བོད་ཡིག

e-texts based on the ACIP/ALL Input

/ (//shes rab kyi pha rol tu phyin pa'i don bsdus slob dpon ku mA ra sh+rI b+ha dras mdzad pa bzhugs//) //rgya gar skad du/ pradz+nyA pA ra mi tA pin+tA rA nA ma/ bod skad du/ shes rab kyi pha rol tu phyin pa'i don bsdus pa zhes bya ba/ dang por yum la dang ba bskyed pa'i don du mkhyen pa gsum gyi yon tan gyi sgo nas yum la phyag 'tshal ba bstan to/ /de nas 'phags pa byams pa bdag nyid bstan bcos don lnga dang ldan par ston par bzhed pas dgos pa bstan to/ /dgos pa ni gnyis te/ brgyud pa'i sgo nas dang/ dngos kyi dgos pa'o/ /blo dang ldan pa byang chub sems dpa' rnams kyis rnam pa thams cad mkhyen pa nyid kyi lam mngon sum du byed par 'gyur ro zhes bya ba ni rgyud pa'i dgos pa'o/ /bde blag tu rtogs pa ni rtsom pa'i dngos kyi dgos pa'o/ /de nas tshigs su bcad pa bco lngas shes rab kyi pha rol tu phyin pa'i lus rnam par bzhag pa bstan to/ /de la dang po gnyis kyis mdor bstan la/ bcu gsum gyis ni cung zhig rgyas par bstan to/ /mdo'i tshig le'ur byas pa dang po gnyis kyis shes rab kyi pha rol tu phyin pa kun mngon par rtogs pa brgyad du bsdus par bstan to/ /de la gnyis te/ grangs nges pa dang/ go rim nges pa'o/ /de la grangs nges pa ni mngon par rtogs pa brgyad ni rgyu dang 'bras bu'i bdag nyid kyis rnam pa gnyis so/ / rgyu? ni dmigs pa dang bcas pa'i sbyor ba'i bye brag gis mngon par rtogs pa rnam pa bdun yin la/ brgyad pa ni 'bras bu'o/ /mkhyen pa gsum ni dmigs pa bstan pa'o/ /lhag ma mngon par rtog pa bzhi ni sbyor ba'o/ /'bras bu ni chos kyi sku'o/ /de la bdun tsam gyis ni mi rdzogs la/ dgu phan chad ni 'bras bu med pas grangs nges pa'o/ /go rim nges pa ni 'bras bu la brod pa bskyed pa'i don du rnam pa thams cad mkhyen pa nyid dang por bstan to/ /de nyid lam goms pa las 'byung bas de'i rjes lam shes pa bstan to/ /de nyid mi mthun pa'i phyogs spong ba'i bdag nyid yin pas spang bya gzhi shes de'i rjes la bstan to/ /'bras bu thams cad mkhyen pa thob par 'dod pas bsgrub pa nyams su blang dgos pas/ de yang las dang po ba'i gnas skabs nas yin pas las dang po pa'i gnas skabs su go cha'i sgrub pa'i bdag nyid rnam pa kun mngon par rdzogs par rtogs pa zhes bya ba go rim gyi sbyor ba'o/ /de nyid mthar thug pa las 'jug pa'i bsgrub pa'i bdag nyid rtse mo'i mngon par rtogs pa zhes bya ba rab kyis sbyor pa'o/ /rtse mo de nyid dbang du bya ba'i phyir ram/ nyams na gso ba'i don/ tshogs kyi sgrub pa'i bdag nyid mthar gyis pa zhes bya ba go rims kyi sbyor ba'o/ /de nyid mthar thug bas nges par 'byung ba'i sgrub pa'i bdag nyid skad cig ma gcig la mngon par rtogs pa zhes bya ba mthar phyin pa'i sbyor ba'o/ /de'i skad cig ma gnyis pa la 'bras bu chos kyi sku 'byung bas brgyad pa la 'bras bu chos kyi sku mdzad pa dang bcas pa'o/ /de ni go rim nges pa'o/ /don brgyad po de yang bsdus na rnam pa gnyis te/ rgyu dang 'bras bu'o/ /yang na rnam pa gsum ste/ dmigs pa dang/ sbyor ba dang 'bras bu'o/ /de la dang po gsum ni dmigs pa'o/ /de'i sbyor ba dang/ rab dang/ go rim dang/ mthar phyin pa zhes bya ba'i bye brag gis rnam pa kun mngon par rdzogs par rtogs pa la sogs pa bzhi ni sbyor ba'o/ /chos kyi sku ni 'bras bu'o/ /de la mngon par rtogs pa brgyad du nges par bstan pa ni dbang po rtul po dang 'bring gi dbang du byas pa'o/ /rnon po la ni drug gis chog go /sgrub pa bzhi lam dang sbyar na go cha sbyor ba'i lam/ 'jug pa mthong ba'i lam/ tshogs sgom pa'i lam/ nges par 'byung ba sgom pa'i lam gyi khyad par gyi lam gyis bsdus mdor na rnam pa kun mngon par rdzogs par rtogs pa la sogs pa mngon par rtogs pa bzhi'i ngo bo nyid do/ /rnam pa kun mngon par rdzogs par rtogs pa tshogs kyi lam gyi bsdus pa ma yin na/ ci ltar go cha sbyor ba'i lam yin zhe na/ go cha'i sbyor ba ni sbyor ba'i lam gyi gnas skabs su rdzogs pa la dgongs bas na sbyor ba'i lam zhes brjod do/ /de bzhin du 'jug pa dang/ tshogs dang/ nges par 'byung ba ni mthong ba dang sgom pa dang khyad par gnas skabs su rdzogs pas na lam de dag gi rang bzhin du brjod do/ /de ni mdor na bstan pa'i tshigs su bcad pa gnyis kyi don to/ /don brgyad po de yang re re nas bstan pa'i phyir dang por rnam pa thams cad mkhyen pa nyid ni don bcus bstan to/ /de la so so'i skye bo dang/ nyan thos dang/ rang sangs rgyas kyi sems bskyed las khyad par du byang chub tu sems bskyed pa dang/ sems bskyed pa mngon sum du bya ba'i don du 'am 'phel bar bya ba'i don gyi phyir gdams ngag go /gdams ngag gi sgo nas sems bskyed pa ci ltar 'phel zhe na/ gdams ngag yod na byang chub tu sems bskyed pa la dad pa dang/ spro bas brtson 'grus dang/ byang chub kyi sems la sems rtsa gcig tu skye ba 'byung bas na ting nge 'dzin dang/ byang chub kyi sems yang nas yang du bran pa 'byung bas na dran pa dang/ byang chub kyi sems ji lta ba bzhin shes pa'i shes rab la sogs pa thar pa'i cha dang mthun pa dang/ de bzhin du rim pa bzhin du 'byung bas de ltar na gdams ngag gi sgo nas sems bskyed pa 'phel ba yin no/ /gdams ngag dang ldan pa las dang po pa dang stobs kyi bdag nyid kyi dad pa la sogs pa skye ba nges par 'byed pa'i yan lag rnam pa bzhi bstan to/ /de la gtsub shing gtsubs pa'i gnas skabs su dang po grang ba'i reg pa sel mi nus pa'i dro bo tsam 'byung ba bzhin du ma dad pa la sogs pa bas stobs chung ba'i dad pa la sogs pa lnga ni drod ces bya'o/ /mnyam par gyur pa'i gnas skabs na ni rtse mo zhes bya'o/ /drod dang rtse mo'i gnas skabs kyi dad pa la sogs pa lnga ni mya ngan las 'das pa la dbang byed pa dang/ spang bya spong mi nus pa'i phyir dbang po lnga zhes bya'o/ /ma dad pa la sogs pa bas stobs che ba'i gnas skabs na ni bzod pa zhes bya'o/ /ma dad pa la sogs pa ma lus par spong nus pa'i gnas skabs na ni 'jig rten pa'i chos kyi mchog ces bya'o/ /bzod pa dang chos mchog gi gnas skabs na ni ma dad pa la sogs pa 'joms nus pas stobs zhes bya'o/ /sems bskyed pa la sogs pa'i chos de dag kyang rigs dang ldan pa la skye bas bsgrub pa'i rten theg pa chen po'i rigs bstan to/ /rigs dang ldan pa de la sgrub pa nyams su blangs pa las/ 'byung bas sgrub pa nyams su len pa'i dmigs pa bstan to/ /nyams su len pa de yang 'bras bu med par ma yin pas chos kyi sku'i dbang nyid kyi 'bras bu ched du bya ba rnam pa gsum bstan to/ /'bras bu thob par bya ba'i lam la nan tan du bya dgos pas spro ba'i brtson 'grus kyi go cha'i sgrub pa bstan to/ /go bgos pa las 'jug pa 'byung bas 'jug pa'i sgrub pa bstan to/ /'jug pa dang ldan pa las bsod nams dang ye shes kyi tshogs 'byung bas tshogs kyi sgrub pa bstan to/ /tshogs bsags pa las nges par 'byung ba'i sgrub pa 'byung bas nges par 'byung ba'i sgrub pa bstan to/ /mdor na sgrub pa rnam pa bzhi ni rnam pa kun mngon par rdzogs par rtogs pa la sogs pa sbyor ba bzhi'i bdag nyid de/ de ni rnam pa thams cad mkhyen pa nyid do/ /byang chub s ems dpa' rnams kyis lam thams cad shes par bya dgos pas dang por nyan thos dang byang chub sems dpa' i lam shes pa sangs rgyas kyi 'od kyi lha rnams kyi rnam smin gyi 'od zil gyis mnan pa la sogs pa rnam pa lnga ni lam shes pa'i sbyor ba'o/ /de ltar snod du rung ba la sogs pa rnam pa lnga dang ldan pas lam thams cad shes par bya dgos pas dang por nyan thos dang rang sangs rgyas kyi lam bstan to/ /'di dang gzhan pa'i yon tan gyi sgo nas byang chub sems dpa' i mthong ba'i lam bstan to/ /de'i yon tan phyir mi ldog pa gzhan gyi yon tan ni skye ba snga phyi'i shes rab po/ /nges par 'byed pa'i cha dang mthun pa ci ste ma smos she na/ skabs dang por smos zin pas na 'dir ma smos so/ /'o na mthong ba'i lam yang smos zin pas na 'dir/ ci ste zhe na/ ma yin te/ de bzhin gshegs pa rnams kyis ni chos nyid kyi rnam pa'i tshul gyis gzigs la/ byang chub sems dpa' rnams kyis ni gnyen po'i tshul tsam du shes pas/ skabs dang po mthong ba'i lam las logs shig tu byang chub sems dpa' i mthong ba'i lam bstan to/ /nges par 'byed pa'i yan lag ni las dang po pa'i sas bsdus la/ las dang po pa'i gnas skabs na ni gnyis ka yang khyad par med pas logs shig tu ma byas so/ des ni sngar ma thob pa thob pas na mthong ba'i lam bstan to/ /thob pa khyad par du 'gro ba ni sgom pa'i lam yin pas na sgom pa'i lam bstan to/ /mdor bsdus na rnam pa gnyis te/ zag pa dang bcas pa dang zag pa med pa'o/ /de la zag pa dang bcas pa ni sbyor ba dang dngos dang mjug gi bye brag gi mos pa dang bsngo ba dang rjes su yid rang ba gsum yin la/ zag pa med pa ni sgrub pa dang shin tu rnam dag gnyis so/ /de ltar na sgom pa'i lam rnam pa lnga'o/ /ci'i phyir byed pa logs su ma smos she na/ byed pa dang bcas pa'i dbye ba rnam pa lnga yin pas logs shig tu ma smos so/ /bstod pa dang bkur ba dang bsngags pa ni mos pa rang dang gzhan dang gnyi ga'i bye brag gi rnam pa gsum la gsum yin pas mos pa ni gnas skabs logs shig tu ma smos so/ /ci ltar mos pa re re la chung ngu la sogs pa'i bye brag gi rnam pa nyi shu rtsa bdun du 'gyur ba de bzhin du mos pa dgu tshan gsum la bstod pa dang bkur ba dang bsngags pa dang/ dgu tshan gsum du 'gyur bas de nyi shu rtsa bdun du 'gyur ro/ /de ltar sgom pa'i lam ni rnam pa lnga'o/ /lnga po de dang de dag nyid sa gang dang gang gis bsdus she na/ mos pa ni sa gnyis pa dang gsum pa dang/ bzhi pas bsdus so/ /bsngo ba ni sa lnga pa dang drug pa dang bdun pas bsdus so/ /rjes su yi rang ba ni sa brgyad pa dang dgu pas bsdus so/ /sgrub pa dang shin tu rnam par dag pa ni sa bcu pas bsdus so/ /ci'i phyir mos pa rnam pa gsum zhe na/ de la rang gi don du mos pa ni chos kyi sku thob par byed pa'i rgyu mtshan yin la/ gzhan gyi don du mos pa ni sprul pa'i sku thob par byed pa'i rgyu mtshan yin te/ gnyis ka'i don du mos pa ni longs spyod rdzogs pa'i sku thob par byed pa'i rgyu mtshan yin pas mos pa ni rnam pa gsum mo/ /mos pa dang bsngo ba dang rjes su yi rang ba ni las dang po pa'i gnas skabs na yang yod pa ma yin nam/ ci'i phyir sgom lam la de gsum bzhag ce na/ mtshan nyid pa ni sgom pa'i lam na yod pas sgom lam du smos so/ /byang chub sems dpa' rnams kyi lam gyi mi mthun pa'i phyogs bstan pa'i phyir nyan thos rnams kyi thams cad shes pa nyid bstan to/ /de la dngos su ni blang bar bya ba yin pas byang chub sems dpa' i lam blang bar bya bar ston la/ nyan thos kyi lam ni dor bar bya ba yin pas de'i shugs la ston to/ /de la sangs rgyas dang byang chub sems dpa' rnams ni stong pa nyid rtogs pa'i shes rab kyis srid pa ste 'khor ba la mi gnas/ snying rjes zhi ba ste mya ngan las 'das pa la mi gnas so/ /zhes bstan pas na nyan thos rnams ni shes rab dang snying rje dang bral bas 'khor ba dang mya ngan 'das pa la gnas zhes bya bar shugs la rtogs so/ /nyan thos rnams kyi lam ni thabs ma yin pas shes rab kyi pha rol tu phyin pa las ring ngo/ /byang chub sems dpa' rnams kyi lam ni thabs yin pas nye ba nyid yin no/ /nyan thos kyi lam ni thabs ma yin pas mi mthun pa'i phyogs yin la/ byang chub sems dpa' i lam ni thabs yin pas gnyen po yin no/ /de'i 'og tu sbyor ba dang mnyam pa nyid du bstan/ de la sbyor ba ni drod dang rtse mo'i dbang bcu'o/ /mnyam pa nyid ni bzod pa dang chos mchog gi stobs bcu'o/ /nyan thos kyi sbyor ba dang mnyam pa nyid ni de'i shugs la rtogs so/ /de ltar byang chub sems dpa' i mthong lam sbyor lam bstan nas/ nyan thos kyi lam shugs la rtogs so/ /byang chub sems dpa' i lam yang nyan thos kyi lam shes kyi skabs su bstan pa ma yin nam/ 'di yang lam yin na ci'i phyir bzlos par mi 'gyur zhe na/ ma yin te dper na me'i ngo bo gcig yin du zin kyang/ 'bar ba dang gsal ba dang du ba bskyed pa'i bye brag gis mi 'dra ba bzhin du mkhyen pa gsum ga lam yin du zin kyang/ dang po ni chos nyid kyi rnam pa'i tshul du bstan la/ gnyis pas ni gnyen po tsam zhig bstan te/ gsum pas ni gnyen po dang mi mthun pa'i phyogs kyi sgo nas bstan pas bzlos pa'i nyes pa med do/ /mthong ba'i lam bzhin du mi mthun pa'i phyogs shugs la bstan pa'i don du sgom pa'i lam yang ci ste mi ston zhe na/ byang chub sems dpa' rnams kyis nyan thos kyi lam mngon sum du bya ba yin pas mthong ba'i lam ni bstan la/ lam gyi 'bras bu ni thob par bya ba ma yin pas nyan thos kyi sgom pa'i lam ni ma bstan to/ /'o na mthong ba'i lam yang gzhan gyi don du ma yin nam/ de bzhin du nyan thos kyi sgom pa'i lam yang gzhan gyi don du ci ste mi ston zhe na/ bden mod kyi sgom pa'i lam ni dngos su byang chub thob pa'i rgyu mtshan yin pas byang chub sems dpa' rnams kyang nyan thos kyi byang chub thob par 'dod pa na dam bcas pa nyams pa'i dogs par 'gyur bas sgom pa'i lam ni ma bshad do/ /de ltar na mkhyen pa gsum dmigs pa'i yul bstan nas/ 'bras bu thams cad mkhyen pa thob par byed pa'i sbyor ba las dang po'i sa bsdus pa rnam pa kun mngon par rtogs pa'i sbyor ba bstan par bya ste/ de la mkhyen pa gsum ga'i rnam pa kun mngon par rtogs pa ni gnyis te/ so so'i skye bo'i gnas skabs kyis bsdus pa dang/ rnal 'byor pa'i rgyud kyis bsdus pa'o/ /de la so so'i skye bo'i rgyud kyis bsdus pa'i rnam pa ni rjes su dpag pas shes la/ rnal 'byor pa'i rgyud kyis bsdus pa'i rnam pa ni rnal 'byor gyi mngon sum gyi shes so/ /de la so so'i skye bo'i rgyud kyis bsdus pa'i rnam pa ni rgyu yin la/ rnal 'byor pa'i rgyud kyis bsdus pa'i rnam pa ni 'bras bu'o/ /don bcu gcig po thams cad dang po gtan la 'bebs pa dang/ sgrub pa nyams su len pa'i bye brag gis tshol ba'i sbyor ba dang sgrub pa nyams su len pa'i sbyor ba zhes bya ba rnam pa gnyis su 'gyur ro/ /de la dang po sems ma bskyed pa'i gong rol nas rnam pa zhes bya ba nas thabs mkhas pa'i bar du shes par byed pa ni yongs su 'tshol ba'i sbyor ba'o/ /shes nas de thams cad nyams su len pa ni nyams su len pa'i sbyor ba'o/ /de la dang po mkhyen pa gsum gyi rnam pa so so'i skye bo'i rgyud kyis bsdus pa bstan/ so so'i skye bo'i rgyud kyis bsdus pa'i rnam pa rnams bsgom pa las rnal 'byor pa'i rnam pa bskyed pa'i don du sbyor ba nyi shu bstan/ de la lnga ni tshogs lam gyis bsdus la/ bco lnga ni sbyor lam nas sa bcu'i bar gyis bsdus so/ /de la sbyor ba phyin ci ma log par bsgoms na yon tan 'byung bas yon tan bcu bzhi bstan/ yon tan bcu bzhi sa dang sbyar na bzhi ni nges par 'byed pas bsdus so/ /lhag ma bcu ni sa dang po nas sa bcu pa'i bar gyis bsdus so/ /sbyor ba phyin ci log tu bsgoms na skyon 'byung bas sbyor ba'i skyon bzhi bcu rtsa drug bstan/ de la bcu ni tshogs lam gyi bsdus so/ /bcu ni drod kyis bsdus so/ /bcu ni rtse mos bsdus so/ /bcu ni bzod pas bsdus so/ /drug ni chos mchog gi bsdus so/ /de la sbyor ba khyad par can rgyud la skyes par mtshan nyid kyi sgo nas shes pas mtshan nyid dgu bcu rtsa gcig bstan to/ /de la shes pa'i mtshan nyid ni phyogs chos/ byed pa'i mtshan nyid ni mthun pa'i phyogs la yod pa'i tshul khyad par gyi mtshan nyid ni mi mthun pa'i phyogs la ldog pa'i tshul/ ngo bo nyid ni rtags kyis mtshon par bya ba'o/ /de la rang gi rgyud la gtan la 'bebs bar byed pa'i tshe ni mkhyen pa gsum chos can no/ /gzhan gyi rgyud la gtan la 'bebs par byed pa'i tshe ni skyes bu chos can no/ /rtags dang rtags kyis mtshon pa'i sbyor ba lngas ni mthar pa'i cha dang mthun pa dang/ nges par 'byed pa'i cha dang mthun pa dang ldan pa'i skyes bu las 'byung bas thar pa'i cha dang mthun pa dang/ nges par 'byed pa bstan / de la yongs su 'tshol ba'i dus ni mtshan nyid shes pa tsam yin la/ rtags dang rtags can las sbyor ba skyes par shes pa ni thar pa'i cha dang mthun pa dang/ nges par 'byed pa'i cha dang mthun pa dang ldan pa'i skyes bu las 'byung ngo/ /de ltar sbyor ba dang ldan pa'i skyes bu la phyir mi ldog pa'i tshogs bstan/ nges 'byed ma thob pa'i dus na ni sems mi brtan la/ nges 'byed thob yan chad ni sems brtan pa thob pa 'byung bas phyir mi ldog pa zhes bya'o de la zhing dag ba ni bar chad med pa'i ting nge 'dzin thob par byed pa'i rgyu yin no/ /thabs la mkhas pa ni log par rtog pa sel ba'i rgyu yin no/ /'o na nges par 'byed pa'i cha dang mthun pa skabs 'og ma gnyis la ci'i phyir ston zhe na/ chung ngu dang 'bring dang chen po'i bye brag gis 'di dang 'og ma gnyis te gsum ga la bstan to/ /mdor na las dang po pa'i gnas skabs na lam thams cad ni thabs dang thabs las byung ba shes pa dang/ lam thams cad kyi sbyor ba nyams su len pa ni rnam pa kun mngon par rdzogs par rtogs pa zhes bya'o/ /de ltar na rnam pa kun mngon par rdzogs par rtogs pa'i gnas skabs su lam thams cad kyi sbyor ba nyams su blangs pa ni de'i sbyor ba ces bya'o/ /rnam pa kun mngon par rdzogs par rtogs pa mthar phyin pa las de'i rab ces bya ba'i rtse mo'i mngon par rtogs pa 'byung bas rtse mo'i mngon par rtogs pa bstan pa de la rnam pa kun mngon par rtogs pa'i skabs su lam nyams su blangs pas lam thams cad rdzogs pa 'byung bas na rtse mo'i mngon par rtogs pa zhes bya'o/ /de la dang por rtse mor phyin pa'i rtags bstan/ de'i 'og tu bsod nams kyi tshogs rnam par 'phel ba bstan/ de'i 'og tu bstan pa bstan/ de'i 'og tu sems kun tu gnas pa bstan/ bstan pa dang/ sems kun tu gnas pa la khyad ci yod ce na/ sems can gyi don sna tshogs pa byed kyang de kho na nyid kyi ting nge 'dzin dang mi 'bral bas na brtan pa zhes bya'o/ /de kho na nyid la sems rtse gcig pas ni sems kun tu gnas pa zhes bya'o/ /de la rnam pa kun mngon pa rdzogs par rtogs pa'i drod la sogs pa ni rtags dang/ rnam par 'phel ba dang/ brtan pa dang/ sems kun tu gnas pa'o/ /'di ni rtse mo'i nges 'byed do/ /'o na skabs dang po'i nges 'byed dang khyad ci yod ce na/ skabs dang por mtshan nyid tsam bstan la/ 'di ni 'bras bu dngos su bstan to/ /'o na mthar gyis pa'i nges 'byed dang/ khyad ci yod ce na/ 'bring dang chen po'i khyad yod do/ /de'i 'og tu mthong ba'i lam bstan/ de'i 'og tu spang bya gzung ba'i rtog pa dang 'dzin pa'i rtogs pa bstan/ de la 'jug pa'i phyogs dang ldog pa'i ni phyogs kyi rten can gyi bye brag gi gzung ba'i rtog pa gnyis so/ / de bzhin du gang zag rdzas su yod pa dang/ skyes bu btags par yod pa'i bye brag gis 'dzin pa'i rtog pa yang rnam pa gnyis so/ /de la gzung ba'i rtog pa 'jug pa'i phyogs byang chub sems dpa' i lam du gzung ba'o/ /ldog pa'i ni nyan thos dang rang sangs rgyas kyi lam du gzung ba'o/ /de la 'dzin pa'i rtog pa gang zag rdzas su yod pa ni gang zag rdzas kyi bdag tu 'dzin pa'o/ /skyes bu btags par yod pa ni chos kyi bdag tu 'dzin pa'o/ /de la mthong ba'i lam skad cig ma bcu drug yin la/ de mthong bas spang bar bya ba rdzogs par ni bcu drug pas spang ngo/ /de la sgom pas spang bar bya ba'i nyon mongs pa chung ngu dang 'bring dang chen po'i bye brag gis go rim bzhin du sa dgu la rnam pa dgu yin la/ de la spong ba la ltos te sgom pa'i lam yang rnam pa dgu yin no/ /de las dgu ni 'dod pa'i khams dang/ bsam gtan bzhi dang/ gzugs med pa'i snyoms par 'jug pa bzhi ste dgu'o/ /de la sgom pa'i lam chung ngus ni nyon mongs pa chen po spong ngo/ de bzhin du gnyen po'i chung ngu'i chung ngu la sogs pa'i rim pas nyon mongs pa chen po la sogs pa rim pas spong ngo/ /de la nyon mongs pa ni 'jug pa'i phyogs kyi rten can la sogs pa re re la yang chen po la sogs pa'i rim pas dgu dgu yin la/ de bzhin du gnyen po yang chung ngu'i chung ngu la sogs pa'i rim pas dgu dgu yin te/ de ltar na sgom pa'i lam ni sum cu rtsa drug tu 'gyur ro/ /de'i 'og tu bar chad med pa'i ting nge 'dzin ces bya ba sgom pa'i lam gyi khyad par gyi lam bstan to/ /khyad par gyi lam gyi gnas skabs na log par rtog pa kun spong ba log rtog sel ba bstan to/ /de la rgyu 'bras kyi rim pa ni rnam pa kun mngon par rdzogs par rtogs pa'i nges 'byed rnams rtse mo'i rtags la sogs pa rnam pa bzhi'i sbyor ba'o/ /phyir mi ldog pa ni mthong bsgom pa'i sbyor ba'o/ /zhing dag pa ni bar chad med pa'i ting nge 'dzin gyi sbyor ba'o/ /thabs mkhas pa ni log rtogs sel ba'i sbyor ba'o/ /rtse mo zhes bya ba rab kyi sbyor ba bstan nas de nyid dbang du bya ba'i phyir ram/ nyams na phyir gso bar bya ba'i phyir mthar gyis pa zhes bya ba'i go rim gyi sbyor ba'o/ /de la sngar ni lugs dang mthun pa dang/ thod rgal gyi snyoms par 'jug pa 'chol ba zhes nyams su blangs pa'o/ /mthar gyis pa'i skabs su ni pha rol tu phyin pa drug dang/ rjes su dran pa drug dang/ chos thams cad ngo bo nyid med pa dang/ bcu gsum sbyor lam nas sa bcu'i par du go rim bzhin du bsgom pas mthar gyis pa zhes bya'o/ /de la pha rol tu phyin pa drug gis ni pha rol tu phyin pa bcu ka bsdus so/ /de la rjes su dran pa drug ni sangs rgyas dang chos dang dge 'dun dang sbyin pa dang tshul khrims dang bsam gtan gyi yon tan go rim bzhin du dran pa'i rjes su dran pa drug go / de nyams pa ni sa bdun pa man chad du'o/ /de la ltos te nyams pa gso ba'o/ /dbang du bya ba ni sa bcu thob ba nyid du bya ba'i phyir go rim bzhin du bsgom pa'o/ /de las bdun pa man chad du ni cha yin pas rtse mo zhes btags par 'dus la/ de nyams pa gso ba zhes bya ba la ltos te rtse mo nyams pa gso ba zhes bya'o/ /mtshan nyid pa ni sa bcu'i gnas skabs na yod la de la ni nyams pa mi 'byung ngo/ /de'i dbang du byas nas de'i dbang du bya ba'i phyir mthar gyis bsgom pa'o/ /de ltar na mthar gyis pa ni rnam pa gnyis so/ /de la nyams pa gso ba zhes bya ba ni dbang po rtul po la'o/ /dbang du bya ba'i phyir sgom pa ni 'bring po la'o/ /mthar gyis pa yongs su rdzogs pa l as skad cig ma gcig la mngon par byang chub pa zhes bya ba sbyor ba mthar phyin pa 'byung bas skad cig ma gcig la mngon par byang chub pa bstan pa de la gong du sgom pa'i lam thams cad skad cig ma gcig la rdzogs pas na skad cig la mngon par byang chub pa zhes bya'o/ /de yang mtshan nyid kyi rnam pa bzhi ste/ rnam par smin pa ma yin pa dang/ rnam par smin pa dang/ mtshan nyid med pa dang/ gnyis su med pa'o/ /de nyid skad cig ma gnyis pa la 'bras bu chos kyi sku 'byung bas de'i 'og tu chos kyi sku bstan pa de la sangs rgyas kyi sku ni ngo bo nyid dang longs spyod rdzogs pa dang sprul pa dang chos kyi sku ste/ rnam pa bzhi'o/ /de la ngo bo nyid kyi sku ni rang bzhin rnam par dag pa'o/ /chos kyi sku ni dri ma rnam par dag pa'o/ /longs spyod rdzogs pa'i sku ni sa bcu'i mnga' bdag rnams dang/ lhan cig tu chos kyi longs spyod la spyod pa'o/ /sprul pa'i sku ni nyan thos la sogs pa la snang la gzugs sna tshogs kyis rtag tu sems can gyi don byed pa'i/ /de yang chos kyi sku las 'byung bas chos kyi sku mdzad pa dang bcas pa zhes bya'o/ /de ltar ni sku rnam pa bzhi'o/ /kha cig ni ngo bo nyid dang chos kyi sku gcig pas na sku ni gsum kho na yin no zhes zer ro/ /de ni ma yin no/ /ngo bo nyid kyi sku la mdzad pa med pas na mdzad pa dang bcas pa zhes bya ba mi 'thad par 'gyur ro/ / des na mdzad pa dang bcas pa zhes gsungs pas sku ni rnam pa bzhi nyid du bzhed pa yin no/ /de ltar na skabs brgyad do/ /de la skabs brgyad kyi rim pa ni gnyis te/ bstan pa'i rim pa dang/ /skye ba'i rim pa'o/ /de la bstan pa'i rim pa ni rnam pa thams cad mkhyen pa nyid 'bras bu dang por bstan nas rgyu phyis 'chad pa'o/ /skye ba'i rim pa ni de'i sbyor ba dang/ de rab dang/ de'i go rim dang/ de'i mdza' zhes bya ba'i bye brag gis rnam pa kun mngon par rdzogs par rtogs pa la sogs pa sbyor ba bzhi ni sngar bstan la/ 'bras bu chos kyi sku ni phyis bstan to/ /de la skabs brgyad gang zag gcig gis nyams su blang ba'i rim pa ni mkhyen pa gsum thos pa'i shes rab kyis nges par byas nas/ de nyid rnam pa kun mngon par rdzogs par rtogs pa yongs su 'tshol ba'i dus su rnam pa nas thabs mkhas pa'i bar du lam dang/ lam gyi rim pa kun bsam pa'i shes rab kyis gtan la phab nas/ sems bskyed pa man chad chos mchog yan chad du lam kun gyi sbyor ba nyams su blangs pa ni rnam kun mngon rdzogs so/ /rnam pa kun mngon par rdzogs par rtogs par lam thams cad kyi rim pa kun sbyor ba nyams su blangs pas lam kun rdzogs pa ni rtse mo'o/ /de nyid nyams na gso ba 'am ma nyams kyang dbang du bya ba'i phyir go rim bzhin bsgom pa ni mthar gyis pa'o/ /de ltar go rims bzhin du bsgoms pa las skad cig ma gcig la mngon par rdzogs par byang chub pa 'byung ba'o/ de nyid kyi skad cig ma gnyis pa la 'bras bu chos kyi sku 'byung ngo/ /de ni nyams su len pa'i rim pa'o/ /shes rab kyi pha rol tu phyin pa'i don bsdus pa/ rgya gar gyi mkhan po ku mA ra sh+rI b+ha dra'i zhal snga nas mdzad pa rdzogs so// //paN+Di ta de nyid dang/ lo tsA ba bkra shis rgyal mtshan gyis bsgyur ba'o/ / (//shes rab kyi pha rol tu phyin pa sdud pa tshigs su bcad pa'i dka' 'grel slob dpon bud+d+ha sh+rI dz+nyA nas mdzad pa bzhugs so//) /rgya gar skad du/ sany+tsa ya gA thA pany+tsi ka /bod skad du/ sdud pa tshigs su bcad pa'i dka' 'grel/

CLOSE WINDOW