བོད་ཡིག

e-texts based on the ACIP/ALL Input

zhu chen gyi lots+tsha ba bande ye shes sdes zhus te gtan la phab pa// // !/ /slob dpon phyogs glang gis mdzad pa'i brgyad stong don bsdus bzhugs so// rgya gar skad du/ Arya pradz+nyA pA ra mi tA saM gra ha kA ri kA /bod skad du/ 'phags pa shes rab kyi pha rol tu phyin ma bsdus pa'i tshig le'ur byas pa/ bcom ldan 'das ma shes rab kyi pha rol tu phyin ma la phyag 'tshal lo/ /shes rab pha rol phyin gnyis med/ /ye shes de ni de bzhin gshegs/ /bsgrub bya don de dang ldan pas/ /gzhung lam dag la de'i sgra yin/ /rten dang dbang du bya ba dang/ /las ni sgom pa dang bcas dang/ /rab dbye rtags dang ltung ba dang/ /phan yon bcas par yang dag brjod/ /dad ldan 'jug pa'i yan lag tu/ /ston pa dbang po 'khor dang ni/ /yul dus ngag kyang nges bstan pa/ / sdud po rang nyid tshad mar ni/ /rab grub phyir yin 'jig rten na/ /yul dang dus kyis nyer mtshon zhing/ /dbang por bcas pa smra ba yi/ /smra po tshad mar rjes su rtogs/ /tshig phrad bdag thos la sogs pa/ / 'di dag thams cad zhar la ni/ /brjod pa yin te gtso bo'i don/ /sum cu rtsa gnyis de dag nyid/ /stong pa nyid kyi dbye ba ni/ /rnam pa bcu drug brgyad stong par/ /rim pa ji bzhin brjod pa ni/ /gzhan gyis bstan par shes par bya/ /de ltar ji skad bshad don gyi/ /brgyad stong 'dir don ma ched med/ /'dir gzhung bsdus pa yin 'dod de/ /don ni ji skad brjod de nyid/ /byang chub sems dpa' de nyid du/ / ngas ma mthong zhes thub pas gsungs/ /za po nang gi dngos rnams kyi/ /stong pa nyid ni de yis brjod/ /gzugs ni gzugs kyi rang bzhin gyis/ /stong pa zhes ni gsungs pa'i phyir/ /bza' bar bya ba phyi yi ni/ /skye mched rnams kyang 'dir bkag go / gzugs sogs med na de yi ni/ /lus gnas mtshan nyid zad pa'i don/ /rtogs nyid gang gis de mthong ba/ /de yang nang pa yin phyir med/ /gang phyir nang rnams stong nyid ma/ rang bzhin yang ni stong pa nyid/ /'di ltar rnam shes rang bzhin rigs/ /brtse dang shes rab bdag nyid yin/ /sems can skye med 'gag pa yang/ /med ces sogs kyis sems can dang/ /'khor ba dag ni stong nyid gtsor des ni gsal bar bstan pa yin/ /sangs rgyas chos dang de bzhin du/ /byang chub sems dpa' i chos rnams ni/ /mi mthong zhes bya ba la sogs kyi/ /stobs bcu la sogs stong par bstan/ /gang phyir chos rnams so sor ni/ / so sor brtags zhes rab brjod pa/ /nges na chos rnams don dam du/ /yod min zhes kyang brjod pa yin/ /gang phyir bdag sogs lta ba ni/ /chen po gcod mdang de yi phyir/ /bcom ldan 'das kyis rnam kun tu/ /gang zag bdag med nyid du gsungs/ /chos rnams thams cad ma skyes zhes/ /rjod par mdzad pas de bzhin du/ /de nyid rigs pas rnams kun tu/ /chos kyi bdag med gsungs pa yin/ /kha na ma tho bcas med rnams/ /'phel dang nyams pa med pa'i phyir/ /'dus byas 'dus ma byas pa yi/ /dge ba rnams ni gsal ba yin/ /dge ba rnams ni stong pa na/ /der brten mi zad de bzhin du/ /gzhag nyid de ni stong nyid kyi/ /rab tu dbye ba bsdus pa zhes/ /sems kyi rnam par g.yeng ba bcus/ /gzhal las sems ni rnam g.yengs par/ /byis pa rnams la gnyis med kyi/ /ye shes sgrub pa'i skal ba med/ /de dag phan tshun gnyen po dang/ /mi mthun phyogs kyis bzlog pa'i phyir/ /shes rab pha rol phyin gzhung ste/ /de rnams kyang ni bsdus te bstan/ /stan pas phung po kun rdzob pa/ /gzigs phyir byang sems dpa' yod ces/ /gang gsungs pa yis dngos med kyis/ /rtogs pa'i g.yeng ba 'gog pa yin/ /'dis ni brgyad stong la sogs su/ /dang po'i dag nas brtsams nas ni/ /rdzogs pa'i bar ni sgrub pa yis/ /dngos med rtog pa 'gag bya yin/ 'di dag gtan tshigs dag yin te/ /bya ba tsam zhig smos pa yin/ /rigs pa tshangs pa'i dra ba sogs/ /mdo kun tu ni shes par bya/ /bdag gis byang chub sems dpa' ni/ /ma mthong zhes sogs rgyas rnams kyis/ /bcom ldan dngos po kun rtog gi /'khrul pa 'gog par mdzad pa yin/ /gang phyir ming yang ma mthong zhing/ /spyod yul dang ni bya ba dang/ /phung po kun nas de bzhin des/ /byang chub sems dpa' mthong ba med/ /'di ni brtags pa 'gog pa yin/ de 'dra bsdus pa'i lta ba ste/ /shes bya nyid du blor zhugs pa'i/ /rnam pa thams cad brtags pa yin/ /shes rab pha rol phyin par ni/ /bstan pa gsum la yang dag brten/ /brtags pa dang ni gzhan dbang dang/ /yongs su grub pa kho na'o/ /med ces bya la sogs tshig gis/ /brtags pa thams cad 'gog pa ste/ /sgyu ma la sogs dpe rnams kyis/ /gzhan gyi dbang ni yang dag bstan/ /rnam par byang ba bzhi yis ni/ /yongs su grub pa rab tu bsgrags/ /shes rab pha rol phyin par ni/ /sangs rgyas kyis ni gzhan bstan med/ /kun rtog g.yeng ba rnam bcu yi/ /mi mthun phyogs bstan tshul la ni/ gsum po bsdus dang so so ba/ /'dir brjod par ni shes bya ste/ /dper na grub dang gzhan dbang dang/ /rab tu brtags pas dag dang por/ /dngos po med par rang bzhin gyis/ /rnam par g.yeng ba sel ba bzhin/ /des na sangs rgyas de bzhin du/ /byang chub ma thob par brjod pa/ /yongs su rdzogs pa'i bar gyis 'dir/ /brtags rnams bsal bar shes par bya/ /ngo bos stong pa'i gzugs rnams la/ /gang du 'am gang gis sgro 'dogs 'gyur/ /des na ngag gzhan rnams la yang/ /de bzlog par ni rtogs par bya/ /stong nyid kyis ni mi stong zhes/ /bya ba'i dag ni stong pa na/ /skur pa yi ni rnam rtogs rnams/ /thams cad du ni sel ba gsungs/ /de bzhin sangs rgyas sgyu 'dra dang/ /de ni mi 'dra zhes bya yang/ /tshul 'di nyid ni mkhas rnams kyis/ /dag gzhan dag la'ang shes par bya/ /gzhi mthun pa yis rgyal ba ni/ /sgyu ma lta bur rab brjod cing/ /sgyu ma lta bu la sogs pa'i/ / sgra rnams kyis kyang gzhan dbang brjod/ /so so'i skye bo'i shes pa gang/ /rang bzhin gyis ni rnam byang ba/ /de la sangs rgyas sgrar brjod de/ /byang chub sems dpa' la rgyal bzhin/ /ma rig pas ni dbang byas te/ /rang gis rang bzhin rab bsgribs nas/ /sgyu ma lta bur gzhan du snang/ /'bras bu rmi lam bzhin du spong/ /gnyis med gzhan du snang ba na/ /'bras bu la yang skur rnams kyis/ /skur ba'i rnam par rtog rnams la/ /skur par byed par 'di brjod do/ /phan tshun du ni 'gal ba'i phyir/ /gzugs ni stong nyid yin mi rigs/ /stong nyid rang bzhin med nyid la/ /gzugs ni rnam pa dang 'brel ba/ /des na gcig tu rnam rtog la/ /gnod gyur gzugs de stong nyid las/ /ji lta bur yang gzhan min pas/ /tha dad kyi ni rnam rtog 'gog /gang phyir ma rig pas sprul pa/ /de ni med pa kho na snang/ /med pa ston par nus bas na/ /de ni ma rig ces brjod do/ /rang bzhin de nyid shes rab kyi/ /pha rol phyin pa zhes kyang brjod/ /gnyis 'di nyid ni gnyis med pa/ /rnam rtog gnyis la gnod byed yin/ /rigs pa yang gsungs rnam dag phyir/ /de bzhin mi dmigs phyir dang ni/ /dngos dang dngos med 'gal phyir yang/ /tha dad nyid kyang mthong ba yin/ /gzugs 'di ming tsam de nyid du/ /rang gi ngo bo yod min pas/ /de na ngo bo nyid du ni/ /rnam rtog rnams kyi go skabs sel/ gzugs ni gzugs kyi rang bzhin gyis/ /stong par sngar brjod gang yin pa/ /de ni rang gi ngo bo yis/ /sgro 'dogs rnam rtog 'gog byed yin/ /chos rnams kyi ni skye ba dang/ /'gag pa mthong ba med ces gar/ /bcom ldan 'das kyis gsungs pa des/ /de yi khyad par rnam rtog bsal/ /gang phyir ming bcos brjod bya yis/ /chos de dag kyang brtags yin pas/ /sgra don dag gi 'brel pa ni/ /ngo bo nyid du des mi bzhed/ /byis pa'i phyi rol don du ni/ /mngon zhen 'khrul pas spyad pa yin/ /tha snyad 'di yang de bzhin te/ /'di la don 'ga' yod ma yin/ /nges 'dir ji ltar ming byas pa/ /de ltar brjod bya'i dngos po de/ /yod min dang phyir ming ji bzhin/ /don du rtog pa 'dod ma yin/ /bden don rnam rtog sel ba na/ /shes rab pha rol phyin pa dang/ /sangs rgyas de bzhin byang sems dpa' / /ming tsam zhes ni rab tu gsungs/ /'di ni sgra don 'gog pa ste/ / dngos po sel bar byed pa min/ /de bzhin du ni dag gzhan la'ang/ /don rnams nges bar shes par bya/ /de nyid rig pas ming rnams kun/ /don ji lta bar yang dag tu/ /dmigs pha med nyid de yi phyir/ /sgra 'di zlog? par byed ma yin/ /rab 'byor gyis ni sgra dang sgra'i/ /don nyid gnyi ka 'gog pa na/ /de yis byang chub sems dpa' ming/ /ma mthong zhes ni brjod par 'gyur/ /shes rab pha rol phyin dag gang/ /'di tsam gyis rtogs min pa med/ /'on kyang 'di dag de shes pa/ /rnams kyis zhib mo'i blo yis dpyod/ /skabs kyi don ni spong ba dang/ /don gzhan rtog pa gang yin pa/ /don ni shes rab pha rol tu/ /phyin par gzugs brnyan yin par 'dod// shes rab pha rol phyin brten can/ /bsdus don 'di tsam nyid yin te/ /slar yang don gzhan la brten nas/ /don de nyid ni bzlas pa yin/ /shes rab pha rol phyin ma ni/ /brgyad stong yang dag bsdus ba yis/ /bsod nams thob gang des skye 'o/ /shes rab pha rol phyin gyur cig /'phags pa shes rab kyi pha rol tu phyin ma bsdus pa'i tshig le'ur byas pa// //slob dpon phyogs kyi glang po'i zhal snga nas mdzad pa rdzogs so/ / //kha che'i paN+Di ta ti la ka ka la sha dang// //lo tsA pa dge slong blo ldan shes rab kyis bsgyur ba'o// // brgyad stong don bsdus kyi 'gral ba slob dpon dkon mchog sa blangs? kyis mdzad pa'o/

CLOSE WINDOW