བོད་ཡིག

e-texts based on the ACIP/ALL Input

/ //*/ /rgya gar skad du /pA ra mi tA sA ma sA nA ma/ /bod skad du/ /pha rol tu phyin pa bsdus pa zhes bya ba/ sangs rgyas dang byang chub sems dpa' thams cad la phyag 'tshal lo/ /byang chub mchog tu sems bskyed de/ /dkon mchog gsum la skyabs song bas/ /ston pa gzhan la phyogs pa yi/ /ser sna'i dogs pa yongs su spangs/ /bla na med pa'i sangs rgyas sku/ /dpal ldan skyes chen mtshan 'chang la/ /ci nas shigs par mi nus pa/ /thob rtsol sangs rgyas skyabs su song yin/ /'jig rten skyabs med bskyab pa'i phyir/ /spyod cing rang gi don btang ste/ /sangs rgyas bsgrub phyir blo brtan na/ /sangs rgyas skyabs su song ba yin/ /rga shi nang dang 'chi ba las/ /sems can mgon med bskyab pa'i phyir/ /sangs rgyas nyid du 'grub smen na/ /sangs rgyas skyabs su song ba yin/ /mthong thos dran dang reg pa dang/ /dri tshar ro myong cis kyang rung/ /'gro ba kun la bde smon na/ / sangs rgyas skyabs su song ba yin/ /sems can rnams la snying brtse zhing/ /bde gshegs yon tan thob mos na/ /de bzhin gshags pa thams cad la/ /mdor bsdus skyabs su song ba yin/ /byang chub mchog tu smon byed do/ /rang giS don la mi lta zhing/ /gzhan don brtson yang da med na/ /sangs rgyas skyabs su song ba yin/ /byang chub sems dpa' i spyod chen la/ /gang zhig skyo med zhum med cing/ /mos po chen po skyed byed pa/ /de ni sangs rgyas skyabs song yin/ /skyabs kyi mchog ni stobs bcu dang/ /stobs bcu'i chos zhes de tshol zhing/ /yon tan tshogs la dang skyed na/ /sangs rgyas skyabs su song ba yin/ /'jig rten 'di dag skyabs med pa/ /skyabs su bya zhes dam brtan na/ /de ni 'gro ba'i skyabs yin te// sangs rgyas skyabs su song ba yin/ /nyon mongs bcas pa'i sems ldan pa'i/ /sems can gang tshe mthong gyur pa/ /de tshe mos pa tshe pa skyed cing/ /gcig las rnam mang sprul byas te/ /'jig rten dpag yas thams cad la/ /phan pa kun stobs las dang sems/ /bdag gis gus par bya'o zhes/ /su sems sangs rgyas skyabs song yin/ /skyabs su 'gro ba dang pa'o// //dam chos 'khor los sgyur ba yi/ /rgyal por gyur te 'chi med pa'i/ /lam gyis 'gro ba skyabs smon na/ /chos la skyabs su song ba yin/ /bdag kyang 'jig rten mdza' med kyang/ /snying rjes yongs su mi gtong zhing/ /dam chos bstan par gang mos pa/ /de ni chos la skyabs song yin/ /'gro ba'i sdug bsngal bsal ba'i phyir/ /bdag gi dam chos bstan bya zhes/ /sems can don la sems gnyen na/ /chos la skyabs su song ba yin/ /mang thos nan tan rgyan ldan dang/ /gzhan la bstan pa'i don sgrub na/ /chos la skyabs su song ba yin// mtshan ma shin tu gsal ba yin/ /'jig rten ma lus thams cad la/ /chos 'di skyabs kyi mchog yin zhes/ /rtog cing dam chos tshol byed na/ /chos la skyabs su song ba yin/ /chos kyi slob dpon snyen byed cing/ /nyan 'dod tshul bzhin yid byed la/ /ston cing nan tan lhur byed na/ /chos la skyabs su song ba yin/ /dam chos yongs su gzung pa'i phyir/ /spyod pas yang dag sbyong byed cing/ /lus dang srog la mi lhan/ /chos la skyabs su song ba yin/ /byang chub mchog gis phyogs kyi chos/ /bdag ngon ma yin gzhan don du/ /snying rje chen pos spyod byed na/ /chos la skyabs su song ba yin/ /gang zhig bde la chags med la/ /sdug bsngal rnams pas mi 'jigs shing/ /'jig rten phan sbyong chos shes na/ /chos la skyabs su song ba yin/ /dam chos tshul 'di ma thos pas/ /'jig rten 'di dag dman 'gyur zhes/ /ston cing nan tan don byed na/ /chos la skyabs su song ba yin/ /'gro ba ma lus thaMs cad kyang/ /bdag gi chos la dgod bya zhes/ /sems bskyed nan tan spyod byed na/ /chos la skyabs su song ba yin/ /skyabs su 'gro ba gnyis pa'o// //mos pa shin tu rnam dag pas/ /'phags pa'i dge 'dun drung 'gro ba/ / gang gi bsam pa mi bzlogs pa/ /de ni dge 'dun skyabs song yin/ /nges par ltung bar gyur pa yi/ /nyan thos theg la gnas pa rnams/ /byang chub sems ni skyed byed na/ /dge 'dun skyabs su song ba yin/ /dge 'dun yon tan dran byas shing dge 'dun bzhin du bkur gnas su/ /'jig rten thams cad bkur mos na/ /de ni dge 'dun skyabs song yin/ /byang chub go cha rtan byed cing/ /dge 'dun rnams la cher mos pas/ /dge 'dun bsnyen bkur gang dang pa/ /dge 'dun skyabS su song ba yin/ /tshul khrims ting 'dzin shes rab dang/ /rnam grol de shes ston la sogs/ /dge 'dun yon tan rin chen gyis/ /'jig rten rgyan par mos pa dang/ /dge 'dun dag la dang brtan pas/ /'gro ba mang po kun gyis kyang/ /dang pas bzlog par mi nus na/ /de ni dge 'dun skyabs song yin/ /skyes bu dam pa rin po ches/ /bcas pa'i mu stegs gtsang ma ste/ /bdud la shin du dpa' ba yi/ /skyes mchog de ni dge 'dun yin/ /yang dag ji bzhin smra byed cing/ /de la chung phul yangs 'gyur zhes/ /de 'dra'i rnam dag sems 'chang na/ /dge 'dun skyabs su song ba yin/ /byang chub mchog sems mi ldog dang/ /dbang dang tshad med yon tan gyis/ /brgyan pa'i yon tan gang tshol la /de ni dge 'dun skyabs seng yin/ /dkon mchog gsum la skyabs song ba/ /sems can 'jigs med don 'gyur bas/ /dkon mchog gsum gyi skyabs ldan ni/ /de phyir mi 'jigs sbyin bdag yin/ /skyabs song bsod nams gzugs yod na// la sogs su 'di yang snod du chung/ /rgya mtsho chen pa'i chu yi gter/ /phul gyis bcal pas gzhal mi nus/ /skyabs su 'gro ba gsum pa'o// //skyabs 'gro gsum byas phyin chad sbyin pa la/ /ci nas lus kyi yan lag bslangs gyur kyang/ /tshul ngan gtong la zhum par mi 'gyur bar/ /'jig rten phan bar brtson pas sbyor ba bya/ /ser sna'i skyon ni gang gi 'phel 'gyur ram/ /yongs su gtong sems 'phel bar mi 'gyur ba'i/ /yongs 'dzin bgegs su 'gyur ba'i slu ba dag / byang chub sems dpas ma lus yongs su sbangs/ /gang zhig gtong sems gnyen por 'gyur ba dag /yang dag byang chub lam la sgrim byed na/ /de 'dra'i nor ram rin chen rgyal srid kyang/ /byang chub sems dpas blang bar 'os pa min/ /thub pa rnams kyi spyod mchog dran byas shing/ /de gzhol rang gi dam bcas bsam byas te/ /yongs 'dzin chags pa rnam par bsal ba'i phyir/ /sems la rtogs pa'i dam pa 'di dag rtogs/ /'gro ba kun la bdag gi lus btang ste/ /de btang chos kyang 'di lhag bdag gis spangs bya na/ /phyi rol dngos la bdag gis chags bya ba/ /glang po'i khrus bzhin bdag la rigs pa min/ /sha la don gnyer sha 'di bkur par gyis/ /rkang 'dod sems can rkang yang brus te khyer/ /bdag gi lus 'di ltar bkur ba yang/ /'jig rten don dan phyi rol dngos ci smos/ /ji ltar sman gyi sdong po skyes gyur la/ /lo ma me tog skye bo 'thog byed kyang/ /'di dag bdag la blangs shing khyer byed ces/ /rnam par rtog pa de la rgyu ba med/ /de bzhin 'jig rten don la brtson pa yis/ /drin med rtag tu mi gtsang sdug bsngal ba'i/ /lus 'di gzhan la phan zhing mkho gyur na/ /bdag gir bya snyam rnam rtog chung mi skyed/ /nang gis sa dang chula sogs pa dag / phyi rol 'byung ba chen po'i tshogs mtshungs na/ /'di ni bdag gi 'di ni gzhan gyis zhes/ /ma rig 'dam gyi rtog skyed tshul ma yin/ /bdag gis lus kyang ci bder blang bar gyis/ /'di la gzhan gyi yin snyam blo ma skyed/ /'di dag thams cad khyed kyi dngos yin te/ /'di la bdag gi nga rgyal bdag la med/ /de 'dra'i rmad byung bsam pa rnams dang yang/ /rdzogs pa'i sangs rgyas yon tan rjes 'brang ba// gang la yod pa byang chub sems dpa' zhes/ /sangs rgyas bsam gyis mi khyab skyes mchog gsung/ /de ltar sbyin la nan tan brtson pa de/ /lus la nam yang chags par mi byed pas/ /de yi dag lus yid kyi las rnams kyang/ /lhun gyis grub par rnam par dag par 'dod/ /rnam dag las can gzhan la phan byed na/ /tshegs su 'gyur ba'i sdug bsngal med par byed/ /de ltar rigs pa'i tshul la mngon zhugs pa/ /tshul dang tshul min mkhas pa dngos su 'thob/ /sbyin pa'i 'bras bu yang pa thob gyur nas/ /srid pa'i mun nang 'thoms pa'i skye bo la/ /dam pa'i chos kyi sbyin pa rgya chen gyis/ /nyi ma shar ba'i 'ong bas gsal bar byed/ /'jig rten phan pa'i don sgrub snyoms pa de/ /thams cad mkhyen pa nyid 'grub gzhir gyur pas/ /nyi shar zer bkye 'od chen mi zad bzhin/ /de yi bsod nams yun du zad mi shes/ /de 'dra rmad byung sbyin pa'i yon tan tshogs/ /de dag byang chub sems dpa' i rgyan gyur pas/ /de ph yir sbyin pa snying rje sngon 'gro la// yongs su skyong ba'i nan tan rnam pa mang/ /tshe dang sbobs pa sangs rgyas stobs la sogs/ /'gro ba kun la bdag gis bsgrub bya zhing/ /zang zing sbyin pas bsdus pa'i sems can dag / bdag gi dam chos snod du 'gyur ro zhes/ /de ltar kha zas skom rnams gtong bar byed/ /ngang gi phun sum tshogs pa sgrub phyir min/ /nyon mongs skom pa gzhi la phyir btung ba dag / 'jig rten phan byed 'jig rten rnams la gtong/ /sangs rgyas rdzu 'phrul che ba'i rnam pa dang/ /mya ngan 2 49a 'das pa'i bde ba thams cad kyang/ /'jig rten 'di dag ji ltar thob 'gyur zhes/ /theg chen smos pa yongs su gtong/ /rdzogs pa'i sangs rgyas sku mdog gser 'dra dang/ /khrel ltas rgyu las byung ba'i gos bsgrub par/ /gos kyi rnam pa grangs med mang po dag/ lus la bde bar rim gro sbyin par byed/ /snying po byang chub gnas phyir gtan stong ste/ /mal gsum don du mal gyi sbyin pa byed/ /thams cad mkhyen pa'i spyan mchog bsgrub pa'i phyir/ / mchod rten gtsug lag khang du mar me dbul/ /lha yi rna ba 'thob phyir rol mo dang/ /sangs rgyas tshul khrims bsgrub phyir spos kyang 'bul/ /skyabs su 'gro ba yongs su bsgrub pa'i phyir/ /khyim dang btung gnas rab gnas rnams gtong// bro ba ro mchog yongs su bsgrub pa'i phyir/ /shin tu zhim sbyar ro rnams gtong bar byed/ /'jig rten 'di dag rga shi med stobs par/ /sman gyi mchog rnams grangs med sbyin par byed/ /nyon mongs tshogs kyi 'khol ba'i 'jig rten rnams// rab byung bdag nyid mnyam par bsgrub pa'i phyir/ /de ni rtag tu bran dag gtong byed cing/ /sems can bla med chos kyi rdzar? yang bsgrub/ /mtshan rab bzang po phun sum tshogs bsgrub par/ /mu tig bye ru gser la sogs pa gtong// dpe byad bzang po sna tshogs bsgrub pa'i phyir/ /rin chen sgron ma rgyan gyi sbyin pa byed/ /bsam gtan sgrub phyir brtul zhugs nags tshal dang/ /chos mdzod thob phyir /nor mdzod yongs su gtong/ /thub dbang rgyal bo thob phyir skyon med par/ /rgyal srid paks? brgyan sbyin pa gtong bar byed/ /byang chub mchog la mos phyir skyon med par/ /bu dang bu mo sdug pa'i sbyin pa byed/ /gcig tu chos la dga' zhing mos pI @ 249b phyir/ /dga' ba'i rgyur gyur rtsed mo sna tshogs gtong/ /'khor los brgyan pa'i rkang pa mchog thob ste/ /byang chub snying por gnas par mos pa'i phyir/ /'jig rten don chen bsgrub par brtson pa de/ /rtog pa med par rkang pa yongs su gtong/ / sdug bsngal rgya mtshor skye shi'i chus g.yengs pa'i/ /'jig rten chos kyi lag pas bskyab bo zhes/ /lag pa pad+ma rgyas 'dra gtong bar byed/ /dbang po lnga dag rdzogs par bya ba'i phyir/ /sna dang rna ba skyon med yongs su gtong/ /'jig rten thams cad sgrub pa kun spangs te/ /rnam dag mig ldan bsgrub phyir mig kyang gtong/ /sa chu me dang rlung ltar rtog med cing/ /'jig rten nyer 'tshor bdag gi lus sgrub ces/ /sha bcad khrag dang bcas pa gtso bo de/ /snying rje chen pos yongs su gtong bar byed/ /? du byung ba'i spyod pa brtan pa de/ /rdo rje lta bu'i char ba bab gyur kyang/ /de bzhin gshegs ba'i sku mchog mi bshigs pa/ /'jig rten kun gyi thob phyir rkang yang gtong/ /'jig rten blar gyur ye shes mnyam gzhag phyir// skye bo slong du 'ongs pa thams cad la/ /lus kyi dam pa mgos kyang mchod byed na/ /lus kyi yan lag gzhan lta ci zhig smos/ /de la sogs pa rgyun tu skyon med par/ /byang chub sems dpa' spyod las yongs btang ba'i/ /sbyin pa'i char kyis 'gro ba chim byas shing/ /thams cad mkhyen pa'i rgya mtshor mngon par 'gro/ /de ni mi rigs btsal zhing sbyin pa dang/ /gzhan la gnod pa'i btsal zhing sbyin mi bya/ /de la gzhan la btang bas dma' ba med/ /de ni sbyin pas snyoms pas bdag mi bstod/ /gzhan la gnod pa nan yang byed pa med/ /log pa'i sbyor ba yongs su mi gtong ste/ /lta ka pa'i bsam pas ma zin sbyin mi byed/ /khro ba'i skyon gyi dma' bar mi gtong ste/ /sbyin nas de la rjes su 'gyod mi byed/ /gcam byas bkur zhes mang du sbyin mi byed/ /khrel gyis dogs sam 'jigs pa'i phyir ram/ /sbyin pa'i gnas su 'gyur phyir gtong bar ni/ /bzang po yod bzhin ngan ? gtor ba 'am/ /sbyin pa'i gnas min zhes te brnyas pa'i// rnam smin re bas dogs par byas pa 'am/ /rim gro med cing smad bar de mi gtong/ /tshul khrims ldan la phul bas mi mthong zhing/ /khengs shing brnyas zhes nyung bar gtong ba med/ /gang gi log pa'i nan tan rgyur gyur dang/ /slong ba rnams la gnod par sbyin mi byed/ /de ni dus min sbyin par mi byed de/ /dus dang mi mthun sbyin pa 'ang de mi byed/ /ltar smon ma yin rgyal por smon phyir min/ /theg pa dman smon tshul gyi gtong mi byed /de ni dor bltas gtong par mi byed de/ /grags ba'i sgra dang gzhad gang don phyir min/ /bdag gis nus su zad ces mi rlom zhing/ /gzhan gyi srog la gnod phyir sbyin mi byed/ /rnam pa thams cad mkhyen par ma bsngos pa 'am/ /skyes bu dam pas smang? par gtong mi byed/ /de phyir pha rol phyin pa'i ming 'thob cing/ /shin tu rnam dag sbyin par yang dag 'gro/ /de yi sbyin las byung ba'i bsod nams tshogs/ /'jig rten kun gyi bsod nams yongs bsdus kyang/ /de dag kun gyi zil gnon mi 'gyur bas/ /de phyir 'jig rten kun gyi gtso bor 'gyur/ /mngon shes lnga la shin tu nges 'gyur zhing/ /'jig rten kun la sbyin pa'i char 'bebs pas/ /phyogs rnams kun du de yi tshang mi zin/ /rtag par rgyun tu 'byung bas zad mi shes/ /de bas mi zad 'gro la phan par 'gyur/ /ye shes mi zad rgya chen rgyu yang yin/ /khams gsum zad par 'gyur ba'i dngos po dang/ /mkha' dang sprin ltar rtag tu 'dre ba med/ /de ni stong nyid rnam par mnyam gzhag cing/ /mtshan ma'i skyon rnams yongs su spangs pa dang/ /nyon mongs bsal zhing dman pa med pas na/ /thub dbang chen po rnams kyis ma zad gsungs/ /skyes bu dam pas ched du brjod byas shing/ /bde ba rgya chen rgyu yi sbyin pa ni/ /byed phar 'dod bas mi rtag rnal 'byor dang/ /'jig rnams la snying rje chen po bskyed/ /longs spyod rnam pa mi rtag mthong gyur cing/ /snying rje chen po rang gi dang gyur na/ /byin pa bdag gis khyim bzhag gzhan gyi bar/ /shin tu rig pa'i tshul gyis rtogs par 'gyur/ /gang byin de las 'jig pa skye mi 'gyur/ /khyim na gang bzhag de las 'jigs pa 'byung/ /mi mchog thun mong rtag tu bsrung dgos te/ /byin na nyes pa de dag gnod mi 'gyur/ /byin pas 'jig rten pha rol bde bsgrub/ /ma byin tshe 'di nyid la 'ang sdug bsngal skyed/ /mi yi nor rnams skar mda'i rang bzhin ltar/ /yongs su ma btang de dag med par 'gyur/ /ma byin nor rnams mi rtag med 'gyur te/ /byin pas de dag yod pa'i gter du 'gro/ /sems can phan par gzhol bas gang byin pa'i/ /nor rnams snying po med pa'ang yod par 'gyur/ /gang zhig yongs su btang ba mkhas pas bsngags/ /skye bo byis pa de dag sogs la dga' / /yongs su gzung bas mi 'bral gang yang med/ /byin pas rtag tu phun sum tshogs pa 'byung/ /btang bas nyon mongs yongs su 'dzin mi 'gyur/ /'jungs pa 'phags pa'i lam min nyon mongs bskyed/ /gang zhig byin pa de ni lam gyi mchog /de las gzhan gyur 'phags pas lam ngan gsungs// slong ba sngon du 'ong na rgyal sras des/ /rdzogs pa'i byang chub tshogs ni spel ba'i phyir/ /des gzhan 'du shes bdag la bzhag byas shing/ /dge ba'i bshes gnyen 'du shes de la skyed/ /slong ba 'ongs pa thos na che ba rnams/ /nyon mongs mi dga' rnam par srab 'gyur bas/ /dga' ba'i ston mo chen po 'byung ba bas/ /slong ba sngon du 'ongs la de dag dga' / /ci ste slong ba mngon du 'ongs gyur kyang/ /shin tu mthu chung sbyin par ma nus na/ /ci nas slong pa sma bab ma gyur pa/ /'jam pa'i chig gis de yi yid kyang bzho/ /phyin chad slong ba dung du 'ongs gyur na/ /ci nas kho chad dma' bar mi 'gyur bar/ /'jungs pa'i skyon rnams rnam par bsal ba dang/ /srid pa yongs su spang phyir nan tan bya/ / gang zhig zang zing nor la chags byed pa/ /de la byang chub mchog sems skye ba med/ /sems mchog de ni skyon dang mi 'grogs te/ /rgya mtsho chen po ro dang mi 'grogs bzhin/ /de bas rtag tu skyon rnams kun spangs te/ /byang chub tshol ba rtag tu thams cad sbyin/ /'jig rten thams cad gcig pu ngas skyabs pa'i/ /sems dang spyod dang zhum pa'i ngang mi mthun/ /sbyin pa de 'dra'i rtsa ba byang chub sems/ /de 'dra'i sbyin pa gtong 'dod de mi btang/ /'jig rten nang na gtong 'dod sems ldan pa/ /gtong ba'i nang na mchog ces rgyal bas gsungs/ /sbyin pa'i pha rol tu phyin pa'i le'u'o// //rdzogs pa'i sangs rgyas tshul khrims rgyan ldan par/ 'gro ba thams cad bsgrub don gang brtson pa/ /rang gi tshul khrims thog mar yongs su sbyang/ /tshul khrims dag pa'i mthu yi stobs kyang bskyed/ /ci nas rmi lam rmi yang 'tsho med par/ /'jig rten kun la byams pa bskyed par bya/ /gzhan la phan par gcig tu brtson pa des/ /gzhan gyi longs spyod sbrul bzhin reg mi bya/ /kha ton spyod pa'i blo las phyir log pas/ /thog mar gzhan gyi bud med bslu ba'i blo/ /yongs su btang bya 'jig rten phan byed pas/ /lus kyi spyod pa skyes bu mchog ltar bsgrub/ /snyan cing yid 'ong dus dang ldan pa'i tshig/ dbyen du mi 'gyur bden dang mthun ba dag /dam chos yang dag khong du chud 'gyur ba/ /gnyen pos btsal cing rtag tu brjod par bya/ /gzhan gyi bde ba phun sum thob gyur na/ /bdag gis zho shas gang zhig bsgrub bya ba// de dag kho bdag nyid kyi rnyad gyur ces/ /dga' sems bskyed bya chags sems yongs su spangs/ /nyon mongs dbang gyur bdag phan mi reg pa/ /'di ni bdag nyid mthu chung zhan pa'i mdza' / /gzhan gyi nyes pa kun kyang de bzhin zhes/ /gnod sems me 'bar gzhi la phyir nan tan bya/ /log lta'i 'du shes mun nag thibs po dag /ye shes snang bas yid la bsal byas te/ /lha mi phul gyi yon tan bsgom byas shing/ /dad pa mi 'phrogs rtsa ba brtan bar gzugs/ /mtho ris thar pa'i bde lam gyur pa ste/ /las lam bcu po 'di las nyams mi bya/ /'di la gnas pa 'gro la phan bsams pa'i/ /bsam ba'i khyad par 'bras bu yod par 'gyur/ /ngag lus yid rnams yang dag bsdam bya ba/ /mdor bsdus tshul khrims yin zhes rgyal bas gsungs/ /tshul khrims ma lus du ba'i gzhi yin pas/ /de phyir 'di dag rnam par spyang bar gyis/ /srog gcod spangs pa nges pa'i dang 'chang bas/ /'gro ba thams cad ston cing phebs par 'gyur/ /de yi bag chags sems la skyon gyur pa/ /nan tan ma byas rang gi yongs su 'chad/ /byams pa'i khyad par rjes mthun sems ldan zhing/ /khon gtsugs rnam pa yongs su zhi 'gyur na/ /mya ngan rnam pa'i nyes pa kun spangs shing/ /bde bar de nyal bde par sad par 'gyur/ /gnad sbyin srin po dag kyang phan par byed/ /lam ngan rgyud kyis de la 'jigs pa med/ /nang med yon tan rgyan dang ldan pa yi/ /bde lam brten pa'i tshe ring thob par 'gyur/ /de nyid rgyu yis byang chub brnyes pa yi// bde gshegs rnams kyi sku tshe dpags yas shing/ /'jig rten bde ba bskyed cing don mdzad pa/ /dgongs pa'i rjes su snyeg pa yongs su 'grub/ /gzhan gyi longs spyod ma byin ma blangs pas/ /'jig rten gzhan du longs spyod rgya chen dag/ bud med dbugs kyis ri rab mi 'gul ltar/ /bgo skal ba dang 'phrogs pas mi 'phrogs 'grub/ /sbyod pa dag pas kun gyi yid 'ong zhing/ /ston pa'i snod du tshe 'di nyid la 'grub/ /de phyir pha rol tu yang dogs med cing/ /lam gyi ? su gyur pa'i rnam pa med/ /skyid longs yangs la snying po med rtogs pas/ /ched du ma bsgrubs kyis sbyin pa'i dang du 'gyur/ /de phyir nye ba'i nyon mongs rnam dag pas/ /bla na med pa'i byang chub dang gis 'thob/ /'dod pa rnams la log par spyod spangs pas/ /dbang po thul phyir rab tu zhi la mos/ /'jig rten bstod pas phyogs rnams kun gyi mthar/ /grags pa khyab 'gro bsal la kun 'thob 'gyur/ /bud med kun lam ltar bltas pas na/ /nyon mongs 'dod chags gang la'ang mi 'byung ste/ /de phyir de yi bsod nams bsags pas na/ /thub dbang skyes chen dbang po mtshan ldan 'grub/ /tshig tu gang smras brdzun las phyir bzlog pas/ /rab tu dga' ldan g.yo rgyu rnam dag sems/ /tshig rnams kun gyis blang bar 'grub gyur pas/ /sems can mang po chos gzhol kun gyis 'grub/ /bden dang ldan la lha rnams byams gyur pa/ /lta yi rang bzhin yon tan phyogs byed pa/ /de yi spyod pa kun la mngon sum pas/ /'di 'dra de la ngo mtshar che ba med/ /'jig rten gzhan byams tshad mar byed pa ni/ /'jig rten phal cher yon tan mi 'chad la/ /rang gi tshad kyis gzhan la tshod 'dzin kyang/ /de 'drar gyur pa de ni ngo mtshar che/ /me tog auta pa la yi nags por zhing/ /bde ldan kha ni padmo 'phags tshul du/ /dri zhim sim byed yid du 'ong ba dang/ /de yi kha la gnas 'cha' rten par 'gyur/ /ye shes 'bar ba ngan 'gro'i skar lta bu/ /rigs dang mi rigs rnam par shes gyur pas/ /ci dga' sdug pa'i rnam rtog byung gyur na/ /bdag nyid dbang du gyur pa khrel gyis 'dzem/ /de ltar rang bzhin rnam dag tshul gyur pas/ /gzhan la dogs med gzhan gyis dogs mi bya/ /de phyir de yi bden pa'i rjes brnyegs tshig/ sangs rgyas grub tshe bsrung ba med par 'gyur/ /phra ma dbyen spangs g.yog 'khor mi 'phrog cing/ /gzhan gyi gnod pas lus la mi tshugs te/ /nan tan lhur byed dad pa dbyer med 'gyur/ /byams pa slu med 'jigs pa mi 'gyur dang/ /'gro don mi gtong snying rje mi nyams 'thob/ /thub dbang grub tshe slob ma'i dge 'dun yang/ /tshe rabs bskal pas phye bar mi 'gyur 'grub/ /khro ba'i rdul mang dpung du gyur pa la/ /rnam rtog rlung gis kun tu 'tshubs pa rnams/ /grags pa'i lus la grib mar 'gyur ro zhes// zhe gcod rnam pa byams pa'i chus bkrus shing/ /de las phyi rol tshig snyan 'jam pa yis/ /'jig rten bsam pa bde ba'i dbang du 'gyur/ /'jig rten dga' ba rtsa ba brug? gyur pas/ /de yi tshig ni kun gyis blang zhing gzung/ /de phyir 'jig rten rnam pa brgyad btul zhing/ /de dag sdug bsngal lam ngan bcad bya ste/ /bsod nams las ldan 'di dang pha rol tu/ /chos kyi tshul bsrungs ngan 'gror 'gro mi 'gyur/ /rgyang ring gnas nas zab gsal grags pa dang// dpal ldan nyen rang bzhin bde skye ba/ /de bzhin 'brug sgra zab la gsal ba yi/ /tshangs ba'i sgra dbyangs kha yi rgyan kyang byed/ /'khyal ? tshig las phyir log gyur pas na/ /mkhas pa rnams la shin tu dpen par 'gro/ /de yi blo 2 53a yang bden par smra mos pas/ /skyon med che ba nyid kyang nges 'thob bo/ /bsod nams des na thub pa'i rgyal gyur tshe/ /dka' zhing zab pa yongs su dris pa yi/ /zhu ba rnam mang grangs med dus gcig tu/ / thogs pa med pa'i tshig gis lung yang ston/ /chags sems don med 'di dang pha rol tu/ /gnod pa'i 'bras bu sgrub byed blos bsal te/ /phrag dog med pas bsam pa ji bzhin du/ /phun sum tshogs pa'i longs spyod rgyas ba 'thob/ / rnam shes dag bas de la brten pa yi/ /lus ngag yid kyi las kyang shin tu gtsang/ /dus dang mthun bas gsal ba'i mkha' dbyings la/ /skar tshogs dri med dkyil 'khor ji bzhin 'bar/ /de yi longs spyod mchog rnams bsod nams la/ /rtag tu sbyar ba de yi blo 'jug ste/ /zhes pa nga rgyal can gyi glags med cing/ /rgyal ba dag gi de ni brtan par 'gyur/ /de yi las dgos bsgrubs ba'i 'bras bu bas/ /dbang po nam yang nyams bar 'gro ba med/ /de phyir 'jig rten gsum gyis mchod 'os pa'i/ /'khor lo zlog byed ston pa'i mchog tu 'gyur/ /gnod sems gdung pa'i rims nad yongs bsal zhing/ /rang bzhin dge tshul phun sum tshogs bas na/ /shin tu zhi zhing gsal ba'i dang tshul gyis/ /yid kyi mos pa shin tu gsal bar 'gyur/ /byams pa'i ro bde khyad par thob pas na/ /'tshe ba'i tshul lam 'thab mo 'khrug ldan dang/ /'phags min spyod pa las ngan rnam pa la/ /de yi blo ni nam yang 'jug mi 'gyur// las rung 'jam pa'i yid kyis las ldan pas/ /tshangs pa'i 'jig rten de la dkon pa med/ /'jig rten kun du 'phags dang mnyam 'gyur zhing/ /'gro bas lha bzhin gus pas mchod bar 'gyur/ /sems can kun la phan @ 253b dga' yang dang yang/ /dbyar gyis brnyogs pa'i chu klung chu bo dag /ston dus gsal bas dad bar bya ba bzhin/ /'gro ba kun gyi yid la dang? bskyed/ /kun gyi blta na yid 'ong bzang ba dang/ /ye shes rgyus byung tshul mchog rmad byung ba/ /'jig rten rnam shes so sor sgrub pa dag/ sangs rgyas grub tshe rnam pa gcig tu bsgrub/ /log par lta ba'i 'dam la mi 'dug na/ /de bas bsgrubs pa'i grogs dang brad par 'gyur/ /rang gi las bzhin 'gyur bar lam mthong bas/ /sdig ba'i las rnams de ni yongs su spongs/ /rgyal ba rnams la dad pa mi zlog cing/ /ngo mtshar bkra shis rnams kyi nyon mongs med/ /'phags pa'i lam la gnas pa de 'thob ste/ /de phyir de ni khyad par 'gro ba thob/ /'jig chogs lta las yang dag 'phags bas na/ /rgyu rnams zad phyir ngan 'gror de mi 'gro/ /chags med ye shes mchog dang de ldan pas/ /sa dang mtho ris chags pa med par 'gro/ /'gro ba'i don la mthu che dpa' ba yi/ /thams cad mkhyen myur rgyal dbang chos kyi rnams/ /nga rgyal la sogs thob par ma gyur pa'ang/ /thams cad de la de phyir mngon du 'gyur/ /de 'dra'i longs spyod yon tan rgyan ldan zhing/ /rang la dbang yod bsgom 'os de dga' i rgyu/ /mkhas pa su zhig yang dag len mi byed/ /sems can phan dga' de len ci zhig smos/ /lha rdzas dga' rgyu mi yi longs spyod dang/ /bde mchog ro mchog lha yi phun sum tshogs/ /tshul khrims rgyus byung ci zhig ngo mtshar che/ /sangs rgyas chos rnams de las byung ba ltos/ /tshul khrims nyams pas rang don mi nus na/ /gzhan don tshul la mthu yod ga la 'ong/ /de phyir gzhan don legs par brtson pa yis/ /'di la rim gro glod par rigs pa min/ /de bas mi bzang 'jigs pa mthong bya zhing/ /spang 'os chung yang rnam par spang ba gyis/ /byang chub sems dpa' bsrung bos tshul khrims dag/ rang gi bde la brkam pas dral mi bya/ /bud med lus dang tshul byang mthong sogs pa'i/ /skabs kyi nyes pas shag shig tshul mi bcad/ /mi bsrun skye ba nyon mongs rnam pas kyang/ /tshul khrims 'dran 'dran rnam pa yongs su spad/ /gcig tu dkar chos tshogs ni bsags byas shing/ /rnyog dang rnam bral tshul khrims bsten par bya/ /rang dbang gyur pas nyams su bde ba dang/ /mkhas pas bspags pa'i rgyan ldan tshul khrims bsrungs/ /bslab pa'i gnas skabs tshad bar yongs rdzogs pa'i/ /kun rdzob snyems med tshul khrims yang dag bsten/ /rnam dag sems la gzugs brnyan gyur ba yi/ /gzhan don ro gcig sbyor bas de dag bsrung/ /dran pa'i gzhi ldan dbang ba bsdam byas shing/ /tshul khrims bsrung la shin tu brtson bar bya/ /'jig rten tshul khrims 'chal ba mang bo'i mun/ /nyi ma'i 'od kyis gsal ba ji bzhin gsal/ /sdug bsngal gnyen po'i don du bden pa dang/ /lus kyi rma sku'i rdul la sogs pa dang/ /rigs pas 'thob pas cho ga bsam byas shing/ /gzhan gdong lta ba'i de ba med bar bya/ /tshul dang mthun zhing yon tan 'gyud ba'i rgyu/ /yid bzhin dga' ba kun gyi spyod gyur kyang/ /ngo mtshar med pas nga rgyal spang bya zhing/ /de las byung ba'i grags pa bsnyems mi bya/ /thob ba'i yon tan rnam pa gzugs brnyan dag/ mja' ba' i tshul gyi dgra dang nye ba bzhin/ /pad+ma'i nags la zla ba'i 'od gsal ltar/ /brtul zhugs ltod pa rnams la bde ba gnod/ /tshul khrims yon tan bsgom ba'i tshul du gsungs/ /yon tan ma lus byang chub sems la gnas/ /byang chub mchog sems snying rje'i rgyu las byung/ /de bas snying rje'i rang tshul ldan par bya/ /gang zhig 'dod ba'i khams la mi gnas shid/ /gzugs kyi khams la'ang de bzhin mi gnas te/ /gzugs med khams la'ang de bzhin mi rten ba/ /de ni tshul khrims yang dag yin par brjod/ /gang zhig 'jig rten dpag yas sems can dag/ mdza' dag tshul khrims dag la dgong mos shing/ /'jig rten rngan phyir tshul khrims sten byed pa/ /de ni tshul khrims pha rol phyin par gsungs/ /de bas ngan song 'jigs dang rgyal srid dang/ /mtho ris phun sum tshogs pa snon btsal ta/ /tshul khrims dri med yang dag bsrung bya zhing/ /'jig rten don la brtson bas tshul khrims bsten/ /tshul khrims de ni byed bar thob ba'i lam?/ /snying rjes dang can rnams dang mnyam bar bsgrub/ /ye shes gtsang ma lus kyi rang bzhin te/ /skyon bral rgyan du 'gyur ba'i mchog ces bya/ /khams gsum kun du yid 'ong di bsrung dang/ /rab tu byung dang mi 'gal byug pa yin/ /cha lugs mthun yang tshul khrims ldan gyur na/ /mi yi nang na de ni 'phags par 'gyur/ /tshig tu ma brjod ? gsum gyur kyang/ /nyams su mkho ba'i longs spyod rim gro 'du/ /bsdigs ba med par 'jig rten kun sdud de/ /chags mang ma bsgrubs dbang phyug thob par 'gyur/ /brjod du mi 'os? rigs su 'byung ba dang/ /phan zhing dben pa gang yang ma byas shing/ /sdan chad mi shes skye bo thams cad dang/ /tshul khrims ldan pa'i skye bo de la 'dud/ /rkang pas bkra shis gyur ba'i rdul dag kyang/ /spyi gtsug dam pas blangs shing lta dang mi/ /phyag 'tshal mgos gtugs thob pa kun du khyer/ /de phyir tshul khrims dpal ldan rigs mchog yin/ /tshul khrims kyi pha rol tu phyin ba'i le'u 'o/ / //bdud rnams thams cad yongs su rmongs byed cing/ /rnam thar thob byed ? gang gsungs pa'i/ /bzod pa shin tu phan pa sgrub byed pa/ /de la su zhig nan tan mi byed yod/ /gzhan la gnod byed nam yang mi shes pa/ /brtan pa rnams kyi yid 'ong dang tshul te/ /'jig rten don byed snying rje'i tshul snyems pa/ /yon tan mthun pa'i ming ni bzod pa yin/ /gzhan don mthun ba'i yid dang ldan pa la/ /tshul gyi dam pa bzod pa yin zhes gsungs/ /'jig rten legs pa phun sum tshogs pa dag/ khro ba'i skyan la bzod pas yongs su skyob/ /mthu ldan rnams kyi rgyan gyi dam pa ste/ /dka' thub tshul 'chad rnams la stobs kyi tshul/ /gnod sems 'brog me la chu yi rgyun/ /'di la gzhan la gnod dgu bzod pas sel/ /skye bo mchog gi bzod pa'i go cha la/ /mi bsrun skye bo'i tshig gis mdangs stugs las/ /de dag bstod pa'i me tog bzang gyur cing/ /grags pa'i phrad ba yid du 'od par 'gyur/ skye bo gdug pa'i dag gi mtshon gyi rma/ /ye shes zla ba bzhin du sim par byed/ /brtul zhugs 'chang ba brtan pa'i rang bzhin te/ /bzod pa de ni yon tan tshogs kyi gnas/ /zab cing brtan pa'i snying por gyur pa ste/ /khro ba'i gdud ba gzhil ba dbyad dang 'dra/ /yon tan rgya mtsho'i rlabs kyis brlabs pa yi/ /sgra snyan khyab pa bzod ba'i mthu las byung/ /tshangs ris 'jig rten dag tu 'jog pa la/ /skas kyi them bzhin skyo ba'i skyon dang bral/ /yon tan mdzes ldan mtshan rab brgyan pa yi/ /gzugs bsgrub bzo yi gnas kyang bzod pa yin/ /skyon gyi shing chen khan bzod chu bo bzhin/ /rdzogs pa'i byang chub sems kyis spel ba yi/ /bsod nams chu yi tshogs dang rtag tu mthun/ /'jig rten gzhan du phan dge rdzogs par sgrug / 'gro la phan don 'phel ba'i mchog kyang yin/ /grags pa'i snyan pa'i rang bzhin phul gyi rgyu/ /yon tan yang bsgrub gnas kyang bzod pa yin/ /snying rjes sems can dben par mthong bas na/ /'khor ba'i nyes bas de ni skyo mi 'gyur rang gi las dge 'jig rten phan byed pas/ /'jig rten kun tu grags pa'i tshogs su 'gyur/ /ye shes mchog gis sbyangs pa'i bzod ldan na/ /mtshar 'dzin dpya ba kun gyis 'go ba med/ /mi rtag bzod pa'i mthu dang ldan pas na/ /bde ba'i ? pas dga' bar 'gyur ba med/ /gnod pa'i rnam pa mi bzad mang pos kyang/ /skyes mchog de dag yid ni 'gyur ba med/ /bzod pa'i stobs kyis shin tu brtan pa na/ /byang chub mchog sgrub mos pa mang par 'gyur/ /bzod pas brtan pa'i spyod pa dam pa des/ /dka' thub dka' ba kun du ston byed cing/ /mu stegs dregs pas mtho ba'i bsam pa dag/ phan pa'i bsam pas bcil zhing dma' bar byed/ /'jig rten rmongs pa bdag snyam chags gyur te/ /lhag ma gzhan snyam nga rgyal 'chang bdag de yi gnod pas zil gnon sems gyur cing/ /bzod dang mi ldan yongs su gdung bar 'gyur/ /skyes mchog bsam pa snying rje'i mgon ldan cing/ /bzod pas bkra shis bsgrubs pa 'chad pa dang/ /bdag tu lta ba yongs su spangs pa la/ /gnod byed gzhan dang nye yang gnod pa med/ /brtan pa nyam chung sems kyi skyon gyur pa'i/ /khro ba log pa rnam par rtog las byung/ /yang dag rtog pa yid la zhi skyed cing/ /bzod pa'i rnam pa mnyam par gzhog par byed/ /chu la zla ba'i gzugs brnyan yod 'dra ba'i/ /bzod pa'i rnam rtog zhi la brten pa las/ /'phags pas rtag tu skabs med 'phags par bya/ /rnam rtog zhi ba don dam bzod pa zhes/ /bzod pa'i yang dag nyid mkhyen de dag gsungs/ /de bas 'jig rten mi 'dra rtogs bya zhing/ /rnam rtog nye bar zhi la nan tan gyis/ /mig ni mig tu zad na ci ste khro/ /rna ba la sogs der zang khro med ces/ /de ltar gang bzod skye mched ltos pa ste/ /de ni don dam nyid du bzod pa min/ /sgra dang tshig ni mi rtag rang bzhin te/ /sgra dang rnam rtog 'di yang mi rtag ces gang bzod ni mi rtag rtog pa ste/ /bzod ba'i mchog tu de yang gsungs pa yin/ /nyes pa byed pa gang la 'ang yod pa min/ /gang la bya ba de yang med do zhes/ /gang bzod de ni bdag med sbyar ba ste/ /de yang bzod ba'i phul tu phyin pa min/ /bde dang sdug bsngal bstod dang smad pa dag/ kun kyang rten cing 'brel 'byung dngos go zhes/ /gang bzod de ni rten 'brel rtogs bya'i sa/ /bzod pa shin tu mnyam gzhag de ma yin/ /'di ni yongs su rmongs pas bslus gyur pas/ /bsam pa log gyur de 'dra bdag min zhes/ /gang bzod de ni mtho dman bsam pa ste/ /bsod ba'i phul gyi go skabs de la med/ /sgra skad yi ge sgra snyan ji bzhin te/ /re re brjod cing de bzhin 'jigs bsam// su la su zhig ji ltar gnod 'gyur zhes/ /bzod pa de yang bzod pa'i phul ma yin/ /'di ni bdag gi sdig pa zad bya'i phyir/ /rang gi chos la gnod pa 'ang mi lta na/ /bde gshegs dam pa ci ro ba ma min zhes/ /gang bzod de ni ming tsaM brjod pa min/ /rang gi las bzhin 'gyur ba rtogs bya zhing/ /de yi yon tan rdzogs pas bzod byed pa/ /de 'dra'i bzod pa 'ang rnam rtog sbyor can te/ /bzod ba'i mthar phyin mchog ni de ma yin/ /mi rtag sdug bsngal mi gtsang bdag med pa bdag la bzod kyi bzlog pa ma yin zhes/ /gang yin de ni gnyen po zhes brjod kyi/ /gnyis kyi rjes 'brang don dam bzod pa min/ /skye bo 'di ni yang dag mi shes pas/ /de phyir gzhan la gnod par dga' zhes/ /gang bzod de yang mnyam nyid mnyam mi 'gro/ /bzod pa de yang rnam rtog skyon can yin/ /mtho dman mnyam pa'i rnam rtog rnam pa dag/ gang tshe ma lus yang dag zhi gyur pa/ /de ni bzod pa bla med dam pa zhes/ /gnyis med lam la spyod pa de dag gsung/ rang dang gzhan dang gnyi ga rgyu med las/ /dngos po gang yang 'byung ba med pa dang/ /rang dang gzhan dang gnyi ga rgyu med las/ /dngos po gang yang 'jig par 'gyur ba med/ /yod dang med la skye ba med pas na/ /skye ba med phyir gang yang 'gag pa med/ /dngos po'i rnam rtog rang bzhin stong pa nyid/ /yang dag mthong na bzod pa'i phul zhes bya/ /de thob gyur na rgyal ba 'dir 'gyur zhes/ /rgyal ba rnams kyis rnam mang lung yang bstan/ /de ni rtag tu yang dag mnyam gzhag kyang/ /'jig rten phan 'dod grangs med kun tu 'byung/ /chos dang smon lam las la dbang thob ste/ /mos pa rdzu 'phrul skye ba'i dbang yang thob/ /de bzhin sems dang po byang rnam pa dang/ /ye shes mchog dang tshe la dbang ba thob/ / dbang gi nor mchog yun du mi zad cing/ /gzhan don che sgrub de dang/ /ye shes mchog dang tshe la dbang ba thob/ / dbang gi yongs su bzung phyir dbang ldan de dag skye/ /de phyir gzhan don phal cher bkur spro bas/ /bzod pa thabs tshul 'di 'dra ba bsnyen par bya/ /de la gnas la gzhan don che bsam pa'i/ /spyod yul yon tan 'bras bu'i rgyan ldan 'gyur/ /'di la dang pa rtsab brtan gyur na/ /des kyang thub rgyal des par 'gyur zhes gsungs/ /chos kyi lam la dad brgyun chags na// bsam pa yid bzhin shing rta chag mi 'gyur/ /bzod pa'i pha rol tu phyin pa'i le'u'o// //thams cad bzod pa'i mthu ni skyes gyur nas/ /spyod pa'i mthu chen mdza' dka' brtson 'grus kyis/ /dpa' bo rtul zhugs thams cad rtson byed pas/ /lha 'am bdud rnams las kyang 'phags bar 'gro/ /tshe 'dir mthar phyir 'jig rten don dag kyang/ /btson 'grus med pas mthar phyin bya ? dka' / /yongs su skyo med brtson 'grus che ldan na/ /mi 'thob mi 'grub rnam pa gang yang 2 57a med/ /skye bo ma rabs thog mar brtsams mi mos/ /brtsams nas dbus su sgyid lug brtson 'grus gtong/ /gzhan don dal med brtson 'grus ldan pa ni/ /mya ngan 'das gtong spyod pa rgya chen rtsom/ /le los bslus pa'i 'gro la phal cher ni/ /brtson 'grus rang dbang yod kyang bdag don gtong/ /brtson 'grus che ldan gzhan la ltos med ni/ /gzhan don khung chen skyo ba med par 'khyer/ /snga phyi 'khor ba'i mdza' dang mnyam tsam du/ /rgya che ring ba'i nyin dang mtshan gyur la/ /de 'dra bsags pas lo gyur dus ring ba'i/ /bskal pa rgya mtsho'i chu thigs grangs snyed kyis/ /byang chub mchog gi sems gcig skye 'gyur ba/ /de 'dra'i rnam pas sogs? gzhan de de zhing// bsgrub dgos gyur kyang rdo rjes skyo bsal te/ /byang chub dam pa sgying lug med par sgrub/ /'khor tshe rang gi sdug bsngal sems btang zhing/ /go cha brtan pa dpag yas de bskyed na/ /brtul zhugs dpa' bo snying rje'i dang can la/ /gang dag blangs pa dang po yin par brjod/ /'jig rten mes bkang rkang gis 'bog bya zhing/ /sa chen mtshon gyis dkrigs pa gzigs byas te/ /bde gshegs lta bar mos dang ? ldan zhing/ /chos kyi bdud rtsi zhi ba mchog bsrung dang/ /'khor ba'i 'das nas skye bo 'di dag kun/ /bdag gis bton te byang chub bde dgos ces/ /goms pa bteg cing bor ba'i dus dag tu/ /gang zhig de 'drang mnyam 'jogs sems 'chad dang/ /'jig rten phan phyir brtson 'grus che ba skyed cing/ /gzhan la phan pa'i bsod nams ma grub pa/ /de ni mi bzad pa yi brtson 'grus te/ /dpal ldan yang dag blangs pa gnyis zhes bya/ /bsod nams rnam pa ci sgrub dus na yang/ /rdzogs pa'i sangs rgyas nyid du bsngo byed na/ /de ni mi zad yang dag bsgrub pa'i phyir/ /yang @ 257b dag len pa'i mchog ces thub pas gsungs/ /rgya mtsho chen por chu thigs gcig por ba/ /rgya mtsho ma zad dus su zad mi 'gyur/ /de bzhin byang chub mchog tu bsngos pa yi/ /bsod nams rnam par zad par 'gyur ba med/ /de yang snying rje rnam dag sems ldan zhing/ /'gro ba rgyu dang mi rgyu ma lus kun/ /nam pa thams cad mkhyen par bsgrub bya zhes/ /sems can dam pa bsod nams de dag rtsom/ /stong gsum chen po'i 'gro ba ji snyed pa/ /nyi ma gcig gi la sgrol byed la/ /bskal ba du mang de bzhin bsgral byas kyang/ /sems can khams las mang po bsgral zhes/ /sems can mi zad de 'dra thos gyur kyang/ /ma lus sems can bsgral bar rab mos shing/ /sgyid lug skyon gyis ma bzung brtson ldan na/ /don gyis snying po rim ring ba min/ /'gro ba kun gyi bsod nams gcig bsgrubs pa/ /de snyed bcung 'gyur bsgyur bas bde gshegs kyi/ /ba spu'i khung gcig mngon par 'grub 'gyur la/ /spu rnams gcig nas re rer mngon 'grub cing/ /ba sgrub mngon sgrub bsod nams de dag tshogs/ /brgya 'gyur dag tu bsgyur ba'i bsod nams kyis/ /dpe byang bzang gcig 'grub cing de bzhin du/ /dpe byad bzang po'i lhag ma kun 'grub cing/ /dpe byang bzang pos bsdus pa re bsod nams tshogs/ /de snyed stong du bsgyur ba'i bsod nams kyis/ /rdzogs pa'i sangs rgyas mngon par sangs rgyas gtso/ /mtshan rab sna tshogs re re 'grub 'gyur la/ /mtshan rab skyed pa'i bsod nams rgyur gyur te/ /stong du bsgyur ba'i bsod nams phung po las/ /zla ba nya stang mdzes shing gsal ba yi/ /mdzed slu mdog bzang yid 'ong 'grub gyur ba/ /mdzod spu mngon bsgrub bsod nams de snyed tshogs/ /brgyad 'gyur stong du bsgyur ba'i bsod nams kyis/ /spyi gtsug bltar mi mthong ba'i mtshan ldan pa'i/ /gtsug tor rgyan mdzes sangs rgyas dbu 'grub ste/ /de 'dra' bsod nams sgrub tshul de dag kyang/ /bdag gis bsgrub ces byang chub sems mthong na/ /brtson 'grus 'dor ba de la gang gi sgor/ /sgyid lug le le'o cha shas skabs su 'gyur/ /'jig rten khams kun sems can ma lus par/ /rang rgyal rnams dang thams cad 'drar gyur kyang/ /bzod la gnas pa'i byang chub sems dpa' gcig/ ye shes dam pas de dag kun pas? 'phags/ /de snyed bzod pa'i stobs la gnas pa pas/ /mi ldog byang chub sems dpa' gcig 'phags te/ /'jig rten pa dang 'jig rten 'das pa yi/ /dge la bsgrub la de ni dal mi shes/ /mi ldog byang chub sems dpa' de snyed pas/ /skye ba gcig thog rgyal sras de 'phags te/ brtson 'grus brtan dang ldan pa'i nang na yang/ /byang chub shing drung byin pa ci zhig smos/ /rnam pa de 'dra'i ye shes rnam dag dang/ /'jig rten ma lus sems can kun ldan yang/ /byang chub snying bo'i shing drung phyin gyur la/ /bdud 'dul skye ba tha ma'i char mi 'gro/ /de 'dra'i ye shes rnam pa dag ldan pas/ /'jig rten ma lus khams kun gang gyur kyang/ /yon tan rnam mang de dag gcig sogs pas/ /bde gshegs stobs kyi cha la 'ang mnyam mi 'gro/ /de 'dra'i ye shes rgya mtsho rmad byung ba/ /gzhan sems shes pa'i mthu la thogs med cing/ /ye shes smad pa mkha' ltar yongs pa la/ /snying rje ldan pa gcig pu pha rol rgal/ /sems can ma lus kun la khyab pa yi// snying rje chen po 'jig rten kun tu 'byung/ /rdzogs pa'i sangs rgyas chos kyi rnam pa dag/ rmad byung ma lus de phyir yang dag grub/ /de 'da' i sems can dma' bas gnyan dga' ba'i/ /yang dag blangs pa'i yon tan kun ldan na/ /yang dag nyid lam yan lag brgyad ldan bzhin/ /brtson 'grus phul byung shon tu rnam par mdzes/ /brtson 'grus rnam gsum dge ba sbyong kha ste/ /lus dang dag yid brtson 'grus rnam pa las/ /'jug dang gna dang mnyam par bzhag pa yi/ /brtson 'grus phul byung yid las byung ba yin/ /byang chub sems la mos shing zhi ba dang/ /snying rje che dad bdag med bzo ba dang/ /'gro ba sdug bsngal ba rnam bzhi dang/ /chos rnams kun la yongs su 'dzin med dung/ /'khor ba'i 'dam na yongs su skyo med dang/ /khams gsum thams cad nye bar mi dmigs shing/ /bdog pa kun gtod nga rgyal 'gyur med dang/ /bslab pa kun la yang dag slob pa dang/ /gzhan gyi gnod pas mi 'gyur brtan ldan zhing/ /sems la rnam 'khrul nam yang mi 'byung dang/ /dge ba'i las la brtson pa brtan pa dang/ /dben la dga' ba'i ro gcig sems ldan dang/ /bsam gtan bzhi por mnyam par gzhog pa dang/ /bdag med nges par rtogs pa'i sems ldan dang/ /thos pa mang pos ngoms par mi 'gyur zhing/ /rigs par 'jug cing de la rtog pa dang/ /ji ltar thos pa yang dag ston byed cing/ /brjod med chos nyid yang dag shes pa dang/ /mngon shes lnga la mthu chen ldan pa dang/ /mngon shes drug la sgom tsam byed pa dang/ /rdzu 'phrul rkang pa mngon par sgrub pa dang/ /spyod pa chags med shin tu bsal ba dang/ /yang dag spong la sbyor ba byed pa dang/ /dge dang mi dge'i phyogs las rnam grol zhing/ /dbang po nges par bya la mkhas pa dang/ /chos rnams dbang po med par shes gyur cing/ /las kyi tshogs rnams yongs su tshol byed kyang/ /gar yang 'gro med rmad byung zab pa dang/ /de la sogs pa sems spangs brtson pa'i lus/ /gzung cing dgong ba'i khyad par 'phags pa can/ /de nyid mi zad / yongs su rdzogs bya'i phyir/ /dgon pa'i brtson 'gus khyad par rgyu yang yin/ /ye shes mchog gi las la gnas 'cha' yang/ /mtshan ma'i las la de ni 'jug pa med/ /snying rje chen pos 'jus byas ma gtod zhing/ /brtson 'grus che yang 'dus byas med mi ltung/ /sngon chad ma thos chos thos gnang ba med/ /cis kyang mi tshugs thos pa'i tshes kyang 'dzin/ /mi min kun kyang de la phan par dga' / /ting nge 'dzin rnam pa kun kyang thob par 'gyur/ /nyin mtshan dus rnams 'bras bu yod par zla/ /yon tan tshogs kyi dma' bar 'gyur ba med/ /mi yi chos las 'phags pa'i don rnams kyis/ /me tog autpal bzhin rnam par 'phel/ /grags pa yangs dang bde ba thob par 'gyur/ /ser sna dog spangs yid tshul mchog kyang 'thog /tshe 'di'i yon tan ji snyed snang ba kun/ /brtsan pa'i tshul 'byung yon tan che ba med/ /yon tan che mda' rdzogs pa'i sangs rgyas te/ /khams gsum mchod 'os nyid kyang de las grub/ /brtson 'grus chen po'i yon tan de 'dra na/ /brtson 'grus tshe la gang zhig brtson mi byed/ /brtson 'grus kyi pha rol tu byin pa'i le'u'i/ //de nas ye shes bskyed pa'i phyir// bsam gtan tshul la brtson bar bya/ /'jig rten phan pa'i rnam pa dag /ye shes snang bas bde bar 'grub/ /bsam gtan tshul gyis sems dag na/ /ston gyi dus kyi sprin bsal ba'i/ /mkha' la zla ba gsal ba ltar/ /ye shes khyad du dang bar 'gyur/ /rnam dag tshul khrims ldan byas shing/ /dge phan grogs dang bstan byas te/ /bya ba nyung zhing zhi ba'i dang/ /dran pas byin brlabs tshul bcangs te/ /shing drung brtul zhugs gnas dag gam// ne'u gsing? sdug gu'i sa gzhi 'am/ /ched du ma byas mdangs dga' ba'i/ /nags kyi ma tog dri zhim pa'am/ /bsam gtan rkyen du 'os pa yi/ /chog shes 'gro ba'i gnas dag gam/ /'gro ba'i sgra skad mi 'byung bar/ /thab mong gnas pa'i gnas dag gam/ /dgon pa'i sa gzhi bzang po'am/ /stong pa'i gnas dang khyim dag gam/ /sman ljongs ri khrod dbang pa dag/ seng ge'i dor grags gnas sam/ /'du 'ji'i nyon mongs dben gyur pa'i/ /gang yang rung ba'i gnas dag tu/ /skyil mo klung du bder 'dug ste/ /drang po'i lus ni bsrang byas shing/ /dran pa'i bsrung ba sems gzhi la/ /nye bar yang dag bzhag phya ste/ /snying rjes log par rtogs pa rnams/ /skabs med tshul du dmar? ? shing/ /shes par rab shes bya ba'i dus/ /'di yin mya ngan 'das dus min/ /sems can mya ngan ma 'das su/ /mya ngan 'da' bar mos med ces/ /de ltar 'jig rten phan bsam te/ /sangs rgyas nyid du mos bskod cing// rgyan mi 'chad ba'i rnal 'byor gyis/ /bsam gtan bsgrub la brtson par bya/ /yang dang yang zhing dal bsan/ /btsubs pa me phyin ma 'gyur te/ /rnal 'byor tshul la 'das de bzhin du/ /khyad par ma thob btang mi ba/ /dmigs lo gcig la brtan tshul du/ /yid kyi bsam pa brtan par bya/ /dmigs pa mang po rgyud pa las/ /'di ni nyon mongs 'khrug par 'gyur/ /lhag mthong brtson pa'i stobs kyi mthus/ /zhum par gyur na gzer yang bstod/ /rgod par gang tshe gyur ba'i yid/ /zhi gnas tshul gyis bzlog bar bya/ /ting 'dzin mthu ni mi g.yo zhing/ /yang dag gyur na btang snyoms gzhag /bde gshegs ting 'dzin thob bya'i phyir/ /de la chags par yod mi bya/ /bsam gtan dga' ba'i ro myong bas/ /rang dbang med pa'i nyam mi blang/ /bdag gi bde tsam 'tho ba don du/ /brtsal ba rgya chen 'di sgrub min/ /lus dang srog la lta ba yi/ /zhum pas non gyur sems gyur cing/ /ngang gi mgo la tshig gyur kyang/ /brtson 'grus lhod par des mi bya/ /mtshan ma'i rnam pa shes byas shing/ /yid ni mnyam par bzhag pa'i phyir/ /dmigs las bsam pa nyams gyur na/ /dran pas phyir yang bsu bar bya/ /sgrib pa rnams las rang ge yid/ /glang po rang dbang 'thob 'gyur na/ /lcags kyus bzlog par bya ba bzhin/ /log pa'i phyogs las bzlog par bya/ /de nas sgrib pa'i nad kyi rnams/ /bsal bas sos pa'i yid gyur cing/ /dbul po nyam thag yongs pa las// longs spyod skyed thob thar pa bzhin/ /bde dang ldan pa'i yid kyis ni/ /'dod pa'i skyon rnams bsal bar bya/ /de dang bral bas dmigs pa yi/ /bde ba gcig nas gcig brgyud kyang/ /glog ltar mi rtag 'gyur ba dang/ /dbu ba gsong ltar bdag med pa'i/ /rmi lam bzhin du don med dor/ /bslu ba'i don du 'ongs 'dra dor/ /pha rnams bu la byams pa dang/ /bu rnams pha la de bzhin te/ /mdza' la mdza' bo byams pa dang/ /'gro rnams phan tshun byams pa dag/ yon tan tshogs kyis bsgrubs byas shing/ /brtan pa'i snying pas brtan byas te/ /g.yul du gru gdong 'dren bzhin gyis/ /mdza' byams sa mtshams 'jigs byed kyang/ /'di che brtsal ba'i sdug bsngal dang/ /gzhan du ngan 'gro skyed byed pa'i/ /rgyud gyur 'dod pa'i rnam pa yin/ /de bas 'dod pa bsten mi bya/ /rnam rtog rnams kyi gzhir gyur cing/ /bdag dang gzhan rnams kun gyi yang/ /shes rab mig ljongs byed pa'i rgyu/ /mi bde sna tshogs skyed pa yang// bdag 'dod don la brtson par bya/ /rnam par kun tu yongs spangs pa'i/ /'dod pa de dag gzhan don la/ /brtson pas zan byar 'os pa yin/ /'dod pa de dag thob pa dang/ /nyin gcig bzhin du bsten pa dang/ /mang dang bsags pas ? ? ngoms na/ /de las nad che gang zhig yod/ /btsal tshe ro med nyon mongs la/ /bsrung tshe 'jigs pa skyed byed cing/ /mang gyur mya ngan che skyed na/ /de la 'dod byed bu zhig yod/ /gang gi rol myos gyur na/ /rang don nyer kyang mi rigs ste/ /skyes 'gyur smyon chu ji bzhin pa'i/ /'dod pa sems ldan su zhig skyed/ /de ltar rnam pa thams cad du/ /'dod pa skyon ldan shes gyur na/ /de las sems ni ldog 'gyur te/ /'byung lam chos la mos par 'gyur/ /dpen las skyes pa'i dga' dang bde/ / bag yang thob las skyes pa 'byung/ /yan lag de dang ldan pas ni/ /bsam gtan dang po thob ba yin/ /der ni rnam rtog rnam spyod dag/ 'dod ldan skyon ldan mthong 'gyur cing/ /de dag zhi 'tshol byed pas/ /ting 'dzin dga' skyes bde pa 'thob/ /nang ni yongs su dang gyur zhing/ /de sems rtse gcig gyur pa ni/ /bsam gtan gnyis pa'i bsam gtan zhes/ /gnyis med drang srong mchog gis gsungs/ /yid kyi 'khrug long yin shes nas/ /dga' las 'dod chags bral gyur ba// dran pa btang snyoms ldan pa yi/ /bsam gtan gsum pa thob par 'gyur/ /bde ba'i bsam pa yongs btang bas/ /bde dang sdug bsngal med gyur cing/ /btang snyoms dran pas rnam dag pa'i/ /bsam gtan bzhi ba thob par 'gyur/ /de nas mngon shes lnga thob ste/ /chos rgyal rgyal srid gnas pa na/ /dpal ldan grags pa khrel dang gzungs/ /de yis rjes su 'byung? bar 'gyur/ /gzhan gyi don du mngon bsgrubs pas/ /rang rgyal nyan thos yon tan la/ /de dag shin tu 'das gyur 2 61a cing/ /shin tu khyad 'phags mthu dang ldan/ /gtong la 'jungs pa 'gong byed cing/ /tshul khrims med pa tshul la 'god/ /khro ba bzod cing des pa dang/ /sgyid lug brtson 'grus chen po dang/ /la brug pa'i sems ldan bsam gtan dang/ /shes rab 'tshal pa shes rab la/ /snying rje chen pa skyo med par/ /brtson 'grus spyod pas sbyor ba byed/ /de nas mdza' yas spyod yul can/ /nyi ma 'od chen ji bzhin du/ /mi nyams gsal ba'i 'od chen gyis/ /'jig rten thams cad snang bar byed/ /de nas sems can sdig can dag /ngan 'gror ltung bar gyur pa dang/ /bsod nams tshe dag zad gyur cing/ /lha las ltung bar gyur pa dang/ /'jig rten sdug bsngal de dang des// yongs su gdud bar gyur pa dag / 'jig rten khams na gang yod pa/ /lha mi'i gsal bas mthong gyur cing/ /snying rje chen po skye 'gyur te/ /snying rje ldan pas bag med spong/ /gzhan don sgrub la bag yod pas/ /bsam gyis mi khyab mthu dang ldan/ /de nas 'jig rten khams mang na/ /de bzhin gshegs pa mang bzhugs dang/ /sangs rgyas zhing gi rgyan dag dang/ /dge 'dun phun sum tshogs mthong zhing/ /byang chub sems dpa' khyu mchog gi/ rnam dag spyod yul spyod mthong ste/ /sems can gzhan la phan don du/ /dpal ldan spyod pa mthong gyur pas/ /de la smon lam che skyed cing/ /smon lam dkyil 'khor 'grub 'gyur te/ /gzhan don rgya chen snga byed pas/ /rgyal sras tshul mchog yongs su 'grub/ /mi las 'das pa'i rna ba ste/ /lha yi rna ba rnam dag pas/ /rgyang ring sgra rnams nye ba bzhin/ /che chung rnam pa kun thos shing/ /snying brtse med pas gang smras pa'i/ /zhe gcod ro med tshig gi rnams @ 261b khro pa'i me las byung ba yi/ /me stag rgal 'dra thos gyur cing/ /lha mo'i glu ro snyan ba dang/ /rgyan gyi phar phur sil khrol dang/ /lha rdzas rol mo'i sgra snyan pas/ /mi rtag tshul thos sgra thos shing/ /'jigs dang sdug bsngal rnam pa las/ /mi bzang myu ngan drag po'i sgra/ /nyon mongs nyams bab thos pa dag/ mi dga' i rnam pa thos gyur na/ /bskul ma drag pos bskul ba bzhin/ /byang chub sems dpa' mthu ldan zhing/ /khong nas snying rje tshe ldan to/ /brtson 'grus mchog ni brtsom par byed/ /'jig rten sna tshogs 'jigs pa yi/ /bde gshegs rnams las chos tho ste/ /mya ngan 'das la mos pa'i blos/ /sems can don mang bsgrub par byed/ /gzhan sems tshul la de? mkhas pas shing/ /bag la nyal dang bsam shes pas/ /ye shes yo byad ldan pa de/ /bsod nams myu gu gsang yang skyed/ /bskal pa bya ba mang po yi/ /sngon gyi gnas rnams rjes dran zhing/ /'jig rten bsod nams rnam pa dang/ /stobs dang stobs med mthong gyur nas/ /de dag bsam pa'i tshul bzhin du/ /rdzu 'phrul rnam pas lus bsgyur cing/ /snod bzhin ston par byed bas na/ /bon yod rjod byed mchog tu 'gyur/ /la lar gzugs mdzes phun ldan zhing/ /nyi ma brgyad lta'i 'od ldan te/ /ri mo gsal ba'i mtshan rgyas pa thub rgyal mtshan ldan sku mchog gis/ /'gro ba'i mig la bde skyed cing/ /yid la khyab par sim byed pas/ /rgyal dbang mos pa byang chub tu/ /bsgrub phyir 'chi med ston par byed/ /thub dbang zhi tshul dpal ldan pa'i/ /spyod pa rnam par spyod byed cing/ /la lar 'dul dbang ji bzhin du/ /slob ma'i tshul gyi 'dul bar byed/ /la lar lha dbang brgya phyin bzhin/ /lha yi spyi bo zhabs la 'thug/ nor sbyin ji bzhin nor mang gtong/ /la lar tshangs ltar gzungs mchog 'dzin la lar spyan gsum phye ba ste/ /dri med zla ba'i rgyan ldan ston/ /la lar lha mi'i rgyal po dang/ /klu yi dpal chen khyer ba ston/ /la lar gnod sbyin rgyal po ltar/ /rdo rje 'bar ba thogs pa ston/ /yon tan 'od ldan thub zla ltar/ /la lar g.yang gzhi mtshan bstan ston/ /la lar brgya byin nor bu yis/ /brang la 'od 'bar mdzes pa ston/ /la lar chu yi lha gzugs dang/ la lar 'dod pa'i lha lhar ston/ /la lar bud med gzugs mdzes dang// la lar pho smos dga' ba ston/ /la lar brtul zhugs nor ldan te/ /dod las 'dod chags bral ba ston/ /la lar mi rnams yid 'phrog cing/ /slob dpon slob ma rgyal po byed/ /la lar mthu chen byin brlabs kyis/ /ngan song sdug bsngal rnam mang sel/ /'gro ba'i dad pa tshul bzhin du/ /sna tshogs spyod pa las bstan cing/ /snying rje'i yon tan rgya che bas/ /'jig rten phan la grangs med byed/ /bsam gtan 'di 'dra'i gnas thob cing/ /khyad par phun sum tshogs thob pas/ /gter gyi mtshan ma slu med bzhin/ /khyad par gong nas gong brtson bya/ /de la gnas 'cha' yan bor cing/ /tshul zhugs lhod pa'i tshul bor te/ /dge ba spel phyir brtson par bya/ /de las bzlog pa dman par 'gro/ /ting 'dzin brtson pa med pa ste/ /rjes su bsgrub pa dkon pas na/ /rnam par rgyal ba 'dod rnams kyis/ /zhi ba'i gnyen po tshugs med bsten/ /yid tshul spang ba'i mchog gyur kyang/ /sa ltar mi g.yo brtan pa yi/ /sa mchog mi g.yo ma thob tu/ /de la yid brtan g.yo mi bya/ /mngon par 'dus byas lam byas pa/ /ting 'dzin bsgrub pa'ang 'jig par 'gyur/ /de bas rnam rtog rnam spangs te/ /lam gyi dam pa bsgom pa bya/ /bde gcang rtag pa'i rnam rtog dag / 'dus byas slu ba'i chos can du/ /yang dag rtogs par shes bya ste/ /dngo po'i rnam rtog yongs su spang/ /dmigs pa tshud yang byung gyur na/ /nyon mongs 'das bcag gzhing yang 'gyur/ /de 'dra'i gnod pa kun bcil na/ /bdud gyi spyod yul 'das par 'gyur/ /gnas pa'i skyon dang ldan gyur na/ /bsam gtan rnam dag tshul mi 'gyur/ /gnas pa'i rjes 'brang nyams pa ste/ /dong skam bcas zhes de phyir brjod/ /tha snyad tshul dag 'grub don du/ /de ni 'jig rten lam zhes bya/ /yod dang med byung gtad med pas/ /gang na 'ang ci yang skye ba med/ /nam mkha' i dbyings 'dra yid ldan na/ /srid pa gsum gyi gnas dang bral/ /tshul 'chos bral pa'i spyod brtan la// kha? gsag med pa'i tshul ldan na/ /'jig rten spyod pa de byed kyang/ /'gro ba gcig tu phan pa spyod/ /sems la dbang gyur thob pas na/ /ting 'dzin stobs las nyams pa med/ /de thob yan chad rmad byung ba'i/ /ting 'dzin 'bras bu med ldan pas/ /dbyar dus rgya mtsho chu klung dag /chu gsar byung bas skye zhing 'phel/ /bsam gtan gyi pha rol tu phyin pa'i le'u'o// //sbyin pa la sogs pa'i bsod nams 'di dag ni/ /shes rab mgon bcas lhag par mthu ldan 'gyur/ /gser gyi rgyan bzang rnam pa sna tshogs la/ /rin chen 'phra bkod 'od kyis gsal ba bzhin/ so so'i don la de dag yon tan mthu/ /shes rab 'di nyid rgya chen sgrub par byed/ /dpa' bo rang rang yul gyi bye brag la/ /mthu zhan yid kyis gsal bar bstan pa bzhin/ /lus 'di srog dang bral na mthu med cing/ /rang gi dgos pa sgrub pa mi mdzes pa/ /de bzhin shes rab med pas blo gyur na/ /don sgrub 'jig rten dag na mdzes pa med/ /dang la sogs pa'i dbang po'i rnam pa yang/ /dbang po gzhan la blo 'dzin shes rab gtso/ /de yi mgon ldan yon tan skyon shes pas/ /nyon mongs zad pa'i tshul la mkhas par 'gyur/ /shes rab med na 'bras bu don gnyer la// sbyin pa bdag nyid rnam par dag mi 'gyur/ /gzhan don btang ba sbyin pa'i mchog ces gsungs/ /lhag ma nor spel don gyi sbyor ba yin/ /shes rab mi gsal rnam par bying 'gyur na/ /byang chub sems dpas rang gi sha byin na/ /sman gyi shing ltar rnam par mi rtog par/ /mtho 'am dma' bar 'gyur ba de la med/ /de bas 'jig rten 'das pa ngon gyi gzhi/ /khro med dga' bas phun sum tshogs pa'i sems/ sbyin pa chen pos 'gro don bsgrub mos pa/ /rgyal sras sa yi dang po thob par 'gyur/ /de la gnas pa phal cher byang chub tu/ /mi 'phrog blo 'chang 'khor lo sgyur bar 'gyur/ /shes rab mthus brtan lam mchog bde ba des/ /rim gyis dri med rgyal sras sa yang thob/ /de nas rang bzhin rnam dag tshul 'chang zhing/ /gling bzhi 'khor lo sgyur bar de 'gyur te/ /rgyal po kun gyi spyi bos bka' blang zhing/ /thub dbang rgyal ba bzhin dus mchod par 'gyur/ /de dag yan chad 'dod pa'i lha ris dang/ /'jig rten gyur du stong gnyis stong gsum gyi/ /dbang phyug thob 'gyur de dag yan chad du/ /shes rab 'dod kyis rgyu rnams sbyangs pas 'thob/ /shes rab snang bas mun pa ma bsal na/ /tshul khrims nga dang ldan par de mi 'gyur/ /phal cher shes rab med pas tshul khrims dag/ shes pa'i skyon gyis nyon mongs rnyog bcas 'gyur/ /rang gi ngon du tshul khrims ma sgrub na/ /blo ldan srid pa'i brtson pa'i skyon mthong zhing/ /de nas 'jig rten ma lus gdon mos pa/ /srid pa'i don du mi sgrub smos ci dgos/ /shes rab log pa'i skyon gyis sems rnyog na/ /bzod pa'i yon tan de la gnas ci smos/ /legs par rtogs la mi dga' i tshul 'chang zhing/ /yon tan med ba'i rgyan la grags pa bzhin/ /shes rab ldan pa rnams la gnod pa dag/ bzod ba'i yon tan yod pas gnod mi 'gyur/ /shin tu dul ba'i glang po mchog rnams la/ /las kyi khyad par rnam mang bzod pa bzhin/ /brtson 'grus gcig bu byas pa phal ba'i mdza' / /shes rab grogs kyis bstad na yon chen 'jug bsgrub byas rjes la de yi yon tan 'thob/ /de las byung ba'i dub pa yongs su sel/ /mkhas pa rnams la phul du bsngags 'gyur zhing/ /de las phra zhing zab la gzhan med pas/ /'dod pa'i skyon gyis yongs su ma bsgribs ba'i/ /yid lam drang por shes rab med mi 'gyur/ /de 'dra'i bsam gtan ba de dga' mchog ldan pa/ /skyon bsags nyes pa chen pos grags gyur pa'i/ /lam gol rigs pa'i tshul la brten pa yi/ /skye bo ma rabs yid la ji ltar 'grub/ /shes rab tshul la brtson med blo 'chad na/ /de yi lta ba yongs su dag mi 'gyur/ /de med tshul khrims mi 'dag de med pas/ /ting 'dzin mi 'thob sdug bsngal zad mi 'gyur/ /shes rab ldan pas skyon las bag byed cing/ /yon tan tshogs las rgyun tu bde 'thob bas nyon mongs 'gro ba'i don la rab brtson zhing/ /yon tan tshogs kyis bde ba'i lam du 'jug/ /yang dag rtogs pas ting 'dzin thob par 'gyur/ /ngag yid lus rnams rnam par dag pa 'grub/ /de phyir skyon med mthu dang ldan gyur pa/ /'jig rten phan pa phun sum tshogs la 'jug/ sbyin pas ci 'dod yid bzhin bsgrub pa byed/ /tshig snyan bdud rtsi shin du gsal ba dang/ /rgyu med mthu dang ldan ba'i sdom pa yis/ /gzhan gyi don la mnyam bar kun tu sbyong/ /don la thun mong yang dag bstan byas shing/ /byams pas de dag yid ni dbang sgyur te/ /shes rab stobs kyi 'khor lo thogs med de/ /mya ngan 'das pa'i bde la 'god par byed/ /shes rab sngon 'gro mthu chen 'di dag gis/ /byin gyis brlabs shing yongs su bsrungs pas na/ /'cho med ngan 'gro'i 'chi dang smad pa dang/ /dogs pa'i stobs kyi 'jigs pa nyer mi 'ong/ /'jigs pa thams cad skyon las byung ba ste/ /shes rab skyon dang lhan cig mi 'grogs pas/ /ston gyi nam mkha' i sprin tshogs med pa la/ /nyi 'od gsal ba mun dang mi 'grogs bzhin/ /nyi ma 'od chen shar bar gyur bzhin du/ /'gro ba'i rgyud rnams mun nag gang 'gegs pa/ /shes rab 'od kyi mthu chen 'byung bas na/ /thams cad bsal 'gyur ming tsam 'ba' zhig lus/ /gang la shes rab 'od chen shar gyur ba/ /de la bya ba'i lhag ma las pa med/ /bskal ba'i mes bsregs 'jig rten bsal ba'i tshe/ /bsreg bya'i lhag ma yod par brjod med bzhin/ /snang pa thams cad gcig tu 'dus gyur kyang/ /shes rab 'od la skrun tu nyer mi 'gro /de bas khe chen de las mchog gzhan med/ /yongs su mnyam pa med pa 'ang gzhan med do/ /shes rab tshul brtson bslab pa bde tshul du/ /yongs su rdzogs 'gyur tshul khrims zhi bar 'gyur/ /de bas rang gi mthu rnams kun gtugs te/ /de 'dra'i shes rab tshul la brtson par bya/ /phung po khams dang skye mched rgyu dag dang/ /bden pa'i gnas la som nyid mi 'gyur zhing/ /dus gsum de 'drang? bsdus pa'i rigs pa ni/ /shes rab shin tu sbyangs pa'i yul 'jug yin/ /shes rab dag sbyangs spyod pa'i rnam pa dag /yid ches bka' zhing yon tan snang la yang/ /skyi g.ya' ngo mtshar thob pa'i dbang gyur bas/ /rgyal sras grags pa chen pos khyab par 'gyur/ /shin tu mthu 'bar shes rab stobs kyi phul/ /bdud dang dpung bcas tshogs kyis bzod mi nus/ /shes rab 'od kyis de dag mig rmongs pas/ /de dag mgo ldeg lta bar mos pa med/ /'dod pa'i ltas 'phangs mda' la mgo thub pa'i/ /shes rab go cha sems kyis brtan bgos na/ /gzugs la sogs pa'i dmag mang tshogs kyi rnams/ /gcig pu 'jigs med zil gyis mnan cing 'gro/ /mi brten yang tshul 'jigs shing rtabs pa'am// glen ba'i dang tshul mya ngan 'dzin pa'am/ /mthu gzhan sems la rtsa ba zug gyur pa'i/ /khro dang chags dang dman zil gnon pa 'am/ /phan byed rnams la 'jungs pa'i dri ma dag /'dod chags ldan la rten 'cha' rgod pa 'am/ /gzi brjid mthu chud le la'i bsam pa dang/ /shin tu g.yed bas gzhi 'char tshul dag /so so'i rkyen gyi bsam pa thibs po la/ /gnas 'cha' nyes ba'i rnam pa de dang de/ /'gro la phan don dam bcas shes rab can/ /shes rab chen pos ma lus yongs su sel/ /skyon bral brtan zhing dang nges de mkhyen nas/ /dga' bde skyid phyir lags par de gzigs shing/ /dbang bskur bdud rtsi shin tu sim byed pas/ /thub dbang rnams kyis de ni dbang yang bskur/ /bde gshegs mdzod spu mtshan rab mthon pa yi/ /'od tshan zla ba gsal gzhin sim byed pas/ /rgyal sras de yi mgo nas dbang bskur na/ /mchod sbyin me la mang khus blugs ltang mdzes/ /chos rgyal rgyal tshab thabs de thob gyur nas/ /phyogs bcu kun tu sprul pa'i lus skye zhing/ /sprin chen char gyi rgyun gyis rdul bsal bzhin/ /'jig rten sdug bsngal lhun gyis grub par sel/ /rgyal sras mthu mchog de 'dra rmang byung dag /thams cad shes rab de yi mthu las byung/ /bu la byams pa'i ma 'dra shes rab las/ 2 65a de 'dra'i phun sum tshogs 'byung ci mtshar gyi/ /bde gshags stobs bcu stobs kyi phul byung ba/ /mtshungs med mchog tu bya ba thams cad dang/ /yon tan tshogs gzhan ma rus thams cad kyang/ /de 'dra'i shes rab rgyu las rten cing 'byung/ /'jig rten dag na sgyu rtsal gter mchog dang/ /gtsug lag mig 'dra ci snyed yod pa dang/ /yongs su skyabs byed blo dang sngags la sogs/ /rnam bkod chos kyi khyad par tha dad dang/ /rnam grangs rnam mang rnam thar sgo dag dang/ /'jig rten phan pa'i rnam pa de dang des/ rgyal sras mthu chen rnam par ston byed pa/ /de dag thams cad shes rab mthu las byung/ /dbang po yul rnams lha rdzas 'dra bdag pa'i/ /rgyal srid che ldan byang chub seMs dpa' dag/ rang bzhin tshul min 'gyur ba med pa yang/ /shes rab yon tan blon po ldan pa'i mthu/ /gzhan la phan byed ro? gcig byams pa la/ /'dod chags 'go ba yongs su spangs pa dang/ /gzhan gyi sdug bsngal mi bzod snying rje la// mya ngan khur gyi le los mi dma' dang/ /dga' mchog dang ldan yang dag g.yed med dang/ /'gro don mi g.yel btang snyoms chen po dang/ /yon tan de dang de dag gnyen po'i lam/ /shes rab chen pos bkag pas rnam par mdzes/ /bsam pa bag la nyal la bka' btsan pa'i/ /shes rab nyi 'od 'par? lta de med na/ /su zhig yun ring 'jig rten rkyen 'byung pa'i/ /rang bzhin tshul gyur mun nag sel nus yod/ /brtan 'os bla ma rim gro bsnyen bkur te/ /shes rab sgrub phyir thos pa btsal bar bya/ /rnam pa sum cu gnyis kyis shes bya ste/ /yang dag mnyam gzhag yid kyis rnam par sel/ /thos nyung dmus long bsgoms pa'i tshul mi shes/ /de med des ka ci zhig bsam par bya/ /de bas thos la @ 265b brtson bya de rgyu las/ /bsam bzhin bsgom pas shes rab yangs pa 'byung/ /dri ba rtsod med sgo dang brtan pa dang/ /don tshol rtogs pa'i mthu yang rtogs pa dang/ /bsam gtan de yi yon tan skyed pa bas/ /shes rab bsgrub la mngon? bar brtson par bya/ /shes rab thob pa'i tshul la thabs kyi mdo/ /bsam gtan de don nges pa'i thos mang ba/ /yon tan tshogs rgyu shes rab snang ba ni/ /gnyis po de las gtsubs shing me ltar 'byung/ /mkhas pa'i skye bos spyod pa'i lam bsten te/ /gti mug rgyur gyur thibs? po spang bar bya/ /de bsgribs gyur na zla ba shar gyur kyang/ /char sbyin cher? bsgribs mi snang mtshungs mi snang/ /le lo snyom dang rten ngan rten pa dang/ /gnyid kyi dbang gyur mi rtog dang tshul dang/ /thub pa'i ye shes mchog la mes mod dang/ /log pa'i nga rgyal non pas don 'dri dang/ /dma' sems dag la zhen pas byung ba'i rgyus/ /mkhas pa'i skye bo bsten par ma dad dang/ /log pa'i rnam rtog dus tshe log lta dag /gti mug rgyu yin de bsal gnyen po ni// phung po khams dang skye mched bden pa dang/ /rig ba dag dang rgyu byung tshul brtag dang/ /chos la mkhas pa'i rnam pa de dag ni/ /shes rab thabs kyi yul brgyad rnam pa yin/ /gzugs rnams dbu ba'i tshogs 'dra snying po med/ /tshor ba rnam gsum chu yi chu bur tshul/ /'du shes 'dod pa'i yon tan zhugs pa ni/ /smig rgyus ri dags slu bzhin byis pa slu/ /'du byed rnam pa chu shing rang bzhin 'dra/ /sgyu ma'i tshul las rnam shes gtang ba med/ /de la rten cing ra 'dra'i lus 'di nyid/ /rnam mang bskyod cing lam rgyud kun du 'khyam/ /bdag dad bdag gi 'di la gang yang med/ /mi gtsang sna tshogs 'dus pa'i tshogs 'di ste/ /rang dbang yod ltar 'khrul 'khor byas ba bzhin/ /sems can 'du shes byis pa slu ba byed/ /mig 'di skad cig 'jig ste bdag ma yin/ /mig ldan de min mig la bdag kyang med/ /bdag la mig med skye mched ltag ma yang/ /de dang tshul 'dra gtang med bdag gi med/ /lus la gnas pa'i khams dang phyi rol khams/ /mtshan nyid mi mtshungs 'gal ba gang yang med/ /rnam shes khams kyang mi rtag bdag ma yin/ /de las gzhan yang nam mkha' i me tog bzhin/ /de ltar 'di ni sred rmongs yid ldan la/ /sdug bsngal 'ba' zhig byung bar gyur pa yin/ /sred dang bral na zhi ba'i mchog thob ste/ /tshul khrims ting 'dzin sred sel lam yang 'thob/ /de dang de dag rten 'brel byung ba zhes/ /lta ba rnam dag yod med gnyis mi dmigs/ /'gro ba 'di dag de la sgyu ltar snang/ /de phyir bde la sogs pas 'gyur med brtan/ /'das gyur byung gyur rtog pa log lta ste/ /byung gyur gang yin srid las bde 'gyur zhes/ /de ltar 'das pa'i yul la 'dod bral zhing/ /byung dang 'byung bar 'gyur la smon pa med/ /sdug bsngal tshul gyis mngon par mi bde zhing/ /mi bzang mig phye mngon pa'i tshul yod na/ /de dag don bsgrubs phongs dor tshul bsams shing/ /shes ldan su zhig dgar gnas bla snyam sems/ /de ltar rnam grol blo ldan snying rje can/ /'gro ba mgon med nyon mongs gzir mthong na/ /thams cad byang chub mchog la ma bkod du/ /dma' las byams btang mya ngan 'dar mi mos/ /'jig rten don sgrub tshul la mthu med pa'i/ /theg pa gnyis bo gtan du spang byas shing/ /thub rgyal theg pa snying rjes bstan pa'i lam/ /gzhan phan ro gcig rang bzhin de dag 'jug /dma''os tshul la legs pa'i blo mi gzhol/ /cha la che min nam yang gnas mi 'gyur/ /gtsang ma'i rang bzhin gtsang dang rtag tu 'brel/ /gzhan yang mthun dang mthun gyur chos nyid tshul/ /bde dang mi bde rmi lam 'drar 'drangs shing/ /gti mug skyon gyis dma' ba' i 'gro mthong na/ /las kyi dam pa gzhan don dga' bor zhing/ /rang gi don la de ko ci ste brtson/ /gang zhig 'jig rten phan phyir kun spyod cing/ /mngon pa'i nga rgyal bdag lta yongs spangs te/ /kun la byams pas mi gnyis lam rgyu ba/ /de ni mya ngan 'das kyang 'jig rten spyod/ /shes rab rnam dag mngon sgrub theg pa'i mchog / thub chen thams cad mkhyen nyid de las 'byung/ /de ni 'jig rten rnams kyi mig bzhin te/ /'od ldan nyi ma shar ba'i 'od dang 'dra/ /'khor ba'i skyon gyis khur gyis ngal chad kyang/ /shes rab rnam par dbye la skyon med pa/ /de ni sangs rgyas legs sgrub theg pa la/ /bdag nyid yongs su skyo bar 'gyur ba med/ /bde gshegs mthu can rmad byung mthong 'gyur bas/ /yan lag thams cad sbu g.yo dga' gyur cing/ /de sgrub theg pa'i dam pa spongs byed pa/ /g.yo rgyu spyod min rgyu ni gzhan med do/ /bdud kyis 'khrugs bsam? non su zhig ko /dkon mchog gsum gyis 'byung gnas theg pa ste/ /gnod pa'i mda''byin bde gshegs theg ba la/ /smod par su byed de ni 'gro ba'i dgra/ /shes rab mig zums 'gros 'khyar gyur pa la/ /'jig rten don sgrub rgyal ba'i rgyal rigs na/ /snying rje mi skyed skyes bu gang zhig yod/ /de dag rmongs gsal brtson 'grus su mi rtsom/ /shes rab kyi pha rol tu phyin pa'i le'u'o// // pha rol tu phyin pa bsdus pa Arya shU ras mdzad pa rdzogs so/ / //lo tsA ba a tsarya bai ro tsa na rakI tas bsgyur ba'o// /*/ /las dang po pa'i sa sbyang ba dgra las rgyal ba gsang bas mdzad pa bzhugs/ / rgya gar skad du/

CLOSE WINDOW