བོད་ཡིག | e-texts based on the ACIP/ALL ![]() ![]() |
/ji ltar nang bzhin phyi rol te/ /gnyis su med pa'i rnal 'byor 'dis/ /sgrub pa ru ni rigs pa yin/ /slob dpon chen po ke ra li bas mdzad pa de kho na nyid grub pa rdzogs so// (//dam tshig lnga bcu pa bzhugs so/ /)
!/ /rgya gar skad du/ sa ma ya pany+tsa? shi kA/ bod skad du/ dam tshig lnga bcu pa/ /dpal rdo rje sems dpa' la phyag 'tshal lo/ /dpal ldan rdo rje sems dpa' thugs brtser bcas la phyag 'tshal te/ /yang dag bde bas mdza' dag dngos grub gter ni sgrub byed ba/ /
dpal ldan gsang ba'i rgyud mang las gsungs shin tu gsang ba yi/ /tshogs kyi 'khor lo'i cho ga bzang po mdor bsdus gsal bar bya/ /nyin dang mtshan mo'am nyin re bzhin nam yang na ni/ ji ltar thob pa'am de bzhin yang na tshigs kyi nyin/ /yang na zla ba so sor 'khor lo bya ba ste/ /
lo las 'das par gyur na bgegs ni byed pa nyid/ gnyer tshe med pa'i dur khrod dang ni dgon pa 'am/ /yang na rdzing bu'i 'gram dang skyes mos tshal dag dang/ /chu gter 'gram dang ri bo yi ni sul dag dang/ /phug bzang sogs su 'khor lo 'bras bu rab tu ste?
3/ dpal ldan yang dag rab sbyin thob/ /cho ga shes shing snying rtser ldan/ /'jig rten chos lam chags shing/ /chags dang rgyu la sogs pa spangs/ /snyan bar smra zhing bzhin 'dzum ldan/ /bzod bcas dran dang brtson 'grus ldan/ /tshogs kyi dkyil 'khor 'dran pa rung/ /dpal
ldan rdo rje sems dpas gsungs/ /de yi dkyil 'khor pa rnams kyang/ /skal bar ldan zhing chags sogs spangs/ /dbang bskur thob cing blo gros dang/ /bzod brtson dran dang snying brtser ldan/ /rgan rigs bzhin du 'dug par 'dod/ /dam tshig spyod pa'i spyod pa ldan/ /dbang ma thob pas
mi rigs par/ /der ni sgrub pos 'khor lo bya/ /me tog bzang dang bdug spos sgron me dang/ /byug pa rnam mang bza' btung sna tshogs dang/ /mal stan dang ni rma med yid 'ong yon rnams te/ /'di dag ches mang ba'am ji ltar rnyed pa bsgrub/ de nas ro 'om stag gi ni/ /pags par
'khor lo'i dbang 'dug ste/ /mi rus kyi ni rgyan cha 'am/ /yang na sa las byas pas brgyan/ /phyi yi rig ma mchog dang bcas/ /slob ma bzang pos yongs su bskor/ /de yang rang rig rig mang bcas/ /mi nus na ni bsams kyang rung/ /slob ma mkhas shing cho ga shes/ /dran dang brtson
'grus bzod par ldan/ /bla ma la ni yang dag gus/ /las kyi rdo rjer bzhag par bya/ /gang yang dbang bskur ma thob dang/ /thob kyang g.yon can gdug pa can/ /de dag gis ni 'khor lo dag /thag ring nas kyang mi mthong bya/ /bla mas bde ba che bsams nas/ /sha sogs sbyangs pa'i
gtor ma ni/ /'byung po thams cad pa la sbyin/ /me rtog rnams kyis rang lus mchod/ /so sor snod ni re re ste/ /bla ma la ni slar yang dbul/ /de bzhin bza' ba'i snod gnyis dang/ /btung sogs nyis 'gyur tshogs su'o/ /de nas rnal 'byor rig pa yis/ /rang zhal thab khung yid kyi mer//
'bras chan? sha sogs mchod pa yi/ /bsreg blugs lag pa'i dgang blugs kyis/ /nang gi sbyin sreg tshul gyis ni/ /'dod pa'i lha ni tshim par bya/ /kol+la ai ri sogs dang gzhan/ /klu rnams kyis kyang tshim par bya/ /dgongs pa'i skad kyang smra bar bya/ /bdud rtsi lnga dang sgron ma dang/ /spyan
bzang rig ma brgyad po rnams/ cho ga shes pas bsten par bya/ /dran pa mngon gyur rnal 'byor gyis/ /khrag 'thung gzugs kyis gar bya ste/ /sgom la dga' zhing goms pa dang/ /dga' ba goms pa'i yid kyis ni/ /rdo rje chos dang sangs rgyas dang/ /de bzhin rnal 'byor ma dang yum/ /'di dag lhan
cig glu dang gar/ /yang yang glu blang gar bya'o/ /'di nyid tshogs bsrung ba yin te/ /bdag bsrung ba dang 'di nyid yin/ /'jig rten bsrung ba'ang 'di nyid de/ /sngags bzlas pa yang 'di nyid do/ /gang du gus bcas glu blang dang/ /gang du gus bcas gar byed pa/ /tshogs kyi gtso bo'i mdun du ste//
der ni dri yang mtshon bar bya/ /sgog pa'i dri ni dang po ste/ /de nas yang ni bya rgod dri/ /ga bur ma la ya skyes dri/ /glu yi byin rlabs mtshan nyid do/ /sgra ni ngang pa bung ba dang/ /nges par phan pa'i skad dang ni/ /khyad par du ni glu smra'o/ /ba lang 'tshe yi sgra yang ni/ /phyi rol tshil du mtshon par bya/ /gang yang thob bya
min pa dang/ /gang yang skal med de dag spang/ /bdud rtsi lnga dang sgron ma sogs/ /de bsams nas ni yongs su brtag /'khor lo'i dbang pos byin brlabs pa'i/ /snod du dma' bar gzung nas sbyin/ /gang la snod de byin pa na/ /bo ba ma yin 'phyang ba min/ /sgeg dang brnyas sogs dang bral bas//
pad+ma'i phyag rgyas gzung bar bya/ /rang gi lag gis ma yengs par/ /cung zad btung zhing legs par bkang/ /de yi phyag rgyas gtad nas ni/ /legs par btud de yang dag 'dug /der ni sgrub pos yang dang yang/ /dam pa'i phyag ni btsal bar bya/ /snod gang sa la bzhag pa'am/ /yang na gang zhig
gzhan la sbyin/ /yang na gang gi lag nas lhung/ /de la bla mas chad pa sbyin/ /rang nyid za bar 'dod pa yis/ /bza' dang btung ba 'dzin byed dang/ /gang yang rtsod pa smra byed pa/ /de dag myur du gnas nas dbyung/ /bla mas bsgo ba mi nus nas/ /de tshe de dag sdig pa can/ /rang nyid gzhan du 'gro ba'i/
yang na mi smra gnas par bya/ /las kyi rdo rje btung ba sogs/ /rang gis blangs pa sun mi dbyung/ /bshang gcis gzir na phyi rol 'gro/ shugs dgag par ni mi bya'o/ /nga rgyal zhe sdang gzhan la smod/ /de bzhin dam pa min pa'i gtam/ /rtsod dang ca co sems
ba dang/ /sun 'byin rnam par spang bar byas bkag pa spyad na rtsa ba dang/ /spom po'i ltung ba 'byung bar 'dod/ /ltung ba cho ga bzhin byas na/ /ltung las ldang bar yongs su bsgrags/ /slob dpon gyis ni bar du yang/ /'byung po tshim phyir gtor ma sbyin/ /de tshe bka' bzhin gus bcas pas/ /gar
dang glu la sogs pa bya/ /tshogs kyi las dang gzhan gyi tshe dang/ /rkang pa lag pa la sogs bskum/ /shin tu bag med rgyur gyur pa/ /shin tu dga' ba bzlog par bya/ /shin tu dga' las rnam g.yeng 'gyur/ /rnam g.yeng las ni rnal 'byor nyams/ /rnal 'byor dman las dngos grub
med/ /bzlog dka' bdud kyi las kyang 'byung/ /gang zhig yid kyi tshul khrims srungs/ /rang gzhan yang dag mchod par bya/ /gzugs sogs rnam man ngag gyur pa/ /de yis 'di la grub par 'gyur/ dngos grub 'dod pas dngos grub phyir/ /rnam par spang pa'i sems dang ni/ /gzhan pa'i
gzugs kyis skad cig kyang/ /mkhas pas gnas par mi bya'o/ ji snyed mtshan ma'i rnam g.yeng dang/ brjod pa rab 'byams thams cad kyang/ dpal ldan khrag 'thung gnas 'dug na/ de snyed sngags dang phyag rgyar 'gyur/ /dug gi dum bu gang nyid kyis/ /skye bo thams cad 'chi 'gyur
ba/ /dug gi de nyid shes pa yis/ /dug gis dug ni 'bigs par byed/ /bya ba 'ga' yis brel pa'am/ /ring du 'dug par mi bzod pa/ /de yis zhus nas 'gro bar bya/ /bzod pa gsol nas phyag kyang btsal/ /myur ba'i bya ba thams cad dang/ /gzhan yang rgyud las gsungs pa
rnams/ /dga' ba'i bsam pas rnal 'byor pas/ /'di dag dal bu dal bu bya/ /de ltar bsgrubs pa'i 'khor lo che/ /slob ma bzang po dang bcas pa/ /sgom la sogs pa'i stobs kyis ni/ /srid pa 'di la grub par 'gyur/ /de bzhin 'dir ni sgom pa sogs/ /yid ni gzhan du ma ye ?
bya/ /gal te ltung ba med gyur na/ /bcu drug pa la grub par 'gyur/ /bla mas tha ma'i gtor ma sbyin/ /de bzhin lhag gtor phyi rol du'o/ /sgrub po rnams kyis ci 'dod pa'i/ /smon lam yang ni gdab par bya/ /rnam rtog mdza' dag nub cing srid zhi dag /mnyam par gzigs shing rtag tu rnam
'gyur med/ /dpe med bde ba'i rol dgyes gyur pa/ dpa' bo rnal 'byor 'khor lo mchog la 'dud/ /rdo rje'i lha mo lus dang yan lag bcas/ /rtog pa'i rtsa ba ting nge 'dzin gyis sbyangs/ /dge ba 'di yis bdag gis mi ring bar/ /thabs kyis de ni yang dag mthong gyur cig /de nas
dngos kyis phyag 'tshal te/ /dpal ldan 'khor lo gshegs gsol bya/ /tshogs kun gshegs gsol byas nas ni/ /ci bde bar ni gnas par bya/ /de ltar bla ma brgyud pa las thob pa'i/ /cho ga shin tu nyung ngur brjod pa 'di/ /bdag nyid dran pa'i ched du byas gyur pa/ /de la mkhas
ba rnams kyis bzod par mdzod/ /dngos grub rnams kyi gter gyur rgyun chags tshogs 'khor cho ga ni/ /rnam gsal byas las bdag gis bsod nams gang thob des 'gro rnams/ /'bras bu dpal ldan rdo rje rab dgyes chags med skal bzang nyid/ /srid las rnam grol rab zhi
phyag rgya chen po grub gyur cig / zhes pa dam tshig lnga bcu pa rdzogs so// //'di ni grong khyer chen po dgra 'joms zhes bya ba bu kaM yul gyi dge slong A nanda pradz+nyA zhes bya ba dang/ zha lu lo tsA ba dge slong d+harma pA la b+ha dras/ dpal dge ba 'byung ba'i yul gru
grwa'i gzhis kha lhun grub gling du/ sa skyong chos kyi spyan ldan dpon chen kun dga' rin chen rgyal po ba'i bka' bzhin bsgyur cing zhus te gtan la phab pa'o// //slar yang byams pa gling du lo tsA ba ba ri d+harma kIrtis bsgyur ba'i 'gyur rnying zhig la gtugs te dag par
bya'o/ /sngar gyi 'gyur rnying la/ dam tshig lnga bcu pa zhes bya ba slob dpon pad+ma 'byung gnas zhabs kyis mdzad pa zhes snang// //!/ /rgya gar skad du/ pha la dz+nya nA d+harma d+ha d+hu/ bod skad du/ 'bras bu ye shes sa gcig chos kyi dbyings 'di la skabs brgyad de/
skye med blo 'das kyi skabs/
CLOSE WINDOW