CLOSE WINDOW

N4145: las rnam par 'byed pa zhes bya ba
བོད་ཡིགe-texts based on the ACIP/ALL Input

/ //las rnam par 'byed pa zhes bya ba bzhugs// //*/ /rgya gar skad du /karma bi ta nA ma/ bod skad du/ las rnam par 'byed pa zhes bya ba/ dkon mchog gsum la phyag 'tshal lo/ /ding sang dus kyi skye bo 'di dag gis/ /mtho ris bde ba dag kyang thob dka' na/ /mya ngan 'das la re ba yod min pas/ /bdag nyid kho na dran phyir bri bar bya/ /yod med rtag cha dang bral ba// bde ba'i longs spyod phun sum tshogs/ /'gro rnams yongs su smin mdzad pa/ /dam pa'i skyes mchog de la 'dud/ /bcom ldan 'das gang 'jig rten dang 'jig rten las 'das pa'i chen po las kyang phul byung zhing khyad par du 'phags pa de la phyag 'tshal nas / ji ltar bya zhe na /las dge ba dang/ mi dge ba rnam par dbye bar bya ste /mngon par mtho ba mtho ris lha dang mi/ /thob par byed pa sdom pa'i tshul khrims yin/ /de nyams gyur pas ngan song 'gro ba ni/ /dmyal ba yi dags byol song 'di dag go / lha dang mi'i gtam rgyas pa 'di ni/ 'jig rten gzhag pa dang/ 'jig rten gdags pa dang/ bye brag tu bshad pa chen po'i nang nas che long du btus pa mdzod kyi gnas gsum pa la sogs par blta bar bya'o/ /'di ltar tsha ba'i sems can dmyal pa ni dzam+bu'i gling 'di'i 'og na dpag tshad khri phrag gnyis na sems can dmyal ba chen po gnas so/ /gzhan bdun ni de'i steng na rim pa bzhin du gnas se/ /de dag gi tshe'i tshad kyi rim pa ni/ mi rnams kyi lo'i rim pa rnams la /'dod pa'i khams kyi lta rnams dang/ yang sos la sogs pa dmyal ba rnams kyi nyin zhag dang zla ba dang lo'i rim pa rnams bsgres nas shes par bya ste/ 'di ltar mi rnams kyi tshe lo lnga bcu la sogs pa las bsgyur nas shes par bya'o zhes bshad pas so / grang ba'i sems can dmyal ba yang ni ti se'i 'og na snga ma de dag gi thad ka na gnas pa ste /de dag gi tshe'i tshad kyang yul dbus kyi bres bcal ba'i til khal brgyad cus byur pur bkang ba'i nang nas/ skyes bu zhig gis lo brgya brgya na /til re re phyung bas zad par gyur pa na sems can dmyal ba chu bur can gyi tshe zad pa yin te /'og ma rnams kyi che ni nyi shur bsgyur ro/ /'di dag gi don yang cung zad tsam zhig mdo las bshad pa bri bar bya'o/ /de ltar de dag dmyal ba ni/ /bcu drug ces bya rgal bar dka' / /drag po'i las kyi kun du gang/ /re re la yang lhag bcu drug/ rtsig pa bzhi dang ngos bzhi ste/ /rnam phye ris su chad pa yin/ /lcags kyi ra bas kun nas bskor/ /lcags dag gis ni gang pa yin/ /dpag tshad brgya phrag du mar ni/ /me lce dag gi khyab par gnas /zhes bcom ldan 'das kyis gsungs so/ /mdzod las kyang/ de dag gis ni ngos bzhin/ /me mar mur dang ro myags dang/ /sbu gri lam sogs chu bo yin/ zhes bshad do/ /sngon gyi mkhas pa chen po kha cig na re tsha ba la sogs pa bdun po de dag ni mnar med pI sems can dmyal pa'i g.yas ngos dang g.yon ngos na gnas so zhes zer ro/ /nyi che ba dang /nye 'khor ba'i sems can dmyal ba dag la ni gnas kyi des pa med de/ chu bo dang/ ri dang/ mya dam pa la sogs pa'i thang dang/ steng na gnas so/ /gtam rgyas par ni dran pa nye bar bzhag pa dang 'jig rten gzhag pa dang/ 'jig rten gdags pa la sogs par blta'o/ /yi dags kyi rtsa ba'i gnas ni rgyal po'i khab kyi grong khyer chen po'i 'og dpag tshad lnga brgya na yod de / de na yi dags kyi rgyal po gshin rje gnas so/ /gzhan ni de las 'phros pa yin no/ /gtam rgyas par ni yi dags kyi rtogs pa brjod par blta bar bya'o/ /byol song gi rtsa ba'i gnas ni rgya mtsho chen po yin no/ /thang dang/ chu dang/ ri dang/ dur khrod la sogs pa na ni de las 'phros pa yin te/ rgyas par ni de dang de dag tu blta bar bya'o /gnas gsum po na bde ba med/ /sdug bsngal rgyu dang bcas pa'i gtam/ /mang dang bstan bcos dag na gsal/ /blo dang ldan pas blta bar gyis/ /dmyal ba dang/ yi dags dang/ byol song gi sdug bsngal rgyu dang bcas pa mdo dang bstan bcos dag na gsal lo/ /mi'i sdug bsngal brgya rtsa bcu dag ni 'phags pa thogs med kyis mdzad/ pa'i yo ga tsarya blta par bya'o/ /lta dag la ni sdug bsngal gzhan ni med kyi 'on kyang 'chi ltas lnga dang nye ba'i 'chi ltas lnga 'byung ste/ /'di ltar gos dri ma 'chags pa dang/ me tog gi phrang ba brnyings pa dang /mchan khung nas rdul 'byung ba dang/ lus la dri ma 'byung ba dang /rang gi stan la mi dga' bar 'gyur ro/ /nye ba'i ltas lnga ni gos dang rgyan dag las yid du mi 'ong ba'i sgra 'byung ba dang/ lus kyi 'ong chung bar 'gyur ba dang/ khrus byas pa'i chu'i thigs ba lus la 'chags par 'gyur ba dang/ g.yo ba'i bdag nyid can yang blo yul gcig la 'chags par 'gyur ba dang/ mig 'byed pa dang 'dzum pa srid par 'gyur ba dang ste /nye ba lnga ni ma nges pa'o/ /sdug bsngal de dag ci las byung zhe na/ las ni lci dang yang ba dga' / yul dang bsam pa'i dbye ba yis/ /nyan thos theg pa chen po'i lugs/ /rnam pa gnyis su shes par bya/ /lci ba ni gnyis te/ yul gyis lci ba dang/ bsam bas lci pa'o/ /yang ba yang de dang 'dra 'o/ /de yang nyan thos dang theg pa chen po'i lugs kyi lci ba dang yang ba so sor tha dad par shes par bya'o/ /de la nyan thos kyi yul gyis lci ba ni/ 'di ltar mtshams med pa lnga las pha bsad pa ma gtogs pa bzhi'o// de las kyang dge 'dun gyi 'khor lo'i dbyen lci ba'o/ /gzhen yang byams pa'i ting nge 'dzin la snyoms par zhugs pa dang/ rdo rje lta bu'i ting 'dzin dang/ srid pa'i rtse mo'iting nge 'dzin las langs pa'i rnal 'byor pa dang/ mkhan po dang slob dpon dang/ dge slong dang/ dge slong ma dang/ pha dang ma dang/ srid pa tha ma pa'i byang chub sems dpa' dang /nad pa dang/ chos smra dang /nges pa'i sa la gnas pa'i byang chub sems dpa' dang/ rgyun du zhugs pa dang / lan cig phyir 'ong ba dang/ phyir mi 'ong ba dang/ dgra bcom pa dag gsod pa dang/ de la rdag pa dang/ lcags sgrogs la sogs pas sdom pa dang/ de dag gi yo byad rku ba dang/ mchod rten gyi dang/ dge 'dun gyi dang chos kyi dang/ sangs rgyas kyi yo byad rku ba dang/ gang zag snga ma de dag dang/ dkon mchog gsum la rdzun smra ba dang/ tshig rtsub po dang/ de dag phan tshun 'byed pa dang/ tshigs su bcad pa ma yin pa smra pa ni yul gyis lci ba'o/ /bsam pas lci ba ni/ log par lta ba chen po dang skyes ba dang/ yid kyi nyes pa chen po'o/ /yul gyis yang pa ni byol song dang/ dur khrod kyi sha za gsod pa la sogs pa'o/ /bsam pas yang ba ni de las gzhan ba rnams so// de la theg pa chen po'i yul gyis lci ba ni 'di ltar bla ma rnams dang/ sems dang po bskyed pa la sogs pa'i byang chub sems dpa' dang/ pha dang ma dang/ de kho na nyid kyi rnal 'byor pa dang/ rang gi lha dang/ dkon mchog gsum la sogs pa la snga ma'i tshul rnams bzhin du byed pa'o/ /don 'di nyid la dgongs nas bcom ldan 'das kyis rdo rje gtsug gtor zhes bya ba rnal 'byor chen po'i rgyud las 'di skad du /gsang ba pa'i bdag po nyes par spyod pa de dag ni lci bar gyur pa dang/ tha mal par gyur pa'o/ /de la pha mar gyur pa la sogs pa gsod pa dang/ rdeg pa ni lus kyis nyes par spyod pa lci ba'o/ /srod gcod pa la sogs pa gzhan gsum ni lus kyi nyes par spyod pa tha mal pa'o/ /dam pa'i chos spong ba dang/ lha rnams la tshig rtsub po smra ba dang/ pha ma dang/ bla mar gyur ba la sogs pa la tshig ngan pa smra ba ni ngag gi nyes par spyod pa lci pa'o/ /skyes bu 'ga' zhig dad pas dge ba nyams su len cing rtsom pa'i gtam gyis slabs su 'jig rten pha rol med do zhes bya ba'i tshig 'jig rten las 'das pa'i rdzun smra ba ni dag gi nyes par spyod pa lci ba'o/ /dge ba'i bar chad byed pa'i tshig 'khyal ba smra ba dang/ lkog 'phyas pa byed pa dang/ mi dge ba'i las kyi gtam rnams ni dag gi nyes par spyod pa tha mal pa'o/ /yid kyi nyes par spyod pa ni gsum ste /de nyid las sems kyi nyes pa dang/ sems las byung ba'i nyes pa dang/ ma rig pa'i nyes pa'o/ /de dag kyang dge ba bcu'i las kyi lam de nyid la ma chags pa nyid ni sems kyi nyes par spyod pa'o/ /dregs pa dang/ nga rgyal dang /khro ba dang/ sems can rnam par 'jig pa dang/ 'dod chags kyi sems kyi gzhan gyi bud med la chags pa dang/ gzhan gyi srog 'khrogs dang/ bla mar gyur pa la sems gya gyu zhing rab tu sdang ba ni sems las byung ba'i nyes pa'o/ /dge ba bcu'i las kyi las rnams dang/ /pha rol tu phyin pa drug 'dor zhing brjed das pa dang /som nyir gyur pa dang/ yid shin du rmongs par gyur ba ni ma rig pa'i nyes par spyod pa'o/ /zhes gsungs so/ /de la bsam pas lci ba ni/ theg pa chen po ba sems can snying rje'? dbang du gyur pa/ sems can thams cad mi gtong par rjes su 'dzin pa'i lci ba ni/ /'di ltar zhe sdang kho na yin te/ slob dpon zhi ba lha'i zhal nas /bskal pa stong du bsags pa yis/ /sbyin dang bde gshegs mchod la sogs/ /legs spyad gang yin de kun yang/ /khong khro gcig gis 'joms par byed/ ces 3 57a gsungs so/ /'di kho na nyid lci ba yin pa'i/ bungs mang du yod mod kyi re zhig bzhag go /yang pa'i las kyang tshul 'di las shes par bya'o/ /theg pa gnyis po 'di dag tu/ /lci dang yang pa'i las rnams bshad/ /'dod chags zhe sdang gti mug gis/ /rnam pa gsum du 'gyur ba'o/ /de la srog gcod pa 'dod chags las skyes pa ni 'di ltar lus kyi yan lag gi phyir ram /nor gyi phyir ram /rtse mo'i phyir ram /bdag dang mdza' bo yongs su bskyab pa'i phyir sreg gcod pa'o/ /zhe sdang las byung ba ni rtsod pa dang/ 'khon gyis byas pa'o/ /gti mug las byung ba ni mchod sbyin byed pa dang/ rgyal po chen po'i chos 'don pa tshad mar byas nas chos kyi blos gsod pa dang /mi mi 'grungs pa dag la chad pas gcad na rgyal po'i bsod nams kyi snod du 'ong zhes zer nas gsod pa lta bu dang/ sen d+ha pa dag 'di skad du /pha dang ma rgas sam nang tsha bas po ches thebs na gsod do/ /sbrul dang sdig pa dang sprang bu tre ma bu ka la sogs pa ni mi rnams la gnod pa byed pas gsang do/ /ri dags dang phyugs dang bye dang ma he la sogs pa ni longs spyod pa'i phyir gsad do zhes zer ba lta bu'o/ /ma byin par len pa chags pa las byung pa ni /gang zhig gang don du gnyer ba des 'phrog pa 'am gzhan gyi rnyed pa 'am/ /bkur bsti 'am/ grags pa'i phyir raM/ bdag dang mdza' bo yongs su bskyab pa'i phyir 'phrog pa'o/ /zhe sdad las skyes pa ni sngar bzhin no/ /gti mug las byung ba ni rgyal po'i chos 'don pa tshad mar byas nas mi 'grungs pa dag chad pas gcad nas 'phrog pa lta bu dang/ bram ze dag na re 'di thams cad tshangs pas bram ze rnams la byin pa yin pa las /de ltar bram ze rnams nyams pas rigs gzhan spyod du zad mod/ de bas bram @ 357b ze 'phrog pa na / rku ba ma yin gyi bram ze bdag nyid kyis len par byed par zad pas bdag nyid kyis za ba dang/ bdag nyid kyis 'thungs pa dang/ bdag nyid kyis gyon pa dang/ bdag nyid kyis sbyin pa yin no zhes zer ba lta bu'o/ /de la 'dod pas log pa g.yem pa 'dod chags las byung ba ni gzhan gyi chung ma la chags pa 'am / rnyed pa 'am/ bkur sti'i phyir ram /bdag gam mdza' bo yongs su bskyab pa'i phyir mi tshangs par spyod pa'o/ /zhe sdang las byung ba ni snga ma bzhin no// gti mug las byung ba ni par sigs pa dag na re ma la sogs pa la nyal ba dang/ ba lang phreng gi mchod sbyin la cho ga can gyi chu 'thung ngo/ /rtswa gcod do/ /ma'i gan du nyal po la 'gro ba'o/ /srid mo'i gan du dang/ rus gcig po'i gan du 'gro bar bya'o zhos bya ba dang/ ba lang la sogs pa la yang spyad par bya'o zhes zer ba lta bu'o/ /de lta bas na 'di lta bu byung ba na ni /rgyal po bzhad gad lta bu byed pa dang/ bag ma len pa'i tshe dang gsod pa dang/ nor kun 'phrog tshe rdzun smras gnod med de/ rdzun lnga ltung bar byed pa min zhes bshad ces zer ba dang/ gang yang log par lta pa'i rdzun du smra ba'o/ /mi dge ba lhag ma dag kyang snga ma bzhin no/ yid kyi gsum ni 'dod chags la sogs pa gsum gyi 'jug tu skyes pa'o/ /srog gcod pa ni bsams bzhin du/ /ma nor par ni gzhan gsad na'o/ /ma byin len pa gzhan gyi nor/ /mthu dang 'jab pus bdag gir byed/ /log g.yem bgrod min pa la bgrod/ /'du shes gzhan bsgyur rdzun tshig don/ /nyon mongs sems kyi pha rol byed/ /chig rtsub po ni mi snyan pa'o/ /ngag 'khyal glu dang zlos gar dang/ /bstan bcos dan dang 'du 'di'i? gtam/ /brnab sems gzhan gyi nor la chags/ /gnod sems sems can la sdad ba'o/ /rgyu 'bras med zer log lta'o/ /de ltar theg pa chen po'i 'di ltar yin te / de yang rnam par snang mdzad mngon par byang chub ba'i rgyud las bcom ldan 'das kyis bka' stsal pa /byang chub sems dpa' ched du bsams nas srog gcod pa las slar ldog par bya'o/ /dbyung ba spang zhing khon du 'dzin pa yang spang bar bya'o/ /des bdag nyid la ji lta ba de bzhin du gzhan gyi srog kyang yongs su bsrung bar bya'o/ /ma byin par len pa las slar ldog par bya ste /des gzhan gyis yongs su bzung ba'i longs spyod la chags pa bskyed par yang mi bya na/ gzhan gyis yongs su bzung ba'i longs spyod la ma byin par len pa lta ci smos/ /'dor pas log par g.yem pa las ldog par bya ste/ /des gzhan gyis yongs su bzung pa'i chung ma dang/ rigs dang/ mtshan ma dang/ chos kyi bsrungs pa rnams la chags pa skyes par yang mi bya na/ yan lag ma yin pa spyod pa dang/ dbang po gnyis sprod pa lta ci smos/ /rdzun du smra ba las ldog par bya ste/ des ched du bsams nas gang gis sangs rgyas kyi byang chub slu bar 'gyur ba'i rdzun gyi chig srog gi phyir yang smra bar mi bya'o/ /tshig rtsub po las ldog par bya ste des sems can rnams la mnyen pa dang/ 'jam pa dang/ yid la 'bab pa de lta bu'i tshig smra bar bya'o/ /de ci'i phyir zhe na /gsang ba'i bdag po byang chub sems dpa' sems can thams cad kyi don bya ba'i thog mar 'gro ba ni tshig snyan pa yin pa'i phyir ro/ /phra ma las ldog par bya ste/ de ci nas kyang dbyen du 'gyur ba'i tshig dang/ gnod par mi 'gyur ba'i chig de ltar bsgrub par bya'i/ /byang chub sems dpa' rnams ni sems can gyi dbye ba la bzhugs pa ma yin no/ /tshig 'khyal pa rnaMs ldog par bya ste/ des yul dang dus dang don dang ldan pa'i rjes su 'jug pas sems can thams cad la yid du 'ong ba dang ran par spyod pa'i tshig smra bar bya'o/ /de ci'i phyir zhe na/ byang chub sems dpa' na tshig bzang po dang ldan pa'i phyir ro/ /brnab sems las ldog par bya ste /des gzhan gyi longs spyod pa dang/ gzhan gyi nor la chags pa'i sems kyang bskyed par mi bya'o/ /de ci'i phyir zhe na/ byang chub sems dpa' ni sems ma chags pa yin no/ /gal te byang chub sems dpa' bdag sems chags na thams cad mkhyen pa nyid kyi sgo'i phyogs gcig las nyams par 'gyur ro/ /gsang ba pa'i bdag po byang chub sems dpa' i sa rab tu dga' ba bskyed pa des 'di ltar bsam par bya ste / gang bdag gis bya dgos pa de dang des rang 'byor bar gyur pa de legs so snyam nas sems can de dag gis longs spyod de dag chung ma za ba la yang dag yang du dga' ba bskyed par bya'o/ /gsang ba'i bdag po gzhan yang gnod sems las ldog par bya ste /des thams cad du bzod pa dang ldan pa dang/ byams pa dang/ khod khro ba med cing sems snyoms par bya'o/ /des mdza' bo la ji lta ba bzhin du dgra la yang de bzhin du bya'o/ /de ci'i phyir zhe na/ /byang chub sems dpa' ni yid kyi gnas dan len dang ldan pa ma yin gyi byang chub sems dpa' ni rang bzhin gyis bsam pa yongs su dag pa yin na/ /gsang ba'i bdag po de lta bas na byang chub sems dpa' gnod sems dang bral bar bya'o/ /gsang ba'i bdag po gzhan yang byang chub sems dpa' log par lta ba las ldog par bya ste/ des yang dag pa'i lta pa dang/ 'jig rten pha rol la 'jigs par lta ba dang/ g.yo med pa dang/ gya gyu med pa dang/ drang ba dang/ sangs rgyas dang chos dang dge 'dun dag la bsam pa nges par bya'o/ /de ci'i phyir zhe na/ /gsang ba pa'i bdag po log par lta ba ni byang chub sems dpa' i kha na ma tho ba chen po ste/ dge ba'i rtsa ba thams cad gcod par 'gyur ro/ /'di ni mi dge ba'i rtsa ba thams cad kyi phyi mo'o/ /gsang ba'i bdag po de lta bas na tha na bzhad gang tsam du yang log par lta ba bskyed par mi byed pa'o zhes gsungs so/ /yul dang bsam pa nyon mongs dang/ /dus dang grangs dang yan lag soD/ /chung dang 'bring ba chen po ste/ /rnam pa gsum du shes par bya/ /las kyi lam bcu po de dag kyang yul la sogs pa de dag gis dbang gis chung du dang 'bring po dang chen por 'gyur ro/ /de la yul gyis 'gyur ba ni/ sngar ji skad brjod pa'i tshul de las shes bar bya'o/ da la bsam pas gsum du 'gyur ba ni / mi shes pas byas pa ni chung du'o/ /bag med pas byas pa ni 'bring pa'o/ /ma gus bas byas pa ni chen po'o/ /de la nyon mongs pas gsum du 'gyur pa ni /'dod chags la sogs pa'i nyon mongs pa chung du dang 'bring dang chen pos srog gcod pa la sogs pa'i las kyang de bzhin du byed pa'o/ /de la dus kyi 'gyur ba ni/ sbyor ba dang/ dngos gzhi dang/ mjug rnams las/ /gcig dang ldan pa ni chung pa'o/ /gnyis dang ldan pa ni 'brid pa'o/ /de dag gsum ga rdzogs pa ni chen po'o/ /de la las kyi lam bcu po de dag grangs kyi 'gyur ba ni/ lan cig byas pa ni chung ba'o/ /lan gnyis byas pa ni 'bring po'o/ /lan gsum phan chad byas pa ni chen po'o/ /de la yan lag gi 'gyur ba ni/ srog gcod ba la sogs pa de dag gi yan lag phal char mtshang ba ni chung ba'o/ /phal cher tshad ba ni 'bring po'o/ /thams cad rdzogs shing tshad ba ni chen po'o/ /sogs zhes bya ba ni srog gcod pa la sogs de dag las gang yong dung ba lan cig byas pa tsam ni chud ba'o/ /de la 'gyod pa med pa ni? 'bring pa'o/ /de la gnyen po mi bsten pa ni chen po'o/ /bsdam par bya pa ni chung du'o/ /bshags par bya ba ni 'brid po'o/ /pham pa ni chen po'o/ /rtsed mo dang gzhan kyi g.yem la rgyugs kyis byas ba ni chung du'o/ /rang nyid ba nyon mongs pa dang nyes pa med kyang dbya zhing gzhan gyi sdig pa byed pa'i rkyen pa ni 'bring po'o/ /rang nyid la nyes pa yod cing gzhan gyis spyad pa ni chen po'o/ /gzhan yang sdig pa'i grogs po dang mi dge ba'i bshes gnyen gyi dbang gis rang dbang mang bar byas pa ni chung ba'i/ /grags pa snyan pa'i phyir byas pa ni 'bring po'o/ /rnam par smin pa la mi 'jigs pa ni chen po'o/ /gzhan yang las kyi lam bcu po 'di dag gi don rgyas pa ni 'phags pa dran pa nye bar gzhag pa la sogs pa'? mdo sde dang/ slob dpon bram ze chos ldan rab 'byor dbyangs kyis mdzad ba dang/ 'phags pa thogs med kyis mdzad pa'i rnam par gtan la dbab pa bsdu ba la sogs pa'i yo ga tsarya'i sa chen por blta'o/ /gzhan yang/ bsam bzhin pa dang rdzogs pa dang/ /mi 'gyod gnyen po med pa dang/ /'khor dang rnam par smin pa las/ /bsags pa'i las zhes bya ba yin/ /yang 'khor ba'i las ni lci gang dang/ /nye ba gang dang goms pa gang/ /sgom? byas de dag gang yin pas/ /snga ma snga ma rnam smin 'gyur yang /shin tu yid la gcags pa dang/ /las de gsar du byas pa dang/ /yang dang yang du byas bas goms/ de las gang rung sngar myod 'gyur/ /mthong ba'i chos las myong 'gyur dang/ /skyes nas myong bar 'gyur ba dang/ /lan grangs gzhan du myang 'gyur dang/ /myod bar 'gyur bar ma des ba'o/ /las ni dkar dang gnag pa dang/ /'des ma'i las dang rnam pa gsum/ /mdo dang bsten bcos dag na gsal/ /de bas na las rnams bskal pa brgyar yang ni/ /chung mi za ba ngas bsags nas/ /smin nas lus can rnams la ni/ /'bras bu nyid du ston par byed/ ces bya ste/ de lta bu la yang nges par yid ches par bya'o/ /'gro ba rgyud lnga'i sems can thams cad dag /'jam gling 'dir skyes dge ba bcu spyad de/ /mthar gyi bla ma bzang po bstan byas nas/ /zag pa med pa'i tshul khrims thob gyur cig /las rnam par 'byed pa zhes bya ba/ slob dpon mkhas pa chen po dpal mang me mdzad ye shes kyis mdzad pa rdzogs so// //rgya gar gyi mkhan po de nyid dang/ zhu chen gyi lo tsA ba dge slong tshul khrims rgyal bas bsgyur cing zhus te gtan la phab pa/ / //spyod pa bsdus pa'i sgron ma bzhugs// //*/ /rgya gar skad du/ tsarya sang gra hA pra dI pa ? bod skad du/ spyod ba bsdus pa'i sgron ma /'jig rten dbang phyug la phyag 'tshal lo/ /gang gi gsung gi 'od zer gyis/

CLOSE WINDOW