བོད་ཡིག

e-texts based on the ACIP/ALL Input

353b pa dang/ dus ma yin pa dang/ yan lag ma yin pa dang/ bgrod par bya ba ma yin pa'o/ /de la yul ma yin pa zhes bya ba ni/ dam pa'i chos dang/ sku gzugs la sogs pa dang byang chub sems dpa' i gnas dang/ slob dpon dang/ mkhan po dang/ sbyin gnas dang/ pha ma la sogs pa dang/ bla ma dang nye bar gyur pa'o/ /dus ma yin pa zhes bya ba ni nyin bar dang/ zla mtshan dang ldan pa dang/ sbrum ma dang/ bu chung 'tsho pa dang/ mi 'dod pa dang/ sdug bsngal ba dang/ yid mi bde bas nye bar gdungs pa dang/ brnyen gnas yan lag brgyad la gnas pa'o/ /yan lag ma yin pa zhes bya ba ni/ kha dang bshad pa'i lam dang khye'u dang bu mo'i mdun dang rgyab kyi bug pa dang/ rang gi lag pa'o/ /'grod par bya ba ma yin pa ni/ gzhan gyi bud med thams cad dang/ chos dang rgyal mchan dang rigs kyis srungs ba dang/ rgyal pos bsrungs pa dang/ gzhan gyis blangs pa'i smad 'tshod ma dang/ gnyen 'brel can dang/ byol song ngo/ /de ltar rang gi chung ma la brten nas 'dod pas log par g.yem par 'gyur ro/ /de la brdzun du smra ba zhes bya ba ni/ dngos por yang ma gyur pa dang/ dngos po'i gnas skabs las nyams par gyur pa dang/ log par 'du shes par gyur pa dang/ log pa'i thabs kyang nye par gnas par gyur pa dang/ de'i thabs kyang byed pa dang /rdzun gyi tshig kyang smras pa ste /yan lag lnga po 'di dag dang ldan na rdzun du smra bar 'gyur ro/ /phra ma zhes bya ba ni nyon mongs pa'i sems kyis gzhan 'byed pI tshig go/ tshig rtsub po zhes bya ba ni/ pha rol gyi gnad la phog pa'i sdang tshig gi /tshig 'khyal pa zhes bya ba ni /'dod pa dang nye bar ldan pas sam/ chags pa dang nye bar ldan pas smra bar bya ba ma yin pa smra ba'o/ /brnab sems zhes bya ba ni/ pha rol kyi rdzas dang dbang phyag dang long spyod rnams la chags pa'i sems mi bzad pa'o/ /gnod sems zhes bya ba ni/ sems can la rnam par sdang ba dang/ /sems can 'di dag gsad do/ /bcing ngo/ /brdeg go/ btag go zhes sems pa'o/ /log par lta ba zhes bya ba ni ma sbyin pa med/ sbyin sreg med/ 'jig rten 'di med/ 'jig rten pha rol med/ dge sbyong med/ bram ze med/ lha med/ sangs rgyas bcom ldan 'das med /dgra bcom pa med/ rang sangs rgyas med/ /legs par spyad pa med/ nyes par spyad pa med/ legs par byas pa dang nyes par byas pa'i las rnams kyi 'bras bu rnam par smin pa med ces pa'o/ /bcom ldan 'das kyis bka' stsal ba/ 'phags pa dam pa'i chos dran pa nye bar gzhag pa zhes bya ba dang/ theg pa chen po'i mdo las 'byung ba mi dge ba bcu'i las kyi lam 'di ni dmyal ba chen po'i rgyun yin te/ mi dge ba bcu'i las kyi lam bsten pas sems can dmyal bar ltung bar 'gyur ro/ /mi dge ba bcu'i las kyi lam bstan pa/ slob dpon chen po dpal mar me mdzad ye shes kyi zhal snga nas mdzad pa rdzogs so// //rgya gar gyi mkhan po de nyid dang/ zhu chen gyi lo tsA ba dge slong tshul khrims rgyal bas bsgyur cing zhus te gtan la phab pa/ / //las rnam par 'byed pa zhes bya ba bzhugs// //*/ /rgya gar skad du /karma bi ta nA ma/ bod skad du/ las rnam par 'byed pa zhes bya ba/

CLOSE WINDOW