བོད་ཡིག

e-texts based on the ACIP/ALL Input

slad kyis kha che'i paN+Di ta dza ya A nan+ta dang/ lo tsA ba khu mdo sde dpal gyis bsgyur pa'o// //dbu ma rtsa ba'i 'grel ba ? las 'jigs med 'phags pa klu sgrib kyis mdzad par zhugs so/ /rgya gar skad du/ mu lam d+hya mi ka pit+ti a ku to b+ha ya/ bod skad du/ dbu ma rtsa ba'i 'grel pa ga las 'jigs med/ bam po dang po/ /dkon mchog gsum la phyag 'tshal lo/ /'jam dpal gzhon nur gyur pa la phyag 'tshal lo/ /slob dpon 'phags pa klu sgrub la phyag 'tshal lo/ /gang gis skye dang 'jig pa dag/ 'di yi tshul gyis rab spangs pa/ /rten cing 'byung ba gsungs pa yi/ /thub dbang de la phyag 'tshal lo/ /gang gis rten cing 'brel par 'byung/ /'gag pa med pa skye med pa/ /chad pa med pa rtag med pa/ /'ong ba med pa 'gro med pa/ /tha dad don min don gcig min/ /spros pa nyer zhi zhi bstan pa/ /rdzogs pa'i sangs rgyas smra rnams kyi// dam pa de la phyag 'tshal lo/ /zhes bya ba ni gang gis gdul ba'i sems can dbang phyug dang/ skyes bu dang/ gnyi ga dang/ /dus dang/ rang bzhin dang/ nges pa dang/ ngo bo nyid dang/ 'gyur ba dang/ rdul phran gyi rgyus log par zhugs pa/ rgyu med pa dang/ rgyu mi mthun pa dang/ chad pa dang rtag par lta ba la mngon par zhen pa/ chs kyi ska mthong ba lkog tu gyur pa/ bdag tu lta ba de dang de la mngon par zhen pa/ de dang de dag gi rgyu med pa dang/ rgyu mi mthun pa dang/ chad pa dang rtag par lta ba rnam par bzlog pa'i phyir dang/ chos kyi sku rtogs par bya ba'i phyir dang/ bdag tu lta ba de dang/ de rnam par bzlog pa'i phyir shas cher yongs su spyod ba byas pa/ blo rgya chen po dang ldan pa zab mo bstan pa'i snod du gyur pa rnams la sngar smos pa'i rten cing 'brel par 'byung ba 'gag pa med ba/ skye ba med pa/ chad pa med pa/ rtag pa med pa/ 'od ba med pa/ 'gro ba med pa/ don tha dad pa ma yin pa/ don gcig ma yin pa spros pa thams cad nye bar zi ba zhi bar gyur pa bstan pa rdzogs pa'i sangs rgyas smra ba rnams kyi dam pa de la phyag 'tshal lo/ /zhes bya ba yin no/ /de bzhin gshegs pa'i bstod pa brjod pa phyag 'tshal ba'i bya ba nye bar gdags pa dang ldan pa 'dis ni don dam pa'i bden pa yongs su bstan pa yin no/ /de la 'gag pa med pa zhes bya ba ni rten cing 'brel par 'byung ba 'di la 'gag pa yod pa ma yin pa ste/ ci'i phyed zhe na/ skye ba med pa'i phyir ro/ /skye ba med pa zhes bya ba ni/'gag pa med pa'i phyir ro/ /chad pa med pa zhes bya ba ni sa bon dang myu gu bzhin no/ /rtag pa med pa zhes bya ba ni sa bon dang myu gu'i yun gyi dngos po bzhin no/ /'ong ba med pa 'gro ba med pa zhes bya ba ni nam mkha' bzhin no/ /tha dad don min zhes bya ba ni 'bras sa lu'i 'bras bu bzin no/ /don gcig min zhes bya ba ni 'bras sa lu'i sa bon bzhin no/ /tshig lhag ma rnams la yang de bzhin du ci rigs par tshig sbyar ba brjod par bya'o/ /dir smras pa/ ci'i phyir rnam pa brgyad po de dag 'gog par byed/ 'dir bshad pa/ rten cing 'brel par 'byung ba 'di tha snyad kyi bden par bstan pa la/ don dam pa'i bden pa la 'jug pa dag 'gag pa la sogs pa'i tshig rnam pa brgyad kyi mngon par zhen pa de bzlog pa'i phyir/ 'gag pa med pa la sogs pa'i tshig brgyad po dag smos so/ /'dir smras pa 'o na ci'i phyir 'gag pa med pa'i sgra sngar smos so// 'dir bshad pa/ 'di ltar re zhig skye ba'i sgra sngar brjod par nges mod kyi/ 'on kyang tshigs su bcad pa sbyar pa'i dbang gis 'gag pa med pa'i sgra'i sbyor ba snga ba la 'gal ba med do/ /yang na 'gag pa zhes bya ba'i ming la dngos por mngon par zhen pa rnams kyi mngon par zhen pa de sgang ba'i phyir te/ bcom ldan 'das ma shes rab kyi pha rol tu phyin pa las/ rab 'byor 'di ji snyam du sems/ sems 'gag pa gang yin pa de yang skye bar 'gyur ram/ gsol pa bcom ldan 'das de ni mi 'gyur ro/ /bka' stsal pa/ rab 'byor 'di ji snyam du sems/ sems bskyed pa gang yin pa de 'gag pa'i chos can yin nam/ gsol ba/ bcom ldan 'das 'gag pa'i chos can ma lags so/ /bka' stsal pa/ rab 'byor 'di ji snyam du sems/ 'gag pa'i chos can gang yin pa de 'gag par 'gyur ram/ gsol pa/ bcom ldan 'das de ni mi 'gyur ro/ /bka' stsal pa/ rab 'byor 'di ji snyam du sems/ ma skyes ba gang yin pa de 'gag pa'i chos can yin nam/ gsol ba bcom ldan 'das de ni ma lags so/ /bka' stsal pa/ rab 'byor 'di ji snyam du sems/ 'gag pa'i chos can gang yin pa de skye par 'gyur ram/ gsol pa bcom ldan 'das de ni mi 'gyur/ /bka' stsal pa/ rab 'byor 'di ji snyam du sems/ sems 'gags pa'i chos can gang yin pa de 'gag par 'gyur ram/ gsol pa /bcom ldan 'das de ni mi 'gyur ro// bka' stsal pa/ rab 'byor 'di ji snyam du sems/ chos rang bzhin gyis ngo bo nyid med cing 'gags pa gang yin pa de 'gag par 'gyur ram/ gsol ba/ bcom ldan 'das de ni mi 'gyur ro/ /zhes ji skad gsungs pa lta bu ste/ de ltar gang gi phyir shes rab kyi pha rol tu phyin pa nyid las 'gag pa'i chos can la 'gag par 'gyur ba'i rim pa tha snyad gdags pa mdzad pa de'i phyir 'gag pa med pa'i sgra'i sbyor ba sngar smos so/ /yang na 'gag pa med pa zhes bya ba'i sgra'i don ni chad pa med pa zhes bya ba'i sgra'i bar du gcod pa dang 'brel par snang ba'i phyir 'gag pa med pa'i sgra'i sbyor ba sngar smos te/ gang gi phyir chad pa med pas 'gag pa med de/ 'di ni gang chad par gyur pa de 'gag par 'gyur ba de lta ma yin pa de'i phyir 'gag par med do/ /gang gi phyir skye ba med pa zhes bya ba'i sgra'i don ni rtag pa med pa zhes bya pa'i sgra bar du chod pa dang 'brel par snang ba'i phyir 'gag pa med pa'i sgra'i mjug thogs skye ba med pa smos so/ /gang gi phyir 'gag pa med pas chad pa med de/ 'di na gang 'gag par 'gyur ba de chad par 'gyur ba de lta ma yin pa de'i phyir chad pa med do/ /gang gi phyir skye pa med pas rtag pa med de/ 'di na gang skye bar 'gyur pa de rtag par 'gyur ba de lta ma yin pa de'i phyir rtag pa med do/ /da ni gzhan du brtags te/ 'gag pa med pa ni 'gags pa dang ma 'gag pa dag la 'gag pa mi 'thad pa'i phyir ro/ /skye pa med pa ni 'pho ba med par mi 'thad pa'i phyir ro/ /de la snga ma'i rnam grangs gzhan yang 'gag ba med pa ni de las gzhan pa'i gnas skabs la 'gag pa mi 'thad pa'i phyir ro/ /brtag pa gzhan yang 'gag pa med pa ni lus dang ming mi 'thad pa'i phyir ro/ /skye ba med pa la yang lus dang ming mi 'thad pa nyid kyi phyir ro/ rnam grangs gzhan yang 'gag pa med pa ni ngo bo nyid yod par mi 'thad pa'i phyir ro/ /skye ba med pa yang ngo bo nyid yod par mi 'thad pa nyid kyi phyir ro/ /rtag pa gzhan yang 'gag pa med pa ni ngo bo nyid stong pa'i phyir ro/ /skye ba med pa yang ngo bo stong pa nyid kyi phyir ro/ /rnam grangs gzhan yang chad ba med pa ni 'gag pa med pa'i phyir ro/ /rtag pa med */ /pa ni skye ba med pa'i phyir ro/ /don tha dad pa ma yin pa ni skye ba med pa'i phyir ro/ /don gcig pa ma yin pa ni 'gag pa med pa'i phyir ro/ /'ong ba med pa ni skye ba med pa'i phyir ro/ /'gro ba med pa ni 'gag pa med pa'i phyir ro/ /brtag pa gzhan yang skye pa dang 'gag pa med pa'i phyir lhag ma thams cad la de bzhin de mngon par zhes pa dag med do/ /brtag pa gzhan yang gang la brten nas gang 'byung ba de ni gang gi phyir de nyid kyang ma yin la gzhan yang ma yin pa de'i phyir rnam pa gsum las kyang de la skye ba mi 'thad pas de'i phyir skye ba med do/ /de'i phyir skye ba med phyir 'ong pa med do/ /'ong ba med pa'i phyir 'gro ba med do/ /rnam grangs gzhan yang gang la brten nas gang 'byung ba de ni gang gi phyir de nyid ma yin pa de'i phyir rtag pa med do/ /gang gi phyir gzhan ma yin pa de'i phyir chad pa med do/ /'di ni brtag pa gzhan te/ gang la brten nas gang 'byung ba ni gang gi phyir de nyid la yin pa de'i phyir don gcig pa ma yin no/ /gang gi phyir gzhan ma yin pa de'i phyir don tha dad pa ma yin no/ /'di ni rnam grangs gzhan te gang la brten nas gang 'byung ba de ni ngo bo ny+d med de/ ngo bo nyid med pa'i phyir skye ba med do/ /skye ba med pa'i phyir don gcig pa ma yin pa dang/ don tha dad pa ma yin no/ /skye ba med pa kho na'i phyir 'ong ba med pa dang 'gro ba med do/ /'di ni rnam grangs gzhan te/ gang la brten nas gang 'byung ba de ni ngo bo nyid med de/ ngo bo nyid med pa'i phyir 'gag pa la sogs pa'i ming gi khyad par thams cad kyi ngo bo'i mngon par zhen par bya ba ma yin no/ /'di ni rnam grangs gzhan te/ de la tshig snga ma bzhi po 'gag pa med pa la sogs pa rtag pa med pa'i mthar thug pa dag ni phal cher rang gi gzung luT kyi khongs su gtogs pa yin pas de dag ni rnam par bshad zin to/ /phyi ma gang dag yin pa de dag ni gzhan gyi gzhung lugs kyi khongs su gtogs pa yin pas de dag rnam par bshad par bya ste/ grangs can dag ni rgyu dang 'bras bu gcig go zhes kun tu bsgrub pas de bzlog pa'i phyir don gcig pa ma yin no/ /bye brag pa dag ni rgyu dang 'bras bu tha dad do zhes kun tu bsgrub pas de bzlog pa'i phyir don tha dad pa ma yin no/ /de dag gnyis ka yang dngos po rnams la bya ba rnam pa tha dad pa dag yod par mngon par zhen pas de dag 'gro ba dag tu bsdus nas de dag bzlog pa'i phyir 'ongs? med pa dang 'gro ba med pa bstan to/ /'dir smras pa/ don med na 'gag pa la sogs pa'i ming gi khyad par dag mi 'byung bas de'i phyir gang dag yod na 'gag pa la sogs pa'i ming gi khyad par dag 'byung bar bsam pa'i dngos po rnams yod do/ /'dir bshad pa/ ming dang ming can dag rab tu grub na ni 'gag pa la sogs pa de dag ming gi khyad par bdag kyang rab tu 'grub par 'gyur grang na/ de dag ni ming thad do/ /ji ltar zhe na/'di la ming dang ming can dag gcig pa nyid dam tha dad pa nyid du 'grub par 'gyur grang na/ gnyis ka ltar yang mi 'thad do/ /ci'i phyir zhe na/ re zhig gal te ming gang yin pa de nyid ming can yin par gyur na de lta na ming can gcig pa nyid du 'gyur te/ de ltar gcig pa nyid yin na me zhes brjod pa na kha tshig par 'gyur pa rigs na tshig par ni mi 'gyur ro/ /gzhan yang 'di na sgra la mkhas pa dag byed pa po dang las rnam par dbye ba'i phyir kun tu sgrub pas de'i phyir de gnyis gcig pa nyid ma yin no/ /ce ste ming yang gzhan la ming can yang gzhan yin par gyur na ni de lta na tha dad pa nyid yin te/ de gnyis rgyu med pa nyid du 'gyur bas de ni mi 'dod do/ /ming can gyi ming yang 'thad pa yin na ming can med na de gang gi ming yin/ ming med par yang ming can zhes bya ba mi 'thad de/ gang gis de la med du btags par gyur/ de'i phyir de gnyis tha dad pa nyid kyang ma yin no/ /de ltar gang gi phyir ming dang ming can de gnyis tha dad pa nyid du 'grub par mi 'thad pa de'i phyir 'gag pa la sogs pa'i ming gi khyad par rnams mi 'grub po/ /yang gzhan yang lung gi tshad ma las kyang mdo sde las/ ming ni smig rgyu 'dra ba ste/ gal te smig rgyu 'dra ba yin na phyin ci log yin la/ gang phyin ci log pa de ni yang dag pa ma yin no/ /gang yang dag pa ma yin pa'i ming du rnam par rtog pas rab tu phye ba de ni yang dag pa zhes bya bar mi rigs so zhes gsungs par/ de'i phyir lung gi tshad mas kyang ming dang ming can de gnyis su mi 'grub ste/ de gnyis ma grub na/ dgag pa la sogs pa'i ming du rnam par rtog pa dag mi 'grub bo/ 'di'i phyir yang 'gag pa mi 'thad de/ ci'i phyir zhe na/ 'jig rten na mthong ba'i phyir te/ 'di ltar 'jig rten na dngos po rnams 'gag pa med pa zhes bya ba de mthong ste/ 'di lta ste/ bskal pa dang po pa'i 'bras sa lu la sogs pa'i dbye ba gang dag 'gags pa de dag gal te 'gaT par gur na da ltar gyi dus na 'bras sa lu la sogs pa dag mi snang bar 'gyur ba zhig na/ snang bas de'i phyir 'gag pa med do/ /'dir smras pa/ 'o na skye ba yod do/ /'dir bshad pa/ /skye ba med do/ /ci'i phyir zhe na/ 'jig rten na mthong ba'i phyir te/ 'di ltar 'jig rten na dngos po rnams skye ba med pa zhes bya ba de mthong ste/ 'di lta ste bskal pa dang po'i 'bras sa lu? la sogs pa gang dag yin pa de dag med par da ltar gyi 'bras bu lu la sogs pa 'ga' yang med de/ gal te de dag med par da ltar gyi dus kyi 'bras sa lu la soD bdag snang bar gyur na ni/ skye ba yod do zhes smra bar rigs pa zhig na/ /mi snang bas de'i phyir skye ba med do/ /'dir smras pa/ chad pa yod do/ /'dir bshad pa/ chad pa med do/ /ci'i phyir zhe na/ 'jig rten na mthong ba'i phyir/ /'di lar 'jig rten na dngos po rnams chad pa med zhes bya bde mthong ste/ 'bras sa bu'i sa bon las 'bras sa lu'i myu gu la sogs pa 'byung ba mthong ngo/ /gal te tshad pa yin na 'byung ba nyid mi dmigs par 'gyur ba zhig na/ 'phyung ba dmigs pas de'i phyir chad pa med do/ /'dir smras pa/ rtag pa yod do/ /'dir bshad pa/ rtag pa med do/ /ci'i phyir zhe na/ 'jig rten na mthong ba'i phyir te/ 'di ltar 'jig rten na dngos po rnams rtag par mi 'thad pa zhes bya ba de mthong ste/ 'bras sa lu'i sa bon myu gu'i dus na mi dmigs te/ de ltar gang gi phyir myu gu'i dus na/ sa bon ldog pa de'i phyir rtag pa ma yin no/ /'bras bu lu'i sa bon ji lta ba de bzhin du/ dngos po thams cad kyang bsam par bya'o/ /'dir smras pa/ gal te de ltar na/ de'i phyir dngos po rnams don gcig pa nyid du 'gyur ro/ /'dir bshad pa/ don gcig pa ma yin no/ /ci'i phyir zhe na/ 'jig rten na mthong ba'i phyir te 'di ltar 'jig rten na dngos po rnams don gcig pa nyid ma yin pa zhes bya ba de mthong ste/ 'di na 'bras sa lu'i sa bon myur gu ma yin no/ /gal te don gcig pa nyid yin na/ sa bon dang myu gu zhes tha dad par brjod pa de dag byed par mi 'gyur ba zhig na/ de dag tha dad par brjod par byed pas de'i phyir don gcig pa ma yin no/ /'dir smras pa/ gal te don gcig pa nyid du mi 'dod na/ des na dngos po rnams don tha dad par 'gyur ro/ /'dir bshad pa/ don tha dad pa ma yin no/ /ci'i phyir zhe na/ 'jig rten na mthong ba'i phyir te 'di ltar 'jig rten na dngos po rnams don tha dad ma yin pa nyid mthong te/ 'di na 'bras sa lu'i sa bon dang 'bras sa lu'i myu gu dang/ 'bras sa lu'i 'dab ma zhes bya ba la sogs pa dag mthong ngo/ /de la gal te don tha dad pa nyid du 'dod na/ 'bras sa lu'i sa bon dang/ 'bras sa? lu'i? myu gu dang/ 'bras sa lu'i 'dab ma zhes nges pa kho nar 'di ji ltar smra par 'gyur/ ko dra ba'i sa bon dang/ ko dra ba'i myu gu dang/ ko dra ba'i 'dab ma zhes bya bar yang ci'i phyir mi 'gyur/ gang gi phyir de ltar mi 'gyur bar de'i phyir don tha dad pa ma yin no ? smras ba/ 'ong ba yod do/ /'dir bshad pa/ 'ong ba med do/ /ci'i phyir zhe na/ 'jig rten na mthong ba'i phyir te/ 'di ltar 'jig rten na dngos po rnams gang nas kyang 'ong ba med pa zhes bya ba de mthong ste/ 'di ni 'bras sa lu'i myu gu gser? nad yongs nas/ 'bras sa lu'i sa bon la nges par gnas par mi byed do/ /gal te myu gu yul gzhan gshed nas 'ongs te/ sa bon la nges par gnas par byed par gyur na/ shing ljon pa la bya gnas pa bzhin du snang bar 'gyur ba zhig na/ de ltar mi snang bas/ de'i phyir 'ong? ba med do/ /'dir smras pa/? 'gro ba yod do/ /'dir bshad pa/ 'gro ba med do/ /de ci'i phyir zhe na/ 'jig rten na mthong ba'i phyir te/ 'di ltar 'jig rten na dngos po rnams 'gro ba med pa zhes bya ba de mthong ste/ 'di na 'bras sa lu'i myu gu sa bon las 'gro ba med par mthong ngo/ /gal te 'gro ba yod par gyur na ni/ ri la sprul bzhin du snang bar 'gyur ba zhig na/ mi snang bas de'i phyir 'gro ba med do/ /de ltar 'jug pa 'dis kyang 'gag pa la sogs pa dag mi 'thad de brtag pa dang po'o// //'dir smras pa/ 'o na gzhan du na ji ltar skye ba med 'dir bshad pa/ bdag las ma yin gzhan las min/ /gnyis las ma yin rgyu med min/ /dngos po gang dag gang na yang/ /skye ba nam yang yod ma yin/ bdag las ma yin zhes bya ba ni/ bdag nyid las ma yin pa'o/ /gzhan las min zhes bya ba ni/ gzhan gyi bdag nyid las ma yin pa kho na'o/ /gnyis las ma yin zhes bya ba ni/ bdag dang gzhan las ma yin pa'o/ /rgyu med min zhes bya ba ni/ rgyu med pa las ma yin pa'o/ /dngos po zhes bya ba ni/ chos rnams te dngos po zhes bya ba'i sgra ni 'di mu stegs can thams cad dang thun mong ngo zhes bya bar sbyar ro/ /gang dag ces bya ba ni dngos po 'ga' yang ngo/ /gang na yang zhes bya ba ni/ dus gang na dang yul gang na yang ngo/ /skye ba zhes bya ba ni/ skyes pa dang/ byung ba dang/ mngon par grub pa'o/ /nam yang zhes bya ba'i sgra ni lan 'ga' yang zhes bya ba'i don to? yod ma yin zhes bya ba ni/ yod pa ma yin pa'o/ /gang gi phyir rim pa rnam pa bzhi po de dag gis kyang dngos po rnams skye bar mi 'thad pa de'i phyir 'gag pa med pa la sogs pa'i mi mthun pa'i phyogs su sel ba'i tshig rnams smos so/ 'dir smras pa/ khyod kyi rim pa rnam pa bzhi po gang dag gis dngos po rnams skye ba med par dpyad pa de rigs pa gang gis ji ltar mi 'thad par shes par 'gyur/ 'dir bshad pa/ dngos po rnams kyi rang bzhin ni/ /rkyen la sogs la yod ma yin/ /bdag gi dngos po yod min na/ /gzhan gyi dngos po yod ma yin/ dngos po rnams kyi zhes bya ba ni chos rnams kyi'o/ /rang bzhin ni zhes bya ba ni/ rang gi dngos po ni rang bzhin te/ bdag nyid kyi dngos po zhes bya ba'i tha tshig go /rkyen la sogs la zhes bya ba ni rgyu la sogs pa dag la zhes bya ba'i tha tshig go/ sogs la zhes bya ba'i sgra smos pa ni/ gzhan mu stegs can dag gis rkyen bstan pa thams cad bsdus pa'i phyir ro/ /yod pa ma yin zhes bya ba ni rgyu bstan pa sngar btang ste/ yod pa ma yin no zhes dgag pa'i don to/ /bdag gi dngos po zhes bya ba ni bdag nyid kyi dngos po zhes bya ba'i tha tshig go /yod min na zhes bya ba ni yod pa ma yin na zhes bya ba'i don to/ /gzhan gyi dngos po zhes bya ba ni gzhan gyi ngo bo nyid ni gzhan gyi dngos po ste/ bdag nyid kyi dngos po ma yin pa zhes bya ba'i tha tshig go /yod pa ma yin zhes bya ba ni yod pa ma yin no zhes bya ba'i don to/ /gang gi phyir dngos po rnams kyi rang bzhin rkyen la sogs pa dag la yod pa ma yin pa de'i phyir dngos po rnams bdag las skye bar mi 'thad do/ /gang gi phyir bdag gi dngos po yod pa ma yin na/ gzhan gyi dngos po yod pa ma yin pa de'i phyir dngos po rnams gzhan las skye bar mi 'thad do/ /bdag gis dngos po dang gzhan gyi dngos po yod pa ma yin pas dngos po rnams gnyis la skye bar mi 'thad do/ /rgyu med pa ni tha chad kho na yin pas de las kyang dngos po rnams skye bar mi 'thad do/ /'dir chos mngon par shes par dag gis smras pa/ rkyen rnams bzhi ste rgyu dang ni/ /dmigs pa dang ni de ma thag /bdag po yang ni de bzhin te/ rkyen lnga pa ni yong ma yin/ rab tu byed pa rtsom pa dag gis rnam grangs de dang bdag gis bstan pa rkyen ji snyed gang dag brjod pa de dag thams cad ni rkyen bzhi po 'di dag nyid du 'dus pas rkyen lnga pa? yod pa ma yin no/ /rkyen bzhi po gang dag tu 'dus zhe na/ rgyu'i rkyen ni bskyed pa'i don gyis so/ /dmigs pa'i rkyen ni rten gyi don gyis/ /de ma thag pa'i rkyen ni bar du mchod pa'i don gyis so/ /bdag po'i rkyen ni dbang byed pa'i don gyis te/ rkyen bzhi po de dag gis dngos po rnams kyi bya ba dang skye ba dang 'byung ba dang/ rgyu'i rnam grangs kyi sgra brjod do/ /'dir bshad pa/ bya ba rkyen dang ldan ma yin/ /rkyen dang mi ldan bya ba med/ /bya ba mi ldan rkyen ma yin/ /bya ba ldan yod 'on te na/ khyed kyi rkyen bzhi po dag gis dngos po rnams kyi bya ba brjod pa gang yin pa de rkyen dang ldan pa yin nam/ rkyen dang mi ldan pa yin grang na/ de yod pa 'am med pa gnyis ka la yang rkyen rnams dgos pa med pas yong pa ma yin no/ /rkyen rnams kyang bya ba dang ldan pa 'am bya ba dang mi ldan pa yin grang na/ de dag kyang yod pa 'am med pa gnyi ga la yang bya ba med de/ bya ba bzhin nam/ bsregs pa dang ma bsregs pa bzhin pas/ de la rkyen bzhi po dag gis dngos po rnams kyi bya ba brjod do/ /zhes gang smras pa de rigs pa ma yin no/ /gang gzhan yang 'di dag la brten skye bas na/ /de phyir 'di dag rkyen ces grag /'di dag la brten nas dngos po rnams skye bas na de'i phyir 'di dag rkyen du ston ces grag pas de la bshad par bya ste/ ji srid mi bskyed de srid du/ /'di dag rkyen min ji ltar min/ /ji srid du dngos po mi bskyed pa de srid du 'di dag rkyen ma yin par yang ji ltar mi 'gyur te/ zhig pa dang ma zhig pa bzhin no/ /yang gzhan yang/ med dam yod pa'i don la yang/ /rkyen ni rung ba ma yin te/ /rkyen dngos po med pa 'am/ yod pa'i yin grang na/ gnyi gar yang mi 'thad de/ ma skyes pa dang skyes pa bzhin no/ /ji ltar zhe na/ bshad pa/ med na gang gi rkyen du 'gyur/ /yod na rkyen gyis ci zhig bya/ /dmus long bzhin rnam thams cad mkhyen pa bzhin no/ /'dir smras pa/ rkyen rnams spyir dgag pa ni byas na/ da dag re re nas ji ltar dgag par bya/ 'dir bshad pa/ gang tshe chos ni yod pa dang/ /med dang yod med mi 'grub pa/ /ji ltar sgrub byed rgyu zhes bya/ /de lta yin na mi rigs so/ /'di la chos gang rgyus sgrub par gyur na de yod pa 'am/ med pa 'am/ yod med gcig sgrub par 'gyur grang na/ de la gang gi tshe yod pa yang sgrub par mi byed/ med pa yang sgrub par mi byed/ yod med kyang sgrub par mi byed pa de'i tshe ji ltar sgrub par byed pa rgyu zhes bya ste/ /de lta yin na mi rig so/ /de ltar re zhig rgyu bkag zin to/ /dmig pa ji ltar dgag ce na/ bshad pa/ yod pa'i chos 'di dmigs pa ni/ /med pa kho nar nye bar bstan/ /de ltar chos 'di dmigs med na/ /dmigs pa yod par ga la 'gyur/ /bcom ldan 'das kyis shes rab kyi pha rol tu phyin pa las chos kyi phung po brgyad khri bzhi stong dag tu chos gang bstan pa de ni ro gcig dmigs pa med pa kho na yin no/ /zhes bka' stsal te/ de ltar chos dmigs pa med par bstan pa de la ci'i phyir dmigs pa yod par ston/ dmigs pa de ni mi 'thad de nam mkha' bzhin no/ /de ma thag pa ji ltar dgag ce na/ bshad pa/ chos rnams skyes pa ma yin na// 'gag pa 'thad par mi 'gyur ro/ /de phyir de ma thag mi rigs/ /'gags na rkyen kyang gang zhig yin/ /chos rnams skye bar ston pa na chos ma skyes pa rnams la 'gags pa 'thad par mi 'gyur ro/ /skyes pa rnams la 'thad par 'gyur bas gang gi phyir de lta yin pa de'i phyir de ma thag pa'i rkyen ces bya'o zhe na/ de ni rigs pa ma yin te/ 'gags na rkyen du bstan pa mi 'thad de med pa rkyen du bstan par bya ba de gang yin/ de ni de ma thag pa dgag pa'o/ /bdag po ji ltar dgag ce na/ bshad pa/ dngos po rang bzhin med rnams kyi/ /yong pa gang phyir yod min na/ 'di yod pas na 'di 'gyur zhes/ /bya ba de ni 'thad ma yin/ /dngos po rang bzhin med pa rnams kyi yod pa zhes bya ba gang gi phyir yod pa ma yin pa de'i phyir 'di yod pas 'di 'byung ngo zhes bya ba de 'thad pa ma yin te/ de ni bdag po dgag pa'o/ /de ltar rkyen de dag spyi dang so sor bkag pas/ rkyen rnams so so 'dus pa la/ /'bras bu de ni med pa nyid/ /rkyen rnams la ni gang med pa/ /de ni rkyen las ji ltar skye/ /rkyen rnams so so dang 'dus pa dag pa 'bras bu de med pa nyid yin na/ rkyen rnams so so dang 'dus pa dag la med pa gang yin pa de rkyen las skye bar mi rigs so/ /ji ste de ni med par yang/ /rkyen de dag las skye 'gyur na/ /rkyen min las kyang 'bras bu ni/ /ci yi phyir na skye mi 'gyur/ /ci ste 'bras bu de med par yang rkyen rnams las skye bar sems na/ 'o na de med par 'dra ba rkyen ma yin pa dag las kyang ci'i phyir skye bar mi 'gyur/ 'di smras pa/ khyod kyis rkyen dang rkyen ma yin pa zhes brjod pa gang dag yin pa de dag ni yod do/ /'dir bshad pa/ 'bras bu rkyen las byung yin na/ /rkyen rnams rang las byung ma yin/ /rang byung yin las 'bras bu gang/ /de ni ji ltar rkyen las byung// de phyir rkyen pas byung ma yin/ /rkyen min las byung 'bras bu ni/ /yod min 'bras bu med pa na/ /rkyen min rkyen dug la 'gyur/ /khyod kyis rkyen dang rkyen ma yin bdag yod do zhes smras pa gang yin pa de la bshad par bya ste/ 'di na khyod kyis sngar 'bras bu rkyen las byung ba yin no/ /zhes bya ba de ltar bsams pa de la rigs pas rab tu brtags na/ rkyen rnams ni 'bras bu dang 'dra ba kho nar rang las byung ba ma yin no/ /rkyen rang las byung ba ma yin pa dag las 'bras bu gang byung ba de ji ltar rkyen las byung ba zhes bya bar rigs/ de lta bas na 'bras bu rkyen pas byung ba yang med la/ rkyen ma yin pa las byung ba yang med do/ /'bras bu med pas na rkyen ma yin pa dang/ rkyen dag kyang 'bras bu dang 'dra ba kho nar ngo bo nyid kyis yod pa ma yin te/ /smig rgyu bzhin no/ /slob dpon 'phags pa klu sgrub kyis mdzad pa dbu ma'i rtsa? ba'i 'grel pa ga las 'jig med las rkyen rtag pa zhes bya ba ste rab tu byed pa dang po'o/ / //'dir smras pa/ 'di la dus gsum gyi gnas skabs kyi bya ba dag snang ste/ dus gsum gyi gnas skabs tshang mar byas nas/ song ba dang ma song ba dang 'gom pa zhes bya ba la sogs pa de dag rgya cher bstan pas/ de'i phyir bya ba yod do/ /'dir bshad pa/ re zhig song la 'gro ba med/ /ma song bar 'ang? 'gro ba med/ /song dang ma song ma gtogs par/ /bgom pa shes par mi 'gyur ro/ /'di la re zhig song ba la 'gro ba med de/ song zin pa'i phyir te/ bya ba dang bral ba la bya ba mi 'thad pa'i phyir ro/ /ma song ba la yang 'gro ba med de 'gro ba med pa'i phyir ro/ /bgom pa la yang 'gro ba med de song ba dang ma song ba dag ma gtogs par bgom pa med pa'i phyir te/ mar me dang snang ba bzhin no/ /'dir smras pa/ gang na g.yo ba de na 'gro /de yang gang gi bgom pa la/ /g.yo ba song min ma song min/ /de phyir bgom la 'gro ba yod/ /'di na gang na g.yo ba snang ba de na 'gro ba yod de/ de yang gang gi phyir bgom pa la snang gi g.yo ba song ba la mi snang/ ma song ba la yang mi snang ba de'i phyir/ bgom pa la yid 'gro ba yod do/ /'dir bshad pa/ bgom la 'gro ba yod par ni/ /ji lta bur na 'thad par 'gyur/ /gang tshe 'gro ba med pa yi/ /bgom pa 'thad pa med phyir ro/ /'di la bgom pa la 'gro ba yod pa mi 'thad de/ ci'i phyir zhe na/ 'di ltar 'gro ba med pa'i bgon pa nges par gzung ba mi 'thad pa'i phyir te/ mo gsham gyi bu bzhin no/ /yang gzhan yang/ gang gi bgom la 'gro yod pa/ /de yi bgom la 'gro med par/ /thal bar 'gyur te gang gi phyir/ /bgom pa khong du chud phyir ro/ /'di la gang gi phyogs la bgom pa la 'gro ba yod par 'dod pa de'i bsgom pa la 'gro ba med par thal bar 'gyur te/ ma bltos par 'grub par 'gyur ro zhes bya ba'i tha tshig go /ci'i phyir zhe na/ gang gi phyir bgom pa khong du chung pa'i phyir te/ tshig 'di la mngon par zhen pa'i phyir ro/ /de yang mi 'dod de/ de'i phyir bgom pa la 'gro ba yod do/ /zhes bya ba ni rigs pa ma yin te/ grum po bzhin no/ /yang gzhan yang/ bgom la 'gro ba yod na ni/ /'gro ba gnyis su thal 'gyur te/ /gang gis bgom pa de dang ni/ /de la 'gro ba gang yin pa'o/ /'di la bgom pa la 'gro ba yod par 'dod na/ 'gro ba gnyis su thal bar 'gyur te/ ji lta zhe na/ 'gro ba gang gis bgom pa zhes brjod pa de dang de la yang 'gro bar 'gyur ba gang yin pa'o/ /yang gzhan yang/ 'gro ba gnyis su thal gyur na/ /'gro ba po yang gnyis su 'gyur/ /gang phyir 'gro po med par ni/ /'gro ba 'thad par mi 'gyur phyir/ /'di la 'gro ba gnyis su thal bar 'gyur na/ 'gro ba po yang gnyis su thal bar 'gyur te/ ci'i phyir zhe na/ gang gi phyir 'gro ba po med par 'gro ba 'thad par mi 'gyur ba'i phyir ro/ /'gro ba nyid dang 'gro ba po gnyis su thal bar 'gyur ba de ni mi 'dod de/ de'i phyir bgom pa la 'gro ba yod do zhes bya ba de rigs pa ma yin te/ mgo bcad pa bzhin no/ /'dir smras pa/ 'gro ba po med par 'gro ba 'thad par mi 'gyur ba de ni de bzhin te/ de'i phyir 'gro ba po dus gsum du nges par gnas pa la rten pa'i 'gro ba yod do/ /'dir bshad pa/ gal te 'gro po med gyur na/ /'gro ba 'thad par mi 'gyur te/ /'gro ba med na 'gro ba po/ /yod pa nyid du ga la 'gyur/ /gang gi tshe 'gro ba po med na/ 'gro ba mi 'thad pa de'i tshe/ de ji ltar 'gro ba med na/ 'gro ba po yod par 'gyur te/ de la 'gro ba po dus gsum du nges par gnas pa zhes gang smras pa de rigs pa ma yin no/ /yang gzhan yang/ re shig 'gro po mi 'gro ste/ /'gro ba pa min 'gro ba min/ /'gro po 'gro po min las gzhan/ /gsum pa gang zhig 'gro bar 'gyur/ /'di la 'gro ba po zhig 'gro bar 'gyur ram/ 'gro ba po ma yin pa zhig 'gro bar 'gyur ram/ de gnyis las gzhan pa gsum ba zhig 'gro bar 'gyur grar? na/ de la re zhig 'gro ba po ni mi 'gro ste/ 'gro ba yod pa'i phyir ro/ 'gro ba po ma yin pa yang mi 'gro ste/ 'gro ba med pa'i phyir ro/ de nyid las gzhan pa gsum pa yang mi 'gro ste/ med pa'i phyir ro/ /gang zhig yod na de 'gro ba po 'am/ 'gro ba ma yin pa zhig yin grang na/ de gnyi ga yang 'gro bar mi 'thad pas de'i phyir de ni rigs pa ma yin no/ /yang gzhan yang/ re zhig 'gro po 'gro po zhes/ /ji ltar 'thad pa nyid du 'gyur/ /'gro ba med na 'gro ba po/ /nam yang 'thad par mi 'gyur ro/ /'di la 'gro ba po 'gro'o zhes bya ba gang yin pa de la mngon par zhen pa de ni mi 'thad de/ ci'i phyir zhe na/ 'gro ba med na 'gro ba po nam yang 'thad par mi 'gyur ba'i phyir ro/ yang gzhan yang/ gang gi phyogs la 'gro ba po/ /'gro ba de la 'gro med pa'i/ /'gro po yin par thal 'gyur te/ 'gro po 'gro pa 'dod phyir ro/ /'di la gang gi phyogs la 'gro ba po 'gro bar 'dod pa de la 'gro ba med pa'i 'gro ba po yin par thal bar 'gyur te/ ci'i phyir zhe na/ 'di ltar 'gro ba po 'gro bar 'dod pa'i phyir ro/ /yang gzhan yang/ gal te 'gro po 'gro gyur na/ /'gro ba gnyis su thal 'gyur te/ /gang gis 'gro por mngon pa dang/ /'gro por gyur nas gang 'gro ba'o/ /'gro ba po 'gro zhes bya ba'i phyogs 'di la/ 'gro ba gnyis su thal bar 'gyur te/ ji ltar zhe na/ 'gro ba gang gis 'gro ba por mngon pa dang/ 'gro ba po 'gyur nas 'gro ba gzhan gang gis dus phyis 'gro bar 'gyur ba'o/ /de ni mi 'dod pas de la 'gro ba po dus gsum du nges par gnas pa zhes smras pa de rigs pa ma yin te/ mo gsham gyi bu bzhin no/ /de'i phyir de ltar yongs su brtags na/ song la 'gro ba'i rtsom med de/ /ma song ba yang 'gro rtsom med/ /bgom pa rtsom pa yod min na/ /gang du 'gro ba rtsom par byed/ /yang gzhan yang/ 'gro brtsom pa'i snga ro? la na/ /gang du 'gro ba rtsom 'gyur ba/ /bgom pa med cing song ba med/ /ma song 'gro ba gang la yod/ /'gro rtsom rnam pa thams cad du/ /snang ba med pa nyid yin na/ /song ba ci zhig bgom pa ci/ /ma song ci zhes rnam par brtag /'gro ba rtsom pa'i snga rol na/ /gang du 'gro ba rtsom par 'gyur ba'i bgom pa med cing song ba yang med do/ /ma song bar 'gro ba rtsom par 'gyur ro/ /snyam na de yang mi rung ste/ ci'i phyir zhe na/ ma song ba nyid yod pa ma yin pa'i phyir/ ma song bar 'gro ba rtsom par 'gyur ba ga la yod/ de'i phyir 'gro ba'i rtsom pa rnam pa thams cad du snang ba med pa nyid yin na/ song ba dang 'gom pa dang/ ma song ba zhes bya ba gsum du rnam par brtag pa gang yin pa de dag ci'i phyir rnam par brtag pa bya ste/ sems brtag pa bzhin no/ /'dir smras pa/ 'gro ba po'i sdong? pa yod do/ /'dir bshad pa/ re zhig 'gro po mi sdod de/ /'gro ba po min sdong pa min/ /'gro po 'gro po min las gzhan/ /gsum pa gang zhig sdong par 'gyur/ /'di la 'gro ba po zhig sdong par 'gyur ma/ 'gro ba po ma yin pa zhig sdong par 'gyur ram/ /de gnyis las gzhan pa gsum pa zhig sdod par 'gyur grang na/ de la re zhig 'gro ba po ni mi sdod de/ 'gro ba yod pa'i phyir ro/ /'gro ba po ma yin pa yang mi sdod de/ 'gro ba med pa'i phyir te/ 'gro ba'i mi mthun pa'i phyogs ni sdod pa yin pa'i phyir ro/ /de gnyis las gzhan pa gsum pa yang mi sdod de/ med pa'i phyir ro/ /gang zhig yod na de 'gro ba po 'am/ 'gro ba po ma yin pa zhig yin par 'gyur grang na/ gnyi ga ltar yang bkag pas de'i phyir 'gro ba po'i sdod pa yod do zhes bya ba de rigs pa ma yin te/ bye ma dag las 'bru mar bzhin no/ /yang gzhan yang re zhig 'gro ba sdod do zhes/ /ji ltar 'thad pa nyid du 'gyur/ /'gro ba med na 'gro ba po/ /nam yang 'thad par mi 'gyur ro/ /'gro ba po sdod do zhes bya ba gang yin pa de la mngon par zhen pa de mi 'thad de/ ci'i phyir zhe na/ 'gro ba med na 'gro ba po nam yang 'thad par mi 'gyur pa'i phyir te/ rdul phra rab dag yod do zhes bya ba bzhin no/ /yang gzhan yang/ bgom las sdod par mi 'gyur te/ song dang ma song las kyang min/ /da 'gro ba po de bgom pa las sdod par 'gyur ram/ song ba dang ma song ba las sdod par 'gyur grang na/ de gsum char las kyang sdod par mi 'gyur te/ ci'i phyir zhe na/ de gsum chang las kyang sdod par mi 'thad pa'i phyir ro/ /de la 'gro ba po'i sdod pa yod do zhes gang smras pa de rigs pa ma yin te/ mo gsham gyi bu 'chi ba bzhin no/ /da ni 'gro ba dang ni 'jug pa dang/ /ldog pa yang ni 'gro dang mtshungs/ /ji ltar 'gro ba rgya cher bsams pa de bzhin du 'jug pa dang ldog pa yang 'gro ba dang mtshungs par bsams par bya'o/ /da ni 'gro ba dang 'gro ba po dag de nyid dang gzhan nyid du yang mi srid de/ ji lta zhe na/ bshad pa/ 'gro ba de dang 'gro ba po/ /de nyid ces kyang byar mi rung/ /'gro ba dang ni 'gro ba po/ /gzhan nyid ces kyang byar mi rung/ /'dir smras pa/ skyon cir 'gyur/ bshad pa/ gal te 'gro ba gang yin pa/ /de nyid 'gro po yin gyur na/ /byed pa po dang las nyid dang/ /gcig pa nyid du thal bar 'gyur/ /gal te 'gro dang 'gro ba po/ /gzhan pa nyid du rnam brtag pa/ /'gro po med pa'i 'gro ba dang/ /'gro ba med pa'i 'gro por 'gyur/ /gang dag dngos po gcig pa dang/ /dngos po gzhan pa nyid du ni/ /grub par gyur pa yod min pa/ /de gnyis grub pa ji ltar yod/ /pha dang bu bzhin no/ /yang gzhan yang/ 'gro ba mi srid pa de nyid kyi phyir? da 'gro ba po yang mi 'grub bo/ /ji lta zhe na/ bshad pa/ 'gro ba gang gis 'gro por mngon/ /'gro ba de ni de 'gro min/ /gang phyir 'gro pa'i snga rol med/ /gang zhig gang du 'gro bar 'gyur/ /'gro ba gang gis 'gro ba por mngon pa dang/ mtshon pa dang gzung bar byed pa 'gro? ba de ni 'gro ba po de 'gro ba byed pa ma yin te/ ci'i phyir zhen/ gang gi phyir 'gro ba de'i lnga rol na 'gro ba po med de dper na skyes pa dang/ bud med lta bu gang zhig grong ngam grong khyer lta bu gang du 'gro bar 'gyur ba med pa'i phyir ro/ /yang gzhan yang/ 'gro ba gang gis 'gro bar mngon/ /de bas gzhan pa de 'gro min gang phyir 'gro po gcig pu la/ 'gro ba gnyis su mi 'thad do/ /'gro ba gang gis 'gro ba po mthong ba dang/ mtshon pa dang gzung bar byed pa'i 'gro ba de las gzhan yang 'gro ba po de 'gro bar byed pa ma yin te/ ci'i phyir zhe na/ gang gi phyir 'gro ba po gcig pu la 'gro ba gnyis su mi 'thad pa'i phyir te/ sa bon gcig la myu gu gnyis pa bzhin no/ /yang gzhan yang/ 'gro po yin par gyur pa ni/ /'gro rnam gsum du 'gro mi byed/ /de ma yin par gyur pa yang/ /'gro rnam gsum du 'gro mi byed/ /yin dang ma yin gyur pa yang/ /'gro rnam gsum du 'gro mi byed/ /de'i phyir 'gro dang 'gro? po dang/ /bgrod par bya ba 'ang yod ma yin/ /smig rgyu bzhin no/ /yin par gyur pa zhes bya ba ni/ ma bltos par grub pa zhes bya ba'i tha tshig go /'gro ba zhes bya ba ni bgrod par bya ba zhes bya ba'i tha tshig go /rnam gsum du zhes bya ba ni song ba ? song ba dang bgom pa zhes bya ba'i tha tshig go / 'gro mi byed ces bya ba ni/ 'gro ba dgag pa'i tha tshig go /de ma yin par gyur pa yang zhes bya ba ni yod pa ma yin pa zhes bya ba'i tha tshig go /lhag ma ni sngar bstan pa bzhin no/ /yin pa dang ma yin par gyur pa yang zhes bya ba ni sngar bstan pa rnam pa gnyi ga 'dres pa'i dngos por bstan pa'o/ /lhag ma ni sngar bstan pa bzhin no/ /de'i phyir zhes bya ba ni mjug bsdu ba ste/ gang gi phyir de ltar yongs su brtags na de dag mi 'thad pa de'i phyir/ 'gro ba dang 'gro ba po dang bgrod pa gsum yang yod pa ma yin te/ mgal me'i 'khor lo bzhin no/ /slob dpon 'phags pa klu sgrub gyis mdzad pa dbu ma'i 'grel pa ga las 'jigs med las song ba dang ma song ba dang bgom pa brtag pa zhes bya ba ste/ rab tu byed pa gnyis pa'o// // 'dir smras pa/ lta dang nyan dang snom pa dang/ /myang bar byed dang reg byed yid/ /dbang po drug po de dag gi /spyod yul lta bar bya la sogs/ /lta ba dang nyan pa la sogs pa dbang po drug po de dag ni yod do/ /drug po de dag gi spyod yul ni lta bar bya ba la sogs pa dag nyid de/ mig gzugs la lta ba nas/ yid chos rnams shes par byed pa'i bar dag go /'dir bshad pa/ lta ba rang gi bdag nyid na/ /de ni de na mi lta nyid/ /gang zhig bdag la mi lta ba/ /de gzhan dag la ji ltar lta/ /lta ba rang gi bdag nyid med de/ ci'i phyir zhe na/ 'di ltar de ni de la mi lta pa nyid yin pa'i phyir ro/ /gang rang ki bdag nyid la mi lta ba de gzhan dag la ji ltar lta bar 'gyur te/ de'i phyir mig lta ba yin no/ /zhes bya ba de rigs pa ma yin te/ dmus long bzhin no/ /'dir smras pa/ mig ni rang gi bdag nyid la mi lta yang gzhan dag la lta ste/ dper na me bdag nyid sreg par byed pa ma yin yang gzhan dag sreg par byed pa bzhin no/ /'dir bshad pa/ lta ba rab tu sgrub pa'i phyir/ /me yi dpes ni nus ma yin/ /song dang ma song 'gom pa yis/ /de ni ltar bcas lan btab po/ /lta ba rab tu bsgrub pa'i phyir me'i dpe byas pa gang yin pa de ni dus pa ma yin te/ mi nus pa dang mi chog go zhes bya ba'i tha tshig go /de ni ltar bcas lan btab po zhes bya ba ni me'i dpes de lta ba dang bcas pa la phyir klan ka bcol ba ste/ phyir bzlog go zhes bya ba'i tha tshig go / gal te ji ltar zhe na/ song ba dang ma song ba dang/ bgom pa dag gis te/ dper na song song ba dang/ sa song ba dang bgom pa dag la 'gro ba'i bya ba mi 'thad pa de bzhin du/ bsregs pa dang ma bsregs pa dang/ sreg pa dag la yang sreg pa'i bya ba mi 'thad la/ de bzhin du bltas pa dang/ ma bltas pa dang/ blta ba dag la yang lta ba'i bya ba mi 'thad do/ /yang gzhan yang/ gang tshe cung zad mi lta ba/ /lta bar byed pa ma yin no/ /lta bas lta bar byed ces byang/ /de ni ji ltar rigs par 'gyur/ /gang gi tshe cung zad kyang mi lta ba ni/ /lta bar byed pa ma yin no/ /lta bas lta byed ces byar yang/ /de ji ltar rigs par 'gyur te/ gnyi ga lta yang mi 'thad do/ /lta ba lta nyid ma yin te/ /lta ba min pa mi lta nyid/ /lta ba nyid kyis lta ba po/ /rnam par bshad par shes par bya/ /re zhig lta ba ci lta bar byed pa ma yin te/ ci'i phyir zhe na/ skyon sngar bstan pa dag tu thal bar 'gyur ba'i phyir te/ song pa dang ma song ba dang bgom pa bsam pa gang yin par 'gro ba po 'gro 'o zhes bya ba la skyon du thal ba gang dag tu thal bar gyur pa de dag nyid du thal bar 'gyur bas/ de'i phyir de ni rig pa ma yin no// lta ba ma yin pa yang lta bar byed pa ma yin pa nyid de/ ci'i phyir zhe na/ lta ba'i bya ba dang bral ba'i phyir ro/ /'di ltar gang la lta ba'i bya ba med pa de ji ltar lta bar 'gyur te/ rdul phra rab bzhin no/ /sgrub pa 'di nyid kyis lta ba po yang rnam par bshad pa shes par bya'o/ /yang gzhan yang/ ma spangs lta po yod mon te/ /lta ba spangs par gyur kyang ngo/ /lta po med na khyod kyi ni/ blta bya lta ba ga la yod/ /lta ba ma spangs sam/ lta ba spangs par gyur kyang lta ba po yod pa ma yin te/ lta ba dang bcas sam/ lta ba med kyang lta ba po yod pa ma yin no zhes bya ba'i tha tshig go / lta ba po med na khyod kyi blta bar bya ba dang lta ba dang ga la yod/ da ni blta bya ba lta ba med pa'i phyir/ /rnam par shes la sogs pa bzhin/ /yod min nye bar len la sogs/ /ji lta bur na yod par 'gyur/ /blta bar bya ba dang/ lta ba dag med pa'i phyir/ rnam par shes pa dang reg pa dang/ tshor ba dang sred pa zhes bya ba bzhi po dag yod pa ma yin no/ /nye bar len pa la sogs pa srid pa yan lag lhag ma rnams kyang ji ltar yod pa nyid du 'gyur/ lta bas nyan dang snom pa dang/ /myang bar byed dang reg byed yid/ /nyan pa po dang mnyan la sogs/ /rnam par bshad par shes par bya/ /lta ba nyid kyis nyan pa dang/ /snom pa dang myang bar byed pa dang/ reg par byed pa dang/ yid dang nyan pa po dang mnyan par bya ba la sogs pa dag kyang rnam par bshad par shes par bya ste/ tsha chu 'thung ba bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ skye mched brtag pa zhes bya ba ste rab tu byed pa gsum pa'o// /'dir smras pa/ phun po lnga ni yod de/ gdags pa bstan pa'i phyir ro/ /'dir bshad pa/ gzugs kyi rgyu ni ma gtogs par/ /gzugs ni dmigs par mi 'gyur ro/ /gzugs zhes bya ba ma gtogs par/ /gzugs kyi rgyu yang mi snang ngo/ /gzugs kyi rgyu ma gtogs par yang gzugs dmigs par mi 'gyur ro/ /gzugs zhes bya ba ma gtogs par yang gzugs kyi rgyu mi snang ngo/ /tshor ba dang/ 'du shes dang/ 'du byed dang/ rnam par shes pa dag la yang bsgrub pa 'di nyid blta bar bya ste/ sa bon dang myu gu bzhin no/ /'dir smras pa/ gal te gzugs kyi rgyu ma gtogs par gzugs dmigs par gyur na/ skyon du thal ba ji zhig tu thal par 'gyur/ 'dir bshad pa/ gzugs kyi rgyu ni ma gtogs par/ /gzugs na gzugs ni rgyu med par/ /thal bar 'gyur te/ gzugs kyi rgyu ma gtogs par gzugs dmigs par gyur na/ gzugs rgyu med par thal bar 'gyur ro/ /de la 'di snyam du rgyu med par gyur na/ gyur kyang sla bar sems na/ de la bshad par bya ste/ don gang yang/ rgyu med pa ni gang na'ang med/ don gang yang rgyu med pa ni gang na yang med de/ nam mkha' la sa bon dang myu gu bzhin no/ /'dir smras pa/ 'o na da gzugs zhes bya ba ma gtogs par gzugs kyi rgyu snang na/ skyon du thal pa ci zhig tu thal bar 'gyur/ 'dir bshad pa/ gal te gzugs ni ma gtogs par/ /gzugs kyi rgyu zhig yod na ni/ /'bras bu med pa'i rgyur 'gyur te/ /gal te gzugs ma gtogs par gzugs kyi rgyu zhig yod par gyur na/ de lta na 'bras bu med pa'i rgyur 'gyur ro/ de la 'bras bu med pa'i rgyu zhes bya ba de la mngon par zhen pas de ltar gyur cig ces na/ /de la bshad par bya ste/ 'bras bu med pa'i rgyu med do/ /'bras bu med pa'i rgyu ni cung zad med de/ pha dang bu bzhin no/ /yang gzhan yang/ gzugs yod na yang gzugs kyi ni/ /rgyu yang 'thad par mi 'gyur nyid/ /gzugs med na yang gzugs kyi ni/ /rgyu yang 'thad par mi 'gyur nyid/ gnyis ga ltar na yang gzugs kyi rgyu 'thad par mi 'gyur ba nyid de/ gzugs yod na yang gzugs kyi rgyu 'thad pa mi 'gyur ba nyid la/ gzugs med na yang gzugs kyi rgyu 'thad par mi 'gyur ba nyid de/ bsregs pa dang/ ma bsregs pa bzhin no/ /de la 'di snyam du gzugs ni rgyu med pa yin par sems na/ de la bshad par bya ste/ rgyu med pa yi gzugs dag ni/ /'thad par mi rung rung ma yin/ /rgyu med pa'i gzugs dag ni/ /rnam pa thams cad kyi thams cad du 'thad par mi rung ste/ rung ba ma yin no/ /gang gi phyir de lta yin pa/ /de phyir gzugs kyi rnam par rtog /'gal yang rnam par brtag mi bya/ /de phyir zhes bya ba ni mjug bsdu ba 'o/ /gzugs kyi zhes bya ba ni gzugs la gnas pa'i zhe bya ba'i tha tshig go/ gang gi phyir de ltar yongs su brtags pa rnam pa thams cad du gzugs mi 'thad pa de'i phyir/ gzugs la gnas pa'i rnam par rtog pa 'ga' yang rnam par brtag par mi bya ste/ nam mkha' bzhin no/ /yang gzhan yang/ 'bras bu rgyu dang 'dra ba zhes/ /bya ba 'thad pa ma yin te/ /'bras bu rgyu dang mi 'dra zhes/ /bya ba'ang 'thad pa ma yin no/ /rig pas rnam par dpyad na/ da 'bras bu rgyu dang 'dra ba zhes bya ba de yang 'thad pa ma yin la/ 'bras bu rgyu dang mi 'dra zhes bya ba de yang 'thad pa ma yin te/ sa bon dang myu gu dang 'bras bu bzhin no/ /tshor dang 'du shes 'du byed dang/ /sems dang dngos po thams cad kyang/ /rnam pa dag ni thams cad du/ /gzugs nyid kyis ni rim pa mtshungs/ /tshor ba dang 'du shes dang 'du byed dang/ sems kyi phung po rnams dang/ dngos po thams cad kyang rnam pa thams cad du rgyu dang 'bras bu la 'jug pa mi 'thad pa'i rim pa/ gzugs mi 'thad pa'i rim pa bstan pa nyid kyis mtshungs par bsam par bya ste/ tsa na ga ka'i gser bzhin no/ /stong pa nyid kyis brtsa dbyas tshe/ /gang zhig lan 'debs smra byed pa/ / de ni thams cad lan btab min/ /bsgrub par bya dan mtshungs par 'gyur/ /gang du la lar stong pa nyid kyis brtsad par byas pa'i tshe/ gang zhig stong pa nyid ma yin pas lan 'debs shing smra bar byed pa de'i thams cad ni lan btab pa ma yin te/ de dag ni bsgrub par bya ba dang mtshungs par 'gyur bar shes par bya'o/ /stong pa nyid kyis bshad byas tshe/ /gang zhig skyon 'dogs smra byed pa/ /de yi thams cad skyon btags min/ /bsgrub par bya dang mtshungs par 'gyur/ /gang du la lar stong pa nyid kyis bshad par byas pa'i tshe/ gang zhig stong pa nyid ma yin pas skyon 'dogs shing smra bar byed pa de'i thams cad ni skyon btags pa ma yin te/ bsgrub par bya ba dang/ mtshungs par shes par bya'o/ /rab tu byed pa 'di'i tshigs su bcad pa tha ma de gnyis ni stong pa nyid dang ldan pa'i gtam thams cad la snying por gyur pa yin par blta bar bya ste/ dri za'i khrong khyer stong pa bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ phung po brtag pa zhes bya ba ste rab tu byed ba bzhi pa'o// //bam po gnyis pa/ / 'dir smras pa khams rnams ni yod de/ mtshan nyid rnam par bzhag pa bstan pa'i phyir ro/ /'dir bshad pa/ nam mkha' i mtshan nyid snga rol na/ /nam mkha' cung zad yod ma yin/ /'di ni nam mkha' mtshan nyid kyi snga rol na nam mkha' cung zad kyang yod pa ma yin no/ /de la 'di snyam du gal te yod par gyur na skyon cing 'gyur snyam du sems na/ de la bshad par bya ste/ gal te mtshan las sngar gyur na/ /mtshan nyid med par thal bar 'gyur/ /gal te nam mkha' i mtshan nyid kyi snga rol na nam mkha' yod par gyur na/ nam mkha' mtshan nyid med par thal bar 'gyur bas de yang rigs pa ma yin no/ /de la 'di snyam du mtshan nyid med kyang nam mkha' ni yod par sems na/ 'dir bshad pa/ mtshan nyid med pa'i dngos po ni/ /'ga' yang gang na yang yod ma yin/ /yongs su brtags na mtshan nyid med pa'i dngos po ni 'ga' yang gang na yang yod pa ma yin no/ /mtshan nyid med pa'i dngos med na/ /mtshan nyid gang du 'jug par 'gyur/ mtshan nyid med pa'i dngos po med na da mtshan nyid de gang du 'jug par 'gyur te/ bye ma la 'bru mar bzhin no/ /yang gzhan yang/ gnyi ga ltar yang mtshan nyid mi 'jug ste/ ji ltar zhen/ bshad pa/ mtshan nyid med la mtshan nyid ni/ /mi 'jug mtshan nyid bcas la min/ /mtshan bcas mtshan nyid med pa las/ /gzhan la'ang 'jug par mi 'gyur ro/ /re zhig mtshan nyid dang bcas pa'i don la ni mtshan nyid mi 'jug ste/ ci'i phyir zhe na/ gal te mtshan nyid dang bcaS? pa yin na de la mtshan nyid 'jug par bya ci dgos/ gal te mtshan nyid dang bcas pa la yang mtshan nyid 'jug par 'gyur na ni/ mtshan nyid gnyis thal bar 'gyur te/ mtshan nyid gang gis mtshon par gyur pa dang/ de la yan mtshan nyid 'jug par 'gyur ba gang yin pa'o/ /mtshan nyid med pa'i don la yang mtshan nyid mi 'jug ste/ don gang la mtshan nyid 'jug par 'gyur ba de gang yin/ ci'i phyir zhe na/ 'di la glang po che'i mtshan nyid ni mche ba can nyid dang/ sna gcig 'phyang ba nyid dang/ ma mchu? nya phyis kyi rnam pa 'dra ba nyid dang/ mgo bo klad pa gsum kyis brgyan pa nyid dang/ rna ba zhib ma 'dra ba nyid dang/ gshul gzhu ltar sgur ba nyid dang/ gsus pa 'phyang ba nyid dang/ lto ba che ba nyid dang/ mjug ma phongs don 'dug pa nyid dang/ rka lag sbom zhing zlum pa bzhi dang ldan pa nyid dag yin na/ de dag ma gtogs par gang la glang po che'i mtshan nyid 'jug par 'gyur ba'i glang po che de da gang yin/ de bzhin du rta'i mtshan nyid kyang/ gdong ring pa nyid dang/ rna ba sgubs can mtho ba nyid dang/ rdog ma can nyid dang/ rkang lag rmig pa gcig pa bzhi dang ldan pa nyid dang/ rngam/ drung nas skye ba dang ldan pa nyid dag yin na/ de dag ma gtogs par gang la rta'i mtshan nyid 'jug par 'gyur ba'i rta de da gang yin te/ mtshan nyid dang bcas pa la yang mtshan nyid mi 'jug la/ mtshan nyid med pa la yang mtshan nyid mi 'jug na/ mtshan nyid dang bcas pa dang mtshan nyid med pa las gzhan pa gang la mtshan nyid 'jug par 'gyur ba rnam pa gsum pa ni med do/ /de ltar yongs su brtags na gnyi ga ltar yang mtshan nyid 'jug pa ma yin pas/ mtshan nyid 'jug pa ma yin na/ mtshan gzhi 'thad par mi 'gyur ro mtshan gzhi 'thad par ma yin na/ /mtshan nyid kyang ni yod ma yin/ /gang gi phyir yongs su brtag na/ gnyi ga ltar yang mtshan nyid 'jug pa ma yin pas mtshan nyid kyi gzhi 'thad par mi 'gyur ro/ /mtshan nyid kyi gzhi 'thad pa ma yin na/ mtshan nyid kyang yod pa ma yin no// de phyir mtshan gzhi yod min te/ /mtshan nyid yod pa nyid ma yin/ /mtshan gzhi mtshan nyid ma gtogs pa'i/ /dngos po yang ni yod ma yin/ /de phyir zhes bya ba ni mjug bsdu ba'o/ /gang gi phyir rigs pa sngon du btang ste yongs su brtags na/ rnam pa thams cad mtshan nyid kyi gzhi 'thad pa ma yin te/ mtshan nyid kyi gzhi 'thad pa ma yin na/ mtshan nyid kyang yod pa ma yin pa nyid do/ /de nyid ma gtogs pa'i dngos po yod pa ma yin te/ bum pa ngo bo nyid las bzhin no/ /'dir smras pa/ gal te dngos po med na/ 'o na da dngos po med pa ni yod do/ /'dir bshad pa/ dngos po yod pa ma yin na/ /dngos med gang gi yin par gyur/ /'di la dngos po rab tu grub na ni/ dngos po med pa yang 'thad na/ rnam par dpyad na dngos po de ni med de/ de yod pa ma yin na/ dngos po med pa de gang gi yin par 'gyur te/ ri bong gi rwa bzhin no/ /'dir smras pa/ gang gis dngos po dang/ dngos po med pa de dag rnam par shes par byed cing rnam par rtogs par byed pa de yod do/ /'dir bshad pa/ dngos dang dngos med mi mthun chos/ /gang gis dngos dang dngos med shes/ /khyod dngos po dang dngos po med pa dag rnam par shes par byed pa gang yin pa de la mngon par zhen par byed pa ni/ dngos po dang dngos po med pa de dag gi mi mthun pa'i chos de 'di'o zhes gang gis bstan par nus/ de phyir nam mkha' dngos po min/ /dngos med ma yin mtshan gzhi min/ /mtshan nyid ma yin khams snga po/ /gzhan gang dag kyang nam mkha' mtshungs/ /de'i phyir yongs su brtags na/ nam mkha' ni dngos po yang ma yin dngos po med pa yang ma yin/ mtshan nyid kyi gzhi yang ma yin/ mtshan nyid kyang ma yin no/ /nam mkha' ji lta ba de ltar khams lnga po gzhan gang dag yin pa de dag kyang blta bar bya'o/ /blo chung gang dag dngos rnams la/ /yod pa nyid dang med nyid du/ /lta ba nges ni blta bya ba/ /nye bar zhi ba zhi mi mthong/ /blo chung du gang dag dngos po rnams la yod pa nyid dang med pa nyid du lta ba de dag gis ni blta bar bya ba mya ngan las/ 'das pa nye bar zhi zhing zhi ba mi mthong ste/ dmus long bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ khams brtag pa zhe bya ba ste/ rab tu byed pa lnga pa'o// //'dir smras pa/ chos thams cad ni yod de 'dod chags dang chags pa gdags pa'i phyir ro/ /'dir bshad pa/ gal te 'dod chags snga rol na/ /'dod chags med pa'i chags yod na/ /de la brten nas 'dod chags yod/ /chags yod 'dod chags yod par 'gyur/ /'di la gal te 'dod chags kyi snga rol na/ /'dod chags med pa'i chags pa yod par gyur na ni/ de la brten nas 'dod chags kyang yod par 'gyur te/ 'di ltar chags pa yod na 'dod chags yod par 'gyur ba'i phyir ro/ /de la 'di snyam du/ chags pa yod na 'dod chags yod par sems na/ 'dir bshad pa/ chags pa yod par gyur na yang/ /'dod chags yod par ga la 'gyur/ /chags pa yod par gyur na yang/ /'dod chags yod pa nyid du ga la 'gyur/ /chags pa la yang 'dod chags ni/ /yod dam med kyang rim pa mtshungs/ /chags pa la yang 'dod chags yod dam med kyang rung ste/ de nyid dang rim pa mtshungs par bsam par bya ste/ /pha dang bu bzhin no/ /yang gzhan yang/ gal te chags pa'i snga rol na/ /chags med 'dod chags yod na ni/ /de la brten nas chags pa yod/ /'dod chags yod na chags yod 'gyur/ /'di la gal te chags pa'i snga rol na/ chags pa med pa'i 'dod chags yod par gyur na ni/ de la brten nas chags pa yang yod par 'gyur te/ 'di ltar 'dod chags yod na chags pa yod par 'gyur ba'i phyir ro/ /de la 'di snyam du 'dod chags yod na chags pa yod par sems na/ 'dir bshad pa/ 'dod chags yod par gyur na yang/ /chags pa yod par ga la 'gyur/ /'dod chags yod par gyur na yang/ /chags pa yod pa nyid du ga la 'gyur/ /'dod chags la yang chags pa ni/ /yod dam med kyang rim pa mtshungs/ /'dod chags la yang chags pa yod dam med kyang rung ste/ de nyid dang rim pa mtshungs par bsam par bya ste/ pha dang bu bzhin no/ /'dir smras pa/ 'dod chags dang chags pa dag rim gyis skye bar mi 'thad kyang de dag lhan cig nyi du skye ba ? yin no/ /'dir bshad pa/ 'dod chags dang ni chags pa dag /lhan cig nyid du skye mi rigs/ /'dod chags dang chags pa dag lhan cig nyid du skye bar mi 'thad do/ /de la 'di snyam du lhan cig nyid du skye na/ skyon cing 'gyur snyam du sems na/ de la bshad par bye ste/ 'di ltar 'dod chags chags pa dag / phan tshun bltos pa med par 'gyur/ /lhan cig nyid du skye par gyur na/ 'di ltar 'dod chags dang chags pa dag phan tshun bltos pa med par 'gyur ro/ /de lta na de gnyis brtag pa nyid du thal bar 'gyur zhing rtag na skyon chen po kho nar 'gyur te/ pa lang gi rA bzhin no/ /yang gzhan yang/ 'dod chags dang chags pa de dag lhan cig nyid yin na/ gcig pa nyid dam tha dad pa nyid du 'gyur grang na/ gnyi ga ltar yang mi 'thad do/ /ji ltar zhe na/ bshad pa/ gcig nyid lhan cig nyid med de/ /de n yid de dang lhan cig min/ /ci ste tha dad nyid yin na/ /lhan cig nyid du ji ltar 'gyur/ /gcig pa nyid yin na/ lhan cig nyid mi 'thad de/ ci'i phyir zhe na/ de nyid de dang lhan cig nyid du mi 'thad pa'i phyir ro/ /ci ste tha dad pa nyid yin na yang lhan cig nyid du ji ltar 'gyur te ci'i phyir zhe na/ tha dad pa nyid yin pa'i phyir ro/ /yang gzhan yang/ gal te gcig pu lhan cig na/ /grogs med par yang der 'gyur ro/ /gal te tha dad gcig lhan cig na/ grogs med par yang der 'gyur ro/ /gal te gcig pa nyid la lhan cig nyid du rtog na/ grogs med par yang lhan cig nyid der 'gyur ro/ /gal te tha dad pa nyid la lhan cig nyid du rtog na yang grogs med par yang lhan cig nyid der 'gyur ro/ /gal te tha dad lhan cig na/ /'dod chags pa ci zhig yin/ /tha dad nyid du grub gyur na/ /des na de gnyis lhan cig 'gyur/ /gal te tha dad pa nyid la lhan cig nyid du rnam par rtog na/ 'dod chags dang chags pa dag la ji zhig grub pa yin te/ de dag tha dad pa nyid du rtag pa yin gyi/ lhan cig nyid du grub par mi 'gyur ro/ /de lta na tha dad pa nyid du grub par gyur na de gnyis lhan cig nyid du rtog pa yin par 'gyur ro/ /gal te 'dod chags ba dag/ tha dad nyid du grub gyur na/ /de dag lhan cig nyid du na/ /ci yi phyir na yongs su rtog/ /gal te 'dod chags dang chags pa dag/ tha dad pa nyid du grub par gyur na/ da de dag lhan cig nyid du ci'i phyir yongs su rtog par byed/ tha dad grub par ma gyur pas/ de phyir lhan cig 'dong byed dam/ /lhan cig rab tu bsgrub pa'i phyir/ /tha dad nyid du yang 'dod dam/ /'dod chags dang chags pa dag tha dad pa nyid du grub par ma gyur pas de rab tu bsgrub pa'i phyir lhan cig nyid du 'dod par byed la/ lhan cig nyid du yang ma grub pas/ de rab tu bsgrub pa'i phyir tha dad pa nyid du yang 'dod par byed pa ni rigs pa ma yin no/ /tha dad dngos po ma grub pas/ /lhan cig dngos po 'grub mi 'gyur/ /tha dad dngos po gang zhig la/ /lhan cig dngos por 'dod par byed/ /'dod chags dang chags pa dag tha dad pa'i dngos por ma grub pas/ lhan cig gi dngos po 'grub par mi 'gyur te/ tha dad pa'i dngos po ma grub pa gang zhig la lhan cig gi dngos por 'dod par byed de/ de yang rigs pa ma yin no// de ltar 'dod chags chags pa dang/ lhan cig lhan cig min mi 'grub/ /'dod chags bzhin du chos rnams kun/ /lhan cig lhan cig min mi 'grub/ /de ltar yongs su brtags na/ 'dod chags ni chags pa dang lhan cig gam lhan cig ma yin par yang 'grub par mi 'thad la/ 'dod chags bzhin du chos thams cad kyang lhan cig gam lhan cig ma yin par 'grub par mi 'thad de/ mdud khyim bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ 'dod chags dang chags pa brtag pa zhes bya ba ste/ rab tu byed pa drug pa'o// //'dir smras pa/ skye ba dang gnas pa dang 'jig pa dag ni 'dus byas kyi mtshan nyid du bstan pas/ gang gi phyir de lta yin pa de'i phyir 'dus byas ni yod do/ /'dir bshad pa/ de ni yod pa ma yin pa nyid de/ ci'i phyir zhe na/ skye ba dang gnas pa dang 'jig pa dag ma grub pa'i phyir ro/ /skye ba dang gnas pa dang 'jig pa de dag 'dus byas 'dus ma byas zhig yin grang na/ de gnyi ga ltar yang de dag mi 'thad pa'i phyir mi 'grub po/ /'dir smras pa/ gal te de dag 'dus byas sam 'dus ma byas yin par gyur na/ des skyon ci zhig tu thal bar 'gyur/ 'dir smras pa/ gal te skye ba 'dus byas na/ /de la mtshan nyid gsum ldan 'gyur/ /ci ste skye ba 'dus ma byas/ /ji ltar 'dus byas mtshan nyid yin/ /gal te re zhig skye ba de 'dus byas yin na/ de la mtshan nyid gsum dang ldan par 'gyur te/ mtshan nyid gsum po de dag la yang mtshan nyid gsum po gzhan dag dang ldan par 'gyur bas thug pa med ba'i skyon du thal bar 'gyur ro/ /gnas pa dang 'jig pa dag la yang de bzhin no/ /ci ste skye bo de 'dus byas ma yin na ni/ ji ltar 'dus byas kyi mtshan nyid yin par 'gyur te/ skye ba dang gnas pa dang 'jig pa dag med par ji ltar skye ba yin par brtag par nus/ gzhan yang skye ba dang gnas pa dang 'jig pa dag med na skye ba 'dus byas ma yin pa'i phyir mya ngan laS 'das pa dang/ mtshungs pa'am mya ngan las 'das pa nyid yin par 'gyur te/ mya ngan las 'das pa ni 'dus byas kyi mtshan nyid ma yin no/ /gnas pa dang 'jig pa dag la yang de bzhin du brtag go /yang gzhan yang/ skye la sogs gsum so so yi/ /'dus byas mtshan nyid bya bar ni/ /nus min 'dus pa yin na yang/ /gcig la dus gcig ji ltar rung/ /skye ba dang gnas pa dang 'jig bde dag so so 'am 'dus pa zhig 'dus byas kyi mtshan nyid yin par 'gyur grang na/ gnyi ga ltar yang mi 'thad de/ ci'i phyir zhe na/ re zhig gal te so so yin par rtog na so sor 'dus byas? kyi mtshan nyid bu bya bar mi nus te/ 'dus byas kyi phyogs gcig ni mtshan nyid kyis mtshon la/ phyogs gcig ni mtshan nyid dang bral bar thal bar 'gyur bas de ni rig pa ma yin no/ /ci ste 'dus pa yin par rtog na yang/ phan tshun mi mthun pa de dag gcig la dus gcig tu tshogs par ji ltar rung ste/ de yang mi rigs pa nyid de/ me dang chu bzhin no/ /yang gzhan yang/ skye dang gnas dang 'jig rnams la/ /'dus byas mtshan nyid gzhan zhig ni/ /gal te yod na thug pa med/ /med na de dag 'dus byas min/ /ci ste skye ba dang gnas pa dang 'jig pa rnams la 'dus byas kyi mtshan nyid gzhan zhig yod par 'dod na ni/ thug pa med par thal bar 'gyur ro/ /ci ste med na ni de dag 'dus byas ma yin te/ 'dus byas ma yin na/ 'dus byas kyi mtshan nyid yin par mi rigs so/ /'dir smras pa/ khyod kyi skye ba dang gnas pa dang 'jig pa rnams la 'dus byas kyi mtshan nyid gzhan zhig yod na thug pa med par thal bar 'gyur ro/ /zhes gang bshad pa de la smra bar bya ste/ skye ba dang gnas pa dang 'jigs pa rnams 'dus byas kyang yin la/ thug pa med par yang thal bar mi 'gyur te/ ji ltar zhe na/ smras pa/ skye ba'i skye bas rtsa ba yi/ /skye ba 'ba' zhig skyed par byed/ /rtsa ba'i skye bas skye ba yi/ /skye pa 'ang skyed par byed pa yin/ /'di la chos gang yang rung ba zhig skye ba na de bdag nyid dang bco lnga skye ste/ rnam par shes pa'am tshor ba 'am 'du shes la sogs pa chos de dang/ chos de'i skye ba dang chos de dag gi gnas pa dang/ chos de'i 'jig pa dang/ chos de'i ldan pa dang/ chos de'i rga ba dang/ chos de'i rnam par grol ba 'am/ log pa'i rnam par grol pa dang/ chos de'i nges par 'byung ba nyid dam/ nges par 'byung ba ma yin pa nyid de/ re zhig skye ba dang/ gnas pa dang/ 'jig pa dang ldan pa dang/ rga ba dang/ rnam par grol ba dang/ nges par 'byung ba nyid ces bya ba de dag ni 'khor ces bya'o/ /'khor gyi nang nas 'dir chos gnyis po rnam par 'grol ba dang nges par 'byung ba nyid dag ni yang na log pa'i rnam par grol ba dang/ nges par 'byung ba ma yin pa nyid kyang yin te/ chos gang dag dkar po de dag gi ni rnam par grol ba yin la nag po de dag gi ni log ba'i rnam par grol ba yin no/ /chos gang dag nges par 'byung ba de dag gi ni nges par 'byung ba de dag nyid yin la/ chos dang dag nges par 'byung ba ma yin pa de dag ni nges par 'byung ba ma yin pa nyid yin no/ /da ni 'khor gyi 'khor rnams ni 'di lta ste/ skye ba'i skye ba dang gnas pa'i gnas pa dang/ 'jig pa'i 'jig pa dang/ ldan pa'i ldan pa dang/ rga ba'i rga ba dang/ rnam par grol ba'i rnam par grol ba dang/ nges par 'byung ba nyid kyi nges par 'byung ba nyid dag ste/ 'khor gyi 'khor rnams las kyang 'dir chos gnyis po rnam par grol ba'i rnam par grol ba dang/ nges par 'byung ba nyid kyis nges par 'byung ba nyid dag kyang/ yang na log pa'i rnam par grol ba'i log pa'i rnam par grol ba dang/ nges par 'byung ba ma yin pa nyid kyi nges par 'byung ba ma yin pa nyid kyang yin te/ chos gang dag dkar po de dag gi ni rnam par grol pa'i rnam par grol ba yin la/ nag po de dag gi ni log pa'i rnam par grol ba'i rnam par grol ba yin no/ /chos gang dag nges par 'byung ba de dag gi ni nges par 'byung ba nyid kyi nges par 'byung ba nyid yin la/ gang dag nges par 'byung ba ma yin pa de dag gi ni nges par 'byung ba ma yin pa nyid kyi nges par 'byung ba ma yin pa nyid yin te/ de ltar sde tshan bco lnga'o/ /de la rtsa ba'i skye ba gang yin pa des ni bdag nyid ma gtogs pa'i chos bcu bzhi bo thams cad skyed par byed do/ /skye ba'i skye ba gang yin pa des ni rtsa ba'i skye ba de 'ba' zhig skyed par byed do/ /rtsa ba'i gnas pa gang yin pa des kyang gnas pa'i gnas pa gnas par byed la/ gnas pa'i gnas pas kyang rtsa ba'i gnas pa gnas par byed do/ /rtsa ba'i 'jig pas kyang 'jig pa'i 'jig pa 'jig par byed la/ 'jig pa'i 'jig pas kyang rtsa ba'i 'jig pa 'jig par byed do/ /ldan pa dang rga ba dang rnam par grol ba dang nges par 'byng ba nyid dag la yang de bzhin du blta bar bya ste/ de'i phyir skye ba dang gnas pa dang 'jig pa dag 'dus byas kyang yin la/ thug pa med pa'i skyon du yang thal bar mi 'gyur ro/ /gnas pa dang 'jig pa dag la yang de bzhin du blta bar bya ste/ sa bon dang myu gu bzhin no/ /'dir bshad pa/ gal te khyod kyi skye ba'i skyes/ /rtsa ba'i skye ba skyed byed na/ /khyod kyi rtsa bas ma bskyed des/ /de ni ji ltar skyed par byed/ /gal te khyod kyi skye ba'i skye bas rtsa ba'i skye ba skyed par byed na khyod kyi rtsa ba'i skye bsam bskyed pa'i skye ba'i skye ba des rtsa ba'i skye ba de ji ltar skyed par byed de/ rang nyid ma skyed pa'i phyir ro/ /ci ste 'di snyam du rtsa ba'i skye bas bskyed pa kho na'i skye ba'i skye bas rtsa ba'i skye ba skyed par byed kyi ma bskyed pas mi byed par sems na/ de la bshad par bya ste/ gal te khyod kyi rtsa ba yis/ /bskyed pa de yis rtsa bskyed na/ /des ma bskyed pa'i rtsa ba des/ /de ni ji ltar skyed par byed/ /gal te khyod kyi rtsa ba'i skye bas bskyed pa'i skye ba'i skye ba nges rtsa ba'i skye ba de skyed par byed na/ skye ba'i skye ba des ma bskyed pa'i rtsa ba'i skye ba nges skye ba'i skye ba de ji ltar skyed par byed de/ rang nyid ma skyes pa'i phyir ro/ /de lta bas na brtag pa des kyang mi nus pas ngo bo nyid kyis grub pa med do/ /'dir smras pa/ rtsa ba'i skye ba nyid skye bzhin pas skye ba'i skye ba skyed par byed kyi ma skyes pas mi byed do/ /'dir bshad pa/ khyod kyi de ni skye bzhin pa ma skyes de yis gal te ni/ /de ni skyed bar byed nus na/ /de bskyed par ni 'dod la rag /khyod kyi rtsa ba'i skye ba de skye bzhin pa rang nyid ma skyes pa des gal te skye pa'i skye ba gzhan de skyed par byed nus na ni/ skye ba'i skye ba de bskyed par 'dod la rag na mi nus te/ de'i phyir khyed kyi rtsa ba'i skye ba de skye bzhin pa rang nyid ma skyes pa des skye ba'i skye ba gzhan de bskyed par mi nus so/ /yang na 'di ni brtag pa gzhan te/ khyod kyi skye ba'i skye ba de skye bzhin pa rang nyid ma bskyes pa des gal te rtsa ba'i skye ba gzhan te/ skyed par byed nus na ni rtsa ba'i skye ba de bskyed par 'dod na dag na mi nus te/ de'i phyir khyod kyi skye ba'i skye ba de skye bzhin pa rang nyid ma skyes pa des rtsa ba'i skye ba gzhan de bskyed par mi nus so/ /ci'i phyir skye bzhin pa rang nyid ma skyes zhe na/ skye bzhin pa'i yongs sum grub pa'i phyir ro/ /de la skye bzhin ba des de skyed par byed do zhes gang smras pa de mi rigs te/ zhig pa dang ma zhig pa bzhin no/ /'dir smras pa/ ji ltar mar me rang dang gzhan/ /snang bar byed pa de bzhin du/ /skye ba 'ang rang dang gzhan gyi dngos/ /gnyi ga skyed par byed pa yin/ /ji ltar mar me rang dang gzhan gyi dngos po gnyi ga snang bar byed pa de bzhin du skye ba yang rang dang gzhan gyi dngos po gnyi ga skyed par byed pa yin no/ /'dir bshad pa/ mar me dang ni gang dag na/ /de 'dug pa na mun pa med/ /mar mes ci zhig snang bar byed/ /mun pa sel bas snang byed yin/ /'dir la mar me la yang mun pa med la/ gang dag na mar me de 'dug pa de dag na mun pa med de/ gang gi tshe mar me la yang mun pa med la/ gang dag na mar me de 'dug pa de dag na yang mun pa med pa de'i tshe/ da mar mes rang dang gzhan gyi dngos po ci zhig snang bar byed/ mun pa sel bas snang byed yin zhes bya na/ mun pa sel ba de yang gang gi phyir mar me rang dang gzhan gyi dngos po la mi byed pa de'i phyir mar mes rang gi dngos po yang snang bar byed pa ma yin la/ gzhan gyi dngos po yang snang bar byed pa ma yin te/ byi la dang byi ba bzhin no/ /'dir smras pa/ gang gi phyir mar me skye bzhin pa nyid kyis mun pa sel bar byed pa de'i phyir mar me dang gang dag na mar me de 'dug pa de dag na mun pa med do/ /'dir bshad pa/ ji ltar mar me skye bzhin pas/ /mun pa sel bar byed pa yin/ /gang tsho mar me skye bzhin pa/ /mun pa dang ni phrad pa med/ /ji ltar mar me skye bzhin pas mun pa sel bar byed pa yin te/ gang gi tshe mar me skye bzhin pa de'i tshe na/ mun pa dang phrad pa med pa'i phyir ro/ /yang gzhan yang/ mar me phrad pa med par yang/ /gal te mun pa sel byed na/ /'jig rten kun na gnas pa'i mun// 'di na 'dug ba des bsal 'gyur/ /ji ste yang 'di snyam du mar me dang phrad pa med par yang mun pa sel bar byed par sems na/ de la bshad par bya ste/ gal te mar me dang phrad pa med par yang/ mun pa sel bar byed na ni/ /'jig rten kun na gnas pa'i mun pa dag kyang mar me 'di la 'dug pa des bsal bar 'gyur te/ phrad pa med par 'dra na/ mar me skye bzhin pas 'di na 'dug pa'i mun pa ni sel la/ 'jig rten kun na gnas pa'i mun pa ni mi sel ba la khyad par ci yod/ de lta bas na mar me skye bzhin pa mun pa dang phrad pa med pas mun pa sel bar mi byed do/ /yang gzhan yang/ mar me rang dang gzhan gyi dngos/ /gal te snang bar byed gyur na/ /mun pa'ang rang dang gzhan gyi dngos/ /sgrib par 'gyur bar the tsom med/ /gal te mar me rang dang gzhan gyi dngos po dag snang bar byed pa yin par sems na/ de ltar na mar me'i mi mthun pa'i phyogs su gyur pa mun pa yang rang dang gzhan gyi dngos po dag sgrib par 'gyur bar the tshom med do/ /mun pas rang gi dngos po bsgribs na ni/ /mun pa mi dmigs shing dngos po rnams rtag tu snang bar 'gyur bas de ni mi 'dod do/ /ci ste mar me'i mi mthun pa'i phyogs su gyur pa mun pa rang dang gzhan gyi dngos po sgrib par mi byed na ni/ 'o na grogs po mar me rang dang gzhan gyi dngos po gnyi ga snang bar byed do/ /zhes gang smras pa/ de mi rung ste/ de ltar ro zhig dpe bsal to/ /da ni don 'di la khyod kyi mar me'i dpes mtshon pa'i skye bas rang dang gzhan gyi dngos po dag skyed par byed do zhes bya ba de la bshad par bya ste/ skye ba 'di ni ma skyes pas/ /rang gi bdag nyid ji ltar bskyed/ /ji ltar skyes pas skyed byed na/ /skyes na ci zhig bskyed du yod/ /skye ba gang yin pa 'di rang gi bdag nyid skyed par byed na/ skyes pa'am ma skyes pa zhig skyes par byed grang na/ re zhig gal te ma skyes pas ni rang gi bdag nyid skyed pa mi byed de/ ma skyes pa ni med pa nyid yin pas med pa nges rang gi bdag nyid ji ltar skyed par byed/ ci ste skyes pas skyed par byed par sems na/ de yang mi rung ste/ gang gi tsho de skyes na/ skyes zin pa yin pas/ skyes zin pa de la yang ci zhig bskyed du yod de/ skyes zin pa la ni bskyed par bya ba med cing byas zin pa la yang bya ba med do/ /de ltar skye ba 'di skyes pas rang gi bdag nyid bskyed dam/ ma skyes pas skyed par byed grang na/ gnyi ga ltar yang skyed par mi byed ba de'i phyir skye bas rang gi bdag nyid skyed par mi byed pas de la skye bas rang gi dngos po skyed par byed do zhes gang smras pa de mi rigs so/ /gnas pa dang 'jig pa dag la yang de bzhin du brtag go/ yang gzhan yang/ skyes dang ma skyes skye bzhin pa/ ji lta bur yang skyed mi byed/ /song dang ma song bgom pa yis/ /de dag rnam par bshad pa yin/ /skye bas gzhan skyed par byed na/ skyes pa dad ma skyes pa dang skye bzhin pa zhig skyed par byed grang na/ brtag pa rnam pa gsum char yang skyed par mi byed de/ ji ltar skyed par mi byed pa de ltar ni sems? pa dang ma song ba dang bgom pa dag gis de dag rnam par bshad zin to/ /de yang ji ltar zhe na/ bshad pa/ re zhig dngos po skyes pa ni skyed par mi byed de/ ci'i phyir zhe na/ thug pa med par thal bar 'gyur ba'i phyir dang/ byas pa la bya ba med pa'i phyir te/ dngos po gang skyes pa yang skyed par byed na/ lan gnyis skyes pa yang lan gsum bskyed dgos la lan gsum skyes pa yang lan bzhir bskyed dgos pa dang/ de bzhin du dang po skyes pa dang 'og tu skyes pa dag kyang de bzhin du 'gyur te/ de lta na skye ba mthar thug pa med par 'gyur ? de ni mi 'dod do/ /de'i phyir dngos po skyes pas skyed par mi byed do/ /gal te yang skyes pas skyed par byed na/ skye ba gang gis bskyed par bya bar brjod pa'i skye ba gzhan de ma skyes pa bskyed pa yin pas/ de la skyes pa skyed par byed do zhes dam bcas pa nyams te/ ci'i phyir zhe na/ de dang po skye ba'i snga rol na/ ma skyes pa yin la de nas skyed par yang byed na/ de'i phyir 'ga' zhig skyes la skyed par byed la/ 'ga' zhig ni ma skyes pa skyed par byed pas mi mthun pa nyid du 'gyur ba'i phyir te/ de ltar 'dod na ma nges pa nyid kyang yin la/ byas pa la bya ba med pa dang/ bsregs pa la bsregs par bya ba med pa dang/ song ba la bgrod par bya ba med pa dang/ mngon sum du byas pa la mngon sum du bya ba med pa dang/ skyes pa la skyed par bya ba med pas/ de'i phyir reg gi de ltar chos skyes pa 'ga' yang skyed par mi byed do/ /chos ma skyes yang skyed par mi byed do/ /ci'i phyir zhe na/ skye ba dang mi ldan pa'i phyir dang/ ma skyes pa thams cad kyang skye bar thal bar 'gyur pa'i phyir te/ 'di na ma skyes pa ni skye ba dang mi ldan la/ de yang dngos po skyed dang ldan pas skyed par byed dam/ 'on te dngos po skye ba dang mi ldan pas skyed par byed grang na/ de lta na bya ba med par yang byed pa dang/ 'gro med par yang 'gro ba dang/ za ba med par yang za ba dang/ 'dod chags med par yang chags pa dang/ zhe sdang med par yang sdang ba dang/ gti mug med par yang rmongs par 'gyur te/ tha snyad rnams dang 'gal bas de yang mi 'dod de/ de'i phyir dngos po ma skyes pa yang skyed par mi byed do/ /gal te yang dngos po ma skyes pa skyed par byed na/ don gang dag ma skyes pa de dag thams cad kyang skye bar thal bar 'gyur te/ de la byis pa so so'i skye bo thams cad la byang chub ma skyes pa de yang skye bar thal ba dang/ dgra bcom pa mi g.yo ba'i chos can rnams la kun nas nyon mongs pa ma skyes pa de yang skye bar thal ba dang/ ri bong dang rta'i rwa la sogs pa ma skyes pa de yang skye bar thal bar 'gyur bas de yang mi 'dod de/ de'i phyir ma skyes pa yang skyed par mi byed de/ nyon mongs pa bsregs pa'i nyon mongs pa bskyed pa bzhin no/ /'dir smras pa/ ma skyes pa ni skyed par byed de de yang gang rgyu dang rkyen tshogs pa dang/ yul dang dus dang/ byed pa po dang thabs dang ldan par skyed par byed kyi ma skyes pa thams cad ni skyed par mi byed de/ gang rgyu dang rkyen tshogs pa dang yul dang dus dang byed pa po dang thabs dang bral ba skyed par mi byed pas/ de'i phyir ma skyes pa thams cad skye bar thal bar mi 'gyur ro/ /'dir bshad pa/ gang rgyu dang rkyen tshogs pa dang/ yul dang dus dang byed pa po dang thabs dang ldan pa skyed par byed do zhes bya ba de la yang yod par gyur pa yang skyed par mi byed/ med par gyur pa yang skyed par mi byed/ yod med du gyur pa yang skyed par mi byed de/ rnam pa de gsum char gyis bskyed pa mi 'thad par sngar rnam par bshad zin pas/ de'i phyir ma skyes pa yang skyed par mi byed do/ /de bzhin du dngos po skye bzhin pa yang skyed par mi byed de/ ci'i phyir zhe na/ skyes pa skyed par byed pa'i skyon tu thal bar 'gyur ba'i phyir dang/ ma skyes pa skyed par byed pa'i skyon du thal bar 'gyur pa'i phyir te/ skye bzhin pa skyes pa gang yin pa yang gtan tshigs sngar smos pa dag gis skyed par mi byed la/ skye bzhin pa ma skyes pa gang yin pa yang gtan tshigs sngar smos pa dag gis skyed par mi byed do/ /gal te yang skye bzhin pa skye ba med cing/ 'on kyang skye bzhin pa skyed par yang byed na ni/ skye ba med pa'i skye bzhin pa ma mthong bas de'i phyir skye bzhin pa skyed par mi byed do/ /gang la skye bzhin pa skyed par byed pa de la skye ba gnyis su thal bar 'gyur te/ skye bzhin pa gang gang gi skye bzhin pa nyid du 'gyur ba dang/ skye bzhin pa skyed par byed pa gang yin pa'o/ /skye ba gnyis su mi rigs te/ dngos po skyes pa gnyis med pa'i phyir ro/ /de'i phyir skye bzhin pa yang skyed par mi byed do/ /skye ba rtsom pa'i snga rol na yang gang du skye brtsom par mi 'gyur ba'i skye bzhin pa med de/ skye ba rtsom pa med na skye bzhin pa yang med pa'i phyir skye bzhin pa skyed par mi byed do/ /de ltar skyes pa dang ma skyes pa dang skye bzhin pa skyed par mi byed pa'i phyir skye ba rab tu ma 'grub ste/ skye ba rab tu ma grub na/ gnas pa dang 'jig pa dag kyang rab tu mi 'grub po/ /skye ba dang gnas pa dang 'jig pa dag rab tu ma grub na/ 'dus byas kyang rab tu mi 'grub ste/ de ltar de dag ni song ba dang ma song ba dang bgom pag gis rnam par bshad par khong du chud par bya'o/ /'dir smras pa/ skye ba la brten nas skye bzhin bzhes brjod de/ bsam pa 'dis na skye bzhin bskyed par byed do/ /'dir bshad pa/ gang tshe skye ba yod pas ni/ /skye bzhin 'di 'byung med pa'i tshe/ /ji ltar skye la brten nas ni/ /skye bzhin zhes ni brjod par bya/ /gang gi tshe skye ba yod pas/ skye bzhin pa 'di 'byung ngo zhes ngo zhes bya ba med pa'i tshe/ ji ltar skye ba la brten nas skye bzhin pa zhes brjod par bya/ yang gzhan yang/ rten cing 'byung ba gang yin pa/ /de ni ngo bo nyid kyis zhi/ /de phyir skye bzhin nyid dang ni/ /skye ba yang ni zhi ba nyid/ /'di ltar rten nas 'byung ba gang yin pa de ni ngo bo nyid kyis zhi ba de'i phyir skye bzhin pa nyid dang skye ba yang zhi ba nyid do/ /'dir smras pa/ dus gsum rnam par bzhag pa las ma 'ongs pa'i dngos po ma 'ongs pa'i bdag nyid kyis yod pas de skye bar 'gyur ro/ /'dir bshad pa/ gal te dngos po ma skyes pa/ /'ga' zhig gang na yod gyur na/ /de ni ci phyir der skye 'gyur/ /yod na skye bar mi 'gyur ro/ /gal te dngos po ma skyes pa 'ga' zhig ma 'ongs pa'i dus gang na yod par gyur na/ de ci'i phyir da ltar gyi dus der skye bar 'gyur te/ de de na yod na yod pa'i phyir da 'dir skye bar mi 'gyur ro/ /ci ste skye bar 'dod na/ de la bshad par bya ste/ dngos po de 'dir skye bar 'gyur na/ de lta na dngos po de ma 'ongs pa'i dus de na yod pa ma yin par 'gyur te/ de yang mi 'dod pas/ de'i phyir ma 'ongs pa'i dngos po yod pa de skye bar 'gyur ro zhes bya ba de mi rigs so/ /yang gzhan yang/ khyod kyis sngar skye bas skye bzhin ba skyed par byed do zhes gang smras pa de la bshad par bya ste/ gal te skye pa de yis ni/ /skye bzhin pa ni skyed byed na/ /skye ba de ni skyed byed pa/ /skye ba yang ni gang zhig yin/ /gal te skye ba de yis skye bzhin pa skyed par byed na/ 'o na da skye ba de skyed par byed pa'i skye ba yang gang zhig yin/ de la 'di snyam du skye ba gzhan zhig gis skye ba de skyed par sems na/ de la bshad par bya ste/ gal te skye ba gzhan zhig gis/ /de bskyed thug pa med par 'gyur/ /gal te skye ba gzhan zhig gis skye bzhin pa de skyed par byed pa'i skye ba de skyed par byed na/ de lta na thug pa med par thal bar 'gyur ro/ /ci ste 'di snyam du skye bzhin bskyed par byed pa'i skye ba de ni bskyed pa gzhan med pa kho nar skyes par sems na/ de la bshad par bya ste/ ci ste skye ba med skyes na/ /thams cad de bzhin skye bar 'gyur/ /ci ste skye bzhin pa bskyed pa'i skye ba de bskyed pa gzhan med par skyes par rtog na gzhan thams cad kyang de bzhin du skyed pa gzhan med par skye bar 'gyur par brtag par bya'o/ /yang gzhan yang/ re zhig yod dang med pa yang/ /skye bar rigs pa ma yin no/ /yod med nyid kyang ma yin te/ gong du bstan pa nyid yin no/ /'di la gal te dngos po 'ga' zhig skye bar gyur na/ de yod pa 'am med pa zhig skye bar 'gyur grang na/ rigs pas yongs su brtag na/ yod pa ni skye bar rigs pa ma yin te/ skye bar brtag pa don med pa nyid yin pa'i phyir ro/ /med pa yang skye bar rigs pa ma yin te/ med pa nyid yin pa'i phyir ro/ /ci ste yod med gcig skye bar sems na/ de yang rigs pa ma yin te/ kho ? gong du re zhig yod dang med pa yang/ skye bar rigs pa ma yin no zhes bstan pa nyid yin no/ /yang na yod pa dang med pa dang yod med dag ji ltar skye ba'i rigs pa ma yin pa de ltar kho bos gong du/ gang tshe chos ni yod pa dang/ /med dang yod med mi sgrub pa/ /ji ltar sgrub byed rgyu zhes bya/ /de lta yin na mi rigs so/ /zhes bstan pa nyid yin no/ /yang gzhan yang/ dngos po 'gag bzhin nyid la ni/ /skye ba 'thad par mi 'gyur ro/ /'di la khyod kyis dngos po skye bzhin bskyed par byed do zhes smras pa'i dngos po skye bzhin pa gang yin pa de ni 'gag pa'i chos can yin pas 'gag bzhin pa nyid kyang yin te/ dngos po 'gag bzhin pa nyid de la ni skye ba 'thad par mi 'gyur te/ ci'i phyir zhe na/ de la phan tshun mi mthun pa'i bya ba gnyis su thal par 'gyur pa'i phyir te/ 'gag pa'i bya ba gang gis 'gag bzhin pa'i chos can du brtag ma dang de la yang skye ba'i bya ba yod pa gang yin pa ste/ gcig la dus gcig tu 'gag pa dang/ skye ba ston pa'i bya ba phan tshun mi mthun pa gnyis yod pa de ni mi 'dod pas/ de'i phyir 'gag bzhin pa'i chos can nyid la skye ba'i thad par mi 'gyur te/ snang ba dang mun pa bzhin no/ /'dir smas? pa/ 'o na dkar? 'gag bzhin pa'i chos can ma yin pa'i dngos po de skye bar 'gyur ro/ /'dir bshad pa/ /gang zhig 'gag bzhin ma yin pa/ /de ni dngos po mi 'thad do/ /gang zhig 'gag bzhin ma yin pa de ni 'gag yang dngos por mi 'thad do/ /yang gzhan yang de ni ? blangs kyang gnas pa mi 'thad de/ ji ltar zhen bshad pa/ dngos po gnas pa mi gnas te/ /dngos po mi gnas gnas ba min/ /gnas bzhin pa yang mi gnas te/ /ma skyes gang zhig gnas par byed/ /de zhig dngos po gnas pa ni/ /gnas par mi byed de/ gnas pa yod pa'i phyir ro/ /mi gnas pa yang gnas par mi byed de/ gnas pa med pa'i phyir ro/ /de gnyis las gzhan pa gnas bzhin pa zhes bya ba gsum pa yang gnas par mi byed de/ med pa'i phyir ro/ /de ltar rnam pa thams cad du yongs su brtags na/ ma skyes pa gang zhig da gnas par byed/ yang gzhan yang/ dngos po 'gag bzhin nyid la ni/ /gnas pa 'thad par mi 'gyur ro/ /de la ni gnas pa mi 'thad de/ ci'i phyir zhe na/ de la gnas skabs phan tshun mi mthun pa gnyis su thal bar 'gyur ba'i phyir te/ gnas skabs gang gis 'gag bzhin pa zhes bya bar 'gyur ba dang/ de la yang gnas pa'i gnas skabs su brtag pa gang yin pa'o/ /gcig la dus gcig tu 'gag bzhin pa dang/ gnas pa ston par byed pa'i gnas skabs phan tshun mi mthun pa gnyis yod pa de ni mi 'dod pas/ de'i phyir 'gag bzhin pa'i chos can nyid gnas par byed do zhes bya ba de rigs pa ma yin no/ /'dir smras pa/ 'o na da dngos po gang 'gag bzhin pa'i chos can ma yin pa de gnas par byed do/ /'dir bshad pa/ gang zhig 'gag bzhin ma yin pa/ /de ni dngos por mi 'thad do/ /gang zhig 'gag bzhin ma yin pa de ni dga' yang dngos bo nyid du mi 'thad do/ /yang gzhan yang/ dngos po thams cad dus kun tu/ /rga dang 'chi ba'i chos yin na/ /gang dag rga dang 'chi med par/ /gnas pa'i dngos po gang zhig yin/ /dngos po thams cad dus kun tu rga ba dang 'chi ba'i chos yin na gang dag rga ba dang 'chi ba med par gnas ba'i dngos po de dag gang zhig yin par 'gyur/ yang gzhan yang/ gnas pa gnas pa gzhan dang ni/ /de nyid kyis kyang gnas mi rigs/ /ji ltar skye ba rang dang ni/ /gzhan gyis bskyed pa ma yin bzhin/ /ji ltar sngar yongs su brtags na skye ba rang dang gzhan gyis bskyed par mi rigs pa de bzhin du gnas pa yang gnas pa de nyid dang gzhan gyis gnas par mi rigs so/ /de ni 'gag pa yang mi 'thad de/ ji lta zhe na/ bshad pa/ 'gag pa 'gag par mi byed de// ma 'gag pa yang 'gag mi byed/ /'gag bzhin pa yang de bzhin min/ /ma skyes gang zhig 'gag par byed/ /re zhig 'gag pa gang yin pa de ni yang 'gag par mi byed de 'gags zin pa'i phyir ro/ /ma 'gag pa gang yin pa de yang 'gag par mi byed de/ 'gag pa'i bya ba dang bral ba'i phyir ro/ /de gnyis las gzhan pa 'gag bzhin pa zhes bya ba gsum pa yang 'gag par mi byed de/ med pa'i phyir ro/ /de ltar rigs pas yongs su brtag na/ ma skyes pa gang zhig de 'gag par byed/ yang gzhan yang/ de zhig dngos po gnas pa la/ / 'gag pa 'thad par mi 'gyur ro/ /dngos po mi gnas pa la yang/ /'gag pa 'thad par mi 'gyur ro/ /re zhig dngos po gnas pa gang yin pa de la ni 'gag pa 'thad par mi 'gyur te/ ci'i phyir zhe na/ gnas pa yod pa'i phyir ram/ yang na gnas pa dang/ 'gag pa gnyis su thal bar 'gyur ba'i phyir ro/ /dngos po mi gnas pa gang yin pa de la yang 'gag pa 'thad par mi 'gyur te/ ci'i phyir zhe na/ gnas pa dang bral ba'i phyir dang/ med pa'i phyir ro/ /yang gzhan yang/ gnas skabs de yis gnas pa ni/ /de yis 'gag pa nyid mi 'gyur/ /gnas skabs gzhan gyis gnas pa yang/ /gzhan gyis 'gag pa nyid mi 'gyur/ /'di la dngos po gang la 'gag par brtag pa de ni gnas skabs de nyid dang gnas skabs gzhan gnyi gas kyang 'gag pa nyid du mi 'gyur te/ ci'i phyir zhen?/ 'o ma ni 'o ma'i gnas skabs kyis 'gag par mi 'gyur te/ ji srid du 'o ma yin pa de srid du 'gag pa nyid du mi 'gyur ba'i phyir dang/ 'o ma ma yin pa'i gnas skabs su yang 'gag par mi 'gyur te/ gang gi tshe 'o ma ma yin pa de'i tshe na gang yang 'gag bar mi 'gyur ba'i phyir ro/ /yang gzhan yang/ gang tshe chos rnams thams cad kyi/ /skye ba 'thad par mi 'gyur ba/ /de'i tshe chos rnams thams cad kyi/ /'gag pa 'thad par mi 'gyur ro/ /gang gi tshe rigs pas yongs su brtags na/ chos thams cad kyi skye ba 'thad par mi 'gyur ba de'i tshe/ chos thams cad kyi 'gag pa yang 'thad par mi 'gyur ro/ /yang gzhan yang/ re zhig dngos po yod pa la/ /'gag pa 'thad par mi 'gyur ro/ /dngos dang dngos po med pa dag/ gcig nyid na ni 'thad pa med/ /'di la yang rigs bas yongs su ba rtags na/ re zhig dngos po yod pa la 'gag pa 'thad par mi 'gyur te/ ci'i phyir zhe na/ dngos po dang dngos po med pa dag gcig nyid na yod par mi 'thad pa'i phyir ro/ /yang gzhan yang/ dngos po med par gyur pa la'ang/ /'gag pa 'thad par mi 'gyur ro/ /mgo gnyis pa la ji ltar ni/ /gcad du med pa de bzhin no/ /dngos po med pa la yang 'gag pa 'thad par mi 'gyur te/ ci'i phyir zhe na/ med ba'i phyir te/ ji ltar mgo gnyis pa la bcad du med pa de bzhin no/ /yang gzhan yang/ 'gag pa 'gag pa gzhan dang ni/ /de nyid kyis kyang 'gag mi rigs/ /ji ltar skye ba rang dang ni/ /gzhan gyis bskyed pa ma yin bzhin/ /ji ltar sngar yongs su brtags na skye ba rang dang gzhan gyis bskyed bar mi rigs pa de bzhin du 'gag pa yang 'gag pa de nyid dang gzhan gyis 'gag par mi rigs so/ /skye dang gnas dang 'jig pa dag /ma grub phyir na 'dus byas med/ /'dus byas rab tu ma grub pas/ /'dus ma byas ni ji ltar 'grub/ /de ltar skye ba dang gnas pa dang 'jig pa de dag ma grub pa'i phyir 'dus byas med do/ /'dus byas rab tu ma grub pas/ /'dus ma byas ji ltar 'grub par 'dod/ /'dir smras pa gal te skye ba dang/ gnas pa dang/ 'jig pa 'ga' yang med na ji ltar gsungs/ 'dir bshad pa/ rmi lam ji bzhin sgyu ma bzhin/ /dri za'i grong khyer ji bzhin du/ /de bzhin skye dang de bzhin gnas/ /de bzhin du ni 'jig pa gsungs/ /de ltar skye ba dang gnas pa dang 'jig pa de dag ni rmi lam dang sgyu ma dang dri za'i grong khyer dang 'dra bar kun rdzob tsam du snang bar zad ces/ gsungs par shes par bya'o/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ skye ba dang gnas pa dang 'jig pa brtag pa zhes bya ba ste rab tu byed pa bdun pa'o// //bam po gsum pa'o/ /'dir smras pa/ byed pa po dang las dag ni bstan bcos dang 'jig rten dang rig byed las grags pa'i phyir rab tu grub ste/ de dag rab tu grub na las dang 'bras bu brgyud pa yang yod pas de'i phyir byed pa po dang las dag yod do/ /'dir bshad pa/ byed pa yin par gyur pa de/ /las su gyur pa mi byed do/ /byed po ma yin gyur pa yang// las sum gyur mi byed do/ /re zhig byed pa po yin par gyur pa de ni las yin par gyur pa mi byed do/ /byed pa po ma yin par gyur pa yang las ma yin par gyur pa mi byed do/ /ci'i phyir zhe na/ yin par gyur la bya ba med/ /las kyang byed po med par 'gyur// yin par gyur la bya ba med/ /byed pa po yang las med 'gyur/ /las yin par gyur pa la bya ba med pa dang/ yang gzhan yang/ las kyang byed pa po med par rab tu 'grub par 'gyur bas de ni mi 'dod do/ /de'i phyir byed pa po yin par gyur pa las yin par gyur pa byed do/ /zhes bya ba de rigs pa ma yin no/ /da ni byed pa po yin par gyur pa yang las ma yin par gyur pa mi byed de/ ci'i phyir zhe na/ gal te byed bor ma gyur pa/ /las su ma gyur byed na ni/ /las la rgyu ni med par 'gyur/ /byed pa po yang rgyu med 'gyur/ /gal te byed pa po ma yin par gyur pa las ma yin par gyur pa byed na/ de lta na las la rgyu med par 'gyur ba dang/ byed pa po yang rgyu med par 'gyur ro/ /'dir smras pa/ gal te las dang byed pa po dag rgyu med par gyur na/ des cir 'gyur/ 'dir bshad pa/ rgyu med na ni 'bras bta? dang/ /rgyu yang 'thad par mi 'gyur ro/ /de med na ni bya ba dang/ /byed pa po dang byed mi rigs/ /bya ba la sogs mi rigs na/ /chos dang chos min yod ma yin/ /chos dang chos min med na ni/ /de las byung ba'i 'bras bu med/ /'bras bu med na thar pa dang// mtho ris 'gyur ba'i lam mi 'thad/ /bya ba dag ni thams cad kyang/ /don med nyid du thal bar 'gyur/ /rgyu med pa nyid yin na 'bras bu dang rgyu dag med par thal bar 'gyur ro/ /de dag med na bya ba dang byed pa po dang byed pa dag med do/ /bya ba dang byed pa po dang byed pa dag med na chos dang chos ma yin pa dag kyang med do/ /chos dang chos ma yin pa dag med na de las byung ba'i 'bras bu yang med do/ /'bras bu med na thar pa dang mtho ris su 'gyur ba'i lam yang mi 'thad do/ /yang gzhan yang/ bya ba thams cad kyang don med pa nyid du thal bar 'gyur te/ de ltar rgyu med pa nyid yin na/ skyon de dag tu thal bar 'gyur bas de'i phyir de ni rigs pa ma yin no/ /'dir smras pa/ byed pa po yin pa dang ma yin par gyur pa bya ba dang ldan pa dang mi ldan pa las yin pa dang ma yin par gyur ba bya ba dang ldan pa dang mi ldan pa byed do/ /'dir bshad pa/ byed pa por gyur ma gyur pa/ /gyur ma gyur de mi byed do/ /yin dang ma yin gyur pa ni/ /phan tshun 'gal bas ga la gcig/ byed pa po yin pa dang ma yin par gyur pa las yin pa dang ma yin par gyur ba de mi byed de/ ci'i phyir zhe na/ yin pa dang ma yin par gyur pa ni phan tshun 'gal ba yin pas gcig na yod par ga la 'gyur bas de'i phyir/ des de mi byed do/ /yang gzhan yang/ byed pa po dang las dag ni/ /gyur ba ma gyur mi byed de/ /ma gyur pa yang gyur mi byed/ /'dir yang skyon der thal bar 'gyur/ /byed pa po yin par gyur pa las ma yin par gyur pa mi byed do/ /byed pa po ma yin par gyur pa las yin par gyur par mi byed do/ /ci'i phyir zhe na/ 'dir yang skyon sngar bstan pa der thal bar 'gyur ba'i phyir ro/ /yang gzhan yang/ byed pa po dang las dag ni/ /gyur dang bcas pa ma gyur dang/ /gyur ma gyur pa mi byed de/ /gtan tshigs gong du bstan phyir ro/ /byed pa po yin par gyur pa las ma yin par gyur pa dang yin pa dang ma yin par gyur ba mi byed de/ ci'i phyir zhe na/ gtan tshigs gong du bstan pa dag gis 'dir yang skyon der thal bar 'gyur ba'i phyir?/ yang gzhan yang/ byed pa po dang las dag ni/ /ma gyur pa ni gyur bcas dang/ /gyur ma gyur pa mi byed de/ /gtan tshigs gong du bstan phyir ro/ /byed pa po ma yin par gyur ba las yin par gyur pa dang/ yin pa dang ma yin par gyur pa mi byed de/ ci'i phyir zhe na/ gtan tshigs gong du bstan pa dag gis 'dir yang skyon der thal bar 'gyur ba'i phyir ro/ /yang gzhan yang/ byed pa por gyur ma gyur ni/ /las su gyur dang ma gyur pa/ /mi byed 'dir yang gtan tshigs ni/ /gong du bstan pas shes par bya/ /byed pa po yin pa dang ma yin par gyur pa las yin pa dang ma yin par gyur pa mi byed de/ ci'i phyir zhe na/ 'dir yang gtan tshigs gong du bstan pa dag gis skyon der thal bar 'gyur ba'i phyir ro/ /de'i phyir de ltar rnam pa de dag thams cad kyis byed pa po dang las dag rab tu 'grub par mi 'thad do/ /de ltar na/ byed po las la brten byas shing/ /las kyang byed po de nyid la/ /brten nas 'byung ba ma gtogs par/ /'grub pa'i rgyu ni ma mthong ngo/ /byed pa po ni las la brten nas 'byung zhing las kyang byed pa po de nyid la brten nas 'byung ste/ brten pa de ma gtogs par 'grub pa'i rgyu gzhan ni ma mthong ngo de bzhin nyer lan shes par bya/ /las dang byed po bsal phyir ro/ /byed pa po dang las dag gis/ /dngos po lhag ma shes par bya/ /ji ltar sgrub pa sngar bstan pa des byed pa po dang/ las dag brten nas 'byung ba ma gtogs par 'grub pa mi 'bad pa de bzhin du byed pa po dang las dag bsal ba'i sgrub pa de nyid kyis nye bar len pa po dang nye bar blang ba dag kyang shes par bya'o/ /byed pa po dang las dag gis nye bar len pa po dang nye bar blang ba dag bsal bar shes par bya ba 'ba' zhig tu yang ma zad de/ dngos po lhag ma rnams kyang bsal bar shes par bya'o/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ byed pa po dang las brtag pa zhes bya ba ste/ rab tu byed pa brgyad pa'o// /'dir smras pa/ lta dang nyan la sogs pa dang/ /tshor sogs dang yang dbang byas pa/ /gang gi yin pa de dag gi /snga rol de yod kha cig smra/ /lta ba dang nyan pa la sogs pa dbang po rnams dang/ tshor ba la sogs pa dang/ yang chos gang dag gi dbang du byas pa dag dngos po gang gi yin pa de dag gi snga rol na dngos po ngos par gnas pa de yod do zhes slob dpon kha cig smra'o/ /dngos po yod pa ma yin na/ /lta la sogs ba ji ltar 'gyur/ /de phyir de dag snga rol na/ /dngos po gnas pa de yod do/ /gang gi phyir dngos po yod pa ma yin na lta ba la sogs pa dag ji ltar yod par 'gyur te/ de'i phyir lta ba dang nyan pa la sogs pa dang/ tshor ba la sogs pa dang/ yang chos gang dag gi dbang du byas pa de dag gi snga rol na/ dngos po nges par gnas pa de yod do/ /'dir bshad pa/ lta dang nyan la sogs pa dang/ /tshor ba la sogs nyid kyis ni/ /snga rol dngos po gang gnas pa/ /de ni gang gis gdags par bya/ /lta dang nyan pa la sogs pa dbang po rnams dang/ tshor ba la sogs pa chos rnams kyi snga rol na/ dngos po gang nges par gnas pa de yod do zhes gang gis gdags par bya/ 'dir smras pa/ de ni lta ba dang nyan pa la sogs pa dbang po rnams dang/ tshor ba la sogs pa chos rnams med par yang nges par gnas pa yin no/ /'dir bshad pa/ lta la sogs pa med par yang/ /gal te de ni gnas gyur na/ /de med par yang de dag ni/ yod par 'gyur bar the tshom med/ /lta ba dang nyan pa la sogs pa dbang po rnams dang/ tshor ba la sogs pa chos rnams med par yang gal te/ dngos po de nges par gnas par yod par gyur na/ dngos po de med par yang lta ba dang nyan pa la sogs pa dbang po rnams dang/ tshor ba la sogs pa chos de dag yod par 'gyur bar the tshom med do/ /'di smras pa/ lta ba dang nyan pa la sogs pa dag gi snga rol na/ gang nges par gnas pa'i dngos po de phan tshun gsal bar byed pa med par yod do/ /'dir bshad pa/ ci yis gang zhig gsal bar byed/ /gang gis ji zhig gsal bar byed/ /ci med gang zhig ga la yod/ /gang med ci zhig ga la yod/ /lta ba la sogs pa ci yis dngos po gang zhig gsal bar byed la/ dngos po gang gis kyang lta ba la sogs pa ji bzhig gsal bar byed pa yin te/ gsal ba par byed ces bya ba ni/ mtshon par byed pa dang/ gzung bar byed ces bya ba'i tha tshig go/ 'o nang lta ba la sogs pa ci zhig po dag med na/ dngos po gang zhig po ga la yod la/ /dngos po gang zhig po med na yang lta ba la sogs pa ci zhig po dag ga la yod/ 'dir smras pa/ lta la sogs pa thams cad kyis/ /snga rol gang zhig yod pa min/ /lta la sogs pa gzhan dag gis/ /gzhan gyi tshen gsal bar byed/ /lta ba la sogs pa ci zhig po thams cad kyi snga rol na/ dngos po gang zhig po yod do zhes ni mi smra'i/ 'di ltar lta la sogs pa ci zhig po/ /de dag re re'i snga rol na yod pas de'i phyir de ni lta ba la sogs pa gzhan dang gzhan dag gis dus gzhan gyi tshe na/ lta ba po dang nyan pa po dang tshor ba po zhes gsal bar byed pas/ de ni lta ba la sogs pa dag gi snga rol na med pa yang ma yin la/ gsal bar byed pa med pa yang ma yin no/ /'dir bshad pa/ lta la sogs pa thams cad kyis snga rol gal te yod min na/ /lta la sogs pa re re yi/ /snga rol de ni ji ltar yod/ /lta ba la sogs pa thams cad kyi snga rol na/ gal te de yod pa ma yin na/ lta ba la sogs pa re re'i snga rol na yang de ji ltar yod/ yang gzhan yang/ gal te re re'i snga rol na/ /lta po de nyid nyan po de/ /tshor ba po yang de nyid 'gyur/ /de ni de ltar mi rigs so/ /gal te de lta ba la sogs pa re re'i snga rol na/ oyod par 'gyur na/ de lta na lta ba po yang de nyid yin la nyan pa po yang de nyid yin tshor ba po yang de nyid yin par 'gyur te/ de de ltar na mi rigs so// 'dir smras pa/ lta ba po yang gzhan nyid yin la nyan pa po yang gzhan nyid yin tshor ba po yang gzhan nyid yin no/ /'dir bshad pa/ gal te lta bo gzhan nyid la/ /nyan pa po gzhan tshor gzhan na/ /lta bo'i tshe na nyan po yod/ /bdag kyang mang po nyid du 'gyur/ /gal te lta ba po yang gzhan nyid yin la nyan pa po yang gzhan nyid yin tshor ba po yang gzhan nyid yin par gyur na/ de lta na lta ba po'i tshe na nyan pa po dang snom pa po dang myang ba po dang reg pa po dang/ sems pa po dag kyang yod par 'gyur ro/ /yang gzhan yang/ bdag kyang mang po nyid du thal bar 'gyur te/ de ni mi 'dod pas de'i phyir de ni rigs pa ma yin no/ /'dir smras pa/ lta ba la sogs skye mched rnams gzugs gang las gyur pa'i 'byung ba chen po bzhi po dag la dngos po nges par gnas pa de yod pas des na lta ba la sogs pa dag gi snga ro lan dngos po gnas pa yod do zhes bya ba de 'thad do/ /'dir smras pa/ lta dang nyan la sogs pa dang/ /tshor ba dag la sogs pa yang/ /gang las 'gyur ba'i 'byung de la'ang/ /de ni yod pa ma yin no/ /khyod lta ba dang nyan pa la sogs pa dbang po rnams kyi snga rol na dngos po nges par gnas pa de yod par mngon par zhen par byed pa de ni lta ba dang nyan pa la sogs pa dang/ tshor ba la sogs pa dag rim gyis gang dag las 'gyur ba'i 'byung ba de dag la yang yod pa ma yin te/ lus 'di 'ba' zhig la yod pa ma yin par ma zad do/ /'dir smras pa/ lta ba dang nyan pa la sogs pa'i dbang po ci zhig pa dag gang gi yin pa'i dngos po gang zhig po de yang yod la dngos po gang zhig po de yod na/ lta ba dang nyan pa la sogs pa dbang po ji zhig po dag kyang yod do/ /'dir bshad pa/ lta dang nyan la sogs pa dang/ /tshor ba dag la sogs pa yang/ /gang gi yin pa gal te med/ /de dag kyang ni yod ma yin/ /lta ba dang nyan pa la sogs pa dbang po rnams dang/ tshor ba la sogs pa ci zhig po dag gang gi yin pa'i dngos po gang zhig po de gal te med na/ lta ba la sogs pa ci zhig po de dag kyang yod pa ma yin no/ /'dir smras pa/ ci khyod kyi dngos po gang zhig po med pa de shin tu nges pa yin nam/ 'dir bshad pa/ gang zhig lta la sogs pa yi/ /lnga rol da lta phyin med/ /de la yod do med do zhes/ /rtog pa dag ni ldog par 'gyur/ /de ltar rigs pas yongs su brtags na dngos po gang zhig po lta ba la sogs pa ci zhig po dag gi sngon dang da ltar dang phyi ma'i dus rnam pa thams cad du btsal na/ de 'di'o zhes rang las rab tu grub pa med pa de la lta ba la sogs pa dag gis yod do med do zhes gdags pa'i rtog pa dag ldog par 'gyur ro/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ nye bar len pa po dang nye bar bslang ba brtag pa zhes bya ba ste rab tu byed pa dgu pa'o// //'dir smras pa/ me dang bud shing gi dpe nye bar sbyar bas me bzhin du nye bar len pa po bdag yod la/ bud shing bzhin du nye bar bslang ba phung po lnga yang yod do/ /'dir bshad pa/ de dag ni yod pa ma yin te/ ci'i phyir zhe na/ me dang bud shing dag ma grub pa'i phyir te/ 'di la me dang bud shing dag gcig pa nyid dam gzhan nyid du rab tu 'grub par 'gyur grang na/ gnyi ga ltar yang rab tu mi 'grub po/ /gal te ji ltar zhe na/ bshad pa/ gal te shing de me yin na/ byed pa po dang las gcig 'gyur/ /gal te re zhig bud shing gang khon yin pa de nyid me yin par gyur na byed pa po dang las gcig pa nyid du thal bar 'gyur te/ ci'i phyir zhe na/ me ni byed pa por gyur ba yin la bud shing ni las su gyur ba yin pa'i phyir te/ de lta bsan me dang bud shing dag gcig pa nyid yin no zhes bya ba de rigs pa ma yin no/ /ji ste 'di snyam du me dang bud shing dag gzhan nyid yin par sems na/ de la bshad par bya ste/ gal te shing las me gzhan na/ /shing med par yang 'byung bar 'gyur/ /gal te bud shing las me gzhan nyid yin par gyur na/ de lta na bud shing med par yang mi 'byung bar 'gyur bas/ de'i phyir me dang bud shing dag gzhan nyid ces bya ba de yang rigs pa ma yin no/ /yang gzhan yang/ rtag tu 'bar ba nyid du 'gyur/ /'bar byed med pa'i rgyu las byung/ /rtsom pa don med nyid du 'gyur/ /de lta yin na las kyang med/ /gzhan nyid yin na rtag tu 'bar ba nyid du 'gyur ba dang/ 'bar byed med pa'i rgyu las byung ba dang/ de'i phyir rtsom pa don med pa nyid du yang 'gyur te/ dbyung ba dang spar ba la sogs pa rtsom pa dag don med pa nyid du 'gyur ro/ /yang gzhan yang/ de lta yin na las kyang med par thal bar 'gyur te/ de'i las sreg pa dang 'tshad pa la sogs pa gang yin pa de dag med par 'gyur ro/ /de la 'di snyam du ci'i phyir 'bar byed med pa'i rgyu las byung ba dang/ rtsom pa don med pa nyid du thal bar 'gyur snyam du sems na/ de la bshad par bya ste/ gzhan la bltos pa med pa'i phyir/ 'bar byed med pa'i rgyu las byung/ /rtag tu 'bar ba nyid yin na/ /rtsom pa don med nyid du 'gyur/ /gzhan la bltos pa med pa'i phyir 'bar byed med pa'i rgyu las byung bar 'gyur la/ rtag tu 'bar ba nyid yin na rtsom pa don med pa nyid du thal bar 'gyur ro/ /de la gal te 'di snyam du/ sreg bzhin bud shing yin sems na/ de la gal te 'di snyam du sreg bzhin pa nyid bud shing yin par sems na/ de la bshad par bya ste/ gang tshe de tsam de yin na/ /gang gis bud shing de sreg byed/ /gang gi tshe sreg bzhin pa de tsam bud shing de yin zhing gzhan gang dang ldan pas kyang sreg bzhin pa ma yin na/ me gang gis bud shing de sreg par byed de/ me med par yang bud shing yin par thal bar 'gyur ro zhes bya ba'i tha tshig go /yang gzhan yang/ gzhan na mi phrad phrad med na/ /sreg par mi 'gyur mi sreg na// 'chi bar mi 'gyur mi 'chin/ /rang gi rtags dang ldan par gnas/ /me gzhan yin na bud shing dang mi phrad par 'gyur te/ ci'i phyir zhe na/ mi bltos par grub pa'i phyir ro/ /phrad pa med na bud shing sreg par mi 'gyur ro/ /mi sreg na 'chi bar mi 'gyur ro/ /mi 'chin rang gi rtags dang ldan par gnas par 'gyur ro/ /'dir smras pa/ mi gzhan yin na bud shing dang mi phrad par 'gyur ro zhes gang bshad pa de la smra bar bya ste/ gal te shing las me gzhan yang/ /shing dang phrad du rung bar 'gyur/ /ji ltar bud med skyes pa dang/ skyes pa'ang bud med phrad pa bzhin/ /gal te bud shing las me gzhan yin na yang bud shing dang phrad du rung bar 'gyur te/ ji ltar bud med dang skyes pa dag gzhan nyid yin yang/ phan tshun nas phrad du rung ba bzhin no/ /'dir bshad pa/ gal te me dang shing dag ni/ /gcig gis gcig ni gsal gyur na/ /shing las me gzhan nyid yin yang/ /shing dang phrad par 'dod la rag/ gal te me dang bud shing dag skyes pa dang bud med dag bzhin du gzhan nyid yin zhing gcig gis gcig bsal bar gyur na ni/ bud shing las me gzhan nyid yin yang bud shing dang phrad par 'dod la rag na/ gang gi phyir de lta ma yin pa de'i phyir khyod kyis gal te bud shing las me gzhan yin yang bud shing dang phrad du rung bar 'gyur ro zhes gang smras pa de rigs pa ma yin no/ /'dir smras pa/ bud shing la bltos nas me yin la me la bltos kyang bud shing yin pas bud shing dang me dag ni bltos pa can du 'grub po/ /'dir bshad pa/ gal te shing bltos me yin la/ /gal te me bltos shing yin na/ /gang la bltos pa'i me dang shing/ /dang por grub pa gang zhig yin/ /gal te bud shing la bltos nas me yin la/ me la bltos nas bud shing yin na gang la bltos nas me yin par 'gyur ba 'am/ bud shing yin par 'gyur ba de gnyis las dang por grub pa gang yin/ de la 'di snyam du bud shing dang por grub la de la bltos nas me yin par sems na/ de la bshad par bya ste/ gal te shing bltos me yin na/ ma grub pa la sgrub par 'gyur/ /gal te bud shing dang por grub la de la bltos nas mo yin par 'gyur na/ de lta na me grub zin pa la yang sgrub par 'gyur ba yin no/ /yang gzhan yang/ bud par bya ba'i shing la yang/ me med par ni 'gyur ba yin/ /de lta na bud shing la yang me med par 'gyur ba yin no/ /de ni mi 'dod pas de'i phyir me dang bud shing dag bltos pa can du 'grub bo zhes gang smras pa/ de rigs pa ma yin no/ /'dir smras pa/ de dag gang yang rung ba dang por ma grub kyang phan tshun bstos? pa nyid du 'grub po/ /'dir smras pa/ gal te dngos po gang bltos 'grub/ /de nyid la yang bltos nas ni/ /bltos bya gang yin de 'grub na/ /gang la bltos nas gang zhig 'grub/ /gal te bsgrub par bya ba'i dngos po gang yin pa ni/ /dngos po gzhan la bltos te 'grub cing/ /bsgrub par bya ba'i dngos po de nyid la yang bltos nas bltos par bya ba'i dngos po gzhan gang yin pa de 'grub na/ /bod pa'i tshig 'on grub par 'dod pa gang la bltos nas gang zhig 'grub par 'gyur/ /yang gzhan yang/ dngos po bltos 'grub gang yin pa/ /de ma grub na ji ltar bltos/ /ji ste grub pas bltos she na/ de ni bltos pa mi rigs so/ /dngos po gang dngos po gzhan la bltos te 'grub po zhes brjod pa'i dngos po de ma grub cing med na ji ltar bltos par byed/ /de ma grub cing med pa la yang ji ltar bltos par bya/ ji ste yang grub pa nyid gzhan la bltos par sems na de yang mi rigs te/ dngos po grub cing yod pa yang grub par bya ba'i phyir gzhan la bltos pa ni don med pa'i phyir mi rigs so/ /de grub cing yod pa la gzhan bltos par yang mi rig so/ /yang gzhan yang/ shing la bltos pa'i me med de// shing la ma bltos me yang med/ /me la bltos pa'i shing med de/ /mi lam bltos shing yang med/ /de'i phyir de ltar rigs pa sngon du btang ste/ /yang dag pa ji lta ba bzhin du brtags na/ /bud shing la bltos pa'i me med de/ /me dang bud shing grub pa dang ma grub pa dag bltos par mi 'thad ba'i phyir ro/ /bud shing lam bltos pa'i me yang med de gzhan la bltos pa med pa dang 'bar byed med pa'i rgyu las byung ba dang rtag tu 'bar bar thal bar 'gyur ba'i phyir ro/ /da ni me la bltos pa'i bud shing yang med de? me dang bud shing 'grub pa dang ma grub pa dag bltos par mi 'thad pa'i phyir ro/ /me la ma bltos pa'i bud shing yang med de me med cing sreg bzhin ma yin pa bud shing du mi 'gyur ba'i phyir ro/ /yang gzhan yang/ me ni gzhan las mi 'od ste/ /shing la 'ang me ni yod ma yin/ /me ni gzhan las mi 'ong ste/ gzhan las 'ong bar brtag pa de yang bud shing dang bcas par ram bud shing med par 'od bar mi 'thad pa'i phyir ro/ /bud shing la yang me yod pa ma yin te/ /mi dmigs pa'i phyir dang/ rtsom pa don med pa nyid du 'gyur ba'i phyir ro/ /song dang ma song bgom pa yis/ /de bzhin shing la lhag ma bstan/ /rnam pa de dag gis de bzhin du bud shing la yang brjod pa lhag ma dag bstan par khong du chud par bya'o/ /rnam pa gang dag gis she na/ song ba dang ma song ba dang bgom pa'i rnam pa dag gis ste/ ji ltar song ba dang ma song ba dang bgom pa la 'gro ba med pa de bzhin du/ bud shing bsregs pa dang ma sreg pa dang ma sreg bzhin pa la yang sreg pa med do/ /ji ltar song ba dang ma song ba dang bgom pa la 'gro ba'i rtsom pa med pa de bzhin du bud shing bsregs pa dang ma bsregs pa dang sreg bzhin pa la yang sreg pa'i rtsom la med de/ ji ltar 'gro ba po dang 'gro ba po ma yin pa dang ma yin pa 'gro bar mi byed pa de bzhin du/ sreg pa po dang sreg pa po ma yin pa dang/ sreg pa po yin pa dang ma yin par yang sreg par mi byed do/ /de bzhin du lhag ma rnams kyang bstan par bya'o/ /yang gzhan yang shing nyid me ni ma yin te/ /shing las gzhan la me yang med/ /me ni shing dang ldan ma yin/ /me la shing med der de med/ /re zhig bud shing gang kho na yin pa de nyid me ma yin te/ byed pa po dang las dag gcig pa nyid kyi skyon du thal bar 'gyur ba'i phyir ro/ /bud shing las gzhan la yang ma med de gzhan la bltos pa nyid la sogs pa'i skyon du thal bar 'gyur ba'i phyir ro/ /me bud shing dang ldan pa yang ma yin me la yang bud shing med bud shing la yang me med de/ /gzhan nyid kyi skyon du 'gyur ba'i phyir ro/ /me dang shing gis bdag dang ni/ /nye bar bslang ba'i rim pa kun/ /bum snam la sogs lhan cig tu ma lus par ni rnam par bshad/ /me dang bud shing dag gis bdag dang nye bar bslang bdag gis gcig pa nyid dang gzhan nyid dang/ phan tshun bltos pa mi 'thad pa'i rim pa thams cad bum pa dang snam bu la soT pa dag dang lhan cig tu ma lus par rnam par bshad par khong du chud par bya'o/ /gang dag bdag dang dngos po rnams/ /de bcas nyid dang tha dad par/ /ston pa de dag bstan don la/ /mkhas po snyam du mi sems so/ /gang dag bdag de dang bcas pa nyid dang tha dad pa dang/ dngos po rnams de dang bcas pa nyid dang tha dad par ston pa de dag bstan pa'i don la mkhas pa yin par kho bos mi sems so/ /slob dpon 'phags pa klu sgrub kyis mdzad pa dbu ma'i rtsa ba'i 'gtel ba ga las 'jigs med las/ me dang bud shing brtag pa zhes bya ba ste rab tu byed pa bcu pa'o/ / //'dir smras pa/ bcom ldan 'das kyis thog ma dang tha ma med pa'i mdo las dge slong dag 'khor ba la thog ma dang tha ma med de sngon dang phyi ma'i mdza' mi mngon no zhes gsungs pas/ de'i phyir sngon dang phyi ma'i mdza' mi mngon no zhes gsungs pas 'khor ba yod pa nyid du bstan pa mdzad pa de ci la dgongs te gsungs pa khyod kyis rnam par bshad par bya ba'i rigs so/ /'dir smras pa/ sngon mdza' mngon nam zhes zhus tshe/ /thub pa chen pos min zhes gsungs/ /'khor ba thog mtha med de/ /de la sngon med phyi ma med/ /sngon gyi mdza' mngon nam zhes zhus pa'i tshe/ thub pa chen pos mi mngon no zhes gsungs pas 'khor ba la thog ma dang tha ma med do/ /ci'i phyir zhe na/ de la sngon yang med la phyi ma yang med pa'i phyir ro/ /de la 'di snyam du 'khor ba'i dbus yod par sems na de yang mi rung ste/ ci'i phyir zhe na/ 'di ltar/ gang la thog med tha med pa/ /de la dbus ni gal yod/ /gang la thog ma dang tha ma med pa de la dbus yod par ga la 'gyur/ de'i phyir de la snga phyi dang/ /lhan cig rim pa mi 'thad do/ /gang gi phyir 'khor ba de la thog ma dang dbus dang tha ma med pa de'i phyir de la snga phyi dang lhan cig gi rim pa dag mi 'thad do/ /de ji ltar shes par bya zhe na/ bshad pa/ gal te skye ba snga gyur la/ /rge shi 'phyi ba yin na ni/ /skye ba rga shi med pa dang/ /ma shi bar yang skye bar 'gyur/ /gal te skye ba snga ma gyur la rga shi 'phyi ba yin na ni/ de lta na skye ba de la rga shi med pa dang sngar ma shi bar yang 'dir skye ba'i skyon du thal bar 'gyur ro/ /yang gzhan yang/ gal te skye ba 'phyi gyur la/ /rga shi snga ba yin na ni/ /skye ba med pa'i rga shi ni/ /rgyu med par ni ji ltar 'gyur/ / gal te skye ba 'phyi bar gyur la rga shi snga ba yin na ni/ de lta na skye ba med pa'i rga shi rgyu med par ji ltar 'byung bar 'gyur/ 'dir smras pa/ de dag la snga phyi med de/ de ni rga shi dang rjes su 'brel bzhin pa kho nar skye'o/ /'dir bshad pa/ skye ba dang ni rga shi dag/ lhan cig rung ba ma yin no/ /skye bzhin par ni 'chi 'gyur zhing/ /gnyi ga rgyu med can du 'gyur/ /skye ba dang rga shi dag lhan cig nyid du 'gyur bar mi 'thad de/ ji ste lhan cig nyid du 'gyur na ni/ skye bzhin pa ni 'chi bar 'gyur ba dang/ gnyi ga rgyu med pa can du 'gyur bas de ni mi 'thad do/ /'dir smras pa/ de dag la snga phyi dang lhan cig gi rim pa de dag mi 'thad kyang yod skye ba dang rga shi dag yod pas de dag gang gi yin pa'i bdag kyang yod do/ /'dir bshad pa/ gang la snga phyi lhan cig gi/ rim pa de dag mi srid pa'i/ /skye ba de dang rga shi de/ /ci yi phyir na spros par byed/ /de ltar rigs pa sngon du btang ste/ brtags na/ skye ba dang rga shi dag la snga phyi dang lhan cig rim pa de dag mi srid na/ de la ci'i phyir skye ba de dang rga shi de zhes spros par byed cing brjod par byed/ de dag mi 'thad na/ bdag yod par 'thad par ga la 'gyur/ rgyu dang 'bras bu nyid dang ni/ /mtshan nyid dang ni mtshan gzhi nyid/ /tshor dang tshor bo nyid dang ni/ /don yod gang dag ci yang rung/ /ji ltar brtags na/ skye ba dang rga shi dag gi snga phyi dang lhan cig gi rim pa dag mi 'thad pa de bzhin du/ rgyu dang 'bras bu nyid dang/ mtshan nyid dang mtshan nyid kyi gzhi nyid dang/ tshor ba dang tshor ba po nyid dang/ don gzhan gang dag ci yang rung ba rnam par grol ba dang/ mya ngan las 'das pa dang/ shes pa dang shes bya dang/ tshad ma dang gzhal bya la sogs pa de dag yod par brtag pa de dag thams cad la yang snga phyi dang lhan cig gi rim pa dag kyang mi 'thad do/ /'khor ba 'ba' zhig sngon gyi mdza' / /yod ma yin pa ma yin gyi/ /dngos rnams thams cad nyid la yang/ /sngon gyi mdza' ni yod ma yin/ /gang gi phyir de ltar yang dag pa ji lta ba bzhin du brtags na dngos po thams cad la snga phyi dang lhan cig gi rim pa dag mi 'thad pa/ de'i phyir 'khor ba 'ba' zhig la sngon gyi mdza' yod pa ma yin par ma zad kyi dngos por 'dod pa thams cad la yang sngon gyi mdza' yod pa ma yin pas /dngos por snang ba ni sgyu ma dang smig rgyu dang dri za'i grong khyer dang gzugs brnyan bzhin du 'grub bo/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ 'khor ba brtag pa zhes bya ba ste rab tu byed pa bcu gcig pa'o// 'dir smras pa/ kha cig sdug bsngal bdag gis byas pa dang/ /gzhan gyis byas pa dang gnyi gas byas pa dang/ rgyu med pa las byung bar 'dod pas de'i phyir de ltar sdug bsngal yod do/ /'dir bshad pa/ kha cig sdug bsngal bdag gis byas/ /gzhan gyis byas dang gnyi gas byas/ /rgyu med pa las byung bar 'dod/ /de na bya bar mi rung ngo/ /'di la kha cig ni sdug bsngal bdag gis byas par 'dod/ kha cig ni gzhan gyis byas par 'dod/ kha cig ni dag dang gzhan gnyi gas byas par 'dod/ /kha cig ni rgyu med pa las byung bar 'dod de/ de ni rim pa bzhi po de dag gang gis kyang bya ba yin par mi rung ngo/ /de la 'di snyam du rig pa gang gis bya bar mi rung snyam du sems na/ de la bshad pa/ gal te bdag gis byas gyur na/ /de phyir brten nas 'byung mi 'gyur/ /gang phyir phung po 'di dag la/ /brten nas phung po de dag 'byung/ /gal te sdug bsngal bdag gis byas par gyur na/ de lta na brten nas 'byung bar mi 'gyur ba zhig na/ brten nas kyang 'byung ste/ gang gi phyir de ltar gyi phung po 'di dag la brten nas ma 'ongs pa'i phung po de dag 'byung bar 'gyur ba de'i phyir/ sdug bsngal bdag gis ma byas par mi rigs so/ /'dir smras pa/ sdug bsngal bdag gis ma byas kyang gzhan gyis byas te/ ji ltar zhe na/ gang gi phyir phung po gzhan du gyur pa 'di dag la brten nas phung po de dag 'gyur ba'i phyir ro// 'dir bshad pa/ gal te de las 'di gzhan zhig/ /gal te 'di las de gzhan na/ /gzhan de dag gis 'di byas pas/ /sdug bsngal gzhan gyis byas par 'gyur/ /gal te ma 'ongs pa'i phung po de dag las de ltar gyi phung po 'di dag gzhan yin par gyur cing/ da ltar gyi phung po 'di dag las kyang ma 'ongs pa'i phung po de dag gzhan yin par gyur na ni/ de lta na da ltar gyi phung po gzhan de dag gis ma 'ongs pa'i phung po gzhan 'di dag byas pas sdug bsngal gzhan gyis byas par yang 'gyur ba zhig na/ gang gis phyir de lta ma yin pa de'i phyir sdug bsngal gzhan gyis byas par yang mi 'thad do/ /'dir smras pa/ sdug bsngal nyid kyis sdug bsngal byas pas de'i phyir sdug bsngal bdag gis byas so zhes kyang mi smra'o/ /sdug bsngal rgyu dang rkyen las byung bas de'i phyir sdug bsngal gzhan gyis byas so zhes kyang mi smra'o/ sdug bsngal gang zag bdag gis byas pas de'i phyi re re zhig sdug bsngal bdag gis byas so zhes kyang smra la/ sdug bsngal gang zag gzhan gyis byas pas de'i phyir sdug bsngal gzhan gyis byas so zhes kyang smra'o// 'dir bshad pa/ gal te gang zag bdag gis ni/ /sdug bsngal byas na gang bdag gis/ /sdug bsngal byas pa'i gang zag ni/ /sdug bsngal med pa de gang yin/ /gal te gang zag bdag gis phung po sdug bsngal byas par sems na/ gang gis sdug bsngal de byas pa'i gang zag des sdug bsngal de ma byas pa'i snga rol na byas pa la gang zag sdug bsngal med pa de gang yin te de 'di'o zhes bstan dgos na/ de yang med pas de'i phyi sdug bsngal gang zag bdag gis byas so zhes bya ba de mi 'thad do/ /gang zhag gzhan gyis sdug bsngal byas so zhes gang smras pa de la yang bshad par bya ste/ gang te gang zag gzhan las ni/ /sdug bsngal byung na gzhan zhig gis/ /sdug bsngal de byas gang sbyin de/ /sdug bsngal med par ji ltar rung/ /gal te gang zag gzhan kyis phung po sdug bsngal byas shing des de byas nas gzhan la sbyin par byed na/ sbyin par byed pa des de byas nas gang la sbyin par bya ba de la ma byin pa'i snga rol na/ len par byed pa'i gang zag sdug bsngal med pa de gang yin te/ de 'di'o zhes bstan dgos na/ de yang med pas de'i phyir sdug bsngal gang zag gzhan gyis byas so zhes bya ba de yang mi 'thad do/ /yang gzhan yang bdag gis byas par ma grub pas/ /sdug bsngal gzhan gyis ga la byas/ /gzhan gyis sdug bsngal gang byed pa/ /de ni de'i bdag byas 'gyur// bdag gis sdug bsngal byas par rab tu ma grub pas/ sdug bsngal gzhan gyis byas par ga la 'gyur te/ ci'i phyir zhe na/ gzhan gyis sdug bsngal gang byed pa de ni de'i bdag gis byas pa yin par 'gyur na/ de yang dang po nyid du rigs pas yongs su brtags na sdug bsngal gang zag bdag gis byas par mi 'thad pas/ de'i phyir sdug bsngal gang zag bdag gis byas par ma grub pas sdug bsngal gzhan gyis byas par yang mi 'thad do/ /'dir smras pa/ sdug bsngal de las gang zag de bzhin ma yin pas sdug bsngal gyis sdug bsngal byas pa'i phyir rnam grangs las sdug bsngal bdag gis byas so zhes kyang smra zhing sdug bsngal gang yin pa de nyid gang zag ma yin pas rnam grangs las sdug bsngal gzhan gyis byas so zhes kyang smra'o/ /'dir bshad pa/ re zhig sdug bsngal bdag byas min/ /de nyid kyi ni de ma byas/ /de zhig sdug bsngal rnam rangs las bdag gis byas so zhes bya ba de mi 'thad de/ ci'i phyir zhe na/ de nyid kyis de ma byas pa'i phyir ro/ /sdug bsngal rnam grangs las gzhan gyis byas so zhes gang smras pa de la yang dpyad par bya ste/ gal te gzhan bdag ma byas na/ /sdug bsngal gzhan byas ga la 'gyur/ /gzhan gyis byas so zhes bya bar mngon par zhen pa de yang gal te gzhan te/ bdag nyid ma byas shing ma grub na sdug bsngal de gzhan gyis byas par ga la 'gyur/ 'dir smras pa/ sdug bsngal bdag dang gzhan gnyi ga 'dus pas byas pa yod do/ /'dir bshad pa/ gal te re res byas gyur na/ /sdug bsngal gnyi gas byas par 'gyur/ /gal te re res byas pa yod par gyur na ni/ /sdug bsngal gnyi gas byas par 'gyur ba zhig na/ gang gi phyir de lta ma yin pa de'i phyir sdug bsngal bdag dang gzhan gnyi ga 'dus pas byas pa yang med do/ /'dir smras pa/ de ltar bdag dang gzhan dang gnyi gas byas par mi rigs na/ 'o na sdug bsngal rgyu med pa las 'byung ba yin no/ /'dir bshad pa/ gzhan gyis ma byas bdag ma byas/ /sdug bsngal rgyu med ga la 'gyur/ /de ltar gzhan gyis kyang ma byas bdag gis kyang ma byas na sdug bsngal rgyu med pa las byung bar ga la 'thad de/ skyon chen por thal bar 'gyur ba'i phyir ro/ /sdug bsngal 'ba' zhig rnam pa gzhi/ /yod pa yin pa ma yin gyi/ /phyi rol dngos po rnams la yang/ /rnam pa bzhi po yod ma yin/ /phung po sdug bsngal 'ba' zhig la/ /bdag dang gzhan dang gnyi ga dang rgyu med pa las byung ba rnam pa bzhi do dag yod pa min par ma zad kyi phyi rol gyi dngos po gzugs la sogs pa rnams la yang rnam pa bzhi po dag yod pa ma yin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ sdug bsngal brtag pa zhes bya ba ste/ rab tu byed pa bcu gnyis pa'o// //'dir smras pa/ rnam pa bzhi po dag med du zin kyang sdug bsngal dang phyi rol gyi dngos po 'du byed rnams ni yod do/ /'dir bshad pa/ chos gang bslu ba de rdzun zhes/ bcom ldan 'das kyis de skad gsung/ /'du byed thams cad bslu ba'i chos/ /des na de dag rdzun pa yin/ /'di la bcom ldan 'das kyis/ mdo sde las chos gang bslu ba de ni rdzun pa'o/ /dge slong dag 'di lta ste/ mi bslu ba'i chos mya ngan las 'das pa de ni bden pa'i mchog go zhes gsungs pas/ de'i phyir 'du byed thams cad ni bslu ba'i chos yin pas/ des na de dag rdzun pa yin te/ log par snang ba'i phyir rnam par brtags pa'i ngo bo stong pa yin no/ /'dir smras pa/ gal te 'du byed bslu ba'i chos gang yin pa de rdzun pa yin na/ de gnyi ga yang med pa'i don yin par 'dra bas/ bslu ba'i chos kyi rdzun pa ji ltar bsgrub par bya/ 'dir bshad pa/ gal te bslu chos gang yin pa/ /de rdzun de la ci zhig bslu/ /bcom ldan 'das kyis de gsungs pa/ /stong nyid yongs su bstan pa yin/ /gal te bslu ba'i chos zhes gsungs pa gang yin pa de rdzun pa yin na ni med pa'i don yin par 'dra bas de la ji zhig bslu bar 'gyur/ 'di ltar bslu ba ni log par snang ba yin la rdzun pa ni rnam par btags pa'i ngo bo nyid stong pa yin pas med pa'i don ma yin pa'i phyir bslu ba'i chos kyis rdzun pa bsgrub tu rung ngo/ /de'i phyir bcom ldan 'das kyis bslu ba'i chos zhes bya ba de gsungs pa ni stong pa nyid yongs su ston par byed pa yin par shes par bya'o/ /'dir smras pa/ dngos rnams ngo bo nyid med de/ /gzhan du 'gyur ba snang phyir ro/ /bcom ldan 'das kyis rdzun pa zhes gsungs pa ni med pa dang chos bdag med pa'i don ma yin gyis dngos po rnams la gang zag ngo bo nyid med pa'i don las yin te/ ci'i phyir zhe na/ gnas skabs gzhan du 'gyur ba snang ba'i phyir ro// ngo bo nyid med dngos med de/ /gang phyir dngos rnams stong pa nyid/ /chos kyi ngo bo nyid med pa'i dngos po ni med de/ ci'i phyir zhe na/ gang gi phyir dngos po rnams stong pa nyid yin na chos kyi ngo bo nyid yod par mi 'thad pa'i phyir ro/ /gal te ngo bo nyid med na/ /gzhan du 'gyur ba gang gi yin/ /gal te chos kyi ngo bo nyid med na/ /gnas skabs gzhan du 'gyur bar snang ba bdag gang gi yin par 'gyur te/ de'i phyir bcom ldan 'das kyis rdzun pa zhes gsungs pa ni dngos po rnams la gang zag ngo bo nyid med pa'i don yin gyi chos kyi ngo bo nyid med pa ma yin no/ /'dir bshad pa/ gal te ngo bo nyid yod na/ /ji lta bur na gzhan du 'gyur/ /gal te chos kyi ngo bo nyid yod na de ji ltar gzhan du 'gyur te/ rnam par 'gyur ba med pa'i phyir ro/ /yang gzhan yang/ de nyid la ni gzhan 'gyur med/ /gzhan nyid la yang yod ma yin/ /gang phyir gzhon nu mi rga ste/ /gang phyir rgas pa'ang mi rga'o/ /'di la dngos po khas blangs pa de la gzhan du 'gyur ba rnam pa gnyis te/ de nyid dam gzhan zhig 'gyur grang na/ gnyi ga ltar yang mi 'thad do/ /ci'i phyir zhe na/ gang gi phyir gzhon nu yang mi rga la gang gi phyir rgas pa yang mi rga ba'i phyir ro/ /'dir smras pa/ gal te de nyid gzhan du 'gyur na des skyon cir 'gyur/ 'dir bshad pa/ gal te 'di nyid gzhan gyur na/ /'o ma nyid ni zhor 'gyur ro/ /gal te de nyid gzhan du 'gyur na de lta na 'o ma nyid zhor 'gyur te/ de lta bu ni mi 'thad do/ /ji ste 'di snyam du gzhan zhig gzhan du 'gyur bar sems na/ de la bshad par bya ste/ 'o ma las gzhan gang gis ni/ /dngos po zho ni yin par 'gyur/ /gal te gzhan zhig gzhan du 'gyur bar sems na/ 'o ma las gzhan pa gang gi dngos po zho yin par 'gyur/ de'i phyir rnam pa gnyi ga yang gzhan du 'gyur bar mi 'thad do/ /'dir smras pa/ ci 'o na dag stong pa zhes bya ba de'i mthar thug pa yin nam/ 'dir bshad pa/ gal te stong min cung zad yod// stong pa'ang cung zad yod par 'gyur/ /mi stong cung zad yon min na/ /stong pa'ang yod par ga la 'gyur/ /gal te mi stong pa cung zad cig yod par gyur na ni/ des na de'i gnyen po stong pa yang cung zad yod par 'gyur ba zhig na/ mi stong pa cung zad yod pa de ltar khas ma blangs pas de'i gnyen po med pa'i phyir stong pa yang yod par ga la 'gyur/ yang gzhan yang/ rgyal ba rnams kyis stong nyid ni/ /lta kun nges par 'byin par gsungs/ /gang dag stong pa nyid lta ba/ /de dag bsgrub tu med par gsungs/ /sangs rgyas bcom ldan 'das rnams kyis stong pa nyid ni lta ba thams cad kyis gnyen por gyur pa yin pa'i phyir lta ba kun las nges par 'byin pa yin par gsungs pas/ gang dag stong pa nyid du lta ba de dag ni bsgrub tu mi rung ba nyid yin par gsungs te/ bsam gtan pa'i mgo la thod pa bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ de kho na nyid brtag pa zhes bya ba ste/ rab tu byed pa bcu gsum pa'o// //bam po bzhi pa/ /'dir smras pa/ dngos po rnams ngo bo nyid yod pa kho na yin te/ 'jig rten na phrad pa mthong ba'i phyir ro/ /'dir bshad pa/ sngar dbang po brtag par blta bar bya ba dang lta ba dang lta ba gsum po dag la bya ba mi 'thad par yongs su brtags pa de dag nyid la gzhan nyid med pa'i phyir de ni ji ltar phan tshun du phrad par mi 'thad par ltar bstan par bya ste/ de la 'di snyam du rigs pa gang gis she na bshad pa/ blta bya lta ba lta ba po/ /gsum po de dag gnyis gnyis dang/ /thams cad kyang ni phan tshun du/ /phrad par 'gyur ba yod ma yin/ /blta bar bya ba ni dbang po'i don to/ /lta ba ni dbang po'i lta ba po ni bdag go /blta bar bya ba dang lta ba dang lta ba po gsum po de dag ni gnyis gnyis dang thams cad kyang phan tshun du phrad par mi 'gyur te/ blta bar bya ba dang/ lta ba yang phrad par mi 'gyur la/ blta bar bya ba dang/ lta ba po yang phrad par mi 'gyur/ lta ba dang lta ba po yang phrad par mi 'gyur/ lta bar bya ba dang lta ba po yang phrad par mi 'gyur te/ mar me dang mun pa bzhin no/ /de bzhin 'dod chags chags pa dang/ /chags par gyur dang nyon mongs pa/ /lhag ma rnams kyang skye mched kyi/ /lhag ma'ang rnam pa gsum gyis blta/ /ji ltar blta bar bya ba dang lta ba dang lta ba po dag gnyis gnyis dang thams cad kyang phan tshun lhan cig tu phrad par mi 'gyur ba de bzhin du/ 'dod chags dang chags pa dang/ chags par 'gyur bdag kyang gnyis gnyis dang thams cad kyang phan tshun lhan cig tu phrad par mi 'gyur te/ 'dod chags dang chags pa yang phrad par mi 'gyur la/ 'dod chags dang chags par 'gyur ba yang phrad par mi 'gyur/ /chags pa dang chags par 'gyur ba yang phrad par mi 'gyur ro/ /'dod chags dang chags pa dang chags par 'gyur ba yang phrad par mi 'gyur ro/ /de bzhin du nyon mongs pa lhag ma zhe sdang la sogs pa rnams dang/ skye mched kyi lhag ma sgra dang/ nyan pa dang nyan pa po la sogs pa dag kyang gnyis gnyis dang thams cad kyang phan tshun lhan cig tu phrad par mi 'gyur par rnam pa gsum gyis blta bar bya'o/ /'dir smras pa/ ci'i phyir blta bar bya ba la sogs pa de dag phan tshun lhan cig phrad par mi 'gyur/ 'dir bshad pa/ gzhan gzhan dang phrad gyur na// gang phyir blta bya la sogs la/ /gzhan de yod pa ma yin pa/ /de phyir phrad par mi 'gyur ro/ /'di la de dag gzhan yin na/ /gzhan dang phrad par 'gyur ba 'dod na/ gang gi phyir blta bar bya ba la sogs pa dag la rigs pas rnam par brtags na/ gzhan de yod pa ma yin pa de'i phyir phrad par mi 'gyur ro/ /yang gzhan yang/ blta bya la sogs 'ba' zhig la/ /gzhan nyid med par ma zad kyi/ /gang yang gang dang lhan cig tu/ /gzhan pa nyid du mi 'thad do/ /blta bar bya ba la sogs pa de dag 'ba' zhig la phan tshun gzhan nyid mi 'thad par ma zad kyi/ 'di ltar dngos po gang yang dngos po gang dang lhan cig tu gzhan nyid du mi 'thad do/ /gzhan nyid med na gang yang gang dang gang yang lhan cig phrad par mi 'thad do/ /'dir smras pa/ rigs pa gang gis gzhan nyid mi 'thad pa yin/ 'dir bshad pa/ gzhan ni gzhan las brten te gzhan/ /gzhan med gzhan las gzhan mi 'gyur/ /gang las brten te gang yin pa/ /de ni de las gzhan mi 'thad/ /'di la khyod gzhan zhes bya bar mngon par zhen pa gang yin pa de ni de las gzhan pa 'ga' zhig las brten te gzhan du 'gyur ba yin na/ gzhan med na gzhan ni rang las gzhan du mi 'gyur ro/ /yang gzhan yang/ gang la brten te gang 'byung ba de ni de las gzhan yin par mi 'thad do/ /'dir smras pa/ gal te gzhan yin par gyur na/ des skyon ci zhig tu thal bar 'gyur/ 'dir bshad pa/ gal te gzhan ni gzhan las gzhan/ /gzhan med par yang rung bar 'gyur/ /gzhan las gzhan pa'i gzhan pa de/ /med na med pas de phyir med/ /gal te gang la brten nas gzhan du 'gyur ba de/ de las gzhan yin par gyur na ni/ gzhan de med bar yang de bzhin du rung bar 'gyur bas de ni mi 'thad do/ /ji ste 'di snyam du gzhan ni gzhan la brten nas gzhan du 'gyur bar sems na/ gang gi phyir gzhan gang las gzhan pa'i gzhan pa med na gzhan med pas rang nyid las gzhan nyid du mi 'gyur ba de'i phyir gzhan med par kho nar shes par gyis shig / 'dir smras pa/ rten cing 'brel par 'byung ba ni gzhan nyid ma yin mod kyi 'on kyang gzhan nyid ces bya ba spyi gang yin pa de la bltos nas de gzhan nyid du 'gyur ro/ /'dir bshad pa/ gzhan nyid gzhan la yod ma yin/ /gzhan ma yin la 'ang yod ba min/ /gzhan nyid yod pa ma yin na/ /gzhan nam de nyid yod ma yin/ khyod kyis gzhan nyid ces bya ba spyi gang yin pa de la bltos nas de gzhan du 'gyur ro zhes smras ba des na/ de lta na rten cing 'brel bar 'byung ba nyid du smras pa ma yin nam/ gzhan yang gzhan nyid ces bya ba gang yin pa de yang dngos po la rten cing bltos nas 'grub pa'i phyir de ni dngos po las gzhan la yang yod pa ma yin la/ gzhan nyid yod pa ma yin na gzhan nam gzhan ma yin pa de nyid du rnam par brtag pa de gnyi ga yang yod pa ma yin no/ /yang gzhan yang/ de ni de dang phrad pa med/ /gzhan dang gzhan yang phrad mi 'gyur/ /phrad bzhin pa dang phrad pa dang/ /phrad pa po yang yod ma yin/ /de nyid ni de dang phrad pa med de/ ci'i phyir zhe na/ gcig yin pa'i phyir te de nyid de dang phrad par mi 'gyur ba'i phyir ro/ /gzhan dang gzhan yang phrad par mi 'gyur te/ ci'i phyir zhe na/ tha dad pa'i phyir te/ tha dad pa dag ni phrad par mi 'dod pa'i phyir dang dgos pa med pa'i phyir ro/ /de ltar gang gi phyir yongs su brtags na dngos po rnams la 'phrad pa mi 'thad ba de'i phyir phrad bzhin pa dang phrad pa dang phrad pa po yang yod pa ma yin te/ gnam sa bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ phrad pa brtag pa zhes bya ba ste rab tu byed pa bcu bzhi pa'o// /'dir smras pa/ dngos po rnams ni ngo bo nyid yod pa kho na yin te/ so so'i bya ba byed nus par snang ba'i phyir dang/ /de bzhin du bum pa'i ngo bo nyid dang/ snam bu'i ngo bo nyid dag kyang rgyu dang rkyen rnams las byung ba'i phyir ro/ /'dir bshad pa/ ngo bo nyid ni rgyu rkyen las/ /'byung bar rigs pa ma yin no/ /ngo bo nyid ni rgyu dang rkyen rnams las 'byung bar rigs pa ma yin no/ /de la 'di snyam du gal te ngo bo nyid rgyu dang rkyen rnams las byung bar gyur na des skyon cir 'gyur snyam du sems na/ 'dir bshad pa/ rgyu dang rkyen las byung ba yi/ /ngo bo nyid ni byas par 'gyur/ /rgyu dang rkyen rnams las byung bar gyur na/ ngo bo nyid byas pa yin pa'i skyon der 'gyur ro/ /'dir smras pa/ gal te ngo bo nyid byas pa yin par gyur na des cir 'gyur/ 'dir smras pa/ ngo bo nyid ni byas pa zhes/ /ji lta bur na rung bar 'gyur/ /ngo bo nyid ni bcos min dang/ /gzhan la bltos pa med pa yin// ngo bo nyid byas pa zhes bya bar ji lta bur rung bar 'gyur te/ gang gi phyir ngo bo nyid ni bcos ma ma yin pa dang gzhan la bltos pa med pa yin pa'i phyir ro/ /'dir smras pa/ gal te ngo bo nyid med na 'o? na? gzhan gyi dngos po ni yod do/ /'dir bshad pa/ ngo bo nyid ni yod min na/ /gzhan gyi dngos po ga la yod/ /gzhan gyi dngos po'i ngo bo nyid/ /gzhan gyi dngos po yin zhes brjod/ /gal te ngo bo nyid yod pa ma yin na/ /da gzhan gyi dngos po ga la yod do/ /gang gi phyir gzhan gyi dngos po'i ngo bo nyid ni gzhan gyi dngos po yin zhes brjod na/ ngo bo nyid de yang yongs su brtags na/ mi 'thad pa de'i phyir gzhan gyi dngos po yang med do/ /'dir smras pa/ ngo bo nyid dang gzhan gyi dngos po dag med par yang dngos po yod par 'gyur ro/ /'dir bshad pa/ ngo bo nyid dang gzhan dngos dang/ /ma gtogs dngos po ga la yod/ /ngo bo nyid dang gzhan dngos dag /yod na dngos po 'grub par 'gyur/ /ngo bo nyid dang gzhan gyi dngos po dag ma gtogs pa'i dngos po ga la yod de/ ci'i phyir zhe na/ 'di ltar ngo bo nyid dang/ gzhan gyi dngos po dag yod na dngos po 'grub par 'gyur ba'i phyir ro/ /'dir smras pa/ 'o na da dngos po med pa yod do/ /'dir bshad pa/ gal te dngos po ma grub na/ /dngos med 'grub par mi 'gyur ro// dngos po gzhan du 'gyur ba ni/ /dngos med yin par skye bo smra/ /gal te dngos po khas blangs pa de rab tu ma grub na/ 'o na de lta na dngos po med pa yang rab tu 'grub par mi 'gyur ba ma yin nam/ ci'i phyir zhe na/ dngos po gzhan du 'gyur ba de ni dngos po med pa yin par skye bo dag smra ba'i phyir ro/ /'dir smras ba/ 'di la dngos po'i de kho na mthong bas thar par 'gyur ro/ /zhes bya ba yod pas de'i phyir dngos po rnams kyi ngo bo nyid kyang yod do/ /'dir bshad pa/ gang dag dngos nyid gzhan dngos dang/ /dngos dang dngos med nyid lta ba/ /de dag sangs rgyas bstan pa la/ /de nyid mthong ba ma yin no/ /gang dag ngo bo nyid dang gzhan gyi dngos po dang/ dngos po dang dngos po med pa nyid ces bya ba rnam pa bzhi po dag tu lta ba de dag ni sangs rgyas bcom ldan 'das kyi bstan pa la/ de kho na mthong ba ma yin no/ /yang gzhan yang/ bcom ldan dngos dang dngos med pa/ /ston pas kA tyA? ya na yi/ gdams ngag las ni yod pa dang/ /med pa gnyi ga'ang dgag pa mdzad/ /gang gi phyir bcom ldan 'das dngos po dang dngos po med bston pas k+Sha tyA ya na'i gdams ngag ces bya ba'i mdo las yod pa dang med pa gnyi ga yang dgag pa mdzad pa de'i phyir dngos po dang dngos po med par lta ba de dag spang bar bya'o/ /yang gzhan yang/ gal te rang bzhin yod nyid na/ /de ni med nyid mi 'gyur ro rang bzhin gzhan du 'gyur ba ni/ /nam yang 'thad par mi 'gyur ro/ /gal te rang bzhin gyis yod pa nyid yin na/ de lta na de ni med pa nyid du mi 'gyur te/ ci'i phyir zhe na/ rang bzhin gzhan du 'gyur ba ni nam yang 'thad par mi 'gyur ba'i phyir ro yang gzhan yang/ rang bzhin yod pa ma yin na /gzhan du 'gyur ba gang gi yin/ /rang bzhin yod pa yin na yang/ /gzhan du 'gyur bar ji lta rung/ /rang bzhin yod pa ma yin na yang/ /gzhan du 'gyur ba ji lta rung/ /rang bzhin yod pa ma yin na gzhan du 'gyur ba de dag gi yin/ rang bzhin yod pa yin na yang gzhan du 'gyur bar ji ltar rung/ yang gzhan yang/ yod ces bya bar rtag par 'dzin/ /med ces bya ba chad par lta/ /de phyir yod dang med pa la/ /mkhas pas gnas par mi bya'i/ /yod ces bya ba de ltar mngon par zhen na rtag par 'dzin pa yin la/ med ces bya ba de ltar mngon par zhen na chad par lta ba yin pas/ de'i phyir yod pa nyid dang med pa nyid la mkhas pas gnas par mi bya'o/ /'dir smras pa/ ji ltar rtag pa dang chad par lta bar thal bar 'gyur/ 'dir bshad pa/ gang zhig ngo bo nyid yod pas/ de ni med pa min pas rtag /sngon 'byung da ltar med ces pa/ /des na chad par thal bar 'gyur/ gang zhig ngo bo nyid kyis yod pa de ni phyis med pa nyid du mi 'thad de/ rang bzhin ni mi 'gyur bas de'i phyir yod pa nyid du lta ba las rtag par lta bar thal bar 'gyur ro/ /dngos po de sngon byung ba da ltar med do zhes/ dngos po yod pa la 'jig par lta ba des na chad par lta bar thal bar 'gyur ro/ /de ltar gang gi phyir dngos po rnams la yod pa nyid dang med pa nyid du lta ba skyon du mar 'gyur ba de'i phyir dngos po rnams ngo bo nyid med pa zhes bya ba de ni de kho na mthong ba ste/ dbu ma'i lam yin pa de nyid don dam pa 'grub pa yin no/ /slob dpon 'phags pa klu sgrub kyi mdzad pa dbu ma'i rtsa ba'i 'grel pa ga las 'jigs med las/ dngos po dang dngos po med pa brtag pa zhes bya ba ste/ rab tu byed pa bco lnga pa'o// //'dir smras pa/ gzhi med pa la 'khor ba dang mya ngan las 'das pa dang/ bcings pa dang/ thar ba rtag tu mi rung bas/ 'du byed rnams dang/ sems can 'khor ba dang/ mya ngan las 'das pa dang bcings pa dang thar par 'gyur ro/ /rigs pa gang gis 'du byed rnams dang sems can 'khor ba dang mya ngan las 'das pa dang/ bcings pa dang thar par mi 'thad par bstan pa de yang nyan par 'dod do/ /'dir bshad pa/ gal te 'du byed 'khor zhe na/ /de dag rtag ni? mi 'khor te/ /mi rtag na yang 'khor mi 'gyur/ /sems can la yang rim 'di mtshungs /gal te 'du byed rnams 'khor bar yongs su rtog na/ de dag rtag pa 'am mi rtag pa zhig 'khor bar 'gyur grang na/ gnyi ga ltar yang mi 'thad do/ /re zhig rtag na mi 'khor te/ ci'i phyir zhe na/ nges par gnas pa'i phyir dang/ /ngo bo nyid yod pa'i phyir dang/ rnam par mi 'gyur ba'i phyir ro/ /mi rtag na yang mi 'khor te/ ci'i phyir zhe na/ nges par mi gnas pa'i phyir dang/ ngo bo nyid stong pa'i phyir dang rnam par 'gyur ba'i phyir ro/ /ci ste sems can 'khor bar sems na/ sems can la yang rim pa 'di mtshungs par shes par bya'o/ /'dir smras pa/ sems can phung po dang skye mchod dang/ khams las de nyid dang gzhan nyid dang rtag pa dang mi rtag pa nyid du brjod par bya ba ma yin pa 'khor ro/ /'dir bshad pa/ gal te gang zag 'khor zhe na/ /phung po skye mched khams rnams la/ /de ni rnam pa smras btsal na/ /med na gang zhig 'khor bar 'gyur/ /gal te gang zag 'khor bar sems na de ni ches shin tu mi 'thad de/ ci'i phyir zhe na/ gang gi phyir phung po dang skye mched dang/ khams rnams la de de dag nyid dam/ de dag las gzhan nam/ de la de dag yod dam/ de dag la de yod dam /de de dag dang ldan nam zhes rnam pa lngas btsal na med pa'i phyir te/ de med na gang zhig 'khor bar 'gyur/ yang gzhan yang/ nye bar len nas nyer len par/ /'khor na srid pa med par 'gyur/ /srid med nye bar len med na/ /de gang ci zhig 'khor par 'gyur/ /gal te gang zag 'khor ro zhes brtags na de nye bar len pa dang bcas pa zhig gam/ nye bar len pa med pa zhig 'khor bar 'gyur grang na/ gnyi ga ltar yang mi 'thad do/ /de la re zhig nye bar len pa dang bcas pa ni 'khor bar mi 'thad de/ ci'i phyir zhe na/ nye bar len pa nas nye bar len pa gzhan du 'khor ba na de'i bar skabs na srid pa med par 'gyur ba'i phyir ro/ /nye bar len pa med pa yang mi 'khor te/ ci'i phyir zhe na/ srid pa dang nye bar len pa med pa'i phyir te/ de med na de gang zhig yin zhing ci zhig 'khor bar 'gyur/ 'dir smras pa/ gzhi med par mya ngan las 'da' ba mi 'thob bas/ 'du byed rnams dang sems can mya ngan las 'da' bar 'gyur ro/ /'dir bshad pa/ 'du byed mya ngan 'da' bar ni/ /ji lta bur yang mi 'thad do/ /sems can mya ngan 'da' bar yang/ /ji lta bur yang 'thad par 'gyur/ /khyod kyis 'du phyed nams dang/ /sems can mya ngan las 'da' bar 'gyur ro zhes gang smras pa de la yang kho bos sngar 'du byed rnams dang/ sems can ngo bo nyid med pa'i phyir rnam pa thams cad kyis 'khor bar mi 'thad do/ /zhes bstan zin pas 'khor bar mi 'thad pa'i phyir 'du byed rnams dang sems can rnam pa gzhan gang gis mya ngan las 'da' ba 'thad par 'gyur/ 'dir smras pa/ gzhi med par 'ching ba dang thar pa dag bsam du mi rung bas 'du byed rnams dang sems can 'ching ba dang/ thar pa gnyi gar 'gyur ro/ /'dir bshad pa/ skye 'jig chos can 'du byed rnams/ /mi 'ching grol bar mi 'gyur te/ /snga ma bzhin du sems can yang/ /mi 'ching grol bar mi 'gyur ro/ /khyod kyis 'du byed rnams dang sems can 'ching ba dang thar pa gnyi gar 'gyur ro zhes gang smras pa de la/ re zhig 'du byed rnams ni 'ching ba dang thar par mi 'thad de/ ci'i phyir zhe na/ skye ba dang 'jig pa'i chos can yin pa'i phyir ro/ /sems can yang 'ching ba thar par mi 'thad de/ ci'i phyir zhe na/ snga ma bzhin du phung po dang skye mched dang khams rnams la rnam pa lngas btsal na med pa'i phyir ro/ /'dir smras pa/ sems can nye bar len pa dang bcas pa dang/ nye bar len pa med pa de nyid dang gzhan nyid du brjod par bya ba ma yin pa la mching bar 'gyur ro/ /'di bshad pa/ gal te nye bar len 'ching na/ /nye par len bcas 'chang mi 'gyur/ /nye bar len med mi 'ching ste/ /gnas skabs gang gi ? 'ching bar 'gyur/ /gal te nye bar len pa 'ching ba yin par sems na/ de lta na nye bar len pa dang bcas pa ni 'ching bar mi 'gyur te/ ci'i phyir zhe na/ nye bar len pa gnyis su thal bar 'gyur ba'i phyir ro/ /nye bar len pa med pa yang 'ching bar ? 'gyur te/ ci'i phyir zhe na/ nye bar len pa med cing sprid pa med pa la gang gis kyang 'ching bar mi 'gyur ba'i phyir ro/ /de'i phyir 'o nad? gnas skabs gsum pa gang zhig 'ching bar 'gyur bar rtog /yang gzhan yang/ gal te bcings pa'i snga rol na/ /'ching ba yod na 'ching la rag /de yang med de lhag ma ni/ /song dang ma song bgom pas bstan// gal te bcings pa'i dngos po'i snga rol na 'ching ba yod na ni des de 'ching la rag na gang gi phyir yongs su brtags na/ 'ching ba de yang snga rol na med pa de'i phyir nye bar len pa 'ching bar mi 'thad do/ /lhag ma ni song ba dang ma song ba dang bgom pas bstan te/ ji ltar song ba dang ma song ba dang bgom pa dag la 'gro ba dang 'gro ba'i rtsom pa med pa la sogs pa bzhin du/ bcings pa dang/ ma bcings pa dang/ 'ching bzhin pa dag la yang 'ching ba dang 'ching ba'i rtsom pa med pa la sogs pa'o/ /'dir smras pa/ thar pa yod do/ /'dir bshad pa/ re zhig bcings par mi 'grol ste/ ma bcings pa yang 'gro la mi 'gyur/ re zhig bcings pa ni mi 'grol ste/ ci'i phyir zhe na/ bcings pa'i phyir ro/ /ma bcings pa yang grol bar mi 'gyur te/ ci'i phyir zhe na/ 'ching ba med pa'i phyir ro/ /de la 'di snyam du gal te bcings pa 'grol 'gyur na/ des skyon cing 'gyur snyam du sems na/ de la bshad par bya ste/ bcings pa 'grol bzhin yin gyur na/ /bcings dang 'grol ba dus gcig 'gyur bcings pa 'grol bzhin yin par gyur/ /bcings pa dang grol ba dus gcig tu 'gyur bas de ni mi 'dod de/ bcings pa dang grol ba gnyis su mi mthun pa'i phyir/ mar me dang mun pa bzhin no/ /'dir smras pa/ thar pa ni yod de 'khor bas 'jigs pa rnams la nam zhig na bdag nye bar len pa med par yongs su mya ngan las 'da' par 'gyur zhig gu / nam zhig na yongs su mya ngan las 'das pa bdag gir 'gyur zhig gu snyam du sems pa yod pa'i phyir ro/ /'dir bshad pa/ bdag ni len med mya ngan 'das/ /myang 'das bdag gis gyur cig ces/ /gang dag 'dzin pa de dag gi /nyer len legs par zin ma yin/ gang dag nam zhig na bdag nye bar len pa med par yongs su mya ngan las 'da' bar 'gyur zhig gu /nam zhig na yongs su mya ngan las 'das pa bdag gir 'gyur zhig gu snyam du 'dzin pa de dag gi bdag dang bdag gir 'dzin pa'i nye bar len pa de ni legs par zin pa ma yin par shes par bya'o/ /'dir smras pa/ re zhig 'khor ba dang mya ngan las 'das pa dag ni yod de/ de dag rkyang 'ga' zhig kho na'i yin gyi ci yang med pa'i ma yin pas 'khor ba po dang mya ngan las 'da' ba po yang yod do/ /'dir bshad pa/ gang la mya ngan 'da' bskyed med/ /'khor ba bsal ba'ang yod min pa/ /de la 'khor ba ci zhig yin/ /mya ngan 'das pa'ang ci zhig brtag /gang la don dam pa mya ngan las 'das pa bskyed du med cing 'khor ba bsal ba yang yod pa ma yin pa de la 'khor ba ji zhig yin par brtag cing mya ngan las 'das pa yang ci zhig yin zhes brtag par bya/ de dag med na 'khor ba go dang mya ngan las 'da' ba po yang yod pa ma yin te/ nam mkha' bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ bcings pa dang thar pa brtag pa zhes bya ba ste/ rab tu byed pa bcu drug pa'o// //'dir smras pa/ dngos po thams cad ni stong pa ma yin te/ las dang 'bras bu rnam par bzhag pa'i phyir ro/ /las gang zhe na/ bdag nyid legs par sdom pa dang/ /gzhan la phan 'dogs byams sems gang/ /de ches de ni 'di gzhan du/ /'bras bu dag gi sa bon yin/ /bdag nyid legs par sdom pa ni/ /bdag nyid nges par 'dzin pa yin par bstan to/ /gzhan la phan 'dogs pa ni gzhan dag la 'dogs par byed pa zhes bya ba'i tha tshig go /byams pa ni byams pa dang ldan pa ste/ sems can rnams la phan par 'dod pa zhes bya ba'i tha tshig go /de dag gi sems gang yin pa de ni chos yin par nges par bzung bar bstan to/ /de ni 'jig rten 'di dang gzhan dag tu 'bras bu dag gi sa bon yin par bstan to/ /de yang gang zhe na/ smras pa/ drang srong mchog gis las rnams ni/ /sems pa dang ni bsam par gsungs las de dag gis bye brag ni/ /rnam pa du mar yongs su bsgrags/ /las de dag gi bye brag rgyas par ni chos mngon pa las gsungs pas 'phros pa bsal ba'i phyir 'dir ma brjod do/ /de la las gang sems pa zhes/ /gsungs pa de ni yid kyir 'dod/ /bsam pa zhes ni gang gsungs pa/ /de ni lus dang ngag gi yin/ /de dag rnam par bshad pa ni 'di yin te/ de yang mdor bsdus na mtshan nyid ji lta bu zhe na/ smras pa/ ngag dang bskyod dang mi spong ba'i/ /rnam rig byed min zhes bya gang/ /spong pa'i rnam rig byed min pa/ /gzhan dag kyang ni de bzhin 'dod/ /longs spyod las byung bsod nams dang/ /bsod rnams ma yin tshul de bzhin/ /sems pa dang ni chos de bdun/ /las? su mngon par 'dod pa yin/ /dag ces bya ba ni ngag gi las rnam pa bzhi'o/ /bskyod pa zhes bya ba ni lus kyi g.yo ba rnam pa gsum mo/ /mi spong ba'i rnam par rig byed ma yin pa zhes bya ba gang yin pa de ni/ mi dag ba yang dag par bslang ba tshun chad nas mi spong ba gzhan nye bar skyes pa lus dang ngag gi gang yin pa'o/ /rnam par rig byed ma yin pa zhes bya ba ni bskyod pa med pa zhes bya ba'i tha tshig go /spong ba'i rnam par rig byed ma yin pa gzhan dag kyang de bzhin du 'dod do/ /zhes bya ba ni dge ba yang dag par blangs pa tshun chad nas/ spong ba gzhan nye bar skyes pa lus dang dag gi gang yin pa ste/ mi spong ba dang 'dra bar bstan to/ /longs spyod pa las byung ba'i bsod nams zhes bya ba ni/ yongs su longs spyod pa'i rgyu las byung ba zhes bya ba'i tha tshig go / bsod nams ma yin tshul de bzhin zhes bya ba ni yongs su longs spyod pa'i rgyu las byung ba zhes bya ba'i tha tshig go /sems pa zhes bya ba ni mngon par 'du byed pa zhes bya ba'i tha tshig go /chos de bdun ni las su mngon par 'dod pa yin no/ /zhes bya ba ni mdor bsdu na chos bdun po de dag ni las mngon par byed pa yin par bstan te/ las su mngon par byed pa ni de dag gi las yin par mngon pa dang/ gsal ba dang gzung ba dang mtshon par byed pa yin no/ /de ltar gang gi phyir las de lta bu dag gis 'bras bu 'di dang gzhan du 'byung bar bstan pa de'i phyir las dang 'bras bu rnam par bzhag pas dngos po thams cad stong pa ma yin no/ /'dir bshad pa/ gal te smin pa'i dus bar du/ /gnas nas las de rtag par 'gyur/ /gal te 'gags na 'gag gyur pa/ /ji ltar 'bras bu bskyed par 'gyur/ /'di la las gnas pa 'am 'gags pa zhig 'bras bu bskyed par 'gyur grang na/ gnyi ga lta yang mi 'thad do/ /ci'i phyir zhe na/ re zhig gal ste las smin pa'i dus kyi bar du gnas na/ de lta na rtag par 'gyur bas de ni mi 'dod do/ /gal te 'gags par sems na/ 'gags par gyur pa ni med pa yin pas ji ltar 'bras bu bskyed par 'gyur/ 'dir smras pa/ myu gu las sogs rgyun gang ni/ /sa bon las ni mngon par 'byung/ /de las 'bras bu sa bon ni/ /med na de yang 'byung mi 'gyur/ /gang phyir sa bon las rgyun dang/ /rgyu ni las 'bras bu 'byung 'gyur zhing/ /sa bon 'bras bu'i sngon 'gro ba/ /de phyir chad min rtag pa min/ /'di la sa bon ni gu'i? rgyun bskyed nas 'gag go / myu gu la sogs pa'i rgyun gang yin pa de ni sa bon las mngon par 'byung zhing rgyun de las 'bras bu mngon par 'byung ngo/ /sa bon med na myu gu la sogs pa'i rgyun de yang mngon par 'byung par mi 'gyur ro/ / gang gi phyir sa bon las rgyun mngon par 'byung la rgyun las 'bras bu mngon par 'byung zhing sa bon 'bras bu'i sngon du 'gro ba de'i phyir chad pa dang rtag pa ma yin te/ gang gi phyir sa bon rnams thams cad du chad nas rgyun 'byung ba ma yin gyi/ rgyun gyi rjes su 'jug pa de'i phyir chad pa ma yin la/ gang gi phyir sa bon 'gag cing nges par mi gnas pa de'i phyir rtag pa yang ma yin no/ /de ji lta ba de bzhin du/ sems kyi rgyun ni gang yin pa/ /sems pa las ni mngon par 'byung/ /de las 'bras bu sems pa ni/ /med na de yang 'byung mi 'gyur/ /gang phyir sems pa las rgyun dang/ /rgyun las 'bras bu 'byung 'gyur zhing/ /las ni 'bras bu sngon 'gro ba/ /de phyir chad min rtag ma yin/ /sems kyi rgyun gang yin pa ni sems pa las su brjod pa gang yin pa 'gag bzhin pa de las mngon par 'byung zhing rgyun de las 'bras bu mngon par 'byung ngo/ /sems dpa' med na sems kyi rgyun de yang mngon par 'byung par mi 'gyur ro/ /gang gi phyir sems pa las su brjod pa las sems kyi rgyun mngon par 'byung la/ sems kyi rgyun las 'bras bu mngon par 'byung bar 'gyur zhing las 'bras bu'i sngon du 'gro ba de'i phyir chad pa dang rtag pa ma yin te/ gang gi phyir sems pa 'gag bzhin pa las sems kyi rgyun byung gi sems pa rnam pa thams cad du 'gag par mi 'gyur pa de'i phyir chad pa ma yin la/ gang gi phyir sems pa 'gag cing nges par mi gnas pa de'i phyir rtag pa yang ma yin no/ /de'i phyir de ltar rgyun gyi 'bras bu 'grub pas na 'khor ba yang 'thad la rtag pa dang chad pa'i skyon du yang thal bar mi 'gyur ro/ /chos de sgrub pa'i thabs rnams ni gang yin/ 'bras bu ni gang yin zhe na smras pa/ chos bsgrub pa yi thabs rnams ni/ /dkar po'i las kyi lam bcu ste/ /chos? kyi 'bras bu 'di gzhan du/ /'dod pa'i yon tan rnam lnga'o/ /'di la bcom ldan 'das kyis chos bsgrub pa'i thabs ni dge ba bcu'i las kyi lam rnams yin par bstan la/ de'i 'bras bu yang 'di dang gzhan du 'dod pa'i yon tan lnga po dag yin par bstan te/ tshigs su bcad pa de ni de tsam nyid kyis rnam par bshad pas chog ste/ 'phros pas thal na mi dung ba'i phyir ro/ /de ltar gang gi phyir chos sgrub pa'i thabs dang chos kyi 'bras bu bstan pa de'i phyir las dang 'bras bur 'brel pa yang yod la rtag pa dang chad par yang thal bar mi 'gyur ro/ /gzhan dag gis smras pa/ gal te rtag pa der gyur na/ /nyes pa chen po mang por 'gyur/ /de lta bas na brtag pa de/ /'dir ni 'thad pa ma yin no/ /gal te khyod kyi las dang 'bras bur 'brel pa bsgrub pa'i dpes sa bon dang myu gu'i rgyun 'brel ba bstan pa'i brtag pa de ltar gyur na/ de la nyes pa'i skyon chen po mang du 'byung bar 'gyur bas brtag pa de 'dir 'thad pa ma yin no/ /gtan tshigs des 'dir las dang 'bras bur 'brel pa dag mi 'thad de/ /'phros pa spang ba'i phyir rgyas par mi brjod do/ /'o na ji lta bur 'thad ce na/ /smras pa/ sangs rgyas rnams dang rang rgyal dang/ /nyan thos rnams kyis gsungs pa yi/ /brtag pa gang zhig 'dir 'thad pa/ /de ni rab tu brjod par bya/ /de yang gang zhe na smras pa/ ji ltar bu lon dbang rgya ltar/ /de ltar las dang chud mi za/ /bu lon ji lta ba de ltar ni las dang blta bar bya la/ dbang rgya ji lta ba de ltar ni chud mi za ba blta bar bya ste/ dper na bu lon gyi nor de spyad kyang dbang r gya yod pas nor bdag gi nor chud mi za zhing nor gyi phung po bskyed dang bcas par 'ong ba de bzhin du las skad cig ma 'gags su zin kyang de'i rgyu las byung ba chud mi za ba zhes bya ba'i chos yod pas byed pa po'i las kyi 'bras bu chud mi za zhing 'bras bu khyad par dang bcas pa 'ong bar 'gyur ro/ /ji ltar nor bdag gis nor phyir zhugs na bu lon gyi dbang rgya ror 'gyur ba de ltar/ byed pa pos 'bras bu myong na chud mi za ba yang de bzhin du 'gyur ro/ /de ni khams las rnam pa bzhi/ /chud mi za ba de ni 'dod pa dang gzugs dang gzugs med par gtogs pa dang/ /zag pa med pa'i khams kyi bye brag las rnam pa bzhir 'gyur ro/ /de yang rang bzhin lung ma bstan/ chud mi za ba de yang rang bzhin gyis dge ba dang mi dge ba nyid du brda' mi sprod pa'i phyir lung du ma bstan pa yin te/ skyon de dag yongs su spang ba'i phyir rang bzhin lung du ma bstan par rnam par gzhag go /de dag las kyang chos mngon las shes par bya ba yin pas 'phros pa yongs su chos mngon las shes par bya ba yin pas 'phros pa yongs su spad /bsgom pas spang bya nyid kyang yin/ /chud mi za ba de ni sdug bsngal la sogs pa mthong bas spang bar bya ba spong bas sangs ba ma yin te/ 'bras bu 'pho ba na bsgom pa'i lam gyis spang ba dang/ 'bras bu bskyed pas kyang spang ba nyid yin no/ /de phyir chud mi za ba yis/ /las kyi 'bras bu bskyed par 'gyur/ /de ltar gang gi phyir de ltar sdug bsngal la sogs pa mthong bas spang bar bya ba spong bas spang ba ma yin pa de'i phyir sdug bsngal la sogs pa mthong bas spang bar bya ba'i las mi dge ba bzhin du/ las spangs su zin kyang chud mi za bas las rnams kyi 'bras bu bskyed par 'gyur ro/ /gal te spong bas spang ba dang/ /las 'pho ba dang mthun gyur na/ /de la las 'jig la sogs pa'i/ /skyon rnams su ni thal bar 'gyur/ /de la gal te chud mi za ba de sdug bsngal la sogs pa mthong bas spang par? bya ba spong bas spang ba dang las 'gag cing 'pho ba dang/ ris mthun pa yin par gyur na/ de la las kyi 'bras bu med pas las 'jig pa la sogs pa'i skyon rnams su thal bar 'gyur pas de ni mi 'dod do/ /de dag kyang rgyas par chos mngon pa las rnam par bshad pas 'dir mi brjod do/ /yang gzhan yang/ khams mtshungs las ni cha mtshungs dang/ /cha mi mtshungs pa thams cad kyi/ /de ni nyid mtshams sbyor ba'i tshe/ /gcig pu kho na skye par 'gyur/ /'dod pa dang gzugs dang gzugs med pa dang zag pa med pa'i khams dag las khams mtshungs pa'i las dge ba 'am mi dge ba 'am lung du ma bstan pa 'am/ zag pa med pa cha mtshungs pa dang cha mi mtshungs pa thams cad kyi chud mi za ba tshe 'di la las re re las skye ba de ni nyid mtshams sbyor ba'i tshe na/ /gcig bu kho na skye bar 'gyur ro/ /tshe 'di la ni las dang las/ /rnam pa gnyis po thams cad kyi/ /de ni tha dag skye 'gyur zhing/ /rnam par smin kyang gnas pa yin/ /tshe 'di la ni las dang las so so ba sems pa dang bsam pa'i bye brag gam dge ba dang mi dge ba'i bye brag gis rnam pa gnyis po thams cad kyi chud mi za ba gang yin pa de ni tha dad par skye bar 'gyur ro/ /rnam par smin na yang gnas pa yin te/ de ni las rnam par smin pa'i rgyus 'gag pa ltar nges pa nyid ma yin no/ /de gnas su zin kyang 'bras bu bskyed par ni mi nus te/ 'bras bu bskyed zin pa'i phyir nges par spyad zin pa'i dbang rgya bzhin no/ /de ni 'bras bu 'phos pa dang/ /shi bar gyur na 'gag par 'gyur/ /chud mi za ba de ni 'bras bu 'phos par gyur pa dang/ shi bar gyur na 'gag par 'gyur te/ de la 'bras bu 'phos par gyur pa ni bsgom pas spang ba nyid dang/ 'bras bu bskyed pas spang ba nyid yin no/ /shi bar gyur pa ni nyid mtshams sbyor ba'i tshe/ /gcig pu skye bar 'gyur ba kho na yin no/ /de yi rnam dbye zag med dang/ /zag dang bcas par shes par bya/ /chud mi za ba'i rnam par dbye ba ni rnam pa gnyis su shes par bya ste/ zag pa med pa dang zag pa dang bcas pa'i las kyi bye brag gis so/ /de'i phyir de ltar chud mi dra ba yod na grong? las sna tshogs pa la skyes pa 'gro ba dang rigs dang rus dang yul dang dus tha dad pa rnams kyi lus dang/ dbang po dang kha dog dang dbyibs dang stobs dang blo dang mos pa dang dad tshul dang/ longs spyod la sogs pa tha dad pa dag mngon par 'grub par 'gyur ro/ /stong pa nyid dang chad min dang/ /'khor ba dang ni rtag pa min/ /las rnams chud mi za ba'i chos/ /sangs rgyas kyis ni bstan pa yin/ /de ltar gang gi phyir las dang 'bras bur 'brel ba de'i phyir/ stong pa nyid kyang 'thad pa yin te/ /'du byed rnams su stegs phyed? kyis yongs su brtag pa'i bdag gis stong pa'i phyir ro/ /chad pa yang ma yin te chud mi za ba nges par gnas pa'i phyir ro/ /'khor ba yang 'thad de 'gro ba tha dad par 'du byed rnams mngon par 'grub pa'i mtshan nyid yod pa'i phyir ro// rtag pa yang ma yin te las rnam par 'jig pa'i phyir ro/ /las rnams kyang chud mi za ste/ chud mi za zhes bya ba'i chos sangs rgyas kyis bstan pa de yang grub pa'i phyir ro/ /de bas na brtag pa de nyid 'dir 'thad pa yin no/ /'dir bshad pa/ /brtag par de gnyi ga yang rtag pa dang chad pa la sogs pa'i rkyon? dag las mi 'grol bas de'i phyir de dag ni rigs pa ma yin no/ /ci'i phyir zhe na/ 'di ltar gal te las ngo bo nyid kyis grub pa cung zad cig 'thad na ni nges na las yod pa de rgyan 'brel bas sam/ /chud ? yongs su bzung pas 'bras bu dang 'brel pa yin par bsam pa yang rigs par 'gyur grang na/ gang gi tshe las de nyid ngo bo nyid kyis grub par mi 'thad pa de'i che/ gzhi med pa la bsam pa de dag mi 'thad pa'i phyir ro/ /gal te lag ji ltar mi ce na bshad pa/ /gang phyir las ni skye med pa/ /de'i phyir mi 'thad de 'di ltar ma skyes na ji ltar 'thad par 'gyur/ ci'i phyir las skye ba med ce na/ bshad pa/ 'di ltar dngos nyid med de'i phyir/ /gang gi phyir las ngo bo nyid med pa de'i phyir skye ba med pas las mi mthad do/ /'dir smras pa/ las ni skye ba yod pa nyid de/ /ci'i phyir zhe na/ bcom ldan 'das kyis las rnams chud mi za'o zhes gsungs pa'i phyir ro/ /'dir bshad pa/ gang phyir de ni ma skyes pa/ /de phyir chud zar mi 'gyur ro/ / bcom ldan 'das kyis gang gi phyir las ma skyes pa de'i phyir chud za bar mi 'gyur ro/ /zhes gsungs pa nyid kyis las skye ba med pa nyid du rab tu grub po /gzhan du na skyes na ji ltar chud mi ba 'gyur/ ci ste 'gyur na ni skyes so cog kyang 'chi bar mi 'gyur ba zhig na/ gang gi phyir de lta ma yin pa de'i phyir skyes na chud za bar 'gyur gyi/ ma skyes na chud za bar mi 'gyur ro/ /'dir smras pa/ gal te las la ngo bo nyid yod na/ des skyon cing 'gyur/ 'dir bshad pa/ gal te las la dngos nyid yod/ /rtag par 'gyur ba the tshom med/ gal te las la ngo bo nyid yod par gyur na/ rtag par 'gyur bar the tshom med de/ rang bzhin ni mi 'gyur ba'i phyir ro/ /de ltar las rtag par gyur na/ des skyon cir 'gyur zhe na/ bshad pa/ las ni byas pa ma yin 'gyur// rtag la bya ba med phyir ro/ /las rtag pa nyid yin na/ byas pa ma yin par thal bar 'gyur te/ rtag pa la bya ba med pa'i phyir ro/ /las ma byas pa la 'bras bu myong ba yod par rtog na skyon 'dir yang 'gyur te/ ci ste las ni ma byas na/ /ma byas pa dang phrad 'jigs 'gyur/ /ji ste las ma byas pa yin yang 'bras bu bskyed par 'gyur na de lta na ma byas pa dang phrad pa'i 'jigs pa 'gyur bar 'gyur ro/ /yang gzhan yang/ tshangs spyod gnas pa ma yin pa'ang/ /de la skyon du thal bar 'gyur/ /las ma byas pa yin yang 'bras bu bskyed par 'gyur na tshangs par spyod pa la gnas pa ma yin pa yang tshangs par spyod pa la gnas pa'i skyon du thal bar 'gyur te/ mya ngan las 'das pa thob par byed pa'i las ma byas pa nyid la yang de yod par 'gyur ba'i phyir ro/ /yang gzhan dang tha snyad thams cad nyid dang yang/ /'gal bar 'gyur bar the tshom med/ /las ma byas pa yin yang 'bras bu bskyed par 'gyur na/ 'jig rten 'bras bu'i don du tha snyad rtsom par byed pa zhing las dang nyo tshong dang phyugs btsal ba dang rgyal po la bsten pa dang/ rigs pa dang bzo dang sgyu rtsal goms par byed pa dang/ /'di ni dbyar ngo dag la bya'o/ /'di ni dgun dang dbyid do dag la bya'o zhes bya ba la sogs pa'i tha snyad thams cad dang yang 'gal bar 'gyur bar the tshom med de/ byed pa dang mi byed pa dag la de dag 'bras bu 'ong par thar bar 'gyur ba'i phyir ro/ /yang gzhan yang/ bsod nams dang ni sdig byed pa'i/ /rnam par dbye ba'ang 'thad mi 'gyur/ /las ma byas pa yin na yang 'bras bu bskyed par 'gyur na/ 'di ni bsod nams byed pa'o 'di ni sdig pa byed do zhes bya ba'i rnam par dbye ba de dag nyid kyang 'thad pa nyid du mi 'gyur te/ /dge ba dang mi dge ba'i las ma byas pa thams cad kyang yod par thal bar 'gyur ba dang/ de dag gi 'bras bu yang thob par thal bar 'gyur ba'i phyir ro/ /yang gzhan yang/ de yi rnam smin smin gyur pa/ /yang dang de dag nyid kyang 'thad pa nyid du mi 'gyur te/ /dge ba dang mi dge ba'i las ma byas pa thams cad kyang yod par thal bar 'gyur ba dang/ de dag gi 'bras bu yang thob par thal bar 'gyur ba'i phyir ro/ /yang gzhan yang/ de yi rnam smin smin gyur pa/ /yang dang yang du rnam smin 'gyur/ gal te gang phyir las gnas pa/ /de phyir ngo bo nyid yod phyir las ma byas pa yin yang 'bras bu bskyed par 'gyur na/ las de'i 'bras bu rnam par smin zin par gyur pa las yang/ yang dang yang du rnam par smin pa'i 'bras bu gzhan dag smin par 'gyur te/ ci'i phyir zhe na/ gal te gang gi phyir las ngo bo nyid kyis nges par gnas pa de'i phyir ngo bo nyid yod pa'i phyir ro/ /'dir smras pa/ las ni yod pa kho na yin te/ las kyi rgyu nyon mongs pa dag yod pa'i phyir ro/ /'dir bshad pa/ las 'di nyon mongs bdag nyid na/ /nyon mongs de dag yang dag min/ /gal te nyon mongs yang dag min/ /las ni de yis ji ltar byas/ /las 'di nyon mongs pa'i rgyu las byung ba yin na/ nyon mongs pa de dag ni skye ba med pa'i phyir dang ngo bo nyid med pa'i phyir dang/ brten nas byung ba'i phyir yang dag pa ma yin pas/ gal te de ltar nyon mongs pa de dag yang dag pa ma yin na/ 'o na de las dang nyon mongs pa des ji ltar byas par 'gyur te/ las kyi rgyu nyon mongs pa rnams ngo bo nyid med pa'i phyir ro/ /'dir smras pa/ las dang nyon mongs pa dag ni ngo bo nyid yod pa kho na yin te/ nyon mongs pa rnams kyis 'bras bu las dang lus kyi mtshan nyid yod pa'i phyir dang/ las kyi 'bras bu lus kyi mtshan nyid yod pa'i phyir ro/ /'dir bshad pa/ las dang nyon mongs pa dag ni/ /lus rnams kyi ni rkyen du bstan/ /gal te las dang nyon mongs pa/ /de stong lus la ji ltar brjod/ /'di la khyod kyis las dang nyon mongs pa dag ni/ ngo bo nyid yod pa kho na yin te/ de dag gi 'bras bu yod pa'i phyir ro zhes smras pa ni/ bstan bcos las las dang nyon mongs pa dag lus rnams kyi rkyen du bstan pa ni tha snyad pa yin gyi don dam pa ni ma yin te/ ci'i phyir zhe na/ las dang nyon mongs pa dag la ngo bo nyid med pa'i phyir/ de dag gi 'bras bu lus kyang ngo bo nyid med pa'i phyir ro/ /'dir smras pa/ las ni yod pa kho na yin te/ de'i 'bras bu la longs spyod pa'i za ba po yod pa'i phyir ro/ /gal te de ji ltar shes zhe na/ smras pa/ ma rig bsgribs pa'i skye bo gang/ /sred ldan de ni za ba po/ /de yang byed las gzhan min zhing/ /de nyid de yang ma yin no/ /bcom ldan 'das kyis thog ma dang tha ma med pa'i mod dag las/ ma rig bsgribs pa'i sems can dag /sred pa'i kun tu sbyor dang ldan/ /zhes bya ba dang/ de bzhin du ci ste khyod rang nyid kyis sdig pa'i las 'di byas na khyod rang nyid kyis de'i rnam par smin pa nyams su myong bar byas dgos so zhes kyang gsungs la/ de yang byed pa po las gzhan ma yin zhing de nyid de yang ma yin te/ de nyid dang gzhan nyid du brjod par bya ba ma yin pas/ de'i phyir las kyang yod pa kho na yin no 'dir bshad pa/ gang gi phyir na las 'di ni/ /rkyen las byung ba ma yin zhing/ /rkyen min las byung yod min pa/ /de phyir byed pa po yang med/ /byed pa po de yang las de bzhin du ma skyes pa'i phyir dang/ byed pa po bkag pa'i phyir dang/ rdzas su yod pa ma yin pa'i phyir las dang byed pa po med do/ /yang gzhan yang/ gal te las dang byed med na/ /las skyes 'bras bu ga la yod/ /ci ste 'bras bu yod min na/ /za ba po lta ga la yod/ gal te brtag na las kyang med la byed pa po yang med na las las skyes pa'i 'bras bu ga la yod/ ci ste 'bras bu yod pa ma yin na/ za ba po lta ga la yod de/ za ba po'i sgrar brjod pa nyid kyi rgyu med pa'i phyir ro/ /'dir smras pa/ ji byed pa po dang las dang 'bras bu dang za ba po dang las dang nyon mongs pa dag med do zhes bya ba de ni shin tu nges pa yin na/ 'dir bshad pa/ gang rten cing 'brel pa 'byung ba de la yod do/ /zhe 'am med de zhes bya ba smra bar ga la rigs te/ de ltar 'dzin pa bzlog pa'i phyir dpe 'di gzung zhig /ji ltar sprul pa ston byed pa/ /rdzu 'phrul phun sum tshogs pa yis// sprul zhing sbrul pa'ang gzhan sprul byed/ /sprul pa des kyang gzhan dag ltar/ /de bzhin byed pos las gang byas/ /de yang sprul pa'i rnam pa bzhin/ /dper na sprul pas sprul gzhan zhig /sprul pa mdzad pa de bzhin no/ /nyon mongs las dang lus rnams dang/ /byed pa po dang 'bras bu dag / dri za'i grong khyer lta bu dang/ /smig rgyu rmi lam 'dra ba yin/ /chos thams cad de ltar blta bar bya'o/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las las dang 'bras bu brtag pa zhes bya ba ste/ rab tu byed pa bcu bdun pa'o// //bam po lnga pa/ /'dir smras pa/ 'o na de kho na'i mtshan nyid ni gang yin/ rnam pa gang gis ni de kho na rtogs par 'gyur/ 'dir bshad pa/ bdag dang bdag gi dang bral ba ni de kho na'i mtshan nyid yin la/ rigs pa sngon du btang ste yongs su rtog pas ni de kho na rtogs par 'gyur ro/ /gal te ji ltar zhe na bshad pa/ gal te phung po bdag yin na/ /skye dang 'jig pa can du 'gyur/ /gal te phung po rnams bdag nyid yin par gyur na/ de lta na skye ba dang 'jig pa'i chos can du 'gyur te/ phung po rnams ni skye ba dang 'jig pa'i chos can yin pa'i phyir ro/ /bdag skye ba dang 'jig pa'i chos can yin na/ mi rtag pa'i rkyen gang dag yin pa de dag tu thal bar 'gyur te/ de ni 'phros pa spang pa'i phyir mi brjod do/ /gal te phung po rnams las gzhan/ /phung po'i mtshan nyid med par 'gyur/ /gal te bdag phung po rnams las gzhan yin par gyur na/ de lta na phung po'i mtshan nyid ma yin par 'gyur te/ phung po rnams las gzhan pa ni/ rtag pa yin pa'i phyir ro/ /bdag phung po'i mtshan nyid ma yin na rtag pa'i skyon gang dag yin pa de dag tu thal bar 'gyur te/ de yang 'phros pa spang ba'i phyir mi brjod do/ /de ltar gang gi phyir yongs su brtags na bdag gnyi ga ltar yang mi 'thad pa'i phyir/ bdag nyid yod pa ma yin na/ /bdag gi yod par ga la 'gyur/ /brtags na de ltar bdag nyid rnam pa thams cad du mi 'thad na/ bdag gi yod par ga la 'gyur te/ 'di ltar bdag ces bya ba'i gang yin pa de bdag gi zhes bya na/ bdag de med pas de'i 'di yin no zhes bya ba mi 'thad pa'i phyir ro/ /de ltar bdag dang bdag gi med pa ni de kho na'i mtshan nyid yin no/ /bdag dang bdag gi zhi ba'i phyir/ /ngar 'dzin nga yir 'dzin med 'gyur/ /de lta bdag dang bdag gis mngon par zhen pa nye bar zhi ba'i phyir/ de la der? 'dzin pa dang/ da yir 'dzin pa med par 'gyur te/ 'di ltar bdag tu mngon par zhen pa la rten nas/ ngar 'dzin par 'gyur la/ bdag gir mngon par zhen pa la brten nas nga yir 'dzin par 'gyur bas/ gang gi phyir bdag tu mngon par zhen pa nye bar zhi ba de'i phyir dang 'dzin pa med par 'gyur la / bdag gir mngon par zhen pa nye bar zhi ba de'i phyir nga yir 'dzin pa med par 'gyur ro/ /'dir smras pa/ gang gis de ltar de kho na mthong na ngar 'dzin pa dang nga yir 'dzin pa med par 'gyur ro zhes bya ba de nyid bdag yin pas bdag yod pa'i phyir bdag gi yang yod de/ /'dir bshad pa/ ngar 'dzin nga yir 'dzin med gang/ /de yang yod pa ma yin te/ /ngar 'dzin nga yir 'dzin med par/ /gang gis mthong bas mi mthong ngo/ /de ltar ngar 'dzin pa dang nga yir 'dzin pa med pa zhes bya ba gang yin pa de yang yod pa ma yin te/ ngar 'dzin pa dang nga yin 'dzin pa med par gang gi phyir mthong ba log par lta bas blo gros kyi mig nyams pa des ni de kho na mi mthong ngo/ /nang dang phyi rol nyid dag la/ /bdag dang bdag gir zad gyur na/ /nye bar len pa 'gag 'gyur zhing/ /de zad pas na skye ba zang/ /de ltar na nyid la bdag tu mngon par zhen pa dang/ phyi rol nyid la bdag gir mngon par zhen pa zad par gyur na/ nye bar len pa rnam pa bzhi 'gag par 'gyur zhing de 'gags pas srid pa zad par 'gyur la/ sring bzad pas skye ba zad par 'gyur ba de ni gang zag bdag med pa'i de kho na rtogs pa'i 'bras bu nyon mongs pa'i sgrib pa spangs pas/ rab tu phye ba phung po'i lhag ma dang bcas pa'i mya ngan las 'das pa yin no/ /da ni chos bdag med pa'i de kho na rtogs pa'i 'bras bu shes bya'i sgrib pa spangs pas rab tu phye ba phung po'i lhag ma med pa'i mya ngan las 'das pa thog pa'i thabs bstan pa'i phyir bshad pa/ las dang nyon mongs zad pas thar/ /las dang nyon mongs rnam rtog las/ /de dag spros las spros pa ni/ /stong pa nyid kyis 'gag par 'gyur/ /'di la las dang nyon mongs pa dag ni skye ba'i rgyu yin pa'i phyir de dag zad pas sdug bsngal las rnam par grol ba ni thar pa ste/ des ni phung po lhag ma dang bcas pa'i mya ngan las 'das pa'i dbyings su 'jug par bstan to/ /las dang nyon mongs pa de dag ni rnam par rtog pa las byung ste/ de dag yod na 'byung ba'i phyir ro/ /rnam par rtog pa de dag ni spros pa las 'byung ste/ tha snyad kyi bden pa la mngon par zhen pa'i mtshan nyid kyi spros pa las 'byung ba'i phyir ro/ /spros? pa ni stong pa nyid kyi 'gag par 'gyur te/ chos bdag med pa nyid kyi mtshan nyid rtogs pas 'gag par 'gyur ba'i phyir ro/ /des ni phung po lhag ma med pa'i mya ngan las 'das pa'i dbyings su 'jug par bstan to/ /'dir smras pa/ bdag ni yod pa kho na yin te/ bcom ldan 'das kyis bdag yod pas gsungs pa'i phyir ro/ /'dir bshad pa/ bdag go zhes kyang btags gyur cing/ /bdag med ces kyang bstan par 'gyur/ /sangs rgyas rnams kyis bdag dang ni/ /bdag med pa 'ga' yang med par bstan/ sangs rgyas bcom ldan 'das sems can rnams kyi bsam par dang bag? la nyal mkhyen pa la mkhas pa rnams kyis/ gdul ba de dang de dag la yang dag par gzigs nas/ gdul ba gang dag la 'jig rten 'di med do 'jig rten pha rol med do/ /sems can brdzus te skye ba med do snyam pa'i lta ba de lta bu byung bar gyur pa de dag gi bdag med par lta ba bzlog pa'i phyir bdag go zhes kyang gtags par gyur to/ /gdul ba gang dag la las dge ba dang mi dge ba rnams kyi byed pa po dang de dag gi 'bras bu za ba po dag bcings pa dang thar pa dag ston par byed pa'i bdag ces bya ba de ni 'ga' zhig yod do snyam pa'i lta ba de lta bu byung bar gyur pa de dag gi bdag tu lta ba bzlog pa'i phyir bdag med ces kyang bstan par gyur to/ /gdul ba bzang po gang dag dge ba'i rtsa ba'i tshogs yongs su smin pa/ de srid pa'i chu bo las brtsal bar nus pa don dam pa'i gtam gyi snod du gyur pa de dag la ni bdag dang bdag med pa 'ga' yang med par bstan to/ /yang na gzhan du brtag ste mu stegs byed kha cig 'du byed bdag med pas skad cig ma re re la rnam par 'jig pa'i dang can nam dus gzhan du nges par gnas pa rnams la bdag med na las dang 'bras bu med par brtags nas 'jig par gyur pa dag gis ni bdag go zhes kyang btags par 'gyur ro/ /gzhan gang dag 'di ni lus dang dbang po dang blo'i tshogs tsam du zad de/ 'di la rgyu dang 'bras bu las gang rtogs par 'gyur ba'i phyir bdag ni ngo bo nyid kyi med de/ sems can bgrang ba'i 'du byed bdag med pa nges par mi gnas pa gnas su ma byas pa 'di dag la yang 'khor ba mi 'thad do zhes bya bar rigs nas/ rgyu dang 'bras bu'i 'brel pa la rmongs pa dag gis ni bdag med ces kyang bstan par gyur to/ /sangs rgyas bcom ldan 'das chos thams cad la mkhyen pa lkog tu ma gyur pa rnams kyis ni/ /bdag dang bdag med pa 'ga' yang med par bstan to/ /'dir smras pa/ spros pa ni stong pa nyid kyis 'gag par 'gyur ro zhes gang bshad pa de la rigs pa gang yin/ 'dir bshad pa/ brjod par bya ba ldog med te/ sgras brjod par bya ba'i don bum pa dang snam bu dang shing rta la sogs pa stong pa nyid du mthong pas spros pa 'gag par 'gyur te/ /de la brjod par bya ba la rtog pas sgro btags pa las ni brjod pa'i bdag nyid kyi spros pa dpag tu med pa 'byung la/ dngos po thams cad kyi ngo bo nyid rab tu dben pa'i mtshan nyid kyi stong pa nyid nam mkha' lta bu mngon sum du byar med pa'i tshul gyis mngon sum du byas shing dngos po thams cad brjod du med par mthong na/ brjod pa'i bdag nyid kyi spros pa dgag pa'i phyir ro/ /brjod par bya ba de yang ji ltar ldog par 'gyur zhe na/ bshad pa/ sems kyi spyod yul ldog pas so/ /sems kyi spyod yul gzugs la sogs pa ngo bo nyid smed pa nyid du mthong bas brjod par bya ba ldog ste/ de yang don dam par yongs su ma grub pa'i phyir ro/ /de la yang dag pa ji lta ba bzhin du mthong ba thob na/ brjod par bya ba ldog la don dam pa shes pa thob na sems kyi spyod yul ldog go /sems kyi spyod yul de yang ji ltar ldog par 'gyur zhe na/ bshad pa/ ma skyes pa dang ma 'gags pa/ /chos nyid mya ngan 'das dang mtshungs/ /sems kyi spyod yul gzugs la sogs pa dag ma skyes pa dang ma 'gags pa'i chos nyid mya ngan las 'das pa dang mtshungs par rab tu shes pas sems kyi spyod yul ldog par 'gyur ro/ /'dir smras pa/ don dam par dngos po thams cad la skyes pa dang ma 'gags pa'i chos nyid mya ngan las 'das pa dang mtshungs pa yin na/ 'jig rten gyi tha snyad du bstan pa'i tshul ji lta bu yin/ 'dir bshad pa/ thams cad yang dag yang dag min/ /yang dag yang dag ma yin nyid/ /yang dag min min yang dag min/ /de ni sangs rgyas bstan pa'o/ /thams cad yang dag ces bya ba ni mig la sogs pa skye mched rnams dang gzugs la sogs pa'i yul rnams tha snyad kyi bden pa dang mi 'gal bar yod pa'i phyir ro/ /yang dag min zhes bya ba ni don dam par rten nas byung ba sgyu ma bzhin du ngo bo nyid yongs su ma grub pa'i phyir ji ltar snang ba de ltar yod pa ma yin pa'i phyir ro/ /yang dag yang dag ma yin nyid ces bya ba ni/ bden pa gnyi ga'i rnam pa la bltos pa'i phyir ro/ /yang dag min min yang dag min zhes bya ba ni/ mngon par rtogs pa'i dus na rnal 'byor pa rnam pa thams cad du chos thams cad kyi de kho na la rnam par mi rtog pa'i phyir ro/ /yang na thams cad yang dag ces bya ba ni/ bcom ldan 'das kyis nyon mongs pa'i sgrib pa spang ba'i phyir nang dang phyi rol gyi skye mched bdag dang bdag gi dang bral ba'i mtshan nyid g.yo ba med pa shes byar bstan pa dag yin no/ /yang dag min zhes bya ba ni rnam par shes pa'i mtshan nyid kyi bdag gis bdag dang bcas pa'i phyir dang bdag gi yin pa'i phyir byed pa por brjod pas nyan pa dang sems pa dang bsgom par byed pa dag yin no/ /yang dag yang dag ma yin nyid ces bya ba ni 'jig rten dang bstan chos kyi tha snyad la bltos pa dag yin no/ /yang dag min min yang dag min zhes bya ba ni/ don dam pa'i tshul gyis chos thams cad skye ba med pa'i phyir shes pa rnam par rtog pa dang bcas pa dang rnam par rtog pa med pa'i spyod yul nyid du 'gyur bas dngos po'i tshul gyis yang dag pa ma yin pa nyid du rnam par brtags pa dang yang dag pa nyid du rnam par brtags pa gang yin pa de lta bu med pa yin no/ /de ni sangs rgyas bstan pa'o zhes bya ba ni rim pa rnam pa bzhi po de dag gis sems can gyi don yang dag par thob par bya ba'i phyir bstan pa 'jug pa gang yin pa de ni/ sangs rgyas bcom ldan 'das kyi bstan pa ste/ 'dis slob ma'i tshogs rnam pa mang po dag la dbang po dang bsam pa dang bag la nyal dang dus kyi dbang gi mtho ris dang byang grol gyi lam phyin ci ma log par rjes su ston pas bstan pa'o/ /'dir smras pa/ de kho na'i mtshan nyid gang yin/ 'dir bshad pa/ gzhan las shes min zhib dang/ /spros pa rnams kyis ma spros pa/ /rnam rtog med don tha dad min/ /de ni de nyid mtshan nyid do/ /gzhan las shes min zhes bya ba ni 'di la gzhan las shes pa med pa ste/ lung med par bdag gi mngon sum du 'gyur zhing bdag nyid kyis rang rigs par bya ba zhes bya ba'i tha tshig go / zhi ba zhes bya ba ni ngo bo nyid dang bral ba'i phyir te/ dngos po'i ngo bo nyid khyad par gyi yul la rnam par rtog pa'i spyod yul ma yin pa'i phyir ro/ /spros pa rnams kyis ma spros pa zhes bya ba ni/ mngon par brjod pa'i mtshan nyid kyi spros pa nye bar zhi ba'i phyir ro/ /rnam par rtog pa med pa zhes bya ba ni snang ba med pa nyid kyis 'di dang 'di'o zhes rnam par ma brtags pa'i phyir ro/ /don tha dad pa ma yin pa zhes bya ba ni chos nyid ro gcig pa'i phyir don dbyer med pa'o/ /yang na gang gi phyir rnam par rtog pa med pa de'i phyir spros pa rnams kyis ma spros pa'o/ /gang gi phyir spros pa rnams kyis ma spros pa de'i phyir zhi ba'o/ /gang gi phyir zhi bde'i phyir don la dad pa ma yin no/ /gang gi phyir don tha dad pa ma yin pa de'i phyir? gzhan las shes pa ma yin no zhes rnam grangs kyi sgrar bstan te/ de ni kho na'i mtshan nyid yin no/ /'di yang de kho na'i mtshan nyid gzhan yin te/ gang las brten te gang byung ba/ /de nir? zhig de nyid min/ /de las gzhan pa'ang ma yin phyir/ /de phyir chad min rtag ma yin/ /'di ltar gang las brten te gang byung ba de ni re zhig de nyid kyang ma yin la/ de las gzhan pa yang ma yin pa'i phyir chad pa yang ma yin la/ rtag pa yang ma yin te brtag pa 'dis don gcig pa ma yin pa dang/ don tha dad pa ma yin pa dang/ chad pa ma yin pa dang/ rtag pa ma yin pa bstan to/ /don gcig min don tha dad min/ /chad pa ma yin rtag min pa/ /de ni sangs rgyas 'jig rten gyi/ /mgon po'i ? pa bdud rtsi yin/ /de ltar mtho ris dang byang grol gyi lam rnam par 'byed pa don gcig pa ma yin pa don tha dad pa ma yin pa chad pa ma yin pa rtag pa ma yin pa/ mchog tu zab pa don dam pa'i de kho na gsal bar byed pa de ni/ sangs rgyas bcom ldan 'das 'jig rten gyi mgon po'i bstan pa bdud rtsi'i go 'phang 'thob pa'i rgyu yin no/ /rdzogs sangs rgyas rnams ma byung zhing/ /nyan thos rnams ni zad gyur kyang/ /rang sangs rgyas kyi ye shes ni/ /brten pa med las rab tu skye/ /nyan thos gang 'di la goms par ma byas pa rnams la/ brgya la sdogs pa'i sangs rgyas rnams ma byung dam/ nyan thos rnams zad par gyur te/ rkyen dang mi ldan du zin na yang de dag gi sngon goms pa'i rgyu las byung ba rang sangs rgyas kyi ye shes gzhan las shes pa ma yin pa bsten pa med pa tsam gyi rkyen las rab tu skye bar 'gyur ro/ /de'i phyir bstan pa bdud rtsi de ni sgrub pa rnams la tshe 'di dang tshe phyi ma dag la bdud rtsi'i go 'phang thob par byed pa yin pas bdag la legs par 'dod pa rnams kyis bsam pa thag pas? de bsgrub par bya'o/ /slob dpon 'phags pa klu sgrub kyi mdzad pa dbu ma'i rtsa ba'i 'grel pa ga las 'jigs med las/ bdag dang chos brtag pa zhes bya ba ste/ rab tu byed pa bco brgyad pa'o// //'dir smras pa/ dus ni yod pa yin te/ de yang bltos pa can du 'grub ste/ da ltar byung ba dang ma 'ongs pa dag ni 'das pa la bltos la/ 'das pa dang ma 'ongs pa dag ni da ltar la bltos/ da ltar dang 'das pa dag ni ma 'ongs pa la bltos te 'grub bo/ /de bzhin du mchog dang tha ma dang 'bring la sogs pa dang/ gcig la sogs pa'i dngos po rnams kyang rim pa 'di nyid kyis yod par shes par bya'o/ /'dir bshad pa/ da ltar byung dang ma 'ongs pa/ /gal te 'das la bltos gyur na/ /da ltar byung dang ma 'ongs pa/ /'das pa'i dus na yod par 'gyur/ /da ltar byung ba dang ma 'ongs pa'i dus dag gal te 'das pa'i dus la bltos nas yod par gyur na/ de lta na da ltar byung ba dang ma 'ongs pa'i dus dag 'das pa'i dus na yod par 'gyur te/ ci'i phyir zhe na/ 'di ltar de gnyis de na yod na bltos su rung ba'i phyir ro/ /de yang mi 'thad pas de'i phyir da ltar byung ba dang ma 'ongs pa'i dus dag 'das pa la bltos nas 'grub bo/ /zhes gang smras pa de rigs pa ma yin no/ /'dir smras pa/ da ltar byung ba dang ma 'ongs pa dag 'das pa'i dus de na yod pa ma yin te/ 'o na ji zhe na/ de la bltos nas 'grub pa yin no/ /'dir bshad pa/ da ltar byung dang ma 'ongs pa/ /gal te de na med gyur na/ /da ltar byung dang ma 'ongs pa/ /ji ltar de la bltos par 'gyur/ /da ltar byung ba dang ma 'ongs pa dag gal te 'das pa'i dus de na med par gyur na/ da ltar byung ba dang ma 'ongs pa'i dus de na med pa de dag ji ltar de la bltos par 'gyur te/ ci'i phyir zhe na/ 'di ltar gsum char yang tshogs par gyur na bltos pa 'thad pa'i phyir ro/ /'dir smras pa/ da ltar byung ba dang ma 'ongs pa dag 'das pa la bltos pa kho nar 'grub par 'gyur ro/ /'dir bshad pa/ 'das pa la ni ma bltos par/ /de gnyis 'grub pa yang ma yin/ /'das pa'i dus lam bltos par yang da ltar byung ba dang ma 'ongs pa'i dus de gnyis rang las rab tu 'grub pa yod pa ma yin no/ /de phyir da ltar byung ba dang/ /ma 'ongs dus kyang yod ma yin/ /de ltar gang gi phyir da ltar byung ba dang ma 'ongs pa gnyis 'da pa'i dus na yod pa ma yin pas/ bltos par mi 'thad la/ 'das pa la ma bltos par yang de gnyis 'grub pa yod pa ma yin pa de'i phyir da ltar byung ba dang ma 'ongs pa'i dus kyang yod pa ma yin no/ /rim pa'i tshul ni 'di nyid kyis/ /lhag ma gnyis po bsnor ba dang mchog dang thas dang 'bring la sogs gcig la sogs pa'ang shes par rim pa'i tshul 'di nyid kyis/ dus lhag ma gnyis po bsnor ba dang/ mchog dang tha ma dang 'bring la sogs pa dang gcig dang gnyis dang mang po la sogs pa dag kyang shes par bya'o 'dir smras pa/ dus ni ma bltos par yang yod pa kho na yin te/ skad cig dang thang cig dang yud tsam dang/ mtshan mo dang nyin mo dang zla ba phyed dang/ zla ba dang dus tshigs dang nur pa dang lo la sogs pa'i tshad dar ldan pa'i phyir ro/ /'dir bshad pa/ mi gnas dus su 'dzin mi byed/ /gang zhig gzung bar bya ba'i dus/ /gnas pa yod pa ma yin pas/ /ma bzung dus su ji ltar gdags/ /dngos po mi gnas pa la ni su yang dus su 'dzin par mi byed la dngos po las gzhan pa gang zhig gang gi dus de'i ngo bo nyid du bzung bar bya ba'i chos gnas pa yang yod pa ma yin pas/ ma bzung ba dus su ji ltar gdags te/ de'i phyir dus zhes bya ba dngos po 'ga' yang mi 'thad do/ /'dir smras pa/ dus ni yod pa kho na yin te/ snga ma dang phyi ma dang cig car ma yin pa dang/ yun ring po dang myur ba zhes bya ba la sogs pa'i rtags yod pa'i phyir ro/ /'dir bshad pa/ gal te dus ni dngos brten na/ /dngos med dus ni ga la yod/ /dngos po 'ga' yang yod min na/ /dus lta yod par ga la 'gyur/ /gal te dus dngos po la brten pa yin na/ dngos po med na dus ga la yod de/ ci'i phyir zhe na/ dngos po 'ga' yang mi 'thad do zhes bstan zin pa'i phyir ro/ /dngos po 'ga' yang yod pa ma yin na dus lta yod par ga la 'gyur te/ 'gal me'i 'khor lo bzhin no// slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ dus brtag pa zhes bya ba ste/ rab tu byed pa bcu dgu pa'o// /'dir smras pa/ dus ni yod pa kho na yin te/ dus dang rgyu rkyen tshogs pa nyid las 'bras bu 'grub pa'i phyir ro/ /de lta bas na tshogs pa nyid dang/ de las byung ba'i 'bras bu yang yod do/ /'dir bshad pa/ gal te rgyu dang rkyen rnams kyi/ /tshogs pa nyid las skye gyur na/ /tshogs la 'bras bu yod na ni/ /ji ltar tshogs pa nyid las skye/ /gal te rgyu dang rkyen rnams kyi tshogs pa nyid las 'bras bu skye bar gyur na/ tshogs pa nyid de la 'bras bu de yod pa nyid yin na ni 'bras bu yod pa de ji ltar tshogs pa nyid de las skye bar 'gyur te de ni mi rigs so/ /ci'i phyir zhe na/ yod pa la skye ba mi 'thad pa'i phyir ro/ /'dir smras so/ rgyu dang rkyen rnams kyi tshegs? pa nyid la 'bras bu med mod kyi 'on kyang de las skye'o/ /'dir bshad pa/ gal te rgyu dang rkyen rnams kyi/ /tshogs pa nyid las skye gyur na/ /tshogs la 'bras bu med na ni/ /ji ltar tshogs pa nyid las skye/ /gal te rgyu dang rkyen rnams kyi tshogs pa nyid las 'bras bu skye bar gyur na/ tshogs pa nyid de la 'bras bu de med pa nyid yin na ni/ 'bras bu med pa de ji ltar tshogs pa nyid de las skye bar 'gyur te/ de mi rigs so/ /ci'i phyir zhe na/ med pa skye ba mi 'thad pa'i phyir ro/ /yang gzhan yang/ gal te rgyu dang rkyen rnams kyi/ /tshogs la 'bras bu yod na ni/ /tshogs la gzung du yod rigs na/ /tshogs pa nyid la gzung du med/ /gal te rgyu dang rkyen rnams kyi tshogs pa nyid 'bras bu de yod pa nyid yin par gyur na/ de lta na tshogs pa nyid de la 'bras bu yod pa de mig gis gzugs blta ba dang yid kyis chos gzung ba'i bar dag bzhin du/ gzung du yod pa'i rigs na tshogs pa nyid la gzung du med pas/ de'i phyir tshogs pa nyid la 'bras bu de yod do zhes bya pa de rigs pa ma yin no/ /yang gzhan yang/ gal te rgyu dang rkyen rnams kyi/ /tshogs la 'bras bu med na ni/ /rgyu rnams dang ni rkyen dag kyang/ /rgyu rkyen ma yin mtshungs par 'gyur/ gal te rgyu dang rkyen rnams kyi tshoD pa nyid la 'bras bu de med pa nyid yin par gyur na/ de lta na rgyu rnams dang rkyen dag kyang rgyu dang rkyen ma yin pa rnams dang mtshungs par 'gyur bas de ni mi 'dod de/ de'i phyir tshogs pa nyid la 'bras bu med pa skye'o zhes bya ba de rigs pa ma yin no/ /'dir smras pa/ rgyus 'bras bu la rgyu byin nas 'gags pas de'i phyir tshogs pa nyid la 'bras bu med kyang 'bras bu rgyu dang bcas pa nyid kyang yin la ji skad bshad pa'i skyon du yang mi 'gyur ro/ /'dir bshad pa/ gal te rgyus ni 'bras bu la/ /rgyu byin nas ni 'gag 'gyur na/ /gang byin pa dang gang 'gags pa'i/ /rgyu'i bdag nyid gnyis su 'gyur/ /gal te rgyus 'bras bu la rgyu byin nas 'gag par 'gyur na/ de lta na gang byin pa dang/ gang 'gags pa des rgyu'i bdag nyid gnyis su 'gyur bas de yang mi 'thad de/ de'i phyir rgyus 'bras bu la rgyu byin nas 'gag par 'gyur ro zhes bya ba de rigs pa ma yin no/ /'dir smras pa/ rgyus 'bras bu la rgyu byin nas 'gag pa ma yin gyi 'di ltar rgyu 'gags ma thag tu 'bras bu skye'o/ /'dir bshad pa/ gal te rgyus ni 'bras bu la/ /rgyu ma byin par 'gag 'gyur na/ /rgyu 'gags nas ni skyes pa yi/ /'bras bu de ni rgyu med 'gyur/ /gal te rgyus 'bras bu la rgyu ma byin par 'gag par 'gyur na/ de lta na rgyu 'gag nas skyes pa'i 'bras bu de rgyu med par 'gyur bas de ni mi 'dod de/ de'i phyir rgyu 'bras bu la rgyu ma byin par 'gag bar 'gyur ro zhes bya ba de rigs pa ma yin no/ /'dir smras pa/ 'bras bu ni tshogs pa nyid dang lhan cig skye'o/ /'dir bshad pa/ gal te tshogs dang lhan cig tu/ /'bras bu yang ni skye gyur na/ /skyed pa dang ni gang skyed pa/ /dus gcig par ni thal bar 'gyur/ /gal te tshogs pa dang 'bras bu lhan cig kho na skye bar gyur na/ de lta na bskyed pa tshogs pa nyid gang yin pa dang bskyed pa 'bras bu gang yin pa pha dang bu lta bu de dag dus gcig tu 'byung bar thal bar 'gyur ba de ni mi 'dod de/ de'i phyir 'bras bu tshogs pa nyid dang lhan cig skye'o zhes bya ba de rigs pa ma yin no/ /'dir smras pa/ 'bras bu ni tshogs pa nyid kyi snga rol nyid na yod de/ de ni phyis tshogs pa nyid skyes pas gsal bar byed de/ mar mes bum pa bzhin no/ /'dir bshad pa/ gal te tshogs pa'i snga rol na/ /'bras bu skyes par gyur na ni/ /rgyu dang rkyen rnams med pa yi/ /'bras bu rgyu med 'byung bar 'gyur/ /gal te tshogs pa nyid kyi snga rol tu 'bras bu skyes par gyurna/ de ltar na rgyu dang rkyen rnams med pa'i 'bras bu rgyu med pa las 'byung bar 'gyur bas de ni mi 'dod de/ skyon chen por thal bar 'gyur ba'i phyir ro/ /de'i phyir 'bras bu tshogs pa nyid kyi snga rol na yod do zhes bya ba de rigs pa ma yin no/ /'dis? smras pa/ rgyus rgyu'i ngo bo nyid yongs su ma spangs pa 'gag pa 'bras bu'i bdag nyid du gnas te/ rgyu yongs su gyur pa las 'bras bur 'grub bo/ /'dir bshad pa/ gal te rgyu 'gags 'bras bu na/ /rgyu ni kun tu 'pho? bar 'gyur/ /sngon skyes pa yi rgyu yang ni/ /yang skye par ni thal bar 'gyur/ /gal te rgyus rgyu'i ngo bo nyid yongs su ma spangs pa/ 'gags pa 'bras bu'i bdag nyid du gnas shing rgyu yongs su 'gyur ba las 'bras bu 'grub na/ de lta na rgyu kun tu 'pho bar 'gyur kyi skye ba ma yin par 'gyur ro/ /gzhan yang 'di la rgyu rnam pa gnyis su bsam pa lhan cig skyes pa dang/ sngon skyes pa dag las de la sngon skyes pa'i rgyu nyid kyang yang skye bar thal bar 'gyur ro/ /'dir smras pa 'bras bu snga na yod pa nyid rgyu 'gags pas skyed par byed do/ /'dir bshad pa/ 'gags pa nub par gyur pa yis/ /'bras bu skyes pa ji ltar bskyed/ /rgyu 'gags pa nub par gyur pas 'bras bu skyes pa rigs pa gang gis bskyed par 'gyur/ 'dir smras pa/ 'o na 'bras bu ldan yod pa rgyu gnas pas skyed par byed do/ /'dir bshad pa/ 'bras bu dang ni 'brel pa'i rgyu/ /gnas pas kyang ni ji ltar bskyed/ /'bras bu dang 'brel pa'i rgyu gnas pas kyang rigs pa gang gis 'bras bu bskyed par 'gyur/ 'dir smras pa/ rgyu dang 'bras bu ma 'brel pa des 'bras bu skyed par byed do/ /'dir bshad pa/ ji ste de? 'bras ma 'brel na/ /'bras bu gang zhig bskyed par byed/ /ji ste rgyu de 'bras bu dang ma 'brel ba yin na des 'bras bu gang zhig skyed par byed de/ ci'i phyir zhe na/ 'bras bu ma skyes shing snga na med pa rgyu dang ma 'brel ba'i phyir ro/ yang gzhan yang/ rgyus ni mthong dang ma mthong bar/ /'bras bu bskyed par mi byed do/ /'di la mig gi dbang po ni mig gi rnam par shes pa'i rgyu yin na/ des gzugs mthong nas mig gi rnam par shes pa bskyed par byed dam/ /ma mthong bar bskyed par byed grang na/ gnyi ga ltar yang mi 'thad de/ ci'i phyir zhe na/ mthong na ni don med pa nyid du 'gyur ba'i phyir dang/ ma mthong na yang rkyen med pa'i phyir ro/ /'dir smras pa/ rgyus ni 'bras bu bskyed par byed pa nyid de/ 'bras bu'i rgyu yin pa'i phyir ro/ /'dir bshad pa/ 'di la gal te rgyus 'bras bu bskyed par gyur na/ phrad nas skyed par 'gyur grang na/ 'bras bu dang rgyu dag phrad pa ni rnam yang mi 'thad de/ ci lta zhe na/ 'bras bu 'das pa rgyu 'das dang/ /ma skyes pa dang skyes pa dang/ /lhan cig phrad par 'gyur ba ni/ /nam yang yod pa ma yin no/ /'bras bu 'das pa ni rgyu 'das pa dang ma skyes pa dang lhan cig phrad par 'gyur na nam yang yod pa ma yin te/ 'das pa dang ma 'ongs pa dag gi 'bras bu dang rgyu dag med pa'i phyir ro/ /'bras bu 'das pa dang rgyu skyes pa yang lhan cig phrad par 'gyur ba na yang yod pa ma yin te/ 'bras bu med pa'i phyir ro/ /'bras bu ma skyes rgyu ma skyes/ 'das pa dang ni skyes pa dang/ /lhan cig phrad par 'gyur ba ni/ /nam yang yod pa ma yin no/ /'bras bu ma skyes pa ni rgyu ma skyes pa dang 'das pa dang lhan cig phrad par 'gyur ba nam yang yod pa ma yin te/ 'das pa dang mthongs pa dag gi 'bras bu dang rgyu dag med pa'i phyir ro/ /'bras bu ma skyes pa dang rgyu? med pa yang lhan cig phrad par 'gyur ba nam yang yod pa ma yin te/ 'bras bu med pa'i phyir ro/ /'bras bu skyes pa rgyu skyes dang/ /ma skyes pa dang 'das pa dang/ /lhan cig phrad par 'gyur ba ni/ /nam yang yod pa ma yin no/ /'bras bu skyes pa ni rgyu skyes pa dang snyan cig phrad par 'gyur ba nam yang yod pa ma yin te/ /rgyu dang 'bras bu gnyis dus gcig tu 'byung ba bkag pa'i phyir ro/ /'bras bu skyes pa dang rgyu ma skyes pa dang/ 'das pa yang lhan cig phrad par 'gyur ba nam yang yod pa ma yin te/ 'das pa dang ma 'ongs pa dag gi rgyu dag gi rgyu dag med pa'i phyir ro/ /de ltar dus gsum gyi rgyu dang 'bras bu dag lhan cig phrad par 'gyur ba nam yang yod pa ma yin pa de'i phyir rgyus 'bras bu skyed par byed pa nyid de/ 'bras bu'i rgyu yin pa'i phyir ro zhes gang smras pa de rigs pa ma yin no/ /phrad pa yod pa ma yin na/ /rgyus ni 'bras bu ji ltar bskyed/ /yod par 'gyur ba ma yin pa'i phyir ro/ /phrad pa yod pa yin na yang/ /rgyus ni 'bras bu ji ltar skyed/ /yod par gyur pa'i phyir ro/ /yang rgyu'i dbang du byas nas/ rnam grangs gzhan du dpyad de/ gal te 'bras bu stong pa'i rgyu/ /ji ltar 'bras bu skyed par byed 'bras bus stong pa'i phyir ro/ /dper na de las gzhan bzhin no/ /gal te 'bras bu mi stong rgyu ji ltar 'bras bu skyed par byed/ /'bras bu mi stong pa'i phyir dper na/ 'bru'i bdag nyid bzhin no/ /yang 'bras bu'i dbang du byas nas rnam grangs gzhan du dpyad de/ 'bras bu mi stong skye mi 'gyur/ /mi stong 'gags par mi 'gyur ro/ /mi stong de ni ma 'gags dang/ /ma skyes par yang 'gyur ba yin/ /'bras bu skye ba'i snga rol na 'bras bu'i bdag nyid kyis stong pa ni skye ba dang 'gag par mi 'gyur te/ ci'i phyir zhe na/ rang gi bdag nyid kyis nges par gnas pa'i phyir ro/ /de'i phyir 'bras bu skye ba'i snga? rol na 'bras bu'i bdag nyid kyi mi stong par yongs su rtog na rtag pa'i phyir de ni ma 'gags pa dang ma skyes par yang thal bar 'gyur bas de ni mi 'dod de/ /'bras bu ni skye ba dang 'gag pa'i chos can nyid du 'dod do/ stong pa ji ltar skye 'gyur zhing/ /stong pa ji ltar 'gag par 'gyur/ /stong pa de yang ma 'gag dang/ /ma skyes par yang thal bar 'gyur/ /'bras bu skye ba'i snga rol na 'bras bu'i bdag nyid kyis stong pa ni skye ba dang 'gag par mi 'gyur te/ ci'i phyir zhe na/ rang gi bdag nyid kyis nges par mi gnas pa'i phyir ro/ /de'i phyir 'bras bu skye ba'i snga rol na 'bras bu'i bdag nyid kyis stong par yongs su rtag na med pa'i phyir de yang ma 'gags pa dang ma skyes pa yang thal bar 'gyur bas de yang mi 'dod de/ 'bras bu ni skye ba dang 'gag pa'i chos can nyid du 'dod do/ /yang gzhan yang/ rgyu dang 'bras bu dag de nyid dang gzhan nyid ma yin pa'i dbang du byas nas rnam grangs gzhan du dpyad de/ rgyu dang 'bras bu gcig nyid du/ /nam yang 'thad par mi 'gyur ro/ /rgyu dang 'bras bu gzhan nyid du/ /nam yang 'thad par mi 'gyur ro/ /skyon cir 'gyur zhe na/ rgyu dang 'bras bu gcig nyid na/ /skye dang bskyed pa gcig tu 'gyur/ /rgyu dang 'bras bu gzhan nyid na/ /rgyu dang rgyu min mtshungs par 'gyur/ /de lta bas na rgyu dang 'bras bu dag gcig pa nyid dang gzhan nyid du mi 'thad do/ /yang gzhan yang/ 'bras bu'i ngo bo nyid yod pa dang/ med pa'i dbang du byas nas rnam grangs gzhan du dpyad de/ 'bras bu ngo bo nyid yod na/ /rgyus ni ci zhig bskyed par 'gyur/ /'bras bu'i ngo bo nyid yod pa skye ba na tha snyad du yang bstan dka' ba'i phyir ro/ /'bras bu ngo bo nyid med na/ /rgyus ni ci zhig bskyed par 'gyur/ /'bras bu ngo bo nyid med pa skye ba yang tha snyad du yang bstan dka' ba'i phyir ro/ /de lta bas na 'bras bu ngo bo nyid yod pa dang med pa yang rgyus bskyed par mi 'thad do/ /skye ba yong pa ma yin na/ /rgyu nyid 'thad par mi 'gyur ro/ /de ltar rgyu gang gis kyang 'bras bu skyed par mi byed pas rgyu nyid 'thad par mi 'gyur ro/ /'dir smras pa/ rgyu ni 'bras bu skyed par byed pa nyid de/ rgyu 'di'i 'bras bu 'di'o/ /zhes brjod pa'i phyir ro/ /'dir bshad pa/ rgyu nyid 'thad pa yod min na/ /'bras bu gang gi yin par 'gyur/ /'bras bu skyed pa'i rgyu nyid yod pa ma yin na/ 'bras bu de gang gi yin par 'gyur te/ de'i phyir rgyus ni 'bras bu bskyed par byed pa nyid de rgyu 'di'i 'bras bu 'di'o zhes brjod pa'i phyir ro/ /zhes gang smras pa de rigs pa ma yin no/ /'dir smras pa/ rgyu 'ba' zhig las 'bras bu 'grub pa ma yin gyi/ tshogs pa rnyed na 'bras bu 'grub par 'gyur la/ dus byang? tshogs pa'i yan lag yin pas des na/ tshogs pas bskyed pa'i 'bras bu yod do/ /'dir bshad pa/ rgyu rnams dang ni rkyen dag gi /tshogs pa gang yin de yis ni/ /bdag gis bdag nyid mi bskyed na/ /'bras bu ji ltar skyed par byed/ /rgyu dang rkyen rnams kyi tshogs pas 'bras bu bskyed par byed do/ /zhes bya bar brtags pa gang yin pa des ni/ re zhig bdag gis bdag nyid mi bskyed de/ ci'i phyir zhe na/ tshogs pa ni rdzas su yod pa ma yin pa'i phyir ro/ / de ltar tshogs pa bdag gis bdag nyid mi bskyed pa des 'bras bu ji ltar bskyed par byed de bdag nyid rab tu ma grub pa'i phyir ro/ /yang na 'bras bu skye ba rnam pa thams cad mi 'thad pa'i phyir de'i tshogs pa yang med pas/ des 'bras bu ji ltar skyed par byed de/ 'bras bu med pa'i phyir ro/ /de'i phyir tshogs pas byas pa dang/ /tshogs min byas pa'i 'bras bu med/ /de ltar gang gi phyir tshogs pa de bdag nyid ma skyes shing rab tu ma grub pa de'i phyir tshogs pas byas pa'i 'bras bu med do/ gang gi tshe? tshogs? pas byas pa'i 'bras bu nyid mi 'thad pa de'i tshe/ tshogs pa ma yin pas byas pa'i 'bras bu rgyu med pa las byung ba yang mi 'thad pas tshogs pa ma yin pas byas pa'i 'bras bu yang med do/ /'dir smras pa/ tshogs pa ni rdzas su yod pa nyid de rang gi yan lag dag las gzhan ma yin pa'i phyir ro/ /'dir bshad pa/ 'bras bu yod pa ma yin na/ /rkyen gyi tshogs pa ga la yod/ /gang gi phyir 'bras bu skye ba med pa dang rdzas su yod pa nyid ma yin pa de'i phyir rkyen gyi tshogs pa ga la yod de/ de la tshogs pa ni rdzas su yod pa nyid de rang gi yan lag dag las gzhan ma yin pa'i phyir ro/ /zhes gang smras pa de rigs pa ma yin te/ sa bon tshig pa bzhin no/ slob dpon 'phags pa klu sgrub kyis mdzad pa dbu ma'i rtsa ba'i 'grel ngag? las 'jigs med las/ rgyu dang 'bras bu brtag pa zhes bya ba ste/ rab tu byed pa nyi shu pa'o// //'dir smras pa/ dus la sogs pa dag ni yod pa kho na yin te/ 'byung ba dang 'jig pa'i rgyu yin pa'i phyir ro/ /'dir bshad pa/ 'jig pa 'byung ba med par ram/ /lhan cig yod pa nyid ma yin/ /'jig pa ni 'byung ba med par ram/ 'byung ba dang lhan cig kyang yod pa nyid ma yin te/ rig pa gang gis she na/ bshad pa/ gal te 'jig pa 'byung ba med par yod pa nyid du gyur na/ 'byung pa la ma bltos pa rgyu med par rab tu 'grub par 'gyur bas de ni mi 'dod de/ de'i phyir 'jig pa 'byung ba med par yod pa nyid ma yin no/ /gal te 'jig pa 'byung ba dang lhan cig yod pa nyid yin par gyur pa de lta na yang so sor grub pas/ /rgyu med pa las byung bar 'gyur ste/ so sor grub pa nyid yin na/ lhan cig yod pa nyid du brtag tu rung bas de yang mi 'dod de/ de'i phyir 'jig pa 'byung ba dang lhan cig kyang yod pa nyid ma yin no/ /'dir smras pa/ gal te 'jig pa 'byung ba med par ram/ lhan cig yod pa nyid ma yin na/ 'o na da 'byung ba ni yod do/ /'dir bshad pa/ 'byung ba 'jig pa med par ram?/ /lhan cig yod pa nyid ma yin/ /'byung ba yang 'jig pa med par ram/ 'jig pa dang lhan cig kyang yod pa nyid ma yin te/ rigs pa gang gis she na/ bshad pa/ gal te 'byung ba 'jig pa med pa yod pa nyid du gyur na/ brtag pa dang mi 'gyur bar 'gyur te/ 'jig rten na rtag pa dang mi 'gyur ba ni 'ga' yang mi snang bas de ni mi 'dod de/ de'i phyir 'byung ba 'jig pa med par yod pa nyid ma yin no/ /gal te 'byung ba 'jig pa dang lhan cig yod pa nyid yin par gyur na/ de lta na yang don phan tshun mi mthun pa gnyis gcig la dus gcig tu 'byung bar gyur te 'byung ba dang 'jig pa don mi mthun pa gnyis dngos po gcig la dus gcig tu 'byung ba ni 'gal bas de yang mi 'dod de/ de'i phyir 'byung ba 'jig pa dang lhan cig kyang yod pa nyid ma yin no/ /yang gzhan yang/ ji ltar chos kyi gnas skabs la mkhas pa dag brjod pa/ gal te 'byung ba 'jig pa dang lhan cig yod pa nyid yin na/ dus thams cad du 'byung ba 'jig par thal bar 'gyur bas/ 'byung ba ni dus thams cad du 'jig par mi 'thad do/ /gal te 'byung ba dus thams cad du 'jig par gyur na/ de nam yang gnas par mi 'gyur ro/ /de ni gnas par yang 'dod pas de ltar rigs pa des kyang 'byung ba 'jig pa med par ram lhan cig kyang yod pa nyid ma yin no/ /yang gzhan yang/ 'jig pa 'byung ba med par ni/ ji lta bur na yod par 'gyur/ /'jig pa 'byung ba med par rigs pa gang gis rab tu 'grub par 'gyur te/ rnam pa thams cad du yang mi 'thad do/ /dpe ji lta bu zhe na/ 'chi ba skye ba med pa ltar/ /'jig pa 'byung ba med par med/ /ji ltar 'chi ba skye ba med par med pa de ltar 'jig pa yang 'byung ba med par med do/ /de la 'di snyam du gal te 'jig pa 'byung ba med par mi 'thad pas 'byung ba dang lhan cig yod par sems na/ 'dir bshad pa/ 'jig pa 'byung dang lhan cig tu/ /ji ltar yod pa nyid du 'gyur/ /'jig pa 'byung ba dang lhan cig yod par rigs pa gang gis rab tu 'grub par 'gyur te/ rnam pa thams cad du yang mi 'dod do/ /dper na ji lta bu zhe na/ 'chi ba skye dang dus gcig tu/ /yod pa nyid ni ma yin bzhin/ /ji ltar 'chi ba skye ba dang dus gcig tu yod pa nyid ma yin pa de bzhin du/ 'jig pa yang 'byung ba dang lhan cig yod pa nyid ma yin no/ /'dir smras pa/ gal te 'jig pa 'byung ba med par ram/ lhan cig yod pa ma yin na/ 'o na da 'byung ba ni 'jig pa med par yod do/ /'dir bshad pa/ 'byung ba 'jig pa med par ni// ji ltar yod pa nyid du 'gyur/ /'byung ba 'jig pa med par rigs pa gang gis rab tu 'grub par 'gyur te/ rnam pa thams cad du yang mi 'thad do/ /ci'i phyir zhe na/ dngos po rnams la mi rtag nyid/ /nam yang med pa ma yin no/ /de'i bdag nyid yin pa'i phyir dper na dngos po'i rang gi bdag nyid bzhin no/ /de la 'di snyam du gal te 'byung ba 'jig pa med par mi 'thad pas 'jig pa dang lhan cig yod par sems na/ 'dir bshad pa/ 'byung ba 'jig dang lhan cig tu/ /ji ltar yod pa nyid du 'gyur/ / 'byung ba 'jig pa dang lhan cig yod par rigs pa gang gis rab tu 'grub par 'gyur te/ rnam pa thams cad du yang mi 'thad do/ /dpe ji lta bu zhe na/ skye ba 'chi dan dus gcig tu/ /yod pa nyid du mi rig bzhin/ /ji ltar skye ba 'chi ba dang dus gcig tu yod pa nyid du mi rigs pa de bzhin du/ 'byung ba yang 'jig pa dang lhan cig yod pa nyid du mi rigs so/ /gang dag phan tshun lhan cig gam/ /phun tshun lhan cig ma yin par/ /grub pa yod pa ma yin pa/ /de dag 'grub par ji ltar yod/ /gang gi phyir de ltar yongs su brtags na/ 'jig pa ni 'byung ba med par ram/ lhan cig yod pa nyid ma yin la/ /'byung ba yang 'jig pa med par ram/ lhan cig yod pa nyid ma yin pa de'i phyir/ 'byung ba dang 'jig pa dag grub pa yod pa ma yin pas/ de'i phyir de dag 'grub pa rnam pa gzhan ji ltar yod de lta bas ma 'byung ba dang 'jig pa dag yod pa ma yin no/ /de dag med na dus la sogs pa dag yod par ga la 'gyur te/ stong pa nyid bdun bcu pa las kyang/ /dngos dang dngos med cig car 0 81a med/ /dngos med med par dngos po med/ /rtag tu dngos dang dngos med 'gyur/ /dngos med dngos po med mi 'byung/ /dngos po med par dngos med med/ /bdag las ma yin gzhan las min/ /de lta bas na dngos po med// de med na ni dngos med med/ /dngos po yod pa nyid na brtag /med na nges par chad pa yin/ /dngos po yod na de gnyis yin/ /de phyir dngos po khas blangs min/ /zhes bshad do/ /'dir smras pa/ dngos po ni 'jig pa'i bdag nyid can yin yang skyes ma thag tu 'jig par mi 'gyur te/ 'di ltar skyes ma thag tu gnas pa 'gyur bar 'gyur zhing de'i 'og tu 'jig par 'gyur bas de'i phyir 'jig pa ni 'byung ba med par yod la/ 'byung ba yang 'jig pa med par yod do/ /'dir bshad pa/ zad la 'byung ba yod ma yin/ /ma zad pa la'ang 'byung ba med/ /zad la 'jig pa yod ma yin/ /ma zad pa la'ang 'jig pa med/ /gang rgyun tu 'jig cing nyi ma re re'i skad cig skad cig la zad cing 'bral bar 'gyur ba de ni zad pa zhes bya ste/ chu bo'i rgyun bzhin du nges par mi gnas pa ngo bo nyid mngon par ma thob pa de la 'byung ba brtag par mi nus pas/ de'i phyir zad pa la 'byung ba yod pa ma yin no/ /gang rtag pa rnam par mi 'gyur ba gtan du zad par mi 'gyur zhing 'bral bar mi 'gyur ba de ni mi zad pa zhes bya ste/ rtag pa rnam pa de dang des nges par gnas pa mi ldog pa de la 'byung ba brtag par mi 'thad pas/ de'i phyir mi zad pa la yang 'byung ba med do/ /zad pa gang la 'byung ba med pa de la 'jig pa mi 'thad pas/ de'i phyir zad pa la 'jig pa yod pa ma yin no/ /ma zad pa gang la 'byung ba mi 'thad pa de la yang 'jig pa mi 'thad pas/ de'i phyir ma zad pa la yang 'jig pa med do/ /de ltar dngos po gang @ 081b 'jig pa'i bdag nyid can yin na/ zad pa'i dang can yin pas de la 'byung ba yod pa ma yin pa dang/ ji ste skyes ma thag tu mi 'jig na/ zad pa'i dang can ma yin pas de la yang 'byung ba yod pa ma yin la/ de bzhin du dngos po gang 'jig pa'i bdag nyid can yin na/ zad pa'i dang can yin pas de la 'jig pa yod pa ma yin pa dang/ ci ste skyes ma thag tu mi 'jig na zad pa'i dang can ma yin pas/ de la yang 'jig pa yod pa ma yin pa de'i phyir/ dngos po ni 'jig pa'i bdag nyid can yin yang skyes ma thag tu 'jig par mi 'gyur te/ 'di ltar skyes ma thag tu gnas pa 'byung bar 'gyur zhing de'i 'og tu 'jig par 'gyur bas/ de'i phyir 'jig pa ni 'byung ba med pa yod la/ 'byung ba yang 'jig pa med par yod do/ /zhes gang smras pa de rigs pa ma yin no/ /'dir smras pa/ 'byung ba dang 'jig pa dag ni yod pa kho na yin te/ dngos po'i chos yin pa'i phyir ro/ /'dir bshad pa/ 'byung dang 'jig pa med par ni/ /dngos po yod pa ma yin no/ /'byung ba dang 'jig pa dag med par ni dngos po yod pa ma yin te/ ci'i phyir zhe na/ gang la 'byung ba dang 'jig pa dag med pa de ni rtag pa 'am med pa nyid du 'gyur ba'i phyir te/ de la rtag pa ni 'jig rten na 'ga' yang med la med pa nyid yin na ni de dngos po yod pa ma yin no/ /dngos po yod pa ma yin par/ 'byung dang 'jig pa yod ma yin/ /dngos po yod pa ma yin par 'byung ba dang 'jig pa dag yod pa ma yin te/ ci'i phyir zhe na/ dngos po med na 'byung ba dang 'jig pa dag gzhi med pa'i phyir ro/ /de'i phyir 'byung ba dang 'jig pa dag ni yod pa kho na yin te/ /dngos po'i chos yin pa'i phyir ro/ /zhes gang smras pa de rigs pa ma yin no/ /yang gzhan yang/ stong la 'byung dang 'jig pa dag /'thad pa nyid ni ma yin no/ /mi stong ba la'ang 'byung 'jig dag 'bad pa nyid ni ma yin no/ /'di la gal te 'byung ba dang 'jig pa dag yod pa nyid du gyur na/ de dag dngos po ngo bo nyid stong pa'am mi stong pa la yod par 'gyur grang na/ de la re zhig dngos po yod par gyur pa ma yin pa ngo bo nyid stong pa la ni? 'byung ba dang 'jig pa dag yod pa nyid ma yin te/ ci'i phyir zhe na/ ngo bo nyid stong pa la 'byung ba dang 'jig pa de dag mi 'thad pa'i phyir ro/ /dngos po yod par gyur pa ngo bo nyid mi stong pa la yang 'byung ba dang 'jig pa dag yod pa nyid ma yin te/ ci'i phyir zhe na/ ngo bo nyid kyis mi stong pa nges par gnas pa rnam par 'gyur ba med pa la 'byung ba dang 'jig pa dag mi 'thad pa'i phyir ro/ /yang gzhan yang/ 'byung pa dang ni 'jig pa dag /gcig pa nyid du mi 'thad do/ /'byung ba dang ni 'jig pa dag/ gzhan nyid du yang mi 'thad do/ /'di la gal te 'byung ba dang 'jig pa dag yod par gyur na/ gcig pa nyid dam gzhan nyid du 'gyur grang na/ re zhig gcig pa nyid du ni mi 'thad de/ mi mthun pa'i phyir dper na/ shes pa dang mi shes pa dag bzhin no/ gzhan nyid du yang mi 'thad do/ dngos po gcig la brten pa'i phyir dper na gang yang rung ba'i bdag nyid bzhin no/ /'byung ba dang 'jig pa dag /mthong ngo snyam du khyod sems na/ /'byung ba dang ni 'jig pa dag /gti mug nyid kyis mthong ba yin// ci ste pa rgyal khyod 'di snam du dngos po rnams kyi 'byung ba dang 'jig pa dag mngon sum nyid du mthong bas de la 'thad pa gzhan ci dgos snyam du sems na/ de la bshad par bya ste/ 'byung ba dang 'jig pa dag ni gti mug can mi shes pa phyin ci log dang ldan pas mthong ba yin te/ gang phyin ci log dang ldan pas mthong ba de ni don dam par mthong ba ma yin no/ /yang gzhan yang/ dngos po dngos las mi skye ste/ /dngos med dngos las mi skye'o/ /dngos po dngos med mi skye ste/ /dngos med dngos med mi skye'o/ /'di lag la te 'byung ba dang 'jig pa dngos po la rten pa zhig yod par rtog na/ de la dngos po dngos po las skye ba 'am/ dngos po med pa dngos po las skye ba 'am/ dngos po dngos po med pa las skye ba'am/ dngos po med pa dngos po med pa las skyed? 'gyur grang na/ de la re zhig dngos po ni dngos po las mi skye ste/ dngos po yin pa'i phyir dper na skye ba bzhin no/ /dngos po med pa yang dngos po las mi skye ste?/ skye ba'i snga rol na med pa'i phyir dam/ brjod par bya ba ma yin pa'i phyir dper na de las gzhan pa bzhin no/ /dngos po ni dngos po med pa las mi skye ste/ phyogs gnyi gar bstan pa'i phyir ram/ rgyu med pa las byung bar thal bar 'gyur ba'i phyir ro/ /dngos po med pa yang dngos po med pa las mi skye ste/ rjes su dpag pa dang grags pa'i gnod par 'gyur pa'i phyir ro/ /gang gi phyir de ltar rnam pa thams cad du dngos po skye ba mi 'bad pa de'i 'byung ba dang 'jig pa dag dngos po la rten par mi 'thad do/ /yang gzhan yang/ dngos po bdag las mi skye ste/ gzhan las skye ba nyid ma yin/ /bdag dang gzhan las skye ba ni/ /yod min ji ltar skye bar 'gyur/ /'di la gal te dngos po skye bar 'gyur na/ de bdag las sam/ gzhan las sam/ gnyi ga las skye bar 'gyur grang na/ de la re zhig dngos po ni bdag las skye ba med de/ rang gi bdag nyid kyis yod pa la bde? skye bar? brtag pa don med pa nyid du 'gyur ba'i phyir dang/ thug pa med par thal bar 'gyur ba'i phyir ro/ /dngos po ni gzhan las kyang skye ba med de/ dngos po ma skyes shing med pa las gzhan mi 'thad ba'i phyir ro/ /dngos po ni bdag dang gzhan las kyang ? med de/ ji skad bstan pa'i skyon de gnyi gar thal bar 'gyur ba'i phyir ro/ /de ltar dngos po gang bdag dang gzhan dang gnyi ga las skye ba med pa de/ de rnam pa gzhan gang las ji ltar skye bar 'gyur te/ de lta bas na dngos po skye ba mi 'thad do/ /dngos po yod pa ma yin na/ /'byung ba dang 'jig pa dag gzhi med pas yod par mi 'thad do/ /yang gzhan yang/ dngos po yod par khas blangs na/ /rtag dang chad par lta bar ni/ /thal bar 'gyur te dngos de ni/ /rtag dang? mi rtag 'gyur phyir ro/ /dngos po yod par khas blangs na/ /rtag pa dang chad par lta bar thal bar 'gyur te/ ci'i phyir zhe na/ dngos po de ni rtag pa dang mi rtag par 'gyur ba'i phyir te/ de la re zhig gal te dngos po de rtag na ni mi 'jig pa'i phyir rtag par lta bar 'gyur la/ mi rtag na ni 'jig pa'i phyir chad par lta bar thal bar 'gyur bas/ de yang mi 'dod de skyon che ba'i phyir ro/ /'dir smras pa/ dngos po yod par khas blangs kyang/ /chad par mi 'gyur rtag mi 'gyur/ /ci'i phyir zhe na/ 'di ltar/ 'bras bu rgyu yi 'byung 'jig gi /rgyun de srid pa yin phyir ro/ /de la rgyu 'gag bzhin pa las 'bras bu skyo ba'i phyir chad par mi 'gyur la/ 'bras bu skyes ba na rgyu 'gags pa'i phyir rtag par mi 'gyur ro/ /'dir bshad pa/ gal te 'bras rgyu'i 'byung 'jig gi / rgyun de srid pa yin gyur na/ /'jig la yang skye med pa'i phyir/ /rgyu ni chad par thal bar 'gyur/ /gal te 'bras bu dang rgyu ni 'byung ba dang 'jig pa'i rgyun gang yin par gyur na/ de lta na 'jig pa la yang skye ba med pa'i phyir rgyun chad par thal bar 'gyur te/ dper na sa bon tshig pa bzhin no/ /yang gzhan yang/ /dngos po ngo bo nyid yod na/ /dngos med 'gyur bar ma rigs so/ /bum pa'i dngos po bum pa'i ngo bo nyid kyis yod na/ dngos po med par 'gyur bar mi rigs ste/ ci'i phyir zhe na/ ngo bo nyid ni gzhan du mi 'gyur pa'i phyir ro/ /de lta bas na dngos por lta ba yod na/ rgyu yang 'gag par mi 'thad la/ /'bras bu yang skye bar mi 'thad de skye ba dang 'gag pa dag ni 'gyur ba yin pa'i phyir ro/ /de lta na yang de la rtag par lta bar thal bar 'gyur bas de ni mi 'dong ngo/ /yang gzhan yang/ mya ngan 'das pa'i dus na chang/ /srid rgyun rab tu zhi phyir ro/ /gal te srid pa'i rgyun yod par 'dod na de ltar na mya ngan las 'das pa'i dus na chad par lta bar thal bar 'gyur te/ ci'i phyir zhe na/ mya ngan las 'das pa'i dus na dgra bcom pa'i srid ba'i rgyun rab tu zhi ba'i phyir ro/ /de lta bas na srid pa'i rgyun yod par rtog na yang rtag pa dang chad par lta bar thal bar 'gyur ro/ /'dir smras pa/ mya ngan las 'das pa'i dus na chad par gyur na/ gyur kyang bla ste/ srid pa'i rgyun nyid mtshams sbyor ba yod pas chad par lta bar thal ba'i mi 'gyur ro/ /'dir bshad pa/ tha ma 'gags par gyur pa ni/ /srid pa dang po sbyor mi 'gyur/ /tha ma 'gags par ma gyur pa/ /srid pa dang por sbyong mi 'gyur/ /'di la srid pa tha ma ni 'chi ba'i char gtogs pa'i sems tha ma yin la/ srid pa dang po ni skye ba'i char gtogs pa'i sems dang po yin no/ /de la gal te srid pa'i rgyun nyid mtshams sbyor ba zhig yod na/ srid pa tha ma 'gags pa 'am/ ma 'gags pa zhig srid pa dang po dang nyid mtshams sbyor bar 'gyur grang na/ de la de shig srid pa tha ma 'gags par gyur pa mi srid pa dang po dang nyid mtshams sbyor bar mi 'gyur te/ ci'i phyir zhe na/ 'gags pa nyid yin pa'i phyir ram/ srid pa tha ma yin pa'i phyir dper na dgra bcom pa'i srid pa tham 'gags pa bzhin no/ /srid pa tha ma 'gags par ma gyur pa yang srid pa dang bo dang nyid mtshams sbyor bar mi 'gyur te/ ci'i phyir zhe na/ ma 'gags pa nyid yin pa'i phyir dper na de ltar gyi srid pa bzhin no/ /'dir smras pa/ srid pa tha ma 'gags pa dang ma 'gags pa srid pa dang po dang nyid? mtshams? sbyor ba med kyang srid pa tha ma 'gags bzhin pa srid pa dang po dang nyid mtshams sbyor ro/ /'dir bshad pa/ gal te tha ma 'gags bzhin pa/ /dang por skye bar gyur na ni/ /'gag bzhin pa ni gcig 'gyur zhing/ /skye? bzhin pa yang gzhan du 'gyur/ /gal te srid pa tha ma 'gag bzhin pa srid pa dang po dang nyid mtshams sbyor bar gyur na/ de lta na srid de gnyis su thal bar 'gyur te/ ci'i phyir zhe na/ 'gag bzhin pa ni gcig tu 'gyur zhing/ skye bzhin pa yang gzhan du 'gyur ba'i phyir te/ rgyu tha dad pa'i srid pa bzhin pas de ni mi 'dod do/ /'dir smras pa/ 'di la 'gags bzhin pa zhes bya ba de gnyis dus gcig na yod pa ma yin gyi/ 'di ltar srid pa tha ma 'gags bzhin pa na srid pa dang po skye'o/ /'dir bshad pa/ gal te 'gags bzhin skye bzhin dag / lhan cig sbyor ba'ang yod min na/ /phung po gang la 'chi 'gyur ba/ /der ni skye ba'ang 'byung bar 'gyur/ /gal te 'gag bzhin pa dang skye bzhin pa zhes bya ba de gnyis dus gcig na yod pa ma yin gyi/ 'di ltar srid pa tha ma 'gags bzhin pa na/ srid pa dang po skye ba yin na/ 'o nang de lta na phung po gang dag la 'chi bar 'gyur ba de dag nyid la skye ba yang 'byung bar thal bar 'gyur te/ ci'i phyir zhe na/ phung po gang dag 'gags bzhin pa de dag nyid la skye bzhin pa yod par 'dod pa'i phyir ro/ /de lta na 'chi ba dang skye ba mi mthun pa gnyis phung po gcig la dus gcig tu 'byung bar 'gyur bas/ de ni mi 'dod de/ de'i phyir 'di la 'gag bzhin pa dang skye bzhin pa zhes bya ba de gnyis dus gcig na yod pa ma yin gyi/ 'di ltar srid pa tha ma 'gags bzhin pa na/ srid pa dang po skye'o zhes gang smras pa de rigs pa ma yin no/ /de ltar dus gsum dag tu yang/ /srid pa'i rgyun ni mi rigs te/ /dus gsum dag tu gang med pa/ /de ni ji ltar srid pa'i rgyun/ /de ltar yongs su brtags na/ dus gsum dag tu yang srid pa'i rgyun mi rigs na/ dus gsum dag tu rnam pa thams cad du brtags na/ gang med pa de ji ltar srid pa'i rgyun yin te sa bon tshig pa bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ 'byung ba dang 'jig pa brtag pa zhes bya ba ste/ rab tu byed pa nyi shu gcig pa'o// //bam po drug pa/ /'dir smras pa/ dngos po rnams ni ngo bo nyid yod pa kho na yin te/ de bzhin gshegs pa dgra bcom pa yang dag par rdzogs pa'i sangs rgyas 'jig rten gyi gtso bo 'jig rten thams cad snang bar mdzad pa ston pa bstan pa rab tu gnas par mdzad pa yod pa bzhin no/ /'dir bshad ba/ sku min sku las gzhan ma yin/ /de la sku med der de med/ /de bzhin gshegs pa sku ldan min/ /de bzhin gshegs pa gang zhig yin/ /'di la gal te de bzhin gshegs pa zhes bya ba 'ga' zhig yod par gyur na/ de phung po rnams nyid dam/ phung po rnams las gzhan nam/ de la phung po rnam la yod pa 'am/ phung po rnams la de yod pa 'am/ de phung po rnams dang ldan pa zhig yin grang na/ de la re zhig de bzhin gshegs pa phung po rnams nyid ma yin te/ gal te de bzhin gshegs pa phung po rnams yin par gyur na/ 'byung ba dang 'jig pa'i chos can yin pa'i phyir mi rtag pa nyid dang/ nye bar len pa dang bcas pa nyid du thal bar 'gyur bas/ de lta ma yin te/ de'i phyir de bzhin gshegs pa phung po rnams nyid ma yin no/ /de bzhin gshegs pa phung po rnams las gzhan pa yang ma yin te/ gal te de bzhin gshegs pa phung po rnams las gzhan yin par gyur na 'phyung ba dang 'jig pa'i chos can ma yin pa'i phyir rtag pa la sogs pa'i skyon du thal bar 'gyur ba dang/ gzhan yin na mig la sogs pa'i dbang po rnams kyis gzung du yod par 'gyur bar rigs na/ de lta ma yin pas de'i phyir de bzhin gshegs pa phung po rnams las gzhan ma yin no/ /de bzhin gshegs pa la phung po rnams yod pa ma yin te/ gal te de bzhin gshegs pa la phung po rnams yod par 'gyur na/ ji ltar gang la sman dang 'o ma la sbrang bu yod pa bzhin du/ de la phung po rnams gzhan nyid du gsal bar dmigs par 'gyur ba dang/ gzhan nyid yin na skyon sngar bstan pa dag tu 'gyur bas de lta ma yin te/ de'i phyir de bzhin gshegs pa la phung po rnams yod pa ma yin no phung po rnams la yang de bzhin gshegs pa yod pa ma yin te/ gal te phung po rnams pa de bzhin gshegs pa yod par gyur na/ ji ltar 'dug nas gzhan na/ bram ze dang khye'u la ltad mo pa dang/ phru rtog na 'o ma yod pa bzhin du/ /phung po rnams la de bzhin nyid du gsal bar dmigs par 'gyur ba dang/ gzhan nyid yin na sngon sngar bstan pa dag tu 'gyur bas de lta ma yin te/ /de'i phyir phung po rnams la de bzhin gshegs payod pa ma yin no/ /de bzhin gshegs pa phung po rnams dang ldan pa ma yin te/ gal te de bzhin gshegs pa phung po rnams dang ldan par gyur na/ ji ltar ba lang dang ldan pa dang nor dang ldan pa bzhin du/ de la phung po rnams gzhan nyid du gsal bar dmigs par 'gyur ba dang/ gzhan nyid yin na skyon sngar bstan pa dag tu 'gyur bas de lta ma yin te/ de'i phyir de bzhin gshegs pa phung po rnams dang ldan pa ma yin no/ /de ltar rnam pa lngas btsal na yod pa ma yin pa'i de bzhin gshegs pa de gang zhig yin te/ de'i phyir dngos po rnams yod pa kho na yin te/ de bzhin gshegs pa yod pa bzhin no zhes gang smras pa de rigs pa ma yin no/ /'dir smras pa / de bzhin gshegs pa brtag par dag gis btsal na med du zin kyang phung po rnams la brten nas gdags par yod do/ /'dir bshad pa/ gal te sangs rgyas phung po la/ /brten nas ngo bo nyid las med/ /gal te de bzhin gshegs pa phung po la brten nas gdags par 'dod na/ /'o nad de lta na ngo bo nyid las yod pa ma yin no/ /'dir smras pa/ de ngo bo nyid las yod pa ma yin yang gzhan gyi dngos po las yod do/ /'dir bshad pa/ ngo bo nyid las gang med pa/ /de gzhan dngos las ga la yod/ /gal te ngo bo nyid las gang med pa de gzhan gyi dngos po las yod par ga la 'gyur te/ ci'i phyir zhe na/ gzhan gyi dngos po de la yang ngo bo nyid med pa'i phyir dang/ gnyen po med pa'i phyir gzhan gyi dngos po mi bzad pas de'i phyir de bzhin gshegs pa ngo bo nyid las med pa gang yin pa de ci'i phyir gzhan gyi dngos po las yod par 'gyur/ 'dir smras pa/ de ni nye bar len pa gzhan du gyur pa la brten nas gdags pa yin no/ /'dir bshad pa/ gang zhig gzhan gyi dngos brten nas/ /de bdag nyid du mi 'thad do/ /gang zhig gzhan gyi dngos po la brten nas gdags par bya ba de ni/ bdag nyid yod do zhes brjod par mi 'thad de/ ci'i phyir zhe na/ rang las ma grub pa'i phyir ro/ /gang zhig bdag nyid med pa de/ /ji ltar de bzhin gshegs par 'gyur/ /de bzhin gshegs pa gang zhig rang gi bdag nyid med pa de/ de nye bar len pa gzhan du gyur pa la brten nas gdags par bya bas ji ltar de bzhin gshegs par 'gyur/ yang gzhan yang/ gal te ngo bo nyid med na/ gzhan dngos yod par ji ltar 'gyur/ /gal te de bzhin gshegs pa ngo bo nyid med na/ de la gzhan gyi dngos po yod par ji ltar 'gyur te/ de med na de bzhin gshegs pa gzhan gyi dngos po las brten nas 'grub par 'gyur ba yang yod pa ma yin no/ /'dir smras pa/ de bzhin gshegs pa'i no bo nyid nges par ma zin kyang yod pa'i phyir de bzhin gshegs pa 'grub bo/ /'dir bshad pa/ ngo bo nyid d+dng gzhan dngos dag /ma gtogs de bzhin gshegs de gar/ /ngo bo nyid dang gzhan gyi dngos po dag ma gtogs par de bzhin gshegs pa de gang yin pa dang/ /gang gis gdags par bya ba gzhan yod pa ma yin no/ /'dir smras pa/ de bzhin gshegs pa ni phung po rnams la brten nas gdags par bya ba nyid yin te/ de ni de nyid dang gzhan nyid du brjod par bya ba ma yin pas/ phung po rnams kyi ngo bo nyid kyang ma yin bla gzhan gyi ngo bo nyid kyang ma yin no/ /'dir bshad pa/ gal te phung po ma brten par/ /de bzhin gshegs pa 'ga' yod na/ /de ni da gdod rten 'gyur zhing/ /brten nas de la 'gyur la rab/ /'di la gal te de bzhin gshegs pa phung po rnams la brten nas gdags par bya ba nyid yin na/ de de bzhin gshegs pa 'am/ de bzhin gshegs pa ma yin pa zhig de bzhin gshegs pa'i phung po rnams brten nas gdags par bya ba nyid yin grang na/ de la gal te de bzhin gshegs pa yin na ni/ de de la brten pa don med pa nyid do/ /'o na de bzhin gshegs pa ma yin na ni de lta na yang gal te phung po rnams la ma brten pa'i snga rol na de bzhin gshegs pa bdag nyid gzhan gyis gnas pa 'ga' zhig yod na ni de da gdod phung po rnams la brten par 'gyur zhing brten nas de las de bzhin gshegs par 'gyur la rag go / 'dir smras pa/ de ltar 'gyur ro/ /'dir bshad pa/ phung po rnams la ma brten par/ /de bzhin gshegs pa 'ga' yang med/ /gang zhig ma brten yod min pa/ /des ni ji ltar nyer len 'gyur/ /phung po rnams lam brten par de bzhin gshegs pa 'ga' yang mi 'thad de/ gang phung po rnams la ma brten par yod pa ma yin pa des ji ltar phung po rnams nye bar len par 'gyur te/ de bzhin gshegs pa ma yin pa'i phyir/ dper na de las gzhan bzhin no/ /'dir smras pa/ 'khor ba la thog ma dang tha ma med pa'i phyir dang/ de bzhin gshegs pa yang nyid dang gzhan nyid du brjod par bya ba ma yin pa'i phyir nye bar len pa po dang nye bar blang ba dag la snga phyi med pas de dag brten nas gdags par bya ba nyid yin no/ /'dir bshad pa/ nye bar blangs pa ma yin pa/ /nye bar len par cir mi 'gyur/ /nye bar len pa med pa yi/ /de bzhin gshegs pa ci yang med/ /gal te 'khor ba la thog ma dang tha ma med pas nye bar len pa po dang/ nye bar blang ba dag la snga phyi yod par mi 'thad na/ de bzhin gshegs pa ni nye bar len pa po yin la/ phung po rnams ni nye bar blang ba yin no zhes bya ba de yang mi 'thad de/ ci'i phyir zhe na/ 'di la nye bar blang ba yin pas/ nye bar len pa zhes bya la nye bar len par byed pas nye bar len pa po zhes bya ba yin na/ 'khor ba la thog ma dang tha ma med pas 'di na nye bar blang pa'o/ /'di ni nye bar len par byed pa'o/ /zhes bya ba de dag mi 'thad pa'i phyir/ nye bar len pa pos nye bar blangs pa ma yin pa yang nye bar len par mi 'gyur la/ nye bar len pa med pa yang nye bar len pa po de bzhin gshegs pa zhes bya bar mi 'gyur ba'i phyir ro/ /'dir smras pa/ de bzhin gshegs pa ni yod pa kho na yin te/ nye bar len pas gdags par bya ba yin pa'i phyir ro/ /'dir bshad pa/ rnam pa lngas ni btsal byas na/ /gang zhig de nyid gzhan nyid du/ /med pa'i de bzhin gshegs pa de/ /nye bar len pas ji ltar gdags/ /'di la gal te de bzhin gshegs pa nye bar len pas gdags par bya zhig yod par gyur na/ de nye bar len pa las de nyid da/ gzhan nyid du 'gyur grang na/ rnam pa ldas btsal na gang zhig de nyid dang gzhan nyid du med pa'i de bzhin gshegs pa de nye bar len pas ji ltar gdags par bya ste/ de'i phyir de yang rigs pa ma yin no/ /'dir smras pa/ nye bar len pa po ni yod pa kho na yin te/ nye bar blang ba yod pa'i phyir ro/ /'dir bshad pa/ gang zhig nye bar blang ba de/ /de ni ngo bo nyid las med/ /nye bar blang ba gang yod do snyam du sems dpa' de yang rten cing 'brel bar 'gyur ba'i phyir ngo bo nyid las yod pa ma yin no/ /'dir smras pa/ nye bar blang ba de ni ngo bo nyid las yod pa ma yin yang gzhan gyi dngos po las yod do/ /'dir bshad pa/ bdag gi dngos las gang med pa/ /de gzhan dngos las yod re skan/ /nyebar len pa gang bdag gi dngos po las med pa de gzhan gyi dngos po las yod par 'gyur re skan te/ ci'i phyir zhe na/ bdag gi dngos po yod pa ma yin pas/ gzhan gyi dngos po yang med pa'i phyir ro/ /yang bshad pa/ bdag ces bya ba brten nas yin/ rnam lnga'i lnga rol nyer len med/ /ma brten nye bar len pa ni/ 'ga' yang ji ltar yod mi 'gyur/ /nye bar blang ba de yang ni/ /nyer len re yi snga rol na/ /nye bar blang ba yod min na/ /nyer len ji ltar yod par 'gyur/ /nyer len nye bar blang de la/ brten pa yod min ma brten med/ /nyer len nye bar blang las min/ /nyer blang min las yod ma yin/ /nyer blang nye bar len pa'i min/ /nyer len min pa'i ma yin te/ /de ni nyer len brten pa min/ /nyer len min la rten ma yin/ /nyer len 'grub pa gang yin pa// nye bar blang las gyur yin na/ /de grub med na nyer len pa'i/ /'grub pa ji ltar yod par 'gyur/ /gal te nyer len 'grub 'gyur ba'i/ /nye bar blang ba ma grub na/ /nyer len grub pa yod min pas/ /nye bar blang ba'i byed pa med/ /de ltar nyer blang nyer en pa/ /rnam pa kun gyis stong pa yin/ /stong pas de bzhin gshegs stong pa/ /ji lta bur na 'dogs par 'gyur/ /de ltar gang gi phyir nye bar blang ba dang nye bar len pa po dag ngo bo nyid dang gzhan gyi dngos po dang de nyid dang gzhan nyid la sogs pa rnams kun gyis srong pa de'i phyir/ don dam pa'i de kho na mthong ba dag nye bar blang ba dang nye bar len pa po rtogs pa de lta bu des de bzhin gshegs pa yod do zhes 'dogs par mi 'gyur ro/ /de lta bas na brten nas gdags par bya ba'i don ni rnam pa thams cad du stong pa nyid yin pa'i phyir ngo bo nyid dang gzhan gyi dngos po dang de nyid dang gzhan nyid la sogs par brjod par bya ba ma yin no/ /'dir smras pa/ ci 'o na da stong ngo zhes bya ba de nges pa yin nam/ 'dir smras pa/ stong ngo zhes kyang mi brjod de/ /mi stong zhes kyang mi bya zhing/ gnyis dang/ gnyis min mi bya ste/ /gdags pa'i don du brjod par bya/ /stong ngo zhes kyang brjod par mi bya mi stong ngo zhes kyang brjod par mi bya stong ba dang mi stong pa zhes kyang brjod bar mi bya/ stong pa yang ma yin mi stong pa yang ma yin zhes kyang brjod par mi bya ste/ mi mthun pa'i phyogs tsam bsal ba la 'jug pa'i phyir ro/ /yang dag pa ma yin pa'i rtog pa'i dri ma bkru ba'i phyir dang don dam pa'i de kho na gdags pa'i don du ni de dag brjod par bya'o/ /'dir smras pa/ gal te de bzhin gshegs pa ngo bo nyid dang gzhan gyi dngos po las kyang yod pa ma yin na/ ci'i phyir rtag pa dang mi rtag pa la sogs pa dang mdza' dang mdza' med pa la sogs par brjod par bya ba ma yin zhe na/ 'dir bshad pa/ /rtag dang mi rtag la sogs bzhi/ /zhi ba 'di la ga la yod/ /mdza' dang mdza' med la sogs bzhi/ /zhi ba 'di lag la yod/ /de bzhin gshegs pa ngo bo nyid kyis ma skyes pa zhi ba 'di la rtag pa dang mi rtag pa dang rtag kyang rtag la mi rtag kyang mi rtag pa dang/ rtag pa yang ma yin mi rtag pa yang ma yin zhes bya ba sngon gyi mdza' la brten pa'i lta ba bzhi po de dag dang/ mdza' yod pa dang mdza' med pa dang mdza' yod kyang yod la med kyang med pa dang/ mdza' yod pa yang ma yin mdza' med pa yang ma yin pa zhes bya ba phyi ma'i mdza' la brten pa'i lta ba bzhi po de dag ga la yod de/ don dam par de bzhin gshegs pa skye ba med pa'i phyir ro// 'dir smras pa/ /de bzhin gshegs pa ni yod pa kho na yin te/ mya ngan las 'das nas med do/ /zhes lung du ma bstan pa'i phyir ro/ /'dir bshad pa/ gang gis 'dzin sdug bzung gyur pa/ /de ni mya ngan 'das pa la/ /de bzhin gshegs pa yod ce 'am/ /med ces rnam rtog rtog par byed/ /rnam par rtog pa rnam pa sna tshogs la goms pa'i bag chags kyis bsgos pa'i blo gros can gang gis 'di nyid bden gyi gzhan ni don med ba'o/ /snyam du 'dzin pa stug po bzung bar gyur pa de ni mya ngan las 'das pa la/ de bzhin gshegs pa mya ngan las 'das nas yod do ci 'am/ de bzhin gshegs pa mya ngan las 'das nas med ce 'am/ de bzhin gshegs pa mya ngan las 'das nas yod kyang yod la/ med kyang med ce 'am/ de bzhin gshegs pa mya ngan las 'das nas yod pa yang ma yin med pa yang ma yin zhes bya ba mya ngan las 'das pa la brten pa'i lta ba bzhi po dag tu rnam par rtog pa la rtog par byed do/ /ngo bo nyid kyis stong de la/ /sangs rgyas mya ngan las 'das nas ni/ yod do zhe 'am med do zhes/ /bsam pa 'thad pa nyid mi 'gyur yang dag pa'i ye shes kyi mig bye ba dag la ni mya ngan las 'das pa la de bzhin gshegs pa mya ngan las 'das nas yod ce 'am/ de bzhin gshegs pa mya ngan las 'das nas med ce 'am/ de bzhin gshegs pa mya ngan las 'dad nas yod kyang yod la med kyang med ce 'am/ de bzhin gshegs pa mya ngan las 'das nas yod pa yang ma yin/ med pa yang ma yin zhes bya ba mya ngan las 'das pa la brten pa'i lta ba bzhi po de dag gi bsam pa 'thad pa nyid du mi 'gyur te/ rnam par rtog pa'i blo yul med pa la skye bar mi 'gyur ba'i phyir ro/ /gang dag sangs rgyas spros 'das shing/ /zad pa med pa spros byed pa/ /spros pas nyams pa de kun gyis/ /de bzhin gshegs pa mthong mi 'gyur/ /gang dag sangs rgyas bcom ldan 'das/ spros pa las 'das shing zad pa med pa la/ yod pa dang med pa dang rtag pa dang mi rtag pa dang gzugs kyi sku dang chos kyi sku dang gsung rab kyi sku dang/ mtshan nyid dang mtshan nyid kyi gzhi dang rgyu dang 'bras bu dang blo dang rtogs par bya ba dang/ stong pa dang mi stong pa la sogs pa'i spros pa dag gis spros par byed pa dang/ rtog par byed pa dang rlom sems su byed pa dang spros pas blo gros kyi mig nyams pa de dag thams cad kyi dmus long gis nyi ma bzhin du/ de bzhin gshegs pa spros pa las 'das shing/ zad pa med pa chos kyi sku las mthong par mi 'gyur ro/ /de bzhin gshegs pa'i dngos nyid gang/ /de ni 'gro ba'i ngo bo nyid/ /de bzhin gshegs pa'i dngos nyid med/ /'gro 'di ngo bo nyid med do/ /gang gi phyir de ltar yongs su brtags na/ de bzhin gshegs pa ngo bo nyid med pa de'i phyir/ /de bzhin gshegs pa'i ngo bo nyid gang yin pa de ni/ sems can dang 'du byed kyi 'gro ba 'di dag gi ngo bo nyid kyang yin no/ /de bzhin gshegs pa'i ngo bo nyid gang yin zhe na/ bshad pa/ de bzhin gshegs pa'i ngo bo nyid med de/ 'gro ba 'di dag kyang ngo bo nyid med par mnyam pa yin gyi/ yon tan gyi mnyam pa ni ma yin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa sha las 'jigs med las/ de bzhin gshegs pa brtag pa zhes bya ba ste/ rab tu byed pa nyi shu gnyis pa'o/ //'dir smras pa/ 'dod chags zhe sdang gti mug rnams/ /kun tu rtogs las 'byung bar gsungs/ /sngag dang mi sdug phyin ci log/ brten pa nyid las kun tu 'byung/ /'di la 'dod chags dang zhe sdang dang gti mug rnams ni kun tu rtog pa las 'byung bar mdo sde dag las rgya cher gsungs te/ de dag kyang sdug pa dang mi sdug pa'i phyin ci log las brten pa nyid las kun tu 'byung bas/ de'i phyir 'dod chags dang zhe sdang dang gti mug rnams ni yod pa yin no/ /'dir bshad pa/ gang dag sdug dang mi sdug pa'i/ /phyin ci log la rten 'byung ba/ /de dag ngo bo nyid las med/ /de phyir nyon mongs yang dag med/ /'dod chags dang zhe sdang dang gti mug la sogs pa/ nyon mongs pa gang dag sdug pa dang ma sdug? pa'i phyin ci log la brten nas 'byung ba de dag ni ngo bo nyid las med pa de'i phyir nyon mongs pa rnams yang dag par yod pa ma yin no/ /yang gzhan yang/ bdag gi yod nyid med nyid du/ /ji lta bur yang 'grub pa med/ /de med nyon mongs rnams kyi ni/ /yod nyid med nyid ji ltar 'grub/ /'di la gal te 'dod chags la sogs pa nyon mongs pa rnams kyi rten bdag ces bya ba yod na ni/ de la brten pa nyon mongs pa rnams kyang yod par rtag tu rung na/ bdag gi yod pa nyid dang med pa nyid ni rnam pa gang gis kyang ji lta bur yang 'grub pa med de/ bdag de med na nyon mongs pa rnams kyi yod pa nyid ji ltar 'grub par 'gyur te/ mi 'grub po/ ci'i phyir zhe na/ nyon mongs de dag gang gi yin/ /de yang 'grub pa yod ma yin// gal te gang med ci zhig yod/ /nyon mongs cung zad yod ma yin/ nyon mongs pa de dag bdag gang gi yin pa'i bdag de yang rnam pa thams cad du 'grub pa yod pa ma yin te/ gal te bdag gang yang med na/ nyon mongs pa ci zhig yod de/ nyon mongs pa chung zad kyang yod pa ma yin pa'i phyir ro/ ci ste 'di snyam du bdag gang yang med par nyon mongs pa rnams yod par sems na? de la bshad par bya ste/ rang lus lta bzhin nyon mongs rnams/ /nyon mongs can la rnam lngar med/ /rang lus lta bzhin nyon mongs can / nyon mongs pa la rnam lngar med/ /ji ltar rang gi lus la lta ba phung po rnams la rnam pa lngar yod pa ma yin pa de bzhin du/ nyon mongs pa rnams nyon mongs pa can gyi sems la rnam pa lngar yod pa ma yin no/ /ji ltar rang gi lus la lta ba phung po rnams la rnam pa lngar yod pa de bzhin du/ nyon mongs pa can gyi sems kyang nyon mongs pa rnams la rnam par lngar yod pas yin no/ yang gzhan yang/ sdug dang mi sdug phyin ci log /ngo bo nyid las yod min na/ /sdug dang mi sdug phyin ci log /brten nas nyon mongs gang dag yin/ /gang gi tshe sdug pa dang mi sdug pa'i phyin ci log dag ngo bo nyid las yod pa ma yin no/ /de'i tshe phyin ci log rnams yang dag pa ma yin no/ /gang yang dag pa ma yin pa de ni ngo bo nyid las yod pa ma yin te/ de dag ngo bo nyid las yod pa ma yin na/ de dag la brten nas nyon mongs pa gang dag 'byung ngo zhes bya ba de dag ji ltar yod par 'gyur/ 'dir smras pa/ gzugs sgra ro dang reg pa dang/ /dri dang chos dag rnam drug ni/ /gzhi ste 'dod chags zhe sngar dang/ /gti mug gi de ni rnam par brtag/ gzugs dang sgra dang dri dang ro dang reg dang chos rnam pa drug ni 'dod chags dang zhe sdang dang gti mug go gzhi yin par rnam par brtag ste/ gzhi de la brten nas sdug pa dang mi sdug pa'i phyin ci log dag 'byung zhing sdug pa dang mi sdug pa'i phyin ci log dag la brten nas/ 'dod chags dang zhe sdang dang gti mug rnams 'byung ngo/ /'dir bshad la/ gzugs sgra ro dang reg pa dang/ /dri dang chos dang 'ba' zhig pa/ /dri za'i grong khyer lta bu dang/ smig rgyu rmi lam 'dra ba yin/ /sgyu ma'i skyes bu lta bu dang/ /gzugs brnyan 'dra ba de dag la/ /sdug pa dang ni mi sdug pa/ /'byung bar yang ni ga la 'gyur/ /gzugs dang sgra dang dri dang ro dang reg dang chos dag ni 'ba' zhig pa bral ba ci yang med pa ma 'dres pa ngo bo nyid med pa ste/ dri za'i grong khyer lta bu dang/ /smig rgyu dang rmi lam 'dra ba yin pas/ /sgyu ma'i skyes bu lta bu dang gzugs brnyan 'dra pa de dag la sdug pa dang mi sdug pa 'byung bar ga la 'gyur/ yang gzhan yang/ gang la rten nas mi sdug pa/ /mi sdug par ni gdags bya ba/ /sdug pa ma bltos yod min pas/ /de phyir sdug par 'thad ma yin/ /sdug pa gang la brten nas sdug pa dang mi sdug par gdags par bya ba'i sdug pa de mi sdug pa lam bltos pa'i snga rol na yod pa ma yin pas de'i phyir sdug pa 'thad pa ma yin no/ /gang la brten nas sdug pa ni/ /sdug pa zhes ni gdagS bya ba/ /mi sdug ma bltos yod min pas/ /de phyir mi sdug 'thad ma yin/ /mi sdug pa gang la rten nas sdug pa gang sdug par gdags par bya ba'i mi sdug pa la ma bltos pa'i snga rol na yod pa ma yin pas de'i phyir mi sdug pa 'thad pa ma yin no/ /sdug pa yod pa ma yin na/ /'dod chags 'byung bar ga la 'gyur/ /mi sdug yod pa ma yin na/ /zhe sdang 'byung bar ga la 'gyur/ /sdug pa dang mi sdug pa de dag yod pa ma yin na/ /'dod chags dang zhe sdang dag 'byung bar ga la 'gyur? te/ de dag med pa'i phyir gti mug kyang med de/ de dag med pa kho nas de yang yod pa ma yin par grub bo/ /'dir smras pa/ sdug pa dang mi sdug pa'i phyin ci log dag ni yong pa kho na yin te/ mdo sde las rtag pa la sogs pa'i phyin ci log bzhi yod par gsungs pa'i phyir ro/ /de dag yod pa'i phyir phyin ci log tu gyur pa yang yod de/ de la gang mi rtag pa la rtag pa zhes 'dzin pa de ni phyin ci log yin la/ gang mi rtag pa la mi rtag pa zhes 'dzin par phyin ci log ma yin te/ lhag ma rnams la yang de bzhin no 'dir bshad pa/ gal te mi rtag rtag pa zhes/ /de ltar 'dzin pa log yin na/ /stong la rtag pa yod min pas/ /'dzin pa ji ltar log ma yin/ /gal te mi rtag pa la rtag pa zhes de ltar 'dzin pa phyin ci log yin no/ /snyam du sems na/ de la bshad par bya ste/ ngo bo nyid stong pa la rtag pa cung zad kyang yod pa ma yin pas/ de med na de ltar 'dzin pa ji ltar phyin ci log ma yin par 'gyur te/ de ni phyin ci log yin no/ /lhag ma rnams la yang de bzhin no/ /gal te mi rtag mi rtag ces/ /de ltar 'dzin pa log min na/ /stong la mi rtag yod min pas/ /'dzin pa ji ltar log ma yin/ /gal te mi rtag pa la mi rtag pa zhes de ltar 'dzin pa phyin ci log ma yin no snyam du sems na/ de la bshad par bya ste/ ngo bo nyid stod pa la mi rtag pa cung zad kyang yod pa ma yin pas de med na de ltar 'dzin pa ji ltar phyin ci log ma yin te/ de yang phyin ci log yin no/ /lhag ma rnams la yang de bzhin no/ /'dir smras pa/ 'dzin pa ni yod pa kho na yin te/ de 'dzin par byed pa dang/ de 'dzin pa po dang/ gzung ba dag yod pa'i phyir ro/ 'dir bshad pa/ gang gis 'dzin dang 'dzin gang dang/ /'dzin pa po dang gang gzung ba/ /thams cad nye bar zhi ba ste/ /de phyin 'dzin pa yod ma yin/ /gang gis 'dzin pa ni byed par gyur pas so/ /'dzin pa gang yin pa ni dngos por gyur pa'o/ /'dzin pa po gang yin pa ni byed pa por gyur pa'o/ /gang gzung ba ni las su gyur pa'o/ /de dag thams cad nye bar zhi ba ni ngo bo nyid las nye bar zhi ba ste/ de dag ji ltar ngo bo nyid las nye bar zhi ba de ltar ni de bzhin gshegs pa brtag par rgyas par bstan zin pas/ de'i phyir 'dzin pa yod pa ma yin no/ /'dir smras pa/ phyin ci log rnams ni yod pa kho na yin te/ de dang ldan pa yod pa'i phyir ro/ /'dir bshad pa/ log pa 'am yang dag nyid du ni/ /'dzin pa yod pa ma yin na/ /gang la phyin ci log yod cing/ /gang la phyin ci ma log yod de ltar phyin ci log gam phyin ci ma log pa nyid du 'dzin pa de yod pa ma yin na/ gang la phyin ci log yod cing gang la phyin ci ma log pa yod de/ rnam par mi rtog pa'i shes rab kyi spyod pa la gnas pa la rtag dang mi rtag pa la sogs par shes pa kun tu mi 'byung ba'i phyir ro/ /yang gzhan yang/ phyin ci log tu gyur pa la/ /phyin ci log dag mi srid do/ /phyin ci log tu ma gyur la/ /phyin ci log dag mi srid do/ /phyin ci log tu 'gyur bzhin la/ /phyin ci log dag mi srid do/ /phyin ci log tu gyur pa la/ /phyin ci log dag mi srid cing/ /phyin ci log tu ma gyur pa'ang mi srid/ /phyin ci log tu 'gyur bzhin pa la yang mi srid de/ ji ltar mi srid pa de ltar ni/ song ba dang ma song ba dang bgom pa brtag pa'i rab tu byed par rgyas par bstan pa bzhin du khong du chud par bya'o/ /gang la phyin ci log srid pa/ /bdag nyid kyis ni rnam par dpyod/ /de gang la phyin ci log dag srid pa bdag nyid kyis rnam par dpyod cig /yang gzhan yang/ phyin ci log rnams ma skyes na/ /ji lta bur na yod par 'gyur/ /phyin ci log rnams skye med na/ /phyin ci log can ga la yod/ /phyin ci log gang dag ngo bo nyid las ma skyes pa de dag ji lta bur na yod par 'gyur/ de phyin ci log de rnams ngo bo nyid las skye ba med na phyin ci log can yod par gal 'gyur/ de'i phyir phyin ci log rnams ni yod pa kho na yin te/ de dang ldan pa yod pa'i phyir ro zhes gang smras pa de rigs pa ma yin no/ /yang gzhan yang/ gal te bdag dang sdug pa dang/ /rtag dang bde ba yod na ni/ /bdag shes sdug shes rtag shes dang/ /bde shes phyin ci log ma yin/ /gal te bdag dang sdug pa dang/ rtag pa dang bde ba zhes bya ba bzhi po de dag yod na ni/ de dag yod pa'i phyir bdag tu shes pa dang/ sdug par shes pa dang/ rtag par shes pa dang/ bde bar shes pa de dag phyin ci log ma yin par 'gyur ro/ /de la 'di snyam du/ bdag dang sdug pa dang rtag pa dang/ bde ba zhes bya ba bzhi po de dag ni yod pa ma yin gyi/ bdag med pa la sogs pa bzhi po de dag ni yod de/ de dag la phyin ci log tu 'dzin pas phyin ci log kyang yod par sems na/ de la bshad par bya ste/ gal te bdag dang sdug pa dang/ /rtag dang bde ba med na ni/ /bdag med mi sdug mi rtag dang/ /sdug bsngal yod pa ma yin no/ /gal te bdag dang sdug pa dang rtag pa dang bde ba zhes bya ba bzhi po de dag med na ni de dag med pa'i phyir/ /de dag med? pa dang mi stag pa dang mi rtag pa dang sdug bsngal ba zhes bya ba bzhi po dag kyang yod pa ma yin te/ bltos pa med pa'i phyir ro/ /de'i phyir rgyu'i khyad par 'dis kyang phyin ci log rnams yod pa ma yin no/ /de ltar phyin ci log 'gags pas/ /ma rig pa ni 'gag par 'gyur/ /ma rig 'gags par gyur na ni/ /'du byed la sogs pa 'gag par 'gyur/ de ltar las 'dis phyin ci log rnams 'gag la phyin ci log 'gags pas/ ma rig pa 'gag /ma rig pa 'gags pas 'du byed la sogs pa'i don 'gag pa re 'gyur ro/ /gal te la la'i nyon mongs pa/ /gang dag ngo bo nyid yod na/ /ji lta bur na spong bar 'gyur/ /yod pa su zhig spong bar byed/ /gal te la la'i nyon mongs pa gang dag ngo bo nyid kyis yod cing yang dag pa? dang de kho na dang bden pa yin na/ de dag ji ltar spong bar 'gyur/ /yod pa su zhig spong bar byed/ /spong ba mi 'thad pa'i phyir ro/ /de la 'di snyam du nyon mongs pa rnams ni ngo bo nyid kyis med pa yin te/ ngo bo nyid kyis med pa de dag spong bar sems na/ de la bshad par bya ste/ gal te la la'i nyon mongs pa/ /gang dag ngo bo nyid med na/ /ji lta bur na spong bar 'gyur/ /med pa su zhig spong bar byed/ /gal te la la'i nyon mongs pa gang dag ngo bo nyid kyis med cing yang dag pa dang de kho na dang bden pa ma yin na/ de dag ji ltar spong par 'gyur/ med pa su zhig spong bar byed de/ spong bar mi 'thad pa'i phyir/ bsam gtan pa'i mgo la thod pa bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ phyin ci log brtag pa zhes bya ba ste/ rab tu byed pa nyi shu gsum pa'o// //'dir smras pa/ gal te 'di dag kun stong na/ /'byung ba med cing 'jig pa med/ /'phags pa'i bden pa bzhi po rnams/ /khyod la med par thal bar 'gyur// 'phags pa'i bden pa bzhi med pas/ /yongs su shes dang spang pa dang/ /bsgom dang mngon du bya ba dag /'thad par 'gyur ba ma yin no/ /de dag yod pa ma yin pas/ /'bras bu bzhi yang yod ma yin/ /'bras bu med na 'bras gnas med/ /zhugs pa dag kyang yod ma yin/ /gal te skyes bu gang zag brgyad/ /de dag med na dge 'dun med/ /'phags pa'i bden rnams med pa'i phyir/ /dam pa'i chos kyang yod ma yin/ /chos dang dge 'dun yod min na/ /sangs rgyas ji ltar yod par 'gyur/ /de skad ? na dkon pa'i mchog / gsum la gnod pa byed pa yin/ /gal te 'gro ba 'di dag kun stong na de'i phyir 'byung ba med cing 'jig pa med do/ /de dag med pas 'phags pa'i bden pa bzhi po rnams khyod la med par thal bar 'gyur ro/ /'phaD pa'i bden pa bzhi med pas sdug bsngal yongs su shes pa dang/ kun 'byung ba spang ba dang lam bsgom pa dang/ 'gog pa mngon sum du bya ba dag 'thad par 'gyur ba ma yin no/ /sdug bsngal yongs su shes pa dang/ kun 'byung ba spang ba dang/ lam bsgom pa dang 'gog pa mngon sum du bya ba de dag yod pa ma yin pas/ dge sbyong gi 'bras bu bzhi yang yod pa ma yin no/ /dge sbyong gi 'bras bu rnams med na/ 'bras bu la gnas pa dang zhugs pa skyes bu gang zag brgyad po dag kyang yod pa ma yin no/ /gal te skyes bu gang zag brgyad po de dag med na dge 'dun med do/ /yang gzhan yang/ 'phags pa'i bden pa rnams med pa'i phyir/ /dam pa'i chos kyang yod pa ma yin no/ /chos dang dge 'dun yod pa ma yin na/ /sangs rgyas ji ltar yod par 'gyur te/ de skad du stong pa nyid du smra na/ dkon mchog gsum la gnod pa byed pa yin no/ /yang gzhan yang/ stong nyid 'bras bu yod pa dang/ /chos ma yin dang chos nyid dang/ /'jig rten pa yi tha snyad ni/ /kun la'ang gnod pa byed pa yin stong pa nyid bzung na chos ma yin pa dang/ chos nyid dang/ de dag gis byas pa'i 'bras bu yod pa dang/ 'jig rten pa'i tha snyad kun la yang gnod pa byed pa yin pas/ de lta bas na dngos po thams cad stong pa ma yin no/ /de la bshad pa khyod kyis ni/ /stong nyid dgos dang stong nyid dang/ /stong nyid don ni ma rtogs pas/ /de phyir de ltar gnod pa byed/ /khyod kyis ni stong pa nyid bstan pa'i dgos pa gang yin pa dang/ stong pa nyid kyi mtshan nyid gang yin pa dang/ stong pa nyid kyi don gang yin pa de dag yang dag pa ji lta ba bzhin du ma rtogs pas de'i phyir de ltar gnod pa byed do/ /sangs rgyas rnams kyi chos bstan pa/ /bden pa gnyis la yang dag rten/ /'jig rten kun rdzob bden pa dang/ /dam pa'i don gyi bden pa'o/ /gang dag bden pa de gnyis kyi/ /rnam? dbye rnam par mi shes pa/ /de dag sangs rgyas bstan pa ni/ /zab mo'i de nyid rnam mi shes/ /sangs rgyas bcom ldan 'das rnams kyi chos bstan pa ni/ bden pa gnyis po 'di dag la brten nas 'byung ste/ 'jig rten pa'i kun rdzob kyi bden pa zhes bya ba ni chos? rnams ngo bo nyid stong pa dag la/ 'jig rten gyi phyin ci log ma rtogs pas/ chos thams cad skye bar mthong ba gang yin pa ste/ de ni de dag nyid la kun rdzob du bden pa nyid yin pas/ kun rdzob kyi bden pa'o/ /don dam pa'i bden pa ni 'phags pa rnams kyis phyin ci ma log par thugs su chud pas/ chos thams cad skye ba med par gzigs pa gang yin pa ste/ de ni de dag nyid la don dam par bden pa nyid yin pas/ don dam pa'i bden pa'o/ /de la gang dag kun rdzob kyi bden pa dang don dam pa'i bden pa de gnyis kyi rnam par dbye ba de ltar rnam par mi shes pa de dag ni/ sangs rgyas kyi bstan pa zab mo'i de nyid rnam par mi shes pa yin no/ /de la 'di snyam du smra bar 'dod pa'i don ni chos thams cad skye ba med pa zhes bya ba don dam pa'i bden pa nyid yin na/ tha snyad kyi bden pa gnyis pa 'di ci dgos snyam du sems na/ de la bshad par bya ste/ tha snyad la ni ma brten par/ /dam pa'i don ni bstan mi nus/ /dam pa'i don la ma brten par/ /mya ngan 'das pa thob mi 'gyur?/ /gang gi phyir tha snyad lam brten par don dam pa bstan par mi nus pa dang/ gang gi phyir don dam pa la ma brten par mya ngan las 'das pa thob par mi 'gyur ba de'i phyir bden pa gnyi ga gdags dgos so/ /stong pa nyid la blta nyes na/ /shes rab ? ldan ? par byed/ sprul la gzung nyes dang/ rig sngags nyes par bsgrubs pa bzhin/ /don dam pa stong pa nyid la blta nyes brtag nyes na/ shes rab chung du dang ldan pa phung bar byed cing de la gnod pa chen po 'byung bar 'gyur te/ ji ltar dper na sprul la gzung nyes na phung bar byed cing de la 'chi ba la thug pa'i nyen chen po skyed par byed pa dang/ ji ltar dper na/ rigs sngags dang gsang sngags bya ba dang/ cho ga nyams pas bsgrub nyes na phung bar byed cing/ de la srog gi mthar thug pa'i nyen chen po skyed par byed pa de bzhin no/ /de'i phyir gzhan pas chos 'di yi/ /gting gtogs dka' ba mkhyen gyur nas/ /thub pa'i thugs ni chos bstan las/ /rab tu log par gyur pa yin/ /rgyu de kho na'i phyir shes rab zhan pa rnams kyis chos 'di'i gting gtogs par dka' ba nyid du mkhyen par gyur nas/ bcom ldan 'das kyi thugs chos bstan pa las rab tu log par gyur pa yin no/ /khyod ni nga la stong pa nyid/ /skyon du thal bar 'gyur ba yis/ /spong bar byed pa gang yin pa/ /de ni stong la mi 'thad do/ /khyod nga la stong pa nyid skyon du thal bar 'gyur bas spong bar byed pa de ni ngo bo nyid stong pa la mi 'thad do// //bam po bdun pa ste tha ma'o/ /yang gzhan yang/ gang la stong pa nyid rung ba/ /de la thams cad rung bar 'gyur/ /gang la stong nyid mi rung ba/ /de la thams cad mi rung 'gyur/ /gang la ngo bo nyid stong pa nyid rung ba de la 'jig rten pa dang 'jig rten las 'das pa thams cad rung bar 'gyur ro/ /gang la ngo bo nyid stong pa nyid mi rung ba de la 'jig rten pa dang 'jig rten las 'das pa thams cad mi rung bar 'gyur ro/ /khyod nyid rang gi skyen rnams ni/ /nga la yongs su sgyur byed pa/ /rta la mngon par zhon bzhin du/ /rta nyid brjed par gyur pa bzhin/ /khyod nyid rang gi skyon rnams nga la yongs su sgyur bar byed pa ni rta la mngon par zhon bzhin du rta de nyid brjed par gyur pa bzhin no/ /yang gzhan yang/ gal te dngos rnams dngos nyid las/ /yod par rjes su blta byed na/ /de lta yin na dngos po rnams/ /rgyu rkyen med par khyod blta'o/ /'bras bu dang ni rgyu nyid dang/ /byed pa po dang byed dang bya/ /skye ba dang ni 'gag pa dang/ /'bras bu la yang gnod pa byed/ /gal te dngos rnams ngo bo nyid las yod par rjes su blta bar byed na/ de lta na khyod dngos po rnams la rgyu dang rkyen med par lta ba yin no/ /des na 'bras bu dang rgyu nyid dang byed pa po dang byed pa dang bya ba dang skye ba dang 'gag pa dang/ 'bras bu la yang gnod pa byed pa yin no/ /rten cing 'brel 'byung gang yin pa/ /de ni stong pa nyid du bshad/ /de ni rten nas gdags pa ste/ /de nyid dbu ma'i lam yin no/ /gang phyir rten byung ma yin pa'i/ /chos 'ga' yod pa ma yin pa/ /de phyir stong pa ma yin pa'i/ /chos 'ga' yod pa ma yin no/ /kho bo ni rten cing 'brel par 'byung ba gang yin pa de ni/ stong pa nyid du 'chad de/ de ni brten nas gdags pa yin te/ de nyid dbu ma'i lam yin no/ /de la dngos po 'ga' zhig yod pa nyid yin na/ /de ni brten nas 'byung ba dang brten nas gdags pa yin pas/ gang gi phyir rten cing 'brel bar 'byung ba ma yin pa'i chos 'ga' yang yod pa ma yin pa de'i phyir stong pa ma yin pa'i chos ni 'ga' yang yod pa ma yin no/ /gal te 'di kun mi stong na/ /'byung pa med cing 'jig pa med/ /'phags pa'i bden pa bzhi po rnams/ /khyod la med par thal bar 'gyur/ /gal te 'gro ba 'di kun mi stong na de'i phyir 'byung ba med cing 'jig pa med do/ /de dag med pa'i phyir 'phags pa'i bden pa bzhi po rnams khyod la med par thal bar 'gyur ro/ /gal te ji ltar zhe na/ bshad pa/ rten cing 'brel 'byung ma yin na/ /sdug bsngal yod par ga la 'gyur/ /mi rtag sdul bsngal gsungs pa de/ /ngo bo nyid la yod ma yin/ /rten cing 'brel bar 'byung ba ma yin na/ /sdug bsngal yod par mi 'gyur te/ ci'i phyir zhe na/ mdo sde dag las mi rtag pa ni sdug bsngal lo zhes gsungs pa de ngo bo nyid la yod pa ma yin pa'i phyir ro/ /yang gzhan yang/ ngo bo nyid las yod yin na/ /ci zhig kun tu 'byung bar 'gyur/ /de phyir stong nyid gnod byed la/ /kun 'byung yod pa ma yin no/ /sdug bsngal de ngo bo nyid las yod pa yin na/ ci zhig kun tu 'byung bar 'gyur te/ ngo bo nyid las yod pa'i phyir ro/ /gang gi phyir de lta yin pa de'i phyir stong pa nyid la gnod pa byed pa la kun 'byung yod pa ma yin no/ /sdug bsngal ngo bo nyid yod la/ 'gog pa yod pa ma yin no/ /ngo bo nyid ni yongs gnas phyir/ /'gog la gnod par byed pa yin/ /sdug bsngal ngo bo nyid kyis yod pa la 'gog pa yod pa ma yin te/ mi 'jig pa'i phyir ro/ /des na ngo bo nyid yongs su gnas pa'i phyir 'gog pa la gnod par byed pa yin no/ /lam ni ngo bo nyid yod na/ /bsgom pa 'thad par mi 'gyur ro/ /ji ste lam de bsgom bya na/ / khyod kyi dngos nyid yod ma yin/ /lam ngo bo nyid yod par 'dzin na bsgom pa 'thad par mi 'gyur te/ don med pa nyid kyi phyir ro/ /'di ltar rtag pa gang yin pa de la bsgom zhing bsgrub pa'i thabs med pas/ de'i phyir lam bsgom pa 'thad par mi 'gyur ro/ /ci ste lam de bsgom par bya ba yin na ni/ khyod kyi ngo bo nyid yod pa ma yin no/ /yang gzhan yang/ gang tshe sdug bsngal kun 'byung dang/ /'gog pa yod pa ma yin na/ /lam gyis sdug bsngal 'gog pa ni/ /gang zhig thob par 'gyur bar 'dod sdug bsngal 'gog pa ni/ /gang zhig thob par 'gyur bar 'dod gsum po dag yod pa ma yin pa de'i tshe/ khyod kyi sdug bsngal 'gog pa gang zhig lam gyis 'thob par 'gyur bar 'dod/ yang gzhan yang/ gal te ngo bo nyid kyis ni/ /yongs su shes pa ma yin na/ /de ni ji ltar yongs shes 'gyur/ /dngos nyid gnas shes ma yin nam/ /gal te sdug bsngal gang ngo bo nyid kyis yongs su shes pa ma yin na/ de ji ltar yongs su shes par bya bar nus te/ ngo bo nyid kyis yongs su ma shes pa'i phyir te khyod kyis ngo bo nyid ni nges par gnas pa yin zhes smras pa ma yin nam/ de bzhin du ni khyod nyid kyi/ /spang dang mngon sum bya ba dang/ /bsgom dang 'bras bu bzhi dag kyang/ /yongs su shes bzhin mi rung ngo/ /de bzhin du khyod nyid kyi kun 'byung ba spangs pa dang/ 'gog pa mngon du bya ba dang/ lam bsgom pa dang/ 'bras bu bzhi po dag kyang sdug bsngal yongs su shes pa bzhin du/ mi rung ste kun 'byung ba ngo bo nyid kyis ma spangs pa gang yin pa de yang spang bar mi nus te/ ngo bo nyid kyis ma spangs pa'i phyir ro/ /'gog pa ngo bo nyid kyis mngon sum du ma byas pa/ gang yin pa de yang mngon sum du bya bar mi nus te/ ngo bo nyid kyis mngon sum du ma byas pa'i phyir ro/ /lam ngo bo nyid kyis ma bsgoms pa gang yin pa de yang bsgom par mi nus te/ ngo bo nyid kyis ma bsgoms pa'i phyir ro/ /de ltar na 'phags pa'i bden pa bzhi po de dag yongs su shes pa dang/ spang ba dang mngon sum du bya ba dang bsgom pa'i bya ba bzhi po dag kyang mi 'thad do/ /yang gzhan yang/ 'bras bu bzhi po rgyun tu zhugs pa dang/ lan cig phyir 'ong ba dang/ phyir mi 'ong ba dang/ dgra bcom pa dag kyang bya ba bzhi po dag med pas mi rung ngo/ /yang gzhan yang/ ngo bo nyid ni yongs 'dzin pas/ /'bras bu ngo bo nyid kyis ni/ /thob pa min pa gang yin de/ /ji ltar thob par nus par 'gyur/ /ngo bo nyid yongs su 'dzin pas 'bras bu ngo bo nyid kyis thob pa ma yin pa gang yin pa de dag kyang thob par mi nus par 'gyur ro/ /'bras bu med na 'bras gnas med/ /zhugs pa dag kyang yod ma yin/ /gal te skyes bu gang zag brgyad/ /de dag med na dge 'dun med/ /dge sbyong gi 'bras bu rnams med na/ 'bras bu la gnas pa dang zhugs pa'i skyes bu gang zag brgyad po dag kyang yod pa ma yin no/ /gal te skyes bu gang zag brgyad po de dag med na dge 'dun yang med do/ /yang gzhan yang/ 'phags pa'i bde? rnams? med pa'i phyir/ /dam pa'i chos kyang yod ma yin/ /chos dang dge 'dun yod min na/ /sangs rgyas ji ltar yod par 'gyur/ /khyod kyi sangs rgyas byang chub la/ /ma brten par yang thal bar 'gyur/ /khyod kyi byang chub sangs rgyas la/ /ma brten par yang ? bar 'gyur/ /khyod kyi ngo bo nyid kyis ni/ /sangs rgyas min pa gang yin des/ /byang chub byang chub spyod pa la/ /brtsal kyang byang chub 'thob mi 'gyur/ /'ga' yang chos dang chos min pa/ /nam yang byed par mi 'gyur te/ /mi stong pa la ji zhig bya/ /ngo bo nyid la bya ba med/ /chos dang chos min rgyus byung ba'i/ /'bras bu khyod la yod ma yin/ /chos dang chos min med par yang/ /'bras bu khyod la yod par 'gyur/ /chos dang chos min rgyus byung ba'i/ /'bras bu gal te khyod la yod/ /chos dang chos min las byung ba'i/ /'bras bu ci phyir stod? ma yin/ /'jig rten pa yi tha snyad ni/ /kun la'ang gnod pa byed pa yin/ /rten cing 'brel 'byung gang yin pa'i/ /stong pa nyid la'ang gnod pa byed/ /bya ba ci yang med 'gyur zhing/ /bya ba rtsom pa'ang med par 'gyur/ / stong pa nyid la gnod byed na/ /mi byed pa'ang byed par 'gyur/ /dngos nyid yod na 'gro ba rnams/ /gnas skabs sna tshogs 'bral 'gyur zhing/ /ma skyes pa dang ma 'gags dang/ /ther zug tu yang gnas par 'gyur/ /ngo bo nyid yod pa yin na/ /'gro ba ma lus pa rnams gnas skabs sna tshogs dang bral bar 'gyur zhing ma skyes pa dang ma 'gags pa dang/ ther zug tu gnas par yang 'gyur ro/ /de lta bas na de ltar ngo bo nyid du smra ba yongs su 'dzin na/ ji skad bstan pa'i skyon de dag thams cad yang thal ba 'gyur ro/ /yang gzhan yang/ gal te stong pa yod min na/ /ma thob thob par bya ba dang/ /sdug bsngal mthar byed las dang ni/ /nyon mongs thams cad spong pa'ang med/ /gal te ngo bo nyid kyis stong pa nyid ma yin na/ de'i phyir 'jig rten pa dang 'jig rten las 'das pa'i khyad par ma thob pa thob par bya ba gang dag ji snyed yod pa de dag thams cad thob par bya ba yang med par 'gyur la/ sdug bsngal mthar byed pa'i las kyang med par 'gyur zhing/ nyon mongs pa thams cad spong ba yang med par 'gyur ro/ /gang gis rten cing 'brel par 'byung/ /mthong ba des ni sdug bsngal dang/ /kun 'byung dang ni 'gog pa dang/ /lam nyid de dag mthong ba yin/ /gang gis rten cing 'brel par 'byung ba mthong ba des chos bzhi po sdug bsngal dang/ kun 'byung dang/ 'gog pa dang/ lam nyid ces bya ba de dag mthong ba yin te/ ji ltar skyes bu mig dang ldan pas mar me'i snang bas gzugs kyi rnam pa de dag thams cad mthong ba de bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ 'phags pa'i bden pa brtag pa zhes bya ba ste/ rab tu byed pa nyi shu bzhi pa'o// //'dir smras pa/ gal te 'di dag kun stong na/ /'byung ba med cing 'jig pa med/ /gang zhig spang dang 'gag pa las/ /mya ngan 'da' bar 'gyur bar 'dod/ / gal te 'gro ba 'di dag kun stong na/ /de lta na 'byung ba med cing 'jig pa med do/ /de dag med pa'i phyir gang zhig spang ba dang 'gag pa las mya ngan las 'da' bar 'dod de/ spang ba dang 'gag pa mi 'thad pa'i phyir ro/ /de'i phyir de lta ma yin no/ /stong pa yin na ni nyon mongs pa? spang pa dang/ phung po 'gag pa las mya ngan las 'dab ba 'thob par yang 'gyur ro/ /'dir bshad pa/ gal te 'di kun mi stong na/ /'byung ba med cing 'jig pa med/ /gang zhig spang dang 'gag pa las/ /mya ngan 'da' bar 'gyur bar 'dod/ /gal te 'gro ba 'di dag kun mi stong na/ de lta na 'byung ba med cing 'jig pa med do/ /de dag med pa'i phyir gang zhig spang ba dang 'gag pa las mya ngan las 'da' bar 'gyur bar 'dod de/ spang ba dang 'gag par mi 'thad pa'i phyir ro/ /de lta bas na rim pa 'dis mya ngan las 'das pa mi 'thad pa'i khong du chud par bya'o/ /'o na ji lta bu zhe na/ spangs pa med pa thob med pa/ /chad pa med pa rtag med pa/ /'gags pa med pa skye med pa/ /de ni mya ngan 'das par 'dod de'i phyir mya ngan las 'das pa'i mtshan nyid ni de lta bu yin par gdags so/ /yang gzhan yang/ mya ngan 'das pa dngos po min/ /rga shi'i mtshan nyid thal bar 'gyur/ /rga dang 'chi ba med pa yi/ /dngos po yod pa ma yin no/ /re zhig mya ngan 'das pa ni rnam pa thams cad du yang dngos po ma yin te/ gal te dngos po yin par gyur na/ rga shi'i mtshan nyid can yin par thal bar 'gyur ro/ /ci'i phyir zhe na/ rga shi'i med pa'i dngos po yod pa ma yin pa'i phyir ro/ /yang gzhan yang/ gal te mya ngan 'das dngos na/ mya ngan 'das pa 'dus byas 'gyur/ /dngos po 'dus byas ma yin pa/ /'ga' yang ji ltar yod ma yin/ /gal te mya ngan las 'das pa dngos po yin na/ de'i phyir mya ngan las 'das pa 'dus byas su 'gyur ste/ ci'i phyir zhe na/ dngos po 'dus byas ma yin pa ni 'ga' yang ji ltar yang yod pa ma yin pa'i phyir ro/ /yang gzhan yang/ gal te mya ngan 'das dngos ni/ /ji ltar myang 'das de brten min/ /dngos po brten pa ma yin pa/ /'ga' yang yod pa ma yin no/ /gal te mya ngan las 'das pa dngos po yin par 'dod na mya ngan las 'das pa de brten pa ma yin no/ /zhes gang spras pa de mi 'thad de/ ci'i phyir zhe na/ dngos po brten pa ma yin pa ni 'ga' yang yod pa ma yin pa'i phyir te/ de lta bas na mya ngan las 'das pa ni dngos po ma yin no/ /'dir smras pa/ 'o na nga mya ngan las 'das pa ni dngos po med pa yin no/ /'dir bshad pa/ gal te mya ngan 'das dngos min/ /dngos med ji ltar rung bar 'gyur/ /gal te mya ngan las 'das pa ji ltar yang dngos po yin par ma gyur pas na/ dngos po med pa yang ma yin te/ ci'i phyir zhe na/ dngos po rab tu grub par gyur na dngos po med pa yang rab tu 'grub par 'gyur ba'i phyir ro/ /yang gzhan yang/ gang la mya ngan 'das dngos yin/ /de la dngos med yod ma yin/ /gang la mya ngan las 'das pa dngos po yin par 'dod pa de la/ dngos po med pa yod pa ma yin te/ 'di ltar gang la dngos po yod pa de dngos po med pa zhes bya bar mi rigs pa'i phyir te/ de lta bas na mya ngan las 'das pa ni dngos po med pa yang ma yin no/ /yang gzhan yang/ gal te mya ngan 'das dngos min/ /ji ltar myang 'das de brten min/ /gang zhig brten pa ma yin pa'i/ /dngos med yod pa ma yin no/ /gal te mya ngas las 'das pa dngos po med pa yin par 'dod na/ mya ngan las 'das pa de brten pa ma yin no zhes gang smras pa de mi 'thad de/ ci'i phyir zhe na/ gang brten pa ma yin pa'i dngos po med pa ni 'ga' yang yod pa ma yin pa'i phyir te/ de lta pas na mya ngan las 'das pa ni dngos po med pa yang ma yin no/ /'dir smras pa/ 'on mya ngan las 'das pa ji lta bu yin par brjod par bya/ bshad pa/ 'ong ba dang ni 'gro ba'i dngos/ /brten nam sgyur byas gang yin pa/ /de ni brten min sgyur byas min/ /mya ngan 'das pa yin par bstan/ /phyin ci log ma rtogs pa 'ong ba dang 'gro ba'i dngos po phung po rnams brten nam sgyur byas pa gang yin pa de nyid phyin ci log rtog pas brten pa ma yin zhing sgyur? byas pa ma yin pas/ phung po rnams mi 'byung ba ni mya ngan las 'das pa yin par bstan to/ /yang gzhan yang/ 'byung ba dang ni 'jig pa dang/ /spang bar ston pas bka' stsal to/ /de phyir mya ngan 'das pa ni/ /dngos min dngos med min par rigs/ /bcom ldan 'das kyis 'byung ba dang 'jig pa dag rnam pa las spang bar bka' stsal pas de'i phyir mya ngan las 'das pa ni dngos po yod pa yang ma yin/ dngos po med pa yang ma yin par rigs so/ /'dir smras pa/ 'o na mya ngan las 'das pa ni dngos po dang dngos po med pa gnyi ga yin no/ /'dir bshad pa/ gal te mya ngan 'das pa ni/ /dngos dang dngos med gnyis yin na/ /dngos dang dngos po med pa dag /zar par 'gyur ba de mi rigs/ /gal te mya ngan las 'das pa dngos po dang dngos po med pa gnyi ga yin na/ de lta na dngos po dang dngos po med pa dag tha dad pa yin par 'gyur bas de yang mi rigs te/ phan tshun 'gal ba gnyis dus gcig tu mi srid pa'i phyir ro/ /yang gzhan yang/ gal te mya ngan 'das pa ni/ /dngos dang dngos med gnyis yin na/ /mya ngan 'das pa ma brten min/ /de ni gnyis la brten phyir ro/ /gal te mya ngan las 'das pa dngos po dang dngos po med pa gnyi ga yin na/ de lta na mya ngan las 'das pa ma brten pa ma yin par 'gyur te/ mya ngan las 'das pa de dngos po dang dngos po med pa gnyis la brten pa'i phyir ro/ /de ni mi 'dod pas de'i phyir mya ngan las 'das pa dngos po dang dngos po med pa med pa gnyi ga yin no zhes bya ba de rigs pa ma yin te/ yang gzhan yang 'di'i phyir yang rigs pa ma yin te/ gal te mya ngan 'das pa ni/ /dngos dang dngos med gnyis yin na/ /mya ngan 'das pa 'dus ma byas/ /dngos dang dngos med 'dus byas yin/ /mya ngan las 'das pa ni dngos po dang dngos po med pa gnyi ga yin par mi 'thad de/ ci'i phyir zhe na/ mya ngan las 'das pa ni 'dus ma byas yin la/ dngos po dang dngos po med pa gnyis ni 'dus byas yin pa'i phyir ro/ /de lta bas na rgyu'i khyad par 'dis kyang mya ngan las 'das pa dngos po dang dngos po med pa gnyi ga yin par mi rigs so/ /'dir smras pa/ mya ngan las 'das pa ni dngos po dang dngos po med pa gnyi ga yang ma yin gyi/ gang la de gnyis yod pa de ni mya ngan las 'das pa yin no/ /'dir bshad pa/ gal te mya ngan 'das pa la/ /dngos dang dngos med gnyis yod na/ /de gnyis gcig la yod min te/ /snang ba dang ni mun pa bzhin/ /mya ngan las 'das pa la dngos po dang dngos po med pa gnyis yod par yang mi 'thad de/ ci'i phyir zhe na/ phan tshun mi mthun pa de gnyis yul gcig na dus gcig tu lhan cig yod par mi rigs pa'i phyir te/ dper na snang ba dang mun pa bzhin pas/ de la gang la dngos po dang dngos po med pa de gnyis yod pa de mya ngan las 'das pa yin no zhes gang smras pa de mi rigs so/ /'dir smras pa/ mya ngan las 'das pa ni dngos po yang ma yin dngos po med pa yang ma yin no/ /'dir bshad pa/ dngos min dngos po med min pa/ /mya ngan 'das par gang ston pa/ /dngos po med dang dngos po dag /grub na de ni 'grub par 'gyur/ /khyod kyis mya ngan las 'das pa ni dngos po yang ma yin/ dngos po med pa yang ma yin no zhes gang smras pa de mi 'thad de/ ci'i phyir zhe na/ dngos po yang ma yin dngos po med pa yang ma yin pa zhes bya bar gsal ba dang 'dzin pa dang/ rtsol ba'i blo gang yin pa de ni dngos po med pa dang dngos po dag grub na/ de yang 'grub par 'gyur ba yin na/ dngos po med pa dang dngos po de dag ma grub pas/ de'i phyir mya ngan las 'das pa dngos po yang ma yin dngos po med pa yang ma yin no zhes bya ba de mi 'thad do/ /yang gzhan yang/ gal te mya ngan las 'das pa ni/ /dngos min dngos po med min na/ /dngos min dngos po med min zhes/ /gang zhig gis ni de mngon byed/ /gal te mya ngan las 'das pa dngos po yang ma yin/ dngos po med pa yang ma yin pa yin na/ dngos po yang ma yin dngos po med pa yang ma yin pa dag ni med de/ de dag med pa'i phyir mya ngan las 'das pa dngos po yang ma yin/ dngos po med pa yang ma yin zhes gang zhig gis de mngon par byed cing mtshon par byed/ 'dzin par byed/ 'dog par byed de/ de lta bas na mya ngan las 'das pa dngos po yang ma yin dngos po med pa yang ma yin no zhes bya ba de yang mi rigs so/ /'di'i phyir yang mya ngan las 'das pa mi 'thad de/ ji ltar zhe na/ bcom ldan mya ngan 'das gyur nas/ yod par mi mngon de bzhin du med de zhe 'am gnyi ga dang/ gnyis min zhes kyang mi mngon no/ /bcom ldan bzhugs par gyur na yang/ /yod par mi mngon de bzhin du/ /med do zhe 'am gnyi ga dang/ /gnyis min zhes kyang mi mngon no/ /gang gi phyir bcom ldan 'das mya ngan las 'das sam bzhugs kyang rung ste yod do zhe 'am med do zhe 'am yod kyang yod la med kyang med do zhe 'am/ yod pa yang ma yin med pa yang ma yin no zhes bya bar mi mngon zhing mtshon du med gzung du med gdags su med pa de'i phyir mya ngan las 'das pa yang gdags su med de/ de med na mya ngan las 'das pa gang gi yin par 'gyur/ de bas na rnam pa thams cad kyis kyang mya ngan las 'das pa mi 'thad do/ /yang gzhan yang/ 'khor ba mya ngan 'das pa las/ /khyad par cung zad yod ma yin/ /mya ngan 'das pa 'khor ba las/ /khyad par cung zad yod ma yin/ /'di la phung po'i rgyun la brten nas 'khor ba zhes gdags na/ phung po de dag ni ngo bo nyid stong pa'i phyir ji ltar gtan skye ba med pa dang/ 'gag pa med pa'i chos can yin pa de ltar kho bos dang po kho nar bstan zin pas/ de'i phyir chos thams cad skye ba med pa dang/ 'gag pa med pa mnyam pa nyid kyis 'khor ba ni mya ngan las 'das pa las khyad par cung zad kyang yod pa ma yin no/ /ji ltar 'khor ba mya ngan las 'das pa las khyad par cung zad kyang yod pa ma yin pa de bzhin du/ mya ngan las 'das pa yang 'khor ba las khyad par cung zad kyang yod pa? yin no/ /mya ngan 'das mdza' gang yin pa/ /de ni 'khor ba'i mdza' yin te/ /de gnyis khyad par cung zad ni/ /shin tu phra ba'ang yod ma yin/ /mya ngan las 'das pa dang/ 'khor ba'i yang dag pa'i mdza' dang skye ba med pa'i mdza' dang yang dag pa'i mthar thug pa gang yin pa de dag ni dmigs su med par mnyam pa nyid kyis khyad par shin tu phra ba cung zad kyang yod pa ma yin no/ /'gags par gyur dang mdza' sogs dang/ /rtag la sogs par lta ba dag /mya ngan 'das dang phyi mdza' dang/ /sngon gyi mdza' la brtan pa yin/ /de bzhin gshegs pa 'gags par gyur nas yod pa dang med pa dang/ yod kyang yod la med kyang med pa dang/ yod pa yang ma yin med pa yang ma yin zhes bya bar lta ba gang dag yin pa dang/ 'jig rten mdza' yod pa dang/ 'jig rten mdza' med pa dang/ mdza' yod kyang yod la/ mdza' med kyang med pa dang/ mdza' yod pa yang ma yin/ mdza' med pa yang ma yin zhes bya bar lta ba gang dag yin pa dang/ 'jig rten rtag pa dang/ 'jig rten mi rtag pa dang/ rtag kyang rtag la mi rtag kyang mi rtag pa dang/ rtag pa yang ma yin mi rtag pa yang ma yin zhes bya bar lta ba gang yin pa de dag ni/ go rim bzhin du mya ngan las 'das pa dang/ phyi ma'i mdza' dang sngon gyi mdza' la brten pa yin no/ /de la/ dngos po thams cad stong pa la/ / mdza' yod ji zhig mdza' med ci/ /mdza' dang mdza' med ji zhig yin/ /mdza' min mdza' med min pa ci/ /de nyid ji zhig gzhan ci yin/ /rtag pa ci zhig mi rtag ci/ /rtag dang mi rtag gnyi ga ci/ /gnyi ga min pa'ang ci zhig yin/ /dmigs pa thams cad nyer zhi zhing/ /spros pa nyer zhi zhi ba ste/ /sangs rgyas kyis ni gang du yang/ /su la 'ang chos 'ga' ma bstan to/ /sprul pa bzhin nam sor 'phreng bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel ba ga las 'jigs med las/ mya ngan las 'das pa brtag pa zhes bya ba ste/ rab tu byed ba nyi shu lnga pa'o// //'dir smras pa/ khyod kyis theg pa chen po'i gzhung lugs kyis don dam pa la 'jug pa ni bstan zin na/ de khyod kyis nyan thos kyi gzhung lugs kyis don dam pa la 'jug pa ston cig / 'dir bshad pa/ ma rig bsgribs pas yang srid phyir/ /'du byed rnam pa gsum po dag /mngon par 'du byed gang yin pa'i/ /las de dag gis 'gro bar 'gro /'du byed rkyen can rnam par shes/ /'gro ba rnams su 'jug par 'gyur/ /rnam par shes pa zhugs gyur na/ /ming dang gzugs ni chags bar 'gyur/ /ming dang gzugs ni chags gyur na/ /skye mched drug ni 'byung bar 'gyur/ /skye mched dug la brten nas ni/ /de las reg pa 'byung bar 'gyur/ /mig dang gzuD dang dran byed la/ /brten nas skye ba kho na yin/ /de ltar mig dang gzugs brten nas/ /rnam par shes ba skye bar 'gyur/ /mig dang gzugs dang rnam par shes/ /gsum po 'dus pa gang yin pa/ /de ni reg pa reg de las/ /tshor ba kun tu 'byung bar 'gyur/ /tshor ba'i rkyen gyis srid pa ste/ /tshor ba'i don la sred par 'gyur/ /sred par gyur na nye bar len/ /rnam pa bzhi po nyer len 'gyur/ /nyer len yod na len pa po'i/ /srid pa rab tu 'byung bar 'gyur/ /gal te nye bar len med na/ /grol bar 'gyur te srid mi 'gyur// srid pa de yang phung po ?/ /srid pa las ni skye ba 'byung/ /rga shi dang ni mya ngan dang/ /smre sngags 'don bcas sdug bsngal dang/ /yid mi bde dang 'khrug pa rnams/ /de dag skye las rab tu 'byung/ /de ltar sdug bsngal phung po ni/ /'ba' zhig po 'di 'byung bar 'gyur/ /de phyir mkhas rnams 'khor ba yi/ /rtsa ba'i 'du byed 'du mi byed/ /de phyir mi mkhas byed pa yin/ /mkhas min de nyid mthong phyir ro/ /ma rig 'gags par gyur na ni/ /'du byed rnams kyang 'byung mi 'gyur/ /ma rig 'gags par gyur pa ni// shes pa de nyid bsgoms pas so/ /de dang de ni 'gag 'gyur bas/ /de dang de ni mngon mi 'gyur/ /sdug bsngal phung po 'ba' zhig pa/ /de ni de ltar yang dag 'gag /byis pa ma rig pas bsgribs pas yang srid pa'i phyir sems can dmyal ba la sogs pa 'du byed pa'i 'du byed rnam pa gsum po dag lus dang ngag dang yid dag gis mngon par 'du byed do/ /las dge ba dang mi dge ba ji ltar mngon par 'dus byas pa chen po dang 'bring dang chung ngu gang yin pa de dag gis/ sems can dmyal ba la sogs pa'i 'gro ba rnams su 'gro'o/ /de la 'du byed kyi rkyen gyi rnam par shes pa ji ltar 'gro ba rnams su zhugs par gyur bas/ ming dang gzugs chags par 'gyur ro/ /ming dang gzugs chags par gyur na/ ming dang gzugs chags pa las skye mched drug 'byung bar 'gyur ro/ /skye mched drug la brten nas/ /de las reg pa 'byung bar 'gyur te/ reg pa de skye ba'i rim pa ni 'di yin te/ mig dang gzugs dang yid la byed pa la brten nas skye ba kho na yin te/ de ltar ming dang gzugs la brten nas rnam par shes pa skye bar 'gyur zhing/ de ltar mig dang gzugs dang rnam par shes pa gsum po 'dus pa gang yin pa de ni reg pa'o/ /reg pa de las tshor ba kun tu 'byung bar 'gyur ro/ /tshor ba'i rkyen gyis sred pa ste/ tshor ba'i don la sred par 'gyur ro/ /sred par gyur na nye bar len pa rnam pa bzhi po dag nye bar len par 'gyur ro/ /nye bar len pa yod na len pa po'i srid par rab tu 'byung bar 'gyur te/ gal te nye bar len pa med na des na grol bar 'gyur te/ de'i srid pa 'byung bar mi 'gyur pa zhig na/ gang gi phyir nye bar len pa dang bcas pa de'i phyir/ de'i srid pa 'byung bar 'gyur te/ srid pa de yang phung po lnga yin par shes par bya'o/ /srid pa las ni skye ba 'byung ngo/ /skye ba las rga shi dang mya ngan dang smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung ste/ de ltar sdug bsngal gyi phung po sdug bsngal gyi tshogs 'ba' zhig pa ma 'dres pa 'di 'byung bar 'gyur ro/ /de'i phyir mkhas pa rnams ni 'khor ba'i rtsa ba'i 'du byed rnams 'du mi byed do/ /de'i phyir mkhas pa rnams ni 'du byed rnams kyi byed pa po yin gyi/ mkhas pa rnams ni ma yin te/ de ci'i phyir zhe na/ de nyid mthong ba'i phyir ro/ /de lam rig pa 'gags par gyur na 'du byed rnams kyang 'byung bar mi 'gyur ro/ /ma rig pa 'gag par 'gyur pa ni yan lag bcu gnyis shes pa de nyid bsgom pa goms par byas pa dang/ bstan po nyid du bya bas so/ /srid pa'i yan lag de dang de 'gags par gyur pas srid pa'i yan lag de dang de mngon par mi 'byung ste/ de ltar sdug bsngal gyi phung po sdug bsngal gyi tshogs 'ba' zhig pa ma 'dres pa de yang dag par 'gag cing gtan 'gag par 'gyur te/ sa bon tshig pa bzhin no/ /srid pa'i yan lag bcu gnyis po de dag la 'jug pa rgya cher ni mdo sde dang chos mngon pa dag las khong du chud par bya'o/ /mdor bsdu ba'i dbang gis 'di las brjod do/ /slob dpon 'phags pa klu sgrub kyi mdzad pa dbu ma'i rtsa ba'i 'grel pa ga las 'jigs med las/ srid pa'i yan lag bcu gnyis brtag pa zhes bya ba ste/ rab tu byed pa nyi shu drug pa'o// //'dir smras pa/ khyod kyis nyan thos kyi theg pa dang mthun pa'i mdo sde'i mdza' la brten nas lta ba'i rnam pa rnams mi srid par ston cig/ 'dir bshad pa/ 'das pa'i dus na byung zhes dang/ /ma byung 'jig rten rtag sogs par/ /lta ba gang yin de dag ni/ /sngon gyi mdza' la brten pa yin/ /ma 'ongs dus gzhan 'byung 'gyur dang/ /mi 'byung 'jig rten mdza' sogs par/ /lta ba gang yin de dag ni/ /phyi ma'i mdza' la brten pa yin/ /zag pa thams cad sdom pa'i rnam grangs zhes bya ba'i mdo sde las gsungs pa/ bdag sngon 'das pa'i dus na byung bar gyur ces bya ba dang/ bdag sngon 'das pa'i dus na byung bar ma gyur ces bya ba'i rgyu 'dis 'jig rten rtag pa la sogs par lta ba gang yin pa de dag ni sngon gyi mdza' la brten pa yin no/ /bdag ma 'ongs pa'i dus gzhan du 'byung bar 'gyur zhes bya ba dang/ bdag ma 'ongs pa'i dus gzhan du 'byung bar mi 'gyur zhes bya ba'i rgyu 'dis 'jig rten mdza' yod pa la sogs par lta ba gang yin pa de dag ni phyi ma'i mdza' la brten pa yin no/ /de dag ni mi 'thad de/ rigs pa gang gis she na/ bshad par bya ste/ 'das pa'i dus na byung gyur ces/ /bya ba de ni mi 'thad do/ /sngon tshe rnams su gang byung ba/ /de nyid 'di ni ma yin no/ /de nyid bdag tu 'gyur snyam na/ nye bar len pa tha dad 'gyur/ /nye bar len pa ma gtogs par/ /khyod kyi bdag ni gang zhig yin/ /nye bar len pa ma gtogs pa'i/ /bdag yod ma yin byas pa'i tshe/ /nye bar len nyid bdag yin na/ /khyod kyi bdag ni med pa yin/ / nye bar len nyid bdag ma yin/ /de ni 'byung dang 'jig pa yin/ /nye bar blang ba ji lta bur/ /nye bar len pa yin par 'gyur/ /bdag ni nye bar len pa las/ /gzhan du 'thad pa byed ma yin/ /gal te gzhan na len med par/ /bzung yod rigs na gzung du med/ /de ltar len lam gzhan ma yin/ /de ni nyer len nyid kyang min/ /bdag ni nye bar len med min/ /med pa nyid du 'ang de ma nges/ /bdag sngon 'das pa'i dus na byung bar gyur ces bya bar mi 'thad pa/ /ci'i phyir zhe na/ sngon gyi tshe rabs rnams su gang byung bar gyur pa de nyid de ltar gyi bdag ? ma yin pa'i phyir ro/ /de la 'di snyam du gal te sngon gyi tshe rabs rnams su gang byung bar gyur ba de nyid da ltar gyi bdag 'di yin par gyur na de'i phyir skyon cir 'gyur snyam du sems na/ de la bshad par bshad par bya ste/ gal te sngon gyi tshe rabs rnams su gang byung bar gyur pa de nyid da ltar gyi bdag 'di yin par gyur na/ de lta na nye bar len pa tha dad par mi 'gyur ba zhig na nye bar len pa tha dad par yang 'gyur la/ nye bar len pa ma gtogs par bdag yod par thal bar yang 'gyur ro/ /de la nye bar len pa ma gtogs par khyod kyi bdag de gang zhig yin smras par nus sam kho bos ni rnam pa thams cad du yang mi 'thad par shes so/ /de la 'di snyam du nye bar len pa ma gtogs pa'i bdag yod pa ma yin no snyam du sems na ni/ de'i phyir da nye bar len pa nyid bdag yin par 'gyur ba 'am/ yang na khyod kyi bdag med pa yin no/ /nye bar len pa nyid bdag yin no zhes bya ba de yang mi 'thad de/ ci'i phyir zhe na/ nye bar len pa de ni 'byung ba dang 'jig pa yin pas skye ba dang 'gag par 'gyur ba'i phyir te/ de lta bu ni bdag gi mtshan nyid ma yin no/ /yang gzhan yang/ nye bar blang ba gang yin pa de ni ji lta bur nye bar len pa po yin par 'gyur te/ skyon du mar thal bar 'gyur ba'i phyir ro/ /de la 'di snyam du nye bar blang pa las nye bar len pa po gzhan yin par sems na/ de la bshad par bya ste/ bdag ni nye bar len pa las gzhan du 'thad pa nyid ma yin no/ /ci'i phyir zhe na/ gal te gzhan yin na nye bar len pa med par yang mig la sogs pa'i dbang po rnams kyis gzung du yod pa'i rigs na/ gzung du med pa'i phyir ro/ /de ltar na bdag ni nye bar len las gzhan yang ma yin la/ de ni nye bar len pa nyid kyang ma yin nye bar len pa med pa yang ma yin/ 'ga' yang med pa nyid du nges pa yang ma yin no/ /de'i phyir brtag pa 'dis bdag sngon 'das pa'i dus na byung bar gyur ces bya ba de mi 'thad do/ /da ni/ 'das pa'i dus na ma byung zhes/ /bya ba de yang mi 'thad do/ /sngon tshe rnams su gang byung ba/ /de las 'di gzhan ma yin no/ /gal te 'di ni gzhan gyur na/ /de med par yang 'byung bar 'gyur/ /de bzhin du ni gnas 'gyur zhing/ /der ma shi bar skye bar 'gyur/ /chad dang las rnams chud za dang/ /gzhan gyis byas pa'i las rnams ni/ /gzhan gyis so sor myong ba dang/ /de la sogs par thal bar 'gyur/ /ma byung? ba las 'byung min te/ /'di la skyon du thal bar 'gyur/ /bdag ni byas par 'gyur pa dang/ /byung ba rgyu med can du 'gyur/ /da ni bdag sngon 'das pa'i dus na byung bar ma gyur ces bya ba de yang mi 'thad do/ /ci'i phyir zhe na/ sngon gyi tshe rabs rnams su gang byung bar gyur pa de las 'di gzhan ma yin pa'i phyir ro/ /gal te 'di gzhan yin par gyur na de'i phyir de med par yang 'di 'byung bar 'gyur ro/ /yang gzhan yang/ snga ma de de bzhin du de na gnas par 'gyur zhing 'di yang der ma shi bar der skye bar 'gyur ro/ /de lta na chad pa dang las rnams chud za ba dang gzhan gyis byas pa'i las rnams gzhan gyis so sor myong ba dang/ de la sogs pa skyon mang po dag tu thal bar 'gyur ro/ /yang gzhan yang/ de lta na bdag ma byung ba las 'byung bar thal bar 'gyur te/ bdag ma byung ba las 'byung ba ni/ ma yin pas/ de'i phyir 'di la yang bdag byas par 'gyur ba dang/ byung ba rgyu med pa can du 'gyur ba'i skyon du thal bar 'gyur bas/ de ni mi 'dod do/ /de'i phyir brtag pa 'dis bdag sngon 'das pa'i dus na byung bar ma gyur ces bya ba de yang mi 'thad do/ /de ltar bdag byung bdag ma byung/ /gnyi ga gnyi ga ma yin par/ /'das la lta ba gang yin pa/ /de dag 'thad pa ma yin no/ /de ltar yongs su brtags na bdag sngon 'das pa'i dus na byung bar gyur ces bya ba dang/ bdag sngon 'das pa'i dus na byung bar ma gyur ces bya ba dang/ bdag sngon 'das pa'i dus na byung bar gyur kyang gyur la/ byung bar ma gyur kyang ma gyur ces bya ba dang/ sngon 'das pa'i dus na byung bar gyur pa yang ma yin/ /byung bar ma gyur pa yang ma yin no zhes bya bar 'das pa'i dus la lta ba gang yin pa de dag 'thad pa ma yin no/ /da ni/ ma 'ongs dus gzhan 'byung 'gyur dang/ /'byung bar mi 'gyur zhes bya bar/ /lta ba gang yin de dag ni/ /'das pa'i dus dang mtshungs pa yin/ /da ni bdag ma 'ongs pa'i dus gzhan du 'byung bar 'gyur ? zhes bya ba dang/ bdag ma 'ongs pa'i dus gzhan du 'byung bar mi 'gyur zhes bya bar ma 'ongs pa'i dus la lta ba gang yin pa de dag ni 'das pa'i dus dang mtshungs par bsam par bya ste/ 'das pa'i dus las brtsams pa'i skyon gang dag yin pa de dag nyid 'dir yang bye brag tu shes par bya'o/ /yang gzhan yang/ gal te lha de mi de na/ /de lta na ni rtag par 'gyur/ /lha ni ma skyes nyid 'gyur te/ /rtag la skye ba med phyir ro/ /gal te lha de nyid mi de nyid du gyur na de lta na ni rtag par 'gyur ro/ /yang gzhan yang// lha ma skyes pa nyid du yang 'gyur te/ ci'i phyir zhe na/ rtag pa la skye ba med pa'i phyir ro/ /gang gi phyir lha gang yin pa de nyid mi ma yin zhing lha ma skyes pa nyid kyang ma yin pa de'i phyir rtag pa ma yin no/ /gal te lha las mi gzhan na/ /de lta na ni mi rtag 'gyur gal te lha mi gzhan yin na/ /rgyud ni 'thad par mi 'gyur ro/ /gal te lha las mi gzhan yin na/ /de lta na ni rtag par 'gyur ro/ /rgyud kyi gtan tshigs kyis lha las mi gzhan yin par mi 'thad pas/ de'i phyir mi rtag pa ma yin no/ /gal te phyogs gcig lha yin la/ /phyogs gcig mi ni yin gyur na/ /rtag dang mi rtag 'gyur ba'i phyir/ /de yang rigs pa ma yin no/ /gal te phyogs gcig ni lha yin la/ /phyogs gcig ni mi yin par gyur na/ /de lta na rtag kyang rtag la mi rtag kyang mi rtag par 'gyur ba zhig na/ gang gi phyir de ltar bdag nyid gnyis pa nyid mi rigs pa de'i phyir rtag kyang rtag la mi rtag kyang mi rtag pa ma yin no/ /gal te rtag dang mi rtag pa/ /gnyi ga grub par gyur na ni/ /rtag pa ma yin mi rtag min/ /'grub par 'gyur ba 'dod la rag / gal te rtag pa dang mi rtag pa zhes bya ba de gnyi ga rab tu grub par gyur na ni/ de'i phyir rtag pa yang ma yin/ mi rtag pa yang ma yin pa zhes bya ba de yang rab tu 'grub par 'gyur ba 'dod la rag na/ gang gi phyir rtag pa dang mi rtag pa de gnyi ga rab tu ma grub pa de'i phyir rtag pa yang ma yin/ mi rtag pa yang ma yin pa zhes bya ba de yang rab tu mi 'grub bo/ /gal te gang zhig gang nas 'ongs/ /ci zhig gang du 'gro 'gyur na/ /de phyir de la thog med pas/ /rtag par gyur na de yang med/ /gal te dngos po gang zhig yul gang nas 'ongs shing ci zhig gcig gang du 'gro bar 'gyur na ni/ de'i phyir de la thog ma med pas rtag par 'gyur ba zhig na/ shes rab kyis btsal na dngos po gang zhig yul gang nas 'ongs shing ci zhig gcig tu gang du 'gro bar 'gyur ba de lta'i dngos po 'ga' yang med pas de'i phyir de la thog ma med pa yang med pas rtag pa ma yin no/ /gal te rtag pa 'ga' med na/ /mi rtag gang zhig yin par 'gyur/ /rtag pa dang ni mi rtag dang/ /de gnyis bsal bar gyur pa'o/ /gal te de ltar shes rab kyis brtags na/ dngos po rtag pa 'ga' yang med na/ /de mi rtag pa gang zhig yin par 'gyur/ rtag kyang rtag la mi rtag kyang mi rtag pa dang/ rtag pa yang ma yin mi rtag pa yang ma yin pa yang gang zhig yin par 'gyur te/ de lta bas na sngon gyi mdza' las brtsams pa'i rtag pa dang mi rtag pa la sogs pa bzhi po de dag mi 'thad do/ /de ni phyi ma'i mdza' las brtsams pa'i mdza' dang mdza' med pa la sogs pa bzhi po dag ji ltar mi 'thad pa de ltar bshad par bya ste/ gal te ji ltar zhe na/ bshad pa/ gal te 'jig rten mdza' yod na/ /'jig rten pha rol ji ltar 'gyur/ /gal te 'jig rten mdza' med na/ /'jig rten pha rol ji ltar 'gyur/ /'jig rten mdza' yod ces bya ba mi 'thad de/ ci'i phyir zhe na/ gal te 'jig rten mdza' yod par gyur na/ de'i phyir 'jig rten pha rol yod par mi 'gyur ba'i phyir ro/ /'jig rten pha rol yang yod pas de'i phyir 'jig rten mdza' yod ces bya ba mi 'thad do/ /'jig rten mdza' med ces bya ba de yang mi 'thad de/ ci'i phyir zhe na/ gal te 'jig rten mdza' med par gyur na de'i phyir 'jig rten pha rol med par 'gyur ba'i phyir ro/ /'jig rten pha rol yang yod pas de'i phyir 'jig rten mdza' med ces bya ba yang mi 'thad do/ /de gnyis ci'i phyir mi 'thad ce na/ de la bshad par bya ste/ gang phyir phung po rnams kyi rgyun/ /'di ni mar me'i 'od dang mtshungs/ /de phyir mdza' yod nyid dang ni/ /mdza' med nyid kyang mi rigs so/ /gang gi phyir phung po rnams kyi rgyun 'di ni mar me'i 'od dang mtshungs par rgyu dang rkyen gyi tshogs pa'i dbang gis 'byung ba de'i phyir/ 'jig rten mdza' yod pa nyid dang/ mdza' med pa nyid ces bya ba yang mi rigs so/ /ci'i phyir mi rigs she na/ de la bshad par bya ste/ gal te snga ma 'jig 'gyur zhing/ /phung po 'di la brten byas nas/ /phung po de ni mi 'byung na/ /des na 'jig rten mdza' yod 'gyur/ /gal te snga ma mi 'jig cing/ /phung po 'di la brten byas nas/ /phung po de ni mi 'byung na/ /des na 'jig rten mdza' med 'gyur/ /gal te phung po snga ma rnams 'jig par 'gyur zhing/ /phung po 'di dag la brten nas phung po gzhan de dag mi 'byung na ni/ des na 'jig rten mdza' yod par 'gyur pa zhig na/ gang gi phyir de lta ma yin pa de'i phyir 'jig rten mdza' yod ces bya ba mi 'thad do/ /gal te phung po snga ma rnams mi 'jig cing phung po 'di dag la brten nas phung po phyi ma de dag mi 'byung na ni/ des na 'jig rten mdza' med par 'gyur ba zhig na/ gang gi phyir de lta ma yin pa de'i phyir 'jig rten mdza' med ces bya ba yang mi 'thad do/ /btsun ba 'phags pa lhas kyang/ nyan pa po dang mnyan bya dang/ /smra po 'byung ba shin tu dkon/ /de phyir mdor na 'khor ba ni/ mdza' yod ma yin mdza' med min/ zhes bshad do/ /da ni 'jig rten mdza' yod kyang yod la mdza' med kyang med ces bya ba de yang mi 'thad de/ ci'i phyir zhe na/ bshad par bya ste/ gal te phyogs gcig mdza' yod la/ /phyogs gcig mdza' ni med gyur na/ /'jig rten mdza' yod mdza' med 'gyur/ /de yang rigs pa ma yin no/ /gal te phyogs gcig mdza' yod par gyur la phyoD gcig mdza' med par gyur na ni/ de'i phyir 'jig rten mdza' yod kyang yod la mdza' med kyang med par 'gyur ba zhig na/ de lta na dngos po bdag nyid gnyis pa nyid du 'gyur bas de ni mi 'thad do/ /ji lta bur na nyer len pa/ /phyogs gcig rnam par 'jig 'gyur la/ /phyogs gcig rnam par 'jig mi 'gyur/ /de ltar de ni mi rigs so/ /ji lta bur na nyer blang ba/ /phyogs gcig rnam par 'jig 'gyur la/ /phyogs gcig rnam par mi 'jig 'gyur/ /de ltar de yang mi rigs so/ /re zhig nye bar len pa po rigs pa gang gis phyogs gcig rnam par 'jig par 'gyur la/ phyogs gcig rnam par 'jig par mi 'gyur te/ rtag pa dang mi rtag pa nyid med pa'i phyir re zhig de ltar de ni mi rigs so/ /nye bar blang ba yang rnam pa gang gis phyogs gcig rnam par 'jig par 'gyur la/ phyogs gcig rnam par 'jig par mi 'gyur te/ rtag pa dang mi rtag pa nyid mi 'thad pa kho na'i phyir de ltar de yang mi rigs so/ /de ltar gang gi phyir dngos po bdag nyid gnyis pa nyid mi 'thad pa de'i phyir/ 'jig rten mdza' yod kyang yod la mdza' med kyang med ces bya ba mi 'thad do/ /da ni 'jig rten mdza' yod pa yang ma yin/ mdza' med pa yang ma yin zhes bya ba yang mi 'thad de/ ci'i phyir zhe na/ bshad par bya ste/ gal te mdza' yod mdza' med pa// gnyi ga grub par gyur na ni/ /mdza' yod ma yin mdza' med min/ /grub par 'gyur ba 'dod la rag /gal te mdza' yod pa dang mdza' med pa zhes bya ba de gnyi ga rab tu grub par gyur na ni/ de'i phyir mdza' yod pa yang ma yin mdza' med pa yang ma yin zhes bya ba 'di rab tu 'grub pa yang 'dod la rag na/ gang gi phyir mdza' yod pa dang mdza' med pa zhes bya ba de gnyis rab tu ma grub pa de'i phyir/ mdza' yod pa yang ma yin mdza' med pa yang ma yin zhes bya ba de yang rab tu ma grub po/ /de lta bas na brtag pa 'dis phyi ma'i mdza' las brtsams pa'i mdza' dang mdza' med pa la sogs pa bzhi po mi 'thad do/ /yang na dngos po thams cad dag /stong phyir rtag la sogs lta ba/ /gang du gang la gang dag gis/ /ji ltar kun tu 'byung bar 'gyur/ /yang na dngos po thams cad stong pa'i phyir rtag pa la sogs pa lta ba dag yul dang dus gang du dngos po gang la lta ba gang dag rgyu ci'i phyir kun tu 'byung bar 'gyur/ gang gi thugs brtse nyer bzung nas/ /lta ba thams cad spang ba'i phyir/ /dam pa'i chos ni ston mdzad pa/ /gau tam de la phyag 'tshal lo/ /gang gis thugs brtse ba nye bar bzung nas/ /lta ba thams cad spang ba'i phyir/ /dam pa'i chos ni bstan par mdzad pa/ sangs rgyas bcom ldan 'das shin tu rmad du byung ba bsam gyis mi khyab pa mtshungs pa med pa gzhal du med pa gdud gau tam dang gcig pa de la phyag 'tshal te/ dper na byang chub sems dpa' dga' byed bzhin no// //slob dpon 'phags pa klu sgrub kyis mdzad pa'i dbu ma rtsa ba'i 'grel pa ga las 'jigs med las/ lta ba brtag pa zhes bya ba ste/ rab tu byed pa nyi shu bdun pa ste tha ma'o/ / //dbu ma rtsa ba'i 'grel pa ga las 'jigs med ces bya ba'i tshig le'ur byas pa/ shes rab ces bya ba'i don mdor bstan pa/ bstan bcos dang rab tu byed pa dang/ ngag dang tshig rigs pa dang/ lung gis grub pa/ rang dang gzhan gyi grub pa'i mdza' smra pa'i phyogs ga las kyang 'jigs pa med pa/ rjes su dpag pa dang sun dbyung ba'i gsal ba dang/ de kho na dag bstan pa lta ba ngan pa'i dra ba zhi bar byed pa dang ldan pa/ shes rab kyi pha rol tu phyin pa'i tshul ston pa/ slob dpon bdag nyid chen po 'phags pa klu sgrub/ mi 'phrogs pa'i mkhyen rabs dang thugs rjer ldan pa/ de bzhin gshegs pa'i theg pa/ bla na med pa'i tshul rab tu 'byed pa/ rab tu dga' ba'i sa bsgrubs nas/ bde ba can gyi zhing du gshegs pa/ 'jig rten gyi khams dang ba'i 'od ces bya bar/ de bzhin gshegs pa ye shes 'byung gnas 'od ces bya bar 'gyur bas mdzad pa zhes bya ba rdzogs so// //dbang phyug dam pa'i mnga' bdag rgyal po chen po dpal lha btsan po'i bka' lung gis/ rgya gar gyi mkhan po theg pa chen po dbu ma pa dz+nyA na garba? dang/ bod kyi zhu chen gyi lo cA? ba/ dge slong klu'i rgyal mtshan gyis bsgyur cing zhu chen bgyis te gtan la phab pa/ theg pa chen po'i nges don/ dbu ma'i bstan bcos rtsa ba shes rab ces bya ba'i 'grel pa mdzad pa/ slob dpon klu sgrub dang/ gnas brtan bud b+ha pA li ta dang/ tan dra ki rti dang/ de ba sharma dang/ gu Na sh+rI dang/ gu Na ma ti dang/ s+thi ra ma ti dang/ legs ldan 'byed dang brgyad ces gna' mtshan cig las 'byung/ 'di la rab tu? byed pa ni nyi shu rtsa bdun/ shu lo gnyis stong chig brgya yod/ bam po ni bdun du byas so// //zhib mo rnam par 'thag pa'i rab tu byed pa 'phags pa klu sgrub kyis mdzad pa bzhugs so// / rgya gar skad du/

CLOSE WINDOW