བོད་ཡིག

e-texts based on the ACIP/ALL Input

/ //'gyur rnying la 'bru zhus byas pa'o// //rdo rje 'jigs byed chen po'i sgrub thabs bzhugs so// /rgya gar skad du/ mahA badzra b+hai ra wa sA d+ha na/ bod skad du/ rdo rje 'jigs byed chen po'i sgrub thabs rdo rje 'jigs byed chen po la phyag 'tshal lo/ /b+ha ga'i dbus su yaM las rlung gi dkyil 'khor du ba'i rnam par bsam par bya'o/ /de'i steng du zla ba'i dbus su d+hInyi ma'i dkyil 'khor bsam ste/ de nas nyi ma'i dkyil 'khor las 'od zer byung ste cho ga bzhin du mchod pa byas nas/ de'i steng du hUM 'od zer lnga dang ldan par bsam nas/ de yongs su gyur pa las rdo rje 'jigs byed zhal dgu pa/ ma he'i gzugs dang/ zhabs bcu drug pa/ phyag sum cu rtsa bzhi pa/ gcer bu sku mdog nag cing/ gzi brjid chen po thod pa mchog gis brgyan par mdzad cing/ 'jigs pa chen po steng gi ling+ga dang/ g.yon byang pas gnas shing/ gsus pa che ba dang sku che zhing/ skra steng du 'bar bas 'jigs pa'i rnam pa dang/ thod pa'i 'phreng ba'i rgyan gyis brgyan pa 'jigs pa chen po'i dus lta bur sgrogs pa dang/ skyes pa'i khrag dang/ tshil dang/ sha dang/ lto tshil dang/ rkang za ba dang/ tshangs pa dang bcas pa dang/ dbang po dang/ nye dbang dang/ drag po la sogs pa'i 'jig rten gsum za ba dang/ sgra cher bzhad cing lce nar ba dang/ 'jigs pa'ang 'jigs par mdzad pa bsam par bya'o/ /dang po ni ma he'i gdang ngo/ /g.yas pa'i rwa'i zhal gsum ni/ sngon po dang/ dmar po dang/ ser po ste/ khro gnyer dang zhal gtsigs pa'o/ /g.yon pa ni/ dkar po dang/ du ba dang/ nag po'o/ /de dag gi dbus su zhal shin tu dmar zhing khrag 'dzag pa'o/ /de'i steng du 'jam pa'i gzugs shin tu ser zhing/ cung zad khro ba/ byis pa'i rgyan dang/ gtsug phud lnga'i mchog dang/ gzhon nu ste de ltar brtan bar byas nas/ shin tu mnyam par bzhag pa'i sngags pas bsgom par bya'o/ /de nas phyag g.yas pa'i dang po na gri gug go /gnyis pa na ni bi d+hi pA la'o/ /gsum pa na gtun shing ngo/ /bzhi pa na chu gri'o/ /lnga pa na ni ka nA ya'o/ /drug pa na ni sta re'o/ /bdun pa la ni mdung ngo/ /brgyad pa la ni mda'o/ /dgu pa la ni lcags kyu'o/ /bcu pa la ni dbyig to'o/ /bcu gcig pa la ni kha TwAM ga'o/ /bcu gnyis pa la ni 'khor lo'o/ /bcu gsum pa la ni rdo rje'o/ /bcu bzhi pa la ni rdo rje tho ba'o/ /bco lnga pa la ni ral gri'o/ /bcu drug pa la ni cang te'u'o/ /phyag g.yon ba'i dang po na ni thod pa'o/ /gnyis ba na ni mgo bo'o/ /gsum pa ni phug go /bzhi pa ni rkang pa'o/ /lnga pa na ni zhags pa'o/ /drug pa la ni gzhu'o/ /bdun pa la ni rgyu ma'o/ /brgyad pa la ni dril bu'o/ /dgu pa la ni lag pa'o/ /bcu pa la ni dur khrod kyi ras so/ /bcu gcig pa la ni gsal shing gis phug pa'i skyes bu'o/ /bcu gnyis pa la ni me'i ? khrung ngo/ /bcu gsum pa la ni thod pa'i kha phor/ bcu bzhi pa la ni sdigs 'dzub bo/ /bco lnga pa la ni ba dan gsum pa'o/ /bcu drug pa la ni rlung gi ras so/ /gnyis kyis ni glang po pags pa 'dzin pa'o/ /zhabs g.yas pa'i 'og tu ni mi dang/ ma he dang/ glang dang/ bong bu dang/ rnga mo dang/ khyi dang/ lug dang/ lce spyang ngo/ /zhabs g.yon pa'i 'og tu ni bya rgod dang/ 'ug pa dang/ tha dang/ ne tso dang/ khra dang/ man tri dang/ bya rgod chen po dang/ bya long ngo/ /de ltar gyur pa'i rdo rje 'jigs byed bsam gtan nam 'brir gzhug bar bya'o/ /de'i 'og tu dur khrod chen po srin po dang/ zhing skyong dang/ ro langs dang ldan pa dang/ gsal shing gis phug pa'i skyes bu dang/ sreg pa'i skyes bu dang/ mdung gis phug pa dang/ /bA dang/ bya du ma dang/ khyi dang ldan pas ha tas kun tu khyab par byed pa de ltar cho ga rnal 'byor pas bsgom par bya'o/ /aoM h+rI: S h+TrIrdzogs so/ / //sgrub thabs kyi rgya dpe la 'dir sngags sam pu Ti'i rgyad tshig tu snang bas rgyud mgos 'gyur bzhin bris nas rgya dpe dang zhu dag tsam byas pa'o// // rgya gar skad du/

CLOSE WINDOW