བོད་ཡིག

e-texts based on the ACIP/ALL Input

/rdzogs so// a'i thI // !/ /bla ma dam pa rnams la phyag 'tshal lo/ /ma d+hal 'di la don du yis bstan na/ /don rnam pa lngas bstan te/ dang po slob dpon gang gis mdzad pa dang gcig / rgyud gang nas btus shing phyogs gang du rtogs pa dang gnyis don ched su'i don du mdzad pa dang gsum/ /mtshan ci las btags pa dang bzhi/ /dbu zhabs su don du yis bstan pa dang lnga'o// ` //dang po slob dpon gang gis mdzad na/ slob dpon la gnyis/ /sngon 'byung du/ mgon po 'jam dpal gyis mdzad/ /rjes 'jug du rad na a ka ra shan tis mdzad do/ /de gang gis gang la bshad pa/ /mgon po 'jam dpal gyis/ sdud pa po phyag na rdo rje la bshad/ des sku'i dpa' mo mkha' 'gro ma brgyad la bshad/ des slob dpon bsod snyoms pa la bshad do/ /de'i lo rgyus ni/ slob dpon ?? zhabs la bu lnga yod pa la/ lnga kas mnyes? por gsang sngags spyad bas/ phu bo rnams kyis lo drug na dngos grub thob/ bsod snyoms pas lo bcu gnyis bsgrubs pas grub pa thob nas/ mkha' 'gro ma rdo rje 'gros bya ba la dris pas/ nga yi phu bo rnams kyis lo drug na dngos grub thob pa la/ nga yis lo bcu gnyis bsgrubs pas grub pas thob pa/ cis nyes byas pas/ mkha' 'gro ma na re/ khyod dge slong du 'dug pas/ rtog pa ches pas lan/ tshul 'chos che bas lan zer ro/ /da nga yis thu tshug bya zhus pas/ khyod grong khyer du rgyug la/ chang 'tshong ma la chad nyos la/ dur khrod du shog la tshogs kyi 'khor lo skor dang/ myur du dngos grub thob nas yong gis zer ro/ /der slob dpon gyis rigs ngan gyi grong khyer du byon nas/ chang 'tshong ma la chang nyos nas/ khong rang gis dang gsol/ dur khrod du yang khyer nas byon gyin yod pas/ chu bo g+ha g+ha'i 'gram na/ bram ze'i khye'u gnyis rtsed yo byed kyin 'dug pas/ slob dpon la chang dri bsnam pa khye'u gnyis pos tshor nas/ bram ze'i khye'u gnyis po na re/ dge slong zog po gcig 'dug zer ro/ /slob dpon zhe sdang skyes nas/ zhabs brdabs pas/ bram ze'i khyi'u gnyis po bros nas song ngo/ /de nas slob dpon gyis dur khrod du byon nas/ mkha' 'gro rnams la/ tshogs kyi 'khor lo bskor bas dang dngos grub ma thob nas/ yang mkha' 'gro ma rnams la dris pas/ tshogs kyi 'khor lo bskor na dngos grub thob gsung ba/ da dung dngos grub ma thob pa cis nyes byas pas/ mkha' 'gro mas smras pa/ dang po rigs ngan gyi chang 'tshong ma la chang nyos nas/ tshogs kyi 'khor lo'i gong du khyod rang gis changs 'thungs nas 'dug /de nas phud khyer nas chu bo g+ha g+ha'i 'gram nas yar 'od tsam na/ bram ze'i khye'u gnyis rtsed mo rtse yin 'dug pas/ khyod la chang dri bsnam pa/ kho pas tshor nas/ dge slong zog po zer bas/ khyod zhe sdang skyes nas rkang ba sa la brdabs pas/ khye'u gnyis bros nas song ngo/ /dngos grub ma thob pa des nyes gsung ngo/ /slob dpon gyis da thu tshug bya zhus pas/ da? khyod kyis mgon po 'jam dpal gyi zhabs kyi rdul la reg pa/ dpal phyag na rdo rje/ de'i zhabs kyi rdul la reg pa sku'i dpa' mo brgyad bya ba/ dbu rgyan tsha d+hol bya ba'i dur khrod mkha' 'gro ma'i gling na yod kyis/ de la ma d+hal zhus la/ nyin lan gsum/ mtshan lan gsum phul cig gsungs nas lung bstan nas/ de nas slob dpon gyis de tshug mdzad pas dngos grub myur du thob bo/ /de lo rgyus so/ /lo rgyus de la dgos pa gsum/ nges shes skye ba/ byin rlabs 'jug pa/ the tshom mi za ba'o/ / ` //rgyud gang nas btus na/ 'jam dpal le'u lnga bcu pha rgyud pa dang/ bde mchog gi rgyud ma rgyud 'khor lo sdom pa las btus so/ /phyogs rnal 'byor gyi rgyud ba ma gnyis ka'i rgyud du rtogs so/ /don ched du phyi rabs rnal 'byor rnams kyi don ched du mdzad/ sgos slob dpon bsod snyoms pa'i don ched du mdzad do/ /mtshan ci la btags na/ don las mtshan du btags te ma d+hal zhes bya/ ma shes rab la/ d+hal ba snyoms pa la zer ro/ /dbu zhabs su don du yis bstan na/ don gsum gyis bstan te/ glang dang/ gzhung dang/ mjug gi don no/ ` /glad? kyi don la/ mtshams sbyor bstan par bya ste// // !/ /rgya gar skad du/ ma d+hal bi ti nA ma/ bod skad du/ ma d+ha la gyi cho ga zhes bya ba/

CLOSE WINDOW