བོད་ཡིག

e-texts based on the ACIP/ALL Input

mi bsog nas bsdugs pa yin/ bram ze chen po sa ra ha pa dang/ mnga' bdag mai tri pa'i phyag rgya chen po'i zhu len/ aithi //nag pa pa'i d+ho ha mdzod kyi rgyas 'grel paN+Di ta dpag med rdo rjes mdzad pa bzhugs so// !/ /rgya gar skad du/ sh+ri kriSh+Na badzra pA nga do ha ko Sha Ti kA/ bod skad du/ dpal nag po rdo rje zhabs kyi mi zad pa'i mdzod kyi rgya cher 'grel ba/ dpal rdo rje sems dpa' la phyag 'tshal lo/ /'khor ba'i rgya mtsho sngags tshul dri med kyi/ /chus gang mtsho la pad+ma spyod pa'i gzhi/ /'gro don sbrang rtsi ldan pa nag po pa'i/ /gsung gis me tog rtag tu rgyal gyur cig/ mkhas pa dpag med rdo rje yis/ /slob ma dam pas gsol btab dor/ /spyod pa'i zhabs kyis mdzod 'di yi/ /tshig don so sor dbye bar bgyi/ /'dir log pa'i shes pa nyid kyis 'jig rten pa rnams bdag cag ni don dam pa la mkhas pa'i bdag nyid mnyam du nga rgyal bas de kho na nyid rig pa'o zhes nga rgyal 'chang bar grags pas/ de rnams la gzigs nas snying rjes brlan pa'i thugs kyis/ de'i nga rgyal gyi bdog pa thams cad dbrog pa'i phyir dang/ sngags kyi tshul gyis yang dag pa ji lta ba'i de kho na nyid bstan par bzhed pas/ skye bo thams cad dang thun mong ba'i don du phal ba'i skad kyis slob dpon spyod pa'i rdo rjes/ da ni don dam la mkhas zhes/ 'jig rten pa ni nga rgyal byed/ ces bya ba la sogs pa gsungs te/ 'jig rten pa nga rgyal byed pa de ci zhe na/ nga ni don la mkhas zhes/ zhes bya ba gsungs so/ /'di yang ji ltar mang du srid dam zhe na/ mi 'thad par bstan pa'i phyir/ bye ba'i nang na gcig tsam srid/ ces gsungs te/ rnal 'byor can bye ba'i nang na gal te rdul bral la zhugs par gyur na ste/ 'dir rdul bral ni 'dod chags la sogs pa'i nyon mongs pa'i sdug bsngal dang bral te/ lhan cig ces pa'i sku'o// de la zhugs pa ni/ yid rdul bral la nges par zhugs pa rnal 'byor gyi dbang po ste/ de yang nga lta bu yin zhes dgongs so/ /log pa'i nga rgyal dang ldan pa rnams sun phyung nas/ 'jig rten pa'i bden pa shes pas don dam pa'i bden pa shes pa'i mngon pa'i nga rgyal dang ldan pa'i mkhas pa rnams kyis dbang du byas nas lung dang rig zhes bya ba la sogs pa gsungs te/ lung la sogs pa shes pas mkhas pa rnams nga rgyal du gyur nas don dam pa'i bden pa shes par mngon pa'i nga rgyal byed do/ /de ltar gyur pa gang la ci lta bu zhig byed mnyam pa la/ dpal 'bras smin la zhes bya ba sogs pa gsungs te/ dpal 'bras smin la bung ba dag sbrang rtsi'i phyir phyi rol nas 'khor ba ji lta ba de bzhin du/ phyi rol gyis sngags dang phyag rgya la sogs pas brel te de la mngon par zhen te lta ba'i phyir ro/ /zab mo de kho na nyid kyis bdud rtsi mi thob ces bya ba'i ton to/ /de ltar yang rnal 'byor gyi rgyud lha mo bzhis zhus pa las/ thub pa chen po'i chos phung po/ /stong phrag brgyad cu rtsa bzhi las/ /gang gis de nyid mi shes na/ /de dag thams cad 'bras bu med/ /ces gsungs so/ /gal te de lta yin na ci ltar spros pa'i rnam pa dngos su byed ces na brjod par bya ste/ spros pa'i rnam pa phung po dang khams dang/ skye mched la sogs pa de dag kho na spros pa med pa lhan cig skyes pa'i ye shes las bskyed pa'o/ /de las skyes pa'i nyid spros pa'i rnam pa ste/ de bstan pa'i phyir/ spros pas? spros pa med par bya/ zhes de skad gsungs so/ /de'i phyir e baM gyi yi ge ngo bo lhan cig skyes pa'i sku las 'gro ba ji ltar 'byung ba de ltar bstan ba'i phyir/ byang chub sems zhes bya ba la sogs pa gsungs te/ byang chub dang rdul gyis brgyan/ /mi skyod pa yis 'khyud gyur pa/ zhes pa stong pa dang/ shin tu stong pa dang/ stong pa chen po rnams dang/ snang ba dang/ snang ba chen po dang/ snang ba nye bar mthad pa rnams dang/ sems dang/ sems las byung ba dang/ ma rig pa rnams dang/ bud med dang/ skyes pa dang/ ma ning rnams dang/ mtshan mo dang/ nyin mo dang/ thun mtshams rnams dang/ sprul ba rnams dang/ longs spyod rdzogs pa chos kyi sku rnams dang/ lus dang ngag dang sems rnams dang/ blang ba dang/ myur ba dang/ rnam par bcing ba rnams dang/ spyan drangs pa dang/ gshegs su gsol ba dang/ bzhugs pa rnams dang/ aoM Adang/ 'og dang/ steng dang/ gnad byed pa'i sgo rnams dang/ bdag gi de kho na nyid dang/ sngags kyis de kho na nyid dang/ dkyil 'khor gyis de kho na nyid rnams dang/ snying stobs rnams dang/ rdul dang/ mun pa rnams dang/ zla ba dang/ nyi ma dang/ sgra gcan rnams dang/ skye ba dang/ gnas pa dang/ ? pa rnams te/ de ltar de lta bu la sogs pa rnams ni/ byang chub kyi sems dang/ rdul dang/ mi skyod pa'i sgras brjod do/ /de gang du mthong zhes na/ pad+ma yis sa bon zhes bya ba la sogs pa gsungs te/ pad+ma ni lus so/ /pad+ma de'i sa bon ni rang bzhin gyis dag pa ste/ dri ma med cing 'od gsal ba'i phyir/ de nyid lhan cig skyes pa'i sku'o/ /'di gang du mthong zhing brtag zhes na/ 'di'i don ni/ lus dang ngag dang sems kyis rang bzhin bcom ldan 'das thams cad stong pa'i dbyings la bzhugs pa ste/ 'gro ba e waM yi ge'i ngo bo zhes pa'o/ /de ltar yang rgyud dang po'i sangs rgyas las/ thig le zla ba khu ba sku/ /rnam bcad rdul dang nyi ma gsung/ /zhes gsungs te/ sgra gcan dang dus me dag gi ngo bo e baM gyi yi ge 'di ni/ 'gro ba mdza' dag gi sa bon cig du'o/ /de nyid kyi phyir mkha' 'gro ma'i 'khor lo skye ba dang/ gnas pa dang/ thim pa dang/ rab tu zhi ba zhes gsungs so/ /de'i phyir e baM gyi yi ge las rnam pa du ma sna tshogs pa 'byung ngo/ /'jim pa'i gong bu re re yongs su gyur pa las bum pa'i mtshan nyid 'bru 'byung ngo/ /de la ji ltar gcig las gzugs du ma dang/ dbyibs du ma dang/ yul du man gnas pa rgyan ma chad pa mdza' med pa'i 'gro ba 'byung zhe na/ 'di la skyon med par brjod par bya ste/ ji ltar mkhan po dag las rig /mar me las ni mar me bzhin/ /ji ltar rgya las rgya nyid dang/ /gdong dang me long las ni gdong/ /sgra las brag cha 'byung ba dang/ /ji ltar me shel las ni me/ /nyi gzugs nyi ma med par min/ /sgyur zos ba las lce 'jig dang/ /ji ltar kyu rur sogs kyi/ /sa bon med par myu gu min/ /rgyu dang 'bras bu'i rang bzhin las/ /de med par ni skye ba med/ /rang las ma yin gzhan las min/ /?? rgyu min/ /dngos po gang dang sngags kyang skye ba nam yang yod ma yin/ /pha dang ma yi dkar dang dmar /de bzhin srog dang thur sel gnyis/ /thugs kyi rdo rje yang dag ldan/ /lus kyi skyed par byed pa'i rgyu/ /'od dpag med dang rin chen 'dzin/ /srog dang thur sel rim ji bzhin/ /lus ngag yid dang chags pa rnams// thugs kyi rdo rje'i zhal rnams so/ /khu ba las ni zla ba bskyed/ /khrag las nyi ma yang dag 'byung/ /srog las sgra gcan 'grub pa ste/ /dus kyi me ni thur gsel las/ /khu ba la ni rtsa rnams dang/ /rus pa yang dag 'byung ba ste/ /rdul las khrag ni kun tu 'byung/ /khrag las sha ni 'byung bar 'gyur/ /zha las lpags pa bskyed 'gyur te/ /rus pa las ni rkang 'byung ngo/ /zla ba las ni chu skye zhing/ /khrag las me ni 'byung bar 'gyur/ /sgra gcan las ni srog skye zhing/ /me las thur du gsel bar mdzod/ /lus can rnams kyi lce dang ni/ /lce chung khu ba dag gis bskyed/ /g.yas pa dang ni g.yon pa yi/ /mig dag dus kyis bskyed pa ste/ /de bzhin sna yi bu ga gnyis/ /srog gi nges par skyed ba yin/ /de bzhin rna ba'i bu ga gnyis/ /stong pa las ni nges par skyes/ /de bzhin 'og gi bu ga gnyis/ /thur sel gyis ni kun tu bskyed/ /de bzhin nu ma'i bu ga gnyis/ /sgra gcan gyis ni bskyed par gyur/ /de bzhin 'bras bu zung dag ni/ /thur sel rgyas la yang dag byung/ /de ltar rim pa 'dis lus kyi pad+ma skye bar 'gyur bar de'i phyir de skye ba'i tshogs pa kun rdzob dang don dam pa'i rim pas bstan pa'i phyir/ nam mkha' i chu dang zhes bya ba la sogs pa gsungs te/ nam mkha' ni mi bskyod pa'o/ /de nyid chu nyid du brtag ba ste/ shin tu dag pa'i phyir ro/ /nam mkha' bdud rtsi'i thigs pa dang/ /zhes kyang gsungs so/ /'od dpag med kyi dam? zhes pa 'od dpag med ni byang chub kyi sems te/ rdul gyis brgyan pa zhes rtogs par bya'o/ /de nyid 'dam ste/ ci ltar gyur pas zhe na dngos bzhi dang dgu'i gtso bor rnam par bsam pa'i bar ro/ /de nyid bde ba chen po ste 'di'i don no/ /gzhan yang sa bon dang chu dang 'dam 'dres pa las myu gu dang sdong bu la sogs pa skye ba yod pa de bzhin du/ 'dir yang chos kyi dbyings kyi sa bon dang nam mkha' chu dang/ byang chub sems kyi rgyu las srid pa'i gzugs bcom ldan 'das gzhom du med pa de'o/ /pad+ma ni me tog gi ngo bo'o/ /chu dang 'dam dang sdong bu rims kyis 'grub ste/ de ni 'di ltar blo zhes sangs rgyas rnams kyis brtags zhes gsungs so/ /a ba d+hU tI nyid gtso bo'i rtsa ba sdong bur byas pa ste/ de gang yin pa ni a ba d+hU tI rtsa ba sdong bur byas pa'o/ /de gang zhe na/ haM gi yi ge zhes gsungs te/ gzhan gyis bstan pa mngon par brjod par haM de ni sa bon te/ de nyid gzhom du med pa sa las pha rol k+Sha yi ge mdza' can haM de bzhi pa ste/ rdo rje yan lag med pa'i yi ge thung ngu dang ring po dang/ shin tu ring po bsdus pa'i ngo bo de ni bde ba thams cad kyi sa bon gcig pu kun tu gang ba'i zla ba'i dkyil 'khor la gnas pa zhes bya'o/ /de ltar yang dpal sam+bu ti las/ dbyangs dang gsal byed las byung ba/ /byang chub sems ni sum cu gnyis/ /pad+ma'i dbus su son pa'i sngags/ /de la dkyil 'khor zhes su brjod/ /sna ba'i rus dang mgo dbus su/ /gang zhig gnas par brjod pa ste/ /de dbus su ni yi ge haM/ /thig les ngo bo gzhom du med/ /de ni brtan g.yo'i bdag nyid dang/ /sems can kun gyi rtsa ba ste/ /gsal dang mi gsal rang bzhin las/ /de ni sa bon tshul gyis gnas/ /lus can thams cad rnams kyis gzugs/ /dang po de las skye bar 'gyur/ /bdud rtsi 'dzag pa'i tshul gyis ni/ /ni bsam chen por rnam par gnas/ /de nyid kyis phug nad yi/ /me ni kun tu dga' ba'i rgyu/ /des ni dkyil 'khor yongs rdzogs par/ /'gyur ba 'di la the tshom med/ /dngos rnams snying po mchog yin phyir/ /de nyid dkyil 'khor zhes su brjod/ /de nyid len cing 'dzin pa yi// lus ni dkyil 'khor nyid du 'dod/ /rnam par skyes gyur pa zhes pa la rnams kyis sgra ni 'dir rang bzhin gyi tshig gis rgyan no/ /skyes gyur pa zhes pa ni sngar bshad pa'i mtshan nyid can gyis hi yig las skyes pa'o/ /gal te a ba d+hu tis rtsa ba dang sdong bur byas pa de lta na ni/ rtsa ba'i yan lag dang/ sdong bu'i rnam pa gang zhig yin zhe na/ ro ma rkyang ma gnyis dag ni/ /g.yas g.yon gnyis kyi sdong bur gnas/ /pad+ma 'dab bzhi rtsa ba bzhi/ /bde ba chen po'i tshang na gnas/ /ces gsungs te/ de la rkyang mi sgras ni A li dang shes rab dang zla ba mngon par brjod do/ /de yang sna'i bu ga g.yon ba'i rang bzhin te/ rang bzhin des srog gi rlung rgyu zhing brkyang mar gnas so/ /ro ma'i sgra ni kA li'i gzugs dang thabs nyi ma'i ngo bo mngon par brjod do/ /de yang sna yi bu ga g.yas pa'i rang bzhin te/ /rang bzhin des srog gi rlung rgyu zhing ro mar gnas so/ /de srid pa skye ba'i rim pas rnam par shes pa dang/ 'du byed dang/ 'du shes dang/ tshor ba dang/ gzugs kyis ngo bo'i rang bzhin dkyil 'khor lnga rnams ni brkyang ma nas so/ /srid pa sdud pa'i rim pas sa dang/ chu dang/ me dang/ rlung dang/ nam mkha' i dkyil 'khor lnga rnams ni dom nas so/ /de ltar dus sbyor bcu gnyis kyi rim pas mnyam pa dang mi mnyam par rgyu bas phyogs rer dkyil 'khor sum cu longs spyod do/ /ro brkyang gnyis kyis sdong bur gnas/ /zhes pa de nyid kyis phyir sdong bu gnyis g.yas dang g.yon gyi ngos gnyis su gnas pa'o/ /de ltar yang kyai rdo rje las/ /brkyang ma shes rab rang bzhin te/ /ro ma thabs kyis yang dag gnas/ /kun 'dar ma ni dbus phyogs su/ /gzung dang 'dzin pa rnam par spangs/ /zhes so/ /pad+ma 'dab bzhi zhes pa ni stong pa bzhi'i rang bzhin 'dab ma bzhi'o/ /rtsa ba bzhi zhes pa ni/ khams bzhi'i rtsa'i rang bzhin rtsa ba bzhir gnas pa'o/ /gang du gnas zhe na/ bde ba chen po'i tshad bu ste/ dga' ba bzhi'i rang bzhin stong pa bzhi'i bdag nyid bde ba chen po'i gnas der gnas pas ni bde ba chen po'i tshad du ste/ gtsug tor gyis pad+ma'o/ /de ni stong pa'i bzhi ste/ mkha' 'gro dang mkha' 'gro ma'i tshogs 'du ba dzA lan d+ha ra zhes bya ba'i ming can lhun po ri'i rtse mo zhes bya ba'i don to/ /e baM sa bon dag ni blangs nas ni/ zhes bya ba la sogs pa la/ e waM ni sngar bshad pa'i mtshan nyid can gyi e waM yi ge'o/ /sa bon blangs nas zhes pa ni/ de yi sa bon snying por gyur pa ste/ gzhom du med pa'i pad+ma rgyas par gyur pa zhes pa'o/ /'di'i don ni/ sa bon gang gis shing gang thog mar bskyed pa'i shing de'i me tog kyang de'i sa bon gyis snying po can nyid do/ /'dir yang e baM gyi yi ges bskyed pa'i pad+ma yang e baM gyi snying po can gyis me tog /bung ba'i gzugs kyis zhes bya ba la sogs pa la/ bung ba ni thugs rdo rje ste/ de ni dri ma nam pa'i gzugs kyi rang bzhin no/ /dpa' bo ni rab tu dga' ba ste de dang de'i shes rab dang thabs rab tu sbyor ba'i rab tu dga' ba de la rgyun mi chad par 'dod chags chen po'i tshul gyis rnam par gsal bas na dpa' bo ste/ de nyid bcom ldan 'das gzhom du med pa'o/ /'thung ba zhes pa ni myang ba ste/ sbrang rtsi me tog gi bcud do/ /rab tu dga' ba'i dpa' bo nyid kyis 'pho ba med pa'i chags pa chen po'i bde ba nyams su myong ba'o/ /zhes pa'i don to/ /de lta bu'i bcom ldan 'das e waM gi rang bzhin ni/ ci ltar zag pa dang bcas pa'i 'byung ba chen po lnga'i bdag nyid bdag nyid la skyes zhes so dogs pa la/ 'byung ba chen po lnga'i sa bon ni/ zhes bya ba la sogs pa gsungs te/ 'byung ba chen po lnga ni sa la sogs pa lnga'o/ /de nyid ni e waM gyi yi ge sa bon no/ /blangs nas cho gas pa ni/ bo la dang kak+ko la sbyor ba'o/ /skye ba ni 'byung ba ste/ de nyid bstan pa'i phyir/ sra bar gyur pa zhes pa la sogs pa gsungs te/ sa'i khams ni sra ba nyid kyi phyir sra ba ni sa'o/ /zhu bar gyur pa ni chu'i khams so/ /dro bar gyur pas na me'i khams so/ /'gro ba'i phyir rlung gi khams so/ /bde ba'i rang bzhin gyis phyir nam mkha' i khams so/ /lnga ni yongs su rdzogs pa zhes bya ba ni/ 'byung ba lnga po 'di dag yongs su rdzogs pa ni bsdus pa ste/ byang chub kyi sems zhes bya ba'i don to/ /de ltar yang bcom ldan 'das kyi dpal kyai rdo rje phung po rnams 'byung ba las gyur par gsungs te/ bo la kak+ko la sbyor bas/ /reg pa sra ba las chos kyis ni/ /sa ni de las skye bar 'gyur/ /byang sems sher ba'i rnam pa las/ /chu'i khams ni 'byung bar 'gyur/ /srubs pa las ni me 'byung ste/ /'gro ba rlung du rab tu grags/ /bde ba nam mkha' i khams yin te/ /rnam pa lnga yi yongs su bskor zhes so/ /de nyid kyis lnga'i yongs su rdzogs pa ste/ lnga po 'di dag yongs su rdzogs pa ni bsdus pa'o/ /mdza' dag lha dang lha min 'di la skyes/ zhes bya ba la sogs pa la/ mi dang mi ma yin pa dang/ lha rnams mdza' dag skye ba'i rgyu ni 'di nyid do zhes pa'o/ /'di'i don ni/ sa la sogs pa bzhi dang/ de kho na nyid stong pa bzhi ste/ dngos po brgyad ni skye ba dang 'jig pa'i rgyur rnam par shes par bya'o/ /'di gsal las ni stong chen te/ /de las thabs ni 'byung bar 'gyur/ /de las kyang ni shes rab 'byung/ /de las rlung ni 'byung bar 'gyur/ /rlung las me ni 'byung 'gyur te/ /me las chu ni 'byung bar 'gyur/ /chu las sa ni 'byung 'gyur te/ /'di las sems can rnams 'byung ba'o/ /sa khams chu la thim par gyur/ /me ni phra ba'i khams la ste/ /rlung ni sems la thim par 'gyur/ /sems byung ma rig pa la ste/ /de yang 'od gsal bar ni 'gro /'di ni srid gsum 'gag pa'o/ /zhes so/ de nyid kyis phyir/ rmongs pa 'di dag rnams ni stong pa zhes pa la sogs pa gsungs te/ theg pa 'di las phyi rol tu gyur pa'i phyir rmongs pa zhes bde ba ste/ kye rmongs pa ste sngags kyi tshul gyi de kho na nyid ma rig pa'o/ /'di nyid stong pa zhes pa ni thams cad stong pa 'od gsal ba ste/ 'di las gzhan pa'i stong pa'i de kho na nyid yod pa ma yin zhes pa'i don to/ /'dis ni 'di skad bshad pa yin te/ srid pa dang mya ngan las 'das pa ngo bo gcig pa bde ba chen po rdo rje bcom ldan 'das rang nyid kyis lus kyi pad+ma mngon par sbrul nas gzhom du med pa'i me tog gi bcud sems bung ba'i gzugs kyi rgyun mi 'chad par 'phrog cing gnas pa ste/ de ltar yang dpal gyis rdo rje las/ rang nyid byed pa rang 'phrogs so// rang nyid rgyal pa rang gtso bo/ /zhes gsungs so/ /de ltar bsgrub bya'i ngo bo nges par byas na yang dang yang du bsgrub byed la dpyad par bya ste/ re zhig yul la nye bar longs spyod pa spangs pa yang sgrub byed ma yin la/ yul la kun tu zhen pas gnas pa yang bsgrub byed ma yin te/ nyan thos dang pha rol tu phyin pa dag gi rnam par bzhag pa nyid kyi phyir ro/ /skyon dag pa'i yul mdza' dag lam zhen pas 'dod chags chen po'i mngon par byang chub pa bstan pa'i phyir yul gyi bde ba phun sum tshogs pa nyid 'di'i sgrub byed yin no/ /de ltar yang dpal sa ra ha'i zhal nas/ kha cig yul rnams dag ni spong bar byed/ kha cig yul rnams dag gis 'ching bar byed/ /kha cig yul rnams nyid ni blangs nas ni/ /mi yi khyu mchog rnams ni byang chub byed/ /ces gsungs so/ /bcom ldan 'das kyis kyang/ gang dang gang gis 'jig rten 'ching gyur pa// de dang de yi 'ching las grol bar byed/ /'jig rten rmongs pas de nyid mi shes te/ /de nyid spangs pas dngos grub thob mi 'gyur/ /'dod chags kyis ni 'jig rten 'ching/ /'dod chags nyid kyi rnam grol byed/ /zlog pa'i bsgom pa de nyid ni/ sangs rgyas mu stegs kyis mi shes/ zhes gsungs so/ /gal te de lta na srog chags thams cad kyang yul la dga' zhing chags pas/ de rnams kyang 'dod chags chen po'i mngon par byang chub pa thob par thal lo zhe na/ de ltar ma yin te/ yul la longs spyod pa 'ba' zhig gi rgyun ma chad pa'i bde ba chen po thob bo zhes kho bo mi smra'i/ 'on kyang de nyid thabs dang bcas pa la brjod kyi/ thabs dang bral ba'i yul la spyod pas yul gyis 'gyur ba med pa'i ngo bo snang ba gsum shes pa med pa'i phyir/ 'dod chags chen po'i bde ba chen po mngon du byed pa med do/ /de ltar yang ye shes kun las btus pa rnal 'byor chen po'i rgyud las/ b+ha gar ling ga zhen cing chags pas gcig tu gzhol ba des ni byang chub chen po thob par 'gyur ro/ /gang gis tshe bde ba 'ba' zhig la lhag par mos pa tsam gyis las dang po pa'i sa la gnas pa de'i tshe slob par 'gyur ro/ /gang gis rdo rje dang pad+ma mnyam par sbyor ba'i bde bas rang bzhin gyis snang ba yang dag pa'i yon tan mtshon par byed pa de ni 'dod chags chen po'i bde ba la zhugs pa yin zhes so/ /de ltar yang dpal kyai rdo rje/ skye bo mi bzad? pa yi las/ /gang dang gang gis 'ching 'gyur ba/ /thabs dang bcas na de nyid kyis/ /srid pa'i 'ching ba las grol 'gyur/ /zhes gsungs so/ /thabs dang bcas kyang yul gyi bde ba ni mtshan ma dang bcas pa nyid ma yin nam/ de ci ltar na bde ba chen po mtshan ma med par 'gyur zhe na/ de la brjod par bya ste mtshan ma dang bcas pa'i bde ba nyid kyang/ bla ma dam pa'i man ngag gis mtshan ma med par 'gyur ba yin te/ de ltar dpal sa ra ha'i zhal mda' nas gsungs pa/ gang 'di mtshan bcas bde de nyid/ /chen po rnams kyis mtshan med yin/ /rang byung ye shes ngo bo ni/ bde chen rtogs pas stong pa'o/ /zhes so/ de'i phyir thabs dang bcas pas yul la nye bar longs spyod pa nyid 'dod chags chen pos mngon par rdzogs par byang chub pa'i sgrub thabs yin no/ /de nyid ni/ sa dang chu dang me dang zhes bya ba la sogs pa gsungs te/ sa ni sa'i dkyil 'khor ro/ /chu ni chu'i dkyil 'khor ro/ /me ni me'i dkyil 'khor ro/ /rlung ni rlung gi dkyil 'khor ro/ /nam mkha' ni nam mkha' i dkyil 'khor ro/ /lnga po de nyid spro ba dang bsdu ba'i rim pas zla ba dang nyi ma'i dbye bas brjod do/ /de ltar yang dpal dang po sangs rgyas las/ rnam shes la sogs rab tu g.yon/ /spro ba'i bsdu las sa sogs g.yas/ /zhes so/ /dpal 'dus pa phyi mar yang/ ye shes lnga yi rang bzhin dbugs/ /'byung ba lnga yi rang bzhin can/ /pad+ma'i sna rtse dbyug nas ni/ /gong bu'i tshul gyis brtag par bya// rin chen chen po kha dog lnga/ /srog dang rtsol ba zhes byar brjod/ /rang 'dir rgya dpe la sogs tan+t+ra zhes 'byung bas rang rgyud du bsgyur/ rang sngags zhes pa ltar na rgya dper sogs man+d+ra yod par bsal lo/ /rang rgyud snying gar bsam nas ni/ /sems ni thig ler son par dgod/ /ces so// 'di yang so sor bshad pa ni/ /rdo rje phreng ba zhes bya ba rnal 'byor chen po'i rgyud las/ sna rtser yungs kar zhes bya ba/ /srog dang rtsol ba zhes su brtag /srog dang brtsol ba la gnas pa/ /'od lnga sangs rgyas ngo bo las/ /zhes gsungs so/ /de ltar du rdo rje snying po'i zhabs kyis kyang/ sna'i bu ga g.yon pa 'am/ g.yas pa gnyis nas dang po 'am mthar yang rung ste/ gang gi tshe nam mkha' i dkyil 'khor 'bab pa de'i tshe dbus nas rgyu'o/ /gang gi tshe rlung gi dkyil 'khor rgyu ba de'i tshe/ g.yon la brten nas rgyu'o/ /gang gis tshe sa'i dkyil 'khor 'bab pa de'i tshe 'og la brten nas rgyu ste/ 'di ni dkyil 'khor gyis 'khor lo'o/ /yul du blo yis blangs zhes bya ba la sogs pa la/ yul ni rdo rje dang pad+ma sbyor ba ste/ de la yod pa'i blo gang yin pa ste/ bde ba'i sems ye shes kyi phyag rgya de ni yul gyis blo ste/ de blangs nas dkyil 'khor gyi 'khor lo de rtogs par bya'o/ /yongs su gyur pa ni bsam pa thams cad kyis te/ ji ltar drug pa'i ye shes so sor gnas 'gyu ba de ltar rtog par bya'o/ /'dis ci 'dra ba zhig tu 'gyur zhe na/ rba rlabs med pa mnyam pa lhan cig skyes pa'i tshul zhes bya ba la sogs pa gsungs te/ spyan 'dren pa dang/ gshegs su gsol ba la sogs pa med pa'i phyir rba rlabs med pa'o/ /rlung bum pa can las 'das pa'i phyir mnyam pa'o/ /yang dag ba ji lta ba'i e waM gi yi ge'i ngo bo nyid kyis phyir lhan cig skye ba'i tshul lo/ /mdza' dag skyon spangs zhes bya ba la/ skyon mdza' dag ni chags bral gyis rang bzhin sdig pa mdza' dag ste/ de dang bral ba la brjod do/ /de ltar yang dpal dang po sangs rgyas las/ chags bral las gzhan sdig pa med/ /bde ba las gzhan bsod nams med/ /de phyir 'gyur med bde bar sems/ /rtag tu gnas bya mi yi bdag / ces gsungs so/ /de ltar gyur pa'i bde ba chen po la bde ba'i mngon pa'i nga rgyal yang med pa'i phyir/ de la sdig dang bsod nams ci yang med/ /ces bya ba gsungs te/ sdig pa ni chags bral lo/ /bsod nams ni bde ba ste/ mi 'gyur ba'i bde ba cig kyang yod pa ma yin no/ /de ltar dpal kha sbyor las/ chags pa dang ni chags bral nyid/ /spyad las srid pa nyid du gnas/ /ces gsungs so/ /gsal bar nag po bdag gis bstan/ /zhes pa ni/ 'di ni nag po spyod pa'i rdo rje gsal bar bstan de/ gzhan gyis gsal bar ma bstan zhes pa'i don no/ /de ye shes la phyir phyogs pa'i bdag nyid kyis rnal 'byor pas rtogs pa ma yin no zhes bstan pa'i phyir/ phyi rol 'byung ba zhes bya ba la sogs pa gsungs te/ phyi'i 'khor lo'i rnam pa rang gi blo nges par brtag pa stong pa'i rnam par rtogs pa'o/ /stong min rang gi lus la brtag pa'i rnal 'byor la sogs pa blo rab tu 'jug cing de la dmigs par gyur pas stong dang stong min bdag la 'jug par gyis/ zhes pa'o/ /stong dang stong pa min pa 'di gnyis dbus su ni/ kyai ho rmongs pas de nyid ci yang mthong ba med do/ /de lta bu yin na ji ltar de kho na nyid yod mnyam du dgongs pa la/ lhan cig skyes pa cig pu mchog tu yod/ ces pa la sogs pa gsungs te/ lhan cig skyes pa cig pu kho na mchog tu yod pa de yang nag po rdo rje mchog tu shes so/ /bstan chos ni rtog ke la sogs pa'o/ /lcung ni bya ba dang bya ba spyod pa la sogs pa'o/ /rnam pa mang po de rnams klog pa dang/ nyan pa dang sems pa dang gos par byed pas kyang ci yang mi shes te/ de rnams la nga'i ngo bo med pa'i phyir ro/ /rba rlabs med pa'i sngags kyis tshul gyis man ngag rig pa bdag rgyu sa mchog tu shes so/ /zhes pa'i don to/ /de lta bu'i gdams pa tshig de ltar bstan pa'i phyir/ steng dang 'og tu mi rgyu zhes bya ba la sogs pa gsungs te/ steng du mi rgyu ba ni/ 'dis srog gis rlung 'gog pa ste/ lus dang sems kyis dbye bas zla ba dang nyi ma sgra gcan te/ chu dang me dang stong pa'i rang gis rigs kyis lam gsum 'gog pa'o/ /'og tu mi rgyu ba ni 'di thur sel gyis rlung 'gog pa ste/ lus dang ngag dang sems kyi dbye bas bshad pa dang gci ba dang/ khu ba 'bab pa dang/ rlung dang ye shes kyi khams kyis rang gi rigs kyis lam gsum 'gog pa ste/ de ltar steng dang 'og tu srog dang thur sel gyis lam bkag pas sngar nye bar mtshon par byas pa'i ye shes kyi gzugs brnyan mthong bas na/ de'i 'og tu rdo rje bzlas pa'i cho gas srog stsol bar ma chad par bsgrub par byed do/ /de ltar yang dpal dang po'i sangs rgyas las gzugs brnyan mthong nas de nas ni/ bar ma chad par srog brtsol bya/ /steng 'og rtsa gsum po rnams la/ /lus ngag sems ni 'gog pa las/ /chu me stong pa sa rlung dang/ /ye shes khams rnams skyes rnams la/ /gang zhig zla nyi mun can dang// bshang gci khu ba 'bab pa rnams/ /srog dang thur sel rim pa las/ /lus ngag sems kyi rtsa rnams so/ /zla ba thams cad kyis sku yin te/ /nyin por byed pa shes rab gsung/ /shes rab sku ni bshad pa'i rtsa/ /gci ba 'bab ma gtso'i gsung/ /steng 'og thugs kyi rtsa gnyis dag / mun can khu ba 'bab pa'o/ /thabs kyis thugs kyis mun pa can/ /khu ba 'bab ma shes rab kyis/ /steng 'og rig drug 'di rnams ni/ /sku gsung thugs kyi rnal 'byor las/ /shes rab thabs dngos yan lag gis/ /lus can kun la yang dag gnas/ /zhes gsungs so/ de ltar gyur pa la srog dang brtsol ba ji ltar gnas zhe na/ gnyis la mi rgyu ba ni gnas zhes bya ba la sogs pa gsungs te/ gnyis ni steng dang 'og go /srog rtsol dang bral ba ni yongs su spangs pa'o/ /de de lta bu'i tshul gyis mi g.yo bar gnas pa ni dbu ma mchog gi dbugs zhes bya'o/ /de ltar yang rig ldan ma dang he ru ka ste/ lhan cig skyes pa'i dga' ba dang/ dbu ma mchog gis dbugs/ bshad pa dang gci ba dang khu ba dang nye ? rtsa bzhi dang ldan pa'o/ /dngos po gsal ba'i rjes su 'gro ba'i de kho na nyid grub par yang gsungs pa/ rang gnas la gnas lhan cig skyes pa'i rlung/ /rtog pa'i dra ba dag las rab tu grol/ /rang gis nang du dga' bskyed brjod du med/ /de ni stong ba nyid kyi rang bzhin no/ /zhes so/ de ltar gyur pa'i byang chub kyi sems bde ba chen po 'gyur ba med pa bstan pa'i phyir/ nag po na re yid ni gang du mi 'phra zer/ zhes bya ba la sogs pa gsungs te/ nag po spyod pa na re yid byang chub kyis sems mi g.yo ba ni nam du yang phyir mi 'pho ba ste/ gnyi ga'i bgrod ba bcom pas bstan bar byas pas dus kyi rtsa'i ngo bor gyur pa'i phyir zhes gsungs so/ /'di'i dgongs pa ni/ thig le ri bong 'dzin pa mi ltung bar bya ba'o/ /'dir 'di'i bsgrub par bya ba ci/ bgrod pa gnyis kyi ngo bo ci/ mi 'gyur ba'i bde ba chen po'i ngo bo byang chub kyi sems 'di gang du gnas zhe na/ mi g.yo rlung khyim bdag mo'i khyim du gnas/ zhes bya ba la sogs pa gsungs te/ mi g.yo ba'i rlung ni dbu ma mchog gi dbugs so/ /de nyid khyim bdag mo ste/ ye shes kyi phyag rgya'i ngo bo nyid yin pa'i phyir ro/ /bde ba nam mkha' i khams a wa d+hU ti ste/ der gnas pas khyim du gnas pa'o// 'di'i dgongs pa ni/ rlung 'gro ba dang 'ong ba'i chos can nam mkha' i khams la brten pa 'gro ba dang 'ong ba las rnam par grol ba'i nam mkha' i khams la thim pa sems kyi bson? pa snang ba'i rang bzhin dang bcas pa ye shes gsum dang lhan cig thim pa'o/ /des de'i bdag nyid bcom ldan 'das bde ba chen po rdo rje der gnas pa zhes brjod do/ /ji ltar yang dgongs pa bla na med pa las/ /snang ba phyed pa dang/ snang ba nye bar thob pa can/ /sna tshogs rnam pa gsum zhes brjod/ /rlung ni phra ba'i gzugs kyis ni/ /ye shes dang ni 'dres par 'gyur/ /dbang po'i lam nas phyung nas ni/ /yul rnams la ni dmigs par byed/ /gang tshe snang ba ldan gyur cing/ /rlung gis bzhon pa'i rgyur gyur pa/ /de tshe der ni rang bzhin kun/ /rim dang rims pa min par 'jug/ gang dang gang du rlung gnas pa/ /de dang der ni rang bzhin rgyu ji srid rlung ni rgyu gyur pa/ /snang ba g.yo med 'gyur ma yin/ /zhes gsungs so/ /de nyid sems can thams cad dang thun mong du ji ltar 'gyur zhe na/ mchog gi ri bo dag gi phug zab mo/ /zhes bya ba la sogs pa gsungs te/ mchog ni gtso bo'o/ /ri bo'i phug lto bar gnas pa ste// sgal tshigs rkeng? rus kyi dbyug pa'i gzugs kyi bdag nyid do/ /de ltar yang dpal kha sbyor las/ rkang pa'i 'og tu rtsom chen rlung/ /gzhu yi dbyibs su yang dag gnas/ /'doms kyis sum mdo'i phyogs su ni/ /de ni gru gsum 'bar ba'o/ /zlum pa'i gzugs kyis ngo bo nyid/ chu ni lto bar gnas pa'o/ /snying ga ru ni sa nyid kyang/ /kun nas gru bzhi pa nyid do/ /keng rus dbyug pa'i ngo bo ni/ /de bzhin ri rab ri yi rgyal/ /zhes so/ /de yi phug nor? phug go de nyid zab mo ste/ lus dang ngag dang sems kyis spyod yul ma yin ma yin pa'o/ /des ci 'gyur zhe na/ 'gro ba ma lus pa ni chad par 'gyur/ /zhes bya ba la sogs pa ste/ 'gro ba mdza' dag der de ltar chad pa ste nyams par 'gyur zhing/ de las gong du spyi bo'i mthar thug pa'i rtsa rnams su 'gro bas dbang po gnyis sbyor ba'i bde bar mngon par brjod pa'i sems mi? brtan pa nyid kyi phyir ro/ /'o na 'di las 'gro chad par 'gyur ba 'di cis shes par byed ce na/ dri ma med pa'i chu ni skyabs 'gyur te/ zhes bya ba la sogs pa gsungs te/ dri ma med pa ni don de sa'i bde ba'i ngo bo/ chu ni kun rdzob zhu bsngo'i rnam pas te /dri ma med pa'i chu bden pa gnyis kyi ye shes byang chub kyis sems gang yin pa skams par 'gyur ba ste/ 'og tu ltung ba'o/ /gang gis phyir 'gro ba rnams kyi bdag nyid du gyur pa'i byang chub kyi sems der 'og tu ltung ba las 'gro ba thams cad chad par 'gyur ba ste mche ba nyid do/ /de ltar yang dpal dang po'i sangs rgyas las/ lus can thams cad 'chi ba na/ /zla ba bdud rtsi 'og tu 'gro /steng du nyi ma rdul sgra gcan/ /rnam shes dngos po'i mtshan nyid la'o/ /zhes so/ des cir 'gyur zhe na/ dus kyis me ni rab tu zhugs gyur na/ zhes bya ba gsungs te/ dus kyi me ni 'pho ba'i gnas skabs nag po'i phyogs kyi tshes gcig 'jug pa'i mtshan nyid de/ 'chi ba'i dus su'o/ /de ltar yang dpal dang po'i sangs rgyas las/ 'phos pa las ni chags bral 'gyur/ /chags bral las ni sdug bsngal 'gyur/ /sdug bsngal skyes bu'i khams zad byed/ /zad pa las ni 'chi bar brjod/ /shis las slar yang de rnams kyi/ /srid pa'o srid las slar 'chi 'pho/ /de ltar sems can gyis srid pa/ /chags bral las 'gyur gzhan yod min/ /de phyir 'bad pa thams cad kyis/ /'pho ba'i chags pa rnam par spangs/ /gang gis 'gyur med bde bar 'gyur/ /rnal 'byor 'khor ba bcings pa yi/ /zhes so/ ci ltar 'di mi 'gyur ba'i bde ba chen por 'gyur zhe na/ sa 'dzin dag las 'di ni gzung dka' ste/ zhes bya ba la sogs pa gsungs te/ gzung dka' ba zhes pa ni 'dir sbyor ba yan lag drug gi rnal 'byor gyis srog bcings te byang chub kyi sems dka' tshogs kyi gzung dgos pa'o/ /de nyid sa 'dzin ste ri bo lhun po lta bu'o/ /de nyid kyi phyir mnyam dang mi mnyam zhes smos te/ de la mnyam pa'i dus sbyor rim gyis rgyu bas na mnyam pa ste/ nyi ma rgyu ba g.yas kyi lam mo/ /mi mnyam pa'i dus sbyor rim gyis rgyu bas na mi mnyam pa ste/ zla ba rgyu ba mi mnyam pa'i lam mo/ /mnyam pa dang mi mnyam pa gnyis ka'i lam nas yid kyi rnam par shes pa'i khams la lta bar byed/ rnam par lta bar byed pa ste de lta bu shes par byed ces pa'i don to/ /de ltar gyur ba'i yid kyis gal te mi shes na zla ba dang nyi ma dag gi mnyam pa dang mi mnyam pa'i rgyu las sems can rnams kyis rnam par shes pa'i khams de bsgrol ba dang 'da' bar dka' ba ste/ spyi gtsug gi bar du 'gro bar mi nus zhes pa'o/ /de nyid kyi phyir nag pos smras zhes bya ba la sogs pa ste/ nag po rdo rjes dka' sbyar gyis chags bral gyi gnas skabs spangs pa'i ye shes kyis mig gi mtshon par byas pa na mtshon dka' ba ste/ thams cad stong ba'i phyir dang/ rnam pa thams cad dang mnyam pa'i phyir ro/ /dka' spyad kyis rtogs shing nyams su myong ba de'i phyir rtogs dka' ba'o/ /de nyid de lta bu yin na yid kyi ci yongs su bsgom par byed/ des kyang ci zhig shes par byed ce na/ gang gis yid kyis rin chen rtogs zhes bya ba la sogs pa gsungs te/ gang rdo rje dang chu skyes yang dag par sbyor ba mas yid kyi dmigs pas don ji lta ba rig pa ni/ yang dag pa ji lta ba'i yid kyi bdag nyid do/ /dga' ra ti ba bla na med pa'i bde ba rgyas par byed pa'i phyir rin po che'o/ /des na yid kyis rin chen te/ /sangs rgyas kyi gzugs can no/ /de ltar yang dpal 'dus par b+ha gar ling ga rab bzhag nas/ /byang chub sems ni spro mi bya/ /khams gsum ba ni ma lus pa/ /sangs rgyas gzugs su bsgom par bya/ /zhes so/ /dpal dang po sangs rgyas su yang/ /stong pa las byung gzugs ni rgyu/ /mi 'gyur las skyes bde ba 'bras/ /zhes so/ /de nyid kyi phyir/ nyi ma re re lhan cig skyes pa 'phro/ /zhes bya ba la sogs pa gsungs te/ nyi re zhing so sor skyes pa'i thams cad stong pa'o/ /yongs su 'phro ba ni nam mkha' lta bu'o/ /de ltar yang mtshan yang dag par brjod pa las/ nam mkha' las byung rang byung ba/ /shes rab ye shes me'o che/ /zhes so/ de bzhin du dpal 'dus pa yang/ /bsnyen pa'i dus su gtsug tor che'i/ /gzugs can 'bad pas rnam bsgom bya/ /nye bar bsgrubs pa'i dus su ni/ /bdud rtsi 'khyil ba'i gzugs can no/ /slar yang gsal bar bya zhing bsgom/ /sgrub pa chen po'i dus su ni/ /sangs rgyas bdag po'i gzugs can sems/ zhes bya'o/ /de nyid rig can las kyang/ dgongs pa'i skad gzhan gyi gtsug tor gyi gzugs can ni khams gsum pa ma lus pa'i sangs rgyas kyis gzugs can te/ nam mkha' chos 'byung thugs rdo rje rab tu bzhag nas/ bsnyen pa'i dus ste dang po so sor bdud pas bsgom par bya zhing/ bsam gtan gyis yan lag bstan par bya'o/ /'dir bcom ldan 'das kyis dam bca' ba ni/ bsam pa thams cad yongs spangs nas/ /nyi ma gcig ni yongs su brtag /gal te yid ches ma gyur na/ /de ched yi tshig de brdzun?/ /zhes gsungs te/ nga la yid ches pa ni du ma la sogs pa'i mtshan ma ste/ gang de lta bu'i rim pas yid dga' ba'i rin chen sangs rgyas kyi gzugs can yang dag par rig par 'gyur bas/ de yis chos kyis rang bzhin dag ni shes zhes bya ba la sogs pa gsungs te/ chos kyis rang bzhin shes pa gang yin pa ni yang dag pa ji lta ba bzhin rtogs bzhin khongs su chud pa'o/ /gzhan la bstan du zin kyang mi shes zhes pa las/ gzhan gyis dbang po gnyis kyis bde ba la mngon par zhen pa'o/ /mi shes zhes pa ni bstan du zin kyang mi shes zhes pa'i don to/ /de nyid rnam pa gzhan gyis gsungs pa/ rlung gis bzhon pa nyid kyis snang ba gsum gyis ngo bo nyid kyi phyir rang bzhin brgya drug cu'i ngo bo dbang po gnyis kyi sgo nas mthon te yul rnams la dmigs par byed do/ /lam 'gro zhes pa la sogs pa la/ 'khor ba'i lam du 'gro ba ? shes pa'i khams/ /yid ni lhan cig skyes lus te/ /gang gis de byed byed na rnal 'byor gyis dbang po 'di sbyor ba yan lag drug gis zla ba dang nyi ma 'gog pas srog bstan bar byed cing 'chid pa'o/ /srid gsum mdza' dag spro zhing bya ba la sogs pa la/ srid pa gsum ni sku dang gsung dang thugs kyi 'khor lo'o/ /mdza' dag ni ba spu'i bu ga so so'i mthar thug pa'o/ /gnyid sad pa'i gnas skabs su dga' ba la sogs pa'i dbye bas byang chub kyi sems spros nas slar yang steng du bgrod? pas zad cing rgyu mthun pa la sogs pa'i dbye bas a wa b+hU ti der sdud pa ste/ nad dang thig le dang cha las 'das ba'i thams cad stong pa'i khams la rab tu bcug ste/ des rdo rje 'chang chen po nyid sngon du byed ces pa'i don to/ /de nyid kyi phyir de bzhin gshegs dang shes bya ba la sogs pa gsungs te/ de bzhin gshegs pa dang/ lha mo dang/ mkha' 'gro'i tshogs la sred ba ci zhig byed de/ dkyil 'khor gyi 'khor lo las rnam par grol ba lhan cig skyes pa'i skad cig ma gnas so zhes bya ba'i dgongs pa 'di yin te/ phung po dang skye mched la sogs pa dang/ ngag dang yid rnams dang dkyil 'khor gyi lha rnams/ gal te bde ba chen po'i man ngag gis ro mnyam pa'i ngo bor gyur na de nyid dkyil 'khor chen po ste/ de las tha dad pa'i dkyil 'khor gzhan yod pa ma yin no/ /de ltar yang/ dpal gsang ba thig le'i rgyud las/ yan lag kun bsgom las 'das shing/ /rtog dang rtogs gyed rnam par spangs/ gug skyed thig le yang dag 'das/ /'di ni dkyil 'khor zhes brjod do/ /zhes so/ /yang de nyid rnam pa gzhan gyi sgo nas dkyil 'khor du bstan pa ni/ lhan cig skyes g.yo med ces pa sogs gnyug ma'i yid kyi chags pa'i rdo rje'i yan lag go /de'i dus nyid grub du? 'gyur zhes bya ba la sogs pa la/ /grub pa ni phyag rgya chen po'i dngos grub/ de yang rdo rje 'chang nyid thob pa ste/ de'i skad cig ma du ma nyid kyis so/ /de skad du dpal sdom par/ mtho ris? mi lus sa 'og rnams/ /skad cig gis ni? sku gcig 'gyur/ /rang gzhan rig pa'i tshor ba yis/ /skad cig tu ni gnod mi 'gyur/ /zhes gsungs so/ /de nyid kyi phyir/ ? 'chi ba'i 'jigs pa med ces gsungs so/ /phyag rgya chen po'i rang bzhin bstan pa'i phyir mi g.yo zhes bya ba la sogs pa gsungs te/ mi g.yo ba ni nyams pa med pa'i phyir ro/ /rnam par rtogs pa med pa ni nyams su myong ba dang ro gcig pa nyid kyis 'di dang de zhes pa'i rnam par rtogs par dbral? ba'i phyir ro/ /'gyur ba ni 'dod chags dang bral ba dag ste/ de dag dang bral ba'i phyir 'gyur ba med pa'o/ /skye 'jig dang bral ba ni/ nyi ma dang zla ba dag bkag pa'i phyir ro/ /shin tu mdzes pa ni bde ba chen po nyid kyi phyir ro/ /snying po ni 'od gsal ba'i phyir/ 'di ni 'di ru mya ngan 'das par gsungs zhes bya ba la sogs pa la/ de'i phyir na de mya ngan las 'das par rlom pa/ mya ngan las 'das pa'i sgras mngon par brjod pa rang bzhin gyi mya ngan las 'das pa ni ma yin te/ rab tu mi gnas pa'i mya ngan las 'das pa yin pa'i phyir ro/ /de la khyad par ji lta bu zhe na/ gang la sems dang sems las byung ba med/ /ces gsungs te/ gang la ji srid rnam pa gsum ste/ sems kyi rang bzhin brgya drug cu po rnams so/ /sems de rnams kyang ci yang mi byed de/ de lta bu'i kun tu rtogs pa ci yang mi shes zhes pa'i don to/ /de nyid kyi phyir e waM yi ge zhes bya ba la sogs pa gsungs te/ de'i don ni 'di yin te/ lha'i dbang pos zhus pa las/ e ni stong pa'i rang bzhin te/ /waM ni thugs rje chen por brjod/ /thig le gnyis med sbyor ba yis/ /'di yi zung 'jug dran par bya/ /e ni ma ru brjod pa ste/ /waM ni pha ru shes par bya/ /thig le gnyis med sbyor bar 'byung/ /sbyor? de shin tu rmad 'byung ngo/ /e ni pad+ma nyid du gsungs/ /waM ni rdo rje'i rang bzhin no/ /de las thig le sa bon 'gyur/ /de las srid gsum yang dag 'byung/ /e ni shes rab nyid du 'gyur/ /waM ni thabs su yang dag brjod/ /thig le de nyid mi shigs pa'o/ /de las yi ge ma lus 'byung/ /gang gis chos kyi phyag rgya yi/ yi ge gnyis kyis de nyid shes/ /de yi sems can thams cad la/ /chos kyi 'khor lo rab bskor 'gyur/ /'gro ba gang gis yi ge gnyis/ /de nyid mi shes rtag tu 'don/ /sangs rgyas chos dang spyir 'byung ste /phyug po longs spyod spangs bzhin no/ /zhes gsungs so/ /'dir de lta bu'i e waM gyi yi ge shes pa ni rtogs pa ste/ /gang gis mngon du byas pa de yis sangs rgyas rtogs pa'o/ /mdza' dag ni e waM gyi yi ge thams cad ma lus pa ste/ de nyid sna tshogs gcig gis ngo bo nyid kyis phyir ro/ /de ci ltar gyur pa yin zhe na/ kye ho de nyid chos kyi za ma tog /zhes bya ba la sogs pa gsungs te/ chos rnams ni phung po dang khams dang skye mched la sogs pa rnams so/ /kye ho zhes pa ni bod pa'i tshig go /de ni gnyug ma'i bdag po'i cha lugs so/ /zhes pa la gnyug ma'i bdag po ni thugs rdo rje'o/ /cha lugs ni rgyan no/ /des ma byung pas de nyid gsal bar 'byung ba'i phyir ro/ /yang de nyid kyi sgrub thabs mdor bstan pa/ gal te rlung ni 'gro ba'i zhes bya ba la sogs pa gsungs te/ rlung 'gro ba'i sgo ni steng dang 'og go /de la bstan zhing mi phyed pa'i sgo lcags te rlung kha sbyor du byed pas zla ba dang nyi ma dang me 'gog pa byed cing bsgrubs te/ 'dis ni lus bcing ba'o/ /gal te nang gis mun pa nag po la/ /zhes bya ba la sogs pa'o/ /gal te ? mun pa ni bzad pa la/ rlung bum pa can gyi ngo bo g.yo ba ? pa'i ting nge 'dzin gyis mid? gzhom du med pa'i sgra chos kyi dbyings de nyid ni/ bde ba chen po gsal bar byed pa'i phyir mar me'o/ /de yong du ma la sogs pa'i mtshan mas bsgrub par bya'o/ /de ltar yang dpal 'dus par/ 'gog pa rdo rje bgrod sems la/ /mtshan ma nyer 'dzin 'byung 'gyur te/ /zhes gsungs te 'dis dag bcing ba'o/ /rgyal ba rin chen zhes pa la sogs pa la/ rgyal ba rin chen ni gzhom du med pa de nyid do/ /steng du zhes pa ni gang gis tshe brtan du gyur pa drug pa ye shes kyis dkyil 'khor gyi thig le la reg cing de la 'khyud pa'o/ /de skad drug ba rdo rje mi rnams kyi/ /nor bu rgyal rnams spyi bor gnas/ /char rgyun 'bab pa dag tu dran/ /yang gsungs pa/ nad thig le yang dag ldan/ /gang tshe rnam kun 'gyur pa na/ /de tshe 'bras bu zhes brjod par/ /rnal 'byor ldan pa mchog rnams sgra/ /zhes so/ des cir 'gyur zhe na/ nag po na re zhes gsungs te/ nag po rdo rje na re srid pa'i longs spyod shes rab kyi bde ba nyid nyams su myong bas 'dod chags dang bral ba'i sdug bsngal thams cad las log pa'i phyir/ mya ngan las 'das pa'i go 'phang chen po dngos su grub par 'gyur ro zhes smras so/ /de ltar yang dpal dang po'i sangs rgyas las/ dbu mar srog ni rab bzhugs nyi ma dang bcas ri bong can gyis dgrod pa g.yas dang g.yon la bcing/ /phyag rgya rab tu 'grogs la sems dang mchog gi bde ba la gnas rdo rje yang dag blang pa yang/ /pad+mar rdo rje'i smra 'am rang gis lag pa'i chu skyes dag gis gsor ba bde ba'i slad du ste/ /sa bon stong pa min pa'i bde ba de ni 'chi ba'i 'jigs 'phrog 'di ni dpal ldan bla ma'i zhal/ /zhes gsungs so/ /sems bcings ba nyid kyis thams cad 'grub po snyam dgongs nas/ sems mi g.yo ba nyid gsungs pa/ gang gis yid na mi g.yo byas gyur na zhes bya ba la sogs pa ste/ sbyor ba yan lag drug la sogs pas rdo rje chu skyes sbyor ba bsgrub sems mi g.yo bar byas pa'o/ /de gang du zhe na/ de ni chos kyi yi ge'i dngos su zhes bya ba la sogs pa gsungs te/ chos kyi yi ge ni gzhom du med pa bdag med pa'i sa bon te/ de'i ngos su ni de la zhes bya ba'i don to/ /de cir 'gyur zhe na/ /skad cig de la rlung ni 'ching bar 'gyur zhes bya ba la sogs pa gsungs te/ rlung ni srog gi rlung ste/ skad cig la 'chid bar 'gyur ro/ /gzhan cir 'gyur zhe na/ de tshe yul rnams la yang chags med 'gyur/ /zhes gsungs te/ yul rnams ni gzugs la sogs pa rnams so/ /nye bar longs spyod kyang mngon par zhen pa med pas 'khor ba'i 'ching ba las grol zhes bya ba'i don to/ /chos kyi yi ge de gang du gnas zhe na/ mchog dang khyad dga' dag gi zhes bya ba la sogs pa gsungs te/ mchog dang khyad dga' dag ni zla ba dang nyi ma ste/ chags pa dang chags bral/ dag go / de gnyis kyis dbus su lta bar bya ste/ de la chos yi ge de skad bshad pa'i mtshan nyid can de dag gi dbus su mtshon par bya'o/ /gal te 'di 'dra'i gdam ngag gsal grub na/ zhes bya ba la sogs pa las/ 'di 'dra ba'i sngags kyi tshul gyis man ngag gi gal te gsal bar 'di thams cad grub cing rdzogs par gyur na/ de'i tshe rlung khyim bdag mo sngar bshad pa'i mtshan nyid can nges par 'chid bar 'gyur te/ g.yeng ba med par 'gyur zhes bya ba'i don to/ /'dir srog bcings pas g.yo ba med par gyur pa der chos kyi yi ge bde ba chen po rdo rje'o/ /gzugs ji lta bus gang du gnas zhe na/ ri bo mchog gi rtsa zhes bya ba la sogs pa gsungs te/ mchog gi rin po che'i ri bo ste/ de nyid sngar bshad pa'i ri bo'o/ /de'i zom ni rtse mo dgu pa dang mi dgu ba dang bcas pa'i gzugs mdza' dag gi bde ba chen po'i gzhi yin pa'i phyir te/ yan lag mchog gis thang chen mo'o/ /ri khrod ma'i sa der gnas byas la zhes pa ni ri khrod ma de lta bu ngo bos gang du chos kyi yi ge ye shes bcom ldan 'das kyi gnas su byas pa der gnas pa'o/ /khyad par ji lta bu zhe na/ seng ge yis kyang mchod bar mi nus zhes pa la sogs pa ste/ mchong bar mi nus na ni gzhom par mi nus pa'o/ /gang gis zhes na seng ges te/ gdong lnga ni dkyil 'khor lnga'i sgo rnams te/ drug pa ye shes kyi dkyil 'khor gyi ngo bo nyid kyis phyir ro/ /mig ldan mchog gi re ba ring du 'gyur/ zhes pa la sogs pa la glang po che ni phyugs te/ zla ba dang nyi ma dag gi de dag gi mchongs pa'i re ba ring du gyur pa'o/ /de skad du zla nyi dag ni phyugs chen no/ /zhes so/ /'di'i dgongs pa ni zla ba dang nyi ma'i dkyil 'khor 'bab pa'i rlung la zhon pa'i rnam par shes pa'i khams kyis dus thams cad la gnas pa'i bcom ldan 'das bde ba chen po rdo rje mi rtog zhes pa'o/ /de ltar las skyes pa lus la nges par gang du gnas zhe na/ 'di ni mchog gi ri bor bdag gis bstan/ /zhes bya ba la sogs pa gsungs te/ nag po rdo rje bdag gis 'di ni mchog gi ri bor bstan te/ grub thob gzhan gyis ma bshad/ gzhan gyis brjod par mi nus zhes dgongs pa'o/ /'di nyid bde ba chen po'i gnas yin zhes bya ba la sogs pa las/ don dam pa'i sgo nas de nyid bde ba chen po'i gnas sngar bshad pa'i thar yangs pa'o/ /lhan cig skyes pa'i skad cig 'di ru ltos/ zhes bya ba la sogs pa la 'di nyid ste lhan cig skyes pa'i skad cig der ro/ /rdo rje 'dzin la sogs pa las goms pa nyid do/ /de nyid kyi phyir bde ba chen po ma rnyed par du'o/ /zhes gsungs te/ sa bcu gsum gyi dbang phyug rdo rje 'chang gi go 'phang thob kyi bar du'o/ /rdo rje 'chang de ci lta bur gyur zhes dgongs pa la/ 'gro ba kun gyis zhes bya ba la sogs pa gsungs te/ de bzhin gshegs pa rnam par snang mdzad la sogs pa de rnams thams cad gzugs kyi phung po'i tshul gyis 'gro ba'i rnam pa'o/ /de rnams kyi sku dang/ gsung dang thugs dang sa la sogs pa'i khams kyi ngo bo spyan ma la sogs pa'i lha mo rnams so/ /de rnams 'dres pa ste/ gcig tu rol par gyur pa 'dod chags chen pos mngon par rdzogs par byang chub pa'i phun sum tshogs pa'i mtshan nyid rdo rje 'chang gi sku ste/ chu dang 'o ma'i tshul gyis 'di dag ro mnyam par gyur pa zhes dgongs pa'o/ /de nyid rdo rje 'chang gi sku ste/ sku dang gsung dang thugs la sogs pa chu dang rlubs kyi tshul gyis rnam par 'phro ba ste/ khams gsum pa'i sku can zhes pa'i don to/ /de nyid gsal bar bstan pa'i phyir/ /kye to de nyid bde chen rgyal po cig bu nyid/ /zhes bya ba gsungs te/ de nyid cig bu bde ba chen po'i rgyal po'i rdo rje 'dzin pa ste/ rnam pa sna tshogs pa'i so sor snang bas rnam par mdzes pa'i phyir zhes pa'i bar ro/ /de nyid phyag rgya chen po'i bdag nyid rdo rje 'chang chen po'i thugs kyis ye shes kyi phyag rgya dang bral bas mi 'grub po zhes dgongs pa la/ sngags dang rgyud ni cig kyang mi bya zhes bya ba la sogs pa gsungs te/ cig kyang bya ba ma yin te/ sngags ni sngags kyi bzlas pa'o/ /rgyud ni rgyud klog pa ste ci'i phyir de ltar yin zhe na/ gnyug ma'i khyim bdag mo zhes bya ba la sogs pa ste/ gnyug ma'i khyim bdag mo ye shes kyi phyag rgya rang gis sems kyi snang ba/ bla ma dam pa'i man ngag gis blangs nas rnal 'byor pas yid dang mthun pa'i gnas su phyag rgya de la lhan cig skyes pa'i rol rtsed bya'o/ /zhes pa'o/ /de ltar yang dpal dang po'i sangs rgyas las/ sems kyi snang ba tsam ste rang gi yid las skyes pa me long gi ni gzugs brnyan lta bu nyid/ /gang zhig mdza' dag rgyal ba'i sras dang sangs rgyas rnams kyis brten pa rnal 'byor dbang pos brten bya ste/ ye shes me lce rab tu rgyas pa de ni bdud tshogs yul dang bcas pa mdza' dag bsreg byed cing/ /lus la chags pa la sogs kyang ste rnam par rnams la lo yi sbyor bas bde mnyam ster bar byed/ ces gsungs te/ bcom ldan 'das ma de nyid la zhen pa'i rnal 'byor pa des de'i tshe sngags dang rgyud la zhen pa thams cad mi bya'o dpal kye rdo rje yang/ sngags bzlas dka' thub sbyin sreg med/ /dkyil 'khor pa med dkyil 'khor med/ /de nyid dka' thub sbyin sreg bzlas/ /dkyil 'khor ba de dkyil 'khor de/ zhes gsungs so/ /gnyug ma'i khyim du zhes pa la/ gnyug ma'i khyim ni thams cad stong pa nyid a wa d+hU ti'i gnas so/ /phyag rgya chen po'i rgyud kyis khyim bdag mo de ji srid gnas par ma gyur pa ni thim par ma gyur pa'o/ /de srid 'dod yon lnga ste/ re zhig mngon par byang chub pa lngas sems can du ma'i bsam pa'i dbye bas zhal dang kha dog dang dbyibs kyis gnas te/ de ltar yang dang po'i sangs rgyas las/ las kyi phyag rgya'i snyoms 'jug dang/ /ye shes phyag rgya sogs dmigs dang/ /phyag rgya chen po cig sbyor bas/ /mi 'gyur ba de 'phel bar 'gyur/ /zhes dang/ kun nas phyag dang zhabs la sogs/ /kun nas dbu dang spyan dang zhal/ /kun tu 'jig rten thos par ldan/ /thams cad khyab par byas te bzhugs/ /zhes gsungs so/ /mchog gi phyag rgya de nyid kyi 'bras bu'i phyag rgya chen po bsgrub pa'i gdam ngag nges par bstan cing/ yang de nyid bstan pa ni/ bzlas dang sbyin sreg dkyil 'khor las 'di yin/ zhes gsungs so/ /phyi rol tu gyur pa'i sbyin sreg dang/ bzlas pa dang/ dkyil 'khor gyis las 'dis nyi ma re re zhing gnas pas ci zhig bya ste/ yid g.yeng bar gyur pa kung+ha k+ki ri re'i ngo bo ni 'bras bu med ces bya ba'i don to/ /ci lta 'di thams cad don med pa yin zhe na/ gzhon nu ma dang rtag tu mdza' ba de med na/ zhes gsungs te/ gzhon nu ma ni mchog gi phyag rgya ste/ de nyid rtag tu chags pa'i rang bzhin nyid kyi phyir bar med cing rgyun 'chad pa'i dga' ba la sogs pa'i rims kyis rjes su chags pa bskyed pa'i mdza' ba de yis gzhon nu ma dang bar med par mdzad pa'o/ /lus 'di yis ni byang chub ji ltar 'grub ces bya ba la/ byang chub ni phyag rgya chen po'o/ /ji ltar 'grub ces bya ba ni sngar bshad pa'i e waM gyi yi ge'i lus med na mi 'grub ces bya ba'i don to/ gang gis rtag tu lhan skyes ba de rtogs na/ zhes bya ba la/ gang gis rtag tu 'char ba'i phyag rgya chen po'i ngo bo lhan cig skyes pa'i mtshan nyid kyi skad cig rtogs pa ste/ lhag ma go bla'o/ /gang gis rin chen sems ni brtan byas pa zhes bya ba la/ gang gis bstan par byas pa ni/ rab tu gtum pa'i gtum mo'i mes zhu bar byas kyang bskyed mi nus pa'i phyir te/ g.yo ba med pa'i yid kyis rin po che byang chub kyi sems so/ /ci ltar byas nas zhe na/ gnyug ma'i khyim bdag mo blangs nas zhes gsungs te/ gnyug ma'i khyim bdag mo mchog gi phyag rgya de nyid e waM gyi yi ge bde ba chen po'i gnas su'o/ /zhes gsungs te/ de nyid rdo rje 'chang mgon po sku gsung thugs kyi mnga' bdag go / de nyid ces pa bod pa'i tshig go /mchog gi don 'di bdag gis brjod/ /ces bya ba ni/ nag po rdo rje bdag gis mchog gi don ma bcos pa'i don 'di brjod zhes pa ste/ 'di las gzhan pa'i don med do zhes pa'i don to/ /de nyid dpe bstan pa'i phyir/ ji ltar lan tshwa chu la zhu ba bzhin/ zhes gsungs te/ ji ltar lan tshwa chu la zhugs pa zhu ba de bzhin du khyim gyi bdag mo'i gzugs can ma bzung nas/ sems dang byang chub kyi sems ro mnyam pa nyid du 'gyur ro/ /de ltar yang dpal kyai rdo rje las ? ba'i rnam pa bcom ldan 'das/ /de yi bde ba 'dod par brjod/ /ces gsungs so/ /bu ba dang bde ba de gnyis gang yang rten dang rten pa'i tshul can thams cad stong pa'i rang bzhin 'gyur ba med pa'i bde bar ro mnyam zhing gcig tu 'dres par skad cig de la 'gyur ro/ /de ltar yang dpal dang po'i sangs rgyas las/ brten dang brten pa'i 'brel pa dag /ji srid 'gyur med par du 'gro/ sems kyis 'gyur med nyid thob na/ brten dang brten pa'i mtshan nyid med/ /ces gsungs/ /de bzhin du kha sbyor las kyang/ sna yi bu ga gnyis su rlung/ /'jug pa bde ba'i dus zhes brjod/ /'byung ba sdug bsngal zhes su 'gyur/ /de dag gcig par rab tu bsgrags/ /grags med cig pur 'byung ba ni/ /bsam gyis mi khyab dus su 'gyur/ /srog dang rtsol bas rnams smin zhong/ /'byung dang 'jug pa rnam par spangs/ /'gro dang 'ong las rnam par grol/ /dus gcig tu ni brjod par bya/ /chags pa ma yin chags bral min/ /dbu mar dmigs par mi 'gyur ro/ /chags pa dang ni chags bral dang/ /gnyis po 'dres pa gzhom du med/ /ji ltar mar la mar ba nag ltar/ /'dres par gyur brnyog pa med/ /de bzhin chags dang chags bral dag / cig pa ro mnyam skad cig go /zhes gsungs so/ /gang gis de dang rtag tu mnyam par gnas/ zhes bya ba gsungs te/ gal te de nyid phan tshun du'o/ /rtag tu gnas pha ni rgyun mi 'chad pa'o/ /gang gis tshe yang 'di ltar 'gyur zhes pa'o/ /'di'i don ni/ de lta de ltar bstan pa'i thabs kyis/ khu ba dang rdul gyi ngo bo dang bde ba'i ngo bo dag phan tshun rgyun mi chad cing gzhan ma yin pa khu ba'i rang bzhin zla ba'i snang ba longs spyod rdzogs pa'i sku'o/ /rdul gyi rang bzhin nyi ma'i snang ba sprul pa'i sku ste nub par gnas pa'o/ /bde ba'i ngo bo nyid du gnas pa'i khyim bdag mo dang lhan cig byang chub kyi sems 'di gnyis ka'i sbyor bas gong bur gyur nas skye ba dang 'jig pa'i rang bzhin 'khor ba'i lam las 'das te ro mnyam par gyur nas rgyu mthun pa'i rang bzhin dpal he ru kar 'gyur ro/ /de ltar yang dpal kha sbyor las/ gang tshe mgrin gnas chags chen po zla ba'i tshul gyis gnas gyur pa/ /de tshe longs spyod rdzogs skur bshad/ /sangs rgyas rnams kyi sku mchog yin/ /gang tshe 'di ni sna rtse dang/ gang tshe rdo rje'i rtse mor gnas/ /de tshe longs spyod rdzogs pa yi/ /sku yang nub bar 'gyur ba yin/ /'di ni b+ha ga'i dbus su gnas/ /yungs kar zhas ni rnam par grags/ /nyi ma'i gzugs su yang dag bshad/ /sprul pa'i sku ru brjod par bya/ /sangs rgyas byang chub sems dpa' rnams/ /de yis spro zhing bskyed par byed/ /pad+ma gar gyi dbang phyug rgyal/ /pad ma'i gtso bo zhes su brjod/ /ces gsungs so/ /d+ho ha mdzod kyi rgya cher bshad pa paN+Di ta dpal dpag med rdo rjes mdzad pa 'di rdzogs so/ / //'di ni snyegs dus kyi 'gro ba mdza' yas ba'i 'dren pa dam pa/ rgyal ba'i dbang po karma pa'i sprul sku bdun pa'i zhal mnga' bka' i bskul ba bzhin/ sa skyong bstan pa'i sbyin bdag chen po dpon chen rin chen rnam rgyal dbang po'i sde sku mched bas bdag rkyen sbyar te/ zha lu lots+tsha ba dge slong d+harma pA la b+ha tra zhes bgyi bas chos grwa grwa thab gangs can khrod kyi bkrim shli la'i gtsug lag khang du rnga chen zhes bya ba lcags ngo khyi'i le'i khrums kyi zla ba'i nyer drug la rdzogs par bsgyur cing dag par byas pa'o/ / //!/ /rgya gar skad du/ badzra gI tI/ bod skad du/ rdo rje'i glu/ kye rdo rje la phyag 'tshal lo/ /kye shes rab kyi ni kak+ko lar/ /thabs kyi bro la rab bzhag nas/ /yang yang bsrubs gyur sgra sgrogs pa/ /der ni snying rje cis mi skye skabs der sha ni bza' bya zhing/

CLOSE WINDOW