བོད་ཡིག

e-texts based on the ACIP/ALL Input

/ //de kho na nyid grub pa slob dpon ke ra li ma mdzad pa bzhugs so// !/ /rgya gar skad du/ sh+rI ta tSha? sid+d+hi/ bod skad du/ dpal de kho na nyid grub pa/ dpal rdo rje sems dpa' la phyag 'tshal lo/ /sangs rgyas byang chub rdo rje ni/ /tshe 'dis 'grub kyi gzhan du min/ /lus dang ngag yid legs gnas pas/ /med par 'grub par mi 'gyur ro/ /'dod pa'i longs spyod rgyun mi 'chad/ /med na de yang ji ltar 'dod pa bsten/ /gnyis med ye shes dag pa las/ /de ltar min na log par ltung/ /de nas sdug bsngal brgyud par 'byung/ /de phyir sngags kyis byin brlabs pa'i/ /mkhas pa dag pas sngon 'gro spyad/ /ji ltar chu yi thigs pa ni/ /rgya mtshor babs na lan tshar 'gyur/ /lan cha 'o ma'i mtshor zhugs nas/ /de nyid slar yang bdud rtsir 'gyur/ /ji ltar dug sbrul de nyid shes/ /nus pa 'phrog par byed nus med/ /de nyid rgyud gzhan dag la ni/ /lnga po'i gnas skabs las mi 'da' / /gzhan yang 'dod pa zil non na/ /'dod pa nyid ni sman yin no/ /ji ltar dug gis gdungs pa la/ /dug nyid sman du che ba yin/ /ji ltar me yis tshig la me/ /tsher mas zug la tsher ma nyid/ /de bzhin nyon mongs kyis nyen na/ /nyon mongs nyid ni bdud rtsir che/ /dper na dug gi de nyid shes/ /dug zos kyang ni gnod mi 'gyur/ /de bzhin yul gyi de nyid shes/ /'dod pa spyad pas gnod pa med/ /ji ltar 'dam gyi pad+ma ni/ /'dam la gnas kyang des mi gos/ /de nyid rigs pas rtag tu ni/ /'dod pa rol pas spyad par bya/ /de phyir kun nas dogs med par/ /khyad par du ni longs spyod 'gyur/ /'dod pa lnga la brten byas na/ /dngos grub myur du des thob 'gyur/ /dka' thub brtul zhugs bsnyung ba yi/ /mkhas rnams skams par 'gyur ba yin/ /skams pas sdug bsngal 'gyur ba ste/ /sdug bsngal gyis ni sems g.yengs 'gyur/ /g.yengs pas byang chub gzhan du 'gyur/ /de phyir dngos grub mchog gnyen na/ /dka' thub brtul zhugs spyad mi bya/ /ji ltar bde bas de bzhin mnos/ /bde ba spangs na dngos grub med// de bas yid 'ong gnas su ni/ /nyams dga' i bu mo bcu gnyis ma/ /yid 'ong mig gi dkyus ring ma/ /gzugs dang lang tshos rnam par mdzes/ /brtan zhing mi g.yo dam tshig can/ /'dam las skyes pa'i dri 'bab ma/ /chags pa chen po'i rol rol pa/ /mchog tu mkhas shing sgeg pa dang/ /nyams dang ldan pa'i rnal 'byor pas/ /rang nyid 'khor lo'i dbus su gnas/ /dam tshig can ni rgyud dag pa'i/ /nang du nyin mtshan 'du bar bya/ /spu ldang 'dar zhing cher 'dar la/ /'dzum dang dgod dang rab tu dgod/ /myos pa dang ni bcas pa yi/ /'bebs pa rnam pa bdun du bshad/ /rengs dang myos dang 'gyur ba dang/ /rol dang yur dang shin tu 'phel/ /rkang pa 'dor dang lag pa bsgyur/ /phyag rgya mtshan ma lta stangs dang/ /sngags dang rgod dang drag po sogs/ /ki li ki li phreng sgrogs byed/ /rol pa dpa' kho rnam par nyed/ /sa bskyod ca co'i bye brag ldan/ /rgyal ba rab zhi du bas rtogs/ /byams shing dga' ba rgya mtsho ni/ /bde ba'i rtags las skyes pa'i 'od/ /ngo bo nyid kyis gsal ba'i yid/ /gnyis med rnam par gsal ba yi/ /rdzu 'phrul mngon shes dag dang ldan/ /de ltar bden don rab zhi ba'i/ /bye brag bcu gnyis dag gis mdzes/ /e yi cha byad bzang po gang/ /dbus su baM gis rnam par brgyan/ /bde ba kun gyi gnas yin te/ /sangs rgyas rin chen za ma tog /der ni dga' ba skye 'gyur te/ /skad cig dbye bas phye ba ni/ /dag pa'i grangs kyi rim pa yis/ de dag so sor gsal bar byas/ /stong nyid gsum gyi nyams sbyar bas/ /thams cad stong nyid rab tu gsal/ /de nyid gsal bas dag pa ni/ /mchog gi sgo 'phang de gsal 'gyur/ /de spyir mi g.yo phra ba'i yid/ /ldan pa'i rnal 'byor pas mtshon bya/ /ji srid gsal bar ma gyur pa/ /de srid bsgom pa la 'jug bya/ /rab tu gsal ba thob nas ni/ /rang dga' i gzugs su skye bar 'gyur/ /der ni skad cig ma bzhi dang/ /de bzhin du ni dga' ba bzhi/ /de la sna tshogs skad cig dang/ /rnam par smin par rnam par nyid/ /mtshan nyid med par brjod pa yis/ /bye brag mkhas pas shes par bya/ /sna tshogs du ma'i rnam pa can/ /'khyud dang 'o byed la sogs pa'o/ /rnam smin de las gyur pa ste/ /bdag gi bde ba la spyod mdzes/ /rnam nyed spyod pa'i bdag nyid de/ /bdag gi bde ba la spyod mdzes/ /de dag las gzhan mtshan nyid bral/ /dga' ba dang po mchog dga' dang/ /dga' bral la sogs lhan cig skyes/ /dga' ba'i bde ba cung zad pa de/ /mchog tu dga' ba de bas lhag /dga' bral chags pa bral pa ste/ /lhan cig skyes pa de dag spangs/ /brgyal dang phyi mo phyed tsam dang/ phyi mo zhes bya skad cig gsum/ /dam pa'i bde ba rnam par rol/ /dbye bas lhan cig skyes pa shes/ /brgyal ba kun nas ye shes med/ /cung zad shes pa phyi mo'i phyed/ /rnam pa kun gyi mchog ldan pa'i/ /ye shes phyi mo nyid du 'gyur/ /de phyir de nyid ye shes ni/ / gnyis med ye shes rab tu gsal/ /de la chags dang chags bral med/ /gnyi ga ma yin stong nyid min/ /kun min thams cad min pa min/ /yang na thams cad rnam par thim/ /ji ltar char gyi rgyu sna tshogs/ /ro gzugs du ma gzhan yin kyang/ /snod gcig tu ni zhugs pa na/ /zhu nas ro gcig nyid du 'gyur/ /de bzhin ye shes bde chen po/ /rnam par ngo bo nyid kyis gsal/ /gnyis med rnam pa'i rnal 'byor gyis/ /chos kun rnam pa bcom pas na/ /ye shes rgyun 'bab gtong ba'i blo/ /mkhas pas de lta bu nyid mtshon mi g.yo sgrib bral phra ba yi/ /thig le'i gzugs can rtog pa med/ /thog mdza' med pa'i de nyid na/ ma byung ma byas mchog yin no/ /skye ba'i chos rnams thams cad kyi/ /gzhi ni de nyid yin no/ /sangs rgyas byang chub sems dpa' dang/ /rnal 'byor pa yis de nyid la mthong ba de nyid ma mthong ba/ /de la phyi rol ci zhig bsam/ /de nyid 'khrul pa'i mchod pa sogs/ /phyi rol la yis ci dbyar yod/ /thams cad spangs nas de nyid bsgom/ /thams cad 'di las 'grub par 'gyur/ /A li kA li mnyam sbyor las/ /gang tshe nor bur chung pa na/ /man ngag gis ni rlung bzung ste/ /de tshe ye shes mthor bas 'gru ga /bskal pa mdza' yas bar du ni/ /der ni 'dod pa yang dag gnas/ /'od gsal ba'i gnas thob nas/ /sems can kun gyis phyag byas pa'i/ /tha mal snang ba'i rnal 'byor gyis/ /bzhi pa'i de nyid la brtan bya/ /mngon du go ma byed rnal 'byor pas/ /des ni myur du 'grub par 'gyur/ /rgyu la 'bras bu'i rgyas gdab cing/ /'bras bu la yang rgyus rgyas gdab/ /rgyu 'bras gcig tu rgyas btab pas/ /phyag rgya chen po skye bar 'gyur/ /mtshan mo snang ba'i cha ste gsal ba'i nyi ma'i 'od zer 'gyed pa snang ba mched pa yin/ /mtshams ni snang ba thob pa rang gi rang bzhin rnams kyis lan cig min par 'gro/ mtshan min nyin par min pa mtshams min gang zhig rang bzhin rnams dang rnam bral ba/ /de ni byang chub yin par bla ma mchog bshad rnal 'byor pa nyid yul/ /ji ltar phyi rol de bzhin nang/ /ji ltar nang bzhin phyi rol te/ /gnyis su med pa'i rnal 'byor 'dis/ /sgrub pa ru ni rigs pa yin/ /slob dpon chen po ke ra li bas mdzad pa de kho na nyid grub pa rdzogs so// (//dam tshig lnga bcu pa bzhugs so/ /) !/

CLOSE WINDOW