བོད་ཡིག

e-texts based on the ACIP/ALL Input

d+harmAd+d+ha notpya? bas+thA na brit+ti/ bod skad du/ bsam gtan gyi chos drug rnam par bzhag pa'i 'grel pa/ 'jam dpal gzhon nur gyur pa la phyag 'tshal lo/ /bsam gtan dag la gus btud de/ /chos drug pa yi 'grel pa bya/ /de la bsam gtan chos drug ni/ /sdom dang rgyas par bshad pa'o/ /de la sdom ni/ ser skya mo dang chu skyar sbrul zhes pa nas/ 'di drug pa yi slob dpon yin zhes pa'i bar du'o/ /nga ni rgyas par bshad pa ni de'ang dpe drug gis ston pa las/ dang po re ba spang bar ston pa ni/ re ba stobs ldan nyon mongs te/ /zhes bya ba la sogs pa yin no/ /ser skya mo zhes bya ba ni bud med smad 'tshong ma zhig skyes pa dang dus btab pa las/ mtshan gyi stong ni skyes pa 'ong du re ba las yang sdug bsngal bar gyur la/ mtshan gyi smad ni skyes pa mi 'ong bar re thag chod pas sems bde bar gnyid kyis log pa de bzhin du/ 'dod pa'i longs spyod sngar ma thob ba'i yul rnams thob par re ba'i skyes bu stobs dang ldan pa rnams kyang sdug bsngal bar 'gyur na/ stobs chung ba rnams lta smos kyang ci dgos te/ de bas na 'dod pa'i yon tan ma thob pa la re ba mi byed pa ni bde ba'i mchog yin te/ de la sdug bsngal gyis gdung bar mi byed do/ /da ni zang zing spang bar bya ba ston pa ni/ /zang zing phyir ni rtsod 'gyur te/ /zhes bya ba la sogs smos te/ dper na chu skyar zhig gis nya gcig bzung ba dang/ ji srid nya de ma bor gyi bar du chu skyar gzhan gyis bsnyags te rtsod par gyur nas/ nya de bor ma thag rtsod pa med de bde bar gnas par 'gyur ba de bzhin du/ zang zing gi longs spyod ci tsam yod pa de tsam du 'thab cing rtsod pa'i sdug bsngal bar 'gyur la/ zang zing gi longs spyod kun spangs te med pa la ni sdug bsngal gyis gdung ba med cing bde ba thob pa yin no/ /da ni khyim spang bar bya ba ston te/ khyim gyi rtsom pa sdug bsngal te/ zhes bya ba la sogs pa smos te/ dper na sbrul zhig rang gi ched na gnas pa las/ sbrul gyi phrug gu mang pos gces pas ma bzod de/ tshang de nas byung ste phug gzhan zhig tu zhugs pas bde ba thob pa gyur ba de bzhin du khyim gyi gnas na so nam la sogs pa'i khang las ni shin tu yang dka' zhing sdug bsngal te/ skad cig tsam gyi bde ba yang med la/ nam zhig khyim spangs par gyur pa na sdug bsngal ba med de bde bar gyur pa yin no/ /spang bar bya ba gsum bshad zin to/ /da ni dang du blang ba gsum las/ dgon par gnas pa dang du blang ba ston te/ rngon pa nags su song gyur te/ zhes bya ba la sogs pa smos te/ dper na rngon po zhig dus rtag tu nags su rgyu zhing ri dags tshol du song ba na/ khyim gyi las sdug bsngal bar rig cing dgon pa'i gnas bde ba'i yon tan mthong nas gsod pa'i las spangs te/ dgon pa'i gnas de nyid du gnas nas bde bar gyur pa de bzhin du/ gang zhig khyim spangs te/ lam bcol ba'i phyir dgon par gnas nas lus dang sems mchog tu las su rung bar gyur pa yin no/ /da ni dmigs pa yun ring du gnas par bya ba dang du blang ba ston te/ 'dir rgyal po'i yan lag bzhi zhes bya ba la sogs pa smas te/ dper na mda' mkhan zhig mda' bya ba'i phyir smyug ma song ba la sems bstang pa na/ rgyal po chen po zhig gis 'khor rta dang glang po che dang shing rta dang dpung bu chung gi tshogs bzhis bskor te/ mang po 'gro ba'i bun long des ma mthong ma thos pa de bzhin du/ dgon pa'i gnas dben par zhi gnas kyi sems rtse gcig pa la rgyun du blo gtang ba rnams la yul rnams kyis sems mi 'phogs par gyur pa yin no/ /da ni gcig pu 'dug pa dang du blang ba ston te/ mang po rtag tu 'thab gyur te/ zhes bya ba la sogs pa smos te/ dper na bud med gzhon nu ma gcig tsan dan bdar ba na/ lag pa'i gdu bu mang po phrul ba ma bde nas rim gyis phyung ste/ gdu bu gnyis zhig gzhag pa las de yang 'thab nas ma bde ste/ gcig gzhag ba la bde bar gyur pa bzhin du dgon pa'i gnas der yang grogs po mang po dang rtsod par 'gyur zhing/ gnyis kyang nyon mongs pa'i yul du 'gyur bar/ gcig pu 'dug pa bsngags pa yin no/ /zhes bya ba'i tha tshig go /de ltar dang du blang ba gsum yang bshad zin to/ /de ltar sdom dang rgyas par bstan nas/ da ni bsdu ba'i sgo nas bstan te/ skad cig gis ni spang bar bya ba ston te/ de yang gang zhe na/ re ba zang zing khyim spangs dang/ zhes bya ba smos te/ yid la re ba spang ba dang/ zang zing gi dngos po spang ba dang/ khyim la chags pa spang ba'o/ /tshig rkang gnyis kyis ni dang du blang ba bsdus te ston te/ gang zhe na/ de bzhin gzhan yang nags gnas dang/ /dmigs pa bstan dang gcig pa nyid/ zhes smos te/ gnas dang du blang ba dang/ dmigs pa la sogs rtse gcig tu bya ba dang du blang ba dang/ bdag nyid gcig pur 'dug pa dang du blang ba'o/ /nga ni slob dpon a ba d+hU ti pa nyid kyis rang bzor byas pa ma yin pa ni tshig rkang gcig gis ston te/ gang zhe na/ bdag gi bla ma las 'di rnyed ces smos so/ /bdag gis zhes bya bas ni a ba d+hU ti pas so/ /bla ma las zhes bya ba ni sangs rgyas zhi ba las so/ /'di rnyed ces bya ba ni bsam gtan gyi chos drug po 'di'o/ /dngos su na bdag nyid kyis slob dpon sangs rgyas zhi ba las bsam gtan gyi chos drug po 'di rnyed ces bya ba'i tha tshig go / chos drug 'grel pa gsal byas pas/ /sems can dug gsum gyis gdungs pa/ /ting 'dzin bdud rtsi 'thungs gyur nas/ /thams cad mkhyen pa myur thob shog /bsam gtan gyi chos drug rnam par bzhag pa'i 'grel pa slob dpon dA na shI las mdzad pa rdzogs so/ / //rgya gar gyi mkhan po d+harmA sh+rI b+ha dra dang zhu chen gyi lo tsA ba dge slong rin chen bzang pos bsgyur cing zhus te gtan la phab pa'o// // rgya gar skad du/

CLOSE WINDOW