བོད་ཡིག

e-texts based on the ACIP/ALL Input

/ //'gyur rnying kho na ste rgya dpe rnyed na zhus dag dgos pa yod do// / */ /rgya gar skad du/ sh+ri tsakra saM b+ha ra a dwa ya bI ra sA d+ha na/ bod skad du/ dpal 'khor lo sdom pa gnyis su med pa dpa' bo'i sgrub thabs/ bcom ldan 'das dpal rdo rje sems dpa' la phyag 'tshal lo/ /nang? par sad pa dang mal nas langs te/ gdod bkru ba la sogs pa byas nas/ bsam gtan gyi khang bar ji ltar bde bar 'dug ste/ rang gi snying gar nam mkha' dri ma med pa la/ a las byung ba'i zla ba'i dkyil 'khor rgyas pa dkar po arnam par bsams la/ de'i steng du tha mal pa'i phung po lnga spyod bar byed pa'i cha lnga la/ ye shes lnga'i rang bzhin yi ge hUM kha dog nag po 'od zer lnga rnam par 'phro ba bsams la/ de'i 'od zer rnam par 'phros pas rang gi lus kyi spyi bo nas rkang pa'i bar du yongs su dag pa bsams nas/ lus dang ngag dang yid las byung ba'i thog ma med ba'i dri ma rnam par dag pas/ shel sgong? dag pa bzhin du rang gi lus dri ma med par bsam la/ ba spu'i bu ga nas byung? ba'i 'od zer rnams kyis 'og nas 'chad pa'i sku mdog dang phyag mtshan dang ldan pa'i bcom ldan 'das dang/ slob dpon mdun gyi nam mkha' la bsam ste/ yid kyis me tog la sogs pas yang dag bar mchod de/ skad cig ma de nyid la bcom ldan 'das de rang gi lus la zhugs par bsam par bya'o/ /de nas yang bcom ldan 'das sku mdog nag po zhal bzhi pa/ phyag bcu gnyis pa spyan gsum pa/ g.yas brkyang pas gnas pa/ 'jigs byed chen po dang dus mtshan mo zhabs kyis mnan pas bzhugs pa/ rdo rje phag mo la 'khyud pa/ bdag nyid gdug pa thams cad nges par 'dul bar bsam par bya ste/ zhal dang po rnam par 'gyur zhing/ mche ba gtsigs pa dang bcas pa'i pas 'jigs su rung ba/ g.yas ser po/ rgyab dmar po/ g.yon ljang khu/ sku thod pa'i 'phreng ba can/ ral pa'i cod pan 'chang ba/ zla ba byed pa 'chang ba/ sna tshogs rdo rjes spyi bo mtshan pa/ mi bskyod pa'i cod pan can/ g.yas dang g.yon gyi dang pos 'khyud pa'i phyag rgyas rdo rje dang dril bu bsnams pa/ g.yas kyi gsum pa na DA ma ru/ bzhi pa na dgra sta/ lnga pa na gri gug /drug pa na rtse gsum 'phyar ba/ g.yas dang g.yon gyi 'og ma gnyis kyis glang po che'i bgas pa 'dzin pa/ g.yon gyi gsum pa na kha TwAM ga /bzhi pa na thod pa/ lnga pa na zhags pa/ drug pa na tshangs pa'i mgo bo bsnams pa 'khor lo dang/ rna rgyan dang/ mgul rgyan dang/ phyag gdub dang/ ske rags dang/ mchod phyir thogs dang/ thal ba ste phyag rgya drug gis brgyan pa'o/ /bcom ldan 'das ma ni skul dog dam dang/ zhal gcig ma/ phyag gnyis ma/ spyan gsum ma/ zhabs gnyis ma/ phyag g.yon pas 'khyud pa/ thod pa gdug pa'i khrag gis khengs pa bsnams pa/ g.yas pa na gcod par byed pa'i gri gug bsnams pa/ gcer bu bum du ske rags can/ byin pa g.yas kyis bcom ldan 'das dpal he ru ka la 'khyud pa/ phyag rgya lngas brgyan pa'o/ /bcom ldan 'das mi mgo rlon pa'i 'phreng ba 'chang ba/ sgeg pa la sogs pa'i nyams nang ldan pa/ rang gi gsang sngags 'don pas mgur yongs su gang ba/ pad+ma 'dab ma brgyad kyi dbus na gnas pa'i dpal he ru ka'i skur bdag nyid bsams la/ rang gi snying ga'i zla ba la gnas pa'i 'khor lo rtsibs drug pa la/ rang gi gsang sngags 'di 'od zer gyi rnam par bsam la bzlas brjod bya'o/ de la gsang sngags 'di yin no/ /aoM h+rI ha ha hUM hUM phaT/ 'di shel lta bu'i yi ge 'phreng ba gnas zhugs te/ lha mo'i lte ba nas bcom ldan 'das kyi lte bar zhugs te thugs kar thim par gyur pa'i man ngag gis ji srid 'dod pa de srid kyi bar du bzlas brjod bya'o/ /de'i 'og tu ga cha gnyis kyis lus bcings pas/ mi phyed ba dang mi g.yo bar 'gyur ro/ /de la go cha gnyis ni 'di yin te/ snying gar aoM ha dkar po/ mgo bor nA ma ti ser po/ spyi gtsug tu swAhA hUM dmar po/ phrag pa gnyis su bau Sha Ta he nag po/ mig gnyis su hUM hUM ho dmar ser/ yan lag thams cad la phaT hi ljang khu ste/ 'di ni bcom ldan 'das kyi ga cha'o/ /lte bar aoM baM dmar mo/ /snying gar haM yi nag mo/ khar h+reM mo dkar mo/ mgo la h+reM h+ri ser mo/ spyi gtsug tu hUM hUM ljang khu/ yan lag thams cad la phaT phaT nag dmar te/ 'di ni yum gyi go cha'o/ /de ltar go bgos bar gyur nas langs te gtor ma bya'o/ /aoM a ral+li? to thama ma sarba sid+d+hi mme pra yats+tshan+tu/ ya tha baM/ ya thai Sh+TaM/ g+hu g+ha? thA/ po pa thA/ dzwa ? thA/ ma ti kra ma thA/ ma ma sarba ??/ sa? nga khaM/ bi kri d+hu? ye/ pa ta yi ka /b+ha wan+tu hUM hUM phaT swAhA/ 'di yis gtor ma byas la/ dpal he ru ka'i sku ci dga' ba dang/ ngag gi bzlas pa la dga' bas/ 'jigs pa med par gnas par bya'o/ /dpal bde mchog 'khor lo dpa' bo gnyis su med pa'i sgom thabs/ dngos grub brnyes pa slob dpon rin chen rdo rjes mdzad pa rdzogs so/ // rgya gar gyi mkhan po rab 'byor zhi ba dang/ bod kyi lo tsa pa ting 'dzin bzang pos bsgyur cing zhus te gtan la phab pa'o/ /'gyur rnying kho na'o// (//mdor bsdus pa'i he ru ka'i sgrub thabs bzhugs so/) rgya gar skad du/

CLOSE WINDOW