བོད་ཡིག

e-texts based on the ACIP/ALL Input

/ //paN+Di ta sh+rI su b+hU ti shan+ti dang/ lots+tsha ba shAkya blo gros kyis bsgyur ba'o// //*/ /phar phyin bltas pa jo bo rjes mdzad pa bzhugs// rgya gar skad du/ bradz+nya? pA ra mi tA biN+DArtha? bra dI baM/ bod skad du/ shes rab kyi pha rol tu phyin ba'i don bsdus sgron ma/ bcom ldan 'das ma shes rab kyi pha rol tu phyin pa la phyag 'tshal lo/ /dus gsum rgyal ba bskyed pa'i yum/ /shes rab pha rol phyin pa la/ /phyag 'tshal nas ni shes rab kyi/ /pha rol phyin pa'i bsdus don bshad/ /mngon rtogs rnam pa bzhi yin te/ /mkhyen pa gsum dang chos sku la/ /mngon sum rtogs pas mngon rtogs te/ /sbyor ba bzhi ni mngon phyogs yin/ /'phags pa thogs med de ltar bzhed/ /rnam par grol sde'i gzhung gis ni/ /mngon rtogs rnam pa bzhi yin te/ /sbyor ba bzhi po kho na ste/ /mkhyen pa gsum dang chos sku ni/ /yul dang 'bras bu dag tu 'dod/ /gser gling shAn ti rnam gnyis kyis/ /mngon rtogs bdag nyid bdun yang ste/ /shes rab pha rol phyin bdag 'dod/ /'bras bu chos sku mdzad pa yin/ /brgyad ka mngon rtogs seng bzang dang/ bud d+ha sh+rIdz+nya na 'ang bzhed/ /mngon rtogs shes rgyud rim pa ste/ /dngos po brgyad ni brjod bya ba la/ /skabs ni rjod byed shAn ti gsungs/ /kha cig skabs brgyad dag gis ni/ /gang zag brgyad kyi chag rkyen zhes/ /kha cig thams cad mkhyen pa dang/ /byang chub sems dang nyan thos kyi/ /gsum gyi lan du bstan to zhes/ /seng ge bzang po'i gzhung gis ni/ /thams cad / mkhyen pa'i lam du ni/ /gnyis ka tshang bar 'dod pa yin/ /de ltar min na ma rdzogs zer/ /bla ma gser gling bzhed pa yis/ /'ga' zhig yul la 'jug pa na/ /gzhi ma ma dag dus dag tu/ /gang zag brgyad kyi lam du 'dod ma dag dag bar byed dus su/ /gang zag gsum gyi lam du 'dod/ /dag pa lam du byed dus su/ /gang zag gcig gi lam yin gsung/ /de las bsdus don bshad pa ni/ /grangs med go rim zlos spong dang/ /rang rang ngo bo bshad pa'o/ /grangs des dag ni bstan pa na/ /thos bsam yul du kun mkhyen gsum/ /sgom pa'i dus su sbyor ba bzhi/ /'bras bu mthar thug chos kyi sku/ /thos bsam dus su 'bras bu dang/ /rgyu dang mi mthun phyogs dag tu/ /gtan la phan pa rdzogs pa yin// sgom pa'i dus su sbyor ba dang/ /gnas skabs 'bras bu brtan byed dang/ /rgyu yi mthar thug dag gis rdzogs/ /de ltar na ni grangs des so/ /go rim skye ba'i rim pa ste/ /dang po thos bsam byed pas na/ /de yi yul ni sngon du bshad/ /de yang dang po 'bras shes byed/ /de nas rgyu dang spang bya dag/ rim pa bzhin du gtan la 'bebs/ /sbyor ba bzhi yi rim pa yang/ /rnam kun mngon rdzogs tshogs lam nas/ /yod pas dang por bstan pa yin/ /de nas gsum po rim bzhin bskyed/ /ji ltar de ni go rim mo/ /zlos spong zhar la bstan pa'o/ /rang rang ngo bo bshad par bya/ /thams cad mkhyen pa'i don bcu yang/ /seng ge bzang pos gnyis su bsdus/ /rgyu dang 'bras bu dag tu'o/ /rgyu la rnam pa gsum du ste/ dang po sems bskyed rnam dag gi/ gdams dag dag la bslab par bya/ /de nas sgrub pa rnam bzhi ste/ /sgrub pa'i rten dang dmigs pa dang/ /sgrub pa'i phyed dang sgrub pa dngos so/ /de ni rnam pa zhi go cha dang/ /'jug pa tshogs dang des 'byung ngo sa mtshams sbyor bas bzhi ru bstan/ /'bras bu 'dod pa bstan pa ni/ /nges 'byed dag gis mtshon te bshad/ /thams cad mkhyen pa'i bsdus don ni/ /dbye ba ngo bo mtshan nyid dang/ /sa mtshams zlos spong byed pa ste/ /rnam pa drug tu yang dag 'dod/ /dbye ba rgyu yi sa dang ni/ /'bras bus yi mkhyen pa'o/ /'bras la ji snyed ji lta ba/ /thams cad dag ni shes pa'o/ /ngo bo shes rab snying rje ste/ /mtshan nyid thams cad shes pa'o/ /sa mtshams gnas skabs tshogs lam nas/ /'bras bu'i sa ni sangs rgyas so/ /chos kyi sku dang mi zlos ste/ /'di ni spyi ru bshad pa ste/ /chos sku rang las skye ba'o/ /byed ba chos kyi 'khor lo bskor/ /lam shes pa yang de bzhin drub/ /dbye na sangs rgyas byang sems lam/ /nyan thos lam dang gsum du 'dod// yang na theg gsum lam du 'dod/ /thams cad la shes thams cad kyi/ /shes pa gnyis su 'dod pa yin/ /ngo bo shes rab snying rje ste/ /mtshan nyid lam gsum skye med shes/ /sa mtshams gnas skabs sems bskyed nas/ /rdzogs pas drug dag tu 'dod/ /mthar thug sangs rgyas sa yin no/ /'di ru mthong lam bshad pa ni/ /rgyud la skye ba'i cha nas bshad/ /bzhir ru mthong lam bshad pa ni/ /ldog pa'i cha nas bshad pa yin/ /yang na 'di ru bshad pa ni/ /lam la shes pa'i cha nas bshad/ / 'og tu gzhi shes tshul nas bshad/ /de nas zlos pa'i skyon dang bral/ /byed pa sems can smin byed do/ /gzhi shes kyang ni de bzhin drug/ dbye ba spang dang blang gnyis so/ /blang bya gzhi shes ngo bo ni/ /shes rab dang ni snying rje'o/ /spang bya gzhi shes ngo bo ni/ /sheS rab dag tu 'dod pa yin/ /mtshan nyid bzhi la bdag med gnyis/ /shes pa blang bya'i mtshan nyid do/ /gang zag bdag med shes pa ni/ /spang bya'i gzhi shes mtshan nyid do/ /sa mtshams gnas skabs da ltar gnas/ /rdzogs pa brgyad po sa na'o/ /mthar thug sangs rgyas sa na'o/ /zlos spongs lam du bshad pas shes khyed ba nyon mongs sgrib pa spongs/ /de ni mkhyen gsum bsdus don yin/ rnam kun mngon rdzogs de bzhin drug/ dbye ba yul gyi rnam gnyis so/ /gnas skabs kyis ni bcu gcig go/ /ngo ba shes rab snying rje'o/ /mtshan nyid ma lus skyed ba'o/ /sa mtshams tshogs lam chung du nas/ /rdzogs pa brgyad pa'i sa na'o/ /mthar thugs sangs rgyas sa na'o/ /zlos spong mkhyen gsum mtshan nyid nas/ /'dir ni rgyud la bskyed ba nas/ /zhing dag thabs mkhas byed ba'o/ /rtse mo mthar gyis skad cig ma/ /gsum yang drug drug shes par bya/ /rtse mo'i dbye ba drug gam bdun/ /ngo bo lhag mthong zhi gnas so/ /mtshan nyid phul du byung ba'o/ /spang bya spong bar byed pa'o/ /sa mtshams drong chen rnam grol nas/ /bar chad med ba'i lam na yod/ /bar chad med ba'i cha nas bshad/ /skad cig byang chub rgyu yi chos/ /skad cig gcig la rdzogs bas na/ zlos ba'i skyon dang bral ba yin/ /mthar gyis dbye ba de bzhin no/ /ngo bo de bzhin mtshan nyid ni/ /mkhyen sum rim gyi sgom pa yin/ kha cig na re bskyar yin zer/ /gzhung las snga ma dag ni gsol/ /rtse mo'i ma thob thob byar dang/ /brtan par byed pa byed pa yin/ /thob byed sa mtshams drug nas yod/ rten bar byed ba'i sa mtshams ni/ /drod chen khyad par lam na yod/ /'dir ni pha rol phyin pa drug/ rim pa'i cha nas bshad pa yin/ /gzhan du de ltar ma bshad bas/ /sngar bzhin zlos pa'i skyen dang bral/ /mthar gyis pa ni rnam gnyis ste/ /rtse mo thob par byed pa dang/ /thob ba brtan bar byed pa las/ /seng ge bzang po rtan byed ni/ /'ba' zhi gsal bar bshad pa yin/ /skad cig dbye ba rnam bzhi ste/ /gzhung nas gsal bar bshad pa yin/ /ngo bo zhi gnas lhag mthong ngo/ /skad cig gcig la rgyu yi chos/ /dkar po thams cad rdzogs pa ni/ mtshan nyid dag tu 'dod pa yin/ /sa mtshams dag ni sa bcu yis/ /bar chad med pa'i lam na yod/ /kha cig rnam grol lam na ni/ /yod do zhes kyang zer ba yod/ /byed pa chos sku bskyed ba'o/ /zlos spong lngar ni spangs zin no/ /chos sku'i 'og nas ston pa'o/ /de ni shin tu bsdus don no/ /de nyid rgyas bar bshad ba las/ /dang po sems bskyed bshad pa ni/ /dbye dang de yis rgyu mtshan dang/ /ngo bo mtshan nyid sa mtshams dang/ /byed ba dang ni zlos skyon med/ /de yi rgyu dang bcu du 'dod/ /dbye ba smon 'jug rnam gnyis dang/ /yang na nyi shu gnyis su 'dod/ /blangs dang chos nyid thob la sogs/ /mdo sde rgyan la sogs nas bshad/ /smon la dbye ba med pa ste/ /'jug la dbye ba zhes bya'o/ /shes rab 'byung gnas blo gros zer/ /sems bskyed dang po smon pa ste/ /lhag ma 'jug la dbye'o zhes/ /lha yi dbang po blo gros zer/ /dbye ba'i rgyu mtshan grogs yin zhes/ /seng ge bzang pos gsal bar bshad/ /dmigs pa yul? gyis dbye'o zhes/ /'phags pa rnam grol bzhed do zer/ /dang po ngo bo'i sgo nas dbye/ /lhag ma grogs kyis shAn ti gsungs/ /tshogs na gsum ste sbyor na gcig /sa bcu na ni bcu yin te/ /lnga ni khyad bar lam na yin/ /gsum ni sangs rgyas sa na'o/ /kha cig sa mtshams med do zhes/ /'dod pa mdo sde rgyan dang 'gal/ /khyad bar can la dmigs pa yis/ /yid kyis rnam shes ngo bor 'dod/ /gzhan gyi don du sangs rgyas 'dod/ /mtshan nyid du ni byams ? bshad/ /zlos spangs 'og tu bshad par bya/ /byed ba rnam pa lnga ru ste/ /rnam par smin dang rgyu mthun dang/ /dbang dang bral dang skyes bu'o/ /rgyu ni rnam pa med yang ni/ /gtso bo'i rgyu ni snying rje ste/ /mdo nas yang dag gsal bar bshad/ /gdams dag rnam pa khyad du ste/ /dbye ba yul gyi bcu yin no/ /byed pas dbye na gnyis su ste/ /gdams dang rjes su gdams pa'o/ /ngo bo dag gi 'khor lo yin/ /gzhan slob la 'don mtshan nyid do/ /ma thob thob dang thob mi nyams/ /'di yis byed pa yin bar 'dod/ /sems bskyed nas ni sa bcu'i bar/ /'di yis sa mtshams yin par gsungs/ /tshogs na gsum ste sbyor na lnga/ /mthong sgom gnyis na re re ste/ /go rim bzhin du yin no zhes/ /de skad ka cig 'dod pa yod/ /go rim skye ba'i rim pa yin/ /'di tsam gyis rdzogs grangs nges so/ /'di dang lam shes gnyis su yang/ /bsgrub pa gnyis su bshad pa yang/ /nyan dang sgom pa'i cha nas ni/ /bstan pas zlos skyon med pa'o/ /des 'byed dbye ba rnam bzhi yin/ /sa mtshams sbyor lam kho na ste/ /byed ba mthong lam bshad pa yin/ /ngo bo dbang lnga stobs lnga yin/ /sgom byung shes rab yin zhes bshad/ /lam shes des 'byed nyan thos kyi/ /rnam kun des 'byed kun rdzob kyis/ /'di ni don dam cha nas te/ bstan bas zlos skyon med do zhes/ /bud d+ha sh+rI dz+nyA na 'di 'dod/ /des 'byed bden pa rtogs pa ste/ /de cha sdug bsngal chos shes bzod/ /de dang mthun pa mtshan nyid yin ? sbyo lam mos sbyod cha mthun ni/ /'di yi ming gi rnam grangs yin/ /rten gyi dbye ba dkyus na gsal/ /ngo bo chos dbyings yin yang ni/ /de yis 'dod pa mi mthun no/ /yon tan skyed pa mtshan nyid do/ /sa mchams chos drug gsal ba ste/ /bdun po chos drug re re la/ /yod pa nyid du dbyad na snang/ /dper na drod kyi bar chad med/ /gnyen bo'i spong ba rnam grol ni/ /yongs su gtug ba bzhi po ni/ /khyad par lam na yod ba'o/ /chos drug gzhan yang de bzhin sbyor/ /'dir ni rang bzhin dmigs par ni/ /'gyur cha bstan pas zlos skyon bral/ /'phags pa rnam grol de skad gsungs/ /yon tan skyed ba'i byed pa yod/ /dmigs ba dbye ba bcu gcig ste/ /go rim skye ba'i rim pa ste/ /'di tsam kho nas dmigs rdzogs pas grangs kyang bcu gcig kho nas bshad/ dang po gsum ni tshogs lam dang/ /sbyor dang mthong sgom mi slob lam/ /bzhi la rim bzhin gnyis gnyis su/ /dpyad pas de ltar 'dra bar snang/ /ngo bo chos kun mtshan nyid ni/ /spang blang gnyis su dmigs ? zhes/ /seng ge bzang po'i 'grel chen nas/ /kha cig bcu po gsum po las/ /gnyis bzhag dge ba la dmigs nas/ /de la gnyis las phyi ma la/ /lhag ma kun la de ltar 'gro/ /'di ru dngos su ched du ni/ /brgyud ba'i sgo nas dmigs pa ni/ /phog dang sbyor ba lta bus ni/ /zlos skyon med ces rnam grol gsung/ ched du bya ba rnam pa gsum/ /ngo bo sems can thams cad yin/ /de don sgrub pa mtshan nyid yin/ /sa mtshams dmigs pa de lta nas/ /grub pa sems can sangs rgyas na/ /seng ge bzang po 'dod pa yin/ /spang pa rdo rje lta bu na/ /sems dpa' dang rtogs sangs rgyas sa / bi ma mi tra rgya 'grel nas/ /ngo bo rang la sbyar ba dang/ /gzhan la sbyar bas mi mthun bas/ /sa mtshams dag kyang mi mthun no/ /go cha'i ngo bo brtson 'grus te/ /dbye na pany+dzi gnas drug/ 'di nas sum cu drug tu bshad/ re re la ni drug drug du/ dge ba sgom pa mtshan nyid do/ /sa mtshams tshogs lam na yod ces/ /slob dpon chen po thogs med gsung/ /'dir ni mos pa tsam gyis so/ /'jug pa mngon 'jug zlos skyon med/ /'jug la dbye dgu dkyus nas gsal/ /sa mtshams sbyor lam na yod ces/ /snga ma bzhin du thogs med gsung/ /ngo bo dbang lnga stobs lnga'o/ /mtshan nyid pha rol drug drug la/ /dngos su 'jug bar byed ba'o/ /tshogs kyi sgrub pa bcu bdun te/ /sa mtshams gzung tshos man char ni/ chos mchog man chad du rdzogs zer/ gnyis ni mthong sgom gnyis na'o/ /ngo bo shes rab snying rje ste/ /mtshan nyid thams cad mkhyen pa yi/ /rgyu rdzogs pas ni nam grol gsungs/ /des 'byung brgyad du bshad pa las/ khrangs des yod pa ma yin yang/ /'khor nye ba la dgongs nas bshad/ /ngo bo shes rab snying rje ste/ /nges bar 'byung ba mtshan nyid yin/ /sa brgyad nas ni sangs rgyas sa/ /de nas yod de 'grel chen nas/ /byams pas dpe ru blangs nas bshad/ /kha cig sgrub ba yin pas na/ /sangs rgyas sa na med ces zer/ /kha cig sangs rgyas sa kho na/ /yod de sgrub pa yin bas na/ /zer yang dang po kho na 'thad/ /thams cad mkhyen pa rgyas phyir dang/ /lha li log rtog bsal ba dang/ /'dod chen ma yin byang sems kyi/ /lam ni bstan phyir lam shes bshad/ /mog mog bor byed la sogs la/ /kha cig rten sogs tha snyad 'dogs/ /lam gyi yan lag bstan to zhes/ /shes rab 'byung gnas blo gros zer/ /snod du rung bar bya ba'i phyir/ /'od kyis mtshon nas nga rgyal gcig/ byang chub kha na sems bskyed pas/ /yul nges pa ste de la rtsod/ /byang chub kho nar mi 'thad de/ /rigs lnga zhes ni smra bsan/ /rigs lnga drang don yin pas na/ /khyab ba zhes ni 'thad ba yin/ /'dod chen ma yin byang sems kyis/ /gtso bor nyon mongs mi spong bas/ /nyon mongs ma spangs rang bzhin yin/ /'o na sgrub ba ci yin zhes/ /zer ba'i lan du sems can ni/ /smin bar byed pa las yin no/ /theg gnyis sgom lam mi 'chad de/ /rang rang sngar rgyun? yin pas gsal/ /byang sems la ni mi bshad de/ /shas nas 'da' bar byed bas su/ /sgom ba ma yin bas ma bshad/ /sbyor lam gsal te mthong lam ni/ /bden pa bzhi la dmigs nas su/ /skad cig bco lnga bcu drug ni/ /sde pa rnam gnyis 'dod ba yin/ /'dod pa dmigs ba chos kyi bzod/ /khams gnyis la dmigs rjes su bzod/ /bzod dang shes ba'i khyad par ni/ /bar chad med dang rnam grol te/ /de ltar bden ba re re la/ /bzod gnyis shes gnyis brgyad brgyad 'ong/ /kha cig lam ni bshad pa ni/ /shes ba'i don sdug bsngal gcig ni/ /rgyud la skyed ba'i don yin zer/ /rgyud la skyed ba mi mthun te/ /kha cig mthong ba'i lam gnyis ni/ /drong dang bzod ba na yod zer/ /kha cig mthong lam na yod kyang// ldog ba'i dbye bas tha dad zer/ /de ltar mthong lam rnam gsungs ste/ /gang zag ? dang chos gya? brda/ /gnyis ka'i brda bsal mthong ba'i lam/ /de yis rten ni gling gsum gyi/ /mi rigs gsum dang lha rigs drug/ yin zhes bstan bcos chen por bshad/ sa ni drug la brten zhes kyang/ /sde pa rnam gnyis 'dod pa'o/ /theg chen bsam gtan bzhi pa la/ /brten pa yin te bskyed sla zer/ /spang bya thun mong du bstan pa/ /rtog pa brgya rtsa brgyad dang ni/ /brgya rtsa bcu gnyis nyon mongs so/ /rim gyis spong ba ma yin te// bar chad med pa'i lam du ni/ /thams cad spang shes theg chen gzhung/ /rnam grol lam gyis spong shes pa/ /theg ba chung ngu'i 'dod ba yin/ /ngo bo zhig nas lhag mthong yin/ /byang chub yan lag bdun bshad pa zhi gnas lhag mthong ngo bo yin /mtshan nyid mthong mthong ba ste/ /chos kyi dbyings la dmigs pa'o/ /mthong lam rjes shes med do zhes/ /zer ba yod de gzhung dang 'gal/ /shes ba dus rdzogs zer ba'i lan/ /theg chen 'dod ba skad cig mi/ /bcu drug gis ni rdzogs so zhes/ /bstan pa rnam gzhag spros pa yin/ /skad cig ma ni gcig gam gnyis/ /rdzogs ba don dam rig pa yin/ /bzod gnyis gzung 'dzin gnyis su ni/ /rim ba bzhin du med ba ru/ /rtogs ba yin zhes ser bzang gsungs/ /bzod pa zhes ba snga ma bzhin/ /kha zod ba ma dag shes pa ni/ /bden pa dag la dmigs pa'o/ /mthong lam bsdus ba de tsam mo/ /sgom lam byed pa drug kyang ni/ /grangs nges go rim yod ma yin/ /zag bcas zag med gnyis ka yis/ /byed ba yin zhes seng bzang gsungs/ /zag med kho na'i yin zhes ba// shAn te pa yis 'dod ba yin/ /dang por bshad ba nyung ba dang/ /'bras la brong ba yin bas su/ /sgom lam rnam gnyis zag bcas dang/ /zag ba med ba'o zag bcas ni/ /dbye na rnam gsum kho na ste/ /sbyor dang dngos bzhi rjes kyis su/ /yang na bsod nams ba sogs ba dang/ /bsgyur dang spel bar byed pas so/ /ngo bo kun rdzob shes pa ste/ /mtshan ma phra mo yod pas su/ /zag bcas brjod ba mtshan nyid yin/ /kha cig dmigs ba zag bcas zer/ /skye ba'i rim ba go rim yin/ /de la mos ba'i sbyong yul ni/ /shes rab yin bas mtshon ba ste/ /pha rol phyin pa gzhan yang yin/ /ngo bo bdun ba yin zhes zer/ /lag shes ba zer ba yod/ /gnyis nas sa bcu'i bar gyi ni/ /rjes na yod ba sa mtshams yin/ /dbye ba rang bzhin gnyis ka la/ /ltos bas dgu tshan gsum yin no/ /byed ba bstong bkur bsngags gsum ni/ /rang dang gnyis ka bzhan gyis la/ /rim ba bzhin du sangs rgyas gsung/ /sa bzhi sa bdun sa bcu yis/ /bar du mos pa gsum bo ni/ /go rim bzhin du sbyar ba ni/ /nang tshan gyi ni sa mtshams so/ /bsngo ba bcu gnyis grangs nges med/ /ldog pa'i bye brag gis su bshad/ /ngo bo smon lam mtshan nyid ni/ /de ltar 'dod ba smon ba'o/ /bsod nams mi zad byed pa yin/ /sa mtshams sa dgu'i rjes shes na'o/ /rjes su yi rang ngo bo ni/ sems byung shes rab dag ba'o/ /mtshan nyid gsal te byed ba ni/ /gzhan gyis byas pa'i dge ba la/ /bsod nams mnyam por thob ces pa/ /zer te de bas rang gi sngar/ /byas pa la yang yi rang bas/ /bsod nams spel bar byed ba yin dbye ba don dam kun rdzob tu/ /'dod ba shAn+ti ser bzang ni/ /gnyis ka tshad na yin pas na/ /de gnyis dbye bar mi bzhed do/ /sa mtshams sa dgu'i rjes na yod/ /zag med rnam gnyis bsgrub ba ni/ /ldog ba'i bye brag gis su bzhi/ /grangs nges go rim yod ba yin/ /sa mtshams sa dgu'i mnyam gzhag gis/ /bar chad med ba'i lam na yod/ /ngo bo zhig nas lhag mthong ste/ /dag ba skad bar byed ba'o/ /zlos pa gdams ngag skabs su bshad/ /'bad bas sgrub pa mtshan nyid do/ /dag pa thob rgyu mi thob rgyu// dngos la spyi dang bye brag gnyis/ /bye brag rnam bzhi nyan thos dang/ /rang rgyal byang sems sangs rgyas so/ /so mtshams sa gnyis sangs rgyas sa/ /ngo bo sgrib pa dral ba ste/ /bye brag mtshan nyid dkyus? na gsal/ /gzhi zhes bstan bar phyir ni/ /rkang pa gnyis kyis ngo bo bstan/ /bzhi yis gzhi zhes dbye ba ste/ /lhag ma bzhi zhes dngos yin zhes/ /de skad tha snyad 'dogs pa yod/ /gzhi shes gnyis ka bstan kyang ni/ /sgom lam sbyor ba zer ba'ang yod/ /blang bya gtso ru bstan zhes pa/ /slob dpon chen po seng bzang gsung/ /dor bya gtso bor bstan ba ni/ /slob dpon bud d+ha sh+rI dz+nyA? gsungs/ /sbyor ba rnam bcur bstan kyang ni/ /grangs nges go rim nges ba med/ /sbyor yul bzhi yin sbyor ba dngos/ /gsum yin gnyis 'bras gcig dpe zhes/ /de skad sdud par byed pa yod/ /mthong lam na yod kha cig zer/ /sgom lam sbyar ba zer ba'ang yod/ /la la sbyor lam na yod do/ /sbyor lam ma bstan gsung ba na/ /bzhi ru ma bstan la dgongs gsungs so/ /zlos skyon sngar spangs ngo bo ni/ /rjes kyis lhag mthong snying rje yin no/ /rlom med rnam bzhi bstan ba yang/ /seng bzang 'dod ba dkyus nas gsal/ /gzugs la gzugs kyis gzugs su dang/ /bdag gir rlom sems mi byed ba/ /rnam grol shAn ti rnam gnyis bzhed// sa mtshams sbyor bzhin ngo bo ni/ /shes rab yin te bcu bo yis/ /re re la yang bzhi bzhi yi/ /rnam yod ces ba slob dpon ni/ / shes rab 'byung gnas blo gros zer/ /mthong lam bsdus don sngar bshad de/ /'di ru bshad pa'i khyad par ni/ /bzhi pa skye ba'i tshul dang ni/ /thun mongs ma yin tshul gyis su/ /bstan to zhes ni brjod pa yod/ /dor ba'i tshul nas bstan to zhes/ /seng ge bzang po de skad gsungs/ /sgom lam mi ston rgyu mtshan ni/ /slar bstan pa ni te sbyor lam ni/ /byang sems thams cad mkhyen la ltos/ /nyan thos lam shes su bstan to/ /rnam kun mngon rdzogs yul gyis gnyis/ /shes dang shes byed rnam gnyis so/ /yang na shes pa'i rgyud then pa/ /rnam kun shes bya blang ba'i rim// rten dang brtan pa 'bras dang lnga/ /shes bya rnam pa brgyad dang ni/ /bdun cu rtsa gsum bstan pa yi/ /grangs la nges yod ma yin yang/ /mkhyen pa gsum la bsten nas ni/ /re zhig de tsam zhig brjod do/ /go rim skye ba'i rim pa ste/ /sa mtshamS lam ni lnga na yod/ /cis shes slob dpon seng bzang gis/ /ye shes tshogs ni nyi shu yang/ /lam ni lnga kar sbyar bas so/ /ngo bo 'dod pa mi mthun te/ /rnal 'byor rgyud la skye ba dang/ /bden bzhi'i rnam pa yin zhes dang/ /nyan thos byang semS sangs rgyas kyi/ /ye shes yin zhes 'dod pa gsum/ /rnam bar rgyas dang mkhyen par bsdus/ /yang na gtan la dbab pa dang/ /bskyed pa'i rim bas bstan pas ni/ /zlas pa'i skyon dang bul ba yin/ /nyams len mnyam par bzhag pa dang/ /rjes kyi dus su nyams kho na no/ /mnyam gzhag sbyor ba nyi shu ste/ /de yis yon tan bcu bzhi'o/ /bzhi bcu rtsa drug sbyor ba'i skyon/ /sbyor ba'i mtshan nyid dgu bcu gcig/ /sbyor ba'i ngo bo zhi gnas dang/ /shes rab yin te zlas ba'i skyon/ /med de sbyor ba rnam bcu ru/ /rjes kyi cha nas 'di ru ni/ /mnyam gzhag cha nas bstan pas so/ /don la zlos sbyor mtshan nyid de/ /dang po gnyis ni sbyor ba dngos/ /gsum ni 'bras yin yang ni yul/ /bco lnga sa mtshams bsgoms nas te/ /rgyu mtshan des ni nyi shu'o/ /kha cig sa mtshams 'di ltar 'dod/ /lnga ni kun na gcig gi tshogs/ /lung bstan sbyor lam phyir mi ldog /sa bdun man chad nges 'byung nas/ /gsum ni brgyad nas sa bcu'i bar/ /gzhan don yan/ chad sangs rgyas so/ /la la de la gzhan du 'dod/ /yon tan sa mtshams nges med de/ /mdo las kun la yod par snang/ /sbyor ba'i phan yon yin pas so/ /sbyor ba'i rjes la 'byung ba'o/ /grangs nges med do ngo bo ni/ /phyin ci ma log pa na yon no/ / skyon spangs sa mtshams nges pa med/ /spyir na sa brgyad man chad du/ /skyon 'byung zhes ni mdo las bshad/ de tshe spangs nas sgom zhes zer/ /la la sgom pa nor las zer/ /mdor na skyon dang yon tan ni/ /shes par byas nas bsgom pa yin/ /mtshan nyid dgu bcu rtsa gcig kyang/ /grangs nges med kyang 'khor gyi ngor/ /de tsam kho na bshad pa yin/ /go rim skye ba'i rim pa ste/ /skye ba'ang rags pa kho na skye/ /sa mtshams sbyor ba'i rjes na ste/ /mnyam gzhag dus na 'ang 'dod pa yod/ /mtshan nyid rdzogs pa sangs rgyas sa/ /cha mthun da lta'i gnas skabs nas/ /'di ni sbyor ba'i mtshan nyid do/ /rnam pa zer bas yod kyang de/ /gzhung nas snga ma gsol bar bshad/ /mtshan nyid la yang mi mthun te/ /thun mong ma yin mtshan nyid dang/ /gtan tshigs dag tu 'dod pa'o/ /de yang sbyor ba skor gcig dang/ /so sor 'dod pa tha dad do/ /phyin ci ma log dpog pa dang/ /sbyor ba so sor dpog pa yi/ /gtan tshigs dag kyang tha dad do/ /shes pa'i khyad par byed pa ni/ /'bras bu'i gtan tshigs ngo bo ni/ /rang bzhin gtan tshigs 'dod pa yod/ /shes rab 'byung gnas blo gros ni/ /khyad par dag kyang rang bzhin zer/ /kha cig byed yin gzhan min zer/ /gsum ga gtan tshigs gcig tu ni/ / byed ba yod de mi 'thad do/ /sbyor ba dpag pa'i dgos ba ni/ /brtson 'grus cher ni 'jug pa dang/ /mthar gyis bsgom ba'i mngon rtogs la/ /phan zhes 'dod pa tha dad do/ /brjod pa mang ba de tsam mo/ /thar dang nges 'byed kyis mtshon nas/ /rjes la nyams su blang pa bshad/ /thar bya'i rten ni gling gsum mi/ /thos bsam sa yin ngo bo ni/ /dang la sogs pa rnam pa lnga/ /shAn+ti sa dang sogs dbye bar byas/ /tshogs lam che 'dring rnam gsum du/ /seng ge bzang po'i dbye ba yin/ /mi skrag mi dang mi zhum pa/ /che 'bring gsum gyi rtogs su bshad/ /mya ngan 'das ba thar pa ste/ /de yis cha ni sdug bsngal bzod/ /de dang mthun pa nges pa yin/ /de nyid sbyin pa la sogs la/ /mi dmigs pas ni zin pa ste/ /thar ba'i cha mthun mtshan nyid yin/ /nges 'byed bsdus don sngar bshad pas/ /rjes kyi nyams blangs 'ba' zhig bshad/ /dmigs pa sems can thams cad de/ /chung ngu'i rnam pa mnyam dang byams/ /'bring gi rnam pa pham pa dang/ /khong khro med dang mi tshe gsum/ /chung ngu'i rnam gnyis tshe 'di la/ /gzhan la 'tshe bar mi byed pa/ /'bring gi rnam gsum phyi ma la/ /gzhan la phan par byed pa'o/ /chen po'i pha la sogs pa ste/ /'di dang phyi ma gnyis ka la/ /phan par byed pa kho na'o/ /rtse mo chung ngu'i mi dge las/ /ldog pa bdag spong gzhan 'jug la/ /'bring gi sbyin sogs dge ba la/ /bdag dang gzhan dag sbyor ba de/ /gzhan bde'i rgyud la sbyor ba'o/ /chen po'i bdag kyang stong sgom zhing/ /gzhan la sbyor te gzhan dag la/ /phyin ci log ni spong bar 'dod/ /bzod pa chung ngu'i bden bzhi la/ /bdag dang gzhan dag sbyor pa de/ /gzhan ni 'phags lam sbyor 'dod pa'o/ /'bring ni rgyan zhugs la sogs lnga/ /shes shing mngon du mi byed la/ /bdag dang gzhan dag sbyor ba ste/ /gzhan dag 'bras bur sbyor 'dod pa'o/ /chen po'i byang chub skyon med la/ / bdag gzhan sbyor te gzhan dag ni/ /sangs rgyas la ni sbyor 'dod pa'o/ /chos mchog chung ngu'i sems can ni/ /smin par byed de don la ni/ /thogs pa gsum la dgod ba'o/ /'bring gi bdag gzhan gnyis ka yang/ /byang chub mngon shes skye ba ste/ /sems can byang chub lam sbyor ba'o/ /chen po'i bdag ni rnam mkhyen pa'i /ye shes bskyed par 'dod pa dang/ /gzhan bdag phun sum tshogs pa yis/ /mthar thug la ni 'jog pa'o/ /tshogs lam rten ni bshad zin pas/ /nges 'byed mthar lam sgom lam gyis/ /phyir mi ldog pa'i gang zag gsum/ /bstan phyir rtags kyi sgo nas bshad/ /phyir mi ldog pa rnam gsum ste/ /'dir ni theg pa 'og ma ru/ /mi ldog pa yi rtags bshad do/ /dbang po rab 'bring tha ma yis/ /nges 'byed mthong lam sgom lam gyi/ /sa brgyad dag tu go rim bzhin/ /phyi ma'i ldog pa gsum yin no/ /mthar thug ldog pa ma yin yang/ /gnas skabs ldog pa yod pas nas/ /rtags yod na ni gnas skabs kyi/ /ldog pa yang ni med do zhes/ /rtags kyi sgo nas dpogs pa yin/ /rang la dpogs ni rgyu tshogs pa'i/ /rang bzhin kho na'i gtan tshigs so/ /gzhan gyi dpogs na rang bzhin dang/ /'bras bu'i gtan tshigs gnyis kyis so/ /dpags pa'i dgos pa rang la ni/ /brnyas pa skyed ba dgag pa'o/ /de ni spyi yis bye brag gi / nges 'byad rtags na nyi shu la/ /grangs nges med kyang de tsam zhig /'khor gyi ngo ru bshad pa yin/ /drod la bcu gcig rtse mo drug /bzod pa gnyis te chos mchog gcig /seng ge bzang po'i 'dod ba yin// shA na ti sa de ltar ma phye'o/ /mthong lam rtags ni bcu drug kyang/ rjes kyi cha nas rtags yin te/ /'o na bzong pa zer ba ni/ /sngar gyis nus pa mtshon pa yin/ /sgom lam rtags ni zab mo brgyad/ /kha cig sa ni re re la/ /zab mo re re yin zer pa/ /de ni 'thad de re re la/ /brgyad ka yod kyang 'gal ba med/ /srid dang zhi mnyam rnam ba ste/ /gong gi gang zag de gnyis kyis/ /rnam pa 'di ltar sgom zhes pa/ /slob dpon seng ge bzang po dang/ /bud+d+ha sh+rI dz+nya na bzhed/ /sbyor ba nyi shu mi zlos te/ /rjes kyi cha nas bshad pa'o/ /nges 'byed cha mthun gyis mi bzlos/ /'di ni sgyu ma'i tshul nas so/ /rmi lam chus khyer dper blangs nas/ /sa brgyad yan chad na yod ces/ /sangs rgyas phal po che nas bshad/ /srid dang zhi ba mnyam gnyis kyis/ /mi slob rten bstan rnam grol gsungs/ /'di tsam slob par byar yod ces/ /de skyad rnam grol gsungs pas na/ gtan ma slob pa'i mi slob min/ /zhing dag gnyis te sems can dang/ /snod kyi 'jig rten dag ba'o/ /sems can dag la dkres sogs dang/ /bral te thag gsum snod du rung/ /snod dag snod sogs gser la sogs/ /seng bzang sangs rgyas sa ru 'dod/ /bud+d+ha sh+rI yang de bzhin no//dag par byed pa yin pas na/ /sa bcu man chad na yod ces/ /'phags pa rnam par grol sde gsungs/ /thabs la mkhas pa rnam bcu yang/ /grangs nges med kyang go rim ni/ /bskyed bya skyed pa'i rim pa dang/ /bsgrub bya gting tshig rim pas ni/ /bstan zhes sangs rgyas ye shes gsung/ /sangs rgyas sa na yod pas na/ /gzhan don thabs la mkhas pa ste/ /de nyid kyis ni mtshan nyid yin/ /mdzad pas 'bras yin 'dir ni rgyu/ /de ni de gnyis bzlos pa med/ /seng bzang gsungs te rnam grol dang// bud+d+ha sh+rti ni rnam gnyis ni/ /sa bcu man chad na yod de/ /thabs la mkhas pa'i ngo bo ni/ /sangs rgyas rgyu la mkhas pa la/ /'dod pas sa mtshams mi mthun no/ /rtse mo bdun la drod kyi rtse/ /rtags kyis bstan te dbye ba ni/ /bcu gnyis bstan kyang grangs nges med/ /rtse mo rtags gnyis so so ste/ /rtags kyi rtse mo dpag ces su/ /la la de skad 'dod pa yod/ /kha cig rtags gnyis rtse mo ru/ /'dod de rtags kyi dpag bya ni/ /phyir mi ldog par dpog pa ste/ / lung nas de ltar dpag go gsung/ /rnam 'phel bcu drug rtse mo yi/ /grangs nges med de go rim yang/ /med de 'dis kyang 'dis kyang ni/ /'phel lo zhes ni bya ba yin/ /bcu drug gang rung yod pas su/ /de yi rgyu la dge 'phel ba// rtse mo yin zhes la la zer/ /bcu drug nyid ni rtse mo zhes/ /kha cig de skad 'dod pa'ang yod/ /sngar ni yod par ma gyur la/ /rtse mo thob nas yod pas na/ /'phel pa zhes ni brjod pa yin/ /bzod pa'i rtse mo kun mkhyen nyid/ /gsum gyi chos ni rdzogs pa yin/ /de gsum chos ni sems bskyed sogs/ /sngar bshad pa yi rim pa rnams/ /bzod par brjod par 'thad snyam na/ /spang bya gzhi shes rdzogs pa dang/ /lam shes rnam gnyis rdzog pa dang/ /rnam kun bar du rdzogs pa la/ /rdzogs pa'i tha snyad btags shes zer/ /rtse mo sa dgu yan chad na/ /rdzogs par yod pas 'gal ba med/ /de skad kha cig rjod par byed/ /shAn ti pa yis 'dod pas ni// kun mkhyen chos ni rnam gsum yang/ /rang byung dang ni de bzhin gshegs/ /thams cad mkhyen pa gsum la 'dod/ /chos mchog rtse mo dpag med kyang/ /ting nge 'dzin la brten nas su/ /bsod nams dpag tu med pa ni/ /rtse mo ru ni bshad pa yin/ /mthong lam rtse mo spangs pa dang/ /rtogs dang yon tan rtse mo zhes/ /spangs sogs zhar la byung ba ste/ /rtse mo dngos ni pha rol phyin/ /re re la yang drug drug tu/ /rdzogs pa yin zhes kha cig zer/ /des na mthong lam rtse mo ni/ /rjes kyi gnas skabs na yod zer/ /spang bya rnam par rtog pa ni/ /gzung 'dzin gnyis su bsdus pa ste/ /zhib tu phye na re re la/ /yang ni dgu dgu yod pa yin/ /khams gsum spang byas phye na ni/ /rtogs pa brgya rtsa brgyad yin no/ /grangs nges rgyu mtshan yul gyis te/ /che 'bring gis kyang zer ba yod/ /ngo bo 'phrul pa'i shes pa ste/ /rtogs bcas rtogs pa med pa yis/ /'khrul pa gnyis ka yin zhes zer/ /shes bya'i sgrib pa kho na ste/ /nyon mongs sgrib dang shes bya'i sgrib/ /la la gnyis char yin par 'dod/ /bdag yod du ni rtogs la sogs/ /dman pa'i rtog pa yin pa dang/ /bdag med du ni rtog la sogs ngan rtog gis ni gnyen po dag / ya ni zhes 'dod pa mi mthun no/ /la la gnyis char zer ba de/ /'di 'grel ni tha ma gsal/ /ngan rtogs bskal pa dpag med nas/ /de yi gnyen po'i rtog pa ni/ /'jig rten pa yi lam na yod/ /spong ba mthong lam bar chad med/ /theg pa chen po'i 'dod pa ste/ /nyan thos rnam grol lam gyis so/ /rgya mtsho la ni chu bo bzhin/ /yon tan dpag med 'du ba ni/ /sgom pa lam gyi rtse mo ni/ /sa brgyad yan chad na yod ces / la la 'dod de dpyad na ni/ /sa bcu'i gnas skabs na yod 'dra/ /spang bya rtogs pa'i mtshan nyid ni/ /sngar bshad zin pas bye brag gi/ mtshan nyid bstan par bya ba ni/ /seng ge bzang po'i 'dod pas su/ /nges bar 'byed pa'i dus dag na/ /yod pa'i phra dog yin zhes gsung/ /rnam par grol sde sgom lam gyi/ /rjes kyi shes pa'i gnas skabs kyi/ /dge ba zag bcas yin zhes zer/ /bar chad med pa'i rtse mo ni/ /ngo bo zhes gnas lhag mthong ste/ /bar ni gang gis mchod la/ /yon tan rdzogs mang mtshon nyid yin/ /zlos pa'i skyon ni sngar spangs te/ /sa mtshams rdo rje lta bu na/ /mnyam gzhag 'ba' zhig yin pas na/ /'di yi dmigs pa dngos med yin/ /rang gi rgyud la log par rtogs/ /bcu drug bsal la skye ba ste/ /log par rtogs pa'i ngo bo ni/ /nyon mongs shes bya'i sgrib pa ste/ /gnyis char zer te la la ni/ /tha ma kho na yin par 'dod/ /grangs nges med de sdud pa ru/ /log par bsgrub pa'i ming gis su/ /mang du bshad par 'dug pas su/ /rgyas bar 'dir ni spro mi bya/ /mthar gyis pha rol phyin pa drug/ /rjes su dran drug don dam mo/ /pha rol drug dang bsgrub pa/ /'chol dang go rim yin pas ni/ /zlos skyon med de dkon mchog gsum/ /de bzhin yin pas zlos skyon med/ /sbyin pas tshul khrims gnyis dang ni/ /gtong dang tshul khrims dran pa yang/ /dngos dang 'bras bu'i cha nas su/ /bstan pas zlos skyon med pa yin/ /lha dang dkon mchog dpang po dang/ /rten tshul yin pas zlos pa med/ /skad cig byang chub rnam bzhi ni/ /ldog pas dbye ba yin pas so/ /rim gyis skye ba ma yin no/ /dang po gnyis ni 'bras bu yin/ /tha ma gnyis ni rnam pa yis/ /grangs nges yod pa ma yin yong/ /'bras bu kun ni da ru 'dug /sku ni gcig gnyis gsum bzhi lnga/ /grangs med 'dod pa dag tu'o/ /rang dang gzhan gyi don gyis su/ /sku gsung zhes ni byams pas gsung/ /dang don chos sku gnyis po ni/ rgyud dag ma dag rnam gnyis kyis/ /don du gzugs sku rnam gnyis zer/ /med sde thar pa chen po nas/ /ngo bo nyid sku gsungs pa dang/ /don dam gyi ni bden ba dang/ /gsum po dag tu ma 'dus pas/ /sku bzhi zhes ni seng bzang gsung/ /sprul pa yi ni sprul la sogs/ /yod pas sku lnga gzhan dag zer/ /bdag gzhan longs spyod rdzogs bas su/ /sku lngar 'dod pa don gsang yin/ /ngo bo nyid sku'i ngo bo ni/ /dngos po'i gnas lugs yin pa ste/ /chos sku gnas lugs rtogs pa yin/ /ye shes yin no sku gnyis ni/ /gzuD la 'jog ste gzugs de yang/ /'khor gyis snang ba 'ba' zhig la/ /'jog pa thogs med mched kyi gzhung/ /gnyis ka'i snang ba la 'jog pa/ /phyogs kyi glang po la sogs pa/ /gnyis ka'i snang ba ma yin par/ /'dod pa nA gA rdzu na sogs/ /ye shes lnga pa chos sku ru/ /la la 'dod pa yod kyang ni/ /bud d+ha sh+rI ni 'di ltar 'dod/ /me long ye shes chos kyi sku/ /mnyam nyid so sor rtog pa ni/ /long spyod rdzog sku spral pa ni/ /bya ba grub pa'i ye shes yin/ /de ltar 'dod pa tha dang do/ /chos nyid yin pas chos sku zhes/ /kha cig de skad 'dod pa yod/ /chos nyid rtogs dang chos ston pas/ /chos sku yin zhes 'dod pa'ang yid/ /nges pa bzhi ste 'khor dang ni/ /gnas dang ston pa tshas su ste/ /des na ji ltar 'dod pa ru/ /longs spyod byed pas longs spyod sku/ /'khor gyi nges pas bcu pa/ /'ba' zhig yin zhes seng bzang gsung/ /shA na hi mthong lam yan chad kyi/ /byang chub sems dpa' yin zhes zer/ /gnas ni 'og min chos de ni/ /theg pa chen po kho na'i chos/ /ston pa mtshan dang dpe byad kyis/ /brgyan pa'i gzugs ni kho na yin/ /mtshan ni sum cu rtsa gnyis dang/ /dpe byad brgyad cung bshad kyang de/ /dpag tu med par yod pa ste/ /re ba gnas mtshon nas dpag med bshad/ /gdul bya'i dor ni 'di tsam gyis/ /skyes bu chen po mtshon pas ni/ /mtshan gyi mtshan nyid tag tu bshad/ /ngo bo spyir ni gzugs yin yang/ /phal du dbang po lnga la 'jog/ sems kyi rnam dag/ mtshon pas na/ /dpe byed zer ste yang na ni/ /mtshan ni rgyan par byed pas na/ /dpe byad du yang 'dod pa yod/ /sangs rgyas mtshan nyid ma yin yang/ /ji ltar 'dul bar sprul pas na/ /gzugs sku zhes ni rjod pa yin/ /nges pa bzhi dang bral nas ni/ /ji lta ba dang ji lta bur/ /ston pa sprul pa'i ma yin no/ /de yis mdzad pa nyi shu bdun/ /lhun gyis grub cing rgyun mi 'chad/ /'jig rten 'jig rten 'da' 'god dang/ /sangs rgyas la 'god rnam grol gsung/ /yang na ji lta ji snyed pa/ /ji snyed rten dang lam bzhi 'god/ /mthar thug la 'god ji lta ba/ /bud d+ha sh+rI dz+nyA na zer ro/ /de ltar mdzad pa dpag med kyang/ /lam bden rang bzhin gnas skabs te/ /mya ngan zlas 'god 'bras bung 'dod/ /lhun grub rgyan mi 'tshad pa yang/ /thub pa kho na'i mdzad par bzhed/ /b+hi ga la skyes dge slong ni/ /mar me mdzad dpal ye shes kyis/ /gzhung dang bla ma'i gsung gis ni/ /phar phyin bsdus don sgron mar bya ba/ /de dag dri med gang thob bas/ /'gro kun log rtog rnam spangs te/ /pha rol phyin nyid rtogs nas kyang/ /gzhan la phan phyir ston par shog /shes rab kyi pha rol tu phyin pa'i don bsdus sgron ma zhes bya ba dpal mar mi mdzad ye shes kyis mdzad pa rdzogs so/ / //paN+Di ta de nyid dang lo ts+tsha ba mkhas pa chen po'i chen po tshul khrims rgyal bas bsgyur/ slad kyi dpal bsam yas lhun gyi grub pa'i rig pa 'byung ba'i gnas su / dI paM ka ra sh+rIdz+nyA nas nyi khri bshad pa'i dus su 'dir bshad pa nas bton/ phyis lo paN gnyis kyis bi bar ta yis gsungs pa dag pa'i dper tshud pa'o/ /'di dpe phyi mo dang pi bar ta dang rgya dpe gsum mchims phun/

CLOSE WINDOW