བོད་ཡིག

e-texts based on the ACIP/ALL Input

/ //rgya gar skad du/ Arya pradz+nyA par mi tA sa bA? ha kA ri krA bI pa Na?/ bod skad du/ 'phags pa shes rab kyi pha rol tu phyin ma bsdus pa'i tshig le'ur byas pa'i rnam par 'grel ba/ shes rab kyi pha rol tu phyin pa la phyag 'tshal lo/ /gang zhig yid la gus par bsgom pas thogs med skyon 'khrung rnal 'byor pa/ /sems can la dogs rnam dben gya nom rgyal ba'i go 'phang 'thob byed cing/ /gang la chad bsam rtag pa'i blo dang gzung dang 'dzin pa yod min pa/ /thams cad mkhyen yum shes rab pha rol phyin ma de la mgos phyag 'tshal/ /gzung dang 'dzin las nges grol zhing/ /rtag dang chad pa rnam spangs pa/ /kun mkhyen skyes yum shes rab kyi/ /pha rol phyin ma la phyag 'tshal/ /slob dpon phyogs kyi glang bos nye bar sbyar ba/ /shes rab pha rol phyin zhes bya ba la sogs pas/ shes rab kyi pha rol tu phyin pa'i bsdus pa'i bshad pa blo chung ba rnams dran pa'i don du mdor bsdus te bdag gis phye'o/ /'di ltar 'dir byang chub sems dpa' rnams kyis bsgrub par bya ba gang yin zhe na/ shes rab kyi pha rol tu phyin pa bsgrub par bya zhing bskyed par bya ba gang yin te/ gang gi phyir de nyid 'bras bu nyid du mngon par 'dod pa yin no/ /de bzhin du brgyad stong pa la sogs pa'i/ /shes rab kyi pha rol tu phyin pa'i gzhung gi tshogs rnams kyis bsgrub par bya ba yang 'di nyid yin no/ /gang las bsgrub par bya bar 'gyur pa shes rab kyi pha rol tu phyin pa'i sgras don gang zhig brjod pa yin zhe na/ de'i phyir brjod pa gnyis med ye shes zhes bya ba la gnyis ni gzung ba dang 'dzin pa la brjod do/ /shes pa gang la gnyis yod pa ma yin pa de ni gnyis med do/ /de la gzung ba ni gzugs la sogs pa ji ltar rnam par gnas pa rnams so// 'dzin pa de ni de ba snang ba'i shes pa'o/ /de bas na 'dis ni gzung ba dang 'dzin pa dag gis dben pa'i shes pa ni shes rab kyi pha rol tu phyin pa yin no zhes bya ba 'di brjod do/ /gang gi phyir shes rab thos ba dang bsams pa la sogs pa'i bar ba ste/ mthar thug par phyin pa ni/ shes rab kyi pha rol tu phyin pa yin la/ de yang shin tu rnam par dag pa'i rtog pa yin no/ /gal te shes rab kyi pha rol tu phyin pa nyid byang chub sems dpa' rnams kyis bsgrub par bya ba yin na 'o na de bzhin gshegs pa ma yin par 'gyur na/ 'bad pa 'di thams cad ni sangs rgyas nyid thob pa'i don du yin no zhe na/ de'i phyir brjod pa/ de na de bzhin gshegs pa rtog pa'i dra ba ma lus pa dang bral ba'i shes rab kyi pha rol tu phyin pa de ni de bzhin gshegs pa yin no/ /de bzhin nyid gsung bas na de bzhin gshegs pa yin te/ de gnyis kyang tha mi dad pa yin no/ /'dis ni de bzhin nyid las shes rab kyi pha rol tu phyin pa gzhan ma yin la/ de yang de las tha dad pa ma yin de/ 'on kyang sgron ma dang 'od bzhin du gyur pa yin no/ /zhes bya ba 'di brjod pa yin no/ /don gyi de kho na nyid 'di las bsams nas gzhan du blo'i nor can rnams kyis/ stong nyid ces bya shes pa las/ /gzhan ni 'ga' yang yod min te/ /gang phyir dben pa dben gyur las/ /tha mi dad pa nyid du 'dod/ /de ltar min na gnyis stong pa/ /rnam shes min par thal gyur zhing/ /gnyis med pa las log pa ni/ /gnyis kyi bdag tu thal bar 'gyur/ /der gyur de bzhin nyid rang bzhin/ /bcom ldan 'das nyid yin par brjod/ /rigs bya rig byed dngos po ni/ /rnam shes nyid la yang dag brten/ /zhes brjod pa yin no/ /de lta na gzhung dang lam dag la ji ltar shes rab kyi pha rol tu phyin par snyed ces dogs pa bsu nas/ bsgrub bya don de dang ldan pas zhes gsungs so/ /gzhung dang lam dag la de'i sgra ste/ der nye bar bsnyer pa ni gang gi phyir gzhung dang lam de dag shes rab kyi pha rol tu phyin pa'i don dang ldan pa de'i dgos pa can yin te/ shes rab kyi pha rol tu phyin pa'i thabs yin no/ /zhes bya ba'i don to/ /des na de dag la de'i sgra yin te gang gi nang du gnas pa'i sa bon bzhin no/ /des na 'dis ni shes rab kyi pha rol tu phyin pa'i sgra'i don rnam pa gnyis su bstan pa yin te/ gtso bo dang? phal ba'o/ /de la gtso bo ni gnyis su med pa'i ye shes kyi mtshan nyid do/ /phal pa ni gzhung dang lam gyi rang bzhin no/ /des na de ltar dgos pa brjod nas/ /rten dang zhes bya ba la sogs pas brjod par bya ba'i don 'chad do/ /'dir yang brjod par bya ba'i don ni sum cu rtsa gnyis kho na ste/ lhag pa ma yin mchog pa yang ma yin no/ /de la rnam par rtog pa'i rnam par g.yeng ba bcu dang/ stong pa nyid rnam pa bcu drug dang/ rten dang/ dbang du bya ba dang/ las dang/ rtags dang/ nyes dmigs dang phan yon zhes bya ba gzhan rnam pa drug go /de la brten ni ston pa po bcom ldan 'das sangs rgyas de/ gang gi phyir de nyid zab mo ston pa'i rgyu mtshan yin pa de'i phyir rten yin no/ /gal te rab 'byor la sogs pa yang ston pa por gyur pa kho na ma yin nam/ des na de yang rten du thal bar 'gyur ro/ /'di ltar bcom ldan 'das nyid kyis byang chub sems dpa' sems dpa' chen po rnams ji ltar shes rab kyi pha rol tu phyin par nges par 'byung bar shes rab kyi pha rol tu phyin pa las brtsams ste ston cig ces gsungs pa yin zhe na/ gal te de ltar yin du zin pa de lta na yang de dag rnams kyis nus pa ni sangs rgyas kyi mthu nyid kyis yin par rtogs par bya ste/ des ni mi 'gal lo/ /don de yang 'di nyid du le'u dang por bstan pa yin no/ /dbang du bya ba ni gang gi ched du byas nas chos 'di ston bar byed pa de ni byang chub sems dpa' la sogs pa'i tshogs ni dbang du bya ba yin te/ bstan pa 'di la dbang du bya bas zhes bye brag tu bshad pa 'dis so/ /las ni bya ba dang byed pa dang spyod pa la brjod de/ bya ba nas zhes bya ba'i bye brag tu bshad pa 'dis so/ /de ltar yang byang chub sems dpas shes rab kyi pha rol tu phyin pa la 'di ltar spyad par bya zhing 'di ltar gnas par bya'o/ /zhes pa la sogs pa'o/ /bsgom pa ni rnam par rtog pa'i rnam par g.yer ba bcu bsal bas rtogs par bya'o/ /stong pa nyid bcu drug tu dbye bar nges par bya'o/ /'chad par 'gyur ba'i rtags ni tshang ma ste/ 'dis rtogs par byed pas na rtags so/ /'di ltar byang chub sems dpa' shes rab kyi pha rol tu phyin pa 'dri ba dang klog pa la/ ljongs la sogs pa rnam par rtogs pa skye ba gang yin pa de dag kyang bdud kyi las kyi rgyu mtshan yin no/ /yang na byang chub sems dpa' phyir mi ldog pa'i rtags yin no/ /nyes dmigs ni don med thog tu bab pa ste/ dam pa'i chos spong ba la sogs chos kyi phongs par 'gyur ba'i las dang/ shes rab kyi pha rol tu phyin pa la dug dang bcas pa'o/ /phan yon bcas zhes bya ba la phan yon ni 'bras bu ste/ de ltar yang gzhung ni yin yin te/ gang zhig stong gsum gyi stong chen po'i 'jig rten gyi khams rin po che sna bdun gyis bkang bar byas nas sbyin pa byin pa dang/ gang zhig shes rab kyi pha rol tu phyin pa zhes bya ba la sogs pa'o/ /yang ci'i don du rten la sogs pa brjod ce na/ brjod pa ni dad ldan zhes pa la sogs pa'o/ /dad ces bya ba ni dad pa ste sems rab tu dad pa'o/ / de yang zab mo'i tshul la lhag par mos pa'i byang chub sems dpa' rnams kyi yin no/ /dad pa de gang dag la yod pa de dag ni dad ldan no/ /dad ldan de dag gi 'jug pa'i yan lag ces bya ba la 'jug pa dang 'brel ba'i yan lag ni 'jug pa'i yan lag go / yan lag ni rgyu ste/ gang gi phyir rjes su sgrub pa'i rgyu ni ston pa yin pa de'i phyir 'di bstan to/ /byang chub sems dpa' la sogs pa'i 'khor bstan pa ni dbang po nyid du shes par bya ba'i don to/ /khyad par can gyi yul dang dus dag sdus par byed pas brjod pas ni so sor nges pa'i rtan dang dus tshigs bstan pa'i don du brjod pa yin no/ /de ltar na yang sdus bar byed pa la don ci zhig yod ce na/ de'i phyir brjod ba ni/ sdud po rang nyid tshad mar ni/ /rab grub phyir yin zhes bya'o/ /rang nyid de bdag nyid du tshad mar ni rang nyid chad ma ste mi slu ba nyid do/ /der rab grub ni rab tu grub ba'i don te/ sdud pa'i dus na nye ba ma yin pa ma 'ongs pa'i skye bo yid ches ba zhes bya ba'i don to/ /'di nyid don gzhan nye bar dgod pas ston par byed pa ni/ 'jig rten na yul dang dus kyis nye bar mtshon cing/ dbang por bcas pa smra ba yis/ /smra bo tshan mar rjes su rtogs zhes bya ba'o/ /'di ltar 'jig rten na yul dang dus dag gis nye bar mtshon cing shes par byas par smra ba ste brjod pa'o/ /ji lta bu zhig ce na/ dbang po dang bcas par gnas pa na/ dbang por bcas so/ /su zhig ce na/ brjod pa smra ba pa'o/ /ci zhig tu rtogs she na/ tshad mar te/ bden pa'i tshig dang ldan pa nyid du 'gyur ro/ /zhes bya ba'i don to/ /gal te yul la sogs pa'i don 'di dag kyang srid pa ma yin nam / des na sum cu rtsa gnyis kho na zhes ci'i don du nges par 'dzin ce na/ des na brjod pa ni tshig phrad bdag thos la sogs pa zhes bya ba la sogs pa'o/ /thams cad ces bya ba ni ma lus pa'o/ /tshig phrad bdag gis thos pa la sogs pa 'di dag go / tshig phrad ni 'di skad kyi yi ge ste/ 'di skad ces bya ba'o/ /bdag ni rang gi ngo bo ste/ bdag gis zhes bya ba'o/ /thos pa ni mnyam pa ste/ thos pa zhes bya ba'o/ /tshig phrad dang bdag dang thos pa ni tshig phrad bdag thos so/ /de la sogs pa gang yin pa ste/ sogs pa'i sgras ni yul dang dus la sogs bzung ngo/ /des na thos pa la sogs pa de sdus par byed pas brjod pa ste/ rab tu bsnyad par byas pa gang yin pa de ni zhar la brjod pa yin te/ skabs las 'ongs pa yin no zhes bya ba'i don to/ /gtso bo'i brjod de/ gtso bor brjod par bya ba nyid du bstan pa ni/ sum cu rtsa gnyis po gang dag sngar brjod pa de dag nyid yin no/ /de dag tu zhe na/ sum cu rtsa gnyis nyid do 'dis grangs nges par bstan to/ /'dir brjod par bya ba nyung ba nyid du rtogs pa ma yin nam/ 'dir shes rab kyis pha rol tu phyin pa stong phrag brgya par stong pa nyid la rab tu dbye ba du ma bstan la/ 'dir ni de dag ma gsungs pa des na ji ltar mtshungs snyam pa'i dogs pa bsal ba'i don du gsungs pa ni stong pa nyid kyi bya ba ni zhes bya ba la sogs pa'o/ /shin tu phye ba ni rab tu phye ba ste/ rab tu phye ba zhes bya ba ni bye brag pa tshogs pa nyid do/ /'di gang gi rab tu dbye ba yin zhe na/ stong pa nyid kyi'o/ /rab tu dbye ba ni ci 'dra ba zhig yin zhe na/ rnam pa bcu drug ste/ grangs bcu drug gi mthar thug pas yongs su bcad pa'o/ /de yang brgyad stong par brjod pa yin no/ /ji ltar brjod ce na/ rim pa ji bzhin du ste/ go rims las ma 'das par ro/ /sgra gang gis zhe na/ gzhan gyis te/ sgra gzhan gyis te/ rnam grangs rjod par byed pa'i sgras zhes bya ba'i don to/ /shes par bya zhes bya ba ni rnam par bya ste/ dbye ba rtogs par bya ba'o/ /gang gi phyir stong pa nyid kyi rab tu dbye ba rnams sgra gzhan gyis brjod pa des na/ de ltar ji skad bshad po gyis zhes bya ba la sogs pa'o/ /de ltar brgyad stong pa 'dir ni ma tshang ba med pa yin te/ mi nyung ba yin no/ /ci dag gis ma tshang ba med ce na/ ji skad bshad don gyis te/ ji skad brjod pa 'am yongs su rdzogs pas zhes bya ba'i don to/ /gal te 'di dag la don tha dad pa nyid med na de'i tshe de nyid kyis skyes bu'i don mchog skyed do snyam na/ de'i phyir brjod pa ni/ 'dir gzhung bsdus pa yin zhes bya ba ni brgyad stong par ro/ /gzhung bsdus pa ni nyung ngu nyid du/ 'dod ces bya ba ni mngon par 'dod pa'o/ /brjod par bya ba'i don ni de nyid do/ /don de gang yin zhe na/ ji skad brjod ces smos te ji skad bshad pa rnams kho na'o/ /'di skad du 'dir shes rab kyi pha rol tu phyin pa'i don tha dad pa ni yod pa ma yin gyi/ 'on kyang blo chung ba dang 'bring dang chen po rnams rjes su bzung bar bzheng pas bcom ldan 'das shes rab kyi pha rol tu phyin par ston par mdzad pa yin pas de'i dbang gis gzhung la ni rim gyis dbye ba byung ba yin no/ /zhes brjod pa yin no/ /rim pa ji lta ba bzhin du stong pa nyid sgra gzhan gyis brjod pa zhes pa des na brjod pa ni/ byang chub sems dpa' de nyid du zhes bya ba la sogs pa ste/ byang chub sems dpa' 'di la yod pas na byang chub sems dpa' o/ /byang chub ni gzung ba dang 'dzin pa dang bral ba'i shes pa yin la sems dpa' ni bsam pa yin te/ byang chub sems dpa' 'di la yod pa des na byang chub sems dpa' ste/ byang chub sems dpa' de ma mthong zhing mi dmigs so/ /sus shes na brjod par nges zhes bya ba ste/ bdag nyid yin par ston pa po/ de nyid du zhes bya ba don dam par ro/ /de skad du thub pa bcom ldan 'das kyis gsungs te/ brjod par mdzad do/ /thub pa zhes bya ba ni lus dang ngag dang yid thug pa dang ldan pas so/ /yang na de'i byin gyis brlabs kyis de skad rab 'byor gyis brjod pa yin no/ /zhes bya ba ni dag gi don to/ /ston pa des de skad gsungs pa 'dis ni stong pa nyid brjod pa ste bstan pa yin na/ /gang gis stong pa nyid brjod ce na/ de'i phyir brjod pa ni za bo nang gis dngos po rnams kyi zhes bya ba'o/ /de dag ni za bo yang yin la nang gi dngos po rnams kyang yin pas za bo nang gis dngos po rnams te/ des na de rnams kyi'o 'dis ni nang gi skye mched mig la sogs pa gang dag ma phyis pa rnams kyis za ba po nyid du lhag par zhen par byas pa de dag gi stong pa nyid thub pas gsungs so zhes bya ba 'di brjod pa yin te/ byang chub sems dpa' la de'i ngo bor brtags pa yin pa'i phyir ro/ /zhes bya bar bsams pa'o/ /sgra 'dis kyang nang stong pa nyid brjod pa yin no/ /de bzhin du gzugs ni gzugs kyi rang bzhin gyis stong pa zhes ni gsungs pa'i phyir/ bza' par bya ba phyi yin ni/ skye mched rnams kyang 'dir bkag go /phyi yin ni skye mched rnams kyang zhes bya ba ni gzugs dang sgra la sogs pa rnams so/ /gzugs ni zhes bya ba ni gzugs kyi phung po'o/ /de yang gzugs kyi rang bzhin gyis zhes bya ba gzugs kyi rang gi ngo bos te/ de'i ji lta ba bzhin gyi mtshan nyid mi 'thad pa'i phyir ngo bo nyid des stong pa yin te/ mi'i rang bzhin de dang bral ba yin no zhes ni ste/ de skad ces gsungs pa'i phyir te brjod pa'i phyir ro/ /tshig 'di las kyang bcom ldan 'das kyis yang bkag go zhes bya bar yang gsal bar mdzad pa'o/ /ci zhig bkag ce na/ brjod pa'i phyi'i skye mched rnams so/ /ji lta bu zhig ce na/ bza' bar bya ba ste/ spyad par bya ba yin pas bza' bar bya ba'o/ /gang gi phyir byis pa rnams kyis phyi rol gyis gzugs la sogs pa log pa nyid la nye bar longs spyad par bya ba nyid du brtags des na bkag pa yin no/ /zhes bya ba ni dag gi don yin no/ /sgra 'dis kyang phyi stong pa nyid brjod pa yin no/ /de bzhin du stong pa nyid kyi rnam pa gzhan dag kyang brgyad stong pa na yod pa yin no/ zhes stong pas brjod pa 'di lta ste/ gzugs sogs med na de yin ni/ /lus gnas mtshan nyid zad pa'i de na/ /rtogs pa nyid de/ /ji ltar zhe na/ de yi lus zhes bya ba ste/ phyi nang gi skye mched dag gi ni lus ni de'i lus so/ /gnas zhes bya ba la gnas ni snod kyi 'jig rten te 'dir gnas pas na gnas so/ /mtshan nyid ces bya ba la mtshan nyid ni skyes bu chen po'i mtshan sum cu rtsa gnyis so/ /de rnams zad pa ni bral ba ste stong pa nyid ces bya ba'i don to/ /don de rtogs pa nyid ces bya ba la 'di'i don rtogs pa yin pas na don rtogs pa nyid do/ /gang gi tshe rtogs she na/ des na brjod pa ni gzugs sogs med na ba yin ni zhes brjod de/ gang gi tshe phyi dang nang gi skye mched rnams dngos po med par bstan pa de kho na'i tshe 'di rnams kyi stong pa nyid kyi don rtogs pa yin no zhes bya ba dag gi don to/ /gzhung 'dis kyang stong pa nyid rnam pa gsum po rnams brjod pa yin te/ 'di lta ste/ phyi nang stong pa nyid kyi rnam pa dang/ chen po stong pa nyid kyi rnam pa dang/ mtshan nyid stong pa nyid kyi rnam pa'o/ /stong pa nyid stong pa nyid kyi rnam pa yang bstan pa'i don du brjod pa ni gang gis de mthong ba/ de yang nang pa yin phyir med/ /gang gi zhes bya ba ni stong pa nyid kyi shes pas so/ /de zhes bya ba ni lus la sogs pa'o/ /mthong ba zhes pa ni rtogs pa ste shes pa'o/ /de yang nang pa zhes bya ba ni shes pa de nang gi skye mched yin te/ des na nang ba yin pa'i phyir na med de/ yod pa ma yin te/ de ni snga ma kho na bkag pa'i phyir ro/ /snyam du bsams pa'o/ /des na 'dis ni stong pa nyid stong pa nyid kyi rnam pa brjod pa yin no/ /de nyid kyi phyir rang bzhin stong pa nyid kyi rnam pa yang gang gi phyir na/ de rnams zhes bya ba la sogs pas ston par byed do/ /gang gi phyir na nang gi skye mched rnam pa lngar brjod pa'i tshul gyis stong pa nyid yin pa de'i phyir/ rang bzhin mang ni stong pa nyid yin te/ rang bzhin ni rigs so/ /'di nyid ni 'di ltar zhes bya ba la sogs pas gsal bar byed do/ /'di ltar gyi sgra ni gang gi phyir gyi don la yin no/ /gang gi phyir rigs de ni rnam shes rang bzhin te/ rnam par shes pa'i ngo bo yin pa dang brtse ba dang/ shes rab kyi bdag nyid yin pas so/ /brtse ba ni gzhan sdug bsngal dang bral bar 'dod pa'o/ /shes rab ni chos rab tu rnam par 'byed pa'i mtshan nyid can no/ /brtse ba dang shes rab dag ni brtse ba dang shes rab bo/ /de dag gi bdag nyid rang gang la yod pa de ni brtse ba dang shes rab kyi bdag nyid do/ /rnam par shes pa ni nang gi skye mched yin pa'i phyir zhes dgongs pa'o/ /'dis kyang rang bzhin stong pa nyid brjod pa yin no/ /de bzhin du sems can skye med 'gag pa'ang med ces bya ba la sogs pa'i gzhung rnams kyis ni brgyad stong par stong pa nyid des bstan par mdzad pa yin no/ /skye med ces bya ba ni skye ba 'gog pa ste/ gdod ma nas ma skyes pa'i phyir zhes dgongs pa'o/ /skye ba med pa nyid kyis na 'gag pa med pa yin te/ 'gag pa ni de sngon du 'gro ba can yin pa'i phyir ro/ /des na 'gag pa yang med do/ /de gang yin zhe na/ sems can zhes gsungs so/ /sems can zhes bya ba ni phung po lnga'i bdag nyid can gyi srog chags so/ /de nyid ni rdzas nyid du khas blangs pa'i phyir sems can zhes brjod do/ /gang dag gis stong pa nyid bstan ce na/ smras pa/ sems can dang 'khor ba dag gi'o/ / sems can zhes bya ba ni brjod ma thag pa'o/ /de ni 'gro ba drug po rnams su 'di na dang de nas 'khor bar byed pa'i phyir te/ yongs su 'khyams pa'i phyir na 'khor ba zhes brjod de/ 'khor ba nas 'khor ba zhes bya ba'i bye brag tu bshad pa 'dis so/ /sems can dang 'khor ba zhes bsdu ba'o/ /byed pa po gang gis bstan ce na brjod pa des ni ste/ de kho na rig pa'i de bzhin gshegs pa des so/ /ji ltar zhe na/ gsal bar te gsal par zhes bya ba ni bye brag phyed par ro/ /ci zhig bstan ce na/ smras pa stong pa nyid do/ /stong pa nyid ces bya ba ni dngos po med cing bral ba ste/ ji ltar btags pa med zhes bya ba'i don to/ /de yang ji ltar yang rung ba ni ma yin te/ 'on kyang gtsor te gtsor zhes bya ba ni khyad par du'o/ /yang na gtsor zhes bya ba ni yongs su rdzogs pa ste/ de kho na nyid ni 'di yin no zhes bya ba'i don to/ /brjod pa 'dis kyang stong pa nyid kyi rnam pa gnyis bstan te/ mdza' las 'das pa stong pa nyid dang/ thog ma dang tha ma med pa stong pa nyid do/ /thog ma ste dang po dang/ tha ma ste mdza' i cha yod pa ma yin pas tha ma med pa'o/ /de stong pa nyid ni thog ma dang tha ma med pa stong pa nyid do/ /de skad du yang bcom ldan 'das kyi 'khor ba'i sngon gyi mdza' mi shes so bya ba la sogs pa gsungs pa yin no/ /chos thams cad stong pa nyid kyi rnam pa yang 'dir bstan to/ /zhes ston pa yin no/ /zhes brjod pa ni/ sangs rgyas chos dang de bzhin du zhes bya ba la sogs pa'o/ /sangs rgyas kyi chos ma 'dres pa bco brgyad po dang gnas dang gnas ma yin pa mkhyen pa'i stobs sogs pa stobs bcu po rnams te/ de rnams kyang de kho na'i ye shes dang ldan pas yang dag par rjes su mi mthong ba ni shin tu rnam par dag pa'i blos mi dmigs pa ste/ ma brtags pa de ni mi 'gog pa'i phyir ro/ /de bzhin du byang chub sems dpa' i chos rnams ni zhes bya ba la byang chub sems dpa' rnams la yod pa'i chos ni byang chub sems dpa' i chos te/ yang sbyin pa ya sogs pa pha rol tu phyin pa'i khyad par ro/ /de rnams kyang de kho na'i ye shes dang ldan pas yang dag par rjes su mi mthong ngo/ /zhes bya ba'i don to/ /zhes bya ba la sogs pa'i stobs bcu la sogs pa stong par bstan ces bya ba ni de skad ces bya ba la sogs pa'i gzhung gis bstan to/ /gang zhig bstan ce na/ stobs bcu la sogs so/ /sogs pa'i sgras ni ma 'dres pa la yongs su gzung ngo/ /de dag ji ltar bstan ce na/ stong par ste/ rang gi ngo bos dben pa zhes brjod pa yin no/ /'dis kyang chos thams cad stong pa nyid du brjod do/ /de bzhin du 'dir stong pa nyid gzhan bstan to/ /zhes rjod par byed pa ni/ /gang phyir chos rnams so sor ni zhes bya ba gtan tshigs gang gi phyir so so so so la brtags pa yin te/ lhag par zhen par byes pa yin no/ /de dag gang la zhe na/ chos rnams te gzugs la sogs pa la'o/ /zhes bya ba de ltar rab tu brjod pa ste/ gsungs pa yin te/ gang gi phyir de lta yin pa des na don dam du yod min te/ don dam par rang bzhin yod pa ma yin no/ /gang dag ce na/ brjod pa chos rnams te/ gzugs la sogs pa rnams so zhes de skad kyang brjod pa yin te/ de bzhin gshegs pas de skad gsungs pa yin no/ /'di skad du 'dzin pa'i rnam pa don dam par stong pa nyid du brjod pa 'ba' zhig tu ni mdzad kyi don dam pa'i rnam pa gang stong pa nyid du bstan pa'i rnam pa de yang brtags pa yin pa'i phyir stong pa yin no zhes brjod pa yin no/ /brjod pa 'dis kyang don dam pa stong pa nyid kyi rnam pa bstan pa yin no/ /don 'di nyid ni rgyun gyi rnam pa brgyar gsal bar byas la gzhan gyis kyang/ rnam par rtogs pa gang gang gis/ dngos po gang gang rnam brtags pa/ /de ni kun tu brtags pa yid/ /ngo bo nyid de de med do/ /zhes bya ba la sogs pas gsal par byas so/ /de bzhin du stong pa nyid kyi dbye ba gzhan bstan pa'i don du gsungs pa ni/ gang phyir bdag sogs lta ba ni/ zhes bya ba la sogs pa'o/ /gang zhig phung po la sogs pa la tha dad par gzhan dag gis kun brtags par de ni bdag go / sogs pa'i sgras ni sems can dang srog? la sogs pa bdag gi rnam grangs rnams gzung ngo/ /bdag la sogs pa gang yin pa zhes bsdu ba bya'o/ /bdag la sogs pa'i yul la lta ba ste/ 'dzin cing ltag par zhen pa'o/ /bdag la sogs par lta ba gcod mdzad de 'jig par rab tu mdzad pa'o/ /de su'i zhen/ byang chub sems dpa' yi'o/ /ji ltar gyur pa cig ce na/ chen po'o/ /'di'i chen po nyid kyang 'khor ba ji srid par 'jug pa'i phyir ro/ /gang gi phyir de lta yin pa de'i phyir ci zhig des she na/ bcom ldan 'das kyis rnam kun tu/ /gang zag gi bdag med nyid du gsungs zhes bya bar nges so/ /rnam kun tu zhes bya ba ni des pa kho nar ro/ /gsungs zhes bya ba ni sangs rgyas kyis bka' stsal par gyur pa'o/ /bstan pa 'dis kyang dngos po med pa stong pa nyid brjod do/ /gzhan du nye bar bstan pas stong pa nyid kyi rnam pa gzhan bstan pa'i don du gsungs pa ni/ chos rnam pa thams cad ces bya ba la sogs pa'o/ /chos rnams thams cad ces bya ba ni gzugs la sogs pa ma lus pa ste/ chos kyang de yin la thams cad kyang de yin pas zhes bsdu ba'o/ /chos rnams thams cad po de dag kyang ma skyes zhes bya ba ni skye ba 'gog pa ste/ rgyu'i tshogs pa ji ltar las yod pa thob pa nyid de kho nar thob pa ma yin no/ /zhes pa'i don to/ /gdong ma nas ma skyes pa'i phyir zhes bsams pa'o/ /zhes de ltar dang de bzhin du brjod par mdzad pa ste/ ston par mdzad pas so/ /de bzhin du zhes bya ba ni blang yang ston par mdzad pas so/ /chos kyi bdag med gsungs pa yin zhes bya ba la/ gzugs la sogs pa chos rnams kyi bdag med ces bya ba ngo bo nyid med par gsungs pa yin te/ bstan no sus she na/ brjod pa de nyid rigs pas zhes bya'o/ de nyid ni chos bdag med pa'o/ /de nyid de reg pa'i ngang tshul 'di la yod pas des na de nyid rig pa'i skyob pa des gsungs pa'o/ /rnam pa kun tu zhes bya ba las rnam pa thams cad nyid kyi ste mu stegs pa rnams bzhin du nyi tshe ba'i stong pa nyid ston pa ma yin no zhes bya ba'i don to/ /'dis ni dngos po med pa'i ngo bo nyid stong pa nyid bstan to/ dngos po med pa'i ngo bo nyid rnams kyi stong pa nyid ces bya ba'i tshul gyis so/ /rnam grangs su bstan pa'i sgo nas stong pa nyid gnyis stan pas brjod pas ni/ kha na ma tho ba ces med rnams zhes bya ba la sogs pa'o/ /kha na ma tho ba ni nyes pa'o/ /kha na ma tho ba dang lhan cig 'jug pas kha na ma tho bcas pa'o// gang dag kha na ma thob ste skyon med pa de dag ni kha na ma tho ba med pa'o/ /kha na ma tho ba dang bcas pa dang/ kha na ma tho ba med pa ni chos de rnams so/ /'phel dang nyams pa med pa'i phyir zhes bya ba la 'phel ba dmigs pa med de/ byang chub sems dpa' de rnams kyi bsags pa ma gtogs so/ /zhes bya ba'i don to/ /nyams pa yang med de/ zad pa'i chos mi dmigs so/ /zhes bya ba'o/ /'dus byas 'dus ma byas pa'i zhes bya ba ni 'dus pas ni 'dus byas te rgyu dang rkyen gyis bskyed pa'i phyir 'dus byas so/ /'dus ma byas pa zhes bya ba ni so sor brtags pa'i 'gog pa la sogs pa gang dag 'dus byas ma yin te/ 'dus byas dang 'dus ma byas pa de dag go /ji lta bur gyur pa dag ce na/ dge ba rnams so/ /ji skad du 'dus byas dge ba rnams dang/ 'dus ma byas dge ba rnams dang de las bzlog pa rnams rim pa ji lta ba bzhin du 'phel ba dang 'grib par dmigs su med do/ /zhes bya ba 'di brjod pa yin no/ /de dag ni don dam par med pa'i phyir ro/ /zhes bsams pa'o/ /dag drang po ma yin pa 'dis kyang bsal ba yin te/ de dag dngos po med par brjod pa yin no/ /bstan pa 'dis kyang 'dus byas stong pa nyid kyi rnam pa dang 'dus ma byas stong pa nyid kyi rnam pa bstan pa yin no/ stong pa nyid kyi rnam pa gzhan ston pas dge ba rnams ni stong pa ni zhes bya ba la sogs pas skabs brjod pa yin no/ /dge ba'i chos rnams kyang stong pa nyid du gyur cing dngos bo med par gyur pa na/ der brten med zad ces bya ba la de la sgris ni dge ba'i chos rnams nyid yongs su bzung bas dge ba'i chos rnams la brten pa'i mi zad pa nyid gang yin pa ste/ byang chub sems dpa' rnams ni de las yongs su mi nyams par 'dod pa yin no/ /de yang sngar brjod pa'i rnam pa de bzhin du shes rab kyi mdzos pa rnams kyis bzhag pa nyid do/ /'dis ni dor ba med pa stong pa nyid brjod do/ /dor bar bya zhing spang par bya ba des na dor ba'o/ /dor ba med pas na dor ba med pa ste/ gang gi phyir de dag mi zad par 'dod pas na byang chub sems dpa' ni dge ba'i chos rnams phung po lhag ma med pa'i mya ngan las 'das pa bzhin du dor bar mi byed do/ /des na de ltar stong pa nyid kyi rnam pa rab tu dbye ba bstan nas nye bar bsdud pa ni/ de ni stong pa nyid kyi zhes bya ba ste/ /brjod ma thag pa de ni stong pa nyid kyi rab tu dbye ba zhes bya ba bye brag rnams so/ /bsdus pa yin zhes bya ba ni bzlums par byas pa ste yang dag par bzlums pas na bsdus pa'o zhes bya ba'i bye brag tu bshad pa 'dis so/ /brjod pa ma thag pa'i bsdus pa de yang brgyad stong par bstan pa yin no zhes khong nas dbyung ngo/ /de dag gang dang 'brel pa yin zhes na/ stong pa nyid kyi zhes gsungs te/ /btags pa'i chos kyis stong pa'i mtshan nyid kyi'o/ /'o'i sgra ni yongs su rdzogs pa'i don to/ /stong pa nyid kyi bye brag ni 'di tsam du zad de/ gzhan ni med do zhes bya ba ni/ dag gi don to/ /stong pa nyid kyi rab tu dbye ba de ni gdul ba'i skye bo'i mngon par zhen pa'i bsams pa yin gyi de kho na nyid du ni ma yin no/ /de kho na nyid ni stong pa nyid gnyis kho na ste/ gang zag stong pa nyid dang/ chos thams cad stong pa nyid do/ /de ltar yang 'phags pa byams pa nyid kyis dbus dang mdza' rnam par 'byed pa las kyang don 'di gsal bar mdzad pa ni/ za dang bza' bya de yi lus/ /gnas kyis gzhi ni stong pa nyid/ /de yang gang gis stong par mthong/ /gang phyir de ni stong pa nyid/ /dge ba gnyis ni thob pa'i phyir/ /rtag tu sems can phan bya ba'i phyir/ /'khor ba mi btang phyir dang ni/ /dge ba mi zad bya ba'i phyir/ /rigs kyang rnam par dag bya'i phyir/ / mtshan dang dpe byas thob bya'i phyir/ /sangs rgyas chos rnams dag bya'i phyir/ /byang chub sems dpa' rab tu sbyor/ /gang zag de na chos rnams kyi/ /dngos med 'dir ni stong pa nyid/ /de med pa yi dngos yod pa/ /de bzhin der ni stong pa nyid ces so/ /rnam par rtogs pa'i rnam par g.yeng ba bcu bsal bas bsgoms pa rtogs par bya'o/ /zhes brjod pa yin na/ rnam par rtog pa'i rnam par g.yeng ba rnam pa bcu po de dag ni gang dag yin la de dag bsal ba yang ji ltar yin zhe na/ des na brjod pa ni sems kyi rnam par g.yeng ba bcus zhes bya ba la sogs pas so/ /byang chub sems dpa' las dang po pa rnams kyi rnam par rtog pa'i rnam par g.yeng bar rnam pa bcu ni 'di lta ste/ dngos po med pa'i rgyu mtshan can gyi rnam par rtog pa'i rnam par g.yeng ba dang/ dngos po'i rgyu mtshan can gyi rnam par rtog pa'i rnam par g.yeng ba dang/ sgro 'dogs pa'i rgyu mtshan can gyi rnam par rtog pa'i rnam par g.yeng ba dang/ skur pa 'debs pa'i rgyu mtshan can gyi rnam par rtog pa'i rnam par g.yeng ba dang/ gcig nyid kyi rgyu mtshan can gyi rnam par rtog pa'i rnam par g.yeng ba dang/ du ma'i rnam par rtog pa'i rgyu mtshan can gyi rnam par rtog pa'i rnam par g.yeng ba dang/ ngo bo nyid kyi rgyu mtshan can gyi rnam par rtog pa'i rnam par g.yeng ba dang/ khyad par gyi rgyu mtshan can gyi rnam par rtog pa'i rnam par g.yeng ba dang/ ming ji lta ba bzhin pa'i don gyi rgyu mtshan can gyi rnam par rtog pa'i rnam par g.yeng ba dang/ don ji lta ba bzhin ming yin pa'i rgyu mtshan can gyi rnam par rtog pa'i rnam par g.yeng ba ste/ de lta bu'i sems kyi rnam par g.yeng ba 'di dag bcus gzhan las te/ gnyis su med pa de las sems ni ste bsam pa rnam par g.yeng ba ste/ bye brag tu g.yeng bas rnam par g.yeng ba ste/ srid pa'i longs spyod la sogs pa rnams pa 'phyo zhing 'phyan par byed do zhes bya ba'i tha tshig go /de las kyang sems de bskal ba med par 'gyur ro/ /su dag gis she na/ /brjod par byis pa rnam pa la zhes bya'o/ /byis pa zhes bya ba ni spang ba dang blang bya'i de kho na mi shes pa la brjod do/ /gang la skal ba med ce na/ brjod pa gnyis kyi ye shes bsgrub pa'i zhes bya ste/ gang la gnyis yod pa ma yin pa de ni gnyis med do/ /gnyis med kyang de yin la ye shes kyang de yin pas gnyis med ye shes te de sgrub pa ste bsgrub pa dang des pa dang yongs su grub pa zhes bya ba'i don to/ /bsgrub par bsgrub zhes bya ba'i bye brag tu bshad pa 'dis so/ /'di skad du gang gi phyir sems kyi rnam par g.yeng ba 'di rnams kyis so so skye bo rnams kyi sems gzugs dang sgra dang dri dang ro dang reg bya la sogs pa rnams la khyer ba des na shin tu rnam par dag pa'i ye shes bsgrub par mi nus so/ /yang gang gi tshe de dag gnyis su med pa'i ye shes kyi gegs yin pas de'i tshe brjod pa ni 'di yin te/ de dag ces bya ba ni sogs pa'o/ /de dag ces bya ba ni rnam par rtog pa'i rnam par g.yeng ba 'dzin to/ /bzlog pa'i phyir zhes bya ba ni rnam par gsal ba'i phyir ro/ /de ci zhig ce na/ de'i phyir shes rab pha rol phyin gzhung te zhes gsungs so/ /stong phrag brgya pa la sogs pa'i ming du byas pa'i bstan pa'i chos 'di thams cad kyang don 'di lta bu dang ldan pa yin no/ /de dag ji ltar bzlog ce na/ de'i phyir brjod pa ni phan tshun gnyen po dang mi mthun phyogs kyis zhes bya ba'o/ /phan tshun zhes bya ba ni gcig la gcig go / gnyen po dang mi mthun phyogs zhes bya ba phan tshun gnod bya gnod byed kyi dngos pos so/ /'di ltar dngos po'i rnam par rtog pa ni dngos po med pa'i rnam par rtogs pa dngos po med pa'i rnam par rtog pa yang dngos po'i rnam par rtog pa'i gnyen po zhes bya ba la sogs par sbyar bar bya'o/ /de dag kyang gang du bstan snyam na brjod pa ni/ de rnams kyang ni bsdus de bstan ces bya ba ste/ yum shes rab kyi pha rol tu phyin mar ro/ /de rnams zhes bya ba ni rnam par rtog pa'i rnam par g.yeng ba rnam pa bcu pa'o/ /bsdus pa zhes bya ba ni yang dag par bsdus shing bzlums nas bstan la zhes bya ba brjod pa yin no/ /'dis ni 'di skad ces de kho na mchog mkhyen pa'i de bzhin du gshegs pa yang dag par bsdus shing bzlums nas shes rab kyi pha rol tu phyin par bstan pa yin no/ /zhes bya ba dag gi don 'di bstan pa yin no/ /ji ltar bstan ce na/ ? pa ni ston pas zhes bya ba la sogs pa'o/ /'di la byang chub sems dpa' yod pas na byang chub sems dpa' 'o/ /byang chub sems dpa' yod ces bya ba ni bdag po zhes bstan pa yin no/ /dngos med kyi rtog pa'i g.yeng ba zhes bya ba ni dngos po med pa'i rang bzhin du rtogs pas na dngos po med pa'i rtog pa'o/ /de nyid ni g.yeng ba yin te/ kun tu rmongs pa'i rgyu yin pa'i phyir ro/ /ci zhig mdzad ce na/ 'gog pa yin te/ sel ba yin no/ /de su zhig gis shi na/ stong pas te nyon mongs pa'i dgra las rta? chos pa'i phyir dang ngan 'gro'i 'jigs pa las skyob pa'i byed pas ston pa ste/ de bzhin gshegs pas so/ /ji ltar zhe na/ phung po kun rdzob gzigs pa'i phyir ro/ /kun rdzob par yod pa ni kun rdzob pa'o/ /phung po ni gzugs dang tshor ba la sogs pa ste/ de dag gzigs ? ? pa'i te/ rtog pa'i rgyu'i phyir dngos po med pa'i rnam par rtog pa'i rnam par g.yob ba sil bar mdzad pa yin no/ /'di skad du las dang po pa'i byang chub sems dpa' i bsam dang bcom ldan 'das kyis kun rdzob kyi phung por gzigs shing mkhyen nas chad par lta ba spangs pa 'di ? dngos po med par rtog pa'i rnam par g.yeng ba sel bar mdzad pa yin no zhes bya ba 'di brjod pa yin no/ /shes rab kyi pha rol tu phyin pa yum gyi don brgyad stong par sbyor bar byed pas brjod pa ni/ 'dis ni brgyad stong la sogs su zhes la sogs pa'o/ /'dis ni zhes bya bas ni yum gyi don bshad pas so/ /brgyad stong la sogs su zhes bya ba'i sogs pa'i sgra ni stong phrag brgya pa la sogs pa yongs su gzung ngo/ /der dang po'i dag nas brtsams nas ni zhes bya ba ni/ dang po'i dag ni nye bar bzung nas so/ /de la dang po'i dag ni 'di yin te/ rab 'byor khyod shes rab kyi pha rol tu phyin pa las brtsams nas ji ltar byang chub sems dpa' sems dpa' chen po rnams shes rab kyi pha rol tu phyin pa las ji ltar nges par 'byung ba spobs par gyis shig ces bya ba'o/ /rdzogs pa'i bar gyis zhes bya ba rdzogs pa'i mthar thug pa ji srid pas so/ /dgag bya yin zhes bya ba ni dngos po med pa'i rnam par rtog pa bsal zhing bzlog par bya ba'o/ /dngos med rtog pa zhes bya ba ni bar gyi tshig mi mngon par byas pas dngos po med pa'i rang bzhin du rnam par rtog la dngos med rtog pa zhes pa zhes bya ba yin te/ chad pa'i rang bzhin zhes bya ba'i don te/ /ji ltar zhe na sgrub pa yis zhes bya ba ni bsgrubs pas ni bsgrub pa ste/ dngos po'i rang bzhin te bsgrub pa nges so/ /'di skad du tshig dang po nas brtsams te yongs su rdzogs pa'i bar gyi bsgrub pa'i dag gang dag yin pa'i gang de rnams su grub pa rjes su brjod par byed pa gang yin pa de ni 'di lta ste/ byang chub sems dpa' dang brgya byin dang shes rab kyi pha rol tu phyin pa zhes bya ba la 'di lta bu la sogs pa brjod pa de dag ni chad par lta ba sel ba lhur len par rig par bya'o zhes bya ba 'di brjod pa yin no/ /'dir bsgrub pa'i ngag gi gnas rjes su brjod bzhin pa kho na sgrub pa'i sgas brjod pa yin no/ /bsgrub pa dngos po med pa'i rnam par rtog pa sel bar byed pa yin no zhes bya bar rig pa gang gis des zhe na/ brjod pa ni 'di dag gtan tshigs dang dag min te/ zhes bya ba la sogs pa'o/ /gtan tshigs kyi sgras ni rigs pa brjod pa yin te/ 'di dag rigs pa'i dag ma yin zhing sgrub byed kyi dag ni ma yin gyi/ 'on kyang bya ba tsam zhig smos pa yin te/ dag 'di dag gis bya ba ste bya bar 'os shing rjes su bsgrub par bya ba smos pa yin te/ brjod pa yin no/ /gal te don rigs pas/ 'thad pa ma yin na/ 'o na ji ltar rtog pa don du byed pa rnams yongs su tshim par byed ce na/ des na brjod pa ni/ rigs pa tshangs pa'i dra ba sogs bya ba la sogs pa'o/ /tshangs pa'i dra ba la sogs pa'i mdo dag yin pa ste/ sogs pa'i sgras ni stug po'i dkyil 'khor la sogs pa rnams gzung ste/ de thams cad du bcom ldan 'das kyis rigs pas gsungs pa yin no/ /kun tu zhes bya ba ni rnam pa 'di lta bu'i don bstan par bya ba rnams su'o/ /shes par bya ba ni rig par bya ba'o/ /rigs pa zhes bya ba ni tshad ma'o/ /'dir ni des par gyur pa'i don nyid mngon par bzhed pa yin no/ zhes bya ba ni dag gi don to/ /des na de ltar dngos po med pa'i rnam par rtog pa'i rnam par g.yeng ba bsal bas dngos po'i rnam par rtog pa'i dgra zla nyid du bstan pa yin no/ /de ni yang de nyid 'gal ba'i sgo nas ston par byed brjod pa ni/ bdag gis byang chub sems dpa' ni ma mthong zhes sogs rgyas rnams kyis zhes bya ba la sogs pa ste/ byang chub sems dpa' ni ma mthong zhes bya bas ni yum shes rab kyi pha rol tu phyin pa'i don nye bar 'gog pa'o/ /las dang po pa rnams kyi byang chub sems dpa' i rang bzhin du lhag par zhen par byas pa ni de kho na nyid du ma dmigs pa'o/ /bdag gis zhes bya ba ni rang nyid stong par byed pa'o/ /byang chub sems dpa' ma mthong zhes bya ba la sogs pa'i tshig mang po rgyas rnams kyis te/ 'di lta ste/ byang chub sems dpa' dang de lta bu'i rang bzhin gyi/ shes rab kyi pha rol tu phyin pa ma mthong ngo zhes bya ba la sogs pa de lta bu la sogs pa rnams kyis so/ /bstan pa 'dis kyang dngos por kun rtog gi 'khrul pa 'gog par mdzad pa yin no/ /dngos po zhes bya ba ni gzugs la sogs pa'o/ /de'i kun tu rtogs pa ni dngos por kun tu rtog pa ste/ ji lta ba ma yin pa'i don la don ji lta ba nyid du lhar par zhen pa'o/ /de nyid ni 'khrul pa rnam par 'khrul pa yin te/ don dam par bstan pa nyid yin pa'i phyir ro/ /sel bar byed pa su zhig yin zhe na/ bcom ldan 'das te/ bcom ldan 'das zhes bya ba ni de bzhin gshegs pa'o/ /ji ltar zlog par byed ce na/ brjod pa ni gang phyir ming yang ma mthong zhing zhes bya ba la sogs pa'o/ /gtan tshigs gang gi phyir ma mthong zhing ma dmigs pa'o/ /ci zhig ma mthong na ming yang ste/ byang chub sems dpa' zhes bya ba'i ming gang zhig ming du btags pa de yang/ shes rab kyis ma dmigs pa'o/ /yang na sgras ni gzhan lta re zhig zhog ste/ zhes bstan to/ /yid 'ba' zhig tu ni ma zad de spyod yul yang mi dmigs so/ /spyod yul zhes bya ba ni yul la brjod la/ de la yang byang chub sems dpa' rnams kyi lam gyi mtshan nyid can gyi shes rab kyi pha rol tu phyin pa yin no/ /de bzhin du bya ba yang ma dmigs so zhes rjes su 'jug go /bya ba ni kun tu sbyor ba ste rjes su bsgrub byed kyis bsgrub pa zhes bya ba'i don to/ /phung po rnams kyang shin tu rnam par dag pa'i blos kun nas ma dmigs so/ /phung po ni gzugs dang tshor ba la sogs pa'o/ /kun nas zhes bya ba ni rnam pa mdza' dag gi sgo nas ma rtogs so/ /gang gi phyir de ltar yin pa'i rgyu des na byang chub sems dpa' mthong ba mang ngo/ /'dis ni gang gi phyir bcom ldan 'das kyis dri ma med pa'i ye shes kyis byis pa rnams kyis btags pa'i ming dang spyod yul l a sogs pa rnams ma gzigs shing mi dmigs pa de'i phyir na yongs su ma rdzogs pa rnams dngos por mngon par ma zhen pa la sbyor ba'i don du dngos po med pa'i rnam par rtog pa dngos po med pa rnam par rtog pa'i dgra bcom pa nyid du brjod pa yin no/ /zhes bya ba'i bsdus pa'i don 'di brjod pa yin no/ /gal te de'i phyir byang chub sems dpa' med pa nyid yin na/ 'o na de'i tshe dag dang po dang 'gal lo zhe na/ de'i phyir brjod pa ni/ 'di ni btags pa 'gog pa yin/ zhes bya ba la sogs pa'o/ /btags pa zhes bya ba ni mthong ba phyin ci log dang ldan pa'i skye bo rnams kyi phung po dang khams dang skye ba chad nyid du btags pa gang yin pa de 'gog pa yin gyi shin tu rnam par dag pa'i shes pa yang 'gog pa ni ma yin zhes 'dod pa'o/ /de 'dra zhes bya ba de lta'o/ /bsdus pa ni lta ba ste/ zhes bya ba ni bsdus pa mdzad pa'i lta ba ste/ de'i bsams pa'o/ /'di nyid shes rab kyi pha rol tu phyin pa'i don bsdus pa'i lta ba ste nges pa dang rtog par zhes bya ba'i don to/ /des na 'dis ni yid ches pas ngas par bya ba'i don yin no/ /zhes ston pa yin no/ /'di nyid rigs pas bstan par byed pas brjod pa ni/ shes bya nyid du zhes bya ba la sogs pa'o/ /thams cad ces bya ba ni ma lus pa'o/ /shes bya nyid du zhes bya ba ni yongs su bcad par bya ba nyid du'o/ /zhugs pa ni chung pa'o/ /gang du zhe na/ blor te/ blo zhes bya bar rtogs par ro/ /zhugs pa de ci zhig ce na/ rnam pa zhes smras so/ /rjes su byed pas rnam pa ste/ der snang ba'o/ /rnam pa de ci 'dra ba zhig yin zhe na/ brtags pa zhes bya ba ni lan te/ rtogs pas rnam par bsgrubs pa yin gyi de kho na nyid ma yin no/ /'dis ni 'di skad du/ gang gi phyir phyi'i don thams cad kyang tshad ma dag gis spyad na rdul phra rab la sogs pa'i rang bzhin du mi 'thad pa yin te/ des na shes pa'i bdag nyid la yang gnas rnam pa gang yin pa 'di ni thams cad kyang btags pa yin no/ /zhes nges par ston pa yin no/ /don 'di nyid ji ltar rnyed ce na/ shes rab kyi pha rol tu phyin par ni zhes bya ba la sogs pa brjod do/ /shes rab kyi pha rol tu phyin pa zhes bya ba la/ shes rab kyi pha rol tu phyin pa ni rnam pa gnyis te/ gtso bo dang phal ba'o/ /de la gtso bo ni nyon mongs pa dang shes bya'i sgrib pas dben pa'o/ /phal pa ni bris pa'i yi ge dang ming la sogs pa bstan pa'i rang bzhin no de la bstan pa'i rang bzhin gyi shes rab kyi pha rol tu phyin pa 'dir ro/ /bstan pa zhes bya ba ni chos bstan pa sgra dang don gyi ngo bor byas pa'o/ /ni'i sgra ni gang gi phyir gyi don to/ /ji ltar byas pa zhe na/ brjod pa ni gsum la yang dag brten ces bya ba ni gsum po la brten par byas pa'o/ /gsum po de gang zhe na/ brjod pa ni brtags pa dang ni gzhan dbang dang/ /yongs su bsgrub pa zhes kho na'o zhes bya ba'o/ /de la brtags pa zhes bya ba ni sngon po la sogs pa gang zhig yongs su ma dag pa'i shes pa la gzung ba dang 'dzin pa tha dad par snang ba de la brjod de/ byis pa rnams kyis brtags pa'i phyir ro/ /gzhan gyi dbang zhes bya ba ni gang zhig gnyis med pa'i shes pa la rang gi ngo bor rnam par gnas pa na ma rig pa'i dbang gis na gnyis su snang ba ste/ de ni ma rig pa'i gzhan gyi dbang yin pa'i phyir na gzhan gyi dbang zhes brjod do/ /yongs su grub pa zhes bya ba ni gzung ba dang 'dzin pa rnam pas dben pa'i rtog pa gang yin pa 'di yin te/ de ni yongs su grub pas na yongs su grub pa zhes brjod do/ /ji ltar na bstan pa gsum la brten ce na/ sbyor bar byed pas brjod pa ni/ med ces bya ba la sogs tshig gis/ brtags pa thams cad 'gog pa ste/ zhes bya ba la sogs pa'o/ /med ces bya ba ste yod pa ma yin no zhes bya ba la sogs pa de lta bu bstan pa'i tshig gis rnam pa rnams kyis so/ /sogs pa'i sgras ni dgag par rjod par byed pa gzhan gyis kyang byed pa yin no/ /brtags pa thams cad 'gog pa ste zhes bya ba ni ma lus pa'o/ /brtags pa zhes bya ba ni rtog pas bzos sbyar ba'o/ /'gog pa ste zhes bya ba ni sel bar byed pa'o/ /gzhung 'dis ni 'di skad ces bya ba ni 'dir dgag pa'i tshig thos pa gang yin pa de dag gis ni brtags pa'i dngos po mdza' dag 'gog par byed par khong du chud par bya'o/ /zhes bya ba 'di bstan pa yin no/ /de bzhin du sgyu ma la sogs de rnams kyis/ /gzhan gyi dbang ni yang dag bstan ces bya ba la sgyu ma ni mig 'phrul la sogs pa slu bar byed pa'i bdag nyid can te/ dpe zhes bya ba nye bar 'jal bar byed pa'i bdag nyid can te/ dpe zhes bya ba nye bar 'jal bar phyed pa chos mthun pa de lta bu rnams kyis so/ /sogs pa'i sgras ni dri za'i grong khyer la sogs pa'o/ /dpe de rnams kyis yin pa des na/ sgyu ma la sogs dpe rnams kyis gang du yang dag bstan pa thos pa de ni gzhan gyi dbang yin par rtogs par bya'o/ /'di skad du gang du sgyu ma la sogs pa dper byas nas bcom ldan 'das kyis bstan pa mdzad pa der ni gzhan gyi dbang gi ngo bor brjod par des par bya'o/ zhes brjod pa yin no/ /yongs su grub pa'i rang bzhin bstan pa ji ltar mdzad ce na/ ston par mdzad pas brjod pa ni/ /rnam par byang ba bzhi yis ni/ /yongs su grub par rab tu bsgrags/ /zhes bya ba'o/ /yongs su grub pa'i ngo bo nyid rab tu bsgrags shing bshad par mdzad pa yin no/ ji ltar zhe na/ rnam par byang ba bzhi yis ni'o/ /bzhi zhes bya ba ni rnam pa bzhi'o/ /rnam par byang ba zhes bya ba ni rnam par dag pa'o/ /rnam par byang bar byed pas na rnam par byang ba ste rnam pa'o/ /rnam par byang ba yang yin la bzhi yang yin pas rnam par byang ba bzhi'i 'di lta ste/ rang bzhin gyis rnam par byang ba dang/ dri ma med pa'i rnam par byang ba dang/ dmigs pa'i rnam par byang ba dang/ rgyu mthun pa'i rnam par byang ba'o/ /de la rang bzhin gyis rnam par byang ba brjod pa thams cad kyi yang lhag mar gyur pa ni gnyis med pa'i rtogs pa ste/ rang bzhin te rang gi ngo bo bcos bu ma yin pa bdag nyid kyi rang bzhin kho nas da'i bdag nyid yin pa'i phyir nor bu rin po che bzhin no/ /gang la dgongs nas bcom ldan 'das kyis sems can thams cad de bzhin gshegs pa'i snying po can/ chos thams cad kyang de bzhin gshegs pa dang 'dra ba ste/ ngo bo nyid med pa la sogs pa gsungs pa'o/ /dri ma med pa'i rnam par byang ba yang brjod pa gnyen po'i lam ni bsgom pa'i stobs kyis rnal 'byor pa rnams la gnyis med pa'i shes pa skyes pa gang yin pa de ni dri ma med pa'i rnam par byang ba ste/ dri ma med pa ste dri ma dang bral pa nyid kyis rnam par byang zhing rnam par dag pa zhes bya ba'i tshul gyis so/ /gang la dgongs nas bcom ldan 'das kyis yang dag pa'i mdza' dang de bzhin nyid dang chos kyi dbyings zhes bya ba la sogs pa'o/ /dmigs pa'i rnam par byang ba'i don brjod pa ni shes rab kyi pha rol tu phyin pa thams cad de/ de ni gang gi phyir dmigs par bya zhing yul du byed pa des na dmigs pa yin no/ /de nyid ni rnam par byang ba yin zhing rnam par dag pa yin te/ de thob par byed pa 'am de la dmigs par byed pa'i phyir ro/ /rgyu mthun pa'i rnam par byang ba brjod pa shin tu rnam par dag pa'i chos kyi dbyings kyi rgyu mthun pa bstan pa'i chos su snang ba ste/ de'i rgyu mthun pa'i phyir dang/ de nyid kyi phyir rnam par byang ba yin zhing yongs su dag pa ste/ 'dra ba'i 'bras bu ni rgyu mthun pa zhes bya'o/ /des na rnam par byang ba rnam pa bzhi po 'dis shes rab kyi pha rol tu phyin pa 'dir yongs su grub par bstan par mdzad pa yin no/ /zhes bya ba ni dag gi don to/ /de ltar mjug bsdus pa'i tshul gyis sbyar bar byas nas mjug bsdu ba nyid byed pa ni/ shes rab pha rol phyin par ni/ zhes bya ba la sogs pa gsungs so/ /gang gi phyir shes rab kyi pha rol tu phyin par sangs rgyas bcom ldan 'das kyis sgra dang don gyi ngo bo bstan pa ji snyed mdzad pa de thams cad nyid ni rang bzhin gsum po 'di kho nar gtogs par bya ste/ gzhan gyi dbang la sogs pa'i ngo bo las gzhan du gyur pa gzhan bstan pa med de/ gzhan srid pa ni ma yin no zhes bya ba'i ni bsdu ba'i don to/ /'dir ni gang du sgyu ma lta bu la sogs pa'i dpes bstan nas brtan pa mdzad pa der gzhan gyi gzhan ma yin no zhes bya ba 'di nges pa yin gyi gang du gzhan gyi dbang bstan pa der sgyu ma la sogs pa dpe yin no/ /zhes bya ba 'di ni nges pa ma yin no/ /de bzhin du gzhan du yang ste gang du dgag pa'i sgo nas bstan pa'i mdzad pa der brtags pa nyid bstan gyi gzhan ma yin no zhes nges kyi gang du brtags pa ston pa der dgag pa'i sgo kho na nas yin no zhes bya ba'i nges pa 'di ni yod pa ma yin te/ sgrub pa'i sgo nas kyang srid pa'i phyir ro/ /grub pa la ni nges pa med pa kho nas ji ltar srid pa bzhin du rnam par 'jog pa yin no/ /de la de ltar bstan pa rnam par gnas pa yin na/ brjod pa ni 'di yin te/ kun rtog g.yeng ba rnam bcu yi zhes bya ba la sogs pa'o/ /gang du kun tu rtog pa'i g.yeng ba rnams kyi mi mthun phyogs bstan tshul la ni zhes bya ba 'gal ba'i phyogs te gnyen po zhes bya ba'i don te/ bstan p a'i tshul de la brtags pa dang gzhan dbang dang yongs su grub pa gsum po rnams kyis bsdus pa dang so so ba brjod par ni shes par bya ste zhes bya ba la brtags pa dang gzhan dbang la sogs pa mtshan nyid byas zin pa rnams kyi kha cig tu na bsdus pa'i tshogs pa rnams dang/ kha gcig tu ni re re 'am gnyis gnyis shes rab kyi pha rol tu phyin pa'i gzhung 'dir brjod par ni/ shes par bya ste zhes bya ba gsal bar byas par nges par bya ba'o/ /yang rtags la sogs pa bsdus pa rnam gang du bstan snyam du dogs pa bsu nas brjod pa ni dper na/ zhes bya ba la sogs pa'o/ /dper na brgyad stong pa nyid kyi dag dang por te/ rab 'byor byang chub sems dpa' sems dpa' chen po rnams kyis shes r ab kyi pha rol tu phyin pa las brtsams nas ji ltar byang chub sems dpa' sems dpa' chen po rnams ji ltar shes rab kyi pha rol tu phyin pa las nges par 'byung ba de bzhin du khyod spobs par byos shig ces bya ba'i ngag yin pa 'di lta bu'i n gag dang po 'dir yong grub dang gzhan dbang dang rab tu brtags pa ji skad bshad pa'i mtshan nyid can bsdus pa rnams kho nas yongs su grub pa la sogs pa'i rang bzhin gyis dngos po ni med pa yin no zhes bya ba de lta bu'i rang bzhin can gyi rnam par g.yeng ba bcom ldan 'das kyis sel ba bzhin no/ /yang dag dang por 'di ci nas don gsum bstan pa yin no zhes bya ba de lta bur ji ltar shes zhe na/ gang gi phyir dag bsdus pa'i don ni 'di yin te/ ji ltar byang chub sems dpa' sems dpa' chen po rnams shes rab kyi pha rol tu phyin par nges par 'byung bar zhes 'gro ba dang nges par 'byung ba thob pa 'am yang na 'jug pa zhes bsams te/ khams rnams kyi don ni de ma yin pa'i phyir/ yang na nges par gyur cig ces don nyid pa ni sman pa byung zin pa bzhin legs zhes bya ba yu'i sgra brjod pa'i phyir te/ bcom ldan 'das kyis byang chub sems dpa' rnams kyi nges par 'byung ba de ltar smon pa yin te/ de ltar byang chub sems dpa' sems dpa' chen po rnams kyis shes rab kyi pha rol tu phyin pa las brtsams nas ni/ yul du byas nas rab 'byor khyod spobs par byos shig ces bya ba yin no/ /de ltar spobs par gyis te shes rab kyis spobs par byos shig ces bya ba gyis shig pa'o/ /spobs par byas shig ces bya bas gnang ba byos shig pa 'dis ni gzhan gyi dbang brjod par mdzad do/ /rab 'byor ces bya ba la sogs pa rnams don nyid du bstan pas ni brtags pa brjod pa'o/ /ci nas byang chub sems dpa' sems dpa' chen po rnams shes rab kyi pha rol tu phyin par nges par 'byung ba zhes bya ba 'dis ni yongs su grub pa brjod pa mdzad pa yin no/ /gtan tshig gang gi phyir don gsum po rnams bsdus pa dang so so ba yang srid la/ des sangs rgyas de bzhin du zhes bya ba yin te/ gtan tshigs des na shes rab kyi pha rol tu phyin pa'i gzhung 'dir byis pa rnams kyis don gyi ngo bor lhag par zhen par byas pa'i brtags pa la/ shes bar bya zhing rtogs par bya'o/ /de gang zhe na/ gsal bar te bkag par rtogs par bya'o/ /rjod par byed pa gang gis she na/ /des na brjod pa ni sangs rgyas de bzhin du byang chub ma thob par brjod pa ste/ ji ltar gnas pa'i don rnams rtogs pa'i phyir sangs rgyas so/ /byang chub kyang nyon mongs pa dang shes bya'i sgrib pa dang bral ba'i mtshan nyid do/ zhes smos pas ni byang chub sems dpa' dang nyan thos zhes bya ba de lta bu la sogs pa bzung ngo/ /des na 'di na yod pa gang yin pa'i brjod par byed pa de dag gis ni de las bzlog pa'i phung po la sogs pa'i rang bzhin du btags pa gang dag yin pa sangs rgyas la sogs pa de dag la de ltar brjod pa yin no/ /gang nas mtshams bcad pas she na/ brjod pa ni yongs su rdzogs pa'i bar gyis zhes bya ba ste/ /shes rab kyi pha rol tu phyin pa'i gzhung yongs su rdzogs pa'i bar ji snyed pas so/ /sangs rgyas de bzhin du byang chub ces bya ba la sogs pa 'dis ni dngos po'i rnam par brtags par shes par bya'o/ /yang ci'i phyir brtags pa kho na bkag pa yin gyis yongs su grub pa ma yin zhe na/ brjod pa ni ngo bos stod pa'i gzugs rnams la zhes bya ba la sogs pa'o/ /ngo bos te rang bzhin gyis stong pa'i rang bzhin la de stong pa nyid kyi rang bzhin du gyur pa la shes pa'i rnam pa gang yin pa 'di nyid gzung ba'i cha'i rang bzhin nyid gyis phyi rol bden pa nyid du bsal ba yin la / de yang de ltar snang ba ni sgro btags shing lhag par sgros sbyar ba kun btags par 'gyur la/ brtags pa gang yin pa de yang gang du 'am gang gis sam ji ltar yod par 'gyur ba yin/ 'dis ni ji skad du gzung ba'i cha ni la lar rang bzhin gang gis kyang mi'i rang bzhin du don dam par yod pa ma yin pa des na dgag pa 'dis ni brtags pa la yin te/ de don dam par yod pa yin pa'i phyir ro zhes brjod pa yin no/ /des na sgra ni gtan tshigs kyi don la yin te/ gang gi phyir de ltar yin pa des na dag gzhan rnams la yang de las gzhan 'gog pa gtsor byed pa rnams yang de bzlog par zhes bya ba de 'gog pa ste/ brtags pa de sel bar shes bar bya ste/ nges par bya'o zhes bya ba'i don to/ /'di thams cad kyis ni sgro 'dogs pa'i rtogs pa sel bar shes par bya'o/ /nga ni skur pa 'debs pa'i rnam par rtog pa'i rnam par g.yeng ba rnams stong pa nyid kyis zhes bya ba la sogs pa brjod pas 'gog par byed do/ /gang gi phyir shes rab kyi pha rol tu phyin pa'i yum du bcom ldan 'das k yis stong pa nyid kyis stong ngo zhes gsungs pas de 'dra'i dag ni stong pa stong pa nyid kyis stong pa yin no zhes bya ba stong pa nyid dang bral ba yin no zhes bya ba de lta bu la sogs pa dngos po sgrub par byed pa skur pa 'debs pa'i rnam par rtog pa rnam pa thams cad du ste/ rnam pa thams cad du 'gog par byed pa ston pa nyid kyis ni mi stong zhes bya ba la sogs pa de lta bu'i rang bzhin gyis sel ba zhes bya ba zlog par byed pa bcom ldan 'das kyis gsungs te bka' stsal to/ tshig 'di 'ba' zhig gis skur ba 'debs pa'i rnam par rtog pa 'gog pa ni ma zad de/ de bzhin du sangs rgyas sgyu dang de bzhin rmi lam 'dra zhes bya ba'i tshig gis kyang skur pa 'debs pa'i rnam par rtog pa spong bar bya'o/ /de bzhin gyi sgra ni snga ma dang sbyar ba'i don to/ /sgyu 'dra zhes bya ba ni sgyu mas dper byas pa gang la yod pa ni/ sgyu 'dra ste sgyu ma lta bu'o/ /su'i yin zhe na/ /sangs rgyas so/ /sangs rgyas de ni sgyu 'dra zhes bya bas kyang ste/ kyang gi sgra ni bsags pa'i don to/ /rmi lam dang yang 'dra ba zhes bya ba'i tha tshig go /gang gi phyir sangs rgyas kyi sgras ni gnyis med pa'i ye shes brjod la/ de yang so so'i skye bo la sogs pa'i shes pa la yang rang bzhin gyis yod mod kyi/ 'on kyang ma rigs pa'i sgyu mas bsgribs pa'i rang bzhin can ni byis pa rnams la li snang bar zad do/ /zhes de ltar 'dre bar byed pas ston par byed pa ni tshul 'di nyid ni mkhas rnams kyis/ dag gzhan dag la'ang shes par bya zhes bya'o/ /bshad pa'i tshul 'di nyid ni shes par bya'o/ /su dag gis shes na/ mkhas rnams kyis te/ rnam par shes pa rnams kyis so/ /gang du zhe na/ dag gzhan dag la yang ste/ 'di lta ste/ chos thams cad ni sgyu ma lta bu'o zhes bya ba la sogs pa rnams su yang ngo/ /der yang skur pa'i rnam par rtogs pa sel ba kho nar rtogs par bya'o/ /yang brjod pa theg pa 'di ltar rtogs par bya zhe na/ brjod pa ni gang gi phyir/ gzhi mthun pa yis rgyal ba ni/ sgyu ma lta bur rab brjod cing zhes bya'o/ /gal te yang thams cad du gnyis med kyi ye shes med pa nyid yin na de'i tshe gzhi mthan pa yis bstan pa mi 'thad do/ /gtan tshigs ci ste zhe na sgyu ma la sogs pa rnams ni mdza' gcig tu med pa'i phyir sangs rgyas ni yod pa yin pa'i phyir ro/ /gzhan yang sgyu ma lta bu la sogs pa'i sgra rnams kyis kyang gzhan dbang brjod pa sogs pa'i sgras ni rmi lam la sogs pa gzung ngo/ /kyang gi sgras ni gtan tshigs kyi don te/ gang gi phyir sgyu ma la sogs pa'i sgra rnams kyis gzhan dbang brjod cing gsungs la/ bcom ldan 'das kyis bstan pa yin no/ /gzhan gang zhes bya ba ni gzhan gyi dbang du byas te ma rig pa bdag tu byas pa zhes bya ba'i don to/ /gnas skabs 'di la brten nas kyang sangs rgyas sgyu ma lta bu zhes brjod pa yin gyi rang bzhin gyis rnam par byung ba thams cad du thams cad med pa ma yin te/ de'i phyir sangs rgyas sgyu ma lta bu zhes bya ba la sogs pa thams cad 'thad do/ /'dis kyang sems can thams cad byang chub kyi snying po can ma yin zhing gnyis med pa'i ye shes thams cad la med do zhes skur pa 'debs pa gang yin pa skur pa'i rnam par rtog pa de go skabs med par byas pa yin no zhes bya ba ni bsdus pa'i don to/ /gal te don dam par gnyis su med pa'i shes pa de bzhin gshegs pa yin na de ltar so so skye bo'i shes pa la yang de'i sgras brjod ces dogs pa bsu nas brjod pa ni so so'i skye ba'i shes pa gang zhes bya ba la sogs pa ste/ so so skye bo'i shes pa gang zhig rang bzhin gyis rnam par byang ba'i ngo bo nyid kyis dag pa de la sangs rgyas kyi sgrar brjod de bstan pa yin no/ /de lta bur gyur pa gnyis med pa'i shes pa de la spyir de ltar brjod pa yin no/ /yang nye bar brtags nas de ltar brjod pa yin no/ ji lta bur zhe na/ byang chub sems dpa' la sangs rgyas bzhin ji ltar gnyis med pa'i shes pa yod pa'i phyir byang chub sems dpa' nyid la sangs rgyas zhes brjod pa de bzhin no zhes bya ba'i don to/ /yang na sgyu yin pa nyid kyis byang chub sems dpa' la sangs rgyas zhes brjod pa yin no/ /gal te sangs rgyas rnams bzhin du so so'i skye bo'i rnams la yang de lta bur gyur pa'i shes pa'i srid pa yin na ci ste mi dmigs she na/ brjod pa ni ma rig pas ni zhes bya ba la sogs pa'o/ /so so'i skye bo dang 'brel ba'i rnam par shes pa ni ngo bo nyid kyis gnyis med pa yin yang ma rig pas dbang du byas te/ bdag nyid kyir byas pas na de'i rang gi rang bzhin te/ bdag nyid kyi rang bzhin rab tu bsgribs nas/ gnyis med pa'i rang bzhin yin yang gzhan du snang ste gnyis kyi rang bzhin du snang ngo/ /ji lta bur zhe na/ sgyu ma lta bur te/ dper na sgyu ma rang bzhin med pa yin yang dngos po lta bur snang ba de bzhin du shes pa yang de yin no/ /'dis ni 'di skad ces gal te yang byis pa la sogs pa'i shes pa'i rang bzhin 'di rang bzhin gyis gnyis med pa'i rtogs yin par brjod pa de lta na yang gzung ba dang 'dzin par phyin ci log gis rab tu bsgribs pa'i phyir byis pa la sogs pa'i shes pa rnams kyis mi shes kyi 'on kyang thams cad kyi tshe de bzhin gshegs pa rnams kyis mkhyen pa yin te/ dri ma med pa'i phyir ro/ /gal te de ltar yin na ni 'o na thams cad kyi tshe ma rig pas bcings pa'i phyir na de la dri ma med pa gtan mi srid par 'gyur ro snyam du dogs na/ brjod pa ni 'bras bu rmi lam bzhin du spong zhes bya'o/ /rang bzhin gyis rnam par byang bar shes p a gang yin pa 'di ni gal te ma rig pa bdag tu byas pa yin pa de lta na yang thos pa dang bsam pa la sogs pa'i mtshan nyid kyi shes rab lhan cig byed pa rnyed nas mi bden pa'i don ston par byed pa'i mtshan nyid can gyi 'bras bu spong bar byed do/ /dper na rmi lam ni 'bras bu mi bden pa'i don gsal bar byed pa'i rang bzhin can sad pa'i gnas skabs kyi rkyen dang phrad nas spong bar byed pa de bzhin du 'di'i yang yin no/ /gang gi phyir 'di rigs pa yin pa de'i phyir na/ gnyis med gzhan du snang ba na/ zhes bya ba la sogs pa'o/ /gnyis med pa'i shes pa gzhan du snang ba ste/ phyin ci log gi rang bzhin gnyis su gsal bar gyur pa na 'bras bu la yang ste/ 'bras bu'i yul la ste/ de kho na n yid kyi mtshan nyid kyi 'bras bu la rgol ba gang dag skur pa 'debs shig 'gog par byed pa gang yin pa'i rgol ba skur bar byed pa rnams kyi skur pa'i rnam par rtog pa gang dag yin pa skur pa'i rnam par rtog par byed pa de dag la skur par byed pa stong pa nyid kyis ni stong pa ma yin no/ /bya ba 'di mjug bsdu ba'i tshul gyis brjod do/ /gzugs nyid stong pa nyid yin no zhes gcig nyid kyi rnam par rtog pa rab tu spyod pa gang yin pa gcig nyid kyi rnam par rtog pa 'di la g zugs kyi stong pa nyid gang yin pa de ni gzugs ma yin no zhes bya ba shes rab kyi pha rol tu phyin pa yum gyi dag 'di der sbyar bas gcig nyid kyi rnam par rtog pa 'gog pa'i dag stan par byed pas rjod pa ni phan tshun du ni 'gal ba'i phyir zhes bya ba la sogs pa'o/ /gzugs ni stong pa nyid yin par mi rigs so/ /de ci'i phyir zhe na/ phan tshun du ni 'gal ba'i phyir te/ stong pa nyid dang gzugs dag phan tshun gnod pa'i phyir ro/ /ji ltar 'gal zhe na/ gang gi phyir stong pa nyid rang bzhin med pa nyid la ste/ nam mkha' i padmo ltar ngo bo med pa yin zhing/ ngo bo nyid kyi sgra ni nges par gzung ba'i don te/ ngo bo med pa kho na yin zhing zhes bya ba'i don to/ /gzugs ni rnam pa dang 'brel ba zhes bya ba ni gzugs ni dkar po dang sngon po la sogs pa'i rnam pa dang ldan pa yin no zhes bya ba'i don to/ /ngo bo nyid med pa dang yod pa dag la 'gal pa yin pa des na gcig tu rnam rtog pa ste/ des na'i sgra ni gtan tshigs kyi don te/ gang gi phyir de ltar yin pa de'i phyir gcig tu rnam par rtog pa la gnod par 'gyur te gzugs kyi stong pa nyid gang yin pa de ni gzugs ma yin no zhes bya ba'i gzhung 'dis gsal bar brjod do des ni 'dis ni gcig nyid kyis rnam par rtog pa'i g.yeng ba dgag pa brjod pa yin no/ /gzugs de ni stong pa nyid las gzhan yin no zhes tha dad pa nyid du rnam par rtog pa gang yin pa de dgag pa'i don du/ shes rab kyi pha rol tu phyin pa'i yum de nyid las gzugs las stong pa nyid gzhan ma yin no zhes bya ba'i dag 'di gsungs pa na ci zhig mdzad ce na/ 'gog pa yin te sel ba yin no/ /ci zhig sel zhe na/ tha dad kyi rnam rtog go /gang gi phyir na/ gang gi phyir gzugs de stong pa nyid las te phung po'i mtshan nyid kyi gzugs ni stong pa nyid de la ltos nas ji lta bur yang gzhan min pas ni/ 'on kyang stong pa nyid kho na gzugs yin te/ stong pa nyid las tha dad pa ni cung zad kyang yod pa ma yin zhing rnam pa ji lta bur yang med do zhes bya ba'i don to/ / des na 'dis ni tha dad pa nyid kyi rnam par g.yeng ba gsal bar bstan par byas pa yin no/ /yang ci'i phyir stong pa nyid las tha dad pa'i gzugs med ce na/ brjod pa ni gang gi phyir zhes bya ba la sogs pa'o/ /gang gi ma rig pa sprul zhing rnam par bsgrubs pa rnam par brtags pa'i gzugs de ni de'i rang bzhin dang bral ba yin yang de ni med pa kho na snang zhes bya ba med cing yod pa ma yin pa brdzun pa kho na snang zhing dngos po la mngon par zhen pa rnams bsal ba yin pa de'i phyir na stong pa nyid kyi thad nas gzugs gzhan ma yin no zhes bsams pa'o/ /'o na so so'i skye bo rnams kyi shes pa rang bzhin gyis rnam par byang ba gang yin pa de la ma rig pa'i sgrar brjod ces dogs pa bsu nas brjod pa ni/ med pa ston par nus pas na zhes bya ste/ med pa'i ston par te yang dag pa ma yin pa'i don shes par byed pa der nus pa ste/ mthu yod pa'i nus pa de ni ma rig pa zhes brjod de/ rab tu bsnyad kyi don dam par ni ma yin no/ /rang bzhin de nyid ces bya ba la sogs pa la/ lam bsgoms pa'i stobs kyis gzung ba dang 'dzin pa nub pa'i phyir na ma rig pa dang bral zhing rang bzhin gyi rnam par byang ba'i rang bzhin 'di nyid ni shes rab kyi spangs pa rnams kyis shes rab kyi pha rol tu phyin pa yin no zhes brjod cing bstan to/ /'o na ma rig pa'i rang bzhin gyis rnam par rtog pa shes pa la rab tu rgyu ba 'di la gnod par byed pa ci zhig yin zhe na/ rjod pa ni gnyis 'di nyid ni zhes bya ba la sogs pa ste/ gnyis su snang ba gang yin pa 'di nyid don dam pa'i rang bzhin du gnyis med pa'i rang bzhin gyis rnam par byang ba shes pa thos pa dang bsams pa dang bsgoms pa'i shes rab kyis lhan cig byed pa dang/ 'brel pa ni dngos po dang dngos po med pa'i mtshan nyid kyi rnam par rtog pa gnyis la gnod byed yin zhing gnyen po yin te/ 'dir gnod par byed ces bya bas so/ /de'i phyir de kho na nyid ni de nyid yin no/ /de kho nas gnod pa byed do zhes bya ba'i don 'di ni rtog pa yang yin te/ dper na smig rgyu'i tshogs lam mi bden pa'i tshul shes pa la chu med pa'i dben pa'i shes pa bzhin no/ /de nyid kyi phyir de kho na mchog rig p a'i de bzhin gshegs pas rnam par g.yeng ba bcu po 'di dag gi gnyen por shes rab kyi pha rol tu phyin pa yum du gsungs pa rnam par mi rtog pa'i shes pa ni shes rab kyi pha rol tu phyin pa thams cad du bstan pa yin no/ /gal te de lta yin na 'o na ji ltar bsdus pa mdzad pas rnam par rtog pa gnyis la gnod pa byed pa ji ltar brjod ce na/ nyes pa med do/ gang gi phyir rnam par rtog pa gnyis po kho nar rnam par rtog pa gzhan dag kyang 'dus pa'i phyir ni de bsal na thams cad kyang don gyis bsal ba yin no/ /zhes bya ba ni bsdus pa mdzad pa'i bsam pa yin no/ /gal te gnyis po 'di dag tu rnam par g.yeng ba gzhan rnams kyang nang du 'du ba yin na bcom ldan 'das kyis rnam par g.yeng ba mang po rnams ston par mdzad ce na/ bstan par bya ba'i dbang gis gsungs pa yin te/ shin tu spros pas chog go /ji ltar shes pa'i rnam par rtog pa 'gal zla yin pa de ltar rigs pa yang bcom ldan 'das kyis gsungs so zhes brjod pa'i rigs pa yang gsungs zhes bya ba la sogs pa'o/ /rnam par rtog pa dang bral ba'i shes pa rnam par g.yeng ba rnams kyi gnyen po ji ltar yin pa de ltar ni bcom ldan 'das kyis rigs pa yang gsungs te/ shes rab kyi pha rol tu phyin par 'thad pa yang brjod pa yin no/ /rnam dag phyir zhes bya ba ni/ gang gi phyir rnam par dag cing rang bzhin gyis 'od gsal ba yin pa de'i phyir ma dag pa'i rnam par g.yeng ba rnams kyis gnod byed yin no/ /de bzhin gyi sgra ni bsdus pa yin te/ mi dmigs pa'i phyir yang ngo/ /gang gi phyir gcig nyid la sogs pa'i dngos po 'di dag 'thad pa mi dmigs pa yin la/ gnyis med pa'i shes pa ni tshad mas nges pa yin pa des na de ni gnod pa byed pa yin no zhes nges so/ /yang tshad ma gang gis dmigs she na rjes su dpag pas so zhes smra'o/ /gang gi rang rig pa yin pa de ni gzhan gyi khyad par can ma yin te/ dper na bde ba la sogs pa bzhin no/ /rtsod pa'i gnas su gyur pa'i shes pa yang rang rig pa yin no/ /zhes bya ba ni rang bzhin 'gal ba dmigs pa'o/ /gzhan gyi khyad par can nyid yin na rang rig pa mi 'thad pa ni gnod par byed pa'i chad ma yin no/ /'dir sngon po la sogs pas ma nges pa nyid la sogs par dogs par bya ba yang ma yin te/ gang gi phyir de dag kyang don dam par rig pas grub pa nyid yin pa'i phyir na snang ba'i dbang gis ni phyir phyogs pa yin pa las gzhan gyi khyad par can du 'khrul ba yin no/ /'di ltar sngon po la sogs pa de dag ni don dam par med pa'i phyir shes pa 'ba' zhig nyid de/ de ltar rigs pa yin te/ des na la ni ma tho ba med do/ /de bzhin du phyi rol gyi don gyi tshul la rang rig pa ji ltar bzhin du don rnam par gnas pa yin gyi don ji lta ba nyid ni ma yin te/ des na skyon med do/ /dpe ma grub pa yang ma yin te/ bde ba la sogs pa myong ba ni bde ba myong ba yin gyi bde ba la sogs pa'i rnam par yang dag par myong ba ma yin no zhes bya ba la sogs pas bde ba la sogs pa phyi rol pa med par dpyad zin pa'i phyir ro/ /des na de ltar 'di ni gzung ba dang 'dzin pa'i rnam las dben pa'i shes pa nyid yin gyi gzhan ni yod pa ma yin no/ /gal te rnam par shes pa la gzung ba dang 'dzin pa med na 'o na gang zhig rnam par shes par gyur pa de las gzhan ci zhig yod/ gzung ba dang 'dzin pa gnyis las rnam par grol ba'i rang bzhin gzhan ni de la tshu rol mthong ba rnams kyi yang dag par rig pa ma yin te/ yang dag par rig na de kho na mthong bar thal bar 'gyur la/ de lta na yang lus can thams cad 'bad pa med par grol bar 'gyur ro/ /gang gi rjes su dbog par byed pa 'di la 'bras bu yang yod pa ma yin te/ gnyis med pa'i rang bzhin de nyid 'bras bu yin pa'i phyir de yang tshad mas ma grub pa'i phyir ro/ /gnyis kyi rang bzhin du snang ba gang yin pa de yang ri bong gi rwa dang 'dra bas 'bras bu ma yin pa'i phyir ro zhe na/ nyes pa de ni med de/ gang gis de yang med par 'gyur ba de 'dzin pa'i sgras snang gi rtogs pa'i rang bzhin brjod pa ma yin gyi 'on kyang sngon po la sogs pa phyi rol tu gyur pa'o zhes snang ba gang yin pa de ni gcig dang du mar dpyad mi bzod pa'i phyir de kho na nyid ma yin te/ des na rnam par shes las tha dad pa'i bzung bar bya ba'i de ni don dam par med la/ de med pa'i phyir na de la bltos nas gzung ba 'di 'dzin par byed pa ni 'di yin no zhes rtogs pa'i rang bzhin la byed pa po nyid du brtags pa gang yin pa de med pa yin no/ /des na byed pa po dang las dag phan tshun bltos nas brtags pa yin pa'i phyir 'dzin par byed pa'i rang bzhin med par brjod pa yin gyi rtogs pa'i rang bzhin rang rig pa tsam ni 'dzin par byed pa'i sgras brjod pa ma yin no/ /'di ltar rtogs par byed pa'i rang bzhin ni phan tshun bltos nas rab tu brtags pa ma yin te/ rang gi rgyu las de ltar skyes pa'i phyir ro/ /ji skad du brjod pa'i gzung ba dang 'dzin pa nyid dang bral ba'i phyir rang bzhin rang rig pa tsam du rnam par gnas pa de nyid la de skad ces brjod pa yin te/ rtogs pa'i rang bzhin yang rang rig pa'i mngon sum gyis grub bo/ / thams cad de kho na mthong bar yang mi thal te/ gang gi phyir cha med pa'i phyir gnyis med pa rtogs pa'i rang bzhin te/ gzung ba nyid la 'khrul pa'i sa bon rjes su 'brel pa'i phyir rtogs pa'i rang bzhin gnyis med par snang ba mi skye ste/ des na gnyis med pa'i rang bzhin ni gzung ba yin yang ma gzung ba dang 'dra ba yin no/ /'di tsam gyis phyir rtogs pa'i rang bzhin gyis chos can grub pa yang yin no/ /'di ltar don thams cad la skur bar byed pa kun rdzob dang don dam pa'i dngos po khas len pas kyang gdon mi za bar med pa'i don gsal bar byed nus pa'i shes pa nyid la ma rig pa yin no zhes khas blang dgos te/ rnam pa gzhan mi srid pa'i phyir ro/ /de lta bu de la gnod par byed pa yang phyin ci ma log pa'i rnam pa can rig pa'i rang bzhin yin par gdon mi za bar 'dod par bya ba yin na/ gal te de yang don dam pa'i tshul gyis rang bzhin med pa nyid yin na de'i tshe gnod pa byed par mi 'gyur te/ nam mkha' i padmo bzhin no/ / de'i phyir gang zhig gnod par byed pa de ni yod pa'i tha snyad du rung ba yin te/ dper na grang ba la dro ba'i rang bzhin gyi dngos po bzhin no/ /yod pa'i don gsal ba gnyis med pa'i shes pa 'di yang med pa'i don bsal bar byed pa ma rig pa'i gnod par byed pa yin no zhes bya ba ni rang bzhin gyi gtan tshigs so/ /med bzhin du 'di la yang kun rdzob pa'i rang bzhin du yod pa yin no zhes ni brjod par mi bya ste/ gang gi phyir khyed kyis gnyis kyi rnam par 'jug pa'i shes pa la gnyis med pa'i shes pa yod pa yin la/ ma rig pa ni kun rdzob yin par brjod pa yin na de skad smra ba nas ji ltar rang gi tshig dang 'gal bar mi 'gyur/ des na rig pa'i rang bzhin las gzhan la ni kun rdzob par yod pa nyid dang gnyis med pa'i mtshan nyid kyi rig pa la ni don dam pa'i yod pa yin no/ /zhes bya ba rig pa'i stobs kyis 'ongs pa 'di ni mi 'dod kyang khas blangs par bya ba yin no/ /rtsod pa 'di rgyas par ni slob dpon gyi zhal snga nas gzhan du rnam par dpyad pa des na 'dir mi spro ba'o/ /de bzhin du rigs pa tha dad pa gzhan yang gsungs pa ni dngos dang dngos med 'gal phyir yang zhes bya ba'o/ /yang gi sgra ni bsags pa la'o/ /sngar brjod pa'i rigs pa 'ba' zhig las rtog pa dang bral ba'i rnam par shes pa rnam par g.yeng ba rnams kyi gnod byed yin par ni ma zad de/ dngos po dang dngos po med pa 'gal ba'i phyir yang de la gnod do byed yin par rtogs so/ /'di ltar sna tshogs pa la sogs pa'i don ni dngos po med pa'i rang bzhin yin la rtog pa'i dra ba dang bral ba'i shes pa ni dngos po'i rang bzhin no/ /des na gang na bden pa'i don gsal bar nus pa'i shes pa de yod pa der don dam par med pa'i rang bzhin gcig nyid la sogs pa rnams yod par ga la 'gyur/ yang med pa'i tha dad nyid kyang mthong ba gang yin pa de ni ma rig pa'i stobs kyis yin no zhes kho nas dbyung ngo/ /kyang gi sgras ni gcig nyid kyang ngo/ /'di gang la gang zhe na/ gzugs 'di ming tsam zhes bya ba la sogs pa brjod do/ /gang gi phyir bcom ldan 'das kyis shes rab kyi pha rol tu phyin pa 'di gzugs ming tsam yin par gsungs te/ de'i phyir de nyid du te/ don dam par dngos po'i gnas lugs su ni phung po'i mtshan nyid kyi gzugs ni rang gi ngo bor yod min pas te stong pa yin pas so/ /ming tsam zhes bya ba ni ming du btags pa tsam yin no/ /gang gi phyir da ltar yin pa'i gtan tshigs des ni de la ngo bo nyid du ni rnam rtogs rnams kyi zhes bya ba yin no/ /de la zhes bya ba ni yul de la'o/ /ngo bo nyid ni sra ba nyid la sogs pa'o/ /yang na de dang 'brel ba'i rnam par rtog pa ste/ lhag par sgro 'dogs pa ni de la ngo bo nyid du rnam par rtog pa yin no/ /de nas de la ngo bo nyid du ni rnam rtog rnams ni go skabs te 'jug pa'i gnas sel zhing 'geg pa yin no/ /'dis ni ngo bo nyid du rnam par rtog pa'i rnam par g.yeng ba bsal ba yin no/ /shes rab kyi pha rol tu phyin pa dang de'i yul du zlos pa'i skyon sel bar brjod pa ni gzugs ni gzugs kyi rang bzhin gyis zhes bya ba la sogs pa'o/ /snga ma kho nas brjod cing bshad pa gang yin pa'o/ /de gang yid pa zhe na/ dag go ci 'dra ba zhig ce na/ gzugs kyi rang bzhin gyis stong par zhes bya ba'o/ /ngag 'di lta bu rang gi ngo bo yis/ /sgro 'dogs rnam rtog 'gog byed yin zhes bya ba ni rang gi spyi'i mtshan nyid can gyi gzugs ni gzugs kyi ngo bo stong pa ma yin no zhes bya ba de lta ba'i rang bzhin gyi sgro 'dogs pa lhag bar sbyor ba de'i rnam par rtog pa'i ngo bo nyid du sgro 'dogs pa'i kun tu rtog pa de'i 'gog par byed pa gnod par byed po yin pa'o/ /'dis ni sngar gyi sgro 'dogs pa'i rnam par rtog pa'i rnam par g.yeng ba ni gzugs rang gi ngo bor yod pa yin no/ /zhes bya ba de lta bur rang dang spyi'i mtshan nyid sgro 'dogs pa gsal ba yin la 'dir sra ba nyid la sogs pa mtshan nyid kyi yul yod do zhes bya ba de lta bu'i sgro 'dogs de sel ba yin te/ de nas snga ma las khyad par yod do/ /'di 'ba' zhig 'gog par ni ma zad kyi rnam par g.yang ba gzhan yang 'gog pa brjod pa ni chos rnams kyi zhes bya ba la sogs pa'o/ /gang gi phyir chos rnams kyi ni skye ba dang/ 'gag pa mthong ba med ces de ltar bcom ldan 'das kyis shes rab kyi pha rol tu phyin par gsungs pa yin te/ de ltar gsungs pa des ni/ de'i phyir gsal pa yin te spangs pa yin no/ de'i khyad par rnam rtog ces bya ba ni gzugs la sogs pa de'i khyad par gang yin pa skye ba dang 'jig pa'i mtshan nyid de yod pa yin no zhes bya ba de lta bu'i rang bzhin can ngo bo nyid kyis khyad par du rnam par rtog pa bsal ba yin no/ /'dis ni khyad par gyi rnam par g.yeng ba bsal bar byas pa yin no/ /de bzhin du rnam par g.yeng ba gzhan yang 'gog pa'i rgyu mtshan ston pas brjod pa ni gang phyir mar bcos zhes bya ba la sogs pa'o/ /ming bcos zhes bya ba ni shes rab kyi pha rol tu phyin pa'i yum las gsungs pa'i gzhung dang sbyor bar byed pa yin te/ ming ni kun du btags pa yin no/ zhes ston pa'o/ /de bzhin du chos 'di rnams so sor brtags pa yin no zhes bya ba shes rab kyi pha rol tu phyin pa'i yum gyi gzhung gzhan dang sbyor bar byed pa ni sgra'i brjod bya'i don gyi chos gang yin pa de dag kyang brtags pa yin pas sgro btags pa yin te/ gang gi phyir de lta yin pa de'i phyir sgra don dag gi 'brel ba ni zhes bya ba dngos por gyur pa'i 'brel pa bcom ldan 'das des mi bzhed de 'dod pa ma yin te/ 'on kyang rtog pa'i bzos sbyar ba brtsam mo/ /byis pa'i phyi rol tu ni zhes bya ba la sogs pa la gang yang byis pa'i phyi rol gyi don du mngon par zhen pa'i 'khrul pas 'di ni phyi rol gyi don yin no zhes par spyad pa yin no/ /sgrub pa dang dgag pa'i mtshan nyid kyi tha snyad 'di yang nges pa de'i sgo nas 'jug pa yin gyi sgra don ni 'ga' yang yod pa yin no/ /gang gi phyir de lta yin pa'i rgyu de bas na 'gro ba 'dir ji ltar ming byas pa ste/ ji ltar brjod byas shing sbyar ba de ltar brjod bya'i dngos po de yod min no/ /gang gi phyir de ltar yin pa de'i phyir ming ji bzhin du don rtogs par 'dod par ma yin te/ bcom ldan 'das mngon par bzhed pa ma yin te/ ming ji lta ba bzhin don phyi rol lta bur ston par byed de bzhin du brjod par bya ba dang/ rjod par byed pa'i dngos po yod pa ma yin no/ /'dis kyang ming ji lta ba bzhin don du rtog pa'i rnam par g.yeng ba sel ba ma yin no/ /gang gi phyir 'ba' zhig gis brtags pa yin la brtags pa nyid yin pa'i phyir ming de ni 'ga' zhig rjod par byed pa ma yin no zhes gsungs pa ni/ bden don rnam rtog sel ba na zhes bya ba la sogs pa'o/ /don las tha dad pa'i ming don bden pa'i don yin no zhes bya ba de lta bu'i rang bzhin gyis rnam par rtog pa sel ba na ste/ zlog pa na bcom ldan 'das kyis gsungs so/ /ci zhig gsungs she na/ shes rab kyi pha rol tu phyin pa dang/ sangs rgyas de bzhin na byang chub sems dpa' ming can zhes na rab tu gsungs te/ bstan pa'i rang bzhin gyi shes rab kyi pha rol tu phyin pa'o/ /gang gi phyir de bzhin gshegs pas de skad gsungs pa de'i ming gi sgra ni rang gi ngo bor yod pa ma yin no/ /'dis ni sangs rgyas dang byang chub sems dpa' zhes bya ba la sogs pa'i ming btags par bstan pa yin no/ /dgag pa 'dis gnyis med pa bsal ba yin no/ /zhes bsam par mi bya'o/ /de ci'i phyir zhe na/ 'di ltar 'di ni sgra don 'gog pa ste/ zhes bya ba la sogs pa ni sgra dang don dag 'gog par shes par bya'o/ /dngos po sel bar byed pa min zhes bya ba ni dngos po'i rang bzhin gnyis med pa'i zhes ni sel bar byed pa ma yin te/ de ni smrar med pa nyid kyis brjod du med pa'i phyir ro/ /da ni rigs pa 'di nyid gzhan du yang bsgre bar byed pa gsungs pa ni/ de bzhin du dag gzhan la'ang zhes bya'o/ /de bzhin du ni zhes bya ba ni sngar brjod pa'i don nges so/ /ngag gzhan yang zhes bya ba ni rnam pa 'di lta bu'i dag la'o/ /don rnams nges par zhes bya ba ni phyin ci ma log pa'i don gtan la phebs pa zhes bya ba'i don to/ /shes par bya zhes bya ba ni rtogs par bya ba'o/ /shes rab kyi pha rol tu phyin pa yum las de kho na nyid rig pas ming thams cad yang dag par dmigs su med do/ /zhes gsungs pa'i bya ba ngag gi don nye bar bzung nas gsungs pa ni/ thams cad rig pas zhes bya ba la sogs pa'o/ /dmigs pa med nyid do/ /ji ltar zhe na/ yang dag tu ste don ji lta ba nyid du mi rig go /de ci zhig ce na/ rjod pa ni ming rnams kun te rjod par byed pa'o/ /sus she na/ thams cad rig pas te/ de kho na nyid phyin ci ma log par rig pas de nyid rig pas te/ thams cad mkhyen pas so/ /gang gi phyir sgra dang don dag brjod par bya ba de brjod par byed pa nyid du bden pa'i don mi dmigs pa nyid yin pa de'i phyir sgra ni zlog par byed pa ma yin te/ rna ba'i rnam par shes pas gzung bar bya ba'i sgra ni zlog par byed cing 'gog par byed pa ma yin no/ /'di yang bstan par bya ba'i bsam pa'i dor yin par rtogs par bya ste/ 'dis ni don ji lta ba bzhin ming du rnam par rtog pa'i rnam par g.yeng ba bzlog par byas pa yin no don gyi de kho na nyid thugs la bzhag par mdzad nas bcom ldan 'das kyis srid pa 'pho ba las/ ming ni gang dang gang gis ni/ /chos ni gang dang gang brjod pa/ /de ni de la yod min te/ /'di ni chos rnams chos nyid do/ /ming ni ming gi rang bzhin gyis/ /stong ste ming ni yod ma yin/ /ming med pa yi chos kun/ /ming rnams nyid kyis yongs bstan byas/ /'di dag thams cad ming tsam ste/ /'du shes tsam la rab tu gnas/ /rjod byed las ni gzhan gyur pa/ /brjod par bya ba yod ma yin zhes gsungs so/ /'dri bar byed pa 'phags pa rab 'byor gyis ni shes rab kyi pha rol tu phyin pa gnyis ka bsal bar gyur pa de bshad pa'i phyir gsungs pa ni rab 'byor gyis ni zhes bya ba la sogs pa'o/ /rab 'byor gyis ni rjod byed nyid du 'dod pa'i sgra dang brjod bya nyid du 'dod pa'i sgra'i don gnyis ka 'gog cing sel ba na'o/ /ji ltar zhe na/ rab 'byor de yis byang chub sems dpa' i ming dang de bzhin du byang chub sems dpa' yang ma mthong ngo zhes ni shes rab kyi pha rol tu phyin par brjod par gyur te/ smras par gyur te/ gnyis ka yang kun brtags pa'i phyir ro/ /zhes bsams pa'o/ /mngon par 'dod pa'i don nye bar bsdus pa'i thabs kyis sgra gzhan nyid tsam yin yang ngag gi don rtogs pa nyid do zhes ston par byed pa gsungs pa ni/ shes rab kyi pha rol tu phyin pa ngag gang zhes bya ba la sogs pa ste/ ji skad brjod pa'i shes rab kyi pha rol tu phyin pa de dang 'brel ba'i ngag gang zhig 'di tsam gyis rtogs pa min pa ste/ ma bshad cing rnam par ma bye ba de ni med cing mi srid kyi/ 'on kyang rnam grangs gzhan du brjod pa'i ngag thams cad nyid kyang don rtogs pa kho na'o/ /ji ltar don rtogs she na/ rjod pa 'di tsam gyis te/ ji skad rjod zin pa'i bshad pa'i sgo nas so/ /'on kyang 'di dag de shes pa/ rnams kyis zhib mo'i blo yis rnam par dpyod ces bya ba ni brtags par bya ste nges par bsam pa'o/ /gang dag ce na/ 'di dag ste/ sgra gzhan gyis brjod pa dag la yang yod pa sum cu rtsa gnyis kyi mtshan nyid can rnams so/ /su dag gis she na/ de shes pa rnams kyis te ngag gi don shes pa rnams kyis so/ /de dag ji ltar dpyad par bya zhe na/ brjod pa zhib mo'i blo yis te/ shin tu phra ba'i blo yul gzhan la chags pa dang bral ba'i shes pa zhes bya ba'i don to// shes rab kyi pha rol tu phyin par gzugs brnyan gyi sgra thos pas da ni de'i don ston par byed pa ni/ skabs kyi don ni spang ba dang zhes bya ba la sogs pa'o/ /skabs zhes bya ba ni gnyug ma la brjod de/ gnyug ma skabs su bab pa'i don de spong zhing bzhag pa ste yongs su mi 'dzin pa dang/ don gzhan rtog pa gang yin pa zhes so sor nges pa'i don las don gzhan rtog cing 'god pa dag shes rab kyi pha rol tu phyin par mthong zhing thos pa de ni gzugs brnyan yin par 'dod do/ /gzugs brnyan ni ltar bcos bu ste/ gser bcos bu lta bu'o/ /ni'i sgra ni gang gi phyir gyi don to/ /gang gi phyir gang zhig skabs kyi don 'chad par byas pa dang gang yang don gzhan 'dzin pa ni thams cad kyis shes rab kyi pha rol tu phyin par gzugs brnyan gyi sgras brjod do/ /zhes bya ba ni mdor bsdus pa'o/ /'di nyid la dgongs nas shing rta chen po rnams kyis/ 'di la bsal bya ci yang med/ /bzhag par bya ba cung zad med/ /yang dag nyid la yang dag lta/ /yang dag mthong na rnam par grol zhes gsungs so/ /da ni don gyi mjug bsdus te ston pas brjod pa ni/ shes rab kyi pha rol tu phyin pa'i brten can zhes bya ba la sogs pa'o/ /shes rab kyi pha rol tu phyin pa stong phrag brgya par bgrangs pa thams cad la yang gang zhig shes rab kyi pha rol tu phyin pa'i brten can gyi bsdus don 'di tsam nyid yin te/ 'di lta ste sum cu rtsa gnyis kyi mtshan nyid dang ldan pa'i ming can yin gyi lhag pa gzhan ni yod pa ma yin no zhes khong du chud par bya'o/ /'on kyang slar yang de nyid ni bzlas pa yin te/ yang nas yang du bskyar ba yin no/ /don de ci 'dra ba zhig yin zhe na/ brjod pa don gzhan la brten pa ste/ don gzhan gyi sgras ni dri ba gzhan brjod de/ gang gi tshe dri ba po'i dbye bas 'di lta ste/ phung po dang byang chub kyi phyogs dang sangs rgyas kyi chos zhes bya ba la sogs pa rnams dri ba gzhan gyi sgo nas brten par gyur pa de'i tshe de nyid yang dang yang du bzlas pa yin no/ /yang na bsdus pa la dga' ba'i bstan par bya bar gyur pa'i don gzhan la brten nas sum cu rtsa gnyis kyi mtshan nyid can gyi dngos po'i don de nyid so sos sam/ mdza' dag zlos pa yin no/ /da ni bdag nyid shin tu rgya che ba nyid du ston par byed pas shes rab kyi pha rol tu phyin pa bsdus pa byas pa las byung ba'i bsod nams kyi phung po sngo bar byed pa gsungs pa ni/ shes rab kyi pha rol tu phyin ma ni zhes bya ba la sogs pa'o/ /shes rab kyi pha rol tu phyin ma ni brgyad stong zhes bya ba ni bstan pa'i rang bzhin brgyad stong par bgrangs pa'o// // yang dag tu ni bsdus pa yis zhes bya ba ni don bsdus pa byas pa'o/ /ji ltar zhe na/ yang dag ces bya ba ste/ phyin ci ma log par ro/ /thob ces bya ba ni rnyed pa'o/ /ci thob ce na/ bsod nams te/ de dag par byed pas na bsod nams te/ bsod nams des skye bo rnams shes rab kyi pha rol tu phyin par gyur cig pa'o/ /'di skad du 'jig rten thams cad kyang shes rab kyi pha rol tu phyin pa shin tu rnam par dag pa'i ye shes kyi mthar thug par son par gyur cig ces brjod de yin no/ /gzhan ma ni don dam tshig rnams rnam par dpyod pa yis/ /bsdus pa'i ched 'grel pa bdag gis brjod pa gang yin pa/ /de mthu las byung bsod nams bye brag rnams kyi 'jig rten 'di/ /blo gros mngon par rtogs bzhin da lta rnam dben rtogs gyur cig / dge slong bslab pa brgya ldan pas/ /sems la bsod nams gang bsgrubs des/ /'jig rten blo gros mngon rtogs shing/ /bdag kyang bsod nams thob ldan shog / rgya cher 'grel ba zab mo yis/ /tshul ston 'di ni tshigs bcad kyis/ /grangs ni bzhi bcu tham pa dang/ /bcas pa'i brgya phrag lnga yin no/ /slob dpon phyogs kyi glang po'i zhal snga nas nye bar sbyar ba/ shes rab kyi pha rol tu phyin pa bsdus pa'i tshig le'ur byas pa'i rnam par 'grel pa slob don bla ma dkon mchog gsum gyi 'bangs kyis mdzad pa rdzogs so/ / //kha che'i paN+Di ta thig le bum pa dang/ lo ts+tsha ba dge slong blo ldan shes rab kyis bsgyur cing zhus te gtan la phab pa'o// sarba mang+ga laM/

CLOSE WINDOW