བོད་ཡིག

e-texts based on the ACIP/ALL Input

zhus chen gyi lo tsA ba dge slong rin chen bzang pos bsgyur cing zhus te gtan la phab ba'o// (//mdo kun las btus pa'i bsdus don ngo bos mdzad pa bzhugs so/ /) //rgya gar skad du/ sU tras muts+tsha ya sany+tsa yArtha/ bod skad du/ mdo kun las btus pa'i don bsdus pa// sangs rgyas dang/ byang chub sems dpa' thams cad la phyag 'tshal lo/ /slob dpon nA gArdzu nas mdzad pa'i rin po che'i gtam brjod pa mdo kun las btus pa'i don ni/ man ngag gi mdo rnam pa bdun gyis sgrub pa'i thabs/ khyad par can rtogs bar bya ste/ bsgom zhing nyams su blang ba ni/ 'di lta ste/ rten dal 'byor gyis mdo dang/ gzhi dang pa'i mdo dang/ rtsa ba byang chub kyi sems kyi mdo dang/ rkyen bar chad bsal ba'i mdo dang/ sgrub pa nan tan snying por bya ba'i mdo dang/ blo theg pa gcig tu byang ba'i mdo dang/ lam che ba yon tan gyis bgrod pa'i mdo 'o/ /de ci'i phyir zhe na/ srid ba mas chags pa thams cad ni rlung gi dkyil 'khor la brten nas/ mas chags pa bzhin du dkar po'i chos thams cad ni rten dal 'byor phun sum tshogs pa la brten nas 'byung bar 'gyur ro/ /dper na rtsi shing dang/ me tog dang shing gel pa dang/ sman la sogs pa thams cad ni sa gzhi la brten nas skyed par 'gyur ba de bzhin du/ yon tan gyi chos thams cad bsrung zhing 'phel bar byed pa'i gzhi dad pa la brten nas rgyas bar 'gyur ro/ /dper na rtsa ba 'am/ sa bon ma nor ba las sdong bu dang/ yal ga dang/ lo ma dang/ me tog dang/ 'bras bu thams cad rim gyis rgyas shing smin bar 'gyur ba de bzhin du/ thams cad mkhyen pa nyid du/ sems bskyed pa'i rtsa ba las thams cad mkhyen pa'i 'bras bu 'byung bar 'gyur gyi/ nyan thos pa dang/ rang sangs rgyas pa dang/ 'jig rten pa rnams kyis sems bskyed pa las ni rnam pa thams cad mkhyen par 'gyur ba ma yin no/ /de lta bas na pha rol tu phyin pa bcu dang/ thun mong ma yin pa'i byang chub kyi phyogs kyi chos sum cu rtsa bdun dang/ tshad med pa bzhi dang/ dge sbyong gi 'bras bu bzhi dang/ rtsa ba dang/ bdag dang/ bde ba dang/ rtag pa'i pha rol tu phyin ba thob par 'dod pas thams cad mkhyen pa nyid sems bskyed pa'i rtsa ba brtan por gzung par bya'o/ /dper na nas dang/ gro dang sA lu la sogs pa'i sa bon legs par btab cing rtsa ba legs pa btsugs kyang/ sad dang ser ba dang/ btsa' la sogs pas/ bar ma skabs su bar chad byas nas/ 'bru'i tshogs smin bar mi 'gyur zhing/ kham gyi zas kyi 'tshe bar byed pa'i lus can rnams la yang/ phan 'dogs par mi byed do/ /de bzhin du dal 'byor thob cing dad pa la gnas pas byang chub sems kyi sa bon ma nor bar btab ste rtsa ba ma nor bar btsugs kyang/ bar ma skabs su sems can blos spong pa dang/ byang chub sems dpa' la rma 'byin pa dang/ bdud kyi las sna tshogs pa dang/ dam pa'i chos spong ba dang/ mi dge ba bcu dang/ spro ba med pa la sogs pa tshe 'di dang/ ma 'ongs pa'i lus la gnod pa rnams kyis bar du bcad na/ bdag nyid kyang ci rigs par rten mchog las nyams nas mi khom pa'i gnas su ltung ba dang/ theg pa mchog las nyams nas nyi tshe ba'i theg bar ltung ba dang/ brtson 'grus mchog la nyams nas/ rnam pa thams cad mkhyen pa nyid las ring du 'gyur ro/ /de'i phyir rgyud nas gzhan gyi don las kyang nyams par 'gyur te/ rang dang gzhan gyi don thams cad chud zos par 'gyur ro/ /dper na yid bzhin gyi nor bu rin po che rtsa rdzis legs par ma bskyangs na bag med pas brlag par 'gyur pa'i nyen mchis so/ /de bzhin du thob pa chud mi gsan pa dang/ dad ba brtan po dang/ rtsa ba mi 'gyur pa dang/ gnod pa'i bar chad bsal ba la sgrub pa nan tan snying por ma byas na/ byang chub kyi sems kyi nor bu rin po che gtan brlag pa'i nyen mchis so/ /dper na lam kha dbrag phyin pa gang du 'gro ba'i phyogs la yid 'khrugs shing nem nur can du 'gyur ro/ /de bzhin du sems lta ba sna tshogs kyis gzings par gyur na chos thams cad kyi ngo bo nyid rtogs par mi 'gyur bas blo gros theg pa sna tshogs su 'gro ba'i nyen mchis so/ /phyi'i lo tog phun sum tshogs par 'dod pas/ do cig so nam la nan tan byed pa de bzhin du/ sangs rgyas kyi che ba'i yon tan thams cad thob par 'dod pas? kyang de thob par byed pa'i rgya lam ma bgrod na las dang po pa'i sa las mi 'phags par mchi'o/ /de'i phyir na shing rta chen pos bsdus pa'i mdo ni mi mang zhing mi nyung par de kho na'o/ /go rim kyang 'di ltar shes te/ dang po gsum ni rgyu bya ba byed pa'i rigs pa yin la bar ma gsum ni rkyen ltos pa'i rigs pa yin zhing tha ma ni 'bras bu chos nyid kyis rigs pa yin te/ dpe bdun ni 'thad pa bsgrub pa'i rigs pa yin pa'i phyir ro/ /de la sangs rgyas 'byung ba rnyed par dka' zhes bya ba la sogs pas rkyen gzhan gyi 'byor pa lnga mtshon la/ mir gyur ba rnyed par dka' zhes bya ba la sogs pas rgyu bdag nyid kyi 'byor pa lnga mtshon no/ /dal 'byor rnyed par dka' zhes bya bas rgyu rkyen tshogs pa'i dal 'byor bcu mtshan pa yin no/ /de bzhin gshegs pa'i bstan pa la dar ba rnyed par dka' zhes pas gzhi dang pa bstan/ byang chub kyi sems rnyed par dka' zhes bya ba la sogs pas yul sangs rgyas la dmigs pa'i sems bskyed ba bstan/ sems can thams cad la snying rje chen po skye bar dka' zhes bya ba la sogs pas sems can la dmigs pa'i sems bskyed pa bstan/ byang chub sems dpa' la rma 'byin pa zhes bya ba nas bar du gcod ba'i chos spong ba rnyed par dka' zhes bya ba'i bar gyi rkyen bar chad bsal ba'i mdo bstan/ khyim par gyur kyang chos rnams la nan tan gyis gces bar bsgrub pa rnyed bar dka' zhes bya ba la sogs pas ni bsgrub ba nan tan snying por byed pa'i mang bstan mya ngan las 'das pa la mos pa'i sems can rnyed par dka' zhes pa nas theg pa gcig la mos pa'i sems can rnyed dka' zhes bya ba'i bar gyis blo theg ba gcig la sbyang ba'i mdo bstan/ sangs rgyas dang byang chub sems dpa' i che ba nyid rgya chen po la 'jug pa'i sems can/ rnyed par dka' o zhes bya ba la sogs pa'i lam che ba'i yon tan gyis bgrod ba'i mdo bstan/ de ltar rigs pa bzhis mdor bstan/ lung gi mdo bdun gyis rgyas par bshad pa'i don de blo la go bar byas nas nyams su blangs pas na sems bskyed pa'i rigs bzhi skye ste/ dang po g.yo smon gyi tshul dang/ 'jug cing bstan pa dang/ gnas pa dang/ mthar phyin ba'i rim ba'o/ /de yang dang po sa bon dang/ zla grangs pa dang/ yon tan mthong thos dang/ byin rlabs kyi gsung ma rnams kyis rtsa med bzhin du skye'o/ /de'i gzhi steng du snying rje dang ldan pa la goms pas zla ba yang ngo bzhin du 'phel ba'i tshe dbang dang/ yo byad la sogs pa 'jug cing bstan ba'i yan lag tu 'gyur ro/ /de nas gnas pa gsum gyi mthu rdzogs par byed ba kha cig 'phags pa rtogs pa chen po yongs su gros? pa'i mdo las bgyod tshangs kyis sdig pa sbyangs te/ mchod bstod dang/ skyabs su gsol ba dang/ dbang gzugs ba dang/ dngos po bshags pa dang/ dam bca' zhing sdom pa gzung ba dang/ khrus bya ba dang/ tshangs pa thob ba dang/ rjes su spro ba dang/ gzengs bstod ba'i tshul gyis gdams pa dang/ dmigs ba med cing theg pa gcig tu blo sbyangs ba dang/ dag pa'i mtshan ma mthong ba dang/ ming gdags pa dang/ lam rgyud la bskyed ba dang/ 'bras bu thob pa'i bar du byed do/ /kha cig ni de bzhin gshegs pa'i yi ge brgya pa la sogs pa zlos shing sgra'i mdza' las grol ba'i ting nge 'dzin gyi bar du sbyor zhing khrims nyi shu rtsa lnga bsrungs bas 'bras bu thob par byed do/ /gang zhig sems dpa' gsum gyi mthu rdzogs pas na nyi ma grol ba ltar du mthar phyin pa'i sems su gyur pa'i tshe blo snying rje'i dbang du gyur bas sgyu ma'i dpe bdun pa ltar dngos po thams cad las chags shing rlom pa med bar gzhan gyi don la nyin mtshan du 'bad pa dang/ thun mong gi yon tan byang chub kyi chos sum cu rtsa bdun dang/ thun mong ma yin pa'i stobs bcu dang/ mi 'jigs pa bzhi dang ma 'dres pa la sogs pa 'grub par byed do/ /slob dpon dI paM ka ra sh+ridz+nya na la bod kyi dge slong tshul khrims rgyal bas gser srang bcu bzhi sbram bu ma tog du phul nas bod du 'byon pa'i zhu ba phul ba las sgom sbyong ba rnams mthar phyin bar bya ba'i don du bla ma zla ba bcu drug tu lam du ma chud do/ /de nas bod du 'byon par slob ma sems sbyong ba rnams kyis zhal chems bzhag bar zhus bas mdo'i don man ngag tu byas pa 'di zhal chems su gnang ngo/ /de'i dus su rgya brtson seng ges bsgyur bar zhus pas gnang ste gtan la phab bo/ /dge slong tshul khrims rgyal bas spel bar 'dod pa las bod kyi ston ba rnams ni nga rgyal dang phrag dog che bas nga rgyal gyi sgang bu la yon tan gyi chu ma chags so/ /de 'dra lha khang ke ru'i khyams smad kyi ban de bdag gis zhus te gdams ngag dang bcas te gnang ngo/ /jo bo'i bla ma a wa d+hU ti pas rab tu mi gnas pa'i lta ba dang/ las mdza' sems bskyed ba'i cho ga dang/ mdo kun las btus ba'i don man ngag tu byas pa 'di gsum stabs gcig tu gnang ba lags so/ / (//rim gyis 'jug pa'i sgom don slob dpon bi ma la mi tras mdzad pa//) // rim gyis 'jug pa'i sgom don/

CLOSE WINDOW