CLOSE WINDOW

N4113: dbu ma'i man ngag ces bya ba
བོད་ཡིགe-texts based on the ACIP/ALL Input

/ //paN Di ta de nyid dang lotsA ba tshul khrims rgyal bas bsgyur ba'o// (//dbu ma'i man ngag ces bya ba bzhugs so//) //rgya gar skad du/ ma d+hya ma au pa de sha na ma/ bod skad du/ dbu ma'i man ngag ces bya ba/ 'jig rten mgon po la phyag 'tshal lo/ /gang gi gsung gi 'od zer gyis/ /bdag sogs rmongs pa ma lus pa'i/ /snying gi pad+ma kha 'byed pa'i/ /dam pa'i skyes mchog de la 'dud/ /theg pa chen po dbu ma'i man ngag ni 'di yin te/ kun rdzob du chos thams cad tshu rol mthong ba'i dor byas nas/ rgyu 'bras la sogs pa rnam par bzhag pa thams cad ji ltar snang ba bzhin du bden pa yin la/ don dam par ri mo yang dag par na/ kun rdzob ji ltar snang ba de kho na gtan tshigs chen po rnams kyis gzhigs shing bsal na/ skra'i rtse mo brgyar bshags pa'i tshad tsam kyang gzung du med do/ /zhes nges par khong du chud par bya'o/ /stan bde ba la bskyil mor krung bcas te 'dug la/ 'di ltar re zhig dngos po gnyis te/ gzugs can dang gzugs can ma yin pa'o/ /de la gzugs can rnams ni rdul phra rab 'dus pa yin la/ de yang phyogs cha'i dbye bas phye zhing gzhigs na shin tu phra ba yang lus pa med cing dbyibs dang bral ba/ nam mkha' dang 'dra bas ma grub pa 'am yang na gcig dang du ma dang bral bas sam de yang 'di ltar 'das pa'i sems ni 'gags shing zhig / ma 'ongs pa'i sems ni ma skyes shing ma byung/ da ltar gyi sems ni 'di ltar yang shin tu brtag dka' ste/ kha dog med cing shin tu snang ba'ang med do/ /gzugs can ma yin par ni sems yin la/ de'ang 'di ltar 'das pa'i sems ni 'gags shing zhig /ma 'ongs pa'i sems ni ma skyes shing ma byung/ da ltar gyi sems ni 'di ltar yang shin tu brtag dka' ste kha dog med cing dbyibs dang bral ba/ nam mkha' dang 'dra bas sam grub pa 'am/ yang na gcig du ma dang bral bas sam/ yang na ma skyes pas sam/ yang na de rang bzhin gyis 'od gsal ba la sogs pas/ rigs pa'i mtshon gyis spyad cing bzhigs na ma grub par rtogs so/ /de ltar gnyis po ci'i ngo bor ma grub cing med tsam na/ so sor rtogs pa'i shes rab de nyid kyang ma grub ste/ dper na shing gnyis phan tshun drung bas me byung ba'i rkyen gyis shing gnyis po nyid tshig cing med pa'i rjes la/ gang gis sreg par byed pa'i me de nyid kyang rang zhi ba de bzhin du/ rang dang spyi'i mtshan nyid kyis chos thams cad med par grub tsam na/ shes rab de nyid kyang snang ba med pa 'od gsal ba ci'i ngo bo yang ma grub pas bying ba dang/ rgod pa la sogs pa'i skyon du gyur pa thams cad bsal te/ bar skabs der shes pas cir yang mi 'dzin/ dran pa dang yid la byed pa thams cad spangs te/ ji srid du sa tshan ma 'am/ rnam par rtog pa'i dgra 'am chom rkun ma langs kyi bar du/ de lta bu la shes pa gnas par bya'o/ /gang gi tshe ldang bar 'dod na ngal bus skyil mo krung bshig la langs te/ sgyu ma lta bu'i yid kyis/ lus dang ngag dang yid kyis dge ba ci nus kyis bya'o/ /de ltar gus pa dang/ yun ring ba dang/ rgyun ma chad par bsgrubs na skal ba dang ldan pa rnams kyis/ tshe 'di nyid la bden pa mthong bar 'gyur te/ chos thams cad nam mkha' lta bur 'bad pa dang/ rtsol ba med cing rang gi ngang gis lhun gyis grub par mngon sum du byed do/ /de'i rjes las thob pas ni chos thams cad sgyu ma la sogs par shes so/ /gang gi tshe rdo rje lta bu ting nge 'dzin mngon du byas phan chad ni/ rjes las thob pa spang mi mnga' ste/ dus thams cad du mnyam par gzhag pa'o/ /de ltar ma yin na byang chub sems dpa' dang khyad par ci yod ces bya ba la sogs pa'i rigs pa dang lung 'dir me brjod do/ /gzhan gyi don bskal pa grangs med par tshogs bsags pa dang/ smon lam btab pa'i mthus gdul bya rnams ji ltar 'dod pa bzhin du 'gyur ro/ /lung dang rigs pa shin tu mang mod kyi 'dor ma spos so/ /dbu ma'i man ngag ces bya ba/ slob dpon chen po dpal mar me mdzad ye shes kyis mdzad pa rdzogs so/ // rgya gar gyi mkhan po de nyid dang/ zhu chen gyi lo tsA ba dge slong tshul khrims rgyal bas lha sa 'phrul snang du bsgyur cing zhus te/ gtan la phab pa'o// //ra sa 'brul snang gtsug lag khang chen du/ /mar me mdzad dpal zhes bya'i mkhas pa la/ /bod kyi rngog btsun legs pa'i shes rab kyis/ /gsol ba btab nas bdag gis bsgyur ba yin/ /gnas brtan mar me mdzad dpal gyis/ /gzhung lugs skyes bu gsum 'dzin pa/ /gol ba'i lam du mi 'gro zhes// nags che tshul khrims rgyal pas smra/ / (//dbu ma'i man ngag rin po che'i za ma tog ces bya ba jo bos mdzad pa bzhugs so/) /rgya gar skad du/ ratna ka raN+Dodg+ha Te ma d+hya ma nA mo ba de sha/ bod skad du/ dbu ma'i man ngag rin po che'i za ma tog kha phye ba zhes bya ba rje btsun 'jam pa'i rdo rje la phyag 'tshal lo/ /dkon mchog gsum la phyag 'tshal lo/ /slob dpon klu sgrub kyi brgyud pa'i man ngag bri bar bya'o/ /'di ni skyes bu gang zhig bdag dang 'gro ba ma lus pa'i 'khor ba thog ma med pa can gyi sdug bsngal rjes su dren pas til 'bru tsam gyi dngos po yang mi 'dzin pa/ 'jig rten gyi dngos po dang/ bya ba ma lus pa mchil ma'i thal ba ltar bor ba dang po khas blangs pa'i tshul khrims kyi sdom pa gsum ma nyams shing gtsang ba/ thos pa dang bsam pa'i shes rab dang ldan pa rang bzhin gyis snying rje yod pa/ dam pa'i chos kyi phyir lus dang srog la yang mi lta ba des/ slob dpon 'phags pa klu sgrub kyi brgyud pa'i gdams ngag yod pa'i skyes bu dam pa btsal la/ de dus yun ring por mnyes par byas nas las dang po ba yin pas sa tra chen po 'am/ grong khyer chen po 'am/ dgon pa 'am/ bas mdza' la sogs pa 'tsho bsgrub sla bar gnas la/ dkon mchog gi gzugs rnyan gyi spyan sngar stan 'jam zhing 'bol ba la 'dug la/ 'di ltar sems kyi rigs ni sgo nga las skyes pa dang/ drong gsher las skyes pa dang/ brdzus te skyes pa dang/ gzugs can dang gzugs can ma yin pa dang/ 'du shes dang 'du shes can ma yin pa'i 'gro ba lnga'i sems can la legs par bltas la/ thams cad ni bdag gi ma yin te/ ma 'ong dag gis bdag gi ched du sdig pa byas shing bsags pas de'i rnam smin gyis da lta sdug bsngal mang po nyams su myong ngo/ /'phags pa klu sgrub kyi zhal snga nas/ rnam rtog bag chags nyes pa yis/ /'gro ba gsum po rnams rmongs la/ /blo dang ldan pas legs bltas nas/ /'khor ba'i gnas nas 'don par bya zhes gsungs pa dang/ yang 'phags pa klu sgrub kyi zhal snga nas/ srid pa'i btson ra'i nang gnas pa/ /nyon mongs me yis gdungs pa yi/ /sems can gang yin thams cad sngon/ /pha ma mdza' bshes rtsa lag tu/ /gyur cing phan cher btags pas na/ /'di dag bdag gis sdug bsngal byas/ /nga ni bde bar bya bar rigs/ /zhes gsungs pas drin shes bdag gis 'di dag bsgral ba dang/ bgrol ba dang/ dbugs dbyung ba dang/ mya ngan las bzla'o zhes tshad med pa bzhis byang chub tu sems bskyed la/ de'i ched du tshogs gnyis bsags par bya'o/ /rmi lam gyi sems dang ma bral bas/ nam mkha' i dbyings 'di dkon mchog gsum gyis til gyi ga'u bzhin du khyab pa la/ dam pa bdun dang/ 'du shes bdun dran par byas pa dang/ rjes su dran pa'i tshigs su bcad pa yang brjod de/ gnyen po drug gi sgo nas lus kyi bkod pa yang byas nas phyag bya ba dang/ mchod pa dang/ sdig pa bshags pa dang/ rjes su yi rang ba dang/ bskul ba dang/ gsol ba gdab pa dang/ skyabs su 'gro ba dang/ byang chub tu sems bskyed pa dang/ lus dbul ba dang/ sdom pa blang ba dang/ theg pa chen po'i lam la gnas par dam bcas la/ de dag byang chub chen por yongs su bsngo bar bya'o/ /de dag thams cad chos kyi dbyings su gyur te/ mchod pa'i gnas dang/ mchod pa'i tshogs de dag thams cad dang po gang nas byon/ de lta gang du bzhud snyam du brtags nas gang nas kyang ma byon gang du yang ma bzhud phyi nang gi chos 'di dag kyang de kho na bzhin yin pas/ thams cad rang sems sgyu ma'i rnam par 'phrul pa brdzun bzhin du snang/ snang bzhin du brdzun pas de dag lus la bsdu de yang sems la bsdu/ sems ni kha dog med pa/ dbyibs med pa rang bzhin gyis 'od gsal ba gdod nas ma skyes pa'i/ /so sor rtogs pa'i shes rab de nyid kyang 'od gsal bar gyur to/ /bar der shes pa ci yang ma yin la/ cir yang mi gnas pa/ cir ma grub pa/ ci'i rnam par yang ma skyes pa/ spros pa ma lus pa nye bar zhi ba/ ston ka'i nyi ma phyed kyi nam mkha' i gung lta bu'i mtshan ma'i rdul thams cad dangs pa'i nam mkha' rdo rje'i ting nge 'dzin snang ba med pa la ci tsam nus par gnas so/ /ma goms pa'i dbang gis sems yengs par gyur na yang de nyid du bkug la gnas so/ /thun gzhan yang de bzhin du bya'o/ /thun mangs mang la yun thung bar bya'o/ gang gi cha goms par gyur cing zang bstan pa na ji ring ji ring bya'o/ /sgrib pa lnga po so so'i gnyen po'i zhi bar bya'o/ /de nas mig che la e ma'o ngo mtshar ro/ /chos kyi dbyings ci yang med pa la cir yang snang ba 'di ngo mtshar che'o/ /'di dag ni rang gi sems nyid brdzun pa'i rnam 'phrul brdzun bzhin du snang/ snang bzhin du rdzun pa ste/ sgyu ma'i dpe brgyad kyis mtshon pa snang la rang bzhin med pa'o zhes bltas la smon lam btab nas skyil mo krung dal gyis bshig la langs te sAts+tsha la sogs pa dge ba'i las ci nus pa bya'o/ /de dag thun drug tu tshogs gnyis bsags pa la 'bad de/ /nyal ba'i dus su stong pa nyid du bsgoms la de'i ngang du gnyid log par bya'o/ /de nas thun tha ma la byams pa dang snying rje las byung ba'i byang chub kyi sems kyis bslang bar bsam mo/ /des ni don dam pa byang chub kyi sems bskyed pa yin no/ /zas la cha bzhir bgo bar bya'o/ /slob dpon klu sgrub kyi zhal snga nas kyang/ don dam pa byang chub kyi sems kyi gsang sngags kyi sgo'i spyad pa spyod pa'i byang chub sems dpa' bsgom pa'i stogs kyis bskyed par bya ba yin no zhes gsungs so/ /de ltar gus pa dang/ yun ring ba dang/ rgyun mi 'chad par 'bad par byas na/ sems can la snying rje yang shugs kyis skye ste/ slob dpon klu sgrub kyi zhal snga nas/ de ltar rnal 'byor pa rnams kyis/ /stong pa nyid 'di bsgoms byas na/ /blo ni gzhan don la dga' bar/ /'gyur ba 'di la the tshom med/ /yang gdod nas skye med don de ni/ /blo yis gting nas gtogs gyur nas/ /'khor ba'i 'dam du bying ba la/ /snying rje ngang gis skye bar 'gyur zhes gsungs so/ /de ltar rnal 'byor pa des nang du mnyam par bzhag pa na/ don dam byang chub kyi sems bsgoms la/ de las langs pa na kun rdzob byang chub kyi sems bsgoms pas stong pa snying rje chen po'i snying po can gyi byang chub kyi sems gnyid po brtan par bya'o/ /rnam par snang mdzad mngon par byang chub pa las/ byang chub nam mkha' i mtshan nyid de/ /rtog pa thams cad spangs pa'o/ /zhes dang/ shes rab bsdud pa las/ thob par bya ba'i chos ni rdul tsam yod ma yin/ /byang chub dngos por bzung nas mchog 'dzin ma byed cig /dang po'i las can de la de skad bstan par bya/ zhes pa dang/ yum chen mo 'bum pa las/ ngas ni ci yang thob pa med pa kho nar byang chub kyi snying por mngon par rdzogs par sangs rgyas so/ /zhes gsungs so/ /'phags pa chos yang dag par bsdud pa las kyang/ de la byang chub sems dpa' 'dod pa chung ba gang zhe na/ gang byang chub kyang mi 'dod pa'o/ /chog shes pa gang zhe na/ gang byang chub kyi sems la lhag par ma zhen pa'o/ /zhes gsungs so/ /gzhan mdo sde rin po che du ma dang/ gsang sngags kyi rgyud du ma nas don 'di nyid gsungs so/ /dpal gsang ba 'dus pa las/ dngos po thams cad dang bral zhing/ /phung po khams dang skye mched dang/ /gzung dang 'dzin pa rnam par spangs/ /chos bdag med par mnyam nyid pas/ /rang sems gdod nas ma skyes pa/ /stong pa nyid kyi ngo bo nyid ces dang/ 'phags pa brgyad stong pa las kyang/ shA ri'i bu gang sems ma yin pa de ni sems med pa'o/ /gang sems med pa de na sems rang bzhin gyis 'od gsal ba'o/ /zhes gsungs so/ /'phags pa klu sgrub kyi zhal snga nas kyang/ sems ni sangs rgyas thams cad kyis ma gzigs gzigs par ma yin te/ rang bzhin med pa'i rang bzhin la/ /ji lta bu zhig gzigs par 'gyur zhes gsungs so/ /rje btsun 'phags pa lha'i zhal nas kyang/ sems kyi sems med rtogs bya'i phyir/ /gang tshe goms par bya ba'i yin/ /de tshe sems ni mthong mi 'gyur zhes gsungs so/ /'phags pa chos yang dag par bsdud pa las kyang/ lha'i bu dag gzhan yang byang chub kyi sems la mngon par zhen pa de yang bdud kyi lags so/ /sems sgyu mar ma 'tshal nas sems la dngos por bzung ste/ bla na med pa'i byang chub tu sems bskyed pa gang lags pa de mthol lo bshags so/ /zhes gsungs so/ /skye ba snga ma grangs med par theg pa chen po la goms pa/ rgyud legs par sbyangs pa/ dbang po rnon pos ni kun rdzob byang chub kyis sems de nyid don dam byang chub kyi sems su 'du shes te/ stong pa nyid dang snying rje chen po can yin pas/ rnam pa thams cad kyi mchog dang ldan pa'i stong pa nyid du gnas so/ /don 'di la dgongs nas slob dpon klu sgrub kyi zhal snga nas/ bdag dang phung po la sogs dang/ /rnam shes rtog bas ma bsgribs pa/ sangs rgyas rnams kyi byang chub sems/ /stong pa'i mtshan nyid dag tu bzhed/ ces gsungs so/ /'o na ji ltar zhe na/ kun rdzob tu sgyu ma'i skyes bu dang/ sprul pa'i skyes bus byang chub tu sems bskyed pa de lta bur bskyed par bya'o/ /ji skad du/ 'phags pa klu'i rgyal po rgya mtshos zhus pa las/ klu'i rgyal po chos gcig gis byang chub sems dpa' rnams myur du bla na med pa yang dag par rdzogs pa'i byang chub tu mngon par rdzogs par 'tshang rgya ste/ chos gcig po gang zhe na/ sems can thams cad mi gtong ba'i byang chub kyi sems so zhes gsungs pas de bskyed dgos so/ /sems de skye ba'i rgyu dang/ rkyen dang/ ngo bo dang/ rnam pa dang/ sbyang ba dang/ gzung ba dang/ bsrung ba dang/ spel ba dang/ de'i phan yon dang/ gtong ba'i rgyu dang/ btang ba'i nyes dmigs dang/ gzhan du bskyed du bcug pa'i phan yon dang/ gzhan bskyed pa la rjes su yi rang ba'i phan yon dang/ gzhan bskyed pa'i bar chad byas pa'i nyes dmigs la mkhas par bya'o/ /de la rgyu ni rigs phun sum tshogs pa'i rtags dang ldan pa ste/ ji skad du/ 'phags pa bden par smra ba lung bstan pa'i mdo las/ de rgya che ba la mos pas dman pa la mos ba med pa yin/ de rang bzhin gyi snying rje chen po dang ldan pas dkar po'i yon tan dang ldan pa yin/ de sdig pa'i grogs po spangs pas dge ba'i bshes gnyen gyis yongs su bzung pa yin/ ji skad smras pa bzhin byed pas mi bslu ba yin/ sangs rgyas 'jig rten du rgyu ba mnyes par byas par dga' ba dang ldan pa yin/ lus dang ngag dang yid kyi las kho na ma tho ba med pas sdig pa spangs pa yin/ lhag ba'i bsam pa skyon med pas yid dam la brtan pa yin/ ro bro ba lam chags pas thams cad dgyes pa'i ngang tshul can yin/ bdud kyi byin gyis brlabs pa dang bral ba yin/ dge ba'i rtsa ba bsags pas spyod pa legs par spyod pa yin/ snying rje chen po'i spyod yul yin pas sems can la snying brtse ba yin/ yo byad lhug par gtang bas thams cad la chags zhen chung ba yin zhes gsungs so/ /slob dpon 'phags pa thogs med kyi zhal snga nas kyang/ rgyu bzhi ste rigs dang dge ba'i bshes gnyen dang/ snying rje dang 'khor ba'i sdug bsngal bzod pa'o/ /zhes gsungs so/ /rkyen ni gnyis te sbyor ba'i rkyen dang/ bsam pa'i rkyen no/ /de la sbyor ba'i rkyen gyi chags bsags pa dang/ rgyud spyad pa dang/ skyabs su 'gro ba khyad par can bya ba'o/ /tshogs bsags pa yang nyin lan gsum mchen lan gsum du yan lag bdun pa bya ba dang/ shes rab kyi pha rol tu phyin pa'i mdo zab mo gdon pa dang/ klag pa dang/ gzungs gdon pa dang/ dkon mchog la mchod pa rgyas par bya ba dang/ dge 'dun gyi mchod ston yon dang bcas pa bya ba dang/ byis pa'i ston mo dang/ mgon med pa rnams la sbyin pa rgya chen po btang ba dang/ mtshan mo rgyu ba rnams la gtor ma rgya chen po btang ba la sogs pa bya'o/ /rgyud spyad pa yang snga ma bzhin du mdo sde zab mo gdon pa dang/ klag pa dang/ gzungs bzlas pa dang/ yan lag bdun pa bya ba dang/ phung po gsum pa gdon pa dang/ las kyi sgrib pa rgyan gcod pa dang/ gser 'od dam pa rnga sgra'i tshigs su bcad pa la sogs pa'i gzhung gis sdig pa bshags par bya'o/ /skyabs su 'gro ba khyad par can ni/ khyad par rnam pa bdun gyis khyad par du 'phags te/ rten gyi gang zag gi khyad par dang/ skyabs gnas dkon mchog gsum gyi khyad par dang/ dus kyi khyad par dang/ bsam pa'i khyad par dang/ sbyor ba'i khyad par dang/ bslab bya'i khyad par dang/ phan yon gyi khyad par ro/ /de la skyabs gnas dkon mchog gsum gyi khyad par ni/ theg pa chung ba'i skyabs gnas ni/ /ji skad du mdzod las ni/ /gang zhig gsum la skyabs 'gro ba/ /sangs rgyas dge 'dun byed pa yi/ /chos la'ang de bzhin skyabs 'gro zhing/ /mya ngan las 'das la'ang skyabs su 'gro zhes bshad do/ /'dir khyad par ni dkon mchog gsum ni rnam pa gsum ste/ de kho na nyid kyi dkon mchog gsum dang/ mdun du gzhugs pa'i dkon mchog gsum dang/ mngon par rtogs pa'i dkon mchog gsum ste/ 'di'i don rgyas par bla ma la zhu bar bya'o/ /yang bslab bya'i khyad par 'ba' zhig brjod de/ dkon mchog gsum gyi khyad par dang/ yon tan rjes su dran pa'i sgo nas dkon mchog gsum lus dang srog gi phyir yang mi btang zhing yang dang yang du skyabs su 'gro ba dang/ bka' drin chen po rjes su dran pa'i sgo nas dus rtag tu 'am yang na dus res 'ga' mchod par bya ba dang/ tha na chu gtsang phor ba gang tsam yang dbul bya ba dang/ zas la sogs nga'i phung dbul bar bya'o/ /bya ba ci byed pa dang/ dgos pa ci yod pa ni dkon mchog gsum la gsol ba btab nas byed kyi 'jig rten pa'i thabs gzhan spangs pa dang/ 'gro ba gzhan la yang tshul 'di bzhin du sbyar bar bya'i theg pa thun mong gi slab bya ni sangs rgyas la skyabs su song bas 'jig rten pa'i lha la phyag mi bya ba la sogs pa ste/ dkon mchog gsum po so so'i bslab bya'o/ /bsam pa'i rkyen ni ji skad du 'phags pa ye shes phyag rgya'i mdo dang snying rje pad+ma dkar po'i mdo las/ sangs rgyas kyi byang chub tu sems bskyed pa dang/ dam pa'i chos 'jig pa'i dus su sems bskyed pa dang/ sems can sdug bsngal ba mthong nas sems bskyed pa dang/ byang chub sems dpa' sems bskyed pa dang/ mchod pa dang dbul ba bzang po byas nas sems bskyed pa dang/ gzhan gyi lta bltos nas sems bskyed pa dang/ de bzhin gshegs pa'i sku mthong nas sems bskyed pa ste/ dang po gsum ni byang chub kyi sems dngos yin no/ /zhes gsungs pa dang/ 'phags pa chos bcu pa'i mdo las kyang gsungs te/ sangs rgyas dang byang chub sems dpa' la sogs pas bskul nas sems bskyed pa dang/ byang chub kyi sems kyi phan yon mthong nas sems bskyed pa dang/ sems can sdug bsngal ba mthong nas sems bskyed pa dang/ sangs rgyas dang byang chub sems dpa' i phun sum tshogs pa mthong nas sems bskyed pa'o/ /zhes gsungs so/ /mdo sde'i rgyan las ni rkyen lnga gsungs te/ grogs stobs rgyu stobs rtsa ba'i stobs/ /thos stobs dge ba goms pa'i stobs/ /mi brtan pa dang brtan 'byung ba zhes gsungs so/ /'phags pa thogs med kyi zhal snga nas rkyen bzhi dang/ stobs bzhi gsungs so/ /rkyen bzhi ni de bzhin gshegs pa'i phun sum tshogs pa mthong nas sems bskyed pa dang/ phan yon mthong nas sems bskyed pa dang/ dam pa'i chos 'jig pa'i dus su sems bskyed pa dang/ sems can sdug pa mthong nas sems bskyed pa'o// stobs bzhi ni rgyu'i stobs dang/ sbyor ba'i stobs dang/ rang gi stobs dang/ gzhan gyi stobs so/ /de ltar rgyu dang rkyen nye bar tshogs pa na byang chub kyi sems nye bar skye bar 'gyur ro/ /skyes pa'i ngo bo ni/ 'dun pa dang/ 'dod pa dang/ smon pa ni rnam grangs so/ /ji skad du 'phags pa byams pa'i zhal snga nas/ sems bskyed pa ni gzhan don phyir/ /yang dag rdzogs pa'i byang chub 'dod ces gsungs so/ /'dun pa dang snying rje dang mtshungs par ldan pa'i yid kyi rnam par shes pa yul khyad par can la dmigs pa ni ngo bo ste/ dkar po'i chos kyi lo tog ma lus pa bskyed pa'i sa gzhi bzang po lta bu ste/ 'dun bas lta bu'i byang chub kyi sems so/ /rnam pa de nyid kyi khyad par ram/ bye brag ste/ g.yo sgyu la sogs pa'i skyon gang gis kyang ma gos shing dri ma med pa ste/ dper na gser bzang po g.ya' dang rdo dang sa la sogs pa'i skyon med pa lta bu ste/ sems de nyid bsam pa bzang po gser lta bu'o/ /de'i don rgyas par 'phags pa blo gros mi zad pas bstan pa'i mdo las btsun pa shA radwA ti'i bu byang chub kyi sems de ni ji lta bu'i rnam par sems bskyed pa yin/ smras pa rigs kyi bu sems de ni theg pa dman pa dang ma 'dres pas gtsang ba'i rnam par skyes so zhes bya ba la sogs pa rgyas par gsungs so/ /de sbyang ba ni sems de dang po gang nas kyang ma 'ongs shing/ tha ma gar yang mi 'gro ba gang na yang mi gnas pa ste/ kha dog med pa/ dbyibs med pa/ gzod ma nas ma skyes pa/ tha mar mi 'gag pa/ rang bzhin gyi stong pa/ 'od gsal ba'i ngo bo yang nas yang du dran par bya'o/ /yang na byams pa dang/ snying rje byang chub kyi sems de goms pas bstan par bya ba dang/ shin tu byang bar bya ste/ sems kyi skad cig re re la dran pa rgyu chags su bya ba dang/ dran pa dang shes bzhin dang/ tshul bzhin du sems pa dang/ bag yod pas gnas par bya'o/ /byang chub kyi sems gzungs ni sems can mi btang ba bzhi dang/ skyes bu dam pa'i rnam par rtog pa brgyad dang nang gi thabs la mkhas pa bcu dang/ phyi'i thabs la mkhas pa drug dang/ bdag dang gzhan brje ba dang/ bdag dang gzhan mnyam par bya ba dang/ 'phags pa bzang spyod dang rdo rje rgyal mtshan gyi bsngo ba chen po bcu la sogs pa gdab ba/ /de la sems can mi gtang ba ni bdag la phan 'dags pa'i sems mi gtang ba dang/ bdag la gnod pa byed pa mi gtang ba dang/ dngos su sdug bsngal ba dang sdug bsngal gyi rgyu sogs ma gtang ba dang/ spyir sems can mi gtang ba'o/ /de la bdag la phan 'dogs pa mi gtang ba ni/ drin shes shing drin gzo ba'i sems kyis mi btang pa ste/ slob dpon klu sgrub kyi zhal snga nas/ 'khor ba thog ma med pa nas/ /nyon mongs mi yis gdungs pa yis/ /sring ba'i btson ra'i nang gnas pa/ /sems can gang yin de dag sngon/ /pha ma mdza' bshes rtsa lag tu/ /gyur cing phan chen btags pas na/ /byas pa gzo ba nyid du bya/ /'di dag bdag gis sdug bsngal byas/ /da ni bde bar bya ba'i rigs zhes gsungs so/ /'di'i don rgyas par mdo sder blta bar bya'o/ /skye ba 'di'i pha ma dang gnyen 'dun dang/ grogs la sogs pa bdag la phan 'dogs pa la drin shes shing drin gzo ba bya dgos te/ de ltar ma gyur na/ byas la lan du phan mi 'dags zhes pa'i nyes byas kyang 'byung bar 'gyur ro/ /bdag la gnod pa byed pa'i sems can mi btang ba ni/ las bdag gir byed pa'i sems kyi mi gtang ste/ ji skad du/ 'dzam+bu'i gling gi skyes mchog ni/ /legs kyi lan ni legs kyis ldon/ /nyes kyi lan yang legs kyis ldon/ zhes dang/ yum brgyad stong pa las kyang/ byang chub sems dpa' pha rol pas nyes pa byas kyang/ de dang rtsod pa mi byed par de la gnod pa dang sems 'khrug par mi bya'o/ /gal te gsod na yang de la zhe sdang bar mi bya'o/ /sems can su la yang zhe sdang bar mi bya'o/ / byang chub sems dpa' rnams la ni brtan par 'du shes bskyed par bya'o/ /zhes gsungs pa dang/ yang ji skad du byang chub sems dpa' sems can thams cad la pha dang ma dang bu dang bu mo'i 'du shes bya'o/ /rang nyid bde bar 'dod pa ltar sems can gzhan yang bde ba la sbyar bar bya'o/ /sems can ma lus pa sdug bsngal ba las thar bar bya'o/ /sems can gang yang mi gtang ngo/ /de dag gis bdag gi lus dum bu brgyar gtubs kyang de dag la gnod sems mi bya bar byams pa dang snying rje bskyed do/ /zhes gsungs pa dang/ rje btsun Arya de ba'i zhal snga nas kyang/ gnod pa drag po byung ba na/ /sngon gyi las su shes par bya zhes gsungs so/ /gal te de ltar ma gyur na/ /gzhan gyi bshags kyang mi nyan par/ /khros nas gzhan la 'tshog pa dang/ /pha rol bshad kyis 'chags pa spong/ /khros pa rnams ni yal bar 'jog /gshe la lan du gshe la sogs/ /zhes pa'i pham pa dang nyes byas 'byung bar 'gyur ro/ /dngos su sdug bsngal ba'i sems can mi btang ba ni/ tsha ba dang grang ba dang/ bkres pa dang skom pa la sogs pa dang/ mtsham med pa la sogs pa dang/ bslab pa nyams pa dang/ sdug bsngal sna tshogs kyi gdungs pa mthong na snying rje'i sems kyis mi gtang ste/ rje btsun Arya de ba'i zhal nas/ 'khor lo dpag tshad bcu gnyis pa/ /lcags byas mgo la 'khor ba dang/ /byang chub sems ni bskyed ma thag /med par 'gyur ces thos pa yin zhes gsungs pa dang/ slob dpon dpa' bo'i zhal nas kyang/ /na ba'i bu la khyad par du/ /ma ni gdung pa skye ba ltar/ /de bzhin byang chub sems dpa' rnams/ /dam pa min la khyad par brtse zhes gsungs pa dang/ slob dpon pa bya'i zhal nas kyang/ sdug bsngal drag pos gdungs pa yi/ /sdug bsngal can dag mthong ba'i tshe/ /snying rje rus pa'i gting nas ni/ /skye zhing de la phan par byed ces gsungs te/ rgyas par mdo sder blta bar bya'o/ /sdug bsngal gyi rgyu la sogs pa'i sems can ni/ snying brtse ba'i sems kyis mi gtang ste/ bslab pa nyams pa dang/ mtshams med byed pa dang/ srog gcod pa dang/ sdig pa'i las sna tshogs byed pa de dag las bzlog par bya ste/ ji skad du 'phags pa dran pa nyer gzhag las/ gang zhig brtul zhugs bzang mnos nas/ /legs par bsrung bar mi byed pa/ /de ni nges par sha dang rus/ /'jig pa'i me mar mur du sreg ces gsungs pa dang/ 'phags pa rnyed dang 'dod gnas pa/ /tshul khrims 'chal ba mthong nas ni/ /'di yi 'gro ba cir 'gyur ces/ /mchi ma rab tu 'byung bar bya/ zhes gsungs pa dang/ slob dpon klu sgrub kyi zhal snga nas kyang/ 'jig rten na ni sems can gang/ /rtag tu sdig pa byed 'dod pa/ /rtag tu de dag thams cad ni/ /gnod pa med par bzlog gyur cig ces gsungs so/ /spyir sems can mi btang ba ni byams pa'i sems kyi mi gtang ba dang/ 'phags pa spobs pa'i blo gros kyi mdo las byang chub sems dpa' sems can thams cad la bu bzhin du blta bar bya ba dang/ rang gis lus bzhin du blta bar bya'o/ zhes gsungs pa dang/ mdo sde rgyan las kyang/ ji ltar phu ron rang gi bu mchog byams/ /rang gi bu de nye bar 'khyung nas 'dug /de bzhin sdug bsngal ba yi sems can la/ /brtse bcas byang chub sems dpa' de dang 'dra/ /zhes gsungs pa dang/ 'phags pa rig pa mchog gi rgyud chen po las kyang byang chub sems dpa' rang gi bde ma chags/ /rang gi sdug bsngal dag gis mi mjed kyang/ /gzhan gyi sdug bsngal bdag gis sdug bsngal 'gyur/ /gzhan bden ni byang chub sems dpa' dga' / /zhes gsungs pa dang/ dpal rdo rje mkha' 'gro'i rgyu dang/ dpal mchog dang po las kyang/ /ji srid 'khor ba'i gnas su ni/ /mkhas mchog gnas par gyur pa na/ /de srid mtshungs med sems can don/ /mya ngan mi 'da' byed par nus zhes gsungs te/ /rgyas par mdo sder blta bar bya'o/ /skyes bu dam pa'i rnam par rtog pa brgyad po ni/ kyi hud nam zhig na bdag gis sems can gyi skye ba'i sdug bsngal med par byed nus par gyur zhig gu / de bzhin du rgas ba'i sdug bsngal dang/ na ba'i sdug bsngal dang/ 'chi ba'i sdug bsngal med par 'gyur zhig gu /sems can ma bsgral ba rnams sgrol bar byed nus par 'gyur/ ma sgrol ba rnams dang/ dbugs ma phyin ba rnams dang/ yongs su mya ngan las ma 'das pa rnams nam zhig mya ngan las zlo nus par 'gyur zhig gu snyam skad cig re re la dran pa rgyun chags su bya'o/ /nang gi thabs la mkhas pa ni gzhan sdug bsngal bdag gir byed pa dang/ bdag gi sdug bsngal gyis gzhan gyi sdug bsngal bsal ba dang/ bdag gi bde ba dang gzhan gyi sdug bsngal brje ba dang/ gzhan gyi sdug bsngal gyis bdag dus rtag tu sdug bsngal gyis gdungs pa ste/ ji skad du rig pa mchog gi rgyud chen po las/ byang chub sems dpa' rang gi bde ba de ma chags/ /rang gi sdug bsngal dag gis mi mjed kyang/ /gzhan gyi sdug bsngal dag gis sems sdug bsngal/ /gzhan bde na ni byang chub sems dpa' dga' / /zhes gsungs so/ /gzhan gyi sdig pa bdag gi sdig par byas nas bshags pa dang/ gzhan gyi dge ba bdag gi dge bar byas nas yi rang ba dang/ bdag gi dge ba gzhan gyi dge bar byas nas yi rang ba dang/ gzhan gyi dge ba bdag gi dge bar byas nas yongs su bsngo ba'o/ /phyi'i thabs la mkhas pa ni bsdu pa'i dngos po bzhi dang/ rig pa'i gnas lnga dang/ mkhas pa bcu dang/ pha rol tu phyin pa drug dang/ tshad med pa bzhi la sogs pas sems can ma lus pa smin par byed de/ rjes su bzung ba dang/ tshar bcad pa dang/ brid pa dang/ bsdigs pa dang/ rtsigs la dbab ba dang/ rngan pas rngan pa'o/ /'phags pa rdo rje rgyal mtshan gyi bsngo ba bcu pa dang/ bzang po spyod pa dang/ slob dpon klu sgrub kyis mdzad pa'i smon lam nyi shu ba dang/ ba tshwa chu klung nas 'byung ba'i tshigs su bcad pa bcu gcig pa la sogs pas sems can mi gtang bar bya'o/ /'phags pa 'od srungs kyis zhus pa las/ srog gi phyir yang brdzun mi smra ba dang/ sems can la g.yo sgyu med pa'i lhag pa'i bsam pas gnas par bya ba dang/ sems bskyed pa'i gang zag la ston pa'i 'du shes bskyed pa dang/ sems can gang dag smin par byed pa de dag thams cad bla na med pa'i byang chub chen por smin par byed kyi nyan thos dang rang sangs rgyas kyis ma yin pa'o/ /de bzhin du 'phags pa spyan ras gzigs dbang phyug gis zhus pa las kyang/ rigs kyi bu sems bskyed ma thag pa'i byang chub sems dpa' chos bdun la bslab par bya ba ste/ rnam par rtog pas kyang 'dod pa la spyad par mi bya na dbang po gnyis kyis gnyis sbyor ba lta smos kyang ci dgos/ tha na rmi lam du yang mi dge ba'i bshes gnyen brten par mi bya ba dang/ bya dang 'dra bar sems kyis yongs su 'dzin pa med par bya ba dang/ thabs dang shes rab la mkhas pas nga rgyal dang nga yir 'dzin pa med par bya ba dang dngos po dang dngos po med pa spangs nas stong pa nyid kyi ting nge 'dzin brtan por bsgom pa dang/ yang dag pa ma yin pa'i kun tu rtog pa zhi bas 'khor ba la dga' bar mi byed pa ste/ mdor na dran pa dang shes bzhin dang tshul bzhin du sems pa dang/ bag yod pa dang mi 'bral ba ste/ shes bzhin med pa'i skyon chags pas/ /ltung ba'i rnyog dang bcas par 'gyur/ /glo rdol bum pa'i chu bzhin du/ /dran pa la ni de mi gnas/ /yang dran pa dang ni shes bzhin dang/ /tshul bzhin du ni sems pa dang/ /bag yod pa dang ma bral zhing zhes slob dpon shAn+ta de bas gsungs so/ /sems kyi skad cig re re la mi brjed par bya zhing/ dran ba rgyun chags su byas pas byang chub kyi sems yongs su bzung par bya'o/ /gal te de ltar ma byas na/ /sdug bsngal mgon med gyur ba la/ /ser snas chos nor ma ster dang/ /chos 'dod pa la sbyin mi byed/ /nang pa'i rim gro bya ba spong/ /dgos pa'i don du 'gro mi byed/ /sems can don la byed ba chung/ /zhes pa'i pham pa dang/ nyes byas 'byung ngo/ / byang chub kyi sems yongs su bsung ba ni/ /sems rjed par byed pa dang/ nyams bar byed pa dang/ gtong bar byed pa las bsrung bar bya ste/ 'phags pa 'od srungs kyis zhus pa las gzhan 'gyod pa med pa la 'gyod pa bskyed pa dang/ mkhan po dang slob dpon dang sbyin gnas bslu ba dang/ sems can la g.yo dang sgyu dang longs spyod kyi lhag pa'i bsam pas ma yin pa dang/ sems bskyed pa'i gang zag la tshigs su bcad pa ma yin pa brjod pa'o/ /zhes gsungs so/ /'phags pa bsod nams thams cad sdud ba'i ting nge 'dzin las 'di skad du/ sred med kyi bu chos bzhis byang chub kyi sems brjed par 'gyur te/ lhag pa'i nga rgyal dang/ chos la ma gus ba dang/ dge ba'i bshes gnyen la khyad du song ba dang/ log pa'i tshig smra ba'o/ /yang bzhi ste/ nyan thos dang rang sangs rgyas dang 'dris par byed pa dang/ theg pa dman ba la mos pa dang/ byang chub sems dpa' la ldang zhing skur pa 'debs pa dang/ chos la dpe mkhyud byed pa dang/ yang bzhi ste/ sgyu byed pa dang/ g.yo byed pa dang/ bla ma la lce gnyis byed pa dang/ rnyed pa dang bkur sti la lhag par zhen pa'o/ /yang bzhi ste/ bdud kyi las ma rtogs pa dang/ las kyi sgrib pas bsgribs pa dang/ lhag pa'i bsam pa stobs chung ba dang/ thabs dang shes rab med pa ste/ de dag gis byang chub kyi sems brjed par 'gyur ro/ /zhes gsungs so/ /klu'i rgyal po rgya mtshos zhus pa las/ klu'i rgyal po thams cad mkhyen pa'i ye shes de ni lam log ba dang/ lam ngan pa nyi shu rtsa gnyis dang bral ba yin te/ nyan thos kyi sems dang ma bral ba dang/ rang sangs rgyas kyi sems dang ma bral ba dang/ nga rgyal dang lhag pa'i nga rgyal dang/ g.yo sgyu dang/ rgyang pan ba'i gsang tshig dang/ log par zhugs pa dang/ skye bas skrag ba dang/ khengs ba dang/ rtsod pa dang/ 'dod chags dang/ zhe sdang dang/ gti mug dang/ las kyi sgrib pa dang/ chos kyi sgrib pa dang/ bdag la bstod cing gzhan la smod pa dang/ chos la dpe mkhyud breng ba dang/ brjed ngas pa pa dang/ sdig pa'i grogs po dang/ bla ma la 'khu ba dang/ pha rol tu phyin pa drug dang mi mthun pa dang/ chad pa dang rtag pa dang/ thabs mi mkhas pas bsdu ba bzhi dang sdig pa thams cad dang ma bral ba ste/ de dag gis byang chub kyi sems brjed par 'gyur ro/ /zhes gsungs so/ /sdong po bkod ba las kyang/ kye rgyal ba'i sras dag byang chub sems dpa' nang phan tshun ngan sems bskyed pa'i kha na ma tho ba'i las las che ba ni ma mthong ngo zhes gsungs so/ /de bzhin du dad pa'i stobs bskyed ba la sogs pa'i mdo las rgyas par gsungs pas mdo sder blta'o/ /ltung ba 'byung ba'i rgyu ni rigs med pa dang/ snying rje chung ba dang/ 'khor ba'i sdug bsngal gyis mi 'jigs pa dang/ sdig pa'i grogs bos zin pa dang/ byang chub chen po thag ring bar sems ba dang/ bdud kyis byin gyis brlabs pa dang/ theg pa dman pa'i gang zag bsten pa dang? pa? theg pa chung ngu'i gzhung la brtson pa dang/ sems can blos btang ba dang/ byang chub sems dpa' la tshig ngan brjod cing ngan sems bskyed pa dang/ byang chub kyi sems dang mi mthun pa'i phyogs mi spong ba dang/ gzhan yang mi shes ba dang/ bag med pa dang/ ma gus ba dang/ nyon mongs pa med ba'o/ /btang ba'i nyes dmigs ni stong gsum gyi stong chen po'i sems can dgra bcom par gyur la de dag thams cad bsad ba dang/ mtshams med pa lnga byas pas 'di'i sdig shin tu che ba yin no/ /gzhan yang nam mkha' mdza' khyab kyi rdul phra rab kyi grangs ni sangs rgyas kyis mkhyen gyi/ 'di'i sdig pa'i tshad ni 'di tsam zhes sangs rgyas kyis mkhyen par mi spyod do/ /'di'i don rgyas bar mdo sde dang/ spyod pa la 'jug pa la sogs par blta bar bya'o/ /gzhan sems bskyed pa la rjes su yi rang ba'i phan yon ni yum brgyad stong pa las/ 'jig rten gyi khams thams cad srang la gzhal pa'i grangs ni shes par rung gis gzhan skyed du bcug pa'i phan yon ni theg pa chen po'i mdo sde dang/ spyod pa la 'jug par blta bar bya'o/ /phyogs bcu'i sangs rgyas dang byang chub sems dpa' rnams kyis mkhyen par mi spyod do/ /gzhan byang chub kyi sems bskyed pa la rjes su yi rang ba byas pa'i bsod nams kyi tshad ni shes par mi nus so zhes gsungs te/ rgyas par mdo sder blta bar bya'o/ /gzhan sems bskyed pa'i bar chad byas pa'i nyes dmigs ni 'phags pa dge ba'i rtsa ba yongs su 'dzin pa'i mdo las/ shA radwA ti'i bu gang sems bskyed pa la bar chad 'dod dam/ bar chad byed pa de ni shA radwA ti'i bu mya ngan las 'das par 'gyur ba'i skal ba med do zhes gsungs pa dang/ yang stong gsum gang+gA'i klung gi bye ma snyed kyi dgra bcom pa bsad pa dang/ mtshams med pa lnga byed ba bas sdig pa che zhes 'phags pa brgyad stong pa las gsungs so/ /spyod pa las 'jug pa las kyang/ gang zhig byang chub sems bskyed pa'i/ /bsod nams bar chad gegs byed pa/ /sems can bdon la dman gyur pas/ /de yi ngan 'gro mu mdza' med ces gsungs te/ rgyas par mdo sder blta'o/ /byang chub kyi sems spel ba de ni sems de nyid byang chub kyi sems rnam pa gsum du spel te/ byang chub kyi sems sdom pa'i tshul khrims dang/ byang chub kyi sems dge ba chos sdud pa'i tshul khrims dang/ byang chub kyi sems sems can gyi don byed pa'i tshul khrims te/ dper na yar ngo'i zla ba rim gyis 'phel ba bzhin du sems 'di yang 'phel bar 'gyur te/ de yang yangs shing rgya che dag pa dang/ /phan ba rgya chen byed pa dang/ /dag pa nyid kyis lhag pas na/ /bsam pa dag pa lhag bsam yin/ zhes mdo sde rgyan du gsungs so/ /lhag pa'i bsam pa zla ba tshes pa lta bu ste/ 'jug pa byang chub kyi sems zhes kyang bya'o/ /byang chub sems dpa' i tshul khrims kyi le'u las/ tshul khrims rnam pa gsum ste/ rang bzhin gyi tshul khrims dang/ goms pa'i tshul khrims dang/ yang dag par blang ba'i tshul khrims so/ /de la rang bzhin gyi tshul khrims ni sems can thams cad rigs gcig yin pa dang/ de bzhin gshegs pa'i snying po can yin pa dang/ theg pa chen po'i rigs can yin pa ste/ sgrubs na 'grub pa'i skal pa can yin yang nyes pa rnam pa bzhis bkag nas 'dug pa yin te/ mdo sde'i rgyan las/ nyon mongs goms dang grogs ngan dang/ /phongs dang gzhan gyi dbang byas dang/ /mdor na rigs kyi nyes pa ni/ /rnam pa bzhir ni yang dag brjod/ /ces gsungs pas rigs can gyi gang zag de ni rang bzhin gyis snying rje che ba dang/ rang bzhin gyi pha rol tu phyin pa'i yon tan rgyud la tshang bar ldan pas rang bzhin gyi tshul khrims can zhes bya'o/ /goms pa'i tshul khrims ni rnam pa gsum ste/ skye ba snga ma phan chad la theg pa chen po la goms pa cher byas pa dang/ goms pa 'bring du byas pa dang/ skye ba dpag tu med pa nas goms par byas pa ste/ de bas na byams pa'i zhal nas/ sangs rgyas rnams la bkur sti byas/ de la dge ba'i rtsa ba bskyed/ /dge ba'i bshes kyis mgon byas pa/ /'di mnyan pa yi snod yin no/ /sangs rgyas bsnyen bkur yang dag zhugs/ /sbyin dang tshul khrims sogs spyad pas/ /snod du dam pa rnams kyis shes zhes gsungs so / de la yang dag par blangs pa'i tshul khrims ni/ slob dpon gyis brtag pa gsum gyis legs nas snod kyi rim pa bzhin du tshul khrims sbyin par bya ste/ sngar brjod pa'i gang zag dang/ de'i so sor thar pa'i pham pa bzhi 'khor dang bcas pa dang/ theg pa chen po'i pham pa dang 'dra ba bzhi dang/ nyes byas bzhi bcu rtsa drug sbyin par bya'o/ /gang zag 'bring po de la ni gang zag 'bring po de'i sdom pa sbyin par bya ste/ de'i steng du 'phags pa nam mkha' i snying po la sogs pa'i rtsa ba'i ltung ba bco brgyad dang/ slob dpon shAn+ta de bas gsungs pa'i gnod pa bcu bzhi po sbyin par bya'o/ /gang zag gsum pa de la ni de dag gi stong du 'phags pa mdo sde bdun brgya pa las gsungs pa'i tshul khrims bzhi brgya pa dang/ theg pa chen po'i mdo sde las gsungs pa'i tshogs kyi lam pa'i byang chub sems dpa' bslab pa mdza' dag bsrung par bya ste/ tshogs kyi lam pa la ni sdom pa'i tshul khrims gtso bo yin no/ /sbyor ba'i lam pa la ni dge ba chos bsdud pa'i tshul khrims gtso bo yin no/ /'jig rten las 'das pa'i lam pa la ni sems can don byed pa'i tshul khrims gtso bo yin no/ /gang zag gcig gi rgyud la rtsis na tshogs lam chung ngu'i dus su gang zag dang po'i bslab pa la brtson par bya'o/ /tshogs lam 'bring gi dus su gang zag 'bring po'i bslab pa la brtson par bya'o/ /gang zag gsum pas ni gsum pa'i bslab pa la brtson par bya'o/ /sngar bshad pa'i goms pa'i tshul khrims la dgongs nas 'phags pa dang bsgom pa'i mdo las/ theg pa chen po la dad pa'i bag chags byang chub sems dpa' i rjes su 'brang ba de ni 'di ltar rjes su 'brang ste/ de 'gro 'am/ 'dug gam nyal lam gnyid log gam/ ra ro 'am/ myos kyang rung ste/ rtag tu theg pa chen po la dad par 'gyur ro/ /byang chub sems dpa' de tshe brjes su zin kyang tshe rabs gzhan du theg pa chen po la dad pas byang chub kyi sems brjed du zin yang skye ba de dang de dag tu dman pa dang/ skal ba dman pa'i sems su mi 'gyur zhing/ sdig pa'i grogs po dang/ nyan thos dang rang sangs rgyas dang 'dre bas kyang 'phrogs par mi 'gyur na/ gzhan mu stegs can gyis 'phregs par ga la 'gyur/ theg pa chen po'i phyir theg pa chen po la dad pa'i rkyen chung ngu zhig rnyed pas kyang myur bar shas che ba dang/ rgyun gyis theg pa chen po'i phyir theg pa chen po la dad par byed do/ /de'i phyir theg pa chen po la dad pa'i bag chags rjes su 'dren pa de yang tshe rabs su rnam par 'phel te/ bla na med pa yang dag par rdzogs pa'i byang chub kyi bar du 'gyur ro zhes gsungs so/ /de la byang chub kyi sems kyi phan yon ni rnam pa gnyis te/ smon pa'i phan yon dang 'jug pa'i phan yon no/ /smon pa'i phan yon ni dpag tu med de/ mdor bsdus na 'jig rten du dkon mchog gsum gdud rgyun mi 'chad par byed pa dang/ dkar po'i chos thams cad kyi rgyu 'am sa bon yin pa dang/ sdig pa 'joms pa dang/ ltung ba las ldang pa dang/ mi ma yin pa dang rims dang/ bar du gcod pa thams cad med par byed pa la sogs pa'o/ /'phags pa dge ba'i rtsa ba yongs su 'dzin pa'i mdo las/ shA radwA ti'i bu dang po sems bskyed pa'i bsod nams kyi phung po ni ngan ngon tsam dang cung zad tsam ma yin te/ 'di ltar bskal pa brgya 'am/ bskal pa stong ngam/ bskal pa 'bum gyis kyang brjod par mi nus na/ byang chub sems dpa' rnams kyis sems bskyed pa'i bsod nams kyi tshad shes par lta ga la 'gyur zhes gsungs so/ /yum brgyad stong pa las kyang/ dmigs pa can gang zhig gis bskal ba gang+gA'i klung gi bye ma snyed du dge ba'i rtsa ba byas pa bas gzhan 'ga' zhig gis nyi ma gcig gam nyi ma phyed dam/ se gol gtog pa gcig tu byang chub tu sems bskyed na bsod nams che'o zhes gsungs so/ /spyod 'jug las kyang/ byang chub sems bskyed gyur na skad cig gis/ /'khor ba'i btson rar bsdams pa'i nyams thag rnams/ /bde gshegs rnams kyi sras zhes brjod bya zhing/ /'jig rten lha mir bcas pa'i phyag byar 'gyur/ /gser 'gyur rtsi yi rnam pa mchog lta bur/ mi gtsang lus 'di blangs nas rgyal ba'i sku/ /rin chen rin thang med par bsgyur bas na/ /rin chen byang chub sems legs brtan par bzung zhes bya ba la sogs so/ /'jug ba'i phan yon yang spyod 'jug las/ byang chub smon pa'i sems las ni/ /'khor tshe 'bras bu che 'byung yang/ /ji ltar 'jug pa'i sems bzhin du/ /bsod nams rgyun chags 'byung ba min/ /zhes pa dang/ deng nas bzung ste gnyid log gam/ /bag med gyur kyang bsod nams shugs/ /rgyun mi chad par du ma zhig /nam mkha' mnyam ba rab tu 'byung/ /zhes gsungs te/ byang chub sems dpa' i sa la sogs pa dang/ rgyas par mdo sder blta bar bya'o/ /sangs rgyas dang byang chub sems dpa' rnams la ni sems can 'khor ba las gdon pa ma yin pa 'phrin las gzhan mi mnga' ste/ 'phags pa klu sgrub kyi zhal nas/ gzhan don phun sum tshogs pa ni/ /'bras bu'i gtso bo yin par 'dod/ /sangs rgyas mnyes sogs de las gzhan/ /de dag don gyi 'bras bur gzhed ces gsungs pa yin no/ /de bas na sangs rgyas kyi sku dang/ ye shes dang/ yon tan dang/ 'phrin las rnams ni gzhan don 'ba' zhig mdzad pa nyid las grub pa yin no/ /'di ltar bcom ldan 'das shAkya'i mgon pos kyang sngon bskal pa brjed du med pa'i pha rol tu/ de bzhin gshegs pa dgra bcom pa yang dag par rdzogs pa'i sangs rgyas dbang po'i tog ces bya bar sangs rgyas nas/ de ltar sangs rgyas pa dang/ 'phags ba spyan ras gzigs dbang phyug kyang bskal pa grangs med pa'i pha rol tu de bzhin gshegs pa dgra bcom pa yang dag par rdzogs pa'i sangs rgyas chos kyi rgyal mtshan zhes bya bar mngon par rdzogs par sangs rgyas nas de yang bde ba can du bcom ldan 'das snang ba mdza' yas srod la mya ngan las 'das ba'i tho rangs spyan ras gzigs 'tshang rgya bar 'gyur zhes dang/ rje btsun phyag na rdo rje yang sngon bskal pa gang+gA'i klung gi bye ma snyed dgu bcu rtsa gnyis kyi pha rol tu de bzhin gshegs pa ye shes sgron ma zhes bya bar sangs rgyas nas/ de skad bskal pa bzang po 'di nyid kyi rjes la de bzhin gshegs pa rdo rje rtsal gyis 'gro bar 'tshang rgya bar 'gyur ro zhes gsungs so/ /'di ltar 'khor ba la thog ma dang tha ma med pas 'phags pa 'jam dpal la yang thog ma med de/ dang po'i sangs rgyas yin no/ /dus gsum gyi sangs rgyas ma las pa'i thugs ye shes yin no/ /sangs rgyas thams cad rigs drug tu 'dus la/ rigs drug gi thugs kha na rdo rje rnon po la sogs pa ye shes sems dpa' bzhugs pa dang/ dpal gsang ba 'dus pa'i rgyud kyi lha rnams kyi gtso bo 'jam pa'i rdo rje kun tu bzang po dang/ 'jam dpal gshin rje gshed kyi 'khor lo'i gtso bo mdzad pa dang/ dpal rdo rje 'jig byed he ru kar snang ba dang/ dpal bde mchog gi bshad rgyud a b+hi d+ha na'i lha'i 'khor lo'i gtso bo mdzad pa dang/ seng+ge sgra dang/ ku mu ta dang/ khye'u bzang dang/ 'jam dpal tshig bzhin gzhon nu la sogs pa gdul bya ji ltar mos par snang ba yin no/ /da yang shar phyogs su 'tshang rgya bar 'gyur bar 'jam dpal gyi zhing gi bkod pa'i mdo las gsungs so/ /sangs rgyas dang byang chub sems dpa' rnams kyis sems can ma gtang bas 'khor ba ma stongs kyi bar du sku dang gsung dang thugs kyi 'phrin las dang/ 'phrin las nyi shu rtsa bdun dang/ 'phrin las sum cu rtsa lnga dang/ cho 'phrul chen po gsum la sogs pa rgyun mi 'chad pa 'khor nas 'dren pa mdzad kyang 'khor ba'i sems can zad par mi 'gyur te/ 'khor ba la thog mdza' med pa'i phyir ro/ /don 'di gsal bar mdzad pa'i phyir 'phags pa spyan ras gzigs dbang phyug gis sems can rnams 'khor ba nas 'dren pa thugs dam bcas pa las/ sems can gyi khams la gzigs pas dbugs pa'i dus su bcom ldan 'das snang ba mdza' yas dbu la bzhugs pa yin no/ /sangs rgyas dang byang chub sems dpa' thams cad kyis sems can thams cad kyi ched du dka' ba dpag tu med pa sku nyams su bzhes pa yin te/ 'di ltar bcom ldan 'das shAkya thub pas kyang bskal pa grangs med pa gsum du skyes pa'i rabs de dang de dag tu gtong ba dang/ gtong ba chen po dang/ shin tu gtong ba'i sbyin pa dang/ tshul khrims dang/ bzod pa dang/ brtson 'grus dang/ bsam gtan rnams sems can gyi ched du bya dka' ba dpag tu med pa sku nyams su bzhes pa'i phyir ro/ /ba tshwa chu klung gi mdo las ji skad du/ chung ma rnams dang bu tsha rgyal srid dbang phyug chen po pa/ /sha rnams dang ni khrag dang tshil dang lus dang mig /pha rol dga' pa'i dbang du byas nas ngas ni gtang ba yin/ /gang gi sems can rnams la phan na da la mchod mchog yin/ /sems can rnams la gnod pa byas na ngal gnod pa byas/ /zhes bya ba la sogs pa sho lo ka bcu gcig gsungs so/ /dus deng sang yang 'dzam bu'i gling 'dir slob dpon klu sgrub kyi dbu btang ba dang/ slob dpon Arya de bas spyan btang ba dang/ slob dpon mA ti tsiTa rta dbyangs kyi stag mo la sku btang ba dang/ bdag gi bla ma bram ze chen po dze tA ri dgra las rgyal bas stag mo la rkang pa bcag nas byin pas dus de nyid du 'das so/ /skyes bu de dag ni byams pa dang snying rjes rgyud brlan pa'i byang chub kyi sems sbyong bar mdzad pa yin no/ /byang chub sems dpa' rab ni sbyor ba'i lam la byang chub kyi sems gsha' ma skye ste/ ji skad du byang chub sems dpa' i sa las mos pa spyod pa'i sa la chud ba rnams kyi dge ba'i rtsa ba brtan pa gcig la byang chub kyi sems skye'o zhes gsungs so/ /de bas na byang chub sems dpa' gzhan gces par bya dgos pa yin pas na bdag dang gzhan brje bas byang chub kyi sems sbyang bar bya'o/ /bdag sngon so ma spu ri'i nags gseb na 'dug pa na/ 'jig rten dbang phyug gis zhal mngon sum du bstan nas rigs kyi bu myur du 'tshang rgya bar 'gyur ba dang/ gzhan gyi don 'dod na byang chub kyi sems sbyang ba dang/ sbel ba la brtson 'grus gyis shig /ces gsungs nas mi snang bar gyur to/ /yang rdo rje'i gdan la bskor ba byed tsa na/ rje btsun ma sgrol ma dang/ rje btsun ma khro gnyer can gyi zhal nas myur du 'tshang rgya bar 'dod pas byang chub sems la 'bad par bya'o zhes gsungs so/ /yang rdo rje gdan na 'dug pa'i dus su skar khung nas b+ha dan d+ha khyod byang chub kyi sems sbyad bar 'dod na byams pa dang snying rje goms par gyis shig ces gsungs/ yang rje btsun gser gling pa'i zhal nas/ tshe dang ldan pa byams pa dang snying rje las byung ba'i byang chub kyi sems sbyongs shig /de ma sbyangs na b+haM ga la'i rnal 'byor pa ltar mi 'grub bo/ /byang chub kyi sems ni theg pa chen po'i chos ma lus pa'i rtsa par gyur pa/ rgyur gyur pa sa bon du gyur pa yin te/ /dpal rnam par snang mdzad mngon par byang chub pa las/ thams cad mkhyen pa'i rgyu ni byang chub kyi sems so/ /rtsa ba ni snying rje chen po'o zhes gsungs pas sems kyi skad cig re re la dran pa dang shes bzhin gyis byams pa dang snying rje byang chub kyi sems rgyun mi 'chad par bskyed par bya'o/ /rgyud de las 'di skad du gsungs te/ nyams na gsor mi rung ba'i chos bzhi ste/ byang chub kyi sems gtong ba dang/ sems can la gnod pa byed pa dang/ de'i chos spong ba dang/ ser sna byed pa'o/ /de la byang chub kyi sems ma nyams na gsum po gsor rung la/ de nyams na gsum po ma nyams kyang sor mi chud de/ /de bas na skye ba'i rgyu la mkhas par bya/ gzung ba dang bsgrub pa dang/ /sbyang ba dang sbel ba la shin tu bstan par bya'o/ /'di'i don rgyas par 'phags pa byams pa 'jug pa'i mdo dang klu'i rgyal po rgya mtshos zhus pa dang/ bsod nams thams cad bsdud ba'i mdo dang/ nam mkha' mdzod kyis zhus pa la sogs pa'i mdo las blta bar bya'o/ /dang po khas blangs pa'i tshul khrims gsum po mig gis 'bras bu bzhin du srungs shig / tshul khrims g.yag gi rnga ma bzhin bsrungs shig /rgyu dang 'bras bu shes nas de chung gsan par mi bya nges par myur du 'chi bar 'gyur te/ 'dzam+bu gling ba'i tshe la nges pa med pa dang/ da lta tshe'i snyigs ma yin pas yun ring du gnas pa'i mthu med de/ 'chi ba rjes su dran par bya/ phyi nang thams cad mi rtag pa gsum gyis zin pas nges par myur du med par 'gyur ro snyam pa dang/ sdig pa dang ltung ba thams cad stobs bzhis sbyang bar bya ba dang/ gzhan yang byang chub kyi sems bskyed na 'dag ste/ nyan thos rnams kyang snod las log /theg pa che la zhugs pa yis/ /sems can rnams bu bzhin byams/ /byams dang snying rje bskyed pa yis/ /sngar byas nyes pa de yis 'dag ces slob dpon klu sgrub kyis gsungs so/ /gzungs khyad par can bzlas pa dang/ ltung bshags dang/ las kyi sgrib pa rgyun gcod pa dang/ phung po gsum pa'i mdo la sogs pas 'dag go /ltung ba dang sdig pa nyid ma skyes par shes nas 'dag par mdo las gsungs/ chos thams cad mnyam pa nyid du shes nas 'dag pas mnyam par lta dgos te/ sems can la brten nas sangs rgyas 'byung bas sems can gtso bor bya'o/ /dbu ma rtog ge 'bar ba las 'di skad du/ 'bras bu la re ba'i zhags pas bcings pa rnams ni sbyin pa'i zhing 'dam par byed cing tshol te/ gzhan dag bkres pa dang skom pa la sogs sdug bsngal zhi bar bya ba'i phyir snod ma brtsis par byin nas chos mnyam pa nyid rtogs par 'gyur te/ ji skad du mdo las gzhan du chos gcig gis byang chub sems dpa' myur du mngon par rdzogs par 'tshang rgya ste/ sems can thams cad la sems mnyam zhing snyoms la bye brag mi phyed pa'o/ /dkon mchog gsum ni bdag gi yon tan gyi zhing yin gyi dud 'gro la sogs pa ni ma yin no snyam na byang chub sems dpa' des chos nyid mnyam pa nyid du rtogs par mi 'gyur ro/ /de bas na dkon mchog gsum dang bla ma ni sbyin gnas kyi zhing bzang po yin la dud 'gro la sogs pa ni ma yin te/ zhing tshwa sgo can la sa bon btab pa dang 'dra'o/ /zhes sems na byang chub sems dpa' i chos su mi 'gyur ro zhes gsungs pas byang chub sems dpa' lhag pa'i bsam pa brtan pa/ snying rjes rgyun brlan pa rnams kyis sbyin pa'i zhing dam par mi bya zhes rtog ge 'bar bar gsungs so/ /slob dpon 'phags pa klu sgrub kyis ba tshwa chu klung nas byung ba'i sems can mgu bar bya ba'i tshigs su bcad par yang gsungs so/ /theg pa chen po'i mdo sde gzhan las kyang gsungs so/ /rgyal po ain+d+ra b+hu ti'i zhal nas/ lus can kun la mnyam nyid kyis/ /yang dag sems ni bskyed par bya/ /gang yang mi mnyam nyid gnas na/ /thog ma dbus mdza' las grol ba'i/ /ye shes de ni skye mi 'gyur/ /zhes gsungs so/ /dbang po rtul po las dang po pa gsar bu blo ma sbyangs pa snying rje ma goms pa snying rje chung ba rnams kyis ni zhing dam par bya ste/ mdo sde dang/ rgyud sde dang/ chos bshad pa brgya pa las 'gyur gsungs so/ /las dang po pa des mnyam par ma gzhag pa na spyod lam thams cad dran pa dang shes bzhin gyis zin par bya/ tha mal pa'i skye bo dang se gol gtogs pa tsam yang lhan cig tu gnas par mi bya bre mo'i gtam yang spang/ yi dwags la rgyun tu gtor ma btang/ shes rab kyi pha rol tu phyin pa klag pa dang/ kha ton bya/ mngon par shes pa ma thob kyi bar du chos bshad pa mi bya/ stong par gnas dang sems can yongs su mi gtong dang/ /ji skad smras bzhin byed dang bde gshegs byin brlabs can zhes pa'i yon tan de lta bu dang ldan par bya// rmi lam gyi sems kyi gnas skabs na yang snying rje ma bral bar bya/ 'phral gyi spyod lam thams cad 'phags pa dkon mchog sprin? las gsungs pa bzhin bya/ ci nas kyang pha rol mgu par bya/ 'dod pa chung ba dang chog shes pa dang/ zhi ba dang dul bar bya/ 'jig rten gyi chos brgyad mgo mnan par bya/ dge ba bcu stobs dang ldan par bya/ dngos po thams cad la chags pa dang/ zhen pa chung bar bya/ chos thams cad mnyam pa nyid dang/ nyon mongs pa dang nye ba'i nyon mongs pa'i gnyen por 'gyur bar bya/ pha rol sdug bsngal ba mthong na de rab tu byung ba yin na 'tsho ba'i yo byad ma yin pa gtang bar bya/ khyim pa yin na yo byad la chags pa med par gtang bar bya/ bdag gi lus dang longs spyod dang/ dus gsum dge pa skyes pa rnams/ /sems can kun gyi longs spyod phyir/ /'phangs pa med par btang bar bya/ /bla ma rje btsun a ba d+hU ti pa'i zhal nas/ rang skyon rtog la mig rnon bzhin/ /gzhan skyon rtog la long ba bzhin/ /drang dang nga rgyal med pa dang/ /rtag tu stong nyid bsgom par bya/ /snying rje dngos dang brgyud pa yis/ /bdag dang gzhan rnams brje bar bya/ /gang phyir rang bas sems can gces zhes bla ma na ro pa'i zhal nas gsungs skad/ byang chub sems dpa' rang bas gzhan gces par bya dgos pas bdag dang gzhan brje bar bya'o/ /byams pa dang snying rje byang chub kyi sems ni gsang sngags kyi yang gnad yin te rtsa ba'i ltung ba bcu bzhi pa las/ sems can rnams la byams pa spong/ /bzhi pa yin par rgyal bas gsungs/ /chos kyi rtsa ba byang chub sems/ /de spong ba ni lnga pa yin/ /zhes gsungs so/ /gzhan mi smong pa dang/ gzhan gyi sdig rkyen mi bya bar dpag tshad brgyad 'gro bar bya'o/ /rab tu byung ba'i byang chub sems dpa' yis/ / gang na rtsod yod pa yi sa phyogs nas/ /dpag tshad brgya yi pha rol 'gro bar bya/ /gal te ma byon byang chub sems dpa' nyams zhes gsungs so/ /pha rol tu phyin pa drug ci nus kyis spyad/ /tshogs lam gyi chos bcu gsum dang/ 'phags pa'i nor bdun dang rjes su dran pa drug dang/ bsdu ba'i dngos po bzhi dang/ skyes bu dam pa'i rnam par rtog pa bcu drug dran par bya'o/ /khyad par du byang chub sems dpa' i rnam par rtog pa brgyad dran par bya'o/ /'phags pa klu sgrub kyi zhal nas 'khor ba'i nyes dmigs bdun gsungs pa dang/ 'phags pa thogs med kyis 'khor ba'i nyes dmigs mi rtag pa bdun gsungs pa yang dran par bya'o/ /'dod yon lnga'i nyes dmigs shes par bya zhing gnyen po bsten/ chos ma yin pa ci yang mi bya/ byams pa dang snying rje rjes su dran pa dngos dang brgyud pa'i sems can gyi don bya/ e ma'o nam zhig na 'di rnams 'khor ba nas thon par bya/ kyi hud 'di rnams ji ltar byas na snyam pa yang dang yang du dran par bya'o/ /sangs rgyas theg pa 'di la nges par 'byung 'dod gang/ sems can kun la sems snyoms pha ma'i 'du shes dang/ phan pa'i sems dang byams pa'i yid kyis gnas par bya/ tha ba med cing drang la tshig 'jam smra bar bya/ /zhes gsungs pa ltar bya/ dge ba phra mo yang myur du ma bsngos na sogs ma med dang 'phrog gnas kyi gtam brgyud dang 'dra'o/ /de ltar gus pa dang yun ring ba dang rgyun mi 'chad par byang chub sems dpa' des mnyam par ma gzhag pa'i dus su yang ji skad bshad pa'i chos de rnams nyams su blangs nas/ nyams par gzhag pa'i dus su sngar bshad pa'i nam mkha' i rdo rje'i ting nge 'dzin bsgoms zhing don dam pa byang chub kyi sems cung zhig gsal ba dang rang gi lus yod par mi tshor ba dang/ nyon mongs rnams kyang cung zad zhi ba dang/ 'jig rten pa'i bya ba dang tha snyad rnams 'ol phyir brjod pa dang/ phyi nang gi dngos po kun yang ban bun dang lang long du mthong ba dang/ gzugs phra ba dang/ rig pa yang ba dang/ khyab pa dang/ 'jam pa dang/ yang ba dang/ dga' ba dang/ nyams bde ba 'byung ngo/ /gzhan yang 'phags pa srung? pa las gsungs pa'i rtags kyang skye ste/ tha dad 'du shes bral zhing rig pa ldan tshig smra zhes pa la sogs pa'i tshig rkang pa nyi shu rtsa bzhi gsungs so/ /dran pa nye bar gzhag pa bzhi dang/ yang dag par spong pa gzhi dang/ rdzu 'phrul gyi nang pa bzhi dang/ dad pa dang/ brtson 'grus dang/ dran pa dang/ ting nge 'dzin dang/ shes rab rnams sgom pas tshogs kyi lam la gnas pa dang/ las dang po pa'i sa dang/ dad pa'i sa la gnas pa dang/ thar pa'i che dang mthun pa'i dge ba'i rtsa ba rnams bskyed pa yin no/ /de nas ngas par byed pa'i cha dang mthun pa'i dge ba rnams bskyed par bya ba'i phyir ji skad bshad pa bzhin du gus pa dang/ yun ring ba dang/ rgyun mi 'chad par 'bad pa dang/ rim gyis dbang po lnga dang/ stobs lnga dang/ snang ba thob pa dang/ snang ba mched pa dang/ de kho na'i don la phyogs gcig tu zhugs pa dang/ bar chad med pa'i ting nge 'dzin thob pa dang/ don dam pa'i bden pa rtogs par gyur nas sa dang po rab tu dga' ba thob pa yin no /dus der bzod pa bzhi dang/ mnyam pa nyid bzhi yang skye'o/ /de nas pha rol tu phyin pa bcu rdzogs pa dang/ dbang bcu dang/ snang ba brgyad dang/ rgyan bzhi dang/ snying rje bcu drug la sogs pa thob pa yin te/ sa'i rnam par gzhag pa ni mdo sde sa bcu par gsungs so/ /ji ltar sa bcu'i bar du mnyam par gzhag pa dang/ de'i rjes la thob pa yin te ji skad du/ 'phags pa rnam par mi rtog pa la 'jug pa'i gzungs las byang chub sems dpa' de nang du mnyam par gzhag pa na chos thams cad nam mkha' i dkyil ltar mthong la/ de'i rjes las thob pa na sgyu ma'i dpe brgyad kyis tshul bzhin du mthong ngo zhes gsal por gsungs so/ /gang gi tshe rnam par rtog pa mthar thug pa rdo rje lta bu'i ting nge 'dzin brnyes pa na rjes lam thob pa yang mi mnga' ste/ chos kyi dbyings su gyur nas chos sku mngon sum du bsnyes so/ /dus de nas bzung nas ji srid nam mkha' gnas skyi bar du chos kyi sku gzhugs pas rjes las thob pa yang mi mnga' gang gis nga la gzugs su mthong/ /gang gis nga la sgrar shes pa/ /log pa'i lam du zhugs pas na/ /skye bo de yis nga mi mthong/ /sangs rgyas rnams ni chos kyi sku/ /'dren pa rnams ni chos kyis gzigs/ /zhes gsungs pa dang/ dpal rdo rje phreng ba'i rgyud las/ thams cad rnam shes phung por zhugs/ /rnam shes de yang 'od gsal pa'o/ /mya ngan 'das dang kun stong dang/ chos kyi sku yang gsungs pa yin zhes gsungs pa dag 'phags pa chos yang dag par sdud pa las kyang/ sangs rgyas dngos ni skye ba med pa'o zhes dang 'phags pa 'jig rten las 'das pa'i le'u las kyang/ sangs rgyas rnams ni chos kyi sku/ /rnam dag nam mkha' lta bu yin zhes dang/ phyogs kyi glang po'i zhal snga nas kyang/ shes rab pha rol phyin gnyis med/ /ye shes de ni de bzhin gshegs zhes dang/ slob dpon nyid kyi zhal snga nas kyang/ nam mkha' bzhin du gos pa med/ /spros pa med cing mi 'gyur pa'i/ /ngo bo gang yin mthong pa ni/ /de yis de bzhin gshegs pa mthong/ /'phags pa yon tan rdzogs khyod dang/ 'gro ba'i bla ma sangs rgyas la/ /zla ba dang ni 'od zer bzhin/ /mkhas pa rnams kyis dbye ma mthong zhes pa dang/ yang slob dpon nyid kyi zhal snga nas/ dge chos kun la mi gnas par/ /chos kyi dbyings kyi dngos gyur cing/ /mchog tu zab pa'i brnyes pa yi/ /zab mo khyod la phyag 'tshal lo/ /zhes pa dang/ yang chos kyi dbyings dang sangs rgyas rnams/ /des na don du tha mi dad ces dang/ yang skye ba med pa'i ngo bo yis/ /khyod la skye ba yod mi mnga' / /mgon po gshegs dang bzhugs mi mnga' / /dngos mi mnga' la phyag 'tshal lo zhes pa dang/ yang sangs rgyas rnams ni dus rtag tu/ /chos nyid 'di lta bu la bzhugs/ /zhes pa la sogs pa mang du gsungs te/ re zhig bzhag go /rje btsun Arya de ba'i zhal snga nas/ re zhig dngos? 'di nam mkha' i nags 'tshal las/ /skyes pa'i pad+ma bzhin du dngos med de/ /gnyis ka dag las gzhan pa'ang ri bong rwa bzhin no/ /thar ba'i rnam pa ci 'dra ba zhig yod ces pa dang/ dpal ye shes rdo rje kun la btus pa'i rgyud las kyang/ sangs rgyas rnams kyang gang gi tshe gzhan gyi don mi mdzad pa de'i tshe yang dag pa'i mdza' la gnas spros pa thams cad nye bar zhi nas bzhugs so zhes gsungs pa dang/ slob dpon 'phags pa thogs med kyi zhal snga nas kyang/ 'di ltar sems can thams cad mngon par rdzogs par sangs rgyas nas chos kyi skur gyur pa de'i tshe sangs rgyas ma lus pa thams cad chos kyi dbyings rnam par dag pa nyid du gyur nas de'i rang nyid du bzhugs so/ /zhes bsdu ba gtan la dbab par gsungs pas/ slob dpon 'di yang dag par na gnyis su med pa'i ye shes kyang mi bzhed la/ rnam par mi rtog pa'i ye shes kyi rjes la thob pa yang mi bzhed de/ sa gsum pa'i dbang phyug brnyes pas chos thams cad skye ba med par thugs su chud pa'i phyir ro/ / don 'di las dgongs nas rdo rje phreng ba'i rgyud las/ 'di ni don dam bden pa ste/ /snang ba med cing mtshan ma med/ /don dam bden pa zhes kyang bya/ /sangs rgyas kun gyi bzhugs gnas yin/ /zhes gsungs so/ /slob dpon zla grags kyi zhal snga nas kyang/ chos nyid skye ba med pa ni/ /thub gnas sangs rgyas yin par gsungs/ /zhes gsungs so/ /thog ma med pa nas dngos po la mngon par zhen pas bden pa gnyis kyi tshul mi shes pa dag na re khyed dbu ma pa ltar gyur na sangs rgyas rnams kyis bskal pa grangs med pa mang por byang chub sems dpar gyur pa na bya dka' ba dpag tu med pa mdzad pa dang/ bsod nams kyi tshogs grangs med pa bsags pa la don med cing chos dang dge 'dun yang med par 'gyur ro/ /sems can rnams 'khor pa nas 'don par byed pa med pas sdig pa can gyi lta ba de thag bsrings la bzhag go / 'di ni dkar po'i chos kyi lo rtog gi ser ba phyi rol pa chad par smra ba pas 'di lhag pas 'di lta bu 'di sba zhing gsang bar rigs so/ /dbu ma pas smras pa/ khyod ni blo gros ma sbyangs shing blun pa ste/ mdo sde sprin chen po dang/ langkar gshegs pa dang/ rnga bo che'i le'u dang/ 'jam dpal rtsa ba'i rgyud chen po rnams su yang dang yang du lung bstan pa'i 'phags pa klu sgrub kyi gzhung la skur pa 'debs pa de dag ni rang phung bar byed do/ /de'i bzhed pa'i gzhung gis sangs rgyas rnams chos skur gyur cing/ de'i ye shes kyang rtog pa thams cad spangs nas chos kyi dbyings su gyur pas des na dbyings dang ye shes dang/ yul dang yul can med pas rnam par mi rtog pa'i ye shes bya ba de ji lta bu zhig yod/ slob dpon gyi zhal nas kyang/ gang phyir 'das pa med pas na/ /de phyir ma 'ongs pa yang med/ /gnas ni yongs su gyur pa'i phyir/ /da ltar byung ba gang na gnas zhes dang/ mnyam par gzhag dang ma gzhag pa/ /gang la 'di dag thams cad med/ /dngos dang dngos med rnam spangs pa/ /zung 'jug yin par ston pas gsungs/ /zhes gsungs pas rnam par mi rtog pa'i ye shes mi bzhed do/ /dus de'i tshe rnam par mi rtog pa'i ye shes med pas spros pa ma lus ba zhi ba yin pas rjes las thob pa'i ye shes bya ba ji lta bu zhig yod par 'gyur te med do/ /'phags pa langkar gshegs pa las/ /'khrul pa thams cad sangs nas kyang/ /gal te 'khrul pa snar gyur na/ /de ni 'khrul pa yang dag ste/ /rab rib yongs su ma dag bzhin/ /zhes gsungs te/ de la rab rib ni gsum ste/ mi mkhas pa rab rib can dang/ mkhas pa rab rib can dang/ mkhas pa rab rib dangs pa'o/ /sangs rgyas rnams ni rab rib dangs pa yin pas/ slar yang rab rib snang bar mi 'gyur ro/ /'o na sangs rgyas la sku dang ye shes dang yon tan dang phrin las kyang mi mnga' 'am/ zhe na smras pa/ rgyu gsum dang rkyen gcig gis gdul bya'i ngo gang la snang pa ste/ gdul bya'i dbye bas sku yang sna tshogs su snang ngo/ /ye shes kyang rang 'byung gi ye shes chen po yin te/ bla ma a ba d+hU? ti pa dang/ bla ma taM mra dwi pa'i zhal nas/ ye shes chos kyi dbyings dang tha mi dad/ /chos kyi dbyings la rang 'byung ye shes btags/ /bsam du med cing tshig gi spros dang bral/ /gdul bya'i ngo gang de nyid rnam lngar gsungs/ /zhes slob dpon klu sgrub kyis gsungs zhes gsungs so/ /de bzhin du stobs bcu la sogs pa dang/ cho 'phrul gsum dang phrin las nyi shu rtsa lnga dang/ phrin las sum cu rtsa gnyis rnams gdul bya'i ngo? gang la snang ngo/ /de bas na slob dpon gyi zhal snga nas/ mgon po sems pa mi mnga' zhing/ /rnam rtog g.yo ba mi mnga' yang/ /khyod nyid dang gis sems can la/ /sangs rgyas phrin las mdzad par 'gyur/ /yang/ rnam rtog rlung dmar thams cad kyis/ /dpag pas shing ltar mi skyod kyang/ /de yang sems can thams cad kyis/ /bsam pa yongs su rdzogs par mdzad/ /yang/ mgon khyod sems can 'du shes kyi/ /'jug pa kun tu mi mnga' yang/ /sdug bsngal can gyi sems can la/ /snying rje phan stongs mdzad pa khyod/ /yang/ gzhan don phun sum tshogs pa ni/ /'bras bu'i gtso bo yin par bzhed/ /sangs rgyas nyid sogs de las gzhan/ /de dag zhar la 'byung bar bzhed/ /ces gsungs so/ /yang slob dpon Arya de ba'i zhal nas bskal pa grangs med mang po ru/ /rtag tu gzhan don 'ba' zhig mdzad/ /mthar thug chos sku brnyes pa na/ /ji srid 'gro ba gnas don du/ /mya ngan mi 'da' gzhan don mdzad/ /de'i phyir byang chub sems dpa' yis/ /gzhan don ma yin spyad mi bya/ /rang don tsam la 'bad pa ni/ /'gro ba lnga po thams cad spyod/ /rtag tu snying rje gzhan gyi don/ /nyams su len pa'i skyes mchog ni/ /'gro ba'i pha ma dga' dga' na/ /zhes gsungs so/ /sku gsum rnam par gzhag pa ni/ /slob dpon gyi zhal snga nas/ /gzhan du gsungs pas 'dir bzhag go / de ltar chos kyi sku'i byin rlabs las/ /rgyu gsum dang rkyen gcig gis gzugs kyi sku dang zab pa dang rgya che ba'i chos ston te/ sku'i phrin las 'khor ba ma stongs gyi bar du 'byung ngo/ /don 'di la dgongs nas rgyud las/ /bsam pa tha dad mos pa du ma yi/ /sems can dbang gis khyad par mang po 'khrungs/ /gcig na chu yi snod ni du ma ru/ /zla ba'i gzugs brnyan shar ba dag dang mtshungs/ /zhes gsungs pa dang/ rje btsun Arya de ba'i zhal snga nas kyang/ nor bu shaM ka shi la byu ru dang/ /bai DUrya dang zangs kyi snod rnams bkod pa las/ /de la zla ba gcig ni nam mkha' i dkyil nas ni/ /yongs su gyur nas gzugs ni so sor tha dad snang ba ltar/ /de bzhin mgon po de nyid thugs rdo rje/ /'gro ba'i tshogs su sna tshogs nyid du khyad nas bzhugs/ /zhes gsungs so/ /bsod nams chung ba dbang po dman pa rnams la sku yi mi snang ngo/ /mdo sde'i rgyan las ji skad du/ /ji ltar snod chags gyur pa las/ /zla ba'i gzugs brnyan mi snang zhing/ /de bzhin sems can ngan pa la/ /sangs rgyas gzugs kyang mi snang ngo/ /zhes gsungs so/ /de bzhin du gsung de yang gdul bya'i snod dang sbyar nas 'byung ste/ sangs rgyas rnams kyi gdul bya la/ /ji ltar mos pa'i chos gsungs te/ /kha cig la ni sdig pa las/ rnam par zlog pa'i chos gsungs so/ /kha cig na ni rgyu 'bras gnyis/ /chud mi gsan zhes chos gsung ste/ /kha cig la ni bden pa gnyis/ /rnam par dbye ba'i chos gsungs so/ /zab mo khu 'khrig can rnams la/ /stong nyid snying rje'i snying po can/ /ji ltar mos pa'i chos gsungs so/ /zhes slob dpon klu sgrub kyis gsungs pa dang/ yang snod ma dag la mi snang ste/ /tshangs pas gsol ba btab pa na/ /zab mo chags bral bdud rtsi 'dus ma byas/ /bdud rtsi lta bu'i chos gcig bdag gis rnyed/ /su la bstan kyang go bar ma gyur te/ bdag nyid gcig pu nags su bsgom par bya zhes gsungs so/ /slob dpon gyi zhal snga nas kyang/ gang phyir de ltar zab mo'i chos/ /snod min 'gro la mi snang bas/ /de yi phyir na mkhas rnams kyis/ /sangs rgyas thams cad mkhyen par shes zhes gsungs so/ /de'i phyir don 'di 'phags pa gsang ba bsam gyi mi khyab par gsungs so/ /de'i phyir 'phags pa klu sgrub kyi rjes su 'brang ba'i dbu ma la skyon ci yang med do/ /gang dag gzhung 'di la skur pa 'debs pa de dag ni zab cing rgya che ba'i chos spangs pa'i sems can dmyal ba'i sdug bsngal yun ring por myong bar 'gyur ro/ /sngon gyi slob dpon rnams kyi phyogs re re mdzad de/ slob dpon phyogs kyi glang po dang/ d+harma kIrti la sogs pas tshad ma'i gzhung rgyas par mdzad do/ slob dpon chos skyob dang/ slob dpon sangs rgyas lha dang/ dbyig bshes dang/ dbyangs sgrogs dang/ yid 'ong la sogs nyan thos bye brag tu smra ba'i lung rgyas par mdzad de/ /slob dpon dge bsrungs dang/ chos mchog dang/ dbyig gnyen snga ma la sogs pas nyan thos mdo sde pa'i gzhung rgyas par mdzad do/ /slob dpon thogs med dang/ dbyig gnyen dang/ blo brtan dang/ shes rab 'byung gnas spas pa dang/ ka lingka dang/ lha dbang blo dang/ dge bsnyen btsun pa ngo bo nyid med pa la sogs pas ni rnam bcas rnams med kyi gzhung rgyas par mdzad do/ /slob dpon b+ha bya dang/ bu d+hA pA li ta dang/ de ba shar ma dang/ spyan ras gzigs brtul zhugs dang/ shAn+ta rak+Shi ta dang/ ka ma la shI la la sogs pas ni dbu ma'i gzhung rgyas par mdzad do/ /slob dpon tsan+d+ra go mi dang/ slob dpon dpa' bo dang/ slob dpon rgya mtsho sprin dang/ slob dpon shAn+ta de ba dang/ slob dpon lun+ta ka la sogs pas sems bskyed ma thag pa las dang po pa'i phyir tshad med pa bzhi dang/ bsdu ba'i dngos po bzhi dang/ pha rol tu phyin pa la sogs pa'i ji ltar nyams su blang ba'i spyod pa rgya chen po'i gzhung rgyas par mdzad do/ /slob dpon 'phags pa klu sgrub dang/ slob dpon Arya de ba dang/ slob dpon mA tri tsi tra dang/ slob dpon kampa la dang/ slob dpon zla ba grags pa dang/ slob dpon lnga pos mdzad pa'i dbu ma'i gzhung de dag ni dbu ma'i gzhung thams cad kyi phyi mo yin no/ /dbu ma'i gzhung thams cad kyi rtsa ba yin pas 'gran zla med pa yin no/ /'di ltar bka' gsang sngags kyi gzhung yang slob dpon sangs rgyas gsang ba dang/ slob dpon shAkya bshes gnyen dang/ slob dpon shes rab grub pa dang/ slob dpon kun dga' snying po la sogs pa ni rnal 'byor gyi rgyud dang/ bya ba'i rgyud kyi don gsal bar mdzad do/ /slob dpon ain+d+ra b+hU ti dang/ slob dpon sangs rgyas ye shes zhabs la sogs pas dpal gsang ba 'dus pa'i rgyud kyi don 'ba' zhig gsal bar byas so/ /slob dpon tsarya pa dang/ slob dpon rdo rje dril bu dang/ slob dpon lU ai pa la sogs pas dpal bde mchog gi rgyud kyi don gsal bar mdzad do/ /slob dpon DoM b+hi he ru ka dang/ sa ra rU pa la sogs pas dpal he badzra'i rgyud kyi don tsam gsal bar mdzad do/ /slob dpon ku ku ri pa dang/ chos kyi zhabs la sogs pas ni dpal mahA mA ya'i don gsal bar mdzad do/ /slob dpon gyi zhal snga nas/ skye bo ma lus pa la 'di bka' drin che ba yin te/ tha mal pa la shin tu phan gdags pa'i phyir rten 'brel gyi rtsis dang mo'i rnam pa mdzad do/ /slon po rnams la phan gdags pa'i phyir shes rab brgya pa dang/ brtag pa bcu gnyis pa la sogs pa mdzad do/ /rgyal po rnams kyi phyir bshes pa'i springs yig dang/ rin po che'i phreng ba mdzad do/ /'khor rnam bzhir gtogs pa bsod nams kyi phyir spos sbyor che chung la sogs pa mdzad do/ /sman pa rnams kyi phyir sbyor pa brgya pa mdzad do/ /sbyor ba sum cu rtsa gnyis pa dang/ nyi shu pa dang/ bdud rtsi'i snying thigs dang/ 'tsho ba'i mdo la sogs pa mdzad do/ /theg pa chen po la zhugs pa rnams kyi phyad du sems skyed pa'i cho ga dang/ byang chub sems dpa' i spyod pa gsal ba dang/ mdo kun las btus pa la sogs pa mdzad do/ /yang de dag gi thog tu dbu ma rtsa ba'i shes rab dang/ de las 'phros pa rtsod pa zlog pa dang/ stong pa nyid bdun cu pa mdzad do/ /de'i yan lag tu rig pa drug cu pa dang/ theg pa chen po nyi shu pa dang/ srid pa 'pho ba dang/ bsgom pa'i rim pa dang/ rnam par 'thag pa dang/ tshig brgya pa dang/ byang chub kyi sems kyi rnam par bshad pa dang/ chos kyi dbyings su bstod pa dang/ don dam par bstod pa dang/ rnam par mi rtog par bstod pa dang/ bsam gyi mi khyab par bstod pa dang/ 'jig rten las 'das par bstod pa dang/ sems kyi rdo rje'i bstod pa dang/ sA lu ljang pa'i 'brel pa dang/ rten cing 'brel par 'byung ba rtsa 'grel dang bcas pa dang/ de bzhin du dbang po rnon po'i yang rnon po theg pa chen po gsang sngags kyi snod du gyur pa rnams la dpal gsang ba 'dus pa'i rgyud kyi don dpal gsang ba 'dus pa'i dkyil 'khor du dbang bskur ba'i cho ga dang/ cho ga nyi shu pa dang/ piN+Di krita dang/ mdo dang bsres pa dang/ dpal rim pa lnga pa mdzad do/ /dpal rdo rje gdan bzhi'i rgyud chen po'i DI ka mdzad do/ /mtshan yang dag par brjod pa'i 'grel pa dang/ rje btsun kha sarba NA'i sgrub thabs dang/ yi ge drug pa dang/ a ra pa tsa na dang/ dag gi dbang phyug dang/ tshig bzhin gzhon nu la sogs pa'i sgrub thabs mang du mdzad do/ /dam tshig gsum bkod pa'i cho ga dang/ dpa' bo gcig sgrub dang/ de'i man ngag 'dod 'jo'i ba mo dang/ gtor ma sum cu pa dang/ sangs rgyas mnyam sbyor gyi rdzogs pa'i rim pa'i man ngag chen po la sogs pa mang du mdzad do/ /skyes bu dam pa de sangs rgyas dngos yin pas des mdzad pa'i gzhung dag la yid brtan par bya'o/ /de ci'i phyir zhe na/ mdo sde sprin chen po las/ lha'i bu dag li tsa byi gzhon nu sems can thams cad kyis mthong na dga' ba 'di sngon bskal pa dpag tu med pa'i pha rol tu de bzhin gshegs pa klu rigs sgron ma 'jig rten du byung ba'i tshe 'khor los bsgyur ba'i rgyal po brtson 'grus chen po'i klu bstan pa 'dzin pa/ blon po dam pa'i chos kyi mdzod 'dzin pa rgyal po dang blon po gnyis ring bsrel yod pa dang med pa'i rtsod pa byas pa dang/ rgyal po'i legs par bshad pas dus de'i 'khor ngo mtshar skyes nas/ bcom ldan 'das de la zhus pas rgyal po de zab mo mkhas pa lags so zhes zhus pas/ /bcom ldan 'das des rgyal po'i yon tan rgyas par bshad de mdo sder blta'o/ /de nas rgyal po 'khor dang bcas pas sangs rgyas la rin po che spar gang gtor nas smon lam btab pa ma 'ongs pa'i dus na sangs rgyas shAkya thub pa'i bstan pa nub du tsha ba'i che/ der bdag rab tu byung nas chos kyi mjug la bab pa na sgra chen po lan gsum bsgrags la chos gos gyon pa tsam skra gregs tsam yul nas skrad la/ dam pa'i chos phyung ste/ dam pa'i chos kyi phyir bdag gi srog gtong bar gyur cig ces smon lam btab bo/ /de'i rjes la blon po dang btsun mos kyang smon lam btab bo/ /lha'i bu ngag nga 'das nas lo brgya phrag mang po 'das nas lho phyogs kyi rgyud du li khar gyi rgyal po bde spyod bzang po zhes bya ba 'byung ste/ de'i tshe lo brgya na dam pa'i chos nub par 'gyur ba'i lhag ma tsam lus pa na nga'i nyan thos 'byung bar 'gyur/ dam pa'i chos 'byin par 'gyur/ dam pa'i chos kyi 'khor lo bskor bar 'gyur/ theg pa chen po gzhan la rgyas par ston par 'gyur ro zhes gsungs pa dang/ yang dge slong de lung ston pa nyon cig / de ni nga la dben pa dang/ nga'i stan pa rgyas par byed pa dang/ khur chen po khyer pa dang/ nga'i shAkya'i gzhon nu yin te/ nga 'das pa'i 'og tu lho phyogs kyi rgyud du drang srong byi'o zhes bya ba'i yul 'khor du bsod nams ldan gyi grong khyer chen po'i byang phyogs su skye bar 'gyur ro/ /rigs chen po rnam par dag pa b+h+ra go can de ni shAkya'i rigs yin no/ /li tsa byi gzhon nu sems can thams cad kyis mthong na dga' ba 'di nga'i chos rgyas par bya ba'i phyir byang chub sems dpa' mi'i mchog 'di de rigs chen po rgyal rigs su skye bar 'gyur te/ de'i nye du 'brel pa thams cad de'i ming las 'dogs so/ /de rab tu byung na de'i 'khor rnams kyang dam pa'i chos kyi phyir srog gtang nas chos bsrung ngo/ /yang de'i rjes la 'di skad du de'i gzhungs la mos pa ni nyung ste/ phal cher mi mos so/ /chos bzhi dang ldan na de la mos shing yis ches par 'gyur ro/ /sangs rgyas snga ma dag la de'i gzhung thos shing mos pa dang/ dge ba'i bshes gnyen gyis zin pa dang/ lhag pa'i bsam pa la zhugs shing dge ba'i rtsa ba brtan pa dang/ rgya chen po la mos pa'o/ /de la mi mos shing yid mi ches pa thams cad ni bdud kyis byin gyis brlabs pa'i gti mug can yin no/ /de la mos shing yid ches pa dag ni sangs rgyas kyi thugs la dgongs so/ /de la bsnyen bkur byas na dus gsum gyi sangs rgyas thams cad la bsnyen bkur byas pa yin no/ /de'i bka' mnyan na dus gsum gyi sangs rgyas thams cad kyi bka' mnyan pa yin no/ yang de'i rjes la de 'chi ba'i dus byas pa na nga'i dam pa'i chos nub pa yin no/ /de dang 'dra ba'i gang zag med de ye mi srid do/ /yang gtam mang po'i rjes la de'i phyogs byed pa dang/ de'i gzhung rgyas par byed pa dang/ de'i 'khor dang/ de'i gzhung 'dzin pa dag ni/ sangs rgyas pa na de'i 'khor gyi gtso bor 'gyur ro/ /bskal pa bzang po 'di'i rjes la bskal pa drug cu rtsa gnyis su sangs rgyas mi 'byung ngo/ /de'i rjes la sangs rgyas bdun 'byung ngo/ /de'i rjes la 'jig rten gyi khams mngon par dang pa'i 'od ces bya bar/ de bzhin gshegs pa dgra bcom pa yang dag par rdzogs pa'i sangs rgyas ye shes 'byung gnas 'od ces bya bar/ mngon par rdzogs par 'tshang rgya bar 'gyur ro zhes bya ba la sogs pa gzhung mang du gsungs so/ /'dir che long tsam bris so/ /gzhan yang 'phags pa 'jam dpal yas rtsa ba'i rgyud las/ dge slong klu sgrub ces pa 'byung/ /rang bzhin med don de nyid rig /rma bya zhes bya'i gzungs bsgrubs nas/ /lo ni drug brgyad ga tu 'tsho zhes pa la sogs pa mang du gsungs so/ /'phags pa langkar gshegs pa las kyang/ blo gros chen po khyod shes byas so/ /lho phyogs be ta'i yul du ni/ /dge slong dpal ldan cher grags pa/ /de ming klu zhes bod pa ste zhes pa nas/ rab tu dga' ba'i sa bsgrubs nas/ /bde ba can du de 'gro'o zhes gsungs pa dang/ 'phags pa rnga bo che'i le'ur yang lung bstan pa yin no/ /'phags pa gser 'od dam pa'i mdor lung bstan pa'i tshig ni med kyi/ sangs rgyas kyi ring bsrel la bram ze ko'u di n+ya ya dang/ li tsa byi 'jig rten thams cad kyis mthong na dga' ba 'di brtsod pa mdzad pa yin no/ /gzhan yang slob dpon zla ba grags pa'i zhal snga nas kyang/ de ltar slob dpon chen po 'phags pa klu sgrub kyi zhal snga nas kyi nyid kyis don rjes su brnyes nas/ so sor rig pa rdo rje 'dzin chen po'i ting nge 'dzin 'jig rten pa rnams la bstan nas/ lha dang mi'i bde ba las 'das shing mu stegs pa dang/ nyan thos dang rang sangs rgyas rnams kyi bsam gtan dang snyoms par 'jug pa'i bde ba las kyang 'das nas/ skye ba dang 'gag pa dang bral pa'i de bzhin gshegs pa'i sku rnam pa thams cad kyi mchog dang ldan pa/ sku lta bas chog mi shes pa/ stobs bcu dang mi 'jigs pa bzhi la sogs pa sangs rgyas kyi yon tan thams cad kyis brgyan pa brnyes nas bde ba can du gshegs te/ yon tan gyi dbang phyug brgyad dang ldan par bzhugs so/ /zhes sgron ma gsal bar byed pa las gsungs so/ /de'i phyir de lta bu'i slob dpon klu sgrub kyi gzhung shes shing 'dzin pa dang/ de'i rgyud pa'i man ngag zab mo yod pa dang/ nyams su len pa'i gang zag des ni skye ba dpag tu med par theg pa chen po la spyad par byas pa yin no/ /ji srid sangs rgyas kyi bstan pa yod pa de srid du de'i man ngag mi 'chad de/ rje btsun Arya de ba'i zhal snga nas/ bcom ldan 'das shAkya thub pas mtshan phyed kyi dus na mngon par byang chub pa'i ting nge 'dzin mngon sum du mdzad pa nas bzung ste/ ji srid sangs rgyas kyi bstan pa gnas pa de srid du/ slob dpon 'phags pa klu sgrub nas bzung ste bla ma'i zhal nas zhal du 'phos pa yin te/ slob dpon gyi zhal snga'i man ngag 'di ni sangs rgyas dang byang chub sems dpa' thams cad dang/ rdo rje mkha' 'gro ma thams cad kyi byin gyis rlob pa yin no/ /zhes gsungs so/ /slob dpon zla ba grags kyi zhal snga nas/ rnal 'byor pa tshe 'di nyid la 'tshang rgya bar 'dod pa dag gis kyang/ slob dpon gyi zhal snga nas/ nye bar gnad pa'i de kho na nyid shin tu zab mo'i man ngag rnyed par dka' ba 'di gter dang 'dra ba'i slob dpon rnams ni rin po che'i bum par bdud rtsi'i chu byo ba ltar zhal nas zhal/ snyan nas snyan du 'pho zhing bzhes pa 'di ji srid sangs rgyas shAkya thub pa'i chos gnas pa/ de srid du 'di yang nub par mi 'gyur ro zhes gsungs so/ /slob dpon 'phags pa klu sgrub kyi rnam par smin pa'i sku lus de nyid da lta dpal gyi ri la bzhugs te/ dus cig na rgyal po bde spyod bzang po'i bu dpal gyi ri la song nas slob dpon gyi dbu blangs pas/ slob dpon gyi zhal snga nas/ rgyal bu chod la khyer cig gsungs nas ral gri lan lngar btab pa mchod nas/ slob dpon gyi zhal nas/ rtsa ku sha cig long gsungs nas rgyal bus de blangs te phul bas/ slob dpon nyid kyis ske la rtsas bskor bas dbu la lhung nas rgyal bu'i lag tu byin no/ /rgyal bus ma theg nas de nyid du gzhag nas song ngo/ /da ltar yang dbu dang lus kyi khog pa rin po che'i 'od 'phro ba'i khang pa brtsegs pa na/ rin po che'i khri la bzhag ste/ lha dang gnod sbyin dang/ dri za la sogs pas nyin dang mtshan du rtag tu mchod pa byed do// 'di la gtam rgyud ring po yod de 'dir bzhag go / smon lam gyi sku ni bde ba can na bzhugs te/ bcom ldan 'das 'od dpag med kyis byang chub sems dpa' blo gros rin po che zhes mtshan brtags nas/ sku mdog dkar po phyag gnyis pa/ g.yas mchog sbyin pa/ g.yon pad+ma dkar po bsnams pa'o/ /bla ma rje btsun a ba d+hU ti pa'i zhal nas/ nga'i bla ma rje btsun chen po rnal 'byor gyi dbang phyug a ba d+hU ti pa mngon par shes pas sngon ji ltar mnga' ba bzhin du/ zhal gzigs shing chos gsan/ ras dpal gyi ri la gzigs shing bzhugs te/ 'phags pa'i slob ma rje btsun klu'i byang chub tu dus da lta dpal sha ba ri bar grags pa yang dus rtag tu chos gsan po yin no/ /zhes bla ma a ba d+hU ti gsung ngo/ rang gi sdug bsngal yal bar bor nas/ gzhan gyi sdug bsngal gyi mes gdungs pa dbang po rnon po'i yang rnon po chos zab mo la mi skrag par mos pa dang/ bdag bsgrub pa dang mi 'bral bar tshe 'di nyid la 'tshang rgya bar 'dod pa dang/ gzhan gyi don dka' ba med par myur du bya ba dang/ mngon par shes pa myur du skye bar 'dod pas/ thabs khyad par can gyi theg pa la 'jug par bya'o/ /bla ma bzang po la rdo rje slob dpon gyi dbang zhus nas sgrub pa gtso bor bya'o/ /gsang ba dang/ shes rab ye shes kyi dbang ni tshangs par spyod pa grol ba'i lam pas mi bskur zhing/ slob mas kyang mi blang ngo/ /de ni tshangs par spyod pa zad par byed pa dang/ sangs rgyas kyi bstan pa nub par byed pas/ sems can dmyal bar slob dpon dang slob ma gnyis the tshom med par 'gro bar 'gyur ro/ /gal te gsang sngags spyod na dbang mnos la bum pa'i dbang thob pa des rgyud gang yang rung ba'i sgor zhugs la/ rang 'dod pa'i lha'i ting nge 'dzin dang/ bzlas pa'i sngags bla ma la zhus la sgrub pa gtsor byed cing/ dam tshig dang sdom pa shin tu gtsang bar bsrungs te/ bsgrub par bya'o/ /gang gi tshe nus pa skyes pa na/ 'phrin las bzhi dang/ 'jig rten gyi dngos grub brgyad kyis/ gzhan gyi don bya dka' ba med par 'gyur ro/ /de bas na rgyud las/ gsang sngags rgya mtsho chen po ni/ /dngos grub rlabs ni 'khrigs pa can/ /dpe 'am lung ma bstan tshigs sam/ /rjes su dpag pa'i shes rab kyis/ /rtogs par nus pa ma yin no/ /zhes gsungs so/ / bdag gi bla ma ya ba bwI pa bsod snyoms pa a ba d+hU ti'i zhal nas/ theg pa gnyis pos spangs pa yang/ /'dir zhugs phyag rgya chen po 'thob/ /de'i phyir gsang sngags theg pa 'dir/ /mkhas pa su zhig spyod mi byed/ /ces gsungs so/ /don gcig nyid na'ang ma rmongs dang/ /thabs mang dka' ba med pa dang/ /dbang po rnon po'i dbang byas nas/ /gsang sngags theg pa khyad par 'phags/ /zhes gsungs so/ /'dir ni dbang bskur thob par ma byas par 'dir 'jug par mi bya bas/ lha bsgom pa dang/ sngags bzlas pa mi bya ste/ rjes su gnang pa ma thob las/ gsang sngags dang/ pha rol tu phyin pa gnyis rnam par thar pa 'dres par 'gyur ba'i phyir ro/ /rdo rje byang chub kyi sems kun nas spros pa dang bral ba'i rdzogs pa'i rim pa'i man ngag ni/ snod ma yin pa la bstan par mi bya'o/ /yongs su rdzogs pa'i dge bsnyen chags lam pas/ dbang gnyis po blangs pa la nyes pa med do/ /rang gi chung mas cho ga shes shing/ /gzhan gyi bud med la mi 'gro/ log par g.yem pa rnam par spangs/ /dge bsnyen de ni mtho ris 'gro zhes mdo las gsungs so/ /sgrib gnyis myur du sbyangs pa dang/ /tshogs gnyis myur du bsags pa'i phyir/ /gsang sngags theg pa spyad bya zhes/ /mar me mdzad dpal ye shes smra/ /shAkya'i dge slong blo rnon po/ /shes rab snying rjes khrims dang ldan/ /tshul khrims rgyal ba zhes bya ba'i/ /slob ma bzang pos bskul nas bris/ /de ba pA la'i thugs dam bkrim/ shI la zhes bya'i gtsug lag khang chen du/ /bla ma dam pa rnam kyis gsungs pa bzhin/ /mar me mdzad dpal ye shes de yis bris/ /zas nor phran tshegs tsam la mi lta zhing/ /legs par ma brtags pa la 'di mi sbyin/ /'phags pa klu sgrub gzhung la ma mos na/ /zab mo spangs pas sems can dmyal bar 'gro /theg pa chen po dbu ma'i man ngag rin po che'i/ /za ma tog kha phye ba zhes bya ba/ ma hA paN+Di ta dpal mar me mdzad ye shes kyi zhal snga nas mdzad pa rdzogs so// // rgya gar gyi mkhan po dI paM ka ra sh+rI dz+nyA na de nyid dang/ lo tsa ba dge bsnyen chen po rgya brtson 'grus seng ge dang/ dge slong tshul khrims rgyal bas bsgyur cing zhus te/ gtan la phab pa'o// (` dbu ma'i man ngag jo bo rjes mdzad pa bzhugs so/ //) rgya gar skad du/ ma d+hyA ma au pa de sha nA ma/ bod skad du/ dbu ma'i man ngag ces bya ba 'jig rten mgon po la phyag 'tshal lo/ /gang gi gsung gi 'od zer gyis/ bdag sogs rmongs pa ma lus pa'i/ /snying gi pad+ma kha 'byed pa'i/ /dam pa skyes mchog de la 'dud/ /theg pa chen po dbu ma'i man ngag ni 'di yin te/ /kun rdzob tu chos thams cad tshu rol mthong ba'i dor byas nas/ rgyu 'bras la sogs pa rnam par bzhag pa thams cad ji ltar snang ba bzhin du bden pa yin la/ don dam par na kun rdzob ji ltar snang ba de kho na gtan tshigs chen po rnams kyis gzhigs shing btsal na/ skra'i rtse mo brgyar bshags pa'i tshad tsam kyang bzung du med do zhes nges par khong du chud par bya'o/ /stan bde ba la skyil mo dkrung bcas te 'dug la/ 'di ltar re zhig dngos po ni gnyis te/ gzugs can dang gzugs can ma yin pa'o/ /de la gzugs can rnams ni rdul phra rab 'dus pa yin la/ de yang phyogs cha'i dbye bas phye zhing gzhigs na shin tu phra ba yang lus med cing shin tu snang ba yang med do/ /gzugs can ma yin pa ni sems yin la/ de yang 'di ltar 'das pa'i sems ni 'gags shing zhig /ma 'ongs pa'i sems ni ma skyes shing ma byung/ da ltar gyi sems ni 'di ltar yang shin tu brtag dka' ste/ kha dog med cing dbyibs bral ba/ nam mkha' dang 'dra bas ma grub pa 'am yang na gcig dang du ma dang bral ba'am/ yang na ma skyes pas sam yang de rang bzhin gyis 'od gsal ba la sogs pa rigs pa'i mtshon gyis dpyad cing gzhigs nas ma grub par rtogs so/ /de ltar gnyis pa ci'i ngo bor yang ma grub cing med tsam na so sor rtog pa'i shes rab de nyid kyang ma grub ste/ dper na shing gnyis phan tshun drung pas me byung ba'i rkyen gyis shing gnyis po nyid tshig cing med pa'i rjes la/ gang gi sreg par byed pa'i me de nyid kyang rang zhi ba de bzhin du rang dang spyi'i mtshan nyid kyis chos thams cad med par grub tsam na/ shes rab nyid kyang snang ba med cing 'od gsal ba ci'i ngo bor yang ma grub pas bying ba dang rgod pa la sogs pa'i skyon du gyur pa thams cad gsal te/ bar skabs der shes pa cir yang mi rtog cir yang mi 'dzin/ dran pa dang yid la byed pa thams cad spangs te/ ji srid du mtshan pa 'am rnam par rtog pa'i dgra 'am/ chom rkun ma langs kyi bar du de lta bu la shes pa gnas par bya'o/ /gang gi ldang bar 'dod na dal bus skyil mo krung bshig la langs te/ sgyu ma lta bu'i yid kyis lus dang ngag dang yid kyis dge ba ci nus kyis bya'o/ /de ltar gus pa dang yun ring ba dang rgyun mchad par sgrub na skal ba dang ldan pa rnams kyis tshe 'di nyid la bden pa mthong bar 'gyur te/ chos thams cad nam mkha' i dkyil lta bur 'bad pa dang rtsol ba med cing rang gi ngang gis grub par mngon sum du byed do/ /de'i rjes la thob pas ni chos thams cad sgyu ma la sogs par shes par bya'o/ /gang gi tshe rdo rje lta bu'i ting nge 'dzin mngon du byas phan chad ni rjes las thob pa yang mi mnga' ste/ dus thams cad du mnyam par bzhag pa'o/ /de lta ma yin na byang chub sems dpa' dang khyad par ci yod par la sogs pa'i rigs pa dang/ lus 'dir mi brjod do/ /gzhan gyi don bskal pa grangs med par tshogs bsags pa dang smon lam btab pa'i gdul bya rnams ji ltar 'dod pa bzhin du 'gyur ro/ /lung rigs pa shin tu mang mod kyi 'dir ma spros so/ /dbu ma'i man ngag ces bya ba slob dpon dpal mar me mdzad ye shes kyis mdzad de ba rdzogs so/ / //rgya gar gyi mkhan po de nyid dang/ zhus chen gyi lo tsA ba dge slong tshul khrims rgyal bas lha sa 'phrul snang du bsgyur cing zhus te gtan la phab pa'o/ / (//dbu ma'i man ngag gi 'brel pa slob dpon shes rab thar pas mdzad pa'o//) //rgya gar skad du/ ma d+hyA ma au pa de sha brit+ti/ bod skad du/ dbu ma'i man ngag ces bya ba'i 'grel ba/ 'phags pa 'jig rten dbang phyug la phyag 'tshal lo/ /'gro ba'i sdug bsngal sel mdzad cing/ /dkar po rnam par 'phel ba'i rgyu/ /byang chub sems la phyag 'tshal nas/ /dbu ma'i man ngag gsal bar bya/ /phyin ci log gi rnam rtog gis/ /'khor ba'i 'dam du bying ba rnams/ /man ngag lam la rab brten nas/ /yang dag byang chub sgrub pa'i phyir/ /man ngag don tsam bshad par bya/ /de la gang gis gsung gi 'od zer gyis/ zhes bya ba la sogs pas ni yul yon tan dang ldan pa la phyag 'tshal rtsom par byed de/ /de slob dpon bdag nyid ya rabs dam pa nyid du shes par bya ba'i phyir ram/ bar chad kyi bgegs zhi bar bya ba'i phyir ram/ bshad par dam bca' ba'i phyir dgongs pa yin no/ /tshigs su bcad pa 'dis ni bsdus pa'i don gnyis bstan te/ yon tan brjod pas mchod pa dang phyag 'tshal bas mchod pa dang/ yon tan yang gzhan gyi don phun sum tshogs pa dang/ rang gi don du 'du shes par bya'o/ /gzhan gyi don la yang rgyu dang 'bras bu ste/ de la gang gi gsung gi 'od zer gyis zhes bya bas ni rgyu phun sum tshogs pa bstan to/ /bdag sogs rmongs pa ma lus pa'i/ snying gi pad+ma kha 'byed pa zhes bya bas ni/ 'bras bu phun sum tshogs pa bstan to/ /dam pa'i skyes mchog ces bya bas ni rang gi don mthar thug pa ston par byed do/ / rnam shes bya ba ni du ma'o/ /'dud ces bya ba ni phyag 'tshal ba'i tshig go /yan lag gi don bshad par bya ste/ gang gi zhes bya ba ni byed pa'i tshig gam/ spyi'i sgra yin yang yul gzhan rnam par spangs nas rten sangs rgyas kho na la 'jug par bsal te/ sangs rgyas kyi yon tan brjod pas mchod pa dang/ phyag 'tshal bas mchod pa'i skabs yin te/ khra mo bos zhes bya ba dang 'dra ste/ spyi sgra yin yang 'o ma dgos pa'i skabs su ba khra mo la 'jug go /gsung gi 'od zer zhes smos pas ni sku gsung thugs kyi 'od zer yang bstan no dkar po dang/ dmar po dang/ sngon po dang/ nyi zla'i 'od dang 'dra ste/ nyi ma shar bas 'od kyi mun nag chen po sel bar byed pa dang/ me tog la sogs pa kha 'byed par byed pa dang/ sman dang 'bras bu sna tshogs smin par byed pa dang/ ba mo la sogs pa grang ba'i reg pa'i gdug pa zhi bar byed pa dang/ dro ba'i reg pas sems can bde bar byed pa dang/ lam dang lam ma yin pa dang/ dngos po mi gsal ba gsal bar byed pa dang/ skar ma la sogs pa'i 'od gzhan dag zil gyis gnon par byed do/ /de bzhin du bcom ldan 'das kyi sku gsung thugs kyi sgo nas rnam thar bsam gyi mi khyab pa'i chos bstan pa'i 'od zer gyis 'gro ba rnams kyi ma rig pa'i mun pa sel bar byed pa dang/ blo'i pad+ma kha 'byed par byed pa dang/ rgyud ma smin pa kun smin par byed pa dang/ bdud pa sogs pa'i gnod pa zhi bar byed pa dang/ sems can thams cad kyi sdug bsngal zhi bar byed pa dang/ bla na med pa'i bde ba la 'god par byed pa dang/ lta ba ngan pa sel bar byed spong bar byed pa dang/ lha la sogs pa'i rnam par smin pa'i 'od zil gyis gnon par mdzad do/ /de yang mog mog por mdzad dang zhes pas bstan to/ /'od zer gyis zhes bya ba ni byed pa po'i bya ba ston par byed do/ /'byed par byed ces bya ba ni las su? ba ni las su bya ba ston par byed do/ /bdag sogs zhes smon pas ni slob dpon bdag la sogs pa ste go bla'o/ /smongs pa zhes bya ba ni de kho na nyid kyi don mngon du ma gyur pa'i phyir ro/ /ma lus pa zhes bya bas ni bcom ldan 'das kyi thugs rje nyi tshe ba ma yin pa dang/ kun la khyab pa dang thams cad kyi don mdzad par zhugs pa'i phyir ro/ /snying gi pad+ma kha 'byed pa zhes bya ba ni sems kyi rten du gyur pa'i snying ste/ rten gyi ming brten pa la brtags na ste/ de'i phyir sems kyi pad+ma kha 'byed pa zhes bya ba'o/ /de yang pad+ma dang 'dra ste/ pad+ma ni mthong na dga' ba bskyed pa dang/ dri dang kha dog sna tshogs dang/ sbrang rtsi la sogs pa'i 'byung gnas yin pa dang/ 'dam nas skyes kyang 'dam gyis ma gos shing khyad du 'phags pa'i/ /de bzhin du sems kyang dga' gdung sna tshogs kyi gnas yin pa dang/ lhan cig skyes pa'i bdud rtsi'i ro myong bar byed pa dang/ byang chub rin po che'i 'byung gnas su gyur pa dang/ glo bur pa'i dri ma dang bcas kyang rang bzhin gyis 'od gsal zhing rnam par dag pa ste/ de yang chu khams gser dang nam mkha' rnams/ /dag pa bzhin du dag par 'dod ces bya ba dang/ sems kyi rang bzhin sangs rgyas te/ /sangs rgyas gzhan du ma tshol cig ces bya bas kyang bstan to/ /kha 'byed pa zhes bya ba ni pad+ma kha 'byed pa dang 'dra ste/ rig pa'i gnas rnam pa lnga la blo rgyas par byed do/ /de yang gang zhig 'dzin dang 'dod dang spyod pa dang/ /gzhan la 'dri zhing thos pa 'dzin byed dang?// de yi blo ni nyi ma'i 'od zer gyis/ /pad+ma bzhin du rnam par kha 'byed do/ zhes bya ba dang/ yang rig pa'i gnas lnga dag la mkhas par ma byas na/ /'phags mchog ci sems thams cad mkhyen nyid thob mi 'gyur/ /de phyir gzhan dag tshar gcad rjes su gzung phyir ram/ /bdag nyid goms par bya phyir de la de brtson byed ces bya bas kyang bstan to/ /dam pa'i skyes mchog ces bya bas ni spangs pa dang ye shes phun sum tshogs pa'i bdag nyid la bya ste/ sku gsum gyi ngo bo nyid do/ /de la 'dud ces pa ni phyag 'tshal bar byed pa ste/ lus ngag yid gsum gyi las dge ba'o/ /da ni man ngag dngos su bstan par bya ste/ de la theg pa chen po dbu ma'i man ngag ni 'di yin te/ zhes bya ba la sogs pas ni rgyu thos bsam bsgom gsum gyi shes pas mdor bsdus te ston par byed pa yin te/ de la ni rgyu'i theg pa dang 'bras bu'i theg pa ste/ rgyu ni byang chub sems dpa' rnams kyi lam ste/ 'di nas 'gro ba'i phyir ro/ /de yang sngags kyi theg pa'i tshul du bshad pa dang/ pha rol tu phyin pa'i theg pa'i tshul du bshad pa ste/ gzhan nas bshad pa bzhin no/ /'bras bu'i theg pa ni sku gsum gyi bdag nyid de/ bgrod par bya ba yin pa'i phyir ro/ /chen po ni shes rab dang snying rje la sogs pas che bas te/ de yang stong pa che dang blo che ba dang mthu che ba zhes bya bas kyang bstan to/ /de la shes rab chen pos ni chos thams cad sgyu ma lta bur shes shing ci la yang ma chags pa'o/ /snying rje chen pos ni sems can gyi don rgyun mi gcod pas thabs dang shes rab 'brel pa zhes bya ste/ byang chub sems dpa' rnams kyi lam yin no/ /shes rab dang snying rje la sogs pa chung ba ni/ theg pa chung ngu zhes bya ste/ de yang thabs med shes rab bral ba nyin thos nyang du ltung zhes bya bas kyang gsungs so/ /de'i phyir nyan thos ni mya ngan las 'das pa'i mthar ltung ste/ bung po lhag ma dang bcas pa dang lhag ma med pa'i mya ngan las 'das pa mngon sum du byas nas sems can gyi don yal bar dor ro/ /so so'i skye bo rnams ni 'khor ba'i thar ltung ste/ sdug bsngal sna tshogs nyams su myong ngo/ /byang chub sems dpa' ni mdza' de dag spangs te/ shes rab chen pos ni 'khor ba'i mdza' la mi gnas/ thugs rje chen pos ni mya ngan las 'das pa'i mdza' la mi gnas pas/ de ni mdza' gnyis la mi gnas pa'i mya ngan las 'das pa zhes bya'o/ /de yang mi gnas pa'i mya ngan las 'das pa zhes bya ba dang/ stong pa snying rje dbyer med pa/ /rgyu gang la ni rab brten pa/ /'jig rten mgon gyi sgrub thabs te/ /'di ni sangs rgyas kun gyis bshad ces bya bas gsungs so/ /de'i phyir theg pa chen po ni shes rab dang snying rje yin no/ /dbu ma ni mdza' thams cad dang bral ba dang/ snying po'i don gyis dbu ma ste/ de yang sgra dang don to/ /don gyi dbu ma ni bden pa gnyis te/ 'og nas bshad do/ /sgra'i dbu ma ni dbu ma brjod pa'i sgra ste/ mdza' gnyis spong ba'i tshig gdags pa tsam mo/ /de'i man ngag ni gces spras su bya ba ste/ tshegs chung ngus don chen po rtogs pas na man ngag ste/ de bsgom zhes bya bar sbyar te 'og nas 'chad do/ /thog ma med pha nas zhes bya bas ni 'khor ba thog ma med pa'o/ /dngos por zhen pa ni bden par zhen pa'o/ /gzung 'dzin la sogs par ro/ bden pa gnyis su bzhag go zhes bya ba ni yang dag par na gcig dang tha mi dad par bstan te/ gcig na ni kun rdzob spong ba bzhin du don dam pa yang spong ba nyid du 'gyur la/ kun rdzob tha dad pa bzhin du don dam pa yang tha dad par 'gyur ro/ /kun rdzob dri ma dang bcas pa bzhin du don dam pa yang dri dang bcas par 'gyur ro/ /tha dad na ni chos can dang chos nyid du yang mi 'gyur la/ 'dus byas kyi mtshan ma zil gyis gnon par yang mi 'gyur te/ lam sgom pa yang don med par 'gyur ro/ /de bas na de nyid dang gzhan du brjod du med do/ /rgyas par ni gzhan nas bshad pa bzhin no/ /de yang ji skad du zhe na/ 'du byed khams dang don dam mtshan nyid ni/ /gcig dang tha dad nyid las rnam dang grol/ /gcig dang tha dad nyid du gang rtog pa/ de ni tshul bzhin ma yin log zhugs yin zhes gsungs pa dang/ yang dung la sogs pa'i dkar po nyid bzhin du nyid dang gzhan pa las grol bar bstan te mdor bsdus pa'i don to/ /yan lag rgyas par bshad de kun rdzob du chos thams cad ces bya ba la sogs pa ni thos bsam las byung ba'i shes pas chos thams cad bden pa gnyis kyi tshul du slob ba zhes bya bar ston to/ /de la kun rdzob ni 'khrul pa'i ye shes pa ste/ de kho na nyid kyi don la sgrib pa ni gzhan du ji ltar bshad pa bzhin no/ /chos thams cad ni ma lus pa'i don te go sla'o/ /tshu rol mthong ba ni bden pa ma mthong ba rnams so// dor byas pa ni zhen pa'i bsam pa dang sbyar ba'o/ /rgyu 'bras la sogs pa ni phung po dang khams dang skye mched la sogs pa rnams so/ /ji ltar snang ba ni ma brtags na nyams dga' ba ste/ snang la rang bzhin med pa'i don te/ de yang gang dag rten nas dngos po rnams/ /chu yi zla ba lta bur? ni/ /yang dag pa yin log min pa/ /'dod pa de dag lhas mi 'phrogs zhes bya bas kyang bstan te/ bden pa ni don byed nus pa nyid du bden pa dang/ snang ba tsam du bden pa ste/ brtags shing dbye? na bden par ma grub ces bya ba'i don to/ /de yang rigs pas brtags na bden ma yin/ /de las gzhan du bden pa ste/ /des na dngos po gcig nyid la/ /bden dang mi bden ji ltar 'gal zhes bya bas kyang bstan to/ /don dam par zhes bya bas ni yang dag pa'i shes rab ste/ yang dag pa'i don la mi slu bas sam 'bras bu dam pa 'byin pas ni don du gnyer ba byas pas dam pa ste/ des brtags na 'ga' yang grub pa med do/ /kun rdzob tu ji ltar snang ba ni phyi dang nang gi dngos po rnams so// gtan tshigs chen po zhes pa ni gtan tshigs ni bsgrub bya sgrub pa la mi slu bas na gtan tshigs te/ tha snyad kyi tshad ma las rang bzhin 'brel pa yod na don gyis go zhes bya bas kyang bstan to/ /chen po ni du ba la sogs pa'i tha snyad kyi gtan tshigs la bltos te chen po yin la de dag ni tha snyad kyi don la mi bslu ba yin no/ /'dir ni yang dag pa'i don la mi bslu bas dang/ dngos po'i bye brag thams cad 'joms par byed lta ba ngan pa'i gdon thams cad zhi bar byed pa dang/ spros pa'i mdza' thams cad 'gog par byed pas na chen po'o/ /de bas na rgyal ba kun gyi stong nyid ni/ /lta kun nges par sel ba yin zhes bya bas kyang gsungs so/ /rnams kyi ni rnam pa bzhi ste/ de yang gang gi rten cing 'brel par 'byung/ /'gag pa med pa skye med pa zhes bya ba dang/ rang las ma yin gzhan las min/ /gnyis las ma yin rgyu med min/ /dngos po gang dag gang na yang/ /skye ba nam yang yod ma yin zhes bya ba dang/ du mas dngos po gcig mi byed/ /du mas du ma byed ma yin/ /gcig gis du ma'i dngos mi byed/ /gcig gis gcig byed pa yang min zhes bya ba dang/ bdag dang gzhan smras dngos 'di dag /yang dag du ni gcig pa dang/ /du ma'i rang bzhin bral ba'i phyir/ /rang bzhin med de gzugs brnyan bzhin zhes bya ste/ sbyor ba'i cha gcig tsam mo/ /rgyas par ni gzhan du bshad pa bzhin no/ /gshegs shing bsal ba ni phyogs cha'i dbye ba ste/ cha drug gam bcu la sogs pa'i brtags pas so/ /skra'i rtse mo brgyar bshags pa'i tshad ni shin tu yang phra ba'i tshad do/ /khong du chud pa ni thos bsam gyi shes pas chos thams cad bden pa gnyis kyi tshul du bslab par bya'o zhes bya bar ston to/ /de yang slob pa'i sngon du 'gro ba ni thos bsam gyi shes pa ste/ thos bsam byas nas sgom pa ni/ de yang med du thos pa nags kyi nang dag tu/ /lang tsho yol ba rnams kyi gnas pa bde zhes bya ba dang/ yang dag shes tshol sngon btang ste/ /zhes bya bas kyang bstan pa'o/ /da ni man ngag sgom pa'i rim pa bstan par bya ste/ man ngag gi gong du bshad la/ bsgom pa ni sbyor ba dang dngos bzhi dang/ rjes rnam pa gsum mo/ /stan bde ba la dkyil mo krung gis 'dug ste/ zhes bya bas ni ting nge 'dzin gyi sbyor ba bstan te/ sems can thams cad mi spong ba'i bsam pa dang/ brtson 'grus chen po tshad med pa byang chub chen po bsgrub pa'i sems pa'o/ /re zhig dngos po ni gnyis te zhes bya bas ni rtag pa'o/ /gzugs can dang gzugs can ma yin pa ni phan tshun spangs te gnas pa'i mtshan nyid kyi 'gal ba yin pas dngos po kun la khyab ste/ phung po gsum pa sel bar byed do/ /de la gzugs can nam zhes bya bas ni gzugs ma grub par ston te/ de yang rgyu dang 'bras bu 'dod do/ /de la rgyu ni 'byung ba bzhi po rdul phra rab yin la/ de yang cha du mar dmigs pas cha med pa'i gcig pa mi 'grub bo/ /gcig ma grub na du ma nyid kyang mi 'grub ste/ du ma ni gcig la sogs pa'i ngo bo yin no/ /de ltar gcig dang du ma ma gtogs par phung po gzhan yang mi 'grub ste/ gcig dang du ma ma gtogs pa/ /rnam pa gzhan dang ldan pa yin/ /dngos po mi rung 'di gnyis ni/ /phan tshun spangs te gnas phyir ro/ /zhes ji skad bshad pa lta bu'o/ /de ltar yang rdul phra rab ma grub na/ /'bras bu'i gzugs kyang mi 'grub ste/ /sa bon med na myu gu 'gag pa bzhin no/ /de yang de ltar rtsom byed med pa'i phyir/ rdzas la sogs pa gsal zhes bya bas bstan to/ /shin tu snang ba yang med do/ /zhes bya ba dang/ snang ba ni mtshan ma ste/ 'ching ba'i rgyu yin pas na mtshan ma mi 'byung ngo/ /zhes bya ba'i don to/ /da ni sems kyi mtshan ma ma dmigs pa nyid du ston pas/ gzugs can ma yin pa zhes bya ba smos so/ /de la don byed nus pa ni skad cig ma yin pas skad cig gi cha dbye bar bya ste/ de yang 'das pa ni dngos po zhig pas med do/ /yod pa ni de lta nyid du 'gyur ro/ /ma 'ongs pa ni dngos po ma skyes pas med do/ /yod na ni da lta bzhin du ma 'ongs pa nyid du mi 'gyur ro/ /de'i phyir da ltar ba'i sems shin tu brtag dka' ste zhes bya ba smos so/ /brtag dka' ba ni bcal na dmigs su med pas so/ /kha dog dang dbyibs dang bral ba ni sngon po dang ser po la sogs pa dang/ ring po dang thung ngu la sogs pa bral bas so/ /gcig dang bral bas ni gcig dang du mas brtag mi bzod de gzhan du bshad pa bzhin no/ /ma skyes pa ni yod pa dang med pa ma skyes pas so/ /rang bzhin gyis 'od gsal ba ni rang la mi rtog pa dang/ dri ma dang bral bas ni rang bzhin gyis 'od gsal ba'o/ /sogs pa smos pa ni mu bzhi skye ba dang bral bas sam/ rang dang gzhan dang gnyis ka dang/ rgyu med pa la sogs pa skye ba dang/ yang dag par na yod med kyi mdza' las 'das te sgyu ma lta bu'o/ /rigs pa'i mtshon gyis zhes pa ni rigs pa nyid mtshan dang 'dra ste/ gcod par byed cing 'jig par byed pas so/ /ye shes snang ba'i rgyan las kyang/ /sangs rgyas rnams kyi nam yang ni/ /gtan du chos rnams thams cad dag /sems ma rnyed cing chos mkhyen pa/ /dmigs mi mnga' la phyag 'tshal bstod ces gsungs so/ /ma grub par rtogs pas ni sbyor ba'i shes pas so/ /de ltar gnyis pa ci'i ngo bor yang ma grub ces bya ba ni/ ting nge 'dzin gyis ston par byed do/ /gnyis po ni gzugs can dang gzugs can ma yin pa'o/ /ma grub pa ni don dam par ma grub pa ste/ gzhan gyi rtog pa bkag pa'o/ /de yang so sor rtog pa'i shes rab de nyid kyang mi 'grub ste/ zhes bya bas ni bdag nyid kyi rtog pa 'gog par byed do/ /shes rab ni dngos po'i bye brag yin pas dngos po ma grub na shes rab de nyid kyang mi 'grub ste/ shing ma grub na sha pa la sogs pa bkag pa bzhin no/ /de yang sreg bya tshig pa'i me/ /bsreg bya tshig nas mi gnas ltar/ /zhes pa dang/ yang gong du bsdus pa'i tshul gyis sems ma grub na sems las byung ba yang mi 'grub ste/ nyi ma dang 'od zer bzhin no/ /sems ni de ltar bkag pa'i phyir/ /sems las byung ba rnams kyang bsal zhes pa'o/ /dper na shing gnyis drud pa las/ me 'byung ba'i rkyen gyis zhes bya ba la sogs pa ni lung gi sgo nas 'chad par byed de/ so sor rtog pa'i shes rab ni me dang 'dra la/ rtog pa thams cad ni bud shing dang 'dra bar gsungs te/ ji skad du/ 'gro ba'i chos kun rnam shes kyi/ /me yi bud shing yin par 'dod/ /de dag ji bzhin rnam 'byed pa'i/ /me yis bsreg na nyer zhir 'gyur zhes bya ba dang/ so sor rtog pa'i me dag tu/ mi dge'i rtog pa kun sreg pa zhes gsungs pas so/ /rang dang spyi'i mtshan nyid ces pa ni spyi'i mtshan nyid stong pa dang bdag med pa la sogs pa'o/ /rang gi mtshan nyid dga' ba dang/ gdung ba la sogs pa'o/ /shes rab de nyid ni mnyam par gzhag pa'i shes pa de nyid do/ /snang ba med pa ni bdag dang gzhan gyi rtogs pa dang bral ba'o/ de yang gang tshe shes dang shes bya dag /bdag nyid rjes su ma mthong bas/ /de tshe mtshan ma mi 'byung phyir/ /gnas pa brtan phyir mi bzhengs so zhes bya bas kyang bstan to/ /'od gsal ba ni rang bzhin gyis rnam par dag pas so/ /mdza' dang bral ba ni rtag chad la sogs pa dang bral ba'o/ /cir yang ma grub pa ni gcig dang du ma la sogs pa gang du yang ma grub pas so/ /bying ba dang rgod pa la sogs pa thams cad ni ting nge 'dzin gyi rkyen te/ de yang bying ba ni nang du rmugs pa'o/ /rgod pa ni sems rnam par g.yangs pa'o/ /sogs pas ni mtshan ma gzhan dag byang ngo/ /gnas skabs der ni mnyam par gzhag pa'i gnas skabs der ro/ /cir yang mi 'dzin pa ni gzung ba dang/ 'dzin pa'i rtog pa dang bral bas so/ /dran pa yid la byed pa thams cad spangs pa ni 'das pa dang ma 'ongs pa la dmigs pa'i rtog pa spangs pa'o/ /gzugs sdug gu la sogs pa spangs pa'o/ /rnam par rtog pa'i dgra 'am chom rkun ni dgra 'am chom rkun dang 'dra ste/ ting nge 'dzin gyi nor 'phrog pas dgra ste/ de'i phyir shes bzhin gyi byar bas de dag spang pa'o/ /de yang ji skad du/ sems kyi glang po lag 'gro ba/ /dmigs pa'i ka ba brtan po la/ /dran pa'i thag pas nges bcings nas / shes rab lcags kyus rim dbang bya zhes gsungs so/ /tha snyad du ni me chen po dmigs na spu langs pa'i bye brag bkag pa bzhin no/ /de'i phyir tshogs gnyis bsags pas gnyis su snang ba bskyed par mi rigs so/ /gal te bcom ldan 'das ni sgyu ma'i mkhan po bzhin du sgyu ma la sgyu ma nyid du mkhyen cing bden pa nyid du zhan pa mi 'byung bas de nyid ma 'khrul pa yin no zhe na/ de lta na ni bdag tu smra ba rnams kyis kyang bdag la bdag rtag pa nyid du shes pa dang/ nyan thos kyis kyang dngos po la dngos po nyid du shes pa dang/ sems tsam du smra bas kyang rang rig la don dam nyid du shes pa de nyid ma 'khrul ba yin no zhes brjod na ji skad du smra bar bya/ gal te bdag la sogs pa ni shes bya la mi gnas te/ tshad mas gnod cing tshad mas ma grub pas na sgro btags pa tsam du zad pas der 'dzin pa ni 'khrul pa nyid du ni 'gyur gyi sgyu ma tsam du ni tshad mas grub cing tshad mas mi gnod pa de ji lta ba bzhin shes pa ni 'khrul par mi 'gyur ro zhe na de ni mi rigs te/ phyin ci ma log pa'i ye shes kyi shes bya la sgyu ma lta bur gnas pa ni gang du yang ma grub ste/ shes pa ma 'khrul ba'i shes bya la rab rib la sogs pa mi gnas pa bzhin no/ gal te kun rdzob ji ltar snang ba bzhin du ma mkhyen na thams cad mkhyen pa'i ye shes su mi 'gyur ro zhe na/ de ltar na ni dbang po skyon med kyi mngon sum la sgyu ma'i rta dang rab rib la sogs pa mi snang bas mngon sum ma yin pa nyid du 'gyur ro/ /de'i phyir 'khrul pa spangs pa'i ye shes la brdzun pa mi rigs te/ brdzun pa snang na ni ye shes de nyid kyang 'khrul pa nyid du 'gyur te/ smig rgyu la chur shes pa bzhin no/ /de lta ma yin na yul de yang dngos po nyid du 'gyur ba dang// shes pa gang yang 'khrul pa nyid du mi 'gyur ro/ /de'i phyir mthar thug pa'i ye shes la gnyis su snang ba'i mtshan ma ga la 'byung/ gnyis su snang ba dang mtshan ma 'khrul pa ni ming tsam tha dad kyi don tha dad med do/ /mdo las ji skad du/ rab 'byor gzugs ni mtshan ma'o/ /sgra ni mtshan ma'o zhes bya ba dang/ yang sangs rgyas drang srong chen po dang/ rgyal sras rnams kyi ting nge 'dzin/ /mtshan ma rnam par spangs pa yin/ /'jig rten rnams kyi mtshan mar bcas/ /zhes bya ba la sogs pa lta bu'o/ /gal te kun rdzob med par dogs pa'i 'jigs pas skrag nas ye shes la kun rdzob ma snang na snang ba gsal bar 'gyur ro/ /zhe na de ni mi rigs te/ mi snang ba la gsal bas ma khyab pas ma nges pa nyid du 'gyur ro/ /dbang po skyon med kyi shes pa la zla ba gnyis pa dang/ rab rib la sogs pa mi snang ste/ shes pa des de dag gsal ba ma yin pa bzhin no/ /shes rab dang ye shes kyis brtags na ni bden pa dang brdzun pa dang/ yod pa dang med pa dang/ chos gnas pa med pas rab tu mi gnas pa'i dbu ma zhes bya ste/ ji skad du/ gang blo yod dang med pa las/ /rnam par 'das shing mi gnas pa/ /de dag zab mo dmigs med pa'i/ /rkyen gyi don la rnam par bsgom/ /zhes gsungs so/ /'dis ni thos bsam gyi rim pa yang bshad pa yin no/ /de las gzhan du tha snyad kyi tshad ma'i yul du kun rdzob thams cad gnas pa yin pas bkag pa ni ma yin no/ /ting nge 'dzin ni dmigs pa la sems rtse gcig pa ste/ de ma thag tu bsam gyis mi khyab pa'i sku gsum 'grub pa'i rgyu nus pa thogs pa med pa yin no/ /mngon sum du byas phan chad ni zhes pa ni yang dag par rdzogs pa'i sangs rgyas kyis sa thob phan chad ni mnyam pa nyid du byang chub pas ye shes kyi bye brag tha dad kyang chos kyi dbyings kyi rang bzhin du gcig ste/ gang+ga dang sind+hu dang/ /pak+Shu la sogs pa chu'i bye brag tha dad kyang rgya mtsho chen po'i rang bzhin du gcig ste/ ji skad du/ chos kyi dbyings la dbyer med phyir/ /rigs ni tha dad rung ma yin/ ces pa ste/ rten pa'i chos kyi bye brag gis/ /de yi dbye ba rab tu bshad/ ces gsungs pas so/ /rjes thob mi mnga' ba ni mtshan ma mi 'byung bas so/ /rus ni snga phyi la sogs pa'o/ /mnyam par gzhag pa ni chos kyi dbyings ma g.yos pas so/ ji skad du/ glang chen bzhugs kyang mnyam par bzhugs/ /glang chen bzhengs kyang mnyam par bzhengs/ /zhes gsungs pa lta bu'o/ /de lta ma yin na zhes bya ba ni gnyis su snang ba'i mtshan ma 'byung na'o/ /khyad par med pa ni slob ma'i lam la gnas pa dang khyad par med pa dang/ gzung ba dang 'dzin pa'i 'khrul rtog ma spangs pa ste/ mnyam pa nyid du byang chub par mi 'gyur bas/ gnyis su snang ba'i mtshan ma 'byung bar mi rigs pa'o/ /ji skad du/ byang chub nam mkha' i mtshan nyid te/ /mtshan ma thams cad spangs phyir ro/ /zhes bya ba dang/ yang rab 'byor ye shes la yul med do/ /ye shes la yul yod na ye shes mi shes par 'gyur ro/ zhes gsungs pas/ mtshan ma ga la 'byung/ gal te gnyis su snang ba mi 'byung na ye shes kyi snang ba rgyun chad par 'gyur ba dang/ smon lam btab pa dang/ tshogs bsags pa yang don med do snyam pa la/ /gzhan gyi don zhes bya ba la sogs pa smos te/ 'dis ni mi rtag pa'i ngang las gzugs sku gnyis 'byung zhing/ sems can gyi don bsam gyis mi khyab pa mdzad pa gsungs so/ /rnam rtog mi mnga' yang sems can gyi don 'byung ba ni 'gal ba med do/ /rgya mtsho las rlabs 'byung ba dang/ nyi ma las 'od 'byung ba dang/ yid bzhin gyi nor bu la dgos 'dod 'byung ba lta bu ste/ gzhan las kyang mchod sdong la sogs pa'i dpes rtog pa mi mnga' yang sems can gyi don 'byung bar bstan to/ /rigs pa ni gnod pa can gyi tshad ma'o/ /lung ni sangs rgyas kyi bka' o/ /mi brjod pa ni mangs kyis dogs pa'o/ /gzhan gyi don ni 'jig rten dang 'jig rten las 'das pa'i don no/ /bskal pa grangs med pa ni grangs las 'das pa'o/ /tshogs ni rgyu'i don de bsod nams dang ye shes kyi tshogs so/ /smon lam btab pa ni gzhan gyi don du'o/ /gdul bya rnams ni mig la sogs pa ste/ rgyud dag pa rnams kyi'o/ /ji ltar 'dod pa ni gang gis 'dul ba la de dang de'i ngo bor snang ba ste/ rigs sna tshogs pa bzhin du mos pa bzhin du 'gyur ba'o/ /ji skad du/ mos pa du ma'i sems can la/ /spyod pa sna tshogs bstan pa yin/ /zab mo'i chos nyid bstan pa la/ /gal te mos par ma gyur kyang/ /smad pa dag tu mi bya ste/ /chos nyid bsam mi khyab ldan bya/ /zhes gsungs so/ /dngos su ni bcom ldan 'das la sangs rgyas kyi sku la sogs pa dang/ gnyis su snang ba'i mtshan ma mi mnga' ste/ de yang chos kyi dbyings las ma g.yos shing/ /mi rtog dang la gnas pa'o/ /de yang ji skad du/ gang zhig nga la gzugs su mthong/ zhes gsungs so/ /de'i phyir chos kyi sku nam mkha' lta bu ste/ nam mkha' la ni mdza' dang dbus dang kha dog du ma la sogs pa'i tha dad pa gang yang med kyang sems can rnams kyi mdza' dbus dang sngon po dang/ ser po dang tha dad du mar rtog go /gal te gzugs kyi sku la sogs pa la rtog ba mi mnga' na sems can gyi don mdzad pa 'di mi rigs so zhe na/ de'i don ni gong du bshad zin to/ /nyi ma la rnam rtog mi mnga' yang 'od zer sna tshogs 'byung zhing dngos po gsal bar byed do/ /nyi ma'i dkyil 'khor de 'od zer ma yin no/ /nyi ma'i dkyil 'khor de 'od zer yin na khang pa'i nang la sogs pa dang/ yul 'di nyid du gnas par 'gyur la/ dkyil 'khor de nyid kyang tha dad par 'gyur ro/ /'od zer de nyid kyang nyi ma'i dkyil 'khor ma yin te/ de nyid yin na nam mkha' de nyid du gnas par 'gyur la/ dngos po kun gsal bar byed par yang mi 'gyur ro/ /de'i phyir de la de nyid 'od zer ma yin yang de las 'od zer 'byung zhing dngos po kun gsal bar byed do/ /de nyid kyi phyir mdo las/ sangs rgyas nam mkha' lta bu ste/ /sems can rnams ni ri lta bu'o/ zhes gsungs pas bsam gyis mi khyab po/ /mar me mdzad kyis dgongs pa dpag dka' zhing/ /dbu ma'i don chen blo yi yul min yang/ /mi shes bshad 'dod ston pa'i don ched du// man ngag gsal bar pradz+nyA mok+Shas byas/ /dge ba 'di yis bsod nams gang thob des/ /sa chu me rlung nam mkha' gnas kyi bar/ /bstan pa rin chen 'jig rten gnas gyur nas/ 'gro ba byang chub go 'phang thob par shog /dbu mi'i man ngag gi 'grel pa paN+Di ta shes rab thar pas mdzad pa rdzogs so/ / //rgya gar gyi mkhan po shes rab thar pa de nyid dang/ dge slong tshul khrims rgyal bas bsgyur cing zhus te gtan la phab pa'o// // ting nge 'dzin gyi mi mthun pa'i phyogs rnam par bzhag pa/ sangs rgyas dang byang chub sems dpa' thams cad la phyag 'tshal lo/ /de nas bcom ldan 'das kyi tshangs pa chen po la bka' stsal pa/ gnas pa dang spyad par mi dge ba'i chos rnam pa bcu yod de/ gal te rnal 'byor can dag spyod pa dag pa 'di las dga' tsam gyi rjes su zhugs na yang 'dod pa'i khams kyi dge ba'i rtsa ba tsam yang yongs su mi 'grub bo/ /ci ste sngar grub na yang de ma thag tu phyir stor cing nyams par gyur na gzugs dang gzugs med pa'i ting nge 'dzin dang/ theg pa gsum dang/ theg pa gcig gi bar thob par 'gyur lta ci smos/ bcu gang zhe na/ 'di lta ste/ 'jig rten kha cig ni ting nge 'dzin bsgom 'dod kyang 'tsho ba'i yo byad kyis 'brel pas 'tsho ba'i rkyen nyon mongs pa dang/ kha cig ni ting nge 'dzin bsgom 'dod kyang tshul khrims nyams shing kha na ma tho ba mang po byed pa dang/ kha cig ni ting nge 'dzin bsgom 'dod kyang phyin ci log tu lta zhing 'jig rten gyi ltas bzang ngan la chags te lus dang sems ma dul ba dang/ kha cig ni ting nge 'dzin bsgom 'dod kyang sems g.yo zhing rgod pas 'phags pa la gzhol te dbang po rgod pa dang/ kha cig ni ting nge 'dzin bsgom 'dod kyang phra ma byed pa dang dga' bas dbyen byed pa dang/ kha cig ni ting nge 'dzin bsgom 'dod kyang dag rtsub pos 'phags pa la smod cing dbang za ba dang/ kha cig ni ting nge 'dzin bsgom 'dod kyang tshig 'khyal pa dang rdzun du smra ba dang/ kha cig ni ting nge 'dzin bsgom 'dod kyang 'dod chags dang phrag dog gis gzhan gyi khe dang sti stang dang/ rnyed pa la mi dga' ba dang/ kha cig ni ting nge 'dzin bsgom 'dod kyang zhe sdang dang bcas pas sems can la gnod sems bskyed pa dang/ kha cig ni ting nge 'dzin bsgom 'dod kyang log par lta ba dang bcas pas rgyu dang 'bras bu med par lta'o/ /tshangs pa chen po de ltar shes par bya ste/ 'di dag ni gnas pa dang spyad par mi bya ba'i chos rnam pa bcu zhes bya'o/ /gal te ting nge 'dzin bsgom pa dag spyod pa ngan pa dag las 'ga' tsam yang rjes su zhugs na 'dod pa'i khams kyi dge ba yang yongs su mi 'grub po/ /ci ste sngar grub na yang de ma stor cing nyams par gyur na gzugs dang gzugs med pa'i ting nge 'dzin dang/ theg pa gsum dang theg pa gcig thob par gyur pa lta ci smos/ tshangs pa chen po gzhan yang gnas pa dang/ spyad par mi bya ba'i chos bcu yod de/ ting nge 'dzin bsgom pa dag spyod pa ngan pa 'di dag las 'ga' zhig dang ldan na ting nge 'dzin yongs su mi grub po/ /ci ste sngar grub na yang de? ma thag tu stor cing nyams par 'gyur ro/ /bcu gang zhe na 'di lta ste/ las bya ba'i dngos po la dga' zhing chag pa dang/ bre mo'i gtam la dga' zhing chags pa dang/ gnyid kyi log pa la dga' zhing chags pa dang/ zang zing tshol ba la dga' zhing chags pa dang/ gzugs bzang po la dga' zhing chags pa dang/ sgra snyan pa la dga' zhing chags pa dang/ dri zhim pa la dga' zhing chags pa dang/ ro zhim pa la dga' zhing chags pa dang/ reg bya 'jam po la dga' zhing chags pa dang/ rtog pa spyod pa la dga' zhing chags pa'o/ /tshangs pa chen po dang de ltar shes par bya ste/ gnas pa dang dpyad par mi bya ba'i chos rnam pa bcu po de ting nge 'dzin bsgom pa dang spyod pa ngan pa 'di las 'ga' zhig dang ldan na yang ting nge 'dzin yongs su mi 'grub po/ /ci ste sngar grub na yang de ma thag tu stor cing nyams par 'gyur ro/ / gal te ting nge 'dzin de ma grub na/ dge ba'i tshogs ci bsags kyang bde ba'i don du mi 'gyur te/ gang dag bdag gi longs spyod dang dad pas sbyin pas bsgrub pa'i phyir sems dang sems las byung ba'i chos ngan pa skye bar 'gyur ro/ /de'i rkyen gyis rgyal po blon po chen po'i khrims dang yang 'gal bar byed de/ kha cig la ni gsho zhing spyo ba yang byed de/ kha cig la ni lcag gis gzhu ba dang/ kha cig la ni lus kyi yan lag dang/ nyid lag gcod cing sog gcod par byed do/ de'i rgyu de'i rkyen gyis nad drag pos 'debs shing yun ring por sdug bsngal myong ba dang/ tshe thung ba dang/ 'chi 'phos nas ngan song gsum gang yang rung ba cig gi nang skye ba nas/ mtshams med pa'i sems can dmyal ba'i bar du ltung bar 'gyur te/ a dra ka dang/ ar da ka dang/ lha min la sogs pa dang/ 'dra bar bsam gtan las nyams nas/ mtshams med pa'i sems can dmyal bar ltung zhing/ rnam pa tshad med pa bskyed kyi sdug bsngal chen po mi bzod pa kun myong bar 'gyur ro/ de'i tshe bcom ldan 'das kyis tshe dang ldan pa cang shes ko'u di n+ya la 'di skad ces bka' stsal to/ /khyod pas mthar gnas shing ting nge 'dzin bsgom pa'i dge slong dag gnas khang mchog dag na gnas shing/ mal cha mchog dang/ kha zas mchog la spyod cing/ dge 'dun gyi las thams cad mi byed par gnang ngo/ /ci'i phyir zhe na/ ting nge 'dzin bsgom pa dag gal te tsho ba'i yo byad kyis 'brel bar gyur na/ sems dang sems las 'byung ba'i chos ngan pa skye zhing/ ting nge 'dzin thams cad mi grub pa nas/ mtshams med pa'i sems can dmyal ba'i bar du ltung zhing mi zad pa'i sdug bsngal chen po rnam pa tshad med bskyed myong bar 'gyur ro/ /ting nge 'dzin bsgom pa dag gal te 'tsho ba'i yo byad dang ldan na/ ting nge 'dzin ma grub pa yang grub pa dang/ sngar grub pa dag kyang mi nyams so/ /de'i dbang gis mi dge ba'i chos thams cad mi skye ba nas/ bzhu ba de bzhin du rgyas par mi dge ba'i rtog pa dang/ spyod pa'i bar du mi skye la/ mtho ris kyi lhar skyes nas/ mya ngan las 'das pa'i bar du thob par 'gyur ro/ /ting nge 'dzin bsgom pa dag gal te ting nge 'dzin ma grub pa/ nam gyi stod dang/ nam gyi smad la mi nyal bar te/ brtson 'grus su bslab cing bsgom pa dang/ 'du 'dzi yongs su spangs te/ 'dod pa nyung zhing chog shes par bya ba dang/ ci la yang mi chags pa dang/ 'dod chags dang/ zhe sdang dang/ khong khro ba dang/ 'chab pa dang/ 'khrugs pa dang/ 'tshe ba dang/ nga rgyal dang/ rgyags pa dang/ phrag dog dang/ 'jungs pa dang/ phra ma dang/ dag rtsub po dang/ brdzun dang/ 'jig rten gyi rtsod pa dang/ bag med pa thams cad yongs su spangs so/ /gang de ltar nan tan byed pa de ni brgya byin dang/ tshangs pa dang/ 'jig rten skyong ba bzhi dang/ 'khor los sgyur ba'i rgyal po la sogs pas bstod pa/ bsngags pa dang/ phyag dang/ sti stang dang/ rim gro dang/ bsnyen bkur la sogs pa dang/ sbyin pa bye ba khrag khrig brgya stong skyed kyang blang bar bya na/ rgyal rigs dang/ bram ze dang/ rje'u rigs la sogs pa'i mchod pa len pa lta ci smos/ ting nge 'dzin ma thob pa pa dag kyang de dag gi bstod pa dang/ bsngags pa dang/ phyag dang/ bkur sti dang/ rim gro dang/ bsnyen bkur dang/ sbyin pa dang/ mchod pa bdag gi byed du snang na/ ting nge 'dzin thob pa lta smos kyang ci dgos/ de nas bcom ldan 'das kyis tshigs su bcad de bka' stsal pa/ ting 'dzin bsgoms pas the tsom gcod 'gyur te/ /de ma gtogs pa gzhan gyis nus ma yin/ /de bas ting 'dzin bsgom pa mchog yin gyi/ /mkhas pa dag gis de la mchod par bya/ /shin tu rgyas pa chen po sa'i snying po 'khor lo bcu pa'i mdo las 'byung ba/ gnas pa dang/ spyad par mi bya ba dang/ ting nge 'dzin mi mthun pa'i phyogs rnam par bzhag pa rdzogs so/ / //rgya gar gyi mkhan po hwa shang zab mo la sogs pa dang/ zhu chen gyi lo ts+tsha ba bande rnam par mi rtog pas bsgyur cing zhus te/ gtan la phab pa'o// // (sgom rim mdzad byang med pa bzhugs so/ /) //bsgom pa'i rim pa mdo kun las btus pa/ sangs rgyas dang byang chub sems dpa' thams cad la phyag 'tshal lo/ /dal 'byor rnyed dka' bshes gnyen bsten/ /ston pa rjes dran mi rtag bsgom/ /yid 'byung ba dang 'phags pa'i bden/ /mi ldog pa yi 'khor lo dang/ /'khor gsum yongs su dag pa'i gtam/ /brgyad po 'di ni spyi sdom yin/ /dal 'byor gyi rten rnyed par dka' ba ni/ /gtsug na rin po ches zhus pa las/ dal 'byor mir skye rnyed pa shin tu dka' / /'dren pa mthong ba shin tu rnyed par dka' / /zhi ba'i chos kyang thos pa rnyed par dka' / /tshul khrims dad pa 'ang shin tu rnyed par dka' / zhes gsungs so/ / lha'i bu blo gros rab gnas kyis zhus pa las kyang/ mi khom brgyad po thams cad rnam spangs shing/ /khom pa phun sum tshogs pa rnyed dka' thob 'gyur la/ /sangs rgyas 'byung dang yun du gnas pa dang/ /de bzhin bstan la dad pa thob pa dka' / /mi yi srid pa rnyed par dka' bas na/ /rgyal ba rnams kyis bstan la legs brtson gyis/ /sgra la 'chel cing 'dug par ma byed par/ /chos thos gyur nas rtag tu nan tan gyis/ /chos smra'i dge ba'i bshes gnyen gang yin bsten gyis la/ /sdig pa'i grogs la lan 'ga' ang ma bsten cig /ces gsungs so/ /mya ngan las 'das pa'i mdo las kyang/ dge slong dag mi khom pa brgyad dang bral te/ mi'i lus thob par dka' ba thob nas de? dang phrad par gyur na don med par chud mi gsan no/ /de bas na khyed rnams bag med par mi bya'o/ /dge slong dag ji ltar na yang dag pa'i chos kyi rin po che'i mkhar brgyan cing/ tshul khrims dang/ ting nge 'dzin dang/ shes rab kyi ra ba dang/ 'obs dang nye 'khor lta bur 'gyur ba soms shig / khyed sangs rgyas kyi chos rin po che mkha' lta bu dang phrad pa'i 'og tu yang dag pa ma yin pa sgyu dang bcas pa khas len pa mi rigs so/ /dper na tshong dpon dag rin po che yang dag pa'i gling du phyin na gyo mo dang rnga? blangs te phyir khyim du 'ongs pa dang 'dra bar khyed kyang rin po che'i gleng du phyin nas rjes sgyu ma dag len to/ /dge slong dag zhum pa'i bsam pas chog pa'i sems ma bskyed cig /khyed rnams rab tu byung mod kyi theg pa chen po la mos par mi byed do/ /dge slong dag kha dog bsgyur ba'i gos ngur smrig gyon mod kyis sems theg pa chen po la yang dag pa'i chos la zhen par ma gyur ro/ /dge slong dag bsod snyoms la zhugs te kun tu rgyu mod kyi theg pa chen po'i zas ma myong ngo/ /dge slong dag skra dang kha spu bregs mod kyi yang dag pa'i chos kyis kun nas nyon mongs pa med par byas so/ /de bas na khyed rnams kyis dpa' zhing brtul 'phod pa'i sems kyis kun nas nyon mongs pa gzhom pa la brtson par gyis shig ces gsungs so/ /dge ba'i bshes gnyen bsten pa ni mya ngan las 'das pa'i mdo las/ dge ba'i bshes gnyen bsten pa ni lam ste/ dge ba'i bshes gnyen la bsten na tshul khrims yongs su dag par 'gyur te/ bla na med pa yang dag par rdzogs pa'i byang chub tu sems bskyed par 'gyur ro/ zhes gsungs so/ /de nyid las dge ba'i bshes gnyen zhes bya ba ni mi dge ba bcu spong bar byed cing dge ba bcu spyod par byed do/ /don de lta bas na dge ba'i bshes gnyen zhes bya'o/ /yang dag pa'i chos ji lta ba bzhin du ston cing ji ltar bstan pa bzhin du spyod pa'o/ /ji ltar zhe na/ 'di ltar bdag srog mi gcod pas gzhan la srog mi gcod pa ston pa na bdag yang dag pa'i lta ba la nan tan byed pa nas gzhan yang yang dag pa'i lta ba la nan tan byed du 'jug pa ste/ de ni yang dag pa'i dge ba'i bshes gnyen zhes bya'o/ /bdag byang chub la nan tan byed pas gzhan yang de la dgod pa dang/ bdag dad pa dang/ tshul khrims dang/ sbyin pa dang/ mang du thos pa dang/ shes rab bsgoms pas gzhan yang de la 'god pa dang/ dge ba'i bshes gnyen zhes bya ba ni dge ba'i chos yod pa'i phyir ro/ /dge ba'i chos gang zhe na/ 'di ltar ci byed do cog bdag la bde bar mi sbyor gyis rtag tu sems can dag bde bar sbyor ba dang/ gzhan gyi nyes pa mthong yang skyon mi smra ba ste/ rtag tu dge ba'i chos 'ba' zhig smra'o/ zhes gsungs so/ /dkon mchog sprin las de bla ma la brten na dge ba'i chos 'phel ba dang sdig pa 'grib po snyam ste mkhan po thos pa mang yang rung nyung yang rung shes sam mi shes kyang rung/ tshul khrims dang ldan nam mi ldan yang rung ste/ de la ston pa'i 'du shes bskyed do/ /ji ltar ston pa la dga' zhing dad pa ltar mkhan po la yang byed do zhes 'byung ngo/ /rgyal ba'i yum las kyang rigs kyi bu khyod kyis sdig pa'i grogs po dag yongs su spang bar bya'o/ /dge ba'i bshes gnyen gang chos thams cad stong pa nyid dang/ mtshan ma med pa la sogs par ston pa dag la khyod kyis bsnyen par bya gus par bya/ bsnyen bkur bya'o zhes bya ba nas rigs kyi bu khyod kyis dge ba'i bshes gnyen la shin tu gus pa bskyed par bya'o/ /phangs par bya'o rab tu dang bar bya'o/ /dge ba'i bshes gnyen gyis zin pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o zhes gsungs so/ /sangs rgyas rjes su dran pa ni mya ngan las 'das pa'i mdo las/ chos gcig la gang bsgom zhing nan tan byed pa des sems can thams cad kyis mya ngan dang sdug bsngal dang 'khrug pa rnams byang zhing dag pa chos thob par gsungs pa ni 'di lta ste/ sangs rgyas rjes su dran pa'i ting nge 'dzin no zhes gsungs so/ / sangs rgyas phal po che nas/ ji ltar sa ni ro gcig kyang/ /sa bon tshul bzhin myu gu ston/ /byams dang sdang ba sems dpa' med/ /sangs rgyas yon phul de bzhin no/ zhes gsungs so/ /chos yang dag par sdud pa'i mdo las/ 'di lta ste/ dper na me ni shing thams cad la yod mod kyi/ rkyen dang rtsol ba ma tshang bar me mi 'bar zhing dgos pa rnams mi byed do/ /de bzhin du de bzhin gshegs pa yang shes bya thams cad la gnas mod kyi dad pa la sogs pa'i rkyen dang rtsol ba ma tshang na ni 'byung ste/ sangs rgyas kyi bya ba rnams kyang mi mdzad do/ zhes 'byung ngo/ /yang de nyid las dper nas ni rnam par mi rtog cing 'gyur ba med par gnas te de la khe 'dod pas smos na lo tog phun sum tshogs par 'gyur ro/ /de las zlog na mi 'gyur ro/ /de bzhin du de bzhin gshegs pa yang rnam par mi rtog cing 'gyur ba med pas gnas te/ de la yon tan 'dod pa gang dag de bzhin gshegs pa la dad pa dang dang ba dang gus pa bskyed pa de dag gi yon tan gyi lo tog phun sum tshogs par 'gyur ro/ /de las zlog pa ni mi 'gyur ro/ /zhes gsungs so/ /yang de las rigs kyi bu byang chub sems dpa' chos kyi tshul la 'jug pa bcus sangs rgyas khong du chud pa bya ste/ rgyu 'thun pa'i sangs rgyas dang/ rnam par smin pa las byung ba'i sangs rgyas dang/ ting nge 'dzin gyi sangs rgyas dang/ smon lam gyi sangs rgyas dang/ sems kyi sangs rgyas dang/ ngo bo nyid kyi sangs rgyas dang/ longs spyod rdzogs pa'i sangs rgyas dang/ sprul pa'i sangs rgyas dang/ btags pa'i sangs rgyas dang/ mdun du byas pa'i sangs rgyas so/ zhes rgyas par gsungs so/ /sangs rgyas phal po che las kyang/ yang dag sangs rgyas chos kyi sku/ /'dres pa med cing gnas pa med/ /sems can thams cad yid bzhin du/ /gzugs kyi sku yang rab tu mthong/ zhes gsungs so/ /yab dang sras mjal ba las/ gang zhig gzhan la gsan par ma mdzad par/ /rtogs par dka' ba rab tu zhi ba yis/ /byang chub bla med mngon par sangs rgyas pa/ /de yi gsung la su zhig yid mi ches/ /skye dgu kun la pha bzhin thugs brtse bas/ /stobs bcu thugs rje mnga' bas byams par dgongs/ /thugs rjes thugs brtses sems can grol mdzad kyis/ /'dren pa mi mchog la ni dad pa skyed/ /rga dang 'chi bas 'jigs pa'i nyon mongs la/ /rga shi med mchog mi la ston mdzad cing/ /'chi med gnas su sems can don mdzad kyis/ /'dren pa mi mchog la ni dad pa skyed/ /ces gsungs so/ /lha mo dpal gyi phreng ba seng ge'i sgras zhus pa las/ bcom ldan 'das de bzhin gshegs pa ni 'jig rten la dus kyis mdza' mchis pa'i thugs rje can dang/ dus kyi mdza' mchis pa'i thugs dam mnga' ba ma lags te/ dus kyi mdza' med par thugs rje dang/ dam bcas pas sems can a la la zhes mchis pa dag ni de bzhin gshegs pa nyid la yang dag par smra bas smra ba lags so/ /zhes gsungs so/ /dkon mchog sprin las kyang kye ma sems can 'di dag ni bu smad dang khyim dang nor dang 'bru la sred pas 'khol bas snying po med la snying por 'du shes pa yin gyis de dag la mi rtag pa bstan par bya'o/ /zhes de'i phyir de bzhin gshegs pa sems can rnams la snying rje chen po skye'o/ /kye ma sems can 'di dag ni mi rigs pas 'tsho ba ste/ gcig la gcig 'drid par gnas pa yin gyis de dag la 'tsho ba yongs su dag par bya ba'i chos bstan to/ /zhes de bzhin gshegs pa sems can rnams la snying rje chen po skye'o/ /kye ma sems can 'di dag ni khyim gyi gnas sdug bsngal gyi snod du shin tu nyon mongs pa la rtag tu dga' ba yin no/ /de dag las 'byung zhing khams gsum las yang dag par 'da' bar bya ba'i phyir chos ston to/ zhes sems can rnams la snying rje chen po skye'o/ /chos thams cad rgyus nye bar 'gro ba ste/ sgrub pas nye bar gnas pa'i mtshan nyid can yin na sems can 'di dag ni 'phags pa'i rnam par grol ba la le lo byed pa yin gyis de dag las rnam par grol ba la lhur blang ba'i phyir brtson 'grus brtsams par chos bstan to/ /zhes de bzhin gshegs pa sems can rnams la snying rje chen po skye'o/ /kye ma 'jig rten gnas pa 'di ni brkam zhing 'dod pas zil gyis non pa ste chog mi shes shing gzhan gyi nor 'phrog pa yin gyis de dag la 'phags pa'i nor dad pa la sogs pa bdun la 'god do/ /zhes sems can rnams la de bzhin gshegs pa snying rje chen po bskyed do/ /zhes gsungs so/ /gsang ba bsam gyis mi khyab pa las zhi ba'i blo gros yongs su brtag pa gzung ste/ gang+gA'i klung gi bye ma snyed kyi sems can thams cad mi'i lus thob par 'gyur la/ de'i nang nas sems can gcig gis sems can de dag ji snyed pa de snyed la/ de bzhin gshegs pa'i sku gzugs dang/ mdog dang/ rtags dang/ dbyibs dang spyod lam du sems shing mos te/ de bzhin du sems can thams cad kyang de ltar mos kyang zhi ba'i blo gros rnam grangs des kyang de bzhin gshegs pa sems can de dag thams cad kyi mos pa tshim par mdzad de/ zhi ba'i blo gros 'di ni de bzhin gshegs pa'i sku'i gsang ba'o/ /zhes bya'o/ /de nas byang chub sems dpa' shugs 'chang 'di snyam du de bzhin gshegs pa'i spyi gtsug bltar m i mthong la sku tshad med kyang mdza' yongs su btsal lo snyam nas steng gi phyogs gang+gA'i klung gi bye ma bye ba phrag brgya'i sangs rgyas kyi zhing 'das te pad+ma can gyi 'jig rten gyi khams na sangs rgyas pad+ma'i dpal gyi rgyal po'i spyan sngar phyin nas bltas kyang ma mthong ngo zhes bya ba nas rigs kyi bu gang yang dpe bzhag pa ji snyed pa de bzhin gshegs pa'i tshul khrims dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba dang/ sku dang gsung dang thugs dang mtshan gyi dpe 'god pa ni de bzhin gshegs pa la skur pa 'debs pa'o/ /dpe gcig po ni ma gtogs te 'di lta ste/ nam mkha' o zhes bya ba nas 'jig rten mgon po'i spyi gtsug kyang/ /nam mkha' i khams dang mtshungs pa lags/ /nam mkha' i ji bzhin khyab gyur pa/ /gsung gis kyang ni de snyed khyab/ /gsung gi ji snyed khyab gyur pa/ /thugs kyis kyang ni de snyed khyab/ /gang gis byang chub blo bskyed pa/ /de snyed bsod nams khyad par bgyid ces bya ba la sogs pa'i/ /zhi ba'i blo gros de bzhin gshegs pa'i gsungs gi gsang ba phrin las gang zhe na/ zhi ba'i blo gros gang gi nub mo de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas pa nas len pa med pa mya ngan las 'das pa'i bar du de bzhin gshegs pas yi ge 'bru gcig kyang ma gsungs so/ /de ci'i phyir zhe na/ de bzhin gshegs pa la dbugs 'byung ba dang rdub pa mi mnga' o/ /rnam par mi rtog go rnam par mi spyod do/ /de dag med pa dag mi 'byung ngo zhes bya ba nas sems can de dag ni de bzhin gshegs pa ni gsung ngo snyam mo/ /bdag cag gis de bzhin gshegs pa'i chos bstan pa kun shes so snyam mo zhes bya ba nas zhi ba'i blo gros de bzhin gshegs pa'i gsung ni phyogs bcu'i 'jig rten rgyas par 'gengs shing sems can gyi bsam pa tshim par mdzad kyang gsung rab bcu gnyis ston to/ /gsal bar byed do rab tu shes par byed do rab tu 'jog go /rnam par 'byed do/ /zhes mi dgongs so zhes bya ba nas tshe dang ldan pa mo'u gal gyi bu 'di snyams du sems te/ de bzhin gshegs pa'i gsung gi dkyil 'khor ji srid gcig tu 'gro ba dpag par bya'o snyam nas ri rab kyi rtse mor phyin na yang de bzhin gshegs pa'i gsung de kho na 'dra ba thos so/ /gling gzhi las kyang 'das pa/ khor yug las kyang 'das te zhes bya ba nas nub phyogs kyi sangs rgyas kyi zhing gang+gA'i klung dgu bcu rtsa dgu'i bye ma snyed 'das pa na de bzhin gshegs pa 'od zer gyi rgyal po bzhugs pa der phyin pa na yang 'dom gang na 'dug pa'i mi'i sgra thos pa ltar de bzhin gshegs pa'i gsungs de 'dra ba kho nar thos zhes 'byung ngo/ /yang de nyid las gsang ba'i bdag pos zhi ba'i blo gros la 'di skad ces smras so/ /zhi ba'i blo gros de bzhin gshegs pa'i thugs kyi gsang ba dang phrin las gang zhe na/ de bzhin gshegs pa'i thugs la ldog pa mi mnga' rtog pa mi mnga' 'gyur ba mi mnga' / /thugs kyi tshad mi mnga' / thugs la 'khrul pa mi mnga' bas na chos thams cad la de'i ye shes ma chags ma thogs par 'jug go / sems can gyi spyod pa thams cad la yang gzigs so/ /sems can thams cad kyi kun nas nyon mongs pa dang rnam par byang ba yang rab tu mkhyen to/ /de'i stobs bcu dang/ mi 'jigs pa bzhi dang/ sangs rgyas kyi chos ma 'dres pa bco brgyad la yang bsnyel ba mi mnga' ste/ zhes bya ba nas sems can thams cad la thugs brtse ba sems can thams cad kyi sems dang spyod pa dang/ bsam pa la yang ye shes chags pa dang thogs pa mi mnga' zhing lhun gyis grub par 'jug go /zhi ba'i blo gros 'di yang de bzhin gshegs pa'i thugs kyi gsang ba dang phrin las so zhes 'byung ngo/ /lha mo dpal gyi phreng ba seng+ge'i sgra yis zhus pa las/ bcom ldan 'das de lta lags pas de bzhin gshegs pa ni skyabs ma mchis pa dang/ skyabs rtag pa dang/ bstan pa la sogs so/ /bcom ldan 'das chos zhes pa gyi ba ni theg pa gcig gi lam bstan pa'i tshig bla dags so/ /dge 'dun zhes bgyi ba ni theg pa gsum pa'i tshig bla dags so/ /skyabs 'di gnyis ni de'i yan lag gi skyabs zhes bgyi ste/ skyabs kyi rab ma lags so/ /drang srong rgyas pas zhus pa las kyang bcom ldan 'das bdag ni rgas 'khogs gtugs pas 'bras bu rnams la rtsol ba'i rngo mi thog bdag khur chen po khur ba'i rdo mi thog go / bdag dang bcom ldan 'das dang/ chos dang/ thams cad spangs pa'i dge 'dun la skyabs su mchi'o/ /bdag dang slan chad slob ma dang bcas g.yog dang bcas te dkon mchog gsum la skyabs mchi'o zhes gsungs so/ /'dus byas mi rtag pa yi la bya ba ni mya ngan las 'das pa'i mdo las/ mi rtag bsgom pa ni lam lags te/ de yang dge slong rnams la bka' stsal pa/ gang zhig mi rtag pa la mang du bsgoms na bla na med pa yang dag par rdzogs pa'i byang chub tu 'tshang rgya'o/ /zhes gsungs so/ /mtshan mo bzang po'i mdo las kyang/ sang tsam 'chi yang sus shes kyis/ /de ring nyid nas brtun te bya/ /'chi bdag sde chen de dag ni/ /bdag dang bshes pa yod ma yin/ /zhes 'byung ngo/ /sdom pa gsum bstan pa las kyang/ bdag ni myur du 'chi'o zhes/ /'chi ba'i 'du shes bsgom par bya/ /de las longs spyod bsags pa las/ /longs spyod la ni snying po blang/ /bu dang chung ma'i don gyi phyir/ /des ni nor dag bsag mi bya/ /lus dang longs spyod srog rnams la/ /snying po myur du blang bar bya/ /byang chub don du mdun drag skyed/ ces gsungs so/ /mya ngan las 'das pa las kyang/ skye ba yod na 'chi ba yod/ /tshe lo grangs med thub pa yang/ /tha mar 'chi bar rig par bya/ /dar ba yod na rgud pa yod/ /'du ba yod na 'bral bar 'gyur/ /lang tsho de yang mi rtag ste/ / dar ba'i mdog kyang nad kyis 'phrog / 'tsho ba'i tshe yang 'chi bas 'phrog /rtag pa'i chos ni 'ga' yang med/ /ces bya ba la sogs pa'o/ /yid 'byung ba'i gtam ni tshong dpon bzang skyong gis zhus pa las// bcom ldan 'das sems can dmyal ba'i kha dog ji lta bu lags/ /lus kyi rnam pa ji lta bu lags/ bzang spyod de dag kha dog ni khrag lta bu dang/ sprin sngon po lta bu dang/ sha gzi gu lta bu'o/ /de dag gi lus ni rgyal po'i bu gzhon nu lta bu gzhon sha can du 'gyur ro/ /lus che ba ni khru brgya par 'gyur ro/ /sen mo ring zhing kha yu yod pa rkang lag mi sdug pa 'dzam+bu gling pas mthong na 'chi ba'i dus byed par 'gyur ro/ /dmyal ba de dag gis rgyang ring po nas zangs dang rag na dmar po mthong ste kha zas 'dod pas khyer shog cig zer ro/ /de dag 'phungs nas snyim pa bzed nas zangs dang ra gan bskol ma ga la ba der song ste kha gdangs pa dang/ zangs dang ra gan rab tu 'bar ba des su ru ru rab tu 'bar zhing khog pa 'bar bar 'gyur ro/ /rus par gyur kyang rus pa 'bral bar mi 'gyur 'chi ba'i dus byed par mi 'gyur zhes bya ba nas de dag gis skyed mos tshal mthong nas de dag 'dus nas phyin pa dang/ shing de dag gi me tog dang lo ma ral grir 'gyur te/ ral gri de dag gi yan lag gcod cing bshegs par byed de nyam thag pa'i sgra chen po 'byin to/ /gshin rje'i mi'i lag na thob thogs sog le thogs nas bzhin bsgyur nas skra 'bal zhing mus ' bar ba'i phreng bas g.yogs la mtshon cha gzas pa dag 'di skad du khyed cag sdod cig da gar 'bros khyed rang gi las sgrubs pa'i tshal 'di nyams su myong bar gyis shig ces zer te zhes byas nas mun pa mun nag chen por zhugs te/ mi rgod kyi khrid pa bzhin du kyi hud 'di snyam du/ bdag ni 'dzam+bu'i gling bkra ba bor ro/ /da ni mtho ris mi mthong ngo snyam mo zhes bya nas de nas bzang skyong pa zing? zhes byed de/ bcom ldan 'das la skyabs su song ngo zhes gsungs so/ /rgyal po 'char byed kyi zhus pa las kyang/ mi rnams gang dag sdig byed pa/ /me yi phung por ldan rnams su/ /bskal pa du mar btso bar 'gyur/ /phra skam rnon po rnams kyis ni/ /bzung zhing yang dang yang bsnyungs bas/ /de dag sha ni yod min pas/ /dung ltar dkar ba dag tu 'gyur/ /lcags kyi gzhong par 'dug nas ni/ /rab tu tsha zhing sreg par byed/ /shi zhing shi zhing skye 'gyur te/ /rang gi las kyis gnas par 'gyur/ /gal te dmyal ba'i srung rnams kyis/ /ngan pa'i mi rnams de dag ni/ /rtun la sogs par brdung ba na/ /sha rkang rus pa phye mar 'gyur/ /de yi tshe na de dag ni/ /shin tu grang ba'i rlung yang ldang/ /sdug bsngal gyur pa de las 'tsho/ /sta re rnams kyis gshegs pa dang/ /de bzhin gsal shing 'dzugs par 'gyur/ /mi rnams gang dag sdig byed pa/ /lcags mdung rtse mo bzhi pa dang/ /rtse gsum pa dang rtse lnga 'bab/ /ral gri mchu can khra rnams kyis/ /mgo dang lag pa btogs gyur cing/ /wa dang spyang kis za ba dang ? mi rnams gang dag sdig byed pa/ /rab tu tsha bar sreg 'gyur zhing/ /ngu 'bod dang ni ngu 'bod che/ /thig nag du yang bsreg par 'gyur/ /yang nas yang du me mur dang/ /spu gri'i chu klung rnams su ltung/ /gang tshe lcags kyi zangs po cher mi rnams de dag 'tshang ba na/ /khyi rnams kyis ni gces par 'gyur/ /lcags las byas pa'i grag chen dang/ /mi sdug ri bo rnams kyis ni/ /de tshe kun nus lus 'joms byed/ /'bras bu de 'dra thob byed kyang/ /de la skyob pa 'ga' yang med/ /ces 'byung ngo/ /rgyal po las gdams pa'i mdo las/ de dud 'gro'i skye gnas su skye ba mthong na 'di lta ste/ rgya mtsho chen po'i nang na nya rlon dang nya ming la sogs pa srog chags gcig gis gcig gsod pa dang/ 'tshe ba dang dbang med par skye'o/ /bdag yi dags kyi nang du skye bar mi 'gyur snyam na/ 'di lta ste lo mang po dang/ lo brgya phrag mang po dang/ lo stong phrag mang por chu'i sgra yang mi thos na mthong ba lta ci smos par 'gyur ro/ zhes gsungs so/ /dri ma med par grags pas bstan pa las/ gdul dka' ba 'dul ba'i gtam gang zhe na/ 'di lta ste/ 'di ni sems can dmyal ba'o/ /'di ni byol seng ngo/ /'di ni gshin rje'i 'jig rten no/ /'di ni lus kyi ngan par spyod pa'o/ 'di ni lus kyi ngan par spyod pa'i rnam par smin pa'o/ 'di dag gi ngan par spyod pa'o/ /'di ni dag gi ngan par spyod pa'i rnam par smin pa'o/ /'di ni yid kyi ngan par spyod pa'o/ /'di ni yid kyi ngan par spyod pa'i rnam par smin pa'o/ /'di ni ser sna'o/ /'di ni ser sna'i 'bras bu'o zhes bya ba nas 'di ni shes rab 'chal ba'o/ /'di ni shes rab 'chal pa'i 'bras bu'o/ zhes de ltar gsungs pas rta rgod 'dra ba'i sems can rnams 'dul bar byed do/ /zhes gsungs so/ /mya ngan las 'das pa chen po las/ /mi dge ba bcu rab byas pas ni sems can dmyal ba rnams su myong ngo/ /'bring byas pas ni byol song gi lus myong ngo/ /tha ma byas pas ni yi dags kyi lus myong ngo/ /zhes 'byung ngo/ /yang de nyid las sdig pa phra mo chung ngu yang/ mi gnad snyam du brnyas mi bya/ /chu yi thigs pa chung ngu yang/ snod chen yongs su gang bar 'gyur/ /ces gsungs so/ /des pas zhus pa las/ sa bon tsha ba rnams kyis ni/ /'bras bu tsha ba skye bar 'gyur/ sa bon mngar ba rnams kyis ni/ /'bras bu mngar ba skye bar 'gyur/ /sdig pa'i rnam smin tsha ba dang/ /dkar po'i rnam smin mngar ba dang/ /mkhas pa'i mis ni shes par bya/ /zhes gsungs so/ /rgyal po la gdams pa las kyang/ dus kyi gnyer ta rgyal po 'gro dgos na/ longs spyod mdza' bshes gnyen bshes phyir mi 'brang/ /skyes bu de ni gang dang gar 'gro bar/ /las ni grib ma bzhin du rjes su 'brang zhes 'byung ngo/ /yang brgya pa las/ lus can kun gyi las rnams ni/ /bskal pa brgyar yang chud mi za/ tshogs shing dus la bab pa na/ /'bras bu nyid du smin par 'gyur/ zhes gsungs so/ /gsang ba bsam gyi mi khyab pa las/ las kyi rnam par smin pa la yid ches pa dang/ dkar po dang nag po'i las kyi rnam par smin pa chud mi za bar rig nas/ srog gi phyir yang mi bya mi byed do/ zhes gsungs so/ /yang de las grogs po dag 'jig rten skyong bar byed pa'i chos bzhi ste/ 'di lta ste/ 'dod pa dang/ zhe sdang dang/ 'jigs pa dang/ gti mug spangs pas 'dod pas 'gro ba ma yin par mi 'gro ba dang/ zhe sdang gi 'gro ba ma yin par mi 'gro ba dang/ 'jigs pas 'gro ba ma yin par mi 'gro ba dang/ gti mug gis 'gro ba ma yin par mi 'gro ba'o/ zhes 'byung ngo/ /mya ngan las 'das pa las/ dge ba bcu la yang rnam pa bzhi ste/ rab dang 'bring dang/ tha ma dang rab kyi rab bo/ /de la tha mas ni sgra mi snyan du skye'o/ 'bring gis ni lus 'phags su skye'o/ rab kyis ni ba lang spyod du skye'o/ /rab kyi rab kyis ni 'dzam+bu'i gling du skye'o/ /zhes 'byung ngo/ /sa'i snying po 'khor lo bcu pa las/ rigs kyi bu byang chub sems dpa' i 'khor lo bcu gang zhe na/ rigs kyi bu 'khor lo bcu ni dge ba bcu yin par shes par bya'o/ /'khor lo bcu po 'di dang ldan pas na/ sdig pa thams cad las rnam par grol ba dang/ dge ba'i chos thams cad yongs su rdzogs pa dang/ skye bo thams cad smin par byed cing thams cad la phan pa dang/ bde ba yongs su thob par byed do/ /de ci'i phyir zhe na/ rigs kyi bu snga ma 'das pa'i sangs rgyas thams cad kyis kyang mi dge ba bcu spangs te dge ba bcu las kyi lam 'di bsngags pas 'bras bu thob par gyur to/ /gzhan yang byang chub sems dpa' nam 'tsho'i bar du srog gcod pa sdangs na/ de nyid sems can thams cad la mi 'jigs pa sbyin pa yin/ /thog ma med pa nas srog gcod pa'i las las byung ba dang/ nyon mongs pa'i sgrib pa dang/ chos kyi sgrib pa dang/ tshe'i sgrib pa thams cad zad par byed do/ /'chi ba'i tshe na yang gshin rje'i pho nya mthong bar mi 'gyur ro/ /yid du 'ong ba'i dge ba'i bshes gnyen chos kyi dul ba tshul khrims dang yon tan dang ldan pa dang 'phrad cing shin tu dad pa skye bar 'gyur ro/ /tshe 'phos nas yang mi'i nang du dbang po tshang ba dang/ yan lag dang/ tshe ring ba dang/ gzugs bzang pa dang/ yid gzhungs pa dang/ bde zhing skyid pa dang/ dge ba'i bshes gnyen dang phrad cing dge ba'i chos thams cad rdzogs par byas nas byang chub thob pa'i bar du 'gyur ro/ /rigs kyi bu 'di ni 'khor lo dang po'o/ /rigs kyi bu 'khor lo de dang ldan na sems can dmyal bar mi ltung ba nas ngan song thams cad du ltung bar mi 'gyur ro zhes bya snas/ log par lta ba spong ba'i bar du rgyas par sbyar bar bya'o/ /sdom pa gsum bstan pa las/ 'od srungs chos gsum dang ldan na rgyal rigs shing sA la lta bu gzugs bzang ba dang/ mdzes pa dang lta na sdug pa dang/ kha dog bzang po rgyas pa mchog dang ldan pa dang/ le lo med pa dang/ bsal ba dang/ shin tu nges par 'gyur te/ 'di lta ste/ dge sbyong dang bram ze mthong na 'di dag ni sbyin gnas so/ /mchod par 'os pa'o/ /phyag gis gnas so/ /zhes dga' ba bskyed do/ /gos dang zas dang mal cha dang na ba'i gso sman dang/ /yo byad kyis mgron du gnyer ba 'di ni chos dang po'o/ /gzhan gnyis ni brdzun spong ba bsnyen bkur gyi snying po len pa'o zhes gsungs so// yang de nyid las/ ci 'dra ba yi las byas pa/ rnam par smin pa de 'drar 'gyur/ /bskal pa bye ba phrag brgyar yang/ /de ni chud zar gyur pa med/ ces 'byung ngo/ /sa'i snying po 'khor lo bcu ba'i mdo las kyang/ gal te srog gcod yongs spangs na/ /kun gyis bkur zhing bla mar byed/ /rtag tu nad med tshe yang ring/ /bde zhing skyid la gnod pa med/ /skye bo'i gnas ni thams cad du/ /sangs rgyas spyod yul lam la mos/ /sangs rgyas chos dang dge 'dun mthong/ /myur du bla med byang chub thob/ ces bya ba nas/ ngan par lta ba yongs spangs nas/ /rnam dag dang ba'i sems bsgoms na/ /theg gsum ston pa mos byed cing/ /sangs rgyas kun la mchod pa byed/ /ngan song kun las yongs thar te/ /'phags pa'i dge 'dun rnams dang phrad/ /byang chub sems dpa' i yon tan ldan/ /ye shes mchog kyang thob par 'gyur/ /zhes gsungs so/ /mngon par mtho ba'i le'u ste dang po'o// //'phags pa'i bden pa'i gtam ni sa'i snying po N'khor lo bcu pa las/ 'du 'ji dga' zhing tshul khrims bsrungs zhing/ slob dpon 'chad zhing sdug bsngal 'jigs pa/ /mkhas pa dag gis shes par gyis shig /de ni nyan thos theg pa yin no/ /sbyin la dga' zhing skye 'gog rtog pa/ khas? mdza' i gnas mal dga' ba dag ni/ /rang rgyal ba yi theg pa yin par/ mkhas pa dag gis shes par gyis shig /dge ba'i rtsa ba kun dang ldan zhing/ /byams pa dang ni snying rje'i sems kyis/ /rtag tu phan pa'i don la dga' ba/ /de ni theg pa chen po yin no/ /tshul khrims bsrung zhing lus srog spong zhing/ /sems can dag la mi 'tshe mi gnod/ /stong pa nyid kyi chos la brtson pa/ /theg pa chen po yin par shes bya/ /zhes gsungs so/ /mya ngan las 'das pa'i mdo las/ srid pa thams cad bden ma yin/ /mya ngan skyon dang rtag tu bcas/ /skyon ma 'jigs pa'i chos can te/ /rga dang na 'chis rtag tu gtses/ /srid pa'i chos ni mdza' yas pa/ /'gyur zhing 'pho ba'i dgra dang bcas/ /nyon mongs kun tu glags pa ni/ /ji ltar dar gyi srin bu bzhin/ /de la mkhas pa shes rab can/ /su zhig dga' zhing mos pa byed/ /lus 'di sdug bsngal phung po ste/ thams cad mi gtsang brtsog pa'o/ /skyon gyis bcings shing rma dang ldan/ /phan pa'i don ni ye nas med/ /yar ni lha yi lus par du/ /thams cad de dang 'dra bas na/ /'dod pa thams cad mi rtag pas/ /da ni de la chags mi byed/ /'dod spangs legs par yid byas na/ /yang dag bden par rig par 'gyur/ zhes 'byung ngo/ /mngal du 'jug pa bstan pa las/ /gzhan yang dga' bo lus 'di zhag bdun phrag dang po la ma'i mngal na gnas pa ni mer mer po zhes te lus kyi mtshan ma dang po yin pas dper na/ zho ma chags pa dang 'dra'o zhes bya ba nas ma zhu ba rnams kyis ni 'og zhu ba'i gnas kyi steng na/ nang du btsos rab bcos shing gnas lnga kun tu bcings shing 'di lta ste dper na rtswa rkyal pa'i nang na 'dug pa dang 'dra'o/ /gal te de'i mas zas zos sam grang ba dang tsha ba zos sam 'dod pa spyad dam mchod pa byas na mngal na gnas pa de sdug bsngal myong bar 'gyur te/ ngas mir 'gyur ba'i sdug bsngal mdo tsam bstan pa yang de dang 'dra na/ sems can dmyal ba'i sdug bsngal lta smos ci dgos pas mkhas pa su zhig 'khor ba'i rgya mtsho 'di lta bu la mos pa byed ces bya ba nas/ zhag bdun phrag sum cu rtsa bdun pa la phyin ci ma log pa'i 'du shes lnga 'byung ste lnga gang zhe na/ mi gtsang ba'i 'du shes dang/ dri mi zhim pa dang/ btson ra dang/ mun nag dang/ phyir 'byung ba'i 'du shes te/ zhag bdun phrag sum cu rtsa brgyad 'das nas 'byung ba 'dod pa'i che/ sdug bsngal sna tshogs myong nas 'byung bar 'gyur te/ de'i phyir sdug bsngal chen po'o/ /sa la ltung ma thag tu ni lpags pa bshus nas sa la bzhag pa snyam byed do zhes rgyas par gsungs so/ /yang 'di nyid las lus 'di nyid lo brgya thub par 'gyur kyang mthar 'jig pas mkhas pa su zhig 'khor ba'i rgya mtsho 'dir chags par byed/ gzhan yang dga' bo lus 'di la sdug bsngal gnyis yod de/ /gnyis gang zhe na/ nad mang po lus la 'dus pa'i dus ni nang gi sdug bsngal zhes bya'o/ /mi dang mi ma yin pas 'tsha ba 'di ni phyi'i sdug bsngal zhes bya'o/ /'di lta ste nang gi nad mig na ba dang zhes bya ba nas nad bzhi brgya rtsa bzhi'i bar ro/ phyi rol gyi sdug bsngal btson rar bcug pa dang/ rna ba bcad pa nas grang pa dang tsha ba dang bkres pa dang skom pa ngang char pas nyen pa dang la sogs pa ste/ mir gyur pa rnams kyi sdug bsngal yang de 'dra na/ ngan 'gro rnams kyi sdug bsngal lta ci smos te/ shin tu bzod par dka' o/ /gzhan yang tshol ba dang/ thob na yang ser smas phangs shing bsrung ba dang/ stor zhing chud zos na yang sdug bsngal chen po skyed par byed do/ /dga' bo mdor na lus 'di ni bde ba'i 'du shes skyed par byed kyang yang dag par na bde bar byed pa ma yin no/ /gang la la zhig bdag gi don dang gzhan dang gzhan gyi don gyi phyir de lta bu'i sdug bsngal yongs su skyob par byas nas khyim nas khyim med par rab tu 'byung ste/ yang dag par slob par byed na mya ngan las 'das pa rnam par grol ba'i chos las nyams par mi 'gyur la/ gang la la zhig gos dang/ mal cha dang na ba'i gsos sman dang/ yo byad kyis rim gro byed pa de dag kyang rnam par smin pa chen po thob par 'gyur ro/ /zhes bya ba nas dga' bo mir skye ba la smod pa dang/ lha'i 'jig rten yongs su tshol bas tshangs par spyad pa dag yang dag par spyad la nyes pa de dag yod pa de lta bas na khyod kyis mya ngan las 'das pa gnyer ba'i bsam pas tshangs par spyad par bya'i lhar skye ba la dga' bos brtson par mi bya'o/ /ngas ni ji ltar bstan pa ltar/ /rtag tu de bzhin rab bsgoms la/ /rnam gol yongs su btsal bar gyis/ /myur du 'khor ba'i rgya mtsho 'da' / /zhes 'byung ngo/ /drang srong rgyas pas zhus pa las/ drang srong chen po lha'i gnas de na shing ljon pa 'bras bu sna tshogs bdud rtsi dang 'dra ba'i ro bro ba sna tshogs yan lag brgyad dang ldan pa yod do/ /'bras bu de dag ni shing rta'i 'phang lo tsam mo/ /de dag gi sa phyogs na tsher ma rno ba'i bag med pa gser dang dngul gyi phreng ba sna tshogs pas mdzes par byas so/ /de nas tshe zad pa'i ltas 'byung ba ni/ shing drung gi lo ma brnyings pa dang/ yal ga'i me tog dang dri yang med par 'gyur ro/ /sems can de yang mi dga' brnyed de phreng ba yang brnyings par 'gyur/ lha'i rlung bsil ba yang dro bar ldang ngo/ /de de'i gnas de dag mthong nas lha'i bu mo de dag nga ro gcig tu snying rje rje skad du smre sngags 'don no/ /sems can de yang lha'i bu mo de dag ngang kyi hud mi rtag pa 'di ni snying rje med pa'o/ /'di ltar dga' zhing 'khod pa las/ mi 'dod bzhin du mtho ris nas lhung ngam/ e ma'o lha gzhon nu myur du mi'i 'jig rten du skye bar gyur cig / ces mya ngan byed pa na de rims drag pos non te/ de'i lus gcig tu 'bar bar 'gyur ro/ /lus 'bar ba gnas de nas 'chi 'pho bar 'gyur ro/ /yang bltos gnyis 'byung ba de thog mar grib ma mi snang bar 'gyur zhing lha'i bu mo dang kun tu smra ba'i sgra snyan pa mi thos so/ /lha gzhon nu de lta yul ba'i gnas rnams su mi 'gro ste/ zhes bya ba nas lha'i bu mo'i tshogs du zhing snying rje rje ltar sa'i steng na 'dre ldogs pas lus la rdul 'byung zhing de dag mig mi 'dzums pa las 'dzums par 'gyur te/ nya chu nas bton nas nyi mas gdungs pa ltar gyur pa mthong nas lha'i bu mos bskor nas 'di skad du kyi hud re sdug /gzhon nu mchog de gang du song bdag cag bor ro/ /lha'i yul bor ro/ /gar 'gro zhes 'dzer to/ /thag ring po nas lag pa g.yas pa brkyang ste/ me tog gtor nas 'di skad ces skye ma'o legs par byed pa'i 'jig rten mi'i 'jig rten du song ste/ dad pa'i gshol gyis bsod nams kyi zhing rmed par gyur cig ces 'dzed to/ de thos pas lus btang bas rig nas rims drag pos btab bo/ /de'i lus zhig pas mar gyi thigs pa rdo tshan la thim pa bzhin no/ /lha'i dbang po brgya byin yang de la ltas nas tshangs pa'i dbyangs 'di skad ces smra'o/ /chog go lha'i bu dag bdag cag thams cad kyi 'gro ba yang 'di 'dras sed par ma byed/ ngan 'gror ma gnas cig /lha'i bu dag dbyangs gcig tu smra ba/ grogs po dge ba byed pa mi'i 'jig rten du song zhig /ces byas so/ zhes gsungs so/ /sdom pa gsum bstan pa las/ sems can gang dag nyan thos kyi theg pa dang/ rang sangs rgyas kyi chos la nan tan ma byas pa/ brtson 'grus ma brtsams pa dbang po yongs su ma smin te/ dbang po yongs su zhen pa brtson 'grus chung ba dag la shin tu zab ba theg pa chen po'i chos bstan la 'chad pa dang nyan pa gnyi ka kha na ma tho ba chen po'i sdig pa 'thob par 'gyur te/ de ni sangs rgyas thams cad la 'khu ba yin no/ /de ci'i phyir zhe na/ sems can gang dag nyan thos kyi theg pa'i chos la nan tan ma byas par/ theg pa chen po'i chos mnyam na sems can de ni gti mug pa yin te/ zhes bya ba nas/ nga'i slob ma tshul khrims bsrung ba dang tshul khrims med pa dge ba spyod du mi ster te/ de'i rgyu dang de'i rkyen gyis ngan song du lhung nas mun par 'gro ste/ thar ba'i dus med do/ /sems can de'i sdig pa rnam par smin pa nyan thos dang rang sangs rgyas kyi thos pa la nan tan ma byas par shin tu zab pa theg pa chen po'i chos la nyan cing rtsol ba byed pa'i phyir ro/ / gru zag pa dang bug rdol can du zhugs nas rgya mtsho la rgal ba ltar/ thams cad mkhyen pa'i rgya mtsho ru 'jug par mi nus so/ /zhes gsungs so/ /nam mkha' la 'gro ba'i 'od kyis 'dul ba'i bzod pa'i mdo las/ dge sbyong gi chos zhes bgyi pa ni bslab pa gsum ste/ lhag pa'i tshul khrims kyi bslab pa dang/ lhag pa'i sems kyi bslab pa dang/ lhag pa'i shes rab kyi bslab pa'o/ /de la lhag pa tshul khrims kyi bslab pa gang zhe na/ dge slong so sor thar pa'i sdom pa la de la yang lam bsgom pa la rag las pas sdom pa dang/ spyod pa'i spyod yul phun sum tshogs pa kha na ma tho ba la 'jigs par lta ba dang/ kun las 'byung ba la bslab pa'i tshogs 'di dag ni lhag pa'i tshul khrims kyi bslab pa'o/ /lhag pa'i sems kyi bslab pa ni tshangs bzhi la gnas pa 'di'i phyir byams pa'i sems dang ldan pa 'jig rten 'gengs pa 'di'i bar du rgyas par brjod pa 'di ni lhag pa sems la slob ba zhes bya'o/ /lhag pa'i shes rab la bslab pa gang zhe na/ 'phags pa'i bden pa'i bzhi ste/ 'di lta ste/ 'phags pa'i bden pa'i sdug bsngal dang/ kun nas 'byung ba'i sdug bsngal dang/ 'gog pa la nan tan du 'gro ba 'phags pa'i bden pa'i sdug bsngal lo/ /'phags pa'i bden pa'i sdug bsngal gang zhe na/ 'di lta ste/ skye ba dang rga pa dang na ba dang/ 'chi ba dang/ mi mdza' ba dang phrad pa dang/ mdza' ba dang bral ba dang/ mdor na nye bar len pa'i phung po lnga sdug bsngal lo/ /kun nas 'byung ba'i sdug bsngal gang zhe na/ gang la smon pa'i 'dod chags dang ldan pa de dang der 'gyur ro/ /'gog pa'i sdug bsngal gang zhe na/ smon pa mngon par gyur te/ ma lus par so sor spong ba shin tu mi 'byung ba zag pa med pa 'dod chags dang bral ba nye bar zhi ba'o/ /sdug bsngal 'gog pa la nan tan du byed pa'i 'phags pa'i bden pa gang zhe na/ yang dag pa'i lta ba dang/ rtog pa dang/ ngag dang yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang yang dag pa'i dran pa dang/ yang dag pa'i ting nge 'dzin no/ /zhes gsungs so/ /'phags pa'i bden pa'i gtam gyi le'u ste gnyis pa'o// //phyir mi ldog pa'i 'khor lo'i gtam ni byams pa dang snying rje dang byang chub kyi sems bsgom pa ste/ bu mo mya ngan med kyis byin pas zhus pa las/ ji ltar g.yul dor? bong bu zhon na ni/ /dgra las rgyal bar nus par mi 'gyur gyis/ /glang chen rta dang shing rta zhon na ni/ /g.yul ngor lhags pa'i dgra rnams choms par nus/ /nyan thos rnams na bong bu zhon pa bzhin/ /byang chub sems dpa' glang chen zhon 'dra ste/ /sems can kun la phan dang bde skad du/ /de dag shing dbang drung du bdud kyang 'joms/ /yab gcig wa brgya dag gi skad phyung yang/ /ri dags tshogs rnams 'gro bar mi 'gyur gyi/ /seng+ge'i skad kyis glang chen ri dags dang/ /byar bcas rnams kyang phyogs su 'byer bar 'gyur/ /yab gcig de ltar nyan thos wa 'dra ste/ /rgyal po byang chub sems dpa' i spyad spyod pas/ / bdud dang de bzhin bdud rigs skrag par 'gyur/ ces 'byung ngo/ /gtsug na rin chen gyis zhus pa las/ rigs kyi bu dper na/ dpag tshed brgya stong bgrod dgos pa'i grong yid du mi 'ong ba dang bu gcig pa yid du 'ong ba dang 'grogs te phyin pa las/ yid du 'ong ba'i grong khyer du 'ongs te rkang pa ya gcig ni grong khyer gyi them pa la bzhag /ya gcig ni phyi rol na 'dug pa las/ nges bu gcig pa de yid la dran par gyur na ma la kye ma'o/ /bu gcig pa de 'dir khrid de ma 'ongs pa lta snyam nas phyir phyogs te bu gcig ga la 'dug pa der slar log pa bzhin du byang chub sems dpa' sems dpa' chen po yang bsam gtan dang mngon par shes pas zad pa'i ye shes mngon sum du 'gyur ro/ /de snying rje chen po'i sems bskyed nas sems la lta bas phyogs te slar log nas so so'i skye bo'i sa na kun tu ldang ngo zhes 'byung ngo/ /chos yang dag par sdud pa'i mdo las/ byang chub sems dpa' ni stong pa nyid kyi ngang tshul can te 'khor ba la mi gnas so/ /byang chub sems dpa' ni snying rje'i ngang tshul can te mya ngan las 'das pa la mi gnas so/ /zhes 'byung ngo/ /mya ngan las 'das pa'i mdo las/ rigs kyi bu byams dpa' chen po dang snying rje chen po ni sangs rgyas kyi rang bzhin zhes bya'o/ /de ci'i phyir zhe na/ byams pa chen po dang snying rje chen po ni rtag tu byang chub sems dpa' la grib ma bzhin du 'khor te/ ces 'byung ngo/ /yang de nyid las/ bcom ldan 'das byams pa la dmigs pa gsum ste/ sems can la dmigs pa dang chos la dmigs pa dang mi dmigs pa'o/ /de la sems can la dmigs pa ni phung po lnga la dmigs nas bde ba 'dod pa ste/ sems can la dmigs pa zhes bgyi'o/ /chos la dmigs pa ni/ sems can la dmigs nas ci dgos pa sbyin pa ste/ sems can la dmigs pa zhes bgyi'o/ /mi dmigs pa ni de bzhin gshegs pa la dmigs pa ste mi dmigs pa zhes bgyi'o/ /gang zhig sems can gcig tsam la/ /zhe sdang sems ni mi bskyed cing bde la bde ba 'dod pa ni/ /shin tu byams pa zhes bya'o/ /ji ste mngon shes lnga ldan pa'i/ /drang srong sa chen gang bar 'gyur/ /dbang dang ldan pa'i rgyal po zhig /bde ba thams cad byin pa ni/ /rta dang ba glang nor sna tshogs/ /de yi bsod nams thob pa ni/ /byams pa bsgoms pa'i bsod nams kyi/ /bcu drug char yang mi phod do/ /rigs kyi bu byams pa bsgom pa ni brdzun pa ma yin te yang dag par bden pa'o zhes 'byung ngo/ /bsod nams thams cad sdug pa'i ting nge 'dzin las kyang sred med kyi bu dper na gzugs kyi rnam par nam mkha' i khams kyi ma khyab pa ci yang med pa de bzhin du byang chub sems dpa' i byams pa des ni phyogs bcu'i 'jig rten gyi khams ji snyed yod pa dang/

CLOSE WINDOW