བོད་ཡིག

e-texts based on the ACIP/ALL Input

zhus dag cung zad byas shing tshig zur cung zad sgyur 'dug pa rnams rgya dpe ltar bcos pa'o// // */ (/khro mo'i dbang phyug rnam par rgyal ma'i sgrub thabs bzhugs so//) /rgya gar skad du/ bi dza ya kro d+he shwa rI sA d+ha ni/ bod skad du/ khro mo'i dbang phyug rnam par rgyal ma'i sgrub thabs/ sangs rgyas la phyag 'tshal lo/ /sgrub pa po gdong byang du phyogs pas khrus bya zhing bdag dang gnas dang rnal 'byor srung ba sngon du 'gro bas/ ba lang gi lci ba'i maN+Dal byas nas/ me tog dgram par bya'o/ /aoM a pa ra dzi tA ya na malho ru'o/ /aoM a mri ta b+ha ya na mayang dbus su/ aoM Arya a pa ra dzi te na madag gis mchod yon la sogs pa thams cad kyis mchod pa bya'o/ /de nas sdig pa bshags pa dang/ skyabs su 'gro ba dang/ sems bskyed pa dang/ smon lam gdab pa rnams byas te aoM muchos thams cad rang bzhin gyis rnam par dag pa'i 'od gsal bsgom par bya ste/ rang bzhin rnam par dag pa'i sngags kyis byin gyis rlab par bya'o/ /phyi nas aM yig las skyes pa'i/ /gdul dka' ma lus 'joms mdzad pa/ /bdud kyi dkyil 'khor pham byed ma/ /gzhan gyis mi thub mkhas pas bsgom/ /dzam+bu na da'i 'od dang mnyam/ /g.yas kyi thal lcag brdeg pa ni/ /sa gsum po yang 'jig par byed/ /cig shos zhags pa'i phyag gis ni/ /nye bar 'tshe ba rab tu 'chid/ /g.yas brkyang stabs kyis gnas pa 'am/ /yang na g.yon brkyang tshul du bsgom/ /log 'dren mnyam par gnon pa mo/ /tshangs sogs lha yis yang dag mchod/ /'bar ba'i sprin gyi 'phreng ba 'phro/ /'od chen thog thog rdo rje yi/ /mi bzad ser ba 'bebs shing spro/ /rgyan rnams kun dang yang dag ldan/ /dbu rgyan rnam par snang mdzad bzhugs/ /rab tu gtsigs shing mi sdug pa/ /rgya mtsho bzhi yis btung pa'o/ /na mo mA ra/ se na pra b+hany+dza ni b+hany+dza sha ma sha ma/ sarba kle sha ma ra Ni me/ d+hu na d+hu na/ /hu lu hu lu/ tsa la tsa la swAhA/ 'phreng ba'i sngags so/ /aoM Apo'i rnam pa can gyi 'khor lo la gnas pa'o/ /srog dang rtsol ba yongs su bsdams nas/ 'khor lo g.yon du 'khor ba la dmigs pa ni/ rang bzhin gyi bzlas pa'o/ /spyi bor 'dam skyes dkar po 'dab ma brgyad pa la hUM dkar po'o/ /mdzod pur ni swAsti ka'i gzugs dkar po las/ bdud rtsi rab tu 'bab pa spyi bor 'dzag pa'o/ /de las 'o ma'i rgyun ltar lhud ba/ lce'u chung las babs pas/ lus tshims par bsgom mo/ /aoM arya a pa ra dzi te dza ya pi dza ya/ a dzi te a pa ra dzi ta/ ai da ba ling grih+Na grih+Na ma ma big+h+na na ha ra ha ra/ tsa turmA ra na/ ni wa rA ya ni wa rA ya/ trA sa ya trA sa ya/ tshe da tshe da/ b+he da b+he da/ hUM hUM phaT ces pa ni gtor ma'i sngags so/ /aoM Apar gnas pa ni/ bla ma dam pa'i rim pa'o/ /'khor lo rtsibs bcu pa bris la/ na yig la sogs pa bcu dang/ sa yig la sogs pa brgyad ni ming yongs su spel zhing/ swAhA dang sbyar ba 'khor yug dang lte ba la bri bar bya'o/ /rtsibs rnams la nyas 'gyur gyi sngags rnams kha sbyor phye ste bri bar bya ba las/ so sor yang sgrub bya'i ming dang spel bar bya'o/ /yang phyi rol du rgya tsho'i lha mo bzhi po rnams kyi ming spel te bris nas/ rdo rje'i ra ba'i nang du chud par bya ba ni/ bskul tshig gi sngags kyis bskor ba'o/ /'khor lo 'di ni las thams cad byed pa ste/ bzhi po de dag ni sngon po dang/ ser po dang/ dmar po dang/ ljang khu'i gzugs te/ dbyug pa dang thod pa thogs pa'i bsam gtan bsgom par bya'o// khro mo'i dbang phyug ma gzhan gyi mi thub pa'i sgrub thabs rdzogs so/ (//gsar 'gyur yin no//) //rgya gar skad du/ sh+ri tsakra sam+ba ra sa ha dza sA d+ha na/ bod skad du/ dpal 'khor lo sdom pa lhan cig skyes pa'i sgrub thabs/

CLOSE WINDOW