ba'i 'og tu bdag gi sdug bsngal ni shes par byas/ kun 'byung ba ni sbangs 'gog pa ni mngon du byas/ lam ni bsgom pas de sdug bsngal shes par bya mi dgos/ kun 'byung ba spangs mi dgos/ 'gog pa mngon sum du bya mi dgos lam bsgom mi dgos te / skye ba zad do/ /tshangs par spang pa bsten to/ /bya ba byas so/ /srid pa 'di las gzhan mi shes so zhes khong du chud pa'i phyir ro/ /gzhan yang nyan thos kyi theg pa la mkhas pa ni zhes bya bas nyan thos kyi theg pa la mkhas pa rnam grangs gzhan du ston te/ mkhan po dang slob dpon gyis bshad ba'i sgra las rten nas gang zag la bdag med par dmigs pa ni nyan thos te/ nyan thos de dag gi theg pa ni nyan thos kyi theg pa'o/ /de yang rnam pa gnyis su rig par bya ste/ mi mthun pa'i phyogs la sun 'byin pa dang/ gnyen po'i sa la yon tan du lta ba'o/ /de la mi mthun pa'i phyogs la sun 'byin pa ni/ gang bsod nams dang bsod nams ma yin zhes bya ba nas brtsams te/ skye ba/ gnas thams cad la mi smin ces bya ba yan chad kyi bstan to/ /gnyen po'i sa la yon tan du lta ba ni mya ngan las 'das pa la gnas dang skyabs su 'du shes ba zhes bya bas bstan to/ /de bas na gang gi 'gro ba dang gang du 'gro ba'i phyir de gnyis ni nyan thos kyi theg pa ste/ gang gis 'gro ba ni mi mthun pa'i phyogs sun 'byin pa'i dus shes kyis 'gro ba'o/ /gang du 'gro ba ni mya ngan las 'das pa'i sar 'gro'o/ /mi mthun pa'i sun 'byin pa yang rnam pa gnyis te/ rgyu spong ba dang 'bras bu spong ba'o/ /rgyu spong ba yang rnam pa gnyis te/ las spong ba dang nyon mongs pa spongs pa'o/ /las spong ba'i dbang du byas nas bsod nams dang zhes bya ba la sogs pa smos te/ 'du byed gsum ni khams gsum du skye ba'i rgyu byed par mthong nas de rnams la rnam par smod par byed de/ rnam pa sna tshogs su smod pa ni rnam par smod pa ste/ sun 'byin par byed pa'o/ /de 'ang rnam pa gnyis te/ sngon byas pa spong ba dang/ phyis mi byed pa'o/ /de la sngon byas pa spong ba ni 'du byed rnam pa gsum sngon spyad pa'i bag chags sbyod pa la 'phags pa'i lam gyis sbyong ba'o/ /phyis mi byed pa ni phyin cad 'du byed rnam gsum gyis las la mi 'jug pa'o/ /nyon mongs pa spong ba yang rnam pa gnyis te/ de'i 'bras bu sdug bsngal gyi bdag nyid du mthong bas de la mi dga' ba dang/ de'i rgyus sdug bsngal skyed par mthong bas spong bar 'dod pa'o/ /khams gsum thams cad la yid byung zhing zhes bya bas de'i 'bras bu sdug bsngal gyi bdag nyid du mthong bas de la mi dga' ba bstan te/ khams gsum ni 'dod pa'i khams dang gzugs kyi khams dang gzugs med pa'i khams dag go /de la 'dod pa'i khams ni gling gzhi dang/ 'dod pa'i khams kyi lha drug dang/ sems can dmyal ba dang dud 'gro dang yi dags rnams so/ /gzugs kyi khams ni tshangs ris dang tshangs pa mdun na 'don dang tshangs chen zhes bya ba la sogs pa gnas bcu drug dag go /gzugs med pa'i khams ni nam mkha' mdza' yas skye mched ces bya ba la sogs pa bzhi'o/ /yid byung ba ni khams gsum la skyo ba'o/ /'dod chags dang bral zhes bya bas de'i rgyus sdug bsngal bskyed par mthong bas spong bar 'dod pa bstan te/ khams gsum ni nyon mongs pa spangs pa ni 'dod chags dang brel ba'o/ / 'bras bu spong ba'i dbang du byas nas/ 'du byed thams cad la mi rtag pa ces bya ba la sogs pa smos so/ /thams cad kyi sgra dang rtog pa'i sgra gnyi ga dang sbyar te/ 'du byed thams cad la mi rtag par rtog pa dang 'du byed thams cad la sdug bsngal bar rtog pa zhes bya bar sbyar ro/ /rgyu dang rkyen gyis bskred pa'i phung po dang khams dang/ skye mched la sogs pa'i chos rnams ni 'du byed thams cad de/ de dag mi rtag pa rnam pa gnyis kyis 'jig par byed pa ni 'du byed thams cad lo mi rtag par rtog pa zhes bya'o/ /de la mi rtog pa rnam pa gnyis ni 'jig pas mi rtag pa dang/ skad cig mas 'joms pas mi rtag pa'o/ /de la 'jig pas mi rtag pa ni mthar 'chi bar gyur ba ste/ mnar med pa nas brtsams nas srid pa'i rtse mo'i bar du de na gnas pa'i sems can rnams rang gi gnas nas 'phos pas so/ /skad cig mas 'joms pas mi rtag pa ni skad cig ma re re la yang 'jig cing skye ba'i phyir ro/ /'du byed thams cad sdug bsngal rnam ba brgyad dang ldan par shes pa ni sdug bsngal bar rtog pa zhes bya ste/ sdug bsngal rnam pa brgyad ni skye ba'i sdug bsngal dang/ rga ba'i sdug bsngal dang/ na ba'i sdug bsngal dang/ shi ba'i sdug bsngal dang/ mi sdug pa dang phrad pa'i sdug bsngal dang/ sdug pa dang bral ba'i sdug bsngal dang/ gang 'dod pa de btsal te mi rnyed pa'i sdug bsngal dang/ mdor na nye bar lan pa'i phung po lnga sdug bsngal ba'o/ /de la skye ba'i ni mi dang lha la sogs pa'i 'gro ba de dang de dag tu phung po dang khams dang skye mched mngon par 'grub pa'o/ /ci'i phyir skye ba sdug bsngal ba zhes bya zhe na/ rnam pa gnyis kyi phyir te/ rang bzhin gyis sdug bsngal ba dang/ sdug bsngal gzhan gyis rten du gyur pa'i phyir ro/ /de la rgas pa ni phung po gzhan du gyur pa ste/ lang tso bco ma pa dang/ na tshod nyams pa la sogs pa la'o/ /ci'i phyir rga ba sdug bsngal ba zhes bya zhe na/ nye bu 'khor rnams kyis shin tu byams shing yid du 'ong bar bya ba dang/ 'gro ba bzang mo'i mig dang/ yid kyis rjes su mthun par byed pa'i kha dog dang dbyibs shin tu mdzes pa de rga ba'i ser bas log? nas mi mdzes pa dang/ 'khum pa dang zhigs par snang bas nye du'i phyogs rnams kyang shin tu mi dga' bar byed kyi/ 'gro ba bzang mos kyang spong bar byed pas rga ba sdug bsngal ba'o/ /de la khams mi mthun ba 'phel bar gyur pa ni na ba ste/ sa la sogs pa'i khams shas che chung du gyur pa'o/ /ci'i phyir na sdug bsngal ba zhes ba zhe na/ rab tu mi zad pa'i nad kyi khyad par gyi thabs nags chen po mes tshig pa'i nang du chud pa rab tu tsha ba'i me lces reg pa skad chen po 'byin pa bzhin sdug bsngal ba'i mes reg pa na ma zad pa'i skad cher 'byin pas na sdug bsngal ba zhes bya'o/ /de la 'chi ba ni dbang po rnams nyams pa las de'i rgyus sems dang sems las byung ba rnams mi rgyu ba'o/ /sems dang sems las byung ba rnams mi rgyu bar gyur pa na gang dag de shing zhes bya'o/ /ci'i phyir shi ba sdug bsngal zhes bya ba zhe na/ 'di ltar shi bar gyur na yid du 'ong zhing sems la gcags pa'i pha ma dang nye du dang grogs la sogs pa dang bral zhing nor dang 'bru dang/ bran dang bu tsha la sogs pa btang bar dka' ba rnams dang brel te/ mi 'dod bzhin du gsang? sar bkri ba'i brtson dang 'dra bar sdug bsngal dpag tu med par skyed par byed pas na 'di bas sdug bsngal gzhan med pa'i phyir 'chi ba sdug bsngal ba'o/ /mi sdug pa dang phrad pa ni mi dge ba'i las byas pa'i rgyu sems can dmyal ba la sogs pa 'bras bu yi du mi 'ong ba dang phrad pa'o/ /ci'i phyir mi sdug pa dang phrad pa sdug bsngal ba zhes bya zhe na/ khyim tshes mi 'grub pa dang/ dra bar gnod pa byed pa'i bdag nyid yin pa dang/ dug gi shing bzhin du sdug bsngal bskyed pa'i rgyu byed pa dang/ zug rngu? zug pa bzhin du lus dang sems la gnod pa byed pa dang skye ba med ba grungs? pa dang dgra ba dang phrad na zhe sdang skye bar byed pa bzhin du zhe sdang skyed po'i gnas su gyur pa'i phyir sdug bsngal ba zhes bya'o/ /sdug ba dang bral ba ni sems gyi gangs su gtogs pa'i/ sems kyi grangs su gtogs pa yang rung/ yid du 'ong ba'i dngos po dang bral ba'o/ /ci'i phyir sdug pa dang bral ba sdug bsngal pa/ zhes bya zhe na sdug pa dang bral bar dogs pa 'am mthong ba 'am rjes su dran pas kyang mya ngan dang ma sngags 'don pa dang yid mi bde ba dang 'khrug pa'i sdug bsngal 'byung bar byed pas na sdug pa dang bral ba'i sdug bsngal ba'o/ /'dod pa btsal te ma rnyed ba ni sdug bsngal ba dang bral ba la yang mi phrad par 'dod pa dang/ bde ba dang phrad pa yang mi 'bral bar 'dod pa de bdag ni ma grub pa'o/ /yang na sdug pa dang phrad par 'dod pa dang/ mi sdug pa dang bral bar 'dod pa las sdug pa dang ma phrad pa/ mi sdug pa dang phrad par gyur pa ni gang 'dod pa btsal de mi rnyed pa zhes bya'o/ /ci'i phyir gang 'dod pa tsam de ma rnyed pa sdug bsngal ba zhes bya zhe na/ sdug bsngal skye ba'i rgyur gyur pa'i phyir te/ dus gsum duAng bdag gi gang btsal pa de ma rnyed do zhes sdug bsngal skye ba'i phyir ro/ /mdor na nye bar len pa'i phung po lnga sdug bsngal pa zhes bya ba ni nye bar len pa'i phung po lnga sdug bsngal zhes bya ba ni nye bar len pa'i phung po lngar sdug bsngal thams cad 'dus te/ sdug bsngal gyi rten yin pa'i phyir de skad ces bya'o/ /chos thams cad la bdag med par rtog pa dang zhes bya ba la/ chos thams cad ni 'dus byas dang/ 'dus ma byas dang/ zag pa dang bcas pa dang/ zag pa med pa'o/ /gang na gang med par shes pa chos thams cad la bdag med par rtog pa ste/ chos dag la mu stegs can gyis brtags pa'i bdag rtog pa med par khong du chud pa'o/ /mya ngan las 'das pa zhi ba la mngon par dga' ba zhes bya ba la/ mya ngan las 'das pa ni sdug bsngal spangs pa dang/ 'dod chags la sogs pa spangs pa'i phyir zhi ba'o/ /yang na mya ngan las 'das pa rnam pa gnyis te/ phung po lhag ma bcas pa'i mya ngan las 'das pa dang/ phung po'i lhag ma ma lus par spangs pa'i mya ngan las pa'o/ /de la'i ba zhes bya bas phung po lhag ma dang bcas pa'i mya ngan las 'das pa bstan te/ nyon mongs pa thams cad spangs nas phung po tsam yod pa'i phyir ro/ /mya ngan las 'das pa zhes bya bas phung po'i lhag ma ma lus pa spangs pa'i mya ngan las 'das pa bstan te/ nyon mongs pa dang phung po gnyi ga yang spangs pa'i phyir ro/ /mngon par dga' ba ni de thob par mos pa dang/ de 'thob par 'dod pa'o/ /skad cig kyang sred par skye ba la 'dod pa zhes bya ba la/ cung zad kyang khams gsum du skyed par ma mos zhes bya ba'i tha tshig ste/ ci'i phyir zhe na khams gsum mdza' dag rtag tu 'du byed kyi sdug bsngal dang rjes su 'brel cing des khyab par mthong bas so/ /rtag tu 'jig pa lta zhes bya ba 'dir yang srid pa la zhes bya bar sbyar te/ sdug bsngal gyi sdug bsngal dang ldan pa 'am/ nyon mongs pa 'byung ba gnas yin par mthong bas na rtag tu 'jig par lta'o/ /rtag tu yid mi rten ces bya ba 'dir yang srid pa la zhes bya par sbyar te/ thad cig bde ba rnams kyang phyis sdug bsngal ba'i rgyur gyur par 'gyur ba'i sdug bsngal dang ldan pa'i phyir rtag tu yid mi rton pa'o/ /phung po rnams la gsod par 'du shes dang zhes bya ba la dper na gshed pos gsod cing sdug bsngal skyed par byed pa de bzhin du phung po la bdag tu dmigs na yang skye rga na 'chi'i sdug bsngal skye bar mthong bas de dag phung po rnams la gsod par 'du shes so/ /khams rnams la sbrul gdug pa lta bur rtog pa'i 'du shes zhes bya ba/ ji lta sbrul gdug pas sdug bsngal dang nyon m ongs pa skyed pa de bzhin du mig la sogs pa'i khams bla rten nas gzugs la sogs pa'i khams la dmigs nas 'dod chags dang zhe sdang la sogs pa'i nyon mongs pa 'byung bar khong du chud pas na khams la sbrul gdug pa lta bur rtog pa'i 'du shes ba zhes bya'o/ /skye mched rnams la grong stong pa lta bur 'du shes pa dang zhes bya ba la/ ji ltar grong stong pa na skye bo dag rgyu ba mi gnas pas stong pa de bzhin du skye mched bcu gnyis kyang ming dang gzugs tsam du zad kyi/ bdag dang bdag gis med ltog pas na skye mched rnams grong stong lta bur 'du shes pa zhes bya'o/ /skye ba'i gnas thams cad la mi smon pa'i 'du shes zhes bya ba la skye ba'i gnas ni gzhi ste/ mngal nas skye ba dang/ rdzus te skye ba dang sgo nga las skye ba dang/ drod gsher las skye ba dang skyes na de'i rgyus skye ba dang/ rga ba dang na ba dang 'chi ba la sogs pa'i sdug bsngal 'byung bar mthong bas skye gnas de dag tu skye bar mi 'dod cing skye ba ni tshol bas na mi smon pa'i 'du shes zhes bya'o/ /gnyen po'i sa? la yon tan du lta ba yang rnam pa gnyis te/ rnam par grol ba'i bde ba'i rten du gyur pa dang/ 'khor ba la rgal zhing sdug bsngal kun spangs par lta ba'o/ /'di lta ste mya ngan las 'das pa ni 'khor ba'i gnyen po yin te/ mya ngan las 'das pa la rnam par grol ba'i bde ba thams cad kyi rten du lta bas mya ngan las 'das pa la gnas su 'du shes pa zhes bya'o/ /de nyid la 'khor ba la rgal cing sdug bsngal thams cad spangs par lta bas na skyabs su 'du shes pa'o/ /nyan thos kyi theg pa la mkhas pa bstan nas rang sangs rgyas kyi theg pa la mkhas pa bstan pa'i phyir/ /de la byang chub sems dpa' i rang sangs rgyas kyi theg pa la mkhas pa gang zhe na zhes bya ba la sogs pa gsungs te/ byang chub sems dpa' rnams kyi shes par bya ba'i rang sangs rgyas kyi theg pa ni byang chub sems dpa' i rang sangs rgyas kyi theg pa zhes bya ste/ gang dag bskal pa gcig gi ye shes kyi tshogs yongs su bskangs te/ gzhan gyis man ngag med par 'phags pa'i lam thob nas khams gsum pa'i 'dod chags dang bral bar zhugs pa de dag ni snying rje chen po med pas gzhan la lung 'bog pa'i bya ba med pa dang/ bdag gcig pu sangs rgyas par byed pas rang sangs rgyas so/ /rang sangs rgyas de dag rnam par grol ba'i sar phyin par byed pa'i theg pa ni sangs rgyas kyi theg pa ste/ gang zhe na zhes bya ba ni rang sangs rgyas kyi theg pa la mkhas pa dris pa'o/ /de yang rnam pa gsum du rig par bya ste/ sgyu dang rkyen dang 'bras bu'o/ /de rnam pa gang zhes bya bas rgyu bstan pa yin te/ rgyu gang dag gis bya ba'i tha tshig go /rkyen gang zhes bya bas rkyen bstan pa yin no/ /rang sangs rgyas 'byung zhes 'bras bu bstan pa yin te/ khams gsum las byung nas nyon mongs pa thams cad spangs te/ mya ngan las 'das par gyur pa ni rang sangs rgyas rnams 'byung bar 'gyur zhes bya'o/ /yang dag pa ji lta ba bzhin du rab tu shes zhes bya ba ni rgyu dang rkyen dang 'bras bu rnams phyin ci ma log par khong du chud ces bya ba'i don te/ de ltar khong du chud pa ni rang sangs rgyas kyi theg pa la mkhas pa yin no zhes bya bar sbyar ro/ /de dag gang zhe na rgyu dang rkyen dang 'bras bu de dag gang zhe na zhes bya ba'i don te/ de gsum bstan pa'i phyir 'di lta ste/ zhes gsungs so/ /de la 'dun pa dang brtson 'grus zhes bya ba nas brtsams te/ rab tu dben par gnas mal 'cha' ba zhes bya ba yan chad kyis rgyu bstan pa yin no/ /brnyen po dka' zhes bya ba nas brtsams te rang 'byung ni ye shes kyi rab tu brgal zhes bya ba yan chad kyis rkyen bstan to/ /dmigs pa la gnas pa thob ces bya ba nas brtsams te/ dmigs pa gang yang rung ba la rkyen gyis ye shes rtog pa zhes bya ba yan chad kyi 'bras bu bstan to/ /de la rgyu rnam pa gsum ste/ bsags pa'i rgyu dang sangs rgyas mnyes par byed pa'i rgyu dang/ rigs so de la bsags pa yang rnam pa gnyis te/ gang gis bsags pa dang/ gang bsags pa'o/ /de la gang gis bsags pa ni 'dun pa dang bag yod pa dang brtson 'grus chen po gsum gyis bsags so/ /gang bsags pa ni sbyin pa dang tshul khrims dang thos pa gsum bsags so/ /gang gis bsags pa yang rnam pa gsum ste/ rgyu dang rkyen dang sgrub pa'o/ /de la chen po'i sgra ni 'dun pa la sogs pa'i tshig gsum po so so dang yang sbyar te/ 'dun pa chen po dang brtson 'grus chen po dang/ bag yod pa chen po dang zhes bya bar sbyar ro/ /de la 'dun pa ni dkon mchog dang bden pa dang las la yid ches nas 'di kho na bden gyi gzhan du ma yin zhes 'dzin pa'o/ /'dis ni rgyu smras pa yin te/ yid ches par gyur na brtson 'grus rtsom pas so/ /brtson 'grus zhes bya ba la/ spang bar bya ba ma lus par spong ba dang/ thob par bya ba thob par byed pa la sems spro ba ni brtson 'grus te/ 'dis ni rkyen bstan pa yin te/ dge ba sgrub pa rnams brtson 'grus la brten pa'i phyir ro/ /bag yod pa zhes bya ba la/ gcig pu dgon pa na gnas shing 'du 'dzi dang mi 'dre ba ni bag yod pa ste/ 'dis ni sgrub par byed pa bstan pa yin no/ /ci'i phyir zhe na spang bar bya ba dang sgrub par bya ba gnyis ni bag yod pas bsgrubs so/ /gang bsags pa yang rnam pa gsum ste/ longs spyod kyi rgyu bsags pa dang/ bde 'gro'i rgyu bsags pa dang/ rnam par grol ba'i rgyu bsags pa'o/ /yang na ser sna'i gnyen po bsags pa dang/ 'dod pa la chags pa'i gnyen po bsags pa dang/ nyon mongs pa'i gnyen po bsags pa'o/ /de la chen po zhes bya ba ni rang sangs rgyas kyi sdud pa dang brtson 'grus la sogs nyan thos dag pas ltag pas chen po zhes bya'o/ nyan thos lta bu ma yin pa'i zhes bya ba ni nyan thos kyi bas shas che zhes bya ba'i don to/ /sbyin pa'i bsod nams kyi tshogs la sogs pa zhes bya bas ser sna'i gnyen po spangs pa bstan te/ sbyin pa rnam par grol ba thob pa'i rgyur gyur pa rnams ni tshogs bsags pa zhes bya'o/ /tshul khrims kyi bsod nams kyi tshogs bsags pa zhes bya ba 'dod pa la chags pa'i gnyen po bsags pa bstan to/ /gang gis gang gang gi phyir tshul bsrungs pa ni tshul khrims te/ gang gis bsrungs pa ni mi dge ba bcu las ldog cing rnam par grol ba 'dod pa'i sems kyis so/ /bsrungs pa ni yan lag drug pa'i tshul khrims bsrung ba'o/ /gang gi phyir bsrung ba ni mya ngan las 'das pa thob par bya ba'i phyir bsrung ba'o/ /thos pa nyung ba la chos kyi nan tan byed pa ces bya bas nyon mongs pa'i gnyen bsags pa bstan te/ thob pa la mi dga' bas cung zad bos? bsrung? ba'o/ /chos kyi nan tan byed ces bya ba ni byang chub kyi phyogs kyi chos rnams bsgom shing sgrub par byed ces bya ba'i don to/ /de ni 'di skad du nyan thos ltar thos pa cung zad cig gis chos kyi nan tan byed do zhes bstan pa'o/ /sangs rgyas mnyes par byed pas yang rnam pa gnyis te/ chos nyid kyis mnyes par byed pa dang/ zang zing gis mnyes par byed pa'o/ /sangs rgyas bcom ldan 'das la yang rim gro dang zhes bya bas chos nyid kyi mnyes par byed pa bstan te/ ma rig pa'i gnyid las sad cing shes bya thams cad thugs su chud pas na sangs rgyas so/ /bdud bzhi bcom pas bcom ldan 'das te/ des ji skad du bstan pa'i bka' lung dang bslab pa'i tshig las 'da' bar mi byed pa ni sangs rgyas bcom ldan 'das la rim gror byed pa dang/ bsnyen bkur byed pa zhes bya bas zang zing gis mnyes pas byed pa bstan te/ bskal pa brgya'i bar du phyag 'tshal ba dang bskor ba dang chos gos la sogs pas bsnyen bkar byed pa'i phyir ro/ /zhum pa med ces bya ba ni mnyes pa rnam pa gnyis byed pa la sems spro zhing/ spa bkod ba med ces bya ba'i don to// a des ni mdor na gang la gang gis mnyes par byed pa bstan te/ gang la mnyes par byed pa ni sangs rgyas bcom ldan 'das la'o/ /gang na rim gro byed pa dang bkur stis so/ /gang gis na zhum pa med pa'i sems kyis so/ /mdo gzhan dag las rang sangs rgyas gzhan la ma mnyen par rang gi blos chos rtog pa rang sangs rgyas 'jig rten du ma 'byung ba'i tshe rang sangs rgyas 'byung ngo zhes bshad pa yang rang sangs rgyas zag pa med pa'i chos mngon par rtog pa'i tshe gzhan gyi lung la mi brten pa dang/ rang sangs rgyas kyi 'bras bu thob nas/ gdod sangs rgyas mi bzhugs pa na 'byung ba la bya'i/ 'dir ni dang po slob cing tshogs bsogs pa la bya bas nyes pa med do/ /rigs kyang rnam pa gsum ste nga rgyal spyod pa'i rigs dang snying rje chung ba'i rigs dang/ nyon mongs pa chung pa'i rigs so/ /nga rgyal spyod pa'i rigs kyang rnam pa gnyis to/ dbang po 'bring dang sbyor ba dam pa la gnas pa'o/ /dbang po bar ma zhes bya bas dbang po 'bring brten te/ de dbang po rnam pa gsum te/ rab dang bar ma dang tha ma'o/ /rang sangs rgyas rnams ni dbang po bar ma ste/ dbang po 'bring gi rigs can no/ /rtag tu rab tu 'byung ba la gzhol zhes bya bas sbyor ba dam pa la gnas pa bstan te/ rtag tu ni dus thams cad do 'di skad du bcom ldan 'das kyi bshad pa/ skra dang kha spu bregs gos ngur smrig bgos te/ yang dag par dad pas khyim nas khyim med par rab tu byung zhes gsungs pas ni rab tu byung ba la gzhol ba'o/ /'dis dge slong gi phun sum tshogs pa rnam pa bzhi bstan te/ cha lugs phun sum tshogs pa dang/ las phun sum tshogs pa dang/ bsam pa phun sum tshogs pa dang/ gnas phun sum tshogs pa'o/ /de la skra dang khu spu bregs te gos ngur smrig bgos zhes bya bas cha lugs phun sum tshogs pa bstan te/ cha lugs 'di ni nyon mongs pa dang nye ba'i nyon mongs pa dang mi mthun pa yin pas khyim na gnas pa'i cha lugs las phun sum tshogs pa'o/ /yang dag par zhes bya bas las phun sum tshogs pa bstan te/ gsol ba dang bzhi'i las kyi rab tu byung ba'i phyir ro/ /dad pas zhes bya bas bsams pa phun sum tshogs pa bstan te/ rgyal po dang rkun po'i 'jigs pas rab tu byung ba ni ma yin gyi/ dad pas rab tu byung ba'i phyir ro/ /khyim nas khyim med par rab tu byung zhes bya bas gnas phun sum tshogs pa bstan te/ /khyim na gnas pa rnams kyi gnas rab tu mi bzad pa de btang nas khyim med pa'i shing drung la sogs pa la gnas pas so/ /snying rje chung ba'i rigs kyang rnam pa gnyis te/ bdag 'ba' zhig gi don la 'jug pa dang/ gzhan gyi don mi byed pa'o/ /de la don nyung zhes bya bas bdags 'ba' zhig gi don la 'jug pa bstan te/ bdag zhi bar bya ba dang/ grol bar bya ba dang/ mya ngan las 'das par bya ba tsam las bya ba gzhan mi byed pa'i phyir ro/ /byed pa nyung zhes bya bas gzhan gyi don mi byed pa bstan te/ gzhan zhi bar bya ba dang/ mya ngan las 'das par bya ba la mi 'bad pas so/ /nyon mongs pa chung ba'i rigs kyang rnam pa gsum te/ lus dben pa'i dga' ba dang/ sems dben pa la dga' ba dang/ gnas dben pa la dga' ba'o/ /'du 'dzi la mi dga' zhing zhes bya bas lus dben pa la 'ga' ba bstan te/ rang bzhin gyis 'gro ba mang por dang 'dre bar ma mos/ shing bse ru bzhin du gcig pur gnas par mos pa'i phyir ro/ /dben pa la dga' ba zhes bya bas sems dben pa la dga' ba bstan te/ de dag 'dod pa khong khro ba'i rnam par rtog pa ring du spang par mos pas so/ /rab tu dben par gnas mal 'cha' ba zhes bya bas gnas dben pa la dga' ba bstan to/ /shing drung dang ri sul na? gnas 'cha' ba' i phyir ro/ /rkyen kyang rnam pa bzhi ste/ yon tan dang gnas pa dang rtogs pa dang 'byung ba'o/ /yon tan yang rnam pa gsum te/ nyon mongs pa chung zhing dge ba che ba dang/ rdzu 'phrul che ba dang 'bras bu sa la mngon par dga' ba'o/ /bsnyen par bka' zhes bya bas nyon mongs pa chung zhing dge ba che ba bstan te/ mthu dang gzi brjid dang byin rnams la gzhan gyi zil gyis mi non zhing des gzhan zil gyis gnon pa'i phyir ro/ /mthu che ba zhes bya bas rdzu 'phrul che ba bstan te/ stod nas me 'bar ba dang/ smad nas chu drang mo'i rgyun 'bab pa dang/ gcig tu gyur nas mang por 'gyur ba dang/ mang por gyur nas gcig tu 'gyur ba la sogs pa'i mthu dang ldan pa'i phyir ro/ /sbyin pa'i gnas kyis la mngon par dga' ba zhes bya bas 'bras bu'i sa la dga' ba bstan te/ sbyin pa'i gnas kyis ni 'gro ba thams cad kyi bsod nams kyi zhing du gyur pa'i dus dgra bcom pa'i 'bras bu thob pa ste/ mngon par dga' ba ni 'bras bu de thob par bya bar sems mos pa'o/ /rgyun mi 'chad par rten cing 'brel par 'byung ba la lta ba zhes gnas pa bstan te/ rgyun mi 'chad pa zhes bya bas ni rtag tu zhes bya ba'i don to/ /rgyu dang rkyen la brten nas dus mnyam du 'bras bu 'byung ba ni rten cing 'brel bar 'byung ba ste/ de yang phyi nang nang gi rnam pa gnyis so/ /de la phyi'i rten cing 'brel par 'byung ba ni sa bon gyi myu gu la sogs pa'o/ /nang gi rten cing 'brel par 'byung ba ni ma rig pa'i rkyen gyis 'du byed ces bya ba la sogs pa'o/ /lta ba ni phyi nang gi chos 'di rgyu rkyen las byung ba tsam du zad kyi bdag dang byed pa po med par rtog pa'o/ /nges par 'byung ba'i dbyings gcig la rtog pa zhes bya bas rtog pa bstan te/ nges par 'byung ba'i dbyings ni mya ngan las 'das pa'i dbyis so/ /mya ngan 'das pa 'ba' zhig tu gnas pa dang 'gro ba sems pa ni nges par 'byung ba'i dbyings gcig la rtog pa zhes bya'o/ /rang 'byung gi ye shes kyi rab tu brgal ba zhes bya bas 'byung ba bstan to/ bdag nyid kyi shes rab dang ye shes kyi gang zag la bdag med par rtog nas nyon mongs pa spangs te/ khams gsum la brgal bar gyur pa ni rang 'byung gi ye shes kyi rab tu brgal ba zhes bya'o/ /'bras bu thob pa yang rnam pa gnyis te/ ting 'dzin thob pa dang mngon par byang chub pa thob pa'o/ /ting nge 'dzin thob pa yang rnam pa gnyis te/ mi g.yo ba thob pa dang rgyun du yid la byed pa thob pa'o/ /dmigs pa la 'jug pa 'thob pa dang zhes bya bas mi g.yo ba thob pa bstan te/ dmigs pa ni rten cing 'brel bar 'byung ba la sogs pa ting nge 'dzin gyi yul rnams so/ /'dug pa thob pa ni yul la dmigs pa'i tshe sems rtse gcig pa la gnas pa thob ste/ phyi rol du mi g.yeng bar nus pa'o/ /bsam gtan dang rnam par thar pa dang ting nge 'dzin dang snyoms par 'jug pa rgyun ma chad ces bya bas rgyun tu yid la byed pa thob pa bstan te/ rgyun ma chad pa ni de dag la rgyan du yid la byed pa'o/ /mngon par byang chub pa yang rnam pa gnyis te/ ston pa dang rjes su ston par byed par mngon par byang chub pa dang/ rten cing 'brel par 'byung ba mngon par byang chub pa'o/ /gzhan gyi dring la mi 'jog pa'i ye shes skyed pa dang/ zhes bya bas ston pa dang rjes su ston pa med par mngon par byang chub pa bstan te/ mkhan po dang slob dpon gyi man ngag la mi brten par zad la mi skye ba'i ye shes skyes par byed ces bya ba'i don to dmigs pa dang gang yang rung ba la rkyen gyi ye shes rtag pa ste/ zhes bya bas rten cing 'brel par 'byung ba mngon par byang chub par bstan te/ dmigs pa'i yul gang yang rung ste/ chos thams cad rten cing 'brel par 'byung ba'i ngo bo nyid du shes shing khong du chud ces bya ba'i don to/ /da ltar zhes bya ba ni gong du bshad pa'i tshul ltar ro/ /'chad pa ni don to ston pa ni tshig go /rab tu ston pa ni don dang tshig go /yang na rgyu ston pa ni 'chad pa'o/ /rkyen 'chad pa ni ston pa'o/ /'bras bu 'chad pa ni rab tu ston pa'o/ /byang chub sems dpa' i theg pa la mkhas pa bstan pa'i phyir/ de la byang chub sems dpa' i theg pa la mkhas pa gang zhe na zhes bya ba la sogs pa gsungs so/ /byang chub sems dpa' rnams kyi khong du chud par bya ba'i theg pa 'am/ byang chub sems dpa' rnams mi gnas pa'i mya ngan 'da' bar phyin pa'i byed pa'i theg pa ni byang chub sems dpa' i theg pa ste/ 'dis 'gro bas theg pa'o/ /de la 'dis 'gro ba ni pha rol tu phyin pa dang/ sa rnams kyi 'gro bas na de dag la theg pa zhes bya'o/ /'dir 'gro ba ni sangs rgyas kyi sar 'gro ba ste/ de la theg pa zhes bya'o/ /theg pa yang yin la chen po yang yin pas theg pa chen po ste/ chen po rnam pa bdun dang ldan pa'i phyir ro/ /chen po rnam pa bdun ni chos che ba dang/ sems skyed ba che ba dang/ bsam pa che ba dang mos pa che ba dang tshogs che ba dang/ dus che ba dang thob pa che ba'o/ /shes rab kyi pha rol tu phyin pa stong phrag brgya pa la sogs pa mdo sde tshad med pa'i phyir chos che ba dang/ sems can thams cad kyi don du bla na med pa yang dag par rdzogs pa'i byang chub sems skyed pas sems bskyed pa che ba'o/ /zab cing rgya che ba'i mdo sde la mos pa'i phyir mos pa che'o/ /bdag dang gzhan mnyam pa nyid kyi bsam pa thob pas na bsam pa che ba'o/ /skad cig ma re re la yang bsod nams kyi tshogs dpag tu med pa la sogs pas ni tshogs che ba'o/ /bskal pa chen po grangs med pa gsum gyi bar du rgyun du sbyor bas na dus che ba'o/ /bla na med pa'i byang chub kyi 'bras bu thob pas na thob pa che ba'o/ /theg pa de'i rang bzhin dang rgyu dang 'bras bu la sogs pa rtog pa ni theg pa chen po la mkhas pa'o/ /gang zhe na zhes bya ba ni dris ba'o/ /byang chub sems dpa' i theg pa chen po la mkhas pa ni dpag tu med de zhes bya ba la/ theg pa ni bla na med pa'i byang chub tu phyin par byed pa ste/ theg pa de las 'das pa dang ma 'ongs pa dang da ltar gyi dus kyi sems can grangs dang tshad med pa rnams 'tshang rgya ba'i phyir theg pa de tshad med do/ / theg pa tshad med pas de la mkhas pa'i shes rab kyang tshad med pa'i phyir theg pa chen po la mkhas pa ni dpag tu med do zhes gsungs so/ /de ltar theg pa chen po tshad med pas na thams cad bstan par mi nus te/ de bas na de las phyogs tsam zhig bstan to zhes gsungs te/ mdo tsam zhig bstan to/ /zhes bya ba'i don te/ tshad med pa de yang yon tan bcu gcig tu rig par bya ste/ sems bskyed pa'i yon tan dang/ shes bya'i sgrib pa spangs te/ shes pa khong du chud pa'i yon tan dang rgyu bsags pa'i yon tan dang spyod pa dag pa'i yon tan dang/ mngon par byang chub pa'i yon tan dang/ mnyam par phan 'dogs pa'i yon tan dang/ nyan thos dang so so'i skye bo'i lam las brgal ba'i yon tan dang bgegs bzhom? pa'i yon tan dang/ nyon mongs pa dang nye ba'i nyon mongs pa spong ba'i yon tan dang/ bdag dang gzhan gyi don phun sum tshogs pa'i yon tan dang 'bras bu phun sum tshogs pa'i yon tan no/ /theg pa de ni sems can thams cad kyi go skabs 'byed pas na dpag tu med pa'o/ zhes bya bas sems bskyed pa'i yon tan bstan te/ sems can tshad med pa rnams bla na med pa'i byang chub tu gdon cing mngon par 'tshang rgya ba'i skabs 'byed pas na go skabs 'byed pa zhes bya ste/ theg pa de yang de'i rgyur gyur pa'i phyir ro/ sems can dpag tu med pas de yang dpag tu med pa'o/ /rnam pa gnyis kyi dpag tu med pa ste/ rgya che ba dang tshad med pa'o/ /ci tsam du bsgrub par bya ba'i dge ba'i rtsa ba 'jig rten dang/ 'jig rten las 'das pa thams cad sgrub par byed pas rgya che ba'o/ /dge ba'i rtsa ba de dag thams cad kyang sems can gyi don du sgrub par byed pa'i phyir tshad med pa'o/ /yang na byang chub tu sems bskyed pa'i tshe sems can 'ga' yang ma bskol bar sems can tshad med pa thams cad bla na med pa yang dag par rdzogs pa'i byang chub tu bsgral lo zhes sems bskyed pas na/ sems can thams cad kyi go skabs 'byed pa zhes bya ste/ sems can dpag tu med pa'i phyir theg pa de yang dpag tu med pa'o/ /theg pa de ni chags pa med pa'i ye shes la btang ba ste/ sgrib pa med pa'o/ /zhes bya bas shes bya'i sgrib spangs te/ shes pa khong du chud pa'i yon tan bstan te/ shes bya'i sgrib pa thams cad spangs nas shes bar bya ba'i dngos po rnams skyu ru rang lag mthil du gzhag pa bzhin du gsal bar mkhyen pa'i ye shes ni chags pa med pa'i ye shes te/ theg pa de'i ye shes rgyur gyur ba 'am/ theg pa des ye shes thob par byed pas na theg pa de ni chags pa med pa'i ye shes la btang ba zhes bya'o/ /de ltar sgrib pa med pa'i ye shes kyi rgyur gyur pas theg pa de yang sgrib pa med pa zhes bya'o/ /theg pa de ni sems can thams cad nye bar 'tsho ba ste/ / bsod nams kyi tshogs dang dge ba'i rtsa ba thams cad bsag pa'o/ /zhes bya bas rgyu bsags pa'i yon tan bstan te/ tshogs ji lta ba bsags pas sems can thams cad kyi sems kyi gsos su 'gyur ba'i mthu dang ldan pas sems can thams cad nye bar 'tsho ba zhes bya'o/ /bsod nams kyi tshogs ni sbyin pa dang tshul khrims la sogs pa'o/ /dge ba'i rtsa ba ni 'dod ma chags pa dang/ zhe mi sdang ba la sogs pa'o/ /theg pa de ni sems can thams cad kyi sems kyi spyod pa las su rung ba'i pha rol tu phyin pa thams cad yongs su sbyang bar byas pa'o/ /zhes bya bas spyod pa dag pa'i yon tan bstan te/ sems can thams cad kyi sems kyi rgyud la gnas sbyin pa la sogs pa'i mi mthun pa'i phyogs ser sna dang 'tshal pa'i tshul khrims la sogs pa theg pa des spangs pas na sems can gyi sems kyis spyod pa la las su rung ba zhes bya'o/ /de ltar ser sna la sogs pa spangs pa dang sbyin ma la sogs pa pha rol tu phyin pa rnams spyad ba byas par 'gyur te/ yongs su rdzogs par 'gyur zhes bya ba'i don to/ /theg pa de ni thogs pa med par byang chub kyi snying por 'gro bas na thams cad mkhyen pa'i ye shes kyi tshogs nyams su len par byed pa'o zhes bya bas mngon par byang chub pa'i yon tan bstan te/ bsod nams dang ye shes kyi tshogs rdzogs nas sgrib pa gnyis spangs te/ gnyis su med pa'i ye shes 'bras bur gyur pa na byang chub kyi snying po ste/ dri ma med par grags pas bstan pa'i mdo las kyang byang chub ni sbyin pa'i snying po/ /byang chub ni tshul khrims kyi snying po zhes bya ba la sogs pa gsungs pa'i phyir ro/ /theg pa de la zhugs pas bdud dang bgegs kyi bar chad med par byang chub kyi snying po thob par 'gyur bas na theg pa de ni thogs pa med par byang chub kyi snying por 'gro ba'o/ /de bas na theg pa nges thams cad mkhyen pa'i ye shes thob par 'gyur ba'i rgyu bsod nams dang ye shes kyi tshogs yongs su rdzogs shing mthar 'byin par byed pas na tshogs gnyis nyams su len par byed pa zhes bya'o/ /sems can thams cad sbyin pa'i gnas kyi phyir sems can thams cad la thogs pa med pa'i 'od zer mnyam par gtong ba zhes bya bas mnyam par phan 'dogs pa'i yon tan bstan te/ sems can thams cad bla na med pa'i b yang chub tu mngon par sangs rgyas nas bsod nams kyi zhing sbyin pa'i gnas su 'gyur bar bya ba'i phyir mthon dman dang nye ring med pa byams pa dang ye shes kyi snang ba'i 'od zer snyoms par gtong ngo zhes bya ba'i don to/ theg pa de ni sangs rgyas kyi chos thams cad mngon du gyur pa'i phyir lam ngan pa'i 'jigs pa thams cad las 'das pa'o zhes bya bas nyan thos dang so so'i skye bo'i lam las brgal ba'i yon tan bstan te/ sangs rgyas kyi chos thams cad ni spangs par bya ba dang/ shes par bya ba dang bsgrub par bya ba dang rdzogs par bya ba dang thob par bya ba rnams te/ de dag thams cad khong du chud cing rtogs pas na mngon du gyur pa'o/ /de la spangs par bya ba ni nyon mongs pa'i sgrib pa dang shes bya'i sgrib pa'o/ /shes par bya ba ni gang zag la bdag med pa dang/ chos la bdag med pa'o/ /bsgrub par bya ba ni bdag dang gzhan gyi don to/ /rdzogs par bya ba ni sa dang pha rol tu phyin pa'o/ /thob par bya ba ni mi gnas pa'i mya ngan las 'das pa'o/ /chos de dag mngon sum du gyur pas nyan thos kyi mya ngan las 'das par yang mi lhung/ 'khor bar yang mi lhung bas na lam ngan pa'i 'jigs pa thams cad las 'das pa zhes bya'o/ /yang na theg pa des gang zag la bdag med par mngon sum du byas pas ngan song gsum du skye ba'i 'jigs pa med pas na 'jigs pa thams cad las 'das pa zhes bya'o/ /theg pa de ni byang chub kyi phyogs kyi chos thams cad dang zhes bya ba la sogs pas bgegs 'joms pa yon tan bstan te/ byang chub kyi phyogs kyi chos thams cad ni dran pa nye bar gzhag pa bzhi dang/ yang dag par spong ba bzhi dang/ rdzu 'phrul gyi rkang pa bzhi la sogs pa byang chub kyi phyogs sum cu rtsa bdun rnams so/ /rten cing 'brel par 'byung ba ni chos rnams byed pa pos ma byas shing rtag pa dang chad pa las 'das pa rgyu dang rkyen las skyes pas rang bzhin gyi ma skyes pa ste/ nam mkha' bzhin no/ /chos de dag nyid thams cad las 'phags par gnas zhing mu stegs dang bdud la sogs pa las rgyal bar byed pas rgyal mtshan dang ba dan zhes bya'o/ /chos de dag gi sgra gsang mthon por bsgrags pa ni rgyal mtshan dang ba ngan bsgreng ba'o/ /de ltar mu stegs can thams cad las rgyal ba'i rgyal mtshan? dang? ba dan bsgrengs pas pha rol rgol ba mang po dang log pa'i tshogs pa mang po tshar gcod par byed pas na bdud dang phas kyi rgol ba dang ngan pa'i tshogs can gyi tshogs rab tu 'joms pa zhes bya ste/ bdud ni bdud nyid do/ /phas kyi rgol ba ni mu stegs can rnams so/ /ngan pa'i tshogs can gyi tshogs ni bdud kyi 'khor stobs dang bcas pa 'am/ mu stegs can 'khor dang bcas pa la bya'o/ /theg pa de ni sangs rgyas kyi theg pa sgrib pa med par gyur pa ste zhes bya ba la sogs pas nyon mongs pa dang/ nye ba'i nyon mongs pa spong ba'i yon tan bstan te/ sangs rgyas su 'gro ba'i theg pa ni sangs rgyas kyi theg pa ste/ sangs rgyas su 'gro bar byed pa'i theg pa yang yin la theg pa des nyon mongs pa dang nye ba'i nyon mongs pa'i sgrib pa yang sel bar byed pas na/ theg pa de ni sangs rgyas kyi theg pa sgrib pa med par gyur pa zhes bya'o/ /de ltar sgrib pa med par 'gyur bas mdza' dang mdza' med par lta ba la sogs pa lta ba'i nyon mongs pa rnams sel bar byed do zhes bya bar sbyar ro/ /lta ba zhes bya ba'i sgra mthar lta ba dang/ mdza' med par lta ba dang rtag par lta ba dang chad par lta ba dang 'byung bar lta ba dang/ 'jig par lta ba zhes tshig re re dang sbyar ro/ /de la mdza' dang mdza' med par lta ba ni 'di ltar 'di ni dge sbyong ngam bram ze kha cig 'jig rten pa'i bsam gtan la brten nas 'jig rten gyi mdza' yod par 'du shes pa dang/ mdza' med par 'du shes pa ste/ de yang ji ltar lta zhe na/ 'jig rten gyi mdza' tha mar chad par 'gyur ram mi 'gyur snyam du yang dag par tshol bar byed de/ gang gi tshe 'jig pa'i bskal pa rjes su dran pa de'i tshe ni mdza' yod par 'du shes 'byung bas mdza' yod par lta ba'o/ /gang gi tshe chags pa'i bskal pa dran pa de'i tshe mdza' med pa'i 'du shes 'byung bas mdza' med par blta'o/ /rtag par lta ba ni dge sbyong ngam bram ze kha cig bdag dang 'jig rten ni rtag pa ste/ byis pa ma yin pa dang byas pas byas pa ma yin pa dang sprul pa ma yin pa dang sprul pas byas pa ma yin pa dang gsang du med pa dang ther zug tu gnas pa dang srog shing ltar brtan par gnas pa'o snyam du 'dzin pa'o/ /chad par lta ba ni dge sbyong dang bram ze kha cig 'di lta ste/ bdag gzugs can rags pa 'byung ba chen po bzhi las byung ba ji srid du 'dug cing sdod la 'tsho ba de srid du nad dang bcas pa 'bras dang bcas pa zug rngu dang bcas pa rims dang bcas pa yongs su gdung ba dang bcas pa yin te/ nam shi ba'i 'og tu bdag chad de zhig cing med par gyur pa de ni bdag gtan chad bar 'gyur ro/ zhes smra ba'o/ /'byung bar lta ba ni dngos po skye bar lta ba'o/ /'jig par lta ba ni dngos po 'gag par lta ba'o/ /lta bar gyur pa thams cad ces smos pa ni ming gis smos pa las ma gtogs pa bdag tu lta ba la sogs pa kun bsdu ba'o/ /kun nas ldang ba ni nyon mongs pa mngon sum du 'byung ba'o/ /sgrib ba ni sgrib pa lnga rnams so/ chod pa ni dge ba'i bar du gcod pa'i chos dag go /the tshom ni bden pa dang dkon mchog la yid mi ches pa'o/ /'gyod pa ni dge ba dang mi dge ba byas kyang rung ba ma byas kyang rung phyis sems la gdung ba skye ba'o/ /sel ba ni de dag theg pa 'dis spong bar byed pa'o/ /theg pa da ni lhag pa'i bsam pa dang snying rje chen pos phye bas na zhes bya ba la sogs pas bdag dang gzhan gyi don phun sum tshogs pa'i yon tan bstan te/ lhag pa'i bsam pa dang/ snying rje chen pos che bas zhes bya ba ni lhag pa'i bsam pa chen po dang/ snying rje chen pos rgyu las 'byung ba zhes bya ba'i tha tshig go /de la sems can rnams bde ba la bzhag par sems pa ni lhag pa'i bsam pa chen po'o/ /sems can rnams kyi sdug bsngal med par byed par sems pa ni snying rje chen po'o/ /rgyu de gnyis las byung bas na bdag dang gzhan gyi don phun sum tshogs par 'gyur te/ bdag gi phun sum tshogs pa 'ang rnam pa bzhi'o/ /gang zhe na chos phun sum tshogs pa dang theg pa phun sum tshogs pa dang 'jig rten dang 'jig rten las 'das pa'i 'byor ba phun sum tshogs pa dang/ mi gnas pa'i mya ngan las 'das pa'i lam phun sum tshogs pa'o/ /de la chos thams cad phun sum tshogs pa zhes bya bas chos phun sum tshogs pa bstan te/ chos kyang rnam pa gsum mo/ /gang zhe na zhes par bya ba'i chos dang bsgrub par bya ba'i chos dang thob bar bya ba'i chos/ /de la shes par bya ba'i chos ni gsung rab yan lag bcu gnyis so/ /bsgrub bar bya ba'i chos ni byang chub kyi phyogs kyi chos sum cu rtsa bdun no/ /thob par bya ba'i chos ni mya ngan las 'das pa ste/ de dag dang ldan pas na chos thams cad phun sum tshogs pa zhes bya'o/ /rin po che thams cad dang ldan pa zhes bya bas theg pa phun sum tshogs pa bstan te/ theg pa der sangs rgyas la sogs pa dkon mchog gsum dang nyan thos kyi theg pa la sogs pa thams cad 'dus pas na rin po che thams cad dang ldan pa zhes bya'o/ /phun sum tshogs pa thams cad rnyed pa zhes bya bas 'jig rten dang 'jig rten las 'das pa'i 'byor pa phun sum tshogs pa bstan te/ theg pa de la rten? 'jig rten dang 'jig rten las 'das pa'i phun sum tshogs pa thams cad thob par 'gyur bas/ phun sum tshogs pa thams cad rnyed pa zhes bya'o/ /mi bslu ba'i lam du 'gro ba zhes bya bas mi gnas pa'i mya ngan las 'das pa'i lam phun sum tshogs pa bstan te/ mi bslu ba'i lam ni mi gnas pa'i mya ngan las 'das pa'i lam mo/ /theg pa 'dis kyang lam der 'gro ba 'am/ lam de dang mthun pa'i phyir mi bslu ba'i lam du 'gro ba'o/ /sems can thams cad nye bar 'gro ba zhes bya bas gzhan gyi don phun sum tshogs pa bstan te/ theg pa de la zhugs na sems can thams cad phan pa dang bde ba thob par 'gyur ba'i phyir sems can thams cad nye bar 'tsho ba zhes bya'o/ /theg pa de ni thams cad du kha na ma tho ba med ces bya ba la sogs pas 'bras bu phun sum tshogs pa'i yon tan bstan to/ rnam pa thams cad du dus thams cad du gnas thams cad du phyogs thams cad du kha na ma tho ba med pas na theg pa de ni thams cad du kha na ma tho ba med pa zhes bya ste/ rnam pa thams cad ni sdig pa mi dge ba'i chos thams cad mi byed pa'i phyir ro/ /dus thams cad du ni dus gsum du yang sdig pa mi dge ba'i chos mi byed pas so/ gnas thams cad ni lha dang mi'i gnas gang du phyin kyang sdig pa mi byed pa'i phyir ro/ /phyogs thams cad ni phyogs bcu kun tu sdig pa mi byed pas so/ /chos 'o gnas smos pa rnams kyi rgyan gyis brgyan pa zhes bya ste/ de dag ni gong du bshad par zad do/ /gong du bshad pa rnams mjug bsdu ba'i phyir/ gang 'di la mkhas pa zhes bya ba la sogs pa gsungs te/ gang 'di la mkhas pa zhes bya ba ni gang du bshad pa rnams la'o/ /chos thams cad la mkhas pa bstan pa'i phyir/ de la byang chub sems dpa' i chos thams cad la mkhas pa gang zhe na zhes dris so/ /dris pa'i lan gdags pa'i/ chos thams cad ces bya ba ni mdor na 'dus byas dang 'dus ma byas zhes bya ba gsungs te/ 'dus byas pa 'dus ma byas su chos thams cad 'dus pas 'dus pa'i don gyis de gnyis la chos thams cad ces bya'o/ /de la gang rgyu dang rkyen gyis bskyed pa'i zag pa dang bcas pa'i chos dang/ zag pa med pa'i chos ni 'dus byas so/ /gang rgyu dang rkyen gyis ma bskyed pa de bzhin nyid dang yang dag pa'i don mdza' dang stong pa nyid dang chos kyi dbyings ni 'dus ma byas so de la byang chub sems dpa' 'dus byas dang/ 'dus ma byas la mkhas par bya ste/ zhes bya ba ni byang chub sems dpa' rnams kyis 'dus byas dang 'dus ma byas kyi chos rnams kyi mtshan nyid khong du chud par bya ste zhes bya ba'i don to/ /gang de dag lus kyis 'du byed dge ba dang ngag gi 'du byed dam pa dang yid kyi 'du byed dge ba zhes bya ba la/ srog mi gcod pa dang ma byin par mi len pa dang 'dod pas log par mi g.yem pa ni lus kyi 'du byed dge ba'o/ /brdzun dang phra mo dang ngag rtsug po dang tshig kyal pa'i tshig mi smra ba ni ngag gi 'du byed dge ba'o/ /rnab sems dang gnod sems dang log par lta ba spangs pa ni yid kyi 'du byed dge ba zhes bya'o/ /de dag thams cad bla na med pa yang dag par rdzogs pa'i byang chub tu sngo ba zhes bya ba la/ de dag ces bya ba ni gong du smos ma thag pa'i 'du byed rnam pa gsum mngon par 'dus byas pa'o/ /zla na med pa zhes bya ba ni byang chub de sdong ba dang/ ye shes dang sgrub pa dang dus rnga rnga? 'thob pa dang ldan pa dang spyod pa la sogs pas nyan thos kyi byang chub las khyad zhugs pa'i phyir bla na med pa zhes bya'o/ /de la spong ba khyad zhugs pa ni nyan thos kyi byang chub kyis nyon mongs pa'i sgrib pa tsam spong bar zad kyi 'dis ni nyon mongs pa dang/ shes bya'i sgrib pa gnyis spong bas spong bar khyad zhugs so/ /ye shes ni gang zag la bdag med pa tsam khong du chud par zad kyi/ 'dis ni gang zag dang chos la bdag med pa'i ye shes khong du chud pas so/ /sgrub pa ni nyan thos la sogs pa bdag gi don bsgrub pa tsam du zad kyi 'dis ni bdag dang gzhan gyi don grub par byed pas na sgrub pa khyad zhugs so/ /dus ni nyan thos la sogs tshe gsum 'am bdun gyi bar du sbyor ba tsam du zad kyi 'di ni bskal pa grangs med pa gsum gyi bar du sbyor bas na dus khyad zhugs so/ /thob pa ni nyan thos kyis dgra bcom pa'i 'bras bu thob par zad kyi/ 'dis ni bla na med pa'i byang chub kyi 'bras bu thob pas na thob pa khyad zhugs so/ /ldan pa ni nyan thos dag zad par skye mched la sogs zil gyis gnon pa'i skye mched la sogs pa'i yon tan dang ldan par zad kyi/ 'di ni stobs dang mi 'jigs pa la sogs pa'i yon tan dang ldan pas na ldan pa khyad zhugs so/ /spyod pa ni nyan thos la sogs pa sa dang pha rol tu phyin pa la mi spyod kyi/ 'dis ni sa dang pha rol tu phyin pa la spyod pas na spyod pa khyad zhugs so/ /yang dag par rdzogs pa zhes bya ba ni chos thams cad phyin ci ma log par thugs su chud pa zhes bya ba'i don to/ /byang chub ni spangs pa dang ye shes phun sum tshogs pas rab tu phye ba ste/ sngar bshad pa bzhin no byang chub de lta bu thob par bya ba'i phyir dge ba mngon par 'dus byas pa rnams bsngo ba de ni byang chub tu bsngo ba zhes bya ste/ de ni 'dus byas la mkhas pa'o/ /gang yang dge ba'i lus dang ngag dang yid kyi 'du byed mngon par 'dus byas pa de dag thams cad byang chub la rtog pas thams cad mkhyen pa nyid du bsngo ba zhes bya ba la/ gong du bla na med pa'i byang chub tu bsngo ba bshad pa la byang chub la rtog pa zhes bya ba'i tshig ma smos pas 'dus byas su rig par bya'o/ /'dir ni byang chub la rtog pa zhes smos pas/ lus dang ngag dang yid kyi dge ba ji spyad pa thams cad kyang byang chub kyi mtshan nyid dang dbyer med par stong pa nyid du brtags nas thams cad mkhyen pa thob par bya ba'i phyir bsngo ste/ byang chub kyang 'dus ma byas kyi mtshan nyid yin pa'i phyir 'dus ma byas la mkhas pa zhes bya'o/ /gzhan yang 'dus ma byas pa la mkhas pa ni zhes bya bas 'dus byas dang 'dus ma byas la mkhas pa'i rnam grangs gzhan ston te/ pha rol tu phyin pa lnga sgrub pa ni 'dus byas la mkhas pa zhes bya'o/ /gang yang shes rab kyi pha rol tu phyin pa zhes bya ba la sogs pas shes rab kyi pha rol tu phyin pa ni 'dus ma byas pa la mkhas par bstan to/ /shes rab kyi pha rol tu phyin pa de yang ci 'dra ba zhig ce na/ de'i phyir 'dus ma byas kyi pha rol tu phyin pa lnga po dag la mi smod cing zhes bya ba smos te/ stong pa nyid la dmigs pa'i ye shes ni 'dus ma byas kyi ye shes te/ dngos su na rnam par mi rtog pa'i ye shes la bya'o/ /pha rol tu phyin pa lnga ni 'khor ba'i skye ba'i rgyu yin pas smad pa yin yang/ shes rab kyi pha rol tu phyin pas de la sun 'byin par mi byed pa ni pha rol tu phyin pa lnga la mi smod pa zhes bya'o/ /pha rol tu phyin pa thams cad kyi tshogs ni sbyin pa la sogs pa pha rol tu phyin pa drug gi tshogs so/ /dge ba'i rtsa ba 'dod ma chags pa la sogs pa'o/ /phyir zhes bya ba ni pha rol tu phyin pa'i tshogs dang/ dge ba'i rtsa ba'i tshogs bsags par bya ba'i don du 'am ched du zhes bya ba'i tha tshig go / byang chub sems dpa' i rnam par grol ba ni nyon mongs pa dang/ shes bya'i sgrib pa spangs pa'i mi gnas pa'i mya ngan las 'das pa'o/ /byang chub sems dpa' i thams cad mkhyen pa ni dngos po thams cad thugs su chud pa me long lta bu'i ye shes la bya'o/ sngo ba zhes bya ba ni mya ngan las 'das pa dang ye shes de thob par bya ba'i don du pha rol tu phyin pa drug sgrub pa bsngo ba'o/ /de dag gis ni 'di skad bstan pa yin te/ gong du sbyin pa la sogs pa pha rol tu phyin pa lnga rnams ni 'dus ma byas kyi chos rtogs pa'i rang bzhin ma yin pas 'dus byas la mkhas par bshad/ shes rab kyi pha rol tu phyin pa ni 'dus ma byas rtogs pa'i rang bzhin yin pas 'dus ma byas la mkhas par bshad do/ /gzhan yang zhes bya ba la sogs pas 'dus byas dang 'dus ma byas la mkhas pa'i rnam grangs ston to/ /ye shes dang snying rjes sems can thams cad la bltas nas ci tshigs par phan 'dogs par byed pa ni sems can thams cad la thogs pa med pa'i 'od zer mnyam par gtong ba zhes bya'o/ /de ltar phan gdags par bya ba'i phyir sbyin pa dang/ snyan par smra ba dang/ don spyod pa dang don mthun par spyod pa bzhi sems can sdud par byed pa ni 'dus byas la mkhas pa zhes bya'o/ /mi 'dzin mi len mchog tu 'dzin par mi byed ces bya ba la sogs pa la de ltar mod kyi/ don dam par stong pa yin pas phyi'i yul la dngos por mi 'dzin/ nang gi dngos pa la bdag tu mi len la/ de ltar dngos po dang bdag tu ma grub pas phan gtags so zhes mchog tu 'dzin par mi byed ces bya ba'i tha tshig go/ /bsdu ba'i dngos po la mkhas pa de yang 'dus ma byas las mos pas zhes bya ba ni bsdu ba'i dngos po rnams kyang stong pa nyid kyi rang bzhin du mos pa zhes bya ba'i tha tshig go / thams cad mkhyen pa nyid du bsngo ba zhes bya ba ni de ltar stong pa nyid du mos pas bsdu ba'i dngos po la mkhas pa de de bzhin nyid thugs su chud pa'i thams cad mkhyen pa'i ye shes thob par bya ba'i phyir bsngo ba ni byang chub sems dpa' i 'dus ma byas la mkhas pa yin no zhes bya bar sbyar ro/ /'dus byas dang 'dus ma byas la mkhas pa rnam grangs gzhan yang bstan bar bzhed nas gzhan yang 'dus byas la mkhas pa ni gang 'khor pa'i rgyun gyi nyon mongs pa rnams gcod pa dang zhes bya ba la sogs pa gsungs so/ /de la 'dus byas la mkhas pa rnams pa gnyis te/ 'jig rten pa'i rgyu la mkhas pa dang/ 'jig rten las 'das pa'i rgyu la mkhas pa'o/ /'jig rten pa'i rgyu la mkhas pa yang rnam pa gnyis te/ sdug bsngal gyi rgyu spong ba la mkhas pa dang/ bde ba'i rgyu skyed pa la mkhas pa'o/ /gang 'khor ba'i rgyun gyi nyon mongs pa rnams gcod pa dang zhes bya bas sdug bsngal gyi rgyu yongs su spong ba la mkhas pa bstan to/ 'khor bar rgyun du skye bar skyed ba'i rgyu 'dod chags la sogs pa kun tu sbyor ba'i tshogs ni 'khor ba'i rgyun gyi nyon mongs pa zhes bya'o/ /de rnams spong bar byed pa ni nyon mongs pa rnams gcod pa zhes bya'o/ /'khor ba rgyun gyi dge ba'i rtsa ba rnams mi gcod pa dang zhes bya bas bde ba'i rgyu bskyed pa la mkhas ba bstan te/ gang 'khor ba rgyun du lha dang mir skye bar byed pa'i rgyu dge ba bcu dang 'dod ma chags pa dang zhe mi sdang ba la sogs pa'i dge ba'i rtsa ba rnams gcig nas gcig tu rgyun mi 'chad par byed pas ni/ 'khor ba'i rgyun mi dge ba'i rtsa ba mi gcod pa zhes bya'o/ /'jig rten las 'das pa'i rgyu la mkhas pa yang rnam pa gnyis te/ byang chub chen po'i rgyu rgyun mi gcod pa dang/ zhi ba phyogs gcig pa'i rgyu sgrub par mi byed pa'o/ /byang chub sgrub pa'i kun tu sbyor ba rnams kyi rgyun 'brel ba zhes bya bas byang chub chen po'i rgyu rgyun mi gcod pa bstan te/ byang chub kyi don ni gong du smras par zad do/ /kun tu sbyor ba ni zhi gnas dang lhag mthong sgrub par byed pa'o/ /zhi gnas dang lhag mthong sgom pa gang gis byang chub 'thob par byed pa de ni byang chub sgrub pa'i kun tu sbyor ba zhes bya ste/ de ltar bsgom pa rgyun mi gcod pa ni kun tu sbyor ba rnams kyi rgyun 'brel ba'o/ /nyi tshe ba'i kun tu sbyor ba rnams mi bcad pa zhes bya bas zhi ba phyogs gcig pa'i rgyu sgrub par mi bde ba bstan te/ nyi tshe ba'i kun tu sbyor ba ni zhi ba phyogs gcig pa'i mya ngan las 'das pa thob par 'gyur ba'i rgyu zhi gnas dang lhag mthong bsgom par byed pa'o/ /mi spyad pa ni de lta bu'i rgyu la mi 'jug pa'o/ /yang na 'khor ba'i rgyun gyi nyon mongs pa rnams gcod kyang byang chub chen po thob par byed pa'i rgyu rgyun mi gcod pas na byang chub sgrub pa'i kun tu sbyor ba rnams kyi rgyun 'brel ba zhes bya'o/ /'khor bar skye ba'i dge ba'i rtsa ba rnams rgyun mi gcod pas zhi ba phyogs gcig pa'i mya ngan las 'das par ma lhung ba'i phyir nyi tshe ba'i kun tu sbyor ba rnams mi spyad pa zhes bya'o/ /gang yang stong pa nyid ces bya ba la sogs pas 'dus ma byas la mkhas pa bstan te/ de yang ting nge 'dzin gsum la dbang thob pa/ gdams ngag dang rjes su bstan pa la mi brten par de bzhin nyid khong du chud pa dang de bzhin nyid khong du chud kyang de'i phyogs la mi gnas pa'o/ /gang stong pa nyid dang mtshan ma med pa zhes bya ba la sogs pas ting nge 'dzin gsum la dbang thob pa bstan te/ stong pa nyid la sogs pa ni gong du bshad par zad do/ /ye shes gang gis ting nge 'dzin de gsum la dbang byed par 'gyur ba de la ni 'dris par byed pa'i ye shes zhes bya ste/ ye shes de mngon sum du gyur ba 'am/ ye shes de rtogs pa ni rtogs pa la mkhas pa'o/ /byang chub tu gzhan gyi dring la mi 'jog cing zhes bya bas gdams ngag dang rjes su bstan pa la mi brten par de bzhin nyid khong du chud pa bstan te/ de bzhin gshegs pa dang mkhan po dang slob dpon gyis bstan pa'i man ngag la mi brten par stong pa gnyis su med pa'i mtshan nyid khong du chud pa ni byang chub gzhan gyi dring la mi 'jog pa zhes bya'o/ /'dus ma byas mngon sum du mi byed ces bya bas de bzhin nyid khong du chud kyang de'i phyogs la mi gnas pa bstan te/ 'dus ma byas ni mya ngan las 'das pa 'am stong pa nyid do// mngon sum du mi byed pa ni de dag khong du chud cing thob kyang de'i phyogs la mi gnas pa'o/ /'dus byas dang 'dus ma byas la mkhas pas rnam pa gzhan yang bstan pa'i phyir gzhan yang 'dus byas la mkhas pa zhes bya ba la sogs pa gsungs so/ /khams gsum na yang spyod la khams gsum na spyod pa'i nyon mongs pas kyang mi gos zhes bya bas ni sems can thams cad kyi don du khams gsum na yang gnas la/ /padmo 'dam las skye kyang 'dam gyi nyes pas mi dgos? pa bzhin du khams gsum na spyod pa'i 'dod chags la sogs pas mi gos pa 'di ni/ 'dus byas la mkhas pa zhes bya'o/ /gang yang khams gsum nas nge spar 'byung ba'i ye shes rab tu shes kyang zhes bya ba la/ khams gsum nas nges bar 'byung ba'i ye shes na nyon mongs pa spong bar byed pa dang/ spangs pa mngon du gyur ba zad la mi skye ba'i ye shes la bya'o/ /rab tu shes kyang zhes bya ba ni de mngon sum du gyur kyang zhes bya ba'i tha tshig go /nges par 'byung ba'i dbyings su mi lhung zhes bya ba la nges par 'byung ba'i dbyings ni mya ngan las 'das pa la bya'o/ /mi lhung ba ni de 'ba' shig gi phyogs la mi gnas pa'o/ /mkhas pa brgyad bo rnams rgya cher bshad pa'i nges pa'i tshig dang/ rgyu dang 'bras bu bsdus te bstan pa'i phyir/ gang chos thams cad la mkhas ba zhes smos pa de ni thams cad mkhyen pa'i tshig bla dags so/ zhes bya ba la sogs pa gsungs te/ chos thams cad la mkhas pa zhes kyang bya/ thams cad mkhyen pa zhes kyang bya bas/ chos thams cad la mkhas pa zhes smras pa de ni thams cad mkhyen pa'i tshig bla dags te/ 'dis ni nges pa'i tshig bstan to/ /ci'i phyir zhes bya ba ni rgyu 'dri ba ste/ chos thams cad la mkhas pa de ci'i phyir thams cad mkhyen pa zhes zhe na zhes bya ba'i tha tshig go / rgyu bstan pa'i phyir/ rtag tu dran pa dang blo gros dang shes rab la mkhas pa zhes bya ba gsungs te/ chos thams cad la mkhas pa de ni rtag tu dran pa la mkhas pa dang rtag tu blo gros la mkhas pa dang rtag tu shes rab la mkhas pas de la thams cad mkhyen pa zhes bya'o/ /de gsum gyis chos thams cad la rtog pas nam mkhas pa ste/ dran pa la mkhas pa ni chos rnams kyi don dang tshig mi brjed par byed do/ /blo gros la mkhas pa ni chos rnams kyi de bzhin nyid rtog par byed do/ /shes rab la mkhas pa ni chos rnams kyi rang dang spyi'i mtshan nyid rtog par byed do/ /'bras bu bstan pa'i phyir smras pa thams cad mkhyen pa'i ye shes tshad med cing mi chags pa yongs su rdzogs par byed pa'i phyir zhes bya ba ste/ shes bya thams cad la dmigs pas ni thams cad mkhyen pa'i ye shes tshad med pa zhes bya ste/ thams cad mkhyen pa'i ye shes ni me long lta bu'i ye shes la bya bar 'dod do/ /ye shes de la nyon mongs pa'i sgrib pa dang shes bya'i sgrib pa ma lus par spangs na mi chags pa'o/ /yongs su rdzogs par byed ces bya ba ni dran pa la sogs pa gsum gyis ye shes de 'thob cing mthar phyin par byed pa'i phyir zhes bya ba'i tha tshig go /de'i phyir chos thams cad la mkhas pa zhes bya ba ni gang gis phyir gong du bshad ba ltar na chos thams cad la rtogs shing khong du chud pa de'i phyir chos thams cad la mkhas pa zhes bya'o/ /mkhas pa brgyad pa de dag gis zin pa zhes bya ba ni mkhas pa brgyad po 'di dag dang ldan pa zhes bya ba'i tha tshig go/ shes rab kyi las bstan pa'i phyir gzhan yang dge ba dang mi dge ba zhes bya ba la sogs pa gsungs te/ zhar la shes rab kyi sgra'i don kyang 'chad do/ /shes rab kyi tshig la don kha cig las ni rab dang shes pa gnyis ka 'byung/ /ba cig las gcig 'byung ste/ de dang ldan pa'i phyir shes rab ces bya'o/ /yang na gzhan gyi bstan pa shes pa dang/ so so rang nyid shes pa dang rnam par shes pa dang/ rab tu zhi ba shes pa dang/ yon tan gyi mchog shes pas shes rab bo/ /de la gzhan gyi bstan pa shes pa ni gzhan gyis bstan pa'i sgra'i rjes su 'gro ba dang tshul bzhin yid la byed pa las yang dag par lta ba skyes pa'o/ /so sor shes pa ni 'jig rten las 'das pa rnam par mi rtog pa'i ye shes mngon sum du gyur pa'o/ /rnam par shes pa ni 'jig rten las 'das pa'i rjes la thob pa'i ye shes kyi chos kyi mtshan nyid rtog pa'o/ /rab tu zhi ba zhes pa ni bsgom pa'i lam na nyon mongs pa'i gnyen por gyur pa'i ye shes so/ /yon tan gyi mchog shes pa ni mngon par shes pa la sogs pa yon tan khyad par rnams tu sgrub bar byed pa'i shes rab bo/ /dge ba dang mi dge ba'i chos rnams rab tu shes ba ni shes rab po zhes bya ba la dge ba rnam pa gnyis te/ zag pa dang bcas pa dang zag pa med pa'o/ /de la zag dang bcas pa ni bsod nams su nye bar 'gro ba'i 'du byed dang mi g.yo bar nye bar 'du byed do/ /zag pa med pa ni 'phags pa'i lam la sogs pa'o/ /mi dge ba ni bsod nams ma yin par nye bar 'gro ba'i 'du byed de/ srog gcod pa dang ma byin par len pa la sogs pa'o/ /chos de rnams kyi rang dang spyi'i mtshan nyid rab tu shes pa ni shes rab ces bya'o/ /nges par 'byed ba'i cha dang mthun pa'i chos rnams la rtog pa zhes bya ba la nges par 'byed ba ni drod dang spyi bo dang bzod ba dang 'jig rten pa'i chos kyi mchog ste/ mos pas sbyang ba'i sa'i ting nge 'dzin rnams so/ /de'i cha dang mthun pa'i chos ni ting nge 'dzin de 'thob pa'i rgyur gyur ba'i chos te/ dang po dge ba'i bshes gnyen las dam pa'i chos nyan pa dang sems pa dang de nas dran pa nye bar bzhag pa bzhi sgom pa dang/ yang dag par spong ba bzhi sgom ba la sogs pa'o/ /chos de rnams khong du chud pa rtog pa ste/ de yang shes rab kyi khong du chud pas na shes rab ni nges par 'byed pa'i cha dang mthun pa'i chos la rtog pa zhes bya'o// 'phags pa'i chos mngon du gyur par shes rab ni tshad mar gyur pa'o zhes bya ba la/ 'phags pa ni de bzhin gshegs pa dang byang chub sems dpa' dang nyan thos dang rang sangs rgyas la sogs pa'o/ /de dag gi chos ni gang zag la / bdag med pa dang/ chos la bdag med pa'i chos te/ de yang shes rab kyis mngon sum du gyur pas shes rab ni tshad mar gyur pa ste/ brtsan par gyur pa zhes bya ba'i tha tshig go/ shes rab ni lta bar gyur pa dang kun nas ldang ba zhes bya ba la sogs pa la lta bar gyur pa la sogs pa ni gong du bshad par zad do/ /yang dag pa ji lta ba bzhin du rab tu rtog pa'o zhes bya ba ni ming gis smos pa'i chos de dag gis rang bzhin stong pa nyid du phyin ci ma log par khong du chud ba ste/ de yang shes rab kyis khong du chud pas na shes rab ni lta ba la sogs pa thams cad yang dag pa ji lta ba bzhin du rab tu rtog pa'o/ /shes rab ni 'dod pa dang re ba dang smon ba thams cad kyi smon lam dang bral ba'o/ zhes bya ba la/ 'dod pa'i khams su skye par mos pa ni 'dod pa'o/ /gzugs kyi khams su skye bar mos pa ni re ba'o/ /gzugs med pa'i khams su skye bar mos pa ni smon pa'o/ /yang na dngos po yid du 'ong ba 'das pa rnams dang phrad par 'dod pa ni 'dod pa'o/ /de dang 'dra ba'i dngos po ma 'ongs pa rnams dang phrad par 'dod pa re ba'o/ /da ltar gyi nye bar len pa'i phung po rnams dang bral bar mi 'dod pa ni smon pa ste/ smon lam ni dus gsum gyi dngos po de dag la chags pa'o/ /shes rab kyi dus gsum gyi dngos po de dag la mi rtag ba dang sdug bsngal bar mthong ste/ de la chags ba med pa'i phyir shes rab kyi smon lam dang bral ba zhes bya'o/ /shes rab ni nyon mongs pa'i yongs su gdung ba thams cad yongs su zhi bas na sim par byed pa'o/ zhes bya ba la nyon mongs pa ni 'dod chags la sogs pa ste/ de dag nyid lus dang sems la gnod pa yin pas na yongs su gdung ba zhes bya'o/ /shes rab la nyon mongs pa'i rgyu las byung ba'i gnod pa de med pa 'am/ shes rab kyi nyon mongs pa'i rgyu las byung ba'i gnod pa de sel bar byed bas na shes rab de ni sem par byed ba 'o / shes rab ni chos kyi kun dga' la dga' ba'i rgyun ma gcad pas na mchog tu dga' bar byed pa'o zhes bya ba la/ de kho na stong ba'i mtshan nyid rtogs nas dga' ba rgyun mi 'chad par 'byung ba ni chos kyi kun dga' la dga' ba rgyun ma bcad pa zhes bya ste/ de 'ang shes rab las byung bas shes rab ni mchog tu dga' bar byed pa'o/ /shes rab ni don shes pa mngon sum du gyur pas ni rab tu ston pa'o zhes bya ba la/ don ni yang dag pa'i mdza' chos kyi dbyings rnam par dag pa'o/ /don de khong du chud pa'i don shes pa mngon sum du gyur pa ste/ de 'ang shes rab kyi mngon sum du gyur pas na shes rab de don la rtog ba'i phyir rab tu ston pa zhes bya'o/ /yang na shes rab la don ston te/ shes rab med na don mi rtog pa'i phyir ro/ /shes rab ni byang chub kyi phyogs kyi chos sum cu rtsa bdun po dag gi brten te zhes bya ba la/ byang chub ni spangs pa dang ye shes kyi mtshan nyid de/ de la spangs pa'i mtshan nyid ni nyon mongs pa dang shes bya'i sgrib pa spangs pa'i phyir ro/ /ye shes ni me long lta bu dang/ mnyam pa nyid dang so sor kun tu rtog pa dang/ bya ba sgrub pa'o/ /byang chub de thob par bya ba'i rgyu 'am/ gzhi la byang chub kyi phyogs zhes bya ste/ de 'ang dran pa nye bar bzhag pa bzhi dang/ yang dag par spong ba bzhi la sogs pa sum cu rtsa bdun no/ /shes rab la brten nas byang chub kyi phyogs kyi chos sum cu rtsa bdun so so'i sems kyi rgyun la skye bas na/ shes rab ni chos de rnams kyi rten ces bya'o/ /shes rab ni theg pa ji lta ba bzhin du 'bras bu thob par 'gyur bas na thob pa'i mtshan nyid do zhes bya ba la/ theg pa gang dang gang gi 'bras bu gang dang gang yin pa'i 'bras bu de dag 'thob par byed pa ni theg pa ji lta ba bzhin du 'bras bu 'thob par 'gyur ba zhes bya ste/ nyan thos kyi theg pas nyan thos kyi rnam par grol ba thob pa dang/ rang sangs rgyas kyi theg pas rang sangs rgyas kyi rnam par grol ba theg pa dang/ theg pa chen pos rang gi rnam par grol ba theg pa'o/ /theg pa de dang de dag gis rang rang gis 'bras bu thob pas shes rab la rten nas thob pas shes rab ni thob pa'i mtshan nyid de/ 'bras bu thob par byed pa'i rang bzhin zhes bya ba'i tha tshig go / shes rab ni rang bzhin gyis ye shes snang bas na rab tu shes pa'i mtshan nyid do zhes bya ba la/ ngo bo nyid kyi chos rnams kyi rang dang spyi'i mtshan nyid gsal bar phyin ci ma log par shes pa ni rang bzhin gyis ye shes snang ba'o/ /shes rab ni rang bzhin gyis chos rnams kyi rang dang spyi'i mtshan nyid phyin ci ma log par shes pa'i mtshan nyid yin pas rab tu shes pa'i mtshan nyid ces bya ste/ rab tu shes pa'i rang bzhin zhes bya ba'i don to/ /shes rab ni chu bo thams cad las sgrol bas na yang dag par sgrol ba'o/ zhes bya ba la chu bo ni bzhi ste/ 'dod pa'i chu bo dang lta ba'i chu bo ?dang ma rig pa'i chu bo dang srid pa'i chu bo dang de dag gi mthar phyung ste/ spangs nas mya ngan las 'das pa'i skabs la gzhag pa'i chu bo thams cad las sgrol ba'o/ /de yang shes rab kyi sgrol bar byed pas na shes rab ni yang dag par rab tu sgrol ba zhes bya'o/ /shes rab ni yang dag pa skyon med pa 'dren pa'i zhes bya ba la/ yang dag ba skyon med pa ni mthong ba'i lam rab tu skyes nas sa dang po thob ste/ chos kyi dbyings thams cad du 'gro ba'i don rtogs nas mthong bas spang bar bya ba'i nyon mongs pa rnams spangs ba'o/ /de thob par byed pa ni 'dren pa ste/ mthong pa'i lam de 'ang shes rab kyi thob par byed pas/ shes rab ni yang dag pa skyon med par 'dren pa zhes bya'o/ /shes rab ni dge ba'i chos thams cad rab tu sdud pa'o zhes bya ba la/ dge ba'i chos ni dad pa dang/ brtson 'grus mos pa la sogs pa ste/ chos de dag kyang shes rab las 'byung bas na/ shes rab ni dge ba'i chos thams cad rab tu sdud pa'o/ /shes rab ni sngon gyi nyon mongs pa dang/ bag la nyal thams cad dang bar byed pa'i zhes bya ba la/ 'das pa'i dus kyi 'dod chags la sogs pa'i nyon mongs pa dang/ nyon mongs ba de dag gi bag chags ni sngon gyis nyon mongs pa dang/ bag la nyal thams cad ces bya'o/ /dang bar byed pa ni de dag rtsa nas spong ba ste/ de yang shes rab kyis spong bas na shes rab ni sngon gyi nyon mongs pa dang/ bag la nyal thams cad dang bar byed pa'o/ /shes rab ni rtse mor gyur pa'i chos rnams kyi mchog go zhes bya ba la/ sbyin pa'i mthar phyin pa dang/ tshul khrims mthar phyin pa dang/ bzod pa mthar phyin pa dang/ brtson 'grus mthar phyin pa dang/ bsam gtan mthar phyin pa dang/ gzhan yang de bzhin gshegs pa'i yon tan stobs dang/ ma 'dres pa dang mi 'jigs pa la sogs pa ni rtse mor gyur pa'i chos rnams so/ /de dag gi nang na yang shes rab dam pa yin pas shes rab ni chos rnams kyi mchog go / shes rab ni rang 'byung gi ye shes rtog pa'i phyir gya nom pa zhes bya ba la/ mkhan po dang slob dpon gyis bstan pa la brten pa med par rang nyid kyi nyon mongs pa spangs nas de bzhin nyid khong du chud pa ni rang 'byung gi ye shes te/ ye shes 'bras bu dam par gyur pa de yang shes rab las 'byung bas na shes rab ni gya nom pa'o/ /shes rab ni khams gsum thams cad dang ma 'dres pa'i phyir rgyu ba dang bral ba'o zhes bya ba la/ 'dod pa dang gzugs dang gzugs med pa'i khams su yang nas yang du skye zhing 'byung ba ni khams gsum thams cad dang 'dres pa ste/ shes rab de khams gsum du skye ba med pas na ma 'dres pa'o/ /de ltar ma 'dres pa'i phyir rgyu pa dang bral ba ste/ khams gsum du skye ba dang bral ba zhes bya ba'i don to/ /shes rab ni thabs kun gyis zin pa'o zhes bya ba ni de ltar khams gsum du skye ba dang bral yang shes rab kyi dbang gis gcig mya ngan las 'das pa la mi gnas pa'i thabs snying rje chen po la sogs pa sngar smos pa'i thabs rnams kyi zin pas na shes rab ni thabs kun gyis zin pa'o/ /shes rab ni 'phags pa thams cad kyi yongs su bzung ba'o zhes bya ba la/ 'phags pa rnams shes rab de dang ldan/ 'phags pa rnams la shes rab de mngal zhing 'phags pa rnams kyi bdag gir byas pas na/ shes rab ni 'phags pa thams cad kyi yongs su bzung ba'o/ /shes rab mtshan ma dang yongs su brtogs pa thams cad dang bral ba'i phyir tshad gzung du med pa'o zhes bya ba la/ 'di tsam mo zhes ??/ gcod pa ni tshang gzung du yod pa'o/ /mtshan ma ni gzugs dang sgra dang dkar po dang dmar po la sogs pa gzung par gyur pa'i yul rnams so/ /rtog pa ni 'di ni dkar po 'di ni dmar po zhes 'dzin par byed pa'i sems dang sems las byung ba rnams so// bzung pa dang 'dzin pa gnyis shes rab nges spangs pas na mtshan ma dang rtog pa thams cad dang bral ba zhes bya'o/ /de ltar gzung ba dang 'dzin pa dang bral bas/ de la 'di 'dra zhe 'am/ 'di tsam zhes tshad gzung zhing bcad par mi nus pa'i phyir/ shes rab ni tshad gzung du med pa zhes bya'o/ shes rab ni ma rig pa dang gti mug gi mun pa thams cad dang bral bas na dpag tu med pa'i gnyen po'o zhes bya la/ mi shes pa las nyon mongs pa lhag ma dang sdig pa mi dge ba'i chos thams cad 'byung bar 'gyur bas/ mi shes pa ni bdag med pa'i rgyu'o/ /shes rab la ni mi shes pa thams cad med la/ des mi shes pa thams cad sel bar byed pas na/ shes rab ni bag med pa'i gnyen po zhes bya'o/ /de la kun 'byung ba dang lam mi shes pa ni ma rig pa'i mun pa'o/ /sdug bsngal dang 'gog pa mi shes pa ni gti mug gi mun pa'o/ /yang na kun nas nyon mongs pa'i phyogs kyi rgyu dang 'bras bu mi shes pa ni ma rig pa'i mun pa'o/ /rnam par byad ba'i phyogs kyi rgyu dang 'bras bu ni mi shes pa ni gti mug gi mun pa'o/ /de la kun nas nyon mongs pa'i phyogs kyi rgyu ni kun 'byung ba'o/ /kun nas nyon mongs pa'i phyogs kyi 'bras bu ni sdug bsngal ba'o/ /rnam par byang ba'i phyogs kyi rgyu ni lam mo/ rnam par byang ba'i phyogs kyi 'bras bu 'gog pa'o/ /shes rab ni rnal 'byor spyod pa'i sa la gnas pa thams cad kyi sbyor ba'o zhes bya ba la/ ma gtsang ba 'am byams pa 'am rten cing 'brel par 'byung ba 'am/ stong pa nyid dang/ mtshan ma med pa dang smon pa'i ting nge 'dzin bsgom pa ni rnal 'byor spyod pa'o/ /ting nge 'dzin de dag bsgom pa'i rgyu 'am/ gzhi la rnal 'byor spyod pa'i sa zhes bya ste/ shes rab de rnal 'byor spyod pa'i lam yin pas sbyor ba'o/ /de yang ji ltar lam zhe na/ mnyan pa'i shes rab dang bsam pa'i shes rab lam brten par gang yang bsgom par mi nus so/ /shes rab ni theg pa thams cad la yang gang bar zhugs pa rnams kyi 'dren pa'o zhes bya ba la/ theg pa thams cad ni nyan thos dang rang sangs rgyas kyi theg pa dang theg pa chen po'o/ /theg pa de dag la gnas pa ni theg pa thams cad la yang dag par zhugs pa rnams ste/ de dag khams gsum nas bton nas so so'i rnam par grol ba la 'god par byed pas shes rab ni theg pa thams cad la yang dag par zhugs pa rnams kyi 'dren pa'o/ /shes rab ni ma rigs pa dang shes bya ba la sogs pa la/ shes rab kyis mi shes pa dang/ mun pa dang mi gsal ba rnams sel bar byed pas shes rab ni snang bar byed pa ste/ don gzhan ni gong du bshad par zad do/ /shes rab ni mig la ji ltar mos pa rnams la mig thams cad sbyin par byed pa zhes bya la/ mig gsum ste/ shes rab kyi mig dang sangs rgyas kyi mig dang chos kyi mig go / mig gang la gang dad pa ni ji ltar mos pa rnams de shes rab kyi gang zag de dag la mig de dang de sbyin par byed pas na/ mig la ji ltar mos pa rnams kyi mig thams cad sbyin par byed pa'o/ /shes rab ni mig dang gzugs kyi ma las yang dag par 'das pa'i phyir zhes bya ba la/ mig gi lam mig gi yul de gzugs so/ /shes rab ni mig gi yul ma yin pas mig dang gzugs kyi lam las 'das pa'o/ /yang ni shes rab de mig la yang mi gnas/ gzugs la yang mi gnas pas ni mig dang gzugs kyi lam las 'das pa ste/ de bas na gnas med pa'o/ zhes tshig 'og ma dang sbyar ro/ /de bzhin du rna ba dang sgra la sogs pa la yang ci rigs par sbyar ro/ /shes rab ni bden pa las nges par 'byung bas na don dam pa'o zhes bya ba la/ 'phags pa rnams kyi shes rab ni don dam pa'i bden pa rtog pa las byung zhing skyes pas na yul don dam pa yin pas de la dmigs pa'i shes rab kyi don dam pa zhes bya'o/ /shes rab ni shin tu dul ba rnams kyi mi 'khrugs pa'o zhes bya ba la/ mi 'khrugs pa ni nyon mongs pa'i dbang du mi 'gyur zhing nyon mongs pas bskyod par mi nus pa'o/ /de la gang gis bsdams pa/ gang bsdams ji ltar bsdams nas 'phags pa'i sa la gnas pa rnams ni shin tu dul ba rnams so/ /de la gang gis bsdams zhe na kun tu bsrung ba'i bsam pas so/ /gang bsdams zhe na mig gis dbang po dga' ba dang mi dga' ba'i gzugs la 'phro ba las bsdams pas na yid kyi dbang po chos la 'phro ba'i bar las bsdams pa'o/ /gang la bsdams zhe na chos de dag nyid las bsdams te/ yul de dag la mi 'jug par byas pa'i phyir ro/ /ji ltar bsdams she na gang gis dbang gi sdig pa mi dge ba'i chos sems las byung bar 'gyur ba'i yul de dag la mtshon mar mi 'dzin/ mngon brtags su mi 'dzin par bsdams pa'o/ /de ltar bsdams pa las rnam par grol ba'i sa thob pa ni shin tu dul ba ste/ shes rab kyis dul ba de dag nyon mongs pa'i dbang du mi 'gyur bar byed pas shes rab ni shin tu dul ba rnams kyi mi 'khrug pa'o/ /shes rab ni ye shes kyi sgo rnams kyi snang ba'o/ zhes bya ba la/ ye shes ni gnyis su med pa'i de bzhin nyid shes bya thams cad la dmigs pa'i mtshan nyid kyi sgo ni ye shes de'i rgyu ste/ chos rnams kyi rang dang spyi'i mtshan nyid 'byed par byed pa'o/ /de yang shes rab kyis 'byed par byed pas shes rab ni ye shes kyi sgo rnams kyi snang ba'o/ /shes rab ni thams cad du rgyu ba ste mi zad pa'o/ /zhes bya ba la/ shes rab thams cad dang dus thams cad du 'jug pa ni thams cad rgyu ba ste/ de ltar na shes rab kyi dmigs par bya ba'i yul dang dus la zad pa med pas de la dmigs par byed pa'i shes rab la mang zad pa med pa'i phyir mi zad pa'o/ /de la shes bya thams cad la 'jug pa ni phung po dang khams la sogs pa thams cad rtog par byed pa'i phyir ro/ /dus thams cad du 'jug pa ni 'das pa dang ma 'ongs pa dang da ltar gyi dus thams cad du dmigs pas so/ /shes rab kyi brten pa la 'jug pa mthong ba ste/ mi 'gal ba'o zhes bya ba la/ shes rab kyis chos thams cad rten cing 'brel par 'byung ba'i mtshan nyid du mthong ba rten pa la 'jug pa mthong ba zhes bya ste/ de bas na rten cing 'brel par 'byung ba'i mtshan nyid dang mthun pa'i phyir mi 'gal ba'o/ shes rab ni 'dzin pa dang nyon mongs pas bcings pa thams cad gcod pa'i phyir rnam par thar pa'i lam mo zhes bya ba la/ rnam par thar pa ni mya ngan las 'das pa'o/ /de thob par byed pa'i lam ni rnam par thar pa'i lam mo/ /bcings pa'i sgra 'dzin pas bcing ba dang nyon mongs pas bcings pa zhes tshig gnyi ka dang sbyar te/ 'dzin pa nyid bcings pa dang nyon mongs pa nyid bcings pa yin pas 'dzin pa dang nyon mongs pa bcings pa'o/ /de la 'dzin pa ni bzung ba dang mngon par chags pa dang bdag tu 'dzin pa dang/ sems can du 'dzin pa la sogs pa'o/ /nyon mongs pa ni 'dod chags dang khong khro ba la sogs pa'o/ /bcings pa de dag shes rab kyis gcod de/ bcings pa bcad na mya ngan las 'das par 'gyur bas/ shes rab ni rnam par thar pa'i lam mo/ /shes rab ni nyon mongs pa thams cad dang ma 'dres pa'o/ zhes bya ba la 'dod chags la sogs pa'i nyon mongs pa thams cad dang ma 'dres shing de dag dang mi 'grog pa'i phyir ro/ /shes rab ni 'grogs pa dang sgrib pa dang sgrib par 'gyur zhes bya ba la sogs pa las lhan cig mi gnas pa ni chos de rnams dang mi 'grogs shing ma 'dres pa'o/ /'grogs pa ni 'grogs pa bcu drug ces gong du bshad par zad do/ /zhes sgrib pa dang sgrib par 'gyur ba yang rnam pa bco brgyad de/ zhes gong du bshad de/ dus gsum gyi dbye bas na sgrib pa la sgrib pa sgrib par 'gyur ba zhes rnam pa gnyis su dbye'o/ /de la da ltar gyi dus kyi dge ba la bar du gcod pa ni sgrib pa'o/ /ma 'ongs pa'i dus na dge ba la bar du gcod pa ni sgrib par 'gyur ba'o/ /sems can thams cad kyi sems kyi spyod pa ji snyed par shes rab dang ye shes kyi lam kyang de snyed do/ zhes bya ba la/ sems can thams cad kyi sems ji snyed pa dang/ sems can thams cad kyi spyod pa ji snyed par zhes de snyed kyi sgra tshig re re dang sbyar ro/ /sems can thams cad kyi sems ni sems can rnams kyi 'das pa dang ma 'ongs pa dang da ltar byung ba'i sems dang sems las byung ba skyes shing byung ba ji snyed pa'o/ /sems can thams cad kyi spyod pa ji snyed pa ni sems can 'dod chags la sbyod pa nyi khri chig stong/ zhe sdang la spyod pa nyi khri chig stong/ gti mug la spyod pa nyi khri chig stong cha mnyam pa la spyod pa nyi khri chig stong dag go /sems can rnams kyi sems dang spyod pa ji snyed pa de dag thams cad shes rab kyi shes par bya ba yin pas/ shes rab dang ye shes kyi las kyang de snyed do/ /de ni 'di skad du sems can nyid kyang nam mkha' bzhin du mdza' yas ba ni de dag gi sems dang spyod pa lta smos kyang ci dgos te/ mdza' yas pas de la dmigs par byed pa'i shes rab dang ye shes kyang mdza' yas so/ /zhes bya bar 'dod do/ /sems can thams cad kyi nyon mongs dang bag la nyal zhes bya ba la sogs pa la/ shes rab nyon mongs pa bsal nas 'bras bu ye shes thob pa ni shes rab kyis spyod pa'i ye shes te/ shes rab kyi rgyu las byung ba'i ye shes shes bya ba'i don to/ /nyon mongs pa ni 'dod chags la sogs pa'o/ /bag la nyal ni nyon mongs pa de dag gi sa bon no/ /sems can gyi nyon mongs pa dang bag la nyal ji snyed pa de dag thams cad shes rab kyis spangs dgos pas de dag spangs pa'i ye shes kyi de snyed do/ /zhes bya ba'i don to/ sems can thams cad kyi nyon mongs pa'i sgo ji snyed pa zhes bya ba ni sems can rnams kyi nyon mongs pa'i rgyu ji snyed pa zhes bya ba'i tha tshig go / shes rab la 'jug pa'i sgo 'ang de snyed do/ /zhes bya ba ni nyon mongs pa'i sgo ji snyed yod pa de dag re re bzhin yang shes par byed pa'i shes rab skyed par byed pa'i sgo 'ang de snyed do/ zhes bya ba'i don to/ /nyan thos dang rang sangs rgyas dang zhes bya ba la sogs pa med? gas? smas pa'i 'phags pa de rnams kyi shes rab kyang 'phags pa de dag gi ye shes kyi gzhi la gnas pas 'phags pa de dag gi shes rab ji snyed par 'phags pa de dag gi ye shes dang rten kyang de snyed do/ zhes bya'o/ /gong du shes rab mi zad pa rgya cher bstan pa'i don rnams bsdu zhing de'i 'bras bu yang bsten pa'i phyir/ btsun pa sha radwA ti'i bu de ni byang chub sems dpa' rnams kyi shes rab mi zad pa zhes bya ba la sogs pa gsungs te/ de ni zhes bya ba ni gong du bshad pa la snyegs so/ /shes rab mi zad pa 'dis zhes bya ba ni byang chub sems dpa' rnams gong du smos pa'i shes rab kyi rgyu 'dis so/ /de bas na 'bras bu ye shes mi zad pa thob par 'gyur te/ gzung ba dang 'dzin pa gnyis spangs pa/ gnyis su med pa'i ye shes ni mi zad pa'o/ /bstan pa'i bdag nyid chen po bstan pa'i phyir/ shes rab mi zad pa bstan pa'i chos kyi le'u 'di bshad pa na zhes bya ba la sogs pa gsungs te/ de yang dus dang grangs dang yon tan gyi bstan to/ /byang chub sems dpa' i sngon yongs su spyad pa byas pa zhes bya bas dus bstan te/ mos pas spyad pa'i sar mnyan pa dang bsgom pa la sogs pa'i sgo nas lus dang sems las su rung ba byas pa ni sngon yongs su sbyang ba byas pa'o/ /sum khri nyis stong zhes bya bas grangs bstan to/ /mi skye ba'i chos la bzod pa thob par gyur ro/ /zhes bya bas yon tan bstan te/ 'jig rten pa'i chos kyi mchog las 'das nas de ma thag tu chos kyi dbyings thams cad du 'gro pa'i mtshan nyid rtogs te/ mthong bas spangs par bya ba'i nyon mongs pa rnams spangs nas sa rab tu dga' ba thob pa ni mi skye ba'i chos la bzod pa thob pa zhes bya ste/ don du na shes rab mi zad pa'i le'u 'di bstan pa'i tshe mos pas spyod pa'i sal gnas pa'i byang chub sems dpa' sum khri nyis stong gi sa dang po rab tu dga' ba thob par gyur to/ zhes bya ba'i tha tshig go shes rab mi zad pa bshad zin to/ / //tshad med pa bzhi la gnas pa'i byang chub sems dpa' ni snying rje byed pa'i byang chub sems dpa' zhes bya ste/ de yang rnam bzhi ste/ bzhi gang zhe na/ bde ba 'dod pa dang/ sdug bsngal gyis gdungs pa dang/ bde ba la rjes su yi rang ba dang/ mnyam par gnas pa'o/ /tshad med pa bzhi ni sems can rnams kyi don byed pas na de dag nyid kyis bsdus pa'i don snying brtse ba bstan to/ /de la bde ba 'dod pa'i dbang du byas nas de nas byang chub sems dpa' blo gros mi zad pas tshe dang ldan pa sha radwA ti'i bu la 'di skad ces smras so/ zhes bya ba la sogs pa gsungs so/ /de'ang rnam pa drug ste/ dmigs par bya ba tshad med pas dmigs par bya ba tshad med pa dang/ las dang 'bras bu dang rang bzhin dang khyad par dang rab tu dbye ba bstan to/ /btsun pa sha radwA ti'i byang chub sems dpa' rnams kyi byams pa yang mi zad pa ste/ zhes bya ba nas brtsams te/ de dag kyang byams pa mi zad par 'phags par 'gyur ro/ /zhes bya ba yan chad kyis dmigs pa tshad med pas dmigs par byed pa tshad med pa bstan to/ /blo gros mi zad pas smras pa/ btsun pa sha radwA ti'i bu byams pa ni zhes bya ba na sa brtsams te/ tshul 'chos pa dang kha gsag dang thob kyis 'jal ba thams cad dang bral ba zhes bya ba yan chad kyi bstan to/ /rnyed pa dang bkur sti zhes bya ba nas brtsams te/ ngan song thams cad dang mi kham pa brgyad las 'das pa zhes bya ba yan chad kyis 'bras bu bstan to/ /chos kyi kun dga' la mos pa zhes bya ba nas brtsams te/ bag chags dang mtshams sbyor ba dang nyon mongs pa'i dri nga ba sbyong ba zhes bya ba yan chad kyis rang bzhin bstan to/ /btsun pa sha radwA ti'i bu byams pa ni sems can thams cad yongs su sbyong ba zhes bya ba nas brtsams te/ byams pa chu bo las sgro? ba'o/ /zhes bya ba yan chad kyi khyad par bstan te/ /'di la btsun pa sha radwA ti'i bu gsum po 'di dag byams pa ste zhes bya ba nas brtsams te/ 'di ni btsun pa shA radwA ti'i bu byang chub sems dpa' rnams kyi byams pa mi zad pa zhes bya ba yan chad kyi rab tu dbye ba bstan to/ /byang chub sems dpa' rnams kyi byams pa mi zad pa zhes bya ba yan chad kyi rab tu dbye ba bstan to/ /byang chub sems dpa' rnams kyi byams pa mi zad pa ste zhes bya ba ni byang chub sems dpa' rnams kyi byams pa yang mi zad pa yin te zhes bya ba'i tha tshig go /ci'i phyir zhe na zhes bya ba ni ji ltar mi zad pa'i rgyu 'dri ba ste/ byang chub sems dpa' i byams pa de ci'i phyir mi zad pa yin zhes bya ba'i don to/ /thug pa med pa'i phyir ro/ zhes bya bas ni rgyu bstan te/ 'di tsam zhig ces bya ba ni thug pa'o/ /'di tsam zhig ces gtsang med pas thug pa med pa ste/ de bas na mi zad pa'o/ /byang chub sems dpa' rnams kyi byams pa ni zhes bya ba la sogs pas byams pa mi zad pa mi zad pa'i gtan tshigs bstan to/ /de dag gi byams pa nye bar bsgrub pa yongs su chud pa med do/ zhes bya ba la/ 'di tsam zhig chun chang ni dmigs par byed kyi/ de phan chad dmigs par mi byed pa ni byams pa nye bar sgrub pa yongs su tshad pa zhes bya ste/ byang chub sems dpa' rnams ni byams pas sems can thams cad la dmigs par byed pas na byams pa nye bar bsgrub pa chad pa med pa'o/ /'di ltar sems can gyi khams ji tsam pa zhes bya ba la sogs pas byams pas nye bar bsgrub pa yongs su chad pa med pa'i gtan tshigs bsgrubs te bstan pa/ byams pa'i sems skyed pa zhes bya ba la/ byams pa'i sems can thams cad la khyab par bya'o/ zhes sems bskyed pa ni byams pa'i sems bskyed pa'o/ /btsun pa sha radwA ti'i bu 'di lta ste dper na zhes bya ba la sogs pas byams pa de sems can thams cad la khyab pa dang mi zad pa'i dpe ston pa'o/ /rgyu chung ngu ni ma yin no/ /zhes bya ba ni shes pa chung ngu dang dpe chung ngus ni bstan par mi nus zhes bya ba'i don to/ /mtshan ma bzhag pa 'di dang zhes bya ba phyogs thams cad rgya mtsho'i chus gang bar gyur pa la gong du smos pa'i grangs ji snyed kyi sems can 'dus nas/ skra'i rtse mo brgyar gshegs pa'i chas chu'i thigs pa gcig blangs pa'o/ /bgrang ba 'di lta bu zhes bya ba ni yang gang gA'i klung gi bye ma snyed kyi sems can rnams 'dus te/ gang gA'i klung gi bye ma snyed kyi bskal pa 'das pa dang/ skra'i rtse mo brgyar gshags pa'i chas chu'i thig pa gnyis blangs pa nas gsum bzhi yan chad gong blangs pa bzhin du bsgre ba'o/ /de dag kyang byam pa mi zad par 'phags par 'gyur ro/ zhes bya ba ni de ltar skrag pa med pa'i byang chub sems dpa' de dag so so'i skye bo dang 'phags pa nyan thos la sogs pa kun las 'phags pa'i byams pa mi zad par ldan par 'gyur ro/ /zhes bya ba'i tha tshig go /dmigs pa tshad med pas dmig par byed pa tshad med pa bshad zin to// //las bstan pa'i phyir// blo gros mi zad pas smras pa zhes bya ba la sogs pa gsungs so/ /byams pa ni bdag gsung zhing gzhan la phan par gnas pa zhes bya ba la/ byams pa dang ldan pa la gnod par byed pa'i dgra mi 'byung bas na bdag bsrung ba'o/ /sems can gzhan la phan pa stobs par byed pa'i gzhan la phan par gnas pa'o/ /yang na byams pa dang ldan pa dang/ de la zhe sdang med pa'i phyir bdag bsrung ba'o/ /gzhan la gnod par mi byed pa'i phyir gzhan la phan par gnas pa'o/ /mchog tu rtsod pa med pa zhes bya ba ni don dang dgos pa gang gi phyir yang gzhan dang mi rtsod pas so/ /rab tu 'joms zhes bya ba ni de dag spong bar byed ces bya ba'i tha tshig go /gzhan ni gong du bshad par zad do/ /bral ba zhes bya ba ni byams pa dang ldan pa la zhe sdang gi bag la nyal dang kun nas sdang ba med pa'i phyir ro/ /dad pa skyed cing ces bya ba ni byams pa dang ldan pa'i byang chub sems dpa' la gzhan gyi gnod pa byas kyang de la slar gnod pa mi byed do/ /de'i rgyus sems can dga' ba skyed par byed ces bya ba'i don to/ /sems can thams cad kyi 'khrul pa la nyes par mi lta zhes bya ba ni nyon mongs pa'i dbang du gyur nas mi dge ba la 'jug pa ni 'khrul pa ste/ de yang gzhan gyi rkyen las byung bar gyur pa shes nas de la skyon du mi lta zhes bya ba'i tha tshig go / yongs su gdung bar byed ces bya ba ni byams pa dang ldan pa'ang de la zhe sdang gi 'khrul pa'i sems dang lus la mi bde ba med ces bya ba'i don to/ /de bas na lus dang sems bde ba skyed pa zhes bya ba gsungs so/ /lus bde ba skyed pa ni lus sim par byed pas so/ /sems bde ba skyed pa ni sems sim pas so gzhan gyis gnod par bya ba las shin tu 'das shes bya ba ni byams pa dang ldan pa la su yang gnod par mi byed pas so/ / nyes pa thams cad kyi 'jig pa dang bral ba ste/ zhes bya ba ni byams pa can gyi gang zag de srog gcod pa dang/ ma byin par len pa la sogs pa'i las la mi 'jug pas de la nyes pa byas pa ni rgyu las mi 'byung ba'i tshe 'di la bcing ba dang gsang pa dang tshe rabs gzhan du ngan song du skye ba'i 'jigs pa med pa'i phyir ro/ /'phags pa'i lam dang mthun zhes bya ba ni byams pa de 'phags pa'i lam gyi yan lag brgyad dang mi 'gal zhes bya ba'i don to/ /gshe pa dang sdang ba'i sems dang ldan pa'i sems can rnams dang bar byed pa zhes bya ba la/ zhe sdang gi rgyus tshig rtsub po smra ba ni gshe ba'o/ /sems can gsad pa la sogs pas phung par bya'i bsam pa rtsub pa ni sdang ba'i sems dang ldan ste/ de lta bu dag kyang byams pa dang ldan pa'i gang zag la dad pa skye ba bar 'gyur pas na byams pa ni gshe ba dang sdang ba'i sems dang ldan pa'i sems can rnams dad par byed pa'o/ /g.yul thams cad las sgrol bas ste/ zhes bya ba ni mtshon cha mod par byams pa'i ting nge 'dzin gyis bdud dang mu stegs can la sogs pa thams cad las rgyal bar byed de bas na dbyig pa dang mtshon cha 'chang ba ma yin zhes bya ba gsungs so/ / sems can thams cad rab tu thar bar bya ba la dga' ba zhes bya ba ni sems can thams cad mya ngan las 'das par bya ba la mos pa zhes bya ba'i tha tshig go / tshul 'chos pa dang kha gsag ces bya ba la sogs pa la/ khe dang bkur bsti la sogs pa'i bsam pa nyon mongs pa can gyi spyod lam 'chos pa thams cad ni tshul 'chos pa'o/ /thob pa la chags pa'i phyir tshig snyan par smra ba thams cad ni kha gsag go /rnyed pa la chags pa'i sems kyis lhung bzed dang chos gos la sogs pa'i yo yad nan? gyis slong ba ni/ thob kyis 'jal ba'o/ /byams pa dang ldan pa la log pa'i 'tsho ba de dag med pas na bral ba zhes bya ba ste/ las bshad zin to// //'bras bu bstan pa'i phyir rnyed pa dang bkur sti zhes bya ba la sogs pa gsungs te/ /rnyed pa ni chos gos la sogs pa'o/ /bkur sti ni phyag 'tshal ba la sogs pa'o/ /tshigs su bcad pa ni bstod pa ste/ de lta bu dag dang ldan par 'gyur bas ni 'byung bar byang pa zhes bya'o/ /phyag byas pa ni 'jig rten gyi gtso bo de dag gis byams pa dang ldan pa la phyag byed pa'i phyir ro/ /gang gi gzi brjid kyi rgyan gyis brgyan pa ni byams pa gzi brjid kyi rgyun gyis brgyan pa'i phyir ro/ /mkhas pas rab tu bsngags pa ni byams pa dang ldan pa'i gang zag la nyan thos dang rang sangs rgyas dang byang chub sems dpa' dang/ de bzhin gshegs pa rnams kyis bstod par mdzad pas so/ /byis pa thams cad bsrung ba ni byams pa des so so'i skye bo rnams zhe dang gi lam du mi stong par byed pa'i phyir ro/ /tshangs pa'i lam dang mthun pa ni mya ngan las 'das pa'i lam dang mthun pa'am tshad med pa bzhi dang mthun pa'o/ /'dod pa'i khams dang ma 'dres pa ni 'dod pa'i khams ni byams pa med pa'i phyir ro/ /sems can thams cad thar ba'i lam gyi mchog ces bya ba ni sems can rnams mya ngan las 'das par 'gro ba'i lam gyi nang na lam gyi dam pa byams pa yin no/ /zhes bya ba'i tha tshig go /theg pa thams cad yang dag par bsdus pa zhes bya ba ni theg pa thams cad kyang byams par 'dus te/ theg pa gsum can gyi rtsa ba bcu/ /yin pa'i phyir ro/ /zang zing med pa'i bsod nams kyis bzang ba zhes bya ba la bsod nams kyi dngos po rnam pa gsum ste/ sbyin pa'i bsod nams bya ba'i dngos po dang tshul khrims kyi bsod nams bya ba'i dngos po dang/ bsgom pa'i bsod nams bya ba'i dngos po'o/ /de la sbyin pa dang tshul khrims gnyis ni zang zing dang bcas pa'i bsod nams kyi dngos po ste/ sbyin pas longs spyod kyi rgyur 'gyur la/ tshul khrims kyi mtho ris kyi rgyur 'gyur bas 'khor ba'i rgyur yin pa'i phyir ro/ /bsgom pa'i bsod nams bya ba'i dngos po ni zang zing med pa ste/ thar pa'i rgyu yin pa'i phyir ro/ /byams pa yang bsod nams bya ba'i dngos por gtogs pas na zang zing med pa'i bsod nams kyi bzung ba zhes bya'o/ /bsod nams kyi tshogs thams cad rtsogs pa zhes bya ba ni byams pa bsgom pa'i mthu las bsod nams kyi tshogs dpag tu med pa'i stsogs pas/ rdzas las byung bas bsod nams bya ba'i dngos po thams cad kyi zil gyi mi non pa zhes bya ba la/ rdzas ni longs spyod kyi nor la bya'o/ /nor btang ba'i gzhi las byung ba'i bsod nams ni rdzas las byung ba'i bsod nams te/ de yang gtsug lag khang dang de'i sa bzhi dang mal stan dang 'tsho ba'i yo byad dang bsod snyoms la sogs pa'o/ /byams pa bsgoms pa'i bsod nams la rdzas las byung ba'i bsod nams thams cad kyi zil gyis gnon par mi nus pas na zil gyis mi non pa zhes bya ba te/ bsod nams de dag pas byams pa'i bsod nams 'bras bu che zhes bya ba'i don to/ /brgyan ces bya ba ni byams pa dang ldan pa ni ming gis smos pa'i yon tan de dag thob par 'gyur pa'i phyir ro/ /dbang po nyams pa dang ma tshang ba thams cad spangs pa zhes bya ba la mig dang rna ba la sogs pa'i dbang po yod kyang gzugs lta ba la mi gsal ba dang/ sgra mnyan pa la mi gsal ba na dbang po nyams pa'o/ /rna ba rdum po dang mig zhar ba dang/ lag pa rdum por 'gyur ba ni dbang po ma tshang ba'o/ /byams pa dang ldan pa ni/ gar skyes kyang dbang po gsal zhing dbang po ched bar skye bar 'gyur bas na/ dbang po nyams pa dang ma tshang ba thams cad spangs zhes bya'o/ /bde 'gro thams cad dang mya ngan las 'das pa'i lam dang mthun pa zhes bya ba la/ ji ltar tshul khrims dang sbyin pa la sogs pas lha dang mi'i skye bo dang/ 'phags pa'i lam yan lag brgyad pas mya ngan las 'das pa thob par 'gyur ba bzhin du byams pa la gnas pas kyang rtag tu lha dang mir skye ba dang/ mya ngan las 'das pa thob par 'gyur bas na bde bgro thams cad dang mya ngan las 'das pa'i lam dang mthun pa zhes bya'o/ /ngan song thams cad dang mi khom pa brgyad las 'das pa zhes bya ba ni byams pa dang ldan pa de nams kyang nyams nga ba'i gnas dag tu mi skye ba'i phyir ro/ /'bras bu bshad zin to// //rang bzhin bstan pa'i phyir/ chos kun dga' la dga' mos pa zhes bya ba gsungs te/ stong pa nyid la dang pa ni chos kyi kun dga' la dga' ba'o/ /de ston par byed pa'i gzhung la dad pa ni chos kun dga' la mos pa'o/ /yang na chos spyod par 'dod pa ni chos kyi kun dga' ba la dga' ba'o/ /de sgrub par byed pa ni chos kyi kun dga' la mos pa ste/ de bas na 'dod pa dang longs spyod la mi 'dod ces par sbyar ro/ /'dod pa ni gzugs dang sgra la sogs pa'o/ / longs spyod pa ni bza' ba dang/ btung ba la sogs pa'o/ /dbang phyug ni rgyal po'i srid la sogs pa'o/ /sems can thams cad la sems snyoms pa zhes bya ba ni byams pa de sa phyogs dad dus tshad ba med de/ phyogs bcu dang dus gsum thams cad kyi sems can thams cad la 'dra bar dmigs pa'i phyir ro/ /sbyin pa'i sbyor ba tha dad pa dang bral ba zhes bya ba ni 'di la ni sbyin/ 'di la ni mi'i sbyin zhes bya ba dang/ 'di ni byin 'di ni mi sbyin zhes bya ba med kyi/ sems can thams cad la dngos po thams cad sbyin par byed pa'i phyir ro/ /tshul khrims dang bslab pa thams cad kyi sgo zhes bya ba ni byams pa dang ldan na sems can gyi srog gcod pa dang/ longs spyod las ma byin par len pa la sogs pa mi byed tshul khrims skye ba'i rgyu dang rkyen yin pa'i phyir tshul khrims dang bslab pa thams cad kyi sgo zhes bya'o/ /tshul khrims 'chal ba thams cad yongs su skyob pa zhes bya ba ni tshul khrims nyams pa'i rnams mi dge ba'i gnas nas bskyod de dge ba'i gnas su 'god par byed pa'i phyir ro/ /bzod pa'i stobs ston pa zhes bya ba ni sems can mthu chung ngu rnams kyis gnod pa byas kyang slar gnod pa mi byed pa'i phyir te/ de bas na nga rgyal dang rgyags pa dang dregs pa thams cad dang bral ba'o/ /de la nga rgyal ni nga rgyal rnam pa bdun no/ /rgyags pa ni longs spyod snyems pa'o/ /dregs pa ni byed lag dang shes pa snyems pa ste/ byams pa dang ldan pa la nyes pa de lta bu med pas na bral ba zhes bya'o/ /rtsa ba zhes bya ba ni ting nge 'dzin de rnams kyi rgyu byams pa yin pas so/ /mi 'khrugs pa'i brtson 'grus brtsams shing yang dag par sbyor ba bya ba thams cad las sgrol ba zhes bya ba ni brtson 'grus kyi bya ba 'di lta bu yang byams pas mthar 'byin par byed de zhes bya bar sbyar te/ le lo'i dbang du mi 'gyur zhing grang dang tsha ba la sogs pa dad? par? dad? pa? mu stegs can la sogs pas mi zlog pa'i brtson 'grus brtsams pa ni mi 'khrugs pa'i brtson 'grus brtsams pa zhes bya'o/ /pha rol tu phyin pa drug bsgrub pa dang/ sems can thams cad kyi don bya bar sbyor ba ni yang dag par sbyor ba zhes bya'o/ /bya ba de dag thams cad mthar 'byin par byed pa ni yang dag par sgrol ba zhes bya'o/ /nyon mongs pa thams cad las nges par 'byung ba zhes bya ba ni ting nge 'dzin la sems rtse gcig tu bzhag pas nyon mongs pa thams cad kyang spong? bar byed ces bya ba'i don to/ /gsang sngags dang thos pa 'dzin pas dag par sems pa'i shes rab kyi rgyu skyed pa zhes bya ba la/ chos kyi don zab mo 'am/ bsam gtan gyi man ngag thob pa phyin ci ma log par 'dzin pa ni gsang sngags dang thos pa 'dzin pa zhes bya'o/ /de ltar bzung nas sems la bsam gtan du bya zhing nges par rtog nus pa shes rab kyang byams pa las byung bas shes rab kyi rgyu skyed pa zhes bya'o/ /rang gi phyogs dang gzhan gyi phyogs la nges pa zhes bya ba la rang gi phyogs ni rnam par byang ba'i chos so/ /gzhan gyi phyogs ni bdud dang nyon mongs pa'i phyogs te/ nges pa ni de gnyis la mkhas shing de gnyis bye brag phyed pa'o/ /de ltar bye brag phyed nas bdud kyi phyogs dang nyon mongs pa ni spong bar byed/ rnam par byang ba'i phyogs rnams ni 'phel bar byed pa'i phyir/ bdud kyi phyogs dang nyon mongs pa rnams bsal ba zhes bya ba la sogs pa gsungs so/ /bsnyen bkur dang 'jug pa'i rgyu mthun pa la sems zhes bya ba la/ bsnyan bkur ni sangs rgyas dang byang chub sems dpa' la sogs pa la bsnyen bkur byed pa'o/ /'jug pas ni sa dang byang chub kyi phyogs kyi chos rnams spyod pa la zhugs pa te/ byams pa ni rgyu de lta bu dag dang 'dra ba las byung ba'i 'bras bu la sems pas ni rgyu mthun pa la sems dpa' o/ /spyod lam srung bar byed ces bya ba ni byams pas spyod lam thams cad du nyon mongs pa mi 'byung bar bsrung zhing spyod lam mi mdzes pa rnams med par byed ces bya ba'i don to/ /rgod ba thams cad las 'das pa zhes bya ba ni dbang po dang/ rnam par shes pa yul la mi 'jug cing zhi bar gnas zhes bya ba'i tha tshig go / nga rgyal gyis las sel ba zhes bya ba ni byams pas nga rgyal gyi rgyu las byung ba'i las mgo 'phang stong pa dang/ lag ba brkyang ba la sogs pa khengs pa'i mtshan ma rnams med par byed ces bya ba'i tha tshig go /ngo tsha shes pa dang khrel yod bas byugs shing zhes bya ba la/ bdag la ltos nas sdig ba mi dge ba'i chos mi byed ba ni ngo tsha shes pa'o/ /gzhan la ltos nas sdig pa mi dge ba'i chos mi byed pa ni khrel yod pa ste/ chos de dag gnyis dang ldan pa ni byugs pa zhes bya'o/ /dri zhim po ni ngo tsha shes pa dang khrel yod pa dang ldan pa kha na ma tho ba dang ldan pa mi rig pa'i chos de la med pa'i phyir te/ de bas na dring ba sbyang ba zhes bya bar sbyar ro/ /las bshad zin to// // khyad par bstan pa'i phyir/ btsun ba sha radwA ti'i bu byams pa ni sems can thams cad yongs su skyob pa ste/ zhes bya ba la sogs pa gsungs te/ thams cad skyob pa zhes bya ba'i tshig 'di ni bstan pa'o/ lhag ma rnams ni ji ltar byams pa sems can thams cad skyob par byed pa'i bshad pa'o/ /bdag gi bde ba gtong zhes bya ba ni byams pa chen po dang ldan pa rnams rtag bar bdag bde ba dang ldan par mi 'dod ces bya ba'i tha tshig go /sems can rnams la bde ba sbyin pa'o/ zhes bya ba ni sems can rnams tshe 'di dang tshe rabs gzhan na yang bde ba la 'jog par byed pa'i phyir te/ de bas na byams pa chen por 'gyur ro/ /sems can rnams tshe 'dir bde ba la 'jog pa ni kha na ma tho ba med pa'i zang zing gi bde ba thams cad dang ldan par byas bas so/ /sems can rnams tshe rabs gzhan du bde ba la 'jog pa ni sems can rnams tshe rabs gzhan du lha dang mi'i bde 'gro byas pa'i phyir ro/ /nyan thos rnams kyi byams pa ni bdag skyob ba'o/ zhes bya ba la/ de dag gi byams pa ni bdag 'khor ba las thar par byed pa tsam las gzhan mi byed pa'i phyir ro/ /byang chub sems dpa' rnams kyi byams ba chen po ni sems can thams cad yongs su skyob pa zhes bya ba ni byang chub sems dpa' rnams kyi byams pas ni sems can thams cad 'khor ba'i sdug bsngal dang ngan song gi sdug bsngal las 'byin par byed ba'i phyir ro/ /btsun pa sha radwA ti'i bu byams pa ni chu bo las sol ba'o/ zhes bya ba la/ byang chub sems dpa' rnams kyi byams pa ni zhes bya bar sbyar te/ byang chub sems dpa' rnams kyi byams pa ni sems can thams cad chu bo bzhi las bsgral nas mya ngan las 'das pa'i /nas 'dog par byed pa'o/ /zhes bya ba'i tha tshig go /khyad par bshad zin to// // rab tu dbye ba bstan pa'i phyir/ 'di ltar btsun pa sha radwA ti'i bu zhes bya ba la sogs pa gsungs te/ byang chub sems dpa' i byams pa phye nas rnam pa gsum du 'gyur ro/ /byang chub sems dpa' i byams pa gang gis dmigs pa'i yul gang la dmigs pa bstan pa'i phyir de la sems can la dmigs pa'i byams pa ni/ sems dang po bskyed pa'i byang chub sems dpa' rnams kyi zhes bya ba la sogs pa gsungs te/ sems dang po skyed pa'i byang chub sems dpa' ni dang po so so'i skye bo'i dus na bla na med pa'i byang chub tu sems bskyed pa yan chad mos pas spyod pa'i sa la gnas pa rnams so/ /de'i tshe na sems can thams cad bla na med pa'i byang chub tu dgod par bya'o/ zhes sems can gyi dngos po yod par lta ba'i phyir sems can la dmigs pa zhes bya'o/ /chos la dmigs pa'i byams pa ni spyod pa la zhugs pa'i byang chub sems dpa' rnams kyi zhes bya ba la/ sa dang po yan chad sa bdun pa man chad ni spyod pa la zhugs pa'i byang chub sems dpa' rnams zhes bya ste/ de'i tshe sa dang pha rol tu phyin pa dang byang chub kyi phyogs la sogs pa'i chos thams cad spyod zhing spyod pas spyod pa la zhugs pa zhes bya'o/ /de dag gi byams pa ni byang chub kyi phyogs kyi chos de dag la dmigs pa'i phyir chos la dmigs pa'o/ /dmigs pa med pa'i byams pa ni mi skye ba'i chos la bzod pa thob pa'i byang chub sems dpa' rnams kyi ste zhes bya ba la/ mi skye ba'i chos la bzod pa ni sa brgyad pa yan chad la bya ste/ de dag gi mtshan ma med pa la lhun gyis grub par 'jug pas de dag gi byams pa ni gong du smos pa'i sems can dang chos gnyi ga yang don dam par ma byung ma skyes pas rtogs pas de dag la ma dmigs pa'i phyir dmigs pa med pa'o/ /gal te de ltar gnyi gar mi dmigs na ji ltar byams par 'gyur zhe na/ don dam par de ltar mi dmigs kyang kun rdzob tu sems can la dmigs par 'dra bar snang bas byams pa zhes btags pa la nyes pa med do/ /byams pa mi zad pa bshad zin to// // sdug bsngal gyis gdung pa'i byang chub sems dpa' i dbang du byas nas/ btsun pa sha radwA ti'i bu gzhan yang zhes bya ba la sogs pa gsungs te/ de yang rnam pa bzhir rig par bya'o/ /bzhi gang zhe na/ sangs rgyas kyi chos thams cad kyi mchog tu gyur pa dang/ nges pa'i tshig dang/ rgyu dang rang bzhin dang las so de na btsun pa sha radwA ti'i bu zhes bya ba nas brtsams te/ sems can thams cad la snying thag pa nas sdug pa 'dzin pa yin no/ zhes bya ba yan chad kyis chos thams cad kyi mchog tu gyur la bstan to/ /btsun pa sha radwA ti'i bu snying rje chen po zhes bya ba ni zhes bya ba nas brtsams te/ gzhan gyi skabs mi rnyed pas na snying rje chen po zhes bya ba yan chad kyi nges pa'i tshig bstan to/ /g.yo med pa las byung bas na zhes bya ba nas brtsams te/ tshul khrims 'tshel pa'i sems can rnams la blta'o/ /zhes bya ba yan chad kyi rgyu dang rang bzhin bstan te/ btsun pa sha radwA ti'i bu de ltar zhes bya ba nas brtsams te/ so so'i nye bar gnas pa las gyur bas na de'i phyir snying rje chen po zhes bya ba yan chad kyis las bstan to/ /byams pa dang snying rje gnyis la tha dad par bya ba ci yod byams pa dang sems can bde ba la 'god pa'o/ /snying rje ni sems can gyi sdug bsngal sel ba ste/ de bas na mdo las kyang byang chub sems dpa' snying rje dang ldan pa ni gzhan sdug bsngal bas sdug bsngal ba'o zhes gsungs so/ /de ci'i phyir zhe na/ zhes bya ba ni mi zad pa yin pa'i rgyu 'dri ba'i tshig te/ byang chub sems dpa' snying rje ci'i phyir mi zad pa yin zhe na zhes bya ba'i don to/ / lan du sngon du 'gro ba'i phyir ro zhes bya ba gsungs te/ sangs rgyas kyi chos byed do cog thams cad byang chub sems dpa' de dag gi don sgrub pa'i phyir ma yin gyi mdza' yas pa'i sems can rnams 'khor ba'i dgon pa na 'khyams pa'i rnams la thugs brtse ste/ de dag bskral ba'i phyir sangs rgyas su bsgrub pas de dag gi rgyu snying rje chen po yin pa'i phyir sngon du 'gro ba zhes bya ba ste/ de bas na 'bras bu mi zad pas rgyu yang mi zad pa'o/ /gnyis su na byang chub sems dpa' i yon tan no/ /tshogs kyi nang na snying rje gtso bo yin pas thog mar 'gro ba'i zhes bya ba ste/ srog gi dbang po la sogs pa'i dpes bstan pa lta bu'o/ /chos thams cad kyi mchog tu gyur pa bshad zin to/ /des pa'i tshig bstan pa'i phyir/ btsun pa sha radwA ti'i bu snying rje chen po zhes bya ba la sogs pa gsungs so/ /bdag nyid kyis bya bas de'i phyir snying rje chen po zhes bya'o/ zhes bya ba la/ snying rje de'i tshig gi don ni bya ba zhes bya ba'i sgrar 'gro bas dge ba'i rtsa ba thams cad bdag nyid kyi bya ba yin pas nges pa'i tshig tu de'i phyir snying rje zhes bya'o/ /rang gi bya bas na zhes bya ba ni bdag dang gzhan gyi don kyang rang nyid kyi bya bas na de'i phyir snying rje chen po zhes bya'o/ /gzhan gyi skabs mi rnyed pas na zhes bya ba ni dge pa dang las su bya ba thams cad gzhan gyis bya zhing gzhan la bcol te/ byed du gzhug pa med pas gzhan gyi skabs mi rnyed pa zhes bya ste/ de bas na snying rje chen po'i/ /nges pa'i tshig bshad zin to// / rgyu dang rang bzhin bstan pa'i phyir g.yo ba med pa las byung bas na zhes bya ba la sogs pa gsungs so/ /tshig snga ma snga ma ni rgyu'o/ /phyi ma phyi ma ni rang bzhin no/ /de la sems can rnams la brid cing bslu ba sems pa 'am/ bya ba thams cad la snying thag pa nas byed pa ma yin gyi ngan don tsam gsog snying po med pa byed pa ni g.yo ste/ de lta bu med pa'i rgyu las snying rje chen po byung bas na snying rje chen po ni bsam pa thag pa nas bya ba ste/ snying rje dang ldan pa la sems can brid cing bslu ba med la/ bya ba thams cad snying por gyur par sha stag byed pa'i phyir ro/ /rgyu med pa las byung bas na zhes bya ba la/ rgyu ni tshig tu smras kyang don du mi sgrub ba ste/ de lta bu med pa'i sems las byung bas na/ snying rje chen po ni spyod ba bya ba ste/ thams cad sgrub par byed pa zhes bya ba'i don to/ /phyir mi ldog pa las byung bas na zhes bya ba la/ bla na med pa'i byang chub sgrub pa dang sems can gyi don bya ba la slar nur ba med pa'i sems kyi rgyu las byung bas na/ snying rje chen po ni lhag pa'i bsam pas bya ba ste/ lhag pa'i bsam pa dang ldan pa rnams kyi bya ba yin no/ zhes bya ba'i tha tshig go /ma bcos pa las byung bas na zhes bya ba na lus dang ngag dang yid kyi rang bzhin gzhan du gnas la gzhan du ston pa ni bcos pa ste/ de lta bu med par rang bzhin ji ltar gnas pa de bzhin du ston pa'i rgyu las byung bas na snying rje chen po'i rang bzhin gyi rig pa ste/ bdag gis rang bzhin ji lta ba nyid las gzhan du ston par mi byed ces bya ba'i don to/ /lam drang po las byung bas na zhes bya ba ni rtag pa dang chad par lta ba dang yod pa dang med par lta ba'i lam ngan pa'i dri ma thams cad spangs pa mya ngan las 'das par 'gro bar byed pa/ 'phags pa'i lam yan lag brgyad pa'i rgyu las byung bas na snying rje chen po'i rang bzhin gyis yongs su dag pa ste/ lam ngan pa'i skyon dang ma 'dres zhes bya ba'i tha tshig go /gsal ba las byung bas na zhes bya ba la/ smras pa'i don rlung skur te gsal bar mi ston pa ni gya gyur zhes bya ste/ de lta bu med pa'i mtshan nyid gsal ba'i rgyu las 'byung bas na snying rje chen po ni sems gya gyu med pa'o/ /sems can thams cad la 'dud ba las byung ba zhes bya ba ni snying rje can de 'phags pa ma yin pa'i sems can dang sems can btsun pa dang mi btsun pa thams cad la rtag tu phyag 'tshal bar byed pas snying rje chen po ni nga rgyal med pa'o/ /sems can tshad med pa'i phyir zhes bya ba ni sems can gyi khams ni tshad med de/ 'di tsam zhes bcad bar mi nus so/ /de ltar sems can tshad med pa la snying rje chen pos dmigs nas bla na med pa'i byang chub kyi 'bras bu thob pas na/ snying rje chen po ni tshad med pa las byung ba'o/ /de bzhin gshegs pa'i sku 'thob pa las byung bas zhes bya ba ni bdag gi lus las dang nyon mongs pas bskyed pa 'di la ma chags par de bzhin gshegs pa'i sku gsum thob par bya'o/ /zhes dmigs pa'i rgyu las byung bas snying rje chen po ni bdag gi lus la mi lta ba ste/ don chen po'i phyir bdag gi lus la gces par mi 'dzin pa'o/ /sdig pa thams cad mi bya ba las byung bas na zhes bya ba ni bdag gi don du srog gi phyir yang srog gcod pa dang/ ma byin par len pa la sogs pa'i sdig pa thams cad mi bya'o/ zhes dmigs pa'i rgyu las byung ba ni snying rje chen po ni srog la yid mi rton pa ste/ srog gi phyir sdig pa mi byed pa'o/ /byang chub kyi sems las byung bas na zhes bya ba ni sems can thams cad mi dge ba'i gnas nas bskyed de/ dge pa'i gnas su bgod nas bla na med pa'i byang chub tu bsgral lo/ zhes sems bskyed pa'i byang chub kyi sems kyi rgyu las byung bas na snying rje chen po ni pha rol bsrung ba ste/ sems can thams cad mi dge ba'i gnas su mi gtong bar byed pa'o/ /rang gi sems yongs su dag pa las byung bas na zhes bya ba/ gzhan gyi srog la mi gnod pa dang/ longs spyod la sogs pa la mi gnod pa'i sems ni sems yongs su dag pa'o/ /de ltar yongs su dag pa'i/ sems kyi rgyu las byung bas na/ snying rje chen po ni sems can bsrung ba ste/ sems can gyi srog dang/ longs spyod gang la yang gnod pa mi byed pa'o/ /sems can thams cad kyi sdug bsngal sel ba las byung bas na zhes bya ba la/ sems can thams cad kyi sdug bsngal ni mdor na gsum ste/ longs spyod kyis phongs pa'i sdug bsngal dang/ bde 'gror skyes nas kyang na ba dang tsha ba'i sdug bsngal dang ngan song du skyes pa'i sdug bsngal dang/ thar ba 'dod pas kyang de'i lam ston pa med pa'i sdug bsngal lo/ /sdug bsngal de gsum bsal bar bya'o/ /zhes dmigs pa'i rgyu las byung bas na snying rje chen po ni dbul po la sogs pa la lta ba ste/ longs spyod kyis phongs pa'i sdug bsngal bsal bar bya'o snyam pa'i dmigs pa'i rgyu las byung bas na/ dbul po la lta ba'o/ /bde 'gror skyes nas kyang na ba dang tsha ba'i sdug bsngal dang ngan song du skyes pa'i sdug bsngal bsal bar bya'o snyam pa'i dmigs pa'i rgyu las byung bas na sdug bsngal ba la lta? ba'o/ /thar pa 'dod kyang de'i lam ston pa med pa'i sdug bsngal bsal bar bya'o snyam pa'i dmigs pa'i rgyu las byung bas na mgon med pa la lta ba'o/ /blo mi 'gyur ba las byung bas na zhes bya ba ni ji ltar khas blang shing dam bcas pa las 'gyur ba med pa'i sems las byung bas na snying rje chen po ni dam bcas pa brtan pa ste/ dam bcas pa las gzhan du mi 'gyur ba'o/ /bdag dang sangs rgyas dang zhes bya ba la sogs pa la/ bdag ni dge ba byed pa'i gang zag gam/ tshul khrims blangs pa'i gang zag go / sangs rgyas ni ston pa de bzhin gshegs pa'o/ /lha ni tshul khrims len pa'i tshe na dpang dang/ srung mar gyur pa'i lha rnams so/ /tshul khrims nyams par byas sam sdig pa byas pa ni de gsum char bslus pa yin te/ snying rje ni tshul khrims rnam par dag la bdag dang sangs rgyas dang/ lha gsum mi bslu ba'i rgyu las byung bas na bden pa la lta ste/ bden par byed pa'o/ /legs par byas pa'i las las byung ba zhes bya ba ni lus kyis srog mi gcod/ ma byin par mi len/ 'dod pas log par mi g.yem pa la sogs pa dge ba bcu'i las las byung bas na/ snying rje chen po ni spyod pa dag pa ste/ lus dang ngag dang yid kyi spyod pa la skyon med pa'o/ /pha rol bde ba rab tu sbyin pa las byung ba zhes bya ba ni bdag gi bde ba dang longs spyod thams cad kyang sems can la gtong ba'i sbyin pa'i pha rol tu phyin pa'i rgyu las byung bas na snying rje chen po ni bdag gi bde ba gtong ba ste/ bdag bde ba la gnas par mi byed pa'o/ /sred pa med pa las byung bas na zhes bya ba ni sems can gzhan la mi bde bar 'gyur ba gzhan gyi lus dang longs spyod la chags pa med pa'i tshul khrims kyi rgyu las byung bas na snying rje chen po ni gzhan gyi bde ba bskyed pa ste/ gzhan gyi lus dang longs spyod 'phrog pa la sogs pa'i mi bde ba skye bar mi byed pa'o/ /brtson 'grus brtan pa rtsom pa las byung bas na zhes bya ba ni sems can thams cad bla na med pa'i byang chub tu bsgral ba'i brtson 'grus ldog pa med pa brtsams pa'i rgyu las byung bas na snying rje chen po ni sems can thams cad kyi khur khyer ba ste/ sems can thams cad sdug bsngal las bsgral ba'i phyir 'khor ba'i sdug bsngal gyi khur len pa'o/ /sems can mthu chung ba'i nye ba dang d u len pa las byung bas na zhes bya ba ni rdol ba dang rigs ngan pa la sogs pa sems can kho re chung ba rnams kyi gnod pa byas pa'i nyes pa thams cad bzod pa'i pha rol tu phyin pa'i rgyu las byung bas na snying rje chen po ni bla ma'i bzod pa yang dag par blangs pa ste/ sangs rgyas dang byang chub sems dpa' la sogs pa skyes bu dam pa rnams kyi bzod pa yang dag par blangs pa zhes bya ba'i tha tshig go /sems can na ba rnams la rim gro byed pa las byung bas na zhes bya ba ni sems can 'byung ba chen po gzhi'i khams mi mnyam par nas/ nang du gyur pa rnams la sman dang yo byad kyis rim gro byed pa'i rgyu las byung bas na/ snying rje chen po ni chags pa dang smad pa sel ba ste/ nad pa la sogs pa la grogs ma byas pa'i kha na ma tho ba'i skyon gyis ma gos shing gzhan gyis dpyas gdags pas smad pa'o/ /sems can dman pa rnams yongs su smin par bya ba las byung bas zhes bya ba ni snying rje chen po des theg pa chen po la sems can rnams smin par byed pa yang ma zad kyi/ theg pa chung ngu la mos pa'i sems can yongs su smin par byed pa'i shes rab kyi pha rol tu phyin pa'i rgyu las byung bas na/ snying rje chen po ni chos kyi dbang phyug thob pa ste/ theg pa sum char la yang ci rigs par rgyu dbang bsgyur ba'o/ /pha rol gyi yon tan brjod pa las byung bas na zhes bya ba la/ bdag gi yon tan la ni ngo mtshar du mi 'dzin gyi/ sems can gzhan gyi yon tan la ngo mtshar du 'dzin par rgyun du gzhan gyi yon tan bsngags bar byed pa'i rgyu las byung bas na/ snying rje chen po ni rang gi yon tan mi sbyoms ba ste/ bdag gi yon tan gzhan la mi sgrogs pa'o/ /zag pa med pa'i bde ba 'dod pa las byung bas na zhes bya ba ni nyon mongs pa thams cad spangs pa'i mtshan nyid 'jig rten las 'das ba'i bde ba thob bar bya ba'i phyir dka' bar spyad pa'i sdug bsngal sna tshogs kyang bzod ba'i rgyu las byung bas na snying rje chen po ni dka' bar spyad pa'i sdug bsngal thams cad las ji mi snyam ba'o/ / las legs par byas te mi 'gyod pa las byung bas na zhes bya ba ni las dge ba byas te/ bu dang/ chung ma dang nor la sogs pa la chags pa'i rgyu las sdig ba byas pa'i 'gyod pa med pa las byung bas na snying rje chen po ni sdug cing phangs pa'i dngos po yongs su gtong ba ste/ phangs pa'i nor dang 'bru rnams so/ /sdug pa'i dngos po ni bu dang chung ma la sogs pa'o/ /tshul khrims 'tshal pa'i sems can rnams zhes bya ba la sogs pa ni sems can tshul khrims nyams pa r nams tshe 'dir yang mi dge ba'i chos la mi gtong zhing tshe rabs gzhan du yang ngan song du mi skye bar bsrung bar byed pa'i rgyu las byung bas na snying rje chen po ni tshul khrims legs par bsrung bas phyung ba ste/ sems can gyi don bya ba'i tshul khrims ma nyams pa'i rgyus bskyed pa'o/ /rdo rje'i lus 'thob pa las byung bas na zhes bya ba la/ de bzhin gshegs pa'i sku phyi'i gnod pa rlung dang tsha ba la sogs pa dang mtshon cha la sogs pas kyang mi tshugs pa dang/ nang gi gnod pa 'dod chags dang zhe sdang la sogs pa dang/ na ba dang tsha ba la sogs pas mi tshugs par byed pa'i sku de 'thob par bya ba'i phyir bdag gi lus nye bar len pa'i phung po rnag can 'di la gnod pa byas pa thams cad bzod pa'i rgyu las byung bas na snying rje chen po ni lus la gnod pa byas pa dang du len pa ste/ phyi dang nang gi gnod pa thams cad nyams su len pa'o/ /lus dang srog la mi lta ba las byung bas na zhes bya ba ni bdag gi lus dang srog la yang phangs par mi 'dzin par bsdu ba'i dngos po bzhis sems can bsdus nas yongs su smin par byed pa'i rgyu las byung bas na snying rje chen po ni sems can thams cad yongs su smin par byed pa'o/ / de la lus ni nye bar len pa'i phung po lnga'o/ /srog ni tshe ste srog gi dbang po'o/ /yan lag dang nying lag yongs su gtong ba las byung bas na zhes bya ba la/ yan lag ni mgo dang rkang lag la sogs pa'o/ /nying lag ni kha dang mig dang 'the bo dang mdzub mo la sogs pa'o/ /yan lag dang nying lag la phangs par mi 'dzin par sems can gzhan la gtong ba'i rgyu las byung bas na snying rje chen po ni mi lta ba ste/ yan lag dang nying lag la gces par mi byed pa'o// rang gi dge ba'i rtsa ba mi 'dod pa las byung bas na zhes bya ba ni bdag gis dge ba'i rtsa ba ci bsags pa thams cad kyang sems can gyi don du yongs su bsngos te/ bdag gi don du dge ba'i rtsa ba sogs par mi byed pa'i rgyu las byung bas na snying rje chen po ni sems can pha rol po'i dge ba'i rtsa ba skyed pa'o/ /phyir yang 'dod pa'i khams su dmigs pa las byung bas zhes bya ba ni gzugs kyi khams kyi bsam gtan gyi bde ba yong bor? nas sems can gyi don du 'dod pa'i khams su skye ba'i rgyu las byung bas na snying rje chen po ni bsams gtan gyi ro mi myang ba ste/ bsam gtan gyi ro la ma chags pa'o/ /chags pa med pa'i ye shes snang ba las byung bas na zhes bya ba la/ nyon mongs pa dang shes bya'i sgrib pa spangs pa'i ye shes gnyis su med pa/ des shes bya thams cad la shes pas khyab par byed pas na chags pa med pa'i ye shes snang ba'o/ /ye shes de'i rgyu las byung bas na/ snying rje chen po ni kun nas snang ba ste/ shes bya kun la dmigs pa'o/ /dge ba'i rtsa ba dang tshogs kun la mi smon pa las byung bas na zhes bya ba la/ dge ba'i rtsa ba ni 'jig rten pa'i dge ba zag pa dang bcas pa rnams so// //tshogs ni 'khor gsum yongs su dag pa'i tshul sbyin pa la sogs pa'i tshogs rnams la bya ste/ bsod nams dang ye shes kyi tshogs su 'gyur ba'o/ /tshogs de rnams la mi smod pa'i rgyu las byung bas na/ snying rje chen po ni shes rab la mi bltos pa ste/ shes rab la mi brten pa'o/ /sems can thams cad kyi bsam pa rdzogs par bya ba las byung bas na zhes bya ba ni 'di ltar dpag bsam gyi shing dang yid bzhin gyi nor bus sems can rnams kyi bsam pa rdzogs par byed pa de bzhin du bdag gis kyang sems can thams cad kyi bsam pa rdzogs par bya'o/ /zhes dmigs pa'i rgyu las byung bas na snying rje chen po ni kun tu bkye ba ste/ sems can thams cad la khyab par dmigs pa'o/ /sngon gyi smon lam mi gtong ba las byung bas na zhes bya ba ni dang po nyid du byang chub tu sems bskyed pa'i sems can thams cad 'khor ba'i 'brog dgon pa las bsgral bas mya ngan las 'das pa'i grong khyer du bgrod par bya'o/ /zhes smon lam btab ba'i smon lam mngon par byang chub kyang mi 'dor par byed pa'i rgyu las byung bas na/ snying rje chen po ni sems can thams cad rab tu thar bar byed pa ste/ sems can thams cad mya ngan las 'das pa la 'jog par byed pa'o/ /'dus byas la sems can yongs su smon par bya ba las byung pas na zhes bya ba la 'dus byas ni sbyin pa dang/ tshul khrims dang bzod pa dang brtson 'grus la sogs mi gnas pa'i mya ngan las 'das pa'i rgyur gyur pa'i chos rnams la bya ste/ gnas de dag tu sems can yongs su smin par bya bar dmigs par bya ba'i rgyu las byung bas na snying rje chen po ni 'dus ma byas la mi dge pa ste zhi ba phyogs gcig pa'i mya ngan las 'das ba mi lan pa'o/ /sangs rgyas kyi tshul khrims la sems can rnams rab tu dgong pa las byung bas na zhes bya ba ni sangs rgyas kyi tshul khrims ni sdig pa thams cad byed las log pa'i rang bzhin sems can thams cad la phan 'dogs par byed pa/ dngos po gang la yang mi chags mi gnas pa ste/ tshul khrims de la sems can rnams dgong cing/ tshul khrims de sems can rnams kyis thob par bya'o/ zhes dmigs pa'i rgyu las byung bas ni snying rje chen po ni tshul khrims 'chal pa'i sems can rnams la lta ba ste/ sems can 'chal pa'i tshul khrims can rnams bsrung bar byed pa'o/ /rgyu dang rang bzhin bshad zin to// //las bstan pa'i phyir/ btsun pa sha radwA ti'i bu de ltar byang chub sems dpa' nges par 'byung ba gang ci yang rung ste/ zhes bya pa la sogs pa gsungs te/ byang chub sems dpa' rnams kyi nyon mongs pa 'am/ khams gsum las nges par 'byung pa'i tshogs gang yang rung ste/ de dag thams cad snying rje chen po las skye'o/ /de ltar snying rjes bskyed par byed pas na/ 'di ltar bya ba byed pa'i phyir snying rje chen po zhes bya'o/ /gang byed ce na/ 'di ltar sbyin par byed ces bya ba la sogs pa gsungs te/ gzhan ni sla bas ma bshad do/ /gdon mi za bar byed ces bya ba ni phyin ci ma log pa 'am/ chud mi za bar byed ces ba ba'i don to/ /sems can thams cad kyi bya ba ji snyed yod ces so sor nye bar gnas zhes bya ba ni sems can thams cad kyi las su bya ba dang phan pa dang bde bar bya pa'i yod rtag tu rtog par byed pa gnas zhes bya ba'i don to/ /snying rje mi zad pa bshad zin to// //bde ba la rjes su yi rang ba bstan pa'i phyir/ btsun ba sha radwA ti'i bu gzhan yang byang chub sems dpa' rnams kyis dga' ba chen po yang mi zad pa ste/ zhes bya ba la sogs pa gsungs te/ dga' ba mi zad pa yang dmigs pa'i yul chos dang/ sems can mi zad pas de la dmigs bar byed ba'i dga' ba yang mi zad pa ste/ byams pa dang snying rje mi zad pa bzhin no/ /chen po ni de dge gi dga' ba nyan thos dang rang sangs rgyas la sogs pa las kyang khyad zhugs pa'i phyir ro/ /dga' ba chen po gang yin pa dang ji ltar mi zad pa bstan pa'i phyir/ de la dga' ba chen po gang zhe na/ sangs rgyas kyi chos rnams dran pa dang rjes su dran pa zhes bya ba la sogs pa gsungs te/ sangs rgyas kyi chos ni lung gi chos gsung rab yan lag bcu gnyis dang/ rtogs pa'i chos 'phags pa'i lam mya ngan las 'das pa'o/ /de dag gi yon tan sems pa'i dus nam brjed ba ni ran pa'o/ /bsgom pa'i dus na ma brjed ba ni rjes su dran ba'o/ /chos de yang dus gsum gyi dbye bas dga' pa rnam pa gsum du 'gyur te/ 'das pa'i chos la dmigs nas dga' bar 'gyur ba dang/ da ltar byung ba'i chos la dmigs nas dga' bar 'gyur ba dang/ ma 'ongs pa'i chos la dmigs nas dga' par 'gyur ba'o/ /de la 'das ba'i dus su lung dang rtogs pa'i chos rtogs pa rnams dran nas sems la spro ba skye ba ni dga' ba zhes bya'o/ /da ltar gyi dus su lud dang rtog pa'i chos rnams bdag gis rtogs par nus so snyam du sems la spro ba skye ba ni mos pa'o/ /ma 'ongs pa'i dus su lung dang rtogs pa'i chos dang/ stobs dang mi 'jigs pa la sogs pa rnams thob par 'gyur ro snyam du sems la dga' zhing spro ba skye ba ni mchog tu dga' ba'o// sems mi gong zhes bya ba ni theg pa chung ngu'i chos kyi yon tan thob par bya ba'i phyir theg pa chung ngur sems mi skye ba'am/ bdag gis mi nus so snyam du sems zhum pa med pa'i phyir ma gong ba'o/ /mi rdzi ba ni dga' ba'i mi mthun pa'i phyogs mi dga' bas zil gyi mi non pa'o/ /sred pa med pa ni sred pa las mya ngan dang mi dga' ba skye'i chags shing sred pa med pa dang mi dga' ba skye ba'i rgyu med pa'i phyir rtag tu dga' ba nyid la gnas so/ /'dod pa'i dga' ba thams cad gtong ba zhes bya ba ni 'dod pa'i yon tan la dga' ba'i dga' ba thams cad 'dor pa'o/ /chos kyi dga' ba thams cad kyi rten dang zhes bya ba ni dga' pa mi zad pa nyid sa dang pha rol tu phyin pa'i chos thams cad spyad par dga' zhing spro pa'i gzhi dang rten yin zhes bya ba'i tha tshig go / sems mchog tu dga' ba dang zhes bya ba ni dga' ba chen po la gnas pa'i rgyus sems las su rung ba skye bas na sems mchog tu dga' ba'o/ /de nyid kyi rgyus lus las su rung ba skye ba'i phyir lus rab tu sim pa'o/ /sangs rgyas la dga' zhing yi rang ba dang zhes bya ba la/ sangs rgyas la mos pa ni sangs rgyas la dga' ba'o/ /dga' ba de nyid chu'i rba bdo ba bzhin du shas cher gyur cing sems spro ba gong nas gong du 'phel par gyur pa ni yi rangs pa'o/ /de bzhin gshegs pa'i sku la dga' zhing mos pas zhes bya ba ni de bzhin gshegs pa'i sku gsum thob par dga' zhing mos pas zhes bya ba'i tha tshig ste/ de bas na mtshan dang dpe byad bzang po'i rgyan tshol pa la mkhas pa ste/ de dag thob par bya pa'i thabs la mkhas zhes bya pa'i tha tshig go /dge ba'i chos mnyan pas mi skye ba zhes bya ba la/ de bzhin gshegs pa'i gsung rab yan lag bcu gnyis nyid thog mar yang dge bar du yang dge tha mar yang dag pa yin pas dge pa'i chos te/ de mnyan pa la chog pa med cing mi skyo ba nyid dga' ba yin no zhes bya ba'i tha tshig go /de kho na'i chos la brten pa'i nan tan dang zhes bya ba ni chos kyi dbyings de kho na rtog par bya pa'i phyir lam la sogs pa sgrub pa'i nan tan byed pa la sems spro zhes bya ba'i don to/ /dkon mchog gsum dang de'i yon tan la dang ba'i sgo nas dga' ba skye ba ni dga' ba'o/ /de'i yon tan phyin ci ma log par khong du chud nas sems dang bar gyur pa ni dad pa'o/ /chos kyi dbyings la dmigs pa'i sgo nas dga' ba 'am tshim par gyur pa ni mchog tu dga' ba'o/ /bdag gi chos 'di rtogs shing chos nyid khong du chud pa'i khyad par las skyes pa'i dga' bas sems gzeng mtho ba 'am/ spro ba skyes pa ni rab tu dga' ba ste/ rnam pa de bzhi lta bus chos la dga' ba ni mos pa'o/ /khong khro ba med pa'i blo zhes bya ba ni sems can rnams la zhe sdang med pa'i sems zhes bya ste/ sems can rnams la rtag tu rgyun mi 'chad par dga' bar dmigs pa'i sems zhes bya ba'i don to/ /sangs rgyas kyi chos tshol ba la shin tu 'dus ba dang zhes bya ba la sogs pas sangs rgyas kyi chos stobs dang mi 'jigs pa la sogs pa tshol zhing thob par bya ba la 'dun pa yang dga' ba yin la/ de ltar yon tan gyi chos sgrub pa'i chos la 'dun pa de mi 'dor ba yang dga' ba yin par ston to/ /sangs rgyas kyi chos rgya chen po la mos shing rnam par grol ba dang nye tshe ba'i theg pa bsal te/ sems bskyed pa dang zhes bya ba la/ sangs rgyas kyi chos sa dang pha rol tu phyin pa la dad pas theg pa chung ngu la sems mi skye zhes bya ba'i don to/ /ser sna med pas ma zhum par sems bskyed pa dang zhes bya ba la/ ser sna'i dbang gis dngos po gtong bar mi nus pa 'am/ cung zad gtong gi thams cad mi gtong ba ni zhum par sems bskyed pa ste/ dga' ba dang ldan pa la ser sna med par dngos po thams cad gtong ba'i phyir ma zhum par sems bskyed pa'o/ /slong ba la sbyin bar byin nas zhes bya ba la/ de ltar ma zhum pa'i sems kyi slong ba po'i gang zag rnams la phyi dang nang gi dngos po'i sbyin pa byin nas bdag dang slong ba po dang/ sbyin pa gsum char yang stong pa'i rang bzhin du lta ba ni 'khor gsum yongs su dag par sbyangs pa ste/ de bas na sbyin pa la mchog tu dag ba zhes bya'o/ /tshul khrims dang ldan pa rnam sa la dad pa ni gang zag tshul khrims dang ldan ba rnams la sems dang pa'o/ /tshul khrims 'chal ba rnams la rjes su 'dzin cing byams pa zhes bya ba la tshul khrims zhig pa'i gang zag rnams ni 'chal ba rnams so/ /de dag mi dge ba'i chos la phyis mi gtong ba ni rjes su 'dzin pa'o/ /dge ba'i gnas su bkod cing phan btags pa ni byams pa'o/ /rang gi tshul khrims yongs su dag pas zhes bya ba la sogs pa la/ bdag gi tshul khrims legs par bsrungs pas tshul khrims kyi skyon med pa'i phyir de'i rgyus ngan song gsum du mi skye bas na ngan 'gro'i 'jigs pa thams cad las shin tu 'da' bas dbugs 'byin pa'o/ /de bzhin gshegs pa'i tshul khrims la yongs su bsngo ba dang zhes bya ba la/ bdag gi tshul khrims yongs su dag par byed pas de yang sangs rgyas kyi tshul khrims thob par bya ba'i phyir bsngo bar byed ces bya ba'i don to/ /sdig pa'i chos kyi dbang du mi 'gyur bas na brtan pa'o/ /ngor rus dang rigs smos pa'i tshig smra ba ni ngan du brjod pa'o/ /lkog nas ngan du smra ba ste/ de dag smras kyang sems mi 'khrugs pa mi bzod pa'o/ /lan du tshig ngan pa mi smra ba ni nges pa'o/ /bsam pa dag pa ni khe dang bkur sti la chags pa med pa'o/ /sems la brlangs pa med pa ni sems can la brdog pa dang bsad par bya pa'i bsam pa med pa'o/ /gya gyu med pa ni sems can la gnod pa bya ba'i thabs mi tshol zhing phyi rol dga' bar 'dra bar ston kyang nang du mi dga' bar gnas pa'i sems pa'o/ /thams cad la phan yon du blta ba ni sems can la phan par lta ba 'am/ yang na mthong ba dang thos pa la sogs pa'i chos kun kyang dge ba'i bsam pas phan yon du mthong gis/ 'khrug pa'i gnas su mi lta ste/ 'khrug pa'i gnas nyid du snang ba yang rang gi bsam pa las gyur bar shes pa'i phyir ro/ /skyon med par lta ba ni sems can la nyes par bya bar mi sems pa'o/ /yang dag par dga' bar 'gyur ba'i chos kyi rjes su 'jug pa zhes bya ba la yang dag par dga' bar 'gyur ba'i chos drug po ston pa dang chags pa dang tshangs pa mtshungs par spyad pa'i mkhas pa rnams la byams pa'i lus kyi las dang ldan pa dang/ byams pa'i ngag gi las dang/ byams pa'i yid kyi las dang ldan pa dang chos dang ldan zhing chos kyis thob pa'i rnyed ba lhung bzed du blugs shing/ lhung bzed du chud zin pa rnams kyang thun mong du yongs su longs spyod par byed cing zas mi sri ba dang/ tshul khrims mthun par zhugs pa dang/ ltab mthun par zhugs pa ste/ de yang dag par dga' bar 'gyur ba/ sdug par byed pa/ bla mar byed ba rtsod pa med par byed pa'i chos drug po de dag gi rjes su 'jug par byed pa'o/ /byang chub sems dpa' rnams la ston pa ltar 'phangs su 'dzin pa zhes bya ba ni ston pa sangs rgyas bcom ldan 'das la ni lam ston pa/ mig sbyin par byed pa yin pas phangs pa bzhin du byang chub sems dpa' rnams la yang ston par 'dzin ces bya ba'i tha tshig go /chos rnams bdag bzhin du phangs pas su 'dzin pa zhes bya ba ni bdag la bdag phangs pa bzhin/ gsung rab yan lag bcu gnyis la yang phangs par 'dzin ces bya ba'i tha tshig go /de bzhin gshegs pa rnams la srog bzhin du phangs par 'dzin pa zhes bya ba ni/ ji ltar srog ni lus gnas pa'i rgyu'i gtso bo yin pas gces pa bzhin no/ /de bzhin gshegs pa la yang gces su 'dzin ces bya ba'i tha tshig go /bla ma rnams la pha ma bzhin du phangs su 'dzin pa zhes bya ba ni bdag pas ni rgan zhing yon tan dang ldan pa'i gang zag ni bla ma ste/ ji ltar pha ma ni 'dzam bu'i gling ston pa skyed pa gso bar byed pa yin pas gces pa yin de bzhin du de dag la yang gces su 'dzin pa sems can rnams la bu bzhin du phangs su 'dzin pa zhes bya ba ni ji ltar bu gcig pa gces shing phangs pas mi bde bar mi 'gyur ba dang/ bde ba la 'jog pa bzhin du sems can rnams kyang mi bde bar mi 'gyur zhing bde ba la 'jog par byed pa'o/ /mkhan po dang slob dpon rnams la sangs rgyas bzhin du phangs su 'dzin p a zhes bya ba ni ji ltar sangs rgyas kyis 'jig rten du bden pa bzhi la sogs pa bshad nas sdug bsngal gyi gnas thams cad las bton pa bzhin mkhan po dang slob dpon gyis kyang chos bstan pa'i sgo nas sdug bsngal thams cad las 'don par byed pa'i phyir ro/ /nan tan rnams la yan lag gi dam pa mgo bo bzhin du phangs su 'dzin pa zhes bya ba ni ji ltar yan lag gi dam pa mgo yin pa bzhin nan tan gyis bsgrub par bya ba'i chos 'phags pa'i lam la sogs pa la'ang gces su 'dzin pa'o/ /pha rol tu phyin pa rnams la rkang lag bzhin du phangs su 'dzin pa zhes bya ba ni ji ltar rkang pas med na gang du yang mi phyin pas bgrod par bya ba'i gnas su 'dod pa rnams la rkang lag gces pa bzhin mya ngan las 'das par 'gro 'dod pa yang pha rol tu phyin pa drug med na mi phyin pa rkang lag dang 'dra bas gces su 'dzin pa'o/ /chos smra ba rnams la rin po che thams cad bzhin du phangs su 'dzin pa zhes bya ba ni ji ltar gser dang dngul la sogs pa rin po che sna tshogs phangs pa bzhin du chos smra ba rnams kyang chos rin po che ston pa'i phyir phangs par 'dzin pa'o/ /sangs rgyas kyi chos thams cad la yid bzhin gyi nor bu bzhin du 'phangs su 'dzin pa zhes bya ba ni ji ltar yid bzhin gyi nor bus re ba yongs su rdzogs par byed pas gces pa bzhin du stobs dang mi 'jigs pa la sogs bas sangs rgyas kyi chos thams cad kyis kyang bsam pa thams cad yongs su rdzogs par byed pa'i phyir ro/ /rjes su bstan pa r nams la dga' ba'i rtsed mo bzhin du phangs su 'dzin pa zhes bya ba ni ji ltar 'dod pa'i longs spyod can dag la dga' ba'i rtsed mo rol mo rnam pa sna tshogs gces pa bzhin du rnal 'byor pa nyon mongs pa 'dul ba la zhugs pa dag la yang nyon mongs pa gang gis rang dbang med par gyur ba de'i gnyen po mi gtsang ba la sogs pas cing dgar nyon mongs pa spong bar byed pas nyon mongs pa'i gnyen po rjes su bstan pa de dag la gces su 'dzin pa'o/ /chog shes pa rnams la nad med pa bzhin du phangs su 'dzin pa zhes bya ba ni ji ltar nad med pa gces pa ltar lhung bzed dang chos gos la sogs bas chog shes pa la yang gces su 'dzin te/ chog mi shes pa'i dbang gi ni tshol ba dang srung ba la sogs pa'i tshe lus dang sems la mi bde ba thams cad skyed pa'i phyir ro/ /chos btsal ba rnams la sman bzhin du phangs su 'dzin pa zhes bya ba ni sman gyis nad sel ba bzhin chos btsal bas kyang nyon mongs pa'i nad sel ba'i phyir ro/ / bskul zhing dran pa rnams la sman pa bzhin du phangs su 'dzin pa zhes bya ba ni sman bas nad med par 'gyur ba'i thabs dang/ sman ston pa bzhin du skul zhing dran par byed pas kyang nyon mongs ba'i nad sel bas ston pas phangs pa'o/ /dga' ba chen po rgya cher bshad pa'i don bsdu zhing de'i rang bzhin mdor bstan par bya ba'i phyir/ gang dbang po thams cad la dbang po ma gong ba zhes bya ba la sogs pa gsungs te/ dbang po thams cad dad pa la sogs pa'i dbang po lnga dang mig la sogs pa'i dbang po rnams so/ /dbang po ma gong ba ni dbang po de rnams ma nyams shing ma gong pa ste/ de ni dga' ba chen po zhes bya ba/ rtog ba'i ye shes kyi phyir zhi ba'i rnam ba'o/ zhes bya ba ni dbang po ma zhi zhing chags par 'gyur ba'i rgyu'i chos rnams rang bzhin gyis ma byung ma skyes par rtog pas de la ma g.yengs pa'i phyir zhi ba'i rnam pa ste/ zhi ba'i rang bzhin zhes bya ba'i don to/ /mi rgod ba'i phyir rab tu zhi ba'i rnam pa zhes bya ba ni gong du bshad pa ltar rgod par bya ba'i yul med pas na rab tu zhi ba'i rnam pa'o/ /khengs pa ma yin pa'i phyir shin tu sbyangs pa'i rnam pa'o/ /nyon mongs pa rnams ma sprangs pa ni khengs pa ste/ nyon mongs pa ma spangs pa ma yin pa ni khengs pa ma yin pa'o/ /de bas na shin tu sbyangs ba'i rnam pa ste/ nyon mongs pa dag pa 'am/ nyon mongs pa dul ba'i rnam ba zhes pa zhes bya ba'i tha tshig go /rnam par mi g.yengs pa'i phyir dbang po dga' ba'i rnam pa zhes bya ba ni sems g.yengs pa las dbang po 'khrugs par 'gyur gyi/ sems yul la sogs pa la ma g.yengs te/ ting nge 'dzin du gyur ba las zhi zhing dga' bar 'gyur bas na dbang po dga' ba'i rnam pa'o/ /mi nyams pa'i phyir brtul zhugs kyi rnam pa zhes bya ba ni byang chub sems dpa' brtul zhugs gang blangs pa de ma zhig ma nyams te/ rang bzhin gzhan du ma gyur pas na brtul zhugs kyi rnam pa zhes bya'o/ /'dod pa'i phyir nges ba'i rnam pa'o/ /zhes bya ba ni dga' ba dang ldan pa de thams cad kyis yid du 'ong zhing 'dod pas 'gyur pas na nges pa'i rnam pa ste/ yid du 'ong ba'i rnam pa zhes bya ba'i don to/ /bka' blo bde ba'i phyir thos pa'i rnam pa zhes bya ba ni ji skad bsgo ba bzhin nyin du btub pa ni bka' blo bde ba ste/ de bas na thos pa'i rnam pa'o/ /thos pa'i rnam pa zhes bya ba ni ji skad bsgo ba bzhin du nyan du btub pa'i rang bzhin no/ zhes bya ba'i don to/ /sems las su rung ba'i phyir nye bar zhi ba'i rnam pa'o/ zhes bya ba la/ zhum pa dang rgod pa spangs pa ni sems las su rung ba'i rnam pa'o/ /de bas na nye bar zhi ba'i rnam pa ste/ zhum pa dang rgod pa med pa'i rang bzhin zhes bya ba'i don to/ /las legs bar byas pa'i phyir dga' ba'i rnam pa'o/ /zhes bya ba ni las dge ba byas pa'i phyir rnam pa ste/ sems mi dga' ba med pa'i rnam pa'o/ /kha na ma tho ba med pa'i phyir mi 'gyod ba'i rnam ba zhes bya ba ni sdig pa ma byas pa'i phyir mi 'gyod pa'i rnam pa ste/ sdig pa'i rgyus ma 'ongs pa na 'di 'dra bar 'gyur ro/ zhes gdung ba med pa'o/ /ma g.yos pa'i phyir shin tu gnas pa'i rnam pa'o/ /zhes bya ba ni mi mthun pa'i phyogs la sogs pas ma g.yos pa'i phyir shin tu gnas pa'i rnam pa ste/ brtan pa'i rnam pa zhes bya ba'i don to/ /mi gnas pa'i phyir ma g.yos pa'i rnam pa'o/ zhes bya ba ni mtshan ma dang dngos po la mi gnas pas ma g.yos pa'i rnam pa ste/ mtshan ma rnams kyi dbang du mi 'gyur ba'i rang bzhin zhes bya ba'i tha tshig go / thul bar bka' bas bsnyen pa dka' ba zhes bya ba ni bdud dang phas kyi rgol ba rnams kyis thul bar dka' bas bsnyen dka' ba'i rnam pa ste/ de dag gis zil gyis mi non pa zhes bya ba'i don to/ /chud mi za ba'i phyir don gyi rnam pa'o/ /zhes bya ba ni don rtogs shing thob pa'i dngos po nyams par mi 'gyur bas na don gyi rnam pa'o/ /ma nor ba de bzhin nyid kyi phyir bden pa'i rnam pa'o/ zhes bya ba ni 'phags pa'i bden pa bzhi dang mthun pa'i phyir bden pa'i rnam pa'o/ /de byed pa'i phyir de kho na'i rnam pa'o zhes bya ba la/ de zhes bya ba'i sgra ni de kho na nyid la bya ste/ de kho na nyid sgrub pa 'am rtog par byed pa'i phyir de kho na'i rnam pa'o/ /stobs kyi phyir spro ba'i rnam pa'o/ /zhes bya ba la/ spro ba nyid du thu dang ldan te mi mthun pa'i phyogs kyis nyams par mi 'gyur ba la ste? bas zhes bya ste/ de ltar stobs kyi phyir spro ba'i rnam pa ste spro ba'i mthu dang ldan pa'i rnam pa zhes bya ba'i don to/ /mi rdzi ba'i phyir stobs kyi rnam pa'o/ /zhes bya ba ni dad pa'i stobs la sogs pa la/ ma dad pa la sogs pas mi rdzi ba'i phyir stobs kyi rnam pa'o/ /sangs rgyas kyi chos thams cad ces bya ba la sogs pa stobs dang mi 'jigs pa la sogs pa sangs rgyas kyi chos thams cad rdzogs par bya ba tshol bas mi skyo ba'i phyir sangs rgyas kyi chos yongs su rdzogs par byed pa'i rnam pa'o/ /dga' ba mi zad pa bshad zin to// //mnyam pa nyid la gnas par bstan pa'i phyir/ btsun pa sha radwA ti'i bu gzhan yang zhes bya ba la sogs pa gsungs te/ btang snyoms mi zad pa yang dga' ba mi zad pa la sogs pa bshad pa'i tshul dang 'dra bar rig par bya'o/ /de yang rnam pa gnyis kyis tshul du shes bar bya ste/ bstan pa'i tshul dang bshad pa'i tshul lo/ /de la bstan pa'i tshul ni de la byang chub sems dpa' rnams kyi btang isnyoms rnam pa gsum ste/ zhes bya ba nas brtsams te/ dus dang dus ma yin pa la btang snyoms zhes bya ba yan chad kyis bstan to/ /de man lhag ma thams cad kyi bshad pa'i tshul bstan to/ /nyon mongs pa la btang snyoms pa ni chags par 'gyur ba dang/ khro bar 'gyur ba'i yul gnyi ga la mtshungs par lta ba'o/ /bdag dang gzhan bsrung ba'i btang snyoms ni bdag gi sems kyi rgyud 'khrug cing gdug par mi 'gyur ba dang/ gzhan gyi sems kyi rgyud 'khrug par mi 'gyur bar btang snyoms pa'o/ /dus dang dus ma yin pa la btang snyoms pa ni byang chub sems dpa' dus dang snod du sbyar la/ dus kha cig du snod la la la chos mi bshad cing mi sgrub pa btang snyoms su 'dor ba'o/ /nyon mongs pa la btang snyoms pa'i mtshan nyid gang yin pa rgya cher bstan pa'i phyir/ de la nyon mongs pa la btang snyoms pa ni zhes bya ba la sogs pa gsungs so /bsti stad du byas pas mthos pa'i sems pa dang/ bsti stang ma byas pas dams par sems pa ni nyon mongs pa ste/ bsti stang du byas kyang mthos bar mi sems la bsti stang du ma byas kyang dams bar mi sems pa ni nyon mongs pa la btang snyoms pa ste/ lhag ma rnams la yang de bzhin du sbyar ro/ /rnyed pa rlom sems med ces bya ba ni chos gos dang lhung bzed la sogs ba rnyed kyang rnyed do zhes rlom sems med pa'o/ /snyan pa ni bdag gi yon tan no/ /mi snyan ba ni skyon brjod pa'o/ /bsngags pa la chos nyid rab tu gnas shes bya ba la/ bsngags pa ni yon tan dngos su brjod pa'o/ /chos nyid rab tu gnas zhes bya ba ni rang bzhin mi 'gyur bar 'dug ces bya'o/ /sdug bsngal dag la so sor rtogs pa'i stobs zhes bya ba na sdug bsngal bar 'gyur ba'i dngos po rnams shes rab kyis dngos med par rtog pas de la ji mi snyam zhes bya ba'i don to/ /bde ba dag la mi rtag pa dang sdug bsngal ba'i rtog pa'i stobs zhes bya ba ni bde ba nyid du 'gyur zhing mi gnas te/ mthar sdug bsngal du 'gyur bar rtog pa'i mthus bde ba la chags shing dregs pa med ba'o/ /rjes su chags ba 'dor zhes pa la sogs pa la/ rjes su chags pa dang khong khro ba'i sems ni nyon mongs pa ste/ de gnyis ni 'dza' ba dang mi 'dza' ba las 'byung na/ de gnyi ga la 'dra bar sems mnyam pa ni nyon mongs pa la sems btang snyoms pa'o/ /blo mnyam pa zhes bya ba ni tshul khrims dang ldan pa dang tshul khrims 'chal pa gnyis la bstod pa dang smad ba'i bsam pa med pa dang/ byams pa dang khong khro ba'i bsam pa med pa'o/ /gnyis su mi byed pa zhes bya ba ni legs par byas pa dang nyes par byas pa gnyis la 'dis ni phan btags pa 'dis ni gnod par byas so/ /zhes tha dad par mi sems pa'o/ /sdug pa dang mi sdug par mi lta zhes bya ba ni chags par 'gyur ba'i yul dang/ chags par mi 'gyur ba'i yul gnyis la sdug pa dang mi sdug par mi lta zhes bya ba'i don to/ /legs pa thos pa dang nyes pa thos pa zhes smos pa dang/ legs par smras pa dang nyes par smras pa zhes smos pa gnyis la/ thos pa ni nyid nas rgyud de spyos shing bstod pa thos pa'o/ /smras pa ni mngon sum du spyos shing bstong ba'o/ /mi brjed pa dang bag la nyal bar byed pa gnyis don gcig ste/ de gnyi ga la yang ji snyam du 'dor ba'o/ /kha cig las pag la nyal ming ces 'byung ste/ de'i don kyang dga' bar 'dzin pa dang/ khon du 'dzin ba med ces bya ba'i tha tshig go /ro myang ba'i nyes dmigs rnams la mtshungs par yongs su 'jal/ zhes bya ba ni ro myang ba bde ba dang/ de dang bral ba'i che nyes dmigs mi dmigs mi bde ba gnyi ga la mtshungs bar rtog ba'o/ /sems can thams cad la bsam pa mnyam pa zhes bya ba ni sems can thams cad la 'dra bar sems pa'o/ /lus dang srog la mi lta zhes bya ba ni lus dang srog la phangs su bzung na de'i rkyen kyi tshogs ba dang zhe sdang ba'i nyon mongs pa 'byung bas srog la phangs bar mi 'dzin ces bya ba'i don to/ /rab dang 'bring dang tha ma rnams la 'od zer mnyam zhes bya ba ni theg pa gsum gyi sems can la yang rab 'bring du mi lta ba'i 'dra bar lta ba zhes bya ba'i tha tshig go / sngags pa dang bsngags pa ma yin pa rnams la sems mnyam zhes bya ba ni bstod pa dang dmad pa gnyi ga la yang dag pa dang mi dag 'bra mi 'dzin pa'o/ /bde ba dang mi bde ba rnam la rang gi sems yongs su dga' ba zhes bya ba ni bdag gi sems g.yo sgyu med de de dag la drang por smras pa dang drang por smras pa gnyi ga la yang drang po dang bden par smras par 'dzin pa'o/ /nyon mongs pa la btang snyoms pa'i don bsdus te bstan pa'i phyir/ btsun pa sha radwA ti'i bu da ltar gang bsti stang du byas zhes bya ba la sogs pa gsungs te/ gang bsti stang du byed cing bsti stang du byed pas kyang ma thos par mi sems gnod par byed cing gnod par byed pa la yang dams par mi sems te/ btang snyoms par 'jog pa ni nyon mongs pa la btang snyoms pa zhes bya'o / bdag dang gzhan bsrung ba'i btang snyoms bstan pa'i phyir/ de la byang chub sems dpa' rnams kyi bdag dang gzhan bsrung ba zhes bya ba la sogs pa gsungs so/ /khong khro bar mi byed cing ma tshol te/ zhes bya ba ni gzhan gyi yan lag dang nying lag la sogs pa bcad kyang gzhan la zhe sdang yang mi skye/ mi bcad pa'i thabs tshol zhing gsol ba yang mi 'debs pa ste/ de ltar zhe sdang ma skyes shis mi gcod pa'i thabs mi tshol bas bdag gi sems ma 'khrugs pa bdag bsrung pa'o/ /khong khro ma skyes te gzhan gyi sems ma mkhrugs pa ni gzhan bsrung ba'o/ /lus kyis rnam par 'gyur ba zhes bya ba ni gzhan gyi lus kyi nyes par byas pa zhes bya ba'i tshig ste/ de bzhin du dag gi rnam? par 'gyur pa 'ang rig par bya'o/ /mig gi rnams kyang rma mi phyin ces bya ba la sogs pa ni/ mig la sogs pa'i dbang po rnams dang gzugs la sogs pa'i yul rnams kyi dbang du mi 'gyur zhes bya ba'i don to/ /rma mi byin zhing nyams pa med pa zhes bya ba ni zhe sdang gi mi tshugs shing zhe sdang gi dbang du mi 'gyur zhes bya ba'i don to/ /rma phyung ba la rma mi 'byin cis bya ba ni phas gnod par byas kyang smar gnod ba mi byed ces bya ba'i don to/ /phan par byed pa dang gnod par byed pa la mnyam zhes bya ba ni phan 'dogs par sems pa dang/ gnod bar bya bar sems ba gnyis la byams par bya ba dang gnod par bya ba med ces bya ba'i don to/ /btang snyoms ni mchog tu rtsod pa med pa zhes bya ba ni nyes pa byas shing mi snyan bar smras pa la ji mi snyam te/ mi rtsod pas mchog tu rtsod pa med pa'o/ /btang snyoms ni rang gi sems la nges par rtog pa'o zhes bya ba la chos thams cad sems las byung bar yang dag par rtogs shing gtan la 'bebs pas phyi rol tu mi 'brang zhes bya ba'i don te/ /yang na rang gi sems la nges par rtog ces bya ba ni bdag gi sems zhe sdang gi dbang du mi gtong zhes bya ba'i tha tshig go /btang snyoms ni gzhan gyis mas bsrung ba'o/ /zhes bya ba ni gzhan gyi sems 'khrugs par byed ces bya ba'i tha tshig go /btang snyoms ni bdag la rtog pa'o/ zhes bya ba ni gzhan gyi gnod pa byas kyang bdag gi las la rtog gi gzhan la khon du mi 'dzin pa'o/ /btang snyoms ni sems can gzhan dag la gnod pa med pa'i zhes bya ba ni gnod pa thams cad bdag gi las las byung bar rtog pas sems can gyi ma nyes par shes pa'i phyir sems can gyi gnod par byed pas sems la gnod pa mi byed pa'o/ /bdag dang gzhan bsrung ba'i btang snyoms bsdus te/ bstan pa'i phyir/ btang snyoms ni byang chub sems dpa' i mnyam par bzhag pa'i skabs yin te zhes bya ba gsungs te/ mnyam par bzhag pa ni chags pa dang khong khro ba med par bya'o/ /de ltar mnyam bar bzhag ba'i gnas skabs ni btang snyoms yin pas de bas na btang snyoms ni mnyam par bzhag pa'i gnas skabs so/ /yang na mnyam par bzhag ba ni ting nge 'dzin du sems rtse gcig bar bzhag pa ste/ de'i gnas skabs ni btang snyoms yin no/ /ci'i phyir zhe na/ gang la yang chags pa dang zhe sdang med na 'dod sems rtse gcig par nus bas so/ /dus dang dus ma yin pa'i btang snyoms bstan pa'i phyir/ de la byang chub sems dpa' i dus dang dus ma yin pa zhes bya ba la sogs pa gsungs so/ /sangs rgyas bcom ldan 'das rnams ni byang chub sems dpa' thams cad du btang snyoms bya bar bka' mi stsol to zhes bya ba ni gong du rnam pa thams cad du btang snyoms pa bshad pa ste/ skabs kha cig tu de ltar btang snyoms su byar mi rung gi dus dang sbyar ro zhes bya ba'i don to/ de ci'i phyir zhe na/ zhes bya ba ni 'dri ba'i tshig ste/ dus thams cad du ci'i phyir btang snyoms su bzhag du mi rung zhe na zhes bya ba'i tha tshig go /byang chub sems dpa' rtag tu bdag dang gzhan gyi dge ba'i chos btsal ba la brtson zhing 'bad par bya ba'i phyir zhes bya ba ni byang chub sems dpa' dus thams cad du bdag dang gzhan gyi chos btsal ba la 'bad par bya ba yin pas/ byang chub sems dpa' bdag dang gzhan gyi don dang sbyar te/ kha cig btang snyams su 'ang 'dor/ kha cig tu btsal zhing 'bad par byas zhing btang snyoms su mi bzhag go zhes ba'i don to/ /snod ma yin pa dang mnyam par mi 'dod pa'i sems can la btang snyoms zhes bya ba ni dus la bab pa'i sems can te/ chos zab mo bshad pa'i snod ma yin pa dang/ chos nyan par mi 'dod pa la mi 'chad par 'jog pa ste/ skabs 'dir btang snyoms zhes bya ba ni mi bya bar bzhag pa la bya'o/ /ma rnyed pa la sogs pa'i dus na yang mi dga' i sems 'byung ba rnams btang snyoms su bzhag pa'o/ /sems can nyan thos kyi theg pa can zhes bya ba la sogs pa la nyan thos su rigs nges pa'i gang zag drong dang spyi bo la sogs pa nges par 'byin pa'i sa la bzhugs pa 'am/ mthong ba'i lam la zhugs pa rnams ni theg pa chen po la bsgyur du mi btub pas de bzhin du btang snyoms su bzhag pa'o/ /sbyin pa'i dus na tshul khrims btul ba'i btang snyoms ni sbyin pa dang tshul khrims gnyis spyad pa'i sgo tha dad pas sbyin pa spyad pa 'am sbyin pa'i yon bsngags pa'i dus su tshul khrims spyad pa 'am/ tshul khrims kyi yon tan bsngags pa btang snyoms su bzhag go zhes bya ba'i don to/ /de bzhin du pha rol tu phyin pa drug gi bar la yang sbyar ro/ /gang gdon mi za bar bya ba'i c hos rnams la mi 'jug pa med pa zhes bya ba la sogs pa ni gong du mi bya ba'i chos rnams la btang snyoms par bstan par zad kyi byang chub chen po'i rgyu bsod nams dang ye shes kyi tshogs nges par bsgrub dgos pa kun la 'jug cing btang snyoms su mi bya bar ston to/ /stobs ni le los zil gyi mi non pa'o/ /mos pa ni dge bar spyad pa la dad pa'o/ /mthun pa ni bdud la sogs pas mi tshugs pa'o/ /brtson pa mi 'dor ba ni brtson 'grus rgyun du spyod pa mi gtong ba'o/ /btang snyoms mi zad pa bshad zin to// //mngon sum gyur pa'i byang chub sems dpa' bstan pa'i phyir/ btsun pa sha radwA ti'i bu gzhan yang byang chub sems dpa' rnams kyi mngon par shes pa lnga yang mi zad pa zhes bya ba la sogs pa gsungs te/ mngon par shes pa la gnas pa rnams ni mngon du gyur pa'i byang chub sems dpa' zhes bya'o/ /de mi zad pa yang shes par bya ba'i dngos po sems can dang chos rnams la mdza' med pe mi zad pas lha'i mig la sogs pa shes par byed pa rnams kyang mi zad do/ /'dir yang bstan pa dang bshad pa'i tshul du blta ste/ lnga gang zhe na zhes bya ba nas brtsams te/ rdzu 'phrul bya ba shes pa zhes bya ba yan chad kyis bstan pa'i tshul bstan to/ /de man chad lhag ma thams cad kyis bshad pa'i tshul bstan to/ mngon sum du gyur pa'i byang chub sems dpa' yang rnam pa drug ste/ gzugs mngon sum pa dang/ tshig mngon sum pa dang/ sems mngon sum pa dang/ 'phags pa mngon sum pa dang mnyam pa nyid mngon sum pa dang 'byung ba mngon sum par gyur ba'o/ /de la gzugs mngon sum bstan pa'i phyir/ byang chub sems dpa' rnams kyi lha'i mig la sogs pa gsungs so/ /gzugs mngon sum pa de yang rnam pa bzhir rig par bya ste/ 'jig rten dang 'jig rten las 'das pa las khyad zhugs pa dang/ gzugs thams cad mthong ba dang mi mthun pa'i dri mas ma gos pa dang/ rgyu rnam par dag pa'o/ /de la gang lha thams cad kyi lha'i mig ces bya ba nas brtsam te/ chos 'od bsal te? bya ba yan chad kyis 'jig rten dang 'jig rten las 'das pa thams cad las khyad zhugs pa bstan to/ /lha'i mig des phyogs bcu'i 'jig rten gyi khams zhes bya ba nas brtsams te/ de dag thams cad yongs su rdzogs par byed do/ /zhes bya ba yan chad kyis gzugs thams cad mthong ba bstan to/ /de dag gi mig de ni gzugs thams cad mthong bas zhes bya ba nas brtsams te/ lam la ma chags par spyod pa'o/ /zhes bya ba yan chad kyis mi mthun pa'i dri mas ma gos par bstan to/ /de ci'i phyir zhe na/ zhes bya ba nas brtsams te/ mngon par shes pa mnyams zhes bya ba yan chad kyis rgyu rnam par dag pa bstan to/ /byang chub sems dpa' thams cad mkhyen pa nyid las nges par byung ba zhes bya ba ni thams cad mkhyen pa'i ye shes thob par bya ba'i phyir bsngos pas lha'i mig de lta bu thob bo zhes bya ba'i don to/ /rgya chen po las nges par gyur pa rnams kyis lha'i mig ni chos? mchog go /zhes bya ba la/ byang chub sems dpa' i sbyor pa pha rol tu phyin pa la sogs pa rgya chen po 'am/ lam gyi ye shes rgya chen po spyod pa las thob pa'i lha'i mig ni chos mchog go / zhes bya ba'i don to/ /chos mchog ces bya ba ni lha dang klu la sogs pa 'jig rten pa 'phags pa ma yin pa rnams kyi lha'i mig bas nyan thos dang rang sangs rgyas 'phags pa rnams kyis lha'i mig mchog go / 'phags pa de dag gi lha'i mig pas kyang byang chub sems dpa' i lha'i mig mchog pas na de gnyis las zla ba'i phyir ches mchog ces bya'o/ /ci'i phyir ches mchog ce na/ 'jig rten pa rnams kyis zag pa dang bcas pa dang/ 'phags pa nyan thos la sogs pa 'jig rten las 'das pa rnams kyi mngon par shes pa yang 'das pa dang ma 'ongs pa dang dbang pos lhag pa dang khams kyi lhag pa la sogs pa gong ma rnams shes pa mi nus la cung zad shes shing tshad yod kyi/ byang chub sems dpa' rnams kyi de lta ma yin te/ tshad dang mdza' med pa'i phyir ches mchog go de la mchog ni bkra shis pa'i phyir ro/ /chos dam pa ni gong nas gong du khyad par du 'gro ba'i phyir ro/ /ches rab ni thams cad kyi thog mar 'gro ba'i phyir ro/ /ches phul ni gzugs thams cad la khyab pa'i phyir ro/ /ches gsal ba ni dri ma med cing rab tu dang ba'i phyir ro/ /ches bzang ba ni ma smad cing mya ngan las 'das pa dang mthun pa'i phyir ro/ /ches stobs dang ldan pa ni thogs pa med par gzugs kun mthong ba'i mthu chen po dang ldan pa'i phyir ro/ /ches 'od gsal ba ni ye shes dri ma med pa'i mthu mchog dang ldan pa'i phyir ro/ /'jig rten dang 'jig rten las 'das pa las khyad zhugs pa bshad zin to/ /gzugs thams cad mthong ba bstan pa'i phyir ro/ /lha'i mig des zhes bya ba la sogs pa gsungs so/ /lha'i mig des shes bya ba'i gong du bshad pa 'jig rten dang 'jig rten las das pa'i lha'i mig thams cad las 'das par 'gyur ba'i lha'i mig des shes bya ba'i don to/ /gzugs su snang ba zhes bya ba ni gzugs su gtogs pa zhes bya ba'i tha tshig go /rags pa 'am/ zhes bya ba ni chen por gtogs pa thams cad bsdus pa ste/ gang ri dang ri rab la sogs pa'o/ /phra mo zhes bya bas chung ngur gtogs pa thams cad bsdus pa ste/ rdul dang rdul phran la sogs pa'o/ /bzang po 'am zhes bya bas bzang po thams cad bsdus pa ste/ gang 'phags pa slob pa dang mi slob pa la sogs pa'i gzugs so/ /ngan pa 'am zhes bya bas ngan pa thams cad bsdus pa ste/ gang so so'i skye bo'i gzugs rnams so/ /rgyang ring po 'am zhes bya bas rgyang ring por gtogs pa thams cad bsdus pa ste/ gang 'jig rten gyi khams brgya stong du ma'i pha rol na gnas pa'o/ /thag pa gang ci yang rung zhes bya bas nye ba thams cad bsdus pa ste/ gang thag nye ba na 'dug pa'i gzugs thams cad do/ / yang na rags pa ni 'byung ba chen po bzhi rnams so phra ba ni 'byung ba chen po bzhi las gyur pa'i gzugs rnams so/ /yang na rags pa ni 'jig rten pa'i gzugs rnams so/ /phra ba ni 'jig rten las 'das pa'i gzugs rnams so/ /yang na rags pa ni 'dod pa'i khams su gtogs pa'i gzugs so/ /phra ba ni gzugs kyi khams su gtogs pa'i gzugs so/ /bzang po ni bde bgro rnams kyi gzugs so/ /ngan pa ni ngan song rnams kyi gzugs so/ /yang na bzang po ni dbyibs dang kha dog tu ldan pa'o/ /ngan pa ni dbyibs dang kha dog tu mi ldan pa'o/ /rgyang ring po ni 'das pa dang ma 'ongs pa'i gzugs so/ /thag nye ba ni da ltar gyi gzugs rnams so/ /yang na rgyang ring po ni gzhan gyi rgyud du gtogs pa'i gzugs so/ /theg nye ba ni bdag gi rgyud du gtogs pa'i gzugs so/ /de dag thams cad ni gong du bshad pa'i gzugs de dag thams cad do/ /de dag gi ni byang chub sems dpa' de dag gi lha'i mig gis so/ /rig cing snang ba la sogs pa ni mthong ba'i rnam grangs kyi tshig go / yang na 'das pa'i gzugs mthong ba ni snang ba'o/ /da ltar gyi gzugs mthong ba ni snang ba'o/ /ma 'ongs pa'i gzugs mthong ba ni shin tu rtogs pa'o/ /sbom pos rnams mthong ba ni shin tu mthong ba'o/ /yang na mos pa'i spyod pa'i ting nge 'dzin drod kyi rgyu las byung bas na rig pa'o/ /spyi bo'i rgyu las byung bas na snang ba'o/ /bzod pa'i rgyu las byung bas ni rtogs pa'o/ / 'jig rten pa'i chos kyi mchog gi rgyu las byung bas na shin tu rig pa'o/ /mthong ba'i lam gyi rgyu las byung bas na shin tu mthong ba'o/ /'chi pho dang skye ba yang dag pa ji lta ba bzhin du rab tu shes so/ zhes bya ba ni 'chi ba dang 'pho ba gnyis kyang phung po 'dor zhing len pa la bya ste/ gzugs kyi phung po len cing 'dor ba mig gi spyod yul yin pas lha'i mig gis shes par bya'o/ /de dag gi las kyi rgyu yang dag pa ji lta ba bzhin du rab tu shes so// zhes bya ba ni sems can de dag gi lus dang ngag gi sgo nas ci spyod pa'i de'i rgyu bstan ji spyod spyod pa las byung ba yang rab tu shes so/ /zhes bya ba'i don to/ /las kyi 'bras bu shes pa ni da lta'i lus dang ngag gi sgo nas las ci byas pa'i 'bras bu cir 'gyur pa shes pa'o/ /dbang po'i rim pa shes pa ni mig la sogs pa'i dbang po rnams dang/ ngad pa la sogs pa'i dbang po rno brtul gyi rim bshes pa ste/ las kyi rgyu dang 'bras bu dang dad pa la sogs pa'i dbang po 'di dag gzugs kyi rgyu las byung ba'i phyir lha'i mig gi spyod yul yin par shes par bya'o/ /sangs rgyas kyi zhing gi yon tan bkod pa zhes bya ba ni sangs rgyas kyi zhing sa gzhi bai DUrya'i kha dog dang dpag bsam gyi shing gi phreng ba dang/ bdud rtsi'i rdzing la sogs pa dang ldan pa'o/ /rang gi tshul khrims yongs su dag pas rang gi zhing gi yon tan bkod pa yongs su dag par bya ba'i bsod nams dang ye shes kyi tshogs bsags pa rnams yongs su sngo ste/ zhes bya ba ni sangs rgyas bcom ldan 'das rnams kyi zhing gi yon tan mthong nas bdag kyang nam sangs rgyas su 'gyur ba'i tshe zhing gi yon tan de lta bu dang ldan par gyur cig ces bya ba dag gi bsod nams dang ye shes kyi tshogs ci bsags pa rnams tshul khrims yongs su dag pa'i mthus bsngo zhes bya ba'i don to/ /tshul khrims kyi mthas bsngos pa ji bzhin 'grub par gyur ram snyam pa la/ tshul khrims kyi yon tan la gnas pa de dag gi bsngo ba yongs su 'grub par 'gyur ro/ zhes bya ba smos te/ chos nyid kyi tshul khrims dang ldan pa rnams ci bsags pa 'am/ smon la bzhin du 'grub pas ji ltar bsngos pa bzhin du yongs su 'grub bya ba'i don to/ /cho ga dang zhes bya ba la/ bya ba dang mi bya ba rnams ni cho ga'o/ /chos gos bgo ba dang/ lhung bzed bzung ba la sogs pa chos bzhin du byed pa ni spyod pa'o/ /chang 'tshong dang smad 'tshong la sogs pa spyod yul lngar mi 'jug pa ni spyod yul lo/ /ltung ba dang mi ltung ba ma/ rjed pa ni phran pa'o/ /ltung ba dang mi ltung ba shes pa ni shes bzhin no/ /'gro ba dang 'dug pa dang nyal ba dang 'chag pa la sogs pa mdzes pa ni spyod pa lam mo/ /btsug lag khang dang ri dang brag phug la sogs pa ni gnas so/ /mngon par shes pa lnga dang ldan pa dang/ bdud dang mu stegs can gyis mi phyed pa ni mthu'o/ /byang chub sems dpa' i mdo sde dang 'dul ba dang chos mngon pa ni chos so/ /mi gnas pa'i mya ngan las 'das pa ni rnam par thar pa'o/ /me long lta bu'i dang mnyam pa nyid dang/ so sor kun ku rtogs pa dang/ bya ba sgrub pa'i ye shes ni ye shes so/ /mkhas pa'i tshig re re dang yang sbyar te/ don dang chos dang ye shes dang nges pa'i don gyi mdo sde la brten pa ni brten pa la mkhas pa'o/ /don dang tshig mi brjed pa'i gzungs dang ldan pa ni gzugs la mkhas pa'o/ /'khor ba'i mdza' i bar du chos bshad kyang spobs pa zad par mi 'gyur ba ni spobs pa la mkhas pa'o/ /rang dang spyi'i mtshan nyid rnam pa 'byed pa ni shes rab po/ /chos thams cad stong pa khong du chud pa ni ye shes so/ /dga' ldan gyi pho brang nas 'chi 'pho la sogs pa ston pa ni thabs la mkhas pa la 'jug pa'o/ /de dag thams cad yongs su rdzogs par byed do/ / zhes bya ba ni lha'i mig dang ldan pa'i byang chub sems dpa' des/ 'jig rten gyi khams gzhan gyi byang chub sems dpa' i yon tan de dag mthong nas bdag nyid kyis kyang de dag thams cad yongs su rdzogs par byed do/ /gzugs thams cad mthong ba bshad zin to/ / //mi mthun pa'i phyogs kyi ma gos pa bstan pa'i phyir de dag gi mig de ni gzugs thams cad mthong bas na sgrib pa med pa zhes bya ba la sogs pa gsungs te/ de dag gi mig ces bya ba ni lha'i mig dang ldan pa'i byang chub sems dpa' de dag gi mig go / cis kyang ma sgribs ma chod par nye ba dang rir ba la sogs pa'i gzugs thams cad mthong bas na sgrib pa med pa'o/ /gzugs thams cad la mi chags pa'o/ zhes bya ba ni gzugs thams cad mthong ba ni gzugs mdzes pa rnams la 'dod chags mi skye ba'o/ /rnam par grol zhes bya ba ni nyon mongs pa'i bag la nyal dang lta ba thams cad kyi bag la nyal dang nyon mongs pa dngos su 'byung ba thams cad spangs pa'o/ /rang bzhin gyi 'od gsal bas na zhes bya ba ni rang bzhin gyis dri ma med cing gzugs gsal bar mthong ba'i mtshan nyid yin pas na zhes bya ba'i don to/ /yul thams cad la mi gnas pa'o/ zhes bya ba ni gzugs thams cad la mi brten pa'o/ /nyon mongs pa dang bag la nyal thams cad la mi skye ba'o/ zhes bya ba ni mig gi gzugs thams cad mthong du zin kyang gzugs mthong ba'i sgo nas 'dod chags dang zhe sdang la sogs pa'i nyon mongs pa skye bar yang mi 'gyur la nyon mongs pa'i bag chags la sogs par yang mi byed ces bya ba'i don to/ /the tsom med pas zhes bya ba ni bden pa dang/ dkon mchog la yid gnyis med pas na zhes bya ba'i don to/ /sgrib par gyur pa'i chos thams cad las kun nas ma langs zhes bya ba'i bar du gcod pa 'am/ sgrib par 'gyur ba'i chos 'dod pa la 'dun pa la sogs pa'i rgyu byed ces bya ba'i don to/ /chos thams cad snang ba la gsal ba thob pa zhes bya ba ni chos thams cad mthong bar bya ba la gsal bar mthong ba thob pa zhes bya ba'i tha tshig go / ye shes la rton pa ste/ zhes bya ba ni ye shes la rton pa yin pas dbang po'i 'byung ba chen po la mi rton pa ste/ de bas na rnam par shes pa'i spyod yul ma yin pa zhes bya'o/ /nyon mongs pa thams cad kyis ma chags mi sdang/ ma rmongs pa zhes bya ba ni 'dod chags dang/ zhe sdang dang gti mug gis ma gos zhes bya ba'i don to/ /de dag gi mig de ni 'phags pa'i dbang po rnams la nges par 'byed pa'i cha dang mthun pa'o/ zhes bya ba las 'phags pa'i dbang po ni dad pa dang dran pa la sogs pa'i dbang po ste dbang po de dag dang ldan pa'i mig des snang ba mched la sogs pa'i chos rnams rtog par byed ces bya ba'i don to/ /'od zer mnyam par gtong bas na zhes bya ba ni snying rje chen pos sems can mnyam par lta zhes bya ba'i don to/ /sems kyis mi dge ba'i chos dang bral bas na zhes bya ba ni 'dod chags pa dang zhe sdang der bral bas na zhes bya ba'i tha tshig go / rang bzhin gyis kun nas nyon mongs pa can ma yin pas na zhes bya ba ni rang bzhin gyis nyon mongs pa'i dri ma dang ma 'dres pa zhes bya ba'i tha tshig go / de dag gi mig de ni bsam pa ma brtan pa zhes bya ba ni thams cad mkhyen pa'i ye shes thob par bya ba'i bsam pa dang ma bral bas na/ sangs rgyas bcom ldan 'das kyi spyan thams cad mkhyen pa'i rang bzhin las skyes zhes bya ba'i don to/ /rjes su chags pa dang khong khro ba dang bral zhes bya ba ni rjes su chags pa dang bral bas na ma chags pa'o/ /de dag gi mig de ni don gyi spyod yul bden pas nye bar bsgrubs shing chos rnam par dag pa zhes pa'i lam la ma chags par spyod pa zhes bya ba ni phyin ci log gi don la dmigs pa las byung ba ni ma yin gyi/ don dam pa'i bden pa phyin ci ma log pa la dmigs pa las byung bas na chos kyi dbyings rnam par dag pa shes par bya ba la thag thogs med par spyod do/ zhes bya ba'i don no/ /mi mthun pa'i phyogs kyis ma gos pa bshad zin to/ /rgyu bstan pa'i phyir/ de ci'i phyir zhe na/ zhes bya ba la sogs pa gsungs te/ byang chub sems dpa' de dag gi lha'i mig de ci'i phyir gong du bshad pa lta bu yin zhe na zhes bya ba'i don to/ /skyes bu dam pa de dag ni snying rje chen po la gnas pa zhes bya ba la sogs pa la/ snying rje chen po la gnas pa'i rgyu las byung bas na de dag gi lha'i mig kyang gong du bshad pa lta bu'i yon tan dang ldan par 'gyur ro/ zhes bya ba'i don to/ tshig lhag ma rnams la yang de bzhin du sbyar ro/ /chos rnams rig pa ni bshad par bya ba'i chos thams cad rig pa'o/ /don shin tu rtog pa ni stong pa nyid kyi mtshan nyid khong du chud pa'o/ /kha na ma tho ba med pa ni sdig pa mi dge ba'i chos mi byed pas so/ /ji ltar mthong ba dang thos pa bzhin du chos smra ba ni ji ltar mthong ba dang thos pa las skyed skur byas te/ sgro mi 'dogs pa dang skur mi byed pas so/ /mi dge ba bsnyil ba ni mi dge ba'i spyod pa rnam pa thams cad du spangs pa'i phyir ro/ /byang chub kyi snying po la mngon du phyogs pa zhes bya ba ni byang chub kyi snying po thob par bya ba la gcig tu mos shing sgrub par byed pa'i don to/ /sems gang du yang thogs pa med ces bya ba ni de'i sems kyi dngos po thams cad ma lus par shes par byed ces bya ba'i don to/ /brtson 'grus sgrub par byed pa zhes bya ba ni brtson 'grus la 'jog par byed pa'o/ /bsam gtan gyi yan lag ston bzhes bya ba ni bsam gtan dang po dang gnyis pa la sogs pa bsgom pa'i thabs ston pa'o/ /shes rab kyi mig sbyin pa zhes bya ba ni chos rnams phyin ci ma log par rtog pa'i shes rab kyi mig sbyin pa'o/ /lam ngan pa la zhus pa ni mu stegs can rnams so/ /lam ston pa ni 'phags pa'i lam yan lag brgyad pa ston pa'o/ /dman pa la mos pa ni nyan thos dang rang sangs rgyas kyi theg pa la zhugs pa rnams so/ sangs rgyas kyi chos rgya chen po rtos par byed ces bya ba ni de dag las bcu dang pha rol tu phyin pa bcu pa la sogs pa rtog par byed ces bya ba'i don to/ /thams cad mkhyen pa'i ye shes la 'dzud ces bya ba ni thams cad mkhyen pa'i ye shes rnam par mi rtog pa'i mtshan nyid thob pa la 'jog par byed ces bya ba'i tha tshig go / byang chub yongs su rdzogs par bya ba'i phyir/ de la zhes bya ba ni bdag nyid bla na med pa'i byang chub thob par bya ba'i phyir de'i rgyur gyur pa'i lha'i mig ma nyams pa zin te zhes bya ba'i don to/ /lha'i mig mngon par shes pa mi zad pa bshad zin to// //tshig mngon sum pa bstan pa'i phyir/ de la byang chub sems dpa' i rnams kyi lha'i rna ba mngon par shes pa mi zad pa gang zhe na zhes bya ba la sogs pa gsungs te/ de mi zad pa yang rna ba des dmigs par bya ba'i sgra zad mi shes pas de la dmigs par byed pa'i lha'i rna ba yang zad mi shes pa'i phyir mi zad pa'o/ /yang na 'og nas de'i rna ba'i khams de chos dbyings shin tu rnam par dag pa yin zhes bya ba la sogs pa gsungs pa'i tshul gyi lha'i rna ba de'i rang bzhin dag chos kyi dbyings kyi rang bzhin yin pas chos kyi dbyings de la zad pa med pa'i phyir lha'i rna ba yang mi zad pa'o/ /de yang rnam pa dgur rig par bya ste/ 'jig rten dang 'jig rten las 'das pa thams cad las khyad par du gyur pa dang/ sgra thams cad la dmigs pa dang/ rgyu gang las byung ba shes pa dang/ 'bras bu gang las byung ba shes pa dang/ rgyu dang 'bras bu mi mthun pa shes pa dang/ gnyis ka'i cha la nyon mongs pa med pa dang/ dus gsum ma 'dres par shes pa dang/ las dang rgyu'o/ / lha thams cad kyi zhes bya ba nas brtsams te/ chos 'od gsal zhes bya ba yan chad kyis 'jig rten dang 'jig rten las 'das pa las khyad zhugs pa bstan to/ /lha'i rna ba des zhes bya ba nas brtsams te/ sgra de dag thams cad kyang thos so/ /zhes bya ba yan chad kyis sgra thams cad dmigs pa bstan to/ /sems kyi dmigs pa zhes bya ba nas brtsams te/ las 'byung ba thams cad kyang yang dag pa ji lta ba bzhin du rab tu shes so/ /zhes bya ba yan chad kyi rgyu gang las 'byung ba shes pa bstan to/ /gang gi las dge ba'i rgyu zhes bya ba nas brtsams te/ lung du mi ston pa'i rgyu yongs su 'dzin pa de dag thams cad kyang yang dag ji lta ba bzhin du rab tu shes so/ /zhes bya ba yan chad kyis 'bras bu gang 'byung ba shes pa bstan to/ /'dod chags bag la nyal zhes bya ba brtsams te/ lha'i rna ba'i mngon par shes pa'i ye shes thogs pa med pas des yang dag pa ji lta ba bzhin du rab tu shes bya ba yan chad kyis rgyu dang 'bras bu'i mi mthun pa shes pa bstan te/ de dag gis lha'i rna ba'i mngon par shes pa'i ye shes des 'phags pa zhes bya ba nas brtsams te/ 'phags pa ma yin pa'i sgra la snying rje chen po 'thob bo zhes bya ba yan chad kyis gnyis ka'i cha la nyon mongs pa med pa bstan to/ /sgra thams cad la yang sngon gyi mdza' dang zhes bya ba la sogs pas dus su ma 'dres pa shes pa bstan to/ /de dag lha'i rna ba'i mngon par shes pa'i ye shes des zhes bya ba nas brtsams te/ /sems can gang dag chos shes par byed pa ma yin pa de dag ni mi thos so/ zhes bya ba yan chad kyis las bstan to/ /de dag gi rna ba'i khams de chos kyi dbyings zhes bya ba nas brtsams te/ lha'i snyan du bsngos pa zhes bya ba yan chad kyi rgyu bstan to/ /gong du lha'i mig gi skabs su bshad pa dang don mthun pa'i tshig rnams 'dir ma bshad do/ /sems kyis dmigs pa dge ba dang mi dge ba dang/ lung du mi ston pa gang dag gis sems can de dag gi ni l as byung ba thams cad kyang yang dag pa'i ji lta ba bzhin du rab tu shes so zhes bya ba ni sems can de dag gi tshig rab tu smra ba de'i rgyu ni sems kyi dge ba dang mi dge ba dang lung du mi ston pa'i chos la dmigs pa yin te/ de dag gi sems kyi chos gang la dmigs nas gang gi las tshig tu smra ba ni sgra gang byung pa'i rgyu rnams kyang rab tu shes so/ zhes bya ba'i don to/ /rgyu gang las byung ba shes pa bshad zin to/ /ngag gi las gang dge ba'i rgyu yongs su 'dzin pa la sogs pa ni sems can de dag gis tshig tu smra ba de dag thos nas tshig de dag smras pa'i rgyus 'bras bu ci dang cir 'gyur ba byin ci ma log par shes pa'i don to/ /'bras bu gang byung ba yang bshad zin to/ / 'dod chags bag la nyal ba'i dag gi las gang sdang bas 'byin pa dang zhes bya ba la sogs pas ni 'dod chags dang zhe sdang dang gti mug gsum las gcig ni tshig mngon par smra ba'i rgyu'i gtso bo yin par ston/ gcig ni grogs yin par ston te/ 'dod chags bag la nyal la sdang bas 'byin pa ni tshig 'byung ba'i gzhi 'dod chags las glangs la/ 'dod chags dngos su ma byung bar bag la nyal te/ zhe sdang dngos su byang bas tshig tu smras pas shes so/ /zhes bya ba'i don to/ /de bzhin lhag ma rnams la yang sbyar ro/ /ngag gi las gang bsam pa dag la sbyor ba nyams pa dang zhes bya ba la sogs pa la/ bsam pa ma nor la tshig tu smra ba'i sbyor ba 'khrul cing nor ba dang/ tshig tu smra ba'i sbyor ba ma nor ma 'khrul la/ bsam pa 'khrul pa la sogs pa phyin ci ma log par shes pa la bya'o/ /rgyu dang 'bras bu mi mthun par shes pa bshad zin to/ /'phags pa'i sgra ni nyan thos dang rang sangs rgyas dang byang chub sems dpa' dang/ de bzhin gshegs pa rnams gsungs pa dang chos 'chad pa'i sgra'o/ /'phags pa ma yin pa'i sgra ni so so'i skye bo rnams 'ongs pa dang 'gro ba la sogs pa tha snyad sna tshogs kyi sgra 'byin pa'i/ /'phags pa'i sgra la byams pa chen po 'thob cing zhes bya ba ni 'phags pa rnams kyi sgra thos nas chos bshad pa'i sgra 'dis sems can thams cad la phan btags so zhes sgra de la bdag nyid byams pa chen po'i sems skyed pa'o/ /'phags pa ma yin pa'i sgra la snying rje chen po 'thob ces bya ba ni so so'i skye bo rnams kyis smras pa'i sgra ni 'dod chags dang zhe sdang la sogs pa'i rgyu las byung bas na sdug bsngal sna tshogs skyed pa'i sgyu yin no/ zhes snying rje chen po'i sems skye'o/ /gnyi ka'i cha la nyon mongs pa med pa bshad zin to/ /sgra thams cad la yang ston gyi mdza' dang/ phyi ma'i mdza' zhes bya ba la sogs pa na 'das pa'i sgra dang ma 'ongs pa'i sgra gang yin pa bye brag phyed par shes pa ni sngon gyi mdza' dang phyi ma'i bar bye brag 'byes bshes pa zhes bya ste/ zhes? pa des sgra 'di dag ni 'das pa'i tshig yin no/ zhes yang dag pa ji lta ba bzhin du shes so/ /de ltar dus gnyis kyi sgra bye brag phyed bar shes na/ da ltar byang ba'i dus kyis tshig kyang shes par sngon po'i phyir mdo las ma gsungs te/ dus gsum 'dres pa bshad zin to/ /dran pa ni thos pa'i chos rnams kyi tshig dang don ma brjed pa'o/ /shes bzhin ni chos de rnams kyi rang dang spyi'i mtshang nyid bye brag phyed pa'o/ /de gnyis mi brjed pa dang/ bye brag phyed bar byed pas na dran pa dang shes bzhin gnyis la mi brjed pa'i chos nyid ces bya'o/ /sems can rnams la dran par? med ces bya ba ni thos pa'i chos de dag sems can la ston cing sems can rnams kyang mi brjed pa'i chos nyid la 'jog par byed ces bya ba'i don to/ /snying po dang snying po ma yin pa'i chos rnam zhes bya ba la sogs pa la/ don dam pa bstan pa'i chos rnams ni snying po'i chos so/ /kun rdzob tu chos bstan pa thams cad ni snying po ma yin pa'i chos te/ sems can rnams mi brjed pa'i chos nyid la bkod pas snying po dang snying po ma yin pa'i chos rnams kyang sems can de dag gis rab tu shes so/ zhes bya bar sbyar ro/ /gang dge ba dang mi dge ba dang lung du ma stan pa'i sgra gang dag thos pa de dag kyang dran pa dang shes bzhin gyis dus dus su brjod do/ zhes bya ba ni byang chub sems dpa' de sngon gzhan las dge ba'i sgra thos pa dang/ mi dge ba'i sgra thos pa dang/ lung du ma bstan pa'i sgra thos pa rnams kyang smra bar bya ba'i snod dang dus su sbyar te smra'o/ zhes bya ba'i don to/ /snod dang sbyar ba ni gal te sems can de dag chos bshad pa'i snod yin na ni smra'o/ ma yin na mi smra'o/ /dus su sbyar ba ni chos bshad pa'i dus su la bab na smra'i/ dus su la ma bab na mi smra'o/ /de nyid kyi don gal te 'khor gyi dus yin yang zhes bya ba la sogs pa tshig 'og ma rnams kyis gsal bar bshad de/ 'khor rnams tshogs su zin kyang chos bshad pa'i dus dang skabs su ma bab na chos thos pa rnams kyang mi ston par 'jog go / chos bstan pa'i dus la bab na ni 'khor mang po ma tshogs kyang gdul bya 'ga' tsam la yang chos ston to/ zhes bya ba'i don to/ /dpang gcig gis zhes bya ba ni pha rol po nyan pa gcig pu zhig yod kyang rung zhes bya ba'i don to/ /bden par lung bstan pa yang gzhan la gnod na lung mi ston to zhes bya ba la sogs pa la/ byang chub sems dpa' dge ba dang mi dge ba la sogs pa'i dngos po sgra'i sgro nas thos te lung bstan du yod kyang sems can la gnod na bden zhing thog tu bab kyang rung mi ston la/ sems can la phan na mi bden zhing thog du ma bab kyang lung ston te/ thabs mkhas pa dang/ bdag gi sems la g.yo med pa'i sgo// nas yongs su dag pa'i sems can yongs su smin par bya ba dang mi 'gal ba'i phyir brdzun du smra bar yang mi 'gyur ro/ /sgra ji lta bu nyan par 'dod pa zhes bya ba la sogs pa ni/ chos nyan pa'i sems can rnams kyang chos gang dang sgra ji lta bu nyan cing thos pas 'dod pa'i chos de dang sgra de lta bu thos kyang sgra gang dang chos nyan par mi 'dod pa'i sgra de dang chos de ni mi thos so/ zhes bya ba'i don to/ /'khor gang na chos ston pa de'i sems can rnams kyi rna ba'i gnas kyi shes pa yang zhes bya ba la sogs pa ni 'khor ba na chos nyan pa'i sems can rnams kyi rna ba'i dbang po yis chos thos nas gang la dang ming mos pa 'am/ ci dang ci'i snod du 'gyur ba shes na de dag dang rjes su mthun pa'i chos rnams ston to/ /de la sems can gang dag chos shes par byed pa de dag gis na de'i chos thos so/ zhes bya ba la/ sgra phar smra ba la dbang du gyur pa ston to/ /byang chub sems dpa' des 'khor gcig gi nang du chos bshad pa las/ 'khor de dag gi nang na gang chos de'i snod du gyur pa'i shes par nus pa rnams la ni chos 'chad pa'i sgra de dag grags par 'gyur gyi/ snod ma yin zhing phan? par mi 'gyur ba la ni sgra yang grags par mi 'gyur ro/ /zhes bya ba'i tha tshig go /las bshad zin to/ /de dag ni rna ba'i khams de chos kyi dbyings shin tu rnam par dag par yin zhes bya ba ni chos kyi dbyings shin tu rnam par dag pa bsgoms pa las byung bas na chos kyi dbyings bzhin du rnam par dag ces bya ba'i don to/ /de dag gi rna ba'i khams de ye shes r nam par dag ba yin zhes bya ba ni thams cad mkhyen pa'i ye shes rnam par dag pa la dmigs shing bsgoms pa las byung bas na rnam par mi rtog pa'i ye shes rnam par dag pa bzhin du de'i rna ba'i sems kyi rang bzhin yang dag pa yin zhes bya ba'i tha tshig go / de dag gi rna ba'i khams de bdag gi khams shin tu rnam par dag pa yin zhes bya ba la sogs pa ni mu stegs can gyis brtags pa'i bdag dang sems can la sogs pa ming gis smos kyi lta ba dang bral bas rnam par dag pa zhes bya'o/ /de dag gi rna ba'i khams de sgra dang yi ge dang nges pa'i tshig ji lta ba bzhin du thos pa shin tu brtags zhes bya ba ni sgra dang yi ge la sogs pa phyin ci ma log par thos nas de dag gi mtshan nyid khong du chud pa las skyes pa yin zhes bya ba'i don to/ /de la sgra ni gdags so/ /yi ge a dang ka la sogs pa'o/ /nges pa'i tshigs ni gtan la 'bebs pa'i tshig te/ thogs pa dang bcas pas na gzugs zhes bya ba la sogs pa'o/ /skad ji lta ba bzhin du 'jug pas chos ston ces bya ba ni so so'i sgra dang skad la sogs pa dang mthun par byas nas chos ston ces bya ba'i tha tshig go /theg pa gzhan mi nyan pa'i phyir zhes bya ba ni nyan thos dang rang sangs rgyas kyi theg pa mi nyan zhing der mi bsngo zhes bya ba'i tha tshig go / lha'i rna ba mngon par shes pa mi zad pa bshad zin to/ /sems mngon sum pa bstan pa'i phyir/ de la byang chub sems dpa' rnams kyi pha rol gyi sems shes pa'i mngon par shes pa mi zad pa gang zhe na zhes bya ba la sogs pa gsungs so/ /sngon gyi mdza' i sems shes pa dang zhes pa ni 'das pa'i dus kyi sems can rnams kyi sems ci dang ci lta bur gyur pa zhes pa'o/ /phyi ma'i mdza' i sems shes zhes bya ba ni ma 'ongs pa'i dus kyi sems can rnams kyi sems ci dang ji lta bur 'gyur shes pa'o/ /da ltar byung ba'i sems shes zhes bya ba ni da ltar byung ba'i sems can rnams kyi sems ci dang ji lta bu shes pa'o/ /'das pa'i dus kyi sems shes pa rgyas par bstan pa'i phyir/ de 'das pa'i sems shes pas sems can rnams kyi song na? gyi rgyu las byung ba'i sems la 'jug ces bya ba la gsungs te/ sems can rnams kyi sems sngon 'das pa'i thams cad shes te/ sngon 'das pa'i sems de dag las da ltar dang phyi ma'i sems 'byung bas sngon gyi rgyu las byung ba'i sems shes bya'o/ /de shes pa ni sems la 'jug pa'o// de yang ji ltar shes zhe na/ de'i phyir sems can de'i sems 'di ni rgya che'o zhes bya ba la sogs pa gsungs te/ sems can 'di'i sems sngon dge ba dang mi dge ba la sogs pa shes chen po spyod spyod pa'i rgyu 'am/ 'bring po spyod spyod pa 'am/ chung ngur spyod pa'i rgyus de 'di ltar gyur to/ zhes sems kyi rgyu rnams shes pa la bya'o/ /sems can 'di'i dbang po rnams ni sbyin pa'i rnam pa'i rgyu dang ldan zhes bya ba la sems can rnams kyi dang ba la sogs pa'i dbang po rnams sngon sbyin pa spyod spyod pa'i rgyu dang ldan te/ sbyin pa'i rang bzhin ni shes che'o/ /zhes bya ba'i don to/ /rnam pa ni de'i rang bzhin nam/ de'i shas che ba la bya ste/ de bzhin du tshul khrims la sogs ba 'og ma rnams la yang sbyar ro/ /sems can 'di ni rgyu'i stobs can te dge ba'i rtsa ba'i rgyu'i rgyun 'di dag ldan na sems can de sbyor ba'i rgyus rigs dma' bar skyes so/ zhes bya ba ni sngon gyi sems kyi rgyu rnam pa sna tshogs pa shes pa ston te/ sngon dge ba'i rgyu mthu chen po spyad pas dge ba'i rtsa ba'i rgyu'i rgyan de dag dang ldan par yang shes sems can de nyid lus dang ngag gi sgo nas rigs chung ngur skye ba'i las ngan pa spyad pa'i rgyus rigs chung ngur skyes pa yang shes so/ zhes bya ba'i don to/ /ma 'ong pa'i sems can gzhan gyi sems shes pa bstan pa'i phyir/ de la phyi ma'i pha rol gyi sems shes pa gang zhe na zhes bya ba la sogs pa gsungs so/ /sems can 'di da ltar gyi sbyin pa'i rgyu ni ma 'ongs pa'i dus na 'di'i tshul khrims kyi rgyur 'gyur ro/ zhes bya ba la sogs pas rgyu dang 'bras bu ma grags shing mi mthun pa rnams las kyang rgyu dang 'bras bu 'gyur ba shes pa bstan te/ yod ni sbyin pa'i rgyus ma 'ongs pa'i dus na yang sbyin pa dang ldan par 'gyur ba'i rig pa las sbyin pa'i tshe yang mi 'jigs pa'i sbyin pa la sogs pa tshul khrims gyi rang bzhin yod pa tshul khrims kyi rgyur 'gyur ba shes pa la bya'o/ /rnam pa gang dag 'byung ba zhes bya ba ni rgyu dang rkyen de dag las 'bras bu gang 'byung bar 'gyur zhes bya ba'i don to/ /de'i sems la 'jug pa'i shes pa'i dang/ chos kyi snod du gyur pa ji snyed pa de snyed du chos ston to/ zhes bya ba ni pha rol gyi sems shes par bya zhing chos kyi snod la chos bstan par bya ba ji snyed pa sems shes pa'i mngon par shes pa yang de snyed de/ de dag shes nas chos bstan pa'ang de snyed do/ /zhes bya ba'i don to/ /mdor na shes par bya ba'i yul na zad mi shes pas pha rol gyi sems shes pa de yang zad mi shes so/ zhes bya bar bstan to/ /de'i 'bras bu yod par chos ston pa zhes bya ba ni sems can gang 'dul bar bya ba'i phyir chos bstan pa'i sems can de dag kyang chos bstan ba des thul bar gyur te/ don med par mi 'gyur ro/ zhes bya ba'i don to/ /da ltar gyi dus kyi sems can gyi sems shes pa bstan pa'i phyir/ de la da ltar byung ba'i pha rol gyi sems shes pa gang zhe na zhes bya ba la sogs pa gsungs so/ /'dod? chags dang bcas pa'i sems kyang zhes bya ba la sogs pa la/ sems can 'di'i sems ni 'dod chags dang bcas pa yin/ /sems can 'di'i sems ni 'dod chags dang bral ba yin zhes shes pa'o/ /nyon mongs pa dang bcas pa dang/ nyon mongs pa dang bral ba zhes bya ba ni spyir nyon mongs pa dang/ nyon mongs pa dang bral bar shes pa'o/ /bsdus pa dang rnam par g.yengs pa zhes bya ba ni ting nge 'dzin la rtse gcig tu bsdus pa dang/ rtse gcig tu ma bsdus pas te g.yengs pa shes pa'o/ /bying ba dang rab tu 'dzin pa zhes bya ba ni gnyid dang mugs pa la sogs pas sems non pa dang mnon pa shes pa'o/ /rnam par zhi ba dang rnam par ma zhi ba ni ting nge 'dzin ma thob pa dang thob pa'o/ /chung ngu dang yangs pa chen por gyur pa dang tshad med pa'i sems shes bya ba la/ chung ngu ni 'dod pa'i khams kyi sems can gyi sems la bya ste/ bsam gtan la sogs pa bsam pa rgya chen po med cing dmigs pa chung ba'i phyir ro/ /yangs pa dang rgya chen po ni gzugs yod pa rnams kyi sems can rnams kyi sems la bya ste/ de dag gi bsam ba rgya che zhing bsam gtan dang po la sogs pa dmigs pa chen po dang ldan pa'i phyir ro/ /tshad med pa ni gzugs med pa'i khams kyi sems la bya ste/ nam mkha' yas skye mched la sogs pa'i snyoms par 'jug pa tshang med pa rnams la 'jug pa'i phyir ro/ /rang gi sems sgrib pa 'am gzhan gyi sems bsgribs par mi 'gyur ro/ zhes bya ba ni bdag gi sems la rab rib dang thogs pa med pas bsgribs pas mi 'gyur pa dang/ gzhan gyi sems shes par bya ba nyid kyang gsal bar shes so/ /zhes bya ba'i don to/ /de ci'i phyir zhe na/ zhes bya ba ni ci'i phyir sgribs par mi 'gyur zhe na zhes bya ba'i tha tshig go / de'i sems kyi rgyun ni ye shes kyis rig ces bya ba la sogs pa la/ byang chub sems dpa' i pha rol gyi sems shes pa'i sems kyi rgyun de ye shes dang ldan pa 'am/ ye shes kyis bstangs pa 'am/ ye shes rang bzhin du gyur par pha rol gyi sems rig pa'i phyir bsgribs par mi 'gyur ro/ /zhes gong du smos pa dang sbyar ro/ /de bzhin du dran pa la sogs pa 'og ma rnams dang yang sbyar te/ dran pa la sogs pa ni gong du bshad pa bzhin du lta'o/ /dri ma med pa ni glo bur gyi dri ma dang ma 'dres pa'i phyir ro/ /'od gsal ba ni rang bzhin gyi dge ba'i rang bzhin yin pa'i phyir ro/ /kha na ma tho ba med pa ni sdig pa'i chos dang ma 'dres pas so/ /mi brlang ba ni zhe sdang spangs pas so/ /nyon mongs pa med pa ni nyon mongs par 'gyur ba'i chos gang gis kyang snyon mongs par mi nus pa'i phyir ro/ /rtog pa med pa sgrib par 'gyur ba'i chos thams cad spangs pa'i phyir ro/ / chos thams cad snang ba rig pa ni shes par bya ba'i dngos po thams cad mngon sum du rtogs pa'i phyir ro/ /sems kyi spyod pa la zhugs zhes bya ba ni sems can 'dod chags spyod pa la sogs pa'i spyod pa mang po khong du chud ces bya ba'i don to/ /sems kyi rgyun gcig tu rig ces bya ba ni dus gsum gyi sems can rnams kyi rgyu na ji lta bu yin pa ci 'dra ba rtog shes bya ba'i tha tshig go /pha rol gyi sems shes pa'i mngon par shes pa mi zad pa bshad zin to/ / //bsam pa mngon sum pa bstan pa'i phyir ro/ /de la byang chub sems dpa' i sngon gyi gnas rjes su dran pa'i shes pa mngon sum du byed pa'i mngon par shes pa gang zhe na zhes bya ba la sogs pa gsungs so/ de mi zad pa yang sngon gyi dus 'di tshun chad dran no/ /zhes dran pa'i mdza' thug pa ni mi zad pa 'am/ yang na bdag gis sngon gnas dran pa 'ba' zhig ma yin gyi/ sems can thams cad kyis sngon gyi gnas kyang dran pas sems can mi zad pa'i phyir de dag gi sngon gyi gnas dran pa yang mi zad pa'o/ /rnam pa gcig tu na/ dran pa de ni chos kyi dbyings gnas kyi byin gyis brlabs pa'o/ /zhes bya bas kyang mi zad pa bstan te/ chos kyi dbyings rnam par dag pa ni mtshan mi dang dngos po thams cad las 'das pas mi zad pa yin te/ des byin gyis brlabs pa yang de dang mthun pa 'am/ de'i rang bzhin rtogs pas de lta bu'i dran pa yang mdza' med pa'i phyir mi zad pa'o/ /de yang rnam par bzhir rig par bya ste/ gang gis dran pa dang gang dran pa dang/ ji ltar dran pa dang/ dran nas don chen por 'gyur pa'o/ /de dran pa nges sngon gyi gnas rjes su dran te zhes bya ba nas brtsams te/ pha rol tu phyin pa thams cad kyis tshogs bsags pa'o/ zhes bya ba yan chad kyi gang gis dran pa bstan to/ /de dran pa des sngon gyi gnas rjes su dran te zhes bya ba nas brtsams te/ bskal pa brgya stong phrag du ma yang dran zhes bya ba yan chad kyi gang dran pa bstan to/ /sems can ma che go mo zhes bya ba nas brtsams te/ des bdag dang sems can gzhan gyi sngon gyi mdza' nas bzung ste/ sngon gyi rjes su dran zhes bya ba yan chad kyis ji ltar dran pa bstan to/ /de bdag gi dge ba'i rtsa ba zhes bya ba nas brtsams te/ thams cad mkhyen pa'i phyir bsngo ste zhes bya ba yan chad kyis don chen por 'gyur ba bstan to/ /de zhes bya ba ni byang chub sems dpa' i de zhes bya ba'i tha tshig go/ des zhes bya ba sngon gyi gnas rjes su dran pa nges zhes bya ba'i don to/ /dran pa de ni chos kyi dbyings kyi gnas kyis byin gyis brlab pa'o/ /zhes bya ba la bzung ba dang 'dzin pa thams cad las 'das pa'i chos kyi dbyings nyid sangs rgyas kyi chos thams cad skye ba'i rgyu yin pas chos kyi dbyings kyi gnas te/ dran pa de chos kyi gnas de'i rgyu las skyes pa 'am/ chos kyi dbyings dang rang bzhin mthun pa'i phyir byin gyis brlabs pa zhes bya'o/ /rab tu rig pas na mi g.yo ba'o/ zhes bya ba ni dran pa des chos thams cad phyin ci ma log par shin tu rtog pas na 'khrul pa 'am 'gyur ba med ces bya ba'i don to/ /ye shes shin tu sbyang ba byas pas na mi rgod pa'o/ zhes bya ba ni shes shing dran par bya ba'i dngos la rab tu byang bar gyur pas na 'phyar ba dang rgod pa med ces bya ba'i tha tshig go / zhi gnas la rab tu gnas pas gces pa med ces bya ba ni ting nge 'dzin sems rtse gcig pa'i mtshan nyid la legs par 'dug pas ting nge 'dzin dang mi mthun pa'i phyogs phyin ci log tu rtog cing dpyod pa la sogs pa'i skyon med ces bya ba'i don to/ /lhag mthong gis shin tu zin pas na nor ba med ces bya ba la lhag mthong ni shes rab la bya ste/ dran par bya ba'i dngos po rnams shes rab kyis ma nor bar zin cing rtog pas na ma 'khrul pa'o/ /dran zhing mi brjod pa'i chos can pas na zhes bya ba la/ sngon thos pa'i chos dang don rnams ma rjed pa ni dran pa'o/ /phyis brjed par mi 'gyur ba ni mi brjed pa ste/ de lta bu'i chos dang ldan pas sngon gyi gnas dran pa'i mngon par shes pa de dran par bya'o/ /theg pa chen po rab tu shes pa'i phyir zhes bya ba ni dran pa des theg pa chen po'i chos khong du chud pa'i phyir khong du chud pa'i rgyu las byung ba'i bsod nams kyi tshogs dang ldan zhes bya ba'i don to/ /gzhan la rag ma lus pas na ye shes kyi tshogs bsags pa'o/ zhes bya ba ni bsam gtan 'khor gsum yongs su dag pa gzhan gyi dring la mi 'jog pas ye shes kyi tshogs bsags pa'o/ /thams cad kyi pha rol tu 'gro ba'i phyir zhes bya ba la/ pha rol ces bya ba ni mthar phyin pa 'am mchog tu phyin pa la bya ste/ pha rol tu phyin pa thams cad kyi mchog gam mthar phyin pa'i phyir pha rol tu phyin pa thams cad kyi tshogs bsags pa'o/ /tshe rabs gcig kyang dran no/ /zhes bya ba ni skye ba gcig kyang dran no/ /zhes bya ba'i tha tshig go /gzhan ni go sla bas ma bshad de/ gang dran pa yang bshad zin to/ /bdag gi ming ni 'di zhes bya ba la sogs pa la/ tshe rabs gang du skyes pa'i tshe re re ming yang dran pa ste/ dper na tshe 'di'i tshe na ni ming yang 'di zhes bya/ tshe 'di'i tshe na ni ming 'di zhes bya ba dran pa'o/ /rigs 'di zhes bya ba ni tshe rabs de dag tu skyes pas na bdag rigs bzhi las gang dang gang du skyes pa dran pa'o/ /rus zhes bya ba ni rigs bzhi las kyang mthon dman du phye ba shes pas te/ tshe rabs de dag gi pha'i rus ni 'di zhes bya/ ma'i rus ni 'di zhes bya ba la sogs pa'o/ /kha dog ni 'di 'dra zhes bya ba ni kha dog yid du 'ong ba dang/ yid du mi 'ong ba dang/ mdzes pa dang/ mi mdzes pa ci 'dra bar gyur pa dang dran pa'o/ /kha zas 'di lta bu zhig za za zhes bya ba ni ston pa dran pa ste/ tshe rabs de dang de dag tu kha zas ci dang ji lta bu zos pa dran pa'o/ /tshe'i tshad ni 'di tsam zhig thub ces bya ba'i tshe'i 'du byed dran pa ste/ tshe rabs de dag tu che'i tshad ji srid gnas pa las/ che zad de lan du shi ye 'brog gis ni lan du bsad pa dran pa'o/ /bde ba dang sdug bsngal myong ba zhes bya ba ni dar ba dang rgud pa dran pa bstan te/ tshe rabs de dang de dag tu dar cing bde ba lan mang du myong ba dang/ rgud cing sdug bsngal ba lan mang du myong ba so sor dran pa'o/ /ji ltar bdag gis dran pa de bzhin du sems can gzhan gyi yang dran par sbyar ro/ /rnam pa dang bcas zhes bya ba la rnam pa ni tshe rabs gcig nas bskal pa bye ba khrig khrig mang po dran pa'o/ /rgyu mtshan ni dus dang dus la sogs pa gang yin pa dran pa'o/ /yul phyogs ni bdag de nas shi 'phos nas che ge mo zhig tu skyes zhes dran pa'o/ /ji ltar dran pa bshad zin to/ /sngon gyi rgyu las byung ba dran zhes bya ba ni dge ba dang/ rtsa ba sngon ci dang ci bsags pa dran pa'o/ /byang chub tu yongs su bsngo ba byed do/ zhes bya ba ni dge ba'i rtsa ba'i rgyu yod par dran zhing shes nas/ dge ba'i rtsa ba de dag byang chub tu bsngo bar byed pa'o/ /sngon gyi 'du byed kyi sdug bsngal zhes bya ba ni bdag sngon 'gyur pa'i sdug bsngal gyi sdug bsngal bar 'gyur ba 'am/ sdug bsngal gyi sdug bsngal bar 'gyur ba 'am/ 'du byed kyis sdug bsngal bar gyur pa de dag dran nas zhes bya ba'i tha tshig go / ston par byed do/ /zhes bya ba ni 'du byed rnams mi rtag pa sogs par lta'o/ zhes bya ba'i don to/ /gzugs kyi dreg pa med pa yin zhes bya ba ni de ltar mi rtag par shes pas bdag ni gzugs bzang po mdzes pa'o/ snyam pa'i rlom sems med pa ste/ mdzes pa de yang de ma thag tu med par 'gyur bar khong du chud pa'i phyir te/ kha dog gis dregs pa med pa la sogs pa la yang ci rigs par sbyar ro/ /skye ba thams cad 'dod pa ma yin zhes bya ba ni skye ba gnas thams cad du skye bar 'dod par mi skye ba'i don to/ /bsams bzhin du srid par skye ba 'dzin ces bya ba ni sems can gyi don du shes bzhin du khams gsum du skye bar byed pa'o/ /sngon gyi kun nas nyon mongs pa'i spyod pas ngo tsha zhing mdzem ste/ zhes bya ba ni chos thams cad mi rtag pa'i mtshan nyid du shes pas/ de lta bu dag gi phyir sngon sdig pa byas pa ni mi rig pa byas so/ /zhes ngo tsha zhing mdzem ba skye ba'o/ /rgyas par byed do/ /zhes bya ba ni dge ba'i rtsa ba bsags pa byang chub tu bsngos nas 'phel zhing rgya chen por byed pa'o/ /des mi mthun pa'i phyogs yongs su bsngo ba spangs te/ zhes bya ba ni dge ba'i rtsa ba ci bsags pa dang/ nyan thos sam rang sangs rgyas sam lha 'am mir skye bar mi bsngo'i dkon mchog gsum gyi rigs rgyun mi chad pa dang thams cad mkhyen pa'i ye shes thob par bya ba'i phyir bsngo'o/ /'di'i don chen por 'gyur ro/ /sngon gyi gnas rjes su dran pa shes pa mngon sum byed pa'i mngon par shes pa mi zad pa bshad zin to/ / //mnyam pa nyid mngon sum pa bstan pa'i phyir/ de la byang chub sems dpa' rnams kyi rdzu 'phrul bya ba shes pa zhes bya ba la sogs pa gsungs te/ de mi zad pa yang rdzu 'phrul mngon par shes pa de yid ches shing smin par bya ba'i sems can mi zad pas na smin par byed pa'i sems can de yang mi zad pa'o/ /de yang rnam pa drug tu rig par bya ste/ rgyu rnam par dag pas 'byung ba dang rnam pa sna tshogs su ston pa dang dbang du bya ba dang/ thams cad gzugs su 'dzud pa dang/ gzhan du bya ba dang/ gzhan gyi rdzu 'phrul zil gyis gnon pa'o/ /de la gang 'dun pa dang brtson 'grus zhes bya ba nas brtsams te/ cho 'phrul rnams du ma myong ba zhes bya ba yan chad kyi rgyu rnam par dag pa las byung ba bstan to/ /de'i rdzu 'phrul de dag ni zhes bya ba nas bsams te/ gzugs dang kha dog tu snang ba de dang de nyid ston te/ mos pa ji lta ba bzhin du sems can rnams la chos ston to/ zhes bya ba yan chad kyi rnam pa sna tshogs su ston pa bstan to/ /de'i stabs gang dang gang gis zhes bya ba nas brtsams te/ dregs pa 'dul ba'i phyir chos ston to/ zhes bya ba yan chad kyis dbang du bya ba bstan to/ /de rdzu 'phrul gyi rkang pa de dag gis zhes bya ba nas brtsams ste/ rgya mtsho chen po nyid du 'dug go /zhes bya ba yan chad kyis thams cad gzugs su 'dzud? pa bstan to/ /gal te sreg pa'i skal pa zhes bya ba nas brtsams te/ gang dang gang byin gyis brlabs kyis byin gyis brlabs pa de dag gi de kho na bzhin du 'dug go /zhes bya ba yan chad kyi gzhan du bya ba bstan to/ /de'i byin gyis brlabs de ni sangs rgyas bcom ldan 'das zhes bya ba nas btsom te/ bdud kyi ris kyi lha rnams kyis mi 'phrog pa ste/ zhes bya ba yan chad kyis rdzu 'phrul zil gyis gnon pa bstan to/ /gang 'dun pa dang brtson 'grus dang sems dang dpyod pas zin pa'i chos rnams sgrub pa dang zhes bya ba la/ 'dun pa la sogs pa bzhi po ming gis smos pa 'di dag ni rdzu 'phrul gyi rkang pa zhes bya ste/ rdzu 'phrul skyed pa'i rgyu'o/ /rdzu 'phrul ni 'og nas 'byung ba'i gzugs dang/ stobs dang byin gyis brlabs la sogs pa lta bur sprul cing 'byor pa nus par bya'o/ /de sprul cing 'byor pa nus pa'i rgyu 'am/ gzhi 'am/ de lta bu'i gnas su phyin par byed pa ni 'dun pa la sogs pa'i ting nge 'dzin bzhi po// 'di rnams yin pas 'dun pa la sogs bzhi po 'di rnams la rdzu 'phrul gyi rkang pa zhes bya'o/ /de ci'i phyir zhe na/ 'dun pas ni thog ma nyid du rdzu 'phrul la mngon du phyogs pa 'am dang par byed brtson 'grus ni de sgrub par byed/ sems kyi ni bsgrubs pa rnams chud mi zos par bzung ba'i chos gtan la phab nas rtogs par byed de/ de lta bu la rdzu 'phrul 'byung ba'i phyir de rnams ni rdzu 'phrul kyi rkang pa'o/ /rab tu zin pa'i chos rnams zhes bya ba la/ 'dun pa dang brtson 'grus dang sems dang dpyed pa rnams kyis bsgrubs pa 'am de dag ldan pa'i gzugs dang byin gyis brlabs 'og nas 'byung ba rnams sgrub ces bya ba'i don to/ /sgrub pa ni ma thob pa las thob pa las thob par byed pa'o/ /las su rung ba ni thob pa nas spyod nus pa'o/ /dbang byed pa ni spyod nus pa las kyang rab tu byang nas cir dga' bsgyur nus pa'o/ /des rdzu 'phrul gyi rkang pa bzhi po 'di dag shin tu bsgoms pa'i phyir/ mngon par 'du byed pa med pa'i rdzu 'phrul mngon du thob par 'gyur te/ zhes bya ba ni 'dun pa la sogs pa rdzu 'phrul gyi rkang pa gong du smos pa bzhi po rab tu bsgoms te/ byang bar gyur pa'i mthus gzugs dang stobs dang/ byin gyis brlabs kyis rdzu 'phrul 'og nas 'byung ba rnams bsal zhing 'bad mi zags? par lhun gyi grub pa nyid du thob po/ zhes bya ba'i don to/ /de rdzu 'phrul gyi cho 'phrul rnam pa du ma myong ba zhes bya ba ni de ltar lhun gyis 'grub ba las/ rdzu 'phrul mngon par shes pa dang ldan pa'i byang chub sems dpa' de rdzu 'phrul rnam pa mang po spyod par 'gyur ro/ zhes bya ba'i don to/ /gzugs zhes bya ba ni gzugs bzang ngan gang gi 'dul ba'i gzugs de ston pa'o/ /stobs ni lus kyi mthu dang rtsal lo/ /byin gyis brlabs sa chur sgyur ba dang/ chu mer sgyur ba la sogs pa'o/ /mos pa ji lta ba bzhin du chos ston to/ zhes bya ba ni rdzu 'phrul gyi cho 'phrul gyi btul nas chos gang la dad pa'i chos de ston pa'o/ /stobs dang de nyid ston ces bya ba ni sems can de dag pas stobs che ba'i sems can de dang de dag gi stobs nye bar ston pa'o/ /de bzhin du tha ma dang 'bring dang rab ces bya ba la tha ma rab tu gyur cig ces byin gyis brlabs na de de bzhin du 'gyur pa la sogs pa ci rigs par sbyar to/ /'jig rten du chos dang mthun pa sus kyang zhes bya ba ni 'jig rten na bdag dang 'dra bar gyur pa zhes bya ba'i tha tshig go /byin gyis brlabs ni rdzu 'phrul gyis byin gyis brlabs so/ /ye shes kyis stobs bskyed ces bya ba ni gnyis su med pa'i ye shes kyi mthu bskyed pas so/ /brjod pa sna tshogs dang dga' ba zhes bya ba ni sems can bshad pa sna tshogs pa dga' ba'o/ /rdzu 'phrul kyi rkang pa de dag kyang mngon par 'phags so/ /zhes bya ba ni byang chub sems dpa' i rdzu 'phrul gyi rkang pa de 'jig rten pa dang drang srong la sogs pa'i rdzu 'phrul gyi rkang pa dang/ 'jig rten las 'das pa nyan thos la sogs pa las khyad zhugs pa'i phyir ro/ /bdud dang nyon mongs pa thams cad kyi yul las 'das pa zhes bya ba ni bdud dang nyon mongs pa thams cad de spangs la bdud dang nyon mongs pa dang ldan pa rnams kyis thob par mi nus pa'i phyir ro sangs rgyas kyi yul la 'jug pa zhes bya ba ni rdzu 'phrul des chos kyi dbyings rtog par byed pa'i phyir ro/ /sems can la mi gnod ces bya ba ni rdzu 'phrul des sems can rnams la phan 'dogs par byed pa'i phyir ro/ /dge ba'i rtsa ba dang chogs thams cad bsags pa zhes bya ba ni rdzu 'phrul brtsams pa thams cad kyang dge ba'i rtsa ba dpag tu med pa la sogs pa'i rgyur 'gyur bas so/ /'dod pa'i khams kyi dbang phyug chen po thob pa'i lha'i bu ni bdud do/ /bdud de'i 'khor dang g.yog tu gtogs pa'i lha rnams ni bdud kyi rigs kyi lha'o/ /mi 'phrogs pa ni de dag gi byang chub sems dpa' i rdzu 'phrul med par bya zhing zil gyi gnon par mi nus pa'o/ /'di ni rdzu 'phrul bya ba mngon par shes pa snga mi zad pa bshad zin to/ / //'byung ba mngon sum du gyur pa ni zag pa zad pa mngon sum du byas pa ste/ slob dpon thogs med kyis mngon sum du gyur pa drug yod pa'i phyir bsdus pa'i don gyi nang du smos med kyi/ de bzhin gshegs pa bzhin du byang chub sems dpa' rnams kyi zag pa zad pa mngon sum du ma byas pas na mdo las ni ma gsungs so// //yongs su smin par byed pa'i byang chub sems dpa' bstan pa'i phyir/ btsun pa sha radwA ti'i bu gzhan yang byang chub sems dpa' rnams bsdu ba'i dngos po zhes bya ba la sogs pa gsungs te/ bsdu ba'i dngos po ni dga' ba'i dngos po 'am/ phan par byed pa'i dngos po zhes bya ba'i don to/ /de mi zad pa yang des bsdu bar bya ba'i sems can mi zad pas sdud par byed pa'i dngos po yang mi zad pa'o/ /'dir yang bstan pa dang bshad pa'i tshul du rig par bya ste/ bzhi gang zhe na 'di lta ste byin ba dang zhes bya ba la sogs pas ni bstan pa'i tshul bshad do/ /lhag ma rnams kyis ni bshad pa'i tshul bstan to/ /yongs su smin pa'i byang chub sems dpa' yang rnam pa bzhi ste rjes su phan 'dogs pa dang/ phan 'dogs bar byed pa dang/ 'jug pa dang rjes su 'jug par byed pa'o/ /bsdu ba'i dngos po bzhis ni sems can yongs su smin par byed pas/ de dag nyid kyis sa'i don yongs su smin par byed pa'i mthu bstan to/ /rjes su phan 'dogs bar bstan pa'i phyir/ de la sbyin pa ni zang zing sbyin pa dang chos sbyin ba zhes bya ba gsungs te/ nor dang 'bru la sogs pa sbyon pa ni zang zing sbyin pa'o/ /zang zing med pa'i bsam pas gsungs rab yan lag bcu gnyis thos ba gzhan la ston pa ni chos kyi sbyin pa ste/ de gnyis sbyin pa la sbyin pa zhes bya'o/ /phan 'dogs par byed pa bstan pa'i phyir de la snyan par smra ba ni gang slong ba dang chos nyan ba rnams tshig 'jam zhing snyan par smra ba'i zhes gsungs ste/ 'dir yang zang zing slong ba rnams la tshig 'jam zhing snyan par smra ba dang chos nyan ba rnams la tshigs 'jam zhing snyan par smra ba'o/ /de la tshig 'jam ba ni mig bzlog pa dang/ gnyer ma bsdus pa la rdogs ba med par bya ste/ bde ba 'ongs ba dang 'dir 'ongs pa la legs so zhes bya ba la sogs pa smra ba'o/ snyan par smra ba ni phyis 'ongs na 'ang de bzhin du sbyin bar bya'o/ zhes smra ba'o/ /yang na slong ba dang chos nyan pa'i skyon mi gleng ba ni tshig 'jam pa'o/ /de dag gis yon tan brjod pa ni snyan par smra ba ste/ 'di ni snyan par smra ba zhes bya'o/ /'jug pa stan pa'i phyir de la don spyod pa ni gang bdag dang gzhan gyi don bsams pa bzhin du yongs su rdzogs par byed pa'o zhes bya ba gsungs te/ gang bdag gi de ni bsams ba bzhin rdzogs par byed pa dang/ gzhan gyi don bsams pa bzhin du rdzogs par byed pa ni don spyod pa de/ /de la bsam pa bzhin du rdzogs par byed pa ni bdag nyid bla na med pa'i byang chub thob par byed pa'i phyir zang zing dang chos gtong par 'dod pa las/ ji ltar 'dod ba bzhin du zang zing slong zhing chos nyan pa dang phrad nas de dag la zang zing btang zhing chos bshad pa'o/ /de la sems can yang tshe 'dir longs spyod 'dod pa dang/ chos kyi gzhan du rnam par grol ba 'dod ba rnam ba gnyis te/ slong ba rnams la yang zang zing btang nas ji ltar bsams pa bzhin du bsam ba rdzogs par byed pa'o/ /tshe rabs gzhan du rnam par thar pa 'dod pa la yang 'phags pa'i lam yan lag brgyad pa la sogs pa'i chos bstan nas ji ltar bsams ba bzhin du bsam pa rdzogs par byad pa'o/ /rjes su 'jug par byed pa bstan pa'i phyir/ de la don mthun pa ni gang theg pa gang la bdag yon tan du 'du shes pa'i theg pa de nyid la chos dang zang zing len ba rnams rab tu 'god pa'o/ /zhes bya ba smos te/ gang zhes bya ba'i byang chub sems dpa' dang sbyar te/ byang chub sems dpa' gang zhes bya ba'i don to/ /theg pa gang la zhes bya ba ni sa dang pha rol tu phyin pa'i chan nyid theg pa chen po gang la zhes bya ba'i tha tshig go / bdag ni byang chub sems dpa' nyid do/ /yon tan du 'du shes pa ni theg pa de la mchog dang gtso bor lta ba'o/ /theg pa de nyid la zhes bya ba ni theg pa gang la yon tan dang gtso bor bltas ba'i theg pa de nyid la'o/ /rab tu dgong ba ni bdag zhugs pa bzhin du gzhan yang 'dzud ba ste/ theg pa gcig gi don la bdag dang gzhan gnyis kar gnas par byed pa 'do? ni don mthun pa'o/ /bsdu ba'i dngos po bzhi rnam grangs gzhan du bstan pa'i phyir/ gzhan yang sbyin pa ni gang slong ba rnams la yid mgu bar sbyin pa zhes gsungs te/ gong ma bzhin du 'di man chad bsdu ba'i dngos po 'byung ba rnams la yang bsdus pa'i don re re dang sbyar ba'o/ /slong ba rnams gang ji snyed cig ji ltar 'dod ba bzhin sbyin pa ni slong ba rnams la yid mku par sbyin pa ste/ gang sbyin pa ni dngos po gang 'dod pa de sbyin pa'o/ /ji snyed sbyin pa ni phyi dang nang gi dngos po ji sleng ba de dag kun sbyin pa'o/ /ji ltar sgyin pa ni rim gro dang bkur sti byas nas sbyin pa'o/ /snyan par smra ba ni slong ba rnams la mi smod pa'o/ zhes bya bas zang zing slong ba po rnams la rigs ngan 'di/ dbul po 'di zhes bya ba la sogs pa sems gdung bar 'gyur ba'i tshig mi smra ba ni snyan pa'i smra ba'o/ /de la don spyod pa ni gang slong ba rnams kyi don yongs su rdzogs par byed pa'o/ zhes bya ba la/ slong ba rnams tshe 'dir yang dbul ba med par bya ste/ longs spyod kyis 'byor ba dang ldan par byas nas/ mi dge ba la mi 'dzud cing dge ba la 'jog pa ni don spyod pa zhes bya'o/ /de la don mthun pa ni gang theg pa de nyid la yang dag par 'dzud pa'o/ zhes bya ba la/ gang ji slong? ba po'i gang zag gam/ byang chub sems dpa' gang de theg pa de nyid la yang dag par 'dzud ces bya ba ni gang zag de theg pa gang la dad pa'i theg pa de nyid la gang zag de 'dzud pa'i byang chub sems dpa' i theg pa gang la gnas pa'i theg pa de nyid la slong ba po'i gang zag de 'dzud pa ste/ 'di ni mthun pa zhes bya'o/ /rnam grangs gzhan bstan par bzhed nas/ gzhan yang sbyin pa ni bsam pa theg pa nas gtong pa'o/ zhes bya ba gsungs te/ bza' ba dang bgo ba la sogs pa'i zang zing rnams la cung zad kyang chags pa'i sems med par gtong ba ni sbyin pa'o/ /snyan par smra ba ni gang sbyor ba la yongs su chad pa med pa'o/ zhes bya ba la/ slong ba po rnams la phyis kyang sbyin par bya mis rgyun du shog cig ces smras nas sbyin ba gtong ba'i las rgyun ma chad par byed pa ni snyan bar smra ba'o/ /don spyod ba ni gang lhag pa'i bsam pas sbyin te/ 'gyod pa med pa'o zhes bya ba la/ rgyun du dngos po btang bar sems pa'i bsam pas byin nas byin pa nyes so snyam du 'gyod pa med pa ni don spyod? pa'o/ /don mthun pa ni gang theg pa chen po la bsdu'o/ zhes bya ba la/ slong ba po rnams zang zing gis bsdus nas theg pa chen po la 'jug pa ni don mthun pa'o/ /rnam grangs gzhan yang bstan pa'i phyir/ gzhan yang sbyin pa ni gtso? byams pa'i rjes su 'brang ba'i sems kyis yongs su gtong pa'o/ zhes bya ba la sogs pa gsungs te/ sems cad bde ba la dgod do snyam pa'i byams pa dang ldan pa'i sems kyis brel ba dang phangs pa phyi dang nang gi dngos po gtong ba ni sbyin pa'o/ /snyan par smra ba ni gang dga' ba dang mchog tu dga' bar gyur pa'i sems mi gtong pa'o/ zhes bya ba la/ de ltar 'brel pa dang phongs pa rnams la phyi dang nang gi dngos po btang ste/ de dag longs spyod kyi 'byor pa dang ldan par mthong nas dga' ba dang mchog tu dga' ba'i sems rgyun du 'byung ba ni snyan par sma ba'o/ /de la longs spyod dang ldan ba mthong nas sems mos pa skye ba ni dga' ba'o/ /brel ba dang phongs ba'i gang zag rnams bre'o/ rang? ngas pa med par byas te/ longs spyod la bgod pa'i dga' ba bas byang chub sems dpa' bdag gi longs spyod yongs su gtang nas gzhan longs spyod dang ldan par mthong pa'i dga' ba de bas kyang shes che ba'i mchog tu cher dga' ba zhes bya'o/ /don spyod pa ni gang snying rje chen po yongs su dag pa'i sems bskyed bas zhes bya ba la/ gang la yang byams pa dang zhe sdang med par sems can thams cad kyi sdug bsngal bsal lo snyam pa'i snying rje chen po yongs su dag pa'i sems bskyed pas sems can thams cad kyi sdug bsngal sel cing de dag gi tshe 'di dang gzhan gyi las su bya ba la 'bad cing brtson pa ni don spyod pa'o/ /don mthun pa ni gang btang snyoms dang ldan pa'i sems mthon dman med cing zhes bya ba la/ sems can 'di la ni phan btags 'di la ni phan mi gdags so zhes bya ba ni mthon dman gyi sems te/ de lta bu med par btang snyoms dang ldan pa'i sems kyi sems can thams cad thams cad mkhyen pa'i ye shes la dgod do snyam du sems pa ni don mthun pa'o/ /rnam grangs gzhan yang bstan par bzhed nas/ gzhan yang sbyin pa ni gang chos sbyin pa rtsal ba zhes bya ba la sogs pa gsungs so/ /bab col dang chos bzhin ma yin pa spangs te/ dge ba bcu dang mi 'gal bar stsal ba'i longs spyod de longs spyod de rnams gzhan la gtong ba ni sbyin pa'o/ /snyan par smra ba la gang dag la sbyin pa phyin pa dag chos la rab tu 'dzud pa'o/ zhes bya ba ni byang chub sems dpa' sems can gang la sbyin pa byin pa'i sems can de dang de dge ba bcu dang/ pha rol tu phyin pa drug la sogs pa la spyod cig ces smras nas chos de dag byed du btsud pa ni snyan par smra ba'o/ /don spyod pa ni gang bdag gis don dang gzhan gyi don yongs su rdzogs par byed pa'o/ zhes bya ba ni bdag dang gzhan mthar phyin pa'i don la 'god pa ni don spyod pa'o/ /de la bdag dang gzhan gyi don kyang spangs pa dang ye shes kyis bsdus par rig par byed/ de la spangs pa ni nyon mongs pa dang shes bya'i sgrib pa spangs pa'o/ /ye shes ni shes bya thams cad la gnyis su med par khong du chud pa'i mtshan nyid do/ /don mthun pa ni gang sems can thams cad kyi don gyi phyir zhes bya ba la/ sems can thams cad bla na med pa'i byang chub tu bzhag pa'i phyir bdag nyid bla na med pa'i byang chub tu sems bskyed pa ni don mthun pa'o/ /rnam grangs gzhan yang bstan par bzhed nas/ gzhan yang sbyin pa ni gang nang dang phyi'i dngos po rnams yongs su gtong ba zhes bya ba gsungs te/ nang dang phyi'i dngos po gtong ba ni sbyin pa'i pha rol tu phyin pa'i skabs su nang gi dngos po brgyad dang/ phyi'i dngos po nyi shu rtsa lnga gtong bar bshad pa'o/ /snyan par smra ba ni gang chos thams cad kyi yon tan shes pa zhes bya ba la/ bshad par bya ba dang/ bsgrub par bya ba dang/ thob par bya ba'i chos rnams kyi yon tan shes pa'i gang zag la slob dpon gyis dpe mkhyung med par chos thams cad 'chad pa ni snyan par smra ba'o/ c/don spyod pa ni gang bdag gi don btang ste zhes bya ba la/ bdag gi don gzhag nas gzhan gyi don byed pa ni don spyod pa ste/ gzhan gyi don kyang spangs pa dang/ ye shes kyis bsdus pa gong du bshad pa bzhin sbyar ro/ /bsdus te zhes bya ba ni bsgrubs te zhes bya ba'i don to/ /lag tu thob pa zhes bya ba ni bdag gi dbang du gyur pa yang bya ba'i don to// sbyin pa rnam pa gsum las bsdu ba'i dngos po bzhi chos sbyin pa 'ba' zhig dang sbyar te bstan pa'i phyir/ de la chos sbyin pa gang zhe na/ gang ji skad thos pa'i chos rnams ston pa'o/ /zhes bya ba gsungs te/ gang bdag gi mkhan po dang ba slob dpon las ji ltar thos pa'i chos rnams ston pa ni chos sbyin pa'o/ /snyan bar smra ba ni zang zing med pa'i sems kyis zhes bya ba la/ chos bstan pa 'dis zang zing 'di sgrub po zhes khe dang bkur sti la ma chags pa'i sems kyi chos phyin ci ma log par smra ba ni snyan par smra ba'o/ /de spyad ba ni gang gzhan la lung 'bog pa zhes bya ba la/ gang sems can gzhan la lung 'bog ba dang/ kha ton byed du 'jug pa la mi skyo ba ni don spyod pa'o// de la lung 'bogs pa ni bsam gtan gyi man ngag ston pa'o/ /kha ton byed pa ni gzhung gi chos kha ton byed du gzhug pa'o/ /don mthun pa ni gang thams cad mkhyen pa nyid kyi sems dang ma bral bas zhes bya ba la/ bdag nyid byang chub kyi sems dang ma bral bas stobs dang mi 'jigs pa la sogs pa'i chos rnyed pa dang/ gzhan yang byang chub kyi sems la btsud nas stobs dang mi 'jigs pa la sogs pa'i chos rnyed par byas pas ni don mthun pa'o/ /chos sbyin pa dang/ bsdu ba'i dngos po bzhir sbyar ba rnam grangs gzhan yang bstan pa'i phyir/ gzhan yang chos kyi sbyin pa ni zhes bya ba la sogs pa gsungs te/ chos nyan par 'ongs zhes bya ba ni chos nyan pa'i sems can rnams theg nye ba nas 'ongs pa'o/ /lhags pa ni chos nyan pa'i phyir thag ring po nas lhags pa'o/ /mi skyo ba ni gang zag de dag la kha cig 'chad kha cig 'chad pa ma yin gyi ma lus par 'chad pa'o/ /mi g.yengs pa ni 'phral gyi bya ba gzhan rnams btang nas chos 'chad pa 'ba' zhig lhur byed pa'o/ /snyan par smra ba ni dag ji srid du rgyang ring por song ste zhes bya ba la/ bdag nyid dpag tshad gcig gam dpag tshad gnyis so/ yul gcig gam yul gnyis sam 'dzam bu gling gcig gam 'dzam bu'i gling gnyis sam zhes bya ba nas/ stong gsum gyi stong chen po'i 'jig rten gyi khams grangs med pa'i pha rol tu yang song ste zhes bya ba'i don to/ /lhag pa'i bsam par song ba'i sems kyi rgyud kyis zhes bya ba ni yo byad kyis g.yen sbyod pa rnams kyi gdod? spyo ba med par byas nas chos la dgong ngo snyam pa'i bsam pas shes par bya ba'i don to/ /'dzud cing yongs su sngo ba'o/ zhes bya ba ni byang chub kyi rgyu sgrub du 'dzud cing byang chub nyid la 'jog par byed pa'o/ /chos sbyin pa dang sdu ba'i dngos por sbyar ba rnam grangs gzhan yang bstan pa'i phyir/ gzhan yang chos kyis sbyin pa ni zhes bya ba la sogs pa gsungs so/ /sbyin pa thams cad kyi mchog chos sbyin pa yin par rig nas zhes bya ba ni sbyin pa rnam pa gsum ste/ zang zing sbyin pa dang/ mi 'jigs pa sbyin pa dang chos sbyin pa'o/ /de la byang chub sems dpa' zang zing dang mi 'jigs pa sbyin pa ni 'khor bar 'byor pa'i rgyu tsam du zad kyi/ chos sbyin pas ni rnam par grol ba thob par 'gyur bas/ chos sbyin pa ni sbyin pa thams cad kyi dam? la yin par khong du chud nas zhes bya ba'i don to/ /snyan par smra ba ni phan pa'i dngos po'i phyir chos ston pa'o zhes bya ba la/ sems can gang dag lha dang mi'i bde 'gro thob pa'i phyir de dang rjes su mthun pa'i chos ston pa snyan par smra ba'o/ /don spyod pa ni gang don la rton pa'i chos ston gyi zhes bya ba la stong pa nyid ni don to/ /de khong du chud pa ni don la rton pa'o// tshig bshad pa mang po ni yi ge ste/ de la gnas pa ni yi ge la rton pa'o/ /byang chub sems dpa' sems can gzhan la chos ston na gang don la rton pa'i chos ston kyi yi ge la rton pa'i chos mi ston pa ni spyod pa'o/ /don mthun pa ni sangs rgyas kyi chos thams cad yongs su rdzogs par bya ba'i phyir zhes bya ba la/ stobs dang mi 'jigs pa la sogs pa sangs rgyas kyi chos thams cad rdzogs par bya ba'i phyir de dang rjes su mthun pa'i chos ston pa ni don mthun pa'o/ /bsdu ba'i dngos po'i rnam grangs gzhan bstan par bzhed nas/ gzhan yang chos sbyin pa ni zhes bya ba la sogs pa gsungs te/ /pha rol tu phyin pa drug las sbyin pa'i pha rol tu phyin pa ni zang zing sbyin pa 'am chos sbyin pa zhes bya ba ste/ sbyin pa'i rang bzhin yin pa'i phyir ro/ /snyan par smra ba ni tshul khrims kyi pha rol tu phyin pa zhes bya ba la sogs pa la tshul khrims kyi pha rol tu phyin pas rang bzhin gyis gzhan la gnod pa mi byed cing tshig rtsub mo mi byin pa dang/ bzod pa'i pha rol tu phyin pas gzhan gyi gnod pa byed kyang slar gnod pa mi byed cing tshig rtsub mo mi 'byin pas pha rol tu phyin pa de gnyis ni snyan par smra ba'o/ /don spyod pa ni brtson 'grus kyi pha rol tu phyin pa zhes bya ba la/ brtson 'grus kyi pha rol tu phyin pas bdag dang gzhan gyi don bsgrub pas na pha rol tu phyin pa'i don spyod pa'o/ /don mthun pa ni gang bsam gtan gyi pha rol tu phyin pa zhes bya ba la sogs pa la/ bsam gtan kyi dmigs pa'i dngos po rtse gcig tu bzhag nas g.yengs pa med par bya ste/ nyon mongs pa 'jil bar byed pa dang/ shes rab kyi chos kyi mtshan nyid phyin ci ma log par shes par byas nas nyon mongs pa rtsa nas 'byin pas na/ pha rol tu phyin pa de gnyis ni don mthun pa'o/ /sa gang las bsdu ba'i dngos po gang shes che ba rnam grangs su bstan pa'i phyir/ gzhan yang chos sbyin pa ni dang por sems bskyed ba rnams kyi zhes bya ba la sogs pa gsungs te/ sa dang po rab tu dga' ba thob pa'i tshe sbyin pa'i pha rol tu phyin pa yongs su rdzogs pa'i chos sbyin pa ni dang po'i sems bskyed pa'i byang chub sems dpa' rnams kyi'o zhes bya ste/ dang po sems bskyed pa yang skebs? 'dir zag pa med pa'i 'jig rten las 'das pa'i sems thog ma skyes pa'o snyan par smra ba la spyod pa la zhugs pa'i sems dpa' rnams kyi'o zhes bya ba la/ sa gnyis pa yan chad sa bdun pa man chad bsgom pa'i lam sgyod pa la zhugs pa ste/ de'i tshe tshul khrims dang bzod pa'i pha rol tu phyin pas bzhi bzung bas tshul khrims dang ldan pa'i phyir lus dang ngag gi sgo nas nyes par mi smra mi byed cing bzod pa dang ldan pas gzhan la gnod par 'gyur ba'i tshig smra ba'i rgyu med pa'i phyir snyan par smra ba'o/ /don spyod pa ni phyir mi ldog pa'i byang chub sems dpa' rnams kyi zhes bya ba ni sa brgyad pa dang dgu pa thob pa'i byang chub sems dpa' sems can gyi don spyod pa la sogs pa la/ thogs pa med par lhun gyis grub pas lhag par spyod pa'i don mthun pa ni skye ba gcig gis thogs pa'i byang chub sems dpa' rnams kyi'o/ zhes bya ba ni sa bcu pa thob pa'i byang chub sems dpa' rnam pa thams cad mkhyen par ro gcig cing dbyer med par spyod pa'i phyir sa dang po la sogs pa la 'di ltar rnam pa bzhir phye ba re re la yang bsdu ba'i dngos po bzhi car mo spyod pa ma yin mod kyi so so phye ste/ bshad pa ni sa de dang de dag la bsdu ba'i dngos po shos? che bar spyod pa las dgongs nas gsungs so/ /sa dang sbyar ba'i rnam grongs gzhan sbyar bas bzhed nas/ gzhan yang chos sbyin ba ni byang chub kyi rtsa ba dang sa bon gyi gzhi'o/ zhes bya ba gsungs te/ bshad pa ni sa de dang de dag la bsdu ba'i dngos po shas che bar spyod pa/ byang chub kyi rtsa ba dang sa bon ni sa dang por chos kyi dbyings thams cad du 'gro ba'i mtshan nyid rtogs nas byang chub tu sems bskyed pa'o/ /byang chub kyi sems de'i gzhi ni mos pas spyod pa'i sar chos spyod pa bcu la zhugs pa ste/ de ni chos sbyin pa'o/ /yang na byang chub kyi rtsa ba dang sa bon gyi gzhi ni sa dang po'i byang chub tu sems bskyed pa nyid do/ /sems bskyed pas sa bon du gyur ba de? zag pa med pa'i chos thams cad skye ba'i gzhir gyur pa'i phyir ro/ /snyan par smra ba ni byang chub kyi myu gu dang 'dab ma yongs su rdzogs pa'o/ zhes bya ba la/ sa gnyis nas sa bdun gyi bar du mngon par 'du byed pa dang bcas par 'jug pa shes rab kyi rgya bas pha rol tu phyin pa'i chos rnams myu gu dang 'dab mar gyur pa yongs su rdzogs par byed de/ lhag par sems kyis rgyud 'jam pas snyan par smra ba'o/ /don spyad pa ni byang chub kyi me tog yongs su rgyas pa? la? zhes bya ba la sa brgyad pa dang dgu pa dang bcu pa na mngon par 'du byed pa med pa'i shes rab kyi rgyu bas bsgom mi dgos pa'i sangs rgyas kyi chos rnams me tog lta bur kha 'bus nas yongs su rdzogs par byed de/ /'bras bu nye ba'i chos la spyod pas na spyod pa zhes bya'o/ /don mthun pa ni byang chub kyi 'bras bu mngon par 'grub pa zhes bya ba la/ rgyu mthun pa'i 'bras bu yon tan thams cad yongs su rdzogs par sangs rgyas pa'i mtshan nyid kyi 'bras bu grub pa ni don mthun pa zhes bya'o/ /bsdu ba'i dngos po bzhi mi zad pa bshad zin to// //ston par byed pa'i byang chub sems dpa' bstan pa'i phyir/ btsun pa sha radwA ti'i bu gzhan yang byang chub sems dpa' rnams kyi so sor yang dag par rig pa bzhi mi zad pa ste/ zhes bya ba la sogs pa gsungs te/ de mi zad pa yang byang chub sems dpa' rnams kyi so sor yang dag par rig par bya ba'i don dang chos la sogs pa la mdza' thug pa med de/ de mi zad pa'i phyir ro/ /'dir yang bstan pa'i tshul dang bshad pa'i tshul du rig par bya ste/ bzhi gang zhe na/ gang 'di don so so yang dag par rig par zhes bya ba la sogs pas ni bstan pa'i tshul bstan to/ /lhag ma rnams kyis ni bshad pa'i tshul bstan to/ /ston par byed pa'i byang chub sems dpa' i rnam pa bzhi ste/ mtshan nyid shes pa dang/ 'du shes shes pa dang/ tha snyad shes pa dang brjod pa shes pa'o/ /so sor yang dag par rig pa bzhis sems can rnams la ci dgar chos ston par nus pas de dag gis sdud pa'i don bstan par bya ba'i mthu thob pa ston to/ /mtshan nyid shes pa bstan pa'i dbang du byas nas/ de la don so so yang dag par rig pa gang zhe na zhes dris so/ /de la chos rnams so so so so'i mtshan nyid dang/ don gang yin pa shes pa ni don so so yang dag par rig pa zhes bya'o/ /de nyid gang yin pa bstan pa'i phyir gang chos thams cad la don dam par shes pa zhes bya ba la sogs pa gsungs te/ 'dus byas dang 'dus ma byas pa la sogs pa'i chos thams cad 'phral du snang zhing grags pa lta bu ma yin par rnam par mi rtog pa'i ye shes kyi spyod yul chos kyi dbyings nyid du shes pa ni don so so yang dag par rig pa zhes bya ste/ tshig lhag ma rnams la yang de bzhin du sbyar ro/ /chos shes pa ni 'dod pa'i khams kyis 'dus byas kyi dngos po rnams la sdug bsngal ba dang mi rtag pa la sogs pa'i mtshan nyid dang chos nyid du shes pa'o/ /so sor rtogs par shes pa zhes bya ba ni khams de nyid kyi 'dus byas rnams skyed par byed pa'i rgyu kun 'byung ba la rgyu dang rkyen la sogs pa'i mtshan nyid du shes pa'o/ /rjes su 'gro ba shes pa ni gzugs yod pa dang/ gzugs med pa'i 'dus byas rnams la mi rtag pa'i mtshan nyid dang/ chos nyid du shes pa ste/ 'dod pa'i khams kyi 'dus byas kyi chos la de ltar shes pa'i 'og tu phyis khams gong ma gnyis kyi 'dus byas la de ltar shes pas rjes su 'gro ba shes pa zhes bya'o/ /yang na so sor rtog pa shes pa ni khams gsum gyi chos rnams spyir mi rtag pa la sogs pa'i chos nyid dang/ mtshan nyid du so sor rtog cing shes pa la bya'o/ /rgyu shes pa ni bde ba'i rgyu la sogs pa rgyu drug rnams kyi don dang mtshan nyid shes pa'o/ /tshogs pa shes pa ni rgyu rkyen de rnams 'dus shing tshogs na gdod 'bras bu skye bar shes pa'o/ /gnyis su med par shes pa ni rtag chad la sogs pa'i mdza' gnyis dang bral ba'i mtshan nyid shes pa 'am/ rgyu dang rkyen gnyis kyang don dam par na yod pa ma yin par shes pa'o/ /tha mar mi 'gro ba shes pa ni thog ma'i mdza' dang tha ma'i mdza' gnyis gang nas kyang ma 'ongs bar yang mi 'gro ba shes pa'o// y ang na dang por rgyu dang rkyen tshogs nas 'bras bu skyes kyang rgyu 'bras bur ma 'phos par shes pa ni tha mar mi 'gro ba shes pa'o bar du mi 'dug par shes pa ni skad cig ma'i rang bzhin nam dngos po med pa'i phyir mdza' gnyis kyi bar na yang mi gnas par shes pa'o/ /rkyen la 'jug pa shes pa de ltar ma 'ongs pa mi 'gro ba mi gnas kyang rten cing 'brel par 'byung ba'i ngo bo tsam du yod par brtog pa'o/ /chos kyi dbyings dbyer med par shes pa ni so so'i skye bo'i dus kyi chos kyi dbyings dang/ 'phags pa'i dus kyi chos kyi dbyings la tha dad med par shes pa'o/ /de bzhin nyid kyi rjes su 'jug pa shes pa ni stong pa nyid kyi chos thams cad la khyab cing chos thams cad rjes su song bar shes pa'o/ /yang dag pa'i mdza' la gnas pa shes pa ni yang dag pa'i mdza' ni stong pa nyid do/ /de la dmigs pa'i 'phags pa'i lam yang dag pa'i mdza' la gnas pa ste/ yang dag pa'i mdza' la dmigs pa'i 'phags pa'i lam gyi mtshan nyid shes pa'o/ /stong pa nyid rtog pa'i shes pa zhes bya ba la/ stong pa nyid ye shes gang gis rtog par byed pa'i ye shes de ni stong pa nyid rtog pa'i shes pa ste/ stong pa nyid ni gong du bshad par zad do/ /de rtogs par byed pa'i ye shes ni gnyis su med pa'i ye shes so/ /mtshan ma med pa la spyod pa shes pa zhes bya ba ni mtshan ma med pa'i chos ye shes gang gis dpyad pa khong du chud pa'i ye shes de ni mtshan ma med pa la dpyod pa shes pa ste/ de yang mtshan ma thams cad la rtogs pa med pa rnam par mi rtog pa'i ye shes so/ /smon pa med pa la smon lam med par shes pa zhes bya ba ni/ 'khor ba dang mya ngan las 'das pa gnyis ka yang rang bzhin med pas rang bzhin med pa de la smon par byar med par shes pa ni smon lam med par shes pa'o/ /mngon par 'du mi byed pa ni 'du byed kyi mtshan nyid thams cad dang bral ba stong pa nyid de ni rgyu dang rkyen gyis skyed pa ma yin par shes pa'o/ /tshul gcig la 'jug pa'i shes pa dang zhes bya ba la/ chos thams cad mtshan nyid gcig tu 'jug cing mtshan nyid gcig pa'i rang bzhin shes pa'o/ /bdag med par rtog pa'i shes zhes bya ba la sogs pas gang zag la bdag med par rtogs pa'i shes pa bstan to/ /gang zag la bdag med pa don dam par shes pa zhes bya ba ni don dam par na phung po dang khams dang skye mched la sogs pa gang zag gi dngos po med par shes pa'o/ /'das pa'i dus la ma chags pa'i shes pa zhes bya ba ni lus dang longs spyod 'das te 'gag pa'i rnams dngos po med par khong du chud pas de la yang phrad par smon par mi skye ba 'am 'das pa'i dngos po shes par bya ba'i yul rnams la thogs pa med par shes pa ni 'das pa'i dus la ma chags pa'i shes pa zhes bya'o/ /ma 'ongs pa'i dus la thug pa med par shes pa zhes bya ba ni ma 'ongs pa'i dus nyid la mdza' thug cing zad pa med par shes pa 'am/ ma 'ongs pa'i dus kyis dngos po shes par bya ba rnams la thogs pa med par shes pa'o/ /da ltar byung ba'i dus na thams cad du kha na ma tho ba med par shes pa ni de ltar byung ba'i dus kyi dngos po rnams rang bzhin med par khong du chud pas gang la yang khong khro ba dang chags pa mi skye ba'o/ /phung po rnams la sgyu mar shes pa ni ji ltar sgyu ma rgyu rkyen gyis bskyed pas snang yang rang bzhin med pa bzhin du/ phung po lnga rnams kyang kun gzhi rnam par shes pa sgyu ma mkhan dang 'dra ba la bag chags sngags dang sman dang 'dra ba'i mthu las skyes pa rang bzhin med par shes pa'o/ /khams rnams la sbrul gdug pa lta bur shes pa zhes bya ba ni ji ltar sprul gdug pas myur du gsod par byed pa de bzhin du mig dang gzugs la brten cing dmigs nas mig gi rnam par shes pa gzugs la chags pa dang zhe sdang la sogs pa skye ba'i sgo nas dge ba'i rtsa ba gsod par shes pa'o/ /skye mched rnams la grong stong pa lta bur shes pa zhes bya ba ni ji ltar grong stong pa na sems can med pa de bzhin du skye mched rnams la yang bdag dang bdag gir med par shes pa'o/ /nang nye bar zhi bar shes pa zhes bya ba ni nang gi nye bar len pa'i phung po la bdag dang bdag gi med par shes pa 'am/ nang du ting nge 'dzin byed pa na gnyid dang rmugs pas sems mi non pa'i thabs shes pa'o/ /phyi rol gyi rgyu ba med par shes pa zhes bya ba ni phyi rol gyi chos rnams dngos po med par shes pa'am/ phyi rol gyi chos rnams la sems 'phro bar mi 'gyur ba'i thabs shes pa'o/ /yul rnams l a sgyu ma dang bye brag med par shes pa zhes bya ba ni ji ltar sgyu ma med kyang 'gro ba de'i rang bzhin la mi mkhas pa rnams la nyon mongs pa skye zhing bslu bar byed pa bzhin du gzugs la sogs pa'i yul rnams kyang dngos po med mod kyi byis pa de'i rang bzhin la mi mkhas pa rnams la yod pa 'dra bar snang zhing nyon mongs pa skyed par byed pa yin par shes pa'o/ dran pa la gnas pa'i shes pa ni mi brjod pa'i gzungs kyi dran pa bstan zhing mi nyams pa'i thabs shes pa'o// bzod pa'i rjes su 'gro ba'o shes pa zhes bya ba ni ma skyes pa'i chos la bzod pa dang sdug bsngal ba la dzi mi snyam pa'i bzod pa dang rjes su mthun pa'i chos gang yin pa shes pa'o/ /blo gros kyis so sor rtogs pa'i shes pa ni shes rab kyi rang bzhin gyi blos chos rnams la phyin ci ma log par rtogs pa'o/ /bdag la rtog pa'i shes pa ni bdag gi ngo bo nyid ji ltar yin pa phyin ci ma log par rtogs pa'o/ /bden pa rnams la rab tu rtog par shes pa ni 'phags pa'i bden pa bzhi'i mtshan nyid ma nor par shes pa'o/ de dag ji ltar ma nor bar shes zhe na/ de'i phyir sdug bsngal la mi 'byung bar shes pa zhes bya ba la sogs pa gsungs te/ sdug bsngal gyi phung po nyid ngo bo med pa'i ma byung ma skyes par shes pa'o/ / kun 'byung ba la mngon par 'du ma byed par shes pa ni kun 'byung ba'i ngo bo nyid med par shes pas sdug bsngal gyi phung po bskyed pa'i bya ba mi byed par shes pa'o/ /'gog pa la mtshan nyid med par shes pa ni ri bong gi rwa dang mo gsham gyi bu la mtshan nyid med par bzhin du 'gog pa'i rang bzhin mya ngan las 'das pa yang dngos po ma yin pas skye ba dang gnas pa la sogs pa'i mtshan nyid med par shes pa'o/ /lam la sgrol bar shes pa ni 'khor ba'i rgya mtsho las sgrol bar byed pa yin par shes pa'o/ /chos rnams la tshig rab tu dbye ba shes pa ni 'dus byas dang 'dus ma byas kyi chos rnams kyi don so sor 'byed cing bshad pa la mkhas pa'o/ /dran pa nye bar bzhag pa rnams la dran pa med pa dang yid la byed pa med par shes pa ni lus dang tshe rab dang sems dang chos rnams dngos po med pas dran zhing yid la byar med par shes pa'o/ /de la 'phral du yid la mi 'dzin pa ni dran pa shes pa'o/ /phyis kyang yang nas yang du yid la mi byed pa ni yid la bya ba med pa'o/ /yang dag pa'i spong ba rnams la zhes bya ba ni yang dag pa'i spong ba rnam pa bzhi ste/ dge ba'i chos ma skyes pa rnams bskyed pa dang/ skyes pa rnams 'phel bar bya ba dang sdig pa mi dge ba'i chos ma skyes pa rnams mi skyed pa dang/ skyes pa rnams spangs pa ste/ de la dge ba'i chos ma skyes pa rnams bskyed pa dang/ skyes pa rnams 'phel bar bya ba ni dge ba la 'jug pa'i shes pa'o/ /sdig pa mi dge ba'i chos ma skyes pa rnams mi skyed pa dang skyes pa rnams spong ba ni mi dge ba la 'jug pa'i shes pa zhes bya'o/ /rdzu 'phrul gyi rkang ba rnams la zhes bya ba ni 'dun pa dang/ brtson 'grus dang sems dang dpyod pa rdzu 'phrul gyi rkang pa rnams ni lus dang sems las su rung bar byed pa yin par shes pa'o/ /dbang po rnams la 'jug pa shes pa zhes bya ba ni dad pa la sogs pa'i dbang po lnga ni chos kyi don mthong zhing rtogs par byed pa yin par shes pa'o/ /stobs la mi rdzi bar shes pa zhes bya ba ni dad pa la sogs pa'i stobs lnga rnams la ma dad pa la sogs pas mi tshugs pa'i rang bzhin yin par shes par bya'o/ /byang chub kyi yan lag rnams la chos thams cad yang dag pa ji lta ba bzhin du rtogs par shes pa zhes bya ba ni byang chub kyi yan lag 'dun rnams la ni de dag gi chos thams cad kun 'gre ba'i mtshan nyid du rtog par byed pa yin par shes pa'o/ /lam la 'gro ba dang 'ong ba med par shes pa zhes bya ba ni yang dag par ni lam dang lam gyi 'bras bu dang 'khor ba dang mya ngan las 'das pa gnyis kyang med pa yin pas 'phags pa'i lam gyi yan lag brgyad kyis gang du yang 'gro ba dang 'ong ba med par shes pa'o/ /zhi gnas la gnas par shes pa zhes bya ba ni zhi gnas thams cad la sems rtse gcig tu gnas pa'i mtshan nyid yin par shes pa'o/ /lhag mthong la snang bar shes pa zhes bya ba ni lhag mthong thams cad la chos kyi mtshan nyid rtogs par byed pa'i rang bzhin yin par shes pa'o/ /sgyu ma la bsgrubs pa yin par shes pa ni sgyu ma'i glang po dang mi la sogs pa la sman dang sngags kyi mthus bsgrubs pa yin par shes par bya'o/ /smig rgyu la nor bar shes pa zhes bya ba ni smig rgyu rnams la chu ma yin gyi/ chu lta bur 'khrul par snang ba yings shes po rmi lam la yang dag pa ma yin pa mthong bar shes pa zhes bya ba ni rmi lam na snang ba'i chos thams cad med bzhin du mthong bar shos pa'o/ /brag ca la rkyen du dmigs pa'i shes pa zhes bya ba ni brag ca'i sgra thams cad sgra gzhan gyis rkyen las byung bar shes pa'o/ /mig yor la mi 'pho bar shes ba zhes bya ba ni khang pa'i nang gi nyi zer gyi 'od pas gzugs du mar snang ba snang yang chud 'phras pa med par shes pa'o/ /mtshan nyid tha dad pa rnams la mtshan nyid gcig tu shes pa ni mtshan nyid kyi bden pa'i skabs su bshad pa bzhin du shes pa la bya'o/ /'du ba rnams la 'bral bar shes pa zhes bya ba ni 'dus shing tshogs pa'i dngos po thams cad mthar bye zhing 'bral par 'gyur ba shes pa'o/ /mtshams sbyor ba la mtshams sbyor ba med par shes pa zhes bya ba la/ tshe gcig nas gcig tu nying mtshams sbyor ba ni mtshams sbyor ba'o/ /don dam par na chos gang yang skye zhing mtshams sbyor ba med par shes pa ni nyan thos kyi theg pa la gzhan gyi sgra'i rjes su 'gro bas 'jug par shes pa zhes bya ba ni nyan thos kyi theg pa thams cad la 'di 'dra bar shes te/ mkhan po dang slob dpon gyis bshad pa'i sgra la brten nas gang zag la bdag med par dmigs par byed par shes pa'o/ /rang sangs rgyas kyi theg pa la zhes bya ba ni rang sangs rgyas kyi theg pa la ni chos thams cad rten cing 'brel par 'byung ba'i mtshan nyid du khong du chud par byed pa dang/ lus dben par gnas pa dang/ sems dben par gnas pa yin par shes pa'o/ /theg pa chen po la zhes bya ba ni theg pa chen po la ni theg pa de 'dod ma chags pa la sogs pa'i dge ba'i rtsa ba thams cad sogs par byed pa dang/ bsod nams dang ye shes kyi tshogs thams cad sogs par byed pa yin pa'o/ /don so sor yang dag pa rig pa'i rnam grangs gzhan yang bstan pa'i phyir ro/ /gzhan yang don so sor yang dag par rig pa ni zhes bya ba la sogs pa gsungs so/ /don so so yang dag par rig pa/ gang gis shes bya ba ni don so sor yang dag pa rig pa'i rig pa gang gis/ don so so yang dag par rig pa dang ldan pa'i byang chub sems dpa' gang gis shes bya ba'i don to/ /chos thams cad la don la rtog pas zhes bya ba ni chos thams cad kyi don gang yin pa'i de la rton/ don de khong du chud par byed pa'i don to/ /de ci'i phyir zhe na/ zhes bya ba ni ci'i phyir chos thams cad kyi don la rton ce na zhes bya ba'i tha tshig go /de la zhes bya ba ni stong pa ste/ gzhan yang de bzhin du sbyar ro/ /mi skye ba ni ma 'ongs pa'i dus su mi skye ba'o/ /ma byung ba ni 'das pa'i dus ma skyes pa'o/ /dngos po med pa ni da ltar gyi dus na yang rang bzhin med pa'o/ /ma lus par dben pa ni de bzhin nyid kyi ngo bo yin pa'i phyir te/ 'di yan chad kyis chos thams cad la bdag med pa de don yin par bstan to/ /chos thams cad ni ma lus par bdag med ces bya ba man chad kyis gang zag la bdag med pa don yin par ston to/ /gang 'di lta bu'i chos rtog pa zhes bya ba ni gang stong du bstan pa lta bu so so thams cad rtogs pa'o/ /don so so yang dag par rig pa rgyas par bshad pa rnams bsdus te/ bstan pa'i phyir/ gang 'dir bstan pa ni zhes bya ba la sogs pa gsungs te/ mdo sde 'di las don so so yang dag par rig pa stong pa nyid kyi mtshan nyid du bshad pa de dngos po dang mtshan ma thams cad las 'das pa'i phyir thogs pa med pa bstan pa la sogs pa'o/ /yang na chos thams cad stong pa'i don du bsten pas na thogs pa med par bstan pa'o/ /thams cad sgrib pa gnyis las 'das pa'i mtshan nyid du ston pas na chags pa med par bstan pa'o/ /dus gsum du yang skye ba dang 'gag pa med par ston pas na mi zad par bstan pa'o/ /chos thams cad mya ngan las 'das pa'i mtshan nyid du ston pas ni chos thams cad thob par bstan pa zhes bya'o/ /don so so yang dag par rig pa de ni chos bstan pa la mi zad pa yin te/ zhes bya ba ni byang chub sems dpa' rnams kyi don so so yang dag par rig pa bstan pa de la bstan pa mdza' yas te/ zad mi shes pas na don thams cad bstan pa la mi zad pa zhes bya ba/ sangs rgyas bcom ldan 'das kyis yang dag par bka' stsal ces bya ba ni de bzhin gshegs pa rnams kyang de skad du 'chad ces bya ba'o don to/ /yang dag par rjes su thugs rang ba zhes bya ba ni gzhan de ltar 'chad pa rnams la yang thugs dgyes zhes bya ba'i tha tshig go /ci'i phyir zhe na de ltar ston pa'i don to/ /yang dag pa dang de kho na nyi dang ma log pa dang gzhan nam yin pa'i phyir ro/ /ji ltar phyin ci ma log ce na/ shes rab dang ye shes kyi rtogs pas yin la thams cad kha na ma tho ba med pa'i ngo bo yin pa'i phyir ro/ /'du shes pa zhes pa bstan pa'i phyir/ de chos so so yang dag par rig pa gang zhe na zhes bya ba gsungs te/ 'dir yang chos so yang dag par rig pa mi zad pa gang zhe na zhes bya bar sbyar ro/ /de yang so so yang rig par bya ba'i chos rnams mi zad pas na mi zad pa'o/ /'dir don dang chos nyid bye brag med pa 'dra med kyi don ni bstan cing rtogs pa'i yul lta bur rig par bya'o/ /chos ni ston cing rtog par byed pa lta bur rig par bya'o/ /yang na chos ni 'dus byas dang 'dus ma byas la sogs pa'i ming gis 'og nas smos pa rnams la bya'o/ /don ni de nyid kyi don yongs su gcod cing bye brag tu dbye ba la bya'o/ /yang na chos thams cad kyi mtshan nyid phyin ci ma log par rtogs pa ni chos so so yang dag par rig pa'o/ /chos de dang de dag gi ming gang dang gang yin pa shes pa ni chos so so yang dag par rig pa'o/ /gang chos thams cad la rjes su 'jug pa shes pa zhes bya ba ni dge ba dang mi dge ba la sogs pa'i chos ming gis smos pa rnams don dang mthun par yang dag par shes pa la bya'o/ /chos de dag gang zhe na/ /dge ba dang mi dge ba zhes bya ba la sogs pa rnams so/ /yang na dge ba dang mi dge ba la sogs pa smos pa'i chos rnams so so'i ming gang yin pa dang don gang shes pa ni chos thams cad la rjes su zhugs pa shes pa zhes bya'o/ /nye bar song ba rnams la zhes bya ba ni de dag gi rang bzhin du gyur pa 'am/ de dag gi char gtogs pa rnams la zhes bya ba'i don to/ /chos kyi dbyings mnyam pa nyid du shes pa zhes pa ni dge ba dang mi dge ba'i chos rnam pa sna tshogs rnams chos kyi dbyings stong pa nyid du ro gcig pa'o/ /byang chub mnyam pa nyid du shes pa zhes bya ba ni chos kyi dbyings rtogs pa'i ye shes rnam par mi rtog pa dang tha dad mi dad par shes pa'o/ /khams mnyam pa nyid du shes pa zhes bya ba ni mig gis khams la sogs pa khams kyi skabs su bstan pa ltar chos kyi dbyings su mnyam pa nyid du shes pa'o/ /chos so so yang dag par rig pa rnam grangs gzhan bstan pa'i phyir/ gzhan yang chos so so yang dag par rig pa zhes bya ba la sogs pa gsungs so/ /gang 'dod chags spyod ba'i sems can rnams kyis sems la 'jug cing 'bab par shes pa zhes bya ba ni sems can rang bzhin gyi 'dod chags can rnams kyi sems la 'dod chags can yin par shes pa'o/ /yang na sems can 'dod chags la spyod pa'i rnams 'dod chags skye ba'i yul gang dang gang la dmigs pa 'dod chags skyes par gyur pa na yul 'di dang 'di la dmigs nas 'dod chags skyes so zhes shes pa ni 'dod chags skyes so zhes shes pa ni 'dod chags spyod pa'i sems can gyi sems la 'jug cing 'bab par shes pa zhes bya'o/ /'dod chags spyod pa gang yin du zhig yod ce na/ bcom ma'i 'dod chags spyad pa dang zhes bya ba la sogs pa gsungs te/ de ni nyi khri chig stong yod do/ /zhes bya bar sbyar ro/ /bcos ma'i 'dod chags spyod pa ni rang bzhin gyis 'dod chags shes che ba ma yin yang gzhan gyi sems dang sbyar zhing pha rol gyi dor? 'dod chags che ba lta bur ston pa'o/ /de las zlog nas bcos ma ma yin pa'i 'dod chags spyod pa ste rang bzhin gyis 'dod chags dang ldan pa'o/ /snrel gzhi'i 'dod chags spyod pa zhes bya ba ni zhe sdang gi rang bzhin can la 'dod chags spyod pa dang 'dra bar snang ba 'am/ 'dod chags kyi shas che ba la chung pa 'dra bar snang ba'am/ 'dod chags kyi shas chung ba las che bar snang ba'o/ /lta ba'i 'dod chags spyod pa ni lta ba rnam pa sna tshogs la chags pa'o/ /mi zad pa'i 'dod chags spyod pa zhes bya ba ni 'dod chags kyi shas che bas de'i rkyen gyi sems kyang 'khrug cing lus kyi spyod pa rnams kyang gyur par snang ba'o/ /'jam pa'i 'dod chags spyod pa zhes bya ba ni 'dod chags shas chung bas dang de'i rkyen gyis lus dang sems 'khrug pa med pa'i 'dod chags can no/ /yang pa'i 'dod chags spyod pa ni de bas kyang 'dod chags shas chung bas 'dod chags spangs par slab rnams so/ /kun rdzob kyi 'dod chags spyod pa zhes bya ba ni rkun rdzob kyi tha snyad mang po la chags pa rnams so/ /sbyor ba'i 'dod chags spyod pa zhes bya ba ni gong du bshad pa'i chos la chags pa ste/ bsams pa la sogs pa yang de bzhin no/ /mtshan nyid kyi 'dod chags spyod pa ces bya ba ni/ chos rnams kyi mtshan nyid la chags pa'o/ /mtshan nyid mi mthun pa'i 'dod chags spyod pa zhes bya ba ni kha cig ci la chags kha cig ci la chags te/ 'dod chags yod pa mi 'dra ba'o/ /rnam par bzhag pa'i 'dod chags spyod pa zhes bya ba ni/ gsung rab yan lag bcu gnyis 'jig rten du bzhag pa la chags pa'o/ /sngon gyi mdza' i rkyen gyi 'dod chags spyod pa zhes bya ba ni chags par 'gyur ba'i yul 'das pa rnams dran nas 'dod chags skye ba'o/ /phyi ma'i mdza' rkyen gyis 'dod chags spyod pa zhes bya'o/ /ma 'ongs pa ni yang chags par gyur pa'i gzugs 'di 'dra ba'i zhig dang phrad par gyur cig ces dmigs pa las 'dod chags 'byung ba'o/ /da ltar byung ba'i rkyen gyi 'dod chags pa zhes bya ba ni/ da ltar 'dod chags skye ba'i rkyen dang phrad nas 'dod chags skyes pa'o/ /sems can nang du 'dod chags la zhes bya ba la sogs pa ni/ bsam gtan gyi ro la chags shing 'dod pa lnga'i yon tan la chags pa yod pa'o/ yang na nang du sems la 'dod chags 'byung ba'i shas che la phyi rol tu 'dod chags dang 'dra bar mi snang ba'o/ /sems can phyi rol tu 'dod chags la zhes bya ba la sogs pa ni phyi'i 'dod pa'i yon tan la chags pa'i shas che la bsam gtan gyi rol chags pa med pa 'am/ phyi rol gyi spyod pa 'dod chags kyi shas che ba 'dra bar snang la/ sems la 'dod chags kyi shas che ba ma yin pa'o/ /sems can nang du 'dod chags la zhes bya ba la sogs pa ni bsam gtan gyi ro la yang chags shing phyi'i yul rnams la yang chags pa 'am/ nang du yang 'dod chags kyi shas che zhing phyi rol tu yang 'dod chags shas che ba 'dra bar snang ba'o/ /de las bzlog nas sems can nang du yang 'dod chags med la phyi rol tu yang 'dod chags med pa ste/ bsams gtan gyi ro dang phyi'i yul gnyi ga la ma chags pa'o/ /'jug pa ste zhes bya ba ni chags pa'i yul la sems 'jug pa 'am/ 'dod chags spyod pa rnams kyi tshul dang rang bzhin na ma rnam par dbye ba zhes bya ba'i don to/ /'jug pa'i sgo 'dis zhes bya ba ni tshul 'dis bsgres na zhes bya ba'i tha tshig go zhe sdang dang gti mug spyod pa la yang 'dod chags? /bcos ma'i zhe sdang spyod pa zhes bya ba la sogs par sbyar ro/ /cha mnyam pa la spyod pa zhes bya ba ni 'dod chags dang zhe sdang gti mug gsum char yang che chung med de cha mnyam pa'o/ /sems kyi 'jug pa zhes bya ba ni dang po nyid du 'dod chags kyi sems skyes pa shes pa'o/ /'bab pa shes pa ni 'dod chags dngos su spyod par shes pa'o/ /so so ci rig par chos ston pa shes pa zhes bya ba ni sems can gang la chos gang bstan par shes pa ste/ 'dod chags can rnams la mi gtsang ba bsgom pa bstan par bya ba la sogs pa shes pa'o/ /dus las mi 'da' bar shes pa zhes bya ba ni sems can smin pa'i dus dang/ chos bstan pa'i dus shes nas/ de bzhin du smin pa dang chos ston par byed pa'o/ /snod kyi bye brag ji lta ba bzhin shes pa zhes bya ba ni sems can gang chos gang dang theg pa gang gi snod yin par shes pa'o/ 'bras bu yod par chos bstan pa shes pa zhes bya ba ni chos bstan pa rnams kyang mjug du don yod cing 'bras bu 'gyur ba de lta bu'i chos bstan par shes pa'o/ /ma tshang ma lhag par chos bstan pa shes pa zhes bya ba ni chos bstan pa de dag la yang bskyed skur med par bya ste bstan pa shes pa'o/ /chos so so yang dag par rig pa bshad zin to// // tha snyad shes pa bstan pa'i phyir/ de la nges pa'i tshig so so yang dag par rig pa gang zhe na zhes bya ba la sogs pa gsungs so/ /sems can thams cad kyi skad la 'jug pa shes pa zhes bya ba ni sems can rnams kyi so so'i skad gang yin pa shes pa'o/ /skad ni so so'i skad rnams so/ /sgra ni gang gis gdangs? rnams so/ /dbyangs ni gdangs de nyid kyi snyan pa dang/ mi snyan pa'i bye brag go /tshig gi lam ni sems can so so'i mi ge rnams so/ /nges pa'i tshig thogs pa dang bcas pas gzugs zhes bya ba la sogs pa'o/ /brda ni don brda phrad par nus pa'i tshig rkang pa tshang ba'o/ /spyod pa ni sems can so so'i spyod pa 'am don gang la ming gang btags pa'o/ /gzhan yang nges pa'i tshig so so yang dag par rig pa'i spyod pa 'di dag ces bya ba la sogs pas ni/ nges pa'i tshig gi gang grangs gdags pa rnam par bzhag pa dang/ gang zag gdags pa rnam par gdag pa dang/ dus gdags pa rnam par bzhag pa dang/ yi ge'i brda shes pa cig gi tshogs kyang shes pa man chad mdo'i tshig gsum gyi go rim bzhin du bstan par shes par bya'o/ /nges pa'i tshig so so'i yang dag par rig pa rnam grangs gzhan bstan pa'i phyir/ gzhan yang nges pa'i tshig ni zhes bya ba la sogs pa gsungs so/ /chos t hams cad 'gog pa la tshig gis chos shes pa zhes bya ba ni chos thams cad skye pa med pa'i mtshan nyid la nges pa'i tshig des bstan na skye ba med pa'i rang bzhin shes par byed de de ni nges pa'i tshig so so yang dag par rig pa zhes bya'o/ /de'i zhes bya ba ni byang chub sems dpa' de'i zhes bya ba'i tha tshig go /thogs pa med pa zhes bya ba ni bstan par bya ba thams cad ston pa'i phyir ro/ /'khrul ba med pa zhes bya ba ni ma nor cing phyin ci ma log par ston pas so/ /shin tu rnam par bzhag pa zhes bya ba ni gang bstan pa de yang gtan la 'bebs pas so/ /zlos pa med pa'i tshig ni yang nas yang du mi bzlos pa'i phyir ro/ /mi drag pa ni nyan pa rnams kyi rna ba'i dbang po la gnod par mi byed pas so/ /ma brtabs pa ni tshig myur ba dang/ dum dum por smra pa med pas so/ /zur phyin pa ni tshig dang yi ger gsal bar smra bas so/ /rnam par gsal ba ni tshig dang yi ge ma chad par smra ba'i phyir ro/ /don dang yi ges bskor ba ni don bzang po dang yi ge bzang po ston pa'i phyir ro// ji lta ba bzhin du 'khor tshim par byed pa ni so so'i skad dang sgras so so'i bsam pa tshim par byed pa'i phyir ro/ /rnam pa sna tshogs pa ni chos gcig la yang rnam grangs du mas 'chad pa'i phyir ro/ /zab mo ni don zab mo rtogs par byed pa'am/ don zab mo dang mthun par byed pa'i phyir ro/ /zab par snang ba ni nges pa'i tshig de nyid gzhan gyis shes par dka' bas so/ /kun rdzob dang don dam pas brgyan pa ni kun rdzob dang don dam par 'phrug pa'i chos ston pa'i phyir ro/ /rang gi sems rtogs pa ni bdag rang gi sems kyi dngos po ci 'dra ba phyin ci ma log par shes pa'o/ /shes ba rtogs pa ni bdag gis don dang tshig gi shes pa de nyid rang gi rtog pa'o/ /lta ba rtogs pa dang gis lta ba'i grub pa'i mdza' gang yin pa shes pa'o/ /sangs rgyas kyi bka' stsal pa ni/ de bzhin gshegs pa rnams kyang de kho na skad gsungs pa'i phyir ro/ /sems can thams cad mgu bar byed pa ni/ nges pa'i tshig des sems can rnams dang pa skyed pa'i phyir/ nges pa'i tshig so so yang dag par rig pa bshad zin to// //brjod pa shes pa bstan pa'i phyir/ de la spobs pa so so yang dag par rig pa zhes bya ba la sogs pa gsungs so// de yang rnam pa gsum gyis rigs par bya ste/ spobs pa gang yin pa dang/ gang la spobs pa dang/ ji ltar spobs pa'o/ /de la 'di lta ste/ chags pa med par lus bsgo ba zhes bya ba nas brtsams te/ 'bras bu yod pa zhes bya ba yan chad kyis spobs pa gang yin pa bstan to/ /ji ltar dris pa bzhin du spobs pa dang zhes bya ba nas brtsams te/ sems can thams cad kyi sems kyi spyod pa tshim par byas la spobs pa ste/ zhes bya ba yan chad kyi gang la spobs pa bstan te/ mi 'dor mi lkug ces bya ba nas brtsams te/ yang dag par sdug bsngal zad par bya ba'i phyir zhes bya ba yan chad kyi ji ltar spobs pa bstan to/ /chags pa med par lung bsgo pa bstan pa shes pa zhes bya ba la/ dris pa'i lan lon pa la lung bsgo pa bstan pa shes pa zhes bya ste/ chos dang don gang dang gang dris pa de dang de dag bstan pa la/ bsam mi dgos par shes pa la/ chags pa med pa'o/ /phrad par lung bsgo ba bstan pa shes pa zhes bya ba ni dus gcig du so so nas mi mthun pa ma dris kyang phrad par bstan pa'i phyir ro/ /thogs pa med par lung bsgo ba bstan pa shes pa zhes bya ba ni phas kyi rgol ba la sogs pas zil gyis mi non cing thags thogs med pa'o/ /yang na chos kha cig sten nus ba kha cig ston mi nus pa ni chags pa byang chub sems dpa' ni thams cad ston pa'i phyir ro/ /chags pa med par lung bsgo ba bstan pa shes pa'o/ /rgyu 'ga' zhig la brten nas sten pa ni thogs pa ste/ gang la yang mi brten par ston pas thogs ba med par lung bsgo ba bstan pa shes pa zhes bya'o/ /myur pa'i spobs pa zhes bya ba ni gzhan gyi dris na mgo rmongs pa med cing myur du la na lon la/ chos kyi don la myur du 'jug pa'i phyir rol gong du spobs pa ni zur tsam dris pas khyad gong 'dri ba'i don ma lus par ston pa'i phyir ro/ /mgyogs pa'i spobs pa ni don phra zhing zab pa rtogs par byed pas so/ /'bras bu yod pa'i spobs pa ni de'i spobs pas de kho na rtog shing mya ngan las 'das pa thob par byed pas so/ / ji ltar dris pa bzhin du spobs pa ni chos gang dang gang dris pa de dang de dag ston par byed pa'i phyir ro/ /mi 'phrogs pa'i spobs pa ni byang chub sems dpa' de'i spobs pa gzhan gyis zil gyis mi non pa'i phyir ro/ /yongs su mi nyams pa'i spobs pa ni nams kyang spobs pa de la nyams pa med pas so/ /shin tu 'brel pa'i spobs pa ni tshig dang don du 'brel pa smra ba'i phyir ro/ /rtogs pa'i spobs pa des chos gang dang gang bstan pa'i chos de dang de rtogs par byed pas so/ /chos la dga' ba'i spobs pa ni tshig kyal pha spangs nas rtag tu chos kyi gtam sha stag smra ba'i phyir ro/ /bzod pa'i stobs la gnas pa'i spobs pa ni tshig rtsub po smras kyang zhe sdang mi ldang zhing tshig rtsub po mi smra ba'i phyir ro/ /zab pa la spobs pa ni cig tu stong pa nyid kyi chos ma nor bar ston pa'i phyir ro/ /sna tshogs kyi spobs pa ni tha snyad kyi gtam sna tshogs ston pa la mkhas pa'i phyir ro/ /kun rdzob dang don dam pa la spobs pa ni kun rdzob dang don dam par bcas pa'i chos ma nor bar bston pa'i phyir ro/ /sangs rgyas kyi chos shes bya ba la sogs pas sangs rgyas kyis gsung rab yan lag bcu gnyis kyi tshig so sor phye ste bstan pa la mkhas shing thogs pa med par bstan pa'o/ /gang nges pa'i tshig la rtog pas tshig gi chos shes pa zhes bya ba ni spobs pa des thogs pa dang bcas pa'i phyir gzugs shes bya ba la sogs pa nges pa'i tshig gi mtshan nyid la rtags pas tshig tu bya ba'i chos thams cad la mkhas pa'o/ /'jug pa shes pa'i spobs pa zhes bya ba ni spobs pa de gong du chos smos pa de dag gi mtshan nyid la 'jug chos de dag gi mtshan nyid rtogs par byed pa'i phyir ro/ /theg pa thams cad la spobs pa zhes bya ba ni theg pa thams cad ston pa'i phyir ro/ /yang dag pa ji lta ba bzhin du bstan pas zhes bya ba ni so so gang la dad pa'i chos de dag phyin ci ma log par ston pas so/ /mi dor ba ni tshig nor pa med pas so/ /mi lgug pa ni tshig mi gsal ba med pas so/ /mi brlang ba'i tshig ni tshig dang yi ge yid la mi 'thad ba med pa'i phyir ro/ /bstan pa ni chos rnams phyin ci ma log par ston pa'i phyir ro/ /mi rtsub po ni don dam par khong du chud par bya ba'i thabs sla ba ston pa'i phyir ro/ /yang na mi brlang ba ni bslab pa las 'das na yang de las gso ba'i thabs ston pa'i phyir ro/ /mi rtsub pa ni mu stegs can gyi dka' thub bdag nyid la de med pa'i lam mi ston pa'i phyir ro/ /'jam pa ni chos bshad pa'i dus na yang 'gro ba rnams kyi yid kyi dbang po tshim par byed pa'i phyir ro/ /dag pa ni 'jig rten las 'das pa'i rjes la thob pa'i ye shes dag pas bshad pa'i phyir ro/ /rab tu 'gro ba ni nyon mongs pa'i bag chags dang bral nas gsungs pa'i phyir ro/ /thogs pa med pa ni tshig dang yi ge zlos pa mi smra ba'i phyir ro/ /zur phyin pa ni tshig dang yi ge zur chags pa med pa ston pa'i phyir ro/ /des pa'i tshig ni gzhan la zhe gcod pa'i tshig mi smra ba'i phyir ro/ /mi g.yo ba'i tshig ni mu stegs can la sogs pas sgra bkod pa mi nus pa'i phyir ro/ /yang na 'dul ba rnams yongs su smin pa'i dus so las mi 'da' bar ston pas ni mi g.yo ba'o/ /bstod kyang 'gying pa'i kun nas nyon mongs pa mi skye ba'i phyir mi rgod pa'o/ /smad kyang zhum pa'i kun nas nyon mongs pa mi skye ba'i phyir zhi ba'o/ /skye bo thams cad kyis de'i tshig la brtsun par byed pa'i phyir bzung ba'i tshig go / de'i tshig thams cad nyan pa'i phyir btsun pa'i tshig go /tshig dang don du 'brel ba 'am/ mdor bstan nas rgyas par 'chad pa dang bcas pa'i phyir 'brel pa'i tshig go /sems can thams cad kyi dge ba'i rtsa ba 'phel zhing rgyas par byed pa'i phyir tha ba med pa'i tshig go / tshad ma gsum dang mi 'gal ba'i phyir shin tu rig ba'i tshig go /sems can dge ba'i rtsa ba ma skyes ba rnams ni skyed par byed/ skyes pa rnams ni 'phel bar byed/ /'phel ba rnams ni smin par byed pas na/ /ma tshang ba med pa'i tshig go /don bzang po ston pas na snyan ba'i tshig go /yi ge bzang po ston pas na mnyan pa'i tshig go /ji ltar khas blangs pa las gzhan du 'gyur ba med pas na ma smad pa'i tshig go / 'khor thams cad la phan 'dogs shing 'khor rnams sdud bar byed pas na shin tu sdud pa'i tshig go /nyan thos dang rang sangs rgyas dang byang chub sems dpa' dang de bzhin gshegs pa rnams kyis bstod pas na 'phags pa thams cad kyis rab tu bsngags pa'o/ /zhing mdza' yas par 'gro bar byed pa'i rjes su song ba'i dbyangs shes bya ba ni spobs pa las byung ba'i tshig nges sangs rgyas kyi zhing mdza' yas par khyab par byed pa'i phyir ro/ /tshangs pa'i sgra skad la rtog cing go bar byed pa'i dbyings zhes bya ba la tshangs pa ni mya ngan 'das pa la bya ste/ de ston pa pa'i sgra skad la mkhas pa 'am/ de ston par byed pa la mkhas shes bya ba'i don to/ /sangs rgyas kyis bka' stsal pa zhes pa la sogs pas/ byang chub sems dpa' de sangs rgyas rnams kyi bshad pa'i spobs pa dang ldan pas sems can rnams kyis dbang po mchog dang mchog ma yin pa shes par byas nas dbang po dang mthun mthun du chos ston par byed ces bya ba'i don to/ /de'i chos ston pa yang de byed par yang dag par sdug bsngal zad par bya ba'i phyir 'byung bar 'gyur te zhes bya ba la/ de byed pa zhes bya ba ni sdug bsngal zad par byed pa la bya ste/ /byang chub sems dpa' i chos ston pa'i tshig de na yang dag par sdug bsngal zad par bya ba'i phyir 'byung ngo zhes bya ba'i don to/ /'di ni spobs pa so so yang dag par rig pa ste/ /so so yang dag par rig pa bzhi mi zad bshad zin to// //slob par byed pa'i byang chub sems dpa' bstan pa'i phyir/ btsun ba sha radwA ti'i bu gzhan yang byang chub sems dpa' rnams kyi rton pa bzhi yang mi zad pa zhes bya ba la sogs pa gsungs te/ /de mi zad pa yang brten/ /par bya ba'i don dang ye shes dang nges ba'i don dang/ chos nyid mi zad pa'i phyir ro/ /'dir yang bstan pa dang bshad pa'i tshul rig par bya ste/ bzhi gang zhe na 'di lta ste/ zhes bya ba la sogs pa bstan pa'i tshul lo/ /lhag ma rnams ni bshad pa'i tshul lo/ /rton pa bzhi yi don shes te/ don la sogs pa la rton par gyur na/ gong du bstan pa lta bu'i so so yang dag par rig pa 'byung bas/ rton pa bzhis bsdus pa'i don de'i thabs shes pa bstan bar sbyar ro/ /slob par byed pa'i byang chub sems dpa' rnam pa ste/ chos shin tu chol ba dang /bsam pa shin tu tshol ba dang/ nan tan snying por byed ba dang/ gzhan gyis drin la ni 'jog pa'o/ /chos shin tu tshol ba'i dbang du byas nas/ de la don ni gang tshig 'bru ni gang zhen zhes bya ba la sogs pa gsungs so/ /gang 'jig rten pa'i chos dang bya ba la 'jug pa bstan pa'o/ / zhes bya ba ni 'jig rten gyi chos las dang 'bras bu la sogs pa tha snyad du gdags shing brjod par bya ba rnams bstan pa la tshig 'bru zhes bya'o/ /don ces bya ba ni gang 'jig rten las 'das pa'i chos rtogs pa'o zhes bya ba las dang 'bras bu la sogs pa 'jig rten gyi tha snyad du gdags pa'i chos rnams las 'das te de dag gis mtshan ma rnams dang bral ba stong pa'i don rtogs ba la don ces bya'o/ /de bzhin du 'og ma rnams la yang rig par sbyar te/ mdor na ji tsam du kun rdzob kyi chos rnams bshad cing 'grel ba la ni tshig 'bru zhes bya'o/ /de las bzlog ste bshad pa dang brjod pa la sogs pa las 'das shing don dam pa'i dbyings nyid du rtogs pa la don ces bya'o/ /tshig 'bru zhes bya ba ni gang byin pa dang dul ba dang zhes bya ba la sogs ba la phyi dang nang gi dngos po sbyin pa bstan cing bshad pa dang/ /mig la sogs pa'i dbang po rnams yul la mi 'jug par dul ba bstan pa dang/ lus dang ngag dang yid kyi sgo nas sdig pa mi byed par sdom pa'i bstan pa dang gzhan la gnod pa mi byed par nges pa bstan cing bshad pa ni tshig 'bru ces bya'o/ /mnyam pa nyid shes pa'o zhes bya ba ni chos de dag rang bzhin med par shes pa 'am/ chos de dag gi stong pa nyid shes pa ni don ces bya'o/ /tshig 'bru zhes bya ba ni gang 'khor ba'i skyon bsgrags shing brjod pa'o zhes bya ba la phung po gcig nas gcig tu tshe'i nying mtshams sbyor zhing skye ba ni 'khor ba'o/ /'khor ba'i skyon ni 'khor ba'i nyes pa ste/ rga ba dang 'chi ba la sogs pa'i sdug bsngal mang po dang ldan pa ste/ de ltar 'khor ba'i skyon bsgrags shing 'chad pa ni tshig 'bru'o/ /don ces bya ba ni gang 'khor ba la mi dmigs par rtog pa'o zhes bya ba la nyes pa du ma'i gnas su gyur pa'i 'khor ba de yang rang bzhin gyis stong zhing med par khong du chud pa ni don ces bya'o/ /tshig 'bru zhes bya ba ni gang mya ngan las 'das pa'i yon tan dang phan yon brjod ces bya ba la/ nyon mongs pa ma lus par spangs nas tshe gcig nas gcig tu nying mtshams sbyor ba'i rgyun 'chad pa ni mya ngan 'das pa'o/ /mya ngan las 'das pa'i yon tan ni zhi ba dang/ gya nom pa dang nges? par 'byung ba ces bya ba la sogs pa'o/ /phan yon ni sdug bsngal thams cad spangs shing bde ba rnams kyi rten du gyur pa ste/ gang mya ngan las 'das pa'i yon tan dang/ phan yon 'chad cing brjod pa ni tshig 'bru zhes bya'o/ /don ces bya ba ni rang bzhin gyi zhes bya ba la sogs pa la chos thams cad rang bzhin gyis 'od gsal ba nyon mongs pa dang shes bya'i sgrib pa glo bur dang ma 'dres pa yin pas rang bzhin gyi mya ngan las 'das pa ste/ de ltar na rang bzhin gyi mya ngan las 'das pa'i chos de dag la yang nyes pa dang skyon dang yon tan dang phan yon du mi rtog pa ni don ces bya'o/ /tshig 'bru zhes bya ba ni gang theg pa ji ltar rnam par bzhag pa bzhi zhes bya ba la/ theg pa gsum ji ltar 'jig rten du rnam par bzhag pa de bzhin du so sor mtshan nyid ma nor bar ston cing 'chad pa 'am/ gsung rab yan lag bcu gnyis ji ltar 'jig rten du bzhag ba de bzhin du so sor mtshan nyid ma nor bar 'chad pa ni tshig 'bru zhes bya'o/ /don ces bya ba ni gang chos kyi dbyings zhes bya ba la sogs pa la theg pa gsum la sogs pa ji snyed tha dad par bzhag pa'i rnam pa don dam par tshul gcig pa so sor dbyer med par khong du chud cing shes pa ni don ces bya'o/ /tshig 'bru zhes bya ba ni mdog pa thams cad yongs su gtong pa bstan pa zhes bya ba la/ nor dang 'bru la sogs pa bdag gir byas pa'i dngos po thams cad gzhan la btang bar bstan cing bshad pa ni tshig 'bru'o/ /don ces bya ba ni gang 'khor gsum yongs su dag pa'i zhes bya ba la gtongs pa po dang/ btang pa'i dngos po dang/ len pa gsum car yang rang bzhin med par shes pa ni don to/ /tshig 'bru zhes bya ba ni gang lus dang ngag dang yid kyi sdom pa zhes bya ba la sogs pa tshul khrims dang tshul khrims kyi 'khor du rtogs pa chos ming gis smos pa rnams yang dag pa mnor cing blang bar bstan cing bshad pa ni tshig 'bru'o/ /de la lus ngag dang/ yid kyi sdom pa gsum ni lus kyis legs par spyod pa la 'jug pa dang/ ngag gis legs par spyod pa la 'jug pa dang/ yid kyis legs par spyod pa la 'jug pa ni 'jug pa'i tshul khrims so/ /tshul khrims zhes bya ba'i sgras ni yan lag drug pa'i tshul khrims la bya bar 'dod do/ /bslab pa'i sgras ni srog gcod pa las phyir ldog pa dang/ ma byin par len pa las phyir ldog pa la sogs pa la slob pa ldog pa'i tshul khrims la bya'o/ /sbyangs pa'i ston ni sbyangs pa'i yon tan gyi bcu gnyis rnams so/ /yo byad bsnyungs pa ni lhung bzed dang chos gos la sogs pa mang po mi 'dzin pa'o/ /yongs su dag par shes ba zhes bya ba ni tshul khrims dang tshul khrims kyi yan lag tu gtogs pa'i chos de dag rang bzhin gyis dag par shes pa ni don to/ /yang dag par 'joms zhing bzod pa'i stobs dang nges pa bstan pa zhes bya ba rab tu 'joms pa ni gnod sems la sogs pa spong ba'o/ /bzod pa ni gzhan gyis gnod ba byas kyang sems mi 'khrugs cing gnod pa nyams su len pa ste/ /stobs ni bzod pa dang mi mthun pa'i chos khong khro ba la sogs pa'i dbang du mi 'gro ba'o/ /nges pa ni sems can la gnod pa mi byed pa ste/ de lta bu bstan cing bshad pa ni tshig 'bru'o/ /don ces bya ba ni gang mi skye ba'i chos la bzod pa thob pa zhes bya ba la chos thams cad ma byung ma skyes par khong du chud cing stong pa nyid kyi chos la mi sgrag pa thob pa ni don ces bya'o/ /tshig 'bru zhes bya ba ni gang dge ba'i rtsa ba thams cad yang dag par sgrub pa la zhes bya ba la sogs pa dge ba'i rtsa ba thams cad yang dag par blang zhing bsgrub par byed pa'i phyir/ /brtson 'grus brtsams par bya bar bstan cing bshad pa ni tshig 'bru'o/ /don ces bya ba ni gang blang ba dang dor ba la mi gnas zhes bya ba la dge ba'i chos blang ba la yang mi gnas/ mi dge ba'i chos spang ba la yang mi gnas te/ bya ba gnyis mthar phyin pa'i brtson 'grus kyi 'bras bu dang ldan pa la don ces bya'o/ /snyoms par 'jug pa bstan pa zhes bya ba ni ming gis smos pa'i chos de rnams kyi mtshan nyid gang yin pa bshad pa ni tshig 'bru'o/ chos de dag gi 'bras bu 'gog pa'i snyoms par 'jug pa mngon du byas shing/ khong du chud pa ni don to/ /tshig 'bru zhes bya ba ni gang thos pa thams cad 'dzin pa zhes bya ba la shes rab skye ba'i rtsa bar gyur pa'i dge ba'i bshes gnyen la brten nas dam pa'i chos nyan cing ji ltar mnyan pa'i chos kyi don dang tshig mi brjed par 'dzin pa ni tshig 'bru'o/ /don dam par chos thams cad bshad pa dang nyan pa las 'das so zhes gang stong pa brjod du med pa ni don to/ /don ces bya ba ni byang chub kyi phyogs kyi chos bsgrubs pa'i 'bras bu mngon sum du byed ces bya ba la/ byang chub kyi phyogs sum cu rtsa bdun bsgrubs pa'i so so'i 'bras bu re re nas mngon sum du byed pa 'am/ de dag spyi'i 'bras bu sangs rgyas su grub pa'i mtshan nyid mngon sum du byed pa ni don to/ /tshig 'bru zhes bya ba ni gang sdug bsngal dang zhes bya ba la/ /sems can gzhan dag la 'di ni sdug bsngal gyi bden pa/ 'di ni kun 'byung ba'i bden pa/ 'di ni lam gyi bden pa zhes bden pa gsum 'chad cing bstan pa ni tshig 'bru'o/ /don ces bya ba ni gang 'gog pa mngon sum du byed pa ces bya ba la de ltar bstan cing bsgrubs pa'i 'bras bu 'gog pa'i bden pa mngon du byed pa ni don to/ /tshig 'bru zhes bya ba ni gang ma rig pa zhes bya ba la sogs pa la ma rig pa nas brtsams te/ rga shi'i bar du 'khor bar 'jug pa'i rgyu bstan cing 'chad pa ni tshig 'bru'o/ /ma rig pa 'gog pa nas rga shi 'gog pa'i bar du 'khor ba las ldog pa'i rang bzhin ni don to// tshig 'bru zhes bya ba ni gang zhig gnas dang/ lhag mthong gi tshogs bstan pa zhes bya ba la tshul khrims rnam par dag pa la gnas te zas la tsho da rig pa dang 'du 'ji mang po'i nang na mi gnas pa dang/ nam gyi cha stong dang cha smad la mi nyal ba'i zhi gnas dang lhag mthong gi tshogs la brten nas zhi gnas nas lhag mthong bsgrubs par bstan cing bshad pa ni tshig 'bru'o/ /don ces bya ba ni gang rigs pa dang rnam par grol ba'i ye shes zhes bya ba la de ltar tshul khrims la gnas nas zhi gnas dang lhag mthong bsgrubs las 'di ni sdug bsngal gyi bdan? pa/ 'di ni kun 'byung ba'i bden pa 'di ni 'gog pa'i bden pa/ 'di ni lam gyi bden pa zhes rnam par rig pa skyes pa dang/ de'i 'og tu sdug bsngal ba ni shes par byas/ kun 'byung ni spangs lam ni bsgoms/ 'gog pa ni mngon du byas so zhes rnam par ral pa skyes pa dang/ de las sdug bsngal shes zin pas/ shes par bya mi dgos/ /kun 'byung ba spangs pas spang mi dgos/ lam bsgoms pas bsgom mi dgos/ /'gog pa mngon du byas pas mngon du bya mi dgos shes rnam par grol ba'i ye shes skyes pa ni don to/ /tshig 'bru zhes bya ba ni gang 'dod chags dang zhe sdang zhes bya ba la sogs pa la sems can rnams kyi nyon mongs pa brgyad khri bzhi stong gi gnyen po mi gtsang ba dang byams pa la sogs pa bstan cing bshad pa ni tshig 'bru'o/ /don ces bya ba ni gang sems rnam par grol ba mi 'khrug pa'i ye shes zhes bya ba la nyon mongs pa de rnams las rnam par grol ba'i ye shes mi nyams pa ni don to/ /tshig 'bru zhes bya ba ni gang sgrib pa dang sgrib par 'gyur ba ces bya ba la sogs pa la sgrib pa ni shes bya dang nyon mongs pa'i sgrib pa'o/ / sgrib par 'gyur ba ni 'dod pa la 'dun pa dang gnod sems la sogs pa'i sgrib ba lnga la bya ste/ de dag ni thams cad mkhyen pa'i ye shes dang mya ngan las 'das pa thob par bya ba la sgrib pa ste/ de dag spang par bya'o zhes bstan cing 'chad pa de ni tshig 'bru'o/ /don ces bya ba ni gang sgrib pa med pa'i ye shes dang rnam par thar pa zhes bya ba la nyon mongs pa dang shes bya'i sgrib pa spangs pa thams cad mkhyen pa'i ye shes dang nyon mongs pa'i sgrib pa thams cad spangs pa/ / mya ngan las 'das pa ni don to/ /tshig 'bru zhes bya ba ni gang dkon mchog gsum gyi zhes bya ba la sogs pa la sangs rgyas kyi yon tan rig pa dang zhabs su ldan pa zhes bya ba la sogs pa dang/ lha dang bcas pa'i 'jig rten gyi las brgal ces bya ba la sogs pa dang/ dul bar 'dzin mdzad zhi bar mdzad/ /dbugs 'byin par mdzad ces bya ba la sogs pa dang/ lam shes pa la rig pa lam dang lam ma yin pa mkhyen pa zhes bya ba la sogs pa yon tan dang sngags pa mdza' yas par bstan pa dang/ dge 'dun la yang bcom ldan 'das kyi nyan thos kyi dge 'dun ni legs par zhugs pa zhes bya ba dang/ sbyin pa'i gnas bsod nams kyi zhing zhes bya ba la sogs pa yon tan dang bsngags pa mdza' yas par bstan pa pa ni tshig 'bru'o/ /don ces bya ba ni sangs rgyas kyi chos kyi sku mthong ba dang zhes bya ba la sogs pas/ sangs rgyas la ji skad brjod pa'i yon tan du mi lta'o/ /chos kyi sku nyid du mthong ba dang/ chos la ji skad brjod pa'i yon tan du mi lta'i/ don dam pa'i yon tan 'dod chags dang bral zhing skye 'gag med pa'i chos nyid du mthong ba dang/ dge 'dun la ji skad brjod pa'i yon tan du mi lta'o/ /'dus ma byas kyi chos nyid rtog pa las byung bar mthong ba ste/ de ltar sangs rgyas dang chos dang dge 'dun gyi yon tan don dam pa'i ngo bo nyid du rtog pa'i ye shes la don ces bya'o/ /tshig 'bru mdor bsdus nas bstan pa'i phyir tshig 'bru zhes bya ba ni sems dang po bskyed pa nas bzung zhes bya ba la sogs pa gsungs te/ dang po byang chub sems skyed pa nas/ mdza' sangs rgyas su gyur gyi bar du byang chub sems dpa' rnams kyi yon tan mang po bstan cing bshad pa thams cad ni tshig 'bru'o/ /don mdor bsdus nas bstan pa'i phyir gang sems kyi skad cig ma gcig ces bya ba la sogs pa gsungs te/ thams cad mkhyen pa'i ye shes mngon par rdzogs par byang chub pa'i tshe ni/ sems kyi skad cig ma gcig gi byang chub mngon par rtog pa ni don to/ /mdor na chos kyi phung po brgyad khri bzhi stong bstan pa kun ni tshig 'bru yin la/ yang dag par na de dag gi rang bzhin brjod du med pa ni don yin par bstan te/ 'di ni don la rton gyi zhes bya ba la gong du bshad pa ltar khong du chud nas 'di ni don la rton ba yin gyi/ /tshig 'bru la mi rton ba zhes bya'o/ /bsam ba shin tu tshol ba bstan pa'i phyir/ /de la rnam par shes pa gang ye shes ni gang zhe na zhes bya ba la sogs pa gsungs so/ /bzhi gang zhe na 'di lta ste rnam par shes pa gnas pa ni/ gzugs la nye bar 'gro zhing gnas zhes bya ba la sogs pa ni gzugs dang tshor ba dang 'du shes dang 'du byed rnams la sred pa'i sgo nas mig la/ sogs pa'i rnam par shes pa rnams brten pa 'am/ dmigs pa'i sgo nas gnas pa na rnam par shes pa gnas pa zhes bya'o/ /yang na gzugs la nye bar 'gro zhing gnas pa ni 'dod pa'i khongs su gtogs pa'i rnam par shes pa rnams te/ gzugs gzugs la dmigs pa'i shas che ba'i phyir gzugs la gnas pa zhes bya'o/ /tshor ba la nye bar 'gro ba'i gzugs kyi kham su gtogs pa'i rnam par shes pa rnams te/ bsam gtan gyi bde ba'i tshor ba la dmigs pa shas che bas tshor ba la nye bar 'gro ba ste nye bar 'gro ba ni de la gnas pa 'am dmigs zhes bya ba'i don to/ /'du shes pa nye bar 'gro ba ni gzugs med pa'i khams su gtogs pa'i rnam par shes pa ste/ nam mkha' mdza' yas skye mched la sogs pa 'du shes la dmigs pa'i shas che bas 'du shes la nye bar 'gro ba'o/ /'du byed la nye bar 'gro ba 'gog pa ni snyoms par 'jug pa'i rnam par shes pa thog ma 'gog pa snyoms par 'jug pa na/ de'i bya ba byed par dmigs shing rtsol ba'i phyir 'du byed la nye bar 'gro ba zhes bya'o/ /yang na srid pa'i rtse mo'i rnam par shes pa ni tshe'i 'du byed yun ring por/ gnas pa de la brten cing gnas pas na 'du byed la nye bar 'gro zhing gnas pa zhes bya ste/ 'di ni rnam par shes pa'o/ /de la ye shes gang zhe na gang phung po bzhi la gnas pa'i rnam par shes pa'i phung po yongs su shes pa/ zhes bya ba la gong du phung po bzhi la gnas pa'i rnam par shes pa'i phung po rnams kyi ngo bo nyid ji lta bu yin par don dam par phyin ci ma log par shes pa ni ye shes so/ /rnam par shes pa dang ye shes kyi rnam grangs gzhan bstan pa'i phyir/ /gzhan yang rnam par shes pa ni sa'i khams rnam par shes pa dang zhes bya ba la sogs pa gsungs te/ sra ba dang gsher ba la sogs pa 'byung ba chen po bzhi mtshan nyid shes pa ni rnam par shes pa'o/ /gang khams rnam pa bzhi po 'di dag la zhes bya ba la sogs par ni khams bzhi bo la dmigs pa'i rnam par shes pa bzhi rnams kyang don dam par na stong pa nyid kyi mtshan nyid du ro gcig bas so so dbyer med par shes pa ni ye shes so/ /rnam par shes pa dang ye shes kyi rnam grangs gzhan bstan par bzhed nas/ /gzhan yang rnam par shes pa ni zhes bya ba la sogs pa gsungs te/ mig gis rnam par shes par bya ba'i gzugs rnams la rnam par rig pa ni mig gi rnam par shes pa'o/ /de bzhin du rna ba la sogs pa la yang sbyar te/ rnam par shes pa tshogs drug ni rnam par shes pa zhes bya'o/ /gang yang nang nye bar zhi zhing phyi rol tu rgyu ba med pa dang zhes bya ba la sogs pa ni gang du rtog pa med cing phyi rol gyi chos rnams la yang rtog pa med pa zhes bya ba'i don to/ /ye shes la rton pas chos gang la yang mi rtog rnam par mi rtog? ces bya ba ni rnam pa/ mi rtog pa'i ye shes la gnas pas/ nang gi chos gang la yang mi rtog cing/ mtshan mar mi 'dzin la/ phyi'i chos gang la yang rnam par mi rtog cing/ mtshan mar mi 'dzin pa ni ye shes so/ /rnam par shes pa dang ye shes kyi rnam grangs gzhan yang bstan par bzhed nas/ gzhan yang dmigs pa las rnam par shes pa skye ba dang zhes bya ba la sogs pa gsungs so/ /gzugs dang sgra la sogs pa la dmigs nas/ rnam par shes pa skye ba nas/ dmigs pa las rnam par shes pa skye ba ste 'dis ni dmigs pa'i rkyen las skye ba bstan to/ /yid la byed pa las rnam par shes pa skye zhes bya ba ni rnam par shes pa skye ba ni/ lta ba lta bar 'dod pa la sogs pa de dang 'byung ba yid la byed pa la brten nas skye ba'i phyir ro/ /yongs su rtogs pa las rnam par shes rnam par zhes pa skye zhes bya ba ni yongs su rtog pa gzhan dbang gi mtshan nyid kun gzhi rnam par shes pa'i bag chags la brten nas rnam par shes pa skye ba ste 'dis ni rgyu'i rkyen las skye bar bstan to/ /gang 'jig pa med pa zhes bya ba la sogs pa la bdag ces rtag pa med pas ni 'dzin pa med pa'o/ /bdag gi zhes rtog pa med pas na mchog tu 'dzin ba med pa'o/ /'di ni gzugs shes gzung ba'i ngo bor rtogs pa med pa'i dmigs pa'o/ /'di ni rnam par shes pa ste/ de la dmigs par byed pa'o zhes rtog pa med pas na rnam par rig pa med pa ste/ bdag dang chos gang la yang rtog pa med pa ni ye shes so/ /rnam par shes pa dang ye shes kyi rnam pa gzhan bstan par bzhed nas gzhan yang 'dus rgyu'i chos rnams la zhes bya ba la sogs pa gsungs te/ rgyu rkyen gyis bskyed pa khams gsum du gtogs pa'i chos rnams la gnas sam dmigs nas rnam par shes pa skye'o/ /'du ma byas stong pa nyid ni gnas dang gnas par byed pa dang/ dmigs pa dang dmigs bar bya ba las 'das pas des ni rnam par shes pa skye bar mi byed cing de rnam par shes pas rtogs par mi nus te/ de bas na 'dus byas la brten nas skye ba ni rnam par zhes pa'o/ /gang 'dus byas su shes pa zhes bya ba ni chos thams cad de bzhin nyid stong pa'i mtshan nyid du shes pa ni ye shes so/ /rnam par gzhan bstan pa'i phyir gzhan la skye ba dang 'jig pa la gnas pa zhes bya ba gsungs te/ mdor na gang skye ba yod pa dang 'jigs pa yod pa'i chos la brten pa ni rnam par shes pa'o// chos gang mi skye ba dang mi 'gag pa la brten cing skye ba dang 'gag pa med par khong du chud pa ni ye shes so/ / //nan tan snying por byed pa bstan pa'i phyir/ de la des pa'i don gyi mdo sde ni gang drang ba'i don gyi mdo sde ni gang zhes bya ba la sogs ba gsungs te/ mdo sde gang dang lam la 'jug par bstan zhes bya ba la mdo sde gang 'phags pa'i lam gyi mtshan nyid bsgom par bya ba 'am/ 'phags pa'i lam gyi mtshan nyid rtog par bya ba'i phyir/ bshad pa rnams ni drang ba'i don gyi mdo sde zhes bya ste/ /mya ngan las 'das par 'dren pa'i lam ston pa'i phyir ro/ /mdo sde gang dag 'bras bu la 'jug pa zhes bya ba ni mdo sde gang la ma bsgrubs pa'i 'bras bu rtogs par bya ba'i phyir gsungs pa de dag ni nges? par don gyi mdo sde'o/ /mdo sde gang dag kun rdzob bsgrub par bstan pa zhes bya ba la/ mdo sde gang kun rdzob kyi tha snyad mang po tha snyad tsam du yod par bsgrubs pa'i phyir gsungs pa de dag ni drang ba'i mdo sde'o/ /mdo sde gang dag don dam par bstan pa zhes bya ba la mdo sde gang skye ba med pa dang 'gag pa med pa'i mtshan nyid don dam par bstan pa'i phyir gsungs pa de dag ni nges ba/ don gyi mdo sde'o/ /mdo sde gang dag las dang bya ba la 'jug par bstan zhes bya ba ni mdo sde gang las dge ba byas na 'bras bu yid du 'ongs pa myong bar 'gyur/ /las mi dge ba byas na 'bras bu yid du mi 'ong ba myong bar 'gyur ba bstan pa de dag ni drang don gyi mdo sde'o/ /mdo sde gang dag las dang nyon mongs pa zad par bya ba'i phyir bstan pa zhes bya ba la/ mdo sde gang las zad par bya ba dang nyon mongs pa zad par bya ba'i phyir de dag zad par bya ba'i thabs rnams mang po bstan pa'i des pa'i don gyi mdo sde'o/ /mdo sde gang dag kun nas nyon mongs pa bshad pa'i phyir/ /bstan pa zhes bya ba ni mdo sde gang kun nas nyon mongs pa'i phyogs su gyur pa'i chos rnams bshad pa'i phyir bstan pa'i mdo sde de dga' i drang ba'i don gyi mdo sde'o/ /mdo sde gang dag rnam par byang pa'i yongs su dag par bya ba'i phyir bstan pa zhes bya ba ni mdo sde gang sa dang pha rol tu phyin pa rnam par byad ba'i chos rnams sbyang zhing rnam par dag par bya ba'i phyir gsungs pa de dgra ni nges pa'i mdo sde'o/ /mdo sde gang dag 'khor ba las yid 'byung bar bstan pa zhes bya ba ni mdo sde gang 'khor ba la skyo zhing yid 'byung ba dang/ 'khor ba la chags pa med par bya ba'i phyir bstan pa de dag ni drang ba'i don gyi mdo sde'o/ /mdo sde gang dag 'khor ba dang mya ngan las 'das pa gnyis su med pa la 'jug pa bstan pa zhes bya ba la mdo sde gang 'khor ba dang mya ngan las 'das pa gnyi ga yang rang bzhin med pas 'khor ba spangs par yang mi bya/ mya ngan las 'das pa blang bar yang mi bya ste/ gnyi ga mtshan nyid gcig tu 'jug par bstan pa de dag ni nges pa'i don gyi mdo sde'o/ /mdo sde gang dag tshig dang yi ge sna tshogs su bstan pa/ zhes bya ba las mdo sde gang spyod pa sna tshogs dang/ skyes pa'i rabs la sogs pa sems can drang ba'i don du tshig dang yi ge sna tshogs su snyan par sbyar te/ bstan pa ni drang pa'i don gyi mdo sde'o/ /mdo sde gang dag zab mo mthong bar dga' ba khong du chud par dka' zhes bya ba la mdo sde gang gang zag dang chos la bdag med pa'i mtshan nyid stong pa nyid kyi rang bzhin dmigs su med pa mthong par dka' ba khong du chud par dka' ba bstan pa de dag des pa'i don gyi mdo sde'o/ /de la dmigs pa la gnas pa can rnams kyis shes par mi nus pa na mthong bar dga' ba'o/ /'phags pa nyan thos la sogs pa shes pa phyogs gcig pa rnams kyis shes par mi nus pas/ khong du chud par dka' ba'o/ /mdo sde gang dag tshigs dang yi ge mang zhing zhes bya ba la sogs pa la mdo sde gang dag tshig dang yi ge mang du ston cing 'jig rten dga' bar bya ba'i phyir/ 'jig rten/ gyi spyod pa dang mthun par bstan pa rnams ni dran pa'i don gyi sde'o/ /mdo sde gang dag tshig dang yi ge nyung zhes bya ba ni mdo sde gang tshig dang yi ge'i spros pa nyung du bya ste/ ting nge 'dzin du bsgom pa'i man ngag nyid? tshe tsam du ston pa ni nges pa'i don gyi mdo sde'o/ /sgra rnam pa sna tshogs su bshad pa zhes bya ba ni phung po dang khams dang skye mched la sogs pa rnam pa sna tshogs su bshad zin to/ /gzhan gyi dring la ma 'jog pa bstan pa'i phyir/ de la chos nyid ni gang/ gang zag ni gang zhes bya ba ni sogs pa gsungs so/ /gang zag tu lta ba la gnas te gang chos kha cig la rtsom pa zhes bya ba la gang zag rnam pa gnyis te/ slob pa'i gang zag dang mi slob pa'i gang zag go/ de la slob pa dang mi slob pa'i gang zag yod par lta ba la gnas nas slob pa'i gang zag ni yang dag pa'i lta ba la sogs pa 'phags pa'i lam yan lag brgyad pa la rtsom pa dang/ mi slob pa'i gang zag gi chos de brgyad kyi steng du rnam par grol ba dang/ rnam par grol ba ye shes mthong ba gnyis kyis bstan te chos bcu la brtson pa ni chos kha cig la brtson pa zhes bya ste/ /de gnyis ni gang zag go /gang zag tu lta ba de'i rtsom pa yongs su shes pa zhes bya ba ni gang zag gi rtsom pa gong du bshad pa'i chos rnams dang gang zag nyid don dam pa'i mtshan nyid chos kyi dbyings nyid phyin ci ma log par shes pa ni chos nyid do/ /yang na gang zag yod do zhes lta ba gnas te/ gang zag de thar pa dang grol bar bya ba'i phyir/ sbyin pa 'am tshul khrims la sogs pa'i chos kha cig la rtsom pa ni gang zag ces bya'o/ /gang zag dang gang zag gi don du brtsams pa'i chos rnams dngos po med par khong du chud nas/ sbyin pa dang tshul khrims la rtsom pa ni chos nyid ces bya'o/ /gang zag dang chos nyid kyi rnam grangs gzhan yang bstan pa'i phyir/ /gzhan yang so so'i skye bo ces bya ba la sogs pa gang zag gi rnam grangs su gsungs pa'o/ /de la spyi pha dang tshul khrims la sogs pa dge ba'i phyogs lam zhugs pa rnams ni so so'i skye bo'i gang zag go / sbyin pa dang tshul khrims la zhugs la spyod pa de dag ma nyams pa rnams ni so so'i skye bo dge ba'i gang zag go /tshogs bsags pa dbang po zhan te mi gzhan gyi bstan pa la brten nas bden pa rtogs par bya ba'i phyir sbyor ba ni dad pas rjes su 'brang ba'i gang zag go / tshogs bsags pa dbang po non pa rang gi shes rab gyis/ bden pa'i dbang du bya ste/ gsungs pa'i chos rtog pa la brten nas bden pa rtogs par bya ba la sbyor ba ni chos kyi rjes su 'brang ba'i gang zag go brgyad ba'i gang zag ni rgyun tu zhugs pa'i 'bras bu thob par bya ba'i phyir 'jug pa ste/ gang mthong ba'i lam sems kyi skad cig ma bco lnga la gnas pa'o/ /mthong ba'i lam sems kyi skad cig ma bcu drug la gnas pa ni/ rgyun du zhugs pa'i gang zag go /gang bsgom pa'i lam 'dod pa na spyod pa'i nyon mongs pa rnam drug spangs pa'i lam la gnas pa ni lan cig phyir 'ong ba'i gang zag go /gang bsgom pa'i lam 'dod pa na spyod pa'i nyon mongs pa'i rnam pa thams cad spangs pa'i lam la gnas pa ni phyir mi 'ong ba'i gang zag go / srid pa'i rtse mo'i nyon mongs pa rnam pa dgu car spangs pa'i lam la gnas pa ni dgra bcom pa'i gang zag go /sangs rgyas 'jig rten du ma byung ba'i tshe 'dod pa'i khams su skyes nas gzhan gyi man ngag mang par khams gsum gyi nyon mongs pa thams cad spangs te rang byang chub mngon sum du byas pa ni rang sangs rgyas kyi gang zag go / mos pas spyod pa'i sa nas brtsams nas bcu man chad la gnas pa bdag dang gzhan gyi don gyi phyir zhugs pa rnams ni byang chub sems dpa' i gang zag go / gang zag gcig ces bya bas de bzhin gdegs pa gnyis 'jig rten du 'byung ba mi srid par ston to/ /'jig rten du 'byung ba na zhes bya ba ni dga' ldan gyi pho brang nas 'chi 'pho ba bstan te/ 'dod pa'i khams su skye nas zhes bya ba'i don to/ /phan pa ni 'dod pa'i bsod snyoms kyi mdza' yongs su spangs pa'o/ /bde ba ni bdag nyid ngal ba'i mdza' yongs su spangs pa'o/ /'jig rten la snying rtse ba ni 'jig rten du skye zhing lam dbu ma ston pa yang/ sems can la thug rje'i rgyus zhes bya ba'i don to/ /don ni mya ngan las 'das pa'i 'bras bu la bzhag pa'o/ /ston pa ni 'phags pa'i bden pa bzhi 'chad pa'i phyir ro/ /don ni gang zag ces bya'o/ zhes bya ba ni gong du bshad pa de dag ni gang zag ces bya'o/ /kun rdzob gyi tshig gi gnas kyis zhes bya ba ni gang zag ces gsungs pa yang gang zag gi dngos po yod pa'i phyir gsungs pa ni ma yin gyi/ /gang zag ces gang zag gi tshig ma btags na/ tha snyad du bya zhing sems can rnam grangs mang po'i phyir kun rdzob tsam du btags nas bstan te/ btags pa tsam la gang zag gi dngos po yod par mngon par chags pa de dag ni chos nyid la ston pa ma yin no/ /'byung ba med pa zhes bya ba ni de bzhin nyid de nam yang mtshan nyid gzhan du mi 'gyur ba'i phyir ro/ /sgro btags pa med pa zhes bya ba ni de bzhin nyid stong pa'i ngo bo la yod par sgro gdegs su mi rung ba'i phyir ro/ /bya ba med pa zhes bya ba ni mi dge ba'i chos rnams mi byed pa'i phyir ro/ /rnam par byang ba med pa zhes bya ba ni/ dge ba'i chos kyang mi byed pa'i phyir ro/ /mi gnas pa zhes bya ba ni gzugs la sogs pa'i chos rnams la mi brten pa'i phyir ro/ /rab tu mi gnas pa zhes bya ba ni mig la sogs pa'i dbang po la mi brten pa'i phyir ro/ /rtsa ba med pa zhes bya ba ni las dang nyon mongs pas ma skyed cing de la mi gnas pa'i phyir ro/ /thams cad mnyam pa zhes bya ba ni nam mkha' bzhin du kun tu khyab pa'i phyir ro/ /mnyam pa dag la mnyam pa zhes bya ba ni chos thams cad mtshan nyid gcig pa mnyam pa ste/ /mtshan nyid cig bar 'dus pas na mnyam pa la mnyam pa'o/ /mi mnyam pa dag la mnyam pa zhes bya ba ni mi mnyam pa'i chos kyi sku ste chos thams cad de dang 'dra bas na mi mnyam pa dag las mnyam pa'o/ /chos thams cad mtshan nyid gcig pa 'dra ba dang/ chos kyi sku dang 'dra bas na/ mnyam pa pa dang mi mnyam pa las mnyam pa'o/ /rtog pa thams cad las 'das pas na/ rtog pa med pa'o/ /bya ba thams cad las 'das pas na brtsom pa med pa'o/ /chos thams cad rang bzhin gyis mya ngan las 'das pa'i mtshan nyid du mthong bas na/ chos thams cad la skyon med pa rnyed pa'o/ /nam mkha' bzhin du ngo bo med pa yin pas na/ shin tu nam mkha' i rang bzhin gyi mtshan nyid do/ /de la gang dag chos nyid la rton cing bya ba ni gang stong pa nyid la rton cing de khong du chud pa de dag ni mig la sogs pa'i khams gang la yang dngos por mi 'dzin cing mi ston pa'o/ /chos nyid kyi don rgyas par bshad pa bsdus te/ bstan pa'i phyir/ de bas na chos kyi sgo'i tshul la 'jug pa zhes bya ba la sogs pa gsungs te/ chos thams cad chos kyi dbyings su rtog pa ni sangs rgyas kyi chos thams cad skye ba'i rgyu yin pas na chos kyi sgo ste tshul la 'jug pa ni chos thams cad stong pa nyid kyi mtshan nyid du rtog pa'o/ /'dis chos thams cad la bstan pa'i phyir chos thams cad chos nyid kho nar 'gyur ba zhes bya ba ni chos thams cad kyi chos kyi dbyings kyi mtshan nyid yin pa 'dis chos thams cad la rton pas phung po dang khams la sogs pa'i chos rnams chos nyid yin par 'gyur ba'o/ / 'di ni zhes bya ba ni gong du bshad pa ltar khong du chud pa 'di ni zhes bya ba'i don to/ rton pa bzhi mi zad pa bshad zin to// //yongs su byang ba'i byang chub sems dpa' i bstan pa'i phyir/ btsun pa sha radwA ti'i bu gzhan yang byang chub sems dpa' rnams kyi bsod nams dang ye shes kyi tshogs kyang mi zad pa zhes bya ba la sogs pa gsungs te/ de dag mi zad pa yang bsod nams dang ye shes kyis spyad pa'i yul sbyin pa la sogs pa mi zad pa'i phyir ro/ / yongs su byang ba'i byang chub sems dpa' yang rnam pa gnyis te/ /rtag par phongs pa med pa dang/ the tsom thams cad gcod pa'o/ /tshogs gnyis kyis bsdus pa'i don tshogs kyi lam bstan par yang sbyar ro/ /de la rtag par phongs pa med pa gang zhe na/ gang gis bsod nams kyi tshogs bsags pa'o/ /the tsom thams cad gcod pa gang zhe na/ gang gis ye shes kyi tshogs bsags pa'o/ /rtag par phongs pa med pa'i dbang du byas nas/ de la byang chub sems dpa' rnams kyis bsod nams kyis tshogs mi zad pa gang zhe na/ zhes bya ba la sogs pa gsungs so/ /'di lta ste sbyin pa las byung ba'i bsod nams bya ba'i dngos po dang zhes bya ba ni gang gis/ gang la gang ji ltar gang gi phyir/ sbyin ba ni sbyin pa'i bsod nams bya ba'i dngos po'o/ /de la gang sbyin pa ni phyi dang nang gi dngos po sbyin pa'o/ /gang gi sbyin pa ni 'dod ma chags pa la sogs pa'i sems kyis sbyin pa'o/ /gang la sbyin pa ni yon tan gyi zhing dang/ phan btags pa'i zhing dang/ sdug bsngal ba'i zhing la sbyin pa'o ji ltar sbyin pa ni rang gi lag nas dus su gus par byas te sbyin pa'o/ /gang gis phyir sbyin pa ni mchod pa dang phan par 'dod pa'i phyir sbyin pa'o/ /tshul khrims las byung ba'i bsod nams bya ba'i dngos po zhes bya ba yan lag drug dang ldan pa'i tshul khrims ni tshul khrims las bsod nams bya ba'i dngos po ste/ yan lag drug po gang zhe na/ tshul khrims dang ldan par gnas pa dang so so thar pa'i sdom pas bsdams pa dang/ cho ga dang spyod yul phun sum tshogs pa dang/ kha na ma thob phra rab tsam la yang 'jig par lta ba dang/ /bslab pa'i bzhi rnams yang dag par blangs nas slob pa zhes gsungs so/ /bsgom pa las byung ba'i bsod nams kyi dangs po ni gang bsam gtan dang snyoms par 'jug pa'i mtshan nyid mnyam par bzhag pa'i dge ba rnams so/ /yang na chos rnams yang nas yang du sems la goms shing 'dris par byas pa las byung ba'i bsod nams bya ba'i dngos po'o/ /byams pa'i sems la snyoms par 'jug pa ni byams pa grub par bya ba'i phyir byams pa'i ting nge 'dzin la snyoms par 'jug pa las byung ba 'am/ byams pa'i sems kyis sems can thams cad la snyoms par byed pa las byung ba'i bsod nams so/ /de bzhin du snying rje la sogs pa ming gis smos pa dge ba spyod pa las byung ba'i bsod nams kyi tshogs zhes bya'o/ /snying rje chen po sbyin pa dang zhes bya ba ni snying rje chen po thob par bya bya ba'i phyir ting nge 'dzin du zhugs pa las byung ba'i bsod nams sam/ snying rje chen pos sems can thams cad kyis sdug bsngal bsal bar bya'o zhes dmigs pa las byung ba'i bsod nams so/ /dge ba thams cad rtsom pa zhes bya ba ni 'dod ma chags pa la sogs pa byas shing byed pa las byung ba'i bsod nams so/ /bdag dang gzhan gyi sdig pa bshags pa zhes bya ba ni bdag gis 'dod chags dang zhe sdang dang/ gti mug gi dbang gi lus dang ngag dang yid gsum gyi sgo nas/ srog gcad pa la sogs pa byas pa bshags pa dang gzhan gyis byas pa 'chags su bcug pa'i rgyu las byung ba'i bsod nams so// /sems dang po bskyed pa zhes bya ba ni mos pas spyod pa'i dus na dang po byang chub tu sems bskyed pa 'am/ sa dang po byang chub tu sems bskyed pa'i byang chub sems dpa' rnams so/ /phyir mi ldog pa'i sa brgyad pa dang dgu pa la gnas pa'i byang chub sems dpa' / rnams so/ /skye ba gcig gis thogs pa ni sa bcu pa'i byang chub sems dpa' rnams so/ /dus gsum du yang dag par sgrub pa zhes bya ba ni 'phags pa de dag gis dus gsum du sbyin pa dang/ tshul khrims la sogs pa'i bsod nams byas pa'o/ /de dag gis bsod nams la rjes su yid rang ba'i rgyu las byung ba'i bsod nams la yang bsod nams kyi tshogs zhes bya'o/ /byang chub tu sems bskyed pa zhes bya ba'i skabs su ni 'phags pa de dag gis theg pa'i 'bras bu thob par bya ba'i phyir so so'i spyod pa brtsams par byang chub tu sems bskyed pa'o/ /sangs rgyas bcom ldan 'das kyis dge ba'i rtsa ba ni de bzhin gshegs pa rnams la mnga' ba sbyin pa dang tshul khrims dang stobs dang mi 'jig pa la sogs pa'i dge ba rnams so/ /rjes su yi rang ba dang ldan pa zhes bya ba la/ rjes su yi rang ba ni de dag gi dge ba'i rtsa ba dang dga' ba dang mos ba skye ba'o/ /ldan pa ni de'i rgyu las byung ba'o/ chos kyi sbyin bar gsol ba ni chos bshad cing chos kyis 'khor lo bskor bar gsol ba'o/ /sku tshe srid par gsol ba ni sems can gyi don du mya ngan las mi 'da' zhing da dung 'jig rten du bzhugs par gsol ba'o/ /byang chub tu bsngo ba dang ldan pa ni dge ba'i rtsa ba la rjes su yi rang ba dang/ chos bshad par bskul ba dang bzhugs par gsol ba btab pa las byung ba'i dge ba'i rtsa ba bsags pa rnams bla na med pa'i byang chub thob par bya ba'i phyir bsngos pa las skyes pa'i bsod nams kyi tshogs so/ /pha rol tu phyin pa'i lam ston pa dang zhes bya ba ni pha rol tu phyin pa drug bshad nas de nyid spyod pa la btsud pa'o/ /yang dag par sdud pa ni longs spyod thams cad la bkod pa nas dge ba la bzhag pa'o/ /g.yo ba med par rim gro byed pa ni snying thag pa nas grogs byed pa'o/ /mthu chung ba la bzod pas ston pa ni sems can dman pa zhan pa rnams kyis gnod pa byas kyang slar gnod pa mi byed cing khong khro ba mi skye ba'o/ /ltung ba mi 'chab ba ni tshul khrims yang dag par blangs pa las nyams par gyur pa rnams gzhan la mthol ba'o/ /sdig pa 'chags pa ni mtshams med pa la sogs pa'i sdig pa byas pa 'gyod pa'i yid kyi 'chags pa'o/ /bzhugs pa ni da dung 'jig rten du bzhugs pa'o/ /mya ngan las 'das pa ni sangs rgyas kyi bya ba mdzad nas mya ngan las 'das pa'o/ /mchod pa ni gdugs dang rgyal mtshan dang na bza' la sogs pas mchod pa'o/ /rim gro ni bskor ba dang phyag 'tshal ba la sogs pa byed pa'o/ /ston pa bzhin du phangs par 'dzin pa ni 'khor ba la 'byin par byed pa'i ston pa phangs pa bzhin du mkhan po dang slob dpon la phangs par byed pa'o/ /rin po che tshol ba ltar brtson pa zhes bya ba ni ji ltar rin thang med pa'i rin po che rgya mtshor srog la 'bab pa la sogs pa'i sdug bsngal rnams/ kyang nyams su blangs nas bdog? pa thams cad btang te ring du song nas tshol ba la 'bad ba de bzhin du chos rin po che yang lus dang srog la yang mi phangs par bya ste/ shin tu ring du song nas kyang tshol ba la 'bad par byed pa'o/ /sangs rgyas bzhin du phangs par 'dzin pa zhes bya ba ni sangs rgyas dang 'dra bar chos ston pa rnams la yang phangs par byed pa'o/ /dpag tshad brgyar zhes bya ba ni mtshan pa'i tshig tsam du zad de de bas kyang ring du song zhing chos nyan pa'o/ /dpe mkhyud med ces bya ba ni ji ltar thos pa'i chos rnams kyang gzhan la ma lus par ston ces bya ba'i tha tshig go /zang zing med par chos sbyin pa zhes bya ba ni khe dang bkur sti la ma chags par chos ston ces bya ba'i don to/ /chos la rin thang med pa zhes bya ba ni ji ltar rin thang med pa'i rin po che gces shing phangs pa de bzhin du chos rin po che la yang gces shing phangs par byed pa'o/ /pha ma la bsnyen bkur byed pa zhes bya ba ni phan btags pa'i gnas yin pas bla ma dang btsun par 'dzin cing bza' ba dang bgo ba la sogs pas phan 'dogs par byed pa'o/ /byas pa bzo ba zhes bya ba'i phan btags pa rnams la yang phan 'dogs par byed pa'o// byas pa tshor ba ni phan btags pa shes shing mi brjed pa'o/ /byas nas 'gyod pa med pa zhes bya ba ni sems can gzhan la phan btags pa dang dge ba byas pa rnams byas nas phyis byas pa nyes so zhes 'gyod pa med pa'o/ /bsod nams la sogs pas mi ngoms zhes bya ba ni bsod nams kyi tshogs mang du bsags pa la chog mi shes pa'o/ /lus bsdams pa zhes bya ba ni lus kyi srog gcod pa la sogs pa'i nye bar mi 'byung bar bsdams pas yon tan dang mi ldan yang ldan pa 'dra ba'i tshul mchos ba med pa'o/ /ngag bsdams pa zhes bya ba ni ngag gi sgo nas brdzun dang tshig kyal pa la sogs pa mi 'byung bar bsdams pas brdzun dang g.yo rgyu'i tshig sna tshogs mi smra ba'o/ /yid bsdams pa zhes bya ba ni yid kyi sgo nas brnab sems dang gnod sems la sogs pa mi 'byung bar bsdams pas brnab sems dang gnod sems kyi bsam pa dang/ g.yo sgyu'i bsam pa sna tshogs med pa'o/ /de bzhin gshegs pa'i chos rten rab tu 'jog pas tshangs so? pa'i bsod nams yongs su 'dzin pa zhes bya ba ni sangs rgyas bcom ldan 'das kyi mchod rten brtsigs pa dang byas pa mya ngan 'das par 'gyur ba'i bsod nams kyi tshogs bsags pa'o/ /rnam pa gcig tu na de bzhin gshegs pa'i mchod rten gcig byas nas tshangs pa'i bsod nams bskyed pa'i phyir te/ mdo las kyang spyan ras gzigs dbang phyug rigs kyi bu 'am/ rigs kyi bu mo dad pa can la la zhig gi mi gnas pa'i phyogs su mchod rten ni skyu ru ra'i 'bru tsam/ srog shing khab tsam/ gdugs ni ba ku la'i lo ma tsam zhig byas la/ rten cing 'brel par 'byung ba'i chos kyi dbyings kyi tshigs su bcad pa nang du bcug na de tshangs pa'i bsod nams skyed par 'gyur te/ 'di ni shi 'phos shing 'chi ba'i dus byas nas tshangs pa'i 'jig rten du skye bar 'gyur ro zhes gsungs pa'i phyir ro/ /gtan pa med pa'i mchod sbyin byed pas mtshan yongs su rdzogs par byed pa zhes bya ni dngos po thams cad sems can thams cad la dus thams cad du gtag ba ni gtan pa med pa'i mchod sbyin te/ des skyes bu chen po'i mtshan sum cu rtsa gnyis rdzogs bar byed ba'o/ /dge ba'i tshogs zhes bya ba'i gong du brtson 'grus kyi pha rol tu phyin pa'i skabs su sems can thams cad kyi dge ba'i rtsa ba gcig tu bsdus nas/ dad pas rjes su 'brang pa'i gang zag gi dge ba'i rtsa ba'i brgya'i char yang mi phod ces bya ba la sogs pa gsungs pa lta bu'i dge ba'i rtsa ba'i tshogs thams cad bsags pas dpe byad bzang po kun rdzogs par byed pa'o/ /nga rgyal med pas zhes bya ba ni che ba'i nga rgyal dang/ chung ba'i nga rgyal la sogs pa spangs pas 'phral du yang 'gying pa'i spyod lam mdzes pa med ces tshe rabs gzhan du yang lus mdzes pa thob par 'gyur bas na lus rgyas ba'o/ /ngag gis nyes pa thams cad spangs shes bya ba ni rdzun la sogs pa'i nyes pa spangs pas/ 'phral du yang tshig skyon can mi mdzes pa med pa dang tshe rabs gzhan du yang de bzhin gshegs pa'i dbyangs yan lag du ma dang ldan pa 'thob par 'gyur bas ngag brgyan pa'o/ /sems can thams cad la khong khro ba med pa zhes bya ba ni zhes sdang gi sems med pas 'phral du yang gnod pa'i bsam pa dri ma can med cing tshe rabs gzhan du yang zhe sdang med pa'i sems 'thob par 'gyur bas sems brgyan pa'o/ /mngon par shes pa rnam par 'phrul pa ni mngon par shes pa lnga'i sgo nas rnam par 'phrul ba mang po bshad pa dang ldan pas sangs rgyas kyi zhing bai DUrya'i kha dog la sogs pa dang/ dpag bsam gyi shing dang rin po che'i gzhal med khang la sogs pa mdzes pa'i dngos po phun sum tshogs par byed pas na sangs rgyas kyi zhing gi rgyan du 'gyur ba'o/ /'dod chags dang bral ba'i chos nyid ces bya ba la/ 'dod chags dang bral ba'i chos nyid ni mya ngan las 'das pa 'am/ de bzhin nyid kyi chos kyi dbyings la bya ste/ de khong du chud pas bdag gi bshad pa'i chos thams cad kyang bzung ba'i phyir/ chos kyi rgyan du 'gyur ba'o/ /yang na 'dod chags dang bral ba nyid chos kyi de bzhin nyid dang mthun pa yin pas/ de skad ces bya'o/ /smras pa'i tshig rnams phan tshun skyel ba ni pha ma'o/ /ma smras ba'i tshig rnams phan tshun skyel bar byed pa ni 'byed pa'i tshig go / de lta bu med pas bdag gi 'khor kyang g.yo med pa sgyu med brang bo yon tan dang ldan pa sha stag dang ldan par 'gyur bas na 'khor gyi rgyan du 'gyur ba'o/ /brjod pa la ser sna med par byed pa zhes bya ba ni chos bstan pa las ser sna med pas chos kyi snod dang/ chos bzung pa'i 'os su gyur ba'i phyir/ chos bzung bar 'gyur ba'o/ /legs so zhes bya ba byin zhes bya ba ni 'bras bu yong ba'i chos de bzhin gshegs pa'i gsung rab thob pas/ rab tu dga' nas legs so zhes smra ba nyid bsod nams yin pa'i phyir ro/ /legs par bshad pa la rtog pa zhes bya ba ni de bzhin gshegs pas gsungs pa thog mar yang dge bar du yang dge tha mar yang dge ba'i chos bshad pa rtog pas sgrib ba lnga skye ba'i skabs med par byed pa ni rnam par spong ba'o/ /nges par 'byin pa'i chos ni 'phags pa'i lam ste/ khams gsum nas nges par 'byin pa'i phyir ro/ /de sti stang du byas te nyan pa nyid kyi bsod nams? gyi tshogs yin no/ (/dka' thub bsgom pa'i negs? tshal ni brtul zhugs kyi nags tshal lo/) /byang chub gyi shing drung gi rgyan ni byang chub kyi shing drung du mngon par byang chub par 'gyur ba'i rgyu bsod nams dang ye shes kyi tshogs sam/ (mngon par byang chub nyid) byang chub kyi shing gi brgyan no/ /dge ba'i rtsa ba thams cad sngon du 'gro bas zhes bya ba ni sangs rgyas par 'gyur ba'i dge ba'i bsags pa byang chub kyi snying po'i rgyan du 'gyur ba'o/ /las dang nyon mongs pa thams cad kyis mi gos zhes bya ba ni khams gsum du skyes kyang 'khor ba'i skyon las dang nyon mongs pas mi gos par 'khor ba skye ba'ang skyon med pa 'khor ba nas shi 'phos pa yang skyon med pa'o/ /de la shi ba ni 'dir tshe'i dbang po 'gag pa'o/ /'pho ba ni 'di nas srid pa gzhan du song ba'o/ /rin po che dang phangs pa'i dngos po zhes bya ba ni gser dang dngul la sogs pa'i rin po che dang/ bu dang chung ma la sogs pa phangs pa'i dngos po thams cad la ma chags par gtang bas rin po che bdun dang ldan pa'i 'khor los sgyur ba'i rgyal por 'gyur ba 'am/ lag na rin po che 'thob par 'gyur ba'o/ /gter mi zad pa 'byin pa ni tshe 'dir ro/ /longs spyod mi zad pa ni tshe rabs gzhan du mi zad pa thob pa'o/ /'od zer mnyam par gtong pa ni byams pa dang snying rje'i bsam pas sems can kun la mnyam par lta ba'o/ /mnyam pa nyid kyi rkyen thob pa ni gang la yang byams pa dang zhe sdang med pa'i sems thob pa'o/ /ma lobs pa ni bslabs pa mthar ma byin pa'o/ /'ong bkod pa gtong pa ni de dag sba bkod par byed pa med pa'o/ /skye ba yongs su dag ces bya ba ni tshul khrims dag pa'i tshogs dang ldan pas sangs rgyas kyi zhing du skye ba 'am/ ngan song gsum du skye ba 'am/ sdig pa byed pa'i gnas su mi skye ba'o/ /mngal gyi gnas yongs su dag ces bya ba ni bdag dang gzhan gyi ltung ba chos bzhin du gso bar byed kyi gleng bar mi byed pas rtag tu brdzus te skye ba'i phyir ro/ /rjes su bstan pa thams cad la rnam par mi rtog ces bya ba ni chos bstan pa thams cad la rnam par mi rtog pa'i tshul du gnas pas las su byas pa thams cad don yod chung zas bar ma gyur pa'o/ /chos thams cad la dbang zhes bya ba ni chos thams cad khong du chud pa'i dbang phyug chen por gyur ba'o/ /bsam pa yongs su dag pas 'jig rten thams cad la dbang ba zhes bya ba ni bsam pa yongs su dag pas ji spyad do cog la g.yo sgyu med pa'i phyir 'jig rten thams cad de la yid ches shing de'i dbang du 'gyur ba'o/ /sems can yongs su d ag par byed pas rang gi sangs rgyas kyi zhing yongs su dag pa zhes bya ba ni tshe rabs de dang de dag tu bdag gis smin par bya zhing gdul bar bya ba'i sems can rnams sbyin pa dang tshul khrims la sogs pa pha rol tu phyin pa drug la bkod pa de dag par byas pas nam bdag mngon par sangs rgyas pa'i sangs rgyas kyi zhing na gnas pa'i sems can yang sbyin pa la gnas pa/ tshul khrims la gnas pa sha stag dang ldan par 'gyur bas sangs rgyas kyi zhing yongs su dag pa'o/ / kha cig las sems yongs su dag pa zhes 'byung ste/ der sangs rgyas kyi zhing gyo? mo dang/ gong? pa la sogs pa med cing mnyam par snang ba yang bdag gi sems yongs su sbyangs te/ de lta bu snang ba med pa goms pa las byung ba'i don du lta'o las kyi rnam par smin pa la ston pas lhag pa'i bsam pa yongs su dag pa zhes bya ba la sems can la gnod pa mi byed cing phan par byed pa'i bsam pa ni lhag pa'i bsam pa ste/ legs nyes ji byung yang bdag gi las kyi rnam par smin pa las byung bar shes na/ pha rol po la byams pa dang/ spang? ba med pa'i phyir lhag pa'i bsam pa dag pa'o/ /nyi che ba'i spyod pa mi 'dod ces bya ba ni bdag gis don du zhugs pa nyan thos dang rang sangs rgyas kyi theg pa'i lam la gnas par ma mos zhes bya ba'i don to/ /sangs rgyas kyi chos rgya chen po la mos pa zhes bya ba ni sa dang pha rol tu phyin pa spyod pa la mos zhes bya ba'i don to/ /thams cad mkhyen pa nyid kyi sems mi gtong zhes bya ba ni 'gro ba ma lus pa skyab par bya ba'i byang chub kyi sems mi gtong bas bla na med pas byang chub tu 'tshang rgya ba'i bsod nams kyi tshogs dang ldan pa'o/ /dad pa sngon du 'gro bas zhes bya bas ni dad pa dang ldan te/ dad pas rgyu byas pas shes bya ba'i don to/ /lus dang srog la mi lta zhes bya ba ni lus dang srogs la yang mi phangs par sangs rgyas kyi chos btsal bas na stobs dang mi 'jigs la sogs pa sangs rgyas kyi chos thams cad dang ldan pa'o/ /sngon d am bcas pa nyams 'og tu chud par byed pa zhes bya ba ni dang po byang chub tu sems skyed pa'i tshe sems can thams cad bla na med pa'i byang chub tu bsgral lo zhes khas blangs pa de bzhin du mngon par byang chub pa ni sems can thams cad bsgral bas 'jig rten thams cad la mi bslu ba'o/ /dge ba'i chos thams cad yongs su rdzogs par byed pa zhes bya ba ni sangs rgyas kyi chos thams cad rdzogs par byed pa 'am/ mthar 'byin par byed pa'i rgyu dge ba'i chos bsod nams yin te/ / //bsod nams dang ldan na sa dang pha rol tu phyin pa la sogs pa'i chos rnams rdzogs par 'gyur bas sangs rgyas kyi chos thams cad rdzogs par 'gyur ba zhes bya'o/ /bsod nams kyi tshogs rgya cher bshad pa'i don bsdus te bstan ba'i phyir/ de ltar rgyu gang dang rkyen gang gis zhes bya ba la sogs pa gsungs te/ de ltar ni gong du bshad pa ltar ro/ /mdor na dge ba'i rtsa ba'i rgyu gang dang gang gis sa dang pha rol tu phyin pa dang mtshan dang dpe byad dang/ stobs dang mi 'jigs pa dang/ sku la sogs pa thob par byed pa'i rgyu de dang de dag bsgrubs pa'i bsod nams kyi tshogs mi zad pa zhes bya'o/ /rgya cher ni bskal ba zhes bya ba la bsod nams kyi tshogs zhib tu bstan cing ma lus par bstan na ni/ /bskal pa 'am bskal pa bas lhag par yang bshad dgos la nges kyang rdzogs par mi nus so zhes bya ba'i don to/ /bsod nams kyi tshogs mi zad pa zhes bya'o// the tshom thams cad gcod pa'i dbang du byas nas/ de la byang chub sems dpa' rnams kyi ye shes kyi tshogs mi zad pa gang zhe na zhes bya ba la sogs pa gsungs so/ /ye shes rtogs pa 'gyur zhes bya ba ni gnyis su med pa'i ye shes khang du chud cing mngon sum du 'gyur ba'o/ /de la ye shes yongs su tshol ba la 'dun pa zhes bya ba nas brtsams te/ phyi rol ma yin pa'i chos ston to/ zhes bya ba yan chad kyis rgyu bstan to/ /des chos de dag thos nas zhes bya ba nas brtsams te/ /las yongs su dag pa'i ye shes zhes bya ba yan chad kyi rkyen bstan to/ /ye shes yongs su tshol ba la rab tu 'dun pa zhes bya ba ni ye shes 'grub par 'gyur ba'i rgyu'i tshol ba la 'dun pa ste/ glegs bam 'dri ba dang/ klog pa la sogs pa la 'dun cing brtson pa'o/ /ye shes rtogs pa'i dge ba'i bshes gnyen zhes bya ba la ye shes gnyis su med pa mngon du byas pa'i dge ba'i bshes gnyen nam/ ye shes rtogs par 'gyur ba'i chos ston pa'i dge ba'i bshes gnyen ni ye shes rtogs pa'i dge ba'i bshes gnyen te/ sangs rgyas dang byang chub sems dpa' dang chos ston pa'i mkhan po dang slob dpon la sogs pa'o/ /rtag tu zhes bya ba ni rtag tu bsten pa dang/ rtag tu 'grogs pa dang/ rtag tu bsnyen bkur byed pa zhes tshig re re dang sbyar ro/ /rtag tu sten ba ni dus thams cad du de'i gan du nye bar 'gro ba'o/ /rtag tu 'grogs pa ni dus thams cad du de dang lhan cig tu gnas pa mi gtong ba'o/ /rtag tu bsnyen bkur byed pa ni dus thams cad du de dag la phyag 'tshal ba la sogs pa sti stang byed pa'o/ /gang yang sangs rgyas kyi ye shes la rton cing zhes bya ba ni sangs rgyas bcom ldan 'das rnams kyis rnam par mi rtog ba'i ye shes thob bar bya ba'i phyir 'bad par byed kyi nyan thos la sogs pa'i ye shes thob par bya ba la 'bad pa med pa'o/ /dge ba'i bshes gnyen de dag la nga rgyal med ces bya ba ni chos ston pa'i gang zag rnams la nga rgyal med ces bya ba ni chos ston pa'i gang zag rnams la nga rgyal ba mi byed pa'o/ /bla ma bzhin du phangs par 'dzin pa zhes bya ba ni mkhan po dang/ slob dpon la btsun zhing phangs par byed pa bzhin du dge ba'i bshes gnyen la yang btsun zhing phangs par byed pa'o/ /ston pa bzhin du phangs par 'dzin pa zhes bya ba ni sangs rgyas bcom ldan 'das la btsun zhing phangs par byed pa bzhin du dge ba'i bshes gnyen la yang btsun zhing phangs par byed pa'o/ /dge ba'i bshes gnyen de dag gis zhes bya ba ni sangs rgyas dang byang chub sems dpa' la sogs pa dge ba'i bshes gnyen de dang de dag gis so/ /'di bsam pa phun sum tshogs par rig ces bya ba ni gang zag chos tshol ba de'i bsam pa gong du bshad par ltar na khe dang bkur sti tsam 'dod pa'i phyir tshol ba ni ma yin gyi ye shes gnyis su med pa tshol ba yin par khong du chud nas chos ston par byed do zhes bya ba'i don to/ /chos kyang rnam pa gsum ston te/ bshad par bya ba'i chos ston pa dang bsgrubs par bya ba'i chos ston pa dang/ khong du chud par bya ba'i chos ston pa'o/ /'brel ba'i gtam zhes bya bas bshad par bya ba'i chos ston pa bstan te/ gsung rab yan lag bcu gnyis rnams phyin ci ma log par 'chad pa'i phyir/ /de ye shes kyi gtam sgrub par byed ces bya bas bsgrub par bya ba'i chos ston pa bstan te/ /ye shes gnyis su med pa thob par byed pa'i rgyu stong ba nyid la sogs pa 'chad pa'i phyir ro/ /snod du rig nas zhes bya ba la sogs pas khong du chud par bya ba'i chos ston pa bstan te/ /khong du chud par bya ba'i chos bstan pa'i snod yin par rig nas phyi rol gyi gtsug lag bya kar Na la sogs pa ma yin pa byang chub kyi phyogs kyi chos rgyun du ston ba'o/ /des chos de dag thos nas zhes bya ba ni chos tshol ba'i gang zag des gong du bshad pa'i chos gsum po de dag dge ba'i gshes gnyen las thos nas zhes bya ba'i don to// chos kyi tshogs la sbyor bar byed zhes bya ba ni chos de gsum khong du chud cing rtog par 'gyur ba'i rgyu la sbyor bar byed cing rgyu rtsom par byed de zhes bya ba'i don to/ /gang chos kyi tshogs la sbyor ba de ni zhes bya ba la chos tshol ba'i gang zag gsum rtogs par 'gyur ba'i rgyu la sbyor ba de nyid gang zag de'i ye shes kyi tshogs dang rgyu yin no/ /de la chos kyi tshogs la sbyor ba gang zhe na zhes bya ba ni chos gsum rtogs pa'i rgyu la rtsom pa gang zhe na zhes bya ba'i don to/ /de la don nyung pa ni bdag gi don du yo byad mang po mi tshol ba'o/ /bya ba nyung ba ni 'jig rten gyi bya ba tshong dang zhing smod pa la sogs pa thams cad mi byed pa'o/ /smra ba nyung ba ni 'gro ba mang po tshogs pa'i nang du gtam mi bya ba sna tshogs kyi dus chung za bar mi byed pa'o/ /yo byad nyung ba ni bdag la ji tsam dgos pa'i ltung bzed dang chos gos la sogs pa'i yo byad las lhag par mang po mi 'chad pa'o/ /nam gyi cha stod dang cha smad la mi nyal ba ni dus de gnyis su yang gnyid kyis sgribs pa med par byas nas ji ltar thos pa'i chos rnams sems shing bsgom pa la 'bad par byed pa'o/ /thos pa'i don la rtog pa ni de ltar sems pa'i dus na chos gang thos pa'i don de nyid la rtog cing sems kyi tshig tsam la mi rten pa'o/ /yang dang yang tshol ba ni bsam pa'i chos de la yang dang yang du spyod pa'o/ /sems la rnyog pa med pa ni de'i dus na sems rmongs shing mi gsal bar ma gyur pa'o/ / yang na sems la rnyog pa med pa ni chos de nyid la dad cing yid ches pas sems dang pa'o/ /sgrib pa rnams rnam par sel ba ni 'dod pa la 'dun pa la sogs pa'i sgrib pa lnga rnams ni mi ldang par gnod cing sel bar byed pa'o/ /ltung pa rnams las 'byung ba shes pa ni nyes pa byung ba rnams tshangs pa 'am/ thar par bya ba'i thabs la mkhas pa 'am/ gnyen po spyod ba la mkhas pa'o/ /'gyod pa med pa ni dge ba byas pa la mi 'gyod pa'o/ /kun nas ldang ba med pa ni nyon mongs pa rnams sems la mi skye bar byed pa'o/ /sgrub pa snying por byed pa ni tshig tsam gyis chog par mi 'dzin gyi/ /ji ltar thos pa'i chos rnams sgrub pa lhur byed pa'o/ /chos la gzhol ba ni thos pa'i dus na ji ltar bshad pa'i chos rnams kyi tshig bzung ba'i phyir ro/ /chos la 'bab pa ni sems pa'i dus na thos pa'i chos kyi don rnyed pa'i phyir ro/ /chos la 'bab pa ni sems pas rnyed pa'i don la yang nas yang du bsgoms pas 'bras bu dang nye ba'i phyir ro/ /rtul ba dang ldan pa ni nyon mongs pa la sogs pa mi mthun pa'i phyogs kyi zil gyi mi non pa'o/ /mgo dang gos la me 'bar ba lta bu ni sgrub pa thams cad myur te sgrub pa'o/ de la chags pa ni gong du smos pa'i dngos rnams la ma chags bar mi dmigs pa'i tshul gyis spyod pa 'am/ zang zing la ma chags par gnas pa'o/ /tshul khrims mi lhod pa ni tshul khrims kyi yan lag phran tshegs kyang ma nyams pa'o/ /brtson pa ni mi gtong ba ni dge ba bsgrub pa'i brtson 'grus rnams kyang mi 'dor ba'o/ /khyad par 'gro ba ni shes pa gong nas gong du phyir zhing cher bskyed pa'o/ /'du 'dzi la mi dga' ba ni l'gro ba mang po'i nang na gnas par ma mos pa'o/ /gcig pur dga' ba ni gcig pur gnas par mos pa'o/ /dgon pa la mngon du phyogs pa ni dgon pa'i gnas su gnas 'cha' zhing ting nge 'dzin bsgoms pa'o/ /'phags pa'i rigs kyi chog shes pa ni 'phags pa'i rigs zhi la gnas pa'o/ /mi g.yo ba ni sbyangs pa'i yon tan mi 'dor ba'o/ /'jig rten gyi sngags dran par mi 'dzin pa ni 'jig rten gyi gtsug lag rnams mi slob cing sngon shes pa rnams la yang rgyun du dmigs shing sems par mi byed pa'o/ /'jig rten las 'das pa'i chos tshol ba ni gsung rab kyi chos rnams nyan cing tshol ba'o/ /brjod pa med pa ni mnyan cing btsal ba'i chos rnams brjod par mi byed pa'o/ /don rtog pa'i rjes su 'gro ba ni chos kyi dbyings kyi don rtogs pa dang mthun par sems shing dpyod ba'o/ /blo gros kyi lam dang mthun pa ni blo 'am shes rab kyi 'phags pa'i lam yan lag brgyad pa thob par byed pa'o/ /bstan pas bsdom pa ni sdom pa gang blangs pa'i dngos po de la mi 'gyur bas bstan par lus dang ngag yid bsdom pa'o/ /rkyen rnams kyi ye shes kyis rjes su 'gro ba ni rten cing 'brel par 'byung ba'i shes pa dang mthun pa'o/ /yang na chos rnams rten cing 'brel par 'byung ba'i mtshan nyid du shes bas gnyis su med pa'i ye shes kyi rgyu bsags pa'o/ /ngo tsha shes pa dang phrel? yod pas brgyan pa ni bdag dang gzhan la bltos nas rtag tu sdig pa mi byed pa'o/ /ye shes kyi rjes su 'gro ba lhur byed pa ni ji spyad do cog thams cad ye shes thob par bya ba'i phyir spyod cing sgrub pa'o/ /shes rab kyi mig rnam par dag pa ni 'jig rten las 'das pa'i chos thams cad la mkhas pa'o/ /blo shin tu rnam par dag pa ni shes bya dang nyon mongs pa'i sgrib pa med pa'i phyir ro/ /blo rgya che ba ni theg pa chen po la dmigs pa'i phyir ro/ /blo ma zhums pa ni theg pa chung ngu la ma phyogs pas so/ /blo ma gyes pa ni lta ba sna tshogs la chags pa med pa'i phyir ro/ /blo rab tu gsal ba ni rang bzhin gyis yongs su dag pa'i phyir/ /mngon sum du shes pa ni dus gsum la sgrib pa med par shes pa'i phyir ro/ /yon tan gzhan la rag ma lus pa ni bdag gi yon tan rnams thob par bya ba gzhan la mi brten cing gzhan gyi dring la mi 'jog pa'o/ /bdag gi yon tan mi snyems pa ni yon gtan phun sum tshogs shing yongs su rdzogs pa'i phyir ro/ /gzhan gyi yon tan brjod pa ni phra dog med pa'i phyir ro/ /legs par bya ba'i las byed pa ni dge ba sha stag byed pa'i phyir ro/ /las kyi rnam par smin pa dang 'gal bar mi byed pa ni stong pa nyid kyi chos rtogs kyang las kyi rnam par smin pa yod par lta ba'o/ /las yongs su dag pa'i ye shes ni lus dang ngag dang yid gsum gyi las yongs su dag par byed pa la mkhas pa'o/ /ye shes kyi tshogs rnam pa gzhan yang bstan par bzhes nas gzhan yang ye shes kyi tshogs rnam pa bzhi ste zhes bya ba la sogs pa gsungs te/ /ye shes skye ba'i rgyu rnam pa bzhi zhes bya ba'i don to/ /stan ni seng ge'i khril sogs pa'o/ /bkur sti ni? phyag 'tshal ba la sogs pa'o/ /tshigs su bcad pa ni bstod pa'o/ /chos bsdu ba ni bdag nyid kyis shes par bya ba'i phyir ro/ /g.yo med pa ni ku re'i bsam pas ma yin gyi snying thag pa nas dang pa'i sems kyis so/ /jo bo bzhin du gsungs pa ni rgyal po la phangs shing gces pa bzhin du chos smra pa yang phangs shing gces par byed cing chung mi za bar srung bar byed pa'o/ /yang na rgyal po'i 'jigs pa las skyob par byed pa'o/ dge ba'i rtsa ba srung pa las ji nas kyang chos smra ba de'i dge ba'i rtsa ba rkyen gzhan gyis bskal nas phangs par mi 'gyur ba'i thabs sbyor zhing bya ba byed pa'o/ yul dang ljongs kyi phyogs bsrungs pa ni ji chos smra ba de yul dang ljongs rgyu ba'i tshe de phyis kyi 'jig pa sna tshogs las skyob pa'o/ /phan pa'i dngos po bsrung ba ni phan no cog dang sbyor la/ gnod do cog las zlog pa'o/ /zang zing gis nye bar rton pa ni bza' ba dang bgo ba la sogs pa'i zang zing gi phongs pa med par phan 'dogs pa'o// chos kyis nye bar rton pa ni nges bshad pa'i dam pa'i chos ring du gnas par 'gyur ba'i bya ba byed pa'o/ /shes rab kyis nye bar rton pa ni de'i shes rab nyams par mi 'gyur ba'i thabs sna tshogs shom pa'o/ /ye shes kyis nye bar rton pa ni ye shes gong nas gong du skye zhing nyams par mi 'gyur ba'i bya ba byed pa ste ston pa zhes bya ba ni rgyu lta bu la bya'o/ /mos pa'i phyir zhes bya ba ni chos dang chos smra ba la yid ches pa gzhan du mi 'gyur ba'i phyir ro thos pa tshol pa ni rgyun du chos mnyan pa tshol ba'o/ /byang chub kyi sems mi rjed pa ni bdag dang gzhan la phan pa'i byang chub kyi sems mi brjed pa'o/ /mnyam pa nyid la sems nges par sems pa ni stong pa nyid la sems rtse gcig tu 'jog pa'o/ / thos pa'i stobs ni nyan pa'i dus na chos rnams rtogs par nus pa'i mthu dang ldan pa'o/ /chos la rab tu dga' ba'i tshul khrims ni dam pa'i chos nyan par mos pa'i tshul khrims so/ /chos yongs su tshol ba ni dge ba'i bshes gnyen la brten cing nyan pa dang klog pa dang 'dri ba la sogs pa byed pa'i tshul khrims so/ /chos la nges par sems pa ni chos ji ltar btsal ba la rigs pa rnams kyis 'jam pa'i rang bzhin no/ /ngan du brjed pa dang ngan du smra ba zhes bya ba ni gcig tu chos tshol ba la 'bad pas chos tshol ba'i tshe gzhan gyis 'phyas btags shing mi snyan par smra ba rnams bzod pa'o/ /ngan du brjod pa ni lkog nas skyon brjod pa'o/ /ngan du smra ba ni dngos su smra ba'o/ mkhan po dang slob dpon dang mthun par 'jug pa'i bzod pa zhes bya ba ni chos kyi phyir de dag gi ji skad bsgo ba bzhin byed pa'i sdug bsngal bzod pa'o/ /nyan pa'i brtson 'grus ni gzhung mang du nyan par byed pa'i phyir 'bad pa'o/ /'dzin pa'i brtson 'grus ni mnyan nas don mi brjed par byed pa'i phyir 'bad pa'o/ /bstan pa'i brtson 'grus ni ji ltar mnyan cing bzung ba'i chos gzhan la bstan pa la 'bad par byed pa'o/ /nan tan gyi brtson 'grus ni mnyan pa dang bzung ba'i chos bsgom par bya ba la 'bad par byed pa'o/ /dben pa ni lus dben pa la gnas pa tshol ba'o/ /rtse gcig pa ni sems dben pa la tshol ba'o/ /bsam gtan dang mngon par shes pa tshol ba ni bsam gtan la brten nas mngon par shes pa lnga thob par byed pa'o/ /sangs rgyas kyi ye shes la rton pa ni sangs rgyas kyi ye shes thob par bya ba'i phyir sgom gyi nyan thos dang rang sangs rgyas kyi ye shes mi tshol ba'o/ /de la sangs rgyas kyis ye shes ni bdag med pa gnyis khong du chud pa'i mtshan nyid do/ /chad pa la mi gnas pa ni chad par mi lta ba'o/ /rtag pa la mi 'jug pa ni rtag par mi 'dzin pa'o/ /rten cing 'brel bar 'byung ba dang mi 'gal ba ni chos thams cad rten cing 'drel bar 'byung ba'i mtshan nyid du khong du chud pa'o/ /bdag med pa la bzod pa ni chos thams cad stong pa nyid kyi mtshan nyid la skrag pa med pa'o/ /'jig rten gyi rjes su 'jug pa ni snod kyi 'jig rten dang sems can gyi 'jig rten ji ltar gnas pa bzhin du gnyi ga dang mthun par byed pa'o/ /yang na 'jig rten gyi sgras snod kyi 'jig rten dang mthun par byed pa bstan to/ /sems can gyi rjes su 'jug pa ni sems can rnams kyi sems dang spyod pa rnams dang mthun par byed pa'o/ /chos kyi rjes su 'jug pa ni dam pa'i chos dang mi 'gal bar byed pa 'am/ sems can yongs su smin par byed pa'i thabs sna tshogs sgrub pa'o/ /ye shes kyi rjes su 'jug pa ni thams cad mkhyen pa'i ye shes thob pa dang/ mthun pa'i lam sgrub par byed pa'o/ /pha rol tu phyin pa'i lam ni sbyin pa la sogs pa pha rol tu phyin pa drug go /sa'i lam ni sa bcu rnams so/ /byang chub kyi phyogs kyi lam ni byang chub kyi phyogs sum cu rtsa bdun rnams te de dag nyid byang chub par byed pa 'am/ /byang chub tu phyin par byed pas na lam zhes bya'o/ /thams cad mkhyen pa'i ye shes kyi lam ni pha rol tu phyin pa dang/ sa dang byang chub kyi phyogs rnams mthar phyin te yongs su rdzogs na thams cad mkhyen pa'i ye shes 'thob pas de ma thag pa'i lam la bya'o/ /thos pas mi ngoms pa ni thos pa mang pos chog mi shes pa'o/ /bsten pas mi ngoms pa ni gzhan la chos bstan pas skyo ba med cing chog mi shes pa'o/ /dpyod pas mi ngoms pa ni chos kyi mtshan nyid las yang nas yang du brtag cing dpyod pa la chog mi shes pa'o/ /shes pas mi ngoms pa ni chos kyi don khong du chud par bya ba dang/ /bsams pa dang bsgom pa la chog mi shes pa'o/ /ye shes kyi tshogs gyi rnam grangs gzhan bstan pa'i phyir gzhan yang ye shes kyi tshogs ni zhes bya ba la sogs pa gsungs so/ /sems can thams cad kyi rjes su 'gro ba ni snying rje chen po'i gzugs kyi sems can gyi don du 'khor ba ma spangs pa'o/ /chos thams cad kyi rjes su 'gro ba ni de ltar 'khor ba ma spangs kyang mya ngan 'das pa dang yang mi 'gal zhing mya ngan las 'das pa yang ma nyams pa ste/ mdor na mi gnas pa'i mya ngan las 'das pa bstan pa'o/ /sbyin pa las kyang zhes bya ba la sogs pa ni sems can gyis rjes su 'gro ba dang/ chos kyi rjes su 'gro ba yang gzhan ma yin gyi/ sbyin pa la sogs pa pha rol tu phyin pa drug po 'di rnams te/ 'di dag spyod pa'i tshe mi gnas pa'i mya ngan las 'das pa dang mthun par byed pa ni ye shes kyi tshogs su lta'o zhes bya ba'i don to/ /de bzhin du byams pa la sogs pa tshan med pa bzhi la yang sbyar ro/ /de ci'i phyir zhe na zhes bya ba ni 'dri ba ste gong du bshad pa'i chos de rnams ci'i phyir ye shes kyi tshogs su 'gyur zhe na zhes bya ba'i don to/ /byang chub sems dpa' i rtsom pa ji snyed pa de dag thams cad ye shes kyi tshogs kyi grub pa zhes bya ba la byang chub sems dpa' i rtsom pa ni ye shes kyi tshogs don nyung zhing bya ba nyung ba la sogs pa'i gong du smos pa rnams la bya ste/ de rnams las kyang don nyung ba nas khrel yod pa dang ngo tsha shes pa'i bar du ni rgyu'i rtsom pa'o/ /ye shes kyi rjes su 'gro ba lhur byed pa nas brtsams te/ mngon sum du shes pa'i bar du ni rang bzhin gyis brtsom pa'o/ /yon tan gzhan la rag ma lus pa nas brtsams te/ las yongs su dag pa'i ye shes kyi bar du ni 'bras bu'i brtsom pa sta? ming gis smos pa'i de dag kun thams cad mkhyen pa'i ye shes las dmigs pa las byung bas ye shes kyi grub pa zhes bya'o/ /gnyis su na ye shes sgrub pa zhes kyang bya ste/ rtsom pa de dag thams cad kyis thams cad mkhyen pa'i ye shes sgrub pa'i phyir ye shes kyi tshogs so ye shes sngon du 'gro ba ni ye shes gtso bor byed pa'o/ /ye shes la rton pa ni ye shes thob par bya ba'i phyir sgrub pa 'am/ ye shes de la rton pa 'am ye shes dang mthun par byed pa'o/ /thams cad mkhyen pa'i ye shes la gnas pa ni de la dmigs pa'i sgo nas gnas pa'o/ /ye shes dang ldan pa thams cad rton pa yin zhes pa ni ye shes kyi tshogs te/ shes pa dang ldan pa'i sems can thams cad kyi rton pa yin te/ de la brten cing 'dri par byed pa'i gnas yin pa'i don to/ /bdud thams cad kyis kyang zhes bya ba ni ye shes kyi tshogs dang ldan pa de la bdud thams cad kyi bar chad bya ba'i skabs mi rnyed par 'gyur ro/ / de la sangs rgyas kyi chos zhes bya ba ni ye shes kyi tshogs dang ldan pa'i gang zag de sangs rgyas kyi chos thams cad kyi snod du 'gyur ba'o/ /sangs rgyas kyis byin gyis brlabs zhes bya ni yon tan las mi nyams par sangs rgyas kyis byin gyis brlab par mdzad pa'o/ /thams cad mkhyen pa'i ye shes kyang thob par byed de zhes bya ba ni thams cad mkhyen pa'i ye shes 'thob par 'gyur ba'i rgyu dang ldan pa'i phyir ro/ /ye shes kyi tshogs mi zad pa bshad zin to/ / //bsgom pa la rab tu zhugs pa'i byang chub sems dpa' ni bzhi bcur gcig med pas bshad de/ rang gis gnas dang shin tu tshe rab dang shin tu gnas pa dang/ shin tu rnam par bya ba dang brtson 'grus shin tu gnyen por gyur ba dang brtson 'grus shin tu sbyangs pa dang/ brtson 'grus thob pa dang/ brtson 'grus shin tu rten pa dang mos pa la shin tu gnas pa'i brtson 'grus dang brtson 'grus la shin tu gnas pa dang sems la shin tu gnas pa dang/ /dpyod pa la shin tu gnas pa dang/ dad pa'i mchog dang/ brtson 'grus kyi mchog dang/ dran pa'i mchog dang ting nge 'dzin gyi mchog dang shes rab kyis mchog dang dad pa mi tshugs pa dang brtson 'grus mi tshugs pa dang dran pa mi tshugs pa dang ting nge 'dzin mi tshugs pa dang/ shes rab mi tshugs pa dang/ dran pa shin tu 'brel pa dang rab tu shes pa shin tu 'brel ba dang/ brtson 'grus shin tu 'brel pa dang/ dga' ba shin tu 'brel pa dang bag yang shin tu 'brel pa dang ting nge 'dzin shin tu 'brel ba dang btang snyoms shin tu 'brel ba dang rnam par mi rtog pa dang shin tu rtog pa dang dul ba dang zhi ba dang rab tu zhi ba dang shin tu 'byung ba dang dga' ba dang ldan pa dang/ mthu che ba dang/ bsdus pa'i rnal 'byor la zhugs pa dang/ spros pa'i rnal 'byor la zhugs pa'o/ /de la rang gi gnas dang shin tu tshe rab dang shin tu gnas pa dang/ shin tu rnam par spyad pa'i dbang du byas nas/ /btsun pa sha radwA ti'i bu gzhan yang byang chub sems dpa' rnams kyi zhes bya ba la sogs pa gsungs so/ /'dir yang bstan pa dang bshad pa'i tshul du rig pa bya ste/ de la byang chub sems dpa' rnams kyis dran pa nye bar gzhag pa bzhi bsgom pa yang mi zad pa ste/ bzhi gang zhe na zhes bya ba la sogs pa ni bstan pa'i tshul lo/ /lhag ma rnams ni bshad pa'i tshul lo/ /byang chub kyi phyogs kyi chos sum cu rtsa bdun las dran pa nye bar bzhag pa bzhi nas stobs lnga'i bar gyis ni mthong ba'i lam la sbyor bar byed pa yin pas bsdus pa'i don sbyor ba'i lam bstan par sbyor ro/ /gzhan yang zhes bya ba ni gong du bshad par zad do/ /byang chub sems dpa' rnams kyis bsgom par bya ba'i dran pa nye bar bzhag pa ni dran pa byang chub sems dpa' rnams kyis nye bar bzhag pa ste/ dran pa ni shes rab bo/ /nye bar bzhag pa ni ting nge 'dzin no/ /de gnyis kyi bsgom pa'i yul bzhi yod pas dran pa nye bar bzhag pa bsgom pa'o/ /de dag bsgom pa mi zad pa yang sems can rnams kyi lus dang tshor ba dang/ sems dang chos rnams mi zad pa'i phyir de bsgom par byed pa'i dran pa nye bar bzhag pa yang mi zad pa'o/ /de la rang gi gnas kyi byang chub sems dpa' gang zhe na/ lus dran pa nye bar gzhag pa la rab tu zhugs pa yin te/ lus thams cad yang bral bar gyur la/ mtshan dang dpe byad kyi lus kyang rdzogs par byed pa'o/ /de'i dbang du byas nas de la byang chub sems dpa' lus la lus kyi rjes su lta ba'i dran pa nye bar bzhag pa zhes bya ba la sogs pa gsungs so/ /gang gong du mdor smos pa de ni 'di yin no zhes bya bar ston to/ /de la lus ni gang/ lus la lus kyi rjes su lta ba ni gang dran pa ni gang/ dran pa nye bar bzhag pa ni gang zhe na/ smras pa lus ni rnams pa sum cu rtsa lnga yod de/ 'di lta ste nang gi dang phyi rol gyi dang/ dbang pos zin pa dang dbang pos zin pa ma yin pa dang/ sems can du bgrang pa dang sems can du bgrang ba ma yin pa dang/ gnas ngan len dang ldan pa dang/ shin tu sbyangs pa dang ldan pa dang/ 'byung ba'i lus dang 'byung ba las gyur pa'i lus dang/ mig gis lus dang gzugs kyi lus dang sems can dmyal ba pa dang/ dud 'gro'i skye gnas pa dang/ yi dags kyi yul dang mi'i dang lha'i dang rnam par shes pa dang bcas pa dang/ rnam par shes pa med pa dang nang gi lus dang phyi rol gyi lus dang yongs su gyur pa dang yongs su ma gyur pa dang/ bud med kyi lus dang skyes pa'i lus dang ma ning gi lus dang mdza' bshes kyi lus dang dgra bo'i lus dang tha mal pa'i lus dang lus ngan pa dang lus 'bring dang lus bzang po'i lus dang gzhon nu'i lus dang lang tsho'i lus dang rgan po'i lus te/ de ni re zhig lus kyi rab tu dbye ba yin no/ /de la rjes su lta ba ni rnam pa gsum te/ lus kyi dbang du byas nas thos pa las byung ba dang/ bsam pa las byung ba dang sgom pa las byung ba'i shes rab gang yin pa ste/ shes rab des lus thams cad la rnam pa thams cad du yang dag pa kho nar nye bar rtog par byed cing/ kun tu rtog par byed/ rjes su 'jug par byed/ rjes su rtog par byed/ de la dran pa ni des lus kyi dbang du byas nas chos gang dag bzung ba'i chos de dag kho na'i don bsams pa gang yin pa dang/ gang dag bsgom pas mngon sum du byas pa'i tshig 'bru dang don dang mngon sum du byas pa de sems kyis mi mjed pa gang yin pa'o/ /de la dran pa nye bar bzhag pa ni bdag gis chos de dag legs par bzung ngam/ 'on te ma yin shes rab kyi de dang de dag legs par rtag sam 'on te ma yin/ rnam par grol ba de dang de dag legs bar reg par byas sam/ 'on te ma yin zhes dran pa nye bar bzhag pa yin te/ de ni dran pa nye bar bzhag pa yin no/ /gzhan yang dran pa kun bsrung ba dang/ yul gyi kun nas nyon mongs pa med pa dang/ dmigs pa la nye bar gtong pa'i phyir dran pa nye bar 'jog pa yin te/ de la dran pa kun tu bsrung pa ni dran pa kun tu bsrung ba dang/ dran pa la rtag 'grus med pa yin no/ /de la yul gyi kun nas nyon mongs pa med pa ni ngan pas yid kun tu bsrung pa dang gnas skabs mnyam pa la 'jog par byed pa dang/ (mtshan mar mi 'drin pa dang/ mngon rtags su mi 'dzin pa dang/) yid kyi dbang po bsrung ba dang/ yid kyi dbang pos kyang sdom pa sgrub par byed pa yin no/ /de la dmigs pa la nye bar gtod pa ni dmigs pa rnam pa bzhi po 'di lta ste/ khyab pa'i dmigs pa dang spyod pa rnam par spyod ba'i dmigs pa dang mkhas pa'i dmigs pa dang/ nyon mongs pa rnam par spyod pa'i dmigs pa'i dran pa nye bar gtod pa yin te/ rgyu gsum po de dag gis dran pa legs par nye bar bzhag pa nyid gang yin pa de ni dran pa nye bar gzhag pa zhes bya'o/ /ji ltar na byang chub sems dpa' lus la lus kyis rjes su lta zhing gnas shes zhes bya ba ni dris pa'o/ /dris pa'i lan gdab pa'i phyir de rang gi lus dang gzhan gyi lus la lus kyi rjes su lta zhing gnas te zhes bya ba la sogs pa gsungs so/ /de la rang gi lus ni byang chub sems dpa' nyid kyi lus so/ /gzhan gyi lus ni sems can rnams kyi lus so/ /yang na rang gi lus ni mig dang rna ba dang sna dang lce dang lus kyi dbang pos zin pa'i gzugs so/ /gzhan gyi lus ni gzugs dang sgra la sogs pa phyi'i skye mched rnams so/ /lus kyi rjes su lta ba ma shes rab te rang dang gzhan gyi lus kyi rang dang spyi'i mtshan nyid gang yin pa la rtog par byed pa'o/ /gnas pa ni ting nge 'dzin te shes rab kyi brtags pa'i chos nga la rgyun du dmigs pa'o/ /de ltar shes rab kyis rtog cing ting nge 'dzin gyis dmigs pa bstan pa'i phyir ro/ /lus kyi sngon gyi mdza' la yang rtog lus kyi phyi ma'i mdza' la yang rtog zhes bya ba gsungs te/ lus kyi sngon gyi mdza' ni lus dang po ma'i mngal du byung ba'i dus te/ de la lus 'di la yang phyin ci log gis rgyu byas shing pha ma'i khu ba dang khrag la sogs pa byung ba mer mer po nur nur po la sogs pa'i mtshan nyid do zhes sngon ji ltar gyur pa la rtogs pa'o/ /lus kyi phyi ma'i mdza' ni rga ba dang 'chi ba ste/ lus 'di mthar rgas zhes 'chi ba dang keng rus la sogs par 'gyur ro zhes rtog pa'o/ /lus kyi de ltar byung ba ni da ltar dngos su gnas pa'i lus te/ de lta yang bkru ba dang mnye ba dang bza' ba dang/ bgo ba la sogs pas bskyed dgos so zhes rtog pa'o/ /dus gsum gyi lus la rtog pa de nyid kyi don rgyas par bstan pa'i phyir/ kye ma lus 'di ni zhes bya ba la sogs pa gsungs te/ de yang dbugs dbyung du med pa dang/ las dang nyon mongs pa las byung ba dang/ gang zag gi dngos po med pa dang chos kyi dngos po med pa dang dpe dang bcas pas bstan to/ /de la kye ma zhes bya bas dbugs dbyung du med pa bstan te/ lus 'di sdug bsngal rnam pa sna tshogs kyi 'byung gnas yin la sdug bsngal bar gyur na/ yang de las zlog pa'i skabs med pas/ kye ma'o zhes gsungs te/ de ni yi chad pa dang mi dga' ba'i tshig go /phyin ni log pa las byung zhes bya ba las dang nyon mongs pa las byung ba bstan te/ lta ba phyin ci log dang/ 'du shes phyin ci log pa dang/ sems phyin ci log las byung ba dang/ las dang nyon mongs pa'i rgyu dang rkyen gyis bskyed pa'o/ tshor ba med pa byed pa med pa zhes bya ba la sogs pas gang zag gi dngos po med pa bstan te/ /lus de'i nang du mu stegs can dag gis btags pa'i bdag med pa'i phyir ro/ /rgyu dang rkyen rnams kyis byung ba ste zhes bya bas chos kyi dngos po med pa bstan te/ lus nyid kyang sgyu ma bzhin du rgyu rkyen gyi mthu las byung nas rmi lam na snang ba tsam du snang bar zad kyi yod pa ma yin zhes rtogs par sbyar ro/ /'di lta ste dper na phyi rol gyi zhes bya ba la sogs pas dpe bstan te/ phyi rol gyi dngos po la sogs pa 'ang rgyu dang rkyen las byung zhing bdag dang byed pa po med pa'o/ /de bzhin du zhes bya ba ni de dang 'dra bar zhes bya ba'i tha tshig te/ rgyu rkyen las byung ba dang bdag dang byed pa po med par 'dra ba'o/ / yongs su bzung ba zhes bya ba ni phung po dang khams dang skye mched kyi mtshan nyid tsam zhes bya ba'i don to/ /mi g.yo pa 'am/ mi gnod pa 'am mi 'gyur ba'i chos can gyis stong ste zhes bya ba ni mu stegs can gyi bdag mi g.yos mi gnong mi 'gyur zhes bya ba de lta bur dngos po med pa'o/ zhes bya ba'i don to/ /yang na rtag pa la sogs pa ni bdag tu brtags pa'i mtshan nyid do/ /lus de lta bu'i mtshan nyid ma yin pas ni chos can gyis stong pa'o/ / de la brtag pa ni mi rtag pa med pa'i phyir ro/ /brtan pa ni skad cig ma 'jog pa med pa'i phyir ro/ /dus gzhan yang gnas pa'o/ /ther zug ni rgyud 'joms pa med pa'i phyir ro/ /mi g.yo ba ni phan pa'i dngos pos phan par gyur pa med pa'o/ /mi gnod pa ni sdug bsngal gyi gnod pa med pa'o/ /mi 'gyur ba'i chos can ni mi 'dra ba du mar 'gyur ba med pa'o/ /yang na mi g.yo bas rtag pa'o/ /mi 'gyur bas na ther zug go / lus 'di la bdag gis mi bya'o zhes bya ba la lus 'di zhes bya ba ni byang chub sems dpa' nyid kyi lus la bsnyegs so bdag gir mi bya ba zhes bya ba ni de la bdag gi don du mi bya'o/ /yang na lus de la chags par mi bya'o/ /yang na lus de la bdag tu 'dzin par mi bya ste/ /'di ni lus thams cad dang bral bar gyur pa'o/ /bdag gis snying po med pa'i lus 'dis snying po mngon par rdzogs par 'tshang rgya bar zhes bya ba la bdag gi lus snying po med pa ni pha ma'i mi gtsang ba dang las dang nyon mongs pa'i rgyu rkyen las byung ba dang bdag dang sems can dang chos kyi dngos po med pas snying po med pa ste/ snying po med pa de la brten zhes bya ba'i don to/ /snying po mngon par 'tshang rgya zhes bya ba ni snying po'i chos de mngon sum du byas zhing thob par bya'o zhes bya ba'i tha tshig go / de la snying po'i chos ni sku ste/ chos kyi sku dang longs spyod rdzogs pa'i sku dang sprul pa'i sku'o/ /gang 'di de bzhin gshegs pa'i sku zhes byas pas sku gsum car la bya bar 'dod do/ /bdag gis de bzhin gshegs pa'i sku zhes bya ba nas brtsams te/ bsgrub par bya'o zhes bya ba yan chad kyis chos kyis thob par bya ba bstan to/ /chos kyi sku de yang rnam pa lngar rig par bya ste/ pha rol tu phyin pa'i 'bras bur gyur pa dang/ /nyon mongs pa dang/ shes bya'i sgrib pa 'joms par byed pa dang/ de gnyis kyis mi tshugs pa dang/ dus thams cad du gnas pa dang/ thams cad las 'phags par gyur pa'o/ /chos kyi sku zhes bya bas sa dang pha rol tu phyin pa'i 'bras bur gyur pa bstan te/ de bzhin gshegs pa rnams kyi chos kyi sku de sa dang pha rol tu phyin pa'i chos rnams bsgrubs pa'i rgyu las byung ba'i sku yin pas so/ /rdo rje'i sku zhes bya bas nyon mongs pa dang shes bya'i sgrib pa 'dzem pa bstan te/ rdo rje bzhin du bdag med pa'i mtshan nyid kyi sku des nyon mongs pa dang shes bya'i sgrib pa spong bar byed pa'i phyir ro/ /mi shigs pa'i sku zhes bya bas de gnyis kyis mtshugs pa bstan to/ /chos kyi sku de nyon mongs pa dang shes bya'i sgrib ba blo bur gyis mi gos pa'i phyir ro/ /brtag pa'i sku zhes bya bas dus thams cad du gnas pa bstan te/ nams kyang nyams pa med cing 'khor ba ji srid kyi bar du yang gnas pa'i phyir ro/ /khams gsum thams cad las khyad par du 'phags zhes bya bas thams cad las 'phags par gyur pa bstan to/ /khams gsum thams cad las 'phags pa nyan thos kyi rnam par grol ba'i sku las khyad par 'phags pa'i phyir ro/ /bdag gi lus nyes pa du ma zhes bya ba la sogs pas longs spyod rdzogs pa'i sku thob par bya ba bstan te/ bdag gi lus nyes pa du ma'i skyon chags zhes bya ba ni sngon yang las dang nyon mongs pa dang/ pha ma'i mi gtsang ba las byung zhing/ byung nas kyang 'dod chags la sogs nyon mongs pa skye ba dang/ sdug bsngal sna tshogs 'byung ba'i rten du gyur pas nyes pa du ma skyon dang ldan mod gyi zhes bya ba'i don to// 'on kyang zhes bya ba ni lus de la yon tan yang 'gyur par ston pa ste/ yon tan 'byung bas skyen can de la brten nas zhes bya bar drang ngo/ /de bzhin gshegs pa'i sku nyes pa thams cad dang bral ba thob par bya'o zhes bya ba ni de bzhin gshegs pa'i longs spyod rdzogs pa'i sku nyon mongs pa dang shes bya'i sgrib pa thams cad dang bral ba thob par bya'o/ /des phan yon mthong bas so sor rtog pa'i stobs kyi 'byung ba chen po'i gnas kyi lus kyi spong ? ste zhes bya ba ni lus snying po med pa 'di spyad legs na 'og nas 'byung ba'i phan yon nam/ /yon tan 'byung bar mthong bas so sor rtog pa'i stobs kyis sa chu me rlung la sogs pa sems can gyi gsos su gyur pa 'og nas bshad pa bzhin du bdag gi lus kyang de ltar zad par spyad do zhes bya ba'i don to/ /bdag gi lus 'di yang zhes bya ba la sogs pa ni sems can thams cad kyi don bya ba ji yod pa rnams byed pa la lus 'di zad par bya/ /mthar byed par bya'o zhes bya ba'i tha tshig go / sgo sna tshogs ni sems can rnams mang po rnam pa du ma'o gos so/ /rnam pa sna tshogs ni rmo ba dang dpung ba la sogs pa'i rnam pas so/ /dmigs pa sna tshogs ni sems can de dag gi la las ji ltar dmigs la las ji ltar dmigs bar byed pa'i phyir ro/ /rnam grangs sna tshogs pa ni rmo ba dang brko ba la sogs pa yang la sogs las ji ltar la las ji ltar te mi mthun pa du mar byed pa'i phyir ro/ /yo byad sna tshogs ni kha cig gi gnas/ kha cig gis bgo ba la sogs pa byed pa'i phyir ro/ /longs spyod sna tshogs ni bza' ba du ma dang/ brtung be du ma'i dngos po byed pas so/ /yongs su spyod par gyur pa ni gnas la sogs par gyur pas so/ /longs spyod du 'gyur ba ni bza' ba la sogs par 'gyur bar ro/ /des don gyi dbang 'di mthong nas zhes bya ba la byang chub sems dpa' des las de la gong du bshad pa lta bu'i don gyi dbang mthong nas zhes bya ba'i don to/ /lus la sdug bsngal bar yang rtog cing zhes bya ba ni lus skye ba dang/ rga ba dang na ba dang 'chi ba la sogs pa'i sdug bsngal rnam pa du ma dang ldan par ltog pa'o/ /sems can la lta ba'i phyir lus kyi sdug bsngal kyis kyang mi skyo zhes bya ba ni de lta mod kyi/ sems can la snying rje ba'i phyir sdug bsngal dang ldan pa'i lus kyi kyang skyo ba med de/ lus mdor bar mi byed ces bya ba'i don to/ /yang na sdug bsngal bar rtog pa ni sdug bsngal gsum dang brgyad la sogs pa grangs med pa dang ldan par rtog pa'o/ /lus la mi rtog par rtog pa ni lus 'di skye ba dang rga ba dang 'chi ba dang ldan par rtog pa'o/ /shi 'phos bas kyang yongs su mi skyo zhes bya ba ni de ltar mod kyi/ sems can gyi don du 'khor bar skye zhing 'chi 'pho bstan pas kyang mi skyo ste/ skye ba dang 'chi 'pho ba yang mi gtong ba'o/ /lus la bdag med par rtog cing zhes bya ba ni lus 'di la mu stegs kyi brtags pa'i bdag dang/ sems can med pa yang khong du chud cing bya zhes bya ba'i don to/ /sems can thams cad yongs su smin par bya ba'i phyir yang mi skyo zhes bya ba ni de ltar bdag dang/ sems can med par yang rtog mod kyi/ sems can yongs su smin par bya ba'i phyir yang mi skye ste/ /sems can gyi don kyang mi gtong ngo/ /lus la zhing rtog cing zhes bya ba ni lus 'di chos kyi dngos pos kyang stong par khong du chud cing zhes bya ba'i don to/ /lus zhi ba'i phyir btang snyoms su yang mi lhung zhes bya ba ni lus kyi stong pa nyid du yang mi ltung ba 'am lus dang sems sbyangs par bya ba'i phyir dang/ dge ba'i rtsa ba bsags pa'i phyir btang snyoms su yang mi 'jog pa'o/ dben par yang rtog ces bya ba ni mya ngan las 'das pa'i rang bzhin yin par khong du chud ces bya ba'i don to/ /mi ltung zhes bya ba ni dag la mi gnas shing de dag mngon sum du mi byed pa ste/ sla ba dang gong du bshad pa rnams ni ma bshad do/ /tshor ba med pa ni dge ba dang mi dge ba'i 'bras bu bde ba dang/ /sdug bsngal ba la sogs pa myong bar byed pa'i tshor ba po med pa'o/ /byed pa med pa ni dbang phyug la sogs pa lus skyed par byed pa'i byed pa po'i med pa'o/ /bdag po med pa ni nang na gnas pa'i skyes bu med pa'o/ /lus 'dzin pa med pa ni de las gzhan pa'i bdag lus la byin gyis brlabs pa med pa ste/ tshig de dag gis gang zag gi dngos po med par bstan to/ /lus dbyer med pa zhes bya ba ni lus kyi chos nyid la tha dad pa med pas so/ /lus ro gcig pa ni lus kyi chos nyid thams cad stong pa nyid du ro gcig pas so/ /lus nam mkha' i ngo bo nyid ces bya ba ni ji ltar nam mkha' dngos po med cing thams cad du song ba de bzhin du lus kyang dngos po med cing thams cad du song ba'i phyir ro/ /lus rang bzhin gyis yongs su mya ngan las 'das shes bya ba ni rang bzhin gyis nyon mongs pa dang shes bya'i sgrib pa dri ma dang ma 'dres pa ste/ tshig de dag gis ni chos kyi dngos po med par bstan to/ mi ltung ba ni stong pa'i chos de mngon sum du mi byed pa'o/ /de zhes bya ba ni lus dran pa nye bar bzhag pa la gnas pa'i byang chub sems dpa' de'o/ /lus rdzas dang snying po yang dag par rjes su mi mthong zhes bya ba la/ de ltar lta zhing gnas pa na lus 'di la rdzas yod pa dang/ snying po yod par mi mthong ba'o/ /de la rdzas yod par mi mthong ba ni dngos po yod par mi mthong ba'o/ /snying po yod par mi mthong ba ni mchog dang dam pa yin par mi mthong ba'o/ /de nang gi lus la lus kyi rjes su lta zhing gnas zhes bya ba ni byang chub sems dpa' de zhes bya'i don to/ /nang gi lus ni bdag gi rgyud rtogs pa'i lus so/ /lus la lus kyi rjes su lta ba ni gong du bshad pa ltar bdag gi lus la shes rab kyis stong pa dang/ bdag med par lta ba'o/ /gnas pa ni de'i 'og tu ting nge 'dzin gyis rtse gcig tu 'jog pa'o/ /gnas pas zhes bya ba ni gnas pa'i phyir zhes bya ba'i don to/ /de bas na zhes bya bar sbyar ro/ /nang na gnas pa'i nyon mongs pa rnams kyis skabs mi byed do zhes bya ba ni lus la bdag tu lta ba la sogs pa'i nyon mongs pa rnams skye ba'i skabs med par byed pa'o/ /phyi rol gyis ni sems gzhan gyi rgyud du gtogs pa'i lus so/ /lus kyis rjes su lta ba ni gong ma bzhin du gzhan gyis lus la dngos po med pa dang/ stong par lta ba'o/ phyi rol gyis rjes su song ba'i nyon mongs pa dang lhan cig mi gnas pa ni gnas gyis lus la dmigs pa las byung ba'i 'dod chags dang zhe sdang la sogs pa'i nyon mongs pa mi gos pa'o/ /de lus nyon mongs can ma yin pas yongs su dag pa'i lus kyi las dang ldan zhes bya ba ni de ltar nyon mongs pa'i dbang du ma gyur pas sdig pa mi dge ba'i chos mi spyod pa'i lus kyis las dang ldan pa'o/ /lha dang mi'i nang na mtshan gyis legs par brgyan pa'i lus thob ces bya ba ni de dag gi nang na yang mtshan thams cad tshang bas brgyan pa'i lus sprul ba'i sku 'thob pa'o/ /mngon sum du 'dod par 'gyur zhes bya ba ni de'i gan du 'gro zhing de'i 'khor du khas len par gyur pa'o/ /de lta zhes bya ba ni gong du bshad pa ltar ro/ /lus dran pa nye bar gzhag pa sgom pa mi zad pa bshad zin to// //rab tu tshor ba gang gang zhe na gang tshor ba dran pa nye bar gzhag pa la gnas pa ste/ sdug bsngal gsum las 'das pa yang 'thob la/ zag pa med pa'i tshor ba dge ba yang tshor bar byed pa'o/ /de'i dbang du byas nas de la byang chub sems dpa' i tshor ba'i rjes su lta ba dran pa nye bar bzhag pa zhes bya ba la sogs pa gsungs te/ /byang chub sems dpa' rnams khong du chud cing bsgom par bya ba'i tshor ba ni byang chub sems dpa' tshor ba bo/ /tshor ba rnams ni bde ba dang sdug bsngal la sogs pa ste/ gzhan gyi don du bshad pa bzhin du sbyar ro/ /'di la zhes bya ba ni tshor ba rnam pa gsum la'o/ /'di snyam du sems te zhes bya ba ni 'di ltar rtog ste zhes bya ba'i tha tshig go / tshor ba gang ci yang rung ba ste/ de thams cad sdug bsngal zhes bya ba ni tshor ba thams cad kyang sdug bsngal ba'i rang bzhin te/ bde ba'i tshor ba dang/ bde ba yang ma yin sdug bsngal ba yang ma yin pa'i tshor ba rnams kyang mthar sdug bsngal du 'gyur zhing 'du byed kyi sdug bsngal gyis khyab pa'i phyir ro/ /snyam nas zhes bya ba ni de ltar rtog nas shes bya ba'i tha tshig go /des zhes bya ba ni tshor ba dran pa nye bar gzhag pa la gnas pa'i byang chub sems dpa' des so/ /tshor ba shin tu rtogs pa dang zhes bya ba ni tshor ba dngos po med pa 'am/ tshor ba thams cad sdug bsngal ba yin par phyin ci ma log cing legs pa rtog pa'o/ /ye shes kyi rtog pa ni de lta bur 'phags pa'i ye shes zag pa pa med pas khong du chud pa'o/ /shes rab kyis rtog pa ni zag pa med pa'i shes rab kyis rtog pa'o/ /nye bar zhi bas rtog pa ni nyon mongs pa zhi ba'i shes pas rtog pas so bde ba'i tshor ba yang bde bar byed ces bya ba ni zag pa med ba'i bde ba'i tshor ba tshor bar byed pa 'am/ /bde 'gro'i tshor ba nyid myong bar byed pa'o/ /de 'dod chags kyi bag la nyal yang bag la nyal bar mi 'gyur zhes bya ba la tshor ba thams cad stong pas khong du chud pa'i byang chub sems dpa' des gong du bshad pa ltar bde ba'i tshor bar yang dngos po med par khong du chud pas bde ba'i tshor bas kyang 'dod chags mi skye zhes bya ba'i don to/ /sdug bsngal gyi tshor bas reg pa na yang zhes bya ba ni sdug bsngal gyi tshor ba myong bar g yur pa na yang shin tu bzod par dka' ba'i ngo bo yin par rig nas ngan song la sogs pa sdug bsngal gyi tshor ba dang ldan pa rnams la snying rje chen po bskyed cing sdug bsngal gyi tshor ba nyid kyang rang bzhin med par rtogs pas nga'i rgyu las khong khro ba yang mi skye zhes bya ba'i don to/ /bde ba yang ma yin sdug bsngal ba yang ma yin zhes bya ba la sogs pa'o/ /btang snyoms kyi tshor ba yang myong ba de dag rang bzhin med par khong du chud pas de'i rgyus gti mug kyang skye bar mi byed ces bya ba'i don to/ /de tshor ba dang ldan pa'i dran pas zhes bya ba la/ byang chub sems dpa' de tshor ba gsum bsgom pa dang ldan pa'i shes rab kyis zhes bya ba'i don to/ /tshor ba de dag thams cad las byung ba'i ye shes mthong ba bsgom mo zhes bya ba ni gong du smos pa'i tshor ba de dag dang bral ba ye shes de rtogs par sgom zhes bya ba'i tha tshig go / de sems can thams cad kyi tshor ba zhes bya ba ni bdag gi tshor ba bzhin du byang chub sems dpa' sems can thams cad kyi tshor ba'i rang bzhin khong du chud par bya ba'i phyir brtson 'grus rtsom par byed pa'o/ /tshor ba las nges par 'byung ba ni tshor ba las thar par byed pa'i thabs tshol ba thams cad stong par yin par shes pa'o/ /bdag ni shes rab dang ye shes yongs su ldan pa'i tshor bas zhes bya ba la/ zag pa med pa'i ye shes dang ldan pa'i tshor bas tshor ba kun stong pa nyid du rigs pa zhes bya ba'i don to/ /tshor ba thams cad rgyun chad pa'i thabs mkhas pa zhes bya ba ni tshor ba thams cad stong par khong du chud pas bde ba'i tshor ba la sogs pa myong yang 'dod chags dang zhe sdang mi skye ba'i thabs mkhas pa so/ /snying rje chen pos zon pas zhes bya ba la/ snying rje chen po dang ldan pa las byung pa'i dge ba'i rtsa ba'o/ /tshor ba dran pa nye bar gzhag pa rnam grangs gzhan yang bstan pa'i phyir yang ci'i phyir tshor ba zhes bya zhe na zhes bya ba la sogs pa gsungs so /ma rtogs pa'i tshor ba ni sdug bsngal du 'gyur zhes bya ba ni tshor ba myong la dngos po med par ma rtogs pa'i tshor ba ni sdug bsngal skye ba'i rgyur 'gyur pa'o/ /ye shes kyi rtogs pa'i tshor ba zhes bya ba ni tshor ba myong la ye shes kyis stong par rtogs pa'i tshor ba ni zag pa med pa'i bde ba skye ba'i rgyur 'gyur ba'o/ /gang gis kyang tshor bar 'gyur ba med kyi zhes bya ba ni tshor ba myong bar byed pa'i bdag dang sems can la sogs pa gong du smos pa rnams ni med kyi/ phyin ci ma log tu rtog cing mngon par zhe na pa nyid tshor ba'o zhes bya ba'i don to/ / de bas na mngon par zhen pa ni zhes bya ba ni dngos su gsungs so/ /yang na mngon par zhen pa la sogs pa ni tshor ba skye ba'i rgyu yin pas de dag la tshor ba zhes gsungs so/ /mngon par zhan pa ni bdag yod par mngon par chags pa'o/ /yongs su 'dzin pa ni bdag gis 'dzin pa'o/ /nye bar len pa ni sems dang sems las byung ba yod par rtog pa'o/ /dmigs pa ni phyi'i yul gzugs la sogs pa yod par dmigs pa'o/ /phyin ci log ni bdag med pa la bdag tu rtog pa la sogs pa la phyin ci log bzhi'o/ /rnam par rtog pa ni bdag dang bdag gi yod par rtog pa'o/ /lta ba ni bdag tu lta ba dang? sems can la sogs pa ste/ /de dag gis bag la nyal lam/ /nyon mongs pa gzhan gyi bag la nyal lo/ /mig du 'du shes pa la sogs pa ni dbang po rnams yod par 'du shes pa ste/ de dag kyang tshor ba skye ba'i rgyur 'gyur bas mig tu 'du shes pa'i tshor ba'o/ yang na yongs su 'dzin pa ni tshor ba'o/ zhes bya ba ni dngos po med pa la dngos por 'dzin pa nyid tshor ba zhes bya ba'i don to/ /nye bar len pa'i tshor ba zhes bya ba la/ sdug bsngal gyi phung po lnga len pa nyid tshor ba'o zhes bya ba'i tha tshig go /dmigs pa ni tshor ba'o zhes bya ba la gzugs la sogs pa la dmigs pa nyid tshor ba'o zhes bya ba'i don to/ /tshor ba'i rnam grangs gzhan yang bstan pa'i phyir/ gzhan yang rnam grangs zhes bya ba la sogs pa gsungs te/ 'og nas smos pa'i rnam grangs rnams kyang ming du tha dad kyi/ don du gcig go zhes bya bar dgongs pa'o/ /tshor ba gcig pu zhes bya ba ni gcig tu zad do zhes bya ba'i tha tshig go /gang 'di sems kyi rnam par rig pa zhes bya ba la/ gang sems kyi mtshan nyid rnam par rig pa'i ngo bo nyid tshor ba yin pa 'am/ sems kyi rnam par rig pa las byung ba'i tshor ba'o/ /nang gi nye bar len pa las byung ba'i tshor ba ni nang gi tshor ba'o/ phyi'i gzugs la sogs pa la dmigs pa'i rgyu las byung ba'i tshor ba ni phyi'i tshor ba'o/ /tshor ba gsum ste/ zhes bya ba ni dus gsum gyi dngos po rnam par rig pa nyid tshor ba'o/ /dngos po rnams par rig pa'i rgyu las byung ba'i tshor ba'o/ /khams bzhi ni sa chu me rlung bzhi ste/ de dag rigs pa nyid tshor ba'am de dag rig pa'i rgyu las byung ba'i tshor ba ste/ yul bzhi yod pas de la dmigs bar byed pa'i tshor ba yang rnam pa bzhir bzhag go / phung po lnga yid la byed ces bya ba ni phung po lnga yid la byed pa nyid tshor ba 'am de yid la byed pa'i rgyu las byung ba'i tshor ba'o/ /skye mched drug la yongs su rtog pa'o zhes bya ba ni skyi mched drug la yongs su rtog pa nyid tshor ba 'am/ yongs su rtog pa'i rgyu las byung ba'i tshor ba'o/ /tshor ba ni bdun te/ gang 'di rnam par shes pa gnas pa bdun no zhes bya ba la/ rnam par shes pa gnas pa bdun ni lus sna tshogs dang/ 'du shes sna tshogs pa'i rnam par shes pa gnas pa dang/ lus sna tshogs la 'du shes gcig pa'i rnam par shes pa gnas pa dang/ lus gcig la 'du shes sna tshogs pa'i rnam par s hes pa gnas pa dang lus gcig la 'du shes kyang gcig pa'i rnam par shes pa gnas pa dang gzugs med pa'i sa gsum rnams dang bdun no de la lus sna tshogs la 'du shes sna tshogs pa'i sems can rnams ni mi rnams dang 'dod pa na spyod pa lha'i rigs drug dang/ bsam gtan dang por skyes pa thog ma byung ba ma gtogs pa rnams te/ sems can dag lus kyang che phra ba bzang ngan rnam pa sna tshogs yod la 'du shes kyang rnam pa sna tshogs yod pa'i phyir ro/ /lus sna tshogs la 'du shes gcig pa ni dper na tshangs ris kyi lha dag dang por byung ba rnams te/ de dag lus sna tshogs pa ni snga ma bzhin la 'du shes gcig pa ni thams cad tshangs pas bskyed par 'du shes gcig pa'i phyir ro/ /'du shes sna tshogs la lus gcig pa ni 'od gsal gyi lha'i ris snga phyir skyes pa ste/ /de dag thams cad kyi lus che phra bzang ngan 'dra zhing 'od snang pa can du gcig la/ me'i bskal pa bsam gtan dang por byung ba'i tshe kha cig 'jig kha cig mi 'jig pa'i phyir 'du shes tha dad do/ /lus gcig la 'du shes gcig pa ni bsam gtan gsum pa yan chad du skyes pa ste/ bsam gtan gsum pa'i sems can rnams de dag dge ba'i tshor ba la rtog pa'i 'du shes gcig pa'i 'du shes gcig go / lus gcig pa ni bsam gtan gnyis pa bzhin no/ /gzugs med pa gsum ni nam mkha' mdza' yas skye mched dang/ rnam par shes mdza' yas skye mched dang/ ci yang med pa'i skye mched de/ mi dang lha'i ris ming gis smos pa de dag gis rnam par shes pa'i rgyud bstan par gnas pa'i phyir rnam par shes pa gnas pa zhes bya'o/ /ngan song rgyud gsum ni sdug bsngal sna tshogs kyis g.yen spyo bas rnam par shes pa brtan par mi gnas pas dar mi bgrang ngo/ /'du shes med pa'i sems can rnams ni de na gcig tu nges par rnam par shes pa kun tu 'byung ba med pa'i phyir ma yin gyi/ gzugs med pa'i khams kyi 'du shes med min skye mched kyang 'du shes dang/ rnam par shes pa yod pa yang ma yin med pa yang ma yin pas brtan par mi gnas so/ /tshor ba brgyad po zhes bya ba ni tshor ba brgyad ni bdag tu lta ba dang/ sems can du lta ba dang/ gang zag tu lta ba dang srog tu lta ba dang ther zug tu lta ba dang nad par lta ba dang/ srid par lta ba srid pa med par lta ba'o/ /yang na log pa brgyad ni mi khom ba brgyad de/ de dag gi tshor ba la bya'o/ /sems can gyis gnas dgu ni gong ma'i rnam par shes pa gnas bdun gyi steng du 'du shes med pa dang/ srid pa'i rtse mo gnyis bsnan pa'o/ /mi dge ba bcu zhes bya ba ni rgyu bcu yod de'i rgyu las byung ba'i sdug bsngal 'bras bu tshor ba yang bcur bzhag go / 'di ni tshor ba kun gyi tshul te zhes bya ba ni tshor ba po'am/ tshor ba'i dngos po ni med kyi/ kun rdzob tu tshor ba tha dad du gdags shing rnam grangs su bya ba gong du bshad pa'i rim pa 'di lta bu dag go zhes bya ba'i don to/ /dmigs pa ji snyed pa zhes bya ba la sogs pas tshor ba mi zad pa bstan te/ gzugs la sogs pa dmigs pa'i yul ji snyed pa de la dmigs shing yid la byed pa de snyed do/ /yid la byed pa ji snyed pa sems yongs su rtog pa yang de snyed do/ /yongs su rtog pa ji snyed pa tshor ba yang de snyed do/ de bas na tshor ba tshad med cing mi zad par shes par bya'o zhes bya ba'i don to/ des zhes bya ba ni tshor ba tshad med pa'o/ /rjes su lta zhing gnas pas zhes bya ba ni shes rab dang ting nge 'dzin gyis so/ /shes pa skyed ces bya ba ni skye ba la skye bar shes pa dang/ 'jig pa la 'jig par shes pa dang/ gnas pa la gnas pa shes pa bskyed par bya'o/ /tshor ba la tshor ba'i rjes su lta zhing dran pa nye bar gzhag pa mdor bsdus te bstan pa'i phyir ro/ gang sems can thams cad kyis tshor ba zhes bya ba la sogs pa gsungs te/ shes pa'i tshig skye ba la sogs pa kun dang sbyar ro/ /dge ba'i rgyu las byung ba'i tshor ba gang yin pa shes pa dang/ mi dge ba'i rgyu las byung ba'i tshor ba gang yin pa shes pa'o/ /tshor ba dran pa nye bar bzhag pa bsgom pa mi zad pa bshad zin to// rab tu gnas pa'i byang chub sems dpa' gang zhe na gang sems dran pa nye bar bzhag pa la rab tu zhugs pa ste/ rnam par shes pa'i gnas thams cad las 'das pa yang thob la/ byang chub sems dpa' i ting nge 'dzin tshad med ba yongs su rdzogs par byed pa'o/ /de'i dbang du byas nas/ de la byang chub sems dpa' i sems la sems kyis rjes su lta ba dran pa nye bar gzhag pa gang zhe na/ zhes bya ba la sogs pa gsungs te/ byang chub sems dpa' rnams kyi bsgom par bya ba ni byang chub sems dpa' o/ /byang chub sems dpa' de'i byang chub kyi sems ma brjed pa zhes bya ba la sogs pa la nyan thos dang rang sangs rgyas dag sems dran pa nye bar gzhag pa na bdag gi sems mi rtag pa la sogs pa dran pa nye bar 'jog pa lta bu ni ma yin gyi/ byang chub sems dpa' rnams thog mar byang chub tu sems ji ltar bskyed pa'i byang chub kyi sems de mi brjed pa'i gzungs kyis dran pas mi brjed pa dang dran pa nyid mnyams par bsrungs pa dang/ bsrungs pa nyid mi mthun pa'i phyogs la ma g.yeng bar byed pa ni sems dran pa nye bar 'jog pa zhes bya'o/ byang chub kyi sems mi brjed pa de ji rtag pa'i phyir de lta bu zhig nas snyam pa la de'i phyir de sems la 'ang ji ltar rtog go zhes bya ba la sogs pa gsungs te/ de zhes bya ba ni sems dran pa nye bar gzhag pa la gnas pa'i byang chub sems dpa' de 'am/ byang chub kyi sems ma brjed pa'i byang chub kyi sems dpa' de'o/ /sems la zhes bya ba ni byang chub kyi sems la'o/ /'di ltar rtog ces bya ba ni byang chub kyi sems de la 'og nas 'byung ba ltar rtog pa'o/ /ji ltar rtog ce na/ de'i phyir sems ni skye nas zhig cing zhu ste mi gnas pa'o/ zhes bya ba la sogs pa gsungs te/ sems ni sems nyid dam byang chub kyi sems so/ /skyes nas zhes bya ba ni skyes ma thag tu'o/ /zhig cing zhus te zhes bya ba ni don gcig ste de ma thag tu zhig ba'o/ /mi gnas pa ni cung zad kyang 'dug pa'i mthu med pa ste de bas na zhes bya bar? sbyar ro/ /nad na yang mi 'dug phyi rol na yang mi 'phros/ gnyi ga med par yang mi dmigs shes bya ba ni sems de skad cig ma'i rang bzhin skyes ma thag tu 'jig cing de nges pa'i ngo bo nyid de/ zhig nas kyang med par 'gyur ba'i nang gi dngos po rnams la yang mi gnas/ phyi rol gyi yul rnams la yang ma 'phos/ de gnyis sa ka ma yin pa gzhan phyi nang gnyis kyi bar na yang ma dmigs mi gnas shes bya ba'i don to/ /gang dag gi byang chub kyi sems dang po skyed pa de ni zhes bya ba la sogs pa la/ gong du bshad par yang ma zad kyi/ 'di ltar yang khong du chud do zhes bya bar sbyar ro/ /skyes pa ni 'das pa'i dus su skyes zin to/ /zad cing 'gag pa la sogs pa ni don gcig ste med par gyur par ston pa'o/ /zad pa ni rgyu med pa'o/ /'gags pa ni rang bzhin gyi med pa'o/ /yal pa ni med par gyur nas kyang gang du yang gnas par ma gyur te/ de bas na med par gyur ba zhes bya'o/ yul dang phyogs na mi gnas te de ni gdags par mi nus so zhes bya ba la/ thog mar sems bskyed de de skad cig ma re re la yang zad cing 'gags te gzhan dang gzhan du gyur la/ yal zhing med par gyur bas dngos po med pa'i phyir yul dang/ phyogs na mi gnas/ ming dang mtshan mar gdags su med de zhes bya ba'i don to/ /sems gang gis byang chub kyi phyir dge ba'i rtsa ba rnams yang dag par bsgrubs pa de dag kyang zad cing 'gags te/ yal cing med par gyur pas shes bya ba la/ sems gang dag gis ni dge ba'i rtsa ba'i rgyur 'gyur ba'i sems bskyed pa gang gis so/ /byang chub kyi phyir ni 'bras bu de thob par bya ba'i phyir ro/ /dge ba'i rtsa bsgrubs pa ni bsod nams dang ye shes kyi tshogs bsgrub pa'o/ /byang chub kyi sems nyid gong du smos pa'i tshul gyis don dam par ngo bo nyid med pas/ de las byung ba'i dge ba'i rtsa ba rnams kyang yang la zhing med par gyur pas sems bzhin du ngo bo nyid med pa'i phyir yul dang phyogs na mi gnas shing ming dang mtshan mar gdags par mi nus so zhes bya ba'i don to/ /sems gang dag gi dge ba'i rtsa ba de dag byang chub tu bsgos pa de dag kyang de'i rang bzhin de'i mtshan nyid de zhes bya ba la sems gang gis ni dge ba'i rtsa ba'i rgyur gyur pa'i byang chub kyi sems bskyed pas so/ /byang chub tu bsngos pas kyang zhes bya ba ni byang chub tu bsngos pa'i 'og tu 'phel bar gyur (ba'i dge ba'i rtsa ba de) dag go de ni 'di skad du byang chub kyi sems kyis bskyed pa'i dge ba'i rtsa ba bla na med pa'i byang chub tu bsngos pa de dag kyang sems dang 'dra bar zad cing 'gags te/ yal zhing med par 'gyur ba'i mtshan nyid pas yul dang phyogs na mi gnas shing gdags par mi nus so zhes bya bar ston to/ /sems kyi sems mi shes so zhes bya ba ni/ sems de rang bzhin med pas shes par byed pa dang/ shes par bya ba med pa'i phyir ro/ /de bzhin du 'og ma la yang sbyar ro/ /sems kyi sems kyi mtshams mi sbyor ba ni 'das pa'i sems de ma 'ongs bar mi 'pho zhing/ ma 'ongs ba'i sa se dang mtshams mi sbyor ba'o/ /de la gang gis bdag bla na med pa yang dag par rdzogs pa'i byang chub mngon bar rdzogs par 'tshang rgya bar bya zhes bya ba la sogs pa la mngon par 'tshang rgya bar 'gyur ba'i byang chub kyi sems dang/ dge ba'i rtsa ba'i sems la sogs pa gong du smos pa lta bu'i tshul gyis brtags na gang yang rang bzhin du grub pa med pas byang chub kyi sems gang yin pa de dge ba'i rtsa ba'i sems dang lhan cig mi gnas zhes bya ba la sogs pa gsungs so/ / sems la rtog pa'i rnam pa gzhan bstan pa'i phyir/ yang de 'di snyam du sems te rgyu dang 'bras bu chung mi za ba zhes bya ba la sogs pa gsungs so/ /de ni byang chub sems dpa' de'o/ /de ltar sems kyi rang bzhin stong yang kun rdzob tu rgyu gang spyad pa'i 'bras bu de bzhin du thob par 'gyur te/ chud mi za bar rten cing 'brel par 'byung ba gcig kho nar nges par mi mngon pa de ni blta dka' bas shin tu zab po zhes bya ba'i don to/ /sems kyi chos nyid de lta bu min du zin kyang zhes bya ba la sogs pa ni don dam par sems de ngo bo nyid kyis stong du zin kyang kun rdzob tu rgyu dang rkyen rnams tshogs na med par mi 'gyur la/ rgyu rkyen tshogs pa las byung ba de dag kyang mu stegs can gyis byed pa bo la sogs pa med pas de dag gis kyang bskyed do zhes bya ba'i don to/ /de dag ji ltar 'dod pa bzhin rnam par bsgrubs pa zhes bya ba ni de ltar byed pa po la sogs pa med par yang rgyu rkyen tshogs pa las kun rdzob tu skye zhing 'byung bas na rgyu gang dang gang gis 'bras bu gang dang gang sgrub pa de dag ji ltar 'dod pa bzhin du grub ces bya ba'i don to/ /bdag gis rnam par bsgrub pa la brtson par bya zhes bya ba ji ltar 'dod pa bzhin 'bras bu 'grub pas bdag gis kyang bdog pa thams cad yongs su gtong ba la sogs pa'i 'bras bu sangs rgyas kyi zhing yongs su dag par bya ba'i phyir bsngo ba la sogs pa la brtson par bya'o zhes bya ba'i don to/ /sems kyi chos nyid 'di yang mi spong? zhes bya ba ni de dag kun rdzob tu bsgrubs pa la brtson par byed kyang/ don dam par sems kyi chos nyid ma skyes pa yang mi spong ba 'am/ nga yang nyams par mi byed pa'o/ /sems ni sgyu ma lta bu ste zhes bya ba la sogs pas pha rol tu phyin pa drug don dam par mi dmigs pa dang/ kun rdzob tu rgyu dang 'bras bu nges par yod par bstan pa'o/ /sgyu ma lta bur zhes bya ba ni sgyu ma bzhin du rang bzhin med pa'o/ /de bas na gang zag 'di la bdag gis dngos po gtong bar snang ba ni rang bzhin med pa'o/ /bdog pa thams cad yongs su btang ste zhes bya ba ni phyi dang nang gi dngos po thams cad yongs su btang ba'o/ /sangs rgyas kyi zhing dag pa ni bai DUrya'i kha dog la sogs pa'o/ /sems rmi lam lta bu zhes bya ba la/ ji ltar rmi lam na dngos po rnam pa sna tshogs snang yang rang bzhin stong pa de bzhin du sems la gzung ba dang 'dzin pa la sogs pa rnam pa du mar snang yang rang bzhin gyis stong pa'o/ /yang dag par blangs pa dang/ yang dag par slob pa? mtshul khrims so/ /yang dag par blang bar bya ba dang bslab par bya ba ni bslab pa'o/ /thams cad mkhyen pa nyid kyi phyir zhes bya ba ni thams cad mkhyen pa thob par bya ba'i phyir ro/ /gzod ma nas yongs su ma grub ces bya ba ni ji ltar mig yor phyis rtags te rang bzhin med pa ltar dang po snang pa'i dus na yang na rang bzhin med pa yin no/ /de dang 'dra bar sems 'di yang thog ma nas rang bzhin med tsang ma skyes pa'o/ /bzod pa ni gzhan gyis gnod pa byas pa nyams su len pa'o/ /nges pa ni slar gnod pa mi byed pa ste/ de dag bsgrub pa zhes bya bar sbyar ro/ /mi skye ba'i chos la bzod pa rdzogs par bya ba'i phyir zhes bya ba ni skye ba dang 'gag pa med pa'i chos la skrag pa med pa thob par bya ba'i phyir sngo ba'o/ /shin tu dben pa zhes bya ba ni smig rgyu chus stong ste dben pa bzhin du sems la yang gzung ba dang 'dzin pas stong ste dben pa'o/ /dge ba'i rtsa ba thams cad la zhes bya ba ni dge ba'i rtsa ba thams cad sgrub pa la zhe 'am/ sgrub pa'i phyir zhes bya ba'i don to/ / sangs rgyas kyis chos ni sa dang pha rol tu phyin pa la sogs pa'o/ /gzugs can ma yin pa zhes bya ba ni thogs pa dang bcas pa'i gzugs kyi ngo bo ma yin pa'i phyir ro/ /bstan du med pa zhes bya ba ni sngon po la sogs pa bzhin du bzhan la bstan par mi nus pa'o/ /thogs pa med pa ni nam mkha' bzhin du kun tu song ba'i phyir ro/ /rnam par rig pa med pa ni rig par bya ba dang/ rig par byed pa dang bral ba'i phyir ro/ /sangs rgyas kyi ting nge 'dzin ni rnam par mi rtog pa'i ting nge 'dzin no/ /gzung ba med pa ni sems dang/ sems las byung ba'i bzung bar snang ba dngos por ma grub pa'i phyir ro/ /mtshan ma med pa ni gzugs la sogs pa'i ngo bo ma min pa'i phyir ro/ /bstan du med pa ni snga ma bzhin no/ /gnas med pa ni gzugs dang dbang po la mi gnas pa'i phyir ro/ /dris pa'i tshig ni phung po dang khams la sogs pa gzhan gyis dris pa'o/ /dbye ba bstan pa shes pa zhes bya ba ni ji ltar thos pa'i chos rnams so sor phye ste/ bshad pa'i gnas shes rab po/ /sangs rgyas kyi ye shes ni me long lta bu la sogs pa'o/ /sems ni dmigs pa med par mi skye zhes bya ba la sogs pas kun rdzob kyi sems kyi dmigs pa'i rgyu dang rkyen la sogs pa yod par bstan pa las/ sgrub pa yang yod par bstan pa ste/ dmigs par bya ba'i yul med par sems mi skye'o/ /yul la dmigs nas skye ba ni sems kyi chos nyid do/ /gang dge ba'i rtsa ba/ thams cad la dmigs pa zhes bya ba ni sems yul du? dmigs nas skye ba yin pas/ dmigs nas yang dge ba'i rtsa ba skye bar 'gyur ba'i dmigs pa thams cad la sems dmigs pa'o/ /rgyu med bar mi skye ba ni kun gzhi rnam par shes ba'i bag chags med par sems mi skye ba'o/ /byang chub kyi phyogs kyi chos zhes bya ba ni sems skye ba'i rgyu bskyed cing 'jog na yang byang chub kyi phyogs kyi chos skye ba'i rgyu skyed ba'o/ /yul drug la zhes bya ba ni yul drug la ma brten par sems mi skye ba'o/ /sangs rgyas kyi chos thams cad ni sa dang pha rol tu phyin pa dang stobs dang mi 'jigs pa la sogs pa'o/ /de dag gi yul ni stong ba nyid do/ /rgyu ni yul ba te mngon du byed pa'i chos de thabs dang shes rab po/ /bsgrub pa ni thabs dang shes rab sgrub pa'o/ /mngon par shes pa ni drug rnams so/ /sems nye bar 'dogs pa ni rtse gcig tu 'jog pa'o/ /sems mi spyod par rab tu shes pa'o/ /sems can rnams kyi sems ji lta bu min pa dang/ 'dod chags la sogs pa'i nyon mongs pa gang la spyod pa shes pa'o/ /de lta bu'i rang bzhin gyis chos ston pa ni nyon mongs pa gang la spyod pa dang de dang mthun pa'i chos mi gtsang ba la sogs pa ston pa'o/ /mi skye ba ni snying rje dang ldan pas so/ /sems zad par bya ba'i phyir sems mi skyed ces bya ba la sogs pa ni nyan thos dang rang sangs rgyas ltar zhi ba phyogs cig pa'i mya ngan las 'das pa la gnas pa ni ma yin gyi/ thabs kyi yongs su zin pas 'khor ba'i rgyun ni dge ba'i rtsa ba mi gcod ces bya ba'i don to/ /zad pa ni nyon mongs zad pa'i phyir ro/ /'gog pa ni phung po spang pa'i phyir ro/ /sems kyi dran pa shes pa des zhes bya ba la sogs pas gong du smos pa lta bu'i sems dran pa nye bar 'jog pa de khong du chud do/ des ma byung pa dang mi skye ba la sogs pa'i mtshan nyid la gnas kyang chos nyid de'i dbang du ma gyur pas nyan thos dang rang sangs rgyas dag ltar 'khor ba yongs su spong bar yang mi 'gyur ro zhes bya ba'i don to/ /rnam sangs rgyas kyi chos zhes bya ba la sogs pa ni bdag dang sems can thams cad bla na med pa'i byang chub tu ma grub kyi bar du thabs dang shes rab zung du 'brel pa'i sems kyi rgyun mi gtong pa'o/ /sems kyi skad cig gcig dang ldan pa'i shes rab ces bya ba ni mthar mngon par byang chub pa la 'jug pa'i sems kyi skad cig ma gcig dang ldan pa bdag med pa gnyis khong du chud pa'i shes rab kyis de bzhin nyid mngon sum du byed pa'o/ /sems dran pa nye bar gzhag pa bsgom pa mi zad pa bshad zin to/ /rab tu rnam par byang ba'i byang chub sems dpa' gang zhe na gang chos dran pa nye bar gzhag pa la rab tu zhugs pa ste/ sgrib pa dang kun nas sbyor ba dang 'ching ba dang bag la nyal ba dang/ nyon mongs pa'i kun nas dkris pa thams cad las 'das pa yang thob la/ chos thams cad la dbang thob pa yang yongs su rdzogs par byed pa'o/ /de'i dbang du byas nas de la byang chub sems dpa' i chos rnams la zhes bya ba la sogs pa gsungs te/ chos ni 'dus byas dang 'dus ma byas dang zag pa dang bcas pa dang/ zag pa med pa'o/ /chos kyi rjes su lta ba ni shes rab kyi chos de dag la stong bar rtog pa'o/ /dran pa nye bar bzhag pa ni ting nge 'dzin gyi de la rtse gcig tu 'jog pa'o/ /gang zhe na zhes bya ba ni de dag dngos po gang yin pa 'dri ba'o/ / de dag bstan pa'i phyir/ 'phags pa'i shes rab kyi mig gis mthong ba'i chos de dag dag ces bya ba la sogs pa gsungs te/ 'phags pa zhes smos pa ni zag pa med par ston to/ /shes rab kyi mig ces sgos pas ni rnam par mi rtog pa'i mtshan nyid yin par ston to/ /mthong ba ni 'dus byas dang 'dus ma byas kyi chos thams cad 'og nas 'byung ba'i tshul du stong pa nyid kyi rang bzhin mthong ba ste/ de ltar mthong ba'i chos de dag ni 'bras bu la gnas kyi bar du nyams par mi 'gyur zhes bya ba'i don to/ /stong pa rnam par grol ba zhes bya ba la sogs pa ni chung rab/ tsam yang mi mthong zhes bya bar spyad te/ stong pa nyid la sogs pa'i nang du ma 'dus pa'i chos gang yang med do/ der ma 'dus pa'i chos gang yang mi mthong ngo zhes bya ba'i don to/ /chos gang rten cing 'brel bar 'byung ba las rnam par grol ba chung rab tsam yang mthong ngo zhes bya ba ni don dam par rnams stong pa nyid kyi rang bzhin med pa/ kun rdzob tu yang rten cing 'brel bar 'byung ba ma yin pa'i chos gcig kyang mi mthong ste/ der ma gtogs pa'i chos gcig kyang med do zhes bya ba'i don to/ /chos kho na mthong gis chos ma yin pa mi mthong ngo zhes bya ba la/ bdag med pa la sogs pa ni phyin ci ma log pa yang dag pa yin pas na chos kho na zhes bya ste/ de mthong ba'o/ /bdag tu lta ba la sogs pa smos pa ni/ /yang dag pa ma yin pa phyin ci log pas chos ma yin pa ste/ de mi mthong ba'o/ /chos thams cad ni chos so zhes bya ba la chos kyi sgra ni stong pa nyid la sogs pa la bya ste/ de chos thams cad la yod pas na chos thams cad ni chos so/ /chos thams cad ni chos ma yin zhes bya ba ni chos de dag nyid la bdag dang bdag gir 'dzin pa yang skye bas na chos thams cad chos ma yin pas de bdag tu 'dzin pa la sogs pa la chos ma yin pa zhes bya'o/ /so sor rtog pas zhes bya ba ni stong pa shes pas sam/ stong pas khyab pas mngon par zhen pas zhes bya ba ni chos de dag nyid bdag dang bdag gir chags pa'i rgyu yin pas so/ /sangs rgyas kyi chos med pa dang zhes bya ba la sogs pas ni chos rnams stong par khong du chud pa las thar pa dang mya ngan las 'das par 'gyur te/ de bas na chos gang las brten te/ sangs rgyas kyi chos su mi 'gyur ba'i chos de dag yang med do zhes bya ba'i don to/ /sangs rgyas kyi chos ni lus dang khong du chud par bya ba'i chos te/ de'i rang bzhin du ma gyur pa'i chos gang yang med do/ /zhes bya bar dgongs so/ /gang las byang chub med pa zhes bya ba la byang chub ni spangs pa dang ye shes kyi mtshan nyid de/ chos gang las brten te de'i rgyur mi 'gyur ba'i chos gang yang med do zhes bya ba'i tha tshig go / lam med ces bya ba la/ lam ni sa bcu ste/ de'i rang bzhin du ma gyur pa'i chos gang yang med do zhes bya ba'i don to/ /des chos thams cad nges par 'byung bar shes zhes bya ba la/ chos dran pa nye bar gzhag pa la gnas pa'i byang chub sems dpa' des chos thams cad khams gsum las 'byung ba dang 'byung ba'i rgyur 'gyur ba dang/ thar ba'i rgyur gyur pa shes pa'o/ /yang na des chos thams cad nges par 'byung bar shes pas sems can rnams la sgrib pa med pa zhes bya ba'i snying rje chen po'i ting nge 'dzin gyi sgo thob par 'gyur ro zhes bya ba la/ chos thams cad las 'byung ba'i dngos po dang mtshan ma thams cad las thar ba 'am bral ba ste/ stong pa nyid du shes pa la bya'o/ /des chos thams cad de ltar stong par shes pas mtshan mar lta ba'i sems can rnams la snying rje chen po 'byung ba'i ting nge 'dzin gyi sgo thob par 'gyur te/ ting nge 'dzin gang la zhugs na snying rje chen po 'byung ba'i ting nge 'dzin la snying rje chen po'i ting nge 'dzin ces bya'o/ /de'i sgo ni ting nge 'dzin de thob par 'gyur ba 'am/ de la 'jug pa'i thabs la bya'o/ /sgrib pa med pa ni ting nge 'dzin te mi mthun pa'i phyogs spangs pa'o/ /des zhes bya ba ni snying rje chen po'i ting nge 'dzin gyi sgo thob pa'i byang chub sems dpa' de 'am/ chos dran pa nye bar bzhag pa la gnas ba'i byang chub sems dpa' nges so/ /chos thams cad ni phung po dang khams la sogs pa'o/ /nyon mongs pa ni 'dod chags la sogs pa'o/ /bcos ma'i 'du shes thob ces bya ba ni sgyu ma dang 'dra bar rang bzhin med par thob pa'o/ /ji ltar 'du shes thob pa bstan pa'i phyir chos 'di dag ni nyon mongs pa med pa zhes bya ba la sogs pa gsungs te/ phung po la sogs pa'i chos 'di dag ni nyon mongs pa skye ba'i rgyu ma yin pa 'am/ nyon mongs pa dang 'dres pa ma yin pa ste/ de bas na chos 'di dag ni nyon mongs pa dang bcas pa ma yin pa'o/ /de ci'i phyir zhe na zhes bya ba ni byang chub sems dpa' de ci'i phyir zhe na/ de lta bu'i 'du shes thob ces bya ba 'am chos de dag ci'i phyir nyon mongs pa ma yin zhe na zhes bya ba'i tha tshig go /'di ltar de dag ni nges pa'i don gyi don la rton te zhes bya ba la 'di ltar ni 'og nas bshad pa ltar ro/ /de dag ni byang chub sems dpa' de dag gam chos de dag go /nges pa'i don gyi don la rton pa ni chos gang nyon mongs pa gong du smos pa thams cad stong pa nyid kyi don la rtog? pa 'am/ byang chub sems dpa' nyid stong pa nyid kyi don la rton pa ste/ nges pa'i don ni stong pa nyid kyi don to/ /nyon mongs pa'i tshogs? kyang med ces bya ba la sogs pa ni de ltar stong pa yin pas na nyon mongs pa nyid kyang med la/ phung por gyur pa'ang med pa'o/ /nyon mongs pa 'di dag rtogs pa'i phyir byang chub ste zhes bya ba ni nyon mongs pa gong du smos tshul ngo bo nyid med par rtogs pa nyid byang chub po zhes bya ba'i don to/ /nyon mongs pa'i ngo bo nyid gang yin pa byang chub kyi ngo bo nyid kyang de yin no zhes bya ba ni nyon mongs pa'i ngo bo nyid stong pa'i ngo bo/ /byang chub kyi ngo bo yang stong pa'i ngo bo ste/ de gnyis don dam pa nyid du ro gcig pas de skad ces bya'o/ /yang na nyon mongs pa'i ngo bo stong pa gang yin pa de nyid byang chub ste/ byang chub kyang de las gzhan ma yin pas na de skad ces bya'o/ /'di ltar dran pa nye bar 'jog kyang ci la yang nye bar mi 'jog ces bya ba la sogs pa mi dmigs pa'i tshul gyi nye bar 'jog gi /mtshan ma'i sgo nas dran pa nye bar mi 'jog go zhes bya ba'i don to/ /yang na kun rdzob kyi mtshan nyid tsam du de ltar nye bar 'jog kyang don dam par gang yang nye bar 'jog pa med do zhes bya ba'i don to/ /nye bar mi 'jog pa ni nyan pa'i dus na nye bar mi 'jog ba'o/ /rab tu mi 'jog pa ni sems dpa' i dus na nye bar mi 'jog pa'o/ /rnam par mi 'jog pa ni bsgom pa'i dus na sems la mi 'jog pa'o/ /chos nyid de gnas pa rab tu shes zhes bya ba ni stong pa'i chos nyid de ye nas de bzhin du mi 'gyur ba yin par shes pa ste/ de bas na chos kyi dbyings gnas pa zhes bya'o/ /sangs rgyas kyi chos la rton pa ni yin te/ thams cad sangs rgyas kyi chos su mos so zhes bya ba ni byang chub sems dpa' de sangs rgyas kyi chos la rton cing gnas pa yin te ji ltar zhe na 'dus byas dang 'dus ma byas kyi chos thams cad sangs rgyas bcom ldan 'das kyis ji ltar mkhyen pa la ston te/ de bzhin du tha dad do zhes pa'i don to/ /de zad pa shes pa yang skyed de 'du byas kyang zad mi byed do zhes bya ba la/ dran pa nye bar bzhag pa la gnas pa'i byang chub sems dpa' de shes bya ba dang nyon mongs pa'i sgrib pa dang/ chos thams cad mtshan mar dmigs pa don dam pa zad par shes kyang kun rdzogs 'dus byas kyi chos la zad par mi byed pa med par mi lta ba'o/ /yang na bdag med par khong du chud pa byas nyon mongs pa thams cad spangs pa'i ye shes kyang skyed la khams gsum du skye bar byed pa'i rgyu dge ba mngon par 'du byed pa yang gtong par mi byed ces bya ba'i don to/ /mi skye ba shes pa yang mngon par sgrub te de sems can la lta ba yang skyed cing mi skye ba'i mdza' yang mi spong ngo zhes bya ba ni thog ma nas ma skyes par shes pa'i ye shes thob kyang kun rdzob tu sems can gyi don la lta ba 'ang bskyed de/ de skyed kyang skye ba 'ba' zhig la mi phyogs kyi/ mi skye ba'i chos nyid kyang mi gtong ngo zhes bya ba'i don to/ /chos dran pa nye bar bzhag pa'i don bsdu zhing/ ji ltar chos dran pa nye bar bzhag pa yin par mdor bstan pa'i phyir chos dran pa nye bar gzhag pa zhes bya ba la sogs pa gsungs te/ nyan thos dang rang sangs rgyas kyi chos 'og nas mig gis smras pa thams cad stong pa nyid du rtogs pa'i dran pa de la gnas pas na chos bran pa nye bar bzhag pa zhes bya'o/ /dran pa'i don bstan pa'i phyir/ phyi ma'i mdza' i bar du yang dran pa des mi brjed ces bya ba la sogs pa gsungs te/ sems can gyi mdza' dang 'khor ba'i mdza' i ji srid yod kyi bar du rtog pa'i dran pa de nyams par mi 'gyur zhes bya ba'i don to/ /de bas na chos thams cad ma lus par zhes tshig phyi ma dang sbyar ro/ /dran pa nye bar gzhag pa zhes bya ba de ni tshad med par shin tu bstan pa'i tshig ste zhes bya ba la chos dran pa nye bar gzhag pa ces bya ba'i tshig de ni tshad med pa shin tu brtan pa'i tshig ste/ ji ltar tshad med pa shin tu brtan pa'i tshig yin pa ni chos thams cad la dmigs so zhes sngar yang bshad la/ kun tu spyod yul zhes bya ba la sogs pa'o gnas 'byung ba'i tshig gi kyang bstan to/ /de lta mod kyi mdor na dran par bya ba'i chos rnams tshad med de mi zad pa'i phyir ram/ phyi ma'i mdza' i bar du yang dran pa de mi rjed cing nyams par mi 'gyur ba'i phyir tshad med pa'i don to/ /kun tu spyod yul zhes bya ba ni shes bya thams cad dran pa de'i spyod yul du gyur pa ste/ thams cad du khyab par dmigs zhes bya ba'i don to/ /thams cad yang dag par 'du ba ni dran pa der stobs dang mi 'jigs pa la sogs pa'i sangs rgyas kyis chos thams cad yang dag par 'du ba'i phyir ro tshim par byed pa ni sems can la phan 'dogs shing sems can dang pa skyed par byed pa'o/ /pham par byed pa ni bdud thams cad 'joms par byed pa'o/ /rtogs par byed pa ni rnam par mi rtog pa'i ye shes rang gis rig par byed pa'o/ /de ltar kun byed pa'i tshig de ni chos la chos kyi rjes su lta ba'i dran pa nye bar gzhag pa zhes bya'o/ /'di ni chos dran pa nye bar gzhag pa mi zad pa sgom pa ste/ dran pa nye bar bzhag pa bzhi bsgom pa mi zad pa bshad zin to// //brtson 'grus shin tu gnyen por gyur pa dang/ brtson 'grus shin tu sbyangs pa dang/ brtson 'grus thob pa dang/ brtson 'grus shin tu brten pa bstan pa'i phyir/ btsun pa sha radwA ti'i bu gzhan yang byang chub sems dpa' rnams kyi yang dag pa'i spong ba bzhi yang mi zad pa ste/ zhes bya ba la sogs pa gsungs so/ /'dir yang bstan pa dang? bshad pa'i tshul du rig par bya ste/ bzhi gang zhe na zhes bya ba nas brtsams te/ sems rab tu 'dzin cing yang dag par rab tu 'jog pa zhes bya ba yan chad ni bstan pa'i tshul lo/ de man chad lhag ma rnams ni bshad pa'i tshul lo/ /bzhi po de dag mi zad pa yang spangs par bya ba dang sgrub par bya ba'i chos rnams mi zad pa'i phyir ro/ /brgal ba/ sdig pa mi dge ba'i chos ma skyed pa mi skyed pa dang/ /skyes pa spong ba la ni yang dag pa'i spong ba zhes bya bar 'os na/ dge ba'i chos ma skyes pa bskyed pa dang skyes pa gnas par bya ba la yang dag par spong ba zhes ji ltar gdags she na/ de gnyis la gdags par mi rigs pa 'dra mod kyi/ dge ba bskyed pa dang gnas par bya ba'i mi mthun pa'i phyogs spangs pa dang/ bskyed cing gnas par 'gyur ba'i phyir/ mi mthun pa'i phyogs spong ba la yang dag pa'i spong ba zhes bya bas nyes pa med do/ /brtson 'grus shin tu gnyen por gyur pa'i byang chub sems dpa' gang zhe na/ gang yang dag par spong ba dang po la zhugs pa ste/ mi dge ba'i chos ma skyes pa rnams kyis gnyen po bsgom par bya ba la sgom par byed pa'o/ /de'i dbang du byas nas/ gang sdig pa mi dge ba'i chos gang ma skyes pa rnams mi skyed pa'i phyir 'dun pa skye ces bya ba'i tshul bzhin yid la byed pa'i tshig bla dags so zhes bya ba la sogs pa gsungs te/ sdig pa mi dge ba'i chos ma skyes pa rnams mi skyed pa'i phyir 'dun pa skyed ces kyang bya tshul bzhin yid la byed kyang bya ste/ 'dun pa skyed ces bya ba ni tshul bzhin yid la byed pa'i tshig bla dags so/ /de la sdig pa mi dge ba'i chos ni gang 'dod pa na spyod pa'i lus dang ngag dang yid kyi las nyes pa spyod pas yongs su bsdus pa dang/ de skyed par byed pa'i nyon mongs pa rnams so/ /ma skyes pa ni chos de mngon du ma gyur cing? nye bar ma gyur cing nye bar ma gyur pa'o/ /ma skyed pa ni mngon du mi 'gyur ba dang/ nye bar mi 'gyur bar bya'o/ /'dun pa bskyed pa ni de'i gnyen por gyur ba zhig nas la sogs pa'i mtshan ma yid la byed pa la mi brten par mi gtsang pa la sogs pa'i gnyen po nyi tsha? bsgom par byed pa ste/ de bas na 'dun pa skyed pa ni tshul bzhin yid la byed pa'i tshig blo dags so/ /'bad pa brtson 'grus rtsom zhes bya ba de ni tshul bzhin yid la byed pa mi 'dor ba'i tshig bla dags so zhes bya ba la 'dir yang sdig pa mi dge ba'i chos ma skyes pa zhes bya bar sbyar te/ 'bad ba brtson 'grus rtsom zhes kyang bya/ tshul bzhin yid la byed pa mi 'dor mi gtong zhes kyang bya ste/ de bas na 'bad pas brtson 'grus rtsom zhes bya ba ni tshul bzhin yid la byed pa mi 'dor ba'i tshig bla dags so/ /de la sdig pa mi dge ba'i chos de dag kyang 'das pa'i dngos po la dmigs pa dang/ ma 'ongs pa'i dngos po la dmigs pa dang/ da ltar gyi yul la dmigs nas skye'o/ /de ltar na de dag ni lkog tu gyur ba'i yul dmigs pa dang/ mngon sum du gyur ba'i yul dmigs pa ste/ /gang 'das pa dang ma 'ongs pa'i dngos po la dmigs pa ni lkog tu gyur ba'i yul la dmigs pa'o/ /da ltar gyi yul la dmigs pa ni mngon sum gyi yul la dmigs pa'o/ /de la lkog tu gyur pa'i yul ba la dmigs pa'i sdig pa mi dge ba'i chos ma skyes pa rnams mi skyed par ni 'bad do/ /mngon sum du g yur ba'i yul la dmigs pa'i sdig pa mi dge ba'i chos ma skyes pa rnams mi skyed ba'i phyir ni brtson 'grus rtsom mo sems rab tu 'dzin cing yang dag par rab tu 'jog ces bya ba de ni tshul bzhin du rtog pa'i tshig bla dags so zhes bya ba la/ 'dir yang sdig pa mi dge ba'i chos ma skyes pa rnams zhes bya bar sbyar te/ sems rab tu 'dzin cing yang dag par rab tu 'jog ces kyang bya/ tshul bzhin du rtog pa zhes kyang bya ste/ sems rab tu 'dzin cing yang dag par rab tu 'jog pa ni tshul bzhin du rtog pa'i tshig bla dags so/ /de la sems rab tu 'dzin pa zhes bya ba ni gang gis cha zhum pa'i nye ba'i nyon mongs pa skyes par gyur pa de'i tshe/ de bsal bar bya ba'i phyir rab tu dang bar 'gyur ba la sogs pa'i yid la byed pa sems bzung ba ste/ /gzung zhes bya ba ni de'i gnyen po 'phags pa'i lam dang de bzhin gshegs pa'i yon tan rnams bsams nas sems gzengs bstod par bya zhes bya ba'i don to/ /yang dag par 'jog rab tu 'jog ces bya ba ni rgod pa'i nye ba'i nyon mongs pa skyes pa na sems nang du bsdu ba'i tshul gyis rtse gcig tu bzhag pa ste/ dmigs pa de nyid la yang nas yang du bzhag cing 'khor ba'i nyes pa la sogs pa yid la byed pas skyo ba skyed pa'o// de ci'i phyir zhe na zhes bya ba ni 'dri bas ste/ 'dun ba skyed pa dang/ 'bad de brtson 'grus rtsom pa dang/ sems rab tu 'dzin cing yang dag par rab tu 'jog pa de dag la ci'i phyir tshul bzhin zhes bya zhe na/ zhes bya ba'i don to/ /lan du tshul bzhin rab tu sbyor ba ni zhes bya ba la sogs pa gsungs te/ sdig pa mi dge ba'i chos rnams kyi gnyen po dang/ zhum pa dang rgod pa'i gnyen po bsgom pa rnams ni de dang mthun pa sdig pa mi dge ba'i chos rnams la mi 'jug ste/ de bas na de dag ni tshul bzhin gyi tshig bla dags so/ /de la sdig pa mi dge ba'i chos gang zhe na/ gang bslab pa gsum mthar 'byung bar bya ba dang mi mthun pa'i chos rnams so/ /de dag dngos po gang yin pa bstan pa'i phyir tshul khrims kyi mi mthun pa'i phyogs zhes bya ba la sogs pa gsungs so/ /tshul khrims nyams pa dang zhes bya ba ni gang yan lag drug pa'i tshul khrims nyams pa nyid sdig pa mi dge ba'i chos so/ /gang dag gzhan gyis tshul khrims kyang nyam par byed pa zhes bya ba la/ gzhan dag tshul khrims nyams par byed pa'i rgyu'i chos rnams kyang sdig pa mi dge ba'i chos zhes bya'o/ /de yang gang zhe na rgyu bcu ste dang po nas legs par ma blangs pa dang/ lhod par byed ba log par 'dzin pa dang bag med pa dang/ le los yongs su zin pa dang/ 'og par smos pa dang/ spyod lam nyams par gyur ba dang/ 'tsho ba nyams par gyur ba dang/ mdza' gnyis su lhung ba dang 'byung bar mi byed pa rang yid dam blangs nyams pa'o/ /de la ji ltar dang po nas legs par ma blangs shes na/ 'di ltar rgyal po'i 'jig pas sam/ rkun po'i 'jigs pas sam/ 'tsho ba med pa 'am/ de la sogs pa'i rkyen gzhan gyis phyir blobs pa'o// ji ltar ni lhod par byed pa zhes 'di la kha cig tshul khrims blangs nas kyang ngo tsha med pa dang/ 'gyod pa chung ba dang/ bslab pa'i gnas rnams la lhod par byed pa'o/ /ji ltar na log par 'dzin pa gang zhe na/ kha cig log par 'dzin pa dang ldan pa yin te/ gnas ma yin pa la 'gyod par gyur cing 'gyod pa des dge ba'i bar du gcod par byed pa'o/ /ji ltar na bag med pa dang/ le los yongs su zin pa yin zhe na/ la la dag dang po nas nye bar mi 'byung bar dam 'cha' ba med cing nyes pa byung nas yang slar 'chos bzhin du gso bar mi byed la/ nyal ba dang 'phres pa dang/ gnyis kyi bde ba rnams lhur len par byed pa'o/ /ji ltar na log par smon pa yin zhe na tshul khrims sam/ brtul zhugs sam/ dga' thub 'dis lha 'am/ lha gang yang rung ba 'am/ rnyed pa dang bkur sti dang ldan pa gyur cig ces smon pa'o/ /ji ltar na spyod pa ma nyams par gyur pa yin zhe na de la kha cig spyod lam dang/ 'phrul gyis bya ba dang/ dge ba la sbyor ba rnams 'jig rten dang mi mthun zhing 'jig rten dang 'gal ba dang/ 'dul ba dang mi mthun zhing 'dul ba dang 'gal bar byed pa'o/ /ji ltar 'tsho ba nyams par gyur pa yin zhe na/ 'di la kha cig chog mi shes pa/ 'dod ba mang po dang/ gso dka' ba/ dgang dka' ba ste/ chos ma yin pa lhung bzed dang chos gos la sogs pa tshol bar byed pa'o/ /ji ltar na mdza' gnyis su lhung ba zhe na/ 'di la kha cig 'dod pa bsod snyoms la lhag par zhen nas/ 'dod pa'i chos rnams la bag med par spyod pa dang/ la la dag tshor ma la gnas 'cha' ba dang/ thal ba'i nang na gnas pa la sogs pa dga' thub mi zad par 'dzin par byed pa'o/ /ji ltar na 'byung bar mi byed pa zhe na/ la la dag tshul khrims dang brtul zhugs sam/ lta ba mchog tu 'dzin pa ste/ tshul khrims 'di nyid dam/ brtul zhugs 'di nyid kyis thar pa dang/ grol bar 'gyur zhes lta ba'o/ /ji ltar na yi dam blangs pa nyams bzhi na la la dag thams cad nas thams cad du ngo tsha med cing sdig pa mi dge ba'i chos byed pa la mi mdzem pa/ tshul khrims nyams pa/ tshig pa'i chos can khong du rul ba/ lung bod ltar kun tu spyod pa/ dge spyod ma yin par dge sbyod du khas 'chi ba dag go /cho ga nyams zhes bya ba ni ting nge 'dzin nyams pa'o/ /gang dag gzhan gyi sems kyang rnam par g.yengs par byed pa'i chos ci yang rung ste/ zhes bya ba ni gzhan dge ting nge 'dzin las nyams par byed cing sems g.yeng bar gyur ba'i chos gang yang rung ba rnams kyang sdig pa mi dge ba'i chos zhes bya'o/ /de mang chos gos dang lhung bzed la sogs pa'i yo byad la chags pa mang ba dang/ lus la nad mang ba dang/ kha zas la mang du brkam pa ba dang/ 'du 'dzi mang po'i nang na gnas par dga' ba/ 'jig rten gyi khams kyi bya ba mang po la dga' ba dang smra ba mang po la mos pa dang/ nyal ba dang 'phres pa la sogs pa la dga' ba'o/ /gang 'di ltar nyams pa zhes bya ba ni rtag pa 'am chad par lta bar gyur pa'o/ /gang dag gzhan gyi lta ba yang nyams par byed pa zhes bya ba la sogs pa ni gzhan dag la log pa'i lta ba la zhen par gyur ba'i rgyu nyon mongs pa mngon du 'byung ba dang/ sgrib pa dang tshor par 'gyur ba'i chos gong du bshad pa rnams kyang sdig pa mi dge ba'i chos zhes bya'o/ /brtson 'grus rab tu sbyangs pa'i byang chub sems dpa' gang zhe na/ gang yang dag pa'i spong ba gnyis pa la rab tu zhugs pa ste/ mi dge ba'i chos skyes pa rnams shin tu sbyang ba bsgom par byed pa'o/ /de'i dbang du byas nas gang yang sdig pa mi dge pa'i chos skyes pa rnams zhes bya ba la sogs pa gsungs te/ sdig pa mi dge ba'i chos ni gong du bshad pa rnams so/ /skyes ba ni mngon sum du gyur pa'o/ /gong du bshad pa dang mthun pa rnams ni 'dir ma bshad de/ sngar bshad pa bzhin du lta ba la bya'o/ /de ci'i phyir zhe na zhes bya ba ni sdig pa mi dge ba'i chos skyes pa rnams spang ba'i phyir 'dun ba skyed pa la sogs pa la/ ci'i phyir tshul bzhin yid la byed pa zhes bya zhe na zhes bya ba'i don to/ /mi dge ba'i chos de dag sems la phung por gyur pa med ces bya ba ni sdig pa mi dge ba'i chos skyes pa de dag skyes ma thag tu 'gags te med par gyur pas sems bcer cing phung por gyur pa ma gyur pa med de/ de bas na phyi nang gi yul dang phyogs na mi gnas shing ming dang mtshan mar gdags par mi nus zhes bya'o/ /gal te sdig pa mi dge ba'i chos skyes pa de dag med pa yin na/ de dag med pas spang pa'i rtsol ba mi dgos la/ spang ba zhes 'byung ba yang ji lta bu snyam pa la/ sdig pa mi dge ba'i chos de dag sems la kun tu 'byung ba zhes bya ba la sogs pa gsungs te/ sems la kun tu 'byung ba ni chos de dag sems la skyes pa'o/ /ji ltar spangs par shes pa ni spang bar shes pa'o/ /ji ltar spangs pa shes pa bstan pa'i phyir rgyu dang dmigs pa gang gis zhes bya ba la sogs pa gsungs te/ rgyu ni tshul bzhin ma yin pa yid la byed pa 'am/ nyon mongs pa'i bag chags so/ /dmigs pa ni nyon mongs pa skye bar 'gyur ba'i yul rnams so/ /gang gis sdug pa'i rnam par 'dod chags zhes bya ba ni nyon mongs pa'i rgyu dang dmigs pa gang gis rgyu dang dmigs pa byas nas sdug par 'dzin pa'i rnam pa'i 'dod chags skye pa 'am zhes bya ba la sogs par sbyar ro/ /de dag la zhes bya ba ni nyon mongs pa skye bar 'gyur ba'i yul dang dmigs pa la'o/ /'di dag ces bya ba ni 'dod chags la sogs pa'i nyon mongs pa dag yin no/ /tha snyad btags pa'i bzung gis zhes bya ba ni sdug pas 'dod chags zhi bar byed ces bya ba la sogs pa ni tha snyad du btags pa tsam du zad kyis don dam bar na de la spong bar bya ba dang/ spong bar byed pa gnyis ga med de chos thams cad stong pa nyid du mnyam par gnas shing/ 'phags pa'i ye shes kyis mngon sum du gyur bas na spang bar bya ba med do/ /de ci'i phyir zhes bya ba ni tha snyad la snyegs te/ gnyen pos mi mthun pa'i phyogs spong ba'i phyir zhes bya ba'i don to/ /brtson 'grus thob pa'i byang chub sems dpa' ni yang dag par spong ba gsum pa la rab tu zhugs pa ste/ de dge ba'i chos ma skyes pa rnams thob pa'i bsgom par bya ba la sgom par byed pa'o/ /de'i dbang du byas nas gang dge ba'i chos ma skyes pa rnams bskyed pa'i phyir zhes bya ba la sogs pa gsungs te/ dge ba'i chos ni tshul khrims la sogs pa bslab pa gsum mo ma skyes pa ni mngon du ma gyur pa'o/ /skyed pa'i phyir bya ba ni mngon du bya ba'i phyir ro/ /de ci'i phyir zhe na zhes pa ni dge ba'i chos ma skyes pa rnams skyed pa'i phyir 'dun pa bskyed pa la sogs ba la ci'i phyir/ tshad med pa'i tshig shin tu bsten pa zhes bya ba zhe na zhes bya ba'i don to/ /dge ba'i chos ni sbyin pa la sogs pa pha rol tu phyin pa rnams so/ /'dun pa ni dge ba'i chos thams cad kyis rtsa ba'i zhes bya ba la/ byang chub sems dpa' rnams kyi sgrub pa'i dge ba'i chos ni tshad med de/ de sgrub par 'dun ba yang tshad med pas de bas na de ni tshad med pa'i tshig shin tu bsten pa'o/ /dge ba'i chos sgrub par 'dun pa las sgrub par 'byung zhing dge ba'i chos skye bar 'gyur bas na/ 'dun pa'i dge ba'i chos thams cad kyi rtsa ba zhes bya'o/ /nyams su len par byed ces bya ba ni mthar phyin par byed ces bya ba'i don to/ /dge ba'i chos de dag la spyod cing rnam par 'byed ces bya ba ni smon lam gyi dge ba'i chos skyes pa de dang de dag la so so'i mtshan nyid la tog cing phyir kyang bskyed par bya ba sems pa'o/ /brtson 'grus rab tu bsten pa'i byang chub sems dpa' ni gang yang dag par spong ba bzhi po la rab tu zhugs pa ste/ dge ba'i chos skyes pa rnams bsten pa'i bsgom par bya ba la bsgom par byed pa'o/ /de'i dbang du byas nas gang yang dge ba'i chos skyes pa rnams zhes bya ba la sogs pa gsungs te/ gnas pa ni sngar skyes pa'i rnams las de las chud bar mi bya'o/ /bsgom pa ni sngar skyes pa las shas cung zad skyed pa'i phyir de dag la yang nas yang du sgom par byed pa'o/ /phyir zhing 'byung ba ni de bas kyang shas 'bring du bskyed par bya ba'i phyir chung ngu skyed pa la yang nas yang du sgom par byed pa'o/ /chung zad dang nyams mi 'gyur ba don gcig ste skyes pa rnams nyams par mi byed pa'o/ /yang na chud zad par mi 'gyur ba ni nyams par mi byed pa'o/ /nyams bar mi 'gyur ba ni brjed par mi bya ba'o/ /shin tu rgyas bya ba ni dge ba'i rtsa ba thams cad mthar thug cing rdzogs par bya ba'o/ /de ci'i phyir zhe na zhes bya ba ni dge ba'i chos skyes pa rnams 'dug pa la sogs par byed pa la byang chub tu yongs su bsngos pa'i dge ba'i rtsa ba zhes ci'i phyir zhe na zhes pa'i don to/ /mthar thug gi bar du zhes bya ba ni byang chub kyi snying po ma thob kyi bar du zhes bya ba'i don to/ /chud mi zad ces bya ba ni med par mi 'gyur/ /nyams par mi 'gyur zhes bya ba'i tha tshig ste/ 'phel bar 'gyur zhing rgya cher 'gyur ro zhes bya bar sgyur ro/ /de ci'i phyir zhe na zhes bya ba ni byang chub du bsngos pa'i dge ba'i rtsa ba de byang chub kyi snying po'i bar du mthar mthug gi bar du bar ma dor ci'i phyir chung za zhes bya ba'i don to/ /khams gsum pa thams cad la gnas pa zhes bya ba ni khams gsum du skye ba'i rgyu mi byed ces bya ba'i tha tshig go /yongs su zad bar 'gyur zhes bya ba ni khams gsum du 'gyur ba'i chos de dag ni 'bras bu rnam par smin pa myong nas zad par 'gyur ba'o/ /yang dag pa'i spong ba bzhi mi zad pa bshad zin to// /'dun pa la shin tu gnas pa dang/ brtson 'grus la shin tu gnas pa dang/ sems la shin tu gnas pa dang/ dpyod pa la shin tu gnas pa bstan pa'i phyir btsun pa sha radwa ti'i bu gzhan yang byang chub sems dpa' rnams rdzu 'phrul gyi rkang pa mi zad pa ste zhes bya ba la sogs pa gsungs so/ /de mi zad pa yang 'dun bar bya ba la sogs pa'i chos rnams mi zad pa'i phyir mi zad pa'o/ /de la rdzu 'phrul ni gang gong du mngon par shes pa lnga bstan pa 'am/ mngon par shes pa lnga'i nang na rdzu 'phrul mngon par shes pa bshad pa'o/ /rkang pa ni rdzu 'phrul de dag thob par byed pa'i rgyu 'am gzhi'o/ /de yang rnam pa gzhir rig par bya ste/ rab tu dbye ba dang/ rgyu dang gzhi dang 'bras bu mngon par 'grub pa'o/ /de la 'di na ste/ 'dun pa dang zhes bya ba nas/ dpyod pa'o/ zhes bya ba yan chad kyis rab tu dbye ba bstan to/ /de dag gis rtsa ba'i rten ces bya ba nas las su rung ba thob par 'gyur ro zhes bya ba yan chad kyis rgyu bstan te/ de sems las su rung ba thob pas zhes bya ba ni sems yang ba ma thob pa yan chad kyis gzhi bstan to/ /de lus dang sems yang ba zhes bya ba nas/ nam mkha' i mthar thug pa zhes bya ba yan chad kyis/ 'bras bu mngon par 'grub pa bstan to/ /de la 'dun pa ni gang gus par byed pa dang/ dad pa la brten te sems rtse gcig pa la reg par byed pa'o/ /brtson 'grus ni/ gang rgyun tu sbyor ba la brten nas sems rtse gcig pa la reg par byed pa'o/ /sems ni gang tshe rabs gzhan dang gzhan du ting nge 'dzin bsgom pa la brten nas/ tshe 'dir sems de sngon gyi sems dang rjes su mthun par gyur te/ myur du sems rtse gcig la reg par gyur pa'o/ /dpyod pa ni bdag gi sems kyi rgyud la sdig pa mi dge ba'i chos yod dam med ces rnam par dpyod pa las sems rtse gcig pa la reg par gyur pa'o/ /de dag gi rtsa ba'i rten dang gnas ni zhes bya ba la de dag ni 'dun pa la sogs pa bzhi dag gam rdzu 'phrul gyi rkang pa dag ste/ de dag gi rtsa ba'i gzhi 'am/ rten du gyur ba ni tshad med pa bzhi dag go /de la rtsa ba'i sgra ni 'dun pa la sogs pa la snyegs te/ de dag ni rdzu 'phrul skye ba'i rtsa ba yin pas so/ /'dun pa la sogs pa'i rten dang gnas ni tshad med pa bzhi yin te/ tshad med pa bzhi dang ldan pa'i sems kyi bsgom? dgos ?/ tshad med pa bzhi ji ltar na rtsa ba'i rten dang gzhir 'gyur snyam pa la de tshad med pa gzhi po 'di dag la brten cing bsgom te zhes bya ba la sogs pa gsungs te/ de zhes bya ba ni rdzu 'phrul gyi rkang ba bzhi la bsgom par 'dod pa'i byang chub sems dpa' nges so/ /bsten ba ni dang po nyid du tshad med pa bzhi bsgom pa la brten pa'o/ /bsgoms pa ni de'i 'og tu yang nas yang du mngon sum du byed pa'o/ /mang du byas pa ni tshad med pa bzhi mthar phyin par bya ba'i phyir bsgom pa rgyun mi gcod pa'o/ /sems las su rung ba thob par gyur ro zhes bya ba ni sems rtse gcig tu gnas su brtung ba thob par 'gyur ba'o/ /bsam gtan dang po la mnyam par gzhog pa la sogs pa smos ba ni bsam gtan bzhi pa la brten nas rdzu 'phrul bskyed pa'i phyir ro/ /las dang sems dad pa? thob par 'gyur zhes bya ba ni lus yang ba thob ba/ rang gi don sgrub pa la myur du mjug btub cing gnyis dang thugs pa las gos pa med pa thob pa'o/ /sems yang ba ni de bzhin du rang gi bya ba myur du 'jug tu btub pa'o/ /mngon par shes pa la 'jug pa mngon par sgrub po zhes bya ba ni rdzu 'phrul mngon par shes pa thob par 'gyur ba sgrub pa'o/ /'dun pa las sam brtson 'grus las sam zhes bya ba la sogs pa ni de ltar sgrub pa dang ldan pa ni 'dun pa la sogs pa gang yang rung ba la brten nas rdzu 'phrul gyi rkang pa skyed par byed pa ste/ rdzu 'phrul gyi rkang pa zhes bya ba ni 'dir rdzu 'phrul nyid la bya bar 'dod do/ /yang na 'dun pa las sam zhes bya ba la sogs pa ni chos de bzhin de dag gi 'bras bu'i gnas thob par byed pa'i don to/ /rkang pa ni 'dir 'bras bu thob pa'i gnas lta bu la bya'o/ /de la gang 'dun pa la rab tu gnas pa'i byang chub sems dpa' ni gang rdzu 'phrul gyi rkang pa dang po la rab tu zhugs pa ste/ de'i dbang du byas nas de la 'dun ba ni gang chos de dag la mngon du phyogs pa'o zhes bya ba gsungs te/ chos shes bya bas 'dun pa'i ting nge 'dzin tam/ sangs rgyas kyi chos rnams la bya ste/ 'dun pa ni chos de rnams la phyogs shing mos pa dang dad pa byed pa'o/ /brtson 'grus la shin tu gnas pa ni rdzu 'phrul gyi rkang pa gnyis pa la rab tu zhugs pa ste/ de'i dbang du byas nas/ brtson 'grus ni gang chos de dag sgrub ba'o zhes bya ba gsungs so/ /chos de dag sgrub ba ni tshad med pa dang bsam gtan dang rdzu 'phrul gyi chos rnams sgrub pa'o/ sems la shin tu gnas pa ni gang rdzu 'phrul gyi rkang pa gsum la rab tu zhugs pa ste/ de'i dbang du byas nas sems ni gang chos de dag la rtog pa'i zhes gsungs so/ /chos de dag la rtog pa ni gong du bshad pa'i chos rnams la yin nam/ ma yin zhes 'jog pa 'am/ rtse gcig tu 'jog pa'o/ /dpyod pa la shin tu gnas pa ni gang rdzu 'phrul gyi rkang pa bzhi la rab tu zhugs pa ste/ de'i dbang du byas nas dpyod pa ni gang chos de dag la mkhas pa zhes gsungs so dpyod na shes rab ste/ de ni gong du bshad pa'i chos rnams kyi mtshan nyid la mkhas pa'o/ /da ltar ting nge 'dzin bzhi bsgom pa la spong ba'i 'du byed brgyad 'byung bar 'gyur te/ 'dun pa ni nam zhig na bdag gi ting nge 'dzin yongs su rdzogs shing/ sdig pa mi dge ba'i chos rnams kyis bag la nyal spong bar 'gyur zhig gu snyam du sems pa'o/ /rtsol ba ni gnyen po bsgom pa la la sbyor ba mi gtang ba'o/ /dad pa ni sbyor ba ma btang pa'i gong du rtogs par bya ba la yid ches pa'o/ shin tu sbyangs pa ni dad pa sngon du btang pa'i dga' ba ste/ yid dga' bar gyur ba'i rim gyi sdig pa mi dge ba'i chos gyi gnas ngan len sbyangs pa'o/ /dran pa ni zhi gnas kyi sems 'dzin pa'o/ /shes bzhin ni lhag mthong ngo sems pa ni spangs pa dang/ ma spangs pa la dpyod pa dang/ zhi gnas dang lhag mthong dang mthun pa'i lus dang ngag gi las kun nas slongs pa'o/ /btang snyoms ni sdig pa mi dge ba'i chos dang mthun pa dag la spyod pa'i sems kun nas nyon mongs pa med ces mnyam pa nyid du byed pa'o/ /de la rdzu 'phrul gyi rkang pa mngon par sgrub pa rnams kyis zhes bya ba la/ byang chub sems dpa' de la 'dun pa la sogs pa rdzu 'phrul gyi rkang pa sgrub pa rnams kyi rdzu 'phrul yang dag par sgrub par byed de/ de bas na 'dun pa la sogs pa la rdzu 'phrul gyi rkang pa zhes bya'o/ /de la 'dun pa dang rdzu 'phrul gyi rkang pas ni rdzu 'phrul bsgrub pa'o/ /brtson 'grus rdzu 'phrul gyis rkang pas ni rdzu 'phrul mthar 'byin par byed do/ /sems rdzu 'phrul gyi rkang pas ni mthar dbyung pa'i rdzu 'phrul rnams mi nyams par byed do/ /dpyod pa rdzu 'phrul gyi rkang pas ni de rdzu 'phrul dag gtan la 'bebs shing gang dang gang bya ba mngon par byed pa'o/ /mos pa las byung ba mngon bar 'du byed pa med pa zhes bya ba las dang po pa'i rdzu 'phrul rnams ni de kho na ma rtog pas dngos po 'di ltar gyur cig ces/ mngon sum du ma gyur pa la sems kyis mos pa bskyed nas rtsol ba las 'byung gi /byang chub sems dpa' yongs su sbyangs pa byas pa rnams gdod smon cing 'bad pa dang rtsal mi dgos par bsam pa tsam gyis lhun gyis grub pa nyid du rdzu 'phrul gyi rkang pa rnams rdzogs par 'gyur ro zhes bya ba'i don to/ /de bas na rang gi sems bskyed pas dbang byed pa ji ltar 'dod pa bzhin du 'gro zhes bya ba gsungs te/ ting nge 'dzin mnyam par bzhag pa la sogs pa rgyu rkyen gzhan la mi bltos par dngos po 'di 'di ltar bya'o snyam du rang gi sems bskyed pa tsam gyis ji ltar 'dod pa bzhin du dbang du 'gyur ba'o/ /yongs su sbyang ba legs par byas pa ni mthar phyung zhing las su rung bar byas pa'o/ /rtsa ba la shin tu gnas pa ni dad pa la sogs pa 'am/ byams pa la sogs pa'i tshad med pa bzhi'i rtsa ba gnas pa'o/ /thams cad du rgyu ba ni kun tu khyab par byed cing sangs rgyas kyi zhing thams cad du 'gro ba'o/ /rlung dmar bzhin du thogs pa med pa ni rlung dmar dang 'dra bar thag thogs med par 'gro ba'o/ /nam mkha' i mthar thug pa ni nam mkha' dang 'dra bar phyi ma'i mdza' i bar du yang nyams pa med pa'o/ /rdzu 'phrul gyi rkang pa bzhi mi zad pa bshad zin to// //dad pa'i mchog dang rtson 'grus kyi mchog dang/ dran pa'i mchog dang/ ting nge 'dzin gyis mchog dang/ /shes rab kyi mchog bstan pa'i phyir/ btsun pa sha radwA ti'i bu gzhan yang byang chub sems dpa' rnams kyi dbang po lnga mi zad pa ste zhes bya ba la sogs pa gsungs so/ /de dag mi zad pa yang dag par bya ba chos dang dngos po mi zad pa'i phyir de la dad par byed pa la sogs pa yang mi zad pa'o/ /'dir yang bstan pa dang bshad pa'i tshul du rig par bya ste/ de la dbang po lnga gang zhe na zhes bya ba nas brtsams te/ shes rab kyi dbang po zhes bya ba yan chad ni bstan pa'i tshul lo lhag ma rnams ni bshad pa'i tshul lo/ /dad pa mchog gis byang chub sems dpa' ni dad pa'i dbang po la yang dag par zhugs pa ste/ 'jig rten pa'i dad pa'i nang na 'jig rten las 'das pa'i dad pa mchog dam pa/ khyad zhugs pa/ bla mar gyur ba/ bla na med pa dang ldan pa ste/ de'i dbang du byas nas de la dad pa'i dbang po gang zhe na zhes bya ba la sogs pa gsungs so/ /dad pa'i mchog la ji lta ba de bzhin du shes rab kyi mchog gi bar du sbyar ro/ /dad pa nyid dbang po yin pas na dad pa'i dbang po ste/ dbang po'i don ni phyis bshad do/ /dad pa gang gis zhes bya ba ni dmigs par gyur pa ste/ sems dad? pa dang yid ches par gyur pa gang gis zhes bya ba'i don to/ /chos bzhi la 'dod pa ste zhes bya ba la dmigs par bya ba bya ste/ de dag la de bzhin du yid ches pa'o/ /'di lta ste 'khor ba nas zhes bya ba nas brtsams ste/ srog gi phyir yang sdig pa mi byed pa yan chod chos gcig go /byang chub sems dpa' i spyod pa la dad pas te zhes bya ba nas/ theg pa/ gzhan las 'dod pa mi skyed pa zhes bya ba'i bar du chos gnyis so/ /chos thams cad la don dam pa zhes bya nas/ bag la nyal bar mi byed pa dang zhes bya ba yan chad chos gsum mo/ /stobs dang mi 'jigs pa zhes bya ba nas chos de dag yang dag par bsgrub pa ste zhes bya ba yan chad chos bzhi'o/ /'khor ba na yod pa'i 'jig rten pa'i yang yang dag pa'i lta ba la dad ba ste zhes bya ba ni 'phags pa ma yin pa so so'i skye bo rnams kyi spyod pa las dang 'bras bu dang/ dkon mchog la sogs pa yod par lta ba la/ 'jig rten pa'i yang dag pa'i lta ba zhes bya ste/ yod par lta ba de la dad pa'o/ /de bas na de las kyi rnam par smin pa la rton pa yin zhes bya ba la sogs pa gsungs so/ /de zhes bya ba ni 'jig rten pa'i yang dag pa'i lta ba la dad pa'i byang chub sems dpa' de'o/ /las kyi rnam par smin pa la rton pa ni las kyi rnam par smin pa yod par lta ba'o/ /byang chub sems dpa' i spyod pa la dad pa ste zhes bya ba ni sa dang pha rol tu phyin pa'i chos dang/ de dag gi yon tan la dad cing yid ches pa'o/ /spyod pa de la zhugs pa ni sa dang pha rol tu phyin pa'i spyod pa la zhugs pa'o/ /nam kyang zhes bya ba ni zhugs phan chod do/ /theg pa gzhan la 'dod pa mi skyed pa ni nyan thos la sogs pa'i theg pa la mi spyod pa'o/ /chos thams cad la don dam pa zhes bya ba ni dang ngo/ /zhes bya bar sbyar te/ chos thams cad nyid don dam par nges pa'i don zab mo rten cing 'brel par 'byung ba yin pa la sogs par dad pa'o/ /don dam par ni stong pa'o/ /nges pa'i don zab mo ni phyin ci ma log pa'i don gzhan gyis khong du chud par dka' ba'o/ /rten cing 'brel par 'byung ba ni rgyu rkyen? las 'byung bas ma skyed pa'o/ /dad pa ni de bzhin du yin par yid ches pa'o/ /lta bar gyur pa thams cad la bag la nyal bar mi byed pa ni lta ba phyin ci log rnams kyi bag chags rtsogs par mi byed pa'o/ /stobs dang mi 'jigs pa la sogs pa la dad pa ni de bzhin gshegs pa'i yon tan la yod par yid ches shing dad pa'o/ /de dag ces bya ba ni stobs dang mi 'jigs pa la sogs pa nyid la snyegs pa'o/ /brtson 'grus kyi mchog gi byang chub sems dpa' ni gang brtson 'grus kyi dbang po la rab tu zhugs pas de'i dbang du byas nas/ de la brtson 'grus kyi dbang po gang zhe na zhes bya ba la sogs pa gsungs so/ /dad par gyur pa na yod par yid ches par gyur pa'o/ /dran pa'i mchog ni gang dran pa'i dbang po la rab tu zhugs pa ste/ de'i dbang du byas nas/ de la dran pa'i dbang po gang zhe na zhes bya ba la sogs pa gsungs so/ /chud mi gson pa nyid ni nyams pa mi byed cing brjed par mi byed pa'o/ /ting nge 'dzin gyi mchog ni/ gang ting 'dzin gyi dbang po la rab tu zhugs pa ste de'i dbang du byas nas/ de la ting nge 'dzin gyi dbang po gang zhe na zhes bya ba la sogs pa gsungs so/ /rtse gcig tu byed pas ni rtse gcig tu dmigs par byed pa'o/ /shes rab kyi mchog ni gang shes rab kyi dbang po la rab tu zhugs pa ste/ de'i dbang du byas nas de la shes rab kyi dbang po gang zhe na zhes bya ba la sogs pa gsungs so/ /rab tu rtogs pa ni chos de dag gi rang gi mtshan? nyid la rab tu 'byed pa'o/ /shin tu rtogs pa ni chos de dag gi spyi'i mtshan nyid khong du chud pa'o/ /gzhan gyi dring la mi 'jag pa gzhan gyis bstan pa la brten mi dgos par shes pa'o/ /so so rang gi zhes pa ni chos de dag rang nyid kyis mngon sum du 'gyur ba'o/ /de ltar zhes bya ba ni gong du bshad ba ltar ro/ /lhan cig 'grogs shing rjes su 'brel ba ni dad pa la sogs pa'i dbang po de lnga po gcig gi grogs gcig gis byas nas sangs rgyas kyi chos thams cad rdzogs par byed pa'o/ /lung bstan pa'i sar yang gzhog go zhes bya ba ni de rnams dang ldan na bla na med pa'i byang chub tu mngon par rdzogs par 'tshang rgya bar lung bstan du mngon zhing/ lung stan par 'os par 'gyur ro zhes bya ba'i don to/ /'jig rten las 'das pa'i dbang po zhes bya ba ni 'jig rten las 'das pa'i chos rtogs par byed pa'i dbang po yin pa'i phyir ro/ /de la dbang byed pa'i don ni dbang po'i don te/ dad pa'i dbang pos ni dge ba'i chos rnams la 'jug par bya ba la dbang byed de/ de'i dbang gi dge ba'i chos la 'jug pa'i phyir ro/ /brtson 'grus kyi dbang pos ni dge ba'i chos rnams bskyed pa la dbang byed de de'i mthus dge ba'i chos rnams skyed par byed pas so/ /dran pa'i dbang pos ni dge ba'i chos rnams chud mi zad pa la dbang byed de/ nges mi brjed par byed pa'i phyir ro ting nge 'dzin gyi dbang pos ni gzhan du mi g.yeng ba la dbang byed de/ des dmigs pa'i yul la rtse gcig tu 'jogs pas so/ /shes rab kyi dbang po ni mthar 'byin pa la dbang byed de/ des dge ba'i chos thams cad mthar 'byin par byed pas so/ /dbang po lnga mi zad pa bshad zin to// //dad pa mi tshugs pa dang/ brtson 'grus mi tshugs pa dang/ ting nge 'dzin mi tshugs pa dang/ shes rab mi tshugs pa'i phyir/ btsun pa sha radwA ti'i bu gzhan yang byang chub sems dpa' rnams kyi stobs lnga mi zad pa ste zhes bya ba la sogs pa gsungs so/ /'dir yang bstan pa dang bshad pa'i tshul du rigs par bya ste/ de la byang chub sems dpa' rnams kyi stobs lnga mi zad pa ste zhes bya ba nas brtsams te/ shes rab kyi stobs shes bya ba yan chad ni bstan pa'i tshul lo// lhag ma rnams ni bshang pa'i tshul dang pa la sogs pa lnga po 'di rnams stobs zhes bya ba yang dbang po'i tshe na ni dad par bya ba la sogs pa chos rnams mngon du byas pa dang sgrub par byed pa la dbang byed pa rtsam du zad kyi/ mi mthun pa'i phyogs rnams kyi mi tshugs pa ma yin no/ /stobs kyi dus na ni dang po la sogs pa de dag nyid rab tu bsgoms shing sbyangs te mthu dang ldan par gyur pas ma dad pa la sogs pa'i mi mthun pa'i phyogs rnams kyis mi tshugs pa la stobs zhes bya'o/ /de mi zad pa yang de dag gis dad par bya pa'i chos rnams mi zad pas de la dad pas byed pa mi zad pa 'am/ ma dad pa la sogs pas med par bya zhing zab? par bya bar mi nus pas na mi zad pa'o/ /dad? pa mi tshugs pa'i byang chub sems dpa' ni dad pa'i stobs shin tu bsgoms shing/ ma dad pa dang ma 'dris pa'i chos can yin te/ de'i dbang du byas nas/ de la dad pa'i stobs gang zhe na zhes bya ba la sogs pa gsungs so/ /dad pas mi tshugs pa la ji lta ba bzhin shes rab mi tshugs pa'i bar du yang sbyar ro/ /mos pa ni gang bsgrub pa dang bya ba'i chos rnams bsgrub par 'dod pa dang bya bar 'dod pa'o/ /dad pa ni bden pa dang dkon mchog la sems dang zhing yid ches pa'o/ /mi rdzi ba ni gzhan gyis mi zlogs shing mi tshugs pa dang de'i dad pa'i stobs so/ /de nyid kyi don gsal bar bstan pa'i phyir ro/ /gal te bdud sdig can zhes bya ba la sogs pa gsungs so/ /sangs rgyas kyi gzugs kyi zhes bya ba ni de bzhin gshegs pa'i gzugs su bsgyab? te zhes bya ba'i don to/ /chos la nges par sems pa'i mos pa zhes bya ba ni chos gang la sems pa'i mos par dad pa'o/ /'bral bar byed ces bya ba ni gtong du 'jug pa'o/ /'dun pa bzlog ces bya ba ni thabs sna tshogs lta ba gzhan la 'dzud par byed pa'o/ /bskyod pa la sogs pa'i tshig ni mos pa las bzlog par mi dus pa'i rnam grangs so/ /yang na nyam pa'i dus na mos pa bzlog pa mi nus pa ni bskyod par mi nus pa'o/ /sems pa'i dus na dad pa bzlog par mi nus pa ni bsgul bar mi nus pa'o/ /bsgom pa'i dus na dad pa bzlog par mi nus pa ni bslang par mi nus pa'o/ /brtson 'grus mi tshugs pa'i byang chub sems pa ni gang brtson 'grus kyi stobs la rab tu zhugs pa ste/ de'i dbang du byas nas/ de la brtson 'grus kyi stobs gang zhe na zhes bya ba la sogs pa gsungs so/ /brtson 'grus rtsams pa gang dang gang rtsom pa zhes bya ba ni brtson 'grus brgyad po sngar bstan pa gang gis dge ba gang la rtsom pa zhes bya ba'i don to/ /dge ba'i chos gang dang gang la sbyor ba zhes bya ba ni sbyin pa la sogs pa'i dge ba'i chos gang dang gang byed pa ste/ rtsom pa ni dang po nyid du dge ba'i chos rtsom par byed pa'o/ /sbyor ba ni de phan chad rgyun du sgrub par byed pa'o/ /de dang de la zhes bya ba ni dge ba'i chos brtsams shing sbyor ba de dang de la'o/ /stobs skyed pa zhes bya ba ni brtson 'grus kyi mthus skyed pa'o/ /sra ba 'thob ste zhes bya ba ni brtson 'grus brtan zhing mi zlogs pa'i 'thob ces bya ba'i don to/ /stobs bskyed pa de dang ldan pa zhes bya ba ni brtson 'grus kyi mthu bskyed pa de de dang ldan pa zhes bya ba'i don to/ /gnas de las ma brgal gyi bar du zhes bya ba ni gang sgrub par bya ba'i gnas de mthar phyir gyi bar du zhes bya ba'i don to/ /lhar bcas pa'i 'jig rten zhes bya ba ni lha dang lha las gzhan pa'i 'jig rten gyis kyang rung zhes bya ba'i don to/ /dran pa mi tshugs pa ni gang dran pa'i stobs las rab tu zhugs pa ste/ de'i dbang du byas nas/ de la dran pa'i stobs gang zhe na zhes bya ba la sogs pa gsungs so/ /de zhes bya ba ni dran pa'i stobs dang ldan pa'i byang chub sems dpa' de'o/ /chos ni phung po dang khams la sogs pa gang yang rung ba'o/ /dran pa'i gnas gang dang gang la zhes bya ba ni dran pas dmigs par bya ba'i yul gang dang gang la zhes pa'i don to/ /sems 'jogs pa ni de la dmigs shing mi brjed par byed pa'o/ /de la zhes bya ba ni chos la dmigs shing mi brjed par byed pa'i dran pa de las so/ /nyon mongs pa gang yang rung bas stong par mi nus zhes bya ba ni dran pa nyams pa dang/ gnyid dang rmugs pa dang 'dod chags dang zhe sdang la sogs pa nyon mongs pa gang yang rung bas med par bya zhing bar du gcod par mi nus pa'o/ /de'i ni byang chub sems dpa' de'i'o/ /dran pa'i stobs bskyed pa ni dran pa'i mthu dang ldan pa'o/ /'joms pa ni nyon mongs pa spong ba'o/ /mi rdzi pa ni nyon mongs pa'i dbang du mi 'gyur pa'o/ /ting nge 'dzin mi tshugs pa ni ting nge 'dzin gyi stobs la rab tu zhugs pa ste/ de'i dbang du byas nas/ de la ting nge 'dzin gyi stobs gang zhe na zhes bya ba la sogs pa gsungs so/ /gang zhe na zhes bya ba ni ting nge 'dzin gyi stobs dang ldan pa'i byang chub sems dpa' la snyegs te/ byang chub sems dpa' de zhes bya bar sbyar ro/ /'du 'dzi thams cad las dben par gnas shing zhes bya ba ni 'gro ba mang po'i nang nas gnas pa spangs nas ting nge 'dzin la sems rtse gcig tu 'jag pa ste/ 'dir yang de lta mod kyi/ ting nge 'dzin gyi mthu dang ldan pas zhes bya bar sbyar ro/ /de'i sgra dang tshig gi lam thams cad gyi zhes bya ba ni/ /bsam gtan dang pa la sgra ca co rnams bar du gcod par mi 'gyur te/ byang chub sems dpa' ting nge 'dzin gyi mthu dang ldan pa bsam gtan dang po la zhugs pa'i tshe/ de'i bar du gcod pa'i sgra ca co rnams 'don kyang/ de dag bsam gtan de la bar du gcod cing sgrib par mi 'gyur ro zhes bya ba'i don to/ /de ltar mi mthun pa'i phyogs dag kyang yod kyang/ de dag gis mi tshugs pa mthu dang ldan pa'i phyir stobs shes bya'o/ /de dge ba rtogs pa dang dpyod par spyod kyang de'i bsam gtan gnyis pa la sgrib par mi 'gyur ro zhes bya ba la/ rtog pa dang dpyod pa gnyis ni bsam gtan gnyis pa'i mi mthun pa'i phyogs te/ /de bas na bsam gtan gnyis pa la rtog pa dang dpyod pa gnyis spangs te/ med par byed do/ /byang chub sems dpa' i ting nge 'dzin gyi stobs dang ldan pa ni bsam gtan gnyis pa la yang dag par zhugs la/ rtogs dpyod gnyis spyod kyang de de la sgrib par mi 'gyur ro zhes bya ba'i don to/ /de dga' ba dang mgu ba yang skyes ba yin la/ de'i bsam gtan gsum pa la sgrib par yang mi 'gyur ro zhes bya ba la/ dga' ba dang mgu ba la chags pa ni bsam gtan gsum pa'i sgrib pa ste/ byang chub sems dpa' ting nge 'dzin gyi mthu dang ldan pas bsam gtan gsum pa la yang dag par zhugs la/ chos la dga' zhing mgu ba la yang spyod mod kyi/ dga' zhing mgu ba de bsam gtan de la sgrib par mi 'gyur ro zhes bya ba'i don to/ /de sems can thams cad smon par bya ba dang/ dam pa'i chos yongs su gzung ba'i phyir zhes bya ba la sogs pa la btang snyoms su 'jog par sbyod pa dang bya ba zhugs pa ni bsam gtan bzhi pa'i sgrib pa ste/ byang chub sems dpa' i ting nge 'dzin gyi mthu dang ldan bsam gtan bzhi pa la yang zhugs pa la/ sems can yongs su smin par bya ba dang/ dam pa'i chos gzung ba la sogs pa spyod pa med pa sna tshogs byed kyang de de lab sgrib par mi 'gyur ro zhes bya ba'i don to/ /de bsam gtan bzhi po de dag gi gnas te/ bsam gtan dang mi mthun pa'i phyogs kyi chos rnams kyis kyang thul bar mi nus so/ /zhes bya ba ni byang chub sems dpa' de ting nge 'dzin gyis stobs dang lan ldan pas bsam gtan dang po la sogs pa bzhi po rnams kyis gnas la bsam gtan de dag gi mi mthun pa'i phyogs sgra ca co dang rtog dpyod dang dga' zhing mgu ba dang/ btang snyoms ma yin pa rnams kyis kyang bar du gcod par mi nus so/ /zhes bya ba'i don to/ /de la mnyam par gzhag pa'i gnas kyang mi gtong la zhes bya ba la sogs pa ni/ bsam gtan dang po la sogs pa'i mnyam par gzhag pa rnams la rgyun du sbyod kyang bsam gtan de dag gi dbang du gyur nas/ gzugs kyi khams 'ba' zhig tu yang mi skye ste/ smon lam gyi dbang gis/ sems can gyi don dus 'og ma rnams su yang bsam bzhin ni skye'o zhes bya ba'i don to/ /shes rab mi tshugs pa ni gang shes rab kyi stobs la rab tu zhugs pa ste/ de'i dbang du byas nas/ de la shes rab kyi stobs gang zhe na zhes bya ba la sogs pa gsungs so/ /'jig rten pa dang 'jig rten las 'das pa'i chos la mi mthun par shes pa zhes bya ba la/ 'jig rten pa'i chos ni rig pa'i gnas bzhi'o/ /bzo ba dang gtan tshigs dang sgra rig pa rnams so/ /'jig rten las 'das pa'i chos ni nang rig pa ste/ gsung rabs yan lag bcu gnyis so/ /mi thul bar shes rab kyi mi mthun pa'i phyogs rnams kyis sgrib cing par du gcod mi nus par 'jig rten dang 'jig rten las 'das pa'i chos rnams shes pa'o/ /chos de rnams la mi thul bar shes pa rgyas par bstan pa'i phyir/ tshe rabs tshe rabs su zhes bya ba la sogs pa gsungs te/ byang chub sems dpa' la mngon du 'gyur ro zhes bya ba yan chad ni 'jig rten pa'i chos la mi thul bar shes pa bstan to/ /gang yang 'jig rten las 'das pa zhes bya ba nas brtsams te/ rjes su rtogs te zhes bya ba yan chad ni 'jig rten las 'das pa'i chas la mi thul bar shes par bstan to/ /tshe rabs tshe rabs zhes bya ba ni lha dang mi'i gnas de dag tu bdag gi phung po skyes shing tshe blangs pa'o/ /de zhes bya ba ni byang chub sems dpa' de'o/ /bzo'i las ni dra ba dang bcom pa la sogs pa ste/ bzo rig pa rang gi ming gis bstan to/ /rig pa zhes smos pa ni rig pa'i gnas lhag ma gsum bstan to/ /sngags ni gzhan gyi dmag gi sde mnan pa dang/ sprul la sogs pa'i dug med par bya ba'i thabs so/ /stobs ni mtshon cha 'phangs pa dang/ glang po che 'degs pa la sogs pa'i rtsol lo/ /mngon du 'gyur ba ni shes par 'gyur ba'o /dam pa zhes bya ba ni las su bya ba dang/ shes par bya ba gtso bor gyur pa ste/ bya dka' ba ni sgrubs cing shes par bya ba dka' ba'o/ /bzod par dka' ba ni de dag bsgrub pa ni sdug bsngal nyams su blangs dka' ba'o/ /thob par dka' pa ni 'bras bu thob par bya dka' ba'o/ /'jig rten las 'das pa'i chos gang dang gang dag gi 'jig rten las 'das pa zhes bya ba ni 'phags pa'i lam gang gis mya ngan las 'das pa thob par 'gyur ba'i lam de de dag shes so zhes bya bar sbyar ro/ /bcas pa zhes bya ba'i sgras mi dang bdud la sogs pa yang bsdus pa yin no/ /mi rdzib ba ni de dag gi shes pas mi thob pa'o/ /stobs lnga mi zad pa bshad zin to// //dran pa shin tu 'brel ba dang/ rab tu shes pa shin tu 'brel pa dang/ brtson 'grus shin tu 'brel pa dang/ dga' ba shin tu 'brel pa dang/ bag yangs shin tu 'brel pa dang/ ting nge 'dzin shin tu 'brel pa dang/ btang snyoms shin tu 'brel pa bstan pa'i phyir/ btsun pa sha radwA ti'i bu gzhan yang byang chub sems dpa' rnams kyis byang chub kyi yan lag ces bya ba gsungs te/ 'di bsdus pa'i don mthong ba'i lam bstan par yang sbyar ro/ /byang chub kyi yan lag ces bya ba la byang chub ni zad la mi skye bar ye shes rnam par mi rtog pa'i rang bzhin la bya'o/ /dran pa la sogs pa bdun po 'di rnams ni byang chub de thob par byed pa'i rgyu 'am/ grogs yin pas na yan lag ces bya ste/ ji ltar yan lag yin bar ni phyis bshad do// de dag mi zad pa yang dran par bya ba la sogs pa'i chos rnams mi zad pa'i phyir mi zad pa'o/ /dran pa shin tu 'brel pa'i byang chub sems dpa' ni yang dag pa'i nges pa nyam 'og tu chud cing dran par yang dag pa'i byang chub kyi yan lag thob pa ste/ de'i dbang du byas nas/ de la dran pa yang dag pa byang chub kyi yan lag gang zhe na zhes bya ba gsungs so/ /dran pa shin tu 'brel pa la ji lta ba de bzhin/ btang snyoms shin tu 'brel pa'i bar du ci rigs par shes par bya ste/ 'dir yang bstan pa dang bshad pa'i tshul ni gong ma bzhin du lha'o/ /dran pa gang gis zhes bya ba ni chos rnams sems la gsal zhing ma rjed pa'i dran pa gang gis so/ /chos rnams rtogs par 'gyur ba zhes bya ba ni mdor bstan pa'i tshig ste/ lhag ma rnams ni bshad pa'i tshig go /dran pas rtog pa'i chos kyang rnam pa gsum ste chos kyi dbyings rtogs pa dang/ de'i lam rtog pa dang/ lam de ston pa'i gzhung rtog pa'o/ / chos rnams la so sor rtog pa zhes bya bas chos kyi dbyings rtog pa bstan te/ so sor gyi sgra phyin ci ma log pa'i sgrar 'gro bas chos rnams kyis chos kyi dbyings mngon sum du gyur pa'o/ /chos rnams la spyod pa dang zhes bya bas de'i lam rtogs pa bstan te/ chos kyi dbyings rtog par bya ba'i lam gang yin pa khong du chud pa'o/ /chos rnams la kun tu 'gro ba zhes bya bas lam de rton pa'i gzhung rtogs pa bstan te lam de ston pa'i gsung rab kyi chos rnams gang dang gang gis phyogs su rtogs pa sems rtogs shing gzhan la ston pa la yang nor pa med pa'i phyir ro/ /de yang bsams pa dang bsgom pa'i shes rab kyis te/ chos rnams la bsams pa dang zhes bya bas bsams pa'i shes rab bstan te/ chos rnams kyi de ni khong du chud pa'i phyir ro/ /chos rnams la rjes su rtog pa zhes bya bas bsgoms pa'i shes rab bstan te/ bsams pas rnyed pa'i chos la yang nas yang du bsgom pa'i phyir ro/ / de ni dran pa'i rab tu shes pa shin tu 'brel pa ni gang chos rnam par 'byed pa byang chub kyi yan lag la shin tu zhugs pa ste/ de'i dbang du byas nas/ chos rnam par 'byed pa byang chub kyi yan lag gang zhe na zhes bya ba la sogs pa gsungs so/ /rab tu rnam par 'byed pa shes pa ni rnam par 'byed pa shes pa'i de nyid kyi don gang yin pa bstan pa'i phyir gang dang gang/ ji lta ji lta bur zhes bya ba la sogs pa gsungs te/ chos gang dang gang/ gang gi cha dang phyogs su gtogs ba ji lta ji lta bur de'i zla dang phyogs su bslan cing/ dbye bar bya ba'i chos dang de dag la 'di ni phyogs su gtogs zhes bya ba la sogs pas gang dang gang gi zla la gtogs pa shes shing/ che cher so sor rnam par 'byed pa shes pa'o/ /brda dang rnam par nges pa ni tha snyad dang gtan la phab pa'i don la bya ste/ nges pa'i don nas rnam par nges pa'i bar gyi chos gang dang gang gsungs pa de dag kyang de dag so so'i sda tshan du gtogs par shes shing/ brtson 'grus shin tu 'brel ba ni brtson 'grus yang dag byang chub kyi yan lag la rab tu zhugs te/ de bstan pa'i dbang du byas nas/ de la brtson 'grus yang dag byang chub kyi yan lag gang zhes zhes bya ba la sogs pa gsungs so/ /'di zhes bya ba'i tshig gong du bstan pa chos rnam par 'byed pa la sogs pa bsnyegs so/ /rab tu 'dzin pa ni chos de dag sems la mi brjed par 'dzin pa'o/ /phyir zhes bya ba'i sgra thams cad dang sbyar ro/ /spro ba ni chos de dag bsgrub par 'dod pa'o/ /stobs ni le lo'i dbang du mi 'gyur ba'o/ /rtul ba ni nyon mongs pa gzhan gyis mi tshugs pa'o/ /phyir mi ldog pa ni dge ba bsgrub ba mi 'dor ba'o/ /'dun pa ni chos de dag la de bzhin du yid ches nas byed pa'o/ /mthu ni bdud la sogs pas mi zlogs pa'o/ /brtson 'grus mi gteng? pa ni bsgom pa rgyun du bya ba mi gtong ba'o/ /lam mngon par rtogs par bya ba ni 'phags pa'i lam gyi yan lag brgyad dang/ sa bcu'i lam rtogs par bya'o/ /phyir ni de dag gi don du 'am/ chod du'o/ /brtson pa 'di ni zhes bya ba ni 'bad pa 'di ni zhes pa'i tha tshig go dga' ba shin tu 'brel pa ni dga' ba yang dag byang chub kyi yan lag la rab tu zhugs pa ste/ de'i dbang du byas nas/ de la dga' ba yang dag byang chub kyi yan lag gang zhes bya ba la sogs pa gsungs so/ /de yang dga' ba ji lta bu gang gi gang bsgrubs shing/ /de'i mi mthun pa spangs pa ni dga' ba yang dag byang chub kyi yan lag ces bya'o/ /de la dga' ba ji lta bus ni/ dus gsum gyi chos thob par dga' ba'i dga' ba ste/ chos la rab tu dga' ba zhes bya ba la sogs pa tshig gsum gyis bstan to/ /de la 'das pa'i chos rnams la dmigs nas/ sems la mos pa skyed pa ni chos la dga' ba'o/ /ma 'ongs pa'i chos la dmigs nas/ sems la mos pa skyes pa ni chos la mos pa'o/ /da ltar gyi chos la dmigs nas/ sems la mos pa skyes pa ni chos la mchog tu dga' ba'o/ /dga' ba gang yin pa de nyid kyis rgyu byas nas sems zhum pa dang spros par gyur ba ste/ sems ma gong ba dang zhes bya ba la sogs pa tshig gnyis kyi stan to/ /sems ma gong ba ni mi nus so/ snyam du sems zhum zhing dga' ba srog shi bar ma gyur pa'o/ /dang cing 'dun pa ni dga' ba khyad par du 'phags pas skyes shing lhag par 'jug par sems mos pa'o/ /gang bsgrub pa ni dga' ba des lus dang sems ? rung ba/ bsgrubs pa ste/ de yang lus dang sems shin tu sbyangs par 'gyur ba zhes bya bas bstan to/ /lus las su rung ba ni gzugs kyi phung po rten du gyur pas nyon mongs pa skye ba'i rgyu mi byed cing/ nyon mongs pa skye ba dang rjes su mi mthun par gnas pa'o/ /sems las su rung ba ni zhum pa dang/ rgod pa'i dbang ma gyur la/ zhi gnas dang lhag mthong zung du 'brel pas de ni rtogs shing rtse gcig tu gnas par nus pa'o/ /de mi mthun pa'i phyogs spongs ba ni dga' ba'i mi mthun pa'i phyogs sam/ mthun pa'i lam la par du gcod pa'i mthun ba'i phyogs spong ba ste/ de la yang nyon mongs pa rnams sel pa zhes bya bas bstan to/ /shin tu sbyangs pa'i shin tu 'brel ba ni gang shin tu sbyangs ba yang dag byang chub kyi yan lag la rab tu zhugs pa ste/ de'i dbang du byas nas de la shin tu sbyangs pa yang dag byang chub kyi yan lag gang zhe na zhes bya ba la sogs pa gsungs so/ /de yang gang gi gang spangs nas/ dmigs pa'i yul la rtse gcig tu gnas par nus pa ni shin tu sbyangs pa yang dag byang chub kyi yan lag ces bya'o/ /gang gis spangs she na gang lus shin tu sbyangs pa zhes bya ba la sogs pa gsungs te/ gong du bshad ba'i lus dang sems las su rung bas spangs so/ /gang spangs pa ni nyon mongs pa la sogs pa la sogs pa spangs so/ /dmigs pa'i yul la rtse gcig tu gnas par nus pa ni zhi gnas la 'jug pa'i dmigs pa la sems rtse gcig tu 'jug par nus pa'o/ /zhi gnas kyis dmigs pa'i dmigs pa ni/ zhi gnas la dmigs pa'i dmigs pa zhes bya'o/ /ting nge 'dzin shin tu 'brel ba ni/ gang ting nge 'dzin yang dag byang chub kyi yan lag las rab tu zhugs pa ste/ de'i dbang du byas nas/ de la ting nge 'dzin yang dag byang chub kyi yan lag gang zhe na zhes bya ba la sogs pa gsungs so/ /de yang ting nge 'dzin gang gis de bzhin nyid kyi so sor rang gis rig cing de bzhin nyid mngon sum du byad pa ni ting nge 'dzin yang dag byang chub kyi yan lag ces bya'o/ /sems mnyam par bzhag pa zhes bya ba ni stong pa nyid la sems rtse gcig tu bzhag pas so/ /chos kyi ye shes mngon par 'tshang rgya'i zhes bya ba ni rnam par mi rtog pa'i ye shes so sor rang gis rig par 'gyur gyi zhes bya ba'i don to/ /mnyam par ma gzhag pas ni ma yin zhes bya bas ni sems spros pa dang/ bcas pas ni rang gis rig par mi nus so zhes bya ba'i don to/ /chos de dag mngon par 'tshang rgya'i zhes bya ba ni stong pa nyid mngon sum du 'gyur gyis zhes bya ba'i tha tshig ste/ tshig de dag ni so so'i skye bo'i dbang du byas nas gsungs ba'o/ /nyan thos la sogs pa'i dbang du byas nas lta ba dang zhes bya ba la sogs pa gsungs te/ nyon mongs pa 'dor ba tsam gyis ye shes rang gi rig cing chos kyi dbyings mngon sum du mi 'gyur gyi/ 'dus byas dang 'dus ma byas kyi chos thams cad du stong pa nyid du mnyam pa dang/ tha dad med pa shes nas de gnyis mngon par 'tshang rgya bar 'gyur ro/ /zhes pa'i don to/ /btang snyoms shin tu 'brel ba ni/ /gang btang snyoms yang dag byang chub kyi yan lag rab tu zhugs pa ste/ de'i dbang du byas nas/ de la btang snyoms yang dag ces bya ba la sogs pa gsungs so/ /sems yongs su mi gtugs pa zhes bya ba ni yid bde ba dang mi bde ba gang gis dbang du yang mi 'gyur zhing chags pa dang/ khong khro bas sems kun tu mi zin pa'o/ /'jig rten gyi chos rnams kyi mi 'phrogs zhes bya ba ni/ 'jig rten gyis chos brgyad kyi dbang du mi 'gyur ba dang/ rnyed pa la sogs pa dang ldan yang mtho bar mi sems/ ma rnyed pa la sogs ba dang ldan yang dma' bar mi sems pa'i phyir/ de dag gis mi sgul ba ni btang snyoms yang dag byang chub kyi yan lag ces bya'o/ /gnod pa med pa ni gnod pa byas kyang gnod par mi tshor ba'o/ /'phrogs pa med pa ni mi mthun pa'i phyogs kyi dbang du mi 'gyur ba'o/ /rjes su chags pa dang zhes 'gras pa med pa ni 'dod chags dang khong khro med pa'o/ /'phags pa'i bden pa'i lam dang mthun pa ni de ltar nyon mongs pa'i dbang du 'gyur pa ste/ btang snyoms pa las 'phags pa'i lam gyi yan lag 'grub pa'i phyir ro/ /'di dag byang chub kyi yan lag tu bzhag pa yang/ de la dran pa ni rten gyi yan lag ste/ dran pa nye bar gnas bar gyur na/ dge ba'i chos thams cad sems la gsal ba'i phyir ro/ /chos rnam par 'byed pa ni/ rang bzhin gyi yan lag ste/ de nyid byang chub kyi mtshan nyid yin pa'i phyir ro/ /brtson 'grus ni nges par 'byung ba'i yan lag ste/ des ji srid 'gro bar bya bar phyin par 'gro ba'i phyir ro/ /dga' ba ni phan yon gyi yan lag ste/ des rgyu la tshim par byed pa'i phyir ro/ /shin tu sbyangs pa dang ting nge 'dzin dang btang snyoms ni nyon mongs pa med pa'i yan lag 'o// de la shin tu sbyangs pa ni nyon mongs pa med pa ste/ des gnas ngan len spong bar byed pa'i phyir ro/ /ting nge 'dzin ni nyon mongs pa med pa ste/ de la gnas pa'i gnas gzhan du 'gyur ba'i phyir ro/ /btang snyoms ni nyon mongs pa med pa ste/ de'i dus na chags sems dang yid bde ba dang bral ba'i phyir ro/ /byang chub kyi yan lag mi zad pa bdun bshad zin to// //rnam par mi rtog ba dang/ /shin tu rtog pa dang dul ba dang zhi ba dang rab tu zhi ba dang shin tu byung ba dang/ dga' ba dang ldan pa dang mthu che ba dang/ bsdus pa'i rnal 'byor la spyod pa dang spros pa'i rnal 'byor las spyod pa bstan pa'i phyir/ btsun pa sha radwA ti'i bu gzhan yang byang chub sems dpa' rnams kyi lam mi zad ba ste/ zhes bya ba la sogs pa gsungs so/ /de dag las 'phags pa'i yan lag brgyad pas ni bsdus pa'i don bsgom pa'i lam bstan la/ zhi gnas dang ltag? mthong gis ni sbyor ba bstan par sbyar ro/ /de mi zad pa yang nges bsgrub par bya ba'i chos mi zad pa'i phyir/ bsgrub par byed pa'i lam rnams kyang mi zad pa'o/ /'dir yang bstan pa dang bshad pa'i tshul du rig par bya ste/ lam zhes bya ba ni zhes bya ba nas brtsams te/ yang dag pa'i ting nge 'dzin to zhes bya ba yan chad ni bstan ba'i tshul lo/ /lhag ma rnams ni bshad pa'i tshul lo/ /lam zhes bya ba ni 'phags pa'i lam yan lag brgyad pa ste zhes bya ba la/ 'phags pa rnams ye shes gang gis bla na med pa'i byang chub 'grub pa'i ye shes de la lam zhes bya'o/ /lta ba la sogs pa brgyad po de rnams lam gyi/ ye shes de'i grogs su gyur ba'i phyir ro/ /yan lag ces bya ste/ 'jig rten pa'i log par lta ba las bzlogs pas ni yang dag ba'o/ /rnam par mi rtog pa'i byang chub sems dpa' ni bsgoms pa'i lam na yang dag pa'i lta ba thob pa ste/ de'i dbang du byas nas yang dag pa'i lta ba gang zhe na zhes bya ba la sogs pa gsungs so/ /gang 'di 'phags pa 'jig rten las 'das ba zhes bya ba la/ zag pa med pa gnyis su med pa'i ye shes ni yang dag pa'i lta ba'o/ /de nyid de yin pa rgyas par bstan pa'i phyir/ /bdag tu lta ba las kun nas langs pa ma yin pas zhes bya ba la sogs pa gsungs te/ bdag tu lta ba las byung zhing skyes pa ma yin zhes bya ba'i don to/ /dge ba dang mi dge ba zhes bya ba la sogs pa la/ dge ba dang mi dge ba la sogs pa'i las dang las kyi 'bras bu yod par lta ba yang mchan mar lta ba yin 'jig rten las 'das pa'i yang dag pa'i lta ba ma yin te/ de dag yod par lta ba las kyang byung ba ma yin pa'o/ /'khor ba dang mya ngan las 'das pa zhes bya ba la sogs pa la/ ji tsam du mchan mar lta ba de thams cad las byung ba ma yin par ston te/ mya ngan las 'das pa la yang yod par lta na/ dngos por lta ba yin te yang dag pa'i lta bar mi 'gyur ro/ /shin tu rnam par rtog pa'i byang chub sems dpa' ni gang bsgoms pa'i lam na yang dag pa'i rtog pa thob pa ste/ de'i dbang du byas nas de la yang dag par rtog pa gang zhe na zhes bya ba la sogs pa gsungs so/ /de la mi rtog ces bya ba ni nyon mongs pa skye ba'i yul de dag la mi rtog pa 'am/ nyon mongs pa skye ba'i kun tu rtog pa mi skyed pa'o/ /dul ba'i byang chub sems dpa' ni gang bsgoms pa'i lam ni yang dag pa'i ngag gis bsdus pa 'phags pa dgyes pa'i tshul khrims thob pa ste/ de'i dbang du byas nas/ de la yang dag pa'i ngag gang zhe na zhes bya ba la sogs pa gsungs so/ /bdag la yang yongs su gdung zhes bya ba la sogs ba ni bdag dang zhan gyi sems la 'gyod pa skye bar mi 'gyur ro/ /kun nas nyon mongs par mi byed pa ni tshig des bdag dang gzhan 'dod chags kyis nyon mongs pa skye bar mi byed pa'o/ /mi gnod pa ni bdag dang gzhan gyi sems dang lus la sdug bsngal bskyed par mi byed pa'o/ /lam la legs par 'jug pa ni lam dang mthun pa'o/ /mnyam par gzhag pa la rtson pa'i dag de dang ldan zhes bya ba ni gong du mos pa lta bu'i tshul gyis bdag dang gzhan gnyis ga la yang mi gnod/ 'phags pa'i lam de thob par byed pa'i rgyur 'gyur ba'i ngag de ni 'khrug pa 'am/ ma snyoms pa med pas na/ mnyam bar bzhag ba zhes bya'o/ /zhi ba'i byang chub sems dpa' ni gang bsgoms pa'i lam na yang dag pa'i las kyi mdza' bsdus pa 'phags pa dgyes pa'i tshul khrims thob pa ste/ de'i dbang du byas nas/ de la yang dag pa'i las kyi mdza' gang zhe na zhes bya ba la sogs pa gsungs so/ /las gnag pa ni mi dge ba bcu'o/ /las dkar ba ni dge ba bcu'o/ /las dkar gnag ni dge ba bcu mi dge ba dang 'dres pa'o/ /las gang mi gnag mi dkar zhes bya ba la sogs pa ni/ zag pa med pa'i las 'khor ba'i rgyur mi 'gyur ba mngon par 'du byed do zhes bya ba'i don to/ /las la rton pas zhes bya ba ni/ de ltar zag pa med pa'i dbyings nyid du rtog kyang/ las kyi rnam par smin pa med par yang mi lta na zhes bya ba'i don to/ /rab tu zhi ba'i byang chub sems dpa' ni gang bsgom pa'i lam na yang dag pa'i 'tsho bas bsdus pa/ 'phags pa dgyes pa'i tshul khrims thob pa ste/ de'i dbang du byas nas/ de la yang dag pa'i rtsol ba gang zhe na zhes bya ba la sogs pa gsungs te/ gong du bshad zin pa rnams ni 'dir ma bshad do/ /dgang sla ba ni chos gos dang bsod snyoms ngan don gyi mgu ba'o/ /gso sla pa ni chung zad tsam gyi chog pa'o/ /cho ga bzang po'i ngang tshul can zhes bya ba ni spyod pa'i cho ga dang tshul khrims bcos pa ma yin gyi/ rang bzhin gyi shin tu dag pa'o/ /kha na ma tho ba med pa ni nyes pa phra mo yang med ba'o/ /'phags pas gnad pa ni gang du bshad pa lta bu'i 'tsho ba de 'phags pas gnad ba'i 'tsho ba yin no/ /rab tu 'byung ba'i byang chub sems dpa' ni gang bsgom pa'i lam na yang dag pa'i rtsol ba thob pa ste/ de'i dbang du byas nas/ de la yang dag pa'i tshol ba gang zhe na zhes bya ba la sogs pa gsungs so/ /rtsol ba gang yang dag par zhes bya ba la/ /rtsol ba gang byas shing brtsal na 'phags pa'i lam dang rjes su mthun zhing bden pa bzhi dang mthun pa la mya ngan las 'das par 'gro ba'i lam du gtod ba'i rtsol ba de'i rjes su 'gro ba de dang mthun par byed pa ni yang dag par rtsol ba zhes bya'o/ /dga' ba dang ldan pa'i byang chub sems dpa' ni gang bsgom pa'i lam na tshig dang don mi brjed pa thob pa ste/ de'i dbang du byas nas/ de la yang dag pa'i dran pa gang zhes zhes bya ba la sogs pa gsungs so/ /shin tu nye bar bzhag pa ni rtag tu rtse gcig tu bzhag pa'o/ /mi sgul ba ni mi mthun pa'i phyogs kyis bskyed pa mi nus pa'o/ /dran pa ni gang yang dag par lta ba dang mthun pas so/ /gya gyu med pa ni log pa'i lta ba spangs pa'o/ /lo bar ba'i skyon gyis nyes dmigs la lta ba ni nyon mongs pa rga shi la sogs pa la rtog pa'o/ /'dren pa ni mya ngan las 'das pa'i lam la 'jug pa'o/ /dran pa ni bshad pa'i chos kyi tshig ma brjed pa'o/ /gzhungs pa ni bshad pa'i tshig gi don ma brjed pa'o/ /'phags pa'i lam zhes bya ba ni bsgrubs pa'i chos ma brjod pa bstan pa'o/ /mthu che ba'i byang chub sems dpa' ni gang bsgom pa'i lam na bsams pa'i don rdzogs par thob pa ste/ de'i dbang du byas nas de la yang dag pa'i ting nge 'dzin gang zhe na zhes bya ba la sogs pa gsungs so/ / yang dag pa nyid du mnyam ba dang chos thams cad kyis mnyam pa zhes bya ba ni don dam par chos thams cad la tha dad pa med de/ stong pa nyid du ro gcig cing mnyam par sems rtse gcig tu 'jog pa ni yang dag pa'i ting nge 'dzin ces bya'o/ /don de nyid bstan pa'i phyir ting nge 'dzin gang la gnas pas zhes bya ba la sogs pa gsungs te/ sems can thams cad ces bya ba dang nyon mongs pa'i sgrib pa las rab tu thar bar bya ba'i phyir de kho na ye nas dag pas mi 'gyur ba la rtse gcig tu 'jog pa ni yang dag pa'i ting nge 'dzin to/ /nges par gyur pa las 'jug pa ni don dam pa'i ting nge 'dzin la 'jug pa'o/ /de la yang dag pa'i lta ba ni yongs su gcod pa'i yan lag ste/ des ji ltar myong ba'i de kho na nyid gcod par byed pa'i phyir ro/ /yang dag pa'i rtogs pa ni gzhan go bar byed pa'i yan lag ste/ des ji ltar khong du chud pa sems la brtags nas tshig tu smra ba'i phyir ro/ / yang dag pa'i dag dang/ las dang 'tsho ba gsum ni gzhan yid ches par byed pa'i yan lag ste/ de dag gis rim pa bzhin du lta ba la sogs pa rnam par dag par de la yid ches pas so/ /de la yang dag pa'i dag gis ji lta khong du chud pa dris pa la lung bstan pa'i sgo nas 'di'i lta ba rnam par ga go zhes gzhan yid ches par 'gyur ro/ /yang dag pa'i las kyi mdza' ni ma bya ba mi byed pa dang/ 'ong ba? dang ldog pa la sogs pa ni/ spyod pa phun sum tshogs pas tshul khrims rnam par dag par yid ches so/ /yang dag pa'i 'tsho bas chos gos la sogs pa chos bzhin du tshol ba'i phyir/ 'tsho ba rnam par dag par yid ches so/ /yang dag pa'i rtsol ba ni nyon mongs pa'i sgrib pa sbyangs pa'i yan lag ste/ des kun tu sbyor ba ma lus pa spong bar byed pa'i phyir ro/ /yang dag pa'i dran pa ni nye ba'i nyon mongs pa spyong ba'i yan lag ste/ des zhi gnas dang lhag mthong gi mtshan mi brjed pas zhum pa dang/ rgod pa'i nyon mongs pa skye ba'i skabs med pa'i phyir ro/ /ting nge 'dzin ni yon tan khyad par can thob pa la sgrib pa sbyong ba'i yan lag ste/ des sgrib ba sbyangs nas mngon par shes pa la sogs pa'i yon tan sgrub par byed pa'i phyir ro/ /'phags pa'i lam yan lag brgyad pa ma zad pa bshad zin to// //bsdus pa'i rnal 'byor spyod pa dang/ spros pa'i rnal 'byor sgya spyod pa bstan pa'i phyir/ btsun pa sha radwA ti'i bu gzhan yang byang chub sems dpa' rnams kyi zhi gnas dang lhag mthong yang mi zad pa yin te zhes bya ba la sogs pa gsungs so/ /de gnyis mi zad pa yang de gnyis rtse gcig tu bzhag pa'i chos dang/ rtog par bya ba'i chos mi zad pas ma/ de la rtse gcig tu 'jog par byed pa dang/ rtog par byed pa yang mi zad pa'o/ /bsdus pa'i rnal 'byor la zhugs pa'i byang chub sems dpa' ni gang sbyor ba dang mthong ba dang bsgom pa'i lam na zhi gnas la rab tu sbyor ba ste/ de'i dbang du byas nas/ de la zhi gnas mi zad pa gang zhe na zhes bya ba la sogs pa gsungs so/ /zhi gnas mi zad pa yang zhi gnas kyi tshogs mi zad pa dang/ zhi gnas nyid mi zad pa ste/ rnam pa gnyis rig par bya'o/ /de la gang sems zhi ba dang zhes bya ba nas brtsams te/ btang snyoms bsgom zhes bya ba yan chad ni zhi gnas kyi tshogs so/ /bsam gtan dang po zhes bya ba nas brtsams te/ dgu po 'di dag ni zhi gnas zhes bya'o zhes bya ba yan chad kyis zhi gnas nyid bstan to/ /zhi gnas kyi tshogs la rnam pa gnyis te/ gtso bor gyur pa ma yin pa'i tshogs dang/ gtso bor tshogs so/ /gtso bor gyur pa ma yin pa'i tshogs kyi dbang du byas nas/ sems zhi ba dang zhes bya ba la sogs pa gsungs so/ nang du sems rnam par rtog pa mi mang ba ni sems zhi ba'o/ /phyi rol gyi yul rnams la rtog par mi dga' ba ni rab tu zhi ba'o/ /phyi nang gnyis la rtog pa med pa 'am/ gnyid dang rmugs ba? med pa ni nye bar zhi ba'o/ /nang du sems rnam par rtog pa mi mang ba ste zhi bas na/ rnam par mi g.yangs pa'o/ /phyi rol tu rtogs pa med de rab tu zhi bas na/ dbang po legs par bsdams pa'o/ /phyi nang gnyis gar rtog pa med pas ni mi rgod pa dang mi 'phyar ba'o/ /rgyal po dang rkun po la sogs pa'i gtam mang po la mi 'jug pas na mu tshor mi smra ba'o/ /nyon mongs pa'i dbang du mi 'gyur bas na yab yab po ma yin pa'o/ /ting nge 'dzin gyis mi mthun pa'i phyogs kyis bskyed par mi nus pas na mi 'gyur ba'o/ /gzhan gyi rjes su 'jug cing zhe sdang ba'i sems med pas na zhi nges so/ /mig la sogs pa dbang po'i yul la mi 'jug par sdom pas na/ bsrungs pa'o/ /nyon mongs pa spong ba'i lam la zhugs pas na cang shes pa'o/ /gnyid dang rmugs pa med pas na las su rung ba'o/ /dmigs pa'i yul las sems gzhan du mi 'gro bas na rtse gcig pa'o/ /gcig phur gnas par mos pa na mos pa'o/ /'gro ba mang po dang lhan cig mi gnas pas na 'du 'dzi yongs su spong ba'o/ /sems rtse gcig pa la mos pa'i phyir dben par dga' ba'o/ /gcig pu dga' zhing 'du 'dzi spong bas na lus/ dben pa'o/ /nyon mongs pa sems dkrug pa med pas na sems ma bslad pa'o/ /ri dang brag phug la sogs par gnas par sems mngon par 'du byed pas na dgon par mngon du phyogs par yid la byed pa'o/ /chos gos dang lhung bzed la sogs pa nyi che tsam 'chad pas na 'dod pa nyung ba'o/ /de las lhag par mi 'dod pas na 'dod pa med pa'o/ /ngan pas chog par 'dzin pas na 'dod chen med pa'o/ /bzang po mi tshol bas chog shes pa'o/ /log ba'i 'tsho ba med pas na 'tsho ba yongs su dag pa'o/ /tshul khrims rnam par dag pas na cho ga phun sum tshogs pa'o/ /spyod lam thams cad du nyon mongs pa mi skye zhing spyod lam mdzes pas spyod lam bsrungs pa'o/ /dus dang tshod dang dus min shes pa ni sngar bshad pa bzhin du blta'o/ /kha zas mang du yang mi za nyung du yang mi za ste/ ran par byed pas na ran drod shes pa'o/ /cung zad tsam gyis chog shes par 'dzin pas dgang sla ba dang/ gso sla ba'o// so sor brtags pa'i stobs kyis mi mtho mi dma' zhes bya ba ni/ ting nge 'dzin dang ldan pas shes rab kyi mthus/ chos rnams ji yang ma yin par rtogs pa'i phyir bstod pa la sogs pas mdza' ? bar yang mi 'gyur/ smad pa la sogs pas dma' bar yang mi 'gyur ba'o/ /ngan du brjod pa ni sngon 'das pa'i dus su'o/ /ngan du smras pa ni da ltar gyi dus nyid na'o/ /gtso bo'i tshogs bstan pa'i phyir/ rnal 'byor la mngon du phyogs pa'i sems bskyed pa zhes bya ba la sogs pa gsungs so/ /zhi gnas dang lhag mthong bsgom pa'i sems bskyed pa ni rnal 'byor la mngon du mchog pa'i sems bskyed pa'o/ /yang dag 'jog la mngon par dga' zhes bya ba ni de nyid kyi ting nge 'dzin bsgoms pa la mos pa'o/ /bsam gtan gyi yan lag yid la byed pa dang zhes bya ba ni bsam gtan la sogs pa'i yan lag rtog dpyod dang bcas pa dang/ rtog dpyod med pa la sogs pa bsgom pa snga nas yid la byed cing rtsom pa'o/ /byams pa bskyed pa dang/ snying rje mngon par sgrub pa zhes bya bas ni ting nge 'dzin gyi rtsa bar gyur pa tshad med pa gnyis snga nas skyed cing bsgrub par byed pa'o/ /dga' ba la gzhog ces bya ba la sogs pa ni ting nge 'dzin mi 'khrug par byed pa dga' ba tshad med pa la sems gzhog cing btang snyoms tshad med pa bsgoms la/ de gnyis kyi sems dang rtag par ldan par byed pa'o/ /zhi gnas brtan pa'i phyir/ bsam gtan dang po dang zhes bya ba la sogs pa gsungs te/ mthar gyis snyoms par 'jug pa 'di dag gi don sngar bshad par zad do/ /zhi gnas kyi tshogs ni tshad med pa ste/ zhes bya ba la sogs pa ni/ zhi gnas bsgom pa'i rgyu'i chos nam mkha' dang 'dra bar tshad med de/ zhi gnas kyi tshogs de dag la gang brtson pa rnams kyang zhi gnas tshad med par skye bar rgyur bas na/ zhi gnas mi zad pa zhes bya'o zhes gsungs so/ /smos pa'i rnal 'byor la zhugs pa'i byang chub sems dpa' ni/ gang lam de dag nyid na lhag mthong la rab tu sbyor ba ste/ de'i dbang du byas nas/ de la byang chub sems dpa' rnams kyi lhag mthong mi zad pa gang zhe na zhes bya ba la sogs pa gsungs so/ /gang shes rab kyi cha dang mthun par bsgoms pa'i lam zhes bya ba la/ lhag mthong ni shes rab kyi rang bzhin yin pas/ shes rab kyi cha dang phyogs su gtogs pa'i chos la goms par byed pa thams cad lhag mthong zhes bya'o/ /chos rnams la g.yo ba med par shes pa ni/ chos thams cad la byed pa po med par shes pa ste/ gong du bshad pa rnams ni 'dir ma bshad do/ /bden pa rnams la shin tu rtogs par mthong ba'i shes pa zhes bya ba ni sdug bsngal dang kun 'byung ba dang/ 'gog pa dang lam gyi bden pa rnams la/ bden pa so so'i mtshan nyid gang yin pa phyin ci ma log par rtogs shing mthong ba ni/ shin tu rtog par mthong ba'i shes pa zhes bya'o/ /rten cing 'bral bar 'byung ba zhes bya ba la/ chos thams cad rgyu dang rkyen las skye bar mthong ba ni rten cing 'brel bar 'byung ba dang mi 'gal bar mthong ba'i shes pa'o/ /lta ba thams cad dang zhes bya ba la/ chos thams cad rtag pa dang/ chad pa dang/ bdag dang/ sems can med par mthong ba ni lta ba thams cad dang bral bar mthong ba'i shes pa zhes bya'o/ /rgyu dang 'bras bu zhes bya ba la/ rgyu gang bskrun na 'bras bu de bzhin du skye bar 'gyur ba dang las gang byas na rnam par smin pa de bzhin du myong bar 'gyur ba mthong ba ni/ rgyu dang 'bras bu dang rnam par smin pa chung mi za bar mthong ba'i shes pa'o/ /'bras bu 'thob pa zhes bya ba la/ bsod nams dang ye shes kyi tshogs bsags pa'i 'bras bu mi gnas pa'i mya ngan las 'das pa mngon du byed cing khong du chud do zhes mthong ba ni/ 'bras bu 'thob mngon sum du bya ba la rtog par mthong ba'i shes pa'o/ /yang dag pa nyid la 'jug pa ni ye shes te/ ye shes kyis stong pa nyid rtogs zhes mthong ba ni/ yang dag pa nyid la 'jug pa mthong ba'i shes pa zhes bya'o/ /lhag mthong gi rnam grangs gzhan yang bstan pa'i phyir/ lhag mthong zhes bya ba ni chos rnams yang dag par mthong ba'o zhes bya ba la sogs pa gsungs te/ gang zag dang chos la bdag med pa'i mtshan nyid du chos thams cad la phyin ci ma log par mthong ba ni lhag mthong ngo/ /chos rnams la ji lta ba bzhin du zhes bya ba la/ kun rdzob tu chos thams cad sgyu ma dang/ rmig rgyu tsam du ji ltar snang ba de bzhin du yod par mthong ba'o/ / chos rnams de kho na nyid du mthong zhes bya ba ni phung po la sogs pa'i chos rnams nam mkha' bzhin du 'gyur ba med pa'i rang bzhin du mthong ba'o/ /chos rnams gzhan ma yin pa nyid du mthong zhes bya ba ni stong pa 'ba' zhig ste kho na yin gyi/ de las de kho na gzhan med par mthong ba'o/ /ji lta ba bzhin dang rnam par dang/ dben par mthong zhes bya ba ni/ chos thams cad rang bzhin gyi 'od gsal ba yin pa dang/ gzung ba dang 'dzin pa'i rnam pas stong pa yin par mthong ba'o/ /rnam grangs gzhan yang bstan pa'i phyir/ lhag mthong zhes bya ba ni zhes bya ba la sogs pa gsungs so/ /yod pa'i rnam pa yang mi mthong zhes bya ba ni yod pa'i rang bzhin dang ni ngo bor yang mi mthong ba'o/ /med pa'i rnam par yang mi mthong zhes bya ba ni med pa'i rang bzhin dang ngo bor yang mi mthong ba'o/ /dmigs pa dang mtshan ma zhes bya ba la/ gzugs dang sgra la sogs pa'i dmigs pa dang dkar po dang dmar po la sogs pa'i mtshan ma'i rang bzhin yin par yang mi mthong ba'o/ /de mthong mod kyi ci yang mi mthong ngo zhes bya ba ni/ lhag mthong dang ldan pa'i byang chub sems dpa' de gong du ming gis smos pa'i chos rnams mi dmigs pa'i tshul du mthong mod kyi dmigs pa dang yod pa'i rnam pa rdul tsam yang mi mthong ngo zhes bya ba'i don to/ /gang gi tshe mthong ba med pa de'i che mthong ste zhes bya ba ni/ de ltar ci yang mi dmigs te/ don dam par ci yang ma mthong ba de ni/ chos nyid mthong zhing rtogs so zhes bya ba'i don to/ /lhag mthong gis kyang mthong ba ma yin/ ma mthong ba yang ma yin par mthong zhes bya ba ni nam stong par mthong ba'i dus na dngos po rdul tsam yang ma mthong bas mthong ba yang ma yin/ de kho na mthong bas na ma mthong ba yang ma yin pa 'am/ don dam par dngos po gang yang ma mthong bas na mthong ba yang ma yin la kun rdzob du btags pa tsam du mthong bas yang ma mthong ba ma yin pa'o/ /yang dag pa nyid ces bya ba ni chos rnams kyi mtshan nyid phyin ci ma log pa nyid ces bya ba'i don to/ /lhag mthong la mkhas pa thob par 'gyur ro zhes bya ba ni chos rnams kyi mtshan nyid la mkhas pa'i lhag mthong thob par 'gyur ro/ /de ltar mthong yang mngon par 'du mi byed par mi ltung zhes bya ba ni/ don dam par gong du bshad pa lta bur chos rnams mi dmigs par mthong yang stong pa nyid kyi mthar yang mi ltung zhes bya ba'i don to/ /dge ba'i rtsa ba mngon par 'du byed pa las kyang mi ldang zhes bya ba ni kun rdzob du las dang 'bras bu yod par lta bas bsod nams dang ye shes kyi tshogs mngon par 'du byed pa yang mi gtong ngo zhes bya ba'i don to/ /zhi gnas dang lhag mthong mi zad pa bshad zin to/ / //so sor rten pa'i byang chub sems dpa' bstan pa'i phyir/ btsun pa sha radwA ti'i bu gzhan yang zhes bya ba la sogs pa gsungs te/ 'di gnyis kyis bsdus pa'i don lung bstan pa thob par bstan to/ /gzungs dang spobs pa gnyis mi zad par yang gzungs kyi dran par bya ba'i chos rnams dang spobs pa rtogs par bya zhing bshad bar bya ba'i chos rnams mi zad pas na dran par byed pa dang/ 'chad par byed pa yang mi zad pa'o/ /so sor rten pa'i byang chub sems dpa' yang rnam pa gnyis te/ thos pa mi brjed pa dang/ thos pa 'dod pa'o/ /thos pa mi brjed pa gang zhe na/ gang gsungs pa so sor thob pa ste/ de'i dbang du byas nas/ de la gzungs ni mi brjed pa gang zhe na zhes bya ba la sogs pa gsungs so/ /de yang gang gis mi brjed pa dang/ gang mi brjed pa dang/ mi brjed pa nyams pa med pa'o/ /de la gang gis mi brjed pa ni dge ba'i rtsa ba'i tshogs bsags pa'i dran pa zhes bya ba nas bstan to/ /gang mi brjed pa ni chos kyi phung po brgyad khri bzhi stong zhes bya ba nas/ 'di ni gzungs zhes bya'o zhes bya ba'i bar gyis bstan to/ /mi brjed pa nyams par mi 'gyur ba ni gang gi tshe bskal ba gzhan gyi rjes zhes bya ba nas brtsams te skyu ru ra'i 'bru 'dug pa bzhin du mthong zhes bya ba yan chad kyi bstan to/ /sngon dge ba'i rtsa ba'i tshogs bsags pa'i dran pa zhes bya ba ni tshe rabs snga ma'i dus nas bsod nams dang ye shes kyi tshogs bsags pa'i rgyu las byung ba'i dran pas so/ 'dzin pa ni yi ge rnams so/ /kun 'dzin pa ni don rnams so/ /mi brjed pa ni phyis kyang yi ge mi brjed par byed pa'o/ /dran pas yang dag par 'dzin pa ni phyis kyang mi brjed par byed pa ste/ de dag gi ni gzungs kyi gsungs rab 'jig rten du bshad de bzhag pa rnams mi brjed par byed pa bstan to/ /sangs rgyas thams cad kyis gsungs pa zhes bya ba la sogs pa ni 'phral du gsungs pa'i don dang/ tshig mi brjed par byad pa bstan to/ /chung za bar mi 'gyur ba ni chos dang don dran pa'i ye shes de med par mi 'gyur ba'o/ /brjed par yang mi 'gyur ba ni kha cig dran pa kha cig mi dran te/ dran pa dri ma can du ma gyur ba'o/ /'phags pa shes rab kyi mig gis zhes bya ba ni zag pa med pa'i ye shes kyi mig dang 'dra bas zhes bya ba'i don to/ ma thob pa 'dod pa gang zhe na/ gang spobs pa so sor thob pha ste/ de'i dbang du byas nas/ de la spobs pa mi zad pa gang zhe na zhes bya ba la sogs pa gsungs so/ /gang la yang brten mi dgos par bstan pas thogs pa med pa'i spobs pa'o/ / bskal pa 'am de las lhag par yang ston bas na rgyun 'chad med par spobs pa'o/ /bdud dang mu stegs can la sogs pas zil gyis mi non cing rnams kyang nyams par 'gyur ba med pas na mi 'phrogs pa'i spobs pa'o/ /chos dang don de mi brjed pas na ma rmongs pa'i spobs pa'o/ /dis pa rnams la len glon pas na myur ba'i spobs pa'o/ /gang dang gang bstan pa rnams kyis sems kyi dbang po la dga' ba skyed par byed pas na dga' ba'i spobs pa'o/ / gzhan dag zil gyis gnon par byed pas na la gong du spobs pa'o/ /ji ltar khas blangs pa las bsgyur te/ gzhan du 'chad par byad pas na mi 'gyur ba'i spobs pa'o/ /chos kyi don myur du rtogs pas na rno ba'i spobs pa'o zab mo'i don rtogs par byed pas na mgyogs pa'i spobs pa ste/ 'di ni byang chub sems dpa' i spobs pa'i mtshan nyid do/ /de'i zhes bya ba ni byang chub sems dpa' de'i bo/ de zhes bya ba ni gong du bshad pa'i spobs pa de'o/ / las kyi rnam par smin pas yongs su sbyangs pa zhes bya ba ni lus dang/ ngag dang yid kyi las yongs su dag pas de'i shes rab kyi rang bzhin spobs pa de yang yongs su dag ces bya ba'i don to/ /sangs rgyas kyis byin gyis brlabs pa zhes bya ba ni sangs rgyas kyi mthus bstad dam? pa zhes bya ba'i don to/ /lha rnams kyis yongs su bzung ba zhes bya ba ni dris pa'i lan gdab pa dang bshad pa la sogs pa rdzogs shing ma lus par ston pa 'am/ zur chag cing nyams pa med par ston nus pa'o/ /'bras bu yod par chos ston pa zhes bya ba ni don gang dang gang gi phyir/ chos bstan pa'i don de dag de bzhin du yod par 'gyur ba'o/ /mya ngan las 'das pa'i lam du 'gro zhes bya ba ni spobs pas chos bshad pa rnams/ mya ngan las 'das pa thob par byed pa'i lam dang mthun pa 'gyur ba'o/ /de zhes bya ba ni spobs pa rnam par dag pa dang ldan pa'i byang chub sems dpa' de'o/ /de ltar spobs pa phun sum tshogs pa yin no zhes bya ba ni gong du bshad pa lta bur na/ spobs pa mthar phyin pa yin zhes bya ba'i don to/ /gzugs su snang ba ji snyed pa zhes bya ba ni gzugs su snang ba'i chos ji snyed pa rnams mi rtags pa la sogs par sun 'byin pa dang/ chos de dag mtshan nyid tshigs su bcad de sbyar te bstan par nus pa'i shes rab kyang de snyed do zhes bya ba'i don to/ /de bzhin du sgra la yang sbyar ro/ /de dang der zhes bya ba ni 'khor de dang de dag tu'o/ /de'i lhun gyis sgrub pa nyid du zhes bya ba ni/ byang chub sems dpa' de'i spobs ba rtsol ba dang 'bad pa med par zhes bya ba'i don to/ /dad pa ni de dag ji ltar 'dod pa'o/ /dbang po rnams ni dbang po rnon po dang/ 'bring dang tha ma rnams so/ /chos spobs par 'gyur te/ zhes bya ba ni dad pa dang/ dbang po dang mthun mthun chos ston par byed ces bya ba'i don to/ /de 'dod na tshe gzhan nam zhes bya ba la sogs pa ni bzhi spobs pa mi zad pa dang ldan pa'i byang chub sems dpa' de gal te bdag nyid 'dod na tshe du ma dang/ bskal pa du ma 'das kyi bar du yang 'dug pa'i spyod lam las mi ldang zhing bsam mi dgos par chos ston to/ /zhes bya ba'i don to/ /de'i chos bstan pa nges kyang zhes bya ba la sogs pa la/ byang chub sems dpa' de'i spobs pas chos bstan pa des kyang sems can rnams sdug bsngal yang dag par zad par bya ba'i phyir/ nges par 'byung bar 'gyur te/ de bzhin bu sdug bsngal yang dag par/ zad par byed nus so zhes bya ba'i don to/ /gzungs dang spobs ba mi zad pa bshad zin to// //ston pa'i byang chub sems dpa' ni 'du byed thams cad kyi mtshan nyid shes pa dang zag pa dang bcas pa thams cad kyi mtshan nyid shes pa dang/ chos thams cad kyi mtshan nyid shes pa dang/ /zhi ba'i nga rgyal med pa ste/ de'i dbang du byas nas/ btsun pa sha radwA ti'i bu gzhan yang byang chub sems dpa' rnams kyis chos kyi mdo bzhi mi zad pa ste zhes bya ba la sogs pa gsungs te/ de dag gi bsdus pa'i don de thob pa rnam par gzhag pa bstan to/ /chos kyi mdo zhes bya ba ni 'dus byas dang 'dus nga ma byas kyi chos rnams mi rtag pa la sogs pa 'di bzhir 'dor bsdus te bstan pa'i phyir/ chos kyi mdo zhes bya'o/ /mi zad pa ni des bsdu bar bya ba'i 'dus byas dang 'dus ma byas kyi chos zad mi shes pas ma mi zad pa zhes bya'o/ 'dir yang bstan pa dang bshad pa'i tshul du rig par bya ste/ bzhi gang zhe na 'di lta ste zhes bya ba nas brtsams te/ mi zad pa'i shes pa rab tu 'jug pa'o zhes bya ba yan chad ni bstan pa'i tshul lo/ / / de man chad lhag ma rnams ni bshad pa'i tshul la/ /'dus byas thams cad mi rtag par byang chub sems dpa' rnams kyis bstan pa mi zad pa'i shes pa rab tu 'jug pa zhes bya ba ni/ 'du byed thams cad mi rtag pa'o zhes byang chub sems dpa' rnams kyis bstan pa'i shes pa 'byung ba ste/ mi zad pa yin no zhes bya ba'i don to/ /de mi zad pa yang 'du byed kyi chos rnams mi zad pa'i phyir/ /de bstan pa 'am shes pa yang mi zad pa ste/ de bzhin du sdug bsngal la sogs pa 'og ma rnams la yang sbyar ro/ /'du byed thams cad kyi mtshan nyid shes pa bstan pa'i dbang du byas nas/ de la mi rtag pa'i don gang zhe na zhes bya ba la sogs pa gsungs so/ /mi rtag pa'i don yang rnams pa gnyis te/ /med pa'i don dang/ /'jig pa'i don to/ /'dir ni chos thams cad stong pa yin par dgongs pas med pa'i don la mi rtag pa'i don du dgongs kyis 'jig pa'i don du ni ma yin te/ de bas na med pa'i don dang mi chags pa'i don to/ /dngos po rnam par 'jig pa'i don ni ma yin no zhes gsungs so/ /de la med pa'i don ni don dam par gzung ba dang 'dzin pa kun btags kyi chos gang/ yang rtag tu yod pa ma yin pa'i phyir med pa ste de ni mi rtag pa'i don to/ /mi chags pa'i don ni bdag dang bdag gi zhes bya ba la sogs pa chags par gyur pa'i dngos po gang yang med pa'i mi chags pa ste/ de ni mi rtag pa'i don to/ /de bas na dngos po 'jig pa'i don ni ma yin no/ zhes dngos su gsungs te/ 'jig rten pa'i mi rtag pa grags pa dang/ /dngos po yod pa las zhig ste med par gyur pa las mi rtag ces bya ba ma yin gyi/ ye nas rang bzhin gyis rtag par med pa la mi rtag pa zhes bya'o/ /don de nyid gang yin pa bstan pa'i phyir/ mi rtag pa'i don ni chos la bdag med ces bya ba la sogs pa gsungs te/ phung po dang khams la sogs pa'i chos rnams la ngo bo med pa nyid mi rtag pa'i don to/ /chos la bdag med pa de rtag tu bzung ba dang 'dzin pa'i ngo bo nyid kyis dben pa'i phyir stong pa de la 'jig pa gang yang med de/ gang 'jig pa med cing rtag tu stong pa de ni mi rtag pa'i don to/ /zag pa dang bcas pa thams cad kyi mtshan nyid shes pa bstan pa'i dbang du byas nas de la sdug bsngal gyi don gang zhe na zhes bya ba la sogs pa gsungs so/ /sdug bsngal gyi don kyang rnam pa lnga ste/ dga' ba las bzlogs pa'i don dang/ dga' ba dang bral ba'i don dang/ dga' ba'i yul ma yin pa'i don dang/ sgra tsam du zad pa'i don dang/ rang bzhin gyi stong pa'i don to/ /de la dga' ba med pa'i don ni sdug bsngal gyi don to zhes bya bas dga' ba las bzlog pa'i don rnam par bstan te/ sdug bsngal ni dga' ba las bzlog pa ste/ gang dga' ba 'am chags par 'gyur ba'i dngos po med cing de las bzlog pa'i don ni sdug bsngal gyi don to/ /dga' ba zad pa'i don ni sdug bsngal gyi don to zhes bya bas dga' ba dang bral ba'i don bstan te/ dga' ba'i yul dang bral ba na sdug bsngal skye ba dga' ba dang chags pa rnams dang bral ba'i don ni sdug bsngal gyi don to/ /smon pa med pa'i don ni sdug bsngal gyi don to zhes bya ba dga' ba'i yul ma yin pa'i don bstan te/ zag pa dang bcas pa'i chos thams cad ni sdug bsngal rnam pa sna tshogs skye ba'i rgyu dang gzhi yin pas de la smon cing dga' bar bya ba'i yul ma yin te/ de ni sdug bsngal gyi don to/ /sdug bsngal gyi sgra rab tu bstan zhes bya bas sgra tsam du zad pa'i don te/ /sdug bsngal zhe'o/ /zhes bya ba'i sgras brjod pa nyid sdug bsngal du zad kyi sdug bsngal gyi dngos po gang yang med do zhes bya ba'i don to/ /nam mkha' rab tu brjod pa'i don ni zhes bya bas rang bzhin gyis stong ba'o don bstan te/ gang stong pa de nyid sdug bsngal ba ste/ nam mkha' bzhin du stong par brjod pa'i don nyid sdug bsngal ba'i don to/ /chos thams cad kyi mtshan shes pa'i dbang du byas nas/ de la bdag med pa'i don gang zhe na/ zhes bya ba la sogs pa gsungs so/ /bdag ni shin tu bdag med pa ste/ zhes bya ba la bdag rnam pa gnyis te/ gzhan gyis brtags pa dang/ gzung ba dang/ 'dzin par snang ba'o/ /bdag de gnyis la bdag gi dngos po med pas na/ /bdag med pa'o/ /gang bdag med pa'i don de ni zhes bya ba ni bdag rnam pa gnyis med de stong pa'i don de ni gsob po zhes bya ba la sogs par sbyar ro/ /snying po rang bzhin med pa'i phyir gsob po/ /shes rab kyi mig gis brtags mi bzod pa'i phyir gsog go /snang ba tsam yang rgyu rkyen la bltos pa'i phyir yang ma rla 'o/ /ji ltar snang ba kun yang stong pa yin pa'i phyir stong pa'o/ /stong pa'i don ni bdag med pa'i don zhes bya ba la/ de bas na bdag dang chos gnyis kyis stong pa'i don gang yin pa de nyid bdag med pa'i don to/ /zhi ba'i nga rgyal med par bstan pa'i dbang du byas nas/ de la zhi ba'i don gang zhe na zhes bya ba la sogs pa gsungs so/ /zhi ba ni zhi bas zhi bar mi 'gyur te/ zhi ba nyid zhi ba'o zhes bya ba la/ zhi ba zhes bya ba ni stong pa 'am/ mya ngan las 'das pa la bya ste/ stong pa 'am mya ngan las 'das pa'i de'i rang bzhin zhi bar rtog ba'i ye shes kyi zhi ba dang stong par byas pa ni ma yin gyi/ ngo bo nyid kyis ye nas zhi zhing stong pa'o zhes bya ba'i don to/ /ma zhi ba zhi bar mi 'gyur zhes bya ba ni 'khor ba'i chos 'dus byas kyi dngos po de dag kyang ye shes kyis zhi ba dang stong par rtogs nas zhi zhing med par byas pa ni ma yin gyis/ de dag kyang ye nas ngo bo nyid kyis ma skyes shing zhi ba'o zhes bya ba'i don to/ /zhi ba'o zhes bya ba'i sgra'i don bstan pa'i phyir/ gang zhi ba'i de ni mtshan ma thams cad nye bar zhi ba zhes gsungs te/ las dang nyon mongs pa dang gzung ba dang 'dzin pa'i mtshan ma thams cad zhi ste med pa de ni zhi ba zhes bya'o/ /zhi ba dngos gang yin pa bstan pa'i phyir/ zhi ba ni mya ngan las 'das pa zhes gsungs pa ste/ nyon mongs pa dang phung po spangs pa'i mya ngan las 'das pa ni zhi ba'o/ /chos kyi mdo bzhi mi zad pa bshad zin to// //lhun gyis grub pa'i byang chub sems dpa' bstan pa'i phyir/ btsun pa sha radwA ti'i bu gzhan yang byang chub sems dpa' rnams kyis gcig pu bgrod pa'i lam mi zad pa yin te zhes bya ba la sogs pa gsungs te/ 'dis bsdus pa'i don rang byang chub pa bstan to/ /gzhan la mi ltos par bdag gcig pus bla na med pa'i byang chub thob par byed pa ni gcig pu bgrod pa ste/ gang de ltar byed pa nyid la ma yin no/ /mi zad pa yang bgrod cing thob par bya ba'i chos mi zad pa'i phyir bgrod par byed pa dang/ thob par byed pa yang mi zad pa'o/ /lhun gyis grub pa'i byang chub sems dpa' yang rnam pa bzhi ste/ mi g.yeng ba dang/ bzod pa thob pa dang/ mnyam pa nyid la gnas pa dang/ sgrib pa med pa'o/ /de la mi g.yeng ba ni 'jig rten las 'das pa dang/ 'jig rten pa'i yon tan rnams bdag 'ba' zhig gis thob par bya ba'i phyir rtsom pa ste/ de'i dbang du byas nas/ gcig bu bgrod pa'i lam la zhes bya ba la sogs pa gsungs so/ /gcig pu bgrod pa'i lam ni theg pa gcig pa'i lam ste/ lam de bsgrub par bya ba la byang chub sems dpa' rnams gzhan su yang mi brten par bdag gcig pus sgrub par byed pa'o/ /theg pa gcig gis lam dngos gang yin pa bstan pa'i phyir/ gcig pu bgrod pa'i lam zhes bya ba la sogs pa gsungs so/ /byang chub tu go cha gyon ces bya ba ni bla na med pa'i byang chub thob par bya ba'i phyir byang chub tu sems bskyed cing brtson 'grus rtsom ste zhes bya ba'i don to/ / bdag gi brtson 'grus ni dge ba byed pa la sems spro ba'o/ /mthu zhi bdud la sogs pas bar chad byed mi nus pa'o/ /stobs ni le lo mi tshugs pa'o/ /gzhan gyi go skabs med pa zhes bya ba ni/ gzhan gyis grogs bya mi dgos par zhes bya ba'i don to/ /bdag gi mthu stobs kyis 'phags pa zhes bya ba ni bdag gis mthus 'byung zhing kun la khyad zhugs par bya ste/ zhes bya ba'i don to/ /sems can thams cad kyis yongs su thob par bya ba ni gang rig/ pa'i gnas dang/ bzo'i gnas dang/ long spyod la sogs pa'o/ /gang 'phags pa thams cad dang zhes bya ba ni nyan thos dang rang sangs rgyas dang/ byang chub sems dpa' sa la zhugs pa dang/ de bzhin gshegs pa dag go / theg pa la gsar du zhugs pa ni dang po nyid du byang chub tu sems bskyed pa 'am mos pas spyod pa'i sa la zhugs pa'i byang chub sems dpa' rnams so/ /thob par bya ba ni de dag gi thob par bya ba'i yon tan dran pa nye bar bzhag pa dang/ yang dag pa'i spong ba la sogs pa byang chub kyi phyogs kyis chos sum cu rtsa bdun dang/ sa dang/ pha rol tu phyin pa dang/ stobs dang mi 'jigs pa la sogs pa'o/ bzod pa thob ba ni bdag nyid kyis pha rol tu phyin pa rnam la yongs su sgyod par byed pa ste/ de'i dbang du byas nas/ sbyin pa ni bdag gi grogs ma yin gyi zhes bya ba sogs pa gsungs so/ /de'i don ni pha rol tu phyin par dag gis bsgrub cing las su rung ba bya ba ma yin gyi/ bdag gis sems de dag bsgrub cing mthar dbyung bar bya'o/ zhes bya ba'i don to/ /mnyam pa nyid la gnas pa ni sems can thams cad yongs su smin par byed pa'i chos bsdu ba'i dngos po rnams bsgrubs pa ste/ de'i dbang du byas nas/ bdag la bsdu ba'i dngos po rnams kyi zhes bya ba la sogs pa gsungs te/ de dag gi don kyang snga ma bzhin du blta'o/ /sgrib pa med pa ni bdag cig pus bla na med pa'i byang chub thob pa'i bar du gcod pa'i bgegs rnams 'jom pa ste/ /de'i dbang du byas nas/ gang 'di lta bu'i chos la grogs med par zhes bya ba la sogs pa gsungs so/ /'di 'di lta bu'i chos ni gong du bshad pa'i 'jig rten pa yon tan dang 'jig rten las 'das pa'i yon tan dang/ pha rol tu phyin pa dang/ bsdu ba'i dngos po la sogs pa dang/ 'og nas 'byung ba bla na med pa'i byang chub tu 'tshang rgya ba'i chos rnams so/ /shes rab kyis zhes bya ba ni rnam par mi rtog pa'i ye shes so/ /gcig pu bgrod pa'i lam mi zad pa bshad zin to/ / //bya ba byed pa'i byang chub sems dpa' ni rnam pa bzhi ste/ rton pa dang/ 'jug pa dang gcod pa dang 'dogs par byed pa'o/ /de la ston pa ni sems can rnams la skyes bu chen po bzhi mo sa shing skyes bu chen po'i thabs shes pa'o/ /'jug pa ni rtogs par chud pa'i thabs shes pa'o/ /'dogs par byed pa ni bstan pa'i tshul gyis yongs su smin pa'i thabs shes pa ste/ de'i dbang du byas nas/ btsun pa sha radwA ti'i bu gzhan yang byang chub sems dpa' rnams kyi thabs mi zad pa ste/ zhes bya ba la sogs pa gsungs te/ 'dis bsdus pa'i don chos kyi 'khor lo rab tu bskor ba bstan to/ /thabs mi zad pa yang thabs kyis bsgrub par bya pa'i chos rnams mi zad pa'i phyir de sgrub par byed pa'i thabs kyang mi zad pa'o/ /thabs gang gis byang chub sems dpa' sangs rgyas kyi chos thams cad rnam par sgrub cing slong bas de zhes bya ba la/ sangs rgyas kyi chos ni pha rol tu phyin pa dang byang chub kyi phyogs la sogs pa'o/ /rnam par bsgrub pa ni ma grub pa 'am/ ma skyes pa la bsgrubs pa 'am/ skyed par byed pa'o/ /slong pa ni skyes pa rnams gong du 'phel bar byed pa skyes des na thabs so/ /tshig 'di ni 'dor bstan pa ste/ lhag ma rnams ni 'di ltar sangs rgyas kyi chos rnams sgrub cing slong par byed pa'i bshad pa'o/ /thabs ni byang chub sems dpa' i dge ba'i chos thams cad nye bar gzhog pa zhes bya ba ni thabs ni lha dang mir skyi pa'i dge ba'i chos rnams la gnas pa 'am/ de la goms par byed pa'i don to/ /bsam pa nges par sems zhes bya ba ni sems kyi chos rnams la rtog cing gtan la 'bebs pa'i don to/ /sbyor ba rgyun mi 'chad ces bya ba ni lus dang ngag gi dge ba'i chos la rgyun mi 'chad par spyod ces bya ba'i tha tshig go /lhag pa'i bsam pas bye brag tu 'phags pa'i chos 'dod ces bya ba'i nyan thos dang/ rang sangs rgyas kyi chos las bye brag tu 'phags pa theg pa chen po'i chos sems thag ba nas dad pa'i don to/ /thabs ni sbyin pas pha rol tu phyin pa thams cad yongs su rdzogs par byed ces bya ba ni sbyin pa'i pha rol tu phyin pa gcig pus pha rol tu phyin pa drug yongs su rdzogs par byed pa ni thabs te/ de la zang zing gi sbyin pa ni sbyin pa'i pha rol tu phyin pa yongs su rdzogs par byed do/ /mi 'jigs pa'i sbyin pas ni tshul khrims dang bzod pa'i pha rol tu phyin pa rdzogs par byed do/ /chos sbyin bas ni brtson 'grus dang/ bsam gtan dang shes rab kyi pha rol tu phyin pa yongs su rdzogs par byed do/ /tshul khrims kyi skye ba thams cad 'dzin pa ni tshul khrims rnam par dag pa'i rnam par smin pa mtho ris su nges kyang thabs kyi dbang gi sems can gyi don spyad pa'i phyir mtho ris 'ba' zhig tu skye bar ma zad kyi skye ba thams cad du 'byung ba'o/ /thabs ni bzod pas byang chub kyi phyir zhes bya ba la/ bzod pa dang ldan pas lus bzang ba dang/ ngag snyan pa dang sems dang ba 'gyur te/ lus dang ngag yid dang bde sems can gzhan gyis mthong zhing thos na dad cing byang chub tu sems skyed par 'gyur bas kyang byang chub kyi phyir/ lus dang ngag dang sems kyi rgyun ces bya'o/ /brtson 'grus kyi 'jug pa dang/ gnas pa la brtson pa zhes bya ba la/ 'jug pa la brtson pa dang gnas la brtson pa zhes brtson pa'i tshig gnyis ga dang sbyar ro/ /de la 'jug pa la brtson pa ni byang chub kyi rgyu'i dge ba'i rtsa ba dang po rtsom pa'o/ gnas pa la brtson pa ni dge ba'i rtsa ba brtsams pa mthar phyin pa'o/ /bsam gtan gyis bsam gtan las phyir ldog pa shes pa ni bsam gtan gyis khams gong ma dag tu skyes kyang/ thabs kyi dbang gis 'dod pa'i khams su skye ba len par byed pa'o/ /shes rab kyis 'dus ma byas spong ba zhes bya ba ni shes rab kyis 'dus ma byas rtog kyang thabs kyis zin pas 'dus ma byas kyis dbyings la mi gnas shing 'dus byas kyis bya ba rnams kyang byed pa'o/ /byams pas dpung gnyen med pa rnams kyis skyabs zhes bya ba na ngan song gi sdug bsngal myong ba dang rnam par grol ba mthong pa ni dpung gnyen med pa ste/ de dag skye 'grod dang rnam par grol ba'i bde ba thob pa'i skyabs byed pa na thabs so/ /snying rjes 'khor ba la mi smod ces bya ba la/ sems can gyi sdug bsngal sel bar byed pa'i snying rjes 'khor ba sdug bsngal gyi gnas yin yang smod par mi byed pa na thabs so/ /dga' bas dga' ba dang mi dga' ba mi 'byed pa zhes bya ba la/ chos kyi kun dga' la dga' pa dang 'khor ba'i rang bzhin sdug bsngal zhing mi dga' ba can yin yang thabs kyi dbang gis de la ji mi snyam pa ni thabs so/ /btang snyoms kyi dge ba'i rtsa ba dang tshogs thams cad 'phel zhes bya ba la/ btang snyoms kyi rang bzhin ji 'am mi spyod pa yin pa las/ thabs kyis dbang gis btang snyoms kyi dus na btang snyoms las kyang ma nyams la/ dge ba'i rtsa ba dang bsod nams dang/ ye shes kyi tshogs 'phel bar byed pa'i spyod pa yang mi gtong ba'o/ /lha'i mig gis sangs rgyas kyi spyan thob pa zhes bya ba ni byang chub sems dpa' i lha'i mig gis sangs rgyas kyi spyan thob pa yang thabs te/ lhag ma rnams la yang de bzhin du sbyar ro/ /thabs ni sems can dag gi bsam pa rnams la 'jug pa zhes bya ba ni sems can gyi bsam pa dang bag la nyal ji 'dra bar shes pa ni thabs so/ /thabs ni spyod pa'i mtshan nyid rab tu shes pa'o zhes bya ba la/ de ltar sems can rnams kyi bsams pa shes pas sems can rnams kyi 'dod chags la sogs pa nyon mongs pa che chung gi spyod pa rnams shes pa ni thabs so/ /brgal nas 'jug ba ni bsam gtan la sogs pas gong ma rnams su phyin kyang thabs kyi dbang gis de nas slar ldog cings 'og ma dag tu 'jug cing spyod pa'o/ /nyon mongs pa med pas kun nas nyon mongs pa zhes bya ba ni shes bya dang/ nyon mongs pa'i sgrib pa spangs te/ nyon mongs pa med par ma gyur kyang/ sems can gyi don du 'khor ba na spyod cing nyon mongs pa'o/ /khur por bas khyer ba ni phung po lnga'i khur por te/ zag pa med par gyur kyang thabs kyi bdag gi sems can gyi don spyod cing phung po'i khur len ba'o/ tshad yod par tshad med par ston pa ni chos kyi mdo bzhi lta bu la sogs pa tshad yod dag las sems kyi spyod pa dang sbyar te/ chos kyi phung po brgyad khri bzhi stong la sogs pa tshad med par ston cing 'tshang ba'o/ /tshad med pa tshad yod par ston pa ni chos kyi phung po brgyad khri bzhi stong la sogs pa yang/ chos kyi mdo bzhir nyung dur bsdus nas 'chad pa'o/ /dbang po zhan pa rnams la gsal bar byed pa ni dbang po rtul ba rnams la yang ston/ mkhas pa'i thabs kyis don dka' ba rnams gsal bar go bar byed pa 'am/ dbang po rno bar byed pa'o/ /dus dang dus ma yin pa shes pa ni bya ba dang/ mi bya ba'i dus la mkhas pa'o/ /lam nas lam ngan par 'gro ba ni 'phags pa'i lam la gnas kyang 'khor ba'i lam du yang 'gro ba'o/ /myur du las mang po byed pa ni sbyin pa la sogs pa'i dngos po chung ngu yang bsam pa dag pas bla na med pa'i byang chub tu bsngo bas mang po dang 'bras bu chen po thob par byed pa'o/ /mang po las tshad med par byed pa ni sbyin pa la sogs pa dngos po chen po bsngo ba yongs su dag pas tshad med par byed pa'o/ /byed pa'i sems can rnams 'dum bar byed ba ni sems can phan tshun bya ba dang dge ba'i rtsa ba dang bral bar gyur pa rnams 'dum par byed cing dge ba'i rtsa ba la 'jog par byed pa'o/ /tha ma dang 'bring dang rab bdag nas pa ni sems can rab 'bring gsum dang mthun par spyod cing ston pa'o/ /mya ngan las 'das pa'i rigs pa las 'khor ba'i rigs par lhung pa ni mya ngan las 'das par sbyor ba 'am/ spyod pas mya ngan las 'das pa thob kyang/ /de na mi gnas par 'khor yang spyod cing 'jug pa ste/ rigs pa zhes bya ba ni skabs 'dir sbyor ba 'am spyod pa la bya'o/ /thar pa las bcings pa tshal ba ni nyon mongs pa la sogs pa'i bcings las thar kyang sems can gyi don spyod pa la thabs kyi nyon mongs pa dang bcas pa dang ston pa'o/ /shes bya zad par byed de/ /shes bya zad par yang mi ltung zhes bya ba ni 'dus byas dang/ 'dus ma byas kyi chos shes par bya ba rnams zad cing stong par chud kyang thabs kyis kun tu spyad pa mi stong pa'i phyir stong pa'i mthar yang mi ltung ba'o/ /spyod lam thams cad 'khrug par byed pa la spyod lam rnams las kyang mi nyams so zhes bya ba ni thabs kyis sems can gyis don spyod pa'i tshe bsam gtan dang ting nge 'dzin la sogs pa'i spyod pa las longs kyang bsam gtan dang/ ting nge 'dzin gyi don las nyams par yang mi 'gyur ba'o/ /sems can lta ba'i tshul khrims la ma yin pa ni 'phags pa nyan thos la sogs pa ltar thabs med pa ni ma yin gyi/ sems can gyi don du spyod pa nyid byang chub sems dpa' i tshul khrims yin pas sems can gyi don mthong na/ so so thar pa'i sdom pa la mi lta ba'o/ /bsdu bas lta ba la brten cing rtsod pas ni ma yin no zhes bya ba la sogs pa rnams bsdu zhing drang pa'i phyir don mthun par spyad pa la sogs pa'i sgo nas 'dul zhing drang bar bya ba'i sems can de dag gi lta ba yang phyogs shing rten gyi mu stegs can la sogs pa ltar lta ba des mchog tu 'dzin cing rtsod pas ni ma yin pa'o/ /sgra 'byin pa'o zhes bya ba ni chos thams cad brjod du med par rtogs kyang/ sems can gyi don du thabs kyi sgra dang tshig gi sgo nas chos ston pa'o/ /khams gsum pa spyod yul pa ni khams gsum gyi 'dod chags dang bral te khams gsum las 'das kyang sems can gyi don du khams gsum na spyod pa'o/ /rnam par thar pa'i sgo gsum thob pa'i mtshan nyid spyod yul pa ni stong pa nyid la sogs pa rnam par thar pa'i mtshan nyid la spyod pa'o/ /'phags pa ma yin pa'i skye bo? dang 'dres kyi 'phags pa'i skye bo dang ma 'dres pa ni bdag nyid 'phags par gyur kyang 'phags pa'i sa ni mi gnas par so so'i skye bo'i sa nas gnas shing spyod pa'o/ /mya ngan las 'das pa la rgyab kyis bltas shing 'khor ba la mngon du phyogs pa ni mya ngan las 'das pa thob kyang de la mi phyogs/ mi gnas par sems can gyi don du 'khor ba la phyogs shing spyod pa'o/ /bdud kyis spyod yul na nyon mongs pa med par smad pa ni 'dod pa'i khams bdud kyi spyod yul na 'dug kyang 'dod pa dang/ bdud kyi dbang du mi 'gyur ba'o/ /thams cad nas thams cad de thams cad nas thams cad pa yang ma yin pa ni thabs mkhas pas kun rdzob tu dngos po thams cad las dngos po thams cad skye bar shes shing 'byung bar yang nus la/ don dam par dngos po thams cad gang las kyang gcig kyang mi skye bar rtog pa'o/ /thabs mi zad pa bshad zin to// //dbang thob pa'i byang chub sems dpa' ni rnam pa bzhi ste/ skyes bu chen por gyur pa dang/ seng ge'i sgra chen po can dang shin tu dam bcas pa can dang/ mi brjed pa'i chos can no/ /sems can gyi mchog dam pa skyes bu chen po zhes bya ba ni/ gang mchen dang dpe byad rnams dang ldan pa yon no/ /seng ge sgra chen po can ni gang stobs bcu thob pa ste/ nyon mongs pa dang/ shes bya'i sgrib pa thams cad spangs pa dang/ khyu? mchog gi gnas chen po rab tu shes shing tshangs pa'i 'khor lo rab tu bskor ba dang/ 'khor du seng ge'i sgra yang dag par sgrogs par byed pa'o/ /shin tu dam bcas pa ni mi 'jigs pa bzhi thob pa bdag gis shes pa dang/ spongs pa yang yang dag par rab tu shes la/ gzhan gyis mi mthun pa'i phyogs dang gnyen po yang rab tu shes pa'o/ /mi brjed pa'i chos can sems can mchog dam pa sangs rgyas kyi chos ma 'dres pa bco brgyad thob pa ste/ spyod pa phun sum tshogs pa dang/ rnyed pa phun sum tshogs pa dang/ nan tan phun sum tshogs pa'o/ /btsun pa sha radwA ti'i bu gzhan yang 'di dag ni byang chub sems dpa' rnams kyi mi zad pa brgyad cu ste zhes bya ba la/ byang chub tu sems bskyed pa nas thabs kyi bar du ming gis smos pa de rnams mi zad ba brgyad cu zhes bya ste/ de dag mi zad pa yang rtag tu dge ba dang ngo bo nyid mi nyams pa dang/ ngo bo nyid mi gtong pa dang/ bdag gi las byed pa dang/ rtag tu 'bras bu yongs su 'dzin pa dang rgyu yongs su mi zad pa dang/ don dam par mi zad pa'o/ /de la rtag tu dge bas mi zad pa ni byang chub tu sems bskyed pa la sogs pa brgyad cu po de rnams nam yang mi dge bar mi 'gyur gyi/ rtag tu dge ba'i rgyun mi 'chad ba'i phyir ro/ /ngo bo nyid mi nyams pa ni brgyad cu po de rnams kyi rang bzhin bri bar zhing nyams par mi 'gyur ba'i phyir ro/ /ngo bo nyid mi gtong ba ni/ /byang chub kyi sems la sogs pa brgyad cu po de rnams kyi ngo bo nyid med pa'am/ gzhan du mi 'gyur ba'i/ phyir mi zad pa'o/ /bdag gis las byed pa ni byang chub kyi sems la sogs pa brgyad cu po de rnams rang rang gi dmigs pa'am bya ba gang yin pa las mi 'gyur pa'o/ rtag par 'bras bu yongs su 'dzin pa ni/ /byang chub kyi sems la sogs pa so so'i 'bras bu gang yin pa thob par byed de/ 'bras bu med par mi 'gyur pa'i phyir mi zad pa'o/ /rgyu yongs su mi zad pa ni byang chub kyi sems la sogs de skye ba'i rgyu ni sems can la dmigs pa ste/ dmigs par bya ba'i sems can rnams mi zad pas na byang chub kyi sems la sogs pa de dag kyang mi zad pa'o/ /don dam par mi zad pa ni don dam par brgyad cu po de dag kyang de bzhin nyid kyi ngo bo ste/ de bzhin nyid ni nams kyang 'gyur ba med pa'i phyir mi zad pa'i chos kyi sgo zhes bya ba yan chad bstan pa rdzogs pas don bcu bstan te/ bstan pa'i bdag nyid chen po dang/ ston pa la mchod cing bstod pa dang/ ston pas rjes su yi rang ba dang/ dge ba'i bshes gnyen dang bstan pa la drin gzo zhing rjes su yi rang ba dang/ ston pa dang bstan pa ces par bya ba dang/ de'i rgyu brjod pa dang/ bstan pa bsrung bar dam bcas pa dang/ bstan pa gtang ba dang/ 'gal ba ston pa la bzod par gsol ba dang/ mtshan dri ba dang btsun du bya ba'o/ /mi zad pa'i chos kyi sgo zhes bya ba nas brtsams te/ bzod pa thob par gyur to zhes bya ba yan chad kyi bstan pa'i bdag nyid chen po bstan to/ /thams cad dang ldan pa'i 'khor de yang zhes bya ba nas brtsams te/ mi zad pa 'di dang ldan par 'gyur ro zhes brjod pa ched du brjod do zhes bya ba yan chad kyi ston pa la mchod cing bstod pa bstan to/ /de nas bcom ldan 'das kyis zhes bya ba nas brtsams te/ 'jig rten gyi mchod rten lags so zhes gsol to zhes bya ba yan chad kyis ston pa rjes su yi rang bar bstan to/ /de nas phyogs bcu kun nas zhes bya ba nas brtsams te dga' ba 'di dag gtang ngo zhes bya ba yan chad kyi dge ba'i bshes gnyen dang bstan pa la drin gzo zhing rjes su yi rang ba bstan to/ /de nas thams cad dang ldan pa'i 'khor ces bya ba nas brtsams te/ rgya cher rab tu ston pa lta ci smos zhes bya ba yan chad kyis ston pa dang bstan pa zhes bya bar bstan to/ /de nas bcom ldan 'das kyis 'khor de'i zhes bya ba nas brtsams te/ de ni sangs rgyas kyi chos thams cad la gzhol ba yin no zhes bya ba yan chad kyi de'i rgyu brjod pa bstan to/ /de nas rgyal po chen po zhes bya ba nas brtsams te/ bag tsam gyis kyang bar chad bgyid du mi mchi'o/ /zhes bya ba yan chad kyis bstan pa bsrung bar dam bcas pa bstan to/ /de nas bcom ldan 'das kyis tshe dang ldan pa kun dga' bo la zhes bya ba nas brtsams te/ legs so legs zhes bya ba yan chad kyis bstan pa gtad pa bstan to/ /de nas bcom ldan 'das la byang chub sems dpa' sems dpa' chen po blo gros mi zad pa zhes bya ba nas brtsams te/ khyod 'dra ba'i skyes bu dam pa rnams la shin tu bzod do zhes bya ba yan chad kyis/ 'gal ba ston pa la bzod par gsol ba bstan to/ /de nas bcom ldan 'das la zhes bya ba nas brtsams te/ 'di ji lta bur gzungs bar bgyi zhes bya ba yan chad kyis mtshan dri ba bstan to/ /bcom ldan 'das kyis bka' stsal pa zhes bya ba nas ba rnams te/ sangs rgyas kyi bya bas nye bar gnas par 'gyur ro zhes bya ba yan chad kyi mtshan du bya bar bstan to/ /mi zad pa'i chos kyi sgo zhes bya ba ni mdo sde 'di las mi zad par gtogs pa'i chos dpag tu med pa 'byung ba ni mi zad pa'i chos kyi sgo zhes bya'o/ /ched du brjod pa ched du brjod ces bya ba ni dga' ba dang/ gzengs mthos pa'i tshig 'di skad du smras so zhes bya ba'i don to/ /mi zad pa'i rnam pas bstan ces bya ba ni mi zad pa'i tshul gyis bstan ces bya ba'i don to/ /chos kyi dgab pa'i phyir zhes bya ba ni chos phyin ci ma log par bshad pas/ de'i phyir byin pa ni chos dgab pa'i phyir byin pa'o/ /legs so legs so zhes lan/ gnyis su smras pa ni don dam pa gnyis kyi phyir te/ gdon mi za ba dang gzhan ma yin pa'o/ /gdon mi za ba ni nges par bla na med pa'i byang chub kyi rgyur 'gyur bas/ legs so zhes bya ba dang po gsungs so/ /phyin ci ma log par bshad de don gzhan ma yin pas legs so zhes bya ba gnyis pa gsungs so/ /legs par smras so zhes bya ba ni phyin ci ma log par bshad do zhes bya ba'i don to/ /gsol ba ni bcom ldan 'das kyis sku la gsol ba'o/ /mchod rten las gso zhes bya ba ni mya ngan las 'das pa 'dod pa'i sems can rnams dge ba bsags par bya ba'i phyir phyag 'tshal ba dang bskor ba'i gnas su gyur pa zhes bya ba'i don to/ /'di'i zhes bya ba ni blo gros mi zad pa'i'o/ /yang dag pa'i ? ? brjod pa ni de'i mthu dang ldan pa bdag nyid chen po brjod pa'o/ /blta ba ni sha'i mig gis so/ /phyag 'tshal ba ni lus 'dud pa'o/ /mchod pa ni me tog la sogs pas so/ /bsnyen bkur ni bskor ba la sogs pa'o/ / nyan pa ni dang po nyid du tshig dang yi ge nyan pa'o/ /mos pa ni sems dang zhing yid ches par byed pa'o/ /yongs su 'dri ba ni gzhung thams cad glegs bam du 'dri ba'o/ /'dzin pa ni yi ge dang don gnyis kyis glangs pa'o/ /'chang ba ni da ltar bzung nas brjed par bya ba ma yin gyi/ /dus thams cad mi brjod par 'chad pa'o/ /glog pa ni de ltar mi brjod par bzung ba dang de phyir zhing yi ge lta zhing klog pa'o/ /ston pa ni ji ltar bzung ba'i chos gzhan la yang 'chad pa'o/ /kun chub par byed pa ni bzung ba dang/ 'chang ba dang/ klog pa de dag gang yang rung ba mgo 'jug tu phyin par byed pa'o/ /gzhan dag la yang rgya cher rab tu ston pa ni/ don dang tshig de dag sems can kun la rgya cher spros de/ bshad pa'o/ rigs kyi buAm rigs kyi bu mo zhes bya ba ni rigs lnga las theg pa chen po'i rigs dang ldan pa la bya bar dgongs so/ /bsgom pa'i rnal 'byor la brtson par gnas pa ni bdag nyid mi zad pa'i don bsgom pa la rgyun du brtson pa'o/ /byang chub kyi sems ma brjed pa zhes bya ba ni gzhan la phan par 'dod pa'i byang chub kyi sems dang ldan pa'o/ /bskyed par mi nus pa ni bzod pa de dkrug cing med par byar mi nus pa'o/ /chos thams cad kyis rjes su song ba'i bzod pa zhes bya ba ni mi zad pa'i chos rnams dang mthun par bzod pa'o/ /sbyor ba ni sems pa'o/ /nges par sems pa ni phyin ci ma log par rtogs pa'o/ /mi g.yeng ba ni g.yeng ba med pa'o/ /gzhan gyi drid la mi 'jog par shes pa ni gzhan la rten mi dgos par shes pa'o/ /rab tu rnam par 'byed pa shes pa ni mi zad pa rnams kyi mtshan nyid so so ma 'dres par dbye ba shes pa'o/ /sangs rgyas kyi chos ni stobs dang mi 'jigs pa la sogs pa'o/ /rgya zhes bya ba ni sa bcur 'dres par byed par gzhi pa dang rten yin te zhes bya ba'i don to/ /rgya 'di la yang dag par gzhol ba zhes bya ba ni chos kyi rnam grangs 'di sgrub na chos kyi rnam grangs thams cad bsgrub pa yin no zhes bya ba'i don to/ /chos kyi bsrung ba bgyi zhes bya ba ni chos 'chad pa la bar chad med par bsrung ba'o/ sems can thams cad yongs su bzung bar 'gyur zhes bya ba ni sems can thams cad la phan btags par 'gyur zhes bya ba'i don to/ /stobs ni bdud kyi 'khor gyi g.yog rnams so/ /bsrung ba dang skyabs pa dang sba ba ni mi dge ba'i las rnam pa gsum las so/ /de la mthong ba'i chos la myong ba'i las ni skyabs pa'o/ /tshe rabs gzhan du myong ba'i las las ni sba ba'o/ /yang na gnod pa rnam pa gnyis las 'byung ste/ rang gi rkyen las 'byung ba dang/ gzhan gyi rkyen las 'byung ba'o/ /gzhan gyi rkyen las 'byung ba yang rnam pa gnyis te/ sems can ma yin pa'i grangs kyi rkyen las 'byung ba dang/ sems can gyi grangs kyi rkyen las 'byung ba'o/ /de la bdag gi las kyi rkyen las 'byung ba ni rgyas par las ni bsrung ba'o/ /sems can ma yin pa'i grangs kyi gnod pa rlung dang tsha ba la sogs pa las ni bskyab pa'o/ /sems can gyi drangs gyi gnod pa brdeg pa dang bcing ba la sogs pa las ni sba ba'o/ /snying las chung ngur gyis shig ces bya ba rnam par dbye ba'i sgo nas khyod 'bad mi dgos zhes bya ba'i don to/ /dam pa'i chos bzung ba ni 'jig rten du ring gnas shing mi nus par bya'o/ /slad ma'i dus lnga brgya tha ma la zhes bya ba ni de bzhin gshegs pa'i chos 'phel ba dang/ 'grib pa'i tshul bstan pa'i phyir dus kyi khyad par brjod pa'o/ /de yang dper na mi'i tshe lo brgya thub pa la lo lnga bcu'i bar du ni 'phel ba'i dus te/ lus dang shes rab dang/ rtsal la sogs pa 'phel zhing skye ba'o/ /de ltar lo lnga bcu 'das nas de'i phyi ma'i lnga bcu ni 'grib pa'i dus te/ lus dang shes rab dang rtsal la sogs pas shin tu nyams shing bri nas tha mar rga shi la thug ste med par 'gyur ro/ /de bzhin du sangs rgyas shAkya thub pa'i bstan pa 'bras bu thob pa dang/ shin tu rgyas pa'i dus ni lo stong shig 'dzam bu'i gling na gnas so/ /de'i phyed du bgos te lnga brgya snga ma ni 'phel ba'i dus su bzhag la/ lnga brgya phyi ma ni 'grib pa'i dus su bzhag go /'phel ba ni lo brgyad cu'i bar du shAkya thub pa mya ngan las mi 'da' ste/ de'i dus su byang chub sems dpa' dang nyan thos la sogs pa 'phags pa phyogs bcu nas dge ba'i rtsa ba smin te/ lhag ma rnams kyang shin tu lhag par rnam par 'grel/ gzhan lha dang mi la sogs pa yang de bzhin gshegs pa nyid kyi bkas bstan cing mngon sum yongs su smin te/ yongs su bkrol bas lhag par 'bras bu 'thob bo/ /de nas sangs rgyas mya ngan las 'das nas lo lnga brgya snga ma ma 'das kyi bar du ni byang chub sems dpa' dang nyan thos chen po dag sangs rgyas kyi bstan pa rnams shin tu 'dzin cing 'dzam bu gling na khyab par grangs mang du gnas te/ de dag gis kyang lha dang mi la sogs pa shin tu tshad med pa yongs su sman pa dang yongs su grol bar byas te 'bras bu thob par gyur to/ /dper na dus de'i tshe na gtam du brjod pa/ 'phags pa nyan thos au ba gupta zhes bya ba zhig gis kyang sangs rgyas kyi bstan pa bzung nas sems can grangs med pa bsgral te/ ji snyed cig bsgral ba de dag byang bu la byis shing bsags pas rang gi khang pa gang ngo zhes bya ba dang/ dge slong nges bdud kyang brtul te dge slong des dus gzhan zhig na/ bsam gtan byed pa'i tshe de'i thad du bdud cig 'ongs pas mcher bar mgo la me tog gi phreng ba bzhag go /de nas dge slong des kyang tshor te bdud de la gdul ba'i skabs snang ngo snyam nas/ /khyi ro 'bu can zhig tu sprul te bdud kyi lus la so ma dor btabs nas/ bdud kyis dor du mi nus par byin gyis brlabs so/ /de nas bdud de rang gi dor mi nus nas brgya byin gyi thad du phyin te/ gsol ba btab na des kyang grogs ma byas so/ /de tshangs pa'i thad du phyin te/ gsol ba btab na yang tshangs pas kyang ma bkrol te/ tha ma dge slong gi mgo la me tog bzhag pas nyes so zhes dge slong gi thang du btang ngo/ /de nas dge slong la phyag 'tshal te/ gsol ba btab nas dge slong au pa gupta sngon sangs rgyas ma mthong ba de bdud kyi sangs rgyas mtshan dang ldan pa nyan thos kyi 'khor dang bcas pa cig sprul te bstan na khyi ro dkrol bar dam bcas te khyi ro bgrel nas sangs rgyas 'khor dang bcas par sprul nas bstan to zhes bya ba lta bu'o/ /de bas na lnga brgya snga ma ni dus bzang po ste dus de la bltos nas khyad par du smras pa ni lnga brgya phyi ma zhes pa'o/ de lta mod kyi lnga brgya phyi ma'i dus de na yang lo lnga brgya'i bar du ni byang chub sems dpa' dang/ nyan thos la sogs pa 'phags pa grangs mang 'dzam bu'i gling na gnas te/ de dag gis kyang lha dang mi la sogs pa shin tu tshad med pa yongs su smin pa dang/ yongs su dkrol te 'bras bu thob par byas so/ /de ltar 'bras bu thob pa la sogs par gyur kyang/ lnga brgya snga ma dang sbyar na de'i dus ngan pa'i phyir lnga brgya phyi ma zhes smos te/ lnga brgya phyi ma'i mgo nas sangs rgyas kyi chos nam 'dzam bu'i gling na med par ma gyur gyi bar du lnga brgya phyi ma zhes bya ba'i dus su bsdu'o/ /lnga brgya phyi ma'i dang mtshun chad dus ngan par bzhag mod kyi 'on kyang lo lnga brgya'i bar du'i dus ngan pa'i nang nas kyang 'bras bu thob pa shin tu mi dka' ba'i phyir/ dus ngan pa'i yang ngan pa khyad par du smos pa'o/ /lnga brgya phyi ma'i lo 'das phyin chad nas chos med kyi bar du dus ngan pa'i yang ngan pa bzhag mod kyi/ /de'i tshe na yang brtson 'grus dang nan tan byas nas 'bras bu mi 'thob pa yang ma yin byang chub sems dpa' dang/ nyan thos 'ga' tsam 'jig rten du mi 'byung ba yang ma yin/ /bdag blo gzhan pas zhes bya ba ni bdag gi shes rab dang ye shes chungs pas zhes bya ba'i don to/ /'gog pa la yang 'khrul pa med ces bya ba ni stong pa nyid du ston pa la yang 'khrul pa med pa'o/ /rtogs pa khong du chud ces bya ba ni phyin ci ma log par khong du chud pa'o/ /yang dag pa'i don rnam par nges pa thob pa yin zhes bya ba ni chos thams cad phyin ci ma log pa dang/ gtan la phab par khong du chud cing ston nus pa thob pa yin zhes bya ba'i don to/ /dam pa ni nyan thos la sogs pa so so yang dag par rig pa bzhi khyad par du 'phags pa'o/ /mchog thob pa ni so so yang dag par rig pa thob pa'i byang chub sems dpa' gzhan pas kyang mchog tu gyur pa'o/ /ming ci lag zhes pa ni bdag gi don du bris bos ste/ bdag gi ming ji ltar 'tshul bar bgyi zhes bya ba'i don to/ /ji lta bu gzung bar bgyi zhes bya ba ni don du dris pa ste/ /bdag gi bzung nas gzhan pa 'chad cing tha snyad du bgyid pa'i tshe na yang ji ltar 'dzin du stsal ces bya ba'i don to/ / 'phags pa blo gros mi zad pa'i mdo rim gyis mi zad pa rnams kyi lus rnam par bzhag pa ni rnal 'byor spyod pa'i sa las bstan te der blta bar bya'o/

CLOSE WINDOW