Input 
| བོད་ཡིག | e-texts based on the ACIP/ALL Input |
/ //rgya gar gyi mkhan po pradz+nya warma dang/ lo ts+tsha ba bande? ye shes sdes bsgyur cing zhus te gtan la phab pa'o/ (//ka ma la shI las mdzad pa'i sgom rim tha ma bzhugs so/)
!/ /rgya gar skad du/ b+hA ba nA kra man/ bod skad du/ sgom pa'i rim pa/ 'jam dpal gzhon nur gyur pa la phyag 'tshal lo/ /theg pa chen po'i mdo sde'i tshul la zhugs pa rnams kyi phyir sgom pa'i rim pa mdor brjod par bya'o/ /de la bcom
ldan 'das kyis byang chub sems dpa' rnams kyi ting nge 'dzin tha dad pa tshad med pa dpag tu med pa la sogs pa bstan du zin kyang/ zhi gnas dang lhag mthong gnyis kyis ting nge 'dzin thams cad la khyab pas na zhi gnas dang lhag mthong zung du
'brel ba 'jug pa'i lam de nyid brjod par bya'o/ /bcom ldan 'das kyis bka' stsal pa/ skye ba po yi lhag mthong dang/ /zhi gnas goms par byas na ni/ /gnas ngan len gyi 'ching ba dang/ /mtshan ma'i 'ching ba rnam grol 'gyur zhes
so/ de lta bas na sgrib pa spong bar 'dod pas zhi gnas dang lhag mthong bsgom par bya'o/ /zhi gnas kyi stobs kyis ni mar me rlung med pa na gnas pa bzhin du dmigs pa las sems mi g.yo bar 'gyur ro/ /lhag mthong gis ni mun pa nyi ma shar ba bzhin
du chos kyi de kho na ji lta ba bzhin du rab tu rtog pas yang dag pa'i shes rab kyi snang ba 'byung ste/ sgrib pa mdza' dag spong bar 'gyur ro/ /de lta bas na bcom ldan 'das kyis rnal 'byor pa rnams kyi dmigs pa'i dngos po bzhi bstan te/ rnam par mi rtog pa'i
gzugs brnyan dang/ rnam par rtog pa dang bcas pa'i gzugs brnyan dang/ dngos po'i mdza' dang/ dgos pa yongs su grub pa'o/ /de la zhi gnas kyis ni chos thams cad kyi gzugs brnyan gang yin pa dang/ sangs rgyas kyi gzugs la sogs pa
la mos pas dmigs pa ste/ de ni rnam par mi rtog pa'i gzugs brnyan zhes bya'o/ /de la yang dag pa'i don la rnam par rtog pa med pas na de la rnam par mi rtog pa zhes bya'o/ /ji ltar thos pa dang ji ltar zin pa'i chos rnams kyi gzugs brnyan la mos te
dmigs pas na gzugs brnyan zhes bya'o/ /rnal 'byor pas de kho na'i don rtogs par bya ba'i phyir gang gi tshe lhag mthong gi gzugs brnyan de nyid la spyod pa'i tshe lhag mthong gi mtshan nyid de kho na la rtog pa'i rnam par rtog pa de na
yod pas na rnam par rtog pa dang bcas pa'i gzugs brnyan zhes bya'o/ /rnal 'byor pa gzugs brnyan de nyid kyi ngo bo nyid la rtog pas chos thams cad ngo bo ji lta bu bzhin du khong du chud de/ bdag gi gzhan gyis gzugs brnyan me long gi nang du
byung ba la brtags na bdag gi bzhin la mi sdug pa la sogs pa mngon pa bzhin no/ /gang gi tshe dngos po'i mdza' i mtshan nyid kyi de bzhin nyid rtogs par gyur pa de'i tshe dngos po'i mdza' khong du chud pas na sa dang po la dngos po'i mdza' la dmigs pa zhes bya'o/
de nas sman bcud kyi len za ba bzhin du bsgom pa'i lam gyis lhag ma rnams su rim gyis shin tu rab tu rnam par dag pa'i skad cig byung bas gnas gyur nas/ gang gi tshe sgrib pa ma lus pa spang ba'i mtshan nyid dgos pa yongs su rdzogs par gyur pa
de'i tshe sangs rgyas kyi ye shes de nyid dgos pa yongs su grub pa la dmigs pa zhes bya'o/ /de lta bu 'dis ci bstan pa yin zhe na/ zhi gnas dang lhag mthong goms par byas pas dngos po'i mdza' rtogs par 'gyur te/ de sgrib pa mdza' dag spong pa'i
mtshan nyid dgos pa yongs su grub pa thob bo/ /de nyid sangs rgyas nyid yin te/ de bas na sangs rgyas nyid thob par 'dod pa zhi gnas dang lhag mthong la bsgom par bya'o/ /gang de nyid la mi bsgom pa de dag ni dngos po'i mdza' yang mi rtog /dgos pa
yongs su sgrub par yang mi 'gyur ro/ zhes bstan par 'gyur ro/ /de la mdor na zhi gnas ni sems rtse gcig pa nyid do/ /lhag mthong ni yang dag pa la rtog pa'o zhes bcom ldan 'das kyis 'phags pa dkon mchog sprin la sogs pa las zhi gnas
dang lhag mthong gi mtshan nyid bka' stsal to/ /de la rnal 'byor pas zhi gnas dang lhag mthong gi tshogs tshul khrims rnam par dag pa la gnas pa des sems can la snying rje chen po bskyed de/ byang chub tu sems bskyed nas thos pa dang bsam pa dang sgom pa la
sbyar bar bya'o/ /de la rnal 'byor pas sgom pa'i dus na thog mar bya ba ci yod pa thams cad yongs su rdzogs par byas la/ bshang gci byas la sgra'i tsher ma med pa yid du 'ong ba'i phyogs su bdag gi sems can thams cad byang chub kyi snying po la dgod par bya'o/ /
snyam du yongs su bsam zhing 'gro ba mdza' dag gdon pa'i bsam pa can snying rje chen po mngon du byas la/ phyogs bcu na bzhugs pa'i sangs rgyas dang byang chub sems dpa' thams cad la yan lag lngas phyag byas la/ sangs rgyas dang byang chub sems
dpa' i sku gzugs ri mo la sogs pa mdun du gzhag gam gzhan du yang rung ste de dag la ci nus kyi mchod pa dang bstod pa byas la/ rang gi sdig pa bshags nas 'gro ba mdza' dag gi bsod nams rjes su yi rang bar byas la/ stan shin tu 'jam pa bde ba la rje
btsun rnam par snang mdzad kyi skyil mo krung lta bu 'am skyil mo krung phyed du yang rung ste/ mig ha cang mi dbye ha cang mi 'dzum par sna'i rtse mor bstad cing/ lus ha cang yang mi dgu ha cang yang mi dgye bar drang por bsrangs la dran pa nang du bzhag ste 'dug par bya'o/ /de
nas phrag pa mnyam par gzhag la mgo mi mtho mi dma' zhing phyogs gcig tu mi g.yo bar bzhag ste sna dang lte ba drang por gzhag go / so dang mchu yang tha mal par bzhag go /lce yang yas so'i drung du gzhag go /dbugs phyi nang du rgyu ba yang sgra can dang/
rngam pa dang/ dbugs rgod pa can du mi btang gi /ci nas kyang mi tshor bar dal bu dal bus lhun gyis grug pa'i tshul gyis dbugs nang du rdub pa phyir 'byung bar 'gyur ba de ltar bya'o/ /de la rnal 'byor pas thog mar de bzhin gshegs pa'i sku gzugs
ji ltar mthong ba dang ji ltar thos pa la sems gzhag nas zhi gnas sgrub par bya ste/ de bzhin gshegs pa'i sku gzugs de yang gser btso ma bzhin du ser la mtshan dang dpe byad bzang pos brgyan pa 'khor gyi dkyil 'khor gyi
nang na bzhugs shing thabs sna tshogs kyis sems can gyi don mdzad pa rgyun tu yid la byed pas de'i yon tan la 'dod pa bskyed cing bying ba dang rgod pa zhi par byas la/ ji srid du de mdun du bzhugs bzhin du gsal bar mthong bar gyur pa de srid du bsam
gtan bya'o/ /de nas de bzhin gshegs pa'i sku'i gzugs brnyan byon pa dang bzhud pa la rtog pas lhag mthong bsgom par bya'o/ /de nas 'di snyam du bsam par bya ste/ ji ltar de bzhin gshegs pa'i sku'i gzugs brnyan 'di gang nas kyang ma gshegs/
gang? yang mi bzhud/ bzhugs bzhin du yang ngo bo nyid kyis stong la/ bdag dang bdag gi dang bral ba de bzhin du chos thams cad kyang ngo bo nyid kyi stong zhing 'ong ba dang/ 'gro ba dang bral ba gzugs brnyan lta bu ste/ yod pa la sogs pa'i ngo bo dang bral
ba'o/ zhes dpyad nas rnam par rtogs pa med cing brjod pa med par dang gcig tu gyur pa'i yid kyis de kho na bsgom zhing ji srid 'dod par 'dug par bya'o/ /ting nge 'dzin 'di mid ltar gyi sangs rgyas mngon sum du bzhugs pa zhes bya ba'i ting nge 'dzin las bstan
te/ ting nge 'dzin 'di'i phan yon zhib tu ni mdo sde/ de nyid las rig bar bya'i/ /rnam pa gcig tu rnam pa ji snyed kyis chos thams cad bsdus par gyur pa de la sems gzhag te bying ba dang rgod pa la sogs pa rab tu zhi bar zhi gnas bsgrub par bya'o/ /mdor na
chos thams cad ni gzugs can dang gzugs can ma yin pa'i bye brag gis bsdus te/ de la gzugs can rnams ni gzugs kyi phung por 'dus so/ /tshor ba la sogs phung po ni gzugs can ma yin pa'i ngo bo nyid do/ /'di la byis pa dag yod pa la sogs
par 'dzin pa la zhen pa'i phyir blo phyin ci log tu gyur nas 'khor ba na yongs su 'khyams te/ de dag gi phyin ci log bsal ba'i phyir de dag la snying rje chen po mngon du byas la/ rnal 'byor pa'i zhi gnas grub nas de kho na rtog par bya ba'i phyir de nas lhag mthong
bsgom par bya ste/ yang dag par so sor rtog pa ni lhag mthong zhes bya'o/ /yang dag pa ni gang zag dang/ chos la bdag med pa'o/ /de la gang zag la bdag med pa ni gang phung po rnams bdag gi med pa nyid do/ /chos la bdag med pa ni gang de dag nyid
sgyu ma lta bu nyid do/ /de la rnal 'byor pas 'di ltar brtag par bya ste gang zag ni gzugs la sogs pa las gung na med do/ /de ni snang ba'i phyir dang/ gzugs la sogs pa nyid la nga'o snyam pa'i shes pa 'byung ba'i phyir ro/ /gang zag de ni gzugs) la sogs pa'i phung po'i ngo bo nyid kyang ma yin te/ gzugs la
sogs pa de dag mi rtag la du ma'i ngo bo nyid yin pa'i phyir dang/ gang zag ni rtag pa dang gcig pu'i ngo bo nyid yin par gzhan dag gis rtags pa'i phyir ro/ /de nyid dam gzhan nyid du brjod du mi rung ba'i gang zag gi dngos po yod pa ni mi rung ste/
dngos pa la yod pa'i rnam pa gzhan med pa'i phyir ro snyam du brtag par bya'o/ /de lta bas na 'di lta ste/ 'jig rten gyi da dang nga yi zhes bya ba ni rdzun te 'khrul ba kho na yin par nges par rig nas/ de nas chos la bdag med pa rtogs par bya ba'i phyir
chos gzugs can rnams la yang ci 'di dag sems las gung na don dam par yod de 'dug pa zhig gam/ 'on te sems nyid gzugs la sogs par snang ste/ rmi lam gyi gnas skabs na snang ba dang 'dra ba zhig yin zhes spyad par bya'o/ /nges de
dag la rdul phra rab tu rtog cing rdul phra rab rnams byang cha shas kyis so sor brtags na mi dmigs te/ de ltar ma dmigs na de yod pa 'am med pa nyid du rnam par rtog pa zlog par byed do/ /khams gsum pa yang sems can du rtogs kyi gzhan du
ma yin no/ /de skad lang kar gshegs pa las kyang bka' stsal te/ rdzas ni rdul du rnam ba shig cing/ /gzugs la rnam par ma rtogs shig /sems tsam rnam par bzhag pa ni/ /lta ba ngan pas mi rtogs so/ /zhes 'byung ngo/
de 'di snyam du sems te/ sems nyid thog ma med pa'i dus nas gzugs la sogs pa yang dag pa ma yin pa la mngon par zhen pa'i dbang gi rmi lam na dmigs pa'i gzugs la sogs pa snang ba bzhin du byis pa rnams la gzugs la sogs phyi rol
tu chad pa bzhin du snang ste/ de lta bas na khams gsum pa ni sems tsam kho na yin no/ /des de ltar chos su gdags pa mdza' dag ni sems kho na yin par rtog nas de la so sor brtags na chos thams cad kyi ngo bo nyid la so sor brtags pa
yin no snyam nas sems kyi ngo bo nyid la so sor rtog go / de 'di ltar dpyod de/ don dam par na sems kyi sgyu ma bzhin du ma skyes pa ste/ gang gi tshe rdzun pa'i ngo bo nyid gzugs la sogs pa'i rnam pa 'dzin par sems nyid nyid sna tshogs kyi rnam par
snang pa de'i tshe de las gung na med pa'i phyir de nyid kyang gzugs la sogs pa bzhin du bde ba nyid du ga la 'gyur/ ji ltar gzugs la sogs pa sna tshogs kyi rnam pa yin pas gcig dang du ma'i ngo bo nyid ma yin pa de bzhin du sems kyang de las
gung na med pa'i phyir gcig dang du ma'i ngo bo nyid ma yin no/ /sems skye ba'i tshe yang gang nas kyang mi 'ong/ 'gag pa'i tshe gang du yang mi 'gro ste/ don dam par na bdag dang gzhan dang gnyis ka la skye bar mi rigs so/ /de lta bas na sems
kyang sgyu ma bzhin te/ sems ji lta ba de bzhin du chos thams cad kyang sgyu ma lta bu ste/ don dam par nam skyes pa'o snyam du brtag par bya'o/ /rnal 'byor pa de sems gang gi chos so sor rtog pa la brtags na de'i ngo bo nyid kyang mi dmigs te/ de
ltar rnal 'byor pas dmigs pa gang dang gang la sems 'phro ba de dang de'i ngo bo nyid la yongs su brtags pa de'i ngo bo nyid kyang mi dmigs te/ de gang gi tshe dmigs pa de'i tshe dngos po thams cad brtags shing chu shing gi sdong bu bzhin du snying po
med par rtogs nas de la sems zlog par byed do/ /de nas yod pa la sogs pa rnam par rtog pa med par gyur nas spros pa thams cad dang bral ba mtshan ma med pa'i rnal 'byor 'thob bo/ /de skad 'phags pa dkon mchog sprin las kyang bdag stsal te/
de ltar skyon la mkhas pa des spros pa thams cad dang bral ba'i phyir stong pa nyid bsgom pa la rnal 'byor du byed do/ /de stong pa nyid bsgom pa mang bas gnas gang dang gang du sems 'phro zhing sems mngon par dga' pa'i gnas de dag gi ngo bo nyid yod
su ba tsal? na stong par rtogs so/ /sems gang yin pa de yang brtag na stong par rtogs so/ /sems gang gis rtogs pa de yang ngo bo nyid kun tu btsal na stong par rtogs te/ de de ltar rtogs pas mtshan ma med pa'i rnal 'byor la 'jug go zhes 'byung ngo
'di ni/ 'di skad du gang nye bar mi rtog pa de ni mtshan ma med pa la 'jug par mi 'gyur zhes bstan pa yin no/ /de ltar chos rnams kyi ngo bo nyid la nye bar rtogs pa na gang gi tshe ma dmigs pa de'i tshe yod par mi rtog go /med par yang mi rtog
ste/ gang med par brtags pa de yang de'i blo la dus thams cad du mi snang ba'i phyir ro/ /gal te dngos po zhig mthong bar gyur na ni de'i tshe 'gag pa'i phyir med do zhes brtag par bya na/ gang gi che rnal 'byor ba'i shes rab kyis brtags na dus gsum
du dngos po mi dmigs la de'i gang 'gag pa'i phyir med ces rnam par brtag par bya/ dngos po dang dngos po med par rtog pa gnyis kyi rtog pa thams cad la khyab pa'i phyir de'i tshe de ltar de la rtog pa gzhan dag kyang mi 'byung ste/ khyab par byed pa
na khyab par bya ba yang med pa'i phyir ro/ /de ltar gyur na spros pa med pa rnam par mi rtog pa nyid la zhugs pa yin no/ /gzugs la sogs pa la yang mi gnas pa yin no/ /shes rab kyi brtags na dngos po mdza' dag gi
ngo bo nyid ma dmigs pa'i phyir shes rab mchog gi bsam gtan la yang yin no/ /de de ltar gang zag dang chos la bdag med pa'i de kho na la zhugs pas blta bar bya ba dang/ brtag par bya ba gzhan med pa'i phyir sprod? pa med cing brjod par dang
gcig tu gyur pa'i yid rang gi ngang? gis 'jug pas mngon par 'du byed pa med pa'i phyir rnal 'byor pas de kho na de shin tu gsal bar nges par bzung zhing 'jug par bya'o/ /de ltar gnas kyang sems kyi rgyud rnam par mi g.yo bar bya'o/ /gang
gi tshe bar skabs su sems phyi rol tu rnam par g.yeng bar mthong ba de'i tshe de'i ngo bo nyid la brtag nas rnam par g.yeng ba zhi bar byas la yang de nyid du sems gzhag par bya'o/ /gang gi tshe de la sems mngon par mi dga' bar mthong ba de'i tshe ting nge 'dzin
gyi yon tan mthong pa'i phyir de la dga' ba bsgom par bya'o/ /rnam par g.yeng ba la nyes par mthong ba'i phyir mi dga' ba rab tu zhi bar bya'o/ /ci ste rmugs pa dang gnyid kyis non pas rgyu ba mi gsal ba'i phyir sems bying ba'am bying du dogs par
gyur ba de'i tshe mchog tu dga' ba'i dngos po sangs rgyas kyi gzugs la sogs pa 'am snang ba'i 'du shes yid la byas nas bying ba zhi bar byas la de kho na nyid shin tu brtan par gzung bar bya'o/ /gang gi tshe rnal 'byor pa dmus long 'dra ba
'am/ mun par zhugs pa'i mi dang 'dra ba 'am/ mig btsums pa dang 'dra bar de kho na shin tu gsal bar mi 'dzin pa de'i tshe bying ba dang lhag mthong med par rig par bya'o/ /ci ste gang gi tshe sngon myong ba'i yul la 'dod pas par skabs su sems
rgod pa 'am rgod du dogs par mthong ba de'i tshe mi rtag pa la sogs pas skye ba'i dngos po yid la byas la rgod pa zhi bar bya'o/ /de nas yang de kho na nyid la sems mngon par 'du byed pa med par 'jug pa la 'bad par bya'o/ /gang gi che rnam par
g.yeng pa'i mi lta bu 'am/ spre'u bzhin du sems mi gnas par gyur pa na rgod pa dang zhi gnas med pa yin par rig bar bya'o/ /zhi ste gang gi tshe bying ba dang rgod pa las dben pa'i phyir mnyam par zhugs shing rang gi dang gis 'jug pas de nyid la sems
shin tu gsal bar gyur pa de'i tshe rtsol ba glod pas btang snyoms su bya ste/ de'i tshe zhi gnas dang lhag mthong zung du 'brel ba'i lam grub pa yin par rig par bya'o/ /de yang gang gi tshe lhag mthong bsgom pas shes rab shin tu shas che bar gyur pa
de'i tshe zhi gnas chung ba'i phyir mar me rlung la bzhag pa bzhin du sems g.yo bas de kho na shin tu gsal par mi mthong bar 'gyur te/ de'i phyir de'i tshe zhi gnas bsgom par bya'o/ /zhi gnas kyi shas che na yang gnyid kyis log pa'i mi bzhin du shin tu
gsal bar mthong par mi 'gyur te/ de lta bas na de'i tshe yang shes rab bsgom par bya'o/ /gang gi tshe glang gnyis zung du 'brel te mnyam du zhugs pa bzhin du gnyis ka mnyam du zhugs par gyur pa de'i tshe ji srid du lus dang sems la gnod par mi gyur pa
de srid du mngon par 'du bya ba med par gnas par bya'o/ /mdor na ting nge 'dzin thams cad la nyes pa drug yod de/ le lo dang dmigs pa brjed pa dang/ bying ba dang/ rgod pa dang/ mi rtsol pa dang/ rtsol pa'o/ /de dag gi gnyen por spong ba'i
'du byed brgyad sgom par bya ste/ 'di lta ste/ dad pa dang/ mdud pa dang/ rtsol ba dang/ shin tu sbyang pa dang/ /dran pa dang/ shes bzhin dang/ sems pa dang/ btang snyoms so/ /de la dang po bzhi ni le lo'i gnyen po ste/ 'di ltar ting nge 'dzin
gyi yon tan rnams la mngon par yid ches pa'i mtshan nyid kyis dang bas rnal 'byor ba 'dod pa skye bar 'gyur ro/ /de nas 'dod par gyur pas brtson 'grus rtsom mo/ /de nas brtson 'grus la brten pas lus dang sems su?
rung ba nyid du byed do de nas lus dang sems shin tu sbyangs pas le lo zlog par 'gyur ro/ /de bas dad pa la sogs pas le lo spong bar 'gyur te/ de'i phyir de dag bsgom par bya'o/ /dran pa ni dmigs pa brjod pa'i gnyen po'o/ /
shes bzhin ni bying ba dang rgong pa gnyis rtogs nas spong ba'i phyir ro/ /phyir ba dang rgod pa zhi ba'i dus na mi rtsol ba nyes pa te de'i phyir de'i gnyen por sems pa bsgom par bya'o/ /gang gi tshe bying ba dang rgod pa rab tu zhi ste sems rnal du 'jug pa de'i tshe
rtsol ba nyes pa ste/ de'i tshe de'i gnyen po btang snyoms bsgom par bya'o/ /sems mnyam par zhugs pa'i tshe gal te rtsol ba byas na de'i tshe sems rnam par g.yeng bar 'gyur ro/ /sems bying bar gyur pa la gal te rtsol ba ma byas na de'i tshe
lhag mthong med pa'i phyir mi long ba bzhin du sems bying bar 'gyur ro/ /de lta bas na sems zhum pa bsal zhing rgod pa zhi bar byas la mnyam par gyur pas btang snyoms su bya'o/ /de nas rnal 'byor pa ji srid du dga' ba de srid du mngon par
'du byed pa med pa kho nar de kho na bsgom zhing 'dug par bya'o/ /lus dang sems la gnod par gyur na skabs skabs su 'jig rten mdza' dag la bltas la sgyu ma dang/ rmi lam dang/ chu zla lta bu dang/ mig yor lta bur rtog par bya'o/ /des? dang? rnam
par mi rtog par 'jug pa las kyang bka' stsal te/ 'jig rten las 'das pa'i ye shes kyis chos thams cad nam mkha' i dkyil dang 'dra bar mnyam par mthong ngo/ /de'i rjes la thob pa ni sgyu ma dang/ smig rgyu dang/ chu zla bzhin du mthong ngo zhes
'byung ngo/ /de ltar 'gro ba sgyu ma lta bur rtogs na sems can thams cad la snying rje chen po mngon du byas pa 'di snyam du bsam par bya ste/ byis pa'i blo can de dag gis chos zab mo 'di lta bu ma rtogs nas gzod ma nas zhi ba'i chos rnams la yang
yod pa la sogs par sgro btags te/ phyin ci log tu gyur nas las dang nyon mongs pa rnam pa sna tshogs sogs te/ de'i phyir 'khor bar yongs su 'khyams pas na bdag gis ci nas kyang 'di dag chos zab mo 'di lta bu khong du chud par bya'o/ /snyam du
bsam par bya'o/ /de nas dal bso ste yang de bzhin du chos thams cad mi snang ba'i ting nge 'dzin la 'jug par bya'o/ /yang sems skye bar gyur na yang ngal bso te/ de bzhin du 'jug par bya'o/ /de lta bu'i rim pa 'dis chu tshad gcig gam/ mel
tshe thun phyed dam/ thun cig gam ji srid nus pa de srid du 'dug par bya'o/ /de nas ting nge 'dzin las ldang bar 'dod na skyil mo krung ma bshig par 'di snyam du bsam par bya ste/ chos 'di dag thams cad don dam par na ma skyes pa yin yang sgyu ma
bzhin du rgyu dang rkyen so sor des pa sna tshogs 'dus pa'i dbang gis ma brtags na nyams dga' ba sna tshogs kho na dag 'byung ste/ des na chad par lta bar yang mi 'gyur ro/ /sgro 'dogs pa'i mthar yang mi 'gyur te/ 'di ltar shes rab kyis
rnam bar dpyad na mi dmigs te/ des na stong pa nyid dang sgro 'dogs pa'i mthar yang mi 'gyur ro/ /de la gang dag shes rab kyi mig dang bral bas phyin ci log gi blo can du gyur cing bdag tu mngon par zhen nas las rnam pa sna tshogs byed pa de dag
ni 'khor ba na yongs su 'khyam mo/ /gang dag 'khor ba la gcig tu mi phyogs shing snying rje chen po dang bral ba dang/ sems can gyi don du sbyin pa la sogs pa pha rol tu phyin pa rdzogs par mi byed kyi/ bdag 'dul ba 'ba' zhig byed pa'i sems
can de dag ni thabs med pa'i phyir nyan thos sam rang sangs rgyas kyi byang chub tu ltung ngo/ /gang dag 'gro ba ngo bo nyid med par khong du chud nas kyang snying rje chen po'i stobs kyis 'gro ba mdza' dag gdon par dam bcas
nas/ sgyu ma mkhan bzhin du blo phyin ci log tu ma gyur pas bsod nams dang ye shes kyi tshogs rgya chen po yongs su sgrub pa de dag ni de bzhin gshegs pa'i go 'phang brnyes nas 'khor ba na 'gro ba ma lus pa la phan pa dang bde ba'i rnam pa
thams cad yang dag par sgrub cing bzhugs so/ /de dag kyang ye shes kyi tshogs kyi stobs kyis nyon mongs pa mdza' dag spangs pas 'khor par yang mi ltung la/ sems can la lta bas bsod nams kyi tshogs rgya che zhing tshad med pa bsags
pa'i dbang gis na mya ngan las 'das par yang mi ltung ngo/ /sems can thams cad kyi nye bar 'tsho bar yang 'gyur ro/ /de lta bas na sems can mdza' dag la phan pa dang bde ba skyed par 'dod pa mi gnas pa'i mya ngan las 'das pa thob
par 'dod pa dag gi bsod nams dang ye shes kyi tshogs rgya chen po sgrub pa la dus thams cad du mngon par brtson par bya'o/ /de skad du de bzhin gshegs pa'i gsang ba'i mdo las kyang bka' stsal te/ ye shes kyi tshogs ni nyon mongs pa
mdza' dag spong bar 'gyur lags so/ /bsod nams kyi tshogs ni sems can thams cad nye bar 'tsho par 'gyur ba lags so/ /bcom ldan 'das de lta lags pas byang chub sems dpa' sems dpa' chen pos bsod nams dang ye shes
kyi tshogs la brtson par bgyi'o/ /zhes 'byung ngo 'phags pa de bzhin gshegs pa skye ba 'byung ba'i mdo las kyang bka' stsal te/ gang de bzhin gshegs pa rnams 'byung ba de ni rgyu gcig du ma yin no/ /de ci'i phyir zhe na/ kye rgyal ba'i srab de
bzhin gshegs pa rnams ni yang dag par 'grub pa'i rgyu tshad med pa 'bum phrag bcus yang dag par 'grub ste/ bcu gang zhe na/ 'di lta ste/ bsod nams dang ye shes kyi tshogs tshad med pas mi ngoms pa yang dag par grub pa'i rgyu dang zhes bya ba
la sogs pa rgyas par 'byung ngo/ /'phags pa dri ma med par grags pas bstan pa las kyang bka' stsal te/ kye grogs po dag de bzhin gshegs pa'i sku ni bsod nams brgya las nges par skyes pa'o/ /dge ba'i chos thams cad nges par skyes
pa'o/ dge ba'i las tshad med pa las nges par skyes pa'o/ /zhes bya ba la sogs pa rgya cher 'byung ngo/ /de ltar byas na dal gyis skyil mo krung bshig ste/ phyogs bcu na bzhugs pa'i sangs rgyas dang byang chub sems dpa' thams cad la phyag
btsal nas de dag la mchod pa dang bstod pa byas la/ 'phags pa bzang po spyod pa la sogs pa'i smon lam chen po gdab bo/ /de nas stong pa nyid dang snying rje'i snying po can bla na med pa'i byang chub tu yongs su bsngos pa'i sbyin pa la sogs pa'i
bsod nams kyi tshogs sgrub pa la mngon par brtson par bya'o/ /gang zhig sems kyi rnam par rtog pas bskyed pa'i dge ba dang mi dge ba'i las kyi dbang gis sems can rnams mtho ris la sogs pa'i 'bras bu myong zhing 'khor ba na 'khor ro/ /
gang dag ci yang mi sems ci yang mi byed pa de dag ni 'khor ba las yongs su thar bar 'gyur ro/ /de lta bas na ci yang mi bsam mo/ /sbyin pa la sogs pa dge ba spyad par yang mi bya'o/ /spyin pa la sogs pa spyod pa ni skye bo blun po'i dbang
du mdzad nas bstan pa kho na yin no snyam du sems zhing de skad kyang smra ba de ni theg pa chen po mdza' dag spangs pa yin no/ /theg pa thams cad kyi rtsa ba ni theg pa chen po yin pas de spangs na theg pa thams cad spangs par 'gyur ro/ /
'di ltar ci yang mi bsam mo zhes smra ba ni yang dag par so sor rtog pa'i mtshan nyid kyi shes rab spangs par 'gyur ro/ /yang dag pa'i ye shes kyi rtsa ba ni yang dag par so sor rtog pa yin pas na rtsa ba bcad pa'i phyir 'jig rten las
'das pa'i shes rab spangs par 'gyur ro/ /sbyin pa la sogs pa dge ba spyad par mi bya'o/ /zhes smras pas kyang sbyin pa la sogs pa thabs shin tu zur phyin par spang ba yin no/ /mdor na 'di lta ste/ thabs dang shes rab ni theg pa chen po'o/ /de skad 'phags
pa ga ya go'i ri las kyang gsungs te/ byang chub sems dpa' rnams kyi lam ni mdor bsdus na gnyis te/ gnyis gang zhe na/ 'di lta ste/ thabs dang shes rab bo zhe'o/ /'phags pa de bzhin gshegs pa'i mdo las kyang bka' stsal te/ thabs dang
shes rab 'di gnyis kyis byang chub sems dpa' i lam thams cad bsdus par 'gyur ro zhes 'byung ste/ de'i phyir theg pa chen po spong ba ni las kyi sgrib pa chen po byas par 'gyur ro/ /de lta bas na theg pa chen po spong ba/ thos pa nyung ba/ bdag gi lta ba
la mchog tu 'dzin pa/ skye bo mkhas pa la bsnyen bkur ma byas pa/ de bzhin gshegs pa'i gsung rab kyi tshul ma rtogs pa/ bdag phung bar byas nas gzhan yang phung bar byed pa rigs pa dang lung dang 'gal ba'i dug gis btab pa'i tshig ni mkhas
pa bdag la legs su 'dod pas zas dug can bzhin du rgyang ring du yongs su spang par bya'o/ /'di ltar des yang dag par so sor rtog pa spangs na chos shin tu rnam par 'byed pa zhes bya ba yang dag byang chub kyi yan lag dam pa kho na yang spangs par
'gyur ro/ yang dag par so sor rtog pa med par rnal 'byor pas thabs gang gis thog ma med pa'i dus gzugs la sogs pa'i dngos po la mngon par zhen cing gom pa'i sems rnam par mi rtog pa nyid la bzhag par bya'o/ /gal te chos thams
cad la dran ba med pa dang/ yid la byed pa med pas 'jug go zhe na/ de yang rigs pa ma yin te/ yang dag par so sor rtog pa med par ni nyams su myong ba'i chos thams cad mi dran par bya ba dang/ yid la mi bya bar byed mi nus so/ /gal te bdag gi chos
'di dag dran par mi bya'o/ /yid la mi bya'o snyam du de ltar bsgom zhing de dag la dran pa med pa dang/ yid la byed pa med pa bsgom pa ni de'i tshe des de dag shin tu dran pa dang/ shin tu yid la byas par 'gyur ro/ /ci ste dran pa dang/ yid la byed pa
med pa tsam la/ dran pa med pa dang/ yid la byed pa med pa skad du bya na/ de'i tshe de gnyis rnam pa gang gis med par 'gyur ba de nyid dpyad dgos te/ med pa ni rgyu rung ba yang mi 'gyur te/ gang gi mtshan ma med pa dang/ yid la byed pa med pa la rnam
par mi rtog pa nyid du 'gyur/ de tsam gyi phyir rnam par mi rtog par 'gyur du zin na ni rgyal ba yang dran pa dang/ yid la byed pa med pas rnam par mi rtog pa nyid du 'jug par 'gyur ro/ /yang dag par so sor rtog pa med par rnam pa gzhan gyi dran pa med cing yid
la byed pa med pa bya ba'i thabs gzhan med do/ /dran pa med pa dang/ yid la byed par gyur du zin kyang yang dag par so sor rtog pa med na chos rnams kyi ngo bo nyid med pa la 'jug pa ji ltar 'gyur/ chos rnams ngo bo nyid kyis stong par gnas pa kho na yin
du zin kyang so sor rtog pa med na de dag stong par rtog par mi 'gyur ro/ /stong pa nyid rtogs pa med pas ni sgrib pa spong bar mi 'gyur ro/ /de ltar gyur du zin na thams cad dus thams cad du rang thar bar 'gyur ro/ /yang rnal 'byor pa de gal te chos
thams cad la dran pa 'am/ rmongs pas dran pa dang/ yid la byed pa mi 'jug na ni de'i tshe shin tu rmongs pa yin pas de rnal 'byor pas ji ltar 'gyur/ yang dag par so sor rtog pa med par de la dran pa med pa dang/ yid la byed pa med pa
goms par byas pas glen pa nyid goms par byas ba yin no/ /de'i phyir yang dag pa'i ye shes kyi snang ba rgyang ring du bsrings par 'gyur ro/ /ci ste de dran pa nyams ba yang ma yin/ glen pa yang ma yin na ni de'i tshe
yang dag par so sor rtog pa med par ji ltar dran pa med pa dang/ yid la byed pa med par byed nus par 'gyur/ dran bzhin du yang mi dran/ mthong bzhin du yang mi mthong ngo zhes byar mi rung ngo/ /dran pa med pa dang/ yid la byed pa med pa
goms par byas nas ji ltar sngon gyi gnas rjes su dran pa la sogs pa dang/ sangs rgyas kyi chos la sogs par 'gyur te/ 'gal ba'i phyir dro ba dang 'gal ba grang ba sten ba'i tshe dro ba reg ba'i tshor ba mi 'byung ba bzhin no/ /yang rnal 'byor
pa ting nge 'dzin la snyoms par zhugs pa la gal te yid kyi rnam par shes pa yod na de'i tshe des gdon mi za bar ci zhig la dmigs dgos te/ so so'i skye bo rnams kyi shes pa ni glo bur du dmigs ba med par mi 'gyur ro/ /ci ste med na ni de'i tshe
ji ltar chos rnams kyi ngo bo nyid med par rtogs par 'gyur gnyen po gang gis ni nyon mongs pa spong bar 'gyur/ /bsam tan bzhi pa ma thob pa'i so so'i sems ni 'gog par 'gyur mi srid do/ /de lta bas na dam pa'i chos las dran pa med pa
dang yid la byed pa med pa 'byung ba de yang yang dag par so sor rtog pa sngon du 'gro ba yin par lta bar bya ste/ gang gi phyir yang dag par so sor rtog pa nyid kyis dran pa med pa dang/ yid la byed pa med par byed nus kyi gzhan du ma yin te/
'di ltar rnal 'byor pa gang gi tshe yang dag pa'i shes rab kyis brtags na don dam par na dus sum du chos skyes pa gang yang sa ma mthong ba de'i tshe ji ltar na dran pa dang/ yid la byed par bya/ don dam par dus su med pa'i phyir myong ba med pa dang
ltar dran par bya/ yid la byed par bya/ de'i phyir des spros pa thams cad nye bar zhi bas rnam par mi rtog pa'i ye shes la zhugs pa yin no/ /de la zhugs pas stong ba nyid rtogs par 'gyur ro/ /de rtogs pas lta ba ngan pa'i dra ba mdza' dag spangs par
yin no/ /thabs dang ldan pa'i shes rab bsten pas kun rdzob dang don dam pa'i bden pa la yang dag par mkhas pa yin no/ /de bas na sgrib pa med pa'i ye shes thob pa'i phyir sangs rgyas kyi chos thams cad thob par 'gyur ro/ /de lta bas na
yang dag par so sor rtog pa med na yang dag pa'i ye shes 'byung bar yang mi 'gyur/ nyon mongs pa'i sgrib pa spong bar yang mi 'gyur ro/ /'phags pa 'jam dpal rnam rol pa'i mdo las kyang bka' stsal to/ /bu mo ji ltar na byang chub sems
dpa' g.yul las rnam par rgyal ba yin/ gsol pa/ 'jam dpal rnam par brtags na chos thams cad mi dmigs pa gang lags pa'o zhes 'byung ngo/ /de lta bas na rnal 'byor bas ye shes kyi mig phye la shes rab kyis mtshon gyi nyon
mongs pa'i dgra rnams pham par bya ste/ 'jigs pa med par gnas par bya'i/ mi sngar ma bzhin du mig 'dzums bar mi bya'o/ /'phags pa ting nge 'dzin gyi rgyal po'i mdo las kyang bka' stsal te/ gal te chos la bdag med so sor rtog /so
sor de brtag gal te bsgom pa ni/ /de nyid mya ngan 'das thob 'bras bu'i rgyu/ /rgyu gzhan gang yin de ni zhi mi 'gyur/ /zhes 'byung ngo/ /mdo kun las btus pa las kyang 'byung ste/ bdag lhag mthong gi sbyor ba la zhugs par gnas kyang gzhan
lhag mthong gi sbyor ba la 'jug na bdud kyi las so zhes 'byung ngo/ /lhag mthong gi yang dag par so sor rtog pa'i ngo bo nyid yin par 'phags pa dkon mchog sprin dang/ dgongs pa nges bar 'grel pa las kyang bka' stsal to/ /'phags pa dkon mchog
sprin las kyang bka' stsal pa/ lhag mthong gi brtags nas ngo bo nyid med par rtogs pa ni mtshan ma med pa la 'jug pa'o zhes 'byung ngo/ /'phags pa lang kar gshegs pa las kyang/ blo gros chen po gang gi phyir blos
brtags na rang dang spyi'i mtshan nyid mi rtogs te/ des na chos thams cad ngo bo nyid med pa zhes bya'o zhes bka' stsal to/ /gal te yang dag par so sor rtog pa la mi bya na/ de ltar bcom ldan 'das kyis mdo sde de dang de dag las
yang dag par so sor rtog pa rnam pa du ma bka' stsal pa de dang yang 'gal bar 'gyur ro/ /de lta bas na bdag ni shes rab chung ngu/ brtson 'grus chung ngu ste/ mang du thos pa yongs su tshol mi nus so zhes de skad bya ba'i rigs kyi/ bcom
ldan 'das kyi mang du thos pa bsngags pa'i phyir dus thams cad du yang spang bar ni mi rigs so/ /tshangs pas zhus pa las kyang bka' stsal te/ gang dag bsam gyis mi khyab pa'i chos rnams la sems zhugs pa de dag ni tshul bzhin
ma yin pa'o/ /zhes 'byung ngo/ /de la gang dag don dam par ma skyes pa'i chos rnams la skye bar yongs su brtags te/ nyan thos la sogs pa bzhin du de dag la mi rtag pa dang sdug bsngal gyi tshul du sems par byed pa de dag ni sgro 'dogs
pa dang skur pa 'debs pa'i mdza' de dag sems pa 'jug pas tshul bzhin ma yin par 'gyur te/ de dgag pa'i phyir de skad bka' stsal gyi/ yang dag par so sor rtog pa de dgag par ni ma yin te/ de ni mdo sde kun las kyang bka' stsal
pa'i phyir ro/ /de skad tshangs pas zhus pa de nyid las kyang bka' stsal te byang chub sems dpa' rnams kyis gsol pa/ gang chos thams cad la sems kyis sems kyang der ma smras pa ni ma yin te/ de ni mdo sde kun las kyang byang chub
sems dpa' zhes bgyi zhes 'byung ngo/ /yang de nyid las ji ltar na brtson 'grus dang ldan pa lags/ bka' stsal pa/ gang gi tshe thams cad mkhyen pa'i ye shes la brtags nas ma dmigs pa'o zhes gsungs so/ /yang de nyid las tshul bzhin
du chos la so sor rtog pa de dag ni blo gros dang ldan pa yin no zhes gsungs so/ /yang de nyid las de dag gi chos rnams la sgyu ma dang smig rgyu ji lta ba bzhin du rab tu rnam par 'byed do zhes gsungs so/ /de ltar gang dang gang du bsam gyis mi khyab pa la
sogs pa'i tshig thos na de dang der thos pa dang bsam pa tsam kho nas de kho na rtogs par gang dag sems pa de dag gi mngon pa'i nga rgyal dgag pa'i phyir chos rnams so so rang gis rig par bya ba nyid du bstan par byed do/ /tshul bzhin ma yin pa'i
sems pa dgag par byed par khong du chud par bya'i/ yang dag par so sor rtog pa de dgag par ni ma yin no/ /de lta ma yin na rigs pa dang lung shin tu mang po dang 'gal bar 'gyur ro zhes sngar bshad pa bzhin no/ /yang thos pa dang bsam
pa las byung ba'i shes rab kyi rtogs pa gang yin pa de nyid bsgom pa las byung ba'i shes rab kyis sgom par bya'i/ gzhan du ni ma yin te/ rta dkyus sa bstan nas brgyug pa bzhin no/ /de lta bas na yang dag par so sor brtag par bya'o//
de rnam par rtog pa'i ngo bo yin du zin kyang tshul bzhin du yid la byed pa'i ngo bo nyid yin pa'i phyir/ de las rnam par mi rtog pa'i ye shes 'byung bar 'gyur bas na/ ye shes de 'dod pas de la bsten par bya'o/ /rnam par mi rtog pa'i
yang dag pa'i ye shes kyi me byung na shing gnyis drung pa las me byung bas shing de gnyis sregs pa bzhin du de yang phyis de pgnyis kyis sreg par 'gyur ro zhes 'phags pa dkon mchog brtsegs pa las kyang bka' stsal to/ /yang dag pa la
sogs pa'i las ci yang mi bya'o/ zhes zer ba de ni de skad smra bas las zad nas grol bar 'gyur ro zhes mu stegs can kun tu tshol ba'i smra ba khas blang bar 'gyur ro/ /bcom ldan 'das kyi gsung rab la nyon mongs pa zad
nas grol bar 'gyur ba med do/ /thog ma med pa nas bsags pa'i las zad par bya bar mi nus te/ de ni mdza' yas pa'i phyir ro/ /ngan song la sogs pa yang de'i 'bras bu la spyod pa'i tshe las gzhan dag kyang 'byung ste/ nyon mongs pa med
par 'gyur te de rgyur gnas na las dgag par mi nus pa'i phyir mar me 'gag nas de'i 'od mi dgag pa bzhin no/ /lhag mthong la skur pa 'debs pa de'i nyon mongs pa zad par 'gyur mi srid do/ /zhes sngar bshad pa bzhin no/ /ci ste nyon mongs
pa zad par bya ba'i phyir lhag mthong la bsten par bya'o snyam du sems na de'i tshe nyon mongs pa zad pa nyid kyis grol bar 'grub ste/ las zad par bya ba'i tshig don med par 'gyur ro/ /mi dge ba'i las mi bya'o zhes zer ba de ni rigs na/ dge ba
ci ste dgag / gal te 'khor bar byed pas dgag pa skad du byas na yang mi rung ste/ bdag la sogs par phyin ci log gi kun nas slang ba'i dge ba de nyid 'khor bar byed pa yin gyi/ byang chub sems dpa' rnams kyi las snying rje chen pos kun
nas slang ba bla na med pa yang dag par rdzogs pa'i byang chub tu yongs su bsngos pa yang 'khor bar byed pa ma yin no/ /de skad du 'phags pa sa bcu pa las kyang bka' stsal te/ dge ba bcu'i las kyi lam de dag nyid sngo ba la sogs pa yongs su
sbyang pa byas pa'i bye brag gis ni nyan thos dang rang sangs rgyas dang/ byang chub sems dpa' dang/ sangs rgyas nyid sgrub par byed do zhes 'byung ngo/ /'phags pa dkon mchog rtsegs pa las kyang/ chu klung chen po thams cad rgya mtsho chen por zhugs
ba'i chu'i phung po bzhin du byang chub sems dpa' rnam sgo sna tshogs nas dge ba bsags pa yang thams cad mkhyen pa nyid du ro gcig pa nyid du 'gyur ro zhes gsungs so/ /sangs rgyas dang byang chub sems dpa' rnams kyi gzugs kyi sku dang/ zhing yongs su dag pa dang
'od dang/ 'khor dang/ longs spyod chen po la sogs pa phun sum tshogs pa gang yin pa de ni sbyin pa la sogs pa bsod nams kyi tshogs kyi 'bras bu nyid yin par mdo sde dang de dag tu bcom ldan 'das kyis bka' stsal pa de dang yang 'gal bar 'gyur ro//
dge ba spyod pa bkag pas ni so sor thar pa'i sdom pa la sogs pa yang bkag par 'gyur te/ de'i phyir de'i mgo po dang kha spu begs pa dang gos ngur smrig bcad pa la sogs pa yang don med par 'gyur ro/ /dge ba'i las mngon par 'du bya ba la mi phyogs
par gyur na 'khor ba la mi phyogs pa dang/ sems can gyi don la mi phyogs pa kun tu bsten par 'gyur te/ de'i phyir de'i byang chub kyang rgyud srid par 'gyur ro/ /'phags pa dgongs pa nges par 'grel pa las kyang bka' stsal te/ sems can gyi don bya ba
la shin tu mi phyogs pa dang/ 'du byed pa la mngon par 'du bya ba la mngon du phyogs pa ni bla na med pa yang dag par rdzogs pa'i byang chub tu ngas ma bstan to zhes bka' stsal to/ /'phags pa nye bar 'khor gyis zhus pa las kyang/ 'khor ba la mi
phyogs pa ni byang chub sems dpa' rnams kyi 'chal pa'i tshul khrims mchog yin no zhes stan to/ /'khor ba yongs su 'dzin pa ni tshul khrims mchog yin no zhes gsungs so/ /'phags pa dri ma med par grags pas stan pa las kyang/ thabs kyis
zan pa'i 'khor bar 'gro ba ni byang chub sems dpa' rnams kyis thar pa'o/ /thabs kyis bral ba'i shes rab ni 'ching ba'o/ /shes rab dang bral ba'i thabs kyang 'ching ba'o/ /shes rab dang bcas pa'i shes rab kyang thar pa'o/ /thabs dang
bcas pa'i shes rab kyang thar pa'o/ zhes bka' stsal to/ /'phags pa nam mkha' i mdzod las kyang/ 'khor bas yongs su skyo ba ni byang chub sems dpa' rnams kyi bdud kyi las so zhes gsungs so/ /mdo kun las btus
pa las kyang 'dus ma byas la yang so sor rtog la 'dus byas kyi dge bas kyang yongs su skyo ba ni bdud kyi las so/ /byang chub kyi lam yang rab tu shes la pha rol tu phyin pa'i lam yang yongs su mi tshol ba ni bdud kyi las so/ /zhes bstan to/ /yang
de nyid las/ sbyin pa la sems mngon par zhen pa nas shes rab kyi bar la sems mngon par zhen pa ni bdud kyi las so/ zhes bshad pa de la sbyin pa la sogs pa bsten pa dgag pa ni ma yin te/ ngar 'dzin pa dang/ nga yir 'dzin pa la
sems mngon par zhen pa/ gzung ba dang 'dzin pa la sems mngon par zhen pa/ dmigs pa can gyi sbyin pa la sogs pa la phyin ci log tu mngon par zhen pa gang yin pa de dgag pa ste/ phyin ci log tu mngon par zhen pas kun nas slang
ba'i sbyin pa la sogs pa yongs su dag par mi 'gyur te/ bdud kyi las so zhes bshad do/ /de lta ma yin na bsam gtan yang bsten par bya ba ma yin par 'gyur ro/ /de ltar gyur na thar bar yang ji ltar 'gyur/ de'i phyir na dmigs pa can
s na tshogs su 'du shes pas sbyin pa byin pa la sogs pa gang yin pa de ni yongs su dag pa ma yin par bstan pa'i phyir 'phags pa nam mkha' mdzod las kyang sems can sna tshogs la sogs pa'i 'du shes can gyi sbyin pa la sogs pa ni bdud kyi
las so zhes bshad do/ /phung po gsum pa'i yongs su bsngos pa las kyang bka' stsal pa/ gang bdag gi sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab mnyam pa nyid du ma 'tshal nas dmigs
par ltung bas sbyin pa la stsal pa dang/ tshul khrims mchog tu 'dzin pas tshul khrims srung ba dang/ bdag dang gzhan du 'du shes pas bzod pa sgom pa la sogs pa gang lags pa de dag thams cad so sor bshags par bgyi'o/ /zhes 'byung ba gang
yin pa de la yang dmigs pa can sna tshogs su 'du shes pa la phyin ci log tu mngon par zhen pas kun nas slang ba'i phyir sbyin pa la sogs pa yongs su dag pa ma yin pa tsam gyi phyir bshags kyis/ dus thams cad du sbyin pa la sogs pa la bsten
pa dgag pa ni ma yin no/ /de lta ma yin na dmigs pa can phyin ci log tu gyur pa 'ba' zhig gi ma yin na/ sbyin pa la sogs pa thams cad bye brag med par dgag par 'gyur ro/ /tshangs pas zhus pa las/ spyod pa ji snyed pa de dag thams cad
ni yongs su rtog pa'o/ /yongs su mi rtog pa ni byang chub bo zhes bya ba la sogs pa gsungs pa gang yin pa de la yang skye ba la sogs pas rnam par rtog pa'i skabs yin pas de ni yongs su rtog pa nyid du bshad kyis/ mtshan ma med par
gnas shing mngon par 'du bya ba med par 'jug pa la gnas pa'i byang chub sems dpa' ni lung bstan pa yin te gzhan du ma yin no zhes de tsam du bstan te/ sbyin pa la sogs pas thams cad la don dam par nam skyes par yongs su bstan gyi/
spyod pa mi bya ba ni bka' ma stsal to/ /de lta ma yin na mar me mdzad kyi snga logs na sangs rgyas gang dag la bcom ldan 'das kyis snyen bkur mdzad pa de dag gi mtshan bcom ldan 'das kyis bskal par yang mi spyod pa de dag gis kyang bcom
ldan 'das byang chub sems dpa' i gnas skabs na bzhugs pa'i spyod pa ci'i phyir dgag pa ma mdzad/ mar me mdzad kyis kyang de'i tshe bcom ldan 'das kyis spyod pa dgag par mdzad pa kho na ste/ gang gi tshe sa brgyad pa la gnas shing zhi ba mtshan
ma med pa la gnas pa de gzigs nas de'i tshe bcom ldan 'das lung bstan gyi/ de na de'i spyod pa bkag pa ni ma yin no/ /sa brgyad pa la byang chub sems pa rnams kyi mtshan ma med par gnas pa mchog de ni
de dag nyid du yongs su mya ngan las 'das par 'gyur du 'ong ngo/ /zhes sa bcu las sangs rgyas rnams kyis dgag pa mdzad do/ /gal te rnam pa thams cad du spyod pa de mi bya bar gyur na ni sngar brjod pa thams cad dang yang 'gal bar 'gyur ro/ /
yang tshangs pas zhus pa de nyid las gsungs pa/ sbyin pa yang byin la de'i rnam par smin pa de la yang mi re la/ tshul khrims kyang bsrung ma de yang sgro 'dogs pas ma yin no zhes bya ba la sogs pa 'byung ngo /tshangs pa byang chub sems
dpa' chos bzhi dang ldan pa rnams sangs rgyas kyi chos rnams las phyir mi ldog pa yin no/ /bzhi po de dag gang zhe na/ 'khor ba dpag tu med pa yongs su 'dzin pa dang/ sangs rgyas dpag tu med pa la rim gro dang mchod pa dpag tu med
pa byed pa zhes bya ba la sogs pa 'byung ba thams cad dang 'gal lo/ /dbang po rtul po kho nas spyod pa bya'i/ dbang po rnon pos mi bya'o zhes brjod par mi rung ste/ 'di ltar sa dang po nas gzung ste sa bcu pa'i
bar la gnas pa'i byang chub sems dpa' rnams kyi sbyin pa la sogs pa'i spyod pa rnams 'byung zhing lhag ma rnams kyang kun tu mi spyod pa ni ma yin no zhes gsungs pa'i phyir ro/ /sar chud ba rnams dbang po rtul po zhes bya ba nga yang mi rung ste/
'phags pa nye bar 'khor gyis zhus pa las kyang/ mi skye ba'i chos la bzod pa la gnas pa nyid kyis gtong ba dang/ gtong ba chen po dang/ rab tu gtong ba dag bya'o zhes bka' stsal te/ mdo thun las btus pa las kyang/ pha rol tu phyin
pa drug la sogs pa sgrub pa dang ldan pa'i byang chub sems dpa' rnams ni de bzhin gshegs pa'i rdzu 'phrul gyi 'gro ba yin no zhes sngags te/ de bzhin gshegs pa'i rdzu 'phrul gyi 'gro ba las mgyogs pa na gzhan med do/ /pha rol ??
drug dang/ sa bcu ma gtogs par byang chub sems dpa' rnams kyis shin tu myur bar 'jug pa'i lam gzhan ni med do/ /de sems kyi rgyud gser dog la bzhin du rim gyis 'dag par 'gyur ro/ /zhes mdo sde bas kyang bka' stsal to/ /?
pa lang kar gshegs pa dang/ sa bcu pa la sogs pa las kyang/ byang chub sems dpa' gang gi tshe de bzhin nyid la gnas par gyur pa de'i chos dang por chung ba yin te/ de nas rim gyis sa gong ma rnams yongs su sbyangs nas de bzhin gshegs
pa'i sa la 'jug go zhes bka' stsal te/ de'i phyir sa dang pha rol tu phyin pa la ma gtogs par sangs rgyas nyid kyis grong khyer du cig car 'jug pa'i sgo gzhan ni med do/ /bcom ldan 'das kyis kyang mdo sde la sogs pa gang nas kyang bka'
ma stsal to/ /gal te bsam gtan nyid du pha rol tu phyin pa drug 'dus pas na de bsten pas pha rol tu phyin pa thams cad bsten par 'gyur te/ de'i phyir sbyin pa la sogs pa gzhan so sor bsten mi dgos pa skad du bya na yang/ de mi rung ste de ltar
gyur du zin na sangs rgyas la ba lang gi lci ba'i dkyil 'khor byas pa'i nang du yang pha rol tu phyin pa drug 'dus pas na dkyil 'khor 'ba' zhig bya'i/ bsam gtan la sogs pa mi bya bar 'gyur ro/ /nyan thos 'gog pa'i snyoms par 'jug pa la
snyoms par zhugs pa la yang mtshan ma la sogs pa kun tu mi 'byung ba'i phyir de ltar pha rol tu phyin pa drug yongs su rdzogs par 'gyur te/ de'i phyir nyan thos rnams dang/ byang chub sems dpa' rnams bye brag med par bstan par 'gyur ro/ /
b yang chub sems dpa' rnams gnas skabs thams cad du pha rol tu phyin pa drug yongs su rdzogs par bya bar bstan pa'i phyir bcom ldan 'das kyis pha rol tu phyin pa re re yang pha rol tu phyin pa thams cad 'dus par
bka' stsal gyi/ pha rol tu phyin pa gcig kho na zhig bsten par ni ma gsungs so/ /de skad 'phags pa chos thams cad shin tu rgyas pa las kyang bka' stsal te/ byams pa byang chub sems dpa' rnams kyis pha rol tu phyin pa drug yang dag
bar sgrub pa 'di ni rdzogs pa'i byang chub kyi phyir yin na/ de la yang mi blun po dag 'di skad du byang chub sems dpas shes rab kyi pha rol tu phyin pa kho na la bslab bar bya'i/ pha rol tu phyin pa lhag ma rnams kyis ci zhig bya zhes zer zhing/ de
dag pha rol tu phyin pa gzhan la sun 'byin par sems so/ /ma pham pa 'di ji snyam du sems/ ka shi'i rgyal por gyur pa gang yin pa des/ phug ron gyi phyir rang gi sha khra la byin pa de shes rab 'chal pa yin nam/ byams pas gsol
pa/ /bcom ldan 'das de ni ma lags so/ /bcom ldan 'das kyis bka' stsal pa/ byams pa nga byang chub sems dpa' i spyad pa spyod pa na pha rol tu phyin pa drug dang ldan pa'i dge ba'i rtsa ba gang dag
bsags pa'i dge ba'i rtsa ba de dag gis gnod par gyur tam/ byams pas gsol pa/ bcom ldan 'das de ni ma lags so/ /bcom ldan 'das kyis bka' stsal pa/ ma pham pa khyod kyis kyang bskal pa drug cur sbyin pa'i pha rol tu
phyin pa yang dag par bsgrubs/ de bzhin du bskal pa drug cur shes rab kyi pha rol tu phyin pa'i bar du yang dag par bsgrubs na/ de la mi blun po dag 'di skad ces tshul gcig kho nas byang chub ste/ 'di lta ste/ stong pa nyid kyi tshul
gyis so zhes zer te/ de dag ni spyod pa yongs su ma dag par 'gyur ro zhes bya ba la sogs pa 'byung ngo/ /stong pa nyid 'ba' zhig sten na nyan thos bzhin du mya ngan las 'das pa'i mthar ltung bar 'gyur ro/ /de'i phyir na thabs dang bcas pa'i
shes rab bsten par bya'o/ /de lta bas na slob dpon klu sgrub kyi zhal snga nas kyi mdo kun las btus pa las bshad ba/ thabs mkhas pa dang bral ba'i byang chub sems dpa' chos zab mo nyid la mngon bar brtson par mi bya'o/ /zhes
'byung ngo/ 'dir yang 'phags pa dri ma med par grags bas bstan pa la sogs khungs bstan cing bshad kyis/ de yang slob dpon klu sgrub kyi zhal snga nas kyi bka' ni ma yin no/ /rigs pa dang lung du bstan pa dang/ bcom ldan 'das kyi gsung
rab btang la/ mkhas pa rtog pa dang ldan pas 'gro ba blun po gzhan gyis tshig gzung ba mi rigs so/ /'phags pa gtsug na rin po che las kyang/ sbyin pa la sogs pa dge ba mdza' dag dang ldan pas rnam pa thams cad kyi mchog dang ldan pa'i stong pa
nyid la bsgom par bya'o/ zhes gsungs ste/ stong pa nyid 'ba' zhig ni ma yin no/ /'phags pa dkon mchog rtsegs pa las kyang bka' stsal te/ 'od srungs 'di lta ste dper na/ blon pos zin pa'i rgyal po rnams dgos pa thams cad byed pa de
bzhin du byang chub sems dpa' i shes rab thabs mkhas pas yang sangs rgyas kyi mdzad pa thams cad byed do zhes 'byung ngo/ /de bas na stong pa nyid 'ba' zhig bsten nas mya ngan las 'das pa la 'jug par 'gyur du 'ong ngo zhes bcom ldan 'das
kyi 'phags pa de bzhin gshegs pa'i gsang ba'i mdo las/ gcig tu sems dmigs pa med par mi bya'i thabs la mkhas pa la yang bsten par bya'o zhes gsungs te/ de bstan pa'i phyir/ rigs kyi bu 'di lta ste dper na me ni rgyu las
'bar te/ rgyu med na zhi bar 'gyur te/ de bzhin du dmigs pa la sogs pa la sems 'bar gyi/ dmigs pa med ni sems zhi bar 'gyur ro/ /de la thabs la mkhas pa'i byang chub sems dpa' shes rab kyi pha rol
tu phyin pa yongs su dag pas dmigs pa nye bar zhi bar yang shes la dge ba'i rtsa ba la dmigs pa yang zhi bar mi byed/ nyon mongs pa la dmigs pa yang 'byung bar mi byed la/ pha rol tu phyin pa'i dmigs pa la yang 'jog par byed/ stong pa
nyid du dmigs pa la so sor rtog la sems can thams cad la snying rje chen pos dmigs pa la yang lta'o/ /rigs kyi bu de ltar na byang chub sems dpa' thabs la mkhas pa shes rab kyi pha rol tu phyin pa dag pas dmigs pa la dbang po
thob bo zhes rgya cher gsungs nas yang bka' stsal pa/ de ltar na byang chub sems dpa' i dmigs pa gang ci yang rung ste thams cad ni thams cad mkhyen pa'i ye shes mngon par bsgrub pa'i phyir mi gnas pa med do/ /byang chub sems dpa' gang dmigs pa
thams cad byang chub tu yongs su bsngos pa de ni byang chub sems dpa' i thabs la mkhas pa ste/ chos thams cad byang chub kyi rjes su song bar mthong ngo/ /rigs kyi bu 'di lta ste dper na stong gsum gyi stong chen po'i 'jig rten gyi khams na sems can
rnams kyi longs spyod du mi 'gyur ba de med do/ /rigs kyi bu de bzhin du byang chub sems dpa' thabs la mkhas pa yang dmigs pa gang ci yang rung byang chub la phan 'dogs par 'gyur ba ma yin par mthong ba med do zhes rgya cher 'byung ngo/ /de
bzhin du mdo sde mdza' yas pa las byang chub sems dpa' rnams kyi thabs dang shes rab kyi tshul sgrub pa bstan to/ /de la bdag nyid sbyin pa la sogs pa bsod nams kyi tshogs la brtson 'grus rtsom mi nus su zin kyang/ gzhan dag la de skad
du bstan pa ni mi rigs so/ /de ltar byas na bdag dang gzhan la 'khu ba byas par 'gyur ro/ /de ltar byang chub sems dpa' ci nas byang yang dag par so sor brtag par bya zhing sbyin pa la sogs pa bsod nams kyi tshogs mdza' dag bsgrub par bya'o zhes
rigs pa dang lung gis bstan pa yin no/ /de'i phyir rtog pa dang ldan par thos pa nyung ba mngon pa'i nga rgyal can rnams kyi tshig dug bzhin du spangs la/ slob dpon klu sgrub la sogs pa skye bo mkhas pa'i tshig bdud rtsi'i rjes su 'jug pas sems can
mdza' dag la snying rje chen po bskyed na sgyu ma mkhan bzhin du phyin ci log tu ma gyur pas bla na med pa yang dag par rdzogs pa'i byang chub tu yongs su bsngos pa'i sbyin pa la sogs pa'i dge ba'i spyod pa mdza' dag dang/ 'gro ba ma lus pa gdon
pa la mngon par brtson par bya ste/ ji skad du 'phags pa chos yang dag par sdud pa las/ dper na sgyu ma'i mkhan po zhig /sprul pa thar bar bya phyir rtso na/ /ces ni snga nas de shes pas/ /sprul pa de la chags pa med/ /srid gsum sprul pa 'dra
bar ni/ rdzogs pa'i byang chub mkhas pas shes/ /'gro ba'i ched du go dgos te/ /'gro ba de ltar snga nas shes/ /zhes 'byung ba lta bu'o/ /de ltar thabs dang shes rab rtag tu gus par bya ste/ goms par byas pa de'i sems kyi rgyud rim gyis
yongs su smin pa na gong nas gong du shin tu rnam par dag pa'i skad cig 'byung bas yang dag pa'i don la sgom pa shes rab kyi mthar phyin par ma gyur na 'jig rten las 'das pa'i ye shes rtog pa'i dra ba mdza' dag dang bral ba/ chos kyi dbyings
shin tu gsal ba rtogs pa/ dri ma med cing mi g.yo ba rlung med pa'i mar me dang 'dra ba 'byung ste/ de'i tshe dngos po'i mdza' la dmigs pa thob par 'gyur ro/ /sa dang po yang thob pa yin na'o/ /mthong ba'i lam la yang zhugs pa yin no/ /de de'i
gong ma'i sa rnams yongs su sbyangs nas rim gyis gser bzhin du sgrib pa bsags pa ma lus par med par gyur la/ chags pa med pa dang/ thogs pa med pa'i ye shes thob nas yon tan ma lus pa'i gzhi sangs
rgyas kyi sa thob par 'gyur te/ dgos pa yongs su grub pa la dmigs pa yang thob pa yin no/ /de lta bas na sangs rgyas thob par 'dod pa dbu ma'i lam la mngon par brtson par bya'o/ /de ltar dbu ma'i lam bshad pas/ /bdag gi bsod
nams gang thob pa/ /de yis skye bo ma lus pa/ /dbu ma'i lam ni thob par shog /dam pa phrag dog la sogs dri ma mdza' srings pa/ /yon tan rnams kyis mi ngoms chu yi mtsho 'dra dag /rnam par phye nas legs par bshad rnams
'dzin byed de/ /dbab rab dga' chu las 'o ma len pa bzhin/ /de lta bas na mkhas rnams kyis/ /phyogs rlung dkrugs yid ring spong la/ /byis pa las kyang legs bshad pa/ /thams cad blang ba kho nar bya/ /sgom pa'i rim pa
slob dpon A tsarya ka ma la shI las tha mar mdzad pa rdzogs so/ / //rgya gar gyi mkhan po pradz+nyA warma dang/ zhu chen gyi lo ts+tsha ba bande ye shes sde la sogs pas bsgyur cing zhus te gtan la phab pa'o// //
(rnal 'byor bsgom pa la 'jug pa bzhugs so/
CLOSE WINDOW