བོད་ཡིག

e-texts based on the ACIP/ALL Input

(/zhi bar byed pa sna tshogs yum gyi sgrub thabs bzhugs so//) /rgya gar skad du/ shAn ta krita pi shA mA ta sA d+ha naM/ bod skad du/ zhi bar byed pa sna tshogs yum gyi sgrub thabs/ rdo rje sems dpa' la phyag 'tshal lo/ /phra rab rdul gyis chos nyid 'das/ /phra phab pa yi rang bzhin can/ /rnam? pa kun gyi mchog ldan ma/ /phyag rgya chen mo de la 'dud/ /'dir snying gar gnas pa'i pad+ma dkar po dang zla ba la/ /pa sde'i gnyis pa chu'i khams te pha yig dang/ 'og tu me'i khams ra yig dang/ steng du rlung gi khams e yig dang/ rjes su ro? thams cad la khyab pa nyid kyi phyir/ de rnams gcig pa nyid ni phreM phreM mo/ /de las dri med ri bong can gyi 'od dang mtshungs pa'i/ /bcom ldan 'das ma sna tshogs yum ji skad bshad pa ltar bsgom par bya ste/ de'i thugs kar yang zla ba la phreM phreM yig bsam par bya'o/ /de yang zhal bzhi pa phyag brgyad ma/ ji skad bshad pa lta bu 'am/ phyag gnyis na gri? gug dang thod pa 'dzin par yang bsgom mo/ /yang na ji skad bshad pa'i zhi ba'i lha mo nyid de/ las dang rjes su mthun par sgrub pa'i phyir/ thams cad kyang mi 'gal ba kho na'o/ de'i phyir bla ma dam pa la man ngag ji lta ba bzhin nos te bsgom par bya'o/ /aoM phreM phreM bi shwa mA ta badzra kaN+Da kA na nA sha ya nA sha ya/ ma mA shAn taM ku ru ku ru swAhA/ ces pa ni bdag nyid kyi don du sngags so/ /sran chung la sogs pa lan bdun du mngon par bsngags pa/ ji lta ba de bzhin nyid du de nyid kyi srung ba ste/ spyi gtsug dang/ mgo bo dang/ mgrin pa dang/ snying ga dang/ lte ba dang/ gsang ba ste gnas drug po 'di rnams su/ thun gsum du bsrung ba bya'o/ /gzhan srung ba'i don du/ lha sbyin la/ shAn+tiM ku ru ku ru swAhA/ zhes pa ni nges pa'o/ /sdig pa'i nad zhi bar byed pa'i sran chung dag dang btags te 'thung ba dang/ ru trAk+Sha dang btags te 'thung ba dang/ rims nad kyis mthar gyur pa'i thod pa brdar? ba mi skyod pa dang bsres nas/ sngags kyis mngon par bsngags te byin pa nyid kyis zhi zhing bde ba ster bar byed do/ /sangs rgyas kun gyis bskyed mdzad ma/ /skye ba dang ni 'jig spang pa/ /kun tu bzang po'i spyod pa can/ /sna tshogs yum de la phyag 'tshal/ /sna tshogs yum gyi sgrub thabs rdzogs so/ / //gsar 'gyur yin no// //rgya gar skad du/ Arya tsunda sA d+ha na/ bod skad du/ 'phags ma skul byed ma'i sgrub thabs/ lha mo bskul byed mal phyag 'tshal lo/ /sngon du bshad ba'i cho gas stong pa nyid bsam par bya ste/

CLOSE WINDOW