བོད་ཡིག

e-texts based on the ACIP/ALL Input

(//dbu ma 'jug pa bzhugs so//) //rgya gar skad du/ ma d+hya ma kA pa tA ra nA ma/ bod skad du/ dbu ma la 'jug pa zhes bya ba/ 'jam dpal gzhon nur gyur pa la phyag 'tshal lo/ /nyan thos sangs rgyas 'bring rnams thub dbang skyes/ /sangs rgyas byang chub sems dpa' las 'khrungs shing/ /snying rje'i sems dang gnyis su med blo dang/ /byang chub sems ni rgyal sras rnams kyi rgyu/ /gang phyir brtse nyid rgyal ba'i lo thog phun tshogs 'di'i/ /sa bon dang ni spel la chu 'dra yun ring du/ /longs spyod gnas la smin pa lta bur 'dod gyur pa/ /de phyir bdag gis thog mar snying rje bstod par bgyi/ /dang por nga? zhes bdag la zhen gyur cing/ /bdag gis 'di zhes dngos la chags bskyed pa/ /zo chun 'phyan ltar rang dbang med pa yi/ /'gro la snying rjer gyur gang de la 'dud/ /'gro ba g.yo ba'i chu yi nang gi zla ba ltar/ /g.yo dang rang bzhin nyid kyis stod par mthong ba yi/ /rgyal ba'i sras po 'di yi sems gang 'gro ba rnams/ /rnam par grol bar bya phyir snying rje'i dbang gyur cing/ /kun tu bzang po'i smon pas rab bsngos dga' ba la/ /rab tu gnas pa de ni dang po zhes bya'o/ /de nas bzung ste de ni thob par gyur pa yis byang chub sems dpa' zhes bya'i sgra nyid kyis bsnyad do/ /'di ni de bzhin gshegs pa rnams kyi rigs suAng skyes pa ste/ /'di ni kun tu sbyor ba gsum po thams cad spangs pa yin/ /byang chub sems dpa' de ni dga' ba mchog tu gyur 'chad zhing/ /'jig rten khams brgya kun nas g.yo bar nus par gyur pa'ang yin/ /sa nas sar gnon byed cing gong ma rab tu 'gro bar 'gyur/ /de tshe 'di yid na 'gro'i lam rnams mdza' dag 'gag par 'gyur/ /de tshe 'di yi so so skye bo'i sa rnams thams cad zad/ /'di ni 'phags pa brgyad pa ji lta de ltar nye bar bstan/ /rdzogs pa'i byang chub sems lta dang po la gnas kyang/ /thub dbang gsung skyes dang bcas dang sangs rgyas rnams ni/ /bsod nams dag gis dbang gis pham byas rnams par 'phel/ /de ni ring du song bar blo yang lhag par 'gyur/ /de tshe de la rdzogs sangs byang chub rgyu/ /dang po sbyin pa nyid ni lhag par 'gyur/ /rang sha ster la'ang gus par byas pa yis/ /snang du mi rung dpog pa'i rgyur yang 'gyur/ /skye bo 'di kun bde ba mngon 'dod cing/ /mi rnams bde ba'ang longs spyod med min la/ /longs spyod kyang ni sbyin las 'byung mkhyen nas/ /thub pas dang por sbyin pa'i gtam mdzad do/ /snying rje dman zhing shin tu rtsub sems can/ /rang don lhur len nyid du 'gyur ba gang/ /de dag gi yang 'dod pa'i longs spyod rnams/ /sdug bsngal nyer zhi'i rgyur gyur sbyin las 'byung/ /'di yang sbyin pa'i skabs kyis nam zhig tshe/ /'phags pa'i skye bo dang 'phrad myur du 'thob/ /de nas srid rgyun yang dag bcad byas te/ /de yi rgyu can zhi bar 'gro bar 'gyur/ /'gro la phan par dam bcas yid can rnams/ /sbyin pas ring por mi thogs dga' ba 'thob/ /gang phyir brtse bdag brtse bdag ma yin pa/ /de phyir sbyin pa'i gtam nyid gtso bo yin/ /ji ltar byin cig ces sgra thos bsams las/ /rgyal sras bde 'byung de ltar thub rnams la/ /zhi bar zhugs pas bde ba byed min na/ /thams cad btang bas lta zhig smos ci dgos/ /lus bcad ster zhing bdag gi sdug bsngal gyis/ /gzhan dag rnams kyi dmyal ba la sogs pa'i/ /sdug bsngal rang rig nyid du mthong nas de/ /de bcad bya phyir myur du brtson 'grus rtsom/ /sbyin pa sbyin bya len po gtong pos stong/ /'jig rten 'das pa'i pha rol phyin zhes bya/ /gsum pa dag la chags skyes gyur pas de/ /'jig rten pa yi pha rol phyin ces bstan/ /de ltar rgyal ba'i sras kyi yid la rab gnas shing/ /dam pa'i rten la 'od chags mdzes pa snyed gyur pa'i/ /dga' ba 'di ni nor bu chu shal ji bzhin du/ /mun pa stug po thams cad rnam par bsal nas rgyal/ /dbu ma la 'jug pa las/ sems bskyed pa dang po'o// //de tshul phun tshogs yon tan dag ldan phyir/ /rmi lam du yang 'tshul khrims dri ma spangs/ /lus ngag yid kyi rgyu ba dag gyur pas/ /dam pa'i las lam bcu char g.yog par byed/ /dge ba'i lam 'di lta zhig bcu char yang/ /de la klags te shin tu dag par 'gyur/ /ston ka'i rbA? ltar rtag tu rnam dag de/ /zhi 'od chags par de dag gis rnam mdzes/ /gal te de ni khrims dag rang bzhin lta/ /de phyir de ni tshul khrims dag mi 'gyur/ /de phyir de ni rtag tu gsum char la'ang/ /gnyis bla'i rgyu ba yang dag bral bar 'gyur/ /sbyin pas longs spyod dag ni 'gro ngan na'ang/ /skye bo tshul khrims rkang pa nyams la 'byung/ /skyed bcas dngos 'du yongs su zad pas na/ /phyin chad de la longs spyod 'byung mi 'gyur/ /gang tshe rang dbang 'jug cing mthun gnas pa/ /gal te 'di bdag 'dzin phar mi byed na/ /g.yang sar lhung ba gzhan dbang 'jug 'gyur ba/ /de las phyi nas gang gis slong bar 'gyur/ /de phyir rgyal bas sbyin pa'i gtam mdzad nas/ /tshul khrims rjes 'gro'i gtam nyid mdzad pa yin/ /yon tan tshul khrims zhing du rnam 'phel na/ /'bras bu nyer spyod chad pa med par 'gyur/ /so so'i skye bo rnams dang gsung skyes dang/ /rang byang chub la bdag nyid des rnams dang/ /rgyal sras rnams kyi nges par legs par dang/ /mngon mtho'i rgyu ni tshul khrims las gzhan med/ /ji ltar rgya mtsho ro dang lhan cig dang/ /bkra shis rna nag ma dang lhan cig bzhin/ /de ltar tshul khrims dbang byas bdag nyid che/ /de 'chal ba dang lhan cig gnas mi 'dod/ /gang gis gang zhig gang la spong byed pa/ /gsum du dmigs pa yod na tshul khrims de/ /'jig rten pa yi pha rol phyin zhes bshad/ /gsum pa chags pas stod de 'jig rten 'das/ /rgyal sras zla ba las byung srid min srid pa yi/ /dpal gyur dri ma dang bral dri ma med 'di yang/ /ston ka'i dus kyi zla ba'i 'od ni ji bzhin du/ /'gro ba'i yid kyi gdung ba sel bar byed pa yin/ /dbu ma la 'jug pa las/ sems bskyed pa gnyis pa'o// //shes bya'i bud shing ma lus sreg pa'i me'i/ /'od 'byung phyir na sa ni gsum pa 'di/ /'od byed pa ste bde gshegs sras po la/ /de tshe nyi ltar zangs 'dra'i snang ba 'byung/ /gal te gnas min 'khrug pa 'ga' yis de'i/ /lus las shin rus bcas yun ring du/ /srang re re nas bcad par gyur kyang de'i/ /bzod pa gcod par byed la lhag par skye/ /bdag med mthong ba'i byang chub sems dpa' la/ /gang zhig gang gis gang tshe ji ltar gcod/ /gang phyir chos kun de yis gzugs bsnyan ltar/ /mthong ba des kyang de yis bzod par 'gyur/ /gnod pa byas pas gal te der dkon na/ /de la bkon pas byas zin ldog gam ci/ /de phyir de'i bkon nges par 'dir don med/ /'jig rten pha rol yang ni 'gal bar 'gyur/ /sngon byas pa yi mi dge'i las kyi 'bras bu gang/ /zad par byed par brjod par 'dod pa de nyid ko / gzhan la gnod pa dang ni khro bas sdug bsngal phyir/ /sa bon nyid du ji lta bur na khrid par byed/ /gang phyir rgyal sras rnams la khros pa yis/ /sbyin dang khrims byung dge ba bskal ba brgyar/ /bsags pa skad cig gis 'joms de yi phyir/ /mi bzod las gzhan sdig pa yod ma yin/ /mi sdug gzugs su byed cing dam pa min pa bkri/ /tshul dang tshul min shes pa'i rnam dpyod 'phrog byed cing/ /mi bzod pa yis myur du ngan 'gror skyur bar byed/ /bzod pas bshad zin dang 'gal yon tan rnams byed do/ /bzod pas mdzes shing skye bo dam pa la/ /phangs dang lugs dang lugs min shes pa la/ /mkhas par 'gyur zhing de yi 'og tu ni/ /lha mi'i skye dang sdig pa zad par 'gyur/ /so so'i skye bo dang ni rgyal sras kyis/ /khro dang bzod pa'i skyon yon rig byas te/ /mi bzod spangs nas 'phags pa'i skye bo yis/ /bsngags pa'i bzod pa rtag tu myur bsten bya/ /rdzogs sangs rgyas kyi byang chub phyir bsngos kyang// gsum dmigs yod na de ni 'jig rten pa'o/ /dmigs pa med na de nyid sangs rgyas kyis/ /'jig rten 'das pa'i pha rol phyin ces bstan/ /sa der rgyal sras bsam gtan mngon shes dang/ /'dod chags zhe sdang yongs su zad par 'gyur// des kyang rtag tu 'jig rten pa yi ni/ /'dod pa'i 'dod chags 'joms par nus par 'gyur/ /sbyin sogs chos gsum de dag thal mo cher/ /bde bar gshegs pas khyim pa rnams la bsngags/ /bsod nams zhes bya'i tshogs kyang de dag nyid/ /sangs rgyas gzugs kyi bdag nyid sku yi rgyu/ /rgyal ba'i sras po nyi ma la gnas 'od byed 'di/ /rang gtogs mun rnams dang po yang dag bsal byas nas/ /'gro ba'i mun pa rnam par 'joms par mngon par 'dod/ /sa 'dir shin tu rno bar gyur kyang khro mi 'gyur/ /dbu ma la 'jug pa las/ /sems bskyed pa gsum pa'o// //yon tan ma lus brtson 'grus rjes 'gro zhing/ /bsod nams blo gros tshogs ni gnyis kyi rgyu/ /brtson 'grus gang du 'bar bar 'gyur pa yi/ /sa de bzhi po 'od ni 'gro ba'o/ /der ni bder gshegs sras la rdzogs pa yi/ /byang chub phyogs lhag bsgom pa las skyes pa'i/ /snang ba zangs kyi 'od pas lhag 'byung zhing/ /rang du lta ba dang 'grel yongs su zad/ /dbu ma la 'jug pa las/ sems bskyed pa bzhi pa'o// //bdag nyid cha de bdud rnams kun gyis kyang/ /sbyang dka' i sa la pham par nus ma yin/ /bsam gtan lhag cing blo bzang bden rang bzhin/ /zhi ba mo rtogs la'ang shin tu mkhas pa 'thob/ /dbu ma la 'jug pa las/ sems bskyed pa lnga pa'o// //mngon du phyogs par mnyam bzhag sems gnas te/ /rdzogs pa'i sangs rgyas chos la mngon phyogs shing/ /'di brten 'byung ba'i de nyid mthong ba de/ /shes rab gnas pas 'gog pa thob par 'gyur/ /ji ltar long ba'i tshogs kun ba bde blag tu/ /mig ldan skyes bu gcig gis 'dod pa yi/ /yul du khrid pa de bzhin 'dir yang blos/ /mig nyams yon tan blangs te rgyal nyid 'gro/ /ji ltar de yis ches zab chos rtogs pa/ /lung dang gzhan yang rigs pas yin pas na/ /de ltar 'phags pa klu sgrub gzhung lugs las/ /ji ltar gnas pa'i lugs bzhin brjod par bya// so so skye bo'i dus na'ang stong pa nyid thos nas/ /nang du rab tu dga' ba yang dang yang du 'byung/ /rab tu dga' ba las byung mchi mas mig brlan zhing/ /lus kyi ba spu ldang bar 'gyur ba gang yin pa/ /de la rdzogs pa'i sangs rgyas blo yi sa bon yod/ /de nyid nye bar bstan pa'i snod ni de yin te/ /de la dam pa'i don gyi bden pa bstan par bya/ /de la de yi rjes su 'gro ba'i yon tan 'byung/ /rtag tu tshul khrims yang dag blangs nas gnas par 'gyur/ /sbyin pa gtong bar 'gyur zhing snying rje bsten par byed/ /bzod pa sgom byed de yi dge ba byang chub tu/ /'gro ba dgrol bar bya phyir yongs su bsngo byed cing/ /rdzogs pa'i byang chub sems dpa' rnams la gus par byed/ /zab cing rgya che'i tshul la mkhas pa'i skye bos ni/ /rim gyis rab tu dga' ba'i sa ni 'thob 'gyur bas/ /de ni don du gnyer ba lam 'di mnyan par gyis/ /de nyid de las 'byung min gzhan dag las ltag la zhig /gnyi ga las kyang ma yin rgyu med par ni ga la yod/ /de ni de las byung na yon tan 'ga' yang yod ma yin/ /skyes par gyur pa slar yang skye bar rigs pa'ang ma yin nyid/ /skyes zin slar yang skye bar yongs su rtog par 'gyur na ni/ /myu gu la sogs rnams kyi skye ba 'dir rnyed mi 'gyur zhing/ /sa bon srid mthar thug par rab tu skye ba nyid du 'gyur/ /ji ltar de nyid kyis de rnam par 'jig par byed par 'gyur/ /byed rgyu sa bon gyi las tha dad myu gu'i dbyibs dang ni/ /kha dog ro nus smin pa'i tha dad khyod la med par 'gyur/ /gal te sngar gyi bdag gi dngos po bsal nas de las gzhan/ /ngo bor 'gyur na de tshe de yi de nyid ji ltar 'gyur/ /gal te khyod kyi sa bon myu gu 'dir gzhan ma yin na/ /sa bon bzhin du myu gu zhes bya de gzung med pa 'am/ /yang na de dag gcig pas ji ltar myu gu 'di bzhin du/ /de yang gzung du yod 'gyur de phyir 'di ni khas mi blang/ /gang phyir rgyu zhig na yang de yi 'bras bu mthong ba'i phyir/ /de nga gcig pa yin zhes 'jig rten gyis kyang khas mi len/ /de phyir dngos po bdag las 'byung zhes rab tu brtags pa 'di/ /de nyid dang ni 'jig rten du yang rigs pa ma yin no/ /bdag las skye bar 'dod na bskyed par bya dang skyed byed dang/ /las dang byed pa po yang gcig nyid 'gyur na de dag ni/ /gcig nyid ma yin pas na bdag las skye bar khas blang par/ /bya min rgya cher bshad pa'i nyes par thal bar 'gyur phyir ro/ /gzhan la brten nas gal te gzhan zhig 'byung bar 'gyur na ni/ /'o na me lce las kyang mun pa 'thug po 'byung 'gyur zhing/ thams cad las kyang thams cad skye bar 'gyur te gang gi phyir/ /skyed par byed pa ma yin ma lus la yang gzhan nyid mtshungs/ /rab tu bya bar nus pa de phyir 'bras bur des brjod cing/ /gang zhig de bskyed nus pa de ni gzhan na'ang rgyu yin la/ /rgyud gcig gtogs pa skyed par byed las skye ba de yi phyir/ /sa lu'i myu gu nas la sogs las de lta min zhe na/ /ji ltar nas dang ge sar dang ni keng shu ka la sogs/ /sa lu'i myu gu'i skyed par byed par 'dod min nus ldan min/ /rgyud gcig khongs su gtogs min 'dra ba ma yin nyid de bzhin/ /sa lu'i sa bon yang ni de yi min te gzhan nyid phyir/ /myu gu sa bon dang ni dus mnyam yod pa ma yin te/ /gzhan nyid med par sa bon gzhan pa nyid du ga la 'gyur/ /nges na myu gu sa bon las skye 'grub par 'gyur min pas/ /gzhan las skye ba yin zhes bya ba'i phyogs 'di gtang bar byas/ /ji ltar srang gi mnga' gnyis mtho ba dang ni dma' ba dag/ dus mnyam ma yin par ni min par mthong ba de bzhin du/ /bskye par bya dang skyed byed dag gi skye 'gag 'gyur zhe na/ /gal te gcig che yin na 'dis dus gcig med de yod min/ /gal te skye bzhin pa de skye la phyogs pa yod min zhing/ /'gag bzhin pa ni yod kyang 'jig la phyogs par 'dod gyur pa/ /de tshe 'di ni ji lta bur na srang dang mtshungs pa yin/ /skye ba 'di ni byed po med par rigs pa'i ngo bo'ang min/ /gal te mig gi blo la rang gi skyed byed dus gcig pa/ /mig la sogs dang lhan cig 'byung ba 'du shes la sogs las/ /gzhan nyid yod na yod la 'byung bas dgos pa ci zhig yod/ /ci ste de med ce na 'di la nyes pa bshad zin to/ /skyed par byed pa bskyed bya gzhan bskyed pa de rgyu yin na/ /yod pa 'am 'on te med dang gnyi ga gnyis bral zhig bskyed grang/ /yod na skyed byed ci dgos med la'ang des ni ci zhig bya/ /gnyis nyid la des ci bya gnyis dang bral la'ang des ci bya/ /gang gis rang lta la gnas 'jig rten ched mar 'dod pas na/ /'dir ni rigs pa smras pa nyid kyis lta go ci zhig bya/ /gzhan las gzhan 'byung ba yang 'jig rten pa yis rtogs 'gyur te/ /des na gzhan las skye yod 'dir ni rigs pa ci zhig dgos/ /dngos kun yang dag rdzun pa mthong ba yis/ /dngos rnyed ngo bo gnyis ni 'dzin par 'gyur/ /yang dag mthong yul gang de de nyid de/ /mthong ba rdzun pa kun rdzob bden par gsungs/ /mthong ba rdzun pa'ang rnam pa gnyis 'dod de/ /dbang po gsal dang dbang po skyon ldan no/ /skyon ldan dbang can rnams kyi shes pa ni/ /dbang po legs gyur shes bltos log par 'dod/ /gnod pa med pa'i dbang po drug rnams kyis/ /gzung ba gang zhig 'jig rten gyis rtogs te/ /'jig rten nyid las bden yin lhag ma ni/ /'jig rten nyid las log par rnam par bzhag/ mi shes gnyid kyis rab bskyed mu stegs can/ /rnams kyis bdag nyid ji bzhin brtags pa dang/ /sgyu ma smig rgyu sogs la brtags pa gang/ /de dag 'jig rten las kyang yang min nyid/ /mig ni rab rib can gyis dmigs pa yis/ /rab rib med shes la gnod min ji ltar/ /de bzhin dri med ye shes spangs pa'i blos/ /dri med blo la gnod pa yod ma min/ /gti mug rang bzhin sgrib phyir kun rdzob ste/ /des gang bcom ma bden par snang de ni/ /kun rdzob bden zhes thub pa des gsungs te/ /bcos ma gyur pa'i dngos ni kun rdzob tu'o/ /rab rib mthu yis skra shad la sogs pa'i/ /ngo bo log pa gang zhig rnam brtags pa/ /de nyid bdag nyid gang du mig dag pas/ /mthong de de nyid de bzhin 'dir shes gyis/ /gal te 'jig rten tshad ma yin na ni/ /'jig rten de nyid mthong bas 'phags gzhan gyis/ /ci dgos 'phags pa'i lam gyi ci zhig bya/ /blun po tshad mar rigs pa'ang ma yin no/ /rnam kun 'jig rten tshad min de yi phyir/ /de nyid skabs su 'jig rten gnod pa med/ /'jig rten don ni 'jig rten grags nyid kyis/ /gal te sel na 'jig rten gyis gnod 'gyur/ /gang phyir 'jig rten sa bon tsam btab nas/ /bdag gis bu 'di bskyed ces smra byed cing/ /shing yang gtsugs so/ snyam du rtogs des na/ /gzhan las skye ba 'jig rten las kyang med/ /gang phyir myu gu sa bon las gzhan min/ /de phyir myug tshe sa bon zhig pa med/ /gang phyir gcig nyid yod min de phyir yang/ /myug tsha sa bon yod ces brjod mi bya/ /gal te rang gi mtshan nyid brten 'gyur na/ /de la byung bas dngos po 'jig pa'i phyir/ /stong nyid dngos po 'jig pa'i rgyur 'gyur ro/ /de ni rigs min de phyir dngos yod min/ /gang phyir dngos po 'di dag rnam dpyad na// de nyid bdag can dngos las tshu rol tu/ /gnas rnyed ma yin de phyir 'jig rten gyi/ /tha snyad bden la rnam par dpyad mi bya/ /de nyid skabs su rigs pa gang zhig gis/ /bdag dang gzhan la skye ba rigs min pa/ /rigs des tha snyad du yang rigs min pas/ /khyod kyi skye ba gang gis yin par 'gyur/ /dngos po stong pa gzugs brnyan la sogs pa/ /tshogs la bltos rnams pa grags pa yang min/ /ji ltar dar? ni gzugs brnyan sogs stong las/ /shes pa de yi nam pa skye 'gyur ltar/ /de bzhin dngos po thams cad stong na yang/ stong nyid dag las rab tu skye bar 'gyur/ /bden pa gnyis suAng rang bzhin med pa'i phyir/ /de dag rtag pa ma yin chad pa'ang min/ /gang phyir rang bzhin gyis de mi 'gag pa/ /de phyir kun gzhi med kyang 'di nas phyir/ /la lar las 'gags yun ring lon las kyang/ /'bras bu yang dag 'byung bar rig par gyis/ /rmi lam dmigs pa'i yul dag mthong nas ni/ /sad kyang blun la chags ba skye 'gyur pa/ /de bzhin 'gags shing rang bzhin yod min pa'i/ /las las kyang ni 'bras bu yod pa yin/ /ji ltar yul ni yod nyid min mtshungs kyang/ /rab rib can gyis skra shad rnam par ni/ /mthong gi dngos gzhan rnam par ma yin ltar/ /de bzhin smin las slar smin min shes kyis/ /da phyir rnam smin mi dge nag pa'i las/ /rnam smin dge nyid dgo las yin mthong zhing/ /dge mi dge med blo can thar 'gyur te/ /las 'bras rnams la sems pa'ang dgag pa mdzad/ /kun gzhi yod cing gang zag nyid yod la/ /phung po 'di dag 'ba' zhig nyid yod ces/ /bstan pa 'di ni de ltar ches zab don/ /rigs par mi 'gyur gang yin de la'o/ /'jig tshogs lta dang bral yang sangs rgyas kyis/ /ji ltar nga dang nga yi bstan pa ltar/ /de bzhin dngos rnams rang bzhin med mod kyi/ /yod ces drang don nyid du bstan pa yin/ /gzung ba med par 'dzin pa ma mthong zhing/ /srid gsum rnam shes tsam du rab rtogs pas/ /shes rab la gnas byang chub sems dpa' des/ /rnam shes tsam du de nyid rtogs par 'gyur/ /ji ltar rlung gis bskul bas rgya mtsho ni/ /che las chu rlabs 'byung ba de bzhin du/ /kun gyi sa bon kun gzhi zhes bya las/ /rang gi nus pas rnam shes tsam zhig 'byung/ /de phyir gzhan gyi dbang gi ngo bo gang/ /dngos btags par yod pa'i rgyur 'gyur zhing/ /phyi rol gzung ba med par 'byung 'gyur la/ /yod dang spros kun yul min rang bzhin yod/ /phyi rol med sems dpe ni gang du yod/ /rmi lam ji bzhin zhen de bsam bya/ /gang tshe nga la rmi lam na yang sa mas/ /yod min de tshe khyod kyi dpe yod min/ /gal te sad tshe rmi lam dran las yid/ /yod na phyi rol yul yang de bzhin 'gyur/ /ji ltar khyod kyi nga mthong snyam dran pa/ /de 'dra phyi rol la yang yod pa yin// gal te gnyid na mig blo mi srid pas/ /yod min yid kyi shes pa kho na yod/ /de yi rnam pa phyi rol nyid du zhe na/ /rmi lam ji lta de bzhin 'dir 'dod na/ /ji ltar khyod kyi phyi yul rmi lam du/ /ma skyes de bzhin yid kyang skyes ma yin// mig dang mig gi yul dang des bskyed sems/ /gsum po thams cad kyang ni rdzun pa yin/ /rna sogs lhag ma gsum po'ang skye ba med/ /rmi lam ji lta de bzhin sad 'dir yang/ /dngos rnams rdzun yin sems de yod ma yin/ /spyod yul med cing dbang po rnams kyang med/ /'di na ji ltar sang bzhin ji srid du/ /ma sang de srid de la gsum po yod/ /sang par gyur na gsum char yod min ltar/ /gti mug gnyid zad las de de bzhin no/ /dbang po rab rib bcas pa blo gang gis/ /rab rib mthu las skra rnams gang mthong ba/ /de blo la bltos gnyis char bden pa ste/ /don gsal mthong la gnyis ka'ang rdzun pa yin/ /gal te shes bya med par blo yod na/ /skra de'i yul dang mig ni nges 'brel ba'i// rab rib med la'ang skra shad blor 'gyur na/ /de lta ma yin de phyir de yod min/ /gang phyir mthong ba dag la blo nus ni/ /smin med de phyir de la blo mi 'gyur/ /shes bya yod dngos bral bas min zhe na/ /nus de med pas 'di ni 'grub ma yin/ /skyes la nus pa srid pa yod ma yin/ /ma skyes ngo bo la yang nus yod min/ /khyad par med par khyad par can yod min/ /mo gsham bu la'ang de ni yod par thal/ /gal te 'byung bar 'gyur bas bsnyad 'dod na/ /nus pa med par 'di yi 'byung 'gyur med/ /phan tshun don la brten pa'i 'grub pa ni/ /grub min nyid ces bam pa rnams kyis gsungs/ /gal te 'gags pa'i nus smin las 'gyur na/ /gzhan gyi nus pa las gzhan 'byung bar 'gyur/ /rgyu can rnams der phan tshun tha dad yod/ /de phyir thams cad kun las 'byung bar 'gyur/ /gal te der na rgyun can tha dad kyi/ /de dag la rgyun tha dad med de'i phyir/ /nyes med ce na 'di ni bsgrub bya zhig /tha mi dad? rgyun skabs mi rigs phyir ro/ /byams pa nyer sbas la brten chos rnams ni/ /gzhan nyid phyir ni rgyud gcig gtogs min te/ /gang dag rang mtshan nyid kyi so so ba/ /de dag rgyud gcig gtogs pa rigs ma yin/ /mig blo skye ba rang nus gang dag las/ /de ma 'og tu kun nas skye 'gyur zhing/ /rang gi rnam shes rten gyi nus de la/ /dbang po gzugs can mig ces bya bar rtogs/ 'di na dbang po las byung rnam par rig/ phyi gzung med par rang gi sa bon las/ /sngo sogs snang nyid 'byung bar ma rtogs nas/ /skye bos phyi rol gzung bar sems khas len/ /rmi lam na ni gzugs don gzhan med par/ /rang nus smin las de yi rnam can sems/ /'byung ba ji lta de bzhin sad la'ang 'dir/ /phyi rol med par yid ni yod tsa na/ /ji ltar mig med par ni rmi lam du/ /sngo sogs snang ba'i yid sems 'byung de ltar/ /mig dbang med par rang gi sa bon ni/ /smin las long ba la bder ces mi skye/ /gal te khyod ltar rmi lam drug pa yi/ /nus pa smin yod sang par med gyur na/ /drug pa'i nus smin ji ltar 'dir med pa// de ltar rmi tshe med ces cis mi rigs/ /ji ltar mig med 'di yi rgyu min ltar/ /rmi lam du yang gnyid ni rgyu ma yin/ /de phyir rmi lam du yang de dngos mig/ rdzun pa'i yul can rtogs pa'i rgyur khas blang/ /'di yis lan ni gang dang gang btab pa/ /de dang de ni dam bca' mtshungs mthong bas/ /rtsod 'di sel byed sangs rgyas rnams kyis ni/ /'gar yang dngos po yod ces ma bstan to/ /rnal 'byor pa yis bla ma'i man ngag las/ /keng rus kyis grangs gzhi mthong ba gang/ /der yang gsum char skye ba med par mthong/ /log pa yid la byed par bstan phyir ro/ /khyod kyi dbang blo'i yul rnams ji lta ba/ /de ltar mi sdug yid kyi yang 'gyur na/ /de bzhin yul der blo gtang cig shos kyis// rtogs 'gyur de ni rdzun par yang mi 'gyur/ /rab rib dang ldan dbang po can mtshungs pa/ /chu 'bab klung la yi dags rnag bla yang/ /mdor na ji ltar shes bya med de bzhin/ /glo yang med ces don 'di shes par gyis/ /gal te gzung med 'dzin pa nyid bral zhing/ /gnyis kyis stong pa'i gzhan dbang dngos yod na/ /'di yi yod pa gang gis shes par 'gyur/ /ma bzung bar yang yod ces byar mi rung/ /de nyid kyis de myong bar grub ma yin/ /gal te phye dus dran pa las 'grub na/ /ma grub bsgrubs par bya phyir brjod ba yi/ /ma grub 'di ni sgrub par byed pa min/ /rang rig pa ni grub la rag mod kyi/ /de lta'ang dran pa'i dran pa rigs min te/ /gzhan phyir ma shes rgyud la skyes pa bzhin/ /gtan tshigs 'dis ni khyad par dag kyang 'joms/ /gang phyir gang gis yul myong gyur de las/ /dran pa 'di gzhan nga la yod min pa/ /de phyir nga yis mthong snyam dran 'gyur te/ /'di yang 'jig rten tha snyad tshul lugs yin/ /de phyir rang gi yod pa ma yin na/ /khyod kyi gzhan dbang gang gis 'dzin par 'gyur/ /byed po las dang bya ba gcig min pas/ /de nyid kyis de 'dzin par rigs ma yin/ /gal te skye ba med cing ma shes pa'i/ /bdag can gzhan dbang ngo bo'i dngos yod na/ gang gis na 'di yod par mi rigs pa / gzhan la mo gsham bus gnod ci zhig bskyal/ /gang tshe gzhan dbang cung zad yod min na/ /kun rdzob pa yi rgyur ni gang zhig 'gyur/ /gzhan gyi ltar na rdzas la chags pa yis/ /'jig rten grags pa'i rnam bzhag kun kyang brlab/ /slob dpon klu sgrub zhabs kyi lam la ni/ /phyi rol gyur la zhi ba'i thabs med do/ /de dag kun rdzob de nyid bden las nyams/ /de las nyams pas thar pa 'grub yod min/ /tha snyad bden pa thabs su gyur pa dang/ /don dam bden pa thabs byung gyur pa ste/ /de gnyis rnam dbye gang gang gis ma shes pa/ /de ni rnam rtog log pas lam ngan zhugs/ /ji ltar khyod kyis gzhan dbang dngos 'dod ltar/ /kun rdzob kyang ni bdag gis khas ma blangs// 'bras phyir 'di dag med kyang yod do zhes/ /'jig rten ngor byas bdag ni smra bar byed/ /ji ltar phung po spangs nas zhir zhugs pa/ /dgra bcom rnams la yod pa min de ltar/ /'jig rten la yang med na de bzhin 'di/ /'jig rten las kyang yod ces bdag mi smra/ /gal te khyod la 'jig rten mi gnod na/ /'jig rten nyid bltos 'di ni dgag par gyis/ /khyod dang 'jig rten 'dir ni rtsod gyis dang/ /phyi nas stobs ldan bdag gis brten par bya/ /mngon gyur mngon phyogs byang chub sems dpa' yis/ /srid gsum rnam shes tsam du gang rtogs pa/ /rtag bdag byed po bkag pa rtogs phyir des/ /byed pa po ni sems tsam yin par rtogs/ /de phyir blo ldan blo ni 'phel bya'i phyir/ /lang kar gshegs mdo de las kun mkhyen gyis/ /mu stegs spo mthon ri 'joms dag rang bzhin/ /rdo rje 'di ni dgongs pa bcad phyir gsungs/ /ji bzhin rang gi bstan bcos de de las/ /mu stegs rnams kyis gang zag sogs de dag/ smras pa de dag byed por ma gzigs nas/ /rgyal bas sems tsam 'jig rten byed por gsungs/ /de nyid rgyas la sangs rgyas bsnyad ji bzhin/ /de bzhin sems tsam gtsor gyur 'jig rten la/ /mdo las sems tsam zhes gsungs gzugs ni 'dir/ /'gog pa de ltar mdo yi don ma yin/ /gal te 'di dag sems tsam zhes mkhyen nas/ /de las gzugs nyid dgag par mdzad na ni/ /slar yang de las bdag nyid chen pos sems/ /gti mug las las skyes par ci phyir gsungs/ /sems nyid kyis ni sems can 'jig rten dang/ /snod kyi 'jig rten shin tu sna tshogs 'god/ /'gro ba ma lus las las skyes par gsungs/ /sems spangs nas ni las kyang yod ma yin/ /gal te gzugs yod mod kyi de la ni/ /sems bzhin byed pa po nyid yod ma yin/ /des na sems las gzhan pa'i byed pa po/ /bzlog gi gzugs ni bkag pa ma yin no/ /'jig rten pa yi de nyid la gnas la/ /phung po 'jig rten grags de lngar char yod/ /de nyid ye shes 'char bar 'dor ba na/ /rnal 'byor pa la de lnga 'byung mi 'gyur/ gzugs med na ni sems yod ma 'dzin cig /sems yod nyid na'ang gzugs med ma 'dzin cig / de dag shes rab tshul mdor sangs rgyas kyis/ /mtshungs par spangs shing mngon pa'i chos las gsungs/ /bden gnyis rim pa 'di dag bshig nas kyang/ /khyod kyi rjes ni bkag pas 'grub mi 'gyur/ /de phyir de lta'i rim pas dngos 'dod nas/ /de nyid ma skyes 'jig rten skyes rig bya/ /mdo sde gang las phyi rol snang yod min/ /sems ni sna tshogs snang ngo zhes gsungs pa/ /gzugs la shin tu chags par de dag la/ /gzugs bzlog pa ster? yang drang don nyid/ /'di ni ston pas drang don nyid gsungs shing/ /'di ni drang don nyid du rigs pas 'thad/ /rnam pa de lta'i mdo sde gzhan yang ni/ /drang don nyid du lung 'dis gsal bar byed/ /shes bya med na shes pa bsal ba ni/ bde glag rnyed ces sangs rgyas rnams kyis gsungs/ /shes bya med na shes pa bkag 'grub pas/ /dang por shes bya dgag pa mdzad pa yin/ /da ltar lung gi lo rgyus shes byas te/ /mdo gang de nyid ma yin bshad don can/ /drang don gsungs pa'ang rtogs nas drang bya zhing/ /stong nyid don can nges don shes par gyis/ /gnyis lam skye ba'ang rigs pa'i ngo bo ma yin gang gi phyir/ /bshad zin nyes pa de dag thog tu 'bab pa yin phyir ro/ /'di ni 'jig rten las min de nyid du yang 'dod min te/ /gang phyir re re las ni skye ba 'grub pa yod ma yin/ /gal te rgyu med kho nar skye bar lta zhig 'gyur na ni/ /de tshe mdza' dag rtag tu thams cad las kyang skye 'gyur zhing/ /'bras 'byung ched du 'jig rten 'di yi sa bon la sogs ni/ /brgya phrag dag gi sgo nas sdud par byed par yang mi 'gyur/ /gal te 'gro ba rgyu yis stong par gyur na nam mkha' yi /autpal yi dri mdog ji bzhin gzung du med nyid na/ /shin tu ches bkra'i 'jig rten 'dzin pa'ang yin de'i phyir/ /rang gi blo bzhin 'jig rten rgyu las yin par shes par gyis/ /'byung ba de dag bdag nyid gang zhig gis ni khyod kyi blo'i/ /yul du 'gyur ba de yi bdag nyid can ni ma yin na/ gang la yid kyi mun pa 'thug po 'di nyid du yod pa/ /des ni ji ltar 'jig rten pha rol yang dag rtogs par 'gyur/ /'jig rten pha rol 'gog par byed pa'i dus su bdag nyid ni/ /shes bya'i rang bzhin phyin ci log tu lta bar rtogs bya ste/ de yi lta ba'i rnam pa'i rten mtshungs lus dang ldan nyid phyir/ /gang tshe 'byung ba'i bdag nyid yang nyid khas len de tshi bzhin/ /'byung bde dag ji ltar yod min de ltar bshad zin te/ gang gi phyir na gong du rang gzhan las dang gnyis ka las/ /skye dang rgyu med thun mong du ni bkag zin de yi phyir/ /ma bshad 'byung ba 'di dag lta zhig yod dam ma yin no/ /gang gi phyir na bdag dang gzhan dang gnyis ka las skye dang/ /rgyu la ma bltos yod pa min pas dngos rnams rang bzhin bral/ /gang gis sprin tshogs dang mtshungs gti mug stug po 'jig rten la/ /yod pa des na yul rnams log pa dag tu snang bar 'gyur/ /ji ltar rab rib mthu yis 'ga' zhig skra shad zla gnyis dang/ /rma bya'i mdongs dang sbrang ma la sogs lag par 'dzin byed pa/ /de bzhin du ni gti mug skyon gyi dbang gis mi mkhas pas/ /'dus byas la zhig sna tshogs blo gros kyis ni rtogs par 'gyur/ /gal te gti mug brtan na las 'byung gti mug med par de/ /mi 'byung zhes byar mi mkhas kho nas rtog par gong ma chag / blo bzang nyi mas mun pa stug po rnam par bsal ba yi/ /mkhas pa dag ni stong nyid khong du chud cing grol bar 'gyur/ /gal te dngos rnams de nyid du med na/ /tha snyad du yang mo gsham bu ji bzhin/ /de dag med pa nyid 'gyur de yi phyir/ /de dag rang bzhin gyis ni yod pa nyid/ /gang dag rab rib can sogs yul 'gyur ba/ /skra shad la sogs de dag ma skyes pas/ /re zhig de dag nyid la brtsad bya ste/ /phyi nas ma rig rab rib rjes 'brel la'o/ /gal te rmi lam dri za'i grong khyer bcas/ /smig rgyu'i chu dang mig 'phrul gzugs brnyan sogs/ /skye med mthong na yod nyid min mtshungs kyang/ /khyod la ji ltar der 'gyur de mi rigs/ /de nyid du 'di ji ltar skye med kyang/ /mo gsham bu ltar gang phyir 'jig rten gyi/ /mthong ba'i yul du mi 'gyur ma yin pa/ /de yi phyir na smra 'di ma nges pa'o/ /mo gsham bu la rang gi bdag nyid kyis/ /skye ba de nyid du med 'jig rten duAng/ /yod min de bzhin dngos 'di kun ngo bo/ /nyid kyis 'jig rten de nyid du ma skyes/ /de phyir 'di ltar ston pas chos rnams kun/ /gdod nas zhi zhing skye bral rang bzhin gyis/ /yongs su mya ngan 'das pa gsungs gyur la/ /de phyir rtag tu skye ba yod ma yin/ /bum sogs 'di dag de nyid du med cing/ /'jig rten rab tu grags par yod ci bzhin/ /de bzhin dngos po thams cad 'gyur bas na/ /mo gsham bu dang mtshungs par thal mi 'gyur/ /gang phyir rgyu med pa dang dbang phyug gi /rgyu la sogs dang bdag gzhan gnyi ga las/ /dngos rnams skye bar 'gyur ba ma yin pa/ /de phyir brten nas rab tu skye bar 'gyur/ /gang phyir dngos po brten nas rab 'byung bas/ /rtog pa 'di dag brtag par mi nus pa/ /de phyir brten 'byung rigs pa 'di yis ni/ /lta ngan dra ba mdza' dag gcod par byed/ /rtog rnams dngos po yod na 'byung ba ste/ /dngos po ji ltar med par yongs dpyad zin/ /dngos po med par 'di rnams mi 'byung dper/ /bud shing med par me yod min de bzhin/ /so so'i skye bo rnams ni rtog pas bcings/ /mi rtog rnal 'byor pa ni grol 'gyur bas/ /rtog rnams log par gyur pa gang yin de/ /rnam par dpyod pa'i 'bras bur mkhas rnams gsung/ /bstan bcos las dpyad rtsod la chags pa'i phyir/ /ma mdzad rnam grol phyir ni de nyid bstan/ /gal te de nyid rnam par bshad pa na/ gzhan gzhung 'jig par 'gyur na nyes pa med/ /rang gi lta la chags dang de bzhin du/ /gzhan gyi lta la 'khrug gang rtog pa nyid/ /de phyir 'dod chags khong khro rnam bsal te/ /rnam dpyod pa ni myur du grol bar 'gyur/ /nyon mongs skyon rnams ma lus 'jig tshogs la/ /lta las byung bar blo yis mthong gyur cing/ bdag ni 'di yi yul du rtogs byas nas/ /rnal 'byor pa yis bdag ni 'gog par byed/ /za po rtag dngos byed po min pa'i bdag/ yon tan bya med mu stegs rnams kyis brtags/ /de'i dbye cung zad cung zad la brten nas/ /mu stegs can rnams lugs ni tha dad 'gyur/ /mo gsham bu ltar skye ba dang bral phyir/ /de ltar gyur pa'i bdag ni yod min zhing/ /'di ni ngar 'dzin rten duAng mi rigs la/ /'di ni kun rdzob tu yang yod mi 'dod/ /gang phyir bstan bcos bstan bcos las de'i khyad/ /mu stegs rnams kyis gang bstan de kun la/ /rang grags ma skyes gtan tshigs kyis gnod ba/ /de phyir de byang kun kyang yod ma yin// de phyir phung po las gzhan bdag med do/ /phung po ma gtogs de 'dzin ma grub phyir/ /'jig rten ngar 'dzin blo yi rten du yang/ /mi 'dod de rig min pa'ang bdag lta'i phyir/ /gang dag dud 'gror bskal mang rkyal gyur pa/ /de kyang ma skyes rtag 'di ma mthong la/ /ngar 'dzin de dag la yang 'jug mthong ste/ /des na phung po las gzhan bdag 'ga' med/ /phung po las gzhan bdag grub med pa'i phyir/ /bdag lta'i dmigs pa phung po kho na'o/ /kha cig bdag lta'i rten du phung po ni/ /lnga char yang 'dod kha cig sems gcig 'dod/ /gal te phung po bdag na de phyir de/ /mang bas bdag de dag kyang mang por 'gyur/ /bdag ni rdzas su 'gyur zhing der lta ba/ /rdzas la 'jug pas phyin ci log mi 'gyur// mya ngan 'das tshe nges par bdag chad 'gyur/ /mya ngan 'das sngon skad cig dag la ni/ /skye 'jig byed po med pas de 'bras med/ /gzhan gyis bsags la gzhan gyis za bar 'gyur/ /de nyid du rgyud yod na skyon med na/ /sngar rnam dpyad tshe rgyud la nyes bshad zin/ /de phyir phung po dang sems bdag mi rigs/ /'jig rten mdza' ldan la sogs med phyir ro/ /khyod kyi rnal 'byor bdag med mthong ba la/ /de tshe nges par dngos rnams med par 'gyur/ /rtag bdag spang na de tshe ngo yi phyir/ /khyod kyi sems sam phung po bdag mi 'gyur/ /khyod kyi rnal 'byor bdag med mthong ba yis/ /gzugs sogs de nyid rtogs par mi 'gyur zhing/ /gzugs la dmigs nas 'jug phyir 'dod chags sogs/ /skye 'gyur de yi ngo bo rtogs med phyir/ gang phyir ston pas phung po bdag go zhes/ /gsungs pa da phyir phung po bdag 'dod na/ /de ni phung las gzhan bdag 'gog pa ste/ /gzugs bdag min sogs mdo gzhan gsungs phyir ro/ /gang phyir gzugs tshor bdag min 'du shes kyang ma yin 'du byed rnams min rnam shes kyang/ /min par mdo gzhan las gsungs de yi phyir/ /mdor bstan phung po bdag ces bzhed ma yin/ /phung po bdag ces brjod tshe phung rnams kyi/ /tshogs pa yin gyi phung po'i ngo bo min/ /mgon min 'dul ba'am dbang po nyid kyang min/ /de med phyir de tshogs pa ma yin no/ /de tshe de yi yan lag tshogs gnas rnams/ /shing rtag nyid 'gyur shing rta dang bdag mtshungs/ /mdo las phung po brten nas yin gsungs pa/ /de phyir phung po 'dus tsam bdag ma yin/ /dbyibs zhe na de gzugs can la yod phyir/ /khyod la de dag nyid bdag ces 'gyur gyi/ /sems sogs tshogs ni bdag nyid 'gyur min te/ gang phyir de dag la dbyibs yod ma yin /len por rang nyer len gcig rigs dngos min/ /de lta na las byed po gcig nyid 'gyur/ /byed po med las yod snyam blo yin na/ /ma yin gang phyir byed po med las med/ /gang phyir thub pas bdag de sa chu me/ /rlung dang rnam shes nam mkha' zhes bya ba/ /khams drug dang ni mig sogs reg pa yi/ /rten drug dag la brten nas nyer bstan zhing/ /sems dang sems byung chos rnams nyer bzung nas/ /des gsungs de phyir de ni de rnams dang/ /de nyid ma yin tshogs tsam nyid min te/ /de phyir ngar 'dzin blo de rnams la min/ /bdag med rtogs tshe rtog pa'i bdag spong zhing/ /'di ni ngar 'dzin rten duAng mi 'dod pa/ de phyir bdag med shes pas bdag lta ba/ /dpyis kyang 'byin zhes smra ba shin tu mtshar/ /rang khyim rtsig phug sbrul gnas mthong bzhin du/ /'di na glang chen med ces dogs bsal te/ /sbrul gyi 'jigs pa'ang spong bar byed pa ni/ /kye ma gzhan gyi gnam por 'gyur nyid do/ /phung por bdag yod ma yin bdag la yang/ /phung po de rnams yod min gang phyir 'dir/ /gzhan nyid yod na rtog pa 'dir 'gyur na/ /gzhan nyid de med de phyir 'di rtog pa'o/ /bdag ni gzugs ldan mi 'dod gang phyir bdag/ yod min de phyir ldan don sbyor ba med/ /gzhan na gnag ldan gzhan min gzugs ldan na/ /bdag ni gzugs las de nyid gzhan nyid med/ /gzugs bdag ma yin bdag ni gzugs ldan min/ /gzugs la bdag med bdag la'ang gzugs yod min/ /de ltar rnam bzhir phung kun shes bya ste/ /de dag bdag tu lta ba nyi shur 'dod/ /lta ri bdag med rtogs pa'i rdo rje yis/ /bcom bdag gang dang lhan cig 'jig 'gyur ba/ /'jig tshogs lta ri lhun stug la gnas pa/ /rtse mo mtho bar gyur pa 'di dag go /kha cig de nyid gzhan nyid rtag mi rtag / la sogs brjod med gang zag rdzas yod 'dod/ /rnam shes drug gi shes byar de 'dod cing/ /de ni ngar 'dzin gzhir yang 'dod pa yin/ /gang phyir gzugs las sems brjod med mi rtogs/ /dngos yod brjod med rtogs pa ma yin nyid/ /gal te bdag 'ga' dngos por grub gyur na/ /sems ltar grub dngos brjod du med mi 'gyur/ /gang phyir khyod bum dngos por ma grub pa'i/ /ngo bo gzugs sogs las brjod med 'gyur bas/ /bdag gang phung po las brjod med 'gyur te/ /rang gis yod par grub bar rtogs mi bya/ /khyod kyi rnam shes rang bdag las gzhan ni/ /mi 'dod gzugs sogs las gzhan dngos 'dod cing/ /dngos la rnam pa de gnyis mthong 'gyur ba/ /de phyir bdag med dngos chos dang bral phyir/ /de phyir ngar 'dzin rten ni dngos po min/ /phung las gzhan min phung po'i ngo bo min/ /phung po rten min 'di ni de ldan min/ /'di ni phung po rnams brten 'grub par 'gyur/ /shing rta rang yan lag las gzhan 'dod min/ /gzhan min ma yin de ldan yang min zhing/ /yan lag ma yin yan lag dag der min/ /'dus pa tsam min dbyibs min ji bzhin no/ /gal te tshogs tsam zhing rtar 'gyur na ni/ /sil bur gnas la shing rta nyid yod 'gyur/ /gang phyir yan lag can med yan lag dag / med pas dbyibs tsam shing rtar rigs pa'ang min/ /khyod dbyibs yan lag re re sngar yod gyur/ /ji bzhin shing rtar gtogs la'ang de bzhin na/ /bye bar gyur pa de dag la ji ltar/ /de ltar yang ni shing rta yod ma yin/ /da lta gal te shing rta nyid du 'dir/ /'phang lo sogs la dbyibs tha dad yod na/ /'di gzung 'gyur na de yang yod min te/ /de phyir dbyibs tsam shing rtar yod ma yin/ /gang phyir khyod kyi tshogs pa cang med pas/ /dbyibs de yan lag tshogs kyi ma yin na/ /gang zhig ci yang ma yin de brten nas/ /'dir ni dbyibs su lta zhig ji ltar 'gyur/ /khyod kyi 'di ni ji ltar 'dod de ltar/ /mi bden pa yi rgyu la brten byas nas 'brus bu'i rnam ba mi bden rang bzhin can/ /thams cad kyang ni skye bar shes par gyis/ /'dis ni gzugs sogs de ltar gnas rnams la/ /bum blo zhes bya'ang rigs pa ma yin nyid/ /skye ba med pas gzugs sogs gyur yod min// de yi phyir yang de dag dbyibs mi rigs/ /de ni de nyid du lam 'jig rten du/ /rnam pa bdun gyis 'grub 'gyur min mod kyi/ /rnam dpyad med par 'jig rten nyid las 'dir/ /rang gi yan lag brten nas 'dogs pa yin/ /de nyid yan lag can de cha shas can/ /shing rta de nyid byed po zhes 'gror bsnyad/ /skye bo rnams le len po nyid du 'grub/ /'jig rten grags pa'i kun rdzob ma brlag cig/ rnam bdun gyis med gang de ji lta bur/ /yod ces rnal 'byor pas 'di'i yod mi rnyad/ /des de nyid la'ang bde blag 'jug 'gyur pas/ /'dir de'i grub pa de bzhin 'dod par bya/ /shing rta yod nyid rmin na de yi tshe/ /yan lag can med de'i yan lag kyang med/ /shing rta tshig na yan lag med des bzhin/ /blo med yan lag can bsregs yan lag go /de bzhin 'jig rten grags pas phung po dang/ /khams dang de bzhin skye mched drug brten nas/ /bdag kyang nye bar len pa nyid du 'dod/ /nyer len las yin 'di ni byed po'ang yin// dngos yod min phyir 'di ni brten mir zhing/ /mi brtan nyid min 'di ni skye 'jig min/ /'di la rtag pa nyid la sogs pa yang/ /yod min de nyid dang ni gzhan nyid med/ /gang la rtag tu 'gro rnams ngar 'dzin blo/ /rab tu 'byung zhing de yi gang yin der/ /nga yir 'dzin blo 'byung ba'i bdag de ni/ /ma rtags grags par gti mug las yin no/ /gang phyir byed po med can las med pa/ /de phyir bdag gi bdag med par yod min/ /de phyir bdag dang bdag gi stong lta zhing/ /rnal 'byor ba de rnam par grol bar 'gyur/ /bum pa snam bu de lde dmag dang nags tshal phreng ba ljon shing dang/ /khang khyim shing rta phran dang 'gron gnas la sogs dngos rnams gang dag dang/ /de bzhin gang dag sgo nas skye 'dis bsnyed pa de rnams rtogs bya ste/ /gang phyir thub dbang de ni 'jig rten lhan cig cod mi mdzad phyir ro/ /yan lag yon tan 'dod chags mtshan nyid dang ni bud shing la sogs dang/ /yon tan can yan lag can chags dang mtshan gzhi me la sogs don dag/ de rnams shing rta'i rnam dpyad byas pas rnam bdun yod pa ma yin zhing/ /de las gzhan du gyur par 'jig rten grags pa'i sgo nas yod pa yin/ /gal te rgyu yis bskyed par bya bskyed de lta na de rgyu yin zhing/ /gal te 'bras bu mi skyed na ni de med rgyu med can du 'gyur/ /'bras bu yang ni rgyu yod gyur na skye bar 'gyur ba de yi phyir/ /gang las gang zhig 'gyur ba gang zhig las sngar gang zhig 'gyur ba smros/ /gal te khyod kyi rgyu yis phrad nas 'bras skyed byed na de yi tshe/ /de dag nus pa gcig pas skyed byed 'bras bu tha dad med 'gyur zhing/ /so sor na ni rgyu 'di rgyu min rnams dang khyad par med 'gyur la/ /gnyis po 'di dag spangs nas rtog pa gzhan yang yod par 'gyur ma yin/ /ci ste khyod kyi rgyu yis 'bras bu skyed par mi byed de phyir 'bras/ /zhes bya yod min 'bras bral rgyu ni rgyu med can 'gyur yod pa'ang min/ /gang phyir 'di dag gnyis char yang ni sgyu ma dang 'dra de yi phyir/ /bdag la skyon du mi 'gyur 'jig rten pa yi dngos po rnams kyang yod/ /sun 'byin 'das? sun dbyung bya phrad nas 'byin/ /ma ma phrad par/ /yid zhes nyes pa 'dir na khyod la'ang 'gyur ba ma yin nam/ /gang tshe de skad smra zhing rang phyogs kho na rnam 'joms pa/ /de tshe khyod kyis sun dbyung sun ni 'byin par nus ma yin/ /gang phyir rang gi tshig la'ang thal ba mtshungs pa'i ltag tshod kyis/ /rigs pa med par dngos mdza' dag la skur 'debs de yi phyir/ /khyod ni skye bo dam pas bzhed mi 'gyur zhing gang mi phyir/ /khyod la rang phyogs med pas sun ci phyin du rgol pa'ang yin/ /sun 'byin pas sun dbyung bya ma phrad sun ni 'byin byed dam/ /'on te phrad nas yin zhes smras zin nyes pa 'dir gang la/ /nges par phyogs yod de la 'gyur gyi bdag la phyogs 'di ni/ /yod pa min pas thal bar 'gyur ba 'di ni srid ma yin/ /ji ltar khyod kyis nyi ma'i dkyil 'khor la yod khyad par rnams/ /gzugs brnyan la yang gzas bzung la sogs rnams tshe mthong 'gyur la/ /nyi ma dang ni gzugs brnyan rnam par phrad dang ma phrad par/ /mi rigs mod kyi brten nas tha snyad tsam zhig 'byung 'gyur zhing/ /mi bden bzhin duAng rang gi byad bzhin mdzes par bsgrub bya'i phyir/ /de ni yod pa ji ltar de bzhin 'dir yang shes rab gdong/ /sbyang bar bya la nus pa mthong bar 'gyur ba'i gtan tshigs ni/ /'thad pa dang bral las kyang bsgrub bya rtogs zhes shes par byar gal te rang gi bsgrub bya go byed gtan tshigs dngos grub dang/ /dngos su go ba nyid 'gyur bsgrub bya'i ngo bo'ang yod gyur na/ /phrad pa la sogs rigs pa nye bar sbyor bar 'gyur zhig na/ /de yang yod pa min pas khyed kyi yi chad 'ba' zhig yin/ /dngos nams mdza' dag dngos por med par rtogs su gzhugs par ni/ /nus bar chos sla ji ltar rang bzhin gzhan dag la/ /khong du chud par bde blag tu na nus pa ma yin no/ /rtog ge ngan pa'i dra bas 'jig rten ci ste 'dir bcal byed/ /sun 'byin lhag ma gong du bstan pa yang ni shes byas nas/ /phrad pa la sogs phyogs kyi lan gyis ched du 'dir gtang bya/ /sun ci phyin du rgol ba pa yang ji ltar yod min pa/ /de skad sngar bshad lhag ma phyogs 'di nyid kyis rtogs par par bya/ /bdag med 'di ni 'gro ba rnam dgrol phyir/ /chos dang gang zag dbye ba rnam gnyis gsungs/ /de ltar ston pas slar yang 'di nyid ni/ /gdul ba rnams la phye ste rnam med gsungs/ /spros dang bcas bar stong pa nyid/ /bcu drug bshad zhes mdor bsdus te/ /slar yang gzhir bshad de dag ni/ /theg chen du yang bzhed pa yin/ /gang phyir de yi rang bzhin de/ /yin phyir mig ni mig gis stong/ /de bzhin rna ba sna dang lce/ /lus dang yid kyang bsnyad par bya/ /ther zug gnas pa ma yin dang/ /'jig pa ma yin nyid kyi phyir/ /mig la sogs pa drug po yi/ /rang bzhin med nyid gang yin pa/ de ni nang stong nyid du 'dod/ /gang phyir de yi rang bzhin de/ /yin phyir gzugs ni gzugs kyis stong/ /sgra dang dri ro reg bya dang/ chos rnams nyid kyang de bzhin no/ /gzugs sogs rang bzhin med pa nyid/ /phyi rol stong pa nyid du 'dod/ /gnyis char rang bzhin med nyid ni/ /phyi nang stong pa nyid yin no/ /chos rnams rang bzhin med pa nyid/ /mkhas pas stong pa nyid ces bsnyad/ /stong nyid de yang stong nyid kyi/ /ngo bos stong par 'dod pa yin/ /stong nyid zhes bya'i stong nyid gang/ /stong nyid stong nyid du 'dod do/ /stong nyid dngos po'i blo can gyi/ /'dzin pa bzlog phyir gsungs pa yin/ /sems can snod kyi 'jig rten na// ma lus khyab byed nyid phyir dang/ /tshad med pa yis mu mdza' ni/ /med phyir phyogs rnams chen po nyid/ /'di dag bcu car phyogs rnams kyis/ /stong pa nyid ni gang yin de/ /chen po stong pa nyid yin de/ /chen por 'dzin pa bzlog phyir gsungs/ /de ni dgos pa mchog yin pas/ /don dam mya ngan 'das pa yin/ /de ni de yis stong nyid gang/ /de ni don dam stong nyid de/ /myang 'das dngos po'i blo can gyi/ /'dzin pa bzlog par bya ba'i phyir/ /don dam pa'i? mkhyen pas don dam pa/ /stong pa nyid ni bstan par mdzad/ /rkyen las byung phyir khams gsum po/ /'dus byas yin par nges par bsnyad/ /de ni de yi stong nyid gang/ /de ni 'dus byas stong nyid gsungs/ /gang la skye gnas mi rtag? nyid// de dag med pa 'dus ma byas/ /de ni de yis stong nyid gang/ /de ni 'dus ma byas stong nyid/ /gang la mdza' ni yod min pa/ /da ni mdza' las 'das par brjod/ /de de kho nas stong pa nyid/ /mdza' las 'das pa stong nyid bsnyad// thog ma dang po tha ma mdza' / /de dag med pas 'khor ba ni/ /thog ma tha ma med par brjod/ /'gro 'ong bral phyir rmi lam lte'i/ /srid 'di de yis dben nyid gang/ /de ni thog ma dang tha ma/ /med pa stong pa nyid do zhes/ /bstan bcos las ni nges par bsnyad/ /dor ba zhes bya 'thor ba dang/ /'bor ba la ni nges par brjod/ /dor med gtong ba med pa ste/ /'ga' yang dor med gang yin pa'o/ /dor ba med pa de nyid kyis/ /de nyid stong pa nyid gang yin/ /de? de'i phyir na dor med pa// stong pa nyid ces bya bar brjod/ /'dus byas la sogs ngo bo nyid/ /gang phyir slob ma rang sangs rgyas/ /rgyal sras de bzhin gshegs rnams kyis/ /ma mdzad de'i phyir 'dus byas la/ /sogs pa rnams kyi ngo bo nyid/ /rang bzhin nyid du bsnyad pa ste/ /de nyid kyis de stong nyid gang/ /de ni rang bzhin stong pa nyid/ /khams bco brgyad dang reg drug dang/ /de las byung ba'i tshor drug dang/ /gzugs can gzugs can min de bzhin/ /'dus byas 'dus ma byas chos rnams/ /chos de dag ni thams cad kyi/ /de dag gis dben stong nyid gang/ /gzugs rung la sogs dngos med gang/ /de ni rang mtshan stong pa nyid/ /gzugs ni gzugs rung mtshan nyid can/ /tshor ba myong ba'i bdag nyid can/ /'du shes mtshan mar 'dzin pa ste/ /'du byed mngon par 'du byed pa'o/ /yul la so sor rnam rig pa/ /rnam shes rang gi mtshan nyid do/ /phung po sdug bsngal rang mtshan nyid/ /khams kyi bdag nyid sprul gdug 'dod/ /skye mched rnams ni sangs rgyas kyis/ /skye ba'i sgor gyur nyid du gsungs/ /rten cing 'brel par 'byung ba gang/ /de ni 'du 'phrod mtshan nyid do/ /gtong ba sbyin pa'i pha rol phyin/ /tshul khrims gdung med mtshan nyid bzod/ /khro med mtshan nyid brtson 'grus kyi/ /kha na ma tho med nyid do/ /bsam gtan sdud pa'i mtshan nyid can/ /shes rab chags med mtshan nyid de/ /pha rol phyin pa drug rnams kyi/ /mtshan nyid 'di dag yin par brjod/ /bsam gtan rnams dang tshad med dang/ /de bzhin gzhan gang gzugs med pa/ /de dag yang dag mkhyen pa yis/ /mi 'khrugs mtshan nyid can du gsungs/ /byang chub phyogs chos sum cu bdun/ /nges par 'byung byed rang mtshan nyid/ /stong pa nyid kyi mtshan nyid ni/ /dmigs pa med pas rnam dben nyid/ / mtshan ma med pa'i nyid de/ /gsum pa'i mtshan nyid sdug bsngal dang/ /gti mug med rnam thar rnams kyi/ /mtshan nyid rnam par grol byed pa'o/ /stobs rnams shin tu rnam par ni/ /gtan la 'bebs pa'i rang bzhin gsungs/ /skyob pa'i mi 'jigs pa rnams ni/ /shin tu brtan pa'i ngo bo yin/ /so sor yang dag rig rnams ni/ /spobs sogs chad med mtshan nyid can/ /'gro la phan pa nyer sgrub pa/ /byams pa chen po zhes bya'o/ /sdug bsngal can rnams yongs skyob pa/ /thugs rje chen po'o dga' ba ni/ /rab dga' i mtshan nyid btang snyoms ni/ /ma 'dres mtshan nyid can shes bya/ /sangs rgyas chos ni ma 'dres pa bcu dang brgyad du gang 'dod dag /gang phyir ston res mi 'phrogs pa/ /de phyir mi 'phrogs rang mtshan nyid/ /rnam kun mkhyen nyid ye shes ni/ /mngon sum mtshan nyid can du 'dod/ /gzhan ni nyi tshe ba nyid kyis/ /mngon sum zhes bya ba mi 'dod do/ /gang zhig 'dus byas mtshan nyid dang/ /'dus ma byas pa'i mtshan nyid gang/ /de de kho nas stong pa nyid/ /de ni rang mtshan stong pa nyid/ /da ltar ba 'di mi gnas shing/ /'das dang ma 'ongs yong ma yin/ gang du de dag mi dmigs pa/ /de la mi dmigs pa zhes brjod/ /mi dmigs pa de rang ngo bo/ /de yis dben pa nyid gang de/ /ther zug gnas mi 'jig min pa/ mi dmigs zhes bya'i stong nyid do/ /rkyen las byung phyir dngos rnams la/ /'dus pa pa yi ngo bo med/ /'dus pa ba ni de nyid kyis/ /stong nyid dngos med stong nyid do/ /dngos po'i sgras ni mdor bsdus na/ /phung po lnga rnams brjod pa yin/ /de rnams de yis stong nyid gang/ de dngos stong pa nyid du bshad/ /mngon bsdus na ni dngos med pa/ 'dus ma byas chos rnams la brjod/ /de nyid dngos med des stong nyid/ /dngos po med pa stong nyid do/ /rang bzhin ngo bo nyid med ni/ /rang bzhin zhes bya'i stong nyid de/ /'di ltar rang bzhin ma byas pas/ /rang bzhin zhes ni bya bar bsnyad/ /sangs rgyas rnams ni 'byung ba 'am/ /ma byung yang rung dngos su na/ /dngos po kun gyi stong pa nyid/ /gzhan gyi ngo bos por rab tu bsgrags/ /yang dag mdza' dang de bzhin nyid/ /de gzhan dngos po'i stong nyid do/ /shes rab pha rol phyin tshul las/ /de dag de skad rab tu bsgrags// de ltar blo gros zer gyis snang ba gsal byas pa/ /rang gi lag na gnas pa'i skyu ru ra bzhin du/ /srid gsum 'di dag ma lus gdod nas skye med par/ /rtogs te tha snyad bden pa'i stobs kyis 'gog par 'gro/ /rtag tu 'gog par gtogs pa'i bsam ldan yin mod kyi/ /'gro ba mgon med pa la snying rje'ang skyed par byed/ /de gong bde gshegs gsung skyes sangs rgyas 'bring bcas ni/ /ma lus pa rnams blo yis pham par byed pa'ang yin/ /kun rdzob de nyid gsheg? yangs dkar po rgyas gyur pa/ /dad pa'i rgyal po de ni skye bo'i dang pa yis/ /mdun du bder nas dge ba'i rlung gi shugs stobs kyis/ /rgyal ba'i yon tan rgya mtsho'i pha rol mchog tu 'gro/ /dbu ma la 'jug pa las/ sems bskyed pa drug pa'o// // ring du song 'dir 'di ni skad cig dang/ /skad cig la ni 'gog par 'jug 'gyur zhing/ /thabs kyi pha rol phyin legs 'bar ba'ang 'thob/ /dbu ma la 'jug pa las/ sems bskyed pa bdun pa'o// //yang yang sngar dge las lhag thob bya'i phyir/ /gang du phyir mi ldog pa nyid 'gyur ba/ /mi g.yo de la bdag nyid che de 'jug /'di yi smon lam shin tu dag 'gyur zhing/ /rgyal ba rnams kyis 'gog las slong bar mdzad/ /chags pa med pa'i blo ni skyon rnams dag dang lhan cig mi gnas phyir/ /sa brgyad pa la dri ma de dag rtsa bcas nye bar zhi 'gyur zhing/ /nyon mongs zad cing sa gsum bla mar gyur kyang sangs rgyas rnams kyi ni/ /'byor pa mkha' ltar mdza' bral ma lus 'thob par nus ma yin/ /'khor ba 'gags kyang dbang rnams bcu po thob par 'gyur zhing de dag gis/ /srid pa'i 'gro bar rang gi bdag nyid sna tshogs ston par byed par 'gyur/ /dbu ma la 'jug pa las/ sems bskyed pa brgyad pa'o// //dgu pa la ni de'i stobs lta zhig mdza' dag rdzogs bar dag 'gyur zhing/ /de bzhin yang dag rig chos rang gi yon tan yongs su dag pa'ang 'thob/ /dbu ma la 'jug pa las/ sems bskyed pa dgu pa'o// // bcu pa'i sa la de yis kun nas sangs rgyas rnams las dbang bskur ba/ /dam pa 'thob cing ye shes lhag par mchog tu byung ba 'gyur ba'ang yin/ /char sprin rnams las chu char 'bab pa ji ltar de bzhin 'gro rnams kyi/ /dge ba'i lo tog ched du rgyal ba/ sras las kyang lhun grub chos char 'bab/ /dbu ma la 'jug pa las/ sems bskyed pa bcu pa'o// //de tshe 'dis ni sangs rgyas brgya mthong zhing/ /de dag byin gyis brlabs kyang 'di yis rtogs/ /de nyid tshe na bskal ba brgyar gnas shing/ /sngon dang phyi ma'i mthar yang yang dag 'jug /blo ldan ting 'dzin brgya phrag snyoms par 'jug cing gtong byed de/ /'jig rten khams brgya 'di yis kun nas g.yo zhing snang bar nus/ /de bzhin rdzu 'phrul gyis de sems can brgya phrag smin byed cing/ /brgya phrag grangs dang rjes 'brel zhing dag tu yang 'gro bar 'gyur/ /des ni chos kyi sgo rnams yang dag 'byed byed thub dbang sras/ /rang gi lus la lus rnams kun nas stong par byed pa'ang yin/ /rang gi 'khor dang bcas pas mdzes 'byor lus ni re re zhing/ /rgyal ba'i sras po brgya phrag dag dang rjes su 'brel pa'ang ston/ /blo ldan rab tu dga' bar gnas pas yon tan de dag ni/ /thob par gyur nas de bzhin kho nar dri ma med gnas pas/ /de dag stong ni yang dag 'thob par 'gyur te sa lnga po/ /'di dag rnams la byang chub sems dpa' yis ni 'bum phrag dang/ /bye ba phrag brgya 'thob cing de yis bye ba stong 'gyur 'thob/ /de nas bye ba brgya phrag stong 'gyur yang 'thob bye ba phrag /khrag khrig phrag brgyar rdzogs par bsgyur dang slar yang stong phrag tu/ /yang dag par ni bsgyur ba mdza' dag rab tu 'thob par 'gyur ro/ /mi g.yo'i sar gnas rnam rtog med pa des/ /stong gsum brgya phrag stong bsdoms 'jig rten na/ /rdul tshad ji snyed yod pa de rnams dang/ /grangs mnyam yon tan dag ni 'thob par 'gyur/ /legs pa'i blo gros sa la gnas pa yi/ /byang chub sems nges sngar bstan yon tan dag / grangs med brgya phrag stong du yang dag par/ /bsdoms pa phrag bcu'i rdul tshad thob par 'gyur/ re zhig bcu pa 'dir de'i yon tan dag /ngag gi spyod yul las chas 'das 'gyur zhing/ /ngag gi spyod yul ma yin bsdoms rnams na/ /rdul dag ji snyad yod pa de snyed 'gyur/ /ba spu'i khung bur byang chub sems rnams dang/ /lhan cig rdzogs sangs rgyas sku 'grang 'das dang/ /de bzhin lha dang lha min mi dag kyang/ /skad cig skad cig la ni ston par nus/ /gang phyir nam mkha' dri ma med la zla snyad? gsal bar gyur pa'i phyir/ /sngon tshe stobs bcu bskyed pa'i sa la khyod kyis slar yang 'bad gyur cing/ /'og min du ni gang gi don du 'bad gyur go 'phang mchog zhi ba// yon tan mdza' dag mthar thug mtshungs pa med de khyad kyis brnyes/ /ji ltar snod kyi dbye bas mkha' la dbye ba med de ltar/ /dngos byas dbye ba 'ga' yang de nyid la med de yi phyir/ /ro mnyam nyid du yang dag thugs su chud pa mdzad gyur na/ /mkhyen bzang khyod kyis skad cig gis ni shes bya thugs su chung/ /gang tshe zhi ba de nyid yin na de la blo gros 'jug mi 'gyur/ /blo ma zhugs par shes bya'i yul can nges par rigs kyang mi yin la/ /kun nas shes med pa ni shes par ji ltar 'gyur te 'gal bar 'gyur/ /mkhyen po med par khyed kyis gzhan la 'di lta'o zhes su zhig ston/ /gang tshe skye med de nyid yin zhing blo yang skye ba dang bral ba/ /de tshe de rnams bsten las de yis de nyid rtogs pa lta bu ste/ /ji ltar sems ni gang gi rnam pa cad du 'gyur ba de yis yul/ /de yongs shes pa de bzhin tha snyad brten nas rigs pa yin/ /de yi longs spyod rdzogs sku bsod nams kyis/ /zin dang sprul pa mkha' gzhan las de'i mthus/ /sgra yang chos kyi de nyid ston 'byung ba/ /de las 'jig rten gyis kyang de nyid rig /ji ltar rdza mkhan stobs chen ldan pas 'dir/ /yun ring ches 'bad pas bskor 'khor lo ni/ /de'i rtsol da ltar skyes pa med bzhin duAng/ /'khor zhing bum pa la sogs rgyur mthong ltar/ /de bzhin da lta skyes rtsol med bzhin du/ /chos kyi bdag can sku nyid la bzhugs de'i/ /'jug pa skye bo'i dge dang smon lam gyi/ /khyad par gyis 'phangs las ches bsam mi khyab/ /shes bya'i bud shing skam pa ma lus pa/ /bsregs pas zhi de rgyal rnams chos sku ste/ /de tshe skye ba med cing 'gag pa med/ /sems 'gags pas de sku yis mngon sum mdzad/ /zhi sku dpag bsam shing ltar gsal gyur cing/ /yid bzhin nor bu ji bzhin rnam mi rtog /'gro grol bar du 'jig rten 'byor slang rtag /'di ni spros dang bral la snang bar 'gyur/ /thub dbang dus gcig kho nar de'i rgyu mthun/ /gzugs sku gcig la rang gi skye gnas skabs/ /sngar 'gags gsal dang ma 'tshol byung tshul ni/ /ma lus kyis bkra mdza' dag ston par mdzad/ /sangs rgyas zhing ji 'drar thub dbang de dang/ /de dag sku spyod mthu stobs ji 'dra dang/ /nyan thos dge 'dun ji snyed ji lta dang/ /byang chub sems rnams der gzugs ji 'dra dang/ /ji 'dra'i chos dang der bdag ji 'dra dang/ /tshes thos spyod pa gang la spyad pa dang/ /sbyin gang ji tsam de dag la phul ba/ /de ni ma lus sku gcig la ston mdzad/ /de bzhin tshul khrims bzod brtson ting 'dzin dang/ /shes rab spyod tshe sngar gyi gnas skabs gang/ /ma tshang med de dag nyid spyod pa kun/ /sku yi ba spu'i khung bur 'ang gsal bar ston/ /sangs rgyas gang dag 'das dang 'byung 'gyur gang/ /gang dag da ltar nam mkha' i mthar thug par/ /gdangs mthon chos ston sdug bsngal gyis bzung ba'i/ /'gro dbugs 'byin zhing 'jig rten bzhugs pa dang/ /dang po'i thugs bzung byang chub snying po'i bar/ /de dag spyod kun dngos rnams mig 'phrul gyi/ /rang bzhin mkhyen nas bdag bzhin pa spu yi/ /khung bur dus gcig la ni gsal bar ston/ /de bzhin dus gsum byang chub sems dpa' dang/ /rang rgyal 'phags pa nyon thos ma lus kyi/ /spyod dang de lhag skye bo'i gnas skabs ni/ /thams cad ba spu'i khung bur gcig tshe ston/ /dag pa 'di ni bzhed pa 'jug pa yis/ /rdul gcig gul la mkha' gtugs 'jig rten dang/ /'jig rten mdza' yas phyogs khyab rdul ston mod/ /rdul rags mi 'gyur 'jig rten phra mi 'gyur/ /rnam rtog mi mnga' khyod kyis srid mdza' i bar/ /skad cig de re re la spyod sna tshogs/ /ji snyed ston pa de snyed 'dzam bu gling/ /ma lus rdul gang de snyad la grangs med/ /gnas dang gnas min mkhyen stobs dang/ /de bzhin las rnams smin blo dang/ /mos pa sna tshogs thugs chud dang/ /sna tshogs khams ni mkhyen stobs dang/ de bzhin dbang mchog mchog ma yin// mkhyen dang thams cad du 'gro dang/ /bsam gtan rnam thar ting 'dzin dang/ /snyoms par 'jug sogs blo stobs dang/ /sngon gnas dran pa mkhyen pa dang/ /de bzhin 'chi 'pho skye blo dang/ /zag rnams zad pa mkhyen stobs te/ /stobs ni bcu po 'di dag go /rgyu gang zhig las gang zhig nges par skye 'gyur ba/ /de ni de yi gnas su de mkhyen rnams kyis gsungs/ /bshad pa las zlog gnas mi shes bya mdza' yas pa/ /mkhyen pa thogs pa spangs pa de ni stobs su bshad/ /'dod dang mi 'dod de las bzlog dang zas dngos kyi/ /las dang de yi rnam smin shin tu sna tshogs la'ang/ /mkhyen pa nus mthu thogs med so sor 'jug 'gyur ba/ /dus gsum shes bya khyab mdzad de ni stobs su 'dod/ /'dod chags sogs kyis 'byung ba'i stobs kyis 'dod pa ni/ /shin tu sna tshogs dman 'bring gang yang khyad 'phags 'dod/ /de las gzhan rnams kyis g.yogs mos la'ang mkhyen pa ni/ /dus gsum 'gro ba ma lus khyab pa stobs zhes bya/ /sangs rgyas khams kyi rnam par dbye la mkhas rnams kyi/ /mig sogs rnams kyi rang bzhin gang de khams su gsungs/ /rdzogs pa'i sangs rgyas rnams kyi mkhyen pa mdza' yas shing/ /rnam kun khams kyi khyad par la 'jug stobs su 'dod/ /kun tu rtog sogs ches rno nyid ni mchog bzhed la/ /'bring gnas skabs dang rtul nyid mchog min par bshad dang/ /mig la sogs dang phan tshun sgrub nus chub pa la/ /rnam pa thams cad mkhyen pa chags med stobs su gsungs/ /lam 'ga' rgyal ba nyid dang 'ga' zhig rang rgyal gyi/ /byang chub dang ni nyan thos byang chub yi dags dang/ /dud 'gro lha mi rnams dang dmyal ba sogs 'gro ba/ /de la mkhyen pa chags med mdza' yas stobs su 'dod/ /'jig rten mdza' yas rnal 'byor bye brag la tha dad/ /bsam gtan mthar brgyad zhig nas gang dag dang/ /snyoms 'jug khyad par gang dag gcig dang brgyad gyur pa/ /de la mkhyen pa thogs med 'di ni stobs su bshad/ /ji srid gti mug de srid srid gnas 'das bdag dang/ /sems can gzhan re re yi srid pa sems can ni/ /ji snyed de snyed mdza' yas bzhir bcas yul phyogs dang/ /bcas rnams la blo gang dang gang yin stobs su bshad/ /sems can rnams kyi sems can re re'i 'chi 'pho dang/ /skye gang 'jig rten la gnas nam mkha' i mthar thug dang/ /bkra mang de la mkhyen pa dus der 'jug pa yis// ma chags rnam kun yongs dag mdza' yas stobs su 'dod/ /rnam kun mkhyen pa'i stobs kyis myur du rgyal rnams kyi/ /nyon mongs dag ni bag ma chags dang bcas 'jig 'gyur dang/ /slob ma la sogs nyon mongs blo yis 'gog pa gang de la mkhyen pa chags med mdza' yas stobs su 'dod/ /nam mkha' med pas 'dab chags ldog par mi 'gyur gyi/ /'dir ni rang mthu zad pas ldog par 'gyur de bzhin/ /slob ma dang bcas sangs rgyas sras rnams sangs rgyas kyi/ /yon tan mkha' ltar mdza' yas ma brjod ldog par 'gyur/ /de phyir bdag 'dras khyod yon 'di dag ci/ /shes pa dang ni brjod par nus 'gyur ram/ /'on kyang de dag 'phags pa klu sgrub kyis/ /bshad phyir dogs spangs cung zhig tsam zhig smras// zab mo stong pa nyid yin te/ yon tan gzhan rnams rgya che ba'o/ /zab dang rgya che'i tshul shes pas/ /yon tan 'di dag thob par 'gyur/ slar yang mi g.yo sku mda' khyod kyis srid gsum byon nas sprul rnams kyis/ /gshegs pa dang ni bltan? dang byang chub zhi ba'i 'khor lo'ang ston par mdzad/ /de ltar khyed kyis 'jig rten g.yo bag spyod can re ba'i zhags pa ni/ /mang pos bcings pa ma lus thugs rjes mya ngan 'das par bkri bar mdzad/ /gang phyir 'di na de nyid shes las dri ma mdza' dag sel ba ni/ /lhur byed gzhan med chos rnams de nyid rnam 'gyur dbye la'ang bsten min zhing/ /de nyid yul can blo gros 'di yang tha dad 'gyur ba ma yin pa/ /de yi phyir na khyod kyis 'gro la theg pa mi mnyam dbyer med bstan/ /gang phyir 'gro la nyes pa skyed byed snyigs ma 'di dag yod gyur pa/ /de phyir 'jig rten sangs rgyas spyod yul gting zab la 'jug mi 'gyur zhing/ /bde gshegs gang phyir khyod la mkhyen rab thugs rje thabs dang lhan cig pa/ /mnga' dang gang phyir bdag gis sems can dgrol zhes khyod kyis zhal bzhes te/ /de phyir mkhas pa rin po che yi gling du chas pa'i skye tshogs kyi/ /dal pa nyer sel grong khyer yid 'ong bar du rnam par bkod pa ltar/ /khyod kyis theg pa 'di ni slob ma nye bar zhi ba'i tshul la yid/ /sbyar zhing rnam par dben la'ang blo sbyangs rnams la logs su gsungs/ /bde bar gshegs pa ma lus phyogs zhing sangs rgyas yul dag na/ /phra rab rdul gyi rdul rnams bdog par gyur pa ji snyed pa/ /byang chub mchog rab dam par gshegs pa'i skal pa de snyed/ /'on kyang khyod kyi bsang pa 'di ni bsnyad na bgyi ma lags so/ /rgyal ba ji srid 'jig rten mdza' dag mchog tu rab zhi bar/ /'gro ba min zhing nam mkha' rnam 'jig 'gyur min de srid du/ /shes rab yum gyis bskyed pa khyod la thugs brtse ma ma yis/ /tshul lugs byed pas rab tu zhi bar 'gyur ba gang la mnga' / /gti mug skyon gyis 'jig rten kha zas dug bcas za ba yi/ /skye bo nyid kyi nang mi de la khyod brtse ji lta ba/ /de ltar dug zos nyen pa'i bu la ma yin sdug bsngal min/ /des na mgon po mchog tu rab zhing gshegs par 'gyur ma lags/ /gang gi phyir na mi mkhas dngos dang dngos med par zhen pa yi blo can gyis/ /skye dang 'jig gnas skabs dang sdug dang mi sdug bral phrad kyis bskyed sdug bsngal dang/ /sdig can 'gro ba 'thob pa de phyir 'jig rten thugs brtse'i yul du rab deng bas/ /bcom ldan thugs rje'i khyod lugs zhi las bzlog pas khyod la mya ngan 'das mi mnga' / /lugs 'di dge slong zla grags kyis/ /dbu ma'i bstan bcos las btus nas/ /lung ji bzhin dang man ngag ni/ /ji lta ba bzhin brjod pa yin/ /'di las gzhan na chos 'di ni/ ji ltar med pa de bzhin du/ /'dir 'byung lugs kyang gzhan ni/ /med ces mkhas rnams nges par mdzod/ /klu sgrub blo mtsho shin tu rgya che'i kha dog gis 'jigs pas/ /skye bos lugs bzang gang dag rgyang ring spangs pas de yi tshig / le'ur byas pa'i kha 'bus ku mu da kha phye ba'i chus/ /da lta zla ba grags pa re rnams rab tu skong bar byed/ de nyid bshad zin zab mo 'jigs rung 'di ni sngon goms nyid las skye bo yis/ /nges par rtags 'gyur 'di ni gsan rgya che yang gzhan gyis thugs su tshung mi 'gyur/ /de phyir tshul lugs rang blos sbyar ba 'di dag mthong nas bdag tu brjod pa yi/ gzhung lugs rnams ltar gzhan lugs bzhed gzhung 'di las gzhan la dga' blo dor bar bya/ /slob dpon klu sgrub lugs bzang bsnyad las bdag gis bsod nams phyogs kyi mthar/ /khyab cing yid mkha' nyon mongs kyis sdor ston ga'i rgyu skar ltar dkar ba 'am/ /sems kyis sprul la gdengs ka'i nor bu dang 'dra gang zhig thob pa des/ /'jig rten ma lus de nyid rtogs nas myur du bder gshegs sar bgrod shog /dbu ma la 'jug pa zab pa dang rgya che ba'i tshul bsal bar byed pa/ slob dpon zla ba grags pa theg pa mchog la thugs gzhol ba/ mi 'phrogs pa'i mkhyen rab dang thugs rje mnga' ba/ ri mor bris pa'i ba drus ma las 'o ma bzhos pas bden par zhen pa bzlog par mdzad pas sbyar ba/ rdzogs so// //kha che'i yul gyi grong khyer dpe med kyi dpung/ rin chen sbas pa'i gtsug lag khang du/ kha che'i rgyal po dpal 'phags pa la'i sku ring la/ rgya gar gyi mkhan po til ka dang/ bod kyi lo tsA ba ban de pa tsa ba nyi ma grags kyis kha che'i dpe dang mthun par bsgyur/ phyis ra sa ra mo cher rgya gar gyi mkhan po ka na ka warma dang/ lo tsA ba de nyid kyis nyi 'og shar phyogs pa'i dpe dang gtugs shing legs par btsos te gtan la phab pa'o// /'dir 'grel pa'i mdzad byed dang/ 'gyur byad gi steng nas thun mong ba rnams bkod pa ni/ rtsa ba logs su bsgyur ba dang 'grel pa'i nang gi rtsa ba gnyis sbyar nas zhus dag byas pa'i dbang du byas pa yin no/ (//dbu ma la 'jug pa'i rang 'gro ba bzhugs//) rgya gar skad du/

CLOSE WINDOW