བོད་ཡིག

e-texts based on the ACIP/ALL Input

rnal 'byor ma chen mo/ /dI na ka ras zhus nas bsdus pa/ 'di ni shin tu dar ba yin par gda' o/ /ces pa'ang tA ra nA thas reg zig go/ dge'o// // */ (/rnal 'byor gyi klu? bzhugs so//) /rgya gar skad du/ yo ga gI ta/ bod skad du/ rnal 'byor gyi glu/ sangs rgyas la phyag 'tshal lo/ /kye kye spu gu tshur shog nyon/ /sgrib pa gsum po spangs pa dang/ /bla ma'i zhabs bsten mnyen par byas// rdo rje'i lus 'di gtsang mar gyis/ /'gro ba 'di rnams kun la khyab/ /ye shes gcig ni lnga yi gzugs/ /drug pa rdo rje sems dpa' nyid/ /'od zer snang ba mchog gi mchog /rgyu dang mi rgyu sna tshogs 'di/ /de bzhin gshegs par dbugs phyung nas/ /bde ba chen po gcig tu byos/ /sangs rgyas rgyu dang 'bras bu 'byung/ /brjod du med cing spros pa med/ /rang bzhin kun dang rnam pa kun/ /sgra skad kun dang mi 'gyur ba/ /rab tu gsal ba ltos shig kye/ /'byung rnams de nyid lnga las byung/ /de yang bde ba che las byung/ /'gro ba gsum po 'jig rten bcas/ /khro bo sangs rgyas de las skyes/ /de nyid drug po de bzhin du/ /lus dang ngag yid bde ba ste/ /'khor bzhi ba rdo rje sku/ /de las sprul zhing der grol lo/ /yid 'ong 'dod chags lus med yin/ /gnyis gnyis nam mkha' i dbus su zhugs/ /sems dang lus te yul can dang/ /yul kun sbrul bar byed pa'o/ /kye kye kye lags A to tshur/ /gcig tu gnyis dang de las lnga// drug dang bcu las mtshon bya gcig / rgyu dang 'bras bu'i mtshan nyid ltos /sgyu ma sprul pa de bzhin du/ /'jig rten ri mo rnam par bkra /nang gi lus ni tshogs pa 'dra/ /'jig rten sgyu ma 'di las spros/ /chos kyi dam pa nam mkha' dang/ /sa bzhin g.yo ba med par gnas/ /sgyu ma'i 'khrul 'khor 'jig byed pa/ /lam gyi gnas par de brjod do/ /a re a re/ brtags pa'i lha ni rdzun pa'i 'bras bu can/ /bcu drug de nyid med na de yang bslu/ /yongs su grub pa mngon sum rtags pa bral/ /lus la byung ba gnyis ni shin tu 'dres/ /so sor bsdud pa spros dang bral/ /rtag tu snang ba'i mtshan nyid do/ /gzugs dang sems ni mnyam gyur pa/ /'jig med bsam gtan nam mkha' mnyam rtsa gnyis 'gags pa'i ye shes dang/ /nyi ma zla ba'i srog 'gog pa/ /de las khams rnams thams cad ni/ /thig ler zhugs pas 'dzin pa nyid/ /'khor lo rnams la 'gro dang 'ong/ /spom po'i nus pa bcom nas ni/ /de nyid lnga pa gnyis po dag / re rer de nyid lnga rnams thim/ /de las gtum mo'i snang ba bcu/ /khams gsum po yi gzugs su snang/ /rdo rje me la srog thim mo/ /'bad pa'i sdug bsngal las grol yin/ /nam mkha' las byung bu mo bcu/ / ljon shing khu ba 'thungs pa dang/ /yid ky rtogs pa'i kha zas zos/ /lus rtas de rnams chung mar 'gyur/ /rnam pa bcu ni lhan cig 'dus/ /rdo rje waM yig e la 'dre/ /rtag pa brtan pa 'gyur med bde/ /ci ste ma thob khyim au rol/ /gcig gnyis 'dres pa'i bud med la/ /sbyor bas rnam dag bde ba ni/ /'dod pa dag ba bcu thob nas/ /bcu gcig pa ni 'pho med do/ /stong dang bde rjes dran de las/ /khu ba khrag dang dbugs 'gag ste/ /lus dang ngag sems 'gog pa las/ /rdo rje rnam bzhi thob pa'o/ /khams gsum srid pa gsum 'bras bu/ /rdo rje'i sku yi khyab par las/ /snang ba bcu las gzhan du med/ /yan lag kun la de ltar rtogs/ /A re A ho nyon cig bu tshur nyon/ /sems ni rengs shing snang ba thob pa dang/ gnas pa dang ni 'gag dang 'bar ba dang/ /bde ba'i phyir na sum cu rtsa drug go /me ni brtan bar ma gyur par/ /nad rnam pa mang po yis/ /btsan thabs sgrub pas de de thob/ /bla ma'i man ngag bstan pa'o/ /sna tshogs cho ga tha dad dang/ /sna tshogs bsam gtan de dag kyang/ /chu shing ji bzhin snying po med/ /don dam gcig pu gnyis su med/ /lus ngag sems ni 'gags pa na/ /rdo rje'i lus su de 'gyur ro/ /rdo rje'i lus kyi gnas thob nas/ /don chen dam pa'i sa sgrub bo/ /gcig shos khams gsum 'gags pa ste/ /rim pas byed pa sgyu ma gsog /de nyid gsum gyi sgrib pa rnams/ /spangs pa'i bden don bcu gnyis so/ /lhan skyes skad cig gcig pa ste/ /ye shes lnga dang stong pa nyid/ /srid gsum gzugs brnyan 'chang bas na/ /byang chub dang ni byang chub gzhi/ /ma skyes gzugs dang gzhom med dang/ /rig dang nyams bag dga' ba'i gnas/ /de rnams rnam pa kun mchog ldan/ /phan tshun rgyas btab rgyal po'o/ /'gro 'di sgyu a'i dra bas bcings som nyi'i rgya mtshor nub par gyur/ /'gyur bral bde dang rdo rje yis/ /gzugs brnyan rtse gcig sems kyis bsgoms/ /rgyu dang mi rgyu mun pa dang/ /me yis za zhing skyed par byed/ /'di dag gzhan du gyur na ni/ /gshin rje'i 'jig rten las rgyal lo/ /de ltar shes nas 'bad pas bu/ /rdo rje'i sa la gnas par gyis/ /'dis ni bdud kyi g.yul la rgyal/ /pha rol las rgyal rgyal ba rgyal/ /zhes pa rnal 'byor gyis glu /slob dpon chen po bde ba chen po'i rdo rje'i zhabs kyi'o/ /rgya gar gyi paN+Di ta gang ba'i rdo rje'i zhal snga nas la 'grel ba dang bcas pa mnyan nas/ g.yar khral du bsgyur ba po ni tA ra nA tha'o// (//bcom ldan 'das rdo rje sems dpa' i sgrub thabs rang byin rlab pa'i man ngag gi rim pa zhes bya ba bzhugs so/ /) /rgya gar skad du/ b+ha ga bAn badzra satwa sA d+ha na swA b+hiSh+Tha no ba de sha kra ma nA ma/ bod skad du/ bcom ldan 'das rdo rje sems dpa' i sgrub thabs rang byin rlab pa'i man ngag gi rim pa zhes bya ba/

CLOSE WINDOW