བོད་ཡིག

e-texts based on the ACIP/ALL Input

/byang chub sems dpa' i spyod pa la 'jug pa'i rnam par bshad pa rdzogs so// (//byang chub sems dpa' i spyod pa la 'jug pa'i don sum cu so drug tu bsdus pa gser gling gi bla ma chos skyong gis mdzad pa bzhugs so/ /jo bos bskul/ /) rgya gar skad du/ bo d+hi satwa tsaryA ba tA ra ShaTtreM shatpi N+DA nwa?/ bod skad du/ byang chub sems dpa' i spyod pa la 'jug pa'i don sum cu rtsa drug bsdus pa/ sangs rgyas dang byang chub sems dpa' thams cad la phyag 'tshal lo/ /dal 'byor 'di ni shin tu rnyed par dka' / /skyes bu'i don grub thob par gyur pa la/ /gal te 'di la phan pa ma bsgrubs na/ /phyis 'di yang dag 'byor par ga la 'gyur/ /ji ltar mtshan mo mun nag sprin rum na/ /glog 'gyur skad cig rab snang ston pa ltar/ /de bzhin sangs rgyas mthu yi brgya lam na/ /'jig rten bsod nams blo gros thang 'ga' 'byung/ /de ltar dge ba nyam chung nyid la brtag /sdig pa stobs chen shin tu mi bzad pa/ /de ni rdzogs pa'i byang chub sems min pa/ /dge gzhan gang gis zil gyis non par 'gyur/ /bskal pa du mar rab dgongs mdzad pa yi/ /thub dbang rnams kyis 'di nyid phan par gzigs/ /'dis ni tshad med skye bo'i tshogs rnams kyis/ /bde chog bde blag nyid du thob par byed/ /'jigs dang sdug bsngal brgya phrag gzhom 'dod cing/ /sems can mi bde gsal bar 'dod pa dang/ /bde mang brgya phrag spyod par 'dod pas kyang/ /byang chub sems nyid rtag tu gtang mi bya/ /byang chub sems skyes gyur na skad cig gi /'khor ba'i btson rar bsdams pa'i nyam thag rnams/ /bde gshegs rnams kyi sras zhes brjod bya zhing/ /'jig rten lha mir bcas pas phyag byar 'gyur/ /gser 'gyur rtsi yi rnam pa mchog lta bur/ /mi gtsang lus 'di blangs nas rgyal ba'i sku/ /rin chen rin thang med par bsgyur bas na/ /byang chub sems zhes bya bar rab brtan zung/ /byang chub sems de mdor bsdu na/ /rnam pa gnyis su shes bya ste/ byang chub smon pa'i sems dang ni/ /byang chub 'jug pa nyid yin no/ /'gro bar 'dod par 'gro ba yi/ /bye brag ji ltar shes pa ltar/ /de bzhin mkhas pas 'di gnyis kyi/ /bye brag rim bzhin shes par bya/ /byang chub smon pa'i sems las ni/ /'khor tshe 'bras bu che 'byung yang/ /ji ltar 'jug pa'i sems bzhin du/ /bsod nams rgyun chags 'byung ba min/ /gang nas bzung ste sems can khams/ /mdza' yas rab tu bsgral ba'i phyir/ /mi ldog pa yi sems kyi su/ /sems de yang dag blangs gyur pa/ /de nas bzung ste gnyid log gam/ /bag med gyur kyang bsod nams shugs/ /rgyun mi 'chad par du ma zhig /nam mkha' mnyam par rab tu 'byung/ /phan par bsams pa tsam gyis kyang/ /sangs rgyas mchod pa khyad 'phags na/ /sems can ma lus thams cad kyi/ /bde don brtson pa smos ci dgos/ /sdug bsngal 'dor 'dod sems yod kyang/ /sdug bsngal nyid la mngon par brgyug /bde ba 'dod kyang gti mug pas/ /rang gi bde ba dag ltar 'joms/ /gang zhig bde bas phongs pa dang/ / sdug bsngal mang ldan de dag la/ /bde ba kun gyi tshim pa dang/ /sdug bsngal thams cad gcod byed cing/ /gti mug kyang ni sel byed pa/ /de dang dge mtshungs ga la yod/ /de 'dra'i sems kyang ga la yod/ /bsod nams de 'dra 'di ga la yod/ /gang zhig de 'dra'i rgyal sras sbyin bdag la/ /gal te ngan sems bskyed par byed pa de/ /ngan sems bskyed pa'i grangs bzhin bskal par ni/ /dmyal bar gnas par 'gyur/ /zhes thub pas gsungs/ /'on te gang zhig yid rab dang byed pa/ /de yi 'bras bu de bas lhag par 'phel/ /rgyal sras rnams la do gal chen pos kyang/ /sdig pa mi 'byung dge ba dang gis 'phel /rin chen sems de gzung bar bya ba'i phyir/ /de bzhin gshegs pa rnams dang dam pa'i chos/ /dkon mchog dri ma med dang sangs rgyas sras/ /yon tan rgya mtsho rnams la legs par mchod/ /yon tan rgya mtsho can dag la/ /zhing rdul kun gyi grangs snyed kyi/ /phyag 'tshal dbyangs kyi yan lag ni/ /phyag 'tshal dbyangs kyi bstod pas bstod/ /byang chub snying por mchis kyi bar/ /sangs rgyas rnams la skyabs su mchi/ /chos dang byang chub sems dpa' yi/ /tshogs la'ang de bzhin skyabs su mchi/ /phyogs rnams kun na bzhugs pa yi/ /rdzogs sangs rgyas dang byang chub sems/ /thugs rje chen po mnga' rnams la/ /thal mo sbyar te gsol ba ni/ / thog ma med ldan 'khor ba nas/ /tshe rabs 'di 'am gzhan dag la/ /bdag gis ma 'tshal sdig bgyis pa 'am/ /bgyid du rtsal ba nyid dang ni/ /gti mug 'khrul pas bdag non te/ /rjes su yi rang gang bgyis pa/ /nongs pa de ni mthong bgyis nas/ /bsam pa thag pas mgon la bshags/ /sems can kun gyi ngan song gi /sdug bsngal ngal so'i dge ba dang/ /sdug bsngal can dag bder gnas la/ /dga' bas rjes su yi rang ngo/ /phyogs rnams kun gyi sangs rgyas la/ /thal mo sbyar ta gsol ba ni/ /sems can sdug bsngal mun 'thoms la/ /chos kyi sgron ma spar du gsol/ /rgyal ba mya ngan 'das bzhed la/ /thal mo sbyar te gsol ba ni/ /'gro 'di ldongs par mi dgos cing/ /bskal pa grangs med bzhugs bar gsol/ /de ltar 'di dag kun byas te/ / dge ba bdag gis bsags pa gang/ /des ni sems can thams cad kyi/ /sdug bsngal thams cad gsal bar shog /ji ltar sngon gyi bde gshegs kyis/ /byang chub thugs ni bskyed pa dang/ /byang chub sems dpa' i bslab pa la/ /de dag rim bzhin gnas pa ltar/ /de bzhin 'gro la phan don du/ /byang chub sems ni bskyed bgyi zhing/ /de bzhin du ni bslab pa la'ang/ /rim pa bzhin du bslab bar bgyi/ /de ltar blo dang ldan pa yi/ /rab dang byang chub sems bzung nas/ /mjug kyang rgyas */ ao rgyan/ /par bya ba'i phyir/ /sems ni 'di ltar gzengs bstod do/ /de tshe bdag tshe 'bras bu yod/ /mi yi sred ba legs par thob/ /de ring sangs rgyas rigs su skyes/ /sangs rgyas sras su da gyur to/ /byang chub sems rab brtan bzung nas g.yel ba med par rtag tu spangs/ /bslab las mi 'da' 'bad par bya/ /bab bcol brtsams pa gang yin pa 'am/ /gang zhig legs par ma brtags pa/ /de ni dam bcas byas gyur kyang/ /bya ba 'am gtang zhes brtag par rigs/ /sangs rgyas rnams dang de yi sras/ /shes rab chen pos gang brtags shing/ /bdag nyid kyis kyang brtag brtags pa/ /de la gshol du ci zhig yod/ /gal te de ltar dam bcas nas/ /las kyis bsgrub par ma byas na/ /sems can de dag kun bslus na/ /bdag gi 'gro ba ci 'drar 'gyur/ /ci rmongs dag kyang ma shes na/ /bdag gi khong na ci zhig yod/ /zhe sdang sred srog dgra rnams ni/ /rkang lag la sogs yang min yang/ /dpar 'dzangs min yang ci zhig ltar/ /de dag gis bdag bran bzhin byas/ / bslab pa bsrung bar 'dod pa yis/ /rab tu bsgrims nas sems bsrung ste/ /sems ni bsrung bar ma byas na/ /bslab pa bsrung bar yong mi nus/ /sems bsrung 'dod pa rnams la ni/ /dran pa dang ni shes bzhin dag /srog la bab kyang srungs shig ces/ /bdag ni de skad 'doms par byed/ /bla ma dang ni 'grogs pa dang/ /mkhan pos rjes su bstan pa las/ /'jigs pas skal ldan gus byed la/ /dran pa shin tu skye bar 'gyur/ /rtag par dge ba'i bshes gnyen ni/ /theg chen don la mkhas pa dang/ /byang chub sems dpa' i rtul zhugs mchog / srog gi phyir yang mi gtong ba'o/ /'di dang sangs rgyas bka' stsal gzhan/ /mdo sde bklags nas shes par bya/ /mdo sde rnams las bslab pa snang/ /de bas mdo sde bklag par bya/ /bskal pa stong du bsags pa yi/ sbyin dang bde gshegs mchod la sogs/ /legs spyad gang yin de kun yang/ /khong khro gcig gis 'joms par byed/ /zhe sdang lta bu'i sdig pa med/ /bzod pa lta bu'i dka' thub med/ /de bas bzod la nan tan du/ /sna tshogs tshul gyis bsgom par bya/ /bdag gam bdag gi bshes rnams la/ /sdug bsngal brnyas dang tshig rtsub dang/ /mi snyam pa yi mi 'dod 'byung/ /dgra la de las bzlog par 'byung/ /bde ba'i rgyu ni re 'ga' 'byung/ /sdug bsngal rgyu ni shin tu mang/ /sdug bsngal med par nges 'byung med/ /de bas sems khyod brten par mnos/ /mkhris pa la sogs sdug bsngal gyi/ /'byung gnas tshe la mi khro na/ /sems yod rnams la ci ste khro/ /de dag kun kyang rkyen gyis bskul/ /nyes pa ji snyed thams cad dang/ /sdig pa rnam pa sna tshogs pa/ /de kun rkyen gyi stobs las 'byung/ /rang dbang yod pa ma yin no/ /de ltar thams cad gzhan gyi dbang/ /de yi dbang gis de dbang med/ /de ltar shes na sbrul lta bu'i/ /dngos po kun la khro mi bya/ /bag med pas na bdag la'ang bdag /tshor ma la sogs gnod par byed/ / bud med la sogs thob bya'i phyir/ /rngam zhing zas gcod la sogs byed/ /gang tshe nyon mongs dbang gyur pas/ /bdag nyid kyang ni gsod byed pa/ /de tshe de dag gzhan lus la/ /gnod mi byed par ji lta bur/ /nyon mongs skyes pas de lta bur/ bdag gsod la sogs zhugs pa la/ /snying rje brgya la ma skyes na'ang/ /khro bar 'gyur ba ci tha tshig /de ltar bzod pas brtson 'grus brtsam/ /'di ltar brtson la byang chub gnas/ /rlung med g.yo ba med pa bzhin/ /bsod nams brtson 'grus med mi 'byung/ /brtson gang dge la spro? ba ste/ /de yi mi mthun phyogs bshad bya/ /le lo ngan la zhen pa dang/ /sgyid lug bdag nyid brnyas pa'o/ /snyom las bde ba'i ro myong nas/ /gnyid la brten pa'i sred pa dang/ /'khor ba'i sdug bsngal mi skyo las/ le lo nye bar skye bar 'gyur/ de ltar mi mthun phyogs spangs te/ /sems can don bsgrub bya phyir du/ /mos brtan dga' dang dor ba dang/ /lhur len dbang bsgyur stobs kyis ni/ /brtson 'grus spel phyir 'bad par bya/ /bdag dag gzhan gyi nyes pa ni/ / dpag med bdag gis gzhom bya ste/ /nyes pa re re tsam la yang/ /gang du bskal pa rgya mtshor zad/ /nyes zad rtsom pa de la ni/ /bdag gi cung zad tsam mi blta/ /bdag dang gzhan gyi yon tan ni /mang po bdag gi bsgrub bya ste/ /gang duAng yon tan re re zhig / bskal pa rgya mtshos lobs na'ang rung/ /rdo rje rgyal mtshan cho ga yis/ /brtan bar brtsam zhing bsgom par bya/ /dang por 'byor pa brtags nas ni/ /brtsam mam yang na mi brtsam bya/ /ma brtsams pa ni mchog yin te/ /brtsams nas bzlog bar mi bya'o/ /rtsed mo'i bde 'bras 'dod pa ltar /'di yis bya ba'i las gang yin/ /las de la ni zhen bya ste/ /las des mi ngoms dga' bar bya/ /rjes su mi bder 'gyur ba'i las/ /rig 'gyur de ma thag tu gtang/ / de ni shin tu rdzogs nas yang/ /phyi phyir byed 'dod spang bar bya/ /'thab snying dgra dang lhan cig tu/ /g.yul ngor ral kha lhag pa bzhin/ /nyon mongs mtshon las bzur bya zhing/ /nyon mongs dgra rnams 'joms par brtag /g.yul du ral gri lhung gyur na// 'jigs pas myur du len pa ltar/ /de bzhin dran pa'i mtshon shor na/ /dmyal ba'i 'jigs dran myur du blang/ /ji ltar shing bal 'gro ba dang/ /'ong ba rlung gi dbang gyur pa/ /de bzhin 'byor ba mos pa yi/ /dbang du gyur pas myur du 'grub/ /de ltar brtson 'grus bskyed nas ni/ /yid ni ting nge 'dzin la bzhag /sems ni rnam par g.yeng ba'i mi/ /nyon mongs che ba'i phrag na gnas/ /lus dang sems ni dben pa yis/ /rnam par g.yeng ba mi 'byung ngo/ /de bas 'jig rten spang bya zhing/ /rnam par rtog ba'ang yongs su dor/ /chags pa'i phyir dang rnyed sogs la/ /sred pas 'dzin te mi spongs te/ /de bas 'di dag yongs spong la/ /mkhas pas 'di dag spyad par bya/ /bdag dang gzhan du mnyam pa ni/ /dang po nyid du 'bad de bsgom/ /bde dang sdug bsngal mnyam bas na/ / thams cad bdag bzhin bsrung bar bya/ /bdag nyid skyon bcas gzhan la yang/ /yon tan rgya mtshor shes byas nas/ /bdag 'dzin yongs su dor ba dang/ /gzhan blang bar ni bsgom par bya/ /gang zhig bdag dang gzhan rnams ni/ /myur du bskyab par 'dod pa des/ /bdag dang gzhan du brje ba bya/ /gsang ba'i dam pa dpyad par bya/ /de bas sgrib pa gsal ba'i phyir/ /log pa'i lam las sems bslan zhing/ /yang dag dmigs la rtag tu yang/ /yid ni brtan por gzung bar bya/ /de ltar de dag thams cad kyang/ /shes rab don du thub pas gsungs/ /de bas mya ngan 'das pa dang/ /bde ba 'dod pas shes rab bskyed/ /don dam dang ni kun rdzob ste/ /'di ni bden pa gnyis su gnas/ /don dam blo yi spyod yul min/ /blo dang sgra ni kun rdzob yin/ /de la 'jig rten rnam gnyis mthong/ /rnal 'byor pa dang de bzhin phal/ /de la rnal 'byor 'jig rten gyis/ /'jig rten phal pa sun yang 'byin/ /gong ma gong ma'i khyad par gyis/ /rnal 'byor pa yang sun 'byin to/ /bdag gis byang chub spyod pa la/ /'jug pa rnam par bsams pa yis/ /dge ba gang des 'gro ba kun/ /byang chub spyod la 'jug par shog /phyogs rnams kun na lus dang sems/ /sdug bsngal nad pa ji snyed pa/ /de dag bdag gis bsod nams kyis/ /bde dga' rgya mtsho thob par shog /de dag sangs rgyas bde thob kyi/ /bar du de bde ba nyams ma gyur/ /'gro bas bla na med pa yis/ /bde ba rgyun mi 'chad thob shog /'jig rten khams na dmyal ba dag /gang dag ji snyed yod pa rnams/ /de dag tu ni lus can rnams/ /bde can bde bas dga' bar shog/ // gser gling gi bla ma chos skyong la/ /gus pa dang ldan pa'i slob ma ka ma la rak+Shi ta dang/ dI po ka ras gsol ba btab nas/ spyod pa la 'jug pa'i gtso bo'i don bcu gcig pa las phye ba sum cu rtsa drug gi don bsdus pa logs su bkod pa rdzogs so/ / //paN+Di ta dI po ka ra dang/ lots+tsha ba tshul khrims rgyal bas bsgyur cing zhus te gtan la phab pa'o// (//byang chub sems dpa' i spyod pa la 'jug pa'i don bsdus pa chos skyong gis mdzad pa bzhugs so/ /jo bos bskul/) rgya gar skad du/

CLOSE WINDOW