བོད་ཡིག

e-texts based on the ACIP/ALL Input

/ //*/ (/de nyid snang pa ka ma la shI las mdzed pa bzhugs so/) /rgya gar skad du/ tatwA lo ka na nA ma pra ka ra Na/ bod skad du/ de kho na nyid snang ba zhes bya ba'i rab tu byed pa/ sangs rgyas dang byang chub sems dpa' thams cad la phyag 'tshal lo/ /yang dag bdud rtsi shin tu brnyes nas ci bzhed gsol/ /skye shi mi mnga' go 'phang brnyes te thugs rje yis/ /'gro ba kun la de dag thob mdzad bzhugs pa gang/ /de la btud nas yang dag de nyid rtogs par bya/ /gang phyir 'gro ba 'di dag kun/ /rmongs pa'i ngo bo zhags pas bcings/ /yang dag rtogs pas thar pa zhes/ /mkhas pa rnams ni rab tu gsungs/ /thar pa 'dod pa rnams gyis ni/ /don med brtsad pa 'dir mi bya/ /'ga' zhig rmongs pa med pa ni/ /dman pa'i dngos dag mi tshol lo/ /skye ba sdug bsngal rtsa ba bas/ /de ni dman ba nyid du bshad/ /thog ma med pa'i mi shes pa / de yang rtsa bar mkhas pas bstan/ /rgyu la rag las skye ba'i phyir/ /gnyen po dag kyang yod pa'i phyir/ /ye shes snang ba byung ba na/ /mun ba bzhin du de spong ngo/ /mi shes rang bzhin rmongs pa ni/ /spang dgos de bas gus pa yis/ /yang dag snang ba skyed pa'i phyir/ /thar ba 'dod pas mchog brtson bya/ /gzugs la sogs ba gsal 'di dag /byis ba kun la grags pa gang/ /de nyid ji ste yang dag na /lus can thams cad grol bar 'gyur / mkhas pa rnams kyi nga rgyal can/ /kun gyis de 'dir mthong na ni/ /yang dag so sor smra ba bas/ /brtsod pa sna tshogs mi 'gyur ro/ /'chad pa po dag rnams la yang/ /phan tshun 'gal ba srid pa'i phyir/ /gzhan gyi man ngag tsam gyis na/ yang dag gtan la phebs pa'ang med/ /gcig la gcig ni mi mthun zhing/ /bdag nyid ngo bo phan tshun du/ /'gal bzhin du ni yang dag pa/ /du ma nyid du 'gyur mi srid/ /de bas rtog ldan rnams kyis ni/ /rang gi rigs pas de dpyod la/ /lung dang rigs bar ldan ba yis/ /bstan por gyur nas bsgom par bya/ /gzugs la sogs pa'i dngos po rnams/ /yang dag nyid du khas len gang/ /de dag las ni 'grub ba yi/ /tshad ma yod dam med bar byed// yod dang med pa'i tha snyad ni/ /tshad ma la brten mkhas pa rnams/ /de med gyur na de dag gis/ rtog pa ldan pa spangs pa yin/ /'dod pa tsam las dbyung phyir dang/ /de las bzlog pa'i don gyis kyang/ /de yang mi 'grub thal 'gyur phyir/ /tshig tsam gyis kyang de mi 'grub/ /tshad ma rjes su 'gro ba dang/ /ldog pa gnyis kyis yang dag par/ /tha snyad dag la khyab na yang/ /dngos por smra ba legs par gnas/ /rtag pa la sogs dag gis kyang/ /sgra la khyab par thal 'gyur phyir/ /'di ltar ldog pa 'ba' zhig las/ /khyab pa grub pa ma yin no/ /des na'ang rjes su 'gro med na/ /ldog ba 'di ni yod min te/ /de dngos rjes su mi 'brang gang/ /de ldog can du de mi 'gyur/ /de bas khyab par 'dod pa yis/ /nges par rjes su 'gro bar 'dod/ /de grub na yang tshad ma las/ /dngos po gtan du grub ba yin/ /'di ltar gang na yod ces pa'i/ /tha snyad tshad ma yod pa yi/ /rjes su 'brang de gar bsgrub na/ /nged kyi dngos po de nyid grub/ / khyab ba de ni grub na yang/ /yang dag dngos po des mi 'grub/ /'di ltar khyab byed yod pa las/ /khyab bya thams cad mngon pa med/ /shiM sha pa dang seng ldeng sogs/ /'di ltar shing nyid kyis khyab kyang/ /de tsam gyis na de dag ci/ /de las nges par 'grub 'gyur ram/ /de bzhin tshad ma 'jug na yang/ /dngos po yod pa'i tha snyad 'di/ /yang dag don gyi yul can du/ /khyed la nges par 'grub pa med/ /bstan pa 'di ni nor pa ste/ /shing ni seng ldeng la sogs la/ /thun mong yin pas de las ni/ /bye brag gsal bar rtog mi 'gyur/ /tshad ma dag gis dngos po yis/ /ngo bo 'das nas 'jug pa med/ /gzhan duAng rab tu 'jug na ni/ /de ni tshad mar mi rung ngo/ /'di ltar dngos pos tshad ma khyab/ /de yis tha snyad la yang khyab/ /dngos pos khyab pa'i tshad mas byung/ /de yang bzhan du mi 'jug go /'jig rten kun rdzob bden don gyi/ /yul can dag kyang srid pa'i phyir/ /de phyir yang dag dngos po yis/ /tshad ma khyab par mi 'grub po/ /ji ste yang dag dngos po la/ /tshad ma thams cad yod na ni/ /kun gyis yang dag nyid mthong phyir/ /'phags pa'i lam ni dgos pa med/ /'bad pa ma byas grol ba'i phyir/ /thar 'dod rnams kyi tshangs spyod dang/ /bsnyen gnas la sogs don med de/ /nyon mongs skyes pa kho nar zad/ /rnal 'byor pa yis mngon sum las/ /gzhan gyi dbang po'i shes khyad med/ /rab tu grub pa'i don dag la/ / yang dag rtogs 'dod rtsod mi 'gyur/ /tshad ma'i mtshan nyid bstan bcos dag /rab tu byed pa don med cing/ /phan tshun dag tu dang 'gal yi/ /mtshan nyid dag kyang byed mi 'gyur/ /bdag dang gzhan gyi grub pa'i mdza' / /phan tshun tha dad med par 'gyur/ /tshad ma kun gyi tshad ma nyid/ /bdag nyid la ni grub par thal/ /don dam ba yi dngos po yi/ /ngo bo 'das nas mi 'jug ste/ /gzhan duAng tshad ma 'jug na ni/ /de ni ji ltar tshad ma nyid/ /rmi lam sogs bzhin brdzun pa nyid/ /'dod pa'i don la mi bslu phyir/ /'jig rten dngos la mtshan ma yod/ /tha snyad du ni brjod par bya/ /de nyid ji ste don dam yin/ /ming tsam zad pa bzlog med de/ /rang dga' dag gis byung ba la/ /de ni su zhig zlog par byed/ /'on kyang rmi lam byed pa ni/ /brdzun pa'i dngos po rnams la yang/ /'dod pa'i don byed sgrub nus pa/ /'di ltar dmigs shing snang yin na/ /de yang don dam cir mi 'dod/ /'gal ba'i phyir ro zhe na ni/ de bzhin gzhan du gnyid sad la/ /de dang mthun na ci phyir 'dod/ /de la mi bslu ba dag kyang/ /ma sad pa dang gnyi ga mthun/ /sad pa dag gi bslu byed pa/ /gnyi ga yang ni mthun pa nyid/ /rdzogs sangs rgyas kyi chos rnams kun/ /rmi lam lta bur rab tu bstan/ /dbang po lnga po de dag gis/ /dngos po cung zad mthong ba med/ /ji ste don byed nus pa yi/ /snang ba tsam yang mi 'dod na/ /'khrul pa'i phyir na 'di dag ni/ /don dam nyid kyi mtshan nyid min/ /rmi lam dag na dngos po'i don shes pa'i ngo bo nyid ma yin/ /shel sgong bzhin du dag pa yi/ /shes pa yin zhes nye bar brjod/ /sngon po la sogs gzugs sna tshogs/ /de la de ni gang nas 'ongs/ /'phrul pas yin na'ang 'khrul 'di ci/ /'khrul pa shes pa nyid can 'ang?// de las de nyid yin zhes pa/ /mchog tu de ni legs par bshad/ /'on te snga ma'i rnam par shes/ /shes pa phyi ma'i rgyu yin na/ /'khrul ba de ni de dag las/ /rgyu med par ni ji ltar 'byung/ /sngon po la sogs de 'byung na/ /'byung la rag ste 'on kyang ni/ /shes dang tha dad ma yin phyir/ /ji ltar gcig la sna tshogs nyid/ /rnam par shes pa du ma'ang/ /'byung bar rtag tu rigs pa min/ /lus med yul na mi gnas phyir/ /yul na bkram ste 'dug pa med/ /de la de ni sna tshogs pa/ / brdzun pa nyid chos 'dod na yang/ /brdzun dang cig shos 'gal ba dag /gcig po nyid du ji ltar rung/ /brdzun pa rnams kyang rgyu dag las/ /'byung bar ji ste 'dod na ni/ /bden pa nyid kyi mtshan nyid dag /dngos po gzhan la ci zhig yod/ rang bar dbyer med sna tshogs pa'i/ /sngo sogs brdzun pa'i rang bzhin na/ /rnam par shes pa'ang brdzun nyid du/ /ci'i phyir gsang bstod brjod mi bya/ /shes pa'i rnam pa sna tshogs rnams/ /ji ste de'i bdag ma yin te/ /gzhan yin de la de bzhin du/ /ji ltar so sor snang bar 'gyur/ /gzhan yang gang de sngo la sogs/ /'di dag brdzun pa nyid brjod na/ /de nyid mtshan nyid 'khrul pa yi/ /yul du ma gyur ma yin nam/ /rmi lam dag la de las gzhan/ /khyed kyi 'dod pa'i don bsgrub cing/ / gang gis mtshan nyid 'khrul bar ni/ /mi 'gyur bzung du yod ma yin/ /ji ste don byed rung ba la/ /de dag khong du chud pa de/ /de tshe yang dag rtogs par 'gyur/ /gang gi ngo bo rtogs pas ni/ /rnal 'byor srid par 'khyam las grol/ /'dir ni de nyid don dam du/ /rtag pa'i yul du bya ba yin/ /'gro la grol ba thob 'gyur zhing/ /thams cad thar par thal ba'i phyir/ /dngos tsam rab tu grub pa las/ /'dod pa'i don byed rung ba min/ /de bas 'dod don mi bslu ba/ /tshad ma'i mtshan nyid yin no zhes/ /'jig rten pa la'ang rab grub phyir/ /thun mong yin par gnas pa yin/ /des na yod pa'i tha snyad sogs/ /khyab pa yin yang yang dag don/ /'grub min ji ltar de las ni/ / dngos por smra ba legs par gnas/ /tshu rol mthong ba thams cad kyi/ /sems ni de la nor pa'i phyir/ /yang dag dngos po cung zad kyang/ /mngon sum dag gis grub pa med/ /rtog dang bral la ma 'khrul ba/ /mngon sum zhes ni de brjod la/ /tshu rol mthong ba kun gyis kyang/ /yang dag mtshan nyid 'khrul ba med/ /yang dag mngon sum rtogs pa de/ /ji ltar tshu rol mthong zhes bya/ /cha shas 'khrul med rang bzhin na/ /dbang po'i rnam par shes pa dag /spyi don yin phyir nyer rjod phyir/ /rang gi mtshan nyid spyod yul min/ /ji ste gzhan las bzlog pa yi/ /spyi ste yul zhes mi brjod na/ /gzhan du gcig gi dngos po la/ /ji ltar cha shas rtag tu yod/ /sgra la sogs pa'i chos can la/ /tshad ma gzhan dag mi bslu phyir/ /mngon sum rtogs pa'i bdag nyid las/ /yang dag rnam par nges pa med/ /rang gi mtshan nyid rnam pa kun/ /'di dag gzung nyid ma yin nam/ /'on kyang zin dang bral ba'i phyir/ /rnam pa thams cad nges ba med/ /don du gnyer dang goms 'dus las/ /sogs pa'ang de yi rgyu yin phyir/ /'di ltar myong ba zhes bya bas/ /nges par skye bar mi srid do/ /rnam pa thams cad gzung na yang/ /gang na don du gnyer sogs rgyu/ /med pa don? phyin ci log / 'khrul pa'i sa bon dag las skye/ /rjes su dpag pa rnams kyis ni/ /sgro 'dogs de tsam nyi tshe zhig /bsam pa bsgrub par bya yin gyi/ /mngon sum spyod yul dngos po min/ /rnam pa thams cad nges pa dag /ji ste de las ma skyes na/ /de ni gzung ba yin no zhes/ /mna' chung rnams kyis bskyal bar bgyis/ /tshad ma rnams ni gzhan dag las/ /yang dag dngos po grub na ni/ /mngon sum des ni rnam pa kun/ /gzung zhes bya ba'i rigs pa snyam/ /ma grub na yang rnam nges pa/ /der ma skyes par gzung ngo zhes/ /khyod kyi tha mal sems kyis ni/ /brjod par ji ltar rigs pa yin/ /don byed pa rnams snang ba yi/ /shes pas kyang ni 'khrul pa'i phyir/ /gzung ba nyid du des min te/ /ji ltar sngar ni bshad pa bzhin/ /'ga' zhig tu ni yang dag dngos/ /ji ste lan 'ga' mthong gyur na/ /don byed pas ni de bsgrub ces/ /rnam par nges pa de dag rigs/ /pha rol ma yin mthong rnams kyis/ /gang tshe lan 'ga' de gcig kyang/ /mthong ba med pas de bas na/ /rnam par nges par ji ltar bya/ /sprul pa rnams kyang sna tshogs pa'i/ /don rnams bya ba byed par brjod/ /gzugs brnyan la sogs la yang mthong/ /de'i phyir nges par gyur pa med/ /phyi rol don thob mtshan nyid kyi/ /mi bslu ba ni don grub med// 'di ltar snang ba ngo bo ni/ /rmi lam sogs pa la yang yod/ /shes pa lnga la khyad med pa'i/ /gzhan las ji ltar nges pa yin/ /yul ni tha dad yin phyir yang/ /de sgrub don la mi bslu ba de/ /sngar myong ba la mi bslu ba/ /skad cig pa la shin tu dkon/ /skad cig ma yin rnams la yang/ /gang na don byed yod mi srid/ /ji ste rtogs par byed pa rnams/ /tha dad med par zhen pa yis/ /'dod na gnyis la gcig don te/ /brtags pa 'di yin yang dag min/ / rang gi mtshan nyid ji bzhin du/ /ji ste dbang pos ma gzung na/ /de tshe yul de nges pa nas/ /de ni ji ltar rigs pa yin/ /yul gyi don la mngon sum dag /ji ste sgro 'dogs srid na yang/ /rang gi mtshan nyid dngos po la/ /de ni ji ltar tshad ma yin/ /de bas de yi sems kyis ni/ /yang dag dngos po rtog med kyi/ /smig rgyu bzhin du gang dag gis/ /'di la sgro 'dogs byed par 'gyur/ /sgro 'dogs pa yis thams cad du/ /sems kyi rked pas gtubs pa dag /zla ba gnyis sogs mngon sum gyi/ /shes pa dag dang ci mi mtshungs/ /gang tshe rtag tu yang dag nyid/ /log par sgro 'dogs mun pas g.yogs/ /mngon sum mi bslu yin pa las/ /rnam par nges pa de ni med/ /gzhan yang dngos po'i ngo bo nyid/ /rtag pa'am mi rtag gcig tu 'gyur/ /phan tshun spangs te gnas pa'i phyir/ /phung po gsum pa yod pa min/ /phan tshun yongs su spangs la sogs/ /'gal ba rab tu grub bya'i phyir/ /ji ste tshad ma khas len na/ /nged kyi dngos po 'gal ba grub/ /de mi rigs te tshad ma yis/ /dngos po rnams kyis spyi 'grub phyir/ /khyab par dngos po mi 'grub ces/ /gong du rab tu bsgrubs pa yin/ /dngos po rnams kyi 'gal ba ni/ /tha snyad pa yi tshad ma nyid/ /'di la brten nas brjod pas na/ /de phyir yang dag rtogs pa min/ /'di ltar mar me la sogs pa/ /skye zhing 'jig pa'i chos can rnams/ /brten pa'i rnam pas rnam gcad pas/ /'gal bar rtogs pa rnams la bltos/ /gang tshe rnam pa rnam bcad pa// med na med par ngas pa yis/ /chos de gang yin de gnyis ni/ /mtshan nyid kyis ni 'gal bar 'dod/ /skye 'jig dag dang 'brel ba ni/ /sgyu ma la sogs la yang yod/ /de tsam gyis na de dag ci/ /yang dag dngos po nyid yin nam/ /shes pa'i rnam pa nor phyir dang/ /phyi rol don yang ma grub phyir/ /mar me la sogs rnams la yang/ /yang dag dngos po cung zad med/ /de lta bas na 'jig rten gyi/ /don la brten nas 'gal ba dag /don dam nyid la 'jug bya'i phyir/ /rigs pa shes pa rnams kyis bzhag / de bzhin gzhan yang 'gal ba dag /tha snyad yin par shes par byos/ /yang dag dngos po nyid la ni/ /'gal ba nyid ni 'gal yang med/ /tshad ma'i mtshan nyid 'di dag kyang/ /yang dag nyid la 'jug bya phyir/ /tha snyad pa ni yin no zhes/ /bstan pa de phyir 'dod par gyis/ /gzhan du byis pa gnag rdzi sogs/ /bud med rnams la grags pa nyid/ /man ngag med par du sogs las/ /ci phyir me phyogs nges mi 'gyur/ /tha snyad rnams la ma brten na/ /thabs gzhan dag la brten byas kyang/ /rang dang gzhan gyis yang dag pa/ /rnam par dbye bar nus pa min/ /rtags dang rtags can 'gal ba dang/ /de bzhin khyab bya khyab byed pa/ /yang dag don la ma brtags kyi/ / don dam pa la 'jug bya'i phyir/ /ji ltar 'jig rten grags pa la/ /brten nas de bzhin bsgrub bya dang/ /sgrub byed 'di dag gnas par ni/ /de bas thams cad brjod pa yin/ /de bas khyab dang 'gal la sogs/ /ma grub pa sogs gang go la ba/ /de dag thams cad 'khyam pa zhes/ /mkhas pa rnams kyis shes par bya/ /gtan du ma grub gang yin pa/ /de la brgal? bar rigs pa yin/ /yang dag brten nas pa rtsod pa ni/ /mi 'dod thal bar 'gyur ba med/ /de la mi rtag dngos po'i bdag /yang dag mngon sum shes pa med/ /rgyu dang 'bras bu rtogs grub na/ /de ni rab tu 'grub pa yin/ /gzhan gyi bdag nyid 'bras bu dang/ /rgyur gyur pa la rnam shes kyi/ / gang phyir 'dzin par mi rigs na/ /mngon sum nyid du de ma grub/ /rnam par shes pa 'dra tsam gyis/ /gzhan dag shes pa ma yin te/ /de lta yin na 'dra pa kun/ /phan yon rig pa nyid du 'gyur/ /'dra gang shes pa'i ngo bo zhes/ / bye brag rung ba ma yin te/ /rang gi ngo bo gnas pa yi/ /shes bya khyab pa'i bdag por rung/ /shes pa'i ngo bo bye brag gis/ /bdag nyid nye bar gnas na yang/ /de lta yin yang mi phan phyir/ /gzhan dag ji ltar 'dzin par 'gyur/ /'dra ba shes pa'i ngo bo'i phyir/ /ji ste rig par 'gyur na yang/ /zla ba la sogs lta ba na/ /phan tshun de shes cis ma gyur/ /de las byung ba yin na zhes/ /de ltar khyad par gzhan dag kyang/ /ji ste brjod par byed na ni// 'on kyang 'dod pa sgrub mi byed/ /dngos po rnams kyi don byed pa/ /rang gi dngos dang 'brel bas na/ /skyes bu 'dod pa'i rjes 'brengs pa'i/ /bye brag rnams las ji ltar 'gyur/ /rnam shes de las byung na yang/ /rang gi ngo bor de/ gnas las/ /ji ltar gzhan las mngon sum du/ /byed ces bya ba 'di yang smros/ /gzhan gyi ngo bo mngon sum du/ /grub na de dang 'dra ba dang/ /de las byung ba 'grub par 'gyur/ /des ni bye brag grub pa med/ /mtshungs pa'i don stobs byung ba yi/ /rnam shes de ma thag pa dang/ /de 'dra de las byung ba'i phyir/ /shes pa rig par thal bar 'gyur/ /sems la kun tu sna tshogs pa'i/ /rnam pa 'di dag snang ba'i phyir/ /cha shas can gyi ngo bo drang/ / 'dra ba 'brel ba ma yin no/ /sna tshogs pa yang gcig pa min/ /de yi yon tan sna tshogs med/ /rten la 'dzin pa med par ni/ /'di la 'dzin pa mi snang ngo/ /sna tshogs rnam pas dben pa yi/ /rten ni so sor snang ba med/ /gzhan yang rab rib ltas ngan dang/ /mig ser sogs pas nyams pa'i mig /gang phyir dngos po gcig la yang/ /nye ring la sogs bye brag gis/ /mi mthun rnam par myong ba yis/ /shes pa dag kyang snang ba yin/ /de la de dag de snyed kyi/ /dngos po tha dad yod pa min/ /mi mthun chos can gcig yin na/ /thams cad gcig par thal bar 'gyur/ /gcig na lhan cig skye ba dang/ /'jig dang gnas pa can du 'gyur/ /de phyir 'dra ba ma grub ste/ /don med par yang snang ba yin/ / rmi lam sogs na sngo sogs kyi/ /ngo bo snang ba'i myong ba dang/ /'khrul par 'gyur ba de yi phyir/ /'di las gzhan rig 'grub pa med/ /chung ba'i ngo bo'ang don min te/ /de shes so sor myong med phyir/ /gcig pu phra ba de snang ba'i/ / rnam pa sems kyi myong ba med/ /re re dag ni tshogs pa yi/ /yul nyid yin par khas blangs du/ /rtag tu gong bu'i ngo bo yi/ /snang ba'i shes pa myong ba yin/ /'dus pa can las 'dus pa yi/ /mtshan nyid tha dad yod pa min/ /brtags pa'ang dngos po med pa'i phyir/ /ji ltar de ni so sor snang/ /ji ste phra ba'i dngos 'dzin ni/ /bar med gnas pa gang gis 'dzin/ /rags pa 'khrul pa yin na yang/ /ji ltar 'di dag tshad ma yin/ /yid la yod na ji ltar 'di'i/ /rnam pa gsal bar snang ba yin/ /dbang po'i yin na rdul phran rnams/ /rtag tu 'dzin pa med par 'gyur/ /de yi ngo bo snang ba yi/ /shes pa rtag tu ma skyes phyir/ /de bas de 'dzin sngar gyur pa'i/ /'khrul pa 'grub par mi 'gyur ro/ /ji ste tshad ma gzhan dag las/ /rdul phran grub par gyur na ni/ /de 'dzin snga mar gyur ba yis/ /rag pa'i rnam pa'i sems su 'gyur/ /gang phyir de nyid ma grub ste/ /tshad mas kyang ni rab tu btsal/ /rmi lam sogs na'ang 'phra med par/ /rags par 'khrul bar snang ba yin/ /ring ba'i don la chung ngu yang/ /chen po nyid du nye bar dmigs/ /de bas de 'dzin las 'di men/ /ri mo brkyang ba mthong ba yi/ /rnam pa ji ste yang dag na/ /rnam par shes pa gcig pa yang// de dang 'dra bar sna tshogs 'gyur/ /lus med phyir na rnam par shes/ /yul la bkram te skye mi srid/ /de phyir rnam shes du ma ru/ /rtog pa legs pa ma yin no/ /shes pa gcig dang tha mi dad/ /rnam pa sna tshogs 'gyur ba med/ /tha dad gyur na rnam pa dang/ /shes par 'brel pa med par gyur/ /rnam pa'ang ji ste rnam pa bcas/ /rtog par byed nas de med do/ /de ltar rnam par gzhan dang gzhan/ /sus kyang myong ba ma yin no/ /ji ste rnam pa med na ni/ /shes pa rnam bcas rtog don med/ /tha dad tha dad med ma rtogs/ /phung po gzhan yang rigs pa min/ /'on te don gyi rnam snang ba/ /brdzun pa nyid du 'dod na yang/ /ji ltar brdzun pa 'di dag gis/ /gzhan gyi dngos po 'grub par 'gyur/ /ji ste brdzun pa mngon sum du/ /gsal bar rab tu myong na ni/ /mngon sum pa yi dngos po yang/ /de tshe yang dag nyid ma yin/ /gzhan yang ji ste 'dra ba'i don/ /bdag nyid thams cad kyis yin na/ /don bzhin shes pa blun pa yi/ /ngo bor 'gyur ba gang gis bzlog / rnal 'byor pa dag grol ba yang/ /gzhan gyi phyag sogs mthong ba na/ /de bzhin phyag sogs ldan par 'gyur/ /gnyi ga'ang cha shas med pa'i phyir/ /cha cig gis ni 'dra ba min/ /cha dang bcas pa ma grub na/ /yang dag dngos po ci zhig 'grub/ /'on te bzlog pa'i bye brag gis/ /cha shas rtog par byed na yang/ /brtags pa yin phyir 'dra ba ni/ /gnas pa med pa nyid du 'gyur/ /thams cad du yang bdag rtogs pa'i/ /de yi rnam pa myong ba'i phyir/ /'dra ba yod kyang phyi rol la/ /shes pas so sor myong ba med/ /mi 'dzin pa yi dus na ni/ /yul 'di yod pa ma yin no/ /mnyam pa'i dus na rgyu min phyir/ /rgyu ma yin dang yul yang min/ /gnas pa yin du zin na yang/ /rnam pa gnyis pa myong ba med/ /myong ba yod par gyur na yang/ /de la brgal zhing brtag pa mtshungs/ /'dra ba de myong gang yin pa/ /de nyid phyi rol myong ba yang/ /nye bar brtags pa yin pa'i phyir/ /de ni yang dag nyid ma yin/ /nye bar brtags pa tsam gyis ni/ /don byed 'dod pa'i 'grub pa med/ /bram ze'i bu la me btags pas/ /'di ltar 'tshed la sbyor ba med/ /don ni yongs su ma mthong phyir/ /de dang 'dra bar 'grub pa med/ /byed rgyu yin na'ang 'bras bu la/ /'dra ba bskyed pa'i ma yin te/ /gzugs snang ba yi rnam shes kyi/ /'on te sgra rig byung ba dang/ /sngon po la sogs snang ba na/ /mig la sogs pas ma nges 'gyur/ /rnam par dag las don 'grub pa/ /de ni rjes su dpag yin na/ /rmi lam la sogs 'khrul pa'i phyir/ /don gyis de la khyab pa'ang med/ /gzhan du dbang po drug po dag /tshad ma so sor 'gog phyir dang/ /shin tu chung ba'i gzugs sogs kyis/ /sngon po la sogs ma grub phyir/ /mig gi rnam shes ldan pa yis/ /sngon po shes kyi sngon po'i ming/ /shes pa min zhes gsungs pa gang/ /da ni tha snyad brten pa yin/ /gzugs la sogs pa'i dngos po rnams/ /yang dag min zhes ngas bshad pas/ /sems can rnams ni drang ba'i phyir/ /tha snyad du ni bstan pa yin/ /snang bas stong pa'i shes pas kyang/ /gzhan rig pa ni rigs pa min/ /de ni khyad par med pa'i phyir/ /don ni nges pa med par 'gyur/ /gang phyir nye ba tsam dag gis/ /gzhan rig de ru 'gyur na ni/ /de ni kun la 'dra ba'i phyir/ /thams cad rig par tsam 'gyur/ /thams cad don kun mthong 'gyur te/ /'di ltar sna tshogs blo ldan gyis/ /yul du gzugs la sogs pa rnams/ /bye brag med phyir cis mi 'gyur/ /'on te yang ni yul 'ga' yis/ /blo dag shin tu bskyed byas nas/ /yod ces khas len byed na ni/ /'dra ba slar yang 'ongs pa yin/ /rtogs pa'i ngo bo tha dad med/ /'dra ba dag las gzhan ci yod/ /shes pa gang yin rtogs yin na/ /de la'ang nyes pa gong du bstan/ /nges 'byung bye brag yod na yang/ /ma yin dbang po'ang de dang 'dra/ /shes pa'i dus na 'di med na/ /rgyu las ji ltar rab tu myong/ /tshogs pa gcig la rag las nyid/ /ji ste bye brag rtogs byed na/ /sems dang sems byung tshogs pa yi/ /mig la sogs pa'ang de dang 'dra/ / tshogs pa gcig la'ang rag las kyang/ /dbang po la sogs rtogs med de/ /yul ma yin phyir zhe na yang/ /de 'dir dpyod phyir mi rung ngo/ /yul nyid yin pa grub na ni/ /lan 'di rab tu 'grub par 'gyur/ /mtshan nyid 'khrul pa yin pa'i phyir/ /de nyid ma grub brjod pa yin/ /rtogs bya dang ni yul gnyis la/ /bye brag 'ga' yang yod min te/ /bsgrub bya sgrub byed 'gog de gnyis/ /de phyir bye brag yod pa min/ /gang phyir yul min de bas na/ /'di ni yul du mi 'gyur zhes/ /dngos po rnam par dag pa yi/ /smra ba shes pa gzhan su yod/ /gzhan du snang ba'i shes pa yi/ /'dzin par rigs pa ma yin te/ /de lta yin na yul gyi phyir/ /shes pa nges par mi 'gyur ro/ /sngo sogs ngo bo snang ba yi/ /yul du sgra la sogs gyur te/ /thams cad kyis ni yul thams cad/ /rnam par shes par thal bar 'gyur/ /dngos su gzhan gyi ngo bo la/ /mngon sum so sor myong med na/ /de dang mtshan nyid mi mthun snang/ /de shes par ni ji ltar 'gyur/ /yul gyi ched du dus kun tu/ /'dir yang phan pa mi byed de/ /mi snang ba dang gzhan du snang/ /phyogs gnyis snga ma bzhin du mtshungs/ /cung zad byed pa med na yang/ /'dzin par rtog pa rigs pa min/ /gzhan la dngos kyi stong na ni/ /brjod pa 'thad pa ma yin no/ /des dben de yi rnam pa yi/ /mngon sum gnyis kyis rgyu 'bras kyi/ /dngos po rnam par nges pa 'di/ /de phyir yang dag nyid ma yin/ /'di ni 'di las 'byung ngo zhes/ /gnag rdzi yan chad ji ltar 'gyur// grags yin na yang yin du zad/ /grags pa de dag gsal ba med/ /de 'dod rnams la skabs 'dir ni/ /yang dag ched du dpyad pa byed/ /ji ste grags pa 'gog byed na/ /rnam par dpyad pa rgyun chad 'gyur/ /gang dag grags pa'i dngos po la/ /'gog par byed pa rab tu glen/ /de dag rnams kyis nges 'gal 'gyur/ /zla ba ri bong can 'gog bzhin/ /grags pa 'di ci bden pa 'am/ /bden pa min zhes nges bya phyir/ /gang phyir grags pa'i don nyid la/ /rab tu grags pa tsam gyis ni/ /yang dag min zhes nye bar bsgrubs/ /brdzun pa'ang rmi lam la sogs na/ /'byung ba 'di dag yongs su nges/ /bden pa nyid ni log na yang/ /gang tshe de ni mi log pa/ /de tshe yang dag rnam dag pa/ /de yis 'gal bar ji ltar 'gyur/ /rgyu dang 'bras bu mngon sum du/ /ji ste myong ba ma yin na/ /'di las 'di ni 'byung ngo zhes/ /ji ltar dran pa 'byung ba yin/ /rmi lam na yang brdzun pa yi/ /'bras bu la sogs dngos myong phyir/ /dran pa 'di ni de na snang/ /de las dngos po rnam nges med/ /'on te dran pa'i rtags dag las/ /rjes su myong ba rnams nges pa/ /sbyir ni rab tu sgrub byed na/ /de tshe sgrub pa sgrub pa yin/ /'bras bu la sogs don dam pa'i/ /yul ni rjes su myong bar yang/ /ji ste sgrub par byed 'dod na/ /rjes su 'gro ba med pa'i phyir/ /de las de ni grub pa med/ /snang bcas la sogs rnam shes kyis/ /don la 'dzin pa des bzlog pa/ /khyed kyis byas pa ma yin nam/ /grogs kyis bstangs bas ngo bo 'phel/ / rgyu dang 'bras bu'i dngos po ni/ /rtag tu rnam shes bdag nyid nyid/ /bdag nyid rig pa'i ngo bo yi/ /mngon sum dag gis rnam par nges/ /yang dag ji bzhin du ma kun tu/ /de myong med phyir de ma rigs/ /khyed ni ji ltar myang ba der/ / yang dag nyid duAng 'dod pa med/ /de ltar gzung dang 'dzin pa yi/ /rnam pa yod pa ma yin 'dod/ /rtag tu dngos po yod pa yi/ /shes pa de bzhin de myong mdo/ /de lta min na 'gro ba kun/ /rtag du de nyid mthong bar 'gyur/ /yang dag goms bya ched du de/ /thar 'dod rkang smyang 'dug la rag /gcig la rnam pa gnyis 'gal phyir/ /ji ltar myong ba'i gzung ba dang/ /'dzin pa'i rnam snang de bzhin du/ /yang dag nyid ni ma yin no/ /gnas ngan len gyi bag chags las// ji ste 'khrul pa'i rtags byung na/ /'khrul pa nyid du de snang ba/ 'di ni mngon sum grub pa med/ /'di ltar ma 'khrul mtshan nyid ni/ /mngon sum nyid du nye bar brjod/ /rtag tu bdag la 'khrul pa de/ /ji ltar mngon sum nyid du 'gyur/ /gsal bar gnas kyi ngo bor ni/ /de ni rang snang nyid yin phyir/ /rang gis ma 'khrul gang gyur ba/ /de las 'khrul pa tha dad med/ /ji ste 'khrul ba tha dad gyur/ /gnyis kyi ngo bo de gsal bar/ /de yang rang gi gnas yin na/ /ji ltar de ni shes par bya/ /ji ste shes pa de ni yid/ /gnyis kyi rnam par rnam rtog pa/ /de la 'khrul pa 'byung na ni/ /gnyis su 'dzin pa gsal mi 'gyur/ /yid kyi 'khrul pa don gzhan du/ /'dra ba por nas 'gro ba med/ /gang gis de ni 'khrul 'gyur ba/ /gnyis dang gnyis min mtshungs ci 'gyur/ /grang du 'ga' yis cung zad kyang/ /lan 'ga' mthong ba ma yin na/ /gzhan gyi 'dra ba mthong phyir te/ /de la 'khrul par ji ltar 'gyur/ /'on te thog ma med ba yi/ /sa bon gnas ngan len smin las/ /'khrul na 'dra ba mthong med par/ /rang las skyes ba 'di nyid yin/ /de lta yin na'ang de yi tshe/ /'khrul ba don gzhan brtag mi rigs/ /shes pa thams cad rang nyid kyis/ /rang gi sa bon dag las 'khrul/ /'khrul pa'i sa bon las byung ba/ /thams cad yin par khyed kyang 'dod/ /de phyir pha rol min mthong ba'i/ /shes kun 'di ltar rang las 'khrul/ /de phyir mngon sum nyid 'di yi/ /gnyis min yang dag grub pa med/ /de ma grub na de yi phyir/ /rgyu 'bras de nyid 'grub pa med/ /ji ste gnyis ni 'khrul gyur kyang/ /rtag tu rtogs pa'i ngo bo de/ /ma 'khrul pa dag kho nar ni/ /mngon sum las grub ma yin nam/ /rtogs pa'i ngo bo nyid na spyir/ /yul la nye bar rjod byed pa/ /de ltar mngon sum yin gyur kyang/ /rang gi mtshan nyid spyod yul min/ /spyi yi mtshan nyid ma gtogs par/ /'di ltar rtogs pa'i ngo bo med/ /gang yang thun mong ma yin pa'i/ /ngo bo de ni gnyis su snang/ /rigs mi mthun pa rnams gsal bas/ /khyad par kho na spyi nyid yin/ /de yang brdzun pa'i rang bzhin na/ /khyed kyi spyi yang ga la yod/ /dngos po rnams kyi yod pa nyid/ /bden yin gzhan ni brdzun zhes pa/ /rig byed mthar ni smra ba yi/ /grub mdza' gsal bar brjod par gyur/ /gzhan du de dag shes pa can/ /spyi yi mtshan nyid skyes bur rig /rtag pa gcig yin bye brag rnams/ /de ni thams cad nor par ni/ /lta ba de dag ngan pa yin/ /thams cad bcings dang grol 'gyur te/ /gcig ni bcings dang grol ba na/ /thams cad du yang cis mi 'gyur/ /'chi dang skye dang gnas pa dang/ /gnyid log sad dang glen la sogs/ /thams cad bye brag med pa'i phyir/ /cig car kho nar rab tu 'gyur/ /gzhan yang rtogs pa'i ngo bo yi/ /mtshan nyid mkhas pas bstan pa ni/ /snang ba gzhan la mi bltos par/ /gang zhig rang nyid rtag tu snang/ /de ltar yin na gnyis snang ba/ /rang nyid rab tu gsal ba'i phyir/ /rtog pa'i ngo bos gzung ba yi/ /bdag nyid rtag tu gnas pa yin/ /de ni rtag tu rdzun nyid kyi/ /rigs kyi khyim du 'jug pa 'di/ /khyad par med pa bdag nyid dag /nges par pang du blangs nas 'jug /ji ste rtogs pa'i ngo bo nyid/ /brdzun pa'i ngo bo nyid yin na/ /rnal 'byor spyod pa gzhan de bzhin/ /de ni spong byed ma yin nam/ /ma spangs phyin ci log 'gyur zhing/ /spangs pas rnal 'byor can du 'gyur/ /rnal 'byor mngon sum rig bya ba/ /yang dag de yin mi rigs na/ /sangs rgyas rnams kyi gnas pa yi/ /mya ngan 'das pa'ang mi 'grub cing/ /rnam pa thams cad mkhyen pa yi/ /ye shes ring du spangs pa yin/ /de lta yin na thal sgo nas/ /ji ste de la bden zhe na spongs/ /sgrub na de bzhin 'dod pa'i phyir/ / 'dod pa kho na rab tu bsgrubs/ /'on te dngos po thams cad du/ /med pa'i mtshan nyid de sgrub na/ /mi mthun phyogs las ma log phyir/ /gtan tshigs ma nges nyid du 'gyur/ /brdzun pa yin zhes thams cad du/ /gtang bar 'os pa ma yin no/ /sgyu ma rnams ni brdzun nyid kyang/ /de byed pa rnams nye bar brten/ /bdag dang gzhan gyi don rnams la/ /nam yang mkho bar mi 'gyur gang/ /de dag thams cad yongs gtang zhing/ /spong ba nyid du rigs pa yin/ /bdag gzhan don gyi rnam pa la/ /mkho ba'i yon tan gang yin pa/ /mkhas shing snying rje'i bdag nyid kyis/ /de dag ji ltar spong bar byed/ /de phyir ji srid gzhan don la/ /nye bar mkho bar 'gyur ba rnams/ /spangs kyang sangs rgyas rnam dag ni/ /de dag thams cad bzlog pa med/ /thams cad sgyu ma byas 'dra zhes/ /brtun pa nyid du de dag shes/ /yang dag ji bzhin rtogs pa'i phyir/ /des de phyin ci log pa med/ /dngos po nyid du blang ba dang/ /dngos po med pa ngor ba yi/ rgyur ni nges pa ma yin te/ /'di la 'khrul pa de ltar snang/ /nyan thos pa la sogs pa dag /dngos por lta ba rnams kyis ni/ /sdug bsngal kun 'byung gnyes par byed/ /'gog pa dngos po med pa'ang len/ /snying rjes khrid pa'i rnal 'byor rnams/ /gzhan don bya ba'i ched du ni/ /glang po la sogs brdzun pa yang/ /sprul pa rab tu byed pa yin/ /de bzhin gzhan la phan par bzhed/ /thabs dang shes rab brten pa yi/ /sangs rgyas rnams ni phyin ci log spangs kyang bzhugs bar bzhed pa yin/ /de bzhin brdzun pa'i ngo bo yang/ /rgyu med can 'byung gang na'ang med/ /sgyu ma la sogs brdzun yin yang/ /tshogs pa rnams las 'byung bar snang/ /sgyu ma la sogs 'khrul pa'i phyir// rjes su 'gro ba'ang ma grub phyir/ /rgyu dang ldan pa yin zhes te/ /dngos po yod par 'gyur ba'ang med/ /gang zhig thog ma med pa nas/ /kun rdzob du yang gcig nas gcig /rgyu med gyur pa de dag ni/ /brdzun par yang ni 'byung ba med/ /de bas rang rgyu tshogs pa yi/ /sna tshogs rnam par 'brel pa las/ /sgyu ma ji ltar rab tu 'byung/ /rnal 'byor sgyu ma'ang de bzhin no/ /rnal 'byor ye shes dag gi rgyu/ /rang gi bsod nams ye shes tshogs tu/ mi gnas mya ngan 'das pa ni/ /blo ldan snying rje shes rab yin/ /'gro ba ma lus sgyu ma bzhin/ /gnas par shes rab dag gi rig /rmongs byed sgyu ma'i mkhan po 'dra/ /sngon gyi smon lam rnams kyi mthus/ /chu dang pad+ma 'dam gyis ltar/ / srid pa'i skyon gyis yod mi gos/ /dpag med rmad byung bsam mi khyab/ /me lus yon tan pha rol phyin/ /ji srid 'khor ba 'di dag na/ /'gro ba ma lus don sgrub phyir/ /thub pa thugs rje chen po yis/ /gzhan la dag lus bzhugs pa yin/ /de bas stong pa nyid brten pa/ /me la bya ba bzhin du gsungs/ /der ltung 'gyur ba dgag pa'i phyir/ /thad sa la'ang brten par bya ba yin/ /rnam pa ma lus thams cad dang/ /'gro ba gsum po dag la yang/ / don dam kun rdzob ngo bo nyid/ /ji ltar snang bzhin mngom sum ste/ /'jig rten pa dag mngon sum ni/ /ji ltar snang bcas snang med shes/ /de bzhin nus pa bsam yas phyir/ /rig ste de bas thams cad mkhyen/ /yang dag don bsgoms las byung ba'i/ /ye shes de ni rnam mi rtog /chos rnams snang med gang yin pa/ /des na yang dag ye shes brjod/ /des na bdag nyid chen po yi/ /mi gnas mya ngan 'das pa grub/ /rnal 'byor kun shes yang dag shes/ /rnam par bzhag pa 'gal ba med/ /rtogs pa'i ngo bo gang yin bden/ /gnyis kyi rnam par yang dag min/ /'dod pa de ni sngar bshad pa'i/ /skyon du rab tu 'gyur ba yin/ /rnal 'byor spyod pa pa rnams ni/ /'di ltar gnyis snang tha dad med/ /shes pa'i ngo bo spong bar yang/ /de las gzhan bzhin cis mi byed/ /ji ste gnod pa med pa'i phyir/ /khyed cag de ni mi byed na/ /yang dag don dang dbyer med pas/ /gnyis po'ang bya bar mi 'gyur ro/ /chos la bdag med bsgom pa rnams/ /don med 'gyur te gnyis las gzhan/ /kun brtags chos ni yod pa min/ /'on te gang zhig nyon mongs can/ /gnyis kyi ngo bo lung ma bstan/ /de dang rtogs pa'i ngo bo dag /bcas ste rnal 'byor pa rnams spong/ /bden par sgro 'dogs spangs pa'i phyir/ /skyob ba rnams kyis yongs btang yang/ /rnam par dag na'ang gnyis snang ba/ /'gro la phan dang bde byed de/ /sngon gyi smon la lam shugs dag las/ /thugs rje goms pa rnams kyis 'byung/ /gang phyir de ltar kho na yin/ /de bas rnal 'byor la sogs 'grub/ /rtag tu thub pa mi rtog par/ /yid bzhin nor bu bzhin bzhugs te/ /'gro ba ma lus phan mdzad par/ /gang dag smra ba de la yang/ gnyis po dag gi rnam pa las/ /rtog pa'i ngo bo dbyer med pa'i/ /rang gi ngo bo des spangs kyang/ /bzlog pa med pa kho na yin/ /'on kyang smon lam mthu rnams dang/ /tshogs kyi shugs kyis thub pa ni/ /'khrul pa ma lus rnam spangs na/ /dri med bstan ba gnyis su med/ /ye shes dag pa 'byung ba de/ /rtag tu yid bzhin nor bu bzhin/ /bskal pa ji bzhin ma lus don/ /bya ba mdzad pa thams cad mkhyen/ /grub ces brjod pa de bas na/ /thams cad mkhyen sogs rnam par gnas/ /de lta yin na thub pa yi/ /gnyis su snang ba brdzun yin yang/ /ji ste 'dod na byang chub kyang/ /dbyer med de bzhin 'dod par gyis/ /brdzun pa dag ni rab spangs kyang/ /thub pa'i thabs kyis mthu rnams las/ /'byung na de tshe byang chub kyi/ /bden par mngon zhe na gang zhig yin/ /mi rtog ye shes gang yin pa/ /de yod pa ni sel mi byed/ /'on kyang yang dag dngos po nyid/ /de ni 'grub par nyid mi 'gyur/ /rnam par mi rtog ga las 'grub/ / gnyis su rnam rtog spangs pa yis/ /rnam par mi rtog de 'dod na'ang/ /rang gi dngos la rnam rtog 'di/ /gang gis brtsal ba smra bar gyis/ /de la su ni mi phyung bar/ /rnam par rtog des spong pa med/ /dngos por 'dzin pa sangs rgyas kyis// mdza' nyid du ni rab tu bstan/ /skyob pa'i ma 'dres chos rnams dang/ /de bzhin byams pa thugs rje sogs/ /gsungs pa gang yin de dag ni/ /mi rtog 'di yin bsgrub par dka' / /ji ste 'dul la de bzhin du/ /so sor snang zhes rnam rtog na/ /sangs rgyas rnams kyi yon tan kun/ /kun brtags nyid du thal bar 'gyur/ /gnas skabs kun tu rtag par yang/ /rtog bcas mi rtog pa yang rung/ /yod ye bsam par mi nus phyir/ /rnam pa kun nas thams cad rig / de ni skal ba ji bzhin du/ /lus can kun gyi 'dod pa'i don/ /sgrub par byed ces 'chad na ni/ /thams cad 'gal ba med pa yin/ /rtogs pa'i ngo bo yang dag pa/ /de bas mngon sum grub pa med/ /rgyu dang 'bras bu de dag kyang/ / de ma grub na de grub med/ /tha dad dus kyi bdag nyid gnyis/ /des ni so sor mi myong phyir/ /rang rig pa yi mngon sum las/ /rgyu dang 'bras bu rtogs pa med/ /bdag nyid gcig gi ngo bo'i phyir/ /gnyis kyi ngo bo nyid mi srid/ /de ni bltos pas tha dad na'ang/ /kun brtags yin gyis yang dag min/ /bltos par bya ba tha dad phyir/ /rang rig pa yis 'dzin pa med/ /de ma bzung na de mi 'grub/ /bltos pa de yang kun brtags yin/ /rgyu dang 'bras bu 'dzin ba ni/ /so sor rab tu rtogs pa las/ /rnam par rtog de mtshams sbyar nas/ /de gnyis gsal grub ma yin nam/ /de mi rigs te rnam rtog kyang/ /rang rig pa yi mthar thug pas/ /gzhan dngos lan 'ga' dam mthong na/ /de na ji ltar mtshams sbyor byed/ / sems can dag ni thams cad kyang/ /rang gi ngo bo rtogs phyir dang/ /dran pa'ang bdag nyid mthar thug phyir/ /de la dran pa'ang mi 'grub po/ /gzhan du 'dzin pa'i don dag ni/ /gzhan du sbyar bar mi rigs so/ /rgyud can dag la ma gtogs par/ /rgyud ni ma brtags yod pa min/ /gzhan gyis 'bras bu tsam la 'dzin/ /de bzhin rgyu tsam gzhan gyis 'dzin/ /gnyi ga gcig char myong med na/ /lod bas gnyis sbyor byed dam ci/ /ci tsam 'bras bu mi snang zhing/ /rgyu yang 'ga' yis ma yin pa/ /de srid bdag ni 'bras bu las/ /sogs pa'i ngo bo des myong med/ /chu sogs rnam pa'i rnam par shes/ /'das ma thag du me sogs kyis/ /rnam par 'byung ba shes pa dang/ /du ba'i shes las me blo mthong/ /de phyir me las du ba dang/ /sa bon nyid las myu gu zhes/ /bya ba la sogs rgyu 'bras kyi/ /nges pa 'grub pa med par 'gyur/ /gzhan las kyang ni du ba dag /'byung phyir du ba mthong ba las/ /mer snang ba yi rnam par shes/ /rjes su dpag ba'ang mi 'grub po/ /med dang du pa'i blo gnyis dag /'dra bar 'byung bar nges yod na/ /du ba kho na rtags yin gyi/ /me ma yin de ci yi phyir/ /ji ltar du ba'i blo dag gis/ /bag chags gsal bar sad byas te/ /me blo rtogs byed de bzhin du/ me blo'ang de la ji ste min/ /de ltar kun las shes pa kun/ /'byung ba dag ni mthod ba'i phyir/ /kun gyi rtags su kun gyur pas/ /kye ma'o go byed gnas pa yin/ /de bas de zhig mngon sum las/ /rgyu 'bras rtogs pa yang dag pa/ /yod pa ma yin des na 'di/ /mngon sum gnyis ni nges pa med/ /de gnyis dang ni rtags 'gyur yang/ /'brel ba rab tu ma grub phyir/ /rjes su dpag pa dag las kyang/ /rgyu 'bras dngos po grub pa med/ /rtags dang 'brel par nges pa ni/ /mngon sum nyid du grub pa med de/ /de gnyis lkog du gyur pa'i phyir/ /sdar na ji ltar bshad pa bzhin/ /gnas pa med par 'di thal phyir/ /rjes su dpag pas kyang mi rigs/ /'brel pa nges pa med pa yi/ /rtags las de dngos nges pa'ang med/ /rtags kyang mngon sum nyid du ni/ /grub pa ma yin de dngos bzhin/ /rjes su dpag pas mi 'grub ste/ /de bzhin 'dir yang gnas pa med/ /ji ste rgyu 'bras dngos po yi/ /yod pa sgrub par byed na ni/ /de tshe gtan tshigs thams cad dag / nyes pa gsum las ldog pa med/ /'di ltar yod pa bsgrub pa'i phyir/ /dngos po rnams kyi chos kyis sam/ /dngos pa med dang gnyi ga'i 'am/ /gnyis min chos kyi gtan tshigs grang/ /dngos ma grub na de la brten/ /dngos po'i chos ni grub pa med/ /de las bzlog pa bsgrub pa'i phyir/ /med pa'i chos ni 'gal bar 'gyur/ /gnyi ga'i chos ni ma nges te/ /gnyen po la yang yod pa'i phyir/ /gnyis min chos kyi ngo bo dag /yid kyis kyang ni rig pa med/ /'on te yod pa mi sgrub kyi/ /de gnyis 'brel pa can sgrub ni/ /sgrub pa de yang rigs pa yin/ /de lta min na gtan tshigs kun/ /gzhi ma grub par thal bar 'gyur/ /rang gi ngo bo de gnyis kyang/ /grub pa med par sngar bstan zin/ /gzhan yang 'bras de grub bya phyir/ /rgyu la nus pa yod pa min/ /de grub na ni 'grub 'gyur na/ /grub na rgyu des ci zhig bya/ /de bas gcig la gcig brten nas/ /de gnyis grub par 'gyur ba yin/ /bdag nyid rab tu ma grub par/ /gzhan gyi skyabs su 'gyur ba med/ /du ba las ni me shes te/ /chu skyar las ni chur shes zhes/ /bya ba la sogs 'bras bu gang/ /gsungs pa de ni tha snyad brten/ /yang dag du yang dus la sogs/ /mdo sde gzhan las bkag phyir dang/ /yang dag nyid kyi dngos de ni/ /rigs pas kyang ni mi 'grub po/ /de grub bya phyir rang bzhin gyi/ /gtan tshigs kyang ni brtag med de/ /gzhi ni rab tu ma grub pas/ /rang nyid de ni ma grub phyir/ /gzhi yod na yang grub bya phyir/ /spyi ru rab tu sgrub byed pa/ /tha snyad du ni 'dod pa'i phyir/ /'di ltar grub pa sgrub pa yin/ /rgyu dang 'bras bu'i dngos po 'di/ /yang dag nyid du grub bya'i phyir/ /gtan tshigs 'di yi rjes 'gro ba/ /ma grub brgal zhing brtag pa mtshungs/ /skye ba'i chos can gang yin pa/ /de kun 'jig pa'i chos can zhes/ /bya ba la sogs skye 'jig nyid/ /mdo sde las ni gsungs pa gang/ /de ni gang zag bdag med tsam/ /yang dag nyid la 'jug bya phyir/ /nyan thos pa yi dbang du gsungs/ /zab mo'i gtam la brten pa min/ /chos rnams kun gyi yang dag nyid/ /skye dang 'jig pa'i chos nyid du/ /rjes su mthong ba de dag gi /shes rab gzugs brnyan yin par gsungs/ /de yod na ni yod yin zhes/ de grub bya phyir brjod pa yang/ /bsgrub bya sgrub par byed pa gnyis/ /de la bye brag mngon pa med/ /'on te rab tu rmongs rnams kyis/ /tha snyad rung bar bya ba de/ /bsgrub par bya ba de bas ni/ /dam bcas phyogs cig 'gyur ba med/ /rgyu dang 'bras bu'i chos can la/ /yang dag mngon sum grub na ni/ /tha snyad de ni sgrub la rag /de yang ma grub sngar bstan zin/ /de yi tha snyad tsam dag ni/ /bsgrubs su zin kyang yang dag pa'i/ /dngos po mi 'grub de yis 'dir/ /khyab pa gang dus ma grub po/ /gzhan yang de yi dus na ni/ /'gro ba ma lus yod na yang/ /'bras bu yod pa yin pa'i phyir/ /de yi 'bras bur sgrub pa la/ /ma nges pa yi gtan tshigs 'gyur/ /ji ltar de yod na ni mthong/ / de med gyur na ma mthong ba/ /de bzhin mtshungs pa'i dus rnams kyi/ /yod dang med pa'ang de dang mtshungs/ /de ni grub par bya ba'i phyir/ /rgyu dang 'bras bu rgyun rnams la/ /brten te rjes 'gro ldog pa nyid/ /des pa brjod pa ma yin nam/ /skad cig pa ni ma gtogs par/ /gang yang rgyu dang 'bras bu nyid/ /gang duAng sman pa kha cig gis/ /nam yang gzung bar nus pa med/ /rgyu dang 'bras bu'i dngos po yi/ /yang dag pa ni dpyad pa yi/ /skabs 'di yin skad cig las/ /gzhan du rgyun ni yang dag med/ /skad cig pa nyid 'bras bu dang/ /rgyu yang yang dag yin grang na/ /de ma grub na rgyu 'bras kyi/ /yang dag nyid ni ji ltar 'grub/ /'on te yang ni rgyun gcig par/ 'byung ba rnams la de sgrub kyi/ /skad cig rgyu ni tha dad par/ /'byung ba rnams la ma yin na/ /tha snyad de yang mthong nas ni/ /de tshe de ni sgrub la rag /rgyu dang 'bras bur rtogs pa yi/ /dngos po zhig na gang du bsgrub/ /ji ste de dang 'dre ba yi/ /gzhan gyi dngos la sgrub byed na/ /shin tu thal bar 'gyur ba ste/ /yang dag dngos de 'grub pa med/ /mi dmigs pa yi gtan tshigs kyis/ /dngos po de ni nges med de/ /gang phyir de yis yod mi sgrub/ /'gog pa kho na sgrub par byed/ /mngon sum nyid dang mi dmigs pas/ /rgyu dang 'bras bu sgrub byed ces/ /gar smras 'dir ni mngon sum las/ /ma gtogs mi dmigs yod pa min/ /slob dpon rnams kyi sgrub pa de/ /tha snyad du ni gsungs pa dag /de ni sgrub byed kho na zhes/ /rgyas par rab tu bsnan pa yin/ /mthong ba'i mtshan nyid yin pa dag /ma mthong ba las gang yod na/ /gang du snang de rjes 'gro las/ /gang de 'bras bu yin no zhes/ /rgyu dang 'bras bu nyid bsgrub par/ /rjod pa de la the tshom ni/ /ldog pa ma de gzhan dag gi /rgyu las yin par dogs pa'i phyir/ /de na de yod pas sam ci/ /'on te rgyang ring gzhan gyis sam/ /mi snang 'dre la sogs pas sam/ /zhes ni the tsom 'byung bar 'gyur/ /zla ba la sogs ring gnas pa/ /rgyur ni khas mi len pa'ang med/ /'dre la sogs pa 'babs la sogs/ /byed pa dag kyang med dam ci/ /ma mthong tsam las 'di dag gi /snga nas yod pa nyid 'gog gi /gzhan dag rgyu nyid yin grub ba/ /de la gang gis bzlog par byed/ /de na yod na gang yod par/ /'gyur ba nyid ni de dag kyang/ /'dod rgyas bar yang srid par ni/ /dogs pha de bzhin 'byung bar 'gyur/ /'dod rgyas nyid ni mi bslu ba/ /gang gis skad cig mang po las/ /log te rtag par nges pa dang/ /cung zad yod pa ma yin no/ /lan cig mthong ba'i don rnams kyang/ gzhan du snang ba ma yin te/ /gzhan du mthong la gzhan dag la/ /brtags par rigs pa ma yin no/ /gzhan dag yod las gang phyir phyir/ /gang mi 'byung ba de dag ni/ /de ni 'bras bu yin zhes smras/ /ldog pa'i sgo nas 'bras bu de/ /sgrub pa gang yin de la yang/ /gzhan dag med par 'gyur bas na/ /de ma byung zhes dogs pa'i phyir/ /the tshom de bzhin gnas pa yin/ /gzhan dag nus pa yod pa yi/ /rgyu ni sa bye brag yod pa'i phyir/ /de ni gzhan dag log par ni/ /dogs pa med ces 'dod na yang/ /de ni mi rigs rgyu de nyid/ /bye brag yod par ga las grub/ /gzhan gyis yang ni rgyu yi zhes/ /'di ni brjod par yang byed cing/ /de dag log nyid ce na yang/ /de tshe de ni gnas pa med/ /des na ma nges pa yi phyir/ /bye brag grub pa ma yin no/ /rgyu 'bras ci zhes the tshom za/ /ma grub ces te grub bya phyir/ /de dag nyid la kun rten nas/ /grub par rtog pa ngo mtshar che/ /de ltar rjes su dpag pas kyang/ /rgyu dang 'bras bu grub pa med/ /skye ba rmi lam skye bzhin zhes/ /de yi phyir na mkhas pas brjod/ /rtag pa'i ngo bo bdag nyid kyang/ /mngon sum nyid du rtog pa med/ /bdag sogs shes pa gang du yang/ /tha snyad du yang myong med phyir/ /de ni rtag tu ma bral la/ /de yod tsam las shes pa 'byung/ /de rtog rnams kyi dus rtag du/ /de yi bdag nyid bzhin yod 'gyur/ / phan pa dag ni mi byed na/ /yul du brtag par mi rigs te/ /de rtog byed na'ang nyes pa 'dir/ /snga ma bzhin du ldog pa med/ /de yi rnam shes rjes 'brang na/ /de dang 'brel phyir de bdag bzhin/ /shes pa de yang rtag yod 'gyur/ /yul nyid la ni shes pa de/ /ji ste rtag tu mi 'brang ste/ /de lta min na de shes pa'i/ /shes bya'i ngo bor 'gyur ba med/ /de yod sgrub la snga ma bzhin/ /gtan tshigs kun ni thams cad du/ /nyes pa gsum gyi skyon chags phyir/ /rjes su dpag pas kyang mi 'grub/ /rim 'am cig car 'jug pa yi/ /skyed pa nyid ni mi srid na/ /des na rtag pa'i 'bras bu las/ /'di yod nges pa ma yin no/ /rjes su 'gro dang ldog nyid kyis/ /rgyu dang 'bras bu 'grub yin na/ /de na ma bral yod na yang/ / lan 'ga' rtag tu med pa'i phyir/ /bdag la sogs pa gang du yang/ /'bras bu bde sogs rjes 'gro med/ /bde ba la sogs log pa yang/ /rtag pa rnams la mi srid do/ /mi shes rmongs pas brtags pa yis/ /bde la sogs pas de sgrub tu/ /de bas 'bras bu ma grub phyir/ /'bras bu dag las de nges med/ /chos can dag ni ma grub na/ /rang bzhin gtan tshigs 'dir mi srid/ /yod pa nyid bsgrub bya yin phyir/ /mi dmigs pa yang rung ba min/ /de ltar yang ni dngos po ni/ / tshad ma dag las grub pa med/ /tshad ma gnyis las ma gtogs pa'i/ /tshad ma gzhan yang yod pa min/ /don ni grub par bya ba'i phyir/ /phyi rol gtan tshigs yod min nam/ /'di ltar tha mal mig la sogs/ /sngon po la sogs snang ba gang/ /de ni rgyu gzhan 'dra ba las/ /skyes so zhes ni rtog par byed/ /shes pa'i rnam pa'i ngo bo'i phyir/ /shes pa bzhin du bslu ba med/ /skye ba yang dag sgrub pa'i phyir/ /'dir ni dpe 'grub med pa yin/ /kun rdzob tu yang ma 'brel phyir/ /ma nges pa yi gtan tshigs 'gyur/ /rgyu yis rang dang 'dra ba dag /'bras bu la skyed des med de/ /shing sogs mtshan nyid mi mthun pa'i/ /me tog la sogs sna tshogs srid/ /rgyu gzhan gyis ni tsam bsgrubs kyang/ /phyi rol don ni mi 'grub ste/ /khyad par du ni de dag gi /rjes 'gro gang duAng ma grub po/ /rtogs pa'i ngo bo las gzhan pa/ /gzung ba'i rnam pa sngo la sogs/ /yang dag med pas bsgrub bya dang/ /dpe yi chos can tha dad med/ /mi bslu bar yang phyi rol don/ /phrad pa ji ste 'dod na ni/ /de tshe nyid sgrub bya yin phyir/ /de tshe gtan tshigs ma grub nyid/ /don byed pa dag snang tsam gyis/ /ngo bo ji ste 'dod na ni/ /rmi lam dag na don med kyang/ /de bzhin mthong phyir ma nges 'gyur/ /ldog pa las kyang phyi rol don/ /'grub par rigs pa ma yin te/ /rjes su 'gro ba med par yang/ /ldog pa nam yang 'grub pa med/ /nus pa bral ma thag tu yang/ /ldog pa nyid du rab 'gyur ba/ /gang duAng shes pa don rtogs pa'i/ /rjes su 'gro ba 'grub pa med/ /gzhan dag nus pa yod na ni/ /shes pa lag pa med pa nyid/ /grub dang ma grub the tshom phyir/ /'on kyang don ni grub pa med/ /bdag ni shes 'di ma skyes pa/ /de ma thag dang bral bas sam /'on te don dang bral ba zhes/ /the tshom dag kyang 'byung bar 'gyur/ /rgyu ldan gzhal bya nyid sogs kyis/ /phyi rol don sgrub skyon chags par/ /mu stegs rnams kyis smras pa gang/ /de ni tshul 'dis rig par gyis/ /de ltar phyi rol don dag ni/ /rjes su dpag las grub pa med/ /shes pa smra pa'i shes pa yang/ /yang dag pa ni yod pa min/ /shes pa gnyis su med pa de/ /rtag tu dbang po las 'das phyir/ /rtags kyi 'di ni rnam nges pa'i/ /'brel pa yang ni yod pa min/ /gnyis su med pa'i chos can la/ /rang bzhin nyid ni bsgrub bya'i phyir/ /'di ltar rang bzhin zhes bya'i rtags/ /'di sgrub pa la yod pa min/ /gnyis su med pa'i shes pa la/ /rgyu dang 'bras bu ma grub phyir/ /des na 'bras bu zhes bya ba'i/ /rtags ni gang yang sred pa med/ /gnyis su med la ma gtogs par/ /'bras bur khyed 'dod cung zad med/ /de nyid sgrub par byed pa'i phyir/ /khyed kyi de yang ma grub po/ /gnyis de grub pa gang yin pa'ang/ /'bras bu yang dag nyid med de/ /de ni rtag tu ma skyes phyir/ /rta yi rwa la sogs pa bzhin/ /'gog pa'i yul can nyid du ni/ /de ni mkhas pas brjod pa'i phyir/ /de yod sgrub par byed pa la/ /mi dmigs pa yang rigs pa min/ /dga' dang gdung pa'i rang bzhin sogs/ /de ni gsal bar ngas bzung phyir/ /rnam shes mtshan nyid chos can ni/ /byis pa yan chad grub min nam/ /de la'ang gnyis kyi ngo bo ni/ /'gal phyir de ni dben par du/ /bsgrub bya grang ba'i ngo bo yi/ /dro ba ji ltar dben pa bzhin/ /gang yang gang gi ngo bo gsal/ /gzung pa dang ni 'dzin pa yang/ /gcig dang du ma bral phyir dang/ /de med par yang de med phyir/ /de phyir shes pa gnyis med grub/ /khyed cag gnyis po dben ba tsam/ /ji ste sgrub par 'dod na ni/ /de ni grub ba sgrub yin te/ gang phyir bden pa nyid mi 'dod/ /yin pas sgo nas shes pa la/ /gnyis kyi rnam pa dben pa nyid/ /sgrub na 'dir yang 'dod pa dang/ /mi 'gal phyir na grub pa sgrub/ /don dam nyid du ma skyes pa'i/ /rnam shes bdag nyid chos can la/ /gnyis kyi rnam pa dben pa nyid/ /'dod na yang dag gang zhig yin/ /ji ste gnyis med ngo bo dang/ /dngos po nyid duAng rtogs byed cing/ /shes pa gnyi ga sgrub 'dod na/ /de ltar rjes 'gro 'dir mi grub/ /dpe ni bsgrub byas stong pa ste/ /kun tu brtags pa brjod pa'i phyir/ /yang dag pa yi dngos po nyid/ /dro ba'i reg pa grub pa med/ /phyi rol don gyi ngo bo ru/ /dro ba'i reg pa 'dod na yang/ /de ni gnyi gar ma grub ces/ /brtag pa ci ga ma byas sam/ /grang dra'i rig gnyis rnam shes kyi/ /rnam pa'i ngo bor 'dod na ni/ /shes pa gcig la'ang snang pa'i phyir/ /yang dag nyid du 'gal ba med/ /sgrub par byed pas stong pa yi/ /dpe 'di yin pa de yi mngon/ /ma brtags pa yi ngo bo la/ dper byed na'ang 'dod grub med/ /'on te'ang gnyis kyi ngo bo nyid/ /bral bar bsgrub pa'i don gyis na/ /shes pa'i dngos po nyid kyang ni/ /rab tu grub ces sems na ni/ /'brel pa rab tu ma grub pas/ /de mi rigs te dngos po yis/ /gnyis kyi rnam pa dben pa la/ khyab? pa gang duAng ma grub po/ /gang dang gang na gnyis med pa/ /de dang de na dngos yod par/ /'di la 'brel pa bya ba'i phyir/ /mi mthun phyogs sel tshad ma med/ /nam mkha' i me tog la sogs dang/ /gnyis de nyid kyi ma des 'gyur// gnas pa med par thal ba'i phyir/ /gnyis la gzhan gnyis yod pa min /gnyis dang gnyis med ngo bo dag /ji ste 'gal ba yod na ni/ /gcig tu gnas par mi 'gyur te/ /grang dang dro ba de gnyis bzhin/ /'on te ma rig dbang gis na / de la gnyis ni brdzun pa snang/ /des na 'gal ba med yin te/ /dngos po nyid la de bzhag phyir/ /ji ste 'gal ba med nyid na/ /ji ste der ni 'dir la gnod/ /'gal ba med pa can dag la/ /drol grang bzhin gnod ma srid/ /bden dang bden min ngo bo dag /ji ltar 'gal ba nyid mi 'gyur/ /brdzun pa nyid du ji ltar snang/ /brdzun pa'i ngo bo snang yin na/ /shes pa yang ni brdzun par 'gyur/ /de lta min na 'gal ba de/ /snang ba'i ngo bor ji ltar 'gyur/ / brdzun pa yin na'ang gang du gnyis/ /gnod par 'gyur ba'i chos can du/ /spyi yi mtshan nyid grub pa med/ /des na gtan tshigs ma grub nyid/ /gnyis kyi rnam shes kho na ni/ /de nyid rang nyid gsal ba'i phyir/ /gnyis su snang ba ma gtogs par/ /chos can nyid ni yod pa min/ /gcig dang du ma dben pa'i phyir/ /gzung ba ji ltar stong pa nyid/ /shes pa'ang de las dbyer med pa /de bzhin stong pa nyid du gnod/ /ngo bo nyid kyis stong pa yang/ /ji ltar rnam par snang bar ni/ /'gal ba med pa de bzhin gzhan/ /shes pa la sogs ji zhig 'gal/ /rnam par shes la gnyis yod pa/ /cha shes gnyis ni mi rigs phyir/ /mdo sde pa la sogs pa yis/ /yang dag nyid du 'dod pa med/ /gnyis su med pa'i rnam shes la/ /phyi rol don yang mi 'gal phyir/ /des na gnyis med ngo bo nyid/ /sgrub na ci zhig bsgrubs par 'gyur/ /ji ste tshad ma gzhan dag gis/ /phyi rol gnod par brjod na ni/ /rnam par shes pa'ang de bzhin du/ /rab tu gnod par ci mi 'dod/ /gcig dang du ma bral ba'i phyir/ /don ni sna tshogs ngo bo dag /ji ltar yang dag mi rigs pa/ /de bzhin rnam shes kyang 'dod kyis/ /de bas tshad mas grub pa yis/ /don dam dngos po yod pa min/ /des na rtog dang ldan rnams kyis/ /yod pa'i tha snyad 'dir mi rigs/ /gnod par byed pa'ang yod pa'i phyir/ /'di la kun tu the tshom yod/ /dngos por med pa smra bar yang/ /tshad ma med par mi rigs so/ /'di ltar dngos po kun dben pa / mngon sum dag gis rtogs pa med/ /de yi stobs kyis 'byung ba'i phyir /don de dngos po nyid la yin/ /gzhan yang gzhan gyis dben pa yi/ /phyogs la sogs pa 'dzin na ni/ /de las gzhan pas dben pa nyid/ /mngon sum dag gis rtogs pa yin/ /dngos po gang zhig rnam brtags na/ /dngos po kun gyi dben pa nyid/ /mngon sum nyid du rtogs 'gyur ba /dngos po med par smra ba la'ang/ /thams cad nang du de 'dus phyir/ /chos rnams kun gyi dngos po yis / dben pa ci yang yod pa min/ /de lta ma yin dam bcas nyams /thams cad dngos po med yin na/ /bsgrub bya dpe yi chos can dang/ /gtan tshigs la sogs ma grub phyir/ /rjes su dpag pas rig pa med/ /gzhan yang rang bzhin 'bras bu yi/ /gtan tshigs gnyis kyis de mi sgrub/ de gnyis dngos po nyid sgrub ste/ /dngos po med par 'gal ba nyid/ /ma skyes ngo bo'i chos yin na/ /de yi gtan tshigs gang 'gyur ba /'bras bu dang ni rang bzhin dag / gang yang yod pa ma yin no/ /yul dang dus sogs bye brag gis/ /sngo dang bde sogs ngo bo bzhin dngos po rnams ni dmigs pa'i phyir/ /mi dmigs pa yang grub pa med/ /gzhan yang gzhan gyis dben pa'i don/ /mngon sum rtogs pa yod na ni/ /de la gzhan don dben pa yi/ /tha snyad bsgrub pa rab tu byed/ /rang bzhin mi dmigs pa dag gis/ /thams cad dben par mi 'gyur te/ /des na bdag nyid mi dmigs pas/ /re zhig de ni sgrub mi byed/ /khyab bya khyad par byed pa yi/ /dngos po la sogs grub yin na/ /khyab bya la sogs dgag pa la/ /khyab byed mi dmigs la sogs sbyor/ /chos rnams kun gyi rang bzhin ni/ /khyab par bya la sogs grub par/ /'ga' dang lhan cig ci ste nges/ /de tshe dngos por bcas pa yin/ /chos rnams ma lus dngos med par/ /sgrub na dpe ni yod pa min/ /nyi tshe ba dag rab bsgrub na/ /mi 'dod par ni 'gyur ba med/ /dngos po med pa bsgrub pa la/ /dngos po'i chos kyi gtan tshigs 'gal/ /med pa'i chos kyang 'brel pa med/ /gnyis la brten pa 'khrul par 'gyur/ /chos rnams thams cad bdag med pa/ /skyes bu kun gyi mngon sum gyis/ /rtogs pa med ces bya ba 'dir/ /khyod la mtshan ma ci zhig yod/ /de ni dgag par bya ba la/ /rang gi dmigs pa log pa yang/ /ma nges phyir na thams cad kyi/ /dmigs pa log par nges pa med/ /rab rib can bzhin gzugs la sogs/ /brdzun pa rnams ni mthong ba'i phyir/ /yang dag pa yi dngos po'i don/ /mngon sum 'ga' yang grub pa med/ /yang dag don bsgoms rab mdza' las/ /byung ba'i ye shes yang dag pa'i/ /don gyi yul can yin 'dod kyi/ /dmigs pa'i stobs kyis byung ba min/ /de dag kho na don dam pa/ /mthong pa gang yin mthong med yin/ /'gro ba'i chos rnams shes rab kyi/ /thams cad ji bzhin mthong ba min/ /chos kun snang med gang yin de/ /'jig rten 'das pa'i 'das pa yi/ /ye shes de nyid chos rnams la/ /mthong ba med par nye bar brjod/ /chos rnams ma lus ji bzhin du/ /bsgoms pa'i stobs kyis byung ba'i phyir/ /dngos po med pa ma yin yang/ /de ni 'khrul pa gang yang med/ /rnal 'byor de yi rtogs de ni/ /so sor rang rig bsam mi khyab/ /de ni kun tu gsal bya bar/ /nus pa dag la yod pa min/ /'khrul pa gang yin 'khrul nyid du/ /ji lta ba bzhin du de kun rtogs/ /de yang des na 'di dag la/ /ma 'khrul pa yis brjod pa yin/ /yang dag pa las ldog med do/ /dngos rnams yang dag med yin yang// rang gi tshogs las rnal 'byor pa'i/ /zhes pa gyur zhes sngar bsgrubs zin/ /dngos po med par smra ba yis/ /sgyu ma dang ni rmi lam mtshungs/ /dngos po rnams la rjod byed kyi/ /ri bong rwa dang 'dra bar min/ /las dang nyon mongs dbang gis na/ /de ltar srid pa'i 'khor lo 'byung/ /rang gi tshogs las rnal 'byor pa'i/ /shes pa'i 'khor lo de bzhin 'byung/ /de ni ste'u dang tsan dan mnyam/ /shes rab thugs rje dri ma med/ /chos kun phyin ci ma log par /mkhas pa rnams ni bzhugs pa yin/ /de dag kho nas yang dag pa/ /mngon sum rtogs kyis gzhan dag ni/ /lung dang rigs pa'i rjes 'brangs nas/ /rigs pa'i lam la mkhas ba yin/ /kha cig du ni dngos po 'ga' / /don gzhan gyis ni dben pa dag / 'dzin pa yod na stong pa nyid/ /mngon sum rtogs pa gang yin pa/ /dngos po rnams kyi gcig la gcig /stong pa nyid de yod par 'dod/ /chos rnams de yis stong pa can/ /mtshan nyid stong pa nyid ma yin/ /rang dang spyi yi mtshan nyid du/ /ji ltar bzhag pa de dag ni/ /yang dag yod pa ma yin pas/ /des na chos kun dngos med 'dod/ /gcig la gcig gi stong pa nyid/ /brtags pa yin gyi yang dag min/ sgyu ma la sogs mtshungs pa la/ /gzhan gyis dben pa yang dag med/ rmi lam bzhin du dngos po kun/ /phan tshun dben pa bzhin du snang/ /de yi dbang gis 'di dag gi /gcig la gcig gi stong pa nyid/ /brtags yin de'i phyir rang byung gis/ /tha chad spang ba kho nar gsung/ /de bas de la brtan nas ni/ /sun 'byin pa ni rigs pa min/ /mtshan nyid stong nyid gang yin pa/ /de ni chos la brtags pa min/ /rnal 'byor pa ye shes pa yis/ /de yang ji ltar bstan bzhin rtogs/ /goms par byas na brdzun pa yang/ /shin tu gsal bar snang ba yin/ /de bas yang dag bsgom byas na/ /rnam par gsal ba'i ye shes 'byung/ /gsal zhing mi bslu la sogs pa'i/ /rnal 'byor ye shes gang yin pa/ /de ni mngon sum mtshan nyid grub/ /der gyur de phyir tshad ma yin/ /tshad ma ldan pa'i yul nyid kyis/ /mi bslu la sogs phyi nas 'chad/ /des na blo dang ldan pa yi/ /rnal 'byor shes pa spang mi rigs/ /ji ste yang dag nyid brten nas/ /chos can la sogs ma grub par/ /gleng bar byed na de yi tshe/ /mi 'dod gyur pa med bstan zin/ /de ltar don dam nyid du na/ /khyod kyi sun 'byin pa dag kyang/ /gnas thod pa ni der med de/ /mkha' la dbyu gus rdeg pa bzhin/ de lta yin yang tha snyad du/ / sun 'byin la sogs rab grub phyir/ /khyed kyi sun 'byin smras pa dang/ /de bzhin nges kyi tshad ma sogs/ /mkhas pas ji ltar bstan pa bzhin/ /tha snyad kho nar de dag bstan/ /gzung dang 'dzin pa rig pa dag /med kyang ji ltar snang 'di la/ /dpag par bya dang dpog pa yi/ /'bras bu gnas par byed pa yin/ /de lta min na dngos gcig la/ /sna tshogs ngo bo snang ba yi/ /rnam par ji ltar bden 'gyur te/ /gcig pa nyid de nyams par 'ong/ /chos dang chos can rnam bzhag dang/ /tha dad tha dad min ci 'dra/ /yang dag nyid don ma brtags kyi/ /'jig rten ji ltar grags pa la/ /de bzhin de la brten nas ni/ /bsgrub bya sgrub byed rab gnas pa/ /don dam nyid la 'jug bya phyir/ /mkhas par brtags pa yin zhe'o/ /'on kyang ji ste don dam par/ /tshad ma la sogs med na ni/ /tha snyad du yang de'i 'jug pa/ /'jig pa min zhes khyed sems na/ /blo de ngan te gang dag gis/ /de ldog pa na 'di ldog pa/ /yang dag ngo bo tha snyad la/ /khyab par nges pa ma yin no/ /rmi lam la sogs de bzhin du/ /brdzun pa yin yang 'di dag snang/ /sprul pa nyid kyis 'gog la sogs/ /ji lta ba bzhin 'dod pa yin/ /ji ste chos la sogs pa la/ /don dam grags pa'i yin na ni/ /de tshe 'di la ci phyir rtsod/ / gtan tshigs rnams kyis bsgrub ci dgos/ /ji steng nga la gtan tshigs dang/ /chos can la sogs ma grub na/ /khyed kyis gang gi sgrub pa smos/ /de 'grub 'dod pa'i rjes 'brang min/ /ji ltar chos can ma grub par/ /'gyur ba nged la khyed byed pa/ /de bzhin deng kyang khyed cag gi /dngos po ma grub sgrub par byed/ /tshad mas grub pa'i yin na ni/ /yod par khas blang rung bar 'dod/ /dpyod pa 'jug pa'i snga rol tu/ /grub pa'i mdza' ni gang yang med/ /de bas dpyod pa'i dus na ni/ grub mdza' rten ni 'ga' med na/ /de yi sgo nas chos can sogs/ /ma grub rtsod par su zhig byed/ /rang la grub mdza' rnam nges nas/ /gzhan dag rtogs par bya ba'i phyir/ /'jug pa min nam de bas na/ /grub mdza' khas len snga nas gnas/ /rgol ba rang la rnam nges bzhin/ /gzhan gyis nges pa bskyid 'dod pas/ /de tshe gtan tshigs dpe dag ni/ /rab tu sbyor ba ma yin nam/ /rang la de nges byed pa na/ /grub mdza' khas len sngar ma yin/ /de bzhin gzhan rtog de byed pa/ /lung la ji ltar brten par 'gyur/ /tha snyad du yang chos can sogs/ /'ga' yang gang la ma grub pa/ /de tshe chos can ma grub sogs/ /rtsod par sbyor ba rigs pa yin/ /mi 'khrul ba yi gtan tshigs kyis/ /bsgrub par bya ba'i don grub kyang/ /grub mdza' khas blang dgos phyir ro/ /mi 'grub ces pa gzhung re che/ de bas grub mdza' las grub pa'i /chos can la brten mkhas mi byed/ /de lta bu yi rnam pa ni/ /kun la phan tshun ma grub phyir/ /gzhi ma grub pa'i gtan tshigs dang/ /de bzhin bsgrub bya rjes 'gro med/ /rgol ba de dang slar rgol ba/ /gnyi ga la yang 'byung bar 'gyur/ /sgra sogs chos can bde gshegs pas/ /'byung ba las gyur la sogs par/ ji ltar 'dod pa de bzhin du/ /grangs can gzhan sogs de 'dod med/ /de bas gzhung lugs kyis bskyed pa'i/ /bye brag chos can rnam gsal nas/ /gnag rdzi yan chad grags pa la/ /brten nas tshad ma la sogs pa/ /yang dag rtogs par 'dod pa yi/ /mkhas pa kun gyis de skad brjod/ /de bzhin bdag gi gzugs sgra dang/ /rol sogs pa grags pa la/ /ji ltar 'jig rten grags pa yi/ /rtogs par byed pa'i gtan tshigs kyis/ /don dam pa la 'jug pa phyir/ /yang dag bsam pa rgyas par byed/ /des na grub mdza' las grub pa'i/ chos can dag la brten nas ni/ /gzhi ma grub pa la sogs par/ /rgol ba gang yin de 'brel med/ /gzhan yang dngos por ngo bo nyid/ /yin pa'i sgo nas gang du bsgrub/ de la chos can dngos po yi/ /ngo bo yin zhes brtsal ba'i rigs/ /de ma grub na bsgrub bya ba/ /rab tu grub pa'i bgegs byed phyir/ /gzhi ma grub pa la sogs pa'i/ /skyon yang der ni brjod par byed/ /rtag pa phyir ro/ /des na gang la la dag na re khyab par bya ba dang khyab par byed pa'i dngos po'ang la ma grub pa'i phyir gtan tshigs ma grub pa yin no/ /de bzhin du chos can gang kho na la khyab par byed pa dang/ khyab par bya ba'i dngos po grub pa kho na la khyab par byed pa log pas khyab par bya ba ldog pa ma grub po zhes zer ba de dag thams cad la lan bdab pa kho na yin no/ /'di ltar khyab par bya ba dang khyab par byed pa'i dngos po la sogs pa thams cad ni kun rdzob kyi bden pa la brten nas phyir bzhag go zhes sngar bstan zin to/ /khyab par byed pa nye na gdon mi za bar khyab par bya ba bye brag rtogs pa yang ma yin no zhes de yang sngar bstan pa nyid do/ /de'i phyir tha snyad kyi sgo nas gcig dang du ma'i ngo bo dag gis ngo bo nyid dang bcas pa tsam la khyab mod kyi/ 'on kyang de las don dam pa'i ngo bo nyid du nges pa ni ma yin te/ bum pa la sogs pa gcig dang du ma'i rang bzhin can kun rdzob pa yang snang ba'i phyir ro/ /khyad par du na khyab par byed pa dang/ khyab par bya ba'i dngos po 'grub pa ni tha snyad pa'i chos can la brten pa yin la/ khyab par byed pa ldog pa ni don dam pa la brten pa'i rtsod pa'i gzhir gyur pa'i chos can thams cad la spyir sgrub pa'i phyir 'di gnyis chos can gcig la brten pa nyid lta ga la yin/ chos can gcig la brten pa nyid yin du chug na yang/ 'on kyang bltos pas tha dad pa'i phyir nyes pa med pa kho na ste/ 'di ltar khyab par byed pa dang khyab par bya ba'i dngos po grub pa ni tha snyad kyi bden pa la brten pa yin la/ khyab par byed pa ldog pa ni don dam pa'i bden pa la brten pa yin pas 'gal re skan/ gang yang sgrub par bya ba dang sgrub pa dag ci med par dgag pa'i ngo bo zhig yin nam/ 'on te ma yin pa'i ngo bo yin/ phyogs dang po ltar yin na ni de sgrub pa nyid yin pas/ /ji ste de 'dir mi 'byung na/ /tshad ma med na de yi tshe/ /med pa'i tha snyad 'dir mi 'gyur/ /thal ba'ang tshad ma yin na ni/ /'di la de skyon cing mi 'byung/ /rang dga' i dbang gis yul rtag tu/ /rigs par ldan pa ma yin no/ /'on te yang ni de la bzhi/ /blo yod pa nyid chos can yin/ /phyi dang gtso bo la sogs pas/ /de la bskyed bya nyid 'gog na/ /de ltar yin na de dag pa phyir/ /nus pa stong pa nyid dang ni/ /gcig dang du ma bral la sogs// de lta ji ltar ri tshad ma 'grub/ /gtan tshigs rang nyid ma grub par/ /de la bsgrub bya sgrub mi byed/ /grub na'ang de bzhin blo nyid kyang/ /rang bzhin med par ci mi 'gyur/ /so sor brtags pa'i 'gog la sogs/ /ji ste byed rgyur kun brtags pa/ /de dgag pa la ji ltar blo/ /chos can nyid du brtag par bya/ /phyi dang gtso bo la sogs pas/ /de la bskyed bya nyid bkag kyang/ /phyi rol la sogs stong pa nyid/ /ji ltar gcig tu 'grub par 'gyur/ /'on te thog ma med pa yi/ /rang gi sa bon las byung ba/ /rnam rtog mthar gtugs blo la yod/ /chos can la brten gtso sogs 'gog /phyi rol bzhin du phyi rol sogs/ /tha dad med bzhin de la rtog /gcig dang du ma dben pa dang/ /nus pa med pa bzhin du mthong/ /shin tu dngos med de grub na/ /phyi rol la sogs stong nyid 'grub/ /bsgrub par bya dang sgrub byed pa/ /gzhi gcig pa yang yod pa yin/ /phyi rol la sogs kun brtags pa'i/ /rang bzhin de ni rab tu 'gog /de nyid dgag par bya ba'i phyir/ /sgrub pa la sogs byed pa min/ /rjes su dpag pa la sogs pa'i/ /tha snyad thams cad der brten te/ /don dam nyid la 'jug bya phyir/ /rigs pa smra ba rnams kyis byas/ /ji ste brdzun pa kun brtags pa'o/ /chos can la yang tha snyad 'di/ /'dod na ci phyir rdul du du ma'ang min zhes bya ba dang/ de bzhin du/ dngos rnams gang du rnams dpyad na/ /de yi ngo bor yang dag med/ /gang gi phyir na de dag la/ /gcig dang du ma'i ngo bo med/ /ces bya ba la sogs pas phyi'i don la sogs pa kun brtags pa 'gog pa de la yang klan ka 'di ci ste 'byung bar mi 'gyur/ gal te yang ngo bo nyid med pa la go bar byed pa nyid med na de'i tshe rta'i rwa go bar byed pa ma yin pa nyid kyang ci ste nye bar dgod/ khyod kyi nye bar brjod pa thams cad dang bral ba'i mtshan nyid gang yin pa de ni cung zad kyang go bar mi byed ces bya ba la sogs pa'i sbyor ba de nyid la yang bsgrub par bya ba dang/ sgrub par byed pa dgag pa'i ngo bo dag ji ltar go bar bya ba dang/ go bar byed pa'i dngos po yin/ de la bas na sbyor ba 'di ni mtshon cha'i thabs bslab nyes par byed pa bzhin du rang la gnod par byed pa nye bar bkod pa 'ba' zhig du zad pas/ /sbyor ba la te por mkhas pa yang ma yin no/ /thams cad kyi dngos po thams cad rtag tu gtan la 'bebs par thal bar 'gyur ba'i phyir rtags dngos por gyur pa kho na go bar byed pa nyid du ni su yang mi 'dod de/ gdon mi za bar gang yang rung ba la rtags gang yang rung ba zhig go bar byed par gnas pa'i phyir ro/ /de lta bas na rtag nges pa kho na mngon sum du go bar byed pa yin te/ bsgrub par bya ba'i rnam pa la nges pa skyod pa'i phyir ro/ /rtags ni nye bar 'dogs pa'i sgo kho na nas go bar byed par bzhag go zhes bya bar rig ste/ des na rtags ngo bo med pa yin yang de'i rnam par nges pa ni 'dod pa'i ba sgrub par bya ba'i rnam pa gtan la 'bebs pa skye ba'i rgyu yin pa'i phyir go bar byed pa nyid du nye bar brtags pas nyes pa med do/ /thams cad du rtags dngos por gyur pa kho na dgod pa yang rigs pas phyis 'dir bshad/ /phyin ci log gi blo rnams kyi/ /dmigs pa yang dag mthong yin nam/ /yang dag don ni grub bya'i phyir/ /tshad ma rjod par byed dam ci/ /dang tho re zhig ma nges te/ /'gal ba dag kyang mthong ba yin/ /rab rib can gyi skra la sogs/ /mthong ba bden par gyur pa med/ /gnyis pa yang ni tshad ma dang/ /lung las grub pa ma yin no/ /chos rnams ma mthong gang yin pa/ /yang dag shes par bstan ma thag /mngon sum pas mi grub pa yi/ /dngos po med ces nyer bstan zin/ /des na dngos po'i yang dag pa/ /dmigs par grub pa ma yin no/ /gcig la gcig ni stong pa nyid/ /tha snyad yin gyis yang dag pa/ /ma yin zhes pa de yi phyir/ /dngos po thams cad dbyer mi 'grub/ /khyab bya khyab byed dngos la sogs/ /tha snyad la ni shin tu 'grub/ /don dam pa la 'jug bya phyir/ /mkhas pa de la brten mi byed/ /rgyu dang 'bras bu'i dngos la sogs/ /ji ltar mthong ba bzhin du 'dod/ /chos rnams kun gyi ngo bo la// khyab par byed pa yang dag min/ /yang dag nyid du de log na/ /sgyu ma la sogs ltar brtags par/ /dngos po rnams kyi don dam pa'i/ /ngo bo nyid ni ldog par 'gyur/ /'brel pa shin tu grub bya phyir/ /mngon sum ji ste 'dod na ni/ /de yang mtshan nyid ma 'khrul ba/ /rjes su dpag pa ji ltar gsal/ /de dag nyid las 'brel ba rnyed/ /de nyid ji ste sel na ni/ /rtsa ba med phyir rang de yang/ /med pas tshad ma med par 'gyur/ /mthong ba la sogs tha snyad kyi/ /de yi ngo bo mi 'gog phyir/ /mngon sum nyid ni sel ba min/ /brtags pa dag ni 'gog par byed/ /kun rdzob don ni mi bslu'i phyir/ /de ni 'khrul pa med par bshad/ /yang dag ma mthong mngon sum ni/ /yang dag yul la ma 'khrul med/ /gang la ma 'khal phyir/ /'bras bu rag las med na yang/ grub pa gzhan rag ma las pa'ang/ /'bras bu rang gi rgyu dag las/ /rtogs pa yis ni 'brel bar byed/ /'bras min ji ltar yang ci zhig ces kyang bshad do/ /de'i bdag nyid kyi 'brel ba yang yang dag pa pa ma yin te/ de ni gnyis pa brten pa'i phyir la/ de'i bdag nyid yin na yang gnyis nyid mi rung ba'i phyir ro/ /gnyis nyid med na yang 'brel pa can dag med pa'i phyir gang zhig gang dang 'brel pa yin/ /de lta bas na 'brel ba thams cad rtog pas bkod pa'i bdag nyid yin pa'i phyir dngos po med pa la 'jug na yang nyams pa med pa nyid pas gtan tshigs ma grub pa nyid do/ /gzhan yang gal te 'brel pa med pa kho na yin na ni ji ltar tha dad pa med pa'i phyir zhes gtan tshigs gzhan smos par byed/ tha dad pa med pa nyid yin na ni de'i bdag nyid kyi 'brel pa kho na bstan par gyur to/ /gal te dngos po kho na la de'i bdag nyid kyi 'brel pa yin gyi/ gzhan la ni ma yin no zhe na/ de ni rigs pa ma yin te/ de'i bdag nyid ni tha dad pa med pa'i rnam grangs yin pa'i phyir la/ de ni ngo bo nyid med pa dag kyang bdag med pa nyid du mtshungs pas 'gal ba med pa kho na'o/ /de lta ma yin na tha dad pa med pa'i phyir zhes bya ba yang brjod par mi bya bar 'gyur ro/ /de la tha dad pa med pa'i phyir zhes bya ba'i gtan tshigs 'di gal te don dam pa'i dbang du byas nas brjod na ni de'i tshe ma nges pa yin te/ byas pa dang mi rtag pa lta bu don dam par tha dad pa med pa yin yang go bar bya ba dang go bar byed pa'i dngos po mthong ba'i phyir ro/ /'on te tha snyad du yang 'di la tha dad pa med do zhes bya bar 'dod na ni de ma grub ste/ ldog pa'i bye brag gis nye bar 'ga' / /nges par 'khrul pa 'dod bya dgos/ /de lta min na 'ga' yang ni/ /gang duAng bslus pa med par 'gyur/ /thams cad dngos med bsgrub bya phyir/ /de la snang ba'i ngo bo gang/ /brdzun pa nyid du 'dod pa dag? /?? kho na dper byed do/ /nyi tshe ba yi rtsod pa la'ang/ /de la dngos 'dzin ldog pa'i phyir/ /ji ltar bstan pa kho na bzhin/ /dper ni thams cad gyur pa yin/ /sgrub par byed pa 'khrul pas na/ /pha rol po yi 'dod pa'i don/ /sel bar byed de ji ltar na/ /mi 'dod thal bar 'gyur ba yin/ /rmi lam la sogs dpe 'grub cing/ /ji ltar nges la gtan tshigs kyis/ /bsgrub bya sgrub byed la khyab pa/ /de ltar dngos por smra la min/ /phyogs gcig pa yi dngos nyid dam/ /thams cad dngos por sgrub na yang/ /dngos por smra ba rnams la ni/ /gnyi gar grub pa'i dpe yod min/ /bdag med skad cig la sogs pa/ /sgrub pa la yang med dam ci/ /rgol te ngan? pa nyi tshe yis/ /nged la bya ba ci zhig yod/ /dngos yod dngos med gnyi ga yi/ /chos ni yod pa bsgrub pa la/ /ma grub la sogs skyon sgo nas/ /mkhas pa rnams kyis sun dbyung smras/ /mi 'khrul pa yi sgo dag nas/ /khyab byed la sogs bkag pa yis/ /dngos po med chos cir bsgrub na/ /de la ma 'brel ci zhig yod/ /yod pa yin na dngos med par/ /re zhig sgrub par nus pa med/ /brdzun te bsgrub par mi bya na'ang/ /gang du rab tu bsgrub par bya/ /mi sgrub na yang gzhan dag gis/ /de la bdag sogs brtags pa yis/ /dngos po dgag pa khyed cag gi / tshad ma med pa ji ltar 'grub/ /dngos po'i bdag nyid yang dag gang/ /'ga' yang gang du ma grub na/ /gang gis de ni rgyur brjod pa'i/ /dngos po'i chos ni ga las yod/ /dngos po grub pa ma yin na/ / dngos po med pa'ang 'ga' mi 'grub/ /dngos po gzhan du gyur pa nyid/ /dngos med mtshan smra gzhan du min/ /de yi chos kyang mi 'grub cing/ /gnyis la brten pa'ang yod pa min/ /gnyis la grub pa de yi phyir/ /gnyis min gtan tshigs srid pa'ang med/ /dngos dang dngos med rnam bral chos/ /rmi lam la sogs bzhin du snang/ /de'i phyir chos kun de dag gis/ /rang dang mthun pa sgrub byed yin/ /ji ltar bdag sogs dngos med nyid/ /nus dang bral ba la sogs pas/ / khyed cag rnams kyis sgrub par byed/ /nged kyi'ang de bzhin kun tu yin/ /yang dag nyid du 'dod pa yis/ /dngos por 'di ltar rnam gnyis te/ /rtag dang mi rtag gnyis ga la'ang/ /gnod par byed pa'i tshang ma yod/ /yang dag nyid du brtags pa yi/ /mi rtag pa la skye bas khyab/ /'di ltar skye med ngo bo la/ /skye dang 'jig pa'i chos nyid med/ /skye ba rnams kyi skye 'jig pa'i/ /chos nyid tshad ma las grub na'ang/ /mi rtag bdag nyid grub mod kyi/ /dngos po yin zhes mi rtag ste// bu la sogs pa brdzun pa yang/ /skye sogs rmi lam mthong ba'i phyir/ /'jig dang skye ba'i chos nyid las/ /dngos po nyid kyis khyab pa med/ /de bas mi rtag ngo bo la/ /skye bas khyab pa yin mod kyi/ /dngos po rnams kyi yang dag nyid/ /'ga' yang 'grub pa ma yin te/ /khyab par byed pa yod pa las/ /khyab bya ma lus nges 'gyur med/ /ji ltar snang ba 'di dag la/ /khyab pa yin zhes nye bar brjod/ /yang dag nyid du skye med na/ /mi rtag rjes 'brel dngos po la/ /yang dag nyid du kun brtags pa/ /de ni ldog pa kho nar 'gyur/ /de log pa na de ldog par/ /ji ste de ltar nges med na/ /de ltar min na skye ba yi/ mi rtag khyab par mi 'gyur ro/ /rang gzhan gnyi ga rgyu med las/ /skye ba bsal ba gang yin pa/ /yang dag nyid du de dngos med/ /mo gsham bu la sogs pa bzhin/ /de bzhin 'dus byas dngos po kun/ /'dir ni yang dag nyid du na/ /sgyu ma rmi lam lta bu ste/ /de bas 'dus byas kun rig bya/ /grangs can la sogs de dag gis/ /rang nyid las kyi dngos po rnams/ /skye bar brtags te rgyu dag las/ /'bras bu tha dad med par 'dod/ /de ni mi rigs bdag nyid kyi/ /dngos po skyed par byed pa 'di/ /ma grub pa yi skyed byed dam/ /grub pas yin zhes rnam par brtag /ma grub rang nyid med yin na/ /de tshe gang zhig ci zhig skyed/ mo gsham nu ma 'thung ba'i bu/ /rang gi bdag nyid skyed pa med/ /grub pa yin na'ang dbye med phyir/ /bdag nyid skyed par byed med/ /'di ltar bdag nyid grub na yang/ /de tshe des skyed ci zhig yod/ /phan pa nye bar byed na ni/ /skyed byed bskyed bya nyid du grags/ /rang gi ngo bo grub na 'di'i/ /rgyu mtshan rnam bzhag ci zhig yod/ /dngos med par yang rab smra na/ /sems pa can la'ang cin mi 'dod/ /bskyed bya skyed byed nyid gang gis// rang bzhin 'ba' zhig yin par brjod/ /sems pa can bzhin rang yod phyir/ /nang gi skye mched rnams kyang ni/ /skye ba min zhes pha rol la/ /rab tu thal don de phyir smras/ /des na sems pa can de dper blangs/ /thal ba'i don ni smras ba la/ /thal don yongs su ma shes nas/ /ma grub par yang rgol bar byed/ /'gal bar rab tu brjod pa'i phyir/ /gzhan la grub pa rjes bslas te/ /thal bar bsgrub par rigs pa yin/ /rang la grub la thal byed min/ /des na de lam grub dang/ /'gal ba nyid du rgol byed pa/ /de yi mi shes stug po yi/ /mthu yis brjod pa kho nar zad/ /'on te grub kyang bdag dngos la/ /phan par byed pa yod na yang/ /de las phan pa tha dad na/ /rang las ji ltar skye ba yin/ /'dis na phan pa'ang dus rtag tu/ /rang gi bdag nyid bzhin grub na/ /ji ltar de yis de byed pa'i/ /rgyu mtshan der ni brjod bya dgos/ /rgyu dang 'bras bu zhes bya ba'i/ /rnam par bzhag 'di ga las 'gyur/ /ji ste 'di ni dbyer med na/ /rnam grangs su ni brjod pa min/ / gsal ba 'am yongs su 'gyur ba ni/ /de rnams bzhag pa'i rgyu yin na'ang/ /de las de gnyis tha dad na/ /rang las skye bar rigs pa min/ /tha mi dad pa nyid yin na'ang/ /rgyu dang 'bras buAng 'chol bar 'gyur/ /gsal dang mi gsal la sogs chos/ /'gal ba dus gcig ji ltar rung/ /cha shas tha dad 'dod na yang/ /gnyi ga la cha shas ga la yod/ /tha dad tha dad mi 'gal ba/ /dngos po gcig la ji ltar rung/ /dngos po gcig ni dgag na yang/ /gnyis bsgrub pa med par byed/ / des na gnyis min phyogs la yang/ /dngos por brtag par mi bya'o/ /sngon gyi ngo bo ma bor bar/ /de gsal ba dang yongs 'gyur bar/ /ji ste 'gyur na gnas skabs rnams/ /thams cad du yang 'dres par 'gyur/ /bum pa la sogs snang ba yang/ /mi snang 'gyur zhing byis sogs la/ /rgan pa'ang dmigs 'gyur snga ma bzhin/ /rtag tu gnyi ga yod par 'gyur/ /ji ste 'gal ba'i chos rnams kyang/ /gcig tu 'dod na de yi tshe/ /sems can las la gtso bo dang/ /mi rnams tha dad ji ltar 'gyur/ /de ltar gcig tu 'dod pa yang/ /ji ste bzlog par mi bya na/ /cig car skye dang thar la sogs/ khyed kyi kun 'gyur min nam ci/ /ji ste phyi nas bor na ni/ /rang las skye ba nyams par 'gyur/ /sngon por ba las tha dad phyir/ / rtag tu de nyid gsal ba yin/ /yul dad dus la sogs pa yi/ /gnas skabs nges pa 'di snang na/ /rang nyid las ni skye ba yi/ /dngos la gtan tshigs ci zhig yod/ /bltos pa med phyir phom ril du/ /rtag tu gsal ba mang par 'gyur/ rgyu gzhan la ni bltos nas ni/ rtag tu dngos po thams cad ni/ /rang gi dngos las gnas pas na/ /rtag par gnas phyir skye don med/ /gsal dang yongs su 'gyur ba med/ /rtag rnams ngo bo gcig pa'i phyir/ /gsal dang yongs su 'gyur ba med/ /dngos po mi rtag pa rnams ni/ /shin tu gnas pa med pa yin/ /de nyid dang ni gzhan nyid dag /phan tshun spangs te gnas pa'i phyir/ /yongs su 'gyur ba gzhan gyur pa/ /de ni de yin ji ltar 'gyur/ / gsal bar gzhan du gyur pa yang/ /rtag par gyur pa yin par brjod/ /'gal ba'i chos dang 'dres gyur pa/ /'dir yang 'jig pa bzhin du 'gyur/ /gang zhig phyi nas byung ba'i chos/ /dngos po de ni gzhan min nam/ /gang zhig gzhan gyi dngos po de/ /de yi ming du ji ltar 'gyur/ /ji ste chos de snga na yod/ /ci yi phyir na de mi snang/ /ci ste mi snang ngo bo 'di/ /phyi nas ci phyir 'di snang yin/ /bsgribs na'ang snang shar de yi tshe/ /'o ma la zho cis ma mthong/ / de ni rnam par 'dres par bltos/ /zho las tha dad ma yin phyir/ /'o ma'ang bsgribs pa nyid du 'gyur/ /phyi nas zho la sgrib pa yang/ /snga ma bzhin du thal bar 'gyur/ /de bas gsal dang 'gyur sgo nas/ /rang la skye bar pha rol pos/ / brtags pa gang de de dag gi / rmongs pa chen po'i rlom pa yin/ /gzhan las kyang ni dngos po rnams/ /yang dag skye bar rigs min te/ /gzhan las 'gyur na rtag pa 'am/ /mi rtag pa las de 'gyur grang/ /rim dang cig car 'jug pa yis/ /rtag pa skyed par byed pa med/ /de bas dngos rnam skye med pa/ /mkha' yi me tog sogs bzhin rigs/ /rtag pa rang nyid nus na yang/ /de ni gzhan la ci phyir bltos/ /byar med pa ni 'di yin na/ /gzhan la bltos pa gang yang med/ /de bas 'di ni bltos med phyir/ /rim gyis skyed par byed mi rigs/ /rgyu rnams mtshang med pa'i phyir/ /'bras bu skyo ba 'am rigs mi dmigs/ /thams cad cig car bskyed nas ni/ /ji ste phyi nas mi skyed na/ /phyi ma bzhin du nus med phyir/ /sngar yang skyed pa ma yin 'gyur/ /rang las med pa'i nus pa yi/ /rang gi ngo bo rjes 'brang na/ /snga ma bzhin du skyed byed pa/ /rtag par 'gyur gyi ldog mi 'gyur/ /tha snyad du yang nus med phyir/ /de bas rtag pa'i dngos don med// dngos po de yi mtshan nyid ni/ /nus pa yin zhes mkhas pa smra/ /mi rtag pa yang zhig pa las/ /med phyir dngos po skye mi rigs/ /yod pa las kyang mi rigs te/ /'das pa nam yang yod pa min/ /byed pa zhig phyir de yin na'ang/ /'das pa rang gi dngos po med/ /gzhan dag zhig par gyur pa'i phyir/ /gzhan dag 'das par ji ltar rigs/ /ji ste byed pa gzhan zhig pas/ /byed pa'ang 'jig par 'gyur na ni/ /gnas pa med pa yin pa'i phyir/ /byed pa rnams la mdza' med 'gyur/ /'on te byed pa rang kho na/ /zhig pa nyid du rtag na ni/ /dngos po rnams kyang de bzhin du/ /rnam par 'jig par cir mi 'gyur/ /tha dad na ni dngos po dang/ /byed par 'brel pa mi 'grub bo/ /gcig pa yin na byed pa bzhin// dngos po rang nyid zhig par yod/ /byed pa'ang 'das pa nyid yod par/ /dngos po bzhin du thal bar 'gyur/ /byed pa brjod du med yin na'ang/ /brtags par 'gyur gyi yang dag min/ /ma 'ongs ma zhig pa las kyang/ /'bras bu skye bar mi rigs te/ /de yi rang bzhin ma thob phyir/ /mo gsham bu las ji bzhin no/ /ji ltar dngos po'i zhig pa nyid/ /byed pa'i dbang gis mi rigs pa/ /de bzhin ma 'ongs dngos po yang/ /de yi dbang gis rtag tu med/ /da ltar las kyang 'bras min te/ /dus gcig rnam par rtog na ni/ /rgyu bzhin yongs su grub pa'i phyir/ /de lta min na dus gcig min/ /tha dad dus kyang 'bras bu ni/ /ji ste ma 'ongs pa las snga/ /de che de ltar mi rigs par/ /de ni snga rol nye bar bstan/ /skad cig gzhan gyis bar bcad nas/ /phyi nas 'byung na'ang de yi tshe/ /'das ba dag las de 'byung bas/ /de yang sngar bsal zin pa yin/ /'on te bar ni mchod par/ /'bras bu 'byung na de yi tshe/ /rgyu dang 'bras bu gnyi ga yang/ /dus gcig kho nar 'gyur ba yin/ /'on te 'di skad cig nyid kyis na/ /'bras bu'i dus na rgyu mi gnas/ /cig car 'gyur bar thal par ni/ /de phyir rigs pa ma yin te/ /'jig dang skye ba dus mnyam pa/ / srad mda'i mthon dman bzhin du yin/ /des na rgyu dang 'bras bu gnyis/ /dus gcig nyid du 'gyur ba med/ /ji ltar chu bo drag pa'i rgyun/ /gang tshe chu gzhan rnus pa na/ /de tshe chu gzhan 'bab pa yin/ /de bzhin 'jig dang skye dus mnyam/ /gang tshe rang gi snga ma 'dor/ /de tshe cig shos 'ong ba yin/ /ji ltar grib mas nyi ma'i yul/ /sel ba'i dngos po'i gnas skabs dang/ /dngos dang bar dag mchod par/ /'jig par ji ltar 'gyur yang na/ /dus gcig 'gyur ba ma yin pa/ /de bzhin 'bras bu lta bar gyis/ /rgyu dang 'bras bu nyid kyi tshul/ /ma brtags par ni grub pa yin/ /ji ste 'dod rgyal 'di smra na/ /gzhan dag la ni smra la rag /skabs 'di nyid ni yang dag pa'i/ /don la rnam par dpyad pa yin/ /zhib mor dpyod par mkhas pa la/ /'dod rgyal smra bar rigs pa min/ /'di ltar bar ni mchod par/ /'bras bu yin zhes khyed kyis brjod/ /mkhas pa rnams kyis de dag brjod/ /rnam par dpyod na phyogs med bya/ /bar med par ni 'dod na yang/ /de tshe rgyu dang 'bras bu dag /dus gcig 'gyur ba ma gtogs par/ /gzhan du 'gyur bar yod dam ci/ /rnam par chad par byed dus de/ /thung pa'am dbus na med/ na ni/ /rang gi zhib mo'i mi dag gis/ /de gnyis tshul de rtogs te smros/ /'di ltar bdag nyid kun gyis ni/ /de gnyis ji ltar par ma chad/ /skad cig pa rnams dus gcig phyir/ /bskal pa 'ang skad cig tsam du 'gyur/ /de tshe thams cad kun rdzob tu/ /'gyur ba nye bar bstan zin to/ /bar med 'jug pa'i rgyun dag la/ /dbus na gnas pa'i skad cig gi /bdag nyid dang ni snga ma ru/ /bar chad med pa nyid yin la/ /gang gis 'dod pa de nyid kyang/ /de dang 'og mar yang yin na/ / de tshe ma skyes 'das pa yi/ /skad cig rnams kyi dbus gnas pa'i/ /smad cig dang ni dus gcig pa/ /bzlog med 'on te bdag nyid la/ /gzhan gyi bar ni mchod na/ /skad cig gcig nyid nyams par 'gyur/ /'bras bu'i tshe na rgyu med phyir// med dang lhan cig thams cad du/ /bar mchod pa'i bsam pa nyid/ /mi rigs snyam du sems na yang/ /khyod kyis de ni mi rigs te/ /rgyu dang 'bras bu gnyis par na/ /dus gzhan yod par mi 'dod na/ /de tshe med pa de mi rung/ /de gnyis bar ni mchod par/ /khyed cag mngon mi 'dod na'ang/ /rgyu dang bar med 'bras bu zhes/ /rmongs te ci zhig brjod par byed/ /reg dang bar ni mchod dang/ /mjug thogs dang ni bar med pa/ rnam grangs yin te nam du yang/ /don gyi dbye ba 'ga' yang med/ /bar med yin par mngon 'dod na'ang/ /de ci bdag nyid kun gyis sam/ /de gnyis phyogs gcig gis 'dod ces/ /de tshe bsam par mi 'gyur ram/ /gnyi ga 'ang skyon 'dir 'gyur ba ni/ /sngar ni nye bar bstan zin to/ /rnam pa gnyis la ma gtogs par/ /bar med tshul ni yod pa min/ /rgyu dang ma chod par yod pa/ /'bras bu yin zhes nyer brjod la/ /de yang bar chad med par ni/ /ma yin zhes pa dge bar gsungs/ /'bras bu tshe na rgyu med na'ang/ /de ni gang las 'byung bar 'gyur/ /med na da ltar ma yin phyir/ /zhig pa las ni skye bar 'gyur/ /yod na bar chad med la sogs/ /de tshe bsam par cir mi 'gyur/ /de lta min nam zhig las/ / 'bras bu khyed ni ji ltar 'dod/ /'bras bu skye ba'i dus na ni/ /rgyu yod 'dod pa ma yin nam/ /de yod dus na de dag ni/ /zhig pa'i phyir na gnas pa med/ /des nam zhig pa dag las/ /'bras bu yin na'ang skye ba las/ /yod pa tha dad med pa nyid/ /skye ba bskyed bya yin pa'i phyir/ /de tshe 'bras bu rgyu med 'gyur/ /de gnyis phan pa mi byed phyir/ /'bras bu skyed ces bya ba yi/ /'brel pa 'di yang 'grub mi 'gyur/ /de bas yod pa kho na la/ /'bras bu skyo zhes brjod pa yin/ /de yi dus na rgyu yod phyir/ /de gnyis dus ni gcig par 'gyur/ /yang dag brtags na srang mnga' yi/ /dpe yang grub pa ma yin te/ /cha shas can gyi ngo bo dang/ /chung ngu bsags pa 'di mi rigs/ /gcig la 'gal ba'i las rnams ni/ / 'thad pa med phyir cha can med/ /cha shas med pa'i rdul phran yang/ /bsags par rung ba ma yin no/ /shes pa snang ba'i ngo bo yi/ /srad mda'i don dam nyid du na/ /lus can min na mthon dman du/ /'gyur ba ma grub rnam pa yang// brdzun pa'i phyir na de mi srid/ de bzhin rgyu 'bras dngos po 'di/ /kun rdzob yin par bsgrubs par gyur/ /yang dag nyid ni de ma yin/ /de bzhin grib ma chung la sogs/ /yang dag par ni grub pa med/ /de dang chos ni mthun pa'i phyir/ / rgyu 'bras yang dag nyid mi 'grub/ /bdag nyid kun dang phyogs gcig gis/ /phar med rnam par dpyod pa na/ /phyogs gcig nyid dang cha shas kyi/ /skyon 'gyur 'dir yang mtshungs pa yin/ /dngos ma grub na dngos med pa'ang/ /gang du 'ga' yang grub pa med/ /des na zhig pa'i dpe dag ni/ /de sgrub pa la mi rigs so/ /'di la yang ni de bzhin du/ /bar chad med pa dpyad na ni/ /dus gcig nyid dang cha shas bcas/ /thal bar 'gyur ba bzlog du med/ /skad cig ma las ring du 'di/ /dngos med nye tshe zad yin gyi/ /'di dang bar ni med pa 'di/ /zhig ces bya ba gang yin med/ /des na bar chad med sogs 'dir/ /de bzhin bsam pa 'jug pa med/ /bar ma ched par 'bras bu dag /yod na bsam par rigs pa min/ /nges na 'di la gzhan dag las/ /skye mi rigs zhes gnod byed pa/ /gzhan phyir zhes pa yod pa bzhin/ /mkhas pa rnams kyi gtan tshigs rigs/ /gang du bsgrub par 'dod pa la/ /mi mthun phyogs la gnod byed med/ /de dag la ni gzhan nyid kyis/ /glen pa la sogs sgrub mi nus/ /skye pa dgag par bsgrub bya la/ /mi mthun phyogs la gnod byed pa/ /ji skad smos bzhin yod pa nyid/ /'dir ldog pa la the tshom med/ /gzhan nyid la sogs sgra rnams ni/ /gang dag dngos po'i rgyu can 'dod/ /de la sun 'byin smras pa ni/ /dngos po rnams kyi zhes sogs yin/ /sgra de'i don ni brtags yin yang/ /dngos po'i mthar thug gang dag 'dod/ /de la rgyu mtshan bdun pa yis/ /skye don nyes pa rig par bya/ /gzhan du gyur pa yod pa yi/ / rkyen la don dam nyid du na/ /rigs pa min te ji skad du/ /rgyas par de bzhin bstan pa yin/ /gang tshe dngos po thams cad ni/ /yang dag nyid du skye med na/ /de tshe sgra de'i mthar thug pa/ /gzhan nyid 'grub pa ma yin no/ /gtso bo dbang phyug bcas sogs las/ /dngos rnams skye ba brjod pa'i phyir/ /gnyis las skye bar 'dod par ni/ /gang dag rnam par mi mkhas pa'o/ /gang dag re 'ga' rnam gnyis sam/ /gcig gi ngo bor rtog pa ni/ /so sor smos pa'i nyes pa yis/ /de dang gzhan kun sun phyung zin/ /kha cig tsher ma la sogs pa'i/ /rno sogs dpe ni 'ba' zhig gis/ /skye ba thams cad yang dag par/ /rgyu med kho nar rnam smra ba/ /skye ba yang dag sgrub pa la/ /dpe ni rab tu ma grub po/ /kun rdzob tu yang khas len na/ /'di ltar mngon sum la sogs 'gal/ /rjes su dpag dang ldog par ni/ /mngon sum dag gis rnam nges pa/ /sa bon sogs las myu gu sogs/ /skye ba'i mngon sum zhes pa gnod/ /gang phyir rang gi sa bon las/ /tsher ma la sogs skye ba nyid/ /rno sogs de nyid las yin pas/ /des na dpe ni grub pa med/ /de dag res 'ga' kha cig tu/ /'byung bar yongs su nges pa ni/ /bltos dang bcas par skye ba ste/ /bltos bya de dag rgyur 'dod do/ /rgyu ni phan par byed pa ste/ /phan pa med pa bltos bya min/ /phan pa med la brten na ni/ /res 'ga' ba dag rig pa min/ /rgyu la nges pa yod pa'i phyir/ /'bras bu nges par 'gyur ba yin/ /rgyu med na ni ci yi phyir/ /tsher med la sogs rno sogs nges/ /dngos po rnams ni rgyu med par/ /nges par skyed par 'dod pa yis/ /khyod ni gtan tshigs sbyor byed pa/ /don med kho nar 'gyur ba yin/ /de bas rgyu med smra ba 'di/ /mngon sum la sogs tshad ma yis/ /kun rdzob tu yang 'gal ba yin/ /de phyir mkhas pa rnams kyis spang/ /dngos po ji ltar grags pa yi/ /rgyu la sogs pa mi 'gog phyir/ /des ni skye ba mi smra la/ /mngon sum la sogs 'gal ba med/ /mthun pa'i phyogs la yod pa'i phyir/ /de phyir gtan tshigs ma grub med/ /'gal med ma nges 'di yang med/ /gang phyir tshul ni gzhan med la/ /bdag dang gzhan smras dngos po yi/ /brag ni ma lus gzhom pa'i phyir/ /bzhi char phyir ni mi ldog pa'ang/ /rdo rje phra mo de 'di yin/ /rang gi dngos po yang dag pa/ /rtag pa'i ngo bo'ang gang na'ang med/ /de ni nus pas stong pa'i phyir/ /kun tu rta yi rwa bzhin no/ /nus pa thams cad stong pa nyid/ / de ni gong du bstan pa yin/ /nus med dngos po yin na ni/ /mkha' yi me tog kyang der 'gyur/ /nus pa dag dang bral ba las/ /dngos med mtshan nyid gzhan yod min/ /nam mkha' i me tog la sogs dang/ /rtag pa'ang yod pas de dngos min/ /ji ste dngos po kun rdzob tuAng/ /nus dang bral bar gyur na ni/ /gzhan du 'gar ni dngos po dang/ /dngos med dbye ba 'dir mi 'gyur/ /de bas dngos po thams cad kyi/ /rang bzhin med pa gang yin pa/ /yang dag nyid du de rig bya/ /dri za'i grong khyer la sogs bzhin/ /gang phyir yang dag don dgag sgrub/ /mngon sum la sogs gnod pa med/ /mngon sum rjes su dpag pa yin/ /dngos po grub med ces bsgrubs zin/ /skye ba sgyu ma skye ba bzhin/ / gang phyir kun rdzob nyid du yod/ /de phyir 'jig rten lung dang ni/ /'gal ba 'jug pa med pa yin/ /ji ste yang dag skye ba la/ /tshad ma gnod byed yin na ni/ /sbyor ba 'dod pas 'gyur ba med/ /mngon sum gnod pa'i tshul dag gis/ /ji ste de 'dir mi sbyar na/ /'gar ni gnod par byar rung phyir/ /de tshe gtan tshigs 'dir mi rung/ /snang bcas la sogs rnam shes kyis/ /ji ltar sgyu dang 'bras bu yi/ /yang dag gang yin mi 'grub pa/ /de bzhin kun rdzob kyang mi 'grub/ / gnod byed bya ba de 'dir ni/ /gang zhig brdzun par rtogs pa'o/ /de yis de ni 'dod nyid pas/ /mi 'dod par ni bsgrubs pa med/ /de bas brdzun nyid yin pa'i phyir/ /'di ni kun rdzob yin par 'dod/ /de ni rigs par ldan yin na/ /don dam nyid du 'gyur ba yin/ /gnod pa grags pa sel ce na/ /de mi rigs te tshad ma yis/ /gnod kyang sgyu ma la sogs pa/ /gsal ba 'jig rten ma grags min/ /ji ste brdzun na 'jig rten la/ /gang du cung zad snang med pa/ /de tshe yang dag mthong ba'i phyir/ /kun gyis de nyid mthong bar 'gyur/ /tshad ma gang yang brdzun zhes pa'i/ /tha snyad byar yang med par 'gyur/ /gnod par 'jug pa ma yin la/ /gang yang nor ba med pa yin/ /'on te gnod pa 'gal yin na/ /de ni tshad mas ji ltar byed/ /de yis brjod na brjod la rag /'dod yin de las de cir 'gyur/ /'di yis snang bar mi 'gyur na'ang/ /sngan chad de ni ji ltar yin/ /sngan chad 'di ni med na yang/ /gang la 'gal brjod par 'gyur/ /'gal ba med pas 'gal brjod pas/ /de ni 'jigs sam ci zhig na/ /gang phyir 'gal ba brjod na ni/ /de ni 'di ru ldog pa yin/ /shes par smra bas gnyis po dag /'gal ba nyid du brjod byas kyang/ gnyis su med la snang gyur pa/ ji ltar sems can gsal bcas yin/ /zla ba gnyis dang 'gal me yi/ /'khor lo la sogs nor ba la/ /rtog ge pa yis 'gal brjod kyang/ /snang ba log par 'gyur ba'ang med/ /'on te 'di snyam brdzun pa rnams/ /'ga' yang 'gal bar mi bzhag ste/ /'khrul pa de na sems la ni/ /rnam pa rnams ni snang ba yin/ /dngos po mthu yis byung ba yi/ /tshad mas rnam par 'gal bar ni/ /dngos po nyid la rjod byed kyi/ /de mi srid phyir brdzun la min/ de lta yin na kun rdzob tu/ /skye ba la ni ci yi phyir/ /khyed kyis 'gal ba rjod par byed/ /'dir yang de bzhin ma byed cig /'jig rten grags pa kho na yin/ /don la tshad ma 'jug pa'i phyir/ /nged kyis kyang ni kha cig tu/ /gzhan du tshad mas sbyar bas med/ /ji ltar grags pa'i dngos po rnams/ /gang dag nyid du khas len gang/ /de gzhung so sor dgag pa'i phyir/ /dngos po thams cad rnam par dpyad/ /de dag ji bzhin dpyad na ni// yang dag nyid du de mi gnas/ /de tshe brdzun par rab tu 'grub/ /thams cad sgyu ma'i rang bzhin bzhin/ /yang dag nyid kyi dngos po de/ /mngon sum du ni grub pa med/ /de la tshad mas gnod na yang/ /ji ltar mngon sum gnod pa yin// de phyir ji ltar grags pa yi/ /skye ba'i dngos po gnas pa yin/ /mthun pa'am mi mthun pa'ang rung/ /sgyu ma bzhin du 'gal ba med/ /'dir ni skad cig ma yin sogs/ /thal bar 'gyur zhes brtsad mi rigs/ brdzun par 'di ni mi 'jug ces/ /de ni snga logs nye bar bstan/ /sgyu ma rmi lam mtshungs pa yi/ /dngos la de ni mi srid phyir/ /skad cig skad cig ma yin nyid/ /brtags pa yin gyi yang dag min/ /de phyir rtag sogs dngos po yi/ /gzugs la sogs pa lta ba ni/ /shes rab dag la spyod min gyi/ /shes rab gzugs brnyan yin zhes gsungs/ /bag med pa yi byis pa rnams/ /'du byed dag la yid dbyung phyir/ /bdag med nyid la 'jug bya phyir/ /skad cig pa nyid bstan pa yin/ /'on te ji ste kun rdzob tu/ /dngos po skye bar 'dod na ni/ /dngos po khas blangs kho na yin/ /ming la dbye ba yod du zad/ /'di ltar ri bong rwa la sogs/ /brjod du med las rnam log par/ /sa bon la sogs nged 'dod bya/ / de lta min na mthong dang 'gal/ /gang yang nus pa ma lus dang/ /bral zhing brjod du med pa las/ /rnam par log ces bya bar bgrang/ /de nyid nges kyis dngos por bgrang/ /rmi lam la sogs dag na ni/ /glang po la sogs brdzun par snang/ /brjod du med las rnam log pa/ /de ci yin nam ma yin smos/ /rnam ldog ji ste dngos nyid na/ /de dag brdzun pa nyid mi 'gyur/ /ma yin na yang de yi tshe/ /de la grags gnod ji ltar spang/ / shes pa'i ngo bo dang mi mthun/ /lus can rnams la snang ba'i phyir/ /shes pa'i ngo bor de dag ni/ /dngos po nyid ces byar mi rung/ /gzhan du snang ba ji ltar na/ /gzhan gyi ngo bo yin par 'gyur/ /de dang mtshan nyid mi mthun pa'i/ /ngo bo gang de nyid 'dir dpe/ /ji ste yang ni 'di snyam du/ de dag dngos po'i bag bzhin du/ /gsal bar snang ba 'on kyang ni/ /tshad mas gnod pa'i ngo bo'i phyir/ /brdzun pa kho nar snang ba'i phyir/ /dngos po'i ngo bor mi bzhag go /des na ri bong rwa la sogs las/ /rnam ldog la sogs 'dir mi bsam/ /gzhan yang de ni snang ba'i phyir/ /med las tha dad med pa min/ /brdzun pa'i ngo bor snang ba'i phyir/ /tha dad par yang rigs pa min/ /de lta yin na kun rdzob dngos/ /sgyu ma sogs las dbyer med la/ /tshad mas gnod pa yin pa la'ang/ /ldog pa la sogs ji ste bsam/ /dngos dang dngos med ngo bo yi/ /rnam ldog thams cad rnam 'khrul pa'i/ /rnam pa bzhin yin de dag la/ ldog de la sogs ji ltar bsam// dngos po'i rang bzhin nyid grub na/ /de phyir rnam ldog nyid du 'gyur/ /tshad mas gnod pa yin pa'i phyir/ /de ma grub ces sngar bstan zin/ /rgyu dang rkyen ni tshogs pa yi/ /mthu las so sor snang ba'i phyir/ /rnam mi ldog pa'i ngo bo nyid/ / gcig du de'i phyir yod pa min/ /rgyu dang rkyen nyid tshogs pa la/ sgyu ma la sogs bltos gyur kyang/ /de tsam gyis na dngos nyid du/ /de la yongs su brtag mi rigs/ /ji ltar grags pa'i dngos po rnams/ /de ni bltos dang bcas par bshad/ /yang dag nyid min ji ltar sngar/ /rgyas par rab tu bsgrubs pa yin/ /rgyu dang 'bras bu'i dngos po dag /kun rdzob tu ni rab grub phyir/ /de ni ji ltar grub yin zhes/ /rnam par dpyad pa 'dir mi rigs/ /tha snyad byed pa rnams kyis ni/ /ji ltar grags pa'i dngos po'i don/ /de bzhin bzung bar bya ba yin/ /thar 'dod rnams kyis yang dag dpyad/ /don dam nyid du gang med pa/ /tha snyad du ni yod pa min/ /de dag med pa nyid gyur pa/ /rta yi rwa la sogs pa bzhin/ /de bzhin ji ste dngos po rnams/ /yang dag nyid du med gyur pa/ /de dag kun rdzob tu yang med/ /ce na de ni rigs ldan min/ /'di ltar bden pa'i dngos po ni/ ldog na kun rdzob dngos po yang/ /ldog par 'gyur zhes byar ni 'dir/ /'brel pa gang yang yod pa min/ /bden dang brdzun gnyis 'gal ba'i phyir/ /de yi bdag nyid yod pa yin/ /de yi phyir na bden pa las/ /brdzun pa'i ngo bo skye ba med/ /sgyu ma la sogs dag la ni/ /bden pa'i ngo bo spangs pa snang/ /de lta min na ji ltar de/ /brdzun pa nyid du rnam par gnas/ /don dam pa yi ngo bo nyid/ /spangs pa nyid ni kun rdzob kyi/ /dngos po'i ngo bor 'dod yin na/ /ji ltar de med na de med/ /ji ste don dam par yod kyis/ /ji ste kun rdzob de med na/ /de bzhin kun gyi yang dag mthong/ /kun rdzob rnam par 'jig par 'gyur/ /gang yang ri bong rwa la sogs/ /kun rdzob tu yang mi skye pa/ /de ni de 'dra'i sa la sogs/ /tshogs pa med pa kho nas yin/ /rgyu tshogs yod pa ma yin na/ /sgyu ma yang ni 'byung mi 'gyur/ /de yod na ni 'di 'byung ba'i/ /dngos po nyid ni kun rdzob yin/ /dngos po rnams kyi rang bzhin ni/ /med par mthun na ji ltar 'gar/ /res 'gal ba cig skye bar 'gyur/ /kun tu thams cad ji ste min/ /rab rib dag gis 'khrugs pa'i mig / mthun pa dag la brdzun snang na/ /skra sogs so sor snang ba yang/ /nges pa'i rgyu mtshan ci zhig yod/ /de la rab rib rgyu yin na'ang/ /de ni brdzun du ji ltar 'gyur/ /dngos po med la khyed cag ni/ /rgyu rnams yod par 'gar mi 'dod/ /sgra la sogs pa brdzun pa la'ang/ /ji ste nges pa'i rgyu yod par/ /brjod na kun rdzob dngos po la'ang/ /ci yi phyir ni brjod mi byed/ /rgyu med can du mi skye bar/ /ji ste 'dod na de yi tshe/ /de lta yin na thal 'gyur ba/ ci phyir thams cad kun tu min/ /rgyu dang rkyen ni tshogs pa can/ /nges pa'i skra la sogs pa yang/ /ji star dngos po nyid min pa/ /de bzhin kun rdzob pa la 'ang bltos/ /de ni shes pa'i ngo bo yi/ /dngos po nyid du rigs ldan min/ /de dang mtshan nyid mi mthun phyir/ /zhes bya ba ni sngar bstan zin/ /shes pa dngos po'i rang bzhin du/ /gyur na de dang dbyer med pa'i/ /skra la sogs yang dngos nyid ces/ /brjod pa yang ni mdzes pa yin/ /de yang tshad mas ma grub cing gnod pa yod par nye bar bsgrubs/ /dngos po med par grags pa yi/ /skra sogs bden par ji ltar 'gyur/ /rang la nges pa yod pa bzhin/ /gzhan la nges pa bskyed 'dod pas/ /skye ba so sor 'gog pa 'di/ /mi rigs zhe na'ang de mi rigs/ /nges pa skye ba tsam dag gis/ /gtan tshigs khas len pa yin gyi/ /bye brag ma yin bye brag tu/ /'di ltar dngos po skye ba la/ /yang dag yongs su brtags pa yi/ /skye ba 'dir ni 'gog byed kyi/ /sgyu ma bzhin du kun rdzob ni/ /nam yang mi 'grub ma yin no/ /des na skye ba bkag gyur kyang/ /bsgrub par bya la nges 'byung ba/ /gzugs las gzugs brnyan ji bzhin du/ /kun rdzob tu ni yod yin pa/ /ji ste shes sogs dngos yod pa/ /mi 'dod na yang kun rdzob ni/ /rgyu med par na mi rigs phyir/ /gang du bdag dang chos 'di 'dogs/ /'on te yang ni rgyu brjod na/ /de nyid dngos po grub pa yin/ /kun nas nyon mongs rnam byang du/ /'gyur ba'i rgyu yang ci zhig yin/ /kun rdzob rnams kyi rgyu tsam zhig / rab tu bsgrub na'ang grub pa sgrub/ /'di yi sa bon kun rdzob tu/ /rang dang rjes su mthun par 'dod/ /ji ste dngos yod de sgrub na/ /de dang rjes su 'gro ba med/ /shing la sogs la grub pa ni/ /kun rdzob kho nar kun tu grub/ / rang gi rgyu la bltos par ni/ /ma brtags shin tu grub pa yin/ /gang phyir kun tu kun rdzob ni/ /gnod sbyin rjes mthun gtor ma bzhin/ /brdzun pa'i dngos po de la ni/ /ji ste dngos po yod do zhes/ /ming du brjod na ming la ni/ /brtsad pa nam yang yod pa min/ /ji ltar rmi lam sbrul gdug pas/ /zin te rgyal dang de bral ltar/ /kun nas nyon mongs rnam byang yang/ /de bzhin 'dod kyi yang dag min/ /skye ba dang ni 'gag pa dang/ /kun nas nyon mongs rnam byang sogs/ 'phags pa shes rab pha rol tu/ /phyin sogs la brjod tha snyad yin/ /don dam pa yi dngos po dang/ /rab tu 'brel pa ma grub na/ /de med pa yis nyon mongs sogs/ /dngos po med par rigs pa min/ /ma brtags rab tu dga' rnams kyi/ /shin tu 'jug dang ldog pa las/ /rmongs la sogs la nyon mongs dang/ /rnam par byed ba rnam par gnas/ /kun rdzob nyid du thams cad yod/ /dam pa'i don de med min nam/ /dngos dang dngos med la sogs pa'i chos rnams gcig la ji ltar 'thad/ /kun rdzob ci yin brjod bya dgos/ /tha snyad las byung blo yin na/ /de ltar gyur na blo tsam te/ /rnam rig tsam nyid grub pa yin/ /sgra ni kun rdzob yin na yang/ /legs bshad nyes bshad dbye med 'gyur/ /sgra las thams cad grub pa'i phyir/ /dngos po 'ga' yang med par 'gyur/ /ji ste sgra don spyi yin na/ /khyad par med par ji ltar rung/ /gang yang bstan du med pa'i don/ /myong ba de dag ji ltar 'dod/ /so so rang gis myong ba'i phyir/ /bde ba la sogs kun rdzob ming/ /dngos po bag tsam yod pa'i phyir/ /de dag don dam pa yang min/ /kun rdzob dang ni don dam las/ /khyod kyi phung po gzhan yang med/ /bde ba la sogs de dag ni/ /rang gi ngo bo ci yin smros/ /de yang sgro btags ngo bo yis/ /brjod phyir ji ste kun rdzob yin/ /yang dag pa yang de bzhin du/ /kun rdzob ngo bo nyid du 'gyur/ /kun rdzob dag ni chad chung yang/ /dngos por khas ni blang bya dgos/ /des na 'di kun bden yin gyi/ /da ltar min na ji ltar 'dod/ /kun rdzob dngos po yin na yang/ /ming la brtsad pa 'ga' yang med/ dngos po med na de dag ni/ /dngos po yod par ji ltar brjod/ /'on te med don de yin na/ /der 'gal bden nyid ji ltar rung/ /'di ni sgyu? ma'i don yin na'ang/ /sgyu ma ji ste med na 'gal/ /'on te rnam shes 'khrul yin na/ /de nyid rnam par rig tsam nyid/ /ming tsam nyid la dbye ba yod/ /ji ste kun rdzob g.yo ba'i don/ /blo yis rnam par dpyad pa na/ /rang gi ngo bo gnas med de/ /ma brtags rab tu grub pa yi/ /dngos po kun rdzob smra ba rnams/ /ji ste ma brtags yin par bsgrub/ /mngon sum nges 'gyur de yang ni/ /rang gi mtshan nyid las gzhan min/ de ltar gyur na brtsad du med/ /rjes su dpag pas rab grub pa'i/ /don ni spang ba byas par gyur/ /med pa dgag pa yin na yang/ /yod par de la ji ltar 'grub/ ma pa rtags 'jig rten smra yin na'ang/ /las dang 'bras bu ji ltar yod/ /'di ltar 'jig rten las ma grub/ /de dag bstan bcos las rten grub/ /bstan bcos byed pa 'ang 'jig rten na'ang/ /de tshe ci zhig yongs su spangs/ /de las phan tshun 'gal ba dag /grub par ji ltar 'dod par bya/ /don dam ci yang ma yin na'ang/ /gang gi don gyis de ltar 'dod/ /de bzung bar yang ji ltar bya/ /'di yi don kyang ji ltar bsgrub/ /re zhig don de dam pa min/ /dam pa'i don kyang de ma yin/ /de yi don kyang dam pa min/ /don dam ji ltar 'dod par bya/ /don dam kun rdzob gcig yin na/ /rnam par dbye ba med par 'gyur/ /tha dad gyur na gnyi ga yang/ /dngos po yod par thal bar 'gyur/ /'di la thog mar rgol ba de/ /smra ba kun la 'dra ba ste// rab rib can gyi dmigs pa yi/ /ska la sogs pa'ang 'byung bar 'gyur/ /'di ltar de yang brdzun pa'i phyir/ /don dam par ni yod pa min/ /shes pa so sor de snang phyir/ /de yi lugs kyis yod pa'ang yin/ /de 'da' i yod dang med pa nyid/ /ji ltar gcig la mi 'gal ba/ /bltos nas dbye ba de bzhin du/ /kun rdzob la yang rung ba yin/ /ji ltar gnyis su med pa la/ /gzung dang 'dzin pa 'gal med dang/ /ji ltar gnyis kyi rnam pa yi/ /yod med la sogs ngo bo nyid// de bzhin 'di dag tha snyad du/ /thams cad bden pa gnyis brten nas/ /bstan pa yin gyi yang dag par/ /yod med la sogs chos nyid min/ /rnam par shes pas don bzhag pa'i/ /ngo bo 'khrul ba yin pa'i phyir/ /bden ba gnyis kyi dbye ba yang/ /sgyu ma'i skyes bu bzhin du gnas/ /ji ltar sgyu ma'i skyes bu yi/ /ngo bo 'khrul pa shes pas brtags/ /de bzhin dngos don thams cad kyi/ /dngos po kun rdzob yod par 'dod/ /ji ltar der ni rang gi dngos/ /'khrul dang pral ba'i shes pas bzhag /de bzhin du ni dngos rnams kyi/ /ngo bo yang dag nyid du brjod/ /de bas bltos pa'i bye brag gis/ /chung ma la sogs 'dod pa bzhin/ /de bzhin bden pa gnyis brten pa/ /tha snyad du ni 'gal ba med/ /dngos po dag la yang dag pa'i/ /ngo bo nyid du tshad mas bsgrubs/ /de grub na ni bzlog pa las/ /kun rdzob ngo bo 'grub pa nyid/ /yang dag pa dang kun rdzob kyi/ /ngo bo nges na grub pa'i phyir/ /bltos nas dbye ba shin tu 'grub// de bas tha snyad kyang de bzhin/ /de dag rnams kyi blo gang gis/ /yang dag ngo bo sgrib byed de/ /kun rdzob yin zhing brtags pa kun/ /de las byung phyir kun rdzob pa'o/ /shes pa dngos po med yin yang/ /dngos sam bzhin du 'khrul pa'i phyir/ /de bzhag phyir na kun rdzob pa/ /chu la sogs pa bzhin du 'dod/ /rnam pa brdzun pa dag kyang ni/ /rang nyid snang ba yin pas na/ /brdzun phyir de bsam grub ste/ / des na rnam rig nyid du bden/ /lang ka'i mdo dang gzhan dag las/ /dngos po'i ngo bo med pa la/ /'khrul pa kun rdzob yin par gsungs/ /sgra yang tha snyad pa yin te/ /'gro kun sgra nyid yin pa'i tshig /sangs rgyas pa la gang na'ang med/ /sgra nyid kho na kun rdzob tu/ /de ni khyed kyi rang dga' yin/ /legs bshad nyes bshad dbye ba ni/ /ji ste yang dag don bsams te/ /rgol na gnod sbyin stong nyid la/ /'di ltar dbye ba 'dod pa med/ /kun rdzob ce na'ang phyugs ? ? skye ba kun la legs bshad dang/ /nyes bshad dbye ba'ang rab grags phyir/ /de ni so sor ji ltar dgag /lus can rnams la tshig gang zhig /phan dang bde bar nyer brtags pa/ /legs bshad de yin tha snyad du/ /bzlog na nyes par bshad pa yin/ /ming ni brtags pa'i dngos po yis/ /bsdus pa rjod par byed pa'i phyir/ /gang dag rjod pa'i dngos po ni/ /ngo bo nyid du mi 'dod pa/ /de yi legs bshad nyes bshad pa/ /rab tu dbye 'di ji ltar rung/ /de yi lan 'dir gang yin pa/ de ni bdag gi lan kyang yin/ /ji ltar snang ba de dag ni/ /rgyu dang bcas las byung ba'i phyir/ /sgra tsam las ni dngos po rnams/ /yod pa nyid du su khas len/ /bstan du med pa'i dngos po yi/ /ngo bo sgyu ma la sogs 'dra/ /dngos po med pa nyid kyis na/ /de dag brtags pa nyid du brjod/ /sgyu ma'i ming ni mang po dag /ji ltar spyi zhes bya ba srid/ /don dam pa yi dngos po yi/ /ngo bo la yang de bzhin bltos/ /ji ste dngos po bye brag nyid/ /sgra don yin gyi gzhan min na/ /snga na med pa la sogs pa/ /yod? ye brjod du med par 'gyur/ /ma brtags gcig pu dga' ba'i phyir/ /bde ba la sogs ngo bo kun/ /de ltar mdo las brjod pas na/ /kun rdzob kho nar 'dod pa yin/ /bstan du med pa'i ngo bo dag /ji ste dngos po nyid brjod na/ /zla ba gnyis dang sgra shad 'dzings/ /brjod du med pa nyid mi 'gyur/ /spyi yi ngo bor sgo btags te/ /rjod par byed pa yin pa'i phyir/ /don dam spros dang bral ba yang/ /kun rdzob pa der gyur pa yin/ /phyin ci log tu snang ba'i phyir/ /kun rdzob rnams kyi dngos nyid med/ /de yi rang bzhin kho na ni/ /gzhan du 'gyur bar ji ltar rung/ /tshangs la sogs pa'i yongs 'gyur bar/ /mu stegs can gyi brtags pa la/ /zhe sdang bya ba ci yod na/ /gang phyir de dag so sor 'gog /de phyir log par snang ba'i phyir/ /dngos po'i ngo bor yang mi rigs/ /so sor snang phyir rta'i rwa bzhin/ /dngos po'i ngo bo gtan med min/ /des na yod pa bzhin snang ba/ /sgyu ma'i glang po la sogs bzhin/ /de yi bsam pa'i dbang gis na/ /de dag yod yin yang dag min/ /brdzun pa'i rnam par snang ba'i phyir/ /mi bden kun rdzob yin par 'dod/ /des bzhag pa yi ngo bo ni/ /de las byung phyir bden par brjod/ /shes dang shes byar brjod la sogs/ /tha snyad gang tshe kun rdzob yin/ /de tshe grags pa'i dor byas nas/ /de ni bden pa nyid du brjod/ /ming tsam sgro btags yin pa'i phyir/ /ming ni ji ltar 'gal ba yin/ /sgyu ma'i don ni med don kyang// gtan du dben pa nyid ma yin/ /rnam par rig pa'ang brdzun nyid du/ /sngar ni nye bar bsgrubs pa yin/ /de lta min la de dag las/ /'khrul pa'i ngo bor ji ltar 'gyur/ /yang dag nyid du mi gnas shing/ /gnas pa'ang yin na 'gol mi 'gyur/ /dngos po rnams kyi rang bzhin ni/ /nam yang gzhan du 'gyur mi rigs/ /ji ste g.yo yod kun rdzob kyang/ /dngos rnams rang bzhin med par ni/ /g.yo ba nyid kyis de dag ston/ /des na mi 'dod smra mi 'gyur/ /yang dag dpyod pa'i shes rab ni/ /brtags yin de las phyir bzlog pa'i/ /rnam par shes pa thams cad ni/ /de las gzhan phyir ma brtags pa'o/ /de la grags pa'i sgo nas ni/ /dngos po thams cad kun rdzob brjod/ /rnam par brtags na yang dag pa/ /de ni grub par mthong ba med/ /ma brtags yin par grub na yang/ /de phyir mi rtog nyi tshe ni/ /'dzin ba med cing rjes dpag las/ /rnam nges so sor sel ba min/ /'dir ni med par dgag yin te/ /des na sun 'byin 'dod pa med/ /thom chol sgra tsam yin pa'i phyir/ /byis pa rmongs byed kho nar zad/ /'jig rten grags pa kho na'i don/ /kun rdzob yin yang 'ga' zhig gis/ /'ga' zhig rtogs phyir mdza' dag ni/ /kun gyi spyod yul ma yin no// des na shin tu lkog gyur don/ /rnal 'byor shes pa'i spyod yul yin/ /cig shos kyis ni shes pa med/ /de yi shes la brten dgos pas/ /bstan bcos byed la grags pa yi/ /dngos po'ang ded kyi kun rdzob yin/ /de lta min na chos kun la/ /stong pas khyab par mi 'gyur ro/ /gang du grags pa las 'das te/ /dngos po'i ngo bo rtag la sogs/ /de dag rnams kyis brtags pa de/ /log pa'i kun rdzob nyid du 'dod/ /nges na dngos po'i cig shos ni/ /yang dag kun rdzob yin bar smra/ /phan tshun tu ni 'gal ba nyid/ /gcig la dus gcig 'gyur mi srid/ /rigs par ldan pa'i yang dag nyid/ /dam pa'i yin zhing dam pa yi/ /shes pa'i don zhes mkhas pa yis/ /don dam par ni mngon par smras/ /de yi yul la shes pa gang/ /de yi gzhan gyi don gyis na/ /don dam yin te de bzhin gzhan/ /yang dag rjes mthun shes rab kyang/ /yang dag bsgom par byed pa yis/ /sgrib dang bral ba rtogs par 'gyur/ /gang phyir des na don chen po/ /de dag sgrub bar byed par 'dod/ /chos kun snang ba med pa yi/ /shes pa rtogs pa ma lus pa'i/ /spros dang bral ba nyid kyis ni/ /de dag rtogs zhes brjod pa yin/ /ye shes bdag nyid yang dag pa'ang/ /yon tan phun sum tshogs kun gyi/ /gnas de yin par don chen por/ /'dod la de yang bsgrub par byed/ /don dam ci yang med ce na/ /mya ngan 'das pa don dam par/ /mi 'gyur de la dngos po yi/ /ngo bo ci yang yod pa min/ /der yang khyod kyi rgol ba kun// ci yi phyir na 'byung mi 'gyur/ /de la khyod kyi lan gang yin/ /nga'i yang de 'dir yin par 'gyur/ /bdag med rang bzhin med pa yi/ /mtshan nyid yang dag yin par brjod/ /ji ste chos la tha dad 'gyur/ /de tshe chos la yod pa min// chos rnams las ni tha dad pa'i/ /yang dag so sor rtogs pa'i phyir/ /rnal 'byor pa rnams chos la ni/ /phyin ci log dang bral mi 'gyur/ /tha dad yin na 'ang de yi tshe/ /kun gyis yang dag mthong bar 'gyur/ /thun mong duAng ma gyur cing/ /rtag tu nyon mongs can du 'gyur/ /de bas brjod du med pa zhes/ /rang byung rang nyid kyis bshad pas/ /tha dad tha dad ma yin par/ /rtog pa rigs pa ma yin no/ /dngos po yod na de nyid dang/ /gzhan sogs rtog pa rung/ bar 'gyur/ /dngos po med na ji ltar gang/ /gang gis gzhan la sogs par 'gyur/ /dngos dang dngos med la sogs pa'i/ /spros pa ma lus bral zhing zhi/ /rang gi rtogs pa de kho na/ /tha dad la sogs spangs par bstan/ /de kho na nyid snang ba zhes bya ba'i/ rab tu byed pa/ slob dpon ka ma la shI las mdzad pa rdzogs so// / (chos kun rang bzhin med par grub pa ka ma la shI las mdzad pa bzhugs so/) /chos thams cad rang bzhin med par grub pa/ thams cad mkhyen pa la phyag 'tshal lo/

CLOSE WINDOW