བོད་ཡིག

e-texts based on the ACIP/ALL Input

/) //bsgom pa'i rim pa mdo kun las btus pa/ sangs rgyas dang byang chub sems dpa' thams cad la phyag 'tshal lo/ /dal 'byor rnyed dka' bshes gnyen bsten/ /ston pa rjes dran mi rtag bsgom/ /yid 'byung ba dang 'phags pa'i bden/ /mi ldog pa yi 'khor lo dang/ /'khor gsum yongs su dag pa'i gtam/ /brgyad po 'di ni spyi sdom yin/ /dal 'byor gyi rten rnyed par dka' ba ni/ /gtsug na rin po ches zhus pa las/ dal 'byor mir skye rnyed pa shin tu dka' / /'dren pa mthong ba shin tu rnyed par dka' / /zhi ba'i chos kyang thos pa rnyed par dka' / /tshul khrims dad pa 'ang shin tu rnyed par dka' / zhes gsungs so/ / lha'i bu blo gros rab gnas kyis zhus pa las kyang/ mi khom brgyad po thams cad rnam spangs shing/ /khom pa phun sum tshogs pa rnyed dka' thob 'gyur la/ /sangs rgyas 'byung dang yun du gnas pa dang/ /de bzhin bstan la dad pa thob pa dka' / /mi yi srid pa rnyed par dka' bas na/ /rgyal ba rnams kyis bstan la legs brtson gyis/ /sgra la 'chel cing 'dug par ma byed par/ /chos thos gyur nas rtag tu nan tan gyis/ /chos smra'i dge ba'i bshes gnyen gang yin bsten gyis la/ /sdig pa'i grogs la lan 'ga' ang ma bsten cig /ces gsungs so/ /mya ngan las 'das pa'i mdo las kyang/ dge slong dag mi khom pa brgyad dang bral te/ mi'i lus thob par dka' ba thob nas de? dang phrad par gyur na don med par chud mi gsan no/ /de bas na khyed rnams bag med par mi bya'o/ /dge slong dag ji ltar na yang dag pa'i chos kyi rin po che'i mkhar brgyan cing/ tshul khrims dang/ ting nge 'dzin dang/ shes rab kyi ra ba dang/ 'obs dang nye 'khor lta bur 'gyur ba soms shig / khyed sangs rgyas kyi chos rin po che mkha' lta bu dang phrad pa'i 'og tu yang dag pa ma yin pa sgyu dang bcas pa khas len pa mi rigs so/ /dper na tshong dpon dag rin po che yang dag pa'i gling du phyin na gyo mo dang rnga? blangs te phyir khyim du 'ongs pa dang 'dra bar khyed kyang rin po che'i gleng du phyin nas rjes sgyu ma dag len to/ /dge slong dag zhum pa'i bsam pas chog pa'i sems ma bskyed cig /khyed rnams rab tu byung mod kyi theg pa chen po la mos par mi byed do/ /dge slong dag kha dog bsgyur ba'i gos ngur smrig gyon mod kyis sems theg pa chen po la yang dag pa'i chos la zhen par ma gyur ro/ /dge slong dag bsod snyoms la zhugs te kun tu rgyu mod kyi theg pa chen po'i zas ma myong ngo/ /dge slong dag skra dang kha spu bregs mod kyi yang dag pa'i chos kyis kun nas nyon mongs pa med par byas so/ /de bas na khyed rnams kyis dpa' zhing brtul 'phod pa'i sems kyis kun nas nyon mongs pa gzhom pa la brtson par gyis shig ces gsungs so/ /dge ba'i bshes gnyen bsten pa ni mya ngan las 'das pa'i mdo las/ dge ba'i bshes gnyen bsten pa ni lam ste/ dge ba'i bshes gnyen la bsten na tshul khrims yongs su dag par 'gyur te/ bla na med pa yang dag par rdzogs pa'i byang chub tu sems bskyed par 'gyur ro/ zhes gsungs so/ /de nyid las dge ba'i bshes gnyen zhes bya ba ni mi dge ba bcu spong bar byed cing dge ba bcu spyod par byed do/ /don de lta bas na dge ba'i bshes gnyen zhes bya'o/ /yang dag pa'i chos ji lta ba bzhin du ston cing ji ltar bstan pa bzhin du spyod pa'o/ /ji ltar zhe na/ 'di ltar bdag srog mi gcod pas gzhan la srog mi gcod pa ston pa na bdag yang dag pa'i lta ba la nan tan byed pa nas gzhan yang yang dag pa'i lta ba la nan tan byed du 'jug pa ste/ de ni yang dag pa'i dge ba'i bshes gnyen zhes bya'o/ /bdag byang chub la nan tan byed pas gzhan yang de la dgod pa dang/ bdag dad pa dang/ tshul khrims dang/ sbyin pa dang/ mang du thos pa dang/ shes rab bsgoms pas gzhan yang de la 'god pa dang/ dge ba'i bshes gnyen zhes bya ba ni dge ba'i chos yod pa'i phyir ro/ /dge ba'i chos gang zhe na/ 'di ltar ci byed do cog bdag la bde bar mi sbyor gyis rtag tu sems can dag bde bar sbyor ba dang/ gzhan gyi nyes pa mthong yang skyon mi smra ba ste/ rtag tu dge ba'i chos 'ba' zhig smra'o/ zhes gsungs so/ /dkon mchog sprin las de bla ma la brten na dge ba'i chos 'phel ba dang sdig pa 'grib po snyam ste mkhan po thos pa mang yang rung nyung yang rung shes sam mi shes kyang rung/ tshul khrims dang ldan nam mi ldan yang rung ste/ de la ston pa'i 'du shes bskyed do/ /ji ltar ston pa la dga' zhing dad pa ltar mkhan po la yang byed do zhes 'byung ngo/ /rgyal ba'i yum las kyang rigs kyi bu khyod kyis sdig pa'i grogs po dag yongs su spang bar bya'o/ /dge ba'i bshes gnyen gang chos thams cad stong pa nyid dang/ mtshan ma med pa la sogs par ston pa dag la khyod kyis bsnyen par bya gus par bya/ bsnyen bkur bya'o zhes bya ba nas rigs kyi bu khyod kyis dge ba'i bshes gnyen la shin tu gus pa bskyed par bya'o/ /phangs par bya'o rab tu dang bar bya'o/ /dge ba'i bshes gnyen gyis zin pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o zhes gsungs so/ /sangs rgyas rjes su dran pa ni mya ngan las 'das pa'i mdo las/ chos gcig la gang bsgom zhing nan tan byed pa des sems can thams cad kyis mya ngan dang sdug bsngal dang 'khrug pa rnams byang zhing dag pa chos thob par gsungs pa ni 'di lta ste/ sangs rgyas rjes su dran pa'i ting nge 'dzin no zhes gsungs so/ / sangs rgyas phal po che nas/ ji ltar sa ni ro gcig kyang/ /sa bon tshul bzhin myu gu ston/ /byams dang sdang ba sems dpa' med/ /sangs rgyas yon phul de bzhin no/ zhes gsungs so/ /chos yang dag par sdud pa'i mdo las/ 'di lta ste/ dper na me ni shing thams cad la yod mod kyi/ rkyen dang rtsol ba ma tshang bar me mi 'bar zhing dgos pa rnams mi byed do/ /de bzhin du de bzhin gshegs pa yang shes bya thams cad la gnas mod kyi dad pa la sogs pa'i rkyen dang rtsol ba ma tshang na ni 'byung ste/ sangs rgyas kyi bya ba rnams kyang mi mdzad do/ zhes 'byung ngo/ /yang de nyid las dper nas ni rnam par mi rtog cing 'gyur ba med par gnas te de la khe 'dod pas smos na lo tog phun sum tshogs par 'gyur ro/ /de las zlog na mi 'gyur ro/ /de bzhin du de bzhin gshegs pa yang rnam par mi rtog cing 'gyur ba med pas gnas te/ de la yon tan 'dod pa gang dag de bzhin gshegs pa la dad pa dang dang ba dang gus pa bskyed pa de dag gi yon tan gyi lo tog phun sum tshogs par 'gyur ro/ /de las zlog pa ni mi 'gyur ro/ /zhes gsungs so/ /yang de las rigs kyi bu byang chub sems dpa' chos kyi tshul la 'jug pa bcus sangs rgyas khong du chud pa bya ste/ rgyu 'thun pa'i sangs rgyas dang/ rnam par smin pa las byung ba'i sangs rgyas dang/ ting nge 'dzin gyi sangs rgyas dang/ smon lam gyi sangs rgyas dang/ sems kyi sangs rgyas dang/ ngo bo nyid kyi sangs rgyas dang/ longs spyod rdzogs pa'i sangs rgyas dang/ sprul pa'i sangs rgyas dang/ btags pa'i sangs rgyas dang/ mdun du byas pa'i sangs rgyas so/ zhes rgyas par gsungs so/ /sangs rgyas phal po che las kyang/ yang dag sangs rgyas chos kyi sku/ /'dres pa med cing gnas pa med/ /sems can thams cad yid bzhin du/ /gzugs kyi sku yang rab tu mthong/ zhes gsungs so/ /yab dang sras mjal ba las/ gang zhig gzhan la gsan par ma mdzad par/ /rtogs par dka' ba rab tu zhi ba yis/ /byang chub bla med mngon par sangs rgyas pa/ /de yi gsung la su zhig yid mi ches/ /skye dgu kun la pha bzhin thugs brtse bas/ /stobs bcu thugs rje mnga' bas byams par dgongs/ /thugs rjes thugs brtses sems can grol mdzad kyis/ /'dren pa mi mchog la ni dad pa skyed/ /rga dang 'chi bas 'jigs pa'i nyon mongs la/ /rga shi med mchog mi la ston mdzad cing/ /'chi med gnas su sems can don mdzad kyis/ /'dren pa mi mchog la ni dad pa skyed/ /ces gsungs so/ /lha mo dpal gyi phreng ba seng ge'i sgras zhus pa las/ bcom ldan 'das de bzhin gshegs pa ni 'jig rten la dus kyis mdza' mchis pa'i thugs rje can dang/ dus kyi mdza' mchis pa'i thugs dam mnga' ba ma lags te/ dus kyi mdza' med par thugs rje dang/ dam bcas pas sems can a la la zhes mchis pa dag ni de bzhin gshegs pa nyid la yang dag par smra bas smra ba lags so/ /zhes gsungs so/ /dkon mchog sprin las kyang kye ma sems can 'di dag ni bu smad dang khyim dang nor dang 'bru la sred pas 'khol bas snying po med la snying por 'du shes pa yin gyis de dag la mi rtag pa bstan par bya'o/ /zhes de'i phyir de bzhin gshegs pa sems can rnams la snying rje chen po skye'o/ /kye ma sems can 'di dag ni mi rigs pas 'tsho ba ste/ gcig la gcig 'drid par gnas pa yin gyis de dag la 'tsho ba yongs su dag par bya ba'i chos bstan to/ /zhes de bzhin gshegs pa sems can rnams la snying rje chen po skye'o/ /kye ma sems can 'di dag ni khyim gyi gnas sdug bsngal gyi snod du shin tu nyon mongs pa la rtag tu dga' ba yin no/ /de dag las 'byung zhing khams gsum las yang dag par 'da' bar bya ba'i phyir chos ston to/ zhes sems can rnams la snying rje chen po skye'o/ /chos thams cad rgyus nye bar 'gro ba ste/ sgrub pas nye bar gnas pa'i mtshan nyid can yin na sems can 'di dag ni 'phags pa'i rnam par grol ba la le lo byed pa yin gyis de dag las rnam par grol ba la lhur blang ba'i phyir brtson 'grus brtsams par chos bstan to/ /zhes de bzhin gshegs pa sems can rnams la snying rje chen po skye'o/ /kye ma 'jig rten gnas pa 'di ni brkam zhing 'dod pas zil gyis non pa ste chog mi shes shing gzhan gyi nor 'phrog pa yin gyis de dag la 'phags pa'i nor dad pa la sogs pa bdun la 'god do/ /zhes sems can rnams la de bzhin gshegs pa snying rje chen po bskyed do/ /zhes gsungs so/ /gsang ba bsam gyis mi khyab pa las zhi ba'i blo gros yongs su brtag pa gzung ste/ gang+gA'i klung gi bye ma snyed kyi sems can thams cad mi'i lus thob par 'gyur la/ de'i nang nas sems can gcig gis sems can de dag ji snyed pa de snyed la/ de bzhin gshegs pa'i sku gzugs dang/ mdog dang/ rtags dang/ dbyibs dang spyod lam du sems shing mos te/ de bzhin du sems can thams cad kyang de ltar mos kyang zhi ba'i blo gros rnam grangs des kyang de bzhin gshegs pa sems can de dag thams cad kyi mos pa tshim par mdzad de/ zhi ba'i blo gros 'di ni de bzhin gshegs pa'i sku'i gsang ba'o/ /zhes bya'o/ /de nas byang chub sems dpa' shugs 'chang 'di snyam du de bzhin gshegs pa'i spyi gtsug bltar m i mthong la sku tshad med kyang mdza' yongs su btsal lo snyam nas steng gi phyogs gang+gA'i klung gi bye ma bye ba phrag brgya'i sangs rgyas kyi zhing 'das te pad+ma can gyi 'jig rten gyi khams na sangs rgyas pad+ma'i dpal gyi rgyal po'i spyan sngar phyin nas bltas kyang ma mthong ngo zhes bya ba nas rigs kyi bu gang yang dpe bzhag pa ji snyed pa de bzhin gshegs pa'i tshul khrims dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba dang/ sku dang gsung dang thugs dang mtshan gyi dpe 'god pa ni de bzhin gshegs pa la skur pa 'debs pa'o/ /dpe gcig po ni ma gtogs te 'di lta ste/ nam mkha' o zhes bya ba nas 'jig rten mgon po'i spyi gtsug kyang/ /nam mkha' i khams dang mtshungs pa lags/ /nam mkha' i ji bzhin khyab gyur pa/ /gsung gis kyang ni de snyed khyab/ /gsung gi ji snyed khyab gyur pa/ /thugs kyis kyang ni de snyed khyab/ /gang gis byang chub blo bskyed pa/ /de snyed bsod nams khyad par bgyid ces bya ba la sogs pa'i/ /zhi ba'i blo gros de bzhin gshegs pa'i gsungs gi gsang ba phrin las gang zhe na/ zhi ba'i blo gros gang gi nub mo de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas pa nas len pa med pa mya ngan las 'das pa'i bar du de bzhin gshegs pas yi ge 'bru gcig kyang ma gsungs so/ /de ci'i phyir zhe na/ de bzhin gshegs pa la dbugs 'byung ba dang rdub pa mi mnga' o/ /rnam par mi rtog go rnam par mi spyod do/ /de dag med pa dag mi 'byung ngo zhes bya ba nas sems can de dag ni de bzhin gshegs pa ni gsung ngo snyam mo/ /bdag cag gis de bzhin gshegs pa'i chos bstan pa kun shes so snyam mo zhes bya ba nas zhi ba'i blo gros de bzhin gshegs pa'i gsung ni phyogs bcu'i 'jig rten rgyas par 'gengs shing sems can gyi bsam pa tshim par mdzad kyang gsung rab bcu gnyis ston to/ /gsal bar byed do rab tu shes par byed do rab tu 'jog go /rnam par 'byed do/ /zhes mi dgongs so zhes bya ba nas tshe dang ldan pa mo'u gal gyi bu 'di snyams du sems te/ de bzhin gshegs pa'i gsung gi dkyil 'khor ji srid gcig tu 'gro ba dpag par bya'o snyam nas ri rab kyi rtse mor phyin na yang de bzhin gshegs pa'i gsung de kho na 'dra ba thos so/ /gling gzhi las kyang 'das pa/ khor yug las kyang 'das te zhes bya ba nas nub phyogs kyi sangs rgyas kyi zhing gang+gA'i klung dgu bcu rtsa dgu'i bye ma snyed 'das pa na de bzhin gshegs pa 'od zer gyi rgyal po bzhugs pa der phyin pa na yang 'dom gang na 'dug pa'i mi'i sgra thos pa ltar de bzhin gshegs pa'i gsungs de 'dra ba kho nar thos zhes 'byung ngo/ /yang de nyid las gsang ba'i bdag pos zhi ba'i blo gros la 'di skad ces smras so/ /zhi ba'i blo gros de bzhin gshegs pa'i thugs kyi gsang ba dang phrin las gang zhe na/ de bzhin gshegs pa'i thugs la ldog pa mi mnga' rtog pa mi mnga' 'gyur ba mi mnga' / /thugs kyi tshad mi mnga' / thugs la 'khrul pa mi mnga' bas na chos thams cad la de'i ye shes ma chags ma thogs par 'jug go / sems can gyi spyod pa thams cad la yang gzigs so/ /sems can thams cad kyi kun nas nyon mongs pa dang rnam par byang ba yang rab tu mkhyen to/ /de'i stobs bcu dang/ mi 'jigs pa bzhi dang/ sangs rgyas kyi chos ma 'dres pa bco brgyad la yang bsnyel ba mi mnga' ste/ zhes bya ba nas sems can thams cad la thugs brtse ba sems can thams cad kyi sems dang spyod pa dang/ bsam pa la yang ye shes chags pa dang thogs pa mi mnga' zhing lhun gyis grub par 'jug go /zhi ba'i blo gros 'di yang de bzhin gshegs pa'i thugs kyi gsang ba dang phrin las so zhes 'byung ngo/ /lha mo dpal gyi phreng ba seng+ge'i sgra yis zhus pa las/ bcom ldan 'das de lta lags pas de bzhin gshegs pa ni skyabs ma mchis pa dang/ skyabs rtag pa dang/ bstan pa la sogs so/ /bcom ldan 'das chos zhes pa gyi ba ni theg pa gcig gi lam bstan pa'i tshig bla dags so/ /dge 'dun zhes bgyi ba ni theg pa gsum pa'i tshig bla dags so/ /skyabs 'di gnyis ni de'i yan lag gi skyabs zhes bgyi ste/ skyabs kyi rab ma lags so/ /drang srong rgyas pas zhus pa las kyang bcom ldan 'das bdag ni rgas 'khogs gtugs pas 'bras bu rnams la rtsol ba'i rngo mi thog bdag khur chen po khur ba'i rdo mi thog go / bdag dang bcom ldan 'das dang/ chos dang/ thams cad spangs pa'i dge 'dun la skyabs su mchi'o/ /bdag dang slan chad slob ma dang bcas g.yog dang bcas te dkon mchog gsum la skyabs mchi'o zhes gsungs so/ /'dus byas mi rtag pa yi la bya ba ni mya ngan las 'das pa'i mdo las/ mi rtag bsgom pa ni lam lags te/ de yang dge slong rnams la bka' stsal pa/ gang zhig mi rtag pa la mang du bsgoms na bla na med pa yang dag par rdzogs pa'i byang chub tu 'tshang rgya'o/ /zhes gsungs so/ /mtshan mo bzang po'i mdo las kyang/ sang tsam 'chi yang sus shes kyis/ /de ring nyid nas brtun te bya/ /'chi bdag sde chen de dag ni/ /bdag dang bshes pa yod ma yin/ /zhes 'byung ngo/ /sdom pa gsum bstan pa las kyang/ bdag ni myur du 'chi'o zhes/ /'chi ba'i 'du shes bsgom par bya/ /de las longs spyod bsags pa las/ /longs spyod la ni snying po blang/ /bu dang chung ma'i don gyi phyir/ /des ni nor dag bsag mi bya/ /lus dang longs spyod srog rnams la/ /snying po myur du blang bar bya/ /byang chub don du mdun drag skyed/ ces gsungs so/ /mya ngan las 'das pa las kyang/ skye ba yod na 'chi ba yod/ /tshe lo grangs med thub pa yang/ /tha mar 'chi bar rig par bya/ /dar ba yod na rgud pa yod/ /'du ba yod na 'bral bar 'gyur/ /lang tsho de yang mi rtag ste/ / dar ba'i mdog kyang nad kyis 'phrog / 'tsho ba'i tshe yang 'chi bas 'phrog /rtag pa'i chos ni 'ga' yang med/ /ces bya ba la sogs pa'o/ /yid 'byung ba'i gtam ni tshong dpon bzang skyong gis zhus pa las// bcom ldan 'das sems can dmyal ba'i kha dog ji lta bu lags/ /lus kyi rnam pa ji lta bu lags/ bzang spyod de dag kha dog ni khrag lta bu dang/ sprin sngon po lta bu dang/ sha gzi gu lta bu'o/ /de dag gi lus ni rgyal po'i bu gzhon nu lta bu gzhon sha can du 'gyur ro/ /lus che ba ni khru brgya par 'gyur ro/ /sen mo ring zhing kha yu yod pa rkang lag mi sdug pa 'dzam+bu gling pas mthong na 'chi ba'i dus byed par 'gyur ro/ /dmyal ba de dag gis rgyang ring po nas zangs dang rag na dmar po mthong ste kha zas 'dod pas khyer shog cig zer ro/ /de dag 'phungs nas snyim pa bzed nas zangs dang ra gan bskol ma ga la ba der song ste kha gdangs pa dang/ zangs dang ra gan rab tu 'bar ba des su ru ru rab tu 'bar zhing khog pa 'bar bar 'gyur ro/ /rus par gyur kyang rus pa 'bral bar mi 'gyur 'chi ba'i dus byed par mi 'gyur zhes bya ba nas de dag gis skyed mos tshal mthong nas de dag 'dus nas phyin pa dang/ shing de dag gi me tog dang lo ma ral grir 'gyur te/ ral gri de dag gi yan lag gcod cing bshegs par byed de nyam thag pa'i sgra chen po 'byin to/ /gshin rje'i mi'i lag na thob thogs sog le thogs nas bzhin bsgyur nas skra 'bal zhing mus ' bar ba'i phreng bas g.yogs la mtshon cha gzas pa dag 'di skad du khyed cag sdod cig da gar 'bros khyed rang gi las sgrubs pa'i tshal 'di nyams su myong bar gyis shig ces zer te zhes byas nas mun pa mun nag chen por zhugs te/ mi rgod kyi khrid pa bzhin du kyi hud 'di snyam du/ bdag ni 'dzam+bu'i gling bkra ba bor ro/ /da ni mtho ris mi mthong ngo snyam mo zhes bya nas de nas bzang skyong pa zing? zhes byed de/ bcom ldan 'das la skyabs su song ngo zhes gsungs so/ /rgyal po 'char byed kyi zhus pa las kyang/ mi rnams gang dag sdig byed pa/ /me yi phung por ldan rnams su/ /bskal pa du mar btso bar 'gyur/ /phra skam rnon po rnams kyis ni/ /bzung zhing yang dang yang bsnyungs bas/ /de dag sha ni yod min pas/ /dung ltar dkar ba dag tu 'gyur/ /lcags kyi gzhong par 'dug nas ni/ /rab tu tsha zhing sreg par byed/ /shi zhing shi zhing skye 'gyur te/ /rang gi las kyis gnas par 'gyur/ /gal te dmyal ba'i srung rnams kyis/ /ngan pa'i mi rnams de dag ni/ /rtun la sogs par brdung ba na/ /sha rkang rus pa phye mar 'gyur/ /de yi tshe na de dag ni/ /shin tu grang ba'i rlung yang ldang/ /sdug bsngal gyur pa de las 'tsho/ /sta re rnams kyis gshegs pa dang/ /de bzhin gsal shing 'dzugs par 'gyur/ /mi rnams gang dag sdig byed pa/ /lcags mdung rtse mo bzhi pa dang/ /rtse gsum pa dang rtse lnga 'bab/ /ral gri mchu can khra rnams kyis/ /mgo dang lag pa btogs gyur cing/ /wa dang spyang kis za ba dang ? mi rnams gang dag sdig byed pa/ /rab tu tsha bar sreg 'gyur zhing/ /ngu 'bod dang ni ngu 'bod che/ /thig nag du yang bsreg par 'gyur/ /yang nas yang du me mur dang/ /spu gri'i chu klung rnams su ltung/ /gang tshe lcags kyi zangs po cher mi rnams de dag 'tshang ba na/ /khyi rnams kyis ni gces par 'gyur/ /lcags las byas pa'i grag chen dang/ /mi sdug ri bo rnams kyis ni/ /de tshe kun nus lus 'joms byed/ /'bras bu de 'dra thob byed kyang/ /de la skyob pa 'ga' yang med/ /ces 'byung ngo/ /rgyal po las gdams pa'i mdo las/ de dud 'gro'i skye gnas su skye ba mthong na 'di lta ste/ rgya mtsho chen po'i nang na nya rlon dang nya ming la sogs pa srog chags gcig gis gcig gsod pa dang/ 'tshe ba dang dbang med par skye'o/ /bdag yi dags kyi nang du skye bar mi 'gyur snyam na/ 'di lta ste lo mang po dang/ lo brgya phrag mang po dang/ lo stong phrag mang por chu'i sgra yang mi thos na mthong ba lta ci smos par 'gyur ro/ zhes gsungs so/ /dri ma med par grags pas bstan pa las/ gdul dka' ba 'dul ba'i gtam gang zhe na/ 'di lta ste/ 'di ni sems can dmyal ba'o/ /'di ni byol seng ngo/ /'di ni gshin rje'i 'jig rten no/ /'di ni lus kyi ngan par spyod pa'o/ 'di ni lus kyi ngan par spyod pa'i rnam par smin pa'o/ 'di dag gi ngan par spyod pa'o/ /'di ni dag gi ngan par spyod pa'i rnam par smin pa'o/ /'di ni yid kyi ngan par spyod pa'o/ /'di ni yid kyi ngan par spyod pa'i rnam par smin pa'o/ /'di ni ser sna'o/ /'di ni ser sna'i 'bras bu'o zhes bya ba nas 'di ni shes rab 'chal ba'o/ /'di ni shes rab 'chal pa'i 'bras bu'o/ zhes de ltar gsungs pas rta rgod 'dra ba'i sems can rnams 'dul bar byed do/ /zhes gsungs so/ /mya ngan las 'das pa chen po las/ /mi dge ba bcu rab byas pas ni sems can dmyal ba rnams su myong ngo/ /'bring byas pas ni byol song gi lus myong ngo/ /tha ma byas pas ni yi dags kyi lus myong ngo/ /zhes 'byung ngo/ /yang de nyid las sdig pa phra mo chung ngu yang/ mi gnad snyam du brnyas mi bya/ /chu yi thigs pa chung ngu yang/ snod chen yongs su gang bar 'gyur/ /ces gsungs so/ /des pas zhus pa las/ sa bon tsha ba rnams kyis ni/ /'bras bu tsha ba skye bar 'gyur/ sa bon mngar ba rnams kyis ni/ /'bras bu mngar ba skye bar 'gyur/ /sdig pa'i rnam smin tsha ba dang/ /dkar po'i rnam smin mngar ba dang/ /mkhas pa'i mis ni shes par bya/ /zhes gsungs so/ /rgyal po la gdams pa las kyang/ dus kyi gnyer ta rgyal po 'gro dgos na/ longs spyod mdza' bshes gnyen bshes phyir mi 'brang/ /skyes bu de ni gang dang gar 'gro bar/ /las ni grib ma bzhin du rjes su 'brang zhes 'byung ngo/ /yang brgya pa las/ lus can kun gyi las rnams ni/ /bskal pa brgyar yang chud mi za/ tshogs shing dus la bab pa na/ /'bras bu nyid du smin par 'gyur/ zhes gsungs so/ /gsang ba bsam gyi mi khyab pa las/ las kyi rnam par smin pa la yid ches pa dang/ dkar po dang nag po'i las kyi rnam par smin pa chud mi za bar rig nas/ srog gi phyir yang mi bya mi byed do/ zhes gsungs so/ /yang de las grogs po dag 'jig rten skyong bar byed pa'i chos bzhi ste/ 'di lta ste/ 'dod pa dang/ zhe sdang dang/ 'jigs pa dang/ gti mug spangs pas 'dod pas 'gro ba ma yin par mi 'gro ba dang/ zhe sdang gi 'gro ba ma yin par mi 'gro ba dang/ 'jigs pas 'gro ba ma yin par mi 'gro ba dang/ gti mug gis 'gro ba ma yin par mi 'gro ba'o/ zhes 'byung ngo/ /mya ngan las 'das pa las/ dge ba bcu la yang rnam pa bzhi ste/ rab dang 'bring dang/ tha ma dang rab kyi rab bo/ /de la tha mas ni sgra mi snyan du skye'o/ 'bring gis ni lus 'phags su skye'o/ rab kyis ni ba lang spyod du skye'o/ /rab kyi rab kyis ni 'dzam+bu'i gling du skye'o/ /zhes 'byung ngo/ /sa'i snying po 'khor lo bcu pa las/ rigs kyi bu byang chub sems dpa' i 'khor lo bcu gang zhe na/ rigs kyi bu 'khor lo bcu ni dge ba bcu yin par shes par bya'o/ /'khor lo bcu po 'di dang ldan pas na/ sdig pa thams cad las rnam par grol ba dang/ dge ba'i chos thams cad yongs su rdzogs pa dang/ skye bo thams cad smin par byed cing thams cad la phan pa dang/ bde ba yongs su thob par byed do/ /de ci'i phyir zhe na/ rigs kyi bu snga ma 'das pa'i sangs rgyas thams cad kyis kyang mi dge ba bcu spangs te dge ba bcu las kyi lam 'di bsngags pas 'bras bu thob par gyur to/ /gzhan yang byang chub sems dpa' nam 'tsho'i bar du srog gcod pa sdangs na/ de nyid sems can thams cad la mi 'jigs pa sbyin pa yin/ /thog ma med pa nas srog gcod pa'i las las byung ba dang/ nyon mongs pa'i sgrib pa dang/ chos kyi sgrib pa dang/ tshe'i sgrib pa thams cad zad par byed do/ /'chi ba'i tshe na yang gshin rje'i pho nya mthong bar mi 'gyur ro/ /yid du 'ong ba'i dge ba'i bshes gnyen chos kyi dul ba tshul khrims dang yon tan dang ldan pa dang 'phrad cing shin tu dad pa skye bar 'gyur ro/ /tshe 'phos nas yang mi'i nang du dbang po tshang ba dang/ yan lag dang/ tshe ring ba dang/ gzugs bzang pa dang/ yid gzhungs pa dang/ bde zhing skyid pa dang/ dge ba'i bshes gnyen dang phrad cing dge ba'i chos thams cad rdzogs par byas nas byang chub thob pa'i bar du 'gyur ro/ /rigs kyi bu 'di ni 'khor lo dang po'o/ /rigs kyi bu 'khor lo de dang ldan na sems can dmyal bar mi ltung ba nas ngan song thams cad du ltung bar mi 'gyur ro zhes bya snas/ log par lta ba spong ba'i bar du rgyas par sbyar bar bya'o/ /sdom pa gsum bstan pa las/ 'od srungs chos gsum dang ldan na rgyal rigs shing sA la lta bu gzugs bzang ba dang/ mdzes pa dang lta na sdug pa dang/ kha dog bzang po rgyas pa mchog dang ldan pa dang/ le lo med pa dang/ bsal ba dang/ shin tu nges par 'gyur te/ 'di lta ste/ dge sbyong dang bram ze mthong na 'di dag ni sbyin gnas so/ /mchod par 'os pa'o/ /phyag gis gnas so/ /zhes dga' ba bskyed do/ /gos dang zas dang mal cha dang na ba'i gso sman dang/ /yo byad kyis mgron du gnyer ba 'di ni chos dang po'o/ /gzhan gnyis ni brdzun spong ba bsnyen bkur gyi snying po len pa'o zhes gsungs so// yang de nyid las/ ci 'dra ba yi las byas pa/ rnam par smin pa de 'drar 'gyur/ /bskal pa bye ba phrag brgyar yang/ /de ni chud zar gyur pa med/ ces 'byung ngo/ /sa'i snying po 'khor lo bcu ba'i mdo las kyang/ gal te srog gcod yongs spangs na/ /kun gyis bkur zhing bla mar byed/ /rtag tu nad med tshe yang ring/ /bde zhing skyid la gnod pa med/ /skye bo'i gnas ni thams cad du/ /sangs rgyas spyod yul lam la mos/ /sangs rgyas chos dang dge 'dun mthong/ /myur du bla med byang chub thob/ ces bya ba nas/ ngan par lta ba yongs spangs nas/ /rnam dag dang ba'i sems bsgoms na/ /theg gsum ston pa mos byed cing/ /sangs rgyas kun la mchod pa byed/ /ngan song kun las yongs thar te/ /'phags pa'i dge 'dun rnams dang phrad/ /byang chub sems dpa' i yon tan ldan/ /ye shes mchog kyang thob par 'gyur/ /zhes gsungs so/ /mngon par mtho ba'i le'u ste dang po'o// //'phags pa'i bden pa'i gtam ni sa'i snying po N'khor lo bcu pa las/ 'du 'ji dga' zhing tshul khrims bsrungs zhing/ slob dpon 'chad zhing sdug bsngal 'jigs pa/ /mkhas pa dag gis shes par gyis shig /de ni nyan thos theg pa yin no/ /sbyin la dga' zhing skye 'gog rtog pa/ khas? mdza' i gnas mal dga' ba dag ni/ /rang rgyal ba yi theg pa yin par/ mkhas pa dag gis shes par gyis shig /dge ba'i rtsa ba kun dang ldan zhing/ /byams pa dang ni snying rje'i sems kyis/ /rtag tu phan pa'i don la dga' ba/ /de ni theg pa chen po yin no/ /tshul khrims bsrung zhing lus srog spong zhing/ /sems can dag la mi 'tshe mi gnod/ /stong pa nyid kyi chos la brtson pa/ /theg pa chen po yin par shes bya/ /zhes gsungs so/ /mya ngan las 'das pa'i mdo las/ srid pa thams cad bden ma yin/ /mya ngan skyon dang rtag tu bcas/ /skyon ma 'jigs pa'i chos can te/ /rga dang na 'chis rtag tu gtses/ /srid pa'i chos ni mdza' yas pa/ /'gyur zhing 'pho ba'i dgra dang bcas/ /nyon mongs kun tu glags pa ni/ /ji ltar dar gyi srin bu bzhin/ /de la mkhas pa shes rab can/ /su zhig dga' zhing mos pa byed/ /lus 'di sdug bsngal phung po ste/ thams cad mi gtsang brtsog pa'o/ /skyon gyis bcings shing rma dang ldan/ /phan pa'i don ni ye nas med/ /yar ni lha yi lus par du/ /thams cad de dang 'dra bas na/ /'dod pa thams cad mi rtag pas/ /da ni de la chags mi byed/ /'dod spangs legs par yid byas na/ /yang dag bden par rig par 'gyur/ zhes 'byung ngo/ /mngal du 'jug pa bstan pa las/ /gzhan yang dga' bo lus 'di zhag bdun phrag dang po la ma'i mngal na gnas pa ni mer mer po zhes te lus kyi mtshan ma dang po yin pas dper na/ zho ma chags pa dang 'dra'o zhes bya ba nas ma zhu ba rnams kyis ni 'og zhu ba'i gnas kyi steng na/ nang du btsos rab bcos shing gnas lnga kun tu bcings shing 'di lta ste dper na rtswa rkyal pa'i nang na 'dug pa dang 'dra'o/ /gal te de'i mas zas zos sam grang ba dang tsha ba zos sam 'dod pa spyad dam mchod pa byas na mngal na gnas pa de sdug bsngal myong bar 'gyur te/ ngas mir 'gyur ba'i sdug bsngal mdo tsam bstan pa yang de dang 'dra na/ sems can dmyal ba'i sdug bsngal lta smos ci dgos pas mkhas pa su zhig 'khor ba'i rgya mtsho 'di lta bu la mos pa byed ces bya ba nas/ zhag bdun phrag sum cu rtsa bdun pa la phyin ci ma log pa'i 'du shes lnga 'byung ste lnga gang zhe na/ mi gtsang ba'i 'du shes dang/ dri mi zhim pa dang/ btson ra dang/ mun nag dang/ phyir 'byung ba'i 'du shes te/ zhag bdun phrag sum cu rtsa brgyad 'das nas 'byung ba 'dod pa'i che/ sdug bsngal sna tshogs myong nas 'byung bar 'gyur te/ de'i phyir sdug bsngal chen po'o/ /sa la ltung ma thag tu ni lpags pa bshus nas sa la bzhag pa snyam byed do zhes rgyas par gsungs so/ /yang 'di nyid las lus 'di nyid lo brgya thub par 'gyur kyang mthar 'jig pas mkhas pa su zhig 'khor ba'i rgya mtsho 'dir chags par byed/ gzhan yang dga' bo lus 'di la sdug bsngal gnyis yod de/ /gnyis gang zhe na/ nad mang po lus la 'dus pa'i dus ni nang gi sdug bsngal zhes bya'o/ /mi dang mi ma yin pas 'tsha ba 'di ni phyi'i sdug bsngal zhes bya'o/ /'di lta ste nang gi nad mig na ba dang zhes bya ba nas nad bzhi brgya rtsa bzhi'i bar ro/ phyi rol gyi sdug bsngal btson rar bcug pa dang/ rna ba bcad pa nas grang pa dang tsha ba dang bkres pa dang skom pa ngang char pas nyen pa dang la sogs pa ste/ mir gyur pa rnams kyi sdug bsngal yang de 'dra na/ ngan 'gro rnams kyi sdug bsngal lta ci smos te/ shin tu bzod par dka' o/ /gzhan yang tshol ba dang/ thob na yang ser smas phangs shing bsrung ba dang/ stor zhing chud zos na yang sdug bsngal chen po skyed par byed do/ /dga' bo mdor na lus 'di ni bde ba'i 'du shes skyed par byed kyang yang dag par na bde bar byed pa ma yin no/ /gang la la zhig bdag gi don dang gzhan dang gzhan gyi don gyi phyir de lta bu'i sdug bsngal yongs su skyob par byas nas khyim nas khyim med par rab tu 'byung ste/ yang dag par slob par byed na mya ngan las 'das pa rnam par grol ba'i chos las nyams par mi 'gyur la/ gang la la zhig gos dang/ mal cha dang na ba'i gsos sman dang/ yo byad kyis rim gro byed pa de dag kyang rnam par smin pa chen po thob par 'gyur ro/ /zhes bya ba nas dga' bo mir skye ba la smod pa dang/ lha'i 'jig rten yongs su tshol bas tshangs par spyad pa dag yang dag par spyad la nyes pa de dag yod pa de lta bas na khyod kyis mya ngan las 'das pa gnyer ba'i bsam pas tshangs par spyad par bya'i lhar skye ba la dga' bos brtson par mi bya'o/ /ngas ni ji ltar bstan pa ltar/ /rtag tu de bzhin rab bsgoms la/ /rnam gol yongs su btsal bar gyis/ /myur du 'khor ba'i rgya mtsho 'da' / /zhes 'byung ngo/ /drang srong rgyas pas zhus pa las/ drang srong chen po lha'i gnas de na shing ljon pa 'bras bu sna tshogs bdud rtsi dang 'dra ba'i ro bro ba sna tshogs yan lag brgyad dang ldan pa yod do/ /'bras bu de dag ni shing rta'i 'phang lo tsam mo/ /de dag gi sa phyogs na tsher ma rno ba'i bag med pa gser dang dngul gyi phreng ba sna tshogs pas mdzes par byas so/ /de nas tshe zad pa'i ltas 'byung ba ni/ shing drung gi lo ma brnyings pa dang/ yal ga'i me tog dang dri yang med par 'gyur ro/ /sems can de yang mi dga' brnyed de phreng ba yang brnyings par 'gyur/ lha'i rlung bsil ba yang dro bar ldang ngo/ /de de'i gnas de dag mthong nas lha'i bu mo de dag nga ro gcig tu snying rje rje skad du smre sngags 'don no/ /sems can de yang lha'i bu mo de dag ngang kyi hud mi rtag pa 'di ni snying rje med pa'o/ /'di ltar dga' zhing 'khod pa las/ mi 'dod bzhin du mtho ris nas lhung ngam/ e ma'o lha gzhon nu myur du mi'i 'jig rten du skye bar gyur cig / ces mya ngan byed pa na de rims drag pos non te/ de'i lus gcig tu 'bar bar 'gyur ro/ /lus 'bar ba gnas de nas 'chi 'pho bar 'gyur ro/ /yang bltos gnyis 'byung ba de thog mar grib ma mi snang bar 'gyur zhing lha'i bu mo dang kun tu smra ba'i sgra snyan pa mi thos so/ /lha gzhon nu de lta yul ba'i gnas rnams su mi 'gro ste/ zhes bya ba nas lha'i bu mo'i tshogs du zhing snying rje rje ltar sa'i steng na 'dre ldogs pas lus la rdul 'byung zhing de dag mig mi 'dzums pa las 'dzums par 'gyur te/ nya chu nas bton nas nyi mas gdungs pa ltar gyur pa mthong nas lha'i bu mos bskor nas 'di skad du kyi hud re sdug /gzhon nu mchog de gang du song bdag cag bor ro/ /lha'i yul bor ro/ /gar 'gro zhes 'dzer to/ /thag ring po nas lag pa g.yas pa brkyang ste/ me tog gtor nas 'di skad ces skye ma'o legs par byed pa'i 'jig rten mi'i 'jig rten du song ste/ dad pa'i gshol gyis bsod nams kyi zhing rmed par gyur cig ces 'dzed to/ de thos pas lus btang bas rig nas rims drag pos btab bo/ /de'i lus zhig pas mar gyi thigs pa rdo tshan la thim pa bzhin no/ /lha'i dbang po brgya byin yang de la ltas nas tshangs pa'i dbyangs 'di skad ces smra'o/ /chog go lha'i bu dag bdag cag thams cad kyi 'gro ba yang 'di 'dras sed par ma byed/ ngan 'gror ma gnas cig /lha'i bu dag dbyangs gcig tu smra ba/ grogs po dge ba byed pa mi'i 'jig rten du song zhig /ces byas so/ zhes gsungs so/ /sdom pa gsum bstan pa las/ sems can gang dag nyan thos kyi theg pa dang/ rang sangs rgyas kyi chos la nan tan ma byas pa/ brtson 'grus ma brtsams pa dbang po yongs su ma smin te/ dbang po yongs su zhen pa brtson 'grus chung ba dag la shin tu zab ba theg pa chen po'i chos bstan la 'chad pa dang nyan pa gnyi ka kha na ma tho ba chen po'i sdig pa 'thob par 'gyur te/ de ni sangs rgyas thams cad la 'khu ba yin no/ /de ci'i phyir zhe na/ sems can gang dag nyan thos kyi theg pa'i chos la nan tan ma byas par/ theg pa chen po'i chos mnyam na sems can de ni gti mug pa yin te/ zhes bya ba nas/ nga'i slob ma tshul khrims bsrung ba dang tshul khrims med pa dge ba spyod du mi ster te/ de'i rgyu dang de'i rkyen gyis ngan song du lhung nas mun par 'gro ste/ thar ba'i dus med do/ /sems can de'i sdig pa rnam par smin pa nyan thos dang rang sangs rgyas kyi thos pa la nan tan ma byas par shin tu zab pa theg pa chen po'i chos la nyan cing rtsol ba byed pa'i phyir ro/ / gru zag pa dang bug rdol can du zhugs nas rgya mtsho la rgal ba ltar/ thams cad mkhyen pa'i rgya mtsho ru 'jug par mi nus so/ /zhes gsungs so/ /nam mkha' la 'gro ba'i 'od kyis 'dul ba'i bzod pa'i mdo las/ dge sbyong gi chos zhes bgyi pa ni bslab pa gsum ste/ lhag pa'i tshul khrims kyi bslab pa dang/ lhag pa'i sems kyi bslab pa dang/ lhag pa'i shes rab kyi bslab pa'o/ /de la lhag pa tshul khrims kyi bslab pa gang zhe na/ dge slong so sor thar pa'i sdom pa la de la yang lam bsgom pa la rag las pas sdom pa dang/ spyod pa'i spyod yul phun sum tshogs pa kha na ma tho ba la 'jigs par lta ba dang/ kun las 'byung ba la bslab pa'i tshogs 'di dag ni lhag pa'i tshul khrims kyi bslab pa'o/ /lhag pa'i sems kyi bslab pa ni tshangs bzhi la gnas pa 'di'i phyir byams pa'i sems dang ldan pa 'jig rten 'gengs pa 'di'i bar du rgyas par brjod pa 'di ni lhag pa sems la slob ba zhes bya'o/ /lhag pa'i shes rab la bslab pa gang zhe na/ 'phags pa'i bden pa'i bzhi ste/ 'di lta ste/ 'phags pa'i bden pa'i sdug bsngal dang/ kun nas 'byung ba'i sdug bsngal dang/ 'gog pa la nan tan du 'gro ba 'phags pa'i bden pa'i sdug bsngal lo/ /'phags pa'i bden pa'i sdug bsngal gang zhe na/ 'di lta ste/ skye ba dang rga pa dang na ba dang/ 'chi ba dang/ mi mdza' ba dang phrad pa dang/ mdza' ba dang bral ba dang/ mdor na nye bar len pa'i phung po lnga sdug bsngal lo/ /kun nas 'byung ba'i sdug bsngal gang zhe na/ gang la smon pa'i 'dod chags dang ldan pa de dang der 'gyur ro/ /'gog pa'i sdug bsngal gang zhe na/ smon pa mngon par gyur te/ ma lus par so sor spong ba shin tu mi 'byung ba zag pa med pa 'dod chags dang bral ba nye bar zhi ba'o/ /sdug bsngal 'gog pa la nan tan du byed pa'i 'phags pa'i bden pa gang zhe na/ yang dag pa'i lta ba dang/ rtog pa dang/ ngag dang yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang yang dag pa'i dran pa dang/ yang dag pa'i ting nge 'dzin no/ /zhes gsungs so/ /'phags pa'i bden pa'i gtam gyi le'u ste gnyis pa'o// //phyir mi ldog pa'i 'khor lo'i gtam ni byams pa dang snying rje dang byang chub kyi sems bsgom pa ste/ bu mo mya ngan med kyis byin pas zhus pa las/ ji ltar g.yul dor? bong bu zhon na ni/ /dgra las rgyal bar nus par mi 'gyur gyis/ /glang chen rta dang shing rta zhon na ni/ /g.yul ngor lhags pa'i dgra rnams choms par nus/ /nyan thos rnams na bong bu zhon pa bzhin/ /byang chub sems dpa' glang chen zhon 'dra ste/ /sems can kun la phan dang bde skad du/ /de dag shing dbang drung du bdud kyang 'joms/ /yab gcig wa brgya dag gi skad phyung yang/ /ri dags tshogs rnams 'gro bar mi 'gyur gyi/ /seng+ge'i skad kyis glang chen ri dags dang/ /byar bcas rnams kyang phyogs su 'byer bar 'gyur/ /yab gcig de ltar nyan thos wa 'dra ste/ /rgyal po byang chub sems dpa' i spyad spyod pas/ / bdud dang de bzhin bdud rigs skrag par 'gyur/ ces 'byung ngo/ /gtsug na rin chen gyis zhus pa las/ rigs kyi bu dper na/ dpag tshed brgya stong bgrod dgos pa'i grong yid du mi 'ong ba dang bu gcig pa yid du 'ong ba dang 'grogs te phyin pa las/ yid du 'ong ba'i grong khyer du 'ongs te rkang pa ya gcig ni grong khyer gyi them pa la bzhag /ya gcig ni phyi rol na 'dug pa las/ nges bu gcig pa de yid la dran par gyur na ma la kye ma'o/ /bu gcig pa de 'dir khrid de ma 'ongs pa lta snyam nas phyir phyogs te bu gcig ga la 'dug pa der slar log pa bzhin du byang chub sems dpa' sems dpa' chen po yang bsam gtan dang mngon par shes pas zad pa'i ye shes mngon sum du 'gyur ro/ /de snying rje chen po'i sems bskyed nas sems la lta bas phyogs te slar log nas so so'i skye bo'i sa na kun tu ldang ngo zhes 'byung ngo/ /chos yang dag par sdud pa'i mdo las/ byang chub sems dpa' ni stong pa nyid kyi ngang tshul can te 'khor ba la mi gnas so/ /byang chub sems dpa' ni snying rje'i ngang tshul can te mya ngan las 'das pa la mi gnas so/ /zhes 'byung ngo/ /mya ngan las 'das pa'i mdo las/ rigs kyi bu byams dpa' chen po dang snying rje chen po ni sangs rgyas kyi rang bzhin zhes bya'o/ /de ci'i phyir zhe na/ byams pa chen po dang snying rje chen po ni rtag tu byang chub sems dpa' la grib ma bzhin du 'khor te/ ces 'byung ngo/ /yang de nyid las/ bcom ldan 'das byams pa la dmigs pa gsum ste/ sems can la dmigs pa dang chos la dmigs pa dang mi dmigs pa'o/ /de la sems can la dmigs pa ni phung po lnga la dmigs nas bde ba 'dod pa ste/ sems can la dmigs pa zhes bgyi'o/ /chos la dmigs pa ni/ sems can la dmigs nas ci dgos pa sbyin pa ste/ sems can la dmigs pa zhes bgyi'o/ /mi dmigs pa ni de bzhin gshegs pa la dmigs pa ste mi dmigs pa zhes bgyi'o/ /gang zhig sems can gcig tsam la/ /zhe sdang sems ni mi bskyed cing bde la bde ba 'dod pa ni/ /shin tu byams pa zhes bya'o/ /ji ste mngon shes lnga ldan pa'i/ /drang srong sa chen gang bar 'gyur/ /dbang dang ldan pa'i rgyal po zhig /bde ba thams cad byin pa ni/ /rta dang ba glang nor sna tshogs/ /de yi bsod nams thob pa ni/ /byams pa bsgoms pa'i bsod nams kyi/ /bcu drug char yang mi phod do/ /rigs kyi bu byams pa bsgom pa ni brdzun pa ma yin te yang dag par bden pa'o zhes 'byung ngo/ /bsod nams thams cad sdug pa'i ting nge 'dzin las kyang sred med kyi bu dper na gzugs kyi rnam par nam mkha' i khams kyi ma khyab pa ci yang med pa de bzhin du byang chub sems dpa' i byams pa des ni phyogs bcu'i 'jig rten gyi khams ji snyed yod pa dang/ sangs rgyas kyi zhing ji snyed yod pa de ma khyab pa med do/ /'jig rten gyi khams de'i sems can de dag 'khor lo sgyur ba'i rgyal po'i bsod nams dang ldan par gyur tam/ brgya byin dang tshangs pa'i bsod nams kyi phung po dang ldan par gyur kyang/ byang chub sems dpa' lhag pa'i bsam pa la zhugs pa/ g.yo rgyu med par sems can yongs su dgrol ba la brtson pa/ snying rje chen po la zhugs pas/ byams pa chen po la gnas pa'i gom pa bdun pa la/ bsod nams kyi phung po 'dus pa gang yin pa de ni de bas chos mang ste/ 'khor los sgyur ba dang/ tshangs pa'i bsod nams ni de lta ma yin zhes gsungs so/ /dkon mchog sprin las kyang/ chos bcu dang ldan na byang chub sems dpa' byams pa'i bdag nyid can yin te/ nyi tshe ba med pa'i byams pa dang ldan pa yin/ snyoms pa'i byams pa dang ldan pa yin/ phyogs bcu kun tu khyab pa'i byams pa dang ldan pa yin/ 'jig rten las 'das pa'i byams pa dang ldan pa'i bar du'o/ /chos bcu dang ldan na snying rje'i bdag nyid can yin no/ /'di lta ste sdug bsngal ba dang/ skyobs med pa dang/ mgon med pa dang/ rten med pa dang/ dpung gnyen med pa dang/ mthong na byang chub tu sems skyed do/ /sems skyed nas chos nyid thob par bya ba'i phyir 'bad rtsol brtson 'grus rtsom ste dka' ba spyod pa brgya dag kyang byed do/ /ce'o/ /chos bcu dang ldan na dga' ba la gnas pa yin te/ 'di lta ste/ bdag 'khor ba'i btson ra rab tu 'bar ba nas 'byung ngo/ /zhes dga' ba skyed do/ /zhes bya ba nas/ bdag 'khor ba'i 'brog dgon par yun ring por 'khyam ste/ lam dang yul mi shes pa las lam ston pa rnyed do/ /zhes dga' ba skyed do/ /bdag ni thams cad mkhyen pa dang nye bar gyur/ zhes dga' ba bskyed do/ /zhes bya ba'i bar du'o/ /yang chos bcu dang ldan na btang snyoms la gnas pa yin te/ 'di lta ste/ mig gi rnam par shes pa gzugs rnams la btang snyoms su gnas pa yin/ gzugs kyis gnas par mi 'gyur/ gnod par mi 'gyur/ rma phyung bar mi 'gyur ba nas chos kyi bar du'o/ /'du byed kyi bar du sdug bsngal dang/ sdug bsngal dang/ 'gyur ba'i sdug bsngal la btang snyoms su gnas pa yin/ /zhes bya ba la sogs pa'o/ /mya ngan las 'das pa las/ gang zhig sems can thams cad la/ snying rje yi ni sems bskyed pa/ /de ni 'phags pa'i rigs zhes bya/ /bsod nams tshad med thob par 'gyur/ zhes gsungs so/ /byang chub kyi sems ni sdong po bkod pa'i mdo las/ rigs kyi bu dag 'jig rten gyi sems can gang dag bla na med pa yang dag par rdzogs pa'i byang chub tu smon lam 'debs pa'i sems can ni dkon no/ /de bas kyang bla na med pa yang dag par rdzogs pa'i byang chub tu zhugs te brtson 'grus brtsams pa'i tshul 'di lta bus sangs rgyas kyi chos yongs su bsdud pa dang/ mos pa drag po de lta bus byang chub sems dpa' i lam yongs su tshol ba dang/ don du gnyer ba 'di lta bus byang chub sems dpa' i spyod pa yongs su dag par byed pa dang/ dge ba'i bshes gnyen gyi gdams ngag la nan tan du byed pa dang/ khe dang bkur sti dang snyan pa don du me gnyer ba 'di lta bus/ byang chub sems dpa' i bsam pa la 'gal bar mi byed pa dang/ khyim dang longs spyod dang 'dod pa'i dga' ba dang thams cad la bltos pa med par byang chub sems dpa' i grags tshal? ba dang/ lus dang srog la mi lta bar thams cad mkhyen pa la mos pa byed pa'i sems ni ches dkon no/ /zhes gsungs so/ /mya ngan las 'das pa'i mdo las/ sangs rgyas kyi rang bzhin ni dad pa'i sems chen po/ zhes bya'o/ /de ci'i phyir zhe na/ dad pa'i sems kyis byang chub sems dpa' sems dpa' chen po rnams sbyin pa'i pha rol tu phyin pa nas shes rab kyi pha rol tu phyin pa'i bar du yongs su rdzogs par 'gyur ro zhes gsungs so/ /gsang chen thabs la mkhas pa las/ srog chags kun la sman slad du/ /bdag mi byang chub 'dun pa bskyed/ ces so/ /seng+ges zhus pa las kyang/ chos rnams thams cad bsdu ba ni/ /chos gang gis ni thob par 'gyur/ /gang dang gang du skyes pa der/ /byang chub sems dpa' dga' ba thob/ / bcom ldan 'das kyis bka' stsal pa/ sems can thams cad thar bya'i phyir/ byang chub don du sems btung pa/ /des ni chos rnams bsdu ba thob/ /des ni dga' ba'ang thob par 'gyur zhes 'byung ngo/ /byams pas zhus pa las/ byams pa byang chub sems dpa' chos gcig dang ldan na ngan song thams cad spong zhing sdig pa'i grogs po'i lag tu mi 'gro bar myur du mngon par rdzogs par 'tshang rgya ste/ gang zhe na/ 'di lta ste/ lhag pa'i bsam pa phun sum tshogs pa'i byang chub kyi sems so zhes gsungs so/ /bsod nams thams cad bsdud pa'i ting nge 'dzin gyi mdo las/ bsod nams thams cad bsdud pa'i ting nge 'dzin thob par bgyid pa'i chos gang lags so/ chos gcig ste thams cad mkhyen pa nyid kyi sems mi gtong ba'o zhes 'byung ngo/ /de nyid las bcom ldan 'das byang chub sems dpa' rnams bsod nams thams cad bsdud pa'i ting nge 'dzin thob par 'gyur pa'i slad du bsod nams thams cad bsdus pa'i ting nge 'dzin gshad du gsol/ de nas bcom ldan 'das kyis bka' stsal pa/ sred med kyi bu byang chub sems dpa' chen po gang gi bla na med pa yang dag par rdzogs pa'i byang chub tu sems bskyed pa des bsod nams thams cad yongs su ma bsdus pa'i ting nge 'dzin de gang yang med do/ /de ci'i phyir zhe na/ bsod nams bya ba'i dngos po thams cad byang chub tu sems bskyed pa de'i khongs su 'dus shing rjes su zhugs pa'i phyir ro/ /sred med kyi bu bsod nams bya ba'i dngos po ci yang rung sbyin pa las 'byung ba nas 'jig rten dang 'jig rten pa las 'das pa'i bar gyi bsod nams thams cad byang chub sems kyi khongs su 'dus shing rjes su zhugs pa dag go / de'i phyir bsod nams thams cad yongs su bzung ba? 'dod? pas bla na med pa yang dag par rdzogs pa'i byang chub tu sems bskyed par bya'o zhes 'byung ngo/ /'phags pa sdong po bkod pa'i mdo las kyang/ rigs kyi bu byang chub kyi sems ni sangs rgyas kyi chos thams cad kyi sa bon lta bu'o/ /zhes bya ba la sogs pa rgyas par gsungs so/ /yang de nyid las/ bskal pa sems can snyed du legs brjod kyang/ /byang chub sems rab de la mthar thug gang yang med/ /rgyal ba 'byung nga? ba'i rigs chen gang skyes pa/ /de'i dpe na khams gsum klongs kyang gang yang med/ /dus gsum rgyal ba kun gyi gang zhig rnams bsag pa'i/ /byang chub sems rab de la smon lam kun gyis gyis/ /byang chub sems rab de ni smon lam gteng/ /des ni rgyal po chags pa med pa rab tu thob ces gsungs so/ /yang de nyid las dper na rgyal po'i bu thams cad kyis mi dgos par bya zhig na rgyal po'i mtshan dang ldan na rigs kyis btsun pas blon por bya ba thams cad dang mi mnyam mo/ /de bzhin du byang chub sems dpa' las d ang po pas las dang nyan mongs pa thams cad kyis non pa yang thams cad mkhyen pa nyid du sems bskyed pa'i mtshan dang ldan na sangs rgyas kyi rigs kyis btsun zhing che bas nyan thos dang rang sangs rgyas mchog tu phyin pa dang yang mi mnyam mo zhes gsungs so / skabs 'gro khyad par can goms par byas pas byang chub kyi sems skye ba nas/ rgyal pa'i yum las kyang gal te sangs rgyas chos dang 'phags pa'i dge 'dun skyabs song ste/ sangs rgyas 'grub bya snyam du kun mkhyen yid byed na/ /mkhas pa tshul khrims pha rol phyin gnas rig par bya/ /zhes 'byung ngo/ /'phags pa lag ma rdo rje'i ri rab chen po'i rtse mo'i khang pa brtsegs pa'i gzungs las kyang/ bdag nam byang chub kyi snying po la 'dug gi bar du sangs rgyas la skyabs su 'gro'o/ /chos la skyabs su 'gro'o/ /dge 'dun la skyabs su 'gro'o/ /sems can thams cad kyi don gyi phyir/ pha lta bu dang/ ma lta bu dang/ spun lta bu dang/ gnyen lta bu dang/ snag gi gnyen mtshams lta bu dang 'gyur bar byang chub tu sems bskyed do/ /bdag dang phyin cang sems can thams cad kyi pha dang/ ma dang/ spun dang/ gnyen dang/ snag gi gnyen mtshams su 'gyur bar bya'o zhes 'byung ngo/ /skyabs su 'gro ba'i bslab bya ni/ des pas zhus pa las/ khyod kyi bskal pa brgyar ni sngon cad dka' thub spyad/ /khyod ni bsdu bdag dang dul dang sbyin la dgyes/ /khyod ni sku gsung thugs rnams yongs su dag pa ste/ /srid gsum 'jig rten bla ma la ni bdag phyag 'tshal/ /lha mo dpal gyi phreng ba seng ge'i sgra las/ / bsam byas rtsal ldan khyod kyis ni/ /sku gsung thugs kyi skyon rnams bsal/ /nyams ma mchis pa'i sa brnyes pa/ /chos rgyal khyod la phyag 'tshal lo/ /shes bya thams cad khyod kyis mkhyen/ /ye shes sku yi dbang phyug ste/ /sangs rgyas chos rnams thams cad kyi/ /mthar phyin khyod la phyag 'tshal lo/ /yang nges pas zhus pa las/ /khyod ni 'dod chags zhe sdang gti mug sel/ /khyod ni thugs ni zhi zhing snyoms la thugs rjer ldan/ /khyod ni yang dag gsung zhing dam pa'i don yang mkhyen/ /srid pa gsum po thar par mdzad la bdag phyag 'tshal/ /zhes 'byung ngo/ /mya ngan las 'das pa las kyang/ rgyal po chen po gal te zla ba gcig tu sems can thams cad la zas dang gos sbyin pa byin pa bas/ gang zag gcig gis skad cig tsam sangs rgyas rjes su dran na bsod nams 'dis bcu drug cha dang du yang mi phod do/ /zhes 'byung ngo/ /yang de las sangs rgyas chos dang dge 'dun la/ /spos sam mar me gcig tsam mam/ /me tog gcig tsam mchod byas na/ /mi g.yo zhing der skye bar 'gyur/ / rtag tu dga' ba'i sems bskyed do/ /sangs rgyas gzugs sam rten yang rung/ /mthe bo tsam cig gang byas pa/ /mi g.yo zhing der skye bar 'gyur/ zhes gsungs so/ /yang de nyid las/ gang dag sangs rgyas skyabs gsol ba/ /de ni yang dag dge bsnyen te/ / nang duAng lha rnams gzhan dag la/ /skyabs gsol bar ni mi 'gyur ro/ /dam pa'i chos la skyabs gsol na/ /'tshe zhing gnod pa'i sems dang bral/ /dge 'dun la ni skyabs gsol na/ /mu stegs can la phyogs mi 'gyur/ /dkon mchog gsum la skyabs gsol na/ /'jig pa med pa thob par 'gyur/ /sangs rgyas mang pos bsngags par 'gyur/ /bdag kyang bde gshegs bsngags pa yi/ /bla med lam la gzhal zhing 'bag /bdud rtsi mchog gi dam pa ste/ /srid pa'i nang na med pa'o/ /zhes gsungs so/ /byang chub kyi sems kyi bslab bya ni/ /rgyal po la gdams pa'i mdo las/ rgyal po chen po khyod kyis bya ba mang/ byed pa mang ste thams cad kyi thams cad rnam pa thams cad kyi thams cad du sbyin pa'i pha rol tu phyin pa nas shes rab kyi pha rol tu phyin pa'i bar la bslab par mi nus kyis/ /khyod yang dag par rdzogs pa'i byang chub la 'dun pa dang don du gnyer ba dang/ smon pas 'gro yang rung 'greng yang rung 'dug kyang rung/ nyal yang rung sad kyang rung za yang rung 'thung yang rung/ rtag par rgyun du dran par yid la zung ste sgoms shig ces bya ba nas rgyal po chen po khyod de ltar zhugs na rgyal po'i bya ba yang nyams par mi 'gyur zhing byang chub kyi tshogs kyang yongs su rdzogs par 'gyur ro/ /zhes gsungs so/ /zla ba sgron ma'i mdo las/ khyed la bsgo zhing khong du chud par bya/ /ji lta ji ltar mang du mis brtags na/ /de la gnas pa'i rnam par rtog pa nges/ /de lta de ltar de la sems gzhol 'gyur/ /zhes gsungs so/ /dkon mchog sprin las byang chub sems dpa' chos bcu dang ldan na bsod nams bya ba la brtson ba yin no/ /'di lta ste/ dkon mchog gsum la ci nus su bya ba byed pa dang/ nad pa la rtsi sbyin pa dang/ mkhan po dang slob dpon la gus pas rim gro byed pa dang/ tshangs par spyod pa rnams la phyag 'tshal ba la sogs pa dang/ kun dga' ra ba dang/ gtsug lag khang byed pa dang/ dus dus su nor dang 'bru la sogs pa gtong ba dang/ bran po dang bran mo la sogs pa la bgo bshe'? byed pa dang/ dus dus su tshul khrims dang ldan pa'i dge sbyong la bsnyen ba khur byed pa'o zhes gsungs so/ /gsang ba bsam gyis mi khyab pa las 'di lta ste/ byang chub sems dpa' i sbyin pa'i tshogs ni sems can yongs su smin bar byed do/ /tshul khrims tshogs ni smon lam ni yongs su rdzogs par byed do/ /bzod pa dang brtson 'grus dang bsam gtan dang shes rab dang mtshan dang dpe byad bzang po dang/ sangs rgyas kyi chos dang/ cang shes kyi sems dang/ nyon mongs pa rnams spong zhes bya ba nas/ bsngo ba la mkhas pa'i tshogs kyis ni sangs rgyas kyi zhing yongs su dag par 'gyur ro zhes bya ba nas bcom ldan 'das tshogs de dag thams cad bsod nams dang ye shes kyi tshogs su 'dus shing rjes su zhugs par 'tshal bar bgyi'o zhes gsungs so/ /'phags pa nye bar 'khor gyis zhus pa las/ nye bar 'khor 'di la theg pa chen po la yang dag par zhugs pa'i byang chub sems dpa' gal te snga dro'i dus su ltung ba byung ba yang phyed kyi dus na thams cad mkhyen ba'i sems dang mi 'bral bar gnas te/ de lta na theg pa chen po la yang dag par zhugs pa'i byang chub sems dpa' i tshul khrims kyi phung po mdza' med do/ /gal te phyed kyi dus na yang ltung ba byung na yang phyi 'phred kyi dus na thams cad mkhyen pa'i sems dang mi 'bral bar gnas te/ de lta na theg pa chen po la yang dag par zhugs ba'i byang chub sems dpa' i tshul khrims kyi phung po mdza' med do/ /gal te phyi 'phred kyi dus na ltung ba byung na yang srong la thams cad mkhyen pa'i sems dang mi 'bral bar gnas te/ de ltar na tshul khrims kyi phung po la mdza' med do/ /gal te srong la ltung ba byung na yang nam phyed na thams cad mkhyen pa'i sems dang mi 'bral bar gnas te/ de ltar na tshul khrims kyi phung po la mdza' med do/ /nam phyed na yang tho rangs thams cad mkhyen pa'i sems dang mi 'bral bar gnas te/ de ltar na theg pa chen po la yang dag par zhugs pa'i byang chub sems dpa' i tshul khrims kyi phung po la mdza' med do/ /nye bar 'khor de ltar na theg pa chen po la yang dag par zhugs pa'i byang chub sems dpa' i bslab pa ni bcos su rung ba'o zhes 'byung ngo/ /'od srungs kyis zhus pa las/ 'od srungs chos bzhi po 'di dang ldan na byang chub sems kyi sems rjed par 'gyur ro/ /sbyin gnas bla mas bsgo bzhin mi byed dang/ /gzhan dag la ni the tshom nyer bsgrub dang/ /sems can gang dag byang chub rab zhugs pa/ /de la bsngags min mi snyan smra ba dang/ /sgyu dang g.yo dang rgyan la dor byed pas gzhan gyi bsam pas ma yin pa'o/ /'od srungs chos bzhi dang ldan na skye ba thams cad du byang chub kyi sems mngon du 'gyur ro/ /bzhi gang zhe na/ srog gi phyir yang brdzun tshig mi smra zhing/ /rtag tu don dang ldan pa'i tshig rnams smra/ /sgyu dang g.yo ni rtag tu rnam spangs te/ /lhag pa'i bsam pas rtag tu sems can blta/ /sems can dam pa byang chub gang bzhugs pa/ /byang chub sems dpa' de la ston par sems/ /ston pa'i 'du shes nye bar bzhag nas kyang/ /de dag bsngags pa phyogs bzhir brjod par bya/ /sems can gang dag yongs su smin byed pa/ /bla med ye shes yang dag 'dzin du 'jug/ byang chub sems ni nam yang brjed mi 'gyur/ /zhes 'byung ngo/ /bsod nams thams cad sdung pa'i ting nge 'dzin las/ chos bzhi dang ldan na byang chub kyi sems brjed par 'gyur ro/ /chos la ma gus pa dang/ nga rgyal dang/ dge ba'i bshes gnyen khyad du sod pa dang/ log pa'i tshig smra ba'o/ /yang bzhi ste/ nyan thos dang 'grogs pa dang/ theg pa dman pa la mos pa dang/ byang chub sems dpa' la sdang zhing skur pa 'debs pa dang/ chos la dpe ma khyud byed pa'o/ /yang bzhi ste/ sgyu byed pa dang/ g.yo byed pa dang/ dge ba'i bshes gnyen la lce gnyis byed pa ste/ rnyed pa dang/ bkur sti la zhen pa'o zhes gsungs so/ /phyir ni ldog pa 'khor lo'i le'u ste gsum pa'o/ / //'khor gsum yongs su dag pa'i gtam ni pha rol tu phyin pa drug bsgrub pa ste/ chos yang dag par sdud pa'i mdo las/ bcom ldan 'das gzhan yang bslab pa 'tshal ba de na yang chos legs so/ / bslab pa de dag kyang gang zhe na/ bslab pa gsum du bslab pa thams cad 'dus par 'gyur ro/ /gsum gang zhe na/ lhag pa'i tshul khrims kyis slab pa dang/ lhag pa sems kyi bslab pa dang/ lhag pa shes rab kyi bslab pa'o/ /zhes gsungs so/ /sbyin pa'i ni bsod nams thams cad sdud pa'i ting nge 'dzin las/ rigs kyi bu byang chub sems dpa' 'di snyam du sems bskyed bar byed de/ bdag gis lus 'di yang thams cad la btang ste/ yongs su btang na phyi rol gyi dngos po rnams lta ci smos snyam du sems bskyed par bya'o/ /yod de yod na de dang de la mi dga' ba med pa dang/ 'gyod pa med par sbyin par bya ste zhes nor dang 'bru dang dngul dang rin po che dang rgyan dang stan dang bzhon pa dang 'khor gyi bar du lta ci smos/ 'gyod pa med pa dang rnam par smin pa la mi re bar sbyin bar bya ste/ gzhan du na sems can la phan gdags pa dang/ snying rje dang/ sems can nyid bsdu bar bya ba'i phyir/ bya bar zad do/ /bdag gis byang chub thob pa na ni 'di dag chos kun rtogs par gyur cig snyam du sems bskyed do/ /lus rtag par bya ba'i phyir yang ba'i 'tsho bas 'tsho bar mi byed do/ /de srog gi phyir yang gzhan la khong khro mi byed do zhes 'byung ngo/ /sa'i snying po 'khor lo bcu pa las/ sems can kun la phan bde'i phyir yin/ /rnam smin 'bras bu re phyir ma yin/ /sbyin pa dngos po chung yang/ /yang dag bsod nams zhing du de 'gyur/ /sbyin pa dngos po mang du byas kyang/ /'dod pa rnam lnga dag la gnas na/ /'phags pa dag gis phyag rgyas ma btab/ /ma nges pa'i tshogs la gnas gyur/ zhes gsungs so/ /drang srong rgyas pas zhus pa las/ nor gang gi yin pa de ni spyin bdag yin no/ /byed du bcug pas sbyin pa ni gtong ba po yin gyi sbyin bdag ma yin no/ /dug dang mtshon cha dang srog chags bsad de sha sbyin pa dang bag med pa la chang sbyin pa ni ma dag pa'o/ /rnam par smin pa la the tshom za ba dang/ sbyin nas 'gyod pas gdungs pa yang ma dag pa'o/ /bsod nams kyi rnam par smin pa bdag nyid kyis spyad kyis gzhan la ma gyur cig snyam na ma dag pa'o/ /na ba dang 'chi ba'i dus su sangs rgyas la dga' ba dang/ dang pa med par rtsa lag gi byed du bcug nas byin na ma dag pa'o/ /dbul phongs pa bor nas phyug po la ster na ma dag pa'o/ /drang srong chen po de dag gi rnam par smin pa ni tsha sgo can gyi zhing la sa bon btab pa ltar rnam par smin pa med pa yin mod 'bras bur mi 'gyur ro/ /drang srong chen po ma rmos ma bsal zhing la sa bon btab nas char bab na skye srid kyi 'bras bur mi 'gyur ba dang 'dra'o zhes gsungs so// de nyid las sbyin pa bla na med pa lnga ste/ de bzhin gshegs pa dang/ dge 'dun dang/ chos smra pa dang/ nang pa dang/ pha dang ma'o zhes gsungs so/ /sa'i snying po 'khor lo bcu pa las mkhas pa chos kyi sbyin pa spyod pa dag / snong bzhin theg pa gsum gyi chos bstan te/ /theg pa gzhan dag de la ston mi byed/ /thos nas dol? 'phya zhing bkur mi 'gyur/ /chos smra dga' mchod pa byed pa ni/ /sangs rgyas 'dra bar de la 'du shes bskyed// kun nas nyon mongs pa'i nang bsal phyir/ /dam pa'i chos kyi sman dag nyan par 'gyur/ /khe dang grags ba shin tu ring spangs te/ /dam pa'i chos dag bstan cing bshad par bya/ /zhes gsungs so/ /bzang pa lung bstan pa las chos bzhi dang ldan na gzhan la chos bston pa'i tshig gzung bar 'os par 'gyur te/ 'dod pa chung ba dang/ cho ga shes pa dang/ ngang tshul bzang zhing mnyen pa dang/ bdag nyid chos sgrub pa'i zhes 'byung ngo/ /yang de nyid las bzhi po 'di dag ni byang chub sems dpa' i sdig pa'i grogs po ste/ gang la brten nas mi dge ba'i chos 'phel ba dang/ theg pa dman pa ston pa dang/ byang chub kyi sems la 'dun pa bzlog pa dang/ dge ba nyams par 'gyur ba'o/ /zhes 'byung ngo/ /tshul khrims ni chos yang dag par sdud pa'i mdo las/ bcom ldan 'das de'i lhag pa'i tshul khrims kyi bslab ba gang zhe na/ byang chub sems dpa' ni gang so so thar pa'i sdom pa bsngams pa yang lags la so so thar pa tsam gyis dag par yang mi sems te byang chub sems dpa' i sdom pa la ston pa legs so zhes 'byung ngo/ /sangs rgyas mdzod kyi mdo las/ shA ri'i bu tshul khrims zhig pa'i dge slong bskal pa brgya stong khri 'bum gyi bar du rang gi lus kyi sha bcang gtubs te sbyin bdag la 'jal lo/ /phyugs su skyes na yang khur lci ba khyer pa 'ong ngo/ /skra nyag ma 'bum du bgos pa'i cha tsam yang bzhu bar mi nus na gos dang zas dang mal cha dang sman la sogs pa lta ci smos ces bya ba nas shA ri'i bu ros gang ba'i sa de'i nang na pa'i cho ga bzhin du spyod pa ni phod kyi tshul khrims zhig pa'i dge sbyong dang lhan cig tu 'dug pa ni mi phod do/ /de ci'i phyir zhe na/ tshul khrims zhig pa'i dge slong gi lag gis blangs pa'i rdzas so cog tshul khrims 'dzin pa'i dge slong gi dag dug par 'gyur ro zhes gsungs so/ /sa'i snying po 'khor lo bcu pa las/ ji ltar na khrol med cing ngo tsha med pa'i dge slong yin zhe na/ sems can gang 'tsho ba tsam gyi phyir /bstan pa la rab tu byung ste/ rab tu byung nas so sor thar ba'i tshul khrims bsrung ba thams cad nyams te khrel pa dang ngo tsha med la tshe phyi ma'i sdug bsngal gyis mi 'jigs khong rul cing brtsog pas gang ba'i srin bu ka la 'dra ba/ dung gi sgra la khyi'i spyod ba can/ rtag tu brdzun smra zhing bden pa'i tshig med pa ser sna dang phrag dog dang/ gti mug dang nga rgyal gyis zin te/ las gyis chog dam par gsum las rings pa/ khe dang bkur sti dang grags pa la zhen pa/ yul drug la mos pa/ 'dod chags kyis sems g.yengs pa 'di ni khrel pa dang/ ngo tshe med pa'i dge slong zhes bya'o/ /zhes gsungs so/ /yang byams pa seng ge sgra las/ bzhi po 'di ni dmyal bar mnga' 'phangs pa bzhin 'gro ba ste/ gzhen gyi rnyed pa la phrag dog byed pa dang/ sdom pa dang ldan pa'i mdo sde thos nas tshul khrims kyi nyes pa 'byin pa dang/ bka' dang bslab pa las 'das kyang nga rgyal gyis nyes pas 'chab par mi byed pa dang shes bzhin du dad pas byin pa longs spyod pa'o zhes 'byung ngo/ /sa'i snying po 'khor lo bcu pa las/ byang chub sems dpa' i tshul khrims rnam par dag pa gnyis te/ thun mong pa dang/ thun mong ma yin pa'o/ /thun mong ba ni dge bsnyen gyi sdom pa 'am/ yang na rab tu byung pa'i so sor thar pa'i sdom pa bsnyen par rdzogs pa'o/ /thun mong ma yin pa ni sems can thams cad la mnyam pa'i sems dang/ gnod pa med pa'i sems dang/ mkhon du 'dzin pa med pa'i sems kyis/ tshul khrims bsrung ba'o/ /srid pa'i rnam par smin pa la thams cad la ma lta bar bsrung ngo zhes gsungs so/ /bsod nams thams cad bsdus pa'i ting nge 'dzin las byang chub sems dpa' ni yan lag dang nying lag gtong ba las mthu dang ldan par bya'o/ /byang chub sems dpa' ni srog gi phyir yang bslab pa yongs mi gtong bas spyod pa la blo dang ldan par bya'o/ /byang chub sems dpa' ni ngan du smra ba'i tshig dang du lan pa'i ngang tshul can gyis bzod pa'i stobs dang ldan par bya'o/ /byang chub sems dpa' ni sangs rgyas kyi zhing yongs su bzung bas le lo med par bya'o/ /byang chub sems dpa' i na byang chub kyi sems dang mi 'bral bas rtse gcig tu bya'o/ /byang chub sems dpa' ni bsgrub pa la gnas pas brtan pa dang ldan par bya'o/ /byang chub sems dpa' ni byang chub kyi sems dang ma bral bas yon gnas su bya'o zhes bya ba la sogs pa'o/ /gtsug na rin po ches zhus pa las/ byang chub sems dpa' chos bzhi dang ldan na sems can yongs su smin par byed nus te/ mi skyo ba dang/ bdag gi bde ba la mi chags pa dang/ dus dang dus ma yin par bskul ba dang/ bsam pa yongs su shes pa'o/ /yang bzhi ste/ bka' blo bde ba dang/ snyan par smra ba dang ngang tshul 'jam pa dang/ khro gnyer med pa'o/ /yang bzhi ste/ bsam pa dag pa dang/ g.yo sgyu med pa dang/ brtson 'grus brtan pa dang/ legs pa dang nyes pa byas pa bzod pa'o zhes 'byung ngo/ /'phags pa dkon mchog brtsegs pa las/ sdom pa'i tshul khrims ni byang chub sems dpa' i sems gnas par byed pa/ /dge ba'i chos bsdud pa'i tshul khrims ni/ sangs rgyas kyi chos yongs su rdzogs par byed do/ /sems can gyi don byed pa'i tshul khrims ni sems can yongs su smin par byed do/ /zhes gsungs so/ bzang po ni gang pos zhus pa las/ rigs kyi bu 'am rigs kyi bu mos bzod pa bsgrub pa'i chos bstan cing bsgom par bya'o/ /zhes bya ba nas gal te 'gro 'am/ 'greng ngam 'dug gam nyal ba'i tshe gcin gyi bum pa 'am/ dug gi bum pa dang thal ba dang gshang gci thogs ba 'ongs nas mgo'i steng du blugs sam/ lus kun gdungs par gyur na de la zhe sdang dang 'kho na gyi bsam pa bskyed nas 'di skad du bdag la nyes pa ci yod ces dang smra bar mi bya'o/ /de bzhin du sbyar te reg bya gang gis gang du reg par 'gyur/ lus la gnod par 'gyur ram/ sems la gnod par 'gyur/ lus ni rtswa dang shing dang gyo mo dang gzugs brnyan lta bu yin pas rtogs pa med pa shes pa med pa yin pas/ bdag kyang ma yin gzhan yang ma yin no/ /gal te sems la gnod par 'gyur ba yin na/ sems kha dog med pa gzugs med pa skad cig mar skye zhing 'gog pa thang cig du yang mi gnas pas bdag kyang ma yin gzhan yang ma yin pas shes bya ba nas/ bdag kyang nges par snga ma'i sdig /sdug bsngal rnam smin 'ang myong snyam/ bden pa zhi dran yang yang dag sgong/ /dbang stobs byang chub yan lag lam/ /thams cad bzod pas bzhi byed pas/ /mkhas pa su zhig bzod mi bsgom/ /zhes gsungs so/ /bu mo blo gros bzang mos zhus pa las/ gnod pa'i rtsa ba khro ba 'phel mi byed/ byams la gnas par byed dang chos 'dod dang/ /de bzhin gshegs pa'i sku gzugs byas na ni/ /mdzes par gyur te lta par 'os pa yin/ /zhes gsungs so/ /sa'i snying po 'khor lo bcu pa las/ rigs kyi bu byang chub sems dpa' i bzod pa ni gnyis te/ 'jig rten pa dang/ 'jig rten las 'das pa'o/ /'jig rten pa ni sems can la dmigs pa len pa dang/ rnam par smin pa'i 'bras bu la brten pa dang/ bsod nams kyi lam la brten te bzod pa byed pa'o/ /'jig rten las 'das pa ni/ phyin ci log pa rnam pa bzhi bsal nas/ chags pa med pa'i bzod pa bsgom zhing/ /'du byed rnam pa gsum dag zhi na/ /bzod pa 'di la rgya cher gtong 'gyur/ /'du byed thams cad rab tu zhi zhing/ /rtog pa thams cad yongs su spangs te/ /sems ni mkha' dang 'dra bar mnyam pa/ /bzod pa 'di la thams cad gtong 'gyur/ /zhes gsungs so/ /brtson 'grus ni yang de nyid las/ byang chub sems dpa' i brtson 'grus ni rnam pa gnyis te/ 'jig rten pa dang/ 'jig rten las 'das pa'o/ /de la 'jig rten pa'i brtson 'grus ni sbyin pa las byung ba dang/ tshul khrims las byung ba dang/ bsgom pa las byung ba ste/ sems can la dmigs pa dang bcas pa nye par len pa dang bcas pa rnam par smin pa'i 'bras bu la brten pas na 'jig rten pa'i brtson 'grus so/ /'jig rten las 'das pa'i brtson 'grus ni byang chub sems dpa' i shin tu 'bad pa'i brtson 'grus kyis/ sems can thams cad la mnyam pa'i sems kyis nyon mongs pa dang las dang sdug bsngal thams cad sel ba ste/ dmigs pa med pas bya ba'i las byed pa ste/ mi gnas pa'i sems kyi brtson 'grus rtsom mo/ /khams gsum la mi gnas par brtson 'grus rtson mo rnam par smin pa'i 'bras bu la mi rtog pa'i brtson 'grus dang/ rnyed pa dang ma rnyed pa la mi gnas pa'i brtson 'grus rtsom ste/ 'di ni 'jig rten las 'das pa'i brtson 'grus so zhes 'byung ngo/ /bu mo blo gros bzang mos zhes pa las phye ma me tog bkang ste 'bul ba dang/ /gnod sems spangs zhing sku gzugs byed pa dang/ /mos pa rgya chen la ni gnas byed na/ /rgyal ba dag gi thang du rdzas te skye ce'o/ /yang de las/ chos rnams la ni chos rtogs 'dod pa la/ /brtson 'grus gnas shing sangs rgyas rjes su dran/ /yongs su bsngo zhing bshegs dang phyag 'tshal ba/ /de la bdud kyi glags ni rnyed mi 'gyur/ /zhes gsungs so/ /gang pos zhus pa las/ byang chub sems dpa' chos bzhi dang ldan na byang chub kyi sems las ldog par mi 'gyur zhing dge ba'i rtsa ba rnams nyams par mi 'gyur ro/ /bzhi gang zhe na/ byang chub sems dpa' tshul khrims ldan/ /dran pa zab cing thog kyang ring/ /brtson ba'i sems kyis rab brtson zhing/ /mang thos shes rab rgyan dang ldan/ /byang chub sems dpa' rtag tu ni/ /chos 'di bzhi la rten byed na/ /yid la bsam pa'i dngos po kun/ /thams cad rab tu 'grub par 'gyur ro/ /zhes 'byung ngo/ /yang de nyid las gang po byang chub sems dpa' rnams ni nan tan brtson 'grus kyis mchod rten la mchod pa byed pas gus pa'i sems kyi me tog dang/ phreng ba dang/ byug pa dang spos dang/ phye ma dang rol mo'i sil snyan dang yo byad sna tshogs pas mchod pa byed do zhes bya ba nas/ 'das dang da ltar bzhugs pa yi/ /sangs rgyas rnams la mchod byed na/ /skye ba kun tu mchod pa thob/ /rtag par mi khom med par skye/ /zhes bya ba la sogs pa'o/ /go cha bgos pa bstan pa las/ /byang chub sems dpa' rnams ni sems can re re'i sbyong ba re re'i phyir yang 'khor pa'i mdza' ji srid du 'khor ba na 'khor zhing shes rab kyi snan yongs su tshol ba dang/ go cha mi spang bar shin tu brtan par byas nas go cha chen po nas/ /byed pa med pa'i go cha'i bar bgo bar byed do/ /zhes gsungs so/ /de nyid las thams cad mkhyen pa'i ye shes dang sems can rnams yongs su bsdu ba'i phyir sbyin pa'i pha rol tu phyin pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa rnams bsgom par byed pa/ thams cad kyang shes rab sngon du 'gro zhing shes rab kyis mngon par sgrub pa dang/ shes rab kyis yongs su bsdus nas bla na med pa yang dag par rdzogs pa'i byang chub tu bsngo bar byed do/ /zhes gsung so/ /sdom pa gsum bstan pa las/ bla na med pa'i byang chub ni nan tan byed pas 'grub ste/ de lta ma yin na ri bong dang byi las kyang byang chub thob par 'gyur ro zhes 'byung ngo/ /bsam gtan la rjes bsam gtan gyi nyer gnas dben pa bstan pa ni yang de nyid la khyed gnas med pa dang/ 'dris pa med par gyis la khyed pa lang dang bong bu sdud par ma byed/ khyed le lo'i gnas len par ma byed cig /mi dge ba'i chos spongs la dge ba la brtson 'grus gyis shig 'od srungs pa ni rnam grangs du mar dben pa la gnas pa dang/ 'du 'dzi spangs pa bsngags so ces bya ba nas/ de dag 'du 'dzi nyin mtshan 'da' bar byed de rgyal po'i gtam nas bza' ba dang btung ba'i gtam dang/ khyim gyi gtam dang/ sdug par 'gro bar bya ba dang/ gang na zas star ba der 'gro bar bya zhes bya ba nas sman dang chang? sna tshogs kyi gtam gyis shes bzhin med par 'gyur ba'i lus dang kha chu zag cing nyal bar 'gyur ro zhes bya ba nas/ mnyam par ma bzhag pa'i sems kyis dbang po rgod ci phal par 'gyur la sems g.yengs pa'i spyod pas khyim du dong? nas so sor thar pa bor te zhes bya ba nas/ gcig la gcig lta zhing ci zhig byin na ji snyed cig spyang ces smra bar 'gyur ro/ /'od srungs 'chi ba'i dus ma byas pa'i bar du / rnal 'byor la mi brtson pa rnams ni 'di dag go / de dag gi chos thams cad spong ste 'od srungs dge slong de dag la snying rje bar bya'o/ /de ci'i phyir zhe na/ rnam par smin pa sdug bsngal bar 'gyur ro/ /zhes 'byung ngo/ /'jam dpal gyi sangs rgyas kyi zhing gi yon tan bstan pa las/ shA ri'i bu dgon pa la gnas pa lhur len pa la phan yon bcu yongs su 'dzin to/ /gang zhe na/ 'du 'dzi rnam par spong ba dang/ /rab tu dben pa la brten pa dang/ bsam gtan la sems dmigs par 'gyur ba dang/ bya ba mang por mi 'gyur ba dang/ sangs rgyas rnams 'dod pa dang/ de'i lus bde ba dang mi 'bral ba dang/ de'i tshangs bar spyod pa la bar chad du mi 'gyur ba dang/ tshigs chud dus ting nge 'dzin thob pa dang/ tshig dang yi ge bstan pa chud mi za ba dang/ ji ltar thos pa'i chos rnams kyi don rab tu shes pa ste/ shA ri'i bu dgon pa la gnas pa'i byang chub sems dpa' ni phan yon bcu po 'di dag yongs su 'dzin to zhes gsungs so/ /'phags pa yul 'khor skyong gis zhus pa las/ 'dod pa'i yon tan mya ngan gnod pa mang/ /'jigs bcas rtag tu dgra byed nyon mongs bcas/ /ral gri so 'dra du ? sdong lo ma tshungs/ /ngan skyugs snod ltar 'phags pa'i skye bos spang/ /'dod pa'i yon tan 'jigs bcas nyon mongs can/ /rtag tu dran pas rjed byad mun par byed/ /rtag tu 'jigs pa'i rgyu byed sdug bsngal rtsa/ /srid pa srid pa'i 'khri shing 'phel bar byed/ /ji ltar me 'bar dbus na 'jigs bcas pa/ /de ltar 'dod 'di 'phags pa'i skya bos rigs/ /'dam rdzab che 'dra ral gri gshegs gnas 'dra/ /ral gri'i so la sbrang rtsi bskus dang mtshungs/ /ji ltar sbrul gyi mgo dang ngan skyugs snod/ /de ltar 'dod 'di mkhas pa rnams kyis rig /bya sha kha 'bu 'dra zhing gsal shing 'dra/ /ro la khye? ltar dgra dang bcas pa yin/ /'dod pa'i yon tan 'di dag chu zla 'dra/ /gzugs brnyan mtshungs shing brag cha 'dra ba dang/ /mig yod 'dra zhing gar la blta dang 'dra/ /rmi lam mnyam par 'phags pa'i skye bos rig /'dod pa'i yon tan skad cig ya ma rla// sgyu ma smig rgyu 'dra zhing brdzun pa can/ /chu bur dbu ba lta bur yang dag min/ /yongs su brtags las byung bar mkhas pas rtogs/ /zhes gsungs so/ /zla ba sgron ma'i mdo las kyang nyon mongs med pa'i ting nge 'dzin myur thob ste/ 'di ni tshul khrims rnam dag phan no zhes so/ /rgyal ba'i yum las de sems can de dag gi don tu bsam gtan gyi pha rol tu phyin pa la spyod pas sems g.yengs bar mi 'gyur ro/ /de ci'i phyir zhe na/ 'di ltar de 'di snyam du sems g.yangs pa ni 'jig rten pa'i bsam gtan skyed pa'ang dkon na/ bla na med pa yang dag par rdzogs pa'i byang chub lta ci smos/ de lta bas na bdag bla na med pa yang dag par rdzogs pa'i byang chub mngon par rdzogs par sangs rgyas kyi bar du sems mi g.yeng bar bya'o snyam du sems so zhes gsungs so/ /sa'i snying po 'khor lo bcu pa las/ byang chub sems dpa' i bsam gtan gnyis te/ 'jig rten po dang/ 'jig rten las 'das pa'o/ /gang zhe na/ bdag gi khur lci yang ba'i phyir ni/ dmigs dang bcas pa'i ting nge 'dzin bsgom ste/ bdag gis kun nas nyon mongs gcod 'dod/ /yang dag mkhas pa'i mtshan nyid ma yin/ /sems can kun la phan dang bde phyir/ /ting 'dzin bsgom zhing khur lci spong ste/ /kun nas nyon mongs thams cad sel ba/ /de ni yang dag mkhas pa'i mtshan nyid/ /mi gnas pa yi ting 'dzin bsgoms te/ /'dod pa'i srid pa thams cad chod pa/ /de ni blo gros chen po zhes bya/ /zhes gsungs so/ /mya ngan las 'das pa las/ rigs kyi bu sems can thams cad ni rtag pa dang bde ba dang bdag yongs su dag pa la sogs pa bzhis bslang ngo/ bsam pa'i phyir mi rtag pa dang mi bde ba dang/ bdag med pa dang/ yongs su ma dag par mthong ngo/ /des phyin ci log bzhi yang chod de/ de bas na bsam pa'i rkyen gyis yongs su mya ngan las 'das pa chen po la bsnyen par 'gyur ro/ /skye ba'i mtshan nyid dang rga ba'i mtshan nyid la sogs bsams pas kyang grel par 'gyur ro/ /rigs kyi bu dge ba'i chos ni ma bsams par gzhan gyis thob pa med do/ /de ci'i phyir zhe na/ gang gis bskal pa grangs med tshad med mdza' yas pa'i bar du chos mnyan kyang gal te ma bsams na nam yang bla na med pa yang dag par rdzogs pa'i byang chub thob par mi 'gyur ro/ /zhes gsungs so/ /yang de nyid las ji ltar na byang chub sems dpa' chos bzhin du bsgom pa gang zhe na/ rigs kyi bu gang mi dge ba'i chos thams cad spangs shing dge ba'i chos thams cad la nan tan byed pa ni chos bzhin du bsgom pa zhes bya'o/ /chos thams cad stong pa dmigs su med pa ni mi rtag pa mi bde ba bdag med pa yongs su ma dag par mthong ba ste/ de ltar mthong ba'i phyir lus dang srog la yang tshul khrims sdom pa mi 'jigs pa ni byang chub sems dpa' chos bzhin du bsgom pa zhes bya'o/ /zhes gsungs so/ /shes rab ni mya ngan las 'das pa'i mdo las/ 'jam dpal gzhon nus 'di skad ces gsol to/ /bcom ldan 'das kun rdzob kyi bden pa dang/ don dam pa'i bden pa zhes bgyi ba'i don ji lta bu lags/ don dam pa'i bden pa la kun rdzob kyi bden pa mchos sam/ kun rdzob kyi bden pa la don dam pa'i bden pa mchis sam ji ste mchis na bden pa gcig tu bas so/ /ji ste mchis na de bzhin gshegs pas gsungs pa brdzun du mi 'gyur ram/ bka' stsal pa/ rigs kyi bu kun rdzob kyi bden pa nyid don dam pa'i bden pa'o/ (/bcom ldan 'das de ltar na bden pa gnyis su na mchis so/ /bcom ldan 'das kyis bka' stsal pa/ rigs kyi bu shin tu thabs mkhas pas sems can gyi rjes su bden pa) gnyis gsungs so/ /rigs kyi bu tshig tu smra ba rnam pa gnyis te/ 'jig rten gyi chos dang/ 'jig rten las 'das pa'i chos so/ /rigs kyi bu 'jig rten las 'das pa'i gang zag gis shes pa de ni don dam pa'i bden pa'o/ /'jig rten pa'i gang zag gi shes pa de ni kun rdzob kyi bden pa'o/ /zhes gsungs so/ /go cha bgos pa bstan pa las chos thams cad kyi ngo bo nyid med pa dang/ mtshan ma med pa dang/ smon pa med pa dang/ bstan du med pa dang/ brjod du med pa 'di ni de kho na nyid ces bya'o/ /zhes gsungs so/ /dkon mchog 'byung gnas las/ bar snang bya rjes ji bzhin du/ 'gro ba de yang ye nas med/ /sbal pa'i spu la lta ba ltar/ /de bzhin zhi ba'i chos nyid lta/ /bzhin gyi gzugs rnyan me long la/ /rang bzhin stong par mkhas pas bshad/ /dkyil 'khor de ni bzhin gzugs snang/ /de bzhin chos rnams thams cad ltos/ /zhes 'byung ngo/ /dri ma med par grags pas bstan pa las de la thabs med pa'i shes rab bcings pa ni gang zhe na/ 'di lta ste/ stong pa nyid dang/ mtshan ma med pa dang/ smon pa med pa la nges par rtog cing mtshan dang dpe byad bzang po dang/ sangs rgyas kyi zhing dang sems can yongs su smin par bya ba la/ mi rtog pa 'di thabs med pa'i shes rab ste bcings pa'o/ /de la thabs kyis zin pa'i shes rab grol ba gang zhe na/ 'di lta ste/ mtshan dang dpe byad bzang po dang/ sangs rgyas kyi zhing gi rgyan dang/ sems can yongs su smin par bya ba las rtog cing stong pa dang/ mtshan ma med pa dang/ smon pa med pa la 'dris par byed pa 'di ni thabs kyis zin pa'i shes rab ste grol ba'o/ /de la shes rab kyis ma zin pa'i thabs bcings pa gang zhe na/ dge ba'i rtsa ba rtsom pa thams cad byang chub tu mi bsngo ba ni shes rab kyis ma zin pa'i thabs te bcings pa'o/ /de la shes rab kyis zin pa'i thabs grol ba gang zhe na 'di lta ste/ nyon mongs pa thams cad spangs pas dge ba'i rtsa ba thams cad rtsom zhing byang chub tu bsngos nas mi bsnyams pa ste/ de ni byang chub sems dpa' i shes rab kyis zin pa'i thabs te grol ba'o zhes 'byung ngo/ /gtsug na rin po ches zhus pa las/ rnam pa thams cad kyi mchog dang ldan pa'i stong pa nyid gang zhe na/ sbyin pa ma tshang ba med pa nas shes rab ma tshang ba med pa/ thabs ma tshang ba med pa/ byams pa dang/ snying rje dang/ dga' ba dang/ btang snyoms ma tshang ba med pa/ byang chub kyi sems ma dang ba med pa/ sbyin pa dang snyan par smra ba dang/ don byed pa dang/ don mthun pa ma tshang ba med pa/ byang chub kyi phyogs kyi chos sum cu rtsa bdun ma tshang ba med pa la sogs pa gsungs so/ /gsang chen thabs la mkhas pa las/ nyan thos dang/ byang chub sems dpa' i ting nge 'dzin 'jug cing ldang med kyi/ nyan thos ni bdag nyid mya ngan las 'das pa kho nar shes par byed kyi/ byang chub sems dpa' ni sdu ba'i dngos po bzhis sems can bsdu ba'i brtson 'grus rgyun mi gcod cing pha rol tu phyin pa drug gis sems can rnams yongs su smin par yang byed la/ sems can rnams la yang snying rje chen po yang skyed par byed de/ de yang byang chub sems dpa' i thabs la mkhas pa yin no zhes bya ba nas rgyas par bya ste/ rigs kyi bu 'di la byang chub sems dpa' thabs la mkhas pa ni zan kham gcig tsam yang sems can thams cad la sbyin par byed do/ /de ci'i phyir zhe na/ 'di la byang chub sems dpa' thabs mkhas pa ni dud 'gro'i skye gnas su gyur pa la zan kham gcig tsam sbyin par byed pa na yang thams cad mkhyen pa nyid dang ldan pa'i sems kyis sbyin par byed cing dge ba de yang sems can thams cad kyis sangs rgyas kyi chos thams cad yongs su rdzogs par bsngo ba'i phyir ro/ /rigs kyi bu 'di yang byang chub sems dpa' i thabs la mkhas pa'o zhes bya ba nas/ byang chub sems dpa' thabs la mkhas pa ni gzhan gyis dge ba'i rtsa ba mngon par 'du byas pa la rjes su yi rang bar byed cing rjes su yi rang nas kyang sems can thams cad la bsngo zhing btang ste bsngo bar byed do/ /de yang byang chub sems dpa' i thabs la mkhas pa'o/ /gzhan yang phyogs bcu po dag na me tog gi shing ljon pa dang/ spos kyi shing ljon pa dang/ me tog gi phreng ba dang/ spos dang phye ma dang byug pa dag gir ma byas pa yongs su ma bzung ba de thams cad 'dus nas sangs rgyas thams cad la 'bul lo/ /dge ba'i rtsa ba de yang sems can thams cad la gtong bar byed de/ btang nas sems can mkhyen pa nyid du bsngo bar byed do/ /'di yang byang chub sems dpa' i thabs la mkhas pa'o/ /byang chub sems dpa' blo rtul bar 'gyur na zhum pa med par bya ste/ tha na tshig bzhi pa'i tshigs su bcad pa tsim yang 'jug cing 'di ltar rtog ste/ tshigs su bcad pa 'di'i don gang yin pa de ni gsung rab tu gtogs pa thams cad kyi don yin no zhes rtogs par byed do/ /brtags nas zhum pa med pa'i sems kyis snying rje chen po bskyed de rnyed pa dang bkur sti la lta ba med par bya ste/ grong dang grong khyer du skye bo mang po la ston par byed cing sems can gang dag gis chos 'di thos pa de dag byang chub tu nges par gyur cig ces smon lam 'debs par byed de/ 'di yang byang chub sems dpa' i thabs la mkhas pa'o/ /yang byang chub sems dpa' brgya lam na dbul por gyur na kha zas nal? shang tsam yang zhum pa med pa'i sems kyis dge 'dun nam gang zag la 'bul bar byed do/ /phul nas 'di ltar rtog ste/ bcom ldan 'das kyis sems rgya chen pos byin no/ sbyin pa rgya chen por 'gyur ro zhes gsungs pas na/ bdag gi sbyin pa 'di tshungs med kyis thams cad mkhyen pa nyid kyis byin pas na dpag tu med pa byed do snyam du so sor rtog par byed do/ /dge ba'i rtsa ba 'dis bdag dang sems can thams cad sangs rgyas shAkya thub pa ltar skyes bu chen po'i mtshan ro bro ba'i mchog grub par 'gyur zhing/ lag na rin po che grub par gyur cig ces bsngo bar byed do/ /'di yang byang chub sems dpa' i thabs la mkhas pa'o zhes gsungs so/ /dri ma med par grags pas bstan pa las/ ma ni shes rab pha rol phyin/ / pa ni thabs la mkhas pa ste/ /mgon po rnams ni de las skyes/ /chos la dga' ba chung ma ste/ /byams dang snying rje bu mo yin/ /chos dang bden gnyis de yi bu/ /stong pa'i don sems khyim yin no/ /de bzhin nyon mongs thams cad ni/ /ji dgar ? byed slong ba'o/ /mdza' bo byang chub yan lag ste/ sems ni byang chub mchog rig 'gyur/ /de grogs rtag tu 'grogs pa ni/ /pha rol phyin pa drug rnams so/ /mngon shes de yi bzhon pa ste/ /theg pa chen po bla na med/ /kha lo bsgyur ba byang chub sems/ /lam ni zhi ba'i yan lag brgyad/ /ces gsungs so/ /'od srungs kyis zhus pa las/ 'od srungs byang chub sems dpa' i tshul bzhin du sbyor ba gang zhe na/ 'di lta ste/ dbu ma'i lam chos rnams so sor rtog pa'o/ /so sor rtog pa gang zhe na 'od srungs gang la bdag med par so sor rtog dang zhes bya ba nas/ shed bu med par so sor rtog pa ni dbu ma'i lam chos rnams la yang dag par so sor rtog pa'o/ /'od srungs gzhan yang gzugs ?? yang so sor mi rtog / mi rtag par yang so sor mi rtog pa 'di ni dbu ma'i lam chos rnams la so sor rtog pa zhes bya'o/ /'od srungs rtag ces bya ba 'di ni mdza' gcig go /mi rtag ces bya ba 'di ni mdza' gnyis so/ /mdza' de gnyis kyis dbus gang yin pa de ni dpyad du med pa bstan du med pa rten ma yin pa snang ba ma yin pa/ rnam par rig pa med pa gnas med pa ste/ 'od srungs 'di dbu ma'i lam chos rnams la so sor rtog pa'o/ /'od srungs bdag ces bya ba 'di ni mdza' gcig go / bdag med ces bya ba 'di ni mdza' gnyis so/ /'od srungs yod ces bya ba 'di ni mdza' gcig go /med ces bya ba 'di ni mdza' gnyis so/ /de gnyis kyi dbus gang yin pa de ni sbyang du med pa la sogs pa gsungs so/ /sgo mdza' yas pa rnam par sbyang ba las kyang/ dbu ma'i lam gang yin pa de ni mya ngan las 'das par 'gro ba'i lam yin te/ mya ngan las 'das pa ni gang du 'gro ba med do/ /de la 'gro ba cung zad kyang med pa'i phyir chos thams cad mya ngan las 'das pa dang mnyam pa'o/ /bkod pa mdza' yas dbu ma'i lam 'di ni sgrub pa yang ma yin mi sgrub pa yang ma yin pas nye bar len pa'i phyir mdza' dang bral ba yin zhes gsungs so/ /yang de nyid las chos 'di thams cad yod min zhing/ /med pa dang yang bral pa yin/ /gang gis de ltar chos shes pa/ /de dag la ni gzungs skye'o ce'o/ /chos kyi rang bzhin dbyer med pa las/ 'jam dpal gal te chos kyi dbyings kyi rang bzhin yin na/ chos kyi dbyings la ni kun nas nyon mongs pa 'am/ rnam par byang bar 'gyur ba med na/ sems can rnams kyi kun nas nyon mongs pa 'am/ rnam par byang ba'i las 'byung bar 'gyur/ /smras pa btsun pa shA radwa ti'i bu byis pa so so'i skye bo 'jigs tshogs la lta ba'i byin ci log gis bslad cing/ ngar 'dzin pa dang nga yir 'dzin pa la gnas pa rnams la ni bdag dang/ gzhan gyi 'du shes 'byung bar 'gyur/ /de las ni dge ba dang mi dge ba'i sems pa 'byung ngo/ /de la ni dge ba dang mi dge ba'i las mngon par 'du byed cing/ de las ni rnam par smin pa mngon par 'grub par 'gyur ro/ /ji tsam du srid par 'gro ba yongs su 'dzin pa de tsam du kun nas nyon mongs pa zhes bya'o/ /zhes gsungs so/ /mya ngan las 'das pa'i mdo las ston pa drug gzugs la bdag ces smra na/ de lta ma yin no/ /de ci'i phyir zhe na/ gal te gzugs bdag yin na byang gzugs mi sdug pa med pa'i rigs na/ ji ste rigs bzhi khyad par du gyur te bram ze'i rigs gcig tu ma gyur/ ci'i phyir gzhan dbang zhing dbang med la dbang po nyams shing dbang po ma tshang bar 'gyur/ ji ste lha'i lus mi len cing dmyal ba dang/ yi dwags la sogs pa'i lus sna tshogs len/ de ltar yid bzhin du mi 'gyur ba la bltas na gdon mi za bar bdag med par rig go / de ltar bdag med pa'i phyir mi rtag pa zhes bya'o/ /mi rtag pa'i phyir sdug bsngal ba'o/ /sdug bsngal ba'i phyir stong pa'o/ /stong pa'i phyir phyin ci log go /phyin ci log gi phyir 'khor ba na rab tu 'khor te/ tshogs pa la sogs pa yang de dang 'dra'/ /zhes gsungs so/ /go cha bgos pa bstan pa las/ rkyen rnams las ni 'byung ba'i phyir/ /thams cad gtan bden gang yang med/ /chos rnams rang bzhin nyid kyis stong/ /rang bzhin nyid kyis skyo ba med/ /byang chub sems dpa' rkyen rnams la/ /so sor brtags pas stong par rig /chos rnams rang bzhin gyis stong bas/ /rang bzhin gyis ni mtshan ma med/ /skye ba dag ni yod ma yin/ /de ltar so sor gang rtogs pas/ /chos la nan tan bsgrub par bya/ /gzugs dang tshor dang 'du shes dang/ /'du byed rnam shes de bzhin rtog /rgyu dang rkyen ni mang po las/ /phung po rnams ni byung ba yin/ /phung po yang dag med pas na/ /rang bzhin ngo bo nyid kyis stong/ /thams cad skye ba gang yang med/ /skye ba med pas 'gag pa med/ /phung po mtshan nyid de 'dra'o/ /de ltar rab tu gang shes pa/ /yang dag mtshan nyid mthong bas na/ /chos kyi 'du shes cung zad med/ /chos rnams dang ni chos kyi dbyings/ /'di gnyis la yang mtshan ma med/ /chos rnams mtshan ma spangs pas na/ /chos kyi dbyings zhes bshad pa yin/ /rtag med ye shes ma mthong zhing/ /lta ba 'di yang mi mthong ba/ /chos rnams mi bden mthong ba'i phyir/ /'di la rtog par byed ces bstan/ /zhes bya ba nas/ stong pa nyid la stong mi lta/ /stong las gud na'ang stong mi lta/ /de lta bur ni gang lta ba/ /stong pa mthong zhes bya ba'o/ /zhes gsungs so/ /nam mkha' la 'gro ba'i 'od kyis 'dul ba'i bzod pa'i mdo las/ rigs kyi bu gzhan yang gzugs de yang 'byung ba chen po bzhi ste/ 'byung ba chen po 'di dag nang gi 'am/ che ba 'am/ phra ba de dag thams cad mi 'gro mi skye bdag med bdag gi ba med par brtag par bya'o/ /zag pa med pa dang/ rtog pa med pa dang/ smon pa med pa dang/ mtshan ma med pa'i tshul gyis brtag par bya'o/ /shin tu phra ba'i rdul gcig po de la ji ltar lhag mthong phra mos brtag / rdul phra mo de dag la ji ltar mtshan nyid med pa'i nyon mongs pa thams cad kyi spyod lam du gyur pa shes/ dngos po med pa dang/ dmigs pa med pa dang/ bdag med pa dang/ bdag dang bral ba dang/ mtshan ma med pa la rdul shin tu phra ba rab tu shes so zhes gsungs so/ /yang de las gzugs med pa'i phung po de dag ni stong pa'i mtshan nyid kyis shin tu skad cig gis 'jig pa ther thug ma yin pa'o/ /gnas mi dmigs pas mtshan ma med pa'o/ /skad cig skye zhing 'grib pas smon pa med pa'o/ /de bas na phung po 'di ni stong pa'o zhes gsungs so/ /yang de las ji ltar rdzas kyi mtshan nyid kyis dus gsum thams cad skad cig ma dang/ shin tu skad cig ma stong pa bzhin du/ rigs kyi bu gang la la 'phags pa dang/ 'phags pa ma yin pa dang/ 'jig rten gyis dang/ 'jig rten las 'das pa nas lus dang/ snod kyi bar thams cad skad cig ma ste shin tu stong pa brjod du med pa'o zhes 'byung ngo/ /'phags pa blo gros mi zad pas bstan pa las/ ji skad de la byang chub sems dpa' i thabs ni gang/ shes rab mngon par sgrub pa ni gang zhe na/ gang gi phyir mnyam par bzhag pa na sems can la lta bas snying rje chen po'i dmigs pa la/ sems nye bar 'dogs pa ni de'i thabs so/ /gang gi phyir zhi ba dang rab tu zhi ba snyoms par 'jug pa de ni de'i shes rab po zhes gsungs so/ /gsang ba bsam gyis mi khyab pa las/ byang chub sems kyi bsod nams gang/ /de la gal te gzugs mchis na/ /nam mkha' i khams ni kun gang ste/ /de ni de bas lhag par 'gyur/ /byang chub sems kyi bsod nams gang/ /phung po ji snyed brjod pa bas/ /dam pa'i chos ni yongs 'dzin na/ /de bas bsod nams ches mang ngo/ /dam pa'i chos ni 'dzin pa dang/ /byang chub sems kyi bsod nams des/ /stong pa nyid la mos pa yi/ /bcu drug char yang mi 'phod do/ /zhes gsungs so/ /'od srungs kyis zhus pa las 'od srungs bzhi po 'di ni byang chub sems dpa' i yon tan lags te/ 'di lta ste/ stong pa nyid la yang mos la/ las kyi rnam par smon pa la yang yid ches pa dang/ des bdag med par yang bzod la/ sems can thams cad la snying rje ba dang/ de bsam pa mya ngan las 'das pa la gnas la/ sbyor ba 'khor ba na gnas pa dang/ de sems can yongs su smin par bya ba'i phyir/ sbyin pa rnam par smin pa la yang mi re ba ste/ bzhi po 'di dag go zhes gsungs so/ /chos yang dag par sdud pa'i mdo las/ stong pa nyid smra ba ni 'jig rten gyi chos kyis mi 'phrogs pa/ rnyed pas dga' ba yang med/ ma rnyed pas mi dga' ba yang med/ grags pas yid sos pa yang med/ ma grags pas sro shi ba yang med/ smad pas zhum pa yang med/ bstod pas dga' ba yang med/ bde bas chags par gyur pa yang med/ gang de ltar 'jig rten gyi chos rnams kyis mi 'phrogs pa de nyid stong pa nyid shes pa ste/ de ltar mi 'phrogs pas stong pa nyid smra ba khongs du chud par bya'o/ /stong pa nyid smra ba ni gang du yang chags pa 'am mi chags pa med pa/ de gang la chags pa dang gang la mi chags pa de stong pa nyid du shes/ stong pa nyid du mthong/ gang chos gang la chags pa dang/ ma chags pa de yang stong pa nyid du shes so zhes bya ba la sogs pa gsungs so/ /stobs bcu bden pa'i rtsal mnga' khyod la phyag 'tshal lo/ /'jigs med mi 'jigs sbyin pa khyod la phyag 'tshal lo/ /ma 'dres pa yi chos rnams rab tu rtogs/ /'gro ba thams cad 'dren pa khyod la phyag 'tshal lo/ /kun tu sbyor ba'i bcings pa gcod la phyag 'tshal lo/ /pha rol phyin de thang la bzhugs la phyag 'tshal lo/ /dub pa'i 'gro ba sgrol bar byed la phyag 'tshal lo/ /'khor ba'i 'gro ba mi gnas khyod la phyag 'tshal lo/ /bsod nams 'di yis thams cad gzigs pa nyid/ /thob nas nyes pa'i dgra rnams pham byas nas/ /rga na 'chi ba'i dpa' klong 'khrugs pa yis/ /srid pa'i mtsho las 'gro ba 'don par shog /bsgom pa'i rim pa mdo kun las btus pa rdzogs so/ / (//mdo kun las btus pa klu sgrub kyis mdzad pa bzhugs so//) ` /rgya gar skad du/ sU tra sa mu ts+tsha ya/ bod skad du/ mdo kun la btus pa/ bam po dang po/ /sangs rgyas dang byang chub sems dpa' thams cad la phyag 'tshal lo/

CLOSE WINDOW