བོད་ཡིག

e-texts based on the ACIP/ALL Input

/ //rgya gar gyi mkhan po pradz+nyA barma dang/ dz+nyA na garb+ha dang/ zhu chen gyi lo tsA ba ban de ye shes sde la sogs pas bsgyur cing zhus te gtan la phab pa// //*/ (/dbu ma brgyan gyi tshig le'ur byas pa slob dpon zhi ba 'tshos mdzad pa'o/ /) rgya gar skad du/ mad+hya ma kA laM kA rakA ri kA/ bod skad du/ dbu ma rgyan gyi tshigs le'ur byas pa/ 'jam dpal gzhon nur gyur pa la phyag 'tshal lo/ /bdag dang gzhan smra'i dngos 'di dag /yang dag tu na gcig pa dang/ /du ma'i rang bzhin bral ba'i phyir/ / rang bzhin med de gzugs brnyan bzhin/ /'bras bu rim can nyer sbyor bas/ /rtag rnams gcig pu'i bdag nyid min/ /'bras bu re re tha dad na/ de dag rtag las nyams par 'gyur/ /bsgoms las byung ba'i shes pa yis/ /shes bya 'dus ma byas smra ba'i/ lugs la'ang gcig min de dag ni/ /rim can shes dang 'brel phyir ro/ /rnam shes snga mas shes bya ba'i/ /rang bzhin rjes su 'brang na ni/ /shes pa snga ma'ang phyi mar 'gyur/ /phyi ma'ang de bzhin snga mar 'gyur/ /sngon dang phyi ma'i gnas rnams su/ /de yi ngo bo mi 'byung na/ /'dus ma byas de shes pa bzhin/ /skad cig 'byung bar shes par bya/ /snga ma snga ma'i skad cig gi /mthu yis 'byung bar 'gyur ba na/ /'dus ma byas su 'di mi 'gyur/ /sems dang sems las byung ba bzhin/ /skad cig pa rnams 'di dag tu/ /rang dbang 'byung bar 'dod na ni/ /gzhan la bltos pa med pa'i phyir/ /rtag tu yod pa'am med par 'gyur/ /don byed nus pa ma yin la/ /de 'dod brtags pas ci zhig bya/ /ma ning gzugs bzang mi bzang zhes/ /'dod ldan rnams kyis brtags ci phan/ /skad cig skad cig ma yin par/ /gang zag bstan du mi rung bas/ /gcig dang du ma'i rang bzhin dang/ /bral bar gsal bar rab tu shes/ /tha dang phyogs can dang 'brel phyir/ khyab rnams gcig pur ga la 'gyur/ /bsgribs dang ma bsgribs dngos sogs phyir/ /rags pa rnams kyang gcig pu min/ /'byar pa dang ni bskor ba 'am/ /bar med rnam par gnas kyang rung/ /dbus gnas rdul phran rdul cig la/ /bltas pa'i rang bzhin gang yin pa/ /rdul phran gzhan la blta ba yang/ /de nyid gal te yin brjod na/ /de lta yin na de lta bu/ /sa chu la sogs rgyas 'gyur ram/ /rdul phran gzhan la lta ba'i ngos/ /gal te gzhan du 'dod na ni/ /rab tu phra ba'i rdul lta bur/ /gcig pu cha shas med par 'gyur/ /rdul phran rang bzhin med grub pa/ /de phyir mig dang rdzas la sogs/ /bdag dang gzhan smras mang po dag / rang bzhin med par mngon pa yin/ /de yi rang bzhin des brtsams dang/ /de yi yon tan de las bdag /de yi spyi dang khyad par dang/ /de dag de dang 'du ba can/ /rnam shes bems po'i rang bzhin las/ /bzlog pa rab tu skye ba ste/ /bem min rang bzhin gang yin pa/ /de 'di'i bdag nyid shes pa yin/ /gcig pa cha med rang bzhin la/ /gsum gyi rang bzhin mi 'thad phyir/ /de yi rang gi rigs pa ni/ /bya dang byed pa'i dngos por min/ /de'i phyir 'di ni shes pa yis/ /rang bzhin yin pas bdag shes rung/ / don gyi rang bzhin gzhan dag la/ /de yis ji ltar shes par 'gyur/ /de yi rang bzhin gzhan la med/ /gang gis de shes gzhan yang shes/ /shes dang shes par bya ba'i don/ /tha dad par ni 'dod phyir ro/ /shes pa rnam bcas phyogs las ni/ /dngos su de gnyis tha dad kyang/ /de dang gzugs brnyan 'dra bas na/ /brtags pa tsam gyis tshor bar rung/ /don gyis rnam par bsgyur ldan pa'i/ /rnam shes su zhig mi 'dod pa/ /de la phyi rol rig pa yi/ /rnam pa 'di yang yod ma yin/ /shes gcig tha dad ma yin bas/ /rnam pa mang por mi 'gyur te/ /de phyir de yi mthu yis na/ /don shes 'gyur bar bzhag pa med/ /rnam pa rnams dang ma bral bas/ /rnam shes gcig pur mi 'gyur ro/ /de lta min na 'di gnyis la/ /gcig ces ji skad brjod par bya/ /dkar po dag la sogs ba la/ /shes pa de ni rim 'byung ste/ /mgyogs par 'byung phyir blun po dag /gcig char snyam du shes pa yin/ /lcug ma'i sgra la sogs pa'i blo/ /rab tu mgyogs par 'byung yin na/ /de phyir gcig char 'byung ba'i blo/ /'dir yang gcig phyir 'byung mi 'gyur/ /yid kyi rtog pa 'ba' zhig la'ang/ /rim du shes par mi 'gyur ro/ /ring du gnas pa ma yin pas/ /blo rnams kun kyang mgyogs 'byung 'dra/ /de phyir yul rnams thams cad la/ /rim gyis 'dzin par mi 'gyur gyi/ /rnam pa dag ni tha dad ltar/ /cig car 'dzin par snang bar 'gyur/ /mgal me la yang cig car du/ /'khor lor snang ba'i 'khrul ba 'byung/ /gsal bar rab tu snang ba'i phyir/ /mthong bas mtshams sbyor ma yin no/ /'di ltar mtshams rnams sbyor ba ni/ /dran pas byed pa nyid yin gyi/ /mthong ba ma yin 'das pa yi/ /yul la 'dzin pa min phyir ro/ /de yi yul tu gang gyur pa/ /de ni zhig pas gsal ma yin/ /de'i phyir 'khor lor snang ba 'di/ /gsal ba ma yin 'gyur ba'i rigs/ /ri mo rgyang ba mthong ba'i tshe/ /de la de bzhin sems mang po/ /cir? ste gcig cha'i tshul gyis su/ /'byung bar 'gyur bar 'dod na ko /de lta yin na dkar la sogs/ /rnam pa sna cig shes pa yang/ /thog ma dbus mdza' tha dad pas/ /dmigs pa sna tshogs nyid du gyur/ /rdul phran bdag nyid dkar la sogs/ /gcig pu'i bdag nyid cha med pa/ /shes pa gang la'ang snang gyur par/ /bdag gis rab tu tshor ba med/ /rnam shes lnga yi khams rnams ni/ /bsags la dmigs pa'i rnam pa yin/ /sems dang sems byung dmigs pa ni/ /drug par bzhag pa byas pa yin/ /phyi gzhung rnams la'ang rnam shes ni/ /gcig tu snang bar mi 'gyur te/ /yon tan la sogs ldan pa yi/ /rdzas la sogs pa dmigs phyir ro/ /nor bu gzi yi bdag nyid ltar/ /dngos po kun zhes lta ba la/ /de la 'dzin pa'i sems kyang ni/ /gcig pu'i ngo bor snang mi rigs/ /sa la sogs pa 'dus pa la/ /yul dang dbang por kun 'jog par/ /su 'dod de yi lugs la yang/ /dngos po gcig dang mthun 'jug med/ /snying stobs la sogs bdag sgra sogs/ /phyogs la'ang don gcig snang ba can/ /shes pa rigs pa ma yin te/ gsum gyi bdag nyid yul snang phyir/ /dngos po'i ngo bo rnam gsum la/ /de ni gal te rnam cig ste/ /de dang mi mthun snang na ko /de ni der 'dzin ji ltar 'dod/ /phyi rol yul rnams med par yang/ /sna tshogs snang la rtags pa ste/ /gcig cha'am ji ste rim 'byung ba'i/ /rnam shes rung bar shin du dka' / /nam mkha' la sogs shes pa dang/ /ming tsam du ni snang ba rnams/ /yi ge du ma snang ba'i phyir/ /sna tshogs snang bar gsal ba yin/ /rnam shes sna tshogs mi snang ba/ /'ga' zhig yod par gzhug na yang// 'on kyang yang dag gzhag mi rung/ /mtshan nyid bcas la gnod mthong phyir/ /de phyir sna tshogs snang ba yi/ /rnam shes rnam pa kun du gnas/ /de ni rnam pa tha dad ltar/ /gcig pu'i rang bzhin mi rigs so/ /ci ste thog ma med rgyud nyid/ /bag chags smin pas sprul pa yi/ /rnam pa dag ni snang ba yang/ /nor pas sgyu ma'i rang bzhin 'dra/ /de dag 'on kyang de dag gi /dngos de yang dag nyid dam ci/ /'on te ma brtags cig pu na/ /dga' bar khas len 'di bsam mo/ /gal te yang dag rnam par shes/ /du mar 'gyur ro yang na ni/ /de dag gcig 'gyur 'gal ldan pas/ /gdon mi za bar so sor 'gyur/ /rnam pa tha dad ma yin na/ /g.yo dang mi g.yo la sogs pa/ /gcig gi thams cad g.yo la sogs/ /thal bar 'gyur te lan gdab dka' / /phyi rol don gyi tshul la yang/ /de ltar rnam pa ma bral na/ /cig gi chos su thams cad kyang/ /'jug par 'gyur te bzlog pa med/ /ci ste rnam pa'i grangs bzhin du/ /rnam par shes pa khas len na/ /de tshe rdul phran 'drar 'gyur ba/ /dpyad pa 'di las bzlog par dka' / /gal te sna tshogs de gcig na/ /nam mkha' i gos can lugs sam ci/ /sna tshogs gcig pa'i rang bzhin min/ /rin chen sna tshogs la sogs 'dra/ /sna tshogs gcig po'i rang bzhin na/ /sna tshogs ngo bor snang ba dang/ /bsgribs dang ma bsgribs la sogs pa/ /tha dad 'di ni ji ltar 'gyur/ /ci ste ngo bo nyid du de'i/ /rnam pa 'di dag med pa ste/ /yang dag tu rnam med pa yi/ /rnam par shes la nor pas snang/ /gal te med na ji lta bur/ /de dag 'di ltar gsal bar tshor/ /de yi dngos las tha dad pa'i/ /shes pa de 'dra ma yin no/ /'di ltar gang la dngos gang med/ /de la der shes yod ma yin/ /bde ba min la bde sogs dang/ /dkar ba rnams la'ang mi dgar bzhin/ /rnam pa 'di la shes pa'i don/ /dngos su 'thad pa ma yin te/ /shes pa'i bdag dang bral ba'i phyir/ /nam mkha' i me tog la sogs bzhin/ /med pa nus pa med bas na/ /rtags pa'ang mi rung rta ru bzhin/ /med pa bdag snang shes skyed par/ /nus pa rung ba ma yin no/ /gang phyir de yod des tshor ba/ /shes dang 'brel pa ci zhig yod/ /bdag med de yi bdag nyid dang/ /de las byung ba ma yin no/ /rgyu med na ni gang zhig gis/ /res 'ga' 'byung ba 'di rung 'gyur/ /rgyu dang ldan na gang zhig gis/ gzhan gyi dbang las bzlog par 'gyur/ /de med na ni shes de yang/ /rnam pa med pa nyid kyis 'gyur/ /shel sgong dag pa 'dra ba yin/ /shes pa rab tu tshor ba med/ /'di ni 'khrul pas shes she na/ de ci 'khrul la rag las sam / de yi mthu yis byung na ni/ /de yang gzhan gyi dbang nyid do/ /dngos po gang gang rnam dpyad na/ /de dang de la gcig nyid med/ /gang la gcig nyid yod min pa/ /de la du ma nyid kyang med/ /gcig dang du ma ma gtogs par/ /rnam pa gzhan dang ldan pa yi/ /dngos po mi rung 'di gnyis ni/ /phan tshun spangs te gnas phyir ro/ /de phyir dngos po 'di dag ni/ /kun rdzob pa nyid mtshan nyid 'dzin/ /gal te 'di dag don 'dod na/ /de la bdag gis ci zhig bya/ /ma brtags gcig pu nyams dga' zhing/ /skye dang 'jig pa'i chos can pa/ /don byed pa dag nus rnams kyis/ /rang bzhin kun rdzob pa yin rtogs/ /brtag pa ma byas nyams dga' ba'ang/ /bdag rgyu snga ma snga ma la/ /brten nas phyi ma phyi ma yi/ /'bras bu de 'dra 'byung ba yin/ /de phyir kun rdzob rgyu med na/ /rung min zhes ba'ang legs pa yin/ /gal te 'di yi nyer len pa/ /yang dag yin na de smros shig /dngos po kun gyi rang bzhin ni/ /rigs pa'i lam gyi rjes 'brang ba/ /gzhan dag 'dod ba sel bar byed/ /de phyir rgol na gnas med do/ /yod dang med dang yod med ces/ /khas mi len pa gang yin pa/ /de la nan tan ldan pas kyang/ /cir yang klan ka bya ma nus/ /de phyir yang dag nyid du na/ /dngos po gang yang grub pa med/ /de phyir de bzhin gshegs rnams kyis/ /chos rnams thams cad ma skyes gsung/ /dam pa'i don dang mthun pa'i phyir/ /'di ni dam pa'i don ces bya/ /yang dag tu spros pa yi/ /tshogs rnams kun las de grol yin/ /skye la sogs pa med pa'i phyir/ /skye ba med la sogs mi srid/ /de yi ngo bo bkag pa'i phyir/ /de yi tshig gi sgra mi srid/ /yul med pa la dgag pa yi/ /sbyor ba legs pa yod ma yin/ /rnam par rtog la brten na yang/ /kun rdzob par 'gyur yang dag min/ /'on te de ni rtogs gyur pas/ /de yi rang bzhin mngon sum phyir/ /mi mkhas rnams kyang dngos rnams kyi/ /dngos po 'di 'dra ci mi rtogs/ /ma yin thog med rgyud lci bar/ /dngos por sgro btags dbang byas pas/ /de phyir srog chags thams cad kyis/ /mngon sum rtog par mi 'gyur ro/ /de la sgro btags gcod byed pa/ /shes par byed pa'i gtan tshigs kyis/ /rjes su dpog rnams shes par byed/ /rnal 'byor dbang rnams dngos sum gsal/ /gzhung gis bskyed pa'i bye brag gis/ /chos can spangs nas mkhas pa dang/ /bud med byis pa'i bar dag la/ /grags par gyur pa'i dngos rnams la/ /bsgrub dang sgrub pa'i dngos po 'di/ /ma lus yang dag 'jug par 'gyur/ /de lta min na gzhi ma grub/ /la sogs lan ni ji skad gdab/ /bdag ni snang ba'i ngang can gyis/ /dngos po dgag par mi byed de/ /de lta bas na sgrub pa dang/ /bsgrub bya bzhag pa 'khrugs pa med/ / de phyir thog med srid rgyud nas/ /dngos dang dngos med rtog sogs kyi/ /rigs dang mthun pa'i sa bon nyid/ /rjes su dpag par bya ba yin/ /'di ni dngos po'i mthu stobs kyis/ /'byung ba ma yin de med phyir/ /dngos po rnams kyi bdag nyid de/ /rgya cher rab tu bkag pa yin/ /rim gyis 'byung phyir glo bur min/ /rtag 'byung ma yin rtag ma yin/ /de bas goms 'dra de nyid phyir/ /dang por rang gi rigs las skyes/ /de phyir rtag chad lta ba rnams/ /gzhung 'di la ni ring du gnas/ /ldog dang rjes su 'jug pa yang// sa bon myu gu lcug sogs bzhin/ /chos la bdag med mkhas pa ni/ /rang bzhin med pa goms byas pas/ /phyin ci log las byung ba yi/ /nyon mongs bsgrib pa med par spong/ /rgyu dang 'bras bu'i dngos po ni/ /kun rdzob tu ni mi bzlog pas/ /kun nas nyon mongs rnam byang sogs/ /rnam par bzhag pa 'khrugs pa med/ /'di ltar rgyu dang 'bras bu yi/ /chos 'di rnam par bzhag pas na/ /tshogs rnams dri ma med pa yang/ /gzhung 'di nyid la rung ba yin/ /rnam par dag pa'i rgyu las ni/ /'bras bu rnam par dag pa 'byung/ /yang dag ltas byung tshul khrims kyi/ /yan lag la sogs rnam rtag bzhin/ /de bzhin rnam dag ma yin las/ /'bras bu rnam dag ma yin 'byung/ /log lta'i stobs las byung ba yi/ /log par g.yem la sogs pa bzhin/ /tshad ma'i gcod pa yod pas na/ /dngos por dmigs pa thams cad ni/ /smig rgyu la sogs shes pa bzhin/ /phyin ci log par yongs su rtog /de'i phyir de mthus byung ba yi/ /pha rol phyin pa bsgrub pa kun/ /bdag dang bdag gir log pa las byung ba bzhin du stobs chung ngo/ dngos por dmigs pa med pa las/ /byung ba 'bras bu chen po ste/ /rgyas pa'i rgyu las byung ba'i phyir/ /sa bon grung po'i myug sogs bzhin/ /rgyu dang 'bras bur gyur pa yang/ /shes pa 'ba' zhig kho na ste/ /rang gi grub pa gang yin pa/ /de ni shes par gnas pa yin/ /sems tsam la ni brten nas su/ /phyi rol dngos med shes par bya/ /tshul 'dir rten nas de la yang/ /shin tu bdag med shes par bya/ /tshul gnyis shing rta zhon nas su/ /rigs pa'i srab skyogs 'ju byed pa/ /de dag de phyir ji bzhin don/ / theg pa chen po pa nyid 'thob/ /khyab dang dbang la sogs ma myong/ /dpag tu med par gnas pa'i rgyu/ /'jig rten spyi bor gyur bas kyang/ /shin tu myong ba ma yin pa/ /yang dag bdud rtsi dag pa 'di/ /thugs rje dag pa'i rgyu can gyi/ /de bzhin gshegs pa ma gtogs par/ /gzhan gyi longs spyod ma yin no/ /de phyir log par bstan pa yi/ /grub mthar 'tshal ba'i blo can la/ /de lugs rjes 'jug blo can rnams/ /snying rje nyid ni rab tu skye/ /blo nor ldan pas lugs gzhan la/ /ji ltar snying po med mthong ba/ /de ltar de dag skyob pa la/ /gus ba shin du skye bar 'gyur/ /dbu ma'i rgyan gyi tshig le'ur byas pa/ slob dpon zhi ba 'tsho bdag dang gzhan gyi grub pa'i mdza' rgya mtsho'i pha rol tu son pa/ 'phags pa ngag gi dbang phyug gi zhabs kyi pad+ma rnyog pa med pa'i ze'u 'bru spyi bos len pas mdzad pa rdzogs so/ /rgya gar gyi mkhan po su ren+d+ra bo d+hi dang/ zhu chen gyi lo tsA ba bande ye shes sdes bsgyur cing zhus te gtan la phab pa'o// (//dbu ma rgyan gyis 'grel bzhugs so/) /rgya gar skad du/ me d+hya ? bA laM kA ra brit+ti/

CLOSE WINDOW