བོད་ཡིག

e-texts based on the ACIP/ALL Input

/rgya gar skad du/ pradz+nyA nA ma mU la mA d+hya ma ka kA ri kA/ bod skad du/ dbu ma rtsa ba'i tshig le'ur byas pa shes rab ces bya ba dkon mchog gsum la phyag 'tshal lo/ /'jam dpal gzhon nur gyur pa la phyag 'tshal lo// slob dpon 'phags pa klu sgrub la phyag 'tshal lo/ /gang gis rten cing 'bral par 'byung/ /'gag pa med pa skye med pa// chad pa med pa rtag med pa/ /'ong ba med pa 'gro med pa/ /tha dad don min don gcig min/ /spros pa nyer zhi zhi bstan pa/ / b lank page rkyen dang mi ldan bya ba med/ /bya ba mi ldan rkyen ma yin/ /bya ba ldan yod 'on te na/ /'di dag la brten skye bas na/ /de phyir 'di dag rkyen ces grag/ ji srid mi skye de srid du/ /'di dag rkyen min ji ltar min/ /med dam yod pa'i don la yang/ /rkyen ni rung ba ma yin te/ /med na gang gi rkyen du 'gyur// yod na rkyen gyis ci zhig bya/ /gang tshe chos ni yod pa dang/ /med dang yod med mi 'grub pas/ /ji ltar sgrub byed rgyu zhes bya/ /de ltar yin na mi rigs so/ /yod pa'i chos 'di dmigs pa ni/ /med pa kho nar nye bar bstan/ /ci ste chos ni dmigs med na/ /dmigs pa yod par ga la 'gyur// chos rnams skyes pa ma yin na/ /'gag pa 'thad par mi 'gyur ro/ /de phyir de ma thag mi rigs/ /'gags na rkyen yang gang zhig yin/ / dngos po rang bzhin med rnams kyi/ /yod pa gang phyir yod min na/ /'di yod pas na 'di 'byung zhes/ /bya ba 'di ni 'thad ma yin/ /rkyen rnams so sor 'dus pa la/ /'bras bu de ni med pa nyid/ /rkyen rnams la ni gang med pa/ /de ni rkyen las ji ltar skye/ /ci ste 'bras bu de med kyang/ /rkyen de dag las skye 'gyur na/ /rkyen ma yin pa dag las kyang/ /ci yi phyir na skye mi 'gyur/ /'bras bu rkyen gyis rang bzhin na/ /rkyen rnams bdag gi rang bzhin min/ /bdag dngos min las 'bras bu gang/ /de ni ji ltar rkyen rang bzhin/ /de phyir rkyen gyi rang bzhin min/ /rkyen min rang bzhin 'bras bu ni/ /yod min 'bras bu med pas na/ /rkyen min rkyen dug la 'gyur/ /rkyen brtag pa zhes bya ba ste rab tu byed pa dang po'o// //re zhig song la mi 'gro ste/ /ma song ba la'ang 'gro ba min// song dang ma song ma gtogs par/ /bgom pa shes par mi 'gyur ro/ /gang na g.yo ba de na 'gro /de yang gang phyir bgom pa la/ /g.yo ba song min ma song min/ /de phyir bgom pa 'gro ba yod/ /bgom la la 'gro ba yin par ni/ /ji lta bur na 'thad par 'gyur/ /gang tshe 'gro ba med pa yi/ /bgom pa 'thad pa med phyir ro/ /gang gi bgom pa la 'gro ba/ /de yi bgom la 'gro med par/ /thal bar 'gyur te gang gi phyir/ /bgom la 'gro ba yin phyir ro/ /bgom la 'gro ba yod na ni/ /'gro ba gnyis su thal 'gyur te/ /gang gis de bgom gyur pa dang/ /de la 'gro ba gang yin pa'o/ /'gro ba gnyis su thal 'gyur na/ /'gro ba po yang gnyis su 'gyur/ /gang phyir 'gro ba med par ni/ /'gro ba 'thad par mi 'gyur phyir/ /gal te 'gro po med 'gyur na/ /'gro ba 'thad par mi 'gyur te/ /'gro ba med na 'gro ba po/ /yod pa nyid du ga la 'gyur/ /re zhig 'gro po mi 'gro ste/ /'gro ba po min 'gro ba min/ /'gro bo 'gro po min las gzhan/ /gsum pa gang zhig 'gro bar 'gyur/ /gang tshe 'gro ba med par ni/ /'gro po 'thad par mi 'gyur na/ /re zhig 'gro po 'gro'o zhes/ /ji ltar 'thad pa nyid du 'gyur/ /gang gi phyogs la 'gro ba po/ /'gro ba de la 'gro med pa'i/ /'gro ba yin par thal 'gyur te/ /'gro po 'gro bar 'dod phyir ro/ /gal te 'gro po 'gro 'gyur na/ /'gro pa gnyis su thal 'gyur te/ /gang gi 'gro por mngon pa dang/ /'gro por gyur nas gang 'gro ba'o// song la 'gro ba'i rtsom med de/ /ma song ba la'ang 'gro rtsom med/ /bgom la brtsom pa yod min na/ /gang du 'gro brtsom par byed/ /'gro ba rtsom pa'i snga rol na/ /gang du 'gro bo rtsam 'gyur pa/ /'gom pa med cing song ba med/ /ma song 'gro ba ga la yod/ /'gro rtsom rnam pa thams cad du/ /snang ba med pa nyid yin na/ /song ba ci zhig bgom pa ci/ /ma song ci zhig rnam par brtag /re zhig 'gro po mi sdod de/ /'gro ba po ma ni sdod pa min/ /'gro po 'gro po min las gzhan/ /gsum pa gang zhig sdod par 'gyur/ /gang tshe 'gro ba med par ni/ /'gro po 'thad par mi 'gyur na/ /re zhig 'gro po sdod do zhes/ /ji ltar 'thad pa nyid du 'gyur/ /bgom las ldog par mi 'gyur te/ /song dang ma song las kyang min/ /'gro pa dang ni 'jug pa dang/ /ldog pa yang ni 'gro dang mtshungs/ /'gro ba de dang 'gro ba po/ /de nyid ces kyang byar mi rung/ /'gro ba dang ni 'gro ba po/ /gzhan nyid ces kyang byar mi rung/ /gal te 'gro ba gang yin pa/ /de nyid 'gro po yin gyur na/ /byed pa po dang las nyid kyang// gcig pa nyid du thal bar 'gyur/ /gal te 'gro bar 'gro ba po/ /gzhan pa nyid du rnams brtags na/ /'gro po med pa'i 'gro ba dang/ /'gro ba med pa'i 'gro bor 'gyur/ /gang dag dngos po gcig pa dang/ /dngos po gzhan pa nyid du ni/ /grub par gyur pa yod min na/ /de nyid grub pa ji ltar yod/ /'gro ba gang gis 'gro bor mngon/ /'gro ba de ni de 'gro min/ /gang phyir 'gro ba'i snga rol med/ /gang zhig gang du 'gro bar 'gyur/ /'gro ba gang gis 'gro bor mngon/ /de las gzhan pa de 'gro min/ /gang phyir 'gro po gcig pu la/ /'gro ba gnyis su mi 'thad do/ /'gro ba yin par gyur pa ni/ /'gro rnam gsum du 'gro mi byed/ /ma yin par ni gyur de yang/ /'gro rnam gsum du 'gro mi byed/ /yin dang ma yin gyur pa yang/ /'gro rnam gsum du 'gro mi byed/ /de phyir 'gro dang 'gro ba dang/ /bgrod par bya ba yid ma yin/ /'gro ba dang 'ong ba brtag pa zhes bya ba ste rab tu byed pa gnyis pa'o/ //lta dang nyan dang snom pa la/ /myang bar byed dang reg byed yid/ /dbang po drug ste de dag gi spyod yul blta bar byed la sogs/ /lta de rang gi bdag nyid ni/ /de lta lta ba ma yin nyid/ /gang zhig dag la mi lta bar/ /de gzhan dag la ji ltar lta/ /lta ba rab tu bsgrub pa'i phyir/ /me yi dpes ni nus ma yin/ /song dang ma song bgom pa yis/ /de ni ltar bcas lan btab po/ /gang tshe cung zad mi lta ba/ /lta bar byed pa ma yin no/ /lta bas lta bar byed ces byar/ /de ni ji ltar rigs par 'gyur/ /lta ba lta nyid ma yin te/ /lta ba min pa mi lta nyid/ /lta ba nyid kyis lta po yang/ /rnam par bshad par shes par bya/ /ma spangs lta po yod min te/ /ltar spangs par gyur kyang ngo// lta po med na lta bya dang/ /lta ba de dag ga la yod/ /ji ltar pha dang ma dag pa/ /brten nas bu ni 'byung bshad pa/ /de bzhin mig dang gzugs brten nas/ /rnam par shes pa 'byung bar bshad/ /lta bya blta ba med pa'i phyir/ /rnam par shes la sogs pa bzhi/ /yod min nye bar len la sogs/ /ji lta bur na yod par 'gyur/ /lta ba nyan dang snom pa dang/ /myang bar byed dang reg byed yid/ /nyan pa po dang mnyan la sogs/ /rnam par bshad par shes par bya/ /dbang po brtag pa zhes bya ba ste/ rab tu byed pa gsum pa'o// gzugs kyi rgyu ni ma gtogs par/ /gzugs ni dmigs par mi 'gyur ro/ /gzugs zhes bya ba ma gtogs par/ /gzugs kyi rgyu yang mi snang ngo/ /gzugs kyi rgyu ni ma gtogs par/ /gzugs na gzugs ni rgyu med par/ /thal bar 'gyur te don gang yang rgyu med pa ni gang na'ang med/ /gal te gzugs ni ma gtogs par/ /gzugs kyi rgyu zhig yod na ni/ /'bras bu med pa'i rgyur 'gyur te/ /'bras bu med pa'i rgyu med do/ /gzugs yod na yang gzugs kyi ni/ /rgyu yang 'thad par mi 'gyur nyid/ /gzugs med na yang gzugs kyi ni/ /rgyu yang 'thad par mi 'gyur nyid/ /rgyu med pa yi gzugs dag ni/ /'thad par mi rung rung min nyid/ /de phyir gzugs kyi rnam par rtog/ 'gal yang rnam par brtag mi bya/ /'bras bu rgyu dang 'dra ba zhes/ /bya ba 'thad pa ma yin te/ /'bras bu rgyu dang mi 'dra zhes/ /bya ba'ang 'thad pa ma yin no/ /tshor dang 'du shes 'du byed dang/ /sems dang dngos po thams cad kyang/ /rnam pa dag ni thams cad du/ /gzugs nyid kyi ni rim pa mtshungs/ /stong pa nyid kyis brtsad byas tshe/ /gang zhig lan 'debs smra byed pa/ /de yi thams cad lan btab min/ /bsgrub par bya dang mtshungs par 'gyur ro/ /stong pa nyid kyis bshad byas tshe/ /gang zhig skyon 'dogs smra byed pa/ /de yi thams cad skyon btags min/ /bsgrub par bya dang mtshungs bar 'gyur/ /phung po brtag pa zhes bya ba ste/ rab tu byed pa bzhi pa'o/ / //nam mkha' i mtshan nyid snga rol na/ /nam mkha' cung zad yod ma yin/ /gal te mtshan las sngar gyur na/ /mtshan nyid med par thal bar 'gyur/ /mtshan nyid med pa'i dngos po ni/ /'gal yang gang na 'ang yod ma yin/ /mtshan nyid med pa'i dngos med na/ /mtshan nyid gang du 'jug par 'gyur/ /mtshan nyid med la mtshan nyid ni/ /mi 'jug mtshan nyid bcas la min/ /mtshan bcas mtshan nyid med pa las/ /gzhan la'ang 'jug par mi 'gyur ro/ /mtshan nyid 'jug pa ma yin na/ /mtshan gzhi 'thad par mi 'gyur ro/ /mtshan gzhi 'thad pa ma yin na/ /mtshan nyid kyang ni yod ma yin/ /de phyir mtshan gzhi yod min te/ /mtshan nyid yod pa nyid ma yin/ /mtshan gzhi mtshan nyid ma gtogs pa/ /dngos po yang ni yod ma yin/ /dngos po yod pa ma yin na/ /dngos med gang gi yin par 'gyur/ /dngos dang dngos med mi mthun chos/ /gang gis dngos dang dngos med shes/ /de phyir nam mkha' dngos po min/ /dngos med ma yin mtshan gzhi min// mtshan nyid ma yin khams lnga po/ /gzhan gang dag kyang nam mkha' mtshungs/ /blo chung gang dag dngos rnams la/ /yod pa nyid dang med nyid du/ /lta ba des ni blta bya ba/ /nye bar zhi ba zhi mi mthong/ /khams brtag pa zhes bya ba ste/ /rab tu byed pa lnga pa'o/ / //gal te 'dod chags snga rol na/ /'dod chags med pa'i chags yod na/ /de la brten nas 'dod chags yod/ /chags yod 'dod chags yod par 'gyur/ /chags pa yod par ma gyur na/ /'dod chags yod par ga la 'gyur// chags pa la yang 'dod chags ni/ /yod dam med kyang rim pa mtshungs/ /'dod chags dang ni chags pa dag /lhan cig nyid du skye mi rigs/ /'di ltar 'dod chags chags pa dag /phan tshun bltos pa med par 'gyur/ /gcig nyid lhan cig nyid min te/ /de nyid de dang lhan cig min// ci ste tha dad nyid yin na/ /lhan cig nyid du ji ltar 'gyur/ /gal te gcig pu lhan cig na/ /grogs med par yang der 'gyur ro/ /gal te tha dad lhan cig na/ /grogs med par yang der 'gyur ro/ /gal te tha dad lhan cig na/ /ci go 'dod chags chags pa dag /tha dad nyid du grub 'gyur ram/ /des ni de gnyis lhan cig 'gyur/ /gal te 'dod chags chags pa dag/ tha dad nyid du grub 'gyur na/ /de dag lhan cig nyid du ni/ /ci yi phyir na yongs su rtog/ /tha dad grub par ma gyur pas/ /de phyir lhan cig 'dod byed na/ /lhan cig rab tu bsgrub pa'i phyir/ /tha dad nyid du yang 'dod dam/ /tha dad dngos po ma grub pas/ /lhan cig dngos po 'grub mi 'gyur/ /tha dad dngos po gang yod na/ /lhan cig dngos por 'dod par byed/ /de ltar 'dod chags chags pa dag /lhan cig lhan cig min mi 'grub/ /'dod chags bzhin du chos rnams kun/ /lhan cig lhan cig min mi 'grub/ /'dod chags dang chags pa brtag pa zhes bya ba ste rab tu byed pa drug pa'o/ //gal te skye ba 'dus byas na/ /de la mtshan nyid gsum ldan 'gyur/ /ji ste skye ba 'dus ma byas/ /ji ltar 'dus byas mtshan nyid yin/ /skye la sogs su so so yis/ /'dus byas mtshan nyid bya bar ni/ /nus min gcig la dus gcig tu/ /'dus pa yang ni ji ltar rung/ /skye dang gnas dang 'jig rnams la/ /'dus byas mtshan nyid gzhan zhig ni/ /gal te yod na thug ba med med na de dag 'dus byas min/ /skye ba'i skye bas rtsa ba yis/ /skye ba 'ba' zhig skyed par byed/ /rtsa ba'i skye bas skye ba yi/ /skye ba'ang skyed par byed pa yin/ /gal te khyod kyi skye ba'i skyes/ /rtsa ba'i skye bskyed byed na/ /khyod kyi rtsa bas ma bskyed des/ /de ni ji ltar skyed par byed/ gal te khyod kyi rtsa ba yis/ /bskyed pa de yis rtsa bskyed na/ /des ma bskyed pa'i rtsa ba des/ /de ni ji ltar skyed par byed/ /gal te ma skyes pa de yis/ /de skyed par ni byed nus na/ /khyod kyi skye bzhin pa de yis/ /de bskyed pa ni 'dod la rag/ ji ltar mar mes rang dang gzhan/ /snang bar byed pa de bzhin du/ /skye ba'ang rang dang gzhan gyi dngos/ /gnyis ka skyed par byed pa yin/ /mar me dang ni gang dag ni/ /de 'dug pa na mun pa med/ /mar mes ci zhig snang bar byed/ /mun pa sel bas snang byed yin/ /gang tshe mar me skye bzhin pa/ /mun pa dang ni phrad med na/ /ji ltar mar me skye bzhin pas/ /mun pa sel bar byed pa yin/ /mar me phrad pa med par yang/ /gal te mun pa sel byed na/ /'jig rten kun la gnas pa'i mun/ /'di na 'dug pa des bsal 'gyur/ /mar me rang dang gzhan gyi dngos/ /gal te snang bar byed 'gyur na// mun pa'ang rang dang gzhan gyi dngos/ /sgrib par 'gyur bar the tshom med/ /skye ba 'di ni ma skyes pas/ /rang gi bdag nyid ji ltar bskyed/ /ci ste skyes pas skyed byed na/ /skyes na ci zhig bskyed du yod/ /skyes dang ma skyes skye bzhin pa/ /ji lta bur yang mi bskyed pa/ /des ni song dang ma song dang/ /bgom pas rnam par bshad pa yin/ /gang cho skye ba yod pa na/ /skye bzhin 'di 'byung med pa'i tshe/ /ji ltar skye la brten nas ni/ /skye bzhin zhes ni brjod par bya/ /rten cing 'byung ba gang yin pa/ /de ni ngo bo nyid kyis zhi/ /de phyir skye bzhin nyid dang ni/ /skye ba yang ni zhi ba nyid/ /gal te dngos po ma skyes pa/ /'ga' zhig gang na yod gyur na/ /de ni skye 'gyur dngos po de/ /med na ci zhig skye bar 'gyur/ /gal te skye ba de yis ni/ /skye bzhin pa ni skyed byed na /skye ba de ni skye ba lta/ /gal te skye ba gzhan zhig gis/ des bskyed thug pa med par 'gyur// ci ste skye ba med skye na/ /thams cad de bzhin skye bar 'gyur/ /re zhig yod dang med pa yang/ /skye bar rig pa ma yin zhing/ /yod med nyid kyang ma yin zhes/ /gong du bstan pa nyid yin no/ dngos po 'gag bzhin nyid la ni/ /skye ba 'thad par mi 'gyur ro/ /gang zhig 'gag bzhin ma yin pa/ don dngos por mi 'thad do/ /dngos po gnas pa mi gnas te/ /dngos po mi gnas gnas pa min/ /gnas bzhin pa yang mi gnas te/ /ma skyes gang zhig gnas par 'gyur/ dngos po 'gag bzhin nyid la ni/ /gnas pa 'thad par mi 'gyur ro/ /gang zhig 'gag bzhin ma yin pa// de ni dngos por mi 'thad do/ /dngos po thams cad dus kun tu/ /rga dang 'chi ba'i chos yin na/ /gang dag rga dang 'chi med pa'i/ /gnas pa'i dngos po gang zhig yin/ /gnas pa gnas pa gzhan dang ni/ /de nyid kyis kyang gnas mi rigs/ /ji ltar skye ba rang dang ni/ /gzhan gyis bskyed pa ma yin bzhin/ /'gags pa bgags par mi 'gyur te/ /ma 'gags pa yang 'gag mi 'gyur/ /'gag bzhin pa yang de bzhin min/ /ma skyes gang zhig 'gag par 'gyur/ /re zhig dngos po gnas pa la/ /'gag pa 'thad par mi 'gyur ro// dngos po mi gnas pa la yang/ /'gag pa 'thad par mi 'gyur ro/ /gnas skabs de yi gnas skabs ni/ /de nyid 'gag pa nyid mi 'gyur/ /gnas skabs gzhan gyis gnas skabs ni/ /gzhan yang 'gag pa nyid mi 'gyur/ /gang tshe chos rnams thams cad kyi/ /skyo ba 'thad par mi 'gyur pa/ /de tshe chos rnams thams cad kyi/ /'gag pa 'thad par mi 'gyur ro/ /re zhig dngos po yod pa la/ /'gag pa 'thad par mi 'gyur ro/ /gcig nyid na ni dngos po dang/ /dngos po med pa 'thad pa med/ /dngos po med par gyur pa la'ang/ /'gag pa 'thad par mi 'gyur ro/ /mgo gnyis pa la ji ltar ni/ /bcad du med pa de bzhin no/ /'gag par rang gi bdag nyid kyis/ /yod min 'gag pa gzhan gyis min/ /ji ltar skye ba rang dang ni/ /gzhan gyis bskyed pa ma yin bzhin/ /skye dang gnas dang 'jig pa dag / ma grub phyir na 'dus byas med/ /'dus byas rab tu ma grub na/ /'dus ma byas ni ji ltar grub/ /rmi lam ji bzhin sgyu ma bzhin/ /dri za'i grong khyer ji bzhin du/ /de bzhin skye dang de bzhin gnas/ /de bzhin du ni 'jig pa gsungs/ /skye ba dang gnas pa dang 'jig pa brtag pa zhes bya ba ste rab tu byed pa bdun pa'o/ / //byed po yin par gyur pa de/ /las su gyur pa mi byed do/ /byed po ma yin gyur pa yang/ /las sum gyur mi byed do/ /yin par gyur la bya ba med/ /byed po med pa'i las suAng 'gyur/ /min par gyur la bya ba med/ /las med byed pa por yang 'gyur/ /gal te byed por ma gyur pas/ /las su ma gyur byed na ni/ /las la rgyu ni med par 'gyur/ /byed pa po yang rgyu med 'gyur/ /rgyu med na ni 'bras bu dang/ /rgyu yang 'thad par mi 'gyur ro/ /de med na ni bya ba dang/ /byed pa po dang byed mi rigs/ /bya ba la sogs mi rigs na/ /chos dang chos min yod ma yin/ /chos dang chos min med na ni/ /de las byung ba'i 'bras bu med/ /'bras bu med na thar pa dang/ /mtho ris gyur pa'i lam mi 'thad/ /bya ba dag ni thams cad kyang/ /don med nyid du thal bar 'gyur/ /bye pa por gyur ma gyur pas/ /gyur ma gyur de mi byed do/ /yin dang ma yin gyur cig la/ /phan tshun 'gal bas ga la yod/ /byed pa por ni gyur pa yis/ /ma gyur las ni mi byed de/ /ma gyur pas kyang gyur mi byed/ /'dir yang skyon der thal bar 'gyur/ /byed pa por ni gyur pa dang/ /bcas pas las ni ma gyur dang/ /gyur ma gyur ba mi byed de/ /gtan tshigs gong du bstan phyir ro/ /byed pa por ni ma gyur pas/ /las ni gyur dang bcas pa dang/ /gyur ma gyur pa mi byed de/ /gtan tshig gong du bstan phyir ro/ /byed pa por gyur ma gyur ni/ /las su gyur dad ma gyur pa/ /mi byed 'dir yang gtan tshigs ni/ /gong du bstan par shes par bya/ /byed po las la brten byas shing/ /las kyang byed po de nyid la brten nas 'byung ba ma gtogs par/ /grub pa'i rgyu ni ma mthong ngo/ /de bzhin nyer len shes par bya/ /las dang byed pos gsal phyir ro/ /byed pa po dang las dag gis/ /dngos po lhag ma'ang shes par bya/ /byed pa po dang las brtag pa zhes bya ba ste rab tu byed pa brgyad pa'o/ / //lta dang nyan la sogs pa dang/ /tshor sogs dang yang dbang byas pa/ /gang gi yin pa de dag gi /snga rol de yod kha cig smra/ /dngos po yod pa ma yin na/ /lta ba la sogs ji ltar 'gyur/ /de phyir de dag snga rol na/ /dngos po gnas pa de yod de/ /lta dang nyan la sogs pa dang/ /tshor ba la sogs nyid kyis ni/ /snga rol dngos po gang gnas pa/ /de ni gang gis gdags par bya/ /lta ba la sogs med par yang/ /gal te de ni gnas gyur na/ /de med par yang de dag ni/ /yod par 'gyur bar the tshom med/ /ci yis gang zhig bsal bar byed/ /gang gis ci zhig bsal bar byed/ /ci med gang zhig la yod/ /gang med ci zhig ga la yod/ /lta la sogs pa thams cad kyi/ /snga rol gang zhig yod pa min/ /lta sogs nang nas gzhan zhig gis/ /gzhan gyi tshe na gsal bar byed/ /lta la sogs pa thams cad kyi/ /snga rol gal te yod min na/ /lta la sogs pa re re yis/ /snga rol de ni ji ltar yod/ /lta po de nyid nyan po de/ /gal te tshor po de nyid na/ /re re'i snga rol yod gyur na/ /de ni de ltar mi rigs so// gal te lta po gzhan nyid la/ /nyan pa po gzhan tshor gzhan na/ /lta po yod tshe nyan por 'gyur/ /bdag kyang mang po nyid du 'gyur/ /lta dang nyan la sogs pa dang/ /tshor bdag la sogs pa yang/ /gang las 'gyur ba'i 'gyur de la'ang/ /de ni yod pa ma yin no/ /lta dang nyan la sogs pa dang/ /tshor ba dag la sogs pa yang/ /gang gi yin pa gal te med/ /de dag kyang ni yod ma yin/ /gang zhig lta la sogs pa yi/ /snga rol da lta phyin med/ /de la yod do med do zhes/ /rtog pa dag ni ldog par 'gyur/ /snga rol na gnas pa brtag pa zhes bya ba ste rab tu byed pa dgu pa'o/ / //bud shing gang de mi yin na/ /byed pa po dang las gcig 'gyur/ /gal te shing las me gzhan na/ /shing med par yang 'byung bar 'gyur/ /rtag tu 'bar ba nyid du 'gyur/ /'bar byed rgyu las mi 'byung zhing/ /rtsom pa don med nyid du 'gyur/ //de lta yin na las kyang med/ /gzhan la bltos pa med pa'i phyir/ 'bar bar byed rgyu las mi 'byung/ /rtag tu 'bar ba nyid yin na/ /rtsom pa don med nyid du 'gyur/ /de la gal te 'di snyam du/ /sreg bzhin bud shing yin sems na/ /gang tshe de rtsam de yin na/ /gang gi bud shing de sreg byed/ /gzhan phyir mi phrad phrad med na/ /sreg par mi 'gyur mi sreg na/ /'chi bar mi 'gyur mi 'chi na/ /rang rtags dang yang ldan par gnas/ /ji ltar bud med skyes pa dang/ /skyes pa'ang bud med phrad pa bzhin/ /gal te shing las ? gzhan na/ /shing dang phrad par rung bar 'gyur/ /gal te me dang shing dag ni/ /gcig gis gcig ni bsal 'gyur na/ /shing las me gzhan nyid yin yang/ /shing dang phrad par 'dod la rag/ gal te shing bltos me yin la/ /gal te me bltos shing yin na// gang bltos me dang shing 'gyur ba/ /dang po grub pa gang zhig yin/ /gal te shing bltos me yin na/ /me sgrub pa la sgrub par 'gyur/ /bud par bya ba'i shing la yang/ /me med par yang 'gyur ba yin/ /gal te dngos po gang bltos grub/ /de nyid la yang bltos nas ni/ /bltos bya gang yin de 'grub na/ /gang la bltos nas gang zhig 'grub/ /dngos po bltos 'grub gang yin pa/ /de ma grub na ji ltar bltos/ /ci ste grub pa bltos she na/ /de ni bltos par mi rigs so /shing la bltos pa'i me med de/ shing la ma bltos me yang med/ /me la bltos pa'i shing med de/ /me la ma bltos shing yang med/ /me ni gzhan las mi 'ong ste /shing la'ang me ni yod ma yin /de bzhin shing gi lhag ma ni/ /song dang ma song bsgoms pas bstan/ /shing nyid me ni ma yin te// shing las gzhan la'ang me yang med/ /me ni shing dang ldan ma yin / me la shing med der de med/ /me dang shing gis bdag dang ni/ /nye bar blang ba'i rim pa kun/ /bum snam sogs dang lhan cig tu/ /ma lus par ni rnam par bshad/ /gang dag bdag dang dngos po rnams/ /de nyid ces dang tha dad par/ /ston pa de dag bstan don la/ /mkhas so snyam du mi sems so/ /me dang bud shing brtag pa zhes bya ba ste rab tu byed pa bcu pa'o// //sngon mdza' sngon nam zhes zhus tshe/ /thub pa chen pos min zhes gsungs/ 'khor ba thog ma tha ma med/ /de la sngon med phyi ma med// shang la thog ma tha med pa/ /de la dbus ni ga la yod/ /de phyir de la snga phyi dang/ /lhan cig rim pa mi 'thad do/ /gal te skye ba snga gyur la/ /rga shi phyi ma yin na ni/ /skye ba rga shi med pa dang/ /ma shi bar yang skye bar 'gyur/ /gal te skye bar phyi gyur la rga shi snga ba yin na ni/ /skye ba med pa'i rga shi ni/ /rgyu med par ni ji ltar 'gyur/ /skye ba dang ni rga shi dag /lhan cig rung ba ma yin te/ /skye bzhin pa na 'chi 'gyur zhing/ /gnyis ka rgyu med can du 'gyur/ /gang las snga phyi lhan cig gi /rim pa de dag mi srid pa'i/ /skye ba de dang rga shi de/ /ci yi phyir na spro bar byed/ /'khor ba 'ba' zhig sngon gyi mdza' / /yod ma yin par ma zad de/ /rgyu dang 'bras bu nyid dang ni/ /mtshan nyid dang ni mtshan gzhi nyid/ /tshor dang tshor po nyid dang ni/ /don yod gang dag ci yan rung/ /dngos rnams thams cad nyid la yang/ /sngon gyi mdza' ni yod ma yin/ /sngon dang phyi ma'i mdza' brtag pa zhes bya ba ste rab tu byed pa bcu gcig pa'o// //kha cig sdug bsngal bdag gis byas/ /gzhan gyis byas dang gnyis kas byas/ /rgyu med pa las byung bar 'dod/ /de ni bya bar mi rung ngo/ /gal te bdag gis byas gyur na/ /de phyir brten nas 'byung mi 'gyur/ /gang phyir phung po de dag la/ /brten nas phung po de dag 'byung/ /gal te 'di las de gzhan zhing/ /gal te 'di las de gzhan na/ /sdug bsngal gzhan yis byas 'gyur zhing/ /gzhan de dag gis de byas 'gyur/ /gal te gang zag bdag gis ni/ /sdug bsngal byas na gang bdag gis/ /sdug bsngal byas pa'i gang zag de/ /sdug bsngal ma gtogs gang zhig yin/ /gal te gang zag gzhan las ni/ /sdug bsngal 'byung na gzhan zhig gis/ /sdug bsngal de byas gang sbyin des/ /sdug bsngal ma gtogs ji ltar rung/ /gal te gang zag gzhan sdug bsngal/ /'byung na gang gis de byas nas/ /gzhan la ster ba'i gang zag gzhan/ /sdug bsngal ma gtogs gang zhig yin/ /bdag gis byas par ma grub pas sdug bsngal gzhan gyis ga la byas/ /gzhan gyis sdug bsngal gang byed pa/ /de ni de yi bdag byas 'gyur/ /de zhig sdug bsngal bdag byas min/ /de nyid kyis ni de ma byas/ /gal te gzhan bdag ma byas na/ /sdug bsngal gzhan byas ga la 'gyur/ /gal te re res byas 'gyur na/ /sdug bsngal gnyis kas byas par 'gyur/ /bdag gis ma byas gzhan ma byas/ /sdug bsngal rgyu med ga la 'gyur/ /sdug bsngal 'ba' zhig rnam pa bzhi/ /yod ma yin pa zad kyi/ phyi rol dngos po rnams la yang/ rnam pa bzhi po yod ma yin/ /bdag gis byas pa dang gzhan gyis byas pa brtag pa zhes bya ba ste rab tu byed pa bcu gnyis pa'o// //bcom ldan 'das kyis chos gang zhig /bslu ba de ni rdzun zhes gsungs/ /'du byed thams cad brla ba'i chos des na de dag rdzun pa yin/ /gal te bslu chos gang yin pa/ /de rdzun de la ci zhig bslu/ /bcom ldan 'das kyis de gsungs pa/ /stong nyid yongs su bstan pa yin/ /dngos rnams ngo bo nyid med de/ /gzhan du 'gyur ba snang phyir ro/ /dngos po ngo bo nyid med med/ gang phyir dngos rnams stong pa nyid/ /gal te ngo bo nyid med na/ /gzhan du 'gyur ba gang gi yin/ /gal te ngo bo nyid yod na/ /ji lta bur na gzhan du 'gyur/ /de nyid la ni gzhan 'gyur med/ /gzhan nyid la yang yod ma yin/ /gang phyir gzhon nu mi rga ste/ /gang phyir rgas pa'ang mi rga'o/ /gal te de nyid gzhan gyur na/ /'o ma nyid ni zhor 'gyur ro/ /'o ma las gzhan gang zhig ni/ /zho yi dngos po yin par 'gyur/ /gal te stong min cung zad yod/ /stong pa'ang cung zad yod par 'gyur mi stong cung zad yod min na/ /stong pa'ang yod par ga la 'gyur/ /rgyal ba rnams kyis stong pa nyid/ /lta kun nges par 'byung bar gsungs/ /gang dag stong pa nyid lta ba/ /de dag bsgrub du med par gsungs/ /'du byed brtag pa zhes bya ba ste rab tu byed pa bcu gsum pa'o/ / //blta bya lta ba lta ba po/ /gsum po de dag gnyis gnyis dang/ /thams cad kyang ni phan tshun du/ /phrad par 'gyur ba yod ma yin/ /de bzhin 'dod chags chags pa dang/ /chags par bya ba nyon mongs pa/ lhag ma rnams dang skye mched kyi/ / lhag ma'ang rnam pa gsum gyis so/ /gzhan dang gzhan du phrad 'gyur na/ /gang phyir blta bya la sogs la/ /gzhan de yod pa ma yin pa/ /de phyir phrad par mi 'gyur ro/ /blta bya la sogs 'ba' zhig la/ /gzhan nyid med par ma zad kyi/ /gang yang gang dang lhan cig tu/ /gzhan pa nyid du mi 'thad do/ /gzhan ni gzhan la brten te gzhan/ /gzhan med par gzhan gzhan mi 'gyur/ /gang la brten te gang yin pa/ /de ni de las gzhan mi 'thad/ /gal te gzhan ni gzhan las gzhan/ /de tshe gzhan med par gzhan 'gyur/ /gzhan med par ni gzhan 'gyur ba/ /yod min de yi phyir na med/ /gzhan nyid gzhan la yod ma yin/ /gzhan ma yin la'ang yod ma yin/ /gzhan nyid yod pa ma yin na/ /gzhan ma de nyid yod ma yin/ /de ni de dang phrad pa med/ /gzhan ni gzhan dang phrad mi 'gyur/ /phrad bzhin pa dang phrad pa dang/ /phrad pa po yang yod ma yin/ /phrad pa brtag pa zhes bya ba ste rab tu byed pa bcu bzhi pa'o// //rang bzhin rgyu dang rkyen las ni/ /'byung ba rigs pa ma yin no/ /rgyu dang rkyen las byung ba yi/ /rang bzhin byas pa can du 'gyur/ /rang bzhin byas pa can zhes byar/ /ji lta bur na rung bar 'gyur/ /rang bzhin dag ni bcos min dang/ /gzhan la bltos pa med pa yin/ /rang bzhin yod pa ma yin na/ /gzhan gyi dngos po ga la yod/ /gzhan gyi dngos po'i rang bzhin ni/ /gzhan gyi dngos po yin zhes brjod/ /rang bzhin dang ni gzhan dngos dag / ma gtogs dngos po ga la yod/ /rang bzhin dang ni gzhan dngos dag/ yod na dngos po 'grub par 'gyur/ /gal te dngos po ma grub na/ /dngos med 'grub par mi 'gyur ro/ /dngos po gzhan du gyur pa ni/ /dngos med yin par skye bo smra/ /gang dag rang bzhin gzhan dngos dang/ /dngos dang dngos med nyid lta ba/ /de dag sang rgyas bstan pa la/ /de nyid mthong ba ma yin no/ /bcom ldan dngos dang dngos med pa/ /mkhyen pas kA tyA ya na yi/ /gdams ngag las ni yod pa dang/ /med pa gnyis ka dgag par gsungs/ /gal te rang bzhin gyis yod na/ /de ni med nyid mi 'gyur ro/ /gang bzhin gzhan du 'gyur ba ni/ /nam yang 'thad par mi 'gyur ro/ /rang bzhin yod pa ma yin na/ /gzhan du 'gyur ba gang gi yin/ /rang bzhin yod pa ma yin yang/ /gzhan du 'gyur ba ji ltar rung/ /yod ces bya ba rtag par 'dzin/ /med ces bya ba chad par lta/ /de phyir yod dang med pa la/ /mkhas pas gnas par mi bya'o/ /gang zhig rang bzhin gyis yod pa/ /de ni med pas brtag /sngon byung da ltar med ces pa/ /des na chad par thal bar 'gyur/ /rang bzhin brtag pa zhes bya ba ste rab tu byed pa bco lnga pa'o/ / //gal te 'du byed 'khor zhe na/ /de dag rtag na mi 'khor te/ /mi rtag na yang 'khor mi 'gyur/ /sems can la yang rim 'di mtshungs/ /gal te gang zag 'khor zhe na/ /phung po skye mched khams rnams la/ /de ni rnam pa lngas btsal na/ /med na gang zhig 'khor bar 'gyur/ /nye bar len nas nyer len par/ /'khor na srid pa med par 'gyur/ /srid med nye bar len med na/ /de gang ci zhig 'khor bar 'gyur/ /'du byed mya ngan 'da' bar ni/ /ji lta bur yang mi 'thad do/ /sems can mya ngan 'da' bar yang/ /ji lta bur yang 'thad mi 'gyur/ /skye 'jig chos can 'du byed rnams/ /mi 'ching grol bar mi 'gyur te/ /snga ma bzhin du sems can yang/ /mi 'ching grol bar mi 'gyur ro/ /gal te nye bar len 'ching na/ /nye bar len bcas 'ching mi 'gyur/ /nye bar len med mi 'ching ste/ /gnas skabs gang zhig 'ching bar 'gyur/ /gal te bcing bya'i snga rol na/ /'ching ba yod na 'ching la rag /de yang ming de lhag ma ni/ /song dang ma song bsgoms pas bstan/ /re zhig bcings pa mi grol te/ /ma bcings ba yang grol mi 'gyur/ /bcings pa grol bzhin yin 'gyur na/ /bcings dang grol ba dus gcig 'gyur/ /bdag ni len med mya ngan 'da' / /myang 'das bdag gir 'gyur ro zhes/ /de ltar gang dag 'dzin de yi/ /nyer len 'dzin pa chen po yin/ /gang la mya ngan 'das bskyed med/ /'khor ba bsal ba'ang yod min pa/ /de la 'khor ba ci zhig yin/ /mya ngan 'das pa'ang ci zhig brtag /bcings pa dang thar pa brtag pa zhes bya ba ste rab tu byed pa bcu drug pa'o// //bdag nyid legs par sdom pa dang/ /gzhan la phan 'dogs byams sems gang/ /de chos de ni 'di gzhan du/ /'bras bu dag gi sa bon yin/ /drang srong mchog gis las rnams ni/ /sems pa dang ni bsam par gsungs/ /las de dag gi bye brag ni/ /rnam pa du mar yongs su bsgrags/ /de la las gang sems pa zhes/ / gsungs pa de ni yid kyir 'dod/ /bsams pa zhes ni gang gsungs pa/ /de ni lus dang ngag gi yin/ /ngag dang spyod dang mi spong ba'i/ /rnam rig byed min zhes bya gang/ /spong ba'i rnam rig byed min pa/ /gzhan dag kyang ni de bzhin 'dod/ /longs spyod las byung bsod nams dang/ /bsod nams ma yin tshul de bzhin/ /sems dpa' dang ni chos de bdun/ /las su mngon par 'dod pa yin/ /gal te smin pa'i dus bar du/ /gnas na las de rtag par 'gyur/ /gal te 'gags na 'gags gyur pa/ /ji ltar 'bras bu bskyed par 'gyur/ /myu gu la sogs rgyun gang ni/ /sa bon las ni mngon par 'byung/ /de las 'bras bu sa bon ni/ /med na de yang 'byung mi 'gyur/ /gang phyir sa bon las rgyun dang/ /rgyun las 'bras bu 'byung 'gyur zhing/ /sa bon 'bras bu sngon 'gro ba/ /de phyir chad min rtag ma yin/ /sems kyi rgyun ni gang yin pa/ /sems las mngon par 'byung bar 'gyur/ /de las 'byu ru sems lta zhig /de na de yang 'byung mi 'gyur/ /gang phyir sems las rgyun dang ni/ /rgyu las 'bras bu 'byung 'gyur zhing/ /las ni 'bras bu'i sngon 'gro ba/ /de phyir chad min rtag ma yin/ /dkar po'i las kyi lam bcu po/ /chos sgrub pa yi thabs yin te/ /chos kyi 'bras bu 'di gzhan du/ /'dod pa'i yon tan rnam lnga'o/ /gal te rtag pa der gyur na/ /nyes pa chen po mang por 'gyur/ /de lta bas na rtag pa de/ /'dir ni 'thad pa ma yin no/ /sangs rgyas rnams dang rang rgyal dang/ /nyan thos rnams kyis gang gsungs pa'i/ /brtag pa gang zhig 'dir 'thad pa/ /de ni rab tu brjod par bya/ /dbang rgya ji ltar de bzhin chung/ /mi za las ni bu lon bzhin de ni khams las rnam pa bzhi/ /de yang rang bzhin lung ma bstan/ /spong bas spang ba ma yin te/ /bsgoms pas spang ba nyid kyang yin/ /de phyir chud mi za ba yis/ /las kyi 'bras bu bskyed par 'gyur/ /gal te spong ba spang ba dang/ /las 'phos pa yis 'jig 'gyur na// de la las 'jigs la sogs pa'i/ /skyon rnams su ni thal bar 'gyur/ /khams mtshungs las ni cha mtshungs dang/ /cha mi mtshungs pa thams cad kyi/ /de ni nyid mtshams sbyor ba'i tshe/ /gcig pu kho na skye bar 'gyur/ /mthong ba'i chos la rnam gnyis po/ /thams cad las dang las kyi de/ /tha dad par ni skye 'gyur zhing/ /rnam par smin kyang gnas pa yin/ /de ni 'bras bu 'pho ba dang/ /shi bar gyur na 'gag par 'gyur/ /de yi rnam dbye zag med dang/ /zag dang bcas par shes par bya/ /stong pa nyid dang chad med dang/ /'khor ba dang ni rtag pa min/ /las rnam chud mi rab ba'i chos/ /sangs rgyas kyis ni bstan pa yin/ /gang phyir las ni skye ba med/ /'di ltar rang bzhin med de'i phyir/ /gang phyir de ni ma skyes pa/ /de phyir chud zad mi 'gyur ro/ /gal te las la rang bzhin yod/ /rtag par 'gyur bar the tshom med// las ni byas pa ma yin 'gyur/ /rtag par bya ba med phyir ro/ /ji sta las ni ma byas na/ /ma byas pa dang phrang 'jigs 'gyur/ /tshangs spyod gnas pa ma yin pa'ang/ /de la skyon du thal bar 'gyur/ /tha snyad thams cad nyid dang yang/ /'gal bar 'gyur bar the tshom med/ /bsod nams dang ni sdig byed pa'i/ /rnam par dbye ba'ang 'thad mi 'gyur/ /de ni rnam smin smin gyur pa/ /yang dang yang du rnam smin 'gyur/ /gal te rang bzhin yod na ni/ /gang phyir las gnas de yi phyir/ /las 'di nyon mongs bdag nyid la/ /nyon mongs de dag yang dag min/ /gal te nyon mongs yang dag min/ /las ni yang dag ji ltar yin/ /las dang nyon mongs pa dag ni/ /lus rnams kyi ni rkyen du bstan/ /gal te las dang nyon mongs pa/ /de stong lus la ji ltar brjod/ /ma rig sgrib pa'i skye bo gang/ /sred ldan de ni za pa po/ /de yang byed las gzhan min zhing/ /de nyid de dang ma yin no/ /gang gi phyir na las 'di ni/ /rkyen las byung ba ma yin zhing/ /rkyen min las byung yod min pa/ /de'i phyir byed pa po yang med/ /gal te las dang byed med na/ /las byed 'bras bu ga la yod/ /ji lte 'bras bu yod min na/ /za ba po ltag la yod/ ji ltar ston pas sprul pa ni/ /rdzu 'phrul phun tshogs kyis sprul zhing/ /sprul pa de yang sprul pa ni/ /slar yang gzhan ni sprul pa ltar/ /de bzhin byed po de las gang/ /byas pa'ang sprul pa'i rnam pa bzhin/ /dper na sprul pas sprul gzhan zhig /sprul pa mdzad pa de bzhin no nyon mongs las dang lus rnams dang/ /byed pa po dang 'bras bu dag /dri za'i grong khyer lta bu dang/ /smig rgyu rmi lam 'dra ba yin/ /las dang 'bras bu brtag pa zhes bya ba ste rab tu byed pa bcu bdun pa'o// //gal te phung po bdag yin na/ /skye dang 'jig pa can du 'gyur/ /gal te phung po rnams las gzhan/ /phung po'i mtshan nyid med par 'gyur/ /bdag nyid yod pa ma yin na/ /bdag gi yod par ga la 'gyur/ /bdag dang bdag gi zhi ba'i phyir/ /ngar 'dzin nga yir 'dzin med 'gyur/ /nga 'dzin nga yir 'dzin med gang/ /de yang yod pa ma yin te/ /ngar 'dzin pa yir 'dzin med par/ /gang gis mthong bas mi mthong ngo/ /nang dang phyi rol nyid dag la/ /bdag dang bdag gi snyam zad na/ /nye bar len pa 'gag 'gyur zhing/ /de zad pas na skye ba zad/ /las dang nyon mongs zad pas thar/ /las dang nyon mongs rnam rtog las/ /de dag spros las spros pa ni/ /stong pa nyid kyis 'gag par 'gyur/ /bdag go zhes kyang brtags gyur cing/ /bdag med ces kyang bstan par gyur/ / sangs rgyas rnams kyis bdag dang ni/ /bdag med 'ga' med ces kyang bstan/ /brjod par bya ba ldog pa ste/ /sems kyi spyod yul ldog pas so/ /ma skyes pa dang ma 'gags pa/ /chos nyid mya ngan 'das dang mtshungs/ /thams cad yang dag yang dag min/ /yang dag yang dag ma yin nyid/ /yang dag min min yang dag min/ /de ni sangs rgyas rjes bstan pa'o/ /gzhan las shes min zhi ba dang/ /spros pa rnams kyis ma spros pa/ /rnam rtog med don tha dad min/ /de ni de nyid mtshan nyid do/ /gang la brten te gang byung ba/ /de ni re zhig de nyid min/ /de las gzhan pa'ang ma yin pa/ /de phyir chang min rtag ma yin/ /sangs rgyas 'jig rten mgon rnams kyi/ /bstan pa bdud rtsir gyur pa ste/ /dong cig ma yin tha dad min/ /chad pa ma yin rtag ma yin/ /rdzogs sangs rgyas rnams ma byung zhing/ /nyan thos rnams ni zad pa na/ /rang sangs rgyas kyi ye shes ni/ /brten pa med las rab tu skye/ /bdag brtag pa zhes bya ba ste rab tu byed pa bco brgyad pa'o/ da ltar byung dang ma 'ongs pa/ /gal te 'das la bltos gyur na/ /da ltar byung dang ma 'ongs pa/ /'das pa'i dus na yod par 'gyur/ /da ltar byung dang ma 'ongs pa/ /gal te de na med gyur na/ /da ltar byung dang ma 'ongs pa/ /ji ltar de la bltos par 'gyur/ /'das pa la ni ma bltos par de gnyis grub pa yod ma yin/ /de phyir da lta 'byung ba dang/ /ma 'ongs dus kyang yod ma yin/ /rim pa'i tshul ni 'di nyid kyis/ /lhag ma gnyis po bsnor ba dang/ /mchog dang tha ma 'bring la sogs/ /gcig la sogs pa'ang shes par bya/ /mi gnas dus ni 'dzin mi byed/ /gang zhig gzung bar bya ba'i dus/ /gnas pa yod pa ma yin pas/ /ma gzung dus ni ji ltar gdags/ /gal te dus ni dngos brten te/ /dngos med dus ni gal yod/ /dngos po 'ga' yang yod min na/ /dus lta yod par ga la 'gyur/ /dus brtag pa zhes bya ba sde rab tu byed pa bcu dgu pa'o/ / //gal te rgyu dan rkyen rnams kyi/ /tshogs pa nyid las skye 'gyur zhing/ /tshogs la 'bras bu yod na ni/ /ji ltar tshogs pa nyid las skyed/ /gal te rgyu dang rkyen rnams kyi/ /tshogs pa nyid las skye 'gyur zhing/ /tshogs la 'bras bu med na ni/ ji ltar tshogs pa nyid las skye/ /gal te rgyu dang rkyen rnams kyi/ /tshogs pa 'bras bu yod na ni/ /tshogs pa gzung du yod rigs na/ /tshogs pa nyid la gzung du med/ /gal te rgyu dang rkyen rnams kyi/ /tshogs la 'bras bu med na ni/ /rgyu rnams dang ni rkyen dag kyang/ /rgyu rkyen ma yin mtshungs par 'gyur/ /gal te rgyus ni 'bras bu la/ /rgyu byin nas ni 'gag 'gyur na/ /gang byin pa dang gang 'gags pa'i/ /rgyu yi bdag nyid gnyis su 'gyur/ /gal te rgyus ni 'bras bu la/ /rgyu ma byin par 'gags 'gyur na/ /rgyu 'gags nas ni skyes pa yi/ /'bras bu de dag rgyu med 'gyur/ /gal te tshogs dang lhan cig tu/ /'bras bu yang ni skye 'gyur na/ /bskyed par bya dang bskyed bya gang/ /dus gcig par ni thal bar 'gyur/ /gal te tshogs pa'i snga rol tu/ /'bras bu skyes par gyur na ni/ /rgyu dang rkyen rnams med pa yi/ /'bras bu rgyu med 'byung bar 'gyur/ /gal te rgyu 'gags 'bras bu na/ /rgyu ni kun tu 'pho bar 'gyur/ /sngon skyes pa yi rgyu yang ni/ /yang skye par ni thal bar 'gyur/ /'gags pa nub par gyur pa yis/ /'bras bu skyes pa ji ltar skye/ /'bras bu dang ni 'brel ba'i rgyu/ /gnas pas kyang ni ji ltar skye/ /ji ste rgyu 'bras ma 'brel na/ /'bras bu gang zhig bskyed par byed/ /rgyus ni mthong dang ma mthong bar/ /'bras bu skyed bar mi byed do/ /'bras bu 'das dang rgyu 'das dang/ /ma skyes pa dang skyes pa dang/ /lhan cig phrad par gyur pa ni/ /nam yang yod pa ma yin no/ /'bras bu skyes pa rgyu ma skyes 'das pa dang ni skyes pa dang/ /lhan cig phrad par gyur pa ni/ /nam yang yod pa ma yin no/ /'bras bu ma skyes rgyu skyes dang/ /ma skyes pa dang 'das pa dang/ /lhan cig phrad par gyur pa na/ /nam yang yod pa ma yin no/ /phrad pa yod pa ma yin na/ /rgyus ni 'bras bu ji ltar skyed/ /phrad pa yod pa yin na yang/ /rgyas ni 'bras bu ji ltar bskyed/ /gal te 'bras bus stong pa'i rgyus/ /ji ltar 'bras bu skyed par byed/ /gal te 'bras bu mi stong rgyus/ /ji ltar 'bras bu skyed par byed/ /'bras bu mi stong skye mi 'gyur/ /mi stong 'gag par mi 'gyur ro/ /mi stong de ni ma 'gags dang/ /ma skyes par yang 'gyur ba yin/ /stong pa ji ltar skye 'gyur zhing/ /stong pa ji ltar 'gag par 'gyur/ /stong pa de yang ma 'gags dang/ /ma skyes par yang thal bar 'gyur/ /rgyu dang 'bras bu gcig nyid du/ /nam yang 'thad par mi 'gyur ro/ /rgyu dang 'bras bu gzhan nyid du/ /nam yang 'thad par mi 'gyur ro/ /rgyu dang 'bras bu gcig nyid na/ /bskyed bya skyed byed cig tu 'gyur/ /rgyu dang 'bras bu gzhan nyid na/ /rgyu dang rgyu min mtshungs bar 'gyur/ /'bras bu ngo bo nyid yod na/ /rgyus ni ci zhig bskyed par 'gyur/ /'bras bu ngo bo nyid med na/ /rgyus ni ci zhig skyed par byed/ /skyed par byed pa ma yin na/ /rgyu nyid 'thad par mi 'gyur ro/ /rgyu nyid 'thad pa yod min na/ /'bras bu gang gi yin par 'gyur/ /rgyu rnams dang ni rkyen dag gi/ tshogs pa gang yin de yis ni/ /bdag gi bdag nyid mi bskyed na/ /'bras bu ji ltar skyed par byed/ /de phyir tshogs pas byas pa med/ /tshogs min byas pa'i 'bras bu med/ /'bras bu yod pa ma yin na/ /rkyen gyi tshogs pa ga la yod/ /tshogs pa brtag pa zhes bya ba ste rab tu byed pa nyi shu pa'o// //'jig pa 'byung ba med par ram/ lhan cig yod pa nyid ma yin/ /'byung ba 'jig pa med par ram/ /lhan cig yod pa nyid ma yin/ /'jig pa 'byung ba med par ni/ /ji lta bur na yod par 'gyur/ /skye ba med par 'chi bar 'gyur/ /'jig pa 'byung ba med par med/ /'jig pa 'byung dang lhan cig tu// ji ltar yod pa nyid du 'gyur/ /'chi ba skye dang dus cig tu/ /yod pa nyid ni ma yin no/ /'byung ba 'jig pa med par ni/ /ji lta bur na yod par 'gyur/ /dngos po rnams la mi rtag nyid/ /nam yang med pa ma yin no/ /'byung ba 'jig dang lhan cig tu/ /ji ltar yod pa nyid du 'gyur/ /skye ba 'chi dang lhan cig tu/ /yod pa nyid ni ma yin no/ /gang dag phan tshun lhan cig gam/ /phan tshun lhan cig ma yin par/ /grub pa yod pa ma yin pa/ /de dag grub pa ji ltar yod/ /zad las 'byung ba yod ma yin/ /ma zad pa'ang 'byung ba med// zad la 'jig pa yod ma yin/ /ma zad pa'ang 'jig pa med/ /dngos po yod pa ma yin par/ /'byung dang 'jig pa yod ma yin/ /'byung dang 'jig pa med par ni/ /dngos po yod pa ma yin no/ /stong la 'byung dang 'jig pa dag /'thad pa nyid ni ma yin no// mi stong pa la 'byung 'jig dag / 'thad pa nyin ni ma yin no/ /'byung ba dang ni 'jig pa dag /gcig pa nyid ni mi 'thad do/ /'byung ba dang ni 'jig pa dag /gzhan nyid du yang mi 'thad do/ /'byung ba dang ni 'jig pa dag /mthong ngo snyam du khyod sems na/ /'byung ba dang ni 'jig pa dag / gti mug nyid kyis mthong ba yin/ /dngos po dngos las mi skye ste/ /dngos po dngos med las mi skye/ /dngos med dngos med mi skye ste/ /dngos med dngos las mi skye'o/ /dngos po bdag las mi skye ste/ /gzhan las skye ba nyid ma yin/ /bdag dang gzhan las skye ba ni/ /yod min ji ltar skye bar 'gyur/ /dngos po yod par khas blangs nas/ /rtag dang chad par lta ba ni/ /thal bar 'gyur te dngos de ni/ /rtag dang mi rtag 'gyur phyir ro/ /dngos po yod par khas blangs kyang/ /chad par mi 'gyur rtag mi 'gyur/ /'bras bu rgyu yi 'byung 'jig gis/ /rgyun de srid pa yin phyir ro/ /gal te 'bras rgyu 'byung 'jig gi /rgyu de srid pa yin gyur na/ /'jig la yang skye med pa'i phyir/ /rgyu ni chad par thal bar 'gyur/ /dngos po ngo bo nyid yod na/ /dngos med 'gyur bar mi rigs so/ /mya ngan 'das pa'i dus na chad srid rgyu na rab tu zhi phyir ro/ /tha ma 'gags par gyur pa na/ /srid pa dang po rigs mi 'gyur/ /tha ma 'gags par ma gyur tshe/ /srid pa dang po rigs mi 'gyur/ /gal te tha ma 'gags bzhin na/ /dang po skye bar 'gyur na ni/ /'gag bzhin pa ni gcig 'gyur zhing/ /skye bzhin pa dang gzhan du 'gyur/ /gal te 'gags bzhin skye bzhin dag /lhan cig tu yang mi rigs na/ /phung po gang la 'chi 'gyur ba/ /de la skye ba'am 'byung 'gyur ram/ /de ltar dus gsum dag tu yang/ /srid pa'i rgyu ni mi rigs na/ /dus gsum dag tu gang med pa// de ni ji ltar srid pa'i rgyun/ /'byung ba dang 'jig pa rtag pa zhes bya ba ste rab tu byed pa nyi shu gcig pa'o// //phung min phung po las gzhan min/ /de la phung med der de med/ /de bzhin gshegs pa phung ldan min/ /de bzhin gshegs pa gang zhig yin/ /gal te sangs rgyas phung po la/ /brten nas rang bzhin las yod min/ /rang bzhin las ni gang med pa/ /de gzhan dngos las ga la yod/ /gang zhig gzhan gyi dngos brten nas/ /de dag nyid du mi 'thad do/ /gang zhig bdag nyid med pa de/ /ji ltar de bzhin gshegs par 'gyur/ /gal te rang bzhin yod min na/ /gzhan dngos yod par ji ltar 'gyur/ /rang bzhin dang ni gzhan dngos dag /ma rtogs de bzhin gshegs pa gang/ /gal te phung po ma brten par/ /de bzhin gshegs pa 'ga' yod na/ /de ni da gdod brten 'gyur zhing/ /brten nas de nas 'gyur la rag /phung po rnams la ma brten par/ /de bzhin gshegs pa 'ga' yang med/ /gang zhig ma brten yod min pa/ /des ni ji ltar nyer len 'gyur/ /nye bar blangs pa ma yin pa/ /nye bar len pa cis mi 'gyur/ /nye ba len pa med pa yis/ /de bzhin gshegs pa ci yang med/ /rnam pa lngas ni btsal byas na/ /gang zhig de nyid gzhan nyid du/ /med pa'i de bzhin gshegs pa de/ /nye bar len pas ji ltar gdags/ /gang zhig nye bar blangs pa de/ /de ni rang bzhin las yod min dar bdag gi dngos las gang med pa/ /de gzhan dngos las yod re skan/ /de ltar nyer blang nyer len po/ /rnam pa kun gyis stong pa yin/ /stong pas de bzhin gshegs stong par/ /ji lta bur ni 'dogs par 'gyur/ /stong ngo zhes ni mi brjod de/ /mi stong zhes kyang mi bya zhing/ /gnyis dang gnyis min mi bya ste/ /gdags pa'i don du brjod par bya/ /rtag dang mi rtag la sogs bzhi/ /zhi ba 'di la ga la yod/ /mdza' dang mdza' med la sogs bzhi/ /zhi ba 'di la ga la yod/ gang gis de bzhin gshegs yod ces/ /'dzin pa stug po gzung gyur pa/ /de ni mya ngan 'das pa la/ /med ces rnam rtog rtog par byed/ /rang bzhin gyis ni stong de la/ /sangs rgyas mya ngan 'das nas ni/ /yod do zhe 'am med do zhes/ /bsam pa 'thad pa nyid mi 'gyur/ /gang dag sangs rgyas spros 'das shing/ /zad pa med par spros byed pa/ /spros pas nyams pa de kun gyis/ /de bzhin gshegs pa mthong mi 'gyur/ /de bzhin gshegs pa'i rang bzhin gang/ /de ni 'gro 'di'i rang bzhin yin/ /de bzhin gshegs pa rang bzhin med/ /'gro ba 'di yi rang bzhin med/ /de bzhin gshegs pa brtag pa zhes bya ba ste rab tu byed pa nyi shu gnyis pa'o// //'dod chags zhe sdang gti mug rnams/ /kun tu rtog las 'byung bar gsungs/ /sdug dang mi sdug phyin ci log /brten pa nyid las kun tu 'byung/ /gang dag sdug dang mi sdug dang/ /phyin ci log las brten 'byung ba/ /de dag rang bzhin las med de/ /de phyir nyon mongs yang dag med/ /bdag gi yod nyid med nyid ni/ /ji lta bur yang grub pa med/ /de med nyon mongs rnams kyi ni/ /yod nyid med nyid ji ltar 'grub/ /nyon mongs de dag gang gi yin/ /de yang grub pa yod ma yin/ /gang med par ni gang gi yang/ /nyon mongs pa dag yod ma yin/ /rang lus lta bzhin nyon mongs rnams/ /nyon mongs can la rnam lngar med/ /rang lus lta bzhin nyon mongs can/ /nyon mongs pa la rnam lngar med/ /sdug dang mi sdug phyin ci log /rang bzhin las ni yod min na/ /sdug dang mi sdug phyin ci log/ brten nas nyon mongs gang dag yin/ /gzugs sgra ro dang reg pa dang/ /dri dang chos dang rnam drug ni/ /gzhi ste 'dod chags zhe sdang dang/ /gti mug gi ni yin par brtags/ /gzugs sgra ro dang reg pa dang/ /dri dang chos dang 'ba' zhig ste/ /dri za'i grong khyer lta bu dang/ /smig rgyu rmi lam 'dra ba yin// sgyu ma'i skyes bu lta bu dang/ /gzugs brnyan 'dra ba de dag la/ /sdug pa dang ni mi sdug pa/ /'byung bar yang ni ga la 'gyur/ /gang la brten nas sdug pa zhes/ /gdags par bya ba mi sdug pa/ /sdug la ma bltos yod min pas/ /de phyir sdug pa 'thad ma yin/ /gang la rten nas mi sdug par/ /gdags par bya ba sdug pa ni/ /mi sdug ma bltos yod min pas/ /de phyir mi sdug 'thad ma yin/ /sdug pa yod pa ma yin na/ /'dod chags yod par ga la 'gyur/ /mi sdug yod pa ma yin na/ /zhe sdang 'byung bar ga la 'gyur/ /gal te mi rtag rtag pa zhes/ /de ltar 'dzin pa log yin na/ /stong la mi rtag yod min pas/ /'dzin pa ji ltar log ma yin/ /gal te mi rtag rtag go zhes/ /de ltar 'dzin pa log yin na/ /stong la mi rtag pa'o zhes/ /'dzin pa'ang ji ltar log ma yin/ /gang gis 'dzin dang 'dzin gang dang/ /'dzin pa po dang gang gzung ba/ /thams cad nye bar zhi ba ste/ /de phyir 'dzin pa yod ma yin/ /log pa'ang yang dag nyid du ni/ /'dzin pa yod pa ma yin na/ /gang la phyin ci log yod cing/ /gang la phyin ci log ma yod/ /phyin ci log tu gyur pa la/ /phyin ci log dag mi srid do/ /phyin ci log tu 'gyur bzhin la/ /phyin ci log dag mi srid do/ /phyin ci log tu gyur bzhin la'ang/ /phyin ci log dag mi srid do/ /gang la phyin ci log srid pa/ /bdag nyid kyis ni rnam par dpyod/ /phyin ci log rnams ma skyes na/ /ji lta bur na yod par 'gyur/ /phyin ci log rnams skye med na/ /phyin ci log can ga la yod/ /dngos po bdag las mi bskyed de/ /gzhan las skye ba nyid ma yin/ /bdag dang gzhan las kyang min na/ /phyin ci log can ga la yod// gal te bdag dang gtsang ba dang/ /rtag dang bde ba yod na ni/ /bdag dang gtsang dang rtag pa dang/ /bde ba phyin ci log ma yin/ /gal te bdag dang gtsang ba dang/ /rtag dang bde ba med na ni/ /bdag med mi gtsang mi rtag dang/ /sdug bsngal yod pa ma yin no/ /de ltar phyin ci log 'gags pas/ /ma rig pa ni 'gags par 'gyur/ /ma rig 'gags par 'gyur na ni/ /'du byed la sogs 'gag par 'gyur/ /gal te la la'i nyon mongs pa/ /gang dag la la'i nyon mongs pa/ /gang dag rang bzhin gyis yod na/ /ji lta bur na spong bar 'gyur/ /yod pa su zhig spong bar byed/ /gal te la la'i nyon mongs pa/ /gang dag rang bzhin gyis med na/ /ji lta bur na spong bar 'gyur/ /med pa su zhig spong bar byed/ /phyin ci log pa rtag pa zhes bya ba ste rab tu byed pa nyi shu gsum pa'o/ / //gal te 'di dag kun stong na/ /'byung ba med cing 'jig pa med/ /'phags pa'i bden pa bzhi po rnams/ /khyod la med par thal bar 'gyur/ /'phags pa'i bden pa bzhi med pas/ /yongs su shes dang spang ba dang/ /bsgom dang mngon du bya ba dag /'thad par 'gyur ba ma yin no/ /de dag yod pa ma yin pas/ /'bras bu bzhi yang yod ma yin/ /'bras bu med na 'bras gnas med/ /zhugs pa dag kyang yod ma yin/ /gal te skyes bu gang zag brgyad/ /de dag med na dge 'dun med/ /'phags pa'i bden rnams med pa'i phyir/ /dam pa'i chos kyang yod ma yin/ /chos dang dge 'dun yod min na/ /sangs rgyas ji ltar yod par 'gyur/ /de skad stong pa nyid smra na/ /dkon mchog gsum la gnod pa ni/ /byed cing 'bras bu yod pa dang/ /chos ma yin dang chos nyid dang/ /'jig rten pa yi tha snyad ni/ /kun la'ang gnod pa byed pa yin/ /de la bshad pa khyod kyis ni/ /stong nyid dgos dang stong nyid dang/ /stong nyid don ni ma rtogs pas/ /de phyir de ltar gnod pa yin/ /sangs rgyas rnams kyis chos bstan pa/ /bden pa gnyis la yang dag brten/ /'jig rten kun rdzob bden pa dang dam pa'i don gyis bden pa'o/ /gang dag bden pa de nyid kyis/ /rnam dbye rnam par mi shes pa/ /de dag sangs rgyas bstan pa ni/ /zab mo'i de dag rnams mi shes/ /tha snyad la ni ma brten par/ /dam pa'i don ni bstan mi nus/ /dam pa'i don ni ma rtogs par/ /mya ngan 'das pa thob mi 'gyur/ /stong pa nyid la lta nyes na/ /shes rab chung rnams phung bar byed/ /ji ltar sprul la bzung nyes dang/ /rigs sngags nyes par bsgrub pa bzhin/ /de phyir zhan pas chos 'di yi/ /gting rtogs dka' bar mkhyen gyur nas/ /thub pa'i thugs ni chos bstan las/ /rab tu log par gyur pa yin/ /skyon du thal bar 'gyur pa ni/ /stong la 'thad pa ma yin pas/ /khyod ni stong nyid spong byed na/ /gang de da la mi 'thad do/ /gang la stong pa nyid rung ba/ /de la thams cad rung bar 'gyur/ /gang la stong nyid mi rung pa/ /de la thams cad mi rung 'gyur/ /khyod nyid rang gi skyon rnams ni/ /nga la yongs su sgyur byed pa/ /rta la mngon par zhon bzhin du/ /rta nyid brjed par gyur pa bzhin/ /gal te dngos rnams rang bzhin las/ /yod par rjes su blta byed na/ /de lta yin na dngos po rnams/ /rgyu rkyen med par khyod blta'o/ /'bras bu dang ni rgyu nyid dang/ /byed pa po dang byed dang bya/ /skye ba dang ni 'gag pa dang/ /'bras bu la yang gnod pa byed/ /rten cing 'brel 'byung gang yin pa/ /de ni stong pa nyid du bshad/ /de ni brten nas gdags pa ste/ /de nyid dbu ma'i lam yin no/ /gang phyir brten 'byung ma yin pa'i/ /chos 'ga' yod pa ma yin pa/ /de phyir stong pa ma yin pa'i/ /chos 'ga' yod pa ma yin no/ /gal te 'di kun mi stong na/ /'byung ba med cing 'jig pa med/ /'phags pa'i bden pa bzhi po rnams/ /khyod la rmed par thal br 'gyur/ /rten cing 'brel 'byung ma yin na/ /sdug bsngal yod par ga la 'gyur/ /mi rtag sdug bsngal gsungs ba de/ /rang bzhin nyid las yod ma yin/ /rang bzhin las ni yong yin na/ /ci zhig kun tu 'byung bar 'gyur/ /de phyir stong nyid gnor byed la/ /kun 'byung yod pa ma yin no/ /sdug bsngal rang bzhin gyis yod la/ /'gog pa yong pa ma yin no/ /rang bzhin nyid ni yongs gnas phyir/ /'gog pa gnod pa byed pa yin/ /lam la rang bzhin yong na ni/ /bsgom pa 'thad par mi 'gyur ro/ /ji ste lam de bsgom bya na/ /khyod kyi rang bzhin yong ma yin/ /gang tshe sdug bsngal kun 'byung dang/ /'gog pa yod pa ma yin na/ /lam gyis sdug bsngal 'gog pa ni/ /gang zhig 'thob par 'gyur bar 'dod/ /gal te rang bzhin nyid kyis ni/ /yongs su shes pa ma yin na/ /de ni ji ltar yongs shes 'gyur/ /rang bzhin gnas pa ma yin nam/ /de bzhin du ni khyod nyid kyis/ /spang dang mngon du bya ba dang/ /bsgom dang 'bras bu bzhi dag kyang/ /yongs shes bzhin du mi rung ngo/ /rang bzhin yongs su 'dzin pa yis/ /'bras bu rang bzhin nyid kyis ni/ /thob pa min pa gang yin te/ /ji ltar thob par nus par 'gyur/ /'bras bu med na 'bras gnas med/ /zhugs pa dag kyang yod ma yin/ /gal te skyes bu gang zag brgyad/ /de dag med na dge 'dun med/ /'phags pa'i bden rnams med ba'i phyir/ /dam pa'i chos kyang yod ma yin/ /chos dang dge 'dun yod min na/ /sangs rgyas ji ltar yod par 'gyur/ /khyod kyi sangs rgyas byang chub la/ /ma brten par yang thal bar 'gyur/ /khyod kyi byang chub sangs rgyas la/ /ma brtan par yang thal bar 'gyur/ /khyod kyi rang bzhin nyid kyis ni/ /sangs rgyas min pa gang yin des/ /byang chub spyod la byang chub phyir/ /btsal kyang byang chub thob mi 'gyur/ /'ga' yang chos dang chos min pa/ /nam yang byed par mi 'gyur ro/ /mi stong pa la ci zhig bya/ /rang bzhin la ni bya ba med/ /chos dang chos min med par yang/ /'bras bu khyod la yod par 'gyur/ /chos dang chos min rgyus byung ba'i/ /'bras bu khyod la yod ma yin/ chos dang chos min rgyus byung ba'i/ /'bras bu gal te khyod la yod/ /chos dang chos min rgyus byung ba'i/ /'bras bu ci phyir stod ma yin/ /rten cing 'brel par 'byung ba yi/ /stong pa nyid la gnod byed gang/ /'jig rten pa yi tha snyad ni/ /kun la'ang gnod pa byed pa yin stong pa nyid la gnor? byed na/ /bya ba ci yang med 'gyur zhing/ /rtsom pa med pa bya bar 'gyur/ /mi byed pa yang byed por 'gyur/ /rang bzhin yod na 'gro ba rnams/ /ma skyes pa dang ma 'gags dang/ /ther zug du ni gnas 'gyur zhing/ /gnas skabs sna tshogs bral bar 'gyur/ /gal te stong pa yod min na/ /ma thob thob par bya ba dang/ /sdug bsngal thar byed las dang ni/ /nyon mongs thams cad spong ba'ang med/ /gang gis rten cing 'brel par 'byung/ /mthong ba des ni sdug bsngal dang/ /kun 'byung dang ni 'gog pa dang lam nyid de dag mthong ba yin/ /'phags pa'i bden pa brtag pa zhes bya ba ste rab tu byed pa nyi shu bzhi pa'o// //gal te 'di dag kun stod na/ /'byung ba med cing 'jig pa med/ /gang zhig spong dang 'gag pa las/ /mya ngan 'da' bar 'gyur bar 'dod/ /gal te 'di kun mi stong na/ /'byung ba med cing 'jig pa med/ /gang zhig spong dang 'gag pa las/ /mya ngan 'da' bar 'gyur bar 'dod/ /spangs pa med pa thob med pa/ /chad pa med pa rtag med pa/ /'gag pa med pa skye med pa/ /de ni mya ngan 'das par 'dod/ /de zhig mya ngan 'das dngos min/ /rga shi'i mtshan nyid thal bar 'gyur/ /rga dang 'chi ba med pa yi/ /dngos po yod pa ma yin no/ /gal te mya ngan 'das dngos na/ /mya ngan 'das pa 'dus byas 'gyur/ /dngos po 'dus byas ma yin pa/ /'ga' yang gang na yod ma yin/ /gal te mya ngan 'das dngos na/ /ji ltar mya ngan 'das brten min/ /dngos po brten nas ma yin pa/ /'ga' yang yod pa ma yin no/ /gal te mya ngan 'das dngos min/ /dngos med ji ltar rung bar 'gyur/ /gang las mya ngan 'das dngos min/ /de la dngos med yod ma yin/ /gal te mya ngan 'das dngos min/ /ji ltar myang 'das de brten min/ gang zhig brten nas ma yin pa'i/ dngos med yod pa ma yin no/ /'ong ba dang ni 'gro ba'i dngos/ /brten tam rgyur byas gang yin pa/ /de ni brten min rgyur byas min mya ngan 'das pa yin par bstan/ /'byung ba dang ni 'jig pa dag/ spad bar ston pas bka' stsal to/ /de phyir mya ngan 'das pa ni/ /dngos min dngos med min par rigs/ /gal te mya ngan 'das pa ni/ /dngos dang dngos med gnyis yin na/ /dngos dang dngos po med pa dag / thar bar 'gyur na de mi rigs/ /gal te mya ngan 'das pa ni/ /dngos dang dngos med gnyis yin na/ /mya ngan 'das pa ma brten min/ /de gnyis brten nas yin phyir ro/ /ji ltar mya ngan 'das pa na/ /dngos dang dngos med gnyis yin te/ mya ngan 'das pa 'dus ma byas/ /dngos dang dngos med 'dus byas yin/ /ji ltar mya ngan 'das pa la/ /dngos dang dngos med gnyis yod de/ /de gnyis gcig la yod min te/ /snang ba dang ni mun pa bzhin/ /dngos min dngos po med min pa/ /mya ngan 'das par gang stong pa/ /dngos po med dang dngos po dag /grub na de ni 'grub par 'gyur/ /gal te mya ngan 'das pa ni/ /dngos min dngos po med min na/ /dngos min dngos po med min zhes/ /gang zhig gis ni de mngon byed/ /bcom ldan mya ngan 'das gyur nas/ /yod par mi 'gyur de bzhin du/ /med do zhe 'am gnyis ka dang/ /gnyis min zhes kyang mi mngon no/ /bcom ldan bzhugs par gyur na yang/ /yod par mi mngon de bzhin du/ /med do zha'am gnyis ka dang/ /gnyis min zhes kyang mi mngon no/ /'khor ba mya ngan 'das pa las/ /khyad par cung zad yod pa yin/ /mya ngan 'das pa'ang 'khor ba las/ /khyad par cung zad yod ma yin/ /mya ngan 'das mdza' gang yin pa/ /de ni 'khor ba'i mdza' yin te/ /de gnyis khyad par cung zad ni/ /shin tu phra ba'ang yod ma yin/ /gang 'das phan chad mdza' ? sogs dang/ /rtag la sogs par lta ba dag /mya ngan 'das dang phyi mdza' dang/ /sngon gyi mdza' la brten pa yin/ /dngos po thams cad stong pa la/ /mdza' yod ci zhig mdza' med ci/ /mdza' dang mdza' med ci zhig yin/ /mdza' dang mdza' med min pa ni/ /de nyid ci zhig gzhan ci zhig/ rtag pa ci zhig me rtag ci/ /rtag dang mi rtag gnyis ka ci/ /gnyis ka min pa'ang ci zhig yin/ /dmigs pa thams cad nyer zhi zhing/ /spros pa nyed zhi zhi ba ste/ /sangs rgyas kyis ni gang du yang/ /su la'ang chos 'ga' ma bstan to/ /mya ngan 'das pa brtag pa zhes bya ba ste rab tu byed pa nyi shu lnga pa'o/ / //ma rig sgribs pas yang srid phyir/ /'du byed rnam pa gsum po dag /mngon par 'du byed gang yin pa'i/ /las de dag gis 'gro ba 'gro /'du byed rkyen can rnam par zhes/ /'gro ba rnams su 'jug par 'gyur/ /rnam par shes pa zhugs gyur nas/ /ming dang gzugs ni chags par 'gyur/ /ming dang gzugs ni chags gyur na/ /skye mched drug ni 'byung bar 'gyur/ /skye mched drug la rten nas ni/ /reg pa yang dag 'byung bar 'gyur/ /mig dang gzugs dang dran byed la/ /brten nas skye ba kho na ste/ /de ltar ming dang gzugs brten nas/ /rnam par shes pa skye bar 'gyur/ /mig dang gzugs dang rnam par shes/ /gsum po 'dus pa gang yin pa/ /de ni reg pa'o reg de las/ /tshor ba kun tu 'byung bar 'gyur/ /tshor ba'i rkyen gyis sred pa ste/ /tshor ba'i don du sred par 'gyur/ /sred par gyur na nye bar len// rnam pa bzhi po nyer len 'gyur/ /nyer len yong na len pa po'i/ /srid pa rab tu 'byung bar 'gyur/ /gal te nye bar len med na/ /grol bar 'gyur te srid mi 'gyur/ /srid pa de yang phung po lnga/ /srid pa las ni skye ba 'byung/ /rga shi dang ni mya ngan dang/ /smre sngags 'don bcas sdug bsngal dang yid mi bde dang 'khrug pa rnams/ /de dag skye las rab tu 'byung/ /de ltar sdug bsngal phung po ni/ /'ba' zhig po 'di 'byung bar 'gyur/ /'khor ba'i rtsa ba 'du byed de/ /de phyir mkhas rnams 'du mi byed de/ /de phyir mi mkhas byed po yin/ /mkhas pas de nyid mthong phyir ro/ /ma rig 'gags par gyur na ni/ /'du byed rnams kyang 'byung mi 'gyur/ /ma rig 'gag par 'gyur ba ni/ /shes pas de nyid bsgoms pas so/ /de dang de ni 'gags gyur pas/ /de dang de ni sngon mi 'byung/ /sdug bsngal phung po 'ba' zhig go /de ni de ltar yang dag 'gag / srid pa'i yan lag bcu gnyis brtag pa zhes bya ba ste rab tu byed pa nyi shu drug pa'o// //'das dus byung ma byung zhes dang/ /'jig rten rtag pa la sogs par/ /lta ba gang yin de dag ni/ /sngon gyi mdza' la brten pa yin/ /ma 'ongs dus gzhan 'byung gyur dang/ /mi 'byung 'jig rten mdza' sogs par/ /lta ba gang yin de dag ni/ /phyi ma'i mdza' la brten pa yin/ /'das pa'i dus na byung gyur ces/ /bya ba de ni mi 'thad do/ /sngon tshe rnams su gang byung ba/ /de nyid 'di ni ma yin no/ /de nyid bdag tu 'gyur snyam na/ /nye bar len pa tha dang 'gyur/ /nye bar len pa ma gtogs par/ /khyod kyis bdag nyid gang zhig yin/ /nye bar len pa ma gtogs pa'i/ /bdag yod ma yin byas pa'i tshe/ /nye bar len nyid bdag yin na/ /khyod kyi bdag ni med pa yin/ /nye bar len nyid bdag ma yin/ /de 'byung ba dang 'jig ma yin/ /nye bar blang ba nyid du lta/ /nye bar len po yin par 'gyur/ /bdag ni nye bar len pa las/ /gzhan du 'thad pa nyid ma yin/ /gal te gzhan la len med par/ /gzung yod rigs na gzung du med/ /de ltar len las gzhan ma yin/ /de ni nyer len nyid kyang min/ /bdag ni nye bar len med min/ /med pa nyid duAng de ma nges/ /'das pa'i dus na ma byung zhes/ /bya ba de yang mi 'thad do/ /sngon tsho rnams su gang byung ba/ /de las 'di gzhan ma yin no/ /gal te 'di ni gzhan gyur na/ /de med par yang 'byung bar 'gyur/ /de bzhin de ni gnas 'gyur zhing/ /de ma shi bar skye bar 'gyur/ /chad dang las dang tshung za dang/ /gzhan gyis byas pa'i las rnams ni/ /gzhan gyis so sor myong ba dang/ /de la sogs par thal bar 'gyur/ /ma byung ba las byung min te/ /'di la skyon du thal par 'gyur// bdag ni byas par 'gyur pa dang/ /'byung ba'ang rgyu med can du 'gyur/ /de ltar bdag byung bdag ma byung/ /gnyis ka gnyis ka ma yin par/ /'das la lta ba gang yin pa/ /de dag 'thad pa ma yin no/ /ma 'ongs dus gzhan 'byung 'gyur dang/ /'gyur bar mi 'gyur zhes bya bar/ /lta ba gang yin de dag ni/ /'das pa'i dus dang mtshungs pa yin/ /gal te lha de mi de na/ /de lta na ni rtag par 'gyur/ /lha ni ma skyes nyid 'gyur te/ /rtag la skye ba med phyir ro/ /gal te lha las mi gzhan na/ /de lta na ni mi rtag 'gyur/ /gal te lha mi gzhan yin na/ /rgyud ni 'thad par mi 'gyur ro/ /gal te phyogs gcig lha yin la/ /phyogs gcig mi ni yin gyur na/ /rtag dang mi rtag 'gyur ba yin/ /de yang rigs pa ma yin no/ /gal te rtag dang mi stag pa/ /gnyis ka grub par gyur na ni/ /rtag pa ma yin mi rtag min/ /'grub par 'gyur ba 'dod la rag /gal te gang zhig gang nas gang 'od zhing gang duAng 'gro 'gyur na/ /de phyir 'khor ba thog med par/ /'gyur na de ni yod ma yin/ /gal te rtag pa 'ga' med na/ /mi rtag gang zhig yin par 'gyur/ /rtag pa dang ni mi rtag dang/ /de gnyis bsal par gyur pa'o/ /gal te 'jig rten mdza' yod na/ /'jig rten pha rol di? ltar 'gyur/ /gal te 'jug rten mdza' med na/ /'jig rten pha rol ji ltar 'gyur/ /gang phyir phung po rnams kyi rgyun/ /'di ni mar me'i 'od dang mtshungs/ /de phyir mdza' yod nyid dang ni/ /mdza' med nyid kyang mi rigs so/ /gal te snga ma 'jig 'gyur zhing/ /phung po 'di la brten byas nas/ /phung po de ni mi 'gyur na/ /des na 'jig rten mdza' yod 'gyur/ /gal te snga ma mi 'jig cing/ /phung po 'di la brten byas nas/ /phung po de ni mi 'byung na/ /des na 'jig rten mdza' med 'gyur/ /gal te phyogs gcig mdza' yod na/ /phyogs gcig mdza' ni med gyur na/ /'jig rten mdza' yod mdza' med 'gyur/ /de yang rigs pa ma yin no/ /ji lta bur na nyer len po'i/ /phyogs gcig rnam par 'jig 'gyur la/ /phyogs gcig rnam par 'jig mi 'gyur/ /de ltar de ni mi rigs so/ /ji lta bur na nyer blang de/ /phyogs gcig rnam par 'jig 'gyur la/ /phyogs gcig rnam par 'jig mi 'gyur/ /de ltar de yang mi rigs so/ /gal te mdza' yod mdza' med pa/ /gnyis ka grub par gyur na ni/ /mdza' yod ma yin mdza' med min/ /'grub par 'gyur ba 'dod la rag /yang na dngos po thams cad ngag/ stong phyir rtag la sogs lta ba/ /gang dag gang du gang la ni/ /ci las kun tu 'byung bar 'gyur/ /gang gi thugs rtser nyer gzung nas/ /lta ba thams cad spang pa'i phyir/ /dam pa'i chos ni ston mdzad pa/ /gau tam de la phyag 'tshal lo/ /lta ba brtag pa zhes bya ba ste rab tu byed pa nyi shu bdun pa'o// dbu ma rtsa ba'i tshig le'ur byas pa shes rab ces bya ba theg pa chen po'i chos mngon pa rnam par bzhag pa/ don dam pa'i de kho na yang dag par ston pa/ shes rab kyi pha rol tu phyin pa'i tshul gsal bar byed pa/ slob dpon bdag nyid chen po 'phags pa klu sgrub mi 'phrogs pa'i mkhyen rab dang thugs rjer ldan pa/ de bzhin gshegs pa theg pa bla na med pa'i tshul gsal bar byed pa/ rab tu dga' ba'i sa bsgrubs nas/ bde ba can gyi zhing du gshegs pa/ 'jig rten gyi khams dang ba'i 'od ces bya bar/ de bzhin gshegs pa ye shes 'byung gnas 'od ces bya bar 'gyur bas mdzad pa rdzogs so/ / //dbang phyug dam pa'i mnga' bdag rgyal po chen po dpal lha btsan po'i bka' lung gis/ rgya gar gyi mkhan po theg pa chen po dbu ma pa/ dz+nyA na garb+ha dang /zhu chen gyi lo tsA ba dge slong cog ro klu'i rgyal mtshan gyis bsgyur cing zhus te gtan la phab pa/ 'di la rab tu byed pa nyi shu rtsa bdun/ shlo ka bzhi brgya bzhi bcu rtsa dgu yod/ bam po ni phyed dang gnyis su byas so/ /slad kyis kha phye'i grong khyer dpe med kyi dpung/ gtsug lag khang rin chen sbas pa'i dbus su/ kha che'i mkhan po ha su ma ti dang/ bod kyi sgra bsgyur gyi lo tsA ba pa tshab nyi ma grags kyis mi'i bdag po 'phags pa lha'i sku ring la 'grel pa tshig gsal ba dang bstun nas bcos pa'o// //rigs pa drug cu pa'i tshig le'ur byas pa slob dpon klu sgrub kyis mdzad pa bzhugs so// rgya gar skad du/

CLOSE WINDOW