བོད་ཡིག

e-texts based on the ACIP/ALL Input

slob dpon sh+rI sing ngas mdzad pa'o/ /rdzogs so// //dpal sha ba ri'i bstod pa paN+Di nags kyi rin chen gyis mdzad pa rtse thang lo tsa ba'i 'gyur ro// // !/ /rgya gar skad du/ sh+rI sha bar pA da sto tra ratnaM/ bod skad du/ dpal ri khrod zhabs kyis bstod pa rin po che/ dpal ldan bla ma dam pa'i zhabs la phyag 'tshal lo/ /rdo rje'i rang bzhin mchog gi rdo rje sems dpa' ni/ /nam mkha' i ngo bo rnam pa thams cad mchog rang bzhin// 'dod ba sel ba de sha yig gis brjod pa/ /rnal 'byor dbang phyug dpal ldan ri khrod pa la 'dud/ /rtag par byung zhing yod kyang rgyu yis stong pa yi/ /rdo rje lta bu'i rol mnyam par gzhag gyur pa/ /des na 'di ni ba yig gis ni yang dag brjod/ /mgon po ri khrod sdom brtson dbang po la phyag 'tshal/ /rtag tu rgyal ba skyes mchog rnams kyi gsang chen la/ /dgyes shing gzhan dag chos rnams la ni dga' mdzad pa/ /de lta bu ni nga yi yi ges brjod pa ste/ /rnal 'byor ri khrod par grags de la phyag bgyi'o/ /yig gsum gyis bshad ri khrod pa la rab btud nas/ /yon tan chu gter su zhig gis ni bstod bar nus/ /'on kyang bdag ni bla ma khyed la dad dbang gis/ /bstod par 'dod pa de slad bstod par bgyi ba lags/ /rab tu sra zhing mi phyed thabs kyi rgyud dang bcas/ /shes rab gzhu ni mngon sum dag tu bsnams nas ni/ /lhan cig skyes pa bdag med mngon sum rang nyid kyis/ /nyams su myong ba'i mda' bkang 'gro bar gtogs rnams kyi/ /thog ma med ba'i dus nas bsags pa'i sdig ba rnams/ /yongs su spyad ba'i phyir dang nyon mongs shes bya yi/ /sgrib pa la sogs 'ben la bsdun bar gyur pa na/ /phug pa lags te kyai? brtan po khyod ni a la la ho/ /bdag med nyid kyis rgyas btab yang dag mdza' yis ni/ /'khor las khyod kyi dpral ba'i mthar ni mdzas mdzad de/ /e !ma'o gzhan don bdud rtsi dag la sred ldan pa/ /khyod ni dgra med dpa' bo'i dbang phyug ma lags sam/ / 'dod chags dang ni gzhan pa sdang byad gti mug ste/ /gsum po 'di dag 'jig rten dug tu rab tu grags/ /de dag thams cad ma lus sel par mdzad pas na/ /dgra bo drungs phyung dpa' bo'i dar dbyangs bcings pa lags/ /gang zhig 'dod la chags bral gtam gyis dman gyur cing/ /sra ba'i dregs pas che dang mtho tshig las rnam grol/ /rnam dag ngag gi rdo rje'i rna brgyan bzang bo dag /snyan gnyis dag la 'phyang ba de la phyag bgyi'o/ /thugs rje'i bdag nyid rdo rje mi rus phreng ba dag / gang gi mgul pa mchog gi rin chen mgul rgyan te/ /nges par 'gro ba rgyas mdzad nam mkha' i rang bzhin gyi/ /rnal 'byor dbang bo bla ma de la phyag bgyi'o/ /srog gcod pa dang bral bas khyod kyi phyag dag la// de bzhin gshegs pa'i dpal ldan gdu bu nges bcings te/ /sbyin pa la sogs pha rol phyin dug rnam dag pa/ /ma ru'i phreng ba drug ni nges par bcings pa lags/ /ma dag 'dod chags btsan thabs dag kyang des gsal ba'i/ / rnam dag nyid la reg pas sgra yi srang bu ni/ /gnyis kyi 'khor lo'i rang gi lte bar nges dkris bcings/ /'khor ba dang ni mya ngan 'das pa rnam dag ba'o/ /skye bo skrag pas nyam thag pa dang mi rnams kyi/ /rang la gnod byed khro bo'i rnam bar bzhi'i slad/ /khyed zhabs chu skyes rtsa ba dag la zhabs gdub dang/ /de nyid phyir na dpung brgyan zung dag dkris par 'dod/ /'gyur med sems kyi thal bas sku la nges par ni/ /khyab par mdzad de ba spu nges par gang ba nyid/ /de slad khyod kyi sku ni me long 'dra ba ste/ /dpal ldan rdo rje'i sku can bla ma khyod la 'dud/ /phung po yi? ni lus la dga' ba 'dzin pa yi/ /'dod chags la sogs rnams kyang sbyang ba'i slad du ni/ /thal ba dag gi sku la yang dag byugs ba yi/ /dpal ldan khyod la bdag ni skyabs su mchis ba lags/ /ral pa ring gnyis khyo shug zung ste 'di dag ni/ /gsal por rab tu phye bas de ni bstan ba yin/ /ral pa ring po bde chen 'khor lor gnas pa ni/ /'od gsal ba yis byin brlabs zung du 'jug pa 'di/ /seng ge yis ni 'jigs par byed pa'i sgra sgrags pas/ /gang phyir glang bo cher skrag 'jigs pas nyam thag pa/ /gzhom med bdag nyid sgra yi rang bzhin rwa yi ni/ /skad kyi bgegs rnams la ni mgon khyod de 'dra'o/ /khyod kyi ma ru'i phreng ba'i rgyan ni rmad byung ba/ /'di yi phyed dmar ba ni kun rdzob bden ba ste/ /phyed nag pa yang don dam pa yi rang bzhin lags/ /de dag gcig nyid mdud pa gang lags rab tu shis/ /lhan cig skyes pa'i rang bzhin bde ba rgyas mdzad pa/ /de bzhin gshegs pa kun gyi bcos min de nyid do/ /de slad khyod kyi sku la rnam par bkra ba yis/ /rma bya'i 'jug ma 'chad pa rmad byung chen po lags/ /sum cu rtsa gnyis rtsa 'di dag dang grangs mnyam ba'i/ /dbang phyug yon tan mchod phyir thogs pa rna ri 'chang/ /zhi bde'i sa bon rang gi snying ga'i phyogs na te/ /dpal ldan ri khrod khyod la rtag par phyag 'tshal lo /rdzogs pa'i byang chub phun sum tshogs pa'i gter gyi mchog /dam pa'i sku yi rdo rje dag dang ldan na yang/ / de las khyod kyis gcig tu sems can phan grub phyir/ /sna tshogs byed pa rnams kyang nges par bzung ba lags/ /kha yig gis ni a yig dung ste dum bur byas/ /de nas ga yig sems yongs shes pas mkha' la gshegs/ /gti mug sogs sel de slad kha dang ga dag gis/ /nam mkha' i sku ste mkha' 'gro yang ni khyod nyid lags/ /kun gyis bskur ba'i mu stegs ngan pa'i 'dod pa bcom/ /mi rnams bde gshegs go 'phang la ni 'god par mdzad/ /legs par 'dus la dam chos rab bstan phan pa dag / gtad de dam pa'i lam du bde bar bgrod pa'i gnas/ /rdzu 'phrul rnam 'phrul brgya phrag gnas kyis gang ba yi/ /bsam pa thams cad rdzogs par byed pa'i bum pa thob/ /e ma gzhan don phul byung bsags pa'i rgyal ba ni/ /ri khrod dam pa 'di yin khyod zhabs la 'dud de/ /de ltar bla ma dam pa sha ba ri dbang bstod pa yi/ /rin chen brtul zhugs dam pa nags kyi rin chen gyis byas 'dir/ /dge ba gang thob de yis srid pa'i chu gter bying ba dag / phyung nas kun gyis lhan skyes bde 'byor myur du sa thob shog /zhes pa dpal sha ba ri'i zhabs kyi bstod pa rin po che rdzogs so// //mkhas pa chen po dpal nags kyi rin chen gyis mdzad pa/ rje btsun dam pa de nyid kyi spyan sngar chos smra ba gzhon nu dpal gyis ding ring bsgyur ba'o/ / //nags kyi rin chen bstod pa bdun pa nyi ma pa mdzad pa rtse thang lo tsa'i 'gyur// !/ /rgya gar skad du/ sh+rI gu ru m+ba na ratna sto trapa bdun pa/

CLOSE WINDOW