བོད་ཡིག

e-texts based on the ACIP/ALL Input

/ //lo tsA ba a tsarya bai ro tsa na rakI tas bsgyur ba'o// /*/ /las dang po pa'i sa sbyang ba dgra las rgyal ba gsang bas mdzad pa bzhugs/ / rgya gar skad du/ ya ti karmi b+hU mi ka ri pa ri/ bod skad du/ las dang po pa'i sa spyad pa/ sangs rgyas la phyag 'tshal lo/ /nyi ma lta bur gzi ldan sku/ /sangs rgyas zhabs la phyag 'tshal te/ /las ni dang po ba yis/ /spyad pa 'dir ni bshad bar bya/ /lam ma sbyangs pa'i nyes pa dang/ /lam gyi sbyang ba gang zhe na/ /lam ma sbyangs pa'i skye bo dag / byes bgrod ngal dub tsha grang dang/ /lci dang rtsub dang skyo ba dang?/ /bkres skom gdungs shing brnyas pa dang/ /'jigs dang yi mug nyams su myong/ /mya ngan 'tsher 'grib bcas pa dang/ /kha cig spyi'u tshugs dmyal ba dang/ /dud 'gro yi dags rnams su bsten/ /nor dang bza' btung grags pa dag /'dod pas byed bgrod sdug bsngal can/ /de ba 'bras bu med pa dang/ /sdug dang bral dang mi sdug phrad/ /mi bzad na rgas 'joms bzhin du/ /'chi bdag drung du myur 'gro ba/ /ma tshor gzhad bcas shing rtse/ /tshe 'di don med myur du 'da' / /yang dang yang du skye ba mis 'khor ba'i nyes pa grags med bsten/ /kyi hud lam las nyams pa yi/ /skye bo dag ni nyam dar gnas/ /mi bzad mya ngan 'bro dgon du/ /lam gol gyur pa dag dang mtshungs/ /mig ldan lam log 'gro ba ltar/ /lam las nyims? ba'i skye bo smad/ /de la lam sbyang ba gang zhe na 'dir las dang po pa'i sa ni lam gyi dang po ste /de spyad ba ni dbye ba rnam pa du ma dang ldan pa'i dkon mchog gsum legs par shes nas phyag 'tshal ba dang/ rgya cher mchod pa dang /yon tan brjod pas bstod pa dang/ /snying thag pa nas skyabs su 'gro ba dang/ /rjes su dran pa bsgoms pas bslab pa la slob pas skyabs phun sum tshogs pa yin /mi dge ba bcu'i nyes pa shes pa dang/ dge ba bcu'i yon tan shes pa dang/ dge ba bcu'i sdom pa len pa dang/ blangs pa slar mi gtong ba dang/ lan 'ga' nyams na yang chos bzhin du /slar 'chos pas sdom pa la gnas pa yin/ byang chub sems kyi phan yon legs par shes pa dang /de skye ba'i rgyu la gnas pa dang/ / sems de yang dag par bskyed pa dang/ bskyed ba'i mi mthun pa'i phyogs ring du spong ba dang/ sems de 'phel zhing mi brjod pa'i chos la gnas pas byang chub kyi sems la gnas pa yin pas /de ltar chos rnam pa gsum la rnam pa bco lngar phye ba 'di ni 'dir sa sbyang ba'i gzhi dang/ rten dang/ gnas zhes bya'o/ /de gzhi de lta bu la brten nas /lam gyi dngos gzhi gang/ ji ltar sbyang zhe na/ gzhi de dag la legs par gnas pas 'jug pa byang chub kyi sems blang ba byas nas / ji ltar blangs ba'i sdom pa las mi 'da' bar byams pa tshad med pa bsgom pa dang/ /dran pa nye bar gzhag pa bzhi bsgom zhing /yang dag par spong ba bzhi la gnas par bya ste /'di ni las dang po ba'i sa'i dngos gzhi yid la bya bas/ rim gyis 'phags pa'i bden pa la 'jug par bya'o/ /de yang dran pa nye bar gzhag pa dang/ yang dag par spong ba bzhi grub nas/ ting nge 'dzin gyi ngo bo rdzu 'phrul gyi rkang ba bzhi la gnas pa na/ sa de nyid kyi khyad par thang ba'i cha dang mthun pa'i dge ba'i rtsa ba bskyed pa yin te/ bdag dang gzhan gyi 'byor pa dang/ /'dun dang tshul khrims dbang po dang/ /de bzhin zas dang mi nyel dang/ /shes bzhin du ni mi spyod dang/ /de bzhin dge ba'i bshes gnyen dang/ /dam chos nyan dang sems pa dang/ /bar chad med dang gtong ba dang/ /dge spyod rgyan ni tha ma yin/ /dang ldan g.yo med nad nyung dang/ /brtson 'grus shes rab 'dod chung dang/ /cho ga shes gso slad gang sla dang/ /sbyangs dang mdzes dang drod rig dang/ /skyes bu dam chos mkhas rtags dang/ /bzod dang des dang gya nom pa'o zhes bya ba'i yon tan dang ldan pa /de las gzhan pa theg pa chen pa'i tshogs lam gyi khyad par lus la dbang ba/ la sogs pa dang/ snying rje chen bo'i sgo sngon du gyur pas sdug bsngal ba mthong ba na rang dbang med par 'chi ma'i rgyun 'bab pa la sogs pa 'byung ngo/ /de ltar byang chub sems dpa' i sdom pa dang/ byams pa'i ting nge 'dzin dang/ dran pa nye bar gzhag pa dang/ yang dag par spong pa dang/ rdzu 'phrul gi rkang pa bzhi po/ snga ma'i rtan dang bcas pa 'di ni /tshogs kyi lam dang/ /las dang po pa'i sa dang/ dad pa'i sa zhes bya'o/ /de ni 'dir nyin mtshan gyi cha las yang dag bar spong pa bzhi la gnas pas las la ma sbyang la brjod pa/ thor ngas mal nas lang nas ni/ /gzhi gsum dran pas brtul zhugs mchog/ bdag gzhan brje dang 'jig rten gyi/ /chos brgyad mnyam par mos pa bskyed/ /de nas yid ni bsdus pa yis/ /kye ma sems can bde 'gyur bsam/ /de nas lus dang tshor ba dang/ /sems dang chos ni mi gtsang dang/ /sdug bsngal mi rtag bdag med ces/ /phyin ci log bzhi'i gnyen po bsgom/ /re re 'am yang na rim gyis kyang/ /nam langs par du 'bad pas bsgom/ /gang gis lus can grol 'gyur ba'i/ /lam gyi dang po 'di nyid yin/ /de nas nam ni langs pa dang/ /ci rigs gtsang spra byas nas ni/ /mchod rten phyag 'tshal maN+Dal bya/ sdig bshags la sogs rgyas byas te/ /lhag par skyabs su 'gro ba dang/ /byang chub sems ni brtan po bskyed/ /ci rigs skor ba byas nas ni/ /bla ma dang ni rgan? po dang/ /chos smra ba la'ang phyag byas te/ /'dzum zhing stan par smra ba dang/ de dag dgos pa 'bad de bsgrub/ /bar deng dus ni nyed gnas na/ /chos bshad la sogs sems can don/ /rang bde btang la 'bad pas bsgrub/ /khyed du? sus? sogs zas la spyod/ /dkon mchog sprin las gsungs pa bzhin/ /cha bzhir bgos te bza' bar bya/ /lhag par phongs la bza' btung bgo/ snga dro? yi ni dus dag tu/ /bri dang klog ba la sogs pa'i/ /chos spyod bcu la 'bad pa 'am/ /tsha tsha bya'am 'gro phan gdags/ /dus kyi dam pa snga dro ni/ /don med 'da' bar mi bya'o/ / nyi ma'i gud la byams pa dang/ /dran pa nyer gzhag cung zad bsgom/ /de nas yang ni phyag 'tshal sogs/ /snga ma bzhin du rgyas par bya/ /phyi dro skye bo dam pa dang/ /'grogs shing ngal gso bden don la/ /spro? zhing srid las yid 'byung ba'i/ /legs bshad ro ni myang bar bya/ /phyi 'phreng slar yang snga ma bzhin/ /zhi gnas lhag mthong bsgom pa dang/ /mchod rten phyag 'tshal la sogs bya/ /dmar thag chad nas mtshan mo ni/ /bla ma'i bsnyen bkur tshul bzhin bya/ /rang gi rkang pa bkrus nas ni/ /zhi gnas lhag mthong bsgom pa 'am/ /don chen ldan pa'i kha ton bya/ /nam gyi cha stong 'das pa dang/ /tshul bzhin yid la byed pa yis/ /rigs pa bzhin du nyal bar bya/ /nyin par dad ni mtshan mo yang/ /lag bzangS kyis ni? zhus pa dang/ /rin chen phreng ba las bshad ltar/ /sna tshogs dge ba'i phyogs la 'bad/ /de nas tshe 'di nyid la yang/ /drod la sogs pa thob par 'gyur/ /de ltar thos pa dang bsam pa la gnas pas tshogs kyi lam phal pa dang khyad par can spyang ngo/ /de las gong du bsgom pa las byed bas mos pas spyod pa'i sa dag la dbang po dang stobs kyi bden pa dag bsgoms pa'i sa spyad pa ni dkon mchog sprin pa sogs par blta zhing/ rab tu dga' ba la sogs pa'i sa 2 69a sbyang ba ni sa bcu ba'i le'u las bstan te / rgyal ba'i sras kyis yi dang po pa/ /tshogs kyis ste de sbyang mdor bsdus pa/ /cung zad bshad las dge ba gang thob pa/ /nges ni 'gro rnams dag pa'i sa thob shog/ las dang po pa'i sa spyad ba zhes bya ba slob dpon mkhas pa chen po byang chub sems dpa' dgra las rgyal gsang ba'i zhal snga nas mdzad pa rdzogs so/ / //rgya gar gyi mkhan po kriSh+Na pa dang/ zhu chen gyi lo tsA ba dge slong chos kyi shes rab kyis bsgyur cig gus te gtan la phab pa'o/ / ShU b+ha?//*/ /rgya gar skad du /bo d+hi satwa tsarya sU dri kra? ta ba bA ra/ bod skad du/ byang chub sems dpa' i spyod pa mdo tsam gdams ngag tu byas pa/ sangs rgyas dang byang/ chub sems dpa' thams cad la phyag 'tshal lo/ /nges par legs pa'i byang chub dang/ /mngon par mtho ba thob 'dod pas/ /dkon mchog gsum la ltar bzung nas/ /dang po snying rje kun la lta/ /de nas byang chub sems bskyed de/ /thabs dang/ ldan pa'i spyod pa yis/ /rang gi sems nyid dang por gdul/ /dang po rang nyid ma dul bar/ /gzhan dag gdul bar ji ltar nus/ /ji ltar 'dab gshog mtshang ba'i/ /bya yis mkha' la phur mi nus/ /de bzhin lta spyod med? pa yi/ /gang zag ngag ni ji ltar grol / de phyir de gnyis 'grub ba'i phyir/ /dka' ba'i 'bad pa chen pos bya/ /dka' bas spyad ba ma byas par/ /sla pas goms par ji ltar 'gyur/ /go bgos khur khyer rgyal sras des/ /dge pa'i bshes gnyen bsten byas te/ /shes rab gsum la gzha? bcas nas/ /go 'phang mchog tu 'gro ba yi/ /lta ba nyid la gcor sbyangs te/ /tshul khrims gtsang ma'i gos gyon? nas/ /sgrub la nan tan ces su bya/ /chos kyi rjes su bsgrub pa'i phyir/ /dus dang gnas @

CLOSE WINDOW