བོད་ཡིག

e-texts based on the ACIP/ALL Input

btsun pa mkhyen brtse'i dbang phyug gis bsgyur ba'o// (//sgrub thabs rgya mtsho'i kha? skong gi ?? bzhugs so/) /rgya gar skad du/ ? ma ra b+hu ha rA dza sha ta a k+Sha ra sA d+ha naM/ bod skad du/ rje btsun mkhyen rtse nye bar gnas pa/ rje dpon rin po ches so/ dam tshig gsum bkod pa'i rgyal po yi ge brgya pa'i sgrub thabs/ dus gsum gyi de bzhin gshegs pa thams cad la phyag 'tshal lo/ /gang 'dir ngan 'gro'i rgyun gcod cing/ /mngon mtho dngos grub kun 'byung ba nas/ /sngon bsags sdig pa dag bya'i phyir/ /bla mar gyur pa kun la 'dud/ /de la dang por rnal 'byor pa/ /byang chub tu ni sems bskyed cing/ /sems can kun la snying brtse ba/ /yid dang rjes mthun gnas su ni/ /'jam pa'i stan la legs 'dug nas/ /sems dpa' i skyil mo krung bcas te/ /khro bo 'dod pa'i rgyal po yi/ /sngags kyis bgegs rnams gzhom par bya/ /na maswAhA/ aoM b+hu ra b+hu wa swAhA/ rigs kyi snying po legs bzlas shing/ /gsar zhing ma grugs ku sha yi/ /dag byed sor ni bcu gnyis tshad/ /srin lag la ni gdags par bya/ /aoM Achu dang lci ba rnams/ /shar bltas mi smra tsog tsog bor/ /'dug ste sbyar la srang gsum tsam/ /ba la sha yi 'dab mas btung/ /aoM bAg bi shud+d+he swAhA/ de nas chu ngogs su phyin la/ lus thams cad dam/ yang na yan lag lnga bkrus te/ chu'i bgegs ? ba ni g.yas pa'i khyor pas chu bcus te/ g.yon pa'i sdigs 'dzub bsgrengs la/ aoM d+hu bi d+hu pi kA ya d+hu pi swAhA/ zhes bzlas bas lus la gtor bar bya'o/ /lus thams cad 'khru ba'i sngags ni/ /aoM pra kri ti ba ri shud+d+ha sarba ? ? pra kri ti pa ri shud+d+honya haM/ de nas lag pa g.yas pa'i khu tshur bcangs pa'i mthe bo bsgrengs shing 'dzub mo bkug bas snying ga dang/ lkog ma dang/ spyi gtsug dang/ dpung pa gnyis te gnas lngar gtug cing/ khro bo gtsang ma med pa'i sngags kyis bdag nyid bsrung ste/ aoM badzra kro d+ha hUM dza'og nas 'chang ba bzhin 'khor dang bcas pa mdun gyi nam mkha' la dmigs te/ aoM sarba ta thA ga ta ba da ban da naM ka ro mi zhes pas zhabs la phyag bya'o/ /aoM pra wa ra sad kA ra pra tIts+tsha swAhA/ zhes pas zhabs bsil 'bul ba dang/ ji ltar rnyed pa'i mchod pa lnga/ aoM badzra puShpe hUM/ aoM badzra gand+he hUM/ aoM badzra d+hu pe hUM/ aoM badzra nai we dya hUM/ aoM badzra A yo ke hUM/ zhes pas go rim ji lta ba bzhin du mchod pa dbul ba dang sdig pa bshags pa dang/ yi rang ba dang/ chos kyi 'khor lo bskor ba'i phyir bskul ba dang/ gsol ba gdab pa dang/ dge ba'i rtsa ba bsngo bas/ de ltar tshogs bsags pas/ brtan pa dang/ g.yo ba thams cad stong ba nyid du bltas nas/ de brtan par byed pa'i sngags brjod par bya'o/ /aoM swa b+hA wa shud+d+ha sarba d+harma swa b+hA wa shud+d+honyahaM/ de nas stong pa'i ngang las maM ljang gu las byung ba'i pad+ma 'dab ma brgyad pa/ lte ba dang ze'u 'bru maM gyis mtshan pa dang bcas pa bsams la/ de'i steng du a las zla ba'i dkyil 'khor/ de'i steng du traiM las byung ba'i bcom ldan 'das dam tshig gsum bkod pa'i rgyal po sku mdog gser bcom lta bu/ /mtshan sum cu rtsa gnyis dang dpe byad bzang po brgyad cus spras pa/ chos 'chad kyi phyag rgya can du bdag nyid bsgoms la/ de'i g.yas phyogs su byang chub sems dpa' rdo rje 'dzin ston ka'i 'dam bu ltar ser skya/ rgyan thams cad kyis brgyan ba/ phyag gnyis kyis rdo rje bzung nas snying khar thal mo sbyar ba'o/ /g.yon du byang chub sems ma rdo rje 'dzin chen mo/ /sku mdog ser po/ /g.yas na nor bu bzang po bsnams pa/ g.yon pas dung ngam rdo rje bzung ba/ rgyan thams cad kyis spras pa'o/ /g.yas kyi mdun rol du khye'u mdza' yas khro bo'i cha byad can/ sku mdog me tog pa la sha lta bu/ g.yas na zangs gri /g.yon na ka pA la me tog gi tshogs kyis bkang ba/ rgyan thams cad kyis brgyan pa/ sprul dkar po mchod phyir thogs pa 'chang ba'o/ /g.yon gyi mdun rol du bu mo mdza' yas zhi ba'i cha byad can/ sku mdog dur ba'i myu gu lta bu/ g.yas pa'i thal mos rang gi gtso bo la phyag 'tshal ba/ g.yon pas pad+ma yu ba dang bcas pa bsnams pa/ rgyan thams cad kyis brgyan par bsam par bya'o/ /de nas rang gi snying ga'i zla ba'i steng du sa bon gyi yi ge traiM las 'od zer kha dog lnga ba shin tu gsal ba spros pas/ bcom ldan 'das 'khor dang bcas pa mdun gyi nam mkha' la spyan drangs te/ mchod pa rnam pa lnga phul nas/ de'i spyan sngar 'khor ba thog ma med pa nas bsags pa'i sgrib pa'i tshogs dag bar bya ba'i phyir/ lha'i sku sgyu ma lta bu de nyid la dmigs te bzlas brjod bya'o/ /bzlas brjod byed tshe mi dal mi myur zhing/ /ha cang che min ha cang chung ba'ang min/ /smra bzhin ma yin gzhan du yengs bzhin min/ /gug skyed klad skor tshog drag nyams pas min/ /'phags pa yi ge brgya pa yi/ /rtog pa'i rgyal po'i cho gar bshad/ /sngags kyi mthu ni bsam mi khyab/ /mthu ni rnam pa du ma mthong/ /bzang spyod yid dam bcas pa yi/ /cho ga yis ni 'di bzlas na/ /thar ba'ang nges par bskyed byed na/ /'chi ba bslu ba smos ci dgos/ /aoM na ma strai ya d+hI kA naM/ sarba ta thA ga tA naM/ sarba tra a pra ti ha ta bA ba ti d+harma tA ba li naM/ aoM aM sa ma sa man+ta to nya nan ta basti shA sa ni ha ra ha ra/ sma ra sma ra ? bi ga ta rA ba/ bud+d+ha d+harma te/ sa ra sa ra/ sa ma ba lA/ ha sa ha sa/ tA ya tra ya/ ga ga na mahA ba ra la/ k+Sha ne dzwa la dzwa la na sA ga re swAhA/ bcom ldan 'das kyi'o/ /aoM baM badzra d+ha rA ye swAhA/ aoM maM mahA badzra d+ha rod b+ha wA swAhA/ aoM TaM Tak+ki ye swAhA/ aoM naM nandi kA ye swAhA/ 'khor rnams kyi sngags so/ /'di'i cho ga ni yar gyi ngo tshes brgyad rgyu skar bzang po dang ldan pa'i zhag nas brtsams te/ rang nyid khrus dang bsrung ba la sogs pa sngar smos pa bzhin byas la/ tsan dan dkar po'i chus nye bar byugs pa'i ? byas nas/ 'dod ba'i lha'i grangs dang mnyam pa'i me tog gi tshom bu legs par bkod nas/ dang por bsnyen pa brtsams par bya ste/ de'i 'og tu ni las la sbyar bar bya'o/ /rtog pa'i rgyal po la brten nas/ /bla ma'i man ngag ji bzhin du/ /go rim ji bzhin bris pa la/ /mkhas pa rnams kyis bzod pa'i rigs/ /sngon du bsnyen pa byas nas ni/ /sngags 'di yis ni las rnams kun/ /brtson ldan the tshom med pa yis/ /'grub 'gyur 'di la the tshom med/ /dam tshig gsum bkod pa'i rgyal po'i yi ge brgya pa'i sgrub pa'i thabs slob dpon chen po ke la d+ha ra nan dis mdzad pa rdzogs so/ / //rgya gar gyi mkhan po dI batka ra sh+ri dz+nyA na dang/ bod kyi lo tsa ba dge ba'i blo gros kyis bsgyur ba'o/ /'gyur rnying la rgya dpe dang bsdur? ba'i zhus dag can no/ / (//'jig rten mgon po zhal bcu gcig pa'i sgrub thabs bzhugs//) /rgya gar skad du/ e ka da sha bak+ta lo ka nA tha sA d+ha na/ bod skad du/ 'jig rten mgon po zhal bcu gcig pa'i sgrub thabs/ 'jig rten mgon po la phyag 'tshal lo/

CLOSE WINDOW