བོད་ཡིག

e-texts based on the ACIP/ALL Input

bod kyi lo tsa ba khu ston dngos grub kyis bsgyur cing zhus te/ gtan la phab pa'o// //mang+ga laM// rgyal ba skyed ma'i rnam par dbye ba nges par bstan pa bzhugs/ / rgya gar skad du/ dzi na dzA na ni bi b+ha ga nir de sha/ bod skad du/ rgyal ba skyed ma'i rnam par dbye ba nges par bstan pa/ sangs rgyas dang byang chub sems dpa' thams cad la phyag 'tshal lo/ /'jam dpal gzhon nur gyur pa la phyag 'tshal lo/ /bden pa gnyis la 'jug bya'i phyir/ /'dod pa thugs rje'i rang bzhin can/ /yang dag nyid ni ston mdzad pa/ /dam pa'i skyes mchog de la 'dud/ /bcom ldan 'das gang khyab 'jug dang/ bde byed dang/ tshangs pa dang/ nyan thos dang/ rang sangs rgyas dang/ byang chub sems dpa' ste skyes bu dam pa rnams kyi mchog tu gyur pa/ bdag dang gzhan gyi don phun sum tshogS pa/ thugs rje'i rang bzhin can gyis kun rdzob dang/ don dam pa'i bden pa la 'jug bar bya ba'i don du/ /de don du gnyer ba rnams la ji ltar rigs par 'phags ba'i bden pa bzhi dang/ pha rol tu phyin pa dang gsang sngags kyi de kho na nyid yang dag par ston par mdzad pa de la phyag 'tshal nas/ /de'i gsung rab kyi don gyi phyogs gcig smra bar 'dod pas spong ba bstan? dang? nad pa/ so so'i skye bo dngos gang gis/ /mos pas thub gsung rgya mtsho la/ /zhugs nas snying po len pa ni/ /byang chub sems gzhan skye bos min/ /byang chub sems dpa' ma yin pa'i skye bo gzhan so so'i skye bo'i rang bzhin du gyur pa/ bdag lta bu dang de lta bu'i shes rab kyis don dam pa mkhyen pas thub pa ste/ bcom ldan 'das kyi gsung rgya mtsho la zhugs nas snying po len pa gang zhig yin/ de lta bas na re zhig bdag lta bus snying po yongs su bsdu bar lta ga la nus te/ de'i mthar thug pa spyod yul ma yin pa'i phyir ro/ /'o na ci'i phyir smra bar 'dod ce na/ /de ni bden te/ gang phyir yid ni dang ba'i chig/ kun la'ang rnyed dka' ma yin pas/ /de phyir slob ma'i ngor byas nas/ /mdor bsdus cung zhig brjod par bya/ /gang gi phyir yid rab tu dang ba tsam gyis tshig smra ba ni mkhas pa dang mi shes pa dag la yang rnyed dka' ba ma yin pa'i phyir/ /bla ma'i man ngag nyid kyis/ thob par gyur pa ci yang rung ba de don du gnyer ba'i slob ma'i ngor mdor bsdus nas cung zhig brjod pa la skyon ci yang med do/ /de la 'dir/ gang gi phyir gtsor gsang sngags kyi lugs kyi sgom pa'i rim pa mngon par brjod par bya ba yin na yang/ 'gro ba thams cad spang bar bya ba gnyis kyi skal ba can yin pa las mi 'da' zhing/ gnas so zhes bya ba ni gzhung lugs so/ /nyon mongs shes bya'i sgrib spang ba'i/ /skal med gang yod don dam du/ /'di dag spong bar 'bad pa nyid/ /byed pa'i dpa' bo 'os pa yin/ /gang gi phyir/ skal ba dang ldan pa'i skye bo bden pa nyid du bcom ldan 'das kyis bstan pa de lta na yang/ rtog pa dang ldan pas 'bad pa can du bya'o/ /ci skad gsang ba grub pa las/ /rkang pa brkyang ba spangs nas ni/ /'khor ba'i mdag gzhug dor nas kyang/ /rtag tu brtson pa'i yid kyis su/ /rdo rje sems dpa' bsgom par bya/ /'gyod dang snyom dang gnyid la rtsogs/ /'bad pa nyid kyis spang bar bya/ /bskal pa bye ba brgyar yang ni/ /gzhan du dngos grub 'byung mi 'gyur/ /zhes gsungs pa dang/ de nyid gzhan dag tu 'ang/ /sa 'dir skal med yod min te/ /thams cad sangs rgyas 'gyur ba yin/ /yang dag rdzogs sangs bsgrub pa la/ /de phyir zhum par mi bya'o zhes gsungs pa'i phyir ro/ /de la bden dang pha rol phyin sngags kyi/ /de nyid rnal 'byor mngon sbyor ba/ /rang gi mos pas rnam gsum ste/ /chung dang 'bring dang chen po nyid/ /chung ngu dang 'bring dang chen po nyid kyi/ /mos pa'i dbye bas skal ba dang ldan pa yang/ rnam pa gsum du 'gyur te/ 'phags pa'i bden pa bzhi sgom pa la mngon par dga' ba/ 'dod chags dang bral ba sngon du 'gro ba dang/ pha rol tu phyin pa la mngon par sbyor ba dang/ gsang sngags kyi tshul la mngon par sbyor ba'o/ /de la gsum car la yang/ so sor chung du dang 'bring dang chen po'i dbye ba nyid kyis dbye ba rnam pa dgu smra bar 'dod nas/ sdug bsngal bden pa'i ngo bo nyid/ /mthong ba rtag pa'i gnyen po'i phyir/ /rnal 'byor 'dod chags bral phyogs shing/ /chogs gnyis yang dag sogs byed la/ /bskal pa grangs med bzhis bsgrub par/ / sangs rgyas 'dod pa dang po nyid/ /chung rtsogs dbye bas tha dad de/ /nyan thos 'bring dang mchog nyid do/ /zhes smras so/ /chos thams cad ngo bo nyid med par sgom pa dang bral bas/ rtag pa la sogs pa phyin ci log gi gnyen bor skad cig ma'i bdag med pa sgom pas/ 'dod chags dang bral ba la mngon du phyogs par byas nas/ phyis tshogs gnyis yang dag par bsags te/ bskal ba grangs med pa bzhi'i dus kyis/ sangs rgyas nyid mngon par sgrub par 'dod pa nyid de/ de dag las dbang po tha ma ni nyan thos kyi byang chub kyis mya ngan las 'da' bar 'gyur ro/ /dbang po 'bring ni rang sangs rgyas su 'gyur ro/ /dbang po rnon pos ni yang dag par rdzogs pa'i sangs rgyas thob par 'gyur ro/ /de lta bu de dag nyid bsgrub par bya ba'i phyir/ de la dang po zhi dang dul/ /sems can don las kha phyir ltas/ /'di ni nyan thos byang chub 'gyur/ /lhag ma med pa 'dod pa yin/ /dang po'i nyan thos ni sdug bsngal la sogs pa'i bden pa bsgom pa dang mngon par ldan pas/ sems can gyi don las phyir phyogs shing/ bdag nyid dul ba dang zhi ba la gcig tu sred pas/ 'dis nyan thos kyi byang chub bsgoms nas/ phung po lhag ma med pa'i mya ngan 'das pa'i dbyings su 'jug par 'dod pa yin no/ /de las gzhan pa dbang po 'bring po bden pa bsgom pa po ni/ /'dod chags bral bar dga' na yang/ /gzhan gyi don ni cung zhig byed/ /tshig gi brjod pa spangs pa'i/ /rang sangs rgyas su 'di 'gyur ro/ /dbang po 'bring po ni 'dod chags dang bral pa la mngon du phyogs na yang/ gzhan gyi don cung zhig 'dod pa dang/ gang zag dang chos la bdag med pa la yang rjes su chags pa yin te/ 'di ni rang sangs rgyas su 'gyur ba yin zhing/ smon lam gyi dbang ji lta ba bzhin du tshig gi spros pa dang bral ba yin pas/ 'di la spros nas ston pa'i nus pa med pa yin no/ /de las gzhan pa/ rnon po sems can don la mkhas/ 'bring bas 'di'i yon tan mchog/ myur du tshogs rnams rdzogs gyur nas/ /yang dag rdzogs pa'i byang chub 'thob/ /dbang po rnon po ni/ 'dod chags dang bral ba la mos pa yin pas/ sdug bsngal la sogs pa'i bden po bsgom pa dang ldan du zin kyang/ sems can gyi don la gcig tu gzhol zhing/ 'bring po bas kyang chos kyi bdag med pa sgom pa'i yon tan khyad par can dang ldan pa yin paS/ tshogs gnyis myur du rdzogs par byas pa nyid kyis yang dag par rdzogs pa'i byang chub 'thob par 'gyur ba yin no// //nyan thos las gzhan pa'i rnam pa gsum pa 'dring po pha rol tu phyin pa la mngon par sbyor ba ni/ sbyin sogs mi dmigs pa nyid kyis/ /tshogs gnyis yang dag bsags nas ni/ /bskal pa grangs med gsum gyis 'bring/ /yang dag rdzogs pa'i byang chub snod/ /dbang po 'bring po snying rje dang ldan pa/ sbyin pa dang len pa dang gtong ba po mi dmigs pas/ /sbyin pa la sogs pa tshogs gnyis bsags nas/ bskal pa grangs med pa gsum gyis mngon par bsgrubs pa'i yang dag par rdzogs pa'i byang chub kyi snod yin no/ /de yang dbang po rtul po ni/ /rdzogs pa'i byang chub nges med par/ /ring du 'gro sa'i tshu rol du/ /'di la nges pa med pa yin/ /pha rol tu phyin pa'i bsgom pa la mngon par zhugs pa'i dbang po rtul po ni zhi gnas dang lhag mthong? gi lam bsgoms pas htshogs gnyis bsags su zin kyang yang dag par rdzogs pa'i byang chub la nges par bstan pa med pas/ 'di ni ci srid du/ sa ring du 'gro ba la ma zhugs kyi bar du/ de srid du yang dag par rdzogs pa'i byang chub la nges pa ma yin no/ /'bring po byang chub bskoms pa yis/ /the tshom med na 'ang ji srid du/ /dri med rab tu dga' ba'i sa/ /ma thob bar du ma nges pa'o/ /dbang po 'bring po ni zhi gnas dang lhag mthong bsgoms pas yang dag par rdzogs pa'i byang chub tu nges pa yin na yang/ 'di ni ji srid du sa rab tu dga' ba ma thob kyi bar du de srid bla na med pa yang dag par rdzogs pa'i byang chub tu ma nges pa yin pas/ de'i phyir ma nges pa yin no/ /dbang po rnon po pha rol tu phyin pa'i theg pa la mngon par brtson pa dang ldan pa ni/ so so'i skye bo yin na 'ang rno/ /yang dag rdzogs pa'i byang chub nges/ /snying rje ldan pas tshogs gnyis ni/ /rdzogs par bya bar mos pa yin/ /pha rol tu phyin pa'i theg pa la mngon par brtson pa dang ldan pa'i dbang po rab ni so so'i skye ba'i gnas skabS nyid na'ang bla na med pa yang dag par rdzogs pa'i byang chub tu nges pa yin pa'i phyir/ snying rje chen po dang ldan pas bsod nams dang ye shes kyi tshogs gnyis shes? par bsgrub pa la gzhol zhing mos pa yin no/ /gsang sngags kyi sgor spyad pa yang/ /sngags lugs shes pa phal cher ni/ /tshogs ni bsgom pa'i rang bzhin 'dod/ /de yang rnam pa gsum 'gyur te/ /khyad 'phags 'bring dang tha ma yin/ /zhes bya ba smras te/ sngags rig pa 'di yang/ bsgom pa'i stobs las byung ba'i bsod nams dang ye shes kyi tshogs kyis dus nges pa med par kun tu bzang po nyid mngon par bsgrub 'dod pa yin la/ de yang khyad par du 'phags pa dang/ 'bring dang tha ma'i dbye bas gsum du 'gyur ba yin no/ /gal te phyag rgya bzhi'i dbye bas dbye ba bzhi dang ldan par 'gyur na/ ji ltar gsum du 'gyur zhes bya zhe na/ bar na gnas pa'i phyag rgya gnyis gcig tu bsgom pa nyid kyis ni 'bring po bstan to/ /gsuM po de dag las/ rtul po stong nyid mos na yang/ /las kyi phyag rgya gcig tu bsgrub/ /phyag rgya chen po dus ring bas/ /dran pa nyams pa med pas sgrub/ /de la gsang sngags kyi sgo'i spyad pa spyod pa dbang po brtul po las dang po pa'i bsgom pa'i rang bzhin la gnas pa ni/ stong pa nyid la mos su zin na yang/ 'dod chags la sogs pa'i nyon mongs pa'i dri mas rgyud bsgos pa'i phyir/ /las kyi phyag rgya nyid kyis gcig tu yang dag par rdzogs pa'i byang chub sgrub par 'dod de/ /'di ni gal te rgyud dang bla ma'i nam ngag? ji lta ba bzhin du bsgom pa la/ dran pa nyams pa med par gyur na/ de'i tshe dus shin tu ring ba na phyag rgya chen po'i dngos grub 'thob po/ /'dir ji ltar na/ /las dang po pa'i bsgom pa'i rang bzhin la gnas pa zhes brjod par bya zhe na/ ji skad du gsang ba grub pa las/ las kyi phyag rgya mnyam ldan pas/ /rdo rje pad mo mnyam sbyor ba/ /bden pa gsung bas mngon sum du/ /'di 'dra'i sgom pa gang gsungs pa/ /dang po'i las can sems can la/ /las kyi phyag rgya spangs nas ni/ /byang chub sems ni rab bstan pa/ /gzhan gyi mtshon pas mi 'thob ste/ /dang po'i las pas rig bya ba/ / thog ma bar mdza' dri med par/ /rig de gzhan du nus ma yin/ /de lta'i de nyid mchog zhi ba/ /mkha' dbyings zhes byar gnas pa ni/ /rdo rje pad mor mnyam sbyor dang/ /yang dag rab sbyin gyis 'thob 'gyur/ /ngo mtshar mchog gyur rdo rje can/ /de'i tshen bsgrub par bya/ /rang lus thabs dang ldan pa'am/ /yang na las kyi phyag rgyas so/ /las kyi phyag rgya'i pad+mar gnas/ /mtshon du med par gang gnas pa/ /gong nas gong du bsgom pa yis/ /zhi dpal rdo rje 'dzin par mtshon/ /zhes bya ba la sogs pa rgyas par 'byung ba'i phyir ro/ /yang ji ltar na/ 'dod chags dang ldan pa yang dag par rdzogs pa'i byang chub sgrub par 'gyur zhe na/ bcom ldan 'das nyid kyis dpal dgyes pa'i rdo rje las/ /'jig rten 'dod chags kyis bcings pa/ /'dod chags nyid kyis grol bar 'gyur/ / phyin ci log gi sgom pa gang/ /sangs rgyas mu stegs pas mi shes/ /zhes gsungs pa dang/ de kho na nyid la 'nug? pa las kyang/ /gang zhig gi ni sems kyi rgyud/ /'dod chags la sogs dbang gyur pa/ /de phyir rgyal bas las kyi ni/ /phyag rgya bsgom pa yang dag gsungs/ /zhes gsungs pa dang/ de'i phyir slob dpon klu grub kyis kyang/ /mkhas pas la lar phan min la'ang/ /phan pa 'ga' zhig mthong bar 'gyur/ /nad kyi dbang gis thams cad kyang/ /sman du mi 'gyur gang yang med/ /de yang rgyal ba nyid kyis ni/ /gsal bor la lar gsungs pa yin/ /de bzhin slob dpon du mas kyang/ /bsgrub thabs mngon bar brjod pa yin/ /zhes bya ba la tshogs pas las kyi phyag rgya dang bcas pas sngags rigs pa'i dbang po rtul po la de dang der dngos grub bstan pa yin no/ /yang gsang sngags kyi sgo'i spyad pa spyod pa la/ /man ngag yang dag rnyed nas ni/ /chos sam dam tshig phyag rgya yis/ /rdo rje sems dpa' i gnas 'gro ba/ /sngags smra ba de 'bring po yin/ /gang yang dbang po 'bring po ni nyon mongs pa chung ba nyid yin na yang/ phyag rgya chen po dang gnyis su med pa sgom par mi nus pas/ bla ma'i man ngag nyid kyis dam tshig gi phyag rgya 'am/ chos kyi phyag rgya la brten nas rang gi lha'i nga rgyal gyi stobs dang/ rang gi lus la gnas pa'i thabs sam/ sgyu ma'i rang bzhin gyi ting nge 'dzin gyis rdo rje sems dpa' i gnas 'thob pa yin no/ /rang gi lus la gnas pa'i thabs kyi ngo bo dam tshig gi phyag rgya'i mtshan nyid kyang bcom ldan 'das kyis/ rdo rje rigs kyi le'u las/ /rkyang ma shes rab rang bzhin te/ /ro ma thabs su yang dag gnas/ /dbus kyi yul na sdim sbangs ma/ /gzung dang 'dzin pa rnam par spangs/ /zhes bya ba la sogs pa bstan pa'i bshad pa ni/ le'u de nyid las/ lte bar gtum mo sbar nas ni/ /de bzhin gshegs pa snga bsregs nas/ /spyan la sogs pa'ang bsreg par bya/ /bsregs pas ri bong can haM 'dzag/ ces gsungs pa dang/ yang bcu drug pa las/ rang lag g.yas dang gzhan pa'i/ /mthe bong ming med dag gis gang/ /longs spyod kyi ni rgyun gnyis la/ /de yis rnal 'byor pas gnan bya/ /de las skyes ma'i ye shes ni/ /gzhon nu ma yis sbyor myong bzhin/ /zhes gsungs pa dang/ 'di nyid dpal gsang da 'dus pa las kyang/ /rdo rje nyi ma nub nas ni/ /de nas bsgrub pa brtsams bar bya/ /skya rengs 'char ba'i dus su ni/ /bsgom pa mchog gis 'grub par 'gyur/ /zhes gsungs pa dang/ de nyid gzhan las kyang/ /zla ba nyi ma 'dus pa dang/ /shes rab rdo rje sbyer nyid dang/ /gnyis med ye shes la thim pas/ /tshe 'di nyid kyis sangs rgyas 'gyur/ /zhes gsungs pa dang/ sgyu ma chen po'i rgyud las kyang/ /a li ka li mnyam byas nas/ /de la re ka sbyar par bya/ /'og tu 'dzag par bya ba'i phyir/ /re ka steng du spar bar bya/ /zhes bya ba la sogs pa rgyud gzhan dang gzhan las gsungS pa gzhung mongs? pa'i 'jigs pas ma smras so/ /'di nyid dang yang dag par ldan pas phyag rgya chen po'i dngos grub 'grub par yang bcom ldan 'das nyid kyis bstan te/ dbyangs yig dang po'i ngo bo nyid/ /blo zhes sangs rgyas kyiS rab brtags/ /ring min thung ba ma yin zhing/ /grub bzhi ma yin zlum po min/ /brod dang dri dang ro las 'das/ /lhan cig skyes dga' byed pa po/ /rnal 'byor pa ni de las bskyed/ /de'i bde ba bza' bar bya/ /phyag rgya chen po bde ster ba'i/ /dngos grub de las 'byung bar 'gyur/ /zhes bya ba la sogs pa rgyas par gsungs pa yin no/ /yang chos kyi phyag rgya ni/ /kun rdzob gyiS bden pa mthong ba'i ngo bo rlung dang rnam par shes pa gnyis su med pa'i/ rang bzhin longs spyod rdzogs pa'i sku'i mtshan nyid can te/ ji skad du klu sgrub kyi zhal snga nas/ /bdag byin brlab pa'i zin? zhos pa/ /kun rdzob bdan? par bstan pa ste/ /bla ma'i zhabs kyi bka' drin gyis/ /'thob kyi de ni gzhan du min/ /bdag byin brlab pa'i rim pa dag/ gang gis rnyed par ma gyur pa/ /mdo sde rgyud dang rtog pa la/ /de'i ngal ba don med yin/ /zhes gsungs pas/ de phyir/ bdag byin gyis brlab pa zhes bya ba'i man ngag nyid chos kyi phyag rgya'i yang dag pa'i man ngag go/ de lta bas na/ bdag byin brlab pa'i ting nge 'dzin gyi/ / stobs kyis sgyu ma'i rang bzhin gyi/ /yid kyi gzugs gang gzung gyur pa/ /chos kyi phyag rgya de brjod do/ /rlung dang rnam shes mnyam sbyor las/ /srid pa bar ma ltar snang ba/ /gzugs gnang rnal 'byor pa la snang/ /chos kyi phyag rgya zhes de bstan/ /zhes bya ba yin te/ de ni 'di nyid 'phags pa lha'i zhal snga nas kyang /rnam shes rlung dang ldan pa'i/ /yid kyi rang bzhin gzhu 'dra ba/ /rang gi ye shes de la ma mthong/ /sgyu ma'i dpe la rmongs gyur pas/ bskal pa dpag tu med par ni/ /thos pa'i pha rol phyin pas kyang/ /bla ma'i bka' med sgyu mar ni/ /mngon sum bya bar mi nus so/ /zhes gsungs pas bstan pa yin no/ /de lta bas na/ 'bad pas nga rgyal spangs nas ni/ /bla ma rim gyis mnyes byas la/ /longs spyod rdzogs sku 'thob bya'i phyir/ /bdag byin brlab pa yang dag brlab/ /ces bya ba yin no/ / gzhan yang longs spyod rdzogs pa'i sku'i rang bzhin nyid sgyu ma lta bu'i ting nge 'dzin klu grub kyi zhal snga nas/ dngos dang dngos med las grol ba/ /rdo rje sems dpa' legs bris pa/ me long dri ma med pa la/ /gzugs brnyan gsal bar snang ba nyid/ /rnam pa kun mchog ldan pa'i/ /sku ni lta bas mi ngoms pa/ /slob ma bzang po de la bstan/ /bdag byin brlab ces de brjod do/ /'di nyid mtshon par bya ba ste/ /sgyu ma skyon med mtshan nyid nyid/ /kun rdzob bden pa'i mtshan nyid can/ /longs spyod rdzogs pa'i sku yang de/ /de nyid dri za sems can gyur/ /rdo rje sku yang de nyid de/ /de phyir dang nyid rdo rje sems/ /rang nyid mchod la 'jug par bya/ /zhes gsungs pas/ /de'i phyir 'di dag gi rang ni ngo bo tsam zhig bstan pa yin no/ /bsgom pa ni 'og nas bshad par bya'o/ /gzhan yang gsang sngags kyi sgo'i spyad pa spyod pa'i dbang bo rab gang yin zhe na/ mtshan ma med pa'i nyid 'dzin gyi/ /stobs kyis skyes bu mchog de ni/ /phyag rgya chen por lhag mos pas/ /thams cad la yang rol par 'gyur/ /gang yang gsang sngags kyi sgo'i spyad pa spyod pa'i dbang po rnon po shes rab can no/ /snying rje chen po dang ldan pa dang/ /nyon mongs pa chung ba'i phyir/ phyag rgya chen po dang gnyis su med par bsgoms pas/ phyag rgya thams cad la bla ma'i man ngag nyid kyis mos pa ji lta ba bzhin du rol par mdzad pa de ni skyes bu mchog cos bya'o/ /yang ji ltar na/ 'di skyes bu mchog ces bya zhe na/ mtshan ma med par bsgoms pa'i stobs kyis so/ /yang ji ltar na/ 'di shes rab dang thabs bsgoms pas mtshen ma med pa'i ting nge 'dzin la gnas par 'gyur zhe na/ de kho na nyid la 'jug pa las ji skad du/ gang gis spros pa thams cad kyi/ /gnas dang tshig tu ma gyur pa'i/ /rtogs de thugs kyi rdo rje yis/ /shes rab ces ni rab tu bsgrags/ /zhes bstan pa yin no/ /gal te khyod kyi rtogs pa gang spros pa med pa'i ngo bo de phyag rgya chen po zhes bya ba'i sgras brjod par bya ba yin la/ ming gzhan ni stong pa nyid ces bya ba yin la/ /'di ji ltar na tshig gi brjod pa'i spyod yul ma yin pI ngo bo yin/ /stong pa nyid ces bya ba la stsogs pa'i bar gyi sgras brjod pa'i phyir ro zhe na/ stong pa nyid ces bya ba'i sgras ni/ rdzas cung zhig? kyang brjod pa med de/ ci ltar/ gang tshe dang du cang zhig kyang/ /sgra yis dngos po brjod pa med/ /sgra rnams kun gyi bya ba ni/ /der brtags pa ni zlog pa nyid/ /ces bya ba ste/ sgra thams cad ni brtags pa zlog pa tsam rab tu sgrub pa yin pa'i phyir ro/ stong pa nyid la sogs pa'i sgras dngos po cung zhig kyang brjod pa med do/ /de bas na/ stong pa nyid ces bya ba la sogs pa'i tshig gsal pos ni/ brtags pa bzlog pa 'ba' shig rab tu bsgrub pas gdul bya'i skye bo'i rgyud la/ de kho na nyid kyi ngo bo mngon par gsal bar byed pa yin no/ /gal te yang/ dngos po'i rang gi ngo bo sgras mngon par brjod pa med pa de lta na/ stong pa nyid la sogs pa'i sgras/ /brtags pa ldog par ji ltar brjod par bya zhe na/ smra bar bya ste/ khyod kyis skyon rjod pa ni shes kyi/ /de'i yul shes pa ni ma yin te /ldog pa zhes bya ba ni don gyis stong pa yin na/ de la ci zhig brjod par bya/ gal te don gyis stong pa khyod kyi de kho na nyid yin no zhe na/ de lta ni ma yin te/ ji skad du klu grub kyi zhal snga nas/ dngos med mya ngan 'das min na/ /dngos nyid 'di la smos ci dgos/ dngos dang dngos med mthar lta ba/ /zad pa mya ngan 'das zhes bya/ /zhes gsungs pa dang/ de bzhin du/ rang gi dngos dang gzhan dngos dang/ /dngos po dang ni dngos med du/ /gang gis sangs rgyas bstan pa la/ /mthong nges de bzhin nyid ma mthong/ /zhes gsungs pas/ da lta bas na mdza' spangs pa'i ngo bo yin pa'i phyir/ /de kho na nyid ni dngos po med pa'i ngo bo nyid du mi rigs so/ /gal te de lta na/ sgras brtags pa ldog par bya pa yin par brjod par bya par bstan pa ji lta bu zhe na/ smras pa bden te/ dngos po dang dngos po med pa dang ni sgro btags pa'i ngo bo yin pa'i phyir ro/ /de dag ldog pa'i tshig stong pa nyid la sogs pa'i sgras ni/ de kho na nyid mngon par gsal bar byed pa yin gyi /yang dngos su smra bar byed pa ni ma yin te/ sgro btags pa las ldog pa go par byed pa tsam yin no/ /yang de kho na nyid ni/ dngos min dngos po med pa'ang min/ /gnyis min gnyis su med min mchog / mkha' mnyam rdul med stong pa nyid/ /rang gis rig par thub pas gsungs/ de nyid ni bcom ldan 'das ma shes rab kyi pha rol tu phyin pa ste/ mtshan gzhan phyag rgya chen po zhes bya ba dang/ bcom ldan 'das kyi chos kyi sku'i bdag nyid rdo rje 'chang yang de ltar de nyid de/ ji skad du/ shes rab pha rol phyin gnyis med/ /ye shes de ni de bzhin gshegs/ /zhes gsungs pa yin no/ /de ni yang bsod nams thams cad kyi rang bzhin gyi rnal 'byor nyid yin te/ de'i phyir de goms pa las mngon par 'dod pa'i 'bras bu mngon par 'grub par 'gyur ro zhes bya bar gnas so/ /rnal 'byor pa thams cad kyiS phyag rgya chen po bsgom par bya ba nyid ni thun mong yin te/ gang gi phyir/ stong nyid mthong pas grol 'gyur gyi/ /bsgom pa lhag ma de'i don yin /zhes bstan pa yin/ /de lta bas na/ sems can bsam pa'i dbye ba las/ /gzhan dag rjes su 'dzin mdzad pas/ /dbye ba rnam pa dgu nyid kyis/ /rdo rje 'dzin pa nges par byas/ /gang gi phyir sems can bsam pa sna tshogs pa de lta bu gzhan nyid rjes su gzung ba bzheng nas/ bcom ldan 'das rdo rje 'chang gis/ sems can gyi phung po las tha ma dang 'bring dang mchog gi dbye bas/ rnam pa dgur nges par mdzad do/ /de phyir dbu ma'i gzhung lugs kyi/ /spyod pa da ltar yang dag bshad/ /de yang bla ma'i man ngag las/ /slob ma'i 'bad pa shes par bya/ /de la gsang sngags kyi sgo'i spyad pa spyod pa ni/ mdor bsdu na gsum yin yang/ dbu ma pa'i rjes su 'brang nas/ bla ma'i man ngag gis rgyud ji lta ba bzhin du yang dag par rdzogs pa'i byang chub sgrub pa'i spyod pa nye bar bstan par bya'o/ /de yang skal pa ji lta pa bzhin du slob ma rnams kyi 'bad pa shes par byas nas/ brjod par bya'o/ /zhes bya ba ni gzhung lugs so/ /de lta bas na/ slob ma rtags dang spyod pa las/ /'bad de shes par byas nas ni/ /ci rigs par ni nges sbyor ba/ /slob dpon yin par thub pas gsungs/ zhes bya ba smras so/ /yang de bzhin du de kho na nyid la 'jug pa las/ bla mas slob ma'i bas shes nas/ /rjes su ston par nus pa gang/ /de yis slob ma bsdu bya'i/ /rmongs pas slob ma sdud 'os min/ /zhes gsungs pa yin no/ /de lta bas na/ ma 'khrul pa'i brtags 'ga' zhig gis/ /slob ma shes par byas la/ 'chad par 'gyur ba'i bsgom pa'i rim pa la sbyor bar nus pa de nyid bla mar 'os pa yin gyi/ /gzhan ni ma yin no/ /rtags gang 'khrul pa med pa yis/ /brtags pas slob ma shes byas nas/ /ji ltar rigs par nges sbyor te/ /bla ma'i bla mar thub pas gsungs/ /'phags pa lta'i zhal snga nas kyang/ /gang dang gang zhig gang 'dod pa/ /dang por de la de de bstan/ /dam pa'i chos kyi snod min pa/ /'ga' yang yod pa ma yin no/ /zhes gsungs pas/ yang gsang sngags kyi lugs kho na 'am stong pa nyid la slob ma thams cad sbyar bar bya'o zhes bya ba ni ma yin te/ shes rab stobs chung ba'i skyon gyis de spangs pas/ dam pa'i chos la skur ba btab cing spangs pa'i las kyis dmyal bar ltung par 'gyur ro/ /klu grub kyi zhal snga nas kyang/ /bsod nams 'dod la thams cad du/ /stong pa nyid ni smra ba min/ /gnas min pa la sbyor gyur pas/ /sman yang dug tu 'gyur ba yin/ /zhes ji skad gsungs pa dang/ gang yang stong pa nyid la pa lta zhes na/ /shes rab chung ldan phung bar 'gyur/ /ji ltar sbrul la bzung nyes dang/ /rigs sngags log par sgrubs pa bzhin/ /zhes gsungs pa dang?/ gzhan yang rmongs pa mkhas par rlom byed pa/ /gzhan dag 'di la log shes nas/ /bdag nyid nyams pa spong byed cing/ /mnar med la sogs 'og tu 'gro/ /zhes gsungs pa yin no/ /yang 'o na ji ltar sbyar bar bya zhe na/ klu sgrub kyi zhal snga nas/ de nyid tshol la thog mar ni/ /thams cad yod ces brjod par bya/ /chags pa med cing don rtogs nas/ /phyi nas rnam par dben pa'o/ /zhes gsungs pa yin no/ /gzhan yang slob dpon du gyur pa snying rje chen po dang ldan pas/ gdul bya slob ma'i rang bzhin rtogs par byas nas/ khengs pa gdul dka' ba'i gdul bya yang 'dul bar byed do/ /ci skad du de kho na nyid la 'jug pa las/ 'ga' i slob mar bya ba dang// 'ga' i slob dpon bya ba yis/ /mkhas pas sems can 'dul byed pa/ /sna tshogs thabs kyis thabs mkhas yin/ /zhes gsungs pa dang/ slob dpon dpa' bo'i zhal snga nas kyang/ na ba'i bu la khyad par du// ma ni gdung pa skye ba ltar/ /de bzhin byang chub sems dpa' rnams/ /dam pa min la khyad par brtse/ /zhes gsungs pa yin no/ /gang gi phyir/ de ltar mi mkhas slob ma dag/ ji ltar 'os par sdus 'os min// long pas ji ltar lam dag ni/ /gzhan? la ston par mi nus bzhin/ /ji ltar bdag nyid long bar gyur bas gzhan dag la lam ston pa'i thabs smra ba'i nus pa med pa de bzhin du/ mkhas ba ma yin pa 'dis kyang rang gis ma bslabs pa'i mdo rgyud rtog pa'i dgongs pa rnams ji ltar slob ma la/ ci rigs bar ston par nus pa yin/ byang chub sems dpa' gang sems can gyi bsam pa las mi 'da' bar chos 'chad pa ri dpa' bo de ni yos pa kho na yin no/ /yang 'di'i rtags ma 'khrul ba dang/ ldan pa'i slob ma rnam par shes par byas nas/ chos 'chad pa ji lta bu zhe na/ ji skad du/ so so'i skye po nyid na'ang stong nyid thos/ /nang gi dga' ba yang dang yang du 'thob/ /dga' ba las byung mig ni mchi mas gang/ /lus kyi ba spu ldang pa'ang skye bar 'gyur/ /gang yin de la byang chub? sa bon yang/ /de nyid bstan pa'i ? du gyur ba de/ de la don daM bden pa bstan par bya/ /der rtogs pa'i yon tan de la 'byung/ /zhes bya ba la sogs pa rgyas par gsungs pa yin no/ /de lta bas na/ gdul bya'i skye bo'i dbang du/ yis bzhin ston pa ni mkhas pa ma yin pa rnams kyi spyod yul ma yin pa'i phyir/ shin tu dka' ba nyid yin no/ /de la? phyir byang chub rdo rje dang/ /slob dpon rdo rje gnyis med par/ /dpal ldan 'das sogs rgyud las ni/ /rdo rje 'chang gis gsungs pa yin/ /ji skad du dpal gsang ba 'dus pa las/ de bzhin gshegs pa thams cad kyi sku dang gsung dang thugs rdo rje gsang pa 'dus par dbang bskur pa'i bcom ldan 'das rdo rje slob dpon la/ de bzhin gshegs pa thams cad dang/ byang chub sems dpa' thams cad kyis ji ltar blta bar bgyi/ /rigs kyi bu de bzhin gshegs pa thams cad dang/ byang chub sems dpa' thams cad kyis/ byang chub kyi sems rdo rje lta bur blta bar bya'o/ /de ci'i phyir zhe na/ byang chub kyi sems rdo rje dang/ slob dpon gnyis/ gnyis su med cing gnyis su byar med pa'i phyir ro/ /mdor bsdus nas bdag gis bstan par bya ste/ phyogs bcu'i 'jig rten gyi khams na sangs rgyas dang byang chub sems dpa' ji snyed cig bzhugs pa de dag thams cad/ dus gsum du der gshegs nas slob dpon de la de bzhin gshegs pa thams cad kyi mchod pas yang dag par mchod nas/ yang dag par rdzogs pa'i sangs rgyas kyi zhing der gshegs par yang bzhed do/ /dag rdo rje'i yi ge 'di lta bu yang brjod par mdzad de/ bdag cag de bzhin gshegs pa thams cad kyi pha'o/ /bdag cag de bzhin gshegs pa thams cad kyi ma'o/ /zhes bya ba nas/ ston pa'o zhes bya ba'i bar du 'byung ba dang/ de lta bas na gang yang riD kyi bu/ phyogs bcu'i 'jig rten gyi khams na sangs r gyas bcom ldan 'das ji snyed cig bzhugs pa'i sangs rgyas bcom ldan 'das de rnams kyi sku dang gsung dang thugs kyi bsod nams kyi phung po gang yin pa'i bsod nams kyi phung po de bas slob dpon gyi ba sbu'i bu pa/ gcig khyad par du 'phags pa yin no/ /de ci'i phyir zhe na/ rigs kyi bu/ byang chub kyi sems ni de bzhin gshegs pa thams cad kyi ye shes kyi snying por gyur pa'o/ /thams cad mkhyen pa'i ye shes kyi 'byung gnas so zhes bya pa'i bar du gsungs pa yin no/ /slob dpon ni de kho na nyid 'thob pa'i rgyu mtshan nyid dang/ thams cad mkhyen pa dang bcas shing gnyis su med pa nyid du gsang ba grub pa las kyang gsungs pa yin no/ /de'i phyir phyogs tsam zhig 'dir smra bar bya'o/ /rnyed dka' bla med go 'phang mchog/ de nyid ces byar mngon brjod pa/ /gang gis dag pa de 'thob pa'i/ /de'i thabs ni bdag gis brjod/ /bla ma dang ni rdo rje 'chang/ /gang gis gnyis su med bar mthong/ /dngos grub bsdus pa'i mtshan nyid can/ /de nyid de ni 'dir 'thob 'gyur/ /gang yang khro zhing nga rgyal can/ /slus pa bying ba spros la dga' / /blang ba nyid la chags sems can/ /gang las rnyed cig gang las min/ /dka' bas bla ma phyag byed cing/ /skyon rtog pa la ched du byed/ /brdzun pas nga rgyal gdug pa can/ /tshig gi rtsod la rtag tu gnas/ /rdo rje sbun dang bla ma la/ /bslu ba'i bsam pa brtan pa can/ /sems can des ni dngos grub kun/ /steng ba'i ye shes des mi 'thob/ /'dir ni 'di 'dra gzhan yang mthong/ /ci srid 'dod pa thob par du/ /phyag 'tshal mchod dang bsten bkur gyis/ /brtan par bla ma mnyes byas nas/ /go 'phang mchog de thob nas ni/ /mdun nyid na ni gnas na yang /su zhig gang nas ji ltar 'ongs// rang bzhin ngan pas mi shes so/ /gcig pu mthong na ring ba nas/ /gus pad phyag ni 'chal? byed cing/ /de yang mang po'i nang du ni/ /bde bar byed nam tsam gyis 'phongs/ /de lta bu'i sems can gang// mya ngan 'das mchog go 'phang mchog/ yang dag gsungs pas gang gsungs pa/ /de yis 'thob par mi 'gyur ro/ /gzhan yang sems can 'di lta bu/ /bla ma smod pa dag kyang mthong/ / ngo tsha spangs shing spyod pa ring/ /yang dag rim pa gsum 'byin pa/ /sngags ni bsdus pa tsam nyid kyis/ /de'i dngos las kha phyir ltas/ /dbang bskur rje gnang med par yang/ /slob ma dag ni bsdud par byed/ /glegs bam mthong nas dag 'gyur nas/ /gsang sngags rang nyid len par byed/ /slob dpon dag ni shes ma yin/ /dam tshig spyod pa rnam par spangs/ /sems can rnams ni bsdung pa ni/ /glegs bam bka' yis byed pa yin/ /de nyid shes pa ma yin par/ /gang phyir yang dag gsungs pas bstan/ /de lta bu dang de dag nyid/ /kun kyang sdig pa'i las can te/ /dam pa min pa'i lam zhugs nas/ /dmyal ba dag tu 'gro bar gcig /bde gshegs dngos grub 'dod na ni/ /dam tshig spyod pa spangs pa'i/ /bsgrub bka' de dang lhan gcig tu/ /gnas pa nyid du yang mi bya'o/ /dngos po kun gyis slob dpon la/ /ci srid mnyes par 'gyur bar du/ /lus ngag yid kyis brtan par ni/ /dus ni ring por mnyes byed pa'i/ /slob mas shin tu dri med pa'i/ /de nyid yang dag rab sbyin gnas/ /bla ma'i zhabs kyi bka' drin gyis/ /de nas bgegs med par 'thob 'gyur/ /rdo rje gsum dbyer med pa'i dngos/ /de nyid rgyal po yangs pa de/ /nyin dang mtshan du bsgom pa yis/ /dngos grub myur du nges 'thob 'gyur/ /zhes 'byung ba dang/ de lta bas na de nyid dam/ tshig rdo rje'i zhal snga nas kyang/ /g.yo med gcig tu snying rje can/ /bla ma yang dag mnyes byas nas/ /dbang bskur ba ni gsum thob cing/ /dam tshig spyod la gcig tu gzhol/ / @233a the tshom med par rab sbyin pa/ /bla ma la gus pas thos nas/ /dngos kun ngo bo'i bdag nyid can/ /shes rab thabs kyi bdag nyid gyur/ /zhes gsungs pa dang/ dngos po gsal ba'i rjes su zhugs pa'i de kho na nyid grub pa las kyang/ 'khor ba'i rgya mtsho'i rang gi ngo bo brjod pa'i rjes thogs su/ /bzlog dka' i mdza' yas yul gyi bdud ldan rgya mtsho 'jigs pa mang ldan de lta bu'i/ /'khor bar gal te bla ma skyob pa gru dang 'dra ba med na rang nyid kyi/ /rnam rtog chu bo mang po'i 'dzin khri ldan pas nyon mongs gyur pa'i 'gro ba rnams/ /ji ltar 'dir ni bde ba gcig pu'i gnas gyur go 'phangs sangs rgyas nyid 'thob 'gyur/ /zhes gsungs pa yin no/ /sems can gyi bsam pa'i dbye ba brjod pa dang bcas pa'i rdo rje slob dpon gyi rang gi ngo bo nye bar bstan pa yin no// da ni bsgom ba bshad bar bya ba'i phyir/ /lung gang tshod mdag dang ni/ /rang gi tshig dang mi 'gal bar/ /bla mas bstan pa lugs bcas pa/ /de'i don ni bsgom par 'os/ /zhes bya ba smas te/ bsgom pa zhes bya ba ni/ bla mas nye bar bstan pa'i ngo bo yang dang yang du goms par byed pa'o/ /de yang tshad ma dang rang gi tshig dang/ mi 'gal bar gsung rab kyi don gyi rjes su 'brang ba thun mong dang thun mong ma yin pa'o/ /de la thun mong ni/ rnal 'byor pa thams cad kyis bsgom bar bya ba'i stong pa nyid do/ /yang de las gzhan pa'i bya ba dang/ spyod pa dang/ rnal 'byor dang rnal 'byor ma'i tshul gyi dbye ba dang /phyag @ 233b rgya dang dkyil 'khor la sogs pa'i dbye bas mang du yod pa yin no/ /yang de lta bu'i sgom pa byed par 'dod na/ /khyad par ? gyis gzhung lugs gcig nas gcig tu rgyud ba thob pa'i bla mas nye bar bstan pa'i ngo bo nyid la rigs par 'gyur ro/ /gal te mu stegs gyi lung yang chang ma dang rang gi tshig dang 'gal ba med par 'byung ba ma yin nam zhe na/ /rig byed la sogs pa ni 'gal bar 'byung yin te/ de yang 'di ltar srog gcod pa lam tho? ris med do/ /zhes kha cig tu nye bar bstan la/ mchod sbyin gyi don du byol song bskyed pa yin pas/ mtho ris 'dod pas ma la sbyin bsreg bya'o zhes bya ba la sogs pa bsad pa'i cho ga de lta bu la sogs ba spong pa yang bstan pa yin no/ / gal te tshig gi skyon gi sangs rgyas pa rnams la yang yod pa yin te/ gsang ba'i cho ga la sogs pa las rab 'byam bstan nas/ de las gzhan du bkag pa'i phyir ro zhe na/ de ltar ma yin te/ las rab 'byam la sogs pa ni/ snying rje chen po'i sems kyis mngon? par mi gtong bar 'dod pa yin no/ /bcom ldan 'das kyis kyang/ /'bar bas snying rje bskyed nas ni mkhas pas gsang ba'i bya ba ste/ /snying rje dman pas 'grub ma 'gyur/ /de phyir snying rje bskyed par bya/ /zhes gsungs pa yin te/ de lta bus ni rang gi tshig gis gnod pa spangs pa yin no/ /yang sangs rgyas pa rnams de ji ltar mched sbyin gyi don sgrub pa'i mu stegs pa ltar/ bdag gi so srog chags bsang la/ mtho ris kyi bde ba nyams su myong bar bya'o/ /zhes bsam nas/ / las rab 'byams rtsom pa yin gyi/ 'on kyang gdug pa can dag dmyal bar ltung pa las thar bar bya ba'i don dang/ gdul bar bya ba'i don tu gsang ba la sogs pa rtsom pa ma yin no// gal te mu stegs kyi lung la rang gi tshig gis gnod pa ni re shig yod du chug na/ yang tshad mas gnod pa ni ma mthong ngo zhes bya bar/ /mu stegs lung la tshad ma yis/ /gnod ba ma mthong zhe na ni/ /kun rdzob tu yang gzhan dag gi /tshad min mtshan nyid med phyir ro/ /zhes bya ba smras te mu stegs kyis brtags pa'i tshang ma ni tshang ma ma yin te/ tshang ma'i mtshan nyid med pa'i phyis / tshang ma ltar snang ba bzhin no/ /gtan tshigs 'di ma grub pa yang ma yin te/ ji ltar kun rdzob du rtog pa dang bral zhing ma 'khrul ba nyid mngon sum gyi mtshan nyid du bstan la/ rjes su dpag pa ni tshul gsum gyi rtags las rjes su dpag bar bya ba la ye shes pa ma 'khrul bar byed pa nyid kyi mtshan nyid can du bstan to/ /yang mu stegs kyi ni mngon gsum yin yang rtog pa can nyid du 'dod pas sngon dang phyis mthong ba dag gcig tu byed pa na/ 'das pa ni mngon sum gyis gzung ba ma yin no/ /rjes su dpag pa la yang mngon sum gyis gnod pa bstan te/ mtshungs ldan la sogs pa gtan tshigs yin pa'i phyir ro/ /me dang du ba cha 'ga' yis/ /mtshungs ldan min zhing yang na ni/ /bdag nyid kun gyis mtshungs ldan bas/ /du ba snad? ma de snang 'gyur/ /zhes bya ba la sogs pas re shig ma grub pa nyid du dogs pa med do/ /'gal ba yang ma yin te/ gal te mtshan nyid dang ldan pa la gnod pa 'byung bar 'gyur la/ tshad ma ltar snang ba ni de dang bral bar 'gyur na/ de'i tshe der 'gyur pas so/ /ma nges pa nyid kyang mi 'thun pa'i phyogs la zhugs par gyur ba 'am/ /mi 'thun pa'i phyogs la zhugs par the tshom zan yin no/ /de la re zhig tshad ma thams cad ni/ slu ba med pa nyid kyi phyir tshad ma yin na ? rtog pa dang bcas pa'i mngon sum gyis gzung pa'i don 'dzin pa na/ de med par mkhyud pa gang zhig yin te/ /gang yang de las thog ma ni med do/ /'brel pa med pa'i rtogs kyis lkog tu gyur ba'i don 'dzin pa'am/ 'dzin pa srid pa ma yin te/ rigs pa med pa'i phyir thams cad du/ thams cad kyis dngos po'i don thams cad 'dzin par thal bar 'gyur ro/ /mtshan nyid dang ldan pa'i rigs pa la yang gnod pa 'byung ba srid na ni/ thams cad kyang dbugs thon par mi 'gyur bas/ mi 'thun pa'i phyogs las ma log du dogs pa yang ring du spangs pa kho na'o/ /de lta bas na mu stegs kyis brtags pa'i tshad ma? tshang ma ma yin no zhes gang smas pa de bstan pa yin te/ mu stegs pa rnams la ni kun rdzob tu yang tshad ma med pa yin no/ /kun rdzob gang zhig yin zhe na/ brdzun pa'o/ /de ltan/ sangs rgyas pa rnams kyi don dam pa'i bden pa ji ltar nges? par bya zhes bya bar/ 'jal dang gzhal bya rnam bzhag pa/ /sangs rgyas pa'i kun rdzob na/ /'gog pa'i bden pa des bya ba/ /byed par nus pa med can/ /smra ba bden te dngos po kun gyis dngos med gang/ /'gog pa de la tshad ma ci/ /de'i thabs ni yongs gcod pa/ /kun rdzob tu ni de la 'dod/ /de bzhin du bcom ldan 'das kyis kyang/ /rigs kyi bu? gal te/ /don dam pa'i bden ba lus dang ngag dang yid kyi spyod yul du gyur na/ de don dam pa'i bden par mi 'gyur te/ kun rdzob kyi bden par 'gyur ro/ /dngos po thams cad kyi brtags pa'i rang bzhin gyi dngos po med pa ni 'gog pa ste/ de yang 'phags pa'i lam bsgoms pas/ yang dag pa rtogs par bya ba yin gyi/ kun rdzob kyi tshad ma'i spyod yul ni ma yin no/ /yang tshad ma rnams kyi tshad ma nyid ni/ ji ltar rjes su dpag par bya ba'i brtags pa'i ngo bo don med pa'i brtags pas phyi rol gyi tshad ma khyod pa ltar/ kun rdzob kyis 'gog pa'i bden pa la 'jug pa'i thabs su gyur pa/ lam tsam yongs su gcod par 'dod pa yin no/ /gal te dbu ma ba la tshad ma med pa nyid yin no/ /smras pa ji lta bu/ don dam pa'i yul la tshad med par 'gyur/ /da lta nyid du bdag gis bsgrubs la ma yin nam// gal te des cing 'gyur te/ stong pa nyid kyis tshad ma thob par 'gyur ba ma yin ba nyid de/ gang gis stong pa nyid sgrub par byed pa de stong pa zhig gam/ stong pa ma yin pa zhig/ stong pa'o zhe na/ nges ci ltar stong pa nyid 'grub par 'gyur/ 'on te stong pa ma yin na yang thams cad stong pa'o zhes dam bcas pas kyang gnod do/ /de'i phyir gtan tshigs kyang ma nges pa nyid du 'gyur ro/ /gtan tshogs bcas par ci yang med ces smra/ /rang gi dam bcas nyams byed ma yin nam/ /gal te gtan tshigs dgong la le lo byed gyur na/ /dam bcas 'ba' zhig tsam gyis ci zhig 'gyur// zhe na/ de ni bden pa ma yin te/ sgrub pa stong pa nyid kyis stong pa nyid sgrub par byed kyi/ sgrub ba med par bsgrubs bya 'grub pa ni yod pa ma yin pas/ stong pa zhes bya bas kun rdzob tu yang med par byed pa ni ma yin no/ /gal te des bsgrub bya 'grub? bar ci? ltar zhe na/ bden te stong pa nyid kyi bsgrub bya 'grub ste/ gnod sbyin ci lta ba gtor ma yang de bzhin no/ /zhes 'jig rten na grags pa yin no/ /de yang stong pa kho na'i chos rnams las/ /stong pa kho na 'byung bar 'gyur/ /zhes gsungs pas so/ /gal te de lta na don dam par ni bsgrub pa yang med cing /bsgrub bya yang med pas/ chos thams cad stong pa nyid ni don dam par mi 'grub po zhe na/ skyon yod pa ma yin te/ sgrub pa bsgrub bya'i rgyu nyid ni ma yin no/ /gang gi phyir de mi bden bas/ bsgrub bya yang mi bden par 'gyur ba'i phyir ro/ /gang gi phyir shes par byed pa don? dam pa pa ma yin bas/ shes par bya ba de'i ngo bor ci ltar 'gyur/ gal te don dam pa ma yin bas/ ji ltar don dam pa nges par byed ce na/ des ba ni don dam pa ma yin te/ 'on kyang don dam pa nges bar byed pa yin no/ /nges pa'i don dam pa nyid la dgos pa ci yang yod pa ma yin gyis/ /'on kyang nges par bya ba yin no/ /gal te mi bden pa'i nges pa la bden pa ji ltar nges par byed par 'gyur zhe na/ mi bden par snang ba'i rjes su dpag pas kyang/ mi bden pa ma yin pa'i don nges par byed pa ma yin nam/ gal te yang dag pa ma yin bas yang dag pa nges par byed na ni/ gtan tshigs ltar snang pa yang der thal bar 'gyur ba ma yin nam zhe na/ dngos po med pa'i ngo bo smra ba ba 'di la gtan tshigs gtan tshigs ltar snang ba dang/ ma grub pa la sogs pa'i skyon yod pa ma yin no/ /gal te yang don dam par ngo bo nyid med pa yin pa'i phyir/ bsgrub bya 'grub par ji ltar 'gyur zhe na/ de'i lan ni brjod zin to/ /'di skad du/ gal te dbu ma ba tshad ma bdag gir byed dam/ mi byed pa de lta na yang chos thams cad ngo bo nyid med pa nyid du rnam par gzhag par ni nus pa ma yin no/ /zhes brjod par yang mi bya ste/ gang gi phyir kun rdzob du tshad mar snang ba las log pa'i kun rdzob tu nges par byas pa'i don la mi slu ba'i shes pa tshad ma nyid kyis des khas len pa yin no/ /yang gang gi phyir 'di kun rdzob du tshad ma la sogs pa khas len par byed ce na/ gang yang g.yo ba med cing rang rig tsam/ don dam pa ni tshad ma nyid/ /dbye ba med phyir dpag bya dang/ /dpog byed ji lta de star zad/ /de lta bas na sangs rgyas pa 'ga' zhig rang rig tsam du khams gsum dpog par byed pa na/ /rang rig pa tshad mar khas len pa yin bas/ rigs pas gnod ba ma yin ba'i phyir/ rang rig pa de ni g.yo ba med pa'o/ /de'i phyir don dam pa'i tshad ma'o/ /de'i phyir/ shes rab la gnas byang chub sems dpa' de/ /rang rig tsam du de nyid so sor rig/ gzung ba med cing 'dzin ba mi mthong ste/ /srid pa gsum po rnam rig tsam du shes/ /zhes gsungs pa dang/ bcom ldan 'das kyis kyang/ rgyal ba'i sras khams gsum pa 'di dag ni sems tsam mo zhes gsungs pa dang/ de bzhin du/ phyi rol gzugs ni mthong ma yin/ /sems nyid sna tshogs mthong bar 'gyur/ /lus dang longs spyod gnas snang ba/ /sems tsam du ni nga smra'o/ /zhes gsungs pas de'i phyir/ sems tsam nyid kyi lugs nges pa'i don yin pa'i phyir/ don dam pa'i tshad ma yang yod pa yin no/ yang dbu ma pa 'di ci'i phyir tshad ma thams cad kun rdzob du khas len par byed ji lta bas na/ gzung ba la sogs pa'i skyon gyis ma gos pa'i ngo bo rang rig pa tsam don dam pa'i tshad ma'o zhes rnal 'byor spyod pa pa 'dod do/ /rang rig pa tsam ni/ rigs pas kyang mi gnod pa yin no zhes gang smras pa de yang mi bden pa nyid de/ rang rig pa la rigs pas gnod pa la sogs pa yod pa ma yin no/ /zhes bya ba la sogs ba ni yul tha dad ba'i tshig yin no/ tshad ma ma yin pa la gus par byed pa ci zhig yin/ nyams su myong ba yod pa tsam gyis don dam pa'i ngo bo nyid du rigs pa dang ldan pa ni ma yin te/ rtag pa dang dbang phyug dang dus la sogs pa nyams su myong ba yang /ci'i phyir rang rig pa ma yin/ de lta bas na gang gi phyir/ rang rig pa tsam rjes su rnam par bzhag na ni/ de'i dbang phyug la sogs pa yang don dam pa'i ngo bor 'gyur bas/ de lta bas na gang yang ma yin no/ /gal te dbang phyug la sogs pa ni phyi rol yin la /rang rig pa ni rang gi ngo bo tsam 'dzin pa yin no/ /de'i phyir de'i rang gi ngo bo rig pa rnam par gcod pa yin no zhe na/ gtam 'di ltar thos te/ rang rig pa la rigs pas gnod pa ma yin no// zhes sngar khyod kyis smras pa yin na/ nyams su myong pa nyid ji ltar rnam par gcad par bya/ /nyams su myong ba dang dus mnyam pa nyid du rnam par gcod dam/ dus phyis rnam par gcod/ gal te nyams su myong ba dang dus mnyam du rnam par gcod na ni/ de'i tshe nges gnod par 'gyur ro/ 'on te dus phyis rnam par gcod na ni/ dus phyis rnam par bcad pas sngon gyi dus su nyams su myong ba dang /lhan cig byung pa'i rtag pa dang dbang phyug dang dus la sogs pa rnams ji ltar rnam par gcod/ de lta bas na nyams su myong ba nyid ni brdzun yin te/ nyams su myong ba yin pa'i phyir rab rib can la zla ba gnyis snang ba bzhin no/ /gal te nyams su myong ba dang brdzun zhes bya ba 'gal ba nyid ma yin na/ /ji ltar nyams su myong ba nyid yod par bden pa yin no zhe na/ 'di ni tshig tsam du zad de/ nyams su myong ba yang 'di nyid kyis brdzun pa nyid du bsgrubs pa'i phyir ro/ /de lta bas na/ smras pa'i gtan tshigs nyid kyis/ gang bsgrubs pa de nyid blo dang ldan pas bdag gir bya bar rigs so/ /gzhan yang gzhal bya la bltos nas tshad ma rnam par gzhag pa yin pas/ de yang so sor yongs su gcad pa dang/ /yongs su gcod pa'i ngo bo med pa'i phyir/ /tshad ma dang gzhal bya las shin tu 'das pa'i mtshan nyid can/ 'jig rten pa'i gnas skabs ma yin par 'gyur ro/ /gal te gzhal bya gzhan med pas bdag nyid gzhal bya 'bras bu rang rig yin pa ltar/ tha dad du med pa'i rdzas? la tshad ma dang gzhal bya/ rnam par bzhag pa don dam par yod pa la ci zhig byar yod ce na/ don dam par rnam bar gzhag pa zhes bya ba'i tshig 'di ni ci yang ma yin no/ /'on te phyi rol gyi don spangs pa'i rnam par shes pa yang brdzun pa nyid du smra bar byed na/ dbu ma pas de kho na nyid kyi rnam pa ji lta bu zhig mthong zhe na/ de ni rtog ge ba'i 'khor lo'i gtsug gi nor bus/ /yod min med min yod med min/ /gnyi ga min pa'ang ma yin zhing/ /mdza' bzhi las ni rnam gral ba'i/ /de nyid dbu ma pa'i sa rig ces mngon par brjod pa dang/ bcom ldan 'das kyis kyang/ /yod dang med pa gnyis kyang mdza' yin te/ /dag dang ma dag 'di yang de bzhin mdza' / /de phyir mdza' gnyis dag ni rnam spangs nas/ /mkhas pas dbus la 'ang gnas par mi byed do/ /zhes gsungs so/ /des ni bcom ldan 'das kyis dbu ma pa la/ med pa par thal bar 'gyur ba'i skyon brjod pa thams cad spangs pa yin no/ /gal te bram ze gzhon nu ma len na re/ /don kyis stong ba'i rnam shes der/ /rnal 'byor spyod par brten/ /dbu ma par ni smra ba gang/ /de'i dngos med 'dod pa yin/ /zhes smra na/ dbu ma pa ni thams cad med pa ni de kho na nyid do zhes smra pa ma yin pas/ de skad du brjod pa de ni mdzes pa ma yin no/ /de'i phyir/ yod pa nyid dang med pa nyid bkag nas/ /dbu ma'i lam ston pa yin te/ /gang gi phyir bcom ldan 'das kyis kyang/ /yod pa'i sngon 'gro med pa ste/ /med pa'ang yod pa'i sngon 'gro yin /de phyir med ces brjod mi bya/ /yod ba nyid du 'ang mi rtog go zhes gsungs pa yin no/ /gal te yang 'byung ba chen po bzhin yod pa nyid du sgrub la/ de las gzhan ba legs par spyad pa la sogs pa'i las kyi rnam smin ni med pa nyid du lta ba de dag la yang/ yod par lta ba rnams kyis med pa yin no zhes spong bar byed na/ /gang med pa'i tshogs kyi gtsug gi nor bu dbu ma pa thams cad med par lta ba de la/ ji ltar zhe sdang bar mi bya zhe na/ de ni mi bden te/ dbu ma pa rnams ni med pa nyid du lta ba ma yin no/ /gal te yod ba nyid du lta ba 'gog pas med pa yin no zhe na ni/ med pa nyid du lta ba 'gog bas/ /yod pa par yang ci ste mi 'gyur/ /gang gi phyir klu sgrub zhal snga nas kyang/ /gal te yod pa 'gog gyur pas/ /med pa pa zhes spong byed na/ /ci'i phyir med nyid 'gog byed pas/ yod pa nyid cis mi 'thob/ /ces gsungs pa yin no/ /'on te don dam bar yod pa 'gog par byed pas/ med pa pa yin no zhes brjod na ni/ /ji yang nyams pa mer bas de ni khas len par byed de/ /rgyu dang 'bras bu'i ngo bo nyid/ /kun rdzob du ni mi 'gog pas/ /kun nyon mongs dang rnam byang sogs/ /rnam gzhag nyams par 'gyur ba med /ces bstan pa'i phyir ro/ /de lta bas na de la gus pa dang/ /de la mos pa rnams kyis/ nyes pa ci zhig byas nas gang gi phyir 'di la zhe sdang bar byed/ dbu ma'i de kho na nyid bdag gir byed pa dang bcas pa gang la/ skye bo gang zhig mos pa byed pa la yang sdang bar byed pa'i skye bo de dag ni shin tu ngo mtshar du gyur pa yin no/ /dbu ma'i lam gang yin pa de nyid shes rab kyi pha rol tu phyin pa yin pas/ de spangs pas de yang spangs par 'gyur ro/ /de'i phyir dbu ma pa la zhe sdang pa ni/ sangs rgyas dang byang chub sems dpa' ma lus pa la zhe sdang pa yin pas/ de ni snying rje brgyud pa'i gnas bdag po med pa'i bran gyi tha ma lta bu skyong zhing gnas pa yin no/ /de ni yod par smra ba'i gzugs kyis med par smra ba'i mchog yin te/ rgya mtsho chen po'i gnya' shing gi bu gang ru sbal gyi mgrin pa tshung pa dang 'dra ba'i mi'i dngos po ci zhig ltar yang dag par thob cing shin tu rnyed par dka' ba'i bde bar gshegs pa'i bstan pa la dang par yang gyur mos/ theg pa chen po spangs pas/ dal 'byor phun sum tshogs pa nyams par byed pa 'di ni dpyod pa dang/ bral ba chen po yin dang/ bslus pa chen po yang yin la/ skal ba dang mi ldan pa chen po yang yin ba nas/ de ni rang la phan pa'i phun pa'i tshogs pa mi bzang ba yang yin zhing / gnod pa chen po yang yin no/ /gang gi phyir theg pa chen po ni/ sangs rgyas dang byang chub sems dpa' ma lus pa'i lam yin la/ chos thams cad stong pa nyid du lta ba ni byang chub sems dpa' i lam bla na med pa yin pas/ de'i phyir de la skur pa btab na/ theg pa chen po la ji ltar skur pa btab par mi 'gyur/ gal te gnyis kyis stong bar lta ba lam nyid yin no zhe na/ chos thams cad stong pa nyid kyang bcom ldan 'das kyis de dang der bstan pa nyid de/ gang yang/ chos rnams 'di kun ngo bo nyid kyis stong/ /rgyal po'i sras rnams dngos kun rnam par 'jig / kun tu kun nas sred pa thams cad stong/ /phyogs gcig stong nyid mu stegs can rnams kyi/ zhes gsungs pa dang/ thams cad nam mkha' i mtshan nyid do/ nam mkha' la yang mtshan nyid med/ /lhag ma med pa'i khams gsum nyid/ /thams cad sgyu ma lta bu yin/ /mthong dang reg pa nyid dag ni/ /thams cad sgyu ma ji bzhin pas/ /'gro ba kun gyi gnas pa ni/ nye bar dmigs pa ma yin no/ /zhes gsungs pa yin no/ /gal te thams cad kyi thams cad du srid pa thams cad stong pa yin na/ /bcom ldan 'das kyi de kho na nyid ji ltar bstan zhe na/ gdul bya'i skye bo'i ngor/ thugs rje can gyi chos bstan pa 'jug ste/ de la kha cig ni drang ba'i don/ /kha cig ni nges pa'i don yin no/ /drang ba'i don dang nges pa'i don gyi rnam par dbye pa yang/ bcom ldan 'das nyid kyis mdo gzhan dang gzhan las bstan pa nyid de/ ji skad du /gang du bde bar gshegs pas stong pa nyid bstan pa/ /nges don ston pa'i mdo sder shes par bya/ /gzhan yang gang du gang zag sems can dang/ /skyes bu ston pa'i chos kun drang don yin/ /zhes gsungs pas so/ /yang skyob pa des bstan pa yin no zhes re zhig de kho na nyid du gzung ba ni ma yin te/ gang gi phyir chos grags kyi zhal snga nas kyang/ /phyi rol bsam pa rab rgyas pa'i/ /blo can 'jig rten 'ba' shig la/ /de nyid don ni btang snyoms nas/ /glang po che'i lta stangs byas/ /zhes gsungs pa dang/ bcom ldan 'das kyis kyang/ /gzugs ni dbu ba'i gong bu 'dra/ /tshor ba chu'i chu bur bzhin/ /'du shes smig sgyu 'dra ba ste/ /'du byed rnams ni chu shing bzhin/ /rnam par shes pa sgyu ma ltar/ /nyi ma'i gnyen gyis gsungs pa yin/ /de ltar chos la rtog pa'i/ /brtson 'grus brtsams pa'i dge slong ni/ /nyin mong da ni mtshan mo dag/ dran dang shes bzhin ldan ba ru/ /'du byed nye bar zhi ba'i/ /zhi ba'i go 'phangs rab sgrub byed/ /ces gsungs pa yin no/ /sems tsam nyid du lta ba ni/ /drang pa'i don yin par bcom ldan 'das nyid kyis dkon mchog brtsegs pa'i mdo las btsal ba'i sgo nas gsungs pa yin te/ 'od srung 'di lta ste/ sems ni yongs su btsal na yongs su mi rnyed pa'o/ /gang yongs su mi rnyed pa de ni mi dmigs pa'o/ /gang mi dmigs pa de ni 'das pa ma yin/ ma 'ongs pa ma yin/ da ltar byung ba ma yin no/ /gang 'das pa ma yin/ ma 'ongs pa ma yin/ de ltar byung ba ma yin pa de ni ngo bo nyid med pa'o/ /gang la ngo bo nyid med pa de ni skye ba med cing 'gag pa med pa'o zhes bya ba la sogs pa rgyas par gsungs pa yin no/ /'phags pa klu sgrub kyi zhal snga nas kyang/ /bdag tu 'dzin pa bzlog pa'i phyir/ /phung po khams la sogs pa bstan/ /sems tsam nyid du rnam bzhag pa/ /skal chen rnams la de bsal phyir/ /'di dag thams cad sems tsam zhes/ /thub pas de skad gang gsungs pa/ /byis pa skrag pa spang phyir te/ /yang dag tu na de nyid min/ /'gro ba'i chos rnams thams cad nyid/ /shing yin rnam shes me la ni/ /bsregs pas nye bar zhi bar 'gyur/ /zhes gsungs pa dang/ slob dpon dbyig gnyen gyis kyang/ /gzugs sogs skye mched yod par ni/ /des 'dul ba'i 'gro ba la/ /dgongs pa'i dbang gis gsungs pa ste/ /rdzus? te byung ba'i sems can bzhin/ /lta ba'i mche bas phug pa dang/ /las dang 'bras bu nyams pa la/ /stag mos phru gu 'dzin pa ltar/ /rgyal ba chos rnams ston par mdzad/ /ces bstan pa yin no/ /gang dag 'di ltar bcom ldan 'das kyis bstan pa'i dgongs pa mngon par mi shes pas/ 'dir drang ba'i don nam nges pa'i don ci zhig bstan ces the tshom za ba dang/ gang yang blo shes rab dman par gyur pa'i phyir/ drang ba'i don du bstan pa la/ nges pa'i don du byed pa de dag gi the tsam dang log par shes pa bzlog pa'i phyir/ slob dpn klu sgrub kyi zhal snga nas/ bstan chos ma lus pas bsgrub pa yin pas/ de nyid 'jug par bya ba yin no/ /'dir ni gzhung mangs pa'i 'jigs pas phyogs tsam zhig bstan pa yin no/ /rnam 'grel mdzad pas kyang /gdul bya'i skye bo'i bsam pa'i dbang gis/ rnam rig tsam la 'jug par bya ba'i phyir/ mdo sde ba'i phyogs 'dzin pa ltar byung ba yin no zhes bya ba la sogs pa bstan pa yod pa'i phyir /rigs pa shes pa'i mchog de ni/ yang dag par na dbu ma pa nyid yin no/ /ji ltar shes zhe na/ 'di kun nus pa med ce na/ /myu gra? sogs la sa bon sogs/ /nus mthong kun rdzob 'dod ce na/ /de skad zer na de ltar zad/ /ces bya ba'i tshig gis so/ /'dis kyang dbu ma par shes te/ /sna tshogs don du snang bas na/ /gang phyir gcig tu ma rigs na/ /sna tshogs snang ba'i gcig nyid de/ /re shig gcig tu ji ltar 'gyur/ /zhes bya bas phyogs snga ma bslang ba sngon du 'gro bas// lhag par mthong ba gang smra ba'i/ /stobs kyis dngos po 'di kun 'ongs/ /ji lta ji ltar don brtags pa/ /de lta de ltar dben bar gyur/ /ces gsungs pa'i phyir te/ de lta bas na rang rig pa'i tshad ma 'di ni 'dir re shig gdul bya'i bsam pa'i dbang gis gsungs pa yin pa'i phyir/ /ji lta ba de lta bur gzhag par bya ba yin no/ /gal te /rnam par shes pa tsam du smra ba 'di ni shin tu zab pa yin pa'i phyir// 'dir rang rig pa'i mngon sum tsam gyi tshad ma la/ ji ltar gnod pa 'byung bar 'gyur zhe na/ phra mor sbyor pa'i mkhas pa yi/ /blo'i khyod kyis gnod pa yin/ /tshad ma rnams na kun rdzob pa/ /rigs pa 'di ni rab tu mthong/ /zhes bya ba la ci zhig byar yod/ /blo rnon po rnams kyis gnod par 'gyur ro zhes bya ba la yang 'dir mtshar ci yod/ gang phan tshun gnod pa zhes bya ba ni kun rdzob kyi dngos po'i don la/ tha snyad 'di 'jig rten na mthong ba yin gyi/ /gzhan du na kun rdzob nyid nyams par 'gyur te/ /chos thams cad stong pa nyid bzhan du gnod pa med pa'i phyir ro/ /ji skad du 'phags pa lha'i zhal snga nas/ /gang zhig stong pa nyid smra bas/ /tsod pa byed pa bzlog pas ni/ /bsgrub bya dang ni mnyam gyur pas/ /des ni thams cad bzlog pa yin/ /zhes bstan pas/ chos thams cad stod pa nyid la gnod pa med pa yin pa'i phyir/ de nyid bcom ldan 'das ma shes rab kyi pha rol tu phyin pa yin no/ /de nyid ni bdag dang gzhan gyi don phun sum tshogs pa 'byung ba yin no/ /zhes bsgrub pa'i phyir/ / gzhan don gtso bor bzung nas ni/ /sangs rgyas la sogs 'dod byed pa/ /de gnyis theg pa thams cad du/ /shes rab pha rol byin las byung/ /zhes bya ba smras te/ gsang sngags kyi theg pa 'ba' shig tu ma zad kyi/ nyan thos kyi theg pa dang theg pa chen po ma lus pa'i 'bras bu yang shes rab kyi pha rol tu phyin pa dang gnyis su med pa'i rnal 'byor bsgoms pa nyid las 'byung ba yin te/ ji skad du/ shes rab kyi pha rol tu phyin pa las kyang/ nyan thos kyis la slob par 'dod pa'i byang chub sems dpa' nyid kyis kyang/ shes rab kyi pha rol tu phyin pa mnyan par bya zhes bya ba nas/ shes rab kyi pha rol tu phyin pa la rnal 'byor du bya zhes bya ba'i bar dang de bzhin du rang sangs rgyas kyi sa dang/ byang chub sems dpa' i sa la slob par 'dod pas kyang zhes bya ba la sogs pa rgyas par gsungs pa yin no/ / de lta bas na/ de ltar/ theg pa chen po ma 'dres par/ /sangs rgyas rnams ni ston par mdzad/ /sems can 'jug par bya ba'i phyir/ /theg pa'i dbye ba rang bstan pa yin/ /gang bcom ldan 'das theg pa gcig ston par mdzad pa yin na/ nyan thos la sogs pa'i theg pa'i dbye ba yang ston par mdzad pa ji lta bu yin zhe na/ de ni bden te 'gro ba ngan pa'i bya ba skyed par byed pa'i snyigs ma gang yin dang/ /gang phyir sangs rgyas yul gyur bgrod par dka' la 'jig rten mi 'jug dang/ /gang phyir shes rab yangs pa thugs rje'i thabs dang bcas ba mnga' ba dang/ /sems can bdag gis dgrol zhes bcom ldan 'das kyis dam bcas mnga' ba'i phyir/ /zhes bya ba la sogs pa/ dbu ma la 'jug pa las lan btab pa yin no/ /don dam par na shes rab kyi pha rol tu phyin pa dang gnyis su med par sgom pa las/ ma gtogs pa/ theg pa gzhan ni yod pa ma yin pas/ de'i phyir/ chos kyi dbyings la dbyer med phyir/ /gtso po theg dbye rma mchis kyi/ /khyod kyis sems can gzhug pa'i phyir/ /theg pa gsum nyid ston par mdzad/ /ces bstan pa yin no/ /de lta bas na gdul bya'i sems can gyi bsam pa'i dbye bas 'dir ming tsam tha dad par pha rol tu phyin pa dang bden pa la sogs pa'i dbye ba bsgom pa'i rim pa bcom ldan 'das kyis nye bar bstan pa yin no/ /de dang de'i ming bstan pa'i sgo nas/ sems can de dang de mdo sde dang/ chos mngon pa la sogs pa la sems 'jug par gyur nas/ de kho na nyid de la dbye ba med na yang/ dbang po rtul bo dang 'bring dang/ rab rnams kyis tha dad pa ltar byas nas ci ltar cung zhig sgro btags pa las log pa'i mi rtag pa la sogs pa'i sgras dbang po rtul po rnams la nye par ston to/ /gzugs la sogs pa'i dngos po ma lus pa'i sgro btags pa las log pa rang gi sems kyi snang ba cam du dbang po 'bring po rnams la nye bar ston to/ /sgro btags pa ma lus pa las log pa/ spros pa med pa dang stong pa nyid la sogs pa'i sgras/ dbang po rab la nye bar ston pa yin te/ /dngos 'dzin gdon gyis zin pa yi /zab mo'i tshul gyis 'jigs gyur pa/ /shin du rmongs la sngon po sogs/ /yod pa yin zhes gsungs pa dang/ /gzung dang 'dzin pa'i dbye ba dang/ /bral ba shes rab chung ldan la/ /'di dag rnam par rig tsam zhes/ /sna tshogs 'gro la gsungs pa yin/ dri za'i grong khyer lta bu'i/ /bden pa gnyis kyis mtshon pa nyid/ /dpag med bskal pa mang po ru/ /bsgoms pas dag pa'i blo can la/ /zhes bya ba yin no/ /de lta bas na gsang sngags kyi sgo'i spyad pa spyod pa'i las dang po pa/ /dpal ldan rdo rje 'chang gi ngo bo sgom pa dang/ nyan thos sdug bsngal la sogs pa'i bden pa bsgom pa dag ni/ phyag rgya chen po'i mtshan gzhan stong pa nyid ces bya ba la 'jug par bya ba'i thabs yin no zhes/ gsang sngags rig pa'i mkhas pa rnams kyis nges par shes so/ /gsung rab de dang de dag las bcom ldan 'das kyis stong pa nyid bstan pa ni nges pa'i don yin te/ de lta bas na/ bya ba dang spyod pa dang/ rnal 'byor dang rnal 'byor bla na med pa la sogs pa'i dbye bas/ bcom ldan 'das kyis spros pa dang bcas pa'i sgom pa nye bar bstan pa ni/ spros pa med pa phyag rgya chen po dang gnyis su med pa la 'jug pa'i thabs yin no zhes bya bar nges so/ / //rnal 'byor pa ma lus pa'i thun mong gi man ngag bstan pa'o// //da ni rnal 'byor pa snying rje dang ldan pa nyid yang dag par rdzogs pa'i byang chub kyi skal ba dang ldan pa yin no zhes nges par byas nas/ snying rje nyid gtsor bstan par bya ba'i phyir/ /dang por byang chub sems dpa' rnams/ /snying rje chen pos sems can la/ /sgrub pa rang dang gzhan gyi don/ /phun sum tshogs 'gyur de rnams gsum/ /zhes bya ba smras te/ dang po kho nar snying rje dang ldan pa gzhan gyi sdug bsngal gyi sdug bsngal bar gyur pas/ nges pa kho nar sdug bsngal bar gyur pa'i sems can ma lus pa yongs su bskyab pa'i phyir/ byang chub tu sems bskyed pa bya'o pa'i phyir snying rje'i rtsa ba las sangs rgyas kyi chos thams cad do zhes bya ste/ ji skad du klu sgrub kyi zhal snga nas kyang/ /dri med ye shes bya ba kun/ /snying rje ston du 'gro bar ni/ /gang phyir theg pa cher bor bstan/ / sems ldan su zhig de la smod/ /ces gsungs pa dang/ dbu ma la 'jug pa las kyang/ /gang phyir rgyal ba'i lo thog phun sum tshogs 'dod na/ /sa bon snying rje 'phel bar byed pas chu lta bu/ /yun ring nye bar spyad par gnas pas smin byed 'da' i/ /snying rje nyid la dang por pa dag ni 'dud par bgyi/ /zhes bstan pa yin no/ /de yang rnam par gsum ste/ sems can la dmigs pa dang/ chos la dmigs pa dang/ / dmigs pa med pa'o/ /de lta bu'i snying rje rnam pa gsum dang/ stong pa nyid du ldan pa ni/ /thabs shes bdag nyid can rnal 'byor/ /stong nyid snying rje'i bdag nyid can/ /de yang dmigs pa'i dbye ba yis/ /rnam pa gsum du 'gyur ba yin/ /rnal 'byor pa yang ji lta bu la dmigs pa'i snying rje'i dbye bas tha dad pa nyid do/ /de la sdug bsngal gyi sdug bsngal dang/ /'gyur ba'i sdug bsngal ngag gis/ nyin cig bzhin du sems skyo bar gyur pa'i sems can la dmigs nas skye ba ni/ sems can la dmigs pa'i snying rje ste so so'i skye bo'i yin no/ /skad cig ma so so'i mi rtag pa nyid kyis phongs par lhung ba'i chos thams cad gzugs brnyan lta bu la dmigs nas/ byang chub sems dpa' snang ba dang bcas pa'i ye shes can rnams la skye ba ni/ chos la dmigs pa'i snying rje'o/ /chos thams cad ma skyes bo dang/ gdod ma nas zhi ba dang / dmigs pa med par sbyor ba la dmigs nas skye ba ni/ sangs rgyas bcom ldan 'das rnams kyi ste/ dmigs pa med pa'i snying rje yin no/ /dmigs pa med pa'i snying rje 'byung ba'i gnas skabs nyid ni shes rab dang thabs kyi bdag nyid can yin gyi/ /spros pa nyid du rab tu 'jug pa'i phyir/ de las gzhan pa'i sgom pa'i gnas skabs na ni ma yin no/ /ji ltar snying rje'i dbye bas rnal 'byor pa rnams/ so so'i skye bo dang/ byang chub sems dpa' dang/ sangs rgyas rnams tha dad par 'dod pa ltar/ de bzhin du gsang sngags kyi sgo'i spyad pa spyod pa rnams la yang/ dbang po rtul po dang/ 'bring dang/ mchog gi dbye bas tha dad pa nyid yin no/ /zhes bsgrub par bya'o// //da ni sngags kyi gzhung lugs rjes su bstan pa'i rim pa brjod par bya'o/ /bskyed dang rdzoD pa'i rim pa yis/ /gsang sngags bstan pa rnam pa gnyis/ /rim pa gnyis la nyer brten nas/ /de'i thabs kyang du mar 'dod/ /bcom ldan 'das rdo rje 'chang gi bstan pa de yang/ bya ba dang/ spyod pa la sogs pa'i dbye bas thabs mang po dang/ rnam pa sna tshogs pa'i thabs dang/ rim pa'i man ngag du mas/ rim pa gnyis nges par bstan pa yin te/ de lta bu'i bstan pa de ni/ bcom ldan 'das rdo rje 'chang de nyid kyi spyod yul yin gyi/ bdag lta bu'i ni ma yin no/ /de lta bas na/ bla ma'i zhabs kyi bka' drin gyis/ /phyogs tsam zhig ni blang byas nas/ lung dang gzhung lugs ji lta bar/ /slob ma la ni nye bar bstan/ /re shig sngags rig pa'i dbang bo rtul bo rnams/ /sangs rgyas rdo rje 'chang gi ngo bor bsgom pa nyid kyis phyag rgya chen po bsgom pa nye bar bstan to/ /de la re shig de nyid dam tshig ji lta pa bzhin du cung zhig tsam brjod par bya'o/ /mngon par rtogs pa ji lta par/ /rdo rje dbang phyug nges bskyed la// mchod dang bstod dang bdud rtsi myang/ /bsod nams yongs su bsngo ba'i bar/ /man ngag dag dang ldan pa yis/ /mnyam par bzhag dang ma bzhag pa/ /rnal 'byor gnyis la legs gnas pas/ /rtag tu goms par bya ba yin/ /mngon par rtogs pa ji lta bar zhes bya ba ni/ rnal 'byor dang/ rnal 'byor ma'i rgyud du gsungs pa'i cho ga ste/ ci skad du klu grub kyi zhal snga nas/ mdor bsdus pa'i rim par bstan pa lta bu te de la re shig dang por ni gnas nges pa'o/ /de'i rjes la snying rje chen po la dmigs pa dang/ bka' i 'khor lo dang/ stong pa nyid la dmigs pa dang/ 'byung ba bskyed ba dang/ gzha yas khang dang/ dgod pa'i dkyil 'khor dang/ don dam pa'i dkyil 'khor du 'jug pa dang/ ldang ba dang/ nyi ma la dmigs pa dang/ mthar zla ba'i dkyil 'khor la gtim ba dang/ rdo rje 'chang chen por bskyed pa dang/ phung po la sogs pa byin gyis brlabs nas dgang ba dang/ sku dang gsung dang thugs byin gyis brlab pa dang/ dkyil 'khor spro ba dang/ phra mo'i rnal 'byor dang rdo rje bzlas ba dang dag gi bzlos pa dang/ don dam par zhugs pa la bskul ba dang/ yang ldang ba dang/ bstod pa bya ba dang/ nye bar bsdu ba zhes bya ba de lta bu rnal 'byor gyi rgyud kyi rjes su 'brang ba 'am/ rnal 'byor ma'i rgyud kyi rjes su 'brang bas/ bla ma'i man ngag nyid kyis rdo rje 'chang gi ngo bor dmigs nas/ rgyud nas gsungs pa'i phyag rgya dang bcas pas/ mdo rgyud rtog bsres su bstan pa'i spros bcas ki spyod pa 'am/ spros med kyi spyod pas gcig pu gcig dang bcas pas/ yid dang 'thun pa'i gnas su gnas par bya'o/ /yang shin tu spros pa med pa'i spyod pa ni bya ba ma yin te/ de la las kyi phyag rgya ma bston pa'i phyir ro/ /semS ni 'dod chags dbang gyur pas/ /rtag tu 'dod pa'i yon tan lnga/ /las kyi phyag rgya dang bcas par/ /spyod na sngags rigs pas 'grub 'gyur/ /gang yang 'dod chags la sogs pa lhag par spyod pas sems kyi rgyud rnam par g.yengs par gur pa'i phyir ro/ chos kyi phyag rgya la sogs pa bsgom par mi nus pa de lta bu la/ sangs rgyas bcom ldan 'das kyis las kyi phyag rgya dang snyoms par 'jug pa'i thabs dang shes rab bsgom pa nye bar bstan to/ /de nyid bsten pa/ bud med gzhon nu mdangs bzang ba/ /lo grangs bcu drug lon rnyed nas/ /gnas gsum byin gyis brlabs nas ni/ /dben bar mchod pa brtsam par bya/ /de bzhin gshegs pa'i btsun mo mchog/ /spyan la sogs par bsgoms nas ni/ /dbang po gnyis ni mnyam sbyor bas/ /sangs rgyas dngos grub thob bar 'gyur/ /zhes gsungs ba dang de bzhin du/ /b+ha ga ra ling ga bzhag nas ni/ /mkhas pas sangs rgyas sprin rnams spro/ /zhes ba ba la sogs pa rgyas par sangs rgyas rjes su dran par sgom pa blta bar bya'o/ /don 'di nyid ji skad du gsang ba grub pa las/ /ri'am rgya mtsho'i 'gram dag dang/ /skyon rnams spangs pa'i yul 'khor dang/ /dgon pa chen po'i s phyogs sam/ /phug dang grong khyer snying bdag/ dri med chu yis gang ba dang/ /me tog 'bras bu sogs pas brgyan/ /ljon shing 'khris shing gis rgyan pa/ /khyad par du ni dben gyur pa/ /der ni phyag rgya dang bcas par/ /sgrub po brtan zhing nges pa yis// byang chub sems la dga' zhing mkhas/ /lus ni nus pa can byas nas/ /yang dag rig pa der gtad pas/ /yang dang yang du goms par bya/ /phyag rgya 'ang de 'drar shes bya ste/ /chags med zhen pa med pa dang/ /zab mo'i chos dang ldan pa dang/ /sgrub po 'dod bzhin rjes su 'brang/ /yan lag thams cad yongs su rdzogs/ /skra'i rtse kun cung zhig 'khyil/ /'bad pas bu mo 'di 'dra ba/ /dngos grub don du rnyed gyur nas/ /rtog las ci skad gsungs pa bzhin/ /de nas bsgrub pa brtsam par bya/ /'bad pas de ni gzung byas nas/ /gi 'phang mchog ni bsgrub par bya// rang gi rdo rje mchod nas ni/ /byang chub sems ni gtang bar bya/ /de nas sku'i rdo rje bsgom/ /ngag gi rdo rje kun nas gzung/ /de'i b+ha gar byung ba'i khus/ /sems kyi rdo rje rab tu mchod/ /da la gus pas mchod nas ni/ /cho ga bzhin du sbyar la langs/ /de nyid sbyor ba bsgom par bya/ /tsun da 'am ni ma ma kir/ /dang por rnal 'byor rnam bsgoms nas/ /thams cad bya ba kho na yin dam tshig gi ni khyad par dang/ /bud med mchog ni bsten par bya/ /b+ha gar ling ga bzhag nas ni/ /byang chub sems ni gtang mi bya/ /der bskyod pa'i dga' ba'i sa/ /sems ni bkang nas bsgom par bya/ /ji srid rnal 'byor byang chub sems/ /gtong bar byed pa ma yin pa/ /de srid kun dga' las byung ba de/ /ci yang rgyun mi 'chad par thob/ /bde ba de'i ngo bo dang/ /yang dag ldan pa'i dbang phyug mchog/ bdag nyid rtag tu bsgoms na ni/ /'grub 'gyur 'dir ni the tsom med/ /dngos grub kun gyi gter gyur pa/ byang chub sems ni 'dir ltung bas/ /phung po rnam shes pa rgyal gyur na/ /ma smad dngos grub ga la yod/ /phyag rgyal 'bad dam 'khyud nas/ /yang dang yang du 'o byas la/ /gnas de ru ni bskyod pa yis/ /byang chub sems mang rab 'bab pas/ /phyag rgya cha/ po rnam bsgoms la/ /lha mo de la 'o yang bya/ /mig gnyis dag ni rgyas gyur nas/ /bde ba chen po'i ros gang pa'i/ /ma mchu ? zhig rgyas ba dang/ /nu ma cung zhig dma' ba 'dzin/ /brla gnyis dri ma med pa mchog/ mig kyang cung zhig rgyas pa dang/ /rdo rje'i theg par ngal byas pas/ /der gter ba'i bsgom par ldan/ /sangs rgyas chos dang dge 'dun la/ /rtag tu der gtad bsam pa can/ /'o ma sbyin pas yang dang yang/ /khyad par du ni rab tu mchod/ /rdo rje can gyi phyag rgya bzhin/ /de nyid sbyor pas bsgom par bya/ /yid 'ong bcos pa'i zas dang ni/ /dri dang me tog sogs bsnyen bkur/ /nya dang sha dang gur chang sogs/ /sems ni spro bar byed pa can/ /'bad pas de lta bus mchod nas/ /de nyid ched du bsgom par bya/ /cho ga 'di yis bskul na ni/ /rdo rje sems dpar bdag 'grub 'gyur/ /byang chub sems dang ldan pa'i/ /bdud rtsi me tog myang bar bya/ /mkha' dbyings rdo rje'i dbus gnas pa/ /des ni rdo rje 'dzin pa 'dam chod/ /bsgom dang dam tshig nyams len pas/ /de lta'i dngos grub myur du 'thob/ /sems ni dam tshig sdang ba la/ /rgyal bas gsungs pa'i dngos grub med/ /lha'i rnal 'byor sgom pa dang/ /dam tshig bsrung bar bya ba ni/ /shes pas 'bad pas bsgom byas na/ /'grub 'gyur 'di la the tsom med/ /ji skad gsungs pa'i sa phyogs su/ /rig pa'i rtul zhugs spyad na ni/ /sdig pa ma lus sbyangs nas su/ /rig pa dang bcas 'gro bar 'gyur/ /grong dam grong khyer dag tu 'am/ /sems ni gang du dga' ba der/ /der ni rig pa'i rtul zhugs spyad/ /dgag pa dang ni bsgrub pa med/ /dpal ldan 'dus pa yongs gsal ba'i/ /bsgrub thabs rgyud las gang gsungs pa/ /rig pa'i brtul zhugs ldan pa'i/ /gsang ba'i spyod pas rnam pa rgyan pa/ /des ni dngos grub myur thob par/ /rdo rje sems dpa' i zhal nas gsungs/ /dam tshig spyod pa dang ldan par/ /rtag tu goms par bya ba yin/ /zhes gsungs pa dang/ de kho na nyid la 'jug pa las kyang/ /gang zhig ye shes phyag rgya sogs/ /bsgom la dga' pa med pa dang/ /shes rab nyams chung nyid yin phyir/ /phyag rgya chen po sgom med pa/ /de la kun mkhyen phan bzhed pas/ /phyag rgya chen po'i ming gis ni/ /rdo rje sems dpa' la sogs pa'i/ /gzugs de nyid ni nges par bstan/ /ces 'byung pa dang/ ri khrod pa'i zhal snga nas kyang/ /sangs rgyas byang chub rdo rje ni/ /lus dang ngag yid bder gnas pa/ /med par gzhan gyis tshe 'di la/ /'thob par 'gyur ba ma yin no/ /rtag tu 'dod pa'i yon tan lnga/ /spyod pa med par de min pas/ /gnyis med ye shes dag pa yis/ /ji ltar 'dod par da bsten bya/ /de lta min na dmyal bar 'gro /de yang sdug bsngal brgyud par gyur/ /de phyir byams sogs byin brlab dang/ /dag pa mkhas pas sngon du spyad/ /ji ltar ba tsa'i chu gter du/ /chu thigs 'ga' song ba tshar 'gyur/ /de nyid 'o mar song na ni/ /bdud rtsi nyid duAng 'gyur ba yin/ /ji ltar sbrul dug de nyid shes/ /des ni ci yang byed mi nus/ /de nyid gzhan gyi rgyud la ni/ /me shi bar du mi gtong ngo/ /zhes gsungs pa dang/ gzhan yang 'dod pas zil gyis mnan pa la/ /'dod pa nyid ni thabs su 'gyur/ /ji ltar dug gis bzung ba la/ /dug nyid sman du 'gyur ba yin/ /me yis tshig la me nyid dang/ /tshar mas zug la cher ma ltar/ /de bzhin nyon mongs dug nad la/ /nyon mongs nyid ni bdud rtsir 'gyur/ /ji ltar dug gi de nyid shes/ /dug zos na yang gnod mi 'gyur/ /de bzhin yul gyi de nyid shes/ /'dod la spyod kyang gnod mi 'gyur/ /ji ltar pad+ma'i 'dab ma ni/ /chu na gnas kyang des mi gos/ /de bzhin rtag tu de nyid rig/ 'dod pa'i ro'i rtsed mos gnas/ /de phyir kun la dogs med par/ /khyad par can du yongs bsgyur nas/ /'dod pa'i yon tan lnga bsten na/ myur du dngos grub thob par 'gyur/ /smyung dang lus kyi brtul zhugs kyis/ /lus skams pa ni skyed par byed/ /skams pas sdug bsngal des g.yeng 'gyur/ /g.yengs pas dngos grub gzhan du 'gyur/ /de phyir dngos grub mchog 'dod pas/ /dka' ba'i brtul zhugs spyad mi bya/ /ji ltar bde ba de ltar gnos/ /bde ba spangs na dngos grub med/ /de phyir yid 'ong nas su ni/ /bcu gnyis lo lon yid 'ong ma/ /dga' ba'i mig ni rgyas gyur pa/ /gzugs dang lang tshe rnams kyis brgyan / brtan zhing dam tshig ldan la dag /chu skyes kyi ni dri 'byung ma/ /'dod chags chen po'i ros rol bar/ /sred cing mchog tu mkhas gyur pa/ /rnal 'byor chags bcas par blangs nas/ /bdag nyid 'khor lo'i dkyil 'dug te/ /dam tshig ldan zhing rgyud dag dang/ /nyin dang mtshan du 'du ba bya /zhes bya ba la sogs pa bstan pa yin no/ /dam tshig rdo rje'i zhal snga nas kyang/ /rigs dang 'thun pa'am yang na ni/ /bsam pa dag pas gang rnyed pa/ /gsang sngags tshul chen la rten pa'i/ /dam tshig bslab pa sogs ldan pa/ /sgeg pa dang bcas lang cor ldan/ /g.yo med rjes su 'thun par spyod/ /'thun par smra zhing mngon sum byed/ /gang yang rung ba rnyed nas ni// yid 'ong sngar nas rab rgyas la/ /yongs su 'khyud dang ma mchu'i /ro myang gtso bor las byed pas/ /dben par shes rab gzung bar bya/ /de'i rjes mkha' dbyings rgyal mtshan gyis/ /bskyod pa mi dman phun tshogs kyis/ /kun tu dga' ba'i tshogs dag pa'i/ /rgyun gang kun nas 'byung ba ni/ yid la byed pas rgyas par te/ /'dus byas rgyun la spro bar bya/ /byang chub yid byed mi spong bas/ /blo dang ldan pas rtag bsgoms na/ /de'i go 'phang mchog thob nas/ /rdo rje gsum nyid rdzogs pa ni/ /rnam par dag pa'i chos sku nyid/ /rnal 'byor mchog gi thob par 'gyur/ /zhes gsungs pa'i phyir ro/ /klu grub zhabs kyi lugs kyis ni/ /rdzogs pa'i byang chub bsgrub pa'i thabs/ /las kyi phyag rgya sogs bstan pa/ /gong nas gong du bsgom pa nyid/ /'phags pa lha la sogs pas kyang/ /'dod chags la sogs pa'i dri mas sems dri ma can du byas pa rnams/ /phyag rgya chen po la 'jug pa'i thabs nyid du las dang po ba'i bsgom pa bstan pa yin zhes bya bar bsams nas / ji skad du tho pa dang bsam pa'i rang bzhin gyis rim pa ma lus pa'i de kho na nyid kyi rtogs pa yongs su gcod pa bla mas rjes su gnang ba byas pas/ thams cad mkhyen pa'i phun sum tshogs pa la slob par 'dod pa'i rnal 'byor pas/ rgyu'i gnas skabs su ji ltar gnas par bgyi/ ji ltar rab tu bsgrub par bgyi/ /ji ltar rtul zhugs kyi spyod pa spyad par bgyi/ /bcom ldan 'das rdo rje slob dpon ston pas lung bstan du gsol/ zhes zhus pa'i rjes thogs su legs so zhes bya ba'i tshig byin nas/ bcom ldan 'das kyi gsung nye bar dgod pas mdo rgyud rtog bsres su spyod pa rnam pa du ma nye bar bstan pa yin no/ /ji skad du/ bcom ldan 'das kyis dpal mkha' 'gro ma sgyu ma bde pa'i mchog las/ 'dod chags las byung ba'i byang chub ni rnam pa gsum ste/ 'di lta ste spros pa dang bcas pa nyid dang/ spros pa med pa nyid dang/ shin tu spros pa med pa nyid do/ /de la spros pa dang bcas pa'i sprod pa gang zhe na/ 'di lta ste de bzhin gshegs pa'i dbugs 'byung ba dang/ rdo rje 'chang gi dbugs dbyung ba bstan pas/ de bzhin gshegs pa thams cad kyi rol mo rgyas par bstan pa de ni spros pa dang bcas pa nyid de/ /spros pa med pa ji lta bu zhe na/ rtag tu khyab pa las dgos pa'i dbang gis 'ga' zhig tu rol pa gang yin pa de ni spros pa med pa'o/ /shin tu spros pa med pa ji lta bu zhe na/ 'du 'dzi thams cad spangs nas/ bsam gtan gyi zas dang gnas pa 'ba' shig gis/ ye shes kyi phyag rgya dang snyems par 'jug pa de ni shin tu spros pa med pa nyid de/ ji ltar shing tshig par 'gyur kyang thal bar 'gyur ro/ /ha la'i lo ma tshig par gyur kyang thal bar 'gyur ro/ /ras bal gyi lo ma tshig par gyur kyang thal bar 'gyur/ /thams cad kyang thal bar 'gyur ro/ /de bzhin du spyod pa gsum char gyis kyang rdo rje 'dzin pa'i go 'phang nyid skyed par 'gyur ro/ /de lta bas na slob bzhin pa'i gnas skabs na ni/ sgom pa po dang sgom pa dang sgom par bya ba dang/ sgrub pa po dang/ sgrub pa dang/ sgrub par bya ba'i spyod pa yang yod pa kho na yin gyi/ bla ma'i man ngag thob pa tsam nyid kyis/ sangs rgyas su 'gyur ba ni ma yin te/ /de lta na ni bsgom pa la sogs pa dgos pa med par 'gyur ro/ /ji skad du/ dpal gsang ba 'dus pa las/ /rdo rje sems dpa' rgyal po che/ /yang dang yang du bskul bar bya zhes gsungs pa dang/ ji skad du/ thams cad gsang ba'i rgyud las kyang// 'bras bu rgyus ni rgyas btab cing/ /rgyu yang 'bras bu'i rgyas btab par/ /bsgom gyi gzhan du dngos grub ni/ /bskal pa bya bar 'byung mi 'gyur/ /zhes gsungs pas so/ /gzhan yang 'dod chags la sogs pa byang chub sgrub pa'i thabs nyid du gyur par bcom ldan 'das nyid kyis gsungs te/ dpal mchod dang po'i rgyud las/ 'dod chags zhe sdang gti mug gsum/ /mi mnyam par ni bsten byas na/ /gang 'di dug tu 'gyur bas na/ /de nyid dug nyid kho na yin/ /bdud rtsi nyid phyir bsten na ni/ /bdud rtsi nyid duAng 'gyur ba yin/ /zhes gsungs pa dang/ dkon mchog brtsegs pa las kyang/ 'od srung 'di lta ste/ bu ram shing gi zhing dang rgun 'bru'i zhing la ni lung kyi phung po phan par 'gyur ba yin no/ /de bzhin du byang chub sems dpa' i nyon mongs pa yang byang chub la phan par 'gyur ba yin no/ /'od srung 'di lta ste/ sngags dang sman gyis yongs su zin pa'i dug gis ni gnod par mi nus/ de bzhin du thabs dang shes rab kyis yongs su zin pa'i byang chub sems dpa' i nyon mongs pas kyang gnod par mi 'gyur ro/ /zhes gsungs pa yin no/ /gang phyir de ltar chags pa dang/ /sdang dang rmongs ldan bdag 'dra zhes/ /som nyi ma sus rtag spangs nas/ /rdo rje sems dpa' rnam bsgom bya/ /'dod pa 'di dag rgyal pa lnga/ /rang nyid rdo rje sems dpa' dngos/ /gang yang snang ba de dag kun/ /bdag gi sgyu ma'i rnam 'phrul yin/ /zhes smras pa dang/ gal te 'dod chags zhe sdang gti mug gsum/ /'di dag 'jig rten dug gsum ste/ /zhes bcom ldan 'das kyis gsungs pas/ /gzugs la sogs pa'i yul rnams ni nyon mongs pa rab tu skye ba'i rgyu nyid yin pa'i phyir/ /ngan song gi rgyu nyid ma yin nam/ yang ji ltar na sngags rig pas de bsten na kun tu bzang po nyid 'grub par 'gyur zhe na/ 'dir ni bcom ldan 'das nyid tshang mar gyur pa yin te/ /gang yang gang dang gang du 'jig rten bcings gyur pa// de dang de las bcings pa dgrol bar bya/ /'jig rten rmongs pas de nyid rig min te/ /de nyid spangs pas dngos grub thob mi 'gyur/ /zhes gsungs te/ shes rab nyam chung ba'i skyon gyis/ /thabs bde ba rtogs pa med pas// de kho na nyid spangs pa nyid kyis/ /tshe 'di nyid la sangs rgyas su 'grub pa'i rgyur gyur pa mchog tu thugs rje can kun tu bzang po nyid mngon sum du gshegs pa lta bu'i rdo rje slob dpon spangs nas/ sbyangs pa'i yon tan bcu gnyis la sogs pa ? thub kyi spyod pas dus ring mor byang chub tshol bar byed kyang/ 'thob pa ni ma yin no/ /de'i phyir bcom ldan 'das kyis kyang/ /gang yang dge slong dngos gnas dang/ /gang yang rtog la dga' ba'i mi/ /gang yang rgan por gyur pa dag/ de nyid de rnams la mi bstan/ /ces gsungs pa yin no/ /de lta bas na rnam par snang mdzad mngon par byang chub pa'i rgyud las/ /thabs dang bral ba'i ye shes dang/ /bslab pa dag kyang bstan pa ni/ /dpa' bo chen pos nyan thos rnams/ /de la 'jug par bya phyir bstan/ /ces gsungs pa dang de nyid las/ /dge slong nyan thos theg pa der mi bslab/ /de'i spyod pa dag kyang spyad mi bya/ /byang chub spyod spyad sangs rgyas yon tan dang/ /gleng gzhi 'di las rang byung dag tu 'gyur/ /zhes gsungs pa dang/ ci skad du/ dpal gsang ba 'dus pa las kyang/ /dka' thub sdom pa mi bzad pas/ /bsten na 'grub par mi 'gyur gyi/ /'dod pa kun la longs spyad cing/ /bsgrub na myur du 'grub par 'gyur/ /zhes gsungs pa dang/ rnal 'byor gyi rgyud dpal mchog dang po las kyang/ /dka' thub sdom pa mi bzad bas/ /lus skabs gyur cing sdug bsngal la/ /sdug bsngal gyur pas sems g.yengs 'gyur/ /g.yeng pas dngos grub gzhan du 'gyur/ /zhes bya ba la sogs pa gsungs pas/ de'i phyir sngags kyi gzhung lugs shes pa rtog pa sngon du gtong pas/ mngon pa'i nga rgyal rnam par spangs la/ rdo rje bla ma yang dag bar mnyes par byas bas/ man ngag yang dag bar bsgrub la/ cho gnas mthong ba'i las kyi 'bad pa dang ldan pas the tsom dang bral bar byas la/ byang chub kyi spyod pa dang bral bas sangs rgyas thob pa ni yod pa ma yin no zhes nges bar byas la/ spyod pa la 'bad pa dang ldan bar bya'o zhes bya bar nges pa yin no/ /phyogs tsam zhig ni drang byas nas/ /slob ma la ni nye bar bstan/ /'dod chags spyod pa smra ba 'am/ shes par bskal pa brgyas mi nus/ /las kyi phyag rgya dang bcas pas kun tu bzang po nyid bsgrub ba'i thabs kyi cho ga'o// // de ni ye shes kyi phyag rgya bsgom pa nye bar bstan bar bya ba'i phyir/ sems ni cung zad snang bcas pas/ /ye shes phyag rgya rnam bsgom pa/ /bdag byin brlab pa'i bdag nyid gang/ /thugs kyi rdo rjes gsungs ba yin/ /gang yang gsang sngags gyi sgo'i spyad pa spyod pa'i dbang po 'bring po ni/ nor bu shel kyi 'od du chud pa'i rdzas bzhin du/ /dngos po thams cad rang gi las kyis gzugs brnyan ltar/ /bdun du byung bar gyur bar mthong ba de rnams don dam pa'i bden pa la 'jug pa'i thabs su gyur ba/ ye shes kyi phyag rgya bsgom pa bcom ldan 'das rdo rje 'chang gis bstan to/ /'di nyid ni rim pa lnga'i rjes su 'brangs nas/ bdag byin gyis brlab pa'i ting nge 'dzin thob pa la nye bar bstan pa yin gyi/ gzhan dang/ kun rdzob kyi bden pa'i rang gi ngo bo ma rtogs pa la ni/ 'chad par 'gyur ba'i spyod pa thams cad la gnas pa med pa lta ga la yod/ 'di bden pa la mngon par zhen pa'i gnas skabs can nges par mi 'dod pa la yang/ tshe 'di nyid la rdo rje 'chang chen po thob par 'gyur ba lta ga la yod/ ji ltar klu grub kyi zhal snga nas/ /ri dbang rtse las 'ga' zhig lhung gyur na/ /lhung bar mi 'dod kyang ni lhung bar 'gyur/ /bla ma'i drin gyis phan pa'i lung thob na/ /grol bar mi 'dod kyang ni grol bar 'gyur/ /bdag byin brlab pa'i rim rnyed de/ /kun mkhyen ye shes rang bzhin gtso/ /tshe 'di nyid la sangs rgyas ni/ /thi tsom med par thob par 'gyur/ /zhes gsungs pas so/ /de ltar na gang gi phyir/ de ltas bsam pa bzad pos bla ma mnyes byas la/ kun rdzob bden par mthong ba mnyam par goms par bya/ de nas dge dang mi dge byas ba rnam bcad nas/ tshe 'di nyid la sangs rgyas 'gyur bar bya/ de lta bas na rdo rje 'chang ming gzhan bla ma rje btsun yang dag par mnyes par byas la/ kun rdzob kyi bden pa'i ting nge 'dzin la 'jug pa'i thabs rtogs par byas shing/ mngon du byas nas thog ma med pa'i dus can gyis/ skye ba gcig nas gcig tu brgyud pa'i las kyi sgrib ba ma lus pa spangs pa'i dbang po 'bring po bsam pa bzang po can ni/ rang gi sems sgyu ma'i rang bzhin gyi ting nge 'dzin gyi gzugs bla mas nye bar bstan pa nyid kyi chos kyi phyag rgya 'am/ dam tshig gi phyag rgya dang/ bcom ldan 'das kyis gsungs ba'i mtshan nyid can gyi spyad pa la spyod pa ni tshe 'di nyid la sangs rgyas mngon sum du byed bar 'gyur ro/ /klu grub kyi zhal snga nas/ /bdag byin brlab pa'i rim zhes pa/ /kun rdzob bden pa mthong pa ste/ /de ni bla ma'i drin dag gis/ /thob par 'gyur gyi gzhan du min// bdag la byin gyis brlab pa'i rim/ /gang gis rnyed par ma gyur pa/ /mdo sde rgyud dang rtog pa la/ /de'i ngal ba don med yin/ /zhes gsungs ba dang/ 'phags pa lha'i zhal snga nas kyang/ /bskal ba dpag tu med par ni/ /thos pa'i pha rol phyin pas kyang/ /bla ma'i bka' med sgyu ma ni/ /mngon sum bya bar mi nus so/ /de phyir sangs rgyas 'bras 'dod pas/ /nga rgyal yongs su btang byas la/ /rdo rje theg pa la zhon nas/ /'bad pas bla ma mnyes par bya/ / zhes gsungs pa dang/ yang klu grub kyi zhal snga nas kyang/ /bdag byin brlabs ba'i man ngag dag /gang gis bla ma las ma bsgrub/ /rtag dang chad pa la dmigs nas/ /srid bar phyir ldog gyur pa yin/ /mchod pa thams cad spangs nas ni/ /bla ma la mchod yang dag brtsam/ /de mnyes pas ni kun mkhyen pa'i/ /ye shes mchog ni thob par 'gyur ro/ /bla med byed pa slob dpon ni/ /rdo rje sems dpa' mchod byas pas/ /de yis bsod nams ma byas ci/ /dka' thub ma bstan gang zhig yod/ /de nyid mi zad 'dod pa yid/ /shin tu dga' ba gang dang gang/ /shin tu khyad par can nyid de/ /de dang de ni bla ma sbyin/ /slob dpon gyis ni sdig pa 'phrog/ slob dpon gyis ni 'jigs pa sel/ /slob dpon gyis ni sdug bsngal gyi/ /rgya mtsho 'jigs las pha rol sgrol/ /zhes gsungs pas so/ /yang man ngag thob par gyur pa/ /bla ma'i man ngag rim pa dang/ /sgyu ma'i bdag nyid ting 'dzin gyis/ /rnal 'byor bdag byin brlab gnas na/ /theg pa chen po des mthong 'gyur/ /dngos po ma lus pa mngon sum du sgyu ma'i rang bzhin gyi ting nge 'dzin bdag byin gyis brlab pa zhes bya ba la rnam par gnas pa rnal 'byor pas/ bla ma'i man ngag gi rim pas theg pa chen po ste/ phyag rgya chen po de mthong bar 'gyur ro/ /kun rdzob kyi bden pa'i rang gi ngo bo yongs su gcod pa bdag byin gyis brlab pa'i rim pa'i ting nge 'dzin gyis pra las kyi sgrib pa thams cad rnam par dag par 'gyur ro/ /de'i phyir chos kyi phyag rgya rnyed pa yi/ rnal 'byor rdo rje 'dzin pa 'dra/ /de ni sdig dang bsod nams kyis/ /bde 'gro ngan 'gror mi 'gro'o/ /chos kyi phyag rgya'i ting nge 'dzin thob/ pa 'ba' shig bde 'gro dang ngan 'gro rim 'gro ba ma yin gyi/ gzhan man ngag thab par gyur pa yang yin no/ /ji skad du/ dgongs pa bla na med pa las/ /ji ltar sprin ni sna tshogs shing/ /mdog dang dbyibs ni tha dad pa/ /nam mkha' i dbyings su byung nas ni/ /de nyid du ni thim par 'gyur/ /de bzhin rang bzhin thams cad ni/ /snang ba gsum gyi rgyu can te/ /ma lus yul la zhugs nas ni/ /'od gsal bar ni 'jug par 'gyur/ /de 'dra'i rang bzhin ma shes pas/ /mi shes mun pas khabs pa rnams/ /dge dang mi dge'i las byas nas/ /'gro ba lngar ni 'khor bar 'gyur/ /mtshams med la sogs byas nas ni/ /dmyal la sogs par 'tshed par 'gyur/ /sbyin sogs dge ba byas nas ni/ /mtho ris la sogs dag tu mchod/ /skye ba dpag med stong phrag ni/ /'dir ni yang dang yang 'thob pa/ /'di ni sngon las rnam smin zhes/ /rmongs pa rnams ni mya ngan byed/ /rang bzhin snang ba'i tshul gyis ni/ /gang gis skye bo nyon mongs pa/ /de nyid shes na ye shes can/ /srid pa'i gza' las grol bar 'gyur/ /zhes gsungs pa dang/ bcom ldan 'das kyis rdo rje gcod pa las kyang/ chos kyang spar bar bya na/ chos ma yin pa lta smos kyang ci dgos zhes gsungs pa dang/ dpal gsang ba 'dus pa las kyang/ /dge ba bcu'i las kyi lam/ /byed pa ye shes spangs bdag/ ces gsungs pa dang/ de nyid 'phags pa lha'i zhal snga nas kyang/ /lta ba thams cad gcod byed pa/ /bdag byin brlabs pa 'di rnyed na/ /thams cad byed dam mi byed dam/ /ji ltar 'dod par spyad par bya/ mchod rten las ni mi bya zhing/ /glegs bam dang/ kyang ? bya/ / byed nam klog par gyur na yang/ /bdag byin brlab pa'i rim gyis so/ /de bzhin lta la phyag mi bya/ /dge slong la yang phyag mi bya/ /yang na kun la phyag bya ste/ /bdag byin brlab pa'i rim gyis so/ /zhes gsungs pa dang/ don 'di nyid slob dpon klu grub kyi zhal snga nas kyang/ /'di dag thams cad stong pa dang/ /ma skyes pa'i ngo bo na/ /'khor ba 'di rin las rnams las/ /bde dang sdug bsngal ji ltar 'byung/ /bdag dang bdag gir 'dzin pa dang/ /de bzhin tshogs sogs dri ma las/ /kun brtags dang ni gzhan dbang gi /nyon mongs kyis ni byis pa sdug /ces gsal bar gsungs pa yin no/ /de bzhin gshegs pa'i gsang ba'i mdzod kyi mdo las kyang/ chos thams cad gdod ma nas dag pa'o zhes mngon par dad par bya'o/ /gang? zhig de ltar mos par byed na sems can de ni ngan song du ltung bar mi 'gyur ro/ /de ci'i phyir zhe na/ nyon mongs pa rnams ni phung por spungs pa med de/ /nyon mong pa thams cad byung ma thag tu 'jig pa yin te/ rgyu dang rkyen tshogs pa las 'byung bar 'gyur la/ byung ba tsam gyis 'gag pa yin no/ /byung ba na nyams pa de ni nyon mongs pa'i nyams pa'o/ /zhes gsungs pa dang/ de bzhin du las kyi sgrib pa thams cad rnam par dag pa'i mdo las kyang/ dge slong 'di ji snyam du sems/ ci skye ba med pa skye ba'am/ 'gag pa'am/ kun nas nyon mongs pa 'am/ rnam par byang bar 'gyur ram/ gsol pa bcom ldan 'das de lta ma lags so/ /bcom ldan 'das kyis bka' stsal pa/ dge slong 'di ji snyam du sems/ ci skye ba med pa'i chos rnams sems can dmyal bar 'gro bar 'gyur ram/ dud 'gro'i skye gnas sam/ gshin rje'i 'jigs rten du 'gro bar 'gyur ram/ gsol pa bcom ldan 'das skye ba ma mchis pa nyid kyang ma mchis pa lags na/ ngang 'gror mchi bar lhag la mchis/ bcom ldan 'das kyis bka' stsal ba/ dge slong chos thams cad ni de ltar 'od gsal ba yin na/ byis pa so so'i skye bo rtsams ni yang dag pa ma yin pa'i chos rnams la brtags/ phyin ci log la brtags/ gsob dang/ gsog lta bu'i chos rnams la brtags pas/ sems can dmyal ba dang/ dud 'gro'i skye gnas dang/ gshin rje'i 'jig rten du 'gro bar 'gyur ro/ /dge slong sems kun nas nyon mongs pas/ sems can rnams kun nas nyon mongs pa can du 'gyur la/ sems rnam par dag pas rnam par dag par 'gyur ro/ /zhes gsungs pas gang gi phyir las kyi sgrib ba thams cad rnam bar dag pa yang/ bdag byin gyis brlab pa'i ting nge 'dzin nyid kyis rdzogs par 'gyur ro/ /de'i phyir de'i rang bzhin gyi gzugs nyid kyi gnas skabs la rnal 'byor pas thams cad du sbyar bar bya'o/ /zhes bstan par bya ba'i phyir/ gzung dang 'dzin pa las grol ba'i/ /sems tsam la ni gnas bar bya/ /de tsam ma yin sna tshogs phyir/ /sems don yin phyir sna tshogs min/ /re shig dang por gsang sngags kyi sgo'i spyad pa spyod pas/ bla ma'i man ngag gis zla ba rdo rje la sogs pa'i bsgom pa'i rim pas/ rdo rje sems dpa' la sogs pa yongs su rdzogs par skyed la/ brtan par gyur pa dang/ rlung dang rnam shes mnyam par sbyor bas/ bdag byin gyis brlab pa'i ting nge 'dzin la 'jug par bya'o/ /ting nge 'dzin de ni rang gi sems tsam nyid de/ der ni gzung ba dang 'dzin pa'i rnyog pa 'jug pa ma yin la/ sems brtan pa'i ngo bo yongs su rdzogs par gyur pa'i rnal 'byor pa ni/ mnyam par bzhag pa yin par shes par bya'o/ /de'i tshe 'dis rdo rje sems dpa' la sogs pa'i gzugs/ gcig dang du ma dang bral ba'i phyir/ sems kyis rnam pa tsam yin pas/ gnas par mi byed de/ /yang gang gi phyir rnal 'byor pa 'dis/ yang dag par nye bar brtags nas sems tsam la yang mi gnas pa de'i tshe/ 'dis chos thams cad ngo bo nyid med par rab tu sgrub bar 'gyur ro/ /yang ji ltar 'dis/ chos thams cad ngo bo nyid med par sgrub bar 'gyur zhe na/ gnyis kyis nyams pa'i phyi rol ma lus btang nas ni/ /rgyal ba skyes mchog gzugs ni dri med la brten nas/ /sems tsam nyid la brten nas sems ni mngon rtogs 'gyur/ /de nyid gcig nyid ma yin sna tshogs nyid snang phyir/ /du ma'i gzugs min sems nyid sna tshogs min pa'i phyir/ /de ni don med thams cad ngo bo med nyid rtogs/ /gang gi phyir chos thams cad don dam bar ngo bo nyid med pa yin pas de'i phyir rnal 'byor ba 'dis/ /gnyis kyis nyams pa thams cad ni/ /spangs shing bdag nyid ma nyams pas/ /rdo rje 'chang gzugs dri med la/ /mnyam par brten par bsams nas ni/ /ji ltar byas nas zhe na/ skad cig ma yin rnal 'byor gyis/ /phung po lnga'i ngo bo nyid/ /gnyis med sangs rgyas lnga'i rang bzhin/ rang nyid shes rab thabs bdag nyid/ /yang na bla ma'i man dag nyid kyis/ /zla ba rdo rje la sogs pa'i rim pas bskyed pa'i rim pa bsgom pa btang la/ /bdag byin gyis brlab pas gsal por rdo rje 'chang gi ngo bor dmigs pa de nyid ni phung po lnga'i snar ba tsam yin pa'i phyir/ 'di ni sangs rgyas lnga'i rang bzhin no/ /rang gi sems kyi snang ba tsam gyi gzugs yin pa'i phyir/ 'di ni gnyis su med pa'o/ /rgyu des na las dang de'i 'bras bu nyid rang nyid byed po rang gis 'phrog/ de ltar rnam bsams rnal 'byor bdag/ the tsom med par rgyud bzhin du/ /ma lus rang gi sems tsam ste/ /sgyu ma'i ngo bor rjes dran nas/ /'dod pa'i yon tan lnga bsten pas/ /rtag tu dam tshig bsrung bar bya/ /ji skad du/ phyi rol gzugs ni mthong ma yin/ /sems kyis sems nyid mthong par 'gyur/ /lus dang longs spyod gnas snang ba/ /sems tsam du ni ras bstan to/ /zhes bya ba 'dis las dar las kyi 'bras bu'i byed pa po ni sems nyid yin par bsgrub pa yin no/ /bdag byin gyis brlab pa'i ting nge 'dzin yang/ sgyu ma'i rang bzhin gyi sems tsam gyi ngo bo nyid de/ ji skad du/ klu grub kyi zhal snga nas/ /rnam shes rlung dang ldan pa'i/ /grib ma 'dra ba yid kyi dngos/ /sgyu ma'i dpe la rmongs pa'i phyir/ /rang gi ye shes des ma mthong/ /zhes gsungs pas de'i phyir/ /las dang las kyi 'bras bu'i byed pa po dang spong ba po ni rnal 'byor ba rang nyid de/ chos rnams sems nyid yin pa'i phyir ro/ /gang gi phyir de ltar yin pas na/ don dam pa'i bden pa rtogs par bya ba'i phyir/ the tsom med par rgyud ji lta ba bzhin du dam tshig ste 'dod ba'i yon tan lnga gzugs brnyan lta bu la brtan? na nges par tshe 'di nyid la sangs rgyas nyid du yang dag par 'gyur ro/ /yang dam tshig la de ltar gnas pas chos kyi phyag rgya dang bcas pas spyod pa byed pa ni ji ltar gnas par bya/ chos thams cad la nan tan ji lta bu zhig gis mngon du phyogs par bya zhe na/ rgyal ba lnga ni bdag nyid de/ /rdo rje sems dpa' ang bdag nyid do/ /mthong ba dang ni reg pa kun/ /bdag gi rang bzhin gzhan ma yin/ /zhes bya ba smras te/ don 'di nyid klu grub kyi zhal snga nas kyang/ /bdag nyid sangs rgyas thams cad dang/ /bdag nyid lha rnams thams cad de/ /de bas kun nas 'bad pa yis/ /bdag nyid rtag tu mchod bar bya/ /sngags dang phyag rgya'i sbyor ba dang/ /dkyil 'khor la sogs rnam rtog dang/ /sbyin bsreg gtor ma la sogs kun/ /rtag tu sgyu ma bzhin du bya/ /zhi ba dang ni rgyas pa dang/ /de bzhin dbang dang mngon spyod dang/ /dgug sogs gang ci'ang rung ba kun/ /dbang po'i gzhu dang mtshungs par bya// sgeg? dang nye bar longs spyod dang/ /glu dang rol mo sogs bsten dang/ /sgyu rtsal rnams la rab 'jug pa/ /chu zla dag dang mtshungs par bya/ /gzugs dang sgra dang de bzhin dri/ /ro dang reg bya nyid dag la/ /mig la sogs pa 'jug gyur pa/ /sgyu ma lta bur nye bar brtag/ rdo rje theg pa 'di nyid du/ /'dir ni mang du bshad ci dgos/ /rnal 'byor pas ni gang gang dmigs/ /de de sgyu ma bzhin du brtag/ zhes gsungs pa dang/ yang kun la kun nas/ thams cad du/ /bdag nyid kun gyis rnam pa kun/ /sangs rgyas rang bzhin kun grub par/ /rang nyid kyis ni de mthong 'gyur/ /gtso bo bde ba kun rang bzhin/ /sems dpa' chen po 'gro dang bzhugs/ /gnas dang zas dang gos la sogs/ /mkha' las skad cig dag gis rnyed/ /ces rgyas par gsungs pa yin no/ /de'i phyir/ /sems ni 'od gsal ba las byung/ /srid pa gsum po de las byung/ /sangs rgyas rdo rje sems dpa' yang/ /sems las gzhan na yod ma yin/ /ji skad du 'phags pa lha'i zhal snga nas/ /'od gsal ba las stong pa che/ /de las thabs ni yang dag byung/ /de las shes rab skye bar 'gyur/ /de las rlung ni 'byung bar 'gyur/ /rlung las mi ni yang dag 'byung/ /me las chu ni kun tu 'byung/ /chu las sa ni skye bar 'gyur/ /sems can skye ba 'di lta bu/ /sa'i khams ni chul thim/ /chu ni me lo thim par 'gyur/ /me ni phra ba'i khams la'o/ /rlung ni sems la thim par 'gyur/ /sems ni sems las byung la thim/ /sems las byung ba ma rig par/ /de yang 'od gsal bar 'gro'o/ /srid pa gsum po 'di ltar 'gag?/ 'di ltar thog ma med dus nas/ /srid pa'i 'khor lo 'jug bar 'gyur/ /sgyu ma lta bu'i ting 'dzin gyis/ /ji srid bdag nyid ma mthong bar/ /zhes bya ba la sogs pa'i tshig gis/ /sems tsam pa'i lugs don dam ba'i bden pa la 'jug pa'i thabs su gyur ba/ kun rdzob kyi bden pa'i ngo bo nyid ni gsung rab dang rigs pa shes pa'i bsam pa yin no/ /ji skad du/ slob dpon zla grags kyis/ /thabs su gyur pa kun rdzob bden pa dang/ /thabs las byung ba don dam bden pa'i/ /dbye ba gang gis shes par ma gyur pa/ /de ni log par rtogs pas ngan 'gror 'gro/ /slob dpon klu grub zhabs kyi lam las ni/ /phyi rol gyur pa zhi ba'i thabs ma yin/ /de ni kun rdzob bden pa'i de nyid nyams/ /de nyams gyur pas thar pa 'grub yod min/ /zhes bstan pas de'i phyir/ rnal 'byor pas kun rdzob kyi bden pa rnyed nas/ chos kyi phyag rgyas don dam pa'i bden pa mngon tu bya ba'i phyir/ dngos po thams cad sems tsam du rjes su mthong ngo/ /ji skad du 'phags pa lha'i zhal snga nas/ /gser dang dngul dang nor bu shad ka shil byu ru gang/ /byed du rgyu dang zangs kyi snod rnams rim gyis bkod pa la/ /de la zla ba gcig nyid nam ka'i dkyil nas ni/ /yongs su gyur nas gzugs nyid so sor snang ba gang/ /de ltar mgon po de nyid thugs rdo rje/ /'gro ba'i tshogs la sna tshogs nyid du gnas/ /de ni mi zad rang gi bdag nyid sna tshogs gzugs/ /sgyu ma'i rang bzhin de yis 'jig rten ma lus khyab/ /gzugs sogs lnga dang de nas skye mched dag ni gang/ /bco brgyad zhes bshad khams ni gang rnams dang/ /shes pa lnga dang yul dang 'gro ba ma lus pa/ /sgyu ma'i rang bzhin de nyid rdo rje 'chang yin gzhan ma yin/ /gang yang ri brgyad dang ni rgya mtsho brgyad/ /gling la sogs kun dmyal ba la sogs dbye/ /gang yang brtan dang g.yo ba nyid du mthong ba de/ /de ni rang nyid thams cad rig pa gzhan ma yin/ /zhes gsungs pas so// bdag byin gyis brlab pa la gnas pa'i rnal 'byor pa/ /'di lta'i lam la rtag gnas na/ /'chi med go 'phang thob par 'gyur/ /shing gi yal ga chag gyur na/ /sa la ltung bar 'gyur ba bzhin/ /ji ltar shing 'ga' zhig gi yal ga chag par gyur na/ /'bad ba med par sal ltung ba ltar/ /de bzhin du bdag byin gyis brlab pa'i ting nge 'dzin thob par gyur pa'i rnal 'byor pa 'di yang/ /bstan pa'i mtshan nyid can gyi spyod pa byed kyang rung/ /mi byed kyang rung/ ji ltar sa brgyad pa mi g.yo ba la zhugs par gyur pa'i byang chub sems dpa' ni/ nyan thos dang rang sangs rgyas kyis las shin tu 'das nas/ yang dag par rdzogs pa'i byang chub tu nges par 'gyur ba yin pa ltar/ de bzhin du 'di yang dge ba dang mi dge ba'i las kyis bsgrub pa'i mi 'thun pa'i phyogs kyi tshogs ma lus pa nye bar spangs nas/ tshe 'di nyid kyis sangs rgyas nyid 'grub par 'gyur ro zhes bya ba yin no/ / dam tshig dang chos kyi phyag rgya gnyis su med par bsgom pa'i man ngag bstan pa'o/ /da ni re shig phyag rgya chen po gnyis su med pa bsgom pa nye bar bstan par bya'o/ /de yang re shig gsang sngags kyi sgo'i spyad pa spyod pa dbang po rnon bo/ /phyag rgya chen po gnyis su med par bsgom pa'i sbyor ba la mos pa nyid la nye bar bstan pa yin no/ /phyag rgya chen po nyid gang yin zhe na/ chos kyi dbyings dang rang gi sems/ /stong pa chen po gcig gyur pa/ /phyag rgya chen po yin zhes grags/ /mtshan gzhan sangs rgyas zhes kyang bya/ /chos kyi dbyings te 'od gsal ba dang/ /stong ba chen po zhes bya ba snang ba thob pa gang yin pa 'di dag ngo bo gnyis su med cing gcig tu gyur ba don phyag rgya chen po zhes bya ba'i sgras bstan pa yin no/ /de nyid ni sangs rgyas zhes bya ste/ stong pa nyid dang snying rje gnyis su med pa'i ngo bo nyid ni sangs rgyas yin no/ /gal te chos kyi dbyings 'od gsal ba dang/ stong ba chen po snang ba thob pa dag/ phyag rgya chen po zhes bya ba'i sgras mngon par brjod pa yin na/ 'di dag gi gcig pa nyid ji lta bu yin/ don dam par chos thams cad 'od gsal ba'i ngo bo nyid yin no zhes bya ba'i bar du 'byung ba ma yin nam/ /gcig par gyur tses bya ba ni/ so sor 'byung zhing yul ? dang ni gnos pa la 'byung ba yin gyi/ yang tha dang pa ma yin pa nyid la ji ltar yin zhe na/ de ni bden te/ tha dad pa med pa nyid gcig tu 'gyur gyi/ tha dang pa ni ma yin no/ /gal te tha dad pa med na gcig tu 'gyur ba ji lta bu zhe na/ tha dad na yang gcig tu ji ltar 'gyur/ gal te stong pa nyid dang snying rje gnyis su med pa'i ngo bo ji ltar yin zhe na/ de dag nyid gcig pa'i phyir ro/ /gal te de lta na ni don dam par ni gnyis kyi ngo bo yang med/ gnyis med pa'i ngo bo yang med do zhe na/ /de ni bden pa nyid do/ /gal te stong pa nyid dang snying rje gnyis su med pa'i ngo bo rdo rje 'chang ji ltar yin zhe na/ kun rdzob du'o/ /ci skad du/ sgrol ma 'byung ba'i rtog pa las/ /rten cing 'brel bar 'byung bar ni/ dngos po rnams ni 'byung ba ltar/ /sngags dang phyag rgya sogs brten nas/ /dngos grub rnams ni 'byung bar 'gyur/ /dngos grub rnams kyang kun rdzob pa/ sangs rgyas pha rol phyin pa dang/ /sangs rgyas rdo rje sems dpa' nyid/ /kun rdzob nyid du rab 'grub 'gyur/ / zhes gsungs pa'i phyir ro/ /gal te don dam pa nyid du na/ /khams gsum 'di dag stong pa nyid yin na/ /de ltal na kun rdzob gang yin zhe na/ brdzun pa'o/ /gang gi zhe na/ don dam pa'i 'o/ /ci de yod dam zhe na/ yod pa yang ma yin med pa yang ma yin no/ /gang yod pa yang ma yin med pa yang ma yin pa de/ kun rdzob ci ji ltar yin zhe na/ rang gi ngo bo bsgro btags pa nyid de/ ji skad du/ bcom ldan 'das kyis/ yod dang med pa 'di yang rtsod pa ste/ dag dang ma dag 'di yang rtsod pa'o/ /rtsod la rten pas sdug bsngal zhi mi 'gyur/ /rtsod med thob na sdug bsngal 'gog par 'gyur/ /zhes gsungs pa dang/ blo chung gang gis yod nyid dang/ med pa nyid kyi ngo bo ru/ /mthong des spros pa nyer zhi ba'i/ /zhi ba mthong ba ma yin no/ /zhes gsungs pa'i phyir ro/ /gal te don dam par chos thams cad spros pa med pa nyid yin na/ phyag rgya chen po mngon sum du bya ba ji lta bu zhe na/ sangs rgyas rdo rje sems dpa' nyid/ /kun rdzob nyid du rab 'grub 'gyur/ /zhes bya ba la sogs pas lan btab zin to/ /de lta na yang tha snyad tsam du phyag rgya chen po ji ltar mngon sum du bya ba de brjod par bya'o/ /de mngon sum du bya ba de yang/ /sems kyi rdo rje der gyur pas/ /ji ltar gzugs sogs rnam myong ba/ /de ltar sems de'i rnam par 'gyur/ /ji skad du/ zla grags kyi zhal snga nas/ /ma skyes ba ni de nyid blo yang gang tshe skye dang pal? gyur pa/ /de tshe de'i de nyid rtogs pa de'i rnam pa 'dzin pa nyid yin te/ /gang tshe rnam pa sems kyis 'dzin pa de yis de'i yul la ji lta bar/ /yongs su shes pa de bzhin tha snyad nye bar brten nas smras pa yin/ /ji ltar sngon po dang ser po la sogs pa'i rnam pa'i rjes su byed ba'i dus mnyam du nyams su myong ba'i yid kyi rnam par shes pa la/ sngon po dang ser po la sogs pa yongs su gcod pa yin no zhes rnam par 'jog par byed kyang/ don dam par de yongs su gcod pa ni de ma yin te/ 'brel pa med pa'i phyir dang/ bems pa ni rig pa'i ngo bor mi rigs ba'i phyir ro/ /de bzhin du tha snyad la brten nas/ sems stong pa chen pos 'od gsal ba'i ngo bo thob cing/ mngon sum du byed ba yin gyi/ /yang rnam par gcad pa dang/ rnam par gcod pa'i ngo bor ni ma yin no/ /yang gang gi phyir rigs pa 'dis na/ sems stong pa chen pos 'od gsal ba'i ngo bo nyid thob pa ni phyag rgya chen po'i ngo bo'o/ /gang gi tshe de'i gnas skabs na/ rnal 'byor pa 'di thabs dang shes rab gnyis su med pa'i ngo bo yin pa'i phyir/ bsod nams thams cad kyi rang bzhin yang yin la/ de bzhin gshegs pa thams cad kyi sku dang gsung dang thugs kyi ngo bo yin pa'i phyir/ dpal ldan rdo rje 'chang chen po'i ngo bo nyid kyang yin no/ /gang gi phyir smras ba/ 'di nyid de nyid mchog kyang de/ /zhi ba shes rab thabs bdag nyid/ /'di nyid gnyis med ye shes te// byang chub sems mchog 'di yin no/ /gnas ni yongs su gyur pas na/ /kun rtogs thams cad spangs pa'i phyir/ /'jig rten 'das pa'i ye shes de/ /thub pa chen po'i chos kyi sku/ /zhes bya ba la sogs pa bstan pas/ /de'i gnas skabs kyi rnal 'byor ba ni/ /mchog tu dga' ba'i phung po ste/ /lhan cig skyes la 'jug pa nyid/ /'jig rten 'das pa'i gnas thob pa/ /dmigs pa med ces de brjod do/ /ji skad du klu grub kyi zhal snga nas kyang/ /thog mar 'byung min thog mar 'byung ba'ang yin/ /dbus su 'byung min dbus su 'byung ba'ang yin/ /mthar ni 'byung min mthar ni byung ba rnams/ /de dag thams cad stong par dam bas gsungs/ /gang du 'gro ba dang ni 'od med cing/ /zad dang 'phel med dngos dang dngos med min/ /ngo mtshar gzugs can yin zhing ngo mtshar min/ /gnas par 'gyur min myur du 'gro ba min/ /gang zhig yod dang med ba'i tha snyad rnams dang bral/ /bsod nams gzugs min sdig pa'i gzugs ma yin/ /bsod nams sdig pa'i bdag min mchog gyur pa/ /de ni thams cad stong par sangs rgyas gsungs/ /rnal 'byor pas ni de lta'i de nyid thob/ /rgyu dang mi rgyu'i bdag nyid 'gro gnyen gcig / ye shes rang bzhin mi'i seng ge gang/ /mi zad lus thob ma lus 'gro ba'i rgyu/ /de ni yon po'i lus kyang drang po yin/ /bstan la gnas med gyur kyang gnas pa yin/ /de ni mig btsums gyur kyang rnam rgyas mig / de ni mnyam ma bzhag kyang mnyam bzhag yin/ /de ni tshig dang ldan yang brjod bral yin/ /de ni longs spyod ldan yang sred bral yin/ /de ni 'jig rten mgon yang gzhan bran gyur/ /gang zhig de nyid rtogs de nyes kun zad/ /ces gsungs pa yin no/ /mchog tu dga' ba'i phung po las skyes pa'i 'jig rten las 'das pa'i ye shes thob pa'i rnal 'byor pa'i spyod pa ni/ de dang de las gsungs pa yin te/ ji skad du gsang ba grub pa las/ /me dang chu dang dug la sogs/ /thabs ni gang gis mi shes pa/ /de ni 'tshig dang nub pa dang/ /'chi bar 'gyur bar the tshom med/ /de bzhin gsang 'dus rgyud kyi ni/ /gang gis thabs ni spangs gyur pa/ /'gal pa dag ni spyod byed pa'i/ /bsam dan de ni rlag par 'gyur/ /gang gis de'i de nyid shes/ /yang dag rab? sbyin la gnas nas/ /dpal ldan 'dus pa la dga' ba'i/ /sems can de ni steng du 'gro/ /gsang ba'i spyod dang rtul zhugs dang/ /phyag rgya rgyas par gang gsungs pa/ /'di dag thams cad rnam rtog don/ /bsgom pa 'ba' zhig tsam yin te/ /gang yang rgyas pa'i bdag nyid can/ / kun kyang sems can bsam pas gsungs/ /bsgom pa la ni rab gnas pa'i/ /ye shes ldan pas 'grub par 'gyur/ /rnam rtog las byung rgyas gyur pa/ /'dir ni thams cad spangs byas nas/ /phyag rgya chen po la 'bad pas/ /shes rab ldan pas rtag tu bsgom/ /'du 'dzi thams cad spangs nas ni/ /yang dang yang du goms byas na/ /pad+ma rdo rje'i tshig bzhin du/ /dus mi ring bas 'grub par 'gyur/ /dam tshig dag ni thams cad langs? bla ma mchod pa mchog yin te/ /sangs rgyas rin chen za ma tog/ dpal ldan 'dus pa'am gzhan duAng bstan/ /gzung min brjod bya ma yin pa/ /yang dag rab sbyin la gnas pa/ /lus ngag yid kyi dbye ba yis/ /rnam rtog med cing dmigs med la/ /dag cing ngo bo nyid med pa/ /byang chub sems zhes bran par bya/ /bla ma'i zhabs kyi bka' drin gyis/ /de ni myur du thob par 'gyur/ /khams gsum rin po cher gyur la/ /slob dpon las ni mchog gzhan med/ /gang las bka' drin thob pa'i/ /mkhas pas dngos grub du ma thob/ /zhes bya ba la sogs pa rgyas par gsungs nas/ /yang gsang ba grub pa las/ /bla na med pa'i phyag rgya chen po bsgrub pa 'di nye bar bstan te/ ji skad du/ sems can dang po'i las can la/ /las kyi phyag rgya bsgom pa yis/ /rnam par gnas pa'i pad gnas gang/ /gong ma mchog gi go 'phang yin/ /byin gyis brlab pa'i gnas bsgoms te/ /de nyid mchod pa rab tu brtag / 'di nyid dpal ldan 'dus par ni/ /rdo rje 'dzin la'ang mchog tu gsungs/ /bskyed pa'i rim pa nyung ldan pas/ /rdo rje padmo mnyam sbyor ba/ /'di ni bsgom pa gnyis pa ste/ /rang gi ngo bo yin zhes grags/ / gsum pa de ni bstan pa ste/ /nang gi go 'phang bsgom pa yin/ /rnam pa kun mchog ldan pa yi/ /ye shes phyag rgya rab brtag pa'o/ /bzhi pa gong na med pa'i rgyan/ /mngon par byang chub byed pa po/ /phyag rgya chen po rnam bsgom pa/ /de'i gong na gzhan med pa'o/ /dbang po kun las rnam grol zhing/ /'byung ba'i spyod par sbas gyur pa/ /zhi zhing grub pa myur ster la/ /bla ma'i zhal la rab gnas pa'o/ /gcig min du ma ma yin zhing/ /gcig dang du ma'ang ma yin la/ /rlabs med snang ba'ang med pa dang/ /thams cad kyi ni sgor gnas pa/ /mchog tu dga' ba byed pa po/ /rang sems tsam du shes par bya/ /nyon mongs cho gas ni 'gags gyur cing/ /dam pa'i shes rab gyur pa'i lus/ /de ltar rgyud kyi rim shes nas/ /lha'i rnal 'byor mchog nyid dang/ /gong ma gong ma'i lam nyid kyis/ /drang po min pas gang 'ongs pa/ /de dag thams cad nges gtad la/ /rim pa bzhin du bsgom par bya/ /phyag rgya chen por 'bad pa yis/ /sngags pas rtag tu bsgom par bya/ /grub pa thams cad rab sbyin zhing/ /thabs kyi mchog dang bcas par ni/ /der gtad sgom pa dang ldan na/ /tshe 'di nyid la 'grub par 'gyur/ /zhes bya ba la sogs pa rgyas par gsungs pa yin no/ /gang gis mchog tu gsang ba mngon par byang chub pa'i rim pa thob pa'i phyag rgya chen po bsgom pa 'di ni/ brtsen 'grus 'bar bas/ tshe 'di nyid la sangs rgyas nyid du 'grub par byed pa yin no zhes bya bar/ phyag rgya chen por mnyam sbyor ba'i/ /sgom pa 'di ni bla med de/ /gong du kun rdzob rtogs pa ni/ /med par mngon sum byar mi nus/ /zhes bya ba smras te/ gong na med pa'i phyag rgya chen po bsgom pa la/ /bsgrub pa'i thabs ni yod do zhes dang por re shig brjod par bya ste/ sgyu ma'i rang bzhin gyi longs spyod rdzogs pa'i sku thob pa/ kun rdzob kyi bden pa kun tu thob pa nyid ni nye par bstan pa'am/ dam bca' ba byed par rigs kyi/ /yang de las gzhan pa sngon pa dang ser po la sogs pa phyi rol gyi don/ 'di bden pa la mngon par zhen pa rnams la don dam pa'i bden pa'i 'jug pa'i bsam pa lta ga la yod/ gzhan gang la zhe na/ sems rtse gcig pa'i ting nge 'dzin yongs su thob par gyur pa rnams nyid la yin no/ /zhes bya bar/ las kyi phyag rgya sogs bsgoms pas/ /sbyor bar rigs zhes smra bar ni/ /sems brtan bral la de min te/ / bag med pa la man ngag bzhin/ /zhes bya ba smras te/ tshu rol mthong ba'i skye bo dngos po thams cad la 'di bden pa la mngon par zhen pa dang ldan pas/ rtag tu mnyam par ma bzhag pa'i ngo bor gyur pa yin te/ ji ltar 'ga' zhig chang gis sems myos par gyur pa la/ yang dag pa'i man ngag bstan kyang/ /mnyam par 'jog par mi nus pa ltar/ de bzhin du so so'i skye bo 'das kyang/ smra bar nus pa'am/ bsgom par nus pa ma yin te/ ? rigs pa'i phyir ro zhes bya ba yin no/ /rim pa lnga'i rjes 'brang nas/ /klu grub lugs la gnas gyur pas/ /rgyud kyi don la mkhas pa yi/ /bla ma de ni rgyal gyur cig/ legs pa 'dod pas snyan ngag gzhung lugs mngon par brtag byas nas/ /cung zhig bstan pa de la yon tan gter rnams bzod par mdzod/ /so ga ko ki la rnams dga' ba dang bcas sgra snyan sgrogs zhes te/ /rma bya gzhon nu sgra mi snyan pa'ang sgrogs par byed pa min nam ci/ /rgyal ba skyed par byed ma'i tshogs kyi dbye ba nyid/ /bdag gis byas nas 'dir ni bsod nams gang thob pa/ /des ni mi mnyam shes pas rnam dag sangs rgyas spyan/ /'od gsal ba nyid 'jig rten kun gyis mthong bar shog/ / rgyal ba skyed ma'i ma'i rnam par dbye pa nges par bstan pa/ slob dpon nag po'i zhabs kyis mdzad pa rdzogs so// //rgya gar gyi mkhan po kri sna pan 'di ta dang/ zhu chen gyi lo tsha ba dge slob tshul khrims rgyal bas bsgyur cing zhus te gtan la phab pa/ /'di la rgya gar gyi zhu log brgyad rgya yod/ /thun mong min gyi saMd+hi/ /bsgrub thabs gces bsdus bzhugs so// gzhung //rgya gar skad du/ d+ha gi ni ma d+ha la no pe ka na ma kra ma/

CLOSE WINDOW