བོད་ཡིག

e-texts based on the ACIP/ALL Input

bod ban be ro tsa nas bsgyur ba'o// //dpal sa ra ha dang mnga' bdag mai tri ba'i zhung zhus lan bzhugs so// !/ /na mo gu ru/ kun khyab kun yin mtshon du gang yang med/ /bsam du med cing dmigs pa'i yul las 'das/ /mdza' dbus med cing phyogs ris kun dang bral/ /ye yin yang dag don la phyag 'tshal lo/ /rje bram ze chen po sa ra ha'i dgongs pa mthar thug pa phyag rgya chen po'i zhu lan/ rnal 'byor rang gi rjes 'dzin bya ba dang/ /rjes 'jug dang ldan rnams la phan pa'i phyir/ /bla ma rnams kyi gsungs pa zab mo'i don/ /lhag chad med par yi ger bkod par bya'o/ /de yang bram ze chen po sa ra ha ba la/ /mnga' bdag rgyal sras mai tri pas zhus pa/ /phyag rgya chen po ni kun khyab yin gsungs ba mchis na/ de ltar du lags sam zhes zhus pas/ /go bzhin rtogs na yin gsung/ 'o na phyag snang ba/ rgya stong pa chen po zung du 'jug pa ste/ snang stong zung du 'jug pa gcig phyag rgya chen po zer ba la lags sam zhus pas/ sa ra ha pa'i zhal nas/ de chos kyi phyag rgya zhes bya ba yin/ phyag rgya chen po rang de min gsung/ yang zhus pa /'o na phyag bde ba/ rgya stong pa chen po zung du 'jug pas ste/ bde stong zung du 'jug pa gcig la phyag rgya chen po zer ba lags sam zhus pas/ rje'i zhal nas/ de las kyi phyag rgya bya ba yin/ phyag rgya chen po rang min gsungs/ yang zhus pa/ phyag gsal ba/ rgya stong pa chen po zung du 'jug pa ste/ gsal stong zung du 'jug pa gcig la phyag rgya chen po zer ba lags sam zhus pas/ rje'i zhal nas/ de 'od kyi phyag rgya bya ba yin/ phyag rgya chen po rang min gsungs/ yang zhus pa/ 'o na phyag rig pa/ rgya stong pa/ chen po zung du 'jug pa ste/ rig stong zung du 'jug pa gcig la phyag rgya chen po zer ba lags sam zhus pas/ rje'i zhal nas/ de yid kyi phyag rgya bya ba yin/ phyag rgya chen po rang min gsungs/ de kun thams cad phyag rgya chen po'i cha tsam phyogs de tsam yin gsungs/ phyag rgya chen po dang min gsungs/ 'o na phyag rgya chen po rang gang lags zhus pas/ zhal nas phyag rgya chen po bya ba ni/ gzhi lam 'bras bu gsum gyi ma phye ba/ lta sgom spyod 'bras bzhi'i srang su ma bcug pa/ dbang bzhi'i don dang bral ba/ gsal ba/ stong pa/ mi rtogs pa gsum la mi ltos pa/ zhi gnas dang lhag mthong gi cha la ma brten pa/ slob dpon gyis bstan du med pa/ slob mas go rgyu? med pa/ chos thams cad ye nas yin pa ji bzhin du gnas pa gcig la phyag rgya chen po zhes ming du btags pa gcig lags gsungs /yang zhus pa/ 'o na ji ltar byas na go zhing rtogs pa lags zhus pas/ mai tri pa zhes bos nas/ yang dag pa'i lam la sa dang lam med kyi/ lam du 'jug 'jug po dang/ sa bgrod bgrod po mthe bas/ sangs rgyas la thob rgyu med kyi ma re /'khor bar ltungs med kyi mdogs/ chos nyid kyi ngo bo la tha dad mod kyi ma dbye/ cam gyi zhog la kha rog par cogs kyi spong?/ tsen gyis zhog /blos ci yang ma bsam/ yid kyi ci yang ma bskam?/ dmigs pa ci la yang ma gtong/ sems ci la yang ma 'khri /ye ji bzhin du zhog /spros med/ shin tu spros med/ ma dmigs/ shin tu ma dmigs par zhog cig /bshad pa tshig yin/ mtshon pa yi ge yin/ bstan pa brda yin/ bsgom na don nang nas 'char/ yang dag pa'i don la ci yang med/ ci nas 'di yin nga bas sangs rgyas kyis kyang bstan du ma btub par gda' gsungs so/ /yang mai tri pa zhes bos nas/ don kyang 'di bzhin du gyis dang/ yang dag pa'i dbyings dpe yin/ sems don yin/ rtags ni dbang po sgo lnga la 'char/ mi gsal na dbang po rta la bskyon/ ma bden nyid ga'i 'gag la ltos/ ma gos go byed kyi mkhan po bskyur la thong gsungs/ de la gzhan mi bdog gam zhus pas/ dpe la don gyi lta ba'i dus su/ rtags mig gi dbang po la 'char ba yin/ lta stangs kyi dus su/ khong 'phrig dang the tshom ma za /nyams myong gi dus su bsam gtan cha dang/ zhi gnas dang/ yin min mdza' bral du gnas pa de la phyag rgya chen po phyag rgya chen po/ gsum gyi drod tshang ngo shes par gyis/ tha mal gyi shes pa yin par skyol gsung/ yang 'di bzhin du zhog /sgom med du khres? se?/ rtsol med du shig ge /bsam med du babs so/ rtog med du lhan ne/ 'dzin med du had de/ rten med du chal le/ ltos med du cham mer zhog gsungs/ rtsol med du nyams su len pa la gzhan gyi gegs mi yong/ sgom mi nus pa rdo rje chang gi sel mi nus/ mi bsel ba'i gegs dang gcig /nye dwags nas ngo ma shes pa'i skyon dang gnyis/ zab drags pas ngos ma zin pa'i skyon dang gsum/ sla drags pas yid ma ches pa'i skyon dang bzhi/ bzang drags pas blor ma shong ba'i skyon dang lnga'o/ /lar chos ma shes nas sdugs pa min/ mi byed par bsdugs pa yin/ gdams ngag med nas bsdugs pa min/ bsgom ma nus nas bsdugs pa yin/ tshogs bsags rgyu med nas bsdugs pa min/ mi bsog nas bsdugs pa yin/ bram ze chen po sa ra ha pa dang/ mnga' bdag mai tri pa'i phyag rgya chen po'i zhu len/ aithi //nag pa pa'i d+ho ha mdzod kyi rgyas 'grel paN+Di ta dpag med rdo rjes mdzad pa bzhugs so// !/ /rgya gar skad du/ sh+ri kriSh+Na badzra pA nga do ha ko Sha Ti kA/ bod skad du/

CLOSE WINDOW