བོད་ཡིག

e-texts based on the ACIP/ALL Input

/ // !/ /dpal rdo rje rnal 'byor ma la phyag 'tshal lo/ /rlung dben pa'i ngos bzung ba la/ gsang rlung sems la rengs pa'i skyon la/ dang po rgyu ni sdug bsngal sngon du song ba las 'byung ngo/ de'i rtags ni sems yul sna tshogs la 'phro ba'o/ /skyon sel ba'i thabs ni bzhi las/ dang po lus gnad ni phyi rdo rje bzlas pa'i 'khrul 'khor ro/ /gnyis pa dmigs pa ni srog rtsa'i nang du sku gsung thugs kyi yi ge sgom par bya'o/ /gsum pa rdzas ni mar zhun lus la byug pa dang btun bar bya'o/ /bzhi pa byin brlabs ni bla ma la yid ches shing rang nyid ting nge 'dzin gyi stobs bskyed par bya'o// //nang rlung rtsa la rengs pa'i skyon la/ dang po rgyu ni drag por smra ba dang brgad nyes pa las 'byung ngo/ /de'i rtags ni aigs bu dang gal 'byung ngo/ /skyon de sel ba ni bzhi las/ dang po lus gnad ni ro snyoms kyi 'khrul 'khor ro/ /gnyis pa dmigs brtsa a ba d+hu ti'i ar sna bde chen dang mar sna gsang gnas su thig le dkar zhing dangs pa sran ma'i ga'u tsam re re bsam mo/ /dri chu rgyu ba'i rtsa'i yar snar ha dang mar sna hA dang/ byang sems dkar po rgyu ba'i rtsa'i yar sna la hi dang mir sna la hI dang/ dri chen rgyu ba'i rtsa'i yar sna la hu dang mar snal hU dang/ byang sems dmar po rgyu ba'i yar sna he mar sna hE dang/ dri chu dang byang sems dkar po'i bar na/ rgyu ba khyad bar can gyi rtsa'i yar sna ho dang mar sna hO dang/ dri chen dang dri chu'i par na gnas pa khyad par can gyi rtsa'i yar sna hE dang mar sna hE dang/ byang sems dkar dmar gyi bar na byed ba khyad par can gyi rtsa'i yar sna h+re dang mar sna h+re'i dang/ dri chen dang byang sems dmar po'i bar na 'jug pa khyad par can gyi rtsa'i yar sna haM dang mar sna hUM dang/ gsum pa rdzas ni lug thong ba'i sha 'am gro cha'i sha mar khu'i nang du btsos la de'i khu ba gtang bar bya'o/ /byin brlabs 'dra'o/ /phyi rlung lus la rengs pa'i dang po rgyu ni rlung gcun dus gcig tu btad pa las 'byung ba'o/ /de'i rtags ni sha skya rbab sob la che ba'o/ /skyon sel ba'i thabs ni bzhi las/ lus gnad ni dngos gzhi bzhi pa'o/ /dmigs pa ni snying kha chos kyi 'khor lo'i lte ba la hUM 'thing nag gcig bsams la/ de las 'od 'phros pas nad dang chu ser thams cad tshig par bsam mo/ /rdzas ni dri chu bar pa gcong zhi phye ma dang/ /dad yud pa phye ma bsras la lus la byug par bya'o/ /byin brlabs sngar dang 'dra'o/ /snang ba me ru shar ba'i skyon la/ rang po rgyu ni rlung cus pas mar gyi tshigs pa lnga'i nang na/ rtsa phran spar kha phye ba lta bu'i nang du rlung tshud pa'o/ /skyon sel ba'i thabs bzhi las/ dang po lus gnad sdom pa dang sa'i 'khrul 'khor lo/ /dmigs pa ni bde chen gyi 'khor lo lte ba na/ byang chub kyi sems dkar zhing dangs pa sran ma tsam gcig bsams la/ de la 'od zer 'phros pas lus spyi khyab pas rlung dang tshad pa'i nad thams cad 'joms par bsam mo/ /rdzas ni nang par sngar chu grang gtsang ma phul gang btung bar bya'o/ /byin brlabs sngar dang 'dra'o/ /snang ba chur shar ba'i skyon ni/ rlung gnun pas grang rlung po bar zhen pa'o/ /skyon sel ba'i thabs bzhi la/ dang po lus gnad ni dngos gzhi bzhi pa'o/ /dmigs pa gsang gnas su ram dmar po gcig bsams la de las 'od zer 'phros pas? rlung dang grang ba'i nad thams cad 'jom par bsam mo/ /rdzas ni lug thong ba'i sha dang mchil pa'i sha dang ka ra 'o ma dang bsres ba btung par bya'o/ /byin brlab sngar dang 'dra'o/ /sa g.yo ba'i skyon la/ dang po rgyu ni ltogs nyal byas pa 'am rlung gcun dus su/ srog pa rtsa dang gshibs nas yod pa'i rtsa bdun yod pa las gnyis la rlung tshur cing lnga la ma tshud pa'o/ /skyon sel thabs bzhi las/ dang po lus gnad ni dngos gzhi lnga pa'o/ /dmigs pa ni sgal tshigs kyi rtsa bdun gyi nang thams cad byang chub kyi sems kyis dkar mor gyis gang bar bsam mo/ /rdzas ni mi zhun sbug gus btung par bya'o/ /byin brlabs gong dang 'thun no/ / lha'i sna ba'i skyon la/ dang po rgyu ni mas kyi brtsis pa'i tshigs pa bdun pa'i nang na rtsa dgu yod pa'i/ gsum la rlung zhugs zhing langs pa las 'byung ngo/ /skyon sel bzhi las/ dang po lus gnad ni 'phyang mo nyug pa'o/ /dmigs pa ni chos kyi 'khor lo'i lte ba ni/ hUM mthing nag gcig bsams la de las 'od zer 'phras pas/ phyi nang gi chos thams cad nam mkha' i mdog tu gyur pa bsgom mo/ /rdzas ni rgod pa man chad la mar nag gis byug par bya'o/ /byin brlabs sngar dang 'dra'o/ / snang ba dgrar shar ba'i skyon la/ dang po rgyu ni sgal tshigs par pa rnams la rtsa lnga yod pa las gsum stongs pa dang/ don snying la 'phros pa dang/ /'jigs pa sngon du song ba las 'byung ngo/ /skyon sel ba'i thabs bzhi las/ dang po lus gnad ni rdo rje bzlas ba gnyis pa'o/ /dmigs pa ni don snying lnga'i nang du hUM re re bsams la/ de las 'od zer 'phros par bsam mo/ /rdzas ni sgal tshigs la zhun byug ba dang/ phyi dro zhun 'thung ba dang/ snga mor chu gtsang grang mo btung bar bya'o/ /byin brlab sngar bzhin no/ /ma mnyan pa'i chos kha nas 'ong ba la/ dang po rgyu ni gsum ste rtogs pa khyad par can rgyud la skyes pas chos mi brjed par 'ong ba'o/ /pe dkar la sogs pas byin gyis brlabs pas chos 'ong pa ni res 'od res mi 'ong ba'o/ /rlung skyon gyis 'od ba ni mas kyi sgal tshigs gsum pa'i nang na rtsa dgu yod pa las/ rtsa gsum zhang ba las chos rgyun du mi 'ong ba'o/ /skyon sel ba'i thabs bzhi las/ dang po lus gnad ni zhabs ni pad+ma'i skyil krung bcas la/ /lag gnyis rgyab tu bsnol ba'i lag dang gnyis kyis mdun du dbul bar bya'o/ /dmigs pa ni bde ba chen po'i 'khor lo'i lte ba ru haM dkar po mgo thur du blta ba la dmigs pa gtad pas/ /byang chub kyi sems kyis dkar phril gyis gang par bab pas don snying lnga gang bar bsam mo/ /rdzas ni nad par snga mor dkar mo 'am ba dmar mo'i 'o ma'i nang du ka ra btab la btung bar bya'o/ /byin brlabs sngar dang 'dra'o/ /g.yang la 'chong ba'i skyon la dang po rgyu ni srog ba rtsa'i phyed la rlung zhugs phyed stongs pa las 'byung ngo/ /skyon sel ba'i thabs bzhi las/ dang po lus gnad dngos gzhi bco lnga pa'o/ /dmigs pa ni chos kyi 'khor lo'i lte bar baM dmar po las 'od zer dpag tu med pa 'phros pas rtsa rnams snyoms par bsam mo/ /rdzas ni lcags phor nang du thal ka rdo rje zhib par btags la dri chu bar ma dang bsres la btung bar bya'o/ /byin brlabs sngar bzhin no/ /du bI rlung skyon la/ dang po rgyu ni lte ba sbrul pa'i 'khor lo na rtsa 'dab drug cu rtsa bzhi yod pa las pho ba na yar la dbang po zug pa'i rtsa rtugs pa'o/ /skyon sel ba'i thabs bzhi las/ dang po lus gnad ni seng ge rnam grol gyi phyag rgya'o/ /dmigs pa ni yid la gang mdzes pa de bsgom par bya'o/ /rdzas ni byang sems dmar po dang dri chu bar pa bsres la btung bar bya'o/ /byin brlabs sngar dang 'dra'o/ /rgod pa'i rlung skyon la/ dang po rgyu ni snying kha chos kyi 'khor lo la rtsa brgyad yod pa las/ bdun kha bye zhing 'phros pa las 'byung ngo/ /skyon sel thabs bzhi las/ dang po lus gnad ni lag pa gnyis sa la btsugs la rkang pa'i 'theb bong bsgril la/ lus spyi nam mkha' la lding bar bya'o/ /dmigs pa bde ba chen po'i 'khor lo'i lte ba ru/ dpal 'khor lo sdom pa yab yum sku mdog dkar po snyoms par zhugs pa las/ byang chub sems kyi rgyun bab pas rtsa thams cad gang bar bsam mo/ /rdzas ni dri chu bar pa dang tig ta bsres la btung bar bya'o/ /byin brlabs sngar dang 'dra'o/ /kus 'debs pa'i rlung skyon la/ dang po rgyu ni rlung rnams srog shing gi rtsa la rengs pa'o/ /skyon de sel ba'i thabs bzhi las/ dang po lus gnad rtsa dgu 'ching ba'o/ /dmigs pa ni gsang gnas kyi 'khor lo na a dmar po bsam la de las 'od zer 'phros par bsam mo/ /rdzas ni sgal tshigs rnams la mar nag byug par bya'o/ /byin brlabs sngar dang mthun no/ /smyo ba'i rlung skyon la/ dang po rgyu ni sdug bsngal drag po sngon du song ba las 'byung ba dang/ snying kha na rtsa bdun cu rtsa gnyis yod pa las/ /bzhi bcu rtsa gnyis 'byar ba 'am/ sum cu langs pa las 'byung ngo/ /skyon sel ba'i thabs bzhi las/ /dang po lus gnad ni rdo rje'i skyil krung bcas la khu tshur gnyis skyil krung nang du bcug /skyil krung nam mkha' la 'degs par bya'o/ /dmigs pa ni chos kyi 'khor lo'i lte ba nas thig le dkar po sran ma'i ga'u tsam la 'od zer 'phros pas rtsa rnams snyoms par bsam mo/ /rdzas ni lus gnad bcas pa'i spyi bor chu grang gi rba lcag bsdeg go /byin brlabs sngar dang 'dra'o/ /skya ? kyi rlung skyon la/ dang po rgyu ni rlung sha mdangs bdu? zhugs pa'o/ /skyon de sel ba'i thabs la bzhi las/ dang po lus gnad dngos gzhi bzhi pa'o/ /dmigs pa ni chos kyi 'khor lo'i lte bar hUM mthing nag gcig bsams la de las 'od zer 'phros pas nad thams cad tshig par bsam mo// rdzas ni lcags phor nang du yung ba'i phye ma dang cong zhi phye ma dang dri chu bar pa bsres la lus spyi khyab par byug par bya'o/ /byin brlabs sngar bzhin no/ /rlung dar ba'i skyon la dang po rgyu ni 'jug pa gnas su ma thebs pa'o/ /rtags ni lus stobs/ che ba dang 'gro 'dug la hur che ba'o/ /skyon sel thabs lcur? zhi phye ma dang bzhi las/ lus gnad ni ro snyoms so/ /dmigs pa ni chos kyi 'khor lo'i lte bar a dkar po gcig bsams la/ des rtsa thams cad bsdus par bsam mo/ rdzas ni lug thob pa'i sha bsreg pa dang chang zhim po gtang bar bya'o/ /byin brlabs sngar dang 'dra'o/ /rlung dgung pa'i skyon la/ dang po sgyu ni srog shing gi rtsa dang snying kha'i rtsa 'dab ma brgyad las drug zhar bas rgyud sa ma rnyed pa'o/ /rtags lus shing nyams chung pa'o/ /skyon sel thabs bzhi las/ dang po lus gnad dngos gzhi bzhi pa'o/ /dmigs pa ni sprul pa'i 'khor lo ni dpal rdo rje rnal 'byor ma yab yum la/ mkha' 'gro ma drug cu rtsa bzhis bskor bar bsgom pa'o/ /rdzas ni nang par snga mor ba dmar mo 'am ra dkar mo'i 'o ma'i nang du ka ra btab la btung bar bya'o/ /yang sha rnying pa'i tshod ma dad zas kham tshad snyoms pa dang che chung snyoms par bza' o/ /byin brlab snga ma bzhin no/ /'phar ba'i rlung skyon la/ dang po rgyu ni mas kyi tshigs pa lnga pa na rtsa rkugs pa bdun gnas pa kha bye bas sgal tshigs bar du rlung zhugs pa'o/ /skyon de sel ba'i thabs bzhi las/ dang po lus gnad ni dngos gzhi bcu pa'i rjes gnyis pa'o/ /dmigs pa ni chos kyi 'khor lo'i lte ba nas hUM las 'od zer dpag tu med pa 'phros par bsgom mo/ /rdzas ni sgal tshigs rnams la mar nag byug pa dang/ dri chu bar pa'i nang du tig ta spangs la btung bar bya'o/ /byin brlabs ni sngar dang 'dra'o/ /rlung 'dom pa'i skyon la/ rgyu ni dang po sgom pa'i sngon du blo gsum drag por mthon pas/ srog shing gi rtsa 'gags pas stod smad kyi rlung so sor zhen pa'o/ /rtags ni stod smad kyi rlung gi stobs med pa'o/ /skyon de sel ba'i thabs la bzhi las/ dang po lus gnang ni gan rkyal du nyal nas rkang pa'i mthe bong gnyis mdud nas/ lag pa gnyis khu tshur bcangs la skad 'thon zhing lan bdun langs par bya'o/ /dmigs pa ni rtsa dgu po byang chub sems kyis gang bar bsam mo/ rdzas ni mar nag gis pho ba dang po stong byug par bya'o/ /byin brlabs sngar bzhin no/ /rlung log pa'i skyon la dang po rgyu ni zas bza' ma legs pa dang/ rlung log pa'i dus su brkang zhing mnan pa dang/ blo gsum ma bton pa dang/ dmigs pa gzhan du yengs pa las 'byung ngo/ /rlung log pa'i rtags ni smad rlung stod du mi 'drongs pa dang/ stod rlung smad du mi non pa'o/ /skyon de sel ba'i thabs bzhi las/ dang po lus gnad ni ro snyoms kyi 'khrul 'khor ro/ /dmigs pa ni rlung gang log par thig le dmar po sran ma'i geng bu tsam pa 'od 'phro ba bsam par bya'o/ /rdzas ni rgyam tsha zhib par btags ma dang 'o ma chus cur zhig bslang pa dang bsres la gtang bar bya'o/ /byin brlabs gong bzhin no/ /rlung 'khyams pa'i skyon la dang po rgyu ni rlung bzung ba'i dus su phyogs gang rung rer zhen pa'o/ /de'i rtags gang ma zhen pa'i phyogs su 'bur ba dang shed chung ba'o/ /skyon sel ba'i thabs bzhi las/ dang po lus gnad ni lus gang shed rlung ba'i phyogs su ljid bskur la bskor bar bya'o/ / dmigs pa ni dngos gzhi dang po'i yig 'bru drug la dmigs pa gtad la bsad par bya'o/ /rdzas ni mar nag gis lus spyi khyab par byug par bya'o/ /byin brlabs sngar dang 'dra'o/ / /'gags pa'i rlung skyon la/ dang po rgyu ni chos kyi 'khor lo'i rtsa dgu dang/ sprul pa'i 'khor lo'i rtsa 'dab ma drug cu rtsa bzhi bsnol mar song ba las 'byung ngo/ /de'i rtags stod smad rlung mi 'dres pa'o/ /skyon de sel thabs bzhi las/ dang po lus gnad ni gan rkyal du nyal nas stod smad du brkyang bar/ bya'o/ /dmigs pa ni snying khar hUM mthing nag gcig bsam la de las 'od zer 'phros pas stod smad kyi rlung so sor 'dres par bsam mo/ /rdzas ni bu ram snying po 'o mar btab pa dang chang snying po gtang bar bya'o/ /byin brlabs ni sngar dang 'dra'o/ rlung g.yas pa'i skyon la/ dang po rgyu ni srog pa rtsa dang 'brel ba'i sgal tshigs kyi rtsa gsum rlung gis gang ba'i/ /de'i rtags ni rlung gnan du med pa'o/ /skyon de sel ba'i thabs bzhi las/ dang po lus gnad ni pad ma'i skyil krung bcas la/ lag thil gnyis kyis bla? sgang gnyis mnan cing skreg pa rab tu gdon no/ /dmigs pa ni rtsa gsum pa'i nang nas rlung thon par bsam mo/ rdzas ni mor nag gis lus spyi byug par bya'o/ /byin brlabs ni sngar dang 'dra'o/ / rnying rlung gi skyon la/ dang po rgyu ni sdug bsngal drag po sngon du song ba dang/ /don snying gi rtsa zhar ba las 'byung ngo/ /de'i rtags ni sems 'jug pa'i brtan pa'o/ /skyon de sel ba'i thabs bzhi las/ dang po lus gnad ni pad ma'i skyil krung bcas la lag pa gnyis lhan cig skyes pa'i phyag rgya byas la bsnun pa'i tshul du bya'o/ /dmigs pa ni snying khar hUM 'thing nag gcig bsams la de las 'od zer 'phros pas sgal tshigs la sogs pa rnams gang bar bsam mo/ /rdzas ni mar dang zhun gyis sgal tshigs la byugs la khu tshur gyis brdung bar bya'o/ /byin brlabs ni bla ma la nges shes dang ldan par byas la/ rang nyid ting nge 'dzin stobs bskyed par bya'o/ /slob dpon chen po 'bir wa pas mdzad pa'i 'chi med grub pa'i rlung dben pa'i skyon bcos pa'i thabs kyi man ngag go/ aiti gsang ngo //'gro ba rigs drug tu 'khyams pa'i skyon sel bzhugs// ! /dpal rdo rje rnal 'byor ma la phyag 'tshal lo/ /sems dben pa la/ dang po 'gro ba rigs drug tu 'khyams pa'i skyon la/

CLOSE WINDOW