བོད་ཡིག

e-texts based on the ACIP/ALL Input

/skyabs su 'gro ba bstan pa zhes bya ba / bla ma byang chub sems dpa' dI paM ka ra sh+rI dz+nyA nas mdzad pa rdzogs so// //theg pa chen po'i lam gyi sgrub thabs yi ger bsdus ba bzhugs// // rgya gar skad du / ma hA yA na pa tha sA d+ha war+N+Na soM gra ha /bog skad du /theg pa chen po'i lam gyi sgrub thabs yi ger bsdus pa/ sangs rgyas dang byang chub sems dpa' thams cad la phyag 'tshal lo/ /bsam gyis mi khyab che ba mnga' / /bla med byang chub thob 'dod na/ /byang chub bsgrub la rag las pas/ /sgrub pa lhur blang snying por bya/ /dal 'byor phun sum tshogs pa'i lus/ /shin tu rnyed dka' rnyed gyur cing/ /phyis kyang shin du rnyed dka' bas/ /sgrub la 'bad pas don yod bya/ /sangs rgyas 'byung dang dge slong dang/ /mi lus rnyed dka' rnyed gyur cing/ /dge bshes phrad dka' phrad gyur nas/ /don med par ni ma byed gsungs/ /rlung gi nang gi mar me bzhin// tshe 'di gnas pa'i gdengs med phyir/ /mgo 'am lus la me 'bar bzhin/ /sgrub la myur de brtson 'grus brtsams/ /'jig rten 'das dang 'jig rten gyis/ /phun sum tshogs pa thams cad kyang/ /sgrub pa'i mthus? las byung rig mjad/ /sgrub pa gtsor mdzad blo ldan rnams/ /'di dang gzhan du bde ba la/ /mkhas pa su zhig the tshom za/ /de nyid phyin na blo ldan rnams/ /sgrub pa snying po bya bar rigs/ /'dod pa'i bzhi la chags pa'i rgyus/ /sgrub pa'i spyod lam nyams pa'i mi/ /'jig rten 'das dang 'jig rten gyi/ /phun sum tshogs pa thams cad las/ /shin tu ring ba kho nar 'gyur/ /'khor ba'i btson ra nyam nga? ru/ /nyon mongs 'ching ba sna tshogs kyis/ /rab tu bsdams pas nyam thag cing 'khor ba'i sdug bsngal dpag med kyis/ /de nyid rgyud gdung mi bder 'gyur/ /de nyid phyir yang blo ldan dag /'dod pa'i gzhi la chags spangs te/ /chos sgrub gtso bor bya ba'i rigs/ /'dod la chags bral bye ba'i phyir/ /'dod pa'i nyes pa dpag med pa/ /gzhung las 'byung ba rtogs byas la/ /rtag tu tshul bzhin yid la bya/ /mnog chung nyes pa che ba ni/ /btung ba dug can lta bur blta/ chos min sdug bsngal rgyur gyur pa/ /rtswa yi me bzhin shes par bya/ / 'dod pa ngoms par mi byed cing/ /skom pa'i sred pa 'phel byed pa/ /lan tshwa'i chu 'thungs lta bu zhes/ /thub pa'i dbang po'i lung las 'byung/ /'dod pa gnod pa mang ba ni/ /shing ge rtse mo'i shing rtog dang/ lam mkha' i shing gi shing tog 'dra/ byis pa rnams ni lan mang du/ /'dod pa'i gzhi la chags pas 'phung/ /'dod pa'i skyon du ma gyur pa/ /de ni 'ga' yang med rig bya/ /de yis las ni sdug bsngal bskyed/ /thog ma med pa'i dus nas kyang/ /'dod la chags pas rtag tu 'khor 'dod pa'i chu po'i shugs kyis ni/ /'khor ba'i 'khor lor 'khor byed cing/ /de yi nyes pa grangs med skye/ /'khor ba'i skyon ni mdza' yas kyis/ /sngon mdza' de ltar phyi mdza' ru/ /gdung byas gdung byed gdung byed 'gyur/ /de don rtag tu bsgom bya zhing/ /btson ra lta bu'i 'khor ba la/ /bcom ldan skyo ba goms par bya/ /ji ltar brtson ni brtson ra yi/ /sdug bsngal mang myong de dran pas/ /skyo sems rtag tu dang gis 'byung/ /ji ltar brtson ni brtson re las/ /'gros pa'i glags ni byung ba'i tshe/ /ched ka gzhan dang mi snyoms par/ /de yi gnas nas 'bros pa ltar/ /'khor ba'i rgya mtsho che 'di las/ /rgol ba'i glags dag byung gyur na/ /ched dka' gzhan dang mi snyam par/ /srid pa'i khyim gnas 'byung bar bya/ /bdag gzhan 'khor ba'i sdug bsngal dag /mthar dbyung phyir yang blo ldan dag /'dod pa me bzhin myur spangs te/ /chos sgrub gtsor phyi ma rigs sam/ /sgrub par 'dod pa'i gang zag gis/ /sa ltar chos nyid gzhir gyur bas/ /dang po skyabs su lags 'gro zhing/ /de yi bslab pa'i chos la bslab/ /rjes su dran drug rtag tu bsgom/ /sangs rgyas yon tan mdza' yas pa/ /sgrub pa bos ni dran byas la/ /de la dad pa brtan par bya/ /chos kun rtsa ba dang 3 45a pa yin/ /rtswa rtse'i zil thigs lta bur ni/ /ring du mi gnas tshe 'di'i phyir/ /mkhas pas sdig pa yongs mi spyod/ /de 'bras ngan 'gro'i sdug bsngal 'byung/ /dge bcu tshul khrims dag bya zhing/ /so sor thar pa'i sdom dag kyang/ /ci nus rim gyis dag par bsrung/ /de ni 'phags nor kun gyi rgyu/ /mang thos nor yin de ldan bya/ /tshul khrims nor nyams gyur pa bzhin/ /mang thos nor las nyams pa'i mi/ /phyi phyir 'gyod par gdon mi za/ rang la nga rgyal gzhom pa dang/ /chos smra ba la 'ang gus par bya/ /theg chen chos sgor 'jug 'dod pas/ /mun sel gdung ba zhi byed pa/ /nyi zla lta bu'i byang chub sems/ /bskal par 'bad pas skye yang rung/ /dang por de bskyed rab sbyangs pas/ /ri rab lta bur brtan par bya/ /de bskyed sbyong bar 'dod pa yis/ /byams sogs tshangs pa'i gnas bzhi po/ /'bad pas ring du bsgom byas pas/ /chags dang phrag dog spang bya zhing/ /yang dag cho ga byas pas skye/ /bag yod chos las nyams pa'i mi/ /chos kun las ni nyams par 'gyur/ /chos de rnal 'byor nyid du bya/ /bu gcig pham bu bsrung dang/ /zhar ba mig gcig mig bsrung dang/ /lam zhugs rnams kyis ded dpon dang/ /sman shing chen po'i 'bras bu ltar/ /bag yod chos kyi sems de bsrung/ /sems de byang chub rtsa bar gsungs/ /byang chub sems dpa' i spyod pa yi/ /dkyil 'khor dag ni thams cad kyang/ /byang chub sems kyi mthu las byung sems mchog de dang mi ldan pas/ /sbyin las shes rab bar dag gi /spyod pa drug la slong byed kyang/ /rten dang bral ba nyid kyis phyir/ /pha rol phyin pa'i ming yang med/ /nyan thos bse ru drug po bzhin/ /bsod nams @ 345b thams cad sdud pa yi/ /ting 'dzin sems de ma bskyed na/ /bsam gtan bzhi dang gzugs med bzhi/ /ting 'dzin lan mang thob 'gyur kyang/ /srid pa'i mcho las rgal mi nus/ /byang chub sems kyi bzhon pa la/ /rten nas 'chi ba rjes dran kyis/ /lcag ni yang dang yang brdab cing/ /srid lam 'jigs pa ches yi/ /lam 'di myur du 'da' byas la/ /'jigs med sangs rgyas sar phyin bya/ /skyabs 'gro lhag pa'i tshul khrims dang/ /smon pa'i gzhi las gnas pa yis// sems dpa' i sdom pa rab? bzung zhing/ /pha rol phyin drug la sogs pa/ /sems dpa' i spyod pa thams cad la/ /ci nus rim gyis tshul bzhin spyad/ /'jug pa'i spyod pa gtser ston pa'i/ /mdo sde blta zhing bstan chos mnyan/ /chos kyi mi ngoms mcho 'dra'i mis/ /rin chen nor bu'i rgya mtsho bzhin/ /yon tan kun 'byung 'byung gnas gang/ /theg chen gzhung las bsngags pa yi/ /gshes gnyen ring du tshul bzhin bsten/ /rgya mtsho chen por chu bo bzhin/ /de yi rtan la yon tan 'du/ /sems dpa' i spyod la de mkhas 'gyur/ /sems dpa' spyod ba che ba la/ /dad pa shin tu brtan par bya/ /bag yod dran dang shes bzhin dang/ /tshul bzhin yid la byed pa yis/ /kun nas nyon mongs dmigs pa la/ /rang sems yan pa phyir bzlog ste/ /sangs rgyas chos kyi dmigs pa la/ /rtag tu bzhag pa nyid du bya/ /de ltar slob pa'i rgyal sras gang/ /de yi spyod las nyams mi 'gyur/ /dge ba'i bshes kyis gdams pa bzhin/ / rtsom pa dag ni thams cad kun/ /theg chen gzhung dang bstun de brtsam/ /gros kyi phugs ni chos la gtad/ /chos dang 'gal na gang yang spangs/ /chos dang mthun pa'i spyod pa spyad/ /blo ldan gang zhig rtsom pa kun/ /chos gtsor byed pa dpal ldan bo/ /de la 'di dang gzhan du yang/ /bde bar 'gyur par the tshom med/ /thos pa nyung dang 'khor spangs shing/ /bas mdza' dgon par gnas par bya/ /zhi ba dang ni dul ba yi/ /sbyor ba de la brtson 'grus brtsam/ /khyim ni gang la mi blta zhing/ /gzhan skyon mi brtag rang skyon blta/ /gzhan gyi snying la mi 'bab pa'i/ /tshigs kyang mkhas pas ring du spang/ /'di dag dang ldan rgyal sras gang/ /phyi mdza' dus su mi nyams par/ /bde bar thar zhes thub bas gsungs/ /gzhan brnyad khyad du gsod cing smod/ /de yis bdag nyid nyams bar 'gyur/ /kun la ston pa'i 'du shes sbyang/ /chos sgor zhugs dang rgyal sras la/ /khyad par du yang blo de spyad/ /rab byung 'ching ba dam po gang/ /rnyed pa dang ni bkur bsti ste/ /de yi gzhi la chags pa spangs/ /'ching ba des las grol ba gang/ me yi nang gi pad+ma bzhin/ /mkhas pa'i ngo mtshar gnas su 'gyur/ /rab tu byung pa'i sgrub pa pos/ /sangs rgyas chos kun 'byung ba'i rgyu/ /'phags pa'i rigs bzhi la gnas bas/ /'dod pa chung zhing chog shes byas/ /sbyangs pa'i yon tan bcu gnyis la/ /de yis bslab par thub pas gsungs// yo byad bsnyungs pa la gnas shing/ /yongs su 'dzin pa thams cad la/ /rgyab kyis phyogs te gnas par bya/ /rgyus med yul du grong rgyu zhing/ /bya bzhin 'tsho ba 'phral btsal bya/ /rang sems spyong ba lhur len pa/ /ngo mtshar thub pa'i mdo las gsungs/ /gdul dka' sems rgyud yan btang nas/ /grags sogs 'jig rten chos kyi phyir/ /nyin mtshan gyis ni dus kun tu/ /rtsod pa slob phyir rtsod pa spyod/ /nyan bshad la sogs chos la 'jug tshe ni don med myur du 'da' / /mchog gi lam las de nyams 'gyur/ /'chi bdag nye bar gyur pa'i tshe/ /'gyod bas do rgyud gdung bar 'gyur/ /'jig rten chos la mnyam sems bslab/ /de yis byis pa slu bar byed/ /'jig rten gang gi blo la yang/ /bdag gi ming yang mi gnas shing/ /bdag gi lus kyi rus pa'i rdul/ /shin tu phra ba 'ang 'jig rten na/ /gnas bar mi 'gyur de dus 'byung/ /de tshe rnyed dang bkur sti dang/ /grags sogs med 'jig smos ci dgos/ /de tshe bdag la gang dben pa/ /blo dang ldan pas dpyad pa thog /las dang po yi gang zag gis/ /lus dben pa la ma brten par/ /sems dben rnyed par dka' ba'i phyir/ /'dre spangs gnas su gnas par bya/ /'dres pas 'dris shing chags par byed// de yis 'khor ba'i 'khor lo bskor/ de ltar 'dre ba spangs pa la/ /rtag tu bag dang ldan par bya/ /gnyid la dga' spangs chos kun phyir/ /der gnas de yis brtson 'grus brtsam/ /de yis chos kun rdzogs par byed/ /dran pa nyer gzhag bzhi bsgom zhing/ /phyin ci log bzhi rab tu spangs/ /smra la dga' spang don bsam bya/ /bu ram shing shun snying po ci yang med/ /dga' bar bya ba'i ro ni nang na 'dug /shun pa zos pas mis ni bu ram ro/ /zhim po rnyed par nus pa ma yin no/ /shun pa de bzhin 'di la smra ba ste/ /ro lta bu ni 'di la don sems yin/ /de lta bas na mi rig smra spangs te/ /rtag tu bag yod gyis la don sems shig /nam mkha' i mdza' klas sems can gyis/ /ched du go bgos rig mdzod la/ / 'ga' ya ched du sgrub pa yi/ /spyod pa dag la nyams mi bya/ /'khor dang rnyed pa bkur sti dang/ /grogs 'dod pa yi blos bskyod nas/ /smra la dga' ba'i sems byung na/ /sgrub pa'i bar chad byed ba'i gdon/ /rang gi sems de yin rigs mdzod/ /mdza' bshes la sogs gang la yang/ /gces dgongs mkho ba chung bar bya/ /mkho ba'i sgo nas nyams 'gyur zhing/ /chos la 'ang bar chad mang du 'byung/ /las la dga' ba rab spangs te// gdul dka' i sems gdul dge ba spyad/ /spros la dga' ba rab spangs te/ /bzod la des pas bdag nyid brgyan/ /bzod pa'i che ba dpag tu med/ /rnyed dang bkur sti la sogs pa'i/ /chos drug nyes pa mthong bar bya/ /sems dpa' i spyod pa grangs med kyang/ /bsdu na thabs dang shes rab gnyis/ /thabs dang shes rab pha ma yis/ /sangs rgyas sras ni skyed par byed/ /bde gshegs sras ni don gnyer bas/ /thabs dang shes rab pha ma yi/ /sgrub pa 'di gnyis 'brel par bya/ /sgrub pa 'di gnyis bral gyur na/ /sangs rgyas sras skyed mi nus te/ /skyes pa dang ni bud med dag / gcig la gcig ni zla med bzhin/ /gang phyir yang bral 'chings bar gsungs/ /chos kun rtsa bar rab bstan pa'i/ /'dun pa rtag tu bsgom bya zhing/ /zla ba yar gyi ngo bzhin du/ /sgrub blo rtag tu 'phel bar bya/ /stobs dang ldan pa nyid du bya/ /sgrub pa'i blo ni 'phel gyur na/ /rlan ldan ri rtse'i rtswa shing bzhin/ /sgrub pa 'phel par gdon mi za/ /sgrub blos stobs dang ldan gyur na/ /spyod pa'i khur lci yun ring du/ /khur yang skyon zhing ngal mi 'gyur/ /chos spyod rnam bcu la sogs pa'i/ /tshogs bsags sgo ni thams cad nas/ /tshogs gnyis bsags pa lhur blang bya/ /slob pa'i dus na che ba gang/ /de yi rten la chos ku skyed/ /sems can don la mthu ldan 'gyur/ /sku dang ye shes 'bras bu 'byung/ /thabs dang shes rab snying po gang/ /zhi gnas lhag mthong rnal 'byor bsgom/ /'jig rten 'das dang 'jig rten gyi/ /chos kun de gnyis 'bras bur gsungs/ /mngon shes mthu dang ldan bya dang/ /zag med lam ni bskyed pa'i phyir/ /dang po zhi gnas bskyed par bya/ /zhi gnas tshogs ni nyams pa yis/ /ring du 'bad kyang 'grub mi 'gyur/ /ting 'dzin tshogs la legs par bslab/ /ting 'dzin gnod pa kun spangs te/ /mthun pa'i dmigs pa gang yin la/ /spong ba'i 'du byad brgyad ldan par/ /de don ga snyer bas gtsubs shing ltar/ /chags pa'i rlan dang bral ba yis/ /stag tu rgyun dang ldan par bsgom/ /nyon mongs g.yul las rgyal bya'i phyir/ /zhi gnas la rten lhag mthong bsgom/ /lhag mthong grub par gyur pa yis/ /mnyam gzhag langs pa'i dus dag tu/ /sgyu ma'i dpe brgyad lta bur ni/ chos kun lta ba goms byas pas/ /rjes kyis rtogs pa spyad ba dang/ /thabs la slob pa gtso bor bya/ /mnyam par bzhag pa'i dus dag tu/ /zhi gnas lhag mthong cha mnyam zhing/ /de rgyun rtag tu goms par bya/ /de lta tshul bzhin bslab pa'i mthus/ /drod sogs des 'byed bzhis thos nas/ /sa bcu'i ye shes rim gyis skye/ /de yis myur du de 'tshad rgya/ /nor bu bzhin du gzhan gyi don/ /lhun gyis grub par de byed 'gyur/ /shin tu bsdus na go mi 'gyur/ /shin tu spros na gzhungs ma 'gyur/ /blo dang ldan pas legs dpyad na/ /go pa'i tshad du bdag gis gdams/ /bdag gi bla ma yon tan mang mnga' rgya mtsho che dang mtshungs/ /'jig rten chos la mi gzigs nyid gzhan don phyir sgrub pa snying por 'dzin/ /'jig rten ma rig gis long shes rab mig 'byed mthu mda' du ma yis/ /gdams ba'i ngon dang gtsug lag bstan bcos las bshad bslab dgos shes/ /gzhan la phan pa 'byung srid bsam bas yi ger gnas par byas/ /dad dang shes rab nong ldan sgrub pa snying por byed 'dod gang/ /theg pa lam gyi sgrub thabs yang dag yi ger bsdus 'di la/ /gal te mos pa yod srid 'di bzhin byas te rang gzhan don du 'gyur/ /theg pa chen po'i lam gyi sgrub thabs yi ger bsdus ba/ slob dpon chen po dpal mar me mdzad ye shes kyi zhal snga nas mdzad pa rdzogs so// // rgya gar gyi mkhan po de nyid dang/ lo tsA ba dge slong dge ba'i blo gros gyis bsgyur cing zhus te gtan la phab pa// //*/ /theg pa chen po lam gyi sgrub thabs shin du bsdus pa bzhugs// // rgya gar skad du/

CLOSE WINDOW